📜
নমো তস্স ভগৰতো অরহতো সম্মাসম্বুদ্ধস্স
কচ্চাযনব্যাকরণং
১. সন্ধি
১, ১. অত্থো ¶ অক্খরসঞ্ঞাতো.
২, ২. অক্খরাপাদযো একচত্তালিসং.
১০, ১২. পুব্বমধোঠিতমস্সরং সরেন ৰিযোজযে.
ইতি সন্ধিকপ্পে পঠমো কণ্ডো.
১২, ১৩. সরা ¶ সরে লোপং.
২২, ২৮. এৰাদিস্স রি পুব্বো চ রস্সো.
ইতি সন্ধিকপ্পে দুতিযো কণ্ডো.
২৯, ৪২. ৰগ্গে ঘোসাঘোসানং ততিযপঠমা.
ইতি সন্ধিকপ্পে ততিযো কণ্ডো.
৩০, ৫৮. অং ¶ ব্যঞ্জনে নিগ্গহিতং.
৩৫, ৩৪. য ৰ ম দ ন ত র লা চাগমা.
ইতি সন্ধিকপ্পে চতুত্থো কণ্ডো.
৪২, ৩২. গোসরে পুথস্সাগমো ক্ৰচি.
৪৮, ৪৩. ক্ৰচি ¶ পটি পতিস্স.
৫১, ৫৯. অনুপদিট্ঠানং ৰুত্তযোগতো.
ইতি সন্ধিকপ্পে পঞ্চমো কণ্ডো.
সন্ধিসুত্তং নিট্ঠিতং.
২. নাম
৫৫, ৬৩. সি যো অং যো না হি স নং স্মা হি সনং স্মিং সু.
৬৩, ২১৭. এতিমাসমি ¶ .
৬৭, ২২৯. নো চ দ্ৰাদিতো নংম্হি.
৬৮, ১৮৪. অমা পতো স্মিংস্মানং ৰা.
৭৭, ১৭৫, ততো নমং পতিম্হালুত্তে চ সমাসে.
৭৯, ৪৬. তব্বিপরীতূপপদে ব্যঞ্জনে চ.
৮২, ১৪৯. অংমো ¶ নিগ্গহিতং ঝলপেহি.
৮৩, ৬৭. সরলোপো মাদেসপচ্চযাদিম্হি সরলোপে তু পকতি.
৮৪, ১৪৪. অঘো রস্সমেকৰচনযোস্ৰপি চ.
৮৭, ২৩১. ইণ্ণমিণ্ণন্নং তীহি সঙ্খ্যাহি.
৮৮, ১৪৭. যাসু কতনিকারলোপেসু দীঘং.
৯৮, ১৮৯. মাতুলাদীনমানত্তমীকারে.
৯৯, ৮১. স্মাহিস্মিংনং ম্হাভিম্হি ৰা.
১০১, ৮০. সুহিস্ৰকারো ¶ এ.
১০২, ২০২. সব্বনামানং নংম্হি চ.
১০৯, ২৯৫. আয চতুত্থেকৰচনস্স তু.
১১০, ২০১. তযো নেৰ চ সব্বনামেহি.
১১৬, ১৫৭. অকতরস্সা লতো য্ৰালপনস্সৰেৰো.
ইতি নামকপ্পে পঠমো কণ্ডো.
১২০, ২৪৩. অম্হস্স ¶ মমং সৰিভত্তিস্স সে.
১২৯, ২২২. ইমস্সিদমংসিসু নপুংসকে.
১৩১, ০. ইত্থিপুমনপুংসকসঙ্খ্যং.
১৩২, ২২৮. যোসু দ্ৰিন্নং দ্ৰে চ.
১৩৩, ২৩০. তিচতুন্নং তিস্সো চতস্সো তযোচত্তারো তীণি চত্তারি.
১৩৫, ১১৮. রাজস্সা রঞ্ঞো রাজিনো সে.
১৩৮, ১২১. স্মিংম্হি রঞ্ঞে রাজিনি.
১৩৯, ২৪৫. তুম্হম্হাকং ¶ তযি মযি.
১৪৬, ২৩৬. তুম্হস্স তুৰংত্ৰমম্হি.
১৪৭, ২৪৬. পদতো দুতিযাচতুত্থীছট্ঠীসু ৰো নো.
১৫১, ১৪৩. সুস্মিমা ¶ ৰা.
ইতি নামকপ্পে দুতিযো কণ্ডো.
১৬৯, ১১৭. রাজস্স রাজু সুনং হিসু চ.
১৭২, ২১৮. অনপুংসকস্সা যং সিম্হি.
১৭৫, ২১২. তস্স ৰা নত্তং সব্বত্থ.
১৭৬, ২১৩. সস্মাস্মিংসংসাস্ৰত্তং ০.০০১১.
১৭৯, ২০৪. ঘপতো স্মিং সানং সংসা.
১৮১, ৯৫. মনোগণাদিতো স্মিংনানমিআ.
১৮৫, ১১২. সন্তসদ্দস্সা সো ভে বো চন্তে.
১৮৬, ১০৭. সিম্হি গচ্ছন্তাদীনং ন্তসদ্দো অং.
১৮৮, ১৫৫. ব্রহ্মত্ত সখ রাজাদিতো অমানং.
১৯৪, ১৩১. সখন্তস্সি নোনানংসেসু.
১৯৫, ১৩৪. আরো ¶ হিম্হি ৰা.
১৯৭, ১২৫. ব্রহ্মতো তু স্মিংনি.
১৯৯, ১৫৮. সত্থুপিতাদীনমা সিস্মিং সিলোপো চ.
২১০, ২৩৯. তযাতযিনং তকারো ত্ৰত্তং ৰা.
ইতি নামকপ্পে ততিযো কণ্ডো.
২১১, ১২৬. অত্তন্তো হিস্মিমনত্তং.
২১৪, ১২৮. স্মা ¶ না.
২২১, ২৮২. সব্বাসমাৰুসোপসগ্গনিপাতাদীহি চ.
২২২, ৩২৭. পুমস্স লিঙ্গাদীসু সমাসেসু.
২৩১, ২৬৩. সব্বস্সেতস্সাকারো ৰা.
২৩৪, ২৬৫. ইমস্সি ¶ থং দানি হ তো ধেসু চ.
২৩৯, ১৯০. ণৰ ণিক ণেয্য ণন্তুহি.
২৪০, ১৯৩. পতিভিক্খুরাজীকারন্তেহি ইনী.
ইতি নামকপ্পে চতুত্থো কণ্ডো.
২৪৭, ২৬১. ত্ৰাদযো ৰিভত্তিসঞ্ঞাযো.
২৪৮, ২৬০. ক্ৰচি তো পঞ্চম্যত্থে.
২৪৯, ২৬৬. ত্রথ সত্তমিযা সব্বনামেহি.
২৫৩, ২৭৩. তম্হা ¶ চ.
২৫৭, ২৭৬. কিংসব্বঞ্ঞেকযকুহি দাদাচনং.
২৫৯, ২৭৯. ইমস্মা রহিধুনাদানি চ.
২৬০, ২৭৭. সব্বস্স সো দাম্হি ৰা.
২৬২, ৩৯১. ৰুড্ঢস্স জো ইযিট্ঠেসু.
২৬৮, ৩৯৭. ৰন্তুমন্তুৰীনঞ্চ লোপো.
২৬৯, ৪১. যৰতং তলণদকারানং ব্যঞ্জনানি চলঞজকারত্তং.
২৭০, ১২০. অম্হ তুম্হ ন্তু রাজ ব্রহ্মত্ত সখ সত্থু– পিতাদীহি স্মা নাৰ.
ইতি নামকপ্পে পঞ্চমো কণ্ডো.
নামসুত্তং নিট্ঠিতং.
৩. কারক
২৭১, ৮৮. যস্মা ¶ দপেতিং ভযমাদত্তে ৰা তদপাদানং. (৩০৮)
২৭২, ৩০৯. ধাতুনামানমুপসগ্গযোগাদীস্ৰপি চ.
২৭৫, ৩১২. দূরন্তিকদ্ধকাল নিম্মান ত্ৰালোপ দিসা যোগ ৰিভত্তারপ্পযোগ সুদ্ধপ্পমোচনহেতু ৰিৰিত্তপ্পমাণপুব্বযোগ বন্ধনগুণৰচন পঞ্হকথন থোকাতত্তূসু চ.
২৭৬, ৩০২. যস্স দাতুকামো রোচতে ধারযতে পা তং সম্পদানং.
২৭৭, ৩০৩. সিলাঘ হনু ঠা সপ ধার পিহ কুধ দুহিস্সো স্সূয রাধিক্খ পচ্চাসুণ অনুপতিগিণ পুব্বকত্তারোচনত্থ তদত্থ তুমত্থালমত্থ মঞ্ঞানাদরপ্পাণিনি গত্যত্থকম্মনিআসিসত্থসম্মুতিভিয্যসত্তম্যত্থেসু চ.
২৭৯, ২৯২. যেন ৰা কযিরতে তং করণং.
২৮৩, ৩১৬. যস্স ¶ ৰা পরিগ্গহো তং সামী.
২৯৮. ২৮৭. কালদ্ধানমচ্চন্তসংযোগে.
৩০০, ২৮৬. গতি বুদ্ধি ভুজ পঠ হর কর সযাদীনংকা রিতে ৰা.
৩০২, ৩১৯. ওকাসে ¶ সত্তমী.
৩০৩, ৩২১. সামিস্সরাধিপতি দাযাদ সক্খী পথিভূ পসুত কুসলেহি চ.
৩০৬, ২৮৯. ক্ৰচি দুতিযা ছট্ঠীনমত্থে.
৩১০, ৩২৪. কম্মকরণনিমিত্তত্থেসু সত্তমী.
৩১৪, ৩২৮. উপ’ধ্যাধিকিস্সরৰচনে.
৩১৫, ৩২৯. মণ্ডিতুস্সুক্কেসু ততিযা চ.
ইতি নামকপ্পে কারককপ্পো ছট্ঠো কণ্ডো.
কারকসুত্তং নিট্ঠিতং.
৪. সমাস
৩১৬, ৩৩১. নামান সমাসো যুত্তত্থো.
৩১৭, ৩৩২. তেসং ৰিভত্তিযো লোপা চ.
৩১৯, ৩৩০. উপসগ্গনিপাতপুব্বকো ¶ অব্যযীভাৰো.
৩২২, ৩৫৯. তথা দ্ৰন্দে পাণি তূরিযে যোগ্গ সেনঙ্গ খুদ্দজন্তুক ৰিৰিধ ৰিরুদ্ধ ৰিসভাগত্থাদীনঞ্চ.
৩২৩, ৩৬০. ৰিভাসা রুক্খ তিণ পসু ধন ধঞ্ঞ জনপদা দীনঞ্চ.
৩২৪, ৩৩৯. দ্ৰিপদে তুল্যাধিকরণে কম্মধারযো.
৩২৮, ৩৫২. অঞ্ঞপদত্থেসু বহুব্বীহি.
৩২৯, ৩৫৭. নামানং সমুচ্চযো দ্ৰন্দো.
৩৩০, ৩৪০. মহতং মহা তুল্যাধিকরণে পদে.
৩৩১, ৩৫৩. ইত্থিযং ভাসিতপুমিত্থী পুমাৰ চে.
৩৩৩, ৩৪৪. অত্তং নস্স তপ্পুরিসে.
৩৩৭, ৩৫০. ক্ৰচি ¶ সমাসন্ত গতানমকারন্তো.
৩৩৯, ৩৫৮. জাযায তুদং জানি পতিম্হি.
৩৪১, ৩৩৬. অংৰিভত্তীনমকারন্তা অব্যাযিতাৰা.
ইতি নামকপ্পে সমাসকপ্পো সত্তমো কণ্ডো.
সমাসসুত্থং নিট্ঠিতং.
৫. তদ্ধিত
৩৫০, ৩৭৩. যেন ৰা সংসট্ঠং তরতি চরতি ৰহতি ণিকো.
৩৫১, ৩৭৪. তমধীতে তেনকতাধি সন্নিধাননিযোগ সিপ্প ভণ্ড জীৰিকত্থেসু চ.
৩৫২, ৩৭৬. ণ ¶ রাগা তস্সেদমঞ্ঞত্থেসু চ.
৩৫৫, ৩৮০. গাম জন বন্ধু সহাযাদীহি তা.
৩৬৩, ৩৯০. ৰিসেসে তরতমিসিকিযিট্ঠা.
৩৭১, ৪০৪. আযুস্সুকারাস মন্তুম্হি.
৩৭২, ৩৮৫. তপ্পকতিৰচনে ¶ মযো.
৩৮০, ২৫৫. ৰীসতি দসেসু বা দ্ৰিস্স তু.
৩৮১, ২৫৪. একাদিতো দস্স র সঙ্খ্যানে.
৩৮৩, ৩৫৩. দ্ৰেকট্ঠানমাকারো ৰা.
৩৮৭, ৪১১. তেসমড্ঢূপপদেন অড্ঢুড্ঢদিৰড্ঢ দিযড্ঢ’ ড্ঢতিযা.
৩৮৯, ৪১৩. গণনেদসস্স দ্ৰি তি চতু পঞ্চ ছ সত্ত অট্ঠনৰকানং ৰী তি চত্তার পঞ্ঞা ছ সত্তাসনৰা যোসু যোনঞ্চীসমাসংঠিরিতীতুতি.
৩৯০, ২৫৬. চতূপপদস্স ¶ লোপো তু’ত্তরপদাদিচস্স চু চোপি নৰা.
৩৯১, ৪২৩. যদনুপপন্না নিপাতনা সিজ্ঝন্তি.
৩৯২, ৪১৮. দ্ৰাদিতো কো’নেকত্থে চ.
৩৯৩, ৪১৫. দসদসকং সতং দসকানং সতং সহস্সঞ্চ যোম্হি.
৩৯৪, ৪১৬. যাৰ তদুত্তরি দসগুণিতঞ্চ.
৩৯৮, ৪২১. সব্বনামেহি পকারৰচনে তু থা.
৪০০, ৩৬৪. ৰুদ্ধাদিসরস্স ৰা’সংযোগন্তস্স সণে চ.
৪০৩, ৩৫৪. ক্ৰচাদিমজ্ঝুত্তরানং দীঘরস্স পচ্চযেসু চ.
৪০৪, ৩৭০. তেসু ৰুদ্ধি লোপাগম ৰিকার ৰিপরিতাদেসা চ.
৪০৫, ৩৬৫. অযুৰণ্ণানঞ্চাযো ৰুদ্ধি.
ইতি নামকপ্পে তদ্ধিতকপ্পো অট্ঠমো কণ্ডো.
তদ্ধিতসুত্তং নিট্ঠিতং.
৬. আখ্যাতি
৪০৬, ৪২৯. অথ ¶ পুব্বানি-ৰিভত্তীনং ছ পরস্সপদানি.
৪০৮, ৪৩০. দ্ৰে দ্ৰে পঠমমজ্ঝিমুত্তমপুরিসা.
৪০৯, ৪৪১. সব্বেসমেকাভিধানে পরো পুরিসো.
৪১০, ৪৩২. নামম্হি পযুজ্জমানেপি তুল্যাধিকরণে পঠমো.
৪১৪, ৪২৮. ৰত্তমানা পচ্চুপ্পন্নে.
৪১৫, ৪৫১. আণাত্যাসিট্ঠে’নুত্তকালে পঞ্চমী.
৪১৬, ৪৫৪. অনুমতিপরিকপ্পেত্থেসু সত্তমী.
৪১৭, ৪৬০. অপচ্চক্খে পরোক্খা’তীতে.
৪১৮, ৪৫৬. হিয্যোপভুতি পচ্চক্খে হিয্যত্তনী.
৪২২, ৪৭৫. ক্রিযাতিপন্নে’তীতে কালাতিপত্তি.
৪২৩, ৪২৬. ৰত্তমানা তী অন্তি, সি থ, মি ম তে অন্তে, সেৰ্হে, এ ম্হে.
৪২৪, ৪৫০. পঞ্চমী ¶ তু অন্তু, হি থ, মি ম, তং অন্তং, স্সু ৰ্হো, এ আমসে.
৪২৫, ৪৫৩. সত্তমী এয্য এয্যুং, এয্যাসি এয্যাথ, এয্যামি এয্যাম, এথ এরং, এথো এয্যাৰ্হো, এয্যং এয্যাম্হে.
৪২৬, ৪৫৯. পরোক্খা অ উ, এ ত্থ, অং ম্হ, ত্থ রে, ত্থো ৰ্হো, ইং ম্হে.
৪২৭, ৪৫৫. হিয্যত্তনী আ ঊ, ও ত্থ, অং ম্হা, ত্থ ত্থুং, সেৰ্হং, ইং ম্হসে.
৪২৮, ৪৬৮. অজ্জতনী ঈঞং ওত্থ, ইং ম্হা, আ ঊ, সে ৰ্হং, অং ম্হে.
৪২৯, ৪৭২. স্সৰিস্সন্তী স্সতি স্সন্তি, স্সসি স্সথ, স্সামি স্সাম, স্সতে স্সন্তে, স্সসে স্সৰ্হে, স্সং স্সাম্হে.
৪৩০, ৪৭৪. কালাতিপত্তি স্সা স্সংসু, স্সে স্সথ, স্সং স্সামা, স্সথ স্সিসু, স্সসে স্সৰ্হে, স্সিং স্সাম্হসে.
৪৩১, ৪২৮. হিয্যত্তনী সত্তমী পঞ্চমী ৰত্তমানা সব্বধাতুকং.
ইতি আখ্যাতকপ্পে পঠমো কণ্ডো.
৪৩২, ৩৬২. ধাতুলিঙ্গেহি পরা পচ্চযা.
৪৩৩, ৫২৮. তিজগুপকিতমানেহি খছসা ৰা.
৪৩৪, ৫৩৪. ভুজঘসহরসুপাদীহিতুমিচ্ছত্থেসু.
৪৩৫, ৫৩৬. আয ¶ নামতো কত্তূপমানাদাচারে.
৪৩৭, ৫৩৮. নামম্হা’ত্তিচ্ছত্থে.
৪৩৮, ৫৪০. ধাতূহি ণে ণয ণাপে ণাপযা কারিতানি হেত্ৰত্থে.
৪৩৯, ৫৩৯. ধাতুরূপে নামস্মা ণ যো চ.
৪৪১, ৪৪৭. তস্স চৰগ্গযকারৰকারত্তং সধাত্ৰন্তস্স.
৪৪৬, ৫০৯. রুধাদিতো নিগ্গহিতপুব্বঞ্চ.
৪৪৮, ৫১২. স্ৰাদিতো ণুণা উণা চ.
৪৫৩, ৪৪৪. অত্তনোপদানি ভাৰে চ কম্মনি.
৪৫৫, ৫৩০. ধাতুপ্পচ্চযেহি ¶ ৰিভত্তিযো.
ইতি আখ্যাতকপ্পে দুতিযো কণ্ডো.
৪৫৮, ৪৬১. ক্ৰচাদিৰণ্ণানমেকস্সরানং দ্ৰেভাৰো.
৪৬১, ৪৬৪. দুতিযচতুত্থানং পঠমততিযা.
৪৬৩, ৫৩২. মানকিতানং ৰ তত্তং ৰা.
৪৬৫, ৪৬৩. অন্তস্সিৰণ্ণাকারো ৰা.
৪৬৭, ৫৩৩. ততো পামানানং ৰামং সেসু.
৪৭১, ৪৮৩. দিসস্স পস্স দিস্স দক্খা ৰা.
৪৭২, ৫৩১. ব্যঞ্জনন্তস্স চো ছপ্পচ্চযেসু চ.
৪৭৫, ৪৬৫. ব্রূভূনমাহভূৰা ¶ পরোক্খাযং.
৪৭৬, ৪৪২. গমিস্সন্তো চ্ছো ৰা সব্বাসু.
৪৭৭, ৪৭৯. ৰচস্স’জ্জতনিম্হি মকারা ও.
৪৭৮, ৪৩৮. অকারো দীঘং হিমিমেসু.
৪৮০, ৪৯০. হোতিস্সরে’ হো’হে ভৰিস্সন্তিম্হি স্সস্স চ.
৪৮১, ৫২৪. করস্স সপ্পচ্চযস্স কাহো.
ইতি আখ্যাতকপ্পে ততিযো কণ্ডো.
৪৮৩, ৫২৭. অসংযোগন্তস্স ৰুদ্ধি কারিতে.
৪৮৭, ৪৭৮. ৰচ ৰস ৰহাদীনমুকারো ৰস্সযে.
৪৯১, ৫২৩. করস্স কাসত্তমজ্জতনিম্হি.
৪৯২, ৪৯৯. অসস্মা মিমানং মিম্হা’ন্তলোপো চ.
৪৯৪, ৪৯৫. তিস্স ¶ তিস্স ত্থিত্থং.
৪৯৭, ৪৭৭. লভস্মা ঈঅংনং ত্থত্তং.
৫০২, ৪৯৩. যম্হি দা ধা মা ঠা হা পা মহ মথাদীনমী.
৫০৫, ৪৮২. জরমরানং জীর জীয্য মীয্যা ৰা.
৫০৬, ৪৯৬. সব্বত্থা’সস্সাদিলোপো চ.
৫০৮, ৫১৫. যেয্যস্স ঞাতো ইযা ঞা.
৫০৯, ৫১৬. নাস্স লোপো যকারত্তং.
৫১৫, ৫৪১. তে ¶ আৰাযা কারিতে.
৫১৬, ৪৬৬. ইকারাগমো অসব্বধাতুকম্হি.
৫১৭, ৪৮৮. ক্ৰচি ধাতুৰিভত্তিপ্পচ্চযানং দীঘৰিপরীতাদেস লোপাগমা চ.
৫১৮, ৪৪৬. অত্তনোপদানি পরস্সপদত্তং.
৫১৯, ৪৫৭. অকারাগমো হিয্যত্থনীঅজ্জতনীকালাতিপত্তীসু.
৫২১, ৪২৫. ধাতুস্সন্তো লোপো’ নেকসরস্স.
৫২২, ৪৭৬. ইসুযমূনমন্তো চ্ছো ৰা.
ইতি আখ্যাতকপ্পে চতুত্থো কণ্ডো.
আখ্যাতসুত্তং নিট্ঠিতং.
৭. কিব্বিধান
৫২৪, ৫৬১. ধাতুযা কম্মাদিম্হি ণো.
৫২৭, ৫৬৮. সব্বতো ণ্ৰুত্ৰা’ৰী ৰা.
৫৩১, ৫৮৯. ধরাদীহি ¶ রম্মো.
৫৩২, ৫৯০. তস্সীলাদীসু ণী ত্ৰা ৰী চ.
৫৩৩, ৫৯১. সদ্দ কুধ চল মণ্ডত্থ রুচাদীহি যু.
৫৩৭, ৫৬৬. নু নিগ্গহিতং পদন্তে.
৫৩৮, ৫৯৫. সংহনা’ঞ্ঞায ৰা রো ঘো.
৫৪০, ৫৪৫. ভাৰকম্মেসু তব্বা’নীযা.
৫৪৪, ৫৫৬. ৰদ মদ গমু যুজ গরহাকারাদীহি জ্জ ম্মগ্গয্হেয্যাৰারো ৰা.
ইতি কিব্বিধানকপ্পে পঠমো কণ্ডো.
৫৫০, ৫৪৯. ণাদযো ¶ তেকালিকা.
৫৫৫, ৬১২. অতীতে ত তৰন্তু তাৰী.
৫৫৭, ৬০৬. বুধগমাদিত্থে কত্তরি.
৫৬১, ৬৩৬. ইচ্ছত্থেসু সমানকত্তুকেসু তৰে তুং ৰা.
৫৬৩, ৬৩৯. পত্তৰচনে অলমত্থেসু চ.
৫৬৪, ৬৪০. পুব্বকালে’ককত্তুকানং তুন ত্ৰান ত্ৰা ৰা.
৫৬৮, ৫৭৬. মানাদীহি ¶ রাতু.
ইতি কিব্বিধানকপ্পে দুতিযো কণ্ডো.
৫৭১, ৬২৪. পচ্চযাদনিট্ঠা নিপাতনা সিজ্ঝন্তি.
৫৭২, ৬২৫. সাসদিসতো তস্স রিট্ঠো চ.
৫৭৩, ৬২৬. সাদিসন্ত পুচ্ছ ভন্জ হন্তাদীহি ট্ঠো.
৫৭৬, ৬০৭. ধ ঢ ভ হে হি ধড্ঢা চ.
৫৭৮, ৫৬০. ভুজাদীনমন্তো নো দ্ৰি চ.
৫৮২, ৬৩১. ভিদাদিতো ইন্ন অন্ন ঈণা ৰা.
৫৮৩, ৬১৭. সুস পচ সকতো ক্খ ক্কা চ.
৫৮৬, ৬০০. গম খন হন রমাদীনমন্তো.
৫৮৮, ঠাপানমিঈ ¶ চ.
৫৮৯, ৬২১. হন্তেহি হো হস্স ল়ো ৰা অদহনহানং.
ইতি কিব্বিধানকপ্পে ততিযো কণ্ডো.
৫৯০, ৫৭৯. ণম্হি রন্জস্স জো ভাৰকরণেসু.
৫৯৪, ৫৮২. পুরসমুপপরীহি করোতিস্স খ খরা ৰা তপ্পচ্চযেসু চ.
৫৯৬, ৫৫১. গমখনহনাদীনং তুংতব্বাদীসু ন.
৫৯৭, ৬৪১. সব্বেহি তুনাদীনং যো.
৫৯৯, ৬৪৪. দিসা স্ৰানস্ৰন্তলোপো চ.
৬০০, ৬৪৫. মহদভেহি ম্ম য্হ জ্জ ব্ভ দ্ধা চ.
৬০১, ৩৩৪. তদ্ধিতসমাসকিতকা নামং ৰা’তৰেতুনাদীসু চ.
৬০৩, ৭. দীঘো ¶ চ.
ইতি কিব্বিধানকপ্পে চতুত্থো কণ্ডো.
৬০৭, ৫৭৮. নিগ্গহিত সংযোগাদি নো.
৬১১, ৬০৮. হচতুত্থানমন্তানং দো ধে.
৬১৫, ৫৮৬. ধাত্ৰন্তস্স লোপো ক্ৰিম্হি.
৬১৭, ৬৩৩. ন ম ক রানমন্তানং নিযুত্ততম্হি.
৬১৮, ৫৭১. ন ক ৰত্থং চ জা ণ্ৰুম্হি.
৬১৯, ৫৭৩. করস্স চ তত্তং থুস্মিং.
৬২১, ৫৫৩. কারিতং ¶ ৰিয ণানুবন্ধো.
ইতি কিব্বিধানকপ্পে পঞ্চমো কণ্ডো.
কিব্বিধানসুত্তং নিট্ঠিতং.
৮. উণাদিকপ্প
৬২৫, ৬০৫. ভাৰকম্মেসু কিচ্চত্তক্খত্থা.
৬২৬, ৬৩৪. কম্মনি দুতিযায ত্তো.
৬২৭, ৬৫২. খ্যাদীহি মন ম চ তো ৰা.
৬৩০, ৬৫৪. মসুস্স সুস্স চ্ছরচ্ছেরা.
৬৩৫, ৫৫৯. পেসাতিসগ্গপত্তকালেসু কিচ্চা.
৬৩৬, ৬৫৯. অৰস্সকাধমিণেসু ণী চ.
৬৩৮, ৬৬৮. ৰজাদীহি পব্বজ্জাদযো নিপ্পজ্জন্তে.
৬৩৯, ৫৮৫. ক্ৰিলোপো ¶ চ.
৬৪০, ০. সচজানং ক গা ণানুবন্ধে.
৬৪১, ৫৭২. নুদাদীহি যু ণ্ৰূন মনা ন না কা ন ন কা সকারিতেহি চ.
৬৪২, ৫৮৮. ই য ত ম কিং এসানমন্তস্সরো দীঘং ক্ৰচি দুসস্স গুণং দোরং স ক্খী চ.
৬৪৩, ৬৩৫. ভ্যাদীহি মতি বুধি পূজাদীহি চ ত্তো.
৬৪৪, ৬৬১. ৰেপু সী দৰ ৰমু কু দা ভূত্ৰাদীহি থুত্তিম ণিমা নিব্বত্তে.
৬৪৬, ৪১৯. একাদিতো সকিস্স ক্খত্তুং.
৬৪৭, ৬৬৩. সুনস্সুনস্সো ণ ৰানুৰানূননখুনানা.
৬৪৯, ৬৬৫. যুৰস্সুৰস্সুৰুৰাননূনা.
৬৫০, ৬৫১. কালে ৰত্তমানাতীতে ণ্ৰাদযো.
৬৫১, ৬৪৭. ভৰিস্সতি গমাদীহি ণী ঘিণ.
৬৫৩, ৩০৭. ভাৰৰাচিম্হি চতুত্থী.
৬৫৫, ৬৫০. সেসে স্সং ন্তু মানানা.
৬৫৯, ৬৬৯. উসুরন্জদসানং ¶ দংসস্স দড্ঢো ঢঠা চ.
৬৬০, ৬৭০. সূৰুসানমূৰুসানমতো থো চ.
৬৬১, ৬৭১. রন্জুদাদীহি ধদিদ্দকিরা ক্ৰচি জদলোপো চ.
৬৬২, ৬৭২. পটিতো হিস্স হেরণ হীরণ.
৬৬৪, ৬৭৪. খাদামগমানং খন্ধন্ধগন্ধা.
৬৬৬, ৬৭৬. পুথস্স পুথু পথা মো ৰা.
৬৭৩, ৬৮৩. মনুপূরসুণাদীহি উস্সনুসিসা.
ইতি কিব্বিধানকপ্পে উণাদিকপ্পো ছট্ঠো কণ্ডো.
উণাদিসুত্তং নিট্ঠিতং.
মহাকচ্চাযনসদ্দাপাঠ
১. সন্ধিকপ্প
পঠমকণ্ড
(ক)
সেট্ঠং ¶ তিলোকমহিতং অভিৰন্দিযগ্গং,
বুদ্ধঞ্চ ধম্মমমলং গণমুত্তমঞ্চ;
সত্থুস্স তস্স ৰচনত্থৰরং সুবুদ্ধুং,
ৰক্খামি সুত্তহিতমেত্থ সুসন্ধিকপ্পং.
(খ)
সেয্যং জিনেরিতনযেন বুধা লভন্তি,
তঞ্চাপি তস্স ৰচনত্থসুবোধনেন;
অত্থঞ্চ অক্খরপদেসু অমোহভাৰা,
সেয্যত্থিকো পদমতো ৰিৰিধং সুণেয্যং.
সব্বৰচনানমত্থো অক্খরেহেৰ সঞ্ঞাযতে. অক্খরৰিপত্তিযং হি অত্থস্স দুন্নযথা হোতি, তস্মা অক্খরকোসল্লং বহূপকারং সুত্তন্তেসু.
২, ২. অক্খরাপাদযো ¶ একচত্তালীসং.
তে চ খো অক্খরা অপি অকারাদযো একচত্তা লীস সুত্তন্তেসু সোপকারা.
তং যথা? অ আ ই ঈ উ ঊ এ ও, ক খ গ ঘ ঙ, চ ছ জ ঝ ঞ, ট ঠ ড ঢ ণ, ত থ দ ধ ন, প ফ ব ভ ম, য র ল ৰ স হ ল় অং, ইতি অক্খরা নাম.
তেন ক্ৰত্থো? অত্থো অক্খরসঞ্ঞাতো.
তত্থ অক্খরেসু অকারাদীসু ওদন্তা অট্ঠ অক্খরা সরা নাম হোন্তি.
তং যথা? অ আ ই ঈ উ ঊ এ ও, ইতি সরা নাম.
তেন ক্ৰত্থো? সরা সরে লোপং.
তত্থ অট্ঠসু সরেসু লহুমত্তা তযো সরা রস্সা নাম হোন্তি.
তং যথা? অ ই উ, ইতি রস্সা নাম.
তেন ক্ৰত্থো? রস্সং.
৫, ৫. অঞ্ঞে ¶ দীঘা.
তত্থ অট্ঠসু সরেসু রস্সেহি অঞ্ঞে পঞ্চ সরা দীঘা নাম হোন্তি.
তং যথা? আ ঈ ঊ এ ও, ইতি দীঘা নাম.
তেন ক্ৰত্থো? দীঘং.
ঠপেত্ৰা অট্ঠ সরে সেসা অক্খরা ককারাদযো নিগ্গহিতন্তা ব্যঞ্জনা নাম হোন্তি.
তং যথা? ক খ গ ঘ ঙ, চ ছ জ ঝ ঞ, ট ঠ ড ঢ ণ, ত থ দ ধ ন, প ফ ব ভ ম, য র ল ৰ স হ ল় অং, ইতি ব্যঞ্জনা নাম.
তেন ক্ৰত্থো? সরা পকতি ব্যঞ্জনে.
তেসং খো ব্যঞ্জনানং ককারাদযো মকারন্তা পঞ্চপঞ্চসো অক্খরৰন্তো ৰগ্গা নাম হোন্তি.
তং যথা? ক খ গ ঘ ঙ, চ ছ জ ঝ ঞ, ট ঠ ড ঢ ণ, ত থ দ ধ ন, প ফ ব ভ ম, ইতি ৰগ্গা নাম.
তেন ক্ৰত্থো? ৰগ্গন্তং ৰা ৰগ্গে.
৮, ১০. অং ¶ ইতি নিগ্গহিতং.
অং ইতি নিগ্গহিতং নাম হোতি.
তেন ক্ৰত্থো? অং ব্যঞ্জনে নিগ্গহিতং.
যা চ পন পরেসু সক্কতগন্থেসু সমঞ্ঞা ঘোসাতি ৰা অঘোসাতি ৰা, তা পযোগে সতি এত্থাপি যুজ্জন্তে.
তত্থ ঘোসা নাম-গ ঘ ঙ, জ ঝ ঞ, ড ঢ ণ, দ ধ ন, ব ভ ম, য র ল ৰ হ ল়, ইতি ঘোসা নাম. অঘোসা নাম-ক খ, চ ছ, ট ঠ, ত থ, প ফ, স, ইতি অঘোসা নাম.
তেন ক্ৰত্থো? ৰগ্গে ঘোসাঘোসানং ততিযপঠমা.
১০, ১২. পুব্বমধোঠিত মস্সরং সরেন ৰিযোজযে.
তত্থ সন্ধিং কত্তুকামো পুব্বব্যঞ্জনং অধোঠিতং অস্সরং কত্ৰা সরঞ্চ উপরি কত্ৰা সরেন ৰিযোজযে.
তত্রাযমাদি.
১১, ১৪. নযে ¶ পরং যুত্তে.
অস্সরং খো ব্যঞ্জনং অধোঠতং পরক্খরং নযে যুত্তে. তত্রাভিরতিমিচ্ছেয্য.
যুত্তেতিকস্মা? অক্কোচ্ছি মং অৰধি মং, অজিনি মং অহাসি মে. এত্থ পন যুত্তং ন হোতি.
ইতি সন্ধিকপ্পে পঠমো কণ্ডো.
দুতিযকণ্ড
সরা খো সরে পরে লোপং পপ্পোন্তি.
যস্সিন্দ্রিযানি সমথঙ্গতানি. নো হেতং ভন্তে সমেতাযস্মা সঙ্ঘেন.
সরম্হা অসরূপা পরো সরো লোপং পপ্পোতি ৰা.
চত্তারো’মে ভিক্খৰে ধম্মা, কিন্নু’ মাৰসমণিযো. ৰাতি কস্মা? পঞ্চিন্দ্রিযানি, তযস্সু ধম্মা জহিতা ভৰন্তি.
১৪, ১৬. ক্ৰচাসচণ্ণং ¶ লুত্তে.
সরো খো পরো পুব্বসরে লুত্তে ক্ৰচি অসৰণ্ণং পপ্পোতি.
সঙ্খ্যং নোপেতি ৰেদগূ, বন্ধুস্সেৰ সমাগমো.
ক্ৰচীতি কস্মা? যস্সিন্দ্রিযানি, তথূপমং ধম্মৰরং অদেসযি.
সরো খো পরো পুব্বসরে লুত্তে ক্ৰচি দীঘং পপ্পোতি. সদ্ধীধ ৰিত্তং পুরিসস্স সেট্ঠং, অনাগারেহি চূভযং.
ক্ৰচীতি কস্মা? পঞ্চহুপালি অঙ্গেহি সমন্নাগতো. নত্থঞ্ঞং কিঞ্চি.
পুব্বো চ সরো পরসরলোপে কতে ক্ৰচি দীঘং পপ্পোতি.
কিংসূধ ৰিত্তং পুরিসস্স সেট্ঠং, সাধূতি পটিস্সুণিত্ৰা, ক্ৰচীতি কস্মা? ইতিস্স মুহুত্তম্পি.
১৭, ১৯. যমেদন্তস্সাদেসো ¶ .
একারস্স অন্তভূতস্স সরে পরে ক্ৰচি যকারাদেসো হোতি.
অধিগতো খো ম্যাযং ধম্মো, ত্যাহং এৰং ৰদেয্যং, ত্যাস্স পহীনা হোন্তি.
ক্ৰচীতি কস্মা? নে’নাগতা, ইতি নেত্থ.
ওকারুকারানং অন্তভূতানং সরে পরে ক্ৰচি ৰকারাদেসো হোতি.
অথ খ্ৰস্স, স্ৰস্স হোতি, বহ্ৰাবাধো, ৰত্থ্ৰেত্থ ৰিহিতং নিচ্চং চক্খাপাথমাগচ্ছতি.
ক্ৰচীতিকস্মা? চত্তারো’মে ভিক্খৰে ধম্মা, কিন্নুমাৰ সমণিযো.
সব্বো ইচ্চেসো তিসদ্দো ব্যঞ্জনো সরে পরে ক্ৰচি চকারং পপ্পোতি.
ইচ্চেতং ¶ কুসলং, ইচ্চস্স ৰচনীযং, পচ্চুত্তরিত্ৰা, পচ্চাহরতি.
ক্ৰচীতি কস্মা? ইতিস্স মুহুত্তম্পি.
ধইচ্চেতস্স সরে পরে ক্ৰচি দকারাদেসো হোতি.
একমিদাহং ভিক্খৰে সমযং.
ক্ৰচীতি কস্মা? ইধেৰ মরণং ভৰিস্সতি.
ৰগ্গহণেন ধকারস্স হকারাদেসো হোতি সাহু দস্সন মরিযানং.
সুত্তৰিভাগেন বহুধা সিযা-
তো দস্স, যথা? সুগতো.
টো তস্স, যথা? দুক্কটং.
ধো তস্স, যথা? গন্ধব্বো.
ত্রো ত্তস্স, যথা? অত্রজো.
কো গস্স, যথা? কুলূপকো.
লো ¶ রস্স, যথা? মহাসালো.
জো যস্স, যথা? গৰজো.
ব্বো ৰস্স, যথা? কুব্বতো.
কো যস্স, যথা? সকে.
যো জস্স, যথা? নিযংপুত্তং.
কো তস্স, যথা? নিযকো.
চ্চো ত্তস্স, যথা ভচ্চো.
ফো পস্স, যথা? নিপ্ফত্তি.
খো কস্স, যথা? নিক্খমতি. ইচ্চেৰমাদী যোজেতব্বা.
পুব্বো ইৰণ্ণো সরে পরে যকারং পপ্পোতি নৰা. পটিসুন্থারৰুত্যস্স, সব্বা ৰিত্যানুভূযতে.
নৰাতি কস্মা? পঞ্চহঙ্গেহি সমন্নাগতো, মুত্তচাগী অনুদ্ধতো.
২২, ২৮. এৰাদিস্স রি পুব্বো চ রস্সো.
সরম্হা পরস্স এৰস্স একারস্স আদিস্স রিকারো হোতি, পুব্বো চ সরো রস্সো হোতি নৰা.
যথরিৰ ¶ ৰসুধাতলঞ্চ সব্বং, তথরিৰ গুণৰা সুপূজনিযো.
নৰাতি কস্মা? যথা এৰ, তথা এৰ.
ইতি সন্ধিকপ্পে দুতিযো কণ্ডো.
ততিযকণ্ড
সরা খো ব্যঞ্জনে পরে পকতিরূপানি হোন্তি.
মনোপুব্বঙ্গমা ধম্মা, পমাদো মচ্চুনো পদং, তিণ্ণো পারঙ্গতো অহু.
সরা খো সরে পরে ক্ৰচি পকতিরূপানি হোন্তি.
কো ইমং পথৰিং ৰিচেস্সতি.
ক্ৰচীতি কস্মা? অপ্পস্সুতাযং পুরিসো.
সরা খো ব্যঞ্জনে পরে ক্ৰচি দীঘং পপ্পোন্তি.
সম্মা ¶ ধম্মং ৰিপস্সতো, এৰং গামে মুনী চরে, খন্তী পরমং তপো তিতিক্খা.
ক্ৰচীতি কস্মা? ইধ মোদতি পেচ্চ মোদতি, পতিলীযতি, পটিহঞ্ঞতি.
সরা খো ব্যঞ্জনে পরে ক্ৰচি রস্সং পপ্পোন্তি.
ভোৰাদিনাম সো হোতি, যথাভাৰি গুণেন সো.
ক্ৰচীতি কস্মা? সম্মাসমাধি, সাৰিত্তী ছন্দসো মুখং, উপনীযতি জীৰিতমপ্পমাযু.
সরা খো ব্যঞ্জনে পরে ক্ৰচি লোপং পপ্পোন্তি. তত্র চ লোপে কতে অকারাগমো হোতি.
স সীলৰা. স পঞ্ঞৰা এস ধম্মো সনন্তনো, স ৰে কসাৰমরহতি, স মানকামোপি ভৰেয্য, স ৰে মুনি জাতিভযং অদস্সি.
ক্ৰচীতি ¶ কস্মা? সো মুনি, এসো ধম্মো পদিস্সতি, ন সো কাসাৰমরহতি.
সরম্হা পরস্স ব্যঞ্জনস্স দ্ৰেভাৰো হোতি ঠানে.
ইধপ্পমাদো, পুরিসস্স জন্তুনো, পব্বজ্জং কিত্তযিস্সামি, চাতুদ্দসি, পঞ্চদ্দসি, অভিক্কন্ততরো চন্দো.
ঠানেতি কস্মা? ইধ মোদতি পেচ্চ মোদতি.
২৯, ৪২. ৰগ্গে ঘোসাঘোসানং ততিযপঠমা.
ৰগ্গে খো পুব্বেসং ব্যঞ্জনানং ঘোসাঘোসভূতানং সরম্হা যথাসঙ্খ্যং ততিযপঠমক্খরা দ্ৰেভাৰং গচ্ছন্তি ঠানে.
এসেৰ চজ্ঝানপ্ফলো, যত্রট্ঠিতং নপ্পসহেয্য মচ্চু, সেলে যথা পব্বতমুদ্ধনিট্ঠিতো, চত্তারিট্ঠানানি নরো পমত্তো.
ঠানেতি কস্মা? ইধ চেতসো দল়্হং গণ্হাতি থামসা.
ইতি সন্ধিকপ্পে ততিযো কণ্ডো.
চতুত্থকণ্ড
৩০, ৫৮. অং ¶ ব্যঞ্জনে নিগ্গহিতং.
নিগ্গহিতং খো ব্যঞ্জনে পরে অং ইতি হোতি.
এৰং ৰুত্তে, তং সাধূতি পটিস্সুণিত্ৰা.
ৰগ্গভূতে ব্যঞ্জনে পরে নিগ্গহিতং খো ৰগ্গন্তং ৰা পপ্পোতি.
তন্নিচ্চুতং, ধম্মঞ্চরে সুচরিতং, চিরপ্পৰাসিং পুরিসং. সন্তন্তস্স মনং হোতি, তঙ্কারুণিকং, এৰঙ্খো ভিক্খৰে সিক্খিতব্বং.
ৰাগ্গহণেননিগ্গহিতং খো লকারাদেসো হোতি. পুগ্গলং.
ৰাতি কস্মা? ন তং কম্মং কতং সাধু.
একারহকারে পরে নিগ্গহিতং খো ঞকারং পপ্পোতি ৰা.
পচ্চত্তঞ্ঞেৰ পরিনিব্বাযিস্সামি, তঞ্ঞেৰেত্থ পটিপুচ্ছিস্সামি, এৰঞ্হি ৰো ভিক্খৰে সিক্খিতব্বং. তঞ্হি তস্স মুসা হোতি.
ৰাতি ¶ কস্মা? এৰমেতং অভিঞ্ঞায, এৰং হোতি সুভাসিতং.
নিগ্গহিতং খো যকারে পরে সহ যকারেন ঞকারং পপ্পোতি ৰা.
সঞ্ঞোগো, সঞ্ঞুত্তং.
ৰাতি কস্মা? সংযোগো, সংযুত্তং.
নিগ্গহিতস্স খো সরে পরে মকারদকারাদেসা হোন্তি ৰা.
তমহং ব্রূমি ব্রাহ্মণং, এতদৰোচ সত্থা.
ৰাতি কস্মা? অক্কোচ্ছি মং অৰধি মং, অজিনি মং অহাসি মে.
৩৫, ৩৪. য ৰ ম দ ন ত র লা চাগমা.
সরে পরে যকারো ৰকারো মকারো দকারো নকারো তকারো রকারো লকারো ইমে আগমা হোন্তি ৰা.
নযিমস্স ৰিজ্জা, যথযিদং চিত্তং. মিগী ভন্তা ৰুদিক্খতি, সিত্তা তে লহু মেস্সতি, অসিত্তা তে গরু মেস্সতি. অস্সো ¶ ভদ্রো কসামিৰ, সম্মদঞ্ঞা ৰিমুত্তানং. মনসাদঞ্ঞা ৰিমুত্তানং, অত্তদত্থমভিঞ্ঞায. চিরংনাযতি, ইতো নাযতি. যস্মাতিহ ভিক্খৰে, তস্মাতিহ ভিক্খৰে, অজ্জতগ্গে পাণুপেতং. সব্ভিরেৰ সমাসেথ, আরগ্গেরিৰ সাসপো, সাসপোরিৰ আরগ্গা. ছল়ভিঞ্ঞা, সল়াযতনং.
ৰাতি কস্মা? এৰং মহিদ্ধিযা এসা, অক্কোচ্ছি মং অৰধি মং, অজিনি মং অহাসি মে, অজেয্যো অনুগামিকো.
চগ্গহণেন ইধেৰ মকারস্স পকারো হোতি. চিরপ্পৰাসিং পুরিসং.
ককারস্স চ দকারো হোতি. সদত্থপসুতো সিযা.
দকারস্স চ তকারো হোতি, সুগতো.
ব্যঞ্জনে পরে ক্ৰচি ওকারাগমো হোতি.
অতিপ্পগো খো তাৰ সাৰত্থিযং পিণ্ডায চরিতুং. পরোসহস্সং.
ক্ৰচীকি ¶ কস্মা? এথ পস্সথিমং লোকং, অন্ধীভূতো অযং লোকো.
নিগ্গহিতঞ্চাগমো হোতি সরে ৰা ব্যঞ্জনে ৰা পরে ক্ৰচি.
চক্খুংউদপাদি, অৰংসিরো, যাৰঞ্চিধ ভিক্খৰে পুরিমং জাতিং সরামি, অণুংথূলানি সব্বসো, মনোপুব্বঙ্গমা ধম্মা.
ক্ৰচীতি কস্মা? ইধেৰ নং পসংসন্তি, পেচ্চ সগ্গে পমোদতি, ন হি এতেহি যানেহি, গচ্ছেয্য অগতং দিসং.
চগ্গহণেন ৰিসদ্দস্স চ পকারো হোতি. পচেস্সতি, ৰিচেস্সতি ৰা.
নিগ্গহিতং খো সরে পরে ক্ৰচি লোপং পপ্পোতি.
তাসাহং সন্তিকে, ৰিদূনগ্গমিতি.
ক্ৰচীতি কস্মা? অহমেৰ নূন বালো এতমত্থং ৰিদিত্ৰান.
৩৯, ৫৪. ব্যঞ্জনে ¶ চ.
নিগ্গহিতং খো ব্যঞ্জনে পরে ক্ৰচি লোপং পপ্পোতি.
অরিযসচ্চানদস্সনং, এতং বুদ্ধানসাসনং.
ক্ৰচীতি কস্মা? এতং মঙ্গলমুত্তমং, তং ৰো ৰদামি ভদ্দন্তে.
নিগ্গহিতম্হা পরো সরো লোপং পপ্পোতি ৰা.
ভাসিতং অভিনন্দুন্তি, উত্তত্তংৰ, যথাবীজংৰ, যথাধঞ্ঞংৰ.
ৰাতি কস্মা? অহমেৰ নূন বালো, এতদহোসি.
নিগ্গহিতম্হা পরস্মিং সরে লুত্তে যদি ব্যঞ্জনো সসঞ্ঞোগো ৰিসঞ্ঞোগো হোতি.
এৰংস তে আসৰো, পুপ্ফংসা উপ্পজ্জি.
লুত্তেতি কস্মা? এৰমস্স ৰিদূনগ্গমিতি.
চগ্গহণেন ¶ তিণ্ণং ব্যঞ্জনানমন্তরে যে সরূপা, তেসম্পি লোপো হোতি. অগ্যাগারং, পটিসন্থারৰুত্যস্স.
ইতি সন্ধিকপ্পে চতুত্থো কণ্ডো.
পঞ্চমকণ্ড
৪২, ৩২. গোসরে পুথস্সাগমো ক্ৰচি.
পুথইচ্চেতস্স অন্তে সরে পরে ক্ৰচি গকারাগমো হোতি.
পুথগে ৰ.
পাইচ্চেতস্স অন্তে সরে পরে ক্ৰচি গকারাগমো হোতি, অন্তো চ সরো রস্সো হোতি.
পগেৰ ৰুত্যস্স.
ক্ৰচীতি কস্মা? পা এৰ ৰুত্যস্স.
অভিইচ্চেতস্স সরে পরে অব্ভাদেসো হোতি. অব্ভুদীরিতং, অব্ভুগ্গচ্ছতি.
৪৫, ২৫. অজ্ঝো ¶ অধি.
অধিইচ্চেতস্স সরে পরে অজ্ঝাদেসো হোতি.
অজ্ঝোকাসে, অজ্ঝাগমা.
তে চ খো অভিঅধিইচ্চেতে ইৰণ্ণে পরে অব্ভো অজ্ঝোইতিৰুত্তরূপা নং হোন্তি ৰা.
অভিচ্ছিতং, অধীরিতং.
ৰাতি কস্মা? অব্ভীরিতং, অজ্ঝিণমুত্তো.
অতিইচ্চেতস্স অন্তভূতস্স তিসদ্দস্স ইৰণ্ণে পরে ‘‘সব্বো চং তী’’তি ৰুত্তরূপং ন হোতি.
অতীসিগণো, অতীরিতং.
ইৰণ্ণেতি কস্মা? অচ্চন্তং.
পতিইচ্চেতস্স সরে ৰা ব্যঞ্জনে ৰা পরে ক্ৰচি পটিআদেসো হোতি.
পটগ্গি দাতব্বো, পটিহঞ্ঞতি.
ক্ৰচীতি ¶ কস্মা? পচ্চন্তিমেসু জনপদেসু, পতিলীযতি, পতিরূপদেসৰাসো চ.
পুথইচ্চেতস্স অন্তো সরো ব্যঞ্জনে পরে উকারো হোতি.
পুথুজ্জনো, পুথুভূতং.
অন্তগ্গহণেন অপুথস্সাপি সরে পরে অন্তস্স উকারো হোতি, মনুঞ্ঞং.
অৰইচ্চেতস্স ব্যঞ্জনে পরে ক্ৰচি ওকারো হোতি.
অন্ধকারেন ওনদ্ধা.
ক্ৰচীতি কস্মা? অৰসুস্সতু মে সরীরে মংসলোহিতং.
৫১, ৫৯. অনুপদিট্ঠানং ৰুত্তযোগতো.
অনুপদিট্ঠানং উপসগ্গনিপাতানং সরসন্ধীহি ব্যঞ্জনসন্ধীহি ৰুত্তসন্ধীহি চ যথাযোগং যোজেতব্বং.
পাপনং ¶ , পরাযণং, উপাযনং, উপাহনং, ন্যাযোগো, নিগুপধি, অনুবোধো, দুৰূপসন্তং, সুৰূপসন্তং, দ্ৰালযো, স্ৰালযো, দুরাখ্যাতং, স্ৰাখ্যাতো, উদীরিতং, সমুদ্দিট্ঠং, ৰিযগ্গং, ৰিজ্ঝগ্গং, ব্যগ্গং, অৰযাগমনং, অন্ৰেতি, অনুপঘাতো, অনচ্ছরিযং, পরিযেসনা, পরামাসো, এৰং সরে চ হোন্তি.
পরিগ্গহো, পগ্গহো, পক্কমো, পরক্কমো, নিক্কমো, নিক্কসাৰো, নিল্লযনং, দুল্লযনং, দুম্ভিক্খং, দুব্বুত্তং, সন্দিট্ঠং, দুগ্গহো, ৰিগ্গহো, নিগ্গতো, অভিক্কমো, পটিক্কমো, এৰং ব্যঞ্জনে চ. সেসা সব্বে যোজেতব্বা.
ইতি সন্ধিকপ্পে পঞ্চমো কণ্ডো.
সন্ধিকপ্পো নিট্ঠিতো.
২. নামকপ্প
পঠমকণ্ড
৫২, ৬০. জিনৰচনযুত্তং ¶ হি.
‘‘জিনৰচনযুত্তং হি’’ ইচ্চেতং অধিকারত্থং ৰেদিতব্বং.
যথা যথা জিনৰচনযুত্তং হি লিঙ্গং, তথা তথা ইধ লিঙ্গঞ্চ নিপ্পজ্জতে.
তং যথা? এসো নো সত্থা, ব্রহ্মা অত্তা, সখা, রাজা.
ততো জিনৰচনযুত্তেহি লিঙ্গেহি ৰিভত্তিযো পরা হোন্তি.
৫৫, ৬৩. সি যো, অং যো, না হি, স নং, স্মা হি, স নং, স্মিং সু.
কা চ পন তাযো ৰিভত্তিযো? সি, যো ইতি পঠমা, অং, যোইতি দুতিযা, না হি ইতি ততিযা, স, নংইতি চতুত্থী, স্মা, হি ইতি পঞ্চমী, স, নং ইতি ছট্ঠী, স্মিং, সু ইতি সত্তমী.
ৰিভত্তিইচ্চনেন ¶ ক্ৰত্থো? অম্হস্স মমং সৰিভত্তিস্স সে.
যথা যথা তেসং জিনৰচনানং অনুপরোধো. তথা তথা ইধ লিঙ্গঞ্চ নিপ্পজ্জতে.
আলপনত্থে সি গসঞ্ঞো হোতি.
ভোতি অয্যে, ভোতি কঞ্ঞে, ভোতি খরাদিযে.
আলপনেতি কিমত্থং? সা অয্যা.
সীতি কিমত্থং? ভোতিযো অয্যাযো.
গইচ্চনেন ক্ৰত্থো? ঘতে চ.
ইৰণ্ণুৰণ্ণাইচ্চেতে ঝলসঞ্ঞা হোন্তি যথাসঙ্খ্যং.
ইসিনো ¶ , অগ্গিনো, গহপতিনো, দণ্ডিনো. সেতুনো, কেতুনো, ভিক্খুনো. সযম্ভুনো, অভিভুনো.
ঝলইচ্চনেন ক্ৰত্থো? ঝলতো সস্স নো ৰা.
তে ইৰণ্ণুৰণ্ণা যদা ইত্থিখ্যা, তদা পসঞ্ঞা হোন্তি.
রত্তিযা, ইত্থিযা, ধেনুযা, ৰধুযা.
ইত্থিখ্যাতি কিমত্থং? ইসিনা, ভিক্খুনা.
সইচ্চনেন ¶ ক্ৰত্থো? পতো যা.
আকারো যদা ইত্থিখ্যো, তদা ঘসঞ্ঞো হোতি.
সদ্ধায, কঞ্ঞায, ৰীণায, গঙ্গায, দিসায সালায, মালায, তুলায, দোলায, পভায, সোভায, পঞ্ঞায, করুণায নাৰায, কপালিকায.
আতি কিমত্থং? রত্তিযা, ইত্থিযা.
ইত্থিখ্যোতি কিমত্থং? সত্থারা দেসিতো অযং ধম্মো.
ঘইচ্চনেন ক্ৰত্থো? ঘতো নাদীনং.
সকারাগমো হোতি সে ৰিভত্তিম্হি.
পুরিসস্স, অগ্গিস্স, ইসিস্স, দণ্ডিস্স, ভিক্খুস্স, সযম্ভুস্স, অভিভুস্স.
সেতি কিমত্তং? পুরিসস্মিং.
সংসাসু একৰচনেসু ৰিভত্তাদেসেসু সকারাগমো হোতি.
এতিস্সং, এতিস্সা ইমিস্সং, ইমিস্সা, তিস্সং, তিস্সা,
তস্সং তস্সা, যস্সং, যস্সা, অমুস্সং, অমুস্সা.
সংসাস্ৰীতি কিমত্থং? অগ্গিনা, পাণিনা.
একৰচনেস্ৰীতি কিমত্থং? তাসং, সব্বাসং.
ৰিভত্তাদেসেস্ৰীতি কিমত্থং? মনসা, ৰচসা, থামসা.
এতাইমাইচ্চেতেসমন্তো সরো ইকারো হোতি সংসাসু একৰচনেসু ৰিভত্তাদেসেসু.
এতিস্সং, এতিস্সা, ইমিস্সং, ইমিস্সা.
সংসাস্ৰীতি ¶ কিমত্থং? এতায, ইমায.
একৰচনেস্ৰীতি কিমত্থং? এতাসং, ইমাসং.
তস্সা ইত্থিযং ৰত্তমানস্স অন্তস্স আকারস্স ইকারো হোতি ৰা সংসাসু একৰচনেসু ৰিভত্তাদেসেসু.
তিস্সং, তিস্সা, তস্সং, তস্সা.
ততো তা এতা ইমাতো সস্স ৰিভত্তিস্স স্সাযাদেসো হোতি ৰা.
তিস্সায, এতিস্সায, ইমিস্সায.
ৰাতি কিমত্থং? তিস্সা, এতিস্সা, ইমিস্সা.
ঘো রস্সমাপজ্জতে সংসাসু একৰচনেসু ৰিভত্তাদেসেসু.
তস্সং, তস্সা, যস্সং, যস্সা, সব্বস্সং, সব্বস্সা.
সংসাস্ৰীতি কিমত্থং? তায, সব্বায.
একৰচনেস্ৰীতি কিমত্থং? তাসং, সব্বাসং.
৬৭, ২২৯. নো ¶ চ দ্ৰাদিতো নংম্হি.
দ্ৰিইচ্চেৰমাদিতো সঙ্খ্যাতো নকারাগমো হোতি নংম্হি ৰিভত্তিম্হি.
দ্ৰিন্নং, তিন্নং, চতুন্নং, পঞ্চন্নং, ছন্নং, সত্তন্নং, অট্ঠন্নং, নৰন্নং, দসন্নং.
দ্ৰাদিতোতি কিমত্থং? সহস্সানং.
নংম্হীতি কিমত্থং? দ্ৰীসু, তীসু.
চগ্গহণেনস্সঞ্চাগমো হোতি. চতস্সন্নং ইত্থীনং তিস্সন্নং ৰেদনানং.
৬৮, ১৮৪. অমা পতো স্মিংস্মানং ৰা.
পইচ্চেতস্মা স্মিংস্মাইচ্চেতেসং অংআআদেসা হোন্তি ৰা যথাসঙ্খ্যং.
মত্যং, মতিযং, মত্যা, মতিযা, নিকত্যং. নিকতিযং, নিকত্যা, নিকতিযা, ৰিকত্যং, ৰিকতিযং, ৰিকত্যা, ৰিকতিযা, ৰিরত্যং, ৰিরতিযং, ৰিরত্যা, ৰিরতিযা, রত্যং, রতিযং, রত্যা, রতিযা, পুথব্যং, পুথৰিযং, পুথব্যা, পুথৰিযা, পৰত্যং, পৰত্যা, পৰত্তিযং, পৰত্তিযা.
আদিইচ্চেতস্মা স্মিংৰচনস্স অংওআদেসা হোন্তি ৰা.
আদীং ¶ , আদো.
ৰাতি কিমত্থং? আদিস্মিং, আদিম্হি নাথং নমস্সিত্ৰান,
চগ্গহণেন অঞ্ঞস্মাপি স্মিং ৰচনস্স আ ও অংআদেসা হোন্তি. দিৰা চ রত্তো চ হরন্তি যে বলি. বারাণসিং অহু রাজা.
ঝলইচ্চেতেসং ইয উৰইচ্চেতে আদেসা হোন্তি ৰা সরে পরে যথাসঙ্খ্যং.
তিযন্তং পচ্ছিযাগারে, অগ্গিযাগারে, ভিক্খুৰাসনে নিসীদতি, ৰুথুৰাসনে নিসীদতি.
সরেতি কিমত্থং? তিমলং, তিফলং, তিচতুক্কং, তিদণ্ডং, তিলোকং, তিনযনং, তিপাসং, তিহংসং, তিভৰং, তিখন্ধং, তিপিটকং, তিৰেদনং, চতুদ্দিসং, পুথুভূতং.
ৰাতি কিমত্থং? পঞ্চহঙ্গেহি তীহাকারেহি. চক্খাযতনং.
ৰাতি ৰিকপ্পনত্থং, ইকারস্স অযাদেসো হোতি, ৰত্থুত্তযং.
ঝলানং যকার ৰকারাদেসা হোন্তি সরে পরে যথাসঙ্খ্যং.
অগ্যাগারং ¶ , পক্খাযতনং, স্ৰাগতং, তে মহাৰীর.
চগ্গহণং সম্পিণ্ডনত্থং.
পসঞ্ঞস্স চ ইৰণ্ণস্স ৰিভত্তাদেসে সরে পরে যকারাদেসো হোতি.
পুথব্যা, রত্যা, মত্যা.
সরেতি কিমত্থং? পুথৰিযং.
গোইচ্চেতস্স ওকারস্স আৰাদেসো হোতি সে ৰিভত্তিম্হি.
গাৰস্স.
গোইচ্চেতস্স ওকারস্স আৰাদেসো হোতি যোইচ্চেতেসু পরেসু.
গাৰো গচ্ছন্তি, গাৰো পস্সন্তি, গাৰী গচ্ছন্তি, গাৰী পস্সন্তি.
চগ্গহণং কিমত্থং? নাস্মাস্মিংসু ৰচনেসু আৰা দেসো হোতি.
গাৰেন, গাৰা, গাৰে, গাৰেসু.
৭৫, ১৭০. অৰম্হি ¶ চ.
গোইচ্চেতস্স ওকারস্স আৰঅৰইচ্চেতে আদেসা হোন্তি অংম্হি ৰিভত্তিম্হি.
গাৰং, গৰং.
চগ্গহণেন সাদিসেসেসু পুব্বুত্তৰচনেসু গোইচ্চেতস্স ওকারস্স অৰাদেসো হোতি.
গৰস্স, গৰো, গৰেন, গৰা, গৰে, গৰেসু.
আৰইচ্চেতস্স গাৰাদেসস্স অন্ত সরস্স উকারাদেসো হোতি ৰা অংম্হি ৰিভত্তিম্হি.
গাৰুং, গাৰং.
আৰস্সেতি কিমত্থং? গাৰো তিট্ঠন্তি.
৭৭, ১৭৫. ততো নমং পতিম্হা লুত্তে চ সমাসে.
ততো গোসদ্দতো নংৰচনস্স অংআদেসো হোতি, গোইচ্চেতস্স ওকারস্স অৰাদেসো হোতি পতিম্হি পরে অলুত্তে চ সমাসে.
গৰপতি.
অলুত্তেতি ¶ কিমত্থং? গোপতি.
চগ্গহণেন অসমাসেপি নংৰচনস্স অংআদেসো হোতি, গোইচ্চেতস্স ওকারস্স অৰাদেসো হোতি.
গৰং.
গোইচ্চেতস্স ওকারস্স অৰাদেসো হোতি সমাসে চ সরে পরে.
গৰস্সকং, গৰেল়কং, গৰাজিনং.
চগ্গহণেন উৰণ্ণইচ্চেৰমন্তানং লিঙ্গানং উৰঅৰউরাদেসা হোন্তি স্মিংযোইচ্চেতেসু ক্ৰচি.
ভুৰি, পসৰো, গুরৰো, চতুরো.
সরেতি কিমত্থং? গোধনো, গোৰিন্দো.
৭৯, ৪৬. তব্বিপরীতূপপদে ব্যঞ্জনে চ.
তস্স অৰসদ্দস্স যদা উপপদে তিট্ঠমানস্স তস্স ওকারস্স ৰিপরীতো হোতি ব্যঞ্জনে পরে.
উগ্গতে সূরিযে, উগ্গচ্ছতি, উগ্গহেত্ৰা.
চগ্গহণমৰধারণত্থং. অৰসানে, অৰকিরণে, অৰকিরতি.
৮০, ১৭৩. গোণ ¶ নংম্হি ৰা.
সব্বস্সেৰ গোসদ্দস্স গোণাদেসো হোতি ৰা নংম্হি ৰিভত্তিম্হি.
গোণানং সত্তন্নং.
ৰাতি কিমত্থং?
গোনঞ্চে তরমানানং, উজুং গচ্ছতি পুঙ্গৰো.
সব্বা গাৰী উজুং যন্তি, নেত্তে উজুং গতে সতি.
যোগৰিভাগেন অঞ্ঞত্রাপি গোণাদেসো হোতি. গোণভূতানং.
সুহিনাইচ্চেতেসু সব্বস্স গোসদ্দস্স গোণাদেসো হোতি ৰা.
গোণেসু, গোণেহি, গোণেভি, গোণেন.
ৰাতি কিমত্থং? গোসু, গোহি, গোভি, গৰেন.
চগ্গহণেন স্যাদিসেসেসু পুব্বুত্তরৰচনেসুপি গোণ গু গৰযাদেসা হোন্তি. গোণো, গোণা, গোণং, গোণে, গোণস্স, গোণম্হা. গোণম্হি, গুন্নং, গৰযেহি, গৰযেভি.
৮২, ১৪৯. অংমো ¶ নিগ্গহিতং ঝলপেহি.
অংৰচনস্স মকারস্স চ ঝলপইচ্চেতেহি নিগ্গহিতং হোতি
অগ্গিং, ইসিং, গহপতিং, দণ্ডিং, মহেসিং, ভিক্খুং, পটুং, সযম্ভুং, অভিভুং, রত্তিং, ইত্থিং, ৰধুং, পুল্লিঙ্গং, পুম্ভাৰো, পুঙ্কোকিলো.
অংমোতি কিমত্থং? অগ্গিনা, পাণিনা, ভিক্খুনা, রত্তিযা, ইত্থিযা, ৰধুযা.
ঝলপেহীতি কিমত্থং? সুখং, দুক্খং.
পুনারম্ভ হণং ৰিভাসানিৰত্তনত্থং. অগ্গিং, পটুং, বুদ্ধিং, ৰধুং.
৮৩, ৬৭. সরলোপো’ মাদেস পচ্চযাদিম্হি সরলোপে তু পকতি.
সরলোপো হোতি অমাদেসপচ্চযাদিম্হি সর লোপে তু পকতি হোতি.
পুরিসং, পুরিসে, পাপং, পাপে, পাপিযো, পাপিট্ঠো.
অমাদেসপচ্চযাদিম্হীতি কি ত্থং? অপ্পমাদো অমতং পদং.
সরলোপেতি কিমত্থং? পুরিসস্স, দণ্ডিনং.
তুগ্গহণমৰধারণত্থং. ভিক্খুনী, গহপতানী.
পকতিগ্গহণসামত্থেন ¶ পুন সন্ধিভাৰো চ হোতি. সেয্যো, সেট্ঠো, জেয্যো, জেট্ঠো.
৮৪, ১৪৪. অঘোরস্সমেকৰচনযোস্ৰপি চ.
অঘো সরো রস্সমাপজ্জতে একৰচনযোইচ্চেতেসু.
ইত্থিং, ইত্থিযো, ইত্থিযা. ৰধুং, ৰধুযো, ৰধুযা. দণ্ডিং, দণ্ডিনো, দণ্ডিনা. সযম্ভুং, সযম্ভুৰো, সযম্ভুনা.
অঘোতি কিমত্থং? কঞ্ঞং, কঞ্ঞাযো, কঞ্ঞায.
একৰচনযোস্ৰীতি কিমত্থং? ইত্থীহি, সযম্ভূহি.
চগ্গহণমৰধারণত্থং. নদিং, নদিযো, নদিযা.
অপিগ্গহণেন ন রস্সমাপজ্জতে. ইত্থী, ভিক্খুনী.
সিস্মিং অনপুংসকানি লিঙ্গানি ন রস্সমাপজ্জন্তে. ইত্থী, ভিক্খুনী, ৰধূ, দণ্ডী, সযম্ভূ.
সিস্মিংন্তি কিমত্থং? ভোতি ইত্থি, ভোতি ৰধু, ভো দণ্ডি, ভো সযম্ভু.
অনপুংসকানীতি ¶ কিমত্থং? সুখকারি দানং, সুখকারি সীলং, সীঘযাযি চিত্তং.
উভইচ্চেৰমাদিতো সঙ্খ্যাতো নংৰচনস্স ইন্নং হোতি.
উভিন্নং, দুৰিন্নং.
উভাদিতোতি কিমত্থং? উভযেসং.
৮৭, ২৩১. ইণ্ণমিণ্ণন্নং তীহি সঙ্খ্যাহি.
নংৰচনস্স ইণ্ণং ইণ্ণন্নং ইচ্চেতে আদেসা হোন্তি তীহি সঙ্খ্যাহি.
তিণ্ণং, তিণ্ণন্নং.
তীহীতি কিমত্থং? দ্ৰিন্নং.
৮৮, ১৪৭. যোসু কতনিকারলোপেসু দীঘং.
সব্বে সরা যোসু কতনিকারলোপেসু দীঘমাপজ্জন্তে.
অগ্গী, ভিক্খূ, রত্তী, যাগূ, অট্ঠী, অট্ঠীনি, আযূ, আযূনি, সব্বানি, যানি, তানি, কানি, কতমানি, এতানি, অপূনি, ইমানি.
যোস্ৰীতি ¶ কিমত্থং? অগ্গি, ভিক্খু, রত্তি, যাগু, সব্বো, যো, সো, কো, অমুকো.
কতনিকারলোপেস্ৰীতি কিমত্থং? ইত্থিযো, ৰধুযো, সযম্ভুৰো.
পুনারম্ভগ্গহণং কিমত্থং? নিচ্চদীপনত্থং. অগ্গী, ভিক্খূ, রত্তী, যানি, তানি, কতমানি.
সুনংহিইচ্চেতেসু সব্বে সরা দীঘমাপজ্জন্তে.
অগ্গীসু, অগ্গীনং, অগ্গীহি, রত্তীসু, রত্তীনং, রত্তীহি. ভিক্খূসু, ভিক্খূনং, ভিক্খূহি. পুরিসানং.
এতেস্ৰীতী কিমত্থং? অগ্গিনা, পাণিনা, দণ্ডিনা.
চগ্গহণমৰধারণত্থং. সুখেত্তেসু ব্রহ্মচারিসু, ধম্মমক্খাসি ভগৰা ভিক্খুনং দত্ৰা সকেহি পাণিভি.
পঞ্চাদীনং সঙ্খ্যানং অন্তো অত্তমাপজ্জতে সুনংহিইচ্চেতেসু.
পঞ্চসু, পঞ্চন্নং, পঞ্চহি, ছসু, ছন্নং, ছহি, সত্তসু, সত্তন্নং, সত্তহি, অট্ঠসু, অট্ঠন্নং, অট্ঠহি, নৰসু, নৰন্নং, নৰহি, দসসু, দসন্নং, দসহি.
পঞ্চাদীনমীতি কিমত্থং? দ্ৰীসু, দ্ৰিন্নং, দ্ৰীহি.
অত্তমিতিভাৰনিদ্দেসো ¶ উভযস্সাগমনত্থং, অন্তো উকারো অত্তমাপজ্জতে. চতস্সন্নং ইত্থীনং. তিস্সন্নং ৰেদনানং.
পতিস্সন্তো অত্তমাপজ্জতে ইনীম্হি পচ্চযে পরে.
গহপতানী.
ইনীম্হীতি কিমত্থং? গহপতি.
ন্তুপচ্চযস্স অন্তো অত্তমাপজ্জতে সুনংহিযোইচ্চেতেসু পরেসু.
গুণৰন্তেসু, গুণৰন্তানং, গুণৰন্তেহি, গুণৰন্তা, গুণৰন্তে.
ন্তুস্সেতি কিমত্থং? ইসীনং.
এতেস্ৰীতি কিমত্থং? গুণৰা.
চগ্গহণেন অঞ্ঞেসু ৰচনেসু অত্তঞ্চ হোতি. গুণৰন্তস্মিং, গুণৰন্তেন.
অন্তগ্গহণেন ন্তুপচ্চযস্স অন্তো অত্তমাপজ্জতে, যোনঞ্চ ইকারো হোতি. গুণৰন্তি.
৯৩, ১০৬. সব্বস্স ¶ ৰা অংসেসু.
সব্বস্সেৰ ন্তুপচ্চযস্স অত্তং হোতি ৰা অংসইচ্চেতেসু.
সতিমং ভিক্খু, সতিমন্তং ভিক্খুং ৰা, বন্ধুমং রাজানং, বন্ধুমন্তং রাজানং ৰা, সতিমস্স ভিক্খুনো, সতিমতো ভিক্খুনো ৰা, বন্ধুমস্স রঞ্ঞো সুঙ্কং, বন্ধুমতো রঞ্ঞো ৰা সুঙ্কং দেতি.
এতেস্ৰীতি কিমত্থং? সতিমা ভিক্খু, বন্ধুমা রাজা.
ন্তুপচ্চযস্স অন্তস্স অত্তং হোতি ৰা সিম্হি ৰিভত্তিম্হি.
হিমৰন্তো পব্বতো.
ৰাতি কিমত্থং? হিমৰা পব্বতো.
৯৫, ১৪৫. অগ্গিস্সিনি ¶ .
অগ্গিস্সন্তস্স ইনি হোতি ৰা সিম্হি ৰিভত্তিম্হি.
পুরতো অগ্গিনি, পচ্ছতো অগ্গিনি, দক্খিণতো অগ্গিনি, ৰামতো অগ্গিনি.
ৰাতি কিমত্থং? অগ্গি.
যোসু অকতরস্সো ঝো অত্তমাপজ্জতে.
অগ্গযো মুনযো, ইসযো, গহপতযো.
যোস্ৰীতি কিমত্থং? অগ্গীসু.
অকতরস্সোতি কিমত্থং? দণ্ডিনো.
ঝোতি কিমত্থং? রত্তিযো.
ৰেৰোইচ্চেতেসু অকতরস্সো লো অত্তমাপজ্জতে.
ভিক্খৰে, ভিক্খৰো, হেতৰে, হেতৰো.
অকতরস্সোতি কিমত্থং? সযম্ভুৰো, ৰেস্সভুৰো, পরাভিভুৰো.
ৰেৰোস্ৰীতি কিমত্থং? হেতুনা, কেতুনা, সেতুনা.
চগ্গহণমনুকড্ঢনত্থং.
৯৮, ১৮৬. মাতুলাদীনমানত্তমীকারে.
মাতুলইচ্চেৰমাদীনং অন্তো আনত্তমাপজ্জতে ঈকারে পচ্চযে পরে.
মাতুলানী ¶ , অয্যকানী, ৰরুণানী.
ঈকারেতি কিমত্থং? ভিক্খুনী, রাজিনী, জালিনী, গহপতানী.
আনত্তগ্গহণেন নদীইচ্চেতস্স দীসদ্দস্স জ্জোজ্জা আদেসা হোন্তি সহ ৰিভত্তিযা যোনাসইচ্চেতেসু. নজ্জো সন্দন্তি, নজ্জা কতং তরঙ্গং, নজ্জা নেরঞ্জরায তীরে.
৯৯, ৮১. স্মাহিস্মিংনংম্হাভিম্হিৰা.
সব্বতো লিঙ্গতো স্মাহিস্মিং ইচ্চেতেসং ম্হাভিম্হিইচ্চেতে আদেসা হোন্তি ৰা যথাসঙ্খ্যং.
পুরিসম্হা, পুরিসস্মা, পুরিসেভি, পুরিসেহি, পুরিসম্হি, পুরিসস্মিং.
স্মাহিস্মিংনমিতি কিমত্থং? ৰণ্ণৰন্তং অগন্ধকং ৰিরুল়্হপুপ্ফং, মহন্তং ছত্তং মহাছত্তং, মহন্তং ধজং মহাধজং.
ত ইমইচ্চেতেহি কতাকারেহি স্মাস্মিং নংম্হাম্হিইচ্চেতে আদেসা নেৰ হোন্তি.
অস্মা ঠানা ভযং উপ্পজ্জতি, অস্মিং ঠানে ভযং তিট্ঠতি, অস্মা, অস্মিং.
কতাকারেহীতি ¶ কিমত্থং? তম্হা, তম্হি, ইমম্হা, ইমম্হি.
সুহিইচ্চেতেসু অকারো এত্তমাপজ্জতে.
সব্বেসু, যেসু, তেসু, কেসু, পুরিসেসু, ইমেসু, কুসলেসু, তুম্হেসু, অম্হেসু, সব্বেহি, যেহি, তেহি, কেহি, পুরিসেহি, ইমেহি, কুসলেহি, তুম্হেহি, অম্হেহি.
১০২, ২০২. সব্বনামানং নংম্হি চ.
সব্বেসং সব্বনামানং অন্তো অকারো এত্তমাপজ্জতে নংম্হি ৰিভত্তিম্হি.
সব্বেসং, সব্বেসানং, যেসং, যেসানং, তেসং, তেসানং, ইমেসং, ইমেসানং, কেসং, কেসানং, ইতরেসং, ইতরেসানং, কতমেসং, কতমেসানং. সব্বনামানমিতি কিমত্থং? বুদ্ধানং ভগৰন্তানং আচিণ্ণসমাচিণ্ণো.
অকারোতি কিমত্থং? অমূসং, অমূসানং.
নংম্হীতি কিমত্থং? সব্বে, ইমে.
চগ্গহণ মনুকড্ঢনত্থং.
১০৩, ৭৯. অতো ¶ নেন.
তস্মা অকারতো নাৰচনস্স এনাদেসো হোতি.
সব্বেন, যেন, তেন, কেন, অনেন, পুরিসেন, রূপেন.
অতোতি কিমত্থং? মুনিনা, অমুনা, ভিক্খুনা.
নাতি কিমত্থং? তস্মা.
তস্মা অকারতো সিৰচনস্স ওকারাদেসো হোতি.
সব্বো, যো, সো, কো, অমুকো, পুরিসো.
সীতি কিমত্থং? পুরিসানং.
অতোতি কিমত্থং? সযম্ভূ.
তস্মা অকারতো নাৰচনস্স সোআদেসো হোতি ৰা.
অত্থসো ধম্মং জানাতি, ব্যঞ্জনসো অত্থং জানাতি, অক্খরসো, সুত্তসো, পদসো, যসসো. উপাযসো, সব্বসো, থামসো, ঠানসো.
ৰাতি ¶ কিমত্থং? পাদেন ৰা পাদারহেন ৰা অতিরেকপাদেন ৰা যো ভিক্খু থেয্যচিত্তেন পরস্স ভণ্ডং গণ্হাতি, সো ভিক্খু পারাজিকো হোতি অসংৰাসো.
দীঘওরইচ্চেতেহি স্মাৰচনস্স সোআদেসো হোতি ৰা.
দীঘসো, ওরসো, দীঘম্হা, ওরম্হা.
দীঘোরেহিতি কিমত্থং? সরম্হা, ৰচনম্হা.
তস্মা অকারতো সব্বেসং যোনীনংআএ আদেসা হোন্তি ৰা যথাসঙ্খ্যং.
পুরিসা, পুরিসে, রূপা, রূপে.
ৰাতি কিমত্থং? অগ্গযো, মুনযো, ইসযো.
যোনীনন্তি কিমত্থং? পুরিসস্স, রূপস্স.
অকারতোতি কিমত্থং? দণ্ডিনো, অট্ঠীনি, অগ্গী পজ্জলন্তি, মুনী চরন্তি.
তস্মা অকারতো সব্বেসং স্মাস্মিংইচ্চেতেসং আ এ আদেসা হোন্তি ৰা যথাসঙ্খ্যং.
পুরিসা ¶ , পুরিসস্মা, পুরিসে, পুরিসস্মিং.
অকারতোতি কিমত্থং? দণ্ডিনা, দণ্ডিস্মিং, ভিক্খুনা, ভিক্খুস্মিং.
১০৯, ৩০৪. আয চতুত্থেকৰচনস্সতু.
তস্মা অকারতো চতুত্থেকৰচনস্স আযাদেসো হোতি ৰা.
অত্থায হিতায সুখায দেৰমনুস্সানং বুদ্ধো লোকে উপ্পজ্জতি.
অতোতি কিমত্থং? ইসিস্স.
চতুত্থীতি কিমত্থং? পুরিসস্স মুখং.
একৰচনস্সেতি কিমত্থং? পুরিসানং দদাতি.
ৰাতি কিমত্থং? দাতা হোতি সমণস্স ৰা ব্রাহ্মণস্স ৰা.
তুগ্গহণেনত্থঞ্চ হোতি. অত্থত্থং, হিতত্থং, সুখত্থং.
১১০, ২০১. তযো নেৰ চ সব্বনামেহি.
তেহি সব্বনামেহি অকারন্তেহি স্মাস্মিং সইচ্চেতেসং তযো আ এ আযাদেসা নেৰ হোন্তি.
সব্বস্মা ¶ , সব্বস্মিং, সব্বস্স. যস্মা, যস্মিং, যস্স. তস্মা, তস্মিং, তস্স. কস্মা, কস্মিং, কস্স. ইমস্মা, ইমস্মিং, ইমস্স.
সব্বনামেহীতি কিমত্থং? পাপা, পাপে, পাপায.
চগ্গহণমনুকড্ঢনত্থং.
তস্মা ঘতো নাদীনমেকৰচনানং ৰিভত্তিগণানং আযাদেসো হোতি.
কঞ্ঞায কতং কম্মং, কঞ্ঞায দীযতে, কঞ্ঞায নিস্সটং ৰত্থং. কঞ্ঞায পরিগ্গহো, কঞ্ঞায পতিট্ঠিতং সীলং.
ঘতোতি কিমত্থং? রত্তিযা, ইত্থিযা, ধেনুযা, ৰধুযা.
নাদীনমিতি কিমত্থং? কঞ্ঞং পস্সতি, ৰিজ্জং, ৰীণং, গঙ্গং.
একৰচনানমিতি কিমত্থং? সব্বাসু, যাসু, তাসু, কাসু, ইমাসু, পভাসু.
তস্মা পতো নাদীনমেকৰচনানং ৰিভত্তিগণানং যাআদেসো হোতি.
রত্তিযা ¶ , ইত্থিযা, দেৰিযা, ধেনুযা, যাগুযা, ৰধুযা.
নাদীনমিতি কিমত্থং? রত্তী, রত্তিং, ইত্থী, ইত্থিং.
পতোতি কিমত্থং? কঞ্ঞায, ৰীণায, গঙ্গায, পভায, সোভায.
একৰচনানমিতি কিমত্থং? রত্তীনং, ইত্থীনং.
তস্মা সখতো গস্স অকার আকার ইকার ঈকার একারাদেসা হোন্তি ৰা.
ভো সখ, ভো সখা, ভো সখি, ভো সখী, ভো সখে.
তস্মা ঘতো গস্স একারাদেসো হোতি.
ভোতি অয্যে, ভোতি কঞ্ঞে, ভোতি খরাদিযে.
চগ্গহণমৰধারণত্থং, সন্নিট্ঠানং.
ততো অম্মাদিতো গস্স একারত্তং ন হোতি.
ভোতি ¶ অম্মা, ভোতি অন্না, ভোতি অম্বা, ভোতি তাতা.
অম্মাদিতোতি কিমত্থং? ভোতি কঞ্ঞে.
১১৬, ১৫৭. অকতরস্সা লতো য্ৰালপনস্স ৰেৰো.
তস্মা অকতরস্সা লতো য্ৰালপনস্স ৰেৰোআদেসা হোন্তি.
ভিক্খৰে, ভিক্খৰো, হেতৰে, হেতৰো.
অকতরস্সাতি কিমত্থং? সযম্ভুৰো.
লতোতি কিমত্থং? নাগিযো, ধেনুযো, যাগুযো.
আলপনস্সেতি কিমত্থং? তে হেতৰো, তে ভিক্খৰো.
তস্মা ঝলতো সস্স ৰিভত্তিস্স নো আদেসো হোতি ৰা.
অগ্গিনো, অগ্গিস্স, সখিনো, সখিস্স, দণ্ডিনো, দণ্ডিস্স, ভিক্খুনো, ভিক্খুস্স, সযম্ভুনো, সযম্ভুস্স.
সস্সেতি কিমত্থং? ইসিনা, ভিক্খুনা.
ঝলতোতি কিমত্থং? পুরিসস্স.
১১৮, ১৪৬. ঘপতো ¶ চ যোনং লোপো.
তেহি ঘপঝলইচ্চেতেহি যোনং লোপো হোতি ৰা.
কঞ্ঞা, কঞ্ঞাযো. রত্তী, রত্তিযো, ইত্থী, ইত্থিযো, যাগূ, যাগুযো, ৰধূ, ৰধুযো. অগ্গী, অগ্গযো. ভিক্খূ, ভিক্খৰো. সযম্ভূ, সযম্ভুৰো. অট্ঠী, অট্ঠীনি, আযূ, আযূনি.
চগ্গহণমনুকড্ঢনত্থং.
তস্মা লতো যোনং ৰোকারো হোতি ৰা.
ভিক্খৰো, ভিক্খূ, সযম্ভুৰো, সযম্ভূ.
কারগ্গহণং কিমত্থং? যোনং নো চ হোতি. জন্তুনো.
চগ্গহণমৰধারণত্থং, অমূ পুরিসা তিট্ঠন্তি, অমূ পুরিসে পস্সথ.
ইতি নামকপ্পে পঠমো কণ্ডো.
দুতিযকণ্ড
১২০, ২৪৩. অম্হস্স মমং সপিভত্তিস্স সে.
সব্বস্সেৰ অম্হসদ্দস্স সৰিভত্তিস্স মমং আদেসো হোতি সে ৰিভত্তিম্হি.
মমং ¶ দীযতে পুরিসেন, মমং পরিগ্গহো.
সব্বস্সেৰ অম্হসদ্দস্স সৰিভত্তিস্স মযংআদেসো হোতি যোম্হি পঠমে.
মযং গচ্ছাম, মযং দেম.
অম্হস্সেতি কিমত্থং? পুরিসা তিট্ঠন্তি.
যোম্হীতি কিমত্থং? অহং গচ্ছামি.
পঠমেতি কিমত্থং? অম্হাকং পস্সসি ত্ৰং.
সব্বস্সেৰ ন্তুপচ্চযস্স সৰিভত্তিস্স ন্তোআদেসো হোতি যোম্হি পঠমে.
গুণৰন্তো তিট্ঠন্তি.
ন্তুস্সেতি কিমত্থং? সব্বে সত্তা গচ্ছন্তি.
পঠমেতি কিমত্থং? গুণৰন্তে পস্সন্তি জনা.
সব্বস্সেৰ ন্তুপচ্চযস্স সৰিভত্তিস্স ন্তস্সাদেসো হোতি ৰা সে ৰিভত্তিম্হি.
সীলৰন্তস্স ঝাযিনো, সীলৰতো ঝাযিনো ৰা.
সেতি কিমত্থং? সীলৰা তিট্ঠতি.
১২৪, ৯৮. আ ¶ সিম্হি.
সব্বস্সেৰন্তুপচ্চযস্স সৰিভত্তিস্স আআদেসো হোতি সিম্হি ৰিভত্তিম্হি.
গুণৰা, পঞ্ঞৰা, সীলৰা, বলৰা, ধনৰা, মতিমা, সতিমা, ধিতিমা.
ন্তুস্সেতি কিমত্থং? পুরিসো তিট্ঠতি.
সিম্হীতি কিমত্থং? সীলৰন্তো তিট্ঠন্তি.
সব্বস্সেৰ ন্তুপচ্চযস্স সৰিভত্তিস্স অংআদেসো হোতি সিম্হি ৰিভত্তিম্হি নপুংসকে ৰত্তমানস্স.
গুণৰং চিত্তং তিট্ঠতি, রুচিমং পুপ্ফং ৰিরোচতি.
সিম্হিতি কিমত্থং? ৰণ্ণৰন্তং অগন্ধকং ৰিরূল়্হপুপ্ফং পস্সসি ত্ৰং.
সব্বস্সেৰ ন্তুপচ্চযস্স সৰিভত্তিস্স অং অৰণ্ণা চ হোন্তি গে পরে.
ভো গুণৰং, ভো গুণৰ, ভো গুণৰা.
চগ্গহণমনুকড্ঢনত্থং.
১২৭, ১০২. তো ¶ তি তা স স্মিং নাসু.
সব্বস্সেৰ ন্তুপচ্চযস্স সৰিভত্তিস্স তোতিতাআদেসা হোন্তি ৰা সস্মিং নাইচ্চেতেসু যথাসঙ্খ্যং.
গুণৰতো, গুণৰন্তস্স, গুণৰতি, গুণৰন্তস্মিং, গুণৰতা, গুণৰন্তেন, সতিমতো, সতিমন্তস্স, সতিমতি, সতিমন্তস্মিং, সতিমতা, সতিমন্তেন.
এতেস্ৰীতি কিমত্থং? গুণৰা. সতিমা.
সব্বস্সেৰ ন্তুপচ্চযস্স সৰিভত্তিস্স তংআদেসো হোতি ৰা নংম্হি ৰিভত্তিম্হি.
গুণৰতং, গুণৰন্তানং, সতিমতং, সতিমন্তানং.
নংম্হীতি কিমত্থং? গুণৰন্তো তিট্ঠন্তি, সতিমন্তো তিট্ঠন্তি.
১২৯, ২২২. ইমস্সিদমংসিসু নপুংসকে.
সব্বস্সেৰ ইমসদ্দস্স সৰিভত্তিস্স ইদংআদেসো হোতি ৰা অংসিসু নপুংসকে ৰত্তমানস্স.
ইদং চিত্তং পস্সসি, ইদং চিত্তং তিট্ঠতি, ইমং চিত্তং পস্সসি. ইমং চিত্তং তিট্ঠতি.
নথুংসকেতি ¶ কিমত্থং? ইমং পুরিসং পস্সসি. অযং পুরিসো তিট্ঠতি.
সব্বস্সেৰ অমুসদ্দস্স সৰিভত্তিস্স অদুংআদেসো হোতি অংসিসু নপুংসকে ৰত্তমানস্স.
অদুং পুপ্ফং পস্সসি, অদুং পুপ্ফং ৰিরোচতি.
নপুংসকেতি কিমত্থং? অমুং রাজানং পস্সসি, অসু রাজা তিট্ঠতি.
১৩১, ০. ইত্থিপুমনপুংসকসঙ্খ্যং.
‘‘ইত্থিপুমনপুংসকসঙ্খ্যং’’ ইচ্চেতং অধিকারত্থং ৰেদিতব্বং.
১৩২, ২২৮. যোসু দ্ৰিন্নং দ্ৰে চ.
দ্ৰিন্নং সঙ্খ্যানং ইত্থিপুমনপুংসকে ৰত্তমানানং সৰিভত্তীনং দ্ৰে হোতি যোইচ্চেতেসু.
দ্ৰে ইত্থিযো, দ্ৰে ধম্মা. দ্ৰে রূপানি.
যোস্ৰীতি কিমত্থং? দ্ৰীসু.
চগ্গহণেন দুৰে দ্ৰয উভ উভয দুৰি চ হোন্তি যোনাঅনমিচ্চেতেসু. দুৰে সমণা. দুৰে ব্রাহ্মণা ¶ , দুৰে জনা, দ্ৰযেন, দ্ৰযং, উভিন্নং, উভযেসং দুৰিন্নং.
১৩৩, ২৩০. তি চতুন্নং তিস্সো চতস্সো তযো চত্তারো তীণি চত্তারি.
তিচতুন্নং সঙ্খ্যানং ইত্থিপুমনপুংসকে ৰত্তমানানং সৰিভত্তীনং তিস্সো চতস্সো তযো চত্তারো তীণি চত্তারিইচ্চেতে আদেসা হোন্তি যথাসঙ্খ্যং যোইচ্চেতেসু.
তিস্সো ৰেদনা চতস্সো দিসা, তযো জনা, জনে, চত্তারো পুরিসা, পুরিসে, তীণি আযতনানি, চত্তারি অরিযসচ্চানি.
যোস্ৰীতি কিমত্থং? তীসু, চতূসু.
পঞ্চাদীনং সঙ্খ্যানং ইত্থিপুমনপুংসকে ৰত্তমানানং সৰিভত্তিস্স অন্তস্স সরস্স অকারো হোতি যোইচ্চেতেসু.
পঞ্চ, পঞ্চ, ছ, ছ, সত্ত, সত্ত, অট্ঠ, অট্ঠ, নৰ, নৰ, দস, দস.
পঞ্চাদীনমিতি কিমত্থং? দ্ৰে, তযো.
১৩৫, ১১৮. রাজস্স ¶ রঞ্ঞো রাজিনো সে.
সব্বস্সেৰ রাজসদ্দস্স সৰিভত্তিস্স রঞ্ঞো রাজিনোইচ্চেতে আদেসা হোন্তি সে ৰিভত্তিম্হি.
রঞ্ঞো, রাজিনো.
সেতি কিমত্থং? রঞ্ঞা.
সব্বস্সেৰ রাজসদ্দস্স সৰিভত্তিস্স রঞ্ঞংআদেসো হোতি ৰা নংম্হি ৰিভত্তিম্হি.
রঞ্ঞং, রাজূনং ইদং রট্ঠং.
সব্বস্সেৰ রাজসদ্দস্স সৰিভত্তিস্স রঞ্ঞাআদেসো হোতি ৰা নাম্হি ৰিভত্তিম্হি.
তেন রঞ্ঞা কতং. রাজেন ৰা কতং.
নাম্হীতি কিমত্থং? রঞ্ঞো সন্তকং.
১৩৮, ১২১. স্মিংম্হি রঞ্ঞে রাজিনি.
সব্বস্সেৰ রাজসদ্দস্স সৰিভত্তিস্স রঞ্ঞেরাজিনিইচ্চেতে আদেসা হোন্তি স্মিংম্হিৰিভত্তিম্হি.
রঞ্ঞে, রাজিনি সীলং তিট্ঠতি.
১৩৯, ২৪৫. তুম্হাকং ¶ তযিমযি.
সব্বেসং তুম্হ অম্হ সদ্দানং সৰিভত্তীনং তযি মযিইচ্চেতে আদেসো হোন্তি যথাসঙ্খ্যং স্মিংম্হি ৰিভত্তিম্হি.
তযি, মযি.
স্মিংম্হীতি কিমত্থং? ত্ৰং ভৰসি, অহং ভৰামি.
সব্বেসং তুম্হ অম্হসদ্দানং সৰিভত্তীনং ত্ৰং অহংইচ্চেতে আদেসা হোন্তি যথাসঙ্খ্যং সিম্হি ৰিভত্তিম্হি.
ত্ৰং, অহং.
সিম্হিতি কিমত্থং? তযি, মযি.
চগ্গহণেন তুৰং চ হোতি. তুৰং সত্থা.
সব্বেসং তুম্হ অম্হসদ্দানং সৰিভত্তীনং তৰমমইচ্চেতে আদেসা হোন্তি যথাসঙ্খ্যং সে ৰিভত্তিম্হি.
তৰ, মম.
সেতি কিমত্থং? তযি, মযি.
১৪২, ২৪২. তুয্হং ¶ ময্হঞ্চ.
সব্বেসং তুম্হ অম্হসদ্দানং সৰিভত্তীনং তুয্হং ময্হংইচ্চেতে আদেসা হোন্তি যথাসঙ্খ্যং সে ৰিভত্তিম্হি.
তুয্হং, ময্হং ধনং দীযতে.
সেতি কিমত্থং? তযা, মযা.
সব্বেসং তুম্হ অম্হসদ্দানং সৰিভত্তীনং তং মইচ্চেতে আদেসা হোন্তি যথাসঙ্খ্যং অংম্হি ৰিভত্তিম্হি.
তং, মং.
অংম্হীতি কিমত্থং? তযা মযা.
সব্বেসং তুম্হ অম্হসদ্দানং সৰিভত্তীনং তৰং মমংইচ্চেতে আদেসা হোন্তি নৰা যথাসঙ্খ্যং অংম্হি ৰিভত্তিম্হি.
তৰং, মমং পস্সতি.
নৰাতি কিমত্থং? তং, মং পস্সতি.
চগ্গহণমনুকড্ঢনত্থং.
সব্বেসং তুম্হ অম্হসদ্দানং সৰিভত্তীনং তযা মযাইচ্চেতে আদেসা হোন্তি যথাসঙ্খ্যং নাম্হি ৰিভত্তিম্হি.
তযা ¶ , মযা কতং.
নাম্হিতি কিমত্থং? তুম্হেহি, অম্হেহি.
১৪৬, ২৩৬. তুম্হস্স তুৰং ত্ৰমংম্হি.
সব্বস্স তুম্হসদ্দস্স সৰিভত্তিস্স তুৰং ত্ৰং ইচ্চেতে আদেসা হোন্তি অংম্হি ৰিভত্তিম্হি.
কলিঙ্গরস্স তুৰং মঞ্ঞে, কট্ঠস্স ত্ৰং মঞ্ঞে.
১৪৭, ২৪৬. পদতো দুতিযা চতুত্থী ছট্ঠীসু ৰোনো.
সব্বেসং তুম্হঅম্হসদ্দানং সৰিভত্তীনং যদা পদস্মা পরেসং ৰো নোআদেসা হোন্তি নৰা যথাসঙ্খ্যং দুতিযা চতুত্থীছট্ঠীইচ্চেতেসু বহুৰচনেসু.
পহায ৰো ভিক্খৰে গমিস্সামি, মা নো অজ্জ ৰিকন্তিংসু, রঞ্ঞো সূদা মহানসে, এৰং দুতিযত্থে.
ধম্মং ৰো ভিক্খৰে দেসেস্সামি, সংৰিভজেথ নো রজ্জেন, এৰং চতুত্থ্যত্থে.
তুট্ঠোস্মি ৰো ভিক্খৰে পকতিযা, সত্থা নো ভগৰা অনুপ্পত্তো, এৰং ছট্ঠ্যত্থে.
নৰাতি ¶ কিমত্থং? এসো অম্হাকং সত্থা.
তুম্হম্হাকমিতি কিমত্থং? এতে ইসযো পস্সসি.
পদতোতি কিমত্থং? তুম্হাকং সত্থা.
এতেস্ৰীতি কিমত্থং? গচ্ছথ তুম্হে.
সব্বেসং তুম্হ অম্হসদ্দানং সৰিভত্তীনং যদা পদস্মা পরেসং তে মে আদেসা হোন্তি যথাসঙ্খ্যং চতুত্থীছট্ঠীইচ্চেতেসু একৰচনেসু.
দদামি তে গামৰরানি পঞ্চ, দদাহি মে গামৰরং, ইদং তে রট্ঠং, অযং মে পুত্তো.
পদতোতি কিমত্থং? তৰ ঞাতি, মম ঞাতি.
সব্বেসং তুম্হ অম্হসদ্দানং সৰিভত্তীনং যদা পদস্মা পরেসং তে মেআদেসা ন হোন্তি অংম্হি ৰিভত্তিম্হি.
পস্সেয্য তং ৰস্সসতং অরোগং, সো মং ব্রৰীতি.
১৫০, ২৪৯. ৰা ¶ ততিযে চ.
সব্বেসং তুম্হঅম্হসদ্দানং সৰিভত্তীনং যদা পদস্মা পরেসং তেমেআদেসা হোন্তি ৰা যথাসঙ্খ্যং ততিযেকৰচনে পরে.
কতং তে পাপং, কতং মে পাপং, কতং তযা পাপং, কতং মযা পাপং.
পদতোতি কিমত্থং? তযা কতং, মযা কতং.
সব্বেসং তুম্হঅম্হসদ্দানং সৰিভত্তীনং যদা পদস্মা পরেসং ৰোনোআদেসা হোন্তি যথাসঙ্খ্যং ততিযাবহুৰচনেসু পরেসু.
কতং ৰো কম্মং, কতং নো কম্মং.
পদতোতি কিমত্থং? তুম্হেহি কতং, অম্হেহি কতং.
বহুৰচনগ্গহণেন যোম্হি পঠমে ৰো নোআদেসা হোন্তি. গামং ৰো গচ্ছেয্যাথ, গামং নো গচ্ছেয্যাম.
পুমইচ্চেৰমন্তস্স সৰিভত্তিস্স আআদেসো হোতি সিম্হি ৰিভত্তিম্হি.
পুমা ¶ তিট্ঠতি.
সিম্হীতি কিমত্থং? পুমানো তিট্ঠন্তি.
অন্তগ্গহণেন মঘৰ যুৰইচ্চেৰমাদীনমন্তস্সসৰিভত্তিস্স আআদেসো হোতি. মঘৰা, যুৰা.
পুমইচ্চেৰমন্তস্স সৰিভত্তিস্স অংআদেসো হোতি আলপনেকৰচনে পরে.
হে পুমং.
আলপনেতি কিমত্থং? পুমা.
একৰচনেতি কিমত্থং? হে পুমানো.
পুমইচ্চেৰমন্তস্স সমাসে চ অংআদেসো হোতি ৰিভাসা সমাসে কতে.
ইত্থী চ পুমা চ নপুংসকং চ ইত্থিপুমনপুংসকানি. ইত্থিপুমনপুংসকানং সমূহো ইত্থিপুমনপুংসকসমূহো.
ৰিভাসাতি কিমত্থং? ইত্থিপুমনপুংসকানি.
১৫৫, ১৩৭. যোস্ৰানো ¶ .
পুমইচ্চেৰমন্তস্স সৰিভত্তিস্স আনোআদেসো হোতি যোসু ৰিভত্তীসু.
পুমানো, হে পুমানো.
যোস্ৰীতি কিমত্থং? পুমা.
পুমইচ্চেৰমন্তস্স সৰিভত্তিস্স আনে আদেসো হোতি ৰা স্মিংম্হি ৰিভত্তিম্হি.
পুমানে, পুমে ৰা.
পুমইচ্চেৰমন্তস্স হিৰিভত্তিম্হি চ আনেআদেসো হোতি.
পুমানেহি, পুমানেভি.
পুন ৰিভত্তিগ্গহণং কিমত্থং? সৰিভত্তিগ্গহণনিৰত্তনত্থং. পুমানেহি.
চগ্গহণেন মঘৰ যুৰইচ্চেৰমাদীনমন্তস্স আনআদেসো হোতি সি যো অংযো ইচ্চেতেসু ৰিভত্তীসু, পুমকম্মথামন্তস্স চুকারো হোতি সস্মা সু ৰিভত্তীসু. মঘৰানো, মঘৰানা. মঘৰানং, মঘৰানে ¶ . যুৰানো, যুৰানা, যুৰানং, যুৰানে, পুমুনো, পুমুনা. কম্মুনো, কম্মুনা, থামুনো, থামুনা.
পুমইচ্চেৰমন্তস্স সুইচ্চেতস্মিংৰিভত্তিম্হি আআদেসো হোতি ৰা.
পুমাসু, পুমেসু ৰা.
পুমইচ্চেৰমন্তস্স আউআদেসা হোন্তি ৰা নাম্হি ৰিভত্তিম্হি.
পুমানা, পুমুনা, পুমেন ৰা.
চগ্গহণমনুকড্ঢনত্থং.
কম্মইচ্চেৰমন্তস্স চ উঅ আদেসা হোন্তি ৰা নাম্হি ৰিভত্তিম্হি.
কম্মুনা, কম্মনা, কম্মেন ৰা.
চগ্গহণেন মঘৰযুৰইচ্চেৰমন্তস্স আআদে সো হোতি ক্ৰচি নাসুইচ্চেতেসু ৰিভত্তীসু. মঘৰানা, মঘৰাসু, মঘৰেসু, মঘৰেন ৰা. যুৰানা, যুৰাসু, যুৰেসু, যুৰেন ৰা.
ইতি নামকপ্পে দুতিযো কণ্ডো.
ততিযকণ্ড
১৬১, ২৪৪. তুম্হ’ম্হেহি ¶ নমাকং.
তেহি তুম্হঅম্হেহি নংৰচনস্স আকং হোতি.
তুম্হাকং, অম্হাকং.
নমিতি কিমত্থং? তুম্হেহি, অম্হেহি.
তেহি তুম্হঅম্হেহি যো অপ্পঠমো আকংহোতি ৰা.
তুম্হাকং পস্সামি, তুম্হে পস্সামি ৰা. অম্হাকং পস্সসি, অম্হে পস্সসি ৰা.
যোতি কিমত্থং? তুম্হেহি, অম্হেহি.
অপ্পঠমোতি কিমত্থং? গচ্ছথ তুম্হে, গচ্ছাম মযং.
ৰাতিৰিকপ্পনত্থেন যোনং অং আনং হোন্তি. তুম্হং তুম্হানং. অম্হং, অম্হানং.
তেহি হুম্হঅম্হেহি সস্স ৰিভত্তিস্স অং আদেসো হোতি ৰা.
তুম্হং দীযতে, তৰ দীযতে. তুম্হং পরিগ্গহো, তৰ পরিগ্গহো. অম্হং দীযতে, মম দীযতে. অম্হং পরিগ্গহো, মম পরিগ্গহো.
সস্সেতি ¶ কিমত্থং? তুম্হেসু, অম্হেসু.
সব্বেসং সব্বনামানং অকারতো যো পঠমো এত্তমাপজ্জতে.
সব্বে, যে, তে, কে, তুম্হে, অম্হে, ইমে.
সব্বনামাতি কিমত্থং? দেৰা, অসুরা, নাগা, গন্ধব্বা, মনুস্সা.
অকারতোতি কিমত্থং? অমূ পুরিসা তিট্ঠন্তি.
যোতি কিমত্থং? সব্বো, যো, সো, কো, অযং.
পঠমগ্গহণং উত্তরসুত্তত্থং.
তস্মা সব্বনাম’কারতো দ্ৰন্দট্ঠা যো পঠমো এত্তমাপজ্জতে ৰা.
কতরকতমে, কতরকতমা ৰা.
সব্বনামাতি কিমত্থং? দেৰাসুরনাগ গন্ধব্বমনুস্সা.
দ্ৰন্দট্ঠাতি কিমত্থং তে, সব্বে.
১৬৬, ২০৯. নাঞ্ঞং ¶ সব্বনামিকং.
সব্বনামিকানং দ্ৰন্দট্ঠে নাঞ্ঞং কারিযং হোতি,
পুব্বাপরানং, পুব্বুত্তরানং, অধরুত্তরানং.
বহুব্বীহিম্হি চ সমাসে সব্বনামৰিধানঞ্চ নাঞ্ঞং কারিযং হোতি.
পিযপুব্বায, পিযপুব্বানং, পিযপুব্বে, পিযপুব্বস্স.
চেতি কিমত্থং? সব্বনামৰিধানং হোতি, দক্খিণ পুব্বস্সং, দক্খিণপুব্বস্সা, উত্তরপুব্বস্সং, উত্তরপুব্বস্সা.
সব্বতো সব্বনামতো নংৰচনস্স সংসানংইচ্চেতে আদেসা হোন্তি.
সব্বেসং, সব্বেসানং, সব্বাসং, সব্বাসানং. যেসং, যেসানং, যাসং, যাসানং. তেসং, তেসানং, তাসং, তাসানং. কেসং, কেসানং, কাসং, কাসানং. ইমেসং, ইমেসানং, ইমাসং, ইমাসানং. অমূসং, অমূসানং.
নমিতি কিমত্থং? সব্বস্স, যস্স, তস্স, কস্স. এৰং সব্বত্থ.
১৬৯, ১১৭. রাজস্স ¶ রাজু সুনংহিসু চ.
সব্বস্সেৰ রাজসদ্দস্স রাজুআদেসো হোতি সুনংহিইচ্চেতেসু.
রাজূসু, রাজূনং, রাজূহি, রাজূভি.
সুনংহিসূতি কিমত্থং? রাজা.
চগ্গহণমৰধারণত্থং. রাজেসু, রাজানং, রাজেহি রাজেভি.
সব্বস্সেৰ ইমসদ্দস্স একারো হোতি ৰা সুনংহিইচ্চেতেসু.
এসু, ইমেসু, এসং, ইমেসং, এহি, এভি, ইমেহি, ইমেভি.
ইমস্সেতি কিমত্থং? এতেসু, এতেসং, এতেহি, এতেভি.
ইমসদ্দস্স সব্বস্সেৰ অন ইমিইচ্চেতে আদেসা হোন্তি নাম্হি ৰিভত্তিম্হি.
অনেন ধম্মদানেন. সুখিতা হোতু সা পজা.
ইমিনা বুদ্ধপূজেন, পত্ৰান অমতং পদং.
নাম্হীতি কিমত্থং? ইমেসু, ইমেসং, ইমেহি, ইমেভি.
১৭২, ২১৮. অনপুংসকস্সা ¶ যং সিম্হি.
ইমসদ্দস্স সব্বস্সেৰ অনপুংসকস্স অযংআদেসো হোতি সিম্হি ৰিভত্তিম্হি.
অযং পুরিসো, অযং ইত্থী.
অনপুংসকস্সেতি কিমত্থং? ইদং চিত্তং তিট্ঠতি.
সিম্হিতি কিমত্থং? ইমং পুরিসং পস্সসি ত্ৰং.
অমুসদ্দস্স অনপুংসকস্স মকারো সকারমাপজ্জতে ৰা সিম্হি ৰিভত্তিম্হি.
অসু রাজা, অসু ইত্থী, অমুকো রাজা, অমুকা ইত্থী.
অনপুংসকস্সেতি কিমত্থং? অদুং পুপ্ফং ৰিরোচতি.
অমুস্সেতি কিমত্থং? অযং পুরিসো তিট্ঠতি.
সিম্হিতি কিমত্থং? অম্হং পুরিসং পস্সসি.
এত তইচ্চেতেসং অনপুংসকানং তকারো সকারমাপজ্জতে সিম্হি ৰিভত্তিম্হি.
এসো পুরিসো, এসা ইত্থী, সো পুরিসো, সা ইত্থী.
এততেসমিতি ¶ কিমত্থং? ইতরো পুরিসো, ইতরা ইত্থী.
অনপুংসকানমিতি কিমত্থং? এতং চিত্তং, এতং রূপং. তং চিত্তং, তং রূপং.
১৫৭, ২১২. তস্স ৰা নত্তং সব্বত্থ.
তস্স সব্বনামস্স তকারস্স নত্তং হোতি ৰা সব্বত্থ লিঙ্গেসু.
নায, তায, নং, তং, নে, তে, নেসু, তেসু, নম্হি, তম্হি, নাহি, তাহি, নাভি, তাভি.
১৭৬, ২১৩. সস্মাস্মিংসংসাস্ৰত্তং.
তস্স সব্বনামস্স তকারস্স সব্বস্সেৰ অত্তং হোতি ৰা সস্মাস্মিং সংসাইচ্চেতেসু সব্বত্থ লিঙ্গেসু.
অস্স, তস্স, অস্মা, তস্মা, অস্মিং, তস্মিং, অস্সং, তস্সং, অস্সা, তস্সা.
তকারস্সেতি কিমত্থং? অমুস্সং, অমুস্সা.
এতেস্ৰীতি কিমত্থং? নেসু, তেসু.
ইমসদ্দস্স চ সব্বস্সেৰ অত্তং হোতি ৰা সস্মাস্মিং সং সাইচ্চেতেসু সব্বত্থ লিঙ্গেসু.
অস্স ¶ , ইমস্স, অস্মা, ইমস্মা, অস্মিং, ইমস্মিং, অস্সং, ইমিস্সং, অস্সা, ইমিস্সা.
ইমসদ্দস্সেতি কিমত্থং? এতিস্সং, এতিস্সা.
সব্বতো সব্বনামতো ককারাগমো হোতি ৰা সিম্হি ৰিভত্তিম্হি.
সব্বকো, যকো, সকো, অমুকো, অসুকো.
ৰাতি কিমত্থং? সব্বো, যো, সো, কো.
সব্বনামতোতি কিমত্থং? পুরিসো.
পুন সব্বতোগ্গহণেন অঞ্ঞস্মাপি ককারাগমো হোতি, হীনকো, পোতকো.
১৭৯, ২০৪. যপতো স্মিংসানং সংসা.
সব্বতো সব্বনামতো ঘপসঞ্ঞতো স্মিংসইচ্চেতেসং সংসা আদেসা হোন্তি ৰা যথাসঙ্খ্যং.
সব্বস্সং, সব্বস্সা, সব্বাযং, সব্বায, ইমিস্সং, ইমিস্সা, ইমাযং, ইমায, অমুস্সং, অমুস্সা, অমুযং, অমুযা.
সব্বনামতোতি কিমত্থং? ইত্থিযং, ইত্থিযা.
স্মিংসানমিতি কিমত্থং? অমুযো.
১৮০, ২০৭. নেতাহি ¶ স্মিমায যা.
এতেহি সব্বনামেহি ঘপসঞ্ঞেহি স্মিংৰচনস্স নেৰ আয যাআদেসা হোন্তি.
এতিস্সং, এতাযং, ইমিস্সং, ইমাযং, অমুস্সং, অমুযং.
স্মিংন্তি কিমত্থং? তায ইত্থিযা মুখং.
এতাহীতি কিমত্থং? কঞ্ঞায, ৰীণায, গঙ্গায, কপালিকায.
১৮১, ৯৫. মনোগণাদিতো স্মিংনানমিআ.
তস্মা মনোগণাদিতো স্মিংনাইচ্চেতেসং ইকারআকারাদেসা হোন্তি ৰা যথাসঙ্খ্যং.
মনসি, মনুস্মিং, সিরসি, সিরস্মিং, মনসা, মনেন, ৰচসা, ৰচেন, সিরসা, সিরেন, সরসা, সরেন, তপসা, তপেন, ৰযসা, ৰযেন, যসসা, যসেন, তেজসা, তেজেন, উরসা, উরেন, থামসা, থামেন.
স্মিংনানমিতি কিমত্থং? মনো, সিরো, তমো, তপো, তেজো.
আদিগ্গহণেন অঞ্ঞাস্মাপি স্মিংনানং ইকারআকারাদেসা হোন্তি, বিলসি, বিলসা, পদসি, পদসা.
১৮২, ৯৭. সস্স ¶ চো.
তস্মা মনোগণাদিতো সস্স চ ওকারো হোতি.
মনসো, থামসো, তপসো.
এতেসং মনোগণাদীনং অন্তো ওত্তমাপজ্জতে ৰিভত্তিলোপে কতে.
মনোমযং, অযোমযং, তেজোসমেন, তপোগুণেন, সিরোরুহেন.
আদিগ্গহণংকিমত্থং? অঞ্ঞেসমন্তো ওত্তমাপজ্জতে. আপোসমেন, ৰাযোসমেন.
লোপেতি কিমত্থং? পদযা, তপসা, যসসা, ৰচসা, মনসা, এৰমঞ্ঞেপি যোজেতব্বা.
এতেহেৰ মনোগণাদীহি ৰিভত্তাদেসে সরে পরে সকারাগমো হোতি ৰা.
মনসা, ৰচসা, মনসি, ৰচসি.
ৰাতি কিমত্থং? মনেন, তেজেন, ৰসেন,
সরেতি ¶ কিমত্থং? মনো, তেজো, যসো.
পুন আদিগ্গহণেন অঞ্ঞস্মিম্পি পচ্চযে পরে সকারাগমো হোতি. মানসিকং, ৰাচসিকং.
১৮৫, ১১২. সন্তসদ্দস্স সো তে বো চন্তে.
সব্বস্স সন্তসদ্দস্স সকারাদেসো হোতি ভকারে পরে, অন্তে চ বকারাগমো হোতি.
সব্ভিরেৰ সমাসেথ,
সব্ভিকুব্বেথ সন্থৰং.
সতং সদ্ধম্মমঞ্ঞায,
সেয্যো হোতি ন পাপিযো.
জীরন্তি ৰে রাজরথা সুচিত্তা.
অথো সরীরম্পি জরং উপেতি.
সতঞ্চ ধম্মো ন জরং উপেতি,
সন্তো হৰে সব্ভি পৰেদযন্তি.
সব্ভূতো, সব্ভাৰো.
ভেতি কিমত্থং? সন্তেহি পূজিতো ভগৰা.
চগ্গহণং ক্ৰচি সকারস্সেৰ পসিদ্ধত্থং. সক্কারো, সক্কতো.
১৯৬, ১০৭. সিম্হিগচ্ছন্তাদীনং ¶ ন্তসদ্দো অং.
সিম্হি গচ্ছন্তাদীনং ন্তসদ্দো অমাপজ্জতে ৰা.
গচ্ছং, গচ্ছন্তো, মহং, মহন্তো, চরং, চরন্তো, খাদং, খাদন্তো.
গচ্ছন্তাদীনমিতি কিমত্থং? অন্তো, দন্তো, ৰন্তো, সন্তো.
গচ্ছন্তাদীনংন্তসদ্দোন্তুপ্পচ্চযোৰ দট্ঠব্বো সেসেসু ৰিভত্তিপ্পচ্চযেসু.
গচ্ছতো, মহতো, গচ্ছতি, মহতি, গচ্ছতা, মহতা.
সেসেসূতি কিমত্থং? গচ্ছং, মহং, চরং, খাদং.
১৮৮, ১১৫. ব্রহ্মত্ত সখ রাজাদিতো অমানং.
ব্রহ্ম অত্ত সখ রাজইচ্চেৰমাদিতো অংৰচনস্স আনং হোতি ৰা.
ব্রহ্মানং, ব্রহ্মং, অত্তানং, অত্তং, সখানং, সখং, রাজানং, রাজং.
অমিতি কিমত্থং? রাজা.
১৮৯, ১১৩. স্যা ¶ চ.
ব্রহ্ম অত্ত সখ রাজইচ্চেৰমাদিতো সিৰচনস্স আ চ হোতি.
ব্রহ্মা, অত্তা, সখা, রাজা, আতুমা.
ব্রহ্মঅত্ত সখ রাজইচ্চেৰমাদিতো যোনং আনোআদেসো হোতি.
ব্রহ্মানো, অত্তানো, সখানো, রাজানো, আতুমানো.
তস্মা সখতো চ যোনং আযো নো আদেসা হোন্তি.
সখাযো, সখিনো.
যোনমিতি কিমত্থং? সখা.
তস্মা সখতো স্মিংৰচনস্স একারো হোতি. সখে.
১৯৩, ১২২. ব্রহ্মতো ¶ গস্স চ.
তস্মা ব্রহ্মতো গস্স চ একারো হোতি. হে ব্রহ্মে.
১৯৪, ১৩১. সখন্তস্সি নো না নং সেসু.
তস্স সখন্তস্স ইকারো হোতি নোনানংসইচ্চেতেসু.
সখিনো, সখিনা, সখীনং, সখিস্স.
এতেস্ৰীতি কিমত্থং? সখারেহি.
তস্স সখন্তস্স আরো হোতি ৰা হিম্হি ৰিভত্তিম্হি. সখারেহি, সখেহি.
তস্স সখন্তস্স আরো হোতি ৰা সুনং অংইচ্চেতেসু.
সখারেসু, সখেসু, সখারানং, সখীনং, সখারং, সখং.
১৯৭, ১২৫. ব্রহ্মতো তু স্মিং নি.
তস্মা ব্রহ্মতো স্মিংৰচনস্স নিআদেসো হোতি. ব্রহ্মনি.
তুগ্গহণেন ¶ অব্রহ্মতোপি স্মিং ৰচনস্স নি হোতি. কম্মনি, চম্মনি, মুদ্ধনি.
তস্স ব্রহ্মসদ্দস্স অন্তো উত্তমাপজ্জতে সনাইচ্চেতেসু.
ব্রহ্মুনো, ব্রহ্মুনা.
সনাসূতি কিমত্থং? ব্রহ্মা.
১৯৯, ১৫৮. সত্থুপিতাদীনমা সিস্মিংসিলোপোচ.
সত্থুপিতুআদীনমন্তো অত্তমাপজ্জতে সিস্মিং, সিলোপো চ হোতি.
সত্থা, পিতা, মাতা, ভাতা, কত্তা.
সিস্মিন্তি কিমত্থং? সত্থুস্স, পিতুস্স, মাতুস্স, ভাতুস্স, কত্তুস্স.
সত্থুপিতুআদীনমন্তো অঞ্ঞেসু ৰচনেসু আরত্তমাপজ্জতে.
সত্থারং, পিতরং, মাতরং, ভাতরং, কত্তারং, সত্থারেহি, পিতরেহি, মাতরেহি, ভাতরেহি, কত্তারেহি.
অঞ্ঞেস্ৰীতি ¶ কিমত্থং? সত্থা, পিতা, মাতা, ভাতা, কত্তা.
সত্থুপিতুআদীনমন্তো আরত্তমাপজ্জতে ৰা নংম্হি ৰিভত্তিম্হি.
সত্থারানং, পিতরানং, মাতরানং, ভাতরানং.
ৰাতি কিমত্থং? সত্থানং, পিতূনং, মাতূনং, ভাতূনং.
তস্স সত্থুসদ্দস্স অন্তো অত্তমাপজ্জতে ৰা নংম্হি ৰিভত্তিম্হি.
সত্থানং, পিতানং, মাতানং, ভাতানং, কত্তানং.
ৰাতি কিমত্থং? সত্থারানং, পিতরানং, মাতরানং, ভাতরানং, ধীতরানং.
চগ্গহণং অঞ্ঞেসম্পি সঙ্গহণত্থং.
সত্থুপিতুইচ্চেৰমাদীনমন্তস্স উত্তং হোতি ৰা সস্মিং, সলোপো চ.
সত্থু ¶ , সত্থুস্স, সত্থুনো দীযতে, পরিগ্গহো ৰা. পিতু, পিতুস্স, পিতুনো দীযতে, পরিগ্গহো ৰা. ভাতু, ভাতুস্স, ভাতুনো দীযতে, পরিগ্গহো ৰা.
চগ্গহণং দুতিযসম্পিণ্ডনত্থং.
সক্কমন্ধাতুইচ্চেৰমাদীনমন্তো উত্তমাপজ্জতে সস্মিং, সলোপো চ হোতি.
সক্কমন্ধাতু ইৰ অস্স রাজিনো ৰিভৰো. এৰং কত্তু, গন্তু, দাতু ইচ্চেৰমাদী.
পুনারম্ভগ্গহণং কিমত্থং? নিচ্চদীপনত্থং. সক্কমন্ধাতু.
চগ্গহণং দুতিযসম্পিণ্ডনত্থং.
ততো আরাদেসতো সব্বেসং যো নং ওকারাদেসো হোতি.
সত্থারো, পিতরো, মাতরো, ভাতরো, কত্তারো, ৰত্তারো.
তুগ্গহণেন অঞ্ঞস্মাপি যোনং ওকারো হোতি. চতুরো জনা, গাৰো, উভো পুরিসা.
২০৬, ১৬৫. ততো ¶ স্মিমি.
ততো আরাদেসতো স্মিংৰচনস্স ইকারাদেসো হোতি.
সত্থরি, পিতরি, মাতরি, ধীতরি, ভাতরি, কত্তরি, ৰত্তরি.
পুন ততোগহণেন অঞ্ঞস্মাপি স্মিংৰচনস্স ইকারো হোতি. ভুৰি.
ততো আরাদেসতো নাৰচনস্স আআদেসো হোতি.
সত্থারা, পিতরা, মাতরা, ভাতরা, ধীতরা, কত্তারা, ৰত্তারা.
আরাদেসো রস্সমাপজ্জতে ইকারে পরে.
সত্থরি, পিতরি, মাতরি, ধীতরি, কত্তরি, ৰত্তরি.
পিতাদীন মারাদেসো রস্সমাপজ্জতে অসিম্হি ৰিভত্তিম্হি.
পিতরা, মাতরা, ভাতরা, মীতরা পিতরো, মাতরো, ভাতরো, ধীতরো.
অসিম্হিগ্গহণং ¶ তোম্হি পরে ইকারাদেসঞাপনত্থং. মাতিতো, পিতিতো, ভাতিতো, দুহিতিতো.
২১০, ২৩৯. তযাতযীনং তকারো ত্ৰত্তং ৰা.
তযাতযি ইচ্চেতেসং তকারো ত্ৰত্তমাপজ্জতে ৰা.
ত্ৰযা, তযা, ত্ৰযি, তযি.
এতেসমিতি কিমত্থং? তুৰং, তৰং.
ইতি নাধকপ্পে ততিযো কণ্ডো.
চতুত্থকণ্ড
২১১, ১২৬. অত্তন্তো হিস্মি’মনত্তং.
তস্স অত্তনো অন্তো অনত্তমাপজ্জতে হিম্হি ৰিভত্তিম্হি.
অত্তনেহি, অত্তনেভি.
অত্তন্তোতি কিমত্থং? রাজেহি, রাজেভি.
হিস্মিন্তি কিমত্থং? অত্তনো.
অনত্তমিতিভাৰনিদ্দেসেন অত্তসদ্দস্স সকাদেসো হোতি সব্বাসু ৰিভত্তীসু. সকো, সকা, সকং, সকে.
২১২, ৩২৯. ততো ¶ স্মিংনি.
ততো অত্ততো স্মিংৰচনস্স নি হোতি. অত্তনি.
ততোঅত্ততো সস্স ৰিভত্তিস্স নো হোতি, অত্তনো.
ততো অত্ততো স্মা ৰচনস্স না হোতি. অত্তনা.
পুন ততোগহণেন তস্স অত্তনো তকারস্সেৰ রকারো হোতি সব্বেসু ৰচনেসু. অত্রজো, অত্রজং.
ঝলইচ্চেতেহি স্মাৰচনস্স না হোতি.
অগ্গিনা, দণ্ডিনা, ভিক্খুনা, সযম্ভুনা.
স্মাতি কিমত্থং? অগ্গযো, মুনযো, ইসযো.
তস্মা ঘপতো স্মিং ৰচনস্স যং হোতি ৰা.
কঞ্ঞাযং ¶ , কঞ্ঞায. রত্তিযং, রত্তিযা. ইত্থিযং, ইত্থিযা. যাগুযং, যাগুযা. ৰখুযং, ৰধুযা.
সব্বেসং যোনং নি হোতি ৰা নপুংসকেহি লিঙ্গেহি.
অট্ঠীনি, অট্ঠী, আযূনি, আযূ.
নপুংসকেহীতি কিমত্থং? ইত্থিযো.
অকারন্তেহি নপুংসকলিঙ্গেহি যোনং নি হোতি নিচ্চং.
যানি, যানি. তানি, তানি. কানি, কানি. ভযানি, ভযানি. রূপানি, রূপানি.
অকারন্তেহি নপুংসকলিঙ্গেহি সিৰচনস্স অং হোতি নিচ্চং.
সব্বং, যং, তং, কং, রূপং.
ততো নিদ্দিট্ঠেহি লিগেহি সেসখতা গসিইচ্চেতে লোপমাপজ্জন্তে.
ভোতি ¶ ইত্থি, সা ইত্থী. ভো দণ্ডি, সো দণ্ডী. ভো সত্থ, সো সত্থা. ভো রাজ, সো রাজা. সেসতোতি কিমত্থং? পুরিসো গচ্ছতি.
গসীতি কিমত্থং? ইত্থিযা, সত্থুস্স.
২২১, ২৮২. সব্বাসমাৰুসো পসগ্গনিপাতাদীহি চ.
সব্বাসং ৰিভত্তীনং একৰচনবহুৰচনানং পঠমা দুতিযাততিযা চতুত্থী পঞ্চমী ছট্ঠী সত্তমীনং লোপো হোতি, আৰুসো উপসগ্গ নিপাতইচ্চেৰমাদীহি চ,
ত্ৰং পনাৰুসো, তুম্হে পনাৰুসো, পদসো ধম্মং ৰাচেয্য, ৰিহারং স্ৰে উপগচ্ছেয্য.
প, পরা, নি, নী, উ, দু, সং, ৰি, অৰ, অনু, পরি, অধি, অভি, পতি, সু, আ, অতি, অপি, অপ, উপ, পহারো, পরাভৰো, নিহারো, নীহারো, উহারো, দুহারো, সংহারো, ৰিহারো, অৰহারো, অনুহারো, পরিহারো, অধিহারো, অভিহারো, পতিহারো, সুহারো, আহারো, অতিহারো, অপিহারো, অপহারো, উপহারো, এৰং ৰীসতি উপসগ্গেহি চ.
যথা, তথা, এৰং, খলু, খো, তত্র, অথো, অথ, হি, তু চ, ৰা, ৰো, হং, অভং, অলং, এৰ, হো অহো, হে ¶ , অহে, রে, অরে, এৰমাদীহি নিপাতেহি চ যোজেতব্বানি.
চগ্গহণম ৰধারণত্থং.
২২২, ৩৪২. পুমস্স লিঙ্গাদীসু সমাসেসু.
পুমইচ্চেতস্স অন্তো লোপমাপজ্জতে লিঙ্গাদীসু পরপদেসু সমাসেসু.
পুল্লিঙ্গং, পুম্ভাৰো, পুঙ্কোকিলো.
পুমস্সেতি কিমত্থং? ইত্থিলিঙ্গং, নপুংসকলিঙ্গং.
লিঙ্গাদীসূতি কিমত্থং? পুমিত্থী.
সমাসেসূতি কিমত্থং? পুমস্স লিঙ্গং.
অং ৰচনস্স যং হোতি ৰা ঈতো পসঞ্ঞতো.
ইত্থিযং, ইত্থিং.
পসঞ্ঞতোতি কিমত্থং? দণ্ডিনং, ভোগিনং.
অমিতি কিমত্থং? ইত্থীহি.
তস্মা ঝতো কতরস্সা অং ৰচনস্স নং হোতি.
দণ্ডিনং ¶ , ভোগিনং.
ঝতোতি কিমত্থং? ৰেস্সভুং.
কতরস্সাতি কিমত্থং? কুচ্ছিং.
সব্বেসং যোনং ঝতো কতরস্সা নো হোতি.
দণ্ডিনো ভোগিনো, হে দণ্ডিনো, হে ভোগিনো.
কতরস্সাতি কিমত্থং? অগ্গযো, মুনযো, ইসযো.
ঝতোতি কিমত্থং? সযম্ভুনো.
যোনন্তি কিমত্থং? দণ্ডিনা, ভোগিনা.
তস্মা ঝতো কতরস্সা স্মিংৰচনস্স নিআদে সো হোতি.
দণ্ডিনি, ভোগিনি.
কতরস্সাতি কিমত্থং? ব্যাধিম্হি.
কিমিচ্চেতস্স কো চ হোতি ৰপচ্চযে পরে.
ক্ৰ ¶ গতোসি ত্ৰং দেৰানং পিযতিস্স.
চগ্গহণেন অৰপচ্চযে পরেপি কো চ হোতি. কো তংনিন্দিতু মরহতি, কথং বোধযিতুং ধম্মং.
ৰেতি কিমত্থং? কুতো আগতোসি ত্ৰং.
কিমিচ্চেতস্স কু হোতি হিং হংইচ্চেতেসু চ. কুহিং গচ্ছসি, কুলং গচ্ছসি.
চগ্গহণেন হিঞ্চনংদাচনং পচ্চযেসু পরেসু অঞ্ঞত্থাপি কু হোতি. কুহিঞ্চনং, কুদাচনং.
কিমিচ্চেতস্স কো হোতি সেসেসু ৰিভত্তিপচ্চযেসু পরেসু.
কো পকারো কথং, কং পকারং কথং.
চগ্গহণমনুকড্ঢনত্থং.
কিমিচ্চেতস্স কু হোতি ত্রতোথ ইচ্চেতেসু চ.
কুত্র, কুতো, কুত্থ.
চগ্গহণমনুকড্ঢনত্থং,
২৩১, ২৬৩. সব্বস্সেতস্স ¶ , কারো ৰা.
সব্বস্স এতসদ্দস্স অকারো হোতি ৰা তোথইচ্চেতেসু.
অতো, অত্থ, এত্তো, এত্থ.
সব্বস্স এতসদ্দস্স অকারো হোতি নিচ্চং ত্রপচ্চযে পরে.
অত্র.
সব্বস্স এতসদ্দস্স একারো হোতি ৰা তোথইচ্চেতেসু.
এত্তো, অতো, এত্থ, অত্থ.
২৩৪, ২৬৫. ইমস্সি থং দানি হ তো ধেসু চ.
ইমসদ্দস্স সব্বস্সেৰ ইকারো হোতি থং দানিহতো ধইচ্চেতেসু.
ইত্থং, ইদানি, ইহ, ইতো, ইধ.
২৩৫, ২৮১. অধুনাম্হি ¶ চ.
ইমসদ্দস্স সব্বস্সেৰ অকারো হোতি ধুনাম্হি পচ্চযে পরে.
অধুনা.
চগ্গহণমৰধারণত্থং.
সব্বস্সেৰ ইমসদ্দস্স এতাদেসো হোতি রহিম্হি পচ্চযে পরে.
এতরহি.
ইত্থিযং ৰত্তমানায অকারতো আপচ্চযো হোতি.
সব্বা, যা, সা, কা. কতরা.
নদাদিতো ৰাঅনদাদিতোৰা ইত্থিযং ৰত্তমানায ঈপচ্চযো হোতি.
নদী, মহী, কুমারী, তরুণী, সখী, ইত্থী.
২৩৯, ১৯০. ণৰ ¶ ণিক ণেয্য ণ ন্তুহি.
ণৰ ণিক ণেয্য ণ ন্তুইচ্চেতেহি ইত্থিযং ৰত্তমানেহি ঈপচ্চযো হোতি.
মাণৰী, পণ্ডৰী, নাৰিকী, ৰেনতেয্যী, কুন্তেয্যী, গোতমী, গুণৰতী, সামাৰতী.
২৪০, ১৯৩. পতি ভিক্খুরাজীকারন্তেহি ইনী.
পতি ভিক্খু রাজীকারন্তেহি ইত্থিযং ৰত্তমানেহি ইনীপচ্চযো হোতি.
গহপতানী, ভিক্খুনী, রাজিনী, হত্থিনী, দণ্ডিনী, মেধাৰিনী, তপস্সিনী.
সব্বস্সেৰ ন্তুপচ্চযস্স তকারো হোতি ৰা ঈকারে পরে.
গুণৰতী, গুণৰন্তী, কুলৰতী, কুলৰন্তী, সতিমতী. সতিমন্তী, মহতী, মহন্তী, গোত্তমতী, গোত্তমন্তী.
সব্বস্সেৰ ভৰন্তসদ্দস্স ভোতাদেসো হোতি ঈকারে ইত্থিগতে পরে.
ভোতি অয্যে, ভোতি কঞ্ঞে, ভোতি খরাদিযে.
২৪৩, ১১০. ভোগে ¶ তু.
সব্বস্সেৰ ভৰন্তসদ্দস্স ভোআদেসো হোতি গে পরে.
ভো পুরিস, ভো অগ্গি, ভো রাজ, ভো সত্থ, ভো দণ্ডি, ভো সযম্ভু.
গেতি কিমত্থং? ভৰতা, ভৰং.
তুগ্গহণেন অঞ্ঞস্মিম্পি ৰচনে সব্বস্স ভৰন্তসদ্দস্স ভোন্ত ভন্তে ভোন্তো ভদ্দে ভোতা ভো তোইচ্চেতে আদেসা হোন্তি.
ভোন্ত, ভন্তে, ভোন্তো, ভদ্দে, ভোতা, ভোতো.
অকারো চ পিতাদীনমন্তো চ অত্তমাপজ্জতে গে পরে.
ভো পুরিসা, ভো রাজা, ভো পিতা, ভো মাতা, ভো সত্থা.
ঝলপইচ্চেতে রস্সমাপজ্জন্তে গে পরে.
ভো দণ্ডি, ভো সযম্ভু, ভোতি ইত্থি, ভোতিৰধু,
২৪৬, ৭৩. আকারো ¶ ৰা.
আকারো রস্সমাপজ্জতে ৰা গে পরে.
ভো রাজ, ভো রাজা, ভো অত্ত, ভো অত্তা, ভো সখ, ভো সখা, ভো সত্থ, ভো সত্থা.
ইতি নামকপ্পে চতুত্থো কণ্ডো.
পঞ্চমকণ্ড
২৪৭, ২৬১. ত্ৰাদযো ৰিভত্তিসঞ্ঞাযো.
তোআদি যেসং পচ্চযানং, তে হোন্তি ত্ৰাদযো. তে পচ্চযা ত্ৰাদযো ৰিভত্তিসঞ্ঞাৰ দট্ঠব্বা.
সব্বতো, যতো, ততো, কুতো, অতো, ইতো, সব্বদা, যদা, তদা, কদা, ইধ, ইদানি.
২৪৮, ২৬০. ক্ৰচি তো পঞ্চম্যত্থে.
ক্ৰচি তোপচ্চযো হোতি পঞ্চম্যত্থে.
সব্বতো, যতো, ততো, কুতো, অতো, ইতো.
ক্ৰচীতি কিমত্থং? সব্বস্মা, ইমস্মা.
২৪৯, ২৬৬. ত্র ¶ থ সত্তমিযা সব্বনামেহি.
ত্রথইচ্চেতে পচ্চযা হোন্তি সত্তম্যত্থে সব্ব নামেহি.
সব্বত্র, সব্বত্থ, যত্র, যত্থ, তত্র, তত্থ.
সব্বইচ্চেতস্মা ধিপচ্চযো হোতি ক্ৰচি সত্তম্যত্থে. সব্বধি, সব্বস্মিং.
কিমিচ্চেতস্মা ৰপচ্চযো হোতি সত্তম্যত্থে.
ক্ৰ গতোসি ত্ৰ দেৰানংপিযতিস্স.
কিমিচ্চেতস্মা হিংহংহিঞ্চনংইচ্চেতে পচ্চযা হোন্তি সত্তম্যত্থে.
কুহিং, কুলং, কুহিঞ্চনং.
তম্হা চ হি হংইচ্চেতে পচ্চযা হোন্তি সত্তম্যত্থে. তহিং, তহং.
চগ্গহণং ¶ হিঞ্চনগ্গহণনিৰত্তনত্থং.
ইমস্মা হধইচ্চেতে পচ্চযা হোন্তি সত্তম্যত্থে. ইহ, ইধ.
চগ্গহণমৰধারণত্থং.
তস্মা যতো হিংপচ্চযো হোতি সত্তম্যত্থে. যহিং.
‘‘কালে’’ইচ্চেতং অধিকারত্থং ৰেদিতব্বং.
২৫৭, ২৭৯. কিংসব্বঞ্ঞেকযকুহিদাদাচনং.
কিং সব্বঅঞ্ঞ এক য কুইচ্চেতেহি দা দাচনংইচ্চেতে পচ্চযা হোন্তি কালে সত্তম্যত্থে.
কদা, সব্বদা, অঞ্ঞদা, একদা, যদা, কুদাচনং.
তইচ্চেতস্মা দানি দাইচ্চেতে পচ্চযা হোন্তি, কালে সত্তম্যত্থে.
তদানি ¶ , তদা.
চগ্গহণমনুকড্ঢনত্থং.
২৫৯, ২৭৯. ইমস্মা রহি ধুনা দানি চ.
ইমস্মা রহি ধুনা দানিইচ্চেতে পচ্চযা হোন্তি কালে সত্তম্যত্থে.
তেরহি, অধুনা, ইদানি.
চগ্গহণমনুকড্ঢনত্থং.
২৬০, ২৭৭. সব্বস্স সো দাম্হি ৰা.
সব্বইচ্চেতস্স সকারাদেসো হোতি ৰা দাম্হি পচ্চযে পরে.
সদা, সব্বদা.
অৰণ্ণো যে পচ্চযে পরে লোপমাপজ্জতে.
বাহুস্সচ্চং, পণ্ডিচ্চং, ৰেপুল্লং, কারুঞ্ঞং, কোসল্লং, সামঞ্ঞং, সোহজ্জং.
২৬২, ৩৯১. ৰুড্ঢস্স জো ইযিট্ঠেসু.
সব্বস্সেৰ ৰুড্ঢসদ্দস্স জোআদেসো হোতি ইয ইট্ঠইচ্চেতেসু পচ্চযেসু.
জেয্যো ¶ , জেট্ঠো.
সব্বস্সেৰ পসত্থসদ্দস্স সোআদেসো হোতি, জাদেসো চ ইযইট্ঠইচ্চেতেসু পচ্চযেসু.
সেয্যো, সেট্ঠো, জেয্যো, জেট্ঠো.
সব্বস্স অন্তিকসদ্দস্স নেদাদেসো হোতি ইয ইট্ঠইচ্চেতেসু পচ্চযেসু.
নেদিযো, নেদিট্ঠো.
সব্বস্স বাল়্হসদ্দস্স সাধাদেসো হোতি ইয ইট্ঠইচ্চেতেসু পচ্চযেসু.
সাধিযো, সাধিট্ঠো.
সব্বস্স অপ্পসদ্দস্স কণ আদেসো হোতি ইয ইট্ঠইচ্চেতেসু পচ্চযেসু.
কণিযো, কণিট্ঠো.
২৬৭, ৩৯৬. যুৰানঞ্চ ¶ .
সব্বস্স যুৰসদ্দস্স কণ আদেসো হোতি ইয ইট্ঠইচ্চেতেসু পচ্চযেসু.
কনিযো, কনিট্ঠো.
চগ্গহণমনুকড্ঢনত্থং.
২৬৮, ৩৯৭. ৰন্তুমন্তু ৰীনঞ্চ লোপো.
ৰন্তুমন্তুৰীইচ্চেতেসং পচ্চযানং লোপো হোতি ইযইট্ঠইচ্চেতেসু পচ্চযেসু.
গুণিযো, গুণিট্ঠো, সতিযো, সতিট্ঠো, মেধিযো, মেধিট্ঠো.
২৬৯, ৪০১. যৰতং ত ল ণ দকারানং ব্যঞ্জনানি চ ল ঞ জকারত্তং.
যকারৰন্তানং ত ল ণ দকারানং ব্যঞ্জনানি চ ল ঞ জকারত্তমাপজ্জন্তে যথাসঙ্খ্যং.
বাহুস্সচ্চং, পণ্ডিচ্চং, ৰেপুল্লং, কারুঞ্ঞং, কোসল্লং, নেপুঞ্ঞং, সামঞ্ঞং, সোহজ্জং.
য ৰ তমিতি কিমত্থং? তিণদলং.
ত ল ণ দকারানমিতি কিমত্থং? আলস্যং, আরোগ্যং.
ব্যঞ্জনানমিতি ¶ কিমত্থং? মচ্চুনা.
কারগ্গহণং কিমত্থং? যকারস্স মকারাদেসঞাপনত্থং. ওপম্মং.
২৭০, ১২০. অম্হ তুম্হন্তুরাজ ব্রহ্মত্ত সখসত্থু পিতাদীহিস্মা নাৰ.
অম্হ তুম্হন্তুরাজ ব্রহ্ম অত্ত সখ সত্থু পিতুইচ্চেৰমাদীহি স্মাৰচনং নাৰ দট্ঠব্বং.
মযা, তযা, গুণৰতা, রঞ্ঞা, ব্রহ্মুনা, অত্তনা, সখিনা, সত্থারা, পিতরা, মাতরা, ভাতরা, ধীতরা, কত্তারা, ৰত্তারা.
এতেহীতি কিমত্থং? পুরিসা.
ইতি নামকপ্পে পঞ্চমো কণ্ডো
নামকপ্পো নিট্ঠিতো.
৩. কারককপ্প
ছট্ঠকণ্ড
২৭১, ৮৮, ৩০৮. যস্মা ¶ দপেতি ভযমাদত্তে ৰা তদপাদানং.
যস্মা ৰা অপেতি, যস্মা ৰা ভযং জাযতে, যস্মা ৰা আদত্তে, তং কারকং অপাদানসঞ্ঞং হোতি.
তং যথা? গামা অপেন্তি মুনযো, নগরা নিগ্গতো রাজা, চোরা ভযং জাযতে, আচরিযুপজ্ঝাযেহি সিক্খং গণ্হাতি সিস্সো.
অপাদানমিচ্চনেন ক্ৰত্থো? অপাদানে পঞ্চমী.
২৭২, ৩০৯. ধাতুনা মানমুপসগ্গযোগাদ্ৰীস্ৰপি চ.
ধাতুনামানং পযোগে চ উপসগ্গযোগাদীস্ৰপি চ তং কারকং অপাদানসঞ্ঞং হোতি.
ধাতূনং পযোগে তাৰ জিইচ্চেতস্স ধাতুস্স পরাপুব্বস্স পযোগে যো অসহো, সো অপাদানসঞ্ঞো হোতি.
তং যথা? বুদ্ধস্মা পরাজেন্তি অঞ্ঞতিত্থিযা.
ভূইচ্চেতস্স ¶ ধাতুস্স পপুব্বস্স পযোগে যতো অচ্ছিন্নপ্পভৰো, সো অপাদানসঞ্ঞো হোতি.
তং যথা? হিমৰতা পভৰন্তি পঞ্চ মহানদিযো, অনৰতত্তম্হা পভৰন্তি মহাসরা, অচিরৰতিযা পভৰন্তি কুন্নদিযো.
নামপ্পযোগেপি তং কারকং অপাদানসঞ্ঞং হোতি.
তং যথা? উরস্মা জাতো পুত্তো, ভূমিতো নিগ্গতো রসো, উভতো সুজাতো পুত্তো মাতিতো চ পিতিতো চ.
উপসগ্গযোগে তং কারকং অপাদানসঞ্ঞং হোতি.
তং যথা? অপসালায আযন্তি ৰাণিজা, আব্রহ্মলোকা সদ্দো অব্ভুগ্গচ্ছতি উপরি পব্বতা দেৰো ৰস্সতি, বুদ্ধস্মা পতি সারিপুত্তো ধম্মদেসনায ভিক্খূ আলপতি তেমাসং, ঘতমস্স তেলস্মা পতি দদাতি, উপ্পলমস্স পদুমস্মা পতি দদাতি, কনকমস্স হিরঞ্ঞস্মা পতি দদাতি.
আদিগ্গহণেন কারকমজ্ঝেপি পঞ্চমীৰিভত্তি হোতি. ইতো পক্খস্মা ৰিজ্ঝতি মিগং লুদ্দকো, কোসা ৰিজ্ঝতি কুঞ্জরং, মাসস্মা ভুঞ্জতি ভোজনং.
অপিগ্গহণেন নিপাতপযোগেপি পঞ্চমীৰিভত্তি হোতি দুতিযা চ ততিযা চ. রহিতা মাতুজা পুঞ্ঞং কত্ৰা ¶ দানং দেতি, রহিতা মাতুজং, রহিতা মাতুজেন ৰা. রিতে সদ্ধম্মা কুতো সুখং লভতি, রিতে সদ্ধম্মং, রিতে সদ্ধম্মেন ৰা. তে ভিক্খূ নানা কুলা পব্বজিতা, ৰিনা সদ্ধম্মা নত্থঞ্ঞো কোচি নাথো লোকে ৰিজ্জতি, ৰিনা সদ্ধম্মং, ৰিনা সদ্ধম্মেন ৰা. ৰিনা বুদ্ধস্মা, ৰিনা বুদ্ধং, ৰিনা বুদ্ধেন ৰা.
চগ্গহণেন অঞ্ঞত্থাপি পঞ্চমীৰিভত্তি হোতি. যতোহং ভগিনি অরিযায জাতিযা জাতো. যতো সরামি অত্তানং, যতো পত্তোস্মি ৰিঞ্ঞুতং, যত্ৰাধিকরণমেনং চক্খুন্দ্রিযং অসংৰুতং ৰিহরন্তং অভিজ্ঝাদোমনস্সা পাপকা অকুসলা ধম্মা অন্ৰাসৰেয্যুং.
রক্খণত্থানং ধাতূনং পযোগে যং ইচ্ছিতং, তং কারকং অপাদানসঞ্ঞং হোতি.
কাকে রক্খন্তি তণ্ডুলা, যৰা পটিসেধেন্তি গাৰো.
যেন ৰা অদস্সনমিচ্ছিতং, তং কারকং অপাদানসঞ্ঞং হোতি.
উপজ্ঝাযা অন্তরধাযতি সিস্সো, মাতরা চ পিতরা চ অন্তরধাযতি পুত্তো.
ৰাতি ¶ কিমত্থং? সত্তমীৰিভত্যত্তং. জেতৰনে অন্তরধাযতি ভগৰা.
২৭৫, ৩১২. দূরন্তি কদ্ধ কাল নিম্মান ত্ৰালোপ দিসাযোগৰিভত্তারপ্পযোগ সুদ্ধপ্পমোচন হেতু ৰিৰিত্তপ্পমাণ পুব্বযোগবন্ধন গুণৰচন পঞ্হ কথন থোকাকত্তূসু চ.
দূরত্থে, অন্তিকত্থে, অদ্ধনিম্মানে, কালনিম্মানে, ত্ৰালোপে, দিসাযোগে, ৰিভত্তে, আরপ্পযোগে, সুদ্ধে, পমোচনে, হেত্ৰত্থে, ৰিৰিত্তত্থে, পমাণে, পুব্বযোগে, বন্ধনত্থে, গুণৰচনে, পঞ্হে, কথনে, থোকে, অকত্তরি চ ইচ্চেতেস্ৰত্থেসু, পযোগেসু চ, তং কারকং অপাদানসঞ্ঞং হোতি.
দূরত্থেতাৰ – কীৰ দূরো ইতো নল়কারগামো, দূরতো ৰা গম্ম, আরকা তে মোঘপুরিসা ইমস্মা ধম্মৰিনযা. দুতিযা চ ততিযা চ, দূরং গামং আৰতো, দূরেন গামেন ৰা আগতো. আরকা ইমং ধম্মৰিনযং, অনেন ধম্মৰিনযেন ৰা ইচ্চেৰমাদি.
অন্তিকত্থে – অন্তিকং গামা, আসন্নং গামা, সমীপং গামা, সমীপং সদ্ধম্মা. দুতিযা চ ততিযা চ, অন্তিকং গামং, অন্তিকং গামেন ৰা. আসন্নং গামং, আসন্নং গামেন ৰা. সমীপং গামং. সমীপং গামেন ৰা. সমীপং সদ্ধম্মং, সমীপং সদ্ধম্মেন ৰা ইচ্চেৰমাদি.
অদ্ধনিম্মানে ¶ – ইতো মথুরায চতূসু যোজনেসু সঙ্কস্সং নাম নগরং অত্থি, তত্থ বহূ জনা ৰসন্তি ইচ্চেৰমাদি.
কালনিম্মানে – ইতো ভিক্খৰে একনৰুতিকপ্পে ৰিপস্সী নাম ভগৰা লোকে উদপাদি, ইতো তিণ্ণং মাসানং অচ্চযেন পরিনিব্বাযিস্সতি ইচ্চেৰমাদি.
ত্ৰালোপে কম্মাধিকরণেসু – পাসাদা সঙ্কমেয্য, পাসাদং অভিরুহিত্ৰা ৰা. পব্বতা সঙ্কমেয্য, পব্বতং অভিরুহিত্ৰা ৰা. হত্থিক্খন্ধা সঙ্কমেয্য, হত্থিক্খন্ধং অভিরুহিত্ৰা ৰা. আসনা ৰুট্ঠহেয্য. আসনে নিসীদিত্ৰা ৰা ইচ্চেৰমাদি.
দিসাযোগে – অৰিচিতো যাৰ উপরিভৰগ্গমন্তরে বহূ সত্তনিকাযা ৰসন্তি, যতো খেমং ততো ভযং, পুরত্থিমতো, দক্খিণতো, পচ্ছিমতো, উত্তরতো অগ্গী পজ্জলন্তি, যতো অস্সোসুং ভগৰন্তং, উদ্ধং পাদতলা অধো কেসমত্থকা ইচ্চেৰমাদি.
ৰিভত্তে – যতো পণীততরো ৰা ৰিসিট্ঠতরো ৰা নত্থি. ছট্ঠী চ, ছন্নৰুতীনং পাসণ্ডানং, ধম্মানং পৰরং যদিদং সুগতৰিনযো ইচ্চেৰমাদি.
আরপ্পযোগে – ¶ গামধম্মা ৰসলধম্মা অসদ্ধম্মা আরতি ৰিরতি পটিৰিরতি, পাণাতিপাতা ৰেরমণী ইচ্চেৰমাদি.
সুদ্ধে – লোভনিযেহি ধম্মেহি সুদ্ধো অসংসট্ঠো, মাতিতো চ পিতিতো চ সুদ্ধো অসংসট্ঠো অনুপকুদ্ধো অগরহিতো ইচ্চেৰমাদি.
পমোচনে – পরিমুত্তো দুক্খস্মাতি ৰদামি, মুত্তোস্মি মারবন্ধনা, ন তে মুচ্চন্তি মচ্চুনা ইচ্চেৰমাদি.
হেত্ৰত্থে – কস্মা হেতুনা, কেন হেতুনা, কিস্স হেতুনা, কস্মা নু তুম্হং দহরা ন মীযরে, কস্মা ইধেৰ মরণং ভৰিস্সতি ইচ্চেৰমাদি.
ৰিৰিত্তত্থে – ৰিৰিত্তো পাপকা ধম্মা, ৰিৰিচ্চেৰ কামেহি ৰিৰিচ্চ অকুসলেহি ধম্মেহি ইচ্চেৰমাদি.
পমাণে – দীঘসো নৰৰিদত্থিযো সুগতৰিদত্থিযা পমাণিকা কারেতব্বা, মজ্ঝিমস্স পুরিসস্স অড্ঢ তেল়সহত্থা ইচ্চেৰমাদি.
পুব্বযোগে – পুব্বেৰ সম্মোধা ইচ্চেৰমাদি.
বন্ধনত্থে – সতস্মা বন্ধো নরো. ততিযা চ, সতেন বন্ধো নরো রঞ্ঞা ইণত্থেন ইচ্চেৰমাদি.
গুণৰচনে ¶ – পুঞ্ঞায সুগতিং যন্তি, চাগায ৰিপুলং ধনং, পঞ্ঞায ৰিমুত্তিমনো, ইস্সরিযায জনং রক্খতি রাজা ইচ্চেৰমাদি.
পঞ্হে ত্ৰালোপে কম্মাধিকরণেসু – অভিধম্মা পুচ্ছন্তি, অভিধম্মং সুত্ৰা, অভিধম্মে ঠত্ৰা ৰা. ৰিনযা পুচ্ছন্তি, ৰিনযং সুত্ৰা, ৰিনযে ঠত্ৰা ৰা. দুতিযা চ ততিযা চ, অভিধম্মং, অভিধম্মেন ৰা. ৰিনযং, ৰিনযেন ৰা. এৰ সুত্তা, গেয্যা, গাথায, ৰেয্যাকরণা, উদানা, ইতিৰুত্তকা, জাতকা, অব্ভুতধম্মা, ৰেদল্লা ইচ্চেৰমাদি.
কথনে ত্ৰালোপে কম্মাধিকরণেসু – অভিধম্মা কথযন্তি, অভিধম্মং সুত্ৰা, অভিধম্মে ঠত্ৰা ৰা. ৰিনযা কথযন্তি, ৰিনযং সুত্ৰা, ৰিনযে ঠত্ৰা ৰা. দুতিযা চ ততিযা চ, অভিধম্মং, অভিধম্মেন ৰা. ৰিনযং ৰিনযেন ৰা. এৰং সুত্তা, গেয্যা, গাথায, ৰেয্যাকরণা, উদানা, ইতিৰুত্তকা, জাতকা, অব্ভুতধম্মা, ৰেদল্লা ইচ্চেৰমাদি.
থোকে – থোকা মুচ্চন্তি. অপ্পমত্তকা মুচ্চন্তি, কিচ্ছা মুচ্চন্তি. ততিযা চ. থোকেন, অপ্পমত্তকেন, কিচ্ছেন ৰা ইচ্চেৰমাদি.
অকত্তরিচ – কম্মস্স কতত্তা উপচিতত্তা উস্সন্নত্তা ৰিপুলত্তা চক্খুৰিঞ্ঞাণং উপ্পন্নং হোতি ইচ্চেৰমাদি.
চগ্গহণেন ¶ সেসেসুপি যে মযা নোপদিট্ঠা অপাদানপযোগিকা, তে পযোগৰিচক্খণেহি যথাযোগং যোজেতব্বা.
২৭৬, ৩০২. যস্স দাতুকামো রোচতে ধারযতে ৰা তং সম্পদানং.
যস্স ৰা দাতুকামো যস্স ৰারোচতে, যস্স ৰা ধারযতে, তং কারকং সম্পদানসঞ্ঞং হোতি.
সমণস্স চীৰরং দদাতি, সমণস্স রোচতে সচ্চং, দেৰদত্তস্স সুৰণ্ণচ্ছত্তং ধারযতে যঞ্ঞদত্তো.
সম্পদানমিচ্চনেন ক্ৰত্থো? সম্পদানে চতুত্থী.
ৰাতি ৰিকপ্পনত্থং, ধাতুনামানং পযোগে ৰা উপসগ্গপ্পযোগে ৰা নিপাতপ্পযোগে ৰা সতি অত্থৰিকপ্পনত্থং ৰাতি পদং পযুজ্জতি.
২৭৭, ৩০৩. সিলাঘ হনু ঠা সপ ধার পিহ কুধ দুহিস্সোসূয রাধিক্খ পচ্চাসুণ অনুপতিগিণ পুব্বকত্তারোচনত্থ তদত্থ তুমত্থালমত্থ মঞ্ঞানাদরপ্পাণিনি, গত্যত্থকম্মনি, আসীসত্থ সম্মুতি ভিয্য সত্তম্যত্থেসু চ.
সিলাঘ হনু ঠা সপ ধার পিহ কুধ দুহ ইস্সইচ্চেতেসং ধাতূনং পযোগে, উসূযত্থানঞ্চ পযোগে, রাধিক্খপ্পযোগে, পচ্চাসুণঅনুপতিগিণানং পুব্বকত্তরি, আরোচনত্থে ¶ , তদত্থে, তুমত্থে, অলমত্থে, মঞ্ঞতিপ্পযোগে অনাদরে অপ্পাণিনি, গত্যত্থানং ধাতূনং কম্মনি, আসীসত্থে চ সম্মুতি ভিয্য সত্তম্যত্থেসু চ, তং কারকং সম্পদানসঞ্ঞং হোতি.
সিলাঘপ্পযোগে তাৰ – বুদ্ধস্স সিলাঘতে, ধম্মস্স সিলাঘতে, সঙ্ঘস্স সিলাঘতে, সকংউপজ্ঝাযস্স সিলাঘতে, তৰ সিলাঘতে মম সিলাঘতে ইচ্চেৰমাদি.
হনুপ্পযোগে – হনুতে তুয্হমেৰ, হনুতে ময্হমেৰ ইচ্চেৰমাদি.
ঠাপযোগে – উপতিট্ঠেয্য সক্যপুত্তানং ৰড্ঢকী, ভিক্খুস্স ভুঞ্জন্তস্স পানীযেন ৰা ৰিধূপনেন ৰা উপতিট্ঠেয্য ভিক্খুনী ইচ্চেৰমাদি.
সপপ্পযোগে – তুয্হং সপতে, ময্হং সপতে ইচ্চেৰমাদি.
ধারপ্পযোগে – সুৰণ্ণং তে ধারযতে ইচ্চেৰমাদি.
পিহপ্পযোগে – বুদ্ধস্স অঞ্ঞতিত্থিযা পিহযন্তি, দেৰা দস্সনকামা তে, যতো ইচ্ছামি ভদ্দন্তস্স, সমিদ্ধানং পিহযন্তি দলিদ্দা ইচ্চেৰমাদি.
কুধদুহইস্সউসূযপ্পযোগে – কোধযতি দেৰ দত্তস্স, তস্স কুজ্ঝ মহাৰীর, মা রট্ঠং ৰিনস্স ইদং. দুহযতি ¶ দিসানং মেঘো, তিত্থিযা সমণানং ইস্সযন্তি গুণগিদ্ধেন, তিত্থিযা সমণানং ইস্সযন্তি লাভগিদ্ধেন, দুজ্জনা গুণৰন্তানং উসূযন্তি গুণগিদ্ধেন, কা উসূযা ৰিজানতং ইচ্চেৰমাদি.
রাধ ইক্খ ইচ্চেতেসং ধাতূনং পযোগে যস্স অকথিতস্স পুচ্ছনং কম্মৰিক্খ্যাপনত্থঞ্চ, তং কারকং সম্পদানসঞ্ঞং হোতি, দুতিযা চ.
আরাধোহং রঞ্ঞো, আরাধোহং রাজানং, ক্যাহং অয্যানং অপরজ্ঝামি, ক্যাহং অয্যে অপরজ্ঝামি, চক্খুং জনস্স দস্সনায তং ৰিয মঞ্ঞে, আযস্মতো উপালিত্থেরস্স উপসম্পদাপেক্খো উপতিস্সো, আযস্মন্তং ৰা ইচ্চেৰমাদি.
পচ্চাসুণ অনুপতিগিণানং পুব্বকত্তরি সুণোতিস্স পচ্চাযোগে যস্স কম্মুনো পুব্বস্স যো কত্তা, সো সম্পদানসঞ্ঞো হোতি.
তং যথা? ভগৰা ভিক্খূ এতদৰোচ.
ভিক্খূতি অকথীত কম্মং, এতন্তি কথিতকম্মং. যস্স কম্মুনো পুব্বস্স যো কত্তা, সো‘ভগৰা’তি ‘‘যো করোতি স কত্তা’’তি সুত্তৰচনেন কত্তুসঞ্ঞো. এৰং যস্স ¶ কম্মুনো পুব্বস্স যো কত্তা, সো সম্পদানসঞ্ঞো হোতি.
তং যথা? তে ভিক্খূ ভগৰতো পচ্চস্সোসুং, আসুণন্তি বুদ্ধস্স ভিক্খূ.
গিণস্স অনুপতিযোগে যস্স কম্মুনো পুব্বস্স যো কত্তা, সো সম্পদানসঞ্ঞো হোতি.
তং যথা? ভিক্খু জনং ধম্মং সাৰেতি, তস্স ভিক্খুনো জনো অনুগিণাতি, তস্স ভিক্খুনো জনো পতিগিণাতি.
যো ৰদেতি স‘কত্তা’তি,
ৰুত্তং ‘কম্ম’ন্তি ৰুচ্চতি;
যো পটিগ্গাহকো তস্স,
‘সম্পদানং’ ৰিজানিযা.
ইচ্চেৰমাদি.
আরোচনত্থে – আরোচযামি ৰো ভিক্খৰে, আমন্তযামি ৰো ভিক্খৰে, পটিৰেদযামি ৰো ভিক্খৰে, আরোচযামি তে মহারাজ, আমন্তযামি তে মহারাজ, পটিৰেদযামি তে মহারাজ ইচ্চেৰমাদি.
তদত্থে – ঊনস্স পারিপূরিযা তং চীৰরং নিক্খিপিতব্বং. বুদ্ধস্স অত্থায, ধম্মস্স অত্থায, সঙ্ঘস্স অত্থায, জীৰিতং পরিচ্চজামি ইচ্চেৰমাদি.
তুমত্থে ¶ -লোকানুকম্পায অত্থায হিতায সুখায দেৰমনুস্সানং বুদ্ধো লোকে উপ্পজ্জতি. ভিক্খূনং ফাসুৰিহারায ৰিনযো পঞ্ঞত্তো ইচ্চেৰমাদি.
অলমত্থপ্পযোগে-অলমিতি অরহতি পটিক্খিত্তেসু. অলং মে বুদ্ধো, অলং মে রজ্জং, অলং ভিক্খু পত্তস্স, অলং মল্লো মল্লস্স, অরহতি মল্লো মল্লস্স. পটিক্খিত্তে অলং তে রূপং করণীযং, অলং মে হিরঞ্ঞসুৰণ্ণেন ইচ্চেৰমাদি.
মঞ্ঞতিপ্পযোগে অনাদরে অপ্পাণিনি-কট্ঠস্স তুৰং মঞ্ঞে, কলিঙ্গরস্স তুৰং মঞ্ঞে.
অনাদরেতি কিমত্থং? সুৰণ্ণং ৰিয তং মঞ্ঞে.
অপ্পাণিনীতি কিমত্থং? গদ্রভং তুৰং মঞ্ঞে ইচ্চেৰমাদি.
গত্যত্থকম্মনি-গামস্স পাদেন গতো, নগরস্স পাদেন গতো, অপ্পো সগ্গায গচ্ছতি, সগ্গস্স গমনেন ৰা, মূলায পটিকস্সেয্য সঙ্ঘো. দুতিযা চ, গামং পাদেন গতো, নগরং পাদেন গতো, অপ্পো সগ্গং গচ্ছতি, সগ্গং গমনেন ৰা, মূলং পটিকস্সেয্য সঙ্ঘো ইচ্চেৰমাদি.
আসীসত্থে-আযস্মতো দীঘাযুকো হোতু, ভদ্দং ভৰতো হোতু, কুসলং ভৰতো হোতু, অনামযং ¶ ভৰতো হোতু, সুখং ভৰতো হোতু, স্ৰাগতং ভৰতো হোতু, অত্থো ভৰতো হোতু, হিতং ভৰতো হোতু ইচ্চেৰমাদি.
সম্মুতিপ্পযোগে– অঞ্ঞত্র সঙ্ঘসম্মুতিযা ভিক্খুস্স ৰিপ্পৰত্থুং ন ৰট্টতি, সাধু সম্মুতি মে তস্স ভগৰতো দস্সনায ইচ্চেৰমাদি.
ভিয্যপ্পযোগে – ভিয্যোসো মত্তাযং ইচ্চেৰমাদি.
সত্তম্যত্থে – তুয্হঞ্চস্স আৰি করোমি, তস্স মে সক্কো পাতুরহোসি ইচ্চেৰমাদি.
অত্থগ্গহণেন বহূসু অক্খরপ্পযোগেসু দিস্সতি.
তং যথা? উপমং মত করিস্সামি, ধম্মং ৰো দেসেস্সামি.
সারত্থে চ – দেসেতু ভন্তে ভগৰা ধম্মং ভিক্খূনং. তস্স ফাসু ৰিহারায হোতি, এতস্স পহিণেয্য, যথা নো ভগৰা ব্যাকরেয্য, তথাপি তেসং ব্যাকরিস্সাম ¶ , কপ্পতি সমণানং আযোগো, অম্হাকং মণিনা অত্থো, কিমত্থো মে বুদ্ধেন, সেয্যো মে অত্থো, বহূপকারা ভন্তে মহাপজা পতিগোতমী ভগৰতো, বহূপকারা ভিক্খৰে মাতাপিতরো পুত্তানং ইচ্চেৰমাদি.
সেসেসু অক্খরপ্পযোগেসুপি অঞ্ঞেপি পযোগা পযোগৰিচক্খণেহি যোজেতব্বা.
চগ্গহণং ৰিকপ্পনত্থৰাগ্গহণানুকড্ঢনত্থং. যে কেচি সদ্দা সম্পদানপ্পযোগিকা মযা নোপদিট্ঠা, তেসং গহণত্থং ইধ ৰিকপ্পীযতি ৰাসদ্দো.
তং যথা? ভিক্খুসঙ্ঘস্স পভূ অযং ভগৰা, দেসস্স পভূ অযং রাজা. খেত্তস্স পভূ অযং গহপতি, অরঞ্ঞস্স পভূ অযং লুদ্দকো ইচ্চেৰমাদি. ক্ৰচি দুতিযা ততিযা পঞ্চমী ছট্ঠী সত্তম্যত্থেসু চ.
যো আধারো, তং ওকাসসঞ্ঞং হোতি. স্ৰাধারো চতুব্বিধো ব্যাপিকো, ওপসিলেসিকো, ৰেসযিকো সামীপিকো চাতি.
তত্থ ¶ ব্যাপিকো তাৰ–জলেসু খীরং তিট্ঠতি, তিলেসু তেলং, উচ্ছূসু রসো.
ওপসিলেসিকো–পরিযঙ্কে রাজা সেতি, আসনে উপৰিট্ঠো সঙ্ঘো.
ৰেসযিকো–ভূমীসু মনুস্সা চরন্তি, অন্তলিক্খে ৰাযূ ৰাযন্তি. আকাসে সকুণা পক্খন্দন্তি.
সামীপিকো–ৰনে হত্থিনো চরন্তি, গঙ্গাযং ঘোসো তিট্ঠতি, ৰজে গাৰো দুহন্তি, সাৰত্থিযং ৰিহরতি জেতৰনে.
ওকাসমিচ্চনেন ক্ৰত্থো? ওকাসে সত্তমী.
২৭৯, ২৯২. যেন ৰা কযিরতে তং করণং.
যেন ৰা কযিরতে, যেন ৰা পস্সতি, যেন ৰা সুণাতি, তং কারকং করণসঞ্ঞং হোতি.
দত্তেন ৰিহিং লুনাতি, ৰাসিযা কট্ঠং তচ্ছতি, ফরসুনা রুক্খং ছিন্দতি, কুদালেন পথৰিং খণতি, সত্থেন কম্মং করোতি. চক্খুনা রূপং পস্সতি.
করণমিচ্চনেন ক্ৰত্থো? করণে ততিযা.
২৮০, ২৮৫. যং ¶ করোতি তং কম্মং.
যং ৰা করোতি, যং ৰা পস্সতি, যং ৰা সুণাতি, তং কারকং কম্মসঞ্ঞং হোতি.
ছত্তং করোতি, রথং করোতি, রূপং পস্সতি, সদ্দং সুণাতি, কণ্টকং মদ্দতি, ৰিসং গিলতি.
কম্মমিচ্চনেন ক্ৰত্থো? কম্মত্থে দুতিযা.
যো করোতি, সো কত্তুসঞ্ঞো হোতি.
অহিনা দট্ঠো নরো, গরুল়েন হতো নাগো. বুদ্ধেন জিতো মারো, উপগুত্তেন মারো বন্ধো.
কত্তুইচ্চনেন ক্ৰত্থো? কত্তরি চ.
যো কত্তারং কারেতি, সো হেতুসঞ্ঞো হোতি, কত্তা চ.
সো পুরিসো তং পুরিসং কম্মং কারেতি সো পুরিসো তেন পুরিসেন কম্মং কারেতি, সো পুরিসো তস্স পুরিসস্স কম্মং কারেতি. এৰং হারেতি পাঠেতি পাচেতি, ধারেতি.
হেতুইচ্চনেন ক্ৰত্থো? ধাতূহি ণে ণয ণাপে ণাপযা কারিতানি হেত্ৰত্থে.
২৮৩, ৩১৬. যস্স ¶ ৰা পরিগ্গহো তং সামী.
যস্স ৰা পরিগ্গহো, তং সামীসঞ্ঞং হোতি.
তস্স ভিক্খুনো পটিৰীসো, তস্স ভিক্খুনো পত্তো, তস্স ভিক্খুনো চীৰরং, অত্তনো মুখং.
সামীইচ্চনেন ক্ৰত্থো? সামিস্মিং ছট্ঠী.
লিঙ্গত্থাভিধানমত্তে পঠমাৰিভত্তি হোতি.
পুরিসো, পুরিসা, একো, দ্ৰে, চ, ৰা, হে, অহে, রে, অরে.
আলপনত্থা ধিকে লিঙ্গত্থাভিধানমত্তে চ পঠমাৰিভত্তি হোতি.
ভো পুরিস, ভৰন্তো পুরিসা, ভো রাজ, ভৰন্তো রাজানো, হে সখে, হে সখিনো.
করণকারকে ততিযাৰিভত্তি হোতি.
অগ্গিনা কুটিং ঝাপেতি, মনসা চে পদুট্ঠেন, মনসা চে পসন্নেন, কাযেন কম্মং করোতি.
২৮৭, ২৯৯. সহাদিযোগে ¶ চ.
সহাদিযোগত্থে চ ততিযাৰিভত্তি হোতি.
সহাপি গগ্গেন সঙ্ঘো উপোসথং করেয্য, ৰিনাপি গগ্গেন, মহতা ভিক্খুসঙ্ঘেন সদ্ধিং, সহস্সেন সমং মিতা.
কত্তরি চ ততিযাৰিভত্তি হোতি.
রঞ্ঞা হতো পোসো, যক্খেন দিন্নো ৰরো, অহিনা দট্ঠো নরো.
হেত্ৰত্থে চ ততিযাৰিভত্তি হোতি.
অন্নেন ৰসতি, ধম্মেন ৰসতি, ৰিজ্জায ৰসতি, সক্কারেন ৰসতি.
সত্তম্যত্থে চ ততিযাৰিভত্তি হোতি.
তেন ¶ কালেন, তেন সমযেন. (যেন কালেন, যেন সমযেন,) তেন খো পন সমযেন.
যেন ব্যাধিমতা অঙ্গেন অঙ্গিনো ৰিকারো লক্খীযতে. তত্থ ততিযাৰিভত্তি হোতি.
অক্খিনা কাণো, হত্থেন কুণী, কাণং পস্সতি নেত্তেন, পাদেন খঞ্জো, পিট্ঠিযা খুজ্জো.
ৰিসেসনত্থে চ ততিযাৰিভত্তি হোতি.
গোত্তেন গোতমো নাথো, সুৰণ্ণেন অভিরূপো, তপসা উত্তমো.
সম্পদানকারকে চতুত্থীৰিভত্তি হোতি.
বুদ্ধস্স ৰা ধম্মস্স ৰা সঙ্ঘস্স ৰা দানং দেতি, দাতা হোতি সমণস্স ৰা ব্রাহ্মণস্স ৰা.
নমোযোগাদীস্ৰপি চ চতুত্থীৰিভত্তি হোতি.
নমো ¶ তে বুদ্ধ ৰীরত্থু, সোত্থি পজানং, নমো করোহি নাগস্স, স্ৰাগতং তে মহারাজ.
অপাদানকারকে পঞ্চমীৰিভত্তি হোতি.
পাপা চিত্তং নিৰারযে, অব্ভা মুত্তোৰ চন্দিমা, ভযা মুচ্চতি সো নরো.
কারণত্থে চ পঞ্চমীৰিভত্তি হোতি.
অননুবোধা অপ্পটিৰেধা চতুন্নং অরিযসচ্চানং যথাভূতং অদস্সনা.
কম্মত্থে দুতিযাৰিভত্তি হোতি.
গাৰং হনতি, ৰীহযো লুনাতি, সত্থং করোতি, ঘটং করোতি, রথং করোতি, ধম্মং সুণাতি, বুদ্ধং পূজেতি, ৰাচং ভাসতী, তণ্ডুলং ৰচতি, চোরং ঘাতেতি.
২৯৮, ২৮৭. কালদ্ধানমচ্চন্তসংযোগে.
কালদ্ধানং অচ্চন্তসংযোগে দুতিযাৰিভত্তি হোতি.
মাসং ¶ মংসোদনং ভুঞ্জতি, সরদং রমণীযা নদী, মাসং সজ্ঝাযতি, যোজনং ৰনরাজি, যোজনং দীঘো পব্বতো, কোসং সজ্ঝাযতি.
অচ্চন্তসংযোগেতি কিমত্থং? সংৰচ্ছরে ভোজনং ভুঞ্জতি.
কম্মপ্পৰচনীযযুত্তে দুতিযাৰিভত্তি হোতি.
তং খো পন ভৰন্তং গোতমং এৰং কল্যাণো কিত্তিসদ্দো অব্ভুগ্গতো, পব্বজিতমনুপব্বজিংসু.
৩০০, ২৮৬. গতি বুদ্ধি ভুজ পঠ হর কর সযাদীনং কারিতে ৰা.
গতি বুদ্ধি ভুজ পঠ হর কর সযাদীনং পযোগে কারিতে দুতিযাৰিভত্তি হোতি ৰা.
পুরিসো পুরিসং (গামং) গামযতি, পুরিসো পুরিসেন ৰা, পুরিসো পুরিসস্স ৰা. এৰং বোধযতি, ভোজযতি, পাঠযতি, হারযতি, কারযতি, সযাপযতি. এৰং সব্বত্থ কারিতে.
সামিস্মিং ছট্ঠীৰিভত্তি হোতি.
তস্স ¶ ভিক্খুনো পটিৰীসো, তস্স ভিক্খুনো পত্তো, তস্স ভিক্খুনো চীৰরং, অত্তনো মুখং.
ওকাসকারকে সত্তমীৰিভত্তি হোতি.
গম্ভীরে ওদকন্তিকে, পাপস্মিং রমতি মনো, ভগৰতি ব্রহ্মচরিযং ৰুস্সতি কুলপুত্তো.
৩০৩, ৩২১. সামিস্সরাধিপতি দাযাদ সক্খীপতিভূ পসুতকুসলেহি চ.
সামী ইস্সর অধিপতি দাযাদ সক্খীপতিভূ পসুতকুসল ইচ্চেতেহি পযোগে ছট্ঠীৰিভত্তি হোতি, সত্তমী চ.
গোণানং সামী, গোণেসু সামী, গোণানং ইস্সরো, গোণেসু ইস্সরো. গোণানং অধিপতি, গোণেসু অধিপতি. গোণানং দাযাদো, গোণেসু দাযাদো. গোণানং সক্খী, গোণেসু সক্খী, গোণানং পতিভূ, গোণেসু পতিভূ. গোণানং পসুতো, গোণেসু পসুতো. গোণানং কুসলো, গোণেসু কুসলো.
নিদ্ধারণত্থে চ ছট্ঠীৰিভত্তি হোতি, সত্তমী চ.
কণ্হা ¶ গাৰীনং সম্পন্নখীরতমা, কণ্হা গাৰীসু সম্পন্নখীরতমা. সামা নারীনং দস্সনীযতমা, সামা নারীসু দস্সনীযতমা. মনুস্সানং খত্তিযো সূরতমো, মনুস্সেসু খত্তিযো সূরতমো. পথিকানং ধাৰন্তো সীঘতমো, পথিকেসু ধাৰন্তো সীঘতমো.
অনাদরে ছট্ঠীৰিভত্তি হোতি, সত্তমী চ.
রুদতো দারকস্স পব্বজি, রুদন্তস্মিং দারকে পব্বজি.
৩০৬, ২৮৯. ক্ৰচি দুতিযা ছট্ঠীনমত্থে.
ছট্ঠীনমত্থে ক্ৰচি দুতিযাৰিভত্তি হোতি.
অপিস্সু মং অগ্গিৰেস্সন তিস্সো উপমা পটিভংসু.
ততিযাসত্তমীনং অত্থে চ ক্ৰচি দুতিযাৰিভত্তি হোতি.
সচে মং সমণো গোতমো আলপিস্সতি, ত্ৰঞ্চ মং নাভিভাসসি. এৰং ততিযত্থে.
পুব্বণ্হসমযং নিৰাসেত্ৰা, একং সমযং ভগৰা. এৰং সত্তম্যত্থে.
৩০৮, ৩১৭. ছট্ঠী ¶ চ.
ততিযাসত্তমীনং অত্থে চ ক্ৰচি ছট্ঠীৰিভত্তি হোতি.
কতো মে কল্যাণো, কতং মে পাপং. এৰং ততিযত্থে.
কুসলা নচ্চগীতস্স সিক্খিতা চাতুরিত্থিযো, কুসলো ত্ৰং রথস্স অঙ্গপচ্চঙ্গানং. এৰং সত্তম্যত্থে.
ক্ৰচীতি কিমত্থং? যো ৰো আনন্দ মযা ধম্মো চ ৰিনযো চ দেসিতো পঞ্ঞত্তো, আনন্দো অত্থেসু ৰিচক্খণো.
দুতিযাপঞ্চমীনঞ্চ অত্থে ক্ৰচি ছট্ঠীৰিভত্তি হোতি.
তস্স ভৰন্তি ৰত্তারো, সহসা কম্মস্স কত্তারো, এৰং দুতিযত্থে.
অস্সৰনতা ধম্মস্স পরিহাযন্তি, কিন্নু খো অহং তস্স সুখস্স ভাযামি, সব্বে তসন্তি দণ্ডস্স, সব্বে ভাযন্তি মচ্চুনো, ভীতো চতুন্নং আসীৰিসানং ঘোরৰিসানং, ভাযামি ঘোরৰিসস্স নাগস্স. এৰং পঞ্চম্যত্থে.
৩১০, ৩২৪. কম্ম ¶ করণ নিমিত্তত্থেসু সত্তমী.
কম্মকরণনিমিত্তত্থেসু সত্তমীৰিভত্তি হোতি.
সুন্দরাৰুসো ইমে আজীৰকা ভিক্খূসু অভিৰাদেন্তি. এৰং কম্মত্থে.
হত্থেসু পিণ্ডায চরন্তি, পত্তেসু পিণ্ডায চরন্তি, পথেসু গচ্ছন্তি. এৰং করণত্থে.
দীপি চম্মেসু হঞ্ঞতে, কুঞ্জরো দন্তেসু হঞ্ঞতে, এৰং নিমিত্তত্থে.
সম্পদানে চ সত্তমীৰিভত্তি হোতি.
সঙ্ঘে দিন্নং মহপ্ফল, সঙ্ঘে গোতমী দেহি, সঙ্ঘে তে দিন্নে অহঞ্চেৰ পূজিতো ভৰিস্সামি.
পঞ্চম্যত্থে চ সত্তমীৰিভত্তি হোতি.
কদলীসু গজে রক্খন্তি.
কালভাৰেসু চ কত্তরি পযুজ্জমানে সত্তমীৰিভত্তি হোতি.
পুব্বণ্হসমযে ¶ গতো, সাযন্হসমযে আগতো. ভিক্খূসু ভোজীযমানেসু গতো, ভুত্তেসু আগতো. গোসুদুয্হমানেসু গতো, দুদ্ধাসু আগতো.
উপঅধিইচ্চেতেসং পযোগে অধিকইস্সরৰচনে সত্তমীৰিভত্তি হোতি.
উপ খারিযং দোণো, উপ নিক্খে কহাপণং. অধি ব্রহ্মদত্তে পঞ্চালা, অধি নচ্চেসু গোতমী, অধি দেৰেসু বুদ্ধো.
৩১৫, ৩২৯. মণ্ডিতু’স্সুক্কেসু ততিযা.
মণ্ডিতউস্সুক্কইচ্চেতেস্ৰত্থেসু ততিযাৰিভত্তি হোতি, সত্তমী চ.
ঞাণেন পসীদিতো, ঞাণস্মিং ৰা পসীদিতো, ঞাণেন উস্সুক্কো, ঞাণস্মিং ৰা উস্সুক্কো তথাগতো ৰা তথাগতগোত্তো ৰা.
ইতি নামকপ্পে কারককপ্পো ছট্ঠো কণ্ডো.
কারককপ্পো নিট্ঠিতো.
৪. সমাসকপ্প
সত্তমকণ্ড
৩১৬, ৩৩১. নামানং ¶ সমাসো যুত্তত্থো.
তেসং নামানং পযুজ্জমানপদত্থানং যো যুত্তত্থো, সো সমাসসঞ্ঞো হোতি.
কথিনদুস্সং, আগন্তুকভত্তং, জীৰিতিন্দ্রিযং, সমণব্রাহ্মণা, সারিপুত্তমোগ্গল্লানা, ব্রাহ্মণ গহপতিকা.
নামানমিতি কিমত্থং? দেৰদত্তো পচতি, যঞ্ঞদত্তো পচতি.
যুত্তত্থোতি কিমত্থং? ভতো রঞ্ঞো পুত্তো দেৰদত্তস্স.
সমাসইচ্চনেন ক্ৰত্থো? ক্ৰচি সমাসন্তগতানমকারন্তো.
৩১৭, ৩৩২. তেসং ৰিভত্তিযো লোপা চ.
তেসং যুত্তত্থানং সমাসানং ৰিভত্তিযো লোপা চ হোন্তি.
কথিনদুস্সং ¶ , আগন্তুকভত্তং.
তেসংগহণেন সমাসতদ্ধিতাখ্যাতকিতকানং ৰিভত্তিপচ্চযপদক্খরাগমা চ লোপা হোন্তি. ৰাসিট্ঠো, ৰেনতেয্যো.
চগ্গহণ মৰধারণত্থং, পভঙ্করো, অমতদ্দদো, মেধঙ্করো, দীপঙ্করো.
লুত্তাসু ৰিভত্তীসু অস্স সরন্তস্স লিঙ্গস্স পকতিরূপানি হোন্তি.
চক্খুসোতং, মুখনাসিকং, রাজপুত্তো, রাজপুরিসো.
৩১৯, ৩৩০. উপসগ্গনিপাতপুব্বকো অব্যযীভাৰো.
উপসগ্গনিপাতপুব্বকো সমাসো অব্যযীভাৰসঞ্ঞো হোতি.
নগরস্স ¶ সমীপে পৰত্ততি কথা ইতি উপনগরং, দরথানং অভাৰো নিদ্দরথং, মকসানং অভাৰো নিম্মকসং, ৰুড্ঢানং পটিপাটি যথাৰুড্ঢং, যে যে ৰুড্ঢা ৰা যথাৰুড্ঢং, জীৰস্স যত্তকো পরিচ্ছেদো যাৰজীৰং, চিত্তমধিকিচ্চ পৰত্তন্তি তে ধম্মাতি অধিচিত্তং, পব্বতস্স তিরো তিরোপব্বতং, সোতস্স পতি পৰত্ততি নাৰা ইতি পতিসোতং, পাসাদস্স অন্তো অন্তোপাসাদং.
অব্যযীভাৰমিচ্চনেন ক্ৰত্থো? অংৰিভত্তীন মকারন্তা অব্যযীভাৰা.
সো অব্যযীভাৰসমাসো নপুংসকলিঙ্গোৰ দট্ঠব্বো.
কুমারীসু অধিকিচ্চ পৰত্ততি কথা ইতি অধিকুমারি, ৰধুযা সমীপে পৰত্ততি কথা ইতি উপৰধু, গঙ্গায সমীপে পৰত্ততি কথা ইতি উপগঙ্গং, মণিকায সমীপে পৰত্ততি কথা ইতি উপমণিকং.
দিগুস্স সমাসস্স একত্তং হোতি, নপুংসকলিঙ্গত্তঞ্চ.
তযো ¶ লোকা তিলোকং, তযো দণ্ডা তিদণ্ডং, তীণি নযনানি তিনযনং, তযো সিঙ্গা তিসিঙ্গং. চতস্সো দিসা চতুদ্দিসং, পঞ্চ ইন্দ্রিযানি পঞ্চিন্দ্রিযং.
৩২২, ৩৫৯. তথা দ্ৰন্দে পাণি তূরিয যোগ্গসেনঙ্গখুদ্দজন্তুক ৰিৰিধৰিরুদ্ধ ৰিসভাগত্থাদীনঞ্চ.
তথা দ্ৰন্দে সমাসে পাণি তূরিয যোগ্গ সেনঙ্গখুদ্দজন্তুক ৰিৰিধৰিরুদ্ধ ৰিসভাগত্থইচ্চেৰমাদীনং একত্তং হোতি, নপুংসকলিঙ্গত্তঞ্চ.
তং যথা? চক্খু চ সোতঞ্চ চক্খুসোতং, মুখঞ্চ নাসিকা চ মুখনাসিকং, ছৰি চ মংসঞ্চ লোহিতঞ্চ ছৰিমংসলোহিতং. এৰং পাণ্যঙ্গত্থে.
সঙ্খো চ পণৰো চ সঙ্খপণৰং, গীতঞ্চ ৰাদিতঞ্চ গীতৰাদিতং, দদ্দরি চ ডিণ্ডিমো চ দদ্দরিডিণ্ডিমং. এৰং তূরিযঙ্গত্থে.
ফালো চ পাচনঞ্চ ফালপাচনং, যুগঞ্চ নঙ্গলঞ্চ যুগনঙ্গলং. এৰং যোগ্গঙ্গত্থে.
অসি চ চম্মঞ্চ অসিচম্মং, ধনু চ কলাপো চ ধনুকলাপং, হত্থী চ অস্সো চ হত্থিঅস্সং, রথো চ পত্তিকো চ রথপত্তিকং. এৰং সেনঙ্গত্থে.
ডংসা ¶ চ মকসা চ ডংসমকসং, কুন্থো চ কিপিল্লিকো চ কুন্থকিপিল্লিকং, কীটো চ সরীসপো চ কীটসরীসপং. এৰং খুদ্দজন্তুকত্থে.
অহি চ নকুলো চ অহিনকুলং, বিল়ারো চ মূসিকো চ বিল়ারমূসিকং, কাকো চ উলূকো চ কাকোলূকং. এৰং ৰিৰিধৰিরুদ্ধত্থে.
সীলঞ্চ পঞ্ঞাণঞ্চ সীলপঞ্ঞাণং, সমথো চ ৰিপস্সনা চ সমথৰিপস্সনং, ৰিজ্জা চ চরণঞ্চ ৰিজ্জাচরণং. এৰং ৰিসভাগত্থে.
আদিগ্গহণং কিমত্থং? দাসী চ দাসো চ দাসিদাসং, ইত্থী চ পুমা চ ইত্থিপুমং, পত্তো চ চীৰরঞ্চ পত্তচীৰরং, ছত্তঞ্চ উপাহনা চ ছত্তুপাহনং, তিকঞ্চ চতুক্কঞ্চ তিকচতুক্কং, ৰেনো চ রথকারো চ ৰেনরথকারং, সাকুণিকো চ মাগৰিকো চ সৰকুণিকমাগৰিকং, দীঘো চ মজ্ঝিমো চ দীঘমজ্ঝিমং ইচ্চেৰমাদি.
৩২৩, ৩৬০. ৰিভাসা রুক্খ তিণ পসুখ ন ধঞ্ঞ জনপদাদীনঞ্চ.
রুক্খতিণ পসু ধন ধঞ্ঞ জনপদইচ্চেৰমাদীনং ৰিভাসা একত্তং হোতি, নপুংসকলিঙ্গত্তঞ্চ দ্ৰন্দে সমাসে. অস্সত্থো ¶ চ কপীতনো চ অস্সত্থকপীতনং, অস্সত্থকপীতনা ৰা. উসীরঞ্চ বীরণঞ্চ উসীরবীরণং, উসীরবীরণা ৰা. অজো চ এল়কো চ অজেল়কং, অজেল়কা ৰা. হিরঞ্ঞঞ্চ সুৰণ্ণঞ্চ হিরঞ্ঞসুৰণ্ণং, হিরঞ্ঞসুৰণ্ণা ৰা. সালি চ যৰো চ সালিযৰং, সালিযৰা ৰা. কাসী চ কোসলা চ কাসিকোসলং, কাসিকোসলা ৰা.
আদিগ্গহণং কিমত্থং? সাৰজ্জঞ্চ অনৰজ্জঞ্চ সাৰজ্জানৰজ্জং, সাৰজ্জা নৰজ্জা ৰা. হীনঞ্চ পণীতঞ্চ হীনপণীতং. হীনপণীতা ৰা. কণ্হো চ সুক্কো চ কণ্হসুক্কং, কণ্হসুক্কা ৰা.
৩২৪, ৩৩৯. দ্ৰিপদে তুল্যাধিকরণে কম্মধারযো.
দ্ৰে পদানি তুল্যাধিকরণানি যদা সমস্যন্তে, তদা সো সমাসো কম্মধারযসঞ্ঞো হোতি.
মহন্তো ¶ চ সো পুরিসো চাতি মহাপুরিসো, কণ্হো চ সো সপ্পো চাতি কণ্হসপ্পো, নীলঞ্চ তং উপ্পলঞ্চাতি নীলুপ্পলং, লোহিতঞ্চ তং চন্দনঞ্চাতি লোহিতচন্দনং, ব্রাহ্মণী চ সা দারিকা চাতি ব্রাহ্মণদারিকা, খত্তিযা চ সা কঞ্ঞা চাতি খত্তিযকঞ্ঞা.
কম্মধারযইচ্চনেন ক্ৰত্থো? কম্মধারযসঞ্ঞে চ.
সঙ্খ্যাপুব্বো কম্মধারযসমাসো দিগুসঞ্ঞো হোতি.
তীণি মলানি তিমলং, তীণি ফলানি তিফলং, তযো লোকা তিলোকং, তযো দণ্ডা তিদণ্ডং, চতস্সো দিসা চতুদ্দিসং, পঞ্চ ইন্দ্রিযানি পঞ্চিন্দ্রিযং, সত্ত গোদাৰরিযো সত্তগোদাৰরং.
দিগুইচ্চনেন ক্ৰত্থো? দিগুস্সে কত্তং.
উভে দিগুকম্মধারযসমাসা তপ্পুরিসসঞ্ঞা হোন্তি.
ন ব্রাহ্মণো অব্রাহ্মণো, ন ৰসলো অৰসলো, ন ভিক্খু অভিক্খু, ন পঞ্চৰস্সং অপঞ্চৰস্সং, ন ¶ পঞ্চপূলী অপঞ্চপূলী, ন সত্তগোদাৰরংঅসত্তগোদাৰরং, ন দসগৰং অদসগৰং, ন পঞ্চগৰং অপঞ্চগৰং.
তপ্পুরিসইচ্চনেন ক্ৰত্থো? অত্তং নস্স তপ্পুরিসে.
তা অমাদযো নামেহি পরপদেভি যদা সমস্যন্তে, তদা সো সমাসো তপ্পুরিসসঞ্ঞো হোতি.
ভূমিং গতো ভূমিগতো, সব্বরত্তিং সোভণো সব্বরত্তিসোভণো. অপাযং গতো অপাযগতো, ইস্সরেন কতং ইস্সরকতং, সল্লেন ৰিদ্ধো সল্লৰিদ্ধো, কথিনস্স দুস্সং কথিনদুস্সং, আগন্তুকস্স ভত্তং আগন্তুকভত্তং, মেথুনা অপেতো মেথুনাপেতো, চোরা ভযং চোরভযং, রঞ্ঞো পুত্তো রাজপুত্তো, ধঞ্ঞানং রাসি ধঞ্ঞরাসি, রূপে সঞ্ঞা রূপসঞ্ঞা, সংসারে দুক্খং সংসারদুক্খং.
৩২৮, ৩৫২. অঞ্ঞপদত্থেসু বহুব্বীহি.
অঞ্ঞেসং পদানং অত্থেসু দ্ৰে নামানি বহূনি নামানি যদা সমস্যন্তে, তদা সো সমাসো বহুব্বীহি সঞ্ঞো হোতি.
আগতা ¶ সমণা ইমং সঙ্ঘারামং সোযং আগতসমণো, সঙ্ঘারামো. জিতানি ইন্দ্রিযানি অনেন সমণেন সোযং জিতিন্দ্রিযো, সমণো. দিন্নো সুঙ্কো যস্স রঞ্ঞো সোযং দিন্নসুঙ্কো, রাজা. নিগ্গতা জনা অস্মা গামা সোযং নিগ্গতজনো, গামো. ছিন্নো হত্তো যস্স পুরিসস্স সোযং ছিন্নহত্থো, পুরিসো. সম্পন্নানি সস্সানি যস্মিং জনপদে সোযং সম্পন্নসস্সো, জনপদো.
নিগ্রোধস্স পরিমণ্ডলো নিগ্রোধপরিমণ্ডলো, নিগ্রোধপরিমণ্ডলো ইৰ পরিমণ্ডলো যো রাজকুমারো সোযং নিগ্রোধপরিমণ্ডলো. অথ ৰা নিগ্রোধপরিমণ্ডলো ইৰ পরিমণ্ডলো যস্স রাজকুমারস্স সোযং নিগ্রোধপরিমণ্ডলো, রাজকুমারো.
চক্খুনো ভূতো চক্খুভূতো, চক্খুভূতো ইৰ ভূতো যো ভগৰা সোযং চক্খুভূতো, ভগৰা.
সুৰণ্ণস্স ৰণ্ণো সুৰণ্ণৰণ্ণো, সুৰণ্ণৰণ্ণো ৰিয ৰণ্ণো যস্স ভগৰতো সোযং সুৰণ্ণৰণ্ণো, ভগৰা.
ব্রহ্মুনো সরো ব্রহ্মস্সরো, ব্রহ্মস্সরো ৰিয সরো যস্স ভগৰতো সোযং ব্রহ্মস্সরো, ভগৰা.
সযং ¶ পতিত পণ্ণ পুপ্ফফলৰাযুতোযাহারাতি পণ্ণঞ্চ পুপ্ফঞ্চ ফলঞ্চ পণ্ণপুপ্ফফলানি, সযমেৰ পতিতানি সযংপতিতানি, সযংপতিতানি চ তানি পণ্ণপুপ্ফফলানি চেতি সযংপতিতপণ্ণপুপ্ফফলানি ৰাযু চ তোযঞ্চ ৰাযুতোযানি, সযংপতিতপণ্ণপুপ্ফফলানি চ ৰাযুতোযানি চ সযংপতিতপণ্ণপুপ্ফফলৰাযুতোযানি. সযংপতিতপণ্ণপুপ্ফফলৰাযুতোযানি আহারা যেসং তে সযংপতিতপণ্ণপুপ্ফফলৰাযুতোযাহারা, ইসযো. যমেত্থ ৰত্তব্বং, তং হেট্ঠা ৰুত্তমেৰ. অযং পন দ্ৰন্দকম্মধারযগব্ভো তুল্যাধিকরণপহুব্বীহি.
অথ ৰা – সযংপতিতপণ্ণপুপ্ফফলৰাযুতোযেহি আহারা যেসং তে সযংপতিতপণ্ণপুপ্ফফলৰাযুতোযাহারা. অযং পন ভিন্নাধিকরণবহুব্বীহি.
নানা দুমপতিত পুপ্ফৰাসিত সানূতি নানাপকারা দুমা নানাদুমা, নানাদুমেহি পতিতানি নানাদুমপতি তানি, নানাদুমপতিতানি চ তানি পুপ্ফানি চেতি নানাদুমপতিতপুপ্ফানি, নানাদুমপতিতপুপ্ফেহি ৰাসিতা নানাদুমপতিতপুপ্ফৰাসিতা, নানাদুমপতিতপুপ্ফৰাসিতা সানূ যস্স পব্বতরাজস্স সোযং নানাদুমপতিতপুপ্ফৰাসিতসানু, পব্বতরাজা. অযং পন কম্মধারযতপ্পুরিসগব্ভো তুল্যাধিকরণবহুব্বীহি.
অথ ¶ ৰা – ৰাসিতা সানূ ৰাসিতসানু, সাপেক্খত্তে সতিপি গমকত্তা সমাসো. নানাদুমপতিতপুপ্ফেহি ৰাসিতসানূ যস্স পব্বতরাজস্স সোযং নানাদুমপতিতপুপ্ফৰাসিতসানু, পব্বতরাজা. অযং পন ভিন্নাধিকরণবহুব্বীহি.
ব্যালম্বম্বুধরবিন্দুচুম্বিতকূটোতি অম্বুং ধারেতীতি অম্বুধরো, কো সো? পজ্জুন্নো. ৰিৰিধা আলম্বো ব্যালম্বো, ব্যালম্বো চ সো অম্বুধরো চাতি ব্যালম্বম্বুধরো, ব্যালম্বম্বুধরস্স বিন্দূ ব্যালম্বম্বুধরবিন্দূ, ব্যালম্বম্বুধরবিন্দূহি চুম্বিতো ব্যালম্বম্বুধরবিন্দুচুম্বিতো, ব্যালম্বম্বুরেবিন্দুচুম্বিতো কূটো যস্স পব্বতরাজস্স সোযং ব্যালম্বম্বুধরবিন্দুচুম্বিতকূটো. অযং পন কম্মধারযতপ্পুরিসগব্ভো তুল্যাধিকরণবহুব্বীহি.
অথ ৰা – চুম্বিতো কূটো চুম্বিতকূটো, সাপেক্খত্তে সতিপি গমকত্তা সমাসো. ব্যালম্বম্বুধরবিন্দূহি চুম্বিতকূটো যস্স পব্বতরাজস্স সোযং ব্যালম্বম্বুধরবিন্দুচুম্বিতকূটো. অযং পন ভিন্নাধিকরণবহুব্বীহি.
অমিত বল পরক্কমজুতীতি ন মিতা অমিতা, বলঞ্চ পরক্কমো চ জুতি চ বলপরক্কমজুতিযো, অমিতা বলপরক্কমজুতিযো যস্স সোযং অমিতবলপরক্কমজুতি, অযং পন কম্মধারযদ্ৰন্দগব্ভো তুল্যাধিকরণবহুব্বীহি.
পীণোরক্খংস ¶ বাহূতি উরো চ অক্খঞ্চ অংসো চ বাহু চ উরক্খংসবাহৰো, পীণা উরক্খংসবাহৰো যস্স ভগৰতো সোযং পীণোরক্খংসবাহু. অযং পন দ্ৰন্দৰব্ভো তুল্যাধিকরণবহুব্বীহি.
পীণ গণ্ড ৰদন থনূরুজঘনাতি গণ্ডো চ ৰদনঞ্চ থনো চ ঊরু চ জঘনঞ্চ গণ্ডৰদনথনূরুজঘনা, পীণা গণ্ডৰদনথনূরুজঘনা যস্সা সাযং পীণগণ্ডৰদনথনূরুজঘনা. অযম্পি দ্ৰন্দগব্ভো তুল্যাধিকরণবহুব্বীহি.
ৰৰর সুরাসুর গরুড মনুজ ভুজগ গন্ধব্ব মকুট কূট চুম্বিত সেলসঙ্ঘট্টিত চরণোতি সুরা চ অসুরা চ গরুডা চ মনুজা চ ভুজগা চ গন্ধব্বা চ সুরাসুরগরুডমনুজভুজগগন্ধব্বা, পৰরা চ তে সুরাসুরগরুডমনুজভুজগ গন্ধব্বা চেতি পৰরসুরাসুরগরুডমনুজভুজগগন্ধব্বা, পৰরসুরাসুরগরুডমনুজভুজগগন্ধব্বানং মকুটানি পৰরসুরাসুরগরুডমনুজভুজগগন্ধব্বমকুটানি, পৰরসুরাসুরগরুডমনুজভুজগগন্ধব্বমকুটানং কূটানি পৰরসুরাসুরগরুডমনুজভুজগগন্ধব্বমকুটকূটানি, পৰরসুরাসুরগরুডমনুজভুজগগন্ধব্বমকুটকূটেসু চুম্বিতা পৰরসুরাসুরগরুডমনুজভুজগগন্ধব্বমকুটকূটচুম্বিতা, পৰরসুরাসুরগরুডমনুজভুজগগন্ধব্বমকুটকূটচুম্বিতা চ তে সেলা চাতি পৰরসুরাসুরগরুডমনুজভুজগগন্ধব্বমকুটকূটচুম্বিতসেলা, পৰরসুরাসুর গরুডমনুজভুজগগন্ধব্বমকুটকূটচুম্বিতসেলেহি সঙ্ঘট্টিতা পৰরসুরাসুর গরুডমনুজভুজগগন্ধব্বমকুটকূটচুম্বিতসেলসঙ্ঘট্টিতা, পৰরসুরাসুরগরুডমনুজভুজগগন্ধব্বমকুটকূটচুম্বিতসেলসঙ্ঘট্টিতা চরণা যস্স তথাগতস্স সোযং ¶ পৰরসুরাসুরগরুডমনুজভুজগগন্ধব্বমকুটকূটচুম্বিতসেলসঙ্ঘট্টিতচরণো, তথাগতো, অযং পন দ্ৰন্দকম্মধারযতপ্পুরিসগব্ভো তুল্যাধিকরণবহুব্বীহি.
অথ ৰা–সঙ্ঘট্টিতা চরণা সঙ্ঘট্টিতচরণা, সাপেক্খত্তে সতিপি গমকত্তা সমাসো. পৰরসুরাসুর গরুডমনুজভুজগ গন্ধব্বমকুটকূটচুম্বিতসেলেহি সঙ্ঘট্টিতচরণা যস্স তথাগতস্স সোযং পৰরসুরাসুরগরুড মনুজভুজগ গন্ধব্বমকুটকূটচুম্বিতসেলসঙ্ঘট্টিত চরণো. অযং পন ভিন্নাধিকরণবহুব্বীহি.
চতুদ্দিসোতি চতস্সো দিসা যস্স সোযং চতুদ্দিসো, ভগৰা.
পঞ্চচক্খূতি পঞ্চ চক্খূনি যস্স তথাগতস্স সোযং পঞ্চচক্খু, তথাগতো.
দসবলোতি দস বলানি যস্স সোযং দসবলো, ভগৰা.
অনন্তঞাণোতি নস্স অন্তো অনন্তং, অনন্তং ঞাণং যস্স তথাগতস্স সোযং অনন্তঞাণো, তথাগতো.
অমিত ঘন সরীরোতি ন মিতং অমিতং, ঘনং এৰ সরীরং ঘনসরীরং, অমিতং ঘনসরীরং যস্স তথাগতস্স সোযং অমিতঘনসরীরো, তথাগতো.
অমিত বল পরক্কম পত্তোতি ন মিতা অমিতা, বলঞ্চ পরক্কমো চ বলপরক্কমা, অমিতা এৰ বলপরক্কমা অমিতবলপরক্কমা ¶ , অমিতবলপরক্কমা পত্তা যেন সোযং অমিতবলপরক্কমপত্তো, ভগৰা. অযং পন কম্মধারযদ্ৰন্দগব্ভো তুল্যাধিকরণবহুব্বীহি.
মত্ত ভমর গণ চুম্বিত ৰিকসিতপুপ্ফৰল্লিনাগরুক্খো পসোভিত কন্দরোতি মত্তা এৰ ভমরা মত্তভমরা, মত্তভমরানং গণা মত্তভমরগণা, মত্তভমরগণেহি চুম্বিতানি মত্তভমরণচুম্বিতানি, ৰিকসিতানি এৰ পুপ্ফানি ৰিকসিতপুপ্ফানি, মত্তভমরগণচুম্বিতানি ৰিকসিতপুপ্ফানি যেসং তেহি মত্তভমরগণচুম্বিতৰিকসিতপুপ্ফা, ৰল্লি চ নাগরুক্খো চ মল্লিনাগরুক্খা, মত্তভমরগণচুম্বিতৰিকসিতপুপ্ফা চ তে ৰল্লিনাগরুক্খা চেতি মত্তভমরগণচুম্বিতৰিকসিতপুপ্ফৰল্লিনাগরুক্খা, মত্তভমরগণচুম্বিতৰিকসিতপুপ্ফৰল্লিনাগরুক্খেহি উপসোভিতানি মত্তভমরগণচুম্বিতৰিকসিতপুপ্ফৰল্লিনাগরুক্খো পসোভিতানি, মত্তভমরগণচুম্বিতৰিকসিতপুপ্ফৰল্লিনাগরুক্খো পসোভিতানি কন্দরানি যস্স পব্বতরাজস্স সোযং মত্তভমরগণচুম্বিতৰিকসিতপুপ্ফ ৰল্লিনাগরুক্খো পসো ভিতকন্দরো, পব্বতরাজা. অযং পন দ্ৰন্দকম্মধারযতপ্পুরিসগব্ভো তুল্যাধিকরণবহুব্বীহি.
অথ ৰা–উপসোভিতানি কন্দরানি উপসোভিতকন্দরানি, সাপেক্খত্তে সতিপি গমকত্তা সমাসো. মত্তভমরগণচুম্বিতৰিকসিতপুপ্ফৰল্লিনাগরুক্খেহি উপসোভিতকন্দরানি যস্স পব্বতরাজস্স সোযং মত্তভমরগণচুম্বিতৰিকসিতপুপ্ফৰল্লিনাগরুক্খো পসোভিতকন্দরো, পব্বতরাজা. অযং পন ভিন্নাধিকরণবহুব্বীহি.
নানা ¶ রুক্খ তিণ পতিত পুপ্ফোপসোভিত কন্দরোতি রুক্খো চ তিণঞ্চ রুক্খতিণানি, নানা পকারানি এৰ রুক্খতিণানি নানারুক্খতিণানি, নানারুক্খতিণেহি পতিতানি নানারুক্খতিণপতিতানি, নানারুক্খতিণপতিতানি চ তানি পুপ্ফানি চেতি নানারুক্খতিণপতিতপুপ্ফানি, নানারুক্খতিণপতিতপুপ্ফেহি উপসোভিতানি নানারুক্খতিণপতিত পুপ্ফোপসোভিতানি, নানারুক্খতিণপতিতপুপ্ফোপসোভিতানি কন্দরানি যস্স পব্বতরাজস্স সোযং নানারুক্খতিণপতিতপুপ্ফোপসোভিতকন্দরো, পব্বতরাজা. অযং পন দ্ৰন্দকম্মধারযতপ্পুরিসগব্ভো তুল্যাধিকরণবহুব্বীহি.
অথ ৰা–উপসোভিতানি এৰ কন্দরানি উপসোভিতকন্দরানি, (সাপেক্খত্তে সতিপি গমকত্তা সমাসো.) নানারুক্খতিণপতিতপুপ্ফেহি উপসোভিতকন্দরানি যস্স পব্বতরাজস্স সোযং নানারুক্খতিণপতিতপুপ্ফোপসোভিতকন্দরো, পব্বতরাজা. অযং পন ভিন্নাধিকরণবহুব্বীহি.
নানা মুসল ফাল পব্বত তরু কলিঙ্গর সর ধনুগদাসি তোমরহত্থাতি মুসলো চ ফালো চ পব্বতো চ তরু চ কলিঙ্গরো চ সরো চ ধনু চ গদা চঅসি চ তোমরো, চ মুসলফালপব্বততরুকলিঙ্গরসরধনুগদাসিতোমরা, নানা পকারা এৰ মুসলফালপব্বততরুকলিঙ্গরসরধনুগদাসিতোমরা নানামুসলফালপব্বততরুকলিঙ্গরসরধনুগদাসিতোমরা, নানামুসলফালপব্বততরুকলিঙ্গরসরধনুগদাসিতোমরা হত্থেসু ¶ যেসং তে নানামুসলফালপব্বততরুকলিঙ্গর সরধনুগদাসিতোমরহত্থা. অযং পন দ্ৰন্দকম্মধারযগব্ভো ভিন্নাধিকরণবহুব্বীহি.
বহুব্বীহি ইচ্চনেন ক্ৰত্থো? বহুব্বীহিম্হি চ.
৩২৯, ৩৫৭. নামানং সমুচ্চযো দ্ৰন্দো.
নামানং একৰিভত্তিকানং যো সমুচ্চযো, সো দ্ৰন্দসঞ্ঞো হোতি.
চন্দিমা চ সূরিযো চ চন্দিমসূরিযা, সমণো চ ব্রাহ্মণো চ সমণব্রাহ্মণা, সারিপুত্তো চ মোগ্গল্লানো চ সারিপুত্তমোগ্গল্লানা, ব্রাহ্মণো চ গহপতিকো চ ব্রাহ্মণগহপতিকা, যমো চ ৰরুণো চ যমৰরুণা, কুৰেরো চ ৰাসৰো চ কুৰেরৰাসৰা.
দ্ৰন্দইচ্চনেন ক্ৰত্থো? দ্ৰন্দট্ঠা ৰা.
৩৩০, ৩৪০. মহতং মহা তুল্যাধিকরণে পদে.
তেসং মহন্তসদ্দানং মহাআদেসো হোতি তুল্যাধিকরণে পদে.
মহন্তো ¶ চ সো পুরিসো চাতি মহাপুরিসো, মহন্তী চ সা দেৰী চাতি মহাদেৰী, মহন্তঞ্চ তং বলঞ্চাতি মহাবলং, মহন্তো চ সো নাগো চাতি মহানাগো, মহন্তো চ সো যসো চাতি মহাযসো, মহন্তঞ্চ তং পদুমৰনঞ্চাতি মহাপদুমৰনং, মহন্তী চ সা নদী চাতি মহানদী, মহন্তো চ সো মণি চাতি মহামণি, মহন্তো চ সো গহপতিকো চাতি মহাগহপতিকো, মহন্তঞ্চ তং ধনঞ্চাতি মহাধনং, মহন্তো চ সো পুঞ্ঞো চাতি মহাপুঞ্ঞো.
বহুৰচনগ্গহণেন ক্ৰচি মহন্ত সদ্দস্স মহাদেসো হোতি. মহন্তঞ্চ তং ফলঞ্চাতি মহপ্ফলং, মহব্বলং, এৰং মহদ্ধনং, মহব্ভযং.
৩৩১, ৩৫৩. ইত্থিযং ভাসিতপুমিত্থী পুমাৰ চে.
ইত্থিযং তুল্যাধিকরণে পদে চে ভাসিতপুমিত্থী পুমাৰ দট্ঠব্বা.
দীঘা জঙ্ঘা যস্স সোযং দীঘজঙ্ঘো, কল্যাণভরিযো, পহূতপঞ্ঞো.
ভাসিতপুপেতি ¶ কিমত্থং? ব্রাহ্মণবন্ধু চ সা ভরিযা চাতিব্রাহ্মণবন্ধুভরিযা.
কম্মধারযসঞ্ঞে চ সমাসে ইত্থিযং তুল্যাধিকরণে পদে পুব্বে ভাসিতপুমিত্থী চে, পুমাৰ দট্ঠব্বা. ব্রাহ্মণদারিকা, খত্তিযকঞ্ঞা, খত্তিযকুমারিকা.
ভাসিতপুমেতি কিমত্থং? খত্তিযবন্ধুদারিকা, ব্রাহ্মণবন্ধুদারিকা.
৩৩৩, ৩৪৪. অত্তং নস্স তপ্পুরিসে.
নস্স পদস্স তপ্পুরিসে উত্তরপদে অত্তং হোতি.
নব্রাহ্মণো অব্রাহ্মণো, অৰসলো, অভিক্খু, অপঞ্চৰস্সং, অপঞ্চগৰং.
নস্স পদস্স তপ্পুরিসে অন আদেসো হোতি সরে পরে.
ন অস্সো অনস্সো, অনিস্সরো, অনরিযো.
৩৩৫, ৩৪৬. কদ ¶ কুস্স.
কুইচ্চেতস্স কদ হোতি সরে পরে.
কুচ্ছিতং অন্নং কদন্নং, কুচ্ছিতং অসনং কদস্সনং.
সরেতি কিমত্থং? কুচ্ছিতা দারা যেসং (অপুঞ্ঞকারানং) তে হোন্তীতি কুদারা, কুজনা. এৰং কুপুত্তা, কুগেহা, কুৰত্থা, কুদাসা.
কুইচ্চেতস্স কা হোতি অপ্পত্থেসু চ.
কালৰণং, কাপুপ্ফং.
বহুৰচনগ্গহণং কিমত্থং? কুইচ্চেতস্স অনপ্পতত্থেসুপি ক্ৰচি কা হোতি, কাপুরিসা.
৩৩৭, ৩৫০. ক্ৰচি সমাসন্তগতানমকারন্তো.
সমাসন্তগতানং নামানমন্তো সরো ক্ৰচি অকারো হোতি.
দেৰানং রাজা দেৰরাজো, দেৰরাজা, দেৰানং সখা দেৰসখো, দেৰসখা, পঞ্চ অহানি পঞ্চাহং, সত্তাহং, পঞ্চগৰং, ছত্তুপাহনং, উপসরদং, ৰিসালক্খো, ৰিমুখো.
কারগ্গহণং ¶ কিমত্থং? আকারন্ত ইকারন্তা চ হোন্তি, পচ্চক্খা ধম্মা যস্স সোযন্তি পচ্চক্খধম্মা, সুরভিনো গন্ধো সুরভিগন্ধি, সুন্দরো গন্ধো সুগন্ধি, পূতিনো গন্ধো পূতিগন্ধি, কুচ্ছিতো গন্ধো কুগন্ধি, দুট্ঠু গন্ধো যস্স সোযন্তি দুগন্ধি, পূতি এৰ গন্ধো পূতিগন্ধি.
নদীঅন্তা চ কত্তুঅন্তা চ কপচ্চযো হোতি সমাসন্তে.
বহূ নদিযো যস্মিং সোযং বহুনদিকো, জনপদো. বহৰো কত্তারো যস্স সোযং বহুকত্তুকো, পুরিসো.
নদিম্হা চ কপচ্চযো হোতি সমাসন্তে.
বহূ নদিযো যস্মিং সোযন্তি বহুনদিকো. বহূ কন্তিযো যস্স সোযন্তি বহুকন্তিকো. বহুনারিকো.
৩৩৯, ৩৫৮. জাযায তুদং জানি পতিম্হি.
জাযাইচ্চেতায তুদং জানিইচ্চেতে আদেসা হোন্তি পতিম্হি পরে.
তুদংপতী, জানিপতী.
ধনুম্হা চ আপচ্চযো হোতি সমাসন্তে.
গাণ্ডীৰো ¶ ধনু যস্স সোযং গাণ্ডীৰধন্ৰা.
৩৪১, ৩৩৬. অং ৰিভত্তীনমকারন্তা অব্যযীভাৰা.
তস্মা অকারন্তা অব্যযীভাৰসমাসা পরাসং ৰিভত্তীনং ক্ৰচি অং হোতি.
অধিচিত্তং, যথাৰুড্ঢং, উপকুম্ভং, যাৰজীৰং, তিরোপব্বতং, তিরোপাকারং, তিরোকুট্টং, অন্তোপাসাদং.
ক্ৰচীতি কিমত্থং? অধিচিত্তস্স ভিক্খুনো.
নপুংসকে ৰত্তমানস্স অব্যযীভাৰসমাসস্স লিঙ্গস্স সরো রস্সো হোতি.
কুমারীসু অধিকিচ্চ পৰত্ততি কথা ইতি অধিকুমারি. উপৰধু, উপগঙ্গং, উপমণিকং.
অঞ্ঞস্মা অব্যযীভাৰসমাসা অনকারন্তা পরাসং ৰিভত্তীনং লোপো চ হোতি.
অধিত্থি, অধিকুমারি, উপৰধু.
ইতি নামকপ্পে সমাসকপ্পো সত্তমো কণ্ডো.
সমাসকপ্পো নিট্ঠিতো.
৫. তদ্ধিতকপ্প
অট্ঠমকণ্ড
৩৪৪, ৩৬১. ৰাণ’পচ্চে ¶ .
ণপচ্চযো হোতি ৰা ‘‘তস্সাপচ্চ’’ মিচ্চেতস্মিং অত্থে.
ৰসিট্ঠস্স অপচ্চং ৰাসিট্ঠো, ৰসিট্ঠস্স অপচ্চং ৰা, ৰসিট্ঠস্স অপচ্চং ৰাসিট্ঠী, ৰসিট্ঠস্স অপচ্চং ৰাসিট্ঠং. এৰং ভারদ্ৰাজো, ভারদ্ৰাজী, ভারদ্ৰাজং. গোতমো, গোতমী, গোতমং. ৰাসুদেৰো, ৰাসুদেৰী, ৰাসুদেৰং. বালদেৰো, বালদেৰী, বালদেৰং. ৰেসামিত্তো, ৰেসামিত্তী ৰেসামিত্তং.
তস্মা ৰচ্ছাদিতো গোত্তগণতো ণাযনণানপচ্চযা হোন্তি ৰা ‘‘তস্সাপচ্চ’’মিচ্চেতস্মিং অত্থে.
ৰচ্ছস্স অপচ্চংৰচ্ছাযনো, ৰচ্ছানো, ৰচ্ছস্স অপচ্চং ৰা, ৰচ্ছস্স অপচ্চং ৰচ্ছাযনী, ৰচ্ছানী, ৰচ্ছস্স অপচ্চং ৰচ্ছাযনং, ৰচ্ছানং. সকটস্স অপচ্চং সাকটাযনো, সাকটানো ¶ , সকটস্স অপচ্চং ৰা, সাকটাযনী, সা কটানী, সাকটাযনং, সাকটানং. এৰং কণ্হাযনো, কণ্হানো, কণ্হস্স অপচ্চং ৰা. কণ্হাযনী, কণ্হানী, কণ্হাযনং, কণ্হানং. অগ্গিৰেস্সাযনো, অগ্গিৰেস্সানো, অগ্গিৰেস্সাযনী, অগ্গিৰেস্সানী, অগ্গিৰেস্সাযনং, অগ্গিৰেস্সানং. গচ্ছাযনো, গচ্ছানো, গচ্ছাযনী, গচ্ছানী, গচ্ছাযনং, গচ্ছানং. কপ্পাযনো, কপ্পানো, কপ্পাযনী, কপ্পানী, কপ্পাযনং, কপ্পানং. মোগ্গল্লাযনো, মোগ্গল্লানো, মোগ্গল্লাযনী, মোগ্গল্লানী, মোগ্গল্লাযনং, মোগ্গল্লানং. মুঞ্চাযনো, মুঞ্চানো, মুঞ্চাযনী, মুঞ্চানী, মুঞ্চাযনং, মুঞ্চানং. সঙ্ঘাযনো, সঙ্ঘানো, সঙ্ঘাযনী, সঙ্ঘানী, সঙ্ঘাযনং, সঙ্ঘানং. লোমাযনো, লোমানো, লোমাযনী, লোমানী, লোমাযনং, লোমানং, সাকমাযনো, সাকমানো, সাকমাযনী, সাকমানী, সাকমাযনং, সাকমানং. নারাযনো, নারানো, নারাযনী, নারানী, নারাযনং, নারানং. চোরাযনোচোরানো, চোরাযনী, চোরানী, চোরাযনং, চোরানং, আৰসালাযনো, আৰসালানো, আৰসালাযনী, আৰসালানী, আৰসালাযনং, আৰসালানং. দ্ৰেপাযনো, দ্ৰেপানো, দ্ৰেপাযনী, দ্ৰেপানী, দ্ৰেপাযনং, দ্ৰেপানং. কুঞ্চাযনো, কুঞ্চানো, কুঞ্চাযনী, কুঞ্চানী, কুঞ্চাযনং, কুঞ্চানং. কচ্চাযনো, কচ্চানো, কচ্চাযনী, কচ্চানী, কচ্চাযনং, কচ্চানং.
৩৪৬, ৩৬৭. ণেয্যো ¶ কত্তিকাদীহি.
তেহি গোত্তগণেহি কত্তিকাদীহি ণেয্যপচ্চযো হোতি ৰা ‘‘তস্সাপচ্চ’’মিচ্চেতস্মিং অত্থে.
কত্তিকায অপচ্চং কত্তিকেয্যো, কত্তিকায অপচ্চং ৰা. এৰং ৰেনতেয্যো, রোহিণেয্যো, গঙ্গেয্যো, কদ্দমেয্যো, নাদেয্যো, আলেয্যো, আহেযো, কামেয্যো, সুচিযা অপচ্চং সোচেয্যো, সালেয্যো, বালেয্যো, মালেয্যো, কালেয্যো.
তস্মা অকারতো ণিপচ্চযো হোতি ৰা ‘‘তস্সাপচ্চ’’মিচ্চেতস্মিং অত্থে.
দক্খস্স অপচ্চং দক্খি, দক্খস্স অপচ্চং ৰা. দুণস্স অপচ্চং দোণি, দুণস্স অপচ্চং ৰা, এৰং ৰাসৰি, সক্যপুত্তি, নাটপুত্তি, দাসপুত্তি, দাসৰি, ৰারুণি, গণ্ডি, বালদেৰি, পাৰকি, জেনদত্তি, বুদ্ধি, ধম্মি, সঙ্ঘি, কপ্পি, অনুরুদ্ধি.
ৰাতি ৰিকপ্পনত্থেন ণিকপচ্চযো হোতি ‘‘তস্সাপচ্চ’’মিচ্চেতস্মিং অত্থে. সক্যপুত্তস্স অপচ্চং সক্যপুত্তিকো. এৰং নাটপুত্তিকো, জেনদত্তিকো.
১৪৮, ৩৭১. ণৰো’ ¶ পক্ৰাদীহি.
উপকুইচ্চেৰমাদীহি ণৰপচ্চযো হোতি ৰা ‘‘তস্সাপচ্চ’’মিচ্চেতস্মিং অত্থে.
উপকুস্স অপচ্চং ওপকৰো, উপকুস্স অপচ্চং ৰা. মনুনো অপচ্চং মানৰো, মনুনো অপচ্চং ৰা. ভগ্গুস্স অপচ্চং ভগ্গৰো, ভগ্গুস্স অপচ্চং ৰা, পণ্ডুস্স অপচ্চং পণ্ডৰো, পণ্ডুস্স অপচ্চং ৰা, বহুস্স অপচ্চং বাহৰো, বহুস্স অপচ্চং ৰা.
তস্মা ৰিধৰাদিতো ণেরপচ্চযো হোতি ৰা ‘‘তস্সাপচ্চ’’মিচ্চেতস্মিং অত্থে.
ৰিধৰায অপচ্চং ৰেধৰেরো, ৰিধৰায অপচ্চং ৰা. বন্ধুকিযা অপচ্চং বন্ধুকেরো, বন্ধুকিযা অপচ্চং ৰা. সমণস্স অপচ্চং সামণেরো, সমণস্স অপচ্চং ৰা. এৰং সামণেরী, সামণেরং, নাল়িকেরো, নাল়িকেরী, নাল়িকেরং.
৩৫০, ৩৭৩. যেন ৰা সংসট্ঠং তরতি চরতি ৰহতি ণিকো.
যেন ৰা সংসট্ঠং, যেন ৰা তরতি, যেন ৰা চরতি, যেন ৰা ৰহতি ইচ্চেতেস্ৰত্থেসু ণিকপচ্চযো হোতি ৰা.
তিলেন ¶ সংসট্ঠং ভোজনং তেলিকং, তিলেন সংসট্ঠং ৰা. এৰং গোল়িকং, ঘাতিকং.
নাৰায তরতীতি নাৰিকো, নাৰায তরতি ৰা. এৰং ওল়ুম্পিকো.
সকটেন চরতীতি সাকটিকো, সকটেন চরতি ৰা. এৰং পত্তিকো, দণ্ডিকো, ধম্মিকো, পাদিকো.
সীসেন ৰহতীতি সীসিকো, সীসেন ৰহতি ৰা. অংসেন ৰহতীতি অংসিকো, অংসেন ৰহতি ৰা. এৰং খন্ধিকো, অঙ্গুলিকো.
ৰাতি ৰিকপ্পনত্থেন অঞ্ঞেসুপি ণিকপচ্চযো হোতি. রাজগহে ৰসতীতি রাজগহিকো, রাজগহে ৰসতি ৰা. রাজগহে জাতো রাজগহিকো, রাজগহে জাতো ৰা. এৰং মাগধিকো, সাৰত্থিকো, কাপিল ৰত্থিকো, পাটলিপুত্তিকো, ৰেসালিকো.
৩৫১, ৩৭৪. তমধীতে তেনকতাদি সন্নিধান নিযোগ সিপ্প ভণ্ড জীৰিকত্থেসু চ.
তমধীতে, তেনকতাদিঅত্থে, তম্হি সন্নিধানা, তত্থ নিযুত্তো, তমস্স সিপ্পং, তমস্স ভণ্ডং, তমস্স জীৰিকং ইচ্চেতেস্ৰত্থেসু চ ণিকপচ্চযো হোতি ৰা.
ৰিনযমধীতে ¶ ৰেনযিকো, ৰিনযমধীতে ৰা. এৰং সুত্তন্তিকো, আভিধম্মিকো, ৰেয্যাকরণিকো.
কাযেন কতং কম্মং কাযিকং, কাযেন কতং কম্মং ৰা. এৰং ৰাচসিকং, মানসিকং.
সরীরে সন্নিধানা ৰেদনা সারীরিকা, সরীরে সন্নিধানা ৰা, এৰং মানসিকা.
দ্ৰারে নিযুত্তো দোৰারিকো, দ্ৰারে নিযুত্তো ৰা. এৰং ভণ্ডাগারিকো, নাগরিকো, নাৰকম্মিকো.
ৰীণা অস্স সিপ্পং ৰেণিকো, ৰীণা অস্স সিপ্পং ৰা. এৰং পাণৰিকো, মোদিঙ্গিকো, ৰংসিকো.
গন্ধো অস্স ভণ্ডং গন্ধিকো, গন্ধো অস্স ভণ্ডং ৰা. এৰং তেলিকো, গোল়িকো.
উরব্ভং হন্ত্ৰা জীৰতীতি ওরব্ভিকো, উরব্ভং হন্ত্ৰা জীৰতি ৰা. মগং হন্ত্ৰা জীৰতীতি মাগৰিকো, মগং হন্ত্ৰা জীৰতি ৰা. এৰং সোকরিকো, সাকুণিকো.
আদিগ্গহণেন অঞ্ঞত্থাপি ণিক পচ্চযো যোজেতব্বো. জালেন হতো জালিকো, জালেন হতো ৰা.
সুত্তেন বন্ধো সুত্তিকো, সুত্তেন বন্ধো ৰা.
চাপো ¶ অস্স আৰুধো চাপিকো, চাপো অস্স আৰুধো ৰা. এৰং তোমরিকো, মুগ্গরিকো, মোসলিকো.
ৰাতো অস্স আবাধো ৰাতিকো, ৰাতো অস্স আবাধো ৰা. এৰং সেম্হিকো, পিত্তিকো.
বুদ্ধে পসন্নো বুদ্ধিকো, বুদ্ধে পসন্নো ৰা. এৰং ধম্মিকো, সঙ্ঘিকো.
বুদ্ধস্স সন্তকং বুদ্ধিকং, বুদ্ধস্স সন্তকং ৰা. এৰং ধম্মিকং, সঙ্ঘিকং.
ৰত্থেন কীতং ভণ্ডং ৰত্থিকং, ৰত্থেন কীতং ভণ্ডং ৰা. এৰং কুম্ভিকং, ফালিকং, কিং কণিকং, সোৰণ্ণিকং.
কুম্ভো অস্স পরিমাণং কুম্ভিকং, কুম্ভো অস্স পরিমাণং ৰা.
কুম্ভস্স রাসি কুম্ভিকং, কুম্ভস্স রাসি ৰা.
কুম্ভং অরহতীতি কুম্ভিকো, কুম্ভং অরহতি ৰা.
অক্খেন দিব্বতীতি অক্খিকো, অক্খেন দিব্বতি ৰা. এৰং সালাকিকো, তিন্দুকিকো, অম্বফলিকো. কপিট্ঠফলিকো, নাল়িকেরিকো ইচ্চেৰমাদি.
৩৫২, ৩৭৬. ণ রাগা তস্সে দমঞ্ঞত্থেসু চ.
ণপচ্চযো হোতি ৰা রাগম্হা ‘‘তেন রত্তং’’ ইচ্চেতস্মিং অত্থে, ‘‘তস্সেদং’’ অঞ্ঞত্থেসু চ.
কসাৰেন ¶ রত্তং ৰত্থং কাসাৰং, কসাৰেন রত্তং ৰত্থং ৰা. এৰং কোসুম্ভং, হালিদ্দং, পাটঙ্গং, রত্তঙ্গ, মঞ্জিট্ঠং, কুঙ্কুমং.
সূকরস্স ইদং মংসং সোকরং, সূকরস্স ইদং মংসং ৰা. এৰং মাহিসং.
উদুম্বরস্স অৰিদূরে পৰত্তং ৰিমানং ওদুম্বরং, উদুম্বরস্স অৰিদূরে পৰত্তং ৰিমানং ৰা.
ৰিদিসায অৰিদূরে নিৰাসো ৰেদিসো, ৰিদিসায অৰিদূরে নিৰাসো ৰা.
মথুরায জাতো মাথুরো, মথুরায জাতো ৰা.
মথুরায আগতো মাথুরো, মথুরায আগতো ৰা.
কত্তিকায নিযুত্তো মাসো কত্তিকো, কত্তিকায নিযুত্তো মাসো ৰা. এৰং মাগসিরো, ফুস্সো, মাঘো, ফগ্গুনো, চিত্তো, ৰেসাখো, জেট্ঠো, আসল়্হো, সাৰণো, ভদ্দো, অস্সযুজো.
ন ৰুদ্ধি নীলপীতাদো, পচ্চযে সণকারকে.
ফকারো ফুস্সসদ্দস্স, ‘‘সিরো’’তি সিরসং ৰদে.
সিক্খানং ¶ সমূহো সিক্খো, ভিক্খানং সমূহো ভিক্খো. এৰং কাপোতো, মাযূরো, কোকিলো.
বুদ্ধে, অস্স দেৰতা বুদ্ধো. এৰং ভদ্দো, মারো, মাহিন্দো, ৰেস্সৰণো, যামো, সোমো, নারাযণো.
সংৰচ্ছরমধীতে সংৰচ্ছরো. এৰং মোহুত্তো, নেমিত্তো, অঙ্গৰিজ্জো, ৰেয্যাকরণো, ছন্দো, ভাস্সো, চন্দো.
ৰসাদানং ৰিসযো দেসো ৰাসাদো. এৰং কুম্ভো, সাকুন্তো, আতিসারো.
উদুম্বরা অস্মিং পদেসে সন্তীতি ওদুম্বরো. সাগরেহি নিব্বত্তো সাগরো. সাগলমস্স নিৰাসো সাগলো. মথুরা অস্স নিৰাসো মাথুরো. মথুরায ইস্সরো মাথুরো. ইচ্চেৰমাদযো যোজেতব্বা.
জাতইচ্চেৰমাদীনমত্থে ইমইযপচ্চযা হোন্তি.
পচ্ছা জাতো পচ্ছিমো. এৰং অন্তিমো, মজ্ঝিমো, পুরিমো, উপরিমো, হেট্ঠিমো, গোপ্ফিমো. বোধিসত্তজাতিযা জাতো বোধিসত্তজাতিযো, এৰং ¶ অস্সজাতিযো, হত্থিজাতিযো, মনুস্সজাতিযো.
আদিগ্গহণেন নিযুত্তত্থাদিতোপি তদস্সত্থাদিতোপি ইম ইয ইক ইচ্চেতে পচ্চযা হোন্তি. অন্তো নিযুত্তো অন্তিমো. এৰং অন্তিযো, অন্তিকো.
পুত্তো অস্স অত্থি, তস্মিং ৰা ৰিজ্জতীতি পুত্তিমো. এৰং পুত্তিযেৰ, পুত্তিকো, কপ্পিমো, কপ্পিযো, কপ্পিকো.
চগ্গহণেন কিযপচ্চযো হোতি নিযুত্তত্থে. জাতিযং নিযুত্তো জাতিকিযো, অন্ধে নিযুত্তো অন্ধকিযো, জাতিযা অন্ধো জচ্চন্ধো, জচ্চন্ধে নিযুত্তো জচ্চন্ধকিযো.
সমূহত্থে কণ ণইচ্চেতে পচ্চযা হোন্তি.
রাজপুত্তানং সমূহো রাজপুত্তকো. এৰং রাজপুত্তো, মানুস্সকো, মানুস্সো, মাযূরকো, মাযূরো, মাহিংসকো, মাহিংসো.
৩৫৫, ৩৮০. গাম জন বন্ধু সহাযাদীহিতা.
গাম জন বন্ধু সহাযইচ্চেৰমাদীহি তাপচ্চযো হোতি সমূহত্থে.
গামানং ¶ সমূহো গামতা. এৰং জনতা, বন্ধুতা, সহাযতা, নগরতা.
‘‘তদস্স ঠান’’ মিচ্চেতস্মিং অত্থে ইযপচ্চযো হোতি.
মদনস্স ঠানং মদনিযং, বন্ধনস্স ঠানং বন্ধনিযং, মুচ্ছনস্স ঠানং মুচ্ছনিযং, এৰং রজনিযং, কমনিযং, গমনিযং, দুস্সনিযং, দস্সনিযং.
উপমত্থে আযিতত্তপচ্চযো হোতি.
ধূমো ৰিয দিস্সতি অদুং ৰনং তদিদং ধূমাযিতত্তং, তিমিরং ৰিয দিস্সতি অদুং ৰনং তদিদং তিমিরাযিতত্তং.
‘‘তন্নিস্সিতত্থে, তদস্স ঠান’’মিচ্চেতস্মিং অত্থে চ লপচ্চযো হোতি.
দুট্ঠু ¶ নিস্সিতং দুট্ঠুল্লং, ৰেদং নিস্সিতং ৰেদল্লং, দুট্ঠু ঠানং দুট্ঠুল্লং, ৰেদস্স ঠানং ৰেদল্লং.
আলুপচ্চযো হোতি তব্বহুলত্থে.
অভিজ্ঝা অস্স পকতি অভিজ্ঝালু, অভিজ্ঝা অস্স বহুলা ৰা অভিজ্ঝালু. এৰং সীতালু, ধজালু, দযালু.
ণ্যত্ততাইচ্চেতে পচ্চযা হোন্তি ভাৰত্থে.
অলসস্স ভাৰো আলস্যং, অরোগস্স ভাৰো আরোগ্যং. পংসুকূলিকস্স ভাৰো পংসুকূলিকত্তং, অনোদরিকস্স ভাৰো অনোদরিকত্তং. সঙ্গণিকারামস্স ভাৰো সঙ্গণিকারামতা, নিদ্দারামস্স ভাৰো নিদ্দারামতা.
তুগ্গহণেন ত্তনপচ্চযো হোতি. পুথুজ্জনত্তনং, ৰেদনত্তনং.
৩৬১, ৩৮৮. ণ ¶ ৰিসমাদীহি.
ণপচ্চযো হোতি ৰিসমাদীহি ‘‘তস্স ভাৰো’’ইচ্চেতস্মিং অত্থে.
ৰিসমস্স ভাৰো ৰেসমং, সুচিস্স ভাৰো সোচং.
রমণীযইচ্চেৰমাদিতো কণ পচ্চযো হোতি ‘‘তস্স ভাৰো’’ইচ্চেতস্মিং অত্থে.
রমণীযস্স ভাৰো রামণীযকং, মনুঞ্ঞস্স ভাৰো মানুঞ্ঞকং.
৩৬৩, ৩৯০. ৰিসেসে তরতমিসিকিযিট্ঠা.
ৰিসেসত্থে তর তম ইসিক ইয ইট্ঠইচ্চেতে পচ্চযা হোন্তি.
সব্বে ইমে পাপা, অযমিমেসং ৰিসেসেন পাপোতি পাপতরো. এৰং পাপতমো, পাপিসিকো, পাপিযো, পাপিট্ঠো.
‘‘তদস্সত্থি’’ইচ্চেতস্মিং অত্থে ৰীপচ্চযো হোতি.
মেধা ¶ যস্স অত্থি, তস্মিং ৰা ৰিজ্জতীতিমেধাৰী. এৰং মাযাৰী.
চগ্গহণেন সোপচ্চযো হোতি. সুমেধা যস্স অত্থি, তস্মিং ৰা ৰিজ্জতীতি সুমেধসো.
তপাদিতো সীপচ্চযো হোতি ‘‘তদস্সত্থি’’ইচ্চেতস্মিং অত্থে.
তপো যস্স অত্থি তস্মিং ৰা ৰিজ্জতীতি তপস্সী. এৰং যসস্সী, তেজস্সী.
দণ্ডাদিতো ইক ঈইচ্চেতে পচ্চযা হোন্তি ‘‘তদস্সত্থি’’ইচ্চেতস্মিং অত্থে.
দণ্ডো যস্স অত্থি, তস্মিং ৰা ৰিজ্জতীতি দণ্ডিকো, দণ্ডী. এৰং মালিকো, মালী.
মধুইচ্চেৰমাদিতো রপচ্চযো হোতি ‘‘তদস্সত্থি’’ইচ্চেতস্মিং অত্থে.
মধু ¶ যস্স অত্থি, তস্মিং ৰা ৰিজ্জতীতি মধুরো. এৰং কুঞ্জরো, মুগ্গরো, মুখরো, সুসিরো, (সীসরো, সুকরো, সুঙ্করো), সুভরো, সুচিরো, রুচিরো.
গুণইচ্চেৰমাদিতো ৰন্তুপচ্চযো হোতি ‘‘তদস্সত্থি’’ইচ্চেতস্মিং অত্থে.
গুণো যস্স অত্থি, তস্মিং ৰা ৰিজ্জতীতি গুণৰা. এৰং যসৰা, ধনৰা, পঞ্ঞৰা, বলৰা, ভগৰা.
সতিইচ্চেৰমাদীহি মন্তুপচ্চযোহোতি ‘‘তদস্সত্থি’’ ইচ্চেতস্মিং অত্থে.
সতি যস্স অত্থি, তস্মিং ৰা ৰিজ্জতীতি সতিমা, এৰং জুতিমা, রুচিমা, থুতিমা, ধিতিমা, মতিমা, ভাণুমা.
সদ্ধাইচ্চেৰমাদিতো ণ পচ্চযো হোতি ‘‘তদস্সত্থি’’ইচ্চেতস্মিং অত্থে.
সদ্ধা ¶ যস্স অত্থি, তস্মিং ৰা ৰিজ্জতীভি সদ্ধো, এৰং পঞ্ঞো, অমচ্ছরো.
৩৭১, ৪০৪. আযুস্সুকারাস মন্তুম্হি.
আযুস্স অন্তো উকারো অসাদেসো হোতিমন্তুম্হি পচ্চযে পরে.
আযু অস্স অত্থি, তস্মিং ৰা ৰিজ্জতীতি আযস্মা.
তপ্পকতিৰচনত্থে মযপচ্চযো হোতি.
সুৰণ্ণেন পকতং কম্মং সোৰণ্ণমযং. এৰং রূপিযমযং জতুমযং, রজতমযং, ইট্ঠকমযং, অযোমযং, মত্তিকা মযং, দারুমযং, গোমযং.
সঙ্খ্যাপূরণত্থে মপচ্চযো হোতি.
পঞ্চন্নং পূরণো পঞ্চমো, এৰং সত্তমো, অট্ঠমো, নৰমো, দসমো.
৩৭৪, ৪০৮. স ¶ ছস্সৰা.
ছস্স সকারাদেসো হোতি ৰা সঙ্খ্যাপূরণত্থে.
ছন্নং পূরণো সট্ঠো, ছট্ঠো ৰা.
একাদিতো দসস্স অন্তে ঈপচ্চযো হোতি ৰা সঙ্খ্যাপূরণত্থে.
একো চ দস চ একাদস, একাদসন্নং পূরণী একাদসী. পঞ্চচ দস চ পঞ্চদস, পঞ্চদসন্নং পূরণী পঞ্চদসী. চত্তারো চ দস চ চতুদ্দস, চতুদ্দসন্নং পূরণী চাতুদ্দসী.
পূরণেতি কিমত্থং? একাদস, পঞ্চদস.
দসসদ্দে পরে নিচ্চং ছস্স সো হোতি.
সোল়স.
তাসং সঙ্খ্যানং অন্তে নিগ্গহিতাগমো হোতি.
পঞ্চদসি, চাতুদ্দসি.
৩৭৮, ৪১৪. তি ¶ চ.
তাসং সঙ্খ্যানং অন্তে তিকারাগমো হোতি. ৰীসতি, তিংসতি.
দকার রকারানং সঙ্খ্যানং লকারাদেসো হোতি. সোল়স, চত্তালীসং.
৩৮০, ২৫৫. ৰীসতি দসেসু বা দ্ৰিস্স তু.
ৰীসতি দসইচ্চেতেসু দ্ৰিস্স বা হোতি.
বাৰীসতিন্দ্রিযানি, বারস মনুস্সা.
তুগ্গহণেন দ্ৰিস্স দু দি দো আদেসা চ হোন্তি. দুরত্তং, দিরত্তং, দিগুণং, দোহল়িনী.
৩৮১, ২৫৪. একাদিতো দস্স র সঙ্খ্যানে.
একাদিতো দসস্স দকারস্স রকারো হোতি ৰা সঙ্খ্যানে.
একারস, একাদস, বারস, দ্ৰাদস.
সঙ্খ্যানেতি কিমত্থং? দ্ৰাদসাযতনানি.
৩৮২, ২৫৯. অট্ঠাদিতো ¶ চ.
অট্ঠইচ্চেৰমাদিতো চ দসসদ্দস্স দকারস্স রকারাদেসো হোতি ৰা সঙ্খ্যানে.
অট্ঠারস, অট্ঠদস.
অট্ঠাদিতোতি কিমত্থং? পঞ্চদস, সোল়স.
সঙ্খ্যানেতি কিমত্থং? অট্ঠদসিকো.
৩৮৩, ২৫৩. দ্ৰেকট্ঠানমাকারো ৰা.
দ্ৰি এক অট্ঠইচ্চেতেসমন্তো আকারো হোতি ৰা সঙ্খ্যানে.
দ্ৰাদস, একাদস, অট্ঠারস.
সঙ্খ্যানেতি কিমত্থং? দ্ৰিদন্তো, একদন্তো, একচ্ছন্নো, অট্ঠত্থম্ভো.
চতু ছইচ্চেতেহি থ ঠইচ্চেতে পচ্চযা হোন্তি সঙ্খ্যাপূরণত্থে.
চতুত্থো, ছট্ঠো.
৩৮৫, ৪০৯. দ্ৰিতীহি ¶ তিযো.
দ্ৰি তিইচ্চেতেহি তিযপচ্চযো হোতি সঙ্খ্যাপূরণত্থে.
দুতিযো, ততিযো.
দ্ৰি তিইচ্চেতেসং দু তইচ্চেতে আদেসা হোন্তি তিযপচ্চযে পরে.
দুতিযো, ততিযো.
অপিগ্গহণেন অঞ্ঞেসুপি দ্ৰিইচ্চেতস্স দুআদেসো হোতি. দুরত্তং.
চগ্গহণেন দ্ৰিইচ্চেতস্স দিকারো হোতি. দিরত্তং, দিগুণং সঙ্ঘাটিং পারুপেত্ৰা.
৩৮৭, ৪১১. তেসমড্ঢূপপদেন অড্ঢুড্ঢ দিৰড্ঢ দিযড্ঢড্ঢতিযা.
তেসং ¶ চতুত্থ দুতিয ততিযানং অড্ঢূপপদানং অড্ঢড্ঢুদিৰড্ঢ দিযড্ঢ অড্ঢতিযাদেসা হোন্তি, অড্ঢূপপদেন সহনিপ্পজ্জন্তে.
অড্ঢেন চতুত্থো অড্ঢুড্ঢো, অড্ঢেন দুতিযো দিৰড্ঢো, অড্ঢেন দুতিযো দিযড্ঢো, অড্ঢেন ততিযো অড্ঢতিযো.
সরূপানং পদব্যঞ্জনানং একসেসো হোতি অসকিং. পুরিসো চ পুরিসো চ পুরিসা.
সরূপানমিতি কিমত্থং? হত্থী চ অস্সো চ রথো চ পত্তিকো চ হত্থিঅস্সরথপত্তিকা,
অসকিন্তি কিমত্থং? পুরিসো.
৩৮৯, ৪১৩. গণনে দসস্স দ্ৰিতিচতুপঞ্চছসত্তঅট্ঠনৰকানং ৰী তি চত্তার পঞ্ঞা ছ সত্তাসনৰা যোসু, যোনঞ্চীসমাসং ঠি রি তী তুতি.
গণনে দসস্স দ্ৰিক তিক চতুক্ক পঞ্চক ছক্ক সত্তকঅট্ঠক নৰকানং সরূপানং কতেকসেসানং যথাসঙ্খ্যং ৰী তি চত্তার পঞ্ঞা ছ সত্ত অস নৰইচ্চাদেসা হোন্তি অসকিং যোসু, যোনঞ্চ ঈসং আসং ঠি রি তি ঈতি উতিইচ্চাদেসা হোন্তি. পচ্ছা পুন নিপ্পজ্জন্তে.
ৰীসং ¶ , তিংসং, চত্তালীসং, পঞ্ঞাসং, সট্ঠি, সত্তরি, সত্ততি, অসীতি, নৰুতি.
অসকিন্তি কিমত্থং? দস.
গণনেতি কিমত্থং? দসদসকা পুরিসা.
৩৯০, ২৫৬. চতূপপদস্স লোপো তুত্তরপদাদিচস্স চুচোপি নৰা.
চতূপপদস্স গণনে পরিযাপন্নস্স তুকারস্স লোপো হোতি, উত্তরপদাদিচকারস্স চুচোপি আদেসা হোন্তি নৰা.
চুদ্দস, চোদ্দস, চতুদ্দস.
অপিগ্গহণেন অনুপপদস্সাপি পদাদিচকারস্স. লোপোহোতি নৰা, চস্স চুচোপি হোন্তি. তালীসং, চত্তালীসং, চুত্তালীসং, চোত্তালীসং.
৩৯১, ৪২৩. যদনুপপন্না নিপাতনা সিজ্ঝন্তি.
যে সদ্দা অনিদ্দিট্ঠলক্খণা, অক্খরপদব্যঞ্জনতো, ইত্থিপুমনপুংসকলিঙ্গতো ¶ , নামুপসগ্গনিপাততো, অব্যযীভাৰসমাসতদ্ধিতাখ্যাততো, গণনসঙ্খ্যাকালকারকপ্পযোগসঞ্ঞাতো, সন্ধিপকতিৰুদ্ধিলোপাগমৰিকারৰিপরিততো, ৰিভত্তিৰিভজনতো চ, তে নিপাতনা সিজ্ঝন্তি.
৩৯২, ৪১৮. দ্ৰাদিতো কো’নেকত্থেচ.
দ্ৰিইচ্চেৰমাদিতো কপচ্চযো হোতি অনেকত্থে চ, নিপাতনা সিজ্ঝন্তি.
সতস্স দ্ৰিকং দ্ৰিসতং, সতস্স তিকং তিসতং, সতস্স চতুক্কং চতুসতং, সতস্স পঞ্চকং পঞ্চসতং, সতস্স ছক্কং ছসতং, সতস্স সত্তকং সত্তসতং, সতস্স অট্ঠকং অট্ঠসতং, সতস্স নৰকং নৰসতং, সতস্স দসকং দসসতং, সহস্সং হোতি.
৩৯৩, ৪১৫. দসদসকং সতং দসকানং সতং সহস্সঞ্চ যোম্হি.
গণনে পরিযাপন্নস্স দসদসকস্স সতং হোতি, সতদসকস্স সহস্সং হোতি যোম্হি পরে.
সতং, সহস্সং.
দ্ৰিকাদীনং তদুত্তরপদানঞ্চ নিপ্পজ্জন্তে যথাসঙ্খ্যং. সতস্স দ্ৰিকং (তদিদং হোতি) দ্ৰিসতং, এৰং তিসতং, চতুসতং ¶ , পঞ্চসতং, ছসতং, সত্তসতং, অট্ঠসতং, নৰসতং, দসসতং, সহস্সং হোতি.
৩৯৪, ৪১৬. যাৰ তদুত্তরি দসগুণিতঞ্চ.
যাৰ তাসং সঙ্খ্যানং উত্তরি দসগুণিতঞ্চ কাতব্বং.
তং যথা? দসস্স গণনস্স দসগুণিতং কত্ৰা সতং হোতি, সতস্স দসগুণিতং কত্ৰা সহস্সং হোতি, সহস্সস্স দসগুণিতং কত্ৰা দসসহস্সং হোতি, দসসহস্সস্স দসগুণিতং কত্ৰাসতসহস্সং হোতি, সতসহস্সস্স দসগুণিতং কত্ৰাদসসতসহস্সং হোতি, দসসতসহস্সস্সদসগুণিতং কত্ৰা কোটি হোতি, কোটিসতসহস্সস্স সতগুণিতং কত্ৰা পকোটি হোতি. এৰং সেসাপি যোজেতব্বা.
চগ্গহণং ৰিসেসনত্থং.
যাসং পন সঙ্খ্যানং অনিদ্দিট্ঠনামধেয্যানং সকেহি সকেহি নামেহি নিপ্পজ্জন্তে.
সতসহস্সানং সতং কোটি, কোটিসতসহস্সানং সতং পকোটি, পকোটিসতসহস্সানং সতং কোটিপকোটি ¶ , কোটিপকোটিসতসহস্সানং সতং নহুতং, নহুতসতসহস্সানং সতং নিন্নহুতং, নিন্নহুতসতসহস্সানং সতং অক্খোভিণী. তথা বিন্দু, অব্বুদং, নিরব্বুদং, অহহং, অববং, অটটং, সোগন্ধিকং, উপ্পলং, কুমুদং, পদুমং, পুণ্ডরিকং, কথানং, মহাকথানং, অসঙ্খ্যেয্যং.
তেসং পচ্চযানং ণো লোপমাপজ্জতে.
গোতমস্স অপচ্চং গোতমো. এৰং ৰাসিট্ঠো. ৰেনতেয্যো, আলস্যং, আরোগ্যং.
ৰিভাগত্থে চ ধাপচ্চযো হোতি.
একেন ৰিভাগেন একধা. এৰং দ্ৰিধা, তিধা, চতুধা, পঞ্চধা, ছধা.
চেতি কিমত্থং? সোপচ্চযো হোতি. সুত্তসো, ব্যঞ্জনসো, পদসো.
৩৯৮, ৪২১. সব্বনামেহি ¶ পকারৰচনে তু থা.
সব্বনামেহি পকারৰচনত্থে থাপচ্চযো হোতি.
সো পকারো তথা, তং পকারং তথা, তেন পকারেন তথা, তস্স পকারস্স তথা, তস্মা পকারা তথা, তস্স পকারস্স তথা, তস্মিং পকারে তথা. এৰং যথা, সব্বথা, অঞ্ঞথা, ইতরথা.
তুগ্গহণং কিমত্থং? তত্থাপচ্চযো হোতি. সো পকারো তথত্থা. এৰং যথত্থা. সব্বথত্থা, অঞ্ঞথত্থা, ইতরথত্থা.
কিং ইমইচ্চেতেহি থংপচ্চযো হোতি পকারৰচনত্থে.
কো পকারো কথং, কং পকারং কথং, কেন পকারেন কথং, কস্স পকারস্স কথং, কস্মা পকারা কথং. কস্স পকারস্স কথং, কস্মিং পকারে কথং, অযং পকারো ইত্থং, ইমং পকারং ইত্থং, ইমিনা পকারেন ইত্থং, ইমস্স পকারস্স ইত্থং, ইমস্মা পকারা ইত্থং, ইমস্স পকারস্স ইত্থং, ইমস্মিং পকারে ইত্থং.
৪০০, ৩৬৪. ৰুদ্ধাদিসরস্স ¶ ৰা’সংযোগন্তস্স সণে চ.
আদিসরস্স ৰা অসংযোগন্তস্স আদিব্যঞ্জনস্স ৰা সরস্স ৰুদ্ধি হোতি সণকারকে পচ্চযে পরে.
আভিধম্মিকো, ৰেনতেয্যো, ৰাসিট্ঠো, আলস্যং, আরোগ্যং.
অসংযোগন্তস্সেতি কিমত্থং? ভগ্গৰো, মন্তেয্যো, কুন্তেয্যো.
ইউইচ্চেতেসং আদিভূতানং মা ৰুদ্ধি হোতি. তেসু চ এ ও ৰুদ্ধাগমো হোতি ঠানে.
ব্যাকরণমধীতে ৰেয্যাকরণিকো, ন্যাযমধীতে নেয্যাযিকো, ব্যাৰচ্ছস্স অপচ্চং ৰেয্যাৰচ্ছো, দ্ৰারে নিযুত্তো দোৰারিকো.
৪০২, ৩৭৭. আত্তঞ্চ ¶ .
ইউইচ্চেতেসং আত্তঞ্চ হোতি, রিকারাগমো চ ঠানে.
ইসিস্স ভাৰো আরিস্যং, ইণস্স ভাৰো আণ্যং, উসভস্স ভাৰো আসভং, উজুনো ভাৰো অজ্জৰং, ইচ্চেৰমাদী যোজেতব্বা.
যূনমিতি কিমত্থং? অপাযেসু জাতো আপাযি কো.
ঠানেতি কিমত্থং? ৰেমতিকো, ওপনযিকো, ওপমাযিকো, ওপাযিকো.
৪০৩, ৩৫৪. ক্ৰচাদিমজ্ঝুত্তরানং দীঘরস্সা পচ্চযেসু চ.
ক্ৰচি আদিমজ্ঝউত্তরইচ্চেতেসং দীঘরস্সা হোন্তি পচ্চযেসু চ অপচ্চযেসু চ.
আদিদীঘো তাৰ – পাকারো, নীৰারো, পাসাদো, পাকটো, পাতিমোক্খো, পাটিকঙ্খো ইচ্চেৰমাদি.
মজ্ঝেদীঘো ¶ তাৰ – অঙ্গমাগধিকো, ওরব্ভমাগৰীকো ইচ্চেৰমাদি.
উত্তরদীঘো তাৰ – খন্তী পরমং তপো তিতিক্খা, অঞ্জনা গিরি, কোটরা ৰনং, অঙ্গুলী ইচ্চেৰমাদি.
আদিরস্সো তাৰ – পগেৰ ইচ্চেৰমাদি.
মজ্ঝেরস্সো তাৰ – সুমেধসো সুৰণ্ণধরেহি ইচ্চেৰমাদি.
উত্তররস্সো তাৰ – ভোৰাদি নাম সো হোতি, যথাভাৰি গুণেন সো ইচ্চেৰমাদি. অঞ্ঞেপি যথাজিনৰচনানুপরোধেন যোজেতব্বা.
চগ্গহণেন অপচ্চযেসু চাতি অত্থং সমুচ্চেতি,
৪০৪, ৩৭০. তেসু ৰুদ্ধিলোপাগমৰিকারৰিপরীতাদেসা চ.
তেসু আদিমজ্ঝুত্তরেসু যথাজিনৰচনানুপরোধেন ক্ৰচি ৰুদ্ধি হোতি, ক্ৰচি লোপো হোতি, ক্ৰচি আগমো হোতি, ক্ৰচি ৰিকারো হোতি, ক্ৰচি ৰিপরীতো হোতি, ক্ৰচি আদেসো হোতি.
আদিৰুদ্ধি তাৰ – আভিধম্মিকো, ৰেনতেয্যো ইচ্চেৰমাদি.
মজ্ঝেৰুদ্ধি ¶ তাৰ – সুখসেয্যং, সুখকারি দানং, সুখকারি সীলং ইচ্চেৰমাদি.
উত্তরৰুদ্ধি তাৰ – কালিঙ্গো, মাগধিকো, পচ্চক্খধম্মা ইচ্চেৰমাদি.
আদিলোপো তাৰ – তালীসং ইচ্চেৰমাদি.
মজ্ঝেলোপো তাৰ – কত্তুকামো, কুম্ভকারপুত্তো, ৰেদল্লং ইচ্চেৰমাদি.
উত্তরলোপো তাৰ – ভিক্খু, ভিক্খুনী ইচ্চেৰমাদি.
আদিআগমো তাৰ – ৰুত্তো ভগৰতা ইচ্চেৰমাদি.
মজ্ঝেআগমো তাৰ – সসীলৰা, সপঞ্ঞৰাইচ্চেৰমাদি.
উত্তরআগমো তাৰ – ৰেদল্লং ইচ্চেৰমাদি.
আদিৰিকারো তাৰ – আরিস্যং, আণ্যং, আসভং, অজ্জৰং ইচ্চেৰমাদি.
মজ্ঝেৰিকারো তাৰ – ৰরারিস্যং, পরারিস্যং ইচ্চেৰমাদি.
উত্তরৰিকারো তাৰ – যানি, তানি, সুখানি ইচ্চেৰমাদি.
আদিৰিপরীতো ¶ তাৰ – উগ্গতে সূরিযে উগ্গচ্ছতি ইচ্চেৰমাদি.
মজ্ঝেৰিপরীতো তাৰ – সমুগ্গচ্ছতি, সমুগ্গতে সূরিযে ইচ্চেৰমাদি.
উত্তরৰিপরীতো তাৰ – দিগু, দিগুণং ইচ্চেৰমাদি.
আদিআদেসো তাৰ – যূনং ইচ্চেৰমাদি.
মজ্ঝেআদেসো তাৰ – ন্যাযোগা ইচ্চেৰমাদি.
উত্তরআদেসো তাৰ – সব্বসেয্যো, সব্বসেট্ঠো, চিত্তং ইচ্চেৰমাদি. এৰং যথাজিনৰচনানুপরোধেন সব্বত্থ যোজেতব্বা.
৪০৫, ৩৬৫. অযুৰণ্ণানঞ্চাযো ৰুদ্ধি.
অ ইতি অকারো, ই ঈইতি ইৰণ্ণো, উ ঊইতি উৰণ্ণো, তেসং অকারইৰণ্ণুৰণ্ণানং আ এ ওৰুদ্ধিযো হোন্তি যথাসঙ্খ্যং, আ ঈ ঊৰুদ্ধি চ.
আভিধম্মিকো, ৰেনতেয্যো, ওল়ুম্পিকো.
পুন ৰুদ্ধিগ্গহণং কিমত্থং? উত্তরপদৰুদ্ধিভাৰত্থং, অঙ্গমগধেহি আগতাতি অঙ্গমাগধিকা. নিগমজনপদেসু জাতাতি ¶ নেগমজানপদা. পুরিমজনপদেসু জাতাতি পোরিমজানপদা. সত্তাহে নিযুত্তোতি সত্তাহিকা, চতুৰিজ্জে নিযুত্তোতি চাতুৰিজ্জিকা. ইচ্চেৰমাদী যোজেতব্বা.
ৰুদ্ধিইচ্চনেন ক্ৰত্থো? ৰুদ্ধাদিসরস্স ৰা’সংযোগন্তস্স সণে চ.
ইতি নামকপ্পে তদ্ধিতকপ্পো অট্ঠমো কণ্ডো.
তদ্ধিতকপ্পো নিট্ঠিতো.
৬. আখ্যাতকপ্প
পঠমকণ্ড
(ক)
আখ্যাতসাগরমথজ্জতনীতরঙ্গং ¶ ,
ধাতুজ্জলং ৰিকরণাগমকালমীনং;
লোপানুবন্ধরিযমত্থৰিভাগতীরং,
ধীরা তরন্তি কৰিনো পুথুবুদ্ধিনাৰা.
(খ)
ৰিচিত্তসঙ্খারপরিক্খিতং ইমং,
আখ্যাতসদ্দং ৰিপুলং অসেসতো;
পণম্য সম্বুদ্ধমনন্তগোচরং,
সুগোচরং যং ৰদতো সুণাথ মে.
(গ)
অধিকারে মঙ্গলে চেৰ, নিপ্ফন্নে চাৰধারণে;
অনন্তরে চ পাদানে, অথসদ্দো পৰত্ততি.
৪১৬, ৪২৯. অথ পুব্বানি ৰিভত্তীনং ছ পরস্সপদানি.
অথ সব্বাসং ৰিভত্তীনং যানি যানি পুব্বকানি ছ পদানি, তানি তানি পরস্সপদসঞ্ঞানি হোন্তি.
তং যথা? তি অন্তি, সি থ, মি ম.
পরস্সপদমিচ্চনেন ক্ৰত্থো? কত্তরি পরস্সপদং.
৪০৭, ৪৩৯. পরাণ্যত্তনোপদানি ¶ .
সব্বাসং ৰিভত্তীনং যানি যানি পরানি ছ পদানি. তানি তানি অত্তনোপদসঞ্ঞানি হোন্তি.
তং যথা? তে অন্তে, সে ৰ্হে, এ ম্হে.
অত্তনোপদমিচ্চনেন ক্ৰত্থো? অত্তনোপদানি ভাৰে চ কম্মনি.
৪০৮, ৪৩১. দ্ৰে দ্ৰে পঠম মজ্ঝিমুত্তমপুরিসা.
তাসং সব্বাসং ৰিভত্তীনং পরস্সপদানং, অত্তনোপদানঞ্চ দ্ৰে দ্ৰে পদানি পঠমমজ্ঝিমুত্তমপুরিসসঞ্ঞানি হোন্তি.
তং যথা? তি অন্তি ইতি পঠমপুরিসা, সি থ ইতি মজ্ঝিমপুরিসা, মি ম ইতি উত্তমপুরিসা. অত্তনোপদানম্পি তে অন্তে ইতি পঠমপুরিসা, সে ৰ্হে ইতি মজ্ঝিমপুরিসা, এ ম্হে ইতি উত্তমপুরিসা. এৰং সব্বত্থ.
পঠমমজ্ঝিমুত্তমপুরিসমিচ্চনেন ক্ৰত্থো? নামম্হি পযুজ্জমানেপি তুল্যাধিকরণে পঠমো, তুম্হে মজ্ঝিমো, অম্হে উত্তমো.
৪০৯, ৪৪১. সব্বেসমেকাভিধানে পরো পুরিসো.
সব্বেসং তিণ্ণং পঠমমজ্ঝিমুত্তম পুরিসানং একাভিধানে পরো পুরিসো গহেতব্বো.
সো ¶ চ পঠতি, ত্ৰঞ্চ পঠসি, তুম্হে পঠথ. সো চ পচতি, ত্ৰঞ্চ পচসি. তুম্হে পচথ. এৰং সেসাসু ৰিভত্তীসু পরো পুরিসো যোজেতব্বো.
৪১০, ৪৩২. নামম্হি পযুজ্জমানেপি তুল্যাধিকরণে পঠমো.
নামম্হি পযুজ্জমানেপি অপ্পযুজ্জমানেপি তুল্যাধিকরণে পঠমপুরিসো হোতি.
সো গচ্ছতি, তে গচ্ছন্তি.
অপ্পযুজ্জমানেপি – গচ্ছতি, গচ্ছন্তি.
তুল্যাধিকরণেতি কিমত্থং? তেন হঞ্ঞসে ত্ৰং দেৰদত্তেন.
তুম্হে পযুজ্জমানেপি অপ্পযুজ্জমানেপি তুল্যাধিকরণে মজ্ঝিমপুরিসো হোতি.
ত্ৰং যাসি, তুম্হে যাথ.
অপ্পযুজ্জমানেপি – যাসি, যাথ.
তুল্যাধিকরণেতি কিমত্থং? তযা পচ্চতে ওদনো.
৪১২, ৪৩৭. অম্হে ¶ উত্তমো.
অম্হে পযুজ্জমানেপি অপ্পযুজ্জমানেপি তুল্যাধিকরণে উত্তমপুরিসো হোতি.
অহং যজামি, মযং যজাম.
অপ্পযুজ্জমানেপি – যজামি, যজাম.
তুল্যাধিকরণেতি কিমত্থং? মযা ইজ্জতে বুদ্ধো.
‘‘কালে’’ ইচ্চেতং অধিকারত্থং ৰেদিতব্বং.
৪১৪, ৪২৮. ৰত্তমানা পচ্চুপ্পন্নে.
পচ্চুপ্পন্নে কালে ৰত্তমানাৰিভত্তি হোতি.
পাটলিপুত্তং গচ্ছতি, সাৰত্থিং পৰিসতি.
৪১৫, ৪৫১. আণত্যা সিট্ঠে’নুত্তকালে পঞ্চমী.
আণত্যত্থে চ আসীসত্থে চ অনুত্তকালে পঞ্চমী ৰিভত্তি হোতি.
করোতু কুসলং, সুখং তে হোতু.
৪১৬, ৪৫৪. অনুমতিপরিকপ্পত্থেসু সত্তমী.
অনুমত্যত্থে চ পরিকপ্পত্থে চ অনুত্তকালে সত্তমী ৰিভত্তি হোতি.
ত্ৰং ¶ গচ্ছেয্যাসি, কিমহং করেয্যামি.
৪১৭, ৪৬০. অপচ্চক্খে পরোক্খাতীতে.
অপচ্চক্খে অতীতে কালে পরোক্খাৰিভত্তি হোতি.
সুপিনে কিলমাহ, এৰং কিল পোরাণাহু.
৪১৮, ৪৫৬. হিয্যোপভুতি পচ্চক্খে হিয্যত্তনী.
হিয্যোপভুতি অতীতে কালে পচ্চক্খে ৰা অপচ্চক্খে ৰা হিয্যত্তনী ৰিভত্তি হোতি.
সো অগমা মগ্গং, তে অগমূ মগ্গং.
অজ্জপ্পভুতি অতীতে কালে পচ্চক্খে ৰা অপচ্চক্খে ৰা সমীপে অজ্জতনীৰিভত্তি হোতি.
সো মগ্গং অগমী, তে মগ্গং অগমুং.
হিয্যত্তনীঅজ্জতনীইচ্চেতা ৰিভত্তিযো যদা মাযোগা, তদা সব্বকালে চ হোন্তি.
মা গমা, মা ৰচা, মা গমী, মা ৰচী.
চগ্গহণেন ¶ পঞ্চমীৰিভত্তিপি হোতি. মা গচ্ছাহি.
অনাগতে কালে ভৰিস্সন্তী ৰিভত্তি হোতি.
সো গচ্ছিস্সতি, করিস্সতি. তে গচ্ছিস্সন্তি, করিস্সন্তি.
৪২২, ৪৭৫. ক্রিযাতিপন্নে’তীতে কালাতিপত্তি.
ক্রিযাতিপন্নমত্তে অতীতে কালে কালাতিপত্তি ৰিভত্তি হোতি.
সো চে তং যানং অলভিস্সা, অগচ্ছিস্সা. তে চে তং যানং অলভিস্সংসু, অগচ্ছিস্সংসু.
৪২৩, ৪২৬. ৰত্তমানা তি অন্তি, সি থ, মি ম, তে অন্তে, সে ৰ্হে, এ ম্হে.
ৰত্তমানা ইচ্চেসা সঞ্ঞা হোতি তি অন্তি, সি থ, মি ম, তে অন্তে, সে ৰ্হে, এ ম্হে ইচ্চেতেসং দ্ৰাদসন্নং পদানং.
ৰত্তমানা ইচ্চনেন ক্ৰত্থো? ৰত্তমানা পচ্চুপ্পন্নে.
৪২৪, ৪৫০. পঞ্চমী তু অন্তু, হিথ, মিম, তং অন্তং, স্সু ৰ্হো, এ আমসে.
পঞ্চমীইচ্চেসা ¶ সঞ্ঞা হোতি তু অন্তু, হি থ, মিম, তং অন্তং, স্সু ৰ্হো, এ আমসে ইচ্চেতেসং দ্ৰাদসন্নং পদানং.
পঞ্চমীইচ্চনেন ক্ৰত্থো? আণত্যাসিট্ঠে, নুত্তকালে পঞ্চমী.
৪২৫, ৪৫৩. সত্তমী এয্য এয্যুং, এয্যা সি এয্যা থ, এয্যামি এয্যাম, এথ এরং, এথো এয্যাৰ্হো, এয্যং এয্যাম্হে.
সত্তমী ইচ্চেসা সঞ্ঞা হোতি এয্য এয্যুং, এয্যাসি এয্যাথ, এয্যামি এয্যাম, এথ এরং, এথো, এয্যাৰ্হো, এয্যং এয্যাম্হে ইচ্চেতেসং দ্ৰাদসন্নং পদানং.
সত্তমী ইচ্চনেন ক্ৰত্থো? অনুমতিপরিকপ্পত্থেসু সত্তমী.
৪২৬, ৪৫৯. পরোক্খা অউ এত্থ, অংম্হ, ত্থরে, ত্থো ৰ্হো, ইং ম্হে.
পরোক্খা ইচ্চেসা সঞ্ঞা হোতি অ উ, এত্থ, অং ম্হ, ত্থ রে ত্থো ৰ্হো, ইং ম্হে ইচ্চেতেসং দ্ৰাদসন্নং পদানং.
পরোক্খা ইচ্চনেন ক্ৰত্থো? অপচ্চক্খে পরোক্খাতীতে.
৪২৭, ৪৫৫. হিয্যত্তনী ¶ আঊ, ওত্থ, অংম্হা, ত্থত্থুং, সে ৰ্হং, ইং ম্হসে.
হিয্যত্তনী ইচ্চেসা সঞ্ঞা হোতি আ ঊ, ও ত্থ, অং ম্হা, ত্থ ত্থুং, সে ৰ্হং, ইং ম্হসে ইচ্চেতেসং দ্ৰাদসন্নং পদানং.
হিয্যত্তনী ইচ্চনেন ক্ৰত্থো? হিয্যোপভুতি পচ্চক্খে হিয্যত্তনী.
৪২৮, ৪৬৮. অজ্জতনী ঈ উং, ও ত্থ, ইং ম্হা, আ ঊ, সে ৰ্হং, অং ম্হে.
অজ্জতনী ইচ্চেসা সঞ্ঞা হোতি ঈ উং, ও ত্থ, ইংম্হা, আ ঊ, সেৰ্হং, অং ম্হে ইচ্চেতেসং দ্ৰাদসন্নং পদানং.
অজ্জতনী ইচ্চনেন ক্ৰত্থো? সমীপেজ্জতনী.
৪২৯, ৪৭২. ভৰিস্সন্তী স্সতি স্সন্তি, স্সসি স্সথ, স্সামি স্সাম, স্সতে স্সন্তে, স্সসে স্সৰ্হে, স্সং স্সাম্হে.
ভৰিস্সন্তী ইচ্চেসা সঞ্ঞা হোতি স্সতি স্সন্তি, স্সসি স্সথ, স্সামি স্সাম, স্সতে স্সন্তে, স্সসে স্সৰ্হে, স্সং স্সাম্হে ইচ্চেতেসং দ্ৰাদসন্নং পদানং.
ভৰিস্সন্তী ইচ্চনেন ক্ৰত্থো? অনাগতে ভৰিস্সন্তী.
৪৩০, ৩৭৩. কালাতিপত্তি ¶ স্সা স্সংসু, স্সে স্সথ, স্সং স্সাম্হা, স্সথ সিস্সু, স্সসে স্সৰ্হে, স্সিং স্সাম্হসে.
কালাতিপত্তি ইচ্চেসা সঞ্ঞা হোতি স্সা স্সংসু, স্সে স্সথ, স্সং স্সাম্হা, স্সথ স্সিসু, স্সসে স্সৰ্হে, স্সিং স্সাম্হসে ইচ্চেতেসং দ্ৰাদসন্নং পদানং.
কালাতিপত্তি ইচ্চনেন ক্ৰত্থো? ক্রিযাতিপন্নে’ তীতে কালাতিপত্তি.
৪৩১, ৪৫৮. হিয্যত্তনী সত্তমী পঞ্চমী ৰত্তমানা সব্বধাতুকং.
হিয্যত্তনাদযো চতস্সো ৰিভত্তিযো সব্বধাতুক সঞ্ঞা হোন্তি.
অগমা, গচ্ছেয্য, গচ্ছতু, গচ্ছতি.
সব্বধাতুক ইচ্চনেন ক্ৰত্থো? ইকারাগমো অসব্বধাতুকম্হি.
ইতি আখ্যাতকপ্পে পঠমো কণ্ডো.
দুতিযকণ্ড
৪৩২, ৩৬২. ধাতুলিঙ্গেহি ¶ পরা পচ্চযা.
ধাতুলিঙ্গইচ্চেতেহি পরা পচ্চযা হোন্তি.
করোতি, গচ্ছতি. যো কোচি করোতি, তং অঞ্ঞো ‘‘করোহি করোহি’’ ইচ্চেৰং ব্রৰীতি, অথ ৰা করোন্তং পযোজযতি = কারেতি. সঙ্ঘো পব্বতমিৰ অত্তানমাচরতি = পব্বতাযতি. তল়াকং সমুদ্দমিৰ অত্তানমাচরতি = সমুদ্দাযতি, সদ্দো চিচ্চিটমিৰ অত্তানমাচরতি = চিচ্চিটাযতি, ৰসিট্ঠস্স অপচ্চং ৰাসিট্ঠো. এৰমঞ্ঞেপি যোজেতব্বা.
৪৩৩, ৫২৮. তিজ গুপ কিত মানে হি খ ছ সা ৰা.
তিজ গুপ কিত মানু ইচ্চেতেহি ধাতূহি খ ছ স ইচ্চেতে পচ্চযা হোন্তি ৰা.
তিতিক্খতি, জিগুচ্ছতি, তিকিচ্ছতি, ৰীমংসতি.
ৰাতি কিমত্থং? তেজতি, গোপতি, মানেতি.
৪৩৪, ৫৩৪. ভুজ ঘস হর সু পাদীহি তুমিচ্ছত্থেসু.
ভুজ ¶ ঘস হর সু পাইচ্চেৰমাদীহি ধাতূহি তুমিচ্ছত্থেসু খ ছ সইচ্চেতে পচ্চযা হোন্তি ৰা.
ভোত্তুমিচ্ছতি=বুভুক্খতি, ঘসিতুমিচ্ছতি=জিঘচ্ছতি, হরিতুমিচ্ছতি=জিগীসতি, সোতুমিচ্ছতি=সুস্সুসতি, পাতুমিচ্ছতি=পিৰাসতি.
ৰাতি কিমত্থং? ভোত্তুমিচ্ছতি.
তুমিচ্ছত্থেসূতি কিমত্থং? ভুঞ্জতি.
৪৩৫, ৫৩৬. আয নামতো কত্তূপমানাদাচারে.
নামতো কত্তূপমানা আচারত্থে আযপচ্চযো হোতি.
সঙ্ঘো পব্বতমিৰ অত্তানমাচরতি = পব্বতাযতি, তল়াকং সমুদ্দমিৰ অত্তানমাচরতি = সমুদ্দাযতি, সদ্দো চিচ্চিটমিৰ অত্তানমাচরতি = চিচ্চিটাযতি. এৰমঞ্ঞেপি যোজেতব্বা.
নামতো উপমানা আচারত্থে চ ঈযপচ্চযো হোতি.
অছত্তং ¶ ছত্তমিৰ আচরতি =ছত্তীযতি, অপুত্তং পুত্তমিৰ আচরতি=পুত্তীযতি.
উপমানাতি কিমত্থং? ধম্মং আচরতি.
আচারেতি কিমত্থং? অছত্তং ছত্তমিৰ রক্খতি. এৰমঞ্ঞেপি যোজেতব্বা.
৪৩৭, ৫৩৮. নামম্হা’ত্তিচ্ছত্থে.
নামম্হা অত্তনো ইচ্ছত্থে ঈযপচ্চযো হোতি.
অত্তনো পত্তমিচ্ছতি = পত্তীযতি. এৰং ৰত্থীযতি, পরিক্খারীযতি, চীৰরীযতি, ধনীযতি, ঘটীযতি.
অত্তিচ্ছত্থেতি কিমত্থং? অঞ্ঞস্স পত্তমিচ্ছতি. এৰমঞ্ঞেপি যোজেতব্বা.
৪৩৮, ৫৪০. ধাতূহি ণে ণয ণাপে ণাপযা কারিতানি হেত্ৰত্থে.
সব্বেহি ধাতূহি ণেণয ণাপে ণাপযইচ্চেতে পচ্চযা হোন্তি কারিতসঞ্ঞা চ হেত্ৰত্থে.
যো কোচি করোতি, তং অঞ্ঞো ‘‘করোহি করোহি’’ ইচ্চেৰং ব্রৰীতি, অথ ৰা করোন্তং পযোজযতি ¶ = কারেতি, কারযতি, কারাপেতি, কারা পযতি. যে কেচি করোন্তি, তে অঞ্ঞে ‘‘করোথ করোথ’’ ইচ্চেৰং ব্রুৰন্তি = কারেন্তি, কারযন্তি, কারাপেন্তি, কারাপযন্তি. যো কোচি পচতি, তং অঞ্ঞো ‘‘পচাহি পচাহি’’ইচ্চেৰং ব্রৰীতি, অথ ৰা পচন্তং পযোজযতি = পাচেতি, পাচযতি, পাচাপেতি, পাচাপযতি. যে কেচি পচন্তি, তে অঞ্ঞে ‘‘পচথ পচথ’’ ইচ্চেৰং ব্রুৰন্তি = পাচেন্তি, পাচযন্তি, পাচাপেন্তি. পাচাপযন্তি. এৰং ভণেতি, ভণযতি, ভণাপেতি, ভণাপযতি. ভণেন্তি, ভণযন্তি, ভণাপেন্তি, ভণাপযন্তি. তথরিৰ অঞ্ঞেপি যোজেতব্বা.
হেত্ৰত্থেতি কিমত্থং? করোতি, পচতি.
অত্থগ্গহণেন অলপচ্চযো হোতি, জোতলতি.
৪৩৯, ৫৩৯. ধাতুরূপে নামস্মা ণযো চ.
তস্মা নামস্মা ণযপচ্চযো হোতি কারিতসঞ্ঞো চ ধাতুরূপে সতি.
হত্থিনা অতিক্কমতি মগ্গং = অতিহত্থযতি, ৰীণায উপগাযতি গীতং = উপৰীণযতি, দল়্হং করোতি ৰীরিযং ¶ = দল়্হযতি, ৰিসুদ্ধা হোতি রত্তি = ৰিসুদ্ধযতি.
চগ্গহণেন আর আলইচ্চেতে পচ্চযা হোন্তি. সন্তং করোতি = সন্তারতি, উপক্কমং করোতি = উপক্কমালতি.
সব্বেহি ধাতূহি ভাৰকম্মেসু যপচ্চযো হোতি.
ঠীযতে, বুজ্ঝতে, পচ্চতে, লব্ভতে, করীযতে, যুজ্জতে, উচ্চতে.
ভাৰকম্মেসূতি কিমত্থং? করোতি, পচতি, পঠতি.
৪৪১, ৪৪৭. তস্স চৰগ্গযকারৰকারত্তং সধাত্ৰন্তস্স.
তস্স যপচ্চযস্স চৰগ্গযকারৰকারত্তং হোতি ধাতূনং অন্তেন সহ যথাসম্ভৰং.
ৰুচ্চতে, ৰুচ্চন্তে, উচ্চতে, উচ্চন্তে, পচ্চতে, পচ্চন্তে. মজ্জতে, মজ্জন্তে, যুজ্জতে, যুজ্জন্তে. বুজ্ঝতে, বুজ্ঝন্তে, কুজ্ঝতে, কুজ্ঝন্তে, উজ্ঝতে, উজ্ঝন্তে. হঞ্ঞতে, হঞ্ঞন্তে. কয্যতে, কয্যন্তে. দিব্বতে, দিব্বন্তে.
৪৪২, ৪৪৮. ইৰণ্ণাগমো ¶ ৰা.
সব্বেহি ধাতূহি যম্হি পচ্চযে, পরে ইৰণ্ণাগমো হোতি ৰা.
করীযতে, করীযতি, গচ্ছীযতে, গচ্ছীযতি.
ৰাতি কিমত্থং? কয্যতে.
সব্বেহি ধাতূহি যপচ্চযো পুব্বরূপমাপজ্জতে ৰা.
ৰুড্ঢতে, ফল্লতে, দম্মতে, সক্কতে, লব্ভতে, দিস্সতে.
যথা হেট্ঠা ভাৰকম্মেসু যপচ্চযস্স আদেসো হোতি তথা কত্তরিপি যপচ্চযস্স আদেসো কাতব্বো.
বুজ্ঝতি, ৰিজ্ঝতি, মঞ্ঞতি, সিব্বতি.
ভূইচ্চেৰমাদিতো ধাতুগণতো অপচ্চযো হোতি কত্তরি.
ভৰতি ¶ , পঠতি, পচতি, জযতি.
৪৪৬, ৫০৯. রুধাদিতো নিগ্গহিতপুব্বঞ্চ.
রুধইচ্চেৰমাদিতো ধাতুগণতো অপচ্চযো হোতি কত্তরি, পুব্বে নিগ্গহিতাগমো হোতি.
রুন্ধতি, ছিন্দতি, ভিন্দতি.
চগ্গহণেন ই ঈ এ ওইচ্চেতে পচ্চযা হোন্তি নিগ্গহিতপুব্বঞ্চ.
রুন্ধিতি, রুন্ধীতি, রুন্ধেতি, রুন্ধোতি, সুম্ভোতি, পরিসুম্ভোতি.
দিৰুইচ্চেৰমাদিতো ধাতুগণতো যপচ্চযো হোতি কত্তরি.
দিব্বতি, থিব্বতি, যুজ্ঝতি, ৰিজ্ঝতি, বুজ্ঝতি.
৪৪৮, ৫১২. স্ৰাদিতো ণু ণা উণা চ.
সুইচ্চেৰমাদিতো ধাতুগণতো ণু ণা উ ণাইচ্চেতে পচ্চযা হোন্তি কত্তরি.
অভিসুণোতি ¶ , অভিসুণাতি, সংৰুণোতি, সংৰুণাতি, আৰুণোতি, আৰুণাতি, পাপুণোতি, পাপুণাতি.
কীইচ্চেৰমাদিতো ধাতুগণতো নাপচ্চযো হোতি কত্তরি.
কিণাতি, জিনাতি, ধুনাতি, মুনাতি, লুনাতি, পুনাতি.
গহইচ্চেৰমাদিতো ধাতুগণতো প্পণ্হাইচ্চেতে পচ্চযা হোন্তি কত্তরি.
ঘেপ্পতি, গণ্হাতি.
তনুইচ্চেৰমাদিতো ধাতুগণতো ও যিরইচ্চেতে পচ্চযা হোন্তি কত্তরি.
তনোতি ¶ , তনোহি, করোতি, করোহি, কযি রতি, কযিরাহি.
চুরইচ্চেৰমাদিতো ধাতুগণতো ণে ণযইচ্চেতে পচ্চযা হোন্তি কত্তরি, কারিতসঞ্ঞা চ.
চোরেতি, চোরযতি, চিন্তেতি, চিন্তযতি, মন্তেতি, মন্তযতি.
৪৫৩, ৪৪৪. অত্তনোপদানি ভাৰে চ কম্মনি.
ভাৰে চ কম্মনি চ অত্তনোপদানি হোন্তি.
উচ্চতে, উচ্চন্তে, মজ্জতে, মজ্জন্তে, যুজ্জতে, যুজ্জন্তে, কুজ্ঝতে, কুজ্ঝন্তে, লব্ভতে, লব্ভন্তে, কয্যতে, কয্যন্তে.
কত্তরি চ অত্তনোপদানি হোন্তি.
মঞ্ঞতে, রোচতে, সোচতে, বুজ্ঝতে, জাযতে.
৪৫৫, ৫৩০. ধাতুপ্পচ্চযেহি ৰিভত্তিযো.
ধাতুনিদ্দিট্ঠেহি পচ্চযেহি খাদিকারিতন্তেহি ৰিভত্তিযো হোন্তি.
তিতিক্খতি ¶ , জিগুচ্ছতি, ৰীমংসতি, সমুদ্দাযতি, পুত্তীযতি, কারেতি, পাচেতি.
কত্তরি পরস্সপদং হোতি.
করোতি, পচতি, পঠতি, গচ্ছতি.
ভূইচ্চেৰমাদযো যে সদ্দগণা, তে ধাতুসঞ্ঞা হোন্তি.
ভৰতি, ভৰন্তি, চরতি, চরন্তি, পচতি, পচন্তি, চিন্তযতি, চিন্তযন্তি, হোতি, হোন্তি, গচ্ছতি, গচ্ছন্তি.
ইতি আখ্যাতকপ্পে দুতিযো কণ্ডো.
ততিযকণ্ড
৪৫৮, ৪৬১. ক্ৰচাদিৰণ্ণানমেকস্সরানং দ্ৰেভাৰো.
আদিভূতানং ৰণ্ণানং একস্সরানং ক্ৰচি দ্ৰেভাৰো হোতি.
তিতিক্খতি ¶ , জিগুচ্ছতি, তিকিচ্ছতি, ৰীমংসতি, বুভুক্খতি, পিৰাসতি, দদ্দল্লতি, দদাতি, জহাতি, চঙ্কমতি.
ক্ৰচীতি কিমত্থং? কম্পতি, চলতি.
দ্ৰেভূতস্স ধাতুস্স যো পুব্বো, সো অব্ভাসসঞ্ঞো হোতি.
দধাতি, দদাতি, বভূৰ.
অব্ভাসে ৰত্তমানস্স সরস্স রস্সো হোতি. দধাতি, জহাতি.
৪৬১, ৪৬৪. দুতিযচতুত্থানং পঠমততিযা.
অব্ভাসগতানং দুতিযচতুত্থানং পঠমততিযা হোন্তি.
চিচ্ছেদ, বুভুক্খতি, বভূৰ, দধাতি.
অব্ভাসে ৰত্তমানস্স কৰগ্গস্স চ ৰগ্গো হোতি.
চিকিচ্ছতি ¶ , জিগুচ্ছতি, জিঘচ্ছতি, জিগীসতি, জঙ্গমতি, চঙ্কমতি.
৪৬৩, ৫৩২. মানকিতানং ৰতত্তং ৰা.
মানকিতইচ্চেতেসং ধাতূনং অব্ভাসগতানং ৰকার তকারত্তং হোতি ৰা যথাসঙ্খ্যং.
ৰীমংসতি, তিকিচ্ছতি.
ৰাতি কিমত্থং? চিকিচ্ছতি.
অব্ভাসে ৰত্তমানস্স হকারস্স জো হোতি.
জহাতি, জুহ্ৰতি, জুহোতি, জহার.
৪৬৫, ৪৬৩. অন্তস্সিৰণ্ণাকারো ৰা.
অব্ভাসস্স অন্তস্স ইৰণ্ণো হোতি, অকারো ৰা.
জিগুচ্ছতি, পিৰাসতি, ৰীমংসতি, জিঘচ্ছতি, বভূৰ, দধাতি.
ৰাতি কিমত্থং? বুভুক্খতি.
৪৬৬, ৪৮৯. নিগ্গহিতঞ্চ ¶ .
অব্ভাসস্স অন্তে নিগ্গহিতাগমো হোতি ৰা.
চঙ্কমতি, চঞ্চলতি, জঙ্গমতি.
ৰাতি কিমত্থং? পিৰাসতি, দদ্দল্লতি.
৪৬৭, ৫৩৩. ততো পামানানং ৰা মং সেসু.
ততো অব্ভাসতো পামানইচ্চেতেসং ধাতূনং ৰামংইচ্চেতে আদেসা হোন্তি যথাসঙ্খ্যং সপচ্চযে পরে.
পিৰাসতি, ৰীমংসতি.
ঠাইচ্চেতস্স ধাতুস্স তিট্ঠাদেসো হোতি ৰা.
তিট্ঠতি, তিট্ঠতু, তিট্ঠেয্য, তিট্ঠেয্যুং.
ৰাতি কিমত্থং? ঠাতি.
পাইচ্চেতস্স ধাতুস্স পিৰাদেসো হোতি ৰা.
পিৰতি, পিৰতু, পিৰেয্য, পিৰেয্যুং.
ৰাতি কিমত্থং? পাতি.
৪৭০, ৫১৪. ঞাস্স ¶ জা জং না.
ঞাইচ্চেতস্স ধাতুস্স জা জং নাআদেসা হোন্তি ৰা.
জানাতি, জানেয্য, জানিযা, জঞ্ঞা, নাযতি.
৪৭১, ৪৮৩. দিসস্স পস্স দিস্স দক্খা ৰা.
দিসইচ্চেতস্স ধাতুস্স পস্স দিস্স দক্খইচ্চেতে আদেসা হোন্তি ৰা.
পস্সতি, দিস্সতি, দক্খতি, অদক্খ.
ৰাতি কিমত্থং? অদ্দস.
৪৭২, ৫৩১. ব্যঞ্জনন্তস্স চো ছপচ্চযেসু চ.
ব্যঞ্জনন্তস্স ধাতুস্স চো হোতি ছপচ্চযেসু পরেসু.
জিগুচ্ছতি, তিকিচ্ছতি, জিঘচ্ছতি.
ব্যঞ্জনন্তস্স ধাতুস্স কো হোতি খপচ্চযে পরে.
তিতিক্খতি ¶ , বুভুক্খতি.
হরইচ্চেতস্স ধাতুস্স সব্বস্সেৰ গীআদেসো হোতি সপচ্চযে পরে.
জিগীসতি.
৪৭৫, ৫৬৫. ব্রূভূনমাহভূৰা পরোক্খাযং.
ব্রূভূইচ্চেতেসং ধাতূনং আহভূৰইচ্চেতে আদেসা হোন্তি যথাসঙ্খ্যং পরোক্খাযং ৰিভত্তিযং.
আহ, আহু, বভূৰ, বভূৰু.
পরোক্খাযমিতি কিমত্থং? অব্রচুং.
৪৭৬, ৪৪২. গমিস্সন্তো চ্ছো ৰা সব্বাসু.
গমুইচ্চেতস্স ধাতুস্স অন্তো মকারো চ্ছো হোতি ৰা সব্বাসু পচ্চযৰিভত্তীসু.
গচ্ছমানো, গচ্ছন্তো. গচ্ছতি, গমেতি. গচ্ছতু, গমেতু. গচ্ছেয্য. গমেয্য. অগচ্ছা, অগমা. অগচ্ছী, অগমী. গচ্ছিস্সতি, গমিস্সতি. অগচ্ছিস্সা, অগমিস্সা.
গমিস্সেতি ¶ কিমত্থং? ইচ্ছতি.
৪৭৭, ৪৭৯. ৰচস্সজ্জতনিম্হি মকারো ও.
ৰচইচ্চেতস্স ধাতুস্স অকারো ওত্তমাপজ্জতে অজ্জতনিম্হি ৰিভত্তিম্হি.
অৰোচ. অৰোচুং.
অজ্জতনিম্হীতি কিমত্থং? অৰচ, অৰচূ.
৪৭৮, ৪৩৮. অকারো দীঘং হি মি মেসু.
অকারো দীঘমাপজ্জতে হিমিমইচ্চেতেসু ৰিভত্তীসু.
গচ্ছাহি, গচ্ছামি, গচ্ছাম, গচ্ছাম্হে.
মিকারগ্গহণেন হিৰিভত্তিম্হি অকারো ক্ৰচি ন দীঘমাপজ্জতে. গচ্ছহি.
হিৰিভত্তি লোপমাপজ্জতে ৰা.
গচ্ছ, গচ্ছাহি, গম, গমাহি, গময, গমযাহি.
হীতি কিমত্থং? গচ্ছতি, গমযতি.
৪৮০, ৪৯০. হোতিস্সরেহোহে ভৰিস্সন্তিম্হিস্সস্স চ.
হূইচ্চেতস্স ¶ ধাতুস্স সরো এ হ ওহ এত্তমাপজ্জ তে ভৰিস্সন্তিম্হি, স্সস্স চ লোপো হোতি ৰা.
হেহিতি, হেহিন্তি, হোহিতি, হোহিন্তি, হেতি, হেন্তি, হেহিস্সতি, হেহিস্সন্তি, হোহিস্সতি, হোহিস্সন্তি, হেস্সতি, হেস্সন্তি.
হূতি কিমত্থং? ভৰিস্সতি, ভৰিস্সন্তি.
ভৰিস্সন্তিম্হীতি কিমত্থং? হোতি.
৪৮১, ৫২৪. করস্স সপচ্চযস্স কাহো.
করইচ্চেতস্স ধাতুস্স সপচ্চযস্স কাহাদেসো হোতি ৰা ভৰিস্সন্তিম্হি ৰিভত্তিম্হি, সস্স চ নিচ্চং লোপো হোতি.
কাহতি, কাহিতি, কাহসি, কাহিসি, কাহামি, কাহাম.
ৰাতি কিমত্থং? করিস্সতি, করিস্সন্তি.
সপচ্চযগ্গহণেন অঞ্ঞেহিপি ভৰিস্সন্তিযা ৰিভত্তিযা খামি খাম ছামি ছামইচ্চাদযো আদেসা হোন্তি. ৰক্খামি, ৰক্খাম, ৰচ্ছামি, ৰচ্ছাম.
ইতি আখ্যাতকপ্পে ততিযো কণ্ডো.
চতুত্থকণ্ড
৪৮২, ৫০৮. দাদন্তস্সং ¶ মি মেসু.
দাইচ্চেতস্স ধাতুস্স অন্তস্স অং হোতি মিমইচ্চেতেসু.
দম্মি, দম্ম.
৪৮৩, ৫২৭. অসংযোগন্তস্স ৰুদ্ধি কারিতে.
অসংযোগন্তস্স ধাতুস্স কারিতে ৰুদ্ধি হোতি.
কারেতি, কারেন্তি, কারযতি, কারযন্তি, কারাপেতি, কারাপেন্তি, কারাপযতি, কারাপযন্তি.
অসংযোগন্তস্সেতি কিমত্থং? চিন্তযতি, মন্তযতি.
ঘটাদীনং ধাতূনং অসংযোগন্তানং ৰুদ্ধি হোতি ৰা কারিতে.
ঘাটেতি, ঘটেতি, ঘাটযতি, ঘটযতি, ঘাটাপেতি, ঘটাপেতি, ঘাটাপযতি, ঘটাপযতি, গামেতি, গমেতি, গামযতি, গমযতি, গামাপেতি, গমাপেতি. গামাপযতি, গমাপযতি.
ঘটাদীনমিতি কিমত্থং? কারেতি.
৪৮৫, ৪৩৪. অঞ্ঞেসু ¶ চ.
অঞ্ঞেসু চ পচ্চযেসু সব্বেসং ধাতূনং অসংযোগন্তানং ৰুদ্ধি হোতি.
জযতি, হোতি, ভৰতি.
চগ্গহণেন ণুপচ্চযস্সাপি ৰুদ্ধি হোতি. অভিসুণোতি.
গুহ দুসইচ্চেতেসং ধাতূনং সরো দীঘমাপজ্জতে কারিতে.
গূহযতি, দূসযতি.
৪৮৭, ৪৭৮. ৰচ ৰস ৰহাদীনমুকারো ৰস্স যে.
ৰচ ৰস ৰহইচ্চেৰমাদীনং ধাতূনং ৰকারস্স উকারো হোতি যপচ্চযে পরে.
উচ্চতে, ৰুচ্চতি, গুস্সতি, ৰুয্হতি.
হকারস্স ৰিপরিযযো হোতি যপচ্চযে পরে, যপচ্চযস্স চ লো হোতি ৰা.
ৰুল্হতি, ৰুয্হতি.
৪৮৯, ৫১৯. গহস্স ¶ ঘে প্পে.
গহইচ্চেতস্স ধাতুস্স সব্বস্স ঘেকারো হোতি প্পপচ্চযে পরে.
ঘেপ্পতি.
গহইচ্চেতস্স ধাতুস্স হকারস্স লোপো হোতি ণ্হাম্হি পচ্চযে পরে.
গণ্হাতি.
৪৯১, ৫২৩. করস্স কাসত্তমজ্জতনিম্হি.
করইচ্চেতস্স ধাতুস্স সব্বস্স কাসত্তং হোতি ৰা অজ্জতনিম্হি ৰিভত্তিম্হি.
অকাসি, অকাসুং. অকরি, অকরুং.
কাসত্তমিতিভাৰনিদ্দেসেন অঞ্ঞত্থাপি সাগমো হোতি. অহোসি, অদাসি.
৪৯২, ৪৯৯. অসস্মা মিমানং ম্হিম্হা’ ন্তলোপো চ.
অসইচ্চেতায ধাতুযা মিমইচ্চেতেসং ৰিভত্তীনং ম্হিম্হাদেসা হোন্তি ৰা, ধাত্ৰন্তস্স লোপো চ.
অম্হি ¶ , অম্হ, অস্মি, অস্ম.
অসইচ্চেতায ধাতুযা থস্স ৰিভত্তিস্স ত্থত্তং হোতি, ধাত্ৰন্তস্স লোপো চ.
অত্থ.
অসইচ্চেতায ধাতুযা তিস্স ৰিভত্তিস্স ত্থিত্তং হোতি, ধাত্ৰন্তস্স লোপো চ.
অত্থি.
অসইচ্চেতায ধাতুযা তুস্স ৰিভত্তিস্স ত্থুত্তং হোতি, ধাত্ৰন্তস্স লোপো চ.
অত্থু.
অসস্সেৰ ধাতুস্স সিম্হি ৰিভত্তিম্হি অন্তস্স লোপো চ হোতি.
কো নু ত্ৰমসি মারিস.
৪৯৭, ৪৭৭. লভস্মা ¶ ঈ ইংনং ত্থ ত্থং.
লভইচ্চেতায ধাতুযা ঈ ইংনং ৰিভত্তীনং ত্থ ত্থংআদেসা হোন্তি, ধাত্ৰন্তস্স লোপো চ.
অলত্থ, অলত্থং.
কুসইচ্চেতায ধাতুযা ঈৰিভত্তিস্স চ্ছিহোতি, ধাত্ৰন্তস্স লোপো চ.
অক্কোচ্ছি.
দাইচ্চেতস্স ধাতুস্স সব্বস্স দজ্জাদেসো হোতি ৰা.
দজ্জামি, দজ্জেয্য, দদামি, দদেয্য.
ৰদইচ্চেতস্স ধাতুস্স সব্বস্স ৰজ্জাদেসো হোতি ৰা.
ৰজ্জামি, ৰজ্জেয্য, ৰদামি, ৰদেয্য.
৫০১, ৪৪৩. গমিস্স ¶ ঘম্মং.
গমুইচ্চেতস্স ধাতুস্স সব্বস্স ঘম্মাদেসো হোতি ৰা.
ঘম্মতু. ঘম্মাহি, ঘম্মামি.
ৰাতি কিমত্থং? গচ্ছতু, গচ্ছাহি, গচ্ছামি.
৫০২, ৪৯৩. যম্হি দা ধা মা ঠা হা পা মহমথাদীনমী.
যম্হি পচ্চযে পরে দা ধা মা ঠা হা পা মহ মথ ইচ্চেৰমাদীনং ধাতূনং অন্তো ঈকারমাপজ্জতে.
দীযতি, ধীযতি, মীযতি, ঠীযতি, হীযতি, পীযতি, মহীযতি, মথীযতি.
যজইচ্চেতস্স ধাতুস্স আদিস্স ইকারাদেসো হোতি যপচ্চযে পরে.
ইজ্জতে মযা বুদ্ধো.
সব্বেহি ধাতূহি উংৰিভত্তিস্স ইংসুআদেসো হোতি.
উপসঙ্কমিংসু ¶ , নিসীদিংসু.
৫০৫, ৪৮২. জর মরানং জীর জিয্য মিয্যা ৰা.
জর মর ইচ্চেতেসং ধাতূনং জীর জিয্য মিয্যাদেসা হোন্তি ৰা.
জীরতি, জীরন্তি, জিয্যতি, জিয্যন্তি, মিয্যতি, মিয্যন্তি, মরতি, মরন্তি.
৫০৬, ৪৯৬. সব্বত্থা’ সস্সাদিলোপো চ.
সব্বত্থ ৰিভত্তিপচ্চযেসু অসইচ্চেতস্স ধাতুস্স আদিস্স লোপো হোতি ৰা.
সিযা, সন্তি, সন্তে, সমানো.
ৰাতি কিমত্থং? অসি.
অসস্সেৰ ধাতুস্স ভূহোতি ৰা অসব্বধাতুকে.
ভৰিস্সতি. ভৰিস্সন্তি.
ৰাতি কিমত্থং? আসুং.
৫০৮, ৫১৫. এয্যস্স ¶ ঞাতো ইযা ঞা.
এয্যস্স ৰিভত্তিস্স ঞাইচ্চেতায ধাতুযা পরস্স ইযা ঞাআদেসা হোন্তি ৰা.
জানিযা, জঞ্ঞা.
ৰাতি কিমত্থং? জানেয্য.
৫০৯, ৫১৬. নাস্স লোপো যকারত্তং.
ঞাইচ্চেতায ধাতুযা পরস্স নাপচ্চযস্স লোপো হোতি ৰা, যকারত্তঞ্চ.
জঞ্ঞা, নাযতি.
ৰাতি কিমত্থং? জানাতি.
অকারপচ্চযো লোপমাপজ্জতে, এত্তঞ্চ হোতি ৰা.
ৰজ্জেমি, ৰদেমি, ৰজ্জামি, ৰদামি.
ওকারপচ্চযো উত্তমাপজ্জতে ৰা.
কুরুতে, করোতি.
ওকারোতি ¶ কিমত্থং? হোতি.
করইচ্চেতস্স ধাতুস্স অকারো উত্তমাপজ্জতে ৰা.
কুরুতে, তরোতি, তুব্বন্তি, কযিরতি.
করস্সেতি কিমত্থং? সরতি, মরতি.
ওকারস্স ধাত্ৰন্তস্স সরে পরে অৰাদেসো হোতি.
চৰতি. ভৰতি.
ওতি কিমত্থং? জযতি.
একারস্স ধাত্ৰন্তস্স সরে পরে অযাদেসো হোতি.
নযতি, জযতি.
৫১৫, ৫৪১. তে ¶ আৰাযা কারিতে.
তে ও এইচ্চেতে আৰ আযাদেসে পাপুণন্তি কারিতে.
লাৰেতি, নাযেতি.
যোগৰিভাগেন অঞ্ঞস্মিম্পি একারস্স আযাদেসো হোতি. গাযতি, গাযন্তি.
৫১৬, ৪৬৬. ইকারাগমো অসব্বধাতুকম্হি.
সব্বস্মিং অসব্বধাতুকম্হি ইকারাগমো হোতি.
গমিস্সতি, করিস্সতি, লভিস্সতি, পচিস্সতি.
অসব্বধাতুকম্হীতি কিমত্থং? গচ্ছতি, করোতি, লভতি, পচতি.
৫১৭, ৪৮৮. ক্ৰচি ধাতুৰিভত্তিপচ্চযানং দীঘ ৰিপরীতাদেসলোপাগমা চ.
ইধ আখ্যাতে অনিদ্দিট্ঠেসু সাধনেসু ক্ৰচি ধাতুৰিভত্তিপচ্চযানং দীঘৰিপরীতাদেসলোপাগমইচ্চেতানি কারিযানি জিনৰচনানুরূপানি কাতব্বানি.
জাযতি ¶ , করেয্য, জানিযা, সিযা, করে, গচ্ছে, জঞ্ঞা, ৰক্খেথ, দক্খেথ, দিচ্ছতি, অগচ্ছি, অগচ্ছুং, অহোসি, অহেসুং ইচ্চেৰমাদীনি অঞ্ঞানিপি সাধনানি যোজেতব্বানি.
৫১৮, ৪৪৬. অত্তনোপদানি পরস্সপদত্তং.
অত্তনোপদানি ক্ৰচি পরস্সপদত্তমাপজ্জন্তে.
ৰুচ্চতি, লব্ভতি, পচ্চতি.
ক্ৰচীতি কিমত্থং? করীযতে, লব্ভতে, পচ্চতে.
৫১৯, ৪৫৭. অকারাগমো হিয্যত্তনীঅজ্জতনীকালাতিপত্তীসু.
ক্ৰচি অকারাগমো হোতি হিয্যত্তনী অজ্জতনীকালাতিপত্তিইচ্চেতাসু ৰিভত্তীসু.
অগমা, অগমী, অগমিস্সা.
ক্ৰচীতি কিমত্থং? গমা, গমী, গমিস্সা.
ব্রূইচ্চেতায ধাতুযা ঈকারাগমো হোতি তিম্হি ৰিভত্তিম্হি.
ব্রৰীতি.
৫২১, ৪২৫. ধাতুস্সন্তো ¶ লোপো’নেকসরস্স.
ধাতুস্স অন্তো ক্ৰচি লোপো হোতি অনেকসরস্স.
গচ্ছতি, সরতি, মরতি.
অনেকসরস্সেতি কিমত্থং? পাতি, যাতি, ৰাতি.
ক্ৰচীতি কিমত্থং? মহীযতি, মথীযতি.
৫২২, ৪৭৬. ইসুযমূনমন্তো চ্ছো ৰা.
ইসু যমু ইচ্চেতেসং ধাতূনং অন্তো চ্ছো হোতি ৰা. ইচ্ছতি, নিযচ্ছতি.
ৰাতি কিমত্থং? এসতি, নিযমতি.
কারিতইচ্চেতেসং পচ্চযানং ণো লোপমাপজ্জতে.
কারেতি, কারযতি, কারাপেতি, কারাপযতি.
সাসনত্থং সমুদ্দিট্ঠং, মযাখ্যাতং সমাসতো;
সকং বুদ্ধিৰিসেসেন, চিন্তযন্তু ৰিচক্খণা.
ইতি আখ্যাতকপ্পে চতুত্থো কণ্ডো.
আখ্যাতকপ্পো নিট্ঠিতো.
৭. কিব্বিধানকপ্প
পঠমকণ্ড
(ক)
বুদ্ধং ¶ ঞাণসমুদ্দং, সব্বঞ্ঞুং লোকহেতু’খীণমতিং;
ৰন্দিত্ৰা পুব্বমহং, ৰক্খামি সসাধনং হি কিতকপ্পং.
(খ)
সাধনমূলং হি পযোগং,
আহু পযোগমূলমত্থঞ্চ;
অত্থেসু ৰিসারদমতযো,
সাসনস্সুধরা জিনস্স মতা.
(গ)
অন্ধো দেসকৰিকলো,
ঘতমধুতেলানি ভাজনেন ৰিনা;
নট্ঠো নট্ঠানি যথা,
পযোগৰিকলো তথা অত্থো.
(ঘ)
তস্মা সংরক্খণত্থং, মুনিৰচনত্থস্স দুল্লভস্সাহং;
ৰক্খামি সিস্সকহিতং, কিতকপ্পং সাধনেন যুতং.
৫২৪, ৫৬১. ধাতুযা কম্মাদিম্হি ণো.
ধাতুযা কম্মাদিম্হি ণপচ্চযো হোতি.
কম্মং করোতীতি কম্মকারো, এৰং কুম্ভকারো, মালাকারো, কট্ঠকারো, রথকারো, রজতকারো ¶ , সুৰণ্ণকারো, পত্তগ্গাহো, তন্তৰাযো, ধঞ্ঞমাযো, ধম্মকামো, ধম্মচারো.
সঞ্ঞাযমভিধেয্যাযং ধাতুযা কম্মাদিম্হি অকারপচ্চযো হোতি, নামম্হি চ নুকারাগমো হোতি.
অরিং দমেতীতি অরিন্দমো, রাজা. ৰেস্সং তরতীতি ৰেস্সন্তরো, রাজা. তণ্হং করোতীতি তণ্হঙ্করো, ভগৰা. মেধং করোতীতি মেধঙ্করো, ভগৰা. সরণং করোতীতি সরণঙ্করো, ভগৰা. দীপং করোতীতি দীপঙ্করো, ভগৰা.
পুরসদ্দে আদিম্হি দদইচ্চেতায ধাতুযা অকারপচ্চযো হোতি, পুরসদ্দস্স অকারস্স চ ইং হোতি.
পুরে দানং অদাসীতি পুরিন্দদো দেৰরাজা.
৫২৭, ৫৬৮. সব্বতো ণ্ৰু ত্ৰাৰী ৰা.
সব্বতো ধাতুতো কম্মাদিম্হি ৰা অকম্মাদিম্হি ৰা অকার ণ্ৰু তু আৰীইচ্চেতে পচ্চযা হোন্তি.
তং ¶ করোতীতি তক্করো, হিতং করোতীতি হিতকরো, ৰিনেতি এত্থ, এতেনাতি ৰা ৰিনযো নিস্সায নং ৰসতীতি নিস্সযো.
ণ্ৰুম্হি – রথং করোতীতি রথকারকো, অন্নং, দদাতীতি অন্নদাযকো, ৰিনেতি সত্তেতি ৰিনাযকো, করোতীতি কারকো, দদাতীতি দাযকো, নেতীতি নাযকো.
তুম্হি – তং করোতীতি তক্কত্তা, তস্স কত্তাতি ৰা তক্কত্তা. ভোজনং দদাতীতি ভোজনদাতা, ভোজনস্স দাতাতি ৰা ভোজনদাতা. করোতীতি কত্তা. সরতীতি সরিতা.
আৰীম্হি – ভযং পস্সতীতি ভযদস্সাৰী ইচ্চেৰমাদি.
ৰিস রুজ পদইচ্চেৰমাদীহি ধাতূহি ণ পচ্চযো হোতি.
পৰিসতীতি পৰেসো, রুজতীতি রোগো, উপ্পজ্জতীতি উপ্পাদো, ফুসতীতি ফস্সো, উচতীতি ওকো, ভৰতীতি ভাৰো, অযতীতি আযো, সম্মা বুজ্ঝতীতি সম্বোধো, ৰিহরতীতি ৰিহারো.
৫২৯, ৫৮০. ভাৰে ¶ চ.
ভাৰত্থাভিধেয্যে সব্বধাতূহি ণপচ্চযো হোতি.
পচ্চতে, পচনং ৰা পাতো, চজতে, চজনং ৰা চাগো, এৰং যাগো, যোগো, ভাগো, পরিদাহো.
সব্বধাতূহি ক্ৰিপচ্চযো হোতি.
সম্ভৰতীতি সম্ভূ, ৰিসেসেন ভৰতীতি ৰিভূ, ভুজেন গচ্ছতীতি ভুজগো, সং অত্তানং খনতি, সং সট্ঠু খনতীতি ৰা সঙ্খো.
ধরইচ্চেৰমাদীহি ধাতূহি রম্মপচ্চযো হোতি.
ধরতি তেনাতি ধম্মো, করীযতে তন্তি কম্মং.
৫৩২, ৫৯০. তস্সীলাদীসু ণীত্ৰাৰী চ.
সব্বেহি ধাতূহি তস্সীলাদীস্ৰত্থেসু ণী তু আৰী ইচ্চেতে পচ্চযা হোন্তি.
পিযং পসংসিতুং সীলং যস্স রঞ্ঞো, সো হোতি রাজা পিযপসংসী, ব্রহ্মং চরিতুং সীলং যস্স পুগ্গলস্স সো ¶ হোতি পুগ্গলো ব্রহ্মচারী, পসয্হ পৰত্তিতুং সীলং যস্স রঞ্ঞো, সো হোতি রাজা পসয্হপৰত্থা, ভযং পস্সিতুং সীলং যস্স সমণস্স, সো হোতি সমণো ভযদস্সাৰী ইচ্চেৰমাদি.
৫৩৩, ৫৯১. সদ্দ কু ধ চল মণ্ডত্থরুধাদীহিযু.
সদ্দ কুধ চল মণ্ডত্থেহি চ রুচাদীহি চ ধাতূহি যুপচ্চযো হোতি তস্সীলাদীস্ৰত্থেসু.
ঘোসনসীলো ঘোসনো, ভাসনসীলো ভাসনো. এৰং ৰিগ্গহো কাতব্বো. কোধনো, দোসনো, চলনো, কম্পনো, ফন্দনো, মণ্ডনো, ৰিভূসনো, রোচনো, জোতনো, ৰড্ঢনো.
গমুইচ্চেতম্হা ধাতুম্হা পারসদ্দাদিম্হা রূপচ্চযো হোতি তস্সীলাদীস্ৰত্থেসু.
ভৰস্স পারং ভৰপারং, ভৰপারং গন্তুং সীলং যস্স পুরিসস্স, সো হোতি পুরিসো ভৰপারগূ.
তস্সীলাদীস্ৰীতি কিমত্থং? পারঙ্গতো.
পারাদিগমিম্হাতি কিমত্থং? অনুগামী.
৫৩৫, ৫৯৩. ভিক্খাদিতো ¶ চ.
ভিক্খইচ্চেৰমাদীহি ধাতূহি রূপচ্চযো হোতি তস্সীলাদীস্ৰত্থেসু.
ভিক্খনসীলো যাচনসীলো ভিক্খু, ৰিজাননসীলো ৰিঞ্ঞূ.
হনত্যাদীনং ধাতূনং অন্তে ণুকপচ্চযো হোতি তস্সীলাদীস্ৰত্থেসু.
আহননসীলো আঘাতুকো, করণসীলো কারুকো.
৫৩৭, ৫৬৬. নু নিগ্গহিতং পদন্তে.
পদন্তে নুকারাগমো নিগ্গহিতমাপজ্জতে.
অরিং দমেতীতি অরিন্দমো, রাজা. ৰেস্সং তরতীতি ৰেস্সন্তরো, রাজা. পভং করোতীতি পভঙ্করো, ভগৰা.
৫৩৮, ৫৯৫. সংহনাঞ্ঞায ৰা রো ঘো.
সংপুব্বায হনইচ্চেতায ধাতুযা, অঞ্ঞায ৰা ধাতুযা রপচ্চযো, হনস্স চ ঘো হোতি.
সমগ্গং ¶ কম্মং সমুপগচ্ছতীতি সঙ্ঘো, সমন্ততো নগরস্স মাহিরে খঞ্ঞতীতি পরিখা, অন্তং করোতীতি অন্তকো.
সংইতি কিমত্থং? উপহননং উপঘাতো.
রম্হি পচ্চযে পরে সব্বো ধাত্ৰন্তো রকারাদি লোপো হোতি.
অন্তকো, পারগূ, সত্থা, দিট্ঠো ইচ্চেৰমাদি.
৫৪০, ৫৪৫. ভাৰকম্মেসু তব্বানীযা.
ভাৰকম্মইচ্চেতেস্ৰত্থেসু তব্ব অনীযইচ্চেতে পচ্চযা হোন্তি সব্বধাতূহি.
ভৰিতব্বং, ভৰনীযং, আসিতব্বং, আসনীযং, পজ্জিতব্বং, পজ্জনীযং, কত্তব্বং, করণীযং, গন্তব্বং, গমনীযং.
ভাৰকম্মেসু সব্বধাতূহি ণ্যপচ্চযো হোতি.
কত্তব্বং কারিযং, জেতব্বং জেয্যং, নেতব্বং নেয্যং, ইচ্চেৰমাদি.
চগ্গহণেন ¶ তেয্যপচ্চযো হোতি. ঞাতব্বং ঞাতেয্যং, দট্ঠেয্যং, পত্তেয্যং ইচ্চেৰমাদি.
করইচ্চেতম্হা ধাতুম্হা রিচ্চপচ্চযো হোতি ভাৰকম্মেসু.
কত্তব্বং কিচ্চং.
ভূইচ্চেতায ধাতুযা ণ্যপচ্চযস্স ঊকারেন সহ অব্বাদেসো হোতি ভাৰকম্মেসু.
ভৰিতব্বো ভব্বো, ভৰিতব্বং ভব্বং.
৫৪৪, ৫৫৬. ৰদ মদ গমু যুজ গরহাকারাদীহি জ্জ ম্ম গ্গ য্হেয্যা গারো ৰা.
ৰদ মদ গমু যুজ গরহাকারন্তইচ্চেৰমাদীহি ধাতূহি ণ্যপচ্চযস্স যথাসঙ্খ্যং জ্জ ম্ম গ্গ য্হ এয্যাদেসা হোন্তি ৰা ধাত্ৰন্তেন সহ, গরস্সং চ গারো হোতি ভাৰকম্মেসু.
ৰত্তব্বং ৰজ্জং, মদনীযং মজ্জং, গমনীযং গম্মং, যোজনীযং যোগ্গং, গরহিতব্বং গারয্হং, দাতব্বং দেয্যং, পাতব্বং পেয্যং, হাতব্বং ¶ হেয্যং, মাতব্বং মেয্যং, ঞাতব্বং ঞেয্যং, ইচ্চেৰমাদি.
যে পচ্চযা তব্বাদযো রিচ্চন্তা, তে কিচ্চসঞ্ঞাতি ৰেদিতব্বা.
কিচ্চসঞ্ঞায কিংপযোজনং? ভাৰকম্মেসু কিচ্চত্তখত্থা.
অঞ্ঞে পচ্চযা কিত এৰ সঞ্ঞা হোন্তি.
কিত সঞ্ঞায কিংপযোজনং? কত্তরি কিত.
নন্দাদীহি ধাতূহি যুপচ্চযো হোতি ভাৰকম্মেসু.
নন্দীযতে নন্দনং, নিন্দিতব্বং ৰা নন্দনং, গহণীযং গহণং, চরিতব্বং চরণং, এৰং সব্বত্থ যোজেতব্বা.
কত্তুকরণপদেসইচ্চেতেস্ৰত্থেসু চ যুপচ্চযো হোতি.
কত্তরি ¶ তাৰ – রজং হরতীতি রজোহরণং তোযং.
করণে তাৰ – করোতি তেনাতি করণং.
পদেসে তাৰ – তিট্ঠন্তি তস্মিন্তি ঠানং. এৰং সব্বত্থ যোজেতব্বা.
রকারহকারাদ্যন্তেহি ধাতূহি অনাদেসস্স নস্স ণো হোতি.
করোতি তেনাতি করণং, পূরেতি তেনাতি পূরণং. গহণীযং তেনাতি গহণং. এৰমঞ্ঞেপি যোজেতব্বা.
ইতি কিব্বিধানকপ্পে পঠমো কণ্ডো.
দুতিযকণ্ড
ণাদযো পচ্চযা যুপচ্চযন্তা তেকালিকাতি ৰেদিতব্বা.
কুম্ভং করোতি অকাসি করিস্সতীতি কুম্ভকারো, করোতি অকাসি করিস্সতি তেনাতি করণং. এৰমঞ্ঞেপি যোজেতব্বা.
৫৫১, ৫৯৮. সঞ্ঞাযং ¶ দা ধাতো ই.
সঞ্ঞাযমভিধেয্যাযং দা ধাতো ইপচ্চযো হোতি.
পঠমং আদীযতীতি আদি, উদকং দধাতীতি উদমি, মহোদকানি দধাতীতি মহোদধি, ৰালানি দধাতি তস্মিন্তি ৰালধি, সম্মা ধীযতীতি সন্ধি.
সঞ্ঞাযমভিধেয্যাযং সব্বধাতূহি তিপচ্চযো হোতি, কিত চ আসিট্ঠে.
জিনো জনং বুজ্ঝতূতি জিনবুদ্ধি, ধনং অস্স ভৰতূতি ধনভূতি, ভৰতূতি ভূতো, ভৰতূতি ভাৰো, ধম্মো জনং দদাতূতি ধম্মদিন্নো, ৰড্ঢতূতি ৰড্ঢমানো. এৰমঞ্ঞেপি যোজেতব্বা.
ইত্থিযমভিধেয্যাযং সব্বধাতূহি অকার তি যু ইচ্চেতে পচ্চযা হোন্তি ৰা.
জীরতীতী জরা, মঞ্ঞতীতি মতি, চেতযতীতি চেতনা, ৰেদযতীতি ৰেদনা. এৰমঞ্ঞেপি যোজেতব্বা.
৫৫৪, ৬০১. করতো ¶ রিরিয.
করতো ইত্থিযমনিত্থিযং ৰা অভিখেয্যাযং রিরীযপচ্চযো হোতি ৰা.
কত্তব্বা কিরিযা, করণীযং কিরিযং.
অতীতে কালে সব্বধাতূহি ততৰন্তুতাৰীইচ্চেতে পচ্চযা হোন্তি.
হুতো, হুতৰা, হুতাৰী. ৰুসিতো, ৰুসিতৰা, ৰুসিতাৰী. ভুত্তো, ভুত্তৰা, ভুত্তাৰী.
ভাৰকম্মেসু অতীতে কালে তপচ্চযো হোতি সব্বধাতূহি.
ভাৰে তাৰ – তস্স গীতং, নচ্চং, নট্টং, হসিতং.
কম্মনি তাৰ – তেন ভাসিতং, দেসিতং.
৫৫৭, ৬০৬. বুধগমাদিত্থে কত্তরি.
বুধগমুইচ্চেৰমাদীহি ধাতূহি তদত্থে গম্যমানে তপচ্চযো হোতি কত্তরি সব্বকালে.
সব্বে ¶ সঙ্খতাসঙ্খতে ধম্মে বুজ্ঝতি অবুজ্ঝি বুজ্ঝিস্সতীতি বুদ্ধো, সরণঙ্গতো, সমথঙ্গতো, অমথঙ্গতো, জানাতি অজানি জানিস্সতীতি ঞাতো, ইচ্চেৰমাদি.
জিইচ্চেতায ধাতুযা ইনপচ্চযো হোতি সব্বকালে কত্তরি.
পাপকে অকুসলে ধম্মে জিনাতি অজিনি জিনিস্সতীতি জিনো.
সুপইচ্চেতায ধাতুযা ইনপচ্চযো হোতি কত্তরি, ভাৰে চ.
সুপতীতি সুপিনং, সুপীযতে সুপিনং.
ঈসংদুসুসদ্দাদীহি সব্বধাতূহি খপচ্চযো হোতি.
ঈসস্সযো, দুস্সযো, সুস্সযো ভৰতা, ঈসক্করং, দুক্করং, সুকরং, ভৰতা.
৫৬১, ৬৩৬. ইচ্ছত্থেসু ¶ সমানকত্তুকেসু তৰে তুং ৰা.
ইচ্ছত্থেসু সমানকত্তুকেসু সব্বধাতূহিতৰেতুংইচ্চেতে পচ্চযা হোন্তি সব্বকালে কত্তরি.
পুঞ্ঞানি কাতৰে, সদ্ধম্মং সোতু মিচ্ছতি.
অরহসক্কাদীসু চ অত্থেসু সব্বধাতূহি তুংপচ্চযো হোতি.
কো তং নিন্দিতুমরহতি, সক্কা জেতুং ধনেন ৰা. এৰমঞ্ঞেপি যোজেতব্বা.
৫৬৩, ৬৩৯. পত্তৰচনে অলমত্থেসু চ.
পত্তৰচনে অলমত্থেসু সব্বধাতূহি তুংপচ্চযো হোতি.
অলমেৰ দানানি দাতুং, অলমেৰ পুঞ্ঞানি কাতুং.
৫৬৪, ৬৪০. পুব্বকালে’ ককত্তুকানং তুন ত্ৰান ত্ৰাৰা.
পুব্বকালে এককত্তুকানং ধাতূনং তুনত্ৰান ত্ৰাইচ্চেতে পচ্চযা হোন্তি ৰা.
কাতুন ¶ কম্মং গচ্ছতি, অকাতুন পুঞ্ঞং কিলিস্সতি, সত্তা সুত্ৰান ধম্মং মোদন্তি, রিপুং জিত্ৰান ৰসতি, ধম্মং সুত্ৰান’স্স এতদহোসি, ইতো সুত্ৰান অমুত্র কথযন্তি, সুত্ৰা জানিস্সাম. এৰং সব্বত্থ যোজেতব্বা.
ৰত্তমানে কালে সব্বধাতূহি মানঅন্তইচ্চেতে পচ্চযা হোন্তি.
সরমানো রোদতি. গচ্ছন্তো গণ্হাতি.
সাসইচ্চেৰমাদীহি ধাতূহি রত্থুপচ্চযো হোতি.
সাসতীতি সত্থা, সাসতি হিংসতীতি ৰা সত্থা.
পাইচ্চেতায ধাতুযা রিতুপচ্চযো হোতি.
পাতি পুত্তন্তি পিতা.
৫৬৮, ৫৭৬. মানাদীহি ¶ রাতু.
মানইচ্চেৰমাদীহি ধাতূহি রাতুপচ্চযো হোতি, রিতু পচ্চযো চ.
ধম্মেন পুত্তং মানেতীতি মাতা, পুব্বে ভাসতীতি ভাতা, মাতাপিতূহি ধারীযতীতি ধীতা.
আইচ্চাদিম্হা গমিতো তুকপচ্চযো হোতি.
আগচ্ছতীতি আগন্তুকো, ভিক্খু.
গমুইচ্চেতম্হা ধাতুম্হা ইকপচ্চযো হোতি ভব্বে. গমিস্সতি গন্তুং ভব্বোতি গমিকো, ভিক্খু.
ইতি কিব্বিধানকপ্পে দুতিযো কণ্ডো.
ততিযকণ্ড
৫৭১, ৬২৪. পচ্চযাদনিট্ঠা নিপাতনা সিজ্ঝন্তি,
সঙ্খ্যানামসমাসতদ্ধিতাখ্যাতকিতকপ্পম্হি সপ্পচ্চযা যে সদ্দা অনিট্ঠঙ্গতা, তে সাধনেন নিরক্খিত্ৰা সকেহি সকেহি নামেহি নিপাতনা সিজ্ঝন্তি.
সঙ্খ্যাযং ¶ তাৰ – একস্স এতা হোতি, দসস্স চ দকারস্স রকারাদেসো হোতি. একো চ দস চ একারস.
দ্ৰিস্স বা হোতি, দসস্স চ দকারস্স রকারাদেসো হোতি, দ্ৰে চ দস চ বারস.
দ্ৰিস্স বা হোতি, দসস্স চ ৰীসং হোতি. দ্ৰে চ ৰীসঞ্চ বাৰীসং.
ছস্স সো হোতি, দসস্স চ দকারস্স ল়ো হোতি, ছ চ দস চ সোল়স.
ছআযতনম্হি ছস্স সল়ো হোতি, সল়াযতনং. এৰং সেসা সঙ্খ্যা কাতব্বা.
নামিকে তাৰ-ইম সমান অপরইচ্চেতেহি জ্জজ্জু পচ্চযা হোন্তি, ইম সমানসদ্দানঞ্চ অকারসকারাদেসা হোন্তি. ইমস্মিং কালে অজ্জ, অজ্জু, সমানে কালে সজ্জ, সজ্জু, অপরস্মিং কালে অপরজ্জ, অপরজ্জু.
সমাসে তাৰ – ভূমিগতো, অপাযগতো, ইস্সরকতং. সল্লৰিদ্ধো, কথিনদুস্সং, চোরভযং, ধঞ্ঞরাসি, সংসারদুক্খং, পুব্বাপরং.
তদ্ধিতে ¶ তাৰ – ৰাসিট্ঠো, ভারদ্ৰাজো, ভগ্গৰো, পণ্ডৰো, কালেয্যো.
আখ্যাতে তাৰ – ‘‘অস ভাৰে’’তি ধাতুতো ৰত্তমানেসু একৰচনবহুৰচনেসু একৰচনস্স তিস্স স্সো হোতি অন্তেন সহ, বহুৰচনস্স অন্তিস্স স্সু হোতি অন্তেন সহ. এৰমস্স ৰচনীযো, এৰমস্সু ৰচনীযা.
আণত্তিযং হিস্স স্সু হোতি ৰা, গচ্ছস্সু, গচ্ছাহি.
কিতকে তাৰ – ৰদ হনইচ্চেৰমাদীহি ধাতূহি কপচ্চযো হোতি, ৰদস্স চ ৰাদো হোতি, হনস্স চ ঘাতো হোতি. ৰাদকো, ঘাতকো.
নটধাতুতো তপঞ্চযস্স চ্চ ট্টাদেসা হোন্তি অন্তেন সহ. নচ্চং, নট্টং. ইচ্চেৰমাদযো নিপাতনা সিজ্ঝন্তি.
৫৭২, ৬২৫. সাস দিসতো তস্স রিট্ঠো চ.
সাস দিসইচ্চেৰমাদীহি ধাতূহি তপচ্চযস্স রিট্ঠাদেসো হোতি ঠানে.
অনুসিট্ঠো সো মযা, দিট্ঠং মে রূপং.
চগ্গহণেন ¶ কিচ্চতকারস্স চ তুং পচ্চযস্স চ রট্ঠরট্ঠুংআদেসা হোন্তি. দস্সনীযং দট্ঠব্বং. দট্ঠুং ৰিহারং গচ্ছন্তি সমণানং.
৫৭৩, ৬২৬. সাদিসন্ত পুচ্ছ ভন্জ হন্সাদীহিট্ঠো.
সকারন্ত পুচ্ছ ভন্জ হন্স ইচ্চেৰমাদীহি ধাতূহি তপচ্চযস্স সহাদিব্যঞ্জনেন ট্ঠাদেসো হোতি ঠানে.
তুট্ঠো, অহিনা দট্ঠো নরো, মযা পুট্ঠো, ভট্ঠো, পভট্ঠো, হট্ঠো, পহট্ঠো, যিট্ঠো. এৰমঞ্ঞেপি ধাতৰো সব্বত্থ যোজেতব্বা.
ৰসইচ্চেতম্হা ধাতুম্হা তকারপচ্চযস্স সহাদিব্যঞ্জনেন উট্ঠাদেসো হোতি ঠানে.
ৰস্সংৰুট্ঠো.
ৰসস্সেৰ ধাতুস্স তপচ্চযে পরে ৰকারস্স উকারাদেসো হোতি ৰা.
ৰুসিতং ব্রহ্মচরিযং, উট্ঠো. ৰুঠো ৰা.
৫৭৬, ৬০৭. ধ ¶ ঢ ভ যে হি ধ ঢা চ.
ধ ঢ ভ হইচ্চেৰমন্তেহি ধাতূহি তকারপচ্চযস্স যথাক্কমং ধ ঢাদেসা হোন্তি.
যথা? বুদ্ধো ভগৰা, ৰড্ঢো ভিক্খু, লদ্ধং মে পত্থচীৰরং, অগ্গিনা দড্ঢং ৰনং.
ভন্জতো ধাতুম্হা তকারপচ্চযস্স গ্গো আদেসো হোতি সহাদিব্যঞ্জনেন.
ভগ্গো.
৫৭৮, ৫৬০. ভুজাদীনমন্তো নো দ্ৰি চ.
ভুজইচ্চেৰমাদীনং ধাতূনং অন্তো নো হোতি, তপচ্চযস্স চ দ্ৰিতাৰো হোতি.
ভুত্তো, ভুত্তাৰী, চত্তো, সত্তো, রত্তো, যুত্তো, ৰিৰিত্তো.
ৰচইচ্চেতস্স ¶ ধাত্ৰস্স ৰকারস্স উকারাদেসো হোতি অন্তো চকারো নো হোতি, তপচ্চযস্স চ দ্ৰেভাৰো হোতি ৰা.
ৰুত্তং ভগৰতা, উত্তং ৰা.
গুপইচ্চেৰমাদীনং ধাতূনং অন্তো চ ব্যঞ্জনো নো হোতি, তপচ্চযস্স চ দ্ৰেভাৰো হোতি.
সুগুত্তো, চত্তো, লিত্তো, সন্তত্তো, উত্তো, ৰিৰিত্তো, সিত্তো. এৰমঞ্ঞেপি যোজেতব্বা.
তরইচ্চেৰমাদীহি ধাতূহি তপচ্চযস্স ইণ্ণাদেসো হোতি, অন্তো চ ব্যঞ্জনো নো হোতি.
তরতীতি তিণ্ণো, উত্তরতীতি উত্তিণ্ণো, সংপূরতীতি সম্পুণ্ণো, তুরতীতি তুণ্ণো, পরিজীরতীতি পরিজিণ্ণো, আকিরতীতি আকিণ্ণো.
৫৮২, ৬৩১. ভিদাদিতো ¶ ইন্ন অন্ন ঈণাৰা.
ভিদিইচ্চেৰমাদীহি ধাতূহি তপচ্চযস্স ইন্ন অন্ন ঈণাদেসা হোন্তি ৰা, অন্তো চ ব্যঞ্জনো নো হোতি.
ভিন্দিতব্বোতি ভিন্নো, ছিন্দীযতীতি ছিন্নো, উচ্ছিন্দীযিত্থাতি উচ্ছিন্নো, দীযতীতি দিন্নো, নিসীদতীতি নিসিন্নো, সুট্ঠু ছাদীযতীতি সুছন্নো, খিদতীতি খিন্নো, রোদতীতি রুন্নো, খীণা জাতি.
ৰাতি কিমত্থং? ভিজ্জতীতি ভিত্তি.
৫৮৩, ৬১৭. সুস পচ সকতো ক্খ ক্কা চ.
সুস পচ সকইচ্চেৰমাদীহি ধাতূহি তপচ্চযস্স ক্খক্কাদেসা হোন্তি, অন্তো চ ব্যঞ্জনো নো হোতি.
সুস্সতীতি সুক্খং, কট্ঠং, পচ্চতীতি পক্কং, ফলং. সকতি সমত্থেতি, পূজেতীতি ৰা সক্কো, সুজম্পতি.
পক্কমইচ্চেৰমাদীহি ধাতূহি তপচ্চযস্স ন্তোআদেসো হোতি, অন্তো চ নো হোতি.
পক্কমতীতি ¶ পক্কন্তো, ৰিব্ভমতীতি ৰিব্ভন্তো, সঙ্কন্তো, খন্তো, সন্তো, দন্তো, ৰন্তো.
চগ্গহণং কিমত্থং? তেহেৰ ধাতূহি তপচ্চযস্সন্তি হোতি. অন্তো চ নো হোতি. কন্তি, খন্তি. এৰং সব্বত্থ.
জনইচ্চেৰমাদীনং ধাতূনং অন্তস্স ব্যঞ্জনস্স আত্তং হোতি তপচ্চযে পরে, তিম্হি চ.
অজনীতি জাতো, জননং জাতি.
তিম্হীতি কিমত্থং? অঞ্ঞস্মিম্পি পচ্চযে পরে আকারনিৰত্তনত্থং. জনিত্ৰা, জনিতা, জনিতুং, জনিতব্বং ইচ্চেৰমাদি.
৫৮৬, ৬০০. গম খন হন রমাদীনমন্তো.
গম খন হন রমুইচ্চেৰমাদীনং ধাতূনং অন্তো ব্যঞ্জনো নো হোতি ৰা তপচ্চযে পরে তিম্হি চ.
সুন্দরং নিব্বানং গচ্ছতীতি সুগতো. সুন্দরং নিব্বানং গচ্ছতীতি সুগতি, খতং, খতি. উপহতং, উপহতি. রতো, রতি, মতো, মতি.
ৰাতি ¶ কিমত্থং? রমতো, রমতি.
রকারো চ ধাতূনমন্তভূতো নো হোতি তপচ্চযে, পরে তিম্হি চ.
পকারেন করীযতীতি পকতো, পঠমং করীযতীতি পকতি, ৰিসরীযতীতি ৰিসতো, ৰিসতি.
ঠা পাইচ্চেতেসং ধাতূনং অন্তস্স আকারস্স ইকার ঈকারাদেসা হোন্তি যথাসঙ্খ্যং তপচ্চযে পরে, তিম্হি চ.
যত্র ঠিতো, ঠিতি, পীতো, পীতি.
৫৮৯, ৬২১. হন্তেহি হো হস্স ল়ো ৰা অদহনহানং.
হকারন্তেহি ধাতূহি তপচ্চযস্স হকারাদেসো হোতি, হকারস্স ধাত্ৰন্তস্স ল়ো হোতি ৰা অদহনহানং.
আরুহিত্থাতি আরুল়্হো. গাল়্হো, বাল়্হো. মূল়ো.
অদহনহানমিতি ¶ কিমত্থং? দয্হতীতি দড্ঢো, সংসুট্ঠু নয্হতীতি সন্নদ্ধো.
ইতি কিব্বিধানকপ্পে ততিযো কণ্ডো.
চতুত্থকণ্ড
৫৯০, ৫৭৯. ণম্হিরন্জস্স জো ভাৰকরণেসু.
ণম্হি পচ্চযে পরে রন্জইচ্চেতস্স ধাতুস্স অন্তভূতস্স ন্জকারস্স জোআদেসো হোতি ভাৰকরণেসু.
রঞ্জনং রাগো, রন্জন্তি এতেনাতি রাগো.
ভাৰকরণেসূতি কিমত্থং? রন্জতীতি রঙ্গো.
হনইচ্চেতস্স ধাতুস্স সব্বস্স ঘাতাদেসো হোতি ণম্হি পচ্চযে পরে.
উপহনতীতি উপঘাতো, গাৰো হনতীতি গোঘাতকো.
৫৯২, ৫০৩. ৰধো ¶ ৰা সব্বত্থ.
হনইচ্চেতস্স ধাতুস্স ৰধাদেসো হোতি ৰা সব্বত্থ ঠানেসু.
হনতীতি ৰধো, ৰধকো, অৰধি, অহনি ৰা.
আকারন্তানং ধাতূনং অন্তস্স আকারস্স আযাদেসো হোতি ণম্হি পচ্চযে পরে.
দদাতীতি দাযকো, দানং দাতুং সীলং যস্সাতি দানদাযী, মজ্জং দাতুং সীলং যস্সাতি মজ্জদাযী, নগরং যাতুং সীলং যস্সাতি নগরযাযী.
৫৯৪, ৫৮২. পুর সমুপ পরীহি করোতিস্স খ খরা ৰা তপ্পচ্চযেসুচ.
পুর সং উপ পরিইচ্চেতেহি করোতিস্স ধাতুস্স খ খরাদেসা হোন্তি ৰা তপচ্চযে পরে, ণম্হি চ.
পুরে করীযতীতি পুরক্খতো, সম্মা করীযতীতি সঙ্খতো, উপগন্ত্ৰা করীযতীতি উপক্খতো, পরিসমন্ততো করোতীতি পরিক্খারো, সংকরীযতীতি সঙ্খারো.
ৰাতি কিমত্থং? উপগন্ত্ৰা করোতীতি উপকারো.
৫৯৫, ৬৩৭. তৰে ¶ তুনাদীসু কা.
তৰে তুনইচ্চেৰমাদীসু পচ্চযেসু করোতিস্স ধাতুস্স কাআদেসো হোতি ৰা.
কাতৰে, কাতুং, কত্তুং ৰা, কাতুন, কত্তুন ৰা.
৫৯৬, ৫৫১. গম খন হনাদীনং তুং তব্বাদীসু ন.
গম খন হনইচ্চেৰমাদীনং ধাতূনং অন্তস্স নকারো হোতি ৰা তুং তব্বাদীসু পচ্চযেসু.
গন্তুং, গমিতুং, গন্তব্বং, গমিতব্বং. খন্তুং. খনিতুং, খন্তব্বং, খনিতব্বং. হন্তুং, হনিতুং, হন্তব্বং. হনিতব্বং. মন্তুং, মনিতুং, মন্তব্বং, মনিতব্বং.
আদিগ্গহণং কিমত্থং? তুনগ্গহণত্থং. গন্তুন, খন্তুন, হন্তুন, মন্তুন.
৫৯৭, ৬৪১. সব্বেহি তুনাদীনং যো.
সব্বেহি ধাতূহি তুনাদীনং পচ্চযানং যকারাদেসো হোতি ৰা.
অভিৰন্দিয, অভিৰন্দিত্ৰা, ওহায, ওহিত্ৰা, উপনীয, উপনেত্ৰা, পস্সিয, পস্সিত্ৰা, উদ্দিস্স, উদ্দিসিত্ৰা, আদায, আদিযিত্ৰা.
৫৯৮, ৬৪৩. চনন্তেহি ¶ রচ্চং.
চকারনকারন্তেহি ধাতূহি তুনাদীনং পচ্চযানং রচ্চাদেসো হোতি ৰা.
ৰিৰিচ্চ, আহচ্চ, উহচ্চ.
ৰাতি কিমত্থং? হন্ত্ৰা.
৫৯৯, ৬৪৪. দিসা স্ৰান স্ৰান্তলোপো চ.
দিসইচ্চেতায ধাতুযা তুনাদীনং পচ্চযানং স্ৰানস্ৰাদেসা হোন্তি, অন্তলোপো চ.
দিস্ৰান, দিস্ৰা.
৬০০, ৬৪৫. ম হ দ ভেহি ম্ম য্হ জ্জ ব্ভ দ্ধা চ.
ম হ দ ভ ইচ্চেৰমন্তেহি ধাতূহি তুনাদীনং পচ্চযানং ম্ম য্হ জ্জ ব্ভ দ্ধা আদেসা হোন্তি ৰা অন্তলোপো চ.
আগম্ম, আগমিত্ৰা, ওক্কম্ম. ওক্কমিত্ৰা, পগ্গয্হ, পগ্গণ্হিত্ৰা, উপ্পজ্জ, উপ্পজ্জিত্ৰা, আরব্ভ, আরভিত্ৰা, আরদ্ধ, আরভিত্ৰা.
৬০১, ৩৩৪. তদ্ধিতসমাসকিতকা ¶ নামং ৰা’ তৰে তুনাদীসু চ.
তদ্ধিতসমাসকিতকইচ্চেৰমন্তা সদ্দানামংৰ দট্ঠব্বা তৰে তুন ত্ৰান ত্ৰাদিপচ্চযন্তে ৰজ্জেত্ৰা.
ৰাসিট্ঠো, পত্তধম্মো, কুম্ভকারো ইচ্চেৰমাদি.
দুম্হি অক্খরে যো পুব্বো অক্খরো, সো গরুকোৰ দট্ঠব্বো.
ভিত্ৰা, ছিত্ৰা, দত্ৰা, হুত্ৰা.
দীঘো চ সরো গরুকোৰ দট্ঠব্বো.
আহারো, নদী, ৰধূ, তে ধম্মা, ওপনযিকো.
অক্খরত্থেহি অক্খরাভিধেয্যেহি কারপচ্চযো হোতি পযোগে সতি.
অ এৰ অকারো, আ এৰ আকারো, য এৰ যকারো.
৬০৫, ৬৪৭. যথাগমমিকারো ¶ .
যথাগমং সব্বধাতূহি সব্বপচ্চযেসু ইকারাগমো হোতি.
কারিযং, ভৰিতব্বং, জনিতব্বং, ৰিদিতব্বং, করিত্ৰা, ইচ্ছিতং.
দকারধকারন্তায ধাতুযা যথাগমং যকারাগমো হোতি ক্ৰচি তুনাদীসু পচ্চযেসু.
বুদ্ধো লোকে উপ্পজ্জিত্ৰা, ধম্মং বুজ্ঝিত্ৰা.
দধন্ততোতি কিমত্থং? লভিত্ৰা.
ক্ৰচীতি কিমত্থং? উপ্পাদেত্ৰা.
ইতি কিব্বিধানকপ্পে চতুত্থো কণ্ডো.
পঞ্চমকণ্ড
৬০৭, ৫৭৮. নিগ্গহিত সংযোগাদিনো.
সংযোগাদিভূতো নকারো নিগ্গহিতমাপজ্জতে.
রঙ্গো, ভঙ্গো, সঙ্গো.
৬০৮, ৬২৩. সব্বত্থ ¶ গে গী.
গেইচ্চেতস্স ধাতুস্স গীআদেসো হোতি সব্বত্থ ঠানে.
গীতং গাযতি.
সদইচ্চেতস্স ধাতুস্স সীদাদেসো হোতি সব্বত্থ ঠানে.
নিসিন্নো, নিসীদতি.
যজইচ্চেতস্স ধাতুস্স সরস্স ইকারাদেসো হোতি ট্ঠে পরে.
যিট্ঠো, যিট্ঠা.
ট্ঠেতি কিমত্থং? যজনং.
৬১১, ৬০৮. হচতুত্থানমন্তানং দো ধে.
হচতুত্থানং ধাত্ৰন্তানং দো আদেসো হোতি ধে পরে.
সন্নদ্ধো, কুদ্ধো, যুদ্ধো, সিদ্ধো, লদ্ধো, আরদ্ধো.
৬১২, ৬১৫. ডো ¶ ঢকারে.
হচতুত্থানং ধাত্ৰন্তানং ডো আদেসো হোতি ঢকারে পরে.
দয্হতীতি দড্ঢো, ৰড্ঢতীতি ৰুড্ঢো.
ঢকারেতি কিমত্থং? দাহো.
গহইচ্চেতস্স ধাতুস্স সব্বস্স ঘরাদেসো হোতি ৰা ণপচ্চযে পরে.
ঘরং, ঘরানি.
ৰাতি কিমত্থং? গাহো.
দহইচ্চেতস্স ধাতুস্স দকারো ল়ত্তমাপজ্জতে ৰা ণপচ্চযে পরে.
পরিদহনং পরিল়াহো.
ৰাতি কিমত্থং? পরিদাহো.
৬১৫, ৫৮৬. ধাত্ৰন্তস্স লোপো ক্ৰিম্হি.
ধাত্ৰন্তস্স ব্যঞ্জনস্স লোপো হোতি ক্ৰিম্হি পচ্চযে পরে.
ভুজেন ¶ গচ্ছতীতি, ভুজগো. উরেন গচ্ছতীতি উরগো, তুরগো, সঙ্খো.
ৰিদইচ্চেতস্স ধাতুস্স অন্তে ঊকারাগমো হোতি ক্ৰিম্হি পচ্চযে পরে.
লোকং ৰিদতি জানাতীতি লোকৰিদূ.
৬১৭, ৬৩৩. ন ম ক রানমন্তানং নিযুত্ততম্হি.
নকার মকার ককার রকারানং ধাত্ৰন্তানং লোপো ন হোতি ইকারযুত্তে তপচ্চযে পরে.
হনিভুং, গমিতো, রমিতো, সকিতো, সরিতো, করিত্ৰা.
ইযুত্ততম্হীতি কিমত্থং? গতো, সতো.
৬১৮, ৫৭১. ন ক গত্তং চ জাণ্ৰুম্হি.
চকার জকারা ককার গকারত্তং নাপজ্জন্তে ণ্ৰুম্হি পচ্চযে পরে.
পচতীতি পাচকো, যজতীতি যাজকো.
৬১৯, ৫৭৩. করস্স ¶ চ তত্তং তুস্মিং.
করইচ্চেতস্স ধাতুস্স অন্তস্স রকারস্স তকারত্তং হোতি তুপচ্চযে পরে.
করোতীতি কত্তা, করোন্তীতি কত্তারো.
করইচ্চেতস্স ধাতুস্স অন্তস্স রকারস্স তকারত্তং হোতি ৰা তুং তুন তব্বইচ্চেতেসু পচ্চযেসু.
কত্তুং, কাতুং, কত্তুন. কাতুন, কত্তব্বং, কাতব্বং.
৬২১, ৫৫৩. কারিতং ৰিয ণানুবন্ধো.
ণকারানুবন্ধো পচ্চযো কারিতং ৰিয দট্ঠব্বো ৰা.
দাহো, দেহো, ৰাহো, বাহো, চাগো, ৰারো, চারো, পরিক্খারো, দাযকো, নাযকো, লাৰকো, ভাৰকো, কারী, ঘাতী, দাযী.
ৰাতি কিমত্থং? উপক্খরো.
৬২২, ৫৭০. অনকা ¶ যু ণ্ৰূনং.
যুণ্ৰুইচ্চেতেসং পচ্চযানং অন অকইচ্চেতে আদেসা হোন্তি.
নন্দনং, কারকো.
চ জইচ্চেতেসং ধাত্ৰন্তানং ককারগকারাদেসা হোন্তি ণানুবন্ধে পচ্চযে পরে.
পাকো, যোগো.
ইতি কিব্বিধানকপ্পে পঞ্চমো কণ্ডো.
কিতকপ্পো নিট্ঠিতো.
৮. উণাদিকপ্প
ছট্ঠকণ্ড
৬২৪, ৫৬৩. কত্তরি ¶ কিত.
কত্তুইচ্চেতস্মিং অত্থে কিত পচ্চযা হোন্তি.
কারু, কারুকো, কারকো, পাচকো, কত্তা, জনিতা, পচিতা, নেতা.
৬২৫, ৬০৫. ভাৰকম্মেসু কিচ্চত্ত খত্থা.
ভাৰকম্মইচ্চেতেস্ৰত্থেসু কিচ্চ ত্ত খত্থইচ্চেতে পচ্চযা হোন্তি.
উপসম্পাদেতব্বং উপসম্পাদনীযং ভৰতা, সযিতব্বং ভৰতা, কত্তব্বং ভৰতা, ভোত্তব্বো ওদনো ভৰতা, অসিতব্বং ভোজনং ভৰতা, অসিতং ভৰতা, সযিতং ভৰতা, পচিতং ভৰতা, অসিতং অসনং ভৰতা, সযিতং সযনং ভৰতা, পচিতো ওদনো ভৰতা, কিঞ্চিস্সযো, ঈসস্সযো, দুস্সযো, সুস্সযো ভৰতা.
৬২৬, ৬৩৪. কম্মনি ¶ দুতিযায ত্তো.
কম্মনি ইচ্চেতস্মিং অত্থে দুতিযাযং ৰিভত্তিযং কত্তরি ত্তপচ্চযো হোতি.
দানং দিন্নো দেৰদত্তো, সীলং রক্খিতো দেৰদত্তো, ভত্তং ভুত্তো দেৰদত্তো, গরুং উপাসিতো দেৰদত্তো.
৬২৭, ৬৫২. খ্যাদীহি মান ম চ তো ৰা.
খি ভী সু রু হু ৰা ধূ হি লূ পী অদইচ্চেৰমাদীহি ধাতূহি মন পচ্চযো হোতি, মস্স চ তো হোতি ৰা.
খীযন্তি উপদ্দৰা এত্থাতি খেমো, ভাযিতব্বোতি ভেমো, ভাযন্তি এতস্মাতি ৰা ভেমো, রংসিযো অভিস্সৰেতীতি সোমো, রৰতি গচ্ছতীতি রোমো, হুৰতি জুহ্ৰতি এতেনাতি হোমো, পটিলোমৰসেন ৰাতি গচ্ছতীতি ৰামো, লামকৰসেন ৰাতি গচ্ছতি পৰত্ততীতি ৰা ৰামো, ধুনাতি কম্পতীতি ধূমো, সেট্ঠভাৰেন হিনোতি পৰত্ততি চিত্তং এতস্মিন্তি হেমো, লুনিতব্বোতি লোমো, মংসচম্মানি লুনাতি ছিন্দতীতি ৰা লোমো, পিযনং পেমো, পিযাযিতব্বোতি ৰা পেমো, সুখদুক্খং অদতি ভক্খতীতি অত্তা, জাতিজরামরণাদীহি অদীযতে ভক্খীযতেতি ৰা অত্তা, আতুমা.
৬২৮, ৬৫৩. সমাদীহি ¶ থ মা.
সমু দমু দর রহ দু হি সি ভী দা যা সা ঠাভসইচ্চেৰমাদীহি ধাতূহি থ ম পচ্চযা হোন্তি.
সমেতীতি সমথো, দমতীতি দমথো, দমনং ৰা দমথো, দমিতব্বোতি ৰা দমথো, দরতীতি দরথো, জিণ্ণভাৰং রহিস্সতি গণ্হিস্সতীতি রথো, দব্বসম্ভারে রহতি গণ্হাতীতি ৰা রথো, দৰতি গচ্ছতীতি দুমো, দৰতি ৰুদ্ধি ৰিরুল়্হি গচ্ছতি পৰত্ততীতি উদ্ধং ৰা দুমো, পথৰীপব্বতাদীসু গচ্ছতি পততীতি হিমো, কম্মৰাচায বন্ধতি এত্থাতি সীমা. বন্ধিতব্বাতি ৰা সীমা. ভাযন্তি এতস্মাতি ভীমো, সত্তে অৰখণ্ডেন্তি নিৰারেন্তি এতেনাতি দামো, মূসিকাদীহি খাদীযতি অৰখণ্ডীযতীতি ৰা দামো, যাতি গচ্ছতীতি যামো, পরেসং চিত্তং গণ্হিতুং সমত্থেতীতি সামো, তিট্ঠন্তি এতেনাতি থামো, ভসতি ভস্মীকরীযতীতি ভস্মা.
গহইচ্চেতস্স ধাতুস্স উপধস্স অকারস্স এত্ত হোতি ৰা.
দব্বসম্ভার গণ্হাতীতি গেহং, গহং.
৬৩০, ৬৫৪. মসুস্স ¶ সুস্স চ্ছর চ্ছেরা.
মসুইচ্চেতস্স পাটিপদিকস্স সুস্স চ্ছরচ্ছেরাদেসা হোন্তি.
মচ্ছরতীতি মচ্ছরো, এৰং মচ্ছেরো.
আপুব্বস্স চরইচ্চেতস্স ধাতুস্স চ্ছরিযচ্ছরচ্ছেরা দেসা হোন্তি, আপুব্বস্স চ রস্সো হোতি.
আভুসো চরিতব্বন্তি অচ্ছরিযং. এৰং অচ্ছরং, অচ্ছেরং.
চগ্গহণেন মসুস্স সুস্সাপি চ্ছরিযাদেসো হোতি, মচ্ছরিযং.
অল কল সলইচ্চেতেহি ধাতূহি ল যপচ্চযা হোন্তি.
অলতি সমত্থেতীতি অল্লং, কলিতব্বং সঙ্খ্যাতব্বন্তি কল্লং, সলতি গচ্ছতি পৰিসতীতি সল্লং. এৰং অল্যং, কল্যং, সল্যং.
৬৩৩, ৬৫৭. যাণ ¶ লাণা.
তেহি কল সলইচ্চেতেহি ধাতূহি যাণ লাণপচ্চযা হোন্তি.
কলিতব্বং সঙ্খ্যাতব্বন্তি কল্যাণং, গণতো পটিক্কমিত্ৰা সলন্তি এত্থাতি পটিসল্যাণং. এৰং সল্লাণো, পটিসল্লাণো.
মথইচ্চেতস্স ধাতুস্স থস্স লাদেসোহোতি. অঞ্ঞমঞ্ঞং মথতি ৰিলোল়তীতি মল্লো, মল্লং.
চগ্গহণেন লতো কো চ আগমো হোতি. মল্লকো, মল্লকং.
৬৩৫, ৫৫৯. পেসাতিসগ্গপত্তকালেসুকিচ্চা.
পেস অতিসগ্গ পত্তকালইচ্চেতেস্ৰত্থেসু কিচ্চপচ্চযা হোন্তি.
কত্তব্বং কম্মং ভৰতা, করণীযং কিচ্চং ভৰতা, ভোত্তব্বং ভোজনং ভৰতা, ভোজনীযং ভোজনং ভৰতা, অজ্ঝযিতব্বং অজ্ঝেয্যং ভৰতা, অজ্ঝযনীযং অজ্ঝেয্যং ভৰতা.
৬৩৬, ৬৫৯. অৰস্সকা’ধমিণেসু ¶ ণী চ.
অৰস্সক অধমিণইচ্চেতেস্ৰত্থেসু ণীপচ্চযো হোতি, কিচ্চা চ.
অৰস্সতে তাৰ – কারীসি মে কম্মং অৰস্সং হারীসি মে ভারং অৰস্সং.
অধমিণে – দাযীসি মে সতং ইণং, ধারীসি মে সহস্সং ইণং.
কিচ্চা চ – দাতব্বং মে ভৰতা সতং ইণং. ধারযিতব্বং মে ভৰতা সহস্সং ইণং, কত্তব্বং মে ভৰতা গেহং, করণীযং মে ভৰতা কিচ্চং, কারিযং মে ভৰতা সযনং.
অরহ সক্ক ভব্বইচ্চেৰমাদীহি পযোগে সতি সব্বধাতূহি তুংপচ্চযো হোতি.
অরহা ভৰং ৰত্তুং, অরহা ভৰং কত্তুং, সক্কা ভৰং হন্তুং, সক্কা ভৰং জনেতুং, জনিতুং, ভৰিতুং, সক্কা ভৰং দাতুং, সক্কা ভৰং গন্তুং, তব্বো ভৰং জনেতুং ইচ্চেৰমাদি.
৬৩৮, ৬৬০. ৰজাদীহিপব্বজ্জাদযো ¶ নিপ্পজ্জন্তে.
ৰজইচ্চেৰমাদীহি ধাতূহি, উপসগ্গপচ্চযাদীহি চ পব্বজ্জাদযো সদ্দা নিপ্পজ্জন্তে.
পঠমমেৰ ৰজিতব্বাতি পব্বজ্জা, ইঞ্জনং এজ্জা, সমজ্জনং সমজ্জা, নিসীদনং নিসজ্জা, ৰিজাননং ৰিজ্জা ৰিসজ্জনং ৰিসজ্জা, পদনং পজ্জা, হননং ৰজ্ঝা, এসনং ইচ্ছা, অতিএসনং অতিচ্ছা, সদনং সজ্জা, সযন্তি এত্থাতি সেয্যা, সম্মা চিত্তং নিধেতি এতাযাতি সদ্ধা, চরিতব্বা চরিযা, করণং কিরিযা, রুজনং রুচ্ছা, পদনং পচ্ছা, রিঞ্চনং রিচ্ছা, তিকিচ্ছনং তিতিচ্ছা, সংকোচনং সংকুচ্ছা, মদনং মচ্ছা, লভনং লচ্ছা, রদিহব্বাতি রচ্ছা, রদনং ৰিলেখনং ৰারচ্ছা, অধো ভাগেন গচ্ছতীতি তিরচ্ছা, তিরচ্ছানো, অজনং অচ্ছা, তিতিক্খতীতি তিতিক্খা, সহ আগমনং সাগচ্ছা, দুট্ঠু ভক্খনং দোভচ্ছা, দুট্ঠু রোসনং দুরুচ্ছা, পুচ্ছনং পুচ্ছা, মুহনং মুচ্ছা, ৰসনং ৰচ্ছা, কচনং কচ্ছা, সহ কথনং সাকচ্ছা, তুদনং তুচ্ছা, ৰিসনং ৰিচ্ছা, পিসনং পিচ্ছিল্লা, সুখদুক্খং মুদতি ভক্খতীতি মচ্ছো ¶ , সত্তানং পাণং মুসেতি চজেতীতি মচ্চু, সতনং সচ্চং, উদ্ধং ধুনাতি কম্পতীতি উদ্ধচ্চং, নটনং নচ্চং, নিতনং নিচ্চং, তথনং তচ্ছং ইচ্চেৰমাদি.
ক্ৰিলোপো হোতি, পুন চ নিপ্পজ্জন্তে.
ৰিৰিধেহি সীলাদিগুণেহি ভৰতীতি ৰিভূ, ৰিসেসেন ৰা ভৰতীতি ৰিভূ, সযং অত্তনা ভৰতীতি সযম্ভূ, অভিৰিত্ৰা ভৰতীতি অভিভূ, সং সুট্ঠু ধুনাতি কম্পতীতি সন্ধূ, ৰিসেসেন ভাতি দিব্বতীতি ৰিভা, নিস্সেসেন ভাতি দিব্বতীতি নিভা, পকারেন ভাতি দিব্বতীতি পভা, সহ ভাসন্তি এত্থাতি সভা, আভুসো ভাতি দিব্বতীতি আভা, ভুজেন কুটিলেন গচ্ছতীতি ভুজগো, তুরিততুরিতো গচ্ছতীতি তুরগো, সং সুট্ঠু পথৰিং খনতীতি সঙ্খো, ৰিসেসেন যমতি উপরমতীতি ৰিযো, সুট্ঠু মনতি জানাতীতি সুমো, পরি সমন্ততো তনোতি ৰিত্থারেতীতি পরিতো ইচ্চেৰমাদি.
সচ জানং ধাতূনমন্তানং চজানং কগাদেসা হোন্তি যথাসঙ্খ্যং ণানুবন্ধে পচ্চযে পরে.
ওকো ¶ , পাকো, সেকো, সোকো, ৰিৰেকো, চাগো, যোগো, ভোগো, রোগো, রাগো, ভাগো, ভঙ্গো, রঙ্গো, সঙ্গো.
৬৪১, ৫৭২. নুদাদীহি যুণ্ৰূনমনাননাকাননকা সকারিতেহি চ.
নুদ সূদ জন সু লূ হু পু ভূ ঞা অ স সমুইচ্চেৰমাদীহি ধাতূহি, ফন্দ চিতি আণ ইচ্চেৰমাদীহি সকারিতেহি চ যুণ্ৰূনং পচ্চযানং অন আনন অক আননকাদেসা হোন্তি যথাসঙ্খ্যং কত্তরি, ভাৰকরণেসু চ.
কত্তরি তাৰ – পনুদতীতি পনূদনো. এৰং সূদনো, জননো, সৰণো, লৰনো, হৰনো, পৰনো, ভৰনো, ঞাণো, অসনো, সমণো.
ভাৰে চ – পনুদতে পনূদনং. এৰং সূদনং, জননং, সৰণং, লৰনং, হৰনং, পৰনং, ভৰনং, ঞাণং, অসনং, সমণং, সঞ্জাননং, কুযতে কাননং.
কারিতে চ – ফন্দাপীযতে ফন্দাপনং, চেতাপীযতে চেতাপনং, আণাপীযতে আণাপনং.
করণে – নুদন্তি অনেনাতি নূদনং, এৰং সূদনং, জননং, সৰণং, লৰণং, হৰনং, পৰনং, ভগনং, ঞাণং, অসনং, সৰণং.
পুন ¶ কত্তরি – নুদতীতি নূদকো, সূদতীতি সূদধকা, জনেতীতি জনকো, সুণোতীতি সাৰকো, লুনাতীতি লাৰকো, জুহোতীতি হাৰকো, পুনাতীতি পাৰকো, ভৰতীতি ভাৰকো, জানাতীতি জানকো, অসতীতি অসকো, উপাসতীতি উপাসকো, সমেতীতি সমকো.
কারিতে তু – ফন্দাপযতীতি ফন্দাপযকো. এৰং আণাপযকো, চেতাপযকো, সঞ্জাননকো.
৬৪২, ৫৮৮. ই য ত ম কি এ সান’মন্তস্সরো দীঘং ক্ৰচি দু স স্স গুণং দো রং সক্খী চ.
ইয ত ম কি এ সইচ্চেতেসং সব্বনামানমন্তো সরো দীঘমাপজ্জতে, ক্ৰচি দুসইচ্চেতস্স ধাতুস্স উকারো গুণমাপজ্জতে, দকারো রকারমাপজ্জতে, ধাত্ৰন্তস্স সস্স চ স ক্খ ঈইচ্চেতে আদেসা হোন্তি যথাসম্ভৰং. এতে সদ্দা সকেন সকেন নামেন যথানুপরোধেন বুদ্ধসাসনে পচ্ছা পুন নিপ্পজ্জন্তে.
ইমমিৰ নং পস্সতীতি ঈদিসো, যমিৰ নং পস্সতীতি যাদিসো, তমিৰ নং পস্সতীতি তাদিসো, মমিৰ নং পস্সতীতি মাদিসো, কিমিৰ নং পস্সতীতি কীদিসো, এতমিৰ নং পস্সতীতি এদিসো, সমানমিৰ নং পস্সতীতি সাদিসো ¶ . ইমমিৰ নং পস্সতীতি ঈরিসো, যমিৰ নং পস্সতীতি যারিসো, তমিৰ নং পস্সতীতি তারিসো, মমিৰ নং পস্সতীতি মারিসো, কিমিৰ নং পস্সতীতি কীরিসো, এতমিৰ নং পস্সতীতি এরিসো, সমানমিৰ নং পস্সতীতি সারিসো. ইমমিৰ নং পস্সতীতি ঈদিক্খো, যমিৰ নং পস্সতীতি যাদিক্খো, তমিৰ নং পস্সতীতি তাদিক্খো, এৰং মাদিক্খো, কীদিক্খো, এদিক্খো, সাদিক্খো. ঈদী, যাদী, তাদী, মাদী, কীদী, এদী, সাদী.
চগ্গহণেন তেসমেৰ সদ্দানং ইযইচ্চেৰমাদীনমন্তো চ সরো ক্ৰচি দীঘত্থমাহু. ঈদিক্খো, যাদিক্খো, তাদিক্খো, মাদিক্খো, কীদিক্খো, এদিক্খো, সাদিক্খো. ইদিসো, সদিসো, সরিসো, সরিক্খো.
৬৪৩, ৬৩৫. ভ্যাদীহি মতি বুধি পূজাদীহি চ ত্তো.
ভীইচ্চেৰমাদীহি ধাতূহি, মতি. বুধি পূজাদিতো চ ত্ত পচ্চযো হোতি.
ভাযিতব্বোতি ভীতো, সুপিতব্বোতি সুত্তো, মিজ্জিতব্বো সিনেহেতব্বোতি মিত্তো, সম্মন্নিতব্বোতি সম্মতো, সং সুট্ঠু মানিতব্বো পূজেতব্বোতি সম্মতো, সম্মানীযিত্থাতি সম্মতো, সংকপ্পীযতেতি সঙ্কপ্পিতো ¶ , সংকপ্পীযিত্থাতি সঙ্কপ্পিতো, সম্পাদীযতেতি সম্পাদিতো, সম্পাদীযিত্থাতি সম্পাদিতো, অৰধারীযতেতি অৰধারিতো, অৰধারীযিত্থাতি অৰধারিতো, বুজ্ঝিতব্বো ঞাতব্বোতি বুদ্ধো, অজ্ঝযিতব্বোতি ইতো, এতব্বো গন্তব্বোতি ইতো, ৰিদিতব্বো ঞাতব্বোতি ৰিদিতো, তক্কীযতেতি তক্কিতো, পূজীযতেতি পূজিতো, পূজীযিত্থাতি পূজিতো, অপচাযিতব্বোতি অপচাযিতো, মানিতব্বো পূজেতব্বোতি মানিতো, অপচীযতেতি অপচিতো, ৰন্দীযতেতি ৰন্দিতো, ৰন্দীযিত্থাতি ৰন্দিতো, সক্করীযতেতি সক্কারিতো, সক্করীযিত্থাতি সক্কারিতো.
৬৪৪, ৬৬১. ৰেপু সী দৰ ৰমু কু দা ভূ হ্ৰাদীহি থু ত্তিম ণিমা নিব্বত্তে.
ৰেপু সী দৰ ৰমু কু দা ভূ হুইচ্চেৰমাদীহি ধাতূহি যথাসম্ভৰং থু ত্তিম ণিমপচ্চযা হোন্তি নিব্বত্তত্থে.
ৰেপনং ৰেপো, তেন নিব্বত্তো ৰেপথু, সযনং সযো, তেন নিব্বত্তো সযথু, দৰনং দৰো, তেন নিব্বত্তো দৰথু. ৰমনং ৰমো, তেন নিব্বত্তো ৰমথু. কুত্তি করণং, তেন নিব্বত্তং কুত্তিমং. দাতি দানং, তেন নিব্বত্তং দত্তিমং. ভূতি ভৰনং, তেন নিব্বত্তং ভোত্তিমং. অৰহুতি অৰহনং, তেন নিব্বত্তং ওহাৰিমং.
৬৪৫, ৬৬২. অক্কোসে ¶ নম্হানি.
অক্কোসইচ্চেতস্মিং অত্থে নম্হি পটিসেধযুত্তে আনিপচ্চযো হোতি ধাতূহি.
ন গমিতব্বং অগমানি তে জম্ম দেসং, ন কত্তব্বং অকরাণি তে জম্ম কম্মং.
নম্হীতি কিমত্থং? ৰিপত্তি তে জম্ম, ৰিকতি তে জম্ম.
অক্কোসেতি কিমত্থং? ন গন্তব্বা অগতি তে.
৬৪৬, ৪১৯. একাদিতো সকিস্স ক্খত্তুং.
একাদিতো সকিস্স ক্খত্তুং হোতি.
একস্স পদত্থস্স সকিং ৰারং একক্খত্তুং, দ্ৰিন্নং পদত্থানং সকিং ৰারং দ্ৰিক্খত্তুং, তিণ্ণং পদত্থানং সকিং ৰারং তিক্খত্তুং, এৰং চতুক্খত্তুং, পঞ্চক্খত্তুং, ছক্খত্তুং, সত্তক্খত্তুং, অট্ঠক্খত্তুং, নৰক্খত্তুং, দসক্খত্তুং. ইচ্চেৰমাদযো সদ্দা যোজেতব্বা.
৬৪৭, ৬৬৩. সুনস্সুনস্সোণ ৰানুৰানূনুনখুনানা.
সুনইচ্চেতস্স পাটিপদিকস্স উনস্স ওণ ৰান উৰান ঊন উনখ উন আ আনাদেসা হোন্তি.
সামিকস্স ¶ সদ্দং সুণাতীতি সোণো, সামিকস্স সদ্দং সুণাতীতি স্ৰানো, এৰং সুৰানো, সূনো, সুনখো, সুনো, সা, সানো.
তরুণইচ্চেতস্স পাটিপদিকস্স সুসু আদেসো হোতি.
সুসু কাল়কেসো.
৬৪৯, ৬৬৫. যুৰস্সুৰস্সুৰুৰানুনূনা.
যুৰইচ্চেতস্স পাটিপদিকস্স উৰস্স উৰউৰান উনঊনাদেসা হোন্তি.
যুৰা, যুৰানো, যুনো, যূনো.
৬৫০, ৬৫১. কালে ৰত্তমানাতীতে ণ্ৰাদযো.
কালে ৰত্তমানত্থে চ অতীতত্থে চ ণু যু তপচ্চযা হোন্তি.
অকাসি, করোতীতি কারু, অগচ্ছি, গচ্ছতীতি, ৰাযু, অভৰি, ভৰতীতি ভূতং.
৬৫১, ৬৪৭. তৰিস্সতি ¶ গমাদীহি ণী ঘিণ.
ভৰিস্সতিকালত্থে গমু ভজ সু ঠাইচ্চেৰমাদীহি ধাতূহি ণী ঘিণ পচ্চযা হোন্তি.
আযতিং গমিতুং সীলং যস্স, সো হোতীতি গামী, আযতিং ভজিতুং সীলং যস্স, সো হোতীতি ভাজী, আযতিং পস্সাপিতুং সীলং যস্স, সো হোতীতি পস্সাৰি, আযতিং পট্ঠাযিতুং সীলং যস্স, সো হোতীতি পট্ঠাযি.
ক্রিযাযমত্থে ণ্ৰু তুইচ্চেতে পচ্চযা হোন্তি ভৰিস্সতিকালে.
‘‘করিস্স’’ন্তি কারকো ৰজতি, ‘‘ভুঞ্জিস্স’’ন্তি ভোত্তা ৰজতি.
৬৫৩, ৩০৬. ভাৰৰাচিম্হি চতুত্থী.
ভাৰৰাচিম্হি চতুত্থীৰিভত্তি হোতি ভৰিস্সতিকালে,
পচিস্সতে, পচনং ৰা পাকো, পাকায ৰজতি. ভুঞ্জিস্সতে, ভোজনং ৰা ভোগো, ভোগায ৰজতি. নচ্চিস্সতে, নচ্চনং ৰা নচ্চং, নচ্চায ৰজতি.
৬৫৪, ৬৪৯. কম্মনি ¶ ণো.
কম্মনি উপপদে ণপচ্চযো হোতি ভৰিস্সতিকালে.
নগরং করিস্সতি নগরকারো ৰজতি, সালিং লাৰিস্সতি সালিলাৰো ৰজতি, ধঞ্ঞং ৰপিস্সতি ধঞ্ঞৰাপো ৰজতি, ভোগং দদিস্সতি ভোগদাযো ৰজতি, সিন্ধুং পিৰিস্সতি সিন্ধুপাযো ৰজতি.
৬৫৫, ৬৫০. সেসে স্সং ন্তুমানানা.
সেসইচ্চেতস্মিং অত্থে স্সং ন্তু মান আন ইচ্চেতে পচ্চযা হোন্তি ভৰিস্সতিকালে কম্মূপপদে.
কম্মং করিস্সতি কম্মং করিস্সং, এৰং কম্মং করোন্তো, কম্মং কুরুমানো, কম্মং করানো ৰজতি. ভোজনং ভুঞ্জিস্সতি ভোজনং ভুঞ্জিস্সং, এৰং ভোজনং ভুঞ্জন্তো, ভোজনং ভুঞ্জমানো, ভোজনং ভুঞ্জানো ৰজতি. খাদনং খাদিস্সতি খাদনং খাদিস্সং, এৰং খাদনং খাদন্তো, খাদনং খাদমানো, খাদনং খাদানো ৰজতি. মগ্গং চরিস্সতি মগ্গং চরিস্সং, এৰং মগ্গং চরন্তো, মগ্গং চরমানো, মগ্গং চরানো ৰজতি. ভিক্খং ভিক্খিস্সতি ভিক্খং ভিক্খিস্সং, এৰং ভিক্খং ভিক্খন্তো, ভিক্খং ভিক্খমানো, ভিক্খং ভিক্খানো ৰজতি.
৬৫৬, ৬৬৬. ছৰাদীতি ¶ তত্রণ.
ছ দ চি তি সু নী ৰি দ পদ তনু যত অদ মদ যুজ ৰতুমিদ মা পু ক ল ৰর ৰে পু গুপ দা ইচ্চেৰমাদীহি ধাতূহি তত্রণ ইচ্চেতে পচ্চযা হোন্তি যথাসম্ভৰং.
আতপং ছাদেতীতি ছত্তং, ছত্রং. আরম্মণং চিন্তেতীতি চিত্তং, চিত্রং. চিন্তেন্তি সম্পযুত্তধম্মা এথেনাতি ৰা চিত্তং, চিত্রং. অত্থে অভিস্সৰেতীতি সুত্তং, সুত্রং. অত্থে সূচেতীতি ৰা সুত্তং, সুত্রং. সত্তে নেতীতি নেত্তং, নেত্রং. সত্তে ইচ্ছিতট্ঠানং নেন্তি এতেনাতি ৰা নেত্তং, নেত্রং. পকারেন ৰিদতীতি পৰিত্তং, পৰিত্রং. ৰিৰিধেন আকারেন মঙ্গ পাপং পুনাতি, সোধেতীতি পৰিত্তং, পৰিত্রং. সুচিভাৰং ৰা পাপুণাতীতি পৰিত্তং, পৰিত্রং. পদতি পাপুণাতীতি পত্তো, পত্রো. আহারা পতন্তি এত্থ ভাজনেতি পত্তং, পত্রং. পদতি পৰত্ততীতি ৰা পত্তং, পত্রং. তনোতি ৰিত্থারেতীতি তন্তং, তন্ত্রং, তনিতব্বং ৰিত্থারেতব্বন্তি ৰা তন্তং, তন্ত্র. যততীতি যত্তং, যত্রং. যততি ৰীরিযং করোতি এতেনাতি ৰা যত্তং, যত্রং. যতনং ৰা যত্তং, যত্রং. সুখদুক্খং অদতি ভক্খতীতি অত্তা, অত্রা. মদতীতি মত্তং, মত্রং. ৰত্থুং যুজ্জন্তি এতেনাতি যোত্তং, যোত্রং. ৰত্ততীতি ৰত্তং, ৰত্রং. মিদতি ¶ সিনেহং করোতীতি মিত্তং. মিত্রং. মিদতি সিনেহতি এতাযাতি মেত্তা, মেত্রা. পরি সমন্ত তো সব্বাকারেন মিনন্তি এতাযাতি মত্তা, মত্রা. মাননং ৰা মত্তং, মত্রং. অত্তনো কুলং পুনাতি সোধেতীতি পুত্তো, পুত্রো. কলিতব্বং সঙ্খ্যাতব্বন্তি কলত্তং, কলত্রং. সংসুট্ঠু ৰারেতি এতেনাতি ৰরত্তং, ৰরত্রং. ৰেপতি কম্পতীতি ৰেত্তং, ৰেত্রং. গোপিতব্বং রক্খিতব্বন্তি গুত্তং. গুত্রং, গোত্তং, গোত্রং. দাতি অৰখণ্ডতি এতেনাতি দাত্তং, দাত্রং ইচ্চেৰমাদি.
ৰদ চর ৰরইচ্চেৰমাদীহি ধাতূহি ণিত্তপচ্চযো হোতি গণত্থে.
ৰাদিতানং গণো ৰাদিত্তং. এৰং চারিত্তং, ৰারিত্তং, ইচ্চেৰমাদি.
মিদ পদ রন্জ তনু ধাইচ্চেৰমাদীহি ধাতূহি ত্তি তি ইচ্চেতে পচ্চযা হোন্তি.
মিদতি সিনেহতীতি মেত্তি, পদতি গচ্ছতীতি পত্তি, রন্জতি এত্থাতি রত্তি, তনোতি ৰিত্থারেতীতি তন্তি, অত্তনো ¶ কুলং তনোতি ৰিত্থারেতীতি ৰা তন্তি, পরেসং ইত্থীনং পুত্তং ধারেতীতি ধাতি, খীরং ধারেতীতি ৰা ধাতি, অত্তনো সভাৰং ধারেতীতি ৰা ধাতি ইচ্চেৰমাদি.
৬৫৯, ৬৬৯. উসু রন্জ দংসানং দংসস্স দড্ঢোঢ ঠা চ.
উসু রন্জ দংসইচ্চেতেসং ধাতূনং দংসস্স দড্ঢাদেসো হোতি, ঢ ঠপচ্চযা চ হোন্তি.
উসীযতে উড্ঢো, রন্জন্তি এত্থাতি রট্ঠং, দংসীযতেতি দড্ঢো.
৬৬০, ৬৭০. সূৰুসানমূৰুসানমতোথোচ.
সূৰু অসইচ্চেতেসং ধাতূনং ঊউঅসানং অতাদেসো হোতি, থপচ্চযো চ.
সৰতি হিংসতি এতেনাতি সত্থং, হিরোত্তপ্পং সংৰরতি এতেনাতিৰত্থং, সদ্দানুরূপং অসতিভৰতীতি অত্থো,
৬৬১, ৬৭১. রন্জুদাদীহি ¶ ধ দিদ্দ কিরা ক্ৰচি জদলোপোচ.
রন্জ উদ ইদি চদি মদি খুদ ছিদি রুদি দল সুস সুচ ৰচ ৰজ ইচ্চেৰমাদীহি ধাতূহি ধ দ ইদ্দ ক ইরইচ্চেতে পচ্চযা হোন্তি, ক্ৰচি জ দ লোপো চ, পুন নিপ্পজ্জন্তে.
রঞ্জিতব্বন্তি রন্ধং, রন্জযিত্থাতি ৰা রন্ধং, অত্তনি সন্নিস্সিতানং মচ্ছমকরানং পীতিসোমনস্সং উন্দতি পসৰতি জনেতীতি সমুদ্দো, ইন্দতি পরমিস্সরিযং করোতীতি ইন্দো, ইন্দত্তং অধিপতিভাৰং করোতীতি ৰা ইন্দো, চন্দিতব্বো ইচ্ছিতব্বোতি চন্দো, মন্দতি হাসেতীতি মন্দো, মদিতব্বো হাসেতব্বোতি ৰা মন্দো, খুদতি পিপাসেতীতি খুদ্দো, ছিন্দিতব্বোতি ছিদ্দো, রুদতি হিংসতীতি রুদ্দো, দলতি দুগ্গতভাৰং গচ্ছতীতি দলিদ্দো, সুস্সতীতি সুক্কং, সুচতীতিসোকো, ৰচিতব্বন্তি ৰক্কং, অপ্পটিহতো হুত্ৰা ৰজতি গচ্ছতীতি ৰজিরং ইচ্চেৰমাদি.
৬৬২, ৬৭২. পটিতো হিস্স হেরণ হীরণ.
পটিইচ্চেতস্মা হিস্স ধাতুস্স হেরণ হীরণ আদেসা হোন্তি.
পটিপক্খেমদ্দিত্ৰাগচ্ছতি পৰত্ততীতি পাটিহেরং, পাটিহীরং.
৬৬৩, ৬৭৩. কড্যাদীহি ¶ কো.
কডি ঘডি ৰডি করডি মডি সডি কুঠি ভডি পডি দডি রডি তডি ইসিডি চডি গডি অডি লডি মেডি এরডি খডি ইচ্চেৰমাদীহি ধাতূহি কপচ্চযো হোতি সহ পচ্চযেন চ নিপ্পজ্জন্তে যথাসম্ভৰং.
কণ্ডিতব্বো ছিন্দিতব্বোতি কণ্ডো, ঘণ্ডিতব্বো ঘটেতব্বোতি ঘণ্ডো, ৰণ্ডন্তি এত্থাতি ৰণ্ডো, করণ্ডিতব্বো ভাজেতব্বোতি করণ্ডো, মণ্ডীযতে ৰিভূসীযতে এতেনাতি মণ্ডো, সণ্ডন্তি গুম্বন্তি এত্থাতি সণ্ডো, অঙ্গমঙ্গানি কুণ্ঠতি ছিন্দতীতি কুট্ঠং, ভণ্ডিতব্বন্তি ভণ্ডং, পণ্ডতি লিঙ্গৰেকল্লভাৰং গচ্ছতীতি পণ্ডকো. দণ্ডতি আণং করোতি এতেনাতি দণ্ডো, রণ্ডতি হিংসতীতি রণ্ডো, ৰিসেসেন তণ্ডতি চালেতি পরেসং ৰিঞ্ঞূনং হদযং কম্পেতীতি ৰিতণ্ডো, ইসিণ্ডতি পরেসং মদ্দতীতি ইসিণ্ডো, চণ্ডতি চণ্ডিক্কভাৰং করোতীতি চণ্ডো, গণ্ডতি সন্নিচযতি সমূহং করোতি এত্থাতি গণ্ডো, অণ্ডীযতি নিব্বত্তীযতীতি অণ্ডো, লণ্ডিতব্বো জিগুচ্ছিতব্বোতি লণ্ডো, মেণ্ডতি ¶ কুটিলভাৰং গচ্ছতীতি মেণ্ডো, এরণ্ডতি রোগং হিংসতীতি এরণ্ডো, খণ্ডিতব্বো ছিন্দিতব্বোতি খণ্ডো ইচ্চেৰমাদি.
৬৬৪, ৬৭৪. খাদামগমানং খ ন্ধ’ন্ধ গন্ধা.
খাদ অম গমুইচ্চেতেসং ধাতূনং খন্ধ অন্ধ গন্ধাদেসা হোন্তি, কপচ্চযো চ হোতি.
জাতিজরামরণাদীহি সংসারদুক্খেহি খাদিতব্বোতি খন্ধো, অমতি অঙ্গমঙ্গস্স রুজ্জনভাৰং গচ্ছতীতি অন্ধো, চক্খুনা অমতি রুজ্জতীতি ৰা অন্ধো, তং তং ঠানং ৰাতেন গচ্ছতীতি গন্ধো. এৰং খন্ধকো, অন্ধকো, গন্ধকো.
পট কল কুস কদ ভগন্দ মেখ ৰক্ক তক্ক পল্ল সদ্দ মূল বিল ৰিদ চডং পঞ্চ ৰা ৰস পচি মচ মুস গোত্থু পুথু বহু মঙ্গ বহ কম্ব সম্ব অগ্গইচ্চেৰমাদীহি ধাতূহি পাটি পদিকেহি চ উত্তরপদেসু অলপচ্চযো হোতি, পচ্ছা পুন নিপ্পজ্জন্তে.
পটে অলন্তি পটলং, কলে অলন্তি কললং, পাপকে অকুসলে ধম্মে কুসতি ছিন্দতীতি কুসলং, কুসভূতে যথাসভাৰধম্মে অলন্তি ৰা কুসলং, কুসে উদ্দিস্স দানে অলন্তি ৰা কুসলং, কুসে সঞ্চযে ধম্মসমুদাযে অলন্তি ¶ ৰা কুসলং, কদ্দে মদ্দে অলন্তি কদলং, ভগন্দে সেচনে অলন্তি ভগন্দলং, ভগন্দে মুত্তকরীসহরণে অলন্তি ৰা ভগন্দলং, মেখে কটিৰিচিত্তে অলন্তি মেখলং, ৰক্কে রুক্খতচে অলন্তি ৰক্কলং, তক্কে রুক্খসিলেসে অলন্তি তক্কলং, পল্লে নিন্নট্ঠানে অলন্তি পল্ললং, সদ্দে হরিতে অলন্তি সদ্দলং, মূলে পতিট্ঠানে অলন্তি মুলালং, বিল়ে নিস্সযে অলন্তি বিলালং, ৰিদে ৰিজ্জমানে অলন্তি ৰিদলং, চণ্ডে অলন্তি চণ্ডালো, পঞ্চন্নং রাজূনং অলন্তি পঞ্চালো, ৰা গতিগন্ধনেসু অলন্তি ৰালং, ৰা পদগমনে অলন্তি ৰা ৰাল়ো, ৰসে অচ্ছাদনে অলন্তি ৰসলো, পচে ৰিত্থারে অলন্তি পচলো, মচে চোরকম্মে অলন্তি মচলো, মুসে থেয্যে, মুসে পাণচাগে ৰা অলন্তি মুসলো, গোত্তে ৰংসে সিঙ্গালজাতিযং অলন্তি গোত্থুলো, পুথুম্হি ৰিত্থারে অলন্তি পুথুলো, বহুম্হি সঙ্খ্যানে অলন্তি বহুলো, বহুম্হি ৰুদ্ধিম্হি অলন্তি ৰা বহুলো, মঙ্গম্হি গমনে অলন্তি মঙ্গলং, বহুম্হি ৰুদ্ধিম্হি অলন্তি বহলং, কম্বম্হি সঞ্চলনে অলন্তি ¶ কম্বলং. সম্বম্হি মণ্ডলে অলন্তি সম্বলং, অগ্গে গতিকোটিল্লে অলন্তি অগ্গল়ং. ইচ্চেৰমাদযো অঞ্ঞেপি সদ্দা ভৰন্তি.
৬৬৬, ৬৭৬. পুথস্স পুথু পথা মো ৰা.
পুথইচ্চেতস্স পাটিপদিকস্স পুথু পথাদেসা হোন্তি, ক্ৰচি অমপচ্চযো হোতি.
পুথ হুত্ৰা জাতন্তি পুথৰী পথমে জাতো পথমো, পথৰী, পঠমো ৰা, পুথু কিলেসে জনেতীতি পুথুজ্জনো, পুথু হুত্ৰা জাতন্তি পথৰী, পথৰী ৰা.
সসু দদ অদ মদইচ্চেৰমাদীহি ধাতূহি তু দুইচ্চেতে পচ্চযা হোন্তি.
অঞ্ঞে সত্তে সসতি হিংসতীতি সত্তু, দুক্খং দদাতীতি দদ্দু, দুক্খেন অদতি ভক্খতি এত্থাতি অদ্দু, দুক্খং অদতি অনুভৰতি জনো এতেনাতি ৰা অদ্দু, দুক্খং ভাজনং ¶ আধারং ভাৰতীতি ৰা অদ্দু, মদতি উম্মত্তং করোতীতি মদ্দু, মদতি মদ্দভাৰং করোতীতি ৰা মদ্দু.
চি পা ধাইচ্চেৰমাদীহি ধাতূহি ঈৰরপচ্চযোহোতি.
চীযতীতি চীৰরং, পিৰতীতি পীৰরো, পাতব্বং রক্খিতব্বন্তি ৰা পীৰরং. ধারেতি ধারেত্ৰা জীৰিতং কপ্পেতীতি ধীৰরো, ধীৰরং.
মুন যত অগ্গ পত কৰ সুচ রুচ মহাল ভদ্দাল মনইইচ্চেৰমাদীহি ধাতূহি, পাটিপদিকেহি চ ইপচ্চযো হোতি.
অত্থানত্থং মুনাতি, ঞেয্যধম্মং লক্খণাদিৰসেন ৰা জানাতীতি মুনি, যততি ৰীরিযং করোতীতি যতি, অগ্গতি কুটিলভাৰং গচ্ছতীতি অগ্গি, পততি সেট্ঠো হুত্ৰা পুরতো গচ্ছতীতি পতি, কব্যং বন্ধতীতি কৰি, কন্তং মনাপৰচনং ৰদতীতি ৰা কৰি. সুচতি পরিসুদ্ধং ভৰতীতি সুচি, রুচতি দিব্বতীতি রুচি, মহন্তং ৰিভাৰং ভোগক্খন্ধং লাতীতি মহালি, ভদ্দং যসং লাতীতি ভদ্দালি, মনং তত্থ রতনে নযতীতি মণি.
৬৭০, ৬৮০. ৰিদাদীহ্যূরো ¶ .
ৰিদ ৰল্ল মস সিদ দুকুকপু ময উদি খজ্জ কুরইচ্চেৰমাদীহি ধাতূহি, পাটিপদিকেহি চ ঊরপচ্চযোহোতি.
ৰিদিতুং অলন্তি ৰিদূরো, ৰিদূরট্ঠানে জাতো ৰেদূরো, ৰল্লতি ৰল্লভাৰেন ভৰতীতি ৰল্লূরো, ৰল্লতি অঞ্ঞমঞ্ঞং বন্ধতীতি ৰা ৰল্লূরো, আমসিতব্বোতি মসূরো, সিন্দতি সিঙ্গারভাৰং গচ্ছতীতি সিন্দূরো, সিন্দতি ৰিরোচতীতি ৰা সিন্দূরো, গমিতুং অলং অনাসন্নত্তাতি দূরো, কুতি সদ্দং করোতীতি কূরো, অত্তনো গন্ধেন অঞ্ঞং গন্ধং কপতি হনতি হিংসতীতি কপ্পূরো, কপ্পতি রোগাপনযনে সমত্থেতীতি ৰা কপ্পূরো, মহিযং রৰতীতি মযূরো, মহিযং যাতি গচ্ছতীতি মযূরো, পংসুং উন্দতি পসৰতীতি উন্দূরো, খজ্জিতব্বো খাদিতব্বোতি খজ্জূরো, কুরতি অক্কোসতীতি কুরূরো.
হন জন ভারি খনু অম ৰে ৰেধা সিকি হি ইচ্চেৰমাদীহি ধাতূহি নু ণু কুইচ্চেতে পচ্চযা হোন্তি.
ভোজনং ¶ হনতি হিংসতি এতেনাতি হণু, হনু ৰা. গমনং জনেতীতী জাণু, ভাণু দিব্বতীতি ভাণু, নিৰাতে রিতি গচ্ছতীতী রেণু, খণিতব্বো অৰদারিতব্বোতি খাণু. অঙ্গমঙ্গস্স রুজ্জনভাৰং ৰিজ্ঝনভাৰং অমতি গচ্ছতীতি অণু, ৰেণু, ৰেতি তন্তসন্তানে ভৰতীতী ৰেণু, বহিসারেঅলন্তিৰাৰেণু ৰচ্ছং, পাযেতীতী ধেনু, অত্থং ধারেতীতী ধাতু, গমনপচনাদিকং ক্রিযং ধারেতীতী ৰা ধাতু, সীযতী বন্ধীযতীতী সেতু, উদ্ধং গচ্ছতি পৰত্ততীতী কেতু, অত্তনো ফলং হিনোতি পৰত্ততীতী হেতু.
কুট কুস কটইচ্চেৰমাদীহি ধাতূহি, পাটিপদিকেহি চ ঠপচ্চযো হোতী.
অঙ্গমঙ্গং কুটতি ছিন্দতীতী কুট্ঠং, ধঞ্ঞেন ছাদেতব্বো পূরেতব্বোতী কোট্ঠো, কটিতব্বং মদ্দিতব্বন্তি, কট্ঠং.
৬৭৩, ৬৮৩. মনু পূর সুণাদীহি উস্স নুসিসা.
মনু পূর সুণ কুসু ইল অল মহ সি কি ইচ্চেৰমাদীহি ধাতূহি, পাটিপদিকেহি চ উস নুস ইসইচ্চেতে পচ্চযা হোন্তি, পুন নিপ্পজ্জন্তে.
কুসলাকুসলে ¶ ধম্মে মনতি জানাতীতি মনুস্সো, মানুসো. কারণা কারণং মনতি জানাতীতি ৰা মনুস্সো, মানুস্সো. অত্থানত্থং মনতি জানাতীতি ৰা মনুস্সো, মানুস্সো. মাতাপিতূনং হদযং পূরেতীতি পুরিসো, অত্তনো মনোরথং পূরেতীতি ৰা পুরিসো, পূরেতীতি ৰা পোসো, সসুরেহি সুণিতব্বা হিংসিতব্বাতি সুণিসা, দ্ৰিন্নং জানানং কুলসন্তানং করোতীতি ৰা সুণিসা, কুচ্ছিতব্বন্তি করীসং, গব্ভং ৰিমোচেতীতি সুরিসো, তমন্ধকারৰিধমনেন সত্তানং ভযং সুরতি হিংসতীতি সূরিযো, রোগং হিংসতীতি সিরীসো, ইলতি কম্পতীতি ইল্লিসো, তণ্হায দুব্বলো হুত্ৰা ইলতি কম্পতীতি ৰা ইল্লিঘো, পাপকরণে অলতি সমত্থেতীতি অলসো, মহিতব্বো পূজেতব্বোতি মহিসো, সীযতি বন্ধীযতীতি সীসং, কিতব্বং হিংসিতব্বন্তি কিসং, ইচ্চেৰমাদি.
ইতি কিব্বিধানকপ্পে উণাদিকপ্পো ছট্ঠো কণ্ডো.
উণাদিকপ্পো নিট্ঠিতো.
কচ্চাযনপকরণং নিট্ঠিতং.