📜

নমো তস্স ভগৰতো অরহতো সম্মাসম্বুদ্ধস্স

লক্খণাতো

বুদ্ধথোমনাগাথা

১.

ভৰাভৰেসু নেকেসু,

পূরেসি তিংসপারমী;

চরিযাযোচ সম্বুদ্ধো,

পরিচ্চাগেজহংসদা.

২.

ৰেস্সন্তরত্তভাৰম্হি,

ঠিতোমদ্দিং পিসোঅদা;

নিজংকণ্হাজিনংজালিং,

ৰিযংৰঙ্কতপব্বতে.

৩.

ততোচৰিত্ৰাতুসিতে,

পুরেউপ্পজ্জিপুঞ্ঞৰা;

রূপাদিদসঠানেহি,

অঞ্ঞেদেৰেঅতিক্কমি.

৪.

চক্কৰাল়সহস্সেহি,

দসহাগম্মসব্বসো;

যাচিতোদেৰব্রহ্মূহি,

বুদ্ধভাৰমনোনতো.

৫.

ৰিলোকনানিসোপঞ্চ,

ৰিলোকেত্ৰাসিরিন্ধরো;

ততোচৰিত্ৰামাযায,

উপ্পজ্জিসাকিযেকুলে.

৬.

ৰিসাখপুণ্ণমেসেট্ঠে,

ৰিজাযিলুম্বিনীৰনে;

সীহনাদংপনাদেন্তো,

সত্তপাদংগতোতদা.

৮.

ৰিরোচিংসুতদাকাসে,

তারোচন্দদিৰাকরা;

রতনানিচভূমট্ঠা,

নানাপুপ্ফাচপুপ্ফরে.

৮.

সীতাযন্তি অৰীচগ্গী,

খুপ্পিপাসাচসোহিতা;

লোকন্তরেমহাপভা,

অন্ধাপস্সন্তিতাৰদে.

৯.

অঘট্টিতাৰাদিতানি,

তূরিযানিচঅম্বরে;

মধুরেনপনাদিংসু,

যসংসরেনতাৰদে.

১০.

থুতিগীতানিগাযন্তা,

দেৰাচকমলাসনা;

সম্মোদেন্তাৰঅট্ঠংসু,

বুদ্ধঙ্কুরস্সসন্তিকে.

১১.

কুমারোচারুধাতীহি,

তোসিতারাজমন্দিরে;

ৰুদ্ধোসিসুসুখংখেমং,

সক্যকঞ্ঞানমন্তরে.

১২.

সোল়সৰস্সিকোসক্য,

নন্দনোপিতরাসতা;

রাজত্তেঅভিসিত্তোসি,

মোদেসিতুৰনত্তযে.

১৩.

নন্দনানংসোৰণ্ণ,

ৰণ্ণসোভংযসোধরং;

সোকারেসিমহেসিত্তং,

লোকনেত্তরসাযনং.

১৪.

একূনতিংসমেৰস্সে,

ৰিসাখপুণ্ণমেৰরে;

সহসেনাযউয্যাসি,

যানেনুয্যানমণ্ডলং.

১৫.

নিমিত্তেচতুরোদিস্ৰা,

পুত্তস্সচৰিজাযনং;

সুত্ৰাউব্বিগ্গচিত্তেন,

নরমিত্থপুরেতহিং.

১৬.

পচ্চাগম্মপুরংতম্হা,

পত্তোপাসাদমণ্ডলং;

নিপ্পজ্জিদেৰরাজাৰ,

সযনেসোমহারহে.

১৭.

সুন্দরীতংপুরক্খিত্ৰা,

নচ্চগীতেনতোসযুং;

এৰংপিসোনরমিত্ৰা,

আহুনিক্খমমানসো.

১৮.

পথমংরাহুলংপুত্তং,

পস্সিত্ৰানিক্খমামহং;

ইতিচিন্তিযমানেসো,

অগাজাযানিৰেসনং;

১৯.

থপেত্ৰাপাদদুম্মারে,

গীৰমন্তোপৰেসযং;

ওলোকযংসপস্সিত্থ,

নিপ্পন্নংতংসমাতরং.

২০.

গণ্হেয্যংতংঅপনেত্ৰা,

বাহুংচেদেৰিযাঅহং;

নদদেনিক্খমোকাসং,

পবুজ্ঝিত্ৰাযসোধরা.

২১.

বুদ্ধপত্তোৰপস্সেয্যং,

রাহুলংইতিচিন্তিয;

কণ্ডকংআরুহিত্ৰান,

তম্হাছন্নেননিক্খমি.

২২.

দ্ৰারাসযাৰিৰরিংসু,

দেৰতাদ্ৰারমণ্ডলং;

রতনুক্কাসহস্সানি,

জালযিংসুমরূতহিং.

২৩.

মানিক্খমস্সুসিদ্ধত্থ,

ইতোত্ৰংসত্তমেদিনে;

ভৰিস্সসেচক্কৰত্তী,

ইতিনীৰারিপাপিমা.

২৪.

তগ্ঘজানামিতংমার,

ইধমাতিট্ঠপক্কম;

ইতিমারং পলাপেত্ৰা,

ৰিস্সট্ঠোসোঅভিক্কমি.

২৫.

পত্ৰানোমনদীতীরং,

পুনাগমেসিতুরগং;

ছন্নঞ্চনগরং বিম্বা;

দেৰিলাপটিৰেদিতুং.

২৬.

বন্ধিতংযসোধরায,

মোল়িংসুগন্ধৰাসিতং;

ছেত্ৰাখগ্গেনতিণ্হেন,

উক্খিপিত্থতমম্বরে.

২৭.

অট্ঠসেট্ঠপরিক্খারে,

ধারেত্ৰাব্রহ্মুনাভতে;

হিত্ৰারাজারহংদুস্সং,

সমণত্থমুপাগমি.

২৮.

করোন্তোদুক্করংকম্মং,

ছব্বস্সানিপরক্কমো;

ওল়ারিকন্নপানেহি;

দেহংযাপেসিঠীতিযা.

২৯.

ৰিসাখপুণ্ণমেহেম,

পাতিংপাযসপূরিতং;

সুজাতাযাভতংগয্হ,

নেরঞ্চরমুপাগমি.

৩০.

নেরঞ্চরাযতীরম্হি,

সুত্ৰাপাযাসমুত্তমং;

পটিযত্থৰরমগ্গেন,

বোধিমণ্ডমুপাগমি.

৩১.

জযাসনেপল্লঙ্কম্হি,

ঠিতোধিট্ঠেসিধীতিমা;

নৰীরিযংজহিস্সামি,

অপত্তোইতিবুদ্ধতং.

৩২.

দেৰিন্দোধমযংসঙ্খং,

সেতচ্ছত্তংপিতামহো;

ধারযংৰাদেন্তোৰীণং,

পঞ্চসীখোঠিতোতহিং.

৩৩.

থুতিগীতানিগাযন্তী,

অট্ঠাসুংদেৰসুন্দরী;

গহেত্ৰাহেমমঞ্জূসা,

সুরপুপ্ফেহিপূরিতা.

৩৪.

অনত্থমেন্তেসূরিযে,

মারসেনংপলাপযী;

অরুণুগ্গমনেকালে,

পত্তোসিবুদ্ধতংৰরং.

৩৫.

পট্ঠানংসম্মসন্তস্স,

নাথস্সদেহতোসুভা;

ছব্বণ্ণভানিচ্ছধন্তি,

ৰিধাৰন্তি তহিং তহিং.

৩৬.

নীলানীলাপিতাপীতা,

রত্তারত্তাচনিচ্ছরে;

সেতাসেতাচমঞ্চিট্ঠা,

তম্হাতম্হাপভস্সরা.

৩৭.

বুদ্ধপত্তোপিবোধেয্য,

ধম্মগম্ভীরতংজিনো;

নিসামেত্ৰানদেসেতুং,

নিরুস্সাহমুপাগতো.

৩৮.

সহম্পতিতদাব্রহ্মা,

দেসনাযাভিযাচতি;

তেনসোপথমংসেট্ঠং,

ধম্মচক্কমদেসযি.

৩৯.

একৰস্সোৰসম্বুদ্ধো,

ৰরেফগ্গুণপুণ্ণমে;

সক্যানংনগরংগঞ্ছী,

সাৰকেহিপুরক্খতো.

৪০.

সমাগমম্হিঞাতীনং,

ৰস্সাপেসিসুসীতলং;

মহামেঘঞ্চদেসেসি,

ৰেস্সন্তরস্সজাতকং.

৪১.

গন্ত্ৰাসাৰকযুগেন,

যসোধরাযমন্দিরং;

তংতোসেত্ৰানদেসেসি,

চন্দকিন্নরজাতকং.

৪২.

ৰসিত্ৰাসত্তমেৰস্সে,

তাৰতিংসে সিলাসনে;

অভিধম্মেন তোসেসি,

দেৰব্রহ্মগণংবহুং.

৪৩.

পত্থরংঞাণজালেন,

লোকংলোকেসিসব্বদা;

বোধেতুংবোধিযাভায;

বোধেয্যজনপঙ্কজং.

৪৪.

বোধনেয্যংজনংদিস্ৰা,

চক্কৰাল়পরংপরা;

গন্ত্ৰাপিৰিবোধেসি,

বুদ্ধসেট্ঠোসুবোধিমা.

৪৫.

বকাদিকেচব্রহ্মানো,

যক্খেচাল়ৰকাদিকে;

পুরিন্দদাদিকেদেৰে,

সূচিলোমাদিরক্খসে.

৪৬.

জাণুসোণাদিকেনেকে,

ব্রাহ্মণেচাৰিকক্খল়ে;

চূল়োদরাদিকেনাগে,

ধনপালাদিকেগজে.

৪৭.

বুদ্ধামযংতিমঞ্ঞন্তে,

তিত্থিযেনেকলদ্ধিকে;

দমেসিদমতংসেট্ঠো,

পরৰাদপ্পমদ্দনো.

৪৮.

অনুব্যঞ্জনসম্পন্নো,

এসবাত্তিংসলক্খণো;

ব্যামপ্পভাপরিক্খিত্তো,

কেতুমালাসিলঙ্খতো.

৪৯.

চতুরাসীতিসহস্স,

ধম্মক্খন্ধেসদেসযি;

পঞ্চতাথীসৰস্সানি,

তিলোকস্সহিতাযৰে.

৫০.

বুদ্ধকিচ্চংকরোন্তোসো,

ৰহংলোকহিতংৰরং;

মোচযংবন্ধনাসত্তে,

কালংখেপেতিসব্বদা.

৫১.

যহিং আসীতিকোনাথো,

নিব্বুতোৰরমঞ্জকে;

মহাসালৰনেরম্মে,

মল্লানংনিগমেতহিং.

৫২.

অগ্গিক্খন্ধোৰলোকস্মিং,

জালেত্ৰানসসাৰকো;

নিব্বাযিত্থসঙ্খতানং,

পকাসেন্তোঅনিচ্চতংতি.

‘‘নমোতেভগৰানাথ,

নমোতেজযতংজয;

নমোতেসিরিসম্পন্ন,

নমোতেলোকনন্দন.’’

বুদ্ধৰন্দনা

১.

দেৰলোকা চৰিত্ৰান,

মহামাযায কুচ্ছিযং;

উপ্পজ্জি গুরুৰারম্হি,

ৰন্দেতং সক্যপুঙ্গৰং.

২.

দসমা সচ্চযে নেসো,

ৰিজাযি মাতুকুচ্ছিতো;

সুক্কৰারে লুম্বিনিযং,

ৰন্দে তং লোকপূজিতং.

৩.

চক্কৰত্তিসিরিং হিত্ৰা,

মহাসিনিক্খমং সুধী;

নিক্খমী চন্দৰারম্হি,

নমে তং মুনিকুঞ্জরং.

৪.

অস্সত্থবোধিমূলম্হি,

পল্লঙ্কে অপরাজিতে;

পত্তো সব্বঞ্ঞুতং নাথো,

নমে তং বুধৰাসরে.

৫.

পঞ্চৰগ্গিযমুখানং,

দেৰানং মিগদাৰনে;

সোরিৰারে ধম্মচক্কং,

ৰত্তেসি তং জিনং নমে.

৬.

সব্বসঙ্খতধম্মানং,

পকাসিযঅনিচ্চতং;

নিব্বুতংঅঙ্গৰারম্হি,

নমাধিঅমতন্দদং.

৭.

সূরিযৰারে সোণ্ণায,

দোণিযা জিনৰিগ্গহো;

অগ্গিনুজ্জলিতো তস্স,

নমে ধাতুসরীরকং.

উণ্ণালোমিকনাথ ৰন্দনা

উণ্ণালোধিকনাথস্স,

উণ্ণায ভমুকন্তরে;

ৰজিরাৰিয সোভন্তি,

নিক্খন্তি যো সুপণ্ডরা.

ৰজিরগ্ঘনকাযস্স,

নাথস্স দেহতো সুভা;

ৰজিরেয্যা নিচ্ছরন্তি;

ৰিজ্জূৰ গগণন্তরে.

রিনিন্দমন্দহাসেন,

দাঠায নিচ্ছরা পভা;

ৰিপ্ফূরিসা দিসাসব্বা,

ৰজিরাযন্তি পণ্ডরা.