অঞ্ঞ > সঙ্গাযন-পুচ্ছ ৰিস্সজ্জনা

পুচ্ছা – পঠমমহাসংগীতিকালে ¶ আৰুসো ধম্মসংগাহকা মহাকস্সপাদযো মহাথেরৰরা পোরাণসংগীতিকারা পঠমং ৰিনযপিটকং সংগাযিত্ৰা সুত্তন্তপিটকে চ দীঘমজ্ঝিমসংযুত্তঅঙ্গুত্তরসংখাতে চত্তারো মহানিকাযে সংগাযিত্ৰা তদনন্তরং কিং নাম পাৰচনং সংগাযিংসু.

ৰিস্সজ্জনা – পঠমমহাসংগীতিকালে ভন্তে ধম্মসংগাহকা মহাকস্সপাদযো মহাথেরৰরা পোরাণসংগীতিকারা পঠমং ৰিনযপিটকং সংগাযিত্ৰা সুত্তন্তপিটকে চ দীঘমজ্ঝিমসংযুত্তঅঙ্গুত্তরসংখাতে চত্তারো নিকাযে সংগাযিত্ৰা তদনন্তরং অভিধম্মপিটকং নাম পাৰচনং সংগাযিংসু.

পুচ্ছা – ইমিস্সম্পি ¶ আৰুসো ছট্ঠসংগীতিযং সকলঞ্চেৰ ৰিনযপিটকং সংগীতং, তে চ চত্তারো মহানিকাযা. কালো দানি আৰুসো সম্পত্তো অভিধম্মপিটকং সংগাযিতুং, তস্মাহং তং তত্থ পুচ্ছিতব্বানি পুচ্ছিস্সামি. অভিধম্মো নামেস আৰুসো কেনট্ঠেন অভিধম্মোতি ৰুচ্চতি.

ৰিস্সজ্জনা – ধম্মাতিরেক ধম্মৰিসেসট্ঠেন ভন্তে অভিধম্মোতি ৰুচ্চতি.

পুচ্ছা – সো ¶ পনেস আৰুসো অভিধম্মো কেন কত্থ কদা চ অধিগতো.

ৰিস্সজ্জনা – সো খো ভন্তে অভিধম্মো সব্বঞ্ঞুবুদ্ধেন মহাবোধিমণ্ডমূলে ৰেসাখপুণ্ণমিযং যথাভূতং অধিগতো.

পুচ্ছা – কত্থ পনেস আৰুসো অভিধম্মো ভগৰতা কদা চ ৰিচিতো.

ৰিস্সজ্জনা – সো খো ভন্তে অভিধম্মো ভগৰতা মহাবোধিমণ্ডে রতনঘরসত্তাহে ৰিচিতো.

পুচ্ছা – কত্থ ¶ পনেস আৰুসো অভিধম্মো ভগৰতা কদা কস্সত্থায চ দেসিতো.

ৰিস্সজ্জনা – সো খো ভন্তে অভিধম্মো ভগৰতা দেৰেসু তাৰতিংসেসু পারিচ্ছত্তকমূলম্হি পণ্ডুকম্বলসিলাযং অভিসম্বোধিতো সত্তমে ৰস্সে মাতরং পমুখং কত্ৰা দসহি চক্কৰাল়সহস্সেহি আগম্ম সন্নিসিন্নানং দেৰতানং চতুরোঘনিত্থরণত্থায অন্তো ৰস্সং দেসিতো.

পুচ্ছা – কেনেস ¶ আৰুসো অভিধম্মো পঠমং মনুস্সলোকে পতিগ্গহিতো, কস্স চ পুন তেন দেসিতো.

ৰিস্সজ্জনা – আযস্মতা ভন্তে সারিপুত্তত্থেরেন ধম্মসেনাপতিনা এস অভিধম্মো পঠমং মনুস্সলোকে পতিগ্গহিতো, তেনেৰ ভন্তে আযস্মতা সারিপুত্তত্থেরেন অত্তনো সদ্ধিৰিহারিকানং পঞ্চন্নং ভিক্খুসতানং দেসিতো.

পুচ্ছা – কে ¶ আৰুসো সিক্খন্তি.

ৰিস্সজ্জনা – সেখা চ ভন্তে পুথুজ্জনা কল্যাণকা চ সিক্খন্তি.

পুচ্ছা – কে আৰুসো সিক্খিতসিক্খা.

ৰিস্সজ্জনা – অরহন্তো ভন্তে সিক্খিতসিক্খা.

ৰিস্সজ্জনা – যেসং ভন্তে ৰত্ততি, তে ধারেন্তি.

ৰিস্সজ্জনা – ভগৰতো ভন্তে ৰচনং অরহতো সম্মাসম্বুদ্ধস্স.

ৰিস্সজ্জনা – পরংপরায ভন্তে আভতং.

পুচ্ছা – সো ¶ পনেস আৰুসো অভিধম্মো ধম্মসঙ্গণিৰিভঙ্গাদিপকরণপরিচ্ছেদৰসেন সত্তৰিধো. তেসু পঠমং ভগৰতা কতরং পকরণং দেসিতং.

ৰিস্সজ্জনা – পঠমং ভন্তে ধম্মসঙ্গণিপকরণং ভগৰতা দেসিতং.

পুচ্ছা – ধম্মসঙ্গণিযং আৰুসো অত্থি মাতিকা, অত্থি পদভাজনীযং. তেসু মাতিকং নিক্খিপন্তেন ভগৰতা কতং নিক্খিত্তা.

ৰিস্সজ্জনা – মাতিকং ভন্তে নিক্খিপন্তেন ভগৰতা ‘‘কুসলা ধম্মা অকুসলা ধম্মা অব্যাকতা ধম্মা. সুখায ৰেদনায সম্পযুত্তা ধম্মা দুক্খায ৰেদনায সম্পযুত্তা ধম্মা অদুক্খমসুখায ৰেদনায সম্পযুত্তা ধম্মা. ৰিপাকা ধম্মা ৰিপাকধম্মধম্মা নেৰৰিপাকনৰিপাকধম্মধম্মা’’তি এৰমাদিনা দ্ৰাৰীসতিযা তিকানং ৰসেন. ‘‘হেতূ ধম্মা ন হেতূ ধম্মা. সহেতুকা ধম্মা অহেতুকা ধম্মা.

হেতুসম্পযুত্তা ¶ ধম্মা হেতুৰিপ্পযুত্তা ধম্মা. হেতূ চেৰ ধম্মা সহেতুকা চ সহেতুকা চেৰ ধম্মা ন চ হেতূ. হেতূ চেৰ ধম্মা হেতুসম্পযুত্তা চ হেতুসম্পযুত্তা চেৰ ধম্মা ন চ হেতূ. ন হেতূ খো পন ধম্মা সহেতুকাপি অহেতুকাপী’’তি এৰমাদিনা দুকসতানঞ্চ ৰসেন মাতিকা নিক্খিত্তা.

পুচ্ছা – অভিধম্মপিটকে ¶ আৰুসো ধম্মসঙ্গণিযং পদভাজনীযে চিত্তুপ্পাদকণ্ডে কুসলা ধম্মাতিপদস্স অত্থং ৰিভজন্তেন ভগৰতা কথং কামাৰচরকুসলং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ধম্মসঙ্গণিপকরণে চিত্তুপ্পাদকণ্ডে কুসলা ধম্মাতি পদস্স অত্থং ৰিভজন্তেন ভগৰতা ‘‘কতমে ধম্মা কুসলা. যস্মিং সমযে কামাৰচরং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং রূপারম্মণং ৰা সদ্দারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ. তস্মিং সমযে ফস্সো হোতি ৰেদনা হোতি সঞ্ঞা হোতি চেতনা হোতি চিত্তং হোতি ৰিতক্কো হোতি ৰিচারো হোতি পীতি হোতি সুখং হোতি চিত্তস্সেকগ্গতা হোতী’’তি এৰমাদিনা কামাৰচরকুসলং তীহি মহাৰারেহি ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ধম্মসঙ্গণীপাল়িযং চিত্তুপ্পাদকণ্ডে কুসলা ধম্মাতি পদস্স অত্থং ৰিভজন্তেন ভগৰতা কথং রূপাৰচরকুসলঞ্চ অরূপাৰচরকুসলঞ্চ ৰিত্থারতো ৰিভজিত্ৰা দেসিতং.

ৰিস্সজ্জনা – রূপাৰচরকুসলঞ্চ অরূপাৰচরকুসলঞ্চ ভন্তে ‘‘কতমে ধম্মা কুসলা. যস্মিং সমযে রূপূপপত্তিযা মগ্গং ভাৰেতি ৰিৰিচ্চেৰ কামেহি ৰিৰিচ্চ অকুসলেহি ধম্মেহি সৰিতক্কং সৰিতক্কং ৰিৰেকজং পীতিসুখং পঠমং ঝানং উপসম্পজ্জ ৰিহরতি পথৰীকসিণ’’ন্তি এৰমাদিনা ভগৰতা ৰিত্থারতো দেসিতং.

পুচ্ছা – অভিধম্মপিটকে ¶ আৰুসো ধম্মসঙ্গণীপাল়িযং চিত্তুপ্পাদকণ্ডে কুসলা ধম্মাতি পদস্স অত্থং ৰিভজন্তেন ভগৰতা কথং লোকুত্তরকুসলং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ধম্মসঙ্গণিযং চিত্তুপ্পাদকণ্ডে কুসলা ধম্মাতি পদস্স অত্থং ৰিভজন্তেন ভগৰতা ‘‘কতমে ধম্মা কুসলা. যস্মিং সমযে লোকুত্তরং ঝানং ভাৰেতি নিয্যানিকং অপচযগামিং দিট্ঠিগতানং পহানায পঠমায ভূমিযা পত্তিযা ৰিৰিচ্চেৰ কামেহি…পে… পঠমং ঝানং উপসম্পজ্জ ৰিহরতি দুক্খপটিপদং দন্ধাভিঞ্ঞ’’ন্তি এৰমাদিনা ভগৰতা লোকুত্তরকুসলং ৰিত্থারতো ৰিভজিত্ৰা দেসিতং.

পুচ্ছা – তত্থেৰ ¶ আৰুসো অকুসলা ধম্মাতি মাতিকাপদস্স অত্থং ৰিভজন্তেন ভগৰতা কথং অকুসলং ৰিত্থারতো ৰিভজিত্ৰা দেসিতং.

ৰিস্সজ্জনা – তত্থেৰ ভন্তে অকুসলা ধম্মাতি মাতিকাপদস্স অত্থং ৰিভজন্তেন ভগৰতা ‘‘কতমে ধম্মা অকুসলা. যস্মিং সমযে অকুসলং চিত্তং উপ্পন্নং হোতি সোমনস্সসহগতং দিট্ঠিগতসম্পযুত্তং রূপারম্মণং ৰা সদ্ধারম্মণং ৰা গন্ধারম্মণং ৰা রসারম্মণং ৰা ফোট্ঠব্বারম্মণং ৰা ধম্মারম্মণং ৰা যং যং ৰা পনারব্ভ. তস্মিং সমযে ফস্সো হোতি ৰেদনা হোতি সঞ্ঞা হোতি চেতনা হোতি চিত্তং হোতী’’তি এৰমাদিনা অকুসলং ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে আৰুসো ধম্মসঙ্গণীপাল়িযং চিত্তুপ্পাদকণ্ডরূপকণ্ডেসু অব্যাকতা ধম্মাতি মাতিকাপদস্স অত্থং ৰিভজন্তেন ¶ ভগৰতা কথং অব্যাকতা ধম্মা ৰিত্থারতো ৰিভজিত্ৰা দেসিতা.

ৰিস্সজ্জনা – অভিধম্মপিটকে ভন্তে ধম্মসঙ্গণিযং অব্যাকতা ধম্মাতি পদস্স অত্থং ৰিভজন্তেন ভগৰতা ‘‘কতমে ধম্মা অব্যাকতা. যস্মিং সমযে কামাৰচরস্স কুসলস্স কম্মস্স কতত্তা উপচিতত্তা ৰিপাকং চক্খুৰিঞ্ঞাণং উপ্পন্নং হোতি উপেক্খাসহগতং রূপারম্মণং. তস্মিং সমযে ফস্সো হোতি ৰেদনা হোতি সঞ্ঞা হোতি চেতনা হোতি চিত্তং হোতী’’তি এৰমাদিনা চ চিত্তুপ্পাদকণ্ডে, রূপকণ্ডে চ ‘‘কতমে ধম্মা অব্যাকতা. কুসলাকুসলানং ধম্মানং ৰিপাকা কামাৰচরা রূপাৰচরা অরূপাৰচরা অপরিযাপন্না ৰেদনাক্খন্ধো সঞ্ঞাক্খন্ধো সঙ্খারক্খন্ধো ৰিঞ্ঞাণক্খন্ধো. যে চ ধম্মা কিরিযা নেৰ কুসলা নাকুসলা ন চ কম্মৰিপাকা. সব্বঞ্চ রূপং অসঙ্খতা চ ধাতু. ইমে ধম্মা অব্যাকতা’’তি এৰমাদিনা চ অব্যাকতা ধম্মা ৰিত্থারতো ৰিভজিত্ৰা দেসিতা.

পুচ্ছা – সত্তসু ¶ আৰুসো অভিধম্মপ্পকরণেসু ৰিভঙ্গপ্পকরণে ভগৰতা কতি ৰিভঙ্গা দেসিতা.

ৰিস্সজ্জনা – অভিধম্মপিটকে ভন্তে সত্তসু পকরণেসু দুতিযে ৰিভঙ্গপ্পকরণে খন্ধৰিভঙ্গো আযতনৰিভঙ্গো ধাতুৰিভঙ্গো সচ্চৰিভঙ্গো ইন্দ্রিযৰিভঙ্গো পটিচ্চসমুপ্পাদৰিভঙ্গো সতিপট্ঠানৰিভঙ্গো সম্মপ্পধানৰিভঙ্গো ইদ্ধিপাদৰিভঙ্গো বোজ্ঝঙ্গৰিভঙ্গো মগ্গঙ্গৰিভঙ্গো ঝানৰিভঙ্গো অপ্পমঞ্ঞাৰিভঙ্গো সিক্খাপদৰিভঙ্গো পটিসম্ভিদাৰিভঙ্গো ঞাণৰিভঙ্গো খুদ্দকৰত্থুৰিভঙ্গো ধম্মহদযৰিভঙ্গোতি ভগৰতা অট্ঠারস ৰিভঙ্গা দেসিতা.

পুচ্ছা – তেসু আৰুসো অট্ঠারসসু ৰিভঙ্গেসু পঠমে খন্ধৰিভঙ্গে ভগৰতা কথং খন্ধা ৰিত্থারতো ৰিভজিত্ৰা দেসিতা.

ৰিস্সজ্জনা – তেসু ¶ ভন্তে অট্ঠারসসু ৰিভঙ্গেসু পঠমে খন্ধৰিভঙ্গে ‘‘পঞ্চক্খন্ধা রূপক্খন্ধো ৰেদনাক্খন্ধো সঞ্ঞাক্খন্ধো সঙ্খারক্খন্ধো ৰিঞ্ঞাণক্খন্ধো. তত্থ কতমো রূপক্খন্ধো, যংকিঞ্চি রূপং অতীতানাগতপচ্চুপ্পন্নং অজ্ঝত্তং ৰা বহিদ্ধা ৰা ওল়ারিকং ৰা সুখুমং ৰা হীনং ৰা পণীতং ৰা যং দূরে সন্তিকে ৰা, তদেকজ্ঝং অভিসঞ্ঞূহিত্ৰা অভিসঙ্খিপিত্ৰা অযং ৰুচ্চতি রূপক্খন্ধো’’তি এৰমাদিনা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি ভগৰতা খন্ধা ৰিত্থারতো ৰিভজিত্ৰা দেসিতা.

পুচ্ছা – দুতিযে ¶ পন আৰুসো আযতনৰিভঙ্গে ভগৰতা কথং আযতনানি ৰিত্থারতো ৰিভজিত্ৰা দেসিতানি.

ৰিস্সজ্জনা – দুতিযে ভন্তে আযতনৰিভঙ্গে ‘‘দ্ৰাদসাযতনানি চক্খাযতনং রূপাযতনং সোতাযতনং সদ্দাযতনং ঘানাযতনং গন্ধাযতনং জিৰ্হাযতনং রসাযতনং কাযাযতনং ফোট্ঠব্বাযতনং মনাযতনং ধম্মাযতনং. চক্খুং অনিচ্চং দুক্খং অনত্তা ৰিপরিণামধম্মং, রূপা অনিচ্চা দুক্খা অনত্তা ৰিপরিণামধম্মা’’তি এৰমাদিনা ভগৰতা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহেৰ আযতনানি ৰিত্থারতো ৰিভজিত্ৰা দেসিতানি.

পুচ্ছা – অভিধম্মপিটকে ¶ আৰুসো ৰিভঙ্গপ্পকরণে ততিযে ধাতুৰিভঙ্গে ভগৰতা কথং ধাতুযো ৰিত্থারেন ৰিভজিত্ৰা দেসিতা.

ৰিস্সজ্জনা – ততিযে ভন্তে ধাতুৰিভঙ্গে ‘‘ছ ধাতুযো পথৰীধাতু আপোধাতু তেজোধাতু ৰাযোধাতু আকাসধাতু ৰিঞ্ঞাণধাতূ’’তি ভন্তে সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি ভগৰতা ধাতুযো ৰিত্থারতো ৰিভজিত্ৰা দেসিতা.

পুচ্ছা – চতুত্থে ¶ পন আৰুসো সচ্চৰিভঙ্গে ভগৰতা কথং সচ্চানি ৰিত্থারতো ৰিভজিত্ৰা দেসিতানি.

ৰিস্সজ্জনা – চতুত্থে ভন্তে সচ্চৰিভঙ্গে ‘‘চত্তারি অরিযসচ্চানি দুক্খং অরিযসচ্চং, দুক্খসমুদযং অরিযসচ্চং, দুক্খনিরোধং অরিযসচ্চং, দুক্খনিরোধগামিনী পটিপদা অরিযসচ্চং. তত্থ কতমং দুক্খং অরিযসচ্চং, জাতিপি দুক্খা, জরাপি দুক্খা, মরণম্পি দুক্খং, সোকপরিদেৰদুক্খদোমনস্সুপাযাসাপি দুক্খা, অপ্পিযেহি সম্পযোগো দুক্খো, পিযেহি ৰিপ্পযোগো দুক্খো, যম্পিচ্ছং ন লভতি, তম্পি দুক্খং, সংখিত্তেন পঞ্চুপাদানক্খন্ধা দুক্খা’’তি এৰমাদিনা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি ভগৰতা সচ্চানি ৰিত্থারতো ৰিভজিত্ৰা দেসিতানি.

পুচ্ছা – পঞ্চমে ¶ পন আৰুসো ইন্দ্রিযৰিভঙ্গে ভগৰতা কথং ইন্দ্রিযানি ৰিত্থারতো ৰিভজিত্ৰা দেসিতানি.

ৰিস্সজ্জনা – পঞ্চমে পন ভন্তে ইন্দ্রিযৰিভঙ্গে ‘‘বাৰীসতিন্দ্রিযানি চক্খুন্দ্রিযং সোতিন্দ্রিযং ঘানিন্দ্রিযং জিৰ্হিন্দ্রিযং কাযিন্দ্রিযং মনিন্দ্রিযং…পে… অঞ্ঞাতাৰিন্দ্রিয’’ন্তি এৰমাদিনা অভিধম্মভাজনীযপঞ্হাপুচ্ছকসঙ্খাতেহি দ্ৰীহি মহানযেহি ভগৰতা ইন্দ্রিযানি ৰিত্থারতো ৰিভজিত্ৰা দেসিতানি.

পুচ্ছা – অভিধম্মপিটকে ¶ আৰুসো ৰিভঙ্গপ্পকরণে ছট্ঠে পটিচ্চসমুপ্পাদৰিভঙ্গে ভগৰতা কথং পটিচ্চসমুপ্পাদো ৰিত্থারেন ৰিভজিত্ৰা দেসিতো.

ৰিস্সজ্জনা – ছট্ঠে ভন্তে পটিচ্চসমুপ্পাদৰিভঙ্গে ‘‘অৰিজ্জাপচ্চযা সঙ্খারা…পে… সমুদযো হোতী’’তি এৰমাদিনা ভগৰতা পটিচ্চসমুপ্পাদো সুত্তন্তভাজনীযঅভিধম্মভাজনীযসঙ্খাতেহি দ্ৰীহি মহানযেহি ৰিত্থারতো ৰিভজিত্ৰা দেসিতো.

পুচ্ছা – সত্তমে ¶ পন আৰুসো সতিপট্ঠানৰিভঙ্গে ভগৰতা কথং সতিপট্ঠানা ৰিত্থারতো ৰিভজিত্ৰা দেসিতা.

ৰিস্সজ্জনা – সত্তমে ভন্তে সতিপট্ঠানৰিভঙ্গে ‘‘চত্তারো সতিপট্ঠানা ইধ ভিক্খু অজ্ঝত্তং কাযে কাযানুপস্সী ৰিহরতি, বহিদ্ধা কাযে কাযানুপস্সী ৰিহরতি, অজ্ঝত্তবহিদ্ধা কাযে কাযানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্স’’ন্তি এৰমাদিনা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি ভগৰতা সতিপট্ঠানা ৰিত্থারতো ৰিভজিত্ৰা দেসিতা.

পুচ্ছা – অট্ঠমে ¶ পন আৰুসো সম্মপ্পধানৰিভঙ্গে ভগৰতা কথং সম্মপ্পধানা ৰিত্থারতো ৰিভজিত্ৰা দেসিতা.

ৰিস্সজ্জনা – অট্ঠমে ভন্তে সম্মপ্পধানৰিভঙ্গে ‘‘চত্তারো সম্মপ্পধানা ইধ ভিক্খু অনুপ্পন্নানং পাপকানং অকুসলানং ধম্মানং অনুপ্পাদায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি, উপ্পন্নানং পাপকানং অকুসলানং ধম্মানং পহানায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি, অনুপ্পন্নানং কুসলানং ধম্মানং উপ্পাদায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি, উপ্পন্নানং কুসলানং ধম্মানং ঠিতিযা অসম্মোসায ভিয্যোভাৰায ৰেপুল্লায ভাৰনায পারিপূরিযা ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতী’’তি এৰমাদিনা ভগৰতা সম্মপ্পধানা ৰিত্থারতো ৰিভজিত্ৰা দেসিতা.

পুচ্ছা – নৰমে ¶ পন আৰুসো ইদ্ধিপাদৰিভঙ্গে ভগৰতা কথং ইদ্ধিপাদা ৰিত্থারতো ৰিভজিত্ৰা দেসিতা.

ৰিস্সজ্জনা – নৰমে ভন্তে ইদ্ধিপাদৰিভঙ্গে ‘‘চত্তারো ইদ্ধিপাদা ইধ ভিক্খু ছন্দসমাধিপধানসঙ্খারসমন্নাগতং ইদ্ধিপাদং ভাৰেতি…পে… ৰীমংসাসমাধিপধানসঙ্খারসমন্নাগতং ইদ্ধিপাদং ভাৰেতী’’তি এৰমাদিনা তীহি মহানযেহি ভগৰতা ইদ্ধিপাদা ৰিত্থারতো ৰিভজিত্ৰা দেসিতা.

পুচ্ছা – অভিধম্মপিটকে ¶ আৰুসো ৰিভঙ্গপ্পকরণে দসমে বোজ্ঝঙ্গৰিভঙ্গে ভগৰতা কথং বোজ্ঝঙ্গা ৰিত্থারতো ৰিভজিত্ৰা দেসিতা.

ৰিস্সজ্জনা – দসমে ভন্তে বোজ্ঝঙ্গৰিভঙ্গে ‘‘সত্ত বোজ্ঝঙ্গা সতিসম্বোজ্ঝঙ্গো ধম্মৰিচযসম্বোজ্ঝঙ্গো ৰীরিযসম্বোজ্ঝঙ্গো পীতিসম্বোজ্ঝঙ্গো পস্সদ্ধিসম্বোজ্ঝঙ্গো সমাধিসম্বোজ্ঝঙ্গো উপেক্খাসম্বোজ্ঝঙ্গো. তত্থ কতমো সতিসম্বোজ্ঝঙ্গো, ইধ ভিক্খু সতিমা হোতি পরমেন সতিনেপক্কেন সমন্নাগতো চিরকতম্পি চিরভাসিতম্পি সরিতা হোতি অনুস্সরিতা, অযং ৰুচ্চতি সতিসম্বোজ্ঝঙ্গো’’তি এৰমাদিনা ভগৰতা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি নযেহি বোজ্ঝঙ্গা ৰিত্থারতো ৰিভজিত্ৰা দেসিতা.

পুচ্ছা – একাদসমে ¶ পন আৰুসো মগ্গঙ্গৰিভঙ্গে ভগৰতা কথং মগ্গঙ্গা ৰিত্থারতো ৰিভজিত্ৰা দেসিতা.

ৰিস্সজ্জনা – একাদসমে ¶ ভন্তে মগ্গঙ্গৰিভঙ্গে ‘‘অরিযো অট্ঠঙ্গিকো মগ্গো. সেয্যথিদং, সম্মাদিট্ঠি সম্মাসঙ্কপ্পো সম্মাৰাচা সম্মাকম্মন্তো সম্মাআজীৰো সম্মাৰাযামো সম্মাসতি সম্মাসমাধী’’তি এৰমাদিনা ভগৰতা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি মগ্গঙ্গা ৰিত্থারতো ৰিভজিত্ৰা দেসিতা.

পুচ্ছা – দ্ৰাদসমো ¶ পন আৰুসো ঝানৰিভঙ্গো ভগৰতা কথং ৰিত্থারেন ৰিভজিত্ৰা দেসিতো.

ৰিস্সজ্জনা – দ্ৰাদসমো ভন্তে ঝানৰিভঙ্গো ‘‘ইধ ভিক্খু পাতিমোক্খসংৰরসংৰুতো ৰিহরতি আচারগোচরসম্পন্নো অণুমত্তেসু ৰজ্জেসু ভযদস্সাৰী সমাদায সিক্খতি সিক্খাপদেসু ইন্দ্রিযেসু গুত্তদ্ৰারো ভোজনে মত্তঞ্ঞূ পুব্বরত্তাপররত্তং জাগরিযানুযোগমনুযুত্তো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেরসমে ¶ পন আৰুসো অপ্পমঞ্ঞাৰিভঙ্গে ভগৰতা কথং অপ্পমঞ্ঞাযো ৰিত্থারতো ৰিভজিত্ৰা দেসিতা.

ৰিস্সজ্জনা – তেরসমে ভন্তে অপ্পমঞ্ঞাৰিভঙ্গে ‘‘চতস্সো অপ্পমঞ্ঞাযো ইধ ভিক্খু মেত্তাসহগতেন চেতসা একং দিসং ফরিত্ৰা ৰিহরতি, তথা দুতিযং. তথা ততিযং. তথা চতুত্থং. ইতি উদ্ধমধো তিরিযং সব্বধি সব্বত্ততায সব্বাৰন্তং লোকং মেত্তাসহগতেন চেতসা ৰিপুলেন মহগ্গতেন অপ্পমাণেন অৰেরেন অব্যাপজ্জেন ফরিত্ৰা ৰিহরতী’’তি এৰমাদিনা ভগৰতা সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি তীহি মহানযেহি অপ্পমঞ্ঞাযো ৰিত্থারতো ৰিভজিত্ৰা দেসিতা.

পুচ্ছা – অভিধম্মপিটকে ¶ আৰুসো ৰিভঙ্গপ্পকরণে চুদ্দসমে সিক্খাপদৰিভঙ্গে ভগৰতা কথং সিক্খাপদানি ৰিত্থারতো ৰিভজিত্ৰা দেসিতানি.

ৰিস্সজ্জনা – চুদ্দসমে ভন্তে সিক্খাপদৰিভঙ্গে ‘‘পঞ্চ সিক্খাপদানি পাণাতিপাতা ৰেরমণী সিক্খাপদং, অদিন্নাদানা ৰেরমণী সিক্খাপদং, কামেসুমিচ্ছাচারা ৰেরমণী সিক্খাপদং, মুসাৰাদা ৰেরমণী সিক্খাপদং, সুরামেরযমজ্জপমাদট্ঠানা ৰেরমণী সিক্খাপদং. তত্থ কতমং পাণাতিপাতা ৰেরমণী সিক্খাপদং, যস্মিং সমযে কামাৰচরং কুসলং চিত্তং উপ্পন্নং হোতি সোমনস্সসহগতং ঞাণসম্পযুত্তং পাণাতিপাতা ৰিরমন্তস্সা’’তি এৰমাদিনা অভিধম্মভাজনীযপঞ্হাপুচ্ছকসঙ্খাতেহি দ্ৰীহি মহানযেহি ভগৰতা সিক্খাপদানি ৰিত্থারতো ৰিভজিত্ৰা দেসিতানি.

পুচ্ছা – পন্নরসমে ¶ পন আৰুসো পটিসম্ভিদাৰিভঙ্গে ভগৰতা কথং পটিসম্ভিদাযো ৰিত্থারতো ৰিভজিত্ৰা দেসিতা.

ৰিস্সজ্জনা – পন্নরসমে ভন্তে পটিসম্ভিদাৰিভঙ্গে ‘‘চতস্সো পটিসম্ভিদা অত্থপটিসম্ভিদা ধম্মপটিসম্ভিদা নিরুত্তিপটিসম্ভিদা পটিভানপটিসম্ভিদা. অত্থে ঞাণং অত্থপটিসম্ভিদা, ধম্মে ঞাণং ধম্মপটিসম্ভিদা, তত্র ধম্মনিরুত্তাভিলাপে ঞাণং নিরুত্তিপটিসম্ভিদা, ঞাণেসু ঞাণং পটিভানপটিসম্ভিদা’’তি এৰমাদিনা ভগৰতা চতস্সো পটিসম্ভিদাযো সুত্তন্তভাজনীযঅভিধম্মভাজনীযপঞ্হাপুচ্ছকসঙ্খাতেহি ¶ তীহি মহানযেহি ৰিত্থারতো ৰিভজিত্ৰা দেসিতা.

পুচ্ছা – সোল়সমে পন আৰুসো ঞাণৰিভঙ্গে ভগৰতা কথং ঞাণানি ৰিত্থারতো ৰিভজিত্ৰা দেসিতানি.

ৰিস্সজ্জনা – সোল়সমে ভন্তে ঞাণৰিভঙ্গে ‘‘একৰিধেন ঞাণৰত্থু পঞ্চৰিঞ্ঞাণা ন হেতূ, অহেতুকা, হেতুৰিপ্পযুত্তা, সপ্পচ্চযা ¶ , সঙ্খতা, অরূপা, লোকিযা, সাসৰা’’তি এৰমাদিনা এককতো পট্ঠায যাৰ দসকা ভগৰতা ঞাণানি ৰিত্থারতো ৰিভজিত্ৰা দেসিতানি.

পুচ্ছা – অভিধম্মপিটকে আৰুসো ৰিভঙ্গপ্পকরণে সত্তরসমো খুদ্দকৰত্থুৰিভঙ্গো ভগৰতা কথং দেসিতো.

ৰিস্সজ্জনা – অভিধম্মপিটকে ভন্তে দুতিযে ৰিভঙ্গপ্পকরণে সত্তরসমো খুদ্দকৰত্থুৰিভঙ্গো ‘‘জাতিমদো, গোত্তমদো, আরোগ্যমদো, যোব্বনমদো, জীৰিতমদো’’তি এৰমাদিনা এককতো পট্ঠায যাৰ অট্ঠসততণ্হাৰিচরিতং ভগৰতা ৰিত্থারতো ৰিভজিত্ৰা দেসিতো.

পুচ্ছা – তত্থ ¶ আৰুসো অট্ঠারসমো ধম্মহদযৰিভঙ্গো ভগৰতা কথং ৰিভজিত্ৰা দেসিতো.

ৰিস্সজ্জনা – অট্ঠারসমো ¶ ভন্তে ধম্মহদযৰিভঙ্গো ‘‘কতি খন্ধা, কতি আযতনানি, কতি ধাতুযো, কতি সচ্চানি, কতি ইন্দ্রিযানি, কতি হেতূ, কতি আহারা, কতি ফস্সা, কতি ৰেদনা, কতি সঞ্ঞা, কতি চেতনা, কতি চিত্তানি. পঞ্চক্খন্ধা, দ্ৰাদসাযতনানি, অট্ঠারস ধাতুযো, চত্তারি সচ্চানি, বাৰীসতিন্দ্রিযানি, নৰ হেতূ, চত্তারো আহারা, সত্ত ফস্সা, সত্ত ৰেদনা, সত্ত সঞ্ঞা, সত্ত চেতনা, সত্ত চিত্তানী’’তি এৰমাদিনা সব্বসঙ্গাহকাদীহি দসহি ৰারেহি ভগৰতা ৰিত্থারেন ৰিভজিত্ৰা দেসিতো.

পুচ্ছা – কথঞ্চাৰুসো তত্থ ভগৰতা উপ্পাদককম্মআযুপ্পমাণৰারো ৰিত্থারেন ৰিভজিত্ৰা দেসিতো.

ৰিস্সজ্জনা – দানং দত্ৰা সীলং সমাদিযিত্ৰা উপোসথকম্মং কত্ৰা কত্থ উপপজ্জন্তি. দানং দত্ৰা, সীলং সমাদিযিত্ৰা উপোসথকম্মং কত্ৰা ¶ অপ্পেকচ্চে খত্তিযমহাসালানং সহব্যতং উপপজ্জন্তি, অপ্পেকচ্চে ব্রাহ্মণমহাসালানং, অপ্পেকচ্চে গহপতিমহাসালানং, অপ্পেকচ্চে চাতুমহারাজিকানং দেৰানং, অপ্পেকচ্চে তাৰতিংসানং দেৰানং, অপ্পেকচ্চে যামানং দেৰানং, অপ্পেকচ্চে তুসিতানং দেৰানং সহব্যতং উপপজ্জন্তীতি এৰমাদিনা ভন্তে তত্থ ভগৰতা উপ্পাদককম্মআযুপ্পমাণৰারো ৰিত্থারেন ৰিভজিত্ৰা দেসিতো.

উক্খিত্তা ¶ পুঞ্ঞতেজেন, কামরূপগতিং গতা;

ভৰগ্গতম্পি সম্পত্তা, পুনাগচ্ছন্তি দুগ্গতিং –

পুচ্ছা – তেনাৰুসো ¶ ভগৰতা অট্ঠারসহি বুদ্ধধম্মেহি সমন্নাগতেন অভিধম্মে অট্ঠারসহি ৰিভঙ্গেহি পটিমণ্ডিতং দুতিযং ৰিভঙ্গপ্পকরণং দেসেত্ৰা তদনন্তরং ধাতুকথং নাম ততিযং পকরণং কথং ৰিভজিত্ৰা দেসিতং.

ৰিস্সজ্জনা – ততিযং ভন্তে ধাতুকথং নাম অভিধম্মপিটকং ‘‘সঙ্গহো অসঙ্গহো, সঙ্গহিতেন অসঙ্গহিতং, অসঙ্গহিতেন সঙ্গহিতং, সঙ্গহিতেন সঙ্গহিতং, অসঙ্গহিতেন অসঙ্গহিতং. সম্পযোগো ৰিপ্পযোগো, সম্পযুত্তেন ৰিপ্পযুত্তং, ৰিপ্পযুত্তেন সম্পযুত্তং, সম্পযুত্তেন সম্পযুত্তং, ৰিপ্পযুত্তেন ৰিপ্পযুত্তং. সঙ্গহিতেন সম্পযুত্তং ৰিপ্পযুত্তং, সম্পযুত্তেন সঙ্গহিতং অসঙ্গহিতং, অসঙ্গহিতেন সম্পযুত্তং ৰিপ্পযুত্তং, ৰিপ্পযুত্তেন সঙ্গহিতং অসঙ্গহিত’’ন্তি এৰমাদিনা পঞ্চ মাতিকাযো পঠমং নিক্খিপিত্ৰা সঙ্গহাসঙ্গহাদীহি চুদ্দসহি নযেহি ভগৰতা ৰিত্থারতো ৰিভজিত্ৰা দেসিতং.

পুচ্ছা – তেনাৰুসো ¶ ভগৰতা সব্বধাতুকুসলেন অভিধম্মপিটকে ততিযং ধাতুকথাপকরণং দেসেত্ৰা তদনন্তরং চতুত্থং পুগ্গলপঞ্ঞত্তিপ্পকরণং কথং ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে চতুত্থং পুগ্গলপঞ্ঞত্তিপ্পকরণং ‘‘ছ পঞ্ঞত্তিযো খন্ধপঞ্ঞত্তি আযতনপঞ্ঞত্তি ধাতুপঞ্ঞত্তি সচ্চপঞ্ঞত্তি ইন্দ্রিযপঞ্ঞত্তি পুগ্গলপঞ্ঞত্তি. কিত্তাৰতা খন্ধানং খন্ধপঞ্ঞত্তি, যাৰতা পঞ্চক্খন্ধা, রূপক্খন্ধো ৰেদনাক্খন্ধো সঞ্ঞাক্খন্ধো সঙ্খারক্খন্ধো ৰিঞ্ঞাণক্খন্ধো. এত্তাৰতা খন্ধানং খন্ধপঞ্ঞত্তী’’তি এৰমাদিনা খন্ধাযতনধাতুসচ্চইন্দ্রিযপঞ্ঞত্তিযো সংখিত্তেন উদ্দিসিত্ৰা পুগ্গলপঞ্ঞত্তিং চ এককদুকতিকচতুক্কপঞ্চকছক্কসত্তকঅট্ঠকনৰকদসকৰসেন ৰিত্থারতো ৰিভজিত্ৰা ভগৰতা দেসিতা.

পুচ্ছা – তেনাৰুসো ¶ ভগৰতা সব্বপরমত্থপঞ্ঞত্তিধম্মকুসলেন অভিধম্মপিটকে চতুত্থং পুগ্গলপঞ্ঞত্তিপ্পকরণং দেসেত্ৰা তদনন্তরং পঞ্চমং কথাৰত্থুপ্পকরণং কথং দেসিতং.

ৰিস্সজ্জনা – সব্বপরমত্থপঞ্ঞত্তিধম্মকুসলেন ভন্তে ভগৰতা লোকে অগ্গপুগ্গলেন অভিধম্মপিটকে চতুত্থং পুগ্গলপঞ্ঞত্তিপ্পকরণং দেসেত্ৰা তদনন্তরং কথাৰত্থুদেসনায ৰারে সম্পত্তে ‘‘অনাগতে মম সাৰকো মোগ্গলিপুত্ততিস্সত্থেরো নাম উপ্পন্নং সাসনমলং সোধেত্ৰা ততিযসঙ্গীতিং করোন্তো ভিক্খুসঙ্ঘস্স মজ্ঝে নিসিন্নো সকৰাদে পঞ্চ সুত্তসতানি পরৰাদে পঞ্চাতি সুত্তসহস্সং সমোধানেত্ৰা, ইমং পকরণং ভাজেস্সতী’’তি তস্সোকাসং করোন্তেন পুগ্গলৰারে অট্ঠমুখা ৰাদযুত্তিং আদিং কত্ৰা সব্বকথামগ্গেসু অসম্পুণ্ণভাণৰারত্থায তন্তিযা মাতিকা নিক্খেপমত্তেন পঞ্চমং কথাৰত্থুপ্পকরণং সংখেপতো দেসিতং.

পুচ্ছা – অধুনা ¶ পাকটং পনাৰুসো ৰিত্থারং কথাৰত্থুপ্পকরণং কদা কেন কত্থ কথঞ্চ ৰিত্থারতো ৰিভজিত্ৰা দেসিতং.

ৰিস্সজ্জনা – তং খো ভন্তে ভগৰতো নযমুখং নিস্সায আযস্মতা মহামোগ্গলিপুত্ততিস্সত্থেরেন ততিযসংগীতিকালে পাটলিপুত্তে অসোকারামে সট্ঠিভিক্খুসতসহস্সানং সমাগমে ভগৰতা দিন্ননযৰসেন তথাগতেন ঠপিতমাতিকং ৰিভজন্তেন সকৰাদে পঞ্চসুত্তসতানি পরৰাদে পঞ্চাতি সুত্তসহস্সং আহরিত্ৰা ইদং পরৰাদমথনং অধুনা পাকটং কথাৰত্থুপ্পকরণং ৰিত্থারতো ৰিভজিত্ৰা দেসিতং.

পুচ্ছা – কতি ¶ আৰুসো তত্থ কথাযো তেন আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

ৰিস্সজ্জনা – তত্থ ভন্তে ৰাচনামগ্গতো দ্ৰে চ সতানি সত্তৰীসতি চ কথাযো আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

পুচ্ছা – কথঞ্চাৰুসো ¶ তত্থ পঠমা পুগ্গলকথা আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

ৰিস্সজ্জনা – পুগ্গলো উপলব্ভতি সচ্চিকট্ঠপরমত্থেনাতি, আমন্তা. যো সচ্চিকট্ঠো পরমত্থো, ততো সো পুগ্গলো উপলব্ভতি সচ্চিকট্ঠপরমত্থেনাতি, ন হেৰং ৰত্তব্বে. আজানাহি নিগ্গহং হঞ্চি পুগ্গলো উপলব্ভতি সচ্চিকট্ঠপরমত্থেন, তেন ৰত রে ৰত্তব্বে ‘‘যো সচ্চিকট্ঠো পরমত্থো, ততো সো পুগ্গলো উপলব্ভতি সচ্চিকট্ঠপরমত্থেনা’’তি. যং তত্থ ৰদেসি ‘‘ৰত্তব্বে খো ‘পুগ্গলো উপলব্ভতি সচ্চিকট্ঠপরমত্থেন’, নো চ ৰত্তব্বে ‘যো সচ্চিকট্ঠো পরমত্থো, ততো সো পুগ্গলো উপলব্ভতি সচ্চিকট্ঠপরমত্থেনা’’তি, মিচ্ছাতি এৰমাদিনা ভন্তে তত্থ পঠমা পুগ্গলকথা পঞ্চ ভাণৰারমত্তায তন্তিযা আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

পুচ্ছা – অভিধম্মপিটকে ¶ আৰুসো কথাৰত্থুপ্পকরণে দুতিযৰগ্গে দুতিযা অঞ্ঞাণকথা আযস্মতা মহামোগ্গলিপুত্ততিস্সত্থেরেন কথং ৰিত্থারতো ৰিভজিত্ৰা কথিতা.

ৰিস্সজ্জনা – অভিধম্মপিটকে ভন্তে পঞ্চমে কথাৰত্থুপ্পকরণে দুতিযৰগ্গে দুতিযা অঞ্ঞাণকথা ‘‘অত্থি অরহতো অঞ্ঞাণন্তি, আমন্তা. অত্থি অরহতো অৰিজ্জা অৰিজ্জোঘো অৰিজ্জাযোগো অৰিজ্জানুসযো অৰিজ্জাপরিযুট্ঠানং অৰিজ্জাসংযোজনং অৰিজ্জানীৰরণন্তি, ন হেৰং ৰত্তব্বে. নত্থি অরহতো অৰিজ্জা অৰিজ্জোঘো অৰিজ্জাযোগো অৰিজ্জানুসযো অৰিজ্জাপরিযুট্ঠানং অৰিজ্জাসংযোজনং অৰিজ্জানিৰরণন্তি, আমন্তা. হঞ্চি নত্থি অরহতো অৰিজ্জা অৰিজ্জোঘো অৰিজ্জাযোগো অৰিজ্জানুসযো অৰিজ্জাপরিযুট্ঠানং অৰিজ্জাসংযোজনং অৰিজ্জানীৰরণং, নো চ ৰত রে ৰত্তব্বে ‘‘অত্থি অরহতো অঞ্ঞাণ’’ন্তি এৰমাদিনা আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা ভাসিতা.

পুচ্ছা – অভিধম্মপিটকে ¶ আৰুসো পঞ্চমে কথাৰত্থুপ্পকরণে ততিযৰগ্গে একাদসমা অসঞ্ঞকথা আযস্মতা মহামোগ্গলিপুত্ততিস্সত্থেরেন কথং ৰিত্থারতো ৰিভজিত্ৰা কথিতা.

ৰিস্সজ্জনা – অভিধম্মপিটকে ভন্তে পঞ্চমে কথাৰত্থুপ্পকরণে ততিযৰগ্গে একাদসমা অসঞ্ঞকথা ‘‘অসঞ্ঞসত্তেসু সঞ্ঞা অত্থীতি, আমন্তা. সঞ্ঞাভৰো সঞ্ঞাগতি সঞ্ঞাসত্তাৰাসো সঞ্ঞাসংসারো সঞ্ঞাযোনি সঞ্ঞত্তভাৰপটিলাভোতি, ন হেৰং ৰত্তব্বে’’তি এৰমাদিনা আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

সঞ্ঞাভৰো ¶ সঞ্ঞাগতি সঞ্ঞাসত্তাৰাসো সঞ্ঞাসংসারো সঞ্ঞাযোনি সঞ্ঞত্তভাৰপটিলাভো.

ননু অসঞ্ঞভৰো অসঞ্ঞগতি অসঞ্ঞসত্তাৰাসো অসঞ্ঞসংসারো অসঞ্ঞযোনি অসঞ্ঞত্তভাৰপটিলাভো.

হঞ্চি ¶ অসঞ্ঞভৰো অসঞ্ঞগতি অসঞ্ঞসত্তাৰাসো অসঞ্ঞসংসারো অসঞ্ঞযোনি অসঞ্ঞত্তভাৰপটিলাভো, নো চ ৰত রে ৰত্তব্বে অসঞ্ঞসত্তেসু সঞ্ঞা অত্থি.

পঞ্চৰোকারভৰো গতি সত্তাৰাসো সংসারো যোনি অত্তভাৰপটিলাভো.

ননু ¶ একৰোকারভৰো গতি সত্তাৰাসো সংসারো যোনি অত্তভাৰপটিলাভো.

হঞ্চি একৰোকারভৰো গতি সত্তাৰাসো সংসারো যোনি অত্তভাৰপটিলাভো, নো চ ৰত রে ৰত্তব্বে অসঞ্ঞসত্তেসু সঞ্ঞা অত্থি.

পুচ্ছা – ছট্ঠৰগ্গে ¶ পন আৰুসো অট্ঠমা পথৰীধাতু সনিদস্সনাতিআদিকথা আযস্মতা মহামোগ্গলিপুত্ততিস্সত্থেরেন কথং ৰিত্থারতো ৰিভজিত্ৰা কথিতা.

ৰিস্সজ্জনা – ছট্ঠৰগ্গে ভন্তে অট্ঠমা পথৰীধাতু সনিদস্সনাতিআদিকথা ‘‘পথৰীধাতু সনিদস্সনাতি আমন্তা. রূপং রূপাযতনং রূপধাতু নীলং পীতকং লোহিতকং ওদাতং চক্খুৰিঞ্ঞেয্যং চক্খুস্মিং পটিহঞ্ঞতি চক্খুস্স আপাথং আগচ্ছতীতি, ন হেৰং ৰত্তব্বে’’তি এৰমাদিনা আযস্মতা মহামোগ্গলি পুত্ততিস্সত্থেরেন ৰিত্থারতো ৰিভজিত্ৰা কথিতা.

চক্খুঞ্চ ¶ পটিচ্চ পথৰীধাতুঞ্চ উপ্পজ্জতি চক্খুৰিঞ্ঞাণং.

তেন ¶ হি ন ৰত্তব্বং চক্খুঞ্চ পটিচ্চ পথৰীধাতুঞ্চ উপ্পজ্জতি চক্খুৰিঞ্ঞাণং.

পুচ্ছা – অভিধম্মপিটকে আৰুসো পঞ্চমে কথাৰত্থুপ্পকরণে অট্ঠমৰগ্গে দুতিযা অন্তরাভৰকথা আযস্মতা মহামোগ্গলিপুত্ততিস্সত্থেরেন ¶ কথং ৰিত্থারতো ৰিভজিত্ৰা কথিতা.

ৰিস্সজ্জনা – অভিধম্মপিটকে ভন্তে পঞ্চমে কথাৰত্থুপ্পকরণে অট্ঠমৰগ্গে দুতিযা অন্তরাভৰকথা ‘‘অত্থি অন্তরাভৰোতি, আমন্তা. কামভৰোতি, ন হেৰং ৰত্তব্বে…পে… অত্থি অন্তরাভৰোতি, আমন্তা. রূপভৰোতি, ন হেৰং ৰত্তব্বে…পে… অত্থি অন্তরাভৰোতি, আমন্তা. অরূপভৰোতি, ন হেৰং ৰত্তব্বে’’তি এৰমাদিনা আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

কামভৰস্স ¶ চ রূপভৰস্স চ অন্তরে অত্থি অন্তরাভৰো.

রূপভৰস্স চ অরূপভৰস্স চ অন্তরে অত্থি অন্তরাভৰো.

কামভৰস্স চ রূপভৰস্স চ অন্তরে নত্থি অন্তরাভৰো.

হঞ্চি ¶ কামভৰস্স চ রূপভৰস্স চ অন্তরে নত্থি অন্তরাভৰো, নো চ ৰত রে ৰত্তব্বে অত্থি অন্তরাভৰো.

পুচ্ছা – অভিধম্মপিটকে আৰুসো পঞ্চমে কথাৰত্থুপ্পকরণে চুদ্দসমৰগ্গে দুতিযা সল়াযতনুপ্পত্তিকথা আযস্মতা মহামোগ্গলিপুত্ততিস্সত্থেরেন কথং ৰিত্থারতো ৰিভজিত্ৰা দেসিতা.

ৰিস্সজ্জনা – অভিধম্মপিটকে ভন্তে পঞ্চমে কথাৰত্থুপ্পকরণে চুদ্দসমেৰগ্গে দুতিযা সল়াযতনুপ্পত্তিকথা ‘‘সল়াযতনং অপুব্বং অচরিমং মাতুকুচ্ছিস্মিং সণ্ঠাতীতি, আমন্তা. সব্বঙ্গপচ্চঙ্গী অহীনিন্দ্রিযো মাতুকুচ্ছিস্মিং ওক্কমতীতি, ন হেৰং ৰত্তব্বে’’তি এৰমাদিনা ¶ আযস্মতা মহামোগ্গলিপুত্ততিস্সত্থেরেন ৰিত্থারতো ৰিভজিত্ৰা কথিতা.

সল়াযতনং ¶ অপুব্বং অচরিমং মাতুকুচ্ছিস্মিং সণ্ঠাতি.

সব্বঙ্গপ্পচ্চঙ্গী অহীনিন্দ্রিযো মাতুকুচ্ছিস্মিং ওক্কমতি.

উপপত্তেসিযেন চিত্তেন চক্খাযতনং সণ্ঠাতি.

উপপত্তেসিযেন চিত্তেন হত্থা সণ্ঠন্তি, পাদা সণ্ঠন্তি, সীসং সণ্ঠাতি, কণ্ণো সণ্ঠাতি, নাসিকা সণ্ঠাতি, মুখং সণ্ঠাতি, দন্তা সণ্ঠন্তি.

পুচ্ছা – তেনাৰুসো ¶ ভগৰতা যমকপাটিহীরাৰসানে তাৰতিংসদেৰলোকং গন্ত্ৰা দসসহস্সলোকধাতূহি আগম্ম সন্নিসিন্নানং দেৰানং অভিধম্মদেসনং দেসেন্তেন পঠমং অভিধম্মপিটকে পঞ্চপ্পকরণানি দেসেত্ৰা তদনন্তরং ছট্ঠং যমকপ্পকরণং দেসেন্তেন কতি যমকপ্পকরণানি ৰিভজিত্ৰা দেসিতানি.

ৰিস্সজ্জনা – ভগৰতা ভন্তে যমস্স ৰিসযাতীতেন যমকপাটিহীরাৰসানে তাৰতিংসদেৰলোকং গন্ত্ৰা তত্থ দসসহস্সলোকধাতূহি আগম্ম সন্নিসিন্নানং দেৰতানং অভিধম্মপিটকং দেসেন্তেন অভিধম্মপিটকে পূরিমানি পঞ্চপ্পকরণানি দেসেত্ৰা তদনন্তরং ছট্ঠং যমকপ্পকরণং মূলযমকং খন্ধযমকং আযতনযমকং ধাতুযমকং সচ্চযমকং সঙ্খারযমকং অনুসযযমকং চিত্তযমকং ধম্মযমকং ইন্দ্রিযযমকন্তি দস যমকপ্পকরণানি ৰিত্থারতো ৰিভজিত্ৰা দেসিতানি.

পুচ্ছা – কথঞ্চাৰুসো ¶ তত্থ ভগৰতা পঠমং মূলযমকং ৰিত্থারতো ৰিভজিত্ৰা দেসিতং.

ৰিস্সজ্জনা – যে কেচি কুসলা ধম্মা, সব্বে তে কুসলমূলা. যে ৰা পন কুসলমূলা, সব্বে তে ধম্মা কুসলা. যে কেচি কুসলা ধম্মা, সব্বে তে কুসলমূলেন একমূলা. যে ৰা ¶ পন কুসলমূলেন একমূলা, সব্বে তে ধম্মা কুসলা. যে কেচি কুসলমূলেন একমূলা ধম্মা, সব্বে তে ধম্মা কুসলমূলেন অঞ্ঞমঞ্ঞমূলা. যে ৰা পন কুসলমূলেন অঞ্ঞমঞ্ঞমূলা, সব্বে তে ধম্মা কুসলাতি এৰমাদিনা ভন্তে তত্থ ভগৰতা পঠমং মূলযমকং বাৰীসতিযা চ তিকেহি দুকসতেন চ ৰিত্থারতো ৰিভজিত্ৰা দেসিতং.

যে কেচি কুসলা ধম্মা, সব্বে তে কুসলমূলা.

যে কেচি কুসলা ধম্মা, সব্বে তে কুসলমূলাতি, তীণেৰ কুসলমূলানি অৰসেসা কুসলা ধম্মা, ন কুসলমূলা, যে ৰা পন কুসলমূলা, সব্বে তে ধম্মা কুসলাতি, আমন্তা –

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দুতিযং খন্ধযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দুতিযং খন্ধযমকং ‘‘পঞ্চক্খন্ধা – রূপক্খন্ধো ৰেদনাক্খন্ধো সঞ্ঞাক্খন্ধো সঙ্খারক্খন্ধো ৰিঞ্ঞাণক্খন্ধো. রূপং রূপক্খন্ধো, রূপক্খন্ধো রূপং. ৰেদনা ৰেদনাক্খন্ধো, ৰেদনাক্খন্ধো ৰেদনা. সঞ্ঞা সঞ্ঞাক্খন্ধো, সঞ্ঞাক্খন্ধো সঞ্ঞা. সঙ্খারা সঙ্খারক্খন্ধো, সঙ্খারক্খন্ধো সঙ্খারা. ৰিঞ্ঞাণং ৰিঞ্ঞাণক্খন্ধো, ৰিঞ্ঞাণক্খন্ধো ৰিঞ্ঞাণ’’ন্তি এৰমাদিনা ভগৰতা পণ্ণত্তিৰারপৰত্তিৰারপরিঞ্ঞাৰারসঙ্খাতেহি তীহি ৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে ততিযং আযতনযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে ততিযং আযতনযমকং ‘‘দ্ৰাদসাযতনানি – চক্খাযতনং সোতাযতনং ঘানাযতনং জিৰ্হাযতনং কাযাযতনং রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনাযতনং ধম্মাযতনং. চক্খু চক্খাযতনং, চক্খাযতনং চক্খু. সোতং সোতাযতনং, সোতাযতনং সোত’’ন্তি এৰমাদিনা পণ্ণত্তিৰারপৰত্তিৰারপরিঞ্ঞাৰারসঙ্খাতেহি তীহি ৰারেহি ভগৰতা ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু চতুত্থং ধাতুযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ¶ ভন্তে ছট্ঠে যমকপ্পকরণে দসসু যমকেসু চতুত্থং ধাতুযমকং ‘‘অট্ঠারস ধাতুযো – চক্খুধাতু সোতধাতু ঘানধাতু জিৰ্হাধাতু কাযধাতু রূপধাতু সদ্দধাতু গন্ধধাতু রসধাতু ফোট্ঠব্বধাতু চক্খুৰিঞ্ঞাণধাতু সোতৰিঞ্ঞাণধাতু ঘানৰিঞ্ঞাণধাতু জিৰ্হাৰিঞ্ঞাণধাতু কাযৰিঞ্ঞাণধাতু মনোধাতু মনোৰিঞ্ঞাণধাতু ধম্মধাতূ’’তি এৰমাদিনা ভগৰতা পণ্ণত্তিৰারপৰত্তিৰারপরিঞ্ঞাৰারসঙ্খাতেহি তীহি মহাৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু পঞ্চমং সচ্চযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু পঞ্চমং সচ্চযমকং ‘‘চত্তারি সচ্চানি – দুক্খসচ্চং সমুদযসচ্চং নিরোধসচ্চং মগ্গসচ্চং. দুক্খং দুক্খসচ্চং, দুক্খসচ্চং দুক্খং. সমুদযো সমুদযসচ্চং, সমুদযসচ্চং সমুদযো. নিরোধো নিরোধসচ্চং, নিরোধসচ্চং নিরোধো. মগ্গো মগ্গসচ্চং, মগ্গসচ্চং মগ্গো’’তি এৰমাদিনা ভগৰতা ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু ছট্ঠং সঙ্খারযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু ছট্ঠং সঙ্খারযমকং ‘‘তযো সঙ্খারা – কাযসঙ্খারো ৰচীসঙ্খারো ¶ , চিত্তসঙ্খারো. অস্সাসপস্সাসা কাযসঙ্খারো, ৰিতক্কৰিচারা ৰচীসঙ্খারা, সঞ্ঞা চ ৰেদনা চ চিত্তসঙ্খারো ঠপেত্ৰা ৰিতক্কৰিচারে সব্বেপি চিত্তসম্পযুত্তকা ধম্মা চিত্তসঙ্খারো’’তি এৰমাদিনা ভগৰতা পণ্ণত্তিৰারপৰত্তিৰারপরিঞ্ঞাৰারসঙ্খাতেহি তীহি মহাৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু সত্তমং অনুসযযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু সত্তমং অনুসযযমকং ‘‘সত্ত অনুসযা – কামরাগানুসযো পটিঘানুসযো মানানুসযো দিট্ঠানুসযো ৰিচিকিচ্ছানুসযো ভৰরাগানুসযো অৰিজ্জানুসযো. কত্থ কামরাগানুসযো অনুসেতি, কামধাতুযা দ্ৰীসু ৰেদনাসু এত্থ কামরাগানুসযো অনুসেতী’’তি এৰমাদিনা ভগৰতা উপ্পত্তিট্ঠানৰার অনুসযৰার সানুসযৰার পজহনৰার পরিঞ্ঞাৰার পহীনৰার উপ্পজ্জনৰার ধাতুৰারসঙ্খাতেহি অট্ঠহি মহাৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু অট্ঠমং চিত্তযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু অট্ঠমং চিত্তযমকং ‘‘যস্স চিত্তং উপ্পজ্জতি ন নিরুজ্ঝতি, তস্স চিত্তং নিরুজ্ঝিস্সতি ন উপ্পজ্জিস্সতি. যস্স ৰা পন চিত্তং নিরুজ্ঝিস্সতি ন উপ্পজ্জিস্সতি, তস্স চিত্তং উপ্পজ্জতি ন নিরুজ্ঝতী’’তি এৰমাদিনা ভগৰতা সুদ্ধচিত্তসামঞ্ঞসুত্তন্তচিত্তমিস্সকৰিসেসঅভিধম্মচিত্তমিস্সকৰিসেস- সঙ্খাতেহি তীহি মহানযেতি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু নৰমং ধম্মযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু নৰমং ধম্মযমকং ‘‘কুসলা কুসলা ধম্মা, কুসলা ধম্মা কুসলা. অকুসলা অকুসলা ধম্মা, অকুসলা ধম্মা অকুসলা. অব্যাকতা অব্যাকতা ধম্মা, অব্যাকতা ধম্মা অব্যাকতা’’তি এৰমাদিনা ভগৰতা পণ্ণত্তিৰারপৰত্তিৰারপরিঞ্ঞাৰারসঙ্খাতেহি তীহি মহাৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ছট্ঠে যমকপ্পকরণে দসসু যমকেসু দসমং ইন্দ্রিযযমকং ভগৰতা কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে ছট্ঠে যমকপ্পকরণে দসসু যমকেসু দসমং ইন্দ্রিযযমকং ‘‘বাৰীসতিন্দ্রিযানি – চক্খুন্দ্রিযং সোতিন্দ্রিযং ঘানিন্দ্রিযং জিৰ্হিন্দ্রিযং কাযিন্দ্রিযং ইত্থিন্দ্রিযং পুরিসিন্দ্রিযং জীৰিতিন্দ্রিযং মনিন্দ্রিযং সুখিন্দ্রিযং দুক্খিন্দ্রিযং সোমনস্সিন্দ্রিযং দোমনস্সিন্দ্রিযং উপেক্খিন্দ্রিযং সদ্ধিন্দ্রিযং ৰীরিযিন্দ্রিযং সমাধিন্দ্রিযং পঞ্ঞিন্দ্রিযং অনঞ্ঞাতঞ্ঞস্সামীতিন্দ্রিযং অঞ্ঞিন্দ্রিযং অঞ্ঞাতাৰিন্দ্রিয’’ন্তি এৰমাদিনা ভগৰতা পণ্ণত্তিৰার পৰত্তিৰার পরিঞ্ঞাৰারসঙ্খাতেহি তীহি মহাৰারেহি ৰিত্থারতো ৰিভজিত্ৰা দেসিতং.

পুচ্ছা – অভিধম্মপিটকে ¶ আৰুসো ইন্দ্রিযযমকে তীসু মহাৰারেসু পৰত্তিৰারে উপ্পাদঅতীতৰারো ভগৰতা কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ¶ ভন্তে ইন্দ্রিযযমকে তীসু মহাৰারেসু পৰত্তিৰারে উপ্পাদঅতীতৰারো ‘‘যস্স চক্খুন্দ্রিযং উপ্পজ্জিত্ত, তস্স সোতিন্দ্রিযং, ঘানিন্দ্রিযং, জিৰ্হিন্দ্রিযং, কাযিন্দ্রিযং, ইত্থিন্দ্রিযং, পুরিসিন্দ্রিযং, জীৰিতিন্দ্রিযং, সোমনস্সিন্দ্রিযং, উপেক্খিন্দ্রিযং, সদ্ধিন্দ্রিযং, ৰীরিযিন্দ্রিযং, সতিন্দ্রিযং, সমাধিন্দ্রিযং, পঞ্ঞিন্দ্রিযং, মনিন্দ্রিযং, উপ্পজ্জিত্থাতি, আমন্তা. যস্স ৰা পন মনিন্দ্রিযং উপ্পজ্জিত্থ, তস্স চক্খুন্দ্রিযং উপ্পজ্জিত্থাতি, আমন্তা’’তি এৰমাদিনা ভগৰতা ৰিভজিত্ৰা দেসিতো.

পুচ্ছা – অভিধম্মপিটকে ¶ আৰুসো ইন্দ্রিযযমকে তীসু মহাৰারেসু পৰত্তিৰারে উপ্পাদঅনাগতৰারো ভগৰতা কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে ইন্দ্রিযযমকে তীসু মহাৰারেসু পৰত্তিৰারে উপ্পাদঅনাগতৰারো ‘‘যস্স চক্খুন্দ্রিযং উপ্পজ্জিস্সতি, তস্স সোতিন্দ্রিযং উপ্পজ্জিস্সতীতি, আমন্তা. যস্স ৰা পন সোতিন্দ্রিযং উপ্পজ্জিস্সতি, তস্স চক্খুন্দ্রিযং উপ্পজ্জিস্সতী’’তি আমন্তা. যস্স চক্খুন্দ্রিযং উপ্পজ্জিস্সতি, তস্স ঘানিন্দ্রিযং, জিৰ্হিন্দ্রিযং, কাযিন্দ্রিযং উপ্পজ্জিস্সতীতি, যে রূপাৰচরং উপপজ্জিত্ৰা পরিনিব্বাযিস্সন্তি, তেসং চক্খুন্দ্রিযং উপ্পজ্জিস্সতি, নো চ তেসং কাযিন্দ্রিযং উপ্পজ্জিস্সতি, ইতরেসং তেসং চক্খুন্দ্রিযঞ্চ উপ্পজ্জিস্সতি কাযিন্দ্রিযঞ্চ উপ্পজ্জিস্সতী’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

যস্স ¶ চক্খুন্দ্রিযং উপ্পজ্জিস্সতি, তস্স ইত্থিন্দ্রিযং উপ্পজ্জিস্সতীতি. যে রূপাৰচরং উপপজ্জিত্ৰা পরিনিব্বাযিস্সন্তি, যে চ পুরিসা এতেনেৰ ভাৰেন কতিচি ভৰে দস্সেত্ৰা পরিনিব্বাযিস্সন্তি তেসং চক্খুন্দ্রিযং উপ্পজ্জিস্সতি, নো চ তেসং ইত্থিন্দ্রিযং উপ্পজ্জিস্সতি, ইতরেসং তেসং চক্খুন্দ্রিযঞ্চ উপ্পজ্জিস্সতি ইত্থিন্দ্রিযঞ্চ উপ্পজ্জিস্সতি.

যস্স ¶ চক্খুন্দ্রিযং উপ্পজ্জিস্সতি, তস্স পুরিসিন্দ্রিযং উপ্পজ্জিস্সতীতি, যে রূপাৰচরং উপপজ্জিত্ৰা পরিনিব্বাযিস্সন্তি, যা চ ইত্থিযো এতেনেৰ ভাৰেন কতিচি ভৰে দস্সেত্ৰা পরিনিব্বাযিস্সন্তি, তেসং চক্খুন্দ্রিযং উপ্পজ্জিস্সতি, নো চ তেসং পুরিসিন্দ্রিযং উপ্পজ্জিস্সতি. ইতরেসং তেসং চক্খুন্দ্রিযঞ্চ উপ্পজ্জিস্সতি পুরিসিন্দ্রিযঞ্চ উপ্পজ্জিস্সতি.

যস্স ইত্থিন্দ্রিযং উপ্পজ্জিস্সতি, তস্স পুরিসিন্দ্রিযং উপ্পজ্জিস্সতীতি, যা ইত্থিযো এতেনেৰ ভাৰেন কতিচি ভৰে দস্সেত্ৰা পরিনিব্বাযিস্সন্তি, তাসং ¶ ইত্থিন্দ্রিযং উপ্পজ্জিস্সতি, নো চ তাসং পুরিসিন্দ্রিযং উপ্পজ্জিস্সতি. ইতরেসং তেসং ইত্থিন্দ্রিযঞ্চ উপ্পজ্জিস্সতি পুরিসিন্দ্রিযঞ্চ উপ্পজ্জিস্সতি.

পুচ্ছা – তেনাৰুসো ¶ ভগৰতা জানতা পস্সতা অরহতা সম্মাসম্বুদ্ধেন অভিসম্বুদ্ধকালতো সত্তমৰস্সে মনুস্সলোকে যমকপাটিহীরং দস্সেত্ৰা তদনন্তরং তাৰতিংসদেৰলোকং গন্ত্ৰা তত্থ পণ্ডুকম্বলসিলাযং সন্নিসীদিত্ৰা দসহি চক্কৰাল়সহস্সেহি আগম্ম সন্নিসিন্নানং দেৰানং অভিধম্মদেসনং দেসেন্তেন যাৰ যমকপ্পকরণা পুরিমানি ছ অভিধম্মপ্পকরণানি দেসেত্ৰা তদনন্তরং কিংনাম পকরণং দেসিতং.

ৰিস্সজ্জনা – তেন ভন্তে ভগৰতা জানতা পস্সতা অরহতা সম্মাসম্বুদ্ধেন অভিসম্বুদ্ধকালতো সত্তমে ৰস্সে মনুস্সলোকে সাৰত্থিযং কণ্ডম্বমূলে যমকপাটিহীরং দস্সেত্ৰা তদনন্তরং তাৰতিংসদেৰলোকং গন্ত্ৰা তত্থ পণ্ডুকম্বলসিলাযং সন্নিপতিত্ৰা দসহি চক্কৰাল়সহস্সেহি আগম্ম সন্নিসিন্নানং দেৰানং অভিধম্মদেসনং দেসেন্তেন পুরিমানি ছ অভিধম্মপ্পকরণানি দেসেত্ৰা তদনন্তরং অনন্তনযসমন্তপট্ঠানং নাম সত্তমং মহাপকরণং দেসিতং.

পুচ্ছা – তং ¶ পনেতং আৰুসো পট্ঠানং কেনট্ঠেন পট্ঠানন্তি ৰুচ্চতি.

ৰিস্সজ্জনা – তং পনেতং ভন্তে পট্ঠানং নানপ্পকারপচ্চযট্ঠেন ৰিভজনট্ঠেন পট্ঠিতট্ঠেন চ পট্ঠানন্তি ৰুচ্চতি.

পুচ্ছা – তঞ্চাৰুসো ¶ ভগৰতা পট্ঠানমহাপকরণং দেসেন্তেন কতিহি ৰারেহি ৰিভজিত্ৰা দেসিতং.

ৰিস্সজ্জনা – তং খো ভন্তে ভগৰতা পট্ঠানমহাপকরণং দেসেন্তেন মাতিকানিক্খেপৰারসঙ্খাতো পচ্চযুদ্দেসো পচ্চযনিদ্দেসো মহাৰারেতি দ্ৰীহি পরিচ্ছেদৰারেহি ৰিভজিত্ৰা দেসিতং.

পুচ্ছা – তেসু ¶ আৰুসো ৰারেসু পঠমে মাতিকানিক্খেপৰারে পচ্চযুদ্দেসৰারো ভগৰতা কথং দেসিতো.

ৰিস্সজ্জনা – তেসু ভন্তে দ্ৰীসু পরিচ্ছেদৰারেসু পঠমে মাতিকানিক্খেপৰারে পচ্চযুদ্দেসে হেতুপচ্চযো আরম্মণপচ্চযো অধিপতিপচ্চযো অনন্তরপচ্চযো সমনন্তরপচ্চযো সহজাতপচ্চযো অঞ্ঞমঞ্ঞপচ্চযো নিস্সযপচ্চযো…পে… অৰিগতপচ্চযো’’তি. এৰং খো ভন্তে ভগৰতা ৰিভজিত্ৰা দেসিতো.

পুচ্ছা – তদনন্তরং ¶ পন আৰুসো পচ্চযনিদ্দেসৰারো ভগৰতা কথং ৰিভজিত্ৰা দেসিতো.

ৰিস্সজ্জনা – তদনন্তরং পন ভন্তে পচ্চযনিদ্দেসৰারো ‘‘হেতুপচ্চযোতি – হেতূ হেতুসম্পযুত্তকানং ধম্মানং তংসমুট্ঠানানঞ্চ রূপানং হেতুপচ্চযেন পচ্চযো. আরম্মণপচ্চযোতি – রূপারম্মণং চক্খুৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. সদ্ধাযতনং সোতৰিঞ্ঞাণধাতুযা…. গন্ধাযতনং ঘানৰিঞ্ঞাণধাতুযা…. রসাযতনং জিৰ্হাৰিঞ্ঞাণধাতুযা…. ফোট্ঠব্বাযতনং কাযৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. রূপাযতনং সদ্দাযতনং গন্ধাযতনং রসাযতনং ফোট্ঠব্বাযতনং মনোধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. সব্বে ধম্মা মনোৰিঞ্ঞাণধাতুযা তংসম্পযুত্তকানঞ্চ ধম্মানং আরম্মণপচ্চযেন পচ্চযো. যং যং ধম্মং আরব্ভ যে যে ধম্মা উপ্পজ্জন্তি চিত্তচেতসিকা ধম্মা, তে তে ধম্মা তেসং তেসং ধম্মানং আরম্মণপচ্চযেন পচ্চযো’’তি এৰমাদিনা ভগৰতা ৰিভজিত্ৰা দেসিতো.

পুচ্ছা – তেনাৰুসো…পে… ¶ সম্মাসম্বুদ্ধেন অভিধম্মপিটকে সত্তমে মহাপকরণে দ্ৰীসু পধানৰারেসু দুতিযে মহাৰারে কতি ঠানানি ৰিভজিত্ৰা দেসিতানি.

ৰিস্সজ্জনা – অভিধম্মপিটকে ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে দ্ৰীসু পধানপরিচ্ছেদৰারেসু দুতিযে মহাৰারে ধম্মানুলোমে ছ পট্ঠানানি, তথা ধম্মপচ্চনীযে ধম্মানুলোমপচ্চনীযে ধম্মপচ্চনীযানুলোমেতি চতুৰীসতি পট্ঠানানি ভগৰতা ৰিভজিত্ৰা দেসিতানি.

পুচ্ছা – তেসুপি ¶ আৰুসো চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিতিকা ভগৰতা কতিহি ৰারেহি ৰিভজিত্ৰা দেসিতা.

ৰিস্সজ্জনা – তেসু ভন্তে চতুৰীসতিযা মহাপট্ঠানেসু পঠমে ধম্মানুলোমতিকপট্ঠানে দ্ৰাৰীসতিতিকা পটিচ্চৰারো সহজাতৰারো পচ্চযৰারো নিস্সযৰারো সংসট্ঠৰারো সম্পযুত্তৰারো পঞ্হাৰারোতি সত্তহি সত্তহি ৰারেহি ৰিভজিত্ৰা ভগৰতা দেসিতা.

পুচ্ছা – তেসু ¶ চাৰুসো দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু পঠমো পটিচ্চমহাৰারো ভগৰতা কথং ৰিভজিত্ৰা দেসিতো.

ৰিস্সজ্জনা – তেসু ভন্তে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু পঠমো পটিচ্চমহাৰারো সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অকুসলো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ অব্যাকতো ধম্মো উপ্পজ্জেয্য হেতুপচ্চযা. সিযা কুসলং ধম্মং পটিচ্চ কুসলা চ অব্যাকতা চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ ধম্মা উপ্পজ্জেয্যুং হেতুপচ্চযা. সিযা কুসলং ধম্মং পটিচ্চ কুসলো চ অকুসলো চ অব্যাকতো চ ধম্মা উপ্পজ্জেয্যুং হেতুপচ্চযা’’তি এৰমাদিনা পুচ্ছাৰারেন চ. ‘‘কুসলং ধম্মং পটিচ্চ কুসলো ধম্মো উপ্পজ্জতি হেতুপচ্চযা. কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ অব্যাকতো ধম্মো উপ্পজ্জতি হেতুপচ্চযা. কুসলে খন্ধে পটিচ্চ চিত্তসমুট্ঠানং রূপং. কুসলং ধম্মং পটিচ্চ কুসলো চ অব্যাকতো চ ধম্মা উপ্পজ্জন্তি হেতুপচ্চযা. কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপ’’ন্তি এৰমাদিনা ৰিস্সজ্জনা ৰিস্সজ্জনাৰারেন চ. ‘‘হেতুযা নৰ, আরম্মণে তীণি, অধিপতিযা নৰ, অনন্তরে সমনন্তরে তীণি, সহজাতে নৰ, অঞ্ঞমঞ্ঞে তীণি, নিস্সযে নৰ, উপনিস্সযে তীণি, পুরেজাতে তীণি, আসেৰনে তীণি, কম্মে নৰ, ৰিপাকে একং, আহারে ঝানে ইন্দ্রিযে ¶ মগ্গে নৰ, সম্পযুত্তে তীণি, ৰিপ্পযুত্তে অত্থিযা নৰ, নত্থিযা ৰিগতে তীণি, অৰিগতে নৰা’’তি এৰমাদিনা সঙ্খ্যাৰারেন চ ভগৰতা ৰিত্থারতো ৰিভজিত্ৰা দেসিতো.

সিযা কুসলং ধম্মং পটিচ্চ কুসলো ধম্মো উপ্পজ্জেয্য হেতুপচ্চযা.

পুচ্ছা – তেনাৰুসো ¶ ভগৰতা…পে… সম্মাসম্বুদ্ধেন অভিধম্মপিটকে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু দুতিযো সহজাতৰারো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে অনন্তনযপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু দুতিযো সহজাতাৰারো ‘‘কুসলং ধম্মং সহজাতো কুসলো ধম্মো উপ্পজ্জতি হেতুপচ্চযা, কুসলং একং খন্ধং সহজাতা তযো খন্ধা, তযো খন্ধে সহজাতো একো খন্ধো, দ্ৰে খন্ধে সহজাতা দ্ৰে খন্ধা. কুসলং ধম্মং সহজাতো অব্যাকতো ধম্মো উপ্পজ্জতি হেতুপচ্চযা, কুসলে খন্ধে সহজাতং চিত্তসমুট্ঠানং রূপং. কুসলং ধম্মং সহজাতো কুসলো চ অব্যাকতো চ ধম্মা উপ্পজ্জন্তি হেতুপচ্চযা, কুসলং একং খন্ধং সহজাতা তযো খন্ধা চিত্তসমুট্ঠানঞ্চ রূপং, তযো খন্ধে সহজাতো একো খন্ধো চিত্তসমুট্ঠানঞ্চ রূপং, দ্ৰে খন্ধে চিত্তসমুট্ঠানঞ্চ রূপ’’ন্তি এৰমাদিনা ৰিস্সজ্জনাৰারেন চ. হেতুযা নৰ, আরম্মণে তীণি, অধিপতিযা নৰ, অনন্তরে সমনন্তরে তীণী’’তি এৰমাদিনা সঙ্খ্যাৰারেন চ ৰাচনামগ্গতো দ্ৰীহি ৰারেহি পটিমণ্ডিত্ৰা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো ¶ ভগৰতা…পে… সম্মাসম্বুদ্ধেন পট্ঠানমহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু ততিযো পচ্চযৰারো কথং ৰিভজিত্ৰা ৰিত্থারেন দেসিতো.

ৰিস্সজ্জনা – অভিধম্মপিটকে ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে বাৰীসতিযা তিকেসু পঠমে কুসলত্তিকে সত্তসু মহাৰারেসু ততিযো পচ্চযৰারো ‘‘সিযা কুসলং ধম্মং পচ্চযা কুসলো ধম্মো উপ্পজ্জেয্য হেতুপচ্চযা, সিযা কুসলং ধম্মং পচ্চযা অকুসলো ধম্মো উপ্পজ্জেয্য হেতুপচ্চযা, সিযা কুসলং ধম্মং পচ্চযা অব্যাকতো ধম্মো উপ্পজ্জেয্য হেতুপচ্চযা’’তি এৰমাদিনা পুচ্ছাৰারেন চ. ‘‘কুসলং ধম্মং পচ্চযা কুসলো ধম্মো উপ্পজ্জতি হেতুপচ্চযা, কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা’’তি এৰমাদিনা ৰিস্সজ্জনাৰারেন চ. ‘‘হেতুযা সত্তরস, আরম্মণে সত্ত, অধিপতিযা সত্তরস, অনন্তরে সমনন্তরে সত্ত, সহজাতে সত্তরস. অঞ্ঞমঞ্ঞে সত্তা’’তি এৰমাদিনা সঙ্খ্যাৰারেন চ. পচ্চযানুলোম পচ্চয পচ্চনিয পচ্চযানুলোম পচ্চনীয পচ্চয পচ্চনীযানুলোমসঙ্খাতেহি ¶ চতূহি নযেহি ৰিভজিত্ৰা ভগৰতা দেসিতো.

কুসলং ধম্মং পচ্চযা কুসলো ধম্মো উপ্পজ্জতি হেতুপচ্চযা. কুসলং একং খন্ধং পচ্চযা তযো খন্ধা, তযো খন্ধে পচ্চযা একো খন্ধো, দ্ৰে খন্ধে পচ্চযা দ্ৰে খন্ধা- ….

পুচ্ছা – তেনাৰুসো ¶ ভগৰতা…পে… সম্মাসম্বুদ্ধেন অভিধম্মপিটকে সত্তসু মহাপকরণেসু সত্তমে পট্ঠানমহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমো পঞ্হাৰারো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমো পঞ্হাৰারো ‘‘সিযা কুসলো ধম্মো কুসলস্স ধম্মস্স হেতুপচ্চযেন পচ্চযো. সিযা কুসলো ধম্মো অকুসলস্স ধম্মস্স হেতুপচ্চযেন পচ্চযো. সিযা কুসলো ধম্মো অব্যাকতস্স ¶ ধম্মস্স হেতুপচ্চযেন পচ্চযো’’তি এৰমাদিনা পুচ্ছাৰারেন চ. ‘‘কুসলো ধম্মো কুসলস্স ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো, কুসলা হেতূ চিত্তসমুট্ঠানানং রূপানং হেতুপচ্চযেন পচ্চযো’’তি এৰমাদিনা ৰিস্সজ্জনাৰারেন চ ‘‘হেতুযা সত্ত, আরম্মণে নৰ, অধিপতিযা দস, অনন্তরে সমনন্তরে সত্ত, সহজাতে নৰ, অঞ্ঞমঞ্ঞে তীণি, নিস্সযে তেরস, উপনিস্সযে নৰ, পুরেজাতে পচ্ছাজাতে আসেৰনে তীণি, কম্মে সত্ত, ৰিপাকে একং. আহারে ইন্দ্রিযে ঝানে মগ্গে সত্ত, সম্পযুত্তে তীণি, ৰিপ্পযুত্তে পঞ্চ, অত্থিযা তেরস, নত্থিযা ৰিগতে সত্ত, অৰিগতে তেরসা’’তি এৰমাদিনা সঙ্খ্যাৰারেন চ পচ্চযানুলোমপচ্চযপচ্চনীযপচ্চযানুলোমপচ্চনীযপচ্চযপচ্চনীযানুলোমসঙ্খাতেহি চতূহি নযেহি ভগৰতা ৰিত্থারতো ৰিভজিত্ৰা দেসিতো.

কুসলো ¶ ধম্মো কুসলস্স ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো, কুসলা হেতূ চিত্তসমুট্ঠানানং রূপানং হেতুপচ্চযেন পচ্চযো. কুসলো ধম্মো কুসলস্স চ অব্যাকতস্স চ ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো ….

পুচ্ছা – তেনাৰুসো ¶ ভগৰতা…পে… সম্মাসম্বুদ্ধেন অভিধম্মপিটকে সত্তসু পকরণেসু সত্তমে পট্ঠানমহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে পুচ্ছাৰিস্সজ্জনাসঙ্খ্যাৰারসঙ্খাতেসু তীসু ৰারেসু ৰিস্সজ্জনাৰারে হেতুপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে পচ্চযানুলোমপচ্চযপচ্চনীয পচ্চযানুলোম পচ্চনীযপচ্চয পচ্চযনীযানুলোমসঙ্খাতেসু চতূসু নযেসু পঠমে পচ্চযানুলোমনযে পুচ্ছাৰারৰিস্সজ্জনাৰারসঙ্খ্যাৰারসঙ্খাতেসু তীসুপি ৰারেসু দুতিযে ৰিস্সজ্জনাৰারে হেতুপচ্চযৰিভঙ্গো ‘‘কুসলো ধম্মো কুসলস্স ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো. কুসলা হেতূ চিত্তসমুট্ঠানানং রূপানং হেতুপচ্চযেন ¶ পচ্চযো. কুসলো ধম্মো কুসলস্স চ অব্যাকতস্স চ ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

… ‘‘কুসলো ¶ ধম্মো কুসলস্স ধম্মস্স হেতুপচ্চযেন পচ্চযো, কুসলা হেতূ সম্পযত্তকানং খন্ধানং হেতুপচ্চযেন পচ্চযো. কুসলো ধম্মো অব্যাকতস্স ধম্মস্স হেতুপচ্চযেন পচ্চযো, কুসলা হেতূ চিত্তসমুট্ঠানং রূপানং হেতুপচ্চযেন পচ্চযো. কুসলো ধম্মো কুসলস্স চ অব্যাকতস্স চ ধম্মস্স হেতুপচ্চযেন পচ্চযো, কুসলা হেতূ সম্পযুত্তকানং খন্ধানং চিত্তসমুট্ঠানানঞ্চ রূপানং হেতুপচ্চযেন পচ্চযো’’.

পুচ্ছা – তেনাৰুসো…পে… সম্মাসম্বুদ্ধেন অভিধম্মপিটকে সত্তসু পকরণেসু সত্তমে পট্ঠানমহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে চতূসু নযেসু পঠমে পচ্চযানুলোমনযে পুচ্ছাৰিস্সজ্জনাসঙ্খ্যাৰারসঙ্খাতেসু তীসু ৰারেসু দুতিযে ৰিস্সজ্জনাৰারে হেতুপচ্চযৰিভঙ্গাদীসু চতুৰীসতিযা ৰিভঙ্গেসু দুতিযো আরম্মণপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ¶ ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে দ্ৰাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে চতূসু নযেসু পঠমে পচ্চযানুলোমনযে তীসু চ ৰারেসু দুতিযে ৰিভঙ্গৰারে হেতুপচ্চযৰিভঙ্গাদীসু চতুৰীসতিযা ৰিভঙ্গেসু দুতিযো আরম্মণপচ্চযৰিভঙ্গো ‘‘কুসলো ধম্মো কুসলস্স ধম্মস্স আরম্মণপচ্চযেন পচ্চযো, দানং দত্ৰা সীলং সমাদিযিত্ৰা উপোসথকম্মং কত্ৰা তং পচ্চৰেক্খতি, পুব্বে সুচিণ্ণানি পচ্চৰেক্খতি, ঝানা ৰুট্ঠহিত্ৰা ঝানং পচ্চৰেক্খতি, সেক্খা গোত্রভুং পচ্চৰেক্খন্তি, ৰোদানং পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং পচ্চৰেক্খন্তি, সেক্খা ৰা পুথুজ্জনা ৰা কুসলং অনিচ্চতো দুক্খতো অনত্ততো ৰিপস্সন্তি, চেতোপরিযঞাণেন কুসলচিত্তসমঙ্গিস্স চিত্তং জানন্তি, আকাসানঞ্চাযতনকুসলং ৰিঞ্ঞাণঞ্চাযতনকুসলস্স আরম্মণপচ্চযেন পচ্চযো. আকিঞ্চঞ্ঞাযতনকুসলং নেৰসঞ্ঞানাসঞ্ঞাযতনকুসলস্স আরম্মণপচ্চযেন পচ্চযো. কুসলা খন্ধা ইদ্ধিৰিধঞাণস্স, চেতোপরিযঞাণস্স, পুব্বেনিৰাসানুস্সতিঞাণস্স, যথাকম্মুপগঞাণস্স, অনাগতংসঞাণস্স আরম্মণপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – অভিধম্মপিটকে ¶ আৰুসো সত্তসু পকরণেসু সত্তমে পট্ঠানমহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানেসু বাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে চতূসু নযেসু পঠমে পচ্চযানুলোমনযে পুচ্ছাৰিস্সজ্জনাসঙ্খ্যাসঙ্খাতেসু তীসু ৰারেসু দুতিযে ৰিস্সজ্জনাসঙ্খাতে ৰিভঙ্গৰারে হেতুপচ্চযৰিভঙ্গাদীসু চতুৰীসতিযা ৰিভঙ্গেসু ততিযো অধিপতিপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে সত্তসু পকরণেসু সত্তমে অনন্তনযসমন্তপট্ঠানে মহাপকরণে চতুৰীসতিযা পট্ঠানেসু পঠমে ধম্মানুলোমতিকপট্ঠানে বাৰীসতিযা তিকেসু পঠমে কুসলত্তিকে সত্তসু মহাৰারেসু সত্তমে পঞ্হাৰারে চতূসু নযেসু পঠমে পচ্চযানুলোমনযে পুচ্ছাৰিস্সজ্জনাসঙ্খ্যাসঙ্খাতেসু তীসু ৰারেসু দুতিযে ৰিস্সজ্জনাসঙ্খাতে ৰিভঙ্গৰারে হেতুপচ্চযৰিভঙ্গাদীসু চতুৰীসতিযা ৰিভঙ্গেসু ততিযো অধিপতিপচ্চযৰিভঙ্গো ‘‘কুসলো ধম্মো কুসলস্স ধম্মস্স অধিপতিপচ্চযেন পচ্চযো. আরম্মণাধিপতি, সহজাতাধিপতি. আরম্মণাধিপতি–দানং দত্ৰা সীলং সমাদিযিত্ৰা উপোসথকম্মং কত্ৰা তং গরুং কত্ৰা পচ্চৰেক্খতি. পুব্বে সুচিণ্ণানি গরুং কত্ৰা পচ্চৰেক্খতি, ঝানা ৰুট্ঠহিত্ৰা ঝানং গরুং কত্ৰা পচ্চৰেক্খতি, সেক্খা গোত্রভুং গরুং কত্ৰা পচ্চৰেক্খন্তি, ৰোদানং গরুং কত্ৰা পচ্চৰেক্খন্তি, সেক্খা মগ্গা ৰুট্ঠহিত্ৰা মগ্গং গরুং কত্ৰা পচ্চৰেক্খন্তি. সহজাতাধিপতি–কুসলাধিপতি সম্পযুত্তকানং খন্ধানং অধিপতিপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো ¶ ভগৰতা…পে… চতুত্থো অনন্তরপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… চতুত্থো অনন্তরপচ্চযৰিভঙ্গো ‘‘কুসলো ধম্মো কুসলস্স ধম্মস্স অনন্তরপচ্চযেন পচ্চযো, পুরিমা পুরিমা কুসলা খন্ধা পচ্ছিমানং পচ্ছিমানং কুসলানং খন্ধানং অনন্তরপচ্চযেন পচ্চযো. অনুলোমং গোত্রভুস্স, অনুলোমং ৰোদানস্স, গোত্রভু মগ্গস্স, ৰোদানং মগ্গস্স অনন্তরপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো…পে… ¶ ছট্ঠো সহজাতপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ¶ ভন্তে…পে… ছট্ঠো সহজাতপচ্চযৰিভঙ্গো ‘‘কুসলো ধম্মো কুসলস্স ধম্মস্স সহজাতপচ্চযেন পচ্চযো, কুসলো একো খন্ধো তিণ্ণন্নং খন্ধানং সহজাতপচ্চযেন পচ্চযো, তযো খন্ধা একস্স খন্ধস্স সহজাতপচ্চযেন পচ্চযো, দ্ৰে দ্ৰিন্নং খন্ধানং সহজাতপচ্চযেন পচ্চযো. কুসলো ধম্মো অব্যাকতস্স ধম্মস্স সহজাতপচ্চযেন পচ্চযো, কুসলা খন্ধা চিত্তসমুট্ঠানানং রূপানং সহজাতপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো ¶ ভগৰতা…পে… নৰমো উপনিস্সযপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… নৰমো উপনিস্সযপচ্চযৰিভঙ্গো ‘‘কুসলো ধম্মো কুসলস্স ধম্মস্স উপনিস্সযপচ্চযেন পচ্চযো. আরম্মণূপনিস্সযো, অনন্তরূপনিস্সযো, পকতূপনিস্সযো. আরম্মণূপনিস্সযো–দানং দত্ৰা সীলং সমাদিযিত্ৰা উপোসথকম্মং কত্ৰা কং গরুং কত্ৰা পচ্চৰেক্খতি…পে…

পকতূপনিস্সযো – সদ্ধং ¶ উপনিস্সায দানং দেতি সীলং সমাদিযতি উপোসথকম্মং করোতি, ঝানং উপ্পাদেতি, ৰিপস্সনং উপ্পাদেতি, মগ্গং উপ্পাদেতি, অভিঞ্ঞং উপ্পাদেতি, সমাপত্তিং উপ্পাদেতী’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো…পে… ¶ দসমো পুরেজাতপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… দসমো পুরেজাতপচ্চযৰিভঙ্গো ‘‘অব্যাকতো ধম্মো অব্যাকতস্স ধম্মস্স পুরেজাতপচ্চযেন পচ্চযো. আরম্মণপুরেজাতং, ৰত্থুপুরেজাতং. আরম্মণপুরেজাতং–অরহা চক্খুং অনিচ্চতো দুক্খতো অনত্ততো ৰিপস্সতি. ঘানং, জিৰ্হং, কাযং, রূপে, সদ্দে, গন্ধে, রসে, ফোট্ঠব্বে, ৰত্থুং অনিচ্চতো দুক্খতো অনত্ততো ৰিপস্সতি. দিব্বেন চক্খুনা রূপং পস্সতি, দিব্বায সোতধাতুযা সদ্দং সুণাতি, রূপাযতনং চক্খুৰিঞ্ঞাণস্স, সদ্দাযতনং সোতৰিঞ্ঞাণস্স, গন্ধাযতনং ঘানৰিঞ্ঞাণস্স, রসাযতনং জিৰ্হাৰিঞ্ঞাণস্স, ফোট্ঠব্বাযতনং কাযৰিঞ্ঞাণস্স পুরেজাতপচ্চযেন পচ্চযো. ৰত্থুপুরেজাতং–চক্খাযতনং চক্খুৰিঞ্ঞাণস্স, সোতাযতনং সোতৰিঞ্ঞাণস্স, ঘানাযতনং ঘানৰিঞ্ঞাণস্স, জিৰ্হাযতনং জিৰ্হাৰিঞ্ঞাণস্স, কাযাযতনং কাযৰিঞ্ঞাণস্স, ৰত্থু ৰিপাকাব্যাকতানং ক্রিযাব্যাকতানং খন্ধানং পুরেজাতপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো ¶ ভগৰতা…পে… তেরসমো কম্মপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… তেরসমো কম্মপচ্চযৰিভঙ্গো ‘‘কুসলো ধম্মো কুসলস্স ধম্মস্স কম্মপচ্চযেন পচ্চযো, কুসলা চেতনা সম্পযুত্তকানং খন্ধানং কম্মপচ্চযেন পচ্চযো. কুসলো ধম্মো অব্যাকতস্স ধম্মস্স কম্মপচ্চযেন পচ্চযো. সহজাতা, নানাক্খণিকা. সহজাতা–কুসলা চেতনা চিত্তসমুট্ঠানানং রূপানং কম্মপচ্চযেন পচ্চযো. নানাক্খণিকা–কুসলা চেতনা ৰিপাকানং খন্ধানং কটত্তা চ রূপানং কম্মপচ্চযেন পচ্চযো. কুসলো ধম্মো কুসলস্স চ অব্যাকতস্স চ ধম্মস্স কম্মপচ্চযেন পচ্চযো. কুসলা চেতনা সম্পযুত্তকানং খন্ধানং চিত্তসমুট্ঠানানঞ্চ রূপানং কম্মপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো…পে… ¶ পন্নরসমো আহারপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… পন্নরসমো আহারপচ্চযৰিভঙ্গো ‘‘কুসলো ধম্মো কুসলস্স ধম্মস্স আহারপচ্চযেন পচ্চযো. কুসলা আহারা সম্পযুত্তকানং খন্ধানং আহারপচ্চযেন পচ্চযো. কুসলো ধম্মো অব্যাকতস্স ধম্মস্স আহারপচ্চযেন পচ্চযো. কুসলা আহারা চিত্তসমুট্ঠানানং রূপানং আহারপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো ¶ ভগৰতা…পে… সোল়সমো ইন্দ্রিযপচ্চযৰিভঙ্গো কথং ৰিত্থারেন ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… সোল়সমো ইন্দ্রিযপচ্চযৰিভঙ্গো ‘‘কুসলো ধম্মো কুসলস্স ধম্মস্স ইন্দ্রিযপচ্চযেন পচ্চযো, কুসলো ইন্দ্রিযা সম্পযুত্তকানং খন্ধানং ইন্দ্রিযপচ্চযেন পচ্চযো. কুসলো ধম্মো অব্যাকতস্স ধম্মস্স ইন্দ্রিযপচ্চযেন পচ্চযো, কুসলা ইন্দ্রিযা চিত্তসমুট্ঠানানং ¶ রূপানং ইন্দ্রিযপচ্চযেন পচ্চযো’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

পুচ্ছা – তেনাৰুসো…পে… ¶ পুচ্ছাৰিস্সজ্জনাসঙ্খ্যাৰারসঙ্খাতেসু তীসু ৰারেসু ততিযো সঙ্খ্যাৰারো কথং ৰিত্থারতো ৰিভজিত্ৰা দেসিতো.

ৰিস্সজ্জনা – অভিধম্মপিটকে ভন্তে…পে… ততিযো সঙ্খ্যাৰারো ‘‘হেতুযা সত্ত, আরম্মণে নৰ, অধিপতিযা দস, অনন্তর সমনন্তরে সত্ত, সহজাতে নৰ, অঞ্ঞমঞ্ঞে তীণি, নিস্সযে তেরস, উপনিস্সযে নৰ, পুরেজাতে পচ্ছাজাতে আসেৰনে তীণি ¶ , কম্মে সত্ত, ৰিপাকে একং, আহারে ইন্দ্রিযে ঝানে মগ্গে সত্ত, সম্পযুত্তে তীণি, ৰিপ্পযুত্তে পঞ্চ, অত্থিযা তেরস, নত্থিযা ৰিগতে সত্ত, অৰিগতে তেরসা’’তি এৰমাদিনা ভগৰতা ৰিত্থারতো ৰিভজিত্ৰা দেসিতো.

হেতু ¶ সহজাত নিস্সয অত্থি অৰিগতন্তি সত্ত, হেতু সহজাত অঞ্ঞমঞ্ঞ নিস্সয অত্থি অৰিগতন্তি তীণি, হেতু সহজাত অঞ্ঞমঞ্ঞ নিস্সয সম্পযুত্ত অত্থি অৰিগতন্তি তীণি …

পুচ্ছা – তেনাৰুসো ভগৰতা…পে… পঠমং কুসলত্তিকং ৰিত্থারতো ৰিভজিত্ৰা তদনন্তরং অৰসেসা ৰেদনাত্তিকাদযো একৰীসতিতিকা কথং ৰিত্থারতো ৰিভজিত্ৰা দেসিতা.

ৰিস্সজ্জনা – অভিধম্মপিটকে ভন্তে…পে… পঠমং কুসলত্তিকং ৰিত্থারতো ৰিভজিত্ৰা তদনন্তরং অৰসেসা ৰেদনাত্তিকাদযো একৰীসতিতিকা ¶ ‘‘সুখায ৰেদনায সম্পযুত্তং ধম্মং পটিচ্চ সুখায ৰেদনায সম্পযুত্তো ধম্মো উপ্পজ্জতি হেতুপচ্চযা. সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো, পটিসন্ধিক্খণে সুখায ৰেদনায সম্পযুত্তং একং খন্ধং পটিচ্চ দ্ৰে খন্ধা, দ্ৰে খন্ধে পটিচ্চ একো খন্ধো’’তি এৰমাদিনা চ. ৰিপাকং ধম্মং পটিচ্চ ৰিপাকো ধম্মো উপ্পজ্জতি হেতুপচ্চযা. ৰিপাকং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা, পটিসন্ধিক্খণে ৰিপাকং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. ৰিপাকং ধম্মং পটিচ্চ নেৰৰিপাকনৰিপাকধম্মধম্মো উপ্পজ্জতি হেতুপচ্চযা, ৰিপাকে খন্ধে পটিচ্চ চিত্তসমুট্ঠানরূপং, পটিসন্ধিক্খণে ৰিপাকে খন্ধে পটিচ্চ কটত্তারূপং, খন্ধে পটিচ্চ ৰত্থূ’’তি এৰমাদিনা চ একেকস্মিং তিকে সত্তহি সত্তহি মহাৰারেহি একেকস্মিঞ্চ মহাৰারে চতূহি চতূহি নযেহি ভগৰতা ৰিত্থারতো ৰিভজিত্ৰা দেসিতা.

পুচ্ছা – তেনাৰুসো…পে… ¶ তিকপট্ঠানাদীসু ছসু অন্তোগধপট্ঠানাদীসু পঠমং তিকপট্ঠানং দেসেত্ৰা তদনন্তরং দুকপট্ঠানং কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে…পে… তিকপট্ঠানাদীসু ছসু অন্তোগধপট্ঠানাদীসু পঠমং তিকপট্ঠানং ৰিভজিত্ৰা তদনন্তরং দুকপট্ঠানং ‘‘হেতুং ধম্মং পটিচ্চ হেতু ধম্মো উপ্পজ্জতি হেতুপচ্চযা, অলোভং পটিচ্চ অদোসো অমোহো, অদোসং পটিচ্চ অলোভো অমোহো, অমোহং পটিচ্চ অলোভো অদোসো. লোভং পটিচ্চ মোহো, মোহং পটিচ্চ লোভো, দোসং পটিচ্চ মোহো, মোহং পটিচ্চ দোসো’’তি এৰমাদিনা চ. সরণং ধম্মং পটিচ্চ সরণো দম্মো উপ্পজ্জতি হেতুপচ্চযা, সরণং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. সরণং ধম্মং পটিচ্চ অরণো ধম্মো উপ্পজ্জতি হেতুপচ্চযা, সরণো খন্ধে পটিচ্চ চিত্তসমুট্ঠানং রূপং. সরণং ধম্মং পটিচ্চ সরণো চ অরণো চ ধম্মা উপ্পজ্জন্তি হেতুপচ্চযা. সরণং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং, তযো খন্ধে পটিচ্চ একো খন্ধো চিত্তসমুট্ঠানঞ্চ রূপং, দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ ¶ রূপ’’ন্তি এৰমাদিনা চ. একেকস্মিং দুকে সত্তহি সত্তহি মহাৰারেহি একেকস্মিঞ্চ মহাৰারে চতূহি চতূহি নযেহি ভগৰতা ৰিত্থারতো ৰিভজিত্ৰা দেসিতং.

সরণং ধম্মং পটিচ্চ সরণো ধম্মো উপ্পজ্জতি হেতুপচ্চযা, সরণং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে

পুচ্ছা – তেনাৰুসো…পে… তিকপট্ঠানাদীসু ছসু অন্তোগধপট্ঠানেসু পঠমং তিকপট্ঠানঞ্চ দুতিযং দুকপট্ঠানঞ্চ ৰিভজিত্ৰা তদৰসেসানি দুকতিকপট্ঠানাদীনি চত্তারো পট্ঠানানি কথং ৰিভজিত্ৰা দেসিতানি.

ৰিস্সজ্জনা – অভিধম্মপিটকে ভন্তে…পে… তিকপট্ঠানাদীসু ছসু অন্তোগধপট্ঠানেসু পঠমং তিকপট্ঠানঞ্চ দুতিযং দুকপট্ঠানঞ্চ ৰিভজিত্ৰা তদৰসেসা ¶ দুকতিকপট্ঠানাদযো ‘‘হেতুং কুসলং ধম্মং পটিচ্চ হেতু কুসলো ধম্মো উপ্পজ্জতি হেতুপচ্চযা. হেতুং কুসলং ধম্মং পটিচ্চ নহেতু কুসলো ধম্মো উপ্পজ্জতি হেতুপচ্চযা. হেতুং কুসলং ধম্মং পটিচ্চ হেতু কুসলো চ নহেতু কুসলো চ ধম্মা উপ্পজ্জন্তি হেতুপচ্চযা, নহেতুং কুসলং ধম্মং পটিচ্চ নহেতু কুসলো ধম্মো উপ্পজ্জতি হেতুপচ্চযা, নহেতুং কুসলং ধম্মং পটিচ্চ হেতু কুসলো ধম্মো উপ্পজ্জতি হেতুপচ্চযা, নহেতুং কুসলং ধম্মং পটিচ্চ হেতু কুসলো চ নহেতু কুসলো চ ধম্মা উপ্পজ্জন্তি হেতুপচ্চযা’’তি এৰমাদিনা ৰিত্থারতো ৰিভজিত্ৰা দেসিতানি.

পুচ্ছা – তেনাৰুসো ¶ ভগৰতা…পে… পঠমং ধম্মানুলোমপট্ঠানং ৰিভজিত্ৰা তদনন্তরং দুতিযং ধম্মপচ্চনীযপট্ঠানং কথং ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে…পে… পঠমং ধম্মানুলোমপট্ঠানং ৰিভজিত্ৰা তদনন্তরং দুতিযং ধম্মপচ্চনীযপট্ঠানং ‘‘নকুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা. অকুসলাব্যাকতং একং খন্ধং পটিচ্চ অকুসলাব্যাকতা তযো খন্ধা চিত্তসমুট্ঠানঞ্চ রূপং. তযো খন্ধে পটিচ্চ একো খন্ধো চিত্তসমুট্ঠানঞ্চ রূপং. দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. নকুসলং ধম্মং পটিচ্চ নঅকুসলো ধম্মো উপ্পজ্জতি হেতু পচ্চযা. ৰিপাকাব্যাকতং কিরিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং. তযো খন্ধে পটিচ্চ একো খন্ধো চিত্তসমুট্ঠানঞ্চ রূপং. দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ ¶ রূপং. পটিসন্ধিক্খণে…পে… নকুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা. অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা’’তি এৰমাদিনা তিকপট্ঠানাদীহি ছহি অন্তোগধপট্ঠানেহি একেকস্মিঞ্চ তিকপট্ঠানে দুকপট্ঠানে দুকতিকপট্ঠানে তিকদুকপট্ঠানে তিকতিকপট্ঠানে দুকদুকপট্ঠানে সত্তহি সত্তহি মহাৰারেহি একেকস্মিঞ্চ মহাৰারে চতূহি চতূহি নযেহি ভগৰতা ৰিত্থারতো ৰিভজিত্ৰা দেসিতং.

পুচ্ছা – তেনাৰুসো ¶ ভগৰতা…পে… ততিযং ধম্মানুলোমপচ্চনীযপট্ঠানং কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে…পে… ততিযং ধম্মানুলোমপচ্চনীযপট্ঠানং ‘‘কুসলং ধম্মং পটিচ্চ নকুসলো ধম্মো উপ্পজ্জতি হেতুপচ্চযা. কুসলে খন্ধে পটিচ্চ চিত্তসমুট্ঠানরূপং. কুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. কুসলং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং. তযো খন্ধে পটিচ্চ একো খন্ধো চিত্তসমুট্ঠানঞ্চ রূপং. দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. কুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা. কুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ নঅকুসলো চ নঅব্যাকতো চ ধম্মা উপ্পজ্জন্তি হেতুপচ্চযা. কুসলং একং খন্ধং পটিচ্চ ¶ তযো খন্ধা…পে… দ্ৰে খন্ধে পটিচ্চ দ্ৰে খন্ধা. কুসলং ধম্মং পটিচ্চ নকুসলো চ নঅকুসলো চ ধম্মা উপ্পজ্জন্তি হেতুপচ্চযা. কুসলে খন্ধে পটিচ্চ চিত্তসমুট্ঠানরূপ’’ন্তি এৰমাদিনা ভন্তে তিকপট্ঠানাদীহি ছহি অন্তোগধপট্ঠানেহি একেকস্মিঞ্চ তিকপট্ঠানে দুকপট্ঠানে তিকদুকপট্ঠানে দুকতিকপট্ঠানে তিকতিকপট্ঠানে দুকদুকপট্ঠানে সত্তহি সত্তহি মহাৰারেহি একেকস্মিঞ্চ মহাৰারে চতূহি চতূহি নযেহি ভগৰতা ৰিত্থারতো ৰিভজিত্ৰা দেসিতং.

পুচ্ছা – তেনাৰুসো ¶ ভগৰতা…পে… ধম্মানুলোমাদীসু পধানভূতেসু চতূসু পট্ঠানেসু চতুত্থং পরিযোসানভূতং ধম্মপচ্চনীযানুলোমপট্ঠানং কথং ৰিত্থারতো ৰিভজিত্ৰা দেসিতং.

ৰিস্সজ্জনা – অভিধম্মপিটকে ভন্তে…পে… ধম্মানুলোমপট্ঠানাদীসু চতূসু পধানভূতেসু মহাপট্ঠানেসু চতুত্থং পরিযোসানভূতং ধম্মপচ্চনীযানুলোমপট্ঠানং ‘‘নকুসলং ধম্মং পটিচ্চ অকুসলো ধম্মো উপ্পজ্জতি হেতুপচ্চযা, অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা. নকুসলং ধম্মং পটিচ্চ নঅকুসলো ধম্মো উপ্পজ্জতি হেতুপচ্চযা. অকুসলে খন্ধে পটিচ্চ চিত্তসমুট্ঠানরূপং, ৰিপাকাব্যাকতং ক্রিযাব্যাকতং একং খন্ধং পটিচ্চ তযো খন্ধা চিত্তসমুট্ঠানঞ্চ রূপং…পে… দ্ৰে খন্ধে পটিচ্চ দ্ৰে খন্ধা চিত্তসমুট্ঠানঞ্চ রূপং. খন্ধে পটিচ্চ ৰত্থু, ৰত্থুং পটিচ্চ খন্ধা. নকুসলং ধম্মং পটিচ্চ নঅব্যাকতো ধম্মো উপ্পজ্জতি হেতুপচ্চযা, অকুসলং একং খন্ধং পটিচ্চ তযো খন্ধা, তযো খন্ধে পটিচ্চ একো খন্ধো, দ্ৰে খন্ধে পটিচ্চ দ্ৰে খন্ধা’’তি এৰমাদিনা তিকপট্ঠানাদীহি চাতি অন্তোগধপভেদপট্ঠানেহি একেকস্মিঞ্চ তিকপট্ঠানে দুকপট্ঠানে দুকতিকতিকদুকতিকতিকদুকদুকপট্ঠানে পটিচ্চৰারাদীহি সত্তহি মহাৰারেহি একেকস্মিঞ্চ মহাৰারে পচ্চযানুলোমাদীহি চতূহি চতূহি নযেহি ভগৰতা ৰিত্থারতো ৰিভজিত্ৰা দেসিতং.