📜

নমো তস্স ভগৰতো অরহতো সম্মাসম্বুদ্ধস্স

অভিধানপ্পদীপিকা

বুদ্ধপ্পণামো

১.

তথাগতো ¶ যো করুণাকরো করো,

পযাত’মোসজ্জ সুখপ্পদং পদং;

অকা পরত্থং কলিসম্ভৰে ভৰে,

নমামি তং কেৰলদুক্করং করং.

ধম্মপ্পণামো

২.

অপূজযুং যং মুনিকুঞ্জরা জরা,

রুজাদিমুত্তা যহিমুত্তরে তরে;

ঠিতা তিৰট্টম্বুনিধিং নরানরা,

তরিংসু তং ধম্মমঘপ্পহং পহং.

সঙ্ঘপ্পণামো

৩.

গতং মুনিন্দো’রসসূনুতং নুতং,

সুপুঞ্ঞখেত্তং ভুৰনে সুতং সুতং;

গণম্পি পাণীকতসংৰরং ৰরং,

সদা গুণোঘেন নিরন্তর’ন্তরং.

পটিঞ্ঞা

৪.

নামলিঙ্গেসু কোসল্ল, মত্থনিচ্ছযকারণং;

যতো মহব্বলং বুদ্ধ, ৰচনে পাটৰত্থিনং.

৫.

নামলিঙ্গান্য’তো ¶ বুদ্ধ, ভাসিতস্সা’রহান্য’হং;

দস্সযন্তো পকাসেস্স, মভিধানপ্পদীপিকং.

পরিভাসা

৬.

ভিয্যো রূপন্তরা সাহ, চরিযেন চ কত্থচি;

ক্ৰচা’ হচ্চৰিধানেন ঞেয্যং থীপুন্নপুংসকং.

৭.

অভিন্নলিঙ্গানংযেৰ, দ্ৰন্দো চ, লিঙ্গৰাচকা;

গাথাপাদন্তমজ্ঝট্ঠা, পুব্বং যন্ত্যপরে পরং.

৮.

পুমিত্থিযং পদং দ্ৰীসু, সব্বলিঙ্গে চ তীস্ৰিতি;

অভিধানন্তরারম্ভে, ঞেয্যং ত্ৰ’ন্ত মথাদি চ.

৯.

ভিয্যো পযোগ মাগম্ম, সোগতে আগমে ক্ৰচি;

নিঘণ্ডু যুত্তি ঞ্চানীয, নামলিঙ্গং কথীযতীতি.

১. সগ্গকণ্ড

১.

বুদ্ধো দসবলো সত্থা, সব্বঞ্ঞূ দ্ৰিপদুত্তমো;

মুনিন্দো ভগৰা নাথো, চক্খুম’ঙ্গীরসো মুনি.

২.

লোকনাথো’ নধিৰরো, মহেসি চ ৰিনাযকো;

সমন্তচক্খু সুগতো, ভূরিপঞ্ঞো চ মারজি.

৩.

নরসীহো নরৰরো, ধম্মরাজা মহামুনি;

দেৰদেৰো লোকগরু, ধম্মস্সামী তথাগতো.

৪.

সযম্ভূ সম্মাসম্বুদ্ধো, ৰরপঞ্ঞো চ নাযকো;

জিনো, সক্কো তু সিদ্ধত্থো, সুদ্ধোদনি চ গোতমো.

৫.

সক্যসীহো তথা সক্য, মুনি চাদিচ্চবন্ধু চ;

৬.

মোক্খো নিরোধো নিব্বানং, দীপো তণ্হক্খযো পরং;

তাণং লেণ মরূপঞ্চ, সন্তং সচ্চ মনালযং.

৭.

অসঙ্খতং সিৰ মমতং সুদুদ্দসং,

পরাযণং সরণ মনীতিকং তথা;

অনাসৰং ধুৰ মনিদস্সনা’ কতা,

পলোকিতং নিপুণ মনন্ত মক্খরং.

৮.

দুক্খক্খযো ¶ ব্যাবজ্ঝঞ্চ [ব্যাপজ্জং (টীকা)], ৰিৰট্টং খেম কেৰলং;

অপৰগ্গো ৰিরাগো চ, পণীত মচ্চুতং পদং.

৯.

যোগক্খেমো পার মপি, মুত্তি সন্তি ৰিসুদ্ধিযো;

ৰিমুত্য’ সঙ্খতধাতু, সুদ্ধি নিব্বুতিযো সিযুং.

১০.

খীণাসৰো ত্ৰ’সেক্খো চ, ৰীতরাগো তথা’ রহা;

দেৰলোকো দিৰো সগ্গো [নাকো (সী.)],

তিদিৰো তিদসালযো.

১১.

তিদসা ত্ৰ’মরা দেৰা, ৰিবুধা চ সুধাসিনো;

সুরা মরূ দিৰোকা চা, মতপা সগ্গৰাসিনো.

১২.

নিজ্জরা’ নিমিসা দিব্বা, অপুমে দেৰতানি চ [দেৰতা এৰ দেৰতানি, সকত্থে নিপচ্চযো (টীকা)];

১৩.

সিদ্ধো ভূতো চ গন্ধব্বো, গুয্হকো যক্খ রক্খসা;

কুম্ভণ্ডো চ পিসাচা’দী, নিদ্দিট্ঠা দেৰযোনিযো.

১৪.

পুব্বদেৰা সুররিপূ, অসুরা দানৰা পুমে;

তব্বিসেসা পহারাদো, সম্বরো বলিআদযো.

১৫.

পিতামহো পিতা ব্রহ্মা, লোকেসো কমলাসনো;

তথা হিরঞ্ঞগব্ভো চ, সুরজেট্ঠো পজাপতি.

১৬.

ৰাসুদেৰো হরি [হরী (টীকা)] কণ্হো, কেসৰো চক্কপাণ্য’থ;

মহিস্সরো সিৰো সূলী, ইস্সরো পসুপত্য’পি.

১৭.

হরো ৰুত্তো কুমারো তু, খন্ধো সত্তিধরো ভৰে;

১৮.

সক্কো পুরিন্দদো দেৰ, রাজা ৰজিরপাণি চ;

সুজম্পতি সহস্সক্খো, মহিন্দো ৰজিরাৰুধো.

১৯.

ৰাসৰো চ দসসত, নযনো তিদিৰাধিভূ;

সুরনাথো চ ৰজির, হত্থো চ ভূতপত্য’পি.

২০.

মঘৰা কোসিযো ইন্দো, ৰত্রভূ পাকসাসনো;

ৰিডোজো থ সুজা তস্স [সুজাতা’স্স (টীকা)], ভরিযা থ পুরং ভৰে.

২১.

মসক্কসারা ¶ [মসক্কসারো (সী.)] ৰস্সোক, সারা চেৰা’ মরাৰতী;

ৰেজযন্তো তু পাসাদো,

সুধম্মা তু সভা মতা.

২২.

ৰেজযন্তো রথো তস্স,

ৰুত্তো মাতলি সারথি;

এরাৰণো গজো পণ্ডু, কম্বলো তু সিলাসনং.

২৩.

সুৰীরোচ্চাদযো পুত্তা, নন্দা পোক্খরণী ভৰে;

নন্দনং মিস্সকং চিত্ত, লতা ফারুসকং ৰনা.

২৪.

অসনি দ্ৰীসু কুলিসং, ৰজিরং পুন্নপুংসকে;

অচ্ছরাযোত্থিযং ৰুত্তা, রম্ভা অলম্বুসাদযো;

দেৰিত্থিযো থ গন্ধব্বা, পঞ্চসিখোতি আদযো.

২৫.

ৰিমানো নিত্থিযং ব্যম্হং, পীযূসং ত্ৰমতং সুধা;

সিনেরু মেরু তিদিৰা, ধারো নেরু সুমেরু চ.

২৬.

যুগন্ধরো ঈসধরো, করৰীকো সুদস্সনো;

নেমিন্ধরো ৰিনতকো, অস্সকণ্ণো কুলাচলা.

২৭.

মন্দাকিনী তথা’কাস, গঙ্গা সুরনদী প্যথ;

২৮.

কোৰিল়ারো তথা পারি, চ্ছত্তকো পারিজাতকো;

কপ্পরুক্খো তু সন্তানা, দযো দেৰদ্দুমা সিযুং.

২৯.

পাচী পতীঝু’ দীচি’ত্থী, পুব্ব পচ্ছিম উত্তরা;

দিসাথ দক্খিণা’ পাচী, ৰিদিসা’নুদিসা ভৰে.

৩০.

এরাৰতো [এরাৰণো (সী.), অমরকোসে পন এরাৰতো এৰ অত্থি] পুণ্ডরীকো, ৰামনো কুমুদো’ ঞ্জনো;

পুপ্ফদন্তো সব্বভুম্মো, সুপ্পতীকো দিসাগজা.

৩১.

ধতরট্ঠো চ গন্ধব্বা, ধিপো, কুম্ভণ্ডসামি তু;

ৰিরুল়্হকো, ৰিরূপক্খো, তু নাগাধিপতীরিতো.

৩২.

যক্খাধিপো ৰেস্সৰণো, কুৰেরো নরৰাহনো;

অল়কা [অলকা (অমরকোস)] ল়কমন্দাস্স, পুরী, পহরণং গদা;

চতুদ্দিসান মধিপা, পুব্বাদীনং কমা ইমে.

৩৩.

জাতৰেদো ¶ সিখী জোতি, পাৰকো দহনো’ নলো;

হুতাৰহো’ চ্চিমা ধূম, কেত্ৰ’গ্গি গিনি ভানুমা.

৩৪.

তেজো ধূমসিখো ৰাযু, সখো চ কণ্হৰত্তনী;

ৰেস্সানরো হুতাসো থ, সিখাজাল’চ্চি চাপুমে.

৩৫.

ৰিপ্ফুলিঙ্গং ফুলিঙ্গঞ্চ, ভস্মা [‘ভস্মা’ তিপদং রাজাদিগণে পরিযাপন্নং (রূপসিদ্ধি-উণাদি), ভস্মং (সী.)] তু সেট্ঠি ছারিকা;

৩৬.

কুক্কুল়ো তু’ণ্হভস্মস্মি, মঙ্গারো’লাত মুম্মুকং [তিকং দিত্তকট্ঠাদিন্ধনে (টীকা)];

সমিধা ইধুমং চে’ধো, উপাদানং তথিন্ধনং.

৩৭.

অথো’ভাসো পকাসো চা,

'লোকো’জ্জোতা’তপা সমা;

মালুতো পৰনো ৰাযু, ৰাতো’নিল সমীরণা;

গন্ধৰাহো তথা ৰাযো, সমীরো চ সদাগতি.

৩৮.

ৰাযুভেদা ইমে ছু’দ্ধ, ঙ্গমো চাধোগমো তথা;

কুচ্ছিট্ঠো চ কোট্ঠাসযো, অস্সাসঙ্গানুসারিনো.

৩৯.

অথো অপানং পস্সাসো,

অস্সাসো আন মুচ্চতে.

৪০.

ৰেগো জৰো রযো খিপ্পং, তু সীঘং তুরিতং লহু;

আসু তুণ্ণ মরং চাৰি, লম্বিতং তুৰটংপি চ.

৪১.

সততং নিচ্চ মৰিরতা, নারত সন্তত মনৰরতঞ্চ ধুৰং;

ভুস মতিসযো চ দল়্হং, তিব্বে’কন্তা’তিমত্ত, বাল়্হানি;

খিপ্পাদী পণ্ডকে দব্বে, দব্বগা তেসু যে তিসু.

৪২.

অৰিগ্গহো তু কামো চ, মনোভূ মদনো ভৰে;

অন্তকো ৰসৰত্তী চ, পাপিমা চ পজাপতি.

৪৩.

পমত্তবন্ধু কণ্হো চ, মারো নমুচি, তস্স তু;

তণ্হা’রতী রগা ধীতূ, হত্থী তু গিরিমেখলো.

৪৪.

যমরাজা চ ৰেসাযী, যমো’স্স নযনাৰুধং;

ৰেপচিত্তি পুলোমো চ, কিম্পুরিসো তু কিন্নরো.

৪৫.

অন্তলিক্খং খ’মাদিচ্চ, পথো’ব্ভং গগন’ম্বরং;

ৰেহাসো চানিলপথো, আকাসো নিত্থিযং নভং.

৪৬.

দেৰো ¶ ৰেহাযসো তারা,

পথো সুরপথো অঘং.

৪৭.

মেঘো ৰলাহকো দেৰো, পজ্জুন্নো’ম্বুধরো ঘনো;

ধারাধরো চ জীমূতো, ৰারিৰাহো তথা’ম্বুদো.

৪৮.

অব্ভং তীস্ৰথ ৰস্সঞ্চ, ৰস্সনং ৰুট্ঠি নারিযং;

সতেরতা’ক্খণা ৰিজ্জু, ৰিজ্জুতা চাচিরপ্পভা.

৪৯.

মেঘনাদে তু ধনিতং, গজ্জিতং রসিতাদি চ;

ইন্দাৰুধং ইন্দধনু, ৰাতক্খিত্তম্বু সীকরো.

৫০.

আসারো ধারা সম্পাতো,

করকা তু ঘনোপলং;

দুদ্দিনং মেঘচ্ছন্নাহে, পিধানং ত্ৰপধারণং.

৫১.

তিরোধান’ন্তরধানা, পিধান ছাদনানি চ;

ইন্দু চন্দো চ নক্খত্ত, রাজা সোমো নিসাকরো.

৫২.

ওসধীসো হিমরংসি, সসঙ্কো চন্দিমা সসী;

সীতরংসি নিসানাথো, উল়ুরাজা চ মা পুমে.

৫৩.

কলা সোল়সমো ভাগো, বিম্বং তু মণ্ডলং ভৰে;

অড্ঢো ত্ৰদ্ধো উপড্ঢো চ, ৰা খণ্ডং সকলং পুমে.

৫৪.

অদ্ধং ৰুত্তং সমে ভাগে, পসাদো তু পসন্নতা;

কোমুদী চন্দিকা জুণ্হা, কন্তি সোভা জুতি চ্ছৰি.

৫৫.

কলঙ্কো লঞ্ছনং লক্খং, অঙ্কো’ভিঞ্ঞাণ লক্খণং;

চিহনং চাপি সোভা তু, পরমা সুসমা থ চ.

৫৬.

সীতং গুণে, গুণিলিঙ্গা, সীত সিসির সীতলা;

হিমং তুহিন মুস্সাৰো, নীহারো মহিকা প্যথ.

৫৭.

নক্খত্তং জোতি ভং তারা, অপুমে তারকো’ল়ু চ;

৫৮.

অস্সযুজো ভরণিত্থী, সকত্তিকা রোহিণী পিচ;

মিগসির [মগসির (সী.)] মদ্দা চ পুনব্বসু, ফুস্সো [পুস্সো (টী.)] চাসিলেস’পি.

৫৯.

মাঘা [মঘ (সী.)] চ ফগ্গুনী দ্ৰে চ, হত্থা চিত্তা চ স্ৰাতিপি;

ৰিসাখা’ নুরাধা জেট্ঠা, মূলা’ সাল়্হা দুৰে তথা.

৬০.

সৰণো ¶ চ ধনিট্ঠা চ, সতভিসজো পুব্বু’ত্তরভদ্দপদা;

রেৰত্যপীতি কমতো, সত্তাধিকৰীসনক্খত্তা.

৬১.

সোব্ভানু কথিতো রাহু, সূরাদী তু নৰগ্গহা;

রাসি মেসাদিকো ভদ্দ, পদা পোট্ঠপদা সমা.

৬২.

আদিচ্চো সূরিযো সূরো, সতরংসি দিৰাকরো;

ৰেরোচনো দিনকরো, উণ্হরংসি পভঙ্করো.

৬৩.

অংসুমালী দিনপতি, তপনো রৰি ভানুমা;

রংসিমা ভাকরো ভানু, অক্কো সহস্সরংসি চ.

৬৪.

রংসি আভা পভা দিত্তি, রুচি ভা জুতি দীধিতি;

মরীচি দ্ৰীসু ভান্ৰং’সু, মযূখো কিরণো করো.

৬৫.

পরিধি পরিৰেসো থ, মরীচি মিগতণ্হিকা;

সূরস্সোদযতো পুব্বু’, ট্ঠিতরংসি সিযা’ রুণো.

৬৬.

কালো’দ্ধা সমযো ৰেলা,

তব্বিসেসা খণাদযো;

খণো দসচ্ছরাকালো,

খণা দস লযো ভৰে.

৬৭.

লযা দস খণলযো,

মুহুত্তো তে সিযা দস;

দস খণমুহুত্তো তে, দিৰসো তু অহং দিনং.

৬৮.

পভাতঞ্চ ৰিভাতঞ্চ, পচ্চূসো কল্ল মপ্যথ;

অভিদোসো পদোসো থ,

সাযো সঞ্ঝা দিনচ্চযো.

৬৯.

নিসা চ রজনী রত্তি, তিযামা সংৰরী ভৰে;

জুণ্হা তু চন্দিকাযুত্তা, তমুস্সন্না তিমিসিকা.

৭০.

নিসীথো মজ্ঝিমা রত্তি, অড্ঢরত্তো মহানিসা;

অন্ধকারো তমো নিত্থী, তিমিসং তিমিরং মতং.

৭১.

চতুরঙ্গতমং এৰং, কাল়পক্খচতুদ্দসী;

ৰনসণ্ডো ঘনো মেঘ, পটলং চা’ড্ঢরত্তি চ.

৭২.

অন্ধতমং ¶ ঘনতমে, পহারো যাম, সঞ্ঞিতো;

পাটিপদো তু দুতিযা, ততিযাদী তিথী [তিথি], তাযতি পালেতীতি তিথি, তা+ইতি (ণ্ৰাদি) দ্ৰিসু.

৭৩.

পন্নরসী পঞ্চদসী, পুণ্ণমাসী তু পুণ্ণমা;

অমাৰসী প্যমাৰাসী, থিযং পন্নরসী’ পরা.

৭৪.

ঘটিকা সট্ঠ্য’ হোরত্তো, পক্খো তে দস পঞ্চ চ;

তে তু পুব্বাপরা সুক্ক,

কাল়া, মাসো তু তে দুৰে.

৭৫.

চিত্তো ৰেসাখ, জেট্ঠো চা, সাল়্হো দ্ৰীসু চ সাৰণো;

পোট্ঠপাদ’স্সযুজা চ, মাসা দ্ৰাদস কত্তিকো.

৭৬.

মাগসিরো তথা ফুস্সো, কমেন মাঘ ফগ্গুণা;

কত্তিক’স্সযুজা মাসা, পচ্ছিম পুব্বকত্তিকা.

৭৭.

সাৰণো নিক্খমনীযো,

চিত্তমাসো তু রম্মকো.

৭৮.

চতুরো চতুরো মাসা, কত্তিককাল়পক্খতো;

কমা হেমন্ত গিম্হান, ৰস্সানা উতুযো দ্ৰিসু.

৭৯.

হেমন্তো সিসির মুতূ,

ছ ৰা ৰসন্তো চ গিম্হ ৰস্সানা;

সরদোতি কমা মাসা, দ্ৰে দ্ৰে ৰুত্তানুসারেন.

৮০.

উণ্হো নিদাঘো গিম্হোথ,

ৰস্সো ৰস্সান পাৰুসা;

উতূহি তীহি ৰস্সানা, দিকেহি দক্খিণাযনং.

৮১.

উত্তরাযন মঞ্ঞেহি, তীহি ৰস্সাযনদ্ৰযং;

ৰস্স সংৰচ্ছরা নিত্থী, সরদো হাযনো সমা.

৮২.

কপ্পক্খযো তু সংৰট্টো, যুগন্ত পলযা অপি;

অলক্খী কালকণ্ণিত্থী, অথ লক্খী সিরি’ত্থিযং.

৮৩.

দনু দানৰমাতা থ, দেৰমাতা পনা’দিতি;

৮৪.

পাপঞ্চ কিব্বিসং ৰেরা, ঘং দুচ্চরিত দুক্কটং;

অপুঞ্ঞা’কুসলং কণ্হং, কলুসং দুরিতা’গু চ.

৮৫.

কুসলং ¶ সুকতং সুক্কং, পুঞ্ঞং ধম্ম মনিত্থিযং;

সুচরিত মথো দিট্ঠ, ধম্মিকং ইহলোকিকং.

৮৬.

সন্দিট্ঠিক মথো পার, লোকিকং সম্পরাযিকং;

তক্কালং তু তদাত্ৰং চো,

ত্তরকালো তু আযতি.

৮৭.

হাসো’ ত্তমনতা পীতি, ৰিত্তি তুট্ঠি চ নারিযং;

আনন্দো পমুদা’মোদো, সন্তোসো নন্দি সম্মদো.

৮৮.

পামোজ্জঞ্চ পমোদো থ, সুখং সাতঞ্চ ফাস্ৰ’থ;

ভদ্দং সেয্যো সুভং খেমং, কল্যাণং মঙ্গলং সিৰং.

৮৯.

দুক্খঞ্চ কসিরং কিচ্ছং, নীঘো চ ব্যসনং অঘং;

দব্বে তু পাপপুঞ্ঞানি, তীস্ৰাকিচ্ছং সুখাদি চ.

৯০.

ভাগ্যং নিযতি ভাগো চ, ভাগধেয্যং ৰিধী’রিতো;

অথো উপ্পত্তি নিব্বত্তি, জাতি জনন মুব্ভৰো.

৯১.

নিমিত্তং কারণং ঠানং, পদং বীজং নিবন্ধনং;

নিদানং পভৰো হেতু, সম্ভৰো সেতু পচ্চযো.

৯২.

কারণং যং সমাসন্নং, পদট্ঠানন্তি তং মতং;

জীৰো তু পুরিসো’ত্তা থ, পধানং পকতিত্থিযং.

৯৩.

পাণো সরীরী ভূতং ৰা, সত্তো দেহী চ পুগ্গলো;

জীৰো পাণী পজা জন্তু,

জনো লোকো তথাগতো.

৯৪.

রূপং সদ্দো গন্ধ রসা, ফস্সো ধম্মো চ গোচরা;

আলম্বা ৰিসযা তে ছা, রম্মণা লম্বণানি চ.

৯৫.

সুক্কো গোরো সিতো’দাতা,

ধৰলো সেত, পণ্ডরা;

সোণো তু লোহিতো রত্তো,

তম্ব মঞ্জিট্ঠ রোহিতা.

৯৬.

নীলো কণ্হা’সিতা কাল়ো,

মেচকো সাম সামলা;

সিতপীতেতু পণ্ডু’ত্তো, ঈসংপণ্ডুতু ধূসরো.

৯৭.

অরুণো ¶ কিঞ্চিরত্তো থ,

পাটলো সেতলোহিতো;

অথো পীতো হলিদ্যাভো,

পলাসো হরিতো হরি.

৯৮.

কল়ারো কপিলো নীল, পীতে থ রোচনপ্পভে;

পিঙ্গো পিসঙ্গো প্যথৰা, কল়ারাদী তু পিঙ্গলে.

৯৯.

কম্মাসো সবলো চিত্তো,

সাৰো তু কণ্হপীতকে;

ৰাচ্চলিঙ্গা গুণিন্যেতে, গুণে সুক্কাদযো পুমে.

১০০.

নচ্চং নট্টঞ্চ নটনং, নত্তনং লাসনং ভৰে;

নচ্চং তু ৰাদিতং গীত, মিতি নাটুমিদং তযং.

১০১.

নচ্চট্ঠানং সিযা রঙ্গো, ভিনযো সূচ্যসূচনং;

অঙ্গহারো’ঙ্গৰিক্খেপো, নট্টকো নটকো নটো.

১০২.

সিঙ্গারো করুণো ৰীর, ব্ভুত হস্স ভযানকা;

সন্তো বীভচ্ছ রুদ্দানি, নৰ নাট্যরসা ইমে.

১০৩.

পোসস্স নারিযং পোসে, ইত্থিযা সঙ্গমং পতি;

যা পিহা এস সিঙ্গারো, রতিকীল়াদিকারণো.

১০৪.

উত্তম প্পকতিপ্পাযো, ইত্থিপুরিসহেতুকো;

সো সম্ভোগো ৰিযোগোতি,

সিঙ্গারো দুৰিধো মতো.

১০৫.

ভাসিতং ¶ লপিতং ভাসা, ৰোহারো ৰচনং ৰচো;

উত্তি ৰাচা গিরা ৰাণী, ভারতী কথিতা [কথা (কত্থচি)] ৰচী.

১০৬.

একাখ্যাতো পদচযো, সিযা ৰাক্যংসকারকো;

আমেডিতন্তি ৰিঞ্ঞেয্যং, দ্ৰত্তিক্খত্তু মুদীরণং.

১০৭.

ভযে কোধে পসংসাযং, তুরিতে কোতূহলে’চ্ছরে;

হাসে সোকে পসাদে চ, করে আমেডিতং বুধো.

১০৮.

ইরু নারী যজু সাম, মিতি ৰেদা তযো সিযুং;

এতে এৰ তযী নারী, ৰেদো মন্তো সুতিত্থিযং.

১০৯.

অট্ঠকো ৰামকো ৰাম, দেৰো চঙ্গীরসো ভগু;

যমদগ্গি চ ৰাসিট্ঠো, ভারদ্ৰাজো চ কস্সপো;

ৰেস্সামিত্তোতি মন্তানং, কত্তারো ইসযো ইমে.

১১০.

কপ্পো ব্যাকরণং জোতি, সত্থং সিক্খা নিরুত্তি চ;

ছন্দোৰিচিতি চেতানি, ৰেদঙ্গানি ৰদন্তি ছ.

১১১.

ইতিহাসো পুরাৰুত্ত, প্পবন্ধো ভারতাদিকো;

নামপ্পকাসকং সত্থং, রুক্খাদীনং নিঘণ্ডু সো.

১১২.

ৰিতণ্ডসত্থং ৰিঞ্ঞেয্যং, যং তং লোকাযতং ইতি;

কেটুভং তু ক্রিযাকপ্প, ৰিকপ্পো কৰিনং হিতো.

১১৩.

আখ্যাযিকোপলদ্ধত্থা, পবন্ধকপ্পনা কথা;

দণ্ডনীত্য’ত্থসত্থস্মিং, ৰুত্তন্তো তু পৰত্তি চ.

১১৪.

সঞ্ঞা, খ্যা, ৰ্হা সমঞ্ঞা চা, ভিধানং নাম মৰ্হযো;

নামধেয্যা’ ধিৰচনং, পটিৰাক্যং তু উত্তরং.

১১৫.

পঞ্হো তীস্ৰ নুযোগো চ, পুচ্ছা প্যথ নিদস্সনং;

উপোগ্ঘাতো চ দিট্ঠন্তো, তথো’দাহরণং ভৰে.

১১৬.

সমা সঙ্খেপ সংহারা, সমাসো সঙ্গহো প্যথ;

সতং ধারযসী ত্যাদ্য, ব্ভক্খানং তুচ্ছভাসনং.

১১৭.

ৰোহারো তু ৰিৰাদো থ, সপনং সপথোপি চ;

যসো সিলোকো কিত্তিত্থী,

ঘোসনা তু’চ্চসদ্দনং.

১১৮.

পটিঘোসো পটিরৰো, থো’ পঞ্ঞাসো ৰচীমুখং;

কত্থনা চ সিলাঘা চ, ৰণ্ণনা চ নুতি ত্থুতি.

১১৯.

থোমনঞ্চ [থোমনং ৰা (কত্থচি থোমনং থোমনা দ্ৰিলিঙ্গে)] পসংসাথ, কেকা নাদো সিখণ্ডিনং;

গজানং কোঞ্চনাদো থ,

মতা হেসা হযদ্ধনি.

১২০.

পরিযাযো ৰেৰচনং, সাকচ্ছা তু চ সংকথা;

উপৰাদো চু’পক্কোসা, ৰণ্ণৰাদা’নুৰাদো চ;

জনৰাদা’পৰাদাপি, পরিৰাদো চ তুল্যত্থা.

১২১.

খেপো ¶ নিন্দা তথা কুচ্ছা, জিগুচ্ছা গরহা ভৰে;

নিন্দাপুব্বো উপারম্ভো, পরিভাসন মুচ্চতে.

১২২.

অট্ঠানরিযৰোহার, ৰসেন যা পৰত্তিতা;

অভিৰাক্যং সিযা ৰাচা, সা ৰীতিক্কমদীপনী.

১২৩.

মুহুংভাসা নুলাপোথ, পলাপো নত্থিকা গিরা;

আদোভাসন মালাপো,

ৰিলাপো তু পরিদ্দৰো.

১২৪.

ৰিপ্পলাপো ৰিরোধোত্তি, সন্দেসোত্তি তু ৰাচিকং;

সম্ভাসনং তু সল্লাপো, ৰিরোধরহিতং মিথু.

১২৫.

ফরুসং নিট্ঠুরং ৰাক্যং, মনুঞ্ঞং হদযঙ্গমং;

সংকুলং তু কিলিট্ঠঞ্চ, পুব্বাপরৰিরোধিনী.

১২৬.

সমুদাযত্থরহিতং, অবদ্ধমিতি [অবন্ধ (ক.)] কিত্তিতং;

ৰিতথং তু মুসা চাথ [আহতং তু মুসাত্থকং (কত্থচি, অমরকোসে)], ফরুসাদী তিলিঙ্গিকা.

১২৭.

সম্মা ব্যযঞ্চা ৰিতথং, সচ্চং তচ্ছং যথাতথং;

তব্বন্তা তীস্ৰ লীকং ত্ৰ, সচ্চং মিচ্ছা মুসা ব্যযং.

১২৮.

রৰো নিনাদো নিনদো চ সদ্দো,

নিগ্ঘোস নাদ দ্ধনযো চ রাৰো;

আরাৰ সংরাৰ ৰিরাৰ ঘোসা,

রৰা সুতিত্থী সর নিস্সনা চ.

১২৯.

ৰিস্সট্ঠ মঞ্জু ৰিঞ্ঞেয্যা, সৰনীযা ৰিসারিনো;

বিন্দু গম্ভীর নিন্নাদী, ত্যেৰ মট্ঠঙ্গিকো সরো.

১৩০.

তিরচ্ছানগতানঞ্হি, রুতং ৰস্সিত মুচ্চতে;

কোলাহলো কলহলো,

গীতং গানঞ্চ গীতিকা.

১৩১.

সরা সত্ত তযো গামা, চেকৰীসতি মুচ্ছনা;

তানা [ঠানানি (বহূসু)] চেকূনপঞ্ঞাস, ইচ্চেতং সরমণ্ডলং.

১৩২.

উসভো ধেৰতো চেৰ, ছজ্জ গন্ধার মজ্ঝিমা;

পঞ্চমো চ নিসাদোতি, সত্তে’তে গদিতা সরা.

১৩৩.

নদন্তি ¶ উসভং গাৰো, তুরগা ধেৰতং তথা;

ছজ্জং মযূরা গন্ধার, মজা কোঞ্চা চ মজ্ঝিমং.

১৩৪.

পঞ্চমং পরপুট্ঠাদী, নিসাদম্পি চ ৰারণা;

ছজ্জো চ মজ্ঝিমো গামা,

তযো সাধারণোতি চ.

১৩৫.

সরেসু তেসু পচ্চেকে, তিস্সো তিস্সো হি মুচ্ছনা;

সিযুং তথেৰ তানানি [ঠানানি (বহূসু)], সত্ত সত্তেৰ লব্ভরে.

১৩৬.

তিস্সো দুৰে চতস্সো চ, চতস্সো কমতো সরে;

তিস্সো দুৰে চতস্সোতি, দ্ৰাৰীসতি সুতী সিযুং.

১৩৭.

উচ্চতরে রৰে তারো, থাব্যত্তে মধুরে কলো;

গম্ভীরে তু রৰে মন্দো, তারাদী তীস্ৰথো কলে;

কাকলী সুখুমে ৰুত্তো,

ক্রিযাদিসমতা লযো.

১৩৮.

ৰীণা চ ৰল্লকী সত্ত, তন্তী সা পরিৰাদিনী;

পোক্খরো দোণি ৰীণায,

উপৰীণো তু ৰেঠকো.

১৩৯.

আততঞ্চেৰ ৰিতত, মাততৰিততং ঘনং;

সুসিরং চেতি তূরিযং, পঞ্চঙ্গিক মুদীরিতং.

১৪০.

আততং নাম চম্মাৰ, নদ্ধেসু ভেরিযাদিসু;

তলে’কেকযুতং কুম্ভ, থুণ দদ্দরিকাদিকং.

১৪১.

ৰিততং চো’ভযতলং, তূরিযং মুরজাদিকং;

আততৰিততং সব্ব, ৰিনদ্ধং পণৰাদিকং.

১৪২.

সুসিরং ৰংসসঙ্খাদি, সম্মতালাদিকং ঘনং;

আতোজ্জং তু চ ৰাদিত্তং, ৰাদিতং ৰজ্জ মুচ্চতে.

১৪৩.

ভেরী (ভেরি) দুন্দুভি ৰুত্তো থ,

মুদিঙ্গো মুরজোস্স তু;

আলিঙ্গ, ঙ্ক্যো, দ্ধকা ভেদা,

তিণৰো তু চ ডিণ্ডিমো.

১৪৪.

আলম্বরো ¶ তু পণৰো, কোণো ৰীণাদিৰাদনং;

দদ্দরী পটহো ভেরি, প্পভেদা মদ্দলাদযো.

১৪৫.

জনপ্পিযে ৰিমদ্দুট্ঠে, গন্ধে পরিমলো ভৰে;

সো ত্ৰা মোদো দূরগামী, ৰিস্সন্তা তীস্ৰিতো পরং.

১৪৬.

ইট্ঠগন্ধো চ সুরভি, সুগন্ধো চ সুগন্ধি চ;

পূতিগন্ধি তু দুগ্গন্ধো, থ ৰিস্সং আমগন্ধি যং.

১৪৭.

কুঙ্কুমঞ্চেৰ যৰন, পুপ্ফঞ্চ তগরং তথা;

তুরুক্খোতি চতুজ্জাতি, গন্ধা এতে পকাসিতা.

১৪৮.

কসাৰো নিত্থিযং তিত্তো, মধুরো লৰণো ইমে;

অম্বিলো কটুকো চেতি, ছ রসা তব্বতী তিসু.

১৪৯.

সিযা ফস্সো চ ফোট্ঠব্বো,

ৰিসযী ত্ৰক্খ মিন্দ্রিযং;

নযনং ত্ৰক্খি নেত্তঞ্চ, লোচনং চ’চ্ছি চক্খু চ.

১৫০.

সোতং সদ্দগ্গহো কণ্ণো, সৰনং সুতি নত্থু তু;

নাসা চ নাসিকা ঘানং, জিৰ্হাতু রসনা ভৰে.

১৫১.

সরীরং ৰপু গত্তঞ্চা, ত্তভাৰো বোন্দি ৰিগ্গহো;

দেহং ৰা পুরিসে কাযো, থিযং তনু কল়েৰরং.

১৫২.

চিত্তং চেতো মনো নিত্থী, ৰিঞ্ঞাণং হদযং তথা;

মানসং ধী তু পঞ্ঞা চ, বুদ্ধি মেধা মতি মুতি.

১৫৩.

ভূরী মন্তা চ পঞ্ঞাণং, ঞাণং ৰিজ্জা চ যোনি চ;

পটিভান মমোহো থ, পঞ্ঞাভেদা ৰিপস্সনা.

১৫৪.

সম্মাদিট্ঠি পভুতিকা, ৰীমংসা তু ৰিচারণা;

সম্পজঞ্ঞং তু নেপক্কং, ৰেদযিতং তু ৰেদনা.

১৫৫.

তক্কো ৰিতক্কো সঙ্কপ্পো,

প্পনো’ হা’ যু তু জীৰিতং;

একগ্গতা তু সমথো, অৰিক্খেপো সমাধি চ.

১৫৬.

উস্সাহা’ তপ্প পগ্গাহা, ৰাযামো চ পরক্কমো;

পধানং ৰীরিযং চেহা, উয্যামো চ ধিতি ত্থিযং.

১৫৭.

চত্তারি ৰীরিযঙ্গানি, তচস্স চ নহারুনো;

অৰসিস্সন মট্ঠিস্স, মংসলোহিতসুস্সনং.

১৫৮.

উস্সোল়্হী ¶ ত্ৰ ধিমত্তেহা, সতি ত্ৰ নুস্সতি ত্থিয;

লজ্জা হিরী সমানা থ, ওত্তপ্পং পাপভীরুতা.

১৫৯.

মজ্ঝত্ততা তু’পেক্খা চ, অদুক্খমসুখা সিযা;

চিত্তাভোগো মনক্কারো,

অধিমোক্খো তু নিচ্ছযো.

১৬০.

দযা’ নুকম্পা কারুঞ্ঞং, করুণা চ অনুদ্দযা;

থিযং ৰেরমণী চেৰ, ৰিরত্যা’ রতি চাপ্যথ.

১৬১.

তিতিক্খা খন্তি খমনং, খমা মেত্তা তু মেত্য’থ;

দস্সনং দিট্ঠি লদ্ধিত্থী, সিদ্ধন্তো সমযো ভৰে.

১৬২.

তণ্হা চ তসিণা এজা, জালিনী চ ৰিসত্তিকা;

ছন্দো জটা নিকন্ত্যা’সা, সিব্বিনী ভৰনেত্তি চ.

১৬৩.

অভিজ্ঝা ৰনথো ৰানং, লোভো রাগো চ আলযো;

পিহা মনোরথো ইচ্ছা, ভিলাসো কাম দোহল়া;

আকঙ্খা রুচি ৰুত্তা সা, ত্ৰধিকা লালসা দ্ৰিসু.

১৬৪.

ৰেরং ৰিরোধো ৰিদ্দেসো, দোসো চ পটিঘঞ্চ ৰা;

কোধা’ ঘাতা কোপ রোসা,

ব্যাপাদো’ নভিরদ্ধি চ.

১৬৫.

বদ্ধৰের মুপনাহো, সিযা সোকো তু সোচনং;

রোদিতং কন্দিতং রুণ্ণং, পরিদেৰো পরিদ্দৰো.

১৬৬.

ভীতিত্থি ভয মুত্তাসো, ভেরৰং তু মহব্ভযং;

১৬৭.

ভেরৰং ভীসনং ভীমং, দারুণঞ্চ ভযানকং;

ঘোরং পটিভযং ভেস্মং, ভযঙ্কর মিমে তীসু.

১৬৮.

ইস্সা উসূযা মচ্ছেরং, তু মচ্ছরিয মচ্ছরং;

মোহো’ৰিজ্জা তথা’ঞাণং, মানো ৰিধা চ উন্নতি.

১৬৯.

উদ্ধচ্চ মুদ্ধটং চাথ [উদ্ধৰংউদ্ধং ধাৰতি চিত্ত মেতেনাতি উদ্ধৰং (টীকা)], তাপো কুক্কুচ্চমেৰ চ;

পচ্ছাতাপো নুতাপো চ, ৰিপ্পটিসারো পকাসিতো.

১৭০.

মনোৰিলেখ সন্দেহা, সংসযো চ কথংকথা;

দ্ৰেল়্হকং ৰিচিকিচ্ছা চ, কঙ্খা সঙ্কা ৰিমত্যপি.

১৭১.

গব্বো ¶ ভিমানো’হংকারো, চিন্তাতু ঝান মুচ্চতে;

নিচ্ছযো নিণ্ণযো ৰুত্তো, পটিঞ্ঞা তু পটিস্সৰো.

১৭২.

অৰমানং তিরক্কারো, পরিভৰো প্য’ নাদরো;

পরাভৰো প্য’ ৰঞ্ঞা থ, উম্মাদো চিত্তৰিব্ভমো.

১৭৩.

পেমং সিনেহো স্নেহো থ, চিত্তপীল়া ৰিসঞ্ঞিতা;

পমাদো সতিৰোস্সগ্গো, কোতূহলং কুতূহলং.

১৭৪.

ৰিলাসো ললিতং লীলা, হাৰো হেল়া চ ৰিব্ভমো;

ইচ্চাদিকা সিযুং নারি, সিঙ্গারভাৰজা কিরিযা.

১৭৫.

হসনং হসিতং হাসো, মন্দো সো মিহিতং সিতং;

অট্টহাসো মহাহাসো,

রোমঞ্চো লোমহংসনং.

১৭৬.

পরিহাসো দৰো খিড্ডা, কেল়ি কীল়া চ কীল়িতং;

নিদ্দা তু সুপিনং সোপ্পং, মিদ্ধঞ্চ পচলাযিকা.

১৭৭.

থিযং নিকতি কূটঞ্চ, দম্ভো সাঠ্যঞ্চ কেতৰং;

সভাৰো তু নিস্সগ্গো চ, সরূপং পকতিত্থিযং.

১৭৮.

সীলঞ্চ লক্খণং ভাৰো,

উস্সৰো তু ছণো মহো [মতো (টী.)].

১৭৯.

ধারেন্তো জন্তু সস্নেহ, মভিধানপ্পদীপিকং;

খুদ্দকাদ্যত্থজাতানি [খুদ্দকান্যত্থজাতানি (ক.)], সম্পস্সতি যথাসুখং.

সগ্গকণ্ডো নিট্ঠিতো.

২. ভূকণ্ড

১. ভূমিৰগ্গ

১৮০.

ৰগ্গা ভূমি, পুরী, মচ্চ, চতুব্বণ্ণ, ৰনাদিহি;

পাতালেন চ ৰুচ্চন্তে, সঙ্গো’পঙ্গেহি’ধ’ক্কমা.

১৮১.

ৰসুন্ধরা ছমা ভূমি, পথৰী মেদনী মহী;

উব্বী ৰসুমতী গো কু, ৰসুধা ধরণী ধরা;

পুথৰী জগতী ভূরী, ভূ চ ভূতধরা’ ৰনী.

১৮২.

খারা ¶ তু মত্তিকা ঊসো, ঊসৰা তূসরো তিসু;

থলং থলীত্থী ভূভাগে, থদ্ধলূখম্হি জঙ্গলো.

১৮৩.

পুব্বৰিদেহো চাপর, গোযানং জম্বুদীপো চ;

উত্তরকুরু চেতি সিযুং, চত্তারোমে মহাদীপা.

১৮৪.

পুম্বহুত্তে কুরূ সক্কা, কোসলা মগধা সিৰী;

কলিঙ্গা’ৰন্তি পঞ্চালা, ৰজ্জী গন্ধার চেতযো.

১৮৫.

ৰঙ্গা ৰিদেহা কম্বোজা, মদ্দা ভগ্গ’ঙ্গ সীহল়া;

কস্মীরা কাসি পণ্ডৰাদী, সিযুং জনপদন্তরা.

১৮৬.

লোকো চ ভুৰনং ৰুত্তং, দেসো তু ৰিসযো প্যথ;

মিলক্খদেসো পচ্চন্তো, মজ্ঝদেসো তু মজ্ঝিমো.

১৮৭.

অনূপো সলিলপ্পাযো, কচ্ছং পুম নপুংসকে;

সদ্দলো হরিতে দেসে, তিণেনা, ভিনৰেন হি.

১৮৮.

নদ্যম্বুজীৰনো দেসো, ৰুট্ঠিনিপ্পজ্জসস্সকো;

যো নদীমাতিকো দেৰ,

মাতিকো চ কমেন সো.

১৮৯.

তীস্ৰনূপাদ্যথো চন্দ, সূরাদো সস্সতীরিতো;

রট্ঠং তু ৰিজিতঞ্চাথ, পুরিসে সেতু আলিযং.

১৯০.

উপান্তভূ পরিসরো, গোট্ঠং তু গোকুলং ৰজো;

মগ্গো পন্থো পথো অদ্ধা, অঞ্জসং ৰটুমং তথা.

১৯১.

পজ্জো [পজ্জা…. (ক.)], যনঞ্চ পদৰী, ৰত্তনী পদ্ধতিত্থিযং;

তব্ভেদা জঙ্ঘ, সকট, মগ্গা তে চ মহদ্ধনি.

১৯২.

একপদ্যেকপদিকে, কন্তারো তু চ দুগ্গমে;

১৯৩.

পটিমগ্গো পটিপথো, অদ্ধানং দীঘ মঞ্জসং;

সুপ্পথো তু সুপন্থো চ, উপ্পথং ত্ৰপথং ভৰে.

১৯৪.

ছত্তিংসপরমাণূন, মেকো ণু চ ছত্তিংস তে;

তজ্জারী তাপি ছত্তিংস, রথরেণু ছত্তিংস তে.

১৯৫.

লিক্খাতা সত্ত ঊকা তা, ধঞ্ঞমাসোতি সত্ত তে;

সত্ত ঙ্গুল’ মমু দ্ৰিচ্ছ, ৰিদত্থি তা দুৰে সিযুং.

১৯৬.

রতনং ¶ তানি সত্তেৰ, যট্ঠি তা ৰীসতূ সভং;

গাৰুত মুসভাসীতি, যোজনং চতুগাৰুতং.

১৯৭.

ধনুপঞ্চসতং কোসো, করীসং চতুরম্বণং;

অব্ভন্তরং তু হত্থান, মট্ঠৰীস পমাণতো.

ভূমিৰগ্গো নিট্ঠিতো.

২. ভূকণ্ড

২. পুরৰগ্গ

১৯৮.

পুরং নগর মিত্থী ৰা, ঠানীযং পুটভেদনং;

থিযং তু রাজধানী [রাজঠানী (টী.)] চ, খন্ধাৰারো ভৰে থ চ.

১৯৯.

সাখানগর মঞ্ঞত্র, যং তং মূলপুরা পুরং;

বারাণসী চ সাৰত্থি, ৰেসালী মিথিলা, ল়ৰী.

২০০.

কোসম্বু, জ্জেনিযো তক্ক, সিলা চম্পা চ সাগলং;

সুসুমারগিরং [সংসুমার (টীকা)] রাজ, গহং কপিলৰত্থু চ.

২০১.

সাকেত, মিন্দপত্থঞ্চো, ক্কট্ঠা পাটলিপুত্তকং;

জেতুত্তরঞ্চ সঙ্কস্সং, কুসিনারাদযো পুরী.

২০২.

রচ্ছা চ ৰিসিখা ৰুত্তা, রথিকা ৰীথি চাপ্যথ;

ব্যূহো রচ্ছা অনিব্বিদ্ধা, নিব্বিদ্ধা তু পথদ্ধি চ.

২০৩.

চতুক্কং চচ্চরে মগ্গ, সন্ধি সিঙ্ঘাটকং ভৰে;

পাকারো ৰরণো চাথ, উদাপো [উদ্দাপ, উদ্দাপ] উপকারিকা.

২০৪.

কুট্টং তু ভিত্তি নারী থ, গোপুরং দ্ৰারকোট্ঠকো;

এসিকা ইন্দখীলো চ, অট্টো ত্ৰট্টালকো ভৰে.

২০৫.

তোরণং তু বহিদ্ৰারং, পরিখাতু চ দীঘিকা;

মন্দিরং সদনা, গারং, নিকাযো নিলযা, লযো.

২০৬.

আৰাসো ভৰনং ৰেস্মং, নিকেতনং নিৰেসনং;

ঘরং গহঞ্চা, ৰসথো, সরণঞ্চ পতিস্সযো.

২০৭.

ওকং সালা খযো ৰাসো, থিযং কুটি ৰসত্য’পি;

গেহঞ্চা, নিত্থি সদুমং, চেতিযা, যতনানি তু.

২০৮.

পাসাদো ¶ চেৰ যূপো থ, মুণ্ডচ্ছদো চ হম্মিযং;

যূপোতু গজকুম্ভম্হি, হত্থিনখো পতিট্ঠিতো.

২০৯.

সুপণ্ণৰঙ্কচ্ছদন, মড্ঢযোগো সিযা থ চ;

এককূটযুতো মাল়ো,

পাসাদো চতুরস্সকো.

২১০.

সভাযঞ্চ সভা চাথ, মণ্ডপং ৰা জনালযো;

অথো আসনসালাযং, পটিক্কমন মীরিতং.

২১১.

জিনস্স ৰাসভৰন, মিত্থী গন্ধকুটি প্যথ;

থিযং রসৰতী পাক, ট্ঠানঞ্চেৰ মহানসং.

২১২.

আৰেসনং সিপ্পসালা, সোণ্ডা তু পানমন্দিরং;

ৰচ্চট্ঠানং ৰচ্চকুটি, মুনীনং ঠান মস্সমো.

২১৩.

পণ্যৰিক্কযসালা কু, আপণো পণ্যৰীথিকা;

উদোসিতো ভণ্ডসালা, চঙ্কমনং তু চঙ্কমো.

২১৪.

জন্তাঘরং ত্ৰগ্গিসালা, পপা পানীযসালিকা;

গব্ভো ওৰরকো ৰাসা, গারং তু সযনিগ্গহং.

২১৫.

ইত্থাগারং তু ওরোধো, সুদ্ধন্তো’ ন্তেপুরম্পি চ;

অসব্বৰিসযট্ঠানং, রঞ্ঞং কচ্ছন্তরং মতং.

২১৬.

সোপানো ৰা’রোহণঞ্চ,

নিস্সেণী সা, ধিরোহিণী;

ৰাতপানং গৰক্খো চ, জালঞ্চ সীহপঞ্জরং.

২১৭.

আলোকসন্ধি ৰুত্তো থ, লঙ্গী’ত্থী পলিঘো ভৰে;

কপিসীসো, গ্গলত্থম্ভো, নিব্বং তু ছদ্দকোটিযং.

২১৮.

ছদনং পটলং ছদ্দ, মজিরং চচ্চরো, ঙ্গণং;

পঘানো পঘনা, লিন্দো, পমুখং দ্ৰারবন্ধনং.

২১৯.

পিট্ঠসঙ্ঘাটকং দ্ৰার, বাহা কূটং তু কণ্ণিকা;

দ্ৰারঞ্চ পটিহারো থ, উম্মারো দেহনী, ত্থিযং.

২২০.

এল়কো ইন্দখীলো থ, থম্ভো থূণো পুমিত্থিযং;

পাটিকা, ড্ঢেন্দুপাসাণে, গিঞ্জকা তু চ ইট্ঠকা.

২২১.

ৰলভিচ্ছাদিদারুম্হি, ৰঙ্কে গোপানসী, ত্থিযং;

কপোতপালিকাযং তু, ৰিটঙ্কো নিত্থিযং ভৰে.

২২২.

কুঞ্চিকাৰিৰরং ¶ তাল়, চ্ছিগ্গলো প্যথ কুঞ্চিকা;

তাল়ো’ৰাপুরণং চাথ, ৰেদিকা ৰেদি কথ্যতে.

২২৩.

সঙ্ঘাতো পক্খপাসো চ, মন্দিরঙ্গা তুলা অপি;

থিযং সম্মুজ্জনী চেৰ, সম্মজ্জনী চ সোধনী.

২২৪.

সঙ্কটীরং তু সঙ্কার, ট্ঠানং সঙ্কারকূটকং;

অথো কচৰরো, ক্লাপো, সঙ্কারো চ কসম্বুপি.

২২৫.

ঘরাদিভূমি তং ৰত্থু, গামো সংৰসথো থ সো;

পাকটো নিগমো ভোগ, মচ্চাদিভ্যো ধি তূদিতো [‘অধিভূ’তি ঈরিতো কথিতো (টী.)].

২২৬.

সীমা চ মরিযাদা থ,

ঘোসো গোপালগামকোতি.

পুরৰগ্গো নিট্ঠিতো.

৩. নরৰগ্গ

২২৭.

মনুস্সো মানুসো মচ্চো, মানৰো মনুজো নরো;

পোসো পুমা চ পুরিসো,

পোরিসো প্যথ পণ্ডিতো.

২২৮.

বুধো ৰিদ্ৰা ৰিভাৰী চ, সন্তো সপ্পঞ্ঞ কোৰিদা;

ধীমা সুধী কৰি ব্যত্তো, ৰিচক্খণো ৰিসারদো.

২২৯.

মেধাৰী মতিমা পঞ্ঞো, ৰিঞ্ঞূ চ ৰিদূরো ৰিদূ;

ধীরো ৰিপস্সী দোসঞ্ঞূ, বুদ্ধো চ দব্ব ৰিদ্দসু.

২৩০.

ইত্থী সীমন্তিনী নারী, থী ৰধূ ৰনিতা, ঙ্গনা;

পমদা সুন্দরী কন্তা, রমণী দযিতা, বলা.

২৩১.

মাতুগামো চ মহিলা, ললনা ভীরু কামিনী;

কুমারিকা তু কঞ্ঞা থ, যুৰতী তরুণী ভৰে.

২৩২.

মহেসী সাভিসেকাঞ্ঞা,

ভোগিনী রাজনারিযো;

ধৰত্থিনী তু সঙ্কেতং, যাতি যা সা, ভিসারিকা.

২৩৩.

গণিকা ¶ ৰেসিযা ৰণ্ণ, দাসী নগরসোভিনী;

রূপূপজীৰিনী ৰেসী, কুলটা তু চ বন্ধকী.

২৩৪.

ৰরারোহো, ত্তমা মত্ত, কাসিনী ৰরৰণ্ণিনী;

পতিব্বতা ত্ৰপি সতী, কুলিত্থী কুলপালিকা.

২৩৫.

ৰিধৰা পতিসুঞ্ঞা থ, পতিম্বরা সযম্বরা;

ৰিজাতা তু পসূতা চ, জাতাপচ্চা পসূতিকা.

২৩৬.

দূতী সঞ্চারিকা দাসী, তু চেটী কুটধারিকা;

ৰারুণী, ক্খণিকা তুল্যা, খত্তিযানী তু খত্তিযা.

২৩৭.

দারো জাযা কলত্তঞ্চ, ঘরণী ভরিযা পিযা,

পজাপতী চ দুতিযা, সা পাদপরিচারিকা.

২৩৮.

সখী ত্ৰা’লী ৰযস্সা থ, জারী চেৰা’তিচারিনী;

পুমে তূ’তু রজো পুপ্ফং, উতুনী তু রজস্সলা.

২৩৯.

পুপ্ফৰতী গরুগব্ভা, পন্নসত্তা চ গব্ভিনী;

গব্ভাসযো জলাবুপি, কললং পুন্নপুংসকে.

২৪০.

ধৰোতু সামিকো ভত্তা, কন্তো পতি ৰরো পিযো;

অথো পপতি জারো থা,

পচ্চং পুত্তো’ত্রজো সুতো.

২৪১.

তনুজো তনযো সূনু, পুত্তাদী ধীতরি’ত্থিযং;

নারিযং দুহিতা ধীতা,

সজাতো ত্ৰো’রসো সুতো.

২৪২.

জাযাপতী জনিপতী, জযম্পতী তু দম্পতী [দম্পতীতি পদং পুল্লিঙ্গ বহুৰচনন্তং ইকারন্তং, তুদম্পতি (টী.)];

অথ ৰস্সৰরো ৰুত্তো, পণ্ডকো চ নপুংসকং.

২৪৩.

বন্ধৰো বন্ধু সজনো, সগোত্তো ঞাতি ঞাতকো;

সালোহিতো সপিণ্ডো চ,

তাতো তু জনকো পিতা.

২৪৪.

অম্ম, ম্বা জননী মাতা, জনেত্তি জনিকা ভৰে;

উপমাতা তু ধাতি’ত্থী,

সালো জাযায ভাতিকো.

২৪৫.

ননন্দা ¶ সামিভগিনী, মাতামহী তু অয্যিকা;

মাতুলো মাতুভাতা,স্স, মাতুলানী পজাপতি.

২৪৬.

জাযাপতীনং জননী, সস্সু ৰুত্তাথ তপ্পিতা;

সসুরো ভাগিনেয্যোতু, পুত্তো ভগিনিযা ভৰে.

২৪৭.

নত্তা ৰুত্তো পপুত্তো থ, সামিভাতা তু দেৰরো;

ধীতুপতি তু জামাতা,

অয্যকো তু পিতামহো.

২৪৮.

মাতুচ্ছা মাতুভগিনী, পিতুচ্ছা ভগিনী পিতু;

পপিতামহো পয্যকো,

সুণ্হা তু সুণিসা হুসা.

২৪৯.

সোদরিযো সগব্ভো চ, সোদরো সহজো প্যথ;

মাতাপিতূ তে পিতরো, পুত্তা তু পুত্তধীতরো.

২৫০.

সসুরা সস্সুসসুরা, ভাতুভগিনী ভাতরো;

বালত্তং বালতা বাল্যং, যোব্বঞ্ঞংতু চ যোব্বনং.

২৫১.

সুক্কা তু পলিতং কেসা, দযো থ জরতা জরা;

পুথুকো পিল্লকো ছাপো, কুমারো বাল পোতকা.

২৫২.

অথু’ ত্তানসযু’ত্তান, সেয্যকা থনপোপি চ;

২৫৩.

তরুণো চ ৰযট্ঠো চ, দহরো চ যুৰা সুসু;

মাণৰোদারকোচাথ, সুকুমারো সুখেধিতো.

২৫৪.

মহল্লকো চ ৰুদ্ধো চ, থেরো জিণ্ণো চ জিণ্ণকো;

অগ্গজো পুব্বজো জেট্ঠো, কনিযো কনিট্ঠো নুজো.

২৫৫.

ৰলিত্তচো তু ৰলিনো; তীসু’ত্তানসযাদযো;

২৫৬.

সীসো’ত্তমঙ্গানি সিরো, মুদ্ধা চ মত্থকো ভৰে;

কেসো তু কুন্তলো ৰালো, ত্তমঙ্গরুহ মুদ্ধজা.

২৫৭.

ধম্মিল্লো সংযতা কেসা,

কাকপক্খো সিখণ্ডকো;

পাসো হত্থো কেসচযে;

তাপসানং তহিং জটা.

২৫৮.

থিযং ৰেণী পৰেণী চ;

অথো চূল়া সিখা সিযা;

সীমন্তো তু মতো নারি, কেসমজ্ঝম্হি পদ্ধতি.

২৫৯.

লোমং ¶ তনুরুহং রোমং, পম্হং পখুম মক্খিগং;

মস্সু ৰুত্তং পুমমুখে, ভূ ত্ৰিত্থী ভমুকো ভমু.

২৬০.

বপ্পো [খপ্পো (টী.)] নেত্তজল’স্সূনি, নেত্ততারা কনীনিকা;

ৰদনং তু মুখং তুণ্ডং, ৰত্তং লপন মাননং.

২৬১.

দ্ৰিজো লপনজো দন্তো, দসনো রদনো রদো;

দাঠা তুদন্তভেদস্মিং, অপাঙ্গো ত্ৰক্খিকোটিসু.

২৬২.

দন্তাৰরণ মোট্ঠো চা, প্য’ধরো দসনচ্ছদো;

গণ্ডো কপোলো হন্ৰিত্থী [গণ্ডত্থী (টী.) হন্ৰত্থী=হনু+ইত্থী; হন+উ (ণ্ৰাদি)],

চুবুকং ত্ৰ’ ধরা অধো.

২৬৩.

গলো চ কণ্ঠো গীৰা চ, কন্ধরা চ সিরোধরা;

কম্বুগীৰা তু যা গীৰা, সুৰণ্ণালিঙ্গসন্নিভা;

অঙ্কিতা তীহি লেখাহি, কম্বুগীৰা থৰা মতা.

২৬৪.

অংসো নিত্থী ভুজসিরো, খন্ধো তস্সন্ধি জত্তু তং;

বাহুমূলং তু কচ্ছো, ধো, ত্ৰ’স্স পস্স মনিত্থিযং.

২৬৫.

বাহু ভুজাদ্ৰীসু বাহা, হত্থো তু কর পাণযো;

মণিবন্ধো পকোট্ঠন্তো, কপ্পরো তু কপোণ্য’থ.

২৬৬.

মণিবন্ধ কনিট্ঠানং, পাণিস্স করভো,ন্তরং;

করসাখা, ঙ্গুলী তা তু, পঞ্চ, ঙ্গুট্ঠো চ তজ্জনী;

মজ্ঝিমা নামিকা চাপি, কনিট্ঠা’তি কমা সিযুং.

২৬৭.

পদেসো তালগোকণ্ণা, ৰিদত্থি,ত্থী কমা ততে;

তজ্জন্যাদিযুতে’ঙ্গুট্ঠে, পসতো পাণি কুঞ্চিতো.

২৬৮.

রতনং কুক্কু হত্থো থ, পুমে করপুটো,ঞ্জলি;

করজো তু নখো নিত্থী, খটকো মুট্ঠি চ দ্ৰীসু.

২৬৯.

ব্যামো সহকরা বাহু, দ্ৰে পস্সদ্ৰযৰিত্থতা;

উদ্ধন্তত ভুজপোস, প্পমাণে পোরিসং তিসু.

২৭০.

উরো চ হদযং চাথ, থনো কুচ পযোধরা;

চূচুকং তু থনগ্গস্মিং, পিট্ঠং তু পিট্ঠি নারিযং.

২৭১.

মজ্ঝো’নিত্থী ¶ ৰিলগ্গো চ, মজ্ঝিমং কুচ্ছি [চতুক্কং উদরে; ৯৪৪-গাথাপি পস্সিতব্বা] তু দ্ৰিসু;

গহণীত্থ্যুদরং গব্ভো, কোট্ঠোন্তো কুচ্ছিসম্ভৰে.

২৭২.

জঘনং তু নিতম্বো চ, সোণী চ কটি নারিযং;

অঙ্গজাতং রহস্সঙ্গং, ৰত্থগুয্হঞ্চ মেহনং.

২৭৩.

নিমিত্তঞ্চ ৰরঙ্গঞ্চ, বীজঞ্চ ফলমেৰ চ;

লিঙ্গং অণ্ডং তু কোসো চ,

যোনি ত্ৰিত্থীপুমেভগং.

২৭৪.

অসুচি সম্ভৰো সুক্কং, পাযু তু পুরিসে গুদং;

ৰা পুমে গূথ করীস, ৰচ্চানি চ মলং ছকং.

২৭৫.

উচ্চারো মীল়্হ মুক্কারো, পস্সাৰো মুত্ত মুচ্চতে;

পূতিমুত্তঞ্চ গোমুত্তে, স্সাদীনং ছকণং মলে.

২৭৬.

দ্ৰীস্ৰধো নাভিযা ৰত্থি, উচ্ছঙ্গ’ঙ্কা তু’ভো পুমে;

ঊরু সত্থি পুমে ঊরু, পব্বং তু জাণু জণ্ণু চ.

২৭৭.

গোপ্ফকো পাদগণ্ঠিপি, পুমে তু পণ্হি পাসণি;

পাদগ্গং পপদো পাদো, তু পদো চরণঞ্চ ৰা.

২৭৮.

অঙ্গংত্ৰ’ৰযৰো ৰুত্তো, ফাসুলিকা তু ফাসুকা;

পণ্ডকে অট্ঠি ধাত্ৰিত্থী, গলন্তট্ঠি তু অক্খকো.

২৭৯.

কপ্পরো তু কপালং ৰা, কণ্ডরা তু মহাসিরা;

পুমে ন্হারু চিত্থী সিরা, ধমনী থ রসগ্গসা.

২৮০.

রসহরণ্য’থো মংস, মামিসং পিসিতং ভৰে;

তিলিঙ্গিকং তু ৰল্লূর, মুত্তত্তং অথ লোহিতং.

২৮১.

রুধিরং সোণিতং রত্তং, লালা খেল়ো এলা ভৰে;

পুরিসে মাযু পিত্তঞ্চ, সেম্হো নিত্থী সিলেসুমো.

২৮২.

ৰসা ৰিলীনস্নেহো থ, মেদো চেৰ ৰপা ভৰে;

আকপ্পো ৰেসো নেপচ্ছং, মণ্ডনং তু পসাধনং.

২৮৩.

ৰিভূসনং চাভরণং, অলঙ্কারো পিলন্ধনং;

কিরীট মকুটা’নিত্থী, চূল়ামণি সিরোমণি.

২৮৪.

সিরোৰেঠন ¶ মুণ্হীসং, কুণ্ডলং কণ্ণৰেঠনং;

কণ্ণিকা কণ্ণপূরো চ, সিযা কণ্ণৰিভূসনং.

২৮৫.

কণ্ঠভূসা তু গীৰেয্যং, হারো মুত্তাৰলি’ত্থিযং;

নিযুরো ৰলযো নিত্থী, কটকং পরিহারকং.

২৮৬.

কঙ্কণং করভূসা থ, কিঙ্কিণী [কিংকণী কিং কণিকা (ক.)] খুদ্দঘণ্টিকা;

অঙ্গুলীযক মঙ্গুল্যা, ভরণং, সাক্খরং তু তং.

২৮৭.

মুদ্দিকা’ঙ্গুলিমুদ্দা থ, রসনা মেখলা ভৰে;

কেযূর মঙ্গদঞ্চেৰ, বাহুমূলৰিভূসনং.

২৮৮.

পাদঙ্গদং তু মঞ্জীরো, পাদকটক নূপুরা;

২৮৯.

অলঙ্কারপ্পভেদা তু, মুখফুল্লং তথো’ণ্ণতং;

উগ্গত্থনং গিঙ্গমক, মিচ্চেৰমাদযো সিযুং.

২৯০.

চেল মচ্ছাদনং ৰত্থং, ৰাসো ৰসন মংসুকং;

অম্বরঞ্চ পটো নিত্থী, দুস্সং চোলো চ সাটকো.

২৯১.

খোমং দুকূলং কোসেয্যং, পত্তুণ্ণং কম্বলো চ ৰা;

সাণং কোটম্বুরং ভঙ্গ, ন্ত্যাদি ৰত্থন্তরং মতং.

২৯২.

নিৰাসন ন্তরীযান্য, ন্তরমন্তরৰাসকো;

পাৰারো তু’ত্তরাসঙ্গো, উপসংব্যান মুত্তরং.

২৯৩.

উত্তরীয মথো ৰত্থ, মহতন্তি মতং নৰং;

নন্তকং কপ্পটো জিণ্ণ, ৰসনং তু পটচ্চরং.

২৯৪.

কঞ্চুকো ৰারৰাণং ৰা, থ ৰত্থাৰযৰে দসা;

নালিপট্টোতি কথিতো, উত্তমঙ্গম্হি কঞ্চুকো.

২৯৫.

আযামো দীঘতা রোহো,

পরিণাহো ৰিসালতা.

২৯৬.

অরহদ্ধজো চ কাসায, কাসাৰানি চ চীৰরং;

মণ্ডলং তু তদঙ্গানি, ৰিৰট্ট কুসিআদযো.

২৯৭.

ফল,ত্তচ, কিমি, রোমা, ন্যেতা ৰত্থস্স যোনিযো;

ফালং কপ্পাসিকং তীসু, খোমাদী তু তচব্ভৰা.

২৯৮.

কোসেয্যং ¶ কিমিজং, রোম, মযং তু কম্বলং ভৰে;

সমানত্থা জৰনিকা, সা তিরোকরণী প্যথ.

২৯৯.

পুন্নপুংসক মুল্লোচং, ৰিতানং দ্ৰয মীরিতং;

নহানঞ্চ সিনানে থো, ব্বট্টনু’ম্মজ্জনং সমং.

৩০০.

ৰিসেসকো তু তিলকো, ত্যূভো নিত্থী চ চিত্তকং;

চন্দনো নিত্থিযং গন্ধ, সারো মলযজো প্যথ.

৩০১.

গোসীসং তেলপণ্ণিকং, পুমে ৰা হরিচন্দনং;

তিলপণ্ণী তু পত্তঙ্গ, রঞ্জনং রত্তচন্দনং.

৩০২.

কাল়ানুসারী কাল়িযং, লোহং ত্ৰা’গরু চা’গল়ু;

কাল়াগরুতু কাল়ে’স্মিং, তুরুক্খোতু চ পিণ্ডকো.

৩০৩.

কত্থূরিকা মিগমদো, কুট্ঠং তু অজপালকং;

লৰঙ্গং দেৰকুসুমং, কস্মীরজং তু কুঙ্কুমং.

৩০৪.

যক্খধূপো সজ্জুলসো, তক্কোলং তু চ কোলকং;

কোসফল মথো জাতি, কোসং জাতিফলং ভৰে.

৩০৫.

ঘনসারো সিতব্ভো চ, কপ্পূরং পুন্নপুংসকে;

অলত্তকো যাৰকো চ, লাখা জতু নপুংসকে.

৩০৬.

সিরিৰাসো তু সরল, দ্দৰো’ ঞ্জনং তু কজ্জলং;

ৰাসচুণ্ণং ৰাসযোগো, ৰণ্ণকং তু ৰিলেপনং.

৩০৭.

গন্ধমাল্যাদিসঙ্খারো, যো তং ৰাসন মুচ্চতে;

মালা মাল্যং পুপ্ফদামে [পুপ্ফং দামং (ক.)], ভাৰিতং ৰাসিতং তিসু.

৩০৮.

উত্তংসো সেখরা’ ৰেল়া, মুদ্ধমাল্যে ৰটংসকো;

সেয্যা চ সযনং সেনং, পল্লঙ্কো তু চ মঞ্চকো.

৩০৯.

মঞ্চাধারো পটিপাদো, মঞ্চঙ্গে ত্ৰটনী ত্থিযং,

৩১০.

কুল়ীরপাদো আহচ্চ, পাদো চেৰ মসারকো;

চত্তারো বুন্দিকাবদ্ধো, তিমে মঞ্চন্তরা সিযুং.

৩১১.

বিব্বোহনং চো’ পধানং, পীঠিকা পীঠ মাসনং;

কোচ্ছং তু ভদ্দপীঠে থা, সন্দী পীঠন্তরে মতা.

৩১২.

মহন্তো ¶ কোজৰো দীঘ,

লোমকো গোনকো মতো;

উণ্ণামযং ত্ৰত্থরণং, চিত্তকং ৰানচিত্তকং.

৩১৩.

ঘনপুপ্ফং পটলিকা, সেতং তু পটিকা প্যথ;

দ্ৰিদসেকদসান্যু’ দ্দ,লোমি একন্তলোমিনো.

৩১৪.

তদেৰ সোল়সিত্থীনং, নচ্চযোগ্গঞ্হি কুত্তকং;

সীহব্যগ্ঘাদিরূপেহি, চিত্তং ৰিকতিকা ভৰে.

৩১৫.

কট্টিস্সং কোসেয্যং রতন, পরিসিব্বিত মত্থরণং কমা;

কোসিযকট্টিস্সমযং, কোসিযসুত্তেন পকতঞ্চ.

৩১৬.

দীপো পদীপো পজ্জোতো, পুমে ত্ৰাদাস দপ্পণা;

গেণ্ডুকো কণ্ডুকো তাল, ৰণ্টং তু বীজনীত্থিযং.

৩১৭.

চঙ্কোটকো করণ্ডো চ, সমুগ্গো সম্পুটো ভৰে;

গামধম্মো অসদ্ধম্মো, ব্যৰাযো মেথুনং রতি.

৩১৮.

ৰিৰাহো পযমা পাণি, গ্গহো পরিণযো প্যথ;

তিৰগ্গো ধম্ম, কাম,ত্থা, চতুৰগ্গো সমোক্খকা.

৩১৯.

খুজ্জো চ গণ্ডুলো রস্স, ৰামনা তু লকুণ্ডকো;

পঙ্গুলো পীঠসপ্পী চ, পঙ্গু ছিন্নিরিযাপথো.

৩২০.

পক্খো খঞ্জো তু খোণ্ডো থ,

মূগো সুঞ্ঞৰচো ভৰে;

কুণী হত্থাদিৰঙ্কো চ, ৰলিরো তু চ কেকরো.

৩২১.

নিক্কেসসীসো খল্লাটো,

মুণ্ডো তু ভণ্ডু মুণ্ডিকো;

কাণো অক্খীন মেকেন,

সুঞ্ঞো অন্ধো দ্ৰযেন থ.

৩২২.

বধিরো সুতিহীনো থ, গিলানো ব্যাধিতা’তুরা;

উম্মাদৰতি উম্মত্তো, খুজ্জাদী ৰাচ্চলিঙ্গিকা.

৩২৩.

আতঙ্কো আমযো ব্যাধি, গদো রোগো রুজাপি চ;

গেলঞ্ঞাকল্ল মাবাধো,

সোসো তু চ খযো সিযা.

৩২৪.

পীনসো [পীনাসোতিপি পাঠো] ¶ নাসিকারোগো,

ঘানে সিঙ্ঘানিকা স্সৰো;

ঞেয্যং ত্ৰ’রু ৰণো নিত্থী, ফোটো তু পিল়কা ভৰে.

৩২৫.

পুব্বো পূযো থ রত্তাতি, সারো পক্খন্দিকা প্যথ;

অপমারো অপস্মারো, পাদফোটো ৰিপাদিকা.

৩২৬.

ৰুড্ঢিরোগো তু ৰাতণ্ডং, সীপদং ভারপাদতা;

কণ্ডূ কণ্ডূতি কণ্ডূযা, খজ্জু কণ্ডূৰনং প্যথ.

৩২৭.

পামং ৰিতচ্ছিকা কচ্ছু, সোথো তু সযথূ’দিতো;

দুন্নামকঞ্চ অরিসং, ছদ্দিকা ৰমথূ’দিতো.

৩২৮.

দৰথু পরিতাপো থ, তিলকো তিলকাল়কো;

ৰিসূচিকা ইতি মহা, ৰিরেকো থ ভগন্দলো [ভগন্দরো (ক.)].

৩২৯.

মেহো জরো কাস সাসা, কুট্ঠং সূলামযন্তরা;

ৰুত্তো ৰেজ্জো ভিসক্কো চ, রোগহারী তিকিচ্ছকো.

৩৩০.

সল্লৰেজ্জো সল্লকত্তো, তিকিচ্ছা তু পতিক্রিযা;

ভেসজ্জ মগদো চেৰ, ভেসজং মো’সধং প্যথ.

৩৩১.

কুসলা নামযা রোগ্যং,

অথ কল্লো নিরামযোতি,

নরৰগ্গো নিট্ঠিতো.

৪. চতুব্বণ্ণৰগ্গ

খত্তিযৰগ্গ

৩৩২.

কুলং ৰংসো চ সন্তানা, ভিজনা গোত্ত মন্ৰযো;

থিযং সন্তত্য থো ৰণ্ণা, চত্তারো খত্তিযাদযো.

৩৩৩.

কুলীনো সজ্জনো সাধু,

সভ্যো চায্যো মহাকুলো;

রাজা ভূপতি ভূপালো, পত্থিৰো চ নরাধিপো.

৩৩৪.

ভূনাথো ¶ জগতিপালো, দিসম্পতি জনাধিপো;

রট্ঠাধিপো নরদেৰো, ভূমিপো ভূভুজো প্যথ.

৩৩৫.

রাজঞ্ঞো খত্তিযো খত্তং, মুদ্ধাভিসিত্ত বাহুজা;

সব্বভুম্মো চক্কৰত্তী, ভূপোঞ্ঞো মণ্ডলিস্সরো.

৩৩৬.

পুমে লিচ্ছৰি ৰজ্জী চ, সক্যো তু সাকিযো থ চ;

ভদ্দকচ্চানা [ভদ্দা কচ্চানা (টী.)] রাহুল, মাতা বিম্বা যসোধরা.

৩৩৭.

কোটীনং হেট্ঠিমন্তেন, সতং যেসং নিধানগং;

কহাপণানং দিৰস, ৰল়ঞ্জো ৰীসতম্বণং.

৩৩৮.

তে খত্তিযমহাসালা, সীতি কোটিধনানি তু;

নিধানগানি দিৰস, ৰল়ঞ্জো চ দসম্বণং.

৩৩৯.

যেসং দ্ৰিজমহাসালা, তদুপড্ঢে নিধানগে;

ৰল়ঞ্জে চ গহপতি, মহাসালা ধনে সিযুং.

৩৪০.

মহামত্তো পধানঞ্চ, মতিসজীৰো মন্তিনী;

সজীৰো সচিৰা, মচ্চো, সেনানী তু চমূপতি.

৩৪১.

ন্যাসাদীনং ৰিৰাদানং, অক্খদস্সো পদট্ঠরি;

দোৰারিকো পতীহারো, দ্ৰারট্ঠো দ্ৰারপালকো.

৩৪২.

অনীকট্ঠোতি রাজূনং, অঙ্গরক্খগণো মতো;

কঞ্চুকী সোৰিদল্লো চ, অনুজীৰী তু সেৰকো.

৩৪৩.

অজ্ঝক্খো ধিকতো চেৰ,

হেরঞ্ঞিকো তু নিক্খিকো;

সদেসানন্তরো সত্তু, মিত্তোরাজা ততো পরং.

৩৪৪.

অমিত্তো রিপু ৰেরী চ, সপত্তা রাতি সত্ৰ’রি; (সত্তু+অরি)

পচ্চত্থিকো পরিপন্থী, পটিপক্খা হিতাপরো.

৩৪৫.

পচ্চামিত্তো ৰিপক্খো চ, পচ্চনীক ৰিরোধিনো;

ৰিদ্দেসী চ দিসো দিট্ঠো,থা নুরোধো নুৰত্তনং.

৩৪৬.

মিত্তো নিত্থী ৰযস্সো চ, সহাযো [সুহজ্জো (টী.)] সুহদো সখা;

সম্ভত্তো দল়্হমিত্তো থ, সন্দিট্ঠো দিট্ঠমত্তকো.

৩৪৭.

চরো চ গুল়্হপুরিসো, পথাৰী পথিকো’দ্ধগূ;

দূতো তু সন্দেসহরো, গণকো তু মুহুত্তিকো.

৩৪৮.

লেখকো ¶ লিপিকারো চ, ৰণ্ণো তু অক্খরো প্যথ;

ভেদো দণ্ডো সাম দানা, ন্যুপাযা চতুরো ইমে.

৩৪৯.

উপজাপোতু ভেদো চ, দণ্ডো তু সাহসং দমো;

৩৫০.

সাম্য’ মচ্চো সখা কোসো, দুগ্গঞ্চ ৰিজিতং বলং;

রজ্জঙ্গানীতি সত্তেতে, সিযুং পকতিযো পিচ.

৩৫১.

পভাৰু’স্সাহ, মন্তানং, ৰসা তিস্সো হি সত্তিযো;

পভাৰো দণ্ডজো তেজো,

পতাপো তু চ কোসজো.

৩৫২.

মন্তো চ মন্তনং সো তু, চতুক্কণ্ণো দ্ৰিগোচরো;

তিগোচরো তু ছক্কণ্ণো, রহস্সং গুয্হ মুচ্চতে.

৩৫৩.

তীসু ৰিৰিত্ত ৰিজন, ছন্না, রহো রহো ব্যযং;

ৰিস্সাসো তু চ ৰিস্সম্ভো,

যুত্তং ত্ৰো’পাযিকং তিসু.

৩৫৪.

ওৰাদো চানুসিট্ঠিত্থী, পুমৰজ্জে নুসাসনং;

আণা চ সাসনং ঞেয্যং, উদ্দানং তু চ বন্ধনং.

৩৫৫.

আগু ৰুত্ত [মন্তু (ক.)] মপরাধো, করো তু বলি মুচ্চতে;

পুণ্ণপত্তো তুট্ঠিদাযো, উপদা তু চ পাভতং.

৩৫৬.

তথো’পাযন মুক্কোচো, পণ্ণাকারো পহেণকং;

সুঙ্কং ত্ৰনিত্থী গুম্বাদি, দেয্যে থা’যো ধনাগমো.

৩৫৭.

আতপত্তং তথা ছত্তং, রঞ্ঞং তু হেমমাসনং;

সীহাসনং অথো ৰাল়, বীজনীত্থী চ চামরং.

৩৫৮.

খগ্গো চ ছত্ত মুণ্হীসং, পাদুকা ৰালবীজনী;

ইমে ককুধভণ্ডানি, ভৰন্তি পঞ্চ রাজুনং.

৩৫৯.

ভদ্দকুম্ভো পুণ্ণকুম্ভো, ভিঙ্কারো জলদাযকো;

হত্থি,স্স,রথ,পত্তী তু, সেনা হি চতুরঙ্গিনী.

৩৬০.

কুঞ্জরো ৰারণো হত্থী, মাতঙ্গো দ্ৰিরদো গজো;

নাগো দ্ৰিপো ইভো দন্তী,

যূথজেট্ঠো তু যূথপো.

৩৬১.

কাল়াৰক ¶ গঙ্গেয্যা, পণ্ডর তম্বা চ পিঙ্গলো গন্ধো;

মঙ্গল হেমো’পোসথ,

ছদ্দন্তা গজকুলানি এতানি.

৩৬২.

কলভো চেৰ ভিঙ্কোথ, পভিন্নো মত্ত গজ্জিতা;

হত্থিঘটা তু গজতা, হত্থীনী তু করেণুকা.

৩৬৩.

কুম্ভো হত্থিসিরোপিণ্ডা, কণ্ণমূলং তু চূলিকা;

আসনং খন্ধদেসম্হি, পুচ্ছমূলং তু মেচকো.

৩৬৪.

আলান মাল়্হকো থম্ভো, নিত্থীতু নিগল়ো’ন্দুকো;

সঙ্খলং তীস্ৰথো গণ্ডো,

কটো দানং তু সো মদো.

৩৬৫.

সোণ্ডো তু দ্ৰীসু হত্থো থ,

করগ্গং পোক্খরং ভৰে;

মজ্ঝম্হি বন্ধনং কচ্ছা, কপ্পনো তু কুথাদযো.

৩৬৬.

ওপৰয্হো রাজৰয্হো, সজ্জিতো তু চ কপ্পিতো;

তোমরো নিত্থিযং পাদে, সিযা ৰিজ্ঝনকণ্টকো.

৩৬৭.

তুত্তং তু কণ্ণমূলম্হি, মত্থকম্হি তু অঙ্কুসো;

হত্থারোহো হত্থিমেণ্ডো,

হত্থিপো হত্থিগোপকো.

৩৬৮.

গামণীযো তু মাতঙ্গ, হযাদ্যাচরিযো ভৰে;

হযো তুরঙ্গো তুরগো,

ৰাহো অস্সো চ সিন্ধৰো.

৩৬৯.

ভেদো অস্সতরো তস্সা,

জানিযো তু কুলীনকো;

সুখৰাহী ৰিনীতো থ,

কিসোরো হযপোতকো.

৩৭০.

ঘোটকো তু খল়ুঙ্কো থ, জৰনো চ জৰাধিকো;

মুখাধানং খলীনো ৰা, কসা ত্ৰ স্সাভিতাল়িনী.

৩৭১.

কুসা তু নাসরজ্জুম্হি, ৰল়ৰা’স্সা খুরো সফং;

পুচ্ছ মনিত্থী নঙ্গুট্ঠং, ৰালহত্থো চ ৰালধি.

৩৭২.

সন্দনো ¶ চ রথো ফুস্স, রথো তু নরণায সো;

চম্মাৰুতো চ ৰেযগ্ঘো,

দেপ্পো ব্যগ্ঘস্স দীপিনো.

৩৭৩.

সিৰিকা যাপ্যযানঞ্চা, নিত্থী তু সকটো প্য’নং [(সকটো পি+অনং)];

চক্কং রথঙ্গ মাখ্যাতং, তস্সন্তো নেমি নারিযং.

৩৭৪.

তম্মজ্ঝে পিণ্ডিকা নাভি, কুব্বরো তু যুগন্ধরো;

অক্খগ্গকীলে আণীত্থী, ৰরুথো রথগুত্য’থ.

৩৭৫.

ধুরো মুখে রথস্সঙ্গা, ত্ৰ ক্খো পক্খরআদযো;

যানঞ্চ ৰাহনং যোগ্গং, সব্বহত্থ্যাদিৰাহনে.

৩৭৬.

রথচারী তু সূতো চ, পাজিতা চেৰ সারথী;

রথারোহো চ রথিকো,

রথী যোধো তু যো ভটো.

৩৭৭.

পদাতি পত্তী তু পুমে, পদগো পদিকো মতো;

সন্নাহো কঙ্কটো ৰম্মং, কৰচো ৰা উরচ্ছদো.

৩৭৮.

জালিকা থ চ সন্নদ্ধো, সজ্জো চ ৰম্মিকো ভৰে;

আমুক্কো পটিমুক্কো থ, পুরেচারী পুরেচরো.

৩৭৯.

পুব্বঙ্গমো পুরেগামী, মন্দগামী তু মন্থরো;

জৰনো তুরিতো ৰেগী, জেতব্বং জেয্য মুচ্চতে.

৩৮০.

সূর ৰীরা তু ৰিক্কন্তো, সহাযো নুচরো সমা;

সন্নদ্ধপ্পভুতী তীসু, পাথেয্যং তু চ সম্বলং.

৩৮১.

ৰাহিনী ধজিনী সেনা, চমূ চক্কং বলং তথা;

অনীকো ৰা থ ৰিন্যাসো,

ব্যূহো সেনায কথ্যতে.

৩৮২.

হত্থী দ্ৰাদসপোসো,তি,

পুরিসো তুরগো, রথো;

চতুপোসোতি এতেন, লক্খণেনা ধমন্ততো.

৩৮৩.

হত্থানীকং হযানীকং, রথানীকং তযো তযো;

গজাদযো সসত্থা তু, পত্তানীকং চতুজ্জনা.

৩৮৪.

সট্ঠিৰংসকলাপেসু, ¶ পচ্চেকং সট্ঠিদণ্ডিসু;

ধূলীকতেসু সেনায, যন্তিযা ক্খোভনী [অক্খোভিণী (ক.)] ত্থিযং.

৩৮৫.

সম্পত্তি সম্পদা লক্খী, সিরী ৰিপত্তি আপদা;

অথা ৰুধঞ্চ [আযুধন্তিপি পাঠো] হেতি’ত্থী, সত্থং পহরণং ভৰে.

৩৮৬.

মুত্তামুত্ত মমুত্তঞ্চ, পাণিতো মুত্তমেৰ চ;

যন্তমুত্তন্তি সকলং, আযুধং তং চতুব্বিধং.

৩৮৭.

মুত্তামুত্তঞ্চ যট্ঠ্যাদি, অমুত্তং ছুরিকাদিকং;

পাণিমুত্তং তু সত্যাদি, যন্তমুত্তং সরাদিকং.

৩৮৮.

ইস্সাসো ধনু কোদণ্ডং, চাপো নিত্থী সরাসনং;

অথো গুণো জিযা জ্যা থ,

সরো পত্তি চ সাযকো.

৩৮৯.

ৰাণো কণ্ড মুসু দ্ৰীসু, খুরপ্পো [উরপ্পো (ক.)] তেজনা’সনং;

তূণীত্থিযং কলাপো চ, তূণো তূণীর ৰাণধি.

৩৯০.

পক্খো তু ৰাজো দিদ্ধো তু, ৰিসপ্পিতো সরো ভৰে;

লক্খং ৰেজ্ঝং সরব্যঞ্চ, সরাভ্যাসো তু’পাসনং.

৩৯১.

মণ্ডলগ্গো তু নেত্তিংসো, অসি খগ্গো চ সাযকো;

কোসিত্থী তব্বিধানে থো, থরু খগ্গাদিমুট্ঠিযং.

৩৯২.

খেটকং ফলকং চম্মং, ইল্লী তু করপালিকা;

ছুরিকা সত্য’সিপুত্তী, লগুল়ো তু চ মুগ্গরো.

৩৯৩.

সল্লো নিত্থি সঙ্কু পুমে, ৰাসী তু তচ্ছনীত্থিযং;

কুঠারী [কুধারী (টী.)] ত্থীফরসুসো, টঙ্কো পাসাণদারণো.

৩৯৪.

কণযো ভিন্দিৰাল়ো চ, চক্কং কুন্তো গদা তথা;

সত্যা’দী সত্থভেদা থ,

কোণো’স্সো কোটি নারিযং.

৩৯৫.

নিয্যানং গমনং যাত্রা, পট্ঠানঞ্চ গমো গতি;

চুণ্ণো পংসু রজো চেৰ, ধূলী’ত্থী রেণু চ দ্ৰিসু.

৩৯৬.

মাগধো ¶ মধুকো ৰুত্তো, ৰন্দী তু থুতিপাঠকো;

ৰেতাল়িকো বোধকরো,

চক্কিকো তু চ ঘণ্টিকো.

৩৯৭.

কেতু ধজো পটাকা চ, কদলী কেতনং প্যথ;

যো’হংকারো’ঞ্ঞমঞ্ঞস্স, সা’ হমহমিকা ভৰে.

৩৯৮.

বলং থামো সহং সত্তি, ৰিক্কমো ত্ৰতিসূরতা;

রণে জিতস্স যং পানং, জযপানন্তি তং মতং.

৩৯৯.

সঙ্গামো সম্পহারো চা, নিত্থিযং সমরং রণং;

আজিত্থী আহৰো যুদ্ধ, মাযোধনঞ্চ সংযুগং.

৪০০.

ভণ্ডনং তু ৰিৰাদো চ, ৰিগ্গহো কলহ মেধগা;

মুচ্ছা মোহো থ পসয্হো,

বলক্কারো হঠো ভৰে.

৪০১.

উপ্পাদো [উপ্পাতো (ক.)১০২৭-গাথা পস্সিতব্বা] ভূতৰিকতি, যা সুভাসুভসূচিকা;

ঈতি ত্ৰিত্থী অজঞ্ঞঞ্চ, উপসগ্গো উপদ্দৰো.

৪০২.

নিব্বুদ্ধং [নিযুদ্ধং (ক.)] মল্লযুদ্ধম্হি, জযো তু ৰিজযো ভৰে;

পরাজযো রণে ভঙ্গো, পলাযন মপক্কমো.

৪০৩.

মারণং হননং ঘাতো, নাসনঞ্চ নিসূদনং;

হিংসনং সরণং হিংসা, ৰধো সসন ঘাতনং.

৪০৪.

মরণং কালকিরিযা, পলযো মচ্চু অচ্চযো;

নিধনো নিত্থিযং নাসো, কালো’ন্তো চৰনং ভৰে.

৪০৫.

তীসু পেতো পরেতো চ,

মতো থ চিতকো চিতো;

আল়হনং সুসানঞ্চা, নিত্থিযং কুণপো ছৰো.

৪০৬.

কবন্ধো নিত্থিযং দেহো, সিরোসুঞ্ঞো সহক্রিযো;

অথ সিৰথিকা ৰুত্তা, সুসানস্মিঞ্হি আমকে.

৪০৭.

ৰন্দীত্থিযং করমরো, পাণো ত্ৰ’সু পকাসিতো;

কারা তু বন্ধনাগারং, কারণা তু চ যাতনা.

ইতি খত্তিযৰগ্গো.

৪০৮.

ব্রহ্মবন্ধু ¶ দ্ৰিজো ৰিপ্পো, ব্রহ্মা ভোৰাদী ব্রাহ্মণো;

সোত্তিযো ছন্দসো সো থ,

সিস্স’ ন্তেৰাসিনো পুমে.

৪০৯.

ব্রহ্মচারী গহট্ঠো চ, ৰনপ্পত্থো চ ভিক্খুতি;

ভৰন্তি চত্তারো এতে, অস্সমা পুন্নপুংসকে.

৪১০.

চরন্তা সহ সীলাদী, সব্রহ্মচারিনো মিথু;

উপজ্ঝাযো উপজ্ঝা থা, চরিযো নিস্সযদাদিকো [নিস্সযদাযকো (টী.)].

৪১১.

উপনীযা থৰা পুব্বং, ৰেদ মজ্ঝাপযে দ্ৰিজো;

যো সঙ্গং সরহস্সঞ্চা, চরিযো ব্রাহ্মণেসু সো.

৪১২.

পারম্পরিয মেতিহ্যং, উপদেসো তথে’তিহা;

যাগো তু কতু যঞ্ঞো থ, ৰেদীত্থী ভূ পরিক্খতা.

৪১৩.

অস্সমেধো চ পুরিস, মেধো চেৰ নিরগ্গল়ো;

সম্মাপাসো ৰাজপেয্য, মিতি যাগা মহা ইমে.

৪১৪.

ইত্ৰিজো [ইদিত্ৰিজো (টী.)] যাজকো চাথ,

সভ্যো সামাজিকো প্যথ;

পরিসা সভা সমজ্জা চ, তথা সমিতি সংসদো.

৪১৫.

চতস্সো পরিসা ভিক্খু, ভিক্খুনী চ উপাসকা;

উপাসিকাযোতি ইমা, থৰা ট্ঠ পরিসা সিযুং.

৪১৬.

তাৰতিংস,দ্ৰিজ,ক্খত্ত,মার,গ্গহপতিস্স চ;

সমণানং ৰসা চাতু, মহারাজিক, ব্রহ্মুনং.

৪১৭.

গাযত্তিপ্পমুখং ছন্দং, চতুৰীস’ক্খরং তু যং;

ৰেদান মাদিভূতং সা, সাৰিত্তী তিপদং সিযা.

৪১৮.

হব্যপাকে চরু মতো, সুজা তু হোমদব্বিযং;

পরমন্নং তু পাযাসো, হব্যং তু হৰি কথ্যতে.

৪১৯.

যূপো থূণাযং নিম্মন্ত্য, দারুম্হি ত্ৰ’রণী দ্ৰিসু;

গাহপ্পচ্চা’হৰনীযো, দক্খিণগ্গি তযো’ গ্গযো.

৪২০.

চাগো ৰিস্সজ্জনং দানং, ৰোস্সগ্গো চাপদেসনং;

ৰিস্সাণনং ৰিতরণং, ৰিহাযিতা পৰজ্জনং.

৪২১.

পঞ্চ ¶ মহাপরিচ্চাগো, ৰুত্তো সেট্ঠ, ধনস্স চ;

ৰসেন পুত্ত দারানং, রজ্জস্স’ ঙ্গান মেৰ চ.

৪২২.

অন্নং পানং ঘরং ৰত্থং, যানং মালা ৰিলেপনং;

গন্ধো সেয্যা পদীপেয্যং, দানৰত্থূ সিযুং দস.

৪২৩.

মতত্থং তদহে দানং, তীস্ৰেত মুদ্ধদেহিকং;

পিতুদানং তু নিৰাপো, সদ্ধং তু তংৰ সাত্থতো.

৪২৪.

পুমে অতিথি আগন্তু, পাহুনা ৰেসিকা প্যথ;

অঞ্ঞত্থ গন্তু মিচ্ছন্তো, গমিকো থা গ্ঘ মগ্ঘিযং.

৪২৫.

পজ্জং পাদোদকাদো থ, সত্তা’গন্ত্ৰাদযো তিসু;

অপচিত্য’চ্চনা পূজা, পহারো বলি মাননা.

৪২৬.

নমস্সা তু নমক্কারো, ৰন্দনা চাভিৰাদনং;

পত্থনা পণিধানঞ্চ, পুরিসে পণিধীরিতো.

৪২৭.

অজ্ঝেসনা তু সক্কার, পুব্বঙ্গমনিযোজনং;

৪২৮.

পরিযেসনা ন্ৰেসনা, পরিযেট্ঠি গৰেসনা;

উপাসনং তু সুস্সূসা, সা পারিচরিযা ভৰে.

৪২৯.

মোন মভাসনং তুণ্হী, ভাৰো থ পটিপাটি সা;

অনুক্কমো পরিযাযো, অনুপুব্ব্য’পুমে কমো.

৪৩০.

তপো চ সংযমো সীলং, নিযমো তু ৰতঞ্চ ৰা;

ৰীতিক্কমো’ জ্ঝচারো থ, ৰিৰেকো পুথুগত্ততা.

৪৩১.

খুদ্দানুখুদ্দকং আভি, সমাচারিক মুচ্চতে;

আদিব্রহ্মচরিযং তু, তদঞ্ঞং সীল মীরিতং.

৪৩২.

যো পাপেহি উপাৰত্তো, ৰাসো সদ্ধিং গুণেহি সো;

উপৰাসোতি ৰিঞ্ঞেয্যো, সব্বভোগৰিৰজ্জিতো.

৪৩৩.

তপস্সী ভিক্খু সমণো, পব্বজিতো তপোধনো;

ৰাচংযমো তু মুনি চ, তাপসো তু ইসী রিতো.

৪৩৪.

যেসংযতিন্দ্রিযগণা, যতযো ৰসিনো চ তে;

সারিপুত্তো’পতিস্সো তু, ধম্মসেনাপতী রিতো.

৪৩৫.

কোলিতো মোগ্গল্লানো থ,

অরিযো ধিগতো সিযা;

সোতাপন্নাদিকা সেখা, নরিযো তু পুথুজ্জনো.

৪৩৬.

অঞ্ঞা ¶ তু অরহত্তঞ্চ, থূপো তু চেতিযং ভৰে;

ধম্মভণ্ডাগারিকো চ, আনন্দো দ্ৰে সমা থ চ.

৪৩৭.

ৰিসাখা মিগারমাতা, সুদত্তো’ নাথপিণ্ডিকো;

৪৩৮.

ভিক্খুপি সামণেরো চ, সিক্খমানা চ ভিক্খুনী;

সামণেরীতি কথিতা, পঞ্চেতে সহধম্মিকা.

৪৩৯.

পত্তো তিচীৰরং কায, বন্ধনং ৰাসি সূচি চ;

পরিস্সাৰন মিচ্চেতে, পরিক্খারা’ট্ঠ ভাসিতা.

৪৪০.

সামণেরো চ সমণু, দ্দেসো চাথ দিগম্বরো;

অচেল়কো নিগণ্ঠো চ, জটিলো তু জটাধরো.

৪৪১.

কুটীসকাদিকা চতু, ত্তিংস দ্ৰাসট্ঠি দিট্ঠিযো;

ইতি ছন্নৰুতি এতে, পাসণ্ডা সম্পকাসিতা.

৪৪২.

পৰিত্তো পযতো পূতো, চম্মং তু অজিনং প্যথ;

দন্তপোণো দন্তকট্ঠং, ৰক্কলো ৰা তিরীটকং.

৪৪৩.

পত্তো পাতিত্থিযংনিত্থী, কমণ্ডলু তু কুণ্ডিকা;

অথালম্বণদণ্ডস্মিং, কত্তরযট্ঠি নারিযং.

৪৪৪.

যং দেহসাধনাপেক্খং, নিচ্চং কম্মমযং যমো;

আগন্তুসাধনং কম্মং, অনিচ্চং নিযমো ভৰে.

ইতি ব্রাহ্মণৰগ্গো.

৪৪৫.

ৰেস্সো চ ৰেসিযানো থ, জীৰনং ৰুত্তি জীৰিকা;

আজীৰো ৰত্তনং চাথ, কসিকম্মং কসিত্থিযং.

৪৪৬.

ৰাণিজ্জঞ্চ ৰণিজ্জা থ, গোরক্খা পসুপালনং;

ৰেস্সস্স ৰুত্তিযো তিস্সো, গহট্ঠা’গারিকা গিহি.

৪৪৭.

খেত্তাজীৰো কস্সকো থ, খেত্তং কেদার মুচ্চতে;

লেড্ডু’ত্তো মত্তিকাখণ্ডো, খণিত্তি’ত্থ্য’ৰদারণং.

৪৪৮.

দাত্তং লৰিত্ত মসিতং [‘‘অসিত’’ সদ্দো পুংনপুংসকে-১০০৫-গাথা পস্সিতব্বা], পতোদো তুত্ত পাজনং;

যোত্তং তু রজ্জু রস্মিত্থী, ফালো তু কসকো ভৰে.

৪৪৯.

নঙ্গলঞ্চ হলং সীরো, ঈসা নঙ্গলদণ্ডকো;

সম্মা তু যুগকীলস্মিং, সীতা তু হলপদ্ধতি.

৪৫০.

মুগ্গাদিকে ¶ পরণ্ণঞ্চ, পুব্বণ্ণং সালিআদিকে;

সালি ৰীহি চ কুদ্রূসো, গোধুমো ৰরকো যৰো;

কঙ্গূতি সত্ত ধঞ্ঞানি, নীৰারাদী তু তব্ভিদা.

৪৫১.

চণকো চ কল়াযো থ,

সিদ্ধত্থো সাসপো ভৰে.

৪৫২.

অথ কঙ্গু পিযঙ্গু’ত্থী, উম্মা তু অতসী ভৰে;

কিট্ঠঞ্চ সস্সং ধঞ্ঞঞ্চ [ৰিঞ্ঞেয্যং (টী.)], ৰীহি থম্বকরী [থম্ভকরী (ক.)] রিতো.

৪৫৩.

কণ্ডো তু নাল় মথ সো, পলালং নিত্থি নিপ্ফলো;

ভুসং কলিঙ্গরো চাথ, থুসো ধঞ্ঞত্তচে থ চ.

৪৫৪.

সেতট্টিকা সস্সরোগো,

কণো তু কুণ্ডকো ভৰে;

খলো চ ধঞ্ঞকরণং, থম্বো [থম্ভো (ক.)] গুম্বো তিণাদিনং.

৪৫৫.

অযোগ্গো মুসলো নিত্থী, কুল্লো সুপ্প মনিত্থিযং;

অথো’দ্ধনঞ্চ চুল্লি’ত্থী, কিলঞ্জো তু কটো ভৰে.

৪৫৬.

কুম্ভী’ত্থী পিঠরো কুণ্ডং, খল়োপ্যু’ক্খলি থাল্যু’খা;

কোলম্বো চাথ মণিকং, ভাণকো চ অরঞ্জরো.

৪৫৭.

ঘটো দ্ৰীসু কুটো নিত্থী, কুম্ভো কলস, ৰারকা;

কংসো ভুঞ্জনপত্তো থা, মত্তং পত্তো চ ভাজনং.

৪৫৮.

অণ্ডুপকং চুম্বটকং, সরাৰো তু চ মল্লকো;

পুমে কটচ্ছুদব্বি’ত্থী, কুসূলো কোট্ঠ মুচ্চতে.

৪৫৯.

সাকো অনিত্থিযং ডাকো, সিঙ্গীৰেরংতু অদ্দকং;

মহোসধং তু তং সুক্খং, মরিচং তু চ কোলকং.

৪৬০.

সোৰীরং কঞ্জিযং ৰুত্তং, আরনাল়ং থুসোদকং;

ধঞ্ঞম্বিলং বিল়ঙ্গো থ, লৰণং লোণ মুচ্চতে.

৪৬১.

সামুদ্দং সিন্ধৰো নিত্থী, কাল়লোণং তু উব্ভিদং;

বিল়কং [বিল়াল (ক.)] চেতি পঞ্চেতে, পভেদা লৰণস্স হি.

৪৬২.

গুল়ো চ ফাণিতং খণ্ডো, মচ্ছণ্ডী সক্খরা ইতি;

ইমে উচ্ছুৰিকারা থ, গুল়স্মিং ৰিসকণ্টকং.

৪৬৩.

লাজা ¶ সিযা’ক্খতং চাথ, ধানা ভট্ঠযৰে ভৰে;

অবদ্ধসত্তু মন্থো চ, পূপা’ পূপা তু পিট্ঠকো.

৪৬৪.

ভত্তকারো সূপকারো, সূদো আল়ারিকো তথা;

ওদনিকো চ রসকো, সূপো তু ব্যঞ্জনং ভৰে.

৪৬৫.

ওদনো ৰা কুরং ভত্তং, ভিক্খা চা’ন্ন মথা সনং;

আহারো ভোজনং ঘাসো,

তরলং যাগু নারিযং.

৪৬৬.

খজ্জং তু ভোজ্জ লেয্যানি, পেয্যন্তি চতুধা’সনং;

নিস্সাৰো চ তথা’চামো,

আলোপো কবল়ো ভৰে.

৪৬৭.

মণ্ডো নিত্থীরসগ্গস্মিং, ৰিঘাসো ভুত্তসেসকে;

ৰিঘাসাদো চ দমকো, পিপাসা তু চ তস্সনং.

৪৬৮.

খুদ্দা জিঘচ্ছা, মংসস্স, পটিচ্ছাদনিযং রসো;

উদ্রেকো চেৰ উগ্গারো, সোহিচ্চং তিত্তি তপ্পনং.

৪৬৯.

কামং ত্ৰিট্ঠং নিকামঞ্চ, পরিযত্তং যথচ্ছিতং;

কযৰিক্কযিকো সত্থ,ৰাহা’ পণিক ৰাণিজা.

৪৭০.

ৰিক্কযিকো তু ৰিক্কেতা,

কযিকো তু চ কাযিকো;

উত্তমণ্ণো চ ধনিকো, ধমণ্ণো তু ইণাযিকো.

৪৭১.

উদ্ধারো তু ইণং ৰুত্তং, মূলং তু পাভতং ভৰে;

সচ্চাপনং সচ্চংকারো, ৰিক্কেয্যং পণিয্যং তিসু.

৪৭২.

পটিদানং পরিৰত্তো, ন্যাসো তূ’পনিধী রিতো;

৪৭৩.

অট্ঠারসন্তা সঙ্খ্যেয্যে, সঙ্খ্যা একাদযো তিসু;

সঙ্খ্যানে তু চ সঙ্খ্যেয্যে, একত্তে ৰীসতাদযো;

ৰগ্গভেদে বহুত্তেপি, তা আনৰুতি নারিযং.

৪৭৪.

সতং সহস্সং নিযুতং [নহুতং-নযুতং (কত্থচি)], লক্খং কোটি পকোটিযো;

কোটিপকোটি নহুতং, তথা নিন্নহুতম্পি চ.

৪৭৫.

অক্খোভনীত্থিযং ¶ [অক্খোভিণী (ক.)] বিন্দু, অব্বুদঞ্চ নিরব্বুদং;

অহহং অববং চেৰা, টটং সোগন্ধি কুপ্পলং.

৪৭৬.

কুমুদং পুণ্ডরীকঞ্চ, পদুমং কথানম্পি চ;

মহাকথানা’সঙ্খ্যেয্যা, নি’চ্চেতাসু সতাদি চ.

৪৭৭.

কোট্যাদিকং দসগুণং, সতলক্খগুণং কমা;

চতুত্থো’ড্ঢেন অড্ঢুড্ঢো,

ততিযো ড্ঢতিযো তথা.

৪৭৮.

অড্ঢতেয্যো দিযড্ঢো তু,

দিৰড্ঢো দুতিযো ভৰে;

তুলা, পত্থ, ঙ্গুলি, ৰসা, তিধা মান মথো সিযা.

৪৭৯.

চত্তারো ৰিহযো গুঞ্জা,

দ্ৰে গুঞ্জা মাসকো ভৰে;

দ্ৰে অক্খা মাসকা পঞ্চ, ক্খানং ধরণমট্ঠকং.

৪৮০.

সুৰণ্ণো পঞ্চধরণং, নিক্খং ত্ৰনিত্থি পঞ্চ তে;

পাদো ভাগে চতুত্থে থ, ধরণানি পলং দস.

৪৮১.

তুলা পলসতং চাথ, ভারো ৰীসতি তা তুলা;

অথো কহাপণো নিত্থী, কথ্যতে করিসাপণো.

৪৮২.

কুডুৰো পসতো একো,

পত্থো তে চতুরো সিযুং;

আল়্হকো চতুরো পত্থা, দোণং ৰাচতুরা’ল়্হকং.

৪৮৩.

মানিকা চতুরো দোণা, খারীত্থী চতুমানিকা;

খারিযো ৰীস ৰাহো থ,

সিযা কুম্ভো দসম্বণং.

৪৮৪.

আল়্হকো নিত্থিযং তুম্ভো, পত্থোতু নাল়ি নারিযং;

ৰাহো তু সকটো চেকা,

দস দোণা তু অম্বণং.

৪৮৫.

পটিৰীসো চ কোট্ঠাসো,

অংসো ভাগো ধনং তু সো;

দব্বং ৰিত্তং সাপতেয্যং, ৰস্ৰ’ত্থো ৰিভৰো ভৰে.

৪৮৬.

কোসো ¶ হিরঞ্ঞঞ্চ কতা, কতং কঞ্চন, রূপিযং;

কুপ্পং তদঞ্ঞং তম্বাদি, রূপিযং দ্ৰয মাহতং.

৪৮৭.

সুৰণ্ণং কনকং জাত, রূপং সোণ্ণঞ্চ কঞ্চনং;

সত্থুৰণ্ণো হরী কম্বু, চারু হেমঞ্চ হাটকং.

৪৮৮.

তপনিযং হিরঞ্ঞং ত, ব্ভেদা চামীকরম্পি চ;

সাতকুম্ভং তথা জম্বু, নদং সিঙ্গী চ নারিযং.

৪৮৯.

রূপিযং রজতং সজ্ঝু, রূপী সজ্ঝং অথো ৰসু;

রতনঞ্চ মণি দ্ৰীসু, পুপ্ফরাগাদী তব্ভিদা.

৪৯০.

সুৰণ্ণং রজতং মুত্তা, মণি ৰেল়ুরিযানি চ;

ৰজিরঞ্চ পৰাল়ন্তি, সত্তা’হু রতনানি’ মে.

৪৯১.

লোহিতঙ্কো চ পদুম, রাগো রত্তমণি প্যথ;

ৰংসৰণ্ণো ৰেল়ুরিযং, পৰাল়ং ৰা চ ৰিদ্দুমো.

৪৯২.

মসারগল্লং কবরমণি, অথ মুত্তা চ মুত্তিকং;

রীতি [রীরী (টী.)] ত্থী আরকূটো ৰা, অমলং ত্ৰ’ব্ভকং ভৰে.

৪৯৩.

লোহো নিত্থী অযো কাল়া,

যসঞ্চ পারদো রসো;

কাল়তিপু তু সীসঞ্চ, হরিতালং তু পীতনং.

৪৯৪.

চিনপিট্ঠঞ্চ সিন্দূরং, অথ তূলো তথা পিচু;

খুদ্দজং তু মধু খুদ্দং, মধুচ্ছিট্ঠং তু সিত্থকং.

৪৯৫.

গোপালো গোপ গোসঙ্খ্যা,

গোমা তু গোমিকো প্যথ;

উসভো বলীবদ্ধো [বলিবদ্দ (ক.)] চ, গোণো গোৰসভো ৰুসো.

৪৯৬.

ৰুদ্ধো জরগ্গৰো সো থ, দম্মো ৰচ্ছতরো সমা;

ধুরৰাহী তু ধোরয্হো, গোৰিন্দো ধিকতো গৰং.

৪৯৭.

ৰহো চ খন্ধদেসো থ, ককুধো [ককুদো (ক.)] ককু ৰুচ্চতে;

অথো ৰিসাণং সিঙ্গঞ্চ, রত্তগাৰী তু রোহিণী.

৪৯৮.

গাৰী চ সিঙ্গিনী গো চ, ৰঞ্ঝা তু কথ্যতে ৰসা;

নৰপ্পসূতিকা ধেনু, ৰচ্ছকামা তু ৰচ্ছলা.

৪৯৯.

গগ্গরী ¶ মন্থনীত্থী দ্ৰে, সন্দানং দামমুচ্চতে;

গোমিল়্হো গোমযো নিত্থী, অথো সপ্পি ঘতং ভৰে.

৫০০.

নৰুদ্ধটং তু নোনীতং, দমিমণ্ডং তু মত্থু চ,

খীরং দুদ্ধং পযো থঞ্ঞং, তক্কং তু মথিতং প্যথ.

৫০১.

খীরং দধি ঘতং তক্কং, নোনীতং পঞ্চ গোরসা;

উরব্ভো মেণ্ড মেসা চ, উরণো অৰি এল়কো.

৫০২.

ৰস্সো ত্ৰজো ছগলকো,

ওট্ঠো তু করভো ভৰে;

গদ্রভো তু খরো ৰুত্তো, উরণী তু অজী অজা.

ইতি ৰেস্সৰগ্গো.

৫০৩.

সুদ্দো’ন্তৰণ্ণো ৰসলো, সংকিণ্ণা মাগধাদযো;

মাগধো সুদ্দখত্তাজো, উগ্গো সুদ্দায খত্তজো.

৫০৪.

দ্ৰিজাখত্তিযজো সূতো, কারুতু সিপ্পিকোপুমে;

সঙ্ঘাতোতু সজাতীনং, তেসং সেণী দ্ৰিসুচ্চতে.

৫০৫.

তচ্ছকো তন্তৰাযো চ, রজকো চ নহাপিতো;

পঞ্চমো চম্মকারোতি, কারৰো পঞ্চিমে সিযুং.

৫০৬.

তচ্ছকো ৰড্ঢকী মতো, পলগণ্ডো থপত্যপি;

রথকারো থ সুৰণ্ণ, কারো নাল়িন্ধমো ভৰে.

৫০৭.

তন্তৰাযো পেসকারো,

মালাকারো তু মালিকো;

কুম্ভকারো কুলালো থ,

তুন্নৰাযো চ সূচিকো.

৫০৮.

চম্মকারো রথকারো, কপ্পকো তু নহাপিতো;

রঙ্গাজীৰো চিত্তকারো, পুক্কুসো পুপ্ফছড্ডকো.

৫০৯.

ৰেনো ৰিলীৰকারো চ, নল়কারো সমা তযো;

চুন্দকারো ভমকারো,

কম্মারো লোহকারকো.

৫১০.

নিন্নেজকো চ রজকো, নেত্তিকো উদহারকো;

ৰীণাৰাদী ৰেণিকো থ, উসুকারো’ সুৰড্ঢকী.

৫১১.

ৰেণুধমো ¶ ৰেণৰিকো,

পাণিৰাদো তু পাণিঘো [পাণিযো (কত্থচি)];

পূপিযো পূপপণিযো, সোণ্ডিকো মজ্জৰিক্কযী.

৫১২.

মাযা তু সম্বরী মাযা, কারো তু ইন্দজালিকো;

৫১৩.

ওরব্ভিকা সূকরিকা, মাগৰিকা তে চ সাকুণিকা;

হন্ত্ৰা জীৰন্তে’ল়ক, সূকর, মিগ, পক্খিনো কমতো.

৫১৪.

ৰাগুরিকো জালিকো থ,

ভারৰাহো তু ভারিকো;

ৰেতনিকো তু ভতকো, কম্মকরো থ কিং করো;

দাসো চ চেটকো পেস্সো, ভচ্চো চ পরিচারিকো.

৫১৫.

অন্তোজাতো ধনক্কীতো, দাসব্যো’পগতো সযং;

দাসা করমরানীতো, চ্চেৰং তে চতুধা সিযুং.

৫১৬.

অদাসো তু ভুজিস্সো থ,

নীচো জম্মো নিহীনকো;

নিক্কোসজ্জো অকিলাসু,

মন্দো তু অলসো প্যথ.

৫১৭.

সপাকো চেৰ চণ্ডালো, মাতঙ্গো সপচো ভৰে;

তব্ভেদা মিলক্খজাতী, কিরাত, সৰরাদযো.

৫১৮.

নেসাদো লুদ্দকো ব্যাধো,

মিগৰো তু মিগব্যধো;

সারমেয্যো চ সুনখো, সুনো সোণো চ কুক্কুরো.

৫১৯.

স্ৰানো সুৰানো সাল়ূরো,

সূনো সানো চ সা পুমে;

উম্মত্তাদিত মাপন্নো, অল়ক্কোতি সুনো মতো.

৫২০.

সাবন্ধনং তু গদ্দূলো, দীপকো তু চ চেতকো;

বন্ধনং গণ্ঠি পাসো থ, ৰাগুরা [ৰাকরা (সী. টী.)] মিগবন্ধনী.

৫২১.

থিযং কুৰেণী কুমীনং, আনযো জাল মুচ্চতে;

আঘাতনং ৰধট্ঠানং, সূনা তু অধিকোট্টনং.

৫২২.

তক্করো ¶ মোসকো চোরো,

থেনে’কাগারিকো সমা;

থেয্যঞ্চ চোরিকা মোসো,

ৰেমো ৰাযনদণ্ডকো.

৫২৩.

সুত্তং তন্তু পুমে তন্তং, পোত্থং লেপ্যাদিকম্মনি;

পঞ্চালিকা পোত্থলিকা, ৰত্থদন্তাদিনিম্মিতা.

৫২৪.

উগ্ঘাটনং ঘটীযন্তং, কূপম্বুব্বাহনং ভৰে;

মঞ্জূসা পেল়া পিটকো, ত্ৰিত্থিযং পচ্ছি পেটকো.

৫২৫.

ব্যাভঙ্গী ত্ৰিত্থিযং কাজো, সিক্কা ত্ৰত্রা’ৰলম্বনং;

উপাহনো ৰা পাদু’ত্থী, তব্ভেদা পাদুকা প্যথ.

৫২৬.

ৰরত্তা ৰদ্ধিকা নদ্ধি, ভস্তা চম্মপসিব্বকং;

সোণ্ণাদ্যাৰত্তনী মূসা,

থ কূটং ৰা অযোঘনো.

৫২৭.

কম্মারভণ্ডা সণ্ডাসো, মুট্ঠ্যা’ধিকরণীত্থীযং;

তব্ভস্তা গগ্গরী নারী, সত্তং তু পিপ্ফলং ভৰে.

৫২৮.

সাণো তু নিকসো ৰুত্তো,

আরা তু সূচিৰিজ্ঝনং;

খরো চ ককচো নিত্থী, সিপ্পং কম্মং কলাদিকং.

৫২৯.

পটিমা পটিবিম্বঞ্চ, বিম্বো পটিনিধীরিতো;

তীসু সমো পটিভাগো, সন্নিকাসো সরিক্খকো.

৫৩০.

সমানো সদিসো তুল্যো,

সঙ্কাসো সন্নিভো নিভো;

ওপম্ম মুপমানং চু, পমা ভতি তু নারিযং.

৫৩১.

নিব্বেসো ৰেতনং মূল্যং, জূতং ত্ৰনিত্থি কেতৰং;

ধুত্তো’ক্খধুত্তো কিতৰো, জূতকার, ক্খদেৰিনো.

৫৩২.

পাটিভোগোতু পটিভূ, অক্খো তু পাসকো ভৰে;

পুমেৰা’ ট্ঠপদং [অট্ঠাপদং (টী. সী.)] সারি, ফলকে থ পণো, ব্ভুতো.

৫৩৩.

কিণ্ণং ¶ তু মদিরাবীজে, মধু মধ্ৰাসৰে মতং;

মদিরা ৰারুণী মজ্জং, সুরা ভৰো তু মেরযং.

৫৩৪.

সরকো চসকো নিত্থী, আপানং পানমণ্ডলং;

৫৩৫.

যে’ত্র ভূরিপ্পযোগত্তা, যোগিকেকস্মি মীরিতা;

লিঙ্গন্তরেপি তে ঞেয্যা, তদ্ধম্মত্তা’ঞ্ঞৰুত্তিযন্তি.

ইতি সুদ্দৰগ্গো.

চতুব্বণ্ণৰগ্গো নিট্ঠিতো.

৫. অরঞ্ঞৰগ্গ

৫৩৬.

অরঞ্ঞং কাননং দাযো, গহনং ৰিপিনং ৰনং;

অটৰী’ত্থী মহারঞ্ঞং, ত্ৰ, রঞ্ঞানীত্থিযং ভৰে.

৫৩৭.

নগরা নাতিদূরস্মিং, সন্তেহি যো ভিরোপিতো;

তরুসণ্ডো স আরামো, তথো পৰন মুচ্চতে.

৫৩৮.

সব্বসাধারণা’রঞ্ঞং, রঞ্ঞ মুয্যান মুচ্চতে;

ঞেয্যং তদেৰ পমদ, ৰন মন্তেপুরোচিতং.

৫৩৯.

পন্তি ৰীথ্যা’ৰলি সেণী, পাল়ি লেখা তু রাজি চ;

পাদপো ৰিটপী রুক্খো, অগো সালো মহীরুহো.

৫৪০.

দুমো তরু কুজো সাখী, গচ্ছো তু খুদ্দপাদপো;

ফলন্তি যে ৰিনা পুপ্ফং, তে ৰুচ্চন্তি ৰনপ্পতী.

৫৪১.

ফলপাকাৰসানে যো,

মরত্যো সধি সা ভৰে;

তীসু ৰঞ্চ্যা’ফলা চাথ, ফলিনো ফলৰা ফলী.

৫৪২.

সম্ফুল্লিতো তু ৰিকচো, ফুল্লো ৰিকসিতো তিসু;

সিরো’গ্গং সিখরো নিত্থী, সাখা তু কথিতা লতা.

৫৪৩.

দলং পলাসং ছদনং, পণ্ণং পত্তং ছদো প্যথ;

পল্লৰো ৰা কিসলযং, নৰুব্ভিন্নে তু অঙ্কুরো.

৫৪৪.

মকুলং ৰা কুটুমলো, খারকো তু চ জালকং;

কলিকা কোরকো নিত্থী, ৰণ্টং পুপ্ফাদিবন্ধনং.

৫৪৫.

পসৰো ¶ কুসুমং পুপ্ফং, পরাগো পুপ্ফজো রজো;

মকরন্দো মধু মতং, থৰকো তু চ গোচ্ছকো.

৫৪৬.

ফলে ত্ৰা’মে সলাটু’ত্তো,

ফলং তু পক্ক মুচ্চতে;

চম্পক’ম্বাদিকুসুম, ফলনামং নপুংসকে.

৫৪৭.

মল্লিকাদী তু কুসুমে, সলিঙ্গা ৰীহযো ফলে;

জম্বূ’ত্থী জম্বৰং জম্বূ, ৰিটপো ৰিটভী’ত্থিযং.

৫৪৮.

মূল মারব্ভ সাখন্তো, খন্ধো ভাগো তরুস্স থ;

কোটরো নিত্থিযং রুক্খ, চ্ছিদ্দে কট্ঠং তু দারু চ.

৫৪৯.

বুন্দো মূলঞ্চ পাদো থ, সঙ্কু’ত্তো খাণুনিত্থিযং;

করহাটং তু কন্দো থ, কল়ীরো মত্থকো ভৰে.

৫৫০.

ৰল্লরী মঞ্জরী নারী, ৰল্লী তু কথিতা লতা;

থম্ভো গুম্বো চ অক্খন্ধে, লতা ৰিরূ পতানিনী.

৫৫১.

অস্সত্থো বোধি চ দ্ৰীসু, নিগ্রোধো তু ৰটো ভৰে;

কবিট্ঠো চ কপিত্থো চ, যঞ্ঞঙ্গো তু উদুম্বরো.

৫৫২.

কোৰিল়ারো যুগপত্তো, উদ্দালো ৰাতঘাতকো;

রাজরুক্খো কতমালী, ন্দীৰরো ব্যাধিঘাতকো.

৫৫৩.

দন্তসঠো চ জম্ভীরো, ৰরণো তু করেরি চ;

কিং সুকো পালিভদ্দোথ, ৰঞ্জুলো তু চ ৰেতসো.

৫৫৪.

অম্বাটকোপীতনকো, মধুকো তু মধুদ্দুমো;

অথো গুল়ফলো পীলু, সোভঞ্জনো চ সিগ্গু চ.

৫৫৫.

সত্তপণ্ণি ছত্তপণ্ণো, তিনিসো ত্ৰ তিমুত্তকো;

কিং সুকো তু পলাসো থ,

অরিট্ঠো ফেনিলো ভৰে.

৫৫৬.

মালূর বেলুৰাবিল্লো, পুন্নাগো তু চ কেসরো;

সালৰো তু চ লোদ্দো থ, পিযালো সন্নকদ্দু চ.

৫৫৭.

লিকোচকো তথা’ঙ্কোলো,

অথ গুগ্গুলু কোসিকো;

অম্বো চূতো সহো ত্ৰেসো,

সহকারো সুগন্ধৰা.

৫৫৮.

পুণ্ডরীকো ¶ চ সেতম্বো, সেলু তু বহুৰারকো;

সেপণ্ণী কাস্মিরী চাথ, কোলী চ বদরীত্থিযং.

৫৫৯.

কোলং চানিত্থী বদরো, পিলক্খো পিপ্পলী’ত্থিযং;

পাটলী কণ্হৰন্তা চ, সাদুকণ্টো ৰিকঙ্কতো.

৫৬০.

তিন্দুকো কাল়ক্খন্ধো চ, তিম্বরূসক তিম্বরূ;

এরাৰতো তু নারঙ্গো, কুলকো কাকতিন্দুকো.

৫৬১.

কদম্বো পিযকো নীপো, ভল্লী ভল্লাতকো তিসু;

ঝাৰুকো পিচুলো চাথ, তিলকো খুরকো ভৰে.

৫৬২.

চিঞ্চা চ তিন্তিণী চাথ, গদ্দভণ্ডো কপীতনো;

সালো’স্সকণ্ণো সজ্জো থ,

অজ্জুনো ককুধো ভৰে.

৫৬৩.

নিচুলো মুচলিন্দো চ, নীপো থ পিযকো তথা;

অসনো পীতসালো থ,

গোলীসো ঝাটলো ভৰে.

৫৬৪.

খীরিকা রাজাযতনং, কুম্ভী কুমুদিকা ভৰে;

যূপো [পূগো (ক.)] তু কমুকো চাথ, পট্টি লাখাপসাদনো.

৫৬৫.

ইঙ্গুদী তাপসতরু, ভুজপত্তো তু আভুজী;

পিচ্ছিলা সিম্বলী দ্ৰীসু, রোচনো কোটসিম্বলী.

৫৬৬.

পকিরিযো পূতিকো থ, রোহী রোহিতকো ভৰে;

এরণ্ডো তু চ আমণ্ডো, অথ সত্তুফলা সমী.

৫৬৭.

নত্তমালো করঞ্জো থ, খদিরো দন্তধাৰনো;

সোমৰক্কো তু কদরো, সল্লোতু মদনো ভৰে.

৫৬৮.

অথাপি ইন্দসালো চ, সল্লকী খারকো সিযা;

দেৰদারু ভদ্দদারু, চম্পেয্যো তু চ চম্পকো.

৫৬৯.

পনসো কণ্টকিফলো, অভযা তু হরীতকী;

অক্খো ৰিভীতকো তীসু, অমতা’মলকী তিসু.

৫৭০.

লবুজো লিকুচো চাথ, কণিকারো দুমুপ্পলো;

নিম্বো’রিট্ঠো পুচিমন্দো, করকো তু চ দাল়িমো.

৫৭১.

সরলো ¶ পূতিকট্ঠঞ্চ, কপিলা তু চ সিংসপা;

সামা পিযঙ্গু কঙ্গুপি, সিরীসো তু চ ভণ্ডিলো.

৫৭২.

সোণকো দীঘৰন্তো চ,

ৰকুলো তু চ কেসরো;

কাকোদুম্বরিকা ফেগ্গু, নাগো তু নাগমালিকা.

৫৭৩.

অসোকো ৰঞ্জুলো চাথ, তক্কারী ৰেজযন্তিকা;

তাপিঞ্ছো চ তমালো থ, কুটজো গিরিমল্লিকা.

৫৭৪.

ইন্দযৰো ফলে তস্সা, গ্গিমন্থো কণিকা ভৰে;

নিগুণ্ঠি’ত্থী সিন্দুৰারো, তিণসুঞ্ঞং [তিণসূলং (টী.)] তু মল্লিকা.

৫৭৫.

সেফালিকা নীলিকা থ, অপ্ফোটা ৰনমল্লিকা;

বন্ধুকো জযসুমনং, ভণ্ডিকো বন্ধুজীৰকো.

৫৭৬.

সুমনা জাতিসুমনা, মালতী জাতি ৰস্সিকী;

যূথিকা মাগধী চাথ, সত্তলা নৰমল্লিকা.

৫৭৭.

ৰাসন্তী,ত্থী অতিমুত্তো, করৰীরো’স্সমারকো;

মাতুলুঙ্গো বীজপূরো, উম্মত্তো তু চ মাতুলো.

৫৭৮.

করমন্দো সুসেনো চ, কুন্দং তু মাঘ্য মুচ্চতে;

দেৰতাসো [দেৰতাডো (সী. অমরকোস)] তু জীমূতো,

থা’মিলাতো মহাসহা.

৫৭৯.

অথো সেরেয্যকো দাসী,

কিং কিরাতো কুরণ্টকো;

অজ্জুকো সিতপণ্ণাসো, সমীরণো ফণিজ্জকো.

৫৮০.

জপা তু জযসুমনং, করীরো ককচো ভৰে;

রুক্খাদনী চ ৰন্দাকা, চিত্তকো ত্ৰ’গ্গিসঞ্ঞিতো.

৫৮১.

অক্কো ৰিকীরণো তস্মিং,

ত্ৰ’ ল়ক্কো সেতপুপ্ফকে;

পূতিলতা গল়োচী চ, মুব্বা মধুরসা প্যথ.

৫৮২.

কপিকচ্ছু দুফস্সো থ, মঞ্জিট্ঠা ৰিকসা ভৰে;

অম্বট্ঠা চ তথা পাঠা, কটুকা কটুরোহিণী.

৫৮৩.

অপামগ্গো ¶ সেখরিকো, পিপ্পলী মাগধী মতা;

গোকণ্টকো চ সিঙ্ঘাটো, কোলৰল্লী’ভপিপ্পলী.

৫৮৪.

গোলোমী তু ৰচা চাথ, গিরিকণ্য’পরাজিতা;

সীহপুচ্ছী পঞ্হিপণ্ণী, সালপণ্ণী তু চ’ত্থিরা; (চথিরা).

৫৮৫.

নিদিদ্ধিকা তু ব্যগ্ঘী চ, অথ নীলী চ নীলিনী;

জিঞ্জুকো [জিঞ্জুকা (ক.)] চেৰ গুঞ্জা থ, সতমূলী সতাৰরী.

৫৮৬.

মহোসধং ত্ৰ’তিৰিসা, বাকুচী সোমৰল্লিকা;

দাব্বী দারুহলিদ্দা থ, বিল়ঙ্গং চিত্রতণ্ডুলা.

৫৮৭.

নুহী চেৰ মহানামো, মুদ্দিকা তু মধুরসা;

অথাপি মধুকং যট্ঠি, মধুকামধুযট্ঠিকা [মধুলট্ঠিকা (সী. টী.)].

৫৮৮.

ৰাতিঙ্গণো চ ভণ্ডাকী, ৰাত্তাকী ব্রহতী প্যথ;

নাগবলা চেৰ ঝসা, লাঙ্গলী তু চ সারদী.

৫৮৯.

রম্ভা চ কদলী মোচো, কপ্পাসী বদরা ভৰে;

নাগলতা তু তম্বূলী, অগ্গিজালা তু ধাতকী.

৫৯০.

তিৰুতা তিপুটা চাথ, সামা কাল়া চ কথ্যতে;

অথো সিঙ্গী চ উসভো, রেণুকা কপিল়া ভৰে.

৫৯১.

হিরিৰেরঞ্চ ৰালঞ্চ, রত্তফলা তু বিম্বিকা;

সেলেয্য’ মস্মপুপ্ফঞ্চ, এলা তু বহুলা ভৰে.

৫৯২.

কুট্ঠঞ্চ ব্যাধি কথিতো, ৰানেয্যং তু কুটন্নটং;

ওসধি জাতিমত্তম্হি, ওসধং সব্ব’ মজাতিযং.

৫৯৩.

মূলং পত্তং কল়ীর’গ্গং, কন্দং মিঞ্জা ফলং তথা;

তচো পুপ্ফঞ্চ ছত্তন্তি, সাকং দসৰিধং মতং.

৫৯৪.

পপুন্নাটো এল়গলো,

তণ্ডুলেয্যো’প্পমারিসো;

জীৰন্তি জীৰনী চাথ, মধুরকো চ জীৰকো.

৫৯৫.

মহাকন্দো চ লসুণং, পলণ্ডু তু সুকন্দকো;

পটোলো তিত্তকো চাথ, ভিঙ্গরাজো চ মক্কৰো.

৫৯৬.

পুনন্নৰা ¶ সোথঘাতী, ৰিতুন্নং সুনিসণ্ণকং;

কারৰেল্লো তু সুসৰী, তুম্ব্যা’লাবু চ লাবু সা.

৫৯৭.

এল়ালুকঞ্চ কক্কারী, কুম্ভণ্ডো তু চ ৰল্লিভো;

ইন্দৰারুণী ৰিসালা, ৰত্থুকং ৰত্থুলেয্যকো.

৫৯৮.

মূলকো নিত্থিযং চুচ্চু, তম্বকো চ কলম্বকো;

সাকভেদা কাসমদ্দ, ঝজ্ঝরী ফগ্গৰা’দযো.

৫৯৯.

সদ্দলো চেৰ দুব্বা চ, গোলোমী সা সিতা ভৰে;

গুন্দা চ ভদ্দমুত্তঞ্চ, রসালো তু’চ্ছু ৰেল়ু তু.

৬০০.

তচসারো ৰেণু ৰংসো, পব্বং তু ফলু গণ্ঠিসো;

কীচকা তে সিযুং ৰেণূ, যে নদন্ত্যা’নিলদ্ধুতা.

৬০১.

নল়ো চ ধমনো পোট, গলো তু কাস মিত্থি ন;

তেজনো তু সরো, মূলং, তূ’ সীরং বীরণস্স হি.

৬০২.

কুসো ৰরহিসং দব্বো, ভূতিণকং তু ভূতিণং;

ঘাসো তু যৰসো চাথ,

পূগো তু কমুকো ভৰে.

৬০৩.

তালো ৰিভেদিকা চাথ, খজ্জুরী সিন্দি ৰুচ্চতি;

৬০৪.

হিন্তাল, তাল, খজ্জূরী, নালিকেরা তথেৰ চ;

তালী চ কেতকী নারী, পূগো চ তিণপাদপাতি.

ইতি অরঞ্ঞৰগ্গো.

৬. অরঞ্ঞাদিৰগ্গ

৬০৫.

পব্বতো গিরি সেলো’দ্দি, নগা’চল, সিলুচ্চযা;

সিখরী ভূধরোথ ব্ভ, পাসাণা’স্মো’পলো সিলা.

৬০৬.

গিজ্ঝকূটো চ ৰেভারো, ৰেপুল্লো’সিগিলী নগা;

ৰিঞ্ঝো পণ্ডৰ ৰঙ্কাদী, পুব্বসেলো তু চো’দযো;

মন্দরো পরসেলো’ত্থো, হিমৰা তু হিমাচলো.

৬০৭.

গন্ধমাদন কেলাস, চিত্তকূট সুদস্সনা;

কালকূটো তিকূটা’স্স, পত্থো তু সানু নিত্থিযং.

৬০৮.

কূটো ¶ ৰা সিখরং সিঙ্গং, পপাতো তু তটো ভৰে;

নিতম্বো কটকো নিত্থী, নিজ্ঝরো পসৰো’ম্বুনো.

৬০৯.

দরী’ত্থী কন্দরো দ্ৰীসু, লেণং তু গব্ভরং গুহা;

সিলাপোক্খরণী সোণ্ডী, কুঞ্জং নিকুঞ্জ মিত্থি ন.

৬১০.

উদ্ধ মধিচ্চকা সেল, স্সাসন্না ভূম্যু পচ্চকা;

পাদো তু’পন্তসেলো থ,

ধাতু’ত্তো গেরিকাদিকো.

ইতি সেলৰগ্গো.

৬১১.

মিগিন্দো কেসরী সীহো, তরচ্ছো তু মিগাদনো;

ব্যগ্ঘো তু পুণ্ডরীকো থ, সদ্দূলো দীপিনী’রিতো.

৬১২.

অচ্ছো ইক্কো চ ইস্সো তু,

কাল়সীহো ইসো প্যথ;

রোহিসো রোহিতো চাথ,

গোকণ্ণো গণি কণ্টকা.

৬১৩.

খগ্গ খগ্গৰিসাণা তু, পলাসাদো চ গণ্ডকো;

ব্যগ্ঘাদিকে ৰাল়মিগো, সাপদো থ প্লৰঙ্গমো.

৬১৪.

মক্কটো ৰানরো সাখা, মিগো কপি ৰলীমুখো;

পলৰঙ্গো, কণ্হতুণ্ডো,

গোনঙ্গুলো [গোনঙ্গলো (টী.)] তি সো মতো.

৬১৫.

সিঙ্গালো [সিগালো (সী.)] জম্বুকো কোত্থু, ভেরৰো চ সিৰা প্যথ;

বিল়ারো বব্বু মঞ্জারো, কোকো তু চ ৰকো ভৰে.

৬১৬.

মহিংসো [মহিসো (সী.)] চ লুলাযো থ,

গৰজো গৰযো সমা;

সল্লো তু সল্লকো থা’স্স,

লোমম্হি সললং সলং.

৬১৭.

হরিণো মিগ সারঙ্গা, মগো অজিনযোনি চ;

সূকরো তু ৰরোহো থ,

পেলকো চ সসো ভৰে.

৬১৮.

এণেয্যো ¶ এণীমিগো চ, পম্পটকো তু পম্পকো;

ৰাতমিগো তু চলনী, মূসিকো ত্ৰা’খু উন্দুরো.

৬১৯.

চমরো পসদো চেৰ, কুরুঙ্গো মিগমাতুকা;

রুরু রঙ্কু চ নীকো চ, সরভাদী মিগন্তরা.

৬২০.

পিযকো চমূরু কদলী, মিগাদী চম্মযোনযো;

মিগা তু পসৰো সীহা, দযো সব্বচতুপ্পদা.

৬২১.

লূতা তু লূতিকা উণ্ণ, নাভি মক্কটকো সিযা;

ৰিচ্ছিকো ত্ৰা’ল়ি কথিতো, সরবূ ঘরগোল়িকা.

৬২২.

গোধা কুণ্ডো প্যথো কণ্ণ, জলূকা সতপদ্যথ;

কলন্দকো কাল়কা থ, নকুলো মঙ্গুসো ভৰে.

৬২৩.

ককণ্টকো চ সরটো, কীটো তু পুল়ৰো কিমি;

পাণকো চাপ্যথো উচ্চা,

লিঙ্গো লোমসপাণকো.

৬২৪.

ৰিহঙ্গো ৰিহগো পক্খী, ৰিহঙ্গম খগ’ণ্ডজা;

সকুণো চ সকুন্তো ৰি, পতঙ্গো সকুণী দ্ৰিজো.

৬২৫.

ৰক্কঙ্গো পত্তযানো চ, পতন্তো নীল়জো ভৰে;

তব্ভেদা ৰট্টকা জীৰ, ঞ্জীৰো চকোর তিত্তিরা.

৬২৬.

সাল়িকা করৰীকো চ, রৰিহংসো কুকুত্থকো;

কারণ্ডৰো চ পিলৰো [বিলৰো (টী.)], পোক্খরসাতকা’দযো.

৬২৭.

পতত্তং পেখুণং পত্তং, পক্খো পিঞ্ছং ছদো গরু;

অণ্ডং তু পক্খিবীজে থ, নীল়ো নিত্থী কুলাৰকং.

৬২৮.

সুপণ্ণমাতা ৰিনতা, মিথুনং থীপুমদ্ৰযং;

যুগং তু যুগলং দ্ৰন্দং, যমকং যমলং যমং.

৬২৯.

সমূহো গণ সঙ্ঘাতা, সমুদাযো চ সঞ্চযো;

সন্দোহো নিৰহো ওঘো, ৰিসরো নিকরো চযো.

৬৩০.

কাযো খন্ধো সমুদযো, ঘটা সমিতি সংহতি;

রাসি পুঞ্জো সমৰাযো, পূগো জাতং কদম্বকং.

৬৩১.

ব্যূহো ¶ ৰিতান গুম্বা চ, কলাপো জাল মণ্ডলং;

সমানানং গণো ৰগ্গো,

সঙ্ঘো সত্থো তু জন্তুনং.

৬৩২.

সজাতিকানং তু কুলং, নিকাযো তু সধম্মিনং;

যূথো নিত্থী সজাতিয, তিরচ্ছানানমুচ্চতে.

৬৩৩.

সুপণ্ণো ৰেনতেয্যো চ, গরুল়ো ৰিহগাধিপো;

পরপুট্ঠো পরভতো, কুণালো কোকিলো পিকো.

৬৩৪.

মোরো মযূরো ৰরহী, নীলগীৰ সিখণ্ডিনো;

কলাপী চ সিখী কেকী, চূল়া তু চ সিখা ভৰে.

৬৩৫.

সিখণ্ডো ৰরহঞ্চেৰ, কলাপো পিঞ্ছ মপ্যথ;

চন্দকো মেচকো চাথ, ছপ্পদো চ মধুব্বতো.

৬৩৬.

মধুলীহো মধুকরো, মধুপো ভমরো অলি;

পারাৰতো কপোতো চ, ককুটো চ পারেৰতো.

৬৩৭.

গিজ্ঝো গদ্ধোথ কুললো, সেনো ব্যগ্ঘীনসো প্যথ;

তব্ভেদা সকুণগ্ঘি’ত্থী, আটো দব্বিমুখদ্ৰিজো.

৬৩৮.

উহুঙ্কারো উলূকো চ, কোসিযো ৰাযসারি চ;

কাকো ত্ৰ’রিট্ঠো ধঙ্কো চ, বলিপুট্ঠো চ ৰাযসো.

৬৩৯.

কাকোলো ৰনকাকো থ,

লাপো লটুকিকা প্যথ;

ৰারণো হত্থিলিঙ্গো চ, হত্থিসোণ্ডৰিহঙ্গমো.

৬৪০.

উক্কুসো কুররো কোল,ট্ঠিপক্খিম্হি চ কুক্কুহো;

সুৰো তু কীরো চ সুকো, তম্বচূল়ো তু কুক্কুটো.

৬৪১.

ৰনকুক্কুটো চ নিজ্জিৰ্হো, অথ কোঞ্চা চ কুন্তনী;

চক্কৰাকো তু চক্কৰ্হো, সারঙ্গোতু চ চাতকো.

৬৪২.

তুলিযো পক্খিবিল়ালো,

সতপত্তো তু সারসো;

বকো তু সুক্ককাকোথ,

বলাকা ৰিসকণ্ঠিকা.

৬৪৩.

লোহপিট্ঠো তথা কঙ্কো, খঞ্জরীটো তু খঞ্জনো;

কলৰিঙ্কো তু চাটকো, দিন্দিভো তু কিকী ভৰে.

৬৪৪.

কাদম্বো ¶ কাল়হংসোথ, সকুন্তো ভাসপক্খিনি;

ধূম্যাটো তু কলিঙ্গোথ,

দাত্যূহো কাল়কণ্ঠকো.

৬৪৫.

খুদ্দাদী মক্খিকাভেদা, ডংসো পিঙ্গলমক্খিকা;

আসাটিকা মক্খিকাণ্ডং, পতঙ্গো সলভো ভৰে.

৬৪৬.

সূচিমুখো চ মকসো, চীরী তু ঝল্লিকা [ঝিল্লিকা (ক.)] থ চ;

জতুকা জিনপত্তা থ, হংসো সেতচ্ছদো ভৰে.

৬৪৭.

তে রাজহংসা রত্তেহি, পাদতুণ্ডেহি ভাসিতা;

মল্লিকা’খ্যা ধতরট্ঠা, মলীনেহ্য’সিতেহি চ.

৬৪৮. তিরচ্ছো তু তিরচ্ছানো, তিরচ্ছানগতো সিযাতি.

ইতি অরঞ্ঞাদিৰগ্গো.

৭. পাতালৰগ্গ

৬৪৯.

অধোভুৰনং পাতালং, নাগলোকো রসাতলং;

রন্ধং তু ৰিৰরং ছিদ্দং, কুহরং সুসিরং বিলং.

৬৫০.

সুসি’ত্থী ছিগ্গলং সোব্ভং, সচ্ছিদ্দে সুসিরং তিসু;

থিযং তু কাসু আৰাটো, সপ্পরাজা তু ৰাসুকী.

৬৫১.

অনন্তো নাগরাজা থ, ৰাহসো’জগরো ভৰে;

গোনসো তু তিলিচ্ছো থ,

দেড্ডুভো রাজুলো ভৰে.

৬৫২.

কম্বলো’স্সতরো মেরু, পাদে নাগাথ ধম্মনী;

সিলুত্তো ঘরসপ্পো থ, নীলসপ্পো সিলাভু চ.

৬৫৩.

আসিৰিসো ভুজঙ্গো’হি, ভুজগো চ ভুজঙ্গমো;

সরীসপো ফণী সপ্পা, লগদ্দা ভোগি পন্নগা.

৬৫৪.

দ্ৰিজিৰ্হো উরগো ৰাল়ো, দীঘো চ দীঘপিট্ঠিকো;

পাদূদরো ৰিসধরো, ভোগো তু ফণিনো তনু.

৬৫৫.

আসী’ত্থী ¶ সপ্পদাঠা থ, নিম্মোকো কঞ্চুকো সমা;

ৰিসং ত্ৰ’নিত্থী গরল়ং, তব্ভেদা ৰা হলাহলো.

৬৫৬.

কাল়কূটাদযো চাথ, ৰাল়গ্গাত্য’হিতুণ্ডিকো;

৬৫৭.

নিরযো দুগ্গতি’ত্থী চ, নরকো, সো মহা’ট্ঠধা;

সঞ্জীৰো কাল়সুত্তো চ, মহারোরুৰ রোরুৰা;

পতাপনো অৰীচি’ত্থী, সঙ্ঘাতো তাপনো ইতি.

৬৫৮.

থিযং ৰেতরণী লোহ, কুম্ভী তত্থ জলাসযা;

কারণিকো নিরযপো,

নেরযিকো তু নারকো.

৬৫৯.

অণ্ণৰো সাগরো সিন্ধু, সমুদ্দো রতনাকরো;

জলনিঝু’ দধি, তস্স, ভেদা খীরণ্ণৰাদযো.

৬৬০.

ৰেলা’স্স কূলদেসো থ,

আৰট্টো সলিলব্ভমো;

থেৰো তু বিন্দু ফুসিতং, ভমো তু জলনিগ্গমো.

৬৬১.

আপো পযো জলং ৰারি, পানীযং সলিলং দকং;

অণ্ণো নীরং ৰনং ৰালং, তোযং অম্বু’দকঞ্চ কং.

৬৬২.

তরঙ্গো চ তথা ভঙ্গো, ঊমি ৰীচি পুমিত্থিযং;

উল্লোলো তু চ কল্লোলো, মহাৰীচীসু কথ্যতে.

৬৬৩.

জম্বালো কললং পঙ্কো, চিক্খল্লং কদ্দমো প্যথ;

পুলিনং ৰালুকা ৰণ্ণু, মরূ’রু সিকতা ভৰে.

৬৬৪.

অন্তরীপঞ্চ দীপো ৰা, জলমজ্ঝগতং থলং;

তীরং তু কূলং রোধঞ্চ, পতীরঞ্চ তটং তিসু.

৬৬৫.

পারং পরম্হি তীরম্হি, ওরং ত্ৰ’পার মুচ্চতে;

উল়ুম্পো [উল়ুপো (ক.)] তু প্লৰো কুল্লো, তরো চ পচ্চরী’ত্থিযং.

৬৬৬.

তরণী তরি নাৰা চ, কূপকো তু চ কুম্ভকং;

পচ্ছাবন্ধো গোটৰিসো, কণ্ণধারো তু নাৰিকো.

৬৬৭.

অরিত্তং কেনিপাতো থ,

পোতৰাহো নিযামকো;

সংযত্তিকা তু নাৰায, ৰাণিজ্জমাচরন্তি যে.

৬৬৮.

নাৰায’ঙ্গা’ ¶ লঙ্কারো চ, ৰটাকারো ফিযাদযো;

পোতো পৰহনং ৰুত্তং, দোণি ত্ৰি’ত্থী তথা’ম্বণং [অম্মণং (সী.)].

৬৬৯.

গভীর নিন্ন গম্ভীরা, থো ত্তানং তব্বিপক্খকে;

অগাধং ত্ৰ’তলম্ফস্সং, অনচ্ছো কলুসা’ৰিলা.

৬৭০.

অচ্ছো পসন্নো ৰিমলো, গভীরপ্পভুতী তিসু;

ধীৰরো মচ্ছিকো মচ্ছ, বন্ধ কেৰট্ট জালিকা.

৬৭১.

মচ্ছো মীনো জলচরো, পুথুলোমো’ম্বুজো ঝসো;

রোহিতো মগ্গুরো সিঙ্গী, বলজো মুঞ্জ পাৰুসা.

৬৭২.

সত্তৰঙ্কো সৰঙ্কো চ, নল়মীনো চ গণ্ডকো;

সুসুকা সফরী মচ্ছ, প্পভেদা মকরাদযো.

৬৭৩.

মহামচ্ছা তিমি তিমি, ঙ্গলো তিমিরপিঙ্গলো;

আনন্দো তিমিনন্দো চ, অজ্ঝারোহো মহাতিমি.

৬৭৪.

পাসাণমচ্ছো পাঠীনো, ৰঙ্কো তু বল়িসো ভৰে;

সুসুমারো [সংসুমারো (টী.), সুংসুমারো (সী.)] তু কুম্ভীলো,

নক্কো কুম্মো তু কচ্ছপো.

৬৭৫.

কক্কটকো কুল়ীরো চ, জলূকা তু চ রত্তপা;

মণ্ডূকো দদ্দুরো ভেকো;

গণ্ডুপ্পাদো মহীলতা.

৬৭৬.

অথ সিপ্পী চ সুত্তি’ত্থী, সঙ্খে তু কম্বু’নিত্থিযং;

খুদ্দসঙ্খ্যে সঙ্খনখো, জলসুত্তি চ সম্বুকো.

৬৭৭.

জলাসযো জলাধারো, গম্ভীরো রহদো থ চ;

উদপানো পানকূপো, খাতং পোক্খরণী’ত্থিযং.

৬৭৮.

তল়াকো চ সরো’নিত্থী, ৰাপী চ সরসী’ত্থিযং;

দহো’ম্বুজাকরো চাথ, পল্ললং খুদ্দকো সরো.

৬৭৯.

অনোতত্তো তথা কণ্ণ, মুণ্ডো চ রথকারকো;

ছদ্দন্তো চ কুণালো চ, ৰুত্তা মন্দাকিনী’ত্থিযং.

৬৮০.

তথা সীহপ্পপাতোতি, এতে সত্ত মহাসরা;

আহাৰো তু নিপানঞ্চা, খাতং তু দেৰখাতকং.

৬৮১.

সৰন্তী ¶ নিন্নগা সিন্ধু, সরিতা আপগা নদী;

ভাগীরথী তু গঙ্গা থ, সম্ভেদো সিন্ধুসঙ্গমো.

৬৮২.

গঙ্গা’চিরৰতী চেৰ, যমুনা সরভূ (সরবূ [সরযূ (ক.)] ) মহী;

ইমা মহানদী পঞ্চ, চন্দভাগা সরস্সতী [সরস্ৰতী (সী. টী.)].

৬৮৩.

নেরঞ্জরা চ কাৰেরী, নম্মদাদী চ নিন্নগা;

ৰারিমগ্গো পণালী’ত্থী [পনাল়ী (টী.)], পুমে চন্দনিকা তু চ.

৬৮৪.

জম্বালী ওলিগল্লো চ, গামদ্ৰারম্হি কাসুযং;

সরোরুহং সতপত্তং, অরৰিন্দঞ্চ ৰারিজং.

৬৮৫.

অনিত্থী পদুমং পঙ্কে, রুহং নলিন পোক্খরং;

মুল়ালপুপ্ফং কমলং, ভিসপুপ্ফং কুসেসযং.

৬৮৬.

পুণ্ডরীকং সিতং, রত্তং, কোকনদং কোকাসকো;

কিঞ্জক্খো কেসরো নিত্থী, দণ্ডো তু নাল মুচ্চতে.

৬৮৭.

ভিসং মুল়ালো নিত্থী চ, বীজকোসো তু কণ্ণিকা;

পদুমাদিসমূহে তু, ভৰে সণ্ডমনিত্থিযং.

৬৮৮.

উপ্পলং কুৰলযঞ্চ, নীলং ত্ৰি’ন্দীৰরং সিযা;

সেতেতু কুমুদঞ্চস্স, কন্দো সালূক মুচ্চতে.

৬৮৯.

সোগন্ধিকং কল্লহারং, দকসীতলিকং প্যথ;

সেৰালো নীলিকা চাথ, ভিসিন্য’ম্বুজিনী ভৰে.

৬৯০. সেৰালা তিলবীজঞ্চ, সঙ্খে চ পণকাদযোতি.

ইতি পাতালৰগ্গো.

ভূকণ্ডো দুতিযো.

৩. সামঞ্ঞকণ্ড

১. ৰিসেস্যাধীনৰগ্গ

৬৯১.

ৰিসেস্যাধীন সংকিণ্ণা, নেকত্থেহ্য’ব্যযেহি চ;

সা’ঙ্গো’পাঙ্গেহি কথ্যন্তে, কণ্ডে ৰগ্গা ইহ ক্কমা.

৬৯২.

গুণদব্বক্রিযাসদ্দা, ¶ সিযুং সব্বে ৰিসেসনা;

ৰিসেস্যাধীনভাৰেন, ৰিসেস্যসমলিঙ্গিনো.

৬৯৩.

সোভনং রুচিরং সাধু, মনুঞ্ঞং চারু সুন্দরং;

ৰগ্গু মনোরমং কন্তং, হারী মঞ্জু চ পেসলং.

৬৯৪.

ভদ্দং ৰামঞ্চ কল্যাণং, মনাপং লদ্ধকং সুভং;

উত্তমো পৰরো জেট্ঠো, পমুখা’নুত্তরো ৰরো.

৬৯৫.

মুখ্যো পধানং পামোক্খো, পর মগ্গঞ্ঞ মুত্তরং;

পণীতং পরমং সেয্যো, গামণী সেট্ঠ সত্তমা.

৬৯৬.

ৰিসিট্ঠা’রিয নাগে’কো, সভগ্গা মোক্খ পুঙ্গৰা;

সীহ কুঞ্জর সদ্দূলা, দী তু সমাসগা পুমে.

৬৯৭.

চিত্ত’ক্খি পীতিজনন, মব্যাসেক মসেচনং;

ইট্ঠং তু সুভগং হজ্জং, দযিতং ৰল্লভং পিযং.

৬৯৮.

তুচ্ছঞ্চ রিত্তকং সুঞ্ঞং, অথা’সারঞ্চ ফেগ্গু চ;

মেজ্ঝং পূতং পৰিত্তো থ, অৰিরদ্ধো অপণ্ণকো.

৬৯৯.

উক্কট্ঠো চ পকট্ঠো থ, নিহীনো হীন লামকা;

পতিকিট্ঠং নিকিট্ঠঞ্চ, ইত্তরা’ৰজ্জ কুচ্ছিতা.

৭০০.

অধমো’মক গারয্হা,

মলীনো তু মলীমসো;

ব্রহা মহন্তং ৰিপুলং, ৰিসালং পুথুলং পুথু.

৭০১.

গরু’রু ৰিত্থিণ্ণ মথো, পীনং থূলঞ্চ পীৰরং;

থুল্লঞ্চ ৰঠরঞ্চা থ, আচিতং নিচিতং ভৰে.

৭০২.

সব্বং সমত্ত মখিলং, নিখিলং সকলং তথা;

নিস্সেসং কসিণা’সেসং, সমগ্গঞ্চ অনূনকং,

৭০৩.

ভূরি পহুতং পচুরং, ভিয্যো সম্বহুলং বহু;

যেভুয্যং বহুলং চাথ, বাহিরং পরিবাহিরং.

৭০৪.

পরোসতাদী তে, যেসং, পরং মত্তং সতাদিতো;

পরিত্তং সুখুমং খুদ্দং, থোক মপ্পং কিসং তনু.

৭০৫.

চুল্লং মত্তে’ত্থিযং লেস,

লৰা’ণুহি কণো পুমে;

সমীপং নিকটা’সন্নো, পকট্ঠা’ভ্যাস সন্তিকং.

৭০৬.

অৰিদূরঞ্চ ¶ সামন্তং, সন্নিকট্ঠ মুপন্তিকং;

সকাসং অন্তিকং ঞত্তং, দূরং তু ৰিপ্পকট্ঠকং.

৭০৭.

নিরন্তরং ঘনং সন্দং, ৰিরল়ং পেলৰং তনু;

অথা যতং দীঘ মথো, নিত্তলং ৰট্ট ৰট্টুলং.

৭০৮.

উচ্চো তু উন্নতো তুঙ্গো, উদগ্গো চেৰ উচ্ছিতো;

নীচো রস্সো ৰামনো থ, অজিম্হো পগুণো উজু.

৭০৯.

অল়ারং ৰেল্লিতং ৰঙ্কং, কুটিলং জিম্হ কুঞ্চিতং;

ধুৰো চ সস্সতো নিচ্চো, সদাতন সনন্তনা.

৭১০.

কূটট্ঠো ত্ৰে’করূপেন, কালব্যাপী পকাসিতো;

লহু সল্লহুকং চাথ, সঙ্খ্যাতং গণিতং মিতং.

৭১১.

তিণ্হং তু তিখিণং তিব্বং, চণ্ডং উগ্গং খরং ভৰে;

জঙ্গমঞ্চ চরঞ্চেৰ, তসং ঞেয্যং চরাচরং.

৭১২.

কম্পনং চলনং চাথ, অতিরিত্তো তথা’ধিকো;

থাৰরো জঙ্গমা অঞ্ঞো, লোলং তু চঞ্চলং চলং.

৭১৩.

তরলঞ্চ পুরাণো তু, পুরাতন সনন্তনা;

চিরন্তনো থ পচ্চগ্ঘো, নূতনো’ভিনৰো নৰো.

৭১৪.

কুরূরং কঠিনং দল়্হং, নিট্ঠুরং কক্খল়ং ভৰে;

অনিত্থ্য’ন্তো পরিযন্তো, পন্তো চ পচ্ছিম’ন্তিমা.

৭১৫.

জিঘঞ্ঞং চরিমং পুব্বং, ত্ৰ’গ্গং পঠম মাদি সো;

পতিরূপো নুচ্ছৰিকং, অথ মোঘং নিরত্থকং.

৭১৬.

ব্যত্তং পুট [ফুটং (সী.)] ঞ্চ মুদু তু, সুকুমারঞ্চ কোমলং;

পচ্চক্খং ইন্দ্রিযগ্গয্হং, অপচ্চক্খং অতিন্দ্রিযং.

৭১৭.

ইতরা’ঞ্ঞতরো একো, অঞ্ঞো বহুৰিধো তু চ;

নানারূপো চ ৰিৰিধো, অবাধং তু নিরগ্গলং.

৭১৮.

অথে’কাকী চ একচ্চো, একো চ এককো সমা;

সাধারণঞ্চ সামঞ্ঞং, সম্বাধো তু চ সংকটং.

৭১৯.

ৰামং কল়েৰরং সব্যং; অপসব্যং তু দক্খিণং;

পটিকূলং ত্ৰ’পসব্যং, গহনং কলিলং সমা.

৭২০.

উচ্চাৰচং ¶ বহুভেদং, সংকিণ্ণা’ কিণ্ণ সংকুলা;

কতহত্থো চ কুসলো, পৰীণা’ভিঞ্ঞ সিক্খিতা.

৭২১.

নিপুণো চ পটু ছেকো, চাতুরো দক্খ পেসলা;

বালো দত্তু জলো মূল়্হো, মন্দো ৰিঞ্ঞূ চ বালিসো.

৭২২.

পুঞ্ঞৰা সুকতী ধঞ্ঞো, মহুস্সাহো মহাধিতি;

মহাতণ্হো মহিচ্ছো থ, হদযী হদযালু চ.

৭২৩.

সুমনো হট্ঠচিত্তো থ, দুম্মনো ৰিমনো প্যথ;

ৰদানিযো ৰদঞ্ঞূ চ, দানসোণ্ডো বহুপ্পদো.

৭২৪.

খ্যাতো পতীতো পঞ্ঞাতো,

ভিঞ্ঞাতো পথিতো সুতো,

ৰিস্সুতো ৰিদিতো চেৰ, পসিদ্ধো পাকটো ভৰে.

৭২৫.

ইস্সরো নাযকো সামী, পতী’সা’ধিপতী পভূ;

অয্যা’ধিপা’ধিভূ নেতা,

ইব্ভো ত্ৰ’ড্ঢো তথা ধনী.

৭২৬.

দানারহো দক্খিণেয্যো, সিনিদ্ধো তু চ ৰচ্ছলো;

পরিক্খকো কারণিকো,

আসত্তো তু চ তপ্পরো.

৭২৭.

কারুণিকো দযালুপি, সূরতো উস্সুকো তু চ;

ইট্ঠত্থে উয্যুতো চাথ, দীঘসুত্তো চিরক্রিযো.

৭২৮.

পরাধীনো পরাযত্তো, আযত্তো তু চ সন্তকো;

পরিগ্গহো অধীনো চ, সচ্ছন্দো তু চ সেরিনি.

৭২৯.

অনিসম্মকারী জম্মো, অতিতণ্হো তু লোলুপো;

গিদ্ধো তু লুদ্ধো লোলো থ,

কুণ্ঠো মন্দো ক্রিযাসু হি.

৭৩০.

কামযিতা তু কমিতা, কামনো কামি কামুকো;

সোণ্ডো মত্তো ৰিধেয্যো তু,

অস্সৰো সুব্বচো সমা.

৭৩১.

পগব্ভো ¶ পটিভাযুত্তো, ভীসীলো ভীরু ভীরুকো;

অধীরো [অৰীরো (টী.)] কাতরো চাথ,

হিংসাসীলো চ ঘাতুকো.

৭৩২.

কোধনো রোসনো [দোসনো (সী.)] কোপী,

চণ্ডো ত্ৰচ্চন্তকোধনো;

সহনো খমনো খন্তা, তিতিক্খৰা চ খন্তিমা.

৭৩৩.

সদ্ধাযুত্তো তু সদ্ধালু, ধজৰা তু ধজালু চ [লজ্জালুতু চ লজ্জৰা (ক.)];

নিদ্দালু নিদ্দাসীলো থ, ভস্সরো ভাসুরো ভৰে.

৭৩৪.

নগ্গো দিগম্বরো’ৰত্থো, ঘস্মরো তু চ ভক্খকো;

এল়মূগো তু ৰত্তুঞ্চ, সোতুং চা’কুসলো ভৰে.

৭৩৫.

মুখরো দুম্মুখা’বদ্ধ, মুখা চাপ্পিযৰাদিনি;

ৰাচালো বহুগারয্হ, ৰচে ৰত্তা তু সো ৰদো.

৭৩৬.

নিজো সকো অত্তনিযো,

ৰিম্হযো’চ্ছরিয’ব্ভুতো;

ৰিহত্থো ব্যাকুলো চাথ,

আততাযী ৰধুদ্যতো.

৭৩৭.

সীসচ্ছেজ্জম্হি ৰজ্ঝো থ, নিকতো চ সঠো’নুজু;

সূচকো পিসুণো কণ্ণে,

জপো ধুত্তো তু ৰঞ্চকো.

৭৩৮.

অনিসম্ম হি যো কিচ্চং, পুরিসো ৰধবন্ধনাদি মাচরতি;

অৰিনিচ্ছিতকারিত্তা, সোখলু চপলোতি ৰিঞ্ঞেয্যো.

৭৩৯.

খুদ্দো কদরিযো থদ্ধ, মচ্ছরী কপণো প্যথ;

অকিঞ্চনো দলিদ্দো চ, দীনো নিদ্ধন দুগ্গতা.

৭৪০.

অসম্ভাৰিতসম্পত্তং, কাকতালিয মুচ্চতে;

অথ যাচনকো অত্থী, যাচকো চ ৰনিব্বকো.

৭৪১.

অণ্ডজা পক্খিসপ্পাদী, নরাদী তু জলাবুজা;

সেদজা কিমিডংসাদী, দেৰাদী ত্ৰো’ পপাতিকা.

৭৪২.

জণ্ণুতগ্ঘো ¶ জণ্ণুমত্তো, কপ্পো তু কিঞ্চিদূনকে;

অন্তগ্গতং ভু পরিযা, পন্ন মন্তোগধো’গধা.

৭৪৩.

রাধিতো সাধিতো চাথ, নিপ্পক্কং কুথিতং ভৰে;

আপন্নো ত্ৰা’পদপ্পত্তো, ৰিৰসো ত্ৰৰসো ভৰে.

৭৪৪.

নুণ্ণো নুত্তা’ত্ত, খিত্তা চে’, রিতা ৰিদ্ধা থ কম্পিতো;

ধূতো আধূত চলিতা, নিসিতং তু চ তেজিতং.

৭৪৫.

পত্তব্বং গম্ম মাপজ্জং [আসজ্জং (ক.)], পক্কং পরিণতং সমা;

ৰেঠিতং তু ৰলযিতং, রুদ্ধং সংৰুত মাৰুতং.

৭৪৬.

পরিক্খিত্তঞ্চ নিৰুতং, ৰিসটং ৰিত্থতং ততং;

লিত্তো তু দিদ্ধো গূল়্হো তু,

গুত্তো পুট্ঠো তু পোসিতো.

৭৪৭.

লজ্জিতো হীল়িতো চাথ, সনিতং ধনিতং প্যথ;

সন্দানিতো সিতো বদ্ধো,

কীলিতো সংযতো ভৰে.

৭৪৮.

সিদ্ধে নিপ্ফন্ন নিব্বত্তা, দারিতে ভিন্ন ভেদিতা;

ছন্নো তু ছাদিতে চাথ, ৰিদ্ধে ছিদ্দিত ৰেধিতা.

৭৪৯.

আহটো আভতা’নীতা,

দন্তো তু দমিতো সিযা;

সন্তো তু সমিতো চেৰ,

পুণ্ণো তু পূরিতো ভৰে.

৭৫০.

অপচাযিতো মহিতো, পূজিতা’রহিতো’চ্চিতো;

মানিতো চা’পচিতো চ, তচ্ছিতং তুতনূকতে.

৭৫১.

সন্তত্তো ধূপিতো চোপ,

চরিতো তু উপাসিতো;

ভট্ঠং তু গলিতং পন্নং, চুতঞ্চ ধংসিতং ভৰে.

৭৫২.

পীতো পমুদিতো হট্ঠো,

মত্তো তুট্ঠো থ কন্তিতো;

সঞ্ছিন্নো লূন দাতা থ,

পসত্থো ৰণ্ণিতো থুতো.

৭৫৩.

তিন্তো’ল্ল’দ্দ ¶ কিলিন্নো’ন্না, মগ্গিতং পরিযেসিতং;

অন্ৰেসিতং গৰেসিতং, লদ্ধং তু পত্ত মুচ্চতে.

৭৫৪.

রক্খিতং গোপিতং গুত্তং, তাতং গোপাযিতা’ৰিতা;

পালিতং অথ ওস্সট্ঠং, চত্তং হীনং সমুজ্ঝিতং.

৭৫৫.

ভাসিতং লপিতং ৰুত্তা, ভিহিতা’খ্যাত জপ্পিতা;

উদীরিতঞ্চ কথিতং, গদিতং ভণিতো’দিতা.

৭৫৬.

অৰঞ্ঞাতা’ৰগণিতা, পরিভূতা’ৰমানিতা;

জিঘচ্ছিতো তু খুদিতো,

ছাতো চেৰ বুভুক্খিতো.

৭৫৭.

বুদ্ধং ঞাতং পটিপন্নং, ৰিদিতা’ৰগতং মতং;

গিলিতো খাদিতো ভুত্তো,

ভক্খিতো’জ্ঝোহটা’সিতা.

ইতি ৰিসেস্যাধীনৰগ্গো.

২. সংকিণ্ণৰগ্গ

৭৫৮.

ঞেয্যং লিঙ্গ মিহ ক্ৰাপি, পচ্চযত্থৰসেন চ;

ক্রিযা তু কিরিযং কম্মং,

সন্তি তু সমথো সমো;

দমো চ দমথো দন্তি, ৰত্তং তু সুদ্ধকম্মনি;

অথো আসঙ্গৰচনং, তীসু ৰুত্তং পরাযণং.

৭৫৯.

ভেদো ৰিদারো ফুটনং, তপ্পনং তু চ পীণনং;

অক্কোসন মভিসঙ্গো,

ভিক্খা তু যাচনা’ত্থনা.

৭৬০.

নিন্নিমিত্তং যদিচ্ছা থা’, পুচ্ছনা নন্দনানি চ;

সভাজন মথো ঞাযো,

নযো ফাতি তু ৰুদ্ধিযং.

৭৬১.

কিলমথো কিলমনং, পসৰো তু পসূতিযং;

উক্কংসো ত্ৰতিসযো থ,

জযো চ জযনং জিতি.

৭৬২.

ৰসো ¶ কন্তি, ব্যধো ৰেধো,

গহো গাহো ৰরো ৰুতি;

পচা পাকো হৰো হুতি [হূভি (সী. অমরকোস)],

ৰেদো ৰেদন মিত্থি ৰা.

৭৬৩.

জীরণং জানি তাণং তু, রক্খণং পমিতিপ্পমা;

সিলেসো সন্ধি চ খযো,

ত্ৰপচযো রৰো রণো.

৭৬৪.

নিগাদো নিগদো মাদো, মদো পসিতি বন্ধনং;

আকরো ত্ৰিঙ্গিতং ইঙ্গো,

অথ’ত্থাপগমো ব্যযো.

৭৬৫.

অন্তরাযো চ পচ্চূহো,

ৰিকারো তু ৰিকত্য’পি;

পৰিসিলেসো ৰিধুরং, উপৰেসনমাসনং.

৭৬৬.

অজ্ঝাসযো অধিপ্পাযো, আসযো চাভিসন্ধি চ;

ভাৰো ধিমুত্তি ছন্দো থ,

দোসো আদীনৰো ভৰে.

৭৬৭.

আনিসংসো গুণো চাথ,

মজ্ঝং ৰেমজ্ঝ মুচ্চতে;

মজ্ঝন্হিকো [মজ্ঝন্তিকো (টী. সী. পী.)] তু মজ্ঝন্হো, ৰেমত্তং তু চ নানতা.

৭৬৮.

ৰা জাগরো জাগরিযং [জাগরিযো (টী.)], পৰাহো তু পৰত্তি চ;

ব্যাসো পপঞ্চো ৰিত্থারো,

যামো তু সংযমো যমো.

৭৬৯.

সম্বাহনং মদ্দনঞ্চ, পসরো তু ৰিসপ্পনং;

সন্থৰো তু পরিচযো,

মেলকো সঙ্গ সঙ্গমা.

৭৭০.

সন্নিধি সন্নিকট্ঠম্হি, ৰিনাসো তু অদস্সনং;

লৰো ভিলাৰো লৰনং,

পত্থাৰো’ৰসরো সমা.

৭৭১.

ওসানং ¶ পরিযোসানং, উক্কংসো’তিসযো ভৰে [অৰসানং সমাপনং (?)];

সন্নিৰেসো চ সণ্ঠানং, অথা’ব্ভন্তর মন্তরং.

৭৭২.

পাটিহীরং পাটিহেরং, পাটিহারিয মুচ্চতে;

কিচ্চং তু করণীযঞ্চ, সঙ্খারো ৰাসনা ভৰে.

৭৭৩.

পৰনং পৰ নিপ্পাৰা, তসরো সুত্তৰেঠনং;

সঙ্কমো দুগ্গসঞ্চারো, পক্কমো তু উপক্কমো.

৭৭৪.

পাঠো নিপাঠো নিপঠো, ৰিচযো মগ্গনা পুমে;

আলিঙ্গনং পরিস্সঙ্গো, সিলেসো উপগূহনং.

৭৭৫.

আলোকনঞ্চ নিজ্ঝানং, ইক্খণং দস্সনং প্যথ;

পচ্চাদেসো নিরসনং, পচ্চক্খানং নিরাকতি.

৭৭৬.

ৰিপল্লাসো’ঞ্ঞথাভাৰো, ব্যত্তযো ৰিপরীযযো;

ৰিপরিযাসো’তিক্কমো, ত্ৰ’তিপাতো উপচ্চযো.

ইতি সংকিণ্ণৰগ্গো.

৩. অনেকত্থৰগ্গ

৭৭৭.

অনেকত্থে পৰক্খামি, গাথা’দ্ধপাদতো কমা;

এত্থ লিঙ্গৰিসেসত্থ, মেকস্স পুনরুত্ততা.

৭৭৮.

সমযো সমৰাযে চ, সমূহে কারণে খণে;

পটিৰেধে সিযা কালে, পহানে লাভ দিট্ঠিসু.

৭৭৯.

ৰণ্ণো সণ্ঠান রূপেসু, জাতি,চ্ছৰীসু কারণে;

পমাণে চ পসংসাযং, অক্খরে চ যসে গুণে.

৭৮০.

উদ্দেসে পাতিমোক্খস্স, পণ্ণত্তিয মুপোসথো;

উপৰাসে চ অট্ঠঙ্গে, উপোসথদিনে সিযা.

৭৮১.

রথঙ্গে লক্খণে ধম্মো, রচক্কে’স্ৰীরিযাপথে;

চক্কং সম্পত্তিযং চক্ক, রতনে মণ্ডলে বলে.

৭৮২.

কুলালভণ্ডে আণায, মাযুধে দান রাসিসু;

৭৮৩.

দানস্মিং ¶ ব্রহ্মচরিয, মপ্পমঞ্ঞাসু সাসনে;

মেথুনারতিযং ৰেয্যা, ৰচ্চে সদারতুট্ঠিযং;

পঞ্চসীলা’রিযমগ্গো, পোসথঙ্গ ধিতীসু [ঠিতীসু (ক.)] চ.

৭৮৪.

ধম্মো সভাৰে পরিযত্তিপঞ্ঞা,

ঞাযেসু সচ্চপ্পকতীসু পুঞ্ঞে;

ঞেয্যে গুণা’চার সমাধিসূপি,

নিস্সত্ততা’পত্তিসু কারণাদো.

৭৮৫.

অত্থো পযোজনে সদ্দা, ভিধেয্যে ৰুদ্ধিযং ধনে;

ৰত্থুম্হি কারণে নাসে, হিতে পচ্ছিমপব্বতে.

৭৮৬.

যেভুয্যতা’ব্যামিস্সেসু, ৰিসংযোগে চ কেৰলং;

দল়্হত্থে’নতিরেকে চা, নৰসেসম্হি তং তিসু.

৭৮৭.

গুণো পটল রাসীসু, আনিসংসে চ বন্ধনে;

অপ্পধানে চ সীলাদো, সুক্কাদিম্হি জিযায চ.

৭৮৮.

রুক্খাদো ৰিজ্জমানে চা, রহন্তে খন্ধপঞ্চকে;

ভূতো সত্ত মহাভূতা, মনুস্সেসু ন নারিযং.

৭৮৯.

ৰাচ্চলিঙ্গো অতীতস্মিং, জাতে পত্তে সমে মতো;

৭৯০.

সুন্দরে দল়্হিকম্মে চা, যাচনে সম্পটিচ্ছনে;

সজ্জনে সম্পহংসাযং, সাধ্ৰা’ভিধেয্যলিঙ্গিকং.

৭৯১.

অন্তো নিত্থী সমীপে চা, ৰসানে পদপূরণে;

দেহাৰযৰে কোট্ঠাসে, নাস সীমাসু লামকে.

৭৯২.

নিকাযে সন্ধি সামঞ্ঞ, প্পসূতীসু কুলে ভৰে;

ৰিসেসে সুমনাযঞ্চ, জাতি সঙ্খতলক্খণে.

৭৯৩.

ভৰভেদে পতিট্ঠাযং, নিট্ঠা’জ্ঝাসযবুদ্ধিসু;

ৰাসট্ঠানে চ গমনে, ৰিসটত্তে [ৰিসরত্ত ৰিসদত্তে] গতীরিতা.

৭৯৪.

ফলে ৰিপস্সনা দিব্ব, চক্খু সব্বঞ্ঞুতাসু চ;

পচ্চৰেক্খণঞাণম্হি, মগ্গে চ ঞাণদস্সনং.

৭৯৫.

কম্মারুদ্ধন অঙ্গার, কপল্ল দীপিকাসু চ;

সুৰণ্ণকারমূসাযং, উক্কা ৰেগে চ ৰাযুনো.

৭৯৬.

কেসোহারণ, ¶ জীৰিত, ৰুত্তিসু ৰপনে চ ৰাপসমকরণে;

কথনে পমুত্তভাৰ, জ্ঝেনাদো [জ্ঝেসনাদো (সী.)] ৰুত্ত মপি তীসু.

৭৯৭.

গমনে ৰিস্সুতে চা’ৰ, ধারিতো’পচিতেসু চ;

অনুযোগে কিলিন্নে চ, সুতো’ ভিধেয্যলিঙ্গিকো.

৭৯৮.

সোতৰিঞ্ঞেয্য সত্থেসু, সুতং পুত্তে সুতো সিযা;

৭৯৯.

কপ্পো কালে যুগে লেসে, পঞ্ঞত্তি পরমাযুসু;

সদিসে তীসু সমণ, ৰোহার কপ্পবিন্দুসু;

সমন্তত্থে’ন্তরকপ্পা, দিকে তক্কে ৰিধিম্হি চ.

৮০০.

নিব্বান মগ্গ ৰিরতি, সপথে সচ্চভাসিতে;

তচ্ছে চা’রিযসচ্চম্হি, দিট্ঠিযং সচ্চ মীরিতং.

৮০১.

সঞ্জাতিদেসে হেতুম্হি, ৰাসট্ঠানা’করেসু চ;

সমোসরণট্ঠানে চা, যতনং পদপূরণে.

৮০২.

অন্তরং মজ্ঝ ৰত্থ’ঞ্ঞ, খণো’কাসো’ধি হেতুসু;

ব্যৰধানে ৰিনট্ঠে চ, ভেদে ছিদ্দে মনস্য’পি.

৮০৩.

আরোগ্যে কুসলং ইট্ঠ, ৰিপাকে কুসলো তথা;

অনৰজ্জম্হি ছেকে চ, কথিতো ৰাচ্চলিঙ্গিকো.

৮০৪.

দ্রৰা’চারেসু ৰীরিযে, মধুরাদীসু পারদে;

সিঙ্গারাদো ধাতুভেদে, কিচ্চে সম্পত্তিযং রসো.

৮০৫.

বোধি সব্বঞ্ঞুতঞ্ঞাণে, রিযমগ্গে চ নারিযং;

পঞ্ঞত্তিযং পুমে’ স্সত্থ, রুক্খম্হি পুরিসিত্থিযং.

৮০৬.

সেৰিতো যেন যো নিচ্চং, তত্থাপি ৰিসযো সিযা;

রূপাদিকে জনপদে, তথা দেসে চ গোচরে.

৮০৭.

ভাৰো পদত্থে সত্তায, মধিপ্পায ক্রিযাসু চ;

সভাৰস্মিঞ্চ লীলাযং, পুরিসি’ত্থিন্দ্রিযেসু চ.

৮০৮.

সো বন্ধৰে’ত্তনি চ সং, সো ধনস্মি মনিত্থিযং;

সা পুমে সুনখে ৰুত্তো, ত্তনিযে সো তিলিঙ্গিকো.

৮০৯.

সুৰণ্ণং কনকে ৰুত্তং, সুৰণ্ণো গরুল়ে তথা;

পঞ্চধরণমত্তে চ, ছৰি সম্পত্তিযম্পি চ.

৮১০.

ৰরো ¶ দেৰাদিকা [দেৰাদিতো (সী.)] ইট্ঠে, জামাতরি পতিম্হি চ,

উত্তমে ৰাচ্চলিঙ্গো সো, ৰরং মন্দপ্পিযে ব্যযং.

৮১১.

মকুলে ধনরাসিম্হি, সিযা কোস মনিত্থিযং;

নেত্তিংসাদি পিধানে চ, ধনুপঞ্চসতেপি চ.

৮১২.

পিতামহে জিনে সেট্ঠে, ব্রাহ্মণে চ পিতূস্ৰপি;

ব্রহ্মা ৰুত্তো তথা ব্রহ্মং, ৰেদে তপসি ৰুচ্চতে.

৮১৩.

হত্থীনং মজ্ঝবন্ধে চ, পকোট্ঠে কচ্ছবন্ধনে;

মেখলাযং মতা কচ্ছা, কচ্ছো ৰুত্তো লতায চ.

৮১৪.

তথেৰ বাহুমূলম্হি, অনূপম্হি তিণেপি চ;

৮১৫.

পমাণং হেতু সত্থেসু, মানে চ সচ্চৰাদিনি;

পমাতরি চ নিচ্চম্হি, মরিযাদায মুচ্চতে.

৮১৬.

সত্তং দব্ব’ত্তভাৰেসু, পাণেসু চ বলে, সিযা [বলে সক্কা (টী.)];

সত্তাযঞ্চ, জনেসত্তো, আসত্তে সো তিলিঙ্গিকো.

৮১৭.

সেম্হাদো রসরত্তাদো, মহাভূতে পভাদিকে;

ধাতু দ্ৰীস্ৰ’ট্ঠিচক্খা’দি, ভ্ৰা’দীসু গেরিকাদিসু.

৮১৮.

অমচ্চাদো সভাৰে চ, যোনিযং পকতী’রিতা;

সত্ৰাদিসাম্যা’ৰত্থাযং, পচ্চযা পঠমেপি চ.

৮১৯.

পদং ঠানে পরিত্তাণে, নিব্বানম্হি চ কারণে;

সদ্দে ৰত্থুম্হি কোট্ঠাসে, পাদে তল্লঞ্ছনে মতং.

৮২০.

লোহমুগ্গর মেঘেসু, ঘনো, তালাদিকে ঘনং,;

নিরন্তরে চ কঠিনে, ৰাচ্চলিঙ্গিক মুচ্চতে.

৮২১.

খুদ্দা চ মক্খিকাভেদে, মধুম্হি খুদ্দ, মপ্পকে;

অধমে কপণে চাপি, বহুম্হি চতূসু ত্তিসু.

৮২২.

তক্কে মরণলিঙ্গে চ, অরিট্ঠং অসুভে সুভে,;

অরিট্ঠো আসৰে কাকে, নিম্বে চ ফেনিলদ্দুমে.

৮২৩.

মানভণ্ডে পলসতে, সদিসত্তে তুলা তথা;

গেহানং দারুবন্ধত্থ, পীঠিকাযঞ্চ দিস্সতি.

৮২৪.

মিত্তকারে ¶ লঞ্জদানে, বলে রাসি ৰিপত্তিসু [বলরাসি ৰিপত্তিসু (ক.)];

যুদ্ধে চেৰ পটিঞ্ঞাযং, সঙ্গরো সম্পকাসিতো.

৮২৫.

খন্ধে ভৰে নিমিত্তম্হি, রূপং ৰণ্ণে চ পচ্চযে;

সভাৰ সদ্দ সণ্ঠান, রূপজ্ঝান ৰপূসু চ.

৮২৬.

ৰত্থু কিলেস কামেসু, ইচ্ছাযং মদনে রতে;

কামো, কামং নিকামে, চা, নুঞ্ঞাযং কাম মব্যযং.

৮২৭.

পোক্খরং পদুমে দেহে, ৰজ্জভণ্ডমুখেপি চ;

সুন্দরত্তে চ সলিলে, মাতঙ্গকরকোটিযং.

৮২৮.

রাসিনিচ্চল মাযাসু, দম্ভা’সচ্চেস্ৰ’যোঘনে;

গিরিসিঙ্গম্হি সীরঙ্গে, যন্তে কূট মনিত্থিযং.

৮২৯.

ৰুদ্ধিযং জননে কাম, ধাত্ৰাদীম্হি চ পত্তিযং;

সত্তাযঞ্চেৰ সংসারে, ভৰো সস্সতদিট্ঠিযং.

৮৩০.

পটিৰাক্যো’ত্তরাসঙ্গে, সু’ত্তরং উত্তরো তিসু;

সেট্ঠে দিসাদিভেদে চ, পরস্মি মুপরী’রিতো.

৮৩১.

নেক্খম্মং পঠমজ্ঝানে, পব্বজ্জাযং ৰিমুত্তিযং;

ৰিপস্সনায নিস্সেস, কুসলম্হি চ দিস্সতি.

৮৩২.

সঙ্খারো সঙ্খতে পুঞ্ঞা, ভিসঙ্খারাদিকেপি চ;

পযোগে কাযসঙ্খারা, দ্য’ভিসঙ্খরণেসু চ.

৮৩৩.

আরম্মণে চ সংসট্ঠে, ৰোকিণ্ণে নিস্সযে তথা;

তব্ভাৰে চাপ্যভিধেয্য, লিঙ্গো সহগতো ভৰে.

৮৩৪.

তীসু ছন্নং পতিরূপে, ছাদিতে চ নিগূহিতে;

নিৰাসন পারুপনে, রহো পঞ্ঞত্তিযং পুমে.

৮৩৫.

বুদ্ধসমন্তচক্খূসু, চক্খু পঞ্ঞায মীরিতং;

ধম্মচক্খুম্হি চ মংস, দিব্বচক্খুদ্ৰযেসু চ.

৮৩৬.

ৰাচ্চলিঙ্গো অভিক্কন্তো, সুন্দরম্হি অভিক্কমে;

অভিরূপে খযে ৰুত্তো, তথেৰ’ব্ভনুমোদনে.

৮৩৭.

কারণে দেসনাযঞ্চ, ৰারে ৰেৰচনেপি চ;

পাকারস্মিং [পকারস্মিং (ক.)] অৰসরে, পরিযাযো কথীযতি.

৮৩৮.

ৰিঞ্ঞাণে ¶ চিত্তকম্মে চ, ৰিচিত্তে চিত্ত মুচ্চতে;

পঞ্ঞত্তি চিত্তমাসেসু, চিত্তো, তারন্তরে থিযং.

৮৩৯.

সামং ৰেদন্তরে সান্ত্ৰে, তং পীতে সামলে তিসু;

সযমত্থে ব্যযং সামং, সামা চ সারিৰাযপি.

৮৪০.

পুমে আচরিযাদিম্হি, গরু [গুরু (ক. টী.)] মাতাপিতূস্ৰপি;

গরু তীসু মহন্তে চ, দুজ্জরা’লহুকেসু চ.

৮৪১.

অচ্চিতে ৰিজ্জমানে চ, পসত্থে সচ্চ সাধুসু;

খিন্নে চ সমিতে চেৰ, সন্তোভিধেয্যলিঙ্গিকোতি.

ইতি গাথাঅনেকত্থৰগ্গো.

৮৪২.

দেৰো ৰিসুদ্ধিদেৰা’দো, মেঘ মচ্চু নভেসু চ;

অথোপি তরুণে সত্তে, চোরেপি মাণৰো ভৰে.

৮৪৩.

আদি কোট্ঠাস কোটীসু, পুরতো’গ্গংৰরে তীসু;

পচ্চনীকো’ত্তমেস্ৰ’ঞ্ঞে, পচ্ছাভাগে পরো তিসু.

৮৪৪.

যোনি কাম সিরি’স্সরে, ধম্মু’য্যাম যসে ভগং;

উল়ারো তীসু ৰিপুলে, সেট্ঠে চ মধুরে সিযা.

৮৪৫.

সম্পন্নো তীসু সম্পুণ্ণে, মধুরে চ সমঙ্গিনি;

সঙ্খা তু ঞাণে কোট্ঠাস, পঞ্ঞত্তি গণনেসু চ.

৮৪৬.

ঠানং ইস্সরিযো’কাস, হেতূসু ঠিতিযম্পি চ;

অথো মানে পকারেচ, কোট্ঠাসেচ ৰিধো দ্ৰিসু.

৮৪৭.

পঞ্ঞো’পৰাস খন্তীসু, দমো ইন্দ্রিযসংৰরে;

ঞাণে চ সোমনস্সেচ, ৰেদো ছন্দসি চো’চ্চতে.

৮৪৮.

খন্ধকোট্ঠাস, পস্সাৰ, মগ্গ, হেতূসু যোনি সা [যোনি সো (টী.)];

কালে তু কূলে সীমাযং, ৰেলা রাসিম্হি ভাসিতা.

৮৪৯.

ৰোহারো সদ্দ পণ্ণত্তি, ৰণিজ্জা চেতনাসু চ;

নাগো তু’রগ হত্থীসু, নাগরুক্খে তথু’ত্তমে.

৮৫০.

সেট্ঠা’সহায সঙ্খ্যা’ঞ্ঞ,

তুল্যেস্ৰে’কোতিলিঙ্গিকো;

রাগে তু মানসো চিত্তা, রহত্তেসু চ মানসং.

৮৫১.

মূলং ¶ ভে সন্তিকে মূল, মূলে হেতুম্হি পাভতে;

রূপাদ্যং’স পকণ্ডেসু, খন্ধো রাসি গুণেসু চ.

৮৫২.

আরম্ভো ৰীরিযে কম্মে, আদিকম্মে ৰিকোপনে;

অথো হদযৰত্থুম্হি, চিত্তে চ হদযং উরে.

৮৫৩.

পচ্ছাতাপা’নুবন্ধেসু, রাগাদো’নুসযো ভৰে;

মাতঙ্গমুদ্ধপিণ্ডে তু, ঘটে কুম্ভো দসম্বণে.

৮৫৪.

পরিৰারো পরিজনে, খগ্গকোসে পরিচ্ছদে;

আলম্বরো তু সারম্ভে, ভেরিভেদে চ দিস্সতি.

৮৫৫.

খণো কালৰিসেসে চ, নিব্যাপারট্ঠিতিম্হি চ;

কুলে ত্ৰ’ভিজনো ৰুত্তো, উপ্পত্তিভূমিযম্পি চ.

৮৫৬.

আহারো কবল়ীকারা, হারাদীসু চ কারণে;

ৰিস্সাসে যাচনাযঞ্চ, পেমে চ পণযো মতো.

৮৫৭.

ণাদো সদ্ধা, চীৰরাদি, হেত্ৰা’ধারেসু পচ্চযো;

কীল়া দিব্বৰিহারাদো, ৰিহারো সুগতালযে.

৮৫৮.

সমত্থনে মতো চিত্তে, কগ্গতাযং সমাধি চ;

যোগো সঙ্গতি [সঙ্গে চ (টী.)] কামাদো,

ঝানো’পাযেসু যুত্তিযং.

৮৫৯.

ভোগো সপ্পফণ’ঙ্গেসু, কোটিল্লে ভুঞ্জনে ধনে;

ভূমিভাগে কিলেসে চ, মলে চা’ঙ্গণ মুচ্চতে.

৮৬০.

ধনাদিদপ্পে পঞ্ঞায, অভিমানো মতো থ চ;

অপদেসো নিমিত্তে চ, ছলে চ কথনে মতো.

৮৬১.

চিত্তে কাযে সভাৰে চ, সো অত্তা পরম’ত্তনি;

অথ গুম্বো চ থম্বস্মিং [থম্ভস্মিং (টী.)], সমূহে বলসজ্জনে.

৮৬২.

অন্তোঘরে কুসূলে চ, কোট্ঠো ন্তোকুচ্ছিযং প্যথ;

সোপানঙ্গম্হি উণ্হীসো, মকুটে সীসৰেঠনে.

৮৬৩.

নিয্যাসে সেখরে দ্ৰারে, নিয্যূহো নাগদন্তকে;

অথো সিখণ্ডে তূণীরে, কলাপো নিকরে মতো.

৮৬৪.

চূল়া সংযতকেসেসু, মকুটে মোল়ি চ দ্ৰিসু;

সঙ্খো ত্ৰ’নিত্থিযং কম্বু, নলাট’ট্ঠীসু [ললাটট্ঠীসু (সী.)] গোপ্ফকে.

৮৬৫.

পক্খো ¶ কালে বলে সাধ্যে, সখী ৰাজেসু পঙ্গুলে;

দেসে’ণ্ণৰে পুমে সিন্ধু, সরিতাযং স নারিযং.

৮৬৬.

গজে করেণু পুরিসে, সো হত্থিনিয মিত্থিযং;

রতনে ৰজিরো নিত্থী, মণিৰেধি’ন্দহেতিসু.

৮৬৭.

ৰিসাণং তীসু মাতঙ্গ, দন্তে চ পসুসিঙ্গকে;

কোটিযং তু মতো কোণো, তথা ৰাদিত্তৰাদনে.

৮৬৮.

ৰণিপ্পথে চ নগরে, ৰেদে চ নিগমো থ চ;

ৰিৰাদাদো’ ধিকরণং, সিযা’ধারে চ কারণে.

৮৬৯.

পসুম্হি ৰসুধাযঞ্চ, ৰাচাদো গো পুমিত্থিযং;

হরিতে তু সুৰণ্ণে চ, ৰাসুদেৰে হরী’রিতো.

৮৭০.

আযত্তে পরিৰারে চ, ভরিযাযং পরিগ্গহো;

উত্তংসো ত্ৰ’ ৰতংসো চ, কণ্ণপূরে চ সেখরে.

৮৭১.

ৰিজ্জুযং ৰজিরে চেৰা, সনি’ত্থিপুরিসে প্যথ;

কোণে সঙ্খ্যাৰিসেসস্মিং, উক্কংসে কোটি নারিযং.

৮৭২.

চূল়া জালা পধান’গ্গ, মোরচূল়াসু সা সিখা;

সপ্পদাঠায মাসী’ত্থী, ইট্ঠস্সা’সীসনাযপি.

৮৭৩.

ৰসা ৰিলীন তেলস্মিং, ৰসগা ৰঞ্ঝগাৰিসু;

অভিলাসে তু কিরণে, অভিসঙ্গে রুচি’ত্থিযং.

৮৭৪.

সঞ্ঞা সঞ্জাননে নামে, চেতনাযঞ্চ দিস্সতি;

অংসে সিপ্পে কলা কালে, ভাগে চন্দস্স সোল়সে.

৮৭৫.

বীজকোসে ঘরকূটে, কণ্ণভূসায কণ্ণিকা;

আগামিকালে দীঘত্তে, পভাৰে চ মতা’যতি.

৮৭৬.

উণ্ণা মেসাদিলোমে, চ, ভূমজ্ঝে রোমধাতুযং;

ৰারুণী ত্ৰিত্থিযং ৰুত্তা, নট্টকী মদিরাদিসু.

৮৭৭.

ক্রিযচিত্তে চ করণে, কিরিযং কম্মনি ক্রিযা;

সুনিসাযং তু কঞ্ঞায, জাযায চ ৰধূ মতা.

৮৭৮.

পমাণি’স্সরিযে মত্তা, অক্খরাৰযৰে’প্পকে;

সুত্তং পাৰচনে রিট্ঠে [সিদ্ধে (টী.)], তন্তে তং সুপিতে তিসু.

৮৭৯.

রাজলিঙ্গো’সভঙ্গেসু, ¶ রুক্খে চ ককুদো [ককুধো (টী. সী.)] প্যথ;

নিমিত্ত’ক্খর সূপেসু, ব্যঞ্জনং চিহনে পদে.

৮৮০.

ৰোহারে জেতু মিচ্ছাযং, কীল়াদো চাপি দেৰনং;

ভরিযাযং তু কেদারে, সরীরে খেত্ত মীরিতং.

৮৮১.

সুস্সূসাযঞ্চ ৰিঞ্ঞেয্যং, ইস্সাভ্যাসে প্যু’পাসনং;

সূলং তু নিত্থিযং হেতি, ভেদে সংকু রুজাসু চ.

৮৮২.

তন্তি ৰীণাগুণে, তন্তং, মুখ্যসিদ্ধন্ত তন্তুসু;

রথাদ্যঙ্গে তু চ যুগো, কপ্পম্হি যুগলে যুগং.

৮৮৩.

ইত্থিপুপ্ফে চ রেণুম্হি, রজো পকতিজে গুণে;

ন্যাসপ্পণে তু দানম্হি, নিয্যাতন মুদীরিতং.

৮৮৪.

গরু’পাযা’ৰতারেসু, তিত্থং পূতম্বু দিট্ঠিসু;

পণ্ডকে জোতি নক্খত্ত, রংসীস্ৰ’গ্গিম্হি জোতি সো.

৮৮৫.

কণ্ডো নিত্থী সরে দণ্ডে, ৰগ্গে চাৰসরে প্যথ;

উদ্ধংবাহুদ্ৰযমানে [বাহুদ্ৰযুম্মানে (সী. ক.)], সূরত্তেপি চ পোরিসং.

৮৮৬.

উট্ঠানং পোরিসে’হাসু, নিসিন্নাদ্যু’গ্গমে প্যথ;

অনিস্সযমহীভাগে, ত্ৰি’রীণং ঊসরে সিযা.

৮৮৭.

আরাধনং সাধনে চ, পত্তিযং পরিতোসনে;

পধানে তু চ সানুম্হি, ৰিসাণে সিঙ্গ মুচ্চতে.

৮৮৮.

দিট্ঠা’দিমগ্গে ঞাণ’ক্খি, ক্খণ লদ্ধীসু দস্সনং;

হেমে পঞ্চসুৰণ্ণে চ, নিক্খো নিত্থী পসাধনে.

৮৮৯.

তিথিভেদে চ সাখাদি, ফল়ুম্হি পব্ব মুচ্চতে;

নাগলোকে তু পাতালং, ভাসিতং বলৰামুখে.

৮৯০.

কামজে কোপজে দোসে, ব্যসনঞ্চ ৰিপত্তিযং;

অথো’পকরণে সিদ্ধি, কারকেসু চ সাধনং.

৮৯১.

তীস্ৰীরিতো [তীস্ৰিতো (টী.)] দানসীলে, ৰদঞ্ঞূ ৰগ্গুৰাদিনি;

পুরক্খতো ভিসিত্তে চ, পূজিতে পুরতোকতে.

৮৯২.

মন্দো ভাগ্যৰিহীনে চা, প্পকে মূল়্হা’পটূস্ৰপি;

ৰুদ্ধিযুত্তে সমুন্নদ্ধে, উপ্পন্নে উস্সিতং ভৰে.

৮৯৩.

রথঙ্গে’ক্খো ¶ সুৰণ্ণস্মিং, পাসকে, অক্খ মিন্দ্রিযে;

সস্সতে চ ধুৰো তীসু, ধুৰং তক্কে চ নিচ্ছিতে.

৮৯৪.

হরে সিৰো, সিৰং ভদ্দ, মোক্খেসু, জম্বুকে সিৰা;

সেনাযং সত্তিযঞ্চেৰ, থূলত্তে চ বলং ভৰে.

৮৯৫.

সঙ্খ্যা নরকভেদেসু, পদুমং ৰারিজে প্যথ;

দেৰভেদে ৰসু পুমে, পণ্ডকং রতনে ধনে.

৮৯৬.

নিব্বানং অত্থগমনে, অপৰগ্গে সিযা থ চ;

সেতম্বুজে পুণ্ডরীকং, ব্যগ্ঘে রুক্খন্তরে পুমে.

৮৯৭.

উপহারে বলি পুমে, করস্মিংচা’সুরন্তরে;

সুক্কং তু সম্ভৰে, সুক্কো, ধৰলে, কুসলে তিসু.

৮৯৮.

দাযো দানে ৰিভত্তব্ব, ধনে চ পিতুনং ৰনে [ধনে (টী.)];

পভুত্তা’যত্ততা’যত্তা’, ভিলাসেসু ৰসো ভৰে.

৮৯৯.

পরিভাসন মক্কোসে, নিযমে ভাসনে থ চ,

ধনম্হি সেল়নং যোধ, সীহনাদম্হি দিস্সতি.

৯০০.

পভৰো জাতিহেতুম্হি, ঠানে চাদ্যুপলদ্ধিযং;

অথো’তু নারিপুপ্ফস্মিং, হেমন্তাদিম্হি চ দ্ৰিসু.

৯০১.

করণং সাধকতমে, ক্রিযা গত্তেসু ইন্দ্রিযে;

তাতো [তাল়ো (সী.)] তু কুঞ্চিকাযঞ্চ, তূরিযঙ্গে দুমন্তরে.

৯০২.

পুপ্ফে ফলে চ পসৰো, উপ্পাদে গব্ভমোচনে;

গাযনে গাযকে অস্সে, গন্ধব্বো দেৰতান্তরে.

৯০৩.

ৰিনা পুপ্ফং ফলগ্গাহি, রুক্খে ৰনপ্পতি;

আহতে হেমরজতে, রূপিযং রজতেপি চ.

৯০৪.

খগাদিবন্ধনে পাসো, কেসপুব্বো চযে প্যথ;

তারা’ক্খিমজ্ঝে নক্খত্তে, তারো উচ্চতরস্সরে.

৯০৫.

পত্তে চ লোহভেদস্মিং, কংসো চতুকহাপণে;

মজ্ঝিমো দেহমজ্ঝস্মিং, মজ্ঝভৰে চ সো তিসু.

৯০৬.

আৰেসনংভূতাৰেসে, সিপ্পসালা ঘরেসু চ;

সোভা সম্পত্তীসু সিরী, লক্খীত্থী দেৰতায চ.

৯০৭.

কুমারো ¶ যুৰরাজে চ, খন্দে ৰুত্তো সুসুম্হি চ;

অথা’নিত্থী পৰাল়ো চ, মণিভেদে তথা’ঙ্কুরে.

৯০৮.

পণো ৰেতন মূলেসু, ৰোহারে চ ধনে মতো;

পটিগ্গহো তু গহণে, কথিতো ভাজনন্তরে.

৯০৯.

অসুভে চ সুভে কম্মে, ভাগ্যং ৰুত্তং দ্ৰযে প্যথ;

পিপ্ফলং তরুভেদে চ, ৰত্থচ্ছেদনসত্থকে.

৯১০.

অপৰগ্গো পরিচ্চাগা’, ৰসানেসু ৰিমুত্তিযং;

লিঙ্গং তু অঙ্গজাতস্মিং, পুমত্তাদিম্হি লক্খণে.

৯১১.

চাগে সভাৰে নিম্মানে, সগ্গো জ্ঝাযে দিৰেপ্যথ;

রোহিতো লোহিতে মচ্ছ, ভেদে চেৰ মিগন্তরে.

৯১২.

নিট্ঠা নিপ্ফত্তিযং চেৰা, ৰসানম্হি অদস্সনে;

কণ্টকো তু সপত্তস্মিং, রুক্খঙ্গে লোমহংসনে.

৯১৩.

মুখ্যো’পাযেসু ৰদনে, আদিস্মিং মুখ মীরিতং;

দব্বং ভব্বে গুণাধারে, ৰিত্তে চ বুধ দারুসু.

৯১৪.

মানং পমাণে পত্থাদো, মানো ৰুত্তো ৰিধায চ;

অথো পরিস্সমে ৰুত্তো, ৰাযামো ৰীরিযেপি চ.

৯১৫.

সরোরুহে সতপত্তং, সতপত্তো খগন্তরে;

ছিদ্দে তু ছিদ্দৰন্তে চ, সুসিরং তূরিযন্তরে.

৯১৬.

একস্মিং সদিসে সন্তে, সমানং ৰাচ্চলিঙ্গিকং;

অথো গারৰ ভীতীসু, সংৰেগে সম্ভমো মতো.

৯১৭.

জুণ্হা চন্দপ্পভাযঞ্চ, তদুপেতনিসায চ;

ৰিমানং দেৰতাৰাসে, সত্তভূমিঘরম্হি চ.

৯১৮.

মাসে জেট্ঠো, তিৰুদ্ধা’তি, প্পসত্থেসু চ তীসু সো;

ধম্মে চ মঙ্গলে সেয্যো, সো পসত্থতরে তিসু.

৯১৯.

আদিচ্চাদিম্হি গহণে, নিবন্ধে চ ঘরে গহো;

কাচো তু মত্তিকাভেদে, সিক্কাযং নযনামযে.

৯২০.

তীসু গামণি সেট্ঠস্মিং, অধিপে গামজেট্ঠকে;

বিম্বং তু পটিবিম্বে চ, মণ্ডলে বিম্বিকাফলে.

৯২১.

ভাজনাদি পরিক্খারে, ভণ্ডং মূলধনেপি চ;

মগ্গো ত্ৰরিযমগ্গে চ, সম্মাদিট্ঠাদিকে, পথে.

৯২২.

সমা ¶ ৰস্সে, সমো খেদ, সন্তীসু, সো নিভে তিসু;

চাপেত্ৰিস্সাস, মুসুনো, ইস্সাসো খেপকম্হি চ.

৯২৩.

বালো তীস্ৰা’দিৰযসা, সমঙ্গিনি অপণ্ডিতে;

রত্তং তু সোণিতে, তম্বা, নুরত্ত, রঞ্জিতে তিসু.

৯২৪.

তচে কাযে চ তন্ৰিত্থী, তীস্ৰ’প্পে ৰিরল়ে কিসে;

উতুভেদে তু সিসিরো, হিমে সো সীতলে তিসু.

৯২৫.

সক্খরা গুল়ভেদে চ, কথলেপি চ দিস্সতি;

অনুগ্গহে তু সঙ্খেপে, গহণে সঙ্গহো মতো.

৯২৬.

দক্খে চ তিখিণে ব্যত্তে, রোগমুত্তে পটুত্তিসু;

রাজা তু খত্তিযে ৰুত্তো, নরনাথে পভুম্হি চ.

৯২৭.

খলঞ্চ ধঞ্ঞকরণে, কক্কে নীচে খলো ভৰে;

অথু’প্পাদে সমুদযো, সমূহে পচ্চযেপি চ.

৯২৮.

ব্রহ্মচারী গহট্ঠাদো, অস্সমো চ তপোৰনে;

ভযঙ্করে তু কঠিনে, কুরূরো তীসু নিদ্দযে.

৯২৯.

কনিট্ঠো কনিযো তীসু, অত্যপ্পে’তিযুৰে প্যথ;

সীঘম্হি লহু তং, ইট্ঠ, নিস্সারা’গরুসুত্তিসু.

৯৩০.

অধরো তীস্ৰধো হীনে, পুমে দন্তচ্ছদে প্যথ;

সুস্সুসা সোতু মিচ্ছায, সা পারিচরিযায চ.

৯৩১.

হত্থো পাণিম্হি রতনে, গণে সোণ্ডায ভন্তরে;

আৰাটে উদপানে চ, কূপো কুম্ভে চ দিস্সতি.

৯৩২.

আদো পধানে পঠমং, পমুখঞ্চ তিলিঙ্গিকং;

ৰজ্জভেদে চ ৰিত তং, তং ৰিত্থারে তিলিঙ্গিকং.

৯৩৩.

সারো বলে থিরংসে চ, উত্তমে সো তিলিঙ্গিকো;

ভারো তু খন্ধভারাদো, দ্ৰিসহস্সপলেপি চ.

৯৩৪.

মন্দিরে রোগভেদে চ, খযো অপচযম্হি চ;

ৰাল়ো তু সাপদে সপ্পে, কুরূরে সো তিলিঙ্গিকো.

৯৩৫.

সালো সজ্জদ্দুমে রুক্খে, সালাগেহে চ দিস্সতি;

সোতে তু সৰনং ৰুত্তং, যজনে সুতিযম্পি চ.

৯৩৬.

তীসু পতো পরেতো চ, মতে চ পেতযোনিজে;

খ্যাতে তু হট্ঠে ৰিঞ্ঞাতে, পতীতং ৰাচ্চলিঙ্গিকং.

৯৩৭.

অধিপ্পাযে ¶ চ আধারে, আসযো কথিতো থ চ;

পত্তং পক্খে দলে, পত্তো, ভাজনে সো গতে তিসু.

৯৩৮.

কুসলে সুকতং, সুট্ঠু, কতে চ সুকতো তিসু;

তপস্সী ত্ৰ’নুকম্পাযা, রহে ৰুত্তো তপোধনে.

৯৩৯.

তীসু সুরাদিলোলস্মিং, সোণ্ডো হত্থিকরে দ্ৰিসু;

অস্সাদনে তু রসনং, জিৰ্হাযঞ্চ ধনিম্হি চ.

৯৪০.

পণীতো তীসু মধুরে, উত্তমে ৰিহিতে প্যথ;

অঞ্জসে ৰিসিখাযঞ্চ, পন্তিযং ৰীথি নারিযং.

৯৪১.

পাপস্মিং গগনে দুক্খে, ব্যসনে চা’ঘ মুচ্চতে;

সমূহে পটলং নেত্ত, রোগে ৰুত্তং ছদিম্হি চ.

৯৪২.

সন্ধি সঙ্ঘট্টনে ৰুত্তো, সন্ধি’ত্থি পটিসন্ধিযং;

সত্তন্নং পূরণে সেট্ঠে, তিসন্তে সত্তমো তিসু.

৯৪৩.

ওজা তু যাপনাযঞ্চ, ওজো দিত্তি বলেসু চ;

অথো নিসামনং ৰুত্তং, দস্সনে সৰনেপি চ.

৯৪৪.

গব্ভো কুচ্ছিট্ঠসত্তে চ, কুচ্ছি ওৰরকেসু চ;

খণ্ডনে ত্ৰ’পদানঞ্চ, ইতিৰুত্তে চ কম্মনি.

৯৪৫.

চিত্তকে রুক্খভেদে চ, তিলকো তিলকাল়কে;

সীলাদো পটিপত্তি’ত্থী, বোধে পত্তি পৰত্তিসু.

৯৪৬.

অসুম্হি [আযুম্হি (টী.), ৪০৭-গাথা পস্সিতব্বা] চ বলে পাণো, সত্তে হদযগা’নিলে;

ছন্দো ৰসে অধিপ্পাযে, ৰেদে’চ্ছা’নুট্ঠুভাদিসু.

৯৪৭.

কামোঘাদো, সমূহস্মিং, ওঘোৰেগে জলস্স চ;

কপালং সিরসট্ঠিম্হি, ঘটাদি সকলেপি চ.

৯৪৮.

ৰেণ্ৰাদিসাখাজালস্মিং, লগ্গকেসে জটা’লযে;

সরণং তু ৰধে গেহে, রক্খিতস্মিঞ্চ রক্খণে.

৯৪৯.

থিযং কন্তা পিযে, কন্তো, মনুঞ্ঞে, সো তিলিঙ্গিকো;

গৰক্খে তু সমূহে চ, জালং মচ্ছাদিবন্ধনে.

৯৫০.

পুচ্ছাযং গরহাযঞ্চা, নিযমে কিং তিলিঙ্গিকং;

সসদ্ধে তীসু নিৰাপে, সদ্ধং, সদ্ধা চ পচ্চযে.

৯৫১.

বীজং ¶ হেতুম্হি অট্ঠিস্মিং, অঙ্গজাতে চ দিস্সতি;

পুব্বো পূযে’গ্গতো [অগ্গতে (টী.)] আদো,

সো দিসাদো তিলিঙ্গিকো.

৯৫২.

ফলচিত্তে হেতুকতে, লাভে ধঞ্ঞাদিকে ফলং;

আগমনে তু দীঘাদি, নিকাযেসু চ আগমো.

৯৫৩.

সন্তানো দেৰরুক্খে চ, ৰুত্তো সন্ততিযং প্যথ;

উত্তরৰিপরীতে চ, সেট্ঠে চা’নুত্তরং তিসু.

৯৫৪.

সত্তিসম্পত্তিযং ৰুত্তো, কন্তিমত্তে চ ৰিক্কমো;

ছাযা তু আতপাভাৰে, পটিবিম্বে পভায চ.

৯৫৫.

গিম্হে ঘম্মো নিদাঘো চ, উণ্হে সেদজলে প্যথ;

কপ্পনং কন্তনে ৰুত্তং, ৰিকপ্পে সজ্জনে’ত্থিযং.

৯৫৬.

অঙ্গা দেসে বহুম্হ’ঙ্গং, অঙ্গো দেসে ৰপুম্হ’[ঙ্গ (টী.)] তথা’ৰযৰহেতুসু;

দেৰালযে চ থূপস্মিং, চেতিযং চেতিয’দ্দুমে.

৯৫৭.

সজ্জনো সাধুপুরিসে, সজ্জনং কপ্পনে প্যথ;

সুপিনং সুপিনে সুত্ত, ৰিঞ্ঞাণে ত মনিত্থিযং.

৯৫৮.

পচ্চক্খে সন্নিধানে চ, সন্নিধি পরিকিত্তিতো;

ভিয্যো বহুতরত্থে সো, পুনরত্থে’ব্যযং ভৰে.

৯৫৯.

ৰিসলিত্তসরে দিদ্ধো, দিদ্ধো লিত্তে তিলিঙ্গিকো;

ৰাসে ধূমাদিসঙ্খারে, ধিৰাসো সম্পটিচ্ছনে.

৯৬০.

ৰুত্তো ৰিসারদো তীসু, সুপ্পগব্ভে চ পণ্ডিতে;

অথ সিত্থং মধুচ্ছিট্ঠে, ৰুত্তং ওদনসম্ভৰে.

৯৬১.

দ্রৰে ৰণ্ণে রসভেদে, কসাযো সুরভিম্হি চ;

অথো উগ্গমনং ৰুত্তং, উপ্পত্তু’দ্ধগতীসু চ.

৯৬২.

লূখে নিট্ঠুরৰাচাযং, ফরুসং ৰাচ্চলিঙ্গিকং;

পৰাহো ত্ৰ’ম্বুৰেগে চ, সন্দিস্সতি পৰত্তিযং.

৯৬৩.

নিস্সযে তপ্পরে ইট্ঠে, পরাযণপদং তিসু;

কৰচে ৰারৰাণে চ, নিম্মোকেপি চ কঞ্চুকো.

৯৬৪.

লোহভেদে ¶ মতং তম্বং, তম্বো রত্তে তিলিঙ্গিকো;

তীসু ত্ৰ’ৰসিতং ঞাতে, অৰসানগতে মতং.

৯৬৫.

বোধনে চ পদানে চ, ৰিঞ্ঞেয্যং পটিপাদনং;

সেলে নিজ্জলদেসে চ, দেৰতাসু মরূ’রিতো.

৯৬৬.

সত্থং আযুধ গন্থেসু, লোহে, সত্থো চ সঞ্চযে;

জীৰিকাযং ৰিৰরণে, ৰত্তনে ৰুত্তি নারিযং.

৯৬৭.

ৰীরিযে সূরভাৰে চ, কথীযতি পরক্কমো;

অথ কম্বু মতো সঙ্খে, সুৰণ্ণে ৰলযেপি চ.

৯৬৮.

সরো কণ্ডে অকারাদো, সদ্দে ৰাপিম্হি’নিত্থিযং;

দুপ্ফস্সে তিখিণে তীসু, গদ্রভে ককচে খরো.

৯৬৯.

সুরাযু’পদ্দৰে কামা, সৰাদিম্হি চ আসৰো;

দেহে ৰুত্তো রথঙ্গে চ, চতুরো’পধিসূ’পধি.

৯৭০.

ৰত্থু’ত্তং কারণে দব্বে, ভূভেদে রতনত্তযে;

যক্খো দেৰে মহারাজে, কুৰেরা’নুচরে নরে.

৯৭১.

দারুক্খন্ধে পীঠিকাযং, আপণে পীঠ মাসনে;

পরিৰারে পরিক্খারো, সম্ভারে চ ৰিভূসনে.

৯৭২.

ৰোহারস্মিঞ্চ ঠপনে, পঞ্ঞত্তি’ত্থী পকাসনে;

পটিভানং তু পঞ্ঞাযং, উপট্ঠিত গিরায চ.

৯৭৩.

ৰচনাৰযৰে মূলে, কথিতো হেতু কারণে;

উদরে তু তথা পাচা, নলস্মিং গহণী’ত্থিযং.

৯৭৪.

পিযো ভত্তরি, জাযাযং, পিযা, ইট্ঠে পিযো তিসু;

যমরাজে তু যুগল়ে, সংযমে চ যমো ভৰে.

৯৭৫.

মুদ্দিকস্স চ পুপ্ফস্স, রসে খুদ্দে মধূ’রিতং;

উল্লোচে তু চ ৰিত্থারে, ৰিতানং পুন্নপুংসকে.

৯৭৬.

অপৰগ্গে চ সলিলে, সুধাযং অমতং মতং;

মোহে তু তিমিরে সঙ্খ্যা, গুণে তম মনিত্থিযং.

৯৭৭.

খরে চা’কারিযে তীসু, রসম্হি পুরিসে কটু;

পণ্ডকে সুকতে, পুঞ্ঞং, মনুঞ্ঞে পৰনে তিসু.

৯৭৮.

রুক্খো দুমম্হি, ফরুসা, সিনিদ্ধেসু চ সো তিসু;

উপ্পত্তিযং তু হেতুম্হি, সঙ্গে সুক্কে চ সম্ভৰো.

৯৭৯.

নিমিত্তং ¶ কারণে ৰুত্তং, অঙ্গজাতে চ লঞ্ছনে;

আদি সীমাপকারেসু, সমীপে’ৰযৰে মতো.

৯৮০.

ৰেদে চ মন্তনে মন্তো, মন্তা পঞ্ঞায মুচ্চতে;

অনযো ব্যসনে চেৰ, সন্দিস্সতি ৰিপত্তিযং.

৯৮১.

অরুণো রংসিভেদে চা, ব্যত্তরাগে চ লোহিতে;

অনুবন্ধো তু পকতা, নিৰত্তে নস্সনক্খরে.

৯৮২.

অৰতারো’ৰতরণে, তিত্থম্হি ৰিৰরে প্যথ;

আকারো কারণে ৰুত্তো, সণ্ঠানে ইঙ্গিতেপি চ.

৯৮৩.

সুদ্দিত্থি তনযে খত্তা, উগ্গো, তিব্বম্হি সো তিসু;

পধানং তু মহামত্তে, পকত্য’গ্গ’ধিতীসু চ.

৯৮৪.

কল্লং পভাতে, নিরোগ, সজ্জদক্খেসু [যুত্তদক্খেসু (ক.)] তীসু তং;

কুহনা কূটচরিযাযং, কুহনো কুহকে তিসু.

৯৮৫.

কপোতো পক্খিভেদে চ, দিট্ঠো পারাৰতে থ চ;

সারদো সারদব্ভূতে, অপগব্ভে মতো তিসু.

৯৮৬.

তীসু খরে চ কঠিনে, কক্কসো সাহসপ্পিযে [সাহসপ্পিযে=সাহস+অপ্পিযে (টী.)];

অকারিযে তু গুয্হঙ্গে, চীরে কোপীন মুচ্চতে.

৯৮৭.

মিগভেদে পটাকাযং, মোচে চ কদলী’ত্থিযং;

দক্খিণা দানভেদস্মিং, ৰামতো’ঞ্ঞম্হি দক্খিণো.

৯৮৮.

দুতিযা ভরিযাযঞ্চ, দ্ৰিন্নং পূরণিযং মতা;

অথুপ্পাদে সিযা ধূম, কেতু ৰেস্সানরেপি চ.

৯৮৯.

ভৰনিগ্গমনে যানে, দ্ৰারে নিস্সরণং সিযা;

নিযামকো পোতৰাহে, তিলিঙ্গো সো নিযন্তরি.

৯৯০.

অপৰগ্গে ৰিনাসে চ, নিরোধো রোধনে প্যথ;

ভযে পটিভযং ৰুত্তং, তিলিঙ্গং তং ভযংকরে.

৯৯১.

পিটকং ভাজনে ৰুত্তং, তথেৰ পরিযত্তিযং;

জরাসিথিলচম্মস্মিং, উদরঙ্গে মতা ৰলি.

৯৯২.

ভিন্নং ৰিদারিতে’ঞ্ঞস্মিং, নিস্সিতে ৰাচ্চলিঙ্গিকং;

উপজাপে মতো ভেদো, ৰিসেসে চ ৰিদারণে.

৯৯৩.

মণ্ডলং ¶ গামসন্দোহে, বিম্বে পরিধিরাসিসু;

আণায মাগমে লেখে; সাসনং অনুসাসনে.

৯৯৪.

অগ্গে তু সিখরং চা’যো, মযৰিজ্ঝনকণ্টকে;

গুণুক্কংসে চ ৰিভৰে, সম্পত্তি চেৰ সম্পদা.

৯৯৫.

ভূখন্তীসু খমা, যোগ্যে, হিতে সক্কে [যুত্তে (টী.) ১০০১-গাথা পস্সিতব্বা] খমো তিসু;

অদ্ধো ভাগে পথে কালে, একংসে’দ্ধো’ব্যযং ভৰে;

অথো করীসং ৰচ্চস্মিং, ৰুচ্চতে চতুরম্বণে.

৯৯৬.

উসভো’সধ গো [উসভো উসভে (টী.)] সেট্ঠে, সূ’সভং ৰীসযট্ঠিযং;

সেতুস্মিং তন্তি পন্তীসু, নারিযং পাল়ি কথ্যতে.

৯৯৭.

কটো জযে’ত্থিনিমিত্তে, কিলঞ্জে সো কতে তিসু;

মহিযং জগতী ৰুত্তা, মন্দিরালিন্দৰত্থুম্হি.

৯৯৮.

ৰিতক্কে মথিতে তক্কো, তথা সূচিফলে মতো;

সুদস্সনং সক্কপুরে, তীসু তং দুদ্দসে’তরে.

৯৯৯.

দীপো’ন্তরীপ পজ্জোত, পতিট্ঠা নিব্বুতীসু চ;

বদ্ধনিস্সিত সেতেসু, তীসু তং মিহিতে সিতং.

১০০০.

থিযং পজাপতি দারে, ব্রহ্মে মারে সুরে পুমে;

ৰাসুদেৰে’ন্তকে কণ্হো, সো পাপে অসিতে তিসু.

১০০১.

উপচারো উপট্ঠানে, আসন্নে অঞ্ঞরোপনে;

সক্কো ইন্দে জনপদে, সাকিযে, সো খমে তিসু.

১০০২.

ৰজ্জনে পরিহারো চ, সক্কারে চেৰ রক্খণে;

সোতাপন্নাদিকে অগ্গে, অরিযো তীসু, দ্ৰিজে পুমে.

১০০৩.

সুসুকো সুসুমারে চ, বালকে চ উলূপিনি;

ইন্দীৰরং মতং নীলু, প্পলে উদ্দালপাদপে.

১০০৪.

অসনো পিযকে কণ্ডে, ভক্খণে খিপনে’ সনং;

যুগে’ধিকারে [ৰিকারে (টী.)] ৰীরিযে, পধানে চা’ন্তিকে ধুরো.

১০০৫.

কাল়ে চ ভক্খিতে তীসু, লৰিত্তে অসিতো পুমে;

পৰারণা পটিক্খেপে, কথিতা’জ্ঝেসনায চ.

১০০৬.

উম্মারে ¶ এসিকত্থম্ভে, ইন্দখীলো মতো থ চ;

পোত্থকং মকচিৰত্থে, গন্থে লেপ্যাদি কম্মনি.

১০০৭.

ধঞ্ঞং সাল্যাদিকে ৰুত্তং, ধঞ্ঞো পুঞ্ঞৰতি ত্তিসু;

পাণি হত্থে চ সত্তে ভূ, সণ্হকরণিযং মতো.

১০০৮.

তীসু পীতং হলিদ্যাভে, হট্ঠে চ পাযিতে সিযা;

ব্যূহো নিব্বিদ্ধরচ্ছাযং, বলন্যাসে গণে মতো.

১০০৯.

লোহিতাদিম্হি লোভে চ, রাগো চ রঞ্জনে মতো;

পদরো ফলকে ভঙ্গে, পৰুদ্ধ দরিযং পিচ.

১০১০.

সিঙ্ঘাটকং কসেরুস্স, ফলে, মগ্গসমাগমে;

বহুলাযঞ্চ খেল়ম্হি, এল়া, দোসে’ল় মীরিতং.

১০১১.

আধারো চা’ধিকরণে, পত্তাধারে’ লৰালকে;

কারো’ গভেদে সক্কারে, কারা তু বন্ধনালযে.

১০১২.

করকা মেঘপাসাণে, করকো কুণ্ডিকায চ;

পাপনে চ পদাতিস্মিং, গমনে পত্তি নারিযং.

১০১৩.

ছিদ্দং রন্ধঞ্চ ৰিৰরং, সুসিরে দূসনেপি চ;

মুত্তা তু মুত্তিকে, মুত্তং, পস্সাৰে, মুচ্চিতে তিসু.

১০১৪.

নিসেধে ৰারণং, হত্থি, লিঙ্গ হত্থীসু ৰারণো;

দানং চাগে মদে সুদ্ধে, খণ্ডনে লৰনে খযে.

১০১৫.

মনোতোসে চ নিব্বানে, ত্থঙ্গমে নিব্বুতি’ত্থিযং;

নেগমো নিগমুব্ভূতে, তথা’পণোপজীৰিনি.

১০১৬.

হরিতস্মিঞ্চ পণ্ণে চ, পলাসো কিং সুকদ্দুমে;

পকাসো পাকটেতীসু, আলোকস্মিং পুমে মতো.

১০১৭.

পক্কং ফলম্হি, তং নাসু, ম্মুখে [নাসমুখে (ক.)] পরিণতে তিসু;

পিণ্ডো আজীৰনে দেহে, পিণ্ডনে গোল়কে মতো.

১০১৮.

ৰট্টো পরিব্বযে কম্মা, দিকে, সো ৰট্টুলে তিসু;

পচ্চাহারে পটিহারো, দ্ৰারে চ দ্ৰারপালকে.

১০১৯.

নারিযং ভীরু কথিতা, ভীরুকে সো তিলিঙ্গিকো;

ৰিকটং গূথমুত্তাদো, ৰিকটো ৰিকতে তিসু.

১০২০.

ৰামং ¶ সব্যম্হি, তং চারু, ৰিপরীতেসু তীস্ৰ’থ;

সঙ্খ্যাভেদে সরব্যে চ, চিহণে লক্খ মুচ্চতে.

১০২১.

সেণী’ত্থী সমসিপ্পীনং, গণে চা’ৰলিযং পিচ;

সুধাযং ধূলিযং চুণ্ণো, চুণ্ণঞ্চ ৰাসচুণ্ণকে.

১০২২.

জেতব্বে’তিপ্পসত্থে’তি, ৰুদ্ধে জেয্যং তিসূ’রিতং;

তক্কে তু মথিতং হোত্যা,

লোলিতে মথিতো তিসু.

১০২৩.

অব্ভুতো’চ্ছরিযে তীসু, পণে চেৰা’ব্ভুতো পুমে;

মেচকো পুচ্ছমূলম্হি, কণ্হেপি মেচকো তিসু.

১০২৪.

ৰসৰত্তী পুমে মারে, ৰসৰত্তাপকে তিসু;

সম্ভৰে চা’সুচি পুমে, অমেজ্ঝে তীসু দিস্সতি.

১০২৫.

অচ্ছো ইক্কে পুমে ৰুত্তো, পসন্নম্হি তিলিঙ্গিকো;

বল়িসে সেলভেদে চ, ৰঙ্কো, সো কুটিলে তিসু.

১০২৬.

কুণপম্হি ছৰো ঞেয্যো,

লামকে সো তিলিঙ্গিকো;

সব্বস্মিং সকলো তীসু, অদ্ধম্হি পুরিসে সিযা.

১০২৭.

চন্দগ্গাহাদিকে চেৰু, প্পাদো উপ্পত্তিযং পিচ;

পদুস্সনে পদোসো চ, কথিতো সংৰরীমুখে.

১০২৮.

রুধিরে লোহিতং ৰুত্তং, রত্তম্হি লোহিতো তিসু;

উত্তমঙ্গে পুমে মুদ্ধা, মুদ্ধো মূল়্হে তিলিঙ্গিকো.

১০২৯.

রট্ঠম্হি ৰিজিতং ৰুত্তং, জিতে চ ৰিজিতো তিসু;

পরিত্তং তু পরিত্তাণে, পরিত্তো তীসু অপ্পকে.

১০৩০.

কুম্ভণ্ডো দেৰভেদে চ, দিস্সতি ৰল্লিজাতিযং;

চতুত্থংসে পদে পাদো, পচ্চন্তসেলরংসিসু.

১০৩১.

ৰঙ্গো লোহন্তরে ৰঙ্গা, দেসে পুমে বহুম্হি চ;

কম্মারভণ্ডভেদে চ, খটকে মুট্ঠি চ দ্ৰিসু.

১০৩২.

অম্বণং দোণিযং চে’কা, দসদোণপ্পমাণকে;

অধিট্ঠিতিয মাধারে, ঠানে’ধিট্ঠান মুচ্চতে.

১০৩৩.

পুমে মহেসী সুগতে, দেৰিযং নারিযং মতা;

উপদ্দৰে উপসগ্গো, দিস্সতি পাদিকেপি চ.

১০৩৪.

ৰক্কং ¶ কোট্ঠাসভেদস্মিং, ৰক্কো ৰঙ্কে তিসু’চ্চতে;

ৰিজ্জা ৰেদে চ সিপ্পে চ, তিৰিজ্জাদো চ বুদ্ধিযং.

১০৩৫.

সমাধিম্হি পুমে’কগ্গো, নাকুলে ৰাচ্চলিঙ্গিকো;

পজ্জং সিলোকে, পজ্জো’দ্ধে, পজ্জো পাদহিতে তিসু.

১০৩৬.

কতকো রুক্খভেদস্মিং, কতকো কিত্তিমে তিসু;

ৰিধেয্যে অস্সৰো তীসু, পুব্বম্হী পুরিসে সিযা.

১০৩৭.

কল্যাণে কথিতং খেমং, তীসু লদ্ধত্থরক্খণে;

অথো নিযোজনে ৰুত্তং, কারিযেপি পযোজনং.

১০৩৮.

অস্সত্থো তীসু অস্সাস, প্পত্তে, বোধিদ্দুমে পুমে;

তীসু লুদ্দো কুরূরে চ, নেসাদম্হি পুমে সিযা.

১০৩৯.

ৰিলগ্গো তীসু লগ্গস্মিং, পুমে মজ্ঝম্হি দিস্সতি;

অড্ঢো ত্ৰনিত্থিযং ভাগে, ধনিম্হি ৰাচ্চলিঙ্গিকো.

১০৪০.

কট্ঠং দারুম্হি, তং কিচ্ছে, গহনে কসিতে তিসু;

সসন্তানে চ ৰিসযে, গোচরে’ জ্ঝত্ত মুচ্চতেতি.

ইতি অদ্ধানেকত্থৰগ্গো.

১০৪১.

ভুৰনে চ জনে লোকো, মোরেত্ৰগ্গিম্হি সো সিখী;

সিলোকো তু যসে পজ্জে,

রুক্খে তু সামিকে ধৰো.

১০৪২.

ৰটব্যামেসু নিগ্রোধো, ধঙ্কো তু ৰাযসে বকে;

ৰারো ত্ৰ’ৰসরা’হেসু, কুচেত্ৰব্ভে পযোধরো.

১০৪৩.

উচ্ছঙ্গে লক্খণে চা’ঙ্কো, রস্মি’ত্থী জুতি রজ্জুসু;

দিট্ঠো’ভাসেসু আলোকো,

বুদ্ধো তু পণ্ডিতে জিনে.

১০৪৪.

সূরং’সূসু পুমে ভানূ, দণ্ডো তু মুগ্গরে দমে;

দেৰমচ্ছেস্ৰ’নিমিসো, পত্থো তু মানসানুসু.

১০৪৫.

আতঙ্কো রোগ তাপেসু,

মাতঙ্গো সপচে গজে;

মিগো পসু কুরুঙ্গেসু, উলূকি’ন্দেসু কোসিযো.

১০৪৬.

ৰিগ্গহো ¶ কলহে কাযে, পুরিসো মাণৰ’ত্তসু;

দাযাদো বন্ধৰে পুত্তে, সিরে সীসং তিপুম্হি চ.

১০৪৭.

বলিহত্থং’সূসু করো, দন্তে ৰিপ্পে’ণ্ডজে দ্ৰিজো;

ৰত্তং পজ্জা’ননা’চারে, ধঞ্ঞঙ্গে সুখুমে কণো.

১০৪৮.

থম্ভো থূণ জল়ত্তেসু, সূপো কুম্মাস ব্যঞ্জনে;

গণ্ডো ফোটে কপোলম্হি, অগ্ঘো মূল্যে চ পূজনে.

১০৪৯.

পকারো তুল্য ভেদেসু, সকুন্তো ভাসপক্খিসু;

ভাগ্যে ৰিধি ৰিধানে চ, সরে খগ্গে চ সাযকো.

১০৫০.

সারঙ্গো চাতকে এণে, পত্তী তু সরপক্খিসু;

সেদে পাকো ৰিপাকে থ,

ভিক্খুভেদে চযে গণো.

১০৫১.

রাসি পুঞ্জে চ মেসা’দো,

অস্সে লোণে চ সিন্ধৰো;

সংৰট্টে পলযো নাসে, পূগো কমুকরাসিসু.

১০৫২.

অমতে তু সুধা লেপে, অভিখ্যা নাম রংসিসু;

সত্তি সামত্থিযে সত্থে, মহী নজ্জন্তরে ভুৰি;

লীলা ক্রিযা ৰিলাসেসু,

সত্তে তু অত্রজে পজা.

১০৫৩.

ঞাণে লাভে উপলদ্ধি, পৰেণী কুথৰেণিসু;

পৰত্তি ৰুত্তি ৰত্তাসু, ৰেতনে ভরণে ভতি.

১০৫৪.

আচারেপি মরিযাদা, ভূতি সত্তা সমিদ্ধিসু;

সোপ্পে পমাদে তন্দী চ, যাত্রা গমন ৰুত্তিসু.

১০৫৫.

নিন্দা কুচ্ছা’পৰাদেসু, কঙ্গু ধঞ্ঞ পিযঙ্গুসু;

মোক্খেসিৰে সমেসন্তি, ৰিভাগে ভত্তি সেৰনে.

১০৫৬.

ইচ্ছাযং জুতিযং কন্তি, রঞ্জনে সূরতে রতি;

গেহে ৰসতি ৰাসে থ, নদী সেনাসু ৰাহিনী.

১০৫৭.

পত্থে নাল়ে চ নাল়ি’ত্থী, গণে সমিতি সঙ্গমে;

তণ্হা লোভে পিপাসাযং, মগ্গ ৰুত্তীসু ৰত্তনী.

১০৫৮.

পাণ্যঙ্গে নাভি চক্কন্তে, যাচে ৰিঞ্ঞত্তি ঞাপনে;

ৰিত্তি তোসে ৰেদনাযং, ঠানে তু জীৰিতে ঠিতি.

১০৫৯.

তরঙ্গে ¶ চা’ন্তরে ৰীচি, ধীরত্তে ধারণে ধিতি;

ভূ ভূমিযঞ্চ ভমুকে, সদ্দে ৰেদে সৰে সুতি.

১০৬০.

গোত্তং নামে চ ৰংসে থ, নগরে চ ঘরে পুরং;

ওকং তু নিস্সযে গেহে, কুলং তু গোত্তরাসিসু.

১০৬১.

হেমে ৰিত্তে হিরঞ্ঞঞ্চ, পঞ্ঞাণং ত্ৰ’ঙ্ক ৰুদ্ধিসু;

অথা’ম্বরঞ্চ খে ৰত্থে, গুয্হং লিঙ্গে রহস্য’পি.

১০৬২.

তপো ধম্মে ৰতে চেৰ, পাপে ত্ৰা’গুম্হি কিব্বিসং;

রতনং মণি সেট্ঠেসু, ৰস্সং হাযন ৰুট্ঠিসু.

১০৬৩.

ৰনং অরঞ্ঞ ৰারীসু, খীরম্হি তু জলে পযো;

অক্খরং লিপি মোক্খেসু, মেথূনং সঙ্গমে রতে.

১০৬৪.

সোতং কণ্ণে পযোৰেগে, রিট্ঠং পাপা’সুভেসু চ;

আগু পাপা’পরাধেসু, কেতুম্হি চিহনে ধজো.

১০৬৫.

গোপুরং দ্ৰারমত্তেপি, মন্দিরং নগরে ঘরে;

ৰাচ্চলিঙ্গা পরমিতো, ব্যত্তো তু পণ্ডিতে ফুটে.

১০৬৬.

ৰল্লভো দযিতে’জ্ঝক্খে, জলে থূলো মহত্যপি;

কুরূরে ভেরৰে ভীমো,

লোলো তু লোলুপে চলে.

১০৬৭.

বীভচ্ছো ৰিকতে ভীমে, কোমলে তিখিণে মুদু;

ইট্ঠে চ মধুরে সাদু, সাদুম্হি মধুরো পিযে.

১০৬৮.

সিতে তু সুদ্ধে ওদাতো, দ্ৰিজিৰ্হো সূচকা’হিসু;

সক্কে সমত্থো সম্বন্ধে, সমত্তং নিট্ঠিতা’খিলে.

১০৬৯.

সুদ্ধো কেৰল পূতেসু, জিঘঞ্ঞো’ন্তা’ধমেসু চ;

পোণো’পনত নিন্নেসু, অঞ্ঞ নীচেসু চে’তরো.

১০৭০.

সুচি সুদ্ধে সিতে পূতে, পেসলো দক্খচারুসু;

অধমো কুচ্ছিতে ঊনে, অপ্পিযে প্য’লিকো ভৰে.

১০৭১.

ব্যাপে অসুদ্ধে সংকিণ্ণো, ভব্বং যোগ্যে চ ভাৰিনি;

সুখুমো অপ্পকা’ণূসু, ৰুদ্ধো থেরে চ পণ্ডিতে.

১০৭২.

সুভে সাধুম্হি ভদ্দো থ, ত্যা’দো চ ৰিপুলে বহু;

ধীরো বুধে ধিতিমন্তে, ৰেল্লিতং কুটিলে ধুতে.

১০৭৩.

ৰিসদো ¶ ব্যত্ত সেতেসু, তরুণো তু যুৰে নৰে;

যোগ্গং যানে, খমে যোগ্গো,

পিণ্ডিতং গণিতে ঘনে.

১০৭৪.

বুধে’ভিজাতো কুলজে, ৰুদ্ধো’রূসু মহল্লকো;

কল্যাণং সুন্দরে চাপি, হিমো তু সীতলেপি চ.

১০৭৫.

লোলে তু সীঘে চপলো, ৰুত্তে উদিত মুগ্গতে;

আদিত্তে গব্বিতে দিত্তো, পিট্ঠং তু চুণ্ণিতেপি চ.

১০৭৬.

ৰিগতে ৰাযিতে [ৰাযনে (ক.)] ৰীতং, ভাৰিতং ৰড্ঢিতেপি চ;

ভজ্জিতে পতিতে ভট্ঠো, পুট্ঠো পুচ্ছিত পোসিতে.

১০৭৭.

জাতো ভূতে চযে জাতং,

পটিভাগো সমা’রিসু;

সূরো ৰীরে রৰিসূরে, দুট্ঠো কুদ্ধে চ দূসিতে.

১০৭৮.

দিট্ঠো’রিম্হি’ক্খিতে দিট্ঠো [দিট্ঠং (ক.)],

মূল়্হে পোতে চ বালিসো;

নিন্দাযং খেপনে খেপো, নিযমো নিচ্ছযে ৰতে.

১০৭৯.

সলাকাযং কুসো দব্ভে,

বাল্যাদো তু খযে ৰযো;

লেপ গব্বেস্ৰ’ৰলেপো, অণ্ডজো মীনপক্খিসু.

১০৮০.

বিলালে নকুলে বব্বু, মন্থো মন্থনসত্তুসু;

ৰালো কেসে’স্সাদিলোমে,

সঙ্ঘাতো ঘাতরাসিসু.

১০৮১.

গোপগামে রৰে ঘোসো, সূতো সারথিৰন্দিসু;

মাল্যং তু পুপ্ফে তদ্দামে, ৰাহো তু সকটে হযে.

১০৮২.

খযে’চ্চনে চা’পচযো, কালো সময মচ্চুসু;

ভে তারকা নেত্তমজ্ঝে, সীমা’ ৰধি, ট্ঠিতীসু চ.

১০৮৩.

আভোগো পুণ্ণতা’ৰজ্জে-

স্ৰা’ল়ি’ত্থী সখি সেতুসু;

সত্তে থূলে তীসু দল়্হো, লতা সাখায ৰল্লিযং.

১০৮৪.

মুত্তি’ত্থী ¶ মোচনে মোক্খে,

কাযো তু দেহ রাসিসু;

নীচে পুথুজ্জনো মূল়্হে, ভত্তা সামিনি ধারকে.

১০৮৫.

সিখা, পিঞ্ছেসু সিখণ্ডো, সত্তে ত্ৰ’ত্তনি পুগ্গলো;

সম্বাধো সংকটে গুয্হে,

নাসে খেপে পরাভৰো.

১০৮৬.

ৰচ্চো রূপে করীসে থ, জুতি’ত্থী কন্তিরংসিসু;

১০৮৭.

লব্ভং যুত্তে চ লদ্ধব্বে, খণ্ডে পণ্ণে দলং মতং;

সল্লং কণ্ডে সলাকাযং, সুচিত্তে ধাৰনং গতে;

ভন্তত্থে ৰিব্ভমো হাৰে, মোহো’ৰিজ্জায মুচ্ছনে.

১০৮৮.

সেদো ঘম্মজলে পাকে,

গোল়ে উচ্ছুমযে গুল়ো;

মিত্তে সহাযে চ সখা, ৰিভূ নিচ্চপ্পভূসু সো.

১০৮৯.

খগ্গে কুরূরে নেত্তিংসো, পরস্মিং অত্র তীস্ৰ’মু;

কলঙ্কো’ঙ্কা’পৰাদেসু,

দেসে জনপদো জনে.

১০৯০.

পজ্জে গাথা ৰচীভেদে, ৰংসো ত্ৰ’ন্ৰযৰেণুসু;

যানং রথাদো গমনে, সরূপস্মিং অধো তলং.

১০৯১.

মজ্ঝো ৰিলগ্গে ৰেমজ্ঝে, পুপ্ফং তু কুসুমো’তুসু;

সীলং সভাৰে সুব্বতে, পুঙ্গৰো উসভে ৰরে.

১০৯২.

কোসে খগাদিবীজে’ণ্ডং, কুহরং গব্ভরে বিলে;

নেত্তিংসে গণ্ডকে খগ্গো, কদম্বো তু দুমে চযে.

১০৯৩.

ভে’ধেনুযং রোহিণী’ত্থী, ৰরঙ্গং যোনিযং সিরে;

অক্কোসে সপথে সাপো, পঙ্কং পাপে চ কদ্দমে.

১০৯৪.

ভোগৰত্যু’রগে ভোগী, স্সরো তু সিৰসামিসু;

বলে পভাৰে ৰীরিযং, তেজো তেসু চ দিত্তিযং.

১০৯৫.

ধারা সন্ততি খগ্গঙ্গে, ৰানং তণ্হায সিব্বনে;

খত্তা সূতে পটিহারে, ৰিত্তি পীল়াসু ৰেদনা.

১০৯৬.

থিযং ¶ মতি’চ্ছাপঞ্ঞাসু, পাপে যুদ্ধে রৰে রণো;

লৰোতু বিন্দু’চ্ছেদেসু, পলালে’ [পলাসে (টী.), পলাপে-টী (৪৫৩-১১২৪) গাথা পস্সিতব্বা] তিসযে ভুসং.

১০৯৭.

বাধা দুক্খে নিসেধে চ, মূলপদেপি মাতিকা;

স্নেহো তেলে’ধিকপ্পেমে,

ঘরা’পেক্খাসু আলযো.

১০৯৮.

কেতুস্মিং কেতনং গেহে, ঠানে ভূমি’ত্থিযং ভুৰি;

লেখ্যে লেখো রাজি লেখা, পূজিতে ভগৰা জিনে.

১০৯৯.

গদা সত্থে গদো রোগে, নিসজ্জা পীঠেস্ৰা’সনং;

তথাগতো জিনে সত্তে,

চযে দেহে সমুস্সযো.

১১০০.

বিলং কোট্ঠাস ছিদ্দেসু, ৰজ্জং দোসে চ ভেরিযং;

কালে দীঘঞ্জসে’দ্ধানং, আলিযং সেতু কারণে.

১১০১.

ওকাসো কারণে দেসে,

সভা গেহে চ সংসদে;

যূপো থম্ভে চ পাসাদে, অযনং গমনে পথে.

১১০২.

অক্কো রুক্খন্তরে সূরে,

অস্সো কোণে হযেপি চ;

অংসো খন্ধে চ কোট্ঠাসে,

জালং সূস্ৰ’চ্চি নো পুমে.

১১০৩.

নাসা’সত্তেস্ৰ’ ভাৰো থ,

অন্ন মোদন ভুত্তিসু;

জীৰং পানে জনে জীৰো,

ঘাসো ত্ৰ’ন্নে চ ভক্খণে.

১১০৪.

ছদনে’চ্ছাদনং ৰত্থে, নিকাযো গেহরাসিসু;

অন্নাদো আমিসং মংসে; দিক্খা তু যজনে’চ্চনে.

১১০৫.

ক্রিযাযং কারিকা পজ্জে,

কেতু তু চিহনে ধজে;

কুসুমং থীরজে পুপ্ফে, ৰানরে তু বুধে কৰি.

১১০৬.

অধরে ¶ খরভে ওট্ঠো, লুদ্দো তু লুদ্দকেপি চ;

কলুসং ত্ৰা’ৰিলে পাপে, পাপে কলি পরাজযে.

১১০৭.

কন্তারো ৰন, দুগ্গেসু, চরো চারম্হি চঞ্চলে;

জনাৰাসে গণে গামো, চম্মং তু ফলকে তচে.

১১০৮.

আমোদো হাস গন্ধেসু,

চারু তু কনকেপি চ;

সত্তাযং ভৰনং গেহে, লেসে তু খলিতে ছলং.

১১০৯.

ৰেরং পাপে চ পটিঘে, তচো চম্মনি ৰক্কলে;

উচ্চে’ধিরোহে আরোহো, নেত্তং ৰত্থন্তর’ক্খিসু.

১১১০.

পটিহারে মুখে দ্ৰারং, পেতে ঞাতে মতো তিসু;

মাসো পরণ্ণ কালেসু, নগ্গো ত্ৰ’চেলকেপি চ.

১১১১.

দোসে ঘাতে চ পটিঘো, মিগাদো ছগলে পসু;

অরূপে চা’ৰ্হযে নামং, দরো দরথ ভীতিসু.

১১১২.

যাচনে ভোজনে ভিক্খা,

ভারে ত্ৰ’তিসযে ভরো;

দব্বি’ন্দজাযাসু সুজা, মেঘে ত্ৰ’ব্ভং ৰিহাযসে.

১১১৩.

মোদকো খজ্জভেদেপি, মণিকে রতনে মণি;

সেলা’রামেসু মলযো,

সভাৰ’ঙ্কেসু লক্খণং.

১১১৪.

হৰি সপ্পিম্হি হোতব্বে, সিরো সেট্ঠে চ মুদ্ধনি;

ৰিচারেপি ৰিৰেকো থ, সিখরী পব্বতে দুমে.

১১১৫.

ৰেগো জৰে পৰাহে চ, সঙ্কু তু খিলহেতিসু;

নিগ্গহীতে কণে বিন্দু, ৰরাহো সূকরে গজে.

১১১৬.

নেত্তন্তে চিত্তকে’পাঙ্গং, সিদ্ধত্থো সাসপে জিনে;

হারো মুত্তাগুণে গাহে,

খারকো মকুল়ে রসে.

১১১৭.

অচ্চযো’ তিক্কমে দোসে,

সেলরুক্খেস্ৰ’গো নগো;

স্ৰপ্পে’ৰধারণে মত্তং, অপচিত্য’চ্চনে খযে.

১১১৮.

ছিদ্দো’তরণেস্ৰো’তারো,

ব্রহ্মে ¶ চ জনকে পিতা;

পিতামহো’য্যকে ব্রহ্মে,

পোতো নাৰায বালকে.

১১১৯.

রুক্খে ৰণ্ণে সুনে সোণো,

সগ্গে তু গগনে দিৰো;

ৰত্থে গন্ধে ঘরে ৰাসো, চুল্লো খুদ্দে চ উদ্ধনে.

১১২০.

কণ্ণো কোণে চ সৰণে,

মালা পুপ্ফে চ পন্তিযং;

ভাগো ভাগ্যে’কদেসেসু,

কুট্ঠং রোগে’ জপালকে.

১১২১.

সেয্যা সেনাসনে সেনে, চুন্দভণ্ডম্হি চ’ব্ভমো;

ৰত্থাদিলোমং’সু করে, নিপাতো পতনে’ব্যযে.

১১২২.

সাখাযং ৰিটপো থম্ভে, সত্তু খজ্জন্তরে দিসে;

সামিকো পতি’যিরেসু, পট্ঠানং গতি হেতুসু.

১১২৩.

রাগে রঙ্গো নচ্চট্ঠানে, পানং পেয্যে চ পীতিযং;

ইণু’ক্খেপেসু উদ্ধারো, উম্মারে এল়কো অজে.

১১২৪.

পহারো পোথনে যামে,

সরদো হাযনো’তুসু;

কুণ্ডিকাযা’ল়্হকে তুম্বো,

পলালো [পলাপো (ক.) ৪৫৩-গাথা পস্সিতব্বা] তু ভুসম্হি চ.

১১২৫.

মতা’ৰাটে চযে কাসু, পনিসা কারণে রহো;

কাসো পোটগলে রোগে,

দোসো কোধে গুণে’তরে.

১১২৬.

যুত্য’ট্টাল’ট্টিতেস্ৰ’ট্টো, কীল়াযং কাননে দৰো;

উপ্পত্তিযং চো’প্পতনং, উয্যানং গমনে ৰনে.

১১২৭.

ৰোকারো লামকে খন্ধে, মূলো’পদাসু পাভতং;

দসা’ ৰত্থা পটন্তেসু, কারণং ঘাত, হেতুসু.

১১২৮.

হত্থিদানে ¶ মদো গব্বে, ঘটা ঘটন রাসিসু;

উপহারো’ভিহারেপি, চযো বন্ধন রাসিসু.

১১২৯.

গন্ধো থোকে ঘাযনীযে,

চাগো তু দানহানিসু;

পানে পমোদে পীতি’ত্থী, ইণে গিৰা গলেপি চ.

১১৩০.

পতিট্ঠা নিস্সযে ঠানে, বলক্কারেপি সাহসং;

ভঙ্গো ভেদে পটে ভঙ্গং, ছত্তং তু ছৰকেপি চ.

১১৩১.

ঞাণে ভুৰি চ ভূরি’ত্তী, অনঙ্গে মদনো দুমে;

পমাতরিপি মাতা থ, ৰেঠু’ণীসেসু ৰেঠনং.

১১৩২.

মারিসো তণ্ডুলেয্যে’য্যে,

মোক্খো নিব্বান মুত্তিসু;

ইন্দো’ধিপতি সক্কেস্ৰা, রম্মণং হেতু গোচরে.

১১৩৩.

অঙ্কে সণ্ঠান মাকারে,

খেত্তে [ৰপ্পে (পাকারমূলে নেত্তজলে উসুমে চ ৰপ্পো-টী)] ৰপ্পো তটেপি চ;

সম্মুত্য’নুঞ্ঞা ৰোহারে, স্ৰ’থ লাজাসু চা’ক্খতং.

১১৩৪.

সত্রং যাগে সদাদানে,

সোমো তু ওসধি’ন্দুসু;

সঙ্ঘাতো যুগগেহঙ্গে, খারো ঊসে চ ভস্মনি.

১১৩৫.

আতাপো ৰীরিযে তাপে,

ভাগে সীমায ওধি চাতি.

ইতি পাদানেকত্থৰগ্গো.

অনেকত্থৰগ্গো নিট্ঠিতো.

৩. সামঞ্ঞকণ্ড

৪. অব্যযৰগ্গ

১১৩৬.

অব্যযং ৰুচ্চতে দানি, চিরস্সং তু চিরং তথা;

চিরেন চিররত্তায, সহ সদ্ধিং সমং অমা.

১১৩৭.

পুনপ্পুনং ¶ অভিণ্হঞ্চা, সকিং চা’ভিক্খণং মুহুং;

ৰজ্জনে তু ৰিনা নানা, অন্তরেন রিতে পুথু.

১১৩৮.

বলৰং সুট্ঠু চা’তীৰা, তিসযে কিমুত স্ৰ’তি;

অহো তু কিং কিমূ’ দাহু, ৰিকপ্পে কিমুতো’দ চ.

১১৩৯.

অৰ্হানে ভো অরে অম্ভো,

হম্ভো রে জে’ঙ্গ আৰুসো;

হে হরে থ কথং কিংসু, ননু কচ্চি নু কিং সমা.

১১৪০.

অধুনে’তরহী’দানি, সম্পতি অঞ্ঞদত্থু তু;

তগ্ঘে’ কংসে সসক্কঞ্চা, দ্ধা কামং জাতু ৰে হৰে.

১১৪১.

যাৰতা তাৰতা যাৰ, তাৰ কিত্তাৰতা তথা;

এত্তাৰতা চ কীৰে’তি, পরিচ্ছেদত্থৰাচকা.

১১৪২.

যথা তথা যথেৰে’ৰং, যথানাম যথাহি চ;

সেয্যথাপ্যে’ৰমেৰং, ৰা, তথেৰ চ যথাপি চ.

১১৪৩.

এৰম্পি চ সেয্যথাপি, নাম যথরিৰা’পি চ;

পটিভাগত্থে যথাচ, ৰিয তথরিৰা’পি চ.

১১৪৪.

সং সামঞ্চ সযং চাথ, আম সাহু লহূ’পি চ;

ওপাযিকং পতিরূপং, সাধ্ৰে’ৰং সম্পটিচ্ছনে.

১১৪৫.

যং তং যতো ততো যেন,

তেনে’তি কারণে সিযুং;

অসাকল্যে তু চন চি, নিপ্ফলে তু মুধা ভৰে.

১১৪৬.

কদাচি জাতু তুল্যা’থ, সব্বতো চ সমন্ততো;

পরিতো চ সমন্তাপি, অথ মিচ্ছা মুসা ভৰে.

১১৪৭.

নিসেধে ন অনোমা’লং, নহি চেতু সচে যদি;

অনুকুল্যে তু সদ্ধঞ্চ,

নত্তং [রত্তং (টী.)] দোসো দিৰা ত্ৰ’হে.

১১৪৮.

ঈসং কিঞ্চি মনং অপ্পে, সহসা তু অতক্কিতে;

পুরে গ্গতো তু পুরতো, পেচ্চা’মুত্রভৰন্তরে.

১১৪৯.

অহো ¶ হী ৰিম্হযে তুণ্হী,

তু মোনে থা’ৰি পাতু চ;

তঙ্খণে সজ্জু সপদি, বলক্কারে পসয্হ চ.

১১৫০.

সুদং খো [ৰো (ক.)] অস্সু যগ্ঘে ৰে,হা’দযো পদপূরণে;

অন্তরেন’ন্তরা অন্তো, ৰস্সং নূন চ নিচ্ছযে.

১১৫১.

আনন্দে সঞ্চ দিট্ঠা থ, ৰিরোধকথনে ননু;

কামপ্পৰেদনে কচ্চি, উসূযোপগমে’ত্থু চ.

১১৫২.

এৰা’ৰধারণে ঞেয্যং, যথাত্তং তু যথাতথং;

নীচং অপ্পে, মহত্যু’চ্চং, অথ পাতো পগে সমা.

১১৫৩.

নিচ্চে সদা সনং [সনা (ক.)] পাযো,

বাহুল্যে বাহিরং বহি;

বহিদ্ধা বাহিরা বাহ্যে, সীঘেতু সণিকং ভৰে.

১১৫৪.

অত্থং অদস্সনে দুট্ঠু, নিন্দাযং, ৰন্দনে নমো;

সম্মা সুট্ঠু পসংসাযং, অথো সত্তায মত্থি চ.

১১৫৫.

সাযং সাযে’জ্জ অত্রা’হে,

সুৰে তু স্ৰে অনাগতে;

ততো পরে পরসুৰে, হিয্যোতু দিৰসে গতে.

১১৫৬.

যত্থ যত্র যহিংচাথ, তত্থ তত্র তহিংতহং;

অথো উদ্ধঞ্চ উপরি, হেট্ঠা তু চ অধো সমা.

১১৫৭.

চোদনে ইঙ্ঘ হন্দা’থ, আরাদূরা চ আরকা;

পরম্মুখা তু চ রহো, সম্মুখা ত্ৰা’ৰি পাতু চ.

১১৫৮.

সংসযত্থম্হি অপ্পেৰ, অপ্পেৰনাম নূ’তি চ;

নিদস্সনে ইতি’ত্থঞ্চ, এৰং, কিচ্ছে কথঞ্চি চ.

১১৫৯.

হা খেদে সচ্ছি পচ্চক্খে,

ধুৰং থিরে’ৰধারণে;

তিরো তু তিরিযং চাথ, কুচ্ছাযং দুট্ঠু কু’চ্চতে.

১১৬০.

সুৰত্থি আসিট্ঠত্থম্হি, নিন্দাযং তু ধী [ধি (ক.)] কথ্যতে;

কুহিঞ্চনং কুহিং কুত্র, কুত্থ কত্থ কহং ক্ৰ থ.

১১৬১.

ইহে’ধা’ত্র ¶ তু এত্থা’ত্থ,

অথ সব্বত্র সব্বধি;

কদা কুদাচনং চাথ, তদানি চ তদা সমা.

১১৬২.

আদিকম্মে ভুসত্থে চ, সম্ভৰো’তিণ্ণ তিত্তিসু;

নিযোগি’স্সরিয’প্পীতি, দান পূজা’গ্গ, সন্তিসু.

১১৬৩.

দস্সনে তপ্পরে সঙ্গে, পসংসা, গতি, সুদ্ধিসু;

হিংসা, পকারন্তো’ভাৰ, ৰিযোগা’ৰযৰেসু চ;

পো’পসগ্গো দিসাযোগে, পত্থনা, ধিতিআদিসু.

১১৬৪.

পরাসদ্দো পরিহানি, পরাজয গতীসু চ;

ভুসত্থে পটিলোমত্থে, ৰিক্কমা’মসনাদিসু.

১১৬৫.

নিস্সেসা’ভাৰ সন্যাস, ভুসত্থ মোক্খ রাসিসু;

গেহা’দেসো’পমাহীন, পসাদনিগ্গতা’চ্চযে.

১১৬৬.

দস্সনো’সাননিক্খন্তা, ধোভাগেস্ৰ’ৰধারণে;

সামীপ্যে বন্ধনে ছেক, ন্তোভাগো’পরতীসু চ.

১১৬৭.

পাতুভাৰে ৰিযোগে চ, নিসেধাদো নি দিস্সতি;

অথো নীহরণে চেৰা, ৰরণাদো চ নী সিযা.

১১৬৮.

উদ্ধকম্ম ৰিযোগ ত্ত, লাভ তিত্তি সমিদ্ধিসু;

পাতুভাৰ’চ্চযাভাৰ, পবলত্তে পকাসনে;

দক্খ’গ্গতাসু কথনে, সত্তিমোক্খাদিকে উ চ.

১১৬৯.

দু কুচ্ছিতে’সদত্থেসু, ৰিরূপত্তে প্য’সোভনে;

সিযা’ভাৰা’সমিদ্ধীসু, কিচ্ছে চা’নন্দনাদিকে.

১১৭০.

সং সমোধান সঙ্খেপ, সমন্তত্ত সমিদ্ধিসু;

সম্মা ভুস সহ প্পত্থা, ভিমুখত্থেসু সঙ্গতে;