অঞ্ঞ > ব্যাকরণ গন্থ-সঙ্গহো > সুবোধালঙ্কারটীকা

১. অথাযং ¶ গন্থকারো গন্থারম্ভে পুব্বপযোগানুবন্ধসভাৰসিদ্ধিকৰিগুণোপেতানং যতিপোতানং তদুপাযন্তরৰিরতা কমন্তরাপেতপরক্কমসম্ভৰেনাধিগতব্যসনসতমুপলব্ভ দযাসঞ্জাতরসরসহদযতায তদুপাযভূতং বন্ধলক্খণং ৰিরচযিতুকামোভিমতসিদ্ধিনিমিত্তমত্তনোধিগতসদ্ধম্মদেৰতানুস্সরণং তাৰ দস্সেতুমাহ ‘‘মুনিন্দে’’চ্চাদি. ননু ‘‘বন্ধলক্খণং ৰিরচযিতুকামো’’তি ৰুত্তং, কিমেত্থ লক্খণকরণেন অদিট্ঠলক্খণাপি দিস্সন্তি বন্ধন্তাতি? সচ্চং, তথাপি তে ঘুণক্খরপ্পকাসা তব্বিদূনং পযোগানুসারিনো ৰা সিযুং, পুব্বে কতসত্থপরিচযা ৰা সিযুন্তি ৰিঞ্ঞেয্যং. ৰাণী ময্হং মনং পীণযতন্তি সম্বন্ধো. ৰাণীতি ৰা সরস্সত্যপরনামধেয্যা কাচি দেৰতা, সা সব্বাৰদাতা যথিচ্ছিতত্থসাধনপুণ্ডরীকগব্ভে নিসীদতীতি লোকৰাদো. ৰাণীতি পন পচ্চুহৰিরহেনাভিমতসিদ্ধিনিবন্ধনেকতাণো সম্মাসম্বুদ্ধভাসিতো সদ্ধম্মো, ততোযেৰাযং দেৰতা রুপ্পতে. তত্থ সরস্সতিযা যথা’সত্তা জাতায মনোসম্পীণনন্তি লোকো, সদ্ধম্মদেৰতায তু মনোপীণনং, তস্সা সব্বৰজ্জরহিতাযচ্চন্তনিম্মলায নিরন্তরত্থনেকতাণপ্পৰত্তিযা মনসো সম্পীণনং. তেন চ পস্সদ্ধি, তায পন সুখং, তেনাপি সমাধি, সমাধিসম্ভৰেন যথাভূতাৰবোধসম্ভৰতো ৰিচিত্তানেকসদ্দত্থৰিসেসা পটিভন্ত্যনাযাসেন, ততো চ যথিচ্ছিতসিদ্ধিনিপ্ফত্তীতি ৰঙ্কৰুত্তিযা তপ্পসাদমাসীসতি.

কিংৰিসিট্ঠোচ্চাহ ¶ ‘‘মুনিন্দে’’চ্চাদি. উভো লোকে মুনাতি জানাতীতি মুনি, ইন্দতি পরমিস্সরিযং পৰত্তেতি সব্বত্থাতি ইন্দো, মুনি চ সো ইন্দো চ, মুনীনং ইন্দোতি ৰা মুনিন্দো, সম্মাসম্বুদ্ধো. ততোযং তস্স নিমিত্তকসঞ্ঞা. ৰিজ্জমানেসুপি পরিযাযসদ্দেস্ৰঞ্ঞেসু কৰিকামিতস্সত্থস্সেকন্তৰাচকত্তেনো’ চিত্যসম্পোসকোযং মুনিন্দসদ্দো, তথা হি যো উভযলোকজাননেন মুনীনং পরমিস্সরিযপুগ্গলানম্পি পরমিস্সরিযং ৰত্তেতি, সো পরং পীণেতি হেতুভাৰেন’ত্রে’ত্যু’চিতমেৰ, তথা পদন্তরানম্পি ওচিত্যং পোসেতি. তথা হি তাদিসস্স ৰদনারৰিন্দোদরে সম্ভৰা সুন্দরী, ততোযেৰ পটিসরণং, তস্মা চ মনো পীণেতীতি. তস্স ৰদনং, তমিৰ মুনিন্দৰদনং, অম্ভোজং. তমেৰ ৰা লক্খিসংযোগিতাদিসধম্মেন’ম্ভোজং, পদুমং. তস্স গব্ভো. তত্থ সম্ভৰেন পৰত্তিযা, উপ্পত্তিযা ৰা সুন্দরী নিরৰজ্জা দেৰতা. ৰাচা পন দোসলেসেনাপ’সম্ফুট্ঠাৰ নিরৰজ্জা, তথা চ ৰক্খতি ‘‘গুণালঙ্কারসংযুত্তা’’ [সুবোধালঙ্কার ১৪ গাথা] ইচ্চাদি. ততোৰাযং সরণং পাণিনং সত্তানং পটিভানাদিগুণৰিসেসাৰহত্তমত্তেন পটিসরণভূতা দেৰতা. ৰাচা পন সব্বুপদ্দৰনিৰারণেন সব্বহিতসুখসম্পদাসম্পাদনেনচ্চন্তপটিসরণভূতা. সভাৰনপুংসকত্তা চেত্থ ন লিঙ্গপরিৰত্তনং. ময্হন্তি একৰচনেনত্তনো নিরভিমানত’মানেতি সজ্জনমাচারং. অভিন্নপদসিলেসো চাযং, সব্বত্থেৰাৰীকতসদ্দপ্পযোগতো. সিলেসো চাযং ৰঙ্কৰুত্তিযা সব্বত্থ সিরিং পোসেতি. তথা চ ৰক্খতি ‘‘ৰঙ্কৰুত্তীসু পোসেতি, সিলেসো তু সিরিং পর’’ন্তি [সুবোধালঙ্কার ১৭২ গাথা]. অযমেত্থ সঙ্খেপেন নযেন অত্থৰণ্ণনা. ৰিত্থারনযেন পন নানপ্পকারেনত্থো সংৰণ্ণেতুং সক্কা. তথা সতি গন্থগারৰোপি সিযাতি পকারোযমেৰব্ভুপগতো.

১. সুপরিসুদ্ধবুদ্ধিগোচরপরমৰিচিত্তগন্থকারকোযমাচরিয- সঙ্ঘরক্খিতমহাসামিপাদো ¶ সপিটকত্তযসব্বসত্থপারাৰতরণেন সঞ্জাতানপ্পকপীতিসুখমনুভৰং পটিপত্তিপটিৰেধসাসনদ্ৰযস্স পরিযত্তিমূলকত্তা যেন কেনচি পরিযাযেন তস্সা পরিযত্তিযা অত্থাৰবোধেন ‘‘অপ্পেৰ নাম সাধুজনং পরিতোসেয্য’’মিতি তদধিগমোপাযভূতমিদং পকরণমারভন্তো গন্থারম্ভে ইট্ঠদেৰতায পণামকরণং সতাচারানুরক্খণত্থং [সদাচারানুরক্খণত্থং (ক.)], ৰিসেসতো অভিমতগন্থস্সানন্তরাযেন পরিসমত্তিযা চ কারণমিতি ইট্ঠদেৰতানুস্সরণং, গন্থন্তরারম্ভপটিক্খেপকজনপটিবাহনপুব্বকানি অভিধানাভিধেয্যকরণপ্পকারপযোজনানি চ দস্সেন্তো ‘‘মুনিন্দৰদনম্ভোজ…পে… পরিস্সমো’’তি গাথত্তযমাহ. এত্থ পঠমগাথায ইট্ঠদেৰতাসঙ্খাতরতনত্তযপ্পণামো দস্সিতো, দুতিযগাথায আরম্ভপটিক্খেপকজনা নিসেধিতা, ততিযগাথায অভিধানাদিকং দস্সিতং. তথা হি লোকুত্তরধম্মনিস্সিতপরিযত্তিসঙ্খাতসব্বঞ্ঞুভারতিযা মনোসম্পীণনাসীসনাপদেসেন অত্তনো নিস্সেসধম্মরতনে পসাদো পকাসিতো. সো পন ধম্মপ্পসাদো তদৰিনাভাৰতো বুদ্ধসঙ্ঘেসুপি সিদ্ধোতি রতনত্তযৰিসযং পণামং ৰঙ্কৰুত্তিযা দস্সেতি. সো হি অত্থতো পণামক্রিযাভিনিপ্ফাদিকা কুসলচেতনা. এত্থ ফলং হেট্ঠা ৰুত্তমেৰ.

পুন সন্তেসু রামসম্মাদ্যলঙ্কারেসু পিট্ঠপিসনং ৰিয হোতীদং অলঙ্কারকরণন্তি ৰদন্তা ৰিরুদ্ধৰাদিনো রামসম্মাদীনমত্থিভাৰং উব্ভাৰেত্ৰা [অভ্যুপগমেত্ৰা (ক.)] তে সুদ্ধমাগধিকা ন ৰল়ঞ্জেন্তীতি ইমিনা পটিসিদ্ধা. নিরাকরণফলঞ্হি গন্থস্স নিদ্দোসভাৰোৰ. অপিচ সদ্দালঙ্কারঅত্থালঙ্কারদীপকেন অলঙ্কারসদ্দেন ¶ গন্থসরীরসঙ্খাতসঞ্ঞিনো সঞ্ঞাসঙ্খাতঅভিধানঞ্চ অলঙ্কারসদ্দস্স সদ্দালঙ্কারাদ্যভিধেয্যঞ্চ সুদ্ধমাগধিকত্তং ৰত্ৰা অলঙ্কারসদ্দস্স ৰিসেসনভূতঅনুরূপসদ্দোপাদানেন বুদ্ধৰচনস্স উপযোগত্তং মাগধিকৰোহারেন ভৰতীতি গম্যমানত্তা করণপ্পকারঞ্চ অলঙ্কারগন্থপ্পৰত্তিযা অত্থালঙ্কারাদিনিস্সিতত্তা ইমিনা অলঙ্কারসদ্দেনেৰ অলঙ্কারসঙ্খরণসঙ্খাতপ্পযোজনঞ্চ দস্সেতি.

সত্থপ্পযোজনানং সাধ্যসাধনলক্খণো সম্বন্ধো পন সম্বন্ধস্স নিস্সযভূতসত্থপ্পযোজনানং দস্সনেনেৰ তন্নিস্সিতত্তা সযম্পি ৰুত্তো হোতি. ৰুত্তং হি–

‘‘সত্থং পযোজনঞ্চেৰ, উভো সম্বন্ধনিস্সযা;

ৰুত্তা তংৰুত্তিযাযেৰ, ৰুত্তো তন্নিস্সিতোপি সো’’তি.

তস্সত্থো– সম্বন্ধনিস্সযা সম্বন্ধস্স আধারভূতা সত্থং, পযোজনঞ্চ উভো ৰুত্তা, তংৰুত্তিযাযেৰ তেসং উভিন্নং কথনেনেৰ তন্নিস্সিতো তে নিস্সায পৰত্তো সোপি সম্বন্ধো ৰুত্তো ভৰতীতি.

এত্থ অভিধানকথনং ৰোহারসুখত্থং, অভিধেয্যাদিকথনং পন তেহি যুত্তানংযেৰ গন্থানং সুবুদ্ধিপুব্বকাদীনং উপাদেয্যত্তঞ্চ তব্বিপরীতানং উম্মত্তকৰচনাদীনমিৰঅনুপাদেয্যত্তঞ্চ পকাসনত্থন্তি ৰেদিতব্বং. ৰুত্তঞ্হি –

‘‘সম্বন্ধানুগুণোপাযং [সম্বন্ধ্যনুগুণোপাযং (ক.)], পুরিসত্থাভিধাযকং;

ৰীমংসাধিগতং [ৰীমংসাধিকতং (সী.)] ৰাক্য-মতোনধিগতং […নধিকতং (সী.)] পর’’ন্তি.

তস্সত্থো– সম্বন্ধানুগুণোপাযং সাধিযসাধনলক্খণসম্বন্ধস্স নিস্সযভূতৰাচ্চৰাচকানং সম্বন্ধিভূতানং অঞ্ঞমঞ্ঞানুরূপগুণপরিজাননে কারণভূতং পুরিসত্থাভিধাযকং চতুব্বিধধম্মঅত্থকামমোক্খসঙ্খাতানং পুরিসত্থানং ৰাচকভূতং ¶ ৰাক্যং ‘‘একাখ্যাতো পদচ্চযো, সিযা ৰাক্যং সকারকো’’তি [অভিধানপ্পদীপিকা ১০৬ গাথা] ৰুত্তলক্খণমজ্ঝপতিতৰাক্যসমুদাযোপেতং মহাৰাক্যসরূপসত্থং ৰীমংসাধিগতং ঞাণগতিলক্খণউপপরিক্খায অধিগতং অধিপ্পেতং, অতো পরং ৰুত্তলক্খণসত্থতো অঞ্ঞং অনধিগতং নাধিপ্পেতন্তি. ইদং পনেত্থ গাথানং নিক্খেপপ্পযোজনং.

লোকে পদুমগব্ভে ৰসন্তিযা সব্বঙ্গধৰলায যথিচ্ছিতত্থসাধিকায সরস্সতীনামিকায দেৰতায ‘‘ৰাণী’’তি ৰোহারতো ইমিনা অত্থেন যোজেত্ৰা অভিন্নপদসিলেসালঙ্কারৰসেন ৰুত্তত্তা পদত্থো এৰং ৰেদিতব্বো – মুনিন্দস্স সোভাসুগন্ধাদিগুণযোগতো মুখসদিসস্স, নো চে মুখসঙ্খাতঅম্ভোজস্স গব্ভে উদরে সম্ভৰেন পৰত্তিযা উপ্পত্তিযা ৰা সুন্দরী নিদ্দোসা, সোভনা ৰা পাণিনং সরণং অতোযেৰ অহিতাপনযনহিতাৰহত্থেন সব্বসত্তানং পটিস্সরণভূতা ৰাণী যথাৰুত্তগুণোপেতা সরস্সতীদেৰতা, নো চে সব্বঞ্ঞুভারতীতি ৰুত্তসদ্ধম্মরতনং ময্হং মনং গন্থৰিরচনে ব্যাৰটস্স মে চিত্তং পীণযতং অভিমতত্থসম্পাদনেন পীণযতূতি.

উভযলোকজাননতো মুনি চ সো ইন্দভাৰপৰত্তনতো ইন্দো চেতি কম্মধারযেন ৰা, অগারিযমুনিঅনগারিযমুনিসেখমুনিঅসেখমুনীনং চতুন্নং পঞ্চমো হুত্ৰা ইন্দোতি ছট্ঠীতপ্পুরিসেন ৰা মুনিন্দো. দেৰতাপক্খে ৰদনমিৰ ৰদনন্তি অম্ভোজে, সদ্ধম্মপক্খে অম্ভোজমিৰ অম্ভোজন্তি ৰদনে চ উপচারেন গহিতে কম্মধারযো. মুনিন্দস্স ৰদনম্ভোজমিতি চ, তস্স গব্ভোতি চ, তস্মিং সম্ভৰোতি চ, তেন সুন্দরীতি চ ৰাক্যং. ৰাণিযা ৰিসেসনত্তেপি একন্তনপুংসকত্তা সরণসদ্দস্স ন লিঙ্গপরিৰত্তনভাৰো. পাণিনন্তি রস্সত্তং, দীঘস্স ব্যভিচারত্তা. ময্হন্তি একৰচনেন অত্তনো সাধুগুণোদযকারণং ¶ নিরতিমানতং দীপেতি. সন্তেসুপি অঞ্ঞেসু জিনপরিযাযেসু মুনিন্দসদ্দো ইট্ঠমনোসম্পীণনঅম্ভোজতুল্যতাসুন্দরিত্তসরণত্তসঙ্খাতানং অত্থন্তরানং ওচিত্যং পোসেতীতি পযুত্তো. তথা হি তাদিসস্স মুখং অম্ভোজতুল্যং, তস্মিং মুখোদরে সম্ভৰা সুন্দরী, ততোযেৰ পাণিনং সরণং. তস্মাযেৰ মনোসম্পীণনে পটুত্তং সুব্যত্তমিতি ওচিত্যং হোতি. লোকে পত্থটমিদমোচিত্যমাদরণীযং হোতি. তস্মিঞ্হি উত্তমকৰযোযেৰ উপদেসকাতি. ৰুত্তঞ্হি –

‘‘ওচিত্যং নাম ৰিঞ্ঞেয্যং, লোকে ৰিখ্যাতমাদরা;

তত্থোপদেসপ্পভৰা, সুজনা কৰিপুঙ্গৰা’’তি [সুবোধালঙ্কার ১০৪ গাথা].

রামসম্মাদ্যলঙ্কারা, সন্তি সন্তো পুরাতনা;

তথাপি তু ৰল়ঞ্জেন্তি, সুদ্ধমাগধিকা ন তে.

২. অথেৰমভিগতামিতসিদ্ধিসম্পদাপাদনেকচতুরপরমিট্ঠদেৰতা- ভাৰরূপিতসদ্ধম্মরতনস্সো’ পদস্সিতনিপচ্চকারেন ইট্ঠদেৰতাপূজং দস্সেত্ৰা ‘‘ননু বন্ধলক্খণমত্থিযেৰ পুব্বকং, তস্মা কিমনেন পিট্ঠপিসনেনে’’তি লক্খণন্তরারম্ভপটিক্খেপকজনপটিবাহনপুব্বকমভিধেয্যপ্পযোজন- সম্বন্ধে দস্সেতুমাহ ‘‘রামসম্মে’’চ্চাদি. রামসম্মাদীনং রামসম্মপভুতীনং পুব্বাচরিযানং, রামসম্মাদযো ৰা তংসম্বন্ধতো. ভৰতি হি তংসম্বন্ধতো তব্বোহারো যথা কিঞ্চিপি ৰেজ্জসত্থং ‘‘বিম্বিসারো’’তি. অলঙ্কারা ভূসাৰিসেসা, বন্ধালঙ্কারপটিপাদকত্থেন অলঙ্কারখ্যা গন্থৰিসেসা ৰা. সন্তো সোভনা. দ্ৰেপি পুরা পুব্বকালে ভৰা পুরাতনা, পোরাণিকা. উভোপি সন্তি. যজ্জপি সংৰিজ্জন্তি. তথাপি তূতি নিপাতসমুদাযোযং ¶ ৰিসেসাভিধানারম্ভে. এৰং সন্তেপীতি অত্থো. সুদ্ধমাগধিকাতি মগধেসু ভৰা, তত্থ ৰিদিতা ৰা মগধা, সদ্দা. তে এতেসং সন্তি, তেসু ৰা নিযুত্তাতি মাগধিকা. সুদ্ধা চ সক্কটাদিভাসিতকালুসিযাভাৰেন ৰিসুদ্ধা, অসম্মিস্সা ৰা অপরিচিতত্তা তে মাগধিকা চাতি সুদ্ধমাগধিকা, যতিপোতা. তে যথাৰুত্তে অলঙ্কারে আভরণৰিসেসে ন ৰল়ঞ্জেন্তি, পসাধনৰিসেসে নানুভৰন্তি. গন্থৰিসেসে পন উগ্গহণধারণাদিৰসেন অত্তনো সুদ্ধমাগধিকত্তা, রামসম্মাদীনঞ্চ সক্কটাদিভাৰতোতি অযমেত্থ সদ্দত্থো. ভাৰত্থলেসোপেত্থ পরিপূরতি, তথাৰিধপতীতিযোগতো. সুদ্ধমাগধিকা অত্তনো পরিসুদ্ধভাৰেন পুব্বে সোভনাপি তে অলঙ্কারা ইদানি মলগ্গহিতভাৰপ্পত্তা ‘‘কিং তেহি মলগ্গহিতেহি অম্হাদিসানং সুদ্ধসত্তান’’ন্তি ন ৰল়ঞ্জেন্তীতি.

মাভাতি লাৰণ্যমিৰঙ্গনাসূ’’তি.

২. সন্তো ৰিঞ্ঞূহি পসত্থত্তা সোভনা পুরাতনা পুব্বকালসম্ভূতা রামসম্মাদ্যলঙ্কারা রামসম্মাদীহি আচরিযেহি ৰিরচিতত্তা, তেসং তংসম্বন্ধতো তব্বোহারসদিসনামত্তা ৰা রামসম্মাদযো নাম অলঙ্কারা কিস্মিঞ্চি ৰেজ্জসত্থে ‘‘বিম্বিসারো’’তি ৰোহারো ৰিয. অলঙ্কারা ভূসাৰিসেসা, অলঙ্কারত্তপটিপাদনতো অলঙ্কারনামিকা গন্থৰিসেসা ৰা সন্তি কিঞ্চাপি ৰিজ্জন্তি, তথাপি তু এৰং সন্তেপি সুদ্ধমাগধিকা সক্কটপাকতাদীসু অঞ্ঞভাসাসু পরিচযাভাৰতো কেৰলমাগধিকা তে রামসম্মাদিকে অলঙ্কারে ন ৰল়ঞ্জেন্তি পসাধনৰসেন, উগ্গহণধারণাদিৰসেন ¶ ন সেৰন্তি. মগধেসু ভৰা, তেসু ৰা ৰিদিতা মগধা, সদ্দা. তে এতেসং অত্থি, তেসু নিযুত্তাতি ৰা মাগধিকা. সুদ্ধসদ্দো মগধৰিসেসনো, মাগধিকৰিসেসনো ৰা হোতি. সদ্দানং তাদিসপতীতিৰিসেসযোগতো ভাৰত্থলেসোপি ইধ দিপ্পতি. তথা হি সুদ্ধমাগধিকা অত্তনো সুদ্ধত্তা তেসং ৰিন্যাসেন সোভনত্তে সতিপি ভাসায পুরাতনত্তা অপরিসুদ্ধোতি অৰমঞ্ঞমানা ন ৰল়ঞ্জেন্তীতি. ৰত্তিচ্ছিতস্সত্থস্স উপত্থম্ভকভূতো ভাৰত্থলেসোপি মহাকৰীনং ৰচনেসুযেৰ লব্ভতীতি দট্ঠব্বো. ৰুত্তং হি–

মাভাতি লাৰণ্যমিৰঙ্গনাসূ’’তি.

তস্সত্থো – মহাকৰীনং পূজিতকৰীনং ৰাণীসু ৰচনৰিসেসেসু পতীযমানং গম্মমানং যং কিঞ্চি ৰত্থু যো কোচি অত্থলেসো অত্থেৰ অত্থি এৰ, তং ৰত্থু অঙ্গনাসু ৰনিতাসু পসিদ্ধাৰযৰাতিরিত্তং হত্থপাদাদিপাকটসরীরাৰযৰতো অধিকং লাৰণ্যমিৰ মনোগোচরীভূতসুন্দরত্তং ৰিয পসিদ্ধাৰযৰাতিরিত্তং পকাসসদ্দাৰযৰতো অধিকং হুত্ৰা আভাতি দিপ্পতীতি.

তেনাপি নাম তোসেয্য-মেতে’লঙ্কারৰজ্জিতে;

অনুরূপেনা’লঙ্কারে-নে’সমেসো পরিস্সমো.

৩. তেনেচ্চাদি. যেন তে অলঙ্কারে ন ৰল়ঞ্জেন্তি, তেন কারণেন অলঙ্কারৰজ্জিতে আভরণেহি, গন্থৰিসেসেহি ৰা রহিতে, অলঙ্কারা ৰা যথাৰুত্তৰজ্জিতা যেহি ¶ তে, এতে যতিপোতে এসং যতিপোতানং অনুরূপেন ইদানি ৰিরচিযমানত্তাভিনৰভাৰতো, দসবলৰদনকমলমজ্ঝৰাসিতভাসিতৰিরচিতভাৰতো চ অনুচ্ছৰিকেন অলঙ্কারেন আভরণেন, অলঙ্কারসত্থেন ৰা তোসেয্যং অপিনাম যথিচ্ছিতপসাধনৰসেন, সৰনধারণাদিৰসেন ৰা ৰল়ঞ্জনেন সন্তুট্ঠে করেয্যং অপ্পেৰ নাম যন্নূনাতি এসো পরিস্সমো অযং অম্হাকং তাদিসসন্তুট্ঠিজনকালঙ্কারপকরণপ্পযোগো.

অলঙ্করোন্তি অত্তভাৰমনেনাতি অলঙ্কারো, আভরণং হারকেযূরাদি. অলঙ্করোন্তি বন্ধসরীরমনেনাতি অলঙ্কারোতিমিনা পন অলঙ্কারসদ্দেন পসাদাদযো সদ্দালঙ্কারা, সভাৰৰুত্যাদযো চ অত্থালঙ্কারা নানপ্পকারা সঙ্গহিতা, যেহি সদ্দত্থসঙ্খাতং বন্ধসরীরং সোভতে, যথা হি পুরিসসরীরে হারকেযূরাদ্যলঙ্কারো ন্যস্যতে, যেন সোভতে, তথা বন্ধসরীরেপি সদ্দালঙ্কারা, অত্থালঙ্কারা চ নিক্খিপীযন্তি, যতো সোভতে. তেনেৰ ৰক্খতি ‘‘তং তু পাপেন্তুলঙ্কারা, ৰিন্দনীযতরত্তন’’ন্তি [সুবোধালঙ্কার ৯ গাথা] চ, ‘‘অত্থালঙ্কারসহিতে’’চ্চাদিকঞ্চ [সুবোধালঙ্কার ১৬৪ গাথা].

অলঙ্কারৰিধানভাৰেন তু বন্ধসরীরম্পি তদত্থিযা অলঙ্কারো, তথা তপ্পটিপাদকং সুবোধালঙ্কারনামধেয্যসত্থং অলঙ্কতপটিপাদকত্তেন মঙ্গলসুত্তন্তি ৰিয. ৰক্খতি হি ‘‘গন্থোপি কৰিৰাচান-মলঙ্কারপ্পকাসকো’’ [সুবোধালঙ্কার ১২ গাথা] চ্চাদি. অত্র উচ্চতে –

‘‘মুখ্যোলঙ্কারসদ্দোযং, সদ্দত্থালঙ্কতিস্সিতো;

সামত্থিযা ত্ৰধিট্ঠানে, তথা সত্থেপি তব্বতী’’তি.

অনেনস্সাভিধেয্যাদীনি ¶ ৰুচ্চন্তি. অভিধীযতে ইতি অভিধেয্যং, সমুদিতেন সত্থেন ৰচনীযত্থো. সো চ সরীরালঙ্কারৰিভাগকপ্পনায তেসং পটিপাদনং. সুবোধালঙ্কারেন হি তে পটিপাদীযন্তি. যেন চ যো পটিপাদীযতি, তস্সাযমত্থো ভৰতীতি অভিধেয্যসত্থোপি. দস্সিতমেৰ তু সরীরালঙ্কারসঙ্খরণং পযোজনং, তং নিস্সায সুবোধালঙ্কারপ্পৰত্তিতো. যস্স হি যমুদ্দিস্স পৰত্তি হোতি, তং তস্স পযোজনং, তং পন কৰিত্তকিত্তিপসিদ্ধাদিলক্খণং, পরম্পরায তদত্থতায সুবোধালঙ্কারসঙ্খরণস্স. সত্থপযোজনানং, সাধিযসাধনলক্খণো সম্বন্ধো তু নিস্সযপদস্সিনা দস্সিতোযেৰ. যথাহ –

‘‘সত্থং পযোজনঞ্চেৰ, উভো সম্বন্ধনিস্সযা;

ৰুত্তাতংৰুত্তিযাযেৰ, ৰুত্তো তন্নিস্সিতোপি সো’’তি.

অভিধেয্যাদিকথনঞ্চ তংসমঙ্গিস্সেৰ চ ৰীমংসাৰিসেসসমঙ্গীনমুপাদীযমানত্তা, অঞ্ঞাদিসস্স পন উম্মত্তকৰচনাদিনো ৰিয হেয্যত্তা. ৰুত্তঞ্হেতং –

‘‘সম্বন্ধানুগুণোপাযং, পুরিসত্থাভিধাযকং;

ৰীমংসাধিগতং ৰাক্য-মতোনধিগতং পর’’ন্তি.

ৰাক্যন্তি চেত্থ ৰাক্যলক্খণোপেতমন্তরৰাক্যসন্নিচযং মহাৰাক্যসরূপং সত্থমেৰাধিপ্পেতং.

৩. যেন তে তে অলঙ্কারেন ৰল়ঞ্জেন্তি, তেন কারণেন অলঙ্কারৰজ্জিতে আভরণৰিসেসেহি, গন্থৰিসেসেহি ৰা ৰজ্জিতে, তে ৰিরহিতে যেহি এতে সুদ্ধমাগধিকে এসং সুদ্ধমাগধিকানং অনুরূপেন অভিনৰভাৰতো মাগধিকসরূপং অনুগতরূপেন, দসবলভাসিতৰিরচিতত্তা ৰা অনুকূলেন অলঙ্কারেন আভরণৰিসেসেন, গন্থৰিসেসেন ৰা তোসেয্যং অলঙ্কারৰল়ঞ্জাপনেন, গন্থৰিসেসে [গন্থৰিসযে (ক.)] উগ্গহণধারণাদিকারাপনেন ¶ ৰা সন্তুট্ঠে করেয্যং অপিনাম যংনূন সুন্দরমিতি, এসো পরিস্সমো অযং মম অলঙ্কারপকরণপ্পযোগো. অপিনামাতি এত্থ ইতিসদ্দো গম্যমানো.

অলঙ্কারেহি ৰজ্জিতা, অলঙ্কারা ৰজ্জিতা যেহি ৰাতি চ. রূপস্স অনু অনুরূপং, রূপং অনুগতং অনুরূপং ৰা, তেন অনুরূপেন. অলঙ্করোন্তি অত্তভাৰমনেনেতি অলঙ্কারো, হারকেযূরাদি আভরণপক্খে, গন্থপক্খে তু অলঙ্করোন্তি বন্ধসরীরমনেনেতি অলঙ্কারো. ইমিনা মুখ্যভাৰেন পসাদাদিসদ্দালঙ্কারা চ সভাৰৰুত্যাদিঅত্থালঙ্কারা চ পৰুচ্চন্তি. অমুখ্যতো পন ইমেসং দ্ৰিন্নং অলঙ্কারানমধিট্ঠানভূতবন্ধসরীরম্পি, তথা মঙ্গলসুত্তরতনসুত্তাদিৰোহারো ৰিয অলঙ্কারপকাসকং ‘‘সম্মা বুজ্ঝন্তি দ্ৰিপ্পকারা অলঙ্কারা অনেনে’’তি ইমিনা অত্থেন লদ্ধসুবোধালঙ্কারৰরনামধেয্যসত্থম্পি ৰুচ্চতি. ৰুত্তমিদমেৰ –

‘‘মুখ্যোলঙ্কারসদ্দোযং, সদ্দত্থালঙ্কতিস্সিতো;

সামত্থিযা ত্ৰধিট্ঠানে, তথা সত্থেপি তব্বতী’’তি.

এত্থ সামত্থিযং নাম তদাধারতপ্পটিপাদকত্তৰোহারতো তদাধেয্যতপ্পটিপাদনীযং ন ভৰতি চে, অঞ্ঞং কিং ভৰতীতি অঞ্ঞথানুপপত্তিলক্খণমেৰাতি.

যেসং ন সঞ্চিতা পঞ্ঞা-নেকসত্থন্তরোচিতা;

সম্মোহব্ভাহতাৰে’তে, নাৰবুজ্ঝন্তি কিঞ্চিপি.

কিং তেহি পাদসুস্সূসা, যেসং নত্থি গুরূনী’হ [গরূনিহ (ক.)];

যে তপ্পাদরজোকিণ্ণা, তে’ৰ সাধূৰিৰেকিনো.

৪-৫. এৰং লক্খণারম্ভপটিক্খেপকজনপটিবাহনপুব্বকমভিধেয্যাদিকং দস্সেত্ৰা ইদানি সত্থতোৰ সব্বত্থ গুণদোসৰিৰেচনং. অতোযেৰ ৰুচ্চতি –

‘‘সব্বত্থ ¶ সত্থতোযেৰ, গুণদোসৰিৰেচনং;

যং করোতি ৰিনা সত্থং, সাহসং কিমতোধিক’’ন্তি.

তস্মা গুণদোসৰিভাগৰিচারণং নাম তব্বিদূনংযেৰ, নাসত্থঞ্ঞূনং পুরিসপসূনং. তথা চাহ –

‘‘গুণদোসমসত্থঞ্ঞূ, জনো ৰিভজতে কথং;

অধিকারো কিমন্ধস্স, রূপভেদোপলদ্ধিয’’ন্তি [কাব্যাদাস ১.৮].

যেনেৰং, তেনেত্থ গুণদোসদস্সনে পসন্নানেকসত্থচক্খুযেৰাধিগতো, নঞ্ঞো তব্বিপরীতোত্যন্ৰযব্যতিরেকৰসেন দস্সেন্তো ‘‘যেস’’ন্তিআদিগাথাদ্ৰযমাহ. তত্থ যেসন্তি অনিযমুদ্দেসো, যেহীতি অত্থো. যেহি ন সঞ্চিতা ন রাসিকতা, নানাসন্তানৰুত্তিনীপি একত্তনযেন একস্মিং সন্তানে ন ৰাসিতা নপরিভাৰিতাতি ৰুত্তং হোতি. কা সা? পঞ্ঞা হেয্যোপাদেয্যৰিৰেকরূপা. কীদিসীতি আহ ‘‘অনেকসত্থন্তরোচিতা’’তি. অনেকস্মিং তিপিটকতক্কব্যাকরণালঙ্কারসত্থাদিকে সত্থন্তরে উচিতা সৰনধারণাদিৰসেন পরিচিতা সাযং পঞ্ঞা যেসং ন সঞ্চিতাতি পকতং. এতেতি যথাউদ্দিট্ঠানং নিযমৰচনং. সম্মোহব্ভাহতাতি যথাৰুত্তাযাতিসযৰতিযা পঞ্ঞাযাভাৰতো বলপ্পত্তেন মোহেন অব্ভাহতা ৰিসেসেন পহতা, এৰসদ্দিতা হোন্তীতি অধিপ্পাযো. যতো এৰং, তস্মাপি কিঞ্চিপি হেয্যোপাদেয্যরূপং যং কিঞ্চিদেৰ অট্ঠানানিযোজকতাদিসগুরুপাদসুস্সূসানিস্সযপটিলদ্ধৰিৰেকপঞ্ঞাতি- সযালাভেন নাৰবুজ্ঝন্তি, ন জানন্তীত্যত্থো. যতো আলসিযাদিদোসলেসপরিগ্গহোপি সততাচরিযসেৰনৰসেন সিরোৰিকিণ্ণতাদিসগুরুপাদপঙ্কজম্বুজপরাযনো চিরেনপি কালেন নানাৰিধসত্থন্তরকতপরিচযবলেন পপ্পোতি তাদিসং পঞ্ঞাৰেযত্তিযং. তেনেৰাহ ভগৰা –

তস্মা’ত্তনো উত্তরিতরং ভজেথা’’তি [অ. নি. ৩.২৬].

ততো এতাদিসো পঞ্ঞৰাযেৰেত্থ গুণদোসৰিভাগৰিৰেচনে অধিকারী, নঞ্ঞো তব্বিপরীতো পুরিসপসূতি অযমেত্থাধিপ্পাযো. রুল়্হো অত্থৰিসেসো. তেনাহ ‘‘কিং তেহি পাদসুস্সূসা, যেসং নত্থি গুরূনিহা’’তি. ইহাতি ইমস্মিং লোকে যেসং জনানং গুরূনং কাতব্বা পাদসুস্সূসা পাদপরিচরিযা নত্থি, তেহি জনেহি যথাৰুত্তনযেন পঞ্ঞাৰেযত্তিযরসানভিঞ্ঞেহি কিং পযোজনং, লেসমত্তম্পি নত্থি, অনধিগতাযেৰেত্থ এতেতি অধিপ্পাযো. ইদানি ব্যতিরেকমুখেন আহ ‘‘যে’’তিআদি. যে পুব্বে কতপুঞ্ঞতাদিসম্পত্তিসম্পন্না তপ্পাদরজেহি তেসং গুরূনং পাদধূলীহি ওকিণ্ণা ওনদ্ধা গৰচ্ছিতা, তেৰ সাধূ যথাৰুত্তনযেন পঞ্ঞাৰেযত্তিযেন অভিঞ্ঞাতা সজ্জনা এৰ ৰিৰেকিনো হেয্যোপাদেয্যগুণদোসৰিভাগনিযমনপঞ্ঞাসম্পত্তিসমঙ্গিনো হোন্তি, তেযেৰেত্থ গুণদোসৰিৰেচনে অধিগতাতি অধিপ্পাযো. সা চাযং গুরুপাদসুস্সূসা ৰিসিট্ঠাদরেন করণীযাতি ৰঙ্কৰুত্তিযা তদভ্যাসে সাধুজনে নিযোজেতি.

৪-৫. যে সকলসত্থপরিচিতঞ্ঞাণপাটৰা যদি দোসমারোপযন্তি, তেসং তদ্দোসনিরাকরণং ৰিনা পদেসাৰবোধনমত্তেন পণ্ডিতমানীনং ৰচনস্সাগুরুকরণং ৰঙ্কৰুত্তিযা দস্সেন্তো চ তংদ্ৰারেনেৰ অত্তনো অনঞ্ঞসাধারণগুরুগারৰতং সাধুজনেহি পরমাদরেন সম্পাদেতব্বমিতি দস্সেতুং ‘‘যেসং…পে… কিনো’’তি গাথাদ্ৰযমাহ. অনেকসত্থানং ¶ তিপিটকতক্কব্যাকরণাদীনং অনেকেসং গন্থানং অন্তরে তত্ৰত্থসঙ্খাতঅব্ভন্তরে উচিতা সৰনউগ্গহণধারণাদিৰসেন পরিচিতা পঞ্ঞা সুতমযা পঞ্ঞা যেসং যেহি ন সঞ্চিতা, দ্ৰিন্নমেকক্খণে পৰত্তিযাভাৰেপি উপচিতসমূহভাৰতো, পুব্বকালিকপঞ্ঞায অপরকালিকপঞ্ঞায অনন্তরআসেৰনাদিপচ্চযলাভতো অৰত্থবাহুল্লপৰত্তিতো ৰা সঞ্চিতব্বাপি ন রাসিকতা. এতে ঈদিসপঞ্ঞাপাটৰরহিতা ইমে সম্মোহব্ভাহতা পঞ্ঞাপাটৰাভাৰতো বলপ্পত্তেন মোহেন ৰিসেসেন পহতা এৰ কিঞ্চিপি হেয্যোপাদেয্যং নাৰবুজ্ঝন্তি. ন একে অনেকেতি চ, তে চ তে সত্থা চেতি চ, তেসমন্তরমিতি চ, তস্মিং উচিতাতি চ সম্মোহেন অব্ভাহতাতি চ ৰিগ্গহো. তেন ৰুত্তং–

‘‘গুণদোসমসত্থঞ্ঞূ, জনো ৰিভজতে কথং;

অধিকারো কিমন্ধস্স, রূপভেদোপলদ্ধিয’’ন্তি [কাব্যাদাস ১.৮].

তস্সত্থো – অসত্থঞ্ঞূ জনো গুণদোসং কথং ৰিভজতে. তথা হি রূপভেদোপলদ্ধিযং নীলপীতাদিরূপৰিসেসাৰবোধনে অন্ধস্স অধিকারো অভিমুখকরণং কিং হোতি, ন ভৰত্যেৰ, তস্মা অনেকসত্থন্তরগতসুপ্পসন্নপঞ্ঞাচক্খুনা এৰ গুণদোসৰিৰেচনং ভৰতি, তদভাৰে ন ভৰত্যেৰ. ইদমেৰ ৰুচ্চতে–

‘‘সব্বত্থ সত্থতোযেৰ, গুণদোসৰিৰেচনং;

যং করোতি ৰিনা সত্থং, সাহসং কিমতোধিক’’ন্তি.

তস্সত্থো – সব্বত্থ গুণদোসৰিৰেচনং সত্থতোযেৰ হোতি, সত্থং ৰিনা সত্থোচিততাদিসপঞ্ঞং ৰিনা যং করোতি গুণাগুণৰিভাগং করোতি, যং করণং অত্থি, অতোধিকং সাহসং কিং আসুং কিরিযা অনুপপরিক্খনকিরিযা নত্থেৰ.

ইহ ¶ ইমস্মিং লোকে যেসং অকতপুঞ্ঞানং জনানং গুরূনং

নো চা’ট্ঠানে নিযোজকো’’তি [অ. নি. ৭.৩৭].

নিদ্দিট্ঠগুণোপেতানং আচরিযানং কাতব্বা পাদসুস্সূসা পাদপরিচরিযা নত্থি, তেহি কিং পযোজনং. যে কতপুঞ্ঞা জনা তপ্পাদরজোকিণ্ণা তেসং গুরূনং পাদরজেহি গৰচ্ছিতা, তেৰ সাধূ জনা এৰ ৰিৰেকিনো কল্যাণমিত্তগুরুপাসনাহি অধিগতৰিসিট্ঠৰিৰেকবুদ্ধিনো ভৰন্তি, তে এৰ ৰিৰেকং জানন্তীতি ভাৰো. সোতুমিচ্ছা সুস্সূসা, তং নিস্সায কত্তব্বপাদপরিচরিযাপি তদত্থিযা সুস্সূসা নাম হোতি. পাদেসু সুস্সূসাতি চ, তেসং পাদাতি চ, তেসু রজানীতি চ, তেহি ওকিণ্ণাতি চ ৰিগ্গহো. সিস্সানং সকলাভিবুদ্ধিযা গুরুপটিবদ্ধত্তা অত্তনো গুণতো অধিকতরাযেৰ সেৰিতব্বা. ৰুত্তঞ্হি ভগৰতা –

তস্মা’ত্তনো উত্তরিতরং ভজেথা’’তি [অ. নি. ৩.২৬].

কব্বনাটকনিক্খিত্ত-নেত্তচিত্তা কৰিজ্জনা;

যংকিঞ্চি রচযন্তে’তং, ন ৰিম্হযকরং পরং.

তেযে’ৰ পটিভাৰন্তো, সো’ৰ বন্ধো সৰিম্হযো;

যেন তোসেন্তি ৰিঞ্ঞূযে, তত্থাপ্য’ৰিহিতাদরা.

৬-৭. এৰমেত্থান্ৰযব্যতিরেকৰসেনাধিগতে দস্সেত্ৰা ইদানি ‘‘কিং অম্হাকং কব্বনাটকপরিচযাভাৰেরচনাৰিসেসাভিযোগোপজনিতপরিস্সমেনা’’তি ওলীনৰুত্তিনো সোতুজনে সমুস্সাহেতি ¶ ‘‘কব্বনাটকা’’তিআদিনা. কৰিপ্পযোগসঙ্খাতো বন্ধোৰ কৰিনো ইদন্তি কব্বং. মুত্তকাদিৰাক্যস্ৰমুত্তিকাদ্যৰযৰসভাৰা অন্তরৰাক্যসমুদাযসম্পন্নং ৰুত্তজাতিভেদভিন্নং পজ্জমযং গজ্জমযং পজ্জগজ্জমযং চম্পূনামকঞ্চ, মহাৰাক্যরূপং মহাকব্বঞ্চ, তং পন মহাকব্বং সগ্গেহি সগ্গনামকেহি পরিচ্ছেদৰিসেসেহি বন্ধ্যতে করীযতীতি সগ্গবন্ধোতি পৰুচ্চতি. তস্স তু লক্খণং ‘‘সগ্গবন্ধস্স মুখং ইট্ঠাসীসনং সিযা পণামো ৰা বন্ধসম্বন্ধিনো কস্সচি অত্থস্স নিদ্দেসো ৰা’’তিআদিনা অনেকধা ৰণ্ণেন্তি. তং যথা?

‘‘সগ্গবন্ধো মহাকব্ব-মুচ্চতে ত্ৰস্স লক্খণং;

পণামো ৰত্থুনিদ্দেসো, আসীসাপি চ তম্মুখং.

ইতিহাসকথুব্ভূতং, সন্তসন্নিস্সযম্পি ৰা;

চতুৰগ্গফলাযত্তং, চতুরোদাত্তনাযকং.

পুরণ্ণৰুতুসেলিন্দু-সৰিতূদযৰণ্ণনং;

উয্যানসলিলক্কীল়া, মধুপানরতুস্সৰং.

ৰিপ্পলম্ভৰিৰাহেহি, কুমারোদযৰড্ঢিহি;

মন্তদূতপ্পযানাজি-নাযকাভ্যূদযেহিপি.

অলঙ্কতমসংখিত্ত-রসভাৰনিরন্তরং;

নাতিৰিত্থিণ্ণসগ্গেহি, পিযৰুত্তসুসন্ধিভি.

সব্বত্থ ভিন্নসগ্গন্তে-হুপেতং লোকরঞ্জকং;

কব্বং কপ্পন্তরট্ঠাযি, জাযতে সাধ্ৰলঙ্কতী’’তি [কাব্যাদাস ১.১৪ – ১৯ গাথা].

তত্থ ইতিহাসকথুব্ভূতন্তি পুরাৰুত্তকথাসন্নিস্সযং. সন্তসন্নিস্সযন্তি ইতরসোভনাধিকরণগুণরাজচরিতাদিনিস্সযং ৰা. চতুৰগ্গফলাযত্তন্তি ধম্মাদিচতুৰগ্গফলাযত্তং. ধম্মো ¶ নাম অব্ভূদযনিব্বানহেতুকো. অত্থো নাম ৰিজ্জাভুম্যাদীনং যথাঞ্ঞাযমজ্জনং, অজ্জিতানঞ্চ রক্খণং. কামো নাম নিরযো ৰিসযো পযোগো. মোক্খো নাম সব্বসংসারদুক্খনিৰত্তি. চতুরোদাত্তনাযকন্তি উস্সাহসত্তিমন্তসত্তিপভূসত্তিযোগেন চতুরো কুসলো চাগাতিসযাদিযোগেন উদাত্তো উদারো নাযকো ৰিপক্খো, পটিপক্খো চ যত্থ, তং. মধু নাম সুরা. ৰিপ্পলম্ভো ৰিরহো. মন্তো নীতিৰেদীহি সহ কারীযনিচ্ছযো. দূতো সন্ধানপ্পৰত্তো পুরিসো. পযানং সঙ্গামাদিনিমিত্তগমনং. আজি সন্ধ্যাভাৰে ৰিগ্গহো. অসঙ্খত্তরসভাৰনিরন্তরন্তি অসংখিত্তা বহুত্তা রসা সিঙ্গারৰীরাদযো, ভাৰা রতিউস্সাহাদযো, তেহি নিরন্তরং পত্থটং. পিযৰুত্তসুসন্ধিভীতি পিযানি সুতিসুভগানি ৰুত্তানি ইন্দৰজিরাদীনি অঞ্ঞমঞ্ঞসম্বন্ধসংসগ্গতায সোভনো সন্ধি অঞ্ঞমঞ্ঞসঙ্গহা যেসং সগ্গানং, তেহীতি.

পুনপি যথাৰুত্তেসু অঙ্গেসু নগরৰণ্ণনাদীসু কিঞ্চ যথাসম্ভৰং মধুপানাদিরহিতম্পি তঞ্ঞূনং মনো রঞ্জেতি উপাদিযতেৰ সব্ভীতি দস্সেতুমাহ–

‘‘কব্বং ন দুস্সতঙ্গেহি, ন্যূনমপ্যত্র কেহিচি;

বন্ধঙ্গসম্পদা তঞ্ঞূ, কামমারাধযন্তি চে’’তি [কাব্যাদাস ১.২০].

‘‘গুণতো পঠমং ৰত্ৰা, নাযকং তেন সত্তুনো;

নিরাকরণমিচ্চেস, মগ্গো পকতিসুন্দরো.

ৰংসৰীরসুতাদীনি, ৰণ্ণযিত্ৰা রিপুস্সপি;

তজ্জযা নাযকুক্কংস-কথনঞ্চ সুখেতি নো’’তি [কাব্যাদাস ১.২১ ২২ গাথা] আহু.

সব্বম্পেতং ¶ সদ্ধম্মামতরসপানসরসহদযানং সম্ফপ্পলাপৰিপুলৰিসপ্পৰেসোপদ্দুতকব্বনাটকপরম্মুখানং সততচরিতসঞ্চরিতরতনভাজনানং সপ্পুরিসানং কিং হদযখেদোপজনিতপরিস্সমেনেতি তদনুরূপমেৰোপদস্সিতন্তি.

নাটকং নাম ভরতাদিনাট্যসত্থে নানপ্পকারনিরূপিতরূপং কপ্পং, তংলক্খণেকদেসভূতলক্খণানি পকরণাদীনি নৰ রূপকানি. নাটিকা চ এত্থেৰাৰরুম্ভন্তি. কব্বঞ্চ নাটকঞ্চ, তেসু নিক্খিত্তং ঠপিতং নেত্তঞ্চ চিত্তঞ্চ যেহীতি ৰিগ্গহো. কে তে? কৰিনো. তত্থ নিক্খিত্তনেত্তচিত্তৰচনেন সুতস্স চিন্তনঞ্চ ঊহাপোহমুখেন যথুগ্গহিতনিযামং, অৰিপরীতত্থনিচ্ছযনং, নিচ্ছিতস্স ভাৰনা, নিরন্তরাভিযোগো চ দস্সিতো. কব্বনাটকৰচনেন সুতং, চিন্তিতং, ভাৰিতঞ্চ দস্সিতং. সুতে দস্সিতে তন্নিস্সযং সুতমযঞাণম্পি দস্সিতমেৰ সিযাতি. ‘‘কব্বনাটকনিক্খিত্তনেত্তচিত্তা’’তি ইমিনা সুতচিন্তাভাৰনানুক্কমেন সম্পাদিতপঞ্ঞাপাটৰানং কব্বরচনায সামত্থিযং দস্সেতি. হোতি হি তাদিসানং তংসুতাদি বন্ধনকারণং. ৰুত্তঞ্হি –

হেতু হোতিহ বন্ধনে’’তি [কাব্যাদাস ১.১০৩ গাথা].

যংকিঞ্চীতি অত্তনো চিত্তারুল়্হং যংকিঞ্চি বন্ধজাতং. ইমিনা পন অনিযমৰচনেন অত্তনো তত্থ আদরাভাৰং দীপেতি. রচযন্তি করোন্তি. এতং তেহি রচিতং বন্ধজাতং পরং অচ্চন্তমেৰ ৰিম্হযকরং ন হোতি, তাদিসোপাযসম্পত্তিসম্পন্নস্স উপেয্যসম্পত্তিসব্ভাৰতো অনচ্ছরিযমেৰাতি অধিপ্পাযো. তত্থ তেসু কব্বনাটকেসু রচনাৰিসেসএকন্তোপাযভূতেসু অৰিহিতাদরাঅপি সুতাদিৰসেন অকতাদরাপি ¶ যে সপ্পুরিসা পঞ্ঞৰন্তো যেন বন্ধৰিসেসেন ৰিঞ্ঞূ গুণদোসৰিদুনো সত্থঞ্ঞুনো পণ্ডিতজনে তোসেন্তি পীণেন্তি. তোসেন্তিযেৰ হি তে তাদিসে সাভাৰিকিপটিভাৰিরহেপি এতাদিসেসু অত্থেসু সুতচিন্তাভাৰনাৰসেন ৰাযমন্তা. ৰুত্তঞ্হি –

‘‘ন ৰিজ্জতী যজ্জপি পুব্বৰাসনা-

ধুৰং করোত্যেৰ কমপ্যনুগ্গহ’’ন্তি [কাব্যাদাস ১.১০৪ গাথা].

পটিভাৰন্তো হেয্যোপাদেয্যপরিচ্ছেদলক্খণপঞ্ঞায পঞ্ঞৰন্তো নাম, তেযেৰ সপ্পুরিসা. সৰিম্হযো ‘‘কীদিসাযং, তাদিসোপাযন্তররহিতানম্পি এতাদিসো বন্ধো সিযা’’তি ৰিম্হযেন সহ ৰত্তমানোপি. সোৰ বন্ধো তমেৰ বন্ধনং তাদিসোপাযসম্পত্তিৰিরহেনোপেয্যসম্পত্তিযা সব্ভাৰতো, নাঞ্ঞোতি.

৬-৭. ইদানি কব্বনাটকেসু অপরিচিতানমম্হাকং গন্থরচনাসভাৰাৰবোধোৰ কুতোতি ওসক্কন্তে ‘‘কব্বনাটকা’’দিগাথাদ্ৰযেন সমুস্সাহেতি. কব্বনাটকনিক্খিত্তনেত্তচিত্তা কব্বনাটকেসু সুতানুলোকনচিন্তাভাৰনাৰসেন ঠপিতনেত্তচিত্তা কৰিজ্জনা কব্বকারকা যং কিঞ্চি অত্তনো অভিমতং রচযন্তি করোন্তি, এতং বন্ধনং পরং অতিসযেন ন ৰিম্হযকরং অচ্ছরিযকরং ন হোতি, নিরন্তরাভিযোগতো সিদ্ধোপাযমূলপঞ্ঞাসম্পদায উপেয্যভূতগন্থসঙ্খরণং ভৰত্যেৰাতি অধিপ্পাযো. কৰিনো ইদং কব্বন্তি চ, নটকস্স ইদং নাটকং, নচ্চগীতাদি. ইধ পন তপ্পটিপাদককথাপকাসকগন্থো নাটকং নাম. কব্বঞ্চ নাটকঞ্চাতি চ, কব্বনাটকেসু নিক্খিত্তং নেত্তচিত্তং যেহীতি চ ¶ ৰিগ্গহো. যে জনা তত্থ তেসু কব্বনাটকেসু অৰিহিতাদরাপি সৰনধারণাদিৰসেন অকতসম্ভমা এৰ ৰিঞ্ঞূ যেন গন্থরচনাৰিসেসেন তোসেন্তি পীণেন্তি, তেযেৰ পটিভাৰন্তো পটিভানসঙ্খাতপঞ্ঞৰন্তো ভৰন্তি. সোৰ বন্ধো সৰিম্হযো অঞ্ঞেসং উপ্পজ্জমানৰিম্হযেন সহিতো. পটিভা এতেসং অত্থীতি চ, সহ ৰিম্হযেন ৰত্ততীতি চ, অৰিহিতো আদরো যেহীতি চ ৰিগ্গহো. বাহিরসত্থাভিযোগাভাৰেপি পুব্বৰাসনাভাৰেপি ইহ নিরন্তরাভিযোগং করোন্তো তাদিসসামত্থিযং সাধেতীতি ৰুত্তং হোতি. ৰুত্তঞ্হি –

‘‘ন ৰিজ্জতী যজ্জপি পুব্বৰাসনা-

ধুৰং করোত্যেৰ কমপ্যনুগ্গহ’’ন্তি [কাব্যাদাস ১.১০৪ গাথা].

তস্সত্থো – যদি পুব্বৰাসনাগুণানুবন্ধী অতীতজাতিযা পরিচযৰাসনাগুণস্স অনুবলপ্পদানৰসেন অনুবন্ধো যস্সত্থি, তাদিসং অব্ভুতং পটিভানং ন ৰিজ্জতিপি, তথাপি সুতেন সৰনেন উস্সহনেন পগুণকরণাদিৰাচুস্সহনেন ৰা উপাসিতা কতগুরুপাসনা ৰাচা কমপি অনুগ্গহং কিঞ্চিপি পঞ্ঞাপাটৰং ধুৰং একন্তেন করোতি এৰাতি.

এত্থ কব্বং নাম মুত্তককুলকাদিৰাক্যৰসেন চ অৰযৰসভাৰেহি তেসংযেৰ অন্তরৰাক্যাৰযৰসমূহেহি পরিপুণ্ণং ৰুত্তৰিসেসেহি পভেদগতং কেৰলং পজ্জমযং ৰা গজ্জমযং ৰা চম্পূতিখ্যাতপজ্জগজ্জমযং ৰাতি মহাৰাক্যসভাৰেন চ তিট্ঠতি. নাটকং নাম ভরতাদিনটসত্থগতনানপ্পকারদস্সিতসভাৰং. কব্বঞ্চ ইধেৰ দস্সিতলক্খণতো একদেসযুত্তপ্পকরণাদিনৰরূপকানি চ নাটিকা চ ভৰন্তি. কব্বলক্খণং পন এৰং দট্ঠব্বং–

‘‘সগ্গবন্ধো ¶ মহাকব্ব-মুচ্চতে ত্ৰস্স লক্খণং;

পণামো ৰত্থুনিদ্দেসো, আসীসাপি চ তম্মুখং.

ইতিহাসকথুব্ভূতং, সন্তসন্নিস্সযম্পি ৰা;

চতুৰগ্গফলাযত্তং, চতুরোদাত্তনাযকং.

পুরণ্ণৰুতুসেলিন্দু-সৰিতূদযৰণ্ণনং;

উয্যানসলিলক্কীল়া, মধুপানরতুস্সৰং.

ৰিপ্পলম্ভৰিৰাহেহি, কুমারোদযৰড্ঢিহি;

মন্তদূতপ্পযানাজি-নাযকাভ্যূদযেহিপি.

অলঙ্কতমসংখিত্ত-রসভাৰনিরন্তরং;

নাতিৰিত্থিণ্ণসগ্গেহি, পিযৰুত্তসুসন্ধিভি.

সব্বত্থ ভিন্নসগ্গন্তে-হুপেতং লোকরঞ্জকং;

কব্বং কপ্পন্তরট্ঠাযি, জাযতে সাধ্ৰলঙ্কতী’’তি [কাব্যাদাস ১.১৪ – ১৯ গাথা].

তস্সত্থো – সগ্গবন্ধো সগ্গসঙ্খাতেহি পরিচ্ছেদৰিসেসেহি বন্ধো ‘‘মহাকব্ব’’ন্তি উচ্চতে. অস্স লক্খণং তু ৰুচ্চতেতি সম্বন্ধো কাকক্খিগোল়কনযেন তম্মুখং তস্স কব্বস্স আদি পন পণামো দেৰতানমস্সনং ৰা, ৰত্থুনিদ্দেসো –

‘‘অস্ত্যুত্তরস্যাং দিগি দেৰতাত্ম,

স্থিত? পথিঝা ইৰ মানদণ্ড?’’ [কুমারসম্ভৰ ১.১.].

ইচ্চাদিবন্ধসম্বন্ধিনো কস্সচি ৰত্থুনো দস্সনং, আসীসাপি ‘‘ময্হং পীণযতং মন’’ মিচ্চাদিইট্ঠাসীসনং ৰা ভৰতি.

ইতিহাসকথুব্ভূতং পুরাৰুত্তকথাসন্নিস্সযং ৰা সন্তসন্নিস্সযম্পি সোভনানম্পি রাজচরিযাদিনিস্সযং ৰা চতুৰগ্গফলাযত্তং ¶ লোকিযলোকুত্তরসুখকারণং ধম্মো, ৰিজ্জাভূমিআদীনং সঞ্চযো, সঞ্চিতানং রক্খা চ অত্থো, অপাযসংৰত্তনিকপঞ্চকামগুণসঙ্খাতো কামো, সব্বদুক্খা নিৰত্তিহেতু মোক্খো চাতি চতুৰগ্গফলাধীনং চতুরোদাত্তনাযকং উস্সাহসত্তিমন্তসত্তিপভূসত্তিযোগতো চতুরো দক্খো চাগাতিসযাদিযোগেন উদাত্তো উল়ারো সপক্খো, ৰিপক্খো ৰা নাযকো যত্থ, তং যথাৰুত্তং পুরণ্ণৰুতুসেলিন্দু-সৰিতূদযৰণ্ণনং পুরং নগরং, অণ্ণৰং সাগরং, উতু হেমন্তৰসন্তাদিউতু, সেলং পব্বতো, ইন্দুসৰিতূদযো চন্দসূরিযানং উদযো চাতি ইমেসং ৰণ্ণনং যত্থ, তং. সৰিতাতি এত্থ তুপচ্চযন্তো. উয্যানসলিলক্কীল়ামধুপানরতুস্সৰং উয্যানকীল়াসুরাপানরতিকীল়াসঙ্খাতো উস্সৰো যত্থ, তং ৰিপ্পলম্ভৰিৰাহেহি দারাৰিযোগদারপরিগ্গহেহি চ কুমারোদযৰড্ঢিহি কুমারুপ্পত্তিকুমারৰড্ঢীহি চ মন্তদূতপ্পযানাজিনাযকাভ্যূদযেহি নীতিজাননপঞ্ঞা মন্তো, সন্ধানকারকো দূতো, যুদ্ধাভিগমনং পযানং, যুদ্ধসঙ্খাতো আজি, সপক্খনাযকস্স অভিৰড্ঢিসঙ্খাতো অভ্যূদযো চাতি ইমেহি অলঙ্কতং সজ্জিতং অসংখিত্ত…পে… ন্তরং অসংখিত্তা ৰিত্থারা রসা সিঙ্গারাদযো অট্ঠ ভাৰা রতিউস্সাহাদযো চাতি ইমেহি নিরন্তরং ৰিত্থিণ্ণং পিযৰুত্তসুসন্ধিভি সুতিসুভগেহি ইন্দৰজিরাদীহি ৰুত্তেহি পুব্বাপরসম্বন্ধপরিচ্ছেদতায সোভনা সন্ধি যেসং সগ্গানং, তেহি সব্বত্থ সব্বস্মিং পরিচ্ছেদে ভিন্নসগ্গন্তেহি ভিন্নসগ্গা পরিযোসানা যেসং, তেহি নাতিৰিত্থিণ্ণসগ্গেহি নাতিৰিত্থারসগ্গসঙ্খাতেহি পরিচ্ছেদেহি উপেতং যুত্তং সাধ্ৰলঙ্কতি সোভনালঙ্কারৰন্তং কব্বং লোকরঞ্জকং তং সমানং কপ্পন্তরট্ঠাযি কপ্পনিরন্তরট্ঠাযি কপ্পন্তরে ঠাযি ৰা জাযতে. এত্থ মধুপানাদিরহিতপুরৰণ্ণনাদযোপি তঞ্ঞূনং চিত্তং আরাধেতি চে, তংপ্যদুট্ঠং. ৰুত্তঞ্হি –

‘‘কব্বং ¶ ন দুস্সতঙ্গেহি, ন্যূনমপ্যত্র কেহিচি;

বন্ধঙ্গসম্পদা তঞ্ঞূ, কামমারাধযন্তি চে’’তি.

তস্সত্থো – অত্র ইমেসু কব্বঙ্গেসু মজ্ঝে কেহিচি অঙ্গেহি কেহিচি অৰযৰেহি ন্যূনমপি ঊনমপি, নিসদ্দোত্রতব্ভাৰে. কব্বং ন দুস্সতি, তং পন অদুস্সনং বন্ধঙ্গসম্পদা রচিতপুরৰণ্ণনাদিঅঙ্গসম্পদা তঞ্ঞূ কব্বঞ্ঞূ জনে কামং ইচ্ছানুরূপং চে আরাধযন্তি, এৰং সন্তে ভৰতি. পুনপি নাযকৰণ্ণনাসু সপক্খনাযকং ৰণ্ণেত্ৰা তেন নিরাকরণভাৰম্পি. নো চে, পচ্চত্থিকং ৰণ্ণেত্ৰা অত্তনো নাযকেন তস্সাভিভৰনম্পি ৰণ্ণেতুং ৰট্টতি. ৰুত্তঞ্হি –

‘‘গুণতো পঠমং ৰত্ৰা, নাযকং তেন সত্তুনো;

নিরাকরণমিচ্চেস, মগ্গো পকতিসুন্দরো.

ৰংসৰীরসুতাদীনি, ৰণ্ণযিত্ৰা রিপুস্সপি;

তজ্জযা নাযকুক্কংস-কথনঞ্চ সুখেতি নো’’তি.

বন্ধো চ নাম সদ্দত্থা, সহিতা দোসৰজ্জিতা;

পজ্জগজ্জৰিমিস্সানং, ভেদেনা’যং তিধা ভৰে.

৮. এৰমেতেহি সোতুজনসমুস্সাহনং দস্সেত্ৰা ইদানি কত্তুমিচ্ছিতবন্ধোতি ৰুত্তং বন্ধস্স লক্খণং কত্তুমারভতে ‘‘বন্ধো চা’’তিআদি. দোসৰজ্জিতা দোসেহি সদ্দনিস্সিতেহি, অত্থনিস্সিতেহি চ ৰিরোধেহি ৰজ্জিতা পরিচ্চত্তা, তে ৰা ৰজ্জিতা যেহি, সদ্দত্থা সহিতা একীভূতা. ৰুত্তলক্খণা যেহি তে পুব্বাচরিযেহি সহিতা ৰুচ্চন্তি. সহিতানং ভাৰো সহদযহিলাদকারণং সাধ্যং সাহিচ্চং. ইতি দোসৰজ্জিতে সহিতে সদ্দত্থে পসিদ্ধভাৰেন অনুৰদিত্ৰা বন্ধো নাম সভাৰৰুত্তিৰঙ্কৰুত্তিঅলঙ্কারৰুত্তিৰসেন তিৰিধোপীতি অপ্পসিদ্ধং বন্ধসরীরং ৰিধীযতে যথা ‘‘যো কুণ্ডলী, সো দেৰদত্তো’’তি. চসদ্দোৰত্তব্বন্তরস্স সমুচ্চযো, কিঞ্চীতি অত্থো.

তত্থ ¶ জাতিগুণক্রিযাদব্বলক্খণো সদ্দানমত্থো মুখ্যো চতুব্বিধো হোতি. মুখ্যস্সত্থস্স চতুব্বিধত্তা তিৰিধেসু সদ্দেসু তব্বাচকো চতুব্বিধো হোতি জাতিসদ্দো গুণসদ্দো ক্রিযাসদ্দো দব্বসদ্দোতি. তিৰিধো হি সদ্দো ৰাচকো লক্খণিকো ব্যঞ্জকোতি ব্যাপারভেদেন. ব্যাপারো চ নাম সদ্দস্স’ত্থপ্পতীতিকারিত্তমেৰ. সো হি তিৰিধো মুখ্যো লক্খণো ব্যঞ্জনসভাৰো চেতি. তত্থ জাত্যাদিনিরন্তরত্থৰিসযো সদ্দব্যাপারো মুখ্যো. সোযেৰ অভিধাতি উচ্চতে. তংব্যাপারৰা অব্যৰহিতজাত্যাদিসকেহি তমত্থং মুখ্যভাৰেন যো ৰদতি গোআদিকো, সো ৰাচকো. সদ্দন্তরত্থৰিসযনিদ্দিট্ঠো সদ্দব্যাপারো লক্খণো. সা দুৰিধা সুদ্ধা, উপচারমিস্সা চেতি. তত্থ সুদ্ধা যথা ‘‘গো মুচ্চতু, মঞ্চা উগ্ঘোসেন্তি, গঙ্গাযং ঘোসো’’তি. এত্থ গোসদ্দেন ৰিসেসনং গোত্তসামঞ্ঞমেৰোচ্চতে, ন তু গোব্যত্তি. ৰুত্তঞ্হি –

‘‘ৰিসেস্যংনাভিধা গচ্ছে, খীণসত্তি ৰিসেসনে’’তি [কাব্যপ্পকাসে দুতিযউল্লাসে আগতন্যাযো’যং].

সামঞ্ঞস্স ব্যাপকত্তা, অসরীরত্তা চ. তত্থ বন্ধনমোচনানি ন সম্ভৰন্তীতি অত্তনো নিস্সযভূতা গোব্যত্তি আকড্ঢীযতে, তথা মঞ্চানমুগ্ঘোসনং ন সম্ভৰতীতি অত্তনো উগ্ঘোসনক্রিযাসিদ্ধ্যত্থং মঞ্চসমঙ্গিনো পুরিসা আকড্ঢীযন্তি. তথা গঙ্গাসদ্দৰাচ্চস্স জলপ্পৰাহস্স ঘোসপ্পত্যাকরতা ন সম্ভৰতীতি গঙ্গাসদ্দো অত্তনোভিধেয্যস্সোদকপ্পৰাহস্স নিকটং তটং লক্খেতি. উপচারস্সানেকপ্পকারত্তা উপচারমিস্সা লক্খণাপ্যনেকধা সিযা. যথা কত্থচি কারণে কারীযমুপচরিযতে, যথা ‘‘আযু ঘত’’ন্তি. কত্থচি কারণকারিযানমভেদো যথা ‘‘আযুযেৰেদ’’ন্তি. কত্থচি ¶ উপমানে উপমেয্যমুপচরীযতে, যথা ‘‘গো বাহিকো’’তি. কত্থচি অভেদো তেসং, যথা ‘‘গোযেৰায’’ন্তি. কত্থচি তদাধারতায [তদত্থতায (ক.)] তংব্যপদেসো, যথা ‘‘পদীপট্ঠা কপল্লিকা পদীপো’’তি. কত্থচি তংকম্মসম্বন্ধা তংব্যপদেসো, যথা ‘‘অৰড্ঢকীপি ৰড্ঢকী অয’’ন্তি. কত্থচি সংসামিসম্বন্ধা, যথা ‘‘রাজসম্বন্ধী পুরিসো রাজায’’ন্তি. কত্থচি অৰযৰে সমুদাযব্যপদেসো, যথা ‘‘পটেকদেসে পটসদ্দো’’ ইচ্চাদি.

লক্খণায নিস্সযো সদ্দো লক্খণিকো. ব্যঞ্জনসভাৰো পন পরপরিযাযো সদ্দস্স ততিযো ব্যাপারো. তস্স নিস্সযো সদ্দো ব্যঞ্জনকো. ইচ্চেতং তিণ্ণং সদ্দানং ৰসেন অত্থোপি তিৰিধো হোতি ৰাচ্চো লক্খণিযো ব্যঙ্গ্যোতি. তত্থ ব্যঙ্গ্যোযেৰত্থো বন্ধসত্থা ৰুচ্চতে. তেনেৰ পধানব্যঙ্গ্যো বন্ধো উত্তমো, অপধানব্যঙ্গ্যো মজ্ঝিমো, অব্যঙ্গ্যো অধমো, ব্যঙ্গ্যেন ৰিনা বন্ধো নিজ্জীৰো সিযাতি পুব্বাচরিযানং পৰত্তি, সভাৰৰুত্তি বন্ধোপি তু নিজ্জীৰোতি নাসঙ্কনীযো. যস্মা কৰীনং লোকৰোহারকোসল্লং সভাৰৰুত্তিযেৰ গমেতি. যো হি সকললোকট্ঠিতিং ন জানাতি, সো কৰিযেৰ ন হোতীতি.

অথেত্থ তিৰিধম্পি অত্থং তাদিসজনাৰবোধত্থং সমুদাহরিস্সাম ‘‘মুনিন্দৰদনম্ভোজে’’ত্যাদি. এত্থ ৰাণীসদ্দস্স সদ্ধম্মসঙ্খাতো অত্থো ৰাচ্চত্থো. ৰাণী নাম চেতনা, তস্সং যাৰ দেৰতত্থং নারোপ্যতে, তাৰ তপ্পতী অত্তনো মনোসম্পীণনআসীসনা ন সংগচ্ছতীতি ৰাক্যসামত্থিযাযেৰ ৰাণিযং সাযমোচিত্যভেদেন দেৰতাসদ্দস্স আরোপিতোত্থো লক্খণিযো. তথা ৰদনসদ্দস্সাপি মুখং ৰাচ্চত্থো. অম্ভোজসদ্দস্স সমারোপিতোত্থো লক্খণিযো. মনোসম্পীণনস্স তু অঞ্ঞথা অনুপপত্তিযা পস্সদ্ধ্যাদিক্কমেন যথাভূতাৰবোধসম্ভৰা অনাযাসেন ¶ ৰিচিত্তানেকসদ্দত্থপটিভানেন গন্থপরিসমত্তিসঙ্খাতা যথিচ্ছিতত্থনিপ্ফত্তি হোতেৰ, অযং ব্যঙ্গ্যত্থো. তব্বাচকা সদ্দা ৰাচকলক্খণিকব্যঞ্জকা হোন্তীতি এৰং সব্বত্থ সদ্দত্থৰিচারো গন্তব্বো.

তমেৰং যথাৰুত্তবন্ধসরীরং কতিৰিধমিচ্চাহ ‘‘পজ্জে’’চ্চাদি. অযং যথাৰুত্তো বন্ধো বন্ধসরীরং তিধা ভৰে তিপ্পকারেন সিযা, নাধিকং নাপ্যূনং. কথং? পজ্জগজ্জৰিমিস্সানং ভেদেন পজ্জসভাৰাদীনং ৰিসেসেন তিধা ভৰেতি পকতং. তত্থ পজ্জং নাম অম্হেহিযেৰ ৰিরচিতৰুত্তোদযাখ্যে ছন্দসি নিরূপিতা ৰুত্তজাতিপ্পভেদা চতুপ্পদিকত্থা নিরূপিতো মুত্তকাদিপি ৰুত্তজাতিপ্পকারোযেৰ. তেনেৰেত্থ তেসমদস্সনং. তেসু একগাথা নিট্ঠিতত্থা সপ্পধানা গাথন্তরানিরপেক্খা মুত্তকং, একক্রিযাদানেন অঞ্ঞমঞ্ঞসাপেক্খা নিট্ঠিতত্থা পচ্চেকং অনিট্ঠিতত্থা গাথা কুলকং, নানাভিত্তিযো ভিন্নকিরিযো সপ্পধানা গাথা কোসো ৰিয ঠপিতা কোসো, একভিত্তিপদোসাদিকং ৰণ্ণেতুং সমুদাযেন পৰত্তা ভিন্নক্রিযা গাথা সঙ্ঘাতো, সোপি চতুব্বিধো পজ্জপ্পকারো যথাৰুত্তসগ্গবন্ধোৰাতি ৰিঞ্ঞাতব্বং. গজ্জং নাম পাদসন্নিট্ঠানরহিতো স্যাদ্যন্তত্যাদ্যন্তপ্পবন্ধো. তস্স তু দ্ৰে পকারা আখ্যাযিকা, কথাতি. ৰিমিস্সং পজ্জগজ্জমযং নাটকপ্পকরণাদি, চম্পূ জাতকমালাদিকা চ.

৮. ইদানি সঞ্জাননাভিলাসীনং অলঙ্কারনিস্সিতং বন্ধসরীরং, সোৰ বন্ধোতি অধিকতং, ‘‘যো কুণ্ডলী, সো দেৰদত্তো’’তি পসিদ্ধকুণ্ডলিত্তানুৰাদেন অপ্পসিদ্ধস্স দেৰদত্তত্তৰিধানং ৰিয দস্সেন্তো ‘‘বন্ধো’’চ্চাদিমাহ. তত্থ বন্ধো নাম চ বন্ধনং পন. দোসৰজ্জিতা সদ্দত্থনিস্সিতদোসেহি পরিচ্চত্তা, তে ৰা ৰজ্জিতা এতেহি তাদিসা. সহিতা অঞ্ঞমঞ্ঞানুরূপত্থেন সহভাৰং গতা. সদ্দত্থা সদ্দো, ¶ অত্থো চ. এৰংপকারেহি তু ঈদিসসদ্দত্থানং ৰিঞ্ঞূনং তুট্ঠিজনকঅঞ্ঞমঞ্ঞানুরূপগুণসহিতানং ভাৰোতি ৰচনত্থেন ‘‘সাহিচ্চ’’মিতি ৰদন্তি. সদ্দত্থাতি এত্থ সদ্দত্থানং কিং নানাকরণন্তি? সদ্দো পন অত্থপ্পতীতিযং অত্তনো মুখ্যব্যাপারং লক্খণব্যাপারং ব্যঞ্জনসভাৰব্যাপারঞ্চেতি তিৰিধং ব্যাপারভেদেন. কমতো ৰাচকো লক্খণিকো ব্যঞ্জনকো চেতি তিৰিধো. তথা অত্থোপি ৰাচ্চো লক্খণিযো ব্যঙ্গ্যো চেভি তিৰিধো. অত্র তু ৰাচকো সদ্দো অত্তনা দীপেতব্বমুখ্যত্থস্স জাতিগুণক্রিযাদব্বভেদেন চতুব্বিধত্তা সযম্পি জাতিগুণক্রিযাদব্বসদ্দৰসেন চতুব্বিধো. ৰাচকসদ্দস্স মুখ্যব্যাপারো ‘‘অভিধা’’তি চ ৰোহরীযতি. সো মুখ্যব্যাপারো জাত্যাদীহি অব্যৰহিতত্থেৰ ৰত্ততে. তথা হি ‘‘গো নীলং পাচকো ৰিসাণি’’চ্চাদো গোআদিসদ্দানং মুখ্যব্যাপারো গোপিণ্ডনীলপটপাচককত্তুসিঙ্গীতি দব্বানং ৰিসেসনভূতজাতিগুণক্রিযাদব্বেস্ৰেৰ পৰত্ততি, ন পন জাত্যাদীনং নিস্সযভূতগোপিণ্ডাদীসূতি. ৰুত্তং হি–

‘‘ৰিসেস্যং নাভিধা গচ্ছে, খীণসত্তি ৰিসেসনে’’তি [কাব্যপ্পকাসে দুতিযউল্লাসে আগতন্যাযো’যং].

তস্সত্থো – ৰিসেসনে ৰিসেসনভূতজাত্যাদিম্হি খীণসত্তি খীণব্যাপারৰতী অভিধা মুখ্যব্যাপারোৰ ৰিসেস্যং দব্বং ন গচ্ছে ন পাপুণাতীতি.

জাত্যাদীনং নিস্সযগোপিণ্ডাদিকং অভিধা ন ৰদতি চে, এৰঞ্চ সতি ‘‘গো গচ্ছতি, নীলং নিৰাসেতি, পাচকো আগচ্ছতি, সিঙ্গী ধাৰতি’’চ্চাদীসু জাত্যাদিৰিসিট্ঠগোপিণ্ডাদীনং গোআদিসদ্দস্স কথং ৰাচকত্তং যুজ্জতীতি? দব্বাধীনজাতিগুণাদীসু ৰুত্তেসু তব্বিসিট্ঠস্স দব্বস্স পরিযাযতো ৰাচকত্তা. নিপ্পরিযাযতো পন সুদ্ধলক্খণব্যাপারস্সেৰ ৰিসযো. লক্খণব্যাপারোপি সুদ্ধো উপচারমিস্সোতি দুৰিধো. ¶ তত্থ সুদ্ধো লক্খণব্যাপারো জাত্যাদিৰজ্জিতত্থৰিসযো. তথা হি ‘‘গো গচ্ছতি, নীলং নিৰাসেতি, পাচকো আগচ্ছতি, সিঙ্গী ধাৰতি, মঞ্চা উগ্ঘোসেন্তি, গঙ্গাযং ঘোসো’’ত্যাদীসু জাতিগুণক্রিযাসিঙ্গদব্বমঞ্চগঙ্গাদীনং গমনাদীহি যোগাসম্ভৰতো জাতিগুণাদযো অতিক্কম্ম যথাক্কমং গমননিৰাসনআগমনধাৰনউগ্ঘোসনঘোসাদীনং নিস্সযভূতগোপিণ্ডাদযো পরামসতি.

মিস্সো তু উপচারভেদেন বহুৰিধো. তথা হি কত্থচি কারণে কারিযমুপচরীযতে, যথা ‘‘আযুঘত’’ন্তি, এত্থ আযুৰড্ঢনকারণভূতে ঘতে কারিযভূতআযুনো ৰোহারো আরোপিতো হোতি. উপরিপি উপচারো যথাযোগং যোজেতব্বো. অতংসভাৰে হি তংসভাৰারোপনং উপচারো. কত্থচি কারণকারিযানমভেদো, যথা ‘‘আযুযেৰ ঘত’’ন্তি. কত্থচি উপমেয্যউপমানোপচারো, যথা ‘‘গো বাহিকো’’তি. কত্থচি উপমানউপমেয্যানমভেদো, যথা ‘‘গোযেৰাযং বাহিকো’’তি. কত্থচি তদাধারতায তদূপচারো, যথা ‘‘পদীপট্ঠা কপল্লিকা পদীপো’’তি. কত্থচি ক্রিযাসম্বন্ধেন তংব্যপদেসো, যথা ‘‘অৰড্ঢকীপি ৰড্ঢকী অয’’ন্তি. কত্থচি সংসামিসম্বন্ধেন তংব্যপদেসো, যথা ‘‘রাজৰল্লভোপি রাজা অয’’ন্তি. কত্থচি অৰযৰে সমুদাযব্যপদেসো, যথা ‘‘পটো দড্ঢো’’তি. ইমিনা মুখেন উপচারভেদো দট্ঠব্বো. ব্যঞ্জনসভাৰব্যাপারো এৰ ‘‘ধন’’ন্তি চ ৰুচ্চতি, তস্স ততিযব্যাপারস্স ৰিসযো তাদিসৰাক্যমেৰ ৰাতি দট্ঠব্বো.

এত্থ ব্যঙ্গ্যত্থং বন্ধস্স জীৰিতমিতি চ, ব্যঙ্গ্যত্থপধানং বন্ধমুত্তমন্তি চ, ব্যঙ্গ্যত্থপধানরহিতং মজ্ঝিমন্তি চ, অব্যঙ্গ্যবন্ধং অধমমিতি চ ৰদন্তি. হোন্তি চেত্থ –

অত্থপ্পতীতিযং সদ্দ-ব্যাপারো তিৰিধো ভৰে;

মুখ্যো লক্খণব্যঞ্জন-সভাৰো চাতি এত্থ তু.

অভিধাপরপরিযাযো, ¶ ব্যাপারো পঠমো ভৰে;

ধনন্তাপরপরিযাযো, ব্যাপারো ততিযো পুন.

মুখ্যো নিরন্তরত্থেসু, লক্খণা তু তিরোহিতে;

অত্থে’তরো তু ৰাক্যস্স, অত্থেযেৰ পৰত্ততি.

ব্যাপারস্স পভেদেন, তিধা সদ্দোপি ৰাচকো;

লক্খণিকো ব্যঞ্জকোতি, তদত্থোপি তিধা মতো.

ৰাচ্চো লক্খণিযো ব্যঙ্গ্যো-চ্চেৰং সদ্দেসু ৰাচকো;

জাতিগুণক্রিযাদব্ব-ভেদেন সো চতুব্বিধো.

ৰাচ্চত্থস্স চতুদ্ধাৰ, ভিন্নত্তা জাতিআদিতো;

জাত্যাদীনং পভেদেন, তথা লক্খণিকো মতো.

উপচারবহুত্তেন, ভেদে সতিপি তস্স তু;

ব্যঞ্জকো তু অনঞ্ঞত্তা, ৰিসুং তেহি ন ৰুচ্চতীতি.

লক্খণতো এৰং ৰেদিতব্বং – ‘‘মুনিন্দৰদনম্ভোজে’’ ত্যাদিগাথাযং ৰদনসদ্দস্স মুখত্থো ৰাচ্চত্থো, আরোপিতঅম্ভোজত্থো লক্খণিযত্থো. অম্ভোজসদ্দস্স পদুমত্থো ৰাচ্চত্থো, উপচরিতমুখত্থো লক্খণিযত্থো. ৰাণিসদ্দস্স সদ্ধম্মসঙ্খাতো অত্থো ৰাচ্চত্থো, আরোপিতদেৰতাঅত্থো লক্খণিযত্থো. এত্থ আসীসনা নাম যথাৰুত্তনযেন পুঞ্ঞাতিসযতা, ততো ইধ অভিমতত্থবাধকাকুসলনিৰারণঞ্চ কুসলানমনুবলপ্পদানঞ্চ ততো কাযচিত্তপীল়াৰিগমো চ ততো সুখপ্পটিলাভো চ ততো চিত্তসমাধানঞ্চ ততোযেৰ অনেকৰিধত্থাৰবোধো চ ততো অভিমতগন্থপরিসমত্তি চ ভৰতীত্যযং ৰাক্যসামত্থিযতো লদ্ধত্থো ব্যঙ্গ্যত্তো. তংতংঅত্থপ্পকাসকা সদ্দা ৰাচকলক্খণিকব্যঞ্জনকা নাম ভৰন্তি. এৰং সদ্দসদ্দত্থৰিচারো ৰেদিতব্বো.

ইদানি ¶ পকাসিতবন্ধস্স ভেদং ৰদতি ‘‘পজ্জা’’দিনা. অযং ৰুত্তলক্খণো বন্ধো পজ্জগজ্জৰিমিস্সানং ভেদেন গাথাচুণ্ণিযতদুভযমিস্সানং ৰসেন তিধা ভৰে. সদ্দো চ অত্থো চেতি চ, সহভাৰং ইতা পত্তাতি চ, দোসেহি ৰজ্জিতা, দোসে ৰা ৰজ্জিতা যেহীতি চ, পজ্জঞ্চ গজ্জঞ্চ ৰিমিস্সঞ্চেতি চ ৰিগ্গহো. ইহ পজ্জং নাম মুত্তককুলককোসকসঙ্ঘাতৰসেন চতুপ্পভেদং ছন্দসি নিদ্দিট্ঠৰুত্তৰিসেসৰিরচিতং চতুপ্পদিকগাথাবন্ধং. তত্থ মুত্তকং নাম নিট্ঠিতত্থা সপ্পধানা একা গাথা, কুলকং নাম পচ্চেকমনিট্ঠিতত্থা অঞ্ঞমঞ্ঞসাপেক্খা একক্রিযাদ্ৰারিকা নানাগাথা, কোসকো নাম নানাৰিধৰণ্ণনাভূমিকা ভিন্নক্রিযাদ্ৰারপ্পৰত্তা সপ্পধানা গাথারাসি, সঙ্ঘাতো নাম সঞ্চ্যাকালাদিএকৰণ্ণনাভূমিনিস্সিতা ভিন্নক্রিযাসমুদাযেন পৰত্তা গাথা. গজ্জং নাম অনিযতপদো আখ্যাযিকাকথাৰসেন দ্ৰিপ্পভেদো স্যাদ্যন্তত্যাদ্যন্তো ৰচনপ্পবন্ধো. মিস্সো পন ইমেহি দ্ৰীহি সংমিস্সো নাটকপকরণাদি চ জাতকমালাদিচম্পূ চ.

নিবন্ধো চা’নিবন্ধো চ, পুন দ্ৰিধা নিরুপ্পতে;

তং তু পাপেন্ত্য’লঙ্কারা, ৰিন্দনীযতরত্তনং.

৯. এৰং তিপ্পকারং বন্ধসরীরং ৰত্ৰা ইদানি অঞ্ঞথাপি দস্সেতুমাহ ‘‘নিবন্ধোচা’নিবন্ধো চ, পুন দ্ৰিধা নিরুপ্পতে’’ ইতি. পুন ভিয্যো যথাৰুত্তো পজ্জমযবন্ধো দ্ৰিধা দ্ৰিপ্পকারেন নিরুপ্পতে নিচ্ছীযতে. কথং? নিবন্ধো চ তদেকদেসভূতেহি মুত্তকাদীহি চতূহি সগ্গবন্ধাদিৰসেন বন্ধো চ অনিবন্ধো চ কেৰলং মুত্তকৰসেনাতি এৰং দ্ৰিধা নিরুপ্পতে ইতি পকতং. ননু তস্সেতস্স যথাৰুত্তৰাতিমযস্স সক্কটং পাকতং অপব্ভংসো পেসাচিকং মিস্সঞ্চেতি পঞ্চৰিধত্তং ৰত্ৰা ‘‘সক্কটং নাম দেৰতাভাসা. পাকতং চতুব্বিধং সক্কটেহি ৰণ্ণঞ্ঞত্তমত্তেন উপ্পন্নত্তা ¶ মহিন্দসিন্ধৰাদি তব্ভৰং, তস্সমং হিরিহরকমলাদি, মহারট্ঠাদিদেসপসিদ্ধং দেসীযং, তব্ভৰাদীহি সম্মিস্সং মিস্সং. আভীরাদীনং ৰাচা অপব্ভংসো, সো চ পাকতং ৰিয চতুব্বিধো, তিৰিধো চ নাগরউপনাগরৰুদ্ধভেদেন. পিসাচানং ৰচনং পেসাচিকং. সব্বেসং ৰসেন মিস্স’’ন্তি সক্কটাদীনং লক্খণং ৰুত্তং. তথা ‘‘সিঙ্গারপ্পধাননচ্চসঙ্খাতলাস্যাদীনং পটিপাদকত্থেন লাস্যাদিকমভিনযপ্পধানত্তা দস্সনীযং, ইতরং কব্বং সৰনীয’’ন্তি দুৰিধং ৰুত্তং, এৰং পুব্বাচরিযেহি ভাসাভেদেন ৰুত্তং পঞ্চৰিধত্তং, ৰিনিযোগভেদেন ৰুত্তং দুৰিধত্তঞ্চ ইধ কস্মা ন ৰুত্তন্তি? সচ্চং, তথাপি তদেৰমিধানুপযোগিতায ন ৰুত্তন্তি ৰেদিতব্বং.

এৰমলঙ্কারাধিট্ঠানভাৰেন পঠমং বন্ধসরীরং দস্সেত্ৰা ইদানি হারকেযূরাদিনা পুরিসসরীরমিৰ বন্ধসরীরং সদ্দালঙ্কারঅত্থালঙ্কারেহি ৰিন্দনীযতরং হোতীতি দস্সেতুমাহ ‘‘তং তু’’ ইচ্চাদি. তুসদ্দো ৰিসেসৰচনিচ্ছাযং. তং বন্ধসরীরং তু অলঙ্কারা অলঙ্করিযতি তং বন্ধসরীরমেতেহীতি পসাদাদযো সদ্দালঙ্কারা, সভাৰৰুত্যাদযো অত্থালঙ্কারা চ ৰিন্দনীযতরত্তনং অতিসযেন ৰিন্দনীযভাৰং অস্সাদনীযভাৰং পাপেন্তি নযন্তি. সব্বথা নিদ্দোসভূতানং সদ্দত্থানং অঞ্ঞমঞ্ঞানুরূপতো সহিতভাৰেন পরমায ৰণ্ণপোক্খরতায সমন্নাগতং তাদিসপুরিসসরীরমিৰ ৰিন্দনীযম্পি সমানং অলঙ্কারেহি পসাধিতে সতি অচ্চন্তমেৰ ৰিন্দনীযং সিযাতি অধিপ্পাযো.

৯. পুনপি তস্সেৰ বন্ধস্স ভেদং কথেতুং ‘‘নিবন্ধো চা’’দিমাহ. পুন নিবন্ধো চ মুত্তকাদীহি চতূহি অৰিনাভাৰতো মহাকব্বাদিসভাৰেন নিরন্তরং কত্ৰা বন্ধো চ অনিবন্ধো চ কেৰলং মহাকব্বাদিসভাৰেন মুত্তকত্তা অনিরন্তরং কত্ৰা বন্ধো চাতি সোৰ বন্ধো দ্ৰিধা নিরুপ্পতে নিচ্ছীযতে. ¶ পুনপি সো বন্ধো সক্কটপাকতঅপব্ভং সপেসাচিকমিস্সভাসাভেদেন পঞ্চৰিধো. সিঙ্গারপধাননচ্চসঙ্খাতলাস্যাদীনং দস্সনপ্পধানত্তা তাদিসং নচ্চংদস্সনীযং, তদঞ্ঞং কব্বং সৰনীযমিতি ৰল়ঞ্জনভেদতো দুৰিধো চ হোতি. সো সব্বোপি পযোজনাভাৰতো ইহ ন গহিতো. তত্থ সক্কটং নাম দেৰতাভাসা. ততো কেহিচি অক্খরেহি ভিন্নং পাকতং নাম. তং পন তব্ভৰতস্সমদেসিযমিস্সৰসেন চতুব্বিধং হোতি. তত্থ সক্কটতো ৰণ্ণঞ্ঞত্তমত্তেন নিব্বত্তং তব্ভৰং নাম, তং মহিন্দসিন্ধৰাদি. তস্সমং হিরিহরকমলাদি. দেসে পসিদ্ধং দেসিযং. মিস্সং নাম তব্ভৰাদীহি সম্মিস্সং. অপব্ভংসো নাম গোপালকাদীনং ৰাচা, সো চ তব্ভৰাদীহি চতুব্বিধো, নাগরউপনাগরৰুদ্ধভেদেন তিৰিধো চ হোতি. পিসাচানং ৰচনং পেসাচিকং. তেহি সক্কটাদীহি সম্মিস্সং মিস্সং নাম হোতি. ইদানি ঈদিসপ্পভেদৰন্তবন্ধস্স অলঙ্কারেন সোভনত্তং ৰত্তুং ‘‘তং তু’’চ্চাদিমাহ. তং তু তং পন ৰুত্তপ্পকারং বন্ধসরীরং অলঙ্কারা পসাদাদিসদ্দালঙ্কারা, সভাৰৰুত্যাদিঅত্থালঙ্কারা চ ৰিন্দনীযতরত্তনং অতিসযপসাদনীযত্তং পাপেন্তি. নিরন্তরং বন্ধো নিবন্ধোতি চ, ন নিবন্ধো অনিবন্ধোতি চ, অতিসযেন ৰিন্দনীযো ৰিন্দনীযতরো, তস্স ভাৰো ৰিন্দনীযতরত্তনন্তি চ ৰিগ্গহো.

অনৰজ্জং মুখম্ভোজ-মনৰজ্জা চ ভারতী;

অলঙ্কতাৰ সোভন্তে, কিং নু’তে নিরলঙ্কতা?

১০. তমেৰ সমত্থেতি ‘‘অনৰজ্জ’’ মিচ্চাদিনা. অনৰজ্জং অঞ্ঞমঞ্ঞানুরূপাধিকতনেত্তকণ্ণাদিঅৰযৰেন পিল়কতিলককাল়কাদ্যনাহতায চ সুন্দরভাৰতো অগরহিতং মুখম্ভোজং ৰদনারৰিন্দঞ্চ তথা অনৰজ্জা পদাদিদোসানভিভূতায সুন্দরভাৰেন অগরহিতা ভারতী চ ৰাণী উপচারতো তপ্পটিপাদনীযো অত্থো চাতি এতে অলঙ্কতাৰ ¶ মুখং তিলকতাডঙ্কাদিনালঙ্কারেন, সদ্দত্থা সদ্দালঙ্কারঅত্থালঙ্কারেহি পসাধিতা সজ্জিতা এৰ, নিরলঙ্কতা তথা অপসাধিতা অসজ্জিতা সোভন্তে কিং নু, ন সোভন্তেৰাতি ৰিতক্কেমীতি অত্থো. নুইতি ৰিতক্কে.

১০. তমেৰ ‘‘অনৰজ্জ’’ মিচ্চাদিনা সমত্থেতি. ৰণ্ণসণ্ঠানাদিঅৰযৰসম্পত্তিযা চ পিল়কতিলককাল়কাদিদোসরহিতত্তা চ অনিন্দিতং মুখম্ভোজঞ্চ অনৰজ্জা পদদোসৰাক্যদোসঅত্থদোসেহি অমিস্সত্তা অগরহিতা ভারতী ৰাণী চ অভেদোপচারেন তপ্পটিপাদনীযত্থো চাতি ইমে অলঙ্কতাৰ কুণ্ডলতিলকাদিআভরণেহি চ সদ্দালঙ্কারঅত্থালঙ্কারেহি চ সজ্জিতা এৰ, নিরলঙ্কতা তেহি অৰিভূসিতা সোভন্তে কিং নু, ন সোভন্তেতি মঞ্ঞে. নত্থি অৰজ্জমস্সাতি চ, মুখমেৰ অম্ভোজমিতি চ ৰিগ্গহো. কিমিতি পটিসেধে, নুইতি ৰিতক্কেতি.

ৰিনা গুরূপদেসং তং, বালো’লঙ্কত্তুমিচ্ছতি;

সম্পাপুণে ন ৰিঞ্ঞূহি, হস্সভাৰং কথং নু সো?

১১. অলঙ্করণঞ্চ তেসং ৰিনা গুরূপদেসেন করোন্তো ৰিনা পহাসং নাপরং ৰিসেসমধিগচ্ছতীতি দস্সেতুং সিলেসালঙ্কারমাহ ‘‘ৰিনা’’তিআদি. গুরূনং পসাধনোপাযোপদেসকানং, অলঙ্কারকারণোপাযোপদেসকানং ৰা উপদেসং ‘‘এত্থ এৰং কতে সোভেয্যা’’তি উপদিসনং ৰিনা পরিচ্চজ্জ মুখস্স, বন্ধস্স চ অলঙ্করণানভিঞ্ঞতায বালো অঞ্ঞাণকো যো কোচি পুগ্গলো তং মুখং, বন্ধং ৰা অলঙ্কত্তুং অনুরূপৰসেন সজ্জেতুং ইচ্ছতি অধিপ্পেতি, সো তাদিসো অঞ্ঞাণপুগ্গলো ৰিঞ্ঞূহি তব্বিদূহি পণ্ডিতজনেহি হস্সভাৰং অৰহাসং কথং কেন ¶ পকারেন ন সম্পাপুণেয্য. ‘‘কিমিদং অঞ্ঞাণপুরিসেন করিযতী’’তি হসন্তেৰাতি অধিপ্পাযো. নুইতি ৰিতক্কে.

১১. ইদানি পদাদিদোসরহিতবন্ধসরীরস্স অলঙ্কারেহি ভূসনমপি গুরূপদেসসহিতমেৰ সেট্ঠন্তি দস্সেতুং ‘‘ৰিনা গুরূপদেস’’ মিচ্চাদিসিলেসালঙ্কারমাহ. বালো মুখাদিসরীরালঙ্কারে, বন্ধালঙ্কারে ৰা অসমত্থো যো কোচি গুরূপদেসং ৰিনা সরীরালঙ্কারকরণস্স, বন্ধালঙ্কারকরণস্স ৰা অনুরূপোপদেসমন্তরেন তং সরীরং, বন্ধং ৰা অলঙ্কত্তুং তিলকতাডঙ্কাদীহি, সদ্দালঙ্কারঅত্থালঙ্কারেহি ৰা সজ্জেতুং ইচ্ছতি চে, সো ৰিঞ্ঞূহি তদুভযঞ্ঞূহি হস্সভাৰং অৰহসিতব্বতং কথং ন সম্পাপুণে, পাপুণাত্যেৰ, তস্মা গুরূহি সাদরতো উগ্গণ্হিত্ৰা কত্তব্বন্তি ভাৰো.

গন্থোপি কৰিৰাচান-মলঙ্কারপ্পকাসকো;

যাতি তব্বচনীযত্তং, তব্বোহারূপচারতো.

১২. ননু সদ্দগম্মা, অত্থগম্মা চ অলঙ্কারাতি গন্থো কথন্তি আহ ‘‘গন্থোপী’’তিআদি. কৰিৰাচানং কৰিপ্পযোগানং সমুদাযরূপানং, পটিপাদনীযতায তব্বচনীযানঞ্চ অত্থানং অলঙ্কারপ্পকাসকো অলঙ্কারানং যথাৰুত্তানং ৰিভাৰিতো গন্থোপি কিরিযাকপ্পসঙ্খাতং সত্থম্পি তব্বচনীযত্তং তেন অলঙ্কারসদ্দেন ৰাচ্চতং যাতি উপগচ্ছতি. কিন্তি আহ ‘‘তব্বোহারূপচারতো’’তি. তস্স কতৰোহারস্স অলঙ্কারসদ্দস্স, তস্মিং ৰা মণ্ডনৰিসেসে পৰত্তস্স অলঙ্কারৰোহারস্স উপচরণং সোযমিত্যভেদেন পরিকপ্পনং উপচারো. কস্মা? পটিপাদনীযপটিপাদকানং অভেদৰসেন কারণে কারীযস্স উপচরিযতোতি অধিপ্পাযো.

১২. ইদানি ¶ সদ্দালঙ্কারঅত্থালঙ্কারগন্থো কথমলঙ্কারোতি আহ ‘‘গন্থো’’চ্চাদি. কৰিৰাচানং কৰীহি ৰুত্তৰাক্যসঙ্খাতানং, উপচারতো তপ্পটিপাদনীযঅত্থসঙ্খাতানঞ্চ কৰিপ্পযোগানং অলঙ্কারপ্পকাসকো সদ্দত্থালঙ্কারপ্পকাসকো গন্থোঅপি কিরিযাকপ্পসঙ্খাতং সত্থম্পি তব্বোহারূপচারতো তস্স অলঙ্কারোতি কতৰোহারস্স অলঙ্কারসদ্দস্স কারণে কারীযূপচারেন তব্বচনীযত্তং তেন অলঙ্কারসদ্দেন ৰত্তব্বতং যাতি. অপিসদ্দো অলঙ্কারমপেক্খতি. অলঙ্কারে পকাসেতি, অলঙ্কারানং ৰা পকাসকোতি চ, তেন ৰচনীযো, তস্স ভাৰোতি চ ৰিগ্গহো. এত্থ ভাৰোতি ৰাচ্চৰাচকসম্বন্ধো. তস্স সদ্দাদিঅলঙ্কারস্স ৰোহারোতি চ, তব্বোহারস্স অলঙ্কারসদ্দস্স উপচারোতি চ ৰাক্যন্তি.

দ্ৰিপ্পকারা অলঙ্কারা, তত্থ সদ্দত্থভেদতো;

সদ্দত্থা বন্ধনামাৰ, তংসজ্জিততদাৰলি.

১৩. ইদানি যথাৰুত্তঅলঙ্কারানং পভেদং, তপ্পসঙ্কঞ্চ তংবন্ধসরীরঞ্চ হেট্ঠা ৰুত্তম্পি একতো সম্বন্ধেত্ৰা দস্সেতুং ‘‘দ্ৰিপ্পকারা’’দি আরদ্ধং. তত্থ তস্মিং কিরিযাকপ্পসঙ্খাতে গন্থে, তস্মিং ৰা বন্ধালঙ্কারাধিকারে অলঙ্কারা যথাৰুত্তা দ্ৰিপ্পকারা হোন্তি. কথং? সদ্দভেদতো, অত্থভেদতো চ, সদ্দালঙ্কারা অত্থালঙ্কারাতি অলঙ্কারা দ্ৰিপ্পকারা হোন্তীতি অত্থো. যেসং ভেদেন তে দ্ৰিপ্পকারা, তে সদ্দা, অত্থা চ. ‘‘বন্ধো’’ ইতি ৰুত্তং নামং যস্সা আৰলিযা সা বন্ধনামা এৰ. তংসজ্জিততদাৰলি তেহি অলঙ্কারেহি সজ্জিতা পকাসিতা তংসজ্জিতা, তেসং সদ্দত্থানং আৰলি সমুদাযা, মহাৰাক্যং, অন্তরৰাক্যং ৰা. পরিপুণ্ণো বন্ধো মহাৰাক্যং, মুত্তকাদযোৰযৰা অন্তরৰাক্যানি, তংসজ্জিততদাৰলিকং পসিদ্ধভাৰেন অনুৰদিত্ৰা অপ্পসিদ্ধা সদ্দত্থা ৰিধীযন্তে.

১৩. ইদানি ¶ যথাৰুত্তঅলঙ্কারানং অৰুত্তভেদঞ্চ তদাধারাধিকতং যথাৰুত্তবন্ধসরীরঞ্চ একতো দস্সেতুং ‘‘দ্ৰিপ্পকারে’’চ্চাদিমাহ. তত্থ তস্মিং কিরিযাকপ্পসঙ্খাতে অলঙ্কারগন্থে, নো চে, অলঙ্কারাধিকারে ৰা অলঙ্কারা ৰক্খমানালঙ্কারা সদ্দত্থভেদতো সদ্দালঙ্কারঅত্থালঙ্কারভেদেন দ্ৰিপ্পকারা হোন্তি, যেসং ভেদেন অলঙ্কারা ভিন্না, তে সদ্দত্থা বন্ধনামাৰ. তংসজ্জিততদাৰলি তেহি সদ্দত্থালঙ্কারেহি অলঙ্কতা, তেসং সদ্দত্থানং মহাকব্বাদিসমুদাযরূপা পটিপাটিবন্ধোতি ৰুত্তং হোতি. ‘‘বন্ধো’’ ইতি নামং যস্সেতি চ, তেহি সদ্দত্থালঙ্কারেহি সজ্জিতাতি চ, তেসং সদ্দত্থানং আৰলীতি চ সমাসো.

গুণালঙ্কারসংযুত্তা, অপি দোসলৰঙ্কিতা;

পসংসিযা ন ৰিঞ্ঞূহি, সা কঞ্ঞা ৰিয তাদিসী.

১৪. এৰং গুণেন অলঙ্কারেন সজ্জিতাপি সা সদ্দত্থাৰলি অপ্পকেনপি দোসেন সংযুত্তা সতী অসম্ফুসিতব্বাৰ ৰিঞ্ঞূহি সিযাতি দস্সেতুমাহ ‘‘গুণ’’ ইচ্চাদি. সদ্দালঙ্কারাখ্যেন গুণেন, অত্থালঙ্কারেন চ সংযুত্তাপি ৰিসেসেন সজ্জিতাপি সদ্দত্থাৰলি দোসলৰেন দোসলেসেনাপি অঙ্কিতা অভিলঞ্ছিতা সতী ৰিঞ্ঞূহি গুণদোসৰিভাগৰিদূহি পণ্ডিতপুরিসেহি ন পসংসিযা নেৰ পসংসিতব্বা. কাৰিযাতি আহ ‘‘কঞ্ঞা ৰিযতাদিসী’’তি. যথা হি কঞ্ঞা দসৰস্সিকা সন্নদ্ধযোব্বনাভিমুখভাৰেন জননযনমনোৰিলুব্ভিনীগুণেন, আভরণৰিসেসেন চালঙ্কতা কেনচি কুট্ঠদোসলেসেন অঙ্কিতা ৰিঞ্ঞূনং অসম্ফুসনীযা সিযা, পগেৰাপরা, এৰমেৰ সদ্দত্থাৰলিপি অপ্পকেনপি সদ্দরূপেন, অত্থলক্খণেন চ দোসেন কুট্ঠকপ্পেন ৰজ্জনীযা এৰ ৰিঞ্ঞূনং, পগেৰ বহুনাতি ৰুত্তং হোতি.

১৪. এৰং ¶ সদ্দত্থানং গুণীভূতেহি অলঙ্কারেহি সজ্জিতা সদ্দত্থাৰলি কেনচি পদাদিদোসেন অভিলক্খিতা চে, অপ্পসত্থাতি দস্সেন্তো ‘‘গুণালঙ্কারি’’চ্চাদিমাহ. গুণালঙ্কারসংযুত্তা অপি সদ্দালঙ্কারসঙ্খাতগুণেন, অত্থালঙ্কারেন চ ৰিসেসেন যুত্তাপি সা সদ্দত্থাৰলি দোসলৰঙ্কিতা পদদোসাদিনা অণুমত্তেনপি দোসেন অঙ্কিতা যুত্তা সহিতা তাদিসী গুণালঙ্কারসংযুত্তাপি দোসলৰঙ্কিতা কঞ্ঞা ৰিয দসৰস্সিকা যোব্বনপ্পত্তা ৰনিতাৰ ৰিঞ্ঞূহি গুণদোসপরিক্খকেহি ন পসংসিযা ন পসংসিতব্বা. যথা হি দসৰস্সিকা ইত্থী পিযসভাৰসণ্ঠিতা মনুঞ্ঞেহি গুণেহি, সোভনানুরূপগীৰেয্যাদিআভরণৰিসেসেহি যুত্তাপি দিস্সমানেন কেনচি সেতকুট্ঠলৰেন যুত্তা সমানা গুণদোসপরিক্খকেহি দস্সনীযা ন হোতি, এৰং ৰুত্তপ্পকারাপি বন্ধপদ্ধতি কুট্ঠতুল্যেন কেনচি পদাদিদোসেন যুত্তা ৰিঞ্ঞূহি অস্সাদনীযাতি অধিপ্পাযো. দোসানং লৰো, তেন অঙ্কিতাতি চ, সা ৰিয দিস্সতীতি তাদীসীতি চ ৰিগ্গহো.

তেন দোসনিরাসোৰ, মহুস্সাহেন সাধিযো;

নিদ্দোসা সব্বথা সা’যং, সগুণা ন ভৰেয্য কিং.

১৫. যতো এৰং, তেন তস্মা কারণা মহুস্সাহেন মহতা ৰাযামেন দোসানং পদদোসাদীনমনত্থনিমিত্তানং নিরাসোৰ সত্থদিট্ঠিযা সত্থপ্পভাৰতো পরিচ্চাগোযেৰ সাধিযো সাধেতব্বো, ‘‘ৰিঞ্ঞূহী’’তি সেসো. এৰং দোসনিরাসে কো গুণো উপলব্ভতীতি চে. সব্বথা সব্বপ্পকারেন নিদ্দোসা দোসেহি নিগ্গতা সাযং সদ্দত্থাৰলি সগুণা সদ্দালঙ্কারসঙ্খাতেহি গুণেহি সহিতা ন ভৰেয্য কিং, ভৰত্যেৰ, গুণরহিতং তংঅলঙ্কতমনুপাদেয্যং সিযাতি অধিপ্পাযো.

১৫. তেন ¶ যতো দোসযুত্তা ৰিঞ্ঞূহি অনুপাদেয্যা, তস্মা মহুস্সাহেন অধিকৰাযামেন দোসনিরাসোৰ পদদোসাদীনং নিরাকরণমেৰ সাধিযো অনেকসত্থৰিসযায পঞ্ঞায ৰিঞ্ঞূহি সাধেতব্বো, এৰং সতি সব্বথা সব্বাকারেন নিদ্দোসা দোসরহিতা সা অযং সদ্দত্থাৰলি সগুণা সদ্দালঙ্কারসঙ্খাতেহি গুণেহি যুত্তা ন ভৰেয্য কিং, গুণযুত্তা ভৰেয্যাতি অধিপ্পাযো. দোসানং নিরাসোতি চ, নত্থি দোসা এতিস্সা, নিগ্গতা দোসেহি ৰাতি চ, সহ গুণেহি ৰত্তমানাতি চ ৰিগ্গহো.

সা’লঙ্কারৰিযুত্তাপি, গুণযুত্তা মনোহরা;

নিদ্দোসা দোসরহিতা, গুণযুত্তা ৰধূ ৰিয.

১৬. কিংকারণমেৰংভূতো দোসপরিচ্চাগেন গুণাদানেন বন্ধোতি আহ ‘‘সা’লঙ্কারে’’চ্চাদি. সা সদ্দত্থাৰলি অলঙ্কারেহি ৰিযুত্তাপি সতী নিদ্দোসা সব্বপ্পকারেন দোসেহি নিগ্গতা গুণেহি সদ্দালঙ্কারসঙ্খাতেহি সংযুত্তা জনানমানন্দসন্দোহাভিসন্দনেকহেতুতায মনো হরতি অত্তনো সন্তিকমাকড্ঢতীতি মনোহরা হোতীতি. তত্থোদাহরণমাহ ‘‘দোসরহিতা গুণযুত্তা ৰধূ ৰিযা’’তি. যথা যেন কেনচিপি দোসেন ৰিরহিতা ৰধূ মনাপচারিতাদীহি গুণৰিসেসেহি সংযুত্তা সতী কেনচি আভরণেন অমণ্ডিতা অপসাধিতাপি কিন্নাম মধুরা কৰীনং পসাধনং কিন্নাম মনোহরা হোতি, এৰমযং সদ্দত্থাৰলিপি মনোহরা হোতীতি অত্থো.

১৬. ইদানি দোসপরিচ্চাগেন গুণাদানে পযোজনং দস্সেতি ‘‘সা’লঙ্কারৰিযুত্তে’’চ্চাদিনা. সা সদ্দত্থাৰলি অলঙ্কারেহি ৰিযুত্তা সতীপি নিদ্দোসা সব্বপ্পকারেন দোসরহিতা গুণযুত্তা ততোযেৰ গুণীভূতা সদ্দালঙ্কারেন যুত্তা দোসরহিতা দুব্বণ্ণদুস্সণ্ঠানাদিদোসেহি ¶ পরিচ্চত্তা গুণযুত্তা হদযঙ্গমগুণযুত্তা ৰধূ ৰিয অঙ্গনা ৰিয মনোহরা সাধুজনে আরাধেতি.

পদে ৰাক্যে তদত্থে চ, দোসা যে ৰিৰিধা মতা;

সোদাহরণমেতেসং, লক্খণং কথযাম্য’হং.

১৭. যতো এৰং গুণালঙ্কারসংযুত্তাযপি দোসলৰঙ্কিতায ৰিঞ্ঞূনমনাদরণীযতা, অলঙ্কারৰিযুত্তাপি দোসাভাৰেন গুণযুত্তায মনোহরতা, এৰমনত্থাৰহস্সাপি দোসস্স পরিহরিতব্বতা সত্থদিট্ঠিযা, তস্মা তে দোসে দস্সেতুং পটিজানাতি ‘‘পদে’’তিআদিনা. তেসং পদানং ৰাক্যানং অত্থো তদত্থো, তস্মিং. উদাহরীযতি লক্খ্যভাৰেনাতি উদাহরণং, সহ উদাহরণেহীতি সোদাহরণং. লক্খিযতি লক্খিযমনেনাতি লক্খণং.

১৭. এৰং অলঙ্কারযুত্তাপি অপ্পকেন দোসেন যুত্তবন্ধস্স অনুপাদেয্যত্তা, অলঙ্কারঅলঙ্করণে অসতিপি দোসরহিতে ৰিঞ্ঞূহি উপাদেয্যত্তা চ মুখ্যস্স দোসপরিহারস্স অৰস্সং কত্তব্বত্তা ইদানি অধিগতদোসে দস্সেতুং পটিজানাতি ‘‘পদে ৰাক্যে’’চ্চাদিনা. পদে নামাদিচতুব্বিধপদে চ, ৰাক্যে ‘‘স্যাদ্যন্তত্যাদ্যন্তানং চযো ৰাক্যং সকারককিরিযা’’তি ৰুত্তলক্খণে ৰাক্যে চ, তদত্থে চ তেসং পদৰাক্যানং অত্থে চ ৰিৰিধা অনেকপ্পকারা যে দোসা ৰিঞ্ঞূহি দোসভাৰেন মতা ঞেয্যা, এতেসং পদাদিদোসানং সোদাহরণং উদাহরণসহিতং লক্খণং অহং কথযামি. এত্থ চ–

‘‘পদং চতুব্বিধং ৰুত্তং, নামাখ্যাতোপসগ্গিকং;

নিপাতকঞ্চ তঞ্ঞূহি, অস্সো খল্ৰাভিধাৰতী’’তি [রূপভিদ্ধিটীকাযং নামকণ্ডে].

ৰুত্তনিযামেন পদং তাৰ দট্ঠব্বং. উদাহরীযন্তি লক্খিযভাৰেনাতি উদাহরণানীতি চ, সহ উদাহরণেনাতি সোদাহরণন্তি ¶ চ, লক্খীযতি লক্খিযমনেনাতি চ ৰিগ্গহো.

ৰিরুদ্ধত্থন্তরাঝত্থ-কিলিট্ঠানি ৰিরোধি চ;

নেয্যং ৰিসেসনাপেক্খং, হীনত্থকমনত্থকং.

দোসা পদান, ৰাক্যান-মেকত্থং ভগ্গরীতিকং;

তথা ব্যাকিণ্ণগাম্মানি, যতিহীনং কমচ্চুতং;

অতিৰুত্তমপেতত্থং, সবন্ধফরুসং তথা

অপক্কমো’চিত্যহীনং, ভগ্গরীতি সসংসযং;

গাম্মং দুট্ঠালঙ্কতীতি, দোসা ৰাক্যত্থনিস্সিতা.

১৮-১৯-২০. ইদানি যথাপটিঞ্ঞাতে দোসে উদ্দিসতি ‘‘ৰিরুদ্ধত্থন্তর’’ ইচ্চাদিনা. ৰিরুদ্ধং অত্থন্তরং যস্স তং ৰিরুদ্ধত্থন্তরং. কিং তং? পদং. এৰমুপরিপি যথাযোগং. অধিকো অত্থো ৰিসেস্যস্স যেন তং অধ্যত্থং. নীযতি অৰুত্তো হেতু এত্থ আনীযতীতি নেয্যং. দোসা পদানন্তি যেহি দোসেহি পদানি দুট্ঠানি, তে ৰিরুদ্ধত্থন্তরতাদযো পদানং দোসাতি অত্থো. এৰমুপরিপি যথাযোগং. ৰাক্যানং দোসাতি সম্বন্ধো. ভগ্গা রীতি কমো যস্মিং তং ভগ্গরীতিকং, ৰাক্যং. অপক্কমতাদযো ৰাক্যত্থদোসা, ৰাক্যত্থানং দোসতো. ৰাক্যং দুট্ঠং সিযাতি ৰাক্যমেৰ ৰিসেস্যতে. তেন সব্বত্থ নপুংসকলিঙ্গেন নিদ্দেসো.

১৮-১৯-২০. ইদানি কথেতব্বভাৰেন পটিঞ্ঞাতে দোসে উদ্দিসন্তো ‘‘ৰিরুদ্ধ…পে… নিস্সিতা’’তি আহ. কৰীহি ইচ্ছিতত্থতো ¶ ৰিরুদ্ধো অঞ্ঞত্থো যস্স পদস্সাতি তং ৰিরুদ্ধত্থন্তরং নাম. ৰিসেস্যস্স অধিকত্থভাৰকরণতো অঝত্থং নাম. কৰীহি ইচ্ছিতত্থস্সাৰীকরণে অৰিসদত্তা কিলিট্ঠং নাম. দেসকালকলাদীনং ৰিরুদ্ধত্তা ৰিরোধি নাম. অঞ্ঞমাহরিত্ৰা ৰত্তব্বতো নেয্যং নাম. ৰিসেসনং পত্ৰাৰ সাত্থকভাৰপ্পত্তিতো ৰিসেসনাপেক্খং নাম. ৰিসেস্যস্স হীনতাপাদনতো হীনত্থকং নাম. অত্থরহিতত্তা অনত্থকং নামাতি ইমে অট্ঠ পদনিস্সিতত্তা পদদোসা নাম.

ৰুত্তত্থস্সেৰ পুন ৰচনতো একত্থং নাম. ভিন্নক্কমত্তা ভগ্গরীতিকং নাম. তথা সম্মোহকারণত্তা ব্যাকিণ্ণং নাম. ৰিসিট্ঠৰচনৰিরহতো গাম্মং নাম. যতিসম্পত্তিৰিরহতো যতিহীনং নাম. পদত্থক্কমতো চুতত্তা কমচ্চুতং নাম. লোকিযং ৰোহারমতিক্কম্ম ৰুত্তত্তা অতিৰুত্তং নাম. সমুদাযত্থতো অপগতত্তা অপেতত্থং নাম. বন্ধফরুসযুত্তত্তা বন্ধফরুসং নাম, তেন সহিতং সবন্ধফরুসন্তি ইমে নৰ ৰাক্যানং তথা দোসা নাম. এত্থ তথাসদ্দো ‘‘দোসা’’তি পদং উপসংহরতি.

অপগতক্কমত্তা অপক্কমং নাম. উচিতভাৰস্স পরিহীনত্তা ওচিত্যহীনং নাম. ভিন্নৰিভত্তিক্কমত্তা ভগ্গরীতি নাম. সংসযজননতো সসংসযং নাম. দুপ্পতীতিকরত্তা গাম্মং নাম. দূসিতালঙ্কারত্তা দুট্ঠালঙ্কতি নামাতিমে ছ ৰাক্যত্থনিস্সিতত্তা ৰাক্যত্থদোসা নাম.

অঞ্ঞো অত্থো অত্থন্তরো. ৰিরুদ্ধো অত্থন্তরো যস্সাতি ৰিগ্গহো. দোসপকাসকপদম্পি দোসতো অব্যতিরিত্তত্তা দোসো নাম. এৰং সন্তেপি সমাসেন পদস্স গহিতত্তা নপুংসকং হোতি. এসেৰনযো ইতো পরেসুপি. ৰিসেস্যস্স অধিকো অত্থো যস্স তং, কিলিট্ঠং ৰিয কিলিট্ঠং. যথা হি মলগ্গহিতো আদাসো অত্তনো কিলিট্ঠত্তা ¶ মুখাদীনং পকাসনে অৰিসদো হোতি, এৰমধিপ্পেতত্থপ্পকাসনে অসমত্থং পদং কিলিট্ঠং নাম. ৰিরোধো অস্স অত্থীতি ৰিরোধি. নীযতি অৰুত্তো হেতু এত্থাতি নেয্যং. ৰিসেসনে অপেক্খা যস্স তং. হীনো ৰিসেস্যস্স অত্থো যেন তং. নত্থি অত্থো যস্স তন্তি ৰিগ্গহো.

পদদোসানং অনঞ্ঞত্তেপি ৰিকপ্পনাভেদতো ‘‘পদানং দোসা’’তি ৰুত্তং, যথা ‘‘সিলাপুত্তকস্স সরীর’’ন্তি. ৰাক্যানং দোসাতি এত্থাপি এসেৰ নযো. একো অত্থো যস্স তং. ভগ্গারীতি কমো যস্স তং. ৰিসুং ৰিসুং আকিণ্ণং ব্যাকিণ্ণং. গামে ভৰো গাম্মো, অব্যত্তানং ৰোহারো. তপ্পকাসকপদম্পি উপচারতো গাম্মং নাম. যতি হীনা এত্থাতি যতিহীনং. কমতো চুতং কমচ্চুতং. অতিক্কম্ম ৰুত্তং অতিৰুত্তং. অত্থতো অপেতং অপেতত্থং. বন্ধে ফরুসং ফরুসতা যত্থ তং. অপগতো কমো যস্মা তং. ওচিত্যং হীনং যত্থ তং. ভগ্গা রীতি যত্থ তং. সহ সংসযেন ৰত্ততীতি তং. গাম্মং ৰুত্তনযমেৰ. দুট্ঠা দূসিতা অলঙ্কতি অলঙ্কারো যত্থ তং. ৰাক্যানং অত্থো, তন্নিস্সিতা ৰাক্যত্থনিস্সিতাতি ৰিগ্গহো. এত্থ অনত্থকাপেতত্থদোসদ্ৰযং পদৰাক্যতো ভিন্নং, অঞ্ঞং ভগ্গরীতিদোসদ্ৰযং, গাম্মদ্ৰযং, কমচ্চুতঅপক্কমদ্ৰযঞ্চ ৰাক্যৰাক্যত্থতো ভিন্নং.

ৰিরুদ্ধত্থন্তরং তঞ্হি, যস্স’ঞ্ঞত্থো ৰিরুজ্ঝতি;

অধিপ্পেতে যথা মেঘো, ৰিসদো সুখযে জনং.

২১. অথোদ্দেসক্কমেন পদাদিদোসে উদাহরতি ‘‘ৰিরুদ্ধি’’ চ্চাদিনা. হি যস্মা কারণা, পসিদ্ধিযং ৰা হিসদ্দো. যস্স পদস্স অঞ্ঞো অধিপ্পেততো অপরো অত্থো অধিপ্পেতে ৰত্তুমিচ্ছিতে অত্থে ৰিরুজ্ঝতীতি অনুৰদিত্ৰা তস্মা ¶ তং ‘‘ৰিরুদ্ধত্থন্তর’’ন্তি ৰিধীযতে. ‘‘যথে’’ত্যুদাহরতি. যথা ইদং ৰিরুদ্ধত্থন্তরং, তথা অঞ্ঞম্পি তাদিসং দট্ঠব্বং. ন ত্ৰিদমেৰেতি যথাসদ্দস্স অত্থো. মেঘো ৰিসদো সুখযে জনন্তি. ৰিসং উদকং, তং দদাতীতি ৰিসদো মেঘো ৰারিৰহো জনং লোকং সুখযে সুখযতীতি কৰিচ্ছিতত্থো. ৰিসসদ্দো গরল়স্স চ ৰাচকো সিযাতি গরল়দো মেঘো মারযতি, ন পন সুখযতীতি ‘‘ৰিসদো’’তি ৰিসেসনপদস্স ৰিরুদ্ধতা.

২১. ইদানি উদ্দিট্ঠানুক্কমেন ৰিরুদ্ধত্থন্তরাদীনং সলক্খণলক্খিযং দস্সেন্তো ‘‘ৰিরুদ্ধি’’চ্চাদিমাহ. যস্স পদস্স অঞ্ঞত্থো কৰিচ্ছিতত্থতো অঞ্ঞো অত্থো অধিপ্পেতে ইচ্ছিতত্থে হি যস্মা ৰিরুজ্ঝতি, তস্মা তং পদং ৰিরুদ্ধত্থন্তরং নাম. পসিদ্ধিযং ৰা হিসদ্দো. তথা হেস অপ্পসিদ্ধং ৰিরুদ্ধত্থন্তরং ‘‘যস্স অঞ্ঞত্থো অধিপ্পেতে ৰিরুজ্ঝতী’’তি পকাসেত্ৰা তস্মিং পকাসিতত্থৰিসযে ৰত্ততি. ‘‘তং হী’’তি যোজিতত্তা ‘‘যস্স অঞ্ঞত্থো অধিপ্পেতে ৰিরুজ্ঝতী’’তি লক্খণং পসিদ্ধভাৰেন অনুৰদিত্ৰা তং ৰিরুদ্ধত্থন্তরন্তি অনুৰদিতব্বঅপ্পসিদ্ধৰিরুদ্ধত্থন্তরং ৰিধীযতে, যথা ‘‘যো কুণ্ডলী, সো দেৰদত্তো’’তি. উপরি পসিদ্ধানুৰাদেন অপ্পসিদ্ধৰিধানমেৰ দট্ঠব্বং. ‘‘যথা…পে… জন’’ন্তি উদাহরণং লক্খিযং দস্সেতি. যথা ‘‘মেঘো ৰিসদো’’চ্চাদি ৰিরুদ্ধত্থন্তরস্স উদাহরণং, এৰমীদিসমঞ্ঞম্পি ইমস্সুদাহরণং, ন কেৰলং ‘‘মেঘো’’চ্চাদিমেৰ ভৰতীতি ৰুত্তং হোতি. যথাসদ্দো চেত্থ ইৰসদ্দপরিযাযত্থেপি উদাহরণত্থো দট্ঠব্বো, উপরিপ্যেৰং. মেঘো অম্বুধরো ৰিসদো ৰিসসঙ্খাতং জলং দদন্তো জনং সুখযে সুখযতীতি কৰীহি অধিপ্পেতত্থো. এত্থ ৰিসসদ্দস্স গরল়সঙ্খাতসপ্পৰিসৰাচকত্তা, ‘‘ৰিসং দদাতীতি ৰিসদো’’তি এত্থ ৰিসস্স উদকৰিসানং সাধারণত্তা ৰিসদাযকো মেঘো নাসেতিযেৰ, ন সুখযতীতি কৰিনা ¶ অধিপ্পেতস্স সুখকারণস্স মেঘৰিসেসনৰিসসদ্দস্স ৰিরুদ্ধঅঞ্ঞত্থতাতি ৰিসপদং ৰিরুদ্ধত্থন্তরদোসেন দুট্ঠন্তি.

২২. যেন পদেন ৰিসেস্যং ৰিসেসিতব্বং অপরং পদং অত্থৰসেন অধিকং ভৰতীত্যনুৰদিত্ৰা এতং অঝত্থং ভৰেতি ৰিধীযতে. ‘‘যথে’’ত্যুদাহরতি ‘‘ওভাসিতে’’চ্চাদি. এৰমুপরিপি সুৰিঞ্ঞেয্যং. ওভাসিতা দীপিতা অসেসা নিখিলা দিসাযেন সোযং খজ্জোতো ৰিরাজতে দিপ্পতি. এত্থ খজ্জোতস্সাখিলদিসাভাগাৰভাসনমতিৰুত্তীতি অধিকত্থং.

২২. যেন ৰিসেসনপদেন ৰিসেস্যং ৰিসেসিতব্বং পদং অত্থৰসেন অধিকং হোতি, এতং যথাৰুত্তলক্খণোপেতং পদং অঝত্থং ভৰে অঝত্থং নাম পদদোসো ভৰে. যথা তস্সুদাহরণমেৰং. ওভাসিতাসেসদিসো জোতিতসব্বদিসো অযং খজ্জোতো অযং জোতিরিঙ্গণো ৰিরাজতে দিপ্পতি. এত্থ ৰিসেস্যস্স খজ্জোতস্স সকলদিসোভাসনস্স অঝত্থত্তা [অত্যুত্তত্তা (ক.)] ‘‘ওভাসিতাসেসদিসো’’তি ৰিসেসনপদং অঝত্থপদদোসো নাম. ওভাসিতা অসেসদিসা যেনাতি ৰিগ্গহো.

২৩. পকত্যাদিৰিভাগতোতি ¶ পচ্চযা পঠমং করীযতীতি পকতি. আদিসদ্দেন পচ্চযাদীনং পরিগ্গহো. পকত্যাদীনংৰিভাগতো ৰিভজনতো, ‘‘অযং পকতি, অযং পচ্চযো, অযমাদেসো’’তিআদিনা পকতিপচ্চযৰিভাগকপ্পনতোতি ৰুত্তং হোতি. পীণেতীতি পী, তায পিযা ৰল্লভায সোযং সামী আলিঙ্গ্যতে সিলিস্সতে. এত্থ ‘‘পিযা’’তি কিলিট্ঠং.

২৩. যস্স পদস্স অত্থাৰগমো অত্থাৰবোধো পকত্যাদিৰিভাগতো ‘‘অযং পকতি, অযং পচ্চযো, অযমাদেসো’’তিআদিনা পকত্যাদীনং ৰিভজনজাননেন, ‘‘পকত্যাদি নাম কি’’ন্তি গৰেসনতো ৰা দুক্খো, তং কিলিট্ঠং নাম. যথা তস্সুদাহরণমেৰং. তায পিযা ৰনিতায সো অযং ৰল্লভো আলিঙ্গ্যতে সিলিস্সতে. পচ্চযা পঠমং করীযতীতি পকতি. সা আদি যেসং পচ্চযানং, তেসং ৰিভাগোতি ৰাক্যং. পীণেতীতি পী, নারী. তায পিযা এত্থ পিযাসঙ্খাতায ৰল্লভায কথনে পীসদ্দস্স অৰিসদত্তা ‘‘পিযা’’তি পদং কিলিট্ঠং.

যং কিলিট্ঠপদং মন্দা-ভিধেয্যং যমকাদিকং;

কিলিট্ঠপদদোসেৰ, তম্পি অন্তো করীযতি.

২৪. ইদানি যমকাদিকমনধিপ্পেতম্পি কিলিট্ঠেযেৰ অন্তোগধং দস্সেতুমাহ ‘‘য’’ন্তিআদি. তত্থ যন্তি অনিযমৰচনং, তস্স নিযমৰচনং যমকাদিকন্তি. যমকমাদি যস্স পহেল়িকাজাতস্স তং যমকাদিকং. কীদিসন্তি আহ ‘‘কিলিট্ঠপদ’’ন্তিআদি. কিলিট্ঠানি অপ্পতীতদোসসভাৰে ঠিততায মলিতান্যৰিসদানি পদানি যস্স তং কিলিট্ঠপদং. মন্দো অপ্পকো অভিধেয্যো অত্থো যস্স তং মন্দাভিধেয্যং, তাদিসং তম্পি যমকাদিকং কিলিট্ঠপদদোসেযেৰ যথাৰুত্তে অন্তো অব্ভন্তরে করীযতি ৰিধীযতি ¶ তত্থেৰ পক্খিপীযতি, কিলিট্ঠপদদোসতো ন ব্যতিরিচ্চতীতি অধিপ্পাযো.

২৪. ইদানি অনধিপ্পেতমপি যমকাদিং কিলিট্ঠদোসেযেৰ অন্তোকরণব্যাজেন আৰীকরোন্তো আহ ‘‘যং কিলিট্ঠে’’চ্চাদি. কিলিট্ঠপদং অপ্পতীতদোসেন মিস্সকত্তা অৰিসদপদং মন্দাভিধেয্যং অপ্পকাভিধেয্যং যং যমকাদিকং যং যমকপ্পহেল়িকাজাতমত্থি, তম্পি কিলিট্ঠপদদোসেযেৰ যথাৰুত্তকিলিট্ঠপদদোসেযেৰ অন্তো করীযতি অব্ভন্তরে করীযতি, কিলিট্ঠপদদোসতো অব্যতিরিত্তন্তি অধিপ্পাযো. কিলিট্ঠানি পদানি যস্স, মন্দো অভিধেয্যো যস্স, যমকং আদি যস্স পহেল়িকাজাতস্স, কিলিট্ঠপদানং দোসোতি ৰিগ্গহো.

পতীতসদ্দরচিতং, সিলিট্ঠপদসন্ধিকং;

পসাদগুণসংযুত্তং, যমকং মত’মেদিসং.

২৫. হোতু কামমনভিমতমেদিসং যমকাদিকং, কিঞ্চরহি অভিমতন্তি আহ ‘‘পতীতি’’চ্চাদি. অত্তনো ৰচনীযত্থপ্পতীতৰসেন ৰাচকাপি সদ্দা পতীতাযেৰ নামাতি পতীতেহি পসিদ্ধেহি সদ্দেহি পাটিপদিকেহি রচিতং কতং পতীতসদ্দরচিতং. সিলিট্ঠা অঞ্ঞমঞ্ঞালিঙ্গনেন মট্ঠা পদানং স্যাদ্যন্তাদীনং সন্ধযো সন্ধনা যস্স তং সিলিট্ঠপদসন্ধিকং. পতীতসদ্দরচিতত্তাযেৰ পসাদসঙ্খাতেন গুণেন সদ্দালঙ্কারেন সংযুত্তং সম্মদেৰোপেতং এদিসং যথাৰুত্তগুণাসযং রমণীযং যমকং মতং অভিমতন্তি অত্থো.

২৫. ইদানি অধিগতেসু যমকেসু ঈদিসং যমকমিট্ঠমিতি সিস্সানং উপদিসন্তো আহ ‘‘পতীতে’’চ্চাদি. পতীতসদ্দরচিতং ‘‘ইমস্সত্থস্সাযং ৰাচকো’’তি পতীতেহি পসিদ্ধেহি সদ্দেহি রচিতং পাটিপদিকেহি কতং সিলিট্ঠপদসন্ধিকং সিলিট্ঠা স্যাদ্যন্তাদিপদানং সন্ধযো যস্স তং ¶ পসাদগুণসংযুত্তং পতীতসদ্দরচিতত্তাযেৰ পসাদসঙ্খাতেন সদ্দালঙ্কারগুণেন সংযুত্তং ঈদিসং এৰংভূতং গুণাধিকতো রমণীযং উপরি ৰক্খমানযমকসদিসং যমকং মতং ৰিঞ্ঞূহি অভিমতং. পতীতা চ তে সদ্দা চ, তেহি রচিতং, সিলিট্ঠা পদানং সন্ধযো যস্স, পসাদোতি গুণো সদ্দালঙ্কারো, তেন সংযুত্তন্তি ৰিগ্গহো.

অব্যপেতং ব্যপেত’ঞ্ঞ-মাৰুত্তানেকৰণ্ণজং;

যমকং তঞ্চ পাদান-মাদিমজ্ঝন্তগোচরং.

২৬. ইদানি তং যথাৰুত্তমভিমতং দস্সেতুমুপক্কমতে ‘‘অব্যপেতে’’চ্চাদিনা. আৰুত্তা অধিৰুত্তা পুনপ্পুনুচ্চারণুপেতা অনেকেসং পতিরূপত্তা, বহুৰণ্ণা সরব্যঞ্জনরূপা, ন একো ৰণ্ণো তস্সানুপ্পাসত্তা, তথা চ ৰক্খতি ‘‘ৰণ্ণাৰুত্তি পরো যথা’’তি [সুবোধালঙ্কার ১২৭ গাথা], তেহি জাতং যমকন্তি ৰিঞ্ঞাযতে. কতিৰিধং তং ৰিকপ্পীযতীতি আহ ‘‘অব্যপেতং ব্যপেতঞ্ঞ’’ন্তি. তত্থ যং ৰণ্ণন্তরাব্যৰহিতং ৰণ্ণসমুদাযেন ৰুত্তং. তদব্যপেতং যমকং. যং তু ব্যৰহিতং, তং ব্যপেতং. যং পন উভযমিস্সং, তং অঞ্ঞং অপরং অব্যপেতব্যপেতন্তি তিধা যমকং তাৰ ৰিকপ্পীযতে. তমেতং তিৰিধং যমকং ৰিসযৰিভাগনিরূপনাযং আদি চ মজ্ঝো চ অন্তো চ গোচরো ৰিসযো যস্সেতি আদিমজ্ঝন্তগোচরং ৰিঞ্ঞেয্যং. কেসং পাদানং? পচ্চেকং চতুন্নংগাথাৰযৰানং. সাপেক্খত্তেপি সমাসো গম্মকত্তা.

তত্থ পাদচতুক্কস্স আদিমজ্ঝন্তভাৰীনং যমকানং যাৰন্তো পকারা সম্ভৰন্তি, তে মূলা সত্ত. কথং? একস্মিংযেৰ পাদে ক্ৰচি আদিযমকং, ক্ৰচি মজ্ঝযমকং, ক্ৰচি অন্তযমকং, ক্ৰচি মজ্ঝন্তযমকং, ক্ৰচি মজ্ঝাদিযমকং, ক্ৰচি আদ্যন্তযমকং, ক্ৰচি সব্বযমকন্তি. এৰং পচ্চেকং মূলভূতা সত্তাতি ¶ চতূসু অট্ঠৰীসতি হোন্তি. পাদাদিযমকঞ্চ পঠমপাদাদিযমকমব্যপেতং তথা দুতিযততিযচতুত্থপাদাদিযমকমব্যপেতং পঠমদুতিযপাদাদিযমকমব্যপেতং পঠমততিযপাদাদিযমকমব্যপেতং পঠমচতুত্থপাদাদিযমকমব্যপেতন্তিআদিনা অনেকধা পসংসন্তি. যদা চ সব্বতোযমকং, তদা মহাযমকাদযো ৰিকপ্পা জাযন্তীতি ৰেদিতব্বং.

২৬. ইদানি অভিমতযমকং দীপেতি ‘‘অব্যপেতে’’চ্চাদিনা. আৰুত্তেহি পুনপ্পুনং ৰুত্তেহি অনেকৰণ্ণেহি সমুদাযরূপত্তা অনেকেহি সরব্যঞ্জনসরীরেহি ৰণ্ণেহি জাতং যমকং অঞ্ঞেহি ৰণ্ণেহি অব্যৰহিতত্তা অব্যপেতং, ৰণ্ণন্তরেহি ব্যৰহিতত্তা ব্যপেতং, উভযমিস্সকত্তা তেহি অঞ্ঞং অব্যপেতব্যপেতঞ্চাতি তিৰিধং হোতি. তঞ্চ যমকং ৰিসযৰিভাগনিযমেন গাথাপাদানং আদিগোচরং মজ্ঝগোচরং অন্তগোচরমিতি তিৰিধং হোতি. এত্থ চসদ্দো ৰত্তব্বন্তরে পৰত্ততি, ৰত্তব্বন্তরং নাম যথাৰুত্তঅব্যপেতাদিভেদতো অঞ্ঞং ৰত্তব্বতায সমুখীভূতং পাদানং আদিমজ্ঝাৰসানন্তরং, উপন্যাসো ৰাক্যারম্ভোতি চ এতস্সেৰ নামং. ৰিসদিসেন ৰণ্ণেন অপেতং ব্যপেতং. তব্বিপরীতমব্যপেতং. অব্যপেতঞ্চ ব্যপেতঞ্চ অঞ্ঞঞ্চাতি সমাহারদ্ৰন্দো. অনেকে চ তে ৰণ্ণা চ, আৰুত্তাযেৰ অনেকৰণ্ণা, তেহি জাতং, আদি চ মজ্ঝো চ অন্তো চ, তে গোচরা যস্সাতি ৰিগ্গহো.

তত্থ পাদচতুক্কস্স আদিমজ্ঝাৰসানেসু লব্ভমানযমকভেদা একেকস্মিং পাদে সত্ত সত্ত ভৰন্তি. কথং? পাদাদিযমকং পাদমজ্ঝযমকং পাদন্তযমকং মজ্ঝন্তযমকং মজ্ঝাদিযমকং আদ্যন্তযমকং সব্বতোযমকন্তি এৰং পচ্চেকং সত্ত সত্ত কত্ৰা চতূসু মূলভূতযমকা অট্ঠৰীস ¶ ভৰন্তি. এত্থ পাদাদিযমকাদিকম্পি অব্যপেতপঠমপাদাদিযমকং তথা দুতিযততিযচতুত্থপাদাদিযমকমিতি চ অব্যপেতপঠমদুতিযপাদাদিযমকং তথা পঠমততিযপাদাদিযমকং পঠমচতুত্থপাদাদিযমকমিতি চ অব্যপেতদুতিযততিযপাদাদিযমকং তথা দুতিযচতুত্থপাদাদিযমকমিতি চ অব্যপেতততিযচতুত্থপাদাদিযমকমিতি চ এৰমব্যপেতপাদাদিযমকা দস হোন্তি. তথা ব্যপেতাপি দসাতি ৰীসতি, অব্যপেতপঠমপাদমজ্ঝযমকং তথা দুতিযপাদমজ্ঝযমকমিচ্চাদিনা মজ্ঝযমকম্পি ৰীসতিৰিধং হোতি. অব্যপেতপঠমপাদন্তযমকং তথা দুতিযপাদন্তযমকমিচ্চাদিনা অন্তযমকম্পি ৰীসতিৰিধং. সংসগ্গভেদতো পন অনেকৰিধং হোতি.

সুজনা’সুজনা সব্বে, গুণেনাপি ৰিৰেকিনো;

ৰিৰেকং ন সমাযন্তি, অৰিৰেকিজনন্তিকে.

২৭. ‘‘সুজনা’’ইচ্চাদি. সুজনা সজ্জনা, অসুজনা অসজ্জনাতি এতে সব্বে উভযপক্খপাতিনো ৰিসেসা জনা গুণেন সীলাদিনা করণভূতেন, হেতুভূতেন ৰা ৰিৰেকিনোপি সাধূসু লব্ভমানানমসাধূস্ৰনুপলব্ভনতো পুথুভূতাপি অৰিৰেকীনং জনানং অন্তিকে সমীপে তেসং সন্নিধানে ৰিৰেকং ৰিভাগং ন সমাযন্তি নপাপুণন্তি, ৰিভাগৰিজাননপঞ্ঞাৰেকল্লেন চ ৰিৰেকিনোপি জনা তে একতো কত্ৰা পস্সন্তীতি. ইদং পঠমপাদাদিযমকমব্যপেতং.

২৭. ইদানি অব্যপেতপঠমপাদাদিযমকস্স মুখমত্তং দস্সেতুমাহ ‘‘সুজনি’’চ্চাদি. সুজনা সাধুজনা, অসুজনা অসাধুজনা চেতি সব্বে উভযপক্খিকা সীলাদিনা, পাণাতিপাতাদিনা গুণেন হেতুনা ৰিৰেকিনো অপি সাধূসু ¶ পাণাতিপাতাদীনং, অসাধূসু সীলাদীনং অপ্পৰত্তিতো গুণেন পুথুভূতাপি অৰিৰেকিজনন্তিকে ৰিৰেকঞাণরহিতানং জনানং সন্তিকে ৰিৰেকং ৰিভাগং ন সমাযন্তি ন পাপুণন্তি. ৰিৰেকো ৰিনাভৰনমেতেসমত্থীতি ৰিৰেকিনো. এত্থ ৰিসযোপচারেন ৰিৰেকোতি পঞ্ঞা, ন ৰিৰেকিনোতি অৰিৰেকিনো, তেযেৰ জনা, তেসং অন্তিকমিতি চ ৰিগ্গহো. ইদং অব্যপেতপঠমপাদাদিযমকং.

অব্যপেতপঠমদুতিযপাদাদিযমকৰণ্ণনা

কুসলা’কুসলা সব্বে, পবলা’পবলা’থৰা;

নো যাতা যাৰ’হোসিত্তং, সুখদুক্খপ্পদা সিযুং.

২৮. ‘‘কুসলা’’ইচ্চাদি. পবলা আসেৰনপ্পটিলাভৰসেন বলৰন্তো চ. অথাতি অনন্তরত্থে নিপাতো. অপবলা তদভাৰতো দুব্বলা চ সব্বে কুসলাকুসলা ধম্মা যাৰ যত্তকং কালং অহোসিত্তং ৰিনা উপ্পত্তিমত্তং ফলদানাসম্ভৰতো কেৰলং ‘‘অহোসী’’তি ৰচনীযত্থনিমিত্তমত্তকম্মভাৰেন অহোসিকম্মত্তং নো যাতা ন সম্পত্তা, তাৰ তত্তকং কালং সুখঞ্চ দুক্খঞ্চ তং পদন্তীতি সুখদুক্খপ্পদা সিযুং. যাৰ সংসারপৰত্তি, তাৰ সুখদুক্খদাযকা হোন্তীতি. ইদং পঠমদুতিযপাদাদিযমকমব্যপেতং.

২৮. পবলা আসেৰনাদিপচ্চযলাভেন বলৰন্তো ৰা অথ অপবলা তদভাৰেন দুব্বলা ৰা সব্বে কুসলাকুসলা অহোসিত্তং ফলদানাভাৰতো পৰত্তিমত্ততং যাৰ যত্তকং কালং নো যাতা অপ্পত্তা, তাৰ তত্তকং সুখদুক্খপ্পদা যথাক্কমং সুখদুক্খপদাযিনো সিযুং ভৰন্তি. ইদং অব্যপেতপঠমদুতিযপাদাদিযমকং. কুসলপটিপক্খা অকুসলা. ‘‘অহোসী’’তি ৰত্তব্বস্স ভাৰো অহোসিত্তং. ‘‘এহিপস্সিকো’’তিআদীসু ৰিয ক্রিযাপদতোপি ণাদিপচ্চযা হোন্তি.

অব্যপেতপঠমদুতিযততিযপাদাদিযমকৰণ্ণনা

সাদরং সা দরং হন্তু, ৰিহিতা ৰিহিতা মযা;

ৰন্দনা ৰন্দনামান-ভাজনে রতনত্তযে.

২৯. ‘‘সাদর’’মিচ্চাদি. ¶ ৰন্দনা দ্ৰারত্তযোপদস্সিযমানা মানো চ পূজা, তেসং ভাজনে আধারভূতে রতিজননাদিনা অত্থেন রতনসঙ্খাতানং বুদ্ধাদীনং তযে সমূহভূতে রতনত্তযে সাদরং আদরসহিতং কত্ৰা মযা ৰিহিতা কতা, ৰিহিতা অলংসংসারদুক্খৰিসটনিরাকরণতো ৰিসেসেন হিতা পধ্যা সা ৰন্দনা সো পণামো দরং দরথং কাযচিত্তপরিল়াহং হন্তু হিংসতু. মযাতি ৰুত্তত্তা মেতি অত্থতো ৰিঞ্ঞাযতি. ইদং পন পঠমদুতিযততিযপাদাদিযমকমব্যপেতং.

২৯. ৰন্দনামানভাজনে দ্ৰারত্তযেন ৰিধিযমানপণামপূজানং আধারভূতে রতনত্তযে রতিজননাদিঅত্থেন রতনসঙ্খাতানং বুদ্ধাদীনং তযে মযা যা ৰন্দনা সাদরং আদরসহিতং ৰিহিতা কতা, ৰিহিতা লোকিয লোকুত্তর সম্পত্তিসাধনতো ৰিসেসেন হিতা সা ৰন্দনা দরং ময্হং কাযচিত্তদরথং হন্তু ৰিনাসেতু. ইদং অব্যপেতপঠমদুতিযততিযপাদাদিযমকং. সহ আদরেন ৰত্তমানং সাদরং, ক্রিযাৰিসেসনং. এত্থ ক্রিযা নাম ৰিহিতাসদ্দেন নিদ্দিট্ঠকরণং. করণঞ্হি ৰিহিতাসদ্দস্স ৰুত্তকম্মত্তেপি অঞ্ঞথানুপপত্তিলক্খণসামত্থিযতো ভিজ্জিত্ৰা ৰিজ্জমানং ‘‘অকাসি’’ন্তি ক্রিযায সম্বন্ধমুপেন্তং কম্মঞ্চ হোতি, ভাৰে ৰিহিতস্স যুপচ্চযন্তস্স নপুংসকত্তা নপুংসকঞ্চ, সত্তায একত্তা একৰচনঞ্চ তব্বিসেসনত্তা সাদরসদ্দোপি নপুংসকদুতিযেকৰচনো হোতি.

কাতব্বা তা ৰিসেসনে’’তি [সম্বন্ধচিন্তো ১৫ গাথা ভেদচিন্তা ১৯৪ গাথা].

হি ৰুত্তং. এৰং ক্রিযাৰিসেসনে গহিতে সামত্থিযতো ‘‘মযা’’তি ততিযন্তস্স পঠমন্তত্তং, ‘‘ৰন্দনা’’তি পঠমন্তস্স ছট্ঠুন্তঞ্চ হোতি. ৰন্দনা চ মানো চ, তেসং ভাজনং. তিণ্ণং সমূহো তযং, রতনানং তযন্তি চ ৰিগ্গহো.

অব্যপেতচতুক্কপাদাদিযমকৰণ্ণনা

কমলং ক’মলং কত্তুং-ৰনদো ৰনদো’ম্বরং;

সুগতো সুগতো লোকং, সহিতং সহিতং করং.

৩০. ‘‘কমল’’মিচ্চাদি. কমলং অরৰিন্দং কং জলং অলঙ্কত্তুং সজ্জনত্থায হোতি, ৰিকসিতারৰিন্দসন্দোহসম্ভাৰিতোদকস্স ৰাপাদীসু তাদিসরমণীযত্তসম্পত্তিসম্ভৰতো, অৰনং রক্খং দদাতি সস্সসম্পত্যাদিকারণভাৰেনাতি অৰনদো. ৰনং জলং দদাতি ন তুচ্ছোতি ৰনদো মেঘো অম্বরং আকাসং জলধারভারভরিতম্বরকুহরস্স দস্সনীযতাগুণযোগতো অলংকত্তুন্তি অধিকতং. সহিতং সম্পুণ্ণং হিতং অভিৰুদ্ধিং করং করোন্তো সুট্ঠু গদতীতি সুগতো মঞ্জুভাণী পুব্ববুদ্ধা ৰিয নেক্খম্মাদিনা কামচ্ছন্দাদিকে পজহন্তো গন্ত্ৰা অরহত্তমগ্গেন সৰাসনসকলকিলেসে সমুচ্ছিন্দিত্ৰা সোভনং নিব্বানপুরং গতোতি ৰা সুগতোতি ৰুত্তো সো মহামুনি অত্তনো অপরিমিতপারমিতাসিম্পকচগলিততিলকভাৰেন লোকং লোকত্তযং, সহিতং লোকন্তি ৰা যোজনীযং অলঙ্কত্তুং অলংকরণাযাতি. ইদং পাদচতুক্কাদিযমকমব্যপেতং.

৩০. কমলং ¶ পদুমং কং জলং অলঙ্কত্তুং পঞ্চৰিধপদুমসঞ্ছন্নস্স উদকস্স রমণীযত্তা সজ্জেতুং হোতি. অৰনদো কালে ৰুট্ঠিসম্পদায সস্সসম্পদাদীনং কারণত্তা আরক্খং দেন্তো ৰনদো মেঘো অম্বরং আকাসং অলঙ্কত্তুং জলধারভারভরিতম্বরকুচ্ছিযা দস্সনীযত্তা সজ্জেতুং হোতি, সহিতং সম্পুণ্ণং হিতং অভিৰুড্ঢিং করং করোন্তো সুগতো চিত্রকথী সুন্দরং নিব্বানং গতো ৰা সো সুগতো সো তথাগতো লোকং লোকত্তযং, সহিতং লোকং ৰা অলঙ্কত্তুং চিত্রকথাদিকারণেহি তাদিসস্স অঞ্ঞস্স চ লোকরামণেয্যস্সাভাৰা সজ্জেতুং হোতি. সব্বপদত্থানং সত্তাব্যভিচারিত্তা হোতীতি গম্মং. ততোযেৰ সব্বে পঠমন্তভৰনক্রিযায যুজ্জন্তীতি ৰদন্তি. ইদং অব্যপেতচতুক্কপাদাদিযমকং.

অব্যপেতাদিযমক-স্সেসো লেসো নিদস্সিতো;

ঞেয্যানি’মাযেৰ দিসা-য’ঞ্ঞানি যমকানিপি.

৩১. ইচ্চেৰমভিমতযমকে অব্যপেতপাদাদিযমকস্স দিসামত্তং দস্সেত্ৰা উপসংহরতি ‘‘অব্যপেতে’’চ্চাদিনা. অব্যপেতস্স অব্যৰহিতস্স চতুন্নং পাদানং আদো, আদিভূতস্স ৰা যমকস্স এসো যথাৰুত্তো লেসো কোচিদেৰ ভেদো নিদস্সিতো ৰিকপ্পিতো. অপরানিপি কিং ন ৰিকপ্পিযন্তীতিচেতি আহ ‘‘ঞেয্যানি’’চ্চাদি. ইমায দিসায ইমিনা উপাযেন মগ্গেনেৰ অঞ্ঞানি ৰুত্ততো অপরানি দুতিযপাদাদিযমকততিযপাদাদিযমকচতুত্থপাদাদিযমকাদীনি অব্যপেতানিপি পঠমদুতিযপাদাদিযমকপঠমততিযপাদাদিযমকানিপি ব্যপেতানি, পঠমচতুত্থদুতিযততিযপাদাদিযমকাদীনিপি অব্যপেতব্যপেতানি, তথা মজ্ঝন্তপাদযমকানি ঞেয্যানি জানিতব্বানি, ৰিঞ্ঞূনং তাদিসায দিসায দস্সিতত্তাতি. তত্থ চ –

‘‘গুণাগুণেন ¶ সহ তে, সাধৰো’সাধৰো জনা;

ৰিগাহন্তে সমং নাথ, চিত্তং চিত্তে কথং নু তে’’.

ইচ্চাদিনা দুতিযপাদাদিযমকাদীনি অব্যপেতানি,

ইচ্চাদিনা পঠমদুতিযপাদাদিযমকাদীনি অব্যপেতানি,

‘‘স’মলং সমলং কত্তুং, সুচিরংসুচি রংজযে;

সুচিরং সুচিরংগং তং, স’মলং সমলংভি যো’’.

ইচ্চাদিনা পঠমচতুত্থদুতিযততিযপাদাদিযমকাদীনি অব্যপেতব্যপেতানি,

‘‘মনোহর হর ক্লেসং, জিন চেতোভৰং মম;

ননু ত্ৰং পারমীসারা-মতভাৰিতমোসধং’’.

‘‘সাধুনা রংজয জয-দ্ধনিনা’পূরযি মহিং;

যো তং জিনৰরং ধীর-মত্থকামোসি চে তুৰং’’.

ইচ্চাদিনা অন্তপাদযমকানি জানিতব্বানি.

৩১. এৰং অভিমতযমকেন অব্যপেতযমকানমুপাযাদীনি নিগমেন্তো আহ ‘‘অব্যপেতি’’চ্চাদি. অব্যপেতাদিযমকস্স ৰিসদিসৰণ্ণেহি অব্যৰহিতাদিযমকস্স, অব্যপেতপাদাদিযমকস্স ৰা এসো লেসো ‘‘সুজনি’’চ্চাদিকো অপ্পকোদাহরণনযো নিদস্সিতো নিদ্দিট্ঠো. অঞ্ঞানি যমকানিপি ইমাযেৰ দিসায ইমিনা নযেনেৰ ঞেয্যানি ৰিঞ্ঞূহি ঞাতব্বানি. আদো যমকং, আদিভূতং ৰা যমকং, অব্যপেতঞ্চ তং আদিযমকঞ্চাতি ৰাক্যং. এৰং দস্সিতেন ¶ ইমিনা কমেন অব্যপেতদুতিযপাদাদিযমকাদযো ঞাতব্বাতি অধিপ্পাযো.

তত্থ অব্যপেতদুতিযপাদাদিযমকমেৰং ৰেদিতব্বং –

গুণাগুণেন সহ তে, সাধৰো’সাধৰো জনা;

ৰিগাহন্তে সমং নাথ, চিত্তং চিত্তে কথং নু তে.

ভো নাথ তে তুয্হং চিত্তে সাধৰো অসাধৰো তে জনা গুণাগুণেন সকসকগুণেন অগুণেন চ সহ সমং একজ্ঝং কথং নু ৰিগাহন্তে, চিত্তং অচ্ছরিযং সুজনদুজ্জনেসু সমমেত্তা অচ্ছরিযাতি অধিপ্পাযো.

অব্যপেতপঠমদুতিযপাদাদিযমকমেৰং দট্ঠব্বং –

পিযেন ৰচসা সব্বে, পিযেন’প্পিযভাণিনো;

পাদানতে জিনোকাসি, সো ধম্মো হন্তু ৰো’প্পীযং.

জিনো অপ্পিযভাণিনোপি সব্বে জনে পিযেন যেন ৰচসা পাদানতে অকাসি, সো ধম্মো ৰো অপ্পিযং হন্তু. এত্থ অপিসদ্দপরিযাযস্স পিসদ্দস্স গহিতত্তা যতিভঙ্গো নত্থি.

পঠমচতুত্থদুতিযততিযপাদাদিঅব্যপেতব্যপেতযমকমেৰং দট্ঠব্বং –

স’মলং সমলং কত্তুং, সুচিরংসুচি রংজযে;

সুচিরং সুচিরংগং তং, স’মলং সমলংভি যোতি.

এত্থ ‘‘সমলং সমলং, সুচিরং সুচির’’ন্তি ৰিসদিসৰণ্ণেহি অব্যৰহিতত্তা অব্যপেতং, ‘‘সমলং সমল’’ন্তি পুব্বপরযুগল়ং [পুব্বপরযুগল়দ্ৰযং (ক.)] ‘‘কত্তু’’মিতি ভিন্নৰণ্ণেহি, ‘‘সুচিরং সুচির’’ন্তি পুব্বপরযুগল়ং [পুব্বপরযুগল়দ্ৰযং (ক.)] ‘‘জযে’’তি ভিন্নৰণ্ণেহি চ ব্যৰহিতত্তা ব্যপেতঞ্চ হোতি. সুচিরংসুচি সোভনরংসিনা উচি যুত্তো যো জিনো সং ¶ সন্তিং নিব্বানং সমলংভি অলভি, অলং অচ্চন্তং অতিসযেন সুচিরংগং ৰিসুদ্ধদেহং তং জিনং সমলং জল্লিকাসঙ্খাতেন, রাগাদিকুচ্ছিতসঙ্খাতেন ৰা মলেন সহিতং সং অত্তানং অলংকত্তুং নিম্মলং কত্ৰা সজ্জেতুং সুচিরং সুচিরকালং রংজযে অত্তনি অভিরমাপেয্য.

মনোহর হর ক্লেসং, জিন চেতোভৰং মম;

ননু ত্ৰং পারমীসারা-মতভাৰিতমোসধন্তি.

মনোহর জিন মম চেতোভৰং ক্লেসং সন্তাপং হর অপনয, ত্ৰং পারমীসারামতভাৰিতং ওসধং দিব্বোসধং ননু.

সাধুনা রংজয জয-দ্ধনিনা’পূরযি মহিং;

যো তং জিনৰরং ধীর-মত্থকামোসি চে তুৰন্তি.

যো জিনৰরো সাধুনা জযদ্ধনিনা ৰেনেয্যজযঘোসেন মহিং আপূরযি, ধীরং তং জিনৰরং তুৰং সপ্পুরিস চে অত্থকামো অসি, রংজয অভিরমাপেহি. ইমিনা নিদ্দিট্ঠযমকেহেৰ অৰসেসা ততিযপাদাদিযমকাদযো ৰিঞ্ঞেয্যা.

৩২. কিং পন সাকল্লেন ন ৰিকপ্পিতানীতি আহ ‘‘অচ্চন্তি’’চ্চাদি. তেসং ৰিকপ্পানং সম্ভেদো সঙ্করো মিস্সত্তমুচ্চারণপ্পকারো যোনি পভৰো যেসং তে সম্ভেদযোনিযো, ভেদা পকারা অচ্চন্তবহৰো অতিসযেন বহুলা যথাৰুত্তনযেন সম্ভৰন্তি, তত্থাপি তেসু ৰিকপ্পেসুপি কেচি ৰিকপ্পা সুখেন করীযন্তি পযুজ্জন্তীতি ¶ সুকরা, তব্বিপরীতো চ কেচি ৰিকপ্পা অচ্চন্তদুক্করা. ইতি দ্ৰিধা সঙ্গয্হন্তি, তেসু সুকরানং কেসঞ্চি অভিমতযমকানং মুখমত্তং দস্সিতং. ইদানি দুক্করানং কেসঞ্চি মুখমত্তং ন সব্বমেৰং ৰেদিতব্বং.

ইদং পাদচতুক্কমজ্ঝযমকমব্যপেতব্যপেতমেকরূপং দুক্করং.

ইদং চতুক্কপাদমজ্ঝযমকমেকরূপব্যপেতং.

৩২. সব্বমিদমনুদ্দিসিত্ৰা লক্খণাতিদেসেন নিগমনং কিমত্থমিচ্চাসঙ্কাযমাহ ‘‘অচ্চন্তে’’চ্চাদি. তেসং যমকানং সম্ভেদযোনিযো পভেদুপ্পত্তিকারণভূতা ভেদা উচ্চাৰচপকারা অচ্চন্তবহৰো, তত্থাপি তেসুপি কেচি যমকা সুকরা সুসাধিযা, কেচি অচ্চন্তদুক্করা অতিসযেন দুস্সাধিযা. সম্ভেদো যোনি যেসন্তি ৰিগ্গহো.

ইহ সুকরস্স উপদিসিতত্তা দুক্করযমকপৰেসোপাযমত্তমুপদিসীযতে –

মনং মনংপ’স্স ন সাধুপুজ্জ’’ন্তি.

ইদং পাদচতুক্কাদিযমকমেকরূপং অব্যপেতব্যপেতং.

যো ¶ পুগ্গলো মনং অত্তনো চিত্তং সত্থু জিনস্স মনং খণমত্তম্পি দদেয্য চে, সত্থু মুনিন্দস্স মনং চিত্তং অস্স পুগ্গলস্স মনং চিত্তং পীণযতি সম্পীণেতি, তেন তস্মা মনং মনং চিত্তং চিত্তং দদেয্য চে ন যদি নো দদেয্য, অস্স পুগ্গলস্স মনং চিত্তং মনংপি মুহুত্তম্পি সাধুপুজ্জং সাধূহি পূজিতব্বং ন ভৰতি.

ইদং পাদচতুক্কমজ্ঝযমকমেকরূপমব্যপেতব্যপেতং.

যতো যেন কারণেন তে তুয্হং সতা সোভনেন সমুন্নতেন সম্মা উন্নতেন হেতুনা নতেপি অৰনতেপি অনতেপি অনৰনতেপি তে তে সুভা তে তে সোভনা ন ন সিযুং, ভৰন্তেৰ, অতো তেন কারণেন তে সুভা তে সোভনা নতে অৰনতে কথং ন সিযুং, ভৰন্তেৰ.

নমে মমেন্তং খলু সজ্জনংজন’’ন্তি.

ইদং পাদচতুক্কন্তযমকমেকরূপমব্যপেতব্যপেতযমকং দুক্করং.

পণামোনতসজ্জনং পণামিতুকামোনতসাধুজনৰন্তং জনং ৰেনেয্যজনং অসজ্জ পমাদমকত্ৰা গুণে সীলাদিগুণে নিৰেসেন্তং নিযোজেন্তং ৰেনেয্যনেত্তে অঞ্জনং অঞ্জনভূতং গুণভাজনং গুণানমাধারভূতং সজ্জনংজনং ইমিনা কারণেন সাধুজনানং অঞ্জনভূতং জনং সাধুজনং খলু একন্তেন মমেন্তং মমাযন্তং নং জিনং নমে নমামি.

ইদং পাদচতুক্কাদিযমকেকরূপব্যপেতং.

ভুৰনে সত্তলোকে সাভাসু ৰিজ্জমানাভাসু জিনস্স সাভা সোভনা আভা সাভায ৰিজ্জমানায, সোভনায ৰা আভায আভাতো জাতু একন্তেন ভাসতিযেৰ দিপ্পতেৰ, সা জিনাভা সাভায ৰিজ্জমানাভাতো অধিকা হুত্ৰা চে ন ভাতি যদি ন ভাসতি, সসাভানং ৰিজ্জমানসোভনাভানং ব্রহ্মাদীনং সাভা সোভনাভাযো অতিচ্চ অতিক্কম্ম কথং ন ভাতি, ভাসতিযেৰ.

‘‘ন ভাসুরা তেপি সুরা ৰিভূসিতা,

যথা সুরাজন্তি সুরাৰিনিস্সটা’’তি.

ইদং পাদচতুক্কমজ্ঝযমকেকরূপব্যপেতং.

সুরাৰিনিস্সটা সুরাপানতো অপগতা জনা যথা সুরাজন্তি, তথা ৰিভূসিতা ৰিসেসেন অলঙ্কতা তেপি সুরা তে দেৰা অপি ন ভাসুরা সোভমানা ন হোন্তি, তথা এৰং সুরাপরাজিতা সুরাপানহেতু পরাজিতভাৰং পত্তা ভূরি অসুরা বহৰো ৰেপচিত্তিআদযো অসুরাপি ন ভাসুরা ন সোভন্তি, তথা এৰং সুরাজিতো সুট্ঠু অলঙ্কতো রাজাপি সভাসু ন ভাসুরো.

‘‘জিনাণত্তিযং ¶ যো’হিতাসা সিতাসা,

অৰস্সংৰ তে হোন্ত্য’তাসা হতাসা;

করোন্তেৰ সন্তিস্সিতা সামিতাসা’’তি.

ইদং পাদচতুক্কন্তযমকমেকরূপব্যপেতং.

যে সপ্পুরিসা জিনাণত্তিযং বুদ্ধস্স ৰিনযপঞ্ঞত্তিসঙ্খাতাণত্তিযং ওহিতাসা অৰীতিক্কমৰসেন পতিট্ঠিতআসা হোন্তি সিতাসা পরিসুদ্ধাসা, তে সাধৰো হতাসা অনুক্কমেন হততণ্হা অৰস্সংৰ একন্তেনেৰ অতাসা ভযরহিতা যতো হোন্তি, অতো তস্মা সব্বপাপে সব্বাকুসলে সতাসা ভযসহিতা ৰতাসাৰ নিরৰজ্জৰতাভিলাসৰন্তো সাধুজনা সন্তিস্সিতা সন্তিনিস্সিতাযো সামিতাসা সামিভাৰাসাযো করোন্তেৰ.

যমকং তং পহেল়ী চ, নেকন্তমধুরানি’তি;

উপেক্খিযন্তি সব্বানি, সিস্সখেদভযা মযা.

৩৩. ননু যমকং নাম কৰীনং সামত্থিযৰিসেসসূচকন্তি তত্থ তং সোপযোগং, পহেল়িকা চ সোপযোগা কীল়াৰিনোদনে সম্বাধট্ঠানমন্তনে পরব্যামোহনে [পরমব্যামোহনে (ক.), কাব্যাদাস ৩.৯৭] চ, তস্মা তত্থ কথমুপেক্খা ভৰতোতি আহ ‘‘যমক’’ন্তিআদি. তং যথাৰুত্তং যমকঞ্চ সুকরদুক্করপ্পভেদং. পহেল়িকা পন পুব্বাচরিযেহি সোল়স নিদ্দিট্ঠা সমাগতাৰঞ্চিতাদিকা. তত্থিদং লক্খণং –

সমাগতা নাম সিযা, গুল়্হত্থা পদসন্ধিনা;

ৰঞ্চিতাঞ্ঞত্থ রুল়্হেন, যত্থ সদ্দেন ৰঞ্চনা.

উক্কন্তাতিব্যৰহিত-প্পযোগা ¶ মোহকারিনী;

সিযা পমুস্সিতা যস্সা, দুব্বোধত্থা পদাৰলি.

সমানরূপা’মুখ্যত্থা-রোপাহিতপদা সিযা;

ফরুসা পচ্চযাদীহি, জাতসদ্দা কথঞ্চিপি.

সঙ্খ্যাতা নাম সঙ্খ্যানং, যত্থ ব্যামোহকারণং;

অঞ্ঞথা’ভাসতে যত্থ, ৰাক্যত্থো সা পকপ্পিতা.

সা নামন্তরিকা যস্সা, নামে নানত্থকপ্পনা;

নিভূতা’ৰট্ঠিতঞ্ঞত্থা, তুল্যত্থসুতিহেতুতো.

সমানসদ্দা সা ইট্ঠ-সদ্দপরিযাযসাধিতা;

সম্মুল়্হা মূল়্হতাযেৰ, নিদ্দিট্ঠত্থাপি সাধুকং.

যস্সা সম্বন্ধবাহুল্যা, নামং সা পারিহারিকী;

একচ্ছন্না ভৰে ব্যঞ্জা-ধেয্যং নিস্সযগোপনা.

সা ভৰে উভযচ্ছন্না, যস্সা উভযগোপনা;

সংকিণ্ণা নাম সা যস্সা, নানালক্খণসঙ্করোতি.

দোসত্তেপি চেসং সব্বেসং উক্কন্তাদীসু দোসভাৰে নারোপিতব্বা. এসা হি [মনসোতি (ক.)] ‘‘বহুগুণে পণমতি’’চ্চাদিনা [সুবোধালঙ্কার ৪৪ গাথা] ৰাক্যসংকিণ্ণনামেন ন ৰুত্তা, পকপ্পিতা চ সংসযদোসপরিহারেন ‘‘যাতে দুতিযং নিলয’’ন্তি [সুবোধালঙ্কার ১১২ গাথা] আদিনা নিদ্দিট্ঠা.

‘‘পভৰা’নতৰিত্তিণ্ণা, তৰা’ণা মহতী সতি;

চিরায জযতং নাথ, পহুতফলসাধনী’’তি.

‘‘ভদ্দমেৰো’পসেৰেয্য, ¶ ৰিধূতমদকিব্বিসং;

সম্পাপযে পুরং খেমং, স দন্তো’ত্তনিসেৰিন’’ন্তি.

পমুস্সিতাদযো তু লক্খণানুসারেন, তত্থোদাহরণানুসারেন চ ৰেদিতব্বা.

এৰং পুব্বাচরিযেহি পরিকপ্পিতা পহেল়িকা চেতি এতানি সব্বানি একন্তেন নিযমেন ন মধুরানি অত্থরসস্স ৰা সদ্দরসস্স ৰা কস্সচি অভাৰেন অস্সাদিতব্বানি ন হোন্তীতি ইমিনা কারণেন সিস্সানমুপ্পন্নো খেদোযেৰ ভযং ততো তেসং খেদতো ৰা উপ্পন্নভযতো মযা উপেক্খিযন্তীতি সম্বন্ধনীযং.

৩৩. এৰং সুকরদুক্করৰসেন দুৰিধত্তং ৰত্ৰা কৰীনং সামত্থিযপ্পকাসনে সপ্পযোজনযমকানঞ্চ, কীল়াৰিনোদনে সম্বাধট্ঠানসম্মন্তনে পরব্যামোহনে চাতি ইমেসু সপ্পযোজনানঞ্চ পহেল়িকানমৰচনে কারণং নিদ্দিসতি ‘‘যমক’’মিচ্চাদিনা. তং যমকং যথাৰুত্তং সুকরদুক্করাদিভেদং যমকজাতঞ্চ পহেল়ি চ পুব্বাচরিযেহি নিদ্দিট্ঠা সমাগভাদিকা পহেল়িকা চ ইতি ইমানি সব্বানি একন্তমধুরানি ন ইতি অস্সাদেতব্বস্স অত্থরসস্স, সদ্দরসস্স ৰা নিযমতো অভাৰা একন্তেন অমধুরানি, ইতি ইমিনা কারণেন চ সিস্সখেদভযা সিস্সানং অসহনসঙ্খাতায অসহনেন জাতায ৰা ভীতিযা চ মযা উপেক্খীযন্তি. সিস্সানং খেদোযেৰ ভযং, সিস্সখেদতো উপ্পন্নং ৰা ভযং, ততোতি ৰিগ্গহো.

সমাগতা চ ৰঞ্চিতু-ক্কন্তা পমুস্সিতাপি চ;

সমানরূপা ফরুসা, সঙ্খ্যাতা চ পকপ্পিতা.

অথোপি ¶ নামন্তরিকা, নিভূতা চ পহেল়িকা;

অথো সমানসদ্দা চ, সম্মুল়্হা পারিহারিকী;

একচ্ছন্নোভযচ্ছন্না, সংকিণ্ণাতি চ সোল়সাতি.

সমাগতা নাম সিযা, গুল়্হত্থা পদসন্ধিনা;

ৰঞ্চিতাঞ্ঞত্থ রুল়্হেন, যত্থ সদ্দেন ৰঞ্চনা.

উক্কন্তাতিব্যৰহিত-প্পযোগা মোহকারিনী;

সিযা পমুস্সিতা যস্সা, দুব্বোধত্থা পদাৰলি.

সমানরূপা’মুখ্যত্থা-রোপাহিতপদা সিযা;

ফরুসা পচ্চযাদীহি, জাতসদ্দা কথঞ্চিপি.

সঙ্খ্যাতা নাম সঙ্খ্যানং, যত্থ ব্যামোহকারণং;

অঞ্ঞথা’ভাসতে যত্থ, ৰাক্যত্থো সা পকপ্পিতা.

সা নামন্তরিকা যস্সা, নামে নানত্থকপ্পনা;

নিভূতা’ৰট্ঠিতঞ্ঞত্থা, তুল্যত্থসুতিহেতুতো.

সমানসদ্দা সা ইট্ঠ-সদ্দপরিযাযসাধিতা;

সম্মুল়্হা মূল়্হতাযেৰ, নিদ্দিট্ঠত্থাপি সাধুকং.

যস্সা সম্বন্ধবাহুল্যা, নামং সা পারিহারিকী;

একচ্ছন্না ভৰে ব্যঞ্জা-ধেয্যং নিস্সযগোপনা.

সা ভৰে উভযচ্ছন্না, যস্সা উভযগোপনা;

সংকিণ্ণা নাম সা যস্সা, নানালক্খণসঙ্করোতি.

অযং পনেত্থ অত্থো – পদসন্ধিনা পদানং সন্ধানতো গুল়্হত্থা অপাকটত্থা সমাগতা নাম সিযা. গুল়্হত্থাতি পসিদ্ধানুৰাদেন অপসিদ্ধা সমাগতা ৰিধীযতে. ইতো পরম্পি অনুৰাদানুৰাদ্যভাৰো এৰং ৰেদিতব্বো. যত্থ পহেল়িকাযং অঞ্ঞত্থ রুল়্হেন সদ্দেন অঞ্ঞস্মিং অত্থে পসিদ্ধেন রুল়্হিসদ্দেন ৰঞ্চনা ৰঞ্চিতা নাম সিযা.

অতিব্যৰহিতপ্পযোগা ¶ অতিসযেন অন্তরিতপযুজ্জমানপদযুত্তা ততোযেৰ মোহকারিনী সম্মোহকারিকা পহেল়িকা উক্কন্তা নাম. যস্সা পহেল়িকায পদাৰলি পদপন্তি দুব্বোধত্থা দুরনুবোধাভিধেয্যা, সা পমুস্সিতা নাম.

অমুখ্যত্থারোপাহিতপদা অপ্পধানত্থে মুখ্যত্থপকাসকসদ্দানং কিঞ্চি সধম্মং নিস্সায আরোপনতো উপট্ঠিতপদযুত্তা সমানরূপা নাম সিযা. পচ্চযাদীহি পচ্চযাদেসাদীহি কথঞ্চিপি যেন কেনচি পকারেন জাতসদ্দা নিপ্ফন্নসদ্দা ফরুসা নাম.

যত্থ যস্সং পহেল়িকাযং সঙ্খ্যানং গণনং ৰুত্তমপি ব্যামোহকারণং হোতি, সা পহেল়িকা সঙ্খ্যাতা নাম সিযা. যত্থ যস্সং পহেল়িকাযং ৰাক্যত্থো সমুদাযত্থো অঞ্ঞথা অঞ্ঞেন পকারেন আভাসতে ৰিঞ্ঞাযতে, সা পকপ্পিতা নাম.

যস্সা পহেল়িকায নামে পযুত্তাভিধানে নানত্থকপ্পনা ৰিৰিধাভিধেয্যকপ্পনা সম্ভৰতি, সা পহেল়িকা নামন্তরিকা নাম. তুল্যত্থসুতিহেতুতো সমানত্থসদ্দানং পযোগহেতুযা অৰট্ঠিতঞ্ঞত্থা পতিট্ঠিতঅঞ্ঞত্থা হোতি, সা নিভূতা নাম.

যা পহেল়িকা ইট্ঠসদ্দপরিযাযসাধিতা ইচ্ছিতত্থসদ্দস্স ৰেৰচনেহি নিপ্ফাদিতা হোতি, সা সমানসদ্দা নাম. সাধুকং নিদ্দিট্ঠত্থাপি দস্সিতঅত্থযুত্তাপিযা মূল়্হতাযেৰ সম্মোহভাৰত্থং এৰ ভৰতি, সা সম্মুল়্হা নাম.

যস্সা পহেল়িকায ৰিরচনে নামং দস্সিযমানং নামং সম্বন্ধবাহুল্যা সম্বন্ধস্স বহুলভাৰতো ভৰতি, সা পারিহারিকী নাম. যস্সা আধেয্যং ব্যঞ্জ অভিব্যঞ্জিয পকাসেত্ৰা ¶ নিস্সযগোপনা আধারগুত্তি ভৰতি, সা একচ্ছন্না নাম.

যস্সা পযোগে উভযগোপনা উভিন্নমাধারাধেয্যানং গোপনা ভৰতি, সা উভযচ্ছন্না নাম. যস্সা নানালক্খণসঙ্করো সমাগতাদিনানাৰিধলক্খণানং সঙ্করো হোতি, সা সংকিণ্ণা নাম সিযা.

ইদানি সমাগতাদীনং লক্খিযং কমেন এৰং ঞাতব্বং –

‘‘পভৰা’নতৰিত্তিণ্ণা, তৰা’ণা মহতী সতী;

চিরায জযতং নাথ, পহুতফলসাধিনী’’তি.

নাথ তৰ পভৰতো পট্ঠায নতৰিত্তিণ্ণা ওণতৰসেন পত্থটা, এৰং সতি নদী ৰিয দিস্সতি. পভৰ পকট্ঠত্ত সোভাৰন্ত. ভো নাথ তৰ তুয্হং মহতী সতী মহন্তী সমানা আণা আনতৰিত্তিণ্ণা অত্তনি নতেসু জনেসু পত্থটা পহুতফলসাধিনী বহুলত্থনিপ্ফাদনী চিরায চিরকালং জযতং উক্কংসভাৰেন পৰত্ততু. এত্থ পভৰআনতইতিসন্ধিনা অত্থো গুল়্হো.

‘‘ভদ্দমেৰো’পসেৰেয্য, ৰিধূতমদকিব্বিসং;

সম্পাপযে পুরং খেমং, স দন্তো’ত্তনিসেৰিত’’ন্তি.

ৰিধূতমদকিব্বিসং ৰিনাসিতমদদোসং ভদ্দমেৰ মন্দপিয [পিন্দপিস্স (ক.)] – ভদ্দজাতিকেসু হত্থীসু ভদ্দজাতিকহত্থিমেৰ উপসেৰেয্যাতি ৰুত্তং ৰিয দিস্সতি. ভদ্দমেৰ উত্তমপুরিসমেৰ সেৰেয্যাতি অত্থো. সেৰনং কিমত্থন্তি চে? হত্থিপক্খে দন্তো সিক্খিতো সো হত্থি অত্তনিসেৰিতং অত্তানং ভজিতং জনং খেমং নিব্ভযং পুরং নগরং সম্পাপেতি. পুরিসপক্খে পন ¶ দন্তো দমিতো সো অরিযপুগ্গলো অত্তনিসেৰিতং অত্তানমুপসেৰিতং জনং খেমং নিদ্দুক্খং পুরং নিব্বানপুরং পাপেতি. এত্থ কৰিচ্ছিতউত্তমত্থতো অঞ্ঞেন হত্থিঅত্থে রুল়্হেন সদ্দেন ৰঞ্চনা নাম.

‘‘বহুগুণে পণমতি, দুজ্জনানংপ্যযং জনো;

হিতং পমুদিতো নিচ্চং, সুগতং সমনুস্সর’’ন্তি.

অযং উক্কন্তা. ইমস্সত্থো উপরি আগমিস্সতি.

ব্যাকিণ্ণদোসত্তে সতিপি পহেল়িকারুল়্হত্তা এসা ইট্ঠা. ৰুত্তঞ্হি ‘‘পহেল়িকাযমারুল়্হা, ন হি দুট্ঠা কিলিট্ঠতা’’তি. ইহ সম্বন্ধীপদানং অট্ঠানট্ঠাপনেন ব্যৰহিতত্তং হোতি.

‘‘মুখফুল্লং গিঙ্গমকং, নিযুরুগ্গত্থনুন্নতং;

পটচ্চরী ৰরং পোসো, ভীরুযা ধারযন্তিযা’’তি.

মুখফুল্লং তিলকাদিং গিঙ্গমকং এৰংনামকং পসাধনং নিযুরুগ্গত্থনুন্নতং নিযুরং ৰলযং, উগ্গত্থনং পযোধরপটং, উন্নতং নলাটপটাদিকং, মুখতো উন্নতাভরণঞ্চ ধারযন্তিযা ভীরুযা ইত্থিযা পটচ্চরী জিণ্ণৰত্থনিৰাসী পোসো পুরিসো ৰরং উত্তমো. এত্থ বহুপযোগরহিতেহি সদ্দেহি রচিতত্তা অত্থস্স দুরৰবোধতা.

‘‘নৰ’গ্গরতনান’স্মিং, দিস্সন্তি রতনাকরে;

পুরিসানেত্থ অট্ঠন্নং, অট্ঠা’সাধারণা’পর’’ন্তি.

অস্মিং রতনাকরে অগ্গরতনানি নৰ দিস্সন্তি, এত্থ ইমেসু রতনেসু অট্ঠ রতনানি অট্ঠন্নং পুরিসানং অসাধারণানি, অপরং রতনং সাধারণং. ইমানি নৰ লোকুত্তরানি চিত্তীকতাদিঅত্থেন ‘‘রতনানী’’তি চ তপ্পভৰো সম্মাসম্বুদ্ধো ¶ ‘‘আকরো’’তি চ কপ্পিতোতি অমুখ্যত্থেসু রতনাদিসদ্দানমারোপনং হোতি.

‘‘ৰিন্দন্তি দেৰগন্ধব্বা, হিমৰন্তমহাতলে;

রসৰন্তে সরে সত্ত, ন নাগাপি উপোসথা’’তি.

হিমৰন্তমহাতলে হিমালযস্স মত্থকে রসৰন্তে সোদকে সত্ত সরে অনোতত্তাদিকে দেৰগন্ধব্বা ৰিন্দন্তি সেৰন্তি, উপোসথা নাগাপি ন ৰিন্দন্তি. অযমপরত্থো. হিমৰন্তমহাতলে চন্দরংসিযুত্তে মহাপাসাদতলে দেৰগন্ধব্বা কীল়মানা গন্ধব্বা রসৰন্তে মধুরগুণযুত্তে সত্ত সরে ৰীণায ছজ্জাদিকে সত্ত সরে ৰিন্দন্তি, নাগাপি অরিযাপি উপোসথাপি উপৰুত্থাপি ন ৰিন্দন্তি নানুভৰন্তি. এত্থ দিব্বন্তীতি দেৰা. উপোসথো এতেসমত্থীতি উপোসথাতি ৰিগ্গহো. লক্খণক্কমতো পসিদ্ধপচুরপযোগতো অঞ্ঞদত্থা যেন কেনচি লেসেন পচ্চযাদীনং জাতসদ্দস্স অত্থিতা.

‘‘গীতসদ্দে সরা দ্ৰে দ্ৰে, দ্ৰে ছজ্জঞ্ঞত্র ছস্সরা;

পঞ্চৰণ্ণং যথা চক্খু, ছব্বণ্ণা নাসিকা তথা’’তি.

গীতসদ্দে সরা দ্ৰে হোন্তি, ছজ্জ’ঞ্ঞত্র ছজ্জতো অঞ্ঞত্র ছজ্জং ৰজ্জেত্ৰা উসভো গন্ধারো মজ্ঝিমো পঞ্চমো ধেৰতো নিসাদোতি. এত্থ যুগল়তো দ্ৰে দ্ৰে ছস্সরা ছসরৰন্তো. যথা চক্খু পঞ্চৰণ্ণং হোতি, তথা এৰং নাসিকা ছব্বণ্ণা হোতি, গীতসদ্দে ঈকারঅকারসরদ্ৰযসব্ভাৰতো চ ছজ্জং ঠপেত্ৰা উসভাদীসু সরানং তিৰিধত্তা চ ‘‘চক্খূ’’তি সরব্যঞ্জনৰসেন পঞ্চৰণ্ণানং সব্ভাৰতো চ ‘‘নাসিকা’’তি ছন্নং সব্ভাৰতো চ এৰং ৰুত্তং. এত্থ ৰুত্তসঙ্খ্যাগীতাদিসদ্দসন্নিট্ঠানতো সম্মোহকারিনী হোতি.

‘‘পাতু ¶ ৰো উদিতো রাজা, সিরিমা রত্তমণ্ডলো;

সকন্তিগহনক্খত্ত-সঙ্ঘযুত্তো সুলক্খণো’’তি.

সিরিমা সিরিমন্তো রত্তমণ্ডলো অনুরত্তজনপদমণ্ডলো, অনুরত্তঅমচ্চমণ্ডলো ৰা সকন্তিগহনক্খত্তসঙ্ঘযুত্তো সকস্স অত্তনো অন্তে সমীপে গহনেহি অৰিরল়েহি খত্তসঙ্ঘেহি খত্তিযসমূহেহি যুত্তো সংযুত্তো সুলক্খণো পসত্থপুরিসলক্খণো উদিতো পসিদ্ধো রাজা নরিন্দো ৰো তুম্হে পাতু রক্খতূতি অযং অনধিপ্পেতত্থো. সিরিমা ‘‘লক্খিযা ৰাসট্ঠানত্তা’’তি ৰুত্তত্তা সিরিমন্তো রত্তমণ্ডলো উগ্গমনে রত্তমণ্ডলো সকন্তিগহনক্খত্তসঙ্ঘযুত্তো কন্তিসহিতেহি গহনক্খত্ততারগণেহি যুত্তো সুলক্খণো সুট্ঠু সসলক্খণো উদিতো উগ্গতো রাজা চন্দো ৰো তুম্হে পাতূতি উভযপক্খস্স সাধারণগুণগুণীপদপরিগ্গহেন ইধ ৰাক্যত্থস্স অঞ্ঞথা দিস্সমানতা হোতি.

‘‘ৰুচ্চতা’দো ইসিত্যে’কো, সুমহন্তোপকারৰা;

সনাতনো চ ন ইসি, ন সখা ন সনাতনো’’তি.

একো আদো পুব্বে ‘‘ইসী’’তি ৰুচ্চতি, সুমহন্তোপকারৰা অতিমহন্তোপকারসমন্নাগতো সনাতনো চ সস্সতো চ হোতি, তথাপি ন ইসি ইসি নাম ন হোতি, ন সখা মিত্তোপি ন হোতি, ন সনাতনো সস্সতোপি ন হোতি, অযং গম্যমানত্থো. সুমহা অতিমহন্তো একো আদো নামাদিম্হি ইসীতি ৰুচ্চতি, অন্তো মজ্ঝে পকারৰা প-কারেন সমন্নাগতো, সনাতনো চ সস্সতো চ হোতি, ইসিপি নাম ন হোতি, মিত্তোপি ন হোতি, সো নাতনো তনইতি অক্খরদ্ৰযরহিতো ন ¶ হোতি. আদিমজ্ঝানং ৰুত্তত্তা অন্তেতি ঞাযতি, ‘‘ইসিপতনৰিহারো’’তি গহেতব্বং. তত্থ ইসিপতননামেন ইসিআদীনং গম্যমানত্থত্তা নানত্থকপ্পনা হোতি.

‘‘ধাৰন্তং উদযা অত্থং, মুহুত্তং ন নিৰত্ততি;

ন চন্দমণ্ডলং এতং, নাপি আদিচ্চমণ্ডল’’ন্তি.

উদযা উদযতো পভুতি অত্থং যাৰ অত্থং ধাৰন্তং জৰন্তং মুহুত্তং মুহুত্তকালং ন নিৰত্ততি ন পুনাৰত্ততি. এতং চন্দমণ্ডলম্পি ন হোতি, আদিচ্চমণ্ডলম্পি ন হোতি. উদযা পটিসন্ধিতো অত্থং যাৰচুতি. ধাৰন্তন্তি আযুকিচ্চতো আযুচন্দাদীনমত্থানং, তপ্পকাসকসদ্দানঞ্চ তুল্যত্তা এত্থ পতিট্ঠিতচন্দাদিঅত্থন্তরানং সম্ভৰো.

‘‘দেৰিং কিত্তিমহীনামং, কল়ারত্থৰ্হযং পুরিং;

হিত্ৰা ন সরি সো ধীরো, করোন্তোপ্যু’য্যমৰ্হয’’ন্তি [করোন্তোমুত্তমৰ্হযন্তি (ক.)].

কিত্তিমহীনামং কিত্তিমহীনং দ্ৰিন্নং নামেন সমন্নাগতং দেৰিং অগ্গমহেসিং কল়ারত্থৰ্হযং পুরিং কল়ারঅত্থানং দ্ৰিন্নং নামেন সমন্নাগতং পুরিং নগরঞ্চ সো ধীরো হিত্ৰা পরিচ্চজিত্ৰা উয্যমৰ্হযং উয্যমনামেন সমন্নাগতং করোন্তো অপি ন সরি সম্পত্তিং নানুসরি, যসোধরাদেৰিঞ্চ কপিলৰত্থুপুরিঞ্চ হিত্ৰা ৰীরিযসঙ্খাতপধানং করোন্তো মহাসত্তো সম্পত্তিং ন সরি, এত্থাভিমতযসোধরাদিসদ্দানং পরিযাযেহি কিত্তিমহীসদ্দাদীহি রচিততা.

‘‘চতুদ্দিসামুখা বন্ধা, চত্তারো সিন্ধৰা সযং;

পরিভুঞ্জন্তি নিক্খিত্তং, তিণং মজ্ঝে যথাসুখ’’ন্তি.

সিন্ধৰা ¶ চত্তারো অস্সা চতুদ্দিসামুখা যথা চতুদ্দিসাসম্মুখা হোন্তি, তথা বন্ধা মজ্ঝে নিক্খিত্তং তিণং সযং যথাসুখং পরিভুঞ্জন্তি, অঞ্ঞমঞ্ঞং পিট্ঠিং কত্ৰা বন্ধা ৰিয খাযতি, তে পন সম্মুখং কত্ৰা বন্ধা হোন্তি. এত্থ ‘‘চতুদ্দিসামুখাবন্ধা’’তি নিদ্দিট্ঠত্তা পিট্ঠিং কত্ৰা বন্ধাতি সম্মুল়্হতা হোতি.

‘‘জনো জীৰনজানন্দ-করবন্ধুস্স ভাসিতং;

সক্করোন্তোৰ পপ্পোতি, পুঞ্ঞারিক্খযগোচরে’’তি.

জীৰনজানন্দকরবন্ধুস্স জীৰনতো উদকতো জাতানং পদুমানং আনন্দকরস্স সূরিযস্স বন্ধুস্স সম্মাসম্বুদ্ধস্স ভাসিতং ৰচনং সক্করোন্তো পূজেন্তো জনো পুঞ্ঞারিক্খযগোচরে পুঞ্ঞানং পটিপক্খত্তা পুঞ্ঞারিসঙ্খাতানং অকুসলানং খযস্স নিমিত্তভূতং নিব্বানমারম্মণং কত্ৰা উপ্পন্নে মগ্গফলে পপ্পোতি পাপুণাতি. এত্থ জীৰনজানং আনন্দকরস্স বন্ধুস্সেতি চ, পুঞ্ঞারীনং খযনিমিত্তং আরম্মণং কত্ৰা পৰত্তেতি চ ইমিনা বুদ্ধো মগ্গফলা চ পারম্পরিযেন সম্বন্ধেন ৰুত্তাতি সম্বন্ধানং বাহুল্লভাৰো.

‘‘ন গণ্হাতি মহন্তম্পি, সদ্দং ন চ ৰিভূসনং;

চতুপ্পদস্স কস্সাপি, কণ্ণোযং ন কিলাফলো’’তি.

কস্সাপি চতুপ্পদস্স কণ্ণো মহন্তম্পি সদ্দং ন গণ্হাতি, আরম্মণং ন করোতি, ৰিভূসনম্পি ন গণ্হাতি. তথাপি অযং কণ্ণো অফলো ন কিল, সফলতো নিপ্ফলো ন হোতি কির. অস্সকণ্ণো রুক্খো. এত্থ কণ্ণোতি আধেয্যং কত্ৰা তদাধারস্স অৰচনতো নিস্সযগুত্তি.

‘‘অলঙ্করোন্তো ¶ ভুৰনং, সস্সিরিকো সদেৰকং;

কস্মিং সঞ্জাতসংৰদ্ধো, কো কেন নুপলিম্পতী’’তি.

সস্সিরিকো সদেৰকং ভুৰনং অলঙ্করোন্তোতি বুদ্ধো ৰিয খাযতি. ভুৰনং ভুৰনসঙ্খাতং কং জলং সদা এৰ অলঙ্করোন্তো সস্সিরিকো লক্খিযসমন্নাগতো কস্মিং জলে সঞ্জাতসংৰদ্ধো কো কতরো কেন জলেন ন উপলিম্পতি ন লিম্পতি. পদুমোতি ৰিসজ্জনং. পদুমো হি পুংনপুংসকলিঙ্গো. ইহ জলপদুমানং দ্ৰিন্নম্পি ছাদিতত্তা উভযচ্ছন্না নাম.

‘‘আদো সোযেৰ যো অন্তে, মজ্ঝিমস্সাদি মজ্ঝিমো;

সিদ্ধন্তাদীসু ৰত্তন্তং, অসঙ্খতপদং ৰদা’’তি.

অন্তে অৰসানে যো হোতি, আদোপি সোযেৰ হোতি, মজ্ঝিমস্স আদিভূতো মজ্ঝিমো এৰ হোতি, সিদ্ধং নিপ্ফন্নং তাদীসু অরিযেসু ৰত্তন্তং অসঙ্খতপদং ৰদ কথেহীতি অযমপরত্থো. আদো আদিম্হি সোযেৰ সকারো এৰ অন্তে পরিযোসানে যো যকারোযেৰ, মজ্ঝিমো মজ্ঝিমৰণ্ণো মজ্ঝিমস্স সদ্দস্স আদি মকারো, সিদ্ধন্তাদীসু মতসমযকালাদীসু ৰত্তন্তং ৰাচকভাৰেন পৰত্তন্তং অসঙ্খতপদং সঙ্খততো অঞ্ঞত্তা অসঙ্খতভূতং পঞ্ঞত্তিং ৰদ কথেহীতি. সমযসদ্দো হি নামপঞ্ঞত্তি. এত্থ সিদ্ধন্তসদ্দেন আদিসদ্দস্স সঙ্গহিতত্তা তাদিঅত্থো লব্ভতীতি অত্থস্স গুল়্হতায সমাগতালক্খণেন চ ‘‘সো’’তি ‘‘যো’’তি ‘‘অসঙ্খতপদ’’ন্তি অঞ্ঞত্থরুল়্হসদ্দেন ৰঞ্চিতত্তা ৰঞ্চিতালক্খণেন চ সমযসদ্দে নানত্থকপ্পনতো নামন্তরিকালক্খণেন চাতি তীহিপি লক্খণেহি মিস্সিতোতি. সেসেসুপি সংকিণ্ণত্তং এৰমেৰ ¶ ৰেদিতব্বং. তত্থ তত্থ ৰুত্তলক্খণানুসারেনেৰ সমাগতাদীনং অন্ৰত্থসঞ্ঞতা ৰেদিতব্বা.

দেসকালকলালোক-ঞাযাগমৰিরোধি যং;

তং ৰিরোধিপদং চে’ত-মুদাহরণতো ফুটং.

৩৪. ‘‘দেসি’’চ্চাদি. দেসো থলজলদেসাদি. কালো রত্তিন্দিৰো. কলা নচ্চগীতাদযো. লোকো চরাচরভূতপ্পৰত্তি. ঞাযো যুত্তি. আগমো ইধ বুদ্ধৰচনং. অঞ্ঞত্থ তু সুতিধম্মসংহিতা, তে চ. তেহি ৰিরোধো অস্স অত্থীতি দেস…পে… ৰিরোধি. যন্তি অনুৰদিত্ৰা. তং ৰিরোধিপদন্তি ৰিধীযতে. এতঞ্চ পদং উদাহরণতো লক্খিযতো ফুটং পাকটং. যতো জলজাদীনং থলাদীসু পাতুভাৰাদি, রত্যাদীসু সম্ভৰন্তানং কুসুমাদীনং দিৰাদীসু সম্ভৰো চ, ‘‘নচ্চগীতাদিচতুসট্ঠিযা কলাসু ভিন্নছজ্জো নাম সত্তসরো’’তিআদিনা কলাসত্থাভিহিতলক্খণাতিক্কমৰিরোধো চ, ‘‘অগ্গিসীতলো, নিস্সারো খদিরো’’তিআদিনা লোকসীমাতিক্কমো চ, ৰুত্তাযপা’নরুপ্পত্তসমুপ্পত্তিযা মিদ্ধস্স রূপভাৰাপাদনাদিঞাযৰিরোধো চ, যথাসকমাগমেন ৰিরোধো চ সুখেন চ সক্কা পাকটত্তা ৰিঞ্ঞাতুং, ততো সব্বমেতং নোদাহটন্তি অধিপ্পাযো.

৩৪. এৰং যমকপহেল়িকানমদস্সনে কারণং ৰত্ৰা ইদানি উদ্দেসক্কমেন সম্পত্তৰিরোধিদোসং ‘‘দেসকালি’’চ্চাদিনা ৰদতি. যং পদং দেসো থলজলপব্বতাদি. কালো রত্তিন্দিৰো হেমন্তাদিৰসেন তিৰিধো, ৰসন্তাদিৰসেন ছব্বিধো. কলা নচ্চগীতাদিচতুসট্ঠি. লোকো থাৰরজঙ্গমভূতপৰত্তিসঙ্খাতো. ঞাযো যুত্তি. আগমো ইহ বুদ্ধৰচনং, অঞ্ঞত্থ পন সুতিধম্মসংহিতো চ. তেহি ৰিরোধো অস্স অত্থীতি দেস…পে… ৰিরোধি. তং ৰিরোধিপদং নাম. ¶ এতং ৰিরোধিপদং উদাহরণতো লক্খিযতো ফুটং পরিব্যত্তং. ৰস্সিকজাতিসুমনাদীনং জলজাদিভাৰো চ, পদুমকুমুদাদীনং থলজাদিভাৰো চ, রত্তিআদীসু লব্ভমানানং কুমুদাদীনং দিৰাদীসু সম্ভৰো চ, নচ্চগীতাদিচতুসট্ঠিযা কলাসু ‘‘ছজ্জো উসভো গন্ধারো মজ্ঝিমো পঞ্চমো ধেৰতো নিসাদো’’তি দস্সিতসত্তসরানমেকদেসস্স ছজ্জস্স ভিন্নসত্তসরো ছজ্জো নামাতি সমুদাযৰসেন ৰোহারকরণাদীহি সত্থাগততং, লক্খণাতিক্কমঞ্চ, ‘‘অগ্গি সীতলো, চন্দনং উণ্হং, খদিররুক্খো নিস্সারো, এরণ্ডো সসারো’’ ইচ্চাদিনা লোকমরিযাদাতিক্কমো চ, মিদ্ধস্স অরূপভাৰুপপত্তিযা ৰুত্তাযপি রূপভাৰসাধনসদিসযুত্তিৰিরোধিকথনঞ্চ, যথাসকমাগমমতিক্কম্ম কথনঞ্চাতি সব্বেসং ৰিরুদ্ধসভাৰস্স পাকটত্তা উদাহরণং ন দস্সযিস্সামাতি অধিপ্পাযো. ইমেসমেৰ দেসাদিৰিরোধীনমৰিরুদ্ধত্তং এত্থেৰ ৰিরোধিপদদোসপরিহারে ‘‘বোধিসত্তপ্পভাৰেনা’’তিচ্চাদিনা দিস্সতি. দেস…পে… গমেহি ৰিরোধো, সো অস্স অত্থীতি দেস…পে… ৰিরোধি. নিন্দাযং অযমস্সত্থীতি ৰিৰচ্ছিতা.

য’দপ্পতীত’মানীয, ৰত্তব্বং নেয্যমাহু তং;

যথা সব্বাপি ধৰলা, দিসা রোচন্তি রত্তিযং.

৩৫. ‘‘য’’মিচ্চাদি. অপ্পতীতং সদ্দতো, অত্থতো ৰা অনধিগতং নহ্যঞ্ঞথাৰগমো গন্থন্তরাভাৰতো. ৰক্খতি হি ‘‘দুল্লভাৰগতী সদ্দ-সামত্থিযৰিলঙ্ঘিনী’’তি. যং কিঞ্চি পদং সমানীয আনেত্ৰা ৰত্তব্বং, তং নেয্যমাহু. যথেত্যুদাহরতি. সব্বাপি সকলাপি দিসা পুব্বদিসাদযো দস দিসা রত্তিযং রজন্যং ধৰলা উজ্জলা রোচন্তি দিপ্পন্তীতি এত্তকে নিদ্দিট্ঠে চন্দমরীচিনো এত্থ নেয্যত্তং.

৩৫. ইদানি নেয্যদোসমুদাহরতি ‘‘য’’মিচ্চাদিনা. যং পদং অপ্পতীতং পদন্তরেন, তেনাভিহিতত্থেন ৰা ‘‘ইমস্সত্থোয’’মিতি ¶ অৰিঞ্ঞাতং আনীয ৰত্তব্বং, ততোযেৰ পদন্তরমানীয ৰত্তব্বং হোতি, তং নেয্যমাহু ‘‘নেয্যদোসো’’তি পোরাণা আহু. যথা তত্থোদাহরণমীদিসং ‘‘সব্বাপি ধৰলা দিসা রোচন্তি রত্তিয’’ন্তি. সব্বাপি দিসা পুব্বদক্খিণাদযো দস দিসা ধৰলা সেতা রত্তিযং রজন্যং রোচন্তি দিপ্পন্তি. এত্থ দিসায ৰিসেসনং ধৰলগুণং কেলাসকূটসুধাভিত্তিচন্দরংসিআদীসু কুতো সঞ্জাতমিতি অনিচ্ছিতত্তা অঞ্ঞনিৰত্তনত্থং চন্দকিরণাদিৰাচকপদং আনেত্ৰা ধৰলতা ইমিনেতি ৰত্তব্বত্তা ধৰল পদং নেয্যদোসেন দুট্ঠং হোতি. পতীতং ৰিঞ্ঞাতং, ন পতীতং অপ্পতীতং. এত্থ অকারো পসজ্জপটিসেধে.

নেদিসং বহু মঞ্ঞন্তি, সব্বে সব্বত্থ ৰিঞ্ঞুনো;

দুল্লভা’ৰগতী সদ্দ-সামত্থিযৰিলঙ্ঘিনী.

৩৬. অপ্পতীতং নিচ্ছন্তি ৰিঞ্ঞূতি দস্সেতুমাহ ‘‘নে’’তিআদি. ঈদিসং অনন্তরে ৰুত্তপ্পকারং নেয্যং সব্বেপি ৰিঞ্ঞুনো ঞেয্যৰিদূ সব্বত্থ গজ্জাদিকে ন বহু মঞ্ঞন্তি ন সম্ভাৰেন্তি নপ্পযুজ্জন্তি. কিং ন বহুমঞ্ঞন্তীতি চে আহ ‘‘দুল্লভা’’তিআদি. তথা হি অৰগতী অত্থাৰগমো সদ্দং ৰাচকং, সামত্থিযঞ্চ ঞাযং ৰিলঙ্ঘযতি চজতি অনুপদস্সনতোতি সদ্দসামত্থিযৰিলঙ্ঘিনী দুল্লভা ন লভ্যতে. ঞাযোপত্থো ৰা সদ্দোপত্থো ৰা যোত্থো ন হোতি. সো নপ্পতীযতে যথা মনসি অৰট্ঠিতমত্তেনাতি অত্থো. তস্মা সদ্দতো, অত্থতো ৰা পতীতব্বমনেয্যং, তব্বিপরীতং নেয্যন্তি ৰিঞ্ঞেয্যং.

৩৬. ইমং অপ্পতীতপদং ৰিঞ্ঞূহি নাভিমতন্তি দস্সেন্তো আহ ‘‘নেদিস’’মিচ্চাদি. ঈদিসং যথাৰুত্তপ্পকারং নেয্যং সব্বে ৰিঞ্ঞুনো সব্বত্থ গজ্জপজ্জাদিকে ন বহু মঞ্ঞন্তি ন সম্ভাৰেন্তি নপ্পযোজেন্তি. অৰগতী অত্থাৰবোধো সদ্দসামত্থিযৰিলঙ্ঘিনী ¶ সদ্দসঙ্খাতৰাচকঞ্চ সামত্থিযসঙ্খাতঞাযঞ্চ অতিক্কম্ম পৰত্তিনী দুল্লভা তাদিসপযোগাভাৰতো দুল্লভা হোতি. যো অত্থো সদ্দাগতো, ঞাযাগতো ৰা ন হোতি, সো কত্তুনো মনসি পতিট্ঠিতমত্তেন পতীতো ন হোতীতি তং পদং নেয্যদোসমিতি সব্বে কৰিনো পরিহরন্তীতি অধিপ্পাযো. বহুমানং করোন্তীতি ৰাক্যে বহুমঞ্ঞন্তীতি নামধাতু. সদ্দসামত্থিযং ৰিলঙ্ঘযতি সীলেনাতি সদ্দসামত্থিযৰিলঙ্ঘিনী.

৩৭. ‘‘সিযা’’ইচ্চাদি. যং পদং ৰিসেসনং পত্ৰা অত্থেন সহ ৰত্ততীতি সাত্থকং. নিব্বিসেসনন্তু ৰুত্তত্থমেৰ হোতি. তং ৰিসেসনাপেক্খং সিযা. ‘‘তং যথে’’ত্যাদিনা উদাহরতি. ‘‘পস্সতী’’তি ৰুত্তে ‘‘চক্খুনা’’তি লব্ভতেৰ.

৩৭. ‘‘সিযা’’মিচ্চাদি. যং পদং ৰিসেসনং পত্ৰা সাত্থকং অত্থসহিতং, তদভাৰে নিরত্থকং হোতি, তং ৰিসেসনাপেক্খং নাম সিযা. তং যথা তস্সোদাহরণমেৰং ‘‘তং সো ভিয্যো পস্সতি চক্খুনা’’তি. সো পুরিসো তং পুরিসং ভিয্যো যেভুয্যসা চক্খুনা পস্সতি. এত্থ ‘‘পস্সতী’’তি ৰুত্তেযেৰ ‘‘চক্খুনা’’তি ঞাযতি. চক্খুনাতি ৰিসেস্যপদং ৰিসেসনং লদ্ধাৰ সাত্থকং হোতি. ৰিসেসনে অপেক্খা অস্সাতি চ, সহ অত্থেন ৰত্তমানং সাত্থকমিতি চ সমাসো.

হীনং করে ৰিসেস্যং যং, তং হীনত্থং ভৰে যথা;

নিপ্পভীকতখজ্জোতো, সমুদেতি দিৰাকরো.

৩৮. ‘‘হীন’’মিচ্চাদি ¶ . যং ৰিসেসনপদং ৰিসেস্যং ৰিসেসিতব্বং হীনং লামকং করে করেয্য, তং ৰিসেসনপদং হীনত্থং হীনো অত্থো যস্স তং হীনত্থং নাম ভৰেয্য. ‘‘যথা’’ইত্যাদিনা উদাহরতি. নিপ্পভীকতো খজ্জোতো যেন সো দিৰাকরো পভাকরো সমুদেতি উপগচ্ছতীতি. এত্থ খজ্জোতপ্পভাপহরণে ন থুতি দিৰাকরস্সাতি.

৩৮. ‘‘হীনং করে’’চ্চাদি. যং পদং ৰিসেস্যং হীনং করোতি, তং হীনত্থং ভৰে. যথা তত্থোদাহরণমেৰং ‘‘নিপ্পভীকতখজ্জোতো, সমুদেতি দিৰাকরো’’তি. পভারহিতকতা খজ্জোতা যেন সো দিৰাকরো সূরিযো সমুদেতি উগ্গচ্ছতি. ‘‘নিপ্পভীকতখজ্জোতো’’তি ইমিনা ৰিসেসনেন লামকালোকলদ্ধযুত্তস্স খজ্জোপনকস্স অভিভৰনপ্পকাসনং সহস্সরংসিনো নিন্দাযেৰ, ন থুতীতি ৰিসেস্যং হীনত্থং হোতি. হীনো অত্থো যস্সেতি চ, নত্থি পভা এতেসন্তি চ, নিপ্পভা কতাতি চ, নিপ্পভীকতা খজ্জোতা যেনাতি চ ৰিগ্গহো.

পাদপূরণমত্তং যং, অনত্থমিতি তং মতং;

যথা হি ৰন্দে বুদ্ধস্স, পাদপঙ্কেরুহম্পিচ.

৩৯. হি অপি চসদ্দানং পাদপূরণমত্তত্তা অনত্থকত্তং. ৰিসেসনৰিসেস্যপদদোসো.

৩৯. ‘‘পাদপূরণি’’চ্চাদি. যং পদং পাদপূরণমত্তং চতুত্থংসসঙ্খাতস্স পাদস্স পূরণমত্তমেৰ হোতি, তং অনত্থমিতি মতং ঞাতং. যথাসদ্দো ৰুত্তত্থো. বুদ্ধস্স পাদপঙ্কেরুহং পাদম্বুজং ৰন্দেতি. এত্থ হি অপিচাতি ইমেসং সমত্তনাদিঅত্থেসু অপ্পৰত্তিতো কেৰলং পাদপূরণমত্ততো অনত্থকত্তং. মত্তসদ্দো অৰধারণে. ৰিসেসনৰিসেস্যপদদোসো.

পদদোসনিদ্দেসৰণ্ণনা নিট্ঠিতা.

সদ্দতো অত্থতো ৰুত্তং, যত্থ ভিয্যোপি ৰুচ্চতি;

তমেকত্থং যথা’ভাতি, ৰারিদোৰারিদো অযং.

৪০. ‘‘সদ্দতো’’ইচ্চাদি. সদ্দতো ৰাচকেন তস্মিংযেৰত্থে তস্সেৰ সদ্দস্স পুন পযোগতো অত্থতো অভিধেয্যেন পুব্বপটিপাদিকস্সেৰ ৰত্থুস্সাৰিসেসেন পুন পটিপাদনতো ৰুত্তং পযুত্তং যং পদত্থরূপং যত্থ যস্মিং ৰাক্যে ভিয্যোপি ৰুচ্চতি পুনপি পযুজ্জতে, তমেকত্থন্তি অনুৰদিত্ৰা ‘‘যথে’’চ্চাদিনা ৰিধীযতে. ৰারিং দদাতীতি ৰারিদো. অযং ৰারিদো মেঘো আভাতি দিপ্পতীতি. জলদানমত্তাপেক্খায ইদং সদ্দতো একত্থং.

৪০. ইদানি উদ্দিট্ঠক্কমেন ৰাক্যদোসং নিদ্দিসতি ‘‘সদ্দতো’’চ্চাদিনা. সদ্দতো ৰাচকেন অত্থতো অভিধেয্যেন ৰুত্তং পযুত্তং যং পদত্থরূপং যত্থ যস্মিং ৰাক্যে ভিয্যোপি পুনপি ৰুচ্চতি যুজ্জতে, তং ৰাক্যং একত্থং নাম দোসো. উদাহরণং ‘‘যথি’’চ্চাদি. ৰারিদো জলদাযকো অযং ৰারিদো মেঘো আভাতি দিপ্পতি. সম্পত্তিসাধকং ‘‘জলদাযকো’’চ্চাদিৰিসেসনং ৰিনা জলদানমত্তস্স ৰুত্তত্তা সদ্দতো একত্থং নাম হোতি.

তিত্থিযঙ্কুরবীজানি, জহং দিট্ঠিগতানি’হ;

পসাদেতি পসন্নে সো, মহামুনি মহাজনে.

৪১. তিত্থিযসঙ্খাতানং অঙ্কুরানং বীজানি উপ্পত্তিহেতুভূতানি দিট্ঠিগতানি দ্ৰাসট্ঠি দিট্ঠিযো জহং জহন্তো দূরীকরোন্তো সো মহামুনি সম্মাসম্বুদ্ধো ইহ লোকে অত্তনি পসন্নে পসাদবহুলে মহাজনে পসাদেতীতি অপরমুদাহরণং. ¶ পসাদসঙ্খাতস্স অত্থস্স ‘‘পসন্নে পসাদেতী’’তি ৰুত্তত্তা ইদমত্থতো একত্থং.

৪১. ‘‘তিত্থিযি’’চ্চাদি. সো মহামুনি তিত্থিযঙ্কুরবীজানি তিত্থিযসঙ্খাতানং অঙ্কুরানং উপ্পত্তিকারণভূতানি দিট্ঠিগতানি সস্সতাদিভেদভিন্না দ্ৰাসট্ঠিদিট্ঠিযো জহং জহন্তো অপনেন্তো ইহ লোকে পসন্নে অত্তনি পসন্নে মহাজনে পসাদেতি. পসন্নসদ্দেন ৰুত্তপ্পসাদসঙ্খাতস্স অত্থস্স পসাদেতীতি ক্রিযাপদেনপি ৰুত্তত্তা সদ্দে ভিন্নেপি অত্থতো একন্তি অত্থতো একত্থস্সুদাহরণং. তিত্থিযা এৰ অঙ্কুরানি, তেসং বীজানি, দিট্ঠীসু গতানি, দিট্ঠিযো এৰ গতানীতি ৰা ৰিগ্গহো.

আরদ্ধক্কমৰিচ্ছেদা, ভগ্গরীতি ভৰে যথা;

কাপি পঞ্ঞা, কোপি গুণো, পকতীপি অহো তৰ.

৪২. আরদ্ধো ৰত্তুমুপক্কমন্তো, কমো ৰচনপটিপাটি. তস্স ৰিচ্ছেদো ভঙ্গো, ততো. ‘‘যথে’’তিআদিনা উদাহরতি. অৰুত্তস্সপি পসাদৰসা অজ্ঝাহারোতি. মহামুনি তৰ তে পঞ্ঞা কাপি সাতিসযত্তা অনিদ্ধারিতং সভাৰৰিসেসা কাচিযেৰ, অহো পৰত্তমানাযপি ৰসভাৰস্সানিদ্ধারিতত্তা অচ্ছরিযন্তি অত্থো. এত্থ কাপি কোপীতি সব্বনামপদক্কমস্স পকতীতি এত্থ ৰিচ্ছিন্নত্তা ভগ্গরীতি.

৪২. ‘‘আরদ্ধক্কমি’’চ্চাদি. আরদ্ধক্কমৰিচ্ছেদা ৰত্থুমারদ্ধপদক্কমস্স ৰিচ্ছেদহেতু ভগ্গরীতি ভৰে ভগ্গরীতিৰাক্যদোসো ভৰতি. উদাহরতি ‘‘যথি’’চ্চাদি. মহামুনি তৰ তুয্হং পঞ্ঞা সাতিসযভূতা পঞ্ঞা কাপি ৰচনৰিসযাতিক্কন্তত্তা কাপিযেৰ. গুণো সীলসমাধিআদিঅনঞ্ঞসাধারণগুণসমূহো কোপি পমাণপরিগ্গহস্স কেনচি ¶ লেসেনপি কত্তুমসক্কুণেয্যত্তা কোপিযেৰ. পকতীপি অচিন্তেয্যভূতা পকতীপি এৰমেৰ অহো ৰিজ্জমানানংযেৰ পঞ্ঞাদীনং সভাৰাৰবোধস্স দুক্করতা অচ্ছরিযা. কাপি কোপীতি পদক্কমস্স ‘‘পকতী’’তি এত্থ সুঞ্ঞত্তা রীতিভঙ্গো. আরদ্ধোযেৰ কমো, তস্স ৰিচ্ছেদো, ভগ্গা রীতি অস্স, এত্থ ৰাতি ৰিগ্গহো.

পদানং দুব্বিনিক্খেপা, ব্যামোহো যত্থ জাযতি;

তং ব্যাকিণ্ণন্তি ৰিঞ্ঞেয্যং, তদুদাহরণং যথা.

৪৩. ‘‘পদান’’মিচ্চাদি. যত্থ যস্মিং ৰাক্যে পদানং স্যাদ্যন্তাখ্যাতিকানং দুব্বিনিক্খেপা দুট্ঠপনতো ব্যামোহো সংমুল়্হতা জাযতি উপ্পজ্জতি, তং ৰাক্যং ব্যাকিণ্ণন্তি ৰিঞ্ঞেয্যং ঞাতব্বং. তস্স ব্যাকিণ্ণস্স উদাহরণং লক্খিযং ‘‘যথে’’তি দস্সেতি. যথা ইদং, তথা অঞ্ঞম্পীতি অত্থো.

৪৩. ‘‘পদানি’’চ্চাদি. পদানং স্যাদ্যন্তত্যাদ্যন্তপদানং দুব্বিনিক্খেপা দুট্ঠপনতো যত্থ ৰাক্যে ব্যামোহো সংমোহো জাযতি, তং ব্যাকিণ্ণদোসোতি ৰিঞ্ঞেয্যং. তদুদাহরণং তস্স ব্যাকিণ্ণদোসস্স লক্খিযং যথা ইমিনা ৰক্খমাননযেন.

বহুগুণে পণমতি, দুজ্জনানং প্যযং জনো;

হিতং পমুদিতো নিচ্চং, সুগতং সমনুস্সরং.

৪৪. বহুঅনন্তত্তা বহুভূতে গুণে সীলাদিকে সমনুস্সরং সম্মদেৰ উট্ঠায সমুট্ঠায অনুস্সরন্তো গুণৰিসযসতিং পচ্চুপট্ঠাপেন্তো তেনেৰ কারণেন পমুদিতো হট্ঠপহট্ঠো অযং জনো সব্বোপি লোকো দুজ্জনানং সুজনেতরানম্পি দেৰদত্তাদীনং নিচ্চং কালং হিতং সুগতং সম্মাসম্বুদ্ধং পণমতি নমস্সতীতি অযং অত্থো কৰিৰঞ্চিতো. তত্থ ‘‘বহুগুণে পণমতী’’ত্যাদি ব্যৰহিতপদপ্পযোগা মোহো জাযতীতি ব্যাকিণ্ণং.

৪৪. ‘‘বহুগুণে’’চ্চাদি. ¶ বহুগুণে অনন্তত্তা বহুভূতে সীলসমাধিআদিগুণে সমনুস্সরং ৰিসেসতো অনুস্সরন্তো পমুদিতো ততোযেৰ পহট্ঠো অযং জনো সত্তনিকাযো দুজ্জনানম্পি অসপ্পুরিসানম্পি নিচ্চং সততং হিতং মিত্তভূতং সুগতং সব্বঞ্ঞুং পণমতি ৰন্দতি. এত্থ পদানং অট্ঠানপযোগতো ব্যাকিণ্ণত্তং পদত্থানুসারেনেৰ গম্যতে.

ৰিসিট্ঠৰচনা’পেতং, গাম্মং’ত্য’ভিমতং যথা;

কঞ্ঞে কামযমানং মং, ন কামযসি কিং ন্ৰি’দং.

৪৫. ৰিসিট্ঠস্স কস্সচি অত্থস্স ৰচনতো কথনতো অপেতং পরিচ্চত্তং. কঞ্ঞেইত্যামন্তনং. অহং তং ইচ্ছামি, তাদিসং মং ত্ৰং কস্মা নিচ্ছসি, ইদং কিং নু ইতি গামিকজনৰচনত্তা ‘‘কঞ্ঞি’’চ্চাদিকং গাম্মং.

৪৫. ‘‘ৰিসিট্ঠে’’চ্চাদি. ৰিসিট্ঠৰচনাপেতং পিযভূতেন উত্তিৰিসেসেন ৰিসেসিতব্বস্স কথনতো পরিহীনং ৰাক্যং ‘‘গাম্মদোস’’ন্তি কৰীহি অভিমতং. উদাহরতি ‘‘যথি’’চ্চাদি. কঞ্ঞে হে কঞ্ঞে কামযমানং মং তুৰং ইচ্ছযমানং মং ন কামযসি ত্ৰং ন ইচ্ছসি, ইদং কিং নু. ঈদিসে ইচ্ছাৰিঘাতে ৰুচ্চমানে এৰং–

স মন্মথোন্যত্র গতো মতো নু’’ইতি ৰিয.

পিযত্থস্স কথনাভাৰতো ‘‘কঞ্ঞে’’ত্যাদিকং ৰচনং মিলক্খুকানং ৰচনত্তা গাম্মং. এত্থ কঞ্ঞাসদ্দো দসৰস্সিকায ৰত্ততীতি নিযমো নত্থি. ৰিসিট্ঠস্স অত্থস্স ৰচনতো অপেতন্তি ৰাক্যং.

পদসন্ধানতো কিঞ্চি, দুপ্পতীতিকরং ভৰে;

তম্পি গাম্মংত্য’ভিমতং, যথা যাভৰতো পিযা.

৪৬. ‘‘পদে’’চ্চাদি. পদসন্ধানতো পুব্বাপরানং পদানং সন্ধিৰসেন যং কিঞ্চি ৰাক্যং দুট্ঠু অসুতিসুভগং পতীতিমৰবোধং করোতীতি করং ভৰে, তম্পি যথাৰুত্তং গাম্মন্ত্যভিমতং. যথাত্যুদাহরতি. ভৰতো যা কাচি ৰনিতা পিযা হোতীতি একোত্থো. যভ মেথুনে. যভনং যাভো. সো ৰিজ্জতে যস্স সো যাভৰা. তস্স যাভৰতো পিযাইত্যপি ভৰতি.

৪৬. ‘‘পদসন্ধানি’’চ্চাদি. কিঞ্চি ৰাক্যং পদসন্ধানতো পুব্বাপরপদানং ঘটনতো দুপ্পতীতিকরং ভৰে অসব্ভভূতদুট্ঠত্থস্স পকাসকো হোতি, তম্পি গাম্মন্তি যথাৰুত্তগাম্মদোসেন দূসিতন্তি [দুপ্পসিতন্তি (ক.)] সব্বেহি কৰীহি অভিমতং ঞাতং. যথাতি উদাহরতি. ভৰতো ভৰন্তস্স যা কাচি ইত্থী পিযা ভৰতীতি অযং কৰিনা ইচ্ছিতত্থো. যাভৰতো মেথুনৰন্তস্স পিযাতিপি অত্থো. ‘‘যভ মেথুনে’’তি হি ধাতু. যভনং যাভো, সো অস্স অত্থীতি যাভৰা, তস্স যাভৰতোতি গহিতে অসোতব্বত্তা দুপ্পতীতিকরতা. দুট্ঠাযেৰ পতীতি অৰবোধো, তং করোতীতি ৰিগ্গহো.

ৰুত্তেসু সূচিতে ঠানে, পদচ্ছেদো ভৰে যতি;

যং তায হীনং তং ৰুত্তং, যতিহীনন্তি সা পন.

৪৭. ‘‘ৰুত্তেস্ৰি’’চ্চাদি. ৰুত্তেসু ছন্দোসত্থপরিনিদ্দিট্ঠেসু অনুট্ঠুভাদীসু সূচিতে ঠানে ‘‘এত্থযতী’’তি ছন্দোৰিচিতিযা পকাসিতট্ঠানে পদানং স্যাদ্যন্তানং ছেদো ৰিচ্ছিতি ৰিভাগো অনুৰাদো যং যতি ভৰেতি ৰিধীযতি. তায ¶ যতিযা হীনং পরিহীনং ৰিরুদ্ধং যং ৰাক্যং, তং যতিহীনন্তি ৰুত্তং, ‘‘যমনং ৰিরামো যতি, সা হীনা এত্থা’’তি কত্ৰা. পনাতি ৰিসেসে, সা যতি পনাতি সম্বন্ধো.

৪৭. ‘‘ৰুত্তেস্ৰ’’চ্চাদি. ৰুত্তেসু ছন্দোসত্থে নিদ্দিট্ঠঅনুট্ঠুভাদীসু সূচিতে ঠানে ‘‘অযমেত্থ যতী’’তি পকাসিতে ঠানে পদচ্ছেদো স্যাদ্যন্তত্যাদ্যন্তাদীনং পদানং ৰিচ্ছেদো যতি নাম ভৰে, তায যতিযা যং ৰাক্যং হীনং অভিমতট্ঠানে ৰণ্ণৰিচ্ছেদেন পরিহীনং, তং ৰাক্যং যতিহীনন্তি যতিহীনদোসেন দুট্ঠন্তি ৰিঞ্ঞূহি ৰুত্তং.

যতি সব্বত্থ পাদন্তে, ৰুত্তড্ঢে চ ৰিসেসতো;

পুব্বাপরানেকৰণ্ণ-পদমজ্ঝেপি কত্থচি.

৪৮. ‘‘যতি’’চ্চাদি. সব্বত্থ পাদন্তে সব্বস্মিং চতুত্থংসসঙ্খাতানং গাথাপাদানং অন্তে অৰসানে চ ৰিসেসতো ৰিসেসেন একন্তেন ৰুত্তড্ঢে চ ৰুত্তানং পাদদ্ৰযসঙ্খাতে অড্ঢে চ, তদৰসানে চাতি অধিপ্পাযো. ‘‘সিযা’’তি সেসো. ননু ‘‘পদচ্ছেদো’’তি ৰুত্তত্তা পদমজ্ঝে যতি ন হোতেৰাতি চেতি আহ ‘‘পুব্ব’’ইচ্চাদি. কত্থচি কিস্মিঞ্চি ঠানে, ন সব্বত্থ. পুব্বাপরানেকৰণ্ণপদমজ্ঝেপি যতীতি সম্বন্ধো. পুব্বে চ অপরে চ পুব্বাপরে. অনেকে ৰণ্ণা অনেকৰণ্ণা. পুব্বাপরে অনেকৰণ্ণা যস্স তং তথা. তঞ্চ তং পদঞ্চ, তস্স মজ্ঝেপি.

৪৮. ইদানি যতিম্হি লব্ভমানং সব্বৰিসযং দস্সেতি ‘‘যতি’’চ্চাদিনা. সা পন যতি সব্বত্থ পাদন্তে চতুত্থংসসঙ্খাতগাথাপাদানং অন্তে চ ৰিসেসতো নিযমতো ৰুত্তড্ঢে চ ৰুত্তানং পাদদ্ৰযসঙ্খাতে অড্ঢে চ, তদৰসানে চাতি অধিপ্পাযো. কত্থচি কিস্মিঞ্চি ঠানে পুব্বাপরানেকৰণ্ণপদমজ্ঝেপি পুব্বাপরভূতঅনেকৰণ্ণসমন্নাগতপদানং মজ্ঝে ¶ চ সিযা. পদচ্ছেদস্স ‘‘যতী’’তি ৰুত্তত্তা পদমজ্ঝে ন হোতীতি সঙ্কাপরিহরণত্থং ‘‘পুব্বাপরানেকৰণ্ণপদমজ্ঝে’’তি ৰুত্তং. এত্থ পাদন্তো, ৰুত্তড্ঢো, পদমজ্ঝঞ্চ যতিট্ঠানন্তি. পদমজ্ঝেযেৰ লব্ভমানা যতি কত্থচি হোতি, দ্ৰক্খরত্যক্খরপদমজ্ঝে পন ন হোতি.

তত্থোদাহরণপচ্চুদাহরণানি যথা –

তং নমে সিরসা চামী-করৰণ্ণং তথাগতং;

সকলাপি দিসা সিঞ্চ-তীৰ সোণ্ণরসেহিযো.

৪৯. উদাহরীযতীতি উদাহরণং. পটিপক্খমুদাহরণং পচ্চুদাহরণং. চামীকরস্সেৰ সুৰণ্ণস্স ৰিয ৰণ্ণো যস্স তং তথাগতং সিরসা নমামি. কীদিসং? যো তথাগতো সকলাপি দিসা সব্বাযেৰ দস দিসা সোণ্ণরসেহি চামীকরৰণ্ণত্তা রসেহি সুৰণ্ণরসেহি সিঞ্চতীৰ সিঞ্চতীতি মঞ্ঞে, তং তথাগতন্তি অপেক্খতে. এত্থ পুব্বপাদন্তে ৰুত্তড্ঢে চ নিযতা যতি. চামীকরসদ্দো চেত্থ চতুরক্খরো. তত্থ চামীইতি পুব্বভাগো, করইতি পরো. এত্থ পুব্বাপরানেকৰণ্ণপদমজ্ঝে যতি. সিঞ্চতীতি এত্থ পন পুব্বাপরানেকৰণ্ণপদমজ্ঝত্তাভাৰা সিঞ্চইত্যত্র যতি দুট্ঠাতি. ইদং পচ্চুদাহরণং.

৪৯. তত্থ পাদন্তৰুত্তড্ঢেসু যতিযা পাকটত্তা তস্মিং পদমজ্ঝে যতিযা উদাহরণপচ্চুদাহরণানি ইট্ঠোদাহরণপটিপক্খোদাহরণানি যথা. ‘‘তং নমে’’চ্চাদি. যো তথাগতো সকলাপি দিসা সোণ্ণরসেহি সুৰণ্ণরসধারাহি সিঞ্চতীৰ সিঞ্চতি মঞ্ঞে, ইৰসদ্দো ৰিতক্কে. চামীকরৰণ্ণং সুৰণ্ণৰণ্ণসদিসছৰিৰণ্ণং তং তথাগতং সিরসা নমে. এত্থ ‘‘চামীকরৰণ্ণ’’ন্তি যতিযা চামীতি অক্খরদ্ৰযমতিক্কম্ম ঠিতত্তা অন্তেপি করইতি অক্খরদ্ৰযেনানূনত্তা ¶ পদচ্ছেদস্স পুব্বাপরৰণ্ণানমনেকত্তমিতিট্ঠোদাহরণং. সিঞ্চতীতি পদে সিঞ্চাতি ৰণ্ণদ্ৰযমতিক্কম্ম যতিযা দিস্সমানত্তেপি তিইতি পরভাগে একৰণ্ণত্তা অনেকৰণ্ণাভাৰোতি পচ্চুদাহরণং. এত্থ অনেকৰণ্ণত্তং পদৰসেনেৰ ঞাতব্বং. চামীকরস্স ৰণ্ণো ৰিয ৰণ্ণো যস্স সোতি ৰিগ্গহো.

সরো সন্ধিম্হি পুব্বন্তো, ৰিয লোপে ৰিভত্তিযা;

অঞ্ঞথা ত্ৰ’ঞ্ঞথা তত্থ, যাদেসাদি পরাদি’ৰ.

৫০. ‘‘সরো’’চ্চাদি. ৰিভত্তিযা লোপে সতি সন্ধিম্হি সংহিতাযং কতাযং সরো পরপদাদিভূতো পুব্বন্তো ৰিয পুব্বপদস্স অন্তভূতো যো সরো, সো ৰিয হোতি, অনেকৰণ্ণত্তাভাৰেপি ততো ৰিহিতযতিযা নেৰত্থি ভঙ্গোতি অধিপ্পাযো. অঞ্ঞথা তু ৰিভত্তিযা অলোপে তু সতি সংহিতাযং কতাযং পুব্বপদন্তভূতো সরো চে, অঞ্ঞথা অঞ্ঞেন পকারেন হোতি, পরপদস্সাদিসরো ৰিয হোতীতি অত্থো. তং ৰিভত্তিযা সদ্ধিং ৰিহায কতযতিযা নত্থি ভঙ্গোতি অধিপ্পাযো. তত্থ তস্সং যতিযং যাদেসাদি ইৰণ্ণাদীনং কাতব্বো যকারাদেসাদি পরাদিৰ পরপদস্স আদিসরো ৰিয হোতি. কতযাদেসাদিসহিতং ব্যঞ্জনং ৰিহায কতায যতিযা নত্থি ভঙ্গোতি অধিপ্পাযো.

৫০. ইদানি হেট্ঠা ৰুত্তস্স ৰিরুদ্ধত্তেপি যতিভঙ্গাভাৰং দস্সেন্তো আহ ‘‘সরো’’চ্চাদি. ৰিভত্তিযা লোপে সন্ধিম্হি সতি সরো সন্ধিসরো পুব্বন্তো ৰিয পুব্বপদস্স অন্তো ৰিয হোতি, অঞ্ঞথা তু ৰিভত্তিযা অলোপে সংহিতাযং কতাযং অঞ্ঞথা হোতি, পুব্বপদন্তভূতো সরো পরপদস্স আদিসরো ৰিয হোতি. তত্থ যতিযং যাদেসাদি ¶ ইৰণ্ণাদীনং কত্তব্বযকারাদেসাদি পরাদিৰ পরপদস্স আদিসরো ৰিয হোতি, পুব্বন্তসদিসসরমতিক্কমিত্ৰাপি পরপদাদিসরসদিসৰণ্ণমাগম্ম তং অনতিক্কমিত্ৰাপি পরপদাদিসরসদিসযাদেসাদিমতিক্কমিত্ৰাপি যতিযা পযুত্তায সতি অনেকৰণ্ণত্তাভাৰেপি যতিভঙ্গো ন হোতীতি অধিপ্পাযো. পুব্বস্স অন্তোতি চ, যো চ সো আদেসো চ, সো আদি যস্স মকারাদিনোতি চ, পরস্স আদীতি চ ৰাক্যং.

চাদী পুব্বপদন্তাৰ, নিচ্চং পুব্বপদস্সিতা;

পাদযো নিচ্চসম্বন্ধা, পরাদীৰ পরেন তু.

৫১. নিচ্চং অনৰরতং পুব্বপদং সিতা নিস্সিতা চাদী চকারাদযো নিপাতা পুব্বস্স পদস্স অন্তা অৰযৰা ৰিয হোন্তি, তে অন্তো কত্ৰা যতি কাতব্বাতি অধিপ্পাযো. পরেন পরপদেন নিচ্চসম্বন্ধা সততযোগিনো, তুসদ্দো অট্ঠানপ্পযুত্তো, পাদযো তু পরাদীৰ পরপদস্স আদী অৰযৰা ৰিয হোন্তি, তং ৰিহায পুব্বপদন্তে যতি কাতব্বাতি অধিপ্পাযো.

৫১. ‘‘চাদি’’চ্চাদি. নিচ্চং সততং পুব্বপদস্সিতা পুব্বপদং নিস্সায পৰত্তা চাদী চকারাদিনিপাতা পুব্বপদন্তাৰ পুব্বপদস্স অন্তা অৰযৰা ৰিয হোন্তি, পরেন পরপদেন নিচ্চসম্বন্ধা নিরন্তরযোগিনো পাদযো তু পাদিউপসগ্গা পন পরাদীৰ পরপদস্স আদী অৰযৰাৰিয হোন্তি. চাদযো আগম্ম তে বহি কত্ৰাপি পাদযো আগম্ম তে অন্তো কত্ৰাপি পৰত্তো ৰিরামো যতিভঙ্গোতি অধিপ্পাযো. চোআদি যেসন্তি চ, পুব্বপদং সিতাতি চ, পো আদি যেসন্তি চ, নিচ্চং সম্বন্ধাতি চ ৰিগ্গহো. এত্থ চ তগ্গুণসংৰিঞ্ঞাণত্তা চকারপকারাদীনম্পি পরিগ্গহো.

নমে তং সিরসা সব্বো-পমাতীতং তথাগতং;

যস্স লোকগ্গতং পত্ত-স্সো’পমা ন হি যুজ্জতি.

মুনিন্দং তং সদা ৰন্দা-ম্য’নন্তমতি’মুত্তমং;

যস্স পঞ্ঞা চ মেত্তা চ, নিস্সীমাতি ৰিজম্ভতি.

৫২-৫৩. সব্বত্থাতি ¶ পুব্বন্তসদিসাদীসু. ‘‘নমেত’’ন্তিআদিগাথাদ্ৰযে পদত্থো পাকটো, অধিপ্পাযো তু যতো লোকগ্গতং পত্তো, ততো সব্বোপমাতীতো, যতো পঞ্ঞামেত্তা লোকে নিরন্তরমিৰ ৰত্তন্তি, ততো অনন্তমতি, উত্তমো চাতি. এত্থ ‘‘সব্বা উপমা’’তি সমাসং কত্ৰা ৰিভত্তিলোপে সংহিতাযঞ্চ কতাযং পরপদাদিউকারো পুব্বপদন্তব্বকারট্ঠঅকারো ৰিয হোতীতি সব্বো ইচ্চত্র পাদন্তযতি. পত্তস্সোপমা ইচ্চত্র যকারাদেসস্স পরাদিসদিসভাৰো ৰিয হোতি, ৰিভত্তিযা অলোপে সংহিতাযং কতাযং সৰিভত্তিযা অকারো পরপদাদি উকারো ৰিয হোতীতি তংৰিভত্তিযা পসিদ্ধং ৰিহায পত্তইচ্চত্র পাদন্তযতি. তথা ৰন্দাম্যনন্তইচ্চত্র যকারাদেসস্স পরাদিসদিসভাৰো ৰিহিতোতি ম্যসদ্দং ৰজ্জেত্ৰা ৰন্দাইচ্চত্র পাদন্তযতি. পুব্বপদস্সিতানং চাদীনং পুব্বপদন্তসদিসতা ৰুত্তাতি মেত্তা চাতি চসদ্দতো যতি, অপরপদসম্বন্ধা পাদযো পরপদাদিসদিসা হোন্তীতি নিস্সীমাতি এত্থ নিসদ্দং ৰিহায ততো আদিম্হি যতি.

৫২-৫৩. সব্বত্থ যথাৰুত্তপুব্বন্তসদিসসরাদীসু পঞ্চসু উদাহরণানিযথা. ‘‘নমে ত’’মিচ্চাদি, লোকগ্গতং পত্তস্স যস্স বুদ্ধস্স উপমা ন হি যুজ্জতি সকলপদত্থানং অতিক্কম্ম ঠিতত্তা ন হি যুজ্জতি. সব্বোপমাতীতং তং তথাগতং সিরসা নমে নমামি. সব্বোতি এত্থ ওকারস্স পুব্বপদন্তসরসদিসত্তা ততো পরায যতিযা চ স্সোপমাতি পরপদাদিসদিসং ¶ ৰণ্ণমনতিক্কম্ম ঠিতায যতিযা চ উদাহরণং.

‘‘মুনিন্দে’’চ্চাদি. যস্স সম্বুদ্ধস্স পঞ্ঞা চ মেত্তা চনিস্সীমা অনন্তসত্তঅনন্তঞেয্যৰিসযকরণতো সীমারহিতা অতিৰিজম্ভতি. অনন্তমতিং উদযব্বযসম্ভৰেপি ঞেয্যস্সানন্তত্তা ৰিসযিম্হি ৰিসযৰোহারেন অনন্তপঞ্ঞায সমন্নাগতং উত্তমং ততো এৰ পৰরং তং মুনিন্দং সদা ৰন্দামি, যাদেসস্স পরাদিসদিসত্তা তমনাগম্ম যতি ভৰতি. মেত্তাচনিস্সীমাতি এত্থ চাদীনং পুব্বপদন্তসদিসত্তাচ পাদীনং পরপদাদিসদিসত্তা চ ‘‘চা’’তি ‘‘নী’’তি ইমেসম্পি যতি ভৰতি.

চাদিপাদীসু পচ্চুদাহরণানি যথা

মহামেত্তা মহাপঞ্ঞা, চ যত্থ পরমোদযা;

পণমামি জিনং তং প-ৰরং ৰরগুণালযং.

৫৪. ‘‘মহা’’ইচ্চাদি. যত্থাতি যস্মিং জিনে. পরমোদযাতি মহামেত্তাদযো উক্কট্ঠাভিৰুড্ঢিযো. ততোযেৰ ৰরগুণালযং, তেনেৰ পৰরং উত্তমং তং জিনন্তি সম্বন্ধো. এত্থ পুব্বপদনিস্সিতং চকারং পরপদাদিভূতং কত্ৰা ততো পুব্বে কতা যতি চ, পরপদাদিসম্বন্ধপকারং পুব্বপদন্তভূতং কত্ৰা পকারতো পরং কতা যতি চ ৰিরুদ্ধাতি উভযত্থ পচ্চুদাহরণং.

৫৪. চাদিপাদীসু ৰিসযভূতেসু পচ্চুদাহরণং যথা. ‘‘মহামেত্তি’’চ্চাদি. যত্থ যস্মিং জিনে মহামেত্তা চ মহাপঞ্ঞা চ ইমা পরমোদযা উক্কট্ঠাভিৰুড্ঢিযো হোন্তি. ৰরগুণালযং উত্তমগুণাকরং পৰরং ততোযেৰ উত্তমং তং জিনং পণমামি. এত্থ চকারং পরপদাদিং কত্ৰা পকারং পুব্বপদন্তং কত্ৰা যতিযা পৰত্তত্তা ‘‘চ যত্থ, তং পা’’তিদ্ৰযমপি পচ্চুদাহরণং.

পদত্থক্কমতো ¶ মুত্তং, কমচ্চুতমিদং যথা;

খেত্তং ৰা দেহি গামং ৰা, দেসং ৰা মম সোভনং.

৫৫. ‘‘পদ’’ইচ্চাদি. পদানং অত্থক্কমতো মুত্তং গল়িতং কমচ্চুতমিদন্তি ৰিধীযতে. খেত্তং ৰা ইচ্চাদিনা অরুচিতোযং যাচনক্কমো ৰত্তুনো অৰিঞ্ঞুতং গমেতি. যো হি খেত্তম্পি দাতুং নিচ্ছতি, কথং সো গামাদিকং দস্সতীতি.

৫৫. ‘‘পদত্থি’’চ্চাদি. পদত্থক্কমতো পদানং অত্থক্কমতো মুত্তং গল়িতং ইদং ৰাক্যং কমচ্চুতং নাম. উদাহরতি ‘‘যথি’’চ্চাদি. মম সোভনং খেত্তং ৰা গামং ৰা দেসং ৰা জনপদং ৰা দেহি. এত্থ খেত্তমিচ্চাদি যাচনক্কমো ৰত্তুনো অৰিঞ্ঞুভাৰং ৰিনা উচিতপদত্থক্কমং নপ্পকাসেতি, তথা হি খেত্তমপি দাতুমনিচ্ছন্তো গামনিগমজনপদাদিং কথং দস্সতীতি কমহানি.

লোকিযত্থ’মতিক্কন্তং, অতিৰুত্তং মতং যথা;

অতিসম্বাধ’মাকাস-মেতিস্সা থনজম্ভনে [থনজুম্ভনে (সী.)].

৫৬. ‘‘লোকি’’চ্চাদি. লোকে ৰিদিতো লোকিযো, তং লোকিযত্থমভিধেয্যং অতিক্কন্তং অননুৰুত্তং যং তং অতিৰুত্তং মতন্তি ৰিধীযতে. যথেত্যাদিনা উদাহরতি. এতিস্সা ৰনিতায থনানং পযোধরানং জম্ভনে ব্যাপনে আকাসং গগনং অতিসম্বাধং অচ্চন্তপ্পকং.

৫৬. ‘‘লোকিযত্থি’’চ্চাদি. লোকিযত্থং লোকে পসিদ্ধমভিধেয্যং অতিক্কন্তং কথনাকারেন অতিক্কমিতং ৰাক্যং অতিৰুত্তমিতি মতং. উদাহরতি ‘‘যথি’’চ্চাদি. এতিস্সা থনজম্ভনে থনানং ৰিজম্ভনে আকাসং অতিসম্বাধং অনোকাসং. এত্থ পযোধরানং মহন্তত্তং ৰদামাতি লোকে মহন্তন্তি ¶ পসিদ্ধং গগনমপি অতিক্কন্তত্তা ৰাক্যমতিৰুত্তদোসেন দূসিতং.

সমুদাযত্থতো’পেতং, তং অপেতত্থকং যথা;

গাৰিপুত্তো বলীবদ্ধো, তিণং খাদী পিৰী জলং.

৫৭. ‘‘সমুদাযি’’চ্চাদি. সমুদাযস্স পকরণতো পদসন্ধিনো ৰাক্যস্স অত্থো অভিধেয্যং অঙ্গঙ্গিভূতং ক্রিযাকারকসম্বন্ধীৰিসেসলক্খণং সংৰোহারিকং, ততো অপেতং অপগতং সুঞ্ঞং, ৰিনা [ন (ক.)] পদত্থমত্তেন তস্স কত্থচি ব্যভিচারাভাৰতো এতাদিসং যং তমপেতত্থকন্তি ৰিধি. ন হি ‘‘গাৰিপুত্তো’’চ্চাদীসু সমুদাযত্থো সম্ভৰতি.

৫৭. ‘‘সমুদাযি’’চ্চাদি. সমুদাযত্থতো ৰিসেসনৰিসেস্যভূতক্রিযাকারকসম্বন্ধেহি যুত্তৰাক্যসঙ্খাতপদসমুদাযস্স সম্বন্ধপদত্তা ৰোহারানুরূপঅত্থতো অপেতং অপগতং, অৰযৰত্থমত্তস্স ৰা সব্বত্থ লব্ভমানত্তা সমুদাযত্থতো সুঞ্ঞং, তং ৰাক্যং অপেতত্থকং নাম. যথিচ্চাদিনা উদাহরতি ‘‘গাৰিপুত্তো বলীবদ্ধো উসভো তিণং খাদি, জলং পিৰী’’তি. এত্থ অৰযৰত্থমত্তেন ৰিনা সমুদাযেন গম্যমানস্স কস্সচি ৰিসেসত্থস্স অভাৰা সমুদাযত্থতো অপগতং নাম হোতি.

বন্ধে ফরুসতা যত্থ, তং বন্ধফরুসং যথা;

খরা খিলা পরিক্খীণা, খেত্তে খিত্তং ফলত্য’লং.

৫৮. ‘‘বন্ধে’’চ্চাদি. ¶ খরাইচ্চাদিকং বন্ধফরুসং সুতিসুভগত্তাভাৰতো খরা কক্কসা খিলা খাণুকাদযো পরিক্খীণা খযং পত্তা যতো, তস্মা খেত্তে কেদারে খিত্তং ৰুত্তং অলমচ্চন্তং ফলতি নিপ্ফজ্জতি. ৰাক্যদোসো.

৫৮. ‘‘বন্ধে’’চ্চাদি. বন্ধে বন্ধসরীরে ফরুসতা সুতিসুখতাভাৰতো ফরুসভাৰো যত্থ ৰাক্যে ভৰতি, তং ৰাক্যং বন্ধফরুসং নাম হোতি. যথাতি উদাহরতি. খরা কক্কসা খিলা খাণুকাদযো পরিক্খীণা যস্মা খীণা হোন্তি, তস্মা খেত্তে খিত্তং ৰুত্তং বীজং অলং অতিসযেন ফলতি নিপ্ফজ্জতি.

ৰাক্যদোসনিদ্দেসৰণ্ণনা নিট্ঠিতা.

ঞেয্যং লক্খণমন্ৰত্থ-ৰসেনা’পক্কমাদিনং;

উদাহরণমেতেসং, দানি সন্দস্সযাম্য’হং.

৫৯. ‘‘ঞেয্য’’মিচ্চাদি. অপক্কমাদীনং যথাউদ্দিট্ঠানং লক্খীযতি উদাহরণমনেনাতি অত্থেন লক্খণং অন্ৰত্থৰসেন অপগতো কমো যত্থ তং অপক্কমন্তিআদিনা অত্থানুগমনৰসেন ঞেয্যং ৰিঞ্ঞাতব্বং. ইদানি ৰাক্যদোসে নিদ্দিসিত্ৰা অৰসরপ্পত্তে ইমস্মিং কালে এতেসং অপক্কমাদীনং উদাহরণং লক্খিযং অহং সন্দস্সযামি পকাসেস্সামি.

৫৯. ইদানি উদ্দিট্ঠানুক্কমেন অপক্কমাদিঅত্থদোসানি ৰিভাৰেতি ‘‘ঞেয্য’’মিচ্চাদিনা. অপক্কমাদীনং অপক্কমোচিত্যহীনাদীনং লক্খণং অপক্কমাদিৰিসযবুদ্ধিযা অৰিপরীতৰুত্তিযা পৰত্তিকারণং অন্ৰত্থৰসেন অপগতো কমো যত্থিচ্চাদিৰচনত্থানুগতঞাণৰসেন ঞেয্যং ঞাতব্বং, ৰিসুং লক্খণং ন ৰদামাতি ৰুত্তং হোতি. ইদানি অহং এতেসং অপক্কমাদীনং উদাহরণং লক্খিযং সন্দস্সযামি. অত্থানুগতমন্ৰত্থং অন্ৰত্থস্স ঞাণস্স ৰসোতি ৰিগ্গহো.

ভাৰনাদানসীলানি, সম্মা সম্পাদিতানি’হ;

ভোগসগ্গাদিনিব্বান-সাধনানি ন সংসযো.

৬০. ‘‘ভাৰনা’’ইচ্চাদি. ¶ সম্মা অলোভাদিহেতুসম্পত্তিযা সক্কচ্চং সম্পাদিতানি নিপ্ফাদিতানি. এত্থ ভোগসগ্গাদিনিব্বানানং হেতৰো যথাক্কমং দানসীলভাৰনাযো, ন তু ভাৰনাদানসীলানি.

৬০. তত্থ তেসু অপক্কমাদীসু অপক্কমং যথা অপক্কমস্সোদাহরণমেৰং. ওচিত্যহীনং যথাত্যাদীসুপি এৰমত্থো ৰেদিতব্বো. ‘‘ভাৰনি’’চ্চাদি. ইহ ইমস্মিং অত্তভাৰে সম্মা সম্পাদিতানি অলোভাদিহেতুসম্পত্তিযা সক্কচ্চং সম্পাদিতানি রাসিকতানি ভাৰনাদানসীলানি ভোগসগ্গাদিনিব্বানসাধনানি উপভোগপরিভোগানি, সগ্গুপ্পত্তিআযুআরোগ্যাদীনি, নিব্বানঞ্চেতি এতেসং সাধকানি. ন সংসযো সদিসৰিসদিসৰিপাকদানে সংসযো নাম নত্থি. এত্থ ভোগসগ্গনিব্বানানং হেতুভূতা পন কমতো দানসীলভাৰনাযো ভৰন্তীতি ফলক্কমস্স হেতুক্কমং ৰিরুদ্ধমিতি কমাপেতং নাম হোতি.

৬১. পূজনীযতরো লোকে, অহ’মেকো নিরন্তরং.

মযেকস্মিং গুণা সব্বে, যতো সমুদিতা অহুং.

৬১. ‘‘পূজনীযি’’চ্চাদি. যতো যস্মা কারণা সব্বে গুণা সীলাদযো একস্মিং কেৰলে মযি এৰ সমুদিতা রাসিভূতা অহুং অহেসুং, তস্মা কারণা ইমস্মিং সত্তলোকে একো কেৰলো অহমেৰ নিরন্তরং সততং পূজনীযতরো অতিসযেন পুজ্জোতি. এৰমত্তপসংসনমরুচিতং সপ্পুরিসস্স.

৬১. ‘‘পূজনীযতরে’’চ্চাদি. ¶ যতো যস্মা সব্বে গুণা সীলাদযো একস্মিং মযি অদুতিযে মযি এৰ সমুদিতা রাসিভূতা অহুং অহেসুং, তস্মা লোকে সত্তলোকে একো অদুতিযো অহমেৰ নিরন্তরং সততং পূজনীযতরো অতিসযেন পূজনীযো. এৰং অত্তপ্পসংসনতো উচিততায পরিহানীতি ওচিত্যহীনং নাম.

যাচিতোহং কথং নাম, ন দজ্জাম্যপি জীৰিতং;

তথাপি পুত্তদানেন, ৰেধতে হদযং মম.

৬২. ‘‘যাচিতো’’ইচ্চাদি. এত্থ ‘‘যদি যাচিংসু, জীৰিতম্পি যাচকানং দজ্জামী’’তি দস্সিতোদারতাযানুচিতং পুত্তদানে হদযপৰেধনকথনং ৰেস্সন্তরস্স যজ্জেৰমৰোচ.

৬২. যথা চ, এৰম্পি ওচিত্যহীনস্স উদাহরণং দট্ঠব্বং ‘‘যাচিতো’’চ্চাদি. যাচিতো যাচকেহি যাচিতো অহং জীৰিতমপি কথং নাম ন দজ্জামি, তথাপি এৰং দানজ্ঝাসযে সতিপি পুত্তদানেন মম হদযং ৰেধতে কম্পতে. এত্থ ৰেস্সন্তরস্স ‘‘যদি যাচেয্যুং, জীৰিতমপি যাচকানং দজ্জামী’’তি কতপটিঞ্ঞায পুত্তদানেন হদযকম্পনস্স কথনং চাগাতিসযযোগসঙ্খাতউদারগুণস্স অননুচ্ছৰিকন্তি ওচিত্যহীনং.

ইত্থীনং দুজ্জনানঞ্চ, ৰিস্সাসো নোপপজ্জতে;

ৰিসে সিঙ্গিম্হি নদিযং, রোগে রাজকুলম্হী চ.

৬৩. ‘‘ইত্থীন’’মিচ্চাদি. নোপপজ্জতে ন যুজ্জতি. এত্থ সম্বন্ধে ছট্ঠিযা পরিচ্চাগেন ৰিসেইচ্চাদিনা আধারে সত্তমীনিদ্দেসো ¶ অত্থরীতিযা ভঙ্গো. আদো মজ্ঝে চ চকারপরিচ্চাগা সদ্দরীতিযা ভঙ্গো, রীতীনং অনন্তত্তা ভঙ্গাপ্যনন্তা. উদাহরণং তু দিসামত্তং.

৬৩. ‘‘ইত্থীন’’মিচ্চাদি. ইত্থীনঞ্চ দুজ্জনানঞ্চ ৰিস্সাসো সহৰাসাদীহি ৰিস্সাসো নোপপজ্জতে অনত্থসংসযানিৰত্তিকারণত্তা ন যুজ্জতি. ৰিসে গরল়ে চ সিঙ্গিম্হি সিঙ্গৰতি মহিং সাদো চ নদিযঞ্চ রোগে ৰড্ঢমানকে রোগে চ রাজকুলম্হি চ ৰধবন্ধনাদিকারকে রাজকুলে চ ৰিস্সাসো নোপপজ্জতে. এত্থ আদো সম্বন্ধে ছট্ঠিযা আরভিত্ৰা তং পহায সত্তমিযা ৰুত্তত্তা অত্থরীতি চ, আদিমজ্ঝেসু চসদ্দপরিচ্চাগতো সদ্দরীতি চ ভিন্না. চসদ্দং পযুঞ্জন্তেন আদো এৰ ৰা অন্তে এৰ ৰা পচ্চেকং ৰা যোজেতব্বং হোতি. ঈদিসো পযোগো রীতিভঙ্গো নাম হোতি. রীতীনং বহুত্তা রীতিভঙ্গদোসাপি বহুৰিধা. ইদং পন মুখমত্তনিদস্সনং.

মুনিন্দচন্দিমালোক-রসলোলৰিলোচনো;

জনো’ৰক্কন্তপন্থো’ৰ, গোপদস্সনপীণিতো.

৬৪. ‘‘মুনিন্দি’’চ্চাদি. ¶ চন্দিমা ৰিয চন্দিমা, মুনিন্দোযেৰ চন্দিমা, তস্স আলোকনং দস্সনং, আলোকো পকাসো ৰা, তস্মিং রসো অনুরাগো, তেন লোলানি চপলানি লোচনানি অক্খীনি যস্স সো জনো অৰক্কন্তো ওক্কন্তো পৰিট্ঠো পন্থো মগ্গো যেন অৰক্কন্তপন্থো এৰ গুন্নং রংসীনং, ইট্ঠত্থনিপ্ফত্তিসূচকভাৰেন গোপদত্থস্স ৰা পদস্সনেন পীণিতো মুদিতোতি এত্থ গোরূপস্স পদস্সনেনাতিপি ৰিঞ্ঞাযতীতি সন্দেহো.

৬৪. ‘‘মুনিন্দি’’চ্চাদি. মুনিন্দচন্দিমালোকরসলোলৰিলোচনো মুনিন্দসঙ্খাতস্স চন্দিমস্স আলোকে দস্সনে পাতুভাৰে ৰা রসেন আলযেন চঞ্চলনেত্তো জনো অৰক্কন্তপন্থোৰ ওতিণ্ণমগ্গোৰ বুদ্ধস্স দস্সনত্থায মগ্গমোতিণ্ণোতি অধিপ্পাযো. গোপদস্সনপীণিতো গোসঙ্খাতরংসিপদস্সনেন, অভিমঙ্গলসম্মতগোপদস্সনেন ৰা সন্তুট্ঠো হোতি. এত্থ গোপদস্সনেনাতি চ অত্থস্স গম্যমানত্তা ৰিঞ্ঞাতুং সংসযো উপ্পজ্জতীতি সসংসযং নাম. অৰক্কন্তো পন্থো যেনাতি চ, গুন্নং রংসীনং, গাৰস্স ৰা পদস্সনন্তি চ, গোপদস্সনেন পীণিতোতি চ ৰিগ্গহো.

ৰাক্যত্থতো দুপ্পতীতি-করং গাম্মং মতং যথা;

পোসো ৰীরিযৰাসো’যং, পরং হন্ত্ৰান ৰিস্সমি.

৬৫. ‘‘ৰাক্য’’ইচ্চাদি. পরং সত্তুং হন্ত্ৰান পহরিত্ৰা ৰীরিযৰা সূরো সোযং পোসো পুরিসো ৰিস্সমি ৰিস্সত্থো. অযমত্থো তাৰ ন দুপ্পতীতো. পরং অচ্চন্তং হন্ত্ৰান ৰীরিযৰা উচিতসম্ভৰো সোযং পোসো ৰিস্সমীতি দুপ্পতীতোযমত্থো.

৬৫. অন্ৰত্থৰসেন লক্খণস্স অপাকটত্তা সলক্খণং লক্খিযমুদাহরতি ‘‘ৰাক্যত্থতো’’চ্চাদিনা. ৰাক্যত্থতো দুপ্পতীতিকরং ৰিরুদ্ধপ্পকাসকং গাম্মন্তি মতং. যথাতি উদাহরতি. পরং সত্তুং হন্ত্ৰান মারেত্ৰান ৰীরিযৰা সূরো সো অযং পোসো ৰিস্সমি ৰিগতপরিস্সমো অহোসি, অযমত্থো ইট্ঠো. পরং অতিসযেন হন্ত্ৰান ৰীতিক্কমং কত্ৰা ৰীরিযৰা উপচিতসম্ভৰো উপচিতসুক্কো সো অযং পুরিসো ৰাযামেন ৰিস্সমি ৰিগতৰাযামো অহোসীতি. ইমস্সত্থস্স অসব্ভারহত্তা গাম্মত্তং. ৰীরিযং উস্সাহো সম্ভৰো ৰা অস্স অত্থীতি ৰিগ্গহো.

দুট্ঠালঙ্করণং ¶ তেতং, যত্থালঙ্কারদূসনং;

তস্সালঙ্কারনিদ্দেসে, রূপমাৰীভৰিস্সতি.

৬৬. ‘‘দুট্ঠা’’ইচ্চাদি. যত্থ যস্মিং ৰাক্যে অলঙ্কারানং দূসনং ৰিকটতা, এতন্তু দুট্ঠালঙ্করণং দুট্ঠালঙ্করণং নাম, তস্স দুট্ঠালঙ্কারস্স রূপং সরূপং অলঙ্কারনিদ্দেসে তংনামকে পরিচ্ছেদে আৰীভৰিস্সতি পকাসিস্সতি, তত্থেৰ তং দস্সযিস্সামীতি অধিপ্পাযো.

৬৬. ‘‘দুট্ঠালঙ্করি’’চ্চাদি. যত্থ ৰাক্যে অলঙ্কারদূসনং অলঙ্কারানং ৰিরোধো হোতি, এতং ৰাক্যত্থনিস্সিতং এতং ৰাক্যং দুট্ঠালঙ্করণং দুট্ঠালঙ্কারো নাম, তস্স দুট্ঠালঙ্করণদোসোপলক্খিতৰাক্যস্স রূপং সরূপং লক্খিযং অলঙ্কারনিদ্দেসে অলঙ্কারানং নিদস্সনট্ঠানভূতে পরিচ্ছেদে আৰীভৰিস্সতি. এত্থ ৰুত্তেপি পুন তত্থাপি ৰত্তব্বং সিযাতি ন ৰুত্তন্তি অধিপ্পাযো. উদ্দেসে ‘‘দুট্ঠালঙ্কতী’’তি ৰত্ৰা ইদানি ‘‘দুট্ঠালঙ্করণ’’ন্তি ৰচনং অলঙ্কতি অলঙ্করণঅলঙ্কারসদ্দানং তুল্যত্থত্তা ন ৰিরুজ্ঝতি.

ইতি সঙ্ঘরক্খিতমহাসামিপাদৰিরচিতে সুবোধালঙ্কারে

৬৭. এৰং ‘‘সোদাহরণমেতেসং, লক্খণং কথযাম্যহ’’ন্তি কতপটিঞ্ঞানুরূপং পটিপজ্জ দানি ‘‘কতোত্রি’’চ্চাদিনা নিক্খিপননযং সঙ্খিপতি. অত্র ইমস্মিং অধিকারে, পরিচ্ছেদে ¶ ৰা এসং যথাৰুত্তানং দোসানং পদদোসাদীনং পৰরো উত্তমো ৰিভাগো ৰিভজনং সঙ্খেপনযা সঙ্খেপক্কমেন, ন ৰিত্থারতো, যতো অপরিসঙ্খ্যেয্যানং নত্থি পরিযন্তো মযা কতো নিট্ঠাপিতো. ননু ‘‘সঙ্খেপনযা’’তি ৰুত্তত্তা পুরাতনেহি [পুরাতরেহি (ক.)] দীপিতা সন্তি বহূ দোসা, তে পরিচ্চত্তা সিযুন্তি? এত্থ ৰুচ্চতে, ৰিত্থারক্কমস্স অনধিপ্পেতত্তা ‘‘সঙ্খেপনযা’’তি ৰুত্তং, ন পন সব্বথা পরিচ্চাগেন. তথা হি–

‘‘নিহন্তু সোযং জলিতং, পতঙ্গো অরিপাৰক’’ন্তিআদীনং

অক্খমত্থন্তরাদিকং ৰিরুদ্ধত্থন্তরানুগতন্তি চ. এত্থ হি পতঙ্গসদ্দেন জোতিরিঙ্গণসঙ্খাতমত্থন্তরমসমত্থমিচ্ছিতত্থে ‘‘ৰচন্তি গণ্ডা’’ত্যেৰমাদিকং অমঙ্গলঅপযুত্তপদাদিকং কিলিট্ঠে অন্তোগধন্তি চ.

গজহেসাদি সম্বন্ধদূসিতং লোকৰিরোধি, সোগতাগমাদীসু পসিদ্ধং রূপক্খন্ধাদিকমঞ্ঞত্র ৰুত্তং অপ্পতীতং নাম. ইদং আগমৰিরোধিইতি, সম্বন্ধদূসিতপ্পতীতাদিকং ৰিরোধিম্হি পৰিট্ঠন্তি চ, আনেতব্বহেতুত্তা হেত্ৰপেক্খং নেয্যতো ন ব্যতিরিচ্চতীতি চ.

‘‘দেৰো ৰোহরতু ক্লেসং, রাহুখিন্নো দিৰাকরো’’

ইচ্চাদিকং অসামত্থ্যাভিধেয্যাদিকং ওচিত্যহীনে সঙ্গহিতন্তি চ. জিগুচ্ছঅসব্ভসংসূচকঅত্থন্তরকঞ্চ গাম্মং দুপ্পতীতিকরে সঙ্গয্হতীতি চ. ( ) [(দুরুচ্চারণং)?] সবন্ধফরুসমেৰেতি চ.

এত্থ পন ওচিত্যহীনদুপ্পতীতিকরানং ৰাক্যত্থদোসত্তেপি ফন্ধফরুসস্স চ ৰাক্যদোসত্তে পদপদত্থানং দোসতো ৰাক্যমেৰ দুট্ঠং সিযা, ৰাক্যঞ্চ পদেহি ৰিরিচ্চতে, পদে দুট্ঠে ৰাক্যত্থো চ দুট্ঠো সিযা. পদদোসতো ৰাক্যৰাক্যত্থানং নানাভাৰাভাৰঞাপনত্থং অসামত্থিযাভিধেয্যাদিকং পদং ওচিত্যহীনাদিৰাক্যত্থদোসাদীসু ¶ অন্তো কথিতং. তথা হি পুরাতনেহি ৰিরুদ্ধত্থন্তরাদীহি পদেহি ৰিরচিতং ৰাক্যং ৰিরুদ্ধন্তিআদিনা বহূনি দুট্ঠানি ৰাক্যানি দস্সিতানি. ‘‘হরিসমানযী’’তি এত্থ হপুব্বং রিস’মানযীতি ইচ্ছিতত্থা পরি ভট্ঠং ভট্ঠং. নানত্থমপ্পসিদ্ধেহি যুত্তং গুল়্হং, যথা ‘‘সক্কো সহস্সগূ’’তি. ইতি ভট্ঠগুল়্হত্থাদযো পসাদালঙ্কারৰিরুদ্ধাতি চ.

ৰাক্যেপি ৰিসন্ধিকমিহানুপযোগীতি চ, ৰাক্যন্তরোপগতং ৰাক্যং ৰাক্যগব্ভং, ৰাক্যন্তরপদসম্মিস্সং ‘‘অপাথ্যমেসো দিস্সতি, ৰেজ্জং খাদত্যনারত’’মিচ্চাদিকং ৰাক্যসংকিণ্ণঞ্চ ব্যাকিণ্ণে সমোহিতন্তি চ.

‘‘কাচুয্যানে মযা দিট্ঠা, ৰল্লরী পঞ্চপল্লৰা;

পল্লৰে পল্লৰে মুধা, যস্সা কুসুমমঞ্চরী’’তি.

ইদমৰাচকং পহেল়িকায পমুস্সিতাসন্নিস্সিতন্তি চ, তত্থ চ কৰিনা উয্যানসদ্দেন গেহং, লতাৰাচিনা ৰল্লরীসদ্দেন অঙ্গনা, পল্লৰসদ্দেন করচরণদসনচ্ছদা, মঞ্চরীসদ্দেন নখসোভা দন্তকন্তিযো চ ৰত্তুমিচ্ছিতা, ৰাক্যত্থেপি পদুমিনীনং রত্তিযমুন্নিদ্দতাদিকং ৰিরুদ্ধং ৰিরোধিনিলীনন্তি চ নাত্যনুঞ্ঞাতা, ন তু সব্বথা পরিচ্চাগেন. এসোৰ এৰং যথাৰুত্তনযেন নিট্ঠাপিতো অযং সঙ্খেপনযো এৰ কৰীনং পণ্ডিতজনানং খেদকরং ‘‘কথং নাম বন্ধেপীদিসং সতি সন্তী’’তি এৰমাসুহনোপজনং পরং পদদোসে অসাধুসন্দিদ্ধপরিযায ঞেয্যঅপ্পতীতত্থঅপ্পযোজক দুব্বোধদেসিযাদিকং, ৰাক্যদোসে অধিকঊনভগ্গচ্ছন্দাদিকং, ৰাক্যত্থদোসে উপক্কমোপসংহারৰিসমঞ্চেতি ইচ্চেৰমাদিকমপরম্পি দূসনং অত্থি চে যদি ভৰেয্য, তম্পি বোধযিতুমৰগমেতুং অলং সমত্থং যথাৰুত্তদোসানুসারেন বুদ্ধিমন্তেহি সক্কা ঊহিতুন্তি.

এৰং ¶ ৰদতো চ গন্থকারস্সাযমধিপ্পাযো – যে দোসা ৰিভাগসো ন ৰুত্তা, তে মযা গন্থগারৰভযা সঙ্খেপিতা, লক্খণতো তু সঙ্গহিতা. ন হি তেসমন্তং কো জহাপেতি.

তত্থ সদ্দসত্থৰিরুদ্ধমসাধু. যং ক্রিযাদিনিমিত্তমুপাদায অত্থন্তরেপি ৰত্ততে, তং সঞ্ঞাভাৰেনেৰ পযুত্তং সন্দিদ্ধং, যথা ‘‘রৰিম্হিহিমহা’’তি, ইদং পন ৰিসেসনত্থে সাধু হোতি. পসিদ্ধসঞ্ঞাসদ্দস্স পরিযাযন্তরেন পরিকপ্পিতপদং পরিযাযঞেয্যং, যথা ‘‘ৰল়ৰামুখেনে’’তি এত্থ ‘‘অস্সৰনিতাননেন’’ ইতি. যং অচ্চন্তাব্যভিচারীভাৰেন ৰিসেস্যস্স গুণং ৰদতি, তং অপ্পতীতত্থং, যথা ‘‘কণ্হমসী’’তি. অধিগতত্থানুপযোগং অপ্পযোজকং, যথা ‘‘অতিফেনিলং সাগরমলঙ্ঘী’’তি. ‘‘মনুঞ্ঞদ্ধনযো পাদে, খাদযো কনি ভন্তি তে’’ ইচ্চাদিকো দুব্বোধো, কনি কঞ্ঞে খাদযো গগ্ঘরিকা. ‘‘ইমে লাৰণ্যতল্লা তে, গল্লা লোলৰিলোচনে’’ইচ্চাদিকো দেসিযো, তল্লো জলাসযৰিসেসো, গল্লো কপোলো. ‘‘সগ্গসেৰীনং রিপূনমিত্থীনমকঙ্কণো পাণি. নেত্তমনঞ্জন’’ন্তিআদিকং অধিকং. ‘‘অকঙ্কণো পাণী’’তিআদিনা ৰেধব্যস্স গম্মমানত্তা ‘‘সগ্গসেৰীন’’ন্তি অধিকন্তি. যত্থ ৰত্তব্বস্স ঊনতা, তং ঊনং, যথা ‘‘তিলোকতিলকং মুনি’’ন্তিআদি. এত্থ ‘‘ৰন্দামী’’তি ঊনং, ছন্দোভঙ্গান্ৰিতং ৰচো ভগ্গচ্ছন্দং পাকটং. আরম্ভাৰসানেন ৰিসমং উপক্কমোপসংহারৰিসমং, তং পন আরদ্ধক্কমপরিচ্চাগেনাপরেন নিক্খিপনং ৰেদিতব্বং.

ইতি সুবোধালঙ্কারে মহাসামিনামিকাটীকাযং

৬৭. এৰং ‘‘সোদাহরণমেতেসং, লক্খণং কথযাম্যহ’’ন্তি কতপটিঞ্ঞানুরূপং সম্পাদেত্ৰা ইদানি ‘‘কতোত্রে’’চ্চাদিনা নিগমেন্তো দোসে সঙ্খিপতি. অত্র ইমস্মিং অধিকারে, ¶ পরিচ্ছেদে ৰা এসং দোসানং যথাৰুত্তপদদোসাদীনং পৰরো লক্খণাৰিরোধলক্খিযতো উত্তমো ৰিভাগো অসঙ্করতো ৰিভজনং সঙ্খেপনযা ৰিত্থারাপনিযসঙ্খেপক্কমেন মযা কতো ৰুত্তো এসোৰ যথাৰুত্তো এসো সঙ্খেপক্কমো এৰ কৰীনং ৰিরচযন্তানং খেদকরং বন্ধসরীরে ঈদিসং ঈদিসপ্পযোগং কথং নাম করোমীতি এৰং পৰত্তখেদমুপ্পাদযন্তং পরম্পি অসাধুসন্দিদ্ধাদি অঞ্ঞম্পি দূসনমত্থি চে, তং সব্বং বোধযিতুং বোধেতুং অলং সমত্থো হোতি. নিযতি অৰুত্তোপি অত্থো এতেনাতি চ, সঙ্খেপো চ সো নযো চাতি ৰিগ্গহো.

‘‘নিহন্তু সোযং জলিতং, পতঙ্গো অরিপাৰক’’ন্তিআদিকং

অক্খমত্থন্তরাদিকং ৰিরুদ্ধত্থন্তরে অনুপতত্তা ন ৰুত্তং, এত্থ সূরিযৰাচকো পতঙ্গসদ্দো জোতিরিঙ্গণৰাচকোপি হোতীতি ৰত্তুমিচ্ছিতঅমিত্তগ্গিৰিনাসে অসমত্থঞ্ঞত্থো হোতি.

‘‘ৰচন্তি গণ্ডি’’চ্চাদিকং আগমে অপ্পসিদ্ধং লক্খণমত্তেন সাধিযং. অপ্পযুত্তপদাদিদোসো কিলিট্ঠপদদোসে অন্তোগধো হোতীতি ন ৰুত্তো.

গজহেসাতুরঙ্গকোঞ্চনাদাদিসম্বন্ধদূসিতঞ্চ. জিনাগমাদীসু পসিদ্ধরূপক্খন্ধাদিকমঞ্ঞত্র পযুত্তমপ্পতীতন্নামাতীদং দ্ৰযং যথাক্কমং লোকৰিরোধমাগমৰিরোধঞ্চ হোতীতি ৰিরোধিপদে অন্তোগধং হোতি. হেত্ৰপেক্খং আনেতব্বহেতুত্তা নেয্যে অন্তোগধন্তি ন ৰুত্তং.

‘‘দেৰো ৰোহরতু ক্লেসং, রাহুখিন্নো দিৰাকরো’’

ইচ্চাদিকং অসমত্থাভিধাযিচ্চাদি ওচিত্যহীনে অন্তোগধন্তি ন ৰুত্তং. এত্থ দিৰাকরো সযং রাহুগহিতো অঞ্ঞেসং কিলেসাপনযনে ¶ অসমত্থোতি তমসামত্থিযং ৰিসেসনভূতেন ‘‘রাহুখিন্নো’’তি পদেন ঞাযতি.

জিগুচ্ছাৰমঙ্গলঅসব্ভানং তিণ্ণমঞ্ঞত্রস্স জোতকং ৰাচকং ৰা অত্থন্তরং ৰা গাম্মং দুপ্পতীতিকরত্তা ৰাক্যত্থগাম্মদোসেযেৰ অন্তোগধন্তি ন ৰুত্তং. দুরুচ্চারণভূতলক্খণং কট্ঠং বন্ধফরুসতো অব্যতিরিত্তন্তি ন ৰুত্তন্তি. ‘‘হরিসমানযী’’তি ৰত্তব্বে হপুব্বং রিস’মানযিইচ্চাদিকং ইচ্ছিতত্থতো পরিভট্ঠত্তা ভট্ঠঞ্চ ‘‘সক্কো সহস্সগূ’’ইচ্চাদিকং অপসিদ্ধৰিসযে পরিযুত্তগুল়্হঞ্চেতি ইমে অত্থগুল়্হাদযো পসাদালঙ্কারৰিরুদ্ধত্তা পসাদগুণাদানেনেৰ পরিচ্চত্তাতি ন ৰুত্তং. এত্থ হি সহস্সং গাৰো চক্খূনি অস্সাতি সহস্সগূতি সক্কস্স নামং গুল়্হং নাম হোতি.

ৰাক্যদোসেপি ৰিসন্ধিৰাক্যং ইধ অনুপযোগিত্তা ন ৰুত্তং. ৰাক্যমজ্ঝপতিতৰাক্যযুত্তং ৰাক্যগব্ভঞ্চ, ৰাক্যন্তরপদসম্মিস্সং.

‘‘অপাথ্যমেসো দিস্সতি, ৰেজ্জং খাদত্যনারতং’’

ইচ্চাদিকং ৰাক্যসংকিণ্ণঞ্চ ব্যাকিণ্ণে অন্তোগধন্তি ন ৰুত্তং. এত্থ এসো ভিসক্কো অনারতং নিচ্চং অপাথ্যং রোগস্স অহিতং দিস্সতি ৰদতি. এসো রোগী অনারতং সততং অপাথ্যং অহিতং খাদতি. ৰেজ্জং ভিসক্কং দিস্সতি কুজ্ঝতি. এৰং অনেকৰাক্যেহিপি সন্ধিৰাক্যং সংকিণ্ণং নাম.

‘‘কাচুয্যানে মযা দিট্ঠা, ৰল্লরী পঞ্চপল্লৰা;

পল্লৰে পল্লৰে মুধা, যস্সা কুসুমমঞ্চরী’’তি.

ইদমৰাচকং পহেল়িকাসু পমুস্সিতাসন্নিস্সিতমিতি ন ৰুত্তং. ননু চেত্থ অত্তনা পহেল়িকায অদস্সিতত্তা অৰাচকস্স পমুস্সিতায অন্তোগধকরণং অসিদ্ধেন অসিদ্ধসাধনন্তি? নযিদমেৰং, ‘‘উপেক্খিযন্তি সব্বানি, সিস্সখেদভযা মযা’’তি চ উপরি কিলিট্ঠপদদোসপরিহারে ‘‘পহেল়িকাযমারুল়্হা, ন হি দুট্ঠা কিলিট্ঠতা’’তি চেতি ইমিনা ¶ পুরাতনেহি নিদ্দিট্ঠসোল়সপহেল়িকাযোপি দস্সিতাতি সিদ্ধেন অসিদ্ধসাধনং হোতি. তত্থ কৰিনা উয্যানসদ্দেন গেহঞ্চ লতাপরিযাযৰল্লরীসদ্দেন অঙ্গনা চ পল্লৰসদ্দেন করচরণাধরা চ মঞ্চরীসদ্দেন নখদন্তকন্তিযো চ ৰত্তুমিচ্ছিতা.

ৰাক্যত্থদোসেপি পদুমিনীনং রত্তিযং পবুজ্ঝনাদিকং ৰিরুদ্ধং ৰিরোধিপদেযেৰ অন্তোগধত্তা ন ৰুত্তন্তি দস্সেতুং ‘‘কতোত্র সঙ্খেপনযা’’তি ৰুত্তং, ন পন তেসং সব্বথা পরিচ্চত্তত্তাতি. এত্থ ওচিত্যহীনদুপ্পতীতিকরানং দ্ৰিন্নং ৰাক্যত্থদোসত্তে সতি বন্ধফরুসস্স ৰাক্যদোসত্তে সতি ৰিরোধিনো পদদোসত্তে সতি ‘‘অসমত্থাভিধাযি’’আদিপদং, ‘‘জিগুচ্ছাদিত্তযপকাসকা’’দিপদং, কট্ঠপদং, পদুমিনীনং রত্তিযং ফুল্লতাদি [দুন্নিদ্দতাদি (ক.)] ৰাক্যত্থঞ্চেতি ইমে চত্তারো দোসা ভিন্নজাতিকেসু ওচিত্যাদীসু কথং সঙ্গহিতাতি? সচ্চং, তথাপি পদানং দুট্ঠত্তে সতি ৰাক্যৰাক্যত্থানমদুট্ঠতা নাম নত্থীতি পদদোসেন সন্ধিৰাক্যৰাক্যত্থদোসানমনঞ্ঞত্তং সিস্সানং ঞাপনত্থং পদদোসাদিকং ৰাক্যত্থদোসাদীসু সঙ্গহিতন্তি ৰেদিতব্বং. ইমিনাযেৰ পুরাতনেহি ৰিরুদ্ধত্থন্তরাদিপদেহি ৰিচরিতং ৰাক্যং ৰিরুদ্ধন্তিআদিনা দুট্ঠানি বহূনি ৰাক্যানি দস্সিতানীতি দট্ঠব্বং.

ইমাযেৰ [ইমিস্সাযেৰ (ক.)] গাথায ‘‘তমত্থি চে খেদকরং পরম্পী’’তি এত্থ পরসদ্দেনঅসাধুসন্দিদ্ধপরিযাযঞেয্যাপ্পতীতত্থঅপ্পযোজক- দুব্বোধদেসিযাদিপদদোসে চ অধিকঊনভগ্গচ্ছন্দাদিৰাক্যদোসে চ উপক্কমোপসংহারৰিসমসঙ্খাতে ৰাক্যত্থদোসে চ পরিগ্গণ্হাতি. এত্থ সদ্দসত্থৰিরুদ্ধমসাধু নাম. ক্রিযানিপ্ফত্তিকারণমুপাদায অত্থন্তরে পৰত্তনামং ৰিসেসনত্থেন ৰিনা সঞ্ঞাভাজনে পযুত্তং সন্দিদ্ধং নাম, যথা ‘‘রৰিম্হি হিমহা’’তি. এত্থ হিমহা রৰীতি ৰিসেসনে কতে দোসো ¶ নত্থি. পসিদ্ধসঞ্ঞাসদ্দস্স পরিযাযনামেন কপ্পিতপদং পরিযাযঞেয্যং নাম, যথা ‘‘ৰল়ৰামুখস্স অস্সৰনিতানন’’ন্তি. অতিসযা ৰিনা ভাৰিতত্থেন ৰিসেস্যস্স গুণৰাচকং পদং অপ্পতীতত্থং নাম, যথা ‘‘কণ্হমসী’’তি. অধিগতত্তানুপযোগিপদং অপ্পযোজকং নাম, যথা ‘‘অতিফেনিলং সাগরমলঙ্ঘী’’তি. অপ্পসিদ্ধৰচনং দুব্বোধং নাম, যথা–

‘‘মনুঞ্ঞদ্ধনযো পাদে, খাদযো কনি ভন্তি তে’’তি.

কনি হে কঞ্ঞে তে তৰপাদে মনুঞ্ঞদ্ধনযো মনোহরসদ্দসমন্নাগতা খাদযো গগ্ঘরিকা ভন্তি দিব্বন্তীতি. কিস্মিঞ্চি দেসেযেৰ সিদ্ধনামং দেসিযং নাম. যথা–

‘‘ইমে লাৰণ্যতল্লা তে, গল্লা লোলৰিলোচনে’’তি.

হে লোলৰিলোচনে তে তৰ ইমে গল্লা কপোলা লাৰণ্যতল্লা মনুঞ্ঞতল্লা জলাসযৰিসেসা ভৰন্তি. কেনচি লেসেন পকাসিতমত্থমুপাদায পযুত্তমধিকং নাম. যথা–

‘‘ত্ৰযি রাজতি রাজিন্দ, রিপূনং সগ্গসেৰিনং;

থীনং অকঙ্কণো পাণি, সিযা নেত্তমনঞ্জন’’ন্তি.

এত্থ ‘‘অকঙ্কণো পাণি, নেত্তমনঞ্জন’’ন্তি ইমিনাযেৰথীনং ৰিধৰত্তং গম্যমানং হোতীতি তপ্পকাসনত্থং পযুত্তং ‘‘সগ্গসেৰিন’’ন্তি ইদং অধিকং নাম. ৰত্তব্বযুত্ততো ঊনং ৰাক্যং ঊনং নাম. ‘‘তিলোকতিলকং মুনি’’ন্তি এত্থ ‘‘ৰন্দামী’’তি ৰত্তব্বস্স অৰুত্তত্তা ঊনং. ছন্দোহানিসংযুত্তং ভগ্গচ্ছন্দং নাম. ইদং তেসং তেসং ছন্দানং অক্খরগণনতো ঊনাধিকৰসেন পাকটং হোতি. আদ্যন্ততো ৰিসমং উপক্কমোপসংহারৰিসমং নাম. ইদং আরদ্ধক্কমং পরিচ্চজিত্ৰা কমন্তরেন নিযমন্তি ৰেদিতব্বং.

২. দোসপরিহারাৰবোধপরিচ্ছেদৰণ্ণনা

কদাচি কৰিকোসল্লা, ৰিরোধো সকলোপ্য’যং;

দোসসঙ্খ্যমতিক্কম্ম, গুণৰীথিং ৰিগাহতে.

তেন ৰুত্তৰিরোধান-মৰিরোধো যথা সিযা;

তথা দোসপরিহারা-ৰবোধো দানি নীযতে.

৬৮-৬৯. ইচ্চেৰং ¶ দোসৰিভাগং পরিচ্ছিজ্জ ইদানি যথাৰুত্তদোসপরিহারক্কমমুপদিসিতুমাহ ‘‘কদাচী’’ত্যাদি. সকলোপি অযং ৰিরোধো ৰিরুদ্ধত্থন্তরাদিকতো ন কোচি একো এৰ দোসেসু, দোসানং ৰা সঙ্খ্যং গণনং দোসভাৰং অতিক্কম্ম পরিচ্ছিজ্জ গুণানং ৰীথিং পদৰিং গুণসভাৰতং ৰিগাহতে অব্ভুপগচ্ছতি কদাচি, ন সব্বদা. কৰিনো পযুজ্জকস্স কোসল্লা তাদিসৰিসযপরিগ্গহলক্খণনেপুঞ্ঞকারণা, ন তু যথা তথা চেতি. ‘‘তেনে’’চ্চাদি. যেনেৰং, তেন কারণেন ৰুত্তানং ৰিরুদ্ধত্থন্তরাদীনং ৰিরোধানং যথা যেন পকারেন অৰিরোধো নিদ্দোসতা সিযা ভৰেয্য, তথা তেন পকারেন দোসানং পরিহারো দূরীকরণং অৰবুজ্ঝতি ঞাযতি এতেনাতি অৰবোধো, তস্স অৰবোধো, তন্নামিকো পরিচ্ছেদো ইদানি নীযতে আনীযতে ৰুচ্চতেতি অত্থো.

৬৮-৬৯. এৰং দোসৰিভাগং পরিচ্ছিন্দিত্ৰা ইদানি যথাৰুত্তদোসানং পরিহারত্থমারভন্তো ‘‘কদাচী’’ত্যাদিমাহ. সকলোপি অযং ৰিরোধো পদদোসাদিকো দোসসঙ্খ্যং দোসানং, দোসেসু ৰা গণনং দোসভাৰং অতিক্কম্ম কদাচি কৰিকোসল্লা কৰিনো ব্যাকরণাভিধানছন্দোঅলঙ্কতিআদীসু পরিচযলক্খণেন পঞ্ঞাপাটৰেন যতো গুণৰীথিং গুণপদৰিং কেৰলং গুণসভাৰং ৰিগাহতে অব্ভুপগচ্ছতি, তেন কারণেন ৰুত্তৰিরোধানং যথাৰুত্তপদদোসাদিৰিরোধানং অৰিরোধো অৰিরুদ্ধতা যথা ¶ সিযা যেন পকারেন ভৰেয্য, তথা তেন পকারেন দোসপরিহারাৰবোধো যথাৰুত্তপদদোসাদিসম্বন্ধিনো পরিহরণক্কমস্স অৰবোধকারণত্তা তন্নামিকপরিচ্ছেদো ইদানি লদ্ধাৰসরে নীযতে ৰুচ্চতে. যথাৰুত্তদোসা কৰিসামত্থিযেন নিদ্দোসত্তং ভজন্তি, তস্স সামত্থিযস্স উপদেসং দস্সামাতি অধিপ্পাযো.

তত্থ ৰিরুদ্ধত্থন্তরস্স পরিহারো যথা –

ৰিন্দন্তং পাকসালীনং, সালীনং দস্সনা সুখং;

তং কথং নাম মেঘো’যং, ৰিসদো সুখযে জনং.

৭০. ‘‘ৰিন্দন্ত’’মিচ্চাদি. পাকেন পরিণতভাৰেন সালীনং যুত্তানং, মনুঞ্ঞানং ৰা সালীনং রত্তসালিআদীনং সালিজাতীনং দস্সনা সুখং চেতসিকং সোমনস্সং ৰিন্দন্তং তং জনং ৰিসদো অযং মেঘো অম্বুদো কথং নাম সুখযেতি. এত্থ তাদিসস্স জনস্স অসুখপ্পদানং গরল়স্স মেঘস্সানুরূপন্তি ৰিরুদ্ধত্থন্তরতা পরিহটা.

৭০. তত্থ ৰিরুদ্ধত্থন্তরস্স পরিহারো যথা এৰং. ‘‘ৰিন্দন্তি’’চ্চাদি. পাকসালীনং পরিণামেন যুত্তানং, মনুঞ্ঞানং ৰা সালীনং রত্তসালিআদীনং দস্সনা দস্সনহেতু সুখং চেতসিকসোমনস্সং ৰিন্দন্তং অনুভোন্তং তং জনং তং কস্সকজনং ৰিসদো জলদাযকো অযং মেঘো কথং নাম সুখযে, ন সুখযতেৰ. তাদিসস্স জনস্স দুক্খদানং গরল়দাযকস্স মেঘস্সাপি অনুরূপমিতি ৰিরুদ্ধঞ্ঞত্থো অপনীতো হোতি. পাকেন সালিনোতি ৰিগ্গহো. সুখং করোতীতি সুখযেতি নামধাতু.

৭১. ‘‘ৰিনাযকোপি’’চ্চাদি. ৰীনং পক্খীনং নাযকো, গরুল়ো, সত্তে ৰিনেতীতি ৰিনাযকো, ৰুদ্ধো, ভগৰা চ. তত্থ যদা ৰিনাযকো গরুল়ো, তদা তু নাগো পন্নগোসীতি ৰিরুদ্ধং, পক্খন্তরে ত্ৰৰিরুদ্ধং ভগৰতো আগুস্স রাগাদিনো অভাৰতো. ইমেসং গুন্নং অতিসযেন গো গোতমো হীনপসু, গোতমৰংসাৰতিণ্ণত্তা গোতমো ভগৰা চ. হীনপসু চ ত্ৰং মহামতি অসীতি ৰিরুদ্ধং অচ্চন্তহীনপসুনো মহতিযা পঞ্ঞায অভাৰতো. পক্খন্তরে তু ন ব্যাঘাতো. পণীতো মধুরো রসো, উত্তমো চ সুগতো. তত্থ মধুররসতো অপেতো অপগতোসীতি ৰিরুজ্ঝতি, ভগৰতো তু রসেহি সিঙ্গারাদীহি অপেতোতি যুজ্জতি. মে মম. সামীতি আমন্তনং. তে তৰ গতি পৰত্তি চিত্তা অব্ভুতাতি. এত্থ ৰিরুদ্ধত্থন্তরং ৰিরোধালঙ্কারং সিলাঘনীযন্তি তেন তং পরিহটং.

৭১. যথা ৰা উত্তদোসস্স পরিহারো ঈদিসো ৰা. ‘‘ৰিনাযকো’’চ্চাদি. হে সামি ত্ৰং ৰিনাযকোপি গরুল়োপি নাগোসি পন্নগো অসি. নো চে, ৰিনাযকোপি সত্তে ৰিনেন্তো এৰ নাগোসি নিক্কিলেসো অসি. গোতমোপি পসুতমোপি মহামতি মহাপঞ্ঞৰাসি. নো চে, গোতমোপি গোত্ততো গোতমোযেৰ মহামতি মহাপঞ্ঞৰাসি. পণীতোপি মধুরোপি রসাপেতো মধুররসতো অপগতোসি. নো চে, পণীতোপি উত্তমো এৰ রসাপেতো সিঙ্গারাদিরসতো অপগতোসি. তে তুয্হং গতি পৰত্তি মে ময্হং চিত্তা অচ্ছরিযা. ¶ এত্থ গরুল়স্স নাগত্তঞ্চ পসুতমস্স পঞ্ঞৰন্তত্তঞ্চ পণীতস্স নিরসত্তঞ্চ ৰিরুদ্ধং, তথাপি অঞ্ঞপক্খস্স অৰিরুদ্ধত্তা ৰিরুদ্ধত্থন্তরদোসো পসত্থেন ৰিরুদ্ধালঙ্কারেন নিরাকতো. ৰীনং পক্খীনং নাযকো, গরুল়ো. সত্তে ৰিনেতীতি ৰিনাযকো, বুদ্ধো. নত্থি আগু [অগো (ক.)] এতস্সাতি নাগো, বুদ্ধো. গুন্নমতিসযেন গোতমো, পসু. মহতী মতি অস্সাতি মহামতি, বুদ্ধো. পধানত্তং নীতো পণীতো, মধুরো রসো. রসতো অপেতোতি রসাপেতো, বুদ্ধোতি ৰিগ্গহো.

৭২. ‘‘কথ’’মিচ্চাদি. দুজ্জনো তাদিনো গুণা লোকং তোসেন্তি, তাদীনং গুণানং অত্তনি অভাৰে সতি লোকং সত্তলোকং কথং তোসেতি, ন তোসেতীতি অত্থো. ৰুত্তমেৰত্থন্তরেন সাধেতি ‘‘খজ্জোতো নাম ওভাসিতা দীপিতা অসেসদিসা যেন তথাৰিধো কিং ভৰে, ন ভৰেয্য তাদিনো গুণস্স অভাৰতো’’তি. এত্থ খজ্জোতস্স অধিকত্থভাৰেন সিতো ওভাসিতাসেসদিসত্তদোসো ‘‘কথং তাদিগুণাভাৰে’’তিআদিৰচোভঙ্গিযা পরিহটো.

৭২. অঝত্থস্স যথাতি এত্থ পরিহারো অজ্ঝাহারো, এৰমুপরিপি. ‘‘কথি’’চ্চাদি. দুজ্জনো গুণহীনজনো তাদিগুণাভাৰে সন্তোসজননকারণানং তাদিসানং সীলাদিগুণানং ¶ অত্তনি অৰিজ্জমানত্তে সতি লোকং সত্তলোকং কথং তোসেতি, ন তোসেতিযেৰ, তথা হি খজ্জোতো নাম ওভাসিতাসেসদিসো কিং ভৰে, ন ভৰত্যেৰ. এত্থ খজ্জোতস্স সকলদিসোভাসনসঙ্খাতমধিকত্থদোসো ‘‘কথং তাদিগুণাভাৰে’’চ্চাদিৰাক্যলীলায নিরাকতো. তাদী চ তে গুণা চেতি ৰিগ্গহো.

পহেল়িকাযমারুল়্হা, ন হি দুট্ঠা কিলিট্ঠতা;

পিযা সুখা’লিঙ্গিতং ক-মালিঙ্গতি নু নো ইতি.

৭৩. ‘‘পহেল়িকাযং’’ইচ্চাদি. কিলিট্ঠতা কিলিট্ঠপদদোসো পহেল়িকায ৰিসযে আরুল়্হা সহী ন হি নো দুট্ঠো সিযা. কীদিসীতি আহ ‘‘পিযে’’চ্চাদি. ইতীতি নিদস্সনে. পিযা ৰল্লভায আলিঙ্গিতং কং জনং সুখং কাযিকং চেতসিকঞ্চ নো আলিঙ্গতি ন সংযুজ্জতি নু. নুইতি পরিৰিতক্কে নিপাতো. এত্থ পিযাতি কিলিট্ঠং পহেল়িকায সমারোপেন পরিহটং.

৭৩. ‘‘পহেল়িকে’’চ্চাদি. কিলিট্ঠতা কিলিট্ঠপদদোসসঙ্খাতা পহেল়িকাযং ৰিসযে আরুল়্হা চে, ন হি দুট্ঠা দুট্ঠা ন হোতি. কিমুদাহরণং? পিযা সুখালিঙ্গিতং কমালিঙ্গতি নু নো ইতি, ইতিসদ্দস্স নিদস্সনত্থত্তা সেসউদাহরণানমেতমুপলক্খণন্তি ঞাতব্বং. নো চে, এৰংপকারানমুদাহরণানমপরিগ্গহেতব্বত্তা ইতিসদ্দো পকারত্থোতি. পিযা ৰল্লভায আলিঙ্গিতং উপগুহিতং কং নাম জনং সুখং কাযিকমানসিকং নো আলিঙ্গতি নু, আলিঙ্গতেৰাতি. এত্থ পিযাতি কিলিট্ঠপদং পহেল়িকাযমারোপনেন নিরাকতং হোতি.

যমকে নো পযোজেয্য, কিলিট্ঠপদ’মিচ্ছিতে;

ততো যমক’মঞ্ঞং তু, সব্বমেতংমযং ৰিয.

৭৪. ‘‘যমকে’’চ্চাদি. ¶ ততো অঞ্ঞন্তি ইচ্ছিতযমকতো অঞ্ঞং. তুইতি ৰিসেসজোতকো. এতংমযং ৰিযাতি এতেন কিলিট্ঠপদেন নিব্বত্তং ৰিয.

৭৪. ‘‘যমকে’’চ্চাদি. কিলিট্ঠপদং ইচ্ছিতে যমকে ইট্ঠযমকে নো পযোজেয্য নপ্পযুজ্জেয্য, ততো ইট্ঠযমকতো অঞ্ঞং সব্বং যমকং পন এতংমযং ৰিয ইমিনা কিলিট্ঠপদদোসেন কতং ৰিয হোতি. এত্থ ইট্ঠযমকং ৰুত্তনযেন ঞাতব্বং, এতেন নিব্বত্তং এতংমযন্তি ৰিগ্গহো.

বোধিসত্তপ্পভাৰেন, থলেপি জলজান্য’হুং;

নুদন্তানি’ৰ সুচিরা-ৰাসক্লেসং তহিং জলে.

৭৫. ‘‘বোধিসত্তে’’চ্চাদি. বোধিসত্তস্স মাযাদেৰিযা সুতস্স ৰক্খমানস্স ৰিসেসস্স তদুপ্পন্নদিনে সম্ভৰা পভাৰেন পুঞ্ঞপ্পভাৰতো জলজানি অম্বুজানি থলেপি অহুং অহেসুং অচিন্তনীযত্তা পুঞ্ঞপ্পভাৰস্স. কিং পন ৰাপ্যাদীসু কিং করোন্তাৰ তহিং তস্মিঞ্চ জলে সুচিরং সব্বদাৰ আৰসনমাৰাসো তেন জাতো ক্লেসো তং নুদন্তানিৰ দূরতো জহন্তানিৰেতি. অচিন্তনীযত্তা পুঞ্ঞপ্পভাৰস্স ঈদিসম্পি অচ্ছরিযমহোসীতি ন দেসৰিরোধো.

৭৫. বোধিসত্তপ্পভাৰেন বোধিসত্তস্স অচিন্তেয্যানুভাৰেন জলজানি জলজসদিসত্তা তন্নামকানি পদুমকেরৰাদীনি তহিং জলে ৰিসযত্তেন পসিদ্ধে তস্মিং উদকে সুচিরাৰাসক্লেসং অতিচিরং নিৰাসতো জাতআযাসং নুদন্তানি ইৰ চজন্তানি ইৰ থলেপি অহুং অহেসুং, ৰাপিআদীসু কা কথা. এত্থ জলজানং থলুপ্পত্তিকথনসঙ্খাতং দেসৰিরোধং অচিন্তেয্যপুঞ্ঞপ্পভাৰেন ঈদিসানং ¶ অচ্ছরিযানং পাতুভাৰতো ‘‘বোধিসত্তপ্পভাৰেনা’’তি ইমিনা নিরাকরোতি. বোধিযং চতুমগ্গপঞ্ঞাযং সত্তোতি চ, তস্স পভাৰোতি চ, সুচিরং আৰাসোতি চ, তেন ভূতো ক্লেসোতি চ ৰাক্যং.

মহানুভাৰপিসুনো, মুনিনো মন্দমারুতো;

সব্বোতুকমযং ৰাযি, ধুনন্তো কুসুমং সমং.

৭৬. ‘‘মহা’’ইচ্চাদি. মন্দো মুদুভূতো মারুতো অযং সব্বোতুকং সব্বেসু উতূসু পুপ্ফনকং কুসুমং পুপ্ফং সমং একতো কত্ৰা ধুনন্তো ৰিকিরন্তো মুনিনো মুনিসদিসত্তা ভৰিস্সন্তমুনিভাৰেন চ বোধিসত্তস্স, মুনিনোযেৰ ৰা সম্মাসম্বোধিসমধিগমসমযে মহানুভাৰস্স পিসুনো সূচকো ৰাযি পৰাযতীতি. এত্থ যদ্যপেকদা সব্বোতুকাসম্ভৰো নানাউতূসু নানাকুসুমস্স সম্ভৰা, তথাপি ভগৰতো মহানুভাৰপিসুনমীদিসমেকপদিকং সম্ভৰতীতি কালৰিরোধো ইমিনা পরিহটো.

৭৬. ‘‘মহানুভাৰে’’চ্চাদি. অযং মন্দমারুতো অচণ্ডসমীরণো সব্বোতুকং ৰসন্তাদীসু সব্বউতূসু ৰিকসন্তং কুসুমং পুপ্ফজাতং সমং একতো কত্ৰা ধুনন্তো কম্পেন্তো মুনিনো একন্তভাৰিত্তা মুনিসঙ্খাতস্স বোধিসত্তস্স, সম্মাসম্বোধিসমধিগমসমযে ভূতত্তা মুনিনো সব্বঞ্ঞুনো ৰা মহানুভাৰপিসুনো মহন্তং পুঞ্ঞপ্পভাৰং পকাসেন্তো ৰাযি সম্পৰাযীতি. এত্থ নানাকালে সম্ভৰন্তানম্পি কুসুমানং এককালে সম্ভৰস্স কালৰিরোধত্তেপি ভগৰতো পুঞ্ঞানুভাৰো তাদিসমচ্ছরিযমেকক্খণে জনেতুং সমত্থোতি কালৰিরোধং ‘‘মহানুভাৰপিসুনো’’তি ইমিনা নিরাকরোতি. মহানুভাৰস্স, মহানুভাৰং ৰা পিসুনোতি ৰাক্যং.

নিমুগ্গমনসো ¶ বুদ্ধ-গুণে পঞ্চসিখস্সপি;

তন্তিস্সরৰিরোধো সো, ন সম্পীণেতি কং জনং.

৭৭. ‘‘নিমুগ্গি’’চ্চাদি. বুদ্ধস্স গুণে সীলাদিকে অপরিমাণে নিমুগ্গং ওগাল়্হং মনং চিত্তং যস্স তস্স পঞ্চসিখস্স গন্ধব্বদেৰপুত্তস্সপি ৰীণায তন্তিযা সরো কিরিযাকালমানলক্খণৰিলম্বিতদুতমজ্ঝভেদভিন্নো ছজ্জাদিকো তস্স ৰিরোধো কলাসত্থপরিনিদ্দিট্ঠকমৰেসমং কং জনং ন সম্পীণেতি, পীণেতিযেৰ. সম্মাসম্বুদ্ধস্স লোকিযগুণানুবন্ধবুদ্ধীনং ৰিক্খেপপ্পৰত্তিপি তথাৰিধং পীণেতীতি. ‘‘বুদ্ধগুণে নিমুগ্গমনসো’’তি ইমিনা কলাৰিরোধো পরিহটো.

৭৭. ‘‘নিমুগ্গি’’চ্চাদি. বুদ্ধগুণে সব্বঞ্ঞুনো ৰিম্হযজনকসীলাদিগুণসম্ভারে নিমুগ্গমনসো ওতিণ্ণচিত্তস্স পঞ্চসিখস্সপি গন্ধব্বদেৰপুত্তস্সাপি সো তন্তিস্সরৰিরোধো ৰীণায তন্তিযা ঘট্টনকিরিযা, অদ্ধমত্তিকাদিকালো, হত্থাদীনং সন্নিৰেসলক্খণো মানোতি ইমেহি তীহি লক্খণেহি যুত্তস্স মন্দসীঘমজ্ঝিমপ্পমাণেহি ভিন্নস্স ছজ্জাদিসত্তসরস্স কলাসত্থাগতক্কমস্স ৰিনাসসঙ্খাতো ৰিরোধো কং জনং ন সম্পীণেতি, সম্পীণেতি এৰ. এত্থ অকন্তিযা কারণভূতো কলাসত্থাগতক্কমভঙ্গো লোকুত্তরবুদ্ধগুণানুগতবুদ্ধিযা জাতোতি সো ভঙ্গো ‘‘নিমুগ্গমনসো বুদ্ধগুণে’’তি ৰুত্তত্তা পীতিযা কারণমেৰেতি ন ৰিরোধো. নিমুগ্গো মনো অস্সাতি চ, তন্তিযা সরোতি চ, তেসং ৰিরোধোতি চ ৰাক্যং.

গণযে ¶ চক্কৰাল়ং সো, চন্দনাযপি সীতলং;

সম্বোধিসত্তহদযো, পদিত্তঙ্গারপূরিতং.

৭৮. ‘‘গণযে’’চ্চাদি. চন্দনায অপি সীতলং গণযে চিন্তেসি. কিন্তং? পদিত্তঙ্গারপূরিতং চক্কৰাল়ং. কো সো? সম্বোধিযং সব্বঞ্ঞুতঞ্ঞাণে সত্তং পরিবদ্ধং হদযং চিত্তং যস্স সো. সব্বঞ্ঞুতঞ্ঞাণানুবন্ধবুদ্ধিনো হি তাদিসো মনোবন্ধোতি ন লোকৰিরোধো.

৭৮. ‘‘গণযে’’চ্চাদি. সম্বোধিসত্তহদযো সব্বঞ্ঞুতঞ্ঞাণে আসত্তচিত্তো সো বোধিসত্তো পদিত্তঙ্গারপূরিতং আদিত্তঙ্গারেহি পরিপুণ্ণং চক্কৰাল়ং চক্কৰাল়গব্ভং চন্দনাযপি চন্দনতো অপি সীতলং অতিসীতলং কত্ৰা গণযে চিন্তেয্যাতি. ইট্ঠত্থলুদ্ধস্স চিত্তপ্পৰত্তিযা ঈদিসত্তা অগ্গিনো চন্দনতোপি অধিকসীতত্তকপ্পনা ‘‘চন্দনং সীতলং, অগ্গি উণ্হো’’তি পৰত্তলোকসীমায ৰিরুদ্ধা ন হোতি. সম্বোধিযং সত্তহদযং যস্সেতি চ, পদিত্তানি অঙ্গারানীতি চ, তেহি পূরিতন্তি চ ৰিগ্গহো.

পরিচ্চত্তভৰোপি ত্ৰ-মুপনীতভৰো অসি;

অচিন্ত্যগুণসারায, নমো তে মুনিপুঙ্গৰ.

৭৯. ‘‘পরিচ্চত্তে’’চ্চাদি. মুনিপুঙ্গৰ মুনীনং উত্তম পরিচ্চত্তো ৰিসট্ঠো ভৰো সুগতিদুগ্গতিসঙ্খাতো যেনাতি পরিচ্চত্তভৰোপি ত্ৰং উপনীতো আনীতো পৰত্তিতো ভৰো ৰুড্ঢি যেনাতি উপনীতভৰো অসি. তস্মা কারণা অচিন্ত্যগুণসারায তে নমো অত্থূতি সেসো. ঈদিসং ন ঞাযৰিরুদ্ধমেৰংৰিধত্তা মুনিপুঙ্গৰস্স.

৭৯. ‘‘পরিচ্চত্তে’’চ্চাদি. মুনিপুঙ্গৰ মুনিসেট্ঠ ত্ৰং পরিচ্চত্তভৰোপি অপনীতসুগতিদুগ্গতিভৰোপি উপনীতভৰো লোকস্সানীতঅভিৰুদ্ধিকো অসি ভৰসি, অচিন্ত্যগুণসারায ততো এৰ চিন্তাৰিসযাতিক্কন্তসারগুণস্স তে তুয্হং নমো অত্থূতি সব্বাকারতো ভৰস্স পরিচ্চত্তত্তা অত্তনি অৰিজ্জমানং ¶ সুগতিভৰং লোকস্স দেতীতি এতং ঞাযাগতং ন হোতীতি পটিভাতি, তথাপি চ সব্বঞ্ঞূনং পৰত্তি ঈদিসাযেৰাতি ঞাযৰিরোধো নিরাকতো. অচিন্ত্যা গুণসারা যস্মিন্তি ৰিগ্গহো.

নেৰালপতি কেনাপি, ৰচীৰিঞ্ঞত্তিতো যতি;

সম্পজানমুসাৰাদা, ফুসেয্যাপত্তিদুক্কটং.

৮০. ‘‘নেৰে’’তিআদি. যতীতি ভিক্খু কেনাপি সহ নেৰালপতি ন ৰদত্যেৰ, তথাপি ৰচীৰিঞ্ঞত্তিতো চোপনৰাচাসঙ্খাতেন ৰচীৰিঞ্ঞত্তিহেতুনা পৰত্তিতো সম্পজানন্তস্স মুসাৰাদতো কারণা আপত্তিদুক্কটং ‘‘সম্পজানমুসাৰাদস্স হোতী’’তি ৰুত্তদুক্কটাপত্তি ফুসেয্য আপজ্জতীতি. এত্থ অনালপতো ৰচীৰিঞ্ঞত্তিযা কথং মুসাৰাদোতি অভিধম্মাপন্নৰিরোধো নত্থি, অপরৰচনত্থে ত্ৰীদিসো ৰিরুজ্ঝতীতি.

৮০. ‘‘নেৰি’’চ্চাদি. যতি সমণো কেনাপি কেনচি সদ্ধিং নেৰালপতি নো ভাসতি, তথাপি ৰচীৰিঞ্ঞত্তিতো চোপনৰাচাসঙ্খাতৰিঞ্ঞত্তিকারণা পৰত্তনতো সম্পজানমুসাৰাদা সম্পজানন্তস্স মুসাভণনতো আপত্তিদুক্কটং দুক্কটাপত্তিং ফুসেয্য আপজ্জেয্যাতি. এত্থ অনালপন্তস্স ৰচীৰিঞ্ঞত্তিতো মুসাৰাদো কথং সম্ভৰতীতি অভিধম্মাপন্নৰিরোধো, ‘‘সন্তিং আপত্তিং নাৰিকরেয্য, সম্পজানমুসাৰাদ’স্স হোতী’’তি নিদানুদ্দেসে নিদ্দিট্ঠৰচীদ্ৰারে অকিরিযসমুট্ঠানা দুক্কটাপত্তি হোতীতি আগমৰিরোধো নিরাকতো. মুসাভণনং ৰিনা আপত্তি কথং ভৰতীতি? যথা কালে অৰস্সমানমেঘতো সঞ্জাতদুব্ভিক্খং ‘‘মেঘকতং দুব্ভিক্খ’’ন্তি ৰত্তব্বং হোতি, এৰং কথেতব্বকালে অকথনতো সঞ্জাতা ৰচীদ্ৰারে অকিরিযসমুট্ঠানা দুক্কটাপত্তিপি ¶ ততো সঞ্জাতাতি ৰত্তব্বা হোতি. সম্পজানন্তস্স মুসাৰাদোতি চ, আপত্তিযেৰ দুক্কটন্তি চ ৰাক্যং.

মরীচিচন্দনালেপ-লাভা সীতমরীচিনো [সিতমরীচিনো (সী.)];

ইমা সব্বাপি ধৰলা, দিসা রোচন্তি নিব্ভরং.

৮১. ‘‘মরীচী’’ত্যাদি. সীতমরীচিনো চন্দস্স মরীচিযো দীধিতিযো এৰ চন্দনং, তস্স আলেপো উপদেহো, তস্স লাভেন ইমা সব্বাপি দিসা নিব্ভরমতিসযং ধৰলা সেতা রোচন্তীতি নত্থেত্থ নেয্যতা মরীচিযা সদ্দোপাত্তত্থায তু.

৮১. ‘‘মরীচি’’চ্চাদি. সীতমরীচিনো চন্দস্স মরীচিচন্দনালেপলাভা মরীচিসঙ্খাতচন্দনালেপস্স পটিলাভতো ইমা সব্বাপি দিসা নিব্ভরমতিসযং ধৰলা সেতা রোচন্তি দিব্বন্তীতি. দিসানং ধৰলকারণস্স ‘‘মরীচিচন্দনালেপলাভা সীতমরীচিনো’’তি ৰুত্তত্তা নেয্যদোসো ন পতিট্ঠাতি, চন্দনমিৰ চন্দনং, মরীচিযোযেৰ চন্দনমিতি চ, তস্স আলেপোতি চ, তস্স লাভোতি চ ৰিগ্গহো.

মনোনুরঞ্জনো মার-ঙ্গনাসিঙ্গারৰিব্ভমো;

জিনেনা’সমনুঞ্ঞাতো, মারস্স হদযানলো.

৮২. ‘‘মনো’’চ্চাদি. মনং পস্সন্তানমনুস্সরন্তানঞ্চ চিত্তং অনুরঞ্জেতীতি মনোনুরঞ্জনো, মারঙ্গনানং সিঙ্গারকতো ৰিব্ভমো ৰিলাসো জিনেন অসমনুঞ্ঞাতো অব্ভুপগতো মারস্স ৰসৰত্তিনো হদযানলো হদযগ্গি জাতো. সোকো চেত্থ অনলত্থে নিরুপ্পিতো তস্স ¶ তাদিসত্থানতিৰত্তনতো, কারণন্তুপচারেনাতি. এত্থ যজ্জপি মারঙ্গনাপরাজযো ন সদ্দোপাত্তত্থো, তথাপি ‘‘সিঙ্গারৰিব্ভমো মারস্স হদযগ্গী’’তি ৰুত্তে সামত্থিযা মারঙ্গনাপরাজযো গম্যতে, তথাৰিধস্স মারসোকস্স মারঙ্গনাপরাজযাব্যভিচারতো. নেৰেদিসস্স নেয্যতা, ৰঙ্কৰুত্তীদিসী গুণোযেৰ বন্ধস্স.

৮২. ৰত্তব্বস্স ঞাযোপাত্তত্তা নেয্যদোসপরিহারত্থমুদাহরতি ‘‘মনো’’চ্চাদি. মনোনুরঞ্জনো দস্সনসৰনানুস্সরণং করোন্তানং জনানং চিত্তমত্তনি অনুরঞ্জন্তো মারঙ্গনাসিঙ্গারৰিব্ভমো মারৰধূনং রতিকীল়াহেতুভূতকামপত্থনাসঙ্খাতসিঙ্গারেন কতলীলা জিনেন জিতপঞ্চমারেন সত্থুনা অসমনুঞ্ঞাতো অনব্ভুপগতো অসম্পটিচ্ছিতো মারস্স ৰসৰত্তিনো হদযানলো হদযগ্গি অহোসীতি. অনলত্তেন কপ্পিতকারিযভূতো সোকো মারঙ্গনাসিঙ্গারৰিব্ভমসঙ্খাতকারণেন সদ্ধিং অভেদকপ্পনায [অনলত্তকপ্পনায (ক.)] ‘‘গুল়ো সেম্হং, তিপুসং জরো’’তিআদীসু ৰিয তুল্যাধিকরণভাৰেন ৰুত্তো হোতি. এত্থ কিঞ্চাপি মারঙ্গনানং পরাজযৰাচকো সদ্দো নত্থি, তথাপি ‘‘সিঙ্গারৰিব্ভমো মারস্স হদযানলো’’তি ৰুত্তে মারঙ্গনাপরাজযং ৰিনা তাদিসসোকুপ্পত্তিকারণস্স অনধিগতত্তা অঞ্ঞথানুপপত্তিলক্খণসামত্থিযেন তাসং পরাজযো পকাসিতো হোতীতি ঈদিসৰঙ্কৰুত্তিযা বন্ধগুণত্তা নেয্যদোসো নিরাকতো হোতীতি. মনো অনুরঞ্জেতীতি চ, মারঙ্গনানং সিঙ্গারোতি চ, তেন কতো ৰিব্ভমোতি চ ৰাক্যং.

অপযাতাপরাধম্পি, অযং ৰেরী জনং জনো;

কোধপাটলভূতেন, ভিয্যো পস্সতি চক্খুনা.

৮৩. ‘‘অপযাতে’’চ্চাদি. ¶ অযং ৰেরী জনো অপযাতাপরাধম্পি জনন্তি সম্বন্ধো. অপযাতো অপগতো অপরাধো যস্স তং, কোধেন পাটলভূতেন সেতরত্তেন. ইমিনা ৰিসেসনাপেক্খদোসো পরিহটো.

৮৩. ‘‘অপযাতি’’চ্চাদি. অযং ৰেরী জনো অপযাতাপরাধম্পি অপগতাপরাধম্পি জনং কোধপাটলভূতেন কোধেন ভূতসেতলোহিতৰণ্ণযুত্তেন চক্খুনা ভিয্যো যেভুয্যেন পস্সতীতি. ‘‘পস্সতী’’তি ৰচনস্স ৰিজ্জমানত্তেপি ‘‘চক্খুনা’’তি ৰিসেস্যৰচনং ‘‘কোধপাটলভূতেনা’’তি ৰিসেসনস্স লব্ভমানত্তা সাত্থকং হোতীতি ৰিসেসনাপেক্খদোসো নিরাকতোতি. অপযাতো অপগতো অপরাধো অস্মাতি চ, কোধেন পাটলভূতন্তি চ ৰিগ্গহো.

৮৪. ‘‘অপ্পকান’’মিচ্চাদি. বুধো পণ্ডিতপোসো অপ্পকানং পাপানম্পি কিমুতমধিকানং পভাৰং আনুভাৰং নাসযে অপ্পৰত্তিং পাপেয্য. তং অত্থন্তরন্যাসেন সাধেতি. ভাণুমা সূরিযো নিপ্পভতং আনীতো খজ্জোতো যেন তথাৰিধো অপি হোতি. ‘‘মন্দপ্পভো অয’’ন্তি জোতিরিঙ্গণম্পি নোপেক্খতি চক্কৰাল়কুহরানুচরিতমহানুভাৰোপীতি. এত্থ অপীত্যাদিনা ৰচোভঙ্গিযা হীনত্থদোসো পরিহটো.

৮৪. ‘‘অপ্পকানি’’চ্চাদি. বুধো পঞ্ঞৰা অপ্পকানম্পি অতিমন্দানম্পি পাপানং অকুসলানং পভাৰং ৰিপাকদানসামত্থিযসঙ্খাতানুভাৰং নাসযে অহোসিকম্মতাপাদনেন নাসেয্য, ¶ বহূনং পাপানং ৰত্তব্বমেৰ নত্থি. তমত্থমত্থন্তরন্যাসালঙ্কারেন সমত্থেতি অপিচ্চাদি. ভাণুমা সূরিযো নিপ্পভতানীতখজ্জোতো অপি নিপ্পভতমাপাদিতজোতিরিঙ্গণেহি সমন্নাগতোপি হোতীতি. হীনপভাৰো হোতি খজ্জোপনকে পহায অত্তনো আলোকং করোন্তো ন হোতীতি অধিপ্পাযো. এত্থ অপি নিপ্পভতিচ্চাদিৰচনৰিলাসৰসেন হীনপক্খং গহেত্ৰাপি সূরিযউদারত্তস্সেৰ পোসিতত্তা ‘‘নিপ্পভতানীতখজ্জোতো’’তি ৰিসেসনপদং হীনত্থদোসং ন নিস্সযতি. নত্থি পভা যেসন্তি চ, তেসং ভাৰোতি চ, তং আনীতা খজ্জোতা যেনেতি চ ৰিগ্গহো.

ন পাদপূরণত্থায, পদং যোজেয্য কত্থচি;

যথা ৰন্দে মুনিন্দস্স, পাদপঙ্কেরুহং ৰরং.

৮৫. ‘‘ন পাদে’’চ্চাদি. এত্থ ৰন্দেইচ্চাদো হেট্ঠা ৰিয পাদপূরণস্স কস্সচি অভাৰেন অনত্থাভাৰো.

৮৫. ‘‘ন পাদি’’চ্চাদি. পাদপূরণত্থায গাথাপাদানং পূরণসঙ্খাতপযোজনত্থায পদং নামাদিকং কত্থচি ন যোজেয্য ৰিঞ্ঞূতি, যথা নিরত্থকপদাযোজনে উদাহরণমেৰং ‘‘মুনিন্দস্স ৰরং পাদপঙ্কেরুহং ৰন্দে’’তি. হেট্ঠা দুট্ঠোদাহরণে ৰিয পাদপূরণত্থং কস্সচি পদস্স অযোজিতত্তা সাত্থকপদেহি নিরত্থকদোসো নিরাকতোতি. মুদুনিম্মলসোভাদিসাধারণগুণযোগতো পঙ্কেরুহসদিসং উপচারতো পঙ্কেরুহং নাম. পাদমেৰ পঙ্কেরুহন্তি ৰিগ্গহো. ৰিসেসনৰিসেস্যপদদোসপরিহারো.

৮৬. ‘‘ভযে’’চ্চাদি. ¶ ভযঞ্চ চিত্তুত্রাসো কোধো চ দোসো পসংসা চ থুতি, তা আদি যস্স তুরিতাদিনো সো তাদিসো ৰিসেসো যদি ৰত্তুং কামীযতে ইচ্ছীযতে, তত্থ তস্মিং ভযাদিৰিসেসে ৰিসযে একত্থতায একত্থভাৰেন কতো দোসো নত্থি.

৮৬. ইদানি ৰাক্যদোসপরিহারত্থমারভতি ‘‘ভযকোধে’’চ্চাদি. ভযকোধপসংসাদি চিত্তুত্রাসপটিঘথুতিআদীহি সমন্নাগতো তাদিসো ৰিসেসো ৰত্তুং যদি কামীযতে চে ৰিঞ্ঞূহি ইচ্ছীযতে, তত্থ ভযকোধাদিকে ৰিসেসে একত্থতাকতো একত্থভাৰেন কতো দোসো ৰাক্যদোসো ন ভৰতি. ভযাদিৰিসেসে ৰত্তুমিচ্ছিতে পুব্বুচ্চারিতপদস্স পুনুচ্চারণে একত্থদোসো ন হোতীতি অধিপ্পাযো. ভযঞ্চ কোধো চ পসংসা চাতি চ, তা আদি যস্স তুরিতকোতূহলঅচ্ছরাহাসসোকপসাদসঙ্খাতস্স অত্থৰিসেসস্সেতি চ ৰিগ্গহো. তগ্গুণসংৰিঞ্ঞাণঅঞ্ঞপদত্থসমাসত্তা ভযাদীসু কথিতমপি গহেত্ৰা পুনপ্পুনং কথনমৰিরোধং. একো অত্থো যেসং পদাদীনং তে একত্থা, তেসং ভাৰো একত্থতা, তায কতোতি ৰিগ্গহো.

সপ্পো সপ্পো অযং হন্দ, নিৰত্ততু ভৰং ততো;

যদি জীৰিতুকামো’সি, কথং তমুপসপ্পসি.

৮৭. ‘‘যথে’’ত্যুদাহরতি ‘‘সপ্পো’’ইচ্চাদি. ‘‘অযং সপ্পো সপ্পো’’তি ভযেনামেডিতং হন্দাতি খেদে ততো তম্হা ঠানা, সপ্পতো ৰা ভৰং ভৰন্তো নিৰত্ততু গতমগ্গাভিমুখো আৰত্ততু. তং ঠানং, সপ্পং ৰা. নত্থেত্থ একত্থতাদোসো ভযেনামেডিতপ্পযোগতো.

৮৭. ‘‘সপ্পো’’চ্চাদি. ¶ হন্দ নট্ঠো ৰত, অযং সপ্পো সপ্পো ভৰং ততো ঠানতো, সপ্পতো ৰা নিৰত্ততু আৰত্ততু যদি জীৰিতুকামো অসি, তং ঠানং, সপ্পং ৰা কথমুপসপ্পসি কথমুপগচ্ছসীতি. ভযে আমেডিতৰচনত্তা একত্থতাদোসো নত্থি, জীৰিতুকামোসীতি এত্থ বিন্দুলোপো.

৮৮. ‘‘যো’’ইচ্চাদি. রূপস্স অনুব্যঞ্জনেহি অনুব্যঞ্জিতবাত্তিংসৰরপুরিসলক্খণোপসোভিতস্স ব্যামপ্পভাকেতুমালাৰিরাজিতস্স অতিসযো আধিক্কং ৰাচাগোচরভাৰাতিক্কমেন অৰচনীযত্তা যো কোচিযেৰ. মনো অনেকলোকস্স চিত্তং হরতীতি মনোহরা চিত্তমৰহরন্তী কন্তি সোভা কাপি অৰচনপথা কাপিযেৰ. ৰিলাসস্স গত্যাদিনো অতিসযো ৰচনপথাতিক্কন্তো কোপিযেৰ, তস্মা বুদ্ধস্স মহন্তো উদযো অভিৰুড্ঢি অহো অব্ভুতোতি. এত্থ কিংসদ্দেনারদ্ধা রীতি ন কত্থচি ভগ্গা.

৮৮. ‘‘যো কোচি’’চ্চাদি. রূপাতিসযো সুপ্পহিট্ঠিতপাদতাদিদ্ৰত্তিংসপুরিসলক্খণেহি সোভিতস্স চিত্তঙ্গুলিতাদিঅসীতিঅনুব্যঞ্জনেহি ¶ অলঙ্কতস্স ব্যামপ্পভাকেতুমালাহি উজ্জলস্স রূপকাযস্স আধিক্যং যো কোচিযেৰ মনোগোচরভাৰং ৰিনা ৰচনৰিসযাতিক্কন্তত্তা যো কোচিযেৰ. মনোহরা লোকস্স চিত্তং হরন্তী কন্তি সোভা কাপিযেৰ ৰচীৰিসযাতিক্কন্তত্তা কাপিযেৰ. ৰিলাসাতিসযো ৰিসযভূতপিযভাৰসঙ্খাতস্স গমনাদিৰিলাসস্স আধিক্যম্পি কোপিযেৰ ৰুত্তকারণেনেৰকোপিযেৰ. ততো বুদ্ধমহোদযো বুদ্ধস্স মহাভিৰুদ্ধিসঙ্খাতো উদযো অহো অচ্ছরিযোতি. এত্থ সব্বনামিকেন কিং সদ্দেন ৰত্তুমারদ্ধক্কমো ন কত্থচি ভিন্নোতি ভগ্গরীতিদোসো নত্থীতি.

অব্যামোহকরং বন্ধং, অব্যাকিণ্ণং মনোহরং;

অদূরপদৰিন্যাসং, পসংসন্তি কৰিস্সরা.

৮৯. ‘‘অব্যামোহ’’ইচ্চাদি. নত্থি দূরমেসন্তি অদূরানি, তানিযেৰ পদানি, তেসং ৰিন্যাসো যাথাৰতো ঠপনং যস্স তং. ততোযেৰ অব্যাকিণ্ণো অসম্মিস্সো চ. সো অব্যাকিণ্ণতায এৰ মনোহরো চাতি অব্যাকিণ্ণং মনোহরং. তেনেৰ ‘‘অযমেত্থ অত্থো অযং ৰা’’তি এৰং ব্যামোহং ন করোতীতি অব্যামোহকরো, তং. পসাদালঙ্কারালঙ্কিতং বন্ধং. কৰীনং ইস্সরা পধানা. যে কনিট্ঠঙ্গুলিগণনানিট্ঠা, তে পসংসন্তি থুৰন্তি তাদিসবন্ধগুণস্সাতিসযপসংসারহভাৰেন.

৮৯. ‘‘অব্যামোহে’’চ্চাদি. অদূরপদৰিন্যাসং নামাদিপদানং ৰোহারকালে অদূরসম্বন্ধো যথা সিযা, তথা পটিপাটিযা পদট্ঠপনেন সমন্নাগতং অব্যাকিণ্ণং, ততোযেৰ অঞ্ঞসম্বন্ধীপদেহি অসম্মিস্সং মনোহরং, ততোযেৰ ৰিঞ্ঞূনং চিত্তমারাধেন্তং অব্যামোহকরং ‘‘ইমস্সত্থো ইমস্সত্থো এসো এসো ৰা’’তি সংসযমনুপ্পাদেন্তং বন্ধং পসাদালঙ্কারসংযুত্তং বন্ধনং কৰিস্সরা কৰীনং ¶ পধানা পণ্ডিভজনা, কনিট্ঠঙ্গুলিযা গণিতব্বা অগ্গকৰিনোতি অধিপ্পাযো. পসংসন্তি থোমেন্তি. ব্যামোহং ন করোতীতি অব্যামোহকরো. ৰি আকিণ্ণো ব্যাকিণ্ণো, ন ব্যাকিণ্ণো অব্যাকিণ্ণো. নত্থি দূরং যেসং, তানিযেৰ পদানি, তেসং ৰিন্যাসো ঠপনং যস্স বন্ধস্সাতি ৰিগ্গহো.

৯০. ‘‘যথে’’ত্যুদাহরতি ‘‘নীলুপ্পলাভ’’মিচ্চাদি. যস্স জিনস্স নযনং নেত্তং নীলুপ্পলাভং ইন্দীৰরদ্ৰযনিভং, অধরো অধরোট্ঠো বন্ধুকমিৰ বন্ধুককুসুমমিৰ রুচিরো কন্তো, নাসা নাসিকা সযং হেমঙ্কুসো সুৰণ্ণঙ্কুসোযেৰ, তেন কারণেন অযং জিনো পিযং মধুরং দস্সনমস্সাতি পিযদস্সনো. ঈদিসো ন ব্যাকিণ্ণদোসো, অব্যাকিণ্ণো পসাদোযেৰাতি.

৯০. ইদানি ব্যাকিণ্ণদোসপরিহারং পরিহরতি ‘‘নীলুপ্পলি’’চ্চাদিনা. নযনং যস্স নেত্তযুগল়ং নীলুপ্পলাভং নীলুপ্পলদলসদিসং, অধরো অধরোট্ঠো বন্ধুকরুচিরো বন্ধুকপুপ্ফমিৰ মনুঞ্ঞো, নাসা নাসিকা হেমঙ্কুসো সুৰণ্ণঙ্কুসোযেৰ, তেন কারণেন অযং জিনো পিযদস্সনো মনুঞ্ঞদস্সনো হোতীতি. এত্থ পসাদালঙ্কারেন যুত্তত্তা ন ব্যাকিণ্ণদোসো. আভাসদ্দো নিভাসদ্দো ৰিয ইৰত্থো. নো চে, পভাপরিযাযো ৰা হোতি. বন্ধুকমিৰ রুচিরোতি চ, পিযং দস্সনং যস্সেতি চ ৰিগ্গহো. ইহ দস্সনস্স কত্তুভূতসাধুজনসম্বন্ধত্তেপি ৰিসযত্তেনেৰ ¶ জিনসম্বন্ধো হোতীতি অঞ্ঞপদত্থেন তথাগতো গহিতোতি.

সমতিক্কন্তগাম্মত্ত-কন্তৰাচাভিসঙ্খতং;

বন্ধনং রসহেতুত্তা, গাম্মত্তং অতিৰত্ততি.

৯১. ‘‘সমতিক্কন্তি’’চ্চাদি. সম্মা অতিক্কন্তং নিগ্গতং. গাম্মস্স ভাৰো গাম্মত্তং. যাসং কন্তানং মধুরানং ৰাচানং তাহি অভিসঙ্খতং রচিতং বন্ধনং রসস্স মাধুরিযস্স হেতুত্তা কারণভাৰেন গাম্মত্তং যথাৰুত্তং অতিৰত্ততি অতিক্কমতি.

৯১. ‘‘সমতি’’চ্চাদি. সমতিক্কন্তগাম্মত্তকন্তৰাচাভিসঙ্খতং ৰিসেসতো অতিক্কন্তগাম্মভাৰাহি কন্তৰাচাহি রচিতং বন্ধনং মুত্তকাদিবন্ধনং রসহেতুত্তা পণ্ডিতানং পীতিরসস্স কারণত্তা যথাৰুত্তগাম্মদোসং অতিৰত্ততি অতিক্কম্ম পৰত্ততীতি. সম্মা অতিক্কন্তং গাম্মত্তং যাসং, তাহিযেৰ কন্তৰাচাহি অভিসঙ্খতন্তি চ, রসস্স হেতু, তস্স ভাৰোতি চ ৰিগ্গহো.

৯২. ‘‘যথে’’ত্যুদাহরতি. কামাতুরা কাচি ৰনিতা অত্তনো পিযং পতিং ৰিরৰতি ‘‘দুনোতি’’চ্চাদিনা. দযায সহ পৰত্তীতি সদযইতি অনুনযৰসেন পিযস্স আমন্তনং, সানুনযামন্তনঞ্হি ততোনুগ্গহাভিকঙ্খাযমচ্চন্তমুচিতং, সো কামো কন্দপ্পো এৰ চণ্ডালো অকণ্ডো ¶ ৰা অসয্হোপতাপাৰহত্তা. কামে চণ্ডালত্তারোপনঞ্চ উচিতমেৰ যতোনেন কযিরমানমসহনমুপতাপমসহমানা তং পরিভৰন্তং ৰিপ্পলপতি, নিদ্দযো নিক্করুণো, ইদমপি উচিতমুপতাপে নিক্করুণানং তাদিসী গতীতি. মং দুনোতি অধিকমুপতাপেতি নিদ্দযত্তা, ন ভৰন্তং, তেনেৰ ভৰং সুখী. ইমিনা অঞ্ঞাসত্ততং তস্স দীপেতি. যদি নাঞ্ঞাসত্তোসি, নাহমেকাকিনী ভৰামি. অসহাযানঞ্হি পটিসত্তৰো হোন্তি. একাকিত্তাযেৰাহমপ্পটিসরণত্তানেন দুসামীতি [দুঞ্ঞামীতি (?)] তৰ কামং ত্ৰং সুখী হোসি. সনাথানং তাদিসী ৰুত্তীতি এৰং সুখীপি ত্ৰং ঈদিসং ব্যসনমাপন্নং কিং কস্মা উপেক্খসেতি. এৰমযং ৰঙ্কৰুত্তিযা অত্তনো, তং ৰিসযমনুভৰন্তস্স চ ৰিমুখত্তং নিদস্সেতীতীদিসং ন গাম্মং.

৯২. গাম্মদোসপরিহারে লক্খিযং দস্সেতি ‘‘দুনোতি’’চ্চাদি. কামতণ্হাভিভূতা অঙ্গনা অত্তনো ৰল্লভং নিস্সায এৰং ৰিলপতি ‘‘সদয হে কারুণিক সো কামচণ্ডালো সো অনঙ্গনীচো নিদ্দযো নিক্কারুণিকো মং দুনোতি পীল়েতি, সুখীপি মম ৰিয অনাথভাৰাভাৰতো সুখিতোপি ত্ৰং ঈদিসং ব্যসনাপন্নং এৰং কামচণ্ডালেন অকারুণেন কতঅসয্হসন্তাপসঙ্খাতব্যসনমনুপ্পত্তং মং কিমুপেক্খসে কস্মা উদাসীনোসী’’তি. অত্তনো দুক্খাতুরত্তা দুক্খদূরীকরণং কারুণিকানংযেৰ ৰিসযন্তি ‘‘সদযে’’তি অনুনযৰসেন আমন্তনুচিতং অত্তনো দুক্খাতুরতং পোসেতুং পীল়াকারকে কামে চণ্ডালত্তারোপনঞ্চ নিদ্দযত্তকথনঞ্চ উচিতমেৰ অত্তনি উপেক্খকত্তা. সুখীপীতি ইমিনা তস্স পরৰিসযাসত্ততায অতিচারং অব্ভুপগমেতি. এৰং ৰঙ্কৰুত্তিযা অত্তনো ৰল্লভে সানুরাগত্তঞ্চ অত্তনি তস্স তদভাৰত্তঞ্চ দস্সেতীতি. ‘‘কঞ্ঞে কামযমানং মং, ন কামযসি কিংন্ৰিদ’’ন্তি এত্থ ৰিয ইহ গাম্মদোসো নত্থীতি ¶ গাম্মদোসপরিহারমিদং. কামোযেৰ চণ্ডালো কামচণ্ডালো, সহ দযায যো ৰত্ততীতি চ, নত্থি দযা অস্সেতি চ, সুখমস্স অত্থীতি চ ৰিগ্গহো. অপিসদ্দো অক্খমে.

যতিহীনপরিহারো, ন পুনে’দানি নীযতে;

যতো ন সৰনুব্বেগং, হেট্ঠা যেতং ৰিচারিতং.

৯৩. ‘‘যতি’’চ্চাদি. ৰিচারিতন্তি ‘‘তং নমে সিরসা চামী-করৰণ্ণং তথাগত’’ন্তিআদিনা হেট্ঠা পকাসিতন্তি অত্থো.

৯৩. ‘‘যতিহীনি’’চ্চাদি. যতো যস্মা সৰনুব্বেগং ‘‘দোসানমুদ্দেসক্কমেন দোসপরিহারক্কমো ন ৰুত্তো’’তি এৰং ৰিঞ্ঞূনমুপ্পজ্জমানং ইমস্স গন্থস্স সৰনাসহনং নত্থি, ততো যতিহীনপরিহারো যতিহীনদোসস্স পরিহরণৰসেন পৰত্তমুদাহরণং ইদানি পুন ন নীযতে নাহরীযতেতি. ইমিনাধিগতমাদো ৰুত্তত্থমেৰ সমত্থেতি. হেট্ঠা যেতং ৰিচারিতন্তি এৰং যতিহীনদোসপরিহরণং হেট্ঠা অনন্তরপরিচ্ছেদে ৰিচারিতং ‘‘তং নমে সিরসা চামী-করৰণ্ণং তথাগত’’ন্তিআদিনা পকাসিতন্তি. আদো যতিহীনদোসপাতুভাৰেযেৰ পরিহারক্কমস্সাপি দস্সিতত্তা ইহাদস্সনেপি গন্থস্স ঊনতা নত্থীতি অধিপ্পাযো. যতি হীনা এত্থেতি চ, তস্স পরিহারোতি চ, সৰনে উব্বেগন্তি চ ৰিগ্গহো.

উদারচরিতো’সি ত্ৰং, তেনেৰা’রাধনা ত্ৰযি;

দেসং ৰা দেহি গামং ৰা, খেত্তং ৰা মম সোভনং.

৯৪. ‘‘উদার’’ইচ্চাদি. উদারং উদারত্তং চাগাতিসযসম্বন্ধতো চরিতং অতিগুণপৰত্তি যস্সাতি ৰিগ্গহো. এত্থ উচিতত্তা ¶ দেসাদীনং যাচনক্কমস্স কমচ্চুতস্স পরিহারোযং.

৯৪. ‘‘উদারি’’চ্চাদি. ত্ৰং পুঞ্ঞৰন্ত উদারচরিতোসি চাগাতিসযযোগতো ৰিসারদপৰত্তিযুত্তোসি, তেনেৰ তেন কারণেনেৰ আরাধনা মম যাচনা ত্ৰযি হোতি. দেসং ৰাজনপদং ৰা, নো চে, গামং ৰা সংৰসথং ৰা, নো চে, সোভনং খেত্তং ৰা কেদারং ৰা মম দেহীতি অনুপুব্বং হীনপদত্থযাচনা দাযকস্স দানস্সাপি যাচকস্স ইচ্ছিতত্থপটিলাভস্সাপি অনুরূপত্তা কমচ্চুতদোসমপনেতি. উদারং চরিতং অস্সাতি ৰিগ্গহো.

৯৫. ‘‘মুনিন্দ’’ইচ্চাদি. মুনিন্দোযেৰ চন্দো, ততো সম্ভূতা পাতুভূতা, যসোরাসী এৰ মরীচিযো, তাসং. অযং সকলো আকাসোপি গগনমেৰ, ন তস্সেকো পদেসো. ৰিজম্ভনে ব্যাপনে নাৰকাসো তাদিসত্তা তাসং মরীচিনন্তি নাতিৰুত্তং.

৯৫. ‘‘মুনিন্দি’’চ্চাদি. মুনিন্দচন্দসম্ভূতযসোরাসিমরীচিনং মুনিন্দসঙ্খাতচন্দতো পাতুভূতানং কিত্তিসমূহসঙ্খাতকিরণানং ৰিজম্ভনে ব্যাপনে অযং সকলোপি আকাসো নাৰকাসো ন ওকাসো হোতীতি. হেতুফলাদিএকেককারণেনাপি অপ্পমেয্যানং সব্বঞ্ঞুগুণানং পৰত্তিযা অপ্পমেয্যসামঞ্ঞভূতাকাসস্স নিরৰকাসস্স ইৰ কথনমুচিতন্তি অতিৰুত্তদোসো ইহ ন ভৰতি. চন্দো ইৰ ¶ চন্দো, মুনিন্দো এৰ চন্দো, ততো সম্ভূতানংযেৰ যসানং রাসী চ তা মরীচিযো চাতি ৰিগ্গহো.

ৰাক্যং ব্যাপন্নচিত্তানং, অপেতত্থং অনিন্দিতং;

তেনু’ম্মত্তাদিকানং তং, ৰচনা’ঞ্ঞত্র দুস্সতি.

৯৬. ‘‘ৰাক্য’’মিচ্চাদি. ব্যাপন্নং নট্ঠং অযথাপৰত্তং চিত্তং যেসং, তেসং. ৰাক্যং ৰাক্যলক্খণোপেতং. অপেতো অপগতো সুঞ্ঞো অত্থো অভিধেয্যং সংৰোহারিকং যস্স, তং. অনিন্দিতং অহীল়িতং. তেন যথাৰুত্তেন কারণেন. তং ৰাক্যং উম্মত্তো ধাতুক্খোভাদিনা খিত্তচিত্তো, সো আদি যেসং বালাদীনং তেসং ৰচনা অসঙ্গতায ৰাচায অঞ্ঞত্র অঞ্ঞস্মিং অব্যাপন্নচিত্তৰিসযে দুস্সতি দুট্ঠং জাযতে, উম্মত্তাদীনংযেৰ তথাৰিধায ৰাচায উচিতত্তাতি.

৯৬. ‘‘ৰাক্য’’মিচ্চাদি. ব্যাপন্নচিত্তানং ৰিরুদ্ধভাৰমাপন্নচিত্তানং ৰাক্যং স্যাদ্যন্তত্যাদ্যন্তপদসমুদাযরূপং ৰাক্যং অপেতত্থং অপগতসমুদাযত্থং অনিন্দিতং ৰিঞ্ঞূহি গরহিতং ন হোতি, তেন কারণেন উম্মত্তাদিকানং উম্মত্তৰেদনট্টাদীনং ৰচনাঞ্ঞত্র ৰচনং ৰিনা অনুম্মত্তাদিৰচনে তং সমুদাযত্থসম্বন্ধরহিতং ৰচনং দুস্সতি দোসদুট্ঠং হোতি. ব্যাপন্নং চিত্তং যেসন্তি চ, অপেতো অত্থো অস্সাতি চ, উম্মত্তো আদি যেসন্তি চ ৰিগ্গহো.

সমুদ্দো পীযতে সো’য-মহ’মজ্জ জরাতুরো;

ইমে গজ্জন্তি জীমূতা, সক্কস্সে’রাৰণো পিযো.

৯৭. ‘‘যথে’’ত্যুদাহরতি ‘‘সমুদ্দো’’ইচ্চাদি. ন হেত্থ ‘‘সমুদ্দো পীযতে’’ইচ্চাদিনো পদসমুদাযস্স কোচি একো অত্থো গয্হতি, যো সো বন্ধত্থো সিযা. অৰযৰত্থা ¶ এৰ তু অযোসলাকাকপ্পাপটিভন্তীতি ঈদিসমপেতত্থমনিন্দিতং ৰিঞ্ঞেয্যং ব্যাপন্নচিত্তানং.

৯৭. ‘‘সমুদ্দো’’চ্চাদি. সো অযং সমুদ্দো পীযতে যেন কেনচি পীযতে, অহং অজ্জ জরাতুরো জররোগাভিভূতো, ইমে জীমূতা মেঘা গজ্জন্তি থনযন্তি. সক্কস্স এরাৰণো পিযোতি. ইদং নিন্দিতানিন্দিতানং দ্ৰিন্নমুদাহরণং. ইদং ৰাক্যং অৰযৰত্থমন্তরেন সমুদাযতো গম্যমানত্থস্সাভাৰা অপেতত্থং নাম হোতি. ঈদিসং ৰাক্যং উম্মত্তকাদীহি ৰুত্তমপ্পীতিকরং ন হোতি, অঞ্ঞেহি ৰুত্তং পন কণ্ণে অযোসলাকা ৰিয অপ্পীতিকরং. জরায আতুরোতি ৰাক্যং.

সুখুমালাৰিরোধিত্ত-দিত্তভাৰপ্পভাৰিতং;

বন্ধনং বন্ধফরুস-দোসং সংদূসযেয্য তং.

৯৮. ‘‘সুখুমালি’’চ্চাদি. ন ৰিরুজ্ঝতি সীলেনাতি অৰিরোধী, তস্স ভাৰো অৰিরোধিত্তং. সুখুমালস্স অৰিরোধিত্তং যস্স সো দিত্তভাৰো, তেন পভাৰিতং ৰড্ঢিতং সংযুত্তং তং বন্ধনং বন্ধফরুসদোসং সংদূসযেয্য নাসযেতি অত্থো.

৯৮. ‘‘সুখুমালি’’চ্চাদি. সুখুমালাৰিরোধিত্তদিত্তভাৰপ্পভাৰিতং ‘‘অনিট্ঠুরক্খরপ্পাযে’’চ্চাদিনা ৰুচ্চমানসুখুমালগুণস্স অৰিরুদ্ধভাৰসমন্নাগতেন ৰণ্ণানং অঞ্ঞমঞ্ঞসঙ্গভিলক্খণেন দিত্তভাৰেন পিযভাৰেন অনুব্রূহিতং তং বন্ধনং বন্ধফরুসদোসং বন্ধফরুসসঙ্খাতদোসং সংদূসযেয্য নাসেয্য, তং বন্ধফরুসদোসন্তি ৰা সম্বন্ধোতি. ন ৰিরুজ্ঝতি সীলেনাতি অৰিরোধী, তস্স ভাৰোতি চ, সুখুমালস্স অৰিরোধিত্তং যস্সাতি চ, সোযেৰ দিত্তস্স ভাৰোতি চ, তেন পভাৰিতন্তি চ ৰাক্যং.

পস্সন্তা ¶ রূপৰিভৰং, সুণন্তা মধুরং গিরং;

চরন্তি সাধূ সম্বুদ্ধ-কালে কেল়িপরম্মুখা.

৯৯. ‘‘যথে’’ত্যুদাহরতি ‘‘পস্সন্তা’’ইচ্চাদি. কেল়িযা কীল়ায পরম্মুখা ৰিগতচ্ছন্দা চরন্তীতি সম্বন্ধো.

৯৯. ‘‘পস্সন্তে’’চ্চাদি. সাধূ সজ্জনা সম্বুদ্ধকালে সম্বুদ্ধস্স ধরমানকালে রূপৰিভৰং তস্স রূপসম্পত্তিং পস্সন্তা চক্খুং সন্তপ্পেত্ৰা ওলোকেন্তা মধুরং গিরং তস্সেৰ ভগৰতো অট্ঠঙ্গসমন্নাগতং মধুরৰচনং সুণন্তা কেল়িপরম্মুখা কীল়ায ৰিমুখা কীল়াভিরতিরহিতা চরন্তি গচ্ছন্তি পৰত্তন্তীতি. কেৰলং ফরুসসিথিলৰণ্ণেহি ৰিনা সুখুচ্চারণীযৰণ্ণেহি সম্ভূতসুখুমালগুণাৰিরোধঅঞ্ঞমঞ্ঞসঙ্গতৰণ্ণৰিসদপ্পৰত্তগুণযুত্তত্তা এত্থ বন্ধফরুসদোসো নত্থি. কেল়িযা পরানি পরিৰত্তিতানি মুখানি এতেসন্তি ৰিগ্গহো. এত্থ কালোতি কিরিযা. সা চ অত্থতো তদাকারপ্পৰত্তসম্বন্ধোযেৰ. লোকো পন ৰিসুং একো পদত্থোযেৰাতি ৰোহরতি. ৰাক্যদোসপরিহারো.

ৰাক্যদোসপরিহারৰণ্ণনা নিট্ঠিতা.

ভাৰনাদানসীলানি, সম্মা সম্পাদিতানি’হ;

নিব্বানভোগসগ্গাদি-সাধনানি ন সংসযো.

১০০. ‘‘ভাৰনা’’ইচ্চাদি. এত্থ ভাৰনাদীনি নিদ্দিসিত্ৰা যথাক্কমং নিব্বানাদীনং নিদ্দেসেন অপক্কমদোসো পরিহটো.

১০০. ‘‘ভাৰনে’’চ্চাদি. ¶ ইহ মনুস্সলোকে সম্মা সম্পাদিতানি কম্মফলং সদ্দহিত্ৰা যথাৰিধি সম্পাদিতানি অত্তনো সন্তানে পৰত্তাপিতানি ভাৰনাদানসীলানি নিব্বানভোগসগ্গাদিসাধনানি যথাক্কমং নিব্বানউপভোগপরিভোগসম্পত্তিসগ্গুপ্পত্তিআদীনং হেতুভাৰেন সাধকানি হোন্তি, এত্থ সাধনে ন সংসযো হোতীতি. ইহ ভাৰনাদযো উদ্দিসিত্ৰা উদ্দেসক্কমং অনতিক্কম্ম নিব্বানাদীনমনুদ্দেসস্স কতত্তা অপক্কমৰাক্যত্থদোসস্স ওকাসো ন হোতি.

উদ্দিট্ঠৰিসযো কোচি [কোপি (ক. সী.)], ৰিসেসো তাদিসো যদি;

অনুদ্দিট্ঠেসু [অনুদিট্ঠেসু (?)] নেৰ’ত্থি, দোসো কমৰিলঙ্ঘনে.

১০১. ‘‘উদ্দিট্ঠে’’চ্চাদি. উদ্দিট্ঠা পঠমং যুত্তা অত্থা ৰিসযো গোচরো যস্স উদ্দেসানুদ্দেসসম্বন্ধৰিজাননলক্খণস্স ৰিসেসস্স সো তাদিসো কোচি ৰিসেসো অনুদ্দিট্ঠেসু যথাক্কমমুদ্দেসকমানমতিক্কমেন পুন অত্থন্তরনিস্সযেন পরামট্ঠেসু যদি ভৰেয্য, কমস্স যথোদ্দিট্ঠেসু অনুক্কমস্স ৰিলঙ্ঘনে অতিক্কমে দোসো নেৰত্থি.

১০১. ‘‘উদ্দিট্ঠে’’চ্চাদি. উদ্দিট্ঠৰিসযো পঠমং পযুত্তত্থৰিসযো তাদিসো কোচি ৰিসেসো উদ্দেসানুদ্দেসানং ‘‘ইদমস্স পুব্বকথনং, ইদমস্স পচ্ছাকথন’’ন্তি এৰং অঞ্ঞমঞ্ঞাপেক্খলক্খণসম্বন্ধপরিজাননলক্খণো ৰিসেসো অনুদ্দিট্ঠেসু অত্থন্তরং নিস্সায পুন ৰুত্তেসু যদি ‘‘ভৰেয্যা’’তি সেসো. কমৰিলঙ্ঘনে উদ্দেসানুদ্দেসানং কমাতিক্কমে দোসো সত্থঞ্ঞূনং সুতিকালে অসহনকারণং নেৰত্থীতি. উদ্দিট্ঠা পঠমুচ্চারিতা অত্থা ৰিসযো গোচরো অস্সেতি চ, কমস্স ৰিলঙ্ঘনন্তি চ ৰাক্যং.

কুসলাকুসলং ¶ অব্যা-কত’মিচ্চেসু পচ্ছিমং;

অব্যাকতং পাকদং ন, পাকদং পঠমদ্ৰযং.

১০২. ‘‘যথে’’ত্যুদাহরতি ‘‘কুসলে’’চ্চাদি. কুসলং কামাৰচরাদিকমেকৰীসতিৰিধং, অকুসলঞ্চ দ্ৰাদসৰিধং, অব্যাকতং ৰিপাকক্রিযাসঙ্খাতমিতি এতেসু তীসু পচ্ছিমং অব্যাকতং, পাকং ৰিপাকং দদাতীতি পাকদং. নেতি নিপাতপদং. পঠমদ্ৰযং কুসলাকুসলং পাকং দদাতীতি পাকদন্তি. এত্থ অপাকদত্তং অব্যাকতস্সেৰ, পাকদত্তং তেসমেৰ দ্ৰিন্নন্তি ৰিসেসো দট্ঠব্বো.

১০২. ‘‘কুসলে’’চ্চাদি. কুসলং কামাৰচরাদিএকৰীসতিকুসলঞ্চ অকুসলং দ্ৰাদসৰিধং অকুসলঞ্চ অব্যাকতং ৰিপাকক্রিযারূপনিব্বানৰসেন চতুব্বিধমব্যাকতঞ্চ ইচ্চেসু এৰমেতেসু তীসু পচ্ছিমং উদ্দেসক্কমেন পচ্ছিমমব্যাকতং পাকদং ন ৰিপাকদাযকং ন হোতি, পঠমদ্ৰযং কুসলাকুসলং পাকদং যথাসকং ৰিপাকদাযকং হোতীতি. ‘‘যথাসঙ্খ্যমনুদেসো সমান’’ন্তি [পাণিনি ১.৩.১০ সুত্তমিদং. অনুদিস্সতে ইতি অনুদেসো, পচ্ছা উচ্চারিতো ইচ্চত্থো ‘‘সমানং’’ইতি সম্বন্ধেছট্ঠী (কত্ৰবোধিনী)] ৰুত্তত্তা উদ্দিট্ঠেহি সমানমনুদ্দিট্ঠানমেৰ সমসঙ্খ্যায লব্ভমানত্তা সঙ্খ্যাযানতিক্কমো হোতি. এত্থ পন কুসলাদিসভাৰতো তিৰিধত্তেপি ৰিপাকদানাদানৰসেন দুৰিধকুসলাকুসলাদিৰিসযভূতৰিসেসস্স পৰত্তিযা ৰত্তিচ্ছাতো পঠমং ৰত্তব্বতং ৰিনা কমেন নিস্সযনং নাম নত্থীতি অপক্কমদোসো ন হোতীতি.

সগুণানা’ৰিকরণে, কারণে সতি তাদিসে;

ওচিত্যহীনতাপত্তি, নত্থি ভূতত্থসংসিনো.

১০৩. ‘‘সগুণান’’মিচ্চাদি. ¶ সোতূনং অত্তত্থনিপ্ফাদনাদিকে তাদিসে কারণে হেতুম্হি সতি ভূতং যথাপৰত্তং অত্থং অত্তনো চরিতলক্খণং সংসিনো ৰদন্তস্স সস্স অত্তনো, সানং ৰা গুণানং আৰিকরণে অধিকারৰসেন ‘‘পূজনীযতরো লোকে’’ইচ্চাদিকথনে ওচিক্যহীনতায আপত্তি পাপুণনং সম্ভৰো নত্থি.

১০৩. ‘‘সগুণি’’চ্চাদি. তাদিসে কারণে সতি সোতূনং অত্তত্থনিপ্ফাদনাদিকে তাদিসে হেতুম্হি ৰিজ্জমানে ভূতত্থসংসিনো অত্তনি ৰিজ্জমানকাযাদিসংৰরলক্খণগুণসঙ্খাতমত্থং ‘‘পূজনীযতরো লোকে অহমেকো’’ইচ্চাদিনা তাদিসাৰসরে ৰদন্তস্স সগুণানং সস্স অত্তনো, সানং ৰা সকানং গুণানং আৰিকরণে পাকটীকরণে ওচিত্যহীনতাপত্তি ওচিত্যহীনসঙ্খাতদোসস্সাপত্তি নত্থীতি. সসদ্দস্স অত্তঅত্তনিযৰাচকত্তা সস্স অত্তনো গুণা সে চ তে গুণা চেতি ৰা ৰিগ্গহো. ভূতোযেৰ অত্থো, তং সংসতি ৰদতি সীলেনাতি ৰিগ্গহো.

ওচিত্যং নাম ৰিঞ্ঞেয্যং, লোকে ৰিখ্যাতমাদরা;

তত্থো’পদেসপভৰা, সুজনা কৰিপুঙ্গৰা.

১০৪. ‘‘ওচিত্য’’মিচ্চাদি. লোকে সত্তলোকে ৰিখ্যাতং পসিদ্ধং আবালজনং [আবালজনানং (ক.)] যথাসকমনুরূপং ৰিজাননতো ওচিত্যং উচিতভাৰো নামেতি পসিদ্ধিযং আদরা আদরেন উস্সাহেন ততো পরমাদরণীযস্সাভাৰতো, ন হি অনুচিতং কিঞ্চি কেনাপ্যাদরণীযং সব্বথা অনস্সাদনীযত্তা, ৰিঞ্ঞেয্যং ‘‘সোতূন’’ন্তি সেসো. তত্থ তস্মিং ওচিত্যে উপদেসস্স পঠমুচ্চারণস্স উগ্গণ্হাপনৰসেন পৰত্তস্স পভৰা উপ্পত্তিট্ঠানভূতা সুজনা সুট্ঠুজনা কৰিপুঙ্গৰা উত্তমা, [কৰিউত্তমা (?)] কৰিসেট্ঠাতি ৰুত্তং হোতি.

১০৪. ‘‘ওচিত্যে’’চ্চাদি. ¶ লোকে সত্তলোকে ৰিখ্যাতং আবালপসিদ্ধং ওচিত্যং নাম আদরা গারৰেন ৰিঞ্ঞেয্যং ৰিঞ্ঞূহি ঞাতব্বং হোতি, তত্থ ওচিত্যৰিসযে উপদেসপভৰা পঠমুচ্চারণস্স উপ্পত্তিট্ঠানভূতা সুজনা সাধুজনভূতা কৰিপুঙ্গৰা উত্তমকৰযো ভৰন্তীতি, পসিদ্ধওচিত্যপদেন যুত্তত্তা এত্থ নামসদ্দো পসিদ্ধিযং. উপদেসস্স পভৰাতি চ, পুমানো চ তে গাৰো চেতি চ, কৰীনং পুঙ্গৰাতি চ ৰাক্যং.

১০৫. ‘‘ৰিঞ্ঞাত’’মিচ্চাদি. ৰিঞ্ঞাতো অৰবুদ্ধো যথাৰুত্তকৰিৰরপসাদা ওচিত্যমেৰ ৰিভৰো সম্পত্তি যেন সো ওচিত্যহীনং নাম দূসনং পরিহরে পরিৰজ্জেয্য. ততো তস্মা পরিহারতো হেতুতো ওচিত্যস্স সম্পোসে সুট্ঠু ৰড্ঢিভাৰে ৰড্ঢনে কতে রসস্স অস্সাদিতব্বতাসঙ্খাতস্স মাধুরিযস্স সম্পোসো সিযা ভৰেয্য.

১০৫. ‘‘ৰিঞ্ঞাতে’’চ্চাদি. ৰিঞ্ঞাতোচিত্যৰিভৰো তাদিসকৰীনমনুগ্গহেন ৰিঞ্ঞাতওচিত্যসঙ্খাতসম্পত্তিসমন্নাগতো কৰি ওচিত্যহীনং নাম দূসনং পরিহরে নিরাকরেয্য, ততো দোসপরিহারতো ওচিত্যস্স সম্পোসে উপব্রূহনে কতে সতি রসপোসো মাধুরিযসঙ্খতস্স অস্সাদেতব্বস্স পূরণং সিযা ভৰেয্যাতি. ওচিত্যমেৰ ৰিভৰোতি চ, ৰিঞ্ঞাতো ওচিত্যৰিভৰো যেনেতি চ, রসস্স পোসো পুট্ঠভাৰো [ৰুদ্ধভাৰো (ক.)] পোসেতব্বভাৰোতি চ ৰাক্যং.

যো ¶ মারসেনমাসন্ন-মাসন্নৰিজযুস্সৰো;

তিণাযপি ন মঞ্ঞিত্থ, সো ৰো দেতু জযং জিনো.

১০৬. ‘‘যথে’’ত্যুদাহরতি ‘‘যো’’ইচ্চাদি. ৰিজযো পরাভিভৰো আসন্নো ৰিজযো এৰ উস্সৰো অব্ভুদযো নিপ্পটিপক্খা পৰত্তি যস্স এদিসো যো আসন্নং অত্তনো সমীপমুপগতং মারসেনং তিণাযপি ন মঞ্ঞিত্থ তিণম্পি ন মঞ্ঞিত্থ, তিণতোপি হীনং মঞ্ঞিত্থ, সো জিনো মারজি ৰো তুম্হাকং জযং দেতূতি ৰিদধাতু. এত্থ জযাসীসনা ‘‘জিনো’’তি অচ্চন্তমুচিতং, যো অজিনি পঞ্চমারেতি জিনো পরাভিভৰেকরসো, তস্স পরেসং ৰিজযপ্পদানে সামত্থিযেকযোগো সিযাতি. ‘‘মারসেনমাসন্নং তিণাযপি ন মঞ্ঞিত্থা’’তি ইদং পনেত্থ অতিসমুচিতং যতো সমীপমুপগতম্পি তাদিসং মারসেনং তিণতোপি হীনং মঞ্ঞি, তেনস্স পরেসং ৰিজযপ্পদানেকরসতা ৰিসেসতো যুত্তাতি.

১০৬. ইহ সত্থে সব্বত্থ সঙ্খেপক্কমমিচ্ছন্তোপি আচরিযো ওচিত্যং নাম আদরেন সগ্গরূহি উগ্গণ্হিত্ৰা পযুজ্জিতব্বমিচ্চেৰং ৰিত্থারেন সিস্সে অনুসাসিত্ৰা ইদানি ওচিত্যহীনপরিহরণত্থং ‘‘যো মারসেনমাসন্নে’’চ্চাদিনা লক্খিযমুদাহরতি. আসন্নৰিজযুস্সৰো অদূরসত্তুৰিজযসঙ্খাতউস্সৰো, অথ ৰা অচ্চাসন্নপটিপক্খৰিরহপ্পৰত্তিসঙ্খাতঅভিৰুদ্ধিযা সমন্নাগতো যো জিনো আসন্নং অনেকপ্পকারভিংসনকরূপেন অত্তনো সমীপমাগতং মারসেনং মারবলং তিণাযপি তিণলৰং কত্ৰাপি ন মঞ্ঞিত্থ সল্লক্খণং নাকাসি, সো জিনো সো জিতপঞ্চমারো ৰো তুম্হাকং জযং দেতূতি. এত্থ যো পঞ্চমারে জিতত্তা জিনো নাম হোতি, সো পরাভিভৰনে অসহাযকিচ্চত্তা পরেসং জযদানে সামত্থিযযুত্তোতি ‘‘জযং দেতূ’’তি কতং জযাসীসনমতিউচিতং ¶ হোতি, জযদানে সামত্থিযস্সেৰ পোসকত্তা. ‘‘মারসেনমাসন্নং তিণাযপি ন মঞ্ঞিত্থা’’তি ইদং ৰত্তব্বমেৰ নত্থীতি. এৰং অচ্চন্তউচিতপযোগেন ওচিত্যহীনদোসো নিরাকতোতি. ৰিজযো এৰ উস্সৰো, আসন্নো ৰিজযুস্সৰো যস্সেতি ৰিগ্গহো.

আরদ্ধকত্তুকম্মাদি-কমাতিক্কমলঙ্ঘনে;

ভগ্গরীতিৰিরোধো’যং, গতিং ন ক্ৰাপি ৰিন্দতি.

১০৭. ‘‘আরদ্ধ’’ইচ্চাদি. কত্তা চ কম্মঞ্চ তানি আদীনি যেসং করণাদীনং আরদ্ধানি ৰত্তুং পট্ঠপিতানি কত্তুকম্মাদীনি তেসং কমো তস্স অতিক্কমো পরিচ্চাগো তস্স লঙ্ঘনে সতি, ৰত্তুমারদ্ধকত্তুকম্মাদিকমানতিক্কমেতি ৰুত্তং হোতি. অযং যথাৰুত্তো ভগ্গরীতিৰিরোধো ক্ৰাপি কত্থচিপি ঠানে গতিং ন ৰিন্দতি পতিট্ঠং ন লভতে.

১০৭. ‘‘আরদ্ধি’’চ্চাদি. আরদ্ধকত্তুকম্মাদিকমাতিক্কমলঙ্ঘনে ৰত্তুমারদ্ধকত্তুকম্মাদীনং কমপরিচ্চাগস্সাতিক্কমে অযং যথাৰুত্তভগ্গরীতিৰিরোধো ক্ৰাপি কত্থচিপি ঠানে গতিং পতিট্ঠং ন ৰিন্দতি ন লভতেতি. আরদ্ধানি চ তানি কত্তুকম্মাদীনি যেসং করণাদীনং তেসং কমস্স অতিক্কমো তস্স লঙ্ঘনন্তি ৰিগ্গহো.

সুজনঞ্ঞান’মিত্থীনং, ৰিস্সাসো নো’পপজ্জতে;

ৰিসস্স সিঙ্গিনো রোগ-নদীরাজকুলস্স চ.

ভেসজ্জে ৰিহিতে সুদ্ধ-বুদ্ধাদিরতনত্তযে;

পসাদ’মাচরে নিচ্চং, সজ্জনে সগুণেপি চ.

১০৮-১০৯. এত্থ চ ‘‘সুজন’’মিচ্চাদিকে ‘‘ভেসজ্জে’’ইচ্চাদিকে চ গাথাদ্ৰযে ছট্ঠিযা, সত্তমিযা চ অপরিচ্চাগেন নাত্থরীতিযা ভঙ্গো, চকারস্সেকস্স কতত্তা ন সদ্দরীতিযা ¶ ভঙ্গো. বহূনমত্থানঞ্হি সমুচ্চযত্থং ৰাক্যে একো ৰা চকারো কাতব্বো পটিপদং ৰা.

১০৮. ‘‘সুজনে’’চ্চাদি. সুজনঞ্ঞানং সজ্জনেহি অঞ্ঞেসং দুজ্জনানঞ্চ ইত্থীনঞ্চ ৰিসস্স জীৰিতহরণসমত্থস্স সিঙ্গিনো ৰিসাণৰতো চ রোগনদীরাজকুলস্স চ ৰিস্সাসো সংসগ্গো ন উপপজ্জতে কিঞ্চিকালে ৰিরুজ্ঝনতো ন যুজ্জতেতি. এত্থ আরদ্ধস্স ছট্ঠুন্তক্কমস্স সব্বত্থ অপরিচ্চাগতো অত্থরীতিভঙ্গো চ, যুত্তট্ঠানে একস্সেৰ চকারস্স যুত্তত্তা সদ্দরীতিভঙ্গো চ নত্থি. চসদ্দস্স অনেকত্থসমুচ্চযত্তা ‘‘সুজনঞ্ঞানঞ্চা’’তিআদিম্হি ৰা, ইহ ৰুত্তনিযামেন অৰসানে ৰা, সব্বত্থ ৰা যোজনমরহতি.

১০৯. ‘‘ভেসজ্জে’’চ্চাদিগাথাযম্পি এসেৰ নযো সত্তমীমত্তমেৰ ৰিসেসো. ৰিহিতে পথ্যে ভেসজ্জে ওসধে চ সুদ্ধবুদ্ধাদিরতনত্তযে চ সজ্জনে সাধুজনে চ অপি পুনপি সগুণে ৰিজ্জমানগুণে চ পসাদং অত্তনো চিত্তপসাদং নিচ্চং সততং আচরে সপ্পুরিসো করেয্য সেৰেয্যাতি.

১১০. ‘‘মুনিন্দে’’চ্চাদি. এত্থ রংসিসদ্দো সসংসযং পরিহরতি.

১১০. সসংসযপরিহারলক্খিযভূতা ‘‘মুনিন্দি’’চ্চাদিগাথা অনন্তরপরিচ্ছেদে ৰুত্তত্থাৰ. রংসিসদ্দোযেৰ হি ৰিসেসো, এত্থ রংসিসদ্দেন সুণন্তানং উপ্পজ্জমানসংসযেন সসংসযভূতং বন্ধদোসমোহতীতি.

সংসযাযেৰ ¶ যং কিঞ্চি, যদি কীল়াদিহেতুনা;

পযুজ্জতে ন দোসো’ৰ, সসংসযসমপ্পিতো.

১১১. ‘‘সংসযে’’চ্চাদি. কীল়াদীতি আদিসদ্দেন আকিণ্ণসম্মন্তনাদিং সঙ্গণ্হাতি, কীল়াদিহেতুনা যং কিঞ্চি সংসযাযেৰ যদি পযুজ্জতেতি সম্বন্ধো.

১১১. ‘‘সংসযাযেৰে’’চ্চাদি. কীল়াদিহেতুনা কীল়াসম্বাধসম্মন্তনাদিকারণেন যং কিঞ্চি সংসযুপ্পাদনসমত্থং যং কিঞ্চি পদং সংসযায এৰ সোতূনং উপ্পজ্জমানসংসযত্থমেৰ যদি পযুজ্জতে তস্মিং বন্ধনে ৰত্তারেহি পযুজ্জতে চে, সসংসযসমপ্পিতো সসংসযদোসসহিতো বন্ধো ন দোসোৰ অদুট্ঠোৰাতি. সসংসযেন সমপ্পিতোতি ৰিগ্গহো.

যাতে দুতিযংনিলযং, গুরুম্হি সকগেহতো;

পাপুণেয্যাম নিযতং, সুখ’মজ্ঝযনাদিনা.

১১২. ‘‘যাতে’’চ্চাদি. গুরুম্হি অজ্ঝাপকে সকগেহতো অত্তনো মূলনিলযতো দুতিযং নিলযং দুতিযং ঘরং যাতে সতি নিযতমেকন্তমজ্ঝযনাদিনা সুখং পাপুণেয্যামাতি অযমনিচ্ছিতত্থো. গুরুম্হি সুরাচরিযে [সুরচ্চাচরিযে (ক.)] সকগেহতো অত্তনো জাতরাসিতো দুতিযং নিলযং দুতিযং রাসিং যাতে সতি নিযতমজ্ঝযনাদিনা সুখং পাপুণেয্যামাতি অযমেত্থ ইচ্ছিতত্থো.

১১২. ‘‘যাতে’’চ্চাদি. গুরুম্হি আচরিযে সকগেহতো অত্তনো ৰাসাগারতো দুতিযং নিলযং দুতিযং ঘরংযাতে সতি, অযমনিচ্ছিতত্থো. গুরুম্হি সুরাচরিযে সকগেহতো অত্তনো জাতরাসিতো দুতিযং নিলযং দুতিযং ¶ রাসিং যাতে গতে সতি অনুকূলত্তা নিযতমেকন্তেন অজ্ঝযনাদিনা উগ্গহণাদিনা সুখং মানসিকসুখং, নো চে সুখকারণং গন্থপরিসমত্তিং পাপুণেয্যামাতি. উভযপক্খস্সাপি অপরত্থে অত্থো সাধারণো হোতি. এত্থ অজ্ঝযনসদ্দসন্নিধানেন পযুত্তগুরুসদ্দস্স আচরিযত্থৰাচকত্তেপি ইচ্ছিতত্থগোপনত্থং পযুত্তত্তা অদুট্ঠোতি.

সুভগা ভগিনী সা’যং, এতস্সি’চ্চেৰমাদিকং;

ন ‘‘গাম্ম’’মিতি নিদ্দিট্ঠং, কৰীহি সকলেহিপি.

১১৩. ‘‘সুভগা’’ইচ্চাদি. ইচ্চেৰমাদিকং ভগিনীইচ্চেৰমাদিকং.

১১৩. ‘‘সুভগে’’চ্চাদি. এতস্স পুরিসস্স সা অযং ভগিনী সুভগা সুন্দরাতি ইচ্চেৰমাদিকং সকলেহি কৰীহি অপি ন গাম্মমিতি গাম্মদোসেন ন দুট্ঠমিতি নিদ্দিট্ঠন্তি. সুভং সুন্দরভাৰং গতাতি ‘‘সুভগা’’তি অগ্গহেত্ৰা বহুব্বীহিসমাসে কতে লব্ভমানত্থস্স অসব্ভভাৰেপি কৰীনং চিত্তখেদং ন জনেতীতি অধিপ্পাযো. ইতি এৰং অযং পকারো আদি অস্স ঈদিসস্স ৰাক্যস্সাতি ৰাক্যং.

দুট্ঠালঙ্কারৰিগমে, সোভনালঙ্কতিক্কমো;

অলঙ্কারপরিচ্ছেদে, আৰিভাৰং গমিস্সতি.

১১৪. ‘‘দুট্ঠ’’ইচ্চাদি. দুট্ঠালঙ্কারস্স দোসদূসিতস্স অলঙ্কারস্স ৰিগমে অপগমে সতি.

১১৪. ‘‘দুট্ঠি’’চ্চাদি. দুট্ঠালঙ্কারৰিগমে দোসদুট্ঠস্স অলঙ্কারস্স অপগমে সতি সোভনালঙ্কতিক্কমো পসত্থানমলঙ্কারানং পৰত্তিআকারো অলঙ্কারপরিচ্ছেদে অলঙ্কারপকাসকত্তা তন্নামকে পরিচ্ছেদে আৰিভাৰং পকাসত্তং গমিস্সতি পাপুণিস্সতীতি. পরিচ্ছিজ্জতীতি পরিচ্ছেদো. অলঙ্কারপকাসকত্তা তদত্থেন অলঙ্কারো চ সো পরিচ্ছেদো চেতি ৰিগ্গহো.

দোসে ¶ পরীহরিতুমেস ৰরো’পদেসো,

ৰিঞ্ঞাযি’মং গুরুৰরান’ধিকপ্পসাদা,

দোসে পরং পরিহরেয্য যসোভিলাসী.

ইতি সঙ্ঘরক্খিতমহাসামিপাদৰিরচিতে

১১৫. ‘‘দোসে’’ইচ্চাদি. দোসে যথাৰুত্তে পদদোসাদিকে পরিহরিতুং পরিচ্চজিতুং এসো ৰরো উত্তমো উপদেসো সত্থন্তরানং বহূনং অনুসরণেন অনুগমেন [অনুপগমেন (ক.)] মযা এৰং কতো নিপ্ফাদিতো, ইমং উপদেসং গুরুৰরানং অধিকপ্পসাদা মহতা পসাদেন ন অপ্পকেন, তথাৰিধেন তাদিসস্স মহতো অত্থস্স অপসিজ্ঝনতো, ৰিঞ্ঞায জানিত্ৰা আদরতো করেয্য দোসে যথাৰুত্তে দোসে যসো পরিসুদ্ধবন্ধনং ক্রিযালক্খণতো একন্তেন কিত্তিহেতুত্তা, তংসব্ভাৰা কিত্তি ৰা, তং অভিলসতি সীলেনেতি যসোভিলাসী পরং অচ্চন্তমেৰ পরিহরেয্য দূরতো করেয্য.

ইতি সুবোধালঙ্কারে মহাসামিনামিকাযং টীকাযং

দোসপরিহারাৰবোধপরিচ্ছেদো দুতিযো.

১১৫. ‘‘দোসে’’চ্চাদি. দোসে যথাৰুত্তপদদোসাদিকে পরিহরিতুমপনেতুং ৰরো উত্তমো এসো উপদেসো সত্থন্তরানুসরণেন বহূনং বাহিরসত্থানং অনুস্সতিযা মযা এৰং অনন্তরুদ্দিট্ঠক্কমেন কতো ৰিরচিতো, ইমং উপদেসং গুরুৰরানং অধিকপ্পসাদা অধিকপ্পসাদেন ৰিঞ্ঞায সভাৰতো ঞত্ৰা যসোভিলাসী যসপটিলাভকারণত্তা ¶ কারণে কারিযোপচারেন দোসাপগমেন পরিসুদ্ধবন্ধনং ৰা তাদিসবন্ধনহেতু উপ্পজ্জমানকিত্তিং ৰা ইচ্ছন্তো পঞ্ঞৰা দোসে যথাৰুত্তদোসে পরং অতিসযেন পরিহরেয্য দূরতো করেয্যাতি. এত্থ পুব্বদ্ধেন দোসপরিহারপরিচ্ছেদস্স পসত্থভাৰো দস্সিতো, অপরদ্ধেন সিস্সজনানুসাসনং দস্সিতং হোতি. তথা পুব্বদ্ধেন করুণাপুব্বঙ্গমপঞ্ঞাকিচ্চং দস্সিতং, অপরদ্ধেন পঞ্ঞাপুব্বঙ্গমকরুণাকিচ্চং দস্সিতং. তথা পুব্বদ্ধেন অত্তহিতসম্পত্তি, অপরদ্ধেন পরহিতসম্পত্তি দস্সিতাতি. এৰমনেকাকারদীপিকায ইমায গাথায পরিচ্ছেদং নিগমেতি. অঞ্ঞে সত্থা সত্থন্তরা, অন্তরসদ্দো হি অঞ্ঞসদ্দপরিযাযো. যথা ‘‘গামন্তরং ন গচ্ছেয্যা’’তি. যসং অভিলসতি সীলেনাতি ৰাক্যং.

১১৬. এৰং দোসপরিহারোপদেসং দস্সেত্ৰা ইদানি দোসপরিহারা সমুপগতগুণং উপদস্সিতুমধিকারং ৰিরচযন্তো আহ ‘‘সম্ভৰন্তি’’ইচ্চাদি. দোসানং যথাৰুত্তানং পদদোসাদীনং এৰং যথাৰুত্তনযেন অতিক্কমে সতি গুণা ধম্মা ¶ সদ্দালঙ্কারসভাৰা পসাদাদযো যস্মা কারণা সম্ভৰন্তি সিজ্ঝন্তি, তঞ্চ ‘‘পসাদো কিলিট্ঠাদীনং ৰজ্জনা সম্ভৰতী’’ত্যাদিনা যথাযোগং ৰিঞ্ঞেয্যং, ততো তস্মা কারণা যে গুণা সদ্দে সম্ভূসযন্তি অলঙ্করোন্তি, তে সদ্দালঙ্কারসঙ্খাতে গুণে ইদানি দস্সেস্সং উপদিসিস্সামি.

১১৬. এৰং দোসপরিহারপৰেসোপাযং দস্সেত্ৰা ইদানি যথাৰুত্তদোসানং পরিহারেন ‘‘বন্ধনিস্সিতগুণা এতে’’তি দস্সেতুং পুব্বাপরপরিচ্ছেদানং সম্বন্ধং ঘটেন্তো ‘‘সম্ভৰন্তি’’চ্চাদিগাথমাহ. দোসানং নিদ্দিট্ঠপদদোসাদীনং এৰং অনন্তরপরিচ্ছেদে নিদ্দিট্ঠক্কমেন অতিক্কমে সতি গুণা পসাদাদিসদ্দালঙ্কারসঙ্খাতা পসাদাদযো সদ্দধম্মা যস্মা সম্ভৰন্তি, ততো যে সদ্দধম্মা সদ্দে সম্ভূসযন্তি সজ্জন্তি, তে সদ্দধম্মে দস্সেস্সং পকাসিস্সামীতি. এত্থ কিলিট্ঠদোসব্যাকিণ্ণদোসপরিহারেহি পসাদালঙ্কারো সিজ্ঝতি, সেসাপি যথালাভতো ঞাতব্বা.

১১৭. ইদানি তে ৰিভজতি ‘‘পসাদো’’ইচ্চাদিনা পসত্থি পসাদো পকাসত্থতা, ওজো সমাসৰুত্তিবাহুল্লং অত্থপারিণত্যঞ্চ, মধুরতা সদ্দানং রসৰন্ততা, সমতা পজ্জাপেক্খায চতুন্নং পাদানমেকজাতিযসম্বন্ধতা, গজ্জাপেক্খায তু পদানং, সুখুমালতা অফরুসক্খরবাহুল্লং, সিলেসনং সিলেসো বন্ধগারৰং, উদারতা উক্কংসতা কেনচি অত্থেন সনাথতা ৰিসিট্ঠৰিসেসনযুত্ততা চ, কন্তি সব্বলোকমনোহরতা, অত্থব্যত্তি সিদ্ধেন ¶ ঞাযেন ৰা অভিধেয্যস্স গহণং, সমাধি লোকপ্পতীত্যনুসারিঅমুখ্যত্থতা, তেসু ওজউদারতা সদ্দত্থগুণা, সমাধি অত্থগুণো, অত্থানুগামিত্তা এত্থ সদ্দানং, অঞ্ঞে তু সদ্দগুণাৰ.

১১৭. ইদানি ‘‘পসাদোজো’’ইচ্চাদিনা তে সদ্দালঙ্কারে কমেন ৰিভজিতুং উদ্দিসতি. পসাদো পসন্নফল়িকাৰলি অত্তনি আৰুনিতরত্তকম্বলসুত্তমিৰ সদ্দানং অত্থস্স পসাদনসঙ্খাতো পসাদালঙ্কারো চ, ওজো সমাসৰুত্তিবাহুল্যঅত্থপারিণত্যসঙ্খতো সদ্দত্থানং গুণো চ, মধুরতা সদ্দানং রসৰন্তভাৰসঙ্খাতকণ্ণমধুরতা চ, সমতা পজ্জে পাদস্স সুতিতো সদিসতা চ, গজ্জে পদানং তথেৰ সদিসতাতি এৰং পাদানং পদানঞ্চ তুল্যগুণতা চ, সুখুমালতা ৰণ্ণানং অতিফরুসঅতিসিথিলভাৰং ৰিনা সমপ্পমাণমুদুগুণো চ, সিলেসো ঠানকরণাদিসম্ভূতসভাগৰণ্ণসুতীহি অচ্ছিদ্দগুরুগুণো চ, উদারতা উক্কট্ঠেন কেনচি অত্থেন বন্ধস্স সজ্জিতভাৰো চ, ৰিসিট্ঠৰিসেসনপদেন যুত্ততা চ, কন্তি সব্বেসং পিযগুণতা চ, অত্থব্যত্তি ইচ্ছিতত্থস্স সিদ্ধেন ৰা ন্যাযেন ৰা সুপাকটভাৰো চ, সমাধযো লোকপ্পতীতিঅনতিক্কন্তঅঞ্ঞধম্মারোপনেন অমুখ্যত্থতা চাতি ইমে সদ্দত্থগুণা দস হোন্তি. ‘‘সমাধযো’’তি তস্সেৰ বহুত্তং দীপেতি, ইমেসু দসসু ওজোদারতাতি দ্ৰে সদ্দত্থগুণা, সমাধি অত্থগুণো পরিযাযেন তদত্থজোতকসদ্দগুণোপি, সেসা সত্ত সদ্দগুণা এৰ, এতে সব্বেপি অলঙ্করোন্তি বন্ধমনেনাতি ৰাক্যেন অলঙ্কারা নাম.

গুণেহে’তেহি সম্পন্নো, বন্ধো কৰিমনোহরো;

সম্পাদযতি কত্তূনং, কিত্তিমচ্চন্তনিম্মলং.

১১৮. ‘‘গুণেহি’’চ্চাদি. ¶ এতেহিযেৰ ৰুত্তেহি দসহি গুণেহি ধম্মেহি সদ্দালঙ্কারসব্ভাৰেহি সম্পন্নো যুত্তো সমিদ্ধো ৰা কৰীনং মনো হরতি সৰসে ৰত্তেতীতি কৰিমনোহরো কৰিহদযহিলাদকারী বন্ধো কত্তূনং বন্ধন্তানং কৰীনং অচ্চন্তনিম্মলং অতিসযপরিসুদ্ধং অগুণলেসেনাপ’নালিম্পত্তা কিত্তিং গুণঘোসং সম্পাদযতি নিপ্ফাদেতি.

১১৮. ‘‘গুণে’’চ্চাদি. এতেহি গুণেহি ইমেহি সদ্দালঙ্কারসঙ্খাতদসৰিধসদ্দধম্মেহি সম্পন্নো সমন্নাগতো সমিদ্ধো ৰা বন্ধো পজ্জাদিবন্ধো কৰিমনোহরো অত্তনো নিরৰজ্জত্তা কৰীনং চিত্তং পীণেন্তো কত্তূনং রচযন্তানং অচ্চন্তনিম্মলং অপ্পকদোসেনাপি অসম্মিস্সত্তা অতিপরিসুদ্ধং কিত্তিং বন্ধনৰিসযভূতযসোরাসিং সম্পাদযতি নিপ্ফাদেতীতি. ইমিনা কারণেন বন্ধস্স যথাৰুত্তদসৰিধগুণপরিগ্গহো সউস্সাহং কাতব্বোতি অধিপ্পাযো. মনো হরতীতি মনোহরো, কৰীনং মনোহরো কৰিমনোহরোতি ৰিগ্গহো.

অদূরাহিতসম্বন্ধ-সুভগা যা পদাৰলি;

সুপসিদ্ধাভিধেয্যা’যং, পসাদং জনযে যথা.

১১৯. ইদানি যথোদ্দেসানমেসং নিদ্দেসং সোদাহরণং করোন্তো আহ ‘‘অদূর’’ইচ্চাদি. অদূরে আসন্নে অদূরেন ৰা অদূরাহিতক্রিযাকত্তুকম্মাদিপদৰসেন আহিতো ঠপিতো কতো সম্বন্ধো অন্ৰযো, তেন সুভগা মনোহরা সুপসিদ্ধো সুপ্পকাসো সুগম্মো অভিধেয্যো অত্থো যস্সা সাতি তথা, ন তু ভাৰত্থো তস্স সভাৰগম্ভীরত্তা. ৰুত্তঞ্হি –

পকাসযন্ত্যা’কতিযো তু তাদিসা’’তি.

তাদিসা যা পদাৰলি পদপন্তি অযং পসাদং তন্নামকং গুণং জনযে উপ্পাদযতি. যথাতি তমুদাহরতি.

১১৯. ইদানি উদ্দেসক্কমেন এতেসং সদ্দালঙ্কারাদীনং নিদ্দেসং সোদাহরণং দস্সেন্তো আহ ‘‘অদূরাহিতে’’চ্চাদি. অদূরে আসন্নপদেসে তদুপচারেন আসন্নে ৰা আহিতো ক্রিযায, লদ্ধক্রিযাযোগকত্তুকম্মাদিপদানং ৰসেন চ কতো, নো চে ৰিন্যাসৰসেন ঠপিতো ৰা সম্বন্ধো ইচ্ছিতত্থপতীতিক্কমেন অঞ্ঞমঞ্ঞাপেক্খলক্খণক্রিযাকারকযোগো তেন সুভগা মনোহরা, সুপসিদ্ধো পসিদ্ধত্থৰিসযে সদ্দপযোগতো অতিপাকটো অভিধেয্যো সদ্দত্থো যস্সা সা অযং পদাৰলি পদপন্তি পসাদং পসাদনামকং গুণং জনযে উপ্পাদযতি. যথাতি লক্খিযং দস্সেতি. অদূরে আহিতোতি ৰা, উপচরিতত্তা অদূরো চ সো আহিতো চাতি ৰা, সো চ সো সম্বন্ধো চেতি চ, তেন সুভগাতি চ, সু অতিসযেন পসিদ্ধোতি চ, সো অভিধেয্যো অস্সেতি চ ৰাক্যং. এত্থ সুপসিদ্ধো নাম সদ্দত্থো, অধিপ্পাযত্থো পন পকতিগম্ভীরো. ৰুত্তঞ্হি –

পকাসযন্ত্যা’কতিযো তু তাদিসা’’তি.

তস্সত্থো – অসদ্দগোচরং সদ্দস্স অৰিসযং হুত্ৰা মুদুকম্হি পদে কেৰলং ৰিসুং ফুরন্তং চাপেন্তং কৰীনধিপ্পাযং কৰীনমজ্ঝাসযং ¶ কতস্সমা সদ্দত্থৰিসযে কতপরিচযা পণ্ডিতা ভাৰাৰগমা পদত্থাৰবোধেন ৰিসন্তি পৰিসন্তি, তাদিসা আকতিযো তু সদ্দসদ্দত্থানং আকারা পকাসযন্তি অধিপ্পাযত্থং জোতেন্তীতি.

অলঙ্করোন্তা ৰদনং, মুনিনো’ধররংসিযো;

সোভন্তে’রুণরংসী’ৰ, সম্পতন্তা’ম্বুজোদরে.

১২০. ‘‘অলঙ্করোন্তা’’ইচ্চাদি. মুনিনো সম্মাসম্বুদ্ধস্স ৰদনং সভাৰমধুরপকতিমুখং অলঙ্করোন্তা সজ্জন্তা সোভযমানা অধরানং রংসিযো সুপক্কবিম্বফলোপমওট্ঠযুগল়ৰিনিস্সটবহুতরকন্তিচ্ছিতাভা মুনিনোতি ৰিঞ্ঞাযতি সুতত্তা. অম্বুজোদরে তা কালোপনতপুপ্ফকাসরমণীযে পদুমব্ভন্তরে সম্পতন্তা পৰত্তমানা অরুণরংসীৰ বালসূরিযরংসিযো ৰিয সোভন্তে ৰিরাজন্তি.

১২০. ‘‘অলঙ্করোন্তে’’চ্চাদি. মুনিনো ৰদনং পকতিসুন্দরমুখং অলঙ্করোন্তা সজ্জন্তা অধররংসিযো তস্সেৰ মুনিনো ওট্ঠদ্ৰযতো নিক্খন্তকন্তিসমূহা অম্বুজোদরে ৰিকসনানুরূপকালাভিমুখে পদুমগব্ভে উপড্ঢৰিকসিতেতি ৰুত্তং হোতি. সম্পতন্তা পৰত্তমানা অরুণরংসী ইৰ বালসূরিযরংসীৰ সোভন্তে দিব্বন্তীতি. এত্থ অদূরসম্বন্ধং পসিদ্ধত্থঞ্চ নিস্সায পসাদগুণো পাকটো. অধররংসীনং মুনিসম্বন্ধো সুতানুমিতসম্বন্ধেসু সুতসম্বন্ধস্স বলৰত্তা [সুতানুমিতেসু সুতসম্বন্ধো বলৰা (পরিভাসেন্দুসেরে ১১২)], কাকক্খিগোল়কনযেন ৰা লব্ভতীতি. অধরে রংসীতি চ, অম্বুজস্স উদরন্তি চ ৰাক্যং.

১২১. ‘‘ওজো’’ইচ্চাদি. ¶ সমাসস্স একত্থৰুত্তিযা বাহুল্যং ভিয্যোভাৰো ইত্যনুৰদিত্ৰা পুন ওজো ৰিধীযতে, এসো ওজো সমাসবাহুল্ললক্খণো গজ্জস্স ৰুত্তিরূপস্স জীৰিতং হদযং সারং তপ্পধানত্তা গজ্জস্স, ন পজ্জস্স, সোযং ওজো অনাকুলো অগহনো অতোযেৰ কন্তো হদযঙ্গমো, পজ্জেপি ন কেৰলং গজ্জে কামীযতে পযুজ্জতে. যথেত্যুদাহরতি.

১২১. ইদানি ওজগুণং দস্সেতি ‘‘ওজো’’চ্চাদিনা. ওজো নাম সমাসবাহুল্যং ভিন্নত্থেসু পৰত্তসদ্দানং একত্থপৰত্তিলক্খণস্স সমাসস্স বহুলতা, এসো ওজো গজ্জস্স গজ্জবন্ধস্স জীৰিতং হদযং, জীৰিতসীসেন হদযসঙ্খতং চিত্তং ৰুত্তন্তি ৰেদিতব্বং. সো অযং ওজো অনাকুলো নিব্যাকুলো কন্তো ততোযেৰ ৰিঞ্ঞূনং পিযভূতো পজ্জেপি পজ্জবন্ধেপি কামীযতে কৰীহি পযুজ্জতেতি. বহুলস্স ভাৰো বাহুল্যং, সমাসস্স বাহুল্যন্তি ৰিগ্গহো. গজ্জবন্ধাধিকারস্সাভাৰা পজ্জৰিসযস্স ওজগুণস্স লক্খিযং দস্সেতি ‘‘যথে’’চ্চাদিনা.

মুনিন্দমন্দসঞ্জাত-হাসচন্দনলিম্পিতা;

পল্লৰা ধৰলা তস্সে-ৰেকোনা’ধরপল্লৰো.

১২২. ‘‘মুনিন্দ’’ইচ্চাদি. মুনিন্দস্স মন্দং ঈসকং সঞ্জাতো পৰত্তো তংসভাৰত্তা ভগৰতো হাসস্স [যসস্স (ক.)] হাসো হসিতং সোৰ চন্দনমিৰ চন্দনং ধৰলত্তরূপত্তা, তেন লিম্পিতা উপদেহিতা পল্লৰা সব্বানি কিলসযানি ‘‘ইদমেৰে’’তি নিযমাভাৰতো, ধৰলা পকতিৰণ্ণপরিচ্চাগেন সুক্কা অহেসুং গাহাপিতত্তা সগুণস্স তাদিসৰিসিট্ঠস্স পটিলাভতো, এৰং সন্তেপি তস্স মুনিন্দস্সেৰ একো অঞ্ঞস্স তাদিসস্সাভাৰা অধরপল্লৰো ন ধৰলো ¶ ধৰলো নাহোসি. অচ্চাসন্নদেসিযোপি বহুমন্তব্বো’য’মস্সানুভাৰোতি.

‘‘পেমাৰবন্ধহদযে সদযে জিনস্মিং,

তস্মিং নু কিং কুমতযো ভৰথ’প্পসন্না;

কিং তেন ৰো ন ৰিহিতং হিত’মুগ্গদুগ্গ-

ইচ্চপরমুদাহরণং. এৰমেতাদিসো অনাকুলো কন্তো ওজো জানিতব্বোতি. ননু চ য-তসদ্দানং নিচ্চো সম্বন্ধো, তস্মা কথং ‘‘তস্সেৰেকো নাধরপল্লৰো’’তি এত্থ যসদ্দাভাৰোতি? সচ্চং, কিন্তু পক্কন্তৰিসযো, তথা পসিদ্ধৰিসযো, অনুভূতৰিসযো চ তসদ্দো যসদ্দং নাপেক্খতে. যথা –

‘‘সৰাসনে কিলেসে সো, একো সব্বে নিঘাতিয;

অহু সুসুদ্ধসন্তানো, পূজানঞ্চ সদারহো’’.

ইচ্চাদি. এত্থ বুদ্ধো ‘‘বুদ্ধানুস্সতিমাদিতো’’তি পক্কন্তো.

‘‘অগ্গিং পক্খন্দ’ অথ ৰা, ‘পব্বতগ্গা পতে’তি ৰা;

যদি ৰক্খতি কত্তব্বং, ঞাতকারীহি সো জিনো’’.

‘‘অতীতং নানুসোচামি, নপ্পজপ্পাম’নাগতং;

পচ্চুপ্পন্নেন যাপেমি, তেন ৰণ্ণো পসীদতি’’.

যসদ্দো তুত্তরৰাক্যট্ঠো পুব্বৰাক্যে তসদ্দমেৰ গমযতি. যথা –

‘‘বোধিং ¶ নমামি নতিভাজনমচ্চুল়ারং,

পুঞ্ঞাকরং ভুৰনমণ্ডলসোত্থিভূতং;

দোসারিদপ্পমথনে’করসো বুধানং’’.

পুব্বৰাক্যোপাত্তো তু যসদ্দো উত্তরৰাক্যেতসদ্দোপাদানং ৰিনা সাকঙ্খে ৰাক্যস্স ঊনত্তং জনেতি. এত্থ পক্কন্তৰিসযো তসদ্দো.

১২২. মুনিন্দস্স মন্দং ঈসকং সঞ্জাতো পৰত্তো হাসোযেৰ সিতং চন্দনচুণ্ণমিৰ তেন লিম্পিতা আলেপিতা পল্লৰা রুক্খলতাদীনং পকতিরত্তানি কিসলযানি ধৰলা সগুণপরিচ্চাগেন সেতা অহেসুং, তথাপি তস্সেৰ তথাগতস্স একো অতুলো অসহাযো ৰা অধরপল্লৰো দন্তাৰরণসঙ্খাতপল্লৰো ন রংসিসংসট্ঠোপি সমীপট্ঠোপি ধৰলো সেতো নাহোসি. এৰমেত্থ অগহনসমাসবাহুল্যং দীপিতং হোতি.

‘‘পেমাৰবন্ধহদযে সদযে জিনস্মিং,

তস্মিং নু কিং কুমতযো ভৰথ’প্পসন্না;

কিং তেন ৰো ন ৰিহিতং হিত’মুগ্গদুগ্গ-

সংসারসাগরসমুত্তরণাৰসান’’ন্তি.

অপরমুদাহরণং. তস্সত্থো – কুমতযো হে অঞ্ঞাণা! পেমাৰবন্ধহদযে সব্বেসু তুম্হেসু নিচ্চং পৰত্তিতদল়্হপেমানুবন্ধচিত্তে সদযে ততোযেৰ দযাসহিতে তস্মিং জিনস্মিং ৰিসযভূতে কিং নু কস্মা অপ্পসন্না ভৰথ, তথা হি ৰো তুম্হাকং তেন জিনেন উগ্গো দারুণো চ, দুগ্গো গন্তুমসক্কুণেয্যো চ, সোযেৰ সংসারসাগরো তস্স সমুত্তরণং পরিযন্তপ্পত্তিযেৰ অৰসানং যস্স তং ন ৰিহিতং অকতং হিতং ৰুদ্ধি নাম কিং হোতি, ন ¶ হোতেৰ. এত্থাপি সমাসস্স পাকটত্তা ওজো গুণো কন্তো হোতীতি.

ননু য-তসদ্দানং নিচ্চসম্বন্ধোতি কথং ‘‘তস্সেৰেকো’’তি চ ‘‘তস্মিং নু কিং কুমতযো’’তি চ ইচ্চাদীসু হেট্ঠা ৰুত্তযসদ্দো নত্থীতি? সচ্চং, তথাপি পক্কন্তত্থৰিসযো, পসিদ্ধত্থৰিসযো, অনুভূতত্থৰিসযো ৰা তসদ্দো যসদ্দং নাপেক্খতি. তথা হি –

‘‘সৰাসনে কিলেসে সো, একো সব্বে নিঘাতিয;

অহু সুসুদ্ধসন্তানো, পূজানঞ্চ সদারহো’’তি.

এৰমাদীসু ‘‘সো’’তি নিদ্দিট্ঠতসদ্দো ‘‘বুদ্ধানুস্সতিমাদিতো’’তি এত্থ অতীতেন বুদ্ধসদ্দেন ৰচনীযৰিসযো হোতি.

‘‘অগ্গিং পক্খন্দ’ অথৰা, ‘পব্বতগ্গা পতে’তি ৰা;

যদি ৰক্খতি কত্তব্বং, ঞাতকারীহি সো জিনো’’তি.

এৰমাদীসু তসদ্দো ঞাতকারীহি কত্তব্বত্তা পসিদ্ধবুদ্ধপদত্থৰিসযো.

‘‘অতীতং নানুসোচামি, নপ্পজপ্পাম’নাগতং;

পচ্চুপ্পন্নেন যাপেমি, তেন ৰণ্ণো পসীদতী’’তি.

এৰমাদীসু তসদ্দো অননুসোচননপ্পজপ্পনযাপনসঙ্খাতৰিজাননৰসেন অনুভূতত্থৰিসযো, তস্মা তীসুপি ঠানেসু তসদ্দো যসদ্দং নাপেক্খতে. এত্থ পন পক্কন্তৰিসযো তসদ্দো অধিপ্পেতো. অপিচ উত্তরৰাক্যে ঠিতো যসদ্দো পুব্বৰাক্যে তসদ্দে অসতিপি তমেৰ দীপেতি. তথা হি –

বোধিং নমামি নতিভাজনমচ্চুল়ারং,

পুঞ্ঞাকরং ভুৰনমণ্ডলসোত্থিভূতং;

দোসারিদপ্পমথনে’করসো বুধানন্তি.

যো ¶ বুধানং চক্খুসোতসতীনং গোচরতং ৰিসযভাৰং সমেতো পত্তো, তেসংযেৰ দোসারীনং কিলেসপচ্চত্থিকানং দপ্পমথনে দপ্পমদ্দনে একরসো পধানকিচ্চো সমিদ্ধিৰন্তো ৰা হোতি, তং বোধিং নমামীতি সম্বন্ধো. পুব্বৰাক্যে পযোজিতো যসদ্দো উত্তরৰাক্যে তসদ্দোপাদানে অসতি সংসযমুপ্পাদযমানো ৰাক্যস্স ঊনত্তং করোতি. উদাহরণং পন পাকটং.

১২৩. ‘‘পদি’’চ্চাদি. পদস্স অভিধেয্যো অত্থো সো ৰিসযো যস্স. যত্থ পচুরসদ্দাভিধেয্যো অত্থো সংখিত্তপদেহি ৰুচ্চতে, সো সমাসো. যত্থপ্পকেহি পদেহি অভিধেয্যত্থো পচুরপদেহি ৰুচ্চতে, সো ব্যাসো. ততো সমাসব্যাসতো সম্ভৰো যস্স. তং তথাৰিধং যং পারিণত্যং পরিণতভাৰো হোতীতি অনুৰদিত্ৰা সোপি ইহ সসত্থে ওজোৰাতি ৰিধীযতে. তং যথেত্যুভযম্পি উদাহরতি.

১২৩. ‘‘পদে’’চ্চাদি. পদানং বহূনং অপ্পকানং ৰা পদানং অভিধেয্যৰিসযং ৰিত্থারসংখিত্তত্থৰিসযৰন্তং সমাসব্যাসসম্ভৰং যথাক্কমং সঙ্খেপৰিত্থারদ্ৰযেন নিপ্ফন্নং নিপ্ফত্তিৰন্তং ৰা যং পারিণত্যং কত্তূনং গন্থৰিসযে পরিণতিপ্পকাসকো যো সদ্দধম্মো অত্থধম্মো হোতি, সদ্দগুণো অত্থগুণোতি ৰুত্তং হোতি, সোপি ইহ সুবোধালঙ্কারে ওজো নাম সদ্দগুণো অত্থগুণো. তং যথাতি দ্ৰীসু লক্খিযং দস্সেতি, পদানং অভিধেয্যো ৰিসযো যস্স পারিণত্যস্সেতি চ, সমাসো চ ব্যাসো চাতি চ, ততো সম্ভৰন্তি চ, ততো সম্ভৰো অস্সাতি চ, পরিণতস্স ¶ কত্তুনো গন্থস্স এৰ ৰা ভাৰোতি চ ৰিগ্গহো. কত্তু পারিণত্যপক্খে তপ্পকাসকগন্থস্স তদত্থেন পারিণত্যং সিদ্ধং.

১২৪. ‘‘জোতযিত্ৰানে’’চ্চাদি. ইমিনা হেট্ঠা পচুরপদাভিহিতো বুদ্ধৰংসো সঙ্খেপরূপেন ৰুত্তো.

১২৪. ‘‘জোতযি’’চ্চাদি. সো তথাগতো সদ্ধম্মং সপরিযত্তিকং নৰলোকুত্তরসদ্ধম্মং জোতযিত্ৰান ঞাণালোকেন ওভাসেত্ৰা সদেৰকে সত্তে সন্তারেত্ৰা সংসারসাগরপরিযন্তমুপনেত্ৰা অগ্গিখন্ধোৰ মহাতেজেন অগ্গিক্খন্ধো ৰিয জলিত্ৰা অনঞ্ঞসাধারণরূপকাযসম্পত্তিযা পজ্জলিত্ৰা অন্তে সসাৰকো সাৰকেহি সহ নিব্বুতো খন্ধপরিনিব্বানেন পরিনিব্বুতোতি. ইমিনা সকলবুদ্ধৰংসে বহূহি পদেহি ৰুত্তত্থো সঙ্খেপক্কমেন ৰুত্তো. সতং ধম্মো, সন্তো সংৰিজ্জমানো ৰা ধম্মোতি চ, সহ দেৰেহি ৰত্তমানাতি চ, সহ সাৰকেহি ৰত্তমানোতি চ ৰিগ্গহো.

মত্থকট্ঠী মতস্সাপি, রজোভাৰং ৰজন্তু মে;

যতো পুঞ্ঞেন তে সেন্তি [সেন্তু (ক.)], জেনপাদম্বুজদ্ৰযে.

১২৫. ‘‘মত্থকট্ঠী’’ইচ্চাদি. মতস্সাপি মরণমাপন্নস্সাপি মে মত্থকে মুদ্ধনি অট্ঠী রজোভাৰং ধূলিত্তং ৰজন্তু পাপুণন্তু. কস্মাতি চে? যতো যস্মা কারণা পুঞ্ঞেন কুসলেন কম্মেন হেতুনা তে রজা জিনস্স ইমে জেনা, পাদা, তেযেৰ অম্বুজানিৰ অম্বুজানি, তেসং দ্ৰযে ¶ সেন্তি পৰত্তন্তি, তথা হোতু ৰা মা ৰা, পণতিগেধেনেৰ ৰদতি. এত্থ ‘‘কথমহং ভগৰতো পাদে নিচ্চং সিরসা পণমামী’’ত্যধিপ্পাযো ৰিত্থারেন ৰুত্তো.

১২৫. ‘‘মত্থকি’’চ্চাদি, মতস্সাপি মে ময্হং মত্থকট্ঠী মুদ্ধনি অট্ঠীনি রজোভাৰং অতিসুখুমরজত্তং ৰজন্তু পাপুণন্তু. কস্মা আসীসনং করোতীতি চে? যতো যস্মা কারণা পুঞ্ঞেন ময্হং তথাৰিধেন কুসলকম্মেন হেতুনা তে রজা জেনপাদম্বুজদ্ৰযে জিনপটিবদ্ধচরণপদুমযুগল়ে সেন্তি পৰত্তন্তি, বুদ্ধস্স সিরিপাদে কিঞ্চিপি রজোজল্লং ন উপলিম্পতেৰ, তথাপি ৰন্দনাভিলাসেন এৰং ৰুত্তং. এত্থ ‘‘কথমহং ভগৰতো সিরিপাদে মুদ্ধনা নিচ্চং পণমামী’’ত্যভিলাসো ৰিত্থারেন ৰুত্তো. মত্থকে অট্ঠীতি চ, রজসো ভাৰোতি চ, জিনস্স ইমেতি চ, জেনা চ তে পাদা চেতি চ, তেযেৰ অম্বুজানীতি চ, তেসং দ্ৰযন্তি চ ৰিগ্গহো.

ইচ্চত্র নিচ্চংপণতি-গেধো সাধু পদিস্সতি;

জাযতে’যং গুণো তিক্খ-পঞ্ঞান’মভিযোগতো.

১২৬. ব্যাসত্তমেৰস্স ৰিৰরতি ‘‘ইচ্চত্রি’’চ্চাদিনা. ইচ্চেৰং অত্র গাথাযং পণতিযং পণামে গেধো অধিকচ্ছন্দো সাধু সুন্দরং পদিস্সতি ৰিঞ্ঞাযতে, অযং যথাৰুত্তো ওজো গুণো পরিণতভাৰসঙ্খাতো তিক্খপঞ্ঞানং সাতিসযমতীনং এৰং সন্তেপি অভিযোগতো পুনপ্পুনপ্পৰত্তিতপরিচযবলেন জাযতে উপ্পজ্জতি.

১২৬. ইদানি সংখিত্তস্সত্থস্স ৰিত্থারেন পকাসিতভাৰং ‘‘ইচ্চত্র’’ইচ্চাদিনা নিদ্দিসতি. ইতি ইমিনা অনন্তরগাথাযং ৰুত্তক্কমেন অত্র ইমিস্সং গাথাযং নিচ্চংপণতিগেধো নিরন্তরপণামে অধিককত্তুকামতাকুসলচ্ছন্দো সাধু ৰিভূতো ৰিভূতং ৰা পদিস্সতি পঞ্ঞাযতি, অযং ¶ গুণো যথাৰুত্তো অযং পরিণতভাৰসঙ্খাতো ওজো নাম সদ্দত্থগুণো তিক্খপঞ্ঞানং সুখুমবুদ্ধিমন্তানং অভিযোগতো গন্থৰিসযভূতেন নিরন্তরাভ্যাসেনেৰ জাযতে সিজ্ঝতি, ৰত্তু পারিণত্যেনেৰ ভৰনতো যেসং কেসঞ্চি যেন কেনচি পকারেন ন সিজ্ঝতীতি. নিচ্চং পৰত্তা পণতীতি চ, তস্সং গেধোতি চ, তিক্খা পঞ্ঞা যেসন্তি চ, অভি পুনপ্পুনং যোগো যুঞ্জনন্তি চ ৰিগ্গহো.

মধুরত্তং পদাসত্তি-রনুপ্পাসৰসা দ্ৰিধা;

সিযা সমসুতি পুব্বা, ৰণ্ণাৰুত্তি পরো যথা.

১২৭. মাধুরিযমৰধারযমাহ ‘‘মধুরত্ত’’মিচ্চাদি. সৰনীযত্তেন মনোহরত্তং মধুরত্তং. তং পদানি ৰাক্যালঙ্কারানি সমানানি উত্তরুত্তরেহি, তেসং আসত্তি ঠানাদিনাযথাকথঞ্চি সমসুতীনং আসন্নতা পদাসত্তি, পঠমপ্পযুত্তস্সক্খরস্স পচ্ছা পাসো পক্খেপো অনুপ্পাসো, পদাসত্তি চ অনুপ্পাসো চ, তেসং ৰসেন দ্ৰিধা হোতি. ‘‘কীদিসা তে’’তি আহ ‘‘সিযা’’তিআদি. পুব্বা পঠমাভিহিতা পদাসত্তি সমা যেন কেনচি ঠানমত্তাসংযোগাদিনা পদন্তরেন সুতি ৰণ্ণো যস্সা সা সিযা ভৰেয্য, পরো পচ্ছিমো অনুপ্পাসো তু ৰণ্ণস্স সরব্যঞ্জনলক্খণস্স আৰুত্তি পুনপ্পুনুচ্চারণং সিযাতি. এৰং কত্থচি বন্ধে সমানপদাসত্তি কত্থচি অনুপ্পাসো কত্থচি তদুভযং, দ্ৰযেন রহিতো ৰিরসো বন্ধো নস্সাদীযতে কৰীহি, তাদিসং মধুরত্তং দুৰিধং পটিপজ্জিতব্বং, সিলেসসমতান্ৰিতন্তুচ্চন্তমেৰ রমণীযং সিযাতি লক্খণং দস্সেত্ৰা ‘‘যথে’’তি লক্খিযমুভযত্থোদাহরতি ‘‘যদে’’চ্চাদিনা, ‘‘মুনিন্দি’’চ্চাদিনা চ.

১২৭. ইদানি মধুরগুণং দস্সেতি ‘‘মধুরি’’চ্চাদিনা. মধুরত্তং সৰনীযভাৰতো মনোহরত্তং মধুরগুণং, পদানং ৰাক্যাৰযৰসঙ্খাতানং স্যাদ্যন্তাদীনং উপরূপরিপদেহি সমানানং ¶ আসত্তি ঠানকরণাদিনা যেন কেনচি পকারেন অঞ্ঞমঞ্ঞং আসন্নতা, অনুপ্পাসো পুব্বুচ্চারিতৰণ্ণানং পুন পক্খিপনঞ্চাতি দ্ৰিন্নং ৰসা ৰিভাগেন দ্ৰিধা হোতি. তত্থ পুব্বা পদাসত্তি সমসুতি সিযা, পুব্বাপরৰণ্ণানং ঠানমত্তাকরণাদীহি আসন্নসুতিসঙ্খতৰণ্ণৰুত্তি হোতি, পরো অনুপ্পাসো পন ৰণ্ণাৰুত্তি সরব্যঞ্জনসভাৰানং পুব্বুচ্চারিতৰণ্ণানং পুনপ্পুনুচ্চারণং সিযাতি. যথাতি দ্ৰীসু উদাহরণমাদিসতি. এৰং কত্থচি বন্ধে পদাসত্তি কত্থচি অনুপ্পাসো কত্থচি তদুভযং, দ্ৰীহি ৰিনিমুত্তো পন বন্ধো ৰিঞ্ঞূহি অস্সাদনীযো ন হোতি. উপরি ৰক্খমানাহি সিলেসসমতাহি যুত্তং মধুরত্তং পন ৰিসেসতো অস্সাদনীযং হোতীতি. মধুরস্স বন্ধস্স ভাৰোতি চ, পদানং আসত্তীতি চ, অনু পচ্ছা পাসো পক্খেপোতি চ, পদাসত্তি চ অনুপ্পাসো চাতি চ, তেসং ৰসো ভেদোতি চ, সমা সুতি ৰণ্ণো যস্সাতি চ, ৰণ্ণস্স আৰুত্তীতি চ ৰিগ্গহো.

১২৮. এসো মুনিপুঙ্গৰো যদা যতো পভুতি অভিসম্বোধিং সব্বঞ্ঞুতঞ্ঞাণং সম্পত্তো সমধিগতো, তদা পভুতি ততো আরব্ভ ধম্মস্স চতুসতিপট্ঠানাদিভেদস্স সত্ততিংসবোধিপক্খিযসঙ্খাতস্স মহুস্সৰো মহন্তো অব্ভুদযো নিপ্পটিপক্খা পৰত্তি লোকে তিৰিধে জাতো অহোসীতি. ইহ ক্ৰচি দীঘতাকতং সদিসত্তং, ক্ৰচি ঠানকতং, ক্ৰচি সংযোগকতং, ক্ৰচি অঞ্ঞথা, তেনাহ ‘‘সিযা সমসুতি পুব্বা’’তি.

১২৮. ‘‘যদি’’চ্চাদি. ¶ এসো মুনিপুঙ্গৰো যদা অভিসম্বোধিং সব্বঞ্ঞুতং সম্পত্তো সসন্তানে উপ্পাদনৰসেন সম্পাপুণি, তদা পভুতি ততো পট্ঠায ধম্মস্স কাযানুপস্সনাসতিপট্ঠানাদিপভেদস্স সত্ততিংসবোধিপক্খিযধম্মস্স মহুস্সৰো মহাভিৰুদ্ধি লোকে কামাদিলোকত্তযে জাতোতি. ইহ ‘‘যদা এসো’’তি দীঘকালৰসেন আসন্নতা, ‘‘য এ’’তি ঠানৰসেন আসন্নতা, ‘‘অভিসম্বোধিং সম্পত্তো’’তি সংযোগৰসেন আসন্নতা, ‘‘ভি ধি’’ন্তি ধনিততো আসন্নতাতি ইচ্চাদিনা পদাসত্তি দট্ঠব্বা. অভিসম্বুজ্ঝতি এতাযাতি চ, পুমা চ সো গোচেতি চ, মুনীনং পুঙ্গৰোতি চ, মহন্তো চ সো উস্সৰো চাতি চ ৰিগ্গহো.

মুনিন্দমন্দহাসা তে, কুন্দসন্দোহৰিব্ভমা;

দিসন্ত’মনুধাৰন্তি, হসন্তা চন্দকন্তিযো.

১২৯. কুন্দানং কুসুমানং সন্দোহো সমূহো, তস্স ৰিব্ভমো যেসং তে, মুনিন্দস্স মন্দহাসা মনুঞ্ঞা হসিতানি চন্দস্স কন্তিযো সোভাযো হসন্তা ৰিডম্বযন্তা দিসন্তমনুধাৰন্তি অনুৰিচরন্তি. ইচ্চত্র নকারসহিতস্স দকারস্স, তকারস্স চানুৰত্তনং.

‘‘ইন্দনীলদলদ্ৰন্দ-সুন্দরং সিরিমন্দিরং;

মুনিন্দনযনদ্ৰন্দং, ৰিন্দতি’ন্দীৰরজ্জুতিং’’.

১২৯. ‘‘মুনিন্দি’’চ্চাদি. কুন্দসন্দোহৰিব্ভমা সুপুপ্ফিতকুন্দকুসুমরাসিসদিসলীলাৰন্তা তে মুনিন্দমন্দহাসা বুদ্ধস্স মনুঞ্ঞা হসিতা চন্দকন্তিযো নিম্মলচন্দকিরণে হসন্তা নিন্দন্তা দিসন্তং তং তং দিসং, দিসাপরিযন্তং ৰা অনুধাৰন্তি ৰিধাৰন্তীতি. এত্থ নকারসহিতদকারস্স, নকারসহিততকারস্স চ আৰুত্তি দট্ঠব্বা. মন্দা চ তে হাসা চেতি ¶ চ, মুনিন্দস্স মন্দহাসাতি চ, কুন্দানং সন্দোহোতি চ, তস্স ৰিব্ভমো যেসন্তি চ, দিসাযেৰ দিসন্তং, দিসানং ৰা অন্তন্তি চ ৰিগ্গহো.

‘‘ইন্দনীলদলদ্ৰন্দ-সুন্দরং সিরিমন্দিরং;

মুনিন্দনযনদ্ৰন্দং, ৰিন্দতি’ন্দীৰরজ্জুতি’’ন্তি.

ইদম্পি নকারসহিতদকারৰণ্ণাৰুত্তিযা অপরমুদাহরণং.

তত্থ ইন্দনীলদলদ্ৰন্দসুন্দরং ইন্দনীলমণিসকলিকাযুগল়মিৰ মনোহরং সিরিমন্দিরং ততোযেৰ সোভায নিৰাসট্ঠানভূতং মুনিন্দনযনদ্ৰন্দং ইন্দীৰরজ্জুতিং নীলুপ্পলকন্তিং ৰিন্দতি অনুভোতি, ইন্দীৰরজ্জুতিসমানাতি অধিপ্পাযো.

সব্বকোমলৰণ্ণেহি, না’নুপ্পাসো পসংসিযো;

যথা’যং মালতীমালা, লিনলোলালিমালিনী.

১৩০. যেহি কেহিচি আৰুত্তিতো অনুপ্পাসোতি চে? নেত্যাহ ‘‘সব্ব’’ইচ্চাদি. সব্বেহি কোমলেহি সুকুমারেহি ৰণ্ণেহি অক্খরেহি অনুপ্পাসো ন পসংসিযো সিলাঘনীযো ন হোতি সিলেসৰিরোধিত্তা. ‘‘যথে’’তি তং উদাহরতি. অযং মালতীমালা জাতিকুসুমদামং লিনানং ব্যাধিতানং লোলানং ¶ কুসুমরসারব্ভ লোলুপানং অলীনং ভমরানং মালা পন্তি সা অস্সা অত্থীতি লিনলোলালিমালিনী.

১৩০. ৰুত্তানুপ্পাসোপি সব্বকোমলৰণ্ণেহি ৰিরচিতো ন পসংসিযোতি দস্সেতুং ‘‘সব্বকোমলৰণ্ণেহী’’তিআদিমাহ. সব্বকোমলৰণ্ণেহি সব্বেহি সুকুমারক্খরেহি কতো অনুপ্পাসো ৰণ্ণাৰুত্তিলক্খণো ন পসংসিযো সিলেসালঙ্কারৰিরুদ্ধত্তা পসত্থো ন হোতি. ‘‘যথা’’তি তমুদাহরতি. অযং মালতীমালা এসা জাতিসুমনমালিকা লিনানং ব্যাৰটানং পতন্তানং লোলানং গন্ধলুদ্ধানং অলীনং ভমরানং মালিনী পন্তিযুত্তাতি. এত্থ লকারস্সেৰ পুনপ্পুনপ্পযোগেন কোমলৰণ্ণাৰুত্তি. মালতীনং মালাতি চ, লোলা চ তে অলযো চাতি চ, লিনা চ তে লোলালযো চাতি চ, তেসং মালাতি চ, সা অস্স অত্থীতি চ ৰিগ্গহো.

১৩১. সমতং সম্ভাৰেতি ‘‘মুদূহি’’চ্চাদিনা. কেৰলেহি কেৰলফুটাদিভাৰাপৰত্তেহি সকলেহি মুদূহি চতূসুপি পাদেসু সজাতিযেহি অসিথিলকোমলেহি ৰা ককারাদীহি ৰা সিথিলকোমলস্স সিলেসপটিপক্খত্তা কেৰলেহি ফুটেহি ৰা অধিমত্তসুতীহি ভকারাদীহি [রাগাদীহি (ক.)] ৰা অকিচ্ছৰচনীযে কিচ্ছৰচনীযস্স সুখুমালৰিপরিযযত্তা মিস্সেহি ৰা মজ্ঝিমসুতীহি মুদুভূতসংসট্ঠেহি ৰা ৰণ্ণেহি অক্খরেহি করণভূতেহি সমতা তিধা হোতি গজ্জে পজ্জে ৰা. ‘‘যথে’’তি তিৰিধমুদাহরতি.

১৩১. ইদানি সমতং ৰিভাৰেতুং ‘‘মুদূহি’’চ্চাদিমাহ. কেৰলেহি ফুটমিস্সেহি অঞ্ঞত্তা সকলেহি মুদূহি সিথিলকোমলেহি ৰণ্ণেহি ককারাদীহি ৰা কেৰলেহি ফুটেহি কেৰলকোমলৰণ্ণরহিতত্তা সকলেহি অকিচ্ছুচ্চারণীযেহি অধিমত্তসুতীহি ভকারাদীহি ৰণ্ণেহি ৰা মিস্সেহি যথাৰুত্তমুদুফুটসম্মিস্সেহি ৰণ্ণেহি ৰা করণভূতেহি সমতা গজ্জে ৰা পজ্জে ৰা তিধা হোতীতি. যদি সিথিলকোমলৰণ্ণেহি ৰিচরিতং সিলেসালঙ্কারস্স, কিচ্ছুচ্চারণীযেহি ফুটৰণ্ণেহি কতং সুখুমালালঙ্কারস্স ¶ চ ৰিরুজ্ঝতীতি. ‘‘যথা’’তি তিৰিধমুদাহরতি.

১৩২. ‘‘কোকিলে’’চ্চাদি. কোকিলানং করৰীকসকুণানং আলাপো কূজিতং, তং সংৰদতি পকাসতি সীলেনাতি কোকিলালাপসংৰাদী, তংসদিসোতি অত্থো, মুনিন্দস্স আলাপো ৰিসট্ঠাদিঅট্ঠঙ্গিকো সরো তস্স ৰিব্ভমো ৰিলাসো সতং সপ্পুরিসানং হদযঙ্গমতং মনোনুসারিতং মধুরভাৰং যাতি, নিব্বুতিং নিব্বানঞ্চ তেসং দেতি.

১৩২. ‘‘কোকিলি’’চ্চাদি. কোকিলানং করৰীকসকুণানং আলাপং নাদলীলং সংৰাদী পকাসনসীলো, তংসদিসোতি অধিপ্পাযো, মুনিন্দস্স সব্বঞ্ঞুনো আলাপস্স ৰিসট্ঠাদিঅট্ঠঙ্গিকনাদস্স ৰিব্ভমো ৰিলাসো সতং সপ্পুরিসানং হদযঙ্গমতং চিত্তারাধিতভাৰং যাতি চ, নিব্বুতিং সুতসম্বন্ধেন তেসংযেৰ সাধূনং নিব্বানং দেতি চ দেন্তোপি হোতীতি. এত্থ কোকিলালাপসদ্দেন নিস্সিতে নিস্সযৰোহারেন লীলা গহিতা.

১৩৩. ‘‘সম্ভাৰনীযে’’চ্চাদি. ¶ সম্ভাৰনীযো আদরণীযো. সদেৰকে লোকে সন্তো সোভনো ভাৰো অধিপ্পাযো যস্স তং. ভৰন্তং নিব্বানং গতোতি ভৰন্তগু, তং ৰিভুং. ভগৰন্তং সম্মাসম্বুদ্ধং. ভৰস্স সংসারস্স অন্তো অৰসানং নিব্বানং, তস্স সাধনং সম্পাদনমাকঙ্খতি সীলেনাতি ভৰন্তসাধনাকঙ্খী, কো নাম সংসারৰত্তিজনো. ন সম্ভাৰযে আদরং ন করেয্য, করোত্যেৰাতি অত্থো.

১৩৩. ‘‘সম্ভাৰনীযি’’চ্চাদি. সম্ভাৰনীযসম্ভাৰং সদেৰকেন লোকেন আদরণীযসোভনাধিপ্পাযং ভৰন্তগুং ভৰস্স অন্তসঙ্খাতং নিব্বানং গতং ৰিভুং পভুং ভগৰন্তং সম্মাসম্বুদ্ধং ভৰন্তসাধনাকঙ্খী নিব্বানসাধনাভিলাসী কো কতমো সংসারৰত্তিজনো ন সম্ভাৰযে আদরং ন করেয্য, করোত্যেৰ. সন্তো চ সো ভাৰো চাতি চ, সম্ভাৰনীযো সম্ভাৰো যস্সেতি চ, ভৰস্স অন্তন্তি চ, ভৰন্তং গতোতি চ, তস্স সাধনন্তি চ, তং আকঙ্খতি সীলেনাতি চ ৰিগ্গহো.

লদ্ধচন্দনসংসগ্গ-সুগন্ধিমলযানিলো;

মন্দ’মাযাতি ভীতোৰ, মুনিন্দমুখমারুতা.

১৩৪. ‘‘লদ্ধি’’চ্চাদি. লদ্ধো চন্দনতরূনং সংসগ্গো পরিচযো তেন সোভনো গন্ধো অস্সাতি সুগন্ধী সুরভি মলযানিলোদক্খিণপৰমানো মুনিন্দস্স মুখমারুতা ভীতোৰ তাদিসমুদুত্তসীতলত্তসুগন্ধসম্পত্তিযা অত্তনো দূরতরত্তা আযাতি অনুৰত্ততি. মন্দন্তি আগমনক্রিযাৰিসেসনং.

১৩৪. ‘‘লদ্ধি’’চ্চাদি. ¶ লদ্ধচন্দনসংসগ্গসুগন্ধিমলযানিলো পটিলদ্ধচন্দনতরুসারসমৰাযেন সোভনগন্ধসমন্নাগতো মলযদেসতো আগচ্ছমানমালুতো মুনিন্দমুখমারুতা বুদ্ধস্স মুখসুরভিৰাসিতপৰনতো ভীতো ইৰ তাদিসমুদুসুরভিসীতলত্তস্স অত্তনি অসম্ভৰতো ভীতোৰ মন্দং সণিকং যাতি অভিমুখমেতীতি. চন্দনানং সংসগ্গোতি চ, লদ্ধো চ সো চন্দনসংসগ্গোতি চ, সোভনো গন্ধো যস্সাতি চ, লদ্ধচন্দনসংসগ্গেন সুগন্ধীতি চ, মলযতো আগতো অনিলোতি চ, মুনিন্দমুখতো নিক্খন্তো মারুতোতি চ ৰিগ্গহো. মন্দন্তি ক্রিযাৰিসেসনং. এত্থ তিৰিধসমতাযং ‘‘কোকিলালাপসংৰাদি’’চ্চাদিতিৰিধলক্খিযস্সাপি ‘‘মুদূহি ৰা কেৰলেহি’’চ্চাদিনা দস্সিতলক্খণত্তযেন তুল্যতা সুপাকটাৰাতি.

অনিট্ঠুরক্খরপ্পাযা, সব্বকোমলনিস্সটা;

কিচ্ছমুচ্চারণাপেত-ব্যঞ্জনা সুখুমালতা.

১৩৫. সুখুমালতা কথীযতি ‘‘অনিট্ঠুরক্খরে’’চ্চাদিনা. অনিট্ঠুরানি অফরুসানি অক্খরানি ৰণ্ণানি পাযানি বহূনি যস্সা সা তথা, ‘‘নিট্ঠুরানি অপ্পকানী’’তি পাযগ্গহণেন সূচিতং, ততোযেৰ সব্বেহি কেৰলেহি কোমলেহি সিথিলেহি লঘূহি অক্খরেহি নিস্সটা নিগ্গতা কিচ্ছেন দুক্খেন উচ্চারণা ততো অপেতানি অপগতানি ব্যঞ্জনানি যস্সা সাতি অনুৰদিত্ৰা সুখুমালতা ৰিধীযতে.

১৩৫. ইদানি সুখুমালতং দস্সেতি ‘‘অনিট্ঠুরে’’চ্চাদিনা. অনিট্ঠুরক্খরপ্পাযা অকক্কসৰণ্ণবহুলা সব্বকোমলনিস্সটা অনিট্ঠুরক্খরানং যেভুয্যগ্গহণতোযেৰ সকলসিথিলৰণ্ণৰিরহিতা কিচ্ছমুচ্চারণাপেতব্যঞ্জনা দুক্খুচ্চারণীযৰণ্ণেহি ৰিগতঅক্খরসমন্নাগতা সুখুমালতা নামাতি. অনিট্ঠুরানি অক্খরানি পাযানি বহূনি যস্সন্তি চ, সব্বে চ তে কোমলা চেতি চ, তেহি নিস্সটাতি ¶ চ, কিচ্ছেন উচ্চারণাতি চ, তেহি অপেতানীতি চ, তানি ব্যঞ্জনানি যস্সাতি চ ৰিগ্গহো. নিগ্গহীতাগমো.

পস্সন্তা রূপৰিভৰং, সুণন্তা মধুরং গিরং;

চরন্তি সাধূ সম্বুদ্ধ-কালে কেল়িপরম্মুখা.

১৩৬. উদাহরতি ‘‘পস্সন্তা’’ইচ্চাদি. রূপৰিভৰং রূপসম্পত্তিং পস্সন্তা মধুরং গিরং ৰাচং সুণন্তা সাধৰো কেল়িপরম্মুখা কীল়ায নিচ্ছন্তা চরন্তীতি সম্বন্ধো. কত্থাতি আহ ‘‘সম্বুদ্ধকালে’’তি.

১৩৬. ‘‘পস্সন্তি’’চ্চাদিনা লক্খিযমুদাহরতি, তং ৰুত্তত্থমেৰ.

অলঙ্কারৰিহীনাপি, সতং সম্মুখতে’দিসী;

আরোহতি ৰিসেসেন, রমণীযা তদুজ্জলা.

১৩৭. ৰিসিট্ঠস্সাঞ্ঞধম্মস্স অভাৰেপিমিনাৰোপাদেযো বন্ধোতি আহ ‘‘অলঙ্কারে’’চ্চাদি. অলঙ্কারেহি ৰিহীনাপি এদিসী সুখুমালতা সতং পণ্ডিতজনানং সম্মুখতং অভিমুখভাৰং ৰাচাগোচরত্তং আরোহতি উপগচ্ছতি, কিমুতঅত্থালঙ্কারালঙ্কিতেত্যপিসদ্দো. তেন সভাৰৰুত্যাদিনা অলঙ্কারেন উজ্জলা দিত্তা পন ৰিসেসেনাতিসযেন রমণীযা মনুঞ্ঞাতি.

১৩৭. ‘‘অলঙ্কারে’’চ্চাদি. এদিসী এৰংৰিধা সুখুমালতা অলঙ্কারৰিহীনাপি অত্থালঙ্কারৰিরহিতাপি সতং পঞ্ঞৰন্তানং সম্মুখতং অভিমুখভাৰং তেসং ৰচনৰিসযভাৰন্তি অত্থো আরোহতি পাপুণাতি. তদুজ্জলা তেন সভাৰৰুত্তিৰঙ্কৰুত্তিসম্ভূতেন অত্থালঙ্কারেন জোতমানা ৰিসেসেন অতিসযেন রমণীযা মনুঞ্ঞা হোতি. অলঙ্কারেহি ৰিহীনাতি চ, তেন উজ্জলাতি চ ৰিগ্গহো.

রোমঞ্চপিঞ্ছরচনা, ¶ সাধুৰাদাহিতদ্ধনী;

লল়ন্তি’মে মুনীমেঘু-ম্মদা সাধু সিখাৰলা.

১৩৮. তমুদাহরতি ‘‘রোমঞ্চে’’চ্চাদিনা. রোমঞ্চা লোমহংসা ইৰ রোমঞ্চা এৰ ৰা, পিঞ্ছানি বরিহানি [পরিহারানি (ক.)] তেসং রচনা ছত্তাকারেন ৰিধানং যেসং তে তথা, ‘‘সাধূ’’তি ৰাদো ৰচনং তংসদিসোযেৰ ৰা, আহিতো ধনি কেকাসঙ্খাতো যেসং তে তথা, মুনিমেঘেন মুনিসদিসেন মুনিসঙ্খাতেন ৰা ৰারিদেন উম্মদা মত্তা সাধুসদিসা সাধু এৰ ৰা সিখাৰলা মযূরা লল়ন্তি লীলোপেতা ৰিচরন্তি, অঞ্ঞমঞ্ঞং রমন্তীতি অত্থো.

১৩৮. অত্থালঙ্কারযুত্তসুখুমালতমুদাহরতি ‘‘রোমে’’চ্চাদিনা. রোমঞ্চপিঞ্ছরচনা লোমহংসসদিসা রোমা এৰ ৰা পিঞ্ছানং বরিহানং রচনা ছত্তাকারেন ৰিত্থারৰন্তা সাধুৰাদাহিতদ্ধনী ‘‘সাধূ’’তি ৰচনসদিসেহি সাধুৰাদেহি ৰা পৰত্তকেকানিন্নাদেহি সমন্নাগতা মুনিমেঘুম্মদা মুনিসদিসেন মুনিসঙ্খাতেন ৰা মেঘেন সঞ্জাতমদা ইমে সাধুসিখাৰলা সজ্জনসদিসা সাধুনো এৰ ৰা মযূরা লল়ন্তি লীলোপেতা ভৰন্তীতি. ইদং অসেসৰত্থুৰিসযং সমাসরূপকং অমুখ্যপক্খে ‘‘রোমঞ্চা ৰিয সাধুৰাদো ৰিয মুনি ৰিয সাধৰো ৰিযা’’তি চ, মুখ্যপক্খে ‘‘পিঞ্ছরচনা ৰিয আহিতদ্ধনী ৰিয মেঘো ৰিয সিখাৰলা ৰিযা’’তি উপচরিতব্বং. রোমঞ্চা এৰ পিঞ্ছানীতি চ, তেসং রচনা যেসন্তি চ, ‘‘সাধু’’ইতি ৰাদোতি চ, আহিতো চ সো ধনি চেতি চ, সাধুৰাদো আহিতদ্ধনি যেসন্তি চ, মুনি এৰ মেঘোতি চ, তেন উম্মদাতি চ, সাধৰো এৰ সিখাৰলাতি চ ৰাক্যং. ‘‘মুনীমেঘো’’তি এত্থ দীঘত্তং ছন্দানুরক্খণত্থং.

সুখুমালত্তমত্থেৰ, পদত্থৰিসযম্পি চ;

যথা মতাদিসদ্দেসু, কিত্তিসেসাদিকিত্তনং.

১৩৯. ন ¶ কেৰলং সুখুমালতা সদ্দেৰ, অত্থেপীতি দস্সেতুমাহ ‘‘সুখুমালত্ত’’মিচ্চাদি. অত্থেৰাতি ৰিজ্জতেৰ, তং তু অনোচিত্যগাম্মাদিৰজ্জনা সম্ভৰতি. ‘‘যথে’’তি তমুদাহরতি. মতাদিসদ্দেসু ৰত্তব্বেসু কিত্তিসেসাদীনং সদ্দানং কিত্তনং কথনং.

১৩৯. অযং সুখুমালতা ন কেৰলং সদ্দেৰ, অত্থেপীতি দস্সেতুং আহ ‘‘সুখুমালত্ত’’মিচ্চাদি. সুখুমালত্তমত্থেৰ পদত্থৰিসযম্পি চ পদাভিধেয্যগোচরম্পি সুখুমালত্তং অত্থেৰ, তঞ্চ ওচিত্যহীনগাম্মদোসপরিহারেন সিজ্ঝতি. ‘‘যথা’’তি তমুদাহরতি. মতাদিসদ্দেসু ৰত্তব্বেসু কিত্তিসেসাদিসদ্দানং কিত্তনং কথনন্তি. মতো ইতিআদি যেসং ‘‘জীৰিতক্খযং পত্তো’’ ইচ্চাদীনমিতি চ, কিত্তিসেসো ইতিআদিযেসং ‘‘দেৰত্তং গতো, সগ্গকাযমলঙ্করী’’ত্যাদীনমিতি চ ৰিগ্গহো.

১৪০. সিলেসং দস্সেতি ‘‘সিলিট্ঠে’’চ্চাদিনা. সিলিট্ঠানং বন্ধলাঘৰাভাৰেন অঞ্ঞমঞ্ঞং সিলিট্ঠানং পদানং সংসগ্গেন রমণীযো মনুঞ্ঞো গুণো তস্স আলযো পৰত্তিট্ঠানং. বন্ধস্স রচনায গারৰো অসিথিলতা, সহ তেন ৰত্ততীতি সবন্ধগারৰোতি অনুৰদিত্ৰা সোযং সিলেসো নামাতি ৰিধীযতে. ‘‘তং যথে’’ত্যুদাহরতি. যথা অযং সিলেসো, তথা অঞ্ঞোপি তাদিসো দট্ঠব্বো, ন ত্ৰযমেৰেতি ‘‘তং যথা’’ সদ্দস্সত্থো.

১৪০. ইদানি সিলেসং নিদ্দিসতি ‘‘সিলিট্ঠে’’চ্চাদিনা. সিলিট্ঠপদসংসগ্গরমণীযগুণালযো ঠানকরণাদীহি আসন্নৰণ্ণানং ¶ ৰিন্যাসহেতু অঞ্ঞমঞ্ঞনিস্সিতানং পদানং সমৰাযেন মনুঞ্ঞগুণস্স পৰত্তিট্ঠানভূতো সবন্ধগারৰো বন্ধগারৰসঙ্খাতরচনায অসিথিলভাৰেন সহ পৰত্তো সো অযং বন্ধো সিলেসো নামাতি. সিলেসো নাম বন্ধগারৰো, তপ্পটিপাদকবন্ধোপ্যেত্থ সিলেসোতি ৰুচ্চতি. সিলিট্ঠা চ তে পদা চেতি চ, তেসং সংসগ্গোতি চ, তেন রমণীযোতি চ, সো এৰ গুণোতি চ, তস্স আলযোতি চ, বন্ধস্স গুরুনো ভাৰোতি চ, তেন সহ পৰত্ততীতি চ ৰাক্যং. তং যথা ‘‘বালিন্দু’’ইচ্চাদি.

বালিন্দুৰিব্ভমচ্ছেদি-নখরাৰলিকন্তিভি;

সা মুনিন্দপদম্ভোজ-কন্তি ৰো ৰলিতা’ৰতং.

১৪১. ‘‘বালিন্দু’’ইচ্চাদি. বালিন্দুনো পঞ্চমী [পঞ্চমীচন্দস্স (?)] পঞ্চদসকলস্স ৰিব্ভমো মনোহরত্তং, তং ছিন্দতি সীলেনাতি বালিন্দুৰিব্ভমচ্ছেদিযো পঞ্চমীচন্দস্স কলাসন্নিভানং নখরানং নখানং আৰলিযো তাসং কন্তিভি সোভাহি সহ ৰলিতা সংযুত্তা সা, মুনিন্দস্স পদানিযেৰ অম্ভোজানি পদুমানি তেসং কন্তি. ৰো তুম্হে সামঞ্ঞেন ৰদতি. অৰতং পালযতু.

১৪১. বালিন্দু…পে… কন্তিভি তরুণচন্দৰিলাসৰিনাসনসভাৰসমন্নাগতনখপন্তিসোভাহি সহ ৰলিতা সংযুত্তা সা মুনিন্দপদম্ভোজকন্তি সা সম্বুদ্ধপাদপদুমসোভা ৰো তুম্হে অৰতং রক্খতূতি. বালো চ সো ইন্দু চাতি চ, তস্স ৰিব্ভমোতি চ, তং ছিন্দতি সীলেনাতি চ, নখানং আৰলিযোতি চ, তাসং কন্তীতি চ, বালিন্দুৰিব্ভমচ্ছেদিযো চ তা নখরাৰলিকন্তিযো চাতি চ, মুনিন্দস্স পদানীতি চ, তানিযেৰ অম্ভোজানীতি চ, তেসং কন্তীতি চ ৰিগ্গহো.

১৪২. উদারত্তমৰধারযমাহ ‘‘উক্কংসৰন্তো’’ইচ্চাদি. যো কোচি ‘‘ইদমেৰে’’তি নিযমাভাৰা গুণো চাগাতিসযাদিকো উক্কংসৰন্তো অধিমত্তো যদি পতীযতে ৰিঞ্ঞাযতে বন্ধেতি ৰিঞ্ঞাযতি ‘‘বন্ধপদ্ধতী’’তি ৰক্খমানত্তা, অযং উদারো ভৰেতি ৰিধি. উদারোযং হোতু, কিং ততো সিযাতি আহ ‘‘তেনি’’চ্চাদি. তেন উক্কংসৰতা গুণেন বন্ধপদ্ধতি রচনক্কমো নাথভূতেন উদারগুণেন সহ ৰত্ততীতি সনাথা, সম্পদাৰাতি [সম্পদাৰতীতি (?)] ৰুত্তং হোতি.

১৪২. ইদানি উদারত্তমুদ্দিসতি ‘‘উক্কংসে’’চ্চাদিনা. উক্কংসৰন্তো অতিসযৰা যোকোচি গুণো চাগাতিসযাদিকো সদ্দাৰলিযা পটিপাদনীযো আনুভাৰো যদি পতীযতে সচে কত্থচি বন্ধে ৰিঞ্ঞাযতে, অযং যথাৰুত্তগুণো উদারো নাম ভৰে. তেন কিং পযোজনন্তি চে? বন্ধবন্ধতি পদাৰলি তেন উক্কংসৰতা গুণেন সনাথা সপ্পতিট্ঠা হোতি. উক্কংসো অস্স অত্থীতি চ, নাথেন সহ ৰত্ততীতি চ, বন্ধস্স পদ্ধতীতি চ ৰিগ্গহো.

পাদম্ভোজরজোলিত্ত-গত্তা যেতৰ গোতম;

অহো তে জন্তৰো যন্তি, সব্বথা নিরজত্তনং.

১৪৩. তমুদাহরতি ‘‘পাদে’’চ্চাদিনা. গোতমাতি ভগৰন্তং গোত্তেন আলপতি. তৰ ভগৰতো পাদম্ভোজানং রজানি রেণৰো, তেহি লিত্তানি উপদেহিতানি গত্তানি যেসন্তি ৰিগ্গহো. যে জনা তে জন্তৰো সব্বপ্পকারেন রজোলৰেনাপ্যনুপলিত্তত্তা রজেহি কিলেসসঙ্খাতেহি ¶ নিগ্গতা নিরজা, তেসং ভাৰো নিরজত্তনং নিক্কিলেসভাৰং যন্তি পাপুণন্তি. অহো অচ্ছরিযং যতো রজসা লিত্তা নাম সংকিলিট্ঠাযেৰ সিযুং, ভৰং পন পাদরজসা ৰিলেপনে জনে নিরজে করোতি. অচ্ছরিযং ভৰতো ইদন্তি অত্থো.

১৪৩. ইদানি উদাহরতি ‘‘পাদম্ভোজে’’চ্চাদিনা. ভো গোতম যে সত্তা তৰ তুয্হং পাদম্ভোজরজোলিত্তগত্তা পাদপদুমরেণুলিত্তমত্থকনলাটাদিসরীরাৰযৰযুত্তা তে জন্তৰো সত্তা সব্বথা কিলেসসঙ্খাতরজোজল্লেহি অনুপলিত্তত্তা সব্বপ্পকারেন নিরজত্তনং ৰিগতকিলেসরজোভাৰং যন্তি পাপুণন্তি, অহো অচ্ছরিযং. রজোলিত্তা নাম সংকিলিট্ঠা সিযুং, ত্ৰং পন পাদরজসা উপলিত্তেপি সত্তে নিরজে করোসীতি ভাৰো. ইহ ভগৰতো উক্কংসগুণো দীপিতো হোতি. পাদানিযেৰ অম্ভোজানীতি চ, তেসং রজানীতি চ, তেহি লিত্তানি গত্তানি যেসন্তি চ, রজেহি কিলেসেহি নিগ্গতাতি চ, তেসং ভাৰোতি চ ৰাক্যং.

এৰং জিনানুভাৰস্স, সমুক্কংসো’ত্রদিস্সতি;

পঞ্ঞৰা ৰিধিনা’নেন, চিন্তযে পরমীদিসং.

১৪৪. কো পনেত্থ উক্কংসৰন্তো গুণো যেন বন্ধো সনাথো সিযাতি চে? আহ ‘‘এৰ’’মিচ্চাদি. এৰমিতি জিনানুভাৰস্স সম্মাসম্বুদ্ধপভাৰস্স সমুক্কংসো অতিসযো দিস্সতি পদিস্সতে অত্র বন্ধে, তস্মা জিনানুভাৰেন উক্কংসৰতা গুণেন বন্ধো সনাথো সিযাতি. পকারমিমমঞ্ঞত্রপিঅতিদিসন্তো আহ ‘‘পঞ্ঞৰা’’তিআদি. পঞ্ঞৰা পঞ্ঞাসম্পন্নো অনেন ৰিধিনা ইমিনা পকারেন এদিসং এৰরূপং পরং অঞ্ঞং চিন্তযে ৰিতক্কেয্য.

১৪৪. ইদানি ¶ যথাৰুত্তগুণনিদস্সনঞ্চ সিস্সানুসাসনঞ্চ দস্সেতি ‘‘এৰ’’মিচ্চাদিনা. অত্র ইমিস্সং অনন্তরগাথাযং এৰং যথাৰুত্তক্কমেন জিনানুভাৰস্স তথাগতপ্পভাৰস্স সমুক্কংসো আধিক্কং দিস্সতি পদিস্সতে, তস্মা জিনানুভাৰসঙ্খাতেন উক্কংসৰতা গুণেন বন্ধো সনাথো ভৰেয্য. পঞ্ঞৰা পসত্থঞাণৰন্তো অনেন ৰিধিনা ইমিনা কমেন ঈদিসং পরং অঞ্ঞং চিন্তযে কপ্পেয্য.

১৪৫. অপরমুদারপ্পকারং দস্সেতুমাহ ‘‘উদারো’’ইচ্চাদি. যং পসত্থং সিলাঘনীযং ৰিসেসনং উপাদিযতি, সোপি ন পন যথাৰুত্তোৰ উদারো ৰিঞ্ঞেয্যো. ‘‘যথে’’ত্যুদাহরতি. কীল়ায কীল়ত্থং সরো, লীলায যুত্তো হাসো, হেমং হেমমযমঙ্গদন্তি সমাসো, তং আদি যেসন্তি বাহিরত্থো. আদিসদ্দেন কুসুমদামমণিমেখলাদীনং সঙ্গহো. অযং তু বন্ধফরুসগাম্মপরিচ্চাগা সম্ভৰতি.

১৪৫. অঞ্ঞমপি উদারং দস্সেতি ‘‘উদারো’’চ্চাদিনা. যং পসত্থৰিসেসনং পসংসনীযৰিসেসনং হোতি, সোপি উদারোতি ৰিঞ্ঞেয্যো. ‘‘যথা’’তি তমুদাহরতি. কীল়াসরো কীল়ায কতো সরো. লীলাহাসো লীলায যুত্তো হাসো. হেমঙ্গদাদযো সুৰণ্ণকেযূরাইচ্চাদযোতি. কীল়ত্থায সরোতি চ, লীলায যুত্তো হাসোতি চ, হেমং হেমমযং অঙ্গদন্তি চ, লীলাহাসো চ হেমঙ্গদঞ্চাতি চ, তানি আদীনি যেসং কুসুমদামমণিমেখলাদীনন্তি চ ৰিগ্গহো. অযমুদারো বন্ধফরুসগাম্মাদিদোসপরিচ্চাগেন সিজ্ঝতি.

১৪৬. কন্তিং কথযতি ‘‘লোকিযি’’চ্চাদিনা. লোকে ৰিদিতো লোকিযো, তং লোকিযং অত্থং অভিধেয্যং অনতিক্কন্তা অনতীতা সব্বেসং কৰীনমিতরেসং ৰা জনানং এৰ কন্তা মনোহরা কন্তি নামাতি ৰুচ্চতি. অযং পন সদ্দগুণো অতিৰুত্তস্স ৰাক্যদোসস্স পরিচ্চাগেন সম্ভৰতি. তেনাহ ‘‘অতিৰুত্তস্সা’’তিআদি. উদাহরণত্থো হেট্ঠা ৰুত্তোযেৰ.

১৪৬. ইদানি কন্তিং দস্সেতি ‘‘লোকিযি’’চ্চাদিনা. লোকিযত্থানতিক্কন্তা লোকে পসিদ্ধসদ্দত্থমনতিক্কন্তা সব্বজনানং সকলকৰীনং কন্তা মনুঞ্ঞা কন্তি নাম ৰুচ্চতে, সা অতিৰুত্তস্স অতিৰুত্তদোসস্স পরিহারতো ৰুত্তা দোসপরিহারপরিচ্ছেদে কথিতা হোতি. অতিৰুত্তদোসপরিহারতো এৰ কন্তিযা সিদ্ধত্তা তস্স লক্খিযো এৰ এতিস্সা হোতীতি অধিপ্পাযো. লোকে ৰিদিতোতি চ, সো চ সো অত্থো চেতি চ ৰিগ্গহো. ‘‘যথা’’তি কন্তিযা উদাহরণং দস্সেতি ‘‘মুনিন্দ’’ইচ্চাদি. তং ৰুত্তমেৰ.

যথা ‘‘মরীচি’’চ্চাদি চ, ‘‘মনোনুরঞ্জনো’’চ্চাদি চ.

১৪৭. অত্থব্যত্তিং ¶ ব্যঞ্জযতি ‘‘অত্থব্যত্তাভিধেয্যি’’চ্চাদিনা. অভিধেয্যস্স সম্বন্ধঅত্থস্স সদ্দতো অত্থতো ৰা সামত্থিযতো ৰা অনেয্যতা পতীতি অঞ্ঞথা ৰগমো গত্যন্তরাভাৰা, যতো ৰুত্তং ‘‘দুল্লভাৰগতী সদ্দ-সামত্থিযৰিলঙ্ঘিনী’’তি. তমনুৰদিত্ৰা অত্থব্যত্তি ৰিধীযতে. সা পন ব্যাকিণ্ণনেয্যাদিদোসৰজ্জনায জাযতে. তদুভযা জাতা সাযং অনেয্যতা নেয্যপরিহারে পদস্সিতা পকাসিতা. পঠমদুতিযোদাহরণস্সত্থো ৰুত্তো.

১৪৭. ইদানি অত্থব্যত্তিং দস্সেতি ‘‘অত্থব্যত্তি’’চ্চাদিনা. অভিধেয্যস্স অত্থস্স সদ্দতো অত্থতো অত্থসামত্থিযতো চ অনেয্যতা তত্থেৰ ৰিজ্জমানত্তা সদ্দস্স অত্থস্স ৰা আহরিত্ৰা ৰত্তব্বস্স অভাৰো অত্থব্যত্তি নাম, তদুভযা তেহি দ্ৰীহি জাতা সা অযং অনেয্যতাসঙ্খতা অত্থব্যত্তি নেয্যপরিহারে নেয্যদোসপরিহারপদেসে পদস্সিতা পকাসিতাতি. ‘‘দুল্লভাৰগতী সদ্দ-সামত্থিযৰিলঙ্ঘিনী’’তি ৰুত্তত্তা অত্থপতীতি পন ৰিনা সদ্দঞ্চ সামত্থিযঞ্চ অঞ্ঞথানুপলব্ভতীতি ইহ ‘‘সদ্দতো অত্থতো’’তি ৰুত্তং. অত্থস্স ব্যত্তি পতীতীতি চ, নত্থি নেয্যং আহরিতব্বং অস্স অভিধেয্যস্সাতি চ, তস্স ভাৰোতি চ, তে চ তে উভো সদ্দত্থা চাতি চ, তে অৰযৰা এতিস্সাতি চ, নেয্যস্স পরিহারোতি চ ৰাক্যং. ইদানি ‘‘যথে’’চ্চাদিনা দ্ৰিপ্পকারায অত্থব্যত্তিযা যথাক্কমং উদাহরণমনুস্সারেতি ‘‘মরি’’চ্চাদিগাথাদ্ৰযেন, তং হেট্ঠা ৰুত্তমেৰ.

১৪৮. পুন ¶ দুতিযে তু ধীরাতি আমন্তনং. তে তৰ পাদনখেসু সভাৰামলতা পকতিপরিসুদ্ধতা মুধা তুচ্ছা. কস্মাতি চে? যতো যস্মা কারণা তে পাদনখা অৰনতস্স সন্নতস্স অনন্তস্স নাগরাজস্স মোল়িনো কিরীটস্স অৰনতানং ৰা নরমরানং অনন্তানং মোল়ীনং ছাযা ছৰিযো নো জহন্তি ন পরিচ্চজন্তি, সঞ্ছৰিযো পন জহন্তীতি. এত্থ নখেসু সঞ্ছৰিত্তা পাদনখস্স মোল়ীনং নিরন্তরপ্পণামাব্যভিচারানরমরাদীনং ভগৰতো পাদারৰিন্দৰন্দনং সামত্থিযা ফুটং গম্যতে.

১৪৮. ‘‘পুন অত্থেন যথা সভাৰি’’চ্চাদি. ধীর তে তৰ পাদনখেসু সভাৰামলতা পকতিপরিসুদ্ধতা মুধা তুচ্ছা. কস্মাতি চে? যতো যস্মা তে চরণনখা অৰনতানন্তমোল়িচ্ছাযা পাদানতস্স অনন্তনাগরাজস্স কিরীটস্স সম্বন্ধিনী, অৰনতানং ৰা অনন্তানং দেৰমনুস্সানং মোল়ীনং ছাযা কন্তিযো নো জহন্তি ন ৰিজহন্তি, পকতিৰণ্ণং পহায কিরীটকন্তিসদিসা তে হোন্তি, তস্মা এত্থ চন্দকিরণসন্নিভানং নখরংসীনং সমীপে মোল়ীনং নখরংসীহি অমদ্দিতসককন্তিযুত্তভাৰমাপজ্জনং তাদিসানং নিরন্তরপ্পণামাভাৰাভাৰতো খত্তিযাদীনং মুনিন্দপাদারৰিন্দদ্ৰন্দে নিরন্তরপ্পণামো সামত্থিযা ৰিভূতং গম্যতে. সস্স ভাৰোতি চ, তেন অমলাতি চ, তেসং ভাৰোতি চ, পঠমপক্খে অৰনতো চ সো অনন্তো চাতি চ, তস্স মোল়ীতি চ, তস্স ছাযাযোতি চ, দুতিযপক্খে অনন্তা চ তে মোল়ী চেতি চ, অৰনতানং অনন্তমোল়ীতি চ, তেসং ছাযাযোতি চ ৰাক্যং.

‘‘বন্ধসারো’’তি মঞ্ঞন্তি, যং সমগ্গাপি ৰিঞ্ঞুনো;

দস্সনাৰসরং পত্তো, সমাধি নাম’যং গুণো.

১৪৯. সমাধিফলং কিচ্চাহ ‘‘বন্ধে’’চ্চাদি. যন্তি যং সমাধিং বন্ধস্স গজ্জপজ্জমিস্সভাৰস্স সারোতি সব্বস্স জীৰিতং ¶ তপ্পরাযত্তা বন্ধস্স সমগ্গাপি ৰিঞ্ঞুনো সব্বেপি কৰিনো মঞ্ঞন্তি চিন্তেন্তি জানন্তি, অযং সমাধি নাম সমাধিখ্যো গুণো দস্সনে পকাসনে অৰসরং ওকাসং অনোত্তরত্তা পরস্স সম্পত্তো উদ্দিট্ঠানুক্কমেনাতি.

১৪৯. ইদানি সমাধযো নিদ্দিসতি ‘‘বন্ধি’’চ্চাদিনা. সমগ্গা অপি ৰিঞ্ঞুনো সব্বেপি কৰযো যং সমাধিং ‘‘বন্ধসারো’’তি পজ্জগজ্জৰিমিস্সসঙ্খাতস্স বন্ধস্স জীৰিতমিতি মঞ্ঞন্তি, অযং সমাধি নাম গুণো দস্সনাৰসরং পত্তো উদ্দিট্ঠানুক্কমেন দস্সনোকাসং পত্তো হোতি. বন্ধস্স সারোতি চ, দস্সনে অৰসরন্তি চ, তং পত্তোতি চ ৰিগ্গহো.

১৫০. কথমযং সদ্দৰোহারো বন্ধে ‘‘সমাধী’’তি ৰুচ্চতীত্যাহ ‘‘অঞ্ঞে’’চ্চাদি. অঞ্ঞস্স ৰত্থুনো পকতাপেক্খায ধম্মো গুণো পসিদ্ধো, ততো তস্মা মুখ্যৰিসযা অঞ্ঞত্থ অমুখ্যে ৰিসযে লোকসীমানুরোধতো লোকপ্পতীত্যনুৰত্তনেন সম্মা সাধু লোকসীমানুৰত্তনমেৰেহ সাধুত্তং আধীযতে আরোপ্যতে, ইতি ইমিনা কারণেন এসো এৰংৰিধো ধম্মো ‘‘সমাধী’’তি নিরুচ্চতীতিধ সম্মা আধীযতীতি এৰং নীহরিত্ৰা ৰুচ্চতীতি অত্থো.

১৫০. ‘‘সমাধী’’তি অযং ৰোহারো বন্ধৰিসযে কথং পৰত্ততীতি আসঙ্কাযং পঠমং নিব্বচনং দস্সেতুং আহ ‘‘অঞ্ঞি’’চ্চাদি. যস্মা অঞ্ঞধম্মো সমাধানস্স ৰিসযভূতঅমুখ্যতো অঞ্ঞস্স মুখ্যৰত্থুনো পসিদ্ধগুণো, ততো ¶ মুখ্যৰিসযতো অঞ্ঞত্থ অমুখ্যৰিসযে লোকসীমানুরোধতো লোকৰোহারমরিযাদাৰিরোধভাৰেন লোকপ্পতীত্যনুৰত্তনেনেৰ সম্মা আধীযতি ঠপীযতি, ইতি ইমিনা কারণেন এসো যথাৰুত্তগুণো ‘‘সমাধী’’তি নিরুচ্চতি ৰুচ্চতীতি. অঞ্ঞস্স ধম্মোতি চ, লোকস্স সীমাতি চ, তস্সা অনুরোধোতি চ ৰিগ্গহো.

অপাণে পাণিনং ধম্মো, সম্মা আধীযতে ক্ৰচি;

নিরূপে রূপযুত্তস্স, নিরসে সরসস্স চ.

অদ্রৰে দ্রৰযুত্তস্স, অকত্তরিপি কত্তুতা;

কঠিনস্সা’সরীরেপি, রূপং তেসং কমা সিযা.

১৫১-১৫২. সমাধানৰিসযমাহ ‘‘অপাণে’’ইচ্চাদি. ক্ৰচি ঠানে পাণিনং পাণৰন্তানং পদত্থানং ধম্মো গুণো অপাণে পাণৰিরহিতে ৰত্থুনি সম্মা লোকপতীত্যনুৰত্তনেন আধীযতে আরোপ্যতে, এৰমুপরিপি যথানুরূপং. নিরূপেতি রূপৰিরহিতে ৰত্থুনি, ক্ৰচীতি সব্বত্থ অনুৰত্ততি. অসরীরে অঘনে অসংহতে ৰত্থুনি কঠিনস্স দল়্হস্স, তেসং যথাৰুত্তানং সমাধীনং রূপং উদাহরণং কমা উদ্দিট্ঠানুক্কমেন.

১৫১-১৫২. উদ্দেসে ‘‘সমাধযো’’তি বহুৰচনেন নিদ্দিট্ঠানং সমাধীনং ৰিসযমুপদস্সেতি ‘‘অপাণে’’চ্চাদিনা. ক্ৰচি কিস্মিঞ্চি ঠানে পাণিনং ধম্মো ইন্দ্রিযবদ্ধানং গুণো অপাণে পাণরহিতৰত্থুম্হি সম্মা লোকপতীতিঅনুসারেন আধীযতে আরোপ্যতে, ক্ৰচি রূপযুত্তস্স রূপৰন্তৰত্থুনো ধম্মো নিরূপে রূপরহিতৰত্থুম্হি, ক্ৰচি সরসস্স রসৰন্তস্স ৰত্থুনো ধম্মো নিরসে রসরহিতে চ, ক্ৰচি দ্রৰযুত্তস্স দ্রৰৰন্তৰত্থুনো ধম্মো অদ্রৰে দ্রৰরহিতে চ, ¶ ক্ৰচি কত্তুতা কত্তুগুণো অকত্তরিপি, ক্ৰচি কঠিনস্স থদ্ধস্স ৰত্থুনো ধম্মো অসরীরেপি সরীররহিতেপি সম্মা আধীযতে. তেসং ছন্নং সমাধীনং রূপং উদাহরণং কমা ‘‘অপাণে পাণিন’’ন্তি উদ্দিট্ঠানুক্কমেন সিযা ভৰেয্যাতি. ন সন্তি পাণা অস্সেতি চ, রূপা নিগ্গতোতি চ, রূপেন যুত্তোতি চ, রসা নিগ্গতোতি চ, রসেন সহ ৰত্তমানোতি চ, দ্রৰাঅঞ্ঞোতি চ, দ্রৰেন দ্রৰভাৰেন যুত্তোতি চ, কত্তুতো অঞ্ঞোতি চ, কত্তুনো ভাৰোতি চ, নত্থি সরীরং অস্সাতি চ ৰিগ্গহো.

উণ্ণাপুণ্ণিন্দুনা নাথ, দিৰাপি সহ সঙ্গমা;

ৰিনিদ্দা সম্পমোদন্তি, মঞ্ঞে কুমুদিনী তৰ.

১৫৩. ‘‘উণ্ণা’’ইচ্চাদি. নাথাতি লোকত্তযেকপটিসরণভূততায ভগৰন্তং আলপতি. তৰ উণ্ণারোমধাতুসঙ্খাতেন পুণ্ণিন্দুনা সহ সঙ্গমা সংযোগেন কুমুদিনী কুমুদিনিযো কুমুদাকরা দিৰাপি ৰিনিদ্দা ৰিগতসোপ্পা সম্পমোদন্তি মঞ্ঞে সুট্ঠুযেৰ পমোদন্তীতি পরিকপ্পেমীতি. এত্থ পাণিধম্মস্স সুরতরূপস্স সঙ্গমস্স ৰিনিদ্দায সম্পীণনস্স চ অপাণিনি আরোপিতপুম্ভাৰে উণ্ণাপুণ্ণিন্দুম্হি, তথা আরোপিতইত্থিভাৰাসু কুমুদিনীসু লোকসীমানুরোধেন সমাধানতো সোযং পসিদ্ধো ধম্মো ‘‘সমাধী’’তি ৰুচ্চতি. তদভিধাযী সদ্দো চ উপচারতো অত্থানুগামিত্তা সদ্দিকৰোহারং দস্সেতি, এৰমুপরিপি যথাযোগং.

১৫৩. তেসু পাণিধম্মসমাধিনো উদাহরণমাদিসতি ‘‘উণ্ণা’’ইচ্চাদিনা. নাথ তৰ তুয্হং উণ্ণাপুণ্ণিন্দুনা উণ্ণারোমমণ্ডলসঙ্খাতপুণ্ণচন্দেন সহ সঙ্গমা অঞ্ঞমঞ্ঞসমৰাযহেতুনা কুমুদিনী কেরৰাকরসঙ্খাতা কুমুদিনিযো দিৰাপি ¶ ৰিনিদ্দা ৰিকসিতা সম্পমোদন্তি মঞ্ঞে অতিসন্তুট্ঠা হোন্তীতি কপ্পেমীতি ইন্দুসম্পমোদো সহসদ্দেন ঞাযতে. এত্থ পাণিধম্মসঙ্খাতো সুরতসঙ্গমো চ নিদ্দাপগমো চ সম্পমোদনঞ্চাতি তিণ্ণং উণ্ণাপুণ্ণিন্দুকুমুদিনীসঙ্খাতেসু অপাণেসু লোকৰোহারানতিক্কম্ম বুদ্ধিযা আরোপনেন পাণিধম্মতো পসিদ্ধা তযো অত্থা ইধ সমাধযো নাম, তপ্পটিপাদকগন্থোপি অত্থানুগামিত্তা তদুপচারেন সমাধীতি দট্ঠব্বো. পুণ্ণো চ সো ইন্দু চেতি চ, উণ্ণা এৰ পুণ্ণিন্দু চাতি চ, ৰিগতা নিদ্দা যেহীতি চ ৰিগ্গহো.

দযারসেসু মুজ্জন্তা, জনা’মতরসেস্ৰি’ৰ;

সুখিতা হতদোসা তে, নাথ পাদম্বুজানতা.

১৫৪. ‘‘দযা’’ইচ্চাদি. নাথ তে পাদম্বুজেসু আনতা পণামৰসেন জনা তিলোককুহরপৰত্তিনো সত্তা অমতরসেস্ৰিৰ পীযূসরসেসু ৰিয দযারসেসু করুণারসেসু গুণেসু. ‘‘সিঙ্গারাদো ৰিসে ৰীরিযে, গুণে রাগে দ্রৰে রসো’’তি [অমরকোস ৩.৩.২২৬] হি নিঘণ্টু. মুজ্জন্তা নিমুজ্জমানা হতা নট্ঠা দোসা ৰাতাদযো অমতপক্খে, অঞ্ঞত্থ তু হতা নট্ঠা দোসা রাগাদযো যেসন্তি ৰিগ্গহো, ততোযেৰ সুখিতা সুখং কাযিকচেতসিকসুখং ইতা পত্তা গতাতি অত্থো.

১৫৪. ইদানি রূপধম্মসমাধিনো উদাহরণং উদ্দিসতি ‘‘দযা’’ইচ্চাদিনা. নাথ তে তৰ পাদম্বুজানতা চরণপদুমে পণতা জনা দেৰমনুস্সা অমতরসেসু ইৰ সুধাজলেসু ৰিয দযারসেসু অনঞ্ঞসাধারণকরুণাগুণেসু মুজ্জন্তা নিমুজ্জমানা হতদোসা ৰিনট্ঠৰাতপিত্তাদযো ৰিনট্ঠরাগাদিদোসা ৰা সুখিতা ততোযেৰ অজরামরসঙ্খাতসুখং ¶ ইতা পত্তাতি. এত্থ রূপযুত্তজলে লব্ভমানং মুজ্জনং নিরূপে দযাগুণে আরোপিতং হোতি. দযা এৰ রসা গুণাতি চ, অমতা এৰ রসাতি চ, হতা ৰাতাদযো রাগাদযো ৰা দোসা যেসন্তি চ, পাদানি এৰ অম্বুজানীতি চ, তেসু আনতাতি চ ৰিগ্গহো.

‘‘সিঙ্গারাদোৰিসে ৰীরিযে, গুণে রাগে দ্রৰেরসো’’তি [অমরকোস ৩.৩.২২৬] এত্থ রসসদ্দো গুণজলেসু ৰত্ততি.

মধুরেপি গুণে ধীর, নপ্পসীদন্তি যে তৰ;

কীদিসীমনসো ৰুত্তি, তেসং খারগুণানভো [হে (সী.)].

১৫৫. ‘‘মধুরে’’চ্চাদি. ধিযা ঈরতীতি ধীরো, ভো ধীর তৰ মধুরেপি মনোহরেপি গুণে করুণাদিকে যে নপ্পসীদন্তি পসাদং ন করোন্তি, খারগুণানং অমধুরগুণানং তেসং জনানং মনসো ৰুত্তি চিত্তপ্পৰত্তি কীদিসীতি কিমিৰ দিস্সতি, ন ৰিঞ্ঞাযতে ‘‘ঈদিসী’’তি. যতো তাদিসগুণাৰবোধপরম্মুখা মোহন্ধকারসম্বন্ধিতাতি.

১৫৫. ইদানি সরসধম্মসমাধিনো উদাহরণমুদ্দিসতি ‘‘মধুরি’’চ্চাদিনা. ভো ধীর তৰ তে মধুরে অপি গুণে পকতিসুন্দরে করুণাপঞ্ঞাগুণেপি যে হীনাধিমুত্তিকা জনা নপ্পসীদন্তি, খারগুণানং অমধুরগুণানং তেসং জনানং মনসো ৰুত্তি চিত্তপ্পৰত্তি কীদিসী কথং রুহতি. ধিযা ঈরতি পৰত্ততীতি চ, কা ৰিয সা দিস্সতীতি চ, খারা গুণা যেসন্তি চ ৰিগ্গহো. এত্থ সমাধি নাম রসহীনে আরোপিতরসযুত্তধম্মভূতং মধুরখারগুণদ্ৰযং.

সব্বত্থসিদ্ধ ¶ চূল়ক-পুটপেয্যা মহাগুণা;

দিসা সমন্তা ধাৰন্তি, কুন্দসোভাসলক্খণা.

১৫৬. ‘‘সব্বত্থসিদ্ধি’’চ্চাদি. সব্বত্থসিদ্ধস্স মহামুনিনো চূল়কপুটেন পেয্যা পাতব্বা কুন্দসোভাসলক্খণা কুন্দকুসুমস্স সোভাসৰন্তা জুতিৰিজম্ভিনো মহাগুণা সমন্তা পরিতো দিসা দিসন্তানি ধাৰন্তি.

১৫৬. ইদানি দ্রৰযুত্তসমাধিনো উদাহরণমুদ্দিসতি ‘‘সব্বত্থি’’চ্চাদিনা. সব্বত্থসিদ্ধ সব্বকিচ্চে পরিনিপ্ফন্ন, নিপ্ফন্নেহি সব্বত্থেহি ৰা সমন্নাগত হে তথাগত তৰ চূল়কপুটপেয্যা চূল়কপুটেন পাতব্বা কুন্দসোভাসলক্খণা কুন্দসোভাহি সমানলক্খণা কুন্দসোভাসদিসা ৰা মহাগুণা সঙ্খ্যামহন্তত্তা আনুভাৰমহন্তত্তা ৰা মহন্তা ৰা অরহত্তাদযো গুণা সমন্তা সমন্ততো দিসা দসদিসাসু ধাৰন্তীতি. এত্থ দ্রৰযুত্তগুণভূতো চূল়কপুটপেয্যভাৰো দ্রৰরহিতে গুণে আরোপিতো সমাধি নাম হোতি. সব্বে চ তে অত্থা চেতি চ, তে সিদ্ধা যস্সেতি চ, চূল়কমেৰ পুটমিতি চ, তেন পেয্যাতি চ, মহন্তা চ তে গুণা চেতি চ, কুন্দানং সোভাতি চ, তাহি সমানং লক্খণং যেসন্তি চ ৰিগ্গহো.

মারারিবলৰিস্সট্ঠা, কুণ্ঠা নানাৰিধা’যুধা;

লজ্জমানা’ঞ্ঞৰেসেন, জিন পাদানতা তৰ.

১৫৭. ‘‘মারা’’ইচ্চাদি. মারোযেৰ অরি সত্তূতি মারারী, তেন, বলেন অত্তনো সত্তিযা, তস্স ৰা বলেন সেনায ৰিস্সট্ঠা অভিমুখং ছড্ডিতা নানাৰিধা অনেকপ্পকারা ¶ আযুধা ভিন্দিৰাল়াদযো কুণ্ঠা [ভেণ্ডিৰালাদযো (ক.)] পরিচ্চত্ততিখিণভাৰা তাযেৰ কুণ্ঠভাৰপ্পত্তিযা লজ্জমানা ‘‘লোকপ্পতীতানুভাৰানমম্হাকম্পি এৰরূপং জাত’’ন্তি লজ্জন্তা অঞ্ঞৰেসেন ‘‘কথং নাম পরে অম্হে ন জানেয্যু’’ন্তি অত্তনো আৰুধৰেসং পরিৰত্তিত্ৰা কুসুমৰেসেন, জিনাতি আমন্তনং, তৰ পাদানতা পাদেসু সন্নতা.

১৫৭. ইদানি কত্তুধম্মসমাধিনো উদাহরণমুদ্দিসতি ‘‘মারারি’’চ্চাদিনা. হে জিন মারারিবলৰিস্সট্ঠা মারসত্তুনা অত্তনো সত্তিযা ৰিস্সট্ঠা, মারারিনো ৰা সেনায ৰিস্সট্ঠা অভিমুখে পাতিতা নানাৰিধাযুধা অনেকপ্পকারভিন্দিৰাল়উসুসত্তিতোমরাদযো আৰুধা কুণ্ঠা অতিখিণা লজ্জমানা ‘‘কস্মা এৰং লোকপসিদ্ধানুভাৰানমম্হাকম্পি ঈদিসং ৰিপ্পকারমহোসী’’তি লজ্জন্তা অঞ্ঞৰেসেন ‘‘কথমম্হে পরে ন জানেয্যু’’ন্তি আৰুধৰেসং হিত্ৰা তদঞ্ঞভূতেন পুপ্ফৰেসেন তৰ পাদানতা পাদসমীপে নতা অহেসুন্তি. এত্থ কত্তুধম্মভূতং লজ্জনঞ্চ অঞ্ঞৰেসেন পরিৰত্তনঞ্চ আনতঞ্চেতি ইমে লজ্জনাদীনং অকত্তুভূতেসু ৰিসযেসু আরোপিতা সমাধযো নাম হোন্তি. মারো এৰ অরীতি চ, বলেন ৰিস্সট্ঠাতি চ, মারারিনা বলৰিস্সট্ঠাতি চ মারারিনো বলং সেনাতি চ, তেন ৰিস্সট্ঠাতি চ, নানা অনেকৰিধা পকারা যেসন্তি চ, অঞ্ঞেসং ৰেসোতি চ, অঞ্ঞো চ সো ৰেসো চাতি চ, পাদেসু আনতাতি চ ৰিগ্গহো.

১৫৮. ‘‘মুনিন্দ’’ইচ্চাদি. ¶ বোধো সব্বঞ্ঞুতঞ্ঞাণসদিসো সোযেৰ ৰা উদযাচলো উদযপব্বতো তস্মিং কালে রত্তিপরিযন্তে অভিনিক্খন্তসমযে উদিতো পাতুভূতো মুনিন্দো মুনিন্দসদিসো সোযেৰ ৰা ভাণুমা সূরিযো অন্ধতমং অন্ধকারং মোহং ৰা পরং অচ্চন্তমেৰ সদ্ধম্মরংসিনা সদ্ধম্মসদিসেন সদ্ধম্মসঙ্খতেন ৰা রংসিনা ভিন্দং পদালেন্তো ভাতি সোভতীতি.

১৫৮. ইদানি কঠিনধম্মসমাধিনো উদাহরণমুদ্দিসতি ‘‘মুনিন্দি’’চ্চাদিনা. বোধোদযাচলে সব্বঞ্ঞুতঞ্ঞাণসদিসে সব্বঞ্ঞুতঞ্ঞাণসঙ্খাতে ৰা উদযপব্বতে কালোদিতো রত্তিক্খযে মারপরাজিতসমযে ৰা উদিতো পাতুভূতো মুনিন্দভানুমা মুনিন্দসদিসো মুনিন্দোযেৰ ৰা সূরিযো অন্ধতমং পকতিঘনন্ধকারং বহলমোহন্ধকারং সদ্ধম্মরংসিনা সদ্ধম্মসদিসেন সদ্ধম্মভূতেন ৰা কিরণেন পরমতিসযেন ভিন্দং পদালেন্তো ভাতি সোভতীতি. এত্থ থদ্ধধম্মভূতং ভেদনং অসরীরভূতে অন্ধকারে বুদ্ধিযা আরোপিতং সমাধি নাম হোতি. মুনীনং ইন্দোতি চ, সোযেৰ ভানুমাতি চ, বোধো এৰ উদযাচলোতি চ, সদ্ধম্মো এৰ রংসীতি চ ৰিগ্গহো.

ৰমনুগ্গিরনাদ্যে’তং, গুণৰুত্যপরিচ্চুতং;

অতিসুন্দরমঞ্ঞং তু, কামং ৰিন্দতি গাম্মতং.

১৫৯. কোচি ধম্মো অমুখ্যৰিসযে বন্ধে সোভতে, ন মুখ্যৰিসযেতি দস্সন্তো আহ ‘‘ৰমনং’’ইচ্চাদি. ৰমনঞ্চ উগ্গিরনঞ্চ, আদিসদ্দেন ৰিরেচনাদিপরিগ্গহো. এতং যথাৰুত্তং গুণা পধানেতরা পসিদ্ধৰিসযা ৰিসযন্তরপরিগ্গহলক্খণা ৰুত্তি পযোগরূপা, ততো অপরিচ্চুতং অপরিগল়িতং সন্তং অমুখ্যভূতং অতিসুন্দরং অচ্চন্তমনোহরমলঙ্কাররূপত্তা, অঞ্ঞং তু ইতরং পন মুখ্যন্তি ৰুত্তং হোতি. কামং একন্তেন ¶ গাম্মতং অসব্ভসভাৰং বন্ধে তস্সানুচিতভাৰতো ৰিন্দতি পটিলভতি পসৰতীতি অত্থো.

১৫৯. ইদানি ইমেসুযেৰ পাণিধম্মাদীসু কোচি ধম্মো অমুখ্যৰিসযে পযুত্তো পসত্থো, মুখ্যৰিসযে পযুত্তো অপসত্থোতি দস্সেন্তো ‘‘ৰমনুগ্গি’’চ্চাদিমাহ. এতং ৰমনুগ্গিরনাদি ৰমনউগ্গিরনৰিরেচনাদিকং গুণৰুত্যপরিচ্চুতং অমুখ্যপযোগতো অগল়িতং অমুখ্যভূতং অতিসুন্দরং সব্বেসং অতিপিযং হোতি, অঞ্ঞং তু উত্ততো ব্যতিরেকং মুখ্যৰিসযে পযুত্তং ৰমনুগ্গিরনাদিকং পন কামং একন্তেন গাম্মতং সভাৰঅপ্পিযগাম্মদোসতং ৰিন্দতি সেৰতীতি. ৰমনঞ্চ উগ্গিরনঞ্চেতি চ, তানি আদীনি যস্সেতি চ, গুণা অপ্পধানা ৰুত্তীতি চ, ততো অপরিচ্চুতন্তি চ ৰিগ্গহো.

কন্তীনং ৰমনব্যাজা, মুনিপাদনখাৰলী;

চন্দকন্তী পিৰন্তীৰ, নিপ্পভং তং করোন্তিযো.

১৬০. উদাহরতি ‘‘কন্তীন’’মিচ্চাদি. মুনিনো সম্মাসম্বুদ্ধস্স পাদনখানং আৰলী সেণিযো কন্তীনং অত্তনো নিরন্তরং নিস্সরন্তীনং সোভাৰিসেসানং ৰমনব্যাজা উগ্গিরনলেসেন চন্দকন্তী চন্দচ্ছৰিযো সব্বত্থ পত্থটত্তা পিৰন্তীৰ পানং করোন্তীতি তক্কেমি. কীদিসী ৰিযাতি পরিকপ্পনাবীজমাহ ‘‘নিপ্পভ’’ন্তিআদি. তং চন্দং নিপ্পভং পভাৰিরহিতং করোন্তিযো ৰিদহমানা. ইদঞ্হি কপ্পনাবীজং যতো নখসোভালিঙ্গনেন চন্দস্স সোভাৰতো নিপ্পভত্তং পস্সিত্ৰা মহত্তঞ্চ তস্সা নখাৰলিযো চন্দকন্তী পিৰন্তীতি পরিকপ্পেতি কন্তীনঞ্চ ৰমনব্যাজং.

১৬০. ইট্ঠৰিসযে পযুত্তৰমনুগ্গিরনাদীনমুদাহরণমুদ্দিসতি ‘‘কন্তীন’’মিচ্চাদিনা. মুনিপাদনখাৰলী মুনিপাদনখসেণিযো কন্তীনং অত্তনো চন্দমরীচিসদিসসোভানং ৰমনব্যাজা উগ্গিরনলেসেন তং নিম্মলচন্দং নিপ্পভং করোন্তিযো অত্তনো সব্বত্থ পত্থটত্তা নিপ্পভং করোন্তিযো চন্দকন্তী চন্দরংসিযো ¶ পিৰন্তি মঞ্ঞে. নখরংসীনং সব্বত্থ পত্থটত্তা সপ্পভস্সাপি চন্দস্স নিপ্পভত্তঞ্চ নখরংসীনং অধিকত্তঞ্চ দিস্ৰা চন্দকন্তী পিৰন্তি ইৰেতি নখাৰলীনং চন্দকন্তিপিৰনঞ্চ সককন্তিৰমনঞ্চ পকতি ন হোতি, ব্যাজমিতি কৰিনা পরিকপ্পিতং হোতি. এত্থ ভত্তসিত্থাদিমুখ্যৰিসযতো অঞ্ঞকন্তিসঙ্খতঅমুখ্যৰিসযে পযুত্তং ৰমনং গুণৰুত্তীতি ঞাতব্বং. ৰমনমেৰ ব্যাজমিতি চ, মুনিনো পাদাতি চ, তেসু নখাতি চ, তেসং আৰলিযোতি চ, চন্দস্স কন্তিযোতি চ, নিগ্গতো পভাহীতি চ ৰিগ্গহো.

অচিত্তকত্তুকং রুঝ-মিচ্চেৰং গুণকম্ম তং [গুণকম্মকং (সী.)];

সচিত্তকত্তুকং পে’তং, গুণকম্মং যদু’ত্তমং.

১৬১. যথাৰুত্তং নিগমেতি ‘‘অচিত্ত’’ইচ্চাদিনা. ইচ্চেৰং অচিত্তো কত্তা যস্স তং অচিত্তকত্তুকং. গুণো কম্মং যস্স তং গুণকম্মং. তঞ্চ ৰমনাদি রুঝমতিমনোহরং ভৰতি বন্ধোচিতত্তা. নখাৰলিযো হি অচিত্তকত্তারো, কন্তিযো গুণকম্মন্তি ৰমনমত্রাতিসুন্দরং. নেদমেৰ রুঝন্তি আহ ‘‘সচিত্ত’’ইচ্চাদি. এতং ৰমনাদিকং সচিত্তকত্তুকম্পিযদিগুণকম্মং, উত্তমং সেট্ঠং বন্ধোচিতত্তা.

১৬১. অনন্তরোদাহরণস্স পসত্থত্তঞ্চ কম্মনি গুণে সতি সচিত্তকত্তুকৰমনাদিকঞ্চ ইট্ঠমিতি দস্সেন্তো ‘‘অচিত্তকত্তুক’’মিচ্চাদিমাহ. ইচ্চেৰং ইমিনা পকারেন অচিত্তকত্তুকং নখাৰলিসঙ্খাতঅৰিঞ্ঞাণককত্তুৰন্তং গুণকম্মং নখকন্তিসঙ্খাতঅপ্পধানকম্মৰন্তং ৰমনাদিকং রুঝং রচনায উচিতত্তা রুচিজনকং হোতি, এতং ৰমনাদিকং সচিত্তকত্তুকম্পি সৰিঞ্ঞাণককত্তুৰন্তম্পি যদি গুণকম্মং অমুখ্যকম্মং চে, উত্তমং ৰিসিট্ঠমেৰ, ‘‘কন্তীন’’ন্তি ভাৰসম্বন্ধে ছট্ঠিযা সতিপি ৰমনক্রিযায কম্মত্তং নাতিৰত্ততি. নত্থি চিত্তং যেসন্তি চ, অচিত্তা কত্তারো যস্সাতি চ, গুণো কম্মং যস্সেতি চ, সহ ¶ চিত্তেন ৰত্তমানোতি চ ৰাক্যং. ইতি নিদস্সনে এৰং পকারে নিপাতো, অথ ৰা ৰচনৰচনীযানং [ৰচনৰচনীযাদীনং (ক.)] নিগমারম্ভে নিপাতসমুদাযো.

উগ্গিরন্তোৰ স স্নেহ-রসং জিনৰরো জনে;

ভাসন্তো মধুরং ধম্মং, কং ন সম্পীণযে জনং.

১৬২. তদুদাহরতি ‘‘উগ্গিরন্তোৰা’’তিআদিনা. সো জিনৰরো জনে সকলসত্তনিকাযে স্নেহরসং অত্তনো পেমসঙ্খাতং অনুরাগং উগ্গিরন্তোৰ ৰমন্তো ৰিয মধুরং অতিপণীতং ধম্মং ভাসন্তো কং জনং ন সম্পীণযে, সব্বমেৰ সম্পীণেতি. এত্থ জিনৰরো কত্তা সচিত্তো, স্নেহরসো গুণকম্মং.

১৬২. ইদানি সচিত্তককত্তুপক্খে উদাহরণমুদ্দিসতি ‘‘উগ্গিরন্তো’’চ্চাদিনা. সো জিনৰরো জনে সকলসত্তনিকাযে স্নেহরসং অত্তনো পেমসঙ্খাতঅনুরাগং উগ্গিরন্তো ইৰ ৰমন্তো ৰিয মধুরং আদিকল্যাণাদিভাৰেন পণীতং ধম্মং সদ্ধম্মং ভাসন্তো দেসেন্তো যথাসযং ৰদন্তো কং জনং কীদিসং পুগ্গলং ন সম্পীণযে, পীণেতি এৰাতি. এত্থ উগ্গিরনং জিনৰরসঙ্খতসচিত্তককত্তুৰন্তম্পি স্নেহরসসঙ্খাতঅমুখ্যকম্মযুত্তত্তা পসত্থং হোতি. স্নেহো এৰ রসো অনুরাগোতি ৰিগ্গহো.

যো সদ্দসত্থকুসলো কুসলো নিঘণ্টু-

ছন্দোঅলঙ্কতিসু নিচ্চকতাভিযোগো;

সো’যং কৰিত্তৰিকলোপি কৰীসু সঙ্খ্য-

মোগয্হ ৰিন্দতি হি কিত্তি’মমন্দরূপং.

ইতি সঙ্ঘরক্খিতমহাসামিপাদৰিরচিতে

গুণাৰবোধো নাম ততিযো পরিচ্ছেদো.

১৬৩. গন্থন্তরাহিতৰাসনায, ¶ তদনুবন্ধপটিভানে চাৰিজ্জমানেপি সুতেন অভিযোগবলেন কৰিতা কিত্তি চ তদনুগতা সমুপলব্ভতীতি সমনুসাসতি ‘‘যো’’ইচ্চাদিনা. সদ্দসত্থে ব্যাকরণে কিস্মিঞ্চি ‘‘ইদমেৰে’’তি নিযমাভাৰা কুসলো ছেকো নিঘণ্টুম্হি অভিধানসত্থে চ ছন্দসি ৰুত্তিজাতিপ্পপঞ্চপকাসকছন্দোৰিচিতিসত্থে চ অলঙ্কতিসু অলঙ্কারসত্থে চ কুসলো ন কেৰলং সদ্দসত্থেযেৰ, অথ চ পন নিচ্চমনৰরতং দিৰা চ রত্তো চ কতো অভিযোগো ৰাযামো রচনাৰিসযে যস্স সোযং কৰিত্তৰিকলোপি বন্ধকরণসঙ্খাতকৰিগুণপরিহীনোপি কৰীসু কৰিগুণোপেতেসু সঙ্খ্যং গণনং ওগয্হ পটিলভিত্ৰা অমন্দরূপং অতিবহুং কিত্তিং পরিসুদ্ধবন্ধরচনালক্খণং তপ্পভৰং খ্যাতং ৰিন্দতি পটিলভতেৰাতি.

ইতি সুবোধালঙ্কারে মহাসামিনামিকাযং

১৬৩. ইদানি উদ্দেসক্কমেন সদ্দালঙ্কারে নিদ্দিসিত্ৰা ব্যাকরণনিঘণ্টুছন্দোপরিৰারিতে ইমস্মিং নিরন্তরাভিযোগো ইহলোকিযাদিমহন্তযসস্স কারণমিতি সিস্সানমনুসাসন্তো ‘‘যো সদ্দসত্থকুসলো’’চ্চাদিমাহ. যো থেরনৰমজ্ঝিমেসু কোচি সদ্দসত্থকুসলো সদ্দানুসাসনব্যাকরণৰিসযে পকতিপচ্চযাদিৰিভাগকপ্পনায ছেকো নিঘণ্টুছন্দোঅলঙ্কতীসু অভিধানছন্দোঅলঙ্কারসত্থেসুপি কুসলো তংতংৰিভাগবুদ্ধীনং পটিপাদনেন ছেকো নিচ্চকতাভিযোগো ধারণমনসিকারৰসেন নিচ্চং কতুস্সাহো হোতি. সো অযং অপ্পমাদী কৰিত্তৰিকলোপি পকতিসিদ্ধকব্বরচনগুণরহিতোপি কৰীসু সঙ্খ্যং কব্বকত্তূসু গণনং ওগয্হ কব্বকরণটীকাকরণাদিপকারেন ওগাহেত্ৰা তং গণনং পাপুণিত্ৰা ¶ অমন্দরূপং অনপ্পকসভাৰং অতিবহুং কিত্তিং নিদ্দোসং সত্থরচনলক্খণং পুঞ্ঞসঞ্চযং, তপ্পভৰং পসিদ্ধিং ৰা ৰিন্দতি লভতেৰাতি. যথাৰুত্তসত্থেসু অভিযোগো বন্ধস্স একন্তকারণমেৰ. ৰুত্তং হি–

হেতু হোতি’হ বন্ধনে’’তি [কাব্যাদাস ১.১০৩].

তত্থ সাভাৰিকী সভাৰসিদ্ধা পটিভা চ পঞ্ঞা চ বহু নিম্মলং অনপ্পকং নিজ্জটং সুতঞ্চ অমন্দো অভিযোগো চ অনপ্পকো অভ্যাসো চেতি অযমেসো সব্বোপি ইহ বন্ধনে ইমিস্সং কব্বরচনাযং হেতু হোতি কারণং ভৰতীতি. সদ্দে সাসতি এত্থ এতেনাতি ইমস্মিং অত্থে তপ্পচ্চযঞ্চ তস্স থাদেসঞ্চ কত্ৰা সদ্দসত্থন্তি ঞাতব্বং, সদ্দসত্থে কুসলোতি চ, নিঘণ্টু চ ছন্দো চ অলঙ্কতি অলঙ্কারঞ্চেতি চ ৰিগ্গহো, এত্থ অলঙ্কতিসদ্দো সত্থাপেক্খায নপুংসকো হোতি, নিচ্চং কতো অভিযোগো অস্সেতি চ, কৰিনো ভাৰোতি চ, তেন ৰিকলোতি চ, অমন্দং রূপং সভাৰো যস্সেতি চ ৰাক্যং.

অত্থালঙ্কারসহিতা, সগুণা বন্ধপদ্ধতি;

অচ্চন্তকন্তা কন্তাৰ [যতোঅচ্চন্তকন্তাৰ (ক.)], ৰুচ্চন্তেতে ততো’ধুনা.

১৬৪. এৰং ¶ সদ্দালঙ্কারে পরিচ্ছিজ্জ সম্পত্যত্থালঙ্কারং বোধযিতুমাহ ‘‘অত্থালঙ্কার’’ইচ্চাদি. সগুণা যথাৰুত্তেহি পসাদাদীহি সদ্দগুণেহি সহিতা বন্ধপদ্ধতি কব্বরচনং. অলঙ্করীযতি কন্তিং নীযতি বন্ধো এতেহি সরীরমিৰ হারাদীহীতি অলঙ্কারা, তেহি অত্থালঙ্কারেহি জাত্যাদিলক্খণেহি সহিতা সংযুত্তা সতী সগুণা পতিব্বতাদিগুণোপেতা অত্থেন ধনেন অলঙ্কারেন আভরণেন সহিতা যুত্তা কন্তাৰ অঙ্গনা ৰিয. যতো অচ্চন্তকন্তা অতিসযরমণীযা সিযা, ততো তেন কারণেন যে অত্থালঙ্কারা অৰসরং পত্তা, তে অধুনা ইদানি ৰুচ্চন্তে কথীযন্তি.

১৬৪. এৰং সদ্দালঙ্কারৰিভাগং দস্সেত্ৰা ইদানি তন্নিস্সযংযেৰ অত্থালঙ্কারবন্ধমারভন্তো ‘‘অত্থালঙ্কারি’’চ্চাদিমাহ. সগুণা যথাৰুত্তপসাদাদিসদ্দগুণযুত্তা বন্ধপদ্ধতি পজ্জগজ্জাদিপভেদা রচনাৰলি অত্থালঙ্কারসহিতা সভাৰৰুত্তিৰঙ্কৰুত্তিসঙ্খাতেন অত্থালঙ্কারেন সংযুত্তা সগুণা অত্থালঙ্কারসহিতা কন্তা ইৰ পতিব্বতাদীহি গুণেহি যুত্তা সুৰণ্ণরজতমণিমুত্তাদিধনেহি গীৰেয্যকটকনূপুরাদীহি আভরণেহি চ যুত্তা অঙ্গনাৰ অচ্চন্তকন্তা যতো অতিসযেন রমণীযা, ততো তস্মা তে অত্থালঙ্কারা অধুনা দানি ৰুচ্চন্তে. অলঙ্করোন্তি বন্ধং সরীরং ৰা এতেহীতি চ, অত্থস্স অলঙ্কারাতি চ, তেহি সহিতাতি চ, গুণেহি সহ ৰত্ততীতি চ, বন্ধস্স পদ্ধতীতি চ, অচ্চন্তং অতিসযেন কন্তাতি চ ৰিগ্গহো.

সভাৰৰঙ্কৰুত্তীনং, ভেদা দ্ৰিধা অলংক্রিযা;

পঠমা তত্থ ৰত্থূনং, নানাৰত্থাৰিভাৰিনী.

১৬৫. কতিপ্পভেদা তে ইচ্চাহ ‘‘সভাৰ’’ইচ্চাদি. সভাৰৰুত্তি ৰঙ্কৰুত্তীতি ইমেসং ভেদা পভেদেন অলংক্রিযা অত্থালঙ্কারাদ্ৰিধাদ্ৰিপ্পকারা. ¶ তেসু সভাৰৰুত্তি কীদিসীতি আহ ‘‘পঠমা’’তিআদি. তত্থ তাসু পঠমা সভাৰৰুত্তি ৰত্থূনং পদত্থানং জাতিগুণক্রিযাদব্বসভাৰানং নানা ৰিচিত্তা, ন দ্ৰেকাৰ অৰত্থা অৰসরা ৰিভাৰিনী পকাসিকা ৰিঞ্ঞেয্যা. জাত্যাদীনং পদত্থানং যথাসভাৰমনেকপ্পকারং সম্মদেৰ ৰিৰরন্তী সভাৰং পদত্থানং ৰিচিত্তং ৰদতীতি সভাৰৰুত্তি নামাতি অধিপ্পাযো, সাৰ জাতিযা পদত্থসরূপস্স তথাতথাপটিপাদকত্তেন ৰুত্তিযা [দত্তিযা (ক.)] জাতিপি ৰুচ্চতি.

১৬৫. পসত্থালঙ্কারা [পসত্থাদিঅলঙ্কারা (ক.)] পভেদতো এত্তকাতি দস্সেন্তো ‘‘সভাৰি’’চ্চাদিমাহ. অলংক্রিযা অত্থালঙ্কারা সভাৰৰঙ্কৰুত্তীনং ভেদা পভেদতো দ্ৰিধা দ্ৰিপ্পকারা হোন্তি. তত্থ তাসুদ্ৰীসু পঠমা সভাৰৰুত্তি ৰত্থূনং জাতিগুণক্রিযাদব্বলক্খণানং পদত্থানং নানাৰত্থাৰিভাৰিনী অনেকপ্পকারস্স পকাসিনী হোতি. এত্থ জাত্যাদীনং পদত্থানং অনেকপ্পকারসভাৰপকাসিনী সভাৰৰুত্তি নাম. এসাৰ জাতি গুণাদিচতুব্বিধপদত্থানং সরূপসঙ্খাতজাতিযা তেহি আকারেহি পটিপাদনতো উপচারতো জাতি নাম হোতি. জাত্যাদিপদত্থানংযেৰ যথাসভাৰং হিত্ৰা ৰত্থুপরিকপ্পিতঅতিসযোপমারূপকাদিসরূপসঙ্খাতং ৰঙ্কসভাৰং পকাসেন্তী ৰঙ্কৰুত্তি নাম. যভাৰো চ ৰঙ্কো চাতি চ, তেসং ৰুত্তীতি চ, অলংকরোন্তি এতাহীতি চ, নানা অনেকা চ সা অৰত্থা চাতি চ ৰাক্যং.

১৬৬. ‘‘যথে’’তি তং উদাহরতি. লীলায ৰিলাসেন ৰিহিতায ৰিকন্তিযা গমনেন সত্তপদৰীতিহারসঙ্খাতেন সুভগো সুন্দরো দিসাসু দসসু থিরমচলং ৰিলোকনং যস্স সো বোধিসত্তঙ্কুরো তদহুজাতো মহাবোধিসত্তো আসভিং ৰাচং ‘‘অগ্গোহমস্মী’’তিআদিকমুত্তমং নিব্ভযৰচনং ভাসং ৰদন্তো ৰিরোচি ৰিসেসেন রমণীযত্তং পত্তো. অযং সভাৰৰুত্তি. এৰং জাতিসভাৰৰুত্যাদযোপি পরিকপ্পনীযা.

১৬৬. ইদানি সভাৰৰুত্তিযা উদাহরণং আহ ‘‘যথা – লীলাৰিকন্তি’’চ্চাদি. লীলাৰিকন্তিসুভগো ৰিলাসগমনেন সত্তপদৰীতিহারেন সুন্দরো দিসাথিরৰিলোকনো দসদিসাসু অচলওলোকনো বোধিসত্তঙ্কুরো মহাবোধিসত্তঙ্কুরো আসভিং ৰাচং ‘‘অগ্গোহমস্মী’’তিআদিনা অভীতৰচনং ভাসং ৰদন্তো ৰিরোচি অসোভীতি. ইহ বোধিসত্তসঙ্খাতস্স দব্বস্স লীলাৰিকন্তিদিসাথিরৰিলোকনৰচোনিচ্ছারণসঙ্খতানং অৰত্থানং পকাসিতত্তা দব্বসভাৰৰুত্তীতি ঞাতব্বা. এসাযেৰ দব্বগতগত্যাদিৰিচিত্রসরূপং অলঙ্করণতো অলঙ্কারো নাম, দব্বগতগত্যাদযো পন অলংকিরিযমানত্তা অলংকিরিযা নাম. জাতিগুণক্রিযাসভাৰৰুত্তিযোপি এৰমেৰ দট্ঠব্বা. লীলায যুত্তা ৰিকন্তীতি চ, তায সুভগোতি চ, দিসাসু থিরং ৰিলোকনং যস্সেতি চ, বোধিযা পঞ্ঞায সত্তোতি চ, সোযেৰ অঙ্কুরোতি চ, উসভস্স ভাৰোতি চ ৰাক্যং. উসভস্স ভাৰসঙ্খাতা অকম্পনীযা ঠিতি আসভং নাম, অকম্পভাৰতো তেন সমাপি ৰাচা উপচারতো আসভী নাম হোতি.

ৰুত্তি ৰত্থুসভাৰস্স, যা’ঞ্ঞথা সা পরাভৰে;

তস্সা’নন্তৰিকপ্পত্তা, হোতি বীজোপদস্সনং.

১৬৭. দুতিযমাহ ¶ ‘‘ৰুত্তি’’চ্চাদিনা. ৰত্থুনো জাত্যাদিরূপস্স পদত্থস্স সভাৰো যস্সং অৰত্থাযং যাদিসং রূপং তস্স অঞ্ঞথাভাৰেন তস্স রূপস্স তথেতং দব্বাপনেন ৰুত্তি ৰচনং. পরা ভৰে অঞ্ঞা ৰঙ্কৰুত্তি নাম সিযা. কিং সা সাকল্লেন ৰত্তুং সক্কাতি আহ ‘‘তস্সা’’ইচ্চাদি. তস্সা ৰঙ্কৰুত্তিযা অনন্তৰিকপ্পত্তা অপরিমিতভেদকত্তা বীজস্স কারণত্তা সকলব্যত্তিব্যাপিসামঞ্ঞরূপস্স যতো পরে ৰিচিত্তালঙ্কারা পসৰন্তি, উপদস্সনং কথনং হোতি নিরৰসেসাভিধানস্স কেনাপ্যসক্কুণেয্যত্তা.

১৬৭. ইদানি ৰঙ্কৰুত্তিং দস্সেতি ‘‘ৰুত্তি’’চ্চাদিনা. ৰত্থুসভাৰস্স জাত্যাদিপদত্থসম্বন্ধিনো তাসু তাসু অৰত্থাসু যো সভাৰো ৰিজ্জতি, তস্স সভাৰস্স অঞ্ঞথা ৰিজ্জমানাকারং হিত্ৰা ৰত্তুপরিকপ্পিতেন অতিসযউপমারূপকাদিঅঞ্ঞপকারেন যা ৰুত্তি যং কথনং অত্থি, সা পরাভৰে সভাৰৰুত্তিতো অঞ্ঞা ৰঙ্কৰুত্তি নাম সিযা. তস্সা ৰঙ্কৰুত্তিযা অনন্তৰিকপ্পত্তা অপ্পমাণপক্খত্তা কথনেন পরিসমাপেতুং অসক্কুণেয্যত্তা নযতো তস্স অনন্তপক্খস্স পরিগ্গহণত্থং বীজোপদস্সনং কারণমত্তস্স নিদস্সনং হোতি. ৰক্খমানভেদতো একমেকম্পি অত্তনা সদিসং অনন্তভেদপরিগ্গহজাননত্থং পহোতীতি অধিপ্পাযো. ৰত্থূনং সভাৰোতি চ, অনন্তা ৰিকপ্পা যস্স সভাৰস্সেতি চ, তস্স ভাৰোতি চ, বীজস্স উপদস্সনন্তি চ ৰিগ্গহো.

ৰঙ্কৰুত্তিঅত্থালঙ্কারউদ্দেসৰণ্ণনা

হেতুক্কমো ¶ পিযতরং, সমাসপরিকপ্পনা;

সমাহিতং পরিযায-ৰুত্তিব্যাজোপৰণ্ণনং.

একাৰলি অঞ্ঞমঞ্ঞং, সহৰুত্তি ৰিরোধিতা;

পরিৰুত্তিব্ভমোভাৰো, মিস্স’মাসী রসী ইতি.

এতে ভেদা সমুদ্দিট্ঠা, ভাৰো জীৰিতমুচ্চতে;

ৰঙ্কৰুত্তীসু পোসেতি, সিলেসো তু সিরিং পরং.

১৬৮-১৭২. যথোদ্দেসং নিদ্দিসিতুকামো উদ্দিসতি ‘‘তত্থে’’চ্চাদি. তত্থাতি তস্সং ৰঙ্কৰুত্তিযং ‘‘এতে ভেদা সমুদ্দিট্ঠা’’তি ইমিনা সম্বন্ধো. সমুদ্দিট্ঠাতি সঙ্খেপনযেন ৰুত্তা. অতিসযো উপমা রূপকং আৰুত্তি দীপকঞ্চ, সমাসো সমাসৰুত্তি পরিকপ্পনা চ, ৰিসেসো রুল়্হাহঙ্কারো চ, জীৰিতমুচ্চতেতি তদভাৰে বন্ধস্স ছৰস্সেৰ হেয্যত্তা ৰুত্তং, সিলেসো তু ৰঙ্কৰুত্তীসু সভাৰৰুত্তিং হিত্ৰা ৰত্থুসভাৰতো অঞ্ঞথা যথা তথা পরিকপ্পনরূপাসু অতিসযাদীসু ৰুত্তীসু পরং সিরিং কন্তিং পোসেতি তং পূরেতি আৰহতীতি.

১৬৮-১৭২. ভেদৰন্তানং পদত্থানং সভাৰকথনং উদ্দেসক্কমেন পাকটং হোতীতি ৰত্তমানেহি অলঙ্কারেহি উদ্দিসন্তো ‘‘তত্থাতিসয…পে… রসী’’তি গাথাচতুক্কমাহ. তত্থ তত্থাতি তিস্সং ৰঙ্কৰুত্তিযং ইতি এৰং এতে পঞ্চতিংস ভেদা সমুদ্দিট্ঠা সঙ্খেপেন ৰুত্তাতি. এতেসং পন পদানং অত্থো নিদ্দেসে আৰিভৰিস্সতি. ইমিনা ভাৰো চ সিলেসো চ অতিপ্পসত্থোতি দীপেতি. ভাৰো ভাৰালঙ্কারো জীৰিতং বন্ধস্স পাণভূতোতি ৰুচ্চতে, ¶ ভাৰরহিতস্স বন্ধস্স ছৰসরীরস্স ৰিয অনুপাদেয্যত্তা, সিলেসো তু সিলেসালঙ্কারো পন ৰঙ্কৰুত্তীসু অতিসযোপমাদিৰঙ্কৰুত্তীসু পরমুক্কংসভূতং সিরিং সোভং পোসেতি পূরেতি.

১৭৩. তত্থাতিসযৰুত্তীনং তাৰ নিদ্দিসন্তো আহ ‘‘পকাসিকা’’ইচ্চাদি. ৰিসেসস্স ৰত্থুগতস্সাতিমত্তস্স পকাসিকাযাতি অনুৰদিত্ৰা সা অতিসযৰুত্তি সিযাতি ৰিধীযতে, অতিসযস্স ৰত্থুনো উক্কংসস্স পটিপাদিকা ৰুত্তি অতিসযৰুত্তি. সা চ দুৰিধাতি আহ ‘‘লোক’’ইচ্চাদি. লোকং লোকপ্পতীতিং অতিক্কন্তো ৰিসযো গোচরো যস্সা সা লোকাতিক্কন্তৰিসযা চ লোকে ভৰা লোকঠিতিমনতিক্কন্তত্তাতি লোকিযা চাতি অতিসযৰুত্তি দ্ৰিধা দ্ৰিপ্পকারা ভৰতি.

১৭৩. ইদানি উদ্দেসক্কমেন অতিসযৰুত্তিং দস্সেতি ‘‘পকাসি’’চ্চাদিনা. ৰিসেসস্স জাত্যাদিপদত্থগতঅধিকৰিসেসস্স যা ৰুত্তি পকাসিকা, সা অতিসযৰুত্তি নাম সিযা, সা অতিসযৰুত্তি লোকাতিক্কন্তৰিসযা চ জাত্যাদিপদত্থানং যথাসভাৰসঙ্খতলোকঠিত্যাতিক্কন্তৰিসযত্তা লোকাতিক্কন্ত ৰিসযাতি চ লোকিযাতি চ যথাৰুত্তলোকমনতিক্কম্ম পৰত্তনতো লোকিযাতি চেৰং দ্ৰিধা দ্ৰিপ্পকারা হোন্তি. ৰদতীতি ৰুত্তি, অতিসযস্স ৰুত্তীতি চ, লোকং অতিক্কন্তো ৰিসযো এতিস্সাতি চ, লোকে ভৰাতি চ ৰিগ্গহো. ‘‘ৰিসেসস্স পকাসিকা’’তি পসিদ্ধগুণানুৰাদেন ¶ সা অতিসযৰুত্তি সিযাতি অপসিদ্ধং অতিসযৰুত্তিৰিধানং করোতি, যথা ‘‘যো কুণ্ডলী, সো দেৰদত্তো’’তি. অনুৰাদকঅনুৰাদনীযভেদো উপরিপ্যেৰমেৰ দট্ঠব্বো.

১৭৪. অযং দ্ৰিপ্পকারা অতিসযৰুত্তি সভাৰৰুত্যাদীহি ভিন্নাতি চে? আহ ‘‘লোক’’ইচ্চাদি. জাতিআদযো যতো পদত্থস্স ৰিচিত্তং সরূপং ৰদতীতি ৰিচিত্তসরূপপটিপাদিকা সভাৰৰুত্তিপি অলঙ্কারো, অলঙ্কারিযং তু ৰত্থুমত্তং, ততো সভাৰৰুত্যাদযো যে ভেদা ৰিসেসা, এতে লোকিযাতিসযস্স ভেদা, যথা সরীরে যং সহজং সুন্দরত্তং, তস্স পোসকাপি মুত্তাৰলিপ্পভুতি অলঙ্কারোতি ৰুচ্চতি, এৰং বন্ধেপ্যলঙ্কারিযৰত্থুনিমিত্তং ধম্মত্তং যায উক্কংসীযতি, সা উক্কংসোতি ৰুচ্চতি. সা চ ৰুত্তি অলঙ্কারসদ্দেন ৰুচ্চতে. সা পন অতিসযৰুত্তিযেৰ. তেনেৰাহ ‘‘লোকিযাতিসযস্সেতে, ভেদা যে জাতিআদযো’’তি. যতো এৰং, ততো লোকাতিক্কন্তৰিসযা চ ৰিসুং দস্সনীযাতি আহ ‘‘পটী’’তিআদি. তুসদ্দো ভেদে. অজ্জ তু ইদানি পন লোকাতিক্কন্তগোচরা পটিপাদীযতেতি সম্বন্ধো.

১৭৪. ইদানি এসা দ্ৰিপ্পকারাপি অতিসযৰুত্তিসভাৰৰুত্যাদীহি অনঞ্ঞাতি দস্সেতুং ‘‘লোকিযে’’চ্চাদিমাহ. জাতিআদযো জাতিগুণাদিপদত্থগতৰিচিত্তসরূপস্স পকাসনতো নিস্সযৰোহারেন ‘‘জাত্যাদযো’’তি নিদ্দিট্ঠা জাতিসভাৰৰুত্তিগুণসভাৰৰুত্যাদযো যে ভেদা ¶ ৰিসেসা, এতে লোকিযাতিসযস্স লোকিযাতিসযৰুত্তিযাযেৰ ভেদা অৰযৰা. তত্থ লোকিযাতিসযৰুত্তি নাম জাতিসভাৰৰুত্তিগুণসভাৰৰুত্যাদযোযেৰাতি. এসাযেৰ ৰিচিত্ররূপপটিপাদিকা উক্কংসাতি চ ৰুচ্চতি. এৰং লোকিযাতিসযৰুত্তিযা ‘‘লীলাৰিকন্তিসুভগো’’তি উদাহরণস্স গম্যমানত্তা ৰক্খমানং পটিজানাতি ‘‘পটিপাদীযতে’’চ্চাদিনা. অজ্জ তু ইদানি পন লোকাতিক্কন্তগোচরা অতিসযৰুত্তি পটিপাদীযতে উদাহরণতো নিপ্ফাদীযতি. লোকে ভৰোতি চ, তস্স অতিসযো আধিক্কমিতি চ ৰাক্যং.

১৭৫. তমুদাহরতি ‘‘পিৰন্তি’’চ্চাদিনা. জিন তে দেহকন্তী সরীরসোভাযো যে জনা নেত্তঞ্জলিপুটেন অত্তনো নযনদ্ৰন্দসঙ্খাতেন অঞ্জলিপুটেন পিৰন্তি, এসং জনানং তণ্হং পিপাসং লোভমেৰ ৰা হরতি অনুপততি [অপনযতি (?)]. তণ্হাহরোপি সমানো ত্ৰং হন্তুং নিৰত্তিতুং কিং নালং কস্মা অসমত্থোসি. তণ্হাহরা নাম তণ্হমেৰ নুদন্তি. অত্র হনন্তামপিহ সম্পনুদতি লোকঠিতিং অতিক্কম্ম দেহকন্তিযা বহুত্তনধম্মো ৰুত্তো.

১৭৫. ইদানি পটিঞ্ঞাতানুসারেন পটিপাদেতি ‘‘পিৰন্তি’’চ্চাদিনা. ভো জিন তে তুয্হং দেহকন্তী সরীরসোভাযো যে জনা নেত্তঞ্জলিপুটেন নেত্তসঙ্খাতেন হত্থপুটেন পিৰন্তি, এসং সাধুজনানং তণ্হং পিপাসং লোভমেৰ ¶ ৰা তণ্হাহরোপি ত্ৰং সব্বেসং তণ্হাৰিনাসকোপি হন্তুং নিৰারেতুং কিং নালং কস্মা অসমত্থোসীতি. এত্থ পিৰনং নাম পিপাসং ৰিনেতীতি লোকসভাৰো. তণ্হং হন্তুং নালমিতি লোকসভাৰমতিক্কন্তত্থো. কন্তীনং অধিকপিযতা অতিসযধম্মো, তস্স ৰুত্তি পন তণ্হং হন্তুং নালমিতি লোকাতিক্কন্তঅত্থং ৰিসযং কত্ৰা পৰত্তো হোতি. সা পন কথেতুমিচ্ছিতং কন্তীনং অধিকপিযতং তণ্হাহননে অসমত্থং ৰত্ৰা দীপেতীতি ৰঙ্কৰুত্তি নাম. ৰুচ্চমানানং উপমারূপকাদীনম্পি ৰঙ্কৰুত্তিতা ইচ্ছিতত্থস্স পকারন্তরেন পকাসনতোযেৰ. যথা নাম সরীরসহজং পীনত্তাদিসুন্দরত্তং উদ্দীপনাকারেন ঠিতা কটকউণ্হীসহারাদযো অলঙ্কারা নাম ভৰন্তি, এৰং বন্ধসরীরসঙ্খাতে অলঙ্করণীযৰত্থুম্হি ৰিজ্জমানঅতিপিযতাদিমেৰ উদ্দীপেত্ৰা অলঙ্কুরুমানা ‘‘তণ্হাহরোসি ত্ৰং এসং কন্তী পিৰন্তানং তণ্হং হন্তুং নাল’’মিতি ৰাচাভঙ্গী অলঙ্কারো নাম. অলঙ্কারিযং নাম অলঙ্কাতব্বকন্তিপিযতায বহুত্তন্তি. উত্তরিপি অলঙ্কারঅলঙ্কারিযৰিভাগো চ অনুরূপতো যোজনক্কমো চ এৰমেৰ দট্ঠব্বো. দেহে কন্তীতি চ, অঞ্জলীযেৰ পুটোতি চ, নেত্তানিযেৰ অঞ্জলিপুটোতি চ, তণ্হং হরতীতি চ ৰিগ্গহো.

উপমানোপমেয্যানং, সধম্মত্তং সিযো’পমা;

সদ্দত্থগম্মা ৰাক্যত্থ-ৰিসযাতি চ সা তিধা.

১৭৬. উপমং নিদ্দিসতি ‘‘উপমানে’’চ্চাদিনা. উপমীযতে অনেনাতি উপমানং, পদুমাদিকৰত্থু. পদুমাদিকো তু সদ্দো উপমানৰাচকো. উপমীযতীতি উপমেয্যং, মুখাদিকৰত্থু. মুখাদিকো সদ্দো তু উপমেয্যৰাচকো. তেসং উপমানোপমেয্যানং পদুমাদিমুখাদিৰত্থূনঞ্চ. সধম্মত্তন্তি সমানো ধম্মো কন্তিমন্ততা যস্স সো সধম্মো, তস্স ভাৰো সধম্মসদ্দস্স পৰত্তিনিমিত্তসমানেন ধম্মেন সহ সম্বন্ধো সধম্মত্তং ¶ উপমানোপমেয্যপতিট্ঠিতং উপমা সিযা, উপমীযতি যথাৰুত্তো সম্বন্ধোতি কত্ৰা. সা পনালঙ্কারিযস্স ধম্মস্সাতিসযপটিপাদনপ্পকারো. কতিৰিধা সাতি আহ ‘‘সদ্দ’’ইচ্চাদি. সদ্দো চ অত্থো চ, তেহি গম্মা পতীযমানা সদ্দত্থগম্মা. ৰাক্যং পদসমুদাযো. তস্স অত্থো ৰিসযো গোচরো যস্সা ৰাক্যত্থৰিসযাতি চ সা উপমা তিৰিধা সদ্দগম্মঅত্থগম্মৰাক্যত্থৰিসযাতি তিধা হোতি.

১৭৬. ইদানি উপমালঙ্কারং নিদ্দিসতি ‘‘উপমানো’’চ্চাদিনা. উপমানোপমেয্যানং চন্দনীলুপ্পলদলাভাদীনং আনননযনাদীনঞ্চ পদত্থানং সধম্মত্তং কন্তিমন্ততাপীনতাদিতুল্যধম্মসম্বন্ধো উপমা নাম সিযা, সা অলঙ্করণীযৰত্থুনো আধিক্কপটিপাদনপ্পকারা উপমা সদ্দত্থগম্মা সদ্দগম্মা চ অত্থগম্মা চ ৰাক্যত্থৰিসযা চ, ইতি এৰং তিধা তিপ্পকারা হোতি. এত্থ উপমানোপমেয্যভূতানং চন্দাননাদিপদত্থানং সধম্মসঙ্খতো অঞ্ঞমঞ্ঞতুল্যকন্তিমন্ততাপীনতাদিধম্মযোগো পদত্থানং উপমত্থস্স পতিট্ঠিতত্তা উপট্ঠানতায উপমা নাম হোতি, তন্নিস্সযচন্দাদযো পন নিস্সিতৰোহারেন উপমা নাম হোতি, উপমানভূতচন্দাদিঅত্থপটিপাদকো চন্দিমাদিসদ্দোপি তদত্থেন উপমা নাম হোতি, উপমেয্যুপমেয্যনিস্সযতপ্পটিপাদকানম্পি উপমেয্যভাৰো এৰমেৰ দট্ঠব্বো. উপমীযতে অনেনাতি উপমানন্তি কত্ৰা চন্দাদি উপমানং ৰুচ্চতি, উপমীযতীতি উপমেয্যং, আননাদি, উপমানঞ্চ উপমেয্যঞ্চাতি চ, সমানো চ সো ধম্মো চেতি চ, তস্স ভাৰোতি চ, সদ্দো চ অত্থো চাতি চ, তেহি গম্মাতি চ, ৰাক্যস্স অত্থোতি চ, সো ৰিসযো যস্সা উপমাযাতি চ ৰাক্যং.

সমাসপচ্চযেৰাদী, সদ্দা তেসং ৰসা তিধা;

সদ্দগম্মা সমাসেন, মুনিন্দো চন্দিমাননো.

১৭৭. তত্থ ¶ সদ্দগম্মাপি তিধা সিযাতি দস্সেতুমাহ ‘‘সমাস’’ইচ্চাদি. সমাসো চ পচ্চযো চ ইৰাদি চ, তে সদ্দা নাম, সদ্দসদ্দেন সমাসাদযো ৰত্তুমধিপ্পেতাতি অত্থো. তেসং সমাসাদীনং ৰসা সদ্দগম্মা তিধা হোতি সমাসসদ্দগম্মা পচ্চযসদ্দগম্মা ইৰাদিসদ্দগম্মাতি, সমাসেন সমাসসদ্দেন গম্মা উপমা ৰুচ্চতীতি সেসো. উদাহরতি ‘‘মুনিন্দো চন্দিমাননো’’তি, চন্দিমা ৰিয রুচিরমাননং মুখং যস্স সো চন্দিমাননো. এত্থ চ চন্দিমং উপমানং, আননং উপমেয্যং, রুচিরত্তং ধম্মো, চন্দিমাননানং সমানধম্মসম্বন্ধিজোতকো ৰিযসদ্দো, তেসু সাধারণধম্মৰাচকস্স ৰিযসদ্দস্স চোপমাজোতকস্সাপ্পযোগো সমাসেনেৰ ৰুত্তত্তা, এত্থ পন ৰিযসদ্দো চন্দিমাসদ্দেন উপমানৰাচকেন সম্বন্ধমুপগতো চন্দগতমেৰ সদিসত্তং ৰদতি, মুখগতং পন সামত্থিযা পদীযতে, এৰমীদিসং দট্ঠব্বং.

১৭৭. তেসু যথাৰুত্তেসু সদ্দগম্মস্স তিৰিধত্তং দস্সেতুং আহ ‘‘সমাসে’’চ্চাদি. সমাসপচ্চযেৰাদী সমাসো, আযাদিপচ্চযা, ইৰাদযো চ সদ্দা নাম, তেসং সমাসাদীনং ৰসা ভেদেন সদ্দগম্মা তিধা সমাসসদ্দগম্মা পচ্চযসদ্দগম্মা ইৰাদিসদ্দগম্মাতি তিৰিধা হোতি. সমাসেন সমাসসদ্দেন গম্মোপমা ৰুচ্চতি ‘‘মুনিন্দো চন্দিমাননো’’তি. মুনিন্দো সম্মাসম্বুদ্ধো চন্দিমাননো চন্দসমানমনোহরমুখমণ্ডলেন যুত্তো হোতি, সমাসো চ পচ্চযো চ ইৰইতি ইদং আদি যেসং ৰাদীনন্তি চ, সদ্দেন গম্মাতি চ, মুনীনং ইন্দোতি চ, চন্দিমা ৰিয রুচিরং আননং মুখং যস্সেতি চ ৰিগ্গহো. এত্থ ‘‘চন্দিমা’’তি উপমানং, ‘‘আনন’’ন্তি উপমেয্যং, রুচিরত্তং উপমানোপমেয্যানং সাধারণধম্মো, ‘‘ৰিযা’’তি সদ্দো চন্দাননানং দ্ৰিন্নং আননগতরুচিরত্তং চন্দে চ, চন্দগতরুচিরত্তং আননে চ অত্থীতি সমানধম্মসম্বন্ধং ¶ জোতেতি, ইহ সাধারণধম্মৰাচকস্স রুচিরসদ্দস্স, তুল্যধম্মসঙ্খাতোপমাজোতকস্স ৰিযসদ্দস্স চ অপ্পযোগো তেসং অত্থানং সমাসেন ৰুত্তত্তা. এত্থ উপমানৰাচকেন চন্দিমাসদ্দেন যুত্তো ৰিয সদ্দো চন্দগতসদিসত্তং জোতেতি, মুখগতসদিসত্তং পন সামত্থিযা পতীযতে. তথা হি মুখং চন্দসমানমাগচ্ছন্তং চন্দস্স মুখসদিসত্তং ৰিনা ন ভৰতীতি অঞ্ঞথানুপপত্তি সামত্থিযন্তি.

আযাদী পচ্চযা তেহি, ৰদনং পঙ্কজাযতে;

মুনিন্দনযনদ্ৰন্দং, নীলুপ্পলদলীযতি.

১৭৮. ইদানি পচ্চযসদ্দগম্মং দস্সেতি ‘‘আযাদি’’চ্চাদিনা. আযাদীতি আযঈযকপচ্চযাদযো পচ্চযা পচ্চযসদ্দা নাম, তেহি পচ্চযসদ্দেহি গম্মা উপমা ৰুচ্চতি. উদাহরতি ‘‘ৰদন’’মিচ্চাদি. পঙ্কজমিৰ রুচিরমাচরতি পঙ্কজাযতে. এত্থাপি পঙ্কজমুপমানং, আচরণক্রিযায কত্তুভূতং আননমুপমেয্যং, রুচিরত্তং সধম্মো, পঙ্কজাননানং সমানধম্মসম্বন্ধজোতকো ইৰসদ্দো. তত্থ রুচির ইৰসদ্দানং পুব্বে ৰিযাপ্পযোগো পচ্চযেন ৰুত্তত্তাতি সব্বত্থ ৰিঞ্ঞেয্যং. এৰমুপরিপি.

১৭৮. ইদানি পচ্চযসদ্দগম্মোপমং নিদস্সেতি ‘‘আযাদি’’চ্চাদিনা. আযাদী ‘‘আয ঈয ক’’ইতিআদযো পচ্চযা পচ্চযসদ্দা নাম, তেহি পচ্চযসদ্দেহি গম্মোপমা ৰুচ্চতি ‘‘ৰদনং…পে… দলীযতী’’তি. ৰদনং মুখং পঙ্কজাযতে পদুমমিৰ রুচিরং আচরতি. মুনিন্দনযনদ্ৰন্দং সব্বঞ্ঞুনো নেত্তযুগল়ং নীলুপ্পলদলীযতি নীলুপ্পলপত্তমিৰ রুচিরমাচরতি. আযো আদি যেসং ঈযাদীনন্তি চ, পঙ্কজমিৰ রুচিরমাচরতি পৰত্ততীতি চ, মুনিন্দস্স নযনদ্ৰন্দমিতি চ, নীলুপ্পলস্স দলমিতি চ, তমিৰ রুচিরমাচরতীতি চ ৰাক্যং. এত্থ ‘‘পঙ্কজ’’মিতি চ ‘‘নীলুপ্পল’’মিতি চ উপমানং, আচরণক্রিযায কত্তুভূতং ৰদনং ¶ নযনদ্ৰন্দঞ্চ উপমেয্যং, রুচিরত্তং উপমানোপমেয্যানং সধম্মো, উপমানোপমেয্যানং সমানধম্মজোতকো ইৰসদ্দো, তেসং অত্থানং পচ্চযেন ৰুত্তত্তা তেসমপ্পযোগো. এৰরূপেসু অঞ্ঞেসুপি এৰমেৰ ৰেদিতব্বো.

ইৰাদী ইৰ ৰা তুল্য-সমান নিভ সন্নিভা;

যথাসঙ্কাস তুলিত-প্পকাস পতিরূপকা.

সরীসরিক্খ সংৰাদী, ৰিরোধী সদিসা ৰিয;

পটিপক্খপচ্চনীক-সপক্খো’পমিতো’পমা.

পটিবিম্ব পটিচ্ছন্ন-সরূপ সম সম্মিতা;

সৰণ্ণা’ভা পটিনিধি, সধম্মাদি সলক্খণা.

জযত্য’ক্কোসতি হসতি, পতিগজ্জতি দূভতি;

উসূযত্য’ৰজানাতি, নিন্দতি’স্সতি রুন্ধতি.

তস্স চোরেতি সোভগ্গং, তস্স কন্তিং ৰিলুম্পতি;

তেন সদ্ধিং ৰিৰদতি, তুল্যং তেনাধিরোহতি.

কচ্ছংৰিগাহতে তস্স, তমন্ৰেত্য’নুবন্ধতি;

তংসীলং, তং নিসেধেতি, তস্স চানুকরোতি’মে.

১৭৯-১৮৪. ইৰাদী ইৰাদযো নাম ইমেতি সম্বন্ধো. ইৰো চ ৰা চ তুল্যো চ সমানো চ নিভো চ সন্নিভো চাতি দ্ৰন্দে ইৰ…পে… সন্নিভা. সদ্দমপেক্খিয পুল্লিঙ্গতা. এৰমুপরিপি যথাযোগং. ‘‘সধম্মাদী’’তি আদিসদ্দেন সাধারণসচ্ছাযাদীনং পরিগ্গহো. জযতিচ্চাদীসু কম্মং.

১৭৯- ১৮৪. ইৰাদিসদ্দগম্মোপমাধিকারে পঠমং তাৰ ‘‘ইৰাদযো নাম এতে’’তি দস্সেতি ‘‘ইৰাদি’’চ্চাদিনা. ইৰাদীতি পদস্স ছট্ঠমগাথায ইমেতি ইমিনা সম্বন্ধো, তস্স চাতি চসদ্দং যুজ্জনট্ঠানে যোজেত্ৰা সন্নিভা চাতিআদযো যোজেতব্বা. ‘‘সধম্মাদী’’তিআদিসদ্দেন সাধারণসচ্ছাযাদযো গহিতা. নিন্দতি ইস্সতীতি পদচ্ছেদো, ইমে ¶ দ্ৰেপঞ্ঞাস ইৰাদযো নাম. ‘‘জযতি অক্কোসতি হসতি’’ইচ্চাদিকং তংতংক্রিযাপদসঙ্খতঅনুকারিযানং অনুকরণন্তি কত্ৰা দ্ৰন্দোযেৰ, ‘‘সন্ধিসমাসা অদ্ধস্সা’’তি [সন্ধিসমাসো তদদ্ধস্সাতি (ক.)] ৰুত্তত্তা সন্ধিসমাসানং গাথদ্ধস্স ৰিনা উভযদ্ধমজ্ঝে অলব্ভনতো দূভতিপদতো পুব্বেযেৰ সমাসো কাতব্বো, নো চে, অসমাসোতি গহেতব্বো. তস্স চোরেতি সোভগ্গমিচ্চাদিকম্পি ৰাক্যানুকরণন্তি কত্ৰা তত্থ সমাসো, ৰাক্যে কেৰলপদানীতি ৰা গহেতব্বো. ইমেসং সব্বেসম্পি ইৰ সদ্দপরিযাযত্তা সদিসত্থাতি সব্বত্থ ভাৰত্থো, অৰযৰত্থো পন পাকটোযেৰ.

উপমানোপমেয্যানং, সধম্মত্তং ৰিভাৰিহি;

ইমেহি উপমাভেদা, কেচি নিয্যন্তি সম্পতি.

১৮৫. ইৰাদীনং ৰিনিযোগৰিসযং দস্সেত্ৰা উপমাভেদং দস্সেতুং পটিজানাতি ‘‘উপমান’’ইচ্চাদি. কেচীতি ইমিনা অপরিযন্তত্তমেসং [অপরিযন্তপভেদং (ক.)] দস্সেতি. তথা চ ৰক্খতি ‘‘পরিযন্তো ৰিকপ্পান’’ন্তিআদি. নিয্যন্তি উদাহরীযন্তি.

১৮৫. ইদানি ইৰাদিসদ্দগম্মোপমং দস্সেতুং পটিজানাতি ‘‘উপমানো’’চ্চাদিনা. উপমানোপমেয্যানং সধম্মত্তং সমানধম্মসম্বন্ধো. ৰিভাৰিহি পকাসকেহি. ইমেহি ইৰাদীহি সদ্দেহি জানিতব্বা কেচি উপমাভেদা অপরিযন্তত্তা সম্পতি দানি লদ্ধাৰসরে নিয্যন্তি উদাহরণমত্তেন পটিপাদীযন্তি.

ৰিকাসিপদুমং’ৰা’তি-সুন্দরং সুগতাননং;

ইতি ধম্মোপমা নাম, তুল্যধম্মনিদস্সনা.

১৮৬. ‘‘ৰিকাসি’’চ্চাদি. সুগতাননং মুনিন্দস্স ৰদনং অতিসুন্দরং অচ্চন্তরমণীযং. কিমিৰ? ৰিকাসিপদুমংৰ পবুজ্ঝমানপদুমংৰিয. ইতি অযমেৰংৰিধা ধম্মোপমা নাম হোতি. কস্মা? ¶ আননপদুমানং সমানস্স ধম্মস্স গুণস্স সুন্দরস্স লক্খণস্স নিদস্সনা সুন্দরত্তন্তি পটিপাদনতো.

১৮৬. উদাহরণমাহ ‘‘ৰিকাসি’’চ্চাদিনা. সুগতাননং ভগৰতো মুখং ৰিকাসিপদুমংৰ বুজ্ঝমানপঙ্কজমিৰ অতিসুন্দরং হোতি. ইতি ঈদিসা উপমা তুল্যধম্মনিদস্সনা অতিসুন্দরমিতি সমানগুণদস্সনেন ধম্মোপমা নাম হোতি. পদুমাননানং সাধারণগুণস্স পকাসনতো অতিসুন্দরমিতি তুল্যধম্মো নাম হোতি. এত্থ পদুমগততুল্যধম্মসম্বন্ধসঙ্খাতায উপমায ইৰসদ্দেন জোতিযমানত্তেপি অতিসুন্দরন্তি ৰুত্তত্তা যথাৰুত্তোপমায ধম্মেন যুত্তত্তা ধম্মোপমা নাম হোতীতি অধিপ্পাযো.

ধম্মহীনা মুখ’ম্ভোজ-সদিসং মুনিনো ইতি;

ৰিপরীতোপমা তুল্য-মাননেন’ম্বুজং তৰ.

১৮৭. ‘‘ধম্ম’’ইচ্চাদি. মুনিনো সম্মাসম্বুদ্ধস্স মুখং অম্ভোজেন পদুমেন সদিসং সমানং. ইতি অযং ধম্মহীনোপমা নাম সুন্দরসঙ্খাতস্স গুণস্স অনিদ্দিট্ঠত্তা, সা তু অত্থৰসা গম্যতে. কথমঞ্ঞথা যুজ্জতীতি? এত্থ পন সদিসসদ্দো উপমেয্যস্স মুখস্স ৰিসেসনন্তি মুখগতমেৰ সদিসত্তং ৰদতি, অম্ভোজগতং তু সামত্থিযা গম্যতে. এৰমীদিসং ঞেয্যং. ‘‘ৰিপরীতে’’চ্চাদি. মুনীতি গম্যতে সুতত্তা, ভো মুনি তৰ আননেন মুখেন অম্বুজং তুল্যন্তি অযং ৰিপরীতোপমা. ধম্মহীনত্তেপি পসিদ্ধিৰিপরিযযেনাভিহিতত্তা তন্নামেনেৰ ৰুত্তা. এৰমুপরিপি.

১৮৭. ‘‘ধম্মহীনে’’চ্চাদি. ‘‘মুখম্ভোজসদিসং মুনিনো’’ত্যযং উপমা. ধম্মহীনা তুল্যধম্মপকাসকসুন্দরাদিসদ্দহীনত্তা ধম্মহীনা নাম. ৰাচকাভাৰে তুল্যধম্মো কথং পতীযতীতি চে? মুনিনো মুখং ৰদনং অম্ভোজসদিসং পদুমসদিসমিতি. এত্থ মুখস্স অম্ভোজসমানত্তং মুখম্ভোজানং সাধারণধম্মে অসতি ¶ কথং ভৰতীতি? অঞ্ঞথানুপপত্তিলক্খণসামত্থিযাতি, ইৰপরিযাযো সদিসসদ্দো মুখস্স ৰিসেসনং যস্মা হোতি, তস্মা মুখগতসদিসত্তং ৰদতি, অম্ভোজগতসদিসত্তং পন সামত্থিযা এৰ ৰিঞ্ঞাযতে. হে মুনি তৰ তুয্হং আননেন অম্ভোজং তুল্যং সমানন্তি অযং ৰিপরীতোপমা. ‘‘অম্বুজেন আননং তুল্য’’ন্তি লোকপ্পসিদ্ধিযা ৰিপরিযযেন ‘‘আননেন অম্বুজং তুল্য’’ন্তি ৰুত্তত্তা ধম্মহীনত্তে সতিপি ৰিপরীতোপমা নাম হোতি. ‘‘সুতানুমিতেসু সুতসম্বন্ধো বলৰা’’তি [পরিভাসেন্দুসেখর ১১২] ৰুত্তত্তা এত্থ ‘‘মুনী’’তি অৰিজ্জমানেপি পুব্বদ্ধে ‘‘মুনিনো’’তি সুতত্তা লব্ভমানো ‘‘তৰা’’তি তুম্হসদ্দসন্নিধানেন আমন্তনত্থো ৰিঞ্ঞাযতি. এত্থ ইৰপরিযাযো তুল্যসদ্দো অম্বুজৰিসেসনভূতো অম্বুজগতসদিসত্তং ৰদতি, আননগতসদিসত্তঞ্চ অম্বুজাননানং সাধারণধম্মো চ সামত্থিযা ঞাযতিচ্চাদিকং ৰুত্তনযেন ঞাতব্বং. উপরিপি পাকটট্ঠানং যথারহং যোজেতব্বং.

তৰানন’মিৰ’ম্ভোজং, অম্ভোজ’মিৰ তে মুখং;

অঞ্ঞমঞ্ঞোপমা সা’যং, অঞ্ঞমঞ্ঞোপমানতো.

১৮৮. ‘‘তৰ’’ইচ্চাদি. অঞ্ঞমঞ্ঞোপমানতোতি অঞ্ঞমঞ্ঞস্স মুখস্স অম্ভোজস্স চ অঞ্ঞমঞ্ঞেন তংদ্ৰযেন উপমানতো.

১৮৮. ‘‘তৰাননি’’চ্চাদি. ‘‘অম্ভোজং তৰাননমিৰ, তে মুখং অম্ভোজমিৰা’’তি অযমুপমা. অঞ্ঞমঞ্ঞোপমানতো অঞ্ঞমঞ্ঞস্স উপমানত্তা অঞ্ঞমঞ্ঞোপমা নাম হোতি. অঞ্ঞমঞ্ঞস্স উপমাতি চ, অঞ্ঞমঞ্ঞস্স উপমানন্তি চ ৰিগ্গহো. ৰিগ্গহদ্ৰযেপি পুব্বৰিভত্তিলোপো. সব্বাদীনং ব্যতিহারলক্খণেন উত্তরৰিভত্তিলোপো. সমাসলক্খণেন অঞ্ঞত্থস্স অপেক্খাসিদ্ধত্তা ¶ মুখাপেক্খায অঞ্ঞং অম্ভোজঞ্চ, অম্ভোজাপেক্খায অঞ্ঞং মুখঞ্চ কমেন উপমেয্যা নাম. অম্ভোজাপেক্খায অঞ্ঞং মুখঞ্চ, মুখাপেক্খায অঞ্ঞং অম্ভোজঞ্চ উপমানং নাম.

১৮৯. ‘‘যদি’’চ্চাদি. লোচনানি চ ভমুযো চ, তাসং ৰিব্ভমো যস্মিং, তং, তাদিসমম্ভোজং কিঞ্চি কিমপি যদি ভৰে. তমীদিসমম্ভোজং তৰ মুখসোভং ৰদনকন্তিং ধারেতুং নিসিজ্ঝতে. কিং ন্ৰচ্ছরিযমীদিসন্তি অব্ভুতত্থৰিভাৰনেন ৰদনমম্বুজেনোপমীযতীতি অযমব্ভুতোপমা ঞাতব্বাতি.

১৮৯. ‘‘যদি’’চ্চাদি. লোচনব্ভমুৰিব্ভমং লোচনভমূনং লীলাৰন্তং কিঞ্চি অম্ভোজং কিঞ্চি অচ্ছরিযং পদুমং যদি ভৰে চে সিযা, তমম্ভোজং তৰ মুখসোভং ৰদনকন্তিং ধারেতুং সমত্থো হোতি. ইতি ঈদিসী উপমা অব্ভুতোপমা অব্ভুতধম্মপকাসকত্তা অব্ভুতোপমা নাম. এত্থ অৰিজ্জমানোপি ৰিজ্জমানত্তেন পরিকপ্পিতো পদুমগতো লোচনব্ভমুৰিব্ভমসম্বন্ধো অম্ভোজৰিসেসনেন ‘‘লোচনব্ভমুৰিব্ভম’’ন্তি ইমিনা জোতিতো. তস্মা অম্ভোজং লোচনব্ভমুৰিব্ভমসম্বন্ধসঙ্খতউপমায জোতকত্তা নিস্সিতৰোহারেন উপমা, মুখং উপমেয্যন্তি মুখগতো লোচনব্ভমুৰিব্ভমসম্বন্ধো যদি মুখে ন ভৰেয্য, তাদিসং মুখসোভং ধারেতুং কথং সমত্থোতি সামত্থিযা ঞাযতি. লোচনব্ভমুৰিব্ভমসঙ্খাতসাধারণধম্মো পন ‘‘লোচনানি চ ভমুযো চেতি চ, তাসং ৰিব্ভমো যস্মি’’ন্তি চ ৰিগ্গহে নিপ্ফন্নেন ¶ ভিন্নাধিকরণঅঞ্ঞপদত্থসমাসেন গুণীভূতস্সপি গহিতত্তা ৰিঞ্ঞাযতি [গহণস্স ৰিঞ্ঞাযমানত্তা (ক.)].

সুগন্ধি সোভসম্বন্ধি, সিসিরংসুৰিরোধি চ;

মুখং তৰ’ম্বুজংৰে’তি, সা সিলেসোপমা মতা.

১৯০. ‘‘সুগন্ধি’’চ্চাদি. তৰ মুখং অম্ভোজমিৰ সিসিরংসুনোচন্দস্স ৰিরোধি পচ্চনীকং, মুখং তংসমানকন্তিত্তা অম্বুজঞ্চ তদুদযে সঙ্কোচভজনতো. সোভসম্বন্ধি কন্তিযুত্তং, মুখমম্বুজঞ্চ. সুগন্ধো অস্স অত্থীতি সুগন্ধি চ দ্ৰযমপীতি এৰং সিলেসপরিগ্গহেন মুখম্বুজানং উপমাযোগতো সা যথাৰুত্তা সিলেসোপমা মতা.

১৯০. ‘‘সুগন্ধি’’চ্চাদি. তৰ মুখং অম্ভোজমিৰ সিসিরংসুৰিরোধি চন্দস্স ৰিরুদ্ধং হোতি তুল্যত্তা. পদুমং পন চন্দোদযেন অত্তনো সঙ্কোচনত্তা তস্স ৰিরুদ্ধং হোতি. সোভসম্বন্ধি চ অনঞ্ঞসাধারণমুখগতকন্তিসম্বন্ধযুত্তঞ্চ হোতি. পদুমং পন পদুমগতকন্তিসম্বন্ধিনা যুত্তং হোতি. সুগন্ধি চ চতুজ্জাতিসুগন্ধৰহনতো […ৰমনতো (ক.)] সুগন্ধি চ হোতি. অম্বুজং পন পদুমসুগন্ধেনেৰ যুত্তং হোতি. ইতি ঈদিসী উপমা সিলেসোপমা একপদাতিহিতউভযত্থলক্খণেন সিলেসৰসেন ৰুত্তত্তা সিলেসোপমা নাম হোতি. সিসিরা সীতলা অংসু কন্তি অস্সেতি চ, তস্স ৰিরুজ্ঝতি সীলেনেতি চ, পচ্চযসামত্থিযৰসেন দ্ৰিন্নং দ্ৰিন্নং অত্থানং লব্ভনতো সিলিস্সতি অপরোপি অত্থো এত্থ অলঙ্কারেতি চ, সিলেসৰসেন ৰুত্তা উপমাতি চ ৰিগ্গহো. এত্থ সুগন্ধো চ সোতসম্বন্ধো চ সিসিরংসুৰিরোধিত্তঞ্চেতি ইমে উপমানোপমেয্যানমম্বুজমুখানং তুল্যধম্মো, তেসু অম্বুজগততুল্যধম্মসম্বন্ধো সধম্মত্তা উপমা নাম হোতি, সা অম্বুজসম্বন্ধিনা ইৰসদ্দেন জোতিতা, ¶ মুখগততুল্যধম্মো পন অস্সত্থিতস্সীলত্থে কতপচ্চযে সতিপি সামত্থিযাযেৰ গম্যতে.

সরূপসদ্দৰাচ্চত্তা, সা সন্তানোপমা যথা;

বালা’ৰু’য্যানমালা’যং, সালকাননসোভিনী.

১৯১. ‘‘সরূপ’’ইচ্চাদি. অযমুয্যানমালা বালাৰ ইত্থী ৰিয. কথং? সালকাননসোভিনী বালা তাৰ সহালকেন কেসসন্নিৰেসৰিসেসেন ৰত্ততে সালকমাননং তেন সোভতে. সালকাননসোভিনী উয্যানমালাপি সালানং রুক্খৰিসেসানং কাননেন গহনেন সোভতে, এৰরূপা সা তাদিসী সন্তানোপমা আখ্যাযতে, কস্মা? সিলেসোপমত্তসভাৰেপি সরূপেন সদিসেন সদ্দেন ‘‘সালকাননসোভিনী’’ত্ৰেৰংৰিধেন সদ্দসন্তানেন ৰিসেসভূতেন ৰাচ্চত্তা পকাসিযত্তা তস্সাইতি গম্যতে. যথেতি নিদস্সনে.

১৯১. ‘‘সরূপে’’চ্চাদি. সরূপসদ্দৰাচ্চত্তা তুল্যসুতিযা অচ্ছিন্নসম্বন্ধৰচনমালায ৰুচ্চমানত্তা সা উপমা সন্তানোপমা নাম হোতি, সিলেসত্তে সতিপি কতসমাসেহি পদসন্তানেহি ৰুচ্চমানত্তা সন্তানোপমা নাম হোতীতি অধিপ্পাযো. ‘‘যথে’’তি উদাহরতি. অযং উয্যানমালা এসা উয্যানপন্তি সালকাননসোভিনী অলকসঙ্খাতকেসসন্নিৰেসসহিতেন মুখেন সোভমানা বালাৰ অঙ্গনা ইৰ সালকাননসোভিনী সালৰনেহি সোভমানা হোতি. উপমানোপমেয্যানং সমানং রূপং যেসন্তি চ, সরূপা চ তে সদ্দা চেতি চ, তেহি ৰাচ্চা উপমাতি চ, তস্সা ভাৰোতি চ, সন্তানেন যুত্তা উপমাতি চ, উয্যানানং মালাতি চ, সহ অলকেন ৰত্তমানন্তি চ, তঞ্চ তং আননঞ্চাতি চ, তেন সোভতি সীলেনাতি চ, সালানং কাননন্তি চ, তেন সোভতি সীলেনাতি চ ৰাক্যং.

খযী ¶ চন্দো বহুরজং, পদুমং তেহি তে মুখং;

সমানম্পি সমুক্কংসী-ত্য’যং নিন্দোপমা মতা.

১৯২. ‘‘খযী’’ইচ্চাদি. চন্দো খযী খযো অচ্চযো যস্সেতি, পদুমং বহুরজং বহূনি রজানি পরাগাৰযৰা যস্মিন্তি, তেহি এৰংভূতেহি চন্দপদুমেহি কন্তিআদিনা সমানম্পি সদিসম্পি সন্তং তৰ মুখং সমুক্কংসি পরমুক্কংসৰন্তং, খযসদ্দস্স চ রজস্স চ দোসেপি ৰত্তনতো, সদ্দচ্ছলেন খযস্স দোসরূপস্স বহুরজত্তস্স চ তত্থাভাৰতোতি. ইতি এৰরূপা অযং নিন্দোপমা মতা নিন্দিতেন চন্দাদিনা খযস্সোপমিতত্তা.

১৯২. ‘‘খযি’’চ্চাদি. চন্দো খযী পাটিপদতো পট্ঠায দিনে দিনে একমেকায কলায সূরিযস্স আসন্নহেতু খীযনসভাৰযুত্তো হোতি, পদুমং বহুরজং বহুরেণুসমন্নাগতং হোতি, তেহি চন্দপদুমেহি সমানম্পি কন্তিসুগন্ধাদীহি সদিসম্পি তে মুখং তৰাননং সমুক্কংসি খযরজসদ্দেহি দোসস্সাপি ৰাচ্চত্তা সদ্দচ্ছলেহি গম্যমানস্স তাদিসস্স দোসস্স মুখে অৰিজ্জমানত্তা অধিকুক্কংসগুণৰন্তং হোতি, ইতি ঈদিসী অযং উপমা নিন্দোপমা নিন্দিতানং চন্দপদুমানং মুখস্স উপমিতাতি নিন্দোপমা নাম হোতি, মুখৰিসেসনেন ইৰসদ্দপরিযাযেন সমানসদ্দেন মুখগতসধম্মো জোতিতো হোতি, উপমাসঙ্খতচন্দপদুমগতসধম্মোপি দ্ৰীসু তুল্যধম্মোপি সামত্থিযা গম্যতে, অপিসদ্দো চেত্থ ৰত্তব্বন্তরসমুচ্চযে, সমুক্কংসোতি ৰত্তব্বন্তরো.

অসমত্থো মুখেনি’ন্দু, জিন তে পটিগজ্জিতুং;

জল়ো কলঙ্কী’তি অযং, পটিসেধোপমা সিযা.

১৯৩. ‘‘অসমত্থো’’ইচ্চাদি. জিন তে মুখেন জল়ো সীতো অকুসলো চ কলঙ্কো মিগলঞ্ছনলক্খণো দোসো ¶ অস্স অত্থীতি কলঙ্কী. সদ্দচ্ছলেন দোসকথনং. তাদিসো ইন্দু চন্দো পটিগজ্জিতুং ৰিৰদিতুং অসমত্থো, মুখন্তু ৰিসদং অলঙ্কতঞ্চেতি কথমনেনাযং সদিসোতি নিসেধদ্ৰারেন সধম্মতাৰ গম্মতে, অযং পটিসেধোপমা সিযা.

১৯৩. ‘‘অসমত্থো’’চ্চাদি. হে জিন তে তুয্হং মুখেন পটিগজ্জিতুং ৰিৰদিতুং জল়ো সীতলো অৰিসদো কলঙ্কী সসলক্খণো ৰা সদোসো ৰা ইন্দু চন্দো অসমত্থো হোতীতি, অযং এদিসী উপমা পটিসেধোপমা নাম. কলঙ্কো অস্স অত্থীতি ৰাক্যং. এত্থ ৰিসদেন কলঙ্করহিতেন মুখেন সীতলো অৰিসদো সদোসো চন্দো সমানো ভৰিতুমসমত্থোতি এৰং পটিসেধদ্ৰযেন ইন্দমুখসঙ্খাতানং উপমানোপমেয্যানং তুল্যধম্মসম্বন্ধস্স পকাসিতত্তা সতিপি নিন্দোপমাভাৰে পটিসেধোপমা নাম হোতীতি অধিপ্পাযো. ‘‘পটিগজ্জিতু’’ন্তি ইদং চন্দস্স ৰিসেসনত্তা চন্দগতসধম্মং জোতেতি.

কচ্ছং চন্দারৰিন্দানং, অতিক্কম্ম মুখং তৰ;

অত্তনাৰ সমং জাত-মিত্য’সাধারণোপমা.

১৯৪. ‘‘কচ্ছ’’মিচ্চাদি. চন্দস্স অরৰিন্দস্স চ কচ্ছং পদৰিং অতিক্কম্ম অৰত্থরিয তেস’মৰকংসতো [অৰত্থুযতেসমণংসতো (ক.)], তৰ মুখং অত্তনো সরূপেনেৰ সমং জাতমিতি এৰরূপা অসাধারণতাভিধানেন সদিসত্তপতীতিযা অসাধারণোপমেতি নিগদ্যতে.

১৯৪. ‘‘কচ্ছ’’মিচ্চাদি. হে মুনি তৰ মুখং চন্দারৰিন্দানং লোকপূজিতানং সসিঅম্বুজানং কচ্ছং পদৰিং অৰত্থং ৰা অতিক্কম্ম অত্তনো অতুল্যত্তেন অত্তনা এৰ সমানত্তৰত্থুনো অভাৰা সমং জাতং, ইতি ঈদিসা উপমা অসাধারণোপমা ¶ অতুল্যধম্মভাৰস্স পকাসনতো অসাধারণোপমা নাম হোতি. ইহ উপমাভূতানং চন্দারৰিন্দানং মুখস্স হীনভাৰপটিপাদনদ্ৰারেন চন্দারৰিন্দেহি মুখং তুল্যন্তি পঞ্ঞাপনতো চন্দারৰিন্দা অসাধারণোপমা নাম হোতি. সমসদ্দো মুখগতস্স সাধারণধম্মং জোতেতি. সেসং সুৰিঞ্ঞেয্যং.

সব্বম্ভোজপ্পভাসারো, রাসিভূতোৰ কত্থচি;

তৰা’ননং ৰিভাতীতি, হোতা’ভূতোপমা অযং.

১৯৫. ‘‘সব্ব’’ইচ্চাদি. কত্থচি একট্ঠানে রাসিভূতো সব্বেসমম্ভোজানং পভাসারোৰ তৰাননং ৰিভাতীতি এৰংভূতা অযং অভূতোপমা হোতি.

১৯৫. ‘‘সব্ব’’মিচ্চাদি. কত্থচি ঠানে রাসিভূতো সব্বম্ভোজপ্পভাসারোৰ সকলপদুমানং উত্তমকন্তিপুঞ্জো ৰিয তৰাননং ৰিভাতি ৰিসেসেন পভাতি, ইতি ঈদিসী উপমা অভূতোপমা অৰিজ্জমানৰত্থুনো উপমিতত্তা অভূতোপমা নাম হোতি. অরাসি রাসিভূতোতি ৰিগ্গহো. এত্থ যোজনাৰিভূতো তাদিসপভাসারাভাৰতো অৰিজ্জমানত্থেন পরিকপ্পিতো.

পতীযতে’ত্থগম্মা তু, সদ্দসামত্থিযা ক্ৰচি;

সমাসপ্পচ্চযেৰাদি-সদ্দযোগং ৰিনা অপি.

১৯৬. অত্থগম্মোপমং দস্সেতি ‘‘পতীযতে’’ইচ্চাদি. অত্থগম্মা তু’পমা ক্ৰচি কিস্মিঞ্চি ঠানে সমাসাদিসদ্দানং যোগং ৰিনা অপি সদ্দানং পযোগৰিসেসাদিগাল়্হেন অঞ্ঞথানুপপত্তিলক্খণেন সামত্থিযেন পতীযতে.

১৯৬. তিৰিধং সদ্দগম্মোপমং দস্সেত্ৰা ইদানি অত্থগম্মোপমং দস্সেতি ‘‘পতীযতে’’ত্যাদিনা. অত্থগম্মা তু অত্থগম্মোপমা ¶ পন ক্ৰচি ঠানে সমাসপচ্চযেৰাদিসদ্দযোগং ৰিনাপি তেসং সদ্দানং সম্বন্ধং হিত্ৰাপি সদ্দসামত্থিযা সম্বন্ধে পযুত্তাৰসেসসদ্দানং অত্থসত্তিযা পতীযতে. সদ্দানং সামত্থিযন্তি ৰিগ্গহো.

ভিঙ্গানে’মানি চক্খূনি, না’ম্বুজং মুখ’মেৰি’দং;

সুব্যত্তসদিসত্তেন, সা সরূপোপমা মতা.

১৯৭. উদাহরতি ‘‘ভিঙ্গে’’চ্চাদিনা. ন ভিঙ্গা এতে, কিঞ্চরহি চক্খূনিমানি, নম্বুজমেতং, কিন্তু মুখমেৰিদন্তি এৰরূপা সা সরূপোপমা মতা ভিঙ্গাদীনমৰিপরীতসরূপস্স দীপনতো. তেনাহ ‘‘সুব্যত্তে’’ত্যাদি. সুব্যত্তেন ভিঙ্গচক্খূনং অম্বুজমুখানঞ্চ পরিফুটেন সদিসত্তেন চঞ্চলত্তকন্ত্যাদিলক্খণেন তেনেৰাভেদসঙ্কাপুব্বমেৰ ৰিৰেচিতং অঞ্ঞত্র চক্খাদীসু যং ভিঙ্গাদিঞ্ঞাণমুপ্পন্নং, তস্স পচ্চক্খানতো উপমাজোতকানমিৰাদীনমভাৰেপি ভিঙ্গলোচনাদীনং সদিসত্তং পতীযতে সামত্থিযতো. এৰমুপরিপি যথাযোগং.

১৯৭. ইদানি উদাহরণমাহরতি ‘‘ভিঙ্গানি’’চ্চাদিনা. ইমানি ভিঙ্গানি ভমরা ন ভৰন্তি, কিঞ্চরহি চক্খূনি. অম্বুজং ন ইদং পদুমং ন হোতি, কিন্তু মুখমেৰাতি. ঈদিসী সা উপমা সুব্যত্তসদিসত্তেন সুপাকটেন ভিঙ্গলোচনানং অম্বুজমুখানঞ্চ তুল্যভাৰেন সরূপোপমা নাম হোতি. এত্থ সমাসপচ্চযইৰাদিসদ্দপযোগাভাৰেপি ‘‘ভিঙ্গানেমানি চক্খূনি’’চ্চাদিনা চক্খুমুখেসু ভিঙ্গঅম্বুজন্তি ৰিপরীতপৰত্তবুদ্ধিং পটিসেধেত্ৰা চক্খুমুখৰিধানতো চঞ্চলত্তকন্তিমত্তাদীসু সুব্যত্তং তুল্যত্তং ৰিনা চক্খুমুখেসু ভিঙ্গম্বুজবুদ্ধিং কীদিসমুপ্পজ্জতীতি অঞ্ঞথানুপপত্তিলক্খণসামত্থিযা উপমানভূতানং ভিঙ্গম্বুজানং উপমেয্যভূতানং চক্খুমুখানঞ্চ সদিসত্তং ঞাযতি. সুট্ঠু ব্যত্তং পাকটন্তি চ, তঞ্চ তং সদিসত্তঞ্চাতি চ, সমানং রূপং সভাৰো যস্সা উপমাযাতি চ, সা চ সা উপমা চাতি চ ৰাক্যং.

মযেৰ ¶ মুখসোভা’স্সে-ত্যল’মিন্দু ৰিকত্থনা;

যতো’ম্বুজেপিসা’ত্থীতি, পরিকপ্পোপমা অযং.

১৯৮. ‘‘মযেৰি’’চ্চাদি. ইন্দু চন্দ, অস্স মুনিনো মুখসোভা ৰদনজুতি মযেৰ, নাঞ্ঞত্রাতি এৰরূপা ৰিকত্থনা অত্থপসংসনেন অলমিতি পটিসেধো. কিমিতি? যতো যস্মা কারণা সা মুখসোভা অম্বুজেপি ন কেৰলমিন্দুম্হি অত্থি, নো নত্থীতি অসতোপি তথা ৰিকত্থনস্স পরিকপ্পনতো ৰদনমিন্দুনোপমীযতীতি এৰরূপা অযং পরিকপ্পোপমা.

১৯৮. ‘‘মযে’’চ্চাদি. হে ইন্দু অস্স ইমস্স লোকসামিনো মুখসোভা ৰদনকন্তি এককে মযি এৰ, ঈদিসী ৰিকত্থনা অত্তসিলাঘেন অলং নিপ্পযোজনং. কস্মাতি চে? যতো সা মুখসোভা অম্বুজেপি অত্থি, তস্মাতি. ইতি ঈদিসা অযং উপমা পরিকপ্পোপমা নাম হোতি. যতোতি অনিযমনিদ্দিট্ঠকারণং পন অম্বুজেপি সা অত্থীতি দস্সিযমানং পদুমেপি তস্স অত্থিত্তমেৰ. পরিকপ্পনায ৰুত্তা উপমাতি ৰিগ্গহো. ইধ চন্দস্স অৰিজ্জমানৰিকত্থনস্স ৰিজ্জমানত্তেন পরিকপ্পনতো সধম্মজোতকসদ্দন্তরে অসতিপি উপমানভূতইন্দুনো চ উপমেয্যভূতমুখস্স চ সদিসত্তং ইমেসং দ্ৰিন্নং সদিসত্তং ৰিনা ৰত্তুনো তাদিসকপ্পনা কথং হোতীতি ইমায অত্থসত্তিযা গম্যতে.

১৯৯. ‘‘কিং ৰা’’ইচ্চাদি. অন্তো ভন্তা অলী ভমরা যস্মিং, তমীদিসমম্বুজং কিং ৰা. লোলানি চপলানি নযনানি যস্মিং, তাদিসং ৰা. জিন তৰেদং মুখং কিন্তি মম চিত্তং দোলাযতে ¶ দোলেৰাচরতি. এৰং পক্খদ্ৰযপরিগ্গহেন সংসযতীতি অত্থো. ইচ্চযমীদিসী সংসযৰেসেন অম্বুজমুখানমোপমাৰগমা সংসযোপমা.

১৯৯. ‘‘কিং ৰা’ম্বুজে’’চ্চাদি. অন্তোভন্তালি অব্ভন্তরে ভমমানভমরৰন্তং অম্বুজং কিং ৰা, তুয্হং লোলনযনং চঞ্চলনেত্তং মুখং কিং ৰাতি মম চিত্তং দোলাযতে উভযসম্ভমজননতো দোলা ৰিয হোতি. ইতি অযং এৰরূপা উপমা সংসযোপমা দ্ৰিন্নং সদিসত্তস্স সংসযেন পকাসিতত্তা সংসযোপমা নাম হোতি. অন্তো ভন্তা অলী যস্মিন্তি চ, লোলানি নযনানি যস্মিন্তি চ, দোলা ৰিয আচরতীতি চ, সংসযেন ৰুত্তা উপমাতি চ ৰিগ্গহো. ইহাপি সধম্মপকাসকে সদ্দন্তরে অসতিপি যথাৰুত্তৰিসেসনদ্ৰযেন ৰিসিট্ঠানং দ্ৰিন্নং অম্বুজমুখানং সংসযনিমিত্তে তুল্যত্তে অসতি কথং সংসযো উপ্পজ্জতীতি ইমিনা সামত্থিযেনেৰ তুল্যধম্মসম্বন্ধো গম্যতে.

২০০. ‘‘কিঞ্চি’’ইচ্চাদি. কিঞ্চি ৰত্থুমিচ্ছিতং সম্বুদ্ধাদিকং উপদস্সেত্ৰা সধম্মস্স তেন ৰত্থুনা কেনচি আকারেন সদিসস্স অঞ্ঞস্স ৰত্থুনো অভিধানতো সাম্যস্স তেসং দ্ৰিন্নং সদিসত্তস্স পতীতিযা অৰসাযস্স সম্ভাৰা ৰিজ্জমানত্তেন পতিৰত্থূপমা ৰুচ্চতে. পতিৰত্থুনা তথাৰিধেনাধিগতস্স ৰত্থুনো তুল্যতা পটিপাদিতা. যথেত্যুদাহরতি.

২০০. ‘‘কিঞ্চি’’চ্চাদি. কিঞ্চি ৰত্থুমিচ্ছিতং জিনাদিকিঞ্চিপদত্থং উপদস্সেত্ৰা পঠমং নিদস্সেত্ৰা সধম্মস্স পটিপাদনীযঅত্থেন সহ ¶ কিঞ্চি আকারেন সদিসভাৰস্স কস্সচি ৰত্থুনো অভিধানতো কথনতো সাম্যপ্পতীতিসব্ভাৰা সদিসতাসম্বন্ধিনো পরিজাননস্স ৰিজ্জমানত্তা পতিৰত্থূপমা ৰত্থুনো উপট্ঠিতস্স জিনাদিপদত্থস্স তুল্যত্থপকাসনতো নামেন পতিৰত্থূপমা নাম. সমানো ধম্মো যস্স ৰা পারিজাতাদিনো ইতি চ, সমানানং তুল্যানং উপমানোপমেয্যানং ভাৰোতি চ, সাম্যস্স পতীতি চ, সাম্যপ্পতীতিযা সব্ভাৰোতি চ, পতিৰত্থুনা ৰুত্তা উপমাতি চ ৰাক্যং. যথাতি উদাহরতি.

২০১. ‘‘জনেসু’’চ্চাদি. জাযমানেসু জনেসু মজ্ঝে একোপি জনো গুণৰা জিনসাদিসো সম্মাসম্বুদ্ধসমানো ন ৰিজ্জতীত্যেকং তাৰ ৰত্থু উপদস্সিতং, দুতিযো ইচ্চাদি পতিৰত্থূপমদস্সনং, ননূত্যনুমতিযং, পারিজাতস্স দিব্বরুক্খৰিসেসস্স দুতিযো সমানো পাদপো নত্থেৰ. পারিজাতোযেৰ রুক্খজাতীসু উত্তমো, তথা জিনো জনেসূতি.

২০১. ‘‘জনেসু’’চ্চাদি. জাযমানেসু জনেসু একোপি জিনসাদিসো সম্বুদ্ধসদিসো নত্থি, পারিজাতস্স রুক্খস্স দুতিযো তেন সমো দুতিযো পাদপো রুক্খো নত্থি এৰ ননু, ননূতি অনুঞ্ঞাযং. তেন সব্বঞ্ঞুনো অঞ্ঞেন অতুল্যভাৰং অনুজানাতি. ইহ পারিজাতরুক্খস্স অঞ্ঞেহি রুক্খেহি উত্তমত্তঞ্চ বুদ্ধস্স অঞ্ঞেসু সত্তেসু উত্তমত্তঞ্চাতি ইদং দ্ৰযং উপমানোপমেয্যভূতানং দ্ৰিন্নং ৰত্থূনং সাম্যং নাম, এতং সাম্যং ৰুত্তত্থস্স সমত্থনৰসেন পতিৰত্থুভূতপারিজাতস্স রুক্খেহি অসমানত্তকথনেনেৰ জোতিতং হোতি.

২০২. ৰাক্যত্থৰিসযোপমং দস্সেতি ‘‘ৰাক্যত্থেনেৰি’’চ্চাদিনা. ৰাক্যত্থো ক্রিযাকারকসম্বন্ধৰিসেসো, তেনেৰ, ন পদত্থমত্তেন ৰাক্যত্থো ৰুত্তলক্খণো কোচি ৰত্তুমিচ্ছিতো কোচি যদি উপমীযতে সদিসো কথ্যতে, সা ৰাক্যত্থোপমা দ্ৰিধা ভিজ্জতে. কথং? যুত্তা চ ৰিযুত্তা চ যুত্তৰিযুত্তা, ইৰেন অত্থনিদ্দেসোযং যুত্তৰিযুত্তা উপমা, তস্সা ভাৰা কারণা দ্ৰিধাতি অধিকতং.

২০২. ইদানি ৰাক্যত্থৰিসযোপমং দস্সেতি ‘‘ৰাক্যত্থে’’চ্চাদিনা. ৰাক্যত্থেনেৰ ক্রিযাকারকসম্বন্ধৰিসেসসঙ্খতসমুদাযভূতেন ৰাক্যত্থেন কোচি ৰত্তুমিচ্ছিতো যো কোচি ৰাক্যত্থো ৰুত্তলক্খণো যদি উপমীযতে সদিসভাৰেন কথীযতে, সা উপমা ৰাক্যত্থোপমা নাম হোতি. ইৰযুত্তৰিযুত্তত্তা ইৰযুত্তৰিযুত্তৰসেন দ্ৰিধা দ্ৰিপ্পকারা. এত্থ ‘‘ইৰা’’তি ইৰাদীনমত্থস্স গহিতত্তা ইৰসদ্দোপি তপ্পরিযাযসদ্দাপি গয্হন্তে.

২০৩. উদাহরতি ‘‘জিনো’’ইচ্চাদি. সংক্লেসেহি দসৰিধেহি তত্তানং সন্তাপং অনুপ্পত্তানং জনানং অযং জিনো সম্মাসম্বুদ্ধো ¶ আৰিভূতো কতকিচ্চত্তা সম্মাসম্বোধাধিগমেন লোকে পাতুভূতো. একং তাৰ ৰাক্যমুপমেয্যভূতং. কিমিৰেত্যাহ ‘‘ঘম্মে’’চ্চাদি. ঘম্মসন্তাপেন তত্তানং জনানং ঘম্মকালে গিম্হানসমযে অম্বুদো মেঘো ৰিযাতি দুতিযৰাক্যমুপমানভূতমিত্যযমিৰযুত্তা ৰাক্যত্থোপমা. এত্থ পুব্বুত্তরৰাক্যত্থানং ৰিসেস্যৰিসেসনভাৰো একৰাক্যত্থত্তাৰ ৰেদিতব্বো. এৰমুপরিপি.

২০৩. উদাহরতি ‘‘জিনো’’চ্চাদিনা. অযং জিনো এসো জিতপঞ্চমারো সত্থা সংক্লেসতত্তানং অনেকপ্পকার কিলেসসন্তাপতত্তানং জনানং আৰিভূতো কতকিচ্চো হুত্ৰা সব্বঞ্ঞুতঞ্ঞাণাধিগমেন লোকে উপট্ঠিতো. কেন সন্তত্তস্স কস্সচি কিমিৰেতি চে? ঘম্মসন্তাপতত্তানং জনানং ঘম্মকালে গিম্হসমযে অম্বুদোৰিয মেঘো ইৰ. ইহ উত্তরৰাক্যত্থো ভেদকত্তা ৰিসেসনং হোতি, পুব্বৰাক্যত্থো পন ভেদ্যত্তা ৰিসেস্যো হোতি. এৰং ৰাক্যভেদে সতিপি ৰাক্যত্থো একোৰেতি দট্ঠব্বো. এৰমুত্তরত্রাপি. উত্তরৰাক্যে ইৰসদ্দো তস্মিংযেৰ গুণগুণীপদত্থানং সদিসত্তং দীপেতি, পুব্বৰাক্যে গুণগুণীনং সদিসত্তং পন উত্তরৰাক্যত্থস্স পুব্বৰাক্যেন সমানত্তং ৰিনা অঞ্ঞথানুপপত্তিযা ঞাযতি. সংক্লেসেহি তত্তাতি চ, ঘম্মো এৰ সন্তাপোতি চ, তেন তত্তাতি চ, ঘম্মো এৰ কালোতি চ ৰাক্যং.

মুনিন্দানন’মাভাতি, ৰিলাসেকমনোহরং;

উদ্ধং সমুগ্গতস্সাপি, কিং তে চন্দ ৰিজম্ভনা.

২০৪. দুতিযমাহ ‘‘মুনিন্দ’’ইচ্চাদিনা. ৰিলাসেন একমতুল্যং মনোহরং দুতিযস্স তাদিসস্সাভাৰতো মুনিন্দাননং ¶ আভাতি অতিসযেন সোভতেতি একং তাৰ ৰাক্যমুপমেয্যভূতং. ভো চন্দ উদ্ধং গগনতলং সমুগ্গতস্সাপি অব্ভুট্ঠিতস্সাপি তে তৰ ৰিজম্ভনা সাহংকারপরিব্ভমনেন কিং পযোজনং ন কিংপি, তংসদিসসোভাসম্পত্তিযাভাৰতো. অসদিসত্তং মুনিন্দাননস্স তস্স ততোপি উদ্ধমুগ্গচ্ছতো ৰিলাসমত্তমেৰ [পিযাসমত্তমেৰ (ক.)] ফলসম্ভৰতোতি দুতিযৰাক্যমুপমানভূতং. তথা হেত্থ সব্বথা সদিসতাপতীতিযা করিযমানানমুগ্গমনৰিজম্ভনানং পটিক্খেপেন কথঞ্চিপি মুখচন্দানং সাধম্মপতীতি উপমাৰগমোতি অযমিৰৰিযুত্তৰাক্যত্থোপমা.

২০৪. ইদানি ইৰৰিযুত্তৰাক্যত্থোপমংযেৰ উদাহরতি ‘‘মুনিন্দাননি’’চ্চাদিনা. ৰিলাসেকমনোহরং লীলায অতুল্যং ততোযেৰ মনোহরং মুনিন্দাননং সব্বঞ্ঞুনো ৰদনং আভাতি অতিদিব্বতি, তস্মা হে চন্দ উদ্ধং উচ্চং নভং সমুগ্গতস্সাপি তে তুয্হং ৰিজম্ভনা অহংকারেন পরিব্ভমনেন কিং পযোজনং. ইহ পুব্বৰাক্যত্থস্স উত্তরৰাক্যত্থো ইৰৰিযুত্তোপমা নাম হোতি. তথা হি ‘‘সব্বথা মুখেন সদিসো ভৰামী’’তি মানং করোন্তস্স চন্দস্স গগনতলারোহোপি ৰিজম্ভনঞ্চেতি ইমেসং দ্ৰিন্নং পটিক্খেপেন মুখচন্দানং ৰিলাসেকমনোহরত্তং কন্তিমত্তসঙ্খাতসদিসত্তং ইৰাদীনমভাৰেপি ৰিঞ্ঞাযতীতি কত্ৰা উত্তরৰাক্যত্থো পুব্বৰাক্যত্থস্স উপমা চ ৰিসেসনঞ্চ হোতি. ৰিলাসেন একমতুল্যন্তি চ, তঞ্চ তং মনোহরঞ্চাতি চ ৰিগ্গহো. অপিসদ্দো সম্ভাৰনত্থো.

সমুব্বেজেতি ধীমন্তং, ভিন্নলিঙ্গাদিকং তু যং;

উপমাদূসনাযা’ল-মেতং কত্থচি তং যথা.

২০৫. দোসপরিচ্ছেদে ¶ দুট্ঠালঙ্কতীতিমুপমালঙ্কারদূসনং দস্সেতুমাহ ‘‘সমুব্বেজেতি’’চ্চাদি. যং ভিন্নলিঙ্গাদিকং তু, আদিসদ্দেন ভিন্নৰচনহীনতাঅধিকতাদীনং পরিগ্গহো. তুসদ্দো অত্থজোতকো, তথাপীতি অত্থো. ধীমন্তং মেধাৰিং সমুব্বেজেতি ন পীণেতি, এতং ভিন্নলিঙ্গদিকং কত্থচি ন সব্বত্থ উপমাদূসনায ৰিরোধত্থং অলং সমত্থং. ‘‘তং যথে’’তি উদাহরতি.

২০৫. দোসপরিচ্ছেদে দোসানমনুদ্দেসাৰসানে নিদ্দিট্ঠায দুট্ঠালঙ্কতিযা দস্সেতব্বউদাহরণে –

‘‘দুট্ঠালঙ্করণং তেতং, যত্থালঙ্কারদূসনং;

তস্সালঙ্কারনিদ্দেসে, রূপমাৰিভৰিস্সতী’’তি.

কতপটিঞ্ঞানুসারেন ইদানি দস্সেতুমাহ ‘‘সমুব্বেজেতি’’চ্চাদি. যং ভিন্নলিঙ্গাদিকং তু ৰক্খমানং যং ভিন্নলিঙ্গৰচনাদিকং পন ধীমন্তং পঞ্ঞৰন্তং কৰিং সমুব্বেজেতি ‘‘এৰং নাম ৰত্তব্বং সিযা’’তি উব্বেগং জনেতি, এতং ভিন্নলিঙ্গাদিকং উপমাদূসনায যথাৰুত্তউপমাৰিনাসনত্থং কত্থচি ‘‘ইত্থীৰাযং জনো যাতি’’ইচ্চাদিৰত্তব্বৰিসযতো অঞ্ঞত্থ অলং সমত্থং. ‘‘তং যথা’’তি উদাহরতি. ভিন্নং ৰিসদিসঞ্চ তং লিঙ্গঞ্চেতি চ, তং আদি যস্স ৰিসদিসৰচনাদিনোতি চ, উপমায দূসনমিতি চ ৰাক্যং.

২০৬. ‘‘হংসীৰায’’ন্তি অযং সসী চন্দো হংসীৰ হংসীসদিসো. ভিন্নলিঙ্গা ভিন্নলিঙ্গোপমা. ‘‘আকাসং সরানিৰা’’তি ৰিজাতিৰচনা ৰিসদিসৰচনোপমা. ‘‘ভটো অধিপে সামিনি সাৰ ¶ ভত্তো’’তি হীনা হীনোপমা কুক্কুরস্স হীনেন জাত্যাদিনা অধিকস্স উপমিতত্তা.

২০৬. ‘‘হংসি’’চ্চাদি. অযং সসী চন্দো হংসী ইৰ হংসিধেনূৰ হোতি. ইচ্চাদিকোপমা ভিন্নলিঙ্গা উপমেয্যতো ভিন্নলিঙ্গত্তা ভিন্নলিঙ্গোপমা নাম হোতি. আকাসং নভং সরানিৰাতি অযং ৰিজাতিৰচনা উপমেয্যেন ৰিসদিসৰচনত্তা ৰিজাতিৰচনোপমা নাম হোতি. অধিপে সামিনি ভটো সেৰকো সাৰ সুনখো ইৰ ভত্তোতি অযং হীনা জাতিহীনেন সুনখেন উত্তমস্স পুরিসস্স উপমিতত্তা হীনোপমা নাম হোতি. ভিন্নং লিঙ্গমেতিস্সাতি চ, ৰিৰিধা জাতি সভাৰো অস্সেতি চ, ৰিজাতি ৰচনং অস্সা উপমাযাতি চ ৰিগ্গহো.

২০৭. ‘‘খজ্জোতো’’ইচ্চাদি. খজ্জোতো ভানুমালীৰ সূরিযো ৰিয ৰিভাতীত্যধিকোপমা অধিকেন হীনস্স উপমিতত্তা. বলম্ভোধি সেনাসাগরো সাগরো ৰিয সংখুভীতি অফুট্ঠত্থোপমা ‘‘বলম্ভোধী’’তি রূপকেন সেনায মহন্তত্তাৰগমতো পুন ‘‘সাগরো ৰিযা’’তি উপমায কস্সচি ৰিসেসত্থস্স অসংফুট্ঠত্তা.

২০৭. ‘‘খজ্জোতো’’চ্চাদি. ‘‘খজ্জোতো ভানুমালীৰ ৰিভাতী’’তি অযং অধিকোপমা অধিকায উপমায উপমিতত্তা অধিকোপমা নাম হোতি. ‘‘বলম্ভোধি সেনাসমুদ্দো সাগরো ৰিয সংখুভী’’তি অযং অফুট্ঠত্থা সেনায মহত্তং ‘‘বলম্ভোধী’’তি তিরোভূতউপমাযেৰ অৰগতং, ¶ তস্মা পুন ‘‘সাগরো ৰিযা’’তি উপমায ফুসিতব্বত্থস্সাভাৰা অফুট্ঠত্থোপমা নাম হোতি. অফুট্ঠো অত্থো এতিস্সাতি চ, বলং এৰ অম্ভোধীতি চ ৰাক্যং.

২০৮. ‘‘চন্দে’’ইচ্চাদি. কলঙ্কো ভিঙ্গো ৰিযাত্যযমুপমা ‘‘চন্দে কুসুমগচ্ছসদিসে’’ ইত্যুপমন্তরমপেক্খতেতি যতো চন্দে ভিঙ্গো ন সম্ভৰতি, পুপ্ফগচ্ছে তু সম্ভৰতীতি অযমুপমা উপমাপেক্খিনী. সকলঙ্কো সসলক্খণো নিসাকরো চন্দো কেরৰাকারো কুমুদসন্নিভোতি খণ্ডিতোপমা কেরৰস্স অন্তোকণ্হত্তং পটিপাদেতুং ‘‘সভিঙ্গকেরৰাকারো’’তি ৰত্তব্বত্তা.

২০৮. ‘‘চন্দে’’চ্চাদি. ‘‘চন্দে কলঙ্কো ভিঙ্গো ইৰা’’তি অযং উপমাপেক্খিনী চন্দস্সউপমাভূতপুপ্ফগচ্ছকাদিঅপেক্খনতো উপমাপেক্খিনী নাম হোতি. চন্দে ভিঙ্গপৰত্তিযা অভাৰতো তস্স ৰিসযভূতপুপ্ফগচ্ছকাদি চন্দস্স উপমত্তেন গহেত্ৰা অৰুত্তত্তা দুট্ঠাতি অধিপ্পাযো. সকলঙ্কো কলঙ্কসহিতো নিসাকরো চন্দো কেরৰাকারো কুমুদসদিসোতি অযং খণ্ডিতা চন্দগতং কণ্হত্তং পকাসেতুং ‘‘সভিঙ্গকেরৰাকারো’’তি ৰত্তব্বে ভিঙ্গোপমাভাৰস্স খণ্ডিতত্তা খণ্ডিতোপমা নাম হোতি. উপমং অপেক্খতীতি চ, খণ্ডং ইতা গতাতি চ, খণ্ডেন ইতা যুত্তা ৰাতি চ, কেরৰস্সাকারো অস্সেতি চ, সহ কলঙ্কেন ৰত্ততীতি চ ৰাক্যং.

ইচ্চেৰমাদিরূপেসু, ভৰন্তি ৰিগতাদরা;

করোন্তি চা’দরং ধীরা, পযোগে ক্ৰচিদেৰ তু.

২০৯. ৰুত্তং ¶ নিগমেতি ‘‘ইচ্চেৰ’’মাদিনা. রূপেসু পযোগেসু. ৰিগতো অপগতো আদরো সম্ভাৰনা যেসং তথা ভৰন্তি. কিং ভিন্নলিঙ্গাদিকং নিযমেনানাদরণীযমেৰ, অনিযমেনেতি [নিযমেনেতি (ক.)] চে গয্হূপগম্পি অত্থীতি আহ ‘‘করোন্তি’’চ্চাদিং. ক্ৰচিদেৰ তু পযোগে ধীরা কৰযো আদরং করোন্তি চাতি. চসদ্দো ৰত্তব্বন্তরত্থং সমুচ্চিনোতি.

২০৯. ‘‘ইচ্চে’’চ্চাদি. ইতি অনন্তরং নিদ্দিট্ঠেসু এৰমাদিরূপেসু পযোগেসু ধীরা ৰিগতাদরা ভৰন্তি. ইমেযেৰ ধীরা ক্ৰচিদেৰ তু পযোগে ভিন্নলিঙ্গাদিকে আদরং করোন্তি চ. ইতি এৰং অযং পকারো আদি যেসমিতি চ, তানি চ তানি রূপানি চেতি চ, ৰিগতো আদরো যেসমিতি চ ৰিগ্গহো. চসদ্দো ৰাক্যন্তরসমুচ্চযে. তস্মা ৰিগতাদরত্থেন অঞ্ঞমাদরকরণং ৰুচ্চমানকথাসন্ততিং আকড্ঢতি.

২১০. উদাহরতি ‘‘ইত্থি’’চ্চাদি. অযং জনো ইত্থীৰ যাতি ক্রিযানুৰত্তিতো. এসা ইত্থী পুমাৰ পুরিসো ৰিয ৰদতি তাদিসস্স পাগব্ভিযযোগতো. এত্থ লিঙ্গনানত্তমুপমানোপমেয্যানং. অযমিচ্ছিতো কোচি মে পাণা ইৰ পিযো ইট্ঠো, ৰিজ্জা ব্যাকরণাদযো ধনমিৰ অচ্চিতা রাসিকতাতি ৰচনভেদো.

২১০. ইদানি ভিন্নলিঙ্গানং গহেতব্বৰিসযং দস্সেতি ‘‘ইত্থীৰা’য’’মিচ্চাদিনা. অযং জনো ইত্থীৰ অৰিসদগমনেন মহিলা ¶ ৰিয যাতি. এসা ইত্থী পুমা ৰিয তাদিসপাগব্ভিযযুত্তত্তা পুরিসো ৰিয ৰদতীতি. ইহ দ্ৰিন্নং উপমানোপমেয্যানং লিঙ্গভেদে সতিপি কৰযো আদরং করোন্তি. অযং পুরিসো মে মম পাণা ইৰ [পাণা ইৰ জীৰো ইৰ (ক.)] আযৰোৰ পিযো. অচ্চিতা সঞ্চিতা ৰিজ্জা ব্যাকরণনিঘণ্টুআদযো ধনমিৰ হোন্তীতি. এত্থ উপমানোপমেয্যানং ৰচনতো ৰিসেসত্তে সতিপি ইট্ঠমেৰ.

ভৰং ৰিয মহীপাল, দেৰরাজা ৰিরাজতে;

অল’মংসুমতো কচ্ছং, তেজসা রোহিতুং অযং.

২১১. হীনাধিকমুত্তমুদাহরণমাহ ‘‘ভৰং ৰিযি’’চ্চাদি. মহীপালেত্যামন্তনং, দেৰরাজা ভৰং ৰিয ৰিরাজতে. ইতি হীনেনাপি হোতি. এৰংৰিধে সমুচিতে ৰিসযে লিঙ্গৰচনভেদাদিকং নোপমং দূসেতীতি [দস্সেতীতি (ক.)].

২১১. ‘‘ভৰ’’মিচ্চাদি. মহীপাল ভো রাজ, দেৰরাজা সক্কো দেৰরাজা ভৰং ৰিয ৰিরাজতেতি. এত্থ সক্কমুপাদায ‘‘ভৰং ৰিযা’’তি হীনত্তেপি ইট্ঠমেৰ. অযং রাজা অংসুমতো সূরিযস্স কচ্ছং পদৰিং তেজসা আরোহিতুং পত্তুং অলং সমত্থোতি. এত্থ তেজসা অধিকোপি সূরিযো উপমাভূতো ইট্ঠোৰ, ‘‘কচ্ছং আরোহিতু’’ন্তি ইৰসদ্দপরিযাযো. ঈদিসং ভিন্নলিঙ্গাদিকোপমাদিকং উপমাদূসনং ন করোতি.

উপমানোপমেয্যানং, অভেদস্স নিরূপনা;

উপমেৰ [উপমাৰ (সী. ক.)] তিরোভূত-ভেদা রূপকমুচ্চতে.

২১২. রূপকং নিরূপযতি ‘‘উপমানে’’চ্চাদিনা. উপমানোপমেয্যানং যথাৰুত্তানং অভেদস্স নানত্তাভাৰস্স নিরূপনা আরোপনেন উপমানোপমেয্যানমভেদং রূপযতি দস্সেতীতি ¶ রূপকমুচ্চতে. উপমানস্স উপমানোপমেয্যানমভেদারোপনেন তিরোভূতো অপাকটো ভেদো নানত্তং যস্সাতি তাদিসী উপমেৰ যথাৰুত্তলক্খণা রূপকমুচ্চতে ‘‘রূপক’’ন্তি. ‘‘পদম্বুজ’’ন্তি এত্থ পদমেৰ অম্বুজসদিসত্তা অম্বুজং রুপ্যতে. ইত্যুপমেয্যোপমানভূতানং পদম্বুজানমভেদারোপনেন উপমানোপমেয্যগতসাধম্মসঙ্খাতাযপি উপমায ভেদো ৰিজ্জমানোপি তিরোহিতো. ন তু আৰিভূতো [অব্ভুতো (ক.)] ‘‘পদং অম্বুজমিৰে’’তি. সা চোপমা তথাৰিধা উপমানোপমেয্যানমভেদমাযাতি নামাতি রূপকমুচ্চতেতি অধিপ্পাযো.

২১২. ইদানি উদ্দিট্ঠক্কমেন রূপকালঙ্কারং দস্সেতি ‘‘উপমানো’’চ্চাদিনা. উপমানোপমেয্যানং অনন্তরনিদ্দিট্ঠউপমানোপমেয্যানং অভেদস্স সভাৰতো ভেদে সতিপি ৰিভূতসদিসত্তং নিস্সায ‘‘সো এসো, এসো সো’’তি ৰত্তারেহি পরিকপ্পিতস্স অভেদস্স নিরূপনা উপমানোপমেয্যপদত্থেসু বুদ্ধিযা আরোপনং নিস্সায তিরোভূতভেদা ‘‘পদং অম্বুজমিৰা’’তি এৰং পাকটনানত্তং ৰিনা ‘‘পদম্বুজ’’ন্তি তিরোহিতভেদা উপমেৰ পদত্থানং সাধম্মসঙ্খাতা উপমা এৰ রূপকং ইতি ৰুচ্চতে. ৰিভূতসদিসত্তং নিস্সায উপমানোপমেয্যৰত্থূনি অভেদেন গয্হন্তি. তেসমভেদগ্গহণেনেৰ তে নিস্সায পৰত্তমানভিন্নসাধম্মসঙ্খাতায উপমাযপি ভেদো তিরোহিতো হোতি. এৰং তিরোভূতনানত্তৰন্তসাধম্মসঙ্খাতা উপমা এৰ ৰত্থূনমভেদং দীপেতীতি রূপকং নাম হোতীতি অধিপ্পাযো. তিরোভূতো ভেদো যস্সেতি চ, অভেদং রূপযতি পকাসেতীতি চ ৰাক্যং.

অসেসৰত্থুৰিসযং, একদেসৰিৰত্তি চ;

তং দ্ৰিধা পুন পচ্চেকং, সমাসাদিৰসা তিধা.

২১৩. তস্স ¶ ভেদং নিদ্দিসতি ‘‘অসেস’’ইচ্চাদিনা. অসেসৰত্থু ৰিসযো যস্স তং তথাৰিধঞ্চ, একদেসে অৰযৰে ৰিৰত্ততীতি একদেসৰিৰত্তি চেতি তং রূপকং দ্ৰিধা, পুন পচ্চেকং ৰিসুং ৰিসুং সমাসাদিৰসা উপমানোপমেয্যানং কতসমাসত্তা সমাসরূপক অসমাসরূপক সমাসাসমাসরূপকৰসেন তিধা সিযা.

২১৩. ‘‘অসেসি’’চ্চাদি. তং রূপকং অসেসৰত্থুৰিসযং একদেসৰিৰত্তি চাতি দ্ৰিধা হোতি, পুন পচ্চেকং তং দ্ৰযম্পি সমাসাদিৰসা সমাসরূপকং অসমাসরূপকং সমাসাসমাসরূপকঞ্চেতি ইমেসং ভেদেন তিধা হোতি. অসেসং ৰত্থু ৰিসযো অস্সেতি চ, একদেসে ৰিৰত্ততীতি চ, একং একং পতীতি চ, সমাসো সমাসরূপকং আদি যেসমিতি চ, তেসং ৰসো ভেদোতি চ, তীহি পকারেহীতি চ ৰিগ্গহো.

অঙ্গুলীদলসংসোভিং, নখদীধিতিকেসরং;

সিরসা ন পিল়ন্ধন্তি, কে মুনিন্দপদম্বুজং.

২১৪. উদাহরতি ‘‘অঙ্গুলি’’চ্চাদি. অঙ্গুলীহিযেৰ উপমানগম্মত্তা সিনিদ্ধতম্বাহি দলেহি পত্তেহি সংসোভিং অচ্চন্তং ৰিরোচমানং নখানং দীধিতিযো কিরণা এৰ কেসরানি যত্থ তাদিসং মুনিন্দস্স পদমেৰ অম্বুজং সিরসা মুদ্ধনা কে নাম জনা ন পিল়ন্ধন্তি পসাধনৰসেন ন ধারেন্তীতি. ইদমসেসৰত্থুৰিসযং সমাসরূপকং অঙ্গিনো পদস্স অঙ্গানমঙ্গুল্যাদীনমসেসানং রূপনতো. এৰমুপরিপি যথাযোগং.

২১৪. ইদানি উদাহরতি ‘‘অঙ্গুলি’’চ্চাদি. অঙ্গুলীদলসংসোভিং অঙ্গুলিসঙ্খতেহি পত্তেহি সংসোভিং নখদীধিতিকেসরং নখরংসিসঙ্খতকেসরং মুনিন্দপদম্বুজং সিরসা কে ¶ ন পিল়ন্ধন্তি. ৰিসেস্যভূতং চরণং ৰিসেসনভূতা অঙ্গুলী নখদীধিতি চেতি ইমেসং উপমাভূতেহি অম্বুজদলকেসরেহি অভেদকপ্পনায একত্তং গহেত্ৰা সমাসেনেৰ নিদ্দিট্ঠত্তা ইদং অসেসৰত্থুৰিসযসমাসরূপকং নাম. অঙ্গুলিযো এৰ দলানীতি চ, তেহি সংসোভীতি চ, নখেসু দীধিতিযোতি চ, তা এৰ কেসরানি অস্সেতি চ ৰাক্যং.

রতনানি গুণা ভূরী, করুণা সীতলং জলং;

গম্ভীরত্তমগাধত্তং, পচ্চক্খো’যং জিনো’ম্বুধি.

২১৫. ‘‘রতনানি’’ইচ্চাদি. অযং জিনো সম্মাসম্বুদ্ধো, পচ্চক্খো ন পরোক্খো অম্হাকং অম্বুধি সাগরো. কথং? যে তস্স ভূরী বহৰো গুণা মেত্তাদযো, তে রতনানি অতুল্যদুল্লভদস্সনাদিসাধম্মেন. যা তস্স করুণা, সা সীতলং জলং সকলজনসন্তাপাপহত্তসাধম্মেন. যং তস্স গম্ভীরত্তমনুত্তানতা লাভাদীসু, তং অগাধত্তমকললম্ভসো অম্বুধিট্ঠতাসাধম্মেনাতি ইদমসেসৰত্থুৰিসযং অসমাসরূপকং.

২১৫. ‘‘রতনানি’’চ্চাদি. অযং জিনো অম্হাকং পচ্চক্খো অম্বুধি সাগরো, তথা হি তস্স ভূরী গুণা সীলসমাধিআদযো রতনানি চিত্তীকতাদিসাধম্মতো রতনানেৰ, করুণা অনঞ্ঞসাধারণকরুণা সীতলং জলং সন্তাপৰিনোদনসাধম্মেন সীতলজলমেৰ হোতি, গম্ভীরত্তং লাভালাভাদীসু একাকারতা অগাধত্তং গম্ভীরতা এৰ হোতি. ইদং অসেসৰত্থুৰিসযঅসমাসরূপকং. ‘‘ভূরী’’তি অব্যযং.

চন্দিকা ¶ মন্দহাসা তে, মুনিন্দ ৰদনিন্দুনো;

পবোধযত্য’যং সাধু-মনোকুমুদকাননং.

২১৬. ‘‘চন্দিকা’’ইচ্চাদি. ‘‘মুনিন্দ’’ইচ্চামন্তনং, তে ৰদনমেৰ ইন্দু ৰদনিন্দুনো ইতি সমাসরূপকং, অযং মন্দহাসা চন্দিকা চন্দকন্তিযো, অসমাসরূপকং. সাধূনং মনানিযেৰ কুমুদানি কেরৰানি, সমাসরূপকং. তেসং কাননং ৰনং, পবোধযতি ৰিকাসযতীতি ইদং সমাসাসমাসরূপকং.

২১৬. ‘‘চন্দি’’চ্চাদি. হে মুনিন্দতে তুয্হং ৰদনিন্দুনো মুখচন্দস্স মন্দহাসা মন্দমিহিতভূতা চন্দিকা চন্দকন্তিযো, ‘‘অয’’ন্তি জাত্যেকৰচনেন মন্দহাসচন্দিকা নিদ্দিট্ঠা. অথ ৰা অযং ৰদনিন্দু. সাধুমনোকুমুদকাননং সপ্পুরিসানং চিত্তসঙ্খাতকেরৰকাননং পবোধযতি ৰিকাসযতি. ‘‘চন্দিকা মন্দহাসা’’তি অসমাসরূপকং. ‘‘ৰদনিন্দুনো’’তি চ ‘‘মনোকুমুদকানন’’ন্তি চ সমাসরূপকং. তস্মা ইদং অসেসৰত্থুৰিসযসমাসাসমাসরূপকং. মন্দা চ তে হাসা চাতি চ, ৰদনমেৰ ইন্দূতি চ, সাধূনং মনানীতি চ, তানিযেৰ কুমুদানীতি চ, তেসং কাননমিতি চ ৰিগ্গহো.

অসেসৰত্থুৰিসযে, পভেদো রূপকে অযং;

একদেসৰিৰত্তিম্হি, ভেদো দানি পৰুচ্চতি.

২১৭. নিগমযতি ‘‘অসেসি’’চ্চাদিনা. দুতিযস্স পভেদং ৰত্তুং পটিজানাতি ‘‘একি’’চ্চাদিনা.

২১৭. ‘‘অসেসে’’চ্চাদি. অসেসৰত্থুৰিসযে রূপকে অযং ‘‘অঙ্গুলীদলসংসোভিং’’ইচ্চাদিকং উদাহরণত্তযং পভেদো হোতি. ইদানি একদেসৰিৰত্তিম্হি রূপকে ভেদো ৰিসেসো পৰুচ্চতি.

ৰিলাসহাসকুসুমং, ¶ রুচিরাধরপল্লৰং;

সুখং কে ৰা ন ৰিন্দন্তি, পস্সন্তা মুনিনো মুখং.

২১৮. ‘‘ৰিলাস’’ইচ্চাদি. ৰিলাসেন যুত্তো হাসোযেৰ কুসুমং যস্স. রুচিরো মনুঞ্ঞো অধরোযেৰ পল্লৰো যস্স. তাদিসং মুনিনো মুখং পস্সন্তা কে নাম জনা সুখং ন ৰিন্দন্তি সব্বেপীতি. ইদং অঙ্গানি হাসাদীনি রূপযিত্ৰা মুখমঙ্গি ন রূপিতন্তি একদেসৰিৰত্তিসমাসরূপকং. এৰং উপরিপি যথাযোগং.

২১৮. ‘‘ৰিলাসি’’চ্চাদি. ৰিলাসহাসকুসুমং লীলাযুত্তহাসসঙ্খতপুপ্ফং রুচিরাধরপল্লৰং মনুঞ্ঞঅধরসঙ্খাতকিসলযং মুনিনো মুখং পস্সন্তা কে ৰা কে নাম জনা সুখং ন ৰিন্দন্তি পীতিসুখং নানুভোন্তি, অনুভৰন্তেৰ. ৰিসেসনভূতানং হাসঅধরানং উপমাভূতকুসুমপল্লৰেহি অভেদং দস্সেত্ৰা ৰিসেস্যভূতস্স মুখস্স অঞ্ঞতরউপমাৰত্থুনা অভেদেন অৰুত্তত্তা অভেদারোপনং একদেসেযেৰ ৰিৰত্তীতি ইদং একদেসৰিৰত্তিসমাসরূপকং. ৰিলাসেন যুত্তো হাসোতি চ, সোযেৰ কুসুমং অস্সেতি চ, রুচিরো চ সো অধরো চেতি চ, সোযেৰ পল্লৰো অস্সেতি চ ৰাক্যং.

পাদদ্ৰন্দং মুনিন্দস্স, দদাতু ৰিজযং তৰ;

নখরংসী পরং কন্তা, যস্স পাপজযদ্ধজা.

২১৯. ‘‘পাদ’’ইচ্চাদি. মুনিন্দস্স ৰিজযিনো পাদদ্ৰন্দং তৰ ৰিজযং পটিপক্খপরাভৰং দদাতু. কীদিসং? যস্স পরমচ্চন্তং কন্তা মনুঞ্ঞা নখরংসী পাপানং লোভাদীনং জযে উস্সিতা ধজা কেতৰোতি. ইদমেকদেসৰিৰত্তিঅসমাসরূপকং.

২১৯. ‘‘পাদে’’চ্চাদি. ¶ যস্স সম্বুদ্ধস্স পরং অতিসযেন কন্তা মনুঞ্ঞা নখরংসী চরণনখকন্তিযো পাপজযদ্ধজা পাপৰিজযে উস্সাপিতধজাযেৰ হোন্তি, তস্স মুনিন্দস্স পাদদ্ৰন্দং চরণযুগল়ং তৰ তুয্হং ৰিজযং পটিপক্খপরাভৰং দদাতূতি. নখরংসীনং উপমাভূতধজেহি অভেদমারোপেত্ৰা ‘‘পাদদ্ৰন্দ’’মিতি অনিরূপিতত্তা একদেসৰিৰত্তিঅসমাসরূপকং নাম. পাপানং জযোতি চ, তস্মিং ধজাতি চ ৰিগ্গহো.

সুনিম্মলকপোলস্স, মুনিন্দৰদনিন্দুনো;

সাধুপ্পবুদ্ধহদযং, জাতং কেরৰকাননং.

২২০. ‘‘সুনিম্মল’’ইচ্চাদি. সুনিম্মলো কপোলো যস্স, তস্স মুনিন্দৰদনিন্দুনো সাধূনং পবুদ্ধং ধম্মাৰবোধৰসেন ৰিকসিতং হদযং চিত্তং কেরৰকাননং জাতন্তি একদেসৰিৰত্তিসমাসাসমাসরূপকং.

২২০. ‘‘সুনিম্মলি’’চ্চাদি. সুনিম্মলকপোলস্স মুনিন্দৰদনিন্দুনো সাধুপ্পবুদ্ধহদযং সজ্জনানং চতুসচ্চাৰবোধেন পসন্নমানসং কেরৰকাননং কুমুদৰনং জাতন্তি. ৰদনহদযানং উপমাভূতেহি ইন্দুকেরৰেহি অভেদারোপনং কত্ৰা কপোলস্স মণ্ডলাদীহি উপমাৰিসেসেহি অনিরূপিতত্তা একদেসৰিৰত্তিসমাসাসমাসরূপকং. এত্থ সমাসো নাম ৰদনিন্দূনমেৰ. অসমাসো নাম হদযকেরৰানমেৰাতি. তথা হি রূপকৰিসযে সমাসাসমাসত্তং উপমানোপমেয্যপদানং দ্ৰিন্নমেৰাতি. সুট্ঠু নিম্মলোতি চ, সো কপোলো অস্সাতি চ, মুনিন্দৰদনমেৰ ইন্দূতি চ, পবুদ্ধঞ্চ তং হদযঞ্চাতি চ, সাধূনং পবুদ্ধহদযমিতি চ, কেরৰানং কাননমিতি চ ৰাক্যং.

রূপকানি ¶ বহূন্যেৰ, যুত্তাযুত্তাদিভেদতো;

ৰিসুং ন তানি ৰুত্তানি, এত্থে’ৰ’ন্তোগধানি’তি.

‘‘রূপকানি’’চ্চাদি; সুবোধং; তত্থ –

‘‘সিতপুপ্ফুজ্জলং লোল-নেত্তভিঙ্গং তৰাননং;

কস্স নাম মনো ধীর, নাকড্ঢতি মনোহর’’ন্তি.

যুত্তরূপকং যুত্তত্তা পুপ্ফভিঙ্গানং, তদনুসারেন অযুত্তরূপকাদিপি ৰিঞ্ঞেয্যন্তি.

২২১. রূপকানি পুনপি সন্তীতি দস্সেতুমাহ ‘‘রূপকানি’’চ্চাদি. রূপকানি যুত্তাযুত্তাদিভেদতো যুত্তরূপকঅযুত্তরূপকাদিভেদেন বহূনি এৰ হোন্তি, তানি রূপকানি এত্থেৰ রূপকে অন্তোগধানি. ইতি তস্মা কারণা তানি ৰিসুং ন ৰুত্তানি. অন্তো মজ্ঝে গধানি পৰত্তানীতি ৰিগ্গহো.

‘‘সিতপুপ্ফুজ্জলং লোল-নেত্তভিঙ্গং তৰাননং;

কস্স নাম মনো ধীর, নাকড্ঢতি মনোহর’’ন্তি.

এত্থ পুপ্ফভিঙ্গানং অঞ্ঞমঞ্ঞযুত্তত্তা যুত্তরূপকং নাম.

হে ধীর সিতপুপ্ফুজ্জলং মন্দহসিতসঙ্খাতেহি কুসুমেহি ৰিজোতন্তং লোলনেত্তভিঙ্গং মনোহরং তৰাননং কস্স নাম মনো নাকড্ঢতীতি. ইমস্স পটিপক্খতো অযুত্তরূপকং ৰেদিতব্বং.

চন্দিমা’কাসপদুম-মিচ্চেতং খণ্ডরূপকং;

দুট্ঠ’মম্ভোরুহৰনং, নেত্তানি’চ্চাদি সুন্দরং.

২২২. রূপকস্স ৰিরোধাৰিরোধো উপমাযমিৰো’হিতুং সক্কাতি উপলক্খেতি ‘‘চন্দিমা’’ইচ্চাদিনা. এত্থ আকাসস্স তল়াকে রূপিতে চন্দস্স পদুমত্তং রূপকং যুত্তন্তি এতং ¶ খণ্ডরূপকং দুট্ঠং, ‘‘অম্ভোরুহৰনং নেত্তানি’’চ্চাদি তু ৰচনভেদেপি সুন্দরং.

২২২. রূপকে দোসাদোসং উপমাযং ৰিয পরিকপ্পেত্ৰা গহেতব্বন্তি উপদিসন্তো আহ ‘‘চন্দিমি’’চ্চাদি. ‘‘চন্দিমা চন্দো আকাসপদুম’’ন্তি এতং খণ্ডরূপকং আকাসস্স তল়াকত্তেন অনিরূপিতত্তা খণ্ডরূপকং নাম. দুট্ঠং খণ্ডিতোপমা ৰিয দোসদুট্ঠং নাম. ‘‘অম্ভোরুহৰনং নীলুপ্পলৰনং নেত্তানী’’তিআদিকং উপমানোপমেয্যানং ৰচননানত্তেপি সুন্দরমেৰ.

পরিযন্তো ৰিকপ্পানং, রূপকস্সো’পমায চ;

নত্থি যং তেন ৰিঞ্ঞেয্যং, অৰুত্ত’মনুমানতো.

২২৩. কিমেত্তকা এৰোপমারূপকভেদা? নেতি পরিদীপেন্তো অৰুত্তং অতিদিসতি ‘‘পরিযন্তো’’ইচ্চাদিনা. রূপকস্স উপমায চ ৰিকপ্পানং পভেদানং পরিযন্তো অৰসানং নত্থি যং যস্মা কারণা, তেন কারণেন অৰুত্তং ইহানুপাতং ৰিকপ্পজাতং সব্বৰিকপ্পব্যাপকসামঞ্ঞলক্খণানুগতরূপকৰিকপ্পানুসারেন ৰিঞ্ঞেয্যং. কস্মা? অনুমানতো যথাৰুত্তৰিকপ্পসঙ্খাতলিঙ্গতো অৰুত্তসেসরূপকাৰগমসঙ্খাতেন অনুমানঞাণেনাতি অত্থো.

২২৩. ইদানি ইমেসমেৰ উপমারূপকানং অৰুত্তানন্তভেদো ৰুত্তানুসারেনেৰ ঞাতব্বোতি দস্সেতুমাহ ‘‘পরিযন্তো’’ইচ্চাদি. রূপকস্স চ রূপকালঙ্কারস্স চ উপমায চ উপমালঙ্কারস্স চ ৰিকপ্পানং ৰিৰিধাকারেন কপ্পিতপক্খানং পরিযন্তো কোটি যং যস্মা নত্থি, তেন কারণেন অৰুত্তং ইমস্মিং সুবোধালঙ্কারে অৰুত্তপক্খং সমূহং অনুমানতো অনুমানঞাণেন ৰিঞ্ঞেয্যন্তি. উপমারূপকানং সকলমৰুত্তপক্খং ব্যাপেত্ৰা ঠিতং সামঞ্ঞলক্খণং অনতিক্কমিত্ৰা ৰুত্তেহি তেহি তেহি পক্খসঙ্খাতেহি লিঙ্গেহি ¶ সিদ্ধানুমানঞাণেন সামঞ্ঞলক্খণে অন্তোগধানমনুত্তরূপকসঙ্খাতানুমেয্যানং অৰবোধো সক্কাতি অধিপ্পাযো. রূপকস্স পন উপমন্তোগধত্তা উপমায নিদ্দিট্ঠদোসাদোসং দ্ৰিন্নমপি উত্তানুত্তপক্খস্স সাধারণং হোতি.

পুনপ্পুনমুচ্চারণং, য’মত্থস্স পদস্স চ;

উভযেসঞ্চ ৰিঞ্ঞেয্যা, সা’য’মাৰুত্তি নামতো.

২২৪. আৰুত্তিমধিকিচ্চাহ ‘‘পুন’’ইচ্চাদিনা. অত্থস্স অভিধেয্যস্স পদস্স সদ্দস্স চ উভযেসং অত্থপদানঞ্চ পুনপ্পুনং ভিয্যো ভিয্যো যং উচ্চারণং, সাযং তিৰিধা নামতো আৰুত্তি ৰিঞ্ঞেয্যা, উচ্চারণৰসেন আ পুনপ্পুনং ৰত্তনমাৰুত্তীতি.

২২৪. ইদানি আৰুত্তিং দস্সেতি ‘‘পুনপ্পুনে’’চ্চাদিনা. অত্থস্স সদ্দাভিহিতঅত্থস্স চ পদস্স চ উভযেসং অত্থপদানঞ্চ যং পুনপ্পুনুচ্চারণং, সা অযং তিৰিধা নামতো আৰুত্তি ইতি ৰিঞ্ঞেয্যা. পুনপ্পুনেতি এতদব্যযং ক্রিযাবাহুল্যে ৰত্ততে. উচ্চারণৰসেন আ পুনপ্পুনং ৰত্তনমাৰুত্তি.

মনো হরতি সব্বেসং, আদদাতি দিসা দস;

গণ্হাতি নিম্মলত্তঞ্চ, যসোরাসি জিনস্স’যং.

২২৫. উদাহরতি ‘‘মনো’’ইচ্চাদি. জিনস্স অযং যসোরাসি সব্বেসং জনানং মনো চিত্তং হরতি, দস দিসা আদদাতি সব্বদা [সব্বধা (ক.)] তংৰিসযত্তা, নিম্মলত্তং নিম্মলভাৰং গণ্হাতি, এত্থ গহণলক্খণস্স [দসগহণলক্খণস্স (ক.)] অত্থস্স অনেকেহি পরিযাযৰচনেহি আৰত্তিতত্তা অযং অত্থাৰুত্তি.

২২৫. উদাহরতি ¶ ‘‘মনো হরতি’’চ্চাদিনা. জিনস্স অযং যসোরাসি সব্বেসং সত্তানং মনো চিত্তং হরতি গণ্হাতি, দস দিসা আদদাতি অৰিসযট্ঠানাভাৰতো গণ্হাতি, নিম্মলত্তঞ্চ ভূতপরিসুদ্ধগুণেন নিপ্ফন্নত্তা গণ্হাতি. এত্থ ‘‘গণ্হাতী’’তি একস্সেৰত্থস্স ‘‘হরতি, আদদাতি, গণ্হাতী’’তি অঞ্ঞেহি পরিযাযৰচনেহি আৰত্তিতত্তা অযমত্থাৰুত্তি নাম. নিগ্গতো মলেহীতি চ, তস্স ভাৰোতি চ, যসসো রাসিইতি চ ৰিগ্গহো.

ৰিভাসেন্তি দিসা সব্বা, মুনিনো দেহকন্তিযো;

ৰিভা সেন্তি চ সব্বাপি, চন্দাদীনং হতা ৰিয.

২২৬. ‘‘ৰিভাসেন্তি’’চ্চাদি. মুনিনো দেহকন্তিযো সব্বা দিসা ৰিভাসেন্তি ৰিসেসেন দীপেন্তি, যতো এৰং তস্মা কারণা চন্দাদীনং সব্বাপি ৰিভা সোভা হতা পহতা ৰিয সেন্তি পৰত্তন্তীতি পদাৰুত্তি.

২২৬. ‘‘ৰিভাসেন্তি’’চ্চাদি. মুনিনো দেহকন্তিযো সব্বা দিসা ৰিভাসেন্তি যস্মা ৰিসেসেন পকাসেন্তি, তস্মা চন্দাদীনং সব্বাপি ৰিভা কন্তিযো হতা পহতা ৰিয সেন্তি পৰত্তন্তি চ, ‘‘ৰিভাসেন্তী’’তি পদস্সেৰ আৰত্তনতো অযং পদাৰুত্তি নাম. দেহে কন্তিযোতি ৰাক্যং.

জিত্ৰা ৰিহরতি ক্লেস-রিপুং লোকে জিনো অযং;

ৰিহরত্যা’রিৰগ্গো’যং, রাসীভূতোৰ দুজ্জনে.

২২৭. ‘‘জিত্ৰা’’ইচ্চাদি. অযং জিনো ক্লেসরিপুং জিত্ৰা লোকে ৰিহরতি পৰত্ততি, অযং তেন জিতো অরিৰগ্গো সত্তুসমূহো ¶ দুজ্জনে রাসীভূতো ৰিয ততো অলদ্ধপ্পতিট্ঠত্তা. ‘‘ৰিহরতী’’তি অত্থস্স পদানঞ্চ আৰুত্তিতো উভযাৰুত্তি.

২২৭. ‘‘জিত্ৰা’’ইচ্চাদি. অযং জিনো ক্লেসরিপুং জিত্ৰা লোকে ৰিহরতি, অযং অরিৰগ্গো ক্লেসরিপুসমূহো দুজ্জনে রাসীভূতোৰ ৰিহরতীতি. ৰাসসঙ্খতস্স অত্থস্স চ ‘‘ৰিহরতী’’তি পদস্স চ পুন [পুনপ্পুনং (?)] উচ্চারণতো অযং উভযাৰুত্তি নাম হোতি. ক্লেসো এৰ রিপূতি চ, অরীনং ৰগ্গোতি চ, অরাসি রাসি অভৰীতি চ, কুচ্ছিতো জনোতি চ ৰাক্যং.

একত্থ ৰত্তমানম্পি, সব্বৰাক্যোপকারকং;

দীপকং নাম তঞ্চাদি-মজ্ঝন্তৰিসযং তিধা.

২২৮. দীপকং পরিদীপযমাহ ‘‘একত্থে’’চ্চাদি. একত্থ ৰাক্যস্সাদো মজ্ঝে অন্তে ৰা ৰত্তমানম্পি ক্রিযাজাত্যাদিকং সব্বস্স অভিমতস্স কস্সচি ৰাক্যস্স ক্রিযাকারকসম্বন্ধাভিধাযিনো পদসন্তানস্স উপকারকং ৰাক্যত্থান্ৰযৰসেন দীপকং নাম, দীপো ৰিয একদেসে ৰত্তিতোপি সকলপদত্থৰসেন সব্বৰাক্যং দীপযতি পকাসেতীতি. তঞ্চ দীপকং আদি চ মজ্ঝঞ্চ অন্তঞ্চ ৰিসযো গোচরো যস্স তাদিসং তিধা আদিদীপকং মজ্ঝদীপকং অন্তদীপকন্তি তিৰিধং হোতীতি অত্থো, তম্পি ক্রিযাদীনং ৰসেন পচ্চেকং তিৰিধং হোতি.

২২৮. ইদানি দীপকালঙ্কারং দস্সেতি ‘‘একত্থে’’চ্চাদিনা. একত্থ ৰাক্যস্স আদিমজ্ঝাৰসানেস্ৰেকস্মিং ৰত্তমানম্পি ক্রিযাজাতিগুণত্তযং সব্বৰাক্যোপকারকং ৰত্তুমিচ্ছিতক্রিযাকারকসম্বন্ধপ্পকাসকপদসন্তানসঙ্খাতৰাক্যস্স ৰাক্যত্থাৰবোধৰসেন পযোজনং দীপকং নাম একট্ঠানে ¶ ঠত্ৰা ৰিসযীভূতসব্বট্ঠানগতদব্বপকাসকপদীপসমানত্তা দীপকং নাম হোতি. তঞ্চ দীপকং আদিমজ্ঝন্তৰিসযং ৰাক্যস্স আদিৰিসযং মজ্ঝৰিসযং অন্তৰিসযঞ্চেতি তিধা হোতি. এতেসু একেকমপি ক্রিযাজাতিগুণভেদেন পুনপি তিৰিধং হোতীতি ৰিঞ্ঞেয্যং. দীপেতীতি দীপো, পদীপো. পটিভাগত্থে কপ্পচ্চযেন দীপো ৰিযাতি দীপকং. ৰাক্যস্স আদি চ মজ্ঝঞ্চ অন্তঞ্চেতি চ, তং ৰিসযো অস্সেতি চ ৰাক্যং.

অকাসি বুদ্ধো ৰেনেয্য-বন্ধূনমমিতোদযং;

সব্বপাপেহি চ সমং-নেকতিত্থিযমদ্দনং.

২২৯. উদাহরতি ‘‘অকাসি’’চ্চাদি. বুদ্ধো ৰেনেয্যা ৰিনেতব্বাযেৰ বন্ধৰো তেসং অমিতমপরিমিতং উদযমভিৰুদ্ধিং অকাসি. ন কেৰলং তমেৰ, সব্বপাপেহি সমং একতো অনেকানং তিত্থিযানং মদ্দনঞ্চ অকাসীতি. ইহ ‘‘অকাসী’’তি ক্রিযাপদেনাদিৰত্তিনা সব্বমেৰ ৰাক্যং দীপযতীতি ক্রিযাদিদীপকমেতং.

২২৯. ‘‘অকাসি’’চ্চাদি. বুদ্ধো ৰেনেয্যবন্ধূনং অমিতোদযং পমাণরহিতাভিৰুদ্ধিং অকাসি. ন কেৰলং তমেৰ, সমং একক্খণে সব্বপাপেহি সহানেকতিত্থিযমদ্দনঞ্চ অকাসীতি. ৰাক্যাদিম্হি ক্রিযায ঠিতত্তা ইদং ক্রিযাদিদীপকং নাম. অমিতো চ সো উদযো চেতি চ, অনেকা চ তে তিত্থিযা চেতি চ, তেসং মদ্দনমিতি চ ৰিগ্গহো.

দস্সনং মুনিনো সাধু-জনানং জাযতে’মতং;

তদঞ্ঞেসং তু জন্তূনং, ৰিসং নিচ্চোপতাপনং.

২৩০. ‘‘দস্সন’’মিচ্চাদি. ¶ মুনিনো দস্সনং সাধুজনানং অমতং নিব্বানং নাম জাযতে অমতস্স সাধনতো, তেহি সাধুজনেহি অঞ্ঞেসং জন্তূনং নিচ্চমুপতাপেতীতি নিচ্চোপতাপনং ৰিসং জাযতে, তস্মিং মনোপদোসস্স ৰিসসদিসত্তা নিরযাদিদুক্খাৰহভাৰতোতি. ক্রিযামজ্ঝদীপকমেতং.

২৩০. ‘‘দস্সন’’মিচ্চাদি. মুনিনো দস্সনং সাধুজনানং অমতং অমতসঙ্খাতনিব্বানস্স একন্তকারণত্তা কারিযোপচারেন অমতং ভূতং জাযতে, তদঞ্ঞেসং তেহি সাধুজনেহি অঞ্ঞেসং জন্তূনং তু নিচ্চোপতাপনং সততমুপতাপকরণতো ৰিসং জাযতে ৰিসতুল্যপটিঘকারণত্তা কারিযোপচারেন ৰিসং ভৰতীতি. ইদং ক্রিযায মজ্ঝে ঠিতত্তা ক্রিযামজ্ঝদীপকং. সাধৰো চ তে জনা চেতি চ, তেহি অঞ্ঞেতি চ ৰাক্যং.

অচ্চন্তকন্তলাৰণ্য-চন্দাতপমনোহরো;

জিনাননিন্দু ইন্দু চ, কস্স না’নন্দকো ভৰে.

২৩১. ‘‘অচ্চন্তে’’চ্চাদি. অচ্চন্তং কন্তং মনুঞ্ঞং লাৰণ্যং পিযভাৰো, তমেৰ, তমিৰ ৰাচন্দাতপো চন্দিকা, তেন মনোহরো জিনাননিন্দু ইন্দু চন্দো চ কস্স জনস্স আনন্দকো ন ভৰতীতি. ক্রিযান্তদীপকং.

২৩১. ‘‘অচ্চন্তি’’চ্চাদি. অচ্চন্তকন্তলাৰণ্যচন্দাতপমনোহরো অতিসযেন মনুঞ্ঞপিযভাৰসঙ্খাতৰিলাসনামকেন চন্দকিরণেন, নো চে, অতিসযেন মনুঞ্ঞপিযতাসঙ্খাতৰিলাসসদিসেন চন্দকিরণেন মনোহরো জিনাননিন্দু সম্বুদ্ধস্স মুখচন্দো চ ইন্দু চ পকতিচন্দো চ কস্স আনন্দকো ন ভৰে. ইদং ক্রিযায অন্তে ঠিতত্তা ক্রিযান্তদীপকং নাম. অন্তং অতিক্কন্তন্তি চ, তঞ্চ তং কন্তঞ্চেতি চ, ¶ লৰণস্স ভাৰো লাৰণ্যং, মধুরভাৰো, তংসদিসত্তা অচ্চন্তকন্তঞ্চ তং লাৰণ্যঞ্চাতি চ, চন্দস্স আতপো কিরণোতি চ, অচ্চন্তকন্তলাৰণ্যমেৰ চন্দাতপোতি চ, চন্দপক্খে অচ্চন্তকন্তলাৰণ্যমিৰ চ সো চন্দাতপো চাতি চ, তেন মনোহরোতি চ, জিনাননমেৰ ইন্দূতি চ ৰাক্যং. ইমিনা ক্রিযাদীপকত্তযেনেৰ অৰুত্তজাতিদীপকগুণদীপকানিপি ঞাতব্বানি.

২৩২. আদিদীপকাদীসুপি তেসু পযোগক্কমেন পকারন্তরমত্থীতি ৰদতি ‘‘হোতি’’চ্চাদি. সীলং পঞ্চসীলাদিকং, অৰিপ্পটিসারায পচ্ছানুতাপাভাৰায হোতি, সো অৰিপ্পটিসারো পামোজ্জস্স উপ্পন্নমত্তায পীতিযা হেতু হোতি, তং পামোজ্জং পীতিযা বলৰভূতায হেতু হোতি, সা চাযং পীতি পস্সদ্ধাদীনং পস্সদ্ধিসুখাদীনং পসিদ্ধিযা নিপ্ফত্তিযা হোতীতি যোজনীযং.

২৩২. ইদানি নৰসু দীপকেসু পযোগৰিসেসেন সাধেতব্বে অঞ্ঞপ্পকারে দস্সেতি ‘‘হোতি’’চ্চাদিনা. সীলং সুরক্খিতং পঞ্চঙ্গদসঙ্গাদিসীলং অৰিপ্পটিসারায হোতি, সো অৰিপ্পটিসারো পামোজ্জহেতু হোতি উপ্পন্নমত্তায তরুণপীতিযা কারণং ভৰতি, তং পামোজ্জং পীতিহেতু বলৰপীতিকারণং হোতি, সা অযঞ্চ পীতি পস্সদ্ধাদিপসিদ্ধিযা কাযপস্সদ্ধিচিত্তপস্সদ্ধিআদীনং সিদ্ধিযা হেতু হোতি. ন ৰিপ্পটিসারো অৰিপ্পটিসারো, নসদ্দো পসজ্জপটিসেধে ৰত্ততে. পমুদিতস্স ভাৰোতি চ, তস্স হেতূতি ¶ চ, পস্সদ্ধি আদি যেসং সুখাদীনন্তি চ, তেসং পসিদ্ধীতি চ ৰিগ্গহো.

ইচ্চা’দিদীপকত্তেপি, পুব্বং পুব্বমপেক্খিনী;

ৰাক্যমালা পৰত্তাতি, তং মালাদীপকং মতং.

২৩৩. কিমিদং তৰ পকারন্তরমিচ্চাহ ‘‘ইচ্চাদি’’চ্চাদি. ইচ্চেৰমিমং যং তং মালাদীপকং মতং. ননু ক্রিযাদিদীপকমেতমিচ্চাহ ‘‘আদিদীপকত্তেপী’’তি. যজ্জপ্যাদিদীপকমেতং পুব্বং পুব্বং ৰাক্যং ‘‘হোতাৰিপ্পটিসারায সীল’’ন্তিআদিকং অপেক্খিনী অপেক্খমানা ৰাক্যানং যথাৰুত্তানং মালা পরম্পরা পৰত্তাতি. তং যথাৰুত্তং মালাদীপকং মতং, নাদিদীপকন্তি.

২৩৩. ‘‘ইচ্চাদি’’চ্চাদি. আদিদীপকত্তেপি ক্রিযাদিদীপকভাৰে সতিপি ৰাক্যমালা অনেকৰাক্যেন সম্বজ্ঝমানা পরম্পরা পুব্বং পুব্বং ‘‘হোতাৰিপ্পটিসারাযা’’তিআদিকং ৰাক্যং অপেক্খিনী পৰত্তা. ইতি ইদং অনন্তরগতপ্পকারং দীপকং ‘‘মালাদীপক’’ন্তি মতন্তি. আদিম্হি দীপকমিতি চ, ৰিসযোপচারেন আদি চ তং দীপকঞ্চাতি চ, মালা এৰ দীপকমিতি চ ৰাক্যং.

অনেনেৰ পকারেন, সেসানমপি দীপকে;

ৰিকপ্পানং ৰিধাতব্বা-নুগতী সুদ্ধবুদ্ধিভি.

২৩৪. অৰুত্তে দীপকৰিকপ্পে অতিদিসন্তো নিগমেতি ‘‘অনেনি’’চ্চাদিনা. অনেনেৰ অনন্তরা ৰুত্তেন পকারেন ৰিধিনা দীপকে দীপকৰিসযে [দীপকৰিসেসে (ক.)] সেসানমৰুত্তানং ৰিকপ্পানং জাত্যাদিদীপকাদিভেদানং অনুগতি অৰবোধো সুদ্ধবুদ্ধিভি পরিসুদ্ধমতীহি কৰীহি ৰিধাতব্বা কাতব্বাতি.

২৩৪. ইদানি অৰুত্তদীপকানিপি অতিদিসতি ‘‘অনেনেৰি’’চ্চাদিনা. অনেনেৰ পকারেন যথাৰুত্তদীপকপ্পকারেন দীপকে দীপকৰিসযে সেসানং অপি ৰিকপ্পানং অৰুত্তজাতিদীপকগুণদীপকসঙ্খাতানং ¶ পক্খানং জাত্যাদিদীপকগুণাদিদীপকাদীনং ছন্নং মালাদীপকানঞ্চ অনুগতি অৰবোধো সুদ্ধবুদ্ধিভি কৰীহি ৰিধাতব্বা ৰুত্তানুসারেনেৰ কাতব্বা. ৰিসেসতো অসঙ্করতো কপ্পীযন্তীতি চ, সুদ্ধা বুদ্ধি যেসন্তি চ ৰাক্যং.

২৩৫. অক্খেপমুপক্খিপতি ‘‘ৰিসেসি’’চ্চাদিনা. ৰিসেসস্স যস্স কস্সচি ৰচনিচ্ছাযং যং নিসেধস্স পটিসেধস্স ৰচনং ৰুত্তি, সো অক্খেপো নাম অক্খিপনং পটিসেধোতি কত্ৰা. সোযমক্খেপো চ কালপ্পভেদতো অতীতাদিতো তিধা তিপ্পকারো.

২৩৫. ইদানি অক্খেপং দস্সেতি ‘‘ৰিসেসে’’চ্চাদিনা. ৰিসেসৰচনিচ্ছাযং তু যস্স কস্সচি পদত্থৰিসেসস্স কথনিচ্ছায এৰ যং নিসেধৰচনং পটিসেধৰচনং অত্থি, সো পটিসেধো অক্খেপো নাম অক্খেপালঙ্কারো নাম. অযঞ্চ অক্খেপো কালপ্পভেদতো অতীতাদিকালৰিসেসেন তিধা হোতি. ৰিসেসস্স কস্সচি ৰচনন্তি চ, তস্মিং ইচ্ছাতি চ, নিসেধস্স পটিসেধস্স ৰচনমিতি চ, অক্খিপনং পটিক্খিপনন্তি চ, কালস্স ক্রিযায ৰা পভেদোতি চ ৰাক্যং.

একাকী’নেকসেনং তং, মারংসৰিজযীজিনো;

কথং ত’মথ ৰা তস্স, পারমীবলমীদিসং.

২৩৬. ‘‘একাকি’’চ্চাদি. সো জিনো একাকী একো সমানো অনেকসেনং তং মারং ৰিজযি পরাজেসি, তং কথং যুজ্জতে. ¶ অথ ৰা কিং ন যুজ্জতে, যতো তস্স জিনস্স পারমী সমতিংসৰিধা পারমিতা এৰ বলং ঈদিসং যাদিসং তস্স ৰিজযকারণন্তি. এত্থ একাকিত্তকারণসামত্থিযা মারৰিজযাযোগবুদ্ধি ‘‘সসেনং মারং ৰিজিতৰাতি কথং যুজ্জতী’’তি এৰমাকারা অতীতা অক্খিত্তাতি অতীতক্খেপোযং.

২৩৬. ইদানি উদাহরতি ‘‘একাকি’’চ্চাদিনা. স জিনো সো সব্বঞ্ঞূ একাকী অসহাযো অদুতিযো অনেকসেনং তং মারং ৰিজযী অজিনীতি, তং কথং যুজ্জতি. অথ ৰা যুজ্জতেৰ, তস্স জিনস্স পারমীবলং সমতিংসপারমীবলং সমতিংসপারমীতাসঙ্খতসেনা ঈদিসমীদিসাতি. বুদ্ধস্স অদুতিযভাৰঞ্চ মারস্স সপরিৰারভাৰঞ্চ নিস্সায কস্সচি উপ্পন্না ‘‘একাকিনা কথমনেকসেনো মারো জিতো’’তি ৰিপরীতবুদ্ধি অতীতমারৰিজযৰিসযত্তা অতীতা হোতি, ‘‘তস্স পারমীবলং ঈদিস’’ন্তি অত্থৰিসেসস্স কথনিচ্ছায ‘‘অথ ৰা’’তি নিদ্দিট্ঠপটিসেধৰচনেন অক্খিত্তন্তি অতীতস্স অক্খেপনতো অতীতক্খেপো নাম.

২৩৭. ‘‘কিং চিত্তে’’চ্চাদি. চিত্ত এজায তণ্হায সমুগ্ঘাতং সব্বথা অপ্পৰত্তিং অপ্পত্তোস্মীতি কিং খিজ্জসে, তুচ্ছো তৰ খেদো. সুগতে সকিম্পি একৰারম্পি কতো পণামো সোযেৰ তণ্হায সমুগ্ঘাতোযেৰ ননু একন্তকারণত্তা তস্সাতি ৰত্তমানক্খেপোযং ৰত্তমানস্স খেদস্সাক্খিতত্তা.

২৩৭. ‘‘কিং চিত্তে’’চ্চাদি. ¶ হে চিত্ত এজাসমুগ্ঘাতং এজাসঙ্খতায তণ্হায সমুচ্ছেদপহানং অপ্পত্তোস্মীতি কিং খিজ্জসে, তুচ্ছো তৰ খেদো. তথা হি সুগতে বুদ্ধৰিসযে সকিম্পি কতো পণামো সোযেৰ ননু তণ্হাসমুচ্ছেদস্স একন্তকারণত্তা কারণকারিযানমভেদবুদ্ধিযা সো এজাসমুগ্ঘাতোযেৰ কিং ন ভৰতি, ভৰত্যেৰ. ‘‘পণামো’’ত্যাদিৰিসেসকথনাধিপ্পাযেন ‘‘কিং খিজ্জসে’’তি চিত্তস্স ৰত্তমানখেদস্স পটিসেধিতত্তা অযং ৰত্তমানক্খেপো নাম. এজায সমুগ্ঘাতোতি ৰাক্যং.

সচ্চং ন তে গমিস্সন্তি, সিৰং সুজনগোচরং;

মিচ্ছাদিট্ঠিপরিক্কন্ত-মানসা যে সুদুজ্জনা.

২৩৮. ‘‘সচ্চ’’মিচ্চাদি. সুজনগোচরং সিৰং সন্তিপদং তে সচ্চং নিযতং ন গমিস্সন্তি. যে মিচ্ছাদিট্ঠিযা সস্সতাদিকায পরিক্কন্তং অভিভূতং মানসং চিত্তং যেসং তাদিসা সুট্ঠু অতিসযেন দুজ্জনাতি যোজনীযং. অযমনাগতক্খেপো ভাৰিনো গমনস্সাক্খিত্তত্তা.

‘‘জীৰিতাসা বলৰতী, ধনাসা দুব্বলা মম;

গচ্ছ ৰা তিট্ঠ ৰা কন্ত, মমাৰত্থা নিৰেদিতা’’তি [কাব্যাদাস ২.১৩৯].

অযমনাদরক্খেপোতি এৰমাদযো তু তব্ভেদাযেৰাতি উপেক্খিতা.

২৩৮. ‘‘সচ্চ’’মিচ্চাদি. সুজনগোচরং সাধূনং ৰিসযগতং সিৰং সন্তিপদং তে সচ্চমেকন্তেন ন গমিস্সন্তি. কে? যে মিচ্ছাদিট্ঠিপরিক্কন্তমানসা সুদুজ্জনা, তেযেৰাতি. ‘‘মিচ্ছাদিট্ঠী’’তিআদিৰিসেসস্স কথনাধিপ্পাযেন ‘‘তে ন গমিস্সন্তী’’তি তিত্থিযানং ভাৰিনো নিব্বানগমনস্স বুদ্ধিযা পটিসিদ্ধত্তা ¶ অযং অনাগতক্খেপো নাম. মিচ্ছা ৰিপরীতা চ সা দিট্ঠি চাতি চ, তায পরিক্কন্তং মানসং যেসন্তি চ ৰাক্যং.

‘‘জীৰিতাসা বলৰতী, ধনাসা দুব্বলা মম;

গচ্ছ ৰা তিট্ঠ ৰা কন্ত, মমাৰত্থা নিৰেদিতা’’ –

ত্যাদিকো অনাদরক্খেপোপি দস্সিতাতীতক্খেপাদীহি অনঞ্ঞত্তা ৰিসুং ন ৰুত্তো. অযং পনেত্থ অত্থো – হে কন্ত ৰল্লভ মম জীৰিতাসা বলৰতী হোতি, ধনাসা দুব্বলা, ত্ৰং গচ্ছ ৰা তিট্ঠ ৰা, মমাৰত্থা মম পকতি নিৰেদিতা ৰিঞ্ঞাপিতা. ‘‘এত্থ মমাৰত্থা নিৰেদিতা’’তি ৰিসেসস্স কথনাধিপ্পাযেন ‘‘গচ্ছ ৰা তিট্ঠ ৰা’’তি ইমিনা অনাদরৰচনেন অত্তনো ৰল্লভস্স ৰত্তমানস্স অনাগতস্স ৰা গমনস্স পটিসেধিতত্তা ৰত্তমানক্খেপো ৰা অনাগতক্খেপো ৰা হোতি.

২৩৯. অত্থন্তরন্যাসং ন্যাসযতি ‘‘ঞেয্যি’’চ্চাদিনা. অঞ্ঞৰাক্যত্থসাধনো অঞ্ঞস্স ৰত্তুমিচ্ছিতস্স কস্সচি ৰাক্যত্থস্স সাধনো সমত্থকো কস্সচিদেৰ অত্থস্স পরস্স ন্যাসো যো, সো অত্থন্তরন্যাসো ঞেয্যো অত্থন্তরস্স কস্সচি ৰত্থুনো ন্যাসো পযোগোতি কত্ৰা. তস্স ভেদমাহ ‘‘সব্বে’’চ্চাদিনা. অস্স অত্থন্তরন্যাসস্স ভেদতো ৰিকপ্পতো হিৰিসিট্ঠা হিসদ্দেন ৰিসেসিতা সব্বব্যাপী চ ৰিসেসট্ঠো চাতি ইমে ভৰন্তি. ননু পতিৰত্থূপমায ইমস্স চ কো ভেদোতি? সচ্চং, তথাপি উভযত্থ অত্থন্তরন্যাসমত্তেন সদিসত্তেপি যত্থ মুখ্যতো সাম্যপ্পতীতিসব্ভাৰো, সা পতিৰত্থূপমা. যত্থ পন সাধনরূপস্সেৰত্থন্তরন্যাসো, সো অত্থন্তরন্যাসোতি পাকটোযেৰুভিন্নং ভেদোতি.

২৩৯. ইদানি অত্থন্তরন্যাসং দস্সেতি ‘‘ঞেয্য’’চ্চাদিনা. যো অঞ্ঞৰাক্যত্থসাধনো অঞ্ঞৰাক্যত্থস্স সাধনো হোতি, অঞ্ঞৰাক্যত্থং সাধেতি, সো অত্থন্তরন্যাসো সাধিযৰাক্যত্থতো অঞ্ঞত্থস্স ঠপনং কথনং ‘‘অত্থন্তরন্যাসো’’তি ঞেয্যো, অস্স অত্থন্তরন্যাসস্স ভেদতো পভেদেন সব্বব্যাপী ৰিসেসট্ঠো চ, এতেযেৰ হিৰিসিট্ঠা চাতি চত্তারো ভৰন্তি. অত্থো চ সো অন্তরো অঞ্ঞো চেতি চ, তস্স ন্যাসোতি চ, সব্বং ব্যাপেতি সীলেনাতি চ, ৰিসেসে পদেসে তিট্ঠতীতি চ, হিসদ্দেন ৰিসিট্ঠাতি চ ৰাক্যং.

তেপি লোকহিতাসত্তা, সূরিযো চন্দিমা অপি [চন্দিমারপি (সী.)];

অত্থং পস্স গমিস্সন্তি, নিযমো কেন লঙ্ঘ্যতে.

২৪০. উদাহরতি ‘‘তেপি’’চ্চাদি. লোকস্স হিতে অভিৰুদ্ধিযং আসত্তা অভিরত্তা সূরিযো চন্দিমা অপীতি তে মহন্তাপি অত্থং উদযৰিপরিযাস’মভাৰং গমিস্সন্তি, ন [গমিস্সন্তা পুন (ক.)] তথেৰ তিট্ঠন্তি, ‘‘পস্সে’’তি তমৰবোধযতি. তথা হি নিযমো ‘‘ভাৰো নাম ন পাযিনি. সব্বে সঙ্খারা ৰযধম্মিনো’’তি অযং নিযতি. কেন নাম ৰত্থুনা লঙ্ঘ্যতে অতিক্কমিতুং সক্কাতি. অযং হিসদ্দরহিতো সব্বব্যাপী অত্থন্তরন্যাসো তাদিসস্স নিযমস্স সব্বগতত্তা.

২৪০. ‘‘তেপি’’চ্চাদি. লোকহিতাসত্তা লোকাভিৰুদ্ধিযং লগ্গা সূরিযো অপি চন্দিমা অপি তেপি মহানুভাৰা অত্থং ৰিনাসং গমিস্সন্তি, পস্স এতেসং পাকটং ৰিনাসং ¶ ওলোকেহি. তথা হি নিযমো ‘‘সব্বে সঙ্খারা অনিচ্চা’’তি সব্বপদত্থমনতিক্কম্ম পৰত্তনিযমো কেন লঙ্ঘ্যতে পচ্চযসমুপ্পন্নেন কেন পদত্থেন অতিক্কম্যতেতি. অযং হিসদ্দরহিতো অত্থগমনসঙ্খাতো নিযমো সব্বত্থ গতোতি সব্বব্যাপী অত্থন্তরন্যাসো. পতিৰত্থূপমায চ অত্থন্তরন্যাসস্স চ অত্থন্তরন্যাসত্তেন তুল্যত্তেপি তত্থ সাধম্মপকাসত্তসভাৰো, এত্থ ৰুত্তত্থস্স সাধনসভাৰোতি এৰমিমেসং নানত্তং সুব্যত্তং. অপীতি সম্ভাৰনাযং, দুতিযো অপিসদ্দো সমুচ্চযে.

সত্থা দেৰমনুস্সানং, ৰসী সোপি মুনিস্সরো;

গতোৰ নিব্বুতিং সব্বে, সঙ্খারা ন হি সস্সতা.

২৪১. ‘‘সত্থা’’ইচ্চাদি. দেৰমনুস্সানং দেৰানঞ্চ মনুস্সানঞ্চ উক্কট্ঠপরিচ্ছেদৰসেন সত্থা দিট্ঠধম্মিকসম্পরাযিকেহি পরমত্থেহি যথারহং অনুসাসতীতি, ৰসী পঞ্চহি ৰসিতাহি অতিসযৰসীহি ৰসিপ্পত্তো সোপি মুনিস্সরো নিব্বুতিং খন্ধপরিনিব্বানসঙ্খাতং গতো পত্তোযেৰ, হিসদ্দো সমত্থনে. সব্বে সঙ্খারা পচ্চযসমুপ্পন্না ন সস্সতা ন নিচ্চা উপ্পাদৰযধম্মত্তা অনিচ্চা. অযম্পি হিসদ্দসহিতসব্বব্যাপী অত্থন্তরন্যাসো অনিচ্চতায সব্বগতত্তাতি.

২৪১. ‘‘সত্থা’’ইচ্চাদি. দেৰমনুস্সানং উক্কট্ঠৰসেন সত্থা দিট্ঠধম্মিকসম্পরাযিকত্থেহি যথারহমনুসাসকো ৰসী ৰুট্ঠানঅধিট্ঠানাদীসু পঞ্চসু ৰসিভাৰেসু সাতিসযং ইস্সরিযৰা সো মুনিস্সরো অপি নিব্বুতিং খন্ধনিব্বানং গতো এৰ. হি তথেৰ, সব্বে সঙ্খারা সস্সতা ন হোন্তীতি. অযং হিসদ্দসহিতো অনিচ্চতায সব্বগতত্তা সব্বব্যাপী অত্থন্তরন্যাসো. ৰসো অস্স অত্থীতি ৰাক্যং.

জিনো ¶ সংসারকন্তারা, জনং পাপেতি নিব্বুতিং;

ননু যুত্তা গতি সা’যং, ৰেসারজ্জসমঙ্গিনং.

২৪২. ‘‘জিনো’’ইচ্চাদি. জিনো সংসারোযেৰ কন্তারো দুগ্গমত্তা, ততো জনং সকলম্পি লোকং নিব্বুতিং পাপেতি. ননু পসিদ্ধিযমনুমতিযং ৰা. সাযং গতি নিব্বুতিপাপনসঙ্খাতা পৰত্তি, ৰিগতো সারদো ভযমস্সাতি ৰিসারদো, তস্স ভাৰো নিব্ভযতা [নিব্ভযতায (ক.)] ৰেসারজ্জং, তেন সমঙ্গীনং যুত্তানং. যুত্তাতি অনুরূপাতি. অযং হিসদ্দৰিরহিতো ৰিসেসট্ঠো অত্থন্তরন্যাসো, ৰেসারজ্জসমঙ্গীনমেৰ তথাভাৰতো ন সব্বব্যাপী.

২৪২. ‘‘জিনো’’ইচ্চাদি. জিনো জনং সত্তলোকং সংসারকন্তারা নিব্বুতিং পাপেতি, সা অযং গতি পৰত্তি ৰেসারজ্জসমঙ্গীনং চতুৰেসারজ্জগুণসমন্নাগতানং তথাগতানং যুত্তা ননূতি. অযং জনানং নিব্বানং পাপনা ৰেসারজ্জসমঙ্গীনংযেৰ আৰেণিকত্তা ৰিসেসট্ঠো হিসদ্দরহিতো অত্থন্তরন্যাসো. ৰিগতো সারদো ভযং অস্সেতি চ, কস্স ভাৰোতি চ, তেন সমঙ্গিনোতি চ ৰাক্যং. ননূতি পসিদ্ধিযং অনুমতিযং ৰা ৰত্ততে. দ্ৰিন্নম্পি অত্থো ৰুত্তনযেন ঞাতব্বো.

সুরত্তং তে’ধরপুটং, জিন রঞ্জেতি মানসং;

সযং রাগপরীতা হি, পরে রঞ্জেন্তি সঙ্গতে.

২৪৩. ‘‘সুরত্ত’’মিচ্চাদি. জিন তে তৰ সুরত্তং বিম্বফলসমানৰণ্ণত্তা অধরপুটং মানসং পস্সতং যেসং কেসঞ্চি রঞ্জেতি পীণেতীতি. হি সমত্থনে, তথা হীতি অত্থো. সযং ¶ যেন কেনচি রাগেন রত্তৰণ্ণেন অনুরাগেন ৰা পরীতা গতা সঙ্গতে অত্তনা সংসট্ঠে পরে অঞ্ঞে রঞ্জেন্তি রত্তৰণ্ণে অনুরত্তে ৰা করোন্তীতি সসিলেসো সাধনো. অযঞ্চ হিসদ্দসহিতো ৰিসেসট্ঠো অত্থন্তরন্যাসো তথাভাৰস্স তথাৰিধানমেৰ সম্ভৰতো.

২৪৩. ‘‘সুরত্ত’’মিচ্চাদি. ভো জিন তে তৰ সুরত্তং অধরপুটং ওট্ঠযুগল়ং মানসং পস্সন্তানং [পসন্নচিত্তং (ক.)] চিত্তং রঞ্জেতি পীণযতি. হি তথেৰ, সযং রাগপরীতা রত্তৰণ্ণেন অনুরাগেন ৰা যুত্তা সঙ্গতে অত্তনা সংসট্ঠে পরে অঞ্ঞে রঞ্জেন্তি রত্তৰণ্ণে অনুরত্তে ৰা করোন্তি. ইদং তেসং সভাৰমেৰেতি. অযং ঈদিসানমেৰ আৰেণিকত্তা ৰিসেসট্ঠো হিসদ্দসহিতো অত্থন্তরন্যাসো. পুটসদিসত্তা অধরো এৰ পুটমিতি চ, রাগেন পরীতা যুত্তাতি চ ৰিগ্গহো.

২৪৪. ব্যতিরেকৰিকপ্পমাহ ‘‘ৰাচ্চে’’ইচ্চাদিনা. ৰত্থূনং ৰত্তুমিচ্ছিতানং কেসঞ্চি ৰত্থূনং সদিসত্তে কথঞ্চি ৰত্থূনং তুল্যত্তে ৰাচ্চে সদ্দেন ৰাচকেন পটিপাদিতে অথ গম্মে অসদ্দপটিপাদিতে সব্বত্থবলেন পকরণাদিনা ঞাতে ৰা, ন কেৰলং সদ্দপটিপাদিতে. পভেদনং তেসমেৰ ৰত্থূনং ৰিসেসকথনং ব্যতিরেকো ব্যতিরেচনং পুথক্করণন্তি কত্ৰা. অযং ব্যতিরেকোপি একোভযভেদা একব্যতিরেকো উভযব্যতিরেকোতি ৰাচ্চগম্মানং পচ্চেকং ৰিসেসেন চতুব্বিধো.

২৪৪. ইদানি ¶ ব্যতিরেকং দস্সেতি ‘‘ৰাচ্চে’’ইচ্চাদিনা. ৰত্থূনং ৰত্তুমিচ্ছিতানং কেসঞ্চি পদত্থানং সদিসত্তে যেন কেনচি আকারেন সমানত্তে ৰাচ্চে ৰাচকসদ্দেন পটিপাদনীযে অথ পুন গম্মে তস্মিংযেৰ সদিসত্তে অত্থসত্তিসঙ্খাতসামত্থিযেন গম্মমানে পভেদনং তেসংযেৰ ৰত্থূনং নানত্তকথনং ব্যতিরেকো নাম. অযম্পি ব্যতিরেকো একোভযভেদা ব্যতিরেচনসঙ্খাতপুথক্করণসামঞ্ঞেন অভিন্নোপি ৰাচ্চগম্মানং দ্ৰিন্নং পচ্চেকমেৰ একব্যতিরেকো উভযব্যতিরেকোতি ৰিসেসেন চতুব্বিধো হোতি. সদিসানং ভাৰোতি চ, পকারেন ভেদনং কথনমিতি চ, ব্যতিরেচনং পুথক্করণমিতি চ, একো চ উভযো চাতি চ, তেসং ভেদো ৰিসেসনন্তি চ ৰিগ্গহো.

২৪৫. উদাহরতি ‘‘গম্ভীর’’ইচ্চাদি. ত্ৰং গম্ভীরত্তং অগাধতা অজ্ঝাসযৰিসিট্ঠতা চ মহত্তং ৰেপুল্লং গুণমহন্ততা চ তং আদি যস্স উপকারিতাদিনো, তস্মা গুণা জলধিনা সাগরেন তুল্যো. ‘‘অসী’’তিসদ্দপটিপাদিতং সদিসত্তং ৰুত্তং. ভেদং দস্সেতি ‘‘ভেদো তু’’ইচ্চাদিনা. ভেদো তু ৰিসেসো পন সাগরেন সহ ঈদিসেন দিস্সমানেন করচরণাদিমতা রুচিরেন তে সরীরেনেৰ হেতুনা, নাঞ্ঞথা, তস্সেদিসং সরীরং নত্থীতি. সদিসত্তে পটিপাদিতে একব্যতিরেকোযং একস্মিং জিনে ৰত্তমানেন ধম্মেন উপমেয্যোপমানভূতজিনসাগরানং তস্স ভেদস্স পতীযমানত্তা.

২৪৫. ইদানি ¶ তমুদাহরতি ‘‘গম্ভীরত্তি’’চ্চাদিনা. হে জিন ত্ৰং গম্ভীরত্তমহত্তাদিগুণা জলধিনা তুল্যো অসি. ইমিনা ৰাক্যেন জিনসাগরানং দ্ৰিন্নং সদ্দেন ৰাচ্চসদিসত্তং ৰুত্তং. ভেদো তু সাগরেন সহ তৰ ৰিসেসো পন তে তুয্হং ঈদিসেন এৰরূপেন দিস্সমানহত্থপাদাদিঅৰযৰযুত্তেন সরীরেন সরীরহেতুনা হোতি. দ্ৰিন্নং ৰত্থূনং ৰত্তব্বসদিসত্তং ৰত্ৰা ইমিনা ৰাক্যেন ‘‘ঈদিসেন সরীরেনা’’তি একস্মিংযেৰ জিনপদত্থে ৰিসেসকথনেন জলধিতো জিনপদত্থস্স ৰিসুং কতত্তা সদিসত্তে সদ্দেন ৰাচ্চে সতি অযমেকব্যতিরেকো নাম. গম্ভীরস্স গম্ভীরগুণযুত্তস্স সাগরস্স ৰা গম্ভীরজ্ঝাসযসমঙ্গিনো জিনস্স ৰা ভাৰোতি চ, মহতো পকতিযা মহতো সাগরস্স ৰা গুণেহি মহতো জিনস্স ৰা ভাৰোতি চ, গম্ভীরত্তঞ্চ মহত্তঞ্চাতি চ, তং আদি যস্স উপকারিতাদিনোতি চ, সো চ সো গুণো চেতি চ ৰাক্যং.

মহাসত্তা’তিগম্ভীরা, সাগরো সুগতোপি চ;

সাগরো’ঞ্জনসঙ্কাসো, জিনো চামীকরজ্জুতি.

২৪৬. ‘‘মহা’’ইচ্চাদি. সাগরো সুগতোপি চাতি তে উভো মহন্তা সত্তা মকরাদযো যত্থ সাগরে, মহন্তং ৰা সত্তং সম্মপ্পধানং যস্স সুগতস্স, অতিগম্ভীরা অতিসযেন অগাধা ইতি. সদিসতাভেদমাহ ‘‘সাগরো’’ইচ্চাদিনা. সাগরো অঞ্জনসঙ্কাসো অঞ্জনেন তুল্যো, কণ্হোতি ৰুত্তং হোতি. জিনো তু চামীকরস্স সুৰণ্ণস্সেৰ জুতি সোভা অস্সেতি চামীকরজ্জুতি. ৰাচ্চে সদিসত্তে উভযব্যতিরেকোযং উভযত্থ ৰত্তমানেন গুণেন উভিন্নমুপমানোপমেয্যানং ভেদস্স পতীযমানত্তা.

২৪৬. ‘‘মহা’’ইচ্চাদি. ¶ সাগরো সুগতোপি চাতি ইমে দ্ৰে মহাসত্তা কমেন তিমিতিমিঙ্গলাদিমহাসত্তা চ, লাভালাভাদীসু অনঞ্ঞসাধারণত্তা মহন্ততাদিভাৰসঙ্খাতসদিসত্তযুত্তা চ, অতিগম্ভীরা অৰগাহিতুমসক্কুণেয্যত্তা চ, অজ্ঝাসযগম্ভীরত্তা চ দ্ৰেপি অতিগম্ভীরা হোন্তি. তেসু সাগরো অঞ্জনসঙ্কাসো, জিনো চামীকরজ্জুতি সুৰণ্ণসদিসকন্তিযুত্তো হোতি. এত্থ পুব্বদ্ধেন দ্ৰিন্নং ৰত্থূনং সদিসত্তং ৰত্ৰা অপরদ্ধেন তদুভযৰত্থুগতৰিসেসেন তেসং দ্ৰিন্নমঞ্ঞমঞ্ঞতো ৰিসেসিতত্তা সদিসত্তে সদ্দেন ৰত্তব্বে সতি অযং উভযব্যতিরেকো নাম. মহন্তা সত্তা মচ্ছকচ্ছপাদযো যত্থ সাগরেতি ৰা, মহন্তং সত্তং সমানভাৰো যস্স সুগতস্সাতি ৰা, অতিসযেন গম্ভীরাতি চ, অঞ্জনেন সঙ্কাসো সদিসোতি চ, চামীকরস্স ইৰ জুতি অস্সেতি চ ৰাক্যং.

ন সন্তাপাপহং নেৰি-চ্ছিতদং মিগলোচনং;

মুনিন্দ নযনদ্ৰন্দং, তৰ তগ্গুণভূসিতং.

২৪৭. ‘‘নি’’চ্চাদি. মিগস্স লোচনং সন্তাপং কিলেসপরিল়াহং অপহনতি হিংসতীতি সন্তাপাপহং ন ভৰতি. নেৰ ইচ্ছিতং সগ্গমোক্খসম্পত্তিং দদাতীতি নেৰিচ্ছিতদং. মুনিন্দ তৰ নযনানং দ্ৰন্দং যুগল়ং তু তেহি যথাৰুত্তেহি সন্তাপাপহত্তইচ্ছিতদত্তগুণেহি ভূসিতমলঙ্কতং. এত্থ পন মিগলোচননযনানং দীঘত্তাদিনা সদিসত্তং পতীযতে. গম্মে সদিসত্তে একব্যতিরেকোযং ৰুত্তনযেন.

২৪৭. ‘‘ন সন্তা’’ইচ্চাদি. মিগলোচনং মিগপোতকচক্খুযুগল়ং সন্তাপাপহং কিলেসসন্তাপাপহং ন হোতি. ইচ্ছিতদং লোকেহি পত্থিতলোকিযলোকুত্তরত্থানং দাযকং ¶ ন হোতি. হে মুনিন্দ তৰ নযনদ্ৰন্দং পন তগ্গুণভূসিতং জনসন্তাপাপহানাদিযথাৰুত্তগুণেহি সোভিতং হোতি, ইহ সন্তাপাপহননাদীনং পটিসেধদ্ৰারেন উপমানোপমেয্যভূতউভযলোচনসঙ্খাতৰত্থূনং দীঘপুথুলতাদিসদিসধম্মং সামত্থিযেন পকাসেত্ৰা অপরদ্ধেন সন্তাপাপহননাদিগুণহেতু জিননযনানং ৰিসুং কতত্তা সদিসত্তে গম্মমানে অযমেকব্যতিরেকো নাম. সন্তাপং অপহনতি হিং সতীতি চ, ইচ্ছিতং দদাতীতি চ, তে চ তে গুণা চাতি চ, তেহি ভূসিতন্তি চ ৰাক্যং.

মুনিন্দানন’মম্ভোজ-মেসং নানত্ত’মীদিসং;

সুৰুত্তামতসন্দাযি, ৰদনং নে’দিস’ম্বুজং.

২৪৮. ‘‘মুনিন্দ’’ইচ্চাদি. মুনিন্দাননং অম্ভোজঞ্চেতি যানি ৰত্থূনি কন্তাদিনা পতীযমানত্তা সদিসত্থানি, এসং নানত্তং ভেদো ঈদিসং. কথং? ৰদনং সুৰুত্তামতং সদ্ধম্মামতং সন্দদাতীতি সুৰুত্তামতসন্দাযি, অম্বুজং তু নেদিসন্তি. ইমিনা ভেদেন ইমেসং ৰিসদিসত্তা ‘‘এস’’ন্ত্যাদিনাহু. পতীযমানেন সদিসানীতি গম্মে সদিসত্তে উভযব্যতিরেকোযং ৰুত্তনযেনেতি.

২৪৮. ‘‘মুনিন্দ’’ইচ্চাদি. মুনিন্দাননং অম্ভোজঞ্চেতি ইমেসং দ্ৰিন্নং নানত্তং ঈদিসং. কথন্তি চে? এসং দ্ৰিন্নং ৰদনং সুৰুত্তামতসন্দাযি সুট্ঠু ৰুত্তত্তা সুৰুত্তসঙ্খাতস্স সদ্ধম্মামতস্স দাযকং হোতি, অম্বুজং তু এদিসং ন ঈদিসং ন হোতি, তাদিসং ধম্মামতং ন দদাতীতি অধিপ্পাযো. ‘‘এসং নানত্তমীদিস’’ন্তি ৰচনেন সুগন্ধকন্তিমত্তাদীহি গুণেহি দ্ৰিন্নম্পি ভেদো নত্থীতি গম্মমানত্তা তং পকাসেত্ৰা অপরদ্ধেন ৰদনতো অম্বুজস্স, অম্বুজতো ৰদনস্স ৰিসুং কতত্তা সদিসত্তে গম্মমানে অযমুভযব্যতিরেকো নাম. নানা অনেকপ্পকারানং ¶ ভাৰোতি চ, সাধু ৰুত্তমিতি চ, তমেৰ অমতন্তি চ, তং সম্মা দেতি সীলেনাতি চ ৰাক্যং.

পসিদ্ধং কারণং যত্থ, নিৰত্তেত্ৰা’ঞ্ঞকারণং;

সাভাৰিকত্ত’মথ ৰা, ৰিভাব্যং সা ৰিভাৰনা.

২৪৯. ৰিভাৰনং সম্ভাৰেতি ‘‘পসিদ্ধ’’মিচ্চাদিনা. যত্থ অলঙ্কতিযং পসিদ্ধং লোকপ্পতীতং কারণং কিঞ্চি নিৰত্তেত্ৰা নিরস্য অঞ্ঞং কারণং পসিদ্ধকারণতো অঞ্ঞং নিমিত্তং ৰিভাব্যং অৰগম্যতে. যত্থ কারণন্তরং নত্থি, তত্থ কা গতীতি আহ ‘‘সাভাৰিকত্ত’’ন্তিআদি. অথ ৰা পক্খন্তরে, সাভাৰিকং [সাভাৰিকত্তং (ক.)] ধম্মতাসিদ্ধং, তস্স ভাৰো সাভাৰিকত্তং ৰিভাব্যং, সা তাদিসী ৰিভাৰনা ৰিঞ্ঞেয্যা, ৰিভাৰীযতে পকাসীযতে কারণন্তরং সাভাৰিকত্তং ৰা এতাযাতি, এতিস্সন্তি ৰা কত্ৰা.

২৪৯. ইদানি ৰিভাৰনং দস্সেতি ‘‘পসিদ্ধ’’মিচ্চাদিনা. যত্থ অলঙ্কারে পসিদ্ধং লোকপ্পতীতং কারণং তংতংগুণসাধনহেতুং নিৰত্তেত্ৰা পটিসেধেত্ৰা অঞ্ঞকারণং লোকপ্পসিদ্ধকারণতো অঞ্ঞং কারণং, অথ ৰা নো চে পসিদ্ধকারণতো অঞ্ঞকারণে লব্ভমানে সাভাৰিকত্তং ধম্মতাসিদ্ধগুণং ৰিভাব্যং পকাসনীযং হোতি, সা ৰিভাৰনা নাম হোতি, কারণন্তরৰিভাৰনা সাভাৰিকৰিভাৰনাতি দুৰিধা হোতীতি অধিপ্পাযো. অঞ্ঞঞ্চ তং কারণঞ্চেতি চ, সস্স অত্তনো ভাৰোতি চ, তেন সম্ভূতমিতি চ, তস্স ভাৰোতি চ, ৰিভাৰীযতি অঞ্ঞকারণং সাভাৰিকত্তং ৰা এতায ৰিভাৰনায, এতিস্সং ৰিভাৰনাযন্তি চ ৰাতি ৰিগ্গহো.

অনঞ্জিতা’সিতং ¶ নেত্তং, অধরো রঞ্জিতা’রুণো;

সমানতা ভমু চা’যং, জিনা’নাৰঞ্ছিতা তৰ.

২৫০. উদাহরতি ‘‘অনঞ্জিত’’ইচ্চাদি. জিন তৰ নেত্তঞ্চ অনঞ্জিতং অঞ্জনসলাকায যৰতট্ঠীনমফুট্ঠমেৰ অসিতং কণ্হং, অধরো চ অনঞ্জিতোযেৰ লাখারাগাদিনা অরুণো রত্তো, অযং ভমু চ অনাৰঞ্ছিতা উস্সাহেন যেন কেনচি অনামিতা সমানা সমানতা সুট্ঠু আনতা, ততো সব্বং লোকিযং তৰেতি. এত্থ পসিদ্ধকারণমঞ্জনাদি, তন্নিৰত্তনেপি কারণন্তরমত্থাদিনাৰগম্যতে, তঞ্চ কম্মং, কারিযস্স অকারণত্তাযোগতোতি কারণন্তরৰিভাৰনা’যং.

২৫০. ইদানি উদাহরতি ‘‘অনঞ্জি’’চ্চাদিনা. হে জিন তৰ নেত্তং পকতিমধুরং নযনযুগল়ঞ্চ অনঞ্জিতং ৰিলোচনানং কণ্হত্তসাধনত্থং লোকপ্পসিদ্ধঅঞ্জনেহি অনঞ্জিতং সমানং অসিতং ভৰন্তরসিদ্ধেন কুসলকম্মেন নীলং হোতি, অধরো চ অরঞ্জিতো কেনচি রাগেন অরঞ্জিতো সমানো অরুণো রত্তোহোতি, অযং ভমু চ অনাৰঞ্ছিতা কেনচি ৰাযামেন অনামিতা সমানা সমানতা সুট্ঠু আনতা হোতীতি. এত্থ নযনঅধরভমূনং কণ্হরত্তকুটিলগুণসাধনে লোকপ্পসিদ্ধানি অঞ্জনানি কারণানি পটিসেধেত্ৰা নেত্তাদীনং অসিতাদিভাৰকথনেনেৰ কারণৰিনিমুত্তস্স কারিযস্স লোকে অৰিজ্জমানত্তা অত্থপ্পকরণাদিনা অসিতাদিভাৰস্স কারণং নাম পুব্বজাতিযং সিদ্ধকুসলকম্মমেৰাতি পতীযমানত্তা অযং কারণন্তরৰিভাৰনা নাম. ন অঞ্জিতন্তি চ, ন রঞ্জিতোতি চ, ন আৰঞ্ছিতোতি চ ৰাক্যং. নসদ্দো পসজ্জপটিসেধে ৰত্ততে. সং সম্মা আনতাতি ৰিগ্গহো.

২৫১. ‘‘ন হোতি’’চ্চাদি. দুজ্জনেহি সহ সঙ্গমে সমাগমে সত্যপি সাধুজন্তূনং সপ্পুরিসানং সভাৰেন তাদিসেন পযোগেন ৰিনাৰ নিম্মলতরে অতিসযেন নিম্মলে চেতসি দুজ্জন্যং সুজনেতরভাৰো ন হোতি তাদিসাতিসযসাধুত্তসমাযোগতোতি. ইহ কিঞ্চাপি সভাৰসদ্দেন সব্বথা হেতুনিৰত্তনং কতং, তথাপি যোনিসোমনসিকারাদিতথাৰিধনিমিত্তমত্থেৰ. তথাপি লোকো তমনপেক্খমানো, পসিদ্ধঞ্চ কারণং তাদিসমপস্সন্তো সাভাৰিকং ফলং ৰোহরতি, তদনুসারেন চ সাভাৰিকং ফলং ৰিভাব্যতেতি, অযং সাভাৰিকফলৰিভাৰনা.

২৫১. ‘‘ন হোতি’’চ্চাদি. দুজ্জনসঙ্গমে অপি দুজ্জনেহি সহ ৰাসে সতিপি সাধুজন্তূনং সভাৰনিম্মলতরে কিঞ্চি পযোগং ৰিনা পকতিযা এৰ অতিনিম্মলে চেতসি দুজ্জন্যং দুজ্জনগুণং খলু একন্তেন ন হোতীতি. ইহ চিত্তনিম্মলহেতুভূতানং যোনিসোমনসিকারাদীনং ৰিজ্জমানত্তেপি লোকেন তং কারণং অনপেক্খিত্ৰা অঞ্ঞম্পি পসিদ্ধকারণং চিত্তনিম্মলকারণমদিস্ৰা সভাৰসিদ্ধং নিম্মলন্তি ৰোহরিযমানত্তাতেনেৰ লোকৰোহারানুসারেন ‘‘সভাৰনিম্মলতরে’’তি সব্বাকারেন কারণং পটিসেধং কত্ৰা সভাৰসিদ্ধনিম্মলত্তসঙ্খাতফলস্স পকাসিতত্তা অযং সাভাৰিকফলৰিভাৰনা নাম. দুজ্জনানং ভাৰোতি চ, সস্স অত্তনো ভাৰোতি চ, তেন নিম্মলতরন্তি চ ৰাক্যং.

জনকো ¶ [কারকো (সী.)] ঞাপকো চেতি,

২৫২. হেতুং নিদ্দিসতি ‘‘জনকো’’ইচ্চাদিনা. জনকো ভাৰাভাৰরূপস্স নিব্বত্যাদিকারিযস্স কারকো ঞাপকো ৰিজ্জমানস্সেৰ কস্সচি সম্বন্ধতো কুতোচি পটিবোধকো চাতি হেতৰো দুৰিধা সিযুং. ননু কিমেত্থ অসনং [ভূসনং (?)], কেৰলং ‘‘অনেনেতং করীযতী’’তি সরূপকথনমত্ত, [ন তু (?)] ৰিসেসো তু ন [ন তু (?)] কোচি ৰিসেসরূপো ৰাচালঙ্কারোতি ৰিসেসং যোজযতি ‘‘পটী’’তিআদিনা. তেসং কারিযুপ্পাদযোগীনং হেতূনং পটিসঙ্খরণং উপব্রূহনং ৰিসিট্ঠভাৰেন পরিফুটং কত্ৰা যাথাৰতো কথনং অলঙ্কারতায বন্ধভূসনরূপেন উদিতং অভিহিতং ৰিসেসরূপত্তা, ন পনেতেনেতং করীযতীতি.

২৫২. ইদানি হেত্ৰালঙ্কারং দস্সেতি ‘‘জনকো’’চ্চাদিনা. জনকো চ কস্সচি ‘‘সত্তা অসত্তা’’তি ৰুত্তস্স ভাৰাভাৰসঙ্খাতকারিযস্স জনকহেতু চ ঞাপকো চ কস্সচি ৰিজ্জমানত্তং অঞ্ঞেন কেনচি সম্বন্ধেন অৰবোধেন্তো ঞাপকহেতু চাতি এৰং হেতৰো দুৰিধা সিযুং. ইহ ফলপকাসকহেতুম্হি ৰুচ্চমানে ‘‘ইমিনা হেতুনা ইদং ফলং জাত’’ন্তি সরূপকথনমত্তং ৰিনা ৰিসেসরূপালঙ্কারো ইধ নত্থীতি আসঙ্কিয অলঙ্কারসরূপৰিসেসো এসোতি দস্সেতুমপরদ্ধমাহ. তেসং ফলপকাসনখমানং হেতূনং পটিসঙ্খরণং ৰিসিট্ঠভাৰেন পকাসং কত্ৰা তত্ৰতো কথনং অলঙ্কারতায অলঙ্কারসভাৰেন উদিতং পসিদ্ধং হোতি, কৰীহি পত্থিতং ৰা হোতি. সালিঅঙ্কুরাদীনং সালিবীজাদযো ৰিয জন্যস্স অচ্চন্তোপকারকো জনকহেতু ¶ নাম, ৰিজ্জমানঅগ্গিআদীনং ধূমাদযো ৰিয কস্সচি ৰিজ্জমানত্তঞাপকো ঞাপকহেতু নাম. অলঙ্কারস্স ভাৰো অলঙ্কারতা. অলঙ্কারতযাতি ছন্দং নিস্সায মত্তাহানি.

২৫৩. উদাহরতি ‘‘ভাৰ’’ইচ্চাদি. ভাৰো সত্তা চ, অভাৰো অসত্তা চ, তেযেৰ কিচ্চানি তেসং ৰসেন চ, চিত্তা পসিদ্ধহেতুৰিপরীতা অচ্ছরিযারহা হেতৰো তেসং ৰসেনাপি চ ভেদা হেতুৰিকপ্পা অনন্তা অনৰৰিযো [অনৰধযো (?)], যতো এৰং তস্মা তেসং হেতূনং ইদং মুখমত্তনিদস্সনং, তস্মা তম্মুখেন সক্কা হেতুৰিসেসে পৰিসিতুন্তি.

২৫৩. ‘‘ভাৰা’’ইচ্চাদি. ভাৰাভাৰকিচ্চৰসা ভাৰঅভাৰসঙ্খতসত্তাঅসত্তাক্রিযাৰসেন চ, চিত্তহেতুৰসাপি চ পসিদ্ধহেতুনো ৰিরুদ্ধেন অচ্ছরিযহেতূনং পভেদেন চ, ভেদা হেতুৰিসেসা অনন্তা যস্মা অপরিযন্তা হোন্তি, তস্মা ইদং ৰক্খমানং তেসং হেতূনং মুখমত্তনিদস্সনং অৰসেসহেতূনং ওগাহণদ্ৰারমত্তস্স নিদস্সনং হোতি. ভাৰো চ অভাৰো চাতি চ, তেযেৰ কিচ্চানীতি চ, তেসং ৰসো ভেদোতি চ, চিত্তা ৰিচিত্তা চ তে হেতৰো চাতি চ, তেসং ৰসোতি চ, মুখমেৰ মুখমত্তং, মুখঞ্চ তং ৰা মত্তং সামঞ্ঞঞ্চেতি চ, তস্স নিদস্সনমিতি চ ৰাক্যং. মত্তসদ্দো অৰধারণে সামঞ্ঞে ৰা ৰত্ততে.

২৫৪. উদাহরতি ‘‘পরমত্থ’’ইচ্চাদি. পরমত্থসভাৰস্স নামরূপাদিনো পকাসোযেৰ একরসো অসহাযকিচ্চং যস্সা সা তাদিসী. সব্বেসং মনো হরতীতি সব্বমনোহরা মুনিনো অযং দেসনা মে মানসং চিত্তং কামমেকন্তেন তোসেতীতি অযং ভাৰকিচ্চো কারকহেতু সন্তোসসত্তায কারণতো.

২৫৪. ইদানি উদাহরতি ‘‘পরমত্থ’’ইচ্চাদিনা. পরমত্থপকাসেকরসা নামরূপখন্ধআযতনাদিউত্তমত্থানং পকাসনসঙ্খাত অসহাযকিচ্চৰতী সব্বমনোহরা ৰোহারানুরূপেন ৰিসযভাৰূপগমনেন সব্বেসং মনোহরা মুনিনো অযং দেসনা মে ময্হং মানসং কামং একন্তেন তোসেতীতি. বুদ্ধস্স ধম্মদেসনা পুব্বে অৰিজ্জমানস্স সন্তোসস্স সত্তাসঙ্খাতসমুপ্পাদং করোতীতি কারকহেতু নাম হোতি. সা চ দেসনা ‘‘মানসং তোসেতী’’তি এত্তকেন অদস্সেত্ৰা ‘‘পরমত্থপকাসেকরসা’’তি সৰিসেসনং কত্ৰা ৰুত্তত্তা অলঙ্কারোতি অভিমতা. একো চ সো রসো চেতি চ, পরমত্থপকাসোযেৰ একরসো এককিচ্চমস্সেতি চ ৰিগ্গহো. ভাৰকিচ্চো ভাৰসঙ্খাতং সত্তাকিচ্চং কত্ৰা পৰত্তো কারকহেতু জনকহেতু.

ধীরেহি সহ সংৰাসা, সদ্ধম্মস্সা’ভিযোগতো;

নিগ্গহেনি’ন্দ্রিযানঞ্চ, দুক্খস্সু’পসমো সিযা.

২৫৫. ‘‘ধীরেহি’’চ্চাদি. ¶ ধীরেহি সপ্পঞ্ঞেহি সহ সংৰাসা সংসগ্গেন চ, সদ্ধম্মস্স সম্বুদ্ধদেসিতস্স অভিযোগতো অভ্যাসেন চ, ইন্দ্রিযানং চক্খাদীনং নিগ্গহেন ৰিসযপ্পৰত্তিনিরোধরূপেন ৰিজযেন চ হেতুনা দুক্খস্স পঞ্চক্খন্ধসঙ্খতস্স অনুপ্পাদনিরোধসঙ্খাতো উপসমো সিযা ভৰেয্যাতি অযং অভাৰকিচ্চো কারকহেতু অনুপ্পাদনিরোধসঙ্খাতস্স অভাৰস্স কারণতো.

২৫৫. ‘‘ধীরেহি’’চ্চাদি. ধীরেহি সহ সংৰাসা সমগ্গৰাসেন চ, সদ্ধম্মস্স বুদ্ধদেসিতস্স অভিযোগতো নিরন্তরাভ্যাসেন চ, ইন্দ্রিযানং চক্খুআদীনং নিগ্গহেন রূপাদিআরম্মণেসু সুভাদিগ্গহণস্স নিৰারণেন চাতি ইমেহি কারণেহি দুক্খস্স খন্ধাযতনাদিকস্স উপসমো অনুপ্পাদনিরোধো খন্ধপরিনিব্বানং ৰা সিযাতি. অভিণ্হসো যোগোতি ৰিগ্গহো. অভাৰকিচ্চো দুক্খস্স উপসমসঙ্খাতং অসত্তাকিচ্চং কত্ৰা পৰত্তো কারকহেতু অৰিজ্জমানসঙ্খাতায অসত্তায উপ্পাদনতো জনকহেতু নাম. অভাৰো কিচ্চমস্সেতি চ, কারকো চ সো হেতু চাতি চ ৰাক্যং. ভাৰকিচ্চোপি ৰুত্তব্যতিরেকতো ঞাযতি.

মুনিন্দ চন্দসংৰাদি-কন্তভাৰোপসোভিনা;

মুখেনেৰ সুবোধং তে, মনং পাপাভিনিস্সটং.

২৫৬. ‘‘মুনিন্দি’’চ্চাদি. মুনিন্দেতি আমন্তনং. তে তৰ চন্দসংৰাদিনা চন্দসদিসেন কন্তভাৰেন উপসোভিনা সোভমানেন মুখেনেৰ পাপেহি রাগাদীহি অভিনিস্সটং ব্যপগতং মনং চিত্তং সুবোধং সুট্ঠু ৰিঞ্ঞাযতীতি অযং ভাৰকিচ্চো ঞাপকহেতু অৰবোধসত্তায ঞাপনতো.

২৫৬. ‘‘মুনিন্দ’’ইচ্চাদি. হে মুনিন্দ তে তৰ চন্দসংৰাদিকন্তভাৰোপসোভিনা চন্দকন্তভাৰসদিসেন কন্তভাৰেন সোভমানেন মুখেন মনং তুয্হং চিত্তং পাপাভিনিস্সটং রাগাদীহি কিলেসেহি নিক্খন্তন্তি সুবোধং সুট্ঠু ৰিঞ্ঞাযতীতি. ইহ মুখং মনকন্তভাৰসম্বন্ধেন সমন্নাগতং সযং ৰিজ্জমানমেৰ কিলেসাপগমস্স অৰবোধসত্তং ঞাপেতীতি ভাৰকিচ্চো ঞাপকহেতু নাম জাতো. চন্দেন অভেদোপচারতো চন্দলাৰণ্যেন সংৰাদী সদিসোতি চ, সো চ সো কন্তভাৰো চেতি চ, তেন উপসোভিতোতি চ, পাপেহি অভিনিস্সটন্তি চ ৰাক্যং.

সাধুহত্থারৰিন্দানি, সঙ্কোচযতিতে কথং;

মুনিন্দ চরণদ্ৰন্দ-রাগবালাতপো ফুসং.

২৫৭. ‘‘সাধু’’ইচ্চাদি. মুনিন্দ তে চরণানং দ্ৰন্দস্স রাগো বালো চ সো আতপো চেতি রাগবালাতপো তরুণকিরণসমূহো লোহিতত্তাদিনা সাধূনং হত্থারৰিন্দানি কন্তাদিনা ফুসং ৰিসারিত্তেনা’মসন্তো কথং সঙ্কোচযতি মকুলযতি, অঞ্জলিপণামবন্ধেন অযুত্তমেতং. বালাতপো হি পদুমানমুম্মীলনহেতু, অযং তু অপুব্বো বালাতপো যো পদুমানি নিমীলেতীতি অনুচিতকারিযকারণা অযুত্তকারী চিত্তহেতু, এৰংৰিধো ৰিঞ্ঞেয্যো ভাৰকিচ্চত্তেপীতি.

২৫৭. ‘‘সাধু’’ইচ্চাদি. হে মুনিন্দ তে তৰ চরণদ্ৰন্দরাগবালাতপো পাদযুগল়স্স অরুণৰণ্ণসঙ্খতঅভিনৰসূরিযকিরণো সাধুহত্থারৰিন্দানি সুজনানং করপদুমানি ফুসং অত্তনো সব্বব্যাপিত্তা ফুসন্তো কথং সঙ্কোচযতি করসম্পুটরূপেন মকুলযতীতি. বালাতপো নাম পদুমৰিকসনং ৰিনা সঙ্কোচনং ন করোতি, এসো আতপো অচ্ছরিযো ৰিচিত্তোতি গম্যমানত্তা অযুত্তসঙ্কোচসত্তাকরণতো অযং অযুত্তকারী চিত্তহেতু ¶ নাম. অযুত্তং করোতীতি চ, চিত্তঞ্চ তং হেতু চাতি চ ৰাক্যং.

সঙ্কোচযন্তি জন্তূনং, পাণিপঙ্কেরুহানি’হ;

মুনিন্দচরণদ্ৰন্দ-নখচন্দান’মংসৰো.

২৫৮. ‘‘সঙ্কোচযন্তি’’চ্চাদি. মুনিন্দস্স পাদানং দ্ৰন্দে নখা এৰ চন্দা কন্তাদিনা তেসং অংসৰো কিরণা ইহ লোকে জন্তূনং সত্তানং পাণযো এৰ পঙ্কেরুহানি কন্তাদিনা সঙ্কোচযন্তি পণামকরণসম্পুটরূপেন মিলীযন্তীতি [মিলাযযন্তীতি (?)] যুত্তকারী চিত্তহেতু চন্দতো পঙ্কজসঙ্কোচস্স উচিতত্তা. ৰুত্তনযেপীতি.

২৫৮. ‘‘সঙ্কো’’ইচ্চাদি. মুনিন্দচরণদ্ৰন্দনখচন্দানং সম্বুদ্ধস্স পাদদ্ৰন্দে নখাৰলিসঙ্খাতানং চন্দানং অংসৰো রংসযো ইহ লোকে জন্তূনং পাণিপঙ্কেরুহানি সঙ্কোচযন্তি করসম্পুটাকারেন সঙ্কোচযন্তি মকুলং করোন্তীতি. চন্দকিরণেহি কত্তব্বায এৰ পদুমসঙ্কোচসত্তায কতত্তা চ, পকতিচন্দকিরণকত্তব্বকিচ্চস্স চন্দমরীচিসমানঅঞ্ঞাদিট্ঠপুব্বৰিচিত্রঅংসূহি কতত্তা চ অযং যুত্তকারী চিত্তহেতু নাম. পাণযো চ তে পঙ্কেরুহানি চেতি চ, মুনিন্দস্স চরণদ্ৰন্দমিতি চ, তস্মিং নখানীতি চ, তেৰ চন্দাতি চ ৰাক্যং.

উদ্দিট্ঠানং পদত্থানং, অনুদ্দেসো [অনুদেসো (?)] যথাক্কমং;

সঙ্খ্যান’মিতি নিদ্দিট্ঠং, যথাসঙ্খ্যং কমোপি চ.

২৫৯. কমং ৰিৰরিতুমুপক্কমতি ‘‘উদ্দিট্ঠান’’মিচ্চাদি. উদ্দিট্ঠানং পুব্বে ৰুত্তানং পদত্থানং ৰত্থূনং কেসঞ্চি যথাক্কমং উদ্দেসক্কমানতিক্কমেন ¶ অনুদ্দেসো পুন অত্থন্তরনিদ্দেসনযেন অনুকথনং [কথনং (?)] ‘‘সঙ্খ্যান’’মিত্যপি চ, ‘‘যথাসঙ্খ্য’’মিত্যপি চ নিদ্দিট্ঠং ৰুত্তং. ৰিধেয্যত্তা তেসং পধানত্তমিতি তদপেক্খায নপুংসকত্তং, অনুৰদিতব্বত্তানুদ্দেসস্সাপ্পধানত্তমিতি ন পুল্লিঙ্গপরিগ্গহো. ‘‘কমো’’ইচ্চপি নিদ্দিট্ঠোতি লিঙ্গৰিপরিণামো.

২৫৯. ইদানি কমালঙ্কারং উদ্দিসতি ‘‘উদ্দিট্ঠান’’মিচ্চাদিনা. উদ্দিট্ঠানং পঠমকথিতানং পদত্থানং যথাক্কমং উদ্দিট্ঠক্কমমনতিক্কম্ম অনুদ্দেসো অত্থন্তরং নিস্সায পুনকথনং ‘‘সঙ্খ্যান’’মিতি চ, ‘‘যথাসঙ্খ্য’’মিতি চ নিদ্দিট্ঠং, কমোপি চ নিদ্দিট্ঠো. এত্থ পসিদ্ধং অনুদ্দেসং পুব্বদ্ধেন অনুৰদিত্ৰা অপ্পসিদ্ধং কমম্পি কমপরিযাযং সঙ্খ্যানযথাসঙ্খ্যদ্ৰযম্পি অপরদ্ধেন ৰিদধাতি. এত্থ ৰিধাতব্বং দস্সেতুং অনুৰাদস্স আহরিযমানত্তা অনুৰাদো অপ্পধানো, ৰিধাতব্বো পধানো. যঞ্হি ৰিধাতব্বং, তং পধানং, ইতরমপ্পধানন্তি ইমিনা কারণেন ৰুচ্চতি. তস্মা ‘‘নিদ্দিট্ঠ’’ন্তি ‘‘সঙ্খ্যানং, যথাসঙ্খ্য’’ন্তি দ্ৰযং অপেক্খায (তস্স অপ্পধানত্তা) [ইদং পদদ্ৰযং সীহল়ব্যাখ্যাযং ন দিস্সতি] নপুংসকং হোতি. ‘‘কমো’’তি অপেক্খায ‘‘নিদ্দিট্ঠো’’তি পুল্লিঙ্গো হোতি. অপ্পধানো অনুদ্দেসোতি নাপেক্খতি. কমমনতিক্কম্মাতি চ, সঙ্খ্যায অনভিক্কমোতি চ ৰাক্যং.

আলাপহাসলীলাহি, মুনিন্দ ৰিজযা তৰ;

কোকিলা কুমুদানি চো-পসেৰন্তে ৰনং জলং.

২৬০. তমুদাহরতি ‘‘আলাপি’’চ্চাদিনা. মুনিন্দ তৰ আলাপহাসা চ তেসং লীলাহি, উদ্দেসোযং. ৰিজযা কোকিলকুমুদানং পরাভৰেন কোকিলা করৰীকা কুমুদানি চ, যথোদ্দেসমনুদ্দেসোযং ৰুত্তাপেক্খায. ৰক্খমানাপেক্খায তু অযম্পি উদ্দেসোৰ, ‘‘কোকিলা ৰনং, কুমুদানি জল’’মিতি যথোদ্দেসমনুদ্দেসোযং. উপসেৰন্তে ইৰ নিস্সযন্তি মঞ্ঞে. ইতি ৰত্থুতো এৰ সম্ভৰো ইৰেতি ¶ পরিকপ্পতে. যজ্জেৰং পরিকপ্পনায কথং যথাসঙ্খ্যন্তি চে? অত্রোচ্চতে – যত্থালঙ্কারন্তরমপি পতীযতে. তত্থুদ্দেসানুরূপানুদ্দেসসম্ভৰে সঙ্খ্যানমেৰালঙ্কারো ৰোহরীযতে তস্সেৰ মুখ্যতো ৰত্তুমিচ্ছিতত্তা. যত্থালঙ্কারন্তরং ন গম্যতে, তত্থ অচ্চন্তমেৰ কমোতি ৰিঞ্ঞেয্যং.

২৬০. উদাহরতি ‘‘আলাপি’’চ্চাদিনা. হে মুনিন্দ তে তৰ আলাপহাসলীলাহি মধুরসরলীলাহি সদ্ধিং মন্দহসিতলীলাহি সঞ্জাতা ৰিজযা জযহেতু কোকিলা করৰীকা চ কুমুদানি কেরৰানি চ ৰনং জলঞ্চ কমেন উপসেৰন্তে ইৰ নিস্সযং করোন্তীতি মঞ্ঞেতি. এত্থ ‘‘আলাপহাসলীলাহী’’তি উদ্দেসো, ‘‘কোকিলা কুমুদানী’’তি ৰুত্তাপেক্খায অনুদ্দেসো, ‘‘ৰনং জল’’ন্তি ৰক্খমানাপেক্খায উদ্দেসোৰ হোতি, তত্ৰতো ঈদিসৰিজযেন কোকিলাদীনং ৰনাদিনিস্সযকারণাভাৰতো ইৰসদ্দপযোগেন নিদ্দিট্ঠো. এৰং সতি অযং পরিকপ্পনা ন ভৰতি. কস্মা? নানালঙ্কারসন্নিপাতে সতি যো যো অলঙ্কারো ৰত্তুনা ইচ্ছিতো, তস্সেৰ মুখ্যতো ৰোহরীযমানত্তা. এৰং পরিকপ্পনালঙ্কারসংসগ্গে সতিপি উদ্দেসক্কমেন দস্সিতস্স অনুদ্দেসস্স মুখ্যত্তা অযং কমালঙ্কারো নাম. ঈদিসঞ্ঞম্পি এৰমেৰ দট্ঠব্বং. আলাপো চ হাসো চেতি চ, তেসং লীলাযোতি চ ৰিগ্গহো.

সিযা পিযতরং নাম, অত্থরূপস্স কস্সচি;

পিযস্সা’তিসযেনে’কং, যং হোতি পটিপাদনং.

২৬১. পিযতরমাহরতি ‘‘সিযা’’ইচ্চাদিনা. অতিসযেন পিযস্স কস্সচি অত্থরূপস্স অভিধেয্যসভাৰস্স যং পটিপাদনমাখ্যানং হোতি, এতং পিযতরং নাম সিযা.

২৬১. ইদানি ¶ পিযতরালঙ্কারং দস্সেতি ‘‘সিযা’’ইচ্চাদিনা, অতিসযেন পিযস্স কস্সচি অত্থরূপস্স অভিধেয্যসভাৰস্স যং পটিপাদনং কথনং হোতি, এতং পটিপাদনং পিযতরং নাম পিযতরালঙ্কারো নাম হোতি. অতিসযেন পিযন্তি চ, অত্থো এৰ রূপং সভাৰোতি চ ৰাক্যং.

পীতি যা মে সমুপ্পন্না, সন্ত সন্দস্সনা তৰ;

কালেনা’যং ভৰে পীতি, তৰেৰ পুন দস্সনা.

২৬২. উদাহরতি ‘‘পীতি’’চ্চাদি. সন্ত সপ্পুরিস মহামুনি তৰ সন্দস্সনা চক্খুপথাপাথমত্তেন মধুরকথাসৰনা যা পীতি মে মম সমুপ্পন্না, অযং পীতি কালেন ঈদিসেন সুখেন [সুখণনে (?)] তৰেৰ নাঞ্ঞস্স কস্সচি, কো হি নামোঞ্ঞো তৰাদিসোতি, পুন দস্সনা ভৰেয্যাতি.

২৬২. ‘‘পীতি’’চ্চাদি. হে সন্ত সপ্পুরিস তথাগত তৰ সন্দস্সনা মম নেত্তে আপাথগমনতো যা পীতি মে সমুপ্পন্না, অযং পীতি কালেন ঈদিসক্খণেন তযা সদিসস্স অঞ্ঞস্সাভাৰা তৰেৰ পুন দস্সনা দস্সনতো ভৰেতি. এত্থ পীতিযা’তিসযহেতুভূতং অতিইট্ঠারম্মণঞ্চ দস্সনে অতিগেধঞ্চ পকাসনেন অতিপীতীতি পদত্থং [অতিপিযং পীভিপদত্থং (ক.)], পকাসিতং হোতি. ‘‘অযং পীতি ভৰে’’তি পুব্বকালে উপ্পন্নপীতিযা পুনাসম্ভৰতো তংসদিসাযেৰ পীতি গহিতা যথা ‘‘সোযেৰ ৰট্টকো [ৰদ্ধকো (সী. ব্যাখ্যাযং)], তানিযেৰ ওসধানী’’তি.

ৰণ্ণিতেনো’পমানেন, ৰুত্যা’ধিপ্পেতৰত্থুনো;

সমাসৰুত্তি নামা’যং, অত্থসঙ্খেপরূপতো.

২৬৩. সমাসৰুত্তিংৰত্তুমাহ ‘‘ৰণ্ণিতেনি’’চ্চাদি. ৰণ্ণিতেন পসংসিতেন উপমানেন অধিপ্পেতস্স মনসি নিহিতস্স ৰত্থুনো অত্থস্স ৰুত্যা কথনেন অযং ৰুত্তলক্খণা সমাসৰুত্তি নাম. কস্মা? অত্থস্স ৰত্তুমিচ্ছিতস্স সঙ্খেপো সঙ্খিপিত্ৰা ¶ কথনং রূপং সভাৰো, তস্মা ততোযমন্ৰত্থসঞ্ঞা সঙ্খেপৰুত্তি সমাসৰুত্তীতি কত্ৰা. কস্মা? অযং গুণীভূতা সকত্থা অত্থন্তরং ৰিদধাতি, ন তু সকত্থপধানা.

২৬৩. ইদানি সমাসৰুত্তিং নিদ্দিসতি ‘‘ৰণ্ণিতে’’চ্চাদিনা. ৰণ্ণিতেন পসংসিতেন উপমানেন উপমানৰত্থুনা করণভূতেন অধিপ্পেতৰত্থুনো ইচ্ছিতত্থস্স ৰুত্যা কথনেন অত্থসঙ্খেপরূপতো ৰত্তুমিচ্ছিতত্থস্স সঙ্গহরূপত্তা অযং যথাৰুত্তলক্খণা সমাসৰুত্তি নাম হোতি. এত্থ ৰত্তুমিচ্ছিতত্থং সঙ্গহেত্ৰা মনসি কত্ৰা তস্স উপমাভূতত্থস্স ৰণ্ণনায মনসি কতস্স পকাসনতো অযং সমাসৰুত্তি নাম. এতিস্সা পদাভিহিতো সকত্থো অপ্পধানো, গম্মমানত্থো পন পধানো হোতি. অধিপ্পেতঞ্চ তং ৰত্থু চেতি চ, সমাসেন সঙ্খেপেন ৰুত্তি কথনমিতি চ, সঙ্খেপোযেৰ রূপং সরূপন্তি চ, অত্থস্স সঙ্খেপরূপন্তি চ ৰিগ্গহো.

সা’যং ৰিসেস্যমত্তেন, ভিন্না’ভিন্নৰিসেসনা;

অত্থেৰ অপরাপ্য’ত্থি, ভিন্নাভিন্নৰিসেসনা.

২৬৪. তস্সা পভেদং দস্সেতি ‘‘সায’’মিচ্চাদিনা. সা অযং সমাসৰুত্তি যংকিঞ্চি ৰত্থু সামঞ্ঞাকারপ্পতীতং ‘‘ঈদিসমিদং নাঞ্ঞথা’’তি কুতোচি ব্যৰচ্ছিজ্জতে কেনচি গুণাদিনা ৰৰত্থাপীযতে, তং ৰিসেস্যং, তমেৰ মত্তং ৰিসেসনভেদব্যৰচ্ছেদতো, তেন. ভিন্না অতুল্যা অৰযৰধম্মস্স সমুদাযে ৰত্তনতো. অভিন্নং তুল্যাকারং ৰিসেসনং যস্সং সা অভিন্নৰিসেসনাপি অত্থেৰ. অপরাপ্যত্থি, ন কেৰলং সাযেৰ. কীদিসী? ভিন্নঞ্চ অভিন্নঞ্চ ৰিসেসনং যস্সন্তি ভিন্নাভিন্নৰিসেসনা. ৰিসেস্যং তু ভিন্নন্তি.

২৬৪. ইদানি তস্সা সমাসৰুত্তিযা ভেদং দস্সেতি ‘‘সায’’মিচ্চাদিনা. সা অযং সমাসৰুত্তি ৰিসেস্যমত্তেন গুণাদিসদিসধম্মেন ¶ করণভূতেন কেনচি উপমানৰত্থুনা মনসি কতং ‘‘ইদং উপমেয্যৰত্থু ঈদিস’’ন্তি সামঞ্ঞাৰত্থতো ৰিসুং কতৰিসেস্যেন ভিন্না ৰিসুং জাতা, তত্তকেন অতুল্যা ৰা, অভিন্নৰিসেসনা তুল্যৰিসেসনযুত্তা অত্থেৰ ভিন্নাভিন্নৰিসেসনা অতুল্যতুল্যৰিসেসনযুত্তা ভিন্নৰিসেস্যযুত্তা অপরাপি অত্থি. এৰং সমাসৰুত্তি দ্ৰিধা হোতি. ৰিসেস্যমেৰ মত্তমিতি চ, অৰযৰেন সম্ভৰভেদসভাৰস্স সমুদাযেপি পৰত্তত্তা ভিন্নাতি ৰুত্তা. অভিন্নানি ৰিসেসনানি যস্সমিতি চ, ভিন্নানি চ অভিন্নানি চেতি চ, তানি ৰিসেসনানি যস্সমিতি চ ৰিগ্গহো.

পুঞ্ঞেনা’পাদিতো [পুঞ্ঞেনাসাদিতো (সী.)] মযা.

২৬৫. উভযমুদাহরতি ‘‘ৰিসুদ্ধ’’ইচ্চাদিনা. অযমম্ভোধি সাগরো পুঞ্ঞেন চিরানুচিতকুসলমূলেন হেতুনা মযা আপাদিতো পত্তো, কীদিসো? ৰিসুদ্ধং লোকৰোহারতো দেৰাসুরানং মথনে ৰিসেনাসম্মিস্সত্তা অমতং পীযূসং সন্দদাতীতি ৰিসুদ্ধামতসন্দাযী, অম্ভোধি. ৰিসুদ্ধং দোসলেসেনাপ্যসম্ফুট্ঠত্তা অচ্চন্তনিম্মলং অমতং মরণাভাৰেন অমতসঙ্খাতং নিব্বানধাতুং সন্দদাতি উপদেসকভাৰেনাতি ৰিসুদ্ধামতসন্দাযী, সদ্ধম্মো. পসত্থানি নিরৰজ্জত্তা রতনানি মুত্তামণিআদীনি, তেসং আলযো পৰত্তিট্ঠানং, অম্ভোধি. পসত্থানি বুদ্ধাদীহি অনেকধা, ৰণ্ণিতানি রতনানি সত্ততিংসবোধিপক্খিযধম্মসঙ্খতানি, তেসং আলযো, সদ্ধম্মো. গম্ভীরো চ অগাধত্তা সাগরো ¶ সদ্ধম্মো চ অযমাপাদিতোতি পকতং. অযং ৰিসেস্যমত্তভিন্না অভিন্নৰিসেসনা ৰিসেস্যস্স অম্ভোধিনো ৰিৰচ্ছিতা সদ্ধম্মা ভিন্নত্তা, ৰিসুদ্ধামতসন্দাযিত্তাদিনো চ ৰিসেসনস্স ৰুত্তেন পকারেনাভিন্নত্তাতি.

২৬৫. ইদানি উদাহরতি ‘‘ৰিসুদ্ধা’’ইচ্চাদিনা. ৰিসুদ্ধামতসন্দাযী লোকৰোহারতো দেৰাসুরানং সমুদ্দমথনে ৰিসেন অমিস্সত্তা ৰিসুদ্ধভূতপীযূসদাযকো, উপমাভূতসমুদ্দৰণ্ণনায বুদ্ধিযং ৰত্তমানস্স সদ্ধম্মস্স পকাসনতো ৰিসুদ্ধামতসন্দাযী কামামিসাদিদোসলৰেনাপি অমিস্সিতত্তা অতিনিম্মলং জরামরণরহিতং নিব্বানং উপদেসদানেন ৰেনেয্যানং দাযকো, পসত্থরতনালযো নিদ্দোসত্তা পসত্থানং মুত্তামণিআদীনং রতনানং পৰত্তিট্ঠানভূতো সমুদ্দপক্খে, সদ্ধম্মপক্খে পন পসত্থরতনালযো বুদ্ধাদীহি পসত্থানং সত্ততিংসবোধিপক্খিযধম্মসঙ্খতরতনানং পৰত্তিদেসভূতো, গম্ভীরো পকতিযাযেৰ অগাধো, একত্তনযাদিচতুব্বিধনযেহি গম্ভীরো অযং অম্ভোধি চ এসো সমুদ্দো চ, চিত্তেন গহিতসদ্ধম্মো চ পুঞ্ঞেন ভৰন্তরোপচিতকুসলকম্মেন মযা আপাদিতো পত্তোতি ৰিসেস্যভূতস্স অম্ভোধিনো ৰত্তুমিচ্ছিতসদ্ধম্মতো ভিন্নত্তা চ, ‘‘ৰিসুদ্ধামতসন্দাযী’’তি ইচ্চাদিকানং ৰিসেসনানং উভযৰিসেস্যেপি যথাৰুত্তনযেন অভিন্নত্তা চ অযং সমাসৰুত্তি ৰিসেস্যমত্তেন ভিন্না অভিন্নৰিসেসনা হোতি.

২৬৬. ‘‘ইচ্ছিতে’’চ্চাদি. ¶ অযমপুব্বোৰ ৰুত্তগুণযোগেন অচ্ছরিযরূপত্তা কপ্পরুক্খো সমুট্ঠিতো, কীদিসো? ইচ্ছিতং লোকিযং যং কিঞ্চি অত্থং পদদাতীতি ইচ্ছিতত্থপদো, কপ্পরুক্খো. ইচ্ছিতং লোকিযলোকুত্তরং যং কিঞ্চি অত্থং পদদাতীতি ইচ্ছিতত্থপদো, জিনো. সারো সেট্ঠো, কপ্পরুক্খো জিনো চ. ফলানি পুপ্ফানি, তেহি উপসোভিতো, কপ্পরুক্খো. সহ ছাযায চন্দসূরিযালোকৰিলোমরূপায ৰত্ততে সচ্ছাযো, কপ্পরুক্খো. জিনো তু পুব্বে ৰুত্তায কাযকন্তাদিরূপায ছাযায যুত্তোতি সচ্ছাযোতি. অযং ৰিসেস্যমত্তভিন্না ভিন্নাভিন্নৰিসেসনা জিনতো ৰিসেস্যস্স কপ্পরুক্খস্স ভিন্নত্তা, ফলপুপ্ফোপসোভিতত্থস্স কপ্পরুক্খেযেৰ সম্ভৰা, ইচ্ছিতত্থপদত্থস্স সারতায সচ্ছাযতায উভযত্থেৰ ভাৰতো ৰুত্তৰিধিনাতি.

২৬৬. ‘‘ইচ্ছিতত্থি’’চ্চাদি. ইচ্ছিতত্থপদো সত্তেহি ইচ্ছিতানং লোকিযঅৰিঞ্ঞাণকৰত্থাভরণাদীনং দাযকো কপ্পরুক্খৰণ্ণনায চিত্তে পতিট্ঠিতস্স জিনপদত্থস্স কথেতুকামতায ইচ্ছিতত্থপদো সত্তেহি পত্থিতানং লোকিযলোকুত্তরানং সকলত্থানং অনুরূপৰসেন তেসং তেসং সত্তানং দাযকো, সারো রুক্খেসু ঈদিসরুক্খস্সাভাৰতো উত্তমো, সারো সদেৰকাদিসত্তলোকেসু তাদিসসত্তৰিসেসাভাৰতো উত্তমো, ফলপুপ্ফোপসোভিতো কপ্পদ্দুমানুরূপফলেহি পুপ্ফেহি চ উপসোভিতো, সচ্ছাযো চন্দসূরিযালোকেহি আৰরণীযরুক্খচ্ছাযায সমন্নাগতো, সচ্ছাযো নীলপীতাদিছব্বিধরংসিজালেহি সমন্নাগতো, অপুব্বো পুব্বে অসঞ্জাতো অযং কপ্পরুক্খো এসো পচ্চক্খো কপ্পপাদপো সমুট্ঠিতো সত্তানং পুঞ্ঞানুভাৰেন লোকে পাতুভূতোতি. ৰত্তুমিচ্ছিতত্থজিনপদত্থতো ৰিসেস্যস্স কপ্পরুক্খস্স ¶ ভিন্নত্তা চ, ইচ্ছিতত্থদানসারভাৰসচ্ছাযসঙ্খতানং ৰিসেসনানং উভযসাধারণত্তা চ, ফলপুপ্ফোপসোভিততায রুক্খস্সেৰ ৰিসেসনত্তা চ অযং সমাসৰুত্তি ৰিসেস্যভিন্নাৰ ভিন্নাভিন্নৰিসেসনা হোতি. ইচ্ছিতো চ সো অত্থো চেতি চ, তং পদদাতীতি চ, ফলপুপ্ফেহি উপসোভিতোতি চ, সহ ছাযায ৰত্তমানোতি চ ৰাক্যং.

২৬৭. তদুভযং ৰিৰরতি ‘‘সাগরত্তেনি’’চ্চাদিনা. সদ্ধম্মো সম্বুদ্ধভাসিতো সাগরত্তেন সাগরগুণসদিসত্তা সাগররূপেন উদিতোতি সম্বন্ধো, কিত্তিতোতি অত্থো. জিনো রুক্খত্তেন যথাৰুত্তনযেন উদিতো তং পত্তো অনুপেক্খিতস্স কক্খৰুত্তিযা অম্ভোধিআদিসদ্দানং. পকরণাদিনা তু তথা পতীত্যুদযো, অঞ্ঞথা কথং অম্ভোধিআদিসদ্দানং ধম্মাদিসচ্ছাযকত্তং সিযা. ভেদো তু অযং পুব্বত্র ‘‘ৰিসুদ্ধামতসন্দাযি’’চ্চাদিকে সব্বে যে কেচি তত্রোপাত্তা ৰিসুদ্ধামতসন্দাযিত্তাদযো সাধারণা তুল্যা ধম্মা ৰিসেসনানি উভযত্রাপি সম্ভৰা, অঞ্ঞত্র তু অনন্তরৰুত্ত ‘‘ইচ্ছিতত্থপদো’’ইচ্চাদো পন তযং সাধারণং [দ্ৰযং সাধারণঞ্চ (ক.)], অসাধারণঞ্চ ৰিসেসনং ৰুত্তনযেনেতি.

২৬৭. ইদানি তেহি দ্ৰীহি সমাসৰুত্তেহি ৰুত্তত্থদ্ৰযং পকাসেতি ‘‘সাগরি’’চ্চাদিনা. সাগরত্তেন সাগররূপেন সদ্ধম্মো সম্মাসম্বুদ্ধেন দেসিতপরিযত্তিসদ্ধম্মো উদিতো কথিতো, রুক্খত্তেন জিনো উদিতো. সাগরকপ্পরুক্খাদিসদ্দা অত্তনো অভিধেয্যভূতসাগররুক্খাদিকে অত্থে মুখ্যভাৰেন ¶ অপৰত্তিত্ৰা বুদ্ধিযং পৰত্তঅত্থস্সাপি সাধারণভূতৰিসেসনপরিগ্গহেন গম্মমানে ৰত্তুমিচ্ছিতসদ্ধম্মজিনপদত্থেযেৰ পকরণাদিতো তাদিসঅত্থপ্পতীতিযাসম্ভৰতো মুখ্যভাৰেন পৰত্তন্তীতি অধিপ্পাযো. তথা হি যদি এতে মুখ্যত্থেন ন পৰত্তন্তি, অম্ভোধিকপ্পরুক্খসদ্দা সদ্ধম্মজিনপদত্থে কথং পকাসেন্তীতি তেসু দ্ৰীসু উদাহরণেসু পুব্বত্র ‘‘ৰিসুদ্ধামতসন্দাযী’’ইচ্চাদিপুব্বুদাহরণে সব্বে ধম্মা ‘‘ৰিসুদ্ধামতসন্দাযী’’তি সব্বে ৰিসেসনধম্মা সাধারণা অম্ভোধিসদ্ধম্মানং সমানা, অঞ্ঞত্র তু ‘‘ইচ্ছিতত্থপদো’’তিআদিকে অঞ্ঞস্মিং উদাহরণে পন তযং ‘‘ইচ্ছিতত্থপদো, সারো, সচ্ছাযো’’তি ৰিসেসনত্তযং সাধারণং. ফলপুপ্ফোপসোভিতভাৰো পন রুক্খাৰেণিকো, ‘‘অপুব্বো’’ইচ্চাদিকং ৰিসেসনমেৰ. তথা হি ইমিনা রুক্খধম্মভূতো কোচি ৰিসেসো পকাসিতো ন হোতীতি ৰিসেসনত্তং অঞ্ঞেসুযেৰ ৰুত্তং.

ৰত্থুনো’ঞ্ঞপ্পকারেন, ঠিতা ৰুত্তি তদঞ্ঞথা;

পরিকপ্পীযতে যত্থ, সা হোতি পরিকপ্পনা.

২৬৮. পরিকপ্পনং পরিকপ্পেতি ‘‘ৰত্থুনো’’চ্চাদিনা. ৰত্থুনো সজীৰস্স নিজ্জীৰস্স ৰা ৰুত্তি অৰত্থা অঞ্ঞপ্পকারেন ৰত্তুমিচ্ছিতপ্পকারাপেক্খায অঞ্ঞেনেৰ রূপেন ঠিতা, তস্সেৰ ততো যথাৰট্ঠিতপ্পকারতো অঞ্ঞথা অঞ্ঞেন পকারেন পরিকপ্পীযতে যত্থ ৰুত্তিযং, সা পরিকপ্পনা হোতি, পরিকপ্পীযতে অঞ্ঞথা করীযতে ৰত্থুট্ঠিতি এতিস্সন্তি কত্ৰা.

২৬৮. ইদানি পরিকপ্পনং দস্সেতি ‘‘ৰত্থুনো’’ইচ্চাদিনা. ৰত্থুনো যস্স কস্সচি সৰিঞ্ঞাণকঅৰিঞ্ঞাণকপদত্থস্স ৰুত্তি পৰত্তি অঞ্ঞপ্পকারেন কপ্পনীযপ্পকারতো অঞ্ঞেন ৰিজ্জমানপ্পকারেন ঠিতা পৰত্তমানা, তদঞ্ঞথা ¶ ততো ৰিজ্জমানপ্পকারতো অঞ্ঞেনাৰিজ্জমানপ্পকারেন যত্থ ৰুত্তিযং পরিকপ্পীযতে, সা পরিকপ্পনা নাম হোতি. পরিকপ্পীযতে অঞ্ঞথা করীযতে ৰত্থুট্ঠিতি এতিস্সমিতি ৰিগ্গহো.

উপমাব্ভন্তরত্তেন, কিরিযাদিৰসেন চ;

কমেনো’দাহরিস্সামি, ৰিৰিধা পরিকপ্পনা.

২৬৯. ভেদং তস্সা দস্সেতি ‘‘উপমা’’ইচ্চাদিনা. উপমা অব্ভন্তরে যস্সা, তস্সা ভাৰো, তেন চ, কিরিযাদিৰসেন চ ৰিৰিধা নানপ্পকারা পরিকপ্পনা ইদানি কমেন উদাহরিস্সামি.

২৬৯. ইদানি তস্স ভেদং দস্সেতি ‘‘উপমাব্ভন্তরে’’চ্চাদিনা. উপমাব্ভন্তরত্তেন উপমায অব্ভন্তরে ৰিজ্জমানত্তা চ কিরিযাদিৰসেন চ ৰিৰিধা পরিকপ্পনা কমেন উদাহরিস্সামি. উপমা অব্ভন্তরে অস্সা পরিকপ্পনাযেতি চ, তস্সা ভাৰোতি চ, অনেকে ৰিধা পকারা যাসমিতি চ ৰিগ্গহো.

২৭০. উদাহরতি ‘‘ইচ্ছা’’ইচ্চাদি. ইচ্ছাভঙ্গেন ‘‘বুদ্ধং ভগৰন্তং ৰসে ৰত্তেস্সামা’’তি বোধিমূলে কতাভিলাসৰিনাসেন আতুরা দুক্খিতা অতিনিচ্চলসভাৰপ্পত্তা অতিনিচ্চলং নাসিকগ্গে নযনে কতানতাৰসেন অচ্চন্তমক্রিযমাসীনা নিসিন্না তা অচ্ছরা যোগিনিসঙ্কাসা মারঙ্গনাতি ¶ যথাৰট্ঠিতায সচেতনানং মারঙ্গনালক্খণানং [মারঙ্গনাৰলক্খণানং (ক.)] ৰত্থূনং ৰুত্তি ৰুত্তা, সাযমঞ্ঞথা পরিকপ্পীযতে. ধীরং দেৰঙ্গনানম্পি সিঙ্গারভাৰোপচরিতৰিলাসাতিসযেনাপি অকম্পত্তা. তং ভগৰন্তং. যোগো মন্তানুট্ঠানং, তত্থ অভিযোগতো যুঞ্জনেন ৰসমত্তনো আযত্তভাৰং তদা নেন্তীৰ ৰহন্তি মঞ্ঞেতি. এত্থ ইৰ সদ্দসুতিযা উপমাসন্দেহো ন কাতব্বো, সৰসানযনমকুব্বন্তিযো মারঙ্গনা ৰসং নেন্তীৰাতি পরিকপ্পীযন্তে. হোতি চ–

‘‘ৰসং নেন্তীৰ ধীর’’ন্তি, নযনে নো’পমানতা;

ন হি কত্তুক্রিযায’ত্থি, উপমানোপমেয্যতাতি.

ক্রিযাপরিকপ্পত্তেপি অযমুপমাব্ভন্তরা পরিকপ্পনা, ন কেৰলক্রিযাপরিকপ্পনা মারঙ্গনানমচলোপৰেসনস্স যোগাভিযোগেন সাম্যসন্দস্সনতো, তথাভূতায চোপৰেসনক্রিযায ধীরস্সাপি তাদিসস্স ভগৰতো অৰসানযনত্তন্তি পরিকপ্পনতোতি.

২৭০. ইদানি উদাহরতি ‘‘ইচ্ছা’’ইচ্চাদিনা. ইচ্ছাভঙ্গাতুরা অজপালনিগ্রোধমূলে নিসিন্নং ভগৰন্তং ‘‘পলোভেস্সামা’’তি মারঙ্গনা অত্তনাযেৰ কতায ইচ্ছায অনিব্বত্তিযা পীল়িতা, অতিনিচ্চলং হুত্ৰা নাসিকগ্গে পতিতদিট্ঠেহি সমন্নাগতানঞ্ঞৰুত্তিযা ক্রিযন্তরৰিরহতো. আসীনা ঝাযমানা নিসিন্না তা অচ্ছরা যোগিনিসদিসা তণ্হাঅরতিরগাসঙ্খাতা মারঙ্গনাযো ধীরং সিঙ্গারাধিপ্পাযেন কতানেকলীলাৰিলাসেনাপি অকম্পমানং তং ভগৰন্তং যোগাভিযোগতো মন্তজপ্পনসঙ্খাতযোগে যুঞ্জনেন ৰসং অত্তনো ৰসং তদা অত্তনো পরাজিতকালে নেন্তীৰ পাপেন্তি মঞ্ঞেতি. এত্থ পুব্বদ্ধেন মারঙ্গনাসঙ্খাতসজীৰপদত্থানং ৰিজ্জমানপ্পকারং দস্সিতং. ¶ পুন অপরদ্ধেন তেসমেৰ অৰিজ্জমানযোগাভিযোগেন ৰসীকরণং কপ্পিতং. মারঙ্গনানং নিচ্চলনিসজ্জায যোগিনীনং মন্তজ্ঝযনসদিসত্তা মারঙ্গনানং যোগিনীনং উপমানোপমেয্যত্তং সামত্থিযা গম্যতেতি এসা উপমাব্ভন্তরপরিকপ্পনা নাম. ‘‘নেন্তি ইৰা’’তি পযোগে কতেপি ক্রিযাপরিকপ্পনং ন হোতেৰ. ইচ্ছায ভঙ্গোতি চ, তেন আতুরাতি চ, নিগ্গতং চলং চলনং অস্মা আসনস্মাতি চ, অতিসযেন নিচ্চলন্তি চ, ক্রিযাৰিসেসনং, যোগে অভিযোগোতি চ ৰাক্যং.

‘‘নেন্তি ইৰা’’তি ইধ ইৰসদ্দসুতিযা উপমাজোতনত্থং চেতি সংসযো ন কাতব্বো, সাধম্মসঙ্খাতগুণৰিসেসস্স সম্বন্ধে অসতি ক্রিযামত্তস্স উপমাভাৰতো. ৰুত্তং হি–

‘‘ৰসং নেন্তীৰ ধীর’’ন্তি, নযেন নো’পমানতা;

ন হি কত্তুক্রিযায’ত্থি, উপমানোপমেয্যতাতি.

‘‘ৰসং নেন্তীৰ ধীর’’ন্তি এত্থ নযনে গম্যমানে পাপনে উপমানতা উপমানভাৰো নত্থি, হি তথেৰ, কত্তুক্রিযায কত্তুসম্বন্ধিযা ক্রিযায উপমানোপমেয্যতা উপমানভাৰো উপমেয্যভাৰো নত্থীতি অযং হেত্থত্থো.

গজং মারো সমারুল়্হো, যুদ্ধায’চ্চন্ত’মুন্নতং;

মগ্গ’মন্ৰেসতি নূন, জিনভীতো পলাযিতুং.

২৭১. ‘‘গজ’’মিচ্চাদি. যুদ্ধায অচ্চন্তমতিসযেন উন্নতমুচ্চং গজং হত্থিং সমারুল়্হো মারো ৰসৰত্তী তং জিনাতীতি অত্থেন জিনতো ভীতো পলাযিতুং কিঞ্চি নিলীযনট্ঠানং মগ্গং পথং অন্ৰেসতি নূন মঞ্ঞে. ইতি ক্রিযাপরিকপ্পনা আরোহনক্রিযায মগ্গমন্ৰেসনত্থন্তি পরিকপ্পিতত্তা.

২৭১. ‘‘গজ’’মিচ্চাদি. ¶ যুদ্ধায যুদ্ধত্থং অচ্চন্তং অতিসযেন উন্নতং দিযড্ঢসতযোজনাযামানুরূপউচ্চগুণসমন্নাগতং গজং গিরিমেখলং সমারুল়্হো মারো জিনা ভীতো পলাযিতুং মগ্গং নিব্ভযং পথং অন্ৰেসতি নূন গৰেসতি মঞ্ঞে. যুদ্ধত্থং কুরুমানো গজারোহনং মগ্গান্ৰেসনত্থমিতি কৰিনা পরিকপ্পিতত্তা এসা ক্রিযাপরিকপ্পনা নাম. অচ্চন্তমিতি অসঙ্খ্য সসঙ্খ্যভাৰেপি পকরণতো আধিক্কে এৰ ৰত্ততি.

মুনিন্দ পাদদ্ৰন্দে তে, চারুরাজীৰসুন্দরে;

মঞ্ঞে পাপাভিসম্মদ্দ-জাতসোণেন সোণিমা.

২৭২. মুনিন্দ তে চারু চ তং রাজীৰং পদুমঞ্চ তমিৰ সুন্দরং তস্মিংতে পাদদ্ৰন্দে সোণিমা লোহিতত্তগুণো, ইতি যথাৰট্ঠিতা অচেতনস্স লোহিতত্তলক্খণস্স ৰত্থুনো ৰুত্তি ৰুত্তা, সাযমঞ্ঞথা পরিকপ্পীযতে. পাপানং কিলেসারীনং অভিসম্মদ্দেন অতিসযং সম্পিসনেন জাতং সোণং রুধিরং, তেন জাতোতি মঞ্ঞে. ইতি গুণপরিকপ্পনা পাদদ্ৰন্দসন্নিহিতলোহিতত্তগুণস্স ‘‘পাপা…পে… সোণেনে’’তি পরিকপ্পিতত্তা.

২৭২. ‘‘মুনিন্দে’’চ্চাদি. হে মুনিন্দ তে তৰ চারুরাজীৰসুন্দরে মনুঞ্ঞপদুমসুন্দরে পাদদ্ৰন্দে সোণিমা রত্তৰণ্ণং পাপাভিসম্মদ্দজাতসোণেন মঞ্ঞে সপরসন্তানগতপাপানং সম্মদ্দনেন জাতেন রুধিরেনাতি মঞ্ঞে. সব্বঞ্ঞুনো পাদে ভৰন্তরসিদ্ধপুঞ্ঞকম্মানুভাৰেন জাতরত্তৰণ্ণং ‘‘পাপাভিসম্মদ্দনেনা’’তি পরিকপ্পিতত্তা অযং গুণপরিকপ্পনা নাম. চারু চ তং রাজীৰঞ্চাতি চ, পাপানং অভিসম্মদ্দোতি চ, তেন জাতঞ্চাতি চ, তঞ্চ তং সোণঞ্চাতি চ, সোণস্স ভাৰোতি চ ৰিগ্গহো.

মঞ্ঞেসঙ্কে ¶ ধুৰং নূন-মিৰ’মিচ্চেৰমাদিহি;

সা’যং ব্যঞ্জীযতে ক্ৰাপি, ক্ৰাপি ৰাক্যেন গম্যতে.

২৭৩. ৰোহারত্থং পরিকপ্পনাসূচকে সদ্দে দস্সেন্তো আহ ‘‘মঞ্ঞে’’ইচ্চাদি. ইতি এৰরূপো সদ্দরাসি আদি যেসং ‘‘তক্কেমি, পরিকপ্পেমি, চিন্তযামি, যথে’’ত্যেৰমাদীনং, তেহি সাযং পরিকপ্পনা ক্ৰাপি যথাৰুত্তে ব্যঞ্জীযতে পকাসীযতে, ক্ৰাপি কত্থচি পন ৰাক্যেন গম্যতে মঞ্ঞেইচ্চাদীনমভাৰেপীতি.

২৭৩. ৰোহারসুখত্থং পরিকপ্পনাপকাসকে সদ্দে দস্সেতি ‘‘মঞ্ঞে’’চ্চাদিনা. মঞ্ঞে, সঙ্কে, ধুৰং, নূন, ইৰ, এৰমাদীহি সদ্দেহি সাযং পরিকপ্পনা ক্ৰাপি এত্থ ৰিয কত্থচি ব্যঞ্জীযতে পকাসীযতে, ক্ৰাপি কত্থচি ৰাক্যেন ক্রিযাকারকসম্বন্ধসহিতপদসমুদাযেন গম্যতে ইৰাদিসদ্দযোগাভাৰেপি কেৰলং ৰাক্যসামত্থিযেনেৰ ঞাযতে. ‘‘মঞ্ঞে’’চ্চাদিপদপঞ্চকংদ্ৰন্দসমাসেন নিদ্দিট্ঠং. ইতি এৰং পকারো সদ্দসমুদাযো আদি যেসং ‘‘তক্কেমি, পরিকপ্পেমি, চিন্তযামি, যথা’’তিআনীনন্তি ৰিগ্গহো.

দযাসঞ্চারসরসা [দযাসঞ্জাতসরসা (ক.)], দেহা নিক্খন্তকন্তিযো;

পীণেন্তা জিন তে সাধু-জনং সরসতং নযুং.

২৭৪. উদাহরতি ‘‘দযা’’ইচ্চাদি. রসো সিনেহো, তেন সহ ৰত্তমানো সরসো. দেহো. দযায করুণায সঞ্চারো দুক্খিতসত্তৰিসযা নিরন্তরপ্পৰত্তি, তেন সরসো, ততো. জিন তে দেহা সরীরতো নিক্খন্তকন্তিযো সাধুজনং পীণেন্তা তপ্পেন্তা তমেৰ জনং সরসতং সপেমতং নযুং পাপেসুং, তাদিসং তথাৰিধদেহনিক্খন্তকন্তী নং সাধুজনং পীণেন্তি. গম্মমানপরিকপ্পনাযং যতো কন্তিযো ¶ লদ্ধসরসসরীরসংসগ্গা সযম্পি সরসা ইৰ অত্তানং সেৰমানম্পি সাধুজনং সরসতং নেন্তীতি গম্যতে.

২৭৪. ৰাক্যগম্মপরিকপ্পনমুদাহরতি ‘‘দযে’’চ্চাদিনা. হে জিন তে দযাসঞ্চারসরসা দুক্খিতসত্তৰিসযায করুণায সৰিসযে নিরন্তরপ্পৰত্তিযা সঞ্জাতস্নেহতো দেহা সরীরতো নিক্খন্তকন্তিযো দসদিসাসু নিগ্গতা নীলাদিছব্বণ্ণরংসিযো সাধুজনং কতপুঞ্ঞং উত্তমজনং পীণেন্তা সরসতংসস্নেহভাৰং পেমসহিতত্তং নযুং তমেৰ সাধুজনং পাপেসুং. ‘‘সরসতং নযু’’ন্তি এত্থ ‘‘সাধুজন’’ন্তি সুতসম্বন্ধেন ঞাযতি. করুণাসিনেহসোম্মদেহসংসগ্গতো কন্তিযো সযম্পি নিস্সযগুণতো সোম্মভূতা অত্তানং ৰিসযং কত্ৰা পৰত্তজনেপি মুদুং করোন্তেৰাতি ইৰাদীনং অভাৰেপি ৰাক্যগম্মপরিকপ্পনা. এত্থ অচেতনানং কন্তিৰত্থূনং জনপসাদসঙ্খাতৰত্থুট্ঠিতি ‘‘দযাসঞ্চারসরসা ইৰা’’তি এৰমাদিঅঞ্ঞপ্পকারেন পরিকপ্পিতো. দযায সঞ্চারো পুনপ্পুনং পৰত্তীতি চ, সহ রসেন স্নেহেন ৰত্তমানোতি চ, দযাসঞ্চারেন সরসোতি চ, নিক্খন্তা চ তা কন্তিযো চেতি চ, সাধু চ সো জনো চেতি চ, সরসস্স ভাৰোতি চ ৰাক্যং.

আরভন্তস্স যং কিঞ্চি, কত্তুং পুঞ্ঞৰসা পুন;

সাধনন্তরলাভো যো, তং ৰদন্তি সমাহিতং.

২৭৫. সমাহিতং সমাহরতি ‘‘আরভন্তস্সি’’চ্চাদিনা. যং কিঞ্চি কারিযং কত্তুং সত্তুভঙ্গাদিকং আরভন্তস্স সজ্জীভূতস্স যস্স কস্সচি পুমুনো পুঞ্ঞৰসা কুসলবলেন কারণেন কুসলসামত্থিযেন পুন সাধ্যতে সাধিযমনেনেতি সাধনং, ততো তমেৰ ৰা অন্তরমঞ্ঞং, তস্স লাভো, অঞ্ঞকারণলাভোতি অত্থো. তং সমাহিতং ৰদন্তি, সমাধানং সমাহিতং.

২৭৫. ইদানি ¶ সমাহিতালঙ্কারং দস্সেতি ‘‘আরভ’’মিচ্চাদিনা. যং কিঞ্চি অমিত্তৰিজযাদিকং কত্তুং আরভন্তস্স যস্স পুঞ্ঞৰসা কুসলবলেন পুন যো সাধনন্তরলাভো তস্সেৰ কারিযসিদ্ধিযা উপকারকস্স অঞ্ঞসাধনস্স যো লাভো অত্থি, তং কারণলাভং সমাহিতং ৰদন্তি তস্সেৰ কারিযস্স সমাধানত্তা পতিট্ঠিতত্তা সমাহিতং ইতি কৰিনো কথেন্তি. সাধ্যতে সাধিযমনেনেতি চ, তঞ্চ তং অন্তরমঞ্ঞঞ্চেতি চ, তস্স লাভোতি চ, সমাধানমিতি চ ৰাক্যং.

মারারিভঙ্গাভিমুখ-মনসো তস্স সত্থুনো;

মহামহী মহারাৰং, রৰী’য’মুপকারিকা.

২৭৬. উদাহরতি ‘‘মার’’ইচ্চাদি. মারারিনো মারসত্তুনো ভঙ্গে অভিভৰে অভিমুখং ন পরম্মুখং মনং যস্স তস্স সত্থুনো উপকারিকা আরদ্ধমারভঙ্গক্রিযানুগ্গাহিকা মহামহী অযং মহারাৰং মারারিদুস্সহং মহানাদং রৰী অকাসি. ইধ মারারিভঞ্জনং কারিযমারদ্ধং, তস্স পুঞ্ঞৰসেনেৰ মহীরাৰো অপরং সাধনং সমাপন্নন্তি লক্খণং যোজনীযং.

২৭৬. ‘‘মারারি’’চ্চাদি. মারারিভঙ্গাভিমুখমনসো মারসঙ্খাতস্স সত্তুনো মদ্দনে অভিমুখচিত্তস্স তস্স সত্থুনো উপকারিকা আরদ্ধমারৰিজযস্স উপত্থম্ভিকা অযং মহামহী মহারাৰং মারস্স হদযৰত্থুং মদ্দন্তো [মদ্দন্তী (?)] ৰিয সহিতুমসক্কুণেয্যং মহানাদং রৰী অকাসি. এত্থ মারভঙ্গজননং সত্থূহি আরদ্ধকারিযং, তস্সেৰ সিদ্ধিযা হেতুভূতং অঞ্ঞকারণং নাম মহীরাৰো. মারো এৰ অরি সত্তূতি চ, তস্স ভঙ্গোতি চ, তস্মিং অভিমুখং মনং যস্সেতি চ, মহন্তী চ সা মহী চেতি চ ৰিগ্গহো.

অৰত্ৰা’ভিমতং ¶ তস্স, সিদ্ধিযা দস্সন’ঞ্ঞথা;

ৰদন্তি তং পরিযায-ৰুত্তীতি সুচিবুদ্ধযো.

২৭৭. পরিযাযৰুত্তিং পটিপাদেতি ‘‘অৰত্ৰা’’ইচ্চাদিনা. অভিমতং কিঞ্চি অত্থং ধনদানাদিলক্খণং অৰত্ৰা অঞ্জসা ৰাচকব্যাপারেন অনাখ্যায তস্সাভিমতস্সত্থস্স সিদ্ধিযা নিপ্ফাদনত্থং অঞ্ঞথা অঞ্ঞেন পকারেন তন্নিব্বত্তিঅনুগুণেন যং দস্সনং ৰচনং, তং সুচিবুদ্ধযো পরিযাযৰুত্তীতি ৰদন্তি. পরিযাযেন ৰচনং পরিযাযৰুত্তীতি.

২৭৭. ইদানি পরিযাযৰুত্তিং দস্সেতি ‘‘অৰত্ৰা’’ইচ্চাদিনা. অভিমতং ইট্ঠং ধনদানাদিসরূপং [ধনধঞ্ঞাদিং (সীহল়ব্যাখ্যাযং)] যং কিঞ্চি অত্থং অৰত্ৰা উজুমকথেত্ৰা তস্স অভিমতত্থস্স সিদ্ধিযা নিপ্ফত্তিযা অঞ্ঞথা ৰত্তুমিচ্ছিতত্থস্সানুরূপেনাঞ্ঞপ্পকারেন দস্সনং যং কিঞ্চি দস্সনং কথনমত্থি, সুচিবুদ্ধযো পরিযাযৰুত্তীতি তং ৰদন্তি. পরিযাযেন ৰুত্তি কথনমিতি চ, সুচি বুদ্ধি যেসমিতি চ ৰাক্যং.

ৰিৰটঙ্গণনিক্খিত্তং, ধন’মারক্খৰজ্জিতং;

ধনকাম যথাকামং, তুৰং গচ্ছ যদি’চ্ছসি.

২৭৮. উদাহরতি ‘‘ৰিৰটঙ্গণে’’চ্চাদি. ধনং ৰিৰটে কেনচি অনাৰটত্তা অঙ্গণে পকাসপ্পদেসে নিক্খিত্তং অথ চ পন আরক্খৰজ্জিতং. ধনং কামেতীতি ধনকামাতি আমন্তনং. তুৰং যদি ইচ্ছসি গন্তুং ধনং ৰা, যথাকামং গচ্ছেতি ধনাৰহরণমিচ্ছিতমঞ্জসা অৰত্ৰা তংসিদ্ধিযা ব্যাজেন ৰদতি. পরিযাযৰুত্তি.

২৭৮. উদাহরতি ‘‘ৰিৰট’’মিচ্চাদিনা. ধনং মুত্তামণিআদি ৰিৰটঙ্গণনিক্খিত্তং পাকারাদিপরিক্খেপরহিতত্তা নিরাৰরণট্ঠানে যেন কেনচি ঠপিতং অপিচ আরক্খৰজ্জিতং. ভো ধনকাম তুৰং যদিচ্ছসি ধনং গমনং ৰা, যথাকামং গচ্ছাতি ¶ চিত্তেনিচ্ছিতধনাৰহরণৰিধানং ‘‘ধনমাহরা’’তি উজুমৰত্ৰা এৰং ব্যাজেন ৰুত্তত্তা ইদং পরিযাযৰুত্তি নাম. ৰিৰটঞ্চ তং অঙ্গণঞ্চেতি চ, তস্মিং নিক্খিত্তন্তি চ, আরক্খেন ৰজ্জিতমিতি চ, ধনং কামেতীতি চ, কামং তণ্হং তংসম্পযুত্তং ৰা চিত্তমনতিক্কম্মাতি চ ৰাক্যং.

থুতিং করোতি নিন্দন্তো, ৰিয তং ব্যাজৰণ্ণনং;

দোসাভাসা গুণা এৰ, যন্তি সন্নিধি’মত্রহি.

২৭৯. ব্যাজৰণ্ণনং ৰণ্ণেতি ‘‘থুতি’’মিচ্চাদিনা. নিন্দন্তো ৰিয দোসং নিদস্সেন্তো ৰিয থুতিং করোতি ৰণ্ণং ভাসতি, তং ব্যাজথুতিলক্খণং ব্যাজৰণ্ণনং নাম. কথমেত্থ গুণা পতীযন্তীতি আহ ‘‘দোসি’’চ্চাদি. অত্র ৰুত্তিৰিসেসে দোসা ৰিয আভাসন্তি পটিভন্তি. তাদিসপদাদিনা দোসাভাসা গুণা এৰ ইদ্ধিমন্ততাদযো ন দোসোপি কোচি সন্নিধিমৰট্ঠানং যন্তি. হীতি অৰধারণে অত্র ব্যাজৰণ্ণনমেৰিদং, ন নিন্দকমিতি.

২৭৯. ইদানি ব্যাজৰণ্ণনং দস্সেতি ‘‘থুতি’’চ্চাদিনা. নিন্দন্তো ৰিয দোসং দস্সেন্তো ৰিয থুতিং করোতি ৰণ্ণনং করোতি, তং ৰণ্ণনাকরণং ব্যাজৰণ্ণনং নাম হোতি. নিন্দাসভাৰেন পৰত্তথুতিত্তা নিন্দা এৰেতি চে? অত্র অস্মিং ৰুত্তিৰিসেসে দোসাভাসা দোসা ৰিয পটিভাসমানা গুণা এৰ তাদিসপদপ্পযোগেন ইদ্ধিমন্ততাদযো গুণাৰ সন্নিধিং গুণসভাৰাৰট্ঠানং যন্তি পাপুণন্তীতি. ব্যাজেন ৰণ্ণনমিতি চ, দোসা ইৰ আভাসন্তি পটিভাসন্তীতি চ ৰাক্যং.

সঞ্চালেতু’মলং ত্ৰং’সি, ভুসং কুৰলযা’খিলং;

ৰিসেসং তাৰতা নাথ, গুণানং তে ৰদাম কিং.

২৮০. উদাহরতি ‘‘সঞ্চালেতু’’মিচ্চাদিনা. নাথ ত্ৰং অখিলং কুৰলযং উপ্পলং পথৰীৰলযঞ্চেতি সিলিট্ঠং সঞ্চালেতুং ভমযিতুমিতো ¶ চিতো চ ভুসমচ্চন্তং অলং সমত্থোপি তাৰতা তংমত্তেন তে গুণানং ৰিসেসং অতিসযলক্খণং কিং কেন কারণেন ৰদাম. ইহ উপ্পলচালনসামত্থিযৰিভাৰনৰসেন নিন্দতি, তাৰ নিখিলভূমণ্ডলসঞ্চালাৰিকরণতো পরমায থুতিযা সংযোজিতোযং ভগৰা মহানুভাৰং ৰিচিতৰাতি ভুৰনমণ্ডলসিখামণীতি. ব্যাজৰণ্ণনমীদিসমচ্চন্তং রমণীযং, তদিদঞ্চ সব্বথা সিলেসমুপজীৰতি.

২৮০. ইদানি উদাহরতি ‘‘সঞ্চালেতু’’মিচ্চাদিনা. নাথ ত্ৰং অখিলং কুৰলযং নিস্সেসং নীলুপ্পলৰনং পথৰীমণ্ডলং ৰা সঞ্চালেতুং কম্পেতুং ভুসমতিসযেন অলং সমত্থো, তাৰতা তে গুণানং ৰিসেসমতিসযং কিং ৰদাম কথং ভণামাতি. কুৰলযসদ্দস্স উপ্পলৰিসেসৰাচকত্তা পঠমং নিন্দাৰ, তস্সেৰ সদ্দস্স পথৰীমণ্ডলৰাচকত্তা ‘‘ইদ্ধিমতো তৰ ইদং কিং ৰিসেস’’ন্তি উত্তমগুণৰণ্ণনা কতা হোতি. ঈদিসা ব্যাজৰণ্ণনা পসত্থা, সা চ সব্বথা সিলেসং নিস্সায পৰত্ততীতি. কুযা পথৰিযা ৰলযং মণ্ডলমিতি সমাসো.

ৰিসেসি’চ্ছাযং দব্বস্স, ক্রিযাজাতিগুণস্স চ;

ৰেকল্লদস্সনং যত্র, ৰিসেসো নাম’যং ভৰে.

২৮১. ৰিসেসৰুত্তিং ৰত্তেতি ‘‘ৰিসেসিচ্ছায’’মিচ্চাদিনা. ৰিসেসে অতিসযে কিস্মিঞ্চিপি কারিযৰিসেসে ইচ্ছাযং দব্বাদীনং যত্র ৰেকল্লস্স অভাৰস্স দস্সনং ৰচনং, অযং ৰিসেসো নাম ৰিসেসৰুত্তি নাম ভৰে.

২৮১. ইদানি ৰিসেসালঙ্কারং দস্সেতি ‘‘ৰিসেসি’’চ্চাদিনা. ৰিসেসিচ্ছাযং অতিসযে কারিযৰিসেসে ইচ্ছাযং সতি দব্বস্স চ ক্রিযাজাতিগুণস্স চ যত্র যস্মিং ৰুত্তিৰিসেসে ৰেকল্লদস্সনং অভাৰকথনমত্থি, অযং ৰিসেসো ¶ নাম ভৰে ৰিসেসৰুত্তি নাম সিযাতি. ৰিকলস্স ভাৰোতি চ, তস্স দস্সনমিতি চ ৰাক্যং.

ন রথা ন চ মাতঙ্গা, ন হযা ন পদাতযো;

জিতো মারারি মুনিনা, সম্ভারাৰজ্জনেন হি.

২৮২. উদাহরতি ‘‘ন রথা’’ইচ্চাদি. সুবোধং. অত্র চ ৰিজযোপকরণচতুরঙ্গানীকলক্খণদব্বাভাৰেন সমতিংসপারমিতাসঙ্খতসম্ভারাৰজ্জনস্সেৰ মারারিৰিজযলক্খণো ৰিসেসো ৰুত্তো.

২৮২. ‘‘ন রথা’’ইচ্চাদি. রথা তযো অন্তমসো সপরিৰারানং তিণ্ণং রথানং অনীকৰোহারতো তাদিসা তযো রথা চ নত্থি. মাতঙ্গা তযো ৰুত্তনযেন অনীকসঙ্খাতা তযো মাতঙ্গা চ নত্থি. ন হযা তযো তাদিসা অনীকসঙ্খাতা তযো অস্সা চ নত্থি. পদা ন অন্তমসো সাযুধানং চতুন্নং পুরিসানং অনীকৰোহারতো তাদিসা চত্তারো পুরিসা পদা চ নত্থি. তথাপি মুনিনা সম্ভারাৰজ্জনেন হি সমতিংসপারমিধম্মানং আভোগকরণেনেৰ মারারি মারপচ্চত্তিকো জিতো অভিভৰিতো. ইহ জযোপকরণভাৰেন ঠিতানং রথানীকাদীনং দব্বানং ৰেকল্লং দস্সেত্ৰা সত্তুৰিজযসভাৰানং সম্ভারানং আৰজ্জনৰিসেসস্স ৰুত্তত্তা এসা দব্বৰিসেসৰুত্তি নাম. রথো নাম চতুপুরিসপরিৰারো, তাদিসং রথত্তযং রথানীকং নাম. হত্থী পন দ্ৰাদসপুরিসপরিৰারো হোতি, তাদিসং হত্থিত্তযং হত্থানীকং নাম. অস্সো তিপুরিসপরিৰারো, তাদিসং হযত্তযং হযানীকং নাম. সাযুধা চত্তারো পুরিসা পদানীকং নাম. ইহ রথাদীসু ঠিতা ৰিয সীঘং পাদবলেন গন্ত্ৰা যুজ্ঝমানা পুরিসা পাদোপচারেন ‘‘পাদা’’তি ৰুত্তা. রথাদীনং পমাণং তযোতি অনীকট্ঠানে ¶ দস্সেত্ৰা পুরিসপমাণস্সাৰুত্তেপি অন্তমসো চত্তারো পুরিসা অনীকং নাম হোন্তীতি পকরণতো চত্তারোতি ঞাযতি. নো চে? সাৰুধপুরিসৰাচকস্স পদাতিসদ্দস্স ‘‘পদাতযো’’তি বহুৰচনেন রূপসম্ভৰতো ‘‘রথা ন, মাতঙ্গা ন, হযা ন, পদাতযো ন’’ ইতি সম্বন্ধো. দব্বৰিসেসৰুত্তি দব্বেন দব্বপটিসেধনতো ৰিসেসকথনং ৰিসেসস্স ৰুত্তীতি চ, দব্বেন দব্বপটিসেধেন ৰিসেসৰুত্তীতি চ ৰাক্যং. ক্রিযাৰিসেসৰুত্যাদিত্তযম্পি এৰমেৰ দট্ঠব্বং.

ন বদ্ধা ভূকুটিনেৰ, ফুরিতো দসনচ্ছদো;

মারারিভঙ্গঞ্চা’কাসি, মুনিৰীরো ৰরো সযং.

২৮৩. ‘‘ন বদ্ধা’’ইচ্চাদি. ভূকুটি ভমুভঙ্গো কোপজনিতো ন বদ্ধা ন রচিতা, দসনচ্ছদো চাধরো নেৰ ফুরিতো নেৰ কম্পিতো কোপেন. তথাপি চ ৰরো উত্তমো মুনিৰীরো সযং মারারিনো ভঙ্গং পরাজযং অকাসীতি. ভূকুটিবন্ধনাদিক্রিযাৰিগমেন নিব্বিকারৰিজযলক্খণো ৰিসেসো দস্সিতো.

২৮৩. ‘‘ন বদ্ধা’’ইচ্চাদি. ভূকুটি কোপৰিকারভূতো ভমুভঙ্গোপি ন বদ্ধা ন কতা, দসনচ্ছদো দন্তাৰরণো নেৰ ফুরিতো ন কম্পাপিতো. তথাপি ৰরো উত্তমো মুনিৰীরো মুনিগুণৰীরগুণযুত্তো তথাগতো সযং মারারিভঙ্গঞ্চ অকাসীতি. এত্থ ভমুভঙ্গরচনাদিকং ক্রিযং অকত্ৰা নিব্বিকারস্স মারভঙ্গসভাৰৰিসেসস্স [নিব্বিকারমারভঙ্গস্স (ক.)] ৰুত্তত্তা এসা ক্রিযাৰিসেসৰুত্তি নাম. ভূনং কুটি ৰঙ্কতাতি চ, মারো এৰ অরীতি চ, তেসং ভঙ্গোতি চ ৰাক্যং.

ন ¶ দিসাসু ব্যত্তা [ততা (সী.)] রংসি,

২৮৪. ‘‘নি’’চ্চাদি. দিসাসু দসসু ব্যত্তা পত্থটা রংসি ন ভৰতি. লোকে সকলস্মিং পত্থটো ৰিত্থতো আলোকোন ভৰতি. তথাপীতি ৰিসেসনিচ্ছাযং, তজ্জাতিকত্তাভাৰেপি সাধূনং সুভাসিতং সদ্ধম্মসঙ্খাতং পরমচ্চন্তমেৰ অন্ধতমং ইট্ঠানিট্ঠাৰেকল্লতো পঞ্ঞাচক্খুস্স অন্ধকারং মোহন্ধকারং হরতীতি অন্ধতমহরন্তি. রংসিযা অন্ধকারাপহারসমত্থায নিৰত্তিযা ৰিসেসো সুভাসিতস্স দস্সিতো.

২৮৪. ‘‘ন দিসাসু’’ইচ্চাদি. দিসাসু ব্যত্তা পত্থটা রংসিপি নত্থি, লোকপত্থটো আলোকোপি নত্থি. তথাপি সাধুসুভাসিতং সদ্ধম্মো পরমচ্চন্তং অন্ধতমহরং অত্থানত্থতীরণক্খমস্স পঞ্ঞাচক্খুস্স অন্ধকারকমোহতমং হরং হোতীতি. ইধ অন্ধকারৰিদ্ধংসনে সমত্থং রংসিজাত্যাদিকং পটিসেধেত্ৰা সুভাসিতস্স অন্ধকারাপহরণসঙ্খাতস্স ৰিসেসস্স ৰুত্তত্তা অযং জাতিৰিসেসৰুত্তি নাম. লোকে পত্থটোতি চ, অন্ধেতীতি অন্ধো মোহো, তমসদিসত্তা অন্ধোযেৰ তমোতি চ, তং হরতীতি চ, সাধূনং সুভাসিতমিতি চ ৰাক্যং.

ন খরং ন হি ৰা থদ্ধং, মুনিন্দ ৰচনং তৰ;

তথাপি গাল়্হং খনতি, নিম্মূলং জনতামদং.

২৮৫. ‘‘ন ¶ খর’’মিচ্চাদি. মুনিন্দ তৰ ৰচনং ন খরং ন লূখং, ন থদ্ধং ৰা কঠিনঞ্চ ন হি. তথাপি তাদিসখরত্তাদিগুণাভাৰেপি জনতায জনসমূহস্স মদং গাল়্হং দল়্হং [তণ্হং (ক.)] কত্ৰা নিম্মূলং খনতীতি. অযোসঙ্কুম্হি পসিদ্ধখরত্তাদিগুণনিসেধেন মুনিন্দৰচনস্স ৰিসেসো আৰিকতো.

২৮৫. ‘‘ন খর’’মিচ্চাদি. হে মুনিন্দ তৰ ৰচনং খরং কক্কসং ন হোতি, থদ্ধং ৰা ন হোতি. তথাপি জনতামদং জনসমূহস্স জাত্যাদিং নিস্সায পৰত্তং গব্বং গাল়্হং দল়্হং কত্ৰা নিম্মূলং মূলমসেসেত্ৰা খনতীতি. খণনক্খমঅযোসঙ্কুআদীসু লব্ভমানং খরত্তাদিগুণং পটিসেধেত্ৰা বুদ্ধৰচনস্স মদখণনসভাৰসঙ্খাতস্স ৰিসেসস্স ৰুত্তত্তা অযং গুণৰিসেসৰুত্তি নাম হোতি. নত্থি মূলমস্স খণনস্সাতি চ, জনানং সমূহোতি চ, তায মদোতি চ ৰিগ্গহো. ‘‘গাল়্হং নিম্মূল’’ন্তি খণনক্রিযায ৰিসেসনত্তা গাল়্হং নিম্মূলং খণনং করোতীতি যোজনা.

দস্সীযতে’তিদিত্তং […তিরিত্তং (ক.)] তু,

২৮৬. ইদানি রুল়্হাহঙ্কারং দস্সেতি ‘‘দস্সীযতে’’ ইচ্চাদিনা. সূরৰীরত্তনং সূরভাৰৰীরভাৰং অতিদিত্তং তু অতিসযেন পন দিত্তং যহিং ৰাক্যে দস্সীযতে, ঈদিসং ৰচনং ৰিঞ্ঞূ কৰযো রুল়্হাহঙ্কারমিতি ৰদন্তীতি. সূরো চ ৰীরো চাতি চ, তেসং ভাৰোতি চ, রুল়্হো উগ্গতো অহঙ্কারো এত্থ ৰুত্তিৰিসেসেতি চ ৰাক্যং.

২৮৭. উদাহরতি ‘‘দমে’’ইচ্চাদিনা. নন্দোপনন্দস্স নাগরাজস্স অপ্পমেয্যমহানুভাৰস্স দমে দমনে মে মম নিরৰধিসরন্তিপ্পমেয্যপ্পভাৰানুচরিতকিত্তিনোপি পরস্স ব্যাপারদস্সনা পযোগপটিপাদনেন কিং পযোজনং, ন কিম্পি, যতো মে পাদসম্ভত্তা পাদাৰনতা তাদিসে কম্মনি সজ্জা বদ্ধকচ্ছা সন্তেৰ ৰিজ্জন্তেৰ, ততোতি যোজনীযং.

২৮৭. ‘‘দমে’’চ্চাদি. নন্দোপনন্দস্স নাগরঞ্ঞো দমে দমকরণে ব্যাপারদস্সনা ভুৰনত্তযে পৰত্তমানআনুভাৰেন চ সম্পৰত্তিতকিত্তিসমূহেন চ সমন্নাগতস্স ময্হং তাদিসপযোগদস্সনেন কিং পযোজনং. যস্মা মে পাদসম্ভত্তা ময্হং চরণাৰনতা তাদিসে কিচ্চে সজ্জা সন্নদ্ধা পুত্তা বহৰো সন্তি এৰ, তস্মাতি. চেতোৰসিতায সূরৰীরভাৰো ইহ অতিদিত্তো দস্সিতো হোতি. ব্যাপারস্স দস্সনমিতি চ, পাদেসু সম্ভত্তাতি চ ৰাক্যং.

২৮৮. সিলেসং নিদ্দিসতি ‘‘সিলেসো’’ইচ্চাদিনা. অনেকং ভিন্নমভিধেয্যত্থো যস্সাত্যনেকাভিধেয্যং. একেন সমানেন পদেন সরূপেন আযুতমন্ৰিতং যং ৰচনং ৰুত্তীতি অনুৰদিত্ৰা সো সিলেসোতি ৰিধীযতে, যেন কেনচি ¶ রূপেন উপমানোপমেয্যলক্খণত্থানং সিলেসনতো. অযঞ্চেৰংলক্খণো সিলেসো তেধা ঈরিতো. কথং? অভিন্নপদৰাক্যাদিৰসা অভিন্নমেকং পদং স্যাদ্যন্তত্যাদ্যন্তরূপং যত্র, তমেৰ ৰাক্যং ৰাক্যলক্খণোপেতত্তা. তং আদি যেসং, তেসং ৰসাতি অত্থো.

২৮৮. ইদানি সিলেসালঙ্কারং দস্সেতি ‘‘সিলেসো’’চ্চাদিনা. অনেকাভিধেয্যং একপদাযুতং উভযত্থ সাধারণত্তা তুল্যেন সদ্দরূপেন যুত্তং যং ৰচনং অত্থি, সো সিলেসো নাম. সো পন যেন কেনচি সাধম্মরূপেন উপমানোপমেয্যভূতানমত্থানং সিলিট্ঠত্তা অঞ্ঞমঞ্ঞং ফুসিত্ৰা ঠিতত্তা সিলেসো নাম. অযং ৰুত্তলক্খণো সিলেসো অভিন্নপদৰাক্যাদিৰসা অকতৰিকারানং স্যাদ্যন্তত্যাদ্যন্তপদসমন্নাগতানং ৰাক্যলক্খণোপেতৰাক্যানং পভেদেন তেধা ঈরিতোতি. অনেকমভিধেয্যং যস্সেতি চ, একঞ্চ তং পদঞ্চেতি চ, তেন আযুতন্তি চ, অভিন্নানি পদানি যস্মিন্তি চ, তঞ্চ তং ৰাক্যঞ্চাতি চ, তং আদি যেসং অভিন্নপদৰাক্যানন্তি চ, তেসং ৰসো ভেদোতি চ ৰাক্যং.

অন্ধন্তমহরো হারী, সমারুল়্হো মহোদযং;

রাজতে রংসিমালী’যং, ভগৰা বোধযং জনে.

২৮৯. উদাহরতি ‘‘অন্ধন্তমি’’চ্চাদি. অযং ভগৰা সূরিযো মহামুনি চ. তত্থ সূরিযো তাৰ অন্ধন্তমহরো পকতিযন্ধকারোপহারী, মহামুনি তু অন্ধকারমোহতমাপহারী. হারী মনুঞ্ঞো সূরিযো মহামুনি চ, সূরিযো ¶ মহোদযং মহন্তং উদযং পব্বতং সমারুল়্হো, মহামুনি তু মহোদযং মহন্তমব্ভুদযং সম্মাসম্বোধিসমধিগমরূপং সমারুল়্হো পত্তো. রংসীনং মালা, সা অস্স অত্থীতি রংসিমালী, সূরিযো মহামুনি চ. জনে বোধযং নিদ্দাপগমনেন কিলেসনিদ্দাপগমনেন ৰা পবোধযন্তো রাজতে দিব্বতীতি. অভিন্নপদৰাক্যসিলেসো ভঙ্গেন ৰিনা যথাৰট্ঠানমুভযত্থ পদযোজনতো.

২৮৯. ইদানি উদাহরতি ‘‘অন্ধ’’মিচ্চাদিনা. মহোদযং মহন্তং উদযং পব্বতং, সব্বঞ্ঞুপদৰিসঙ্খাতমহাভিৰুদ্ধিং ৰা সমারুল়্হো আরুল়্হো, সম্পত্তো ৰা, অন্ধন্তমহরো চক্কৰাল়গব্ভে পত্থটপকতিঘনন্ধকারস্স, ঞাণলোচনস্স অন্ধকরণতো অন্ধকারোতি ৰুত্তমোহস্স ৰা ৰিদ্ধংসকো, হারী তেনেৰ মনুঞ্ঞো রংসিমালী অত্তনো রংসিমালায সমন্নাগতো জনে পকতিনিদ্দায কিলেসনিদ্দায ৰা সমন্নাগতে সত্তে বোধযং বোধযন্তো অযং ভগৰা দিৰাকরো, ছহি ভগধম্মেহি সমন্নাগতো বুদ্ধো ৰা রাজতে দিব্বতীতি. দ্ৰীসু পক্খেসু পদানং সমানভাৰেন ঠিতত্তা অযং অভিন্নপদৰাক্যসিলেসো. অন্ধো চ সো তমো চেতি চ, তং হরতীতি চ, মহন্তো চ সো উদযো পব্বতো চাতি চ, মহন্তো চ সো উদযো অব্ভুদযো অভিৰুদ্ধি চাতি চ, রংসীনং মালাতি চ, সা অস্স অত্থীতি চ, ভগো সিরী অস্স সূরিযস্স অত্থীতি চ, ভগো সিরীকামপযতনাদিপ্পকারো অস্স সত্থুনো অত্থীতি চ ৰিগ্গহো. অভিন্নপদৰাক্যসঙ্খাতো সিলেসো. অপরোপি অত্থো এত্থ সিলিস্সতীতি সিলেসো. ‘‘ভিন্নপদৰাক্যসিলেসো’’তিআদিকম্পি ইমিনা নযেন ঞাতব্বং.

সারদামলকাভাসো, সমানীতপরিক্খযো;

কুমুদাকরসম্বোধো, পীণেতি জনতং সুধী.

২৯০. ‘‘সারদে’’চ্চাদি. সুধা অস্স অত্থীতি সুধী, চন্দো. সোভনা সব্বঞ্ঞুতঞ্ঞাণরূপং বুদ্ধি অস্স অত্থীতি সুধী, ¶ সম্মাসম্বুদ্ধো. সারদো সরদকালে সম্ভূতো অমলকো নিম্মলো আভা সোভা যস্স সো, চন্দো. পরেসং নিব্বানসারং দদাতীতি সারদো, অমলকো আভাসো, অমলকস্স হত্থামলকস্সেৰ ৰা আভাসো অসেসঞেয্যাৰবোধো যস্স সো, সম্মাসম্বুদ্ধো. সং সম্মা কমেনানীযমানত্তা আনীতো পরিক্খযো কণ্হপক্খো যেন সো, চন্দো. সমং ৰূপসমং আনীতো পরিক্খযো হানি কিলেসসত্তুকতো অধিগতক্খযত্তা যেনসো, সম্মাসম্বুদ্ধো. কুমুদাকরস্স কুমুদস্স রংসিযা সম্বোধি ৰিকাসো যস্স [রংসিযো সম্বোধি ৰিকাস’স্স (ক.)] সো, চন্দো. কুযা পথৰিযা মুদং পীতিং করোতীতি কুমুদাকরো, সম্বোধো চতুসচ্চাৰবোধো যস্স সো, সম্মাসম্বুদ্ধো, জনতং জনসমূহং পীণেতীতি. অযং ভিন্নপদৰাক্যসিলেসো ৰুত্তেন ৰিধিনা পদানং ভিন্নত্তা.

২৯০. ‘‘সার’’ইচ্চাদি. সারদো সরদকালে সম্ভূতো, ৰেনেয্যানং নিব্বানসারদাযকো ৰা, অমলকাভাসো নিম্মলসোভো, নিম্মলকেতুমালাসমন্নাগতত্তা তাদিসমত্থকসোভো ৰা, অথ ৰা সারদামলকাভাসো সরদকালে সঞ্জাতনিম্মলসোভো, ৰেনেয্যানং নিব্বানসারদাযকনিম্মলসোভো ৰা, অথ ৰা সারদআমলকআভাসো নিব্বানসারদাযকহত্থামলকসদিসঞেয্যাৰবোধো. সমানীতপরিক্খযো কণ্হপক্খে সুট্ঠু কমেন আনীতো পরিক্খযো পরিপুণ্ণো ৰা চন্দো, সমসঙ্খতসন্তিং আনীতকিলেসপরিহানিসঙ্খাতপরিক্খযো ৰা. কুমুদাকরসম্বোধো কুমুদৰিকাসনেন সমন্নাগতো, কুসঙ্খাতপথৰীনিস্সিতানং জনানং পীতিজননচতুসচ্চাৰবোধেন সমন্নাগতো ৰা. সুধী সুধাসঙ্খাতঅমতৰন্ততায ¶ তন্নামকো চন্দো, সুন্দরপঞ্ঞৰন্ততায তন্নামকো সম্মাসম্বুদ্ধো ৰা. জনতং জনসমূহং পীণেতীতি. উভযপক্খেসু পদং ভিন্দিত্ৰা অত্থস্স যোজনতো অযং ভিন্নপদৰাক্যসিলেসো. সরদে ভৰো সারদো, চন্দো. সারং দদাতীতি সারদো, ভগৰা. ‘‘সারদো’’তি ইদং ‘‘আভাসো’’তি পদস্স ৰিসেসনং হোতি. অমলকোনিম্মলো আভাসো অস্স চন্দস্সাতি চ, কম্হি মত্থকে আভাসোতি চ, অমলো কাভাসো অস্স সত্থুনোতি চ, সারদো অমলকো আভাসো যস্স চন্দস্স ভগৰতো ৰাতি চ, সারদো আমলকস্স ৰিয আভাসো ঞেয্যাৰবোধো অস্স ভগৰতোতি চ, সং সম্মা আনীতো পরিক্খযো কলাহানি অনেনেতি চ, সমং ৰূপসমং আনীতো পরিক্খযো হানি কিলেসসত্তুতো যেনেতি চ, কুমুদানং আকরোতি চ, তেসং সম্বোধো ৰিকাসো যস্সেতি চ, মুদং পীতিং করোতীতি মুদাকরো. কুযা পথৰিযা মুদাকরোতি চ, সো সম্বোধো চতুসচ্চাৰবোধো যস্সেতি চ, সুধা অমতং অস্স চন্দস্স অত্থীতি চ, সু সোভনা ধী বুদ্ধি অস্স সম্বুদ্ধস্সাতি চ ৰিগ্গহো.

সমাহিতত্তৰিনযো, অহীনমদমদ্দনো;

সুগতো ৰিসদং পাতু, পাণিনং সো ৰিনাযকো.

২৯১. ‘‘সমাহিতে’’চ্চাদি. সং সম্মা আহিতো পতিট্ঠাপিতো অত্তস্স ৰিনযো ৰিনযনং সব্বত্থ সৰিসযে অপ্পটিহতচারৰসেন যস্স সো, গরুল়ো. ৰিনযনং পৰিৰিত্তকাযচিত্তপ্পৰত্তিৰসেন দমনং যস্স সো, সম্মাসম্বুদ্ধো. ইতি অভিন্নপদং. অহীনং সপ্পানং ইনা নাযকা, তেসং মদং মদ্দতীতি অহীনমদমদ্দনো, গরুল়ো. অহীনানমুত্তমপুরিসানম্পি মহাব্রহ্মাদীনং মদং মদ্দতীতি অহীনমদমদ্দনো, সম্মাসম্বুদ্ধো. সুন্দরং গতং গমনং সমুদ্দং ভিন্দিত্ৰা জলসঙ্গমতো পঠমমেৰউগ্গমনসামত্থিযযোগতো ¶ যস্স সো, গরুল়ো. সুন্দরং গমনমস্স নাগৰিক্কন্তচারত্তা সুগতো, সম্মাসম্বুদ্ধো. অভিন্নপদং. সো ৰীনং পক্খীনং নাযকো, গরুল়ো. ৰিসং দদাতীতি ৰিসদং পাণিনং নাগলোকং পাতু অহিংসনৰসেন পালযতু, সো ৰিনেতি ৰেনেয্যেতি ৰিনাযকো, সম্মাসম্বুদ্ধো. পাণিনং সকলসত্তলোকং ৰিসদং অসল্লীনং পাতু. ভিন্নাভিন্নপদৰাক্যসিলেসোযং ৰুত্তনযেন পদানং [পন (ক.)] উভযমিস্সত্তা.

২৯১. ‘‘সমাহিতে’’চ্চাদি. সমাহিতত্তৰিনযো সম্মা আহিতায ঠপিতায সরীরস্স সৰিসযে গতিযা সমন্নাগতো, সম্মা আহিতেন ঠপিতেন চিত্তদমনেন সমন্নাগতো ৰা, অহীনমদমদ্দনো নাগরাজূনং মদমদ্দনো, অহীনানং উত্তমানং বকব্রহ্মাদীনম্পি মদমদ্দনো ৰা, সুগতো পক্খৰাতৰেগেন সমুদ্দজলং দ্ৰিধা কত্ৰা তস্মিং জলে অনেকীভূতেযেৰ নাগভৰনং গন্ত্ৰা নাগে গহেত্ৰা গমনে সমত্থত্তা সুন্দরগমনো, সমন্তভদ্দকঅনেকপ্পকারগমনো ৰা, ৰিনাযকো পক্খীনং নাযকো সো গরুল়রাজা ৰিসদং ঘোরৰিসত্তা ৰিসদাযকং পাণিনং নাগলোকং পাতু অহিংসনৰসেন পালেতু. নো চে, ৰিনাযকো ৰেনেয্যে ৰিনেন্তো সো সম্মাসম্বুদ্ধো পাণিনং সকলসত্তলোকং ৰিসদং ৰিসারদং কত্ৰা পাতু অহিতাপনযনহিতোপনযনেন রক্খতূতি. উভযপক্খেসু ‘‘অহীনমদমদ্দনো’’ইচ্চাদিকেহি ভিন্নেহি চ ‘‘সমাহিতত্তৰিনযো’’ইচ্চাদিকেহি অভিন্নেহি চ পদেহি সমন্নাগতত্তা অযং ভিন্নাভিন্নপদৰাক্যসিলেসো. অত্তস্স ৰিনযোতি চ, সমাহিতো অত্তৰিনযো যস্স গরুল়স্স তথাগতস্স ৰাতি চ, অহীনং ইনা নাযকাতি চ, অহীনানং নাগরাজূনং মদোতি চ, হীনেহি অঞ্ঞে অহীনা উত্তমা, তেসং মদোতি ¶ চ, তং মদ্দতীতি চ, ৰীনং পক্খীনং নাযকোতি চ, ৰেনেয্যজনে ৰিনেতীতি চ ৰাক্যং. দুতিযপক্খে ‘‘ৰিসদ’’ন্তি ক্রিযাৰিসেসনং.

ৰিরুদ্ধাৰিরুদ্ধাভিন্ন-কম্মা নিযমৰা পরো;

নিযমক্খেপৰচনো, অৰিরোধি ৰিরোধ্য’পি.

ওচিত্যসম্পোসকাদি, সিলেসো পদজাদি’তি [পদজাতিপি (ক.)];

এসং নিদস্সনেস্ৰেৰ, রূপ’মাৰিভৰিস্সতি.

২৯২-৩. সিলেসভেদমঞ্ঞথাপি দস্সেতুমাহ ‘‘ৰিরুদ্ধ’’ইচ্চাদি. ৰিরুদ্ধানি চাৰিরুদ্ধানি চ অঞ্ঞমভিন্নঞ্চ, তানিযেৰ কম্মানি ক্রিযানি যেসং, তে তযো সিলেসা. নিযমো’ৰধারণমস্মিং অত্থীতি নিযমৰা, পরো অঞ্ঞো সিলেসোপি. নিযমস্স অক্খেপো নিসেধনং যস্স, তং ৰচনমভিধানং যস্স, তাদিসোপি. নাস্স ৰিরোধো অত্থীত্যৰিরোধি, সোপি. ৰিরোধো অসঙ্গতি এত্থ ৰিজ্জতীতি ৰিরোধি, সোপি. ওচিত্যং সম্পোসেতীতি ওচিত্যসম্পোসকো, সো আদি যস্স অলঙ্কারন্তরগোচরস্স সিলেসস্স, সো পদতো জাতাদিসিলেসোপি. ইতিতে পরেপি সিলেসভেদা সন্তি. এসং যথাৰুত্তানং নিদস্সনেসু পযোগেস্ৰেৰ রূপং সভাৰো লক্খণং আৰিভৰিস্সতীতি.

২৯২-৩. অৰুত্তসিলেসৰিসেসে দস্সেতুং উদ্দিসতি ‘‘ৰিরুদ্ধা’’ইচ্চাদি. ৰিরুদ্ধাৰিরুদ্ধাভিন্নকম্মা অপি উভযত্থস্স ৰিরুদ্ধেন চ অৰিরুদ্ধেন চ অভিন্নেন চ কম্মেন সমন্ৰিতা তযো সিলেসা চ, পরো অঞ্ঞো নিযমৰাপি অৰধারণেন যুত্তসিলেসো চ, নিযমক্খেপৰচনোপি অৰধারণস্স পটিসেধপকাসকাভিধানসিলেসো চ, অৰিরোধিপি উভযপক্খাৰিরোধিসিলেসো চ, ৰিরোধিঅপি উভযত্থস্স ¶ ৰিরোধিসিলেসো চ, পদজাদি পদেন জাতো ৰাক্যেন জাতো ওচিত্যসম্পোসকাদিসিলেসোপীতি এসং সিলেসানং নিদস্সনেস্ৰেৰ নিদস্সনসঙ্খতউদাহরণেস্ৰেৰ রূপং সরূপং তেসং লক্খণং ৰা আৰিভৰিস্সতি, নিদস্সিযমানউদাহরণেনেৰ লক্খণস্স গম্মমানত্তা ৰিসুং ন কথেস্সামীতি অধিপ্পাযো. ৰিরুদ্ধানি চ অৰিরুদ্ধানি চ অভিন্নঞ্চেতি চ, তমেৰ কম্মং ক্রিযা যেসং সিলেসানমিতি চ, নিযমো অৰধারণং অস্মিং অত্থীতি চ, নিযমস্স অক্খেপো পটিসেধো অস্স অত্থীতি চ, তং ৰচনং অভিধানং যস্স সিলেসস্সাতি চ, নাস্স ৰিরোধো অত্থীতি চ, ওচিত্যং সম্পোসেতীতি চ, সো আদি যস্স উপমাসিলেসাদিনোতি চ, পদতো জাতোতি চ, সো আদি যস্স ৰাক্যস্সাতি চ ৰিগ্গহো.

সৰসে ৰত্তযং লোকং, অখিলং কল্লৰিগ্গহো [কলৰিগ্গহো (সী.)];

পরাভৰতি মারারি, ধম্মরাজা ৰিজম্ভতে.

২৯৪. ততো কমেন তেদস্সীযন্তি ‘‘সৰসে’’ইচ্চাদি. অখিলং লোকং সৰসে ৰত্তযং মারারি ধম্মরাজা চ, কল্লো মনুঞ্ঞো ৰিগ্গহো কলহো যস্স মারারিনো, ৰিগ্গহো সরীরসম্পদা যস্স ধম্মরাজস্স, তেসু মারারি পরাভৰতি পরাভৰমপেতি বোধিযং পটিলদ্ধপরাজযৰসেন, ধম্মরাজা সমন্তভদ্দো তু ৰিজম্ভতে লোকত্তযব্যাপিসমুল্লপিতৰিজযদ্ধনিপৰত্তিৰসেন সমং ভৰতীতি অযং ৰিরুদ্ধকম্মসিলেসো পরাভৰৰিজম্ভনানমঞ্ঞোঞ্ঞৰিরোধতো.

২৯৪. ইদানি উদ্দেসক্কমেন উদাহরতি ‘‘সৰসে’’ইচ্চাদি. অখিলং লোকং সৰসে ৰত্তযং অনত্থে যুঞ্জনতো অত্তনো ৰসে ৰত্তযন্তো, নো চে, সকললোকং হিতে ¶ যুঞ্জনতো অত্তনো ৰসে ৰত্তযন্তো কল্লৰিগ্গহো মনুঞ্ঞকলহো, নো চে, মনুঞ্ঞসরীরসম্পত্তিযুত্তো মারারি পরাভৰতি বোধিমূলে লদ্ধপরাজযৰসেন পরাভৰং পাপুণাতি, ধম্মরাজা তথাগতো পন ৰিজম্ভতে লোকত্তযে পত্থটজযঘোসৰসেন ৰিজম্ভতীতি. পরাভৰনৰিজম্ভনক্রিযানং অঞ্ঞমঞ্ঞৰিরুদ্ধত্তা অযং ৰিরুদ্ধকম্মসিলেসো নাম. সস্স অত্তনো ৰসো ইস্সরিযমিতি চ, কল্লো মনুঞ্ঞো ৰিগ্গহো ৰিৰাদো দেহো ৰা যস্সেতি চ ৰাক্যং.

সভাৰমধুরং পুঞ্ঞ-ৰিসেসোদযসম্ভৰং;

সুণন্তি ৰাচং মুনিনো, জনা পস্সন্তি চা’মতং.

২৯৫. ‘‘সভাৰে’’চ্চাদি. সভাৰেনেৰ মধুরা পিযা ৰাচা, মধুরং অমতং, পুঞ্ঞৰিসেসস্স উদযো অভিৰড্ঢি, তেন সম্ভৰো, যস্স ৰা তং, মুনিনো ৰাচং সদ্ধম্মসঙ্খাতং জনা সুণন্তি, তস্সযং অমতঞ্চ [তস্স চ নিস্সযং অমতন্তি (ক.)] পস্সন্তীতি অযমৰিরুদ্ধকম্মসিলেসো সৰনদস্সনানং অৰিরুদ্ধত্তাতি.

২৯৫. ‘‘সভাৰ’’মিচ্চাদি. সভাৰমধুরং ‘‘ৰাচামধুরং করিস্সামী’’তি কত্তব্বপযোগং ৰিনাপি মধুরত্তা পকতিমধুরং, নো চে, কেনচি পচ্চযেন অনুপ্পন্নত্তা সঙ্খরৰিসেসং ৰিনাপি পকতিপণীতং, পুঞ্ঞৰিসেসোদযসম্ভৰং পুঞ্ঞৰিসেসদেসকস্স মুনিনো কস্সচি কুসলৰিসেসস্স অভিৰুদ্ধিযা সম্ভূতং, নো চে, ৰেনেয্যজনানং নিব্বানাধিপ্পাযেন কতকুসলৰিসেসস্স অভিৰুদ্ধিযা আরম্মণত্তেন পটিলদ্ধং মুনিনো ৰাচং সদ্ধম্মসঙ্খাতং সুণন্তি, অমতং নিব্বানঞ্চ জনা ৰেনেয্যজনা পস্সন্তীতি. সৰনদস্সনক্রিযানং অঞ্ঞমঞ্ঞাৰিরুদ্ধত্তা অযং অৰিরুদ্ধকম্মসিলেসো. সস্স অত্তনো ভাৰোতি ¶ চ, তেন মধুরা, মধুরমিতি চ, পুঞ্ঞমেৰ ৰিসেসোতি চ, তস্সোদযোতি চ, তেন সম্ভৰো যস্সেতি চ ৰিগ্গহো.

মনো পীণেতি [ধিনোতি (সী. অভিনৰটীকা চ)] জন্তূনং,

২৯৬. ‘‘অন্ধকারে’’চ্চাদি. অন্ধকারং মোহসঙ্খাতং পকতিঅন্ধকারং ৰা অপহরতীতি অন্ধকারাপহারা, ৰাচা, ভা চ. তায সভাৰভাসায, সোভায চ জিনো জন্তূনং মনো চিত্তং পীণেতীতি অযমভিন্নকম্মসিলেসো পীণনলক্খণাযেকায ক্রিযায ৰাচায ভায চ সম্পন্নোতি.

২৯৬. ‘‘অন্ধকারা’’ইচ্চাদি. অন্ধকারাপহারায মোহন্ধকারং পকতিঅন্ধকারং ৰা অপহরণায সভাৰমধুরায চ সভাৰতো কণ্ণসুখায, সভাৰতো নেত্তাভিরামায ৰাচায ভায সরীরকন্তিযা চ জিনো জন্তূনং মনো চিত্তং ধিনোতি পীণেতীতি. পীণযনসভাৰায একায ক্রিযায সদ্ধিং করণভূতানং দ্ৰিন্নং ৰাচাভানং যোজিতত্তা অযং অভিন্নকম্মসিলেসো. অন্ধকার’মপহরতীতি চ, সভাৰেন মধুরাতি চ ৰাক্যং.

কেসক্খীনংৰ কণ্হত্তং, সমূনংযেৰ ৰঙ্কতা;

পাণিপাদাধরানংৰ, মুনিন্দস্সা’তিরত্ততা.

২৯৭. ‘‘কেসি’’চ্চাদি. ¶ কণ্হত্তং কেসক্খীনংযেৰ, ন মনসি, কণ্হত্তগুণো পাপত্তঞ্চ সিলিট্ঠং. ৰঙ্কতা ভমূনংযেৰ, ন অজ্ঝাসযে, ৰঙ্কতানতত্তং সঠত্তঞ্চ সিলিট্ঠং. অতিরত্ততা পাণিপাদাধরানংযেৰ, ন চিত্তে, অতিরত্ততাগুণো রাগো চ সিলিস্সতে. ‘‘মুনিন্দস্সা’’তি ‘‘কণ্হত্ত’’ন্তিআদীসু সব্বত্থ সম্বন্ধনীযং. নিযমৰা সিলেসো কেসক্খীনংৰাতি অৰধারণপ্পযোগাতি.

২৯৭. ‘‘কেসক্খীন’’মিচ্চাদি. মুনিন্দস্স কণ্হত্তং কেসক্খীনং এৰ হোতি, কণ্হত্তসঙ্খতমকুসলং ন চিত্তে. ৰঙ্কতা ভমূনংযেৰ, নজ্ঝাসযে. অতিরত্ততা পাণিপাদাধরানং এৰ, ন কেসুচি ৰত্থূসূতি. ‘‘কেসক্খীনংৰা’’তিআদীসু নিযমসঙ্খাতঅৰধারণপদস্স ৰিজ্জমানত্তা কণ্হভাৰেন সদ্ধিং পাপত্তস্স চ, ৰঙ্কগুণেন সদ্ধিং সাঠেয্যস্স চ, রত্তগুণেন সদ্ধিং রাগস্স চ সিলিট্ঠত্তা অযং নিযমৰন্তসিলেসো নাম. কেসানি চ অক্খীনি চেতি চ, কণ্হস্স ভাৰোতি চ, ৰঙ্কস্স ভাৰোতি চ, পাণযো চ পাদানি চ অধরানি চাতি চ, অতিরত্তস্স ভাৰোতি চ ৰিগ্গহো.

পাণিপাদাধরেস্ৰেৰ, সারাগো তৰ দিস্সতি;

দিস্সতে সো’য’মথ ৰা, নাথ সাধুগুণেস্ৰপি.

২৯৮. ‘‘পাণি’’চ্চাদি. নাথ তৰ পাণিপাদাধরেস্ৰেৰ সারাগো সোভনো রত্তৰণ্ণো দিস্সতি, ন চিত্তে, সারাগো রত্তৰণ্ণো ছন্দরাগো চাতি সিলিট্ঠং. অযং নিযমো অক্খিপ্যতে. অথ ৰা কথং নিযম্যতে, যতো সো অযং সারাগো সাধূনং গুণেস্ৰেৰ ৰিরাগলক্খণো দিস্সতে ইতি. তস্মা কথমৰধারীযতীতি নিযমক্খেপৰচনো সিলেসোযং.

২৯৮. ‘‘পাণি’’চ্চাদি. ¶ হে নাথ তৰ সারাগো সোভনো রত্তৰণ্ণো পাণিপাদাধরেস্ৰেৰ দিস্সতি, চিত্তে লোভো পন ন দিস্সতি. অথ ৰা সো অযং সারাগো কত্তুকম্যতাকুসলচ্ছন্দভূতো সাধুগুণেস্ৰপি সজ্জনানং সীলাদিগুণেসুপি দিস্সতি. ‘‘এৰা’’তি দস্সিতনিযমস্স পটিসেধকেন ‘‘অথ ৰা’’তি ৰচনেন সমন্নাগতত্তা রত্তৰণ্ণসঙ্খাতরাগেন লোভস্স সিলিট্ঠত্তা চ অযং নিযমক্খেপৰচনসিলেসো. সং সোভনো রাগোতি ৰিগ্গহো.

২৯৯. ‘‘সলক্খণো’’ইচ্চাদি. সহ লক্খণেন সসরূপেন দ্ৰত্তিং সৰরপুরিসলক্খণেন ৰা ৰত্তমানো সলক্খণো, চন্দো মুনিন্দো চ, অতিসুভগো সো চ, তেজস্সী সূরিযো পভাৰিসেসযুত্তো চ, নিযতো পতিদিনমুদযো পভালক্খণো যস্স সো নিযতোদযো, সূরিযো, নিযতো থিরো উদযো সম্মাসম্বুদ্ধো সম্বোধিরূপো যস্স সো নিযতোদযো, মুনিন্দো, লোকেসো ব্রহ্মা মুনিন্দো চ, জিতো সংক্লেসো ঝানরতিৰসেন কাযচিত্তাবাধো যেন সো, ব্রহ্মা, জিতো সংক্লেসো দসৰিধো অগ্গমগ্গঞ্ঞাণলাভা যেন সো. সো মণীনং ইস্সরো উপমণি [উত্তমমণি (?)], সমণানং ইস্সরো মুনিন্দো ৰিভাতীতি যোজ্জং. অযমৰিরোধিসিলেসো লক্খণসুভগাদীনমুভযত্থাপি অব্যৰহিতত্তা.

২৯৯. ‘‘সলক্খণো’’ইচ্চাদি. ¶ সলক্খণো লক্খণেন সহিতো, অতিসুভগো অতিসুন্দরায লক্খিযা সমন্নাগতো, নো চে, দ্ৰত্তিংসমহাপুরিসলক্খণেহি সহিতো অতিৰিয সোভাদীহি যুত্তো, তেজস্সী অন্ধকারৰিধমনসঙ্খতমহানুভাৰেন যুত্তো, নিযতোদযো পতিদিনং পুব্বণ্হকালে নিযমিতগগনুগ্গমনো, নো চে, নিরন্তরপৰত্তবুদ্ধতেজসা যুত্তো থিরসব্বঞ্ঞুপদৰিসঙ্খাতাভিৰুড্ঢিযা সমন্নাগতো, লোকেসো ব্রহ্মভূতো, জিতসংক্লেসো ঝানপীতিযা ৰিজিতকাযচিত্তদরথো, নো চে, তিলোকস্স ইস্সরভূতো চতুত্থমগ্গঞ্ঞাণেন হতদসৰিধসংকিলেসো, সমণিস্সরো সো উত্তমো মণি ৰিভাতি সোভতি, নো চে, সমণানং ইস্সরো ৰিভাতি দিব্বতীতি. ‘‘সলক্খণো সুভগো’’ইচ্চাদিকানং দ্ৰিন্নং পদানং অৰিরুদ্ধত্তা চ, পঠমপাদে চন্দেন দুতিযে সূরিযেন ততিযে ব্রহ্মুনা চতুত্থে মণিনা চ সব্বঞ্ঞুপদত্থস্স সিলিট্ঠত্তা চ অযং অৰিরোধিসিলেসো নাম. সহ লক্খণেন ৰত্তমানোতি চ, অতিসোভনো ভগো সিরী ৰা সিরীকামপযতনাদিকো ৰা অস্সাতি চ, তেজো অস্স অত্থীতি চ, নিযতো উদযো অস্সেতি চ, লোকস্স ইসো ইস্সরোতি চ, জিতো সংক্লেসো যেনেতি চ, মণীনং সমণানং ৰা ইস্সরোতি চ ৰাক্যং.

৩০০. ‘‘অসমোপি’’চ্চাদি. নত্থি সমো রাজগুণাদীহি অস্সাতি অসমো, কোচি রাজাদি, ‘‘অসমো’’তি লোকেকসিখামণিভাৰেন ¶ মুনি. তত্থ যদা অসমো রাজাদি, তদা লোকে সমোতি ৰিরুদ্ধং অসমত্তা তস্স. অপিসদ্দো ৰিরোধং জোতেতি. পক্খন্তরে ত্ৰৰিরুদ্ধং, লোকে দেৰদত্তাদীনং ৰিরোধিসত্তানং রাহুলাদীনং অৰিরোধিসত্তানঞ্চ সমত্তা, ততোযেৰাযং ৰিরোধাভাসানঞ্চসা ৰিরোধোযেৰ. লোকেসো ব্রহ্মা মুনি চ. তত্থ ‘‘ব্রহ্মা নরুত্তমো’’তি ৰিরুদ্ধং দিব্বযোনিত্তা তস্স. পক্খন্তরে ত্ৰব্যাঘাতো উত্তমনরত্তা তস্স. দযো দানং, সহ দযেনাতি সদযো, কোচি পুরিসো. সহ দযায ৰত্ততীতি সদযো, মুনি. তত্থ পুরিসো দাযকো পাপে জনে কথমদযোতি ৰিরুজ্ঝতি. মুনি পাপে রাগাদিকে অদযোতি ৰিরুজ্ঝতি. তস্মা মুনিনো অযং যথাৰুত্তা গতি পৰত্তি চিত্তা অব্ভুতাতি অযং ৰুত্তনযেন ৰিরোধিসিলেসো উদাহটো.

৩০০. ‘‘অসমো’’ইচ্চাদি. অসমোপি অতুল্যোপি কোচি রাজাদিকো লোকে সমো তুল্যো, নো চে, সদিসপুগ্গলরহিতো এৰ রাহুলভদ্রদেৰদত্তাদিসব্বলোকে অনুনযপটিঘাভাৰেন সমো হোতি. লোকেসোপি ব্রহ্মভূতোপি নরুত্তমো নরৰরো হোতি, নো চে, সকললোকাধিপতি হুত্ৰা এৰ নরুত্তমো. সদযোপি যাচকেসু দযসঙ্খাতেন দানেন যুত্তোপি পাপে পাপিট্ঠে অদযো দানরহিতো, নো চে, দযাসহিতো এৰ অকুসলে নিদ্দযো. মুনিনো অযং গতি পৰত্তি চিত্তা ৰিচিত্তাতি রাজাদিনো অসমসমতা চ, ব্রহ্মা হুত্ৰা উত্তমনরভাৰো চ, দানসহিতস্স কস্সচি পুরিসস্স দানরহিতভাৰো চ ৰিরুদ্ধো হোতি. তস্মা রাজব্রহ্মপুরিসেহি মুনিনো সিলিট্ঠত্তা অযং ৰিরোধিসিলেসো নাম. পুব্বপুব্বপক্খে ৰিরোধো অপরাপরপক্খেহি নিরাকতো হোতি. পুব্বপক্খে অপিসদ্দো ৰিরোধং জোতেতি, অপরপক্খে অৰধারণন্তি. ¶ নত্থি সমো যস্সেতি চ, নরো চ সো উত্তমো চেতি চ, সহ দযেন দযায ৰা ৰত্তমানোতি চ, নত্থি দযো দযা ৰা অস্সেতি চ ৰিগ্গহো.

সংসারদুক্খোপহতা-ৰনতা জনতা ত্ৰযি;

সুখ’মিচ্ছিত’মচ্চন্তং, অমতন্দদ ৰিন্দতি.

৩০১. উদাহরতি ‘‘সংসারে’’চ্চাদি. সংসারো অব্বোচ্ছিন্নং ৰত্তমানা খন্ধপটিপাটিযেৰ দুক্খং দুক্খমত্তাদিনা, তেন উপহতা পহটা জনতা, অমতং সুখং অমতং ৰা নিব্বানং দদাতীতি অমতন্দদাতি আমন্তনং, ত্ৰযি অৰনতা পণামৰসেন ইচ্ছিতমতিমতং দুক্খাপগমনিব্বত্তং কাযিকং চেতসিকঞ্চ সুখং অচ্চন্তং ৰিন্দতি পটিলভতীতি. এত্থ অমতং সুধা নিব্বানঞ্চ, অমতন্দদো দুক্খোপহতে সুখযতীতি উচিতন্তি ‘‘অমতং দদাতী’’তি পদমধিগতে ৰত্থুনি ওচিত্যং সম্পোসযতীতি ওচিত্যসম্পোসকো পদসিলেসোযং. আদিসদ্দেন ‘‘সুগন্ধিসোভাসম্বন্ধী’’ত্যাদ্যুপমাসিলেসাদযো সঙ্গহিতাতি.

৩০১. ‘‘সংসার’’ইচ্চাদি. সংসারদুক্খোপহতা খন্ধধাতুআযতনানং নিরন্তরপৰত্তিসঙ্খাতেন দুক্খেন উপহতা জনতা, অমতন্দদ হে সুধাদাযক নো চে, নিব্বানদাযক তথাগত ত্ৰযি অৰনতা পণমনৰসেন ওনতা ইচ্ছিতং অভিমতং সুখং কাযিকচেতসিকসুখং অচ্চন্তং অতিসযেন ৰিন্দতি সেৰতীতি. অমতদাযকা দুক্খিতে সুখিতে করোন্তীতি ইদং উচিতমেৰেতি উভযত্থস্সাপি ৰাচকং ‘‘অমতং দদাতী’’তি পদং তাদিসজনস্স সুখদানে ওচিত্যং পোসেতীতি অযং ওচিত্যসম্পোসকপদসিলেসো. সংসারোযেৰ দুক্খন্তি চ, তেন উপহতাতি চ, অমতং সুধং নিব্বানং ৰা দদাতীতি চ ৰাক্যং.

গুণযুত্তেহি ¶ ৰত্থূহি, সমং কত্ৰান কস্সচি;

সংকিত্তনং ভৰতি যং, সা মতা তুল্যযোগিতা.

৩০২. তুল্যযোগিতং যোজযতি ‘‘গুণে’’চ্চাদিনা. গুণো ধম্মো সাধু অসাধু ৰা, তেন যুত্তেহি ৰত্থূহি সহ সমং কত্ৰান ৰত্থুতো অসাম্যেপি তথাভাৰমারোপ্য কস্সচি পুরিসাদিনো থুতিনিন্দত্থং যং কিত্তনমাখ্যানং, সা তুল্যক্খণা তুল্যযোগিতা মতা, ৰত্তুমিচ্ছিতেন গুণেন তাদিসানং তুল্যযোগিতাপটিপাদনতো তদত্থিযেন তুল্যযোগিতা তথা দ্ৰিধা ৰত্ততি.

৩০২. ইদানি তুল্যযোগিতালঙ্কারং দস্সেতি ‘‘গুণযুত্তেহি’’ইচ্চাদিনা. গুণযুত্তেহি সুন্দরাসুন্দরেহি যেহি কেহিচি গুণেহি যুত্তেহি ৰত্থূহি, সমং কত্ৰান তত্ৰতো অসমানেসুপি সমানত্তবুদ্ধিযা আরোপনং কত্ৰা, কস্সচি পুরিসাদিনো থুতিং নিন্দং ৰা নিস্সায যং সংকিত্তনং গুণাগুণকথনং ভৰতি, সা তুল্যযোগিতাতি মতাতি. গুণেহি যুত্তাতি চ, তুল্যেন গুণেন সহ যোগোতি চ, সো এতেসং রংসিমালীভগৰন্তাদীনমত্থীতি চ, তেসং ভাৰো তুল্যগুণসম্বন্ধোতি চ ৰিগ্গহো. এত্থ তুল্যগুণযুত্তপদত্থানং তগ্গুণসম্বন্ধস্স তুল্যযোগিতাভাৰতো তপ্পটিপাদকো উত্তিৰিসেসো তদত্থিযেন তুল্যযোগিতাতি ঞেয্যা.

৩০৩. উদাহরতি ‘‘সম্পত্তে’’চ্চাদি. তমং নুদতীতি তমোনুদো. রংসিমালী সূরিযো চ, অথ ৰা সম্মাসম্বুদ্ধো চাতি উভোহি করণভূতেহি হেতুভূতেহি ৰা ¶ লোকো সত্তলোকো, সম্পত্তো সম্মদো পীতি যেন তথাৰিধো চ, সম্পত্তো আলোকস্স সম্পদা যেন তথাৰিধো চাপীতি. এত্থ পীতিদানাদিগুণযুত্তেন রংসিমালিনা সমং কত্ৰা ভগৰতো থুতিৰসেন কিত্তনন্তি লক্খণং যোজনীযং.

৩০৩. ইদানি উদাহরতি ‘‘সম্পত্তি’’চ্চাদিনা. তমোনুদো অন্ধকারং পহরন্তো রংসিমালী চ ভগৰা চ উভোহি করণভূতেহি হেতুভূতেহি ৰা, লোকো সত্তলোকো সম্পত্তসম্মদো পটিলদ্ধপীতিকো চ সম্পত্তালোকসম্পদা চ হোতীতি. এত্থ পীতিদানালোককরণসঙ্খাতগুণযুত্তেন সূরিযেন তুল্যং কত্ৰা ভগৰতো থুতিৰসেন গুণকথনং হোতি. সম্পত্তো সম্মদো পীতি যেনেতি চ, আলোকস্স সম্পদাতি চ, সম্পত্তা আলোকসম্পদা যেনেতি চ, তমং নুদতীতি চ ৰাক্যং. উদাহরণে অদস্সিতেপি অসাধুগুণযুত্তেন কেনচি ৰত্থুনা সমং কত্ৰা কস্সচি কাতব্বনিন্দাপি এৰমেৰ দট্ঠব্বা.

অত্থন্তরং সাধযতা, কিঞ্চি তংসদিসং ফলং;

দস্সীযতে অসন্তং ৰা, সন্তং ৰা তং নিদস্সনং.

৩০৪. নিদস্সনং পদস্সেতি ‘‘অত্থন্তর’’মিচ্চাদিনা. অত্থন্তরং নিদস্সেতব্বাপেক্খায অঞ্ঞং কিঞ্চি উচিতং কারিযং সাধযতা কেনচি ৰত্থুনা হেতুভূতেন, তেন অত্থন্তরেনেৰ সদিসং তুল্যং ফলং কিঞ্চি অসন্তং অনিট্ঠং ৰা সন্তং ইট্ঠং ৰা দস্সীযতে পটিপাদীযতে, তং এৰংলক্খণং নিদস্সনং সিযা.

৩০৪. ইদানি নিদস্সনালঙ্কারং নিদস্সেতি ‘‘অত্থন্তরি’’চ্চাদিনা. অত্থন্তরং নিদ্দিসিতব্বতো অঞ্ঞং উচিতকারিযসঙ্খাতমত্তং [উচিতকিচ্চ… (ক.)] সাধযতা সাধযন্তেন কেনচি ৰত্থুনা তংসদিসং ¶ তেন অত্থন্তরেন সমানং অসন্তং অনিট্ঠং ৰা সন্তং ইট্ঠং ৰা কিঞ্চি ফলং দস্সীযতে ৰত্থূহি পটিপাদীযতে, তং তাদিসং ফলং নিদস্সনং নামাতি. অত্থো চ সো অন্তরো অঞ্ঞো চাতি চ, তেন অত্থন্তরেন সদিসমিতি চ, নিদস্সীযতেতি চ ৰিগ্গহো.

উদযা সমণিন্দস্স, যন্তি পাপা পরাভৰং;

ধম্মরাজৰিরুদ্ধানং, সূচযন্তা [দীপযন্তা (সী.)] দুরন্ততং.

৩০৫. ‘‘উদযা’’ইচ্চাদি. সমণিন্দস্স মহামুনিনো উদযা পাতুভাৰেন পাপা লোভাদযো পরাভৰং নিধনং যন্তি, পরাভৰন্তীতি ৰুত্তং হোতি. উদযপুব্বকেন পাপপরাভৰনত্থন্তরেন সদিসং ফলং নিদস্সেতি. কিং করোন্তা? ধম্মরাজা ধম্মানপেতো রাজা, মুনিন্দো চাতি সিলিট্ঠং, তেন ৰিরুদ্ধানং, দুট্ঠো ৰিরুদ্ধো অন্তো অৰসানং যস্স, তস্স ভাৰো, তং সূচযন্তাতি ধম্মরাজৰিরোধহেতুকং অসন্তফলমেতং নিদস্সনং পরাভৰস্সানিট্ঠত্তা.

৩০৫. ইদানি উদাহরতি ‘‘উদযা’’ইচ্চাদিনা. সমণিন্দস্স মুনিন্দস্স উদযা লোকে পাতুভাৰেন পাপা লোভাদযো ধম্মরাজৰিরুদ্ধানং রাজধম্মেহি সমন্নাগতরাজূহি, ধম্মাধিপতিনা মুনিন্দেন ৰা ৰিরুদ্ধানং দুরন্ততং অনিট্ঠাৰসানতং সূচযন্তা পকাসেন্তো পরাভৰং পরিহানিং যন্তি পাপুণন্তীতি. এত্থ পুব্বদ্ধেন উদযপুব্বকো পাপপরাভৰনসঙ্খাতো অত্থন্তরো দস্সিতো, অপরদ্ধেন তংসদিসৰিরোধহেতুকং দুরন্তসঙ্খাতং অসন্তফলং দস্সেতি. ধম্মরাজৰিরোধহেতুকং অসন্তফলমেতং পরাভৰস্সানিট্ঠত্তা. সমণানমিন্দোতি চ, ধম্মেন যুত্তো রাজাতি ৰা ধম্মেসু রাজাতি ¶ ৰাতি চ, তেন ৰিরুদ্ধাতি চ, দুট্ঠো ৰিরূপো অন্তো পরিযোসানং যেসমিতি চ, তেসং ভাৰোতি চ ৰাক্যং.

৩০৬. ‘‘সিরো’’চ্চাদি. অচ্ছরিযানং ভগৰতো চরণারৰিন্দদ্ৰন্দসম্পটিগ্গহণত্থং পথৰিং ভিন্দিত্ৰা সমুগ্গতানমচ্ছরিযগুণোপেতানমম্বুজানং সিরসি মত্থকে নিক্খিত্তা চরণা যেন সো জিনো. অম্বুজোপরিচরণনিক্খেপলক্খণেনত্থন্তরেন সদিসং ফলং দস্সেতি. অত্তনো পরমচ্ছরিযভাৰং ৰিঞ্ঞাপেতি. সন্তফলমিদং নিদস্সনং জিনব্ভুতত্থদীপনস্স ইট্ঠত্তাতি.

৩০৬. ‘‘সিরো’’ইচ্চাদি. অযং জিনো অচ্ছরিযানং অত্তনো পাদপটিগ্গহণত্থং পথৰিং ভিন্দিত্ৰা উগ্গতত্তা অচ্ছরাপহরণযোগ্গানং অম্বুজানং সিরোনিক্খিত্তচরণো মত্থকে ঠপিতপাদো লোকে সত্তলোকে অত্তনো পরমব্ভুততং অতিঅচ্ছরিযগুণং ৰিঞ্ঞাপেতি অৰবোধেতীতি. এত্থ অচ্ছরিযপদুমানং মত্থকে চরণনিক্খেপসঙ্খাতেন অত্থন্তরেন পরমব্ভুততং ৰিঞ্ঞাপেতীতি অযং সদিসসন্তফলং জিনব্ভুতত্থদীপনস্স ইট্ঠত্তা. সিরসি নিক্খিত্তানি চরণানি যেনেতি চ, অচ্ছরং অচ্ছরাসঙ্ঘাতং অরহন্তীতি চ, পরমো উত্তমো অব্ভুতো গুণো অস্সেতি চ, তস্স ভাৰোতি চ ৰিগ্গহো.

ৰিভূতিযামহন্তত্তং, অধিপ্পাযস্স ৰা সিযা;

পরমুক্কংসতং যাতং, তং মহন্তত্ত’মীরিতং.

৩০৭. মহন্তত্তমুপদস্সেতি ¶ ‘‘ৰিভূতিযা’’ইচ্চাদিনা. ৰিভূতিযা সম্পত্তিযা অধিপ্পাযস্স ৰা অজ্ঝাসযস্স ৰা পরমুক্কংসতং পরমাতিসযভাৰং যাতং উপগতং মহন্তত্তং নাম ঈরিতং কথিতং.

৩০৭. ইদানি মহন্তত্তালঙ্কারং দস্সেতি ‘‘ৰিভূতি’’ ইচ্চাদিনা. ৰিভূতিযা সম্পত্তিযা ৰা অধিপ্পাযস্স অজ্ঝাসযস্স ৰা পরমুক্কংসতং অত্যুক্কংসভাৰং যাতং যং মহন্তত্তং সিযা, তং মহন্তত্তমিতি ঈরিতন্তি. মহতো ভাৰোতি চ, পরমো উক্কংসো অতিসযো যস্সেতি চ, তস্স ভাৰোতি চ ৰাক্যং.

কিরীটরতনচ্ছাযা-নুৰিদ্ধাতপৰারণো;

পুরা পরং সিরিং ৰিন্দি, বোধিসত্তো’ভিনিক্খমা.

৩০৮. উদাহরতি ‘‘কিরীটে’’চ্চাদি. অভিনিক্খমা পুরা পুব্বে বোধিসত্তো মাযাদেৰিযা পুত্তো পরমুক্কট্ঠং অনাঞ্ঞসাধারণং সিরিং ৰিভূতিং ৰিন্দি পটিলভি. কীদিসো? কিরীটে মকুটে রতনানং ছাযাহি সোভাহি অনুৰিদ্ধো ছুরিতো আতপৰারণো সেতচ্ছত্তং যস্স সো তাদিসোতি ৰিভূতিযা মহন্তত্তং ৰুত্তং ‘‘আতপৰারণো রতনচ্ছাযানুৰিদ্ধো’’তি.

৩০৮. ইদানি উদাহরতি ‘‘কিরীট’’ইচ্চাদিনা. বোধিসত্তো অন্তিমজাতিযং মহাবোধিসত্তো অভিনিক্খমা অভিনিক্খমনতো পুরা পুব্বে কিরীটরতনচ্ছাযানুৰিদ্ধাতপৰারণো মোলিরতনরংসীহি রঞ্জিতসেতচ্ছত্তো পরমুক্কট্ঠং সিরিং ৰিভূতিং ৰিন্দি অনুভৰীতি. এত্থ মোলিরতনকন্তিযা সেতচ্ছত্তস্স ওৰিদ্ধভাৰকথনেন ৰিভূতিযা মহন্তত্তং হোতি. কিরীটে রতনানীতি চ, তেসং ছাযাযোতি ¶ চ, তাহি অনুৰিদ্ধো ছুরিতো আতপৰারণো যস্সেতি চ ৰাক্যং.

৩০৯. ‘‘সত্তো’’ইচ্চাদি. স্নেহেন পিযভাৰেন জাতেন রসেন রাগেন আবদ্ধমত্তনি রাহুলমাতরং বিম্বাদেৰিম্পি, কিমুতঞ্ঞং যুৰতিজনং, হিত্ৰা অনপেক্খিত্ৰা অনাসত্তো হুত্ৰা সত্তানং হিতায লোকিযলোকুত্তরায ৰড্ঢিযা বোধিসত্তো সিদ্ধত্থো সম্বোধিযং সব্বঞ্ঞুতঞ্ঞাণেযেৰ সত্তো আসত্তো, তত্থেৰ লগ্গোতি অধিপ্পাযো. মহন্তত্তমুক্কট্ঠং তাদিসৰনিতারতনানাসজ্জনলক্খণমালক্খীযতীতি.

৩০৯. ‘‘সত্তো’’ইচ্চাদি. সো বোধিসত্তো স্নেহরসাবদ্ধং পিযভাৰসঙ্খাতরাগেন আবদ্ধং রাহুলমাতরং অপি বিম্বাদেৰিম্পি হিত্ৰা সত্তহিতায সত্তানং লোকিযলোকুত্তরত্থায সম্বোধিযং সব্বঞ্ঞুতঞ্ঞাণেযেৰ সত্তো লগ্গোতি. তাদিসইত্থিরতনেপি অলগ্গতাকথনেন বোধিসত্তস্স উক্কট্ঠজ্ঝাসযমহন্তত্তং ৰুত্তং হোতি. সম্মা বুজ্ঝতি এতাযাতি চ, বোধিযং সত্তো লগ্গোতি চ, সত্তানং হিতমিতি চ, স্নেহেন পিযভাৰেন জাতো রসো রাগোতি চ, তেন আবদ্ধাতি চ ৰিগ্গহো.

৩১০. ৰঞ্চনং ¶ ৰদতি ‘‘গোপেত্ৰা’’ইচ্চাদিনা, ৰণ্ণনীযং কিঞ্চি ৰত্থুং গোপেত্ৰা নিরংকত্ৰা তস্স ৰণ্ণনীযস্স অসমং ৰিসমং ৰিসদিসং পরমঞ্ঞং যং কিঞ্চি ৰত্থু যদি দস্সীযতে কৰিনাতি অনুৰদিত্ৰা সা ৰঞ্চনা মতাতি ৰিধীযতে.

৩১০. ইদানি ৰঞ্চনালঙ্কারং দস্সেতি ‘‘গোপেত্ৰা’’ইচ্চাদিনা. ৰণ্ণনীযং কিঞ্চি ৰত্থুং গোপেত্ৰা তস্স ৰণ্ণনীযস্স সমং সদিসং ৰা অসমং ৰিসদিসং ৰা পরং যং কিঞ্চি ৰত্থু যদি দস্সীযতে কৰিনা, সা ৰঞ্চনাইতি মতাতি. ৰঞ্চেতি ৰণ্ণনীযং এতায ৰুত্তিযাতি ৰাক্যং.

৩১১. উদাহরতি ‘‘পুরতো’’ইচ্চাদি. মারো কামো তাদিনো লোভাদীসু তাদিসত্তা মুনিনো পুরতো সম্মুখে সহস্সং ইসৰো অস্সাতি সহস্সেসু চ ন হোতি. পঞ্চ ইসৰো অস্সাতি পঞ্চেসু চ ন হোতীতি ৰণ্ণনীযো মারোত্র গোপ্যতে. তস্স যো তিভুৰনং জযী. পরেসু অঞ্ঞসত্তেসু সরাগেসু এসমিসূনং দসৰড্ঢিতং দসহি গুণিতং সহস্সং, কথমঞ্ঞথাভুৰনত্তযং জযেয্যাতি মারং গোপেত্ৰা দসসহস্সোপলক্খিতৰত্থন্তরস্স দস্সিতত্তা অসমৰঞ্চনাযং.

৩১১. ইদানি উদাহরতি ‘‘পুরতো’’ইচ্চাদিনা. মারো তাদিনো লাভালাভাদীসু অৰিকারিনো তথাগতস্স পুরতো অভিমুখে সহস্সেসু চ সহস্সসরোপি ন হোতি, পঞ্চেসু পঞ্চ ইসু চ তাদিসে ঠপেত্ৰা পঞ্চ ইসু ন হোতি. ¶ পরেসু সুগতসম্মুখে ঈদিসেসুপি অঞ্ঞেসু সংকিলেসেসু তস্স তিলোকজেতুনো মারস্স এসং সরানং দসৰড্ঢিতং দসগণনায ৰড্ঢিতং সহস্সং হোতি দসসহস্সং হোতীতি. ৰণ্ণনীযং মারং গোপেত্ৰা দসসহস্সসঙ্খ্যাহি গণিতস্স অঞ্ঞস্স সরসঙ্খাতৰত্থুনো দস্সিতত্তা অযং অসমৰঞ্চনা নাম. সহস্সং ইসৰো অস্সেতি চ, পঞ্চ ইসৰো অস্সেতি চ, দসহি ৰড্ঢিতন্তি চ ৰাক্যং.

৩১২. ‘‘ৰিৰাদ’’মিচ্চাদি. মনোভুনোতি কামস্স. সমৰঞ্চনাযং পুণ্ণচন্দং নিরংকত্ৰা ছত্তস্স দস্সিতত্তা.

৩১২. ‘‘ৰিৰাদ’’ইচ্চাদি. মুনিন্দৰদনিন্দুনা সব্বঞ্ঞুনো মুখচন্দেন ৰিৰাদং অনুযুঞ্জন্তো সম্পুণ্ণো অযং পচ্চক্খো চন্দিমা ন হোতি. কিঞ্চরহি এতং চন্দমণ্ডলং মনোভুনো অনঙ্গস্স উব্ভূতিযং ছত্তং সমুস্সিতসেতচ্ছত্তন্তি. ৰণ্ণনীযং চন্দমণ্ডলং ঠপেত্ৰা ততো অঞ্ঞস্স চন্দসদিসস্স ছত্তস্স দস্সিতত্তা অযং ৰুত্তি সমৰঞ্চনা নাম. মুনীনং ইন্দোতি চ, তস্স ৰদনমিতি চ, ইন্দুসদিসো ইন্দু, মুনিন্দৰদনমেৰ ইন্দূতি চ, সমন্ততো পুণ্ণোতি চ, মনসি ভূতোতি চ ৰিগ্গহো.

পরানুৰত্তনাদীহি, নিব্বিন্দেনি’হ যা কতা;

থুতির’প্পকতে সা’যং, সিযা অপ্পকতত্থুতি.

৩১৩. অপ্পকতত্থুতিং পকাসেতি ‘‘পরি’’চ্চাদিনা. পরেসং যেসং কেসঞ্চি অনুৰত্তনং সেৰা, তমাদি যেসং তেহি নিব্বিন্দেন ৰিরত্তেন অপ্পকতে অসন্নিহিতে বুদ্ধিৰিসযেযেৰ ইহ কিস্মিঞ্চি ৰত্থুম্হি কতা যা থুতি সংরাধনং, সাযং অপ্পকতত্থুতি সিযা.

৩১৩. ইদানি অপ্পকতত্থুতিং দস্সেতি ‘‘পরানু’’চ্চাদিনা. পরানুৰত্তনাদীহি অঞ্ঞস্স যস্স কস্সচি অনুৰত্তনাদীহি নিব্বিন্দেন উব্বেগং পত্তেন অপ্পকতে অনধিগতে বুদ্ধিৰিসযে এৰ ইহ ইমস্মিং কিস্মিঞ্চি ৰত্থুম্হি কতা যা থুতি সংরাধনসঙ্খাতা পসংসা অত্থি, সা অযং অপ্পকতত্থুতি নাম সিযাতি. পরেসমনুৰত্তনমিতি চ, তং আদি যেসং পরপীল়াদীনমিতি চ, ন পকতোতি চ, রকারো সন্ধিজো, অপ্পকতে কতা থুতীতি চ ৰাক্যং.

সুখং জীৰন্তি হরিণা, ৰনেস্ৰ’পরসেৰিনো;

অনাযাসোপলাভেহি, জলদব্বঙ্কুরাদিভি.

৩১৪. উদাহরতি ‘‘সুখ’’মিচ্চাদি. জলেহি দব্বঙ্কুরেহি দব্বতিণুগ্গমেহি. আদিসদ্দেন তরুপল্লৰাদীহি. কীদিসেহি? অনাযাসেন সেৰাপরিক্লেসাদিনা ৰিনা উপলাভেহি পাপুণিতব্বেহি. পরমঞ্ঞং কিঞ্চি ন সেৰন্তি সীলেনেতি অপরসেৰিনো. পরচিত্তারাধনব্যসনপরম্মুখা হরিণা ৰনেসু সুখং নিরাকুলং জীৰন্তীতি. এত্থ রাজানুৰত্তনক্লেসনিব্বিন্দেন সন্নিহিতা মিগৰুত্তি পসংসিতাতি.

৩১৪. ইদানি উদাহরতি ‘‘সুখ’’মিচ্চাদিনা. হরিণা মিগা অপরসেৰিনো ৰুত্তিং নিস্সায পরং অসেৰমানা অনাযাসোপলাভেহি পরপরিগ্গহাভাৰতো পরসেৰাপরিস্সমং ৰিনা লব্ভনীযেহি জলদব্বঙ্কুরাদিভি উদকদব্বঙ্কুররুক্খলতাপল্লৰাদীহি ৰনেসু ইচ্ছিতিচ্ছিতারঞ্ঞেসু সুখং জীৰন্তি সুখজীৰনং করোন্তীতি. এত্থ রাজসেৰাব্যসনপ্পত্তেন কেনচি অনধিগতাপি মিগজীৰিকা পসংসিতা হোতি. পরং ন সেৰন্তি সীলেনাতি চ, অভাৰো আযাসস্সেতি চ, ¶ তেন উপলভিতব্বাতি চ, দব্বানং অঙ্কুরানীতি চ, জলঞ্চ দব্বঙ্কুরানি চেতি চ, তানি আদি যেসং পল্লৰাদীনমিতি চ ৰিগ্গহো.

উত্তরং উত্তরং যত্থ, পুব্বপুব্বৰিসেসনং;

সিযা একাৰলী সা’যং, দ্ৰিধা ৰিধিনিসেধতো.

৩১৫. একাৰলিং কথযতি ‘‘উত্তর’’মিচ্ছাদিনা. যত্থ ৰুত্তিযং উত্তরং উত্তরং উপরিট্ঠানমুপরিট্ঠানং পুব্বস্স পুব্বস্স ৰিসেসনং ৰিধিনিসেধনৰসেন একাৰলি নাম সিযা. অযং একাৰলি ৰিধিনিসেধতো ৰিধিৰসেন নিসেধনৰসেন চ দ্ৰিধা.

৩১৫. ইদানি একাৰলিং দস্সেতি ‘‘উত্তর’’মিচ্চাদিনা. যত্থ উত্তিযং উত্তরং উত্তরং উপরূপরিভৰং পদং পুব্বপুব্বৰিসেসনং পুব্বপুব্বপদস্স ৰিধিনিসেধনৰসেন ৰিসেসনং হোতি, সা একাৰলি নাম সিযা. অযং একাৰলি ৰিধিনিসেধতো ৰিধিনিসেধৰসেন দ্ৰিধা হোতীতি. উত্তরং পুব্বন্তি ঠানূপচারেন ঠানীভূতং পদমেৰ ৰুচ্চতি. পুব্বস্স পুব্বস্স ৰিসেসনমিতি চ, একতো আৰলিযন্তি সংৰলিযন্তি পদানি এতাযাতি চ, ৰিধিৰিধানঞ্চ নিসেধো পটিসেধো চাতি চ ৰাক্যং. এত্থ ‘‘উত্তরং উত্তর’’ন্তি চ ‘‘পুব্বস্স পুব্বস্স’’ইতি চ কমেন ৰিসেসনৰিসেস্যগুণেন ব্যাপনিচ্ছাযং নিব্বচনং, ৰিসেস্যগুণং গম্মমানমেৰ.

রংসী তমোপহানেক […পহারেক (সী.)] -

৩১৬. উদাহরতি ¶ ‘‘পাদা’’ইচ্চাদি. সুগম্মং. এত্থ পাদাদীনং ৰিসেস্যানং নখালিরুচিরত্তাদিৰিধানেন ৰিসেসনেন ৰিসেসিতব্বত্তা অযং ৰিধিএকাৰলি.

৩১৬. ইদানি উদাহরতি ‘‘পাদা’’ইচ্চাদিনা. সত্থুনো পাদা নখালিরুচিরা নখপন্তীহি মনুঞ্ঞা নখালী নখপন্তিযো রংসিভাসুরা রংসীহি দিব্বমানা রংসী কন্তিযো তমোপহানেকরসা অন্ধকারৰিধমনে অসহাযকিচ্চা হুত্ৰা সোভন্তীতি. এত্থ পাদাদীনং পুব্বপদানং নখালিরুচিরত্তাদিৰিধাযকেহি উত্তরউত্তরৰিসেসনেহি ৰিসেসিতত্তা অযং ৰিধিএকাৰলি নাম. নখানং আলি পাল়ীতি চ, নখালীহি রুচিরাতি চ, রংসীহি ভাসুরাতি চ, তমসো অপহারো অপহরণমিতি চ, সো একো রসো কিচ্চং এতাসং রংসীনমিতি চ ৰিগ্গহো.

৩১৭. ‘‘অসন্তুট্ঠো’’ইচ্চাদি. অসন্তুট্ঠো চতুপচ্চযসন্তোসৰসেন যো কোচি যতি নাম নেৰ সিযা. আলযেন তণ্হায আহতো চ যো, সো সন্তোসো নাম ন হোতি. যো জন্তূনং সত্তানং অনন্তব্যসনাৰহো ন হোতি, সো আলযো নাম ন ভৰতীতি. অসন্তুট্ঠাদীনং যতিত্তাদিনিসেধনৰসেন ৰিসেসনানং পৰত্তিযা নিসেধএকাৰলি অযং.

৩১৭. ‘‘অসন্তুট্ঠো’’ইচ্চাদি. অসন্তুট্ঠো চীৰরাদীসু চতূসু পচ্চযেসু দস্সিতদ্ৰাদসৰিধসন্তোসানং অঞ্ঞতরেন অসন্তুট্ঠো ¶ যতি ন এৰ ভিক্খু নাম ন হোতি. আলযাহতো তণ্হায পহতো সন্তোসো ন হোতি. যো জন্তূনং অনন্তব্যসনাৰহো ন যো সত্তানং অপরিযন্তপীল়াপাপকো ন হোতি, সো আলযো ন হোতীতি. অসন্তুট্ঠাদীনং যতিভাৰাদিপটিসেধৰসেন ৰিসেসনানং পৰত্তত্তা অযং নিসেধএকাৰলি নাম. অসন্তুট্ঠপদং যতিসহিতসকলসত্তসমুদাযস্স সাধারণভাৰেন ঠিতং, যতি ন ভৰতীতি যতিতো অঞ্ঞেসু সকলসত্তসঙ্খাতেসু অৰযৰেসু পতিট্ঠাপনতো ‘‘অসন্তুট্ঠো’’তি ৰিসেস্যো, ‘‘যতি নে’’তি ইদং ৰিসেসনং. সেসেসুপি ৰিসেসনৰিসেস্যত্তং ৰুত্তনিযামেন যথারহং যোজেতব্বং. ন সন্তুস্সতীতি চ, আলযেন হতোতি চ, নত্থি অন্তো এতেসমিতি চ, তানি চ তানি ব্যসনানি চেতি চ, তানি আৰহতীতি চ ৰাক্যং.

যহিং ভূসিযভূসত্তং, অঞ্ঞমঞ্ঞং তু ৰত্থুনং;

ৰিনাৰ সদিসত্তং তং, অঞ্ঞমঞ্ঞৰিভূসনং.

৩১৮. অঞ্ঞমঞ্ঞমাহ ‘‘যহি’’মিচ্চাদিনা. যহিং সদিসত্তং ৰিনা এৰ ৰত্থুনং পদত্থানং অঞ্ঞমঞ্ঞং ভূসিযভূসত্তং, তং অঞ্ঞমঞ্ঞং নাম ৰিভূসনমলঙ্কারোতি.

৩১৮. ইদানি অঞ্ঞমঞ্ঞালঙ্কারং দস্সেতি ‘‘যহি’’মিচ্চাদিনা. যহিং অলঙ্কারে সদিসত্তং ৰিনা এৰ ৰত্থুনং অঞ্ঞমঞ্ঞং তু ভূসিযভূসত্তং অলঙ্কারিযঅলঙ্কারত্তং হোতি, তং অঞ্ঞমঞ্ঞৰিভূসনং হোতীতি. ভূসিযঞ্চ ভূসা চাতি চ, তাসং ভাৰোতি চ, অঞ্ঞঞ্চ অঞ্ঞঞ্চেতি চ ৰিগ্গহো. ‘‘অঞ্ঞমঞ্ঞ’’ন্তি এত্থ ছট্ঠুন্তঅসঙ্খ্যমব্যযং, সসঙ্খ্যে চেতি ‘‘ভূসিযভূসত্ত’’ন্তি ইমস্স ৰিসেসনং কত্ৰা ৰত্তব্বং. অলঙ্কারিযমপেক্খায অলঙ্কারৰত্থু চ, তমপেক্খায অলঙ্কারিযৰত্থু চ অঞ্ঞমঞ্ঞং নাম. তন্দীপকালঙ্কারোপি তদত্থিযেন তন্নামকো হোতি.

ব্যামংসুমণ্ডলং ¶ তেন, মুনিনা লোকবন্ধুনা;

মহন্তিং ৰিন্দতী কন্তিং, সোপি তেনেৰ তাদিসিং.

৩১৯. উদাহরতি ‘‘ব্যামংসু’’ইচ্চাদিনা. সুবোধং.

৩১৯. ইদানি উদাহরতি ‘‘ব্যামংসু’’ইচ্চাদিনা. ব্যামংসুমণ্ডলং ব্যামপভামণ্ডলং লোকবন্ধুনা তেন মুনিনা করণভূতেন মহন্তিং মহতিং পূজনীযং ৰা কন্তিং সোভং ৰিন্দতি সেৰতি, সোপি মুনি তেন এৰ ব্যামংসুমণ্ডলেন তাদিসিং কন্তিং ৰিন্দতীতি. অঞ্ঞমঞ্ঞং অসদিসানং ব্যামংসুমণ্ডলমুনিসঙ্খাতানং দ্ৰিন্নং ৰত্থূনং ব্যামংসুমণ্ডলং পঠমৰাক্যে অলঙ্কারিযং হোতি, মুনিপদত্থো অলঙ্কারো হোতি. অপরৰাক্যে ইমে দ্ৰে ৰিপল্লাসেন অলঙ্কারিযঅলঙ্কারা হোন্তি. অংসূনং মণ্ডলমিতি চ, ব্যামং এৰ অংসুমণ্ডলমিতি চ, লোকো বন্ধু অস্সেতি চ, সা ৰিয দিস্সতীতি চ ৰিগ্গহো.

কথনং সহভাৰস্স, ক্রিযায চ গুণস্স চ;

সহৰুত্তীতি ৰিঞ্ঞেয্যং, তদুদাহরণং যথা.

৩২০. সহৰুত্তিং ৰদতি ‘‘কথন’’মিচ্চাদিনা. সুবোধং.

৩২০. ইদানি সহৰুত্তিং দস্সেতি ‘‘কথন’’মিচ্চাদিনা. ক্রিযায গুণস্স চাতি দ্ৰিন্নং সহভাৰস্স সহত্তস্স কথনং সহৰুত্তীতি ৰিঞ্ঞেয্যং. তদুদাহরণং যথা তস্স উদাহরণং এৰং ৰক্খমাননযেন দট্ঠব্বন্তি. সহ সদ্ধিং ভৰনমিতি চ, সহভাৰস্স ৰুত্তি কথনমিতি চ, তস্স উদাহরণমিতি চ ৰিগ্গহো. সহভাৰো চন্দরস্মিনখংসুআদীনং পদত্থানং. এৰং সন্তেপি তেসং তংসহত্তং যস্সং ক্রিযাযং গুণে ৰা ভৰতীতি সহত্তং ক্রিযাগুণানং হোতীতি কত্ৰা ‘‘কথনং সহভাৰস্স ক্রিযায চ গুণস্স চা’’তি ৰুত্তং.

জলন্তি ¶ চন্দরংসীহি, সমং সত্থু নখংসৰো;

ৰিজম্ভতি চ চন্দেন, সমং তম্মুখচন্দিমা.

৩২১. ‘‘জলন্তি’’ইচ্চাদি. সমন্তি সহ, তস্স সত্থুনো মুখচন্দিমা. সেসং সুবোধং. এত্থ জলনৰিজম্ভনানং উভযসাধারণানং ক্রিযানং সহভাৰো ৰিহিতোতি ক্রিযাসহৰুত্তি অযন্তি.

৩২১. ইদানি যথাপটিঞ্ঞাতউদাহরণং দস্সেতি ‘‘জলন্তি’’ইচ্চাদিনা. সত্থু সত্থুনো নখংসৰো নখকিরণা চন্দরংসীহি সমং জলন্তি, তম্মুখচন্দিমা চ চন্দেন সমং ৰিজম্ভতীতি. এত্থ উভযপদত্থানং সাধারণভূতজলনৰিজম্ভনক্রিযানং সহভাৰস্স ৰুত্তত্তা এসা ক্রিযাসহৰুত্তি নাম. চন্দস্স রংসিযোতি চ, নখানং অংসৰোতি চ, তস্স সত্থুনো মুখন্তি চ, তমেৰ চন্দিমসদিসত্তা চন্দিমাতি চ ৰাক্যং. সমংইতি সহপরিযাযো নিপাতো.

জিনোদযেন মলিনং, সহ দুজ্জনচেতসা;

পাপং দিসা সুৰিমলা, সহ সজ্জনচেতসা.

৩২২. ‘‘জিনোদযেন’’চ্চাদি. জিনোদযেন করণভূতেন, হেতুভূতেন ৰা দুজ্জনচেতসা সহ পাপং মলিনং কিলিট্ঠং, সজ্জনচেতসা সহ দিসা দসৰিধাপি সুৰিমলা অচ্চন্তনিম্মলা সুৰিমলযসোমালাৰলযিতত্তা সজ্জনচেতো পাপাপগমেনেতি. এত্থ মলিনত্তস্স চ সুৰিমলত্তস্স ঞাযসম্বন্ধিনো সহভাৰো ৰুত্তোতি অযং গুণসহৰুত্তি.

৩২২. ‘‘জিনো’’ইচ্চাদি. জিনোদযেন জিতমারস্স ভগৰতো পাতুভাৰেন, করণভূতেন হেতুভূতেন ৰা ¶ পাপং লোভাদিধম্মং দুজ্জনচেতসা দুজ্জনানং চিত্তেন সহ মলিনং কিলিট্ঠং হোতি. ইমিনাযেৰ জিনোদযেন দিসা দস দিসাযো সজ্জনচেতসা সহ সুৰিমলা সজ্জনচেতসন্তানতো পাপানং অপগমেন কিত্তিমালায ভুৰনত্তযে পত্থটত্তা অতিনিম্মলাতি উভযপদত্থানং সাধারণভূতমলিনভাৰসুৰিমলভাৰসঙ্খাতস্স গুণস্স সহভাৰস্স ৰুত্তত্তা এসা গুণসহৰুত্তি নাম. জিনস্স উদযোতি চ, দুজ্জনানং চেতোতি চ, ৰিগতং মলং এতাহিতি চ, সু অতিসযেন ৰিমলাতি চ, সন্তো চ তে জনা চেতি চ, তেসং চেতোতি চ ৰাক্যং.

ৰিরোধীনং পদত্থানং, যত্থ সংসগ্গদস্সনং;

সমুক্কংসাভিধানত্থং, মতা সা’যং ৰিরোধিতা.

৩২৩. ৰিরোধং ৰিভাৰেতি ‘‘ৰিরোধীন’’মিচ্চাদি. ৰিরোধীনং অঞ্ঞমঞ্ঞৰিরুদ্ধানং ক্রিযাদীনং যত্থ ৰুত্তিৰিসেসে সংসগ্গস্স সন্নিধিনো দস্সনং, কিমত্থং? সমুক্কংসস্স অতিসযস্স অভিধানত্থং কথনত্থায, সা অযং ৰিরোধিতা ৰিরোধীতি মতা.

৩২৩. ইদানি ৰিরোধালঙ্কারং দস্সেতি ‘‘ৰিরোধীন’’মিচ্চাদিনা. যত্থ উত্তিৰিসেসে সমুক্কংসাভিধানত্থং ৰণ্ণনীযৰত্থুগতঅধিককথনায ৰিরোধীনং অঞ্ঞমঞ্ঞৰিরুদ্ধানং পদত্থানং ক্রিযাগুণাদীনং সংসগ্গদস্সনং সন্নিট্ঠানদস্সনং সম্বন্ধদস্সনং হোতি, সা অযং উত্তি ৰিরোধিতাতি মতাতি. ৰিরোধো এতেসং গুণাদীনং অত্থীতি চ, সংসগ্গস্স সম্বন্ধস্স দস্সনমিতি চ, সমুক্কংসস্স অধিকস্স অভিধানন্তি চ, ৰিরোধীনং ভাৰো অসঙ্গহিতোতি চ ৰাক্যং. ৰিরোধিতাদীপকৰুত্তি তদত্থেন তন্নামিকা হোতি.

গুণা সভাৰমধুরা, অপি লোকেকবন্ধুনো;

সেৰিতা পাপসেৰীনং, সম্পদূসেন্তি [সম্পদূসন্তি (ক.)] মানসং.

৩২৪. উদাহরতি ¶ ‘‘গুণা’’ইচ্চাদি. লোকেকবন্ধুনো লোকনাথস্স সভাৰমধুরা সাধুজনসম্পীণনেকচাতুরা অপি গুণা অরহন্ততাদযো সেৰিতা পাপসেৰীহি তেসং পাপসেৰীনং মানসং সম্পদূসেন্তি দোসদুট্ঠাপাদনৰসেনাৰিকরোন্তি ‘‘তাদিসো গুণাতিসযো তস্সা’’তি. এত্থ গুণানং সভাৰমধুরানং পীতিৰিসেসুপ্পাদনযোগ্গানং সম্পদূসনেন সহ ৰিরোধোতি দট্ঠব্বং.

৩২৪. উদাহরতি ‘‘গুণা’’ইচ্চাদিনা. লোকেকবন্ধুনো বুদ্ধস্স গুণা অরহত্তাদযো সভাৰমধুরা অপি পকতিমধুরা অপি সেৰিতা পাপসেৰীহি সেৰিতা সমানা পাপসেৰীনং মানসং সম্পদূসেন্তি অতিসযেন কোপেন্তীতি. এৰং হীনাধিমুত্তিকেহি সহিতুমসক্কুণেয্যো তস্স গুণাতিসযো ৰত্ততি. ননু সভাৰমধুরো গুণো পীতিং ৰিনা সম্পদূসনং ন করেয্য, সম্পদূসনম্পি তাদিসসভাৰমধুরং ৰিনা ন ভৰেয্যাতি অঞ্ঞোঞ্ঞৰিরুদ্ধানমেসং মধুরগুণসম্পদূসনক্রিযানং সংসগ্গগুণাধিকদস্সনত্থন্তি লক্খণেন যোজেতব্বং. অপিসদ্দো ৰিরোধত্থে ৰত্ততে. সভাৰেন মধুরাতি চ, একো চ সো বন্ধু চাতি চ, লোকস্স একবন্ধূতি চ, পাপং সেৰন্তি সীলেনাতি চ ৰাক্যং.

যস্স কস্সচি দানেন, যস্স কস্সচি ৰত্থুনো;

ৰিসিট্ঠস্স য’মাদানং, পরিৰুত্তীতি সা মতা.

৩২৫. পরিৰুত্তিং পৰত্তেতি ‘‘যস্স’’ইচ্চাদিনা. যস্স কস্সচীতি পটিগ্গাহকং দস্সেতি. ৰিসিট্ঠস্স যং আদানন্তি সম্বন্ধো. সেসং সুবোধং.

৩২৫. ইদানি পরিৰুত্তিং দস্সেতি ‘‘যস্স কস্সচি’’চ্চাদিনা. যস্স কস্সচি ৰত্থুনো খুদ্দকৰত্থুনো যস্স কস্সচি পটিগ্গাহকস্স দানেন হেতুভূতেন ৰিসিট্ঠস্স উত্তমৰত্থুনো ¶ যং আদানং গহণং অত্থি, সা পরিৰুত্তীতি মতাতি. দানগ্গহণপরিৰুত্তত্তা পরিৰুত্তি নাম.

পুরা পরেসং দত্ৰান, মনুঞ্ঞং নযনাদিকং;

মুনিনা সমনুপ্পত্তা, দানি সব্বঞ্ঞুতাসিরী [মুনিন্দ সমনুপ্পত্তা, দানি সব্বঞ্ঞুতাসিরিং (ক.)].

৩২৬. উদাহরতি ‘‘পুরা’’ইচ্চাদি. সুবোধং. এত্থ নযনাদিদানেন সব্বঞ্ঞুতাসিরিযা আদানন্তি পরিৰুত্তি অযং.

৩২৬. ইদানি উদাহরতি ‘‘পুরা’’ইচ্চাদিনা. মুনিনা পুরা পুব্বে পরেসং মনুঞ্ঞং নযনাদিকং দত্ৰান ইদানি সব্বঞ্ঞুতাসিরী সব্বঞ্ঞুতাসঙ্খাতা অনঞ্ঞসাধারণা সিরী সমনুপত্তাতি. ইহ যস্স দিন্নং ততো এৰ গহণে পরিৰুত্তিসদ্দস্স নিরুল়্হত্তা নযনাদীনং দানেন সব্বঞ্ঞুতাসিরিযা আদানতো, দানাভাৰে আদানাভাৰতো চ পটিগ্গাহকজনে অৰিজ্জমানেপি সব্বঞ্ঞুতা ৰিজ্জমানত্তেন পরিকপ্পিতাতি পরিৰুত্তি হোতি. তেনেৰ দণ্ডিযং–

‘‘সত্থপ্পহরণং দত্ৰা, ভুজেন তৰ রাজুনং;

চিরং চিতাভটো তেসং, যসো কুমুদপণ্ডরো’’তি [কাব্যাদাস ২.৩৫৬].

ইমস্মিং উদাহরণে পচ্চত্থিকানং আযুধপ্পহারং দত্ৰা তৰ বাহুনা তেসং রাজূনং চিরং রাসিকতো কেরৰনিম্মলো যসো আভটোতি. দদাতি কম্মযুত্ততো এৰ আদানং দস্সেত্ৰা পরিৰুত্তিফুটা কতা. নযনানি আদীনি যস্স উত্তমঙ্গাদিনোতি চ, সব্বং জানাতীতি চ, তস্স ভাৰোতি চ ৰাক্যং.

৩২৭. ভমং ¶ সম্ভাৰেতি ‘‘কিঞ্চী’’তিআদিনা. ৰিঞ্ঞাতা পুরিসো কিঞ্চি দিস্ৰা উজ্জলনাদিকং দিস্ৰান তংসমং তস্স পুরে দিস্সমানস্স পদত্থস্স সদিসমঞ্ঞং ৰত্থুং সংসযাপগতং অসন্নিধিং কত্ৰা পটিপজ্জতি জানাতি যত্থ ৰিসেসে, সাযং ভমো মতো.

৩২৭. ইদানি ভমালঙ্কারং দস্সেতি ‘‘কিঞ্চি’’ইচ্চাদিনা. যত্থ উত্তিৰিসেসে ৰিঞ্ঞাতা অৰবোধকারকো কিঞ্চি দিসাৰিলোচনাদিকং দিস্ৰান তংসমং ৰত্থুং তেন দিস্সমানৰত্থুনা তুল্যমঞ্ঞং ৰত্থুং সংসযাপগতং নিস্সংসযং কত্ৰা পটিপজ্জতি জানাতি, সো অযং অলঙ্কারো ভমোতি মতোতি. তেন তস্স ৰা সমন্তি চ, সংসযো অপগতো এতস্মাতি চ, ভমনং অনৰট্ঠানং ৰত্থূনন্তি চ ৰিগ্গহো. সংসযাপগতন্তি ক্রিযাৰিসেসনং.

সমং দিসাসু’জ্জলাসু, জিনপাদনখংসুনা;

পস্সন্তা অভিনন্দন্তি, চন্দাতপমনা জনা.

৩২৮. উদাহরতি ‘‘সম’’মিচ্চাদি. জিনস্স পাদেসু নখংসুনা দিসাসু সব্বাসু সমং একতো উজ্জলাসু সজোতীসু তা উজ্জলা দিসা পস্সন্তা জনা, চন্দাতপোতি মনো যেসং তে তথাৰিধা. অভিনন্দন্তি সন্তুস্সন্তীতি.

৩২৮. ইদানি উদাহরতি ‘‘সম’’মিচ্চাদিনা. জিনপাদনখংসুনা করণভূতেন দিসাসু দসসু সমং একক্খণে উজ্জলাসু তা উজ্জলা দিসা পস্সন্তা জনা চন্দাতপমনা চন্দাতপোতি পৰত্তচিত্তা অভিনন্দন্তীতি. ৰিজ্জমাননখমরীচিযং বুদ্ধিমকত্ৰা চন্দাতপে বুদ্ধিযা পৰত্তাপনতো ভমো নাম. সমন্তি অসঙ্খ্যং. চন্দাতপোইতি মনো যেসন্তি ৰাক্যং.

৩২৯. ভাৰং ভাৰেতি ‘‘পৰুচ্চতে’’চ্চাদিনা. কৰীনং ভাৰো অধিপ্পাযো, তং বোধেতীতি ভাৰবোধনং যং নামাদি. আদিসদ্দেন ৰিসেসনৰাক্যানং গহণং. যেন কেনচি নিসেধনরূপেন আকারেন পৰুচ্চতে, অযং ভাৰো নাম ঈরিতোতি.

৩২৯. ইদানি ভাৰালঙ্কারং দস্সেতি ‘‘পৰুচ্চতে’’ ইচ্চাদিনা. কৰীনং ৰত্তূনং ভাৰবোধনং অধিপ্পাযপকাসকং যং নামাদি নামপদৰিসেসনপদাদি যেন কেনচি ৰণ্ণেন আকারেন সাগরাদিঅত্থন্তরং পটিসেধেত্ৰা ৰা নো ৰা পৰুচ্চতে, অযং ভাৰো নামাতি ঈরিতোতি. নামং আদি যস্স ৰিসেসনৰাক্যদ্ৰযস্সেতি চ, ভাৰং বোধেতীতি চ ৰাক্যং. কৰীনং অধিপ্পাযসঙ্খাতভাৰপকাসকো উত্তিৰিসেসো তদত্থেন ভাৰো নাম, তস্স নিস্সযভূতং নামাদিপদসন্তানং ইহ নিস্সিতোপচারেন ভাৰো নামাতি ঈরিতং.

৩৩০. উদাহরতি ‘‘ননু’’চ্চাদি. মনম্পীতি ঈসকম্পি. মরিযাদন্তি অত্তনো আচারসীমং, সংৰট্টেপি পলযকালেপি. সেসং সুবোধং. এত্থ ন ইমে পকতিসমুদ্দাদযো সমুদ্দাদযো হোন্তি, যে পলযকালে অত্তনো ৰেলানুল্লঙ্ঘনসঙ্খাতং অচলত্তসঙ্খাতঞ্চ মরিযাদং পরিচ্চজন্তি. কিঞ্চরহি ¶ সন্তা এৰেতে সমুদ্দাদযো, যে যদি পলযকালেপি সমাপতেয্যুং, তদাপি অত্তনো মরিযাদং ন মুঞ্চন্তি. কোচি ৰিপত্তিং পত্তো নিরতিসযং ধীরত্তমত্তনোৰবোধেতীতি অঞ্ঞনিসেধেন কথিতং নামং কৰিসভাৰং যথাৰুত্তং বোধেতীতি ভাৰোযমিতি.

৩৩০. ইদানি উদাহরতি ‘‘ননু’’চ্চাদিনা. সাগরা সংৰট্টকালে তীরমরিযাদং অতিক্কমেন্তা পকতিসমুদ্দা সাগরা ন ভৰন্তি. কুলাচলা তাদিসকালে অচলসঙ্খাতমরিযাদমতিক্কমেন্তা সত্ত কুলপব্বতা কুলাচলা নাম ন ভৰন্তি. কিঞ্চরহি সাগরাদযো. যে সাধৰো সংৰট্টেপি সব্বৰত্থুৰিনাসককপ্পৰিনাসকালেপি মরিযাদং অত্তনো আচারমরিযাদং মনম্পি ঈসকম্পি নো জহন্তি. সন্তা এৰ তে সাগরাদযো নাম হোন্তি ননূতি. কোচি ব্যসনং পত্তো অত্তনো অনঞ্ঞসাধারণং ধীরত্তং পকাসেতীতি ইহ সাগরাদিঅত্থন্তরপটিসেধরূপেন দস্সিতসাগরাদিনা ৰত্তুনো অকম্পনাধিপ্পাযং অৰবোধেতীতি অযং ভাৰালঙ্কারো নাম. মনন্তি অপ্পকালৰাচকমসঙ্খ্যং. অপীতি সম্ভাৰনে.

অঙ্গঙ্গীভাৰা সদিস-বলভাৰা চ বন্ধনে;

সংসগ্গো’লঙ্কতীনং যো, তং মিস্সন্তি পৰুচ্চতি.

৩৩১. মিস্সং দস্সেতি ‘‘অঙ্গ’’ইচ্চাদিনা. অঙ্গমুপকারকং, অঙ্গী উপকারিযং, তেসং ভাৰো অঙ্গঙ্গিভাৰো সাধিযসাধনত্তং, ততো চ. সদিসং সমং বলং যেসং তে, তেসং ভাৰো অঙ্গঙ্গিভাৰমন্তরেন অপ্পধানভাৰেনাৰট্ঠানং ততো চ হেতুতো. বন্ধনে ৰিসযে, যো অলঙ্কতীনং সংসগ্গো একত্থ সন্নিধানং, তং মিস্সন্তি পৰুচ্চতি.

৩৩১. ইদানি ¶ মিস্সালঙ্কারং দস্সেতি ‘‘অঙ্গঙ্গী’’চ্চাদিনা. অঙ্গঙ্গীভাৰা উপকারকউপকারিযসঙ্খাতপটিপাদকপটিপাদনীযসভাৰেন হেতুভূতেন সদিসবলভাৰা চ সাধিযসাধনভাৰং ৰিনা সমানবলৰন্তভাৰেন চ বন্ধনে পজ্জাদিবন্ধনৰিসযে অলঙ্কতীনং অলঙ্কারানং যো সংসগ্গো সন্নিধানং, তং মিস্সন্তি পৰুচ্চতীতি. অঙ্গং সাধনং অস্স সাধিযস্স অত্থীতি চ, অঙ্গঞ্চ অঙ্গী চেতি চ, তেসং ভাৰো সাধিযসাধনসঙ্খাতো সম্বন্ধোতি চ, সদিসং বলং যেসমলঙ্কারানমিতি চ, তেসং ভাৰো অঞ্ঞমঞ্ঞনিরপেক্খতাতি চ, মিস্সনং মিস্সীভৰনমিতি চ ৰাক্যং.

পসত্থা মুনিনো পাদ-নখরংসিমহানদী;

অহো গাল়্হং নিমুগ্গেপি, সুখযত্যে’ৰ তে জনে.

৩৩২. উদাহরতি ‘‘পসত্থা মুনি’’চ্চাদি. মুনিনো পাদেসু নখা তেসং রংসি এৰ মহানদীসদিসত্তা মহানদী, সা পসত্থা অচ্ছরিযপ্পত্তিসব্ভাৰতো গাল়্হমচ্চন্তং নিমুগ্গেপি তে জনে সুখযত্যেৰ, অহো অচ্ছরিযং যতো সেসনদীৰিধুরং. ‘‘অযং অত্তনি গাল়্হং নিমুগ্গেপি সুখযতী’’তি এত্থ ‘‘নিমুগ্গেপী’’তি সমাধিনো সাধিযত্তেনঙ্গিতাযাৰট্ঠিতস্স ‘‘পাদনখরংসিমহানদী’’তি রূপকং সাধনত্তেনঙ্গতাযাৰট্ঠিতন্তি মিস্সমিদমলঙ্করণং.

৩৩২. ইদানি উদাহরতি ‘‘পসত্থা’’ ইচ্চাদিনা. মুনিনো পসত্থা অচ্ছরিযত্তা পসংসনীযা পাদনখরংসিমহানদী চরণনখকিরণসঙ্খাতমহাগঙ্গা গাল়্হং অতিসযেন নিমুগ্গেপি তে জনে সাধুসপ্পুরিসে সুখযতি এৰ সুখিতে কতো এৰ. অহো অচ্ছরিযং সেসনদীনমেসা পৰত্তি ৰিরুদ্ধাতি. এত্থ সাধনীযভাৰেন অঙ্গিনো ‘‘নিমুগ্গে’’তি সমাধিঅলঙ্কারস্স ¶ ‘‘পাদনখরংসিমহানদী’’তি রূপকালঙ্কারো সাধনভাৰেন অঙ্গন্তি কত্ৰা অঙ্গাঅঙ্গীভাৰেন ইমেসং অলঙ্কারানং মিস্সিতা. পাদেসু নখাতি চ, তেসং রংসীতি চ, মহতী চ সা নদী চেতি চ, মহানদী ৰিয মহানদী পাদনখরংসিযো এৰ মহানদীতি চ ৰাক্যং. গাল়্হন্তি ক্রিযাৰিসেসনং. গাল়্হং নিমুজ্জনং যে অকংসু, তেপীতি যোজনা. সুখসমঙ্গিনো জনা সুখিতে সুখে করোতীতি ৰাক্যং.

ৰেসো সভাৰমধুরো, রূপং নেত্তরসাযনং;

মধূৰমুনিনো ৰাচা, ন সম্পীণেতি কং জনং.

৩৩৩. ‘‘ৰেসো’’ইচ্চাদি সুবোধং. ইদং পন সমাধিরূপকোপমামিস্সসদিসবলন্তি.

৩৩৩. ‘‘ৰেসো’’ইচ্চাদি. মুনিনো সভাৰমধুরো পকতিমধুরো ৰেসো জিনাৰেণিকো বুদ্ধৰেসো চ নেত্তরসাযনং রূপং লক্খণানুব্যঞ্জনসম্পন্নং রূপঞ্চ মধূৰ মধুরত্তেন মধুসমানা ৰাচা ভারতী চ কং জনং ন সম্পীণেতীতি. ‘‘সভাৰমধুরো’’তি সমাধিঅলঙ্কারো চ, ‘‘নেত্তরসাযন’’ন্তি রূপকালঙ্কারো চ, ‘‘মধূৰা’’তি উপমালঙ্কারো চাতি ইমে তযো পীণনে অঞ্ঞমঞ্ঞাপেক্খরহিতত্তা তুল্যবলাতি ইমেসং মিস্সত্তং হোতি. সভাৰেন মধুরোতি চ, রসীযতি অস্সাদীযতীতি চ, রসো রসভূতো আযনং গতি পৰত্তি অস্সাতি রসাযনং, রসৰত্থু. রসাযনমিৰ রূপং রসাযনং, নেত্তানং রসাযনন্তি চ ৰাক্যং.

৩৩৪. আসিং ¶ দস্সেতি ‘‘আসি’’চ্চাদিনা. ইট্ঠস্স অভিমতস্স ৰত্থুনো আসীসনং পত্থনমিত্যনুৰদিত্ৰা আসী নাম সিযাতি ৰিধীযতে. ‘‘যথে’’ত্যুদাহরতি. তিলোকস্স লোকত্তযৰত্তিনো জনস্স একগতি অসহাযগতি পটিসরণভূতো নাথো লোকং সত্তলোকং অপাযতো পাতু পালেতূতি. এত্থাতিলসিতং পালনমাসীসিতন্তি.

৩৩৪. ইদানি আসীঅলঙ্কারং দস্সেতি ‘‘আসী’’ ইচ্চাদিনা. ইট্ঠস্স অত্থস্স ইচ্ছিতৰত্থুনো আসীসনা পত্থনা আসী নাম সিযা. যথা তত্থোদাহরণমেৰং. তিলোকেকগতি তিভৰস্স অসহাযসরণভূতো নাথো লোকসামি লোকং সত্তলোকং অপাযতো পাতু রক্খতূতি. আসী নাম পত্থনা, তদ্দীপিকাপি উত্তি তন্নামিকাৰ হোতি. ‘‘তিলোকেকগতী’’তি ইমস্মিং উদাহরণে পালনং আসীসিতং. তিণ্ণং লোকানং সমাহারোতি চ, একোযেৰ গতি পটিসরণন্তি চ, তিলোকস্স একগতীতি চ ৰাক্যং.

রসপ্পতীতিজনকং, জাযতে যং ৰিভূসনং;

রসৰন্তন্তি তং ঞেয্যং, রসৰন্তৰিধানতো.

৩৩৫. রসৰন্তমুদাহরতি ‘‘রস’’ইচ্চাদিনা. যং ৰিভূসনমলঙ্করণং রসাভাসাদিনো পতীতিজনকং অৰগমসম্পাদকং জাযতে, তং ৰিভূসনং রসৰন্তৰিধানতো সম্পাদনতো ‘‘রসৰন্ত’’ন্তি ৰিঞ্ঞেয্যং যথা অত্থপ্পতীতি জনকো সদ্দো ‘‘অত্থৰা’’তি.

৩৩৫. উদ্দেসে রসীতি উদ্দিট্ঠরসালঙ্কারং দস্সেতি ‘‘রস’’ইচ্চাদিনা. যং ৰিভূসনং ৰুত্তালঙ্কারানমন্তরে যো কোচি অলঙ্কারো রসপ্পতীতিজনকং সিঙ্গারাদিনৰৰিধরসেসু একস্স রসস্স ৰা তস্সেৰ রসাভাসস্স ৰা ¶ অৰবোধনং সম্পাদেন্তো জাযতে, তং ৰিভূসনং রসৰন্তৰিধানতো অত্তনো রসসহিতভাৰস্স পকাসনতো রসৰন্তন্তি রসীতি ঞেয্যন্তি. যথা অত্থপ্পতীতিজনকো সদ্দো ‘‘অত্থৰা’’তি ৰুচ্চতি, এৰং রসপ্পতীতিজনকো অলঙ্কারো রসৰন্তো ‘‘রসী’’তি চ ৰুচ্চতি. রসস্স পতীতি চ, তং জনেতীতি চ, রসো অস্স অত্থীতি চ, রসৰতো ভাৰোতি চ, তস্স ৰিধানং সম্পাদনন্তি চ ৰাক্যং.

পাদা তিলোকগুরুনো’ধিকবদ্ধরাগা;

আদায নিচ্চসরসেন করেন গাল়্হং,

সঞ্চুম্বযন্তি সততাহিতসম্ভমেন.

৩৩৬. উদাহরতি ‘‘রাগ’’ইচ্চাদি. ধরায পথৰীঅঙ্গনায রাগেন আনতং, মুখং. রাগং রত্তৰণ্ণং আনতং নিন্নমিতং, সরোজং. পঠমে অব্ভুতসরোজসদিসতায মুখং, তেন সমানাধিকরণন্তি রাগানতেন সমাসো. দুতিযে তু রাগানতঞ্চ তং অব্ভুতসরোজং পথৰিং ভিন্দিত্ৰা সিরীপাদসম্পটিগ্গহণত্থং উট্ঠহমচ্ছরিযপদুমঞ্চ, তমেৰ তস্সা মুখসদিসত্তা মুখন্তি রাগানতব্ভুতসরোজমুখং. তিলোকগুরুনো সম্মাসম্বুদ্ধস্স পাদা. কীদিসা? অধিকবন্ধো রাগো অনুরাগো, রত্তৰণ্ণো ৰা যেসং তে, তথাৰিধা. নিচ্চমনৰরতং সরসেন রসৰতা করেন হত্থেন, রংসিনা ৰা গাল়্হং আদায গহেত্ৰা সততং নিচ্চং আহিতো সম্ভমো আদরো, তদভিমুখতা ৰা, তেন সঞ্চুম্বযন্তি, নিক্খিপন্তি ৰা. এত্থ সিলেসরূপকেহি সম্ভোগসিঙ্গাররসাভাসো জন্যতে. সিঙ্গারো দুৰিধো ৰিপ্পলম্ভো, সম্ভোগো চেতি. তেসু ৰিপ্পলম্ভোৰ সমগ্গৰণ্ণনাধারত্তা মনোহরো, নেদিসো সম্ভোগো. সম্ভোগাভাসে তু ৰত্তব্বমেৰ নত্থি. তথাপি’হা’ধিগতং সম্ভোগাভাসোদাহরণং বালপ্পবোধনত্থং কিঞ্চি ৰিচারেস্সাম. তত্র পাদানং কামুকত্তং ¶ ধরায কামিনিত্তঞ্চ ৰাক্যসামত্থিযা ৰিঞ্ঞাযতে. সদ্দেন ৰুচ্চমানং পুন ৰুত্তং সিযা. অত্র পাদানং তং ৰিঞ্ঞেয্যং, রত্যুক্কংসাভাসো যদি কৰিনা পটিপাদেতব্বো ন ভৰেয্য, তদা গাথাযমননুপপন্নং সিযাতি এৰংৰিধৰচনতোৰ পাদা রত্যাভাসৰন্তোতি গম্যতে. রতিযা আলম্বণৰিভাৰাভাসো ধরাকামিনি, রম্মদেসাদিৰিসেসাভাৰে অচ্ছরিযপদুমুগ্গমনাভাৰতো অব্ভুতসরোজসদ্দসৰনেন গম্মমানা রম্মদেসাদযো উদ্দীপনৰিভাৰাভাসা, ব্যভিচারীভাৰাভাসবোধকানি কৰিৰচনানি অনুভাৰাভাসো. তথা হি ‘‘নিচ্চসরসেন করেন গাল়্হং আদাযা’’তি করস্স সরসতাগাল়্হগ্গহণকথনেন হরিসাদযো গম্যন্তে. ‘‘সততাহিতসম্ভমেনা’’তি ইমিনা উস্সুক্কত্তাদযো পহীযন্তীতি এৰং বন্ধৰুত্তীতি ৰিভাৰাদীহি বন্ধত্থাভাসানং মনসি যো উপ্পজ্জতি আনন্দাভাসো, সো রসাভাসো সম্ভোগরসাভাসো ৰুত্তোতি.

৩৩৬. ইদানি উদাহরণং দস্সেন্তো উত্তরিপি দস্সেতব্বসিঙ্গারহস্সকরুণাদিরসুদ্দেসস্স অনুরূপতো সিঙ্গাররসযুত্তমেৰ দস্সেতি ‘‘রাগা’’ইচ্চাদিনা. ধরায মহীঅঙ্গনায রাগানতব্ভুতসরোজমুখং রাগেন অনুরাগেন অভিমুখং কত্ৰা নমিতং অচ্ছরিযগুণোপেতপদুমসদিসাননং নো চে, রত্তৰণ্ণং আনতং অব্ভুতসরোজসঙ্খতমুখং তিলোকগুরুনো ভুৰনত্তযানুসাসকস্স সম্মাসম্বুদ্ধস্স পাদা অধিকবদ্ধরাগা অধিকবদ্ধানুরাগৰন্তা নো চে, পুব্বকম্মেন কতঅধিকরত্তৰণ্ণা নিচ্চসরসেন করেন সততানুরাগযুত্তেন হত্থেন নো চে, অৰিকলত্তা সততসম্পত্তিসহিতেন কিরণেন গাল়্হং আদায গাল়্হং গহেত্ৰা নো চে, ফুসিত্ৰা সততাহিতসম্ভমেন নিচ্চং কতাদরেন নো চে, নিরন্তরাহিতঅভিমুখভাৰেন সঞ্চুম্বযন্তি ¶ চুম্বন্তি নো চে, ঠিতিক্রিযাসাধনত্তেন ফুসন্তীতি.

রাগেন অনুরাগেন আনতং অভিমুখীকতমিতি চ, অব্ভুতঞ্চ তং সরোজঞ্চেতি চ, তেন সদিসতায অব্ভুতসরোজঞ্চ তং মুখঞ্চেতি চ, রাগানতঞ্চ তং অব্ভুতসরোজমুখঞ্চেতি চ, রাগং রত্তৰণ্ণং আনতং নিন্নমিতি চ, তঞ্চ তং অব্ভুতসরোজঞ্চেতি চ, তমেৰ তাদিসমুখসদিসত্তা মুখমিতি চ, তিলোকস্স গুরূতি চ, অধিকং কত্ৰা বদ্ধো, অত্তনো পুব্বকম্মেন ৰা কতো, রাগো অনুরাগো রত্তৰণ্ণো ৰা যেসমিতি চ, রসেন অনুরাগেন সম্পত্তিযা ৰা সহ ৰত্তমানোতি চ, আহিতো ৰিহিতো চ সো সম্ভমো আদরো তদভিমুখভাৰো ৰা চেতি চ ৰিগ্গহো.

এত্থ ‘‘রাগানতা’’তিআদিকেন সিলেসালঙ্কারেন চ ‘‘অব্ভুতসরোজমুখ’’ন্তি রূপকালঙ্কারেন চ সম্ভোগসিঙ্গাররসাভাসো উপ্পাদীযতি. তাদিসং ইত্থিপুরিসানং সম্ভোগাভাৰেন, তদাকারেন চ কপ্পিতত্তা রসাভাসো নামাতি দট্ঠব্বো. সিঙ্গারস্স আযোগৰিপ্পযোগসম্ভোগৰসেন তিৰিধত্তেপি আযোগৰিপ্পযোগদ্ৰযং ৰিপ্পলম্ভমেৰাতি ৰিপ্পলম্ভো, সম্ভোগো চেতি দুৰিধো হোতি. তেসু ৰিপ্পলম্ভোৰ অনূনৰণ্ণনায ভূমিত্তা মনোহরো. সম্ভোগো পন তাদিসো ন হোতি. সম্ভোগাভাসোপি হীনো হোতি. এৰং সন্তে পযোগং কত্ৰা কুরুমানায ৰণ্ণনায উচিতভাৰেন ইহাধিগতসম্ভোগসিঙ্গাররসাভাসেন রসিভূতালঙ্কারস্স উদাহরণে রসাভাসো এৰং ৰেদিতব্বো. পাদানং কামুকভাৰাভাসে চ ধরায কামিনীভাৰাভাসে চ ৰাচকপদেন অৰুত্তেপি ‘‘ধরায পাদা তিলোকগুরুনো’’তি ইদং ঠপেত্ৰা পাণিধম্মপকাসকেহি অৰসেসপদেহি ঞাযতে.

দ্ৰিন্নং ¶ অঞ্ঞমঞ্ঞং রতিআভাসো ‘‘অধিকবদ্ধরাগা রাগানত’’ন্তি ইমেহি ৰুত্তো. অযং রতিআভাসো ইধ ঠাযীভাৰো পুরিসরতিযা ইত্থিযা চ, ইত্থিরতিযা পুরিসস্স চ আলম্বণত্তা পাদকামুকধরাকামিনিযো দ্ৰে অঞ্ঞমঞ্ঞং আলম্বণৰিভাৰাভাসা হোন্তি. রম্মদেসাদিৰিসেসং ৰিনা অচ্ছরিযপদুমোদযস্স অভাৰতো অব্ভুতসরোজসদ্দস্স উচ্চারণেন গম্মমানা রম্মদেসাদযো রতিং উদ্দীপযন্তীতি উদ্দীপনৰিভাৰাভাসা নাম. ‘‘নিচ্চসরসেন করেন গাল়্হমাদাযা’’তি ইমিনা করস্স সরসভাৰস্স চ গাল়্হং গহণস্স চ ৰুত্তত্তা হরিসাদযো ঞাযন্তে. ‘‘সততাহিতসম্ভমেনা’’তি ইমিনা উস্সাহাদযো ঞাযন্তি. তত্থ হরিসউস্সাহাদযো ব্যভিচারীভাৰাভাসা নাম হোন্তি. তে ব্যভিচারীভাৰাভাসে পকাসেন্তানি যথাৰুত্তকৰিৰচনানি অনুভাৰাভাসা নামাতি এৰং বন্ধে দিস্সমানঠাযীভাৰব্যভিচারীভাৰৰিভাৰঅনুভাৰেহি অত্থাৰবোধং করোন্তানং পণ্ডিতানং উপ্পজ্জমানো যো সন্তোসাভাসসঙ্খাতো রসাভাসো অত্থি, সো ইধ সম্ভোগরসাভাসোতি কথিতোতি. ঠাযীভাৰাদযো উপরি আৰিভৰিস্সন্তি.

ইচ্চা’নুগম্ম পুরিমাচরিযানুভাৰং,

সঙ্খেপতো নিগদিতো’য’মলঙ্কতীনং;

ভেদো’পরূপরি কৰীহি ৰিকপ্পিযানং,

কো নাম পস্সিতু’মলং খলু তাস’মন্তং.

ইতি সঙ্ঘরক্খিতমহাসামিপাদৰিরচিতে

৩৩৭. এৰমুদ্দেসানুক্কমেন যথাপটিঞ্ঞাতং নিট্ঠপেত্ৰা ইদানি নিগমনপুব্বকং বহুত্তমেসং নিদ্দিসিতুমাহ ‘‘ইচ্চি’’চ্চাদি. ইতি ¶ ইমিনা ৰুত্তপ্পকারেন পুরিমানং দণ্ডীআদীনং আচরিযানং আনুভাৰং বন্ধলক্খণানি অনুগম্ম অনুগন্ত্ৰা অলঙ্কতীনমলঙ্কারানং অযং ভেদো সঙ্খেপতো নিগদিতো কথিতো. সঙ্খেপতোতি ৰুত্তো, কস্মাতি আহ ‘‘উপরূপরী’’তিআদি. উপরূপরি দীঘকালমারব্ভ যাৰেদানি মত্থকমত্থকে কৰীহি ৰিকপ্পিযানং পভেদিযমানানং তাসমলঙ্কতীনং অন্তং পরিযন্তং পস্সিতুং খলু একন্তেন কো নাম জনো অলং সমত্থো.

ইতি মহাসামিনামিকাযং সুবোধালঙ্কারটীকাযং

৩৩৭. এৰং উদ্দেসক্কমেন যথাপটিঞ্ঞাতে অত্থালঙ্কারে নিট্ঠপেত্ৰা ইদানি নিগমনমুখেন এসং অত্থালঙ্কারানং বহুভাৰং দস্সেতি ‘‘ইচ্চানুগম্ম’’ইচ্চাদিনা. ইতি যথাৰুত্তনযেন পুরিমাচরিযানুভাৰং পুব্বকালিকানং দণ্ডীভদ্দপাণাদীনং অলঙ্কারসত্থসঙ্খাতানুভাৰং অনুগম্ম অলঙ্কতীনং অযং ভেদো সঙ্খেপতো নিগদিতো মযা ৰুত্তো সঙ্গহিতো. কস্মাতি চে? উপরূপরি দীঘকালতো পট্ঠায যাৰজ্জতনা কৰীহি রচনাকত্তারেহি ৰিকপ্পিযানং অনেকপ্পকারতো কপ্পিযমানত্তা পুথক্করিযমানানং তাসমলঙ্কতীনং অন্তং পরিযন্তং পস্সিতুং খলু একন্তেন কো নাম পুগ্গলো অলং সমত্থোতি. সঙ্গহমনাদিযিত্ৰা কেনাপি পরিযন্তং অধিগন্তুং ন সক্কাতি অধিপ্পাযো. পুরে ভৰাতি চ, পুরিমা চ তে আচরিযা চেতি চ, তেসমানুভাৰোতি চ, ৰিসেসতো অসঙ্করতো কপ্পিযন্তি চ ৰাক্যং.

পটিভানৰতা ¶ লোক-ৰোহার’মনুসারিনা;

ততো’চিত্যসমুল্লাস-ৰেদিনা কৰিনা পরং.

৩৩৮. তদেৰ যথাপটিঞ্ঞাতমলঙ্কারৰিভাগং বোধেত্ৰা সম্পতি রসৰন্তালঙ্কারপ্পসঙ্গেনাধিগতং রসং সকল সংসারদুক্খনিস্স রণেকনিমিত্তৰিমুত্তিরসেকরসৰিসুদ্ধসদ্ধম্মাগমৰিগ্গাহসপ্পীণনোণতমতীনং পরমসদ্ধালূনমনধিগতত্তেপি লক্খণমত্তেন লোকৰোহারকোসল্লমত্তপরিগ্গহায কিঞ্চিমত্তমুপদিসিতুং ন সাকল্লেন ‘‘পটিভানৰতা’’তিআদিমাহ. পটিভানং তংতংঠানানুরূপপ্পৰত্তা পঞ্ঞা. সা হি সরসরচনাযচ্চন্তোপকারিকা, ততোৰ কব্বং ‘‘পটিভান’’ন্তি ৰুচ্চতি. তেনাহ ‘‘পটিভানৰতা’’তি. কৰিনা লোকৰোহারানুগন্তব্বো. যো হি সকলং লোকৰোহারং নানুসরতি, সো কৰিযেৰ ন হোতি. তেনাহ ‘‘লোকৰোহারমনুসারিনা’’তি. যতো ওচিত্যং নাম কৰীনং পরমং রহস্সং লোকৰোহারেপি উচিতঞ্ঞূযেৰ পসংসীযতে, সমুচিতলোকৰোহারানুসারেনেৰ চ ৰক্খমানানুক্কমেন ৰিরচিতা রচনা সচেতনানং রসস্সাদায সম্পজ্জতে, তস্মা ওচিত্যে সমুল্লসত্তং দিত্তং ফুটমেৰ বন্ধনং কাতুং ৰট্টতি. ততোৰচ্চন্তমোচিত্যসমুল্লাসৰেদিনা কৰিনা ভৰিতব্বং. তেনাহ ‘‘পরং ওচিত্যসমুল্লাসৰেদিনা’’তি. সব্বঞ্চেতং ‘‘কৰিনা’’তি এত্থ ৰিসেসনং, ‘‘কৰিনা’’তি চেতং ‘‘নিবন্ধা’’তি এত্থ অৰুত্তো কত্তা.

৩৩৮. এৰং যথাপটিঞ্ঞাতানমলঙ্কারানং দস্সনাৰসরে রসৰন্তালঙ্কারপ্পসঙ্গেনাধিগতনৰৰিধসিঙ্গারাদিরসে সকলসংসারদুক্খনিস্সরণঅসহাযকরণভূতৰিমুত্তিরসেন একরসভূতে অতিপণীতে সদ্ধম্মামতরসেযেৰ লুদ্ধানং সদ্ধাবাহুল্লসুদ্ধসংযমানং ৰিমুখেপি ¶ লক্খণমত্তপরিঞ্ঞাণেন লোকৰোহারেসু অসম্মোহত্থং সঙ্খেপেন দস্সেতুকামো ইদানি ‘‘পটিভানৰতা’’ইচ্চাদিমাহ. পটিভানৰতা সরসরচনায অচ্চন্তোপকারট্ঠানোচিতপঞ্ঞাৰিসেসৰতা লোকৰোহারমনুসারিনা সকললোকে ৰোহারানুরূপমনুগতেন ততো যস্মা ওচিত্যং নাম হদযতো অবহি কাতব্বং, রহস্সমিৰ বন্ধতো ৰিযোজনীযং ন হোতি. তস্মা পরমতিসযেন ওচিত্যসমুল্লাসৰেদিনা উচিতভাৰেন ৰত্তুমিচ্ছিতত্থস্স উদ্দীপনস্সেৰ অনুরূপপ্পকারেন ইট্ঠত্থস্স সমুল্লাসনং দিত্তিং জানন্তেন কৰিনা বন্ধকারকেন নিবন্ধাতি সম্বন্ধো. পটিভা পটিভানন্তি পঞ্ঞাযেতং নামং, ততো জাতকব্বস্সপি পটিভাতি ৰুচ্চমানত্তা অযং পঞ্ঞাৰিসেসো রচনায অচ্চন্তোপকারোতি ঞাতব্বো. পটিভানমস্সত্থীতি চ, লোকস্স ৰোহারোতি চ, তং অনুগচ্ছতি সীলেনাতি চ, ওচিত্যেন সমুল্লাসোতি চ, তং ৰিজানাতি সীলেনাতি চ ৰিগ্গহো.

ঠাযীসম্বন্ধিনো ভাৰ-ৰিভাৰা সানুভাৰকা;

সম্পজ্জন্তি নিবন্ধা তে, রসস্সাদায সাধুনং.

৩৩৯. ‘‘ঠাযি’’চ্চাদি. ঠাযিনো ৰক্খমানরত্যাদযো তেহি সহ সম্বন্ধো ৰিভাৰাদীহি যোগে রত্যাদীনমস্সাদিযত্তমানীযমানত্তা এতেসমত্থীতি ঠাযীসম্বন্ধিনো. সহ অনুভাৰেহি ৰক্খমানলক্খণেহীতি সানুভাৰকা, ভাৰো ৰিভাৰো চ, ৰক্খমানো ভাৰেন ভাৰাভাসোপি ইমিনাৰ সঙ্গহিতো, রসস্সাদায সম্পজ্জন্তীতি সম্বন্ধো.

৩৩৯. ‘‘ঠাযি’’চ্চাদি. ঠাযীসম্বন্ধিনো ঠাযীপদেন, তেন ৰাচ্চরতিহাসাদিঅত্থেন ৰা সম্বন্ধুপগতা সানুভাৰকা ৰক্খমানানুভাৰেহি সহ পৰত্তা ভাৰৰিভাৰা ৰক্খমানভাৰৰিভাৰা নিবন্ধা ৰুত্তগুণোপেতকৰিনা বন্ধিতা একত্থ আহরিত্ৰা দস্সিতা সাধুনং ইস্সাদিদোসরহিতানং সজ্জনানং রসস্সাদায সিঙ্গারাদিৰক্খমানরসস্স অস্সাদনত্থং সম্পজ্জন্তি পৰত্তন্তীতি. ইমায গাথায ঠাযীভাৰো ব্যভিচারীভাৰো কেৰলভাৰো ৰিভাৰো অনুভাৰো রসো চেতি ইমে উদ্দিট্ঠা ভৰন্তি, কথন্তি চে? ভাৰৰিভাৰানং ‘‘ঠাযীসম্বন্ধিনো’’তি ৰিসেসনং ভৰতি, তেন ভাৰস্স ঠাযী চ সো ভাৰো চেতি চ ঠাযীপদেন সম্বন্ধত্তা ঠাযীভাৰো চ, পুন ব্যভিচারীভাৰে সতি ‘‘ঠাযীভাৰো’’তি ইমস্স সাধকত্তা ইমস্সেৰ ঠাযীভাৰপদস্স পযোগসামত্থিযেন গম্মমানো ব্যভিচারীভাৰো চ, পুন ঠাযীপদেন সমাসমকত্ৰা ৰিসুং দস্সিতভাৰসদ্দসুতিযা ঠাযীভাৰব্যভিচারীভাৰেহি অঞ্ঞো ভাৰো চ, তথা এৰ ঠাযীপদেন ৰাচ্চরতিহাসাদিঅত্থস্স উপ্পত্তিউদ্দীপনদ্ৰযং ৰিভূতং কত্ৰা সজ্জেত্ৰা ঠিতত্তা তেহি রতিহাসাদীহি অত্থেহি সম্বন্ধিনো আলম্বণউদ্দীপনসঙ্খতৰিৰিধৰিভাৰা চ, এৰমেৰ সানুভাৰকপদেন সমাযোগেন দস্সিতানুভাৰো চ, ‘‘রসস্সাদাযা’’তি ইমিনা নিদ্দিট্ঠরসো চাতি এৰমিমে ঠাযীভাৰাদযো উদ্দিট্ঠা হোন্তি. ঠাযিনা সহ সম্বন্ধোতি চ, সো এতেসমত্থীতি চ, ভাৰো চ ৰিভাৰো চেতি চ, সহ অনুভাৰেহি ৰত্তন্তীতি চ, রসস্স অস্সাদোতি চ ৰাক্যং.

চিত্তৰুত্তিৰিসেসা তু, ভাৰযন্তি রসে যতো;

রত্যাদযো ততো ভাৰ-সদ্দেন পরিকিত্তিতা.

৩৪০. ইদানি যথাউদ্দিট্ঠেসু ঠাযাদীহি ভাৰৰিভাৰানুভাৰরসেসু পঠমং ভাৰং ৰিভাৰেতুং ভাৰসদ্দমন্ৰত্থযতি ‘‘চিত্ত’’ইচ্চাদিনা. চিত্তস্স ৰুত্তিযো রমণহসনাদিআকারেন পৰত্তিযো, তাৰ ৰিসেসা ৰিসিট্ঠসভাৰত্থাতি চিত্তৰুত্তিৰিসেসা. ¶ রত্যাদযো ঠাযীব্যভিচারীসাত্তিকা. তুসদ্দো ৰিসেসে. যতো রসে সিঙ্গারাদযো ভাৰযন্তি নিপ্ফাদেন্তি. ততো ভাৰসদ্দেন পরিকিত্তিতা ভরতাদীহি কথিতা. এত্থ হি ণ্যন্তো ভূধাতু করণে ৰত্ততে. যতো চাযং ন কেৰলং করণেযেৰ ৰত্ততে, অথ খো ব্যাপনে, পটিপাদনে চ, তস্মাস্স পটিভানং চিত্তং ভাৰযন্তি ব্যাপেন্তি. অথ ৰা কৰিনো লোকট্ঠিতিঞাণলক্খণং অধিপ্পাযং ভাৰযন্তি পটিপাদেন্তীতি ভাৰাতি এৰমেত্থ অত্থো দট্ঠব্বো.

৩৪০. ইদানি উদ্দিট্ঠেসু ঠাযীভাৰাদীসু ঠাযীআদীনং [ঠাযীভাৰাদীনং (ক.)] তিণ্ণং সাধারণো ভাৰো নাম এসোতি দস্সেন্তো অন্ৰত্থৰসেন দস্সেতি ‘‘চিত্ত’’ইচ্চাদি. চিত্তৰুত্তিৰিসেসা তু চিত্তস্স উত্তরি ৰক্খমানারম্মণহসনসোচনাদীহি, নিব্বেদাদীহি, থম্ভাদীহি চ আকারেহি পৰত্তিসঙ্খাতা অঞ্ঞমঞ্ঞং অসঙ্করাকারসঙ্খাতা ৰিসেসা পন ঠাযীব্যভিচারীসাত্তিকা যতো যস্মা রসে সিঙ্গারাদিরসে ভাৰযন্তি নিপ্ফাদেন্তি করোন্তি. নো চে, রসে সিঙ্গারাদিরসৰিসযে পণ্ডিতানং চিত্তং ভাৰযন্তি ব্যাপনং করোন্তি. নো চে, তস্মিংযেৰ রসৰিসযে কৰিনো লোকসভাৰং ৰিসযং কত্ৰা পৰত্তঞাণলক্খণং অধিপ্পাযং ভাৰযন্তি পটিপাদনং করোন্তি. ততো ভাৰসদ্দেন হেতুকত্তরি নিপ্ফন্নেন রত্যাদযো রতিহাসাদযো পরিকিত্তিতা ভরতাদীহি ৰুত্তা হোন্তীতি. ‘‘রত্যাদযো’’তি এত্থ আদিসদ্দেন হাসাদযো ঠাযীভাৰা চ, নিব্বেদাদযো ব্যভিচারীভাৰা চ, থম্ভপলযাদযো সাত্তিকভাৰা চ সঙ্গহিতাতি দট্ঠব্বা. চিত্তস্স ৰুত্তিযোতি চ, তা এৰ ৰিসেসাতি চ, ভাৰো ইতি সদ্দোতি চ ৰাক্যং.

৩৪১. ঠাযাদিকে তিৰিধে ভাৰে কমেনাহ ‘‘ৰিরোধিনা’’ইচ্চাদিনা. ৰিরোধিনা অঞ্ঞেন জিগুচ্ছাদিনা ভাৰেন যো ভাৰো রত্যাদিকো ন তিরোহিতো নচ্ছাদিতো, এসো ভাৰো অনুচ্ছিজ্জমানত্তা এৰ তিট্ঠতি সীলেনাতি, ঠাযী এৰ ভাৰোতি ঠাযীভাৰোতি সদ্দিতো কথিতো. যো ভাৰাদীহি আলোকিতস্সাদং নীতো সমানীতো, সো সামাজিকেহি অস্সাদিযমানত্তা রসোতি ৰুচ্চতি. ৰক্খতি হি ‘‘সৰিভাৰ’’ইচ্চাদি.

৩৪১. ইদানি ঠাযীআদিকে তিৰিধভাৰে কমেন নিদ্দিসতি ‘‘ৰিরোধি’’ইচ্চাদিনা. ৰিরোধিনা অঞ্ঞভাৰেন রতিহাসাদীনং ৰিরুদ্ধেন জিগুচ্ছাদিনা অঞ্ঞভাৰেন যো ভাৰো রতিহাসাদিকো তিরোহিতো ন ব্যৰহিতো ন হোতি, এসো ৰিরুদ্ধভাৰেন অব্যৰহিতো ভাৰো তিট্ঠতি সীলেনাতি ইমিনা অত্থেন ঠাযী নাম হোতীতি কত্ৰা ঠাযীভাৰোতি সদ্দিতো কথিতোতি. যো ৰিভাৰানুভাৰাদীহি অস্সাদনীযত্তং পাপিতো সব্ভেহি অস্সাদনীযত্তা রসোতি ৰুচ্চতি, সো ঠাযী নামাতি ৰুচ্চতি. অঞ্ঞো চ সো ভাৰো চেতি চ, তিরো কযিরিত্থাতি চ, ঠাযী চ সো ভাৰো চেতি চ ৰিগ্গহো.

৩৪২. রত্যাদীনং ¶ নৰন্নমেৰ ঠাযিত্ৰং সম্ভৰতীত্যাহ ‘‘রতি’’চ্চাদি. সমো চেতি এৰং ঠাযিনো নৰাতি যোজনা. নৰেৰেতে সকসকৰিভাৰানুভাৰেহি সমুল্লাসিতা ৰিসুম্পি বন্ধিতব্বা কৰিনা, অভিনেতব্বা চ নটেন, তথা সেসভাৰাপি. তত্থ যদি পনাযং রতি অসেসইত্থিপুরিসগুণযুত্তানং ইত্থিপুরিসানং অঞ্ঞমঞ্ঞং জনিতা, চন্দাদীহি উদ্দীপনৰিভাৰেহি উদ্দীপিতা, উস্সুক্কতাদিবাধকেহি অনুভাৰেহি পরিপোসিতা, সকসকানুভাৰসামত্থিযা পতীযমানেহি অনেকরূপেহি ব্যভিচারীহি চিত্ততা সিযা, তদা তু ঠাযী রতি নটাভিনযেন, সুবন্ধসৰনেন ৰা সব্ভেহি অস্সাদিযমানা সিঙ্গাররসত্তমাপজ্জতে. এৰং যথাযোগং হাসাদিঠাযীভাৰানং হস্সরসাদিভাৰাপজ্জনে যুত্তিং সমন্নেয্য.

৩৪২. ঠাযীভাৰো নাম রত্যাদযো নৰেৰেতি দস্সেতুং ‘‘রতিহাসা’’তিআদিমাহ. রতিহাসা চ সোকো চ কোধুস্সাহভযম্পি চ জিগুচ্ছাৰিম্হযা চেৰ সমো সন্তগুণো চাতি এৰং ঠাযিনো নৰ হোন্তি. ইমেসং রত্যাদীনং নৰন্নং সরূপকথনং ‘‘সিঙ্গারহস্সকরুণা’’তিআদিকায উদ্দেসগাথায অনন্তরে নিদ্দেসে পাকটো হোতি. রতি চ হাসো চাতি চ, কোধো চ উস্সাহো চ ভযঞ্চেতি চ, জিগুচ্ছা চ ৰিম্হযা চেতি চ ৰাক্যং. ইমে নৰ চ এৰং ব্যভিচারীভাৰসাত্তিকাভাৰো চেতি ইমে যথাসকমনুরূপৰিভাৰানুভাৰেহি দিত্তং কত্ৰা পচ্চেকং কৰিনা বন্ধিতব্বা, নটেন গহেত্ৰা দস্সিতব্বা চ. ইমেসু তিৰিধভাৰেসু অযং রতি অসেসপুমিত্থিগুণেহি যুত্তেহি নরনারীহি অঞ্ঞমঞ্ঞং উপ্পাদিতা, চন্দাদীহি উদ্দীপনৰিভাৰেহি উদ্দীপিতা, উস্সাহাদিপকাসককাযিকৰাচসিকপযোগসঙ্খাতানুভাৰেন পোসিতা, সকসকানুভাৰসামত্থিযেহি গম্মমানানেকপ্পকারব্যভিচারীভাৰেহি ৰিচিত্তকতা ¶ হোতি. ঈদিসা’যং রতি নটস্স অভিনযেন চ পসত্থবন্ধসৰনেন চ সব্ভেহি অস্সাদিযমানসিঙ্গারাদিরসত্তং পাপুণাতীতি ৰিঞ্ঞাতব্বা. হাসাদীনং সেসঠাযীভাৰানং হস্সরসাদিভাৰাপত্তিযং যুত্তি এৰং যথারহং ৰেদিতব্বাতি.

৩৪৩. ব্যভিচারিনো আহ ‘‘তিরোভাৰ’’ইচ্চাদিনা. তিরোভাৰো ঠাযীনং একস্সাপি ভাৰস্স নিব্বেদাদিনো অচিরট্ঠাযিতা চ আৰিভাৰো পাকটতা চ নানারসনিস্সযত্তা তে আদযো যস্স. আদিসদ্দেন ঠাযীধম্মস্স সুখদুক্খাদিরূপস্স গহণং, সোৰ ৰিসেসো, তেন. ঠাযীধম্মস্স সুখদুক্খরূপস্স গহণং, অত্তনো ধম্মস্স সুখদুক্খরূপস্স ঠাযিনি সমারোপনঞ্চাভিমুখ্যং. তথা হি রতিযং পরিসমো সুখানুৰিদ্ধো ভৰতি, সোকে দুক্খানুৰিদ্ধো. রতিযং সুখসভাৰাপি গিলানিপ্পভুতযো ব্যভিচারিনো সকম্মং দুক্খমিমং সমারোপযন্তেৰ. ততো তেন অভিমুখভাৰেন যে এতে ভাৰা সীলেন চরন্তি পৰত্তন্তি, তে ব্যভিচারিনো হোন্তীতি.

৩৪৩. ইদানি উদ্দেসক্কমেন ব্যভিচারীভাৰে লক্খণতো দস্সেতি ‘‘তিরোভাৰা’’ইচ্চাদিনা. তিরোভাৰাৰিভাৰাদিৰিসেসেন ব্যভিচারীভাৰানং অত্তনো অনেকরসং নিস্সায পৰত্তত্তা, লোকস্স ভিন্নরুচিকত্তা চ কিস্মিঞ্চি ঠাযীভাৰে ব্যভিচারীভাৰানমত্তনো গুণস্স লীনত্তঞ্চ কিস্মিঞ্চি তস্সেৰ গুণস্স পাকটত্তঞ্চাতিআদিকেন ৰিসেসেন ¶ অভিমুখ্যতো ঠাযীভাৰানং সুখদুক্খরূপং অত্তনি চ অত্তনো সুখদুক্খরূপং ঠাযীভাৰেসু চ আরোপনসঙ্খাতেন অভিমুখভাৰেন যেতে ভাৰা সীলেন চরন্তি পকতিযা পৰত্তন্তি, তে ভাৰা ব্যভিচারিনো নাম হোন্তীতি. এৰমেৰ [এৰরূপা (ক.)] পীল়া সরূপেন একো পরিসমসঙ্খতব্যভিচারীভাৰো রতিযং সগুণেন লীনো সুখানুৰিদ্ধো হুত্ৰা, সোকে সগুণেন পাকটো দুক্খানুৰিদ্ধো চ হুত্ৰা পৰত্ততে. এৰমেৰ সুখসভাৰরতিযং গিলানাদযো ব্যভিচারিনো সকিযং দুক্খসরূপং আরোপেন্তীতি কত্ৰা তিরোভাৰৰিভাৰাদিৰিসেসেন অভিমুখং পৰত্তন্তি. তিরোভৰনমিতি চ, আৰিভৰনমিতি চ, তিরোভাৰো চ আৰিভাৰো চেতি চ, তে আদযো যস্স ঠাযীভাৰেসু ৰিজ্জমানানং সুখদুক্খসভাৰানং অত্তনি আরোপনস্সেতি চ, সোযেৰ ৰিসেসোতি চ, অভিমুখানং ভাৰোতি চ ৰিগ্গহো. ব্যভিচারীপদে ৰিসদ্দো ৰিসেসত্থে অভিসদ্দো অভিমুখভাৰে ৰত্ততি.

সুত্তং তাসো গিলানু’স্সুকহরিস-

৩৪৪. তে দস্সেতি ‘‘নিব্বেদো’’ইচ্চাদিনা. দীনতুগ্গালসত্তন্তি দীনতা চ উগ্গতঞ্চ আলসত্তঞ্চ, গিলানি উস্সুকইতি ¶ উস্সুক্কং. চপলইতি চাপল্লং, সহ চপলেন সচপলো, সো চাযং ব্যাধি চ, মরণঞ্চ সচপলব্যাধি চ সমাহারে. তঞ্চ সহ বিল়ায ৰত্ততীতি সবিল়ন্তি এতে যথাৰুত্তব্যভিচারীভাৰা তেত্তিংস হোন্তীতি. উস্সাহৰতা ৰীররসো তংৰসেনেৰ অস্সাদীযতি. ভীরুনা তু সোৰ ভযানকরসৰসেনেতি লোকসভাৰস্স অনেকত্তা তদত্থমেতে ব্যভিচারিনো একেকস্সরসস্স বহৰো ৰণ্ণনীযা, যতো তংৰণ্ণনাদ্ৰারেন সব্বোপি তেসু কিঞ্চি অস্সাদেতীতি. তত্থ যস্মা পন মারণোপগতৰেরিদস্সনমেকমেৰ তঙ্খণেযেৰ ভিন্নং পকতিৰসেন ভীরুনো ভযস্স হেতু, সঙ্গামলোলস্স তু উস্সাহনিমিত্তং সিযা. তথা নটেন কতং ৰিকতমাভরণং ক্রিযাৰা নীচপকতীনং ঠাযিনো হাসস্স হেতু, গম্ভীরপকতীনং ব্যভিচারিনো হাসস্স, তস্মা ভাৰে ৰণ্ণযতা কৰিনা ভাৰা তথা ৰণ্ণনীযা, যথোচিত্যপরিপোসো সিযা. ওচিত্যভঙ্গো তু মহতা ৰাযামেন পরিহরিতব্বো.

তেসু নিব্বেদো অত্তাৰমাননং. তস্স চ ইত্থীনঞ্চ নীচানঞ্চ দালিদ্দিযং ৰিভাৰো, যোগীনং তু তত্ৰসংৰেদনং ৰিভাৰো, অস্সুপতনচিন্তাদযো এত্থ অনুভাৰা.

তক্কো ৰিতক্কনং. তস্স সন্দেহো ৰিভাৰো, সিরোকম্পাদি অনুভাৰো.

সঙ্কায ৰিরুদ্ধচরণং ৰিভাৰো, কম্পাদযো অনুভাৰো.

সমো খেদো. তত্থ গত্যাদি ৰিভাৰো, সেদাদি অনুভাৰো.

ধিতি সন্তোসো. ঞাণাদি ৰিভাৰো, অনুভাৰো ভোগালোলতাদি.

জল়তা ¶ অপ্পটিপত্তি. তস্সা ইট্ঠানিট্ঠদস্সনাদি ৰিভাৰো, অনিমিসনযনালোচনাদি অনুভাৰো.

দীনতা চেতসো অনোজতা. তস্সা ৰিভাৰো দুগ্গততাদি, অনুভাৰো মলিনৰত্থতাদি.

উগ্গতা দারুণত্তং. তস্সা ৰিভাৰো বলৰাপরাধাদি, তস্স অনুভাৰো তজ্জনাদি.

আলসত্তস্স পরিসমাদি ৰিভাৰো, জিম্হতাদি অনুভাৰো.

সুত্তস্স নিদ্দা ৰিভাৰো, তস্সাদাদযো অনুভাৰো.

তাসো চিত্তক্খোভো. ৰিভাৰো অস্স গজ্জিতাদি, কম্পনাদি অনুভাৰো.

আযাসপিপাসাদি ৰিভাৰো গিলানিযা, ৰিৰণ্ণতাদযো অনুভাৰো.

কালক্খমতা উস্সুকং. ৰিভাৰো তস্স রমণীযদস্সনিচ্ছাদি, অনুভাৰো তুরিততাদি.

চেতোপসাদো হরিতো. তত্র উস্সৰাদি ৰিভাৰো, অস্সুসেদাদযো অনুভাৰো.

সদিসদস্সনাদি ৰিভাৰো সতিযা, অনুভাৰো ভমুসমুন্নমনাদি.

পরেসমুক্কংসাসহনতা ইস্সা. তস্সা দুজ্জনত্তগব্বাদযো ৰিভাৰো, দোসকথনাৰজাননাদযো অনুভাৰো.

ৰিসাদো খেদো. ৰিভাৰো তস্স আরদ্ধকারিযাসিদ্ধাদি, বাধযতাপাদি অনুভাৰো.

অবহিত্থা কাযসংৰরণং. তস্সা ৰিভাৰো লজ্জাদি, অনুভাৰো’ঞ্ঞৰিক্রিযা.

চিন্তা ¶ ইট্ঠালাভাদীহি, অনুভাৰো মুকুলিতনযনাদি.

গব্বো অভিমানো. ৰিভাৰোস্স ইস্সরিযাদি, অনুভাৰো অৰজাননাদি.

অপমারো গাহরুক্খাদীহি [গাহরুক্খপতনাদীহি (?)], ভূপাতাদযো এত্থ অনুভাৰো.

অমরিসো অক্খমতা. ৰিভাৰো অস্সাৰমাননাদি, সিরোকম্পনতজ্জনাদযো অনুভাৰো.

মদো পমাদুক্কংসো. তস্স ৰিভাৰো পানং, চলমানঙ্গৰচোগতিহাসাদযো অনুভাৰো.

মতি কঙ্খচ্ছেদো. উপদেসাদি ৰিভাৰো, মুখৰিকাসাদি এত্থ অনুভাৰো.

অসমেক্খিতকারিতা উম্মাদো. তস্স ৰিভাৰো সন্নিপাতগহণাদি, অট্ঠানরুদিতগীতহাসাদযো অনুভাৰো.

মোহো ভযাদীহি, অনুভাৰো থম্ভকম্পাদি.

দুরাচারাদীহি বিল়ং, অধোমুখতাদি অনুভাৰো.

মরণং ৰিভাৰঅনুভাৰেহি সুপসিদ্ধং.

চপলতা রাগদোসাদীহি, সচ্ছন্দচরণাদি অনুভাৰো. ব্যাধি পাকটো.

যে ৰা পনঞ্ঞে ইধ নিদ্দিট্ঠা চিত্তৰুত্তিৰিসেসাপি সংৰিজ্জন্তি সুখুমভেদা, তেসু কেচি ৰুত্তেস্ৰন্তোগধা হোন্তি. যথা হি ইচ্ছাসভাৰা সব্বে কামা রতিযং অন্তোগধা, তথা দোসপ্পকারা কোধা মরিসইস্সাদীস্ৰন্তোগধা, দুক্খসভাৰা সোকসমব্যাধিগিলানি ৰিসাদাদীস্ৰন্তোগধা. পীত্যাদযো সুখসভাৰা হরিসেতি দট্ঠব্বং. তেসু ¶ ভযা তাসো অঞ্ঞো, সঙ্কা তথা অমরিসো. তস্মা ইস্সা, তথা গিলানিতো সমো, নিদ্দায সুত্তং, উস্সুকা চপলতা, তথা মোহা পলযো ৰক্খমানো অঞ্ঞোতি মন্তব্বং.

৩৪৪. ইদানি তে ব্যভিচারীভাৰে সরূপেন দস্সেতি ‘‘নিব্বেদো’’ইচ্চাদিনা. নিব্বেদো অত্তনিন্দাসঙ্খতো চ, তক্কসঙ্কা চ, সমধিতিজল়তা পরিসমো সন্তোসলক্খণা ধিতি জল়তা চ, দীনতুগ্গালসত্তং দীনভাৰদারুণভাৰঅলসভাৰা চ, সুত্তং সযনঞ্চ, তাসো চিত্তক্খোভো চ, গিলানপরিমদ্দিতভাৰো চ, উস্সুকহরিসসতিস্সাৰিসাদাবহিত্থা উস্সাহপিতিসতিইস্সাখেদআকারসংৰরা চ, চিন্তা চ, গব্বো অভিমানো চ, অপমারো চ, অমরিসমদমতুম্মাদমোহা অক্খন্তিপমাদাধিক্কা কঙ্খচ্ছেদউম্মাদমোহা চ, ৰিবোধো পবোধো চ, নিদ্দাৰেগা নিদ্দা চ, আৰেগসঙ্খাতো সম্ভমো চ, সবিল়ং লজ্জাসহিতং মরণসচপলাব্যাধি মরণঞ্চ চাপল্যসহিতা ব্যাধি চেতি. এতে তেত্তিংস ব্যভিচারীভাৰা নাম হোন্তি. তক্কো চ সঙ্কা চেতি চ, সমো চ ধিতি চ জল়তা চেতি চ, দীনতা চ উগ্গো চ অলসত্তঞ্চাতি চ, উস্সুকঞ্চহরিসো চ সতি চ ইস্সা চ ৰিসাদো চ অবহিত্থা চেতি চ, অমরিসো চ মদো চ মতি চ উম্মাদো চ মোহো চেতি চ, নিদ্দা চ আৰেগো চেতি চ, সহ বিল়ায ৰত্ততীতি চ, সহ চপলেন চাপল্যেন ৰত্ততীতি চ, সচপলো চ সো ব্যাধিচেতি চ, মরণঞ্চ সচপলব্যাধি চেতি চ ৰাক্যং. মরণসচপলাব্যাধীতি সমাহারদ্ৰন্দো. তস্মা ‘‘সবিল়’’ন্তি পদং এতস্স ৰিসেসনং হোতি.

লোকসভাৰস্স অনেকৰিধত্তা একোযেৰ ৰীররসো উস্সাহৰতা ৰীররসাকারেন অস্সাদনীযো হোতি, সোযেৰ ভীরুনা ভযাকারেন অস্সাদনীযো হোতি. ¶ তস্মা একেকস্স রসস্স ইমে বহূ ব্যভিচারিনো ৰণ্ণেতব্বা হোন্তি. এৰং সতি অনেকাধিপ্পাযকো লোকো তেসু কিঞ্চি অস্সাদেতি. এৰং সতি বন্ধো সব্বজনস্স কন্তো হোতি. তস্সং ভাৰৰণ্ণনাযং যস্মা মারেতুমাগচ্ছন্তানং সত্তূনং দস্সনমেকমেৰ তঙ্খণে জনাধিপ্পাযতো ভিজ্জিত্ৰা পকতিভীরূনং পুরিসানং ভযস্স চ যুদ্ধলোলস্স উস্সাহনস্স চ কারণং হোতি. এৰং নটেন হসনত্থং কতৰিকতমাভরণঞ্চ তাদিসকিরিযা চ উত্তানপকতিকানং পুরিসানং ঠাযীহাসস্স চ গম্ভীরপকতিকানং ব্যভিচারীহাসস্স চ হেতু ভৰেয্য. তস্মা ভাৰে ৰণ্ণেন্তেন কৰিনা ওচিত্যভঙ্গমকত্ৰা সক্কচ্চমোচিত্যং সজ্জেত্ৰা ভাৰপ্পকাসকানি সৰিভাৰানুভাৰকৰিৰচনানি ৰণ্ণেতব্বানি. এত্থ ভাৰাৰবোধকৰিভাৰাদীনং জানিতব্বত্তা তেহি তেহি ভাৰেহি সদ্ধিং এৰং ৰেদিতব্বা.

তেসু ভাৰেসু অত্তাৰমাননলক্খণো নিব্বেদো. ইত্থীনং, হীনানং [হীনাচারানং (ক.)] ৰা উপ্পজ্জতি চে, দালিদ্দিযং আলম্বণৰিভাৰো নাম, যোগীনং চে, তথাৰবোধো আলম্বণৰিভাৰো, এত্থ অস্সুপতনচিন্তাদিকং অনুভাৰো নাম.

ৰিতক্কস্স সন্দেহো উদ্দীপনৰিভাৰো নাম, সিরোকম্পাদিকং অনুভাৰো নাম.

সঙ্কায ৰিরুদ্ধপ্পৰত্তি উদ্দীপনৰিভাৰো, কম্পাদিকো অনুভাৰো. উপরি ‘‘ৰিভাৰো’’তি ৰুত্তে আলম্বণুদ্দীপনেসু দ্ৰীসু যং যুজ্জতি, তং গহেতব্বং.

খেদলক্খণস্স সমস্স গমনাদিকং ৰিভাৰো, সেদাদি অনুভাৰো.

সন্তোসলক্খণায ধিতিযা ঞাণাদি ৰিভাৰো, ভোগেসু অলোলভাৰাদি অনুভাৰো.

অযোগ্গতালক্খণায ¶ জল়তায ইট্ঠানিট্ঠানং অজাননাদি ৰিভাৰো, ৰিৰটনযনেহি অভিমুখৰিলোকনতাদি অনুভাৰো.

চিত্তস্সনিত্তেজলক্খণায দীনতায দুগ্গততাদি ৰিভাৰো, মলিনৰত্থতাদি অনুভাৰো.

দারুণতালক্খণস্স উগ্গভাৰস্সাতিসযাপরাধাদি ৰিভাৰো, তজ্জনাদি অনুভাৰো.

অলসত্তস্স অট্ঠানপরিসমাদি ৰিভাৰো, ৰঙ্কিকভাৰো অনুভাৰো.

সযনসঙ্খাতস্স সুত্তস্স নিদ্দাদি ৰিভাৰো, অস্সাদাদি অনুভাৰো. এত্থ অস্সাদনং নাম সেয্যসুখপস্সসুখাদিকং.

চিত্তক্খোভসঙ্খাতস্স তাসস্স গজ্জিতাদি ৰিভাৰো, গজ্জিতং নাম ভযজনকৰচনং. কোপেন কম্পনা অনুভাৰো.

পীল়াসঙ্খাতস্স গিলানস্স আযাসপিপাসাদি ৰিভাৰো, দুব্বণ্ণতাদি অনুভাৰো.

অনুরূপকালস্স অনোলোকনস্স উস্সুক্কস্স রম্মৰত্থুদস্সনিচ্ছাদি ৰিভাৰো, তুরিততাদি অনুভাৰো.

চেতোপসাদলক্খণস্স হরিসস্স মঙ্গলকীল়াদি ৰিভাৰো, সন্তোসৰচনাদি অনুভাৰো.

সরণলক্খণায সতিযা সঞ্ঞাণদস্সনাদি ৰিভাৰো, ভমুক্খেপাদি অনুভাৰো.

পরসম্পত্তিঅসহনলক্খণায ইস্সায দুজ্জনভাৰগব্বাদি ৰিভাৰো, দোসকথনাৰজাননাদি অনুভৰো.

খেদলক্খণস্স ৰিসাদস্স আরদ্ধকারিযাসিদ্ধিকারিযব্যাপত্তিআদি ৰিভাৰো, মনোসন্তাপাদি অনুভাৰো.

আকারসংৰরণলক্খণায, ¶ রসসভাৰপটিচ্ছাদনলক্খণায ৰা অবহিত্থযলজ্জাদি ৰিভাৰো, তদঞ্ঞক্রিযাকরণং, অধোমুখকরণং, পাদেহি ভূমিখণনন্তিআদি অনুভাৰো.

চিন্তায ইট্ঠত্থালাভাদী ৰিভাৰো, মকুলিতনযনাদি অধোখিত্তচক্খাদি ৰা অনুভাৰো.

গব্বস্স ইস্সরিযাদি ৰিভাৰো, অৰজাননাদি অনুভাৰো.

অপমারস্স যক্খপীল়াদি ৰিভাৰো, ভূমিপতনাদযো অনুভাৰো.

অক্খমলক্খণস্স অমরিসস্স অৰমাননাদি ৰিভাৰো, সিরোকম্পনতজ্জনাদি অনুভাৰো.

পমাদাধিক্কলক্খণস্স মদস্স সন্তোসপানং ৰিভাৰো, কম্পমানহত্থপাদৰচনগমনহাসাদী অনুভাৰো.

কঙ্খাচ্ছেদনলক্খণায মতিযা উপদেসাদি ৰিভাৰো, মুখসন্তোসাদি অনুভাৰো.

অনুপপরিক্খকারিতালক্খণস্স উম্মাদস্স সন্নিপাতজ্জরযক্খাদি ৰিভাৰো, অকারণরোদনহসনাদি অনুভাৰো.

মুয্হনলক্খণস্স মোহস্স অধিকভযাদি ৰিভাৰো, সভাৰানৰবোধনাদি অনুভাৰো.

নিদ্দাপগমসঙ্খাতস্স ৰিবোধস্স কালপরিণামাদি আলোকসরণাদি ৰা ৰিভাৰো, অক্খিমদ্দনাদি অনুভাৰো.

মনোসম্পীল়নলক্খণায নিদ্দায কস্সচি অচিন্তনঅকরণাদি ৰিভাৰো, অক্খিপিদহনাদি অনুভাৰো.

ভযাগমনলক্খণস্স আৰেগস্স পচ্চত্থিকদস্সনাদি ৰিভাৰো, উত্রাসকম্পাদি অনুভাৰো.

লজ্জালক্খণায ¶ বিল়ায দুরাচারাদি ৰিভাৰো, অধোমুখতাদি অনুভাৰো.

মরণস্স সত্থপহাররোগাদি ৰিভাৰো, মুখৰিকারাদি অনুভাৰো.

চাপল্লস্স রাগদোসাদি ৰিভাৰো, অত্তনো সচ্ছন্দচরণাদি অনুভাৰো.

ব্যাধিযা ৰাতপিত্তাদীনং উস্সদভাৰাদি ৰিভাৰো, নিত্থুননাদি অনুভাৰো.

ইমস্মিং সুবোধালঙ্কারে অদস্সিতসুখুমভেদা অঞ্ঞাপি চিত্তৰুত্তিৰিসেসা সন্তি, তেসু ইচ্ছাসভাৰা সব্বে ভেদা কামরতিযঞ্চ, দোসপকারা কোধঅমরিসইস্সাদীসু চ, দুক্খসভাৰা সোকসমব্যাধিগিলানৰিসাদাদীসু চ, পিতিআদযো হরিসে চ অন্তোগধাতি ৰেদিতব্বা. এৰং সমানানং সঙ্গহে সতিপি তাসতো ভযস্স চ, সঙ্কায অমরিস্স চ, অমরিসতো ইস্সায চ, গিলানতো সমস্স চ, নিদ্দায সুত্তস্স চ, উস্সুক্কতো চপলতায চ, মোহতো ৰক্খমানপলযস্স চ পাকটৰিসেসেন অঞ্ঞথা ৰিসুং ৰিসুং দস্সিতন্তি দট্ঠব্বং.

সমাহিতত্তপ্পভৰং, সত্তং তেনো’পপাদিতা;

সাত্তিকা’প্য’নুভাৰত্তে, ৰিসুং ভাৰাভৰন্তি তে.

৩৪৫. সাত্তিকে ৰদতি ‘‘সমাহিতে’’চ্চাদিনা. সমাহিতো একগ্গতাভাৰাপাদনেন কতসমাধানো অত্তা চিত্তং ততো পভৰং উপ্পন্নং যং, তং সত্তং নাম. তেন সত্তেন উপপাদিতা নিব্বত্তিতা থম্ভাদযো সাত্তিকা ৰুচ্চন্তে. তে চ পুন অনুভাৰাপি ভৰন্তি থম্ভাদিভাৰসংসূচনসভাৰৰিকাররূপত্তা. তঞ্চ ‘‘চিত্তৰুত্তিৰিসেসত্তা’’ইচ্চাদিনা ৰক্খতি. ¶ তেনাহ ‘‘অনুভাৰত্তেপী’’তি. এৰং সত্যপি তে সাত্তিকা ৰিসুং পুথগেৰ ভাৰা ভৰন্তি, ৰুত্তনযেন চিত্তভৰত্তৰিরূপত্তা তেসন্তি.

৩৪৫. ইদানি উদ্দেসক্কমেনাধিগতকেৰলভাৰসঙ্খাতং সাত্তিকাভাৰং দস্সেতি ‘‘সমাহিত’’ইচ্চাদিনা. সমাহিতত্তপ্পভৰং একগ্গতাভাৰাপাদনেন কতসমাধানচিত্ততো সম্ভূতং সত্তং নাম হোতি. তেন লাভালাভাদীসু একাকারস্স হেতুনা থিরভাৰেন উপপাদিতা নিপ্ফাদিতা থম্ভাদযো সাত্তিকা নাম ভৰন্তি. তে সাত্তিকা অনুভাৰত্তেপি চিত্তাকারসঙ্খাতথম্ভাদিপকাসনসভাৰৰিকারসরূপত্তা অত্তনো অনুভাৰত্তে সতিপি ৰিসুং ভাৰা ভৰন্তি যথাৰুত্ত ‘‘চিত্তৰুত্তিৰিসেসা তু, ভাৰযন্তি রসে যতো’’তিআদিনা ভাৰা নাম হোন্তীতি. ইমে সাত্তিকাভাৰানুভাৰৰসেন দুৰিধা হোন্তি. সমাহিতো চ সো অত্তা চেতি চ, ততো পভৰমিতি চ, সন্তো উপসন্তো চ সো অত্তা চেতি চ, সত্ততো ভৰন্তীতি চ, সত্তেন উপ্পাদিতাতি চ, অনুভাৰানং ভাৰোতি চ ৰাক্যং. অপীতি অনুগ্গহত্থে নিপাতো.

৩৪৬. তে দস্সেতি ‘‘থম্ভো’’ইচ্চাদিনা. এত্থ থম্ভো অৰিস্সরকাযচিত্ততা. পলযো অস্সাসপস্সাসমত্তাৰসেসো সুত্তাৰত্থাসভাৰো নিদ্দাপভৰো. সুব্যত্তলক্খণা সেসা.

৩৪৬. ইদানি ¶ সাত্তিকে দস্সেতি ‘‘থম্ভো’’ইচ্চাদিনা. থম্ভো কাযচিত্তানং অৰিসরভাৰসঙ্খাতো চ পলযরোমঞ্চা নিদ্দায উপ্পজ্জমানঅস্সাসপস্সাসমত্তাতিরিত্তসুত্তাৰত্থা চ পসাদাদিসম্ভৰো রোমুগ্গমো চ তথা এৰং সেদস্সুৰেপথু চ ভযাদীহি উপ্পজ্জমানদাহো চ সন্তোসাদীহি উপ্পজ্জমানঅস্সু চ কম্পা চ ৰেৰণ্ণিযং ৰিরূপতা চ ৰিস্সরতা ৰিরূপসদ্দতা চাতি এতে অট্ঠ সাত্তিকা ভাৰা নাম হোন্তি. রোমানং অঞ্চো উগ্গমোতি চ, পলযো চ রোমঞ্চো চেতি চ, ৰেপনং কম্পনমিতি চ, সেদো চ অস্সু চ ৰেপথু চাতি চ, ৰিরূপো ৰণ্ণো অস্সেতি চ, তস্স ভাৰোতি চ, ৰিরূপো সরো অস্সেতি চ, তস্স ভাৰোতি চ ৰাক্যং.

৩৪৭. ন কেৰলং ৰুত্তাযেৰ ব্যভিচারিনো, রত্যাদযোপীতি আহ ‘‘যদা’’ইচ্চাদি. ভৰন্তি ব্যভিচারিনোতি যথাযোগং যথাসম্বন্ধং ব্যভিচারিনো হোন্তীতি অত্থো. সেসং সুবোধং.

৩৪৭. ইদানি নিব্বেদাদযো ৰিয রতিহাসাদযোপি কিস্মিঞ্চি কালে ব্যভিচারিনোপি হোন্তীতি দস্সেতি ‘‘যদা’’ ইচ্চাদিনা. রত্যাদযো রতিহাসাদযো ভাৰা নৰ ঠাযীভাৰা যদা ঠিতিসীলা ন হোন্তি চে ৰিরোধীহি তেহি তেহি ভাৰন্তরেহি ব্যৰহিতত্তা সভাৰতো ঠিতিসভাৰা যদি ন হোন্তি, তদা তে ভাৰা রত্যাদযো সব্বেপি ব্যভিচারিনো ভৰন্তীতি. যথাসকং ব্যভিচারিতানুরূপৰিভাৰানুভাৰানং যোগানুরূপেন ব্যভিচারীভাৰা হোন্তি. রতিআদি যেসং হাসাদীনমিতি চ, ঠিতি সীলং যেসং রত্যাদীনমিতি চ ৰিগ্গহো.

৩৪৮. ইদানি ৰিভাৰানুভাৰে দস্সেতি ‘‘ৰিভাৰো’’ইচ্চাদিনা. তেসং রত্যাদীনং ভাৰানং উপ্পত্তিযা, তথা উদ্দীপনে চ কারণং আলম্বণউদ্দীপনৰসেন দুৰিধো ৰিভাৰো নাম. তত্থ আলম্বণৰিভাৰো কন্তাদি, উদ্দীপনৰিভাৰো চন্দাদি. তেসং বোধকো ঞাপকো কাযিকো চ ৰাচসিকো চ ব্যাপারো সিযা, অযং অনুভাৰো ঈরিতো.

৩৪৮. ইদানি ৰিভাৰানুভাৰে দস্সেতি ‘‘ৰিভাৰো’’ইচ্চাদিনা. তেসং ঠাযীভাৰাদীনং তিণ্ণং উপ্পত্তিযা চ তথা উদ্দীপনে চ উপ্পন্নানং দীপনে চ কারণং আলম্বণউদ্দীপনৰসেন দুৰিধো হেতু ৰিভাৰো নাম, তেসং ঠাযীভাৰাদীনং বোধকো কাযিকৰাচসিকো যো সিযা নটকৰীনং ব্যাপারো অত্থি, অযং অনুভাৰোতি ঈরিতোতি. ৰিসেসেন ভাৰেতি ৰড্ঢেতীতি ৰিভাৰো. অনুভাৰেতি বোধেতীতি অনুভাৰো. এত্থ ৰিভাৰো নাম রতিৰিসযে নরনারীনং অঞ্ঞমঞ্ঞং আলম্বণৰিভাৰো, চন্দরম্মদেসাদি উদ্দীপনৰিভাৰো চেতি দুৰিধো. হাসাদীনম্পি দুৰিধৰিভাৰং যথারহং যোজেতব্বং. অনুভাৰো নাম ঠাযীভাৰাদীনং তেসং তেসং ভাৰানং পকাসকৰাচসিকব্যাপারসঙ্খাতকৰিপযোগো চ কাযিকপযোগভূতো নটানং অভিনযসঙ্খাতো তংতংভাৰসরূপনিরূপকো চেতি দুৰিধো ব্যাপারো.

নেকহেতুং মনোৰুত্তি-ৰিসেসঞ্চ ৰিভাৰিতুং;

ভাৰং ৰিভাৰানুভাৰা, ৰণ্ণিযা বন্ধনে ফুটং.

৩৪৯. ৰিভাৰাদিৰণ্ণনাযমেৰ ¶ ভাৰৰিসেসাৰবোধো সিযা, অঞ্ঞথা ‘‘দেৰদত্তস্স সাস্সুলোচনযুগং সঞ্জাত’’মিতি ৰুত্তে সোকা আনন্দা রোগা চেতি কো নাম সক্কোতি কারণং নিচ্ছিতুং, চিত্তৰুত্তিৰিসেসঞ্চ ভাৰং ৰিনা ৰিভাৰানুভাৰং কৰি ৰণ্ণেতুং নটোভিনেতুং সামজ্জিকো ৰা ৰিঞ্ঞাতুং কো সক্কোতীতি দস্সেতুমাহ ‘‘নেক’’ইচ্চাদি. নেকহেতুং বহুহেতুং মনোৰুত্তিৰিসেসঞ্চ ভাৰং ৰিভাৰিতুং পকাসেতুং ৰিভাৰানুভাৰা ৰুত্তলক্খণা বন্ধনে সভাৰনিরূপকপদে ফুটং ৰণ্ণনীযা, ৰিভাৰাদিরূপকেনেৰ অৰুত্তম্পি কিঞ্চি পতীযতে.

৩৪৯. ‘‘দেৰদত্তস্স চক্খূনি অস্সুপুণ্ণানী’’তি ৰুত্তে সোকেন সন্তোসেন রোগেন ৰাতি যথা অস্সুকারণকথনং ৰিনা ন জানাতি, এৰং চিত্তস্স পৰত্তিসঙ্খাতা রতিহাসাদযো তে তে ভাৰা অত্তনো পতীতিযানুরূপং ৰিভাৰানুভাৰকথনং ৰিনা কৰীহি ৰণ্ণেতব্বা, নটেহি দস্সেতব্বা, সব্ভেহি অস্সাদনীযা নত্থীতি ঠাযীআদীনং ৰণ্ণনমেৰ কাতব্বন্তি ইদানি অনুসাসেন্তো আহ ‘‘নেক’’ইচ্চাদি. নেকহেতুং তেসং তেসং ভাৰানং উপ্পত্যাদো আলম্বণৰিভাৰাদিবহুকারণৰন্তং মনোৰুত্তিৰিসেসং ভাৰঞ্চ চিত্তস্স পৰত্তিৰিসেসসঙ্খাতভাৰঞ্চ ৰিভাৰিতুং পকাসেতুং ৰিভাৰানুভাৰা অনন্তরনিদ্দিট্ঠা বন্ধনে রসভাৰপ্পকাসনে ফুটং পকাসং কত্ৰা ৰণ্ণিযা কৰিনা ৰণ্ণনীযা হোন্তীতি. ন একোতি চ, সো হেতু অস্সেতি চ, মনসো ৰুত্তীতি চ, তায ৰিসেসোতি চ, ৰিভাৰো চ অনুভাৰো চেতি চ ৰাক্যং.

সৰিভাৰানুভাৰেহি, ভাৰা তে তে যথারহং;

ৰণ্ণনীযা যথোচিত্যং, লোকরূপানুগামিনা.

৩৫০. ইদানি তে ভাৰা লোকসভাৰানতিক্কমেন ৰিভাৰাদীহি ৰণ্ণনীযাতি আহ ‘‘সৰিভাৰে’’চ্চাদি. সহ ৰিভাৰেহি ¶ সৰিভাৰা, তে চ তে অনুভাৰা চ, তেহি. যথারহন্তি অত্তনো সম্বন্ধীনং ৰসেন যথারহং ৰণ্ণনীযা.

৩৫০. ইদানি ৰিভাৰানুভাৰে নিস্সায ৰণ্ণনীযা তে ভাৰা লোকসভাৰমনতিক্কম্ম কাতব্বাতি অনুসাসন্তো আহ ‘‘সৰিভাৰা’’ইচ্চাদি. লোকরূপানুগামিনা লোকৰোহারমনুৰত্তমানেন তে তে ভাৰা ঠাযীভাৰাদযো তযো যথোচিত্যং ওচিত্যানুরূপং সৰিভাৰানুভাৰেহি ৰিভাৰসহিতেহি অনুভাৰেহি করণভূতেহি যথারহং তেহি তেহি ভাৰেহি সম্বন্ধীনং ৰিভাৰাদীনং ৰসেন অনুরূপতো ৰণ্ণনীযা ৰণ্ণেতব্বা হোন্তীতি. ৰিভাৰেহি সহ যে ৰত্তন্তীতি চ, তে চ তে অনুভাৰা চেতি চ, অনতিক্কম্ম অরহন্তি চ, অনতিক্কম্ম ওচিত্যমিতি চ, লোকস্স রূপং সরূপমিতি চ, তং অনুগচ্ছতি সীলেনাতি চ ৰিগ্গহো.

চিত্তৰুত্তি ৰিসেসত্তা, মানসা সাত্তিক’ঙ্গতো;

বহিনিস্সটসেদাদি-অনুভাৰেহি ৰণ্ণিযা.

৩৫১. সাত্তিকা কথং ৰণ্ণনীযাতি আহ ‘‘চিত্তে’’চ্চাদি. চিত্তস্স ৰুত্তিৰিসেসো যেসং, তেসং ভাৰো, তস্মা মানসা মনসি ভৰা সাত্তিকা অঙ্গতো সরীরতো বহিনিস্সটেহি নিগ্গতেহি সেদাদীহি অনুভাৰেহি ৰণ্ণনীযা, ন পন সেদসলিলমেৰ ভাৰোতি অধিপ্পাযো.

৩৫১. এৰং সামঞ্ঞেন ভাৰৰণ্ণনক্কমং দস্সেত্ৰা ইদানি ৰিসেসেন সাত্তিকভাৰৰণ্ণনা ঈদিসাতি দস্সেতি ‘‘চিত্ত’’ইচ্চাদিনা. চিত্তৰুত্তিৰিসেসত্তা চিত্তস্স পৰত্তিৰিসেসত্তা মানসা চিত্তে ভৰা সাত্তিকাভাৰা অঙ্গতো সরীরতো বহিনিস্সটসেদাদিঅনুভাৰেহি বহিনিক্খন্তসেদাদীহি অনুভাৰেহি করণভূতেহি ৰণ্ণিযা ৰণ্ণনীযা হোন্তীতি, ¶ অঙ্গতো বহি নিস্সটন্তি ৰিসেসনেন ৰিসিট্ঠভূতসেদাদীনমেৰ ভাৰানুভাৰত্তং ৰিনা কেৰলং সেদাদযো ৰুত্তা সমানা ভাৰাদযো নাম ন হোন্তীতি অধিপ্পাযো. চিত্তস্স ৰুত্তীতি চ, সা এৰ ৰিসেসো যেসং সাত্তিকানমিতি চ, তেসং ভাৰোতি চ, মনসি ভৰাতি চ, সেদো আদি যেসং খেল়াদীনমিতি চ, নিস্সটা নিগ্গতা চ তে সেদাদযো চেতি চ, তে এৰ অনুভাৰাতি চ ৰাক্যং.

সামজ্জিকান’মানন্দো, যো বন্ধত্থানুসারিনং;

রসীযতীতি তঞ্ঞূহি, রসো নামা’য’মীরিতো.

৩৫২. ইদানি ‘‘রসস্সাদায সাধূন’’ন্তি ৰুত্তত্তা রসে নিদ্দিসন্তো আহ ‘‘সামজ্জিকান’’মিচ্চাদি. বন্ধস্স অত্থো, তদনুস্সরন্তি মনোভাৰনাৰসেনাতি বন্ধত্থানুসারিনো, তেসং সামজ্জিকানং সব্ভানং মনসি যো আনন্দো, অযং লোকমধুরাদিরসো ৰিয বন্ধে সিঙ্গারাদি রসো নাম ঈরিতো তঞ্ঞূহি রসঞ্ঞূহি. কথমিত্যাহ ‘‘রসীযতী’’তি, অস্সাদীযতীতি অত্থো. কিঞ্চ? যথা নানাব্যঞ্জনসঙ্খতমন্নং ভুঞ্জমানা রসে অস্সাদিযন্তি সুমানসা পুরিসা সন্তোসঞ্চাধিগচ্ছন্তি, তথা নানাভিনযব্যঞ্জিতে ৰাচঙ্গসত্থোপেতে ঠাযীভাৰে অস্সাদেন্তি সুমানসাপেক্খকা, তস্মা এতে নাট্যাতিপি ৰুচ্চন্তি.

৩৫২. ইদানি ‘‘রসস্সাদায সাধূন’’ন্তি ৰত্ৰা উদ্দিট্ঠক্কমেন সম্পত্তং রসং দস্সেতি ‘‘সাম’’ইচ্চাদিনা. বন্ধত্থানুসারিনং বন্ধস্স অত্থানুরূপসারীনং বুদ্ধিযা পৰত্তানং সামজ্জিকানং সব্ভানং চিত্তে ভৰো যো আনন্দো সন্তোসো অত্থি, অযং লোকে মধুরাদিরসো ৰিয অস্সাদনীযো হোতীতি অত্থযুত্তেন ‘‘রসীযতী’’তি ইমিনা ৰচনত্থেন রসো নামাতি তঞ্ঞূহিরসঞ্ঞূহি ঈরিতো কথিতোতি. ¶ সমজ্জাযং নিযুত্তাতি চ, বন্ধস্স অত্থোতি চ, তং অনুস্সরন্তীতি চ, তং জানন্তীতি চ ৰাক্যং. যথা নানাব্যঞ্জনেহি অভিসঙ্খতমাহারং পরিভুঞ্জন্তা সত্তা লৰণম্বিলাদযো তে তে রসে অস্সাদেয্যুং, সন্তুট্ঠা চ ভৰেয্যুং, এৰমেৰ নানপ্পকারঅভিনযেহি পকাসিতৰণ্ণনায অঙ্গভূতেহি অনুরূপেহি সত্থেহি যুত্তে ঠাযীভাৰে ইস্সাদিরহিতপঞ্ঞৰন্তা অস্সাদেন্তি, তস্মা ইমে ঠাযীভাৰা নটাভিনযেহি ব্যঞ্জিতত্তা চ সব্ভানং সন্তোসসঙ্খতরসস্স হেতুত্তা চ নটরসাতিপি ৰুচ্চন্তি.

৩৫৩. ঠাযীনমেৰ রসত্তাপত্তিমাহ ‘‘সৰিভাৰে’’চ্চাদিনা. ঠাযেৰ সোতি সো যথাৰুত্তো রসো ঠাযীভাৰোযেৰ, নাঞ্ঞোতি অত্থো.

৩৫৩. ইদানি ঠাযীভাৰানমেৰ রসসরূপস্স পাপুণনত্থং ৰিভাৰেতি ‘‘সৰিভাৰা’’ইচ্চাদিনা. সো রসো অনন্তরনিদ্দিট্ঠো সৰিভাৰানুভাৰেহি তেসং তেসং ঠাযীনং অনুরূপেহি ৰিভাৰসহিতেহি অনুভাৰেহি চ, সাত্তিকাব্যভিচারিহি পকাসেতব্বঠাযীভাৰস্সেৰ অনুকূলসাত্তিকভাৰব্যভিচারীভাৰেহি করণভূতেহি অস্সাদিযত্তং আনীযমানো কৰিনো সামত্থিযা পাপুণিযমানো ঠাযেৰ ঠাযীভাৰো এৰাতি কারিযোপচারেন রসো নামাতি ৰেদিতব্বোতি. সহ ভাৰেহি পৰত্তন্তীতি চ, সৰিভাৰা চ তে অনুভাৰা চেতি ¶ চ, সাত্তিকা চ ব্যভিচারিনো চেতি চ, অস্সাদিযস্স ভাৰোতি চ ৰাক্যং.

সিঙ্গারহস্সকরুণা, রুদ্দৰীরভযানকা;

বীভচ্ছব্ভুতসন্তা চ, রসা ঠাযীন’নুক্কমা.

৩৫৪. তেসং নামৰসেন ৰিভাগমাহ ‘‘সিঙ্গারে’’চ্চাদিনা. ঠাযীননুক্কমাতি ‘‘রতিহাসা চ সোকো চা’’তিআদিনা ৰুত্তানং ঠাযীভাৰানং অনুক্কমা, পটিপাটিযাতি অত্থো.

৩৫৪. রসাৰত্থাসম্পত্তরতিহাসাদীনং ঠাযীভাৰানং ইদানি কমেন নামন্তরং দস্সেতি ‘‘সিঙ্গার’’ইচ্চাদিনা. ঠাযীনং হেট্ঠা ৰুত্তানং রতিহাসাদিঠাযীভাৰানং অনুক্কমা পটিপাটিযা সিঙ্গারহস্সকরুণা সিঙ্গারো হস্সো করুণা চ রুদ্দৰীরভযানকা রুদ্দো ৰীরো ভযানকো চ বীভচ্ছব্ভুতসন্তা চ বিভচ্ছো অব্ভুতো সন্তো চেতি নৰ রসা নাম হোন্তীতি. সিঙ্গাররসো হস্সরসোতিআদিনা রসসদ্দো পচ্চেকং যোজেতব্বো. সিঙ্গারো চ হস্সো চ করুণা চেতি চ ৰিগ্গহো. সেসেসুপি লিঙ্গসমাসা ইমেযেৰ. ইমে সিঙ্গারাদীনং রত্যাদীহি অনঞ্ঞত্তা উপরি রত্যাদিৰিৰরণেযেৰ ঞাতব্বা.

৩৫৫. সোকাদিরূপোকরুণাদি কথং রসো সিযাতি আহ ‘‘দুক্খে’’চ্চাদি. ৰেস্সন্তরস্স পুত্তদারৰিযোগা করুণা সোকরূপো দুক্খমেৰ অহোসি, সম্পতি পন সোতূনং সব্ভানং আনন্দোযেৰাতি এত্থাধিপ্পাযো.

৩৫৫. হেট্ঠা ¶ ৰুত্তরসো সন্তোসোৰ, সোককোধাদিলক্খণো করুণারুদ্দাদিকো কথং রসো নাম ভৰেয্যাতি আসঙ্কাযমাহ ‘‘দুক্খরূপে’’ইচ্চাদি. অযং আনন্দো ‘‘সামজ্জিকানমানন্দো’’তিআদিনা নিদ্দিট্ঠো দুক্খরূপে দুক্খলক্খণে করুণাদিকে করুণারুদ্দাদিকে ৰিসযে কথং ভৰেয্যাতি চে, নেস দোসো হি তথেৰ ৰেস্সন্তরস্স বোধিসত্তস্স সোকো পুত্তদারৰিরহতো জাতসোকো সোতূনং ইদানি সুণন্তানং সব্ভানং আনন্দো সিযা আনন্দস্স কারণত্তা কারিযোপচারেন সন্তোসো নাম ভৰেয্যাতি. ৰত্তুনো সামত্থিযা করুণারসাদিকং পাপেত্ৰা পকাসিযমানস্স সোকাদিকস্স দুক্খরূপেন ঠিতত্তা সুণন্তানং পীতি উপ্পাদিযতেৰাতি অধিপ্পাযো. দুক্খং রূপং সভাৰো যস্স করুণাদিনোতি চ, করুণা আদি যস্স রুদ্দাদিনোতি চ ৰাক্যং.

রম্মদেসকলাকাল-ৰেসাদিপটিসেৰনা;

যুৰান’ঞ্ঞোঞ্ঞরত্তানং, পমোদোরতি রুচ্চতে.

৩৫৬. সিঙ্গারাদযো ৰিভাগতো দস্সেতুমাহ ‘‘রম্মে’’চ্চাদি. তত্থ ‘‘রম্মদেস’’ইচ্চাদিনা উদ্দীপনৰিভাৰা দস্সিতা. ‘‘যুৰান’’ন্তি ইমিনা আলম্বণৰিভাৰো. ইত্থী হি পুরিসস্স, পুরিসো ইত্থিযা আলম্বণৰিভাৰো. পমোদোতি অঞ্ঞমঞ্ঞাভিরমণৰসেন আমোদরূপো.

৩৫৬. ইদানি সিঙ্গারাদিনামকে তেরত্যাদিকে কমেন নিদ্দিসতি ‘‘রম্ম’’ইচ্চাদিনা. রম্মদেসকলাকালৰেসাদিপটিসেৰনা রমণীযনিরাৰরণসুচিপৰিত্তৰাসারহদেসো রম্মগীতিকাদিকলা ¶ রতিজনকৰসন্তাদিঅনুরূপকালো মালাগন্ধাদি উপসোভিতকিরিযাদি মনুঞ্ঞৰেসো, আদিসদ্দেন নিদ্দিট্ঠভাসিতমিহিতাদিচেতি ইমেসং দিট্ঠসুতমুতাদীসু দিট্ঠাদিমত্তমকত্ৰা পঞ্ঞায তেন তেনাকারেন পুনপ্পুনানুভৰনেন অঞ্ঞোঞ্ঞরত্তানং অঞ্ঞমঞ্ঞং নিমিত্তানুব্যঞ্জনসঙ্কপ্পৰসেনাতিরত্তানং যুৰানং তরুণিত্থি পুরিসানং পমোদো অভিরমণৰসেন সন্তোসো পীতি রতি রুচ্চতে রুচ্চনতো ‘‘রতী’’তি ৰুচ্চতীতি. ইমস্মিং পক্খে রকারো সন্ধিজো. দেসো চ কলা চ কালো চ ৰেসো চেতি চ, তে আদযো যেসমিতি চ, রম্মা চ তে দেস…পে… ৰেসাদযো চেতি চ, তেসং পটি পুনপ্পুনং সেৰনমিতি চ, অঞ্ঞো চ অঞ্ঞো চেতি চ, তেসু রত্তাতি চ ৰাক্যং.

৩৫৭. ‘‘যুত্যা’’ইচ্চাদি. তে যথাৰুত্তা ভাৰানুভাৰা যুত্যা আলসিযউগ্গতাজিগুচ্ছাৰজ্জিতা যে সঙ্কাউস্সুক্কাদযো ভাৰা তংব্যঞ্জকা তদনুরূপা অনুভাৰা চ অযোগাদিকে সিঙ্গারে যথা যথা যুঞ্জন্তি, তাদিসিযাৰ যুত্তিযা নিবন্ধা নং রতিং সম্পোসযন্তি, সোযেৰমেৰং পোসিতো সিঙ্গারো নাম রসো সম্পজ্জতে. সোপি তিধাতি সম্বন্ধো. তত্থ অযোগো নাম পুব্বে অসঙ্গতানং অনুরাগেন সঙ্গমমিচ্ছন্তানং ইত্থিপুরিসানমসঙ্গমো. অতিসযৰিরুল়্হপেমানমুভিন্নম্পি সিলেসো ৰিপ্পযোগো. বলৰকামাৰেসৰিসেসানং কামীনং দস্সনাদিসমঞ্জনং সম্ভোগো.

৩৫৭. ইদানি ¶ রতিযা পুট্ঠকারণং পুট্ঠপযোগঞ্চ দস্সেতি ‘‘যুত্যা’’ইচ্চাদিনা. তে ভাৰানুভাৰা নিদ্দিট্ঠব্যভিচারীভাৰেসু রত্যানুরূপব্যভিচারীভাৰো তপ্পকাসকো অনুভাৰো চেতি ইমে দ্ৰে যুত্যা হেতুভূতায অযোগৰিপ্পযোগসম্ভোগসঙ্খতানং তিণ্ণং সিঙ্গারানং অনুকূলত্থেন রতিযা ৰিরুদ্ধত্তা আলসিযউগ্গজিগুচ্ছাদিকে পরিৰজ্জেত্ৰা সঙ্কাউস্সুক্কাদীনং রত্যানুকূলভাৰানং ৰসেন যথাযোগং নিবন্ধা কৰীহি বন্ধা নং রতিং পোসযন্তি যথা তপ্পকাসনেন পূরেন্তি সজ্জেন্তি, এৰং সজ্জিতো রতিসিঙ্গারো নাম রসো হোতি. সোপি সামঞ্ঞেন নিদ্দিট্ঠসিঙ্গাররসোপি অযোগৰিপ্পযোগসম্ভোগানং সিঙ্গারানং ৰসা ভেদেন তিধা ভৰতীতি. তত্থ অযোগো নাম পুব্বে অঞ্ঞমঞ্ঞসঙ্গমরহিতানং অভিনৰানুরাগবলেন সঙ্গমং পত্থেন্তানং থীপুমানং অসঙ্গমো. ৰিপ্পযোগো নাম সঙ্গমাতিসযেন ৰিরুল়্হপেমানং থীপুমানং অঞ্ঞমঞ্ঞৰিসিলেসো. সম্ভোগো নাম বলৰকামতণ্হাৰিসেসৰসেন যুত্তানং কামিনিকামুকানং অঞ্ঞমঞ্ঞং দস্সনাদিঅস্সাদো. ভাৰো চ অনুভাৰো চেতি চ, অযোগো চ ৰিপ্পযোগো চ সম্ভোগো চেতি চ ৰাক্যং.

ইমমলঙ্কারং করোন্তেন আচরিযসঙ্ঘরক্খিতমহাসামিপাদেন পন পরমমধুরসদ্ধম্মামতলুদ্ধসুদ্ধসন্তানানং তপোধনানং অঞ্ঞরসাৰবোধনে পযোজনাভাৰেপি লোকিযেসু তেসু তেসু ৰোহারেসু অসম্মোহত্থং সিঙ্গারাদিনৰৰিধরসানং লক্খণমত্তস্সেৰ দস্সিতত্তা তদনুরূপলক্খিযপরিগ্গহে অসতি লক্খণাৰবোধস্স সুব্যত্তাভাৰতো ৰুত্তলক্খণাৰবোধত্থং তংতংলক্খণকথনানন্তরং তস্স তস্স লক্খিযস্স মুখমত্তং দস্সেতব্বং হোতি. হেট্ঠা ‘‘রাগানতব্ভুতসরোজমুখং ধরাযা’’তিআদিনা নিদ্দিট্ঠসম্ভোগসিঙ্গাররসাভাসেনেৰ হসাভাসাদীনং অট্ঠন্নং ¶ রসাভাসরূপস্স ভাৰাভাসস্স, ৰিভাৰাভাসস্স, অনুভাৰাভাসস্স চ ঞাতব্বত্তা সিঙ্গাররসস্স লক্খিযমেৰং ৰেদিতব্বং.

গীতস্সরেন উপকড্ঢিয নেত্তরস্মি-

যা তাদিসেপি ৰিনিযোজযি দুক্করে মং,

সেরন্দতী অধিগতা ৰিধিনা মযজ্জাতি.

গীতস্সরেন হত্থীনং গীতিকায পিযত্তা গীতিকাধনিনা উপকড্ঢিয অত্তনো সমীপং আকড্ঢিত্ৰা নেত্তরস্মিবন্ধং নেত্তসঙ্খাতহত্থাচরিযস্স রজ্জুনা বন্ধং করগ্গহেন হত্থগ্গাহেন সোণ্ডগ্গহণেন ৰিৰসঞ্চ অপগতইচ্ছাচারং পরৰসং করং ইৰ হত্থং ইৰ গীতস্সরেন অত্তনো লীলোপেতগীতিকাধনিনা উপকড্ঢিয অত্তনো সমীপং নেত্ৰা নেত্তরস্মিবন্ধং অত্তনো নযনকন্তিযা পটিবন্ধং করগ্গহেন হত্থগ্গাহেন ৰিৰসঞ্চ অপগতধিতিং মূল়্হং মং যা কন্তা তাদিসেপি দুক্করে ৰিনিযোজযি, সা ইরন্দতী ইরন্দতী নাম নাগমানৰিকা মযা অজ্জ ৰিধিনা ভাগ্যেন অধিগতা লদ্ধাতি.

এত্থ গীতস্সরনেত্তরস্মিকরগ্গহসঙ্খতাহি ইমাহি পদাৰলীহি উদ্দীপনৰিভাৰো দস্সিতো. থিযা পুরিসো চ, পুরিসস্স থী চ আলম্বণং হোতীতি ‘‘সা ইরন্দতী মযা’’তি ইমিনা আরম্মণৰিভাৰো দস্সিতো. ‘‘উপকড্ঢিয বন্ধং ৰিৰস’’ন্তি ইমেহি কামেন উদ্দীপিতঠাযীভাৰসঙ্খতা রতি দস্সিতা. ‘‘তাদিসেপি দুক্করে ৰিনিযোজযী’’তি ইমেহি উস্সাহাদিকা চ ‘‘ৰিধিনা অধিগতা মযজ্জা’’তি ইমেহি হরিসাদিকা চ ব্যভিচারীভাৰা দস্সিতা. রতিযা ৰিরুদ্ধে নিব্বেদআলসিযউগ্গতজিগুচ্ছাদিকে ব্যভিচারীভাৰে ৰজ্জেত্ৰা ৰুত্তপ্পকারৰিভাৰাদিকে পকাসন্তো ‘‘গীতস্সরেনে’’চ্চাদিকা রতিপ্পতীতিযা অনুরূপং পযুত্তা কৰিপ্পযোগা ইধ অনুভাৰা নাম হোন্তি. নাটকাদিদস্সনীযসত্থে অভিনযো ¶ অনুভাৰো. রম্মদেসরম্মকালরম্মৰেসাদযো তদভাৰে রতিযা অনুপ্পজ্জনতো সামত্থিযা গম্যা ভৰন্তীতি এৰং লক্খণানুগতলক্খিযপরিগ্গাহো সব্বত্থ কাতব্বো. এৰং সতিবন্ধত্থাৰবোধকানং সব্ভানং উপ্পজ্জমানাযপীতিযা কারণত্তা কারিযোপচারেন এসো বন্ধো রসো নাম হোতীতি. উপরিপি এৰমেৰ.

৩৫৮. ‘‘ৰিকারে’’চ্চাদি. ৰিকারাকতি দেসৰযাদীনং ৰিপরীতো কেসবন্ধনাদি, সো আদি যেসং অঞ্ঞাকত্যাদিনচ্চনাদীনং, তেহি ৰিভাৰেহি হাসো চেতোৰিকাসো, সোপি অত্তনো সম্বন্ধী ৰা অথ পরস্স সম্বন্ধী ৰা, তত্থ যো ৰিভাৰসামত্থিযাযেৰাভিব্যত্তিং যাতি, সো অত্তট্ঠো. যো পন ৰিভাৰদস্সনা উপ্পন্নাপি পুরিসস্স গম্ভীরত্তাদিনা ছাদিতো সমানো পুরিসন্তরে হসত্যাভিব্যত্তো, সো পরট্ঠো. সো হাসো নিদ্দাদীহি ব্যভিচারীহিযেৰ, অনুভাৰপক্খে আদিসদ্দেন অক্খিফন্দনাদযো গহিতা. পরিপোসে সতি হস্সো নাম রসো সিযা. সো হস্সো ভিয্যো ইত্থিপভুতীনং সিযাতি সম্বন্ধো. এত্থ পভুতিসদ্দেন নীচপকতযো সঙ্গণ্হন্তি.

৩৫৮. ইদানি হস্সরসস্স পোসনাকারং দস্সেতুমাহ ‘‘ৰিকার’’ইচ্চাদি. ৰিকারাকতিআদীহি দেসৰযোলিঙ্গানং ¶ ৰিপরীতেহি কেসবন্ধগতিট্ঠিতিআদিকেহি, নচ্চগীতআদিকেহি চ দুৰিধেহি আকতিসঙ্খতেহি হেতুভূতেহি অত্তনো ৰা অথ পরস্স ৰা সম্বন্ধী সো হাসো চেতো ৰিকাসলক্খণো নিদ্দাসমালস্যমুচ্ছাদিব্যভিচারিভি নিদ্দাসমআলস্যমুচ্ছাঅক্খিফন্দনাদীহি অনুভাৰেহি সুতসম্বন্ধেন তেহেৰ নিদ্দাসমালস্যমুচ্ছাসঙ্খতব্যভিচারীহি করণভূতেহি পরিপোসে সতি হস্সো হস্সো নাম রসো সিযা, সো হস্সো ভিয্যো ইত্থিপভুতীনং, নীচপকতীনঞ্চ সিযাতি. ৰিকারা চ সা আকতি চেতি চ, সো আদি যেসন্তি চ, নিদ্দা চ সমো চ আলস্যঞ্চ মুচ্ছা চেতি চ, তে আদি যেসং অক্খিফন্দনাদীনং অনুভাৰানন্তি চ, তে চ ব্যভিচারিনো চেতি চ, ইত্থী পভুতি যেসং নীচপকতীনন্তি চ ৰাক্যং.

কিঞ্চা’লক্খিযদিজন্তু তং হসিতং;

ৰিক্খিত্তঙ্গং ভৰত্য’তিহসিতং;

৩৫৯-৩৬০. হস্সে ভেদমাহ ‘‘সিত’’মিচ্চাদিনা. ইহ হস্সে ৰিকাসীনি নযনানি যস্স তং সিতং, কিঞ্চি আলক্খিযা দিজা দন্তা যস্স তং হসিতং. এৰং মধুরো সরো সদ্দো যস্স তং ৰিহসিতং. অংসসিরোকম্পেন সহ ৰত্তমানং উপহসিতং, সহ জলেন অস্সুনা ৰত্তমানানি অক্খীনি ¶ যস্স তং অপহসিতং. ৰিক্খিত্তানি ইতো ততো পসারিতানি অঙ্গানি যস্স তং অতিহসিতং নাম. এসঞ্চ সিতাদীনং মজ্ঝে দ্ৰে দ্ৰে হস্সা আদিতো পট্ঠায কমসো যথাক্কমেন জেট্ঠে মজ্ঝে অধমেপি চ কথিতাতি সম্বন্ধো. পুরাতনেহীতি ৰিঞ্ঞাযতি.

৩৫৯-৩৬০. ইদানি হস্সভেদং দস্সেতি ‘‘সিত’’মিচ্চাদিনা. ইহ ইমস্মিং হস্সৰিসযে ৰিকাসিনযনং ৰিৰটনযনং সিতং নাম. কিঞ্চি আলক্খিযদিজং তু কিঞ্চি দিস্সমানদন্তং, তং হসিতং নাম. মধুরস্সরং মধুরনাদং ৰিহসিতং নাম. সংসসিরোকম্পং অংসসিরোকম্পসহিতং উপহসিতং নাম. সজলক্খি অস্সুৰিলোচনসহিতং অপহসিতং নাম. ৰিক্খিত্তঙ্গং অট্ঠানে পসারণৰসেন ৰিক্খিত্তহত্থপাদাদিঅৰযৰৰন্তং অতিহসিতং নাম ভৰতি. এসং ছন্নং কমসো কমেন দ্ৰে দ্ৰে জেট্ঠে মজ্ঝে অধমেপি ৰিসযে কথিতা পুরাতনেহি ভাসিতাতি. ৰিকাসীনি নযনানি অস্সেতি চ, কিঞ্চি ঈসকং আলক্খিযা দিজা যস্সেতি চ, মধুরো সরো অস্সেতি চ, অংসো চ সিরো চেতি চ, অংসসিরসো কম্পোতি চ, তেন সহ ৰত্ততীতি চ, সহ জলেন ৰত্তমানানি অক্খীনি যস্সেতি চ, অনুস্ৰরাগমো. ৰিক্খিত্তানি অঙ্গানি যস্সেতি চ ৰাক্যং. সিতহসিতদ্ৰযং উত্তমে, ৰিহসিতউপহসিতদ্ৰযং মজ্ঝিমে, অপহসিতঅতিহসিতদ্ৰযং অধমে ৰত্ততে. এৰং সিতাদযো অনুরূপৰিভাৰাদিনা পযুত্তা ইমে রসা’ৰত্থং পাপুণন্তীতি অধিপ্পাযো.

হস্সরসস্স এৰমুদাহরণং ঞাতব্বং –

পূজেসি কণ্ঠমণিনা অপি যো পসন্নো,

ধম্মে পুরা’সমধুরং ৰিধুরং স হন্তুং;

গোপেন্তিযাপি ৰচনেন থিযা সভাৰং;

ভত্তিং অকাসি ফরুসে মযি নাগরাজাতি.

যো ¶ পুরা পুব্বে ধম্মে তস্স ধম্মকথনে পসন্নো কণ্ঠমণিনা অপি অত্তনো অনগ্ঘকণ্ঠমণিনাপি তং পূজেসি, সো নাগরাজা সভাৰং অত্তনো অধিপ্পাযং গোপেন্তিযা অপি থিযা ৰচনেন ইত্থিযা ৰচনেন অসমধুরং তুল্যরহিতং ৰিধুরং ৰিধুরপণ্ডিতং হন্তুং ৰিনাসনত্থং ফরুসে চণ্ডে মযি ভত্তিং অকাসীতি. ইহ একস্মিংযেৰ ৰত্থুনি নাগরাজস্স পসাদৰধৰিধানাদিৰিপরীতপ্পৰত্তি আলম্বণৰিভাৰো, পঠমং অনগ্ঘপিযৰত্থূহি পূজিতভাৰো চ বোধিসত্তস্স অতুল্যভাৰো চ ইত্থিৰচনস্স সম্পটিচ্ছনভাৰো চ তস্সাধিপ্পাযস্স অঞ্ঞাতভাৰো চ পুণ্ণকস্স চণ্ডভাৰো চেতি ইমেহি সব্বৰচনেহি উদ্দীপনৰিভাৰো দস্সিতো. ইমেহি উদ্দীপিতঠাযীভাৰসঙ্খতো হাসো ৰাক্যসামত্থিযা পকাসিতো হাসৰিরোধিনিব্বেদাদিৰজ্জিতা সমালসিযসন্তোসঅস্সুৰেপথাদিকা ব্যভিচারীভাৰা সাত্তিকাভাৰা চ এৰং সামত্থিযেন দীপিতা. তদনুরূপৰিভাৰাদিপকাসকা যথাৰুত্তকৰিপ্পযোগা অনুভাৰা নাম হোন্তি. হস্সভেদেন মজ্ঝিমে পুরিসে ৰত্তব্বাপি হসিতউপহসিতা দ্ৰে ইমা দট্ঠব্বা.

৩৬১. ‘‘সোকে’’চ্চাদি. অনিট্ঠস্স পুত্তৰিযোগাদিনো দেসনিক্কড্ঢনাদিনো পত্তি চ ইট্ঠস্স ধম্মস্স, ধনাদিনো ৰা নাসো চ ততো ৰিভাৰভূতেহি সম্পন্নো সোকরূপো ¶ সোকসভাৰো তু করুণো রসো নাম. তত্থ উত্তমানং সোকো পুত্তৰিযোগাদিঅনিট্ঠুপ্পত্তিতো, ধম্মাদিইট্ঠনাসতো চ জাযতে. নীচানং তু দেসনিক্কড্ঢনাদিঅনিট্ঠুপ্পত্তিতো, ধনাদিইট্ঠনাসতো চ, পরেসং ধনাদিনাসতো তু উত্তমস্সেৰ মহাকারুণিকত্তা, সেসং সুবোধং. অনুভাৰো পনেত্থ যথোচিত্যং নিরূপযিতব্বো.

৩৬১. ইদানি করুণারসপোসনক্কমং দস্সেতি ‘‘সোক’’ইচ্চাদিনা. অনিট্ঠপ্পত্তিট্ঠনাসতো পুত্তৰিযোগাদিনো, দেসচাগাদিনো ৰা অনিট্ঠস্স উপ্পত্তি চ সীলাদিনো, ধনাদিনো ৰা ইট্ঠস্স কন্তিৰত্থুনো ৰিনাসো চাতি ইমেহি আলম্বণৰিভাৰেহি করণভূতেহি উপ্পন্নো সোকরূপো তু সোকসভাৰো পন করুণো করুণারসো নাম হোতি. তত্থ করুণারসে রুদিতপলযত্থম্ভকাদযো রুদিতো পলযো থম্ভোতিআদযো অনুভাৰা নাম ভৰন্তীতি. থম্ভাদীনং সরূপো হেট্ঠা ৰুত্তোৰ. ৰিসাদআলস্যমরণচিন্তাদযো ব্যভিচারিনো তস্মিংযেৰ ব্যভিচারিনো ভৰন্তি. ইহ পুত্তৰিযোগাদিঅনিট্ঠপ্পত্তিযা চ সীলধম্মাদিইট্ঠনাসনেন চ উত্তমানং সোকো উপ্পজ্জতি, দেসচাগাদিঅনিট্ঠপ্পত্তিযা চ ধনাদিইট্ঠনাসনেন চ নীচানং. অঞ্ঞেসং ধনাদিৰিনাসনেন পন মহাকরুণিকত্তা উত্তমস্সেৰ উপ্পজ্জতি. তস্মিং ৰিসযে সো সোকো সেসানং নুপ্পজ্জতি. তস্মা যথারহং পযোগো কাতব্বো. সোকস্স রূপো সভাৰোতি চ, অনিট্ঠস্স পত্তীতি চ, ইট্ঠস্স নাসোতি চ, অনিট্ঠপ্পত্তি চ ইট্ঠনাসো চেতি চ, রুদিতঞ্চ পলযো চ থম্ভকো চেতি চ, তে আদি যেসমিতি চ, ৰিসাদো চ আলস্যঞ্চ মরণঞ্চ চিন্তা চেতি চ, তা আদি যেসমিতি চ ৰাক্যং. ইমস্স করুণারসস্স লক্খিযমেৰং দট্ঠব্বং –

আকড্ঢিতে’কসতরাজপুরক্খতো ¶ যো,

যক্খেন লোকতিলকো কুরুতে কিমেকোতি.

যো একসতরাজপুরক্খতো রাজূনং একসতেন পরিৰারিতো জিনো ইৰ বুদ্ধো ইৰ ধম্মেন মধুরধম্মকথনেন আসনং ধম্মাসনং অলংকুরুতে সজ্জেতি, লোকতিলকো লোকস্স পিযতায তিলকালঙ্কারভূতো সো ৰিধুরপণ্ডিতো যক্খেন পুণ্ণকেন আকড্ঢিতো হুত্ৰা নীতো অস্সৰালং অৰলম্বিয ইদানি একো কিং কুরুতেতি. ইহানীতোতি দস্সিতপিযৰত্থুৰিযোগো সোকস্স আলম্বণৰিভাৰো হোতি. ‘‘আকড্ঢিতেকসতরাজে’’চ্চাদিনা সকলেন ৰাক্যেন উদ্দীপনৰিভাৰো দস্সিতো, উদ্দীপিতসোকসঙ্খাতঠাযীভাৰো চ ৰিসাদালস্যচিন্তাদিকো ব্যভিচারীভাৰো চ রুদিতপলযথম্ভকাদিকা ৰিভাৰাদিবোধকঅনুভাৰা চ ৰাক্যসামত্থিযেন দীপিতা হোন্তি.

কোধো মচ্ছরিযাদীহি, পোসে তাসমদাদিভি;

নযনারুণতাদীহি, রুদ্দো নাম রসো ভৰে.

৩৬২. ‘‘কোধো’’ইচ্চাদি, সুবোধং. এত্থ পঠমেন আদিসদ্দেন অৰিক্খেপউপহাসাদযো ৰিভাৰা গহিতা, দুতিযেন উগ্গসম্ভমাদযো ব্যভিচারিনো, ততিযেন ভূকুটিপুরণওট্ঠনিপ্পীল়নাদযো অনুভাৰা.

৩৬২. ইদানি রুদ্দরসস্স পোসনক্কমং দস্সেতি ‘‘কোধো’’ইচ্চাদিনা. কোধো মচ্ছরিযাদীহি মচ্ছরিযঅৰিক্খেপউপহাসাদীহি আলম্বণাদীহি ৰিভাৰেহি চ হেতুভূতেহি তাসমদাদীহি তাসমদউগ্গতসম্ভমাদীহি ব্যভিচারীভাৰেহি ¶ চ নযনারুণতাদীহি নেত্তরত্তসুভঙ্গওট্ঠপীল়নাদীহি অনুভাৰেহি চ করণভূতেহি পোসে সতি রুদ্দো নাম রসো ভৰেতি. মচ্ছরিযং আদি যেসন্তি চ, তাসো চ মদো চেতি চ, তে আদি যেসমিতি চ, নযনানি চ তানি অরুণানি চাতি চ, তেসং ভাৰোতি চ, সা আদি যেসমিতি চ ৰাক্যং.

রুদ্দরসস্স উদাহরণমেৰং দট্ঠব্বং –

যক্খেন ভো অধিগতোসি মনুস্সভক্খে,

না’স্সস্স ৰাল’মৰলম্ব পুরং অৰেক্খ;

ৰেরম্ভৰাতমুখচুণ্ণিতসব্বগত্তো,

মচ্চো কথং পুনপি পস্সতি জীৰলোকন্তি.

ভো মনুস্সভক্খেন যক্খেন অধিগতোসি গহিতো অসি, অস্সস্স ৰালমৰলম্ব ৰালধিং গহেত্ৰা ইদানেৰ পুরং অৰেক্খ তুয্হং নগরং ওলোকেহি, তথেৰ হি ৰেরম্ভৰাতমুখচুণ্ণিতসব্বগত্তো ৰেরম্ভৰাতস্স অভিমুখিচুণ্ণিতসকলসরীরো মচ্চো মনুস্সো জীৰলোকং সত্তলোকং পুনপি কথং পস্সতীতি. ইহ মচ্ছরিযাদিৰিভাৰা চ কোধাদিসঙ্খাতো ঠাযীভাৰো চ ৰাক্যসামত্থিযা দীপিতা হোন্তি, অপরদ্ধেন তাসমদউগ্গতাদিব্যভিচারীভাৰা ৰিভাৰিতা হোন্তি. সমুদাযেন নযনারুণতাদযো অনুভাৰা সূচিতা হোন্তি.

পতাপৰিক্কমাদীহু-স্সাহো ৰিরোতি সঞ্ঞিতো;

রণদানদযাযোগা, ৰীরো’যং তিৰিধো ভৰে;

তেৰা’নুভাৰা ধিতিম-ত্যাদযো ব্যভিচারিনো.

৩৬৩. ‘‘পতাপি’’চ্চাদি. পতাপো সত্তুসন্তাপকারী তেজো, ৰিক্কমো পরমণ্ডলক্কমন্তং, তে আদযো যেসং বলাৰিক্খেপাদীনং ¶ পটিপুগ্গলগতানং ৰিভাৰানং, তেহি জাতো উস্সাহো রসত্তমাপন্নো ৰীরো রসোতি সঞ্ঞিতো, অযং ৰীরো রণদানদযাযোগা তিৰিধো ভৰে যুদ্ধৰীরো দানৰীরো দযাৰীরোতি, তে যুদ্ধকরণাদযো এৰ তত্থ অনুভাৰা ভৰন্তি. ধিতিমতিউগ্গতাদযো ব্যভিচারিনো ভৰন্তীতি.

৩৬৩. ইদানি ৰীররসভেদং, পোসনক্কমঞ্চ দস্সেতি ‘‘পতাপ’’ইচ্চাদিনা. পতাপৰিক্কমাদীহি অঞ্ঞরাজূনং দণ্ডজতেজসঙ্খতপতাপো, তেসমেৰ পরমণ্ডলক্কমনসঙ্খাতৰিক্কমো ফলভেদো চেতিআদীহি উপ্পন্নো উস্সাহো ৰীরোতি ৰীররসোতি সঞ্ঞিতো কৰীহি ঞাতো, অযং ৰীররসো রণদানদযাযোগা যুদ্ধচাগকরুণাযোগেন হেতুভূতেন তিৰিধো ভৰে. তে এৰ রণদানদযা এৰ ইমা অনুভাৰা নাম হোন্তি. ধিতিমত্যাদযো ধিতিমতিউগ্গতগব্বাদযো ব্যভিচারিনো ভাৰা হোন্তীতি. যুদ্ধৰীরদানৰীরদযাৰীরৰসেন ৰীররসো তিৰিধো হোতি. পতাপো চ ৰিক্কমো চেতি চ, তে আদি যেসমিতি চ, রণো চ দানঞ্চ দযা চেতি চ, তাহি যোগোতি চ, তযো ৰিধা পকারা অস্সাতি চ, ধিতি চ মতি চেতি চ, তা আদি যেসমিতি চ ৰাক্যং.

ৰীররসস্স উদাহরণমেৰং দট্ঠব্বং –

উত্তাসেত্ৰা গহেত্ৰা মণিরতনৰরং

এত্থানেত্ৰা’দিযিস্সং সুযুৰতিরতনং

কুৰেরং ¶ ৰেস্সৰণমহারাজং ৰিঞ্ঞাপেত্ৰা বোধেত্ৰা সুমহতিমপি কুম্ভণ্ডসেনং অতিমহন্তিং কুম্ভণ্ডসেনং একোৰ উত্তাসেত্ৰা ভযং জনেত্ৰা মণিরতনৰরং গহেত্ৰা জূতে অক্খকীল়াযং লক্খং আধায ঠপেত্ৰা কোরব্যরাজং জেত্ৰা রঞ্ঞং সতম্হা রাজসম্বন্ধিনা সতেন সচিৰরতনং অমচ্চরতনং উদ্ধচ্চ উদ্ধরিত্ৰা এত্থানেত্ৰা সুযুৰতিরতনং সোভনইত্থিরতনং আদিযিস্সং গণ্হিস্সামি, এত্থ যথাৰুত্তেসু মম কো ভারো অত্থীতি. এত্থ ‘‘কো মমেত্থত্থি ভারো’’তি ইমিনা উস্সাহসঙ্খাতো ঠাযীভাৰো পকাসিতো. এতস্স উপ্পত্তিউদ্দীপনেসু কারণভূতস্স ইত্থিরতনস্স আদানখ্যাতনাগরাজগতপতাপৰিক্কমাদিৰিভাৰো চ, তংতংরূপপ্পকাসককৰিৰচনসঙ্খাতানুভাৰো চ ‘‘ৰিঞ্ঞাপেত্ৰা’’ইচ্চাদিনা ৰাক্যসামত্থিযেন পটিপাদনীযা হোন্তি. ‘‘সুমহতিমপি কুম্ভণ্ডসেনং একো’’তি চ, ‘‘রঞ্ঞং সতম্হা সচিৰরতনমুদ্ধচ্চা’’তি চ ইমেহি ধিতিউগ্গতগব্বাদযো চ, ‘‘ৰিঞ্ঞাপেত্ৰা কুৰের’’ন্তি চ, ‘‘উত্তাসেত্ৰা কোরব্যরাজ’’ন্তি চ, ‘‘এত্থানেত্ৰা ইচ্চাদযো’’তি চ ইমেহি মত্যাদযো চ ব্যভিচারিনো ভাৰা ৰিভাৰিতা হোন্তি. ইমেহি ৰিভাৰানুভাৰব্যভিচারীভাৰেহি যুদ্ধৰীররসো পোসিতোতি দট্ঠব্বো. ইমিনাযেৰ নযেন দানৰীরাদযো ৰিঞ্ঞাতব্বা.

৩৬৪. ‘‘ৰিকারি’’চ্চাদি. ৰিকারি অসভাৰপ্পৰত্তো ৰিরুদ্ধো সনো সদ্দো সত্তো চ, তে আদযো যেসং সুঞ্ঞারঞ্ঞাদীনং ¶ ইত্থিনীচপ্পকতিসম্ভৰন্তানং, ৰিভাৰানং, গুরুআদীনং ৰা উত্তমানং, তেহি জাতস্স ভযস্স, কিত্তিমস্স ৰা উক্কংসো ভযানকো নাম রসো. এত্থ সেদকম্পনপাদচলনাদযো অনুভাৰা, তাসাদযো ব্যভিচারিনো.

৩৬৪. ইদানি ভযানকরসস্স পোসনক্কমং দস্সেতি ‘‘ৰিকারি’’চ্চাদিনা. ৰিকারিসনসত্তাদিভযুক্কংসো পকতিৰিরহেন ৰিকারৰন্তেহি ৰিরুদ্ধেহি অসনিসদ্দাদিসদ্দেহি, রক্খসাদিসত্তেহি ৰা ৰিভাৰেহি হেতুভূতেহি সঞ্জাতো সাভাৰিকো, কিত্তিমো ৰা ভযপটিবন্ধো উক্কংসো ভযানকরসো নাম হোতি. এত্থ ভযানকরসৰিসযে সেদাদযো দাহসরীরকম্পনাদযো অনুভাৰা কাযিকৰাচসিকপ্পযোগসঙ্খতা অনুভাৰা হোন্তি. তাসাদী ব্যভিচারিনো তাসসঙ্কাদযো ইহ ব্যভিচারীভাৰা হোন্তীতি. সনো চ সত্তো চেতি চ, ৰিকারো এতেসং অত্থীতি চ, ৰিকারিনো চ তে সনসত্তা চেতি চ, তে আদযো যেসং সুঞ্ঞারঞ্ঞাদীনমিতি চ, তেহি জাতং ভযমিতি চ, মজ্ঝে পদলোপো, তস্স উক্কংসোতি চ, সেদো আদি যেসং কম্পনাদীনমিতি চ, তাসো আদি যেসং সঙ্কাদীনমিতি চ ৰাক্যং. ইত্থিনীচপ্পকতিকানং ভযহেতু ৰিকারিসনসত্তাদি, উত্তমানং গুরুআদি.

যং দিট্ঠিসত্থপতনেন পরিপ্ফুরন্তী,

কুম্ভণ্ডরক্খসচমূ গমিতা সমন্তা;

ভোতো মুহুং মুহু’মপস্সি স পুণ্ণকো’হন্তি.

দিট্ঠিসত্থপতনেন দিট্ঠিসল্লসম্পাতনেন পরিপ্ফুরন্তী কম্পমানা সমন্তা পরিসমন্ততো আচক্কৰাল়নগং চক্কৰাল়পব্বতাৰধি গমিতা পলাপিতা কুম্ভণ্ডরক্খসচমূ কুম্ভণ্ডরক্খসানং ¶ সেনা যং অস্সগতং অস্সপিট্ঠে নিসিন্নকং ভোতো ভৰতং তুম্হাকং পুরী ইৰ পুরিযা দস্সনমিৰ মুহুং মুহুং অপস্সি খণে খণে অপস্সিত্থ, সো অহং পুণ্ণকো নাম যক্খোতি. এত্থ ‘‘দিট্ঠিসত্থপতনেনা’’তি দিট্ঠিসত্থারোপনেন চ ‘‘স পুণ্ণকো অহ’’ন্তি ইমিনা চ ভযজননস্স হেতুভূতৰিরুদ্ধসত্তসঙ্খাতা ৰিভাৰা নিদ্দিট্ঠা, ‘‘মুহুং মুহু’মপস্সী’’তি রসাৰত্থসম্পত্তভযুক্কংসসঙ্খতো ঠাযীভাৰো ৰিভাৰিতো, ‘‘কুম্ভণ্ডরক্খসচমূ গমিতা সমন্তা আচক্কৰাল়নগ’’ন্তি তাসসঙ্কাদিকা ব্যভিচারিনো ভাৰা জোতিতা. ‘‘পরিপ্ফুরন্তী’’তি সেদকম্পাদযো অনুভাৰা দস্সিতা হোন্তি.

৩৬৫. ‘‘জিগুচ্ছা’’ইচ্চাদি. রুধিরন্তাদীহি পূতিকিমিআদীহি ৰিরাগতো চ জাতা জিগুচ্ছা গরহা কমেন খোভনো উব্বেগী করুণাযুতো চ বীভচ্ছো ভৰতি, নাসাৰিকুননমুখচ্ছদনাদীহি অনুভাৰেহি, সঙ্কাৰেগাদীহি ব্যভিচারীহি চ অস্স পোসনং ভৰতীতি.

৩৬৫. ইদানি বীভচ্ছরসস্স পোসনক্কমং দস্সেতি ‘‘জিগুচ্ছা’’ইচ্চাদিনা. রুধিরাদীহি রত্তন্তগুণাদীহি চ, পূত্যাদীহি পূতিকিমিআদীহি চ, ৰিরাগতো ৰিরত্তভাৰেন চাতি ইমেহি তীহি ৰিভাৰেহি হেতুভূতেহি উপ্পজ্জমানা জিগুচ্ছা কমেন রুধিরাদীনং তিণ্ণং ৰিভাৰানং পটিপাটিযা খোভনো ¶ অনৰট্ঠানো অসমাহিতো উব্বেগী উব্বেগৰা করুণাযুতো সোকরূপেন সহিতো চাতি এৰং বীভচ্ছো রসো নাম হোতি. নাসাৰিকুননাদীহি নাসসঙ্কোচনমুখপিদহনাদীহি অনুভাৰেহি চ সঙ্কাদীহি চ সঙ্কাআৰেগাদীহি ব্যভিচারীভাৰেহি চ করণভূতেহি অস্স বীভচ্ছরসস্স পোসনং হোতীতি. রুধিরাদীসু তীসু পদেসু, খোভনাদীসু তীসু চ গম্যমানত্তা অৰুত্তোপি চসদ্দো যোজেতব্বো, তস্মা খোভনাদীহি তীহি যুত্তোৰ বীভচ্ছরসো নামাতি দট্ঠব্বো. রুধিরং আদি যেসং অন্তাদীনমিতি চ, পূতিআদি যেসং কিমিআদীনমিতি চ, উব্বেগো অস্স বীভচ্ছস্স অত্থীতি চ, করুণেন আযুতোতি চ, নাসায ৰিকুননং সঙ্কোচনমিতি চ, তং আদি যেসং মুখচ্ছাদনাদীনমিতি চ, সঙ্কা আদি যেসং আৰেগাদীনমিতি চ ৰাক্যং.

ইমস্স বীভচ্ছস্সোদাহরণমেৰং ৰেদিতব্বং –

যক্খা মচ্চকরঙ্ককঙ্কনধরা যে নিম্মিতা পুণ্ণকে-

নু’ত্তংসীকতপাণিপল্লৰধরা হারীকতন্তোরগা;

লিত্তা লোহিতকুঙ্কুমেহি ৰিধুরেনে’তে পিৰন্তা ৰসা-

মজ্জং সীসকপালপাতিহি পুরে ধুত্তা ৰিযো’পেক্খিতাতি.

পুণ্ণকেন যক্খেন নিম্মিতা মচ্চকরঙ্ককঙ্কনধরা মনুস্সট্ঠিসঙ্খাতকরভূসনধারিনো উত্তংসীকতপাণিপল্লৰধরা মত্থকমালিকতহত্থতলসঙ্খতপল্লৰধারিনো হারীকতন্তোরগা মুত্তাহারীকতমনুস্সন্তসঙ্খাতউরগসম্পযুত্তা লোহিতকুঙ্কুমেহি রুধিরসঙ্খাতকুঙ্কুমকক্কেহি লিত্তা সীসকপালপাতিহি সীসকপালসঙ্খাতেহি সরাৰেহি ৰসামজ্জং ৰসাসঙ্খাতসুরং পুরে অভিমুখে পিৰন্তা যে যক্খা সিযুং, এতে যক্খা ৰিধুরেন পণ্ডিতেন ধুত্তা ৰিয নগরে সুরাধুত্তা ৰিয উপেক্খিতা হোন্তীতি. ইহ ‘‘লিত্তা লোহিতকুঙ্কুমেহী’’তি চ ‘‘উত্তংসীকতপাণিপল্লৰধরা’’তি চ ¶ ‘‘হারীকতন্তোরগা’’তি চ ইমেহি চিত্তক্খোভকারণভূতো রুধিরাদিৰিভাৰো চ, ‘‘মচ্চকরঙ্ককঙ্কনরো’’তি চ ‘‘সীসকপালপাতিহি ৰসামজ্জং পিৰন্তা’’তি চ ইমেহি উব্বেগৰন্তসভাৰস্স হেতুভূতো পূত্যাদিৰিভাৰো চ পকাসিতো. করুণাযুতসভাৰস্স কারণভূতৰিরজ্জনৰিভাৰো চ নাসাৰিকুননাদিঅনুভাৰো চ সঙ্কাৰেগাদিব্যভিচারীভাৰো চ বীভচ্ছসঙ্খাতঠাযীভাৰো চাতি ইমে সব্বে ৰাক্যসামত্থিযেন গম্মাতি ৰেদিতব্বা.

৩৬৬. ‘‘অতি’’চ্চাদি. অতিলোকেহি লোকাতিৰুত্তীহি মাযাদিব্বগেহারামাদীহি পদত্থেহি জাতো অযং ৰিম্হযো চিত্তৰিকারসঙ্খাতো ঠাযীভাৰো অব্ভুতো রসো নাম. সেদঅস্সুসাধুৰাদরোমঞ্চাদযো তস্স অনুভাৰা সিযুং, তাসাদযো ব্যভিচারিনো হোন্তীতি.

৩৬৬. ইদানি ৰিম্হযরসস্স পোসনক্কমং দস্সেতি ‘‘অতি’’ইচ্চাদিনা. অতিলোকপদত্থেহি লোকট্ঠিতিমতিক্কম্ম পৰত্তেহি মাযাদিব্বভৰনআরামৰিমানাদিপদত্থেহি হেতুভূতেহি উপ্পজ্জমানো অযং ৰিম্হযো চিত্তব্যাপনসঙ্খাতো ঠাযীভাৰো অব্ভুতো রসো অব্ভুতরসো নাম ভৰে, সেদস্সুসাধুৰাদাদযো তস্স অব্ভুতরসস্স অনুভাৰা সিযুং, তাসাৰেগধিতিপ্পঞ্ঞা এত্থ ¶ অব্ভুতরসৰিসযে ব্যভিচারিনো ভাৰা হোন্তীতি. অতিক্কন্তা লোকমিতি চ, তে চ তে পদত্থা চেতি চ, সাধুইতি ৰাদোতি চ, সেদো চ অস্সু চ সাধুৰাদো চেতি চ, তে আদি যেসং রোমঞ্চাদীনমিতি চ, তাসো চ আৰেগো চ ধিতি চ পঞ্ঞা চেতি চ ৰাক্যং.

ইমস্স অব্ভুতরসস্সোদাহরণমেৰং দট্ঠব্বং –

অসন্তসং তং মিনি দিট্ঠিযট্ঠিযাতি.

সো ৰিধুরপণ্ডিতো পুণ্ণকেন যক্খেন নটেন ইৰ অনেকৰিকারদস্সনকেন নাটকেন ৰিয আহটনেকভিংসনেসু ভযত্তমানীতানেকৰিধভিংসনেসু ৰত্তমানেসু সুনিচ্চলো তেন পুণ্ণকেন অচলা সট্ঠিযোজনুব্বেধকাল়াগিরিপব্বতমত্থকতো নিপাতিতো অৰংসিরোপতং অধোসীসং পতন্তো অসন্তসং এৰং অপ্পতিট্ঠেপি অনুত্তসন্তো তং পব্বতং দিট্ঠিযট্ঠিযা মিনি পমাণমকাসি, অহো অচ্ছরিযন্তি. এত্থ ভযহেতুম্হি সতি ভীতিযা চ তত্থ পরিজাননাভাৰস্স চ লোকসভাৰত্তা তমতিক্কম্ম ভযকরণে অসন্তাসস্স চ দিট্ঠিযা পব্বতমিননস্স চ পৰত্তভাৰকথনেন লোকাতিক্কন্তপদত্থসঙ্খাতো ৰিভাৰো ‘‘অসন্তসং তং মিনি দিট্ঠিযট্ঠিযা’’তি ইমিনা পকাসিতো. ‘‘অহো’’তি ৰচনেন, তস্স সামত্থিযেন চ সাধুৰাদসেদঅস্সুআদযো অনুভাৰা ৰিভাৰিতা. তাসআৰেগধিতিচ্চাদিব্যভিচারীভাৰা, ৰিম্হযসঙ্খাতঠাযীভাৰো চ সমুদিতৰাক্যসামত্থিযেন জোতিতো.

ইতি সঙ্ঘরক্খিতমহাসামিপাদৰিরচিতে

রসভাৰাৰবোধো নাম পঞ্চমো পরিচ্ছেদো.

৩৬৭. ‘‘ঠাযি’’চ্চাদি. মেত্তাদিসম্ভৰো সমো উপসমসঙ্খাতো ঠাযীভাৰো ভৰতি, তদনুরূপেহি ভাৰানুভাৰেহি তস্স উক্কংসো যস্স, সো সন্তো নাম রসো ভৰতি, সো চ সন্তনিসেৰিতোতি.

ইতি সুবোধালঙ্কারে মহাসামিনামিকাযং টীকাযং

রসভাৰাৰবোধো পঞ্চমো পরিচ্ছেদো.

৩৬৭. ইদানি সন্তরসস্স পোসনক্কমং দস্সেতি ‘‘ঠাযি’’চ্চাদিনা. মেত্তাদযামোদাদিসম্ভৰো মেত্তাকরুণাপীতিআদিৰিভাৰেহি সম্ভূতো সমো কাযচিত্তোপসমো ঠাযীভাৰো নাম হোতি, ভাৰাদীহি ব্যভিচারীভাৰাদীহি করণভূতেহি, অপিচ তস্স সমস্স অনুরূপেহি ব্যভিচারীভাৰানুভাৰেহি তদুক্কংসো তস্স ঠাযীভাৰস্স উক্কংসযুত্তো সন্তনিসেৰিতো সাধূহি সেৰিতো সন্তো সন্তরসো নাম হোতীতি. মেত্তা চ দযা চ মোদো চেতি চ, তে আদযো যেসমিতি চ, তেহি সম্ভৰো যস্সেতি চ, তস্স উক্কংসো অস্স সন্তস্সেতি চ, সতং নিসেৰিতোতি চ ৰাক্যং.

অস্স ¶ সন্তরসস্সোদাহরণমেৰং দট্ঠব্বং –

এন্তেসু কেসরিকরীস্ৰ’পি ৰেঠযন্তে,

নাগে নগং মদগজে ৰিয ৰেল়ুগুম্বং;

সন্তিং গতোৰ ৰিধুরো মধুরাপি ভাৰোতি.

কেসরিকরীসু সীহহত্থীসু এন্তেসু অপি ভিংসনাকারেন সমীপমাগচ্ছন্তেসুপি নাগে ৰেঠযন্তেপি নাগেসু সরীরং ৰেঠযন্তেসুপি. জাত্যাপেক্খাযেকৰচনং, ৰেল়ুগুম্বং মদগজে ৰিয ৰিচালযতি মদগল়িতহত্থিম্হি চালেন্তে ইৰ যক্খে পুণ্ণকে নগং কাল়াগিরিপব্বতং ৰিচালযতিপি অনেকপ্পকারে চালেন্তেপি ৰিধুরো পণ্ডিতো সন্তিং গতোৰ নিব্বানং আলম্বণকরণৰসেন সম্পত্তো ৰিয ফলসমাপত্তিসমাপন্নো ইৰ অথ ৰা দিট্ঠধম্মনিব্বানসঙ্খতনিরোধসমাপত্তিসমাপন্নো ৰিয ঈসকম্পি অপ্পকম্পি মধুরা ভাৰা অপি মধুরসভাৰতোপি নো চলি, নিসিন্নট্ঠানতো পগেৰাতি অধিপ্পাযো. এত্থ ধাৰনরোদনকম্পনাদীনং করণভূতং সীহাদীনমাগমনং নাগৰেঠনং পব্বতকম্পনন্তিআদীসু ৰত্তমানেসুপি নিব্বিকারত্তেন সন্তিং গতোতি ইমিনা সন্তরসস্স পকতিভূতে উদ্দেসে দস্সিতো নৰমো ঠাযীভাৰো দস্সিতো হোতি, এতস্স উপ্পত্তিউদ্দীপনানং কারণভূতা মেত্তাদযামোদাদিৰিভাৰা সামত্থিযা দস্সিতা হোন্তীতি. ধিতিমতিসতিআদযো তদনুরূপব্যভিচারীভাৰা চ তাদিসানুভাৰা চ ‘‘এন্তেসু ৰেঠযন্তে ৰিচালযতী’’তি ইমিনা, সকলৰাক্যসামত্থিযেন চ পকাসিতাতি দট্ঠব্বা.

রসভাৰাৰবোধো নাম পঞ্চমো পরিচ্ছেদো.