অঞ্ঞ > লেডী সযাডো গন্থ-সঙ্গহো > পরমত্থদীপনী সঙ্গহমহাটীকাপাঠ

১. অভিধম্মত্থসঙ্গহং কত্তুকামো অনুরুদ্ধত্থেরো সঙ্গহারব্ভে তাৰ সপ্পযোজনে পঞ্চপিণ্ডত্থে দস্সেন্তো আদিগাথ মাহ. পঞ্চপিণ্ডত্থানাম রতনত্তযৰন্দনা, গন্থাভিধেয্যো, গন্থপ্পকারো, গন্থাভিধানং, গন্থপ্পযোজনং. তত্থ তীসু রতনেসু নিপ্পচ্চকারকরণং রতনত্তযৰন্দনানাম. সা সম্মাসম্বুদ্ধমতুলং সসদ্ধম্মগণুত্তমং অভিৰাদিযাতি এতেহি পদেহি দস্সিতা. সকলেন গন্থেন অভিহিতা পধানত্থভূতা চত্তারো অভিধম্মত্থা গন্থাভিধেয্যো. সো অভিধম্মত্থসঙ্গহন্তিপদে অভিধম্মত্থ সদ্দেন দস্সিতো.

সঙ্গহিতভাৰোপি অভিধেয্যোযেৰাতি কত্ৰা অভিধেয্যো অভিধম্মত্থসঙ্গহপদেন দস্সিতোতিৰুত্তং. তং ন সুন্দরং.

ন হি সো অপ্পধানত্থভূতো সঙ্গহিতভাৰো ইমস্মিং পিণ্ডত্থদস্সনে অভিধেয্যো নাম ভৰিতুং যুত্তোতি. ইতো পট্ঠাযচ টীকাযন্তি ৰুত্তে ইমস্স সঙ্গহস্স দ্ৰীসু সীহল়টীকাসু পথমাটীকা দট্ঠব্বা. ৰিভাৰনিযন্তি ৰুত্তে এতরহি পাকটা দুতীযা. টীকাসূতি ৰুত্তে দ্ৰেপি. মহাটীকাযন্তি ৰুত্তে ৰিসুদ্ধিমগ্গে মহাটীকা দট্ঠব্বা. যঞ্চ ৰচনং ৰিভাৰনিযংপি আগতং, অঞ্ঞত্থাপি আগতং, তংপি ইধ ৰিভাৰনিযংত্ৰেৰ ৰুচ্চতি আসন্নত্তাতি. সভাগধম্মসঙ্গহৰসেন গন্থৰিধানাকারো গন্থপ্পকারো. সো পন সঙ্গহ সদ্দেন দস্সিতো.

অভিধম্মত্থসঙ্গহপদেনাতি ¶ ৰুত্তং. তং ন সুন্দরং.

ন হি অভিধম্মত্থসদ্দো গন্থৰিধানাকারং দীপেতীতি. অত্থা নুগতা গন্থসমঞ্ঞা ৰন্থাভিধানং. তং অভিধম্মত্থ সঙ্গহপদেন দস্সিতং. সঙ্গহগন্থে কতে সতি তদুগ্গহপরিপুচ্ছাদিৰসেন অনাযাসতো লদ্ধব্বং ধম্মানং সরূপাৰবোধাদিকং অনুপাদাপরিনিব্বানন্তং গন্থস্স ফলানুফলং গন্থপ্পযোজনং তংপি অভিধম্মত্থসঙ্গহপদেনেৰ সামত্থিযতো দস্সিতং.

সঙ্গহসদ্দেনাতি ৰুত্তং. তং ন সুন্দরং.

ন হি অভিধম্মত্থসদ্দেন ৰিনা অনাযাসতো সংসিদ্ধিমত্তদীপকেন সঙ্গহসদ্দমত্তেন তাদিসো অনুপাদাপরিনিব্বানন্তো পযো জনৰিসেসো সক্কা ৰিঞ্ঞাতুং, অসদ্ধম্ম সঙ্গহানংপি লোকে সন্দিস্সনতোতি.

২. তত্থ রতনত্তযৰন্দনা তাৰ অসঙ্খেয্যঅপ্পমেয্যপ্পযোজনা হোতি. যথাহ –

তে তাদিসে পূজযতো, নিব্বুতে অকুতো ভযে;

ন সক্কা পুঞ্ঞং সঙ্খাতুং, যমেত্থ মপি কেনচীতি.

য মেত্থমপীতিএত্থ যেনকেনচি অপি মনুস্সেনৰা দেৰেনৰা ব্রহ্মুনাৰা সঙ্খাতুং ন সক্কাতি যোজনা. টীকাকারাপি তং পযোজনং তত্থ তত্থ বহুধা পপঞ্চেন্তি. সঙ্গহকারা পন অন্তরাযনীৰারণমেৰ ৰিসেসতো পচ্চাসীসন্তি. সঙ্গহকারা তিচ বুদ্ধঘোসত্থেরাদযো অট্ঠকথাচরিযা ৰুচ্চন্তি.

৩. কথঞ্চ ¶ রতনত্তযৰন্দনায অন্তরাযনীৰারণং হোতীতি. ৰুচ্চতে-রতনত্তযৰন্দনা হি নাম ৰন্দনাকিরিযাভিনিপ্ফাদকো সত্তক্খত্তুং সত্তক্খত্তুং অনেককোটিসতসহস্সৰারে পৰত্তমানো মহন্তো পুঞ্ঞাভিসন্দো পুঞ্ঞপ্পৰাহো. সো চ অনুত্তরেসু বুদ্ধাদীসু পুঞ্ঞক্খেত্তেসু সংৰড্ঢিতত্তা থেরস্স চ উল়ারচ্ছন্দসদ্ধাবুদ্ধিগুণেহি পরিভাৰিতত্তা মহাজুতিকো মহপ্ফলো মহানিসংসো চ পুঞ্ঞাতিসযো হোতি. সো সযং পযোগসম্পত্তিভাৰে ঠত্ৰা বহিদ্ধা ৰিপত্তিপচ্চযে অপনেত্ৰা সম্পত্তিপচ্চযে উপনেত্ৰা অতিপণীতউতুচিত্তাহার সমুট্ঠিতানং সরীরট্ঠকধাতূনং উপব্রূহনং কত্ৰা পটিসন্ধিতো পট্ঠায লদ্ধো কাসস্স জনককম্মস্স অনুবলং দেতি. অলদ্ধোকাসস্স চ পুঞ্ঞন্তরস্স ওকাসলাভং করোতি. অথ লদ্ধানুবলেন লদ্ধো কাসেন চ তদুভযেন পুঞ্ঞেন নিব্বত্তা রূপারূপসন্ততিযো থেরসন্তানে যমকমহানদিযো ৰিয বলৰবলৰন্তি যো হুত্ৰা পৰত্তন্তি. তদা তস্মিং ইট্ঠফলঘনপরিপূরিতে থেরসন্তানে অনিট্ঠফলভূতানং রোগাদি অন্তরাযানং উপ্পত্তিযা ওকাসো নাম নত্থীতি ইট্ঠফলসন্তানৰিবাধকানি অনিট্ঠফলসন্তানজনকানি চ অপুঞ্ঞকম্মানি দূরতো অপনীতানেৰ হোন্তি. ন হি কম্মানিনাম পুঞ্ঞানি অপুঞ্ঞানি চ অত্তনো ৰিপাকুপ্পত্তিযা ওকাসে অসতি ৰিপচ্চন্তীতি. ততো তস্মিং সন্তানে আযুৰণ্ণা দযো ইট্ঠফলধম্মা যাৰ গন্থনিট্ঠানা যাৰ আযুকপ্পপরিযো সানাপি ৰা ৰড্ঢনপক্খে ঠত্ৰা পৰত্তন্তি. যথাহ –

অভি ৰাদনসীলিস্স, নিচ্চং ৰুড্ঢাপচাযিনো;

চত্তারো ধম্মা ৰড্ঢন্তি, আযুৰণ্ণো সুখং বলন্তি.

এৰং তায ৰন্দনায অন্তরাযনীৰারণং হোতীতি. তস্মা সঙ্গহারব্ভে রতনত্তযৰন্দনাকরণং থেরস্স অত্তনা আরব্ভ মানসঙ্গহস্স অনন্তরাযেন পরিসমাপনুত্থং. ন কেৰলঞ্চ থেরস্সেৰ, সোতূনঞ্চ সঙ্গহং গণ্হন্তানং আদিম্হিযেৰ রতনত্তয ৰন্দনা সিদ্ধিতো অনন্তরাযেন গহণ কিচ্চসম্পজ্জনত্থন্তি.

সত্তসু ¶ জৰনেসু পথমজৰন ৰসেনেৰ ৰন্দনা পযোজনং ৰিভাৰিতং ৰিয দিস্সতি. ‘‘দিট্ঠধম্মৰেদনীযভূতা’’তি হি তত্থ ৰুত্তং. তং ন সুন্দরং.

উপত্থম্ভনকিচ্চস্সেৰ ইধ অধিপ্পেতত্তা. তস্স চ সত্তসুপি জৰনেসু উপলদ্ধত্তাতি. যথা হি আহাররূপস্স দ্ৰীসু কিচ্চেসু ওজট্ঠমকরূপজননকিচ্চং পরিত্তকং অপ্পমত্তকং হোতি. চতুস্সন্ত তিরূপুপত্থম্ভনকিচ্চমেৰ মহন্তং অধিমত্তং. তথাহি পট্ঠানেপি তদুপত্থম্ভনকিচ্চমেৰ গহেত্ৰা কবল়ীকারো আহারো ইমস্স কাযস্স আহারপচ্চযেন পচ্চযোতি ৰিভঙ্গৰারো ৰিভত্তো. এৰমেৰং ইধপি পথমজৰনস্স অৰুনাৰ ৰিপাকজননকিচ্চং পরিত্তকং অপ্পমত্তকং হোতি. অহেতুকৰিপাকমত্তং জনেতীতি অট্ঠকথাসু ৰুত্তং. কম্মন্তরুপত্থম্ভনকিচ্চমেৰ মহন্তং অধিমত্তং. তঞ্চ সত্তসুপি জৰনেসু উপলব্ভতি যেৰাতি. যস্মা পন গন্থাভিধেয্যে গন্থপ্পকারে গন্থপ্পযোজনে চ আদিতো ৰিৰিতেসতি সোতু জনানং গন্থস্সৰনে উস্সাহো জাযতি. তস্মা তেসং গন্থা ভিধেয্যাদীনং দস্সনং গন্থে উস্সাহজননত্থং. গন্থাভিধানদস্সনং ৰোহারসুখত্থন্তি. ইদমেত্থ পিণ্ডত্থদস্সনং.

৪. অযং পন পদত্থো. সম্মাচ বুজ্ঝি সামঞ্চ বুজ্ঝীতি সম্মা সম্বুদ্ধো. এত্থ চ সম্মাসদ্দো অৰিপরীতত্থে নিপাতো. সো বুজ্ঝিতব্বেসু ঞেয্যধম্মেসু বুজ্ঝনক্রিযায অসেসব্যাৰিভাৰং দীপেতি. তথাহি পদেসঞাণে ঠিতা পচ্চেকবুদ্ধাদযো অত্তনো ৰিসযে এৰ অৰিপরীতং বুজ্ঝন্তি. অৰিসযে পন অন্ধকারে পৰিট্ঠাৰিয হোন্তীতি অট্ঠকথাযং ৰুত্তং. ৰিসযো চ তেসং অপ্পমত্তকোৰ সব্বঞ্ঞুৰিসযং উপাদায যথা হত্থ পুটে আকাসো অপ্পমত্তকোৰ অজটাকাসং উপাদাযাতি. তে হি ফস্সাদীসু ধম্মেসু একধম্মম্পি সব্বাকারতো বুজ্ঝিতুং নসক্কোন্তীতি. সব্বঞ্ঞুবুদ্ধানং পন অৰিসযো নাম নত্থি, যত্থ তে ৰিপরীতং বুজ্ঝেয্যুং. তে হি অনমতগ্গে সংসারে অনন্তাসু চ ¶ লোকধাতূসু তিযদ্ধগতে অদ্ধমুত্তকে চ ধম্মে হত্থমণিকে ৰিয সমসমে কত্ৰা বুজ্ঝন্তি. সব্বে ধম্মা সব্বাকারেন বুদ্ধস্স ভগৰতো ঞাণমুখে আপাত মাগচ্ছন্তীতি হি ৰুত্তং. তত্থ ঞাণমুখেতি সব্বঞ্ঞুংমহাভৰঙ্গং সন্ধাযাহ. তত্থ হি তে ধম্মা বোধিমণ্ডে সব্বং অভিধম্মং সম্মসনতো পট্ঠায নিচ্চকালং উপট্ঠহন্তীতি. সব্বঞ্ঞুবুদ্ধা পন যত্তকে ধম্মে ৰিচারেতুং ইচ্ছন্তি. তত্তকে ধম্মে আৰজ্জনায ৰিসুং কত্ৰা আৰজ্জিত্ৰা ৰিচারেন্তীতি. ননু ধম্মা মহন্তা ভৰঙ্গং পরিত্তকন্তি ন চোদেতব্বমেতং. অরূপধম্মানঞ্হি পরমুক্কংসপত্তানং এস আনুভাৰোতি. সংসদ্দো পন সামন্তি এতস্স অত্থে উপসগ্গো. সো ভগৰতো পটিৰেধধম্মেসু অনাচরিযকতং দীপেতি. ন মে আচরিযো অত্থীতি হি ৰুত্তং. ননু ভগৰতো ততীযচতুত্থারুপ্প সমাপত্তিযো আল়ারুদকমূলিকাতি. সচ্চং. তা পন অনলঙ্করিত্ৰা লদ্ধমত্তাৰ হুত্ৰা ছড্ডিতত্তা পচ্ছা বুজ্ঝনক্রিযায পাদকমত্তাপি নহোন্তি. কুতো পটিৰেধধম্মাতি. তস্মা তা ভগৰতো বুদ্ধভাৰে সাচরিযকতং ন সাধেন্তীতি. অযমেত্থ পাল়ি অনুগতো অত্থো. যথাহ –

তত্থ কতমো চ পুগ্গলো সম্মাসম্বুদ্ধো. ইধেকচ্চো পুগ্গলো পুব্বে অননুস্সুতেসু ধম্মেসু সামং সচ্চানি অভিসম্বুজ্ঝি. তত্থ চ সব্বঞ্ঞুতং পাপুণাতি. বলেসু চ ৰসিভাৰং. অযং ৰুচ্চতি পুগ্গলো সম্মাসম্বুদ্ধোতি.

তত্থাতি নিমিত্তে ভুম্মং. বলেসূতি দসবল ঞাণেসু. ৰসিভাৰন্তি ইস্সরভাৰং. এত্থচ পুব্বে. ল. সামন্তিএতেন সংসদ্দস্স অত্থং দস্সেতি. তত্থাতিআদিনা [সম্মাসদ্দস্সঅত্থন্তি. সম্মাসম্বুদ্ধপদং]

৫. ইদানি থেরো অত্তনো ৰন্দনং সুট্ঠুবলৰং করোন্তো অতুলন্তি আহ. অনেকগুণপদৰিসযা হি ৰন্দনা সুট্ঠুতরং বলৰতী হোতীতি. ননু একগুণপদৰিসযাপি ৰন্দনা অন্তরা যনীৰারণেসমত্থা সিযাতি কিং দুতীযেনাতি. ন ন সমত্থা. ৰিঞ্ঞুজাতিকা পন সত্থুগুণত্থোমনে মত্তকারিনো নাম ন হোন্তি ¶ . থেরো চ তেসং অঞ্ঞতরো. ত্ৰং পন অৰিঞ্ঞুজাতিকো. তস্মা মত্তং করোন্তো চোদেসীতি. অপিচ. ন কেৰলং অন্তরা যনীৰারণমেৰ ৰন্দনায ইচ্ছিতব্বং হোতি. অথখো পঞ্ঞাপাটৰাদিঅত্থোপি ইচ্ছিতব্বোযেৰ. সোপি হি অনাযাসেন গন্থ নিট্ঠানস্স গন্থপারিসুদ্ধিযা চ পচ্চযো হোতীতি. অনুস্সতিট্ঠানেসু হি চিত্তভাৰনা চিত্তসমাধানাৰহা হোতি. চিত্ত সমাধানে চ সতি পঞ্ঞাতিক্খাসূরা হুত্ৰা পহতি. সমাহিতো ভিক্খৰে যথাভূতং পজানাতীতি হি ৰুত্তং. তস্মা তদত্থাযপি অত্তনো ৰন্দনা সুট্ঠু বলৰতী কাতব্বাযেৰাতি.

‘‘যথাৰুত্তৰচনত্থ যোগেপি সম্মাসম্বুদ্ধসদ্দস্স ভগৰতি সমঞ্ঞাৰসেন পৰত্তত্তা অতুলন্তি ইমিনা ৰিসে সেতী’’তি ৰুত্তং. তং ন সুন্দরং.

মহন্তঞ্হি সত্থুগুণপদানং মজ্ঝে এতং সম্মাসম্বুদ্ধপদং, চন্দো ৰিয তারকানং মজ্ঝে. তস্মা তং সভাৰনিরুত্তিং জানন্তানংসন্তিকে ভাৰত্থসুঞ্ঞং সত্থুসমঞ্ঞামত্তং ভৰিতুং নারহতি. অঞ্ঞেসং পন পদসহস্সং ৰুচ্চমানংপি সত্থু সমঞ্ঞামত্তমেৰ সম্পজ্জতীতি. তুলযিতব্বো অঞ্ঞেন সহ পমিতব্বোতি তুলো. ন তুলো অতুলো, নত্থিতুলো সদিসো এতস্সাতি ৰা অতুলো. ভগৰা. ন হি অত্থি ভগৰতো অত্তনা সদিসো কোচি লোকস্মিন্তি. যথাহ –

ন মে আচরিযো অত্থি, সদিসো মে ন ৰিজ্জতি;

সদেৰকস্মিং লোকস্মিং, নত্থি মে পটিপুগ্গলোতি.

অনচ্ছরিযঞ্চেতং, যং বুদ্ধভূতস্স অতুলত্তং. সম্পতিজাতস্সপি পনস্স অতুলতা পঞ্ঞাযতি. তদা হি মহাপুরিসো সম্পতিজাতোৰ সমানো পুরত্থিমদিসাভিমুখো অট্ঠাসি. তস্মিং দিসা ভাগে অনন্তানি চক্কৰাল়ানি একঙ্গণানি অহেসুং. তেসু ঠিতা দেৰব্রহ্মানো মহাপুরিস ইধ তুম্হেহি সদিসো নত্থি. কুতো উত্তরিতরোতি ¶ পরমায পুজায পূজেসুং. এৰং সেসদিসাসুপি. তদা মহাপুরিসো অত্তনো সব্বলোকগ্গভাৰং ঞত্ৰা অগ্গোহমস্মি লোকস্স, সেট্ঠোহমস্মিলোকস্স, জেট্ঠোহমস্মিলোকস্স অযমন্তি মাজাতি, নত্থি দানি পুনব্ভৰোতি এৰং অছম্ভিৰাচং নিচ্ছারেসীতি. ইদংপি অনচ্ছরিযং, যং পচ্ছিমভৰং পত্তস্স অতুলত্তং. যদা পন সো সুমেধভূতো দীপঙ্করবুদ্ধস্স সন্তিকে নিযতব্যাকরণং গণ্হি. তদাপি থপেত্ৰা দীপঙ্করসম্মাসম্বুদ্ধং পারমিতাগুণেহি তেন সদিসো কোচি নত্থেৰ. নত্থিভাৰোচস্স তদা পৰত্তে হি দসসহস্সিলোকধাতুকম্পনাদীহি অসাধারণপাটিহারিযেহি দীপেতব্বো. তানি হি পচ্চেকবোধিসত্তানং সতসহস্সংপি পৰত্তেতুং ন সক্খিস্সতিযেৰ. কুতো সাৰকবোধি সত্তানন্তি. তেনেৰ হি তদা পৰত্তিপারমিপৰিচযঞ্ঞাণং অত্তনো ৰিসযে সব্বঞ্ঞুথঞ্ঞাণগতিকন্তি অট্ঠকথাযং ৰুত্তং. সাৰকবোধিসত্তাপি হি যতো পট্ঠায অত্তনো বোধিযা অনুরূপে সম্ভারধম্মে সযমেৰ জানিতুং সক্কোন্তি. ততো পট্ঠায অনিৰত্তিধম্মা হুত্ৰা ৰত্তানুসারিমহাপুথুজ্জনভাৰং অতিক্কমিত্ৰা বোধিসত্তভূমিং ওক্কন্তা হোন্তি. একেন পরিযাযেন নিযতা সম্বোধিপরাযনা চ নাম হোন্তি. তদা এৰ বুদ্ধানং সম্মুখিভাৰে সতি নিযতব্যাকরণং লভন্তি. সব্বঞ্ঞু বোধিসত্ত পচ্চেকবোধিসত্তেসু ৰত্তব্বমেৰ নত্থীতি.

সমিতত্থে য্যকারস্স অকারস্স ৰা ৰসেন এতং সিদ্ধন্তি ৰুত্তং. তং ন সুন্দরং.

ন হি তুলসদ্দো ধাতুসিদ্ধো কম্মসাধনো চ ভৰিতুং ন যুত্তো. তুলযিতুং অসক্কুণেয্যোতি অতুলো. অপ্পমে য্যোতি হি টীকাযং ৰুত্তং. এতেন তুলসদ্দো কম্মসাধনোতি দিপেতি. এৰঞ্চ সতি কম্মসাধনেনেৰ তদত্থসিদ্ধিতো কিং ততো সমিতত্থে য্যকারস্সঅকারস্স ৰা চিন্তাযাতি. ৰত্তিচ্ছানুগতো সদ্দপ্পযোগোতি কত্ৰা এতং ৰুত্তন্তি চে. ন. যথা ¶ সুতং যুত্তং ৰজ্জেত্ৰা অস্সুতস্স পরিকপ্পনায পযো জনাভাৰতোতি. [অতুল পদং]

৬. ইমেহি পন দ্ৰীহি পদেহি সত্থু তিস্সো সম্পদা ৰিভা ৰিতা হোন্তি. হেতুসম্পদা ফলসম্পদা সত্তুপকারসম্পদাচাতি. তত্থ সত্থু মহাকরুণা সমঙ্গিতা বোধিসম্ভারসম্ভরণঞ্চ হেতুসম্পদানাম. বোধিমণ্ডে পৰত্তিতা চতুৰীসতি কোটিসভসহস্সসঙ্খা মহাৰজিরঞ্ঞাণসঙ্খাতা সব্বঞ্ঞুমহা ৰিপস্সনাপি এত্থেৰ সঙ্গহিতা. সা হি মহাবোধিযা পদট্ঠান ভূতাতি. পহান সম্পদাযমেৰ ৰা সা সঙ্গহিতাতি দট্ঠব্বা. ফলসম্পদা চতুব্বিধা পহানসম্পদা ঞাণসম্পদা আনুভাৰসম্পদা রূপকাযসম্পদা চাতি. তত্থ সহ ৰাসনায কিলেসপ্পহানং পহানসম্পদা নাম. পহানস্স সব্বপারিপূরিতাতি অত্থো. অত্থতো পন অরিযমগ্গো, অগ্গমগ্গঞ্ঞাণমেৰ ৰা. সব্বঞ্ঞুত ঞ্ঞাণ দসবলঞ্ঞাণাদীনি ঞাণসম্পদা.

এতাসু দ্ৰীসু সম্পদাসু ঞাণসম্পদা পথমং ৰুত্তা, ততো পহানসম্পদা. পহানসম্পদাযেৰ পন পথমং ৰত্তব্বা. সা হি ঞাণসম্পদাযপুব্বঙ্গমভূতা পচ্চযভূতা চ. মহাটীকাযঞ্চ সাযেৰ পথমং ৰুত্তাতি.

‘‘সব্বঞ্ঞুতঞ্ঞাণপদট্ঠানং অগ্গমগ্গঞ্ঞাণ’’ন্তি ঞাণসম্পদাযং ৰুত্তং. তংপি ন যুজ্জতি.

অগ্গমগ্গঞ্ঞাণঞ্হি পহানসম্পদা এৰ ভৰিতুং অরহতি. ন হি মগ্গঞ্ঞাণতো অঞ্ঞা পহানসম্পদানাম অত্থীতি. যঞ্চ কোচি ৰদেয্য মগ্গঞ্ঞাণং ঞাণঞ্চ হোতি পহানঞ্চ. তস্মা উভযত্থ ৰত্তুং যুত্তন্তি. তংপি ন যুজ্জতি. এৰঞ্হি সতি সম্পদাসঙ্করো হোতীতি.

ঞাণসম্পদাযং ¶ সব্বঞ্ঞুতঞ্ঞাণং সব্বপথমং ৰত্তব্বংপি ন ৰুত্তং. তংপি ন সুন্দরং.

ননু ‘‘তম্মূলকানি চ দসবলাদি ঞ্ঞাণানী’’তি এত্থ আদিসদ্দেন সব্বঞ্ঞুতঞ্ঞাণংপি গহিতন্তি চে. তংপি ন যুজ্জতি.

ন হি অপ্পধানং সরূপতো নিদ্দিসিত্ৰা পধানং পাকটং আদিসদ্দেন গহিতন্তি ঞাযাগতং হোতীতি. অচিন্তেয্যানুভাৰেহি সীলা দিগুণেহি ইদ্ধি ধম্মেহি চ সম্পদা আনুভাৰসম্পদা. লক্খণা নুব্যঞ্জনপ্পটিমণ্ডিতস্স রূপকাযস্স সম্পত্তি রূপকাযসম্পদা. সত্তুপকারোদুৰিধো আসযসম্পদা, পযোগসম্পদা চ. অজ্ঝাসযস্স উল়ারতা কাযৰচীপযোগস্স চ পরিসুদ্ধতাতি অত্থো. তত্থ দেৰদত্তাদীসু ৰিরোধিসত্তেসুপি নিচ্চং হিতজ্ঝাসযতা আসয সম্পদা. লোকে অভিঞ্ঞাতানং রাজূনং রাজমহামত্তানং সেট্ঠি গহপতীনং দেৰরাজূনম্পি ধম্মং দেসেন্তস্স লাভসক্কারাদি নিরপেক্খতাৰসেন দেসনাপযোগসুদ্ধি পযোগসম্পদা. তত্থ দ্ৰে পহানঞাণসম্পদা সম্মাসম্বুদ্ধপদেন ৰিভাৰিতা. দ্ৰীহি আনু ভাৰরূপকাযসম্পদাহি সহ দ্ৰে সত্তুপকারসম্পদা অতুলপদেন. হেতুসম্পদা পন দ্ৰীহিপি পদেহি সামত্থিযতো ৰিভাৰিতা. ন হি তাদিসিযা হেতুসম্পদায ৰিনা ইতরাসং পৰত্তি অত্থীতি. [সম্পদা]

৭. পুনপি থেরো অত্তনো ৰন্দনং বলৰতরং করোন্তো সসদ্ধম্মগণুত্তমন্তি আহ. এতেন ধম্মসঙ্ঘানংপি ৰন্দনা কতা হোতি. দূরতোহং নমস্সিস্সং, সসঙ্ঘং লোকনাযকন্তি হি ৰুত্তে সঙ্ঘস্সপি নমনক্রিযাপত্তি সহসদ্দেন ৰিঞ্ঞাযতি. এৰ মিদং দট্ঠব্বং. তত্থ নমস্সিস্সন্তি নমস্সিং.

‘‘গুণীভূতানংপি হি ধম্মসঙ্ঘানং অভিৰাদেতব্ব ভাৰো সহযোগেন ৰিঞ্ঞাযতী’’তি ৰুত্তং. তত্থ অভিৰাদেতব্ব ভাৰোতি নৰত্তব্বং. অভিৰাদিতভাৰোতি পন অভিৰাদনন্তি ¶ ৰা ৰত্তব্বং. এৰঞ্হি সতি ইধ অধিপ্পেতস্স ক্রিযা সমৰাযস্স সিদ্ধত্তা ধম্মসঙ্ঘানংপি থেরস্স ৰন্দনা ক্রিযাপত্তি সিদ্ধা হোতীতি. ইতরথা তব্বপচ্চযস্স অরহত্থদীপনতো অভিৰাদনা রহতা সঙ্খাত গুণসমৰাযো ৰুত্তো সিযা. সোচ ইধ নাধিপ্পেতো. অত্তনো নিদস্সনেন চ সহ ন সমেতি সপুত্তদারো আগতোতি.

অপিচ থেরো ইমং গন্থং রচযিস্সামীতি পুব্বভাগেযেৰ তীণি রতনানি ৰন্দি, অথ তং অত্তনো ৰন্দনং গন্থপ্পটিঞ্ঞায সহ ঘটেত্ৰা দস্সেন্তো ইমং গাথং রচযীতিপি ন ন সক্কা ৰত্তুন্তি. তথাহি অভিৰাদিযাতি ৰুত্তং. ন অভিৰাদিযামীতি. এসনযো অঞ্ঞত্থপি. তত্থ সদ্ধম্মেন চ গণুত্তমেন চ অত্তনা নিম্মিতেন সকললোকস্স সরণভূতেন সহ ৰত্ততীতি সসদ্ধম্ম গণুত্তমো. সম্মাসম্বুদ্ধো. ন হি পরনিম্মিতেন সদ্ধম্মেন গণুত্তমেন চ সহিতা সাৰকা সসদ্ধম্মাতি চ সগণুত্তমাতি চ ৰুচ্চন্তি. ন চ অত্তনোএৰ সরণভূতেন সদ্ধম্মেন সব্রহ্মচারিগণুত্তমেন চ সহিতা পচ্চেকবুদ্ধা তথা থোমনং অরহন্তীতি, তস্মা ইদংপি সত্থু অসাধারণগুণপদমেৰ হোতীতি দট্ঠব্বং.

তত্থ ধারেতীতি ধম্মো. কে ধারেতি, অত্তানং ধারেন্তে. ধম্মো হৰে রক্খতি ধম্মচারিন্তি হি ৰুত্তং. কথঞ্চ ধারেতি, চতূসু অপাযেসু ৰট্টদুক্খেসুচ অপতমানে করোন্তো. কিঞ্চ ধারণংনাম, যেসং ৰসেন সত্তা অপাযেসুৰা ৰট্টদুক্খেসুৰা পতন্তি, তেসং কিলেসানং একদেসেনৰা সব্বসোৰা সমুচ্ছিন্দনং. ইমস্মিং অত্থে চত্তারো অরিযমগ্গা নিব্বানঞ্চ নিপ্পরিযাযতো ধম্মোনাম. অরিযমগ্গা হি কিলেসে সমুচ্ছিন্দন্তা নিব্বানেন সহেৰ হুত্ৰা সমুচ্ছিন্দন্তি. ন ৰিনাতি, তস্মা তেযেৰ পঞ্চ একন্ততো ধম্মোনামাতি. পরিযত্তিধম্মো পন ধারণুপাযোযেৰ হোতি. চত্তারি সামঞ্ঞফলানিচ ধারণফলানিযেৰ হোন্তি, কিলেসানং পটিপ্পস্সম্ভনৰসেন পৰত্তত্তা ধারণানুকূলপ্পৰত্তানি চ. তস্মা এতে পঞ্চ পরিযাযধম্মাযেৰাতি. অথৰা ¶ , ধারীযতীতি ধম্মো. ধারণারহোতি ৰুত্তং হোতি. যো হি ধারেন্তং একন্তেন দুক্খতো মোচেতি. অগ্গসুখেচ পতিট্ঠাপেতি. সোযেৰ ধারণারহত্তা ইধ ধম্মোনামাতি. কোপন সোতি, যথা পুত্তধম্মাযেৰ. তেহি কেচি ভাৰনা ৰসেন কেচি সচ্ছিকিরিযৰসেন কেচি দিট্ঠধম্মসুখৰিহারৰসেন কেচি উগ্গহ ধারণৰসেন ধারীযন্তি. তে চ এৰং ধারীযমানা ধারেন্তং যথারহং অপাযদুক্খতো ৰট্টদুক্খতোচ মোচেন্তি, অগ্গেচ ফলসুখেৰা নিব্বানসুখেৰা পতিট্ঠাপেন্তীতি. ধারেন্তিৰা সপ্পুরিসাজনা অপাযেসু ৰট্টদুক্খেসুচ অত্তানং অপত মানং ৰহন্তি এতেনাতি ধম্মো. ধরন্তিৰা এত্থ ধম্মদীপা ধম্মপ্পটিসরণা জনা লদ্ধপ্পতিট্ঠা হোন্তীতি ধম্মোতিপি যুজ্জতিযেৰ. কস্মা পনেত্থ ধম্মো দসৰিধোৰ ৰুত্তো. ননু পটিপত্তিধম্মেন সহ একাদসৰিধোৰ ৰত্তব্বোতি. সচ্চং. সোপন পটিপত্তিধম্মো মগ্গস্স পুব্বভাগপ্পটিপদাএৰ হোতীতি পুব্বচেতনা ৰিয দানে মগ্গে এৰ সো সঙ্গহিতো. তস্মা ধম্মো দসৰিধোৰ সব্বত্থ ৰুত্তোতি দট্ঠব্বো.

অপিচ, যদগ্গেন পরিযত্তিধম্মো ইধ ধম্মস্মিং সঙ্গহিতো. তদগ্গেন পরিযত্তিধারকোপি সঙ্ঘে ৰন্দনেয্যে সঙ্গহিতোতি যুত্তো. যদগ্গেনচ পুথুজ্জনকল্যাণকো সঙ্ঘে সেক্খেসু সঙ্গহিতো. তদগ্গেন তস্স কল্যাণহেতুভূতো পটিপত্তি ধম্মোপি ধম্মে ৰন্দনেয্যে সঙ্গহিতোতি দট্ঠব্বো. সো হি পুথুজ্জনভূতোপি যেহি ধম্মেহি সমন্নাগতত্তা সেখে সোতাপত্তি ফলসচ্ছিকিরিযায পটিপন্নে সঙ্গহিতো. তে পন ধম্মা সেক্খে সোতাপত্তিমগ্গে অসঙ্গহিতাতি নসক্কা ৰত্তুন্তি. এত্তাৰতা যে ৰদন্তি সঙ্ঘং সরণং গচ্ছামীতি, এত্থ পুথুজ্জন কল্যাণকো সঙ্ঘে অসঙ্গহিতো. ন হি তংসরণং গচ্ছন্তস্স সরণগমনং সম্পজ্জতীতি. তেসং তং পটিক্খিত্তং হোতি. এৰং পন ৰত্তব্বো, যো ৰো আনন্দ মযা ধম্মোচ ৰিনযোচ দেসিতো পঞ্ঞত্তো, সো ৰো মমচ্চযেন সত্থাতি এৰং সত্থুঠানে থপেত্ৰা ভগৰতা সংৰণ্ণিতো পরিযত্তিধম্মো ধম্মসরণে সঙ্গহিতোতি ¶ যুত্তো, তং ধারেন্তোপন কল্যাণপ্পটিপত্তিযং ঠিতোপি অত্থি. অট্ঠিতোপি অত্থি. যো অট্ঠিতো, সো অত্তনোপি সরণং নহোতি. কুতো পরস্স. সত্থারা চ অনেকেসু সুত্তসহস্সেসু সো গরহিতো. তস্মা সো সঙ্ঘসরণে অসঙ্গহিতো. ইতরোৰ সঙ্গহিতোতি যুত্তোতি.

সন্তানং ধম্মোতি সদ্ধম্মো. সমিতকিলেসানং ততোযেৰ পসত্থানং পূজিতানং সপ্পুরিসানং পণ্ডিতানঞ্চ ধম্মোতি অত্থো. যোচ সন্তানং ধম্মো, সোপি একন্তেন সন্তোযেৰ হোতীতি সন্তো ধম্মোতিপি সদ্ধম্মো. পসত্থো পূজিতো ধম্মোতি অত্থো. সচ্চো ৰা. অযঞ্হি অঞ্ঞতিত্থিযধম্মো ৰিয ধারেন্তং নৰিসংৰাদেতি. সো হি অযং মে হিতোতি ধারেন্তস্স অহিতোযেৰ সম্পজ্জতি. অযং পন তথাধারেন্তস্স হিতোযেৰ সম্পজ্জতীতি. [সদ্ধম্মপদং]. গণুত্তমপদে লোকে সমান দিট্ঠিসীলানং সহধম্মিকানং সমূহো গণোতি ৰুচ্চতি. ইধ পন উত্তমেহি সীলাদিগুণেহি যুত্তো ভগৰতো সাৰকসঙ্ঘো উত্তমোচ সো গণোচাতি অত্থেন উত্তমগণোনাম. সোযেৰ ইধ গণুত্তমোতি ৰুচ্চতি যথা মুনিসেট্ঠো মুনিৰরোতি.

‘‘গণানং গণেসুৰা দেৰমনুস্সাদিসমূহেসু উত্তমো গণুত্তমো’’তি চ ৰুত্তং. তং ন সুন্দরং.

এতস্মিঞ্হি অত্থে সতি উত্তমসদ্দো পধানভূতো হোতি. সোচ গুণম্হিযেৰ পৰত্ততীতি তেন ইধ অরিযসঙ্ঘো ৰুত্তোতি নসিজ্ঝতীতি. এত্থচ গণোতি সঙ্ঘোযেৰ ৰুচ্চতি. সোচ সঙ্ঘো দুৰিধো সম্মুতিসঙ্ঘো, দক্খিণেয্যসঙ্ঘোতি. তত্থ সমগ্গেন সঙ্ঘেন কতং উপসম্পদাকম্মং সম্মুতিনাম. তায সম্মুতিযা উপসম্পন্নভূমিং পত্ৰা ঠিতো ভিক্খুসঙ্ঘো সম্মুতিসঙ্ঘোনাম. সো ৰিনযকম্মেসু পসিদ্ধো. দক্খিণেয্যসঙ্ঘো নাম অট্ঠ অরিযপুগ্গলসমূহো. সোপন কিঞ্চাপি সম্মুতিসঙ্ঘেপি অন্তোগধোযেৰ হোতি. তথাপি সরণগমন ৰন্দনা মান ¶ পূজাসক্কারানুস্সতিট্ঠানেসু অনুত্তর পুঞ্ঞক্খেত্ত ৰিসে সপরিগ্গহত্থং ভগৰতা তথা তথা সংৰণ্ণেত্ৰা সো ৰিসুং ৰুত্তোতি দট্ঠব্বো. পুথুজ্জনসঙ্ঘোহি পুঞ্ঞক্খেত্তং সমানোপি অনুত্তরং পুঞ্ঞক্খেত্তং নহোতি. কস্মা. সালিক্খেত্তে তিণানং ৰিয খেত্তদুট্ঠানং সক্কাযদিট্ঠি ৰিচিকিচ্ছানুসযানং সব্ভাৰাতি. পুঞ্ঞক্খেত্তভাৰো পনস্স পুরিমে সদ্ধম্মপদে ৰুত্তনযেন ৰেদিতব্বোতি. [সসদ্ধম্মগণুত্তমপদং]

৮. অভিৰাদিযাতি ৰিসেসতো ৰন্দিত্ৰা. এত্থ চ অযং লোকে সীলাদিগুণযুত্তো সেট্ঠো ৰন্দনেয্যোতি এৰং সেট্ঠ চিত্তং পচ্চুপট্ঠাপেত্ৰা ৰন্দন্তো ৰিসেসতো ৰন্দতীতি ৰুচ্চতি. ৰন্দনা পন তিৰিধা কাযৰন্দনাদিৰসেন. যথাহ –

তিস্সো ইমা ভিক্খৰে ৰন্দনা, কতমা তিস্সো. কাযেন ৰন্দতি, ৰাচায ৰন্দতি, মনসা ৰন্দতীতি.

তত্থ সেট্ঠচিত্তং পচ্চুপট্ঠাপেত্ৰা জাণুদ্ৰয কপ্পরদ্ৰয নলাট সঙ্খাতানি পঞ্চ অঙ্গানি ভূমিযং পতিট্ঠাপেত্ৰা ৰন্দনেয্যানং অভিমুখং নিপ্পজ্জন্তো কাযেন ৰন্দতিনাম. যং সন্ধায পঞ্চপ্পতিট্ঠিতেন ৰন্দিত্ৰাতি তত্থ তত্থ ৰুত্তং. যাযচ অৰন্দিযট্ঠানেসু ৰন্দন্তস্স আপত্তি হোতীতি. গুণপদানি ৰাচায পৰত্তেন্তো ৰাচায ৰন্দতিনাম. নমো বুদ্ধস্স, নমত্থু বুদ্ধস্স, নমো ৰিমুত্তিযা, নমো ৰিমুত্তানং, ৰিপস্সিস্স নমত্থূতি এৰমাদীসুপি ৰাচা ৰন্দনাযেৰ. গুণপদানি অনুগন্ত্ৰা গুণে অনুস্সরন্তো মনসা ৰন্দতিনামাতি.

৯. ভাসিস্সন্তি কথেস্সামি. কামঞ্চ থেরো ইমং সঙ্গহং রচযন্তো পোত্থকারুল়্হং কত্ৰাৰ রচযিস্সতি. গন্থকম্মং নাম ৰাচাকম্মেসু পসিদ্ধন্তি কত্ৰা ভাসিস্সন্তি ৰুত্তন্তি দট্ঠব্বং.

১০. অভিধম্মত্থসঙ্গহন্তি পদে অভিধম্মে ৰুত্তা অত্থা অভিধম্মত্থা. তে সঙ্গয্হন্তি এত্থ এতেনাতিৰা অভিধম্মত্থসঙ্গহো. সঙ্গয্হন্তিতিচ থেরেন সংখিপিত্ৰা গয্হন্তি কথীযন্তীতি অত্থো. অভিধম্মেতি চেত্থ অভিঅতিরেকো অভিৰিসে সোচ ধম্মো অভিধম্মো. ধম্মোতি চ ৰিনযপাল়িতো অঞ্ঞংপাল়ি দ্ৰযং ¶ ৰুচ্চতি. যো ৰো আনন্দ মযা ধম্মোচ ৰিনযোচ দেসিতো পঞ্ঞত্তোতি হি ৰুত্তং. তঞ্চ পাল়িদ্ৰযং আণাৰিধানসঙ্খাতং ৰিনযন কিচ্চং ৰজ্জেত্ৰা কুসলাদিকে যথাপৰত্তে পরমত্থধম্মে এৰ দীপেতীতি. এৰং দীপেন্তেসুচ তেসু দ্ৰীসু ধম্মেসু যো ইতরতো অতিরেকোচ হোতি ৰিসেসোচ. অযমেৰ অভিধম্মো নাম. ইতরোপন ধম্মোযেৰ. এৰঞ্চ কত্ৰা ধম্মো অভিধম্মো ৰিনযো অভিৰিনযোতি ইদং চতুক্কং ৰেদিতব্বং. তত্থ ধম্মোনাম সুত্তন্তপিটকং. অভিধম্মোনাম যত্তপকরণানি. ৰিনযোনাম উভতো ৰিভঙ্গো, অভিৰিনযোনাম খন্ধকপরিৰারাতি অট্ঠকথাসু ৰুত্তং. অতিরেকৰিসেসতা চেত্থ কুসলাদি ৰসেন খন্ধাদিৰসেন সঙ্গহাদিৰসেন তথা তথা দেসেতব্বপ্পকারানং অনৰসেসৰিভত্তিৰসেনৰা সুদ্ধধম্মাধিট্ঠান দেসনাপৰত্তিৰসেনৰা ৰেদিতব্বা. যতো সব্বঞ্ঞুবুদ্ধা ইমং অভিধম্মদেসনং দেৰেসুএৰ দেসেন্তি. ন হি মনুস্সা এৰরূপং তযো মাসে নিরন্তরং পৰত্তনযোগ্যং কথামগ্গং একেন ইরিযাপথেন আদিতো পট্ঠায পরিযোসানং পাপেত্ৰা পটিগ্গহেতুং সক্কোন্তি, নচ এৰ রূপো একমাতিকানুবন্ধো কথামগ্গো নানাখণেসু নানাজনানং দেসেতুং সক্কুণেয্যো হোতীতি. কেচিপন ৰিনযপাল়িতোপি অভিরেকৰিসেসতং তস্স ৰণ্ণেন্তি. তং অট্ঠসালিনিযা ন সমেতি. তত্থ হি ধম্মনামিকানং দ্ৰিন্নং পাল়ীনং মজ্ঝেএৰ অযং অতিরেকৰিসেসতা ৰিচারিতা. নচ যুজ্জতি ৰিনযেন সহ তথা ৰিচারেতুং অসমানকিচ্চৰিসযত্তা. ৰিনযো হি কাযৰাচানং ৰিনযনকিচ্চো, অজ্ঝাচারৰিসযোচ. ধম্মো পন ধম্মৰিভাগকিচ্চো ধম্মপ্পৰত্তি ৰিসযোচাতি. কেচিপন ৰদন্তি এৰং সন্তেপি ৰিনযো এৰ সব্বজেট্ঠকো সিযা. ৰিনযং ৰিৰণ্ণেন্তস্স হি পাচিত্তিযাপত্তি হোতি. ধম্মং ৰিৰণ্ণেন্তস্স দুক্কটাপত্তিমত্তাতি, তং নযুজ্জতি. ৰিনযো হি আণাচক্কং. ধম্মোচ ধম্মচক্কং. তত্থ ৰিনযং ৰিৰণ্ণেন্তো সত্থু আণাচক্কে পহারং দেতি. সত্থরি অগারৰো মহন্তো হোতি. যস্সচ সত্থরি অগারৰো, তস্স ধম্মসঙ্ঘেসু তীসু সিক্খাসুচ অগারৰো সিদ্ধো হোতি. তস্মা ৰিনয ৰিৰণ্ণনে ¶ আপত্তি মহন্তী হোতি. ন সব্বজেট্ঠকত্তাতি. অপিচ, ৰিনযোনাম সাসনস্স মূলং. ৰিনযে অট্ঠিতে সাসনং নতিট্ঠতি. তস্মা সাসনস্স চিরট্ঠিতত্থংপি ৰিনযৰিৰণ্ণনে মহতী আপত্তি পঞ্ঞত্তাতি.

ইতি পরমত্থদীপনিযা নাম অভিধম্মত্থ সঙ্গহস্স

১১. এৰং আদিগাথাযতংতং পযোজন সহিতে পঞ্চ অত্থে দস্সেত্ৰা ইদানি তে অভিধম্মত্থে উদ্দেসতো দস্সেন্তো দুতীযগাথমাহ. তত্থ তত্থাতি ভাসিস্সং অভিধম্মত্থ সঙ্গহন্তি ৰুত্তে তস্মিং অভিধম্মত্থসঙ্গহপদে মযা ৰুত্তা অভিধম্মত্থা সব্বথাপরমত্থতো চতুধা হোন্তীতি যোজনা. এত্থচ -

তত্থ তস্মিং অভিধম্মত্থসঙ্গহপকরণেতিৰা অভিধম্মত্থ পদেতিৰা অভিধম্মেতিৰা তসদ্দত্থো নিদ্দিট্ঠো. ৰিভাৰনিযং পন তস্মিং অভিধম্মেতি. সব্বং নসুন্দরং.

ন হি অভিধম্মত্থ সঙ্গহপকরণে মযা ৰুত্তা অভিধম্মত্থাতি যুজ্জতি. পকরণংপি হি উপরি ৰুচ্চমানমেৰ হোতি. নতু ৰুত্তং. কুতো অভিধম্মত্থাতি. ন চ সংৰণ্ণনাপকরণেসু আদিম্হিযেৰ তাৰ তসদ্দো অপ্পধানপদানি পচ্চামসতীতি অত্থি. তস্মা অট্ঠসালিনিযং আদিম্হি তত্থ কেন ট্ঠেন অভিধম্মোতি ৰাক্যেৰিয ইধ তসদ্দত্থো ৰেদিতব্বোতি. এৰঞ্হি সতি –

সব্বথা ৰুত্তাতি যোজনাপি পটিক্খিত্তা হোতি.

সা হি ৰক্খমানেহি সব্বযাপি দ্ৰাদস, সব্বথাপি অট্ঠারসাতিআদীহি নসমেতীতি. তত্ত সব্বথাতি ধম্মসঙ্গণিযং ৰুত্তেন কুসলাদিনা ¶ সব্বপ্পকারেনপি চতুধাৰ হোন্তি, ৰিভঙ্গে ৰিভত্তে ন খন্ধাদিনা সব্বপ্পকারেনপি চতুধাৰ হোন্তীতি অত্থো. ধাতু কথাযং ৰুত্তেনাতিআদিনাপি ৰত্তব্বং.

১২. পরমত্থতোতি পরমত্থ সচ্চতো. দ্ৰে হি সচ্চানি সম্মুতিসচ্চং, পরমত্থসচ্চন্তি, তত্থ সত্ত পুগ্গল অত্ত জীৰাদিকা পঞ্ঞত্তিঅত্থা সভাৰতো অৰিজ্জমানাযেৰ হোন্তি. ধম্মৰৰত্থানঞ্ঞাণরহিতানংপন মহাজনানং চিত্তে মহন্তমহন্তাপি হুত্ৰা ৰিজ্জমানাৰিয পঞ্ঞাযন্তি, তেচ মহাজনা সমগ্গা হুত্ৰা তেসং একন্তেন অত্থিভাৰং গহেত্ৰা তথা তথা ৰোহরন্তি চেৰ সম্পটিচ্ছন্তিচ. তস্মা তে মহাজনেহি সমগ্গেহি সম্মতত্তাততোযেৰচ ৰচীসচ্চৰিরতিসচ্চানং ৰত্থুভূতত্তাসম্মুতি সচ্চন্তি ৰুচ্চন্তি. তস্মিং সম্মুতিসচ্চে ঠত্ৰা সম্মা পটিপজ্জন্তা সব্ব লোকিযসম্পত্তিযোচ সব্ববোধিসম্ভার ধম্মেচ আরাধেন্তি. মিচ্ছাপটিপজ্জন্তা অপাযপূরকা হোন্তি. এৰং মহন্তঞ্হি সম্মুতি সচ্চন্তি. পরমত্থসচ্চং পন পত্ৰা তং সচ্চমেৰ নহোতি. তঞ্হি সযং অৰিজ্জমানংযেৰ সমানং মহাজনে ৰিজ্জমানন্ত্ৰেৰ গণ্হাপেতি. সক্কাযদিট্ঠি দ্ৰাসট্ঠিদিট্ঠি তিৰিধমিচ্ছাদিট্ঠীনং ৰত্থু হুত্ৰা বালজনানং ৰট্টদুক্খতো নিয্যাতুং নদেতি. এৰং ৰিপরীতঞ্হি সম্মুতিসচ্চং. এৰং মহাসাৰজ্জঞ্চাতি. পরমত্থসচ্চংপন দুৰিধং সভাৰসচ্চং অরিযসচ্চন্তি. তত্থ ধম্মসঙ্গণিআদীসু সত্তসু পকরণেসু ৰিভত্তা কুসলাদযো ধম্মা সভাৰসচ্চংনাম. তে হি সযং সভাৰতো ৰিজ্জমানত্তা কুসলানাম ধম্মা অত্থি সুখানাম ৰেদনা অত্থীতি গণ্হন্তেন ৰিসংৰাদেন্তীতি. তং পন অরিযসচ্চং পত্ৰা কিঞ্চি অসচ্চংপি হোতিযেৰ. তথাহি অনুভৰনভেদমত্তং উপাদাযেৰ ৰেদনা সুখা দুক্খা অদুক্খমসুখাতি ৰুত্তা. ন সব্বাকারতো সুখভূতত্তা. সব্বেহি পন অনিচ্চতা সঙ্খততাদীহি অনেকসতেহি আকারেহি সব্বাপি ৰেদনা দুক্খাএৰ. তথা অনৰজ্জসুখৰিপাকট্ঠেন কুসলভাৰোপি অকুসলং উপাদাযেৰ ৰুত্তো. সব্বেপি হি তেভূমকা কুসলসম্মতা ধম্মা সাসৰতা সংকিলেসিকতা ওঘনিয যোগনিয উপাদানিযতা ¶ সঙ্খাতেহি ৰজ্জেহি সাৰজ্জাএৰ হোন্তি. দুক্খসচ্চভূতানঞ্চ ৰিপাকানং জননট্ঠেন একন্তেন দুক্খৰিপাকাএৰ হোন্তি. অজ্ঝত্তত্তিকঞ্চ সব্বলোকিযসম্মতং উপাদায ৰুত্তং. সব্বেপি হি চতুব্ভূ মকধম্মা একন্তেন অত্তাপিনাম নত্থি. কুতো অজ্ঝত্তানাম. বহিদ্ধাএৰ হোন্তি. সঙ্খারে পরতো পস্সাতি হি ৰুত্তন্তি. অযং নযো সেসত্তিক দুকধম্মেসুপি যথারহং নেতব্বো. অরিয সচ্চংনাম সব্বেসং তেভূমকধম্মানং একন্ত দুক্খভাৰো তণ্হায একন্ত দুক্খসমুদয ভাৰো নিব্বানস্সেৰ দুক্খনিরোধ ভাৰো অট্ঠঙ্গিকস্স মগ্গস্সেৰ দুক্খনিরোধমগ্গভাৰোচাতি. ইধমেৰ হি পরিসুদ্ধবুদ্ধীনং অরিযানং ঞাণে অচলমানং সব্বাকারপরিপুণ্ণং নিপ্পরিযাযসচ্চং হোতীতি. তেসু ইধ সম্মুতিসচ্চং নিৰত্তেন্তো পরমত্থতোতি ইদ মাহ. তেন ৰুত্তং পরমত্থতোতি পরমত্থসচ্চতোতি. তত্থ অত্থো দুৰিধো সভাৰসিদ্ধোচ পরিকপ্পসিদ্ধোচ. তত্থ যো ৰিনা অঞ্ঞাপদেসেন কেৰলং ৰিসুং ৰিসুং অত্তনো লক্খণেন ৰিজ্জমানো হুত্ৰা সিদ্ধো. সো চিত্তাদিকো অত্থো সভাৰসিদ্ধোনাম. যোপন অত্তনো লক্খণেন ৰিজ্জমানোযেৰ নহোতি. ৰিজ্জমানস্সপন অত্থস্স নানা পৰত্তিআকারে উপাদায চিত্তেন পরিকপ্পেত্ৰা সৰিগ্গহং কত্ৰা গহিতো চিত্তমযো চিত্তনিম্মিতো হুত্ৰা চিত্তেএৰ উপলব্ভমানো হোতি. সো সত্তপুগ্গলাদিকো অত্থো পরিকপ্পসিদ্ধো নাম. তেসু সভাৰসিদ্ধোযেৰ পরমত্থোনাম. সো হি সন্তি ভৰন্তি বুদ্ধিসদ্দা এত্থাতি অত্থো. একন্তৰিজ্জমানট্ঠেন ইতরতো পরমো উক্কংসগতো অত্থোতি পরমত্থো. অপি চ, যে অযং অত্থি অযং উপলব্ভতীতি গহেত্ৰা তস্স অভিঞ্ঞেয্যস্স অভিঞ্ঞত্থায, পরিঞ্ঞেয্যস্স পরিঞ্ঞত্থায, পহাতব্বস্স পহানত্থায, সচ্ছিকাতব্বস্স সচ্ছিকরণত্থায, ভাৰেতব্বস্স ভাৰনত্থায পটিপজ্জন্তি. তেসং তদত্থসাধনে অৰিসংৰাদকট্ঠেন পরমো উত্তমো অত্থোতি পরমত্থো. ইতরোপন অৰিজ্জমানত্তা তস্স অভিঞ্ঞাদিঅত্থায পটিপজ্জন্তানং তদত্থসাধনে ¶ ৰিসংৰাদকোযেৰ ভৰিস্সতি. নপন তদত্থং সাধেস্স তীতি পরমত্থোতি ৰত্তুং নারহতীতি.

‘‘পরমস্সৰা উত্তমস্স ঞাণস্স অত্থো গোচরোতি পরমত্থো’’তিপি ৰুত্তং. তং ন সুন্দরং.

ন হি পরমসদ্দোঞাণে ৰত্তমানো দিস্সতি. নচ অত্থসদ্দো গোচরেতি. যঞ্চ অনুটীকাযং সচ্চমেৰ সচ্চিকং. সো এৰ অত্থো অৰিপরীতস্স ঞাণস্স ৰিসযভাৰট্ঠেনাতি সচ্চিকট্ঠোতি ৰুত্তং. তংপি অৰিপরীতেন ঞাণেন অরণীযতো উপগন্তব্ব তো অত্থোতি ইমমত্থং দস্সেতি. নপরমসদ্দস্স অত্থন্তি. [পরমত্থপদং]

১৩. চিত্তন্তি এত্থ চিন্তেতীতি চিত্তং. এত্থচ চিন্তনক্রিযা নাম নিচ্চং আরম্মণাপেক্খা হোতি. ন হি সা আরম্মণেন ৰিনা লব্ভতীতি. তস্মা আরম্মণগ্গহণ আরম্মণুপলদ্ধিযেৰ ইধ চিন্তনাতি দট্ঠব্বাতি. এৰঞ্হি সতি ভৰঙ্গসময ৰিসঞ্ঞিসমযেসু চিত্তং আরম্মণেন ৰিনাপি পৰত্ততীতি এৰং ৰাদীনং ৰাদো পটিক্খিত্তো হোতি. সন্তেসুপিচ নিস্সয সমনন্তরাদীসু তস্স পচ্চযেসু তেহি নামং অলভিত্ৰা আরম্মণপচ্চযৰসেনেৰস্স নামং সিদ্ধন্তি দট্ঠব্বং. চিন্তেন্তি সম্পযুত্তকা ধম্মা এতেনাতি চিত্তং. তঞ্হি আরম্মণগ্গহণকিচ্চে পুব্বঙ্গমভূতন্তি তং সম্পযুত্তধম্মাপি আরম্মণং গণ্হন্তা তস্স ৰসেনেৰ গণ্হন্তীতি. চিন্তনমত্তংৰা চিত্তং. সব্বেপি হি ধম্মা তংতং ক্রিযামত্তাৰ হোন্তি. ন তেসু দব্বংৰা সণ্ঠানং ৰা ৰিগ্গহোৰা উপলব্ভতি. পচ্চযাযত্ত ৰুত্তিনো চ হোন্তি. ন তে অত্তনো থামেনৰা বলেনৰা ৰসেনৰা সত্তিযাৰা উপ্পজ্জিতুংপি সক্কোন্তি. পগেৰ চিন্তেতুংৰা ফুসেতুংৰাতি. খণমত্তট্ঠাযিনোচ হোন্তি, ন কদাচি কস্সচি ৰসে ৰত্তিতুং সক্কোন্তীতি. তস্মা তেসু ইদং দব্বং, অযং সত্তি, অয ক্রিযাতি এৰং ৰিভাগো নলব্ভতীতি দট্ঠব্বং. এৰঞ্চ কত্ৰা সব্বেসু পরমত্থপদেসু একং ভাৰসাধনমেৰ পধানতো লব্ভতি. তদঞ্ঞ সাধনানিপন ¶ পরিযাযতোৰ লব্ভন্তীতি ৰেদিতব্বং. এত্থ চ দব্বাদিৰসেন অভেদস্স চিন্তনস্স অত্থৰিসেসঞাপনত্থং ৰিভাগ কপ্পনাৰসেন ভেদকরণং পরিযাযকথাতি দট্ঠব্বং. যথা সিলা পুত্তকস্সসরীরন্তি, তথা করণঞ্চ তং তং ক্রিযাসঙ্খাত ধম্মৰিমুত্তস্স পরপরিকপ্পিতস্স কারকভূতস্স অত্ত জীৰ সত্ত পুগ্গলস্স সব্বসো অভাৰদীপনত্থং. সতি হি অত্তাদিম্হি কিং অভেদস্স ভেদকপ্পনাযাতি.

সসৰিসাণং ৰিয অভূতস্স ভূত কপ্পনা ৰুত্তা ৰিয দিস্সতি. অযমস্সাধিপ্পাযো-ধম্মেসু কত্তাৰা কারে তাৰা কোচি নত্থি. লোকেপন অত্তপ্পধানো ক্রিযা নিপ্ফাদকো কত্তানাম সিদ্ধো. তস্মা চিন্তনকিচ্চে অত্তপ্পধানতা দীপনত্থং তং কত্তুভাৰং চিত্তে আরোপেত্ৰা চিন্তেতীতি চিত্তন্তি ৰুত্তং.

চিত্তস্সচ বলেন তংসম্পযুত্তানংপি তস্মিং কিচ্চে তদনুকূলপ্পৰত্তিদীপনত্থং পুনকরণভাৰং চিত্তে কত্তুভাৰঞ্চ তেসু আরোপেত্ৰা চিন্তেন্তি সম্পযুত্তকা ধম্মা এতেনাতি চিত্তন্তি ৰুত্তন্তি. অপি চেত্থ চিত্তসদ্দো ৰিচিত্রত্থৰাচকো দট্ঠব্বো. ৰুত্তঞ্হে তং সংযুত্তকে –

দিট্ঠং ৰো ভিক্খৰে চরণংনাম চিত্তন্তি. এৰং ভন্তে. তম্পি খো ভিক্খৰে চরণং চিত্তং চিত্তেনেৰ চিন্তিতন্তি. তেনাপি খো ভিক্খৰে চরণেন চিত্তেন চিত্তঞ্ঞেৰ চিত্ততরন্তি, না হং ভিক্খৰে অঞ্ঞং একনিকাযংপি সমনুপস্সামি যং এৰং চিত্তং. যথযিদং ভিক্খৰে তিরচ্ছানগতা পাণা. তেপি খো ভিক্খৰে তিরচ্ছানগতা পাণা চিত্তেনেৰ চিত্তিকতা. তেহিপি খো ভিক্খৰে তিরচ্ছান গতেহি পাণেহি চিত্তঞ্ঞেৰ চিত্ততরন্তি.

তত্থ চরণংনাম চিত্তন্তি যত্থৰিচিত্রানি দিব্বৰিমানাদীনি চিত্তকম্মানি কত্ৰা ইদঞ্চিদঞ্চ পুঞ্ঞং করোন্তা ইধচিধচ নিব্বত্তাতি দস্সেন্তো ৰিচরন্তি ¶ . তস্স পটকোট্ঠকস্সেতং নামং. চিত্তেনাতি নিস্সক্কে করণৰচনং. যথযিদন্তি যথা ইমে. চিত্তিকতাতি ৰিচিত্রা কতা. এত্থচ চিত্তৰিচিত্তকায সঞ্ঞাৰিচিত্তা. সঞ্ঞাৰিচিত্ততায তণ্হাৰিচিত্তা. তণ্হাৰিচিত্ততায কম্মানি ৰিচিত্তানি. কম্মৰিচিত্ত তায যোনিযো ৰিচিত্তা. যোনিৰিচিত্ততায তেসং তিরচ্ছা নগতানং ৰিচিত্ততা ৰেদিতব্বা. [ৰচনত্থো]

তং তং সভাৰো লক্খণং, কিচ্চসম্পত্তিযো রসো;

গয্হাকারো ফলংৰাপি, পচ্চুপট্ঠান সঞ্ঞিতং.

আসন্নকারণং যং তং, পদট্ঠানন্তি তং মতং;

ধম্মানং ৰৰত্থানায, অলং এতে ৰিবুদ্ধিনো.

আরম্মণৰিজাননলক্খণং চিত্তং, পুব্বঙ্গমরসং, সন্ধানপচ্চুপট্ঠানং, নামরূপপদট্ঠানং. [চিত্তং]

১৪. চেতসিকন্তি এত্থ চেতসি ভৰং তদাযত্তৰুত্তিতাযাতি চেতসিকং. ফস্সাদি ধম্মজাতং. এত্থচ তদাযত্তৰুত্তিতা নাম একুপ্পাদতাদীহি লক্খণেহি চিত্তেন সহ একী ভূতস্স ৰিয পৰত্তি. এতেন যা চিত্তস্স জাতি. সাএৰ ফস্সাদীনং. যা চিত্তস্স জরা, যং চিত্তস্স মরণং, যং চিত্তস্স আরম্মণং, যং চিত্তস্স ৰত্থু, তদেৰ ফস্সাদীনন্তি এৰং একপুপ্ফ মঞ্জরিযং একৰণ্টুপনিব্বন্ধানি পুপ্ফানি ৰিয চিত্তেন সহ একজাতিযাদি উপনিব্বন্ধা ফস্সাদযো ধম্মা ইধ চেতসিকংনামাতি সিদ্ধা হোন্তি. এৰঞ্চ সতি চিত্তংপি তেহি ফস্সাদীহি সহ তথেৰ আযত্তং পৰত্ততীতি তংপি ফস্সিকং ৰেদনিকন্তিআদিনা ৰত্তব্বন্তি চে. ন. চিত্তস্সেৰ জেট্ঠকত্তা. মনোপুব্বঙ্গমা ধম্মা, মনোসেট্ঠা মনোমযাতি হি ৰুত্তং. এত্থচ মনোমযাতি মনসাএৰ পকতা নিম্মিতা চিত্তক্রিযা ভূতাতি অত্থো. এতেন তে ফস্সাদযো ধম্মা চিত্তেন ৰিনা নুপলব্ভন্তীতি দস্সেতি. চিত্তংপন তেহি কেহিচি ৰিনাপি পৰত্ততিযেৰ. পঞ্চৰিঞ্ঞাণ চিত্তঞ্হিতেহি কেহিচি ৰিতক্কাদীহি ৰিনা উপ্পজ্জতীতি. তস্মা তেসঞ্ঞেৰ তদাযত্ত ৰুত্তিতা ৰত্তব্বা ন চিত্তস্সাতি.

একালম্বণতা ¶ মত্তেন তেসং তদাযত্তৰুত্তিতং চেতসি কত্তঞ্চ ৰিভাৰেতি. তং ন সুন্দরং.

ন হি একালম্বণতামত্তেন চেতসিকংনাম জাতন্তি. এত্থ চ লোকে নানাৰণ্ণধাতুযো উদকে ঘংসিত্ৰা ৰত্থুম্হি নানা চিত্তকম্মানি করোন্তি, তত্থ ৰত্থুম্হি ফরণং বন্ধনঞ্চ উদকস্সেৰ কিচ্চং, ন ৰণ্ণধাতূনং. নানারূপ দস্সনং ৰণ্ণধাতূনমেৰ কিচ্চং, ন উদকস্স. তত্থ ৰত্থুৰিয আরম্মণং দট্ঠব্বং. উদকংৰিয চিত্তং. নানা ৰণ্ণধাতুযোৰিয চেতসিকধম্মাতি. [চেতসিকং]

১৫. রূপন্তি এত্থ রুপ্পতীতি রূপং. সীতুণ্হাদীহি ৰিরোধি পচ্চযেহি ৰিসম পৰত্তি ৰসেন ৰিকারং আপজ্জতি, তেহি ৰা ৰিকারং আপাদীযতীতি অত্থো. যথাহ –

রুপ্পতীতি খো ভিক্খৰে তস্মা রূপন্তি ৰুচ্চতি. কেন রুপ্পতি. সিতেনপি রুপ্পতি. উণ্হেনপি রুপ্পতি. জিঘচ্ছাযপি রুপ্পতি. ৰিপাসাযপি রুপ্পতি. ডংস মকস ৰাতাতপ সরিং সপ সপ্ফস্সেহিপি রুপ্পতীতি. রুপ্পতীতিচ রুপ্পতি, কুপ্পতি, ঘট্টীযতি, পিল়ী যতি, ভিজ্জতীতি.

মহানিদ্দেসে ৰুত্তং. অযমেত্থ পিণ্ডত্থো, যে ধম্মা চিরট্ঠিতিকাচ হোন্তি সপ্পটিঘসভাৰাচ. তেসঞ্ঞেৰ ঠিতিক্খণেসু ৰিরোধিপচ্চযেহি সমাগমোনাম হোতি. নপনঞ্ঞেসং পরিত্তক্খণানং অপ্পটিঘসভাৰানন্তি. তেসঞ্হি অপ্পটিঘসভাৰানং সুখুম রূপানংপি বহিদ্ধা সীতাদীহি সমাগমোনাম নত্থি. কুতো পরিত্তক্খণানং অপ্পটিঘসভাৰানঞ্চ অরূপধম্মানন্তি. যদিএৰং সুখুমরূপানং অরূপতাপত্তি সিযাতি. নসিযা. ওল়ারিকরূপেহি সমানগতি কত্তা. তানিহি ওল়ারিকেসু রুপ্পমানেসু রুপ্পন্তিযেৰাতি. সমাগমোচ নাম ইধ থপেত্ৰা আপাতগমনং আরম্মণকরণঞ্চ অঞ্ঞমঞ্ঞৰিরুদ্ধানং ঠিতিপত্তানং ওল়ারিকরূপানং মহাভূতানমেৰৰা অঞ্ঞমঞ্ঞাভিঘট্টনং ¶ ৰুচ্চতি, রুপ্পতি ঘট্টীযতি পীল়ীযতীতি হি ৰুত্তং. রুপ্পনঞ্চনাম পরসেনাযুদ্ধেন রট্ঠখোভোৰিয কলাপন্তরগতধাতূনং কুপ্পনং ভিজ্জনংচ ৰুচ্চতি. কুপ্পতি ভিজ্জতীতি হি ৰুত্তং. এত্থচ কুপ্পতীতি খোভতি চঞ্চলতি, ভিজ্জতীতি ৰিকারং আপজ্জতি. যস্মিং খণে ৰিরোধিপচ্চযসমাগমং লভন্তি. ততো পট্ঠায সযংপি ৰিকারপত্তা হোন্তি. ওমত্তাধিমত্তরূপসন্ততীনং উপ্পত্তিযা পচ্চযভাৰং পত্তা হোন্তীতি অত্থো. অপিচেত্থ রুপ্পনং দুৰিধং ৰড্ঢনং, হাযনঞ্চ. তদুভযংপি কপ্পৰুট্ঠানে কপ্পসণ্ঠানে নানাআযুকপ্প সংৰচ্ছর উতু মাস রত্তি দিৰাদীনং পরিৰত্তনেচ পাকটং হোতীতি. কস্মা পন রূপন্তি নামং ঘট্টনৰসেন রুপ্পনধম্মানমেৰ সিদ্ধন্তি. তেসমেৰ সৰিগ্গহত্তা. রূপধম্মা হি সমূহসণ্ঠানাদি ভাৰপত্তিযা সৰিগ্গহা হোন্তি. তস্মা তেসমেৰ রুপ্পনং পচ্চক্খতোপি লোকস্স পাকটন্তি তেস্ৰেৰ রূপন্তি নামং সিদ্ধন্তি দট্ঠব্বং. অরূপধম্মা পন অৰিগ্গহাতি ন তেসং ৰিকারো পচ্চক্খতো লোকস্স পাকটো হোতি. তং তং রূপৰিকারং দিস্ৰাৰা সুত্ৰা ৰা পুচ্ছিত্ৰাযেৰ ৰা সো লোকেন জানিতব্বো অঞ্ঞত্র পরচিত্তৰিদূহি. তস্মা তেসং রূপতাপত্তি নত্থীতি.

তেসং রূপতাপত্তিপ্পসঙ্গো সীতাদিগ্গহণ সামত্থিযেন নিৰত্তিতো. যস্মা পন ৰোহারোনাম লোকোপচারেন ৰিনা নসিজ্ঝতি. লোকোপচারোচ পাকটনিমিত্তৰসে নেৰ পৰত্তো. তস্মা ইধ সীতাদিগ্গহণেন ৰিনাপি তপ্পসঙ্গনিৰত্তি লোকতোৰ সিদ্ধাতি দট্ঠব্বা.

যস্মা চ ব্রহ্মলোকে ব্রহ্মানং কাযৰিকার ৰচীৰিকারা চ ইদ্ধিৰিকুপ্পনাৰসপ্পৰত্তা নানারূপৰিকারাচ দিস্সন্তিযেৰ. তেচ একেন পরিযাযেন রুপ্পনাকারাএৰ নাম হোন্তি, তস্মা তেসং ৰসেন তত্থ রূপানং রূপতাসিদ্ধি হোতীতি ৰেদিতব্বং. রূপযতি ৰা অত্তনো সভাৰেন পকাসতীতি রূপং. অরূপধম্মা হি ন অত্তনো সভাৰেন পাকটা হোন্তি. রূপসন্নিস্সযেনেৰ গহেতব্বা ¶ . ইদং পন অত্তনো সভাৰেনেৰ পাকটং পঞ্চৰিঞ্ঞাণেহিপি গহেতব্বন্তি. ইমস্মিং অত্থে সতি ব্রহ্মলোকে রূপানংপি উজু কতোৰ রূপতাসিদ্ধি হোতীতি.

অনুগ্গাহকানং সীতাদীনং ৰসেন তং সভাৰা নাতিৰত্তন ৰসেনচ তত্থ রূপতাসিদ্ধি ৰিভাৰিতা. যস্মাপন সীতে নাপি উণ্হেনাপীতিআদিৰচনং নিদস্সনমত্তং হোতি. কম্ম চিত্তাহারানংপি ৰসেন রুপ্পনস্স সম্ভৰতো, তথাহি সঞ্ঞা ৰিঞ্ঞাণানিপি রূপারম্মণরসারম্মণেহি এৰ পাল়িযং নিদ্দিট্ঠানি. ন হি সঞ্ঞা রূপংএৰ সঞ্জানাতি. ন চ ৰিঞ্ঞাণং রস মেৰ ৰিজানাতি. নিদস্সনমত্তেন দেসনা হোতীতি ৰিঞ্ঞাযতীতি. তস্মা সীতাদিগ্গহণং অমুঞ্চিত্ৰাৰ তত্থ রূপতাসিদ্ধিৰিভাৰনেন পযোজন নত্থীতি. [রূপং]

১৬. নিব্বানন্তি এত্থ নিব্বাযন্তি সব্বে ৰট্টদুক্খসন্তাপা এতস্মিন্তি নিব্বানং. নিব্বাযন্তীতি যে কিলেসাৰা খন্ধাৰা অভাৰিতমগ্গস্স আযতিং উপ্পজ্জনারহপক্খে ঠিতা হোন্তি. তেযেৰ ভাৰিতমগ্গস্স অনুপ্পজ্জনারহপক্খং পাপুণন্তীতি অত্থো. ন হি খণত্তযং পত্ৰা নিরুদ্ধা অতীতধম্মা নিব্বাযন্তি নাম. পচ্চুপ্পন্নেসু আযতিং অৰস্সং উপ্পজ্জমানেসুচ ধম্মেসু ৰত্তব্বমেৰ নত্থীতি. ৰট্টদুক্খসন্তাপাতি কিলেসৰট্ট কম্মৰট্ট ৰিপাকৰট্ট দুক্খসন্তাপা. ন হি তিৰিধ ৰট্টদুক্খসন্তাপরহিতানং রুক্খাদীনং অনুপ্পাদনিরোধো নিব্বানংনাম হোতীতি. এতস্মিন্তি ৰিসযে ভুম্মং. যথা আকাসে সকুণা পক্খন্তীতি. যেহি তে নিব্বাযন্তি. তেসং তব্বিনিমুত্তং অঞ্ঞং নিব্বুতিট্ঠানংনাম কিঞ্চি নত্থীতি. নিব্বাযন্তি ৰা অরিযজনা এতস্মিন্তি নিব্বানং. নিব্বন্তি ধীরা যথযং পদীপোতি হি ৰুত্তং. নিব্বাযন্তীতি তং তং কিলেসানংৰা খন্ধানংৰা পুন অপ্পটিসন্ধিকভাৰং পাপুণন্তীতি অত্থো. একস্মিন্তি ৰিসযেএৰ ভুম্মং, এতস্মিং অধি গতেতিপি যোজেন্তি. টীকাসুপন ভৰাভৰং ৰিননতো সংসিব্বন তো ৰানং ৰুচ্চতি তণ্হা. ততো নিক্খন্তন্তি নিব্বানন্তি ৰুত্তং.

‘‘নিব্বাভিৰা ¶ এতেন রাগগ্গিআদিকোতি নিব্বান’’ন্তিপি ৰুত্তং. তং ন সুন্দরং.

ন হি মগ্গেৰিয নিব্বানে কত্থচি করণসাধনং দিট্ঠং, নচ নিব্বানং নিব্বূতি ক্রিযাসাধনে রাগাদিকস্স কত্তুনো সহ কারিপচ্চযো হোতীতি. [নিব্বানং]

দুতীযগাথায পরমত্থদীপনা নিট্ঠিতা.

১৭. ইদানি উদ্দেসক্কমেন চিত্তং তাৰ নিদ্দিসন্তো তত্থ চিত্তন্তিআদিমাহ. তত্থাতি তেসু চতূসু অভিধম্মত্থেসু. তাৰ পথমং. চত্তারো ৰিধা পকারা যস্স তং চতুব্বিধং.

১৮. কামাৰচরন্তি এত্থ কামীযতীতি কামো. কামেন্তিৰা এত্থ সত্তা অৰিক্খম্ভিতকামরাগত্তা কামরতিযাএৰ রমন্তি. ন উপরিভূমীসু ৰিয ঝানরতিযাতি কামো. একাদসৰিধা কামভূমি. ননু চেত্থ ঝানলাভিনোপি সন্তীতি. ন ন সন্তি. তেপন কদাচি দেৰাতি নত্থেত্থ দোসো. অৰীচিনিরযাদযো কথং কামীযন্তি. কথঞ্চ তত্থ সত্তা কামরতিযা রমন্তীতি. নিমিত্তস্সাদৰসেনৰা ভৰনিকন্তিৰসেনৰাতি. মরণকালে হি উপট্ঠিতা নিরযগ্গিজালা সুৰণ্ণৰণ্ণাৰিয খাযন্তি. একো কির মিচ্ছাদিট্ঠিকো ব্রাহ্মণো মরণমঞ্চে নিপ্পন্নো হোতি. তস্স আচরিযব্রাহ্মণা সমীপে ঠত্ৰা ব্রহ্মলোকং ভো গচ্ছাতি ৰদন্তি. তস্সপন অৰীচিনিরযে অগ্গিজালা উপট্ঠহন্তি. তদা সো ভো আচরিযা সুৰণ্ণৰণ্ণা পঞ্ঞাযন্তীতি আহ. এস ভো ব্রহ্মলোকো. তত্থ গচ্ছাতি ৰদন্তি. সো কালঙ্কত্ৰা অৰীচিম্হি উপ্পজ্জি. এৰং নিমিত্তস্সাদৰসেন তে কামীযন্তি. তত্থ উপ্পন্নানংপি ভৰনিকন্তিনাম হোতীতি. অপিচ, তত্থ উপ্পন্না অৰিক্খম্ভিতকামরাগাএৰ হোন্তি, ওকাসে সতি কামরতিযা রমিস্সন্তি যেৰাতি. তস্মিং কামে অৰচরতীতি কামাৰচরং. ¶ এত্থচ অৰচরতীতি পদস্স উপ্পজ্জতীতি অত্থো ন গহেতব্বো. সো হি অত্থো পাল়িযাচ নসমেতি. নানাদোসযুত্তোচ হোতীতি. যং এতস্মিং অন্তরে এত্থাৰচরা এত্থ পরিযাপন্নাতি হি পাল়িযং ৰুত্তং. যদি চেত্থ সো অত্থো অধিপ্পেতো সিযা. এৰং সভি এত্থাৰচরা এত্থুপ্পন্নাতি ৰুত্তং সিযা. নপন ৰুত্তং. নচ পরিযাপন্নসদ্দো উপ্পন্নসদ্দেন সহ সমানত্থোতি সক্কা ৰত্তুং. ন হি লোকুত্তরচিত্তানি তীসু ভৰেসু উপ্পন্না নিপি তত্র পরিযাপন্নানিযেৰ হোন্তীতি. এৰং তাৰ পাল়িযা নসমেতীতি.

যদিচ সো অত্থো গহিতো সিযা. এৰঞ্চ সতি তস্মিং কামে যে মহগ্গত লোকুত্তরধম্মা উপ্পজ্জন্তি. তেসংপি কামা ৰচরতাপত্তিদোসো রূপাৰচরতাদি মুত্তিদোসোচ আপজ্জতি. যেচ কামাৰচরধম্মা রূপারূপভূমীসু উপ্পজ্জন্তি. তেসঞ্চ রূপারূপা ৰচরতা পত্তিদোসো কামাৰচরতা মুত্তিদোসোচ আপজ্জতীতি. ননু যেভুয্যৰুত্তিৰসেনপি কেসঞ্চি নামলাভো হোতি. যথা ৰনচরকো সঙ্গামাৰচরোতি. তস্মা ইধপি তেসং ধম্মানং অত্তনো অত্তনো ভুম্মীসু উপ্পন্নবহুলত্তা কামাৰচরাদি নামলাভে সতি ন কোচি দোসোতি.ন. এৰঞ্হি সতি লোকুত্তর ধম্মানং কামাৰচরতাদি মুচ্চনত্থং যেভুয্যেন উপ্পন্নভূমি ৰিসুং ৰত্তব্বা সিযা. ন চ সা নামভূমি অত্থি. যত্থ তে যেভুয্যেন উপ্পজ্জন্তীতি. তেহি উপ্পজ্জন্তা তীসু ভৰেসু এৰ উপ্পজ্জন্তি. তস্মা তেসং কাম রূপারূপাৰচরতাপত্তিদোসো দুন্নিৰারো সিযাতি. এৰং নানাদোসযুত্তো হোতীতি. তস্মাস্স তথা অত্থং অগ্গহেত্ৰা এত্থাৰচরা এত্থ পরিযাপন্নাতি ভগৰতা সংৰণ্ণিতেন পাল়িনযেনেৰস্স অত্থো গহেতব্বোতি. অযঞ্হেত্থ অত্থো. কামে অৰচরতি পরিযাপন্নভাৰেন তস্মিং অজ্ঝোগাহেত্ৰা চরতি পৰত্ততীতি কামাৰচরন্তি. পরিযাপন্নভাৰোচনাম অত্তনো আধারভূতেন তেন কামেন সহ সমানজাতিগোত্তনামতা সঙ্খাতেহি পরিতোভাগেহি তস্মিং কামে আপন্নভাৰো অনুপ্পৰিট্ঠ ভাৰো. অন্তোগধভাৰোতি ৰুত্তং হোতি. সোচ তথা ¶ পরিযাপন্নভাৰো পরিগ্গাহিনিযা কামতণ্হায কতোতি দট্ঠব্বো. এত্তাৰতা যেধম্মা রূপারূপসত্তসন্তানভূতাপি ময্হং এতেতি কাম তণ্হায পরিগ্গহিতা কামে পরিযাপন্নাৰ হোন্তি. তে কামাৰচরানামাতি সিদ্ধা হোন্তি. রূপারূপা ৰচরেসুপি অযং নযো নেতব্বো. তেসুপন রূপতণ্হা অরূপতণ্হাচ পরিগ্গাহিনী তণ্হা দট্ঠব্বা.

যেপন ধম্মা তিণ্ণং তণ্হানং পরিগ্গহৰিমুত্তা হোন্তি. তে তীসু ভৰেসু উপ্পন্নাপি তত্র অপরিযাপন্নাএৰ হোন্তীতি লোকুত্তরা নাম জাতাতি ৰেদিতব্বা. এত্থচ পট্ঠানে আরুপ্পে কামচ্ছন্দং নীৰরণং পটিচ্চ উদ্ধচ্চনীৰরণন্তিআদিনা অরূপসত্তসন্তানেপি কামচ্ছন্দসঙ্খাতায কামতণ্হায উপ্পত্তি ৰুত্তা. তস্মা রূপারূপ ভূমীসু উপ্পন্নানং কামধম্মানং পরিগ্গাহিনীতণ্হা রূপারূপসত্তসন্তান গতাপি দট্ঠব্বা. পাল়িযং কামচ্ছন্দনীৰরণন্তি ইদং নীৰরণজাতিকত্তা ৰুত্তং. ন হি ঝানভূমীসু একন্তনীৰরণকিচ্চানি নীৰরণানি সক্কা লদ্ধুন্তি. অত্র কামভেদো ৰত্তব্বো. দ্ৰেকামা কিলে সকামোচ, ৰত্থুকামোচাতি. তত্থ থপেত্ৰা রূপারূপরাগে অঞ্ঞো সব্বোপি লোভো ইমস্মিং চতুব্ভূমিপরিচ্ছেদে কিলে সকামোনাম. থপেত্ৰাচ রূপারূপাৰচরধম্মে অঞ্ঞে সব্বেপি তীসু ভূমীসু উপ্পন্না কামাৰচরধম্মা ৰত্থুকামোনামাতি. যংপন অট্ঠসালিনিযং সব্বেপি তেভূমকা ধম্মা ৰত্থুকামোতি ৰুত্তং. তং মহানিদ্দেসে নিদ্দিট্ঠেন সুত্তন্তিকপরিযাযেন ৰুত্তন্তি গহেতব্বং. ন হি রূপারূপাৰচরধম্মা অভিধম্মে কামনামেন ৰুত্তা অত্থীতি. [কামাৰচরপদং]

১৯. রূপাৰচরং অরূপাৰচরন্তি এত্থ রূপারূপসদ্দা তাসু ভূমীসু নিরুল়্হাতি দট্ঠব্বা. অপিচ দ্ৰে ভূমিযো রূপভূমি, অরূপভূমীতি. তত্থ রুপ্পনলক্খণং রূপং যত্থ নত্থি, সা চতুব্বিধা ভুম্মি অরূপভূমিনাম. সেসা সত্তৰীসতিৰিধা ভুম্মি রূপভূমিনাম. তত্থচ হেট্ঠা একাদসৰিধা ভুম্মি ওল়ারিকেন কামেন ৰিসেসেত্ৰা কাম ভূমীতি ৰুত্তা. উপরি সোল়সৰিধা ভুম্মি রূপভূমিইচ্চেৰ ৰুত্তাতি দট্ঠব্বা. যত্থপন তণ্হাৰা ঝানানিৰা রূপারূপসদ্দেহি ৰুত্তানি. তত্থ ¶ নিস্সযস্সনামং নিস্সিতে আরোপনৰসেন নিস্সযোপচারো ৰেদিতব্বো. যত্থচ কামাৰচরাদিসদ্দেহি ভূমিএৰ ৰুত্তা. তত্থ নিস্সিতস্স নামং নিস্সযে আরোপনৰসেন নিস্সিতো পচারোতি. যমেত্থ ৰত্তব্বং, তং কামাৰচরপদে ৰুত্তনযমেৰাতি. অযমেত্থ তেভূমক পরিচ্ছেদে পাল়িঅনুগতা পরমত্থদীপনা. যথাহ –

কতমে ধম্মা কামাৰচরা. হেট্ঠতো অৰীচিনিরযং পরিযন্তং করিত্ৰা উপরিতো পরনিম্মিতৰসৰত্তীদেৰে অন্তো করিত্ৰা যং এতস্মিং অন্তরে এত্থাৰচরা এত্থ পরিযাপন্না খন্ধধাতুআযতনা রূপা ৰেদনা সঞ্ঞা সঙ্খারা ৰিঞ্ঞাণং. ইমেধম্মা কামাৰচরা. কতমে ধম্মা রূপাৰচরা. হেট্ঠতো ব্রহ্মলোকং পরিযন্তং করিত্ৰা উপরিতো অকনিট্ঠে দেৰে অন্তো করিত্ৰা যং এতস্মিং অন্তরে এত্থাৰচরা এত্থ পরিযাপন্না সমাপন্নস্সৰা উপপন্নস্সৰা দিট্ঠধম্মসুখৰিহারিস্সৰা চিত্তচেতসিকা ধম্মা, ইমে ধম্মা রূপাৰচরা. কতমে ধম্মা অরূপাৰচরা. হেট্ঠতো আকাসানঞ্চাযতনুপগে দেৰে পরিযন্তং করিত্ৰা উপরিতো নেৰসঞ্ঞা নাসঞ্ঞা যতনুপগে দেৰে অন্তো করিত্ৰা যং এতস্মিং অন্তরে. ল. ইমে ধম্মা অরূপাৰচরাতি.

যথাৰুত্তং সুৰিসদং পাল়িনযং অগ্গহেত্ৰা অঞ্ঞথা ৰচনত্থাচ ৰিনিচ্ছযাচ এত্থ ৰুত্তা. সব্বে তে সারতো ন পচ্চেতব্বাতি.

ননু অট্ঠসালিনিযমেৰ তেচ অঞ্ঞেচ অত্থা ৰুত্তাতি. সচ্চং. ভূতংপন সুৰিসদং পাল়িঅনুগতং অত্থং ঞত্ৰা কিংৰিক্খেপেনাতি.

২০. লোকুত্তরন্তি এত্থ লুজ্জনপলুজ্জনট্ঠেন লোকো ৰুচ্চতি যথাৰুত্তো তেভূমকধম্মো. যথাহ লুজ্জতি পলুজ্জতীতি খো ভিক্খৰে তস্মা লোকোতি ৰুচ্চতীতি. এৰং সন্তে লোকুত্তরধম্মানংপি নিব্বানৰজ্জানং লোকতাপত্তি সিযা. কস্মা, তেসংপি ¶ লুজ্জনপলুজ্জনধম্মত্তাতি. নসিযা. যত্থ হি নিচ্চো ধুৰো সস্সতোতি মহাজনস্স মিচ্ছাগাহো নিৰিসতি. তত্থেৰ তস্স নিৰারণত্থং অযং লোকসমঞ্ঞা নিযমীযতি. তস্মা সব্বসো মিচ্ছাগাহৰিমুত্তানং তেসং লোকতাপত্তি নত্থীতি ৰদন্তি. যেসংৰা লুজ্জনংপলুজ্জনঞ্চ মহাজনস্স পাকটং. তেসঞ্ঞেৰ লোকতাসিদ্ধীতি নত্থি লোকুত্তরানং লোকত্তপ্পসঙ্গোতি. লোকতো উত্তরতীতি লোকুত্তরং. মগ্গচিত্তং. ততো উত্তিণ্ণন্তি লোকুত্তরং. ফলচিত্তং. নিব্বানংপন ইধ নলব্ভতীতি. উত্তরণঞ্চেত্থ তণ্হাত্তযগ্গাহ ৰিমুত্তিযা তীসু লোকেসু অপরিযাপন্নভাৰোযেৰ. সোচ অপরিযাপন্নভাৰো কেসং ধম্মানং অধিট্ঠান ভূতোৰিয গয্হতীতি ৰিসুং একা চতুত্থী অৰত্থাভূমিনামাতি.

চতুব্ভূমিৰিভাগস্স পরমত্থদীপনা নিট্ঠিতা.

২১. এৰং চিত্তং ভূমিভেদেন হীনপণীতা নুক্কমতো চতুধা নিদ্দিসিত্ৰা ইদানি তদেৰ চতুব্বিধং চিত্তং যথানিদ্দিট্ঠক্কমেন ৰিভজন্তো পথমং কামাৰচরচিত্তং. তত্থচ হীনং অসোভণচিত্তং. তত্থচ সব্বহীনং অকুসলচিত্তং তাৰ দস্সেতুং সোমনস্সসহ গতন্তিআদিমাহ. এত্থচ কামাৰচরচিত্তস্সপি অকুসলাহেতুক সহেতুকানুক্কমো হীন পণীতানুক্কমৰসেন ৰুত্তোতি দট্ঠব্বো.

উপরি ৰুচ্চমানানং বহূনং চিত্তানং সোভণসঞ্ঞাকরণসুখত্থং অপ্পকে পাপাহেতুকেযেৰ পথমং দস্সেন্তোতি ৰুত্তং. তং ন সুন্দরং.

তদত্থো হি যথাৰুত্তহীনাদিক্কমেনেৰ সিদ্ধোতি.

তেসু তেসুচ ভৰেসু গহিতপ্পটিসন্ধিকস্স সত্তস্স আদিতো ৰীথিচিত্তৰসেন লোভসহগত চিত্তুপ্পাদান মেৰ সম্ভৰতো তেযেৰ পথমন্তি ৰুত্তং. তংপি নযুজ্জতি.

আদিতো ¶ ৰীথিচিত্তৰসেন মনোদ্ৰারা ৰজ্জনস্সেৰ সব্বপথমং উপ্পজ্জনতোতি. অকুসলেসু পন লোভমূল চিত্তং বহুকঞ্চ হোতি. দ্ৰীহি ৰট্টমূলেহি যুত্তত্তা পধানং পাকটঞ্চ হোতীতি তদেৰ পথমং ৰুত্তন্তি দট্ঠব্বং.

২২. তত্থ সুন্দরং মনোতি সুমনো. সিনিদ্ধচিত্তং. ন হি অনৰজ্জট্ঠেন সুন্দরতা ইধ যুত্তাতি. সুন্দরং মনো এতস্সাভিৰা সুমনো. সিনিদ্ধচিত্তসমঙ্গী পুগ্গলো. সুমনস্স ভাৰো সোমনস্স. মানসিকসুখৰেদনাযেতং নামং. এত্থচ সুমনস্স ভাৰোতি তস্মিং চিত্তে পুগ্গলেৰা সুমনাভিধানস্সৰা অযং সো সুমনোতি সুমনবুদ্ধিযাৰা পৰত্তিনিমিত্তন্তি অত্থো. ভাৰোতি হি অভিধানবুদ্ধীনং পৰত্তিনিমিত্তং ৰুচ্চতি. ভৰন্তি পৰত্তন্তি অভিধানবুদ্ধিযো এতস্মিন্তি কত্ৰা. এতস্মিন্তি চ নিমিত্তে ভুম্মং. যথা নাগো দন্তেসু হঞ্ঞতেতি. যথা হি তত্থ অত্তনো দন্তনিমিত্তং দন্তযুত্তে নাগে হননপ্পৰত্তি হোতি, এৰমিধপি তং ৰেদনানিমিত্তং ৰেদনাযুত্তে মনস্মিং পুগ্গলেৰা অভিধানবুদ্ধিযো পৰত্তন্তীতি. ভৰন্তি বুদ্ধিসদ্দা এতেনাতি ভাৰোতিচ ৰদন্তি. এতস্মাতি চ অপরে. সোমনস্সেন সহ একতো গতং পৰত্তন্তি সোমনস্সসহগতং. সোমনস্সৰেদনাসম্পযুত্তন্তি অত্থো. দস্সনং দিট্ঠি. সা পন সম্মাদিট্ঠি, মিচ্ছাদিট্ঠিৰসেন দুৰিধা. ইধ মিচ্ছাদিট্ঠিযুত্তা. অকুসলাধিকারত্তা. দিট্ঠিযেৰ দিট্ঠিগতং. যথা গূথগতং মুত্তগতন্তি. দিট্ঠিগতেন সমং পকারেহি যুত্তন্তি দিট্ঠিগত সম্পযুত্তং. দিট্ঠিগতেন একুপ্পাদতাদীহি পকারেহি সমং একীভূত মিৰ যুত্তং সংসট্ঠন্তি অত্থো. অসঙ্খারিকমেকং সসঙ্খারিকমেকন্তি এত্থ সঙ্খারোতি পুব্বাতিসঙ্খারো. সোচ দুৰিধো পযোগো, উপাযোচাতি. তত্থ আণত্তিযাৰা অজ্ঝেসনাযৰা তজ্জেত্ৰা ৰা ইদং করোহীতি পরেহি কতো কাযৰচীপযোগো পযোগোনাম. আণত্তাদিনাপন ৰিনাৰ কম্মস্স করণত্থং তং তং উপাযং পরে আচিক্খন্তি. অকরণে আদীনৰং করণেচ আনিসংসং দস্সেন্তি, কতিকংৰা করোন্তি, দণ্ডংৰা থপেন্তি, সযমেৰ ৰা তং তং কারণং অনুস্সরতি, পচ্চৰেক্খতি. এৰমাদিনা নযেন ¶ উপাযো অনেকৰিধো. সো দুৰিধোপি ইধ সঙ্খারো নাম. সঙ্খরোতি অত্তনো পকতিযা কাতুং অনিচ্ছমানং চিত্ত সন্তানং অকাতুং অদত্ৰা করণত্থায সংৰিদহতি তস্মিং তস্মিং কম্মে পযোজেতীতি কত্ৰা. যোপন পচ্চযগণো তেন সঙ্খারেন ৰিরহিতো হোতি. সো অসঙ্খারো. যোপন তেনসহিতো হোতি. সো সসঙ্খারোতি. ৰুত্তঞ্হেতং অট্ঠকথাযং –

সহ সঙ্খারেনাতি সসঙ্খারো. তেন সসঙ্খারেন সপ্পযোগেন সউপাযেন পচ্চযগণেনাতি অত্থোতি.

এত্থচ পচ্চযগণোতি আরম্মণাদিকো সাধারণো পচ্চয গণো অট্ঠকথাযং ৰুত্তো. অসাধারণোপন কুসলকম্মেসু সপ্পুরিসুপনিস্সযাদিকো অকুসলকম্মেসু অসপ্পুরিসুপনিস্সযাদিকো পচ্চযগণো ৰিসেসেত্ৰা যোজেতুং যুত্তো. সোপন যদা দুৰিধেন সঙ্খারেন ৰিনা সযমেৰ চিত্তং অসংসীদমানং কত্ৰা উট্ঠাপেতি সমুট্ঠাপেতি, তদা সোঅসঙ্খারোনাম. যদাপন তেন ৰিনা সযমেৰ চিত্তং উট্ঠাপেতুং সমুট্ঠাপেতুং নসক্কোতি, সঙ্খারং সহাযং লভিত্ৰাৰ সক্কোতি, তদা সো সসঙ্খারোনাম. ইতি অসঙ্খারো সসঙ্খারোতিচ ইদং পচ্চয গণস্সেৰ নামং. ন চিত্তস্স. চিত্তংপন অসঙ্খারেন সুদ্ধেন পচ্চযগণেন উপ্পন্নং অসঙ্খারিকং. সসঙ্খারেন পচ্চযগণেন উপ্পন্নং সসঙ্খারিকং, উপ্পন্নত্থে হি অযং ইকপচ্চযোতি. যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতসম্পযুত্তং সসঙ্খারেনাতি হি পাল়িযং ৰুত্তন্তি. এত্থচ সসঙ্খারেন পচ্চযগণেন উপ্পন্নং হোতীতি যোজেতব্বন্তি. অযমেত্থ অসঙ্খারিকসসঙ্খারিকপদেসু পরমত্থদীপনা.

ইমমত্থং অসল্লক্খেত্ৰা চিত্তমেৰ অসঙ্খারং সসঙ্খারন্তি চ গহেত্ৰা যং ৰুত্তং, ‘‘নত্থি সঙ্খারো অস্সাতি অসঙ্খারং. তদেৰ অসঙ্খারিকং. সহ সঙ্খারেন ৰত্ততীতি সসঙ্খারং. সসঙ্খারমেৰ ¶ সসঙ্খারিকন্তি চ. সো যস্স নত্থি. তং অসঙ্খারং. তদেৰ অসঙ্খারিকং. সঙ্খারেন সহিতং সসঙ্খারি কন্তি চ’’. সব্বমেতং ন যুজ্জতিযেৰ.

সঙ্খরোতি চিত্তং তিক্খভাৰসঙ্খাতমণ্ডনৰিসেসেন সজ্জেতি. সঙ্খরীযতিৰা তং এতেন যথাৰুত্তনযেন সজ্জীযতীতি সঙ্খারোতি ৰুত্তং. তংপি ন সুন্দরং.

এৰঞ্হি সতি সসঙ্খারিকপি চিত্তং তিক্খংনাম সিযাতি.

‘‘সো পন অত্তনো পুব্বভাগপ্পৰত্তে চিত্তসন্তানেচেৰ পরসন্তানেচ পৰত্ততীতি তং নিব্বত্তিতো চিত্তস্স তিক্খভাৰ সঙ্খাতো ৰিসেসোৰ ইধ সঙ্খারোতি’’ ৰুত্তং. তংপি অসঙ্খারিক সসঙ্খারিকপদানং ৰচনত্থেসু ৰিরজ্ঝিত্ৰা তদনু রূপস্স সঙ্খারস্স পরিকপ্পনাৰসেন ৰুত্তত্তা নযুত্তমেৰ.

পুব্বপ্পযোগসম্ভূতো, ৰিসেসো চিত্তসম্ভপী;

সঙ্খারো তং ৰসেনেত্থ, হোত্যাসঙ্খারিকাদিতাতি.

সাধকগাথাপি পটিক্খিত্তা হোতীতি.

‘‘অথৰা, সসঙ্খারিকং অসঙ্খারিকন্তি চে তং কেৰলংসঙ্খারস্স ভাৰাভাৰং সন্ধায ৰুত্তং. নতস্স সহপৰত্তিসব্ভা ৰা ভাৰতোতি. ভিন্নসন্তানপ্পৰত্তিনোপি সঙ্খারস্স ইধমত্থিতায তং ৰসেন নিব্বত্তং চিত্তং সঙ্খারো অস্স অত্থীতি সসঙ্খারিকং. সলোমকো সপক্খকোত্যাদীসুৰিয সহ সদ্দস্স ৰিজ্জমানত্থপরিদীপনতো. তব্বিপরীতম্পন তদভাৰতো ৰুত্তনযেন অসঙ্খারিক’’ন্তি ৰুত্তং. তংপি পাল়িঅট্ঠকথাসিদ্ধং ¶ উজুং ৰিসদং অত্থং মুঞ্চিত্ৰা অত্তনো পরিকপ্পনা ৰসেন ৰুত্তত্তা ন গহেতব্বমেৰ.

এত্থচ অত্তনো ইচ্ছায ৰিনা পরেসং আণত্তিযাৰা অজ্ঝে সনাযৰা যাচনাযৰা পৰত্তিতং চিত্তং পযোগসমুট্ঠিতং নাম. তথা অত্তনো ইচ্ছায ৰিনা পরেসং ভযেনৰা লজ্জাযৰা গারৰেনৰা কথিকাযৰা দণ্ডভযেনৰা পৰত্তিতং উপাযসমুট্ঠিতং নাম. সযমেৰৰা অত্তনো লীনং চিত্তং ঞত্ৰা তেন তেন উপাযেন অত্তানং ওৰদিত্ৰাৰা তং তং উপাযং অনুস্সরিত্ৰাৰা পৰত্তিতং চিত্তং উপাযসমুট্ঠিতং নাম. ইদঞ্চ নযদস্সনমেৰাতি. দিট্ঠিগতেন ৰিপ্পযুত্তং দিট্ঠিগতৰিপ্পযুত্তং. উদাসিনভাৰেন পেক্খতি অনুভৰনাকারেন আরম্মণং পস্সতীতি উপেক্খা. উপপত্তিতো যুত্তিতো ইক্খতি পস্সতীতিৰা উপেক্খা. যথাহি সোমনস্স দোমনস্সানি আরম্মণং অধিমত্ততো পস্সন্তি. যতো সোমনস্সিতো পুগ্গলো তেন আরম্মণেন ৰিযোগে ৰিকারপত্তো হোতি. দোমনস্সিতোচ তেন আরম্মণেন সংযোগে ৰিকারপত্তো হোতি. ন তথা অযং, অযং পন যুত্তিতোৰ পস্সতি ন আরম্মণসংযোগ ৰিযোগহেতু পুগ্গলং ৰিকারং পাপেতীতি. কেচিপন উপপত্তিতো যুত্তিতো ইক্খতীতি ইদং ইধ নসম্ভৰতি. ন হি অকুসলং যুত্তরূপং নাম হোতীতি ৰদন্তি. উপেক্খায সহগতন্তি সমাসো.

২৩. এত্থচ কিঞ্চাপি ফস্সাদযো ৰিতক্কাদযো মোহাদযোচ ধম্মা ইমিনা সকলেন অট্ঠৰিধেন চিত্তেন সহ গতা সম্পযুত্তাচ হোন্তি, ন পন তে ৰেদনাৰিয সযংপি ভেদৰন্তা হোন্তি. নচ দিট্ঠিসঙ্খারানং ৰিযতেসং ইমস্মিং চিত্তে কত্থচি হোন্তি কত্থচিনহোন্তীতি অযং ৰিকপ্পো অত্থি. তস্মাতে ইমস্সচিত্তস্স ভেদকরা নহোন্তীতি ইধ নগহিতাতি দট্ঠব্বা. লোভোপন অঞ্ঞেহি ইমস্স অট্ঠৰিধস্স ভেদকরো হোতি. ৰেদনাদিট্ঠি সঙ্খারাচ ইমস্স অঞ্ঞমঞ্ঞস্স ভেদকরা হোন্তীতি তেএৰ ইধ গহিতাতি দট্ঠব্বা. ননু পীতি মান থিনমিদ্ধানিপি ভেদকরানি হোন্তীতি তানিপি ইধ সপীতিকং অপীতিকন্তি মানসম্পযুত্তং মানৰিপ্পযুত্তন্তি ¶ থিনমিদ্ধসম্পযুত্তং থিনমিদ্ধৰিপ্পযুত্তন্তি চ গহেতব্বা নীতি. ন. তেসু হি সোমনস্সে গহিতে পীতি গহিতাৰ হোতি. ইতরানিচ তীণি অনিযতযোগীনিচ হোন্তি, যেৰাপন কানিচাতি নগহিতানীতি.

ফস্সাদিৰিতক্কাদিমোহাদিধম্মা ইতো অঞ্ঞেহিপি চিত্তে হি যুত্তা হোন্তীতি নতে অঞ্ঞেহি ইমস্স ৰিসেসং করোন্তি. তস্মা তে ইধ ন গহিতাতি ইমিনা অধিপ্পাযেন যং ৰুত্তং ‘‘কস্মা পনেত্থ অঞ্ঞেসুপি ফস্সাদীসু সম্পযুত্তধম্মেসু ৰিজ্জমানেসু সোমনস্সসহগতাদিভাৰোৰ ৰুত্তোতি. সোমনস্সাদীনমেৰ অসাধারণ ভাৰতোতি. ফস্সাদযোহি কেচি সব্বচিত্ত সাধারণা কেচি কুসলাদি সাধারণা. মোহাদযোচ সব্বা কুসলসাধারণাতি ন তেহি সক্কা চিত্তং ৰিসেসেতু’’ন্তি. তং ৰিচারেতব্বং.

এৰঞ্হি সতি সোমনস্সুপেক্খা সঙ্খারাপি অঞ্ঞেসু দিস্সন্তীতি তেপি অঞ্ঞেহি ইমস্স ৰিসেসং নকরোন্তি. তস্মা তেপি ইধ নগহেতব্বা সিযুন্তি.

২৪. এত্থচ সোমনস্সপ্পটিসন্ধিকতা, অগম্ভীরপ্পকতিতা, ইট্ঠারম্মণসমাযোগো, ব্যসনমুত্তিচ সোমনস্সস্স কারণং. সোমনস্সপ্পটিসন্ধিকোহি সদা ভৰঙ্গসোমনস্সেন পরিভাৰিত সন্তানো হোতীতি তস্স চিত্তং উপ্পজ্জমানং যেভুয্যেন সোমনস্সসহগতং উপ্পজ্জতীতি. অগম্ভীরপ্পকতিকোচ হীনজ্ঝাসযো অপ্পকংপি মহন্তং মঞ্ঞতি. হীনংপি পণীতং মঞ্ঞতি. তস্মা তস্সপি চিত্তং উপ্পজ্জমানং যেভুয্যেন সোমনস্সসহগতং হোতীতি. ইট্ঠারম্মণসমাযোগোতি অত্তনা ইচ্ছিতেন হীনেনৰা পণীতেনৰা আরম্মণেন সমাযোগো. ব্যসনমুত্তীতি ঞাতিব্যসনাদিতো মুত্তি. উপেক্খাপটিসন্ধিকতা, গম্ভীরপ্পকতিতা, মজ্ঝত্তারম্মণসমাযোগো, ¶ ব্যসনমুত্তিচ উপেক্খায কারণং. এত্থচ গম্ভীরপ্পকভিতানাম মহজ্ঝাসযতা. তাদিসো হি পুগ্গলো মহন্তংপি অপ্পকং মঞ্ঞতি, পণীতংপি হীনং মঞ্ঞতীতি. দিট্ঠজ্ঝাসযতা, দিট্ঠিৰিপন্নপুগ্গলসেৰনা, সদ্ধম্মৰিমুখতা, মিচ্ছাৰিতক্কবহুলতা, অযোনিসো উম্মুজ্জনঞ্চ দিট্ঠিযা কারণং. তত্থ দিট্ঠজ্ঝাসযতাতি কাণারিট্ঠস্সৰিয সুনক্খত্তস্সৰিযচ পুরিমভৰে দিট্ঠি গতিকভাৰেন আগতত্তা ইমস্মিং ভৰেপি সস্সতুচ্ছেদাসয ভাৰো. সদ্ধম্মৰিমুখতাতি চিরংপি কালং সদ্ধম্মেন ৰিনা আগততা. মিচ্ছাৰিতক্কবহুলতাতি অত্তনো অৰিসযেসু সব্বঞ্ঞুৰিসযেসু ঠানেসু অত্তনো পমাণং অজানিত্ৰা চিন্তাপসুতৰসেন মিচ্ছাৰিতক্কবহুলভাৰো. অযোনিসো উম্মুজ্জনন্তি অত্তনাদিট্ঠকারণমেৰ সারতো সচ্চতো উম্মুজ্জনং. তব্বিপরীতেন দিট্ঠিৰিপ্পযুত্তকারণং ৰেদিতব্বং. অসঙ্খারিককম্মজনিতপ্পটিসন্ধি কতা, কল্লকায চিত্ততা, খন্তি বহুলতা, পুরিসকারেসু দিট্ঠানিসংসতা, কম্মপ্পসুততা, উতুভোজনাদি সপ্পায লাভোতি ইদং অসঙ্খারিককারণং. তত্থ খন্তিবহুলতাতি সীতুণ্হাদীনং খমনবহুলতা. পুরিসকারেসূতি পুরিসেহি কত্তব্বেসু কম্মেসু. কম্মপ্পসুতভাতি কম্মেসু চিণ্ণৰসিতা. তব্বিপরী তেন সসঙ্খারিককারণং ৰেদিতব্বং. ইমেসংপন চিত্তানং উপ্পত্তি ৰিধানং ৰিসুদ্ধিমগ্গে গহেতব্বং. অট্ঠপীতি পিসদ্দেন নেসং লব্ভমানকম্মপথভেদতো কাল সন্তানা রম্মণাদি ভেদতোচ অনেকৰিধত্তং সম্পিণ্ডেতীতি.

লোভমূলচিত্তস্স পরমত্থদিপনা নিট্ঠিতা.

২৫. দোসমূলচিত্তে দুট্ঠুমনোভি দুম্মনো. ৰিরূপং চিত্তং. দুট্ঠুমনো এতস্সাতিৰা দুম্মনো. ৰিরূপচিত্তসমঙ্গীপুগ্গলো. দুম্মনস্স ভাৰো দোমনস্সং. মানসিকদুক্খৰেদনাযেতং অধিৰচনং. সা হি অত্তনা সহগতে চিত্তেৰা তং সমঙ্গীপুগ্গলেৰা দুম্মনা ভিধানস্সৰা অযং সো দুম্মনোতি দুম্মনবুদ্ধিযাৰা পৰত্তিনিমিত্তং হোতীতি. সেসং হেট্ঠা ৰুত্তনযমেৰ. দোমনস্সেন সহ গতন্তি সমাসো. পটিহঞ্ঞতীতি পটিঘো. দোসো. সোহি উপ্পজ্জমানো ¶ সম্পযুত্তধম্মেপি পটিহনতি. লূখে সন্তত্তে করোতি. অত্তনো ৰত্থুম্পি পটিহনতি. হদযপ্পদেসং দহতি. তং পুগ্গলং দুম্মুখং করোতি, অত্তনো আরম্মণংপি পটিহনতি. তং বাধয মানো গণ্হাতি. তস্মা পটিঘোতি ৰুচ্চতীতি.

২৬. এত্থ সিযা. সঙ্খারো তাৰ ইমস্স চিত্তস্স ভেদ করোতি তস্স ইধ গহণং যুত্তং. ৰেদনা পটিঘাপন ভেদকরা ন হোন্তীতি তে ইধ ন গহেতব্বাতি. ৰুচ্চতে, দোমনস্সগ্গহণং তাৰ ইমস্স চিত্তস্স কদাচি অঞ্ঞৰেদনাযোগতা পসঙ্গনিৰত্তনত্থন্তি. যদাহি রাজানো হসমানাযেৰ চোরৰধং পেসেন্তি. যদাচ জনা অত্তনো ৰেরীনং মরণে তুট্ঠিং পৰেদেন্তি. মরণং অভিনন্দন্তি. যদাচ বালজনা হসমানাৰ মিগপক্খিনো মারেন্তি. তদা ইদং নুখো সোমনস্সেন যুত্তন্তি অত্থেৰ পসঙ্গো. উপেক্খাযোগেপন ৰত্তব্বমেৰ নত্থি. তপ্পসঙ্গনিৰত্তনত্থং দোমনস্সগ্গহণন্তি. পটিঘগ্গহণংপি অঞ্ঞধম্মসম্পযুত্ততা পসঙ্গনিৰত্তনত্থং. তথাহি যে নত্থিকাহেতুকা কিরিযমিচ্ছা দিট্ঠিকা পাণৰধে অপুঞ্ঞংনাম নত্থীতি গণ্হন্তি. যেচ মনুস্সপাণ ৰধেএৰ অপুঞ্ঞং হোতি, তিরচ্ছানগতপাণৰধে অপুঞ্ঞং নত্থীতি গণ্হন্তি. যেচ পাণৰধং কত্ৰা যঞ্ঞং যজন্তানং মহন্তং পুঞ্ঞং হোতি, দিব্বসংৰত্তনিকন্তি গণ্হন্তি. তে সক্কাযদিট্ঠিযা ৰিস্সট্ঠা পাণৰধং সযংৰা করোন্তি. অঞ্ঞেৰা পেসেন্তি. তদা ইদং দিট্ঠিযাপি সম্পযুত্তং সিযাতি পসঙ্গো হোতিযেৰ. যেপন সম্মাদিট্ঠিকেসু বালা অব্যত্তা, তে কদাচি তেসং মিচ্ছাদিট্ঠিকানং লদ্ধিং গহেত্ৰা পাণং ৰধন্তা আদিতো ৰেমতিকজাতাৰ হোন্তি. তদাতেসং ইদং ৰিচিকিচ্ছাযপি যুত্তং সিযাতি পসঙ্গো হোতি. তপ্পসঙ্গ নিৰত্তনত্থং পটিঘগ্গহণন্তি. ইতরথা পুরিম চিত্তস্স লোভসহগতভাৰোৰিয ইমস্স পটিঘসম্পযুত্তভাৰো চূল়নিগমেনেৰ সিদ্ধোতি তেসং গহণং নিরত্থকং সিযাতি. এত্থচ ইস্সামচ্ছরিযকুক্কুচ্চানং থিনমিদ্ধস্সচ অগ্গহণং পুরিমচিত্তে মানথিনমিদ্ধনযেন ৰেদিতব্বং. অযমেত্থ পরমত্থদীপনা.

[২৮] ৰিভাৰনিযং পন মহাটীকাযঞ্চ

‘‘অসাধারণ ¶ ধম্মৰসেন চিত্তস্স উপলক্খণত্থং দোমনস্সগ্গহণ’’ন্তি ৰুত্তং. তত্থ অসাধারণধম্মৰসেনাতি ইদং তাৰ নযুজ্জতি.

[২৯] সতিপি ইমস্স সোমনস্সুপেক্খাসহগতভাৰে অনঞ্ঞসাধারণেনেৰ দোমনস্সেন ইমস্স উপলক্খণত্থন্তি অত্থস্স আপজ্জনতো. যথাতং সতিপি পুরিমস্স ইমস্সচ চিত্তস্স মোহসহগতভাৰে অনঞ্ঞসাধারণেনেৰ লোভেন পটিঘেনচ উপলক্খণত্থং লোভসহগতপটিঘ সম্পযুত্তগ্গহণন্তি. উপলক্খণত্থন্তি চ ন ৰত্তব্বং.

এৰঞ্হি সতি পাকটেন দোমনস্সেন অপাকটানং অঞ্ঞৰেদনা নংপি ইধ লদ্ধভাৰং উপলক্খেতীতি আপজ্জতি. যথা লদ্ধাতপত্তো রাজকুমারোতি.

‘‘পটিঘসম্পযুত্তভাৰোপন উভিন্নং একন্ত সহচারিতা দস্সনত্থং ৰুত্তো’’তি ৰুত্তং. তংপি ন সুন্দরং.

ইমস্স চূল়নিগমেনেৰ তদত্থসিদ্ধিতোতি.

২৭. এত্থচ দোসজ্ঝাসযতা, অগম্ভীরপ্পকতিতা, অপ্পস্সুকতা, আঘাতৰত্থুসমাযোগোৰা, অনিট্ঠারম্মণসমাযো গোৰা দোমনস্সস্স পটিঘস্সচ কারণং. তত্থ দোস বহুল ভাৰতো আগতৰসেন দোসজ্ঝাসযতা দট্ঠব্বা. অগম্ভীরপ্পকতিতা হীনজ্ঝাসযতা. অপ্পস্সুতস্সচ অনিট্ঠ লোক ধম্মেহিফুট্ঠস্স তংকুতেত্থলব্ভাতি পচ্চৰেক্খনা নত্থীতি. ইমেসম্পি দ্ৰিন্নং উপ্পত্তিৰিধানং ৰিসুদ্ধিমগ্গে গহেতব্বং. পিসদ্দস্স অত্থোপি ৰুত্তনযোএৰাতি.

দোসমূলচিত্তস্স পরমত্থদিপনা নিট্ঠিতা.

২৮. মোহমূলচিত্তে ৰিচিকিচ্ছুদ্ধচ্চানং পদত্থো উপরি আগমিস্সতি. যস্মাপন ইদং চিত্তং মূলন্তরৰিরহেন লদ্ধোকাসেন সুট্ঠুবলৰন্তেন মোহেনচেৰ সংসপ্পমানৰিক্খিপমানেহি ৰিচিকিচ্ছুদ্ধচ্চেহি ¶ চ যুত্তং হোতি. তস্মা ইধ ৰেদনাপি আরম্মণং অধিমত্ততো অনুভৰিতুং ন সক্কোতীতি উপেক্খাৰেদনাৰ যুত্তা হোতি. এৰং সন্তেপি ইদং চিত্তং সোমনস্স দোমনস্স সহগতানংপি অনন্তরে উপ্পজ্জতি. তস্মা তদুভযৰেদনাহিপি ইদং যুত্তং সিযাতি পসঙ্গো হোতীতি তপ্পসঙ্গনিৰত্তনত্থং ইধ উপেক্খাগহণং কতং. অনঞ্ঞচিত্তসাধারণেন ধম্মেন চিত্তস্স নিযমনত্থং ৰিচিকিচ্ছাগহণং. উদ্ধচ্চং পন সব্বাকুসলেসু যুত্তংপি ইধ লদ্ধোকাসং হুত্ৰা সুট্ঠু বলৰং হোতীতি দস্সনত্থং ইধেৰ গহিতন্তি দট্ঠব্বং. তেনেৰহি ধম্মসঙ্গণিযং ধম্মুদ্দেসৰারে উদ্ধচ্চং অঞ্ঞেসু পাপচিত্তেসু সরূপতো অনুদ্ধরিত্ৰা যেৰাপনকভাৰেনেৰ ৰুত্তং. ইমস্মিং অন্তিমচিত্তেএৰ সরূপতো উদ্ধটন্তি দট্ঠব্বং. যস্মাচ ইদংচিত্তদ্ৰযং সত্তানং পকতিসভাৰভূতন্তি পযোগেন ৰা উপাযেন ৰা কেনচি উপ্পাদেতব্বং নাম নত্থি. সব্বকালম্পি ভৰঙ্গচিত্তংৰিয অনোসক্কমানং অসংসীদমানং অকিচ্ছেন অকসিরেন পৰত্ততি. তস্মা একন্তেন অসঙ্খারিকমেৰ হোতীতি কত্ৰা ইধ সঙ্খারভেদো ন গহিতোতি দট্ঠব্বং. তেনেৰচ পাল়িযংপি পুরিমচিত্তেসুৰিয ইধ সসঙ্খারেনাতি দুতীযচিত্তৰারো নৰুত্তোতি. অযমেত্থ পরমত্থদীপনা.

ইমানি দ্ৰে চিত্তানি অতিসম্মুল়্হতায অতিচঞ্চলতায চ সব্বত্থপি রজ্জনদুস্সনরহিতানি হোন্তি. তস্মা উপেক্খা সহগতানেৰ পৰত্তন্তীতি ৰুত্তং. তং ন সুন্দরং.

রজ্জন সহিতানংপি লোভমূল চিত্তানং উপেক্খা যোগস্স দিট্ঠত্তাতি.

‘‘ততোযেৰচ সভাৰতিক্খতায উস্সাহেতব্বতাযচ অভাৰতো সঙ্খারভেদোপি নেসং নত্থী’’তি ৰুত্তং. তত্থ সভাৰতিক্খতায অভাৰতোতি ইমিনা ইমস্স অসঙ্খারিকভাৰং পটিক্খিপতি. উস্সাহেতব্বতায অভাৰতোতি ইমিনা সসঙ্খারিকভাৰং পটিক্খিপতি. তদুভযে পন ¶ ইদং চিত্তদ্ৰযং সব্বসো সঙ্খারৰিমুত্তং হোতীতি দস্সেতি. তং অট্ঠকথাযপি তাৰ ন সমেতি.

পটিচ্চসমুপ্পাদৰিভঙ্গঅট্ঠকথাযঞ্হি সঙ্খারভেদেন অৰিজ্জায দুৰিধভাৰোৰ ৰুত্তো. যদিচ ইদংদ্ৰযং সঙ্খারমুত্তং সিযা. এৰং সতি ইধ মোহোপি সঙ্খারমুত্তো সিযা. সোচ অৰিজ্জাযেৰাতি তিৰিধভাৰোৰ অৰিজ্জায তত্থ ৰত্তব্বো. নচ ৰুত্তোতি. এৰং তাৰ অট্ঠকথায নসমেতি.

[৩৩] যস্মাচ ইধ তিক্খভাৰোনাম ৰিনা সঙ্খারেন কেৰলং পকতি পচ্চয গণ ৰসেনেৰ পৰত্তনসমত্থতা ৰুচ্চতি. ইদঞ্চ চিত্তং তথেৰ পৰত্ততি. তস্মা ইদং সভাৰতিক্খং ন হোতীতি ন সক্কা ৰত্তুন্তি.

লদ্ধোকাসেন মোহেন সুট্ঠু মুয্হন্তীতি মোহমূহানীতি ৰত্তব্বে নিরুত্তনযেন মোমূহানীতি ৰুত্তং.

২৯. ইচ্চেৰন্তিআদি মহানিগমনং. তত্থ ইচ্চেৰন্তি ইতি এৰং. নিপাতসমুদাযো হেস. পচ্ছিমোৰা এৰং সদ্দো পুরিমস্স ইতিসদ্দস্স অত্থৰচনো. ইচ্চেৰন্তিৰা ৰিসুং একো নিপাতো. সব্বথাপি ইমিনা সোমনস্সসহগতন্তিআদিনা ৰুত্তপ্পকারে নাতি অত্থো দট্ঠব্বো. ইদঞ্চ দ্ৰাদসাতি এত্থ ৰিসেসনং ৰেদিতব্বং. সব্বথাপীতি ধম্মসঙ্গণীযং ৰুত্তেন পকারেনাপি দ্ৰাদসেৰ. ৰিভঙ্গে ৰিভত্তেন পকারেনাপি দ্ৰাদসেৰ. ধাতুকথাদীসু ৰুত্তেন পকারেনাপি দ্ৰাদসেৰ. তেসু তেসু সুত্তন্তেসু ৰুত্তেন পকারেনাপি দ্ৰাদসেৰ. কালদেস সন্তানাদি ভেদভিন্নেন পকারেনাপি দ্ৰাদসেৰ. কথং দ্ৰাদসেৰাতি. ইচ্চেৰং দ্ৰাদসেৰাতি যোজেতব্বং.

হেট্ঠা ৰুত্তো সম্পযোগাদি আকারোৰ ৰিভাৰিতো. সোপন ইচ্চেৰন্তি ইমিনাৰ সিদ্ধোতি.

অকুসলচিত্তানীতি কুসলপটিৰিরুদ্ধসভাৰত্তা এৰং লদ্ধনা মানি চিত্তানি. এত্থচ একন্তেন সদ্ধাদযোএৰ কুসলানাম. মোহাদযোএৰ অকুসলা নাম. চিত্তংপন ফস্সাদযো ৰিয অঞ্ঞসমানমেৰ ¶ হোতি, ন হি আরম্মণ ৰিজাননংৰা একন্তেন মুয্হনাদিৰিয সাৰজ্জংৰা হোতি. সদ্দহনাদিৰিয অনৰজ্জংৰাতি. তংপন অকুসলেহি যুত্তং অকুসলন্তি ৰুচ্চতি. কুসলেহি যুত্তং কুসলন্তি. সদ্ধাদীনংপন মোহাদীনঞ্চ পটিৰিরুদ্ধভাৰো যথাক্কমং পহাযকপহাতব্বভাৰেন ৰেদিতব্বো. অকুসলধম্মাহি দুব্বলা হোন্তি. সুৰণ্ণপ্পটিরূপকাৰিয ফেগ্গুভূতা অভাৰনারহা পুনপ্পুনং আসেৰীযমানাপি চঞ্চলন্তিযেৰ ৰিক্কিরন্তিযেৰ. নিযামং ওক্কমন্তাপি একস্মিংভৰে এৰ অপাযভাগিতায ওক্কমন্তি. নপন কুসলমূলানি সব্বসো পচ্ছিন্দিত্ৰা সত্তে ৰট্টসোতনিযতে কাতুং সক্কোন্তি. কুসলধম্মাপন বলৰন্তা হোন্তি. জাতিসুৰণ্ণাৰিয সারভূতা ভাৰনারহা পুনপ্পুনং আসেৰীযমানা থিরতরপত্তা লোকিযেসু যাৰ ইদ্ধিৰিধানা লোকুত্তরেসুচ যাৰ অরহত্তমগ্গা ৰুদ্ধিৰিরুল়্হীধম্মা হোন্তি. নিযামং ওক্কমন্তা অপাযসোতংৰা ৰট্টসো তংৰা সব্বসো সমুচ্ছিন্দিত্ৰা অনুপাদিসেসনিব্বানভাগিতায ওক্কমন্তি. তস্মা কুসল ধম্মাএৰ পহাযকানাম. ইতরেপন পহাতব্বাএৰ নামাতি ৰেদিতব্বা. অপিচ কুসলধম্মানাম অন্তমসো আলোপভিক্খা দানমত্তাপি লোকেভেসজ্জৰিধানানিৰিযঅকুসলপ্পহানায এৰ পণ্ডিতেহিপঞ্ঞপীযন্তি করীযন্তি চ, তস্মা তেএৰ পহাযকা. অকুসলধম্মাপন লোকে নানারোগজাতিযোৰিয সকললোকস্স পকতিসভাৰভূতাএৰ হোন্তীতি তে পহাতব্বাএৰাতি. সমন্ততো অনৰসেসতো আদিযিংসু গণ্হিযিংসূতি সমত্তানি. অপিচ সমত্তানীতি নিট্ঠিতানি পরিপুণ্ণানিৰা. অট্ঠধাতিআদিসঙ্গহগাথা. লোভোমূলং এতেসন্তি সমাসো. দ্ৰাদসা কুসলা সিযুন্তি এত্থ সিযুন্তি নিপাতপদং ইধ দট্ঠব্বং. অকুসল চিত্তানি দ্ৰাদস ভৰন্তীতি অত্থো.

ইতি পরমত্থদীপনিযানাম অভিধম্মত্থসঙ্গহস্স

৩১. এৰং ¶ সব্বনিহীনং অকুসলং সঙ্গহেত্ৰা ইদানি অহেতুকং সঙ্গণ্হন্তো তত্থচ সব্বনিহীনং অকুসলৰিপাকং তাৰ দস্সেতুং উপেক্খাসহগতন্তিআদিমাহ.

তং অকুসল ৰিপাকত্তাযেৰ অকুসলানন্তরং পথমং দস্সিতন্তি অধিপ্পাযেন যং ৰুত্তং ‘‘তেসং অকুসলৰিপাকা দিৰসেন তিৰিধভাৰেপি অকুসলানন্তরং অকুসলৰিপাকেযেৰ ৰিভজিতু’’ন্তি. তং ন সুন্দরং.

এৰঞ্হি সতি কুসলৰিপাকানিপি কুসলা নন্তরেএৰ ৰত্তব্বানি সিযুন্তি.

৩১. চক্খুসোতাদীনং পদত্থো উপরি আগমিস্সতি. ৰিজানাতীতি ৰিঞ্ঞাণং. যথাহ-ৰিজানাতি ৰিজানাতীতি খো ভিক্খৰে তস্মাৰিঞ্ঞাণন্তি ৰুচ্চতীতি. চক্খুং নিস্সিতং ৰিঞ্ঞাণং চক্খুৰিঞ্ঞাণং. চক্খুনাৰা পচ্চযভূতেন জনিতং ৰিঞ্ঞাণং চক্খুৰিঞ্ঞাণং. কম্মেনৰা চক্খুস্স উপনীতং ৰিঞ্ঞাণং চক্খুৰিঞ্ঞাণং. চক্খুতোৰা জাতং ৰিঞ্ঞাণং চক্খুৰিঞ্ঞাণং. চক্খুস্সৰা ইন্দ্রিযভাৰেন সামি ভূতস্স ৰিঞ্ঞাণং চক্খুৰিঞ্ঞাণং. চক্খুস্মিংৰা উপ্পন্নংৰিঞ্ঞাণং চক্খুৰিঞ্ঞাণং. এসনযো সোতৰিঞ্ঞাণাদীসুপি. পাল়িযংপন মহা তণ্হাসঙ্খযসুত্তে –

সেয্যথাপি ভিক্খৰে কট্ঠঞ্চ পটিচ্চ অগ্গি জলতি. কট্ঠগ্গীত্ৰেৰ সঙ্খ্যং গচ্ছতি. সকলিকঞ্চ পটিচ্চ অগ্গি জলতি. সকলি কগ্গীত্ৰেৰ সঙ্খ্যং গচ্ছতি. তিণঞ্চ পটিচ্চ অগ্গি জলতি. তিণগ্গী ত্ৰেৰ সঙ্খ্যং গচ্ছতি. গোমযঞ্চ পটিচ্চ অগ্গি জলতি. গোমযগ্গীত্ৰেৰ সঙ্খ্যং গচ্ছতি. থুসঞ্চ পটিচ্চ অগ্গি জলতি. থুসগ্গীত্ৰেৰ সঙ্খ্যং গচ্ছতি. সঙ্কারঞ্চ পটিচ্চ অগ্গি জলতি. সঙ্কারগ্গীত্ৰেৰ সঙ্খ্যং গচ্ছতি. এৰমেৰখো ভিক্খৰে চক্খুঞ্চ পটিচ্চ রূপেচ উপ্পজ্জতি ৰিঞ্ঞাণং. চক্খুৰিঞ্ঞাণন্তেৰ সঙ্খ্যং গচ্ছতি. সোতঞ্চ পটিচ্চ সদ্দে চ উপ্পজ্জতি ৰিঞ্ঞাণং. সোতৰিঞ্ঞাণন্তেৰ সঙ্খ্যং গচ্ছতি. ঘানঞ্চ পটিচ্চ গন্ধেচ উপ্পজ্জতি ৰিঞ্ঞাণং. ¶ ঘানৰিঞ্ঞাণন্তেৰ সঙ্খ্যং গচ্ছতি. জিৰ্হঞ্চ পটিচ্চ রসেচ উপ্পজ্জতি ৰিঞ্ঞাণং. জিৰ্হাৰিঞ্ঞাণন্তেৰ সঙ্খ্যং গচ্ছতি. কাযঞ্চ পটিচ্চ ফোট্ঠব্বেচ উপ্পজ্জতি ৰিঞ্ঞাণং. কাযৰিঞ্ঞাণন্তেৰ সঙ্খ্যং গচ্ছতি. মনঞ্চ পটিচ্চ ধম্মেচ উপ্পজ্জতি ৰিঞ্ঞাণং. মনো ৰিঞ্ঞাণন্তেৰ সঙ্খ্যং গচ্ছতীতি ৰুত্তং.

তথাতি ইমিনা উপেক্খাসহগতন্তি পদং আকড্ঢতি. দুক্খযতীতি দুক্খং. সম্পযুত্তধম্মে তং সমঙ্গিপুগ্গলংৰা বাধতি হিংসতীতি অত্থো. দুট্ঠুৰা খনতি কাযিকসুখন্তি দুক্খং. দুক্করেনৰা খমিতব্বন্তি দুক্খং. দুক্করং ওকাসদানং এতস্সাতিৰা দুক্খং. কাযিকদুক্খৰেদনাযেৰ নামং. সুট্ঠু পটিমুখঞ্চ ইচ্ছতীতি সম্পটিচ্ছনং. সুট্ঠূতি অমুঞ্চমানং. পটিমুখন্তি অনঞ্ঞাপেক্খং. ইচ্ছতীতি কামেতি অভিনন্দতি পটিগ্গণ্হতি. তেনেৰহি ভাসিতং অভিনন্দুন্তি এত্থ সম্পটিচ্ছিং সূতি ৰণ্ণযিংসু. সুট্ঠু তীরেতি তুলেতি ৰিচারেতীতি সন্তীরণং. টীকাযং তীরেতি নিট্ঠাপেতীতি ৰুত্তং. ৰিভাৰনিযং তীরেতি ৰীমংসতীতি ৰুত্তং.

৩২. এত্থচ চক্খুস্স অসম্ভিন্নতা, আলোক সন্নিস্সযপ্পটিলাভো, রূপানং আপাতাগমনং, মনসিকারোতি চত্তারো পচ্চযা চক্খুৰিঞ্ঞাণস্স উপ্পত্তিকারণানি. সোতস্স অসম্ভিন্নতা আকাসসন্নিস্সযপ্পটিলাভো, সদ্দানং আপাতাগমনং মনসিকারোতি সোতৰিঞ্ঞাণস্স. ঘানস্স অসম্ভিন্নতা, ৰাসুসন্নিস্সযপ্পটিলাভো, গন্ধানং আপাতাগমনং মনসিকারোতি ঘানৰিঞ্ঞাণস্স. জিৰ্হায অসম্ভিন্নতা আপোসন্নিস্সযপ্পটিলাভো. রসানং আপাতাগমনং, মনসিকারোতি জিৰ্হাৰিঞ্ঞাণস্স. কাযস্স অসম্ভিন্নতা, পথৰিসন্নিস্সযপ্পটিলাভো, তিণ্ণং ফোট্ঠব্বানং অঞ্ঞতরস্স আপাতাগমনং, মনসিকারোতি কাযৰিঞ্ঞাণস্সাতি. এত্থচ আলোক আকাসাদীনং সন্নিস্সযানং গহণং তেহি ৰিনা রূপাদীনং পসাদেসু আপাতাগমনস্সেৰ অভাৰতোতি দট্ঠব্বং, ন হি আলোকে সতি রূপানি সন্নিহিতানিপি চক্খুম্হি আপাতমাগচ্ছন্তি. এসনযো সেসেসুপীতি. যংপন অট্ঠকথাযং -

চক্খুস্মিংপন ¶ অসম্ভিন্নেপি বহিদ্ধারূপারম্মণে আপাতং অনা গচ্ছন্তে চক্খুৰিঞ্ঞাণং নুপ্পজ্জতি. তস্মিং পন আপাতং আগচ্ছন্তেপি আলোকসন্নিস্সযে অসতি নুপ্পজ্জতীতি ৰুত্তং.

তং ৰিনা আলোকেন ৰিঞ্ঞাণুপ্পত্তিযা অভাৰদস্সনপরং. নপন আপাকাগমনংনাম আলোকে অসতিপি সম্ভৰতীতি দস্সনপরন্তি দট্ঠব্বং. ইতরথা রত্তন্ধকারেপি রূপানি চক্খুম্হি আপাতং আগচ্ছন্তীতি আপজ্জতীতি. অকুসলস্স ৰিপাকানি অকুসল ৰিপাকানি.

৩৩. এত্থা কেনট্ঠেন ৰিপাকংনামাতি. ৰিপচ্চনট্ঠেন. কিঞ্চ ৰিপচ্চনন্তি. যথা লোকে অম্বফলাদীনং তরুণভাৰং অতিক্কম্ম পরিণতভাৰপ্পত্তিৰিপচ্চনন্তি ৰুচ্চতি. এৰমেৰং ইধপি ৰিপচ্চনং ৰেদিতব্বন্তি. অযঞ্চ অত্থো চতূহি সমঙ্গীতাহি দীপেতব্বো. চতস্সোহি সমঙ্গীতানাম চেতনাসমঙ্গিতা, কম্মসমঙ্গিতা, উপট্ঠানসমঙ্গিতা, ৰিপাকসমঙ্গিতাতি. তত্থ পুব্বে তং তং কম্মাযূহনকালেযা কুসলাকুসলচেতনায খণত্তযসমঙ্গিতা. অযং চেতনাসমঙ্গীতানাম. সাপন চেতনা নিরুজ্ঝমানা সব্বসো অভাৰং পত্ৰা ননিরুজ্ঝতি. আযতিংপন ৰিপাকপাতুভাৰায অত্তনো সব্বাকারপরিপূরং ক্রিযাৰিসেসং তস্মিং চিত্তসন্তানে নিদহিত্ৰাৰ নিরুজ্ঝতি. সোচ ক্রিযাৰিসেসো যাৰ ওকাসং নলভতি. তাৰ কপ্পসংতসহস্সংপি তংসন্তানং অনুগতোযেৰ হোতি. যং সন্ধায ধম্মপদে –

ন হি পাপং কতং কম্মং, সজ্জুখীরংৰ মুচ্চতি;

দহন্তং বালমন্ৰেতি, ভস্মা ছন্নোৰ পাৰকোতি ৰুত্তং.

সোপন ৰিসুং একো পরমত্থধম্মোতিপি সঙ্খ্যং নগচ্ছতি, অনুসযধাতুযোৰিযাতি. অযং কম্মসমঙ্গিতানাম. সোপন যদা অত্তনো অনুরূপে পচ্চযে লভতি. তদা ৰিপচ্চনত্থায ওকাসং করোতি. কথং করোতীতি. সো আসন্নমরণস্স সত্তস্স অত্তানংৰা পচ্চুপট্ঠাপেতি. অত্তনো নিমিত্তংৰা পচ্চুপট্ঠাপেতি. গতিনিমিত্তংৰা পচ্চুপট্ঠাপেতি. সোচ সত্তো তং অমুঞ্চমানো যদি গণ্হাতি. ¶ তদা ওকাসং লভতি. অযং উপট্ঠানসমঙ্গিতানাম. তং অমুঞ্চিত্ৰা চুতস্সপন চুতিঅনন্তরমেৰ সো কম্মসঙ্খাতো ক্রিযা ৰিসেসো ৰিসুং একো সসম্পযুত্তো পরমত্থধম্মরাসি হুত্ৰা একং ভৰং পূরযমানো ৰিপচ্চতি, একং ভৰং পূরযমানোতিচ যাৰ তাযুকং ভৰঙ্গকিচ্চং ছসু দ্ৰারেসু তং তং দ্ৰারিকৰিপাককিচ্চানি পরিযোসানে চুতিকিচ্চঞ্চ সাধযমানোতি অত্থো. তত্থ পুরিমা তিস্সো সমঙ্গীতা তরুণা ৰত্থানাম হোন্তি. পচ্ছিমা ৰিপাকসমঙ্গীতা পরিণতাৰত্থানামাতি ৰেদিতব্বা. ইতি ৰিপচ্চন্তীতি ৰিপাকানি মুদুতরুণাৰত্থং অতিক্কমিত্ৰা পরিণকাৰত্থসঙ্খাতং ৰিপক্কভাৰং আপজ্জন্তীতি এৰমেত্থ অত্থো ৰেদিতব্বো. এৰঞ্চ কত্ৰা পাল়িযং কুসলাকুসলকম্মসমুট্ঠানানংপি কটত্তারূপানং ৰিপাকপদে অগ্গহণং হোতীতি. তানিহি কম্মসন্তানতো ৰিসুং সিদ্ধত্তা ৰিসুং কম্মতো জাতানিযেৰ নাম হোন্তি, নৰিপক্কানি নামাতি. অঞ্ঞংহি অরূপধম্মানং সন্তানং. অঞ্ঞং রূপধম্মানন্তি. অযমেত্থ ৰিপাকপদে পরমত্থদীপনা.

যেপন অরূপভাৰেন সারম্মণভাৰেনচ কম্মেন সদিস তামত্তং গহেত্ৰা অরূপধম্মানমেৰ ৰিপাকত্তং সাধেন্তি. তেসং ৰিপাকসদ্দো অরূপধম্মেসু রুল়্হীৰসেন পৰত্তোতি আপজ্জতীতি. যঞ্চ তত্থ সালিবীজনিব্বত্তেসু নাল়পত্তপুপ্ফফলেসু বীজসদিসানং ফলানমেৰ সালিফলসালিপক্কনামং সিদ্ধং ৰিযাতি উপমং দস্সেন্তি, সাপি নসমেতি. ন হি ফলানিপি তরুণকালে পাকনামং লভন্তি. নচ নাল়পত্তপুপ্ফানিপি পরিণতকালে পাকনামং নলভন্তীতি. তানি পিহি তদা নাল়ং পক্কং, পত্তং পক্কং, পুপ্ফং পক্কন্তি ন নৰুচ্চন্তীতি. সুখযতীতি সুখং, সম্পযুত্তধম্মে তংসমঙ্গীপুগ্গলংৰা লদ্ধসাতং করোতীতি অত্থো.

৩৪. সুট্ঠুৰা খনতি কাযিকদুক্খং. সুখেনচ খমিতব্বং. সুকরং ওকাসদানং এতস্সাতিৰা সুখং. কুসলস্স ৰিপাকানি সম্পযুত্ত হেতুৰিরহতো অহেতুকানিচাতি কুসলৰিপাকা হেতুক চিত্তানি.

পুব্বকম্মসহজাতেন ¶ নিব্বত্তকহেতুনাপি ইধ ৰিপাকস্স সহেতুকতাপসঙ্গোকতো. সো ন সুন্দরো.

ন হি অভিধম্মে কত্থচি পুব্বকম্মসহজাতেন নিব্বত্তকহেতুনা ৰিপাকস্স সহেতুকাহেতুকতা সম্ভৰোনাম অত্থি. অসতিচ সম্ভৰে ব্যভিচারস্সপি অভাৰতো সো পসঙ্গো নিরত্থকোৰাতি. তত্থ ব্যভিচারস্সাতি পসঙ্গস্স ইচ্চেৰত্থো. এত্থচ অকুসলৰিপাকানং সযং অব্যাকতধম্মত্তা লোভাদীহি অকুসলহেতূহিচ সযং অকুসলৰিপাকত্তা অলোভাদীহি অনৰজ্জহেতূহিচ সহেতুকতা সম্ভৰো নত্থি. অসতি চ তং সম্ভৰে তেসং অহেতুকভাৰো অব্যভিচারোযেৰ হোতীতি তত্থ অহেতুকগ্গহণং ন কতং. কুসলৰিপাকানং পন সযং কুসলৰিপাকত্তাযেৰ অলোভাদীহি কুসলা ব্যাকতযোগীহি অনৰজ্জহেতূহি সহেতুকতা সম্ভৰো অত্থিযেৰ. সতিচ তস্মিং সম্ভৰে তেসং অহেতুকভাৰো ব্যভিচারসহিতো হোতীতি তত্থেৰ অহেতুকগ্গহণং কতন্তি দট্ঠব্বং.

৩৫. চক্খাদিকে পঞ্চদ্ৰারে উপ্পন্নং আৰজ্জনং পঞ্চদ্ৰারাৰজ্জনং, তঞ্হি পঞ্চদ্ৰারে ঘট্টিতং আরম্মণং গহেত্ৰা আৰজ্জনং উপ্পজ্জতীতি. ভৰঙ্গসঙ্খাতে মনোদ্ৰারে উপ্পন্নং আৰজ্জনং মনোদ্ৰারাৰজ্জনং. তঞ্হি তস্মিং আপাতং আগচ্ছন্তং আরম্মণং গহেত্ৰা আৰজ্জন্তং পৰত্ততীতি. এত্থচ মনোদ্ৰারন্তি সকলং ভৰঙ্গচিত্তং দট্ঠব্বং.

তাৰ ‘‘মনোদ্ৰারন্তি এত্থ আৰজ্জনস্স অনন্তর পচ্চযভূতং ভৰঙ্গচিত্তং মনোতি ৰুচ্চতি. তদেৰ দ্ৰারং আৰজ্জনজৰনাদি থিচিত্ত পৰত্তিযা মুখত্তা’’তি ৰুত্তং.

‘‘আৰজ্জনস্স অনন্তর পচ্চযভূতং ভৰঙ্গচিত্তং মনোদ্ৰারং, পীথিচিত্তানং পৰত্তিমুখভাৰতো’’তি ৰুত্তং. তং সব্বংপি ন যুজ্জতিযেৰ.

যদিহি ¶ যস্স ভৰঙ্গস্স অনন্তরং ৰীথিচিত্তানি পৰত্তন্তি. তদেৰ একন্তেন তেসং পৰত্তিমুখত্তা মনোদ্ৰারংনাম হোতি. ন ততো পুরিমানীতি অযমত্থো সিযা. এৰঞ্চসতি যেসু চক্খাদীসু রূপা দীনং ঘট্টিতত্তা আৰজ্জনাদীনি ৰীথিচিত্তানি পৰত্তন্তি. তানেৰ একন্তেন তেসং পৰত্তিমুখত্তা দ্ৰারানিনাম হোন্তি. ন ততো অঞ্ঞানীতি অযমত্থো আপজ্জতি. নচ তানি চক্খাদীনি নাম অত্থি. যানি চক্খাদীনি দ্ৰাররূপানিনাম ন হোন্তীতি. সব্বমেতং উপরি দ্ৰার সঙ্গহে আৰিভৰিস্সতীতি. হসনং হসিতং. মুখস্স পহট্ঠাকারপ্পৰত্তি. তং উপ্পাদেতি জনেতীতি হসিতুপ্পাদো. তংৰা উপ্পাদেন্তি খীণাসৰা এতেনাতি হসিভুপ্পাদো. তংৰা উপ্পজ্জতি এতেনাতি হসিতুপ্পাদো. সোএৰ চিত্তন্তি সমাসো. খীণাসৰানং অনোল়ারিকেসু আরম্মণেসু যেন চিত্তেন সিতং পাতুকরোন্তি, তস্সেতং নামং. ন হি খীণাসৰা লোকিয মহা জনাৰিয রজ্জনীযাদি ভাৰেন ওল়ারিকেসু হসনিয ৰত্থূসু হসন্তীতি. টীকাসু পন চিত্তং অপেক্খিত্ৰা হসিতুপ্পাদন্তি নিদ্দিট্ঠং সিযাতি. ৰুত্তনযেন অহেতুকানিচ তানি ৰিপচ্চন ৰিপাকুপ্পাদন কিচ্চরহিতত্তা তং তং ক্রিযামত্তভূতানি চিত্তানিচাতি অহেতুকক্রিযচিত্তানি. এত্থচ ৰীথিমুত্তচিত্তানি কিচ্চদুব্বলত্তা পঞ্চৰিঞ্ঞাণানি ৰত্থুদুব্বলত্তা সম্পটিচ্ছনাদীনিচ কিচ্চট্ঠানদুব্বলত্তা অত্তনো উস্সাহেন ৰিনা কেৰলং ৰিপচ্চনমত্তেন পৰত্তন্তীতি তানি সব্বানি ৰিপাকানিএৰ হোন্তি. যানিপন বলৰকিচ্চত্তা অত্তনো উস্সাহেন পৰত্তন্তি. আযতিংচ ৰিপাকুপ্পাদনত্থং উস্সাহসহিতানি হোন্তি. তানি কুসলাকুসলানিনাম হোন্তি. যানি পন চিত্তানি ৰিপচ্চনমত্তং অতিক্কম্ম অত্তনো উস্সাহেনেৰ পৰত্তন্তি. তেসু আৰজ্জনদ্ৰযং ৰিপাকসন্তানতো লদ্ধপচ্চযত্তা থোকং দুব্বলভাৰতো ইতরানিচ নিরানুসযসন্তানে পৰত্তত্তা সব্বসো ৰিপাকুপ্পাদনত্থং উস্সাহরহিতানিএৰ হোন্তীতি তানি সব্বানি ক্রিযানিনাম জাতানীতি দট্ঠব্বং.

৩৬. ইদানি আদিতো পট্ঠায ৰেদনাৰিচারণা ৰুচ্চতি. তথাহি চক্খুৰিঞ্ঞাণাদীনং তাৰ ৰত্থূনিচ আরম্মণানিচ উপাদারূপানেৰ ¶ হোন্তি, উপাদারূপানঞ্চ ৰিচুপিণ্ডকানংৰিয অঞ্ঞমঞ্ঞসঙ্ঘট্টনং দুব্বলমেৰাতি তানি ইট্ঠে অনিট্ঠেচ আরম্মণে উপেক্খা সহগতানেৰ হোন্তীতি. কাযৰিঞ্ঞাণস্সপন আরম্মণানি মহাভূতানি হোন্তীতি যথা অধিকরণিমত্থকে থপিতং পিচুপিণ্ডকং অযোকূটেন পহরন্তানং অযোকূটস্স পিচুপিণ্ডকং অতিক্কম্ম অখিকরণিঘট্টনং বলৰতরং হোতি. তথা তেসং আরম্মভূতানং কাযৰত্থুং অতিক্কম্ম কাযনিস্সয ভূতেসু সঙ্ঘট্টনং বলৰতরং. তস্মা কাযৰিঞ্ঞাণং ইট্ঠে সুখসহগতং অনিট্ঠে দুখসহগতং হোতীতি. সম্পটিচ্ছনচিত্তংপন সব্বদুব্বলানং পঞ্চৰিঞ্ঞাণানং অনন্তরং উপ্পজ্জতীতি নিচ্চং দুব্বলং হুত্ৰা সব্বত্থ উপেক্খাসহগতমেৰাতি. ৰিভাৰনিযং পন অসমাননিস্সযে হি তেহি লদ্ধপচ্চযতাৰসেন অযমত্থো ৰিভাৰিতো, সন্তীরণংপন সযংপি বলৰৰত্থুং নিস্সায পৰত্ততি. তাদিসেনচ বলৰৰত্থুনিস্সযেন পুরিমচিত্তেন লদ্ধপচ্চযং হোতীতি থোকং বলৰং হোতি. তস্মা তং কুসলৰিপাকং ইট্ঠে উপেক্খাসহগতং অভিইট্ঠে সোমনস্সসহগতং হোতি. অকুসলৰিপাকংপন অনিট্ঠেপি অভিঅনিট্ঠেপি উপেক্খাসহগতমেৰ হোতি. কস্মা ইতিচে. যদিহি তং অতিঅনিট্ঠারম্মণৰসেন ৰেদনা ভেদযুত্তং সিযা. দুক্খেনৰা দোমনস্সেনৰা যুত্তং সিযা. তত্থ দুক্খেন তাৰ ন যুজ্জতি, কস্মা, একন্তকাযিকত্তা দুক্খস্সাতি. দোমনস্সেনপি ন যুজ্জতি. কস্মা, পটিঘেন পটিহঞ্ঞত্তাএৰ দোমনস্সভাৰং পত্তা দোমনস্সৰেদনা পটিঘেন ৰিনা নপ্পৰত্ততীতি. একন্তাকুসলভূতেন পটিঘেন নিচ্চযোগিনো দোমনস্সস্স অব্যাকতেসু অসম্ভৰতোতি. আৰজ্জনদ্ৰযংপন সন্তীরণতোপি থোকং বলৰং হোতি. ৰিপাকানঞ্হি পৰত্তিতুংপি অত্তনো উস্সাহবলংনাম নত্থি. বলৰন্তেহিপন কম্মাদিপচ্চযেহি জাতানি বলৰন্তানিনাম হোন্তি. দুব্বলেহি জাতানি দুব্বলানি নামাতি. এৰং সন্তেপি তং আৰজ্জনদ্ৰযং কম্মানুভাৰতোচ মুচ্চিত্ৰা ৰিপাকসন্তানতোচ পচ্চযং গহেত্ৰা উট্ঠিতত্তা দুব্বলমেৰ হোতীতি সদাপি উপেক্খাসহগতমেৰাতি.

পঞ্চদ্ৰারাৰজ্জনং ¶ পুব্বে কেনচি অগ্গহিতে আরম্মণে একৰা রমেৰ পৰত্তত্তা মনোদ্ৰারাৰজ্জনঞ্চ ৰিসদিসচিত্তসন্তানপরাৰত্তনৰসেন ব্যাপারন্তরসাপেক্খত্তা আরম্মণরসং অধিমত্ততো অনুভৰিতুং নসক্কোতীতি সব্বত্থপি মজ্ঝত্ত ৰেদনাযুত্তমেৰাতি ৰুত্তং. তত্থ ব্যাপারন্তরসাপেক্খত্তাতি ইদং ন যুজ্জতি.

ন হি চিত্তানং বলৰদুব্বলতাৰিসেসোঅত্তনোপচ্ছা পৰত্তস্স চিত্তস্স ৰসেন সক্কা ৰত্তুং. অত্তনোপন পচ্চযেহিএৰ সো সক্কা ৰত্তুন্তি. ইতরথা সন্তীরণস্সপি ব্যাপারন্তরসাপেক্খতা সিযা. তংপি হি ৰিসদিসচিত্তসন্তানং অত্তনাপরং ৰত্তেতি যেৰাতি.

৩৭. ইমানি চিত্তানি অত্তনো পকতি পচ্চযগণসমাযোগে সতি নুপ্পজ্জন্তীতি নত্থি. তস্মা অসঙ্খারিকানেৰাতি ৰদন্তি. মূলটীকাযং পন ৰিপাকুদ্ধারে –

অহেতুকৰিপাকানং অপরিব্যত্তকিচ্চত্তা সসঙ্খারিক কম্ম ৰিরুদ্ধো অসঙ্খারিকভাৰোপি নত্থি. অসঙ্খারিককম্মৰিরুদ্ধো সসঙ্খারিককাৰোপি নত্থি. তস্মা তেসং উভযকম্মেনপি উপ্পত্তি থেরেন অনুঞ্ঞাতাতি ৰুত্তং.

এতেন তিণ্ণং ক্রিযচিত্তানংপি তদুভযভাৰাভাৰো ৰুত্তো হোতি. তানিপিহি অপরিব্যত্তকিচ্চানিযেৰাতি. অথৰা. রূপদস্স ন সদ্দস্সৰনাদীনি সত্তা কদাচি অত্তনো ইচ্ছায করোন্তি. কদাচি পরেহি উস্সাহিতা করোন্তীতি পচ্চক্খতোৰ সিদ্ধমেতং. তত্থ যদা অত্তনো ইচ্ছায করোন্তি. তদা পঞ্চদ্ৰারাৰজ্জনাদীনি সব্বানি ৰীথিচিত্তানি অসঙ্খারিকানিনাম হোন্তি. যদা পরেহি উস্সাহিতা করোন্তি. তদা সসঙ্খারিকানিনাম হোন্তি. দ্ৰার ৰিমুত্তেসুপন দ্ৰীসু উপেক্খাসন্তীরণেসু অট্ঠমহাৰিপাকেসুৰিয ৰত্তব্বো. ইতি সব্বানি অহেতুকচিত্তানি তেন পরিযাযেন সঙ্খারভেদেন ¶ পচ্চেকং ভিন্নানিএৰ হোন্তি. এৰং সন্তেপি অপরি ব্যত্তকিচ্চত্তাযেৰ তেসং সঙ্খারভেদো পাল়িযং নৰুত্তোতি ৰেদিতব্বো.

৩৮. যস্মাপন হেতুযোনাম মহন্তধম্মা হোন্তি. তস্মা তে দুব্বলকম্মনিব্বত্তেসু দুব্বলৰত্থুকিচ্চট্ঠানেসুচ ইমেসু চিত্তেসু নুপ্পজ্জন্তি. তত্থ সব্বং পাপকম্মং ৰিক্খেপযুত্তং সযংপি চঞ্চলতি দুব্বলং হোতি. তস্মা তং কপ্পট্ঠিতিকংপি সমানং কালন্তরে হেতুযুত্তং ৰিপাকং জনেতুং নসক্কোতি. তিহেতুককম্মংপি সমানং দুব্বলেসু চক্খাদিৰত্থূসুচ দস্সনাদীসু কিচ্চট্ঠানেসুচ হেতুযুত্তং ৰিপাকং জনেতুং নসক্কোতি. আৰজ্জনহসনকিচ্চা নিচ দুব্বলকিচ্চানিএৰ হোন্তি. তস্মা ইমানি সব্বানি সম্পযুত্তহেতুরহিতানি জাতানীতি দট্ঠব্বং.

৩৯. সব্বথাপীতি পদস্স অত্থো হেট্ঠা ৰুত্তনযেনেৰ ৰেদিতব্বো.

সব্বথাপীতি অকুসলৰিপাক কুসলৰিপাক ক্রিযভেদে নাতি ৰুত্তং. তং ন সুন্দরং.

সোহি ভেদো ইচ্চেৰন্তি ইমিনাৰ গহিতোতি. সঙ্গহগাথাযং অকুসলৰিপাকানি ৰত্থুকিচ্চভেদেন সত্ত, পুঞ্ঞপাকানি ৰত্থুকিচ্চৰেদনাভেদেন অট্ঠধা, ক্রিযচিত্তানি কিচ্চদ্ৰারভেদেন তীণীতি অহেতুকচিত্তানি অট্ঠারস হোন্তীতি যোজনা. এত্থচ পুঞ্ঞপাকেসু ৰেদনাভেদোপি ৰত্তব্বো. ইতরথা সন্তীরণস্স অভেদো সিযা. তথা ক্রিযাসু দ্ৰারভেদোপি ৰত্তব্বো. অঞ্ঞথা আৰজ্জনস্স অভেদো সিযাতি. টীকাসুপন সো ন ৰুত্তোতি.

৪০. ইদানি হেট্ঠা ৰুত্তানং চিত্তানং অসোভণনামং উপরি ৰুচ্চমানানঞ্চ সোভণনামং থপেন্তো গাথমাহ. উপরি ৰুচ্চমানানঞ্হি ¶ সোভণত্তে ৰুত্তে হেট্ঠা ৰুত্তানং অসোভণতা অৰুত্তাপি সিদ্ধা হোতীতি. তত্থ পাপাহেতুকমুত্তানীতি পাপেহি অহেতুকেহিচ মুত্তানি একূনসট্ঠিচিত্তানি. অথৰা. একনৰুতিচিত্তানিপি সোভণানীতি ৰুচ্চরে ৰুচ্চন্তীতি যোজনা. তত্থ পাপেহীতি অকুসলেহি. অকুসলানিহি অত্তসমঙ্গিনো সত্তে অনিচ্ছন্তেযেৰ অপাযং পাপেন্তি. তস্মা পাপানীতি ৰুচ্চন্তি. এতেন পুঞ্ঞানংপি সুগতিপাপনট্ঠেন পাপতা পসঙ্গো নিৰত্তিতো হোতি. ন হি ইচ্ছন্তানং পাপনে পাপনব্যাপারো পাকটো হোতীতি. লামকট্ঠেনৰা তানিযেৰ পাপানীতি ৰুচ্চন্তীতি. সোভণেহি সদ্ধাদিগুণধম্মেহি যুত্তিযা ততোযেৰ চ সযংপি সোভগ্গপত্তিযা সোভণানীতি.

৪১. ইদানি তানি সোভণানি হীন পণীতা নুক্কমেন দস্সেন্তো সোমনস্সসহগতন্তিআদিমাহ. তত্থ জানাতীতি ঞাণং, যাথাৰতো পটিৰিজ্ঝতীতি অত্থো. ঞাণেন সম্পযুত্তং ৰিপ্পযুত্তন্তি সমাসো. নত্থি সঙ্খারো অস্সাতি অসঙ্খারো. সংৰিজ্জতি সঙ্খারো অস্সাতি সসঙ্খারো. সপ্পুরিসুপনিস্স যাদিকো কুসলুপ্পত্তিযা পকতিপচ্চযগণো. সোহি যদা দুৰিধেন সঙ্খারেন ৰিনা কেৰলং অত্তনো বলেন কুসলচিত্তং সমুট্ঠাপেতি. তদা অসঙ্খারোনাম. সোযেৰ যদা অত্তনো বলেন কুসলচিত্তং সমুট্ঠাপেতুং ন সক্কোতি. সঙ্খারসহাযং লভিত্ৰাৰ তং সমুট্ঠাপেতি. তদা সসঙ্খারোনাম. অসঙ্খারেন উপ্পন্নং অসঙ্খারিকং. সসঙ্খারেন উপ্পন্নং সসঙ্খারিকন্তি সব্বং হেট্ঠা ৰুত্তমেৰ. এত্থচ সোমনস্সাদীনং উপ্পত্তিকারণং হেট্ঠা ৰুত্তমেৰ. অপিচ সদ্ধাসম্পত্তি দস্সনসম্পত্তি দেয্যধম্ম পটিগ্গাহক সম্পত্তীতি এৰমাদি সোমনস্সকারণং, তব্বিপরীতং উপেক্খাকারণং. যানিচ পীতিসম্বোজ্ঝঙ্গস্স উপেক্খাসম্বোজ্ঝঙ্গস্সচ কারণানিঅট্ঠকথাসু ৰুত্তানি. তানিপি ইমস্মিং ঠানে ৰত্তব্বানীতি. পঞ্ঞা সংৰত্তনিক কম্মুপনিস্সযতা, অব্যাপজ্জলোকুপপত্তিতা ইন্দ্রিযপরিপাকতা, কিলেসদূরতাচ ঞাণুপ্পত্তিযা কারণং. তিহেতুকপটিসন্ধিকতা, অমোহজ্ঝাসযতা, পঞ্ঞৰন্তপুগ্গলসেৰনা. সুতচিন্তাপসুতাতিপিৰত্তুং ¶ যুজ্জতি. যানিচধম্মৰিচযসম্বোজ্ঝঙ্গস্স কারণানি অট্ঠকথাসু ৰুত্তানি. তানিপি ইধ ৰত্তব্বানি. তব্বিপরীতং ঞাণৰিপ্পযুত্তকারণং. সঙ্খারকারণংপি পুব্বে ৰুত্তমেৰ. যানিচ ৰীরিযসম্বোজ্ঝঙ্গস্স পস্সদ্ধিসম্বোজ্ঝঙ্গস্সচ কারণানি অট্ঠকথাসু ৰুত্তানি. তানিপি ইধ ৰত্তব্বানীতি. ইমেসংপি উপ্পত্তি ৰিধানং ৰিসুদ্ধিমগ্গে গহেতব্বন্তি.

৪২. অট্ঠপীতি এত্থ পিসদ্দো সম্পিণ্ডনত্থো. তেন ইমেসং ইধ ৰুত্তপ্পকারতো অঞ্ঞেহি পকারেহি অনেকৰিধতং সম্পিণ্ডেতি. তত্রাযং নযো. ইমানি অট্ঠচিত্তানি দসহি পুঞ্ঞক্রিযাৰত্থূহি গুণিতানি অসীতি হোন্তি. পুন তানি ছহি আরম্মণেহি গুণিতানি চত্তারিসতানিচেৰ অসীতি চ হোন্তি. পুন তানি তীহি কম্মেহি গুণিতানি সহস্সং চত্তারি সতানি চত্তালীসংচ হোন্তি. পুন তানি তীহি হীনমজ্ঝিমপণীতেহি গুণিতানি চত্তারি সহস্সানি তীণি সতানি ৰীসতিচ হোন্তি. তানি ইমানি সুদ্ধিকানীতি কত্ৰা দ্ৰীসু ঠানেসু থপেতব্বানি. ততো একং ঠানং গহেত্ৰা দ্ৰিধা করোন্তস্স ঞাণসম্পযুত্তানি দ্ৰেসহস্সানি সতং সট্ঠিচ হোন্তি. তথা ঞাণৰিপ্পযুত্তানীতি. পুন তত্থ ঞাণসম্পযুত্তানি চতূহি অধিপতীহি গুণিতানি অট্ঠসহস্সানি ছসতানি চত্তালীসংচ হোন্তি. ঞাণৰিপ্পযুত্তানিপন ৰীমংসাৰজ্জিতেহি তীহি অধিপতীহি গুণিতানি ছসহস্সানি চত্তারিসতানি অসীতিচ হোন্তি. পুন তদুভযানি সম্পিণ্ডিতানি দসসহস্সং পঞ্চসহস্সানি সতং ৰীসতিচ হোন্তি. পুন তানি পুব্বে ৰিসুং থপিতেহি সুদ্ধিকেহি সম্পিণ্ডিতানি দসসহস্সং নৰসহস্সানি চত্তারি সতানি চত্তালীসঞ্চ হোন্তীতি. যংপন টীকাযং ইধ ৰুত্তনযেন সুদ্ধিকানিচ ঞাণৰিপ্পযুত্তানি চ ৰিসুং অকত্ৰা সব্বানি পুঞ্ঞক্রিযাদীহি সমং গুণিতানি সত্তরস সহস্সানি দ্ৰে সতানি অসীতিচ হোন্তীতি ৰুত্তং.

সুদ্ধিকানি ¶ ৰিসুং অকত্ৰা ঞাণৰিপ্পযুত্তানিএৰ ৰিসুং কত্ৰা তথা গুণিতানি ৰীস সতাধিক পন্নরস সহস্সানি হোন্তীতি ৰুত্তং. তং সব্বং ন যুত্তং.

এৰঞ্হি সতি ইমানি কামাৰচরকুসলানি নিচ্চং সাধিপতিকানি হুত্ৰা নিযতাধিপতিকানিনাম ভৰেয্যুং. নচ ইমানি উপরি মহগ্গত কুসলানি ৰিয লোকুত্তরানি ৰিয চ নিযতা ধিপতিকানি হোন্তীতি. টীকানযেনপন ঞাণৰিপ্পযুত্তানিপি ৰীমংসাসহগতানীতি আপজ্জতীতি. যথাৰা কোসল্লসম্ভূতট্ঠেন কুসলাতিএত্থ ঞাণৰিপ্পযুত্তানিপি কোসল্লেন নানাৰজ্জনৰীথিযং পৰত্তেন উপনিস্সযঞাণেন সম্ভূতত্তা কুসলানি এৰ নাম হোন্তি. এৰমিধপি তানি তেনেৰ ৰীমংসাধিপতিভূতেন সম্ভূতত্তা ৰীমংসাধিপতেয্যানিপি নাম হোন্তীতি ন নসক্কা ৰত্তুন্তি ইমিনা অধিপ্পাযেন তানি ৰিসুং অকতানি সিযুন্তি. এৰংসন্তেপি কামকুসলানিনাম অধিপতিৰিমুত্তানি এৰ বহুতরানি হোন্তি. তস্মা নসক্কা সব্বানি কামকুসলানি ৰীমংসাধিপতিমূলিকানি ভৰিতুন্তি.

৪৩. কামাৰচরানিচ তানি কুসলানি চিত্তানিচাতি ৰিগ্গহো. তত্থ কেনট্ঠেন কুসলানীতি. আরোগ্যট্ঠেন, সুন্দরট্ঠেন, ছেকট্ঠেন, অনৰজ্জট্টেন, সুখৰিপাকট্ঠেনচাতি. রাগাদযোহি ধম্মা চিত্তসন্তানস্স রুজ্জনট্ঠেন রোগানাম. অহিতট্ঠেন অসুন্দরা নাম. অনিপুণট্ঠেন অছেকানাম. গারয্হট্ঠেন ৰজ্জানাম. অনিট্ঠ ৰিপাকট্ঠেন দুক্খৰিপাকানাম হোন্তি. ইমানিপন তেহি ৰুট্ঠিতত্তা কুসলানিনাম অরোগানি নামাতি অত্থো. তপ্পটিপক্খত্তাচ সুন্দরানি ছেকানি অনৰজ্জানি সুখৰিপাকানি চ নাম হোন্তীতি. কুচ্ছিতে পাপধম্মে সলযন্তি চালেন্তি কম্পেন্তি ৰিদ্ধংসেন্তীতি কুসলানি. কুচ্ছিতেনৰা আকারেন সত্তসন্তানে সেন্তি অনুসেন্তীতি কুসা. রাগাদযো. তে লুনন্তি ছিন্দন্তীতি কুসলানি. কুসংৰা ৰুচ্চতি ঞাণং কুচ্ছিতানং সানট্ঠেন তনুকরণট্ঠেন অন্তকরণট্ঠেনৰা. কুসেন লাতব্বানীতি কুসলানি. কুসাৰিয ¶ হত্থপ্পদেসং সংকিলেসপক্খং লুনন্তীতিৰা কুসলানি. অপিচ, কুচ্ছিতে পাপধম্মে সরন্তি হিংসন্তীতি কুসলানি. রকারস্স লকারো. কোসল্লসম্ভূতট্ঠেনৰা কুসলানীতি.

৪৪. মহাৰিপাকেসু পদত্থতো ৰত্তব্বং নত্থি. ৰেদনাভেদো আরম্মণৰসেন ৰত্তব্বো. তানিহি অতিইট্ঠে ইট্ঠমজ্ঝত্তে চ আরম্মণে যথাক্কমং সোমনস্সেন উপেক্খায চ যুত্তানীতি. সম্পযোগভেদো কম্মৰসেন জৰনৰসেনচ ৰত্তব্বো. তানিহি বলৰকম্মেন জনিতানি ঞাণসম্পযুত্তানি হোন্তি. দুব্বলকম্মেন জনিতানি ঞাণৰিপ্পযুত্তানি. কদাচিপন তদারম্মণৰসেন পৰত্তিকালে যেভুয্যেন তিহেতুকজৰনানুবন্ধানি ঞাণসম্পযুত্তানি হোন্তি. ইতরজৰনানুবন্ধানি ঞাণৰিপ্পযুত্তানীতি. সঙ্খারভেদোপি কেহিচি আচরিযেহি কম্মৰসেনেৰ কথিতো. অসঙ্খারিককম্মজনিতানি অসঙ্খারিকানি. সসঙ্খারিককম্মজনিতানি সসঙ্খারিকানীতি. সঙ্গহকারেনপন সন্নিহিতপচ্চযৰসেন ৰুত্তো. তানিহি পটিসন্ধিযং পুরিমভৰে মরণাসন্নকালে ঞাতকাদীহি তেন তেন পযোগেন উপট্ঠাপিতানি কম্মাদীনি আরম্মণানি গহেত্ৰা পৰত্তানি সসঙ্খারিকানিনাম হোন্তি. তাদিসেন পযোগেন ৰিনা সযমেৰ কম্মবলেন উপট্ঠিতানি গহেত্ৰা পৰত্তানি অসঙ্খারিকানিনাম হোন্তি. তদারম্মণ কালেপন অসঙ্খারিকজৰনানুবন্ধানি অসঙ্খারিকানিনাম. সসঙ্খারিক জৰনানুবন্ধানি সসঙ্খারিকানি নামাতি. এত্থপি সম্পিণ্ডনত্থো ৰিসদ্দো. তেন আরম্মণছক্ক হীনত্তিকৰসেনেৰ কালদেস সন্তানাদিৰসেনচ তেসং অনেকভেদত্তং সম্পিণ্ডেতি. যস্মা পনেতানি দানাদিৰসেন কাযকম্মাদিৰসেন ছন্দাদীনি ধুরং কত্ৰা চ ন পৰত্তন্তি. তস্মা তানি পুঞ্ঞক্রিযাৰত্থূনং কম্মাধিপতীনঞ্চ ৰসেন ৰড্ঢনং নলভন্তীতি.

ইমানি ৰিঞ্ঞত্তিসমুট্ঠাপনাভাৰতো কম্মদ্ৰার ৰসেন ন পৰত্তন্তি. অৰিপাকসভাৰতোচ কম্মৰসেন নপৰত্তন্তীতি ৰুত্তং. তং ৰিচারেতব্বং.

হেট্ঠাহি কুসলেসু কম্মত্তিকৰসেনেৰ ৰড্ঢনং ৰুত্তং. নপন ৰিসুং কম্মদ্ৰারৰসেন. কম্মত্তিকঞ্চনাম তিৰিধ কম্মদ্ৰার ৰসেনেৰ সিদ্ধন্তি. ননু অট্ঠকথাযং যোহি কামাৰচরকুসলেসু কম্মদ্ৰার কম্মপথ পুঞ্ঞক্রিযাৰত্থুভেদো ৰুত্তো. সো ইধ নত্থি. কস্মা. অৰিঞ্ঞত্তিজনকতো অৰিপাক ধম্মতো তথা অপ্পৰত্তিযাচাতি ৰুত্তন্তি. সচ্চং. তত্থ পন অৰিঞ্ঞত্তিজনকতো কম্মদ্ৰার ভেদো ইধ নত্থীতি এতেন কাযকম্মং ৰচীকম্মং মনোকম্মন্তি এৰং ভেদস্স অভাৰং ৰদতি. অৰিপাকধম্মতো কম্মপথভেদো ইধ নত্থীতি এতেন দসৰিধস্স কম্মপথভেদস্স অভাৰং ৰদতি. ইধপন কুসলেসুপি কম্মপথভেদং অগ্গহেত্ৰা তিৰিধকম্মদ্ৰার ভেদভিন্নং কম্মত্তিকমেৰ গহিতং. তঞ্চ ৰিঞ্ঞত্তি সমুট্ঠাপনা ভাৰতো তিৰিধকম্মদ্ৰারৰসেন নপৰত্তন্তীতি ইমিনাৰ সিদ্ধং. যদিচ হেট্ঠা কুসলেসুপি দসৰিধকম্মপথভেদৰসেন ৰিসুং ৰড্ঢনং ৰুত্তং সিযা. এৰংসতি ইধপি অৰিপাকসভাৰতো কম্মপথৰসেন নপৰত্তন্তীতি ইদং ৰত্তব্বমেৰাতি.

৪৫. মহাক্রিযচিত্তেসুপি মহাৰিপাকেসুৰিয আরম্মণ ৰসেনেৰ ৰেদেনাভেদো উপরি সযমেৰ ৰক্খতি. ঞাণসম্পযুত্ত, ৰিপ্পযুত্ত, অসঙ্খারিক, সসঙ্খারিকভেদোপন যথারহং কুসলেসু ৰুত্তনযেন ৰেদিতব্বো.

তথা অৰিচারেত্ৰা ক্রিযচিত্তানংপি কুসলে ৰুত্তনযেন যথারহং সোমনস্স সহগতাদিতা ৰেদিতব্বাতি ৰুত্তং. তং ন যুজ্জতি.

ইচ্চেৰং সব্বথাপীতি পদানং অত্থো হেট্ঠা ৰুত্তোযেৰ. সহেতুক কামাৰচর কুসল ৰিপাক ক্রিয চিত্তানীতি এত্থ সহেতু কগ্গহণং কুসল সদ্দ সম্বন্ধে ভূতকথন ৰিসেসনং. তেনেৰহি তং কুসলচিত্তানং চূল়নিগমেন গহিতং. ৰিপাক ক্রিয সদ্দসম্বন্ধেপন ব্যৰচ্ছেদকৰিসেসনং দট্ঠব্বং.

সক্খরকথলিকংপি ¶ মচ্ছগুম্বংপি তিট্ঠন্তংপি চরন্তংপি পস্সতীতি সুত্তপদে ৰিয ইধ যথালাভ যোজনাতি ৰুত্তং. তং ন সমেতি. তত্থহি সক্খরকথলিকংনাম নচরতীতি যুত্তং. ইধপন কুসলং সহেতুকং নহোতীতি নযুত্তমেতন্তি.

৪৬. সঙ্গহগাথাযং ৰেদনা ঞাণ সঙ্খার ভেদেনাতি ৰেদনাভেদেন, ঞাণভেদেন, সঙ্খারভেদেনচ. তত্থ ৰেদনা ভেদেনাতি ৰেদনাভেদসিদ্ধেন চিত্তভেদেন, ঞাণভেদেনাতি ঞাণযোগা যোগসিদ্ধেনচিত্তভেদেন. সঙ্খারভেদেনাতি সঙ্খারেন ৰিনা সহচ পৰত্তপচ্চযগণভেদসিদ্ধেন চিত্তভেদেনাতি অত্থো. ইদঞ্হি সমাসপদানং সামত্থিযং, যদিদং সুৰিঞ্ঞাতানং নানাপ্পকারানং পদত্থানং অপ্পকেন ব্যঞ্জনেন দীপনসমত্থতাতি.

সযং অভিন্নানং ঞাণসঙ্খারানং ভেদৰচনে চিত্তস্স ভেদকর ভাৰে চ চোদনায অনোকাসতা সাধিতা হোতীতি.

তত্রাযং যোজনা. সহেতু কামাৰচর পুঞ্ঞপাকক্রিযা ৰেদনাঞাণসঙ্খারভেদেন যথাক্কমং ছচ দ্ৰাদসচ চতুৰীসতি চ মতাতি. এত্থচ –

ৰেদনাঞাণসঙ্খার, ভেদেনেতানি অট্ঠধা;

পুঞ্ঞপাকক্রিযাভেদা, চতুৰীসতিৰিধা মকা তিপি.

ৰত্তব্বা. এৰঞ্হি সতি অত্থগতিচ ৰিসদা হোতি. উপরি ৰক্খ, মানাহিচ সঙ্গহগাথাহি সদ্ধিং সমেতীতি.

৪৭. কামেতিআদি সব্বেসং কামচিত্তানং সঙ্গহগাথা. তত্থ কামে কামভূমিযং পাকানি সহেতুকাহেতুকৰসেন সব্বানি ৰিপাকচিত্তানি তেৰীস. পুঞ্ঞাপুঞ্ঞানি কুসলাকুসলচিত্তানিচ ৰীসতি. ক্রিযাচ সহেতুকাহেতুকৰসেন সব্বানি ক্রিযচিত্তানি ¶ পন একাদস হোন্তি. ইচ্চেৰং সব্বথাপি চতুপ্পঞ্ঞাস হোন্তীতি যোজনা. সব্বথাতি চেত্থ ৰিসদ্দো লুত্ত নিদ্দিট্ঠো. ধম্মসঙ্গণিযং ৰুত্তেন সব্বপ্পকারেনপি চতুপ্পঞ্ঞাসএৰ. ৰিভঙ্গে ৰিভত্তেন সব্বপ্পকারেনপি চতুপ্পঞ্ঞাস এৰাতিআদিনা তস্স অত্থো হেট্ঠা ৰুত্তোযেৰাতি.

ইধ ৰুত্তানং কুসলাদীনং অন্তোগধভেদৰসেন তস্স অত্থৰিভাৰনা পটিসিদ্ধা হোতি.

কামে ভৰেতি ৰুত্তং. তংপি ৰিচারেতব্বং.

ভৰসদ্দো হি কুসলাকুসলকম্মেসু কম্মনিব্বত্তেসুচ ৰিপাক কটত্তারূপেসু ৰত্তমানো অভিধম্মে দিট্ঠো. ন তদঞ্ঞেসু নামরূপধম্মেসূথি. ভূমিপরিযাযোচ ইধ কামসদ্দো. ভূমীতিচ সহোকাসো ইন্দ্রিযা নিন্দ্রিযবদ্ধধম্মসমূহো ৰুচ্চতীতি কামে কামভূমিযন্তি অযমত্থো দট্ঠব্বো. ভৰোতিৰা ভূমিএৰ ৰুচ্চতি সুত্তন্তপরিযাযেন ভৰন্তি এত্থ সত্তা সঙ্খারাচাতি কত্ৰা. এসনযো পরত্থপীতি.

ইতি পরমত্থদীপনিযানাম অভিধম্মত্থসঙ্গহস্স

৪৮. এৰং কামচিত্তসঙ্গহং দস্সেত্ৰা ইদানি যথানুপ্পত্তং রূপচিত্তসঙ্গহং দস্সেন্তো ৰিতক্কৰিচারপীতিসুখেকগ্গতাসহিতন্তিআদিমাহ. ৰিতক্কোচ ৰিচারোচ পীতিচ সুখঞ্চ একগ্গতাচাতি দ্ৰন্দো. তাহি সহিতন্তি সমাসো. ৰিতক্কৰিচারপীতিসুখে কগ্গতা সঙ্খাতেনসমুদিতেনপথমজ্ঝানেন সম্পযুত্তংকুসলচিত্তং পথমজ্ঝানকুসলচিত্তং. তত্থ কেনট্ঠেনপথমং, কেনট্ঠেনচ ঝানন্তি. আদিতো পটিপজ্জিতব্বত্তা পথমং. কসিণাদিকস্স আরম্মণস্স অনিচ্চাদিলক্খণস্সচ উপনিজ্ঝাযনতো পচ্চনীকধম্মানঞ্চ ঝাপনতো দয্হনতো ¶ ঝানং. ইমেসু দ্ৰীসু অত্থেসু একগ্গতাএৰ সাতি সযযুত্তাতি দট্ঠব্বা. সাহি একত্তারম্মণসঙ্খাতো একো অগ্গোকোটিকোট্ঠাসোৰা অস্সাতি অত্থেন একগ্গসঙ্খাতস্স চিত্তস্স তথাপৰত্তনে আধিপচ্চগুণযোগেন একগ্গতাতি চ ৰুচ্চতি. সাযেৰ চিত্তং নানারম্মণেসু ৰিক্খিপিতুং অদত্ৰা একস্মিং যেৰারম্মণে পটিপক্খধম্মানং দূরীভাৰেন সম্মাচ আধিযতি থপেতি. ইন্দ্রিযানঞ্চ সমভাৰং কত্ৰা তত্থেৰ লীনুদ্ধচ্চাভাৰাপাদনেন সমঞ্চ আধিযতি থপেতীতি অত্থেন সমাধীতিচ ৰুচ্চতি. সাযেৰচ পাল়িযং অৰিক্খেপো অৰিসাহারো সণ্ঠিতি অৰট্ঠিতীতি নিদ্দিট্ঠাতি. ৰিতক্কাদযোপি পন তস্সা সাতিসযং উপকারকত্তা ঝানন্তেৰ ৰুত্তা. তথা হি ৰিতক্কো তাৰ চিত্তং থিনমিদ্ধৰসেন ওসক্কিতুং অদত্ৰা দল়্হং আরম্মণাভিমুখমেৰ করোতি. আরম্মণাভিনিরোপন লক্খণোহি ৰিতক্কো. থিন মিদ্ধনীৰরণস্সচ উজুপ্পটিপক্খোতি. ৰিচারোচ নং ৰিচিকিচ্ছাৰসেন সংসপ্পিতুং অদত্ৰা দল়্হং আরম্মণানুবন্ধমেৰ করোতি. আরম্মণানুমজ্জনলক্খণো হি ৰিচারো পঞ্ঞাপকতিকো. ৰিচিকিচ্ছানীৰরণস্সচ উজুপ্পটিপক্খোতি. পীতিচ চিত্তং ব্যাপাদৰসেন উক্কণ্ঠিতুং অদত্ৰা আরম্মণে পরিতুট্ঠমেৰ করোতি. আরম্মণসংপি যাযনলক্খণা হি পীতি. ব্যাপাদনীৰরণস্সচ উজুপ্পটিপক্খাতি. তথা সুখঞ্চ নং উদ্ধচ্চ কুক্কুচ্চৰসেন অৰূপসমিতুং অদত্ৰা আরম্মণে লদ্ধসাতং উপব্রূহিতং করোতি. সাকলক্খণঞ্হি সুখং, উদ্ধচ্চকুক্কুচ্চনীৰরণস্সচ উজুপ্পটিপক্খন্তি.

উপেক্খাচ সন্তসভাৰত্তা সুখেএৰ সঙ্গহিতাতি. এৰং করোন্তাচ তে ধম্মা তস্মিং আরম্মণে তস্স চিত্তস্স সুট্ঠু একগ্গভাৰত্থাযচ হোন্তি. একগ্গভাৰোতিচ একগ্গতাযেৰ. সাচ একগ্গতা তেহি ধম্মেহি তথা অনুগ্গহিতা সুট্ঠু বলৰতী হুত্ৰা সযং কামচ্ছন্দৰসেন নানারম্মণেসু চিত্তৰিধাৰনং নীৰারেত্ৰা কসিণনিমিত্তাদিকে তস্মিং আরম্মণে নিচ্চলং ঠত্ৰা তংআরম্মণং উপগন্ত্ৰা নিজ্ঝাযতি ওলোকেতি. তস্মা তে সব্বেপি ধম্মা উপনিজ্ঝাযনট্ঠেনপি ঝানন্তি ৰুত্তাতি. তেসুচ তথা পৰত্তমানেসু ¶ তপ্পচ্চনীকা নীৰরণধম্মা ওকাসং অলভিত্ৰা মনস্মিংপি পরিযুট্ঠিতুং নসক্কোন্তি. ঝাপিতানাম হোন্তি. তস্মা তে পচ্চনীকজ্ঝাপনট্ঠেনপি ঝানন্তি ৰুত্তাতি. এৰং সন্তেপি যস্মা ঝান মগ্গ সম্বোধিসঙ্খাতেসু তীসু ঠানেসু ধম্মসামগ্গী পধানং হোতি. অঙ্গানং সমগ্গভাৰেএৰ অপ্পনাপত্তিৰসেন উপনিজ্ঝায নাদি কিচ্চসংসিদ্ধিতো. যস্মাচ এতে ধম্মা ৰুত্তনযেন ৰিসুংৰিসুং অত্তনো কিচ্চং করোন্তাপি চিত্তস্স আরম্মণে নিচ্চলপ্পৰত্তি সঙ্খাতং একমেৰ উপনিজ্ঝানকিচ্চং সাধেন্তি. তস্মা রথঙ্গানং সমুদাযেএৰ রথৰোহারোৰিয তেসং সমুদাযেএৰ ঝান ৰোহারো সিদ্ধোতি ৰেদিতব্বো. অপরেপন পঞ্চন্নংপি তেসং আরম্মণাভিনিরোপনাদীনি যথাসকং কিচ্চানিযেৰ ৰিসুং ৰিসুং উপনিজ্ঝানকিচ্চানিনাম হোন্তীতি পট্ঠানে ঝানপচ্চযং পত্ৰা সব্বেপেতে ৰিসুং ৰিসুং ঝানপচ্চযং সাধেন্তিযেৰ. তস্মা তে ৰিসুং ৰিসুংপি ঝানানিযেৰ হোন্তীতি সক্কা ৰত্তুং. যথাচ পঞ্চঙ্গিকং সীলং দসঙ্গিকং সীলন্তি এত্থ পঞ্চসমুদিতাদীনি তেসং সীলানং পঞ্চঙ্গিকা দিনামলাভস্সেৰ কারণানি হোন্তি. ন সীলভাৰস্স. ন হি পাণাতিপাতা ৰেরমণাদিকং একংপি সমানং সীলংনাম ন হোতীতি. এৰমেৰং ইধপি পঞ্চসমুদিতাদীনি পঞ্চঙ্গিকাদি ভাৰস্সেৰ পথমজ্ঝানাদি ভাৰস্সেৰচ কারণানি. নপন ঝানভাৰস্সাতি নসক্কা ৰিঞ্ঞাতুং. ইতরথা ঝানপচ্চযে ঝানঙ্গানি পচ্চনিযানিযেৰ সিযুন্তিপি ৰদন্তি. এত্তাৰতা সতিপি ইমস্স চিত্তস্স ফস্সাদীহিপি সহিতভাৰে তেসং তথাৰিধকিচ্চৰিসেসাভাৰা ইধ অগ্গহণন্তিপি সিদ্ধং নহোতীতি. ৰিচারপীতিসুখেকগ্গতা সঙ্খাতেন দুতীযজ্ঝানেন সম্পযুত্তং কুসলচিত্তং দুতীযজ্ঝান কুসলচিত্তং, এৰং সেসেসুপি.

৪৯. এত্থ সিযা. কেনপন ইমেসং ঝানানং অঙ্গভেদো কতোতি. পুগ্গলজ্ঝাসযেন কতোতি. যোহি ৰিতক্কসহাযো হুত্ৰা পঞ্চঙ্গিকং পথমজ্ঝানং উপ্পাদেত্ৰা তত্থ ৰসীভাৰং কত্ৰা পুনৰিতক্কে নিব্বিন্দতি. তস্স ৰিতক্কং সমতিক্কমিত্ৰা অৰিতক্কং চতুরঙ্গিকং ঝানং অধিগন্তুং অজ্ঝাসযো সণ্ঠাতি. তদা সো ¶ তমেৰ পথমজ্ঝানং পাদকভাৰত্থায দল়্হং সমাপজ্জিত্ৰা ৰুট্ঠায তেন অজ্ঝাসযেন সহেৰ পুনভাৰনং অনুযুঞ্জন্তো অৰিতক্কং চতুরঙ্গিকং ঝানং অধিগচ্ছতি. তত্থ সা ভাৰনাসযং ৰিতক্কযুত্তাপি তেন অজ্ঝাসযেন পরিভাৰিতত্তা ৰিতক্কৰিরাগ ভাৰনানাম হোতি. তস্সা ভাৰনায. বলেন তং ঝানং উপ্পজ্জ মানং অৰিতক্কং চতুরঙ্গিকং উপ্পজ্জতি. সেসজ্ঝানাধিগমেসুপি এসেৰনযোতি. এৰং পুগ্গলজ্ঝাসযেন তেসং ঝানানং অঙ্গভেদো কতোতি ৰেদিতব্বো. এত্থচ উত্তরুত্তরজ্ঝানা ধিগমনে পাদকভাৰত্থায পুরিমপুরিমজ্ঝানস্স সমাপজ্জনং অৰস্সং ইচ্ছিতব্বং. হেট্ঠিমং হেট্ঠিমং পগুণজ্ঝানং উপরিমস্স উপরিমস্স পদট্ঠানং হোতীতি অট্ঠকথাযং ৰুত্তং. অজ্ঝাসযবলেনপন উত্তরজ্ঝানং উপ্পজ্জমানং পাদকজ্ঝানসদিসং নহোতি. পাদকজ্ঝানতোহি পুগ্গলজ্ঝাসযোৰ বলৰতরো. তেনাহ ভগৰা ইজ্ঝতি ভিক্খৰে সীলৰতো চেতোপণিধি ৰিসুদ্ধত্তাতি. অযঞ্চ অত্থো উপরি লোকুত্তরচিত্তং পত্ৰা আৰি ভৰিস্সতীতি.

৫০. এত্থ সিযা. কস্মা ইধ সঙ্খারভেদো নৰুত্তোতি. পাল়িযমেৰ অৰুত্তত্তা. কস্মাচ সো পাল়িযং অৰুত্তোতি. পটিপদা ভেদৰচনেনেৰ সিদ্ধত্তাতি. তথাহি সব্বেসংপি লোকিয লোকুত্তরজ্ঝানানং সুখপ্পটিপদভাৰে সিদ্ধে অসঙ্খারিকভাৰো সিদ্ধোযেৰ হোতি. দুক্খপ্পটিপদভাৰেচ সিদ্ধে তেসং সসঙ্খারিকভাৰো সিদ্ধোযেৰ হোতীতি. কথং ৰিঞ্ঞাযতীতি চে. অট্ঠকথাদস্সনতো. ৰুত্তঞ্হেতং অট্ঠসালিনিযং -

যো আদিতো কিলেসে ৰিক্খম্ভেন্তো দুক্খেন সসঙ্খারেন সপ্পযোগেন কিলমন্তো ৰিক্খম্ভেতি. তস্স দুক্খা পটিপদা হোতি. যো কিলেসে ৰিক্খম্ভেন্তো সুখেন অকিলমন্তো ৰিক্খম্ভেতি. তস্স সুখাপটিপদা হোতীতি.

তথা সম্মোহৰিনোদনী ৰিসুদ্ধিমগ্গেসুপীতি. এত্থচ পুব্বৰাক্যে দুক্খেন সসঙ্খারেন সপ্পযোগেনাতি দিট্ঠত্তা পরৰাক্যেপি সুখে ন অসঙ্খারেন অপ্পযোগেনাতি দিট্ঠমেৰ হোতি. তত্থ সসঙ্খারেন ¶ সপ্পযোগেনাতি সঙ্খারপ্পযোগসহিতেন কামাদীনৰদস্সনাদিনা পচ্চযগণেনাতি অত্থো. এতেন সব্বেসং দুক্খপ্পটিপদজ্ঝানানং সসঙ্খারিকভাৰো ৰুত্তো হোতি. অসঙ্খারেন অপ্পযোগেনাতি সঙ্খারপ্পযোগরহিতেন তেনেৰ পচ্চযগণেন. এতেন সব্বেসং সুখপ্পটিপদজ্ঝানানং অসঙ্খারিকভাৰো ৰুত্তো হোতীতি. খিপ্পাভিঞ্ঞজ্ঝানানংপিহি দুক্খপ্পটিপদভাৰে সতি সসঙ্খারিকতাৰ ৰিঞ্ঞাযতি. দন্ধভিঞ্ঞজ্ঝানানংপি সুখপ্পটিপদভাৰে সতি অসঙ্খারিকতাৰ ৰিঞ্ঞাযতীতি. যদিএৰং পটিপদারহিতানং মগ্গ সিদ্ধউপপত্তিসিদ্ধজ্ঝানানং কথং সঙ্খারভেদো সিদ্ধোতি. তেসংপি ৰল়ঞ্জনকালে সমাপত্তিপ্পটিবন্ধকানং পচ্চযানং সন্নিহিতা সন্নিহিতৰসেন দুক্খসুখপ্পটিপদভাৰসম্ভৰো হোতিযেৰাতি. তত্থ মগ্গসিদ্ধজ্ঝানংনাম সুদ্ধৰিপস্সনাযানিকানং মগ্গপ্পটিলাভেন সহেৰ সিদ্ধজ্ঝানং. তং দুৰিধং হেট্ঠিমমগ্গসিদ্ধং, অরহত্তমগ্গসিদ্ধন্তি. তত্থ মহাসমযসুত্তে আগতানং পঞ্চসতানং ভিক্খূনং ঝানং হেট্ঠিম মগ্গসিদ্ধং. আনন্দত্থেরস্স ঝানং অরহত্তমগ্গসিদ্ধং. যংপি অনাগামীনং অজানন্তানঞ্ঞেৰ সত্থেন হনিত্ৰা সহসা মরন্তানং উপ্পন্নং. তংপি মগ্গসিদ্ধগতিকং. যোপন অট্ঠসমাপত্তিযো ভাৰেত্ৰা অঞ্ঞতরস্মিং রূপি ব্রহ্মলোকে নিব্বত্তি. তস্স তা সমাপত্তি যো তত্থ পাকতিকাএৰ হোন্তি. ইদং উপপত্তিসিদ্ধন্তি. একস্মিং ভৰেপি হি লদ্ধজ্ঝানানি ৰল়ঞ্জনকালে সন্নিহিতপচ্চযৰসেন নানাপটিপদাযুত্তানি হোন্তীতি. ঝানুপ্পত্তিপ্পটিপদা রহিতত্তাৰা অসঙ্খারিকজ্ঝানেসু তেসং সঙ্গহো যুত্তো সিযাতি. অপিচ, নেত্তিপাল়িযং সব্বেসং লোকিয লোকুত্তরসমাধীনং সঙ্খারভেদো সরূপতোৰ নিদ্দিট্ঠো. যথাহ-দ্ৰে সমাধযো সসঙ্খারো সমাধি অসঙ্খারো সমাধীতি. অট্ঠকথাযঞ্চ সুখপ্পটিপদা পুব্বকানং দ্ৰিন্নং দন্ধাভিঞ্ঞখিপ্পাভিঞ্ঞসমাধীনং অসঙ্খারভাৰো দুক্খপ্পটিপদা পুব্বকানং দ্ৰিন্নং সসঙ্খারভাৰোচ ৰুত্তোতি. এত্তাৰতা সব্বেসং মহগ্গতলোকুত্তরজ্ঝানচিত্তানং অসঙ্খারিক সসঙ্খারিকৰসেন ৰিসুং ৰিসুং দুৰিধভাৰো সিদ্ধো হোতি. যস্মাপন অযং সঙ্খারৰোহারো অকুসলানংপি সাধারণো. পটিপদাৰোহারোপন ¶ ৰিসেসেন পটিপত্তিধম্মেস্ৰেৰ পাকটো. মহগ্গত লোকুত্তরধম্মাচ একন্তং পটিপত্তিধম্মাএৰ. তস্মা তেসং ভেদং সঙ্খারৰসেন অৰত্ৰা পটিপদাৰসেনেৰ ধম্মসঙ্গণি পাল়িযংপি ৰুত্তোতি দট্ঠব্বো. অযমেত্থ পরমত্থদীপনা.

‘‘সব্বস্সপি ঝানস্স পরিকম্মসঙ্খাতপুব্বাভিসঙ্খারেন ৰিনা কেৰলং অধিকারৰসেন অনুপ্পজ্জনতো অসঙ্খারিকন্তিপি. অধিকারেনচ ৰিনা কেৰলং পরিকম্মাভিসঙ্কারৰসেনেৰ অনুপ্পজ্জনতো সসঙ্খারিকন্তিপি নসক্কা ৰত্তু’’ন্তি ৰুত্তং. তত্থ পরিকম্মসঙ্খাত.ল. অসঙ্খারিকন্তিপি নসক্কা ৰত্তুন্তি ইদং তাৰ নযুজ্জতি.

ন হি পরিকম্মসঙ্খাত পুব্বাভিসঙ্খারো ইমস্মিং সঙ্খারভেদে সঙ্খারো এৰনাম হোতি. কস্মা, ঝানুপ্পত্তিযা পকতিপচ্চয ভূতত্তা, তথাহি লোকে সাসনেচ সব্বংপি কুসলাকুসল কম্মং অত্তনো অনুরূপেন পরিকম্মসঙ্খাত পুব্বাভিসঙ্খারেন ৰিনা উপ্পন্নংনাম নত্থি. অন্তমসো আলোপভিক্খাদানমত্তংপীতি. যঞ্চ চিত্তং যেন অত্তনো অনুরূপেন পরিকম্মসঙ্খাতপুব্বা ভিসঙ্খারেন ৰিনা ন উপ্পজ্জতি. সো তস্স চিত্তস্স পকতিপচ্চযগণেএৰঅন্তো গধো হোতি. ঝানানিচ লোকিয লোকুত্তর ভূতানি সব্বানি অত্তনো অনুরূপেন পরিকম্মসঙ্খাত পুব্বভাগভাৰনা ভিসঙ্খারেন ৰিনা উপ্পন্নানিনাম নত্থীতি সো তেসং পকতিপচ্চযগণেসুএৰ অন্তোগধো হোতীতি. ইতরথা সব্বংপি কুসলাকুসল কম্মং অসঙ্খারিকং নামনত্থীতি আপজ্জতীতি.

অধিকারেনচ ৰিনা কেৰলং.ল. সসঙ্খারিকন্তিপি নসক্কা ৰত্তুন্তি ৰুত্তং. তংপি ন যুজ্জতিযেৰ.

ন হি লোকিযজ্ঝানানিনাম অধিকারেন ৰিনা নুপ্পজ্জন্তীতি অত্থি. কেৰলংপন পুব্বে সমথকম্মেসু কতাধিকারস্স সুখপ্পটিপদজ্ঝানং উপ্পজ্জতি. অকতাধিকারস্সপন দুক্খপ্পটিপদজ্ঝানন্তি এৰমেৰ অট্ঠকথাসু ¶ আগতং. ৰুত্তঞ্হি তত্থ যোচ সমথে অকতাধিকারো. তস্স দুক্খা পটিপদা হোতি. কতাধিকারস্সসুখাতি. অপিচ, পুরিমভৰে সিদ্ধং অধিকারং গহেত্ৰা ইধ সঙ্খারভেদৰিচারণাপি নযুত্তাএৰ. কুসলক্রিযজ্ঝানেসু হি সন্নি হিতপচ্চযৰসেনেৰ তব্বিচারণা যুত্তাতি.

অথৰাতিআদিকো পচ্ছিম ৰিকপ্পোপি পটিক্খিত্তো এৰ হোতীতি.

৫২. এত্থ ঝানং অনুযুঞ্জন্তস্স নিমিত্তুপ্পাদতো পুব্বং পটিপদায খেত্তং, পচ্ছা অভিঞ্ঞায খেত্তং. তত্থ পুব্বে ৰিরুদ্ধপচ্চযানং সন্নিহিতেন কিলমন্তস্স সতো পটিপজ্জন্তস্স ভাৰনা পটিপদা দুক্খানাম হোতি. অকিলমন্তস্স সুখা. পচ্ছাচ দন্ধং অপ্পনং পত্তস্স ভাৰনাভিঞ্ঞা দন্ধাভিঞ্ঞানাম হোতি. খিপ্পং পত্তস্স খিপ্পাভিঞ্ঞানাম. তত্থ পুব্বে দুক্খা পটিপদা পচ্ছা দন্ধংৰা খিপ্পংৰা উপ্পন্নং ঝানং দুক্খপ্পটিপদংনাম করোতি. সুখাপন সুখপ্পটিপদংনাম করোতীতি. দুতীযজ্ঝানাদীসুপন পুরিমজ্ঝানে নিকন্তি ৰিক্খম্ভনস্স দুক্খসুখতাৰসেন পটিপদাভেদো ৰেদিতব্বো. যোপন এতরহি গহট্ঠোৰা পব্বজিতোৰা পুব্বভৰে অকতাধিকারোপি অন্তরাযিকধম্মমুত্তো কল্যাণপটিপত্তিযং ঠিতো ছিন্নপলিবোধো পহিতত্তো ঝানং ভাৰেতি. তস্স ঝানভাৰনা নসম্পজ্জতীতি নত্থীতি নিট্ঠমেত্থ গন্তব্বন্তি. [কুসলজ্ঝানং]

৫৩. ৰিপাকজ্ঝানে কামকুসলং অপ্পনং অপত্তং মুদুভূতং দুব্বলং হোতি. পরিত্তেসু নানাকিচ্চট্ঠানেসুচ হীনেসুপি অত্তভাৰেসুচ ৰিপচ্চতি. তস্মা তং অত্তনা অসদিসংপি ৰিপাকং জনেতি. মহগ্গতকুসলংপন অপ্পনাপত্তং তিক্খং বলৰং হোতি. উল়ারে ব্রহ্মত্তভাৰে ভৰঙ্গট্ঠানেসুযেৰ ৰিপচ্চতি. তস্মা তং সদাপি অত্তনা সদিসমেৰ ৰিপাকং জনেতি. তেনেৰ ৰিতক্কৰিচারপীতি সুখেকগ্গতা সহিতন্তিআদিনা ৰিপাকংপি সব্বসো কুসল সদিসমেৰ দস্সেতি.

[৫০] অনন্তরভৰেযেৰ ¶ ফলদানত্তা তং অত্তনা সদিসমেৰ ৰিপাকং জনেতীতিচ ৰদন্তি, তং ন সুন্দরং.

এৰঞ্হি সতি কামকুসলংপি সত্তমজৰনং অত্তনা সদিসৰিপাক মেৰ জনেয্যাতি. যস্মাচ কুসলমেৰ নিরনুসযসন্তানে পৰত্তং ক্রিযজ্ঝানং নাম হোতি. তস্মা ক্রিযচিত্তংপি কুসল সদিসমেৰ দস্সেতি.

৫৪. পঞ্চধাতিআদিসঙ্গহগাথা. তত্থ ঝানভেদেনাতি পথমজ্ঝানাদীহি পঞ্চহি ঝানেহি সম্পযোগভেদেন. রূপাৰচরমানসং ঝানভেদেন পঞ্চধা হোতি. পথমজ্ঝানিকং, দুতীযজ্ঝানিকং, ততীযজ্ঝানিকং, চতুত্থজ্ঝানিকং, পঞ্চমজ্ঝানিকন্তি এৰং পঞ্চৰিধং হোতীতি অত্থো. তমেৰ পুঞ্ঞপাকক্রিযাভেদেন পঞ্চদসধা ভৰেতি যোজনা.

ঝানভেদেনাতি ঝানঙ্গেহি সম্পযোগভেদেনাতি ৰুত্তং. তং ন সুন্দরং.

অঞ্ঞো হি ঝানভেদো. অঞ্ঞো ঝানঙ্গভেদো. তত্থ পথমং ঝানং দুতীযং ঝানন্তিআদিঝানভেদো. পথমজ্ঝানে পঞ্চ অঙ্গানি. দুতীযজ্ঝানে চত্তারীতিআদি ঝানঙ্গভেদো. তেসু ইধ ঝানভেদোৰ অধিপ্পেতো. ন ঝানঙ্গভেদো. চিত্তঞ্হি ঝানভেদে নেৰ পঞ্চৰিধং হোতি. নঝানঙ্গভেদেন. ঝানমেৰ পন ঝানঙ্গভেদেন পঞ্চৰিধন্তি.

‘‘পঞ্চধাতি পঞ্চঙ্গিকং চতুরঙ্গিকং তিৰঙ্গিকং দুৰঙ্গিকং পুন দুৰঙ্গিকন্তি পঞ্চৰিধং হোতী’’তি ৰুত্তং. তংপি ন সুন্দরং.

ঝানমেৰ হি পঞ্চঙ্গিকাদি হোতি. ন চিত্তন্তি.

রূপাৰচর চিত্তস্স পরমত্থধীপনা.

৫৫. ইদানি যথানুপ্পত্তং অরূপচিত্তং নিদ্দিসন্তো আকাসানঞ্চা যতনকুসলচিত্তন্তিআদি মাহ. তত্থ ভুসো কাসতি দিব্বতীতি ¶ আকাসো. সো হি সযং সরূপতো অনুপলব্ভমানোপি চন্দসূরিযোভাসাদীনং ৰসেন অতিৰিজ্জোতমানোৰিয খাযতীতি. নকস্সতি ছেদন ভেদন ৰসেন ন ৰিলেখীযতীতি অকাসো. অকাসোএৰ আকাসো তিপি ৰদন্তি. সো পন অজটাকাসো পরিচ্ছিন্নাকাসো কসিণুগ্ঘাটিমাকাসো রূপকলাপপরিচ্ছেদাকাসোতি চতুব্বিধো হোতি. তত্থ ইধ কসিণুগ্ঘাটিমাকাসো অধিপ্পেতো. সো হি অনন্তেন অজটাকাসেন সহ একীভূতোৰিয হোতি. যোগিনাচ অনন্তভাৰেন ফরীযতি. তস্মা অনন্তো আকাসোতি আকাসানন্তো. নাস্স উপ্পাদন্তোৰা ৰযন্তোৰা পঞ্ঞাযতীতি অনন্তোতিপি ৰুত্তং. সোযেৰ আকাসানঞ্চং. সকত্থে যকারেন সহ সিদ্ধত্তা. যথা পন দেৰানং অধিট্ঠানৰত্থু দেৰাযতনন্তি ৰুচ্চতি. তথা ইধপি তস্মিং অপ্পনাপত্তস্স সসম্পযুত্তস্স ঝানস্স অধিট্ঠানট্ঠেন তদেৰ আযতনন্তিপি ৰুচ্চতি. ইতি আকাসানঞ্চং আযতনমস্সাতি আকাসানঞ্চাযতনং. চিত্তচেতসিকরাসি.

আকাসানঞ্চা যতনন্তি আকাসানঞ্চা যতনং সমাপন্নস্সৰা উপপন্নস্সৰা দিট্ঠধম্মসুখৰিহারিস্সৰা চিত্ত চেত সিকাধম্মাতি হি ৰিভঙ্গে ৰুত্তং.

আকাসানঞ্চাযতনে পৰত্তং কুসলচিত্তন্তি আকাসানঞ্চাযতনকুসলচিত্তং. ৰিঞ্ঞাণঞ্চাযতনন্তি এত্থ ৰিঞ্ঞাণংনাম আকাসানঞ্চাযতনচিত্তমেৰ. তংপন সযং উপ্পাদাদি অন্তৰন্তংপি অনন্তসঞ্ঞিতে আকাসে পৰত্তনতো অনন্তন্তি ৰুচ্চতি. কোট্ঠাসত্থোৰা অন্তসদ্দো. অত্তনো উপ্পাদাদীসু কোট্ঠাসেসু একদেসে অট্ঠত্ৰা সকলস্স ফরণৰসেন তদারম্মণায ভাৰনায পৰত্তনতো অনন্তন্তি ৰুচ্চতি. অনন্তসঞ্ঞিতেৰা আকাসে পৰত্তনতো অনন্তন্তি এৰং তদারম্মণায ভাৰনায পৰত্তত্তা অনন্তন্তি ৰুচ্চতি. অনন্তসঞ্ঞিতেৰা আকাসে অত্তনো ফরণাকার ৰসেনপি অনন্তন্তি ৰত্তুং যুজ্জতিযেৰ. অনন্তং ৰিঞ্ঞাণন্তি ¶ ৰিঞ্ঞাণানন্তং. তমেৰ ৰিঞ্ঞাণঞ্চং নিরুত্তিনযেন, ৰিঞ্ঞাণঞ্চং আযতনং অস্সাতি ৰিঞ্ঞাণঞ্চাযতনং. ৰিঞ্ঞাণঞ্চাযতন সঙ্খাতে চিত্তচেতসিকরাসিম্হি পৰত্তং কুসলচিত্তন্তিসমাসো.

ৰিঞ্ঞাণঞ্চাযতনন্তি ৰিঞ্ঞাণঞ্চাযতনং সমাপন্নস্সৰা উপপন্নস্সৰাদিট্ঠধম্মসুখৰিহারিস্সৰাচিত্তচেতসিকাধম্মাতিহি ৰিভঙ্গে ৰুত্তং.

[৫৩] ৰিভাৰনিযং পন মহাটীকাযঞ্চ

‘‘দুতীযা রুপ্প ৰিঞ্ঞাণেন অঞ্চিতব্বং পাপুণিতব্বন্তি ৰিঞ্ঞাণঞ্চ’’ন্তিপি ৰুত্তং. তং পাল়িযা ন সমেতি.

অনন্তং ৰিঞ্ঞাণন্তি তদেৰ ৰিঞ্ঞাণং ঞাণেন ফুট্ঠং মনসিকরোতি, অনন্তং ফরতি. তেন ৰুচ্চতি অনন্তং ৰিঞ্ঞাণন্তীতিহি ৰুত্তং. এতেন চ তংৰিঞ্ঞাণং একন্তেন অনন্তৰিসেসনযুত্তং হোতীতি ৰিঞ্ঞাযতীতি. তমেৰ আকাসন্তিপি পাঠো. আকিঞ্চঞ্ঞাযতনন্তি এত্থ কিঞ্চি কিঞ্চনন্তি অত্থতো একং অপ্পমত্তকস্স নামং. নত্থি কিঞ্চনং অপ্পমত্তকং অন্তমসো ভঙ্গমত্তংপি অৰসিট্ঠং অস্স পথমা রুপ্পৰিঞ্ঞাণস্সাতি অকিঞ্চনং. অকিঞ্চনস্স ভাৰো আকিঞ্চঞ্ঞং. পথমারুপ্পৰিঞ্ঞাণাভাৰো. সো হি নত্থি কিঞ্চীতি মনসিকার ৰসেন তংনামং লভতীতি. আকিঞ্চঞ্ঞং আযতনমস্সাতিআদি ৰুত্তনযমেৰ. নেৰসঞ্ঞা নাসঞ্ঞাযতনন্তি এত্থ ওল়ারিক সঞ্ঞং সন্ধায নেৰত্থি সঞ্ঞা অস্সাতি নেৰসঞ্ঞং. সুখুমসঞ্ঞং সন্ধায নচ নত্থি সঞ্ঞা অস্সাতি নাসঞ্ঞং, নেৰসঞ্ঞঞ্চ তং নাসঞ্ঞঞ্চাতি নেৰসঞ্ঞা নাসঞ্ঞং মজ্ঝে দীঘং কত্ৰা, চিত্ত চেতসিকরাসিএৰ. তমেৰ যোগিনো সুখৰিসেসানং অধিট্ঠানট্ঠেন আযতনন্তি নেৰসঞ্ঞা নাসঞ্ঞাযতনং. তস্মিং পৰত্তং কুসল চিত্তন্তি সমাসো. অথৰা. সঞ্ঞাযেৰ পটুসঞ্ঞাকিচ্চস্স অভাৰতো নেৰসঞ্ঞাচ হোতি. সঙ্খারাৰসেস সুখুমভাৰেন ৰিজ্জমানত্তা অসঞ্ঞাচ নহোতীতি কত্ৰা নেৰসঞ্ঞানা সঞ্ঞানাম, সাযেৰ আযতনং, তেনচ সম্পযুত্তং কুসল চিত্তন্তি সমাসো. এত্থচ যস্মা আদিতো পট্ঠায ওল়ারিকে নীৰরণধম্মে ¶ ৰিতক্কাদিকেচ পজহিত্ৰা সেসধম্মেচ ভাৰনা বলেন উপরুপরি সুখুমভাৰং পাপেত্ৰা অনুক্কমেন পটিপজ্জন্তা সুখুমট্ঠেন লোকিযধম্মেসু মুদ্ধভূতং ইমং সমাপত্তিং পাপুণন্তি. তস্মা ইধ চিত্তংপি নেৰচিত্তনাচিত্তমেৰ হোতি. ফস্সোপি নেৰ ফস্সনাফস্সোএৰ হোতি, তথা ৰেদনাদযোপীতি. তস্মা ইধসঞ্ঞাগ্গহণং দেসনাসীসমত্তন্তি দট্ঠব্বং. ৰিপাকেসু ৰিঞ্ঞাণঞ্চাযতনন্তি এত্থ ৰিঞ্ঞাণন্তি পথমারুপ্পকুসল ৰিঞ্ঞাণমেৰ. তঞ্চ অতীতানন্তরভৰে পৰত্তং দট্ঠব্বং. অকিঞ্চন ভাৰোচ তস্সেৰ নত্থি ভাৰোতি. ক্রিযচিত্তেসু পন ৰিঞ্ঞাণং নাম কুসলভূতং ক্রিযভূতঞ্চ দুৰিধং পথমারুপ্পৰিঞ্ঞাণং ৰেদিতব্বং. অকিঞ্চনভাৰোচ তস্সেৰ দুৰিধস্স ৰিঞ্ঞাণস্স অভাৰো যেৰাতি.

৫৬. সঙ্গহগাথাযং আরম্মণপ্পভেদেনাতি আলম্বি তব্বানং কসিণুগ্ঘাটিমাকাসাদীনং চতুন্নং আরম্মণানং পভেদেন. দুৰিধংহি ইধ আরম্মণচতুক্কং, অতিমিক্কতব্ব চতুক্কং, আলম্বি তব্ব চতুক্কঞ্চ. তত্থ পথমারুপ্পে রূপপঞ্চমজ্ঝানস্স আরম্মণ ভূতং. কসিণনিমিত্তং অতিক্কমি তব্বংনাম. তং উগ্ঘাটেত্ৰা লদ্ধং আকাসং আলম্বিতব্বং নাম. দুতীযারুপ্পে পথমারুপ্পস্স আরম্মণভূতং আকাসং অতিক্কমিতব্বংনাম. পথমারুপ্পৰিঞ্ঞাণং আলম্বি তব্বংনাম. ততীযারুপ্পে তংপথমারুপ্পৰিঞ্ঞাণং অতিক্কমিতব্বংনাম. তস্স নত্থিভাৰো আলম্বিতব্বংনাম. চতুত্থারুপ্পে সো নত্থি ভাৰো অতিক্কমিতব্বং নাম. ততীযারুপ্পৰিঞ্ঞাণং আলম্বি তব্বং নামাতি. তত্থ কিঞ্চাপি ইমং আরুপ্পমানসং চতুন্নং অতিক্কমি তব্বানংপি ভেদেন চতুব্বিধং হোতি, তথাপি আকাসানঞ্চায তনন্তিআদিনা ইধ আলম্বিতব্বানঞ্ঞেৰ সরূপতো গহিতত্তা তেসং ভেদেন ইমস্স ভেদো পাকটোতি দট্ঠব্বং. আরুপ্পমানসং আলম্বণপ্পভেদেন চতুধা ঠিতং. তদেৰ পুঞ্ঞপাক ক্রিযভেদেন দ্ৰাদসধা ঠিতন্তি যোজনা.

৫৭. ইদানি ¶ যথানুপ্পত্তং লোকুত্তর চিত্তং দস্সেন্তো সোতাপত্তিমগ্গচিত্তন্তিআদিমাহ. তত্থ সৰতি সন্দতি অনিৰত্তগমনৰসেন পৰত্ততীতি সোতো, গঙ্গাদীসু জলপ্পৰাহো. সোহি পভৰতো পট্ঠায যাৰমহাসমুদ্দা অন্তরা অনিৰত্ত মানো সৰতি সন্দতি পৰত্ততীতি. সোতোৰিযাতি সোতো. অট্ঠঙ্গিকো অরিযমগ্গো, যথাহ-যোখো আৰুসো অরিযো অট্ঠঙ্গিকো মগ্গো. সেয্যথিদং, সম্মাদিট্ঠি. ল. সম্মাসমাধি. অযং ৰুচ্চতাৰুসো সোতোতি. অযংপিহি যদা উপ্পজ্জতি. ততো পট্ঠায আনুভাৰফরণৰসেন যাৰঅনুপাদিসেসনিব্বানধাতুযা অন্তরা অনিৰত্তমানোযেৰ হুত্ৰা সৰতি সন্দতি পৰত্ততীতি. যথাহ -

সেয্যথাপি ভিক্খৰে যাকাচি মহানদিযো. সেয্যথিদং. গঙ্গা, যমুনা, অচিরৰতী, সরভূ, মহী. সব্বা তা সমুদ্দনিন্না হোন্তি সমুদ্দপোণা সমুদ্দপব্ভারা. এৰমেৰ খো ভিক্খৰে ভিক্খু অরিযং অট্ঠঙ্গিকং মগ্গং ভাৰেন্তো বহুলিকরোন্তো নিব্বাননিন্নো হোতি নিব্বানপোণো নিব্বান পব্ভারোতি.

এত্থচ তেন তেন মগ্গেন পহীনানং কিলেসানং পুন অনুপগমন ৰসেন সদ্ধাদীনং ইন্দ্রিযানং অনুক্কমেন পরিপাকগমনৰসেনচ অনিৰত্তগমনং দট্ঠব্বং. যথাহ -

সেয্যথাপি ভিক্খৰে ঘটো নিক্কুজ্জো ৰমতেৰ উদকং. নোপচ্চাৰমতি. এৰমেৰখো ভিক্খৰে অরিযং অট্ঠঙ্গিকং মগ্গং ভাৰেন্তো বহুলিকরোন্তো ৰমতেৰ পাপকে অকুসলে ধম্মে. নোপচ্চাৰমতীতি. যথাচাহ-সোতাপত্তি মগ্গঞ্ঞাণেন যে কিলেসা পহীনা, তে কিলেসে নপুনেতি নপচ্চেতি নপচ্চাগচ্ছতীতিআদি.

যথাচ পুথুজ্জনা পহীনেপি কিলেসে পুন উপগচ্ছন্তি. তিহে তুকভূতাপি পুন দ্ৰিহেতুকাহেতুকভাৰং গচ্ছন্তি. যতো তে উপরিভৰগ্গে ¶ নিব্বত্তাপি পুন অপাযেসু সন্দিস্সন্তি. সীলৰন্তাপি পুন দুস্সীলা হোন্তি. সমাহিতাপি পুন উম্মত্তকাৰা খিত্তচিত্তাৰা হোন্তি. পঞ্ঞৰাপি পুন দুপ্পঞ্ঞা এল়মূগা হোন্তি. নতথা অরিযা. তেপন তেন তেন মগ্গেন পহীনে কিলেসে পুন নউপগচ্ছন্তি. পুথুজ্জনভাৰংৰা হেট্ঠিমারিয ভাৰংৰা ন গচ্ছন্তি. অনুক্কমেন সদ্ধাদীনং ইন্দ্রিযানং পরিপক্কভাৰমেৰ উপগচ্ছন্তীতি. সব্বঞ্চেতং অরিযমগ্গস্সেৰ আনুভাৰেন সিদ্ধন্তি সোতোতিনামং মূলপ্পভৰভূতে তস্মিং মগ্গেএৰ নিরুল়্হন্তি দট্ঠব্বং. তস্স সোতস্স আদিতো পজ্জনং পাপুণনং সোতাপত্তি. সোতাপত্তিযা অধিগমমানো মগ্গো সোতাপত্তিমগ্গো. অথৰা, ধম্মসোত সমাপন্নো অরিযোতি পৰুচ্চতীতি ৰুত্তত্তা সব্বে অরিযসন্তানগতা লোকিয লোকুত্তরভূতা বোধিপক্খিযধম্মা উপরি সম্বোধিপরা যনতাৰসেন অনুপাদিসেসনিব্বান পরাযনতাৰসেনচ অনিৰত্ত গতিযা পৰত্তমানা যথাৰুত্তেন অত্থেন সোতোতি ৰুচ্চন্তি. তং সোতং আদিতো পজ্জন্তি পাপুণন্তি এতায পটিপদাযাতি সোতাপত্তি. সোতাপত্তিচ সা মগ্গোচাতি সোতাপত্তিমগ্গো, পথমমগ্গসঙ্খাতায সোতাপত্তিযা অঙ্গন্তি সোতাপত্তি যঙ্গন্তিহি অট্ঠকথাযং ৰুত্তং, মগ্গোতিচ পথো উপাযো. নিব্বানং মগ্গেতি, নিব্বানত্থিকেহি মগ্গীযতি, কিলেসে মারেন্তো গচ্ছতীতি মগ্গোতিচ ৰদন্তি.

অরিযমগ্গসোতস্স আদিতো পজ্জনং এতস্সাতি সোতাপত্তি. পুগ্গলোতি ৰুত্তং. তং ন সুন্দরং.

ন হি পুগ্গলে পৰত্তো সোতাপত্তিসদ্দো কত্থচি দিট্ঠোতি.

[৫৫] এতেন তস্স মগ্গো সোতাপত্তিমগ্গোতি ইদংপি পটিক্খিত্তং হোতি.

সোতাপত্তিমগ্গেন সম্পযুত্তং চিত্তং সোতাপত্তিমগ্গচিত্তং.

সোতাপত্তিযা ¶ লদ্ধং মগ্গচিত্তং সোতাপত্তি মগ্গচিত্তন্তি ৰুত্তং. তং ন সুন্দরং.

ন হি চিত্তসদ্দসম্বন্ধো সোতাপত্তিসদ্দো কত্থচি পাল়িযং দিট্ঠোতি.

৫৮. পটিসন্ধিৰসেন সকিং ইমংলোকং আগচ্ছতি সীলেনাতি সকদাগামী. দুতীযফলট্ঠো. সো হি অসমুচ্ছিন্নকাম রাগানুসযত্তা কামলোকাগমন কিলেসসব্ভাৰেন তং সভাৰানাতি ৰত্তনতো উপরি ভৰগ্গে ঠিতোপি পটিসন্ধিৰসেন পুন ইমং কামধাতুং আগমনপ্পকতিকোএৰ হোতীতি. ৰুত্তঞ্হেতং চতুক্কনিপাতে -

ইধ সারিপুত্ত একচ্চস্স পুগ্গলস্স ওরম্ভাগিযানি সংযোজনানি অপ্পহীনানি হোন্তি, সো দিট্ঠেৰধম্মে নেৰসঞ্ঞানাসঞ্ঞাযতনং উপসম্পজ্জ ৰিহরতি. সো অপরিহীনো কালং কুরুমানো নেসঞ্ঞানাসঞ্ঞা যতনুপগানং দেৰানং সহব্যতং উপপজ্জতি. সো ততো চুতো আগামী হোতি আগন্ত্ৰা ইত্থত্তং. ইধ পন সারিপুত্ত একচ্চস্স পুগ্গলস্স ওরম্ভাগিযানি সংযোজনানি পহীনানি হোন্তি, সো দিট্ঠেৰ.ল. সো ততো চুতো অনাগামী হোতি অনাগন্ত্ৰা ইত্থত্তন্তি.

অট্ঠকথাযঞ্চ ইত্থত্তন্তি ইমং কামাৰচর পঞ্চক্খন্ধ ভাৰন্তি ৰুত্তং. অযঞ্চ অত্থো কিলেসগতিৰসেন ৰুত্তো. ন পুগ্গল গতিৰসেন. ন হি ব্রহ্মভূতা সোতাপন্ন সকদা গামিনো পটিপটিসন্ধিৰসেন হেট্ঠিমংপি ব্রহ্মলোকং আগচ্ছন্তি. কুতো কাম লোকং. কথং ৰিঞ্ঞাযতীতি চে. অনুসযযমকে –

কামধাতুযা চুতস্স রূপধাতুং অরূপধাতুং উপপজ্জন্তস্স কস্সচি সত্তঅনুসযা অনুসেন্তি, কস্সচি পঞ্চঅনুসযা অনুসেন্তি, কস্সচি তযো অনুসযা অনুসেন্তীতি ৰত্ৰা ¶ রূপ ধাতুযা অরূপধাতুযা চুতস্স কামধাতুং উপপজ্জন্তস্স সত্তেৰ অনুসযা অনুসেন্তীতি.

ৰুত্তত্তা ৰিঞ্ঞাযতি. তত্থ পুরিমৰাক্যে পুথুজ্জনস্স ৰসেন সত্ত. দ্ৰিন্নং সোতাপন্নসকদাগামীনং ৰসেন পঞ্চ. অনাগামিস্স ৰসেন কযোতি ৰুত্তং, পচ্ছিমৰাক্যেপন ব্রহ্মভূতানং সোতা পন্নসকদাগামিঅনাগামীনং পটিসন্ধিৰসেন কামলোকং গমনস্স নত্থিতায কেৰলং পুথুজ্জনস্সেৰ ৰসেন সত্তেৰাতি ৰুত্তং. ধম্মহদয ৰিভঙ্গট্ঠকথাযঞ্চ –

‘‘রূপাৰচরে নিব্বত্তা সোতাপন্নসকদাগামিনো নপুন ইধা গচ্ছন্তি, তত্থেৰ পরিনিব্বাযন্তি. এতেহি ঝানঅনাগামিনো নামা’’তি চ. ‘‘নৰসু ব্রহ্মলোকেসু নিব্বত্তঅরিয সাৰকানং তত্রুপ পত্তিপি হোতি উপরূপপত্তিপি. নহেট্ঠু পপত্তি. পুথুজ্জনানংপন তত্রুপপত্তিপি হোতি উপরূপপত্তি হেট্ঠুপপত্তিপী’’তি চ.

ৰুত্তং. তঞ্চখো অনাগমনং মগ্গসহাযেন ঝানানুভাৰেনেৰ সিদ্ধং. নমগ্গানুভাৰেনাতি. এত্থচ ইমং লোকন্তি পদস্স ইমং মনুস্সলোকন্তি ৰা ইমং কামাৰচরলোকন্তিৰা দ্ৰিধাপি অত্থো অট্ঠকথাসু ৰুত্তো. তত্থ পুরিমস্মিং অত্থে সতি আগচ্ছতীতি এতস্স দেৰলোকতো আগচ্ছতীতি অত্থো. পচ্ছিমস্মিং পন ব্রহ্মলোকতোপি চ আগচ্ছতীতি. পাল়িযংপন পচ্ছিমত্থোৰ ৰুত্তোৰিয দিস্সতি. ৰুত্তঞ্হেতং পুগ্গলপঞ্ঞত্তিযং অনাগন্ত্ৰা ইত্থত্তং অনাগামী তেন দট্ঠব্বো. আগন্ত্ৰা ইত্থত্তং সোতাপন্নসকদা গামিনো তেন দট্ঠব্বাতি. এত্থচ অনাগন্ত্ৰা ইত্থত্তন্তি ইমিনা ইমং কামাৰচরলোকং ন আগচ্ছতীতি অনাগামীতি অত্থং দস্সেতি. আগন্ত্ৰা ইত্থত্তন্তি ইমিনাপন দ্ৰেপি সোতাপন্নসকদাগামিনো সকিং পুন ইমং কামাৰচরলোকং আগচ্ছন্তীতি সকদাগামিনোতি অত্থং দস্সেতি. কস্মা, নিরন্তরৰাক্যেসু ঠিতানং দ্ৰিন্নংইত্থত্ত সদ্দানং নানাত্থা সম্ভৰতো. মজ্ঝিমপণ্ণাসেচ কণ্ণকত্থ সুত্তে -

যো ¶ সো মহারাজ ব্রহ্মা সব্যাপজ্ঝো, সো ব্রহ্মা আগন্তা ইত্থত্তং. যোসো ব্রহ্মা অব্যাপজ্ঝো, সো ব্রহ্মা অনাগন্তা ইত্থত্তন্তি.

ভগৰতা ৰুত্তং. তত্থ সব্যাপজ্ঝোতি এতেন পুথুজ্জনেন সহ সোতাপন্নসকদাগামিভূতা ব্রহ্মানো গহিতা হোন্তি. তেহি পটিঘানুসযস্স অপ্পহীনত্তা চেতসিকদুক্খসঙ্খাতং ব্যাপজ্ঝংপি অপহীনমেৰাতি সব্যাপজ্ঝানাম. আগন্তা ইত্থত্তন্তি ইমং কামলোকং পটিসন্ধিৰসেন পুন আগমনসীলো আগমনপ্পকতিকোতি অত্থো. তব্বিপরীতেন পচ্ছিমস্স ৰাক্যস্স অত্থো ৰেদিতব্বো. তেসুপন দ্ৰীসু সকদাগামীসু পুরিমস্স অনঞ্ঞসা ধারণেনেৰ সব্বপথমং অরিয মগ্গ সোতাধি গমন গুণেন সোতাপন্নো ত্ৰেৰ নামং সিদ্ধন্তি দট্ঠব্বং. পুগ্গলগতিৰসেন পনেত্থ ব্রহ্মলোকে ঠিতানং সত্তক্খত্তুপরমতাদিভাৰোৰিয সকদাগামিভাৰোপি নত্থি. পথমদুতীযফলট্ঠাপিহি তত্থ অনাগামিসঙ্খ্যমেৰ গচ্ছন্তি. তস্মা সকদাগামীতি ইদং কামজাতিকা নংএৰ দুতীযফলট্ঠানং সিদ্ধং নামন্তি কত্ৰা তেসং কামলোকে এৰ হেট্ঠুপরুপপত্তি ৰসেন সকিং আগমনং অট্ঠকথাসু ৰুত্তন্তি দট্ঠব্বং. এৰঞ্চ কত্ৰা পাল়িযংপি পঞ্চন্নং ইধ নিট্ঠা সত্তক্খত্তুপরমস্স কোলংকোলস্স একবীজিস্স সকদাগামিস্স যোচ দিট্ঠেৰ ধম্মে অরহাতি ৰুত্তন্তি. সোপন ছব্বিধো হোতি. ইধপত্ৰা ইধপরিনিব্বাযী, তত্থ পত্ৰা তত্থ পরিনিব্বাযী, ইধপত্ৰা তত্থ পরিনিব্বাযী, তত্থ পত্ৰা ইধ পরিনিব্বাযী, ইধপত্ৰা তত্থনিব্বত্তিত্ৰা ইধ পরিনিব্বাযী. তত্থপত্ৰা ইধনিব্বত্তিত্ৰা তত্থপরিনিব্বাযীতি. তত্থ ইধ পত্ৰা ইধ পরিনিব্বাযীতি ইধ মনুস্সভৰে সকদাগামিমগ্গং পত্ৰা ইধমনুস্স ভৰেযেৰ অরহত্তমগ্গং লভিত্ৰা পরিনিব্বাযনধম্মো. তত্থ পত্ৰা তত্থ পরিনিব্বাযীতি তস্মিংদেৰলোকে সকদাগামিমগ্গং পত্ৰা তস্মিং দেৰলোকেযেৰ অরহত্তমগ্গং লভিত্ৰা পরিনিব্বাযনধম্মো. নিব্বত্তিত্ৰাতি পটিসন্ধিগ্গহণৰসেন উপ্পজ্জিত্ৰা. যেসং পন ইমং লোকন্তি পদস্স ইমং মনুস্সলোকন্তি অত্থো. তেসং সো পঞ্চৰিধোযেৰ ৰুত্তো, ন ছট্ঠো পুগ্গলো.

‘‘পঞ্চসু ¶ সকদাগামীসু পঞ্চমকোৰ ইধাধিপ্পেতো, সো হি ইতো গন্ত্ৰা পুন সকিং ইধ আগচ্ছতী’’তি ৰুত্তং.

মহাপরিনিব্বান সুত্তট্ঠকথাযং পন মহাৰগ্গ সংযুত্তট্ঠকথা যঞ্চ সোপি ছট্ঠো পুগ্গলো সকিং আগমনট্ঠেন আগতোযেৰ. যস্মাচ সব্বঞ্ঞুবুদ্ধাপি যাৰ উপরিমগ্গো নাগচ্ছতি. তাৰ পথমফলট্ঠভূতা সত্তক্খত্তু পরমতাযংৰিয দুতীযফলট্ঠভূতা সকিং আগমনপ্পকতিযং সণ্ঠিতাযেৰ হোন্তি. তস্মা ইধ কোচি দুতীযফলট্ঠো সকিং আগমনট্ঠেন নিপ্পরিযাযেন সকদা গামীনাম ন নহোতীতি সব্বোপি সো ছব্বিধো পুগ্গলো ইধ নিপ্পরিযাযেন সকদাগামিযেৰনাম হোতীতি দট্ঠব্বো. সকদা গামিস্স মগ্গো সকদাগামিমগ্গো. সো হি সযং জনকভূতো সকদাগামীনং জনেতব্বং জনেতীতি ইধ জনেতব্ব জনকসম্বন্ধেন ৰিসেসন ৰিসেসিতব্বতা ঞাযাগতা এৰ হোতি. যথা তিস্সমাতা ফুস্সমাতাতি.

সাঞাযাগতাএৰ নহোতি. পযোজনং পন কিঞ্চি অত্থি. পযোজনৰসেন অৰিরুদ্ধা হোতীতি ইমিনা অধিপ্পাযেনযং ৰুত্তং ‘‘কিঞ্চাপি মগ্গসমঙ্গিনো তথাগমনাসম্ভৰতো ফলট্ঠোযেৰ সকদাগামীনাম. তস্সপন কারণভূতো পুরিমুপ্পন্নো মগ্গো মগ্গন্তরাৰচ্ছেদনত্থং ফলট্ঠেন ৰিসেসেত্ৰা ৰুচ্চতি সকদাগামিমগ্গোতি. এৰং অনাগামিমগ্গো’’তি. তং ন যুজ্জতি.

সকদাগামিমগ্গেন সম্পযুত্তং চিত্তন্তি সমাসো.

৫৯. ওরব্ভাগিযসংযোজনানং সব্বসো সমুচ্ছিন্নত্তা পটিসন্ধিৰসেন পুন ইমং কামলোকং ন আগচ্ছতীতি অনাগামী. একন্তেন ব্রহ্মলোকপরাযনোএৰ হোতীতি অত্থো. ইদঞ্চ কেৰলং ইমস্স মগ্গস্স আনুভাৰৰসেনেৰ ৰুত্তং. উপরিমগ্গ ৰিপস্সনায ¶ পন আগতায সো তস্মিং ঠানেযেৰ অরহত্ত মগ্গপরাযনোপি হোতিযেৰ. অনাগামিস্স ততীযফলট্ঠস্সমগ্গো. তেন সম্পযুত্তং চিত্তন্তি ৰিগ্গহো.

৬০. মহপ্ফলকারিতাগুণযোগেন পূজাৰিসেসং অরহতীতি অরহা. খীণাসৰো চতুত্থফলট্ঠো. অরহতো ভাৰো অরহত্তং, চতুত্থফলং. তস্স মগ্গো. তেন সম্পযুত্তচিত্তন্তি নিব্বচনং. পিসদ্দেন পাল়িযং ৰিভত্তে মগ্গচিত্তপ্পভেদে সম্পিণ্ডেতি. তত্থ ধম্মসঙ্গণিযং তাৰ পথমমগ্গে ঝাননামেন ৰুত্তেসু পঞ্চসু ৰারেসু পথমে সুদ্ধিকপটিপদাৰারেদ্ৰিন্নং চতুক্কপঞ্চকনযানং ৰসেন নৰচিত্তানি হোন্তি. তথা সুদ্ধিকসুঞ্ঞতায সুঞ্ঞতপ্পটিপদায সুদ্ধিকপ্পণিহিতে অপ্পণিহিতপ্পটিপদাযচাতি পঞ্চসু ৰারেসু দসন্নং নযানং ৰসেন পঞ্চচত্তালীসচিত্তানি হোন্তি. তথা মগ্গসতিপট্ঠানাদীহি একূনৰীসতিযা নামেহি ৰুত্তেসু পচ্চেকং পঞ্চসু ৰারেসূতি ৰীসতিযা নামেহি ৰুত্তে ৰারসতে দ্ৰিন্নং নযসতানং ৰসেন নৰচিত্তসতানি হোন্তি. পুন চতূহি অধিপতীহি যোজেত্ৰা ৰুত্তেসু চতূসু ৰারসতেসু অট্ঠন্নং নযসতানং ৰসেন তীণি সহস্সানি ছসতানিচ হোন্তীতি. এৰং পথমমগ্গে নয সহস্সৰসেন চত্তারিচিত্তসহস্সানি পঞ্চচিত্ত সতানিচ হোন্তি. তথা সেসমগ্গেসুপীতি এৰং চতূসু মগ্গেসু চতুন্নং নয সহস্সানং ৰসেন অট্ঠারস মগ্গ চিত্ত সহস্সানি হোন্তি. সচ্চসতিপট্ঠান ৰিভঙ্গেসু পন ৰীসতিনয সহস্সানং ৰসেন নৰুতিমগ্গচিত্তসহস্সানি. মগ্গৰিভঙ্গে অট্ঠৰীসতিযা নয সহস্সানং ৰসেন সতসহস্সং ছব্বীসতিসহস্সানি চ মগ্গচিত্তানি হোন্তীতি. অট্ঠকথাসুপন নযভেদাএৰ ৰুত্তা. নচিত্ত ভেদাতি.

পিসদ্দেন সচ্চৰিভঙ্গে আগতং সট্ঠিসহস্সভেদং নযং সঙ্গণ্হাতীতি ৰুত্তং. তং ইমস্মিং কুসলনিগমে ন ৰত্তব্বং.

সোহি সট্ঠিসহস্সভেদো নযো ৰিপাকট্ঠানেএৰ অট্ঠকথাযং আগতোতি.

পটিপদাভেদং ¶ অনামসিত্ৰা কেৰলং সুঞ্ঞতো অপ্পণিহি তোতি দ্ৰিধা ৰিভত্তোতি ৰুত্তং. তং নযুজ্জতি.

পাল়িযঞ্হি পটিপদাভেদো আদিম্হিযেৰ আগতোতি. নচ আদিম্হি সুঞ্ঞতো অপ্পণিহিতোতি দ্ৰিধা ৰিভত্তো নিরন্তরৰারো অত্থীতি.

সুঞ্ঞতো একো নযো, অপ্পণিহিতো একো, পটিপদা ৰিসিট্ঠা সুঞ্ঞতা চত্তারো, অপ্পণিহিতা চত্তারোতি কত্ৰা দসনযা হোন্তীতি অধিপ্পাযেন এৰং ঝান নামেন দসধা ৰিভত্তোতি ৰুত্তং. তংপি ন যুজ্জতিযেৰ.

ন হি সুঞ্ঞতাদযো ইধ নযানাম হোন্তি. তেসু পন একে কস্মিং দ্ৰে দ্ৰে চতুক্কপঞ্চকনযাএৰ ইধ নযানামাতি. এতেন তথা মগ্গসতিপট্ঠানিচ্চাদিকংপি সব্বং পটিক্খিত্তং হোতীতি. [মগ্গচিত্তং]

৬১. ফলচিত্তে ফলন্তি ৰিপাকভূতো অট্ঠঙ্গিক মগ্গো. সম্পযুত্তধম্মসমূহোৰা. সোতাপত্তিযা অধিগতং ফলং. তেন সম্পযুত্তং, তত্থৰা পরিযাপন্নং চিত্তন্তি সোতাপত্তি ফল চিত্তং. এসনযো দুতীযততীযেসুপি. অরহত্তঞ্চ তং ফলঞ্চাতি অরহত্তফলং. তেন সম্পযুত্তং, তস্মিংৰা পরিযাপন্নং চিত্তন্তি নিরুত্তি.

৬২. সঙ্গহগাথাযং চতুমগ্গপ্পভেদেনাতি চতুক্খত্তুং পত্তব্বত্তা চতুব্বিধানং অট্ঠঙ্গিকমগ্গানং পভেদেন. কস্মাপন তে চতুক্খত্তুং পত্তব্বাতি. ৰুচ্চতে. সোতাপত্তিমগ্গে তাৰ সদ্ধাদীনি ইন্দ্রিযানি মুদূনি হোন্তি, তস্মা সো দিট্ঠিৰিচিকিচ্ছাএৰ সমুচ্ছিন্দিতুং সক্কোতি. অঞ্ঞেপন কামরাগব্যাপাদেপি তনুভূতেপি কাতুং নসক্কোতি. দুতীযমগ্গে তানি থোকং পটূনি হোন্তি. তস্মা সো কামরাগব্যাপাদে তনুভূতে কাতুং সক্কোতি. সমুচ্ছিন্দিতুং পন নসক্কোহিযেৰ. ততীযমগ্গে তানি পটুতরানি হোন্তি. তস্মা সো কামরাগব্যাপাদে সমুচ্ছিন্দিতুং সক্কোতি. রূপারূপ রাগমানুদ্ধচ্চাৰিজ্জাযোপন ¶ সমুচ্ছিন্দিতুং নসক্কোতিযেৰ. চতুত্থ মগ্গেপন তানি ইন্দ্রিযানি পটুতমানি হোন্তি. তস্মা সো তাচ অঞ্ঞেচ সব্বেপি পাপধম্মে সমুচ্ছিন্দিতুং সক্কোতি. এৰং চতুক্খত্তুং পৰত্তমানাএৰ পরিনিট্ঠিতকিচ্চত্তা তে মগ্গা চতুক্খত্তুং পত্তব্বা হোন্তীতি. কুসলং চিত্তং চতুমগ্গপ্পভেদেন চতুধা মতং. পাকংপি তস্স চতুব্বিধস্স কুসলস্স ফলত্তা তথা চতুধামতং. ইতি অনুত্তরং চিত্তং অট্ঠধা মতন্তি যোজনা. নত্থি অত্তনো উত্তরং অধিকং এতস্সাতি অনুত্তরং.

৬৩. কস্মা পনেত্থ ক্রিযচিত্তংনামন গহিতন্তি, ক্রিযানুত্তরস্স অভাৰাতি, কস্মা পনস্স অভাৰোতি. মগ্গচিত্তস্স একচিত্তক্খণিকত্তাতি. যদি হি তং লোকিযকুসলংৰিয নানাক্খণেসু পৰত্তেয্য. তদা নিরনুসযসন্তানেপি পৰত্তিত্ৰা ক্রিযা নুত্তরংনাম সিযাতি. কস্মাপন তং একচিত্তক্খণিকমেৰ হোতীতি. মগ্গস্স মহানুভাৰত্তাতি. কথঞ্চ মহানুভাৰোতি. ৰুচ্চতে. অরিযমগ্গোহি নাম সকিং পৰত্তমানোযেৰ অত্তনা পহাতব্বে কিলেসে পুন অনুপ্পাদধম্মতং আপাদেত্ৰা পজহতি. অযমস্স একো আনুভাৰো. ৰিপাকঞ্চ কুসলক্রিযজৰনংৰিয জৰনকিচ্চ যুত্তং যদা কদাচি সমাপজ্জনক্খমঞ্চ কত্ৰা অত্তনো অনন্তরতো পট্ঠায জনেতি. অযমস্স দুতীযো আনুভাৰো. তস্মা তস্স কিলেসপ্পহানত্থাযপি পুন উপ্পাদেতব্বকিচ্চংনাম নত্থি. তথা সমাপত্তি অত্থাযপীতি. সচেপি হি কোচি অহং ফলং সমাপজ্জিতুং ন ইচ্ছামি. পুব্বে লদ্ধং মগ্গমেৰ সমাপজ্জিস্সামীতি পরিকম্মং করেয্য. তদা পুব্বে সকিং উপ্পজ্জিত্ৰা নিরুদ্ধমগ্গচেতনানুভাৰেন ফলচিত্তমেৰ পৰত্তেয্য. ন মগ্গচিত্তং. কস্মা, অপ্পটিবাহি যানুভাৰত্তা মগ্গস্স. অযঞ্হি মগ্গানুভাৰোনাম কেনচি ছন্দেন ৰা ৰসেনৰা অজ্ঝাসযেনৰা পরিকম্মেনৰা পটিবাহিতুং অসক্কুণেয্যোযেৰ হোতীতি.

৬৪. দ্ৰাদসাকুসলানেৰন্তিআদি সব্বেসং চতুব্ভূমক চিত্তানং জাতিৰসেন সঙ্গহো. এৰং ইমিনা ৰুত্তপ্পকারেন অকুস লানি ¶ দ্ৰাদসেৰহোন্তি. কুসলানি একৰীসতিএৰ. ৰিপাকানিছত্তিং সেৰ. ক্রিযচিত্তানি ৰীসতিএৰাতি টীকাযং যোজীযতি. কেচিপন কুসলানং ৰিপাকানঞ্চ উপরিৰড্ঢমানত্তাএৰসদ্দং আদিঅন্তপদেস্ৰেৰ যোজেসুং. চতুপঞ্ঞাসধাতিআদি ভূমিৰসেন সঙ্গহো. কামেপরিযা পন্নানি চিত্তানি চতুপঞ্ঞাসধা ঈরযে কথেয্য. রূপে পন্নরস. অরূপে দ্ৰাদস. তথা অনুত্তরে পরিযাপন্নানি চিত্তানি অট্ঠধা ঈরযেতি যোজনা. এত্থচ অনুত্তরেতি লোকুত্তর ভূমিযং. সা পন দুৰিধা সঙ্খতভূমি, অসঙ্খতভূমীতি. সঙ্খতাপি চতুব্বিধা. যথাহ –

যস্মিং সমযে লোকুত্তরং ঝানং ভাৰেতি পথমায ভূমিযা পত্তিযা.ল. দুতীযায.ল. ততীযায.ল. চতুত্থায ভূমিযা পত্তিযাতি.

তত্থ ভূমীতি সামঞ্ঞফলং অধিপ্পেতন্তি ৰুত্তং. পথমমগ্গফলযু গল়ংৰা পথমভূমি.ল. চতুত্থ মগ্গফল যুগল়ং চতুত্থভূমীতি এৰংপি যুজ্জতিযেৰ. অত্থতোপন রাগত্তযপরিগ্গহৰিমুত্তিযা তেভূমকধম্মেসু অপরিযাপন্নতা সঙ্খাতেন অৰত্থা ৰিসেসেন যুত্তো ধম্মৰিসেসো. সোচ কিলেসপ্পহান ৰিসেসেন চতুব্বিধো জাতোতি.

ইতরভূমিযোৰিয লোকুত্তরভূমিনাম ৰিসুং নত্থি. নৰ ৰিধধম্মসমূহোএৰ তেসং ভূমিপরিযাযোতি কত্ৰা যং ৰুত্তং. ‘‘কত্থচি অপরিযাপন্নানি নৰৰিধলোকুত্তর ধম্মসমূহেকদেসভূতানি রুক্খে সাখা ত্যাদীসু ৰিয অনুত্তরে চিত্তানীতি ৰুত্তানী’’তি. তং নযুজ্জতি.

দুৰিধাহি ভূমি অৰত্থাভূমি, ওকাসভূমীতি. তত্থ অৰত্থা ভূমিএৰ নিপ্পরিযাযভূমি. ন ইতরা. সা হি ওকাসভূমিনাম ধম্মানং তং তং অৰত্থাৰিসেসৰসেনেৰ সিদ্ধাতি. তং তং অৰত্থা ৰিসেসোতিচ ¶ হেট্ঠা ৰুত্তনযেন কামাৰচরতাদি অৰত্থা ৰিসেসো দট্ঠব্বো. অপিচ একত্তিংসভূমিযোপি কুসলাকুসলধম্মানং হীনপণীতওল়ারিকসুখুমতা সঙ্খাতেহি অৰত্থাৰিসেসেহিএৰ সিজ্ঝন্তীতি.

৬৫. এৰং চতুব্ভূমক চিত্তানি সঙ্খেপতো নিদ্দিসিত্ৰা ইদানি পুন ৰিত্থারতো নিদ্দিসন্তো ইত্থন্তিআদিগাথমাহ. তত্রাযং যোজনা. অথৰাপন ইত্থং যথাৰুত্তপ্পকারেন একুননৰুতিপ্পভেদং মানসং চিত্তং একৰীসসতং কত্ৰা ৰিচক্খণা পণ্ডিতা ৰিভজন্তীতি.

গাথায পুব্বদ্ধং পুরিমগাথানং নিগমনং কত্ৰা অপরদ্ধমেৰ আরব্ভন্তরং কত্ৰা যোজেন্তি. তং কথমেকূন নৰুতিৰিধং চিত্তং একৰীসসতং হোতীতি ইমিনা নসমেতীতি.

ইদানি তং একৰীসসতৰিভাগং দস্সেন্তো কথং.ল. হোতীতি পুচ্ছিত্ৰা ৰিতক্কৰিচারপীতি সুখেকগ্গতা সহিতন্তিআদিমাহ. তত্থ পথমজ্ঝান সোতাপত্তিমগ্গচিত্তন্তি এত্থ পঞ্চঙ্গিকেন পথমজ্ঝানেন যুত্তো সোতাপত্তিমগ্গো পথমজ্ঝানসোতাপত্তিমগ্গো. তেন সম্পযুত্তং চিত্তন্তি সমাসো.

‘‘পথমজ্ঝানঞ্চ তং সোতাপত্তিমগ্গচিত্তঞ্চা’’তি যোজেন্তি. তং ন যুত্তং.

ন হি ঝানং চিত্তং হোতি. নচ চিত্তং ঝানং. অঞ্ঞঞ্হি ঝানং, অঞ্ঞং চিত্তন্তি.

‘‘ঝানঙ্গৰসেন পথমজ্ঝান সদিসত্তা পথমজ্ঝানঞ্চা’’তি ৰুত্তং. তম্পি ন যুত্তং.

ন হি পঞ্চঙ্গিকং লোকুত্তরজ্ঝানং পথমজ্ঝানসদিসট্ঠেন পথমজ্ঝানসঞ্ঞং লভতীতি সক্কা ৰত্তুং. তঞ্হি সযমেৰ অত্তনো পঞ্চঙ্গিকভাৰেন ¶ নিপ্পরিযাযতো পথমজ্ঝানংনাম হোতীতি. ইদঞ্হি ঝানংনাম লোকিযংৰা হোতু লোকুত্তরংৰা. যং পঞ্চঙ্গিকং হোতি. তং সযমেৰ পথমজ্ঝানন্তি সিদ্ধং. যং চতুরঙ্গিকং. তিযঙ্গিকং. দুৰঙ্গিকং. পুন দুৰঙ্গিকং. তং সযমেৰ পঞ্চমজ্ঝানন্তি সিদ্ধন্তি. লোকুত্তরেৰা দুতীযাদিভাৰস্স উপ্পত্তিক্কমৰসেন অসিদ্ধত্তা এৰং ৰুত্তন্তি দট্ঠব্বং.

সদিসভাৰেনেৰ লোকুত্তরে তেসং পঞ্চঙ্গিকাদীনং ঝান ৰোহারসিদ্ধতাদীপনত্থং. ‘‘পাদকজ্ঝান সম্মসিতজ্ঝান পুগ্গলজ্ঝাসযেসু হি অঞ্ঞতরৰসেন তং তং ঝানসদিসত্তা ৰিতক্কাদিঅঙ্গপাতুভাৰেন চত্তারোপি মগ্গা পথমজ্ঝানাদি ৰোহারং লভন্তা পচ্চেকং পঞ্চধা ৰিভজন্তী’’তি ৰুত্তং. তম্পি নযুজ্জতিযেৰ.

ন হি মগ্গা পথমজ্ঝানাদি ৰোহারং লভন্তি. অঞ্ঞো হি মগ্গো, অঞ্ঞং ঝানন্তি. অপিচ, যদি উপনিজ্ঝাযনট্ঠেন পচ্চনীকজ্ঝাপনট্ঠেনচ ঝানংনাম সিযা. তদা লোকুত্তরজ্ঝানানিএৰ সাতিসযতো ঝানানিনাম সিযুং. ন ইতরানি. তানি হি কসিণাদিনিমিত্তমত্তং উপেচ্চ নিজ্ঝাযন্তি. পচ্চনীকধম্মেচ ৰিক্খম্ভনমত্তেন ঝাপেন্তি. লোকুত্তরানিযেৰপন অতিগম্ভীরং অভিদুদ্দসং নিব্বানং উপেচ্চ নিজ্ঝাযন্তি. পচ্চনীকধম্মেচ সমূলে সানুসযে সব্বসো সমুচ্ছিন্দনৰসেন ঝাপেন্তীতি. এত্থচ অপ্পনাঝানানং পঞ্চঙ্গিকভাৰোনাম পকতিযা এৰ সিদ্ধো হোতীতি ন পথমজ্ঝানিকেসু মগ্গফলেসু পাদকজ্ঝা নাদিনা পচ্চযৰিসেসেন কিচ্চং অত্থি. চতুরঙ্গিকাদি ভাৰো পন তেন পচ্চযৰিসেসেন ৰিনা ন সিজ্ঝতি. অসতিহি তস্মিং সব্বংপি ঝানং পঞ্চঙ্গিকমেৰ ভৰিস্সতীতি. তত্থ যথা লোকিযজ্ঝানেসু আদিকম্মিককালে তস্স তস্স দুতীযাদিকস্স ঝানস্স উপচারভূতা ভাৰনা সযং ৰিতক্কাদিযুত্তা সমানাপি ৰিতক্কাদীসু আদীনৰদস্সনঞ্ঞাণেনচেৰ ইদানি অৰিতক্কং ঝানং উপ্পাদেস্সামি, ইদানি অৰিচারং ঝানং উপ্পাদেস্সামীতি এৰমাদিনা পৰত্তেন অজ্ঝাসয ¶ ৰিসেসেনচ যুত্তত্তা কাচি ৰিতক্কৰিরাগভাৰনানাম হোতি. কাচি ৰিচার ৰিরাগভাৰনা নাম. কাচি পীতিৰিরাগভাৰনা নাম. কাচি সুখৰিরাগভাৰনানাম. কাচী রূপৰিরাগভাৰনানাম. অসঞ্ঞিগামীনং পন সঞ্ঞাৰিরাগভাৰনানাম হোতি. সা অত্তনো অত্তনো ঝানং অৰিতক্কংৰা অৰিচারংৰা অপ্পীতিকংৰা উপেক্খাসহ গতংৰা কাতুং সক্কোতি. ঝানেসু ৰসীভূতকালেপন আদীনৰদস্সনঞ্ঞাণেন ৰিনা কেৰলং অজ্ঝাসযমত্তেন যংযং ঝানং ইচ্ছতি. তং তং ঝানং সমাপজ্জতিযেৰ. এৰমেৰং ইধপি তস্স তস্স মগ্গস্স উপচারভূতা ৰুট্ঠানগামিনি ৰিপস্সনাসঙ্খাতা ভাৰনা সযং ৰিতক্কাদিযুত্তা সমানাপি নানাসত্তিযুত্তা হোতি. কাচি ৰিতক্কৰিরাগভাৰনানাম. কাচি ৰিতক্কৰিচারৰিরাগভাৰনা নাম. কাচি ৰিতক্কৰিচারপীতি ৰিরাগভাৰনানাম. কাচি ৰিতক্কৰি চারপীতিসুখৰিরাগভাৰনানাম. তত্থ যা ৰিতক্কং ৰিরাজেতুং অতিক্কামেতুং সক্কোতি. সা ৰিতক্কৰিরাগভাৰনানাম. এস নযো সেসাসুপীতি.

৬৬. কস্সপন বলেন সা ৰিপস্সনা নানাসত্তি যুত্তা হোতীতি. ৰুচ্চতে, পাদকজ্ঝানবলেনাতি একো থেরৰাদো. সম্মসিতজ্ঝান বলেনাতি একো. পুগ্গলজ্ঝাসয বলেনাতি একো. তত্থ যং যং ঝানং তস্সা ৰিপস্সনায পাদকত্থায আসন্নে সমাপজ্জীযতি. তংতং পাদকজ্ঝানংনাম. তংচে পথমজ্ঝানং হোতি. ৰিপস্সনা পাকতিকাএৰ. সচে দুতীযজ্ঝানং হোতি. ৰিপস্সনা ৰিতক্কৰিরাগসত্তিযুত্তা হোতি. মগ্গে অৰিতক্কং ঝানং নিযামেতুং সক্কোতি. এসনযো সেসেসুপি পাদকজ্ঝানেসূতি অযং পাদকৰাদো. পাদকজ্ঝানে সতি তংসদিসমেৰ মগ্গে ঝানং হোতি. অসতিপন মগ্গে পথমজ্ঝানমেৰ হোতি. সম্মসি তজ্ঝানংৰা পুগ্গলজ্ঝাসযোৰা মগ্গে ঝানঙ্গং নিযমেতুং নসক্কোতীতি অধিপ্পাযোতি. পাদকজ্ঝানে সতি তংৰা অঞ্ঞংৰা যংযং ঝানং সম্মসীযতি. তংচে পথমজ্ঝানং হোতি. ৰিপস্সনা পাকতি কাএৰ. সচে দুতীযজ্ঝানং হোতি. ৰিপস্সনা ৰিতক্কৰিরাগসত্তি ¶ যুত্তা হোতি. মগ্গে অৰিতক্কং ঝানং নিযামেতুং সক্কোতি. এসনযো সেসেসুপি সম্মসিতজ্ঝানেসূতি অযং সম্মসিতৰাদো. ৰিপস্সনায আরম্মণভাৰেন সহ চরিতত্তা সম্মসিতজ্ঝানমেৰ পাদকজ্ঝানতো অজ্ঝাসযতোচ বলৰতরন্তি অধিপ্পাযোতি.

ৰিপস্সনাপাদকং কিঞ্চিঝানং নত্থীতি ইমস্মিং ৰাদে ৰুত্তং. তং অট্ঠকথায ন সমেতি.

পাদকজ্ঝানে সতি তংৰা অঞ্ঞংৰা মগ্গে যংযংঝানং ইচ্ছতি. তংতং ঝানং ইজ্ঝতি. ৰিপস্সনাপি ইচ্ছানুরূপং ৰিতক্কৰিরাগাদিভাৰং পত্তা হোতীতি পুগ্গলজ্ঝাসযৰাদো. যথা লোকিযজ্ঝানেসু আসন্নে ৰুট্ঠিতজ্ঝানং উপরিজ্ঝানুপচার ভাৰনায উপত্থম্ভকমত্তং হোতি. ন পন উপরিজ্ঝানে ঝানং অত্তসদিসং কাতুং সক্কোতি. অজ্ঝাসযোএৰ উপরিজ্ঝানে ঝানঙ্গং নিযামেতি. এৰমেৰং ইধপি পাদকজ্ঝানং ৰিপস্সনায তিক্খ ৰিসদভাৰত্থায বলৰুপনিস্স যো হোতি. অজ্ঝাসযোএৰ ৰিপস্সনং ৰিতক্কৰিরাগাদিভাৰং পাপেত্ৰা মগ্গে ঝানঙ্গং নিযামেতীতি অধিপ্পাযোতি. যো পনেত্থ ৰুট্ঠানগামিনিৰিপস্সনাএৰ মগ্গে ঝানঙ্গং নিযামেতীতি মহাট্ঠকথা ৰাদো. তত্থপি পুগ্গলজ্ঝাসযৰিসেসবলেন ৰিতক্কৰিরাগাদিসত্তি ৰিসেসযুত্তা ৰুট্ঠানগামিনি ৰিপস্সনাএৰাতি অত্থো ৰেদিতব্বো. কামঞ্চেত্থ অট্ঠসালিনিযং ইমেসং তিণ্ণং থেরৰাদানং অঞ্ঞমঞ্ঞং অৰিরোধো ৰুত্তোৰিয দিস্সতি. ইমেপন ৰাদা অঞ্ঞমঞ্ঞং সংসন্দিত্ৰা পৰত্তা নহোন্তি. পচ্চেকং সব্বং লোকুত্তরজ্ঝানং পরিপুণ্ণং কত্ৰা পৰত্তা. তস্মা নসক্কা তেসং অঞ্ঞমঞ্ঞং ৰিরোধো পরিহরিতুন্তি. এত্থচ ঝানলাভীনং ৰিপস্সনাকম্মে পাদকজ্ঝানসমা পজ্জনংনাম ভগৰতাএৰ সুট্ঠুৰিহিতং. ৰুত্তঞ্হেতং চূল়সুঞ্ঞতসুত্তে –

ইধানন্দ ভিক্খু ৰিৰিচ্চেৰ কামেহি ৰিৰিচ্চ অকুসলেহি ধম্মেহি পথমং ঝানং উপসম্পজ্জ ৰিহরতি. দুতীযং ঝানং. ততীযং ঝানং. চতুত্থং ঝানং উপসম্পজ্জ ৰিহরতি. সো অজ্ঝত্তং সুঞ্ঞতং মনসিকরোতি. তস্সচেঅজ্ঝত্তংসুঞ্ঞতায চিত্তং ¶ নপক্খন্দতি. নপসীদতি. তেন ভিক্খুনা তস্মিংযেৰ পুরিমস্মিং সমাধিনিমিত্তে অজ্ঝত্তমেৰ চিত্তং সন্থপে তব্বং, সন্নিসাদেতব্বং, একোদি কাতব্বং, সমাদহাতব্বন্তিআদি.

তত্থ সুঞ্ঞতং মনসিকরোতীতি ৰিপস্সনাকম্মং ৰুত্তং. তস্মিংযেৰ পুরিমস্মিং সমাধিনিমিত্তেতি পাদকজ্ঝানসমাধি নিমিত্তে. নৰনিপাতেচ –

পথমং পাহং ভিক্খৰেঝানং নিস্সায আসৰানং খযং ৰদামি.ল. নেৰসঞ্ঞানাসঞ্ঞাযতনং পাহং ভিক্খৰে ঝানং নিস্সায আসৰানং খযং ৰদামীতি ৰুত্তং.

৬৭. ইমেসুপন তীসুৰাদেসু পুগ্গলজ্ঝাসযৰাদো বলৰতরোৰিয খাযতি. লোকিযজ্ঝানেসুপি হি পাদকজ্ঝানংনাম ইচ্ছিতব্বমেৰ. তঞ্চ উপরিজ্ঝানস্স উপচারভাৰনায তিক্খৰিসদ ভাৰত্থাযএৰ হোতি. অজ্ঝাসযোএৰপন উপচার ভাৰনায ৰিতক্কৰিরাগাদিভাৰং সাধেতি. উপচারভাৰনাএৰ উপরিজ্ঝানে ঝানঙ্গং নিযামেতি. এৰমেৰং ইধপি পাদকজ্ঝানবলেন তিক্খৰিসদ ভাৰপত্তা ৰুট্ঠানগামিনি ৰিপস্সনাএৰ অজ্ঝাসযৰিসেসবলেন ৰিতক্কৰিরাগাদিসত্তিৰিসেসযুত্তা হুত্ৰা মগ্গে নানাঝানানি সাধেতি. অসতি পন অজ্ঝাসযৰিসেসে তংতং পাদকজ্ঝানানুরূপং অজ্ঝাসযসামঞ্ঞংসণ্ঠাতি. তস্মা অজ্ঝাসযৰিসেসে অসতি পাদকজ্ঝানমেৰ পমাণং হোতি. সতিপন তস্মিং সোএৰ পমাণন্তি যুত্তং. ইচ্ছি তিচ্ছিত লোকিযজ্ঝান সমাপজ্জন সদিসঞ্হি সব্বজ্ঝানেসু চিণ্ণৰসীভূতানং মগ্গেসু ইচ্ছিতজ্ঝান নিব্বত্তনন্তি. যো পনেত্থ পাদকজ্ঝানাদিৰসেন পৰত্তো ৰিসেসো. সো সব্বোপি ৰিপস্সনা ৰিসেসত্থায এৰ হোতি. ৰিপস্সনা ৰিসেসোএৰ মগ্গে ঝানঙ্গং নিযামেতীতি কত্ৰা অট্ঠসালিনিযং ৰিসুদ্ধি মগ্গেচ ৰিপস্সনাৰ পমাণং কত্ৰাৰুত্তা. সো সব্বোপি ৰিসেসো পাদকজ্ঝানেন ৰিনা নসিজ্ঝতীতি কত্ৰা মগ্গৰিভঙ্গমগ্গসংযুত্তট্ঠ কথাসু পাদকজ্ঝানং এৰ পমাণং কত্ৰা ৰুত্তন্তি ৰেদিতব্বং. যস্মা পন পাল়িযং –

ইধ ¶ গহপতি ভিক্খু ৰিৰিচ্চেৰ কামেহি. ল. পথমং ঝানং উপসম্পজ্জ ৰিহরতি. সো ইতি পটিসঞ্চিক্খতি. ইদংপি খো পথমজ্ঝানং অভিসঙ্খতং অভিসঞ্চেহযিতং যংখোপন কিঞ্চি অভিসঙ্খতং অভিসঞ্চেতযিতং. তদনিচ্চং. তং নিরোধধম্মন্তি পজানাতি সো তত্থ ঠিতো আসৰানং খযং পাপুণাতি. ল. দুতীযং ঝানং, ততীযং ঝানং, চতুত্থং ঝানং, মেত্তা চেতোৰিমুত্তিং. করুণা, মুদিতা, উপেক্খাচেতো ৰিমুত্তিং, আকাসানঞ্চা যতনং.ল. আকিঞ্চঞ্ঞা যতনং উপসম্পজ্জ ৰিহরতি. সো ইতি পটিসঞ্চিক্খতি. অযংপিখো আকিঞ্চঞ্ঞা যতনসমাপত্তি অভিসঙ্খতা অভিসঞ্চেতযিতা. যং খোপন কিঞ্চি অভিসঙ্খতং.ল. খযং পাপুণাতীতি.

ইধানন্দ ভিক্খু ৰিৰিচ্চেৰ কামেহি ৰিৰিচ্চ অকুসলেহি ধম্মেহি সৰিতক্কং সৰিচারং ৰিৰেকজং পীতিসুখং পথমং ঝানং উপসম্পজ্জ ৰিহরতি. সো যদেৰ তত্থ হোতি রূপগতং ৰেদনাগতং সঞ্ঞাগতং সঙ্খারগতং ৰিঞ্ঞাণগতং, তে ধম্মে অনিচ্চতো দুক্খতো অনত্ততো সমনুপস্সতি. সো তত্থ ঠিতো আসৰানং খযং পাপুণাতি. নো চে আসৰানং খযং পাপুণাতি. তেনেৰ ধম্মরাগেন তায ধম্মনন্দিযা পঞ্চন্নং ওরম্ভাগিযানং সংযোজনানং পরিক্খযা উপপাতিকো হোতি. তত্থ পরিনিব্বাযী অনাৰত্তিধম্মো তস্মা লোকাতি.

আদিনা মালুক্যপুত্তসুত্ত অনুপদসুত্তাদীসুচ অনেকেসু সুত্তন্তেসু অট্ঠসু সমাপত্তীসু একেকায সমাপত্তিযা ৰুট্ঠায ৰুট্ঠিতসমাপত্তিধম্মসম্মসনমেৰ আগতং. নপন অঞ্ঞজ্ঝান সম্মসনং. তস্মা সতিপি যোগীনং ইচ্ছাৰসেন পাদকজ্ঝানতো অঞ্ঞজ্ঝানসম্মসনে পাদকজ্ঝানমেৰ পমাণন্তি সক্কা ৰিঞ্ঞাতুন্তি. এত্তাৰতা সম্মসিতৰাদো সব্বদুব্বলোতি সিদ্ধো হোতীতি. যেপন অট্ঠসমাপত্তিলাভিনোপি ঝানং পাদকং অকত্ৰাৰ মগ্গং উপ্পাদেন্তি. পথমজ্ঝানমেৰৰা পাদকং কত্ৰা অজ্ঝাসযৰিসেসং অকত্ৰা ¶ মগ্গং উপ্পাদেন্তি. পথমজ্ঝানমত্তলাভিনোৰা হুত্ৰা তমেৰ পাদকং কত্ৰা মগ্গং উপ্পাদেন্তি. যেচ সুক্খৰিপস্সকা হুত্ৰা মগ্গং উপ্পাদেন্তি. তেসং পথমজ্ঝানিকোৰ মগ্গো হোতীতি ৰেদিতব্বো. অপিচ যে পকতিযাৰ অট্ঠসু সমাপত্তীসু চিণ্ণৰসীভূতা হোন্তি. তে ৰিনাপি আসন্নপাদকেন যংযংঝানং ইচ্ছন্তি. তংতং ঝানং তেসং মগ্গেসু নসমিজ্ঝতীতি নৰত্তব্বং.

‘‘সচেপন পুগ্গলস্স তথাৰিধো অজ্ঝাসযো নত্থি. হেট্ঠিমহেট্ঠিমজ্ঝানতো ৰুট্ঠায উপরুপরিজ্ঝানধম্মে সম্মসিত্ৰা উপ্পাদিতমগ্গো পাদকজ্ঝানং অনপেক্খিত্ৰা সম্মসিতজ্ঝানসদিসো হোতীতি ৰুত্তং. তং ৰিচারেতব্বং.

ন হি আরম্মণমত্তভূতং সম্মসিতজ্ঝানং উপরিমংপি সমানং আসন্নে ৰুট্ঠিতজ্ঝানতো বলৰতরং ভৰিতুং অরহতি. আসন্নে ৰুট্ঠিতস্সেৰ চিত্তসন্তানং ৰিসেসেতুং সমত্থভাৰতো. ততো যেৰহি সো সম্মসিতৰাদো সব্বঅট্ঠকথাসু কেচিৰাদপক্খে এৰ থপিতোতি. ননু পুগ্গলজ্ঝাসযৰাদোপি তথাথপিতোএৰাতি. সচ্চং, সোপন লোকিযজ্ঝানানং উপ্পত্তিৰিধানেন সহ সংসন্দিকত্তা যুত্ততরোএৰ হোতীতি.

‘‘উপরুপরিজ্ঝানতো পন ৰুট্ঠায হেট্ঠিম হেট্ঠিমজ্ঝান ধম্মে সম্মসিত্ৰা উপ্পাদিতমগ্গো সম্মসিতজ্ঝানং অনপেক্খিত্ৰা পাদ কজ্ঝানসদিসো হোতি. হেট্ঠিমহেট্ঠিমজ্ঝানতোহি উপরু পরিজ্ঝানং বলৰতর’’ন্তি. তংপি পটিক্খিত্তং হোতি.

ন হি পাদকজ্ঝানং উপরিম ভূতত্তাযেৰ বলৰতরং হোতি. পাদকভূতত্তাযেৰ পন বলৰতরং হোতীতি.

মগ্গে ৰেদনানিযমোপন পাদকজ্ঝানাদীনং ৰসেন নসিদ্ধো. অঞ্ঞথা ৰিপস্সনা যাযকাযচিৰেদনায যুত্তা হুত্ৰা তেহি ¶ নিযমিতায একেকায মগ্গৰেদনায সদ্ধিং ঘটি যেয্যাতি ইমিনা অধিপ্পাযেন ‘‘ৰেদনানিযমোপন সব্বত্থপি ৰুট্ঠানগামিনি ৰিপস্সনানিযমেন হোতী’’তি ৰুত্তং. তম্পি ন যুজ্জতি.

পাদকজ্ঝানাদীনং ৰসেনেৰ ৰিপস্সনায সহ ৰেদনানিযমস্স সিদ্ধত্তা. তথাহি তংতং পাদকজ্ঝানতো ৰুট্ঠায ৰিপস্সন্তস্স ৰিপস্সনা আদিতো কদাচি সোমনস্সসহগতাৰা হোতি. কদাচি উপেক্খাসহগতাৰা. মগ্গৰুট্ঠানকালেপন যদিপাদকজ্ঝানং সোমনস্সজ্ঝানং হোতি. ৰিপস্সনা একন্তেন সোমস্সসহ গতাৰ হুত্ৰা মগ্গেন সদ্ধিং ঘটিযতীতি. ৰুত্তঞ্হেতং সল়াযতন ৰিভঙ্গসুত্তে –

তত্র ভিক্খৰে যা ছ নেক্খম্মস্সিতা উপেক্খা. তা নিস্সায তা আগম্ম যানি ছ নেক্খম্মস্সিতানি সোমনস্সানি. তানি পজহথ. তানি সমতিক্কমথ. এৰমেতেসং পহানং হোতি. এৰমেতেসং সমতিক্কমো হোতীতি.

অট্ঠকথাযঞ্চ অট্ঠসু সমাপত্তীসু পথমাদিনিচ তীণিঝানানি সুদ্ধসঙ্খারেচ পাদকে কত্ৰা ৰিপস্সনং আরদ্ধানং চতুন্নং ভিক্খূনং পুব্বভাগ ৰিপস্সনা সোমনস্সসহগতা ৰা হোতি. উপেক্খাসহ গতাৰাৰুট্ঠানগামিনীপন সোমনস্সসহগতাৰ হোতি. চতুত্থজ্ঝানাদীনি পাদকানিকত্ৰা ৰিপস্সনং আরদ্ধানং পঞ্চন্নং ভিক্খূনং পুব্বভাগৰিপস্সনা পুরিম সদিসাৰ. ৰুট্ঠানগামিনীপন উপেক্খাসহগতাৰ হোতি. ইদং সন্ধাযযা ছনেক্খম্মস্সিতা.ল. পজহথাতি ৰুত্তং. অজ্ঝাসযৰিসেসেন সহ মগ্গৰুট্ঠানেপি এসেৰনযো. বলৰৰিপস্সনাকালে হি ৰিপস্সনারতিনাম সুট্ঠু পণীততরা হোতি. সকলসরীরং ফরমানা অজ্ঝোত্থরমানা পৰত্ততি. যথাহ –

সুঞ্ঞাগারে পৰিট্ঠস্স, সন্তচিত্তস্স ভিক্খুনো;

অমানুসী রতি হোতি, সম্মধম্মং ৰিপস্সতোতি.

তস্মা ¶ তদা পাদকজ্ঝানৰিসেসেনৰা অজ্ঝাসযৰিসেসেন ৰা ৰিনা ৰিপস্সনা উপেক্খাসহগতা ন হোতি. একন্তেন সোমনস্সসহগতাৰ হোতীতি. এত্থপন সব্বজ্ঝানেসু ৰসীভূতস্স যংকিঞ্চি একং ঝানং পাদকং কত্ৰা তং পা অঞ্ঞংৰা মগ্গেযংযং ঝানং ইচ্ছতি. মগ্গৰুট্ঠানকালে অজ্ঝাসযবলেন তংতংঝানানুরূপং ৰিপস্সনাযচ মগ্গেচ ৰেদনা পরিণামো ৰেদিতব্বো. নপন ৰেদনানিযামোনাম ৰিসুং ৰত্তব্বোতি.

৬৭. সঙ্গহগাথাযং অনুত্তরং অট্ঠৰিধং চিত্তং ঝানঙ্গযোগভেদেন একেকং পঞ্চধা কত্ৰা চত্তালীসৰিধন্তি চ ৰুচ্চতীতি যোজনা. ইদানি সব্বানি মহগ্গতা নুত্তরচিত্তানি পঞ্চৰিধে ঝান কোট্ঠাসে সঙ্গহেত্ৰা দস্সেতুং যথাচ রূপাৰচরন্তিআদিমাহ. যথা রূপাৰচরং চিত্তং পথমাদিজ্ঝানভেদে গয্হতি. ঝান ভেদসিদ্ধে পথমজ্ঝানিকচিত্তাদিকে পঞ্চৰিধে চিত্তভেদে সঙ্গয্হতি, তথা অনুত্তরঞ্চ চিত্তং পথমাদিজ্ঝানভেদে সঙ্গয্হতি. আরুপ্পঞ্চচিত্তং উপক্খেকগ্গতা সঙ্খাতেন পঞ্চমজ্ঝানেন যুত্তত্তা পঞ্চমে ঝানে পঞ্চমজ্ঝানিকচিত্তভেদে সঙ্গয্হতি. তস্মা একেকং পতমাদিকং পথমজ্ঝানিকচিত্তাদিকং ঝানং ঝানচিত্তং একাদস ৰিধং হোতি. অন্তেতু অন্তিমভূতে পঞ্চমজ্ঝানিকচিত্তভেদেপন ঝানং চিত্তং তেৰীসতিৰিধং ভৰেতি যোজনা. এত্থচ ঝানসদ্দেন তংসম্পযুত্তং চিত্তমেৰ ৰুচ্চতি. ন হি ঝানং একাদসৰিধংৰা তেৰীসতিৰিধংৰা হোতীতি.

‘‘রূপাৰচরচিত্তং পথমজ্ঝানন্তিআদিনা ৰুচ্চতীতিচ আরুপ্পঞ্চাপি পঞ্চমজ্ঝানৰোহারং লভতী’’তি চ ৰুত্তং. তং ন যুজ্জতি.

ন হি চিত্তং পথমজ্ঝানং হোতি. নচ পঞ্চমজ্ঝানৰোহারং লভতীতি.

[৭০] যাচ ইমিস্সাগাথাযং অপরাপি যোজনা ৰুত্তা. সাপি ন যুত্তাএৰ.

তথা সদ্দস্স পথমাদিজ্ঝানভেদেতি পদস্স পুরতো পঠিতত্তাতি. এৰং যথা ৰিভজিতব্বে একদেসে ৰিভত্তে সব্বং একূননৰুতিৰিধং চিত্তং একৰীসসতং কত্ৰা ৰিভত্তংনাম হোতি. তথা ৰিভজিত্ৰা ইদানি তংসঙ্গহং দস্সেন্তো অন্তিমগাথমাহ. পুঞ্ঞং সত্ততিংসৰিধং হোতি. তথা পাকং দ্ৰিপঞ্ঞাসৰিধং হোতি. ইতি একূননৰুতিৰিধানি চিত্তানি একৰীসসতং কত্ৰা বুধা পণ্ডিতা আহু কথেসুং. কথেন্তিৰা ৰিভজন্তি ৰিচক্খণাতি ৰুত্তং হোতীতি.

ইতি পরমত্থদীপনিযানাম অভিধম্মত্থসঙ্গহস্স

৬৮. এৰং ¶ চিত্তঙ্গহং দস্সেত্ৰা ইদানি অনুপত্তং চেতসিক সঙ্গহং দস্সেন্তো চতূহি সম্পযোগলক্খণেহি সহ ৰচনত্থঞ্চ সরূপত্থঞ্চ তাৰ দস্সেতুং আদি গাথমাহ. তত্থ একুপ্পাদনিরোধাচএকালম্বণৰত্থুকাতি চতুস্সম্পযোগলক্খণদস্সনং. চেতো যুত্তাতি ৰচনত্থদস্সনং. চেতসিযুত্তা চেতসাৰা যুত্তা চেতসিকাতি দস্সনতো. দ্ৰিপঞ্ঞাসধম্মাতি সরূপদস্সনং. চেতসিকাতি পন সিদ্ধপদ দস্সনং. তত্থ ধম্মানং অনাগতভাৰসঙ্খাতা পুব্বন্ততো উদ্ধং পজ্জনং গমনং সরূপতো পাতুভৰনং উপ্পাদো. জাতীতি ৰুত্তং হোতি. সব্বেপিহি সঙ্খত ধম্মা অনাগতভাৰপুব্বা এৰ হোন্তি. ততো পচ্চযসামগ্গিং লভিত্ৰা পচ্চুপ্পন্নভাৰং গচ্ছন্তি. ততো নিরুজ্ঝিত্ৰা অতীতভাৰং গচ্ছন্তীতি. নিরুজ্ঝনং নিরোধো. সরূপৰিনাসো ভঙ্গো অনিচ্চতা মরণন্তি ৰুত্তং হোতি. যা চিত্তস্স জাতি, সাযেৰ ফস্সাদীনং. যা চিত্তস্স জরা, যং চিত্তস্স মরণং, যং চিত্তস্স আরম্মণং ৰত্থু. তদেৰ ফস্সাদীনন্তিআদিনা হেট্ঠা ৰুত্তনযেন একো উপ্পাদো এতেসন্তি একুপ্পাদা. একো নিরোধো এতেসন্তি একনিরোধা. একুপ্পাদাচ তে একনিরোধাচাতি একুপ্পাদনিরোধা. উত্তরপদে একসদ্দস্স লোপো. এৰং পরত্থপি. একং আলম্বণং এতেসন্তি একালম্বণা. একং ৰত্থু এতেসন্তি একৰত্থুকা. একালম্বণাচ তে একৰত্থুকাচাতি একালম্বণৰত্থুকা. আলম্বণং পনেত্থ একচিত্তস্সপি বহুদেৰ হোতি. একত্তংপন উপনেত্ৰা একং আলম্বণন্তি ৰুত্তন্তি দট্ঠব্বং.

‘‘একতো উপ্পাদোচ নিরোধোচ যেসং, তে একুপ্পাদনিরোধা’’তি ৰুত্তং. তং ন সুন্দরং.

ন হি একক্খণে একতো উপ্পাদমত্তেন একুপ্পাদতা ইধ অধিপ্পেতা. অথখো ৰুত্তনযেনেৰ অধিপ্পেতা. ৰুত্তঞ্হেতং মূলটীকাযং –

এককলাপপরিযাপন্নানং রূপানংসহেৰউপ্পাদাদিপ্পৰত্তিতো

একস্সকলাপস্সউপ্পাদাদযো একেকাৰ হোন্তীতি.

তত্রাযং যোজনা. একুপ্পাদনিরোধাচ একালম্বণৰত্থুকা চ হুত্ৰা যেধম্মা চেতোযুত্তা. তে দ্ৰিপঞ্ঞাসধম্মা চেতসিকা মতাতি. ভাৰপধানংপিৰা এত্থ যুত্তং. ৰিসেসনেচ নিস্সক্কৰচনং. একুপ্পাদনিরোধভাৰেন একালম্বণ ৰত্থুক ভাৰেনচ যেধম্মা চেতোযুত্তা. তে দ্ৰিপঞ্ঞাসধম্মা চেতসিকানাম মতা ঞাতাতি. এত্থচ যে চেতোযুত্তা. তে চেতসিকাতি ৰুত্তে চিত্তস্স সহজাতপচ্চযুপ্পন্নরূপানিপি তদাযত্তৰুত্তিতায একন্তেন চিত্তসম্বন্ধীনি হুত্ৰা চেতোযুত্তানি চেতসিকানি নাম সিযুং. তস্মা তেসং নিৰত্তনত্থং একুপ্পাদনিরোধাচ, একা লম্বণৰত্থুকাতি ৰুত্তং. তানিহি চিত্তেন খণতো সহুপ্পন্নানিপি ভিন্নসন্তানত্তা যা চিত্তস্স জাতি, সাএৰ তেসন্তি ইমং লক্খণংপি নানুভোন্তি. অঞ্ঞংহি রূপসন্তানং. অঞ্ঞং অরূপসন্তানন্তি. ফস্সাদীনংপন উপ্পাদমত্তমেৰ চিত্তেন সহ একং নহোতি. অথখো নিরোধোপি আলম্বণংপি ৰত্থুপি সব্বং একমেৰাতি ঞাপনত্থং এক নিরোধাদিগ্গহণং ৰুত্তন্তি দট্ঠব্বং. ন হি এৰং অৰুত্তে সক্কা তথা জানিতুন্তি. যস্মাপন যথা বহুজনসন্তকো একো গোণো তিস্সস্স গোণো দত্তস্স গোণোতি এৰং ৰিসুং ৰিসুংপি ৰত্তব্বোযেৰ হোতি. এৰমেৰং উপ্পাদো নিরোধোচ একস্মিং রূপারূপকলাপে একোৰসমানোপি ফস্সস্স উপ্পাদো ৰেদনায উপ্পাদো পথৰিধাতুযা উপ্পাদো আপোধাতুযা উপ্পাদোতি এৰমাদিনা নযেন ৰিসুং ৰিসুংপি ৰত্তব্বোযেৰ. তস্মা সুত্তন্তেসু –

ৰেদনায উপ্পাদো পঞ্ঞাযতি. ৰযো পঞ্ঞাযতি. ঠিকায অঞ্ঞত্থং পঞ্ঞাযতি. সঞ্ঞায. সঙ্খারানং. ৰিঞ্ঞাণস্স. ল. পঞ্ঞাযতীতি ৰুত্তং. তথা যো ভিক্খৰে পথৰিধাতুযা উপ্পাদো ¶ ঠিতিঅভিনিব্বত্তি পাতুভাৰো. দুক্খস্সেসো উপ্পাদো রোগানং ঠিতি জরা মরণস্স পাতুভাৰো. যো ভিক্খৰে আপোধাতুযা. যো ভিক্খৰে তেজো ধাতুযা. যো ভিক্খৰে ৰাযোধাতুযা. যো ভিক্খৰে চক্খুস্স.ল. মনস্স উপ্পাদো.ল. জরামরণস্স পাতুভাৰোতি.

ৰুত্তন্তি দট্ঠব্বং. ইতরথা জীৰিতিন্দ্রিযাদীনপি একস্মিং কলাপে বহুভাৰো ৰত্তব্বো সিযা. যো অরূপীনং ধম্মানং আযু ঠিতি অৰট্ঠিতীতি হি ৰুত্তং. তথা ৰিকাররূপানং. সব্বেসংপিৰা চক্খাদীনং উপাদারূপানং. চতুন্নং চহাভূতানং উপাদাযরূপন্তিচ চতুন্নং মহাভূতানং উপাদায পসাদোতিচ ৰুত্তন্তি. কাযলহুতা চিত্তলহুতাদযোপন অত্থৰিসেসদীপনত্থং দ্ৰিধা ভিন্দিত্ৰা ৰুত্তা. সোচ অত্থৰিসেসোউপরি আৰি ভৰিস্সতীতি. অযমেত্থপরমত্থদীপনা.

ইমমত্থং অসল্লক্খেত্ৰা যং ৰুত্তং ‘‘যদি একুপ্পাদমত্তেনেৰ চেতোযুত্তাতি অধিপ্পেতা. তদা চিত্তেন সহ উপ্পজ্জমানানং রূপধম্মানম্পি চেতোযুত্ততা আপজ্জেয্যাতি এক নিরোধগ্গহণং. এৰম্পি চিত্তানুপরিৰত্তিনো ৰিঞ্ঞত্তিদ্ৰযস্স পসঙ্গো নসক্কা নীৰারেতুং. তথা একতো উপ্পাদো ৰা নিরোধোৰা এতেসন্তি একুপ্পাদনিরোধাতি পরিকপ্পেন্তস্স পুরেতরমুপ্পজ্জিত্ৰা চিত্তস্স ভঙ্গক্খণে নিরুজ্ঝমানানম্পি রূপধম্মানন্তি একালম্বণগ্গহণং. যে এৰং তিৰিধলক্খণা. তে নিযামতো একৰত্থুকা যেৰাতি দস্সনত্থং. একৰত্থুকগ্গহণন্তি. অলমতিপপঞ্চেনা’’তি. সব্বং তং নিরত্থকমেৰ.

৬৯. কথঞ্চ দ্ৰিপঞ্ঞাস হোন্তীতি পুচ্ছিত্ৰা পথমং দ্ৰিপঞ্ঞাস সরূপং তীহি রাসীহি ৰিভজিত্ৰা দস্সেন্তো কথন্তিআদিমাহ. তত্থ ফুসতীতি ফস্সো. ফুসন্তি সম্পযুত্তকা ধম্মা এতেনাতি ফস্সো. ফুসনমত্তমেৰৰা এতন্তি ফস্সো. ফুসনঞ্চেত্থ আরম্মণস্স ইট্ঠানিট্ঠরসং আহচ্চ উপহচ্চ গহণং দট্ঠব্বং. যতো তদনুভৰন্তি ¶ ৰেদনা পাতুভৰতি. ফস্সপচ্চযা ৰেদনাতি হি ৰুত্তং. স্ৰাযং ফুসনলক্খণো. ননুচাযং অরূপধম্মো. নচ অরূপধম্মা অপ্পটিঘসভাৰা কিঞ্চি ফুসন্তীতি. সচ্চং, অযংপন ফুসনা কারেনচ পৰত্ততি. যঞ্চ ফুসন্তেহি সাধেতব্বং. তঞ্চ কিচ্চং সাধেতি. তস্মা অযং ফস্সোতিচ ফুসনলক্খণোতিচ ৰুত্তো. কিংপন সাধেতীতি. আরম্মণরসানুরূপং চিত্তস্স ৰিকারপত্তি. ৰেদনাৰিসেসুপ্পত্তিংৰা. অযঞ্চ অত্থো অম্বিলখাদাদিকে দিস্ৰা অপরস্স খেল়ুপ্পাদাদীসু পাকটোতি.

‘‘খেল়ুপ্পাদাদিৰিয দট্ঠব্বো’’তি ৰুত্তং. এৰঞ্চসতি ইদং উপমা মত্তং সিযা. অতিপাকটাযপন ফস্সপ্পৰত্তিযা দস্সন মিদন্তি দট্ঠব্বং.

৭০. ৰেদযতীতি ৰেদনা. আরম্মণরসং অনুভৰতি. অৰিদিতংৰা আরম্মণরসং সম্পযুত্তানং তংসমঙ্গিপুগ্গলানং ৰা ৰিদিতংপাকটং করোতীতি অত্থো. ৰিন্দন্তিৰ এতায সত্তা সাতংৰা অসাতংৰা লভন্তীতি ৰেদনা. ৰেদযিতমত্তমেৰৰা এতন্তি ৰেদনা. পাল়িযংপন –

ৰেদযতি ৰেদযতীতি খো ভিক্খৰে তস্মা ৰেদনাতি ৰুচ্চতি. কিঞ্চ ৰেদযতি, সুখংপি ৰেদযতি. দুক্খংপি ৰেদযতি. অদুক্খমসুখংপি ৰেদযতীতি ৰুত্তং.

ননু সব্বেপি চিত্তচেতসিকা ধম্মা আরম্মণরসানুভৰনপ্প কতিকাএৰাতি তেপি ৰেদনানাম সিযুন্তি. নসিযুং. তেহি কিচ্চন্তরব্যাৰটা হোন্তি. আরম্মণরসং উজুং অনুভৰিতুং নসক্কোন্তি. অত্তনো অত্তনো কিচ্চং করোন্তাৰ একদেসমত্তেন অনুভৰন্তি. ৰেদনাযেৰপন অনঞ্ঞকিচ্চতায অনুভৰনকিচ্চে আধিপচ্চযোগতাযচ ইস্সরভাৰেন অনুভৰতীতি সাএৰ ৰেদনানাম ভৰিতুং অরহতীতি. এৰঞ্চকত্ৰা রাজগ্গভোজন রসানুভৰনে তেসং সূদসদিসতা ৰেদনাযএৰচ রাজসদিসতা ৰুত্তাতি.

৭১. সঞ্জানাতীতি ¶ সঞ্ঞা. পুন জাননত্থং সঞ্ঞাণং করোতীতি অত্থো. অযঞ্হি পুব্বে গহিতসঞ্ঞানেন সঞ্জাননকালেপি পুন জাননত্থং সঞ্ঞাণং করোতিযেৰাতি. সাহি এৰং পুনপ্পুনং সঞ্ঞাণং কত্ৰা উপ্পজ্জমানা থিরসঞ্ঞাভাৰং পত্ৰা যাৰতাযুকংপি ভৰন্তরং পত্ৰাপি সত্তানং অপ্পমুট্ঠভাৰং সাধেতি. মিচ্ছা ভিনিৰেসসঞ্ঞাভাৰং পত্ৰাচ ইমে সত্তে সব্বঞ্ঞু বুদ্ধেহিপি বোধেতুং অসক্কুণেয্যে করোতীতি. তথাহি সা পুন সঞ্জাননত্থং নিমিত্তকরণে দারুতচ্ছকসদিসাতিচ. যথাগহিত নিমিত্তৰসেন অভিনিৰেসকরণে হত্থিদস্সক অন্ধসদিসাতিচ. উপট্ঠিতৰিসযগ্গহণে তিণপুরিসকেসু মিগপোতকসদিসাতিচ ৰুত্তাতি. পাল়িযংপন –

সঞ্জানাতি সঞ্জানাতীতিখো ভিক্খৰে তস্মা সঞ্ঞাতি ৰুচ্চতি. কিঞ্চ সঞ্জানাতি. নীলংপি সঞ্জানাতি. পীতকংপি সঞ্জানাতীতিআদি ৰুত্তন্তি.

৭২. চেতযতীতি চেতনা. সম্পযুত্তধম্মে তস্মিং তস্মিং আরম্মণেৰা কিচ্চেৰা অভিসন্দহতি পুনপ্পুনং ঘটেতি, তত্থ পবন্ধৰসেন নিরন্তরং পৰত্তমানে করোতীতি অত্থো. পকপ্পেতি ৰা তে. সংৰিদহতি আরম্মণপটিলাভাযৰা কম্মসিদ্ধিযা অভিসঙ্খরোতি. আযূহতিৰা তে. আরম্মণে সম্পিণ্ডেতি একতো সমো সরন্তে করোতীতি অত্থো. তথাহি সা আযূহনরসাহিচ সংৰিধানপচ্চুপট্ঠানাতিচ ৰুত্তা. তাযহি তস্মিং নিরন্তরং উস্সুক্কন ব্যাপারৰসেন পৰত্তমানায তং সম্পযুত্তাপি অত্তনো অত্তনো কিচ্চং কুরুমানা তস্মিং তথেৰ পৰত্তন্তীতি. তেনেৰ সা সকিচ্চ পরকিচ্চ সাধক জেট্ঠসিস্স মহাৰড্ঢকি আদিসদিসাতি ৰুত্তাতি.

চেতেতি সঙ্খতাভিসঙ্খরণে ব্যাপারমাপজ্জতীতি ৰত্ৰা তদত্থসাধনত্থং যং ৰুত্তং ‘‘ৰিভঙ্গে সুত্তন্তভাজনিযে সঙ্খা রক্খন্ধং ¶ ৰিভজন্তেন সঙ্খতমতিসঙ্খরোন্তীতি সঙ্খারাতি ৰত্ৰা’’তি. তং ন যুজ্জতি.

ন হি ৰিভঙ্গে সুত্তন্তভাজনিযে সঙ্খতম ভিসঙ্খরোন্তীতি সঙ্খারাতি ৰুত্তং অত্থি. খন্ধসংযুত্তকে পনেতং ৰুত্তন্তি.

৭৩. একত্তারম্মণসঙ্খাতো অগ্গো কোট্ঠাসো কোটি ৰা এতস্সাতি একগ্গং. চিত্তং, তস্স ভাৰো একগ্গতা. আরম্মণঞ্হি নাম একংপি নানাসভাৰং হোতি. তস্মা তস্স একস্সপি নানাসভাৰেসু ৰিক্খেপং অপত্ৰা একস্মিং সভাৰে খণমত্তংপি পৰত্তস্স চিত্তস্স যোনিচ্চলাকারো অত্থি অযং তস্মিং একগ্গাভিধানস্স একগ্গবুদ্ধিযাচ পৰত্তিহেতুভাৰেন গয্হতীতি. তে নেৰ হি সা নিৰাতে দীপচ্চীনং ঠিতিৰিয চেতসো ঠিতীতি দট্ঠব্বাতি ৰুত্তা.

‘‘একং আরম্মণং অগ্গং ইমস্সাতি একগ্গ’’ন্তি ৰুত্তং. তত্থপি অগ্গসদ্দো কোট্ঠাসেৰা কোটিযংৰা পৰত্তোতি যুত্তো. কেচিপন আরম্মণে পৰত্তোতি ৰদন্তি. তং ন সুন্দরং.

ন হি অগ্গসদ্দো আরম্মণপরিযাযো কত্থচি দিট্ঠোতি.

৭৪. জীৰন্তি সম্পযুত্তাধম্মা এতেনাতি জীৰিতং. ইন্দোতি ইস্সরো. ইধ পন ইস্সরভাৰো ৰুচ্চতি. ইন্দং ইস্সরভাৰং কারেতীতি ইন্দ্রিযং. জীৰিতঞ্চ তং ইন্দ্রিযঞ্চাতি জীৰিতিন্দ্রিযং. তঞ্হি মযা ৰিনা তুম্হাকং জীৰিতং নত্থি. তস্মা তুম্হাকং জীৰনকিচ্চে মং ইস্সরং করোথাতি ৰদন্তমিৰ সহজাতধম্মে অভিভৰিত্ৰা পৰত্ততীতি. তথা হি তং পৰত্তসন্ততাধিপতেয্যন্তি চ পদুমুপ্প লানুপালকমুদকং ৰিযাতিচ ৰুত্তং. তত্থ যাৰ খন্ধপরিনিব্বানা অনুপ্পবন্ধৰসেন পৰত্তমানা চিত্তসন্ততি পৰত্তসন্ততিনাম. অধিপতিভাৰো আধিপতেয্যং. পৰত্তসন্ততিযং আধিপতেয্যং অস্সাতি সমাসো. পুনপ্পুনং নিরুদ্ধংপি হি চিত্তসন্তানং তস্স বলেন পুনপ্পুনং জীৰন্তং হুত্ৰা যাৰ খন্ধপরিনিব্বানা পুনপ্পুনং পৰত্ততিযেৰ.

ন ¶ হি জীৰিতরহিতেসু অনিন্দ্রিযবদ্ধধম্মেসু তাদিসো পৰত্তসন্ততি ৰিসেসোনাম অত্থীতি.

৭৫. মনস্মিং আরম্মণং অসুঞ্ঞং মনংৰা আরম্মণে নিচ্চনিন্নং করোতীতি মনসিকারো. সো পন তিৰিধো ৰীথিপটিপাদকো জৰনপটিপাদকোআরম্মণপটিপাদকোতি. তত্থ পঞ্চদ্ৰারাৰজ্জনং ৰীথি পটিপাদকো নাম. তঞ্হি পঞ্চদ্ৰারিক চিত্তসন্ততিং আরম্মণে পটিপাদেতি যোজেতীতি. মনোদ্ৰারাৰজ্জনং জৰনপটিপাদকো নাম. তংপি জৰন সন্ততিং আরম্মণে পটিপাদেতি যোজেতীতি. ইদমেৰ দ্ৰযং তত্থ তত্থ যোনিসো মনসিকারোতিচ অযোনিসো মনসিকারো তিচ ৰুত্তং. তঞ্হি পকতিযা সমুদাচিণ্ণনিন্ননিযামিতাদীহি পচ্চযে হি উপত্থম্ভিতং হুত্ৰা চিত্তসন্তানং যোনিসো অযোনিসোৰা আরম্মণে নিন্নং করোতীতি. পটিসন্ধিচিত্ততো পন পট্ঠায পৰত্তমানা চিত্তসন্ততি আরম্মণং মুঞ্চিত্ৰা নিরুজ্ঝিত্ৰাপি পুন উপ্পজ্জমানা যস্স ধম্মস্স ৰসেন তস্মিংযেৰ আরম্মণে উপ্পজ্জতি অসতি কারণৰিসেসে. সো আরম্মণপটিপাদকোনাম. অযমিধা ধিপ্পেতো. অযঞ্হি আরম্মণং চিত্তে চিত্তংৰা আরম্মণে পটিপাদেতি যোজেতীতি. তথা হি অযং সারণ লক্খণোতি চ সম্পযুত্তানং আরম্মণেন সংপযোজনরসোতিচ আরম্মণপটিপাদকট্ঠেন সম্পযুত্তানং সারথীৰিয দট্ঠব্বোতিচ ৰুত্তো. তত্থ সারণলক্খণোতি সারথীৰিয অস্সানং সম্পযুত্তধম্মানং উজুং আরম্মণাভিমুখং পৰত্তযনলক্খণোতি অত্থো. সমং ধারেন্তিতি সাধারণা. সব্বেসং চিত্তানং সাধারণা সব্বচিত্তসাধারণা.

৭৬. ৰিতক্কেতীতি ৰিতক্কো. তথা তথা সঙ্কপ্পেত্ৰা আরম্মণং আরোহতীতি অত্থো. তস্মিং পন তং কথা আরোহন্তে সম্পযুত্তধম্মাপি তং আরোহন্তি. তদা সোযেৰ তে আরম্মণং অভিনিরোপেন্তোনাম হোতীতি কত্ৰা আরম্মণা ভিনিরোপনলক্খণো ৰিতক্কোতি ৰুত্তো. রাজৰল্লভং নিস্সায জনপদগাসিনো রাজগেহারোহনঞ্চেত্থ নিদস্সনং. অৰিতক্কংপি হি চিত্তং সৰিতক্কধম্মসন্তানে ৰিতক্কেন সহ পৰত্তপরিচয বলেন আরোহনতো ৰিতক্কেন অতিনিরোৰিতমেৰনাম হোতীতি. অপিচ, ¶ অৰিতক্কংপি পঞ্চৰিঞ্ঞাণং ৰত্থারম্মণ সঙ্ঘট্টনৰসেন আরোহতি. দুতীযজ্ঝানাদীনিচ উপচারভাৰনাৰসেন আরোহন্তি. মজ্ঝিমট্ঠকথাযং পন কিংৰা এতায যুত্তিযাতি ৰত্ৰা ইমমত্থং দস্সেতি. চিত্তংপি হি আরম্মণং আরুহতিযেৰ. তস্স পন নিচ্চং সহাযো মনসিকারো. তস্মিঞ্হি অসতি তং নিযামকরহি তা নাৰাৰিয যংৰাতংৰা আরম্মণং গহেত্ৰা পৰত্তেয্যাতি. ইতি পঞ্চৰিঞ্ঞাণং মনসিকারসহাযং হুত্ৰা অত্তনো আরম্মণৰিজাননসত্তিৰসেনেৰ আরম্মণং আরোহতি. অকুসলং পত্ৰা পন চিত্তংপি লোভাদযোপি আরম্মণারুহনে থামৰতা এৰ হোন্তি. পাপস্মিং রমতে মনোতি হি ৰুত্তং. দুতীযজ্ঝান চিত্তাদীনিচ মনসিকার ৰীরিযস্সতীনংপি ৰসেন আরোহন্তি. ৰিতক্কো পন তথা তথা সঙ্কপ্পেত্ৰা অত্তসহিতে ধম্মে আরম্মণারুহনে সুট্ঠুতরং বলৰন্তে করোতি. ইতি তস্মিং কিচ্চে অঞ্ঞেসং সাভিসযব্যাপারতাযএৰ অযং ৰিতক্কোতি ৰুত্তোতি. এৰং পন ৰত্তব্বং. ননু অঞ্ঞেপি অরূপধম্মা সারম্মণসভাৰা আরম্মণং আরোহন্তি. অথ চ পন কস্মা অযমেৰ ৰিতক্কোতি ৰুত্তোতি. অঞ্ঞেসং পন আরুহনং কিচ্চন্তরযোগৰসেনেৰ সিদ্ধং. ইমস্স পন ইতো অঞ্ঞং কিচ্চং নাম নত্থি. তস্মা অযমেৰ তথা ৰুত্তোতি.

৭৭. ৰিচরতীতি ৰিচারো. ৰিচারেতিৰা সম্পযুত্তকেধম্মে, তে ৰা ধম্মা ৰিচরন্তি এতেনাতি ৰিচারো. ৰিচরণঞ্চেত্থ ৰিতক্কা রুল়্হে তস্মিংযেৰ আরম্মণে সভাৰাকারপাতুভাৰত্থং পুনপ্পুনং অনুমজ্জনৰসেন পৰত্তনং দট্ঠব্বং. এত্থচ ৰিতক্কো ওল়ারিকো পুব্বঙ্গমো আরম্মণে চিত্তস্স পথমাভিনিপাতভূতোচ হোতীতি ঘণ্ডাভিঘাতো ৰিয দট্ঠব্বো. ৰিচারো সুখুমো অনুচরো তস্মিংযেৰ আরম্মণে চিত্তস্স অনুবন্ধনভূতো চ হোতীতি ঘণ্ডানুরৰোৰিয দট্ঠব্বোতি.

৭৮. অধিমুচ্চনং অধিমোক্খো. আরম্মণে এৰং নুখো নো নুখোতি এৰং পৰত্তং সংসপ্পনং অধিভৰিত্ৰা ৰিচ্ছিন্দিত্ৰা পক্খকো মুচ্চনৰসেন চিত্তস্স পৰত্তীতি ৰুত্তং হোতি. এৰঞ্চ কত্ৰা সো আরম্মণে ¶ সন্নিট্ঠানলক্খণোতি চ আরম্মণে নিচ্চলভাৰেন ইন্দখীলসদিসোতিচ ৰুত্তো.

৭৯. ৰীরস্স কম্মসূরস্স ভাৰো কম্মৰা ৰীরিযং. তংসমঙ্গী পুগ্গলো হি কম্মসূরো হোতি. মহন্তংপি কম্মং অপ্পকতো গণ্হাতি. দুক্করংপি সুকরতো, ভারিযংপি অভারিযতো গণ্হাতি. অত্তকিলমথং নগণেতি. কম্মসিদ্ধিযা নিচ্চং পগ্গহিত কায চিত্তোৰ হোতি. তস্মা তং তস্স পুগ্গলস্স তথাপৰত্তিযা হেতুভাৰোচেৰ তথাপৰত্তস্স চ তস্স পুগ্গলস্স কায চিত্তক্রিযাভূতং হোতীতি. ৰিধিনাৰা নযেন উপাযেন ৰীরিযৰতো কিং নামকম্মং ন সিজ্ঝতীতিআদিকেন পুব্বাভিসঙ্খারেন ঈরযিতব্বং পৰত্তযিতব্বন্তি ৰীরিযং. ৰিসেসেনৰা সকপরহিতহেতু ঈরন্তি কম্পন্তি তং সমঙ্গিনো এতেনাতি ৰীরিযং. এত্থচ ৰীরিযু পত্থম্ভিতা সম্পযুত্তধম্মা সদা অনিক্খিত্তধুরা পগ্গহিতসীসাৰিয হুত্ৰা অত্তনো অত্তনো কিচ্চসম্পত্তিযা নিচ্চং উস্সাহজাতাৰ হোন্তি, তেসুচ তথাহোন্তেসু তংসমঙ্গিনো পুগ্গলাপি অত্তনোৰা পরেসংৰা হিতহেতু নিচ্চং ব্যাৰটকাযচিত্তা হোন্তি. তস্মা ঈরন্তি কম্পন্তীতি ৰুচ্চন্তীতি. তথা হি তং উপত্থম্ভনলক্খণন্তি চ পগ্গহলক্খণন্তি চ উস্সাহলক্খণন্তি চ গেহস্স থূণূপত্থম্ভন সদিসন্তি চ সম্মা আরদ্ধং সব্বসম্পত্তীনং মূলন্তি চ ৰুত্তন্তি.

৮০. ৰিনযতি কাযচিত্তং তপ্পেতি, তুট্ঠং সুহিতং জনেতি, সুপুপ্ফিতপদুমংৰিযৰা ৰড্ঢেতীতি পীতি, ৰিনন্তিৰা এতায তং সমঙ্গিনো পুণ্ণচন্দোৰিয ৰিরোচমান কাযচিত্তা হোন্তীতি পীতি. সা পঞ্চৰিধা খুদ্দিকা পীতি, খণিকাপীতি, ওক্কন্তিকা পীতি, উব্বেগা পীতি, ফরণাপীতীতি.

৮১. ছন্দনং ছন্দো. ইচ্ছা পত্থনা অভিসন্ধীতি ৰুত্তং হোতি. সোপন দুৰিধো তণ্হাছন্দো, কত্তুকম্যতা ছন্দোতি. ইধ কত্তুকম্যতা ছন্দো অধিপ্পেতো. এত্থচ কত্তুং কামেতি ইচ্ছতীতি কত্তুকামো. ছন্দসমঙ্গিপুগ্গলো. তস্স ভাৰো কত্তুকম্যং. তদেৰ কত্তুকম্যতা, যথা দেৰোযেৰ দেৰতাতি. এত্থচ কত্তুসদ্দো সব্বেসং ধাতুসদ্দানং অত্থে সঙ্গহেত্ৰা পৰত্তো. ¶ তস্মা কত্তুকম্যতাতি এতেন কথেতুকম্যতা চিন্তেতুকম্যতা দট্ঠুকম্যতা সোতুকম্যতাতি এৰমাদীনি সব্ব ক্রিযাপদানি সঙ্গহিতানি হোন্তীতি দট্ঠব্বং. সো পন আরম্মণং ইচ্ছন্তোপি তণ্হা ৰিয অস্সাদন রজ্জন লগ্গন ৰসেন নইচ্ছতি. যেন যেন পন অত্থিকো হোতি. তং তং অত্থং আরাধেতু কামতাৰসেনেৰ ইচ্ছতি. যথা রঞ্ঞো ইস্সাসা ধনেনৰা যসেনৰা অত্থিকা রাজৰেরীনং ৰিজ্ঝনৰসেন ছড্ডিতব্বযুত্তকেপি সরে বহূ ইচ্ছন্তিযেৰ. এৰমেৰং অযংপি পরস্স ৰিস্সজ্জিতব্বযুত্ত কানিপি দানৰত্থূনি অলদ্ধানিপি লদ্ধুং ইচ্ছতি. লদ্ধানিপি রক্খিতুং ইচ্ছতীতি. অযঞ্চ অত্থো ৰিভাৰনিযংপি ৰুত্তোযেৰ.

দানৰত্থুৰিস্সজ্জনৰসেন পৰত্তকালেপি চেস ৰিস্সজ্জি তব্বেন তেন অত্থিকোযেৰ. খিপিতব্বউসূনং গহণে অত্থিকো ইস্সাসোৰিযাতি.

তত্থ যদগ্গেন দানং দস্সামীতি দানৰত্থুপরিযেসনাদিৰসেন পৰত্তা পুব্বভাগচেতনা দানৰত্থুৰিস্সজ্জন সঙ্কাতে দানে সঙ্গহিতা হোতি. তদগ্গেন তস্সা পুব্বভাগচেতনায পৰত্তিকালো ইধ দানৰত্থু ৰিস্সজ্জনৰসেন পৰত্ত কালোতি ৰেদিতব্বো. ৰিস্সজ্জিতব্বেনাতি ৰিস্সজ্জিতব্ব যুত্তকেন. তেন অত্থিকোযেৰ পরস্স ৰিস্সজ্জনত্থাযাতি অধিপ্পাযো. খিপিতব্বউসূনং গহণেতি তেসং অকতানং করণৰসেন অলদ্ধানং পরিযেসনৰসেন গহণে. এত্থ পন কেচি ইস্সাসো উসূনিখিপিত্ৰাপি লভমানো তেহি উসূহি অত্থিকোযেৰাতি এৰ মত্থং ৰদন্তি. সো নযুজ্জতি. এৰঞ্হি সতি খিপিতউসূনন্তি ৰুত্তং সিযা. যথা কথিতং লপিতং তথাগতেনাতি. তথা ৰিস্সজ্জিতব্বে নাতি এত্থপীতি. কেচি ইস্সাসো উসূহি অনত্থিকো খিপন্তো নহোতি. অত্থিকোযেৰ সমানো অঞ্ঞং আনিসংসং ইচ্ছন্তো খিপতীতি এৰং অত্থং ৰদন্তি. সোপি নযুজ্জতি. এৰঞ্হি সতি উসূহি অত্থিকোযেৰ তানি খিপন্তো ইস্সাসোৰিযাতিৰুত্তং সিযাতি. অত্থতো ¶ পন তদুভযংপি অৰহসিতব্বমেৰ হোতীতি. যস্মাচ ছন্দসম্পযুত্তং চিত্তং আরম্মণং গণ্হন্তং ছন্দৰসেন অতি ইচ্ছমানং ৰিয ৰিলুপ্পমানং ৰিয গণ্হাতি. তস্মা অযং আরম্মণগ্গহণে চেতসো হত্থপ্পসারণংৰিযাতি ৰুত্তো. এত্থচ হত্থপ্পসারণংৰিযাতি ইদং অভূতপরিকপ্পৰচনং দট্ঠব্বং. ন হি চিত্তস্স হত্থোনাম অত্থি. অত্থৰিসেসপাকটত্থং পন অভূতংপি ভূতং ৰিয কপ্পেত্ৰা ৰুত্তন্তি দট্ঠব্বং. অপিচ, অযং ছন্দোনাম থামপত্তো তণ্হায বলৰতরো হোতি. তথা হেস অধিপতিভূতো ইদ্ধিপাদভূতোচ হোতীতি. যদি হি সো তণ্হায সমানবলো সিযা. ইমে সত্তা তণ্হায হত্থে ঠিতা তণ্হা পরিগ্গহিতানি ধনভোগরজ্জসুখানিৰা দিব্বব্রহ্মসম্পত্তিযোৰা ছড্ডেত্ৰা ৰট্টদুক্খতো নিয্যাতুং নসক্খিস্সন্তি যেৰাতি.

৮২. সোভণা সোভণেসু চিত্তেসু পকিরন্তীতি পকিণ্ণা. কেএৰ পকিণ্ণকা. অঞ্ঞেহি অঞ্ঞেসংৰা সমানা অঞ্ঞসমানা. যদা সোভণচিত্তেসু যুত্তা, তদা তেহি অসোভণতো অঞ্ঞেহি সমানা. যদা অসোভণচিত্তেসু যুত্তা, তদা তেহি সোভণতো অঞ্ঞেহি সমানা সদিসাতি ৰুত্তং হোতি.

অঞ্ঞসমানরাসিম্হি পরমত্থদীপনা.

৮৩. ইদানি অকুসলরাসিং দস্সেন্তো মোহোতিআদিমাহ. তত্থ মুয্হতীতি মোহো. মুয্হন্তি সত্তা এতেনাতিৰা মোহো. মুয্হনমত্তংৰা মোহো, চতুরঙ্গতমস্স ৰিয চক্খুস্স সব্বসো কল্যাণপক্খং পটিচ্ছাদেত্ৰা চিত্তস্স অন্ধভাৰকরণন্তি ৰুত্তং হোতি. পাপপক্খং পন পত্ৰা সো ঞাণগতিকো হোতীতি দট্ঠব্বো. তথা হেস পাল়িযং মিচ্ছাঞাণন্তি ৰুত্তো. অট্ঠকথাসুচ মিচ্ছাঞাণন্তি পাপক্রিযাসু উপাযচিন্তাৰসেনপৰত্তো মোহোতি ৰুত্তং. অৰিজ্জাযচ অপ্পটিপত্তি মিচ্ছাপটিপত্তিৰসেন দুৰিধভাৰো ৰুত্তো. ¶ এত্থচ অপ্পটিপত্তীতি কল্যাণপক্খে অঞ্ঞাণমেৰ ৰুচ্চতি. মিচ্ছাপটিপত্তীতি পাপপক্খে মিচ্ছাঞাণমেৰ ৰুচ্চতীতি, তথা হি পাপপক্খং পত্ৰা পঞ্চধম্মা ঞাণগতিকা হোন্তি মোহো, লোভো, দিট্ঠি, ৰিতক্কো, ৰিচারোতি. চিত্তেন পন সদ্ধিং ছব্বিধা হোন্তি. তেহি পকতিযা ৰিঞ্ঞুজাতিকেসু সুতপরিযত্তিসম্পন্নেসুচ উপ্পন্না পাপক্রিযাসু তং তং উপাযদস্সনৰসেন তেসং তত্থ ছেকভাৰং পটিবলভাৰঞ্চ সাধেন্তীতি.

৮৪. নহিরিযতি কাযদুচ্চরিতাদীহি নলজ্জতি নজিগুচ্ছতীতি অহিরী. হিরিপ্পটিপক্খাৰা অহিরী, সাএৰ অহিরিকং. তঞ্হি পাপ ক্রিযাসু পচ্চুপট্ঠিতাসু হিরিযা ওকাসং অদত্ৰা তাসু রুচিং উপ্পাদেত্ৰা পৰত্ততীতি. তথা হি তং কাযদুচ্চরিতাদীহি অজিগুচ্ছনলক্খণন্তিচ অলজ্জালক্খণন্তিচ ৰুত্তং.

৮৫. নওত্তপ্পতীতি অনোত্তপ্পং. কাযদুচ্চরিতাদীহি নভাযতি নউত্রসতীতি অত্থো. ওত্তপ্পপ্পটিপক্খংৰা অনোত্তপ্পং. তংপি হি তাসু পচ্চুপট্ঠিতাসু ওত্তপ্পস্স ওকাসং অদত্ৰা চিত্তং তাসু অসারজ্জমানং কত্ৰা পৰত্ততীতি. তথা হেতং কাযদুচ্চরি তাদীহি অসারজ্জলক্খণন্তি চ অনুত্তাসলক্খণন্তি চ ৰুত্তং. ৰুচ্চতি চ –

অজেগুচ্ছী অহিরিকো, পাপাগূথাৰ সূকরো;

অভীরুচ অনোত্তপ্পী, সলভো ৰিয পাৰকাতি.

৮৬. উদ্ধরতীতি উদ্ধটং. পাসাণপিট্ঠে ৰট্টেত্ৰা ৰিস্সট্ঠ গেণ্ডুকো ৰিয নানারম্মণেসু ৰিক্খিত্তং চিত্তং, উদ্ধটস্স পন চিত্তস্স উদ্ধরণাকারপ্পৰত্তিযা পচ্চযভূতো ধম্মো উদ্ধচ্চং. তং পন ৰাতেরিতং জলং ৰিয ধজপটাকা ৰিযচ দট্ঠব্বং.

৮৭. লুব্ভতীতি লোভো, লুব্ভন্তি সম্পযুত্তা ধম্মা এতে নাতি লোভো, লুব্ভনমত্তমেৰৰা এতন্তি লোভো. এত্থচ লুব্ভনংনাম আরম্মণাভিসজ্জনং দট্ঠব্বং. সোপন আরম্মণে লগ্গ নট্ঠেন ¶ মক্কটালেপোৰিয অভিকঙ্খট্ঠেন তত্তকপালে খিত্তমংস পেসি ৰিয অপরিচাগট্ঠেন তেলঞ্জন রাগোৰিয তণ্হানদিভাৰেন ৰড্ঢিত্ৰা সত্তানং অপাযাৰহট্ঠেন সব্বানি সুক্খকট্ঠ সাখাপলাস তিণকসটানি মহাসমুদ্দং ৰহন্তী সীঘতোতা নদী ৰিয দট্ঠব্বো.

৮৮. দস্সনং দিট্ঠি. ধম্মানং যাথাৰসভাৰেসু ঞাণদস্সনং ৰিয তেসমেৰ অযাথাৰসভাৰেসু মিচ্ছাদস্সনন্তি ৰুত্তং হোতি. সাহি একচ্চানং পণ্ডিতমানীনং মিচ্ছাৰিতক্কবহুলানং উপ্পন্না থামগতা অযাথাৰপক্খে পটিৰেধঞ্ঞাণগতিকা হোতীতি. সাপন মিচ্ছাভিনিৰেসলক্খণা পরমংৰজ্জন্তি দট্ঠব্বা.

৮৯. মঞ্ঞতীতি মানো. অহং লোকে একো পুগ্গলো অস্মি. ন কট্ঠকলিঙ্গরোৰিয অৰমঞ্ঞনারহোতি এৰং অত্তানং দল়্হং পগ্গহেত্ৰা সমনুপস্সতীতি অত্থো. সোপন জাতি কুলধন ভোগ যস ইস্সরিযাদীহি চেৰ সীল সুত লাভসক্কারা দীহিচ গুণেহি উপত্থম্ভিতো অতিরেকতরং ৰদ্ধিত্ৰা অত্তানং জনমজ্ঝে কেতুংৰিয অচ্চুগ্গতং মঞ্ঞতি. তস্মা সো উন্নতিলক্খণোতিচ উম্মাদোৰিযাতিচ ৰুত্তো.

৯০. দুস্সতীতি দোসো. সোপন চণ্ডিক্কট্ঠেন পহতা সিৰিসোৰিয ৰিসপ্পনট্ঠেন অসনিপাতোৰিয অত্তনো নিস্সয দহনট্ঠেন দাৰগ্গিৰিয দুস্সনট্ঠেন লদ্ধোকাসো সপত্তোৰিয সব্বসো অহিতরাসি ভাৰট্ঠেন ৰিস সংসট্ঠ পূতিমুত্তং ৰিয দট্ঠব্বো.

৯১. ইস্সতীতি ইস্সা. পরসম্পত্তিং উস্সূযতীতি অত্থো. সাহি পরেসং পকতিযা লদ্ধসম্পত্তিং দিস্ৰা ৰা সুত্ৰাৰা নসহতি. তস্সা সম্পত্তিযা ৰিপত্তিং ইচ্ছতি আকঙ্খতি. অসুকো ইদংনাম লভিস্সতীতি সুত্ৰাপি নসহতি. তস্স অলাভং ইচ্ছতি আকঙ্খতি. তস্মা সা পরসম্পত্তীনং উস্সূযনলক্খণাতি ৰুত্তা.

৯২. মম ¶ এৰ ইদং গুণজাতংৰা ৰত্থুৰা হোতু. মা অঞ্ঞস্সাতি এৰং অত্তনো সম্পত্তিহেতু অৰিপ্ফারিকতাৰসেন চরতি পৰত্ততীতি মচ্ছরং, তথা পৰত্তং চিত্তং. মচ্ছরস্স ভাৰো মচ্ছরিযং. ইদংচ ইস্সা ৰিয দুৰিধং অত্তনা লদ্ধসম্পত্তি লভিতব্বসম্পত্তি ৰসেন. তত্থ পকতিযা লদ্ধসম্পত্তিযং তাৰ তং পরেহি সা ধারণংৰা যেন কেনচিৰা কারণেন অত্তসন্তকভাৰতো মুচ্চিত্ৰা পরেসং সন্তকভাৰং গমিস্সমানং দিস্ৰা ৰা সুত্ৰাৰা চিন্তেত্ৰা দুক্খী দুম্মনো হোতি, লভিতব্বসম্পত্তিযংপি অসুকস্মিং দেসে ৰাকালেৰা ইদংনাম ভৰিস্সতীতি সুত্ৰাৰা চিন্তেত্ৰাৰা তং অত্তনাৰ লদ্ধুং ইচ্ছতি. অঞ্ঞেসং লাভং নইচ্ছতি. অঞ্ঞে লভিস্সন্তীতি সুত্ৰাৰা চিন্তেত্ৰাৰা দুক্খী দুম্মনো হোতীতি. তথা হেতং লদ্ধানংৰা লভিতব্বানংৰা অত্তনো সম্পত্তীনং নিগ্গুহনলক্খণন্তি ৰুত্তং. এত্থচ লভিতব্বসম্পত্তিযং যস্স লাভং নইচ্ছতি. সোলভতীতিৰা লভিস্সতীতিৰা সুত্ৰাৰা চিন্তেত্ৰাৰা চিত্তৰিঘাতো ইস্সানাম. যং যং অত্তনা লদ্ধুং ইচ্ছতি. তং তং অত্তনা অলব্ভমানকং চিন্তেত্ৰা চিত্তৰিঘাতো মচ্ছরিযংনাম. ন হি এতে দ্ৰে একতো উপ্পজ্জন্তীতি.

৯৩. কুক্কুচ্চন্তি এত্থ কিরিযা কতং. কুচ্ছিতং কতন্তি কুকতং. কুচ্ছিতকিরিযাতি অত্থো. পণ্ডিতেহি একন্তেন নিন্দিতব্বো চিত্তপ্পৰত্তিৰিসেসোতি ৰুত্তং হোতি. অত্থতো পন অকতং ৰত মে কল্যাণং কতং পাপন্তি এৰং অনুসোচনৰসেন পৰত্তো কুক্কুচ্চ সম্পযুত্তচিত্তুপ্পাদোযেৰ, সো হি তথা পৰত্তমানোপি পুব্বে অকতংৰা কল্যাণং পুন কতং কাতুং ন সক্কোতি. পুব্বে কতং ৰা পাপং পুন অকতং কাতুং নসক্কোতি. অথখো কুসলধম্মেসু চিত্তপরিযাদানাযএৰ সংৰত্ততি. তস্মা কুচ্ছিতকিরিযা মত্তত্তা কুকতন্তি ৰুচ্চতীতি. ৰুত্তঞ্হেতং অট্ঠ কথাযং কতাকতস্স সাৰজ্জানৰজ্জস্স অভিমুখগমনং পটিসারোনাম. যস্মা পনেসো কতংৰা পাপং অকতং নকরোতি. অকতংৰা কল্যাণং কতং নকরোতি. তস্মা ৰিরূপো কুচ্ছিতো ৰা পটিসারোতি ৰিপ্পটিসারোতি. এত্থচ ৰিপ্পটিসারোতি কুক্কুচ্চ মেৰ. ¶ কুক্কুচ্চেচ কুচ্ছিতে সতি তং সম্পযুত্তচিত্তুপ্পাদোপি কুচ্ছিতোযেৰ. যেনচ কারণেন কুক্কুচ্চং কুচ্ছিতংনাম হোতি. তেনেৰ কারণেন সো চিত্তুপ্পাদোপি কুচ্ছিতোনাম হোতীতি কত্ৰা সো চিত্তুপ্পাদোৰ কুকতপদে গহেতুং যুত্তোতি ৰেদিতব্বো. সুদিন্নকণ্ডট্ঠকথাযং পন অযমত্থো উজুকতোৰ ৰুত্তো. যথাহ-ৰিঞ্ঞূহি অকত্তব্বতায কুচ্ছিতকিরিযাভাৰতো কুক্কুচ্চন্তি.

ইমমত্থং অসল্লক্খেত্ৰা যং ৰুত্তং ‘‘কুচ্ছিতং কতন্তি কুকতং. কতাকত দুচ্চরিতসুচরিত’’ন্তি. তং ন যুজ্জতিযেৰ. এতেন যঞ্চ তত্থ ৰুত্তং ‘‘অকতংপি হি কুকতন্তি ৰোহরন্তি. যং মযা অকথং. তং কুকতন্তিচ. ইধ পন কতা কতং আরব্ভ উপ্পন্নো ৰিপ্পটিসারচিত্তুপ্পাদো কুকত’’ন্তিচ. তংপি সব্বং পটিক্খিত্তমেৰ হোতীতি.

কুকতস্স যথাৰুত্তচিত্তুপ্পাদস্স তথাপৰত্তি হেতুভাৰো কুক্কুচ্চং. অপিচ, ধাতুপাঠেসু কুচসদ্দং সঙ্কোচন মনো ৰিলেখনত্থেসু পঠন্তিযেৰ. তস্মা কুচ্ছিতেন আকারেন কোচতি সঙ্কোচতি ন পাপজিগুচ্ছনাকারেনাতি কুক্কুচো. কুচ্ছিতেনৰা আকারেন কোচতি ৰিলিখতি নকিলেসসল্লীখনা কারেনাতি কুক্কুচো. তথা পৰত্তধম্মসমূহো. সোহি কুচ্ছিতেন অকতং ৰত মে কল্যাণং কতং পাপন্তি এৰং পৰত্তেন অনুত্থুননাকারেন সঙ্কোচতি. কুসলধম্মসমাদানে চিত্তং নমিতুংপি নদেতি. মনংৰা ৰিলেখতি. সদ্ধাদীনং সারধম্মানং তনুকরণেন চিত্তং কুসলধম্মসমাদানে পরিযাদিন্নথামবলং করোতি. তস্মা কুক্কুচোতি ৰুচ্চতি. যেন পন ধম্মেন যুত্তত্তা সো তথা পৰত্তো হোতি. সো কুক্কুচ্চংনাম কুক্কুচস্স ভাৰোতি কত্ৰা. তং পন যস্মা পুব্বে অকতঞ্চ কল্যাণং কতঞ্চ পাপং আরব্ভ পচ্ছা অনুতাপনৰসেন অনুসোচনৰসেনচ পৰত্ততি. তস্মাতং পচ্ছানুতাপলক্খণং কতাকতানুযোচন রসন্তি চ ৰুত্তং. ¶ এত্থচ পচ্ছানুতাপলক্খণন্তি পুব্বে কল্যাণঞ্চ অকত্ৰা পাপঞ্চ কত্ৰা আগতত্তা পচ্ছিমে কালে অনুতাপলক্খণন্তি অত্থো. তেন কুক্কুচ্চস্স একন্তেন অতীতারম্মণতা সিদ্ধা হোতি. পচ্চুপ্পন্নানাগতারম্মণতাচ পটিসিদ্ধাতি. কতাকতা নুসোচনরসন্তি এত্থ কতঞ্চ পাপং অকতঞ্চ কল্যাণন্তি যো জেতব্বং. ৰুত্তঞ্হেতং মহানিদ্দেসে –

দ্ৰীহাকারেহি কুক্কুচ্চং উপ্পজ্জতি কতত্তা চ অকতত্তা চ. কথঞ্চ দ্ৰীহা.ল. অকতত্তাচ. অকতং মে কাযসু চরিতং. কতং কাযদুচ্চরিতন্তি উপ্পজ্জতি কুক্কুচ্চং. অকতং মে ৰচীসুচরিতং.ল. কতং মনোদুচ্চরিতন্তি উপ্পজ্জতি কুক্কুচ্চং. অকতামে পাণাতিপাতা ৰেরমণী. কতো পাণাতি পাতোতি উপ্পজ্জতি কুক্কুচ্চং.ল. অকতা মে সম্মাদিট্ঠি. কতা মিচ্ছামিট্ঠীতি উপ্পজ্জতি কুক্কুচ্চন্তি.

এতেন পন অকতসুচরিতা রম্মণতায কতদুচ্চরিতা রম্মণতাযচ ৰসেন কুক্কুচ্চস্স দ্ৰিধাভাৰোযেৰ সিদ্ধো হোতি. দ্ৰীহাকারেহীতি হি ৰুত্তং. সোচ খো পুব্বে পাপং কত্ৰা পচ্ছা অপাযভযতজ্জিতানঞ্চেৰ অপাযেসু পতিত্ৰা পুব্বে অত্তনা কতকম্মং অনুস্সরন্তানঞ্চ হোতি. নঅঞ্ঞেসং, অকতং মে কাযসুচরিতং. কতং কাযদুচ্চরিতন্তি হি ৰুত্তং. যথা পন মানো দুৰিধো হোতি যাথাৰমানো অযাথাৰমানোতি. তথা কুক্কুচ্চংপি, যাথাৰকুক্কুচ্চং, অযাথাৰ কুক্কুচ্চন্তি দুৰিধং হোতি. তত্থ অযাথাৰ কুক্কুচ্চংপি উপ্পজ্জমানং দ্ৰীহাকারেহো উপ্পজ্জতি অকতং ৰত মে কল্যাণং কতং পাপন্তি. কতমং পন তন্তি. যঞ্চ পুব্বে কল্যাণকম্মেপি পাপসঞ্ঞী পাপদিট্ঠি অকত্ৰা পাপকম্মেপি কল্যাণসঞ্ঞী কল্যাণদিট্ঠি কত্ৰা পচ্ছা অনুসোচনৰসেন উপ্পজ্জতি. যঞ্চ পুব্বে কল্যাণে কল্যাণসঞ্ঞী কত্ৰা পচ্ছা পাপসঞ্ঞিনো পাপেচ পাসঞ্ঞী অকত্ৰা পচ্ছা কল্যাণসঞ্ঞিনো উপ্পজ্জতি. ইদং অযাথাৰকুক্কুচ্চংনাম. অনৰজ্জে সাৰজ্জসঞ্ঞী, কপ্পিযে অকপ্পিযসঞ্ঞী, অনাপত্তিযং আপত্তিসঞ্ঞীতিআদিনাপি ¶ যোজেতব্বং. ইদঞ্চ সব্বং উপ্পজ্জমানং দ্ৰীহা কারেহেৰ উপ্পজ্জতি. তস্মা দ্ৰীসুএৰ সঙ্গহিতন্তি দট্ঠব্বং. যং পন মহানিদ্দেসেযেৰ হত্থকুক্কুচ্চকংপি কুক্কুচ্চং. পাদকুক্কুচ্চকংপি কুক্কুচ্চং. হত্থপাদকুক্কুচ্চকংপি কুক্কুচ্চন্তি নিদ্দিট্ঠং. তং অসংযত কুক্কুচ্চংনাম. যং পন তং ভিক্খু কুক্কুচ্চাযন্তা নপটিগ্গণ্হিংসূতি ৰিনযে আগতং. যঞ্চ কথং কুক্কুচ্চপ্পকততায আপজ্জতি কপ্পিযে অকপ্পিযসঞ্ঞিতা অকপ্পিযে কপ্পিযসঞ্ঞিতাতি আগতং. তং ৰিনযকুক্কুচ্চংনাম. তংপন ৰিনযসংসযোএৰ. সোচ খো অত্তনো অৰিসযে কপ্পতি নুখো নোনুখোতি সংসপ্পনাকারেন পৰত্তো কুসল ক্রিয চিত্তুপ্পাদো. সোপন যেসং উপ্পজ্জতি. তেসু যে সিক্খাকামা, তে তংকম্মং নকরোন্তি. তে সন্ধায কুক্কুচ্চাযন্তা নপটিগ্গণ্হিংসূতি ৰুত্তং. যে পন করোন্তিযেৰ. তে কপ্পিযৰত্থুস্মিংপি আপত্তিং আপজ্জন্তি. তে সন্ধায কুক্কুচ্চপ্পকততায আপত্তিং আপজ্জতীতি ৰুত্তং.

৯৪. থিযতিচিত্তং মন্দমন্দং কত্ৰা অজ্ঝোত্থরতীতি থিনং. থিযিযনা থিযিতত্তন্তি হি পাল়িযং নিদ্দিট্ঠং.

৯৫. মেধতি চেতসিকে ধম্মে অকম্মঞ্ঞভূতে কত্ৰা ৰিহিং সতীতি মিদ্ধং. তথা হি আরম্মণে ৰিপ্ফারৰসেন তং তং ইরিযা পথং সন্ধারেত্ৰা পৰত্তমানেসু সম্পযুত্তধম্মেসু মুগ্গরেন পোথেত্ৰা ৰিয তে আরম্মণতো ওলিযাপেত্ৰা ইরিযাপথংপি সন্ধারেতুং অসমত্থে কত্ৰা থিনং চিত্তং অভিভৰতি. মিদ্ধং চেতসিকেতি.

৯৬. ৰিচিকিচ্ছাতি এত্থ. চিকিচ্ছনং চিকিচ্ছা. ঞাণপ্পটিকা রোতি অত্থো. তিকিচ্ছিতুং দুক্করতায ৰিগতা চিকিচ্ছা এতাযাতি ৰিচিকিচ্ছা. সভাৰং ৰিচিনন্তা কিচ্ছন্তি কিলমন্তি এতাযাতিৰা ৰিচিকিচ্ছা. ৰিচিকিচ্ছতিৰা দ্ৰেল়্হকভাৰেন পৰত্ততীতি ৰিচিকিচ্ছা. সা নীৰরণভূতা, পটিরূপকাতি দুৰিধা. তত্থ বুদ্ধাদীসু অট্ঠসু ৰত্থূসু ৰিমতিৰসেন পৰত্তমানা নীৰরণভূতা. ততো অঞ্ঞাপন অসব্বঞ্ঞূনং তেসু তেসু আরম্মণেসু কথং নুখো এৰং নুখো ¶ ইদংনুখোতি ৰেমতিকভাৰেন পৰত্তা সব্বা ৰিচিকিচ্ছা পটিরূপকানাম. সা পন কুসলাপি হোতি, অকুসলাপি খীণা সৰানং উপ্পন্ন ক্রিযাব্যাকতাপীতি. ইধ পন একন্তাকুসলভূতা নীৰরণৰিচিকিচ্ছাৰ অধিপ্পেকাতি.

৯৭. সদ্দহতীতি সদ্ধা. যথা অচ্ছং পসন্নং নিসিন্নং উদকং চন্দ সূরিযাদীনি রূপনিমিত্তানি সুট্ঠু অত্তনি দহতি. এৰং অযং বুদ্ধগুণা দীনি সুট্ঠু অত্তনি দহতি ধারেতি থপেতিৰাতি অত্থো. সদ্দহন্তিৰা এতাযাতি সদ্ধা. সদ্দহনমত্তমেৰৰা এতন্তি সদ্ধা. সাপি বুদ্ধা দীসু সদ্ধেয্যৰত্থূসু অকালুস্সিযভাৰেন পৰত্তমানাএৰ ইধ অধিপ্পেতা. ততো অঞ্ঞাপন তিত্থিযেসুৰা তিত্থিযধম্মেসু ৰা এৰরূপেসু অসদ্ধেয্যৰত্থূসু সদ্দহনৰসেন পৰত্তা ওকপ্পনা সদ্ধা পটিরূপকানাম হোতি. সা পন অত্থতো মিচ্ছাধিমোক্খো যেৰাতি. যথা পন মনুস্সা হত্থে অসতি রতনানি দিস্ৰা পি-গহেতুং ন সক্কোন্তি. ৰিত্তে অসতি তেসং সব্বভোগা ন সম্পজ্জন্তি. বীজে অসতি সস্সাদীনি নসম্পজ্জন্তি. এৰং সদ্ধায অসতি পুঞ্ঞক্রিযাৰত্থূনি নসম্পজ্জন্তি. তস্মা এসা হত্থৰিত্তবীজ সদিসাতি ৰুত্তা.

৯৮. সরতীতি সতি. অত্তনা কতানি কত্তব্বানি চ কল্যাণকম্মাৰা বুদ্ধগুণাদীনিৰা অপ্পমজ্জনৰসেন উপগচ্ছতীতি অত্থো. সাপি সম্মাসতি মিচ্ছাসতি দুৰিধা হোতি. তত্থ সম্মাসতি ইধ অধিপ্পেতা. ইতরা পন সতিযেৰ ন হোতি. কতস্স কত্তব্বস্সচ পাপকম্মস্স অপ্পমজ্জনৰসেন পৰত্তো সতিপটিরূপকো অকুসলচিত্তুপ্পাদোযেৰ. যস্মা পনেসা চিত্তং সব্বেহি অকুসলধম্মেহিচ রক্খিতুং কুসলধম্মেহিচ যোজেতুং সক্কোতি. তস্মা সা রঞ্ঞো সব্বকম্মিক মহাঅমচ্চো ৰিয দট্ঠব্বাতি. সতিংখ্ৰাহং ভিক্খৰে সব্বত্থিকং ৰদামীতি হি ৰুত্তং.

৯৯. হিরিযতীতি ¶ হিরি. কাযদুচ্চরিতাদীহি লজ্জতি জিগুচ্ছতি উক্কণ্ঠতীতি অত্থো.

১০০. তেহিযেৰ ওত্তপ্পতীতি ওত্তপ্পং. উব্বিজ্জতীতি অত্থো. এত্থপি হিরিওত্তপ্পপ্পটিরূপকানাম অত্থি, ৰুত্তঞ্হি –

লজ্জিতব্বে নলজ্জন্তি, অলজ্জিযেসু লজ্জরেতি চ;

ভাযিতব্বে নভাযন্তি, অভযে ভযদস্সিনোতি চ.

যস্মা পন সপ্পুরিসা হিরিযা অত্তনি ওত্তপ্পেনচ পরেসু আরক্খদেৰতাদীসু গারৰং উপ্পাদেত্ৰা পাপতো ৰজ্জেত্ৰা সুদ্ধং অত্তানং পরিহরন্তি. তস্মা ইমে দ্ৰে লোকপালধম্মাতি ৰুত্তা.

১০১. লোভপ্পটিপক্খো অলোভো. সো হি যেসু অত্তনো হিতসঞ্ঞিতেসু আরম্মণেসু লোভো লগ্গনৰসেন পৰত্ততি, তেস্ৰেৰ তং লোভং ৰিধমিত্ৰা লোভৰত্থুভূতা ভৰভোগসম্পত্তিযো গূথরাসিংৰিয হীল়েত্ৰা জিগুচ্ছিত্ৰা একানেক্খম্ম ধাতুনাম হুত্ৰা পৰত্ততীতি.

১০২. দোসপ্পটিপক্খো অদোসো. সোপি হি যেসু অত্তনো অহিতসঞ্ঞিতেসু আরম্মণেসু দোসো দুস্সনৰসেন পৰত্ততি. তেস্ৰেৰ তংদোসং ৰিধমিত্ৰা দিট্ঠদিট্ঠেসু সত্তেসু পুণ্ণচন্দসদিসং সোম্মহদযং উপ্পাদেত্ৰা একা অব্যাপাদধাতু নাম হুত্ৰা পৰত্ততীতি. অযমেৰচ ব্রহ্মৰিহারেসু মেত্তাতি ৰুত্তা. অমোহোপি ইধ ৰত্তব্বো. মোহপ্পটিপক্খো অমোহো. সোপি হি যেসু ধম্মেসুৰা অত্থেসুৰা চতূসু অরিযসচ্চেসুৰা মোহো অন্ধকারং কত্ৰা পৰত্ততি. তেস্ৰেৰ তং মোহং ৰিধমিত্ৰা চন্দসূরিযসহস্সং উট্ঠাপেন্তোৰিয ৰিজ্জানাম হুত্ৰা পৰত্ততীতি.

১০৩. তত্রমজ্ঝত্ততাতি এত্থ অত্তা ৰুচ্চতি সভাৰো. লীনুদ্ধচ্চাদীনং উভিন্নং ৰিসমপক্খানং মজ্ঝে পৰত্তো অত্তা এতস্সাতি মজ্ঝত্তা. সমপ্পৰত্তো সম্পযুত্তধম্মসমূহো. তস্স ভাৰো মজ্ঝক্কতা. ¶ তেসু তেসু সম্পযুত্তধম্মেসু দিস্সমানা মজ্ঝত্ততা তত্রমজ্ঝত্ততা তেসু তেসুৰা হিতকম্মেসু চিত্তচেতসিকানং মজ্ঝত্ততা তত্রমজ্ঝত্ততা. তথা হি সা সমপ্পৰত্তানং সম্পযুত্ত ধম্মানং অজ্ঝুপেক্খনৰসেন সমপ্পৰত্তানং আজানেয্যানং অজ্ঝুপেক্খনসারথীৰিয দট্ঠব্বাতি ৰুত্তা. অযমেৰচ ব্রহ্মৰিহারেসু উপেক্খাতি ৰুত্তা.

১০৪. কাযপ্পস্সদ্ধাদীসু কাযোতি ৰেদনাদিক্খন্ধত্তয সঙ্খাতো চেতসিকসমূহো ৰুচ্চতি. চিত্তন্তি সোভণচিত্তং. কাযস্স পস্সদ্ধি কাযপ্পস্সদ্ধি. চিত্তস্স পস্সদ্ধি চিত্তপ্পস্সদ্ধীতিআদিনা সমাসো. পস্সম্ভনং পস্সদ্ধি. সন্তসীতলভাৰোতি অত্থো. যেসং ইদং দ্ৰযং দুব্বলং হোতি. তে পুঞ্ঞকম্মেসু চিত্তসুখং নপিন্দন্তি. বহিদ্ধাএৰ নেসং চিত্তং পক্খন্দতি. সন্তত্তে পাসাণপিট্ঠে থপিতমচ্ছোৰিয হোতি. যেসং পন বলৰং হোতি. তেযেৰ তত্থ তং ৰিন্দন্তি. তেসং চিত্তং সীতলে উদকে পক্খিত্ত মচ্ছো ৰিয হোতি.

১০৫. লহুভাৰো লহুতা. অগরুতা অদন্ধতাতি অত্থো. যেসং ইদং দুব্বলং. তেসং চিত্তং পুঞ্ঞকম্মেসু নপসারেতি সঙ্কোচতি. তত্তপাসাণে পক্খিত্তপদুমপুপ্ফং ৰিয হোতি. যেসং পন বলৰং. তেসং চিত্তং তত্থ পসারেতি. সীতলে উদকে পক্খিত্ত পদুমপুপ্ফং ৰিয হোতি.

১০৬. মুদুভাৰো মুদুতা. যেসং ইদং দুব্বলং. তেসং চিত্তং পুঞ্ঞকম্মেসু থদ্ধং হোতি. ৰেরীনং মজ্ঝে গতমহাযোধোৰিয হোতি. যেসং পন বলৰং. তেসং চিত্তং তত্থ মুদু হোতি. ৰিযঞ্ঞাতীনং মজ্ঝে গতমহাযোধো ৰিয হোতি.

১০৭. কম্মনি সাধু কম্মঞ্ঞং. তদেৰ কম্মঞ্ঞতা. যেসং ইদং দুব্বলং. তেসং চিত্তং পুঞ্ঞকম্মেসু যথিচ্ছিতং থপেতুং নলব্ভতি, ৰিক্কিরতি. পটিৰাতে খিত্তথুসমুট্ঠিৰিয হোতি. যেসং পন বলৰং. তেসংযেৰ তং তত্থ যথিচ্ছিতং থপেতুং লব্ভতি নৰিক্কিরতি. পটিৰাতে খিত্তসুৰণ্ণক্খন্ধোৰিয হোতি.

১০৮. পগুণস্স ¶ ভাৰো পাগুঞ্ঞং. তদেৰ পাগুঞ্ঞতা. যেসং ইদং দুব্বলং. তেসং চিত্তং পুঞ্ঞকম্মেসু ৰিকম্পতি ৰিহঞ্ঞতি. গম্ভীরে উদকে খিত্তৰানরোৰিয হোতি. যেসং পন বলৰং, তে সং তং তত্থ নৰিকম্পতি নৰিহঞ্ঞতি. গম্ভীরে উদকে খিত্ত কুম্ভিলো ৰিয হোতি.

১০৯. উজুএৰ উজুকং, উজুকস্স ভাৰো উজুকতা. যেসং ইদং দুব্বলং. তেসং চিত্তং পুঞ্ঞকম্মেসু ৰিসমগহিকং হোতি. কদাচি লীনং. কদাচি উদ্ধটং. কদাচি ওনতং. কদাচি উন্নতং. সুরামদমত্তস্স মগ্গগমনং ৰিয হোতি. যেসং পন বলৰং, তেসং তং ৰুত্তৰিপরিয যেন ৰেদিতব্বন্তি.

১১০. এত্থচ সিদ্ধেসুপি চিত্তপ্পস্সদ্ধাদিকেসু ৰুত্তেসু ৰিসুং কাযপ্পস্সদ্ধাদীনং ৰচনং তেসং ৰসেন রূপকাযস্সপি পস্সদ্ধাদি দীপনত্থন্তি ৰেদিতব্বং. তত্থ তং তং সুত্তন্তং সুত্ৰা গেলঞ্ঞৰুট্ঠা নাদীসু রূপকাযস্স পস্সদ্ধভাৰো পাকটো ইদ্ধিমন্তানং ইদ্ধিযা আকাসগমনাদীসু লহু ভাৰো. কাযং খুদ্দকং ৰা মহন্তং ৰা কত্ৰা নিম্মিননেসু মুদুভাৰো. অন্তোপথৰিযংৰা অন্তোপব্বতে সুৰা অসজ্জমানং কত্ৰা গমনাদীসু কম্মঞ্ঞভাৰো. নাগৰণ্ণংৰা গরুল়ৰণ্ণংৰা কত্ৰা নিম্মিননাদীসু পগুণভাৰো তেস্ৰেৰ সব্বেসু যথানিম্মিতৰসেন চিরপ্পৰত্তিভাৰেসু উজুকভাৰো পাকটো হোতীতি ৰেদিতব্বো. সমং ধারেন্তীতি সাধারণা, সব্বেহি সোভণচিত্তেহি, তেসংৰা সাধারণা সোভণ সাধারণা.

১১১. সম্মাৰাচাতি এত্থ তিৰিধা সম্মাৰাচা কথা, চেতনা, ৰিরতিৰসেন, তত্থ অত্থধম্মপ্পটিসংযুত্তা সুভাসিতা ৰাচা কথা সম্মাৰাচানাম. তংসমুট্ঠাপিকা কুসলক্রিযচেতনা চেতনাসম্মাৰাচানাম. যা পন মুসাৰাদা ৰেরমণাদীনি সিক্খাপদানি সমাদিযন্তস্সৰা অধিট্ঠহন্তস্সৰা সম্পত্তং ৰত্থুং অৰীতিক্কমন্তস্সৰা পাপৰিরমণাকারেন চিত্তস্স পৰত্তি. অযং ৰিরতি সম্মাৰাচানাম. সা ইধ অধিপ্পেতা. সম্মা ৰদন্তি এতা যাতি ¶ সম্মাৰাচা. এতাযাতি চেত্থ করণত্থে হেতুঅত্থে ৰা করণৰচনং দট্ঠব্বং. তত্থ ৰাচায সিক্খাপদানি সমাদিযন্তস্স সমাদানৰচনানি সন্ধায করণত্থো হেতুঅত্থো চ যুজ্জতি. ততো যথাসমাদিন্নানিৰা যথাধিট্ঠিতানিৰা সিক্খাপদানি সুট্ঠুরক্খামাতি যানি অনৰজ্জানিএৰ ৰচনানি ৰদন্তা ৰিচরন্তি. তানি সন্ধায করণত্থানুকূলো হেতু অত্থোযেৰ যুজ্জতীতি. অথৰা, তথা ৰদন্তুৰা মাৰা. অযংপন ৰদমানেসু সতি তেসং সম্মা ৰত্তুংএৰ দেতি. নমিচ্ছা ৰত্তুন্তি কত্ৰা সম্মা ৰাচাত্ৰেৰ ৰুচ্চতি. অপিচ, অযং ৰচীদুচ্চরিতানং পজহনৰসেন পৰত্তমানা ৰচীদ্ৰারসুদ্ধিযা এৰ হোতীতি সম্মাৰাচাতি ৰুচ্চতীতি.

১১২. সম্মাকম্মন্তোপি তিৰিধো ক্রিযা, চেতনা, ৰিরতি ৰসেন. তত্থ যংকিঞ্চি অনৰজ্জং কম্মং করোন্তস্স কাযিকক্রিযা ক্রিযাকম্মন্তোনাম. তংসমুট্ঠাপিকা চেতনা চেতনাকম্মন্তো নাম. যা পন পাণাতিপাতা ৰেরমণাদীনি সিক্খাপদানি সমাদি যন্তস্সৰা অধিট্ঠহন্তস্সৰা সম্পত্তং ৰত্থুং অৰীতিক্কমন্তস্সৰা পাপৰিরমণাকারেন চিত্তস্স পৰত্তি. অযং ৰিরতি সম্মাকম্মন্তো নাম. সম্মা করোন্তি এতেনাতি সম্মাকম্মং, তদেৰ সম্মা কম্মন্তো সুত্তন্তো ৰনন্তোৰিয. সেসমেত্থ ৰুত্তনযমেৰ.

১১৩. সম্মাআজীৰোপি ৰীরিয, ৰিরতিৰসেন দুৰিধো. তত্থ পকতিযা অনৰজ্জানি কসিকম্মাদীনিৰা ভিক্খাচরিযাদীনিৰা কত্ৰা জীৰিতং কপ্পেন্তানং উট্ঠানবলসঙ্খাতো ৰাযামো ৰীরিযসম্মাআজীৰোনাম. যা পন আজীৰসুদ্ধিং অপেক্খিত্ৰা অত্তনো আজীৰসীলৰিপত্তিকারণানি কাযৰচীদুচ্চরিতানি পজহন্তানং পাপৰিরমণাকারেন চিত্তস্স পৰত্তি. অযং ৰিরতি আজীৰোনাম. অযমিধাধিপ্পেতো. সম্মা আজীৰন্তি জীৰিতং পৰত্তেন্তি এতেনাতি সম্মাআজীৰো. সেসমেত্থ ৰুত্তনযমেৰাতি.

১১৪. একেকাপি চেত্থ সম্পত্ত ৰিরতি, সমাদান ৰিরতি, সমুচ্ছেদৰিরতিৰসেন তিৰিধা. তত্থ যা সিক্খাপদানি অসমা দিযিত্ৰাৰা ¶ সমাদিন্নানিপিৰা তানি অনপেক্খিত্ৰা কেৰলং হিরি ওত্তপ্পবলেনেৰ সম্পত্তং ৰত্থুং অৰীতিক্কমন্তানং উপ্পন্না ৰিরতি. অযং সম্পত্তৰিরতিনাম. সা পচ্চুপ্পন্নারম্মণাযেৰ. পঞ্চসিক্খা পদা পচ্চুপ্পন্নারম্মণাতি হি ৰুত্তং. যা পন সিক্খাপদানি সমাদি যন্তস্সৰা অধিট্ঠহন্তস্সৰা যথাসমাদিন্নানিৰা যথাধিট্ঠিতানি ৰা সুট্ঠুরক্খামীতি সম্পত্ত ৰত্থুং অপীতিক্কমন্তস্সৰা উপ্পন্না. অযং সমাদানৰিরতিনাম. সা পন পচ্চুপ্পন্নারম্মণাৰা হোতি অনাগতারম্মণাৰা. তথা হি পঞ্চসিক্খাপদা পচ্চুপ্পন্নারম্মণাতি ইদং সম্পত্তৰিরতিৰসেন ৰুত্তন্তি অট্ঠকথাযং ৰুত্তং. মগ্গক্খণে পন সব্বদুচ্চরিতানং পচ্চযসমুচ্ছেদৰসেন উপ্পন্না সমুচ্ছেদৰিরতিনাম. সা পন নিব্বানারম্মণাএৰ. ফলৰিরতিপি এত্থেৰ সঙ্গহিতাতি. তত্থ লোকিযৰিরতিযো জীৰিতিন্দ্রিযাদীনি ৰীতিক্কমিতব্বৰত্থূনি আরম্মণং কত্ৰা পাণাতিপাতাদীনি ৰিরমিতব্বৰত্থূনি পজহন্তি. লোকুত্তরৰিরতিযো পন নিব্বানং আরম্মণং কত্ৰা তানিযেৰ ৰিরমিতব্বৰত্থূনি পজহন্তীতি দট্ঠব্বং.

১১৫. পরদুক্খে সতি কারুণিকানং হদযখেদং করোতীতি করুণা. কিরতিৰা পরদুক্খং ৰিক্খিপতি, কিণাতিৰা পরদুক্খং হিংসতীতি করুণা. কিরীযতি দুক্খিতেসু পসারীযতীতিৰা করুণা. অপিচ কলি উণাতি ছেদো. কলীতি দুক্খং ৰুচ্চতি, যথা-কলি সম্ভৰে ভৰেতি. কলীতিৰা পাপপি পরাজযোপি ৰুচ্চতি. পাপে কলি পরাজযেতি হি ৰুত্তং. সব্বঞ্চেতং কারুণিকা নং কারুঞ্ঞহেতুভূতমেৰ হোতি. ইতি কলিং দুক্খংৰা পাপংৰা সব্বসম্পত্তিতো পরাজযংৰা সত্তেহি অৰন্তি রক্খন্তি, সত্তেৰা ততো ৰিধকলিতো অৰন্তি রক্খন্তি কারুণিকা জনা এতাযাতি করুণা.

১১৬. পরসম্পত্তিং দিস্ৰা মোদন্তি এতাযাতি মুদিতা. নত্থি পমাণং এতেসন্তি অপ্পমাণা, সত্তা. অপ্পমাণেসু ভৰাতি অপ্পমঞ্ঞা. এতাহি এত্তকেসুযেৰ সত্তেসু পৰত্তেতব্বা. ন ইতো অঞ্ঞেসূতি এৰং পরিচ্ছেদপ্পমাণস্স অভাৰা একস্মিং সত্তে পৰত্তাপি অপ্পমঞ্ঞাএৰনাম হোন্তীতি.

অপ্পমাণসত্তা ¶ রম্মণত্তা অপ্পমাণা. তাএৰ অপ্পমঞ্ঞাতি ৰুত্তং. তং ন সুন্দরং.

১১৭. পঞ্ঞিন্দ্রিযন্তি হেট্ঠা ৰুত্তো অমোহোএৰ. সো হি পজাননট্ঠেন পঞ্ঞা, অধিপতিযট্ঠেন ইন্দ্রিযঞ্চাতি কত্ৰা পঞ্ঞিন্দ্রিযন্তি ৰুচ্চতীতি.

১১৮. এত্তাৰতাতিআদি তিণ্ণং রাসীনং সঙ্গহো. এৰং দ্ৰিপঞ্ঞাস সরূপং দস্সেত্ৰা ইদানি চেতোযুত্তপ্পকারং দস্সেন্তো তেসন্তিআদিমাহ. ইতো চেতসিকানং সরূপদস্সনতো পরং তেসং চিত্তাৰিযুত্তানং চিত্তেন অৰিযুত্তানং চেতসিকানং চিত্তুপ্পাদেসু পচ্চেকং সম্পযোগো তথাযোগং ৰুচ্চতেতি যোজনা. চিত্তুপ্পাদেসূতি চিত্তেসু ইচ্চেৰ অত্থো. উপ্পজ্জন্তি চেতসিকা এতেসূতি উপ্পাদা. চিত্তানিএৰ উপ্পাদা চিত্তুপ্পাদাতি কত্ৰা. দ্ৰিপঞ্চৰিঞ্ঞাণানং সব্বদুব্বলত্তা তেসু ছ পকিণ্ণকা নুপ্পজ্জন্তি. ভাৰনাবলেন পহীনত্তা ৰিতক্কো দুতীযজ্ঝানিকাদীসু, ৰিচারো ততীযজ্ঝানিকাদীসু, পীতি চতুত্থজ্ঝানিকাদীসু নুপ্পজ্জতি. সন্নিট্ঠানসভাৰত্তা অধিমোক্খো অসন্নিট্ঠানসভাৰে ৰিচিকিচ্ছা চিত্তে নুপ্পজ্জতি. ৰীরিযং বলনাযকত্তা দুব্বলেসু পঞ্চদ্ৰারাৰজ্জনা দীসু সোল়সচিত্তেসু নুপ্পজ্জতি. পীতি সম্পিযাযনসভাৰত্তা দোমনস্সুপেক্খা সহগতেসু নুপ্পজ্জতি. ছন্দো ইচ্ছাসভাৰত্তা ইচ্ছারহিতেসু অহেতুকেসু মোমূহচিত্তেসুচ নুপ্পজ্জতীতি আহ পকিণ্ণকেসুপন ৰিতক্কো.ল. মোমূহৰজ্জিতচিত্তেসূতি. তে পন চিত্তুপ্পাদা পকিণ্ণকৰিৰজ্জিতা সপকিণ্ণকাতি সম্বন্ধো.

১১৯. অকুসলেসূতি অকুসলচেতসিকেসু. সব্বাকুসল সাধারণানাম. তস্মা সব্বেসুপি দ্ৰাদসাকুসলচিত্তেসু লব্ভন্তীতি যোজনা.

পচ্ছিমং ¶ পুরিমস্স সমত্থনৰচনন্তি অধিপ্পেতং. তং ন সুন্দরং.

ইদঞ্হি ঠানং চিত্তেসু লব্ভমানতাদস্সনপধানন্তি. যস্মা পন সব্বানি অকুসলচিত্তানি ইমেহি চতূহি ৰিনা নুপ্পজ্জন্তি. ন হি তানি পাপেসু আদীনৰং পস্সিত্ৰা ঠিতানং উপ্পজ্জন্তি. নচ তেহি লজ্জাযৰা ভযেনৰা উক্কণ্ঠিতানং. নাপি কুসলেসু ধম্মেসু সমাহিতানন্তি. তস্মা তে সব্বেসু তেসু লব্ভন্তীতি. যস্মাচ দিট্ঠিমানা খন্ধেসু অস্সাদং অমুঞ্চিত্ৰাৰ তেসু তথা তথা আমসিত্ৰা পৰত্তন্তি. তস্মা তে লোভমূলচিত্তেস্ৰেৰ উপ্পজ্জন্তি. তত্থ উপ্পজ্জন্তেসু পন তেসু দিট্ঠি খন্ধেসু অত্তগ্গাহং দল়্হং গহেত্ৰা তং অত্তং নিচ্চতাদীহি মিচ্ছাসভাৰেহিএৰ পরামসন্তী পৰত্ততি. মানো পন খন্ধে অহন্তি দল়্হং গহেত্ৰা তং গহিতাকারং সেয্য তাদীহিএৰ আমসন্তো পৰত্ততি. তস্মা তে আমসনাকারতো অসদিসৰুত্তিনোএৰ হোন্তীতি আহ. দিট্ঠিচতূসু.ল. ৰিপ্পযুত্তেসূতি. যে পন দিট্ঠিগতিকা দিট্ঠিযা যথাগহিতং অত্তানমেৰ অহন্তি গণ্হন্তি. তেসংপি দিট্ঠিমানা আমসনাকারং পত্ৰা অসদিসৰুত্তিকাএৰ হোন্তি. ন হি মানস্স ৰিয দিট্ঠিযা অত্ত সংপগ্গহণে ব্যাপারো অত্থি. ন চ দিট্ঠিযা ৰিয মানস্স ধম্মানং অযাথাৰপক্খপরিকপ্পনেতি. তেনেৰ হি অহংগাহো মানো অনাগামীনংপি পৰত্ততি. অত্তগ্গাহভূতা পন দিট্ঠি পুথুজ্জনান মেৰাতি.

‘‘মানোপি অহংমানৰসেন পৰত্তনতো দিট্ঠিসদিসোৰ পৰত্ততীতি দিট্ঠিযা সহ একচিত্তুপ্পাদে নপৰত্ততী’’তি ৰত্ৰা কেসর সীহো পমায তং অত্থং সাধেতি. তং ন সুন্দরং.

সদিসপ্পৰত্তি হি নাম সহপৰত্তিযা এৰ কারণন্তি. মচ্ছরিযং পন অত্তসম্পত্তীসু লগ্গনলোভসমুট্ঠিতংপি তাসং পরেহি সাধারণভাৰং ¶ অসহনাকারেন পৰত্তত্তা একন্তেন পটিঘসম্প যুত্তমেৰ হোতীতি ৰুত্তং দোসো.ল. চিত্তেসূতি. অকম্মঞ্ঞ লক্খণং থিনমিদ্ধং কম্মঞ্ঞসভাৰেসু অসঙ্খারিকেসু নসম্ভৰতীতি ৰুত্তং থিনমিদ্ধং পঞ্চসু সসঙ্খারিক চিত্তেসূতি. চত্তারো সব্বা কুসলসাধারণা. তযো লোভ দিট্ঠিমানা. চত্তারো দোসাদযো. দ্ৰযং থিনমিদ্ধং. ৰিচিকিচ্ছা চিত্তেচাতি চসদ্দো অৰধারণে. ৰিচিকিচ্ছাচিত্তেএৰাতি অত্থো. চতুদ্দস অকুসল চেতসিকা.

১২০. সোভণেসূতি সোভণচেতসিকেসু. লোকুত্তরে অট্ঠঙ্গিকমগ্গে তীসু খন্ধেসু পঞ্ঞাক্খন্ধে সম্মাসঙ্কপ্পো নাম সম্মাদিট্ঠিপচ্ছিমকোৰ হোতি. তস্মা পাদকজ্ঝানাদিৰসেন তস্মিং অসতিপি পঞ্ঞাক্খন্ধো নপরিহাযতি. সীলসমাধিক্খন্ধধম্মেসু পন একো একস্স কিচ্চং নসাধেতি. তস্মা লোকুত্তর মগ্গো সত্তঙ্গিকতো হেট্ঠা নপৰত্ততীতি আহ ৰিরতিযো পন তিস্সোপি.ল. লব্ভন্তীতি. নিযতাৰ একতোৰ সব্বথাপি লব্ভন্তীতি যোজনা. তত্থ নিযতাৰাতি ন লোকিযেসুৰিয কদাচিএৰ লব্ভন্তি. অথখো সব্বদাপি নিযতা হুত্ৰাৰ লব্ভন্তি. কস্মা, লোকুত্তরধম্মানং নিচ্চং সীলেসু পরিপূরকারিতাৰসেন পৰত্তত্তা. ন হি তে লোকিযা ৰিয কদাচি দানৰসেন কদাচি সুতপরিযত্তিৰসেন কদাচি কসিণভাৰনাদিৰসেন পৰত্তন্তীতি. একতো ৰাতি নলোকিযেসু ৰিয ৰিসুং ৰিসুং লব্ভন্তি. অথখো তিস্সোপি একতো হুত্ৰাৰ লব্ভন্তি. কস্মা, অভিন্নারম্মণত্তা. ন হি তে লোকিযা ৰিয ৰীতিক্কমিতব্বৰত্থুসঙ্খাতানি জীৰিতিন্দ্রিযাদীনি নানারম্মণানি আরব্ভ পৰত্তন্তি. একংপন নিব্বানমেৰ আরব্ভপৰত্তন্তীতি. সব্বথাপীতি ন লোকিযেসু ৰিয একদে সপ্পহানৰসেন লব্ভন্তি. অথখো তিস্সোপি অনৰসেস দুচ্চরিত দুরাজীৰপ্পহানাকারেন লব্ভন্তি. লোকিযেসুহি সকিং উপ্পন্না সম্মাৰাচা চতুব্বিধানি ৰচীদুচ্চরিতানি সব্বানি একতো পজহিতুং নসক্কোতি. মুসাৰাদৰিরতি মুসাৰাদমেৰ পজহিতুং সক্কোতি. ন ইতরানি. মুসাৰাদংপি সমূলং সানুসযং পজহিতুং নসক্কোতি. ¶ তথা পিসুণৰাচা ৰিরতি পিসুণৰাচমেৰ পজহিতুং সক্কোতি. ন ইতরানি. পিসুণৰাচংপি সমূলং সানুসযং পজহিতুং ন সক্কোতি. সব্বং ৰিত্থারেতব্বং. লোকুত্তরেসু পন সকিং উপ্পন্না সম্মাৰাচা সব্বানি ৰচীদুচ্চরিতানি সমূলানি সানুসযানি পজহতি. সকিং উপ্পন্নো সম্মাকম্মন্তো সব্বানি কাযদুচ্চরিতানি সমূলানি সানুসযানি পজহতি. সকিং উপ্পন্নো সম্মাআজীৰো সব্বানি আজীৰহেতুকানি কাযৰচীদুচ্চরিতানি সমূলানি সানুসযানি পজহতি. ইতি তিস্সো লোকুত্তরেসুএৰ সব্বথাপি লব্ভন্তীতি. ৰিসদ্দো অৰযৰসম্পিণ্ডনত্থো. সকিং উপ্পন্না একা সম্মাৰাচা মুসাৰাদপ্পহানৰসেনাপি লব্ভতি. নকেৰলঞ্চ তপ্পহানৰসেনেৰ. অথখো পিসুণৰাচাপহানৰসেনপি লব্ভতীতি সব্বং ৰত্তব্বং. এত্থচ দুচ্চরিতানি সমূলানি সানুসযানীতি এত্থ কাযৰচীচোপন ভাগিযানি কামরাগানুসযাদীনি উপরিমগ্গৰজ্ঝানি কিলেসজাতানি অরূপসেক্খানংপি সন্তিযেৰ. কামরূপসেক্খানং পন ৰত্তব্বমেৰ নত্থি. তস্মা তেসং পজহনৰসেন উপরিমগ্গ ফলৰিরতীনং দুচ্চরিতপ্পহানং দট্ঠব্বং. কামাৰচরকুসলেস্ৰেৰ, নপন কামাৰচরৰিপাকক্রিযচিত্তেসু, নাপিমহগ্গতচিত্তেসূতি অধিপ্পাযো. কামাৰচরকুসলেসুপি কামভূমিযং উপ্পন্নেসুএৰ, নরূপারূপভূমিযং উপ্পন্নেসু. ন হি ব্রহ্মানং ৰিরমিতব্বৰত্থু সঙ্খাতানি কাযৰচীদুচ্চরিতানিনাম অত্থি. নচ লোকিযৰিরতিযো ৰিরমিতব্ব ৰত্থুরহিতেসু পুগ্গলেসু পৰত্তন্তীতি. উপরি ছকামাৰচরদেৰে সুপি নপৰত্তন্তীতি ৰদন্তি. তং কথাৰত্থুম্হি ৰিচারিতমেৰ. যদি এৰং মনুস্সলোকেপি তীসু হেট্ঠিমফলট্ঠেসু তাসং অপ্পৰত্তি আপজ্জতি. ন হি তেসংপি পাণাতিপাতাদীনি ৰিরমিতব্বৰত্থূনিনাম অত্থীতি. সচ্চং, ইধ পন সত্তৰিধআপত্তিক্খন্ধাপি ৰিরমিতব্বৰত্থুট্ঠানে ঠিতা. তথা তিৰিধকুহনৰত্থূনিচ. তানিচ কানিচি তেসং ফলট্ঠানংপি সাধারণানিএৰ. মনুস্সানঞ্চ যানি কানিচি তস্স তস্স সমাদিন্নস্স সিক্খাপদস্স ৰত্থূনিপি ৰিরমিতব্বৰত্থূনিএৰ. যানিপি কামসেক্খানং কাযৰাচা ৰিপ্ফন্দনকরানি কিলেসজাতানি সমুচ্ছেদৰিরতীনং ৰত্থুভূতানি সন্তি. তানি তেসং তদঙ্গ ৰিরতীনংপি ¶ ৰত্থূনিএৰাতি. কদাচি সন্দিস্সন্তীতি সমাদানসম্পত্তৰিরতীনং অঞ্ঞতরৰসেন পৰত্তকালেএৰ সন্দিস্সন্তি. এৰং সন্দিস্স মানাপি ভিন্নারম্মণত্তা নএকতো হুত্ৰা সন্দিস্সন্তীতি ৰুত্তং ৰিসুং ৰিসুন্তি. ৰিসুংৰিসুং সন্দিস্সমানাপি একেকদুচ্চরিতপ্পহানৰসেনেৰ সন্দিস্সন্তি. ন লোকুত্তরেসু ৰিয সব্বথাপীতি দট্ঠব্বং.

১২১. অপ্পনাপত্তানং অপ্পমঞ্ঞানং সোমনস্সসহগতভাৰোৰ ৰিভঙ্গে ৰুত্তোতি ৰুত্তং পঞ্চমজ্ঝানৰজ্জিতমহগ্গতচিত্তেসূতি. এতাহি পরসত্তানং হেতু অধিমত্তব্যাপারা হোন্তি, তস্মা অতিসন্তায নিব্যাপারায পঞ্চমজ্ঝানুপেক্খায সহ নপৰত্তন্তীতি. অপ্পনাপুব্বভাগভূতানং পন তাসং উপেক্খাৰেদনাযপি সম্পযোগো অট্ঠকথাযং অনুঞ্ঞাতোযেৰাতি ৰুত্তং কামাৰচর.ল. চিত্তেসুচাতি. কদাচীতি কারুঞ্ঞপ্পকতিকস্স অনিস্সুকিনোচ পরেসং ৰিপত্তিসম্পত্তিদস্সনকালে. নানাহুত্ৰা জাযন্তীতি তেসং ৰিপত্তিদস্সনকালে অনুকম্পনৰসেন করুণা এৰ জাযতি, নমুদিতা. সম্পত্তিদস্সনকালে পন মোদনৰসেন মুদিতাৰ জাযতি, নকরুণাতি এৰং ৰিসুং ৰিসুং হুত্ৰা জাযন্তীতি অত্থো. যস্মা পনেতা দোসসমুট্ঠিতানং ৰিহিংসা অরতীনং নিস্সরণভূতাতি সুত্তন্তেসু ৰুত্তা. দোমনস্সপটিপক্খঞ্চসো মনস্সমেৰ হোতি. তস্মা তাসং অপ্পনাপুব্বভাগভূতানংপি নিচ্চং সোমনস্সযোগমেৰ কেচি ইচ্ছন্তীতি ৰুত্তং উপেক্খাসহগতেসু.ল. কেচি ৰদন্তীতি. সো পন তেসং ৰাদো অট্ঠকথাযপি সহ ৰিরুদ্ধো. তস্মা তং বহূ ৰিঞ্ঞুনো ন সম্পটিচ্ছন্তীতি কত্ৰা সোৰাদো থেরেন কেচিৰাদোনাম কতো. যস্মাচ সব্বেসংপি লোকিয লোকুত্তরজ্ঝানানং পুব্বভাগ ভাৰনা নাম অপ্পনাসন্নকালেএৰ সোমনস্সজ্ঝানানং পুব্বভাগা সোমনস্সসহগতা হোন্তি. উপেক্খাঝানানং পুব্বভাগা উপেক্খাসহগতা হোন্তি. অনাসন্নকালে পন সব্বেসংপি তেসং পুব্বভাগা কদাচি সোমনস্সসহগতা, কদাচি উপেক্খাসহগতাহোন্তি. তস্মা সো ৰাদো কেচিৰাদোৰ কাতুং যুত্তোতি. এত্থচ সব্বানিপি সমথৰিপস্সনাভাৰনাচিত্তানিনাম আদিম্হি যেভুয্যেন উপেক্খাসহগতানিএৰ ¶ ভৰেয্যুং, যদিযি তানি আদিতোযেৰ পট্ঠায সোমনস্সসহজাতানি সিযুং. তদা ইমে সত্তা সো মনস্সজাতেসু কম্মেসু অনভিরতানাম নত্থীতি অঞ্ঞং কম্মং ছড্ডেত্ৰা ভাৰনাকম্মমেৰ অনুযুঞ্জেয্যুন্তি. পচ্ছা পন অত্তনো ভাৰনায পুব্বাপরিযৰিসেসদস্সনকালেএৰ সোমনস্স সহজাতানি ভৰন্তি. পটিকূলা রম্মণেসু পন অসুভভাৰনাচিত্তেসু দুক্খিতসত্তারম্মণেসুচ করুণাভাৰনাচিত্তেসু ৰত্তব্বমেৰ নত্থি. অপিচ ইমা করুণামুদিতানাম পকতিকালেপি উপ্পজ্জন্তিযেৰ. তাসু পন মুদিতা তাৰ ইট্ঠসম্পত্তিৰিসযাতি সাযেভুয্যেন সোমনস্স সহজাতাতি যুত্তমেতং. করুণা পন অনিট্ঠৰিপত্তিৰিসযাতি সা যেভুয্যেন উপেক্খাসহজাতা এৰ সিযা. নচ এতা পরসত্তহেতু অধিমত্ত ব্যাপারাতি কত্ৰা উপেক্খাৰেদনায সহ ৰিরুদ্ধাএৰাতি সক্কা ৰত্তুং. সা হি অপ্পনং অপত্তা ৰেদনুপেক্খানাম আরম্মণরসানুভৰনেএৰ নিব্যাপারাহোতি. ন অঞ্ঞকিচ্চেসু. তথা হি সত্তা উপেক্খাসহগত চিত্তেহি অদিন্নংপি আদিযন্তি, দানংপি দেন্তি, অঞ্ঞানিপি মহন্তানি পুঞ্ঞাপুঞ্ঞকম্মানি করোন্তিযেৰাতি. তস্মা অপ্পনা পত্তানঞ্ঞেৰ তাসং ৰেদনুপেক্খায সহ ৰিরুদ্ধভাৰো ৰত্তুং যুত্তোতি.

[৮০] এত্তাৰতা যং ৰুত্তং ৰিভাৰনিযং

‘‘করুণামুদিতা ভাৰনাকালে অপ্পনাৰীথিতো পুব্বে পরিচযৰসেন উপেক্খাসহগতচিত্তেহিপি পরিকম্মং হোতি. যথাতং পগুণগন্থং সজ্ঝাযন্তস্স কদাচি অঞ্ঞৰিহি তস্সাপি সজ্ঝাযনং, যথাচ পগুণৰিপস্সনায সঙ্খারে সম্মসন্তস্সকদাচি পরিচযবলেন ঞাণৰিপ্পযুত্তচিত্তেহিপি সম্মসনন্তি উপেক্খা সহগতকামাৰচরেসু করুণা মুদিতানং অসম্ভৰৰাদো কেচিৰাদো কতো’’তি. তং পটিক্খিত্তং হোতীতি দট্ঠব্বং.

কিঞ্চাপি কসিণনিমিত্তাদীনি আরম্মণানি অগম্ভীরানিএৰ হোন্তি. তথাপি যোগকম্মবলেন চিত্তসমাধানবলেন কিলেস দূরীভাৰেনচ ¶ তদারম্মণেসু ঝানচিত্তেসু ঞাণং একন্তেন পৰত্ত তিযেৰাতি আহ সব্বেসুপি পঞ্চ.ল. চিত্তেসুচাতি.

১২২. তযো ৰিরতিধম্মা. দ্ৰযং অপ্পমঞ্ঞাযুগল়ং. এৰং সো ভণচেতসিকা সোভণেস্ৰেৰ চিত্তেসু চতুধা চতূহি পকারেহি সম্পযুত্তাতি যোজনা. ইদানি সব্বেসংপি চেতো যুত্তানং নিযতা নিযতযোগিৰিভাগং দস্সেতুং ইস্সাতিআদিমাহ. করুণা আদি যস্সাতি করুণাদি. অপ্পমঞ্ঞা দ্ৰযং. ইস্সামচ্ছেরকুক্কুচ্চানিচ ৰিরতিযোচ করুণাদিচ ইস্সামচ্ছে রকুক্কুচ্চৰিরতিকরুণাদযো. তে নানাচ জাযন্তি, কদাচিচ জাযন্তি. মানোচ কদাচিএৰ জাযতি. থিনমিদ্ধঞ্চ তথা কদাচি এৰ জাযতি. জাযমানং পন অঞ্ঞমঞ্ঞং সহেৰ জাযতি. ননানাতি যোজনা. এত্থচ অপ্পমঞ্ঞাৰিরতীনং নানা কদাচি যোগো হেট্ঠাচ ৰুত্তো. উপরিচ ৰক্খতি. ইস্সাদীনংচ উপরি ৰক্খতি. মানথিনমিদ্ধানং পন ইধ ৰত্তব্বোতি. তত্থ মানো চতূসু দিট্ঠিৰিপ্পযুত্তেসু লব্ভমানোপি কদাচি তেসং সেয্যো হমস্মীতিআদিনা পৰত্তকালেএৰ লব্ভতি, নঅঞ্ঞদা. থিনমিদ্ধং পঞ্চসু সসঙ্খারিকেসু লব্ভমানংপি কদাচি তেসং নিদ্দাতিভূতৰসেন অকম্মঞ্ঞতায পৰত্তিকালেএৰ লব্ভতি. ন অঞ্ঞদা. তদা লব্ভমানংপন দ্ৰযং সহেৰ লব্ভতি. ন নানাতি.

‘‘থিনমিদ্ধং কদাচি ইস্সামচ্ছেরকুক্কুচ্চেহিচেৰ মানেনচ সহ জাযতি. কদাচি তেহি তেনচ নানা জাযতী’’তি যোজনা ৰুত্তা. সা সারতো ন পচ্চেতব্বা.

ন হি তেহি তেনচ তস্স সহভাৰো নানাভাৰোচ কিচ্চারম্মণৰিরোধাৰিরোধভাৰেন সিদ্ধোতি.

মানোচ থিনমিদ্ধঞ্চ কদাচি নানা জাযতি. কারণং ৰুত্তমেৰ. যোজনা ৰুত্তা. সাপি ন সুন্দরা. কদাচি সহজাযতীতি.

যথাৰুত্তানুসারেনাতি সত্তসব্বত্থযুজ্জন্তীতিআদিনা ৰুত্তপ্পকারং অনুসারেন সেসাতি একাদসহি অনিযত যোগীহি অৰসেসা একচত্তালীসধম্মা. তে যথাৰুত্তানুসারেন অত্তনা লব্ভমান চিত্তুপ্পাদেসু অনিযতযোগিনো ৰেদিতব্বাতি যোজনা.

১২৩. এৰং চেতসিকানং যোগট্ঠানপরিচ্ছিন্দনৰসেন সম্পযোগনযং দস্সেত্ৰা ইদানি যুত্তধম্মরাসিপরিচ্ছিন্দনৰসেন সঙ্গহ নযং দস্সেন্তো সঙ্গহঞ্চাতিআদিমাহ. ইদানি তেসং সঙ্গহঞ্চ যথারহং পৰক্খামীতি যোজনা. ছত্তিংসাতিআদি সঙ্গহনযস্স উদ্দেসগাথা. সত্তপঞ্ঞত্তারম্মণা অপ্পমঞ্ঞা নিব্বানা রম্মণেসু নলব্ভন্তিতি ৰুত্তং অপ্পমঞ্ঞাৰজ্জিতাতি তথা অট্ঠসু দুতীযজ্ঝানিকচিত্তেসু ৰিতক্কৰজ্জা অঞ্ঞসমানা দ্ৰাদসচেত সিকা অপ্পমঞ্ঞাৰজ্জিতা তেৰীসতি সোভণচেতসিকাচেতি পঞ্চত্তিংস ধম্মা সঙ্গহং গচ্ছন্তীতিআদিনযং তথাসদ্দেন নিদ্দিসতি. তেএৰাতি ৰিতক্ক ৰিচার পীতিসুখৰজ্জা উপেক্খাসহগতা তে এৰ তেত্তিংসধম্মা. অট্ঠসূতি এত্থ অট্ঠচ অট্ঠচ অট্ঠাতি একসেসনিদ্দেসো, ৰিচ্ছালোপনিদ্দেসোৰা দট্ঠব্বো. পঞ্চকজ্ঝান ৰসেনাতি পাল়িযং পঞ্চকনযেন ৰুত্তস্স ঝানভেদস্স ৰসেন, চতুক্কনযেন ৰুত্তস্স ঝানভেদস্স ৰসেন পন চতুধাৰ সঙ্গহো হোতীতি অধিপ্পাযো. দ্ৰীসু রূপপথমজ্ঝানলাভীসু দুতীযজ্ঝানং উপ্পাদেন্তেসু মন্দো ৰিতক্কমো অতিক্কমিতুং সক্কোতি. তস্স চতুরঙ্গিকং দুতীযজ্ঝানং উপ্পজ্জতি. তিক্খপঞ্ঞো পন ৰিতক্ক ৰিচারে একতো অতিক্কমিতুং সক্কোতি. তস্স তিযঙ্গিকং দুতীযজ্ঝানং উপ্পজ্জতীতি অযং তেসং নযানং ৰিসেসো.

১২৪. কিচ্চারম্মণৰিরুদ্ধত্তা ৰিরতিযো মহগ্গতেসু নুপ্পজ্জন্তীতি আহ ৰিরতিত্তযৰজ্জিতাতি. ৰিরতিযো হি কাযৰচী ৰিসোধনকিচ্চা হোন্তি. মহগ্গতজ্ঝানানি পন সুৰিসুদ্ধকাযৰচী পযোগস্সেৰ চিত্তৰিসোধনকিচ্চানি. ৰিরতিযোচ ৰীতিক্কমিতব্ব ৰত্থুংৰা নিব্বানংৰা আরব্ভ পৰত্তন্তি. মহগ্গতজ্ঝানানি পন পঞ্ঞত্তি যোৰা মহগ্গতধম্মেৰাতি.

১২৫. কিচ্চারম্মণৰি ¶ রুদ্ধত্তাযেৰ ৰিরতিঅপ্পমঞ্ঞাযো একস্মিং চিত্তে দ্ৰে নলব্ভন্তীতি ৰুত্তং. অপ্পমঞ্ঞা ৰিরতিযো পনেত্থ.ল. যোজেতব্বাতি. ৰিরতিযো একন্তেন দুস্সিল্যপ্পহান কিচ্চত্তা তপ্পহান কিচ্চরহিতেসু লোকিযাব্যাকতেসু নলব্ভন্তীতি ৰুত্তং ৰিরতিৰজ্জিতাতি. পঞ্চসিক্খাপদা কুসলাযেৰাতি হি পাল়িযং ৰুত্তং. ইদঞ্চ লোকিযসিক্খাপদানি সন্ধায ৰুত্তন্তি দট্ঠব্বং. অপ্পমঞ্ঞানং সত্তপঞ্ঞত্তারম্মণত্তা মহাৰিপাকানঞ্চ একন্ত পরিত্তারম্মণত্তা তাসং তেসু সম্ভৰো নত্থীতি ৰুত্তং অপ্পমঞ্ঞা ৰিরতিৰজ্জিতাতি. ননু কামকুসলং সত্তপঞ্ঞত্তাদি আরম্মণংপি হোতীতি তব্বিপাকেনপি তেন সদিসা রম্মণেন ভৰিতব্বন্তি. ন. ৰিকপ্পরহিতত্তা. পঞ্ঞত্তিযো হি অৰিজ্জমানত্তা মহগ্গতানুত্তরধম্মাচ সণ্হসুখুমধম্মত্তা তথা তথা ৰিকপ্পেত্ৰাৰা পটিৰিজ্ঝিত্ৰাৰা গণ্হন্তানং কুসলাদীনং এৰ আরম্মণভূতা হোন্তি. কামৰিপাকানি পন সযং অতিদুব্বলতায আরম্মণং ৰিকপ্পেত্ৰা ৰিগহেতুং নসক্কোন্তি, কুতো পটিৰিজ্ঝিত্ৰা গহেতুং. তস্মা তানি পঞ্ঞত্তিযোৰা মহগ্গতানুত্তরধম্মেৰা আলম্বিতুং ন সক্কোন্তীতি দট্ঠব্বং. মহগ্গতৰিপাকানি পন ৰিকপ্পরহিতানিপি অপ্পনাপত্তকম্মৰিসে সনিব্বত্তত্তা ভাৰনাবলনিম্মিতানি পঞ্ঞত্তিৰিসেসানি আলম্বিতুং সক্কোন্তীতি.

কামতণ্হাধিনকম্মজনিতত্তা কামৰিপাকানি কামতণ্হায আরম্মণভূতে কামধম্মেএৰ আলম্বিতুং লভন্তীতি অধিপ্পাযেন ‘‘কামতণ্হাধিনস্স ফলভূতত্তা’’তি ৰত্ৰা দাসিপুত্তোপমায তদত্থং ৰিভাৰেতি. তং ৰিচারেতব্বং.

এৰঞ্হি সতি মহগ্গতৰিপাকানিপি রূপারূপতণ্হাধিন কম্মজনিতানি এৰ হোন্তীতি তানিপি রূপারূপতণ্হানং আরম্মণভূতে মহগ্গত ধম্মেএৰ আলম্বেয্যুন্তি. অপিচ, কামতণ্হাপি কামধম্মেএৰ আরম্মণং করোতি. ন পঞ্ঞত্তিধম্মেতি নত্থি. নচ ইত্থিপুরিসাদি হত্থ পাদাদি পঞ্ঞত্তীসু অস্সাদৰসেন পৰত্তা তণ্হা কামতণ্হা নাম ¶ নহোতীতি অত্থি. সুভেতি কুসলে. মনেতি নিদ্ধারণে ভুম্মং. সুভে ক্রিযে পাকেতি নিদ্ধারণীযং দট্ঠব্বং. সহেতু. ল. মনে দ্ৰাদসধাৰ সঙ্গহোতিৰা যোজেতব্বং. নৰিজ্জন্তেত্থাতি ৰজ্জিতানং সঙ্গহো. এত্থাতি সোভণচিত্তেসু. দ্ৰযন্তি ৰিরতিঅপ্পমঞ্ঞাদুকং. অনুত্তরেতি ৰিসেসকানং সঙ্গহো. ঝান ধম্মাতি ৰিতক্কাদযো. মজ্ঝিমে মহগ্গতে অপ্পমঞ্ঞাচ ঝানধম্মা চ. পরিত্তেসু কামসোভণেসু অপ্পমঞ্ঞাচ ৰিরতি ঞাণপীতি যোচ ৰিসেসকা, সঙ্গহনয ভেদকারকাতি অত্থো.

১২৬. সত্তরসধম্মা লোভদিট্ঠীহি সদ্ধিং একূনৰীসতি হুত্ৰা সঙ্গহং গচ্ছন্তীতি যোজনা. পীতিৰজ্জিতা অঞ্ঞসমানা দ্ৰাদস চেতসিকা অকুসলসাধারণা চত্তারোচাতি সোল়সধম্মা লোভদিট্ঠীহি সহ অট্ঠারস হুত্ৰা সঙ্গহং গচ্ছন্তীতি যোজনা. ইস্সামচ্ছরিয কুক্কুচ্চানি কিচ্চতো আরম্মণতো চ ভিন্নানি হোন্তীতি ৰুত্তং ইস্সা.ল. যোজেতব্বানীতি. সব্বেসুপি অকুসলচিত্তুপ্পাদেসু সম্পযুত্তধম্মা ধম্মতো অসদিসাএৰ হোন্তি. গণনতো পন একচ্চে একচ্চেহি সদিসা এৰ হোন্তীতি ৰুত্তং দ্ৰাদস.ল. সঙ্গহিতাভৰন্তীতি. এত্থচ পঞ্চসু অসঙ্খারিকেসু পথমদুতীযেসু একূনৰীসতি. ততীযচতুত্থেসু অট্ঠারস. পঞ্চমে ৰীসতি. পঞ্চসু সসঙ্খারিকেসু পথমদুতীযেসু একৰীসতি. ততীযচতুত্থেসু ৰীসতি. পঞ্চমে দ্ৰাৰীসতি. মোমূহদ্ৰযে পন্নরসাতি এৰং অকুসলেসু সত্ত সঙ্গহা ভৰন্তি. তেনাহ একূনৰীসাতিআদিং. সাধারণাতি সব্বা কুসলসাধারণা. সমানাতি অঞ্ঞসমানা. অপরেতি ছন্দপীতিঅধিমোক্খে থপেত্ৰা একচ্চে.

১২৭. হসনচিত্তেতি হসিতুপ্পাদচিত্তে. ৰোট্ঠব্বনেতি মনোদ্ৰারাৰজ্জনে. সুখসন্তীরণেতি সোমনস্স সন্তীরণে. মনো ধাতুত্তিকা হেতুক পটিসন্ধি যুগল়েতি পঞ্চদ্ৰারাৰজ্জন সম্পটিচ্ছনদ্ৰযসঙ্খাতে মনোধাতুত্তিকেচেৰ উপেক্খা সন্তীরণ দ্ৰযসঙ্খাতে অহেতুক পটিসন্ধিযুগল়েচ. সব্বত্থ সব্বেসু অহেতুকেসু ¶ সত্ত, ততো সেসা পকিণ্ণকা পন যথারহং যুজ্জন্তি, ইতি তেত্তিংস ৰিধসঙ্গহো মযা ৰুত্তোতি যোজনা.

১২৮. ইদানি অযং চেতসিকনিদ্দেসোতি কত্ৰা চিত্তস্স ৰিয একস্সপি চেতসিকস্স ভূমিজাতি সম্পযোগাদি ভেদেন ৰিভাগো কথেতব্বোতি তং দস্সেতুং অন্তিমগাথমাহ. ইত্থং ইমিনা যথাৰুত্তপ্পকারেন চিত্তাৰিযুত্তানং চেতসিকানং সোল়সৰিধং সম্পযোগঞ্চ তেত্তিংসৰিধং সঙ্গহঞ্চ ঞত্ৰা তেসং যথা যোগং চিত্তেন সমং ভেদং উদ্দিসেতি যোজনা. ফস্সো তাৰ একূননৰুতিযা একৰীসসতেসুৰা চিত্তেসু যুত্তত্তা একূননৰুতি একৰীসসতৰিধেৰাতি এৰং দ্ৰিপঞ্ঞাসচেতসিকে ৰিসুং ৰিসুং উদ্ধরিত্ৰা যথাযোগং ভূমিজাতিসম্পযোগাদিভেদেহি তেসং ৰিভাগং কথেয্যাতি অত্থো.

ইতি পরমত্থদীপনিযানাম অভিধম্মত্থসঙ্গহস্স

চতুত্থৰণ্ণনায চেতসিক সঙ্গহস্স

১২৯. এৰং ¶ ৰিসুং ৰিসুং চিত্তচেতসিকানং নিদ্দেসং দস্সেত্ৰা ইদানি পুন উভিন্নং নিদ্দেসং দস্সেন্তো সম্পযুত্তাযথাযোগন্তিআদিমাহ. যথাযোগং সম্পযুত্তা সভাৰতো তেপঞ্ঞাস চিত্তচেতসিকা যে ধম্মা মযা ৰিসুং ৰিসুং নিদ্দিট্ঠা. ইদানি যথা রহং তেসং উভিন্নং সঙ্গহোনাম নিয্যতেতি যোজনা. তত্থ অত্তনো অত্তনো ভাৰো সভাৰো. ধম্মানং আৰেনিকলক্খণন্তি ৰুত্তং হোতি. চিত্তং তাৰ ভূমিজাতিসম্পযোগাদিভেদেন একূন নৰুতিৰিধংপি অত্তনো আরম্মণ ৰিজাননসঙ্খাতেন আৰেনিকলক্খণেন একমেৰ হোতি. ফস্সোপি ভূমিজাতিসম্পযো গাদিভেদেন একূননৰুতিৰিধোপি ফুসনলক্খণেন একোৰ হোতি তথা ৰেদনাসঞ্ঞাদযোতি এৰং সভাৰতো তেপঞ্ঞাস এৰ হোন্তীতি. ৰেদনাহেতুতো কিচ্চদ্ৰারালম্বণৰত্থুতো পৰত্তো সঙ্গহোতি সম্বন্ধো. তত্থ ৰেদনাহেতুতোতি ৰেদনাভেদ হেতুভেদতো. এৰং কিচ্চদ্ৰারালম্বণ ৰত্থুতোতি এত্থপি. চিত্তুপ্পাদৰসেনেৰাতি চিত্তৰসেনেৰ নিয্যতেতি সম্বন্ধো. এৰসদ্দেন চেতসিকে নিৰত্তেতি. এত্তাৰতা ছন্নং পকিণ্ণকসঙ্গহানং ৰচনত্থো ইধেৰ তাৰ থেরেন দস্সিতো হোতি ৰেদনাভেদেন চিত্তচেতসিকানং সঙ্গহো ৰেদনাসঙ্গহো, হেতুভেদেন চিত্তচেতসিকানং সঙ্গহো হেতুসঙ্গহোতিআদিনা.

চিত্তুপ্পাদসদ্দেন চেতসিকধম্মেপি গহেত্ৰা অঞ্ঞং নিৰত্তে তব্বং অপস্সন্তো ‘‘ন কত্থচি তংৰিরহেনা’’তি ৰদতি. তং নযুজ্জতিযেৰ.

ন হি ইধ এত্তকা চেতসিকা সুখসহগতা, এত্তকা দুক্খ সহগতাতিআদিনা একোপি সঙ্গহো চেতসিকেহি নীতো নাম ¶ অত্থি. সুখসহগতং কুসলৰিপাকং কাযৰিঞ্ঞাণমেকমেৰাতিআদিনা পন চিত্তেনএৰ নীহোতি. চিত্তে পন সিদ্ধে চেত সিকাপি সিদ্ধাএৰাতি কত্ৰা চিত্তুপ্পাদৰসেনেৰাতি ইদং ৰুত্তন্তি দট্ঠব্বং.

১৩০. তত্থাতি তেসু ছসু সঙ্গহেসু. ৰেদনাভেদেন তংসম্পযুত্তানং চিত্তচেতসিকানং সঙ্গহো ৰেদনাসঙ্গহো.

‘‘সুখাদিৰেদনানং তংসহগতচিত্তুপ্পাদানঞ্চ ৰিভাগৰসেন সঙ্গহো ৰেদনাসঙ্গহো’’তি ৰুত্তং. তত্থ চসদ্দেন ৰেদনাসঙ্গহোচ ৰেদনাসহগত চিত্তুপ্পাদ সঙ্গহোচাতি ইমস্মিং অত্থে ৰেদনাসঙ্গহোতি একসেসনিদ্দেসো হোতীতি দস্সেতি. তং ন সুন্দরং.

ইধ হি ৰেদনাভেদো ইমস্স সঙ্গহস্স নিস্সযধম্মপরিগ্গহত্থংএৰ ৰুত্তো. ন ৰেদনানংচ ৰিসুং সঙ্গহদস্সনত্থন্তি. তত্থতিৰিধা ৰেদনাতি কস্মা ৰুত্তং. ননু সংযুত্তকে দ্ৰেপি তিস্সোপি পঞ্চপি ছপি অট্ঠারসপি ছত্তিংসপি অট্ঠসতংপি ৰেদনা ৰুত্তাতি. সচ্চং. অনুভৰনলক্খণেন পন ৰেদনা তিৰিধাএৰ হোতি. যে হি কেচি যংকিঞ্চি আরম্মণং অনুভৰন্তি. তে তং সাততোৰা অনুভৰন্তি অসাততোৰা মজ্ঝত্ততোৰা. ততো অঞ্ঞো পকারো নত্থীতি. অঞ্ঞে পন পভেদা তেন তেন পরিযাযেন ৰুত্তা. তত্থ হি দ্ৰে কাযিকচেতসিকৰসেন ৰুত্তা. যথাহ-কতমাচ ভিক্খৰে দ্ৰে ৰেদনা কাযিকাচ চেতসিকাচাতি. সুখদুক্খ ৰসেনৰা উপেক্খং সুখে সঙ্গহেত্ৰা. যথাহ-দ্ৰে ৰেদনা ৰুত্তা ভগৰতা সুখাৰেদনা দুক্খাৰেদনা. যাযং ভন্তে অদুক্খ মসুখা ৰেদনা. সন্তস্মিং এসাপণীতে সুখে ৰুত্তা ভগৰতাতি.

অনৰজ্জপক্খিকং উপেক্খং সুখে সাৰজ্জপক্খিকঞ্চ দুক্খে সঙ্গহেত্ৰা দ্ৰে ৰুত্তাতি ৰুত্তং. তং পাল়িযং অনাগতংপি যুজ্জতিযেৰ.

ইন্দ্রিযভেদৰসেন ¶ পঞ্চ. ফস্সভেদৰসেন ছ. উপৰিচারভেদ ৰসেন অট্ঠারস. ছ গেহস্সিতানি ছ নেক্খম্মস্সিতানীতি এৰং পচ্চেকং দ্ৰাদসন্নং সোমনস্স দোমনস্সউপেক্খানং ৰসেন ছত্তিংস. তাযেৰ কালত্তযৰসেন অট্ঠসতং ৰেদনা ৰুত্তাতি. যঞ্চ কত্থচি সুত্তে যংকিঞ্চি ৰেদযিতং সব্বং তং দুক্খস্মিন্তি ৰুত্তং. তং সঙ্খারদুক্খতাৰসেন ৰুত্তন্তি. হেট্ঠা পন চিত্তনিদ্দেসে চিত্তানি ইন্দ্রিযভেদৰসেন নিদ্দিট্ঠানীতি কত্ৰা ইধপি ইন্দ্রিযভেদৰসেনেৰ চিত্তানি সঙ্গহেতুং পুন সুখং.ল. পঞ্চধা হোতীতি ৰুত্তং. এত্থ চ যেসু ধম্মেসু আধি পচ্চৰসেন সুখদুক্খানি ইন্দ্রিযানি নাম হোন্তি. তেসং কাযিক মানসিকৰসেন দুৰিধত্তা তানিপি সুখিন্দ্রিযং সোমনস্সিন্দ্রিযং দুক্খিন্দ্রিযং দোমনস্সিন্দ্রিযন্তি দ্ৰিধা ৰুত্তানি. উপেক্খায পন আধিপচ্চট্ঠানভূতা ধম্মা মানসিকাএৰ হোন্তীতিসা উপেক্খিন্দ্রিযন্তি একধাৰ ৰুত্তাতি. অপিচ, তেপি পরিযাযেন দুৰিধা হোন্তি. চক্খাদিপসাদকায নিস্সিতানংপি সব্ভাৰতো. ৰেদনাপন একরসত্তা একধাৰ ৰুত্তাতি.

‘‘কাযিক মানসিক সাতভেদতো সুখদুক্খানি দ্ৰিধা ৰুত্তানী’’তি ৰুত্তং.

তত্থ সভাৰতো ইট্ঠানিট্ঠফোট্ঠব্বা নুভৰনলক্খণানি সুখ দুক্খানি. সভাৰতোৰা পরিকপ্পনতোৰা ইট্ঠানিট্ঠমজ্ঝত্তানুভৰন লক্খণানি ইতরানীতি. সেসানীতি যথাৰুত্ত সুখদুক্খতো মনস্স দোমনস্সযুত্তেহি সেসানি বাত্তিংস কামাৰচরচিত্তানি তেৰীসতি পঞ্চমজ্ঝানিকচিত্তানিচাতি সব্বানি পঞ্চপঞ্ঞাসচিত্তানি. একত্থাতি একস্মিং চিত্তে. ইতরা হি উপেক্খাৰেদনা.

১৩১. হেতূনং ভেদেন তংসম্পযুত্তানং চিত্তচেতসিকান সঙ্গহো হেতুসঙ্গহো.

‘‘লোভাদিহেতূনং ৰিভাগৰসেন তংসম্পযুত্তধম্মৰসেনচ সঙ্গহো হেতুসঙ্গহো’’তি ৰুত্তং. তং ন সুন্দরং.

কারণং ¶ ৰুত্তমেৰ. হেতূনাম ছব্বিধা ভৰন্তীতি সম্বন্ধো. তত্থ হেতুকিচ্চংনাম আরম্মণে সম্পযুত্তধম্মানং সুপ্পতিট্ঠিতভাৰ সাধনং. যথা হি রুক্খস্স মূলানি সযং অন্তো পথৰিযং ৰদ্ধিত্ৰা পথৰিরসেচ আপোরসেচ গহেত্ৰা রুক্খং যাৰ অগ্গা অভিহরন্তি. ৰাতেৰা মহোঘেৰা আগতে রুক্খং সুট্ঠু আকড্ঢিত্ৰা তিট্ঠন্তি, এৰং রুক্খো ৰুদ্ধো ৰিরুল়্হো ৰিপুলো চিরট্ঠিতিকোচ হোতি. এৰমেৰং ইমেপি ধম্মা সযং আরম্মণেসু থিরপত্তা হুত্ৰা সম্পযুত্তধম্মে তত্থ ৰুদ্ধে ৰিরুল়্হে ৰিপুলে চিরট্ঠিতিকেচ সাধেন্তীতি. অহেতুকচিত্তানিপন জলতলে অমূলকসেৰা লানি ৰিয আরম্মণে সুট্ঠু পতিট্ঠিতানি ন হোন্তীতি দট্ঠব্বং. অপরে পন ধম্মানং কুসলাদিভাৰসাধনং হেতুকিচ্চন্তি ৰদন্তি. এৰংসন্তে যেসং সহজাতহেতু নত্থি. তেসং অকুসলভাৰো অব্যাকতভাৰোচ নসম্পজ্জেয্য. যানিচ লদ্ধহেতুপচ্চযানি রূপানি. তেসঞ্চ কুসলাদিভাৰো আপজ্জেয্যাতি ৰত্ৰা তংৰাদং পটিপক্খিপন্তি. যথা পন লোকে অন্ধকারোনাম কেনচি পচ্চয ৰিসেসেন সাধেতব্বো ন হোতি. যত্থ আলোকো নত্থি. তত্থ সো অত্তনো ধম্মতায সিদ্ধো হোতি. এৰমেৰং ধম্মেসু মুয্হনক্রিযাভূতো মোহন্ধকারোপি অত্তনো ধম্মতায এৰ অকুসলো ভৰিতুং অরহতি. তথা হি ইচ্ছানাম অত্থি. সামুয্হনক্রিযায যুত্তা লগ্গনভাৰং পত্ৰা লোভো অকুসলো নাম হোতি. সদ্ধায যুত্তা পন ধম্মচ্ছন্দভাৰং পত্ৰা কুসলচ্ছন্দোনাম হোতি. তথা অক্খন্তিনাম অত্থি. সাপি মুয্হন ক্রিযায যুত্তা পটিঘভাৰং পত্ৰা দোসো অকুসলোনাম হোতি. সদ্ধায যুত্তা পন উপ্পন্নং কামৰিতক্কং নাধিৰাসেতীতিআদিনা নযেন পাপধম্ম পাপারম্মণ ৰিরোধভাৰং পত্ৰা অলোভো কুসলোনাম হোতি. মুয্হনক্রিযা পন অসুকেন যুত্তা অকুসলোনাম. অসুকেন যুত্তা কুসলোনামাতি নত্থি. অম্বিলত্থায অঞ্ঞেন সংযোগকিচ্চরহিতো জাতিঅম্বিলরসো ৰিয একন্তঅকুসলজাতিকাএৰ হোতীতি. যোচ ধম্মো কুসলো অকুসলোচ ন হোতি. সো অব্যাকতোতি এত্তকমেৰ ¶ ধম্মানং অব্যাকতভাৰসিদ্ধিযা কারণং. তস্মা অহেতুকচিত্তানং রূপনিব্বানানঞ্চ অব্যাকতভাৰোপি অত্তনো ধম্ম তাযএৰ সিদ্ধো. তত্থ মোহো সেসমূলানংপি মূলং হোতি. রজ্জনদুস্সনানিপি হি মুয্হননিসন্দানিএৰ হোন্তি. অলোভাদীনঞ্চ কুসলভাৰো অৰিজ্জানুসযেন সহেৰ সিদ্ধোতি. তানি পন লোভাদীনি লোভসহগতাদীনং ৰিসেসমূলানি হোন্তি. রজ্জনাদি নিসন্দানি হি দিট্ঠিমানাদীনি. অরজ্জনাদিনিসন্দানি চ সদ্ধাদীনীতি. যস্মা পন হেতুযোনাম সম্পযুত্তেসু পধানধম্মা হোন্তি. তস্মা সহেতুকৰিপাকক্রিযানং অব্যাকতভাৰো পন হেতু মুখেনপি ৰত্তুং যুত্তো.

[৮৬] এত্তাৰতা যং ৰুত্তং ৰিভাৰনিযং

‘‘অপরে পন কুসলাদীনং কুসলাদিভাৰসাধনং হেতু ভাৰো’’তি ৰদন্তি. এৰং সতি হেতূনং অত্তনো কুসলা দিভাৰসাধনো অঞ্ঞো হেতু মগ্গিতব্বো সিযা. অথ সেসসম্পযুত্তহেতুপটিবদ্ধো তেসং কুসলাদিভাৰো, এৰম্পি মোমূহ চিত্তসম্পযুত্তস্স হেতুনো অকুসল ভাৰো অপ্পটিবদ্ধো সিযা. অথ তস্স সভাৰতো অকুসলভাৰোপি সিযা. এৰংসতি সেসহেতূনম্পি সভাৰতো কুসলাদিভাৰোতি তেসং ৰিয সম্পযুত্ত ধম্মানম্পি সো হেতুপটিবদ্ধো নসিযা, যদিচ হেতুপটিবদ্ধো কুসলাদিভাৰো. তদা অহেতুকানং অব্যাকতভাৰো নসিযাতি অলমতিনিপ্পীল়নেনাতি তং পটিক্খিত্তং হোতি.

যথাচ লদ্ধজ্ঝানপচ্চযেসু রূপারূপধম্মেসু ঝানঙ্গানি অরূপধম্মেসুএৰ উপনিজ্ঝানট্ঠং ফরন্তি, ন রূপধম্মেসু. তে পন ঝানধম্ম সমুট্ঠি তত্তাএৰ ঝানপচ্চযুপ্পন্নেসু ৰুত্তা. এৰমেৰ হেতুযোপি অরূপ ধম্মেসুএৰ কুসলাদিভাৰং ফরন্তি. ন রূপধম্মেসু. তে পন হেতু সমুট্ঠিতত্তাএৰ হেতুপচ্চযুপ্পন্নেসু ৰুত্তাতি ন তেসং রূপধম্মানং কুসলাদিভাৰাপত্তি চোদেতব্বাতি.

‘‘কুসলাদিভাৰো পন কুসলাকুসলানং যোনিসো অযোনিসো মনসিকারপটিবদ্ধো’’তি ৰুত্তং. তংপি ৰিচারে তব্বং.

তথা হি সূরিযালোকে আগতে দিৰা বলানং হংসাদীনং ওকাসো হোতি. রত্তন্ধকালে আগতে রত্তিবলানং উলূকাদীনং ওকাসো হোতি. নচ তে আলোকন্ধকারা তেসং ৰণ্ণাদিৰিসেসং সামেন্তি. তং পন তেসং যোনিযোএৰ সাধেন্তি. তত্থ আলোকো ৰিয যোনিসোমনসিকারো দট্ঠব্বো. অন্ধকারো ৰিয ইতরো. তে সত্তা ৰিয কুসলাকুসলা. ৰণ্ণাদিৰিসেসো ৰিয কুসলাদিভাৰো. যোনিযো ৰিয হেতুযো দট্ঠব্বাতি. অব্যাকতানং পনাতি সব্বং যো ধম্মো কুসলো অকুসলোচ ন হোতি. সো অব্যাকতোতি ৰুত্তপক্খে পততিযেৰাতি. তত্থাতি হেতুসঙ্গহে. সহেতুকানং পরিগ্গহসুখত্থং ইধ ৰজ্জেতব্বানিপি অহেতুকানি পথমং উদ্ধটানি. তেনাহ সেসানি পন. ল. সহেতুকা নেৰাতি. তেসংৰা অহেতুকনামংপি হেতূনং ৰসেনেৰ ৰিসুং সিদ্ধন্তি তেসংপি ইধ সঙ্গহণং অৰিরুদ্ধং হোতি. তেনাহ অহেতু কাট্ঠারসেকাতিআদি. সভাৰ ভেদেন ছব্বিধাপি হেতুযো কুসলা কুসলা ব্যাকতজাতিভেদেন নৰধা হোন্তীতি ৰুত্তং লোভো দোসোচাতিআদি.

১৩২. চুদ্দসন্নং কিচ্চানং ভেদেন তংকিচ্চৰন্তানং চিত্তচেতসিকানং সঙ্গহো কিচ্চসঙ্গহো.

‘‘পটিসন্ধাদীনং কিচ্চানং ৰিভাগৰসেন তংকিচ্চৰন্তানঞ্চ পরিচ্ছেদৰসেন সঙ্গহো কিচ্চসঙ্গহো’’তি ৰুত্তং. তং ন সুন্দরং.

যেন এককম্মেন একো উপপত্তিভৰোনিব্বত্ততি. তস্মিং সরসেনৰা লদ্ধৰিবাধনেনৰা পরিক্খীণে সো ভৰো নিরুজ্ঝতি. একস্স ¶ কম্মস্স ওকাসো হোতি. তস্মা ততো নিব্বত্ত ভৰতো চুতস্স অন্তরা খণমত্তংপি অট্ঠত্ৰা লদ্ধোকাসেন একেন কম্মেন পুন ভৰন্তরাদি পটিসন্ধান ৰসেন অভিনিব্বত্তি পটিসন্ধিকিচ্চং. তথা নিব্বত্তস্স উপপত্তিভৰসন্তানস্স যাৰ তং কম্মং নখিয্যতি. তাৰ অৰিচ্ছেদ পৰত্তিপচ্চযঙ্গভাৰেন পৰত্তি ভৰঙ্গকিচ্চং. তস্স হি তথা পৰত্তিযা সতি আযুপবন্ধাচ উস্মা পবন্ধাচ পৰত্তন্তিযেৰাতি এতে তযো ধম্মা ইমং কাযং অভিজ্জমানং রক্খন্তীতি. যথাহ –

আযু উস্মাচ ৰিঞ্ঞাণং, যদা কাযং জহন্তি মং;

অপৰিদ্ধো তদা সেতি, নিরত্থংৰ কলিঙ্গরন্তি.

আৰজ্জনং চিত্তসন্তানস্স আৰট্টনং, তংৰা আৰজ্জেতি আৰট্টেতি, আৰট্টতিৰা তং এত্থ এতেনাতিৰা আৰজ্জনং. ভৰঙ্গ ৰীথিতো ওক্কমিত্ৰা আরম্মণন্তরাভিমুখং পৰত্ততীতি অত্থো. আৰজ্জেতিৰা আরম্মণন্তরে আভোগং করোতীতি আৰজ্জনং. দস্সনাদীনি পাকটানি. ৰোট্ঠব্বনন্তি ৰিসুং অৰচ্ছিন্দিত্ৰা থপনং ইদং নীলন্তিৰা পীতকন্তিৰা সুভন্তিৰাঅসুভন্তিৰা অসঙ্করতোথপনং নিযমনন্তি ৰুত্তং হোতি. জৰনন্তিৰা জৰোতিৰা ৰেগোতিৰা অত্থতো একং. অসনিনিপাতো ৰিয ৰেগসহিতস্স একেকস্স পিত্তস্স পৰত্তি জৰনকিচ্চং.

‘‘আরম্মণে তংতংকিচ্চসাধনৰসেন অনেকক্খত্তুং একক্খত্তুংৰা জৰমানস্স ৰিয পৰত্তি জৰনকিচ্চ’’ন্তি ৰুত্তং. তং ন সুন্দরং.

ন হি জৰমানস্স চিত্তস্স একৰারমত্তেন নিৰত্তিনাম অত্থি. মগ্গাতিঞ্ঞাজৰনানিপি হি একাৰজ্জনপরিকম্মচিত্ততো পট্ঠায একৰেগেন পৰত্তজৰমানচিত্তসন্তানপতিতানি এৰ হোন্তি. ন পন তানি ৰিসুং সিদ্ধেন জৰেন জৰন্তীতি.

জৰমানস্স ¶ ৰিয পৰত্তীতি এতেন ৰিসুং ৰিসুং উপ্পজ্জিত্ৰা নিরুদ্ধা নং খণিকধম্মানং সীঘগমনসঙ্খাতো জৰোনাম ৰিসুং নত্থি. বহুক্খত্তুং পৰত্তিৰসেন পন সীঘগচ্ছন্তপুরিস সদিসত্তা এৰ জৰনন্তি ৰুচ্চতীতি দস্সিতং হোতি. তংপি ন সুন্দরং.

অসনিনিপাতো ৰিয ৰেগসহিতস্স একেকস্স চিত্তস্স পৰত্তিজৰনকিচ্চন্তি হি হেট্ঠা ৰুত্তং. ভৰঙ্গচিত্তঞ্হি দীঘং অদ্ধানং পূরেত্ৰা পৰত্তংপি নদিসোতে ৰুয্হমানং সুক্খপণ্ণং ৰিয ৰেগরহিতং হোতি. জৰনচিত্তং পন একমেকংপি সমানং ইন্দেন ৰিস্সট্ঠ ৰজিরং ৰিয ৰেগসহিতমেৰ পৰত্ততীতি দট্ঠব্বং. তং আরম্মণং এতস্সাতি তদারম্মণং. যং জৰনেন গহিতং, তদেৰস্স আরম্মণন্তি ৰুত্তং হোতি. যং জৰনেন গহিতারম্মণং, তস্সেৰ গহিতত্তা তদারম্মণং নামাতি হি ৰুত্তং. তস্সৰা জৰনস্স আরম্মণং অস্স আরম্মণন্তি তদারম্মণং. ইধ পন তদারম্মণভাৰো অধিপ্পেতো. নিব্বত্তমানভৰতো ৰচনং মুচ্চনং পরিগল়নং চুতি. ইদানি তানি কিচ্চানি অনিযমতো ন পৰত্তন্তি. ঠাননিযমেনেৰ পৰত্তন্তীতি দস্সেতুং ঠানভেদো ৰুত্তো. তিট্ঠতি পৰত্ততি তংতং কিচ্চৰন্তং চিত্তং এত্থাতি ঠানং. ওকাসো. তংতং অন্তরাকালোতি ৰুত্তং হোতি. কালোপি হি কালৰন্তানং পৰত্তিৰিসযত্তা ঠানন্তি ৰুচ্চতি. পটিসন্ধিযা ঠানং পটিসন্ধিট্ঠানং. পটিসন্ধকালো পটিসন্ধিক্খণোতি ৰুত্তং হোতি. এৰং সেসেসুপি.

‘‘পটিসন্ধিযা ঠানং পটিসন্ধিট্ঠানন্তি ৰত্ৰা কামং পটিসন্ধিৰিনি মুত্তং ঠানংনাম নত্থি. সুখগ্গহণত্থং পন সিলা পুত্তকস্স সরীরন্তিআদীসু ৰিয অভেদেপি ভেদপরিকপ্পনাতি দট্ঠব্ব’’ন্তি ৰুত্তং. তং ন গহেতব্বং.

কালো হি নাম সভাৰতো অৰিজ্জমানোপি চিত্তস্স ৰিসুং আরম্মণভূতো একো পঞ্ঞত্তিধম্মো. তথা হি অট্ঠকথাযং ইমেসং অট্ঠন্নং মহাৰিপাকচিত্তানং ৰিপচ্চনট্ঠানং ৰেদিতব্বং. এতানি হি চতূসু ¶ ঠানেসু ৰিপচ্চন্তি. পটিসন্ধিযং ভৰঙ্গে চুতিযং তদারম্মণেতি ৰত্ৰা তং ৰিত্থারেন্তেন পটিসন্ধিগ্গহণকালে পটিসন্ধিহুত্ৰা ৰিপচ্চন্তি. অসঙ্খ্যেয্যংপি আযু কালং ভৰঙ্গং হুত্ৰা মরণ কালে চুতি হুত্ৰাতি কালোৰ ৰুত্তোতি. ইতরথা কিচ্চানি ৰিয ঠানানিপি চুদ্দসৰিধানিএৰ ৰত্তব্বানি সিযুন্তি. ঠানানং ৰিত্থারভেদো পন উপরি দ্ৰীসু পৰত্তিসঙ্গহেসু চিত্তপৰত্তিৰিধানানুসারেন ৰেদিতব্বোতি. যস্মা ওমকং দ্ৰিহেতুককুসলং সযং সো মনস্সযুত্তংপি সমানং অতিদুব্বলত্তা সোমনস্স পটিসন্ধিং দাতুং নসক্কোতি. তস্মা সোমনস্সসন্তীরণং পটিসন্ধিট্ঠানং নগচ্ছতীতি ৰুত্তং দ্ৰেউপেক্খাসহগতসন্তীরণানিচেৰাতি. তথা হি পট্ঠানে পীতিসহগতত্তিকে পটিচ্চৰারে হেতুপচ্চনিকে তং পটি সন্ধিট্ঠানেন উদ্ধটন্তি. মনোদ্ৰারাৰজ্জনং পরিত্তারম্মণেৰা অৰিভূতা রম্মণেৰা দ্ৰত্তিক্খত্তুং পৰত্তমানংপি ৰিপাক সন্তানতো লদ্ধপচ্চযভাৰেন দুব্বলত্তা জৰনৰেগরহিতমেৰ হোতীতি ৰুত্তং আৰজ্জন দ্ৰয ৰজ্জিতানীতি.

‘‘আরম্মণরসানুভৰনা ভাৰতো’’তি কারণং ৰুত্তং. তং অ কারণং.

ন হি আরম্মণ রসানুভৰনং জৰনকিচ্চ সিদ্ধিযা জৰননাম লাভস্সচ কারণং হোতি. তং পন জৰনকিচ্চসিদ্ধিযা ফলমে ৰহোতীতি. যস্মা পন ফলচিত্তং আসেৰনভাৰরহিতংপি মগ্গ চেতনায মহানুভাৰত্তা পরিকম্মভাৰনাবলেন চ পৰত্তত্তা আরম্মণে ৰেগসহিতমেৰ পততীতি তস্সজৰনেসু গহণংকতং.

মগ্গাভিঞ্ঞাজৰনানং একৰারমেৰ পৰত্তত্তা জৰনকিচ্চং ন সম্পজ্জতীতি অধিপ্পাযেন ‘‘একচিত্তক্খণিকংপি লোকুত্তর মগ্গাদিতং তংসভাৰৰন্ততায জৰনকিচ্চং নামা’’তি ৰত্ৰা সব্বঞ্ঞুতঞ্ঞাণোপমায তমত্থং ৰিভাৰেতি. তং ন যুজ্জতিযেৰ.

ইদানি ¶ সমানকিচ্চগণনানি চিত্তানি সঙ্গহেত্ৰা দস্সেতুং তেসু পনাতিআদিমাহ. পটিসন্ধাদযো নাম চিত্তুপ্পাদাতি সম্বন্ধো.

নামকিচ্চভেদেনাতিপি যোজেতি. তং ন সুন্দরং.

নামভেদস্স ৰিসুং ৰত্তব্বাভাৰতোতি. এককিচ্চট্ঠান দ্ৰিকিচ্চট্ঠান তিকিচ্চট্ঠান চতুকিচ্চট্ঠান পঞ্চকিচ্চট্ঠানানি চিত্তানি যথাক্কমং অট্ঠসট্ঠিচ তথা দ্ৰেচ নৰচ অট্ঠচ দ্ৰেচ নিদ্দিসেতি যোজনা.

১৩৩. চক্খাদীনং দ্ৰারানং ভেদেন চিত্তচেতসিকানং সঙ্গহো দ্ৰারসঙ্গহো.

‘‘দ্ৰারানঞ্চ দ্ৰারপৰত্তচিত্তানঞ্চ পরিচ্ছেদৰসেন সঙ্গহো দ্ৰারসঙ্গহো’’তি ৰুত্তং. তং ন সুন্দরং.

দ্ৰে জনা অরন্তি গচ্ছন্তি এতেনাতি দ্ৰারং. নগরস্স অন্তো জনা বহিজনাচ যেন ছিদ্দমগ্গেন নিক্খমন্তি পৰিসন্তিচ, তস্সেতং নামং. দ্ৰে জনা অরন্তি গচ্ছন্তি এত্থাতি দ্ৰারন্তিপী ৰদন্তি. অপিচ, দুৰিধং দ্ৰারং আকাসদ্ৰারং মণ্ডদ্ৰারন্তি. তত্থ আকাসদ্ৰারংনাম যথাৰুত্তো ছিদ্দমগ্গো. মণ্ডদ্ৰারংনাম আদাস পট্টমযো আলোকমগ্গো. তং পন পুঞ্ঞৰন্তানং গেহেসু যোজীযতি. যথা চ তেসু, তথা সত্তানং সরীরেসুপি দ্ৰেএৰ হোন্তি. নৰদ্ৰারো মহাৰণোতি হি ছিদ্দদ্ৰারং ৰুত্তং. নৰনৰুতিলোমকূপসহস্সা নিপি ছিদ্দদ্ৰারানিএৰ. ইধ পন আদাসপট্টসদিসং মণ্ডদ্ৰারং অধিপ্পেতং. তংপি হি আরম্মণিকধম্মানং আরম্মণধম্মানঞ্চ নিগ্গমন পৰিসন মুখপথভাৰতো দ্ৰারসদিসত্তা দ্ৰারন্তি ৰুচ্চতীতি. তং পন রূপমণ্ড দ্ৰারং অরূপমণ্ডদ্ৰারন্তি দুৰিধং. রূপমণ্ডদ্ৰারংপি কম্মৰিসেসমহাভূত ৰিসেসসিদ্ধেন মণ্ডভাৰৰিসেসেন পঞ্চৰিধন্তি দস্সেতুং চক্খুদ্ৰারন্তিআদিমাহ. তত্থ চক্খুমেৰচক্খুদ্ৰারন্তি যস্মিং চক্খুম্হি চন্দ মণ্ডলাদীনি রূপ নিমিত্তানি পঞ্ঞাযন্তি. আৰজ্জনাদীনিচ যম্হি পঞ্ঞাতানি তানি নিমিত্তানি গণ্হন্তি. তস্মা তদেৰ চক্খু তেসং দ্ৰিন্নং ৰিসযৰিস যিভাৰুপগমনস্স ¶ মুখপথভূতত্তা চক্খুদ্ৰারংনামাতি অত্থো. অথৰা, যেন চক্খুমণ্ডেন বহিদ্ধা চন্দমণ্ডলাদীনি রূপানি অন্তো আৰজ্জনাদীনং ৰিসযভাৰং উপগচ্ছন্তি. যেনচ অন্তো আৰজ্জনাদীনি বহিদ্ধা তেসং রূপানং ৰিসযিভাৰং উপগচ্ছন্তি. তমেৰ যথাৰুত্ত কারণেন চক্খুদ্ৰারং নামাতি অত্থো. এৰং সেসেসুপি.

‘‘আৰজ্জনাদীনং অরূপধম্মানং পৰত্তিমুখভাৰতো দ্ৰারসদিসত্তা দ্ৰারানী’’তি ৰুত্তং. তং ন সুন্দরং.

রূপাদীনং আরম্মণানংপি পৰত্তিমুখভূতত্তা. ৰক্খতি হি ছব্বিধা ৰিসযপৰত্তিযোতি. এত্থচ ৰিসযানং রূপাদীনং আরম্মণানং দ্ৰারেসু আপাতা গমন সঙ্খাতা পৰত্তিযো ৰিসযপৰত্তিযোতি ৰুচ্চন্তীতি. তত্থ চক্খুমেৰ চক্খুদ্ৰারন্তি এতেন চক্খুস্স দ্ৰারং চক্খুদ্ৰারন্তি অত্থং নিৰত্তেতি. তথা সোতাদযো সোত দ্ৰারাদীনীতি এতেন সোত মেৰ সোতদ্ৰারং.ল. মনোএৰ মনোদ্ৰারং. ন মনানং দ্ৰারং মনোদ্ৰারন্তি ইমমত্থং অতিদিস্সতি. তস্স পন মনস্স বহুৰিধত্তা ইধ অধিপ্পেতং মনং দস্সেন্তো মনোদ্ৰারং পন ভৰঙ্গন্তি পৰুচ্চতীতি ৰুত্তং.

‘‘আৰজ্জনাদীনং মনানং দ্ৰারন্তি মনোদ্ৰার’’ন্তিপি ৰুত্তং. তং ন সুন্দরং.

কারণং ৰুত্তমেৰ. তত্থ সব্বং একূননৰুতিৰিধংপি চিত্তং মনোদ্ৰার মেৰনাম হোতি. ইধ পন উপপত্তিদ্ৰারমেৰ অধিপ্পেতন্তি কত্ৰা ভৰঙ্গন্তি পৰুচ্চতীতি ৰুত্তং. পটিসন্ধিতো পট্ঠায যাৰতাযুকং নদিসোতমিৰ পৰত্তমানং একূনৰীসতিৰিধং ভৰঙ্গচিত্তমেৰ ইধ মনোদ্ৰারন্তি ৰুচ্চতি, কথীযতীতি অত্থো.

যথা গামস্স দ্ৰারংনাম গামানন্তরমেৰ হোতি. এৰং আৰজ্জনাদীনং মনানং পৰত্তিমুখট্ঠেন দ্ৰারংনাম আৰজ্জনানন্তরং ভৰঙ্গমেৰ সিযা. ন ততো পুরিমানি ভৰঙ্গানীতি অধিপ্পাযেন যং ৰুত্তং ‘‘ভৰঙ্গন্তি আৰজ্জানানন্তরং ভৰঙ্গ’’ন্তি. তং ন গহেতব্বং.

এৰঞ্হি ¶ সতি যেসু চক্খুপসাদাদীসু রূপাদীনি আপাতং নাগচ্ছন্তি. তানিপি আৰজ্জনাদীনং ৰীথিচিত্তানং পৰত্তিমুখানি এৰ ন হোন্তীতি কত্ৰা দ্ৰারানিনাম নসিযুং. ন চ তথা সক্কা ৰত্তুং. পাল়িযমেৰ তেসং দ্ৰাররূপভাৰস্স ৰুত্তত্তা. ইধচ ৰক্খতি পসাদৰিঞ্ঞত্তিসঙ্খাতং সত্তৰিধংপি দ্ৰাররূপংনামাতি.

সাৰজ্জনং ভৰঙ্গন্তু, মনোদ্ৰারন্তি ৰুচ্চতীতি –

সাধকৰচনং আহটং; তংপি ইধ নযুজ্জতিযেৰ.

তঞ্হি আৰজ্জনংপি মনোদ্ৰারপক্খিকং কত্ৰা দীপেতীতি. যত্থ পন চক্খুঞ্চ পটিচ্চ রূপেচ উপ্পজ্জতি চক্খুৰিঞ্ঞাণং. সোতঞ্চ. ল. মনঞ্চ পটিচ্চ ধম্মেচ উপ্পজ্জতি মনোৰিঞ্ঞাণন্তি ৰুত্তং. তত্থেৰ তং যুত্তং. তত্থ হি চক্খুৰিঞ্ঞাণুপ্পত্তিযা চতূসু পচ্চযেসু চক্খুরূপানি এৰ সরূপতো ৰুত্তানীতি ইতরে আৰজ্জনঞ্চ সম্পযুত্তক্খন্ধা চাতি দ্ৰে পচ্চযা চসদ্দেন গহিতা, এৰং সোতৰিঞ্ঞাণাদীসুপি. মনোৰিঞ্ঞাণে পন মনঞ্চাতি এত্থ ভৰঙ্গচিত্তেন সহ আৰজ্জনং গহেত্ৰা চসদ্দেন সম্পযুত্তক্খন্ধা গহিতা. এৰঞ্হি সতি চত্তা রোপচ্চযা হোন্তীতি. ৰুত্তঞ্হেতং ধাতুৰিভঙ্গট্ঠকথাযং পটিচ্চাতি নাম আগতট্ঠানে আৰজ্জনং ৰিসুং নকাতব্বং. ভৰঙ্গনিস্সিতকমেৰ কাতব্বন্তি. তস্মা ইধ মনোতি সহাৰজ্জনকং ভৰঙ্গং. মনো ৰিঞ্ঞাণন্তি জৰনমনোৰিঞ্ঞাণন্তি. এত্থচ পটিচ্চাতিনাম আগতট্ঠানেতি এতেন অঞ্ঞত্থ পন আৰজ্জনং দ্ৰারপক্খিকং নকাতব্বন্তি সিদ্ধং হোতি. পটিচ্চাতি আগতত্তাযেৰচ ভৰঙ্গংপি আৰজ্জনা নন্তরং ভৰঙ্গদ্ৰযমেৰ ইমিস্সং পাল়িযং গহেতব্বং. সন্নিহিতপচ্চযানং এৰ তত্থ অধিপ্পেতত্তাতি. ইধ পন দ্ৰারভাৰা রহস্স সব্বস্স উপপত্তিধম্মস্স পরিগ্গহিতত্তা সব্বং ভৰঙ্গং অধিপ্পেতং. ন হি কিঞ্চি ভৰঙ্গং নাম অত্থি. যং মনোদ্ৰারভাৰারহং ন সিযাতি নিট্ঠমেত্থ গন্তব্বন্তি. তত্থাতি নিদ্ধারণে ভুম্মং, তেসু ছসু দ্ৰারেসু চক্খু দ্ৰারেতি সম্বন্ধো. যথারহন্তি আরম্মণভূমিপুগ্গলমনসিকারা দীনং অনুরূপৰসেন. সব্বথাপীতি ৰিসুং ৰিসুং ছচত্তালীস ভেদসঙ্খাতেন ¶ সব্বপকারেনপি অগহিত গহণ ৰসেন, চতুপঞ্ঞা সাতি সম্বন্ধো. সব্বথাপীতিৰা আৰজ্জনাদি তদারম্মণ পরিযো সানৰসেন অনেককিচ্চভেদযুত্তেন সব্বপকারেনপি, কামাৰচরানেৰাতি সম্বন্ধো. যানি আৰজ্জনাদীনি কিচ্চানি দ্ৰারৰিকারং পটিচ্চ পৰত্তন্তি, তং কিচ্চৰন্তানিএৰ দ্ৰারে নিযুত্তানীতি অত্থেন দ্ৰারিকানিনাম হোন্তি. পটিসন্ধি ভৰঙ্গ চুতি কিচ্চানিপন দ্ৰারৰিকারেন ৰিনা কেৰলং কম্মৰসেনেৰ সিজ্ঝন্তি. তস্মা তংকিচ্চৰন্তানি দ্ৰারিকানিনাম নহোন্তীতি ৰুত্তং একূন.ল. দ্ৰারৰিমুত্তানীতি এত্থ চ দ্ৰারৰিকারোনাম অত্তনি আরম্মণানং আপাতাগমনৰসেন ভৰঙ্গস্স চলনং, চক্খাদীনঞ্চ অত্তনি ৰিঞ্ঞাণুপ্পাদন সত্তিৰিসেস যোগো দট্ঠব্বো.

‘‘চক্খাদিদ্ৰারেসু অপৰত্তনতো মনোদ্ৰারসঙ্খাত ভৰঙ্গতো আরম্মণন্তরগহণৰসেন অপৰত্তিতোচ দ্ৰারৰিমুত্তানী’’তি ৰুত্তং, তং অট্ঠকথাযপি সহ নসমেতি.

পটিসন্ধি ভৰঙ্গ চুতি ৰসেনাতি হি ৰুত্তং. এতেন হি কিচ্চসীসেনেৰ চিত্তানং দ্ৰারিক দ্ৰারৰিমুত্তভাগো থেরেন দস্সিতো. তেনেৰ হি হেট্ঠাপি পঞ্চদ্ৰারাৰজ্জন.ল. তদারম্মণৰসেনাতিআদিনা কিচ্চসীসেনেৰ চিত্তানং চক্খুদ্ৰারিকাদিভাৰো ৰুত্তোতি. ননু চক্খাদিদ্ৰারেসু অপৰত্তনতোতি ইমিনা এতদত্থোৰ ৰুত্তোতি চে. ন. অধিপ্পেতত্থৰিরহস্স অপসঙ্গ নিৰত্তকস্সচ সংৰণ্ণনা ৰাক্যস্স পযোজনাভাৰতোতি. ছদ্ৰারিকানিচেৰ সন্তীরণ তদারম্মণকিচ্চানং ৰসেন দ্ৰারৰিমুত্তানিচ পটিসন্ধাদিকিচ্চানং ৰসেনাতি অধিপ্পাযো. পঞ্চদ্ৰারিকানিচ ছদ্ৰারিকানিচ পঞ্চছদ্ৰারিকানি. কদাচি ছদ্ৰারিকানিচেৰ তানি কদাচি দ্ৰারৰিমুত্তানিচাতি ছদ্ৰারিকৰিমুত্তানি. দ্ৰারসদ্দো চেত্থঅধিকারৰসেন যোজীযতি.

‘‘ছদ্ৰারিকানিচ ছদ্ৰারিকৰিমুত্তানিচা’’তিপি ৰুত্তং. তং ন সুন্দরং.

হেট্ঠা চুণ্ণিযৰাক্যে তথা অসুতত্তাতি. একদ্ৰারিকচিত্তানি. ল. সব্বথা দ্ৰারৰিমুত্তানিচ যথাক্কমং ছত্তিংসতি.ল. নৰধা চেতি পঞ্চধা পরিদীপযেতি যোজনা.

১৩৪. রূপাদীনং আরম্মণানং ভেদেন চিত্তচেতসিকানং সঙ্গহো আরম্মণসঙ্গহো.

‘‘আরম্মণানং সরূপতো ৰিভাগতো তংৰিসযচিত্ততো চ সঙ্গহো আরম্মণসঙ্গহো’’তি ৰুত্তং. তং ন সুন্দরং.

অযঞ্হি চিত্তচেতসিকানং এৰ সঙ্গহো. ন আরম্মণানন্তি. রূপাদীনং ৰচনত্থো উপরি আগমিস্সতি. দুব্বলপুরিসেন দণ্ডাদিৰিয চিত্তচেতসিকেহি আলম্বীযতি অমুঞ্চমানেহি গণ্হীযতীতি আলম্বণং. আরম্মণসদ্দে পন সতি চিত্তচেতসিকানি আগন্ত্ৰা এত্থ রমন্তীতি আরম্মণং.

‘‘দুব্বলপুরিসেন দণ্ডাদিৰিয চিত্তচেতসিকেহি আলম্বীযতি. তানিৰা আগন্ত্ৰা এত্থ রমন্তীতি আলম্বণ’’ন্তি ৰুত্তং. তং ন সুন্দরং.

ৰিসুং সিদ্ধানি হি এতানি পদানীতি. রূপমেৰাতি ৰণ্ণাযতনমেৰ. পঞ্চারম্মণৰিমুত্তং যংকিঞ্চি ধম্মজাতং ৰিজ্জমানংপিঅৰিজ্জমানংপি ভূতংপি অভূতংপি ধম্মারম্মণমেৰ. তং পন সভাগ কোট্ঠাসতো সঙ্গয্হমানং ছব্বিধং হোতীতি ৰুত্তং ধম্মারম্মণং পন.ল. ছধা সঙ্গয্হতীতি. তত্থাতি তেসু রূপাদীসু ছসু. চক্খুদ্ৰারে ঘট্টযমান রূপানুসারেনেৰ উপ্পন্নানি চক্খুদ্ৰারিকচিত্তানি অঞ্ঞানি আরম্মণানি আলম্বিতুং নলভন্তি. রূপানিপি ঘট্টনরহিতানি অতীতানাগতানি আলম্বিতুং নলভন্তীতি ৰুত্তং চক্খুদ্ৰারিকচিত্তানং সব্বেসংপি রূপমেৰ আরম্মণং. তঞ্হ পচ্চুপ্পন্নন্তি. সোতদ্ৰারিকা দীসুপি এসেৰনযো. তত্থ তং তং কারণং পটিচ্চ উপ্পন্নং পচ্চুপ্পন্নং. ৰত্তমানন্তি অত্থো. ছব্বিধংপীতি রূপাদিৰসেন ছব্বিধংপি. অতিক্কন্তভাৰং ইতং গতং ¶ পৰত্তন্তি অতীতং. আগচ্ছতি আগচ্ছিত্থাতি আগতং. পচ্চুপ্পন্নং, অতীতঞ্চ. ন আগতন্তি অনাগতং. উপ্পাদজাতিকা সঙ্খতধম্মাএৰ তীসু কালেসু অনুপতন্তি. তস্মা উপ্পাদরহিতা অসঙ্খতভূতা নিব্বানপঞ্ঞত্তিযো কালৰিমুত্তংনামাতি ৰেদিতব্বা.

‘‘ৰিনাসাভাৰতো অতীতাদিকালৰসেন নৰত্তব্বত্তা নিব্বানং পঞ্ঞত্তিচ কালৰিমুত্তংনামা’’তি ৰুত্তং. তং ৰিচারেতব্বং.

সব্বেপি হি সঙ্খতধম্মা অনাগতভাৰ পুব্বকাএৰ হোন্তি. তস্মা তে যদা পচ্চযসামগ্গিং লভিত্ৰা উপ্পজ্জিস্সন্তীতি ৰত্তব্বপক্খে তিট্ঠন্তি, তদা অনাগতানাম. যদা পচ্চযসামগ্গিং লভিত্ৰা উপ্পন্না, যদা পচ্চুপ্পন্নানাম. যদা নিরুদ্ধা, তদা অতীতানাম. এৰং উপ্পাদজাতিকানঞ্ঞেৰ উপ্পাদমূলিকা তেকালিকতা সিদ্ধা. উপ্পাদরহিতানং পন অনাগতাৰত্থাপি নত্থি. কুতো পচ্চুপ্পন্নাতীতা ৰত্থাতি. তস্মা নিব্বানপঞ্ঞত্তীনং কালত্তয ৰিমুত্ততা হোতীতি. ৰিনাসাভাৰতোতি ইদং পন অতীতকালৰিমুত্তিযাএৰ কারণন্তি ন তেন তাসং ইতরকালৰিমুত্তিং সাধেতীতি দট্ঠব্বং. যথারহৰিভাগো পন ইধেৰ তেসূতিআদিনা পচ্ছা আগমিস্সতি. দ্ৰারৰিমুত্তানঞ্চ ছব্বিধংপি আরম্মণং হোতীতি সম্বন্ধো. যথা পন আৰজ্জনাদীনং ছদ্ৰারিকচিত্তানং আরম্মণং ভৰন্তরেপি ইমস্মিং ভৰেপি পুরিমভাগে কেনচি দ্ৰারেন গহিতংপি অগহিতংপি হোতি. ন তথা ইমেসন্তি দস্সেতুং ভৰন্তরে ছদ্ৰারগহিতন্তি ৰুত্তং. ভৰৰিসেসঞ্হি পত্থেত্ৰা কম্মং কত্ৰা তত্থ নিব্বত্তানং আরম্মণং ভৰন্তরেপি কেনচি দ্ৰারেন গহিতংপি হোতি যেৰাতি.

‘‘তং পন নেসং আরম্মণং ন আৰজ্জনস্স ৰিয কেনচি অগহিতমেৰ গোচরভাৰং গচ্ছতীতি দস্সেতুং ছদ্ৰার গহিতন্তি ৰুত্ত’’ন্তি ৰুত্তং. তং ন যুজ্জতি.

পঞ্চদ্ৰারা ৰজ্জনস্সপি হি আরম্মণং পুব্বে কেনচি দ্ৰারন্তরেন গহিতংপি অগহিতংপি হোতিযেৰ. তথা হি ইদং নাম লভিস্সামি ¶ ভুঞ্জিস্সামি পস্সিস্সামীতি পুব্বে গহিতং পচ্ছা আৰজ্জনস্স আরম্মণং ন ন হোতীতি. নচ একাৰজ্জনৰীথিযং পুব্বে কেনচি চিত্তেন অগহিতভাৰো ইধ পমাণন্তি. যথা চ পঞ্চদ্ৰারিকচিত্তানং আরম্মণং একন্তপচ্চুপ্পন্নমেৰ হোতি. যথা চ মনোদ্ৰারিকচিত্তানং আরম্মণং তেকালিকংৰা কালৰিমুত্তসা মঞ্ঞংৰা হোতি. ন তথা ইমেসন্তি দস্সেতুং পচ্চুপ্পন্নমতীতং পঞ্ঞত্তিভূতংৰাতি ৰুত্তং. যথা চ ছদ্ৰারিকচিত্তানং আরম্মণং আগমসিদ্ধৰোহারযুত্তংপি তব্বোহারৰিনিমুত্তংপি হোতি. ন তথা ইমেসন্তি দস্সেতুং কম্ম কম্ম নিমিত্ত গতিনিমিত্ত সম্মতন্তি ৰুত্তং.

‘‘নাপি নেসং আরম্মণং মরণাসন্নতো পুরিমভাগজৰনানং ৰিয কম্মকম্মনিমিত্তাদিৰসেন আগমসিদ্ধৰোহারৰিনিমুত্তন্তি দস্সেতুং কম্ম.ল. সম্মতন্তি আহা’’তি ৰুত্তং. তংপি ন সুন্দরং.

মরণা সন্নতো পুরিমভাগেপি হি সত্তা অত্তনা কতকম্মংৰা চেতিযাদীনি কম্ম, পকরণানিৰা আরম্মণং করোন্তিযেৰ. তদাপি হি কম্মং কম্মমেৰ, কম্মুপকরণানিচ কম্মনিমিত্তানিযেৰ. কম্ম সিদ্ধিযানিমিত্তং কারণং কম্মনিমিত্তন্তি কত্ৰা. কম্মস্স নিমিত্তং আরম্মণং কম্মনিমিত্তন্তিপি ৰদন্তি. অজাতসত্তুরাজা ৰিযচ সুপিনদস্সনাদিৰসেন গতিনিমিত্তানিপি আরম্মণং করোন্তিযেৰ. রাজা হি দ্ৰীসু ভৰেসু পিতরং মারেতি. মারিতকালতোচ পট্ঠায তস্স নিদ্দাযন্তস্স গতিনিমিত্তানি উপট্ঠহন্তীতি. তত্থ যথাসম্ভৰন্তি তং তং পটিসন্ধাদীনং ছদ্ৰারগহিতাদিৰসেন সম্ভৰন্তস্স আরম্মণস্স অনুরূপতো. যথাসম্ভৰৰিভাগো পন উপরি মরণুপ্পত্তিযং আগমিস্সতি. যেভুয্যেনাতি বাহুল্লেন. ভৰন্তরেতি অতীতানন্তরভৰে তত্থচ মরণাসন্নকালে. ছদ্ৰার গহিতন্তি ছহি দ্ৰারেহি মরণাসন্নজৰনেহি গহিতং. এত্থ চ যেভুয্যেনাতি এতেন ভৰন্তরে ছদ্ৰারগহিতন্তি ইমস্স ৰিধানস্স অনেকংসভাৰং ৰিসেসেতি. কস্মা. অগহিতস্সপি সম্ভৰতো. যঞ্হি অসঞ্ঞিভৰতো চুতানং কম্ম কম্মনিমিত্ত গতিনিমিত্ত সম্মতং ¶ অরূপভৰতো চুতানঞ্চ গতিনিমিত্তসম্মতং কামপটিসন্ধি ভৰঙ্গচুতীনং আরম্মণং. তং ভৰন্তরে কেনচি দ্ৰারেন অগহিত মেৰ হোতীতি. এত্থচ যস্মা পট্ঠানে অরূপভৰে দুৰিধোপি পুরেজাতপচ্চযো পটিসিদ্ধো. অট্ঠকথাসুচ ততো চুতানং কামপটিসন্ধিযা পচ্চুপ্পন্নগতিনিমিত্তারম্মণতাপি ৰুত্তা. গতিনিমিত্তঞ্চ নাম রূপারম্মণমেৰ দীপেন্তি. তস্মা তেসং কামপটিসন্ধিযাপি গতিনিমিত্তসম্মতং ভৰন্তরে কেনচি দ্ৰারেন অগহিতমেৰ হোতীতি ৰেদিতব্বং. অপিচ, মরণাসন্নকালে কম্মবলেন কম্মাদীনং উপট্ঠানংনাম যেভুয্যেন সংমুল়্হমরণেন মরন্তানমেৰ হোতি. ইতরেসং পন পরেসং পযোগবলেনপি অত্তনা পকতিযা সুট্ঠু আসেৰিতানং অনুস্সরণবলেনপি ধম্মিকউপাসকাদীনং ৰিয দেৰলোকতো আগন্ত্ৰা গণ্হন্তানং দেৰানং আনুভাৰেনপি হোতিযেৰ. নিরযপালাপি নিরযতো আগন্ত্ৰা গণ্হন্তিযেৰ. রেৰতিৰিমানঞ্চেত্থ ৰত্তব্বং. তঞ্হি দ্ৰে নিরযপালা গহেত্ৰা পথমং তাৰতিংসাভৰনং নেত্ৰা পচ্ছা নিরযং নযিংসু. তে হি যক্খ জাতিকত্তা ৰেস্সৰণপরিসাৰিয তাৰতিংসা ভৰনংপি গন্তুং সক্কোন্তিযেৰ. যমস্স দূতা দ্ৰে যক্খাতি হি পাল়িযং ৰুত্তং. ৰেস্সৰণদূতা ইধ যমস্স দূতাতি ৰুত্তাতিপি ৰদন্তি. তস্মা যে কসিণাসুভাদীনি সমথনিমিত্তানি সুট্ঠু আসেৰিত্ৰা উপচারজ্ঝানে ঠত্ৰা তানেৰ নিমিত্তানি গহেত্ৰা মরন্তি. তেসংপি কামপটিসন্ধিযা আরম্মণং ভৰন্তরে কেনচি দ্ৰারেন অগহিতমেৰ সিযা. উপচারজ্ঝানবলেনেৰ ব্রহ্মলোকতো ইধউপ্পজ্জন্তানংপি এসেৰনযোতি.

‘‘কেৰলং কম্মবলেনেৰ তেসং অসঞ্ঞিভৰতো চুতানং পটিসন্ধিযা কম্মনিমিত্তাদিকং আরম্মণং উপট্ঠাতী’’তি ৰুত্তং.

তত্থ কম্মনিমিত্তাদিকন্তি এত্থ আদিসদ্দেন কম্মংপি গহেতব্ব মেৰ. ন হি তস্স অগহণে কারণং অত্থীতি. তানি পন সব্বানিপি কেৰলং পটিসন্ধিজনকস্স কম্মস্স আনুভাৰেনেৰ পটিসন্ধিযং উপট্ঠহন্তীতি ¶ ৰেদিতব্বং. অনাগতং পন নিমিত্তং উপট্ঠহমানং গতিনিমিত্তমেৰ সিযা. নচ তস্স ৰিসুং উপট্ঠাতব্বকিচ্চং অত্থি. পচ্চুপ্পন্ন গতিনিমিত্তে সিদ্ধে সিদ্ধমেৰ হোতীতি ৰুত্তং পচ্চুপ্পন্নমতীতং পঞ্ঞত্তি ভূতংৰাতি.

‘‘অনাগতংনাম অতীতং ৰিয অনুভূতঞ্চ ন হোতি. নচ পচ্চুপ্পন্নগতিনিমিত্তং ৰিয আপাতমাগত’’ন্তি কারণং ৰুত্তং. তং অকারণং.

পসঙ্গস্স অনিৰত্তিতত্তা. গতিনিমিত্তঞ্হি নাম পচ্চুপ্পন্নংপি অনুভূতং ন হোতি. তংপি কম্মবলেনেৰ আপাতমাগতং. এৰংসন্তে অনাগতংপি কম্মবলেন আপাতমাগতমেৰ সিযাতি অযং পসঙ্গো পাকতিকোএৰ হোতীতি. তেসূতি যথাৰুত্তেসু আরম্মণিকচিত্তেসু. রূপাদীসু পঞ্চসু একেকং আরম্মণং এতেসন্তি সমাসো. রূপাদীনি পঞ্চ আরম্মণানি এতস্সাতি ৰিগ্গহো. সেসানীতি পঞ্চৰিঞ্ঞাণসম্পটিচ্ছন দ্ৰযতো সেসানি সন্তীরণ মহাৰিপাকানি. সব্বথাপি কামাৰচরা লম্বণানেৰাতি পটিসন্ধাদীহি নানাকিচ্চেহি রূপাদীসু নানারম্মণেসু পৰত্তেন সব্ব পকারেনপি কামাৰচরালম্বণিকানিযেৰ. তানি হি সব্বঞ্ঞুবুদ্ধানং উপ্পন্নানিপি ৰিকপ্পসত্তিরহিতত্তা অৰিজ্জমানে পঞ্ঞত্তিধম্মেচ সুখুমে মহগ্গতধম্মেচ গম্ভীরে লোকুত্তরধম্মেচ আলম্বিতুং ন সক্কোন্তীতি. তত্থ সন্তীরণত্তযং তাৰ সন্তীরণকিচ্চৰসেন রূপাদিপঞ্চালম্বণে পৰত্ততি. তদারম্মণাদিৰসেন পন সব্বানিপি একাদসৰিপাকানি ছসু পরিত্তারম্মণেসু পৰত্তন্তীতি.

‘‘ৰিপাকানি তাৰ সন্তীরণাদিৰসেন রূপাদিপঞ্চালম্বণে’’তি ৰুত্তং. তত্থ সন্তীরণাদিৰসেনাতি নৰত্তব্বং. সন্তীরণৰসেন ইচ্চেৰ ৰত্তব্বন্তি.

যো পনেত্থ চিত্তানং আরম্মণেসু পৰত্তিৰিভাগো ৰত্তব্বো. সো অট্ঠকথাকণ্ডে গহেতব্বো. লোকুত্তরধম্মা অতিগম্ভীরত্তা ¶ ঞাণস্সেৰ ৰিসযভূতাতি ৰুত্তং. অকুসল.ল. লোকুত্তর ৰজ্জিত সব্বা রম্মণানীতি. তত্থ তানি লদ্ধসমাপত্তীনং উপ্পন্নকালেএৰ মহগ্গতারম্মণানি. তেসুচ দ্ৰে দোসমূলচিত্তানি পরিহীনজ্ঝানানি আরব্ভ উপ্পন্নকালেতি দট্ঠব্বং. ঞাণংপি অনধিগতানি লোকুত্তরানি আলম্বিতুং ন সক্কোতীতি ৰুত্তং ঞাণসম্পযুত্ত.ল. ৰজ্জিতসব্বা রম্মণানীতি. তত্থ ঞাণসম্পযুত্তকামকুসলানি পুথুজ্জনানং অজ্ঝানলাভীনং উপ্পন্নকালে পঞ্ঞত্তিযা সহ কামাৰচরারম্মণানি. তানেৰ সোতাপত্তিমগ্গতো পুরে গোত্রভুক্খণে পুথুজ্জনানং নিব্বানারম্মণানি. ঝানলাভীনং তানেৰ অভিঞ্ঞাকুসলঞ্চ মহগ্গতারম্মণানিপি. হেট্ঠিমফলট্ঠানং অত্তনা অধিগত মগ্গফলনিব্বানা রম্মণানিপীতি ৰেদিতব্বানি. যথা চেত্থ অরিযা অত্তনা অধিগত মগ্গফলানিযেৰ আলম্বিতুং সক্কোন্তি. তথা ঝানলাভিনোপি অত্তনা অধিগতজ্ঝানানিএৰ আলম্বিতুং সক্কোন্তীতি ৰেদিতব্বং. এত্থ সিযা-যে চ ঝানানি পত্থেন্তি. ঝানপরিকম্মংপি করোন্তি. যেচ ঝানসুত্তানি সংৰণ্ণেন্তি. তে অলাভিনো মহগ্গতজ্ঝানানি আলম্বিতুং সক্কোন্তি, নসক্কোন্তীতি. ন সক্কোন্তি. তে হি ঝানানিনাম এৰং মহানুভাৰানি এৰং মহানিসংসানীতি সুত্ৰাৰা সুতপরিযত্তিবলেন সিদ্ধে আকার সল্লক্খণঞ্ঞাণে ঠত্ৰা ৰা অনুমানৰসেনেৰ তানি পত্থেন্তি. পরিকম্মংপি করোন্তি. সুত্তানিপি সংৰণ্ণেন্তীতি. ইতরথা পুথুজ্জনাপি লোকুত্তরধম্মে পত্থেন্তি, মগ্গপরিকম্মংপি করোন্তি. মগ্গফল নিব্বানৰচনানিৰিকথেন্তি সংৰণ্ণেন্তীতি তেসংপি তে আরম্মণভূতা এৰ সিযুন্তি. তেসং পন চিত্তানি ঝানাদীনং পঞ্ঞত্তিগুণে এৰ অনুভোন্তীতি ৰেদিতব্বানি. পণীতধম্মানঞ্হি পঞ্ঞত্তিযোপি পণিতরূপাএৰ হোন্তীতি. মহিদ্ধিকো হি পরচিত্তৰিদূ. মারো দেৰ পুত্তোপি রূপজ্ঝানচিত্তং ৰট্টনিস্সিতমেৰ পস্সতি. ৰিৰট্টনিস্সিতং ন পস্সতি. অরূপজ্ঝানচিত্তং পন ৰট্টনিস্সিতংপি নপস্সতীতি অঙ্গুত্তরে নৰনিপাতে অট্ঠকথাযং ৰুত্তং. যে পন অগ্গমগ্গফলানি পটিৰিজ্ঝন্তি. তেসং উপ্পন্নানিঞ্ঞণসম্পযুত্তকামক্রিযজৰনানি ক্রিযাভিঞ্ঞাজৰনঞ্চ পুগ্গলানুরূপং পঞ্ঞত্তিযা সহ চতুব্ভূমকধম্মেসু কিঞ্চি আরম্মণং ¶ কাতুং নসক্কোন্তীতি নত্থি. তথা তেসং পুরেচারি কমনোদ্ৰারাৰজ্জনঞ্চাতি ৰুত্তং ঠাণসম্পযুত্ত.ল. সব্বথাপিসব্বা রম্মণানীতি. তত্থ সব্বথাপীতি সব্বকামাৰচর সব্বমহগ্গত সব্বলোকুত্তর সব্বপঞ্ঞত্তি সব্বপচ্চুপ্পন্নাদি পকারেনপীতিঅত্থো. ইদঞ্চ সব্বঞ্ঞুবুদ্ধানং উপ্পন্নানি সন্ধায ৰুত্তং. ইতরানি পন পচ্চেক বুদ্ধানং উপ্পন্নানিপি পদেসসব্বারম্মণানিএৰ হোন্তি. তানি হি একং পথৰিধাতুংপি সব্বেহি অনৰসেসপকারেহি জানিতুং নসক্কোন্তীতি. আরুপ্পেসু দুতীযচতুত্থানি পথমততীযারুপ্প ৰিঞ্ঞাণা রম্মণত্তা মহগ্গতা রম্মণানি. সেসানীতি অভিঞ্ঞা দ্ৰয দুতীযচতুত্থারুপ্পেহি অৰসেসানি সব্বানিপি একৰীসতিৰিধানি মহগ্গতচিত্তানি কসিণাদি পঞ্ঞত্তারম্মণানীতি অত্থো. পঞ্চৰীসাতি পঞ্চদ্ৰারাৰজ্জন তেৰীসতি কামৰিপাক হসনচিত্তানি সন্ধায ৰুত্তং. পরিত্তম্হীতি কামাৰচরা লম্বণে এৰাতি অত্থো. তঞ্হি অপ্পানুভাৰতো পটিবন্ধকধম্মেহি পরিসমন্ততো দীযতি অৰখণ্ডীযতি নিত্তেজভাৰং পাপীযতীতি পরিত্তন্তি ৰুচ্চতি.

১৩৫. চক্খাদীনং ৰত্থূনং ভেদেন তব্বত্থুকানং চিত্তচেতসি কানং সঙ্গহো ৰত্থুসঙ্গহো.

‘‘ৰত্থুৰিভাগতো তব্বত্থুকচিত্তপরিচ্ছেদৰসেনচ সঙ্গহো ৰত্থুসঙ্গহো’’তি ৰুত্তং. তং ন সুন্দরং.

ৰসন্তিপতিট্ঠহন্তি চিত্তচেতসিকাএতেসূতিৰত্থূনি, চক্খুৰত্থুচ. ল. কাযৰত্থুচহদযৰত্থুচাতিযোজনা. চক্খুমেৰ চক্খুৰত্থু তথা সোতাদীনিযেৰ সোতৰত্থাদীনি. ৰাক্যসঙ্খেপো হেস পাঠো. পেয্যালনযোতিপি অন্তদীপকনযোতিপি ৰত্তুং যুজ্জতি. কেচি পন দ্ৰন্দসমাসং মঞ্ঞন্তি. তেসং চসদ্দো নযুজ্জতি. পরতো ৰত্থুসদ্দো চসদ্দোচ পুব্বপদেসু আনেতব্বোতিপি ৰদন্তি. তেসং হদযৰত্থূতি সমাসপদং নযুজ্জতি. অৰিভত্তিকনিদ্দেসোতিপি অপরে. তানি কামলোকে সব্বানিপি লব্ভন্তীতি কামতণ্হা ধিন কম্মনিব্বত্তানং অত্তভাৰানংএৰ পরিপুণ্ণিন্দ্রিযতা সম্ভৰতো সব্বানিপি ¶ তানি ছ ৰত্থূনি কামলোকেএৰ লব্ভন্তি. তথা হি চক্খাদীসু ৰত্থূসু সন্তেসু এৰরূপাদীনং পরিভোগো সম্পজ্জতি. তস্মা রূপাদীসু কামৰত্থূসু অভিরতা কামতণ্হা সদা চক্খাদীনং পঞ্চন্নং ৰত্থূনংপি সম্পত্তিং পত্থেতিযেৰ. যথাচ সব্বকম্মিকো অমচ্চো সদা রঞ্ঞো ইচ্ছমেৰ পূরযমানো সব্বানি রাজকম্মানি সম্পাদেতি. এৰমেৰ কামাৰচরকম্মংপি সদা কামতণ্হায ইচ্ছমেৰ পূরযমানং পরিপুণ্ণিন্দ্রিযং অত্তভাৰং নিব্বত্তেতি. তস্মা কামতণ্হাধিনকম্মনিব্বত্তা কামসত্তাএৰ পরিপুণ্ণিন্দ্রিযা হোন্তীতি. যথা চ দস্সনসৰনানুত্তরিয ধম্মভূতানি চক্খুসোতানি বুদ্ধদস্সন ধম্মস্সৰনা দিৰসেন সত্তানং ৰিসুদ্ধিযাপি হোন্তি, ন তথা ঘানাদিত্তযং. তং পন কেৰলং কামপরিভোগত্থাযএৰ হোতি. তস্মা তং কামৰিরাগভাৰনা কম্মনিব্বত্তেসু ব্রহ্মত্তভাৰেসু নউপলব্ভতীতি ৰুত্তং রূপলোকে পন ঘানাদিত্তযং নত্থীতি. ইদঞ্চ পসাদরূপত্তযং সন্ধায ৰুত্তং. সসম্ভারঘান জিৰ্হা কায সণ্ঠানানিপন সুট্ঠুপরিপুণ্ণানিএৰ হোন্তীতি. অরূপলোকেপন সব্বানিপি নসংৰিজ্জন্তীতি রূপৰিরাগ ভাৰনা কম্মনিব্বত্তে তস্মিং লোকে অজ্ঝত্তবহিদ্ধাসন্তানেসুপি সব্বেন সব্বং রূপপৰত্তিযাএৰ অভাৰতো. তত্থ নিব্বত্তা হি সত্তা সুদ্ধে আকাসতলেএৰ চিত্তপবন্ধমত্তা হুত্ৰা তিট্ঠন্তীতি. ইমস্মিং সঙ্গহে পন চিত্তানি সত্তৰিঞ্ঞাণ ধাতুৰসেন গহেতুং তত্থ পঞ্চৰিঞ্ঞাণধাতুযোতিআদি ৰুত্তং. তত্থাতি তেসু ছসু ৰত্থূসু. পঞ্চৰিঞ্ঞাণানি এৰ নিসত্তনিজীৰট্ঠেন ধাতুযোতি ৰিগ্গহো. এৰং সেসেসুপি. ৰিজাননকিচ্চাভাৰতো মননমত্তা ধাতূতি মনোধাতু. পঞ্চদ্ৰারে আৰজ্জনমত্ত সম্পটিচ্ছনমত্ত কিচ্চানি হি ৰিসেসজানন কিচ্চানি নহোন্তীতি. পঞ্চৰিঞ্ঞাণানি পন পচ্চক্খতো দস্সনাদিৰসেন থোকং ৰিসেসজাননকিচ্চানি হোন্তি. অৰসেসা পন সন্তীরণাদযো আরম্মণসভাৰ ৰিচারণা দিৰসেন অতিরেক ৰিসিট্ঠজাননকিচ্চযুত্তত্তা ন মনোধাতুযো ৰিয মননমত্তা হোন্তি. নাপি পঞ্চৰিঞ্ঞাণধাতুযোৰিয ৰিজানন মত্তা. অথখো মননট্ঠেন মনোচ তং ৰিজাননট্ঠেন ৰিঞ্ঞাণঞ্চাতি কত্ৰা ¶ মনোৰিঞ্ঞাণধাতুযোনাম. অতিসয ৰিসেসজানন ধাতুযোতি অত্থো. পরিযাযপদানঞ্হি ৰিসেসন সমাসে অতিসযত্থো ৰিঞ্ঞাযতি. যথা পদট্ঠানন্তি.

‘‘মনোযেৰ ৰিঞ্ঞাণং মনোৰিঞ্ঞাণন্তি ৰা. মনসো ৰিঞ্ঞাণং মনোৰিঞ্ঞাণ’’ন্তি ৰা ৰুত্তং. তত্থ মনোযেৰ ৰিঞ্ঞাণন্তি ইদং তাৰ ন যুজ্জতি.

ন হি অঞ্ঞমঞ্ঞং ৰিসেসেত্ৰা অভিরেকট্ঠদীপকে পদট্ঠানন্তিআদিকে ৰিসেসনসমাসে অৰধারণ ৰিগ্গহো কত্থচি দিস্সতি যুজ্জতিচাতি.

[১১১] মনসো ৰিঞ্ঞাণন্তি ইদংপি নযুজ্জতিযেৰ.

মনসোতি হি মনোধাতুত্তিকসঙ্খাতস্স মনস্স. তত্থ সম্পটিচ্ছনদ্ৰযং সন্তীরণাদিকস্স মনোৰিঞ্ঞাণপবন্ধস্স পচ্চযভূতং হোতি. পঞ্চদ্ৰারাৰজ্জনং পন পরতো দ্ৰারন্তরে পৰত্তমানং তস্সেৰ মনোৰিঞ্ঞাণপবন্ধস্স পচ্চযুপ্পন্নভূতং হোতীতিকত্ৰা আদিম্হি পচ্চযভূতস্স চেৰ অন্তে দ্ৰারন্তরে পচ্চযুপ্পন্নভূতস্স চ মনস্স সম্বন্ধিৰিঞ্ঞাণন্তি অত্থো. অথৰা, পঞ্চৰিঞ্ঞাণৰজ্জিতানি সব্বানি ৰিঞ্ঞাণানি মননকিচ্চত্তা মনোনাম. আরম্মণে পন অভিনিপাত মত্তানি পঞ্চৰিঞ্ঞাণানি মননকিচ্চানি নহোন্তীতি দস্সনাদীনি এৰ নাম. পঞ্চদ্ৰারাৰজ্জনঞ্চ মনতো জাতংপি মনস্স পচ্চযো নহোতি. দস্সনাদীনং এৰ পচ্চযো. সম্পটিচ্ছনদ্ৰযঞ্চ মনস্স পচ্চযো হোন্তংপি মনতো জাতং নহোতি. দস্সনাদিতো এৰ জাতং. সন্তীরণাদীনি পন অত্তনো পুরে পচ্ছাপৰত্তানং দ্ৰিন্নং দ্ৰিন্নং মনানং এৰ মজ্ঝে জাতানীতি অত্তনো পচ্চয পচ্চযুপ্পন্নভূতস্স মনস্স সম্বন্ধিৰিঞ্ঞাণন্তি অত্থো. এৰঞ্চ সতি পঞ্চৰিঞ্ঞাণংপি দ্ৰিন্নং মনোধাতূনং অন্তরে পৰত্তত্তা মনসো পচ্চয পচ্চযুপ্পন্নভূতস্স সম্বন্ধিৰিঞ্ঞাণং মনোৰিঞ্ঞাণন্তি ৰত্তব্বমেৰ সিযাতি.

মনতো জাতং ৰিঞ্ঞাণন্তিপি ৰুত্তং. তংপি ৰুত্তনযেন নযুজ্জতিযেৰ.

অৰসেসা পন মনোৰিঞ্ঞাণধাতুসঙ্খাতাচ সন্তীরণ.ল. পন্নরসরূপাৰচরৰসেন তিংসধম্মা হদযং নিস্সাযেৰ পৰত্তন্তীতি যোজনা. চসদ্দো পনেত্থ অৰসেসানং ছসত্ততি ধম্মানং মনোৰিঞ্ঞাণধাতুভাৰং সম্ভাৰেতি.

সম্পিণ্ডনত্থং গহেত্ৰা ‘‘ন কেৰলং মনোধাতুযেৰা’’তি ৰুত্তং. তং ন যুজ্জতি.

এৰঞ্হি সতি অৰসেসাচ মনোৰিঞ্ঞাণধাতুসঙ্খাতাতি ৰুত্তং সিযাতি.

সন্তীরণ.ল. রূপাৰচরৰসেন পৰত্তা, অৰসেসা মনোৰিঞ্ঞাণ ধাতুসঙ্খাতাচ তিংস ধম্মাতি যোজনা. সাপি ন সুন্দরা.

অত্থগতিযা অৰিসদত্তাতি. তত্থ কস্মা তে নিস্সাযেৰ পৰত্তন্তীতি. আরুপ্পেসু অনুপ্পজ্জনতো, কস্মাচ তত্থ নুপ্পজ্জন্তীতি ৰুচ্চতে. সন্তীরণমহাৰিপাকানি তাৰ তত্থ নুপ্পজ্জন্তি পঞ্চন্নং দ্ৰারানং অত্তনো কিচ্চানঞ্চ তত্থ অভাৰতো. পটিঘচিত্তদ্ৰযংপি নুপ্পজ্জতি. অনীৰরণাৰত্থস্স পটিঘস্স অভাৰতো. একন্ত নীৰরণানঞ্চ ঝানভূমীসু অসম্ভৰতো. এত্থ পন যদি অনীৰরণাৰত্থো পটিঘো নত্থি. পাল়িযং দুতীযজ্ঝানেএৰ দোমস্সিন্দ্রিযস্স অপরিসেসনিরোধৰচনং অট্ঠকথাসুচ দুতীযজ্ঝানূপচারে তস্স উপ্পত্তিসম্ভৰৰচনং ৰিরুদ্ধং সিযা. তস্মা অত্তনো সহাযপচ্চয ভূতস্স ওল়ারিকস্স কামরাগস্স ঝানভূমীসু অভাৰতো পটিঘচিত্তদ্ৰযং তত্থ নুপ্পজ্জতীতি যুত্তন্তিপি ৰদন্তি. টীকাকারাপন দুতীযজ্ঝানূপচারে তস্স উপ্পত্তিসম্ভৰ ৰচনং পরিকপ্পৰচনমত্তন্তি কত্ৰা ¶ পুরিমকারণমেৰ ইচ্ছন্তি. যদি পনেতং পরিকপ্পৰচনমত্তং সিযা পাল়িৰচনংপি পরিকপ্পৰচনমত্তমেৰ সিযা. তস্মা পচ্ছিমকা রণমেৰ যুত্তরূপন্তি অম্হাকং খন্তি. হসনচিত্তংপি নুপ্পজ্জতি অরূপীনং হসনকিচ্চস্স অভাৰতো. কাযাভাৰতোতিপি যুজ্জতি. সোতাপত্তিমগ্গচিত্তংপি নুপ্পজ্জতি. পরতোঘোসাভাৰেন তত্থুপ্পন্নস্স পুথুজ্জনস্স ধম্মাভিসমযাভাৰতো বুদ্ধপচ্চেকবুদ্ধানঞ্চ তত্থ অনুপ্পজ্জনতো. তেনেৰ হি তত্থুপ্পন্নো পুথুজ্জনো অট্ঠসু অক্খণযুত্তেসু ৰুত্তোতি. রূপাৰচরচিত্তানিপি তত্থ নুপ্পজ্জন্তি রূপৰিরাগভাৰনায রূপনিমিত্তারম্মণানং তেসং সমতিক্কন্তত্তাতি.

অৰসেসা মনোৰিঞ্ঞাণধাতুসঙ্খাতা কুসলাকুসলক্রিযানুত্তরৰসেন দ্ৰে চত্তালীসধম্মা হদযং নিস্সাযৰা অনিস্সাযৰা পৰত্তন্তীতি যোজনা. নিস্সাযৰা পঞ্চৰোকারে অনিস্সাযৰা চতুৰোকারেতি অধিপ্পাযো. কুসলানিচ অকুসলানিচ ক্রিযানিচ অনুত্তরানিচাতি ৰিগ্গহো. তত্থ কুসলানীতি পঞ্চরূপ কুসলতো অৰসেসানি দ্ৰাদসলোকিযকুসলানি. অকুসলানীতি পটিঘদ্ৰযতো অৰসেসানি দসঅকুসলানি. ক্রিযানীতি পঞ্চদ্ৰারাৰজ্জন হসন পঞ্চরূপক্রিতো অৰসেসানি তেরসক্রিযচিত্তানি. অনুত্তরানীতি পথমমগ্গতো অৰসেসানি সত্তঅনুত্তরচিত্তানি. কামে ছৰত্থুং নিস্সিতা সত্তধাতুযো মতা. রূপে তিৰত্থুং নিস্সিতা চতুব্বিধা ধাতুযো মতা. আরুপ্পে কিঞ্চিৰত্থুং অনিস্সিতা একা ধাতু মতাতি যোজনা. তেচত্তালীসাতি পঞ্চৰিঞ্ঞাণ মনোধাতুত্তিকেহি সদ্ধিং সন্তীরণাদিকে তিংসধম্মে সন্ধায ৰুত্তন্তি.

ইতি পরমত্থদীপনিযানাম অভিধম্মত্থসঙ্গহস্স

চতুত্থৰণ্ণনায পকিণ্ণকসঙ্গহস্স

১৩৬. এৰং ¶ চিত্তপ্পভেদ সঙ্গহো, চেতসিকপ্পভেদ সঙ্গহো, উভযপ্পভেদ সঙ্গহোতি চিত্তচেতসিকানং কযোপভেদ সঙ্গহে দস্সেত্ৰা ইদানি ৰীথিচিত্তপ্পৰত্তিসঙ্গহো ৰীথিমুত্ত চিত্তপ্পৰত্তিসঙ্গহোতি তে সঞ্ঞেৰ দ্ৰে পৰত্তিসঙ্গহে দস্সেতুং চিত্তুপ্পাদানমিচ্চেৰন্তিআদিমাহ. তত্থ উপ্পজ্জন্তীতি উপ্পাদা. তত্থ উপ্পজ্জন্তি. অঞ্ঞস্স অসু তত্তাচিত্তে ইচ্চেৰ লব্ভতি. ইতি চিত্তঞ্চ চিত্তেউপ্পাদাচাতি চিত্তুপ্পাদা. চিত্তচেতসিকাতি ৰুত্তং হোতি. তেসং চিত্তুপ্পাদানং. ইচ্চেৰন্তিআদিতো পট্ঠায ৰুত্তপ্পকারেন. সঙ্গহমুত্তরন্তি জাতিনিদ্দেসো যং. উত্তরে উত্তমে তযো পভেদসঙ্গহে কত্ৰাতি সম্বন্ধো. ভূমিপুগ্গলভেদেনাতি সহত্থে করণৰচনং. কামাৰচরাদিভূমিভেদেন দুহেতুকাদি পুগ্গলভেদেন সদ্ধিন্তি অত্থো. পুব্বাপরনিযামিতন্তি আৰজ্জনাদি চক্খুৰিঞ্ঞাণাদি পুব্ব চিত্তাপরচিত্তানুক্কমেন নিযামিতং ৰৰত্থিতং. পৰত্তিসঙ্গহংনামাতিপি জাতিনিদ্দেসোযেৰ. এৰং নামকে দ্ৰে পৰত্তিসঙ্গহেতি অত্থো. পটিসন্ধিপৰত্তিযন্তি পটিসন্ধিপৰত্তীসু. ৰচনৰিপল্লাসো হেস. পটিসন্ধিকালেপৰত্তিকালেচাতি অত্থো. পটিসন্ধিকালে পৰত্তিসঙ্গহঞ্চ পৰত্তিকালে পৰত্তিসঙ্গহঞ্চাতি দ্ৰে সঙ্গহেপৰত্তি পৰক্খামীতি ৰুত্তং হোতি. অযঞ্চ অত্থো উপরিসঙ্গহে আরব্ভ গাথায পাকটো. কেচি পন নিদ্ধারণে ভুম্মন্তি ৰদন্তি. এৰংসতি উপরি সঙ্গহো পটিসন্ধিসঙ্গহোনাম সিযা. ন পৰত্তি সঙ্গহো নাম. এৰঞ্চ সতি উপরি ৰীথিমুত্তসঙ্গহে আরব্ভ গাথাযং সন্ধিযং পৰত্তিসঙ্গহোনাম ইদানি ৰুচ্চতীতি ইমিনা ন সমেতি.

‘‘উত্তরং ৰেদনাসঙ্গহাদিৰিভাগতো উত্তম’’ন্তি ৰুত্তং. তং ৰিচারেতব্বং.

এৰঞ্হি ¶ সতি পকিণ্ণকসঙ্গহোৰ ইধ সঙ্গহসদ্দেন গহিতো সিযাতি. যস্মাপন তিণ্ণং দ্ৰিন্নঞ্চ পভেদসঙ্গহানং মজ্ঝে ঠত্ৰা অযং অনুসন্ধিগাথা পৰত্তা. তস্মা পুব্বে তযোপি পভেদসঙ্গহা ইধ সঙ্গহসদ্দেন গহেতুং যুত্তাতি দট্ঠব্বা. অযং পন পৰত্তিসঙ্গহো ৰত্থুদ্ৰারালম্বণেহি সদ্ধিং যোজেত্ৰা ৰুত্তো সুৰুত্তোতি তানি তীণি ছক্কানিপি পুন ইধ নিক্খিত্তানি.

‘‘ৰত্থুদ্ৰারালম্বণ সঙ্গহা হেট্ঠা কথিতাপি পরিপুণ্ণং কত্ৰা পৰত্তিসঙ্গহং দস্সেতুং পুন নিক্খিত্তা’’তি ৰুত্তং. তং ন সুন্দরং.

ন হি সকলা ৰত্থুদ্ৰারালম্বণসঙ্গহা ইধ নিক্খিত্তাতি. ৰিসযানং দ্ৰারেসু পৰত্তি ৰিসযপৰত্তি. এত্থচ পৰত্তীতি আপাতাগমনমেৰ ৰুচ্চতি. ৰক্খতি হি একচিত্তক্খণা তীতানিৰাতিআদিং. সা পন কাচি সীঘতমা, কাচি সীঘতরা, সীঘা, দন্ধা, দন্ধতরা, দন্ধতমাতি ছধা হোতীতি. কম্মাদীনং ৰিসযানং দ্ৰারেসু পৰত্তি পচ্চুপট্ঠানং আপাতাগমনং ৰিসযপ্পৰত্তি. ৰক্খতি হি কম্মংৰা কম্মনিমিত্তংৰা গতিনিমিত্তংৰা কম্মবলেন ছন্নং দ্ৰারানং অঞ্ঞতরস্মিং পচ্চুপট্ঠাতীতি.

‘‘ৰিসযেসুচ চিত্তানং পৰত্তি ৰিসযপ্পৰত্তী’’তিপি ৰুত্তং. তং ন সুন্দরং.

এৰঞ্হি সতি অতিপরিত্তারম্মণে ৰিসযপ্পৰত্তিনাম অনুপপন্না আপজ্জতীতি. তত্থাতি তেসু ছক্কেসু. ধাতুভেদং পত্ৰাধাতুনানত্তং পমাণন্তি মননং ৰিজাননতো ৰিসুং কত্ৰা মনোধাতু ৰিসুং ৰুত্তা. ৰিঞ্ঞাণভেদং পত্ৰা পন যংকিঞ্চি মননং ৰিজাননে অন্তো গধমেৰাতি ৰুত্তং চক্খুৰিঞ্ঞাণং.ল. ছৰিঞ্ঞাণানীতি ছৰীথিযো পন দ্ৰারপ্পৰত্তা চিত্তপৰত্তিযো যোজেতব্বাতি সম্বন্ধো. চক্খুদ্ৰারে পৰত্তা ৰীথি চক্খুদ্ৰারৰীথি. চক্খুদ্ৰারৰিকারং পটিচ্চ পৰত্তো ¶ চিত্তপ্পবন্ধোতি অত্থো. এৰং সেসেসু. অসাধারণেন চক্খুৰিঞ্ঞাণেন উপলক্খিতা ৰীথি চক্খুৰিঞ্ঞাণৰীথি. সুদ্ধো পন মনোৰিঞ্ঞাণপবন্ধো মনোৰিঞ্ঞাণৰীথি.

‘‘চক্খুৰিঞ্ঞাণসম্বন্ধিনী ৰীথি তেন সহ একারম্মণ এক দ্ৰারিকতায সহ চরণভাৰতো চক্খুৰিঞ্ঞাণ ৰীথী’’তি ৰুত্তং.

দ্ৰারপ্পৰত্তাতি দ্ৰারে উপ্পন্না. তং তং দ্ৰারৰিকারং পটিচ্চ উপ্পন্নাতি অত্থো. চিত্তপ্পৰত্তিযোতি চিত্তপবন্ধা. অতিমহন্তন্তি সামি অত্থে পচ্চত্তৰচনং. অতিমহন্তস্স পঞ্চালম্বণস্স পৰত্তি.ল. অতিপরিত্তস্স পঞ্চালম্বণস্স পৰত্তিচাতি পঞ্চদ্ৰারে চতুধা. মনোদ্ৰারে পন ৰিভূতস্স ছল়ারম্মণস্স পৰত্তি অৰিভূতস্স ছল়ারম্মণস্স পৰত্তিচাতি দ্ৰিধাতি ছধাৰিসযপ্পৰত্তি ৰেদিতব্বাতি যোজনা. অতিমহন্তাদিভাৰো চেত্থ আলোকাদি পচ্চয ৰসেনৰা ৰত্থু অতিমহন্তাদিৰসেনৰা ৰেদিতব্বো. তত্থ সণ্হসুখুমংপি দূরংপি রূপাদীনং অধিট্ঠানৰত্থুনাম আলোকাদি পচ্চয সম্পত্তিযা সতি অতিমহন্তমেৰ. তথা হি বুদ্ধস্স ভগৰতো পথমাতি নীহারকালাদীসু লোক ৰিৰরণ পাটিহারিযপৰত্তি কালে অৰীচিনিরযেপি অকনিট্ঠেপি পরচক্কৰাল়েসুপি সণ্হসুখুমানিচ দূরানিচ রূপানি ইধ ঠিতাৰ পস্সন্তি. তদা হি উল়ারো ওভাসো পাতুরহোসি. তস্স ৰসেন সব্বেপি পথৰিসিনেরু চক্কৰাল় সিলুচ্চযাদযো জাতিফলিকক্খন্ধা ৰিয সম্পজ্জন্তি. মহন্তো উল়ারো ওভাসো পাতুরহোসি অতিকম্মদেৰানং দেৰানুভাৰন্তি হি ৰুত্তং. উপপত্তিদেৰব্রহ্মাদীনং পন পসাদনিস্সযভূতানং ওভাসজাততাযপি পথৰিপব্বতাদযো চক্খুরূপাদীনং অন্তরং কাতুং নসক্কোন্তীতি. তথা দূরেপি পব্বতাদিরূপানি ৰত্থু অতিমহন্ততায চন্দসূরিয তারকাদি রূপানি ৰিসয ৰত্থু মহন্ততায ওভাস জাততায চ অতি মহন্তানি নাম হোন্তীতি. আলোকাদিপচ্চযানং পন অধিট্ঠানৰত্থূনঞ্চ দুব্বল দুব্বলতর ¶ দুব্বলতমানুক্কমেন মহন্তাদিভাৰো ৰত্তব্বোতি. যানি পন পঞ্চালম্বণানি একচিত্তক্খণং অতিক্কম্ম আপাতং আগচ্ছন্তি, তানি অতিমহন্তারম্মণানিনাম. যানি দ্ৰত্তিচিত্তক্খণানি অতিক্কম্ম, তানি মহন্তারম্মণানি. যানি চতু পঞ্চ ছ সত্ত অট্ঠ নৰ চিত্তক্খণানি অতিক্কম্ম, তানি পরিত্তারম্মণানি. যানিপন দসেকাদসদ্ৰাদস তেরস চুদ্দস পন্নরস চিত্তক্খণানি অতিক্কম্ম আপাতং আগচ্ছন্তি. তানি অতিপরিত্তা রম্মণানীতি. পক্খতিচ একচিত্তক্খণাতীতানিৰাতিআদি. ৰিভূতস্সাতি পাকটস্স, অৰিভূতস্সাতি অপাকটস্স. এৰং ছছক্কানি সরূপতো নিদ্দিসিত্ৰা ইদানি তানি সব্বানি একতো যোজেত্ৰা ৰীথিচিত্তপ্পৰত্তিং ৰিত্থারেন্তো কথন্তি পুচ্ছিত্ৰা রূপারূপানং তাৰ অদ্ধানপরিচ্ছেদং দস্সেতুং উপ্পাদট্ঠিতীতিআদি মাহ. তত্থ কথন্তি কেন পকারেন ৰীথিচিত্তপ্পৰত্তি হোতীতি অত্থো.

‘‘কথন্তি কেন পকারেন অতিমহন্তাদিৰসেন ৰিসয ৰৰত্থানং হোতীতি পুচ্ছিত্ৰা চিত্তক্খণৰসেন তং পকাসেতুং উপ্পাদট্ঠিতীতিআদি আরদ্ধ’’ন্তি ৰুত্তং. তং যুত্তং ৰিয ন দিস্সতি.

এৰঞ্হি সতিআদিতো পঞ্চন্নং ছক্কানং ওকাসোনাম নসিযা. নচ উপ্পাদট্ঠিতি.ল. রূপধম্মানমাযূতি ইদং ৰিসয ৰৰত্থানত্থমেৰ ৰুত্তন্তি সক্কা ৰিঞ্ঞাতুন্তি. উপ্পজ্জনং উপ্পাদো. সভাৰ পটিলাভোতি অত্থো. ঠানং ঠিতি. যথালদ্ধসভাৰস্স অনিৰত্তীতি অত্থো. ভঞ্জনং ভঙ্গো. তস্স পরিহাযিত্ৰা অন্তরধানন্তি অত্থো. একচিত্তক্খণংনামাতি একস্স চিত্তস্স খণোনাম. সো পন খণো অচ্ছরাসঙ্ঘাটক্খণস্স অক্খিনিম্মিলনক্খণস্সচ অনেককোটি সতসহস্সভাগো দট্ঠব্বো. অচ্ছরাসঙ্ঘাটক্খণে অনেককোটিসতসহস্সসঙ্খা ৰেদনা উপ্পজ্জন্তীতি হি অট্ঠকথাযং ৰুত্তং. আচরিযানন্দত্থেরমতেন পনেত্থ উপ্পাদভঙ্গ ৰসেনখণদ্ৰযং একচিত্তক্খণংনামাতি ৰত্তব্বং. যথা হি লোকে ¶ ৰিজ্জুনাম ৰদ্ধনানন্তরমেৰ ভিজ্জতি. ন পনস্সা ৰদ্ধনস্স ভিজ্জনস্সচ অন্তরা ঠিতিনাম ৰিসুং পঞ্ঞাযতি. যথা চ উদ্ধং উজুং খিত্তং লেড্ডু উপ্পতিত্ৰা পততি. ন পন উপ্পতনস্স পতনস্স চ অন্তরা ঠিতিনাম ৰিসুং দিস্সতি. তথা চিত্তংপি. তংপি হি উদয ভাগানন্তরমেৰ ৰযভাগে পততি. ন পনস্স রূপধম্মানং ৰিয তেসং দ্ৰিন্নং ভাগানং মজ্ঝে ৰিসুং একো গণনূপগো ঠিতিভাগোনাম উপলব্ভতি. এৰঞ্চ কত্ৰা যমকেসু চিত্তস্স উপ্পাদভঙ্গাৰ তত্থ তত্থ ৰুত্তা. ৰিসেসতো পন চিত্তযমকে উপ্পন্নং উপ্পজ্জমানন্তি. ভঙ্গক্খণে উপ্পন্নং. নো চ উপ্পজ্জমানং. উপ্পাদক্খণে উপ্পন্নঞ্চেৰ উপ্পজ্জমানঞ্চাতিআদিনা ভঙ্গুপ্পাদাৰ চিত্তস্স ৰুত্তা. কথাৰত্থুম্হিচ একং চিত্তং দিৰসং তিট্ঠতীতি আমন্তা. উপদ্ধদিৰসো উপ্পাদক্খণো. উপদ্ধদিৰসো ৰযক্খণোতি. ন হেৰং ৰত্তব্বে. একং চিত্তং দ্ৰে দিৰসে তিট্ঠতীতি আমন্তা. একো দিৰসো উপ্পাদক্খণো. একো দিৰসো ৰযক্খণোতি নহেৰং ৰত্তব্বে. একং চিত্তং চত্তারো দিৰসে তিট্ঠতীতি আমন্তা. দ্ৰে দিৰসা উপ্পাদক্খণো. দ্ৰে দিৰসা ৰযক্খণোতি ন হেৰং ৰত্তব্বে.ল. মাসং. দ্ৰে মাসে. চত্তারোমাসে.ল. সংৰচ্ছরং, দ্ৰে সংৰচ্ছরানি. চত্তারি সংৰচ্ছরানি.ল. কপ্পং. দ্ৰে কপ্পে. চত্তারো কপ্পেতিআদিনা দ্ৰে উপ্পাদৰযভাগাৰ চিত্তস্স ৰুত্তা. ন ঠিতিভাগো. যদি সো ৰিসুং উপলব্ভেয্য. একং চিত্তং দিৰসং তিট্ঠতীতি আমন্তা. দিৰসস্স পথমো ভাগো উপ্পাদক্খণো. দুতীযো ঠিতিক্খণো. ততীযো ৰযক্খণোতি এৰং মহাথেরেন ৰিচারিতো সিযা. তযো দিৰসে তযো মাসে তীণি সংৰচ্ছরানি তযো কপ্পেতি ইমানিপি অৰজ্জে তব্বানিএৰ সিযুন্তি. এত্থ সিযা, ননু সুত্তন্তেসু তীণি মানি ভিক্খৰে সঙ্খতস্স সঙ্খত লক্খণানি. কতমানিতীণি, উপ্পাদো পঞ্ঞাযতি. ৰযো পঞ্ঞাযতি. ঠিতস্স অঞ্ঞথত্তং পঞ্ঞাযতীতি ৰুত্তং. তথা ৰেদনায উপ্পাদো পঞ্ঞাযতি. ৰযো পঞ্ঞাযতি. ঠিতায অঞ্ঞথত্তং পঞ্ঞাযতি. সঞ্ঞায. সঙ্খারানং. ৰিঞ্ঞাণস্স উপ্পাদো.ল. পঞ্ঞাযতীতি ৰুত্তং. তস্মা চিত্তস্স ততীযো ঠিতিভাগো ৰিসুং উপলব্ভতি যেৰাতি.ন. পবন্ধঠিতিযা এৰ তত্থ ¶ ৰুত্তত্তাতি. কথং ৰিঞ্ঞাযতীতি চে, উপ্পাদৰযে পথমং ৰত্ৰা পচ্ছা পুন ৰিসুং ঠিতস্স অঞ্ঞথত্থং পঞ্ঞাযতীতি ইমস্স ৰুত্তত্তাতি. ইতরথা উপ্পাদো পঞ্ঞাযতি. ঠিতস্স অঞ্ঞথত্তং পঞ্ঞাযতি. ৰযো পঞ্ঞাযতীতি ৰুত্তং সিযাতি. ননু পবন্ধঠিতি নাম পঞ্ঞত্তি হোতি. সাচ অসঙ্খতা, সুত্তন্তানিচ সঙ্খত লক্খণ ৰিসযানি. তস্মা সা পবন্ধট্ঠিতি তত্থ ৰুত্তাতি নসক্কা ৰিঞ্ঞাতুন্তি চে. ন ন সক্কা. অভিধম্মেপি সঙ্খতধম্মনিদ্দেসেসু সমূহ সণ্ঠান সন্ততি পঞ্ঞত্তীহিপি নিদ্দেসস্স দিট্ঠত্তা. তথা হি রূপাযতননিদ্দেসাদীসু দীঘং রস্সং সণ্হং থুলং ৰট্টং পরিমণ্ডলং চতুরস্সং ছল়ংসং অট্ঠংসং সোল়সংসং নিন্নং থলন্তিআদিনা, ৰিভঙ্গে চ কেসা লোমা নখা দন্তাতিআদিনা পঞ্ঞত্তিসিসেন সঙ্খতধম্মা নিদ্দিট্ঠাতি. সুত্তন্তেসু ৰত্তব্বমেৰ নত্থি. ঈদিসেসু হি ঠানেসু পঞ্ঞত্তিৰসেন পৰত্তাপি দেসনা সঙ্খতধম্মমেৰ আহচ্চ তিট্ঠতি. তস্মা যথা উপ্পাদভঙ্গানং পচ্চেকং একেকো খণো চিত্তস্স লব্ভতি. ন তথা ঠিতিযাতি. অযং আচরিযানন্দত্থে রস্স অধিপ্পাযো. অযঞ্চ ৰাদো সংযুত্তট্ঠকথাযং এৰ আগতো. সোচ সঙ্গহকারেন পটিক্খিত্তো. ৰুত্তঞ্হি তত্থ, অপরে পন ৰদন্তি. অরূপধম্মানং জরাখণোনাম নসক্কা পঞ্ঞপেতুং. সম্মা সম্বুদ্ধোচ ৰেদনায উপ্পাদো পঞ্ঞাযতি. ৰযো পঞ্ঞাযতি. ঠিতায অঞ্ঞথত্থং পঞ্ঞাযতীতি ৰদন্তো অরূপধম্মানংপি তীণি লক্খণানি পঞ্ঞপেতি. ভানিঅত্থিক্খণং উপাদায লব্ভন্তীতি ৰত্ৰা –

অত্থিতা সব্বধম্মানং, ঠিতিনাম পৰুচ্চতি;

তস্সেৰ ভেদো মরণং; সব্বদা সব্বপাণিনন্তি.

ইমায আচরিযগাথায তমত্থং সাধেন্তি. অথৰা, সন্ততিৰসেন ঠানং ৰেদিতব্বন্তিচ ৰদন্তি. ইমস্মিং পন সুত্তে অযং ৰিসেসো নত্থি. তস্মা আচরিযগাথায সুত্তং অপ্পটিবাহেত্ৰা সুত্তমেৰ পমাণং কাতব্বন্তি. তত্থ জরাখণোনাম উপ্পাদক্খণভঙ্গক্খণানং মজ্ঝে ৰিসুং জরায খেত্তভূতো ঠীতিক্খণো ৰুচ্চতি. অঞ্ঞথত্তন্তি জরাএৰ. অত্থিক্খণন্তি খণদ্ৰযমেৰ. পটিক্খিত্তোপি পন অযং ৰাদো কথাৰত্থু পাল়িযা সদ্ধিং সুট্ঠু সমেতিযেৰ. ¶ অপিচ, উদ্ধং উপ্পতিতস্স লেট্টুস্স উপ্পতননিৰত্তি ৰিয যা চিত্তস্স উদযসঙ্খাতস্স ৰড্ঢনস্স নিৰত্তিনাম অত্থি. ন হি উদযে অনিৰত্তন্তে ৰযোনাম সম্ভৰতিতী. সা এৰ উদয পরিযন্তমত্তভূতা ইধ ঠিতিপরিযাযোতি সক্কা ৰত্তুং. সো পন ৰিসুং গণনূপগো একো খণোনাম নহোতীতি কত্ৰা অভিধম্মে দ্ৰেএৰ খণা চিত্তস্স ৰুত্তা. উদযভাগস্স পন আদি কোটিং ৰযভাগস্সঅন্তকোটিঞ্চ থপেত্ৰা মজ্ঝেভাগদ্ৰযনিস্সিতা পরিপচ্চন লক্খণা জরানাম অরূপধম্মানংপি লব্ভতিযেৰ. তং সন্ধায ধাতুকথাযং জরাদ্ৰীহিখন্ধেহিসঙ্গহিতাতিৰুত্তন্তি দট্ঠব্বং.

‘‘উপ্পাদভঙ্গাৰত্থাহি ভিন্না ভঙ্গাভিমুখাৰত্থাপি ইচ্ছিতব্বা. সা ঠিতিনামা’’তি ৰুত্তং. তং কথাৰত্থুপাল়িযা সহ ন সমেতি.

উপদ্ধদিৰসো উপ্পাদক্খণো. উপদ্ধদিৰসো ৰযক্খণো. পথমো দিৰসো উপ্পাদক্খণো. দুতীযো ৰযক্খণোতি হি ৰিচারেন্তেন উপ্পাদভঙ্গাৰত্থা হি ভিন্না ততীযা অৰত্থা তস্সং পাল়িযং পটিক্খিত্তাযেৰ হোতীতি.

‘‘পাল়িযং পন ৰেনেয্যজ্ঝাসযা নুরোমতো নযদস্সনৰসেন সা ন ৰুত্তা. অতিধম্মদেসনাপি হি কদাচি ৰেনেয্যজ্ঝাসযানুরোধেন পৰত্ততি. যথা, রূপস্স উপ্পাদো উপচযো সন্ততীতি দ্ৰিধা ভিন্দিত্ৰা দেসিতো’’তি ৰুত্তং. তংপি পটিক্খিত্তং হোতি. ৰিভাগারহস্স হি ধম্মস্স ৰিভাগকরণংনাম ৰেনেয্যৰসেনাতিপি ধম্মৰসেনাতিপি যুজ্জতি. ৰিজ্জমানে সতি ৰিসুং কত্ৰা ৰত্তব্বস্স অভিধম্মে অৰচনং পন ৰেনেয্যৰসেনাতি ন যুত্তমেতন্তি.

‘‘সুত্তেচ তীণি মানি ভিক্খৰে সঙ্খতস্স সঙ্খতলক্খণানি. কতমানি তীণি. উপ্পাদো পঞ্ঞাযতি. ৰযো পঞ্ঞা যতি. ¶ ঠিতস্স অঞ্ঞথত্তং পঞ্ঞাযতীতি এৰং সঙ্খতধম্মস্সেৰ লক্খণদস্সনত্থং উপ্পাদাদীনং ৰুত্তত্তা নসক্কা পবন্ধস্স পঞ্ঞত্তিসভাৰস্স অসঙ্খতস্স ঠিতি তত্থ ৰুত্তাতি ৰিঞ্ঞাতু’’ন্তি ৰুত্তং. তংপি ন গহেতব্বং.

অভিধম্মেপি হেট্ঠা ৰুত্তনযেন পঞ্ঞত্তিসীসেন সঙ্খতধম্মানং নিদ্দেসস্স দিট্ঠত্তাতি.

‘‘উপসগ্গস্সচ ধাত্ৰত্থেযেৰ পৰত্তনতো পঞ্ঞাযতীতি এতস্স ৰিঞ্ঞাযতীতি অত্থো’’তি ৰুত্তং. তংপি ন যুত্তং.

যথানুলোমসাসনঞ্হি সুত্তং. তস্মা তত্থ ৰিনেয্যানং সুট্ঠু পঞ্ঞাযনমেৰ অধিপ্পেতন্তি. অরূপং অরূপিসভাৰত্তা লহুপরিণামং. রূপং পন রূপিধম্মত্তাযেৰ দন্ধপরিণামন্তি ৰুত্তং তানিপন.ল. রূপধম্মান মাযূতি.

‘‘গাহকগহেতব্ব ভাৰস্স তংতং খণৰসেন নিপ্পজ্জনতো’’তি কারণং ৰুত্তং. তং অকারণং.

ন হি গাহকং অরূপং গহেতব্বঞ্চ রূপং গহণসম্পজ্জনত্থং লহুং পরিণমতি গরুং পরিণপতীতি সক্কা ৰত্তুন্তি. তানি তাদিসানি সত্তরসন্নং চিত্তানং খণানি সত্তরসৰা তানি চিত্তক্খণানি রূপ ধম্মানমাযূতি যোজনা. সত্তরস চিত্তক্খণসমপমাণানি খণানি ৰিঞ্ঞত্তি রূপলক্খণ রূপৰজ্জানং রূপধম্মানং আযুনামাতি ৰুত্তং হোতি. খণমত্ততো পন অট্ঠকথানযেন একপঞ্ঞাসখণানি হোন্তি, মূলটীকানযেন দ্ৰত্তিংসখণানি. তত্থচ আদিম্হি দ্ৰে খণানি রূপধম্মানং একং উপ্পাদক্খণমেৰ. অন্তে দ্ৰে একং ভঙ্গক্খণমেৰ. মজ্ঝে অট্ঠৰীস খণানি তেসং একং ঠিতিক্খণমেৰাতি দট্ঠব্বং. ন হি দন্ধপরিণতানং রূপানং উপ্পাদভঙ্গাপি চিত্তস্স ৰিয লহুকা ভৰিতুং অরহন্তীতি. তত্থ ৰিঞ্ঞত্তিদ্ৰযং একচিত্তক্খণিকং. উপচযসন্ততিযো উপ্পাদমত্তা অনিচ্চতা ভঙ্গমত্তা. জরতা রূপ ধম্মানং ঠিতিক্খণমত্তাতি দট্ঠব্বা. মূলটীকানযেন পনেত্থ তানি পন ¶ সোল়সচিত্তক্খণানি রূপধম্মানমাযূতি ৰত্তব্বং. টীকাচরিযো হি পটিচ্চসমুপ্পাদৰিভঙ্গে আগতং মহাট্ঠকথাৰচনং পতিট্ঠপেন্তো সোল়সচিত্তক্খণাযুকভাৰং সম্ভাৰেতি, এৰং সন্তেপি খন্ধ ৰিভঙ্গেযেৰ তাৰ রূপানং উপ্পাদনিরোধৰিধানস্স মহাঅট্ঠকথা ৰাদস্স যমকপাল়িৰিরোধং দস্সেত্ৰা সঙ্গহকারেন পটিসিদ্ধত্তা ন সক্কা তং পতিট্ঠপেতুন্তি. তস্মিং ৰাদে হি পটিসিদ্ধে তত্থ আগতা সোল়সাযুকতাৰা অতিরেকসোল়সাযুকতাৰা পটিসিদ্ধাযেৰ হোতীতি.

তং টীকানযং তযিদমসারন্তি পটিক্খিপিত্ৰা তদত্থং সা ধেন্তেন ‘‘পটিসন্ধিচিত্তেন সহুপ্পন্নং রূপং ততো পট্ঠায সত্তরসমেন সদ্ধিং নিরুজ্ঝতি. পটিসন্ধিচিত্তস্স ঠিতিক্খণে উপ্পন্নং রূপং অট্ঠারসমস্স উপ্পাদক্খণে নিরুজ্ঝতীতিআদিনা অট্ঠকথাযমেৰ সত্তরসচিত্তক্খণস্স আগতত্তা’’তি কারণং ৰুত্তং. তং ন সুন্দরং.

যঞ্হি সঙ্গহকারস্স সত্তরসাযুকৰচনং টীকাকারেন ৰিচারিতং. তদেৰ দস্সেত্ৰা টীকানযো পটিক্খিত্তোতি ন যুত্তমে তন্তি. একচিত্তস্স খণং ৰিয খণং একচিত্তক্খণং. অত্থতো অভিন্নংপি হি খণং ইদং চিত্তস্স ইদং রূপানন্তি কপ্পনাৰসেন ভিন্নং ৰিয কত্ৰা উপচরীযতীতি. একচিত্তক্খণং অতীতং এতেসন্তি একচিত্তক্খণাতীতানি. অতিমহন্তভূতানি পঞ্চারম্মণানি.

‘‘এতানিৰা তং অতীতানীতি একচিত্তক্খণাতী কানী’’তিপি ৰুত্তং. তং ন সুন্দরং.

ন হি নিরুদ্ধধম্মৰিসযো অতীতসদ্দো কিঞ্চি অতিক্কমিত্ৰা উদ্ধং আগতানি পচ্চুপ্পন্নরূপানি দীপেতীতি সক্কা ৰত্তুন্তি. বহূনি চিত্তক্খণানি অতীতানি এতেসন্তি বহুচিত্তক্খণাতীতানি. মহন্তাদি ভূতানি পঞ্চারম্মণানি. রূপধম্মানং পন রূপধম্মেস্ৰেৰ আপাতাগমনে থোকং বলৰন্ততা ইচ্ছিতব্বা. তেচ ঠিতিক্খণেযেৰ পরিপুণ্ণপচ্চযুপলদ্ধা ¶ হুত্ৰা বলৰন্তা হোন্তীতি ৰুত্তং ঠিতিপত্তানেৰাতি. এৰসদ্দেন টীকাকারস্স ৰাদং নীৰারেতি. সো হি উপ্পজ্জমানমেৰ রূপং পসাদে ঘট্টেতীতি ইচ্ছতীতি. পঞ্চালম্বণানি পঞ্চদ্ৰারে আপাতমাগচ্ছন্তীতি এত্থ রূপসদ্দারম্মণানি অসম্পত্ত ৰসেন ইতরানিচ সম্পত্তৰসেন গোচরভাৰং উপগচ্ছন্তি. অযঞ্চ ৰিসেসোঘট্টনৰিসেসেন ৰেদিতব্বো. পুরিমানিহি দ্ৰে নিমিত্তৰসেনেৰ ঘট্টেন্তি. ন ৰত্থুৰসেন. পচ্ছিমানি পন তীণিৰত্থুৰসেন ঘট্টেন্তি. ন নিমিত্তমত্তৰসেন নিমিত্তঘট্টনঞ্চনাম অসম্পত্তানঞ্ঞেৰ ন সম্পত্তানং. ৰত্থুঘট্টনং পন সম্পত্তানঞ্ঞেৰ. নো অসম্পত্তা হোতি. নন্তি. যথা হি তীরে গচ্ছন্তানংসরীরনিমিত্তানি পোক্খরণি যাউদকে দিস্সন্তি. তস্মিং উদকে ওরোহন্তানং পন তানি তত্থ ন দিস্সন্তি. এৰমেৰ সম্পত্তানি রূপসদ্দারম্মণানি নঘট্টেন্তি. কস্মা, ৰিসযৰিসযীনং মজ্ঝে আলোকস্স আকাসস্সচ অভাৰেন নিমিত্তোকাসস্স অভাৰতো. অসম্পত্তানিযেৰ পন অত্তনো নিমিত্তুপট্ঠাপনৰসেন ঘট্টেন্তি. কস্মা, নিমিত্তোকাসস্স লদ্ধত্তা. ইতরানি পন তীণি যথাজাতৰত্থুৰসেনেৰ ঘট্টেন্তি. তস্মা তানি সম্পত্তানিযেৰ ঘট্টেন্তি. নো অসম্পত্তানীতি. তত্থ যানি অসম্পত্তানিযেৰ হুত্ৰা ঘট্টেন্তি. তানি সযং দূরে ঠত্ৰা নিমিত্ত অপ্পনাৰসেন ঘট্টিতত্তা একেকস্মিং পসাদে চন্দমণ্ডল সূরিয মণ্ডলাদিৰসেন অসনিসদ্দমণ্ডল মেণ্ডসদ্দমণ্ডলাদিৰসেন চ মহন্তানিপি বহূনিপি আপাতমাগচ্ছন্তিযেৰ. ইতরানি পন তীণি সম্পত্তানিযেৰ ঘট্টেন্তীতি একেকস্মিং পসাদে একেকমেৰ আপাতমাগচ্ছন্তীতি দট্ঠব্বং. ইদঞ্চ পঞ্চদ্ৰারৰসেন ৰুত্তং. মনো দ্ৰারে পন সব্বানিপি আরম্মণানি অসম্পত্তানিযেৰ আপাতমাগচ্ছন্তীতি. এত্থচ পঞ্চদ্ৰারেতি ইদং অসাধারণ দ্ৰারদস্সনৰসেন ৰুত্তং. তানি পন পঞ্চালম্বণানি যদাসকসকদ্ৰারে ঘট্টেন্তি. তদা মনোদ্ৰারেপি অপাত মাগচ্ছন্তিযেৰ. একেকং আরম্মণং দ্ৰীসু দ্ৰীসু দ্ৰারেসু অপাত মাগচ্ছতীতি হি অট্ঠকথাযং ৰুত্তং. তস্মা যদা চন্দংৰা সূরিযংৰা পব্বতংৰা রুক্খংৰা যংকিঞ্চিৰা পস্সন্তি. তদা একেকস্মিং চক্খুপসাদে একেকানি মনোদ্ৰারে একন্তি অনেকানি ¶ চন্দমণ্ডলাদীনি একক্খণে উপট্ঠহন্তি, এৰং সেসারম্মণে সূতি দট্ঠব্বং. অপাতাগমনঞ্চেত্থ লঞ্ছকানং তালপণ্ণে লঞ্ছনখন্ধং থপেত্ৰা মুগ্গরেন পহরণকালে লঞ্ছনখন্ধস্স তালপণ্ণে আপাতেত্ৰা অক্খরুপট্ঠাপনং ৰিয দট্ঠব্বং. যতো দ্ৰারানং ৰিকারপ্পত্তি হোতীতি.

‘‘আভোগানুরূপং অনেককলাপগতানি আপাতং আগচ্ছন্তী’’তি ৰুত্তং. তত্থ আভোগানুরূপন্তি ইদং ৰিচারেতব্বং.

যত্তকানি হি পঞ্চালম্বণানি চক্খাদিপথে আলোকাদি সহিতানি হুত্ৰা ঠিতানি হোন্তি. তত্তকানি সব্বানি নিদ্দাযন্তস্সপি ৰিসঞ্ঞি ভূতস্সপি অঞ্ঞৰিহিতস্সপি যংকিঞ্চি ঝানংৰা ফলংৰা নিরোধংৰা সমাপজ্জন্তস্সপি আভোগেন ৰিনা অত্তনো দ্ৰারেসু আপাতমাগচ্ছন্তিযেৰ. নকেৰলং অত্তনোদ্ৰারেসু এৰ. অথখো মনোদ্ৰারেপি. নকেৰলং ভৰঙ্গমনোদ্ৰারেএৰ. আৰজ্জনাদীসু পন চতুব্ভূমক ৰীথিচিত্তেসুপি আপাতং আগচ্ছন্তিযেৰ. অযংনাম মনো মনোদ্ৰারং নহোতীতি নৰত্তব্বোতি হি দ্ৰারকথাযং ৰুত্তং. অযঞ্চ অত্থো পথমজ্ঝানস্স সদ্দো কণ্টকোতি ইমিনা পাঠেন দীপেতব্বো. পথমজ্ঝানং সমাপন্নস্স হি সদ্দো সোতম্হি ঘট্টেত্ৰা ঝানচিত্তসঙ্খাতে মনোদ্ৰারে আপাতমাগচ্ছতি. তদা ঝানচিত্ত সন্ততি চলিত্ৰা ৰোচ্ছিজ্জতি. ঝানা ৰুট্ঠাতি. ভৰঙ্গপাতো হোতি. তং সদ্দারম্মণং ৰীথিচিত্তং পৰত্ততীতি. দুতীযজ্ঝানাদীনি সমাপজ্জন্তো পন অপ্পকেন সদ্দেন নৰুট্ঠাতি. অধিমত্তসদ্দেন পন ৰুট্ঠাতিযেৰ. ন হি তানি আনেঞ্জপত্তানিনাম হোন্তি. অরূপজ্ঝানানিএৰ পন আনেঞ্জপত্তানিনাম হোন্তি. তস্মা তানি সমাপজ্জন্তো অধিমত্তসদ্দেনপি নৰুট্ঠাতিযেৰাতি. তেসু পন তথা আপাতমাগতেসু তদারম্মণানি ৰীথিচিত্তানি পৰত্তন্তিযেৰাতি নৰত্তব্বং. ভৰঙ্গ সন্ততিযাৰা জৰনসন্ততিযাৰা ৰোচ্ছিন্নায পৰত্তন্তি. অৰোচ্ছিন্নায নপৰত্তন্তি. পৰত্তমানানিপি আরম্মণা ধিমত্তাদিৰসেন লদ্ধপচ্চযৰিসেসে একেকস্মিং আরম্মণেএৰ পৰত্তন্তি. ¶ ন একক্খণে পঞ্চসূতি দট্ঠব্বং. এত্থচ অত্থৰসা ৰিভত্তি পরিণামোতি কত্ৰা একচিত্তক্খণাতীতানি ঠিতিপত্তানেৰ পঞ্চা লম্বণানি একচিত্তক্খণাতীতে ঠিতিপ্পত্তে এৰ পঞ্চদ্ৰারে বহু চিত্তক্খণাতীতানি বহুচিত্তক্খণাতীতেতি যোজেতব্বং.

‘‘তে পন পসাদা ভৰঙ্গচলনস্স অনন্তরপচ্চযভূতেন ভৰঙ্গেন সদ্ধিং উপ্পন্না’’তি ৰুত্তং.

এৰং পন সতি বহুচিত্তক্খণাতীতানিপি পঞ্চালম্বণানি একচিত্তক্খণাতীতেএৰ পঞ্চদ্ৰারে আপাতমাগচ্ছন্তীতি আপজ্জতি. এত রহি পন একক্খণে সহুপ্পন্নানঞ্ঞেৰ ৰত্থারম্মণানং ঘট্টনং ইচ্ছন্তি. সহুপ্পন্নানিৰা পন হোন্তু নানুপ্পন্নানিৰা, বলৰভাৰোযেৰ পমণন্তি অম্হাকং খন্তি. সব্বং ৰিচারেত্ৰা গহেতব্বং.

‘‘আৰজ্জনেন সদ্ধিং উপ্পন্নাতি অপরে’’তি ৰুত্তং. তং ন যুজ্জতি.

এৰঞ্হি সতি অঞ্ঞদেৰ পঞ্চারম্মণানং আপাতাগমনৰত্থু. অঞ্ঞদেৰ পঞ্চৰিঞ্ঞাণানং নিস্সযৰত্থূতি এৰং ৰিরুদ্ধস্স অত্থস্স আপজ্জনতোতি. এৰং পঞ্চদ্ৰারে ৰিসযপৰত্তিযা আদিলক্খণং দস্সেত্ৰা ইদানি সব্বপারিপূরং ৰিসযপৰত্তিৰিভাগং ৰীথিচিত্তপৰত্তিঞ্চ দস্সেন্তো তস্মাতিআদিমাহ. ততোতি তস্মা চক্খুস্স আপাতাগমনপচ্চযা. চক্খুস্স আপাতাগমনেন সহেৰ ভৰঙ্গস্সপি আপাতং আগচ্ছতিযেৰাতি ৰুত্তং দ্ৰিক্খত্তুংভৰঙ্গেচলিতেতি. চলনঞ্চেত্থ যথা গহিতং কম্মাদি আরম্মণং মুঞ্চিত্ৰা ইদানি অত্তনি আপাতং আগচ্ছন্তং অভিনৰারম্মণং গহেতুং উস্সাহজাতস্স ৰিয ভৰঙ্গসন্তানস্স ৰিকারপ্পত্তি দট্ঠব্বং. এত্থচ চক্খুস্স আপাতাগমনং চক্খুৰিঞ্ঞাণুপ্পত্তিযা এৰ কারণং. ন আৰজ্জনুপ্পত্তিযা. ভৰঙ্গস্স আপাতাগমনমেৰ পন আৰজ্জনুপ্পত্তিযাপি কারণং হোতীতি দট্ঠব্বং.

মনোদ্ৰারেপি ¶ আপাতাগমনং ৰিসুং অপত্ৰা রূপাদীনং চক্খাদিসু ঘট্টনংনাম যোগ্যদেসাৰট্ঠানং এৰ. তমেৰচ ভৰঙ্গু পচ্ছেদস্সপি কারণং হোতীতি কত্ৰা ‘‘পঞ্চসু হি পসাদেসু যোগ্যদেসাৰট্ঠান ৰসেন আরম্মণে ঘট্টিতে পসাদঘট্টনানুভাৰেন ভৰঙ্গসন্ততি ৰোচ্ছিজ্জমানাতিআদি’’ ৰুত্তং. তং তথা ন দট্ঠব্বং.

ন হি যোগ্যদেসাৰট্ঠানমেৰ ঘট্টনন্তি সক্কা ৰত্তুং. যোগ্যদেসেপন ঠত্ৰা নিমিত্তঘট্টনৰসেন ৰত্থুঘট্টনৰসেনচ অসনি নিপাতোৰিয পসাদেসু যুজ্ঝনং মন্থনং খোভকরণং ঘট্টনন্তি চ আপাতাগমনন্তি চ ৰুচ্চতীতি দট্ঠব্বং. অযঞ্চ অত্থো হেট্ঠা ৰুত্তোযেৰ. এত্থচ অযংপি একো ধম্মনিযামোযেৰাতি কত্ৰা নানা ঠানিযেসু দ্ৰীসু দ্ৰীসু দ্ৰারেসু সহেৰ আপাতাগমনং পচ্চেতব্বং. রূপাদিনা পসাদে ঘট্টিতে তং নিস্সিতস্সেৰ পঞ্চৰিঞ্ঞাণস্স চলনং সিযা. কথং পন হদযৰত্থুনিস্সিতস্স ভৰঙ্গস্সাতি ন চোদেতব্বন্তি.

তমেৰ চোদনং সমুট্ঠাপেত্ৰা তং পরিহরন্তো ‘‘সন্ততি ৰসেন একাবদ্ধত্তা’’তিআদিমাহ. তত্থ সন্ততিৰসেনাতি নৰত্তব্বং. সণ্ঠানৰসেনাতি পন ৰত্তব্বং. সব্বঞ্চেতং সারতো ন পচ্চেতব্বং.

কস্মা, তাদিসস্স অনুক্কমচলনস্স অট্ঠকথাযমেৰ দল়্হং পটিক্খিত্তত্তা. ৰুত্তঞ্হি তত্থ একেকং আরম্মণং দ্ৰীসু দ্ৰীসু দ্ৰারেসু আপাতমাগচ্ছতীতি. রূপারম্মণঞ্হি চক্খুপসাদং ঘট্টেত্ৰা তঙ্খণেযেৰ মনোদ্ৰারে আপাতং আগচ্ছতি. ভৰঙ্গচলনস্স পচ্চযো হোতীতি অত্থো. সদ্দ গন্ধ রস ফোট্ঠব্বেসুপি এসেৰ নযো. যথা হি সকুণো আকাসেনাগন্ত্ৰা রুক্খগ্গে নিলীযমানোৰ রুক্খসাখঞ্চ ঘট্টেতি. ছাযাচস্স পথৰিযং পটিহঞ্ঞতি. সাখাঘট্টন ছাযাফরণানি অপুব্বং অচরিমং একক্খণেযেৰ ভৰন্তি. ¶ এৰং পচ্চুপ্পন্নরূপাদীনং চক্খুপসাদাদিঘট্টনঞ্চ ভৰঙ্গচালন সমত্থতাযমনোদ্ৰারেআপাতাগমনঞ্চঅপুব্বং অচরিমং একক্খণেযেৰ হোতীতি. এৰং সকুণোপমায সহতঙ্খণেযেৰাতি চ অপুব্বংঅচরিমং একক্খণে যেৰাতিচ ৰত্ৰা দল়্হং পটিভিদ্ধত্তা তং অনুক্কমচলনং অচিন্তেত্ৰা ধম্মনিযামৰসেন একপ্পহারচলনমেৰ পচ্চেতব্বন্তি. ভৰঙ্গসোতংৰোচ্ছিন্দিত্ৰাতি ভৰঙ্গপৰাহং সব্বসো অৰচ্ছিন্নং কত্ৰা. আৰজ্জন্তন্তি অদিস্ৰাৰ কিংনামেতন্তি আৰজ্জ মানং. পস্সন্তন্তি অত্ত পচ্চক্খং কুরুমানং. সম্পটিচ্ছন্তন্তি মুঞ্চিতুং অদত্ৰা যথাদিট্ঠং রূপং পটি গণ্হন্তং. সন্তীরযমানন্তি সুট্ঠু তীরেন্তংৰিচারেন্তং. ৰৰত্থপেন্তন্তি সুট্ঠু অসঙ্করতো থপেন্তং সল্লক্খেন্তন্তি অত্থো. যোনিসোমনসিকারাদিৰসেন লদ্ধোপচ্চযো যেনাতি লদ্ধপচ্চযং. যংকিঞ্চি জৰনং জৰতীতি সম্বন্ধো. তং পন জৰনং আরম্মণস্স দুব্বলকালেৰা মুচ্ছা মরণাসন্নকালেসুৰা ছক্খত্তুং ৰা পঞ্চক্খত্তুমেৰৰা জৰতীতি ৰুত্তং যেভুয্যেনাতি. জৰতীতি অসনিনিপাতসদিসেন জৰেন পৰত্ততি. তত্থ পথমজৰনং অলদ্ধা সেৰনত্তা সব্বদুব্বলং হোতি. ততো দুতীযং বলৰং. ততো ততীযং. ততো চতুত্থং. ইদং পন সব্ববলৰং মুদ্ধপত্তং হোতি. ইতো পট্ঠায অনুক্কমেন পরিহাযমানং পৰত্ততি. সত্তমৰারে গতে পরিক্খীণজৰং হোতীতি ৰেদিতব্বং. জৰনা নুবন্ধানিতি যথা পটিসোতং গচ্ছন্তিং নাৰং উদকং থোকং অনুবন্ধতি অনুগচ্ছতি. এৰং জৰনং অনুবন্ধানি. দ্ৰে তদারম্মণপাকানীতি দ্ৰিক্খত্তুং তদারম্মণকিচ্চানি ৰিপাকচিত্তানি পৰত্তন্তি. যথারহন্তি আরম্মণজৰন সত্তানুরূপং. ভৰঙ্গপাতোতি ইমস্মিং অতিহন্তারম্মণে আৰজ্জনতো পথমভৰঙ্গচলনতোযেৰৰা পট্ঠায উট্ঠিতং সমুট্ঠিতং চিত্তসন্তানং যাৰচতুত্থজৰনা সমুট্ঠহিত্ৰা পঞ্চমজৰনতো পট্ঠায পতিতমেৰ হোতি. এৰং সন্তেপি সমুট্ঠিতৰেগস্স সব্বসো অপরিক্খীণতায পতিতন্তি নৰুচ্চতি. দুতীযতদারম্মণতো পরং পন সমুট্ঠিতৰেগস্স সব্বসো পরিক্খীণত্তা তদা এৰ তংচিত্তসন্তানং পতিতংনাম হোতি. তস্মা পতনং পাতো. ভৰঙ্গভাৰেনচিত্তসন্তানস্স পাতো ভৰঙ্গপাতো, ভৰঙ্গং হুত্ৰা পাতোতি ¶ অত্থো দট্ঠব্বো. ভৰঙ্গকিচ্চে ভৰঙ্গট্ঠানে ভৰঙ্গারম্মণেচ পাতো ভৰঙ্গপাতোতিৰা. ইমস্মিং ঠানে দোৰারিকোপমা, গামিল্লোপমা, অম্বোপমাচ ৰত্তব্বা. তাসব্বাপি অট্ঠকথাযং গহেতব্বা. এত্তাৰতা সত্তরস্স চিত্তক্খণানি পরিপূরেপাতি সম্বন্ধো. এত্থচ ছছক্কযোজনা ৰত্তব্বা. যত্থ হি রূন্তী রম্মণং ঘট্টেতি. তং চক্খুৰত্থুং নিস্সায তত্থ ঘট্টিতং রূপারম্মণং আরব্ভ চক্খুৰিঞ্ঞাণং উপ্পজ্জতি. ইতরানি পন আৰজ্জনাদীনি মনো ৰিঞ্ঞাণানি অত্তনো অত্তনো অতীতানন্তরচিত্তেন সহুপ্পন্নং হদযৰত্থুং নিস্সায তমেৰারম্মণং আরব্ভ উপ্পজ্জন্তি. চক্খুদ্ৰার মনোদ্ৰারানি সব্বেসংপি ৰীথিচিত্তানং দ্ৰারকিচ্চং সাধেন্তি. অযঞ্চ ৰীথি চক্খুদ্ৰারে উপ্পন্নত্তা চক্খুদ্ৰারৰীথীতি. চক্খুৰিঞ্ঞাণেন উপলক্খিতত্তা চক্খুৰিঞ্ঞাণৰীথীতিচ ৰুচ্চতি. একচিত্তক্খণং অতিক্কম্ম ঘট্টনসমত্থে অতিবলৰা রম্মণে উপ্পন্নত্তা অতিমহন্তারম্মণ ৰীথীতিচ ৰুচ্চতীতি. এত্থচ যত্তকানি রূপারম্মণানি চক্খুপথে উপ্পজ্জিত্ৰা ঠিতিপ্পত্তানি হোন্তি. তানি তত্তকানি ঠিতিপ্পত্তেসু পুব্বাপরভূতেসু একূন পঞ্ঞাসপরিমাণেসু চক্খুপসাদেসু কিস্মিংচি নঘট্টেন্তীতি নৰত্তব্বানি. তেসু পন যদেৰ একং চক্খু ইমিস্সা ৰীথিযা যথারহং ৰত্থুভাৰং দ্ৰারভাৰঞ্চ সাধেতি. যত্থচ ঘট্টিতং রূপং আরব্ভ অযং ৰীথি পৰত্ততি. এতদেৰ কিচ্চ সাধনং নাম হোতি. যং মজ্ঝিমাযুকন্তি ৰদন্তি, ইতরানি পন মোঘ ৰত্থূনিনাম হোন্তি, যানিমন্দাযুকানীতিঅমন্দাযুকানীতিচ ৰদন্তি. তানিপন যথাৰুত্ত কিচ্চ সাধনতো পুরিমানি পচ্ছিমানীতি দুৰিধানি হোন্তি, তদুভযানিপি চক্খুৰিঞ্ঞাণস্স উপ্পাদক্খণে ঠিতিভাৰেন লব্ভমানানি অট্ঠচত্তালীসমত্তানি ৰেদিতব্বানীতি. অৰসেসানি পন ততো পুরিমতরানি পচ্ছিমকরানিচ লদ্ধঘট্টনানিপি ৰত্থুদ্ৰারকিচ্চসিদ্ধিভাৰে অনাসঙ্কিতব্বত্তা ইধ নগহিতানীতি. এত্থ সিযা ইমায ৰীথিযা উপ্পত্তিসমযে সো পুগ্গলো অহং ইদং নাম পস্সামীতি জানাতি, ন জানাতীতি. নজানাতি. কদা পন জানাতীতি. সল্লক্খণৰীথিযা পৰত্তমানায. তথা হি ¶ সব্বপথমং চক্খুদ্ৰারৰীথি পৰত্ততি. ততো তদনুৰত্তিকা মনোদ্ৰারৰীথি. ততো সমুদাযগাহিকা. ততো ৰণ্ণসল্লক্খণা. ততো ৰত্থুগাহিতা. ততো ৰত্থুসল্লক্খণা ততো নামগাহিকা. ততো নামসল্লক্খণাতি. তত্থ ৰণ্ণসল্লক্খণায পৰত্তমানায অহং নীলৰণ্ণং পস্সামীতিআদিনা ৰণ্ণং সল্লক্খেতি. ৰত্থুসল্লক্খণায সণ্ঠানং সল্লক্খেতি. নাম সল্লক্খণায নামং সল্লক্খেতীতি. ইতি তংতং সল্লক্খণৰীথি যা পৰত্তমানাযএৰ তংতংপস্সামীতি জানাতীতি. এত্থচ অলাতচক্কস্স গাহিকাৰিয পুরিমাহি দ্ৰীহি ৰীথীহি পুনপ্পুনং গহিতানং রূপানং সমুদাযতো গাহিকা ততীযা মনোদ্ৰারৰীথি সমুদায গাহিকানাম, ন হি সমুদাযগহণেন ৰিনা পরিব্যত্তৰণ্ণগহণং সম্ভৰতীতি. যাৰ তদারম্মণুপ্পাদা পন অপ্পহোন্তাতীতকন্তি দ্ৰিক্খত্তুং যাৰ তদারম্মণুপ্পাদা পৰত্তিতুং অপ্পহোন্তং হুত্ৰা অতীতদ্ৰত্তিচিত্তক্খণিকং. যস্স হি দ্ৰেৰা তীণিৰা চিত্তক্খণানি অতীতানি হোন্তি. তং যাৰ তদারম্মণুপ্পাদা পৰত্তিতুং নপ্পহোতি ন সক্কোতি. এৰং অপ্পহোন্তং হুত্ৰা অতীতকন্তি অত্থো. অপাতমাগতন্তি চক্খুদ্ৰারে মনোদ্ৰারেচ আপাতং আগতং. নত্থি তদারম্মণুপ্পাদোতি এত্থ যস্স তীণি চিত্তক্খণানি অতীতানি হোন্তি. তস্স চুদ্দস চিত্তক্খণাযুকাৰসে সস্স আরম্মণস্স সত্তমজৰনেন সহেৰ নিরুদ্ধত্তা তস্মিং নত্থি তদারম্মণুপ্পাদোতি যুত্তমেতং. ন হি একাৰজ্জনৰীথিযং চিত্তানি ধম্মৰসেন ৰিয কালৰসেনাপি নানারম্মণানি ইচ্ছন্তি অট্ঠকথাচরিযাতি. যস্স পন দ্ৰে চিত্তক্খণানি অতীতানি. তস্মিং সত্তমজৰনতো পরং একচিত্তক্খণাযুকাৰসেসে আরম্মণে একেন তদারম্মণেন উপ্পজ্জিতব্বন্তি চে.ন. ন হি তাদিসং নিরোধা সন্নং আরম্মণং একৰারংপি তদারম্মণুপ্পত্তিযা পচ্চযো ভৰিতুং সক্কোতীতি. তথা হি মহাঅট্ঠকথাযং ৰিপাকুদ্ধারে চিত্তপ্পৰত্তিগণনাযং তদারম্মণানি দ্ৰেতি দ্ৰেএৰ তদারম্মণ ৰারা আগতাতি.

‘‘দ্ৰিক্খত্তুমেৰ ¶ হি তদারম্মণুপ্পত্তি পাল়িযং নিযমিতা’’তি ৰুত্তং. তত্থ পাল়িযন্তি অট্ঠকথাতন্তিং সন্ধায ৰুত্তন্তি গহেতব্বং. ন হি সা নাম পাল়ি অত্থি, যত্থ দ্ৰিক্খত্তুং তদা রম্মণুপ্পত্তি নিযমিতাতি.

মজ্ঝিমভাণকাপন তদারম্মণং একংপি ইচ্ছন্তি. সঙ্গহকারেন পন তং পটিসিদ্ধন্তি ইধপি তং থেরেন পটিক্খিত্তন্তি দট্ঠব্বং. যদি এৰং কস্মা পরমত্থৰিনিচ্ছযে সকিংদ্ৰেৰা তদালম্বন্তি থেরেন ৰুত্তন্তি. মজ্ঝিমভাণকানং মতেন ৰুত্তন্তি দট্ঠব্বন্তি. আচরিযানন্দত্থেরো পন একংপি ইচ্ছতিযেৰ. যথা হি আগন্তুকভৰঙ্গং একং পৰত্ততি. তথা তদারম্মণংপি একং নপৰত্ততীতি নসক্কা ৰত্তুং. যঞ্চ চিত্তপ্পৰত্তিগণনাযং তদারম্মণানি দ্ৰেতি ৰুত্তং. তংপি উক্কট্ঠপরিচ্ছেদৰসেন ৰুত্তন্তি, ন নসক্কা ৰত্তুন্তি. যাৰ জৰনুপ্পাদাপি পৰত্তিতুং অপ্পহোন্তাতীতকন্তি সম্বন্ধো. যস্স হি আরম্মণস্স চত্তারি পঞ্চ ছ সত্ত অট্ঠনৰ ৰা চিত্তক্খণানি অতীতানি হোন্তি. তং যাৰ জৰনুপ্পাদা পৰত্তিতুং নপ্পহোতি. এৰং অপ্পহোন্তং হুত্ৰা অতীতকন্তি অত্থো. জৰনংপি অনুপ্পজ্জিত্ৰাতি জৰনস্সপি অনুপ্পজ্জনতো. অযঞ্হি ত্ৰাপচ্চযো ভাৰত্থেএৰ দট্ঠব্বো. ন কত্তুঅত্থে. কস্মা. অত্তনো পধানক্রিযায সমানকত্তুকতায অভাৰতোতি.

‘‘হেতুম্হিচাযং ত্ৰাপচ্চযো’’তি ৰুত্তং. তং ন সুন্দরং.

ন হি বাহিরত্থভূতো হেতুঅত্থো কিতকপচ্চযানং ৰিসযো হোতীতি. তস্মা ইধ ভাৰত্থেএৰ ত্ৰাপচ্চযো. ততোচ হেতুঅত্থে পচ্চত্তৰচনন্তি দট্ঠব্বং. এতেন যা লক্খণে হেতুম্হিচমানন্তপচ্চযানংপি পৰত্তি কত্থচি ৰুত্তা. সাপিপটিক্খিত্তা হোতি. নহি বাহিরত্থভূতা লক্খণহেতুযো তেসং ৰিসযা হোন্তীতি. এত্থচ যস্স আরম্মণস্স নৰচিত্তক্খণানি অতীতানি হোন্তি. তস্স অৰসেস অট্ঠচিত্তক্খণা যুকস্স দুতীয ৰোট্ঠব্বনেন সহেৰ ¶ নিরুদ্ধত্তা তস্মিং জৰনংপি অনুপ্পজ্জিত্ৰাতি যুত্তমেতং. কারণং ৰুত্তমেৰ. যস্স পন চত্তারি.ল. অট্ঠৰা চিত্তক্খণানি অতীতানি. তস্মিং জৰনেন উপ্পন্নেন ভৰিতব্বন্তি চে.ন. অৰসেসছচিত্তক্খণাযুকংপি হি আরম্মণং জৰনুপ্পত্তিযা পচ্চযো ভৰিতুং ন সক্কোতি. জৰনঞ্হি উপ্পজ্জমানং সত্তক্খত্তুং পৰত্তিতুং পহোনকে আরম্মণে এৰ উপ্পজ্জতি. পকতিনিযামেন জৰনস্স সত্তক্খত্তু পরমতায সম্ভৰতোতি. এত্থ পন যথা ৰিসঞ্ঞিকাল মুচ্ছাকাল মরণকালেসু ৰত্থুস্স অৰিসদতায দুব্বলতা যচ জৰনং ছপঞ্চৰারেপি পৰত্ততি. তথা পকতিকালেপি আরম্মণস্স দুব্বলভাৰে সতি ছপঞ্চৰারেপি পৰত্ততিযেৰাতি. দ্ৰত্তিক্খত্তুন্তি দ্ৰিক্খত্তুংৰা তিক্খত্তুংৰা. তথা হি অট্ঠকথাযং ৰোট্ঠব্বনে ঠত্ৰা একংৰা দ্ৰেৰা চিত্তানি পৰত্তন্তি. ততো আসেৰনং লভিত্ৰা জৰনট্ঠানে ঠত্ৰা পুন ভৰঙ্গং ওতরতীতি ৰুত্তং. এত্থ হি ততো আসেৰনং লভিত্ৰা জৰনট্ঠানে ঠত্ৰাতি এতেন ততীযস্স ৰোট্ঠব্বনস্স পৰত্তিং দস্সেতি. ইতরথা একংৰা দ্ৰেৰা চিত্তানি পৰত্তন্তি. ততো ভৰঙ্গং ওতরতীতি ৰুত্তং সিযাতি. একংৰাতি পন ৰাচা সিলিট্ঠমত্তং দট্ঠব্বং. যথা দিরত্ত তিরত্তংতি. অথৰা, ততোতি একচিত্ততোৰা দ্ৰিচিত্ততোৰাতি অত্থো. তত্থ পথমেন দ্ৰিক্খত্তুং দুতীযেন তিক্খত্তুং ৰোট্ঠব্বনস্স উপ্পত্তি ৰুত্তা হোতীতি. আসেৰনং লভিত্ৰাতি ইদং পন উপচারৰচনমত্তং দট্ঠব্বং. ন হি ৰোট্ঠব্বনস্স আসেৰনতা পট্ঠানে ৰুত্তাতি. আচরিযানন্দত্থেরেন পনেত্থ ৰোট্ঠব্বনতো পরং চতুপঞ্চ চিত্তক্খণাৰসেসে আরম্মণে চতুপঞ্চজৰনুপ্পত্তিযা এৰ পরিত্তারম্মণৰারো ইচ্ছিতো. ন ৰোট্ঠব্বন পরিযোসানৰসেন. পট্ঠানেহি ভৰঙ্গং আৰজ্জনায অনন্তরপচ্চযেন পচ্চযো ত্ৰেৰৰুত্তো. ন পন ৰুত্তো আৰজ্জনা ভৰঙ্গস্স অনন্তরপচ্চযেন পচ্চযোতি. যথা চ মুচ্ছামরণকালেসু ৰত্থুদুব্বলতায ছ পঞ্চজৰনৰারা ইচ্ছিতব্বা. তথা ইধপি আরম্মণদুব্বলতাযাতি ন ন সক্কা ৰত্তুন্তি. এত্থ চ সন্তীরণতো পরং একচিত্তক্খণা ৰসেসে আরম্মণে একং ৰোট্ঠব্বনং দ্ৰিচিত্তক্খণাৰসেসে দ্ৰে তদুত্তরি ¶ তীণীতি যুত্তং সিযা. এতরহি পন দ্ৰিৰোট্ঠব্বনিকা ছপরিত্তারম্মণৰীথিযোতি ৰোট্ঠব্বনিকা পঞ্চাতি যোজেসুং. এৰং সন্তে কীদিসে পরিত্তারম্মণে দ্ৰিৰোট্ঠব্বনিকা, কীদিসে তিৰোট্ঠব্বনিকাতি ৰিচারেতব্বা সিযুন্তি. যং পন আরম্মণং দ্ৰত্তিক্খত্তুংৰোট্ঠব্বনুপ্পত্তিযা অপ্পহোনকং হোতি. তং আৰজ্জনপ্পত্তিযাপি পচ্চযো ন হোতীতি ৰুত্তং তত্থ ভৰঙ্গচলনমেৰ হোতি. নত্থি ৰীথিচিত্তুপ্পাদোতি. তত্থ ভৰঙ্গচলনমেৰাতি দ্ৰিক্খত্তুং ভৰঙ্গস্স চলনমত্তমেৰ হোতি. ইচ্চেৰং চক্খুদ্ৰারেতি ইতি এৰং যদি একচিত্তক্খণাতীতকং রূপারম্মণং চক্খুস্স অপাতমাগচ্ছতীতিআদিনা ৰুত্তনযেন চক্খুদ্ৰারে চতুন্নং ৰারানং ৰসেন চতুধা ৰিসযপ্পৰত্তি ৰেদিতব্বা, তথা সোতদ্ৰারাদীসু চাতিযোজনা. সব্বথাপি চতুধা ৰেদিতব্বাতি সম্বন্ধো. অতিপরিত্তারম্মণংপি আপাতাগতমত্তেন মোঘৰারস্স আরম্মণংনাম হোতি. ন আরম্মণকরণৰসেন. ইতরানি পন উভযথাপি ইতরেসং ৰারানং আরম্মণানিনাম হোন্তীতি ৰুত্তং চতুন্নং ৰারানং যথাক্কমং আরম্মণভূতাতি.

আরম্মণভূতাতি ইমস্স অতিপরিত্তারম্মণং সন্ধায পচ্চযভূতাতি অত্থো ৰুত্তো. তঞ্হি মোঘৰার পঞ্ঞা পনায পচ্চযো হোতীতি.

পঞ্চদ্ৰারেৰীথিচিত্তানি যথারহং কিচ্চৰসেন সত্তেৰ. চিত্তুপ্পাদা চিত্তানং উপ্পত্তিখণৰসেন চতুদ্দস. ৰিত্থারা চিত্তসরূপৰিত্থারতো চতুপঞ্ঞাসাতি যোজনা. এত্থাতি পরিত্তজৰনৰারে.

১৩৭. মনোদ্ৰারে পন আরম্মণধম্মা পরিত্তখণাপি অতীতানাগতাপি কালৰিমুত্তাপি আপাতং আগচ্ছন্তিযেৰ. তস্মা তত্থ একচিত্তক্খণাতীতানিৰা বহুচিত্তক্খণাতীতানিৰা ঠিতিপ্পত্তানেৰ আপাতমাগচ্ছন্তীতি ইদং ৰিধানং নত্থীতি ৰুত্তং মনোদ্ৰারেপন যদিৰিভূতমালম্বণং আপাতমাগচ্ছতীতি. তত্থ মনোদ্ৰারেতি সুদ্ধমনোদ্ৰারে. চক্খাদীসু হি ঘট্টনেন সহেৰ যত্থ অপাতমাগচ্ছতি. ¶ তং মিস্সকদ্ৰারন্তি ৰুচ্চতি. ইধ পন সুদ্ধমেৰা ধিপ্পেতন্তি. তংপি পঞ্চদ্ৰারানুবন্ধকং ৰিসুং সিদ্ধন্তি দুৰিধং হোতি. তত্থ যথা ঘণ্ডে দণ্ডকেন একৰারং পহটে ঘণ্ডসরীরভূতা রূপ কলাপা চিরংপি কালং অঞ্ঞমঞ্ঞং ঘট্টেত্ৰা অনুরৰসদ্দসন্তানং পৰত্তেন্তি. তথা পঞ্চদ্ৰারে আরম্মণেন একৰারং ঘট্টিতে পঞ্চ দ্ৰারিকৰীথিযা নিরুদ্ধাযপি অতীতং পঞ্চালম্বণং মনোদ্ৰারে যথা পাতাগতমেৰ হুত্ৰা অনেকসহস্সানিপি মনোদ্ৰারিকৰীথিচিত্ত সন্তানানি পৰত্তেতিযেৰ. তেসং পন দ্ৰারভূতং ভৰঙ্গসন্তানং অনুবন্ধকংনাম হোতি. তানিচ চিত্তানি অনুবন্ধকৰীথিচিত্তানিনাম হোন্তি. যত্থ পন পঞ্চদ্ৰারঘট্টনা নুবন্ধভাৰেন ৰিনা কেৰলং তথা তথা ছল়ারম্মণধম্মা আপাতং আগচ্ছন্তি. তং ৰিসুং সিদ্ধং নাম হোতি. কথং পন তস্মিং ৰিসুং সিদ্ধে মনোদ্ৰারে আরম্মণ ধম্মা আপাতং আগচ্ছন্তীতি. ৰুচ্চতে. দিট্ঠতো দিট্ঠসম্বন্ধতো সুততো সুতসম্বন্ধতো সদ্ধায রুচিযা আকারপরিৰিতক্কেন দিট্ঠিনিজ্ঝানখন্তিযা নানাকম্মবলেন নানাইদ্ধিবলেন ধাতুক্খোত ৰসেন দেৰতোপসংহারৰসেন অনুবোধৰসেন পটিৰেধৰসেনাতি এৰমাদীহি কারণেহি আপাতং আগচ্ছন্তীতি. তত্থ দিট্ঠংনাম পুব্বে পঞ্চহিদ্ৰারেহি গহিতং পঞ্চালম্বণং. তংপি কালন্তরে কারণলাভে সতি সুদ্ধে মনোদ্ৰারে আপাতং আগচ্ছতিযেৰ. দিট্ঠসম্বন্ধংনাম দিট্ঠসদিসং ৰুচ্চতি. পুব্বে হি কিঞ্চি দিস্ৰা অঞ্ঞং যংকিঞ্চি অনুমানেন্তস্স অদিট্ঠংপি তংসদিসং অতীতংপি অনাগতংপি পচ্চুপ্পন্নংপি বহুআপাতং আগচ্ছতিযেৰ. সুতংনাম পরতো সুত্ৰা গহিতং ছল়ারম্মণং. তং পন মহাৰিসযং হোতি. সব্বঞ্ঞুদেসনং সুত্ৰা গহিতং ন কিঞ্চি অনারম্মণংনাম অত্থীতি. সুতসম্বন্ধংনাম সুতসদিসং. সদ্ধানাম পরস্স সদ্দহনা. রুচিনাম অত্তনো মতি. আকার পরিৰিতক্কো নাম অত্থচ্ছাযং ব্যঞ্জনচ্ছাযং কারণচ্ছাযঞ্চ নিস্সায তথা তথা পরিৰিতক্কনং. দিট্ঠিনিজ্জানখন্তিনাম পঞ্ঞাযৰা অত্তনো লদ্ধিযাৰা পুনপ্পুনং উপপরিক্খিত্ৰা এৰমেৰাতি সন্নিট্ঠানং পাপেত্ৰা গহণং. সেসং পাকটমেৰ. এত্থচ অনন্তরূপনিস্সয পচ্চযভাৰোনাম চিত্তসন্তানস্স মহাৰিপ্ফারো হোতি. সকিংপি আরম্মণং ¶ সুট্ঠু আসেৰিত্ৰা নিরুদ্ধকালতো পট্ঠায ৰস্সসতেপি ৰস্সসহস্সেপি ভৰন্তরেপি তংআরম্মণং পটিচ্চ ভৰঙ্গ চলনস্স পচ্চযো হোতি. চিত্তঞ্চনাম দিট্ঠাদীহি যথাৰুত্তকারণেহি সংৰদ্ধিতং মহাৰিপ্ফারং হোতি. কিঞ্চি নিমিত্তং লভিত্ৰা একস্মিং খণে অনেকসহস্সেসুপি দিট্ঠাদীসু আরম্মণেসু ফরমানং পৰত্ততি. তেহিচ কারণেহি নিচ্চং চোদীযমানং চিত্তসন্তানং কাযগেলঞ্ঞাদিকে চিত্তদুব্বলপচ্চযে অসতি নিচ্চকালংপি ভৰঙ্গতো ৰুট্ঠাতুং অজ্ঝাসযযুত্তং হোতি. ন হি চিত্তংনাম অৰিভূতে আরম্মণে রমতি. ৰিভূতেএৰ রমতি. তস্মা ভৰঙ্গসম্পযুত্তো মনসিকারো পুনপ্পুনং ভৰঙ্গং চালেত্ৰা লদ্ধপচ্চযেসু আরম্মণেসু পুনপ্পুনং আৰজ্জনং নিযোজেতিযেৰ. তদা তানি আরম্মণানি তদভিনিন্নাকার পৰত্তমনসিকার সম্পযুত্তস্স ভৰঙ্গ চিত্তস্স আপাতং আগচ্ছন্তি. ন হি অঞ্ঞং আরম্মণং গহেত্ৰা পৰত্তমানস্স চিত্তস্স আরম্মণন্তরে অভিনিন্নাকারোনাম নত্থীতি সক্কা ৰত্তুন্তি. তদারম্মণপাকানি পৰত্তন্তীতি ইদং কামসত্তৰসেন ৰুত্তং. রূপারূপসত্তানং পন ৰিভূতারম্মণেপি তদারম্মণুপ্পাদো নত্থিযেৰ. যথা চেত্থ. এৰং পঞ্চদ্ৰারেপি রূপসত্তানং অতিমহন্তারম্মণেসু তদারম্মণুপ্পাদো নত্থীতি. অৰিভূতে পনা লম্বণে জৰনাৰসানে ভৰঙ্গপাতোৰ হোতীতি ইদঞ্চ উক্কট্ঠ পরিচ্ছেদৰসেন ৰুত্তন্তি দট্ঠব্বং. ঞাণৰিভঙ্গট্ঠকথাযং পন দ্ৰত্তিক্খত্তুং ৰোট্ঠব্বনপ্পৰত্তিৰসেন অৰিভুতে আলম্বণে ৰোট্ঠব্বনৰারোপি আগতো. যোচ পঞ্চদ্ৰারেভৰঙ্গচলনমত্তৰসেন মোঘৰারো নাম চতুত্থো ৰারো ৰুত্তো. সোপি ইধ লদ্ধুং ৰট্টতিযেৰ. সুদ্ধমনোদ্ৰারেপি হি আরম্মণে আপাতমাগতে ৰীথিচিত্তং অনুপ্পজ্জিত্ৰা দ্ৰিক্খত্তুং ভৰঙ্গে চলিতে নিৰত্তনকৰারানং পমাণং নভৰিস্সতিযেৰ, ৰিসযেচ আপাতাগতে ভৰঙ্গেচ চলিতে সতি ৰিসযপ্পৰত্তিনাম ন ন হোতীতি. ইতি ইমস্মিং মনোদ্ৰারেপি তদারম্মণ জৰন ৰোট্ঠব্বন মোঘৰার সঙ্খাতানং চতুন্নং ৰারানং যথাক্কমং আরণভূতা ৰিসযপ্পৰত্তি চতুধা ৰেদিতব্বাতি. তত্থ তদারম্মণৰারস্স আরম্মণভূতা অভিৰিভূতানাম জৰন ৰারস্স ¶ ৰিভূতানাম. ৰোট্ঠব্বনৰারস্স অৰিভূতানাম. মোঘৰারস্স আরম্মণভূতা অতিঅৰিভূতানামাতি যোজেতব্বা.

এত্থচ আরম্মণস্সৰা চিত্তস্সৰা অতিবলৰতায অভিৰিভূততা ৰেদিতব্বা. দুব্বলেপি হি চিত্তে পথৰিপব্বতাদিৰসেন অতিবলৰন্তং আরম্মণং অতিৰিভূতংনাম হোতি. অতিবলৰন্তে চ চিত্তে অতিসুখুমংপি নিব্বানং অতিৰিভূতংনাম হোতীতি. এৰং সেসেসুপীতি. ৰারভেদো পনেত্থ অনুবন্ধকো, ৰিসুং সিদ্ধোতি দুৰিধো. তত্থ অনুবন্ধকো চক্খুদ্ৰারানুবন্ধকাদিৰসেন পঞ্চৰিধো. একেকস্মিঞ্চেত্থ অতীতগহণং, সমুদায গহণং, ৰত্থুগহণং, নামগহণন্তি চত্তারো চত্তারো ৰারা. তেসুচ তদারম্মণৰারাদযো যথারহং যোজেতব্বা. ৰিসুং সিদ্ধো পন দিট্ঠ ৰারো, দিট্ঠসম্বন্ধৰারো, সুতৰারো, সুতসম্বন্ধৰারো, ৰিঞ্ঞাতৰারো, ৰিঞ্ঞাতসম্বন্ধৰারোতি ছব্বিধো হোতি. এত্থচ সদ্ধা রুচি আকার পরিৰিতক্কাদি ৰসেন পৰত্তৰারা ৰিঞ্ঞাতৰারো, ৰিঞ্ঞাত সম্বন্ধৰারোতি ৰুত্তাতি দট্ঠব্বা. অট্ঠসালিনিযং পন সদ্ধারুচিযাদিৰ সেনগহিতং আরম্মণং তথাপি হোতি. অঞ্ঞথাপি হোতি. তস্মা অট্ঠকথাযং ন গহিতন্তি ৰুত্তং. তথাৰা হোতু অঞ্ঞথাৰা. ৰীথিচিত্তপৰত্তিযা সতি গহেতব্বমেৰ. তত্থ একেকস্মিংৰারে তদারম্মণৰারাদিৰসেন চত্তারো চত্তারো ৰারা. তেসুচ কাম মহগ্গতা নুত্তর পঞ্ঞত্তি ৰসেন পচ্চুপ্পন্নাতীতানাগতকাল ৰিমুত্তৰসেনচ আরম্মণধম্মা যথারহং যোজেতব্বাতি. এতরহি পন অতীতভৰঙ্গৰসেন তদারম্মণৰসেন চ ৰারভেদং কপ্পেন্তি. তত্থ অতীতভৰঙ্গৰসেন ৰারভেদকপ্পনং নিরত্থকং. ন হি মনোদ্ৰারে পঞ্চদ্ৰারে ৰিয আরম্মণানং খণৰসেন বলৰ দুব্বলতা সম্ভৰো অত্থি. তদা অৰিজ্জমানানংপি অতীতানাগতানং কালৰিমুত্তানঞ্চ তত্থ আপাতাগমনতোতি. এত্থ সিযা, একাৰজ্জনৰীথিযা আরম্মণংনাম ধম্মতোচ কালতোচ অভিন্ন মেৰ ইচ্ছন্তি অট্ঠকথাচরিযা. ইমেচ সত্তা তং তং আকারং সল্লক্খেত্ৰা অঞ্ঞমঞ্ঞস্স চিত্তং জানন্তিযেৰ. পরচিত্তৰিদুনিযো পন দেৰতা আকারসল্লক্খণেন ৰিনাপি জানন্তি. তত্থ পচ্চুপ্পন্নং পরস্স ¶ চিত্তং জাননকালে আৰজ্জনং ভাৰযং পরস্স চিত্তং অত্তনা সহুপ্পন্নং. তং ৰা আৰজ্জতি. উদাহু পরতো তং তং জৰনেন সহুপ্পন্নংৰা. জৰনানিচ যং আৰজ্জনেন সহুপ্পন্নং তং ৰা জানন্তি, পচ্চেকং অত্তনা সহুপ্পন্নংৰাতি. কিঞ্চেত্থ, যদি তাৰ আৰজ্জনেন সহুপ্পন্নং আৰজ্জতি জানন্তিচ. এৰং সতি ধম্মতো অভিন্নং হোতি. কালতো ভিন্নং. তঞ্হি চিত্তং আৰজ্জনস্স পচ্চুপ্পন্নং হোতি. জৰনানং পন অতীতন্তি. অথ পচ্চেকং অত্তনা সহুপ্পন্নং আৰজ্জতি জানন্তিচ. এৰঞ্চ সতি কালতো অভিন্নং হোতি. ধম্মতো ভিন্নমেৰ. অথপি যং পচ্চেকং সহুপ্পন্নং জানন্তি. তদেৰ আৰজ্জতি. এৰংপি ভিন্নমেৰ হোতীতি. এত্থ অট্ঠকথাযং তাৰ যং আৰজ্জনেন সহুপ্পন্নং. তদেৰ আৰজ্জতি জানন্তিচাতি ধম্মতো অভিন্নং ৰত্ৰা তং চিত্তং নিরুদ্ধংপি অদ্ধাৰসেন সন্ততিৰসেনচ গহিতং জৰনানংপি পচ্চুপ্পন্নমেৰ হোতীতি ৰিনিচ্ছিতং. আচরিযানন্দমতেন পন পরস্স তং তং আকারং সল্লক্খেত্ৰা তং তং অধিপ্পাযজাননকালে আৰজ্জনজৰনানি পচ্চেকং অত্তনা সহুপ্পন্নং চিত্তং আৰজ্জতি জানন্তি চ. ন চেত্থ ধম্মতো কালতোচ ভিন্নংনাম হোতি. সব্বেসংপি হি আরম্মণং চিত্তমেৰ হোতি পচ্চুপ্পন্নঞ্চাতি. নচ জৰনানি নিরাৰজ্জনানিনাম হোন্তি. আৰজ্জনেনপি হি চিত্তন্তেৰ আৰজ্জিতং হোতি. জৰনানিচ চিত্তন্তেৰ জানন্তীতি. যদি পন আৰজ্জনে ন চিত্তন্তি আৰজ্জিতে জৰনানি রূপন্তি জানন্তি. রূপন্তিৰা আৰজ্জিতে চিত্তন্তি জানন্তি, নীলন্তিৰা আৰজ্জিতে পীতন্তি জানন্তি. এৰং সতি জৰনানি ধম্মতো নিরাৰজ্জনানি নাম হোন্তি. তথা অতীতন্তি আৰজ্জিতে পচ্চুপ্পন্নন্তি. এৰঞ্চ সতি তানি কালতো নিরাৰজ্জনানিনাম হোন্তীতি. যস্মা চ অতীতো ধম্মো পচ্চুপ্পন্নস্স ধম্মস্স অনন্তরপচ্চযেন পচ্চযোতি পট্ঠানে ৰুত্তো. তস্মা ইধ খণৰসেনেৰ পচ্চুপ্পন্নং ৰত্তুং যুত্তং. ন অদ্ধাসন্ততি ৰসেনাতি. ইতরথা সব্ব ৰীথিচিত্তৰারেসুপি আরম্মণানং অতীতাদিভাৰো অদ্ধাসন্ততিৰসেনেৰ ৰত্তব্বো সিযাতি. গাথাযং তীণেৰাতি কিচ্চৰসেন তীণি এৰ. চিত্তুপ্পাদা দসেরিতাতি চিত্তুপ্পত্তিক্খণৰসেন দস ঈরিতানি কথিতানি. ৰিত্থা রেনাতি ¶ চিত্তসরূপৰিত্থারেন. এত্থাতি মনোদ্ৰারে. একচত্তালীসাতি পঞ্চৰিঞ্ঞাণমনোধাতূহি ৰজ্জিতানং কামাৰচরচিত্তানং ৰসেন একচত্তালীসং. এত্থাতি পরিত্তজৰনৰারে. [পরিত্তৰারো]

১৩৮. ৰিভূতাৰিভূতভেদো নত্থি একং ৰিভূতমেৰ লব্ভতীতি অধিপ্পাযো. ন হি অৰিভূতে আরম্মণে অপ্পনানাম সম্ভৰতীতি. তথা তদারম্মণুপ্পাদোচ নত্থি. ন হি অতিসন্ততরং অপ্পনাজৰনং তদারম্মণং অনুবন্ধতীতি. তত্থ হি ছব্বীসতি মহগ্গত লোকুত্তর জৰনেসু যংকিঞ্চি জৰনং অপ্পনাৰীথিমোতরতীতি সম্বন্ধো. ঞাণরহিতং দ্ৰিহেতুকজৰনং অথিরসভাৰত্তা অপ্পনায অনন্তরূপনিস্সযো নহোতীতি ৰুত্তং ঞাণসম্পযুত্ত কামাৰচরজৰনানমট্ঠন্নন্তি. পরিকম্মোপচারানুলোমগোত্রতুনামেনাতি এত্থ ইন্দ্রিযসমতাদীহি পরিতোভাগেহি অপ্পনা করীযতি সজ্জীযতি এতেনাতি পরিকম্মং. অপ্পনং উপেচ্চ চরতীতি উপচারো. সমীপচারোতি অত্থো. সমীপচরণঞ্চেত্থ আসন্নেকালে অপ্পনাৰহসমত্থভাৰেন দট্ঠব্বং. যস্স পৰত্তিযা অচিরং কালং অপ্পনা সম্ভৰো হোতীতি. অনুলোমন্তি অপ্পনাপৰত্তিযা পচ্চনীকধম্মৰিধমনেন অপ্পনায অনুকূলং অপ্পনাহিতং অপ্পনা ৰহন্তিচ্চেৰ অত্থো, যস্স পৰত্তিযা অপ্পনা ৰিবন্ধকো পচ্চনী কোনাম নত্থীতি. গমীযতি বুজ্ঝীযতি অত্থো এতেনাতিৰো. অভিধানং বুদ্ধিচ. তং দুৰিধংপি গৰং তাযতি রক্খতীতি গোত্তং. পরিত্ত জাতিসঙ্খাতো অন্ৰযো. গোত্তং অভিভুয্যতি ছিজ্জতি এত্থাতি গোত্রভু. এত্থ চ চত্তারিপি জৰনানি পরিকম্মজৰনানীতি ৰা উপচারজৰনানিতিৰা অনুলোমজৰনানীতিৰা ৰুচ্চন্তিযেৰ. গোত্রভূতি পন পচ্ছিমস্সেৰ নামং. ইধ পন চতুন্নংপি নামানং সঙ্গহণত্থং পরিকম্মো পচারানুলোম গোত্রভুনামেনাতি এৰং ৰুত্তন্তি দট্ঠব্বং. এৰঞ্চ কত্ৰা কস্মা পথমমেৰ পরিকম্মংনাম. ননু ইতরানিপি অপ্পনং পরিসঙ্খরোন্তিযেৰাতি এৰমাদিকা চোদনা অনোকাসা হোতীতি. চতুক্খত্তুং তিক্খত্তুমেৰৰাতি চতুক্খত্তুমেৰৰা তিক্খত্তুমেৰৰা. তত্থ পথমেন এৰ সদ্দেন পঞ্চমং গোত্রভুসম্ভৰো পটিক্খিত্তো হোতি. তদা হি জৰনং পতিতংনাম হোতি. পৰেধতি ¶ কম্পতি. কামগোত্তং অভিক্কমিত্ৰা উপরিভূমন্তরপ্পত্তিযা পচ্চযো ভৰিতুং ন সক্কোতীতি. দুতীযেন দুতীযং গোত্রভু সম্ভৰো পটিক্খিত্তো হোতি. তদা হি অলদ্ধাসেৰনং অনুলোমং অত্তনো অনন্তরে চিত্তং গোত্রভুভাৰং পাপেতুং ন সক্কোতীতি. এতেনেৰ পঞ্চমতো পরং চতুত্থতোচ ওরং অপ্পনায অসম্ভৰো সাধিতো হোতীতি. ৰাসদ্দেন পন মন্দপঞ্ঞস্স চতুক্খত্তুমেৰ. ন তিক্খত্তুং. তিক্খপঞ্ঞস্স তিক্খত্তুমেৰ. ন চতুক্খত্তুন্তি দস্সিতং হোতি. অট্ঠসালিনিযং পন মন্দমজ্ঝিম মহাপঞ্ঞৰসেন তিধা ভিন্দিত্ৰা পঞ্চক্খত্তুংপি পরিকম্মজৰনানং উপ্পত্তি অনুঞ্ঞাতা ৰিয দিস্সতি. ইতরট্ঠকথাসু পন সুট্ঠু ৰিচারেত্ৰা পটিসিদ্ধত্তা সা ন গহেতব্বাৰাতি.

‘‘ছট্ঠং সত্তমং ভৰঙ্গস্স আসন্নভাৰেন পপাতাসন্নপুরিসো ৰিয অপ্পনাৰসেন পতিট্ঠাতুং ন সক্কোতী’’তি ৰুত্তং.

তত্থ ভৰঙ্গস্স আসন্নভাৰেনাতি ভৰঙ্গভাৰস্স আসন্ন ভাৰেনাতি অত্থো. পঞ্চমজৰনতো হি পট্ঠায জৰনসন্তানং অনুপুব্বেন পরিক্খীণজৰং হোতি. ভৰঙ্গভাৰত্থায পরিণমতীতি. এৰঞ্চ কত্ৰা পপাতাসন্নপুরিসোপমাপি উপপন্না হোতীতি. নিরুদ্ধানন্তরমেৰাতি নিরুদ্ধে অনন্তরমেৰাতি পদচ্ছেদো. কস্স অনন্তরন্তি, অঞ্ঞস্স অসুতত্তা নিরুদ্ধস্সাতি অত্থতো লদ্ধমেৰাতি. যস্মা পন অপ্পনানাম উপ্পজ্জমানা চতুত্থতোৰা পঞ্চমতোৰা পট্ঠায উপ্পজ্জতি. ন ছট্ঠতোৰা সত্তমতোৰা. সাহি ৰসীভূতাপি চতুত্থ পঞ্চমেসু উপ্পত্তিং অলভমানা সব্বসো নুপ্পজ্জতিযেৰ. লভমানা পন দিৰসংপি নিরন্তরং পৰত্ততিযেৰ. তস্মা চতুত্থংৰা পঞ্চমংৰাতি ইদং আদিমত্তনিযমনত্থং ৰুত্তন্তি দট্ঠব্বং. তেনেৰ হি অপ্পনাৰীথিমোতরতীতি চ ততোপরং অপ্পনাৰসানে ভৰঙ্গপাতোৰ হোতীতি চ ৰক্খতীতি. যদি পন পঞ্চমতো পট্ঠায জৰনং পতিতং নাম হোতি. এৰং সতি কস্মা ততো পট্ঠায পতনখেত্তে অপ্পনাজৰনং পৰত্ততীতি. ৰুচ্চতে, হত্থে ¶ থপিতলেড্ডুস্স পতনখেত্তংনাম হত্থতো মুত্তমত্তে হোতি. এৰং সন্তেপি হত্থবলেন খিপিতং লেড্ডু দূরংপি গচ্ছতিযেৰ. এত্থ চ লেড্ডুস্স জৰোনাম হত্থজৰমূলকো হোতি. হত্থজৰোচ সরীরবলমূলকো. তত্থ লেড্ডু ৰিয অপ্পনাজৰনং দট্ঠব্বং. লেড্ডুস্স পতনখেত্তং ৰিয চতুত্থতো পচ্ছাকালো. হত্থজৰোৰিয গোত্রভুজৰো. সরীরবলং ৰিয পুরিমানং পরিকম্মজৰনানং বলং দট্ঠব্বং. উত্তানসেয্যস্স বালদারকস্স বলং ৰিয আদিকম্মিকৰীথিযং কামজৰনানং বলং. ৰুদ্ধিপত্তস্স পুরিসস্সবলং ৰিয সমাপত্তিৰীথিযং কামজৰনানং বলং. যথা চ বালদারকেন খিত্তং লেড্ডু হত্থতো মুত্তমত্তেপি পততি. এৰং আদিকম্মিকৰীথিযং অপ্পনাজৰনং একৰারং জৰিত্ৰা পততি. যথাৰুদ্ধিপত্তেন খিত্তং লেড্ডু পতনখেত্তেপি অপতিত্ৰা দূরংপি দূরতরংপি গচ্ছতি. তথা সমাপত্তিৰীথিযং অপ্পনাজৰনং চিরংপি চিরতরংপি পৰত্ততীতি. মূলটীকাযং পন অপ্পনাজৰনং পতনখেত্তে পৰত্তংপি ভূমন্তরপত্তিযাৰা আরম্মণন্তরলদ্ধিযাৰা পতিতংনাম নহোতীতি ৰুত্তং. এত্থ সিযা, কস্মা পঞ্চমতো পট্ঠায জৰনং পতিতন্তি ৰুত্তং. ননু অপতি তত্তা এৰ সুট্ঠু বলৰভাৰতো সত্তমজৰনচেতনা সীঘং অনন্তরে ভৰে ৰিপাকদাযিনীচ আনন্তরিযকম্মঞ্চ হোতি. মজ্ঝে পঞ্চচেতনা তথা বলৰভাৰাভাৰতো চিরেন ততীযভৰাদীসু ৰিপাকদাযিনীচ হোন্তি, অনন্তরিযভাৰঞ্চ ন গচ্ছন্তীতি. নখো পনেতং এৰং দট্ঠব্বং. যদি হি সীঘং ৰিপাকদানতায বলৰতীনাম সিযা. এৰংসতি পঠমচেতনা সব্ববলৰতীনাম সিযা. সা হি ইমস্মিংযেৰ ভৰে ৰিপাকং দেতীতি. ইদং পনেত্থ সন্নিট্ঠানং. এক ৰস্সজীৰীনং তিণরুক্খানং পরিণামোৰিয পথমচেতনায পরিণামো দট্ঠব্বো. দ্ৰিৰস্সজীৰীনং ৰিয সত্তমচেতনায. মহাসালানং ৰিয মজ্ঝিমচেতনানন্তি. তত্থ একৰস্সজীৰিনো তিণরুক্খানাম অসারা হোন্তি. অসারত্তাচ দুব্বলা অনদ্ধনিযা অচিরট্ঠিকা. তস্মা তেসং সীঘতরপরিণামো হোতি. তে হি সীঘতরং রুহন্তি. ৰুদ্ধিং ৰিরুল়্হিং আপজ্জন্তি. সীঘতরং পুপ্ফন্তি ফলন্তি পতন্তি অন্তরধাযন্তি. একং নিদাঘসমযং অতিক্কমিতুং নসক্কোন্তি. দুতীযং ¶ ৰস্সং ন পাপুণন্তি. এত্থচ নিদাঘসমযো ৰিয মরণকালো ৰেদিতব্বো. দ্ৰিৰস্সজীৰিনো পন থোকং সারভূতা হোন্তি. সারভূতত্তাচ থোকং বলৰন্তা অদ্ধনিযা. ততো যেৰচতেসং চিরপরিণামো হোতি. তে হি পথমং ৰস্সং রুহন্তি ৰুদ্ধিং ৰিরুল়্হিং আপজ্জন্তি. পুপ্ফিতুংৰা ফলিতুংৰা নসক্কোন্তি. দুতীযৰস্সেএৰ পুপ্ফন্তি ফলন্তি পতন্তি অন্তরধাযন্তি. দুতীযং পন নিদাঘ সমযং অতিক্কমিতুং ন সক্কোন্তি. ততীযং ৰস্সং ন পাপুণন্তি. মহাসালা পন সব্বসারভূতা হোন্তি. বলৰন্তা চিরতরট্ঠাযিনো. তস্মা তে সণিকমেৰ পরিণামং গচ্ছন্তি. তে হি এক দ্ৰে ৰস্সানি ৰিদত্থিরতনমত্তাৰ হোন্তি. ৰুদ্ধিং ৰিরুল়্হিং নাপজ্জন্তি. পুপ্ফিতুংৰা ফলিতুংৰা ন সক্কোন্তি. অতিচিরট্ঠাযিনো পন হোন্তি. ছ পঞ্চ ৰস্সসতানি ঠত্ৰাৰ পতন্তি. এৰমেৰ পথমজৰনচেতনা সব্বসো অলদ্ধাসেৰনতায অসারা অবলা হোতি. ৰিসুং একং ভৰং নিব্বত্তেতুং একঞ্চ মরণকালং অতিক্কমিতুং ন সক্কোতি. ইমস্মিং ভৰেএৰ ৰিপচ্চিত্ৰাৰা অৰিপচ্চিত্ৰাৰা খিয্যতি. সত্তম জৰনচেতনা পন লদ্ধাসেৰনতায থোকং সারভূতা হোতি. ৰিসুং একং ভৰং নিব্বত্তেতুং সক্কোতি. সারভূতত্তা যেৰচ সণিকমেৰ পরিণামং গচ্ছতি. ইমস্মিং ভৰে ৰিপচ্চিতুং ন সক্কোতি. ভৰন্তরং পত্ৰাৰ ৰিপচ্চতি. পতিতজৰনেসু পন অন্তিম জৰনতায দুব্বলত্তা দুতীযং মরণকালং অতিক্কমিতুং ন সক্কোতি. দুতীযভৰেএৰ ৰিপচ্চিত্ৰাৰা অৰিপচ্চিত্ৰাৰা খিয্যতি. অৰসেসানং পন পঞ্চন্নং মজ্ঝিমচেতনানং সুট্ঠু লদ্ধাসেৰনানং সণিক তর পরিণতভাৰো ৰুত্তনযানুসারেন ৰেদিতব্বোতি. নং কেৰলঞ্চেত্থ তিণ রুক্খো পমায পাণোপমাযাপি অযমত্থো দীপেতব্বো. যেহিকেচি গব্ভসেয্যকা পাণা অপ্পাযুকজাতিকা হোন্তি. তে সীঘতরং গব্ভৰাসং ৰসন্তি, সীঘতরং ৰিজাযন্তি. অঙ্গমঙ্গানিচ নেসং সীঘতরং থামগতানি হোন্তি. ইন্দ্রিযানিচ সীঘতরং পরিপাকগতানি হোন্তি. তদহেৰ উট্ঠহিত্ৰা গচ্ছন্তি. গোচরং গণ্হন্তি. অত্তনো অত্তনো ৰিসযে সীঘতরং ৰিঞ্ঞুত্তং আপজ্জন্তি. সীঘতরং জিণ্ণা হোন্তি মরন্তি. ¶ দীঘাযুকজাতিকানং পন গব্ভৰাসাদীনি সব্বানি সণিক মেৰ সিজ্ঝন্তীতি. এত্থচ মহগ্গত কুসলানি সত্তম জৰনট্ঠানে ঠিতানীতি ৰেদিতব্বানি. পরিকম্মজৰনানি হি চিরট্ঠিতিকট্ঠেন সুপক্ক সালিধঞ্ঞসদিসানি. অপ্পনাজৰনানি অচিরট্ঠিতিকট্ঠেন সুপক্ক সালিভত্তসদিসানীতি তানিপি অচিরতরট্ঠিতিকানিএৰ হোন্তি. দুতীযে ভৰে ৰিপচ্চিত্ৰাৰা অৰিপচ্চিত্ৰাৰা খিয্যন্তি. ইমস্মিং ভৰেপি অপ্পকেন কামচ্ছন্দাদিনা পচ্চনীকধম্মেন পটিবাহিতানি সব্বসো অৰিপাকভাৰং আপজ্জন্তি. তস্মাতানি তেন পরিযাযেন দুব্বলানি নাম হোন্তীতি.

যস্মা চ আনন্তরিযকম্মানং ফলদাননিযততানাম কালনিযমেন ৰিনা ন সম্ভৰতি. কালনিযমোচনাম একন্তেন সত্তমজৰনস্সেৰ হোতি. ন মজ্ঝিমজৰনানং. তেসঞ্হি অসুকস্মিং ভৰেএৰ ৰিপচ্চন্তীতি এৰং নিযমো নত্থীতি. তস্মা দুৰিধস্স নিযমস্স সিদ্ধত্তা এৰ সত্তমজৰনচেতনায অনন্তরিযকম্মতা সিদ্ধা হোতি. ন বলৰতরতাযাতি নিট্ঠমেত্থগন্তব্বন্তি. মূলটীকাযং পন ননুচ সত্তমজৰনচেতনায বলৰতায উপপজ্জৰেদনীযভাৰো হোতি আনন্তরিযতাপীতি চোদনং সমুট্ঠাপেত্ৰা তত্থাযং অধিপ্পাযো সিযা. পটিসন্ধিযা অনন্তরপচ্চযভাৰিনো ৰিপাকসন্তানস্স অনন্তরপচ্চযভাৰেন অন্তিমজৰনচেতনায সুসঙ্খতত্তাসা সত্তমজগনচেতনা উপপজ্জৰেদনীযা আনন্তরিযকাচ হোতি. ন অপতিতজৰনচেতনা ৰিয বলৰতাযাতি উত্তরং ৰদতি. তং যুত্তং ৰিয ন দিস্সতি. এৰঞ্হি সতি পথমজৰনচেতনা কস্স অনন্তরপচ্চযভাৰেন সুসঙ্খতত্তা দিট্ঠধম্মৰেদনীযানাম জাতাতি ৰত্তব্বা হোতীতি. মহাটীকাযং পন দুব্বলাপি অন্তিমজৰন চেতনা সন্নিট্ঠানকিচ্চৰিসেসযুত্ততায ফলৰিপচ্চনে সত্তিৰিসে সযুত্তা হোতীতি উপপজ্জৰেদনীযা আনন্তরিযকাচ সা হোতীতি ৰুত্তং. যথারহন্তি তং তং পুগ্গলানুরূপং. যথাভিনীহার ৰসেনাতি তস্স তস্স পরিকম্মভাৰনা চিত্তস্স কসিণনিমিত্তা দীসুৰা অনিচ্চলক্খণাদীসুৰা অভিনীহরণানুরূপং. অপ্পনাৰীথিন্তি অপ্পনাপবন্ধং. ইদঞ্চ অনেকৰারে পৰত্তানং অপ্পনাজৰনানং সঙ্গহণত্থং ¶ ৰুত্তং. তেনেৰাহ ততোপরং অপ্পনাৰসানে ভৰঙ্গপাতোৰ হোতীতি. তত্থ ততোতি চতুত্থতোৰা পঞ্চমতো ৰা. ইমস্মিং অত্থে সতি পঞ্চমেৰা ছট্ঠেৰা একন্তেন ভৰঙ্গপাতো হোতীতি আপজ্জতি. তস্মা পুন অপ্পনাৰসানেতি ৰুত্তং. ভৰঙ্গপাতোৰহোতি. নত্থি তদারম্মণুপ্পাদোতি অধিপ্পাযো.

‘‘কত্থচি অপ্পনাৰারে সত্তজৰন পরিপূরণত্থং অপ্পনাৰসানেপি কামাৰচরজৰনপ্পৰত্তিং ৰদন্তানং নিকাযন্তরিকানং ৰাদো ইধ এৰসদ্দেন নিৰত্তিতো’’তি ৰুত্তং.

তত্থাতি তস্মিং অপ্পনাজৰনৰারে. নিরন্তরপৰত্তানং জৰনানং ভিন্নৰেদনতানাম নত্থীতি ৰুত্তং সোমনস্সসহগত জৰনা নন্তরন্তিআদি.

‘‘ভিন্নৰেদনানং অঞ্ঞমঞ্ঞং আসেৰনপচ্চযভাৰস্স অনুদ্ধটত্তা’’তিকারণং ৰুত্তং. তং ন সুন্দরং.

ন হি ইধ আসেৰনপচ্চযভাৰো পমাণং. কস্মা, আসেৰন পচ্চনিকানং ফলজৰনানংপি পরিকম্মজৰনেহি অঞ্ঞমঞ্ঞঞ্চ অভিন্নৰেদনতায ইচ্ছিতব্বত্তাতি. পাটিকঙ্খিতব্বাতি অৰস্সং ইচ্ছিতব্বা.

‘‘পসংসিতব্বা’’তি ৰুত্তং. তং ন সুন্দরং.

ন হি তাদিসো সংৰণ্ণনাপদেসো দিস্সতীতি. অরহত্ত ফলে মগ্গৰীথিযং মগ্গকুসলানন্তরং পৰত্তমানেপি অযং পুব্বাপর নিযমো পরিকম্মজৰনেহি এৰ সহ অপ্পনাজৰনানং হোতীতি কত্ৰা ক্রিযজৰনানন্তরং অরহত্তফলঞ্চাতি ৰুত্তং. সুখপুঞ্ঞম্হা পরং দ্ৰত্তিংস অপ্পনাজৰনানি সম্ভৰন্তি. উপেক্খকা পুঞ্ঞম্হা পরং দ্ৰাদস, সুখিতক্রিযতো পরং অট্ঠ. উপেক্খকা ক্রিযতো পরং ছ অপ্পনাজৰনানি সম্ভৰন্তীতি যোজনা. তত্থ দ্ৰত্তিংসাতি অরহত্তফলসব্বপঞ্চমজ্ঝানৰজ্জিতানং চতুন্নং রূপকুসলানং সোল়সন্নং ¶ মগ্গকুসলানং দ্ৰাদসন্নং হেট্ঠিমফলানঞ্চ ৰসেন দ্ৰত্তিংস. দ্ৰাদসাতি পঞ্চমজ্ঝানিকানং রূপারূপমগ্গকুসলানং হেট্ঠিমফলানঞ্চ ৰসেন দ্ৰাদস. অট্ঠাতি পঞ্চমজ্ঝানৰজ্জিতানং চতুন্নং রূপক্রিযানং চতুন্নং অরহত্তফলানঞ্চ ৰসেন অট্ঠ. ছাতি পঞ্চমজ্ঝানিকানং পঞ্চন্নং রূপারূপক্রিযানং অরহত্তফলস্সচ ৰসেন ছ. পুথুজ্জনানং সেক্খানঞ্চ কামপুঞ্ঞতিহেতুতো পরং চতুচত্তালীস অপ্পনা সম্ভৰন্তি. ৰীতরাগানং অরহন্তানং তিহেতুকামক্রিযতো পরং চুদ্দস অপ্পনা সম্ভৰন্তীতি যোজনা.

১৩৯. সব্বথাপীতি অতিমহন্তাদিনা সব্বপকারেনপি. এত্থাতি এতেসু যথাৰুত্তেসু পঞ্চদ্ৰার মনোদ্ৰারেসু. সব্বত্থাপি পন অনিট্ঠে তিৰা পাঠো. তেনেৰ টীকাসু সব্বত্থাপীতি পঞ্চদ্ৰার মনোদ্ৰারেপীতি ৰুত্তং. ইচ্ছিতব্বন্তি ইট্ঠং. কেন ইচ্ছিতব্বন্তি. লোকিযমহাজনেন. তত্থ চ অতিউক্কট্ঠে অতিদুগ্গতেচ জনে অগহেত্ৰা মজ্ঝিমকেন মহাজনেন. এৰঞ্হি সতি ইট্ঠানিট্ঠানং সুট্ঠুৰৰত্থানং হোতীতি অট্ঠকথাযং ৰুত্তং. যস্মিং আরম্মণেকুসল ৰিপাকং উপ্পজ্জতি, তদেৰ ইট্ঠংনাম. যস্মিং পন অকুসলৰিপাকং উপ্পজ্জতি, তদেৰ অনিট্ঠংনাম. ন হি সক্কা ইট্ঠংৰা অনিট্ঠংৰা আরম্মণং ৰিপাকচিত্তং ৰঞ্চেতুন্তিচ. অপিচ দ্ৰারৰসেনাপি ইট্ঠানিট্ঠতা ৰেদিতব্বাতি চ ৰুত্তং. তস্মা ইন্দ্রিযানিন্দ্রিযবদ্ধসন্তানগতে একে কস্মিং রূপকলাপে ৰণ্ণাদীসু রূপেসু কিঞ্চি ইট্ঠং হোতি. কিঞ্চি অনিট্ঠং. কদাচি ইট্ঠং হোতি. কদাচি অনিট্ঠং, তত্থ কিঞ্চি ইট্ঠং হোতি কিঞ্চি অনিট্ঠন্তি যথা কিংস্মিংচি একস্মিং পুপ্ফে ৰণ্ণো ইট্ঠো. গন্ধো অনিট্ঠো, রসো অনিট্ঠো, ফোট্ঠব্বো অনিট্ঠো, খরসম্ফস্সো. কিংস্মিংচি ৰণ্ণোপি ইট্ঠো, গন্ধোপি ইট্ঠো, রসাদযো অনিট্ঠাযেৰ. তথা বুদ্ধস্স সরীরগতেপি একস্মিং কলাপে ৰণ্ণো ইট্ঠো হোতি. গন্ধো অনিট্ঠো. মতকণ্হসুনখস্স উদ্ধুমাতসরীরেপি ৰণ্ণো ইট্ঠো হোতি. গন্ধো অনিট্ঠো. সো হি ৰণ্ণো যদি নিৰত্থপারুতস্স ৰত্থস্স ভৰেয্য. তং ৰত্থং মহগ্ঘং হোতীতি. কদাচি ইট্ঠং কদাচি অনিট্ঠন্তি অগ্গিনাম হেমন্তে ইট্ঠো সুখৰিপাকস্স পচ্চযো. গিম্হে অনিট্ঠো দুক্খৰিপাকস্স পচ্চযো. সীতুদকং গিম্হে ¶ ইট্ঠং. হেমন্তে অনিট্ঠং. তথা সুখ সম্ফস্সং ৰত্থং পকতিকাযে ইট্ঠং হোতি. ৰণং পত্ৰা অনিট্ঠং. তেনৰা সণিকং ফুসন্তস্স ইট্ঠং, গাল়্হং ফুসন্তস্স অনিট্ঠন্তি. নইট্ঠন্তি অনিট্ঠং. তস্মিং অনিট্ঠে. ইট্ঠেতি ইট্ঠমজ্ঝত্তে, কুসলৰিপাকানি পঞ্চৰিঞ্ঞাণ সম্পটিচ্ছন সন্তীরণ তদারম্মণানীতি সম্বন্ধো. সন্তীরণ তদারম্মণানি চেত্থ উপেক্খাসহগতানিএৰ ৰেদিতব্বানি. তেনেৰাহ অতিইট্ঠেপনাতিআদি. তত্থ অভিইট্ঠেতি সুৰণ্ণ রজত মণিৰণ্ণাদিকে হরিতালৰণ্ণাদিকে কোসেয্য ৰত্থৰণ্ণাদি কে দেৰচ্ছরাৰণ্ণাদিকেচ অতিৰিয লোকিযমহাজনেন ইচ্ছিতব্বে ছল়ারম্মণে. যস্মা চেত্থ অনিট্ঠারম্মণ সমাযোগো অকুসলকম্মস্সেৰ ৰিপচ্চনোকাসো হোতি. ইট্ঠারম্মণসমাযোগোচ কুসলকম্মস্সেৰ, তস্মা অনিট্ঠে অকুসলৰিপাকানেৰ. ইট্ঠে কুসলৰিপাকানেৰাতি অযং নিযমো সিদ্ধো. ৰেদনানিযমো পন আদাসে মুখনিমিত্তস্স ৰিয অত্তনো উস্সাহ বলেন ৰিনা কেৰলং কম্মবলেন নিব্বত্তানং ৰিপাকানং পরিদুব্বলত্তা তথা তথা কপ্পেত্ৰা পকপ্পেত্ৰা গহণা ভাৰতো যথারম্মণমেৰ সিদ্ধো হোতীতি দট্ঠব্বং. ন কেৰলঞ্চ ৰিপাকানং এৰ. অথখো ৰিপল্লাসরহিতে খিণাসৰসন্তানে পৰত্তানং কামক্রিযজৰনানং ৰিযথারম্মণমেৰ ৰেদনাযোগো হোতীতি অধিপ্পাযেন ৰুত্তং তত্থাপি সোমনস্সসহগত ক্রিযজৰনাৰসানে তিআদি. তত্থাপীতি তেসু ৰিপাকেসুপি. সোমনস্সসহগত ক্রিয জৰনা ৰসানেতি বুদ্ধৰণ্ণাদিকে অতিইট্ঠারম্মণে পৰত্তানং সোমনস্স সহগত ক্রিযজৰনানং অৰসানে. উপেক্খাসহগত ক্রিয জৰনা ৰসানেতি অনিট্ঠে ইট্ঠমজ্ঝত্তেচ পৰত্তানং উপেক্খাসহগতক্রিযজৰনানং অৰসানে. অযঞ্চ ক্রিযজৰনাৰসানে তদারম্মণনিযমো অট্ঠকথাযংপি ৰুত্তোযেৰ. ৰুত্তঞ্হি তত্থ কামাৰচর তিহেতুক সোমনস্স সহগতক্রিযদ্ৰযং তদারম্মণৰসেন পঞ্চন্নং সোমনস্সসহগত ৰিপাকানং অনন্তরপচ্চযোতিআদি. ইদঞ্চ পকতিনীহারেন পৰত্তানং ক্রিযজৰনানং ৰসেন ৰুত্তং. তথা রূপেন পন চিত্তাতিসঙ্খারেন পৰত্তানং ¶ ক্রিযজৰনানং ইট্ঠেপি উপেক্খাৰেদনাযোগো অনিট্ঠেপি সোমনস্স ৰেদনাযোগো হোতিযেৰ. যথাহ –

কথঞ্চানন্দ অরিযো হোতি ভাৰিতিন্দ্রিযো. ইধানন্দ ভিক্খুনো চক্খুনা রূপং দিস্ৰা উপ্পজ্জতি মনাপং উপ্পজ্জতি অমনাপং. উপ্পজ্জতি মনাপামনাপং. সো সচে আকঙ্খতি পটিকূলে অপ্পটিকূলসঞ্ঞী ৰিহরেয্যন্তি. অপ্পটিকূলসঞ্ঞী তত্থ ৰিহরতি. সচে আকঙ্খতি অপ্পটিকূলে পটিকূল সঞ্ঞী ৰিহরেয্যন্তি. পটিকূলসঞ্ঞী তত্থ ৰিহরতীতি.

সব্বং উপরিপণ্ণাসকে ইন্দ্রিযভাৰনাসুত্তং আহরিতব্বং. তত্থ উপ্পজ্জতি মনাপং উপ্পজ্জতি অমনাপং. উপ্পজ্জতি মনাপামনাপন্তি এতেন খীণাসৰানং কামক্রিযজৰনানং পকতিনীহারেন ইট্ঠে সো মনস্সযোগো অনিট্ঠে উপেক্খা যোগো দস্সিতো হোতি. সোসচে আকঙ্খতি পটিকূলে অপ্পটিকূলসঞ্ঞী ৰিহরেয্যন্তি. অপ্পটিকূলসঞ্ঞী তত্থ ৰিহরতীতিআদিনা পন তেসং তথারূপে চিত্তাভিসঙ্খারে সতি ইট্ঠেপি উপেক্খাযোগো অনিট্ঠেপিসোমনস্স যোগো ৰুত্তো হোতীতি. যং পন খীণাসৰানং সততৰিহারসুত্তে ইধ ভিক্খুনা রূপং দিস্ৰা নেৰ সুমনো হোতি. ন দুম্মনো. উপেক্খকো ৰিহরতি সতো সম্পজানোতিআদিনা ছসুদ্ৰারেসু সোমনস্স পটিক্খিপনং ৰুত্তং. তংপি তেসং তথা রূপচিত্তাভিসঙ্খারবাহুল্লৰসেন ৰুত্তন্তি গহেতব্বং. যস্মা ৰা খীণালৰাপি বুদ্ধরূপদস্সনাদীসু পধানসারুপ্পট্ঠানদস্সনাদীসু চ সোমনস্সিতা হোন্তিযেৰ. তস্মা কেৰলং রাগাদিৰত্থু ভূতানি রূপারম্মণাদীনি ইট্ঠানিট্ঠানি সন্ধায ইদং ৰুত্তন্তিপি যুত্তং. এত্থ চ. কথং পটিকূলে অপ্পটিকূলসঞ্ঞী ৰিহরতি. অনিট্ঠস্মিং ৰত্থুস্মিং মেত্তাযৰা ফরতি. ধাতুতোৰা উপসংহরতি. এৰং পটিকূলে অপ্পটিকূলসঞ্ঞী ৰিহরতি. কথং অপ্পটিকূলে পটিকূলসঞ্ঞী ৰিহরতি ইট্ঠস্মিং ৰত্থুস্মিং অসুভাযৰা ফরতি. অনিচ্চতো ৰা উপসংহরতি. এৰং অপ্পটিকূলে পটিকূলসঞ্ঞী ৰিহরতীতিআদিনা পটিসম্ভিদামগ্গনযেন ইধ তথারূপো চিত্তাভিসঙ্খারো নাম ¶ ৰেদিতব্বো. অপরে পন ৰদন্তি-খীণাসৰা যদা দেৰচ্ছরা ৰণ্ণাদিকং অতিইট্ঠারম্মণং আপাতমা গচ্ছতি. তদা তত্থ অসুভাযৰাফরন্তি. অনিচ্চতোৰা উপসংহরন্তি তত্থ অনিট্ঠভূতং অসুভ লক্খণংৰা অনিচ্চলক্খণংৰা উপেক্খা ক্রিয জৰনানং আরম্মণং হোতি. ন অতিইট্ঠারম্মণভূতং দেৰচ্ছরাৰণ্ণাদিকং.

তথা যদা কুধিভকুট্ঠসরীরাদিকং অতিঅনিট্ঠারম্মণং আপাতমাগচ্ছতি. তদা তত্থ মেত্তাযৰা ফরন্তি. ধাতুতোৰা উপসংহরন্তি. তত্থ ইট্ঠভূতং অৰেরতাৰাদিলক্খণমেৰ সোমনস্সক্রিযজৰনানং আরম্মণং হোতি. ন অতিঅনিট্ঠভূতং কুধিত কুট্ঠসরীরাদিকং. তস্মা তানি জৰনানি কামৰিপাকানিৰিয সব্বদাপি আরম্মণানুরূপমেৰ ৰেদনাযুত্তানি হোন্তীতি. তং নযুজ্জতি. ন হি তানি লক্খণানি দেৰচ্ছরাৰণ্ণাদীহি ৰিনা ৰিসুং লব্ভন্তি. তেহি পন সহেৰ লব্ভন্তি. তস্মা যথা আনিসংসদস্সনেন ভাৰনায পুব্বাপরিযৰিসেসদস্সনেনচ উদ্ধুমাতকাদীসু অতি অনিট্ঠেসুপি সোমনস্সুপ্পত্তি অট্ঠকথাযং ৰুত্তা. যথাচ মহা মোগ্গলানত্থেরস্স বুদ্ধসুবুদ্ধতাদস্সনেন অত্তসম্পত্তিদস্সনেনচ অনিট্ঠভূতেপি অট্ঠিকঙ্কলিকপেতরূপে সোমনস্সুপ্পত্তি পাল়িযং ৰুত্তা. যথা চ মহাকস্সপত্থেরস্স তথারূপেন চিত্তাভি সঙ্খারেন কুট্ঠিনো হত্থতো লদ্ধে অনিট্ঠভূতে পূতিকুম্মাসেপি সোমনস্সুপ্পত্তি অট্ঠকথাযং ৰুত্তা. এৰমেৰং ইধপি অসুভফরণাদিকো চিত্তাভিসঙ্খারো অতিইট্ঠে উপেক্খাজৰনানং অতিঅনিট্ঠেচ সোমনস্সজৰনানং উপ্পত্তিযা পচ্চযো হোতীতি দট্ঠব্বং. অযঞ্হি আরম্মণানং ইট্ঠানিট্ঠভাৰোনাম লোকিযমহাজনানং ইচ্ছাৰসেন সিদ্ধো হোতি অগম্ভীরো ৰিপল্লাসধম্মানং কিলেসানঞ্চ ৰত্থুভূতো. যথাহ-তত্থ কতমং রূপং হীনং. যং রূপং তেসং তেসং সত্তানং উঞ্ঞাতং অৰঞ্ঞাতন্তিআদি. এত্থ হি তেসং তেসং সত্তানন্তি এতেন আরম্মণধম্মানং ইট্ঠানিট্ঠভাৰো নাম লোকিযমহাজন সম্মুতিযা সিদ্ধোতি দস্সেতি. তস্মা যঞ্চ অপ্পহীনৰিপল্লাসানং লোকিযমহাজনানং দেৰচ্ছরাৰণ্ণা দীসু অতি ইট্ঠেসু অতিইট্ঠাকারতো গহণং. যঞ্চ বুদ্ধৰণ্ণা দীসু ¶ অতিইট্ঠেসু অনিট্ঠাকারতো গহণং. তদুভযংপি তেসং ৰিপল্লাসৰসেনেৰ হোতি. যংপন পঞ্ঞৰন্তানং বুদ্ধসাৰকানং দেৰচ্ছরাৰণ্ণাদীসু অনিট্ঠাকারতো গহণং. যঞ্চ বুদ্ধৰণ্ণাদীসু অতিইট্ঠাকারতো গহণং. তদুভযংপি পঞ্ঞাবলেনেৰ হোতীতি ৰেদিতব্বং.

‘‘কুসলাকুসলানং পন অপ্পহীনৰিপল্লাসেসু সন্তানেসু পৰত্তিযা অতিইট্ঠেপি ইট্ঠমজ্ঝত্তঅনিট্ঠাকারতো অনিট্ঠেপি ইট্ঠইট্ঠমজ্ঝত্তাকারতো গহণং হোতীতি’’ ৰুত্তং.

‘‘খীণাসৰানং চিত্তৰিপল্লাসাভাৰেন ক্রিযজৰনানিপি যথারম্মণমেৰ পৰত্তন্তী’’তি ৰুত্তং. তং ৰিচারেতব্বমেৰ.

যে হি তে ধম্ম চক্খুরহিতা হোন্তি. তেযেৰ ৰিপল্লাস ৰসেন চিত্তৰসানুগা আরম্মণৰসানুগাচ হোন্তীতি কুসলা কুসলানিযেৰ যেভুয্যেন যথারম্মণং পৰত্তন্তি. ন পন ক্রিয জৰনানি. ন হি খীণাসৰা লোকিযমহাজনসম্মতেসু ইট্ঠানিট্ঠেসু চিত্তৰসানুগা আরম্মণৰসানুগাচ হোন্তীতি. যথাহ –

রূপা সদ্দা গন্ধা রসা, ফোট্ঠব্বাচ মনোরমা;

ইট্ঠধম্মা অনিট্ঠাচ, ন পৰেধন্তি পণ্ডিতাতি.

তস্মা সোমনস্স ক্রিয জৰনানন্তরংপি তদারম্মণানি সোমনস্সুপেক্খা ৰেদনাযুত্তানি এৰ সিযুং. তথা উপেক্খাক্রিযজৰনানন্তরংপীতি. মূলটীকাযং পনেত্থ পট্ঠানে-কুসলাকুসলে নিরুদ্ধে ৰিপাকো তদারম্মণতাউপ্পজ্জতীতি কুসলকুসলানন্তরং এৰ তদারম্মণং ৰুত্তং. ন অব্যাকতানন্তরং নচ কত্থচি ক্রিযানন্তরং তদারম্মণস্স ৰুত্তট্ঠানং দিস্সতি. ৰিজ্জমানেচ তস্মিং অৰচনে কারণংনত্থি. ভৰঙ্গঞ্চনামেতং নদিসোতোৰিয পটিসোতগামিনাৰং সৰিপ্ফারিকং এৰজৰনং অনুবন্ধতীতি যুত্তং. ন পন ছল়ঙ্গুপেক্খাৰতো খীণাসৰস্স সন্তৰুত্তিক্রিযজৰনং. তস্মা ক্রিযজৰনানন্তরং তদারম্মণৰিধানং ¶ উপপরিক্খিতব্বন্তি ৰুত্তং. পট্ঠানে পন কুসলত্তিকে পঞ্হা ৰারে আরম্মণপচ্চযৰিভঙ্গে তীসু অব্যাকতপদাৰসানৰারেসু সেক্খপুথুজ্জনানং তদারম্মণমেৰ পধানং হোতি. ন কুসলা কুসলজৰনং. তস্মা দ্ৰীসুপি ৰারেসু সেক্খাৰা পুথুজ্জনাৰা কুসলং অনিচ্চতো ৰিপস্সন্তি কুসলং অস্সাদেন্তীতিআদিকং ৰত্ৰা পুনচ কুসলে নিরুদ্ধে অকুসলে নিরুদ্ধে ৰিপাকো তদারম্মণতা উপ্পজ্জতীতি ৰুত্তং. অরহতো পন জৰনংপি তদারম্মণংপি পধান মেৰ হোতি. তস্মা অরহা কুসলং অনিচ্চতো দুক্খতো অনত্ততো ৰিপস্সতি ইচ্চেৰ ৰুত্তং. নপন ৰুত্তং ক্রিযাব্যাকতে নিরুদ্ধে ৰিপাকো তদারম্মণতা উপ্পজ্জতীতি. যদি চেতং ৰুচ্চেয্য তদারম্মণমেৰ পধানং কতংনাম সিযা. অৰুত্তেপিচ তস্মিং ৰিপস্সতীতি ইমিনা তদারম্মণংপি গহিতমেৰ হোতীতি. তস্মা যং ৰুত্তং পট্ঠানে কুসলা.ল. উপ্পজ্জতীতি কুসলাকুসলানন্তরমেৰ তদারম্মণং ৰুত্তং. ন অব্যাকতানন্তরন্তিচ. ৰিজ্জমানেচ তস্মিং অৰচনে কারণং নত্থীতি চ ৰুত্তং. তং ন যুজ্জতিযেৰ. অনন্তরপচ্চযৰিভঙ্গেসু পন কুসলং ৰুট্ঠানস্স অকুসলং ৰুট্ঠানস্স ক্রিযং ৰুট্ঠানস্সাতিচ ৰিপাকধম্মধম্মা খন্ধা ৰুট্ঠানস্স নেৰৰিপাক নাৰিপাকধম্মধম্মা খন্ধা ৰুট্ঠানস্সাতিচ এৰমাদিনা ক্রিযজৰনানন্তরং ভৰঙ্গেন সহ তদারম্মণস্সপি ৰুট্ঠাননামেন ৰুত্তট্ঠানং দিস্সতিযেৰ. তস্মা যঞ্চ ৰুত্তং ন কত্থচি ক্রিযানন্তরং তদারম্মণস্স ৰুত্তট্ঠানং দিস্সতীতি. তংপি ন যুজ্জতিযেৰ. নচ ছল়ঙ্গুপেক্খাৰ তো খীণাসৰস্স সন্তৰুত্তিপি ক্রিযজৰনং সৰিপ্ফারিকং ন হোতি. কুসলজৰনস্স ৰিয তস্সপি ওল়ারিককাযৰচী পযোগসমুট্ঠা পনতোতি.

টীকাৰাদস্স উত্তরং ৰদন্তেন যং ৰুত্তং ‘‘যদি অব্যাকতা নন্তরংপি তদারম্মণং ৰুচ্চেয্য. পরিত্তারম্মণে ৰোট্ঠব্বনা নন্তরংপি তস্স পৰত্তিং মঞ্ঞেয্যুন্তি ক্রিযজৰনানন্তরং তদা রম্মণং ন ৰুত্ত’’ন্তি. তং ন সুন্দরং.

ন ¶ হি পট্ঠানে ইমস্মিং ৰুত্তে ইদংনাম মঞ্ঞেয্যুন্তি অৰুত্তংনাম অত্থি. ন চ অরহা কুসলং অনিচ্চতো দুক্খতো অনত্ততো ৰিপস্সতীতিআদিনা ৰিপস্সনাচারৰসেন ৰুত্তট্ঠানে পঞ্চদ্ৰারিক পরিত্তারম্মণ ৰারপসঙ্গো অত্থীতি. দোমনস্স.ল. উপেক্খা সহগতানেৰ ভৰন্তি. ন সোমনস্সসহগতানি. কস্মা, সোমনস্স দোমনস্সানং অঞ্ঞমঞ্ঞৰিরুদ্ধত্তা. তেনেৰ হি পট্ঠানে তেসং ইতরীতরানন্তরপচ্চযতা নৰুত্তাতি. এত্থচ ক্রিযজৰন দোমনস্সজৰনান মেৰ অনন্তরং তদারম্মণ নিযমং দস্সেন্তেন থেরেন ইতরেসং কুসলাকুসলজৰনানং অনন্তরং পন তাদিসো নিযমো নত্থীতি দস্সিতো হোতি. তস্মা অট্ঠন্নং কামকুসলানং অট্ঠন্নং লোভমূলানং দ্ৰিন্নং মোহমূলানন্তি অট্ঠারসন্নং জৰনানং অনন্তরং আরম্মণানুরূপং সব্বানি তদারম্মণানি ভৰঙ্গানি চ পৰত্তন্তি. যেভুয্যেন পন অকুসলজৰনানন্তরং তদারম্মণং অহেতুকমেৰ. দ্ৰিহেতুকজৰনানন্তরং দ্ৰিহেতুকমেৰ. তিহেতুকজৰনানন্তরং তিহেতুকমেৰাতি অযং যেভুয্যনিযমো. যস্স পন দ্ৰিহেতুকানিৰা তিহেতুকানিৰা কুসলজৰনানি বহুলং সমুদাচরন্তি. তস্স কদাচি অকুসলজৰনেসু জৰিতেসু অকুসলানন্তরংপি দ্ৰিহেতুকানিৰা তিহেতুকানিৰাতদারম্মণানি পৰত্তন্তি. যস্স অকুসলজৰনানি বহুলং সমুদাচরন্তি. তস্স কদাচি দ্ৰিহেতুকেসুৰা তিহেতুকেসুৰা কুসলজৰনেসু জৰিতেসু কুসলানন্তরংপি অহেতুকতদারম্মণানি পৰত্তন্তি. ৰুত্তঞ্হেতং পট্ঠানে-অহেতুকে খন্ধে অনিচ্চতো.ল. দোমনস্সং উপ্পজ্জতি. কুসলাকুসলে নিরুদ্ধে সহেতুকো ৰিপাকো তদা রম্মণতা উপ্পজ্জতি. অহেতুকো ৰিপাকো তদারম্মণতা উপ্পজ্জতীতি. একানিহি তদারম্মণানিনাম পটিসন্ধিজনকেন একেন কম্মেন নিব্বত্তানিপি নানাৰীথীসু নানাপ্পকারানি হোন্তি. পৰত্তি ৰিপাকজনকেহি পন নানাকম্মেহি নিব্বত্থেসু ৰত্তব্বমেৰ নত্থীতি. তস্মাতি যস্মা দোমনস্সানন্তরং সোমনস্সুপ্পত্তি নাম নত্থি, তস্মা. সোমনস্সপটিসন্ধিকস্সাতি চতূসু সোমনস্সমহা ৰিপাকেসু একমেকেন গহিত পটিসন্ধিকস্স সত্তস্স. তদা রম্মণসম্ভৰোতি ¶ তদারম্মণুপ্পত্তি কারণং. তদারম্মণুপ্পত্তি যেৰৰা. যংকিঞ্চীতি ইট্ঠানিট্ঠভূতেসু রূপারম্মণাদীসু যংকিঞ্চি. পরিচিতপুব্বন্তি ইমস্মিং ভৰেযেৰ তঙ্খণতো পুরিমখণেসু গহণ বহুলতা ৰসেন পরিচিতং. অভিণ্হসেৰিতন্তি অত্থো. পরিত্তারম্মণন্তি পরিত্তধম্মভূতং আরম্মণং. আরব্ভাতি আলম্বিত্ৰা. উপেক্খাসহগত সন্তীরণন্তি দ্ৰীসু উপেক্খাসহগতসন্তী রণেসু ইট্ঠে কুসলৰিপাকং অনিট্ঠে অকুসলৰিপাকং উপেক্খা সহগত সন্তীরণং. যেসং পন পকতিযা ইতরানি চত্তারি উপেক্খাসহগত ৰিপাকানি বহুলং পৰত্তন্তি. তেসং তানিপি আগন্তুকভৰঙ্গং নহোন্তীতি ন ৰত্তব্বানি. অট্ঠকথাযং পন মহাধম্মরক্খিতত্থেরৰাদে যেভুয্যনিযমসোতে পতিতত্তা অকুসলজৰনানুরূপং অহেতুকং উপেক্খা সন্তীরণ দ্ৰয মেৰ ৰুত্তং. তেনেৰ হি পরতো থেরৰাদানং ৰিচারিতট্ঠানে অকুসলজৰনানন্তরং অহেতুক তদারম্মণ মেৰ দীপেন্তস্স তস্স থেরৰাদস্স অপরিপুণ্ণৰাদভাৰং দস্সেত্ৰা যদা কুসলজৰনানং অন্তরন্তরা অকুসলং জৰতি, তদা কুসলাৰসানে আচিণ্ণ সদিসমেৰ অকুসলাৰসানে সহেতুকং তদারম্মণং যুত্তন্তি অট্ঠকথাযং ৰুত্তং. তদারম্মণেচযুত্তে এতংপি যুজ্জতিযেৰ. তস্মা ছপি উপেক্খাসহগতৰিপাকানি আগন্তুকভৰঙ্গং হোন্তিযেৰাতি দট্ঠব্বং. এত্থচ উপেক্খাপটিসন্ধিকস্স তাৰ অতিমহন্তাতি ৰিভূতেসুপি বুদ্ধৰণ্ণাদীসু অভিইট্ঠারম্মণেসু দোমনস্সং উপ্পাদেন্তস্স তদারম্মণসম্ভৰো নত্থীতি দোমনস্স জৰনানন্তরং ভৰঙ্গপাতোৰ হোতি. সোমনস্সপটিসন্ধিকস্স পন সব্বেসুপি ইট্ঠানিট্ঠভূতেসু মহন্তেসু অৰিভূতেসুচ ছল়ারম্মণেসু দোমনস্স উপ্পাদেন্তস্স নেৰ তদারম্মণসম্ভৰো অত্থি. নচমূলভৰঙ্গ সম্ভৰোতি কত্ৰা দোমনস্সানন্তরং ছসু উপেক্খাসহগতৰিপাকেসু যথারহং একং আগন্তুক ভৰঙ্গভাৰেন পৰত্ততি. তথা তস্সেৰ বুদ্ধৰণ্ণাদীসু অতিইট্ঠভূতেসু অতিমহন্তেসু অতিৰিভূতেসুচ ছল়ারম্মণেসুৰা মহগ্গতপঞ্ঞত্তীসুৰা দোমনস্সং উপ্পাদেন্তস্সাতি. এত্থ চ যস্মা অভিধম্মে ধাতুৰিভঙ্গে সব্বধম্মেসুৰা পন ¶ পথম সমন্নাহারোতি ৰুত্তং. মহাহত্থিপদোপম সুত্তেচ অজ্ঝত্তি কঞ্চেৰ আৰুসো চক্খু অপরিভিন্নং হোতি. বাহিরাচ রূপাআপাতং আগচ্ছন্তি. নোচ তজ্জো সমন্নাহারো হোতি. নেৰ তাৰ তজ্জস্স ৰিঞ্ঞাণভাগস্স পাতুভাৰো হোতি. যতোচ খো আৰুসো অজ্ঝত্তিকঞ্চেৰ চক্খু অপরিভিন্নং হোতি. বাহিরাচ রূপা আপাত মাগচ্ছন্তি. তজ্জোচ সমন্নাহারো হোতি. এৰং তজ্জস্স ৰিঞ্ঞাণভাগস্স পাতুভাৰো হোতি. অজ্ঝত্তিকঞ্চেৰ আৰুসো সোতং.ল. ঘানং.ল. জিৰ্হা.ল. কাযো.ল. মনো অপরিভিন্নো হোতি. বাহিরাচ ধম্মা আপাতং আগচ্ছন্তি. নোচ তজ্জো সমন্নাহারো হোতি. নেৰ তাৰ তজ্জস্স ৰিঞ্ঞাণভাগস্স পাতুভাৰো হোতি. যতোচ খো আৰুসো অজ্ঝত্তিকোচেৰ মনো অপরিভিন্নো হোতি. বাহিরাচ ধম্মা আপাতং আগচ্ছন্তি. তজ্জোচ সমন্নাহারো হোতি. এৰং তজ্জস্স ৰিঞ্ঞাণভাগস্স পাতুভাৰো হোতীতি ৰুত্তং. তস্মা ৰীথিচিত্তানিনাম আৰজ্জনেনৰিনানউপ্পজ্জন্তি. সচে আৰজ্জনেন ধম্মতোৰা কালভোৰা যংযং নিযমেত্ৰা আৰজ্জিতং হোতি. তং তদেৰ তানিপি গণ্হন্তি. যদি অনিযমেত্ৰা যংকিঞ্চি আৰজ্জিতং হোতি. তানিপি আৰজ্জি তপ্পকারমেৰ গণ্হন্তি. ন পন একাৰজ্জন ৰীথিযং সব্বানি ৰীথিচিত্তানি আৰজ্জনেনৰা অঞ্ঞমঞ্ঞংৰা ধম্মতোৰা কালতোৰা ভিন্না লম্বণানি হোন্তীতি ৰেদিতব্বন্তি.

এত্থ সিযা. যদি চে তং আগন্তুকভৰঙ্গং একৰীথিযং আদিম্হি আৰজ্জনেন আৰজ্জিতং আরম্মণং অগহেত্ৰা অঞ্ঞং যং কিঞ্চি পরিচিতপুব্বং পরিত্তারম্মণং আরব্ভ উপ্পজ্জতি. এৰং সতি নিরাৰজ্জনংনাম এতং সিযা. আৰজ্জনাদীহিচ সদ্ধিং ধম্মতো কালতো চ ভিন্নারম্মণংনাম সিযাতি. সচ্চং, যথা পন মগ্গৰীথিযং গোত্রভুৰোদানানি ফলসমাপত্তিৰীথিযং ফলানি নিরোধতো ৰুট্ঠহন্তস্সচ ফলচিত্তং নিরাৰজ্জনমেৰ হোন্তি ভিন্নারম্মণঞ্চ. এৰমেতস্সপি নত্থি নিরাৰজ্জনতায ভিন্নারম্মণতাযচ দোসোতি. যঞ্চ একস্মিংভৰে ভৰঙ্গস্স পটিসন্ধিযা সহ ধম্মতোচ আরম্মণ তোচ অভিন্নত্তং তত্থ তত্থ ৰুত্তং. তংপি মূলভৰঙ্গং সন্ধায ৰুত্তং. ¶ ইদঞ্চ আগন্তুকভৰঙ্গন্তি নত্থি দোসোতি. তমনন্তরিত্ৰাতি তং আগন্তুকভৰঙ্গং অত্তনো অনন্তরপচ্চযং কত্ৰা. ৰদন্তি আচরিযা. পাল়িযং পন মহাঅট্ঠকথাযংচ এতং ৰিধানং নত্থীতি অধিপ্পাযো. কামাৰচরজৰনাৰসানেযেৰ তদারম্মণং ইচ্ছন্তি. ন মহগ্গতানুত্তরজৰনাৰসানে. কস্মা ইতি চে. কামাৰচর জৰনানং এৰ সৰিপ্ফন্দনত্তা. ইতরেসঞ্চ অৰিপ্ফন্দনত্তা.

‘‘কামতণ্হা নিদান কম্মনিব্বত্তত্তা’’তি কারণং ৰুত্তং. তং অকারণং.

অপিচ অভিঞ্ঞাৰজ্জিতানি মহগ্গতানুত্তরজৰনানি অপরিত্তারম্মণানি হোন্তি. তদারম্মণানি পন পরিত্তারম্মণানেৰাতি নতেসং অৰসানে তদারম্মণুপ্পত্তি পসঙ্গো অত্থি. অভিঞ্ঞাজৰনানিচ কানিচি পরিত্তারম্মণানিপি সন্ততরানি হোন্তীতি তেসংপি অৰসানে তদুপ্পত্তি নত্থিযেৰাতি.

অজনকত্তা জনক সমানত্তাভাৰতোতিআদিপি পটিক্খিত্তং হোতি.

কামাৰচরসত্তানংএৰ তদারম্মণং ইচ্ছন্তি. ন রূপারূপসত্তানং. ন হি তেসু উপ্পন্নানং পরিত্তারম্মণানংপি কামাৰচরজৰনানং অৰসানে তদারম্মণুপ্পত্তি অত্থি. তদারম্মণূপ নিস্সযস্স কাম ভৰঙ্গস্স অভাৰতো মহগ্গত ভৰঙ্গস্স চ সন্ত তরস্স তদারম্মণ কিচ্চা ভাৰতোতি. চক্খুৰিঞ্ঞাণ সোত ৰিঞ্ঞাণানি পন রূপসত্তানং চক্খুসোতইন্দ্রিয পৰত্তিআনুভাৰতো সম্পটিচ্ছনসন্তীরণানিচ দ্ৰারৰীথিভেদে চিত্তনিযমসিদ্ধিতো রূপসত্তেসু পৰত্তন্তি যেৰাতি. কামাৰচরধম্মেস্ৰেৰ আরম্মণভূতেসু তদারম্মণং ইচ্ছন্তি, ন মহগ্গতানুত্তরপঞ্ঞত্তিধম্মেসু. একন্তপরিত্তারম্মণত্তা তদারম্মণানং. তেসং পন একন্তপরিত্তা রম্মণভাৰে কারণং হেট্ঠা ৰুত্তমেৰাতি.

‘‘অপরিচিতত্তা’’তি ¶ কারণং ৰুত্তং. তং অকারণং.

চিত্তঞ্হি নাম ৰিকপ্পবলেৰা অপ্পনাপত্তভাৰনাকম্মৰিসেসে ৰা সতি নিব্বানে ৰিয অপরিচিতেপি আরম্মণে পৰত্ততিযেৰাতি.

‘‘কামতণ্হাযত্তকম্মজনিতত্তাপী’’তি কারণং ৰুত্তং. তংপি হেট্ঠা পটিক্খিত্তমেৰ. তেনেৰ হি অট্ঠকথাযং কিংৰা এতায যুত্তিচিন্তাযাতি ৰত্ৰা সব্বানি ৰিভাৰনিযং ৰুত্ত কারণানি পটিক্খিত্তানীতি.

কামে জৰন সত্তালম্বণানং নিযমেসতীতি কামভূমিপরিযাপন্নানং জৰনানং সত্তানং আরম্মণানঞ্চ ৰসেন তিৰিধে নিযমে সতি. ৰিভূতে তিমহন্তেচ তদারম্মণমীরিতন্তি এতেন তদারম্মণংনাম পৰত্তমানং ৰিভূতারম্মণেৰা অতিমহন্তারম্মণে ৰা পৰত্ততীতি অযমেৰ নিযমো দস্সিতো. ন পন যত্থ তদা রম্মণং পৰত্ততি. এতদেৰ ৰিভূতঞ্চ অতিমহন্তঞ্চ নামাতি নিযমো. তস্মা উল়ারকম্মনিব্বত্তানং সুৰিসদৰত্থুকানং রূপব্রহ্মানং উপ্পন্নাৰীথিযো যেভুয্যেন ৰিভূতারম্মণাএৰ অতিমহন্তা রম্মণাএৰচ হোন্তীতি ৰেদিতব্বা. কেচি পন ইমমত্থং অসল্লক্খেত্ৰা রূপারূপভূমীসু ৰিভূতারম্মণৰীথিযো অতিমহন্তারম্মণৰীথিযোচ নলব্ভন্তীতি ৰদন্তি. [তদারম্মণনিযমো].

১৪০. জৰনেসুচাতি চসদ্দো পন সদ্দত্থো. ছক্খত্তু মেৰৰা জৰন্তি. পকতিকালেপি আরম্মণস্স দুব্বলভাৰে সতীতি অধিপ্পাযো. অট্ঠকথাযংপি হি পকতিকালে আরম্মণদুব্ব লট্ঠানেএৰ কামাৰচরজৰনানং ছক্খত্তুং পৰত্তি ৰুত্তাতি. কেচি পন ছক্খত্তুন্তি ইদং মুচ্ছাকালৰসেন ৰুত্তন্তি মঞ্ঞন্তি. মন্দৰত্তিযন্তি মরণাসন্নকালে বহুচিত্তক্খণাতীতকস্স ৰত্থুস্স দুব্বলত্তা ইতরকালেসুচ মুদুতরভাৰেন কেনচি উপদ্দুত ভাৰেন অজ্ঝোত্থটভাৰেনচ ৰত্থুস্স দুব্বলত্তা তন্নিস্সিতানং জৰনানং ¶ মন্দীভূতৰেগতা ৰসেন পৰত্তিকালে. মরণকালাদীসূতি মরণাসন্নকালে মুচ্ছাকালে ৰিসঞ্ঞিভূত কালে অতিতরুণকালেচ, তত্থ মুচ্ছাকালোনাম অসয্হ রূপেহি দুক্খধম্মেহি অতিভূতানং অধিমত্ততো করজকাযস্স ৰিহঞ্ঞপ্পত্তিকালো. ৰিসঞ্ঞি ভূতকালোনাম পীতিৰেগেনৰা নিদ্দাভিভূততাযৰা যক্খগহণেনৰা সুরামদাদি ৰসেনৰা পকতিসঞ্ঞায ৰিগতকালো. অতিতরুণকালোনাম গব্ভগতস্সৰা সম্পতিজাতস্সৰা দারকস্স অজ্ঝত্ত ৰত্থূনং অতিমুদুকালো. তাদিসেসু হি কালেসু অন্তরন্তরা ছদ্ৰারিকৰীথিযো পৰত্তমানাপি যেভুয্যেন পরিপুণ্ণজৰনৰারা ন পৰত্তন্তি. দ্ৰত্তিৰোট্ঠব্বনিকাৰা চতুপঞ্চজৰনিকাএৰৰা পৰত্তন্তীতি. এত্থচ দ্ৰত্তিৰোট্ঠব্বনিকৰারা অট্ঠকথাযং ৰুত্তা. চতুপঞ্চ জৰনিকৰারা মূলটীকাযং ৰুত্তা. পঞ্চৰারমেৰাতি ইদং পন মরণা সন্নকালৰসেন ৰুত্তং. নমুচ্ছাকালাদিৰসেন. তঞ্চ খোপাকতিকসত্তানং ৰসেনেৰ. যে পন ঝানসমনন্তরংৰা পচ্চৰেক্খণ সমনন্তরংৰা অভিঞ্ঞাসমনন্তরংৰা চৰন্তিৰা পরিনিব্বাযন্তিৰা. তেসং ঝানাদীনিযেৰ পঞ্চৰারতো অধিকানিৰা ঊনানিৰা মরণা সন্নজৰনানিনাম হোন্তীতি দট্ঠব্বং. অযঞ্চ অত্থো উপরি মরণুপ্পত্তিযং আৰিভৰিস্সতীতি. ভগৰতো পন যমকপাটিহারিয কালাদীসূতি এত্থ অঞ্ঞেসংপি মহামোগ্গলানত্থেরাদীনং এৰরূপো লহুপ্পৰত্তিকালো আদিসদ্দেন সঙ্গহিতোতি দট্ঠব্বো. ৰুত্তঞ্হি ৰিসুদ্ধিমগ্গে অযং পন মত্থকপত্তা ৰসী ভগৰতো যমকপাটিহারিযে লব্ভতি. অঞ্ঞেসংৰা এৰরূপে কালেতি. সকলেন পন ৰাক্যেন থপেত্ৰা যমকপাটিহারিযসদিসং লহুক পৰত্তিকালং অঞ্ঞস্মিং কালে ভগৰতোপি ছৰা সত্তৰা পচ্চৰেক্খণচিত্তানি পৰত্তন্তি. অঞ্ঞেসং পন ৰত্তব্বমেৰ নত্থীতি দস্সেতি. চত্তারি পঞ্চৰা পচ্চৰেক্খণচিত্তানি ভৰন্তীতি এত্থপি ভগৰতোপি লহুকপ্পৰত্তিযং পঞ্চ পচ্চৰেক্খণচিত্তানি ভৰন্তি. লহুকতরপৰত্তিযং চত্তারীতি অত্থোপি যুজ্জতিযেৰ.

ভগৰতো ¶ চত্তারি অঞ্ঞেসং পঞ্চপীতি যুত্তং ৰিয দিস্সতীতি ৰুত্তং.

তত্থ যমকপাটিহারিযং করোন্তো ভগৰা অগ্গিক্খন্ধউদক ধারাদীনং দ্ৰিন্নং দ্ৰিন্নং পাটিহারিযানং পৰত্তনত্থং পথমং তেজোকসিণে পাদকজ্ঝানং সমাপজ্জি. ততো দ্ৰে ঝানঙ্গানি পচ্চৰেক্খি. ততো উপরিমকাযতো অগ্গিক্খন্ধো পৰত্ততূতি অধিট্ঠাসি. ততো তস্মিংযেৰ কসিণে অভিঞ্ঞং সমাপজ্জি. অভিঞ্ঞাৰসেন উপরিমকাযতো অগ্গিক্খন্ধো পৰত্ততি. ততো আপোকসিণে পাদকজ্ঝানং সমাপজ্জি. ততো দ্ৰে ঝানঙ্গানি পচ্চৰেক্খি. ততো হেট্ঠিমকাযতো উদকধারা পৰত্তন্তূতি অধিট্ঠাসি. ততো তস্মিংযেৰ কসিণে অভিঞ্ঞং সমাপজ্জি. অভিঞ্ঞাৰসেন হেট্ঠিম কাযতো উদকধারা পৰত্তন্তি. সেসযমকেসুপি এসেৰ নযো. এত্থচ লহুকপ্পৰত্তিযা ইচ্ছিতত্তা দ্ৰে দ্ৰে পচ্চৰেক্খণৰারা চতুপঞ্চজৰনিকাএৰ ভৰন্তি. দ্ৰিন্নঞ্চ জৰনৰারানং অন্তরা দ্ৰে এৰ ভৰঙ্গানি ভৰন্তি. তানিচ দ্ৰে পাটিহারিযানি পস্সন্তানং একপ্পহারেনেৰ পৰত্তানি ৰিয পঞ্ঞাযন্তীতি. এতরহি পন কেচি আদিকম্মিকজ্ঝানপচ্চৰেক্খণেসুপি চত্তারি পঞ্চৰাজৰনানি ৰদন্তি. আদিকম্মিকস্সাতি যোগকম্মসিদ্ধিযা আদিম্হি নিযুত্তস্স. পথমং উপ্পন্না অপ্পনা পথমকপ্পনা. তস্সং পথমকপ্পনাযং. আদিকম্মিকঅপ্পনাৰীথিযন্তি অত্থো. তদা হি সব্বানিপি মহগ্গতজৰনানি পুন আসেৰনাভাৰতো পরিদুব্বলানি হোন্তীতি একৰারমেৰ জৰন্তীতি. অভিঞ্ঞাজৰনানি পন ইদ্ধিৰিকুব্বনাদি. কিচ্চসিদ্ধিযাএৰ পযুত্তানীতি কিচ্চসিদ্ধিতো পরং কত্তব্বাভাৰতো আদিকম্মিককালেপি ৰসীভূতকালেপি একৰারমেৰ জৰন্তীতি ৰুত্তং অভিঞ্ঞাজৰনানিচ সব্বদাপীতি. যথাচ অভিঞ্ঞাজৰনাদি এৰং মগ্গজৰনানিপি তং তং কিলেসপ্পহানকিচ্চসিদ্ধিতো পরং কত্তব্বা ভাৰতো একৰারমেৰ জৰন্তীতি ৰুত্তং চত্তারো পন.ল. এক চিত্তক্খণিকাৰাতি. অথৰা, মগ্গচেতনায অনন্তরিকফলত্তা সকিং ¶ উপ্পন্নেযেৰ মগ্গে ফলস্সৰারো আৰতোতি নত্থি মগ্গচিত্তস্স পুনুপ্পত্তিযা ওকাসোতি ৰুত্তং চত্তারো পন.ল. একচিত্তক্খণিকাৰাতি. জৰনুপ্পত্তিযা পকতিযা সত্তক্খুপরমত্তা মন্দস্স পঞ্চমং উপ্পন্নমগ্গতো পরং দ্ৰে ফলচিত্তানি উপ্পজ্জন্তি. তিক্খস্স চতুত্থং উপ্পন্নমগ্গতো পরং তীণীতি ৰুত্তং ততো পরং.ল. উপ্পজ্জন্তীতি. নিরোধসমাপত্তিকালে পন পুব্বভাগেযেৰ তাদি সস্স পযোগাভিসঙ্খারস্স কতত্তা দ্ৰিন্নং ৰারানং উপরি চিত্তপ্পৰত্তি নত্থীতি ৰুত্তং নিরোধ.ল. জৰতীতি. এত্থচ দ্ৰিক্খত্তুন্তি ইদং উক্কট্ঠ নিদ্দেসৰসেন ৰুত্তং. একংৰা দ্ৰেৰা চিত্তৰারে অতিক্কমিত্ৰা অচিত্তকো হোতীতি হি ৰুত্তং. চতুত্থারুপ্পজৰনন্তি অনাগামিনো কুসলভূতং অরহতো ক্রিযভূতং নেৰসঞ্ঞানাসঞ্ঞা যতন জৰনং. ৰুট্ঠানকালেচ নিরোধস্স নিসন্দমত্তত্তা একৰারমেৰ ৰজনং পৰত্ততীতি ৰুত্তং ৰুট্ঠানকালেচাতিআদি. তত্থ অনাগামি ফলংৰা অরহত্তফলংৰাতি অনাগামিফলেৰা অরহত্তফলেৰা. ভাৰেন ভাৰলক্খণে হেতং পচ্চত্তৰচনং. তেনাহ নিরুদ্ধেতি. সব্বত্থাপি সমাপত্তিৰীথিযন্তি ঝানসমাপত্তি ফলসমাপত্তিৰসেন সকলাযপি সমাপত্তিৰীথিযং. ভৰঙ্গসোতোৰিয ৰীথিনিয মো নত্থীতি ইদং চিণ্ণৰসীভূতকালং সন্ধায ৰুত্তং. অকতা ধিকারস্স পন ঝানসমাপত্তিযং আদিতো পট্ঠায দ্ৰে তীণি চত্তারীতিআদিনা ঝানজৰনানি অনুক্কমেন ৰদ্ধমানানি পৰত্তন্তি. কতা ধিকারানং পন মহাপুরিসজাতিকানং পটিলদ্ধকালতো পট্ঠায চিণ্ণৰসীভাৰানেৰ হোন্তি. তথা ফলজৰনানিচ সব্বেসংপি ফলট্ঠানন্তি দট্ঠব্বং. বহূনিপীতি পিসদ্দো সম্পিণ্ডনত্থো. তেন আদিকম্মিককালাদীসু একৰারাদিৰসেনপি অৰসেসানং পৰত্তিং সম্পিণ্ডেতীতি. [জাননিযমো].

১৪১. এৰং পুব্বাপরনিযামৰসেন ৰীথিচিত্তানং পৰত্তিং দস্সেত্ৰা ইদানি পুগ্গলভেদৰসেন ভূমিভেদৰসেনচ তেসং পৰত্তিং দস্সেন্তো দুহেতুকানন্তিআদিমাহ. পটিসন্ধিৰিঞ্ঞাণসহগতা দ্ৰে হেতুযো এতেসন্তি দুহেতুকা. চতূহি ঞাণৰিপ্প যুত্তমহাৰিপাকেহি ¶ গহিতপটিসন্ধিকা. দ্ৰীহি পন অহেতুক ৰিপাকেহি গহিত পটিসন্ধিকা অহেতুকা নত্থি পটিসন্ধিহেতু এতেসন্তি কত্ৰা. তেসং দ্ৰিন্নংপি ৰিপাকাৰরণসব্ভাৰতো মহগ্গ তজ্ঝানানিপি তাৰ নুপ্পজ্জন্তি. কুতো লোকুত্তরানি. ক্রিযজৰনানি পন খীণাসৰানমেৰ আৰেনিক ভূতানীতি ৰুত্তং ক্রিযজৰনানি চেৰঅপ্পনাজৰনানিচ ন লব্ভন্তীতি. তত্থ ৰিপাকা ৰরণং নাম অহেতুক পটিসন্ধিকতা দ্ৰিহেতুক পটিসন্ধিকতাচ. তথা ঞাণসম্পযুত্তৰিপাকানিচ সুগতিযন্তি সুগতি ভৰে পরিযাপন্নানং তেসং দ্ৰিন্নং তথা ঞাণম্পযুত্তমহাৰিপাকানিচ ন লব্ভন্তীতি অত্থো. এত্থচ সুগতিযন্তি এতেন দুগ্গতিপরিযাপন্নে অহেতুক পুগ্গলে নিৰত্তেতি. ন হি তেসং ইমস্মিং ৰাক্যে ইতরেসং অনুঞ্ঞাতানি ঞাণৰিপ্পযুত্তৰিপাকানিপি লব্ভন্তীতি. তেনাহ দুগ্গতি যং পনাতিআদি. তত্থ দুগ্গতিযং পরিযাপন্নানং অহেতুকানং ঞাণসম্পযুত্তৰিপাকানিচ ঞাণৰিপ্পযুত্তানি মহাৰিপাকানিচ ন লব্ভন্তীতি পরিপুণ্ণ যোজনা দট্ঠব্বা. এত্থ সিযা. কস্মা পনেত্থ সুগতিপরিযাপন্নানং অহেতুকানং চত্তারি ঞাণসম্পযুত্তৰিপাকানি দুগ্গতিপরিযাপন্নানঞ্চ অট্ঠপি সহেতুক মহাৰিপাকানি ন লব্ভন্তীতি ৰুত্তং. ননু পট্ঠানে সহেতুকং ভৰঙ্গং অহেতুকস্স ভৰঙ্গস্স অনন্তরপচ্চযেন পচ্চযোতি ৰুত্তং. এত্থ হি একস্মিং ভৰে একস্স সত্তস্স কদাচি সহেতুকং ভৰঙ্গং কদাচি অহেতুকং ভৰঙ্গন্তি এৰং মূলভৰঙ্গে পৰত্তিভেদো নত্থীতি কত্ৰা সহেতুকং ভৰঙ্গন্তি ইদং তদারম্মণসঙ্খাতং আগন্তুকভৰঙ্গং সন্ধায ৰুত্তন্তি ৰিঞ্ঞাযতি. সহেতুকন্তিচ সামঞ্ঞৰচনত্তা দ্ৰিহেতুকং তিহেতুকঞ্চ তদারম্মণং ৰিঞ্ঞাতব্বং হোতি. অহেতুকস্স ভৰঙ্গস্সাতি ইধ পন তস্স তদারম্মণস্স অনন্তরং উপ্পন্নং মূলভৰঙ্গমেৰ অধিপ্পেতং. ইধপি সামঞ্ঞৰচনত্তা দ্ৰীসু অ- অহেতুকভৰঙ্গেসু যংকিঞ্চি গহেতব্বমেৰাতি. তস্মা দ্ৰিন্নং অহেতুকানংপি অট্ঠসহেতুক তদারম্মণানিপি লব্ভমানানিএৰ সিযুং. দুহেতুকানং পন ৰত্তব্বমেৰ নত্থীতি. ৰুচ্চতে, অহেতু কেসু ¶ তাৰ দুগ্গতিপরিযাপন্নানং সহেতুকতদারম্মণসম্ভৰো সব্বঅট্ঠকথাসু পটিক্খিত্তো. তস্মা অহেতুকস্স ভৰঙ্গস্সাতি ইদং কুসলৰিপাকভূতং অহেতুকভৰঙ্গং সন্ধায ৰুত্তন্তি যুত্তং. অযঞ্হি পট্ঠানে ধম্মতা. যদিদং যথালাভগহণন্তি. ইতরথা সব্বঅট্ঠকথাৰিরোধো সিযাতি. যথাচ কুসলানং যোগসাধনীযত্তা পৰত্তিযংপি যোগকম্মৰসেন ঞাণযোগো হোতি. ন তথা ৰিপাকানং. তেসং পন অযোগসাধনী যত্তা পৰত্তিযং ভৰঙ্গঞাণসঙ্খাতেন উপনিস্সযঞ্ঞাণেন ৰিনা ঞাণযোগো ন সম্ভৰতি. তস্মা সহেতুকং ভৰঙ্গন্তি ইধপি ঞাণৰিপ্পযুত্তভূতং সহেতুকতদারম্মণমেৰ গহেতুং যুত্তন্তি কত্ৰা দ্ৰিহেতুকানং অহেতুকানঞ্চ ঞাণসম্পযুত্ততদারম্মণ পটিক্খেপো থেরেন কতোতি. আচরিযবুদ্ধদত্তত্থেরেন পন যেন ৰিপাকচিত্তেন পটিসন্ধিং গণ্হন্তি. তেন সদিসং ৰা ততো হীনং ৰা তদারম্মণং তেসং সম্ভৰতি. ন পণীতন্তি কত্ৰা দ্ৰিন্নংপি অহেতুকানং অট্ঠমহাৰিপাকানি পটিক্খিপিত্ৰা সত্ততিংসচিত্তপটি লাভো ৰুত্তো. সো পন যথা ৰুত্তপট্ঠানপাল়িযা ৰিরুজ্ঝতি. অপরে পন যথা অহেতুকানং সুগতিপরিযাপন্নানং দ্ৰিহেতুক তদারম্মণং হোতি. এৰং দ্ৰিহেতুকানংপি তিহেতুকতদারম্মণং সম্ভৰতীতি ৰদন্তি. তং যুত্তংৰিয দিস্সতি. অট্ঠকথাযঞ্হি কত্থচি তেসং দ্ৰিন্নংপি অৰিসেসেন অট্ঠমহাৰিপাকপৰত্তি ৰুত্তাতি. পটিসন্ধিৰিঞ্ঞাণ সহগতা তযো হেতূ এতেসন্তি তিহেতুকা. তে পন কামরূপারূপৰসেন তিৰিধা হোন্তি. পুথুজ্জনো অট্ঠঅরিযাচাতি নৰৰিধা. তেসু খীণাসৰানং কুসলাকুসল জৰনানিচ নলব্ভন্তি. সব্বসো অনুসযপহানেন সব্বেসং কুসলাকুসলানং সহ নিরুদ্ধত্তা অনুসয পটিবদ্ধো হি তেসং তব্ভাৰোতি. তথাসদ্দো পক্খন্তরত্থো. অপরিনিট্ঠিতসিক্খাকিচ্চতায সিক্খনসীলযুত্তা সত্তঅরিযা সেক্খানাম. ইধ পন তযো হেট্ঠিমফলট্ঠা অধিপ্পেতা. তেসঞ্হি আদিতো সোতাপত্তিমগ্গেনেৰ দিট্ঠিৰিচিকিচ্ছানং পহীনত্তা তং সহগতানি ¶ পঞ্চজৰনানি নলব্ভন্তীতি. অনাগামিপুগ্গলানং পন পটিঘজৰনানিচ ন লব্ভন্তি. অনাগামিমগ্গেন পহীনত্তা. মগ্গস্স পন একচিত্তক্খণিকত্তা. চতুন্নং মগ্গট্ঠানং পচ্চেকং যথাসকং মগ্গজৰনানিএৰ লব্ভন্তি. উপরিমানঞ্চ ফলানং হেট্ঠিমেহি পুগ্গলেহি অনমিগতত্তা হেট্ঠিমানঞ্চ উপরিমেসু পুগ্গলন্তরেসু অনুপ্পজ্জনতো চতুন্নং ফলট্ঠানংপি পচ্চেকং যথাসকং ফলজৰনানিএৰ লব্ভন্তীতি ৰুত্তং লোকুত্তর.ল. সমুপ্পজ্জন্তীতি. এত্থচ উপরিমগ্গে আগতে হেট্ঠিমমগ্গানুভাৰস্স সব্বসো পটিপস্সদ্ধিৰসেন উপরিমানং পুগ্গলন্তরতাসিদ্ধি ৰেদিতব্বাতি. ইদানি তেসং তেসং পুগ্গলানং পারিসেসতো লব্ভমানৰীথিচিত্তানি দস্সেতুং গাথমাহ. পরিনিট্ঠি তসিক্খাকিচ্চত্তা নত্থি সিক্খিতব্বকিচ্চং এতেসন্তি অসেক্খা. খীণাসৰা. তেসং তেৰীসতিকামৰিপাক ৰীসতিক্রিয অরহত্তফল ৰসেন চতুচত্তালীস ৰীথিচিত্তানি সম্ভৰা যথাসম্ভৰং উদ্দিসে. সত্তন্নং সেক্খানং দিট্ঠিৰিচিকিচ্ছাজৰনৰজ্জিতানং সত্তন্নং অকুসলানং একৰীসতিযা কুসলানং তেৰীসতিযা কামৰিপাকানং তিণ্ণং হেট্ঠিমফলানং আৰজ্জনদ্ৰযস্সচ ৰসেন ছপঞ্ঞাস ৰীথিচিত্তানি সম্ভৰা উদ্দিসে. অৰসেসানং চতুন্নং পুথুজ্জনানং কামৰিপাক লোকিযকুসলাকুলাৰজ্জন দ্ৰযৰসেন চতুপঞ্ঞাস ৰীথিচিত্তানি সম্ভৰা উদ্দিসেতি যোজনা. পুগ্গল ভেদেন ৰীথিচিত্তানং ভেদো পুগ্গলভেদো.

১৪২. সব্বানিপি ৰীথিচিত্তানি উপলব্ভন্তি পুগ্গলানং দ্ৰারানঞ্চ এত্থেৰ পরিপুণ্ণসম্ভৰতো. যথারহন্তি তং তং ভূমিপুগ্গলানং উপ্পত্তিঅরহানুরূপং. রূপাৰচরভূমিযং ৰজ্জিতব্বেসু সোল়সৰীথি চিত্তেসু ছন্নং চিত্তানং উপরিৰাক্যে ৰুচ্চমানত্তা পটিঘজৰন তদারম্মণ ৰজ্জিতানীতি ৰুত্তং. অরূপাৰচরভূমিযং পথমমগ্গ রূপাৰচরহসন হেট্ঠিমারুপ্পৰজ্জিতানি পটিঘজৰন তদারম্মণৰজ্জিতানিচ ৰীথি চিত্তানি লব্ভন্তীতি যোজনা. এত্থাপি ৰজ্জিতব্বেসু অট্ঠতিংস ৰীথিচিত্তেসু সোল়সন্নং চিত্তানং উপরিৰুচ্চমানতা দট্ঠব্বা. সব্বত্থাপীতি সব্বাসুপি রূপারূপভূমীসু. তংতং পসাদরহিতানং তংতংদ্ৰারিক ৰীথিচিত্তানি ¶ ন লব্ভন্তেৰাতি রূপাৰচরভূমিযং তাৰ ঘানাদিত্তযং নত্থীতি ঘানজিৰ্হাকাযপসাদ রহিতানং রূপীব্রহ্মানং ঘান জিৰ্হাকাযদ্ৰারিকানি ছ ৰীথিচিত্তানি নলব্ভন্তেৰ. যানি সন্ধায ছন্নং চিত্তানং উপরিৰাক্যে ৰুচ্চমানত্তাতি হেট্ঠা ৰুত্তং. অরূপভূমিযং পন পঞ্চপি পসাদা নত্থীতি পঞ্চদ্ৰারিকানি দ্ৰিপঞ্চৰিঞ্ঞাণ মনোধা তুত্তিক সন্তীরণত্তযৰসেন সোল়সৰীথিচিত্তানি নলব্ভন্তেৰ. যানি সন্ধায সোল়সন্নং চিত্তানং উপরি ৰুচ্চমানতাতি ৰুত্তং. কামভূমিযং পন তংতং পসাদরহিততা জচ্চন্ধাদীনং ৰসেন যো জেতব্বা. কামে অসীতি ৰীথিচিত্তানি যথারহং লব্ভরে লব্ভন্তি. রূপে চতুসট্ঠি তথা যথারহং লব্ভরে. অরূপে দ্ৰে চত্তালীস যথারহং লব্ভরেতি যোজনা. এত্থচ ব্রহ্মলোকেৰা উপরি ছকামাৰচর দেৰলোকেসুৰা অনিট্ঠারম্মণানি নাম নত্থি. তস্মা রূপাৰচরভূমিযং চতুন্নং অকুসলৰিপাকানং লব্ভমানতাৰচনং তত্থ ঠত্ৰাৰা ইধ আগন্ত্ৰাৰা ইধ অনট্ঠেহি রূপসদ্দেহি সমাগচ্ছন্তানং ৰসেন দট্ঠব্বং. কেচি পন ইধ আগতানংযেৰ ব্রহ্মানং অনিট্ঠারম্মণসমাযোগো হোতীতি থানি চত্তারি রূপভূমিযং লদ্ধানিনাম ন হোন্তি. তস্মা তত্থ সট্ঠিযেৰ ৰীথিচিত্তানীতি ৰদন্তি. তং ন যুজ্জতি. ইধ আগতানংযেৰ উপ্পন্নানিপি ব্রহ্মত্তভাৰে উপ্পন্নত্তা ব্রহ্মলোকে উপ্পন্নানি ইচ্চেৰ ৰত্তব্বত্তা. নচ তত্থ ঠিতাপি ইধ অনিট্ঠানি নগণ্হন্তি. দূরেপি আরম্মণং গহেতুং সমত্থত্তা ব্রহ্মানন্তি.

তস্স ৰাদস্স পটিক্খিপনত্থং ৰুত্তং ‘‘ইধ পন তত্থ ঠত্ৰাপি ইমং লোকং পস্সন্তানং অনিট্ঠারম্মণস্স অসম্ভৰো ন সক্কা ৰত্তু’’ন্তি. তেন তত্থ ঠত্ৰা ইমং লোকং পস্সন্তানং উপ্পন্নানি তানি চত্তারি চিত্তানি তত্থ লদ্ধানিনাম হোন্তি. ইধ আগতানং উপ্পন্নানি ইধ লদ্ধানিনাম হোন্তীতি অনুঞ্ঞাতং হোতি. তঞ্চ ন যুত্তং.

তং তং ভূমিপরিযাপন্নে সত্তসন্তানে উপ্পন্নানিএৰ তংতংভূমিযং উপ্পন্নানীতি সিদ্ধত্তা. ইচ্চেৰন্তিআদি মহানিগমনং. যথাসম্ভৰন্তি তং তং ভূমিপুগ্গলদ্ৰারারম্মণেসু সম্ভৰানুরূপং. ভৰঙ্গেন অন্তরিতা ভৰঙ্গন্তরিতা. যাৰতাযুকন্তি তস্মিং তস্মিং ভৰে ভৰনিকন্তি ৰীথিতো পট্ঠায যত্তকং কালং জীৰিতসন্তানং পৰত্ততি. তত্তকং কালন্তি অত্থো. অব্ভোচ্ছিন্না পৰত্ততি অসতি নিরোধ সমাপত্তিযন্তি অধিপ্পাযো.

ইতি পরমত্থদীপনিযানাম অভিধম্মত্থসঙ্গহস্স

১৪৩. এৰং ¶ পৰত্তিকালে পৰত্তিসঙ্গহং দস্সেত্ৰা ইদানি পটিসন্ধিযং পৰত্তিসঙ্গহং দস্সেতুং আদিগাথ মাহ. এৰং ৰুত্তনযেন পৰত্তিযং পৰত্তিসঙ্গহোনাম ৰীথিচিত্তৰসেন উদীরিতোকথিতো. ইদানি সন্ধিযং পৰত্তিসঙ্গহো নাম ৰীথিমুত্ত চিত্তানং ৰসেন ৰুচ্চতীতি যোজনা. এত্থচ পটিসন্ধিযং চিত্তচেতসিকানং পৰত্তিযা কথিতায ততো পরং ভৰঙ্গকালেচ চুতিকালেচ তেসং পৰত্তি কথিতাযেৰ হোতীতি কত্ৰা সন্ধিযমিচ্চেৰ ৰুত্তং.

পরতো মরণুপ্পত্তিযং পথমং চুতিং দস্সেত্ৰা পচ্ছা অনন্তরে পটিসন্ধিযা ৰক্খমানত্তা ইধ সন্ধিগ্গহণেন অতীতা নন্তর চুতিপি গহেতব্বাতি অধিপ্পাযেন যং ৰুত্তং ‘‘তদাসন্নতায তংগহণেনেৰ গহিতচুতিকালেচা’’তি. তং ন যুজ্জতিযেৰ.

ৰীথিমুত্তানঞ্হি ৰিসযপ্পৰত্তিনাম অতীতানন্তরভৰে মরণুপ্পত্তিযংএৰ সিদ্ধাতি একস্মিং ভৰে ৰিসযপ্পপত্তিযা সহ তেসং পটিসন্ধিপমুখানং ৰীথিমুত্তচিত্তানং পৰত্তিদস্সনত্থংএৰ তায অতীতানন্তরচুতিযা সদ্ধিং মরণুপ্পত্তিৰিধানং থেরেন দস্সিতন্তি. ভৰন্তি সত্তা সঙ্খারাচ এতাসূতি ভূমিযো. অযোতি ৰড্ঢি. অত্থতো পন সুখংচ সুখহেতু সুখপচ্চযাচ ৰেদিতব্বা. যেভুয্যেন ততো অযতো অপগতা এত্থ নিব্বত্তা সত্তাতি অপাযো. সোএৰ ভূমীতি অপাযভূমি. ওল়ারিকেন কামরাগেন কামীযতীতি কামো. গন্তব্বা উপগন্তব্বাতি গতি. গচ্ছন্তি সত্তা এত্থাতিৰা গতি. অনেকৰিধসম্পত্তীনং অধিট্ঠানতায সোভণাগতি সুগতি. কামোচ সো সুগতিচাতি সমাসো. নত্থি যথাৰুত্তো অযো এত্থাতি নিরযো. নিচ্চং ৰা রযন্তি কম্পন্তি ফন্দন্তি ¶ সত্তা দুক্খপ্পত্তা এত্থাতি নিরযো. মনুস্সা ৰিয উদ্ধং উচ্চা অহুত্ৰা তিরো অঞ্চিতা আযতাতি তিরচ্ছানা. যুৰন্তি নানা ৰণ্ণসণ্ঠানাপি সত্তা সমানজাতিতায একীভূতাৰিয হোন্তি এতাযাতি যোনি. জাতি.

খন্ধানং পৰত্তিৰিসেসোতি ৰুত্তং.

তিরচ্ছানানং যোনি তিরচ্ছানযোনি. পেচ্চ ইতা গতাতি পেতা. ইতো অপক্কম্ম চৰিত্ৰা ভৰন্তরে গতাতি অত্থো. যেকেচি কালঙ্কতা. দিৰঙ্গতাপি হি লোকে কালঙ্কতা পেতাতি ৰুচ্চন্তি. ইধ পন সুখসমুস্সযতো পেচ্চ পকট্ঠং পৰাসং দূরং গতাতি অত্থেন যাৰ ততো ন মুচ্চন্তি. তাৰ নিচ্চং দুক্খপ্পত্তা লক্খণসংযুত্তাদীসু আগতা ততীযা অপাযিকসত্তা অধিপ্পেতা. পেতানং সমূহো পেত্তি. পেত্তিযা ৰিসযোতি পেত্তি ৰিসযো. ৰিসযোতিচ পৰত্তিদেসো ৰুচ্চতি. অসুরকাযোতি এত্থ সুরা ৰুচ্চন্তি উপরি দেৰা সুরন্তি ইদ্ধিৰিসেসেহি দিব্বন্তি, সুট্ঠুৰা রমন্তি কামসুখরতিং পচ্চনুভৰন্তীতি কত্ৰা. ন সুরাতি অসুরা. ৰেপচিত্তি পহারাদাদযো সন্ধায সুরপটিপক্খা সুর সদিসাৰাতি অত্থো. ৰিযঙ্করমাতা উত্তরমাতাদযো ৰিনি পাতিকে সন্ধায খুদ্দকসুরা চূল়কসুরাতি অত্থো. যমরাজা দযো ৰেমানিকপেতে সন্ধায একদেসেন সুরসদিসাতি অত্থো. ৰেমানিকপেতাপি হি কত্থচি অসুরকাযাতি আগতা. লোকন্তরিক নেরযিকে সন্ধায সব্বসো সুরগুণ রহিতাতি অত্থো. তেপি হি বুদ্ধৰংসনিদানট্ঠকথাযং জাতিদুক্খ নিদ্দেসেসুচ অসুরকাযাতি ৰুত্তা. তথা কালকঞ্চিকপেতে সন্ধায সব্বসো সুরভাৰরহিতাতি অত্থো. ইতি পঞ্চন্নং অসুরানং ৰসেন অত্থৰিভাগো ৰেদিতব্বো. দিব্বা ৰত ভোকাযা পরিহাযিস্সন্তি, পরিপূরিস্সন্তি অসুরকাযাতি ইমস্মিং সুত্তপদে চত্তারোপি অপাযা অসুরকাযাতি অট্ঠকথাযং ৰণ্ণিতা.

তত্থ ¶ ৰেপচিত্তি পহারাদাদযো অসুরা তাৰ তিংসেসু দেৰেসু সঙ্গহিতা. ৰিনিপাতিকাসুরা চাতুমহারাজিকদেৰেসু. তথা ৰেমানিকপেতাসুরা. তেপি হি ৰিনিপাতিকাসুরা ৰিয তিহেতুকাপি দুহেতুকাপি অহেতুকাপি হোন্তীতি অট্ঠকথাসু ৰুত্তা. যমরাজানো পন ৰেস্সভূ নোত্তিচ পেত্তি রাজা সোমো যমো ৰেস্সৰণোচ রাজাতি এৰং কথা ৰত্থুপাল়িযং আগতা ৰেস্সভূআদযো সযং মহিদ্ধিকা মহানুভাৰা ৰেমানিকপেতরাজানো হুত্ৰাপি নেরযিকেসু সত্তেসু কারুঞ্ঞতং পটিচ্চ হেট্ঠা নিরযলোকেসুপি রজ্জং কারেন্তিযেৰ. তেনেৰ হি সব্বে পেতলোকাপি নিরযলোকাপি যমলো কাতিচ যমৰিসযাতিচ ৰুচ্চন্তীতি. যেচ চাতুমহারাজিকপরি যাপন্না পাপজ্ঝাসযা কুরুরকম্মকারিনো রেৰতিৰিমানে যক্খাতি আগতা সংকিচ্চজাতকে রক্খসাতি আগতা যক্খরক্খসানাম ইতো গন্ত্ৰা উস্সদনিরযেসু নেরযিকানং নানাকম্ম কারণাযো করোন্তো ৰিচরন্তি. তেসংপি কালো উপকালোতি এৰমাদীহি নামেহি নারদজাতকে আগতানং নিরয পালানং উপরিযমরাজানং আণাপৰত্ততিযেৰাতি. লোকন্তরিকা সুরা নিরযে সঙ্গহিতা. ইধ পন কালকঞ্চিকাদযো পেতাসুরাৰ অধিপ্পেতা. তেসং অসুরানং কাযো সমূহোতি অসুরকাযো. এত্থচ নিরযভূমিনাম পচ্চেকং সোল়সুস্সদপরি ৰারানং অট্ঠন্নং মহানিরযানং ৰসেন অন্তো পথৰিযং ঠিতাতি ৰেদিতব্বা. অরঞ্ঞ পব্বত সমুদ্দ দীপকাদীসুপি নানানিরয ভূমিযো হোন্তিযেৰ. তস্মা তাদিসস্স ৰিসুং ৰৰত্থিতস্স ওকাসস্স অত্থিতায নিরযোত্ৰেৰ ৰুত্তা. সেসানং পন তিস্সন্নং অপাযভুম্মীনং তাদিসস্স ওকাসস্স নত্থিতায যোনি ৰিসয কায সদ্দেহি যোজেত্ৰা খন্ধাৰা খন্ধপ্পৰত্তিপদেসাৰা গহিতাতি. [অপাযভূমি]

উস্সিতো উগ্গতো উস্সন্নোৰা মনো এতেসন্তি মনুস্সা. তেহি অনন্তেসু চক্কৰাল়েসুপি ইতরভূমিকানং সত্তানং তিক্খতরসূর ৰিচিত্রচিত্তা হোন্তি. পরিপুণ্ণানং কুসলাকুসলকম্ম পথানং ¶ আনন্তরিযকম্মানঞ্চ এত্থেৰ সম্ভৰতোতি. তেসুপি পন জম্বুদীপৰাসিনোএৰ অতিসযেন উস্সিতমনা হোন্তি. ইতরে পন তেহি সমানৰণ্ণাদিতায মনুস্সা ইচ্চেৰ ৰুচ্চন্তি. ইমস্মিং চক্কৰাল়ে পন ৰত্তব্বমেৰ নত্থি, যথাহ-তীহি ভিক্খৰে ঠানে হি জম্বুদীপকা মনুস্সা উত্তরকুরুকে মনুস্সে অধিগ্গণ্হন্তি. দেৰেচ তাৰতিংসে. কতমেহি তীহি ঠানেহি. সূরাচ সতি মন্তোচ ইধ ব্রহ্মচরিযৰাসোচাতি. অক্খরচিন্তকা পন ৰদন্তি মনূতি মহাসম্মতরাজা ৰুচ্চতি. ইমেচ জনা তেন থপিতেসু মরিযাদধম্মেসু ঠিতা তস্স পুত্তট্ঠানিযা হোন্তি. তস্মা মনুনো অপচ্চা পুত্তাতি মনুস্সাতি. ইধ পন ভূমিপরিযাযোতি কত্ৰা মনুস্সাতি ইত্থিলিঙ্গং একৰচনঞ্চ কতন্তি দট্ঠব্বং. এৰং সেসে সুপি. যেসু পন চত্তারো মহারাজানো রজ্জং কারেন্তি. তে দেৰা চাতুমহারাজিকা. তত্থ ধতরট্ঠো গন্ধপ্পানং রাজা হোতি. ৰিরুল়্হকো কুম্ভণ্ডানং. ৰিরূপক্খো নাগানং. কুৰেরো যক্খানং. তত্থ পটিসন্ধিৰসেন গন্ধরুক্খেসু অপ্পেন্তি উপগচ্ছন্তীতি গন্ধপ্পা. গন্ধরুক্খাধিৰত্থা দেৰা. তে মূলগন্ধাদিৰসেন দসধা পাল়িযং আগতা. কুম্ভণ্ডাতি দানৰরক্খসা. নাগা যক্খাচ পাকটা. সব্বে তে যেভুয্যেন পাপজ্ঝাসযা কুরুরকম্মকারিনো চ হোন্তি. তস্মা চত্তারো মহারাজানো অঞ্ঞমঞ্ঞংৰা মনুস্সানং ৰা অৰিহেঠনত্থায তেসু নানারাজানংৰা নানাসেনাপতিংৰা থপেসুং.

আটানাটিযসুত্তংচেত্থৰত্তব্বং. তত্থ হি যক্খোযক্খিনীগন্ধপ্পো গন্ধপ্পী কুম্ভণ্ডো কুম্ভণ্ডী নাগো নাগীতিচতস্সো অৰরুদ্ধকজাতিযো আগতা. তত্থ সরীরোভাসসিরিসম্পত্তিযুত্তো অমনুস্সো যক্খোতিচ দেৰোতিচ দেৰতাতিচ ৰুচ্চতি. সরীরো ভাস সিরিসম্পত্তিরহিতো ৰিগচ্ছরূপো অমনুস্সো যক্খোত্ৰেৰ ৰুচ্চতি. রুক্খট্ঠকৰিমানে জাতো রুক্খদেৰতানাম. রুক্খস্স অব্ভন্তরে জাতো গন্ধপ্পোনাম. যো লোকে কট্ঠযক্খোতি ৰুচ্চতি. পুব্বে নিহীনকম্মকতা কাচি গন্ধপ্পিযো মনুস্সিত্থীনং সরীরব্ভন্তরেসুপি জাযন্তি. যা ৰেদগন্থেসু যোগিনীতিচ লোকে ¶ জোগিনীতিচ ৰুচ্চন্তি. অভিলক্খিতরত্তীসু গোচরপসুত কালে জুতিঅত্থেন জুণ্হাতিচ ৰুচ্চন্তি, কুব্ভণ্ডানাম মহোদরা ৰিসালক্খা রক্খসাএৰ. যে লোকে ধন রক্খকাতি ৰুচ্চন্তি. তে হি ৰেপুল্লপব্বতে মণিরতনং রক্খন্তি. অন্তো হিমৰন্তে অব্ভন্তর অম্বরুক্খে রক্খন্তি. এৰং রতনট্ঠানানিৰা ৰনপ্পতি রুক্খেৰা দিব্বোসধরুক্খেৰা দিব্বগন্ধরুক্খেৰা উদকসরেৰা রক্খিত্ৰা অসন্তি ভক্খন্তি. তস্মা রক্খসাতি ৰুচ্চন্তি. নাগো নাগীতি এত্থ অন্তো পব্বতেৰা অন্তো পথৰিযংৰা নিব্বত্তা ৰসুন্ধরদেৰযক্খজাতিযোপি ইধ নাগাত্ৰেৰ ৰুচ্চন্তি. যা মহাপরিনিব্বান সুত্তে ভূমিচালসুত্তপদে পথৰী দেৰতাতি ৰুত্তা. যাসং কীল়াপসুত ৰসেন কদাচি ভূমিচালো হোতি. যাসঞ্চ মন্তপদানি ৰত্থু ৰিজ্জাতিচ ভূমিৰিজ্জাতিচ ব্রহ্মজালসুত্তে ৰুত্তানি. তেসুচ নানা ইদ্ধিমন্তা অৰরুদ্ধকা পাপাতিরতা কিব্বিসকম্মকারিনো কীল়া সোণ্ডৰসেনৰা ঘাসসোণ্ডৰসেনৰা পেতেসুচনিরযেসুচ পকতি ৰণ্ণেনৰা সোণগিজ্ঝকাকাদিৰণ্ণেনৰা সত্তে ৰিহেঠযন্তা ৰিচরন্তি. সব্বঞ্চে তং সুত্তন্তেসুৰা জাতকেসুৰা ৰেদগন্থেসুৰা কুসলেহি ৰেদিতব্বন্তি.

সহ পুঞ্ঞকারিনো তেত্তিংস জনা মাঘেননাম জেট্ঠপুরিসেন সহ এত্থ নিব্বত্তাতি তেত্তিংসা. সাএৰ তাৰতিংসা নিরুত্তি নযেন. কামঞ্চেত্থ সব্বচক্কৰাল়েসুপি অযং দুতীযদেৰ লোকো জনৰসতসুত্তে আগত নযেন সক্কট্ঠানিযানং পজাপতি ৰরুণ ঈসানাদীনং তেত্তিংস দেৰরাজূনং নিবন্ধনো কাসো হোতি. সহস্সং চাতুমহারাজিকানং. সহস্সং তাৰতিংসানন্তি হি অঙ্গুত্তরে ৰুত্তং. মাঘপুরিসা পন তেসু সমুদাগতেসু দেৰরাজট্ঠানেসু পচ্চাজাতা হোন্তি. এতরহি ধরমানাচ তস্মা তেসং ৰসেন অযং ৰচনত্থো কতোতি ৰেদিতব্বো. অপরে পন যথা ইন্দগোপকৰণ্ণাভা. তাৰ দিস্সন্তি তিংসতীতি ইমস্মিং ৰিধুরজাতকে তাৰ সদ্দো তিংসসদ্দপরিৰারমত্তো হোতি. তথা ইধাপীতি কত্ৰা তিংসমত্তানং সক্কট্ঠানিযানং দেৰরাজকুলানং নিৰাসট্ঠা নত্তা ¶ তাৰতিংসানামাতি যুত্তং সিযা. অট্ঠকথাসু পন যথাৰুত্তং নিরুত্তিনযং কপ্পেত্ৰা মাঘৰত্থূসুচ তেসু তেসুচ ঠানেসু সক্কানং তেত্তিংস সঙ্খাএৰ ৰুত্তাতিপি ৰদন্তি. তং ন যুজ্জতি. পাল়িযংএৰ ব্রহ্মাসনঙ্কুমারো তেত্তিংসে অত্তভাৰে অভিনিম্মিনিত্ৰা দেৰানং তাৰতিংসানং পল্লঙ্কেসু নিসীদিত্ৰাতি ৰুত্তত্তা. যামোতি তস্মিং দেৰলোকে ইস্সরদেৰকুলস্স নামং. তথা সুযামোতিচ. তং সহচরিতত্তা পন সো দেৰ লোকোপি তত্থ নিব্বত্তদেৰাপি যামাত্ৰেৰ ৰুচ্চন্তি. ৰিপুলায সিরিসম্পত্তিযা সমন্নাগতত্তা নিচ্চং তুসন্তি অতিৰিয হট্ঠতুট্ঠমুখা হোন্তি এত্থাতি তুসিতা. যথারুচিতে ভোগে সযমেৰ নিম্মিনিত্ৰা নিম্মিনিত্ৰা রমন্তি এত্থাতি নিম্মানরতী. অত্তনো রুচিং ঞত্ৰা পরেহি নিম্মিতেসু ভোগেসু ৰসং ৰত্তেন্তি এত্থাতি পরনিম্মিতৰসৰত্তী. ব্রূহন্তি ৰড্ঢন্তি অতিপণীতেহি ঝানাদি গুণেহি ৰুদ্ধিং ৰিরুল়্হিং ৰেপুল্লং আপজ্জন্তীতি ব্রহ্মানো. মহন্তা ব্রহ্মানো মহাব্রহ্মানোতি ৰত্তব্বে মহাসদ্দস্স লোপো.

পরিসতি ভৰাতি পারিসজ্জা. পরিসাসু জাতাতিৰা পারিসজ্জা. পরিচারিকাতি অত্থো. মহাব্রহ্মানং পারিসজ্জাতি ব্রহ্ম পারিসজ্জা. পুরে উচ্চে ঠানে ওদহন্তি তিট্ঠন্তীতি পুরোহিতা. মহাব্রহ্মানং পুরোহিতাতি ব্রহ্মপুরোহিতা. মহন্তা ব্রহ্মানো মহাব্রহ্মানো. সহস্সোব্রহ্মা দ্ৰিসহস্সোব্রহ্মা. তিসহস্সোব্রহ্মাতিআদিনা সঙ্খারুপপত্তিসুত্তে আগতা অধিপতিব্রহ্মানোতি অত্থো. তত্থ সহস্সোব্রহ্মাতি চক্কৰাল়সহস্সম্হি ইস্সরো ব্রহ্মা. দ্ৰিসহস্সোতি দ্ৰীসু চক্কৰাল় সহস্সেসু ইস্সরোতি অত্থো. তযোপেতে একতল ৰাসিনো হোন্তি. তত্থ লোকে মহাজনা ৰিসুং ৰিসুং কুলদেৰতাযোনাম উপট্ঠহন্তি. কেচি মহাদেৰংনাম উপট্ঠহন্তি. কেচি ৰাসুদেৰংনাম. কেচি মহেসরংনাম. কেচি পরমেস্ৰারং নামাতি. ঘরদেৰতা গামদেৰতা রুক্খদেৰতাদযোপি তেসং মহাদেৰরাজানং উপট্ঠকাএৰ সম্পজ্জন্তি. তত্থ মহাদেৰরা জানোৰিয মহাব্রহ্মানো দট্ঠব্বা. ঘরদেৰতাদযোৰিয ব্রহ্ম পুরোহিতাদট্ঠব্বা, ¶ মনুস্সাৰিয ব্রহ্মপারিসজ্জাদট্ঠব্বা. তত্থচ ঘর দেৰতাদযো মহাদেৰরা জানো অদিস্ৰাৰ উপট্ঠহন্তি. মনুস্সা চ তেউভোপি অদিস্ৰাৰ উপট্ঠহন্তি. এৰমেৰং ব্রহ্মপুরোহিতা মহাব্রহ্মানোপি নপস্সন্তি. মহাব্রহ্মানং নিৰাসট্ঠানংপি নজানন্তি. ব্রহ্মপারিসজ্জাউভোপি নপস্সন্তি. উভিন্নংনিৰাসট্ঠানংপি নজানন্তি. যদা পন ওল়ারিকং রূপং মাপেত্ৰা অত্তানং দস্সেন্তি. তদা এৰ পস্সন্তি. এসনযো উপরিভূমীসুপি. যং পন ব্রহ্মনিমন্তন সুত্তট্ঠকথাযং ৰুত্তং ব্রহ্মানং পকতিরূপং কস্সচি আপাতং ন গচ্ছতীতি. তং ব্রহ্মপুরো হিতা দীনং উপরিমানং ব্রহ্মানং পকতিরূপং কস্সচি ব্রহ্মপারিসজ্জাদিনোৰা দেৰস্সৰা মনুস্সস্সৰাআপাতং নগচ্ছতীতি কত্ৰা ৰুত্তং. হেট্ঠিমানং পন পকতিরূপং উপরিমস্স আপাতং আগচ্ছিস্সতিযেৰ. তেনেৰ হি জনৰসভসুত্তট্ঠকথাযং হেট্ঠিমহেট্ঠিমাহি দেৰা উপরিমদেৰানং ওল়ারিকং কত্ৰা মাপিতমেৰ অত্তভাৰং পস্সিতুং সক্কোন্তীতি ৰুত্তং. তত্থদুতীযতলে পরিত্তাভাতি ব্রহ্মপারিসজ্জাএৰ. অপ্পমাণাভাতি ব্রহ্মপুরোহিতা এৰ. আভস্সরাতি মহাব্রহ্মানোএৰ. তস্মিং তলে অধিপতি ব্রহ্মানোএৰাতি অত্থো. হেট্ঠিমতলতো পন ৰিসেস করণত্থং আভাৰসেন নামগহণং হোতীতি দট্ঠব্বং.

তত্থ পরিত্তা আভা এতেসন্তি পরিত্তাভা. অপ্পমাণা আভা এতেসন্তি অপ্পমাণাভা. আভাসরন্তি নিচ্ছরন্তি এতেসূতি আভস্সরাতি. ততীযতলে পরিত্তসুভাতি ব্রহ্মপারিসজ্জাএৰ. অপ্পমাণসুতাতি ব্রহ্মপুরোহিতাএৰ. সুতকিণ্ণাতি মহাব্রহ্মনোএৰ. তস্মিং তলে অধিপতিব্রহ্মানো এৰাতি অত্থো. তত্থ সুভাতি একগ্ঘনা অচলসণ্ঠিতা আভাএৰ ৰুচ্চন্তি. পরিত্তা সুভা এতেসন্তি পরিত্তসুভা. অপ্পমাণা সুভা এতেসন্তি অপ্পমাণসুভা. সুতেহি আকিণ্ণাতি সুভাকিণ্ণা. সুভকিণ্হাতিপি পঠন্তি. তেসং আকারস্স রস্সো অন্তিমণকারস্স চ হকারো দট্ঠব্বো. ইমেসু পন দ্ৰীসু তলেসু পকতিকাযপ্পভা অধিমত্তা হোন্তি. তস্মা তাসং ৰসেন পরিত্তাভাতিআদিকং নামং সিদ্ধং. ন ব্রহ্মপারি সজ্জাতিআদিকং. ¶ এৰঞ্চ কত্ৰা ৰেরঞ্জসুত্তে পথমতলৰাসিনো ব্রহ্মকাযিকা দেৰাতি আগতা. দুতীযতলৰাসিনো আভাদেৰাতি. ততীযতলৰাসিনো সুভাদেৰাতি চতুত্থতলে ৰিপুলং ফলং এতেসন্তি ৰেহপ্ফলা. অথৰা ইঞ্জনজাতিকেহি সোমনস্সজ্ঝানেহি নিব্বত্তানং তিণ্ণং হেট্ঠিমতলানং তেজোসং ৰট্টাদিকেন অন্তরাযেন ভূমিতলেন সহ আযুকপ্পনিৰত্তিৰসেন ইঞ্জিতং পুঞ্ঞফলং অত্থি. তেসু হি যং সুভাকিণ্ণানং দেৰানং চতুসট্ঠিকপ্পানীতি ৰুত্তং. তং তস্মিং তলে আদিকপ্পিকানং ৰসেন ৰুত্তং. পচ্ছিমিকানং পন তেসট্ঠিকপ্প দ্ৰাসট্ঠিকপ্প একসট্ঠি কপ্পাদি ৰসেন ইঞ্জিতং পটিলীনং পুঞ্ঞফলং হোতীতি. আনেঞ্জজাতিকেন উপেক্খাঝানেন নিব্বত্তানং পন কেনচি অন্তরাযেন তাদিসং ইঞ্জিতং পুঞ্ঞফলং নাম নত্থি. তস্মা ঝান সামত্থিযানুরূপং ৰিসেসেন ঈহিতং অভিৰড্ঢিতং পুঞ্ঞফলং এত্থ অত্থীতি ৰেহপ্ফলা.

নত্থি সঞ্ঞামুখেন গহিতা চত্তারো অরূপক্খন্ধা এতেসন্তি অসঞ্ঞা. অসঞ্ঞাচ তে সত্তাচাতি অসঞ্ঞসত্তা. চিত্তচে তসিকানং পন নত্থিতায তেসং অসত্তপসঙ্গতা সম্ভৰতীতি সত্তগহণং কতন্তি দট্ঠব্বং. এতে দ্ৰেপি একতলৰাসিনো এৰ হোন্তি. এত্থপি নিব্বত্তকজ্ঝানস্স হীনমজ্ঝিমপণীততা ৰিসেসস্স অত্থিতায তদনুরূপং ব্রহ্মানংপি পারিসজ্জ পুরোহিত মহাব্রহ্মত্ত ৰিসেসো সম্ভৰতিযেৰ. আযুৰেমত্ততায পন অঞ্ঞমঞ্ঞ অদস্সনাদীনঞ্চ নত্থিতায পারিসজ্জাদিৰসেন ভূমিৰিভাগো নত্থীতি ৰেদিতব্বো. এৰং অৰিহাদীসুপি. ওল়ারিকানং কামরাগপটিঘানুসযানং নত্থিতায সুদ্ধানং অনাগামিঅরহন্তানমেৰ আৰাসাতি সুদ্ধাৰাসা. তত্থ পথমভূমিৰাসিনো অপ্পকেন কালেন অত্তনো ঠানং নৰিজহন্তীতি অৰিহা. অথৰা, ওল়ারিকানং পঞ্চন্নং সংযোজনানং পহীনত্তা নত্থি চিত্তস্স ৰিহঞ্ঞনং সমথৰিপস্স নাধম্মেসু অৰিপ্ফারিকতাপত্তি এতেসন্তি অৰিহা. দুতীযভূমি ৰাসিনো ন কেনচি চিত্তপরিল়াহেন তপ্পন্তীতি অতপ্পা. ততীয তলৰাসিনো পরিসুদ্ধেহি পসাদচক্খু দিব্বচক্খু ধম্মচক্খু পঞ্ঞা চক্খূহি সম্পন্নত্তা সুট্ঠু পস্সন্তীতি সুদস্সা. চতুত্থভূমিৰাসিনো পন ¶ ততো অতিসযেন সুট্ঠু দস্সনভাৰেন সমন্নাগতাতি সুদস্সিনো. অতিসযত্থে হি অযং ঈকারোতি. পঞ্চমভূমি ৰাসিনো উপরি অঞ্ঞস্স ভূমন্তরগতস্স রূপিব্রহ্মুনো নত্থিতায নত্থি রূপীনং সত্তানং মজ্ঝে কেনচি গুণেন কনিট্ঠভাৰো এতেসন্তি অকনিট্ঠা.

আকাসানঞ্চাযতনভূমীতি এত্থ যত্তকং আকাসপদেসং ফরিত্ৰা আকাসানঞ্চাযতন সঞ্ঞিতা চতুক্খন্ধা পৰত্তন্তি. সো খন্ধসহিতো আকাসপদেসো আকাসানঞ্চাযযনভূমি. এৰং সেসাসু. পুথুজ্জনা সোতাপন্না সকদাগামিনোচাপি পুগ্গলা সুদ্ধাৰাসেসু সব্বথা সব্বপকারেনপি নলব্ভন্তীতি যোজনা. এত্থচ সকদাগামীনং পটিক্খেপেন অনাগামি মগ্গট্ঠস্সপি তত্থ পটিক্খেপো সিদ্ধো হোতীতি উপরিমানং তিণ্ণং অরিযানমেৰ তত্থ পটিলাভো ইমায গাথায ৰুত্তোতি ৰেদিতব্বো. সেসট্ঠানেসূতি পঞ্চসুদ্ধাৰাসতো অসঞ্ঞাপাযতোচ অৰসেসেসু একৰীসতিযা ঠানেসু, অনরিযাতি পুথুজ্জনা. [ভূমিচতুক্কং]

১৪৪. ওক্কন্তিক্খণেতি পটিসন্ধিক্খণে. পটিসন্ধিহি ভৰন্তরে ওক্কমনং অনুপৰিসনন্থি অত্থেন ওক্কন্তীতি ৰুচ্চতি. ততো পরং ভৰঙ্গং হুত্ৰাতি যোজনা. কেচি পন ভৰঙ্গপরিযোসানেতি পঠন্তি. তং ন যুজ্জতি. জাতিযা অন্ধো জচ্চন্ধো. আদিসদ্দেন জাতি বধির জচ্চঘানক জাতিমূগ জচ্চেল় জচ্চুম্মত্তক পণ্ডক উভতো ব্যঞ্জনক নপুংসক মম্মাদযো সঙ্গণ্হাতি. তত্থ যস্স চক্খুং উপ্পাদেতুং অসমত্থেন কম্মেন পটিসন্ধি লদ্ধা. সো জচ্চন্ধো নাম. এসনযো সেসেসুপি. তত্থ পসাদসোত রহিতো জাতিবধিরো নাম. পসাদ ঘানরহিতো জচ্চ ঘানকো নাম. পসাদজিৰ্হারহিতো নাম নত্থি. ৰচনরহিতো জাতিমূগোনাম. দিসাৰিদিসামত্তংপি সঞ্ঞাপেতুং অসক্কুণেয্যো জাতিএল়ো নাম. সব্বকালংপি ৰিপল্লট্ঠচিত্তো জচ্চুম্মত্তকোনাম. কামহেতু আসিত্তকাদিভাৰেন ৰিপ্পকারপত্তো পণ্ডকোনাম. দ্ৰীহি ব্যঞ্জনেহি সমন্নাগতো উভতো ব্যঞ্জনকোনাম. ভাৰদ্ৰয রহিতো নপুংসকোনাম. পকতিৰচনেপি একমেকং অক্খরং মহুস্সাহেন ¶ উপ্পাদেন্তো ৰিবচ্ছৰচনো মম্মোনাম. এত্থচ চক্খুং উপ্পাদেতুং সমত্থেন কম্মেন লদ্ধপটিসন্ধিকস্স পৰত্তিকালে তংৰা অঞ্ঞংৰা কম্মং চক্খুং উপ্পাদেতি. অসমত্থেনকম্মেন লদ্ধপটিসন্ধি কস্স পন ৰত্থুৰিপন্নস্স পৰত্তিকালে অঞ্ঞংপি কম্মং চক্খুং উপ্পাদেতীতি নত্থি. তস্মা গব্ভসেয্যকানংপি জচ্চন্ধভাৰো পটিসন্ধিক্খণেযেৰ সিদ্ধোতি ৰেদিতব্বো. এসনযো সেসেসু জাতি বধিরাদীসু. আযতনানং পটিলাভো জাতীতি ৰুত্তত্তা চক্খুস্স উপ্পজ্জনারহকালো চক্খুস্স জাতিকালোনাম. তদা অনুপ্পন্ন চক্খুকো জচ্চন্ধোনামাতি এৰং অত্তনো অত্তনো উপ্পজ্জনারহ কালৰসেন তস্স তস্স আযতনস্স জাতিকালো ৰেদিতব্বো. এৰঞ্হিসতি জাতিমূগাদযোপি উপপন্নো হোন্তীতিচ ৰদন্তি. ৰিভাৰনি যংপি অযমত্থো ৰিভাৰিতোতি.

‘‘অপরে পন জচ্চন্ধোতি পসুতিযংযেৰ অন্ধো. মাতু কুচ্ছিযং অন্ধো হুত্ৰা নিক্খন্তোতি অত্থো. তেন দুহেতুকতিহেতুকানং মাতুকুচ্ছিযং চক্খুস্স অৰিপজ্জনং সিদ্ধন্তি ৰদন্তীতি’’ ৰুত্তং. তং ন যুত্তং.

লোকে মাতুকুচ্ছিযংযেৰ অন্ধো হুত্ৰা নিক্খন্তস্সপি একচ্চস্স তং তং সিপ্পৰিজ্জাঠানেসু পঞ্ঞাৰেয্যত্তিযভাৰস্স দিট্ঠত্তা. থপেত্ৰা হি মহাবোধিসত্তে অঞ্ঞেচ পচ্ছিমভৰিকে সত্তে অৰসেসানং দ্ৰিহেতুক তিহেতুকানংপি মাতুকুচ্ছিম্হি পরূপক্কমেনৰা মাতুযা ৰিসমপযোগেনৰা নানাবাধেনৰা উপ্পন্নানংপি চক্খুসোতানং ৰিপত্তিনাম নত্থীতি ন সক্কা নিযমেতুন্তি. ভুম্মস্সিতানঞ্চ ৰিনিপাতিকাসুরানন্তি এত্থ ভূমিযং জাতাতি ভুম্মা. ভূমিসম্বন্ধেসু রুক্খট্ঠক পব্বতট্ঠক ৰিমানেসু নিব্বত্তা আল়ৰক সাতাগির হেমৰতাদযো মহিদ্ধিকা ভুম্মাদেৰা. যে লোকে বলিহরণ ৰসেন পূজনীযট্ঠেন যক্খাতিপি ৰুচ্চন্তি. যে পন ভুম্মদেৰজাতিকাপি সমানা অত্তনো পুঞ্ঞনিব্বত্তস্স কস্সচি ভোগসুখস্স অভাৰা কিচ্ছজীৰি কপ্পত্তা ¶ ৰিচরন্তি. তে তেসং মহিদ্ধিকানং ভুম্মদেৰানং পরংপর পারিসজ্জেসু পরিযাপন্নত্তা ভুম্মে দেৰে সিতা নিস্সিতাতি অত্থেন ভুম্মস্সিতানাম হোন্তি. ভুম্মিস্সিতাতিপি পাঠো. পুঞ্ঞনিব্বত্তস্স নিৰাসট্ঠানস্স অভাৰা রুক্খগুম্বলেণগুহাসুসানা দীসু ৰিৰিত্তেসু ভূমিপদেসেসু নিস্সায ৰসন্তীতি অত্থো. তেযেৰ ৰিরূপা হুত্ৰা ভৰন্তরে নিপতন্তীতি ৰিনিপাতিকা. ৰিনিপাতিকাচ তে হেট্ঠাৰুত্তট্ঠেন অসুরাচাতি ৰিনিপাতিকা সুরা. তে পন গামসমীপেৰা অন্তোগামেৰা ৰিৰিত্তট্ঠানেসু ৰসিত্ৰা গামৰাসীহি ছড্ডিতানি ভত্তসিত্থপূৰখজ্জমচ্ছমংসাদীনি পরিযেসিত্ৰাৰা তানি অলভিত্ৰা দারকেৰা গিলানেৰা পীল়েত্ৰাৰা সক্কোন্তা পন অঞ্ঞেপি মনুস্সে তাসেত্ৰা পীল়েত্ৰাৰা জীৰিতং কপ্পেন্তীতি. তেসং ৰিনিপাতিকাসুরানং. একচ্চানন্তি অধিপ্পাযো. ন হি সব্বে ৰিনিপাতিকা সুরানাম অহেতু কাএৰাতি সক্কা ৰত্তুং. দ্ৰিহেতুকতিহেতুকানংপি সব্ভাৰতো. এৰঞ্চ কত্ৰা তেসং একচ্চানং পিযঙ্করমাতা উত্তরমাতা ধম্মগুত্তা ফুস্সমিত্তাদীনং ধম্মাভিসমযোপি অট্ঠকথাসু ৰুত্তোতি. একচ্চে যক্খজাতিকাপি রক্খসজাতিকাপি ৰেমানিকপেতাপি পরদত্তুপজীৰি পেতাপি এত্থ সঙ্গহিতাতি দট্ঠব্বা.

তেসূতি যথাৰুত্তপটিসন্ধি যুত্তেসু পুগ্গলেসু. যস্মা আযুপরিচ্ছেদোনাম একভূমিপরিযাপন্নানং সব্বসত্তানং অসেসসা ধারণনিযমপরিমাণৰসেন পৰত্তো. অপাযানং মনুস্সানং ভুম্ম দেৰানঞ্চ তাদিসো নিযমপরিমাণোনাম নত্থি. ন হি সকলচক্ক ৰাল়পরিযাপন্না একভূমকা সব্বনিরযা একআযুপরিচ্ছেদা হোন্তি. তিরচ্ছানাদীসুপি এসেৰনযো. তস্মা ৰুত্তং চতুন্নং অপাযানন্তিআদি. চতুন্নং অপাযানং আপাযিকপুগ্গলানং আযুপ্পমাণ গণনায নিযমো নত্থি, তত্থ যেভুয্যেন কম্মপমাণত্তা. তত্থ নিরযেসু অব্বুদাদীনং দসন্নং নিরযানং ভগৰতা ৰুত্তো আযুপরিচ্ছেদোপি তত্থ তত্থ নিব্বত্তকেন কম্মেনেৰসিদ্ধোতি ৰেদিতব্বো. মনুস্সানন্তি ইদং জম্বুদীপগাসীনং ৰসেন ৰুত্তন্তি ৰদন্তি. তে সঞ্ঞেৰ ¶ হি আযুকপ্পস্স আরোহণং ওরোহণঞ্চ অত্থি. ন ইতরদীপৰাসীনং. তেসু হি উত্তরকুরুৰাসীনং নিযমতো ৰস্স সহস্সং হোতি. ইতরেসং দ্ৰিন্নং পঞ্চৰস্স সতানীতিচ ৰদন্তি. এৰং সন্তে তেসু দীপেসু আদিকপ্পিকানংপি সোএৰ পরিচ্ছেদোতি আপজ্জতি. জম্বুদীপৰাসীনং পন সমৰিসমাচারনিসন্দভূতা চন্দসূরিযনক্খত্তাদীনং ৰিসমসমগতিমূলিকাউতুআহারানং সম্পত্তি ৰিপত্তিযো তেসংপি সাধারণাএৰ হোন্তি. তস্মা তেসুপি আযুপরিচ্ছেদানং আরোহণং ওরোহণঞ্চ নত্থীতি নৰত্তব্বং. নিসন্দমত্তত্তা জম্বুদীপগতিযা একগতিকা নহোন্তীতি পন ৰত্তব্বং. তথা হি পাল়িযং উত্তরকুরুকা মনুস্সা অমমা অপরিগ্গহা. নিযতাযুকা অৰসেসাযুনাতি ৰুত্তং. তত্থ অৰসেসাযুনাতি অসঙ্খ্যেয্যতো ওরোহিত্ৰা নিচ্চলং ঠিতেন ৰস্সসহস্সেনাতি অত্থোতি.

ৰিনিপাতিকাসুরানন্তি ইদং নিদস্সনমত্তং দট্ঠব্বং. সব্বেসংপি মহেসক্খানং অপ্পেসক্খানঞ্চ ভুম্মদেৰানং ৰেমানিকপেতাদীনঞ্চ ইধ অধিপ্পেতত্তা. তেসঞ্হি সব্বেসংপি কম্মমেৰ পমাণন্তি. চাতুমহারাজিকানংপনদেৰানন্তি ইদং উপরিমে চাতুমহারাজিকে সন্ধায ৰুত্তং. দিব্বানীতি তস্মিং দেৰলোকে সিদ্ধানি. পঞ্চ ৰস্সসতানীতি ইদঞ্চ যেভুয্যৰসেন ৰুত্তন্তি গহেতব্বং. যস্মা পন কস্সপবুদ্ধস্স সাৰকভূতা সোতাপন্নদেৰ পুত্তা আকাসট্ঠক ৰিমানেসু নিব্বত্তা যাৰ নিমিরাজকালাপি তিট্ঠন্তীতি জাতকট্ঠকথাযং ৰুত্তা. তস্মা কেসঞ্চি আকাসট্ঠকদেৰানংপি কম্মপমাণতা সিদ্ধা হোতীতি ৰেদিতব্বং. ন চেত্থ পুনপ্পুনং নিব্বত্তি চিন্তেতব্বা. ন হি সোতা পন্নানং সত্তক্খত্তুতো পরং কামভৰে পটিসন্ধিনাম অত্থি. ন চ তস্মিং দেৰলোকে সহস্সক্খত্তুং নিব্বত্তমানাপি তত্তকং কালং সংপাপুণিতুং সক্কোন্তীতি. মনুস্সগণনাযাতি মনুস্সানং ৰস্সগণনায. মনুস্সলোকে হি পঞ্ঞাসৰস্সানি চাতুমহারাজিকে একো দিব্বরত্তিদিৰো হোতি. তিংসরত্তিদিৰা একো দিব্বমাসো. দ্ৰাদসমাসা একং দিব্বৰস্সং. তেন দিব্বৰস্সেন তেসং পঞ্চৰস্সসতানি ¶ মনুস্সগণনায নৰুতিৰস্সসতসহস্সং হোতীতি. ততোতি চাতুমহারাজিকানং দেৰানং আযুপ্পমাণতো. চতুগুণন্তি আযুপমাণস্স দিগুণৰুদ্ধিযাচেৰ দিব্বস্স রত্তিদিৰস্স দিগুণৰুদ্ধিযাচ ৰসেন চতূহি ভাগেহি গুণিতং ৰড্ঢিতন্তি অত্থো. এসনযো সেসেসুপি. তত্থ আযুপমাণস্স দিগুণৰুদ্ধিনাম হেট্ঠিমানং দেৰানং আযুপমাণতো উপরিমানং দেৰানং আযুপমাণস্স দিগুণৰুদ্ধি. এতেন তাৰতিংসানং দিব্বং একং ৰস্সসহস্সং. যামানং দ্ৰেৰস্সসহস্সানি. তুসিতানং চত্তারি, নিম্মানরতীনং অট্ঠ. ৰসৰত্তীনং দিব্বানি সোল়সৰস্স সহস্সানি আযুপ্পমাণং হোতীতি সিদ্ধং হোতি.

দিব্বস্স রত্তিদিৰস্স দিগুণৰুদ্ধিনাম হেট্ঠিমানং দেৰানং রত্তিদিৰতো উপরিমানং রত্তিদিৰস্স দিগুণৰুদ্ধি. এতেন মনুস্সলোকে একং ৰস্সসতং তাৰতিংসে একো দিব্বরত্তিদিৰো. দ্ৰেৰস্সসতানি যামে. চত্তারি তুসিতে. অট্ঠ নিম্মানরতিযং. সহস্সং ছ চৰস্সসতানি ৰসৰত্তিযং একো দিব্বরত্তিদিৰোতি সিদ্ধং হোতি. রত্তিদিৰানঞ্চ দিগুণৰুদ্ধিযা সিদ্ধায মাসসংৰচ্ছরানংপি দিগুণৰুদ্ধি সিদ্ধাৰ হোতীতি. এৰঞ্চসতি যথাৰুত্তানি তাৰতিংসাদীনং দিব্বৰস্সসহস্সাদিনিপি অত্তনো অত্তনো রত্তিদিৰমাসসংৰচ্ছরেতিএৰ ৰেদিতব্বানীতি সিদ্ধং হোতি. তথাচ সতি উপরিমানং আযুপরিমাণানি হেট্ঠিমানং আযুপরিমাণতো চতুগুণানীতি সিদ্ধং হোতি. তেন ৰুত্তং. ততো চতুগুণং তাৰতিংসানং. ততো চতুগুণং যামানন্তিআদি. দিব্বগণনায চ তথা সিদ্ধায সতি মনুস্সগণনাযপি চতুগুণভাৰো সিদ্ধোযেৰ হোতি. তস্মা মনুস্সগণনাযপি হেট্ঠিমানং নৰুতিৰস্সসতসহস্সাদীনি চতূহি উপরূপরিগুণিতানি উপরিমানং তিকোটিসট্ঠিৰস্সসত সহস্সাদিনি ভৰন্তীতি কত্ৰা তানি সব্বানিপি আদিঅন্তদস্সন ৰসেন নিদ্দিসন্তো নৰসতন্তি গাথমাহ. ৰস্সানং নৰসতং কোটিযো চ একৰীস কোটিযো চ তথাসট্ঠিৰস্স সতসহস্সানি চ ৰসৰত্তীসু দেৰেসু আযুপ্পমাণং হোতীতি যোজনা.

যস্মা ¶ অৰিতক্কৰিচারমত্তং ঝানং ওল়ারিকস্স ৰিতক্কস্স সমতিক্কমা পথমজ্ঝানতো সুট্ঠুবলৰং হোতি. ততোযেৰ ততীযজ্ঝানতোপি নাতিদুব্বলঞ্চ হোতি. তস্মা তং ততীযজ্ঝানেন একতো হুত্ৰা সমতলে ভূমন্তরে ৰিপাকং দেতীতি ৰুত্তং দুতীযজ্ঝানৰিপাকং ততিযজ্ঝানৰিপাকঞ্চ দুতীযজ্ঝানভূমিযন্তি. তেনেৰচ ভূমীনং ঠিতিক্কমোপি চতুত্থজ্ঝান ৰসেনেৰ সিদ্ধো. থেরেন পন হেট্ঠা পঞ্চকনযৰসেনেৰ ঝানানি ৰুত্তানি. তস্মা ইধপি তেনেৰ নযেন ৰিপাকানি গহেত্ৰা চতুত্থজ্ঝানৰিপাকং ততীযজ্ঝানভূমিযন্তিআদি ৰুত্তং. তেসূতি তাহি ছহি পটিসন্ধীতি গহিতপটিসন্ধিকেসু. কপ্পস্সাতি ইদং অসঙ্খ্যেয্যকপ্পং সন্ধায ৰুত্তং. চতুব্বিধা হি কপ্পামহাকপ্পো অসঙ্খ্যেয্যকপ্পো অন্তরকপ্পো আযুকপ্পোতি, তত্থ আযুকপ্পোনাম তেসং তেসং সত্তানং তংতং আযুপরিচ্ছেদো ৰুচ্চতি. অন্তরকপ্পোনাম একস্সৰিৰট্টট্ঠাযিঅসঙ্খ্যেয্যস্স অব্ভন্তরে মনুস্সানং আযুকপ্পস্স হাযনৰড্ঢনৰসেন দিস্সমানন্তরা চতুসট্ঠিপভেদা চূল়কপ্পা ৰুচ্চন্তি. পীসতিভেদাতি কেচি. অসীতিভেদাতি অপরে. চুদ্দসপ্প ভেদাতি ৰেদৰিদু. যে লোকে মন্ৰন্তরকপ্পাতি ৰুচ্চন্তি. একমেকেন মনুনামকেন মহাসম্মতরাজেন উপলক্খিতা অন্তরকপ্পাতি ৰুত্তং হোতি. কেচি পন একস্মিং ৰিৰট্টট্ঠাযিম্হি মহাসম্মতরা জানং একমেৰ ইচ্ছন্তি. চতুসট্ঠিঅন্তরকপ্পা পন একো অসঙ্খ্যে কপ্পোনাম. সো চতুব্বিধো সংৰট্টো সংৰট্টট্ঠাযী ৰিৰট্টো ৰিৰট্টট্ঠাযীতি. তত্থ ৰিনস্সমানো কপ্পো সংৰট্টো. যথা ৰিনট্ঠং তিট্ঠমানো কপ্পো সংৰট্টট্ঠাযী. ৰড্ঢমানো কপ্পো ৰিৰট্টো. যথা ৰিৰট্টং তিট্ঠমানো কপ্পো ৰিৰট্টট্ঠাযীতি ৰেদিতব্বো. তে পন চত্তারো অসঙ্খ্যেয্যকপ্পা একো মহাকপ্পোনাম. এত্থচ যো জনাযামৰিত্থারে সেতসাসপরাসিম্হি ৰস্সসত ৰস্সসতচ্চযেন একেকবীজহরণেন পরিক্খীণেপি একো মহাকপ্পো পরিক্খযং নগচ্ছতি. এৰং দিঘো মহাকপ্পোতি ৰেদিতব্বো.

তত্থ যদা কপ্পো তেজেন সংৰট্টতি. আভস্সরতো হেট্ঠা অগ্গিনা দয্হতি. যদা আপেন সংৰট্টতি. সুভাকিণ্ণতো হেট্ঠা উদকেন ¶ ৰিলীযতি. যদা ৰাযুনা সংৰট্টতি. ৰেহপ্ফলতো হেট্ঠা ৰাতেন ৰিদ্ধংসতীতি এৰং অট্ঠকথাযং ৰুত্তত্তা অযং লোকো নিরন্তরং সত্তসু ৰারেসু অগ্গিনা ৰিনস্সতি. অট্ঠমে ৰারে উদকেন ৰিনস্সতি. পুন সত্তসু অগ্গিনা. অট্ঠমে উদকেনাতি এৰং অট্ঠন্নং অট্ঠকানং ৰসেন চতুসট্ঠিৰারেসু অন্তিমে উদকৰারে উদকং পহায ৰাতৰারো হোতীতি অযমত্থো সিদ্ধো হোতি. কথং. যং ৰুত্তং আভস্সরানং অট্ঠকপ্পানীতি. এতেন অট্ঠমে ৰারে আপোসংৰট্টো হোতি. অন্তরা সত্তসু সত্তসু ৰারেসু তেজোসংৰট্টা হোন্তীতি সিদ্ধং. যঞ্চ ৰুত্তং সুভাকিণ্ণানং চতুসট্ঠিকপ্পানীতি. এতেন চতুসট্ঠিমে চতুসট্ঠিমে ৰারে ৰাতসংৰট্টোহোতি. অন্তরা তেসট্ঠিযা ৰারেসু তেজোসংৰট্টা আপোসংৰট্টাচ হোন্তীতি সিদ্ধং হোতীতি. তেনাহু পোরাণা –

অগ্গিনা ভস্সরা হেট্ঠা, আপেন সুভাকিণ্ণতো;

ৰেহপ্ফলতো ৰাতেন, এৰং লোকো ৰিনস্সতি.

সত্তসত্তগ্গিনা ৰারা, অট্ঠমে অট্ঠমে দকা;

চতুসট্ঠি যদা পুণ্ণা, একো ৰাযুৰারো সিযাতি.

এৰঞ্চ ৰিনট্ঠে লোকে একস্মিং কপ্পেপি পথমজ্ঝানভূমি অৰিনট্ঠানাম নত্থি. তস্মা ব্রহ্মপারিসজ্জানংদেৰানং কপ্পস্সততীযো ভাগো আযুপ্পমাণং, ব্রহ্মপুরোহিতানংউপড্ঢকপ্পো, মহা ব্রহ্মানংএকোকপ্পোতি এত্থ অসঙ্খ্যেয্য কপ্পোৰ সম্ভৰতি. নমহাকপ্পো. তেন ৰুত্তং কপ্পস্সাতি ইদং অসঙ্খ্যেয্যকপ্পং সন্ধায ৰুত্তন্তি. আযুকপ্পং সন্ধায ৰুত্তন্তিপি যুজ্জতিযেৰ. তেজোসংৰট্টকপ্পেসু হি পথমজ্ঝানতলং ৰিৰট্টমানং সব্বপথমং ৰিৰট্টতি. সংৰট্টমানং সব্বপচ্ছা সংৰট্টতি. তস্মা ৰিৰট্টস্স পচ্ছিমড্ঢেন সংৰট্টস্সচ পুব্বড্ঢেন সহ একং ৰিৰট্টট্ঠাযিকপ্পং গহেত্ৰা দ্ৰে অসঙ্খ্যেয্যানি তস্মিং তলে একো আযুকপ্পোতি সক্কা ৰত্তুন্তি. দুতীয তলতো পট্ঠায পন মহাকপ্পোৰ গহেতব্বো. অপ্পকং ঊনকংৰা অধিকংৰা গণনূপগং ন হোতীতি কত্ৰা উপড্ঢেহি ¶ সহ সত্তকপ্পানি সন্ধায আভস্সরানং অট্ঠকপ্পানীতি ৰুত্তং. এৰং চতুসট্ঠিকপ্পানীতি এত্থপীতি. আকাসানঞ্চাযতনভৰং উপগচ্ছন্তীতি আকাসানঞ্চাযতনুপগা, তেসং. একোৰ ৰিসযো আরম্মণং যস্স তং একৰিসযং. একজাতিযন্তি একস্মিং ভৰে. [পটিসন্ধিচতুক্কং.]

১৪৫. জনেতীতি জনকং উপত্থম্ভেতীতি উপত্থম্ভকং. উপপীল়েতীতি উপপীল়কং. উপঘাতেতীতি উপঘাতকং. তত্থ জনকং নাম পটিসন্ধিপৰত্তীসু ৰিপাকক্খন্ধ কটত্তারূপানং নিব্বত্তিকা কুসলাকুসলচেতনা. তত্থ পটিসন্ধিনিব্বত্তিকা কম্মপথপত্তাৰ দট্ঠব্বা. পৰত্তিনিব্বত্তিকা পন কম্মপথং পত্তাপি অপত্তাপি অন্তমসো পঞ্চদ্ৰারিকজৰনচেতনাপি সুপিনন্তে কুসলাকুসলচেতনাপীতি. উপত্থম্ভকংনাম ৰিপচ্চিতুং অলদ্ধোকাসাৰা ৰিপক্কৰিপাকা ৰা সব্বাপি কুসলাকুসলচেতনা. সা হি জনকভূতাপি সমানা অত্তনোৰিপাকৰারতো পুরেৰা পচ্ছাৰা সভাঙ্গং কম্মন্ত রংৰাকম্মনিব্বত্তক্খন্ধসন্তানংৰাউপত্থম্ভমানা পৰত্ততি. যথা গন্থারব্ভে রতনত্তযপণামচেতনাতি. যং পন ৰিসুদ্ধিমগ্গে উপত্থম্ভকং পন ৰিপাকং জনেতুং নসক্কোতীতি ৰুত্তং. তং অলদ্ধৰিপাকৰারং সন্ধায ৰুত্তন্তি গহেতব্বং. ন হি পচ্চযসামগ্গিযং সতি কিঞ্চিকম্মং পৰত্তিৰিপাকমত্তস্সপি অজনকংনাম অত্থীতি. তত্থ কম্মন্তরস্স উপত্থম্ভনংনাম অলদ্ধোকাসস্স অঞ্ঞস্স জনককম্মস্স ওকাসকরণং. তং পন মরণাসন্নকালে পাকটং. তদা হি কুসলে জৰিতে অঞ্ঞং পটিসন্ধিজনকং কুসলকম্মং ওকাসং লভতি. অকুসলে জৰিতে অঞ্ঞং অকুসলকম্মন্তি. ৰুত্তঞ্হেতং ইতি ৰুত্তকে –

ইমস্মিং চাযং সমযে, কালঙ্করিযাথ পুগ্গলো;

সগ্গম্হি উপপজ্জেয্য, চিত্তঞ্হিস্স পসাদিতং.

ইমস্মিং চাযং সমযে, কালঙ্করিযাথ পুগ্গলো;

নিরযে উপপজ্জেয্য, চিত্তঞ্হিস্স পদূসিতন্তি.

পৰত্তিকালেপি এতং বহুলং লব্ভতিযেৰ. কম্মনিব্বত্তখন্ধসন্তানস্স উপত্থম্ভনংনাম অঞ্ঞেন লদ্ধোকাসেন কুসলকম্মেনৰা অকুসলকম্মেনৰা ¶ নিব্বত্তস্স খন্ধসন্তানস্স জীৰিতন্তরাযে অপনেত্ৰা জীৰিতপরিক্খারে সমুদানেত্ৰা চিরতর পৰত্তিকরণং. যথাহ –

অভিৰাদনসীলিস্স, নিচ্চং ৰুদ্ধাপচাযিনো;

চত্তারো ধম্মা ৰড্ঢন্তি, আযু ৰণ্ণো সুখং বলন্তি.

এত্থ পন কুসলংপি অকুসলকম্মনিব্বত্তস্স খন্ধসন্তানস্স অকুসলংপি কুসলকম্মনিব্বত্তস্স উপত্থম্ভকংনাম নত্থীতি নৰত্তব্বং. অকুসল কম্ম নিব্বত্তস্সপি হি মহিদ্ধিকানং নাগসুপণ্ণাদীনং খন্ধসন্তানস্স পৰত্তিকালে পুব্বকতং কুসলং ৰুত্তনযেন উপব্রূহনং করোতিযেৰ. তথাকুসলকম্মনিব্বত্তস্সপি কেসঞ্চি ৰিনিপাতিকাসুরাদীনং খন্ধসন্তানস্স পৰত্তিকালে পুব্বকতং অকুসলং চিরতরপ্পৰত্তিং করোতিযেৰাতি. উপপীল়কউপঘাতকানিপি ৰুত্তপ্পকারা কুসলাকুসল চেতনাযোএৰ. তাপি হি জনকভূতাপি সমানা অত্তনো ৰিপাকৰারতো পুরেৰা পচ্ছা ৰা ৰিপাকৰার গহণ কালেপি ৰা কম্মন্তরংৰা কম্মনিব্বত্ত খন্ধসন্তানংৰা দুব্বলতরং কত্ৰাৰা ৰিবাধযমানা সব্বসোৰা উপচ্ছিন্দমানা পৰত্তন্তীতি. তত্থ উপপীল়কে তাৰ কম্মন্তরস্স ৰিবাধনংনাম অঞ্ঞস্স জনককম্মস্স দুব্বলভাৰকরণং. কম্মঞ্হি নাম আযূহনকালে বলৰন্তংপি পচ্ছা কতেন উজুপটিপক্খেন কম্মন্তরেন ৰিবাধিযমানং পুন ৰিহতসামত্থিযং হোতি. উপরিভূমি নিব্বত্তকংপি সমানং হেট্ঠাভূমিযং নিব্বত্তেতি. মহেসক্খেসু মহিদ্ধিকেসু নিব্বত্তকংপি সমানং অপ্পেসক্খেসু নিব্বত্তেতি. তথা উচ্চকুলেসু নিব্বত্তকংপি নীচকুলেসু. দীঘাযুকেসু নিব্বত্তকংপি অপ্পাযুকেসু. মহাভোগেসু নিব্বত্তকংপি অপ্পভোগেসু. পুরিসত্ত ভাৰনিব্বত্তকংপি সমানং ইত্থত্তভাৰংৰা নপুংসকভাৰং ৰা নিব্বত্তেতি. ৰণ্ণসম্পত্তিনিব্বত্তকংপি দুব্বণ্ণভাৰং. ইন্দ্রিযসম্পত্তিনিব্বত্তকংপি অন্ধংৰা বধিরংৰা যংকিঞ্চি ইন্দ্রিযৰেকল্লং. অঙ্গপচ্চঙ্গ সম্পত্তিজনকংপি হত্থপাদাদি অঙ্গৰেকল্লং জনেতি. তথা আযূহনকালে মহানিরযেসু নিব্বত্তকংপি অকুসলং পচ্ছাকতেন বলৰকুসলেন ৰিবাধিযমানং ¶ উস্সদেসুৰা পেতেসুৰা নিব্বত্তেতি. অজাতসত্তু রাজা চেত্থ নিদস্সনং. উস্সদেসু নিব্বত্তকংপি পেতেসুৰা তিরচ্ছা নেসুৰাতি আদিসব্বং ৰত্তব্বং.

উপত্থম্ভকংপি তব্বিপরিযাযেন ৰেদিতব্বমেৰ. তথা হি কম্মং নাম কতকালেদুব্বলংপিসমানং পচ্ছাসভাগেনবলৰতাকুসলেনৰা অকুসলেনৰা উপত্থম্ভীযমানং সুট্ঠু বলৰং হোতীতি. কম্মনিব্বত্ত খন্ধসন্তানস্স ৰিবাধনংনাম অঞ্ঞেন কম্মেন নিব্বত্তস্স সত্তস্স গহিতপটিসন্ধিতো পট্ঠায যদাকদাচি সরীরে নানাঅন্তরাযে উপ্পাদেত্ৰাৰা ঠানন্তরখেত্তৰত্থু গোমহিংস ধন ধঞ্ঞভোগ সম্পত্তীনং পুত্তদারঞাতি মিত্তানঞ্চ ৰিপত্তিং কত্ৰাৰা দুক্খুপ্পত্তি করণং. দুৰিধঞ্হি কম্মফলংনাম ৰিপাকফলং নিসন্দফলন্তি. তত্থ ৰিপাকফলংনাম কম্মকারকস্সেৰ হোতি. ন অঞ্ঞস্স. নিসন্দ ফলং পন অঞ্ঞেসংপি সাধারণমেৰ. ধম্মপদে আনন্দসেট্ঠিৰত্থু এত্থ ৰত্তব্বং. চক্খাদীসু পন কম্মজসন্তথিসীসেসু যেন কম্মেন যংকিঞ্চি একংৰা দ্ৰেৰা তীণিৰা সব্বসো ভিজ্জন্তি. চক্খুপালত্থে রাদীনং ৰিয. তং কম্মং উপঘাতকে সঙ্গহিতন্তি যুত্তং. উপঘা তকন্তি পন উপচ্ছেদকন্তিচ অত্থতো একং. তথা হি মজ্ঝিমট্ঠ কথাযং পথমং উপচ্ছেদকনামেন ৰত্ৰা উপঘাতকন্তিপি এতস্সেৰ নামন্তি ৰুত্তং. অঙ্গুত্তরট্ঠকথাযং পথমং উপঘাতকনামেন ৰত্ৰা উপচ্ছেদকন্তিপি তস্সেৰেতং নামন্তি ৰুত্তং. ৰিসুদ্ধি মগ্গেপি মরণস্সতিনিদ্দেসে তদেৰ কম্মুপচ্ছেদককম্মন্তি ৰুত্তং. ইধচ পরতো উপচ্ছেদককম্মুনাতি ৰক্খতি.

ইমস্সপি কম্মন্তরুপচ্ছেদনং মরণাসন্নকালে পাকটং. তদাহি পথমং পাপকম্মবলেন দুগ্গতিনিমিত্তে উপট্ঠহন্তে পুন কল্যাণ কম্মং তং পটিবাহিত্ৰা সুগতিনিমিত্তং দস্সেত্ৰা সগ্গে নিব্বত্তেতি. কল্যাণকম্মবলেন সুগতিনিমিত্তে উপট্ঠহন্তে পুন পাপকম্মং তং পটিবাহিত্ৰা দুগ্গতিনিমিত্তং দস্সেত্ৰা অপাযে নিব্বত্তেতি. দুট্ঠ গামণিরঞ্ঞো সোণত্থেরপিতুচ ৰত্থূনি কথেতব্বানি. অঙ্গুত্তরট্ঠকথাযং পন কুসলাকুসলকম্মক্খয করস্স মগ্গকম্মস্সপি কম্মন্তরুপচ্ছেদকহা ¶ ৰুত্তা. অঙ্গুলিমালত্থেরাদীনং ৰিযাতি. ইমস্মিং ভৰে লদ্ধানি মহগ্গতকম্মানি যেন অকুসলেন পরিহাযন্তি. তস্সপি কম্মন্তরুপচ্ছেদকে সঙ্গহো যুত্তো. দেৰদত্তস্স ৰিযাতি. কম্মনিব্বত্তখন্ধসন্তানুপচ্ছেদনং পন তস্মিং তস্মিং ভৰে আযু কম্মেসু ৰিজ্জমানেসু লদ্ধোকাসস্স কস্সচি অপরাধকম্মস্স বলেন কললকালতো পট্ঠায অন্তরাৰ কেনচিরোগেনৰা ভযেনৰা উপক্কমেনৰা মরন্তানং ৰসেন ৰেদিতব্বং.

এত্থচ কম্মন্তরস্সৰা কম্মনিব্বত্তখন্ধসন্তানস্সৰা উপত্থম্ভনা দীনি সন্ধায ইমেসং চতুন্নংপি কম্মানং কুসলাকুসলভাৰো ৰিসুদ্ধিমগ্গে অঙ্গুত্তরট্ঠকথাযঞ্চ ৰুত্তো. মজ্ঝিমট্ঠকথাযং পন সংৰণ্ণেতব্বসুত্তানুরূপং কম্মনিব্বত্তখন্ধসন্তানস্সেৰ উপত্থম্ভনাদীনি সন্ধায উপত্থম্ভকস্স কুসলভাৰো উপপীল়কউপঘাতকানং অকুসলভাৰো ৰুত্তো. সো পন মজ্ঝিমটীকাযং অঙ্গুত্তরটীকাযঞ্চ অরুচ্চমানো ৰিয ৰুত্তো. মহাটীকাযং পন সো কেচি ৰাদোপি কতো. তত্থপন সংৰণ্ণেতব্বসুত্তানুরূপং ৰুত্তত্তা ৰিসুং পাল়িনযোতি দট্ঠব্বো. ন চ কেচিৰাদো কত্তব্বো. সুত্তস্মিংহি অপ্পাযুকসংৰত্তনিকাএসা মাণৰপটিপদা, যদিদং পাণাতিপাতী হোতীতিআদিনা উপঘাতকং পাণাতিপাতৰসেনেৰ ৰুত্তং. উপপীল়কঞ্চ বত্ৰাবাধসংৰত্তনিকা এসা মাণৰ পটিপদা, যদিদং সত্তানং ৰিহেঠকজাতিকো হোতীতিআদিনা ৰিহিংসাদীনং ৰসেন ৰুত্তং. উপত্থম্ভকঞ্চ দীঘাযুকসংৰত্তনিকা এসা মাণৰ পটিপদা. যদিদং পাণাতিপাতং পহায পাণাতিপাতা পটিৰিরতো হোতীতিআদিনা পাণাতিপাতৰিরতিআদীনং ৰসেন ৰুত্তং. সব্বঞ্চেতং মনুস্সত্তং আগতস্সেৰ সত্তস্স ৰসেনাতি এৰং ৰিসুং পাল়িনযো ৰেদিতব্বোতি. মহাটীকাযং পন অঙ্গুত্তরটীকাযঞ্চ কম্মন্তরুপত্থম্ভনাদীনি অনিচ্ছন্তেহি জনকাদিভাৰোনাম ৰিপাকং পটিইচ্ছিতব্বো. নকম্মন্তি ৰিপাকস্সেৰ উপঘাতকতা যুত্তা ৰিয দিস্সতীতি ৰুত্তং.

কিচ্চৰসেনাতি জননং উপত্থম্ভনং উপপীল়নং উপচ্ছিন্দনন্তি চতুন্নং কিচ্চানং ৰসেন. তত্থ একা পাণাতিপাতচেতনা চত্তারি কিচ্চানি ¶ সাধেতি. সা হি যাৰ ৰিপচ্চিতুং ওকাসং নলভতি. তাৰ উপত্থম্ভনাদীসু তীসু কিচ্চেসু যংকিঞ্চি লদ্ধপচ্চযং কিচ্চং করোতি. যদা ৰিপচ্চিতুং ওকাসং লভতি. তদা একায চেতনায একাএৰ পটিসন্ধি হোতীতি এৰং সাকেতপঞ্হে ৰুত্তনযেন একং অপাযভৰং জনেতি. ততো পরং পন পটিসন্ধিজননকিচ্চং নত্থি. পৰত্তি ৰিপাকজননেন সহ ইতরানি তীণি কিচ্চানি ভৰসতসহস্সেপি কপ্পসতসহস্সেপি সাধেতিযেৰ. ধম্মদিন্নাযনাম উগ্গসেন রঞ্ঞো দেৰিযা ৰত্থু এত্থ ৰত্তব্বং. সা পন যদা অত্তনো ৰিপাকৰারতো পুরে অরিযভূতস্সৰা পুথুজ্জনভূতস্সপি কল্যাণ চিত্তসমঙ্গিনোৰা উপচ্ছেদনং করোতি. তদা উপচ্ছিন্দিত্ৰা কম্মন্ত রস্সেৰ ওকাসং করোতি. সযং ৰিপাকং নজনেতি. যদা পন পাপচিত্তসমঙ্গিনো খন্ধসন্তানং উপচ্ছিন্দতি. তদাএৰ উপচ্ছিন্দিত্ৰা অত্তনো ৰিপাকং জনেতি. সকিং লদ্ধপটিসন্ধিৰারতো পন পট্ঠায অনেকেসু অত্তভাৰ সতসহস্সেসুপি উপচ্ছেদনাদীনিযেৰ করোতি. এত্থ মহামোগ্গলান ত্থের ৰত্থু সামাৰতি ৰত্থু ৰগ্গুমুদাতীরিযভিক্খু ৰত্থু দুস্সিমার কলাবুরাজৰত্থূনি কথেতব্বানি. যস্মা পন ইদং উপচ্ছেদককম্মং নাম তিরচ্ছানগতানং বহুলং লব্ভতি. তস্মা সুট্ঠু বলৰং অকুসলকম্মং দুব্বলস্স অকুসলকম্মস্সৰা অকুসলকম্মনিব্বত্তখন্ধসন্তানস্সৰা উপচ্ছেদকংনাম ন হোতীতি ন ৰত্তব্বং. তেনেৰ হি মজ্ঝিমট্ঠকথাযং বহুকস্মিঞ্হি অকুসলকম্মে আযূহিতে বলৰকম্মং দুব্বল কম্মস্স ৰিপাকং পটিবাহিত্ৰা অত্তনো ৰিপাকস্স ওকাসং করোতীতি ৰুত্তং.

অপিচ পৰত্তিযংপি কম্মন্তরজনিতং ভৰঙ্গসন্তানং অনুপচ্ছিন্দিত্ৰা পঞ্চসু চক্খু সোত ঘান জিৰ্হা ভাৰ দসক সঙ্খাতেসু সন্ততি সীসেসু অঞ্ঞতরস্স সন্ততিসীসস্স সব্বসো উপচ্ছিন্দনংপি ইমস্সেৰ কিচ্চন্তি যুত্তং. যং পন মহাটীকাযং অঙ্গুত্তরটীকাযঞ্চ উপপীল়িকং অঞ্ঞস্স ৰিপাকং ছিন্দতি. ন সযং অত্তনো ৰিপাকং জনেতীতি ৰুত্তং. তং অট্ঠকথাযং সুখদুক্খং পীল়েতি, অদ্ধানং পৰত্তিতুং ন দেতীতি ইদং দিস্ৰা ৰুত্তং সিযা. অদ্ধানং পৰত্তিতুং নদেতীতি এত্থ পন ¶ সুখসন্তানংৰা দুক্খসন্তানংৰা চিরকালং পৰত্তিতুং নদেতি ইচ্চেৰত্থো. ন পন উপঘাতকং ৰিয ভৰঙ্গসন্তানেন সহ অঞ্ঞস্স কম্মস্স ৰিপাকং ছিন্দতীতি.

‘‘জনকং কম্মন্তরস্স ৰিপাকং অনুপচ্ছিন্দিত্ৰাৰ ৰিপাকং জনেতি. উপঘাতকং উপচ্ছেদনপুব্বকন্তি ইদং তাৰ অট্ঠকথাসু সন্নিট্ঠানন্তি ৰুত্তং’’. তং ন সুন্দরং.

ইধ পুব্বকতেন উপচ্ছেদনককম্মেন মরিত্ৰা সগ্গে নিব্বত্তানং ৰত্থূনং অট্ঠকথাসুযেৰ আগতত্তাতি.

অপরে পন আচরিযা ৰদন্তীতিআদিনা উপঘাতকস্স সযং ৰিপাকনিব্বত্তকত্তা ভাৰৰচনং ৰুত্তং. তংপি ন সুন্দরং.

তেনেৰ কম্মেন অপাযে নিব্বত্তানং দুস্সিমার কলাবুরাজা দীনং তস্স কম্মস্স উপচ্ছেদককম্মভাৰেন অট্ঠকথাসু আগতত্তাতি. [জনকচতুক্কং]

১৪৬. গরুকন্তি অঞ্ঞেন কম্মেন পটিবাহিতুং অসক্কুণেয্যং কুসলপক্খে মহগ্গতকম্মং অকুসলপক্খে নিযতমিচ্ছাদিট্ঠিযা সহ পঞ্চানন্তরিযকম্মং. এত্থ সিযা. মহগ্গতকম্মন্তি কস্মা ৰুত্তং. তঞ্হি পমাদৰসেনৰা নীৰরণধম্মপৰত্তিযাৰা পরিহাযিযমানং নিকন্তিবলেনৰা পটিবাহিযমানং ৰিপাকং ন দেতীতি. তথা একস্স বহূসু আনন্তরিযকম্মেসু কতেসু একস্মিং ৰিপচ্চন্তে সেসানি ন ৰিপচ্চন্তীতি. ৰুচ্চতে, মহগ্গতকম্মং তাৰথপেত্ৰা পমাদধম্মনীৰরণধম্মনিকন্তিধম্মে অত্তনো বলৰতরঞ্চ মহগ্গতকম্মন্তরং অঞ্ঞেন পুঞ্ঞকম্মেন অপ্পটিবাহনিযট্ঠেন গরুকং নাম হোতি. আনন্তরিযকম্মানি পন থপেত্ৰা অত্তনো বলৰতরং আনন্তরিযকম্মং অঞ্ঞেন কেনচি ধম্মেন অপ্পটিবাহনিযট্ঠেনাতি এৰং যথারহং তেসং গরুকতা ৰেদিতব্বাতি. আসন্নন্তি মরণকালে ¶ অনুস্সরিতং তদা কতঞ্চ. তত্থ তদাকতন্তি অন্তিম জৰনৰীথিতো পুব্বভাগে আসন্নে কতং যংকিঞ্চি কুসলাকুসলকম্মং. মিচ্ছাদিট্ঠিকম্মং পন ৰিপস্সনাদিৰসেন পৰত্তং সম্মাদিট্ঠিকম্মঞ্চ অন্তিমজৰনৰীসিযংপি কতন্তি গহেতব্বং. যথাহ-মরণকালে ৰাস্স হোতি মিচ্ছাদিট্ঠি সম্মাদিট্ঠি সমত্তা সমাদিন্নাতি. এতেন ততো মিচ্ছাদিট্ঠিকম্মতো অঞ্ঞং অন্তিমজৰনৰীথিযং পৰত্তং কম্মং পটিসন্ধিং জনেতুং ন সক্কোতীতি সিদ্ধং হোতীতি. আচিণ্ণন্তি দীঘরত্তং অভিণ্হসো কতং. সকিং করিত্ৰাপিৰা পচ্ছা পুনপ্পুনং সোমনস্সজনকং সন্তাপজনকঞ্চ. কটত্তাকম্মন্তি কারিযিত্থাতি কম্মন্তি এৰং কতকারণাএৰ কম্মন্তি ৰত্তব্বং কম্মং. গরুকাদিভাৰেন ৰত্তব্বং কম্মং ন হোতীতি অত্থো. তত্থ পুরিমানি তীণি ইমস্মিং ভৰে কতানি উপপজ্জৰেদনীযকম্মানিএৰ. কটত্তাকম্মং পন অতীতভৰেসু কতেহি অপরপরিযাযৰেদনীযেহি সহ ইমস্মিং ভৰে কতং গরুকা সন্নাচিণ্ণভাৰরহিতং কম্মপথপত্তং যংকিঞ্চি উপপজ্জৰেদনীযকম্মং. মহাটীকাযং পন কটত্তাকম্মং পুরিম জাতীসু কতংএৰ গহিতং. তং অট্ঠকথায ন সমেতি. এতেহি পন তীহি মুত্তং পুনপ্পুনং লদ্ধাসেৰনং কটত্তাৰা পন কম্মংনাম হোতীতি হি ৰুত্তং. ন চ অতীতভৰেসু কতানি মাতুঘাতকাদীনিপি অপরপরিযায কম্মানি এতেহি তীহি মুত্তানীতিৰা অমুত্তানীতিৰা পুনপ্পুনং লদ্ধাসেৰনানীতিৰা অলদ্ধাসেৰনানীতিৰা সক্কা ৰিসেসেতুং. তদা হি তানি গরুক কম্মসন্তানে পৰত্তানিপি হোন্তি. আসন্নৰচিণ্ণকম্মসন্তানে পৰত্তানিপীতি.

অঙ্গুত্তরট্ঠকথাযঞ্চ এতেহি পন তীহি মুত্তং অঞ্ঞাণৰসেনকতং কটত্তাৰা পন কম্মংনামাতি ৰুত্তং. ন তানি অঞ্ঞাণৰসেন কভানীতি সক্কা ৰিসেসেতুং. তানি হি পুরিমভৰেসু অঞ্ঞাণ ৰসেন কতানিপি হোন্তি. ঞাণৰসেন কতানিপীতি. তানি পন ৰিসেসনানি ইমস্মিং ভৰে কতানং গরুকাদীহি তীহি মুত্তানং সত্তমজৰন কম্মানং ৰসেন ৰুত্তানীতি তেহি সহ পুরিমজাতীসু কতানি অপরপরিযায কম্মানি কটত্তা কম্মংনামাতি ৰেদিতব্বানি. এৰঞ্চ কত্ৰা যত্থ তংপুব্বকতং কম্মন্তি আগতং. তত্থপি ইমস্মিং ভৰেৰা ¶ অতীতভৰেসুৰা পুব্বকালে কতন্তি অত্থো ৰেদিতব্বোতি. ইমেসু পন চতূসু কম্মেসু ৰিজ্জমানেসু গরুকমেৰ অনন্তরে ভৰে পটিসন্ধিং দেতি. গরুকে অসতি আসন্নং. আসন্নে অসতি আচিণ্ণং. আচিণ্ণে অসতি কটত্তাকম্মং. তেনাহ পাকদানপরিযাযেনাতি. পাকদানৰারেনাতি অত্থো. এত্থ সিযা. কস্মা ইধ আসন্নং আচিণ্ণতো পথমং ৰুত্তং. ননু পাল়িযং আসন্নতো আচিণ্ণমেৰ পথমং ৰুত্তং. যথাহ-যং গরুকং যং বহুলং. যদাসন্নং. কটত্তাৰা পন কম্মন্তি. অট্ঠকথাসুচ তেনেৰ কমেন পাকদানৰারো ৰিহিতোতি. ৰুচ্চতে, সভাৰতো বলৰদুব্বলক্কমেন পাল়িযং আচিণ্ণং পথমং ৰুত্তং. সো পন কমো কদাচি পাকদানপরিযাযোপি সম্ভৰতীতি কত্ৰা অট্ঠকথাসু তেনেৰ কমেন পাকদানৰারো ৰিহিতো. আসন্নংপি হিসমানং চিত্তং তোসেতুংৰা সন্তাপেতুংৰা অসক্কোন্তং হুত্ৰা দুব্বলং বলৰতো আচিণ্ণস্স নিৰত্তকং ন হোতীতি. যস্মা পন মহাকম্মৰিভঙ্গসুত্তে পুব্বেৰাস্সতং কতং হোতি কল্যাণকম্মং সুখৰেদনীযং. পচ্ছাৰাস্সতং কতং হোতি কল্যাণকম্মং সুখৰেদনীযং. মরণকালেৰাস্স হোতি সম্মাদিট্ঠি সমত্তা সমাদিন্নাতি এৰং আচিণ্ণদুচ্চরিতস্সপি একচ্চস্স আসন্নেন কল্যাণ কম্মেন সগ্গগমনং ৰুত্তং. তথা পুব্বেৰাস্সতং কতং হোতি পাপকম্মং দুক্খৰেদনিযং.ল. মিচ্ছাদিট্ঠি সমত্তা সমাদিন্নাতি এৰং আচিণ্ণ সুচরিতস্সপি একচ্চস্স আসন্নেন পাপকম্মেন অপাযগমনং ৰুত্তং. যস্মাচ উভিন্নংপি বলৰভাৰে সতি আসন্নমেৰ পরিযত্তং ভৰিতুং অরহতি. তস্মা ইধ থেরেন আসন্নমেৰ পথমং ৰুত্তন্তি দট্ঠব্বং. এত্থচ পুব্বেৰাস্সকতং হোতীতি ইদং আসন্নানুস্সরিতকম্মৰসেন ৰুত্তন্তি ৰেদিতব্বং. তম্বদাঠিকনামস্স চোরঘাতকস্স মহাৰাতকালনামস্সচ উপাসকস্স ৰত্থু এত্থ কথেতব্বন্তি.

অট্ঠকথাযং আগতং জরগ্গৰোপমং দস্সেত্ৰা আসন্নমেৰ পথমং ৰিপাকং দেতীতি একংসেন ৰুত্তং. তং ন সুন্দরং.

ন ¶ হি অট্ঠকথাযং এৰং একংসেন ৰুত্তং. নচ উট্ঠাতুংপি অসক্কোন্তো সো জরগ্গৰো পজদ্ৰারস্স আসন্নে ঠিতোপি পথমতরং নিক্খমিস্সতীতি. [গরুকচতুক্কং]

১৪৭. দিট্ঠধম্মো ৰুচ্চতি পচ্চক্খভূতো পচ্চুপ্পন্নো অত্তভাৰো. ৰেদিতব্বং অনু ভৰিতব্বন্তি ৰেদনীযং. ফলং. দিট্ঠধম্মে ৰেদনীযং ফলং এতস্সাতি দিট্ঠধম্মৰেদনীযং.

‘‘দিট্ঠধম্মে ৰেদিতব্বং ৰিপাকানুভৰন ৰসেনাতি দিট্ঠধম্মৰেদনীয’’ন্তি ৰুত্তং. তং ন সুন্দরং.

দিট্ঠেৰ ধম্মে ৰিপাকং পটিসংৰেদেতীতি হি পাল়িযং ৰুত্তং. এত্থ হি ৰিপাকং পটিসংৰেদেতীতি এতেন ইধ ৰেদনীযসদ্দো কম্মসাধনো ৰিপাকাতিধেয্যোচ হোতীতি দস্সেতি. এৰঞ্চ সতি ইধ অঞ্ঞপদত্থসমাসো এৰ লব্ভতি. ন উত্তরপদত্থসমাসোতি. দিট্ঠধম্মং উপেচ্চ তস্স অনন্তরে পজ্জিত্ৰা পাপুণিত্ৰা ৰেদিতব্বং ফলং এতস্সাতি উপপজ্জৰেদনীযং. তেনেৰ হি অট্ঠকথাযং উপপজ্জ সদ্দস্স অত্থং ৰদন্তেন উপপজ্জিত্ৰাতি ৰুত্তং. সুত্তপদেসু পন উপপজ্জেৰাতি পাঠো দিট্ঠো. তস্মা দিট্ঠধম্মস্স সমীপে অনন্তরে পজ্জিতব্বো গন্তব্বোতি উপপজ্জো. দুতীযো অত্তভাৰো উপপজ্জেৰেদিতব্বং ফলং এতস্সাতি উপপজ্জৰেদনীযন্তি এৰমত্থো পাঠস্স ৰসেন ৰেদিতব্বো. উপপজ্জাতিৰা অনন্তরে ভৰে পৰত্তো একো নিপাতো. যথা পচ্চাতি.

‘‘দিট্ঠধম্মতো অনন্তরং উপপজ্জিত্ৰা ৰেদিতব্বন্তি উপৰজ্জৰেদনীয’’ন্তি ৰুত্তং. তং ন সুন্দরং.

উপপজ্জৰা ৰিপাকং পটিসংৰেদেতীতি হি পাল়িযং ৰুত্তং. পরিযাযতি পুনপ্পুনং আগচ্ছতীতি পরিযাযো. অপরোচ সো পরিযা যোচাতি অপরপরিযাযো. দিট্ঠধম্মা নাগতা নন্তর ভৰেহি অঞ্ঞো ¶ অত্ত ভাৰ পরিৰত্তো. তে নেৰ হি মহাটীকাযং অঙ্গুত্ত রটীকাযঞ্চ অপরপরিযাযেতি দিট্ঠধম্মানন্তরানাগততো অঞ্ঞস্মিং অত্তভাৰপরিযাযে অত্তভাৰপরিৰত্তেতি ৰুত্তং. সুত্তপদেসু পন অপরেৰা পরিযাযেতিচ অপরাপরেৰা পরিযাযেতিচ দ্ৰিধা পাঠো দিট্ঠো. তত্থ পচ্ছিমস্মিং পাঠেসতি ইধ মজ্ঝে একস্স অপরসদ্দস্স লোপো দট্ঠব্বো. সঙ্গহপোট্ঠকেসু পন মজ্ঝে দীঘো যাকারনট্ঠোচ অপরাপরিযসদ্দো দিস্সতি. সো বহূসু অট্ঠকথাসু নত্থি. পাল়িযাচ ন সমেতি.

‘‘অপরে অপরে দিট্ঠধম্মতো অঞ্ঞস্মিং যত্থকত্থচি অত্তভাৰে ৰেদিতব্বং কম্মং অপরাপরিয ৰেদনীয’’ন্তি ৰুত্তং. তত্থ দিট্ঠধম্মতোতি ইদং তাৰ নযুজ্জতি.

ন হি মজ্ঝে উপপজ্জভৰং ৰজ্জেত্ৰা পথমো দিট্ঠধম্মোৰ ইধ ততীযে পদে অধিকতোতি যুত্তো.

[১৪৯] অত্থতো পন ব্যঞ্জনতোচ সব্বং পাল়িযা ন সমেতি.

অপরেৰা পরিযাযে ৰিপাকং পটিসংৰেদেতীতি হি পাল়িযং ৰুত্তং. অপরাপরেৰা পরিযাযেতিৰা. অহোসিনামকং কম্মং অহোসিকম্মং. অহোসিকম্মং. ভৰিস্সতিকম্মং. অত্থিকম্মং. নতস্স ৰিপাকোতি এৰং ৰুত্তপাঠৰসেন আচরিযেহি তথাগহিতনাম ধেয্যং সব্বসো অলদ্ধৰিপাকৰারং কম্মন্তি ৰুত্তং হোতি. তত্থ সত্তসু কুসলাকুসলজৰনেসু পথমজৰনচেতনা দিট্ঠধম্মৰে দনীযংনাম. সা হি অলদ্ধাসেৰনতায সব্বদুব্বলত্তা অচিরট্ঠি তিকাচ হোতি অপ্পতরৰিপাকাচাতি. পচ্চযং লদ্ধা দিট্ঠধম্মেএৰ অহেতুকমত্তং ফলং দত্ৰা ৰিগচ্ছতি. ন একংপি মরণকালং অতিক্কম্ম সন্তানং অনুবন্ধিতুং সক্কোতি. পচ্চযং পন অলভমানা অহোসিকংনাম হোতি. পচ্চযোতিচ অত্তনো ফলুপ্পত্তিযা ওকাসদাযকো ¶ নানা ইরিযাপথেসু ইট্ঠানিট্ঠারম্মণসমা গমাদিকো যোকোচি পচ্চযোপি যুজ্জতিযেৰ. টীকাসু পন পটিপক্খেহি অনভিভূততাযাতিআদিনা মহন্তং কত্ৰা পচ্চযো ৰুত্তো. সো কাকৰলিযাদীনং ৰিয পাকটতরফলদানং সন্ধায ৰুত্তোতি ৰেদিতব্বো. ন হি কম্মপথজৰনসন্তানে পৰত্তমানা ইতরাপিৰা পথমজৰনচেতনা ইট্ঠানিট্ঠসমাযোগৰসেনপি লদ্ধ পচ্চযা কাচি অত্তনো বলানুরূপং ফলং ন দেতীতি অত্থি. নচতায দিয্যমানং সব্বংপি ফলং মহাজনস্সৰা কম্মকারকস্সেৰ ৰাপাকটমেৰ সিযাতি সক্কা ৰত্তুন্তি. যং পন ঞাণৰিভঙ্গট্ঠ কথাযং একং দিট্ঠধম্মৰেদনীযং ৰিপাকং দেতি. সেসানি অৰিপাকানীতি ৰুত্তং. তং অলদ্ধপচ্চযানি সেসানি সন্ধায ৰুত্তন্তি গহেতব্বং. ন হি একো দিট্ঠধম্মো একস্সেৰ দিট্ঠধম্মৰেদনী যস্স ওকাসোতি সক্কা ৰিঞ্ঞাতুন্তি. অত্থসাধিকা পন সন্নিট্ঠাপকভূতা সত্থমজৰনচেতনা উপপজ্জ ৰেদনীযংনাম. সা হি লদ্ধাসেৰনতায থোকং সারভূতা হোতীতি পথমচেতনা ৰিয সীঘতরং ৰিপচ্চিতুং নসক্কোতি. বলৰতীচ হোতীতি একং ভৰং জনেতুং সক্কোতি. পতিত জৰ নেসু পন অন্তিমজৰনতায মজ্ঝিমচেতনাযো ৰিয চিরট্ঠিতিকা ন হোতীতি পচ্চযং লদ্ধা অনন্তরে এৰ ভৰে পটিসন্ধিংৰা পৰত্তি ফলমেৰৰা দত্ৰা ৰিগচ্ছতি. অলদ্ধা পন অহোসিকম্মমেৰ হোতি. ন দুতীযং মরণকালং অতিক্কমিতুং সক্কোতি. যংপন ঞাণৰিভঙ্গট্ঠকথাযং একং উপপজ্জৰেদনীযং পটিসন্ধিং আকড্ঢতি. সেসানি অৰিপাকানীতি ৰুত্তং. তংপি পটিসন্ধিৰিপাকং সন্ধায ৰুত্তন্তি গহেতব্বং. সেসানিপি হি যাৰ দুতীযচুতি নাগচ্ছতি. তাৰ লদ্ধপচ্চযানি পৰত্তি ৰিপাকং দেন্তিযেৰ. ইধ মিস্সক কম্মানি কত্ৰা অনন্তরভৰে মিস্সককম্মফলং অনুভোন্তানি ৰেমানিক পেতৰত্থূনি অঞ্ঞানিচ তংতংকম্মং কত্ৰা অনন্তরভৰে এৰ সুগতি যং কব্বিপাকভূতং ৰিপত্তিং অনুভৰন্তানি দুগ্গতিযংৰা তব্বিপাকভূতং সম্পত্তিং অনুভৰন্তানি অনেকানি ৰত্থুসতানি এত্থ কথে তব্বানীতি.

‘‘সাচ ¶ পটিসন্ধিং দত্ৰাৰ পৰত্তিৰিপাকং দেতি. পটিসন্ধিযা পন অদিন্নায পৰত্তিৰিপাকং দেতীতি নত্থী’’তি ৰুত্তং. তং ন যুজ্জতি.

যথাৰুত্তৰত্থূহি সদ্ধিং ৰিরুজ্ঝনতো.

‘‘চুতি অনন্তরঞ্হি উপপজ্জৰেদনীযস্স ওকাসো’’তি কারণং ৰুত্তং. তংপি অকারণং.

পুতিঅনন্তরতো পট্ঠায যাৰজীৰংপি ওকাসসম্ভৰতো.

‘‘পটিসন্ধিযা পন দিন্নায জাতিসতেপি পৰত্তিৰিপাকং দেতীতি ৰুত্তং’’. তংপি ন গহেতব্বং.

কম্মসঙ্করাপত্তিতো. অঙ্গুত্তরট্ঠকথাযঞ্চ দিট্ঠধম্মৰেদনীযং উপপজ্জৰেদনীযং অপরপরিযায ৰেদনীযন্তি তেসং সঙ্কমনং নত্থি. যথাঠানেযেৰ পতিট্ঠন্তীতি ৰুত্তং. ন চেত্থ পটিসন্ধিৰসেন এৰং ৰুত্তন্তি সক্কা ৰত্তুং. তদত্থসাধকস্স অট্ঠকথাপদেসস্সৰা ৰত্থুস্সৰা যুত্তিযাৰা অভাৰতোতি. মজ্ঝে পন পঞ্চজৰন চেতনা অপরপরিযায ৰেদনীযংনাম. এতা হি সুট্ঠু বলৰন্তী সারভূতাচ হোন্তীতি ন সীঘং ৰিপচ্চিতুং সক্কোন্তি. চিরট্ঠিতিকা পন হোন্তি. তস্মা ততীযভৰতো পট্ঠায যদা ওকাসং লভন্তি. তদা পঞ্চৰারে পটিসন্ধিং দত্ৰা সংসারপৰত্তিযা সতি কপ্পসতসহস্সেপি পৰত্তিৰিপাকং দেন্তীতি. ইমানিযেৰ পন তীণি কম্মানি অত্তনো অত্তনো খেত্তে সব্বসো ৰিপাকৰারং অলভমানানি অহোসিকম্মংনাম. খেত্তঞ্চ নেসং পথমস্স দিট্ঠ ধম্মচুতিযা পরিচ্ছিন্নং. দুতীযস্স অনাগতানন্তরভৰচুতিযা. ততীযস্স পরিনিব্বানচুতিযাতি দট্ঠব্বং. [দিট্ঠধম্মচতুক্কং]

১৪৮. পাকট্ঠানৰসেনাতি ¶ অপাযাদিকস্স ৰিপচ্চনট্ঠানস্স ৰসেন তথা চত্তারি কম্মানিনাম হোন্তীতি যোজনা. তত্থাতি তেসু অকুসলাদীসু চতূসু কম্মেসু. কম্মদ্ৰারৰসেনাতি কম্মসিদ্ধিযা অঙ্গভূতানং কাযাদি কম্মদ্ৰারানং ৰসেন. পাণং অতিপাতেন্তি এতেনাতি পাণাতিপাতো. অতিপাতনঞ্চেত্থ সরসতো পতিতুং অদত্ৰা অন্তরাএৰ পযোগবলেন পাতনং দট্ঠব্বং. অদিন্নং আদিযন্তি এতেনাতি অদিন্নাদানং. অগমনী যৰত্থুসঙ্খাতেসু ৰত্থুকামেসু মিচ্ছা চরন্তি এতেনাতি কামেসুমিচ্ছাচারো. তত্থ পরপাণে পাণসঞ্ঞিনো তস্স জীৰিতিন্দ্রিযসন্তানুপচ্ছেদকস্স কাযৰচীপযোগস্স সমুট্ঠাপিকা ৰধকচেতনা পাণাতিপাতোনাম. সযমেৰ অত্তনো জীৰিতিন্দ্রিযং পাতেন্তস্স পাণাতিপাতোনাম নত্থি. পরপরিগ্গহিতে পরপরিগ্গহিতসঞ্ঞিনো ততো ৰিযোগকারণস্স কায ৰচীপযোগস্স সমুট্ঠাপিকা অচ্ছিন্দকচেতনা অদিন্নাদানংনাম. অগমনীযৰত্থূসু মগ্গেনমগ্গপটিপাদকস্স কাযপযোগস্স সমুট্ঠাপিকা অস্সাদচেতনা কামেসুমিচ্ছাচারোনাম. কেচি পনএত্থপি অগমনীয ৰত্থুসঞ্ঞিনোতি পদং ইচ্ছন্তি. তং অট্ঠকথায ন সমেতি. অগমযনীৰত্থু তস্মিং সেৰনচিত্তন্তি হি তত্থ ৰুত্তং. এতেন অগমনীযৰত্থুম্হি সতি গমনীয সঞ্ঞাযৰা অগমনীয সঞ্ঞাযৰা সেৰন্তস্স কম্মপথো হোতি যেৰাতি সিদ্ধং হোতি. ইতরথা অগমনীযৰত্থু তথা সঞ্ঞিতা তস্মিং সেৰনচিত্তন্তি ৰুত্তং সিযাতি.

অপরে পন সযং পযোগং কত্ৰা অত্তনি পরেন করীযমানং মগ্গেন মগ্গপটিপাদনং অস্সাদেন্তস্স সেৰনচিত্তে সতিপি নত্থি কম্মপ্পথভেদো. পযোগস্স অভাৰাতি ৰদন্তি. সেৰনচিত্তে পন সতি পযোগো অপ্পমাণন্তি একে. এৰঞ্চ সতি তিযঙ্গিকোৰ মিচ্ছাচারো, ন চতুরঙ্গিকোতি আপজ্জতি. অট্ঠকথাযং পন সেৰন পযোগেন সহ চতুরঙ্গিকোৰ ৰুত্তোতি অঞ্ঞে. সেৰনপযোগো পন যেভুয্যেন লব্ভমানত্তাযেৰ ৰুত্তো. ন পন একন্তঅঙ্গভাৰতো. ইতরথা ইত্থীনং যেভুয্যেন পযোগকিচ্চং ¶ নত্থীতি তাসং মিচ্ছাচারো দুল্লভো সিযাতি চ ৰদন্তি. ভিক্খুনিদূসনংপি এত্থেৰ সঙ্গয্হতি. সা হি রক্খিতাসু সঙ্গহিতাতি. টীকাসু পন সা ধম্মরক্খিতাপি ন হোতি. কুতো মাতাদিরক্খিতা. ধম্মোতি হি ইধ পাসণ্ডিযধম্মোৰ অট্ঠকথাযং ৰুত্তোতি ৰদন্তি. সাসনধম্মোপি নন যুত্তো. সব্রহ্মচারি নিযোপি উপজ্ঝাযিনী আদিকা তস্সা মাতাদিট্ঠানিযাএৰ হোন্তি. তথা হি সিক্খাপদৰিভঙ্গট্ঠকথাযং মিচ্ছাচারোপি দুস্সীলায.ল. সামণেরিযা, পুথুজ্জনভিক্খুনিযা, সোতাপন্নায, সকদাগামিনিযা, ততো অনাগামিনিযা ৰীতিক্কমো মহাসাৰজ্জো. খীণাসৰায পন একন্তমহাসাৰজ্জোৰাতি ৰুত্তং.

কস্মাপনেত্থ সুরাপানং নগহি তং. তংপিহি অপাযসংৰত্তনি কভাৰেন ৰুত্তং. যথাহ-সুরামেরযপানং ভিক্খৰে আসেৰিতং ভাৰিতং বহুলীকতং নিরযসংৰত্তনিকং তিরচ্ছানযোনিসংৰত্তনিকং পেত্তিৰিসযসংৰত্তনিকং. যোচ সব্বলহুকো সুরামেরয পানস্স ৰিপাকো. সো মনুস্সভূতস্স উম্মত্তকসংৰত্তনিকো হোতীতি. অট্ঠকথাসুপি কোট্ঠাসতো পঞ্চপি পাণাতিপাতা দযো কম্মপথাএৰাতি ৰুত্তন্তি. ৰুচ্চতে, মূলটীকাযং তাৰ তস্স সভাগত্তেন মিচ্ছাচারে উপকারকত্তেন দসসুপি কম্মপথেসু অনুপৰেসোতি ৰুত্তং. তত্থ সভাগত্তং গহেত্ৰা ৰিভাৰনিযং সুরাপানংপি এত্থেৰ সঙ্গয্হতীতি ৰদন্তি রসসঙ্খাতেসু কামেসু মিচ্ছাচারভাৰতোতি ৰুত্তং. উপকারকত্তং গহেত্ৰা পটিসম্ভিদামগ্গটীকাযং কুসলাকুসলাপিচ পটিসন্ধিজনকাযেৰ কম্মপথাতি ৰুত্তা. ৰুত্তাৰসেসা পটিসন্ধিজননে অনেকন্তি কত্তা কম্ম পথাতি ন ৰুত্তাতি ইমস্স ৰাক্যস্স সংৰণ্ণনাযং ৰুত্তাৰসে সাতি সুরাপানাদযো তব্বিরমণাদযোচ. সুরাপানঞ্হি মদস্স পচ্চযো. মদো অপুঞ্ঞপথস্স. তব্বিরতিপি নিম্মদতায. সাচ পুঞ্ঞপথস্সাতি কম্মপথূপনিস্সযানি তানি তদাসন্নকম্মৰসেন সন্ধিজনকানিপি হোন্তীতি ৰুত্তং. তত্থ তদাসন্নকম্মৰসেনাতি তস্স সুরাপানস্সৰা সুরাপানৰিরতিযাৰা আসন্নে পৰত্তানং তম্মূলকানং অপুঞ্ঞকম্মানংৰা পুঞ্ঞকম্মানংৰা ৰসেনাতি অত্থো. ইদং ¶ ৰুত্তং হোতি-যো সুরং পিৰিত্ৰা সুরামদহেতু পাণা পাতাদীসু যংকিঞ্চি কম্মং করোতি, তস্স সুরাপানং তস্সতি কম্মস্স বলৰূপনিস্সযো হোতি পুব্বচেতনাঠানিযঞ্চ. তদেৰ ৰিসুং পটিসন্ধিং জনেতি, ন ইতরন্তি. যথা হি পুব্বাপরচেতনা যোপি কম্মপথপত্তস্স কম্মস্স পরিৰারভূতাএৰ পটিসন্ধিং জনেন্তি, ন ইতরা. এৰমিদংপীতি. ন হি কম্মপথসুত্তেসু সরূপতো আগতানিএৰ পটিসন্ধিং জনেন্তি. ন ইতরানীতি সক্কা নিযমেতুং. যানি পন একন্তেন পটিসন্ধিজননসামত্থিয যুত্তানি, তানেৰ তত্থ সরূপতো ৰুত্তানি. যানিপন পটিসন্ধিজননে অনেকন্তিকানি হোন্তি. তানি তত্থসরূপতো ন ৰুত্তানীতি সক্কা ৰিঞ্ঞাতুং. তথা হি পটিসম্ভিদা মগ্গট্ঠকথাযং কুসলাকুসলাপিচ পটিসন্ধিজনকাযেৰ কম্মপথাতি ৰুত্তা. ৰুত্তাৰসেসা পটিসন্ধিজননে অনেকন্তি কত্তা কম্মপথাতি ন ৰুত্তাতি ৰুত্তং. তস্মা ইদংপি পটিসন্ধিজননে অনেকন্তিকত্তা তত্থ সরূপতো ন ৰুত্তন্তিচ. যং তদা সন্নকম্মৰসেন পটিসন্ধিজনকন্তি পুব্বে ৰুত্তং. তং তত্থ সরূপতো ৰুত্তেসু তদা সন্নকম্মেসু অনুপৰিট্ঠন্তিচ সক্কা ৰত্তুন্তি. তস্স পন দুৰিধং কিচ্চং পটিসন্ধিজননং কম্মজননঞ্চাতি. তত্থ পটিজননতো কম্মজননমেৰস্স মহন্তং মহাৰিপ্ফারঞ্চ হোতীতি কত্ৰা সক্কেন দেৰানমিন্দেন কুম্ভজাতকে –

যং ৰে ৰিৰিত্ৰা দুচ্চরিতং চরন্তি,

নিরযং ৰজন্তি দুচ্চরিতং চরিত্ৰা,

তস্সা পুণ্ণং কুম্ভমিমং কিণাথাতি.

এৰং তদাসন্নকম্মৰসেনেৰ তস্স অপাযগামিতা ৰুত্তা. তদুভযং পনস্স কিচ্চং গহেত্ৰা সুরামেরযপানং ভিক্খৰে আসেৰিতং.ল. সংৰত্তনিকন্তি অঙ্গুত্তরে ৰুত্তন্তি ৰেদিতব্বং. অযঞ্হিসুত্তপদেসু ধম্মতা. যদিদং সংৰত্তনিকন্তি ৰুত্তট্ঠানে যথালাভযোজনাতি. তথাহি মূলটীকাযংপুনব্ভৰংদেতিপুনব্ভৰায সংৰত্তেতীতি পাঠে কম্মসহজাতা পুনব্ভৰংদেতি. কম্মসহাযভূতা অকম্মসহজা তাপুনব্ভৰং ¶ সংৰত্তেতীতি ৰুত্তং. কেচি পন ইমমত্থং অনুপধারেত্ৰা ইমায পাল়িযা তস্স ৰিসুং একন্তকম্মপথভাৰং মঞ্ঞন্তি. যং পন কোট্ঠাসতো পঞ্চপি কম্মপথাএৰাতি অট্ঠকথাৰাক্যং. তত্থ এৰসদ্দেন তেসং চেতনাধম্মত্তা ঝানাদিকোট্ঠাসিকত্তং নিৰত্তেতি. চেতনা হি কম্মপথং পত্তাপি অপত্তাপি কোট্ঠাসতো কম্ম পথকোট্ঠাসিকাএৰ হোতীতি. তেনেৰ মূলটীকাযং কম্মপথা এৰাতি কম্মপথকোট্ঠাসিকাএৰাতি ৰুত্তং. অনুটীকাযঞ্চ কম্ম পথকোট্ঠাসিকাএৰ. ন ঝানাদিকোট্ঠাসিকাতি ৰুত্তং. কেচিপন ইমমত্থং অসল্লক্খেত্ৰা ইমিনা ৰাক্যেন তস্স ৰিসুং কম্মপথভাৰং ৰদন্তি.

খুদ্দকপাঠট্ঠকথাযং পন সব্বেনসব্বং তস্স কম্মপথভাৰো পটিক্খিত্তোযেৰ, তত্থ হি পুরিমানং চতুন্নং কাযকম্মাদিভাৰঞ্চ কম্মপথভাৰঞ্চ ৰিসুং ৰত্ৰা সুরাপানংপত্ৰা কাযকম্মমেৰাতি ৰুত্তং. এতেন ৰচীকম্মভাৰঞ্চ কম্মপথভাৰঞ্চ পটিক্খিপতীতি. ধাতুসংযুত্তট্ঠকথা যঞ্চ পটিক্খিত্তো. যথাহ-ততীযংপঞ্চকম্মৰসেন বুজ্ঝনকানং অজ্ঝাসযৰসেন ৰুত্তং. চতুত্থং সত্তকম্মপথৰসেন পঞ্চমং দস কম্মপথৰসেনাতি. তত্থ হি ততীযে সুরাপানমিস্সকত্তা পঞ্চকম্মৰসেন ইচ্চেৰ ৰুত্তং. ন পঞ্চকম্মপথৰসেনাতি. এতাসুপিচ পটিসন্ধিজননে অনেকন্তি কত্তাএৰ পটিক্খিত্তোতি ন নসক্কা ৰত্তুং এৰঞ্হি সতি সব্বা পাল়িট্ঠকথাটীকাযো সংসন্দিতা হোন্তীতি. কাযকম্মন্তি এত্থ কাযো তিৰিধো সসম্ভারকাযো পসাদকাযো চোপনকাযোতি. ইধ কাযৰিঞ্ঞত্তিসঙ্খাতো চোপনকাযো অধিপ্পেতোতি ৰুত্তং কাযৰিঞ্ঞত্তিসঙ্খাতেতি. চোপনকাযো হি কদাচি কাযঙ্গেন অত্তনোঅধিপ্পাযং পরস্স ৰিঞ্ঞা পনত্থাযপি করীযতীতি কাযৰিঞ্ঞত্তীতি ৰুচ্চতীতি. সো যেৰচ কম্মানং পৰত্তিমুখত্তা দ্ৰারন্তি কাযদ্ৰারং. তস্মিঞ্হি তেন তেন উপক্কম কিচ্চেন পৰত্তমানেএৰ জীৰিতিন্দ্রিযুপচ্ছেদাদিকিচ্চসিদ্ধিতো তংজন কস্স চেতনাধম্মস্স আযূহন কিচ্চনিব্বত্তিচ কাযকম্মনাম লাভোচ হোতীতি. তস্মিং কাযদ্ৰারে. এত্থচ যস্মাসব্বানিপি কম্মানি পুব্বঙ্গমভূতেন সম্পযুত্তমনেন ৰিনা নসিজ্ঝন্তি. মনোপুব্বঙ্গমা ধম্মা. ¶ মনোসেট্ঠা মনোমযাতি হি ৰুত্তং. ধম্মাতি চেত্থ সুচরিতদুচ্চরিতধম্মা ৰুচ্চন্তি. তস্মা মনোদ্ৰারং সব্বকম্মসাধারণত্তা কম্মানি ৰিসেসেতুং নসক্কোতি. অসাধারণভূতা পন কাযৰচীযো এৰ সকোন্তি. যস্মাচ পুরিমানি সত্তৰিধানি কম্মানি কেৰলং মনোমত্তেন নসিজ্ঝন্তি. তংসমুট্ঠিতেহি পন কায ৰচীপযোগেহি এৰ সিজ্ঝন্তি. তস্মা তেএৰ তেসং কম্মানং পৰত্তিমুখসঙ্খ্যং গচ্ছন্তীতি ৰুত্তং কাযদ্ৰারেতি. পরতো ৰচীদ্ৰারেতি চ.

যস্মা পন কাযদ্ৰারে ৰুত্তিতো কাযকম্মং নাম. ৰচীদ্ৰারে ৰুত্তিতো ৰচীকম্মংনামাতি এত্তকমত্তে ৰুত্তে পাণাতিপাতাদীনি তীণি কাযকম্মংনাম. মুসাৰাদাদীনি চত্তারি ৰচীকম্মংনামাতি এৰং দ্ৰারেন কম্মানং নামৰৰত্থানং অসিদ্ধং সিযা. কথং. যদা হি পুরিমানি দ্ৰে আণত্তিৰসেন অপ্পকেন ৰচীদ্ৰারে ভিজ্ঝন্তি. তদা তানি কাযকম্মন্তি নামং জহেয্যুং. ৰচীকম্মন্তি সঙ্খ্যং গচ্ছেয্যুং কস্মা ৰচীদ্ৰারে ৰুত্তিতো ৰচীকম্মংনামাতি ৰুত্তত্তা. দ্ৰেৰা নেসং নামানি ভৰেয্যুং. উভযদ্ৰারেসুপি সন্দিস্সনতো. যদাপন মজ্ঝিমানি চত্তারি হত্থমুট্ঠাদিৰসেন অপ্পকেন কাযদ্ৰারে সিজ্ঝন্তি. তদা তানিপি ৰচীকম্মন্তি নামং জহেয্যুং. কাযকম্মন্তি সঙ্খ্যং গচ্ছেয্যুং. কস্মা কাযদ্ৰারে ৰুত্তিতো কাযকম্মংনামাতি ৰুত্তত্তা. দ্ৰেৰা নেসং নামানি ভৰেয্যুং. উভযদ্ৰারেসুপি সন্দিস্সনতো. এৰঞ্চসতি পাণাতিপাতো.ল. মিচ্ছাচারোচেতি কাযকম্মংনামাতি ইদং ৰৰত্থানমেৰ নিরত্থকং সিযা. তথা পরতো মুসাৰাদো.ল. প্পলাপোচেতি ৰচীকম্মংনামাতি. বাহুল্লৰুত্তিতোতি ৰুত্তেপন একমেকেন বাহুল্লসদ্দেন ছব্বিধানি তানি ৰজ্জানি ৰজ্জেত্ৰা ৰুত্তপ্পকারং দ্ৰারেন কম্মৰৰত্থানং সিদ্ধং ভৰতি. যথা ৰনচরকো সঙ্গামাৰচরোতি.

মনোকম্মানি পন দ্ৰারন্তরেসু চরন্তানিপি চরণমত্তানি এৰ হোন্তি. ন দ্ৰারন্তরানি তেসং কম্মসিদ্ধিযা অঙ্গং হোন্তি. তস্মা তানি ৰিসুং কতানীতি ৰেদিতব্বং. যস্মা পন কাযদ্ৰারস্স কাযোতি নামং অনেকেসু সুত্তসহস্সেসু সযমেৰ সিদ্ধং পাকটঞ্চ. ¶ তথা ৰচীদ্ৰারস্স ৰাচাতি নামং. কুসলাকুসল জৰনচিত্তসঙ্খাকস্স মনোদ্ৰারস্সচ মনোতি নামং. তস্মা সব্বত্থ কাযদ্ৰারং ৰচীদ্ৰারং মনোদ্ৰারন্তি ৰুত্তে কম্মেন দ্ৰারস্স ৰৰত্থান কিচ্চংনাম নত্থি. যত্থ পন কাযকম্মদ্ৰারং ৰচীকম্মদ্ৰারং মনোকম্মদ্ৰারন্তি আগতং. তত্থেৰ দ্ৰারকথাদীসু কম্মেন দ্ৰারৰৰত্থানংপি ৰিসুং ৰত্তব্বং হোতীতি দট্ঠব্বং.

[১৫৩] এতেন যং ৰুত্তং ৰিভাৰনিযং

‘‘কাযকম্মস্সচ পৰত্তিমুখভূতং কাযদ্ৰারন্তি ৰুচ্চতীতি’’. তং পটিক্খিত্তং হোতি.

‘‘তথা মুসাৰাদাদিং কাযৰিকারেন করোন্তস্স ৰচীকম্মং কাযদ্ৰারেপি পৰত্ততীতি কম্মেন দ্ৰারৰৰত্থানংপি নসিযাতি’’ ৰুত্তং. তংপি ন যুজ্জতি.

ন হি কাযৰিকারেন করীযমানং ৰচীকম্মং কাযদ্ৰারে পৰত্তমানংপি তস্স দ্ৰারস্স নামং ভিন্দিতুংৰা অত্তনো নামং দাতুংৰা সক্কোতি. সভাৰ সিদ্ধত্তা তস্স নামস্সাতি.

ৰুত্তং ‘‘তথা কাযকম্মমেৰ যেভুয্যেন কাযদ্ৰারে পৰত্ততি. ন ইতরানি. তস্মা কাযকম্মস্স যেভুয্যেন এত্থেৰ পৰত্তনতো কাযকম্মদ্ৰারভাৰো সিদ্ধো. ব্রাহ্মণগামাদীনং ব্রাহ্মণগামাদি ভাৰোৰিযাতি’’. তংপি পটিক্খিত্তং হোতি.

ন হি কাযকম্মদ্ৰারন্তি নামং ইধ ৰুত্তং অত্থীতি. [কাযকম্মং]

১৪৯. মুসাতি অভূতত্থে নিপাতো. মুসা ৰদন্তি এতেনাতি মুসাৰাদো. ৰিসতি পরেসং অঞ্ঞমঞ্ঞসম্মোদভাৰসঙ্খাতং সামগ্গিরসং সংচুণ্ণেতি পরিভিন্দতি মিথু ভেদং করোতি এতাযাতি পিসুণা. অত্তনো পিযভাৰং পরেসঞ্চ মিত্তসুঞ্ঞভাৰং করোতি এতাযাতিৰা পিসুণা. নিরুত্তিনযেন. ৰদন্তি এতাযাতি ¶ ৰাচা. পিসুণাচ সা ৰাচাচাতি পিসুণৰাচা. যেন সুয্যতি, তস্স হদযং ফরমানা উসতি দহতীতি ফরুসা. ফরুসাচ সা ৰাচাচাতি ফরুসৰাচা. সাধুজনেহি অধিগন্তব্বং সংসুখং হিতঞ্চ ফলতি ৰিসরতি ৰিনাসেতি হিতসুখমগ্গং ভিন্দতীতি সম্ফং. তংৰা ফলতি ভিজ্জতি এতেনাতি সম্ফং. অত্থধম্মাপগতস্স পটিভাণচিত্তস্স ভারতযুদ্ধসীতাহরণা দিকস্স ৰাচা ৰত্থুমত্তস্সেতং নামং. যত্থ দিট্ঠধম্মহিতবুদ্ধিযাৰা সম্পরাযিক হিতবুদ্ধিযাৰা উপাযদীপকং কিঞ্চি অত্থধম্মৰিনযপদং নত্থি. সম্ফং পলপন্তিপকারেন কথযন্তি এতেনাতি সপ্ফপ্পলাপো. তত্থ পরস্সৰিসং ৰাদনপুরেক্খারেন ৰিসং ৰাদক কাযৰচীপযোগসমুট্ঠাপিকা অকুসলচেতনা মুসাৰাদো. সো পরস্স অত্থভঞ্জনকোৰ কম্মপথভেদো. ইতরো কম্মমেৰ. এত্থ চ কম্ম পথোতি পটিসন্ধিজনকানং কম্মানং উট্ঠানমুখমগ্গো ৰুচ্চতি. যথা হি রজানং উট্ঠানপদেসো রজপথোতি ৰুচ্চতি. তথা লোকে সন্দিস্সমানেসু সত্তানং কাযৰচীচিত্তাভিসঙ্খরণকিচ্চেসুযেহি কিচ্চেহি পটিসন্ধিজনকানি কম্মানি উট্ঠহন্তি. যেসুৰা কিচ্চেসু তানি উট্ঠহন্তি পৰত্তন্তি. তানি কাযৰচীচিত্তা ভিসঙ্খরণকিচ্চানি পটিসন্ধিজনকানং কম্মানং উট্ঠানমুখমগ্গত্তা কম্মপথোতি ৰুচ্চন্তি. কতমানি পন তানীতি. অঙ্গসম্পন্নানি অকুসলেসু পাণঘাত কিচ্চাদীনি কুসলেসু তব্বিরমণকিচ্চাদীনি দসৰিধানি কিচ্চানীতি. কম্মানিযেৰ সুগতিদুগ্গতীনং তদুপ্পজ্জনকসুখদুক্খানঞ্চ পথভূতত্তা কম্মপথোনামাতিপি ৰদন্তি.

পরস্স ভেদপুরেক্খারেন ভেদককাযগচীপযোগসমুট্ঠা পিকা সংকিলিট্ঠচেতনা পিসুণাৰাচা. সাপি পরে ভিন্নেযেৰ কম্মপথভেদো. অভিন্নে কম্মমেৰ. পরস্স মম্মচ্ছেদককায ৰচীপযোগসমুট্ঠাপিকা দুট্ঠচেতনা ফরুসৰাচা. এত্থচ মরন্তি সত্তা, মরণমত্তংৰা দুক্খং নিগচ্ছন্তি এতস্মিং ঘট্টিযমানেতি মম্মং. দুট্ঠৰণো. মম্মং ছিন্দতি ভিন্দতি ঘট্টেতীতি মম্মচ্ছেদকো. ৰণঘট্টনপযোগো. ইধ পন মম্মংৰিযাতি মম্মং. জাতিআদীসু দসসু অক্কোসৰত্থূসু যংকিঞ্চি. মম্মচ্ছেদকোতি জাতিআদীসু ঘট্টন ৰসেন ¶ পৰত্তো ফরুস কাযৰচী পযোগো. অয মত্থো সীলক্খন্ধ টীকা ৰসেন ৰেদিতব্বো. অথৰা. মমাযতীতি মমো. মিত্তো. মমস্স ভাৰো মম্মং. মেত্তাচিত্তং. মম্মং ছিন্দতীতি মম্মচ্ছেদকো. অযংপি অক্কোসিতব্বস্স সম্মুখাএৰ কম্মপথভেদোতি কেচি. পরম্মুখাপীতি অপরে. যথা পন পরং অক্কোসিত্ৰা খমাপেন্তস্স খমাপনকম্মং পরস্স দূরে ঠিতস্সপি মতস্সপি সম্পজ্জতি. এৰং অক্কোসনকম্মংপীতি দীঘমজ্ঝিমটীকাকারা ইচ্ছন্তি. অক্কোসাধিপ্পাযেন চণ্ডা মহিংসী তং অনুবন্ধতূতিৰা চোরা তং খণ্ডা খণ্ডিকং করোন্তূতিৰা মুদ্ধা তে ফলতু সত্তধাতিৰা এৰমাদিনা নযেন পরং অভিসপন্তস্সপি কম্মপথভেদো হোতিযেৰাতিচ ৰদন্তি.

অনত্থৰিঞ্ঞাপন কাযৰচীপযোগ সমুট্ঠাপিকা পাপচেতনা সম্ফপ্পলাপো. সোপি ভারতযুদ্ধ সীতাহরণাদিকেসু পটিভাণচিত্তেসু ৰাচাৰত্থুমত্তেসুএৰ কম্মপথভেদো. সোচখো পরে তং অনত্থং সচ্চতো গণ্হন্তেযেৰ. অগণ্হন্তে পন কম্মমেৰ. তথা রাজকথাদীসু দ্ৰত্তিংস তিরচ্ছান কথাপভেদেসুপি কম্মমেৰ. তঞ্চ খো তদস্সাদৰসেন কথেন্তস্সেৰ. অত্থধম্মৰিনযনিস্সিতং কত্ৰা কথেন্তস্স পন সব্বংপি সত্থকমেৰ হোতীতি ৰেদিতব্বং. ৰচীকম্মন্তি এত্থ ৰচীতি ৰাচাযেৰ. সা চতুব্বিধা সদ্দৰাচা ৰিরতিৰাচা চেতনাৰাচা চোপনৰাচাতি. ইধ পন সদ্দসহিতা ৰচীৰিঞ্ঞত্তিসঙ্খাতা চোপন ৰাচা অধিপ্পেতাতি ৰুত্তং ৰচীৰিঞ্ঞত্তিসঙ্খাতেতি. চোপনৰাচা হি কদাচি ৰাচঙ্গেন অত্তনো অধিপ্পাযং পরস্স ৰিঞ্ঞাপনত্থাযপি করীযতীতি ৰচীৰিঞ্ঞত্তীতি ৰুচ্চতীতি. সাযেৰচ কম্মানং পৰত্তি মুখত্তা দ্ৰারন্তি ৰচীদ্ৰারং. তায হি তংতংৰচীপযোগকিচ্চেন পৰত্তমানায এৰ ৰিসংৰাদনাদিকিচ্চসিদ্ধিতো তংসমুট্ঠাপকস্স চেতনাধম্মস্স আযূহনক্রিযানিব্বত্তিচ ৰচীকম্মনামলাভোচ হোতীতি. তস্মিং ৰচীদ্ৰারে. যমেত্থ ৰত্তব্বং, তং কাযকম্মে ৰুত্তমেৰাতি. [ৰচীকম্মং]

১৫০. অভিজ্ঝাযন্তি ¶ অস্সাদমত্তে অট্ঠত্ৰা পরভণ্ডস্স অত্তনো পরিণামনৰসেন অতিরেকতরং ঝাযন্তি নিজ্ঝাযন্তি এতাযাতি অভিজ্ঝা. ব্যাপাদেন্তি পরসত্তে ৰিনাসং আপন্নে কত্ৰা চিন্তেন্তি এতেনাতি ব্যাপাদো. মিচ্ছাদিট্ঠীতি এত্থ মিচ্ছাতি ৰিপরীতত্থে নিপাতো. অত্থিদিন্নন্তিআদিনযপৰত্তং সব্বং সপ্পুরিস মগ্গং সপ্পুরিসপঞ্ঞত্তং ভিন্দিত্ৰা নত্থি দিন্নন্তিআদিনযেন তব্বিপরী ততো পস্সন্তি এতাযাতি মিচ্ছাদিট্ঠি. তত্থ পরসন্তকং দিস্ৰা কেৰলং অস্সাদনাভিনন্দনরজ্জনমত্তেসু অট্ঠত্ৰা অহোৰত ইদং মমস্সাতি এৰং অত্তনো কত্ৰা চিত্তেন পরিণামেন্তস্সেৰ অভিজ্ঝাকম্মপথভেদো হোতি. পরসন্তকভাৰেযেৰ থপেত্ৰা লাভাৰতিমে. যে ঈদিসং পরিভুঞ্জন্তি. অহোৰতাহংপি তাৰকালিকং পরিভুঞ্জেয্যং. যাচিত্ৰাৰা কিণিত্ৰাৰা অত্তনো করেয্যং. অঞ্ঞংৰা ঈদিসং লভেয্যন্তি এৰং অস্সাদেন্তস্স কম্মমেৰ. ৰুত্তঞ্হেতং অট্ঠকথাসু পরভণ্ডৰত্থুকে হি লোভে উপ্পন্নেপি ন তাৰ কম্মপথভেদো হোতি. যাৰ ন অহোৰত ইদং মমস্সাতি অত্তনো পরিণামেতীতি. অন্তমসো ডংসমকসাদিকেপি আরব্ভ ইমে নস্সন্তু ৰিনস্সন্তু. অহোৰতিমে নস্সেয্যুং ৰিনস্সেয্যুং. অৰড্ঢিতাৰা ভৰেয্যুং চিরংৰা নতিট্ঠেয্যুং. কদাৰা নস্সন্তি ৰিনস্সন্তীতি এৰং পর সত্তস্স খন্ধজীৰৰিনাসং চিন্তেন্তস্সেৰ ব্যাপাদো. ইতরো কম্মমেৰ. ৰুত্তঞ্হেতং পরসত্তৰত্থুকে হি কোধে উপ্পন্নেপি ন তাৰ কম্মপথভেদো হোতি. যাৰ ন অহোৰতাযং উচ্ছিজ্জেয্য ৰিনাসেয্যাতি তস্স ৰিনাসং চিন্তেতীতি. কম্মস্সৰা কম্মৰিপাকস্সৰা সব্বসো পটিবাহিকা নত্থিকাহে তুকাক্রিযৰসেন তিৰিধা নিযত মিচ্ছাদিট্ঠিএৰ কম্মপথভেদো. দসৰত্থুকমিচ্ছাদিট্ঠি পন নত্থিকদিট্ঠিপভেদাএৰ. সব্বঞ্ঞুদেসনং পটিবাহিত্ৰা পৰত্তা অরিট্ঠকণ্টকাদীনং দিট্ঠিযোপি কম্মপথাএৰাতি ৰদন্তি. ৰীসতিৰত্থুকা সক্কাযদিট্ঠিৰা দ্ৰাসট্ঠিদিট্ঠিগতানিৰাকম্মমেৰাতি.

নিযতাতি ¶ চেত্থ যথা তীণি লক্খণানি যত্তকং পস্সিত্ৰা সদ্ধাধিমোক্খেন সন্নিট্ঠানং গচ্ছন্তস্স চিত্তুপ্পাদো অত্তনো অনন্তরং ফলদাননিযমেন নিযতো হোতি. তত্তকং পস্সন্তো কুসলেসু ধম্মেসু নিযামং ওক্কমতীতি ৰুত্তো. তথাদিট্ঠিট্ঠা নানি কারণ পটিরূপকানি যত্তকং পস্সিত্ৰা মিচ্ছাধিমোক্খেন সন্নিট্ঠানং গচ্ছন্তস্স চিত্তুপ্পাদোচুতিঅনন্তরেফলদাননিযমেন নিযতো হোতি. তত্তকং পস্সিত্ৰা সন্নিট্ঠানং গচ্ছন্তো অকুসলেসু ধম্মেসু নিযামং ওক্কমতি, অতেকিচ্ছোনাম হোতি. তথা পন অপস্সিত্ৰা কেৰলং মিচ্ছাধিমোক্খমত্তেন এৰমেৰ ভৰিস্সতীতি সন্নিট্ঠানং গন্ত্ৰা সকং আচরিযকং সমযং পগ্গণ্হিত্ৰা ঠিতো অতেকিচ্ছোনাম নহোতি. কস্মা, ফলদান নিযমাভাৰাতি. অযঞ্চ অত্থো মিচ্ছত্তত্তিকেন দীপেতব্বো. তত্থ হি ফলদান নিযমৰসেনেৰ উভিন্নংপি সম্মত্তমিচ্ছত্তধম্মানং নিযতসঞ্ঞাপটিলাভো অট্ঠকথাযং ৰুত্তোতি. সুত্তন্তসংৰণ্ণনাসু পন গহণনিযমৰসেনাপি তস্সা নিযতভাৰো ৰুত্তোতি.

অঞ্ঞত্রাপিৰিঞ্ঞত্তিযাতি ৰিঞ্ঞত্তিদ্ৰযেন ৰিনাপি. ৰিঞ্ঞত্তিদ্ৰযং অসমুট্ঠাপেত্ৰাপীতি অত্থো. অপিসদ্দেন পন ৰিঞ্ঞত্তিদ্ৰযেন সহাপীতি দস্সেতি. ইমানি হি তীণি কম্মানি যদা কাযঙ্গৰা চঙ্গানি অচোপেত্ৰা মনস্মিংএৰ সিজ্ঝন্তি. তদাৰিঞ্ঞত্তিযা ৰিনাৰ পৰত্তন্তি. যদা পন তানি চোপেত্ৰা কাযৰচীদ্ৰারেসু সিজ্ঝন্তি, তদা ৰিঞ্ঞত্তিযা সহেৰ পৰত্তন্তীতি. এতেন ইমেসং তীসুপি দ্ৰারেসু পৰত্তিং দীপেতি. এৰংসন্তেপি ইমানি মনোদ্ৰারেএৰ বহুলং পৰত্তন্তি. কাযৰচীদ্ৰারেসু পন অপ্পকমেৰ পৰত্তন্তীতি ৰুত্তং মনস্মিংযেৰবাহুল্লৰুত্তিতোতি. তত্থ মনস্মিং যেৰাতি কুসলা কুসলজৰনচিত্তসঙ্খাতে মনোদ্ৰারেএৰ. এতেন পুরিমেসুপি কাযদ্ৰারে ৰচীদ্ৰারেতি পদেসু এৰসদ্দসম্ভৰো দীপিতো হোতি. এৰঞ্হি সতি তত্থপি দ্ৰারেন কম্মৰৰত্থানং সুট্ঠুতরং উপপন্নং হোতীতি. ইতরথা উপলক্খণাদিৰসেন অত্থন্তরপসঙ্গোপি সিযাতি. অপিচ, ইধ এৰসদ্দেন অযংপি ৰিসেসত্থো দীপিতো হোতি. পাণৰধাদীসু হি ৰধামি নং অৰহরামি ন ন্তিআদিনা ¶ সংৰিধানাকারেন পৰত্তা চেতযিতক্রিযাএৰ পধানং হোতি. সাচ কাযৰচীপযোগেহি ৰিনা নসিজ্ঝতি. তস্মা তেসু কায ৰচী পযোগা কম্মসিদ্ধিযা একং অঙ্গং হোন্তি. তং সহজাতাচ অভিজ্ঝাদযো চেতনাপক্খিকাএৰ হুত্ৰা অব্বোহারিকত্তং গচ্ছন্তি. পরভণ্ডা ভিজ্ঝাযনাদীসু পন অভিজ্ঝাদীনং অত্তপধানানং কাযৰচীদ্ৰারেসু পৰত্তানংপি কায ৰচীপযোগাকম্মসিদ্ধিযা অঙ্গমেৰ নহোন্তি. তথা চিন্তাপৰত্তি মত্তেনেৰ তত্থ কম্মসিদ্ধিতো. ইতি ইমেসু কম্মেসু কায ৰচীদ্ৰারানং সব্বেনসব্বং অঙ্গভাৰপটিক্খিপনত্থং মনস্মিং যেৰাতি এৰ গহণং ইধেৰ কতন্তি দট্ঠব্বং. তেসু পন দ্ৰারেসু পৰত্তিমত্ত সব্ভাৰং সন্ধায বাহুল্লসদ্দোপি ইধ গহিতোতি.

‘‘ৰিঞ্ঞত্তিসমুট্ঠাপক চিত্তসম্পযুত্তাচেত্থ অভিজ্ঝাদযো চেতনাপক্খিকাৰ হোন্তীতি’’ ৰুত্তং. তং ইধ ন যুজ্জতি.

ন হি ৰিঞ্ঞত্তিসমুট্ঠাপকচিত্তসম্পযুত্তাপি কেৰলং মনোকম্ম কিচ্চৰিসেসেন পৰত্তমানা অভিজ্ঝাদযো চেতনাপক্খিকা হোন্তি. চেতনাএৰ পন অভিজ্ঝাদিপক্খিকা হোতীতি. [মনোকম্মং]

১৫১. এত্থ চ দসন্নংপি ইমেসং কম্মপথানং পুব্বাপরচেতনাযো পটিসন্ধিআকড্ঢনে অনেকন্তিকপক্খং গতাতি পটিসম্ভিদা মগ্গটীকাযং ৰুত্তা. তস্মা তাপি ইমং সত্তং মারেস্সামি ইমং ভণ্ডং অদিন্নং আদিযিস্সামীতিআদিনা নযেন আদিতো পট্ঠায পৰত্তা বলৰপচ্চযে লদ্ধা পটিসন্ধিং আকড্ঢন্তি. অলদ্ধা নাকড্ঢন্তীতি যুত্তা. যানি পন কুসলাকুসলানি কম্মপথভেদং অপ্পত্তানি হোন্তি. তানি কাযদ্ৰারে দিস্সমানানি কাযকম্মানিনাম হোন্তি. ৰচীদ্ৰারে দিস্সমানানি ৰচীকম্মানিনাম. সুদ্ধে মনোদ্ৰারে দিস্সমানানি মনোকম্মানিনামাতি ৰেদিতব্বানীতি. দোসমূলেনাতি দোসসঙ্খাতমূলেন দোসমূলকচিত্তেনাতি দ্ৰিধা অত্থো. তত্থ পুরিমো ব্যাপাদৰজ্জেহি দ্ৰীহি যুজ্জতি, পচ্ছিমো তীহিপি. ¶ লোভমূলেনাতি এত্থ এসনযো. তত্থাপিতি পুরিমো অভিজ্ঝাৰজ্জেহি দ্ৰীহি যুজ্জতি. পচ্ছিমো তীহীতি. দ্ৰীহি মূলেহীতি কদাচি দোসমূলেন কদাচি লোভমূলেনাতি এৰং দ্ৰীহি মূলেহি সম্ভৰন্তি. মোহো পন সব্বসাধারণত্তা ৰিসেসকরো ন হোতীতি ইধ ন গহিতো.

‘‘নিধিপাঠকপমাণতো দুট্ঠনিগ্গহত্থং পরসন্তকং হরন্তানং রাজূনং ব্রাহ্মণানঞ্চ সব্বমিদং ব্রাহ্মণানং রাজূহি দিন্নং. তেসং পন সব্বদুব্বলভাৰেন অঞ্ঞে ভুঞ্জন্তি. অত্তসন্তকমেৰ ব্রাহ্মণা পরিভুঞ্জন্তীতি এৰমাদীনি ৰত্ৰা সকসঞ্ঞায এৰ যংকিঞ্চি হরন্তানং কম্মফলসম্বন্ধাপৰাদীনঞ্চ মোহমূলেনা’’তি ৰুত্তং. তং ইধ ন যুজ্জতি.

সহজাতমূলঞ্হি ইধ অধিপ্পেতং অসাধারণভূতঞ্চ. তেসঞ্চ তথাহরন্তানং হরণং হরণকালে কদাচিদোসমূলেন কদাচি লোভমূলেনাতি এৰং দ্ৰীহি মূলেহি এৰ সম্ভৰতীতি. যো পন মোহো মহাসম্মতাদীনংধম্মিকরাজূনং কালে পৰত্তং পোরাণক নিধিসত্থং থপেত্ৰা পচ্ছা অধম্মিকানংরাজূনং কালে পৰত্তেসু যেভুয্যেন অধম্মিকেসু ধম্মসত্থ রাজসত্থ সঙ্খাতেসু নিধিপাঠেসু ধম্মিকসঞ্ঞীনং রাজূনং উপ্পন্নো. যোচ রাজূনং অভিসেককালে দিন্নঞ্ঞেৰসমণব্রাহ্মণানংতিণকট্ঠোদকন্তি ৰচনং উপাদায সব্বমিদং ব্রাহ্মণানং রাজূহি দিন্নন্তি এৰং সঞ্ঞীনং ব্রাহ্মণানং উপ্পন্নো. যোচ নত্থি সুকত দুক্কটানং কম্মানং ফলং ৰিপাকোতি এৰং দিট্ঠিকানং কম্মফলসম্বন্ধা পৰাদীনং উপ্পন্নো. সোসব্বোপি উপনিস্সযমোহো নাম হোতি. সো ইধ নাধিপ্পেতো. ইতরথা লোভো নিদানং কম্মানং সমুদযায. দোসো নিদানং কম্মানং সমুদযায. মোহো নিদানং কম্মানং সমুদযাযাতি ৰচনতো সব্বেপি অকুসলকম্ম পথাতি মূলকাএৰ ইধ ৰত্তব্বা সিযুন্তি. এৰংপনেত্থ ৰত্তব্বং সিযা, কম্মেসুচ কম্মফলেসুচ সঞ্জাতকঙ্খানং জনানং কঙ্খা পরিযুট্ঠান চিত্তেনসহেৰতদনুরূপানিঅদিন্নাদানাদীনি চত্তারিকম্মানি করোন্তানং তানি ¶ কম্মানি সুদ্ধেন মোহমূলেন জাযন্তীতি. এৰঞ্হি সতি পরতো ৰিচিকিচ্ছা চেতনায পটিসন্ধিজনকেসু গহণংপি উপপন্নং হোতীতি. [অকুসলকম্মং].

১৫২. কামাৰচরকুসলংপি কাযদ্ৰারে পৰত্তং কায কম্মন্তি এত্থ দ্ৰে পরিযাযা ৰেদিতব্বা. কথং, ৰক্খমানেসু হি পুঞ্ঞক্রিযৰত্থূসু যংকিঞ্চি পুঞ্ঞক্রিযৰত্থুং কাযঙ্গং চোপেত্ৰা পৰত্তিতং কাযকম্মং নাম. ৰাচঙ্গং চোপেত্ৰা পৰত্তিতং ৰচীকম্মং নাম. কাযঙ্গ ৰাচঙ্গানি অচোপেত্ৰা মনোদ্ৰারেএৰ পৰত্তিতং মনোকম্মং নামাতি অযমেকো পরিযাযো. অযং পন মেত্তং কাযকম্মং পচ্চুপট্ঠিতং হোতি সব্রহ্মচারীসু আৰিচেৰ রহো চ. মেত্তং ৰচীকম্মং পচ্চুপট্ঠিতং হোতি সব্রহ্মচারীসু আৰিচেৰ রহোচ. মেত্তং মনোকম্মং পচ্চুপট্ঠিতং হোতি সব্রহ্মচারীসু আৰিচেৰ রহোচাতিচ. সব্বং কাযকম্মং ঞাণপুব্বঙ্গমং ঞাণানুপরিৰত্তং. সব্বং ৰচীকম্মং ঞাণপুব্বঙ্গমং ঞাণানুপরিৰত্তং. সব্বং মনোকম্মং ঞাণপুব্বঙ্গমং ঞাণানুপরিৰত্তন্তি চ.

পদক্খিণং কাযকম্মং, ৰাচাকম্মং পদক্খিণং;

পদক্খিণং মনোকম্মং, পণীহিতে পদক্খিণে তিচ.

এৰমাদীসু সুত্তপদেসু আগতো. অপিচ, অট্ঠসালিনিযং সকলায নৰকম্মদ্ৰারকথায অযমত্থো দীপেতব্বো. তত্থ হি দানমযংপি কাযৰচী মনোকম্মৰসেন তিধা ৰিভত্তং. তথা সীলমযং ভাৰনামযঞ্চাতি. যস্মিং পন দুস্সিল্যে পৰত্তমানে কাযো অপরিসুদ্ধো হোতি. কাযসংৰরো ভিজ্জতি. যং পন কুসলং পৰত্তমানং তদঙ্গপহানাদিৰসেন তং দুস্সিল্যং পজহিত্ৰা কাযদ্ৰারং সোধযমানং কাযসংৰরং পূরযমানং পৰত্ততি. তং কাযচোপন রহিতংপি কাযঙ্গ সংৰরণ কিচ্চত্তা কিচ্চসীসেন কাযদ্ৰারে পৰত্তং কাযকম্মংনাম. কাযসুচরিতন্তিপি ৰুচ্চতি. এত্থচ তং দুস্সিল্যং পজহিত্ৰাতি যস্মিং চিত্তে উপ্পজ্জমানে পাণঘাতাদিকং কাযদুস্সিল্যং উপ্পজ্জেয্য. তস্স চিত্তস্স উপ্পজ্জিতুং অপ্পদানৰসেন তং কাযদুস্সিল্যং পজহিত্ৰা. কাযদ্ৰারং সোধ যমানন্তি ¶ যস্মিং দুস্সিল্যে উপ্পজ্জমানে কাযঙ্গং অসুদ্ধং হোতি. তস্স উপ্পজ্জিতুং অপ্পদানৰসেন কাযদ্ৰারং সোধযমানং. কাযসংৰরং পূরযমানন্তি সযং কাযঙ্গসংৰরণকিচ্চসম্পাদনেন কাযসংৰরং পূরেন্তন্তি অত্থো. ৰচীকম্মেপি এসেৰ নযো. অৰযেসং পন সব্বংপি কল্যাণকম্মং তীসু দ্ৰারেসু পৰত্তংপি মনোদ্ৰারংএৰ সোধযমানং মনোসংৰরংএৰ পূরযমানং পৰত্ততীতি মনোদ্ৰারে পৰত্তং মনোকম্মংনাম. মনোসুচরিতন্তিপি ৰুচ্চতি. অযমেকো পরিযাযো. অযং পন অনেকসতেসু কম্মপথসুত্তেসু আগতো. অপিচ, অট্ঠসালিনিযং সকলায দ্ৰারকথাক অযমত্থো দীপেতব্বোতি. ইমেসু পন দ্ৰীসু পরিযাযেসু সত্তুসাসনে কল্যাণধম্মপূরণংনাম যাৰদেৰ পাপধম্মপহানত্থায এৰ হোতীতি পচ্ছিমোযেৰ পধানন্তি ৰেদিতব্বোতি. দিয্যতি এতেনাতি দানং. ৰত্থুপরিচ্চাগচেতনা. সীলযতীতি সীলং. কায ৰচীকম্মানি সাৰজ্জানি নীৰারেত্ৰা অনৰজ্জানি সুসমাহিতানি কত্ৰা সম্মাদহতি থপেতি, উপরিমে কুসলধম্মেচ উপধারেতি. তেসং পতিট্ঠা হুত্ৰা ধারেতীতি অত্থো. ভাৰেন্তি এতাযাতি ভাৰনা. অধিকুসলধম্মে অনুপ্পন্নেৰা উপ্পাদেন্তি উপ্পন্নেৰা ৰড্ঢেন্তীতি অত্থো. অপচাযন্তি এতেনাতি অপচাযনং. পূজেন্তি কাযৰাচাহি অত্তানং নীচৰুত্তিং দস্সেন্তীতি অত্থো.

ৰিসেসেন আৰরন্তি উস্সুক্কং আপজ্জন্তীতি ব্যাৰটানং ভাৰো কম্মংৰা ৰেয্যাৰচ্চং. পজ্জিত্থাতি পত্তি. অত্তনি লদ্ধপুঞ্ঞকোট্ঠাসস্স নামং. পাপীযতীতিৰা পত্তি. পরেহি অনুমোদন্তেহি লদ্ধব্বস্স পুঞ্ঞানিসন্দস্সেতং নামং. পত্তিং দদন্তি এতেনাতি পত্তিদানং. তদেৰ পরেহি দিন্নং অনুমোদন্তি. সাধুকারং দদন্তি এতেনাতি পত্তানুমোদনং. ধম্মং সুণন্তি এতেনাতি ধম্মসৰনং. ধম্মং দেসেন্তি এতাযাতি ধম্মদেসনা. অত্থি দিন্নং, অত্থি যিট্ঠং, অত্থি হুতং, অত্থি সুকতদুক্কটানং কম্মানং ফলং ৰিপাকোতিআদিনা দসৰত্থুকং সম্মাদিট্ঠিং উজুং করোন্তি এতেনাতি দিট্ঠিজুকম্মং. সব্বানি পন তানি পুনেন্তি চিত্তসন্তানং সোধেন্তি এতেহীতি পুঞ্ঞানি. পূজনীযভাৰং নিব্বত্তেন্তীতি পুঞ্ঞানীতিপি ৰদন্তি. তানিএৰ অৰস্সং কত্তব্বট্ঠেন ক্রিযানিচাতি ¶ পুঞ্ঞক্রিযানি. তানিযেৰ সুখৰিসেসানং অধিট্ঠানট্ঠেন ৰত্থূনিচাতি পুঞ্ঞক্রিযৰত্থূনীতি. এত্থ একমেকং তিৰিধং হোতি পুরিমং মজ্ঝিমং পচ্ছিমন্তি. তত্থ দানে তাৰ পটিগ্গাহকস্স পরিচ্চাগকরণং মজ্ঝিমংনাম. ততো পুব্বে ইমিনা পচ্চযেন দানমযং পুঞ্ঞং পৰত্তযিস্সামীতি এৰং পচ্চযুপ্পাদনতো পট্ঠায দানং আরব্ভ দানং উদ্দিস্স তীসু দ্ৰারেসু পৰত্তা কুসলচেতনা পুরিমংনাম. পচ্ছা ভাগে পন অত্তনা দিন্নদানং আরব্ভ পুনপ্পুনং অত্তমনচিত্তং উপ্পাদেন্তস্স পৰত্তা কুসলচেতনা পচ্ছিমংনামং. সব্বংপি চেতং অকুসলে ৰুত্তনযেন বলৰপচ্চযে লদ্ধা পটিসন্ধিং দেতি. অলদ্ধা ন দেতীতি ৰেদিতব্বং.

পুন হীন মজ্ঝিমপণীতৰসেন তিৰিধং হোতি. তত্থ হীনেন ছন্দেন চিত্তেন ৰীরিযেন ৰীমংসাযৰা পৰত্তিতং হীনং, মজ্ঝিমেন ছন্দাদিনা পৰত্তিতং মজ্ঝিমং, পণীতেন পণীতং. যসকামতাযৰা পৰত্তিতং হীনং. পুঞ্ঞফলকামতাযৰা পৰত্তিতং মজ্ঝিমং. কত্তব্বমে ৰিদন্তি অরিযভাৰং নিস্সায পৰত্তিতং পণীতং. অত্তুক্কংসন পরৰম্ভনাদীহি উপক্কিলিট্ঠংৰা হীনং. অনুপক্কিলিট্ঠং লোকিযসুখভাগিতায পৰত্তিতং মজ্ঝিমং. মগ্গফলসুখভাগিতায পৰত্তিতং পণীতং. তণ্হাৰসেনৰা ভৰভোগত্থায পৰত্তিতং হীনং. অত্তনো ৰিমোক্খত্থায পৰত্তিতং মজ্ঝিমং. সব্বসত্তৰিমোক্খত্থায পৰত্তিতং পারমিতাদানং পণীতন্তি অযমত্থো ৰিসুদ্ধিমগ্গে সীলনিদ্দেসং নিস্সায ৰেদিতব্বোতি. যথা চেত্থ, এৰং সেসেসুপিযথা সম্ভৰং তিকদ্ৰযং ৰিভজিত্ৰা ৰত্তব্বন্তি. তত্থ সীলং নামভিক্খুসীলং, ভিক্খুনিসীলং, সামণেরসীলং, গহট্ঠসীলন্তি চতুব্বিধং হোতি. তত্থ পুরিমানং দ্ৰিন্নং সমাদানকিচ্চং কম্মৰাচায সিদ্ধংহোতি. অন্তিমৰত্থুঅজ্ঝাপন্নেনৰা সিক্খাপচ্চক্খানেনৰা কম্মৰাচায ভিন্নায সব্বং সমাদানং ভিন্নং হোতি. সব্বানি উপসম্পন্ন সীলানি ভিন্নানি হোন্তি. তদা ভিক্খুপটিঞ্ঞং অৰিজহিত্ৰা ঠিতো দুস্সীলোনাম হোতি. থপেত্ৰাপন অন্তিমৰত্থুং অঞ্ঞসিক্খা পদানি ৰীতিক্কমন্তস্স যং ৰীতিক্কমতি. তস্মিংযেৰ সংৰরভেদো হোতি. ন সমাদান ভেদো. ন হি তং পুন কম্মৰাচায সমাদাতব্বন্তি অত্থীতি. পটিকম্মং করোন্তস্স ¶ পন সংৰরো পাকতিকো হোতি. সঞ্চিচ্চ ৰীতিক্কমন্তোৰা পটিকম্মং অকরোন্তোৰা অলজ্জীনাম হোতি. ন দুস্সীলোতি. এসনযো সামণেরসীলেপি. তত্থ পন সরণগমনেনেৰ সমাদানংসিদ্ধং হোতি. লিঙ্গনাসনঙ্গং কত্ৰা সরণগমনে ভিন্নে সব্বং সমাদানং ভিজ্জতি. ইতরেসু পন যং ৰীতিক্কমতি, তস্মিংযেৰ সংৰরভেদো হোতীতি ৰেদিতব্বং.

গহট্ঠসীলে পন পকতি গহট্ঠানং গহণৰসেনেৰ সমাদানং সিদ্ধং হোতি. তস্মা একতোগণ্হন্তে সব্বানি সমাদিন্নানি হোন্তি. একস্মিংচ ভিন্নে সব্বানি ভিন্নানি হোন্তি. সব্বানি পুন সমাদাতব্বানি. ৰিসুং ৰিসুং গণ্হন্তে পন যং ৰীতিক্কমতি, এতদেৰভিজ্জতি. তদেৰ পুন সমাদাতব্বং হোতীতি. পরিচ্ছিন্নকালা তিক্কমনে পন সব্বং সমাদানং ৰূপসম্মতিযেৰ. দুস্সীলভাৰো পনেত্থ পঞ্চন্নং নিচ্চসীলানং ভেদেন ৰেদিতব্বো. নিচ্চানিচ্চেসু পন যং নিচ্চমেৰ ৰট্টতি. অনিচ্চং নৰট্টতি সাৰজ্জং হোতি. তং নিচ্চসীলং নাম. যং পন নিচ্চংপি ৰট্টতি. মহন্তং পুঞ্ঞাভিসন্দং হোতি. অনিচ্চংপি ৰট্টতি সাৰজ্জং ন হোতি. তং অনিচ্চসীলংনাম. তত্থ ভিক্খু ভাৰে ঠিতস্স ভিক্খুসীলং সামণেরভাৰে ঠিতস্স সামণেরসীলং পকতিগহট্ঠানংপঞ্চসীলং পব্বজিতসঙ্খেপগতানং উপাসকানং তাপসপরিব্বাজকানঞ্চ দসসীলং নিচ্চসীলংনাম. তেসঞ্হি তং তং যথাসকং সীলং নিচ্চং সুদ্ধং কত্ৰা রক্খিতুমেৰ ৰট্টতি. অরক্খন্তানং ভিক্খুভাৰাদিকো সাৰজ্জো হোতি অসুদ্ধো. কস্মা, অত্তনো অনুরূপস্স আচারস্স ৰিপত্তিতো. পকতিগহট্ঠানং পন অট্ঠঙ্গুপোসথসীলং অনিচ্চসীলংনাম. তঞ্হি তেসং ৰুত্তনযেন নিচ্চংপি ৰট্টতি. অনিচ্চংপি ৰট্টতি. তথা দসসীলঞ্চ. তঞ্হি পকতি গহট্ঠানং অনিচ্চসীলমেৰ হোতি. গিহিনিৰত্থং পহায কাসাযৰত্থধারণেন পব্বজিতসঙ্খেপগতানং এৰ নিচ্চসীলং. যথা হি পকতিমনুস্সানং পঞ্চসীলং সমাদিন্নংপি অসমাদিন্নংপি নিচ্চং রক্খিতুমেৰ ৰট্টতি. ৰীতিক্কমিতুং নৰট্টতি. তথা পব্বজিতৰেসধারীনং দসসীলং সমাদিন্নংপি অসমাদিন্নংপি নিচ্চং রক্খিতুমেৰ ৰট্টতি. ৰীতিক্কমিতুং নৰট্টতি. ৰেসধারণেন সহ সিদ্ধত্তাতি.

উপরি ¶ ৰুচ্চমানা সমথৰিপস্সনাৰসেন দুৰিধা ভাৰনা ভাৰনানাম. সা ইধ অপ্পনং অপত্তাৰ অধিপ্পেতা. ধম্মৰিনযপরি যত্তিযা সহ অনৰজ্জকম্মসিপ্পৰিজ্জাঠানেসু পরিচযকরণ চেতনাপি এত্থেৰ সঙ্গয্হতি. রতনত্তযে পন মাতাপিতূসু কুলেজেট্ঠেসু আচরিযেসু ধম্মিকসমণব্রাহ্মণেসু অঞ্ঞেসুচ গুণৰযৰুদ্ধেসু যথারহং পচ্চুট্ঠানং ৰন্দনং অঞ্জলিকরণং সামিচিকরণং ৰত্তপটিৰত্তকরণন্তি এৰমাদিসব্বং অপচাযনংনাম. তেসঞ্ঞেৰ অঞ্ঞেসঞ্চ আগন্তুকগমিকঅদ্ধিকানং গিলানানং জিণ্ণানং কিচ্চ করণীযেসু সব্রহ্মচারীনং চীৰরকম্মাদীসু পরেসং তংতংপুঞ্ঞ কম্মেসুচ পরিসুদ্ধেন হিতফরণচিত্তেন অত্তনোকিচ্চেসু ৰিয কাযৰাচাহি ৰাযামকরণং ৰেয্যাৰচ্চংনাম. অত্তনা কতস্স যস্সকস্সচি পুঞ্ঞস্স পরেহি সাধারণকরণং পত্তিদানংনাম. পরেহি দিন্নায পত্তিযা অনুমোদনং অত্তমনতাপৰেদনং পত্তা নুমোদনংনাম. অদিন্নস্স পুঞ্ঞস্স অনুমোদনং পন অনুমোদনমেৰ হোতি. ন পত্তানুমোদনং. পত্তিযাএৰ অভাৰতো. পত্তিচ দুৰিধা উদ্দিসিকা অনুদ্দিসিকাতি. তত্থ অত্তানং উদ্দিসিকং অনুমোদন্তস্সেৰ দিট্ঠধম্মৰেদনীযং জাতন্তি ৰেদিতব্বং. ইদং পন দ্ৰযং দানপুঞ্ঞেসুএৰ ৰিসেসতো পাকটং. তঞ্হি উদ্দিসকং কত্ৰা দেৰতানংৰা পরদত্তুপজীৰিপেতানংৰা ৰেমানিকপেতানংৰা ৰিনিপাতিকাসুরানংৰা দিন্নং অনুমোদিতঞ্চ তেসং তঙ্খণেএৰ দিট্ঠধম্ম ৰেদনীযং জাতন্তি. অত্থহিত পটিসংযুত্তায ধম্মকথায যোনিসো মনসিকারে ঠত্ৰা সৰনঞ্চ কথনঞ্চ ধম্মসৰনং ধম্ম দেসনাচনাম. নিরৰজ্জকম্মসিপ্পৰিজ্জাঠানানং সৰনকথনচেতনাচ এত্থেৰসঙ্গয্হন্তি.

নত্থি দিন্নং নত্থিযিট্ঠন্তিআদিনযপৰত্তায দসৰত্থুকায মিচ্ছা দিট্ঠিযাৰা ইস্সরনিম্মানাদিদিট্ঠিযাৰা দিট্ঠমঙ্গলাদিদিট্ঠিযাৰা ৰিসুদ্ধং কত্ৰা তেহি তেহি ৰত্থূহিৰা যুত্তীহিৰা কারণেহিৰা কম্মসকতা ঞাণসঙ্খাতায সম্মাদিট্ঠিযা ৰোদানকরণং দিট্ঠুজুকম্মংনামাতি. যত্থ পন তিৰিধমেৰ পুঞ্ঞক্রিযৰত্থু আগতং. তত্থ পত্তিদানানুমোদনানি দানে সঙ্গয্হন্তি. ইস্সামচ্ছেরানং ¶ পটিপক্খভাৰেন তং সভাৰত্তা. অপচাযনৰেয্যাৰচ্চানি সীলে সঙ্গয্হন্তি. তেসং চারিত্ত সীলত্তা. সেসানি তীণি ভাৰনামযে সঙ্গয্হন্তি. তং সভাৰত্তা. কম্মট্ঠানৰিনিমুত্তো ধম্মোনাম নত্থীতি হি ৰুত্তং. দিট্ঠুজুকম্মঞ্চ ঞাণ ৰড্ঢনমেৰাতি. তীস্ৰেৰৰা এতং সঙ্গয্হতি. দিট্ঠুজুকম্মং সব্বেসং নিযম লক্খণন্তিতি অট্ঠকথাযং ৰুত্তং. সতিযেৰ হি কম্মসকতাঞাণে দানাদীনি তীণি সম্পজ্জন্তীতি. মনোকম্মমেৰাতি মনস্মিংএৰ কম্মপথ কিচ্চসিদ্ধিতো মনোকম্মংএৰ.

‘‘ৰিঞ্ঞত্তিসমুট্ঠাপকত্তা ভাৰেন কায দ্ৰারাদীসু অপ্পৰত্তনতোতি’’ ৰুত্তং. তং ন সুন্দরং.

ন হি ৰিঞ্ঞত্তিসমুট্ঠাপকং অভিঞ্ঞাকুসলং কাযদ্ৰারাদীসু পৰত্তমানংপি কাযৰচীকম্মসঙ্খ্যং গচ্ছতি, কাযৰাচানং কম্মপথ অঙ্গভাৰাসম্ভৰতোতি. তঞ্চ ভাৰনামযন্তি দানসীলৰসেন অপ্পৰত্তনতো. কেৰলং ভাৰনাকম্মৰিসেসত্তা তঞ্চ মহগ্গত কুসলং ভাৰনাকম্ম মেৰ হোতি. যং পন পটিসম্ভিদা মগ্গে পথমজ্ঝানেন নীৰরণানং. দুতীযেন ৰিতক্কৰিচারানং. ততীযেন পীতিযা. চতুত্থেন সুখদুক্খানং পহানং সীলং. ৰেরমণি সীলং. চেতনা সীলং. সংৰরো সীলং. অৰীতিক্কমো সীলন্তি ৰুত্তং. তং পরিযাযেন ৰুত্তন্তি ৰেদিতব্বং. অপ্পনাপত্তন্তি ভাৰনা বলেন আরম্মণে অনুপৰিসিত্ৰা অচলট্ঠিতিভাৰেন পৰত্তনতো অপ্পনাপত্তং কম্মং হোতি.

‘‘পুব্বভাগপৰত্তানং কামাৰচরভাৰতোতি’’ কারণং ৰুত্তং. তং ন সুন্দরং.

ন হি তেসং কামাৰচরতামত্তং অপ্পনাপত্তিযা কারণং হোতীতি. ঝানঙ্গভেদেনাতি ৰুত্তং. ঝানভেদেনাতি পন ৰত্তব্বং. ঝানঙ্গভেদেনাতিৰা ঝানঙ্গসমুদাযভেদেনাতি অত্থো, ঝানভেদেন ইচ্চেৰ ৰুত্তং হোতি. কুসলকম্মং

১৫৩. এত্থাতি ¶ এতস্মিং পাকট্ঠানচতুক্কে. উদ্ধচ্চরহিতন্তি উদ্ধচ্চসহগতচেতনাৰজ্জিতং. কস্মা পন উদ্ধচ্চচেতনা ইধ পজ্জিতাতি. পটিসন্ধিঅনাকড্ঢনতো. কথং ৰিঞ্ঞাযতীতি চে. ধম্মসঙ্গহে দস্সনেন পহাতব্বেসু তং অৰত্ৰা ভাৰনায পহাতব্বেসু এৰ ৰুত্তত্তা. যথাহ-চত্তারো দিট্ঠিগতসম্পযুত্তচিত্তুপ্পাদা ৰিচিকিচ্ছাসহগতো চিত্তুপ্পাদো, ইমে ধম্মা দস্সনেন পহাতব্বাতিচ, উদ্ধচ্চসহগতো চিত্তুপ্পাদো, ইমেধম্মা ভাৰনাযপহা তব্বাতিচ, সেসা পন চত্তারো দিট্ঠিগতৰিপ্পযুত্তচিত্তুপ্পাদা দ্ৰে পটিঘসম্পযুত্তচিত্তুপ্পাদাচ সিযা দস্সনেনপহাতব্বা সিযা ভাৰনায পহাতব্বাতি তত্থ ৰুত্তা. কথঞ্চ ৰিঞ্ঞাযতি. যো দস্সনেনপহাতব্বেসু ন ৰুত্তো, সো অকুসলধম্মো পটিসন্ধিং নাকড্ঢতীতি. পট্ঠানে দস্সনেনপহাতব্বধম্মেসুএৰ নানাক্খণিক কম্মপচ্চযস্স উদ্ধটত্তা ইতরত্থ তস্স অনুদ্ধটত্তাতি. যথাহ-সহজাতা দস্সনেনপহাতব্বা চেতনা সম্পযুত্তকানং ধম্মানং চিত্তসমুট্ঠানানঞ্চ রূপানং কম্মপচ্চযেনপচ্চযো. নানাক্খণিকা দস্সনেন পহাতব্বা চেতনা ৰিপাকানং খন্ধানং কটত্তাচ রূপানং কম্মপচ্চযেন পচ্চযোতিচ সহজাতা ভাৰনায পহাতব্বা চেতনাসম্পযুত্তকানংধম্মানং চিত্তাসমুট্ঠানানঞ্চরূপানং কম্মপচ্চযেন পচ্চযোতিচ. নচ নানাক্খণিক কম্মপচ্চযসত্তিযা ৰিনা ৰিপাকুপ্পাদনংনাম অত্থীতি. যদিএৰং সা পৰত্তিৰিপাকংপি নজনেতীতি সক্কা ৰত্তুন্তিচে.ন. পটিসম্ভিদাৰিভঙ্গে তস্সা ৰিপাকস্স উদ্ধটত্তা. যথাহ-কতমে ধম্মা অকুসলা. যস্মিং সমযে অকুসলং চিত্তং উপ্পন্নং হোতি উপেক্খাসহগতং উদ্ধচ্চসম্পযুত্তং রূপারম্মণংৰা.ল. ইমে ধম্মা অকুসলা. ইমেসু ধম্মেসু ঞাণং ধম্মপটিসম্ভিদা. তেসং ৰিপাকে ঞাণং অত্থপটিসম্ভিদাতি. তেনাহ পৰত্তিযং পন সব্বংপি দ্ৰাদসৰিধন্তিআদি.

‘‘অধিমোক্খৰিরহেন সব্বদুব্বলংপি ৰিচিকিচ্ছাসহগতং পটিসন্ধিং আকড্ঢতি. অধিমোক্খসম্পযোগেন ততো বলৰন্তংপি উদ্ধচ্চসহগতং নাকড্ঢতীতি’’ ৰুত্তং. তং ন সুন্দরং.

ন হি ¶ অধিমোক্খৰিরহমত্তেন ৰিচিকিচ্ছাসহগতং সব্বদুব্বলন্তিচ অধিমোক্খসম্পযোগমত্তেন উদ্ধচ্চসহগতং ততো বলৰন্তন্তিচ সক্কা ৰত্তুং. সত্থরি কঙ্খতি ধম্মে কঙ্খতীতি এৰমাদিনা নযেন ৰুত্তায ৰিচিকিচ্ছায অত্তনো ৰিসযে মহাহত্থিনাগস্স ৰিয বলৰতরত্তা অতিৰিয কাল়কধম্মত্তাচাতি. তথা হিসা একন্তেন দস্সনেনপহাতব্বেসু পধানভাৰেন ৰুত্তা. ততোযেৰচ পটিসন্ধিআকড্ঢনংপি তস্সা ৰিঞ্ঞাতব্বং হোতীতি. সভাৰৰিরুদ্ধত্তাযেৰ পন ৰিচিকিচ্ছাসহগতং অধিমোক্খরহিতং হোতীতি যুত্তং. তস্মা উদ্ধচ্চসহগতমেৰ সব্বদুব্বলন্তি ৰেদিতব্বং. সব্বত্থাপীতি সুগতিদুগ্গতিৰসেন সব্বস্মিংপি. যথারহন্তি তেসু লোকেসু লদ্ধৰত্থুদ্ৰারানুরূপং. ৰিপচ্চতীতি ৰিপাচেতি ৰিপক্কভাৰং আপাদেতি. সব্বংপিৰাদ্ৰাদসৰিধং অকুসলকম্মং সত্তা কুসলপাকানি হুত্ৰা ৰিপচ্চতি, ৰিপক্কভাৰং গচ্ছতীতি অত্থো.

যস্মা কুসলকম্মানি অপাযভূমিযংপি পৰত্তিযং মহাসম্পত্তিযো সমুট্ঠাপেত্ৰা মহিদ্ধিকানং নাগসুপণ্ণাদীনং সন্তানে সযমেৰ অত্তনোৰিপাকস্স ওকাসং কত্ৰা সুখৰিপাকং জনযন্তি. অঞ্ঞেসংপি আপাযিকানং তেন তেন কারণেন ইট্ঠারম্মণ সমাযোগে সতি অত্তনো ৰিপাকস্স ওকাসং লভিত্ৰা সুখৰিপাকং জনযন্তি. তস্মা তথাপৰত্তিযঞ্চাতিআদি মাহ. ন হি তানি সুখৰিপাকানি অকুসকম্মস্স ৰিপাকানি ভৰিতুং অরহন্তি. ৰুত্তেঞ্হেতং ৰিভঙ্গে অট্ঠানমেতং অনৰকাসো, যং কাযদুচ্চরিতস্স ইট্ঠো কন্তো মনাপো ৰিপাকো নিব্বত্তেয্যাতিআদি. তত্থ মহাৰিপাকানি সুগতি কামলোকে অহেতুকানি অট্ঠপি সব্বস্মিং কামলোকে তেসুচ পঞ্চচক্খুৰিঞ্ঞাণ সোতৰিঞ্ঞাণ সম্পটিচ্ছন সন্তীরণ যুগল়ানি রূপলোকে ৰিপচ্চতীতি ৰুত্তং যথারহং ৰিপচ্চতীতি. রূপাৰচর কুসলঞ্হি কম্মসমুট্ঠানরূপানি জনযন্তংপি সযং ৰিপচ্চমানং আরম্মণন্তরে অঞ্ঞভূমিক ৰিপাকভাৰেন নৰিপচ্চতি. কামৰিরাগভাৰনাভাৰেন পন অপ্পনাপত্ত কম্ম ৰিসেসত্তা কামতণ্হায অৰিসযভূতে নিমিত্তা রম্মণে অত্তনা সব্বসো সদিসেন মহগ্গতভাৰপত্তেন রূপ ৰিপাকভাৰেনেৰ ¶ ৰিপচ্চতি. তস্মা রূপলোকেপি তানি পঞ্চৰিপাকানি কামাৰচরকুসলস্সেৰাতি ৰেদিতব্বানীতি. দ্ৰীসু কম্মস্স ৰিপচ্চনট্ঠানেসু পটিসন্ধিনাম মহন্তংঠানং হোতি. তস্মা তদা ৰিপচ্চন্তং কম্মং অত্তনো সামত্থিযানুরূপং নাতিহীনং ৰিপাকং জনেতুং সক্কোতি. পৰত্তিযং পন নানাঠানেসু নানাকিচ্চেহি ৰিপচ্চতি. তস্মা তদা ৰিপচ্চন্তং কম্মং অত্তনো সামত্থিযানুরূপং ৰিপচ্চেতুং নসক্কোতি. পঞ্চৰিঞ্ঞাণট্ঠানাদীসু পরিত্তকেসু ৰিপচ্চমানং ঠানা নুরূপং ৰিপচ্চতি. তদারম্মণট্ঠানে ৰিপচ্চমানং যেভুয্যেন জৰনা নুরূপং ৰিপচ্চতি. তস্মা সোল়সকমগ্গো দ্ৰাদসকমগ্গো অহেতু কট্ঠকন্তি এৰংএকেকস্স কম্মস্স ৰিপাকপ্পভেদো পৰত্তোতিতং পভেদংদস্সেতুং তত্থাপীতিআদিমাহ.

কুসলং দুৰিধং সম্পজানকতং অসম্পজানকতন্তি. তত্থ কম্মা যূহনকালে অন্তমসো হেট্ঠা ৰুত্তং দিট্ঠুজুকম্মঞাণংপি সুট্ঠু যোজেত্ৰা কতং সম্পজানকতংনাম. যথাহ-কম্মঞ্চ কম্মফলঞ্চ সদ্দহিত্ৰা কতং সম্পজানকতং নামাতি. দিট্ঠুজুকম্মঞাণ মত্তংপি অযোজেত্ৰা তং অসম্পজানকতং নাম. যথাহ-কম্মংপি কম্মফলম্পি অজানিত্ৰা কতং অসম্পজানকতং নামাতি. তত্থ সম্পজানকতং তিহেতুকং হোতি. অসম্পজানকতং দুহেতুকং. যথাহ-সম্পজানকরণং পন চতুঞাণসম্পযুত্তেহি হোতি. অসম্পজান করণং চতূহি ঞাণৰিপ্পযুত্তেহীতি. তত্থ একমেকং উক্কট্ঠং ওমকন্তি দুৰিধং হোতি. তত্থ কুসলসমযে পরিযুট্ঠিতে নীৰরণধম্মেৰা অত্তুক্কংসন পরৰম্ভনাদিকে পাপধম্মেৰা সুট্ঠু সোধেত্ৰা কতং উক্কট্ঠং নাম. অসোধেত্ৰা কতং তেহিৰোকিণ্ণং ওমকংনাম. অপিচ, যং কত্ৰা পচ্ছা লাভা ৰত মে. নচ ৰত মে অলাভা. সুলদ্ধং ৰত মে. নচ ৰত মে দুল্লদ্ধং. যস্স মে ঈদিসং পুঞ্ঞং পসুতন্তি এৰং পুনপ্পুনং অনুমোদিতং. তং উক্কট্ঠং. যং কত্ৰা পচ্ছা যেনকেনচি কারণেন দুট্ঠুকতং মযাতি ৰিপ্পটিসারো উপ্পজ্জতি. তংওমকং. এৰং চতুব্বিধস্স কম্মস্স ৰসেন চতুব্বিধং ৰিপাক কোট্ঠাসং ৰিভজিত্ৰা দস্সেতুং তথাপীতিআদি মাহ. তত্থাপীতি ¶ তস্মিং কামাৰচরকুসলেপি. তিহেতুকমুক্কট্ঠন্তি উক্কট্ঠভূতং পণীতভূতং চতুব্বিধং তিহেতুকং. তিহেতুকপটিসন্ধিন্তি চতুব্বিধং তিহেতুক পটিসন্ধিৰিপাকং. এত্থচ একচেতনা একমেৰ পটিসন্ধিং দেতি. পৰত্তিৰিপাকং পন অসঙ্খ্যেয্যেসুপি ভৰেসু দেতিযেৰ. এত্থ সিযা –

একপুপ্ফং যজিত্ৰান, সহস্সকপ্পকোটিযো;

দেৰেসুচ মনুস্সেসু, সেসেন পরিনিব্বুতোতি হি ৰুত্তং.

তস্মা একা চেতনা একমেৰ পটিসন্ধিং দেতীতি ইদং ন যুজ্জতীতি. ন ন যুজ্জতি. পুব্বাপরচেতনাহি সদ্ধিং সহস্সকপ্প কোটি পরিমাণস্স ৰত্তব্বত্তা. চিত্তঞ্হিনাম একচ্ছরক্খণেপি অনেকসত সহস্স কোটিসঙ্খং উপ্পজ্জতি. ততোচিরতরেকালেৰত্তব্বমেৰ নত্থীতি. সহস্স কপ্পকোটিযোতি চ সহস্সআযুকপ্পকোটিযো সহস্স অত্তভাৰকোটিযোতি নেত্তিঅট্ঠকথাযং ৰুত্তং. পুব্বাপরচেতনানঞ্চ পটিসন্ধিদানভাৰো কোসলসংযুত্তকেন দীপেতব্বো. একপিণ্ডপাতদানস্মিংহি একাচেতনাদ্ৰে পটিসন্ধিযো ন দেতি. পুব্বপচ্ছিমচেতনাৰসেন সত্তক্খত্তুং সগ্গে সত্তক্খত্তুং সেট্ঠিকুলে নিব্বত্তোতি হি সংযুত্তট্ঠকথাযং ৰুত্তং. তিহেতু কংপি কম্মং পটিপক্খেহি অভিভুয্যমানং ৰিহতসামত্থিযং হুত্ৰা তিহেতুকৰিপাকং জনেতুং ন সক্কোতি. নচ তং অতিদুব্বলংপি সমানং কোসল্লসঙ্খাতেন ঞাণেন যুত্তত্তা অতিব্যামুল়্হপচ্চয ভূহং জচ্চন্ধাদিৰিপত্তিসহিতং অহেতুকৰিপাকং জনেতীতি ৰুত্তং তিহেতুকমোমকন্তিআদি. দ্ৰাদসৰিপাকানিৰিপচ্চতি. অযং দ্ৰাদ সকমগ্গোনাম অহেতুকৰিপাকানেৰ ৰিপচ্চতি. ইদং অহেতু কট্ঠকংনাম. এৰং তিপিটকচূল়নাগত্থেরৰাদৰসেন ৰিপাকপ্পৰত্তিং দস্সেত্ৰা ইদানি মোরৰাপিৰাসি মহাদত্তত্থেরৰাদং দস্সেতুং গাথমাহ. সো হি থেরোৰিপাকানং অসঙ্খারিকতা সসঙ্খারিকতাচ কম্মৰসেনেৰ সিদ্ধাপি কত্ৰা অসঙ্খারং কম্মং সসঙ্খারৰিপাকানি ন পচ্চতি. সসঙ্খারংকম্মং অসঙ্খারৰিপাকানি নৰচ্চতীতি ৰদতি.

যথা ¶ মুখনিমিত্তং নাম মুখে সন্নিসিন্নে সন্নিসীদতি. চলন্তে চলতি. এৰং পযোগেন অসাধনীযানং ৰিপাকানং তিক্খমন্দতা ৰিসেসভূতো সঙ্খারভেদো কম্মৰসেনেৰ ৰত্তব্বো. ন পযোগৰসেন. ইতরথা কম্মৰিসেসেন তিক্খমন্দজাতানং তেসং সন্নিহিতপচ্চযমত্তেন মন্দতিক্খতাপত্তিনাম সিযাতি. অহেতু কৰিপাকানং পন পরিদুব্বলত্তা অপরিব্যত্তোৰ তিক্খমন্দতা ৰিসেসোতি উভযকম্মনিব্বত্তন্তি অধিপ্পাযো. যস্মা পন তেসং সসঙ্খারাসঙ্খারভাৰো পটিসন্ধিৰসেনৰা তদারম্মণৰসেনৰা উপ্পত্তিকালে পুব্বপযোগসঙ্খাতস্স পচ্চযৰিসেসস্স ভাৰাভাৰেন ৰত্তুং যুত্তো. ন কম্মাগমনৰসেন, ন হি কম্মভৰে সঙ্খারো ভৰন্তরে ৰিপাকানি ৰিসেসেতুং যুত্তো. তস্মা ইমং ৰাদং কেচিৰাদংনাম করোন্তো কেচনাতি আহ.

ইমস্মিং কেচিৰাদে অসঙ্খারিককম্মে সসঙ্খারিক ৰিপাকানি সসঙ্খারিককম্মেচ অসঙ্খারিকৰিপাকানি ৰজ্জেত্ৰা চতূসু তিহে তুকুক্কট্ঠেসু কম্মেসু অসঙ্খারিকদ্ৰযে ৰিপাকানি পটিসন্ধিযং দ্ৰে, পৰত্তিযং দ্ৰাদস. সসঙ্খারিকদ্ৰযে পটিসন্ধিযং দ্ৰে, পৰত্তিযং দ্ৰাদস. চতূসু দ্ৰিহেতুকোমককম্মেসু অসঙ্খারিকদ্ৰযে পটিসন্ধিযং দ্ৰে, পৰত্তিযং দস. সসঙ্খারিকদ্ৰযে পটিসন্ধিযং দ্ৰে, পৰত্তিযং দস. তথা চতূসু দ্ৰিহেতুকুক্কট্ঠেসু. চতূসু দ্ৰিহেতুকোমকেসু পন পটিসন্ধিযং একং অহেতুকং পৰত্তিযং অট্ঠঅহেতুকানীতি এৰং ৰিপাকানং দ্ৰে দ্ৰাদসকমগ্গা চত্তারো দসকমগ্গা একং অহেতুকট্ঠকঞ্চ হোন্তি, তংসব্বং সঙ্গহেত্ৰা দস্সেতুং তেসন্তি গাথমাহ.

তেসন্তি তেসং কেসঞ্চি থেরানং ৰাদে. অট্ঠসালিনিযং পন তিহেতুকেন কম্মেন পটিসন্ধিতিহেতুকাৰ হোতি. ন দুহেতুকা নচঅহেতুকা. দুহেতুকেন কম্মেন পটিসন্ধি দুহেতুকাপি হোতি অহেতুকাপি. তিহেতুকা পন নহোতীতি এৰং পৰত্তো মহাধম্মরক্খিতত্থেরৰাদোপি আগতো. তত্থ যথা দুহেতুকেন হীনেন কম্মেন অহেতুকা পটিসন্ধি অৰস্সং ইচ্ছিতব্বা হোতি. তথা তিহেতুকেনপি হীনেন কম্মেন দুহেতুকাপি ¶ পটিসন্ধি অৰস্সং ইচ্ছিতব্বাযেৰাতি কত্ৰা ইধ অযংৰাদো থেরেন ন গহিতোতি ৰেদিতব্বো. পটিসম্ভিদামগ্গে পন-গতিসম্পত্তিযা ঞাণসম্পযুত্তে অট্ঠন্নং হেতূনং পচ্চযা উপপত্তি হোতি. কুসলস্স কম্মস্স জৰনক্খণে তযো হেতূ কুসলা. নিকন্তিক্খণে দ্ৰে হেতূ কুসলা. পটিসন্ধিক্খণে তযো হেতূ অব্যাকতাতিচ গতি সম্পত্তিযা ঞাণ ৰিপ্পযুত্তে ছন্নং হেতূনং পচ্চযা উপপত্তি হোহি. কুসলস্স কম্মস্স জৰনক্খণে দ্ৰে হেতূ কুসলা. নিকন্তিক্খণে দ্ৰে হেতূ অকুসলা. পটিসন্ধিক্খণে দ্ৰে হেতূ অব্যাকতাতিচ এৰং তিহেতুকেন কম্মেন পটিসন্ধি তিহেতুকাৰ ৰুত্তা. দ্ৰিহেতুকেন কম্মেন দ্ৰিহেতুকাৰ. ন পন গতিসম্পত্তিযা ঞাণৰিপ্পযুত্তে সত্তন্নং হেতূনং পচ্চযাতিআদিনা তিহেতুকেন কম্মেন দ্ৰিহেতুকা পটিসন্ধি ৰুত্তা. নচ চতুন্নং হেতূনং পচ্চযাতিআদিনা দ্ৰিহেতুকেন কম্মেন অহেতুকা পটিসন্ধীতি.

তত্থ পন তীসু খণেসু সহজাত হেতূনং ৰসেন হেতু মূলকোৰ অযং দেসনাৰারোতি কত্ৰা অনোকাসতায অহেতুকপটিসন্ধি তত্থ নৰুত্তা. ন পন অলব্ভমানতায. দ্ৰিহেতুক পটিসন্ধি পন অনোকাসাযেৰ নহোতি. অলব্ভ মানত্তাযেৰ সা নৰুত্তাতি সক্কা ৰিঞ্ঞাতুং. তস্মা যুত্তিতো পাল়িযেৰ বলৰতরাতি কত্ৰা মহাধম্মরক্খিতত্থেরৰাদোৰ পাল়িযা সমেতীতি পটিসম্ভিদামগ্গট্ঠকথাযং ৰুত্তো. টীকাকারা পন কম্মসরিক্খক ৰিপাকদস্সনত্থং সাৰসেস পাঠোৰ মহাথেরেন ৰুত্তোতি ইচ্ছন্তি. এৰঞ্চ কত্ৰা অট্ঠসালিনিযংপি তিপিটকচূল়নাগত্থেরৰাদোৰ পমাণং কত্ৰা ৰুত্তোতি.

ৰিভাৰনিযং ইদানি একায চেতনায দ্ৰাদসৰিপাকানি এত্থেৰ দসকমগ্গোপি অহেতুকট্ঠকম্পিতি আগতস্স মোরৰাপিৰাসি মহাধম্মরক্খিতত্থেরস্সাতি পাঠো.

মোরৰাপিৰাসিমহাদত্তত্থেরস্সাতি পন ৰত্তব্বো. মহাধম্ম রক্খিতত্থেরৰাদোপি পন এত্থ একদেসেন সঙ্গহিতোযেৰ. তস্মিংপি হি অসঙ্খারিকং কম্মং অসঙ্খারিকৰিপাকমেৰ দেতি. নো সসঙ্খারিকং ¶ . সসঙ্খারিকং কম্মং সসঙ্খারিকৰিপাকমেৰ দেতি. নো অসঙ্খারিকন্তি আগতমেৰাতি. [কামাৰচরকম্মং]

১৫৪. রূপাৰচরকম্মে পরিত্তন্তি দুৰিধং পরিত্তং অপগুণতা যৰা হীনতাযৰা. তত্থ যং পণীতেহি ছন্দাদীহি যুত্তংপি অভাৰিতং হোতি পটিলদ্ধমত্তং, তং অপগুণতায পরিত্তংনাম. যং সন্ধায যং অপগুণং হোতি, উপরি ঝানস্স পচ্চযো ভৰিতুং ন সক্কোতি, ইদং পরিত্তংনামাতি অট্ঠসালিনিযং ৰুত্তং. যং পন সুভাৰিতংপি সমানং হীনেহি ছন্দাদীহি যুত্তং হোতি. তং হীনতায পরিত্তংনাম. যং সন্ধায যস্স আযূহনক্খণে ছন্দোৰা হীনো হোতি. ৰীরিযংৰা, চিত্তংৰা, ৰীমংসাৰা, তং হীনংনামাতি তত্থেৰ ৰুত্তং. মজ্ঝিমংপি দুৰিধং. তত্থ নাতিপগুণ তায মজ্ঝিমং সন্ধায নাতিসুভাৰিতো মজ্ঝিমোতি ৰিসুদ্ধিমগ্গে ৰুত্তং. মজ্ঝিমেহি ছন্দাদীহি যুত্ততায মজ্ঝিমং সন্ধায যস্স আযূহনক্খণে তে ধম্মা মজ্ঝিমা হোন্তি. তং মজ্ঝিমন্তি অট্ঠ সালিনিযং ৰুত্তং. পণীতংপি দুৰিধং. তত্থ অতিপগুণতায পণীতং সন্ধায সুভাৰিতো ৰসিপ্পত্তো পণীতোতি ৰিসুদ্ধিমগ্গে ৰুত্তং. পণীতেহি পন ছন্দাদীহি যুত্ততায পণীতং সন্ধায যস্স আযূহনক্খণে তে ধম্মা পণীতা হোন্তি. তং পণীতন্তি অট্ঠসালিনিযং ৰুত্তং. তত্থ যানি অপগুণতাদি ৰসেন পরিত্তাদীনি ৰুত্তানি, তানি ইধ নাধিপ্পেতানি. যানি পন হীনাদীহি ছন্দাদীহি যুত্ততায পরিত্তাদীনি ৰুত্তানি, তানেৰ ইধাধিপ্পেতানি. ইমানেৰ হি তিৰিধাসু ভূমীসু তিৰিধং ব্রহ্মুপপত্তিভেদং সাধেন্তীতি. ইত্থীনং ঝানেসু ৰসীপত্তানংপি ছন্দাদীনং অপণীততায মহাব্রহ্মেসু অনুপ্পজ্জনঞ্চেত্থ সাধকং. তেনেৰচ অট্ঠকথাযং ছন্দাদিৰসেন সিদ্ধানি হীন মজ্ঝিম পণীতানি অট্ঠারসপভেদেন ৰিভজিত্ৰা ইমানি অট্ঠারস কম্মদ্ৰারানি নাম ইমেহি পভাৰিতত্তা ইমেসং ৰসেন অট্ঠারসখত্তিযা অট্ঠারস ব্রাহ্মণা অট্ঠারস ৰেস্সা অট্ঠারস সুদ্দা অট্ঠচত্তা লীস গোত্ত চরণানি ৰেদিতব্বানীতি ৰুত্তং. এতেন হি দেৰানংপি ব্রহ্মূনংপি লব্ভমানং উপপত্তিভেদং উপলক্খেতীতি.

‘‘পটিলদ্ধমত্তং ¶ অনাসেৰিতং পরিত্তন্তি অৰিসেসতোৰ অট্ঠকথাযং ৰুত্তং. তথা নাতি সুভাৰিতং অমরিপুণ্ণৰসীভাৰং মজ্ঝিমং. অতিৰিযসুভাৰিতং পন সব্বসো পরিপুণ্ণ ৰসীভাৰং পণীত’’ন্তি ৰুত্তং. তং সব্বং ইধ নযুজ্জতিযেৰ.

তঞ্হি উপরি ঝানস্স পচ্চযো ভৰিতুং সমত্থাসমত্থংৰা হান ভাগিযতাদি ৰিসেসং ৰা সন্ধায ৰুত্তং. ন পন উপপত্তি ভেদজনক ৰিসেসন্তি.

‘‘আচরিযেন পনেত্থ পরিত্তংপি ঈসকং লদ্ধাসেৰনমেৰ অধিপ্পেতন্তি দিস্সতি. তথা হানেন নামরূপপরিচ্ছেদে-

সমানাসেৰনে লদ্ধে, ৰিজ্জমানে মহব্বলে;

অলদ্ধা তাদিসং হেতু, মভিঞ্ঞা ন ৰিপচ্চতীতি.

সমানভূমিকতোৰ আসেৰন লাভেন বলৰ ভাৰতো মহগ্গতধম্মানং ৰিপাকদানং ৰত্ৰা তদভাৰতো অভিঞ্ঞায অৰিপচ্চনং ৰুত্ত’’ন্তি ৰুত্তং. তংপি ৰিচারেতব্বমেৰ.

যথা হি অরিযমগ্গচেতনা অত্তনা সমানভূমকজৰনতো অলদ্ধাসেৰনাপি সমানা ৰিপাকং ন দেতীতি নত্থি. তথা আদি কম্মিকৰীথিযং একৰারমত্তভূতা সব্বসমাপত্তি ৰীথীসুচ সব্বপথ মভূতা মহগ্গতচেতনাপি সমানভূমকধম্মতো অলদ্ধাসেৰন তায দুব্বলত্তা ৰিপাকং নদেতীতি নত্থীতি ন ন সক্কা ৰিঞ্ঞাতুন্তি. এত্থ সিযা- তস্সেৰ রূপাৰচরস্স কুসলস্স কম্মস্স কতত্তা উপচিতত্তা ৰিপাকং.ল. পথমং ঝানং উপসম্পজ্জ ৰিহরতীতি ৰুত্তং. ন চ সা চেতনা উপচিতানাম হোতি. সমানভূমক ধম্মতো অলদ্ধাসেৰনত্তাতি.ন. মগ্গচেতনাযপি অৰিপাকতাপত্তিতো. সাপিহি তস্সেৰ লোকুত্তরস্স কুসলস্স ঝানস্স কতত্তা ভাৰিতত্তা ৰিপাকং. ল. পথমং ঝানং উপসম্পজ্জ ৰিহরতীতি ৰুত্তা. নচ সাপি সমানভূমকধম্মতো লদ্ধাসেৰনা হোতীতি. উভযত্থ ¶ পন পথমসমন্নাহারতো পট্ঠায উপচিনিত্ৰা ভাৰেত্ৰা আগতত্তা অসমানভূমিক জৰনেহিপি লদ্ধাসেৰন ভাৰং পটিচ্চ উপচিততা ভাৰিততাচ ৰুত্তাতি সক্কা ৰত্তুন্তি. তস্মা আদি কম্মিকভূতাপি মহগ্গতচেতনা মরণা সন্নে লদ্ধা অব্ভুণ্হা আসন্নকম্মভূতা ৰিপাকং নদেতীতি ন ৰত্তব্বা. অভিঞ্ঞাচেতনা চ সমানভূমকেহিপি নানাৰজ্জনৰীথিজৰনেহি সুট্ঠুতরং লদ্ধাসেৰনত্তা তিক্খতরভূতা কথং দুব্বলানাম সিযা. তেনেৰ অযং ৰাদো অনুটীকাযং পটিক্খিত্তো. ৰুত্তঞ্হি তত্থ কেচি পন সমান ভূমকতো আসেৰনলাভেন বলৰন্তানি ঝানানীতি তানি ৰিপাকং দেন্তি. অভিঞ্ঞা পন সতিপি ঝানভাৰে তদভাৰতো তস্মিং তস্মিং আরম্মণে আগন্তুকত্তাৰা দুব্বলা. তস্মা ৰিপাকং ন দেন্তীতি ৰদন্তি. তং অকারণং. পুনপ্পুনং পরিকম্মৰসেন অভিঞ্ঞা যপি ৰসীভাৰসম্ভৰতোতি. চতুত্থজ্ঝানসমাধিস্স পন আনিসংসভূতা অভিঞ্ঞাচেতনা তস্স ফলসদিসা ফলট্ঠানে ঠিতা, তস্মা সা ৰিপাকং নদেতীতি ইচ্ছন্তি টীকাকারা. তস্স পন ইদ্ধি ৰিকুব্বনাদিকিচ্চং ৰিপচ্চনকিচ্চতোপি মহন্ততরং হোতি. সব্বথা মেনচ ৰিকুব্বনাদিকিচ্চং সাধেন্তিযা ৰিপচ্চনথামেপি তেন থামেন সহ পরিক্খযং গচ্ছতি. তস্মা সা পুন ৰিপাকং নদেতীতিপি যুজ্জতিযেৰ. পঞ্চমজ্ঝানন্তি অভিঞ্ঞাভাৰং অপত্তং পরিত্তাদিভেদেন তিৰিধং পঞ্চমজ্ঝানং. তদেৰাতি পঞ্চমঝানমেৰ. সঞ্ঞাৰিরাগং ভাৰেত্ৰাতি চিত্তে সতি রজ্জন দুস্সন মুয্হনানি হোন্তি. তস্মিং অসতি দিট্ঠধম্মনিব্বানপ্পত্তোনাম হোতীতি এৰং চিত্তে এৰ আদীনৰং দিস্ৰা অচিত্তকভৰপত্থনা সহিতং ৰাযোকসিণেৰা কেসঞ্চি মতেন পরিচ্ছিন্নাকাস কসিণেৰা সঞ্ঞাৰিরাগং ভাৰেত্ৰা. অসঞ্ঞসত্তেসু উপ্পজ্জন্তীতি যেন যেন ইরিযাপথেন ইধ মরন্তি, তেনেৰ তত্থ উপ্পজ্জন্তি. কম্মকিরিযৰাদিতিত্থিযা এৰাতি অধিপ্পাযো. ন হি অকম্মকিরিযৰাদীনং ঝানভাৰনা নাম অত্থীতি. অনাগামিনো পন সুদ্ধাৰাসেসু উপ্পজ্জন্তীতি সুদ্ধাৰাসেসু পন অনাগামিনো এৰ উপ্পজ্জন্তি. ন অঞ্ঞে সকদাগামিআদযোতি অত্থো. এতেন অনাগামীনং অঞ্ঞস্মিংপি ব্রহ্মলোকে উপ্পত্তি অপ্পটিসিদ্ধা ¶ হোতি. অনাগামীসুচ সদ্ধাধিকো অৰিহেসু উপ্পজ্জতি, ৰীরিযাধিকো অতপ্পেসু. সতাধিকো সুদস্সেসু. সমাধাধিকো সুদস্সীসু. পঞ্ঞাধিকো অকনিট্ঠেসূতি. যথাক্কমং ভাৰেত্ৰা যথাক্কমং অরূপেসু উপ্পজ্জন্তীতি যোজনা. এত্থচ পথমজ্ঝানং পরিত্তং ভাৰেত্ৰাতিআদি সব্বং পথমজ্ঝানাদীনং যথা সকং ৰিপচ্চনভূমি ৰৰত্থানৰসেন ৰুত্তং. সমাপত্তিলাভিনো পন পুথুজ্জন সোতাপন্ন সকদাগামিনো অত্তনা লদ্ধসমাপত্তীনং ৰিপচ্চনভূমীসু ইচ্ছিতভূমিযং নিব্বত্তন্তি. তেসু পুথুজ্জনো নিকন্তিযা সতি কামলোকেপি নিব্বত্ততিযেৰ. ইতরে পন ঝানে অপরি হীনে সতি কামলোকেপি নিব্বত্ততিযেৰ. ইতরে পন ঝানে অপরিহীনে সতি কামভৰে নিকন্তিনাম তেসং ন সম্ভৰতীতি পরিহীনজ্ঝানাএৰ তত্থ নিব্বত্তন্তি.

তেসংপি সোতাপন্নসকদাগামীনং নিকন্তিৰসেন কামভৰেনিব্বত্তিং ইচ্ছন্তেন ‘‘তথা কামভৰেপি কামাৰচর কম্মবলেন. ইজ্ঝতি ভিক্খৰে সীলৰতো চেতোপণিধি ৰিসুদ্ধত্তাতি হি ৰুত্ত’’ন্তি ৰুত্তং. তং ন যুজ্জতি.

তেহি ঝানে অপরিহীনে একন্তেন ব্রহ্মলোকগামিনোএৰ হোন্তি. যতো তে ঝানঅনাগামিনোনামাতি ৰুচ্চন্তি. ঝানপরি হানিচ তেসং তংতং পলিবোধ ৰসেনেৰ হোতি. ন পন কাম রাগাদিৰসেন. কস্মা, মগ্গসহাযেন ঝানেন সুট্ঠু ৰিক্খম্ভিতত্তা. ৰুত্তঞ্হেতং অঙ্গুত্তরে-সহদস্সনুপ্পাদা ভিক্খৰে অরিযসাৰকস্স তীণি সংযোজনানি মহীযন্তি.ল. সো ৰিৰিচ্চেৰ.ল. পথমং ঝানং উপসম্পজ্জ ৰিহরতি. তস্মিং চে সমযে ভিক্খৰে অরিযসাৰকো কালঙ্করেয্য. নত্থি তস্স সংযোজনং. যেন সংযোজনেন সংযুত্তো অরিযসাৰকো পুন যিমং লোকং আগচ্ছেয্যাতি. এত্থচ তস্মিং চে সমযেতিআদিনা সো লদ্ধজ্ঝানং অপরিহাপেত্ৰা চে কালঙ্করোতি. একন্তেন ব্রহ্মলোকমেৰ গমিস্সতি. পরিহাপেন্তস্স পন তং সংযোজনং পাকতিমেৰাতি দস্সেতি. ¶ পটিসম্ভিদামগ্গট্ঠকথাযঞ্চ ঝানলাভীনং পন অনাগামিস্সচ ব্রহ্মলোকেযেৰ পটিসন্ধিদানতো পচ্চযো নহোতীতি ৰুত্তং. তত্থ ঝানলাভীনন্তি মহগ্গতজ্ঝানলাভীনং সোতাপন্ন সকদাগামীনং. পচ্চযো নহোতীতি তেসং ৰিপস্সনানিকন্তি তণ্হা কামসুগতিপটিসন্ধিযা ন হোতীতি অত্থো.

তস্মা তেসং দ্ৰিন্নং সেখানং কুপ্পধম্মানংপি সতং ঝানে ৰিজ্জমানে কামভৰে নিকন্তি নাম নত্থীতি ৰেদিতব্বং. অনাগামিস্স পন নিদ্দাযন্তস্সেৰ সত্থেন গীৰং ছিন্দিত্ৰা মারীযমানস্সপি ঝানং অলভিত্ৰা চৰনংনাম নত্থি. সো হি সমাধিস্মিং পরিপূরকারীতি ৰুত্তো. ইত্থিযো পন অট্ঠসমাপত্তিযো লভিত্ৰা অনন্তরে ভৰে অকনিট্ঠে নিব্বত্তমানাপি অধিপতিভূতেসু মহাব্রহ্মেসু ন নিব্বত্তন্তি. হীনজ্ঝাসযত্তা পুরোহিত পারিসজ্জেসুএৰ নিব্বত্তন্তি. তথাহি অট্ঠকথাসু যং ইত্থী ব্রহ্মত্তং করেয্য, নেতং ঠানং ৰিজ্জতীতি সুত্তপদস্স অত্থৰচনে ব্রহ্মত্তন্তি মহাব্রহ্মত্তং অধিপ্পেতং. ইত্থী চ ইধ ঝানং ভাৰেত্ৰা কালং কত্ৰা ব্রহ্মপারিসজ্জানং সহব্যতং উপপজ্জতি, ন মহাব্রহ্মানন্তি ৰুত্তং. ব্রহ্মপারিসজ্জানন্তি চেত্থ ব্রহ্মপুরোহিতানংপি সঙ্গহণং ৰেদিতব্বং. তে হি ব্রহ্মানং পরিসভূতা হোন্তীতি. ৰুত্তঞ্হেতং সংযুত্তকে –

অথখো ভিক্খৰে সিখীভগৰা অভিতুং ভিক্খুং আমন্তেসি. পটিভাতু তং ব্রাহ্মণ ব্রহ্মুনোচ ব্রহ্মপরিসাযচ ব্রহ্মপারিসজ্জানঞ্চ ধম্মিকথাতি.

পরিসভাৰেচ সতি পরিসাসু জাতাপিনাম হোন্তীতি. তত্থ ব্রহ্মুনোতি মহাব্রহ্মুনো. ব্রহ্মপরিসাযাতি ব্রহ্মপুরোহিত গণস্সাতি অত্থো. ননু ব্রহ্মপারিসজ্জানন্তি ৰুত্তত্তা ন মহাব্রহ্মানন্তি এত্থেৰ তেসং সঙ্গহণং যুত্তন্তি চে. ন. যং ইত্থী সক্কত্তং করেয্য, মারত্তং করেয্য, ব্রহ্মত্তং করেয্য, নেতংঠানং ৰিজ্জতীতি এৰং অধিপতি ভূতেহি সক্কাদীহি সহ ৰুত্তত্তা ইধ অধিপতিপটিক্খিপনস্সেৰ সম্ভৰতো. তেনেৰ হি নেত্তিযং-ইত্থী মহাব্রহ্মা সিযাতি, নেতং ঠানং ৰিজ্জতীতি ৰুত্তং. এত্তাৰতা ৰেহপ্ফলাদীসু ¶ উপরিব্রহ্মলোকেসুপি পুরোহিতপারিসজ্জব্রহ্মানং অত্থিতা সিদ্ধা হোতি. তেনেৰ সংযুত্তট্ঠকথাযং থেরানঞ্হি ভণ্ডগাহকদহরা ৰিয ব্রহ্মানংপি পারিসজ্জব্রহ্মানো নাম হোন্তীতি ৰুত্তং.

‘‘ইত্থিযোপি পন অরিযাৰা অনরিযাৰা অট্ঠসমাপত্তিলা ভিনিযো ব্রহ্মপারিসজ্জেসুযেৰ নিব্বত্তন্তীতি অট্ঠকথাযং ৰুত্ত’’ন্তি ৰুত্তং.

তত্থ ব্রহ্মপারিসজ্জেসুযেৰাতি অকনিট্ঠে নিব্বত্তমানাপি ব্রহ্মানং পরিচারিক ব্রহ্মেসুএৰ নিব্বত্তন্তি. ন মহাব্রহ্মেসূতি অত্থো দট্ঠব্বো.

ব্রহ্মপারিসজ্জেসুযেৰ নিব্বত্তন্তি, ন ব্রহ্মপুরোহিতাদীসূতি ৰুত্তং. তং ন গহেতব্বং.

সামাৰতিযাদীনং পথমং ব্রহ্মপারিসজ্জেসু নিব্বত্তনং ৰুত্তং. তংপি অট্ঠকথায ন সমেতি.

যস্মা পন তা ইমস্মিং অত্তভাৰে অরিযফলানি সচ্ছাকংসু. তস্মা তত্থ অনাগামিনিযো সুদ্ধাৰাসেসু উপ্পন্না. ইতরা কাচি তাৰতিংসেসু কাচি পরনিম্মিতৰসৰত্তীসু উপ্পন্না ইচ্চেৰ উদানট্ঠকথাযং ৰুত্তন্তি. অপিচেত্থ ৰেহপ্ফলে অকনিট্ঠে চতুত্থারুপ্পেতি তীসু ভৰগ্গেসু নিব্বত্তা অরিযা অঞ্ঞত্থ নুপ্পজ্জন্তি. সেসব্রহ্মলোকেসু নিব্বত্তা হেট্ঠাভূমীসু নুপ্পজ্জন্তীতি. [কম্মচতুক্কং].

১৫৫. আযুক্খযেন মরণং কম্মক্খযেন মরণন্তিআদিনা যোজেতব্বং. তত্থ অপরিক্খীণেযেৰ কম্মানুভাৰে তস্মিং তস্মিং ¶ সত্তনিকাযে যথানিযমিতস্স আযুপরিমাণস্স পরিক্খযেন পরিপুণ্ণেন মরণং আযুক্খয মরণংনাম. তস্মিং তস্মিং ভৰে দুব্বলেন কম্মেন নিব্বত্তস্স সত্তস্স অপরিক্খীণেযেৰ আযুপরিমাণে কেৰলং কম্মসত্তিপরিক্খযেন অন্তরাৰ মরণং কম্মক্খয মরণংনাম. তদুভযস্স সমং পরিক্খযেন মরণং উভযক্খয মরণংনাম. ধরমানেপি তদুভযে পুরিমভৰেসুৰা ইমস্মিংৰাভৰে কতেন উপঘাতককম্মেন অজ্ঝত্তবহিদ্ধাভূতে নানারোগাবাধ পথৰীপৰেস অসনিপাতাদিকে জীৰিতন্তরাযে সমুট্ঠাপেত্ৰা দুস্সিমারকলাবুরাজাদীনংৰিয অন্তরাৰ উপরোধিত খন্ধসন্তানস্স সত্তস্স মরণং উপচ্ছেদক মরণংনাম. ননু চেত্থ মরন্তানং নাম সব্বেসংপি তংতংভৰং জনেন্তং কম্মং খিয্যতিযেৰ. অথকস্মা ইতরেপি ৰুত্তাতি. ৰুচ্চতে, সরসৰসেনেৰ হি কম্মসামত্থিযস্স খযো ইধ কম্মক্খযোতি অধিপ্পেতো. যে পন দসৰস্স ৰীসতিৰস্স যাৰ অসঙ্খ্যেয্য ৰস্সাদি ৰসেন নানাআযুকপ্পৰিধাযকা তস্মিং তস্মিং সত্তনিকাযে সব্বজন সাধারণা সত্তানং অজ্ঝত্তবহিদ্ধসম্ভূতা উতুআহারানাম হোন্তি. তে তস্স তস্স আযুকপ্পস্স ঠিতিকরা ৰুদ্ধিকরা হানিকরাচাতি তিৰিধা হোন্তি. তত্থ অকুসলমূলেসু ৰড্ঢমানেসু হানিকরা ৰড্ঢন্তি. কুসলমূলেসু ৰড্ঢমানেসু বুদ্ধিকরা ৰড্ঢন্তি. উভযমূলেসু সমং ঠিতেসু ঠিতিকরা সমং পৰত্তন্তি. তেসং ৰসেন সত্তানং আযুকপ্পো কত্থচি সদা ঠিতিভাগো হোতি. কত্থচি কদাচি হানিভাগো কদাচি ৰুদ্ধিভাগো হোতি. তযোপি চেতে ঠিতিকরাদযো তংতংসত্তনিকাযং অজ্ঝোত্থরমানা আযুং পরিচ্ছিন্দন্তা পৰত্তন্তীতি অসঙ্খ্যেয্যাযুক সংৰত্তনিকং চক্কৰত্তিসম্পত্তি সংৰত্তনিকঞ্চ কম্মং দসৰস্সিকে কালে ৰিপচ্চমানং তদনুরূপংএৰ ভোগঞ্চ ইস্সরিযঞ্চ দত্ৰা দসৰসেন খিয্যতি. তং তং সত্তনিকায পরিযাপন্না সত্তা সন্তানভূতা রূপধম্মা সব্বঞ্ঞু বুদ্ধানং খন্ধসন্তান ভূতাপি তগ্গতিকা তদনূৰত্তিকা এৰ হুত্ৰা পরিণমন্তি অঞ্ঞত্র ইদ্ধিময ৰিজ্জাময রসাযনৰিধি জীৰিত সঙ্খার ৰিদূহীতি. ৰুত্তঞ্হেতং মহাপদানসুত্তট্ঠকথাযং –

সব্বেপি ¶ সব্বঞ্ঞুবুদ্ধা অসঙ্খ্যেয্যাযুকা. কস্মা তে অসঙ্খ্যেয্যং ন অট্ঠংসূতি. উতুভোজনৰিপত্তিযা. উতুভোজনৰসেন হি আযু হাযতিপি ৰড্ঢতিপীতি.

তস্মা পধাননিস্সযভূতেসু দ্ৰিসমুট্ঠ�