📜
নমো তস্স ভগৰতো অরহতো সম্মাসম্বুদ্ধস্স.
ৰেস্সন্তরাগীতি
[ক]
বাত্তিংসলক্খণূপেত ¶ ,
দাতব্বং দদতং ৰর;
ৰেস্সন্তরত্ত মাপাদি,
সঞ্চরং ভৰসাগরে.
[খ]
দ্ৰন্দংদ্ৰন্দং ¶ সঞ্চরন্তী,
জনানন্দে যসোধীরে;
মদ্দিত্তং সমুপাগঞ্ছি,
ত্ৰংপিতেন ভৰণ্ণৰে.
[গ]
তুম্হংদানি পৰক্খামি,
উপত্তিং নন্দিনিং তহিং;
দজ্জহ্ৰোৰো মমোকাসং,
কৰযো প্যাভিনন্দথ.
একনৰুতেহিতো কপ্পে,
ৰিপস্সীনাম নাযকো;
ৰিনেয্যে ¶ তারযংখেমং,
লোকে উপ্পজ্জিচক্খুমা.
খেমারামম্হি সম্বুদ্ধো,
মিগদাযে মনোরমে;
নিস্সায বন্ধুমতিংসো,
ৰিহাসি নগরংতদা.
রজ্জংধম্মেন কারেসি,
নগরেতম্হি বন্ধুমা;
রাজাতস্স দুৰেধীতা,
আসুং সব্বঙ্গসোভণা.
একোহি ¶ একদারাজা,
বন্ধুমস্স সুপেসযি;
সহস্সগ্ঘনিকং সোণ্ণ-
মালঞ্চা নগ্ঘ চন্দনং.
অদাসি বন্ধুমারাজা,
পিতাজেট্ঠায চন্দনং;
সোণ্ণমালং কনিট্ঠায,
তহিং ৰিযায ধীতুযা.
উভোতাপীতি ¶ চিন্তেসুং,
নত্থত্থোৰত তেহিনো;
ভগ্যৰন্তস্স পূজেম,
সংপসাদেন চেতসা.
ততোসাচন্দনং চুণ্ণং-
কারাপেত্ৰান জেট্ঠকা;
গন্ত্ৰান ৰিহারং সোণ্ণ,
ৰণ্ণংপূজেসি নাযকং.
ৰিকিরিত্ৰা তু সাগন্ধ,
কুটিযং সেসচন্দনং;
এৰঞ্হি পত্থনং কাসি,
বুদ্ধমাতা ভৰামহং.
কারেত্ৰা ¶ সোণ্ণমালংতু,
উরচ্ছদ পসাদনং;
পূজেসি হেমৰণ্ণংসা,
ভগৰন্তং কনিট্ঠকা.
এৰম্পি পত্থনংকাসি,
ইদংমম পসাদনং;
সরীরে নিচ্চলা ঠাতু,
চরন্তিযা ভৰাভৰং.
উভোপি ¶ রাজকঞ্ঞাতা,
ঠত্ৰান যাৰতা যুকং;
উপপজ্জিংসু সোৰগ্গং,
চুতাসুখ পমোদনং.
মনুস্সদেৰ লোকেসু,
সংসরিংসু সুখংদুৰে;
একনৰুতি কপ্পানি,
মুচ্চিত্ৰা পাযদুক্খতো.
কস্সপস্স কালেতাসু,
কনিট্ঠা কিকিরাজিনো;
ধীতা উরচ্ছদানাম,
হুত্ৰান পরিনিব্বুতা.
জেট্ঠকা ¶ পন ধীতাসি,
কিকিস্স রাজিনো তহিং;
ধম্মানাম দমিতা সা,
কোমার ব্রহ্মচারিনী.
ততোচ ৰিত্ৰান সা দেৰ,
মনুস্সেসু পুনপ্পুনং;
সংসরন্তী মহেসীসি,
পূরিন্দদস্স একদা.
রত্তচন্দন ¶ লেপেন,
লিম্পিত দেহিনী হিসা;
কতপুঞ্ঞ ৰিসেসেন,
নামেন ফুস্সতীহ্ৰিতা.
দেৰিন্দো অঞ্ঞদাদিস্ৰা,
পরিক্খীণাযুকং ৰিযং;
দেৰিং তং পরিৰারেন,
মহতা নেসিনন্দনং.
সিরীসযন পিট্ঠম্হি,
তংসযাৰিয মাঘৰা;
ঠিতো ¶ সযনপস্সম্হি,
ফুস্সতিং এতদব্রৰী.
ৰরেতেদসদস্সামি,
ফুস্সতেৰরৰণ্ণিকে;
ত্ৰংঞ্হিইচ্ছসিযেলদ্ধুং,
লভাপেস্সামিতেৰরে.
সুত্ৰাতং ফুস্সতীদেৰী,
লোমহং সনরূপিনী;
খীণাযুতমজানন্তী,
অত্তনো এতদব্রৰী.
পাপংনু ¶ ত্ৰযি দেৰিংন্দ,
কতংমে অপ্পিযাথতে;
রম্মামে চৰনং ইচ্ছং,
মঞ্ঞেভণংতি ঈদিসং.
নতেভদ্দে কতংপাপং,
নচমে অপ্পিযাতুৰং;
পুঞ্ঞংতুতে পরিক্খীণং,
তস্মা তে ৰংৰদামহং.
সন্তিকে ¶ মরণং তুয্হং,
ৰিনাভাৰো ভৰিস্সতি;
পটিগ্গণ্হাহি মে এতে,
ৰরেদস পৰচ্ছতো.
সক্কস্সৰচনং সুত্ৰা,
ঞাত্ৰামরণ মত্তনো;
ৰরেসা লদ্ধুমিচ্ছন্তী,
দেৰিন্দমেত দব্রৰী.
ইতো চুতাসহস্সক্খি,
সীৰিরাজনিৰেসনে;
মহেসী ফুস্সতীনাম,
নীলনেত্তা যথামিগী.
অস্সং ¶ নীলভমুকাহং,
লভেয্যং পুত্তমুত্তমং;
ধারেন্তি যাচমেগব্ভং,
মজ্ঝিমঙ্গং অনুন্নতং.
পলিতান ৰিরূহন্তু,
অলম্বাচ পযোরো;
কাযেরজো নলিম্পেথ,
ৰজ্ঝঞ্চাপি পমোচযে.
যেযাচিতা ¶ ৰরাভদ্দে,
তযাদস মযাতৰ;
দিন্নাতে তুট্ঠচিত্তেন,
সব্বেলচ্ছসি মানুসে.
ততোচৰিত্ৰান সাদেৰ-
লোকা নিব্বত্তি ইচ্ছিযং;
মহেসিযা পটিসন্ধি-
ৰসেন মদ্দরাজিনো.
দসমা ¶ সচ্চযেনেসা,
ধীতরং মদ্দরাজিনী;
হেট্ঠাসুসেতচ্ছত্তস্স,
ৰিজাযি সেট্ঠরূপিনিং.
রত্তচন্দন লেপেন,
এসালিম্পি তদেহিনী;
তেনস্সা ব্রাহ্মণানামং,
অকংসু ফুস্সতীইতি.
সঞ্ঞাকার দোল়ারুল়-
মঙ্গলাদীনি কাতুন;
মহতা পরিহারেন,
পোসিংসু খত্তিযানিযো.
মধূরখীর ¶ সম্পন্না,
সিনিদ্ধপীণ যোব্বনা;
ধাতিযো খত্তিযানীতং,
খীরংপাযিংসু যাপনং.
সঙ্কমন্তীৰ ৰুদ্ধাসা,
অঙ্কাঅঙ্কং করাকরং;
রাজকঞ্ঞাচ তোসিংসু,
নচ্চগীতেহি নাটকী.
দেৰচ্ছরাৰরূপেন,
সুভাসোল়স ৰস্সিকা;
হরন্তী ¶ নেত্তরসংসা,
পস্সন্তানংসুখেধিতা.
সিৰিরট্ঠে তদারজ্জং,
সিৰিরাজা জেতুত্তরে;
কারেসিসিঞ্চযোনাম,
পুত্তোতস্স মহাযসো.
ৰযপ্পত্তো ভিরূপোসি,
দেৰপুত্তোৰ সিঞ্চযো;
অরোহ পরিণাহেন,
নানাসিব্বেসু কোৰিদো.
সিঞ্চযস্স ¶ নিয্যাদেসি,
রজ্জংপুত্তস্স অত্তনো;
জীৰন্তো পস্সিতুংরাজ-
সিরিংইচ্ছং মহারহং.
আনেত্ৰা মদ্দরাজস্স,
ধীতরং ফুস্সতিংতহিং;
সোল়সিত্থি সহস্সানং,
মহেসিংকাসি জেট্ঠিকং.
ফুস্সতীসিঞ্চযোঞ্ঞোঞ্ঞ- ¶
মুখংদ্ৰেপিযচক্খুনা;
পস্সমানাৰঅচ্ছিংসু,
অঞ্ঞমঞ্ঞপিযংৰদা.
অথচিন্তি যদেৰিন্দো,
দিন্নাফুস্সতিযামযা;
ৰরাদস তেসুপুত্ত-
ৰরোনহিসমিজ্ঝতি.
সমিজ্ঝা পেসামিএতংতি,
অজেয্যেভিদসালযে;
উপধারিত্থতিস্সায,
পুত্তভাৰারহংমরুং.
চৰিত্ৰাহুউদ্ধংগামী ¶ ,
বোধিদেৰোততোতহিং;
ব্রহ্মংগন্ত্ৰাসহস্সক্খী,
তস্সতংএতদব্রৰী.
ইতো ভো সুগতিংগচ্ছ,
অনুকম্পাহিমরিস;
সিঞ্চযংদেৰিযংতস্স,
সন্ধিং গণ্হজুতিন্ধর.
অঞ্ঞেপি ¶ সট্ঠিসহস্স-
দেৰে চৰন ধম্মিনে;
উপসঙ্কম্ম সোযাচি,
গচ্ছহ্ৰো সুগতিংইতি.
বোধিসত্তোচ অঞ্ঞেচ,
সাধূতি সম্পটিচ্ছিসুং;
ততোচুতা চতেদেৰা,
আগুং মানুসকংইমং.
ফুস্সত্যংহি ¶ মহাসত্তো,
নিব্বত্তি পটিসন্ধিযা;
কুলেস্ৰঞ্ঞেচ মচ্চানং,
নিব্বত্তিংসু ৰিসুংৰিসুং.
কুচ্ছিঙ্গতে মহাসত্তে,
দেৰী দো হল়িনীঅহু;
দাতুকামা মহাদানং,
ৰিসজ্জিয বুহুংধনং.
রাজমন্দিরদ্ৰারম্হি,
ৰেমজ্ঝেনগরস্সচ;
চতুদ্ৰারেসুছদ্দান-
সালাযো দেয্যপূরিতা.
কারাপেত্ৰান ¶ ছস্সত-
সহস্সানি দিনেদিনে;
ৰিসজ্জিত্ৰান সব্বেসং,
ইচ্ছন্তী আসিদাতৰে.
উত্ৰাতং কারণংরাজা,
পক্কোসাৰিয ব্রাহ্মণে;
নিমিত্ত পাঠকেপুচ্ছি,
কিং ভৰিস্সতীতিঞাতৰে.
জানাম নো মহারাজ,
গতোকুচ্ছিম্হি দেৰিযা;
হেহিত্য ¶ ভিরতোদানে,
এৰংৰদিংসু ব্রাহ্মণা.
ব্রাহ্মণানং ৰচোসুত্ৰা,
নরিন্দো তুট্ঠমানসো;
দানংঅদাসি ছদ্দান-
সালাযো সুট্ঠুমাৰিয.
পটিসন্ধিগ্গহণম্হা,
বোধিসত্তস্স ৰিঞ্ঞুনো;
পট্ঠাযণ্ণৰ ৰেগোৰ,
লাভোল়ারো অনপ্পকো.
পণ্ণাকারং ¶ পহিণিংসু,
রাজিনো জম্বুমণ্ডলে;
বোধিসত্তা নুভাৰেন,
নানারট্ঠিন্দখত্তিযা.
পরিহারং পৰচ্ছেসি,
মহেসিং পটিসন্ধিনিং;
রাজাসুখং ৰসাপেসি,
কারেসিইচ্ছিতিচ্ছিতং.
বুদ্ধঙ্কুরানুভাৰেন,
জনাসুং মোদমানসা;
কালেৰস্সতিমেঘোপি,
সুভিক্খোসমযোঅহু.
সদ্ধিংপুত্তেন ¶ জুণ্হায,
কিল়ন্তিযাৰমাতুযা;
মহন্তীরতিসব্বেসং,
জনানংৰিপুলাতহিং.
গব্ভংহি ধারেন্তীদেৰী,
দসমাসম্হিপূরিতে;
নগরংদট্ঠু কামাসি,
তদারোচেসিরাজিনো.
সাধুভদ্দেতি ¶ ৰত্ৰান,
পুরংদেৰ পুরংৰিয;
রাজা অলঙ্করাপেসি,
দেৰিযা পিতিৰড্ঢনং.
আরোপিয ততোদেৰিং,
ৰিচিত্তং লক্খিকংরথং;
পদক্খিণং কারাপেসি,
নগরং সব্বলঙ্কতং.
ৰেস্সানং ¶ ৰীথিযামজ্ঝে,
ঠানাঠানং পথাপথং;
চলিংসু কম্মজাৰাতা,
চরন্তিযাৰ দেৰিযা.
উত্ৰামচ্চাপৰত্তিংতং,
রঞ্ঞোরোচিংসুসীঘসো;
সুতিগেহংকারাপেসি,
তংৰীথিযংৰসিঞ্চযো.
তত্থসাৰসমানাৰ,
ৰিজাযিঅকুতোভযা;
নিম্মলংসুসুদ্ধংপুত্তং,
সুৰণ্ণক্খন্ধসন্নিভং.
অক্খীনিউম্মিলিত্ৰান ¶ ,
নিক্খন্তোমাতু কুচ্ছিতো;
পসন্নপ্পিযাকারেন,
পস্সিত্তমাতুযামুখং.
অম্ম দানং দদিস্সামি,
অত্থিনু কিঞ্চি তেধনং;
হত্তংসো পসারেত্ৰান,
ইতিব্রৰিতহিং মুহুং.
সুত্ৰামোদিয ¶ তংমাতা,
দেহিদানং যথিচ্ছিতং;
তাতাতি তস্সপাদাসি,
সহস্সত্থৰিকংতহিং.
মহোসধ ৰেস্সন্তর-
মহাসিদ্ধত্থ জাতিসু;
কথেসি মাতরাবোধি-
সসত্তো জাতক্খণেতিসু.
অচ্ছের মব্ভুতংদিস্ৰা,
জনামোদিং সুতাৰদে;
অপ্ফোটেন্তো হসন্তাচ,
জযনাদং পনাদযুং.
ৰেস্সন্তরোতি ¶ হ্ৰাযিংসু,
নামগ্গহণ মঙ্গলং;
সঙ্খতা ব্রাহ্মণাতস্স,
জাতত্তা ৰেস্সৰীথিযং.
ৰিজাত দিৰসেতস্স,
একাআকাসচারিনী;
হত্থিনীহি সব্বসেতং,
একং কুঞ্জরপোসকং.
বোধিসত্তা নুভাৰেন,
আনেত্ৰা মঙ্গলসম্মতং;
থপেত্ৰান পক্কামি,
হত্থিসালায সাধুকং.
উপ্পন্নত্তামহাসত্তং ¶ ,
তস্সকত্ৰানপচ্চযং;
অকংসুনাগরানামং,
সমগ্গাপচ্চযোইতি.
তদ্দিনেৰৰিজাযিংসু,
অমচ্চানংকুমারকা;
গেহেসুসঠিসহস্সা,
মহাসত্তসজাতকা.
অতিদীঘাদযোদোসে ¶ ,
ৰিৰজ্জেত্ৰানসিঞ্চযো;
কুমারংচতুস্সঠিকা,
উপট্ঠাপেসিধাতিযো.
অলম্বত্থনিযোচেতা,
ভিরূপাযোব্বনেঠিতা;
আসুংমধুরথঞ্ঞাযো,
সংসুদ্ধাসেট্ঠকোলিযো.
সুসুসট্ঠিসহস্সানং ¶ ,
একেকাধাতিযোতথা;
বুদ্ধঙ্কুরসজাতানং,
উপট্ঠাপেসিসুংন্দরা.
সদ্ধিং সট্ঠিসহস্সেহি,
কুমারেহিমহাযসো;
মহতাপরিৰারেন,
সংৰড্ঢিবোধিসত্তৰো.
রাজাসতসহস্সগ্ঘ-
নিকং সুসুপিল়ন্ধনং;
কারাপেত্ৰাৰিভূসেসি,
অত্তজংদাননন্দনং.
ওমুঞ্চিত্ৰানধাতীনং ¶ ,
তংচতুপ্পঞ্চৰস্সিকো;
অদাসিসোমহাসত্তো,
বোধিং অপেক্খমানসো.
পুনতংতাহিধাতীহি,
দিয্যমানংপিসাদরং;
নসোগণ্হিত্থকুমারো,
দিন্নেসুঅনপেখৰা.
আরোচিংসুপৰত্তিংতং ¶ ,
রঞ্ঞোতাধাতিযোতদা;
সুত্ৰামুদিতচিত্তেন,
তংসোথোমিত্থঅত্তজং.
পুত্তেনমমদিন্নংতং,
ব্রহ্মদেয্যংপিল়ন্ধনং;
তুম্হাকংসন্তকংহোতু,
ইচ্চাপিব্রৰিসিঞ্চযো.
পুনাপরংপিকারেত্ৰা,
পাদাসিপুত্তনন্দনো;
পুত্তস্সদাতুকামস্স,
সুৰিচিত্তপিল়ন্ধনং.
ওমুঞ্চিত্ৰানএতংপি ¶ ,
ধাতীনংদাসিদাযকো;
দারকোতুট্ঠচিত্তেন,
সব্বঞ্ঞুতপ্পিযাযনো.
এৰংৰুত্ত নযেনেৰ,
নৰ ৰারে পিল়ন্ধনং;
দহরোদাসি ধাতীনং,
নাথানাথ পরাযনো.
অট্ঠৰস্সি ¶ ককালেতু,
এৰংচিন্তেসি বুদ্ধিমা;
নিসিন্নো সিরিসযনো,
পাসাদো পরিমণ্ডলে.
দেমিবাহির দানংৰ,
নতাৰ মম মানসং;
পরিতো সেতিএৰঞ্হি,
অজ্ঝত্তিকংদদামহং.
সচেমং কোচিযাচেয্য,
সীসংস মোল়িমুত্তধং;
ছিজ্জ তং তস্সদজ্জেয্যং,
নহেয্যং লীনচেতসো.
হদযংমম ¶ যাচেয্য,
ভিন্দিত্ৰা অসিনাউরং;
নীহরিত্ৰানতংতস্স,
দজ্জেয্যং তুট্ঠমানসা.
অক্খীনি মমযাচেয্য,
উপ্পাটেত্ৰান তাৰদে;
সত্থেন তস্সদজ্জেয্যং,
সলোহিতানি তানিমে.
হত্থেপাদেচকণ্ণেচ ¶ ,
যাচেয্যমমসাধুকং;
ছিন্দিত্ৰা তানিদজ্জেয্যং,
তস্সপূরে মনোরথং.
মংসংমেকোচিযাচেয্য,
সীঘংসব্বসরীরতো;
খণ্ডাখণ্ডং ছিন্দিত্ৰান,
দজ্জে মংসং সলোহিতং.
হোহিত্ৰংমমদাসোতি,
ৰদেয্যকোচিচেতহিং;
সযংআমাতিসাৰেত্ৰা,
অত্তানংপি দদামহং.
তস্সেৰং ¶ চিন্তযন্তস্স,
কম্পিত্থ পথৰীমহা;
সমন্তাগজ্জমানাযং,
মত্তোৰ কুঞ্জরোৰনে.
মেরুরাজো নমিত্ৰান-
ভিমুখোৰ জেতুত্তরং;
নগরং ঠাসি সেরিত-
ৰেত্তঙ্কুরোৰ তাৰদে.
মহীসদ্দসন্তাসেন ¶ ,
মেঘোপাৰস্সি তাৰদে;
ঘনৰস্সংমহাধারং,
গজ্জমানো দিসোদিসং.
নিচ্ছরিংসু বহূৰিজ্জু-
লতাযোচ সমন্ততো;
ইন্দচাপা উট্ঠহিংসু,
উক্কাপাতো তদা অহু.
অপ্ফোটেসি তহিংদেৰ-
রাজাতুট্ঠো সুজম্পতি;
সাধুসাধূতি সাৰেসি,
মহাব্রহ্মা কতঞ্চলী.
ব্রহ্মলোকা ¶ তদাযাৰ,
ইতোপথৰি মণ্ডলা;
অচ্ছেরং অব্ভুতং আসি,
এককোলাহলং মহা.
এৰংঞ্হি নেকব্ভূতানি,
জনেত্ৰান মহাজনং;
হাসযং সুসুখংৰড্ঢ-
মানোসোল়স ৰস্সিকো.
কুমারো ¶ সব্বসিব্বেসু,
কোৰিদোচ পারঙ্গতো;
ফুল্লসালোৰ সোভন্তো,
ৰণ্ণেন ৰযসা তদা.
অথস্স দাতুকামোৰ,
রজ্জংমন্তিয দেৰিযা;
পিতাসি সিঞ্চিরাজত্তে,
পুত্তংসোল়স ৰস্সিকং.
মদ্দরট্ঠে তদামদ্দ-
রাজকুলা ভিৰণ্ণিনিং;
নেত্ৰামহে সিত্তেমদ্দিং-
ভিসিঞ্চি ধম্মচারিনিং.
মদ্দীমাতুলধীতাসা ¶ ,
ভগিনী মন্দহাসিনী;
ৰেস্সন্তরকুমারস্স,
সেট্ঠলক্খণধারিনী.
পুব্বউট্ঠাযিনী মদ্দী,
নিচ্চং পচ্ছানিপাতিনী;
মনাপচারিনী দেৰী,
কিংকার পটিসাৰিনী.
সোল়সিত্থি ¶ সহস্সাতং,
মদ্দিংসব্বঙ্গ সোভণং;
নচ্চৰাদিত গীতেহি,
পরিচারিংসু সব্বদা.
ৰেস্সন্তরো মহারাজা,
রজ্জেভি সিত্তকালতো;
পঠায দানসালাযো,
ছদ্দানং দাসিকারিয.
মহাদানং পৰত্তেসি,
ৰিস্সজ্জন্তো দিনেদিনে;
সম্মোদমানো ছস্সত-
সহস্সানি ধনানিসো.
এৰংদানে ¶ রমন্তস্স,
মহেসীতস্সরাজিনো;
পুত্তংৰিজাযিঅপর-
ভাগেমদ্দী সুদস্সনং.
সম্পটিচ্ছিংসু ৰিজাত-
কালেতং সোণ্ণসন্নিতং;
সোণ্ণ জালেনতেনস্স,
নামংজালীতি ৰোহরুং.
পদসা ¶ গমনে কালে,
পুত্তস্স তস্সজালিনো;
ৰিজাযি ধীতরংএকং,
নারীনং সেট্ঠংসম্মতং.
কণ্হাজিনেন ধীতংতং,
সম্পটিচ্ছিংসু সাদরং;
তেনস্সা ধিতুযানামং,
কণ্হাজিনাতি ৰোহরুং.
মহতা পরিৰারেন,
ৰুদ্ধিংন্ৰাযিংসু তেদুৰে;
সযন্তা নচ্চগীতেন,
নচ্চগীত পবোধনা.
মহাসত্তোহি ¶ মাসস্স,
ছক্খত্তুং দানমণ্ডপে;
ওলোকেসি অলঙ্কত-
হত্থিক্খন্ধ ৰরেঠিতো.
তহিং কলিঙ্করট্ঠম্হি,
দুব্বুট্ঠিকা ভযানকা;
সস্সানি নসম্পজ্জিংসু,
দুব্ভিক্খো সমযোঅহু.
চোরকম্মং ¶ অকরিংসু,
অসক্কোন্তাৰ জীৰিতুং;
জনা নিগমগামেসু,
ৰিলুম্পন্তি দামরিকা.
কলিঙ্করট্ঠং সকলং,
দুব্ভিক্খভযপীল়িতং;
ঘটে ৰিলোলপারীৰ,
সঙ্খুম্ভিত্থ অনাথকং.
নেগমা জানপদাসব্বে,
নাগরাচ সমগ্গতা;
রাজঙ্গণে উক্কোসিংসু,
দুব্ভিক্খভয চোদিতা.
তদাসুত্ৰান ¶ তংরাজা,
সীঘংউব্বিগ্গ মানসা;
কোযংসদ্দোতি পুচ্ছিত্থ,
মহামচ্চে সকন্তিকে.
আরোচযিংসু রাজানং,
পৰত্তিং তংঅসেসতো;
রাজাপি পটিজানাসি,
মেঘং ৰস্সাপযে-ইতি.
ততোসো পত্থনংকাসি,
সমাদিয উপোসথং;
দেৰং ৰস্সাপনত্থায,
সত্তাহংসত্তকারুণো.
নহিএৰংপিসোসক্খি ¶ ,
ৰস্সাপেতুং নরিস্সরো;
মেঘংকলিঙ্ক রট্ঠম্হি,
দুব্বুট্ঠিকাৰ জাযহি.
ততোসো সন্নিপাতেত্ৰা,
নাগরে এতদব্রৰী;
ৰসাপেতুং নসক্কোমি,
দেৰং কিং নুকরে-ইতি.
তদাএৰমৰোচিংসু ¶ ,
নরাকলিঙ্করাজিনো;
দেৰং ৰস্সাপনত্থায,
সুভিক্খকালকামিনো.
সিৰিরট্ঠেমহারাজ,
রজ্জেধম্মেনযোঠিতো;
জেতুত্তরেমহাৰেস্স-
ন্তরো সিঞ্চযওরসো.
দানেসুভিরতোহেস,
কিরমঙ্গলকুঞ্জরো;
তস্সত্থিপচ্চযোনাম,
পৰরোসব্বপণ্ডরো.
গতঠানেকুঞ্জরস্স ¶ ,
তস্সেকন্তেনখত্তিয;
পাৰস্সিকিরগজ্জন্তো,
মহামেঘোসৰিজ্জুকো.
পেসেত্ৰাব্রাহ্মাণেরাজ,
যাচাপেতুংসুপণ্ডরং;
হত্থিংৰট্টতিতংতেন,
সীঘংপেসেহিব্রাহ্মণে.
সম্পটিচ্ছিযসাধূতি,
সুত্ৰাতংতুট্ঠমানসো;
রাজঙ্গণম্হিরাজাসো,
সন্নিপাতেসিব্রাহ্মণে.
গুণৰণ্ণেহিসম্পন্নে ¶ ,
ৰিচিনিত্ৰানব্রহ্মণে;
অট্ঠতেসুরাজাতেসং,
নেকংদাসিপরিব্বযং.
আনেথকুঞ্জরংভোন্তো,
ৰেস্সন্তরস্সসন্তিকং;
গন্ত্ৰাযাচিয-এৰংতে,
রাজাৰত্ৰানপেসযিং.
ব্রাহ্মাণা ¶ অট্ঠরাজানং,
তেকত্ৰান পদক্খিণং;
গঞ্ছিংসু জেতুত্তরং নাগং,
নেথুং সব্বঙ্গসুন্দরং.
অনুপুব্বেন গন্ত্ৰান,
তেপাপুণিংসু ব্রাহ্মণা;
জেতুত্তরং ভুঞ্জমানা,
দানসালাসু অচ্ছযুং.
ততোপুণ্ণ মদিনম্হি,
কত্ৰাসরীরমত্তনো;
তেপংসুমক্খিতংআগুং,
পাচীনদ্ৰারমণ্ডলং.
সংযাচিস্সামনাগন্তি ¶ ,
চিন্তমানাৰরাজিনো;
আগমেন্তাআগমনং,
তত্থঅচ্ছিং সুব্রাহ্মাণা.
দানগ্গং ওলেকেয্যন্তি,
তদাসুর সভোজনো;
পাতোনূত্ৰা মহাসত্তো,
অলঙ্কারেন লঙ্করি.
অলঙ্কত হত্থিক্খন্ধং,
অরুয্হ অগমাততো;
রাজা ¶ পুরত্থিমং দ্ৰারং,
পরিসায মহন্তিযা.
মহন্তিং পরিসংদিস্ৰা,
ভিতা উব্বিগ্গ মানসা;
তত্থোকাসং নলভিংসু,
যাচিতুং ব্রাহ্মণা তহিং.
তম্হা দক্খিণদ্ৰারং তে,
সঙ্কমিত্ৰান উন্নতে;
পদেসে সেট্ঠরাজানং,
আগমেসুং ঠিতা ততো.
ওলোকেত্ৰান ¶ পাচীন-
দারম্হি দানমণ্ডপে;
হত্থিক্খন্ধগতো রাজা,
দ্ৰারমা গঞ্চিদক্খিণং.
রাজানং আগতং দিস্ৰা,
পসারেত্ৰান ব্রাহ্মণা;
হত্থে ‘‘ৰেস্সন্তরোজেতু’’
তিক্খত্তুং ইতিভাসিংসু.
জযসদ্দং পনাদন্তে,
রাজাদিস্ৰান ব্রাহ্মণে;
হত্থিং তেসং ঠিতঠানং,
পাজেসি দানমানসা.
হত্থিক্খন্ধে ¶ নিসিন্নোৰ,
পসন্নেন মুখেনসো;
ম্হিতপুব্বং ততোৰোচ,
গিরেৰং হদযঙ্গমং.
দক্খিণাৰট্টসঙ্খেন,
বাহুংপগ্গয্হ দক্খিণ;
পুরতো মম তিট্ঠন্তা,
কিং মংযাচন্তি ব্রাহ্মণা.
এৰংসীঘম ¶ ৰোচিংসু,
পহট্ঠা ব্রাহ্মণা তহিং;
রতনংরাজ যাচাম,
কুঞ্জরং সব্বপণ্ডরং.
ইদংসুত্ৰানসোচিন্তি,
অজ্ঝত্তিকং পিদাতৰে;
অহমিচ্ছামিতেদানি,
মমং যাচন্তি বাহিরং.
ইদানি পূরযিস্সামি,
যাচন্তানং মনোরথং;
এৰংচিন্তিযসোভাসি ¶ ,
হত্থিক্খন্ধঠিতো ইতি.
দেমিতং নৰিকম্পামি,
যংমংযাচন্তি ব্রাহ্মণা;
কেলাস সদিসং সেতং,
অলঙ্কতং গজুত্তমং.
হত্থিক্খন্ধা ততো রুয্হ,
রাজা চাগাধিমানসো;
ওলোকেসিতিক্খত্তুংতং,
কত্ৰা নাগং পদক্খিণং.
গহেত্ৰা ¶ সোণ্ণভিঙ্গারং,
সুগন্ধোদক পূরিতং;
অহ্ৰাযি এথ ভোন্তোতি,
কুঞ্জরংএস দাতৰে.
গহেত্ৰা রজতদাম-
সদিসং সেত হত্তিনো;
সোণ্ডংট্ঠপিয হত্থেসু,
ব্রাহ্মণানং গজিস্সরো.
সালঙ্কতং মহানাগং,
পাতেত্ৰা দক্খিণোদকং;
অদাসি সেট্ঠদন্তিংতং,
অসল্লিনেন চেতসা.
সদ্ধিং ¶ ৰীসতিলক্খেন,
চতুলক্খানি অগ্ঘতি;
অলঙ্কারোহি নাগস্স,
নানারতনচিত্তিতো.
অথাপিঅনগ্ঘা হোন্তি,
ছল়েৰ অঙ্কুসাদিসু;
মণযো ৰারণোচাপি,
অনঙ্ঘো সত্তনগ্ঘিকা.
যতাৰুত্ত রতনেহি,
সদ্ধিং অদাসি কুঞ্জরং;
নাগোপিযোপি তেনেৰ,
ততো সব্বঞ্ঞুতং পিযং.
অথাপি ¶ পঞ্চসতানি,
পরিচারানি হত্থিনো;
কুলানি হত্থিগোপেহি,
সদ্ধিং অদাসি সাদরং.
ৰেস্সন্তরেন দিন্নম্হি,
সেত মঙ্গল কুঞ্জরে;
অচেতনাপিনাদেন্তী,
মেদনী সম্প কম্পথ.
তহিং ¶ ভীসনকং আসি,
নানং লোমহংসনং;
মহন্তো ৰিপুলো ঘোসো,
খুম্ভিত্থ সকলং পুরং.
মহীসদ্দসন্তাসেন,
মেঘো পাৰস্সি তাৰদে;
ঘনৰস্সং মহাধারং,
গজ্জমানো দিসো দিসং.
নিচ্ছরিংসু বহূৰিজ্জু-
লতা যোচ সমন্ততো;
ইন্দচাপা উট্ঠহীংসু,
উক্কাপাতো তদা অহু.
হত্থিং ¶ লদ্ধানতে তুট্ঠা,
ব্রাহ্মণা কিরদক্খিণা-
দ্ৰারা নগর মজ্ঝেন,
গজক্খন্ধ গতানযুং.
মহাজনপরিৰারে,
গজারুল়্হেট্ঠ ব্রাহ্মণে;
পস্সিং সুনাগরা সব্বে,
তদাতে এতদব্রৰুং.
অম্হাকং ¶ কুঞ্জরং হম্ভো,
আরুল়্হা ৰো ইধাগতা;
দিন্নোযং কেন তুম্হাকং,
কদা লদ্ধো কুতো-ইতি.
ৰেস্সন্তরেন দিন্নো নো,
কথংতুম্হে ৰদিস্সথ;
নকথেয্যাম ৰিত্থারং,
গচ্ছেম নগরং মযং.
এৰংৰত্ৰা নিক্খমিংসু,
দ্ৰারেন উত্তরেনতে;
চিত্তংৰিলোল ¶ মানাৰ,
নাগরানং কলিঙ্কজা.
তদাহি নাগরা সব্বে,
বোধিসত্তস্স কুজ্ঝিতা;
রাজদ্ৰারে সন্নিপচ্চ,
উপক্কোসমকংসু তে.
অধম্মেনেৰভোন্ত্তোনো,
নাগং রট্ঠস্স পূজিতং;
অদাৰেস্সন্তরোদুট্ঠ-
ব্রাহ্মণানমলঙ্কতং.
সঙ্খুম্ভিতচিত্তা ¶ সব্বে,
ততোনগরৰাসিনো;
গন্ত্ৰা সিঞ্চযরাজস্স,
সন্তিকং এৰমব্রৰুং.
ৰিধমংদেৰতেরট্ঠং,
পুত্তোৰেস্সন্তরোতৰ;
কতংসোকুঞ্জরংদাসি,
সিৰিরট্ঠস্সপূজিতং.
কথংসো ¶ ৰারণংদাসি,
সেতং কেলাসসন্নিভং;
পণ্ডুকম্পলসঞ্ছন্নং,
জয ভূমি ৰিজনানং.
সচে সো দাতুমিচ্ছেয্য,
অন্নংপাণঞ্চভোজনং;
ৰত্থং সেনাসনং সোণ্ণং,
যুত্তংদাতুং যথিচ্ছিতং.
সচেত্ৰং নকরিস্সসি,
সিৰীনং ৰচনংইদং;
মঞ্ঞেতং সহপুত্তেন,
সিৰীহত্থে করিস্সরে.
তজ্জমানাহি ¶ এৰঞ্হি,
সুত্ৰা সিৰীহি ভাসিতং;
মঞ্ঞিত্থ সিঞ্চযো পুত্তং,
মারেতুং ইচ্ছরেইতি.
এৰংব্যাকাসি তেনেৰ,
সীঘংৰিব্ভন্ত মানসো;
পুত্তপেম চোদিতো সো,
সোকসল্ল সমপ্পিতো.
কামং ¶ জনপদো সব্বং,
রট্ঠঞ্চাপি ৰিনস্সতু;
নাহং সিৰীনংৰচনা,
পব্বাজেয্যং মমত্রজং.
কথং হং তম্হি দুব্ভেয্যং,
সন্তোসো সুদ্ধচেতসো;
পুত্তংকথঞ্চ নিদ্দোসং,
সত্থেন ঘাতযে মম.
সিৰযো তস্স সুত্ৰান,
ভাসিতং পুত্তগিদ্ধিনো;
অৰোচুং ৰিসট্ঠা ৰীত-
ভহাএৰং যথাতথং.
মানং ¶ দণ্ডেন সত্থেন,
নাপি সো বন্ধনারহো;
পব্বাজেহি ৰনং রট্ঠা,
ৰঙ্কে ৰসতু পব্বতে.
তদাচিন্তযি সোরাজা,
নযুত্তং পনূদেতৰে;
ছন্দং হি সিৰিনং দানি,
ততো ৰোচ সুভাসিতং.
যথাছন্দং ¶ করেয্যামি,
রট্ঠ পব্বাজযেথ তং;
একোকাসঞ্চ যাচাম,
রত্তিং সো ৰসতং ইমং.
অমন্তেতু যথাকামং,
কণ্হাজিনায জালিনা;
তথাচ মদ্দিযা সদ্ধিং,
কামেচ পরিভুঞ্জতু.
ততো রত্যা ৰিৰসানে,
সূরিযুগ্গমনেসতি;
সমগ্গা সিৰযো হুত্ৰা,
রট্ঠা পব্বজযন্তু তং.
পচ্চাগঞ্ছুং ¶ তদা সব্বে,
সিৰযো তুট্ঠমানসা;
সম্পটিচ্ছিত্ৰান সাধূতি,
ৰচনং সিৰিরাজিনো.
ততোসো সিঞ্চযোএকং,
কত্তারং পুত্তসন্তিকং;
সাসনং পেসনত্থায,
তুরিতং এৰমব্রৰী.
উট্ঠেহি কত্তে তরমানো,
গন্ত্ৰা ৰস্সন্তরং ৰদ;
সিৰযো দেৰ তেকুদ্ধা,
নেগমাচ সমাগতা.
অস্মা ¶ রত্যা ৰিৰসানে,
সূরিযুগ্গমনে সতি;
সমগ্গা সিৰযো হুত্ৰা,
রট্ঠা পব্বাজযন্তিতং.
সকত্তা তরমানোৰ,
সিৰিরাজেন পেসিতো;
উপাগমি পুরংরম্মং,
ৰেস্সন্তর নিৰেসনং.
তত্থদ্দস ¶ কুরংসো,
রমমানং সকে পুরে;
পরিকিণ্ণং অমচ্চেহি,
তিদসানংৰ ৰাসৰং.
ৰন্দিত্ৰা রোদমানোসো,
কত্তা ৰেস্সন্তরং ব্রৰী;
দুক্খং তে ৰেদযিস্সামি,
মামেকুজ্ঝ রথেসভ.
অস্মারত্যা ৰিৰসানে,
সূরিযুগ্গমনে সতি;
সিৰযো দেৰ তেকুদ্ধা,
রট্ঠা পব্বাজযন্তিতং.
সুত্ৰান ¶ ভাসিতং এতং,
হসমানো পমোদযং;
এৰংপুচ্ছিত্থ কত্তারং,
ৰেস্সন্তরো সুধীতিমা.
কিস্মিং মে সিৰযো কুদ্ধা,
যং নপস্সামি দুক্কটং;
তংমে কত্তে ৰিযাচিক্খ,
কস্মা পব্বাজযন্তি মং.
তহিং ¶ কত্তা ইদংৰোচ,
হত্থিদানেন কুজ্ঝরে;
খীযন্তি সিৰযো রাজ,
তস্মা পব্বাজযন্তি তং.
তংসুত্ৰান মহাসত্তো,
দানেসু থীরমানসো;
ৰচনং ম্হিতপুব্বং সো,
কত্তারং এতদব্রৰী.
হদযং ¶ চক্খুমহং দজ্জং,
বাহুংপি দক্খিণং মম;
হিরঞ্ঞ মণিসোণ্ণাদিং,
নকিং বাহিরকং ধনং.
কামংমংসি ৰযোসব্বে,
পব্বাজেন্তু হনন্তুৰা;
নেৰদানা ৰিরমিস্সং,
কামংছিন্দন্তু সত্তধা.
ততোসো দেৰতাৰিট্ঠো,
কত্তামগ্গম দেসযি;
পব্বাজিতানং সব্বেসং,
গতপুব্বং পুরাণকং.
কোন্তীমারায ¶ তীরেন,
গীরিমা রঞ্চরং পতি;
যেনপব্বাজিতাযন্তি,
তেনগচ্ছতু সুব্বতো.
তংসুত্ৰান বোধিসত্তো,
সাধূতি সম্পটিচ্ছিয;
একোকাসং নাগরানং,
যাচেতুং এৰমব্রৰী.
দানংসত্তসতকংহং ¶ ,
কত্তেদজ্জং সুৰেততো;
পরস্ৰে নিক্খমিস্সামি,
রত্তিংদিৰং খমন্তুমে.
সাধুদেৰপৰক্খামি,
খমাপেতুংনিসাদিৰং;
নাগরানংতিৰত্ৰান,
তদাকত্তাপিপক্কমি.
মহাসত্তোমহাযেন- ¶
কুত্তংসকলকম্মিকং;
পক্কোসাৰিযস্ৰেদানং,
এৰংব্যাকাসিদাতৰে.
হত্থীঅস্সেরতেইত্থী,
দাসীদাসেচধেনুযো;
পটিযাদেহিত্ৰংসত্ত-
সতেচাগাযমারিস.
অথোনানপ্পকারানি,
অন্নপানানিসব্বসো;
সুরংপি পটিযাদেহি,
সব্বংদাতব্বযুত্তকং.
এৰংসোব্যাকরিত্ৰান ¶ ,
পেমচিত্তেনচোদিতো;
একোৰমদ্দিযারম্মং,
পাসাদমভিরূহথ.
রত্তচন্দন গন্ধেহি,
গন্ধোদকেহিৰাসিতং;
সোপাৰেক্খিসিরীগব্ভং,
মদ্দীদেৰীনিৰাসনং.
মদ্দীদিস্ৰানআযন্তং ¶ ,
ম্হিতাননেনসামিকং;
উট্ঠাসিআসনাসীঘং,
রেণুমত্তাৰকিন্নরী.
উট্ঠাহিত্ৰানসামদ্দী,
ৰামহত্থেসু রাজিনো;
দক্খিণে নসহত্থেন,
গণ্হিত্থমন্দহাসিনী.
ততোসিরিসযনম্হি ¶ ,
নসিন্নংসকসামিকং;
বীজযন্তীৰসাট্ঠাসি,
মদ্দীসঞ্ঞতৰাসিনী.
মদ্দিংঅঙ্কেট্ঠপেত্ৰাথ,
গণ্হংহত্তেসুদেৰিযা;
মুখংমুখেনকত্ৰান,
রাজামন্দমভাসথ.
যংতেসচেমযাদিন্নং,
যঞ্চতেপেত্তিকংধনং;
সব্বংতংনিদহেয্যাসি,
ভদ্দেকোমারপেমিকে.
তহিংনৰুত্তপুব্বংমে ¶ ,
সামিকেনমমীদিসং;
কদাচিএত্থকংকালং,
মদ্দীএৰঞ্হিচিন্তযি.
ততো উব্বিগ্গচিত্তেন,
মদ্দীএৰ মভাসথ;
কুহিং দেৰ নিদহামি,
তংমে অক্খাহি পুচ্ছিতো.
সীলৰন্তেসু ¶ দুজ্জাসি,
দানং মদ্দী যথারহং;
নহিদানা পরংঅত্থি,
পতিট্ঠা সব্বপাণিনং.
নিধানং নাম এতংৰ,
ধনানং নন্দিৰড্ঢনে;
দানংহি নিধি সত্তানং,
এৰংব্যাকাসি খত্তিযো.
মদ্দীৰত্ৰান ¶ সাধূতি,
ওনমিত্ৰা সিরুত্তমং;
সম্পটিচ্ছি ততো রাজা,
পুনাপি এৰমব্রৰী.
জালিম্হিমদ্দিদযেসি,
সাধুকণ্হাজিনাযচ;
গারৰংনিৰাতংকাসি,
সস্সুযাসস্সুরম্হিচ.
যোহিতং পেম চিত্তেন,
মযাৰিপ্পৰসেন তে;
ইচ্ছে চেভৰিতুং অত্তা,
সক্কচ্চং তংউপট্ঠহে.
সচে ¶ এৰং নভৰেয্য,
ভত্তারং মাদিসং ৰিযং;
পরিরে সেহি অঞ্ঞং ত্ৰং,
মাকি স্সিত্থো মযাৰিনা.
তদাহি দুম্মুখী মদ্দী,
রাজান মেৰ মব্রৰী;
দুস্সুতং ৰত সুণোমি,
ঈদিসং কিন্নুভাসসি.
ৰিযাচিক্খামি ¶ মেভ দ্দে,
সকলং দানি কারিণং;
হত্থিদানেনকুজ্ঝন্তি,
সমগ্গা সিৰযো মম.
পব্বাজেন্তি মমং তেন,
সিৰযো সিৰিরট্ঠতো;
মহাদানং দদিস্সামি,
সুৰে কোমারসঙ্গমে.
পরস্ৰে নিক্খমিস্সামি,
রট্ঠা একোৰ সোভণে;
নানাভযেহি সংকিণ্ণং
ৰঙ্কং গচ্ছামি পব্বত.
পাণীকতপিযে ¶ জালিং,
কণ্হাজিনঞ্চ অত্তজং;
তঞ্চওহায গচ্ছেয্যং,
ৰসেয্যং এককোৰনে.
রঞ্ঞো সুত্ৰান সঙ্কম্পি,
ৰচনংসোকৰড্ঢনং;
মালুতেরিতপত্তংৰ,
মদ্দীযা হদযং তদা.
মামমেৰমৰচুত্থ ¶ ,
কম্পেসি হদযং মম;
তত্ততেলেনসিত্তংৰ,
সরিরং রাজ দয্হতে.
নেসধম্মো মহারাজ,
যং ত্ৰং গচ্ছেয্য এককো;
অহংপি তেন গচ্ছামি,
যেনগচ্ছসি খত্তিয.
মরণংৰা ¶ তযা সদ্ধিং,
জীৰিতংৰা তযা ৰিনা;
তদেৰ মরণং সেয্যো,
যঞ্চেজীৰে তযাপিনা.
অগ্গিং উজ্জালযিত্ৰান,
একজাল সমাহিতং;
তত্থে ৰমরণং সেয্যো,
যঞ্চে জীৰে তযা ৰিনা.
চরন্তা রঞ্ঞনাগংৰ,
দুগ্গেস্ৰন্ৰেত্তি হত্থিনী;
এৰংতং ¶ অনুগচ্ছামি,
পুত্তেআদাযপচ্ছতো.
ৰিমংসেতুং তদা রাজা,
মানসং মদ্দিদেৰিযা;
নানাভযং পকাসেন্তো,
এৰংব্রৰি ভযাপযং.
ৰিযাচিক্খামি ¶ তেসচ্চং,
ৰনম্হি মুদুমানসে;
নানাভযং খরং ঘোরং,
হেস্মং হদযকম্পনং.
কেসরীনাম যেভদ্দে,
মিগরাজা খরস্সরা;
হিং সন্তিং তে সসদ্দেন,
মিগেতিক্খগ্গ দাঠিনো.
দীপীব্যগ্ঘাকণ্হাচ্ছাচ,
তিক্খগ্গ নখ ধারিনো;
খগ্গা ¶ ৰনমহিংসাচ,
তিক্খগ্গসিঙ্গধারিনো.
তিক্খগ্গ নখ সিঙ্গেহি,
এতে পোসংপি ছিন্দিয;
খণ্ডাখণ্ডং করিত্ৰান,
মূলালংৰিয ভক্খরে.
যাচযক্খিনিযোযক্খা,
বহূমনুস্সখাদকা;
নরংনারিং গৰেসন্তি,
দুম্মুখা খগ্গপাণিনো.
অথো ¶ অজগরাসপ্পা,
ঘোরৰীসাচ ৰিজ্জরে;
ৰিংসাচা রক্খসাৰাল়া,
সজ্জুলোহিতভোজনা.
অঞ্ঞেপি বহৰোসন্তি,
ভযাভেস্মকারকা;
কিংনভাযসি এতেসং,
ভযানং ভযমানসে.
মা ¶ মমং ত্ৰং নুগচ্ছাহি,
গচ্ছন্তং ভযসংযুতং;
ৰনং ইধেৰ অচ্ছাহি,
ৰুত্তেহিসহভীরুকে.
ত্ৰেকদাসিরিগব্ভম্হি,
ৰসন্তী সহমে সুভে;
সুত্ৰাগৰেসিতাণঙ্কে,
কিংমে মঞ্জারগজ্জিতং.
ত্ৰেকদাকিংৰিবোধেসি ¶ ,
ভেমিভেমীতি ভাসিয;
রত্তিযং হি সযন্তং মং,
সুত্ৰা নুলুঙ্কৰস্সিতং.
ত্ৰেকদা মেঘসদ্দংহি,
সুত্ৰাদিৰা মমন্তিকং;
ধাৰিত্ৰামং পরিস্সজ্জ,
কিং মুচ্ছিলোমহংসীনী.
এৰংভয ¶ চঞ্চলায,
সুখুমালায দেৰিযা;
নালংহি ৰসিতুংরঞ্ঞে,
ভেস্মে অৰনৰাসিকে.
মদ্দীসুত্ৰান রাজস্স,
ভাসিত্তং থীরমানসা;
ৰিসারদেন চিত্তেন,
সামিকং এৰমব্রৰী.
তযিমে পেম চিত্তঞ্চ,
অরঞ্ঞে ভযমানসং;
তযিতেসুমহারাজ ¶ ,
সুতিক্খং পেম চেতসং.
সন্দতে সীঘসোতংমে,
তযিসাগর সন্নিভে;
নিচ্চংপেমোদকংরাজ,
গঙ্গোদকংৰ সাগরে.
মরণংপেমচিত্তেন,
জীৰিতং ভয চেতসা;
তদেৰ মরণংসেয্যো,
যঞ্চেতং জীৰিতংচিরং.
পাকারং ¶ মমূরংরাজ,
কত্ৰান পুরতোৰনং;
নানাভযং নিৰারেন্তী,
গচ্ছং হংৰেরহিংসিনী.
তযিহং পেমচিত্তাসিং,
গহেত্ত্ৰা ৰঙ্কপব্বতে;
ফলাফলংগৰেসন্তী,
ৰসেয্যামি তযাসহ.
এৰংঞ্হি ¶ সূরভাৰং সা,
দস্সযিত্ৰান অত্তনো;
হিমৰন্ত ৰাসিনীৰ-
রাজানং ৰীতিতোসযি.
যদাদক্খসিনচ্চন্তে,
কুমারে মালধারিনে;
কীল়ন্তে অস্সমেরম্মে,
নরজ্জস্স সরিস্সসি.
যদাদক্খসিগাযন্তে ¶ ,
অঞ্ঞোঞ্ঞমুখদস্সিনে;
কুমারেৰনগুম্বম্হি,
নরজ্জস্স সরিস্সসি.
যদাদক্খসিমাতঙ্গং,
সাযংপাতংব্রহাৰনে;
অসহাযংৰিচরন্তং,
নরজ্জস্স সরিস্সসি.
নাদংকরেণুসঙ্ঘস্স ¶ ,
নদমানস্সপূরতো;
নাগস্সৰজতোসুত্ৰা,
নরজ্জস্সসরিস্সসি.
মিগংদিস্ৰানসাযন্হং,
পঞ্চমালিনমাগতং;
কিং পূরিসেচনচ্চন্তে,
নরজ্ঝস্সসরিস্সসি.
যদাসুস্সসিনিগ্ঘোসং ¶ ,
সন্দমানাযসিন্ধুযা;
গীতংকিংপুরিসানঞ্চ,
নরজ্জস্সসরিস্সসি.
সরতস্সচসীহস্স,
ব্যগ্ঘস্সচ্ছস্সদিৰিনো;
সদ্দং সুত্ৰানখগ্গস্স,
নরজ্জস্সসরিস্সসি.
যদামোরীহিপরিকিণ্ণং ¶ ,
ৰিচিত্রপুচ্ছপক্খিনং;
মোরংদক্খসিনচ্চন্তং,
নরজ্জস্স সরিস্সসি.
যদাদক্খসি হেমন্তে,
পুপ্ফিতেধরণীরুহে;
সুরব্ভিসম্পৰাযন্তে,
নরজ্জস্স সরিস্সসি.
যদা ¶ হেমন্তি কেমাসে,
হরিতং দক্খসি মেদনিং;
ইন্দগোপক সঞ্ছন্নং,
নরজ্জস্স সরিস্সসি.
তদাহিফুস্সতীদেৰী,
ঠিতাসি পুত্তসোকিনী;
সীরীপগব্ভস্সদ্ৰারম্হি,
ৰিমংসন্তীকথাকথং.
কলুনংপরিদেৰিত্থ ¶ ,
অঞ্ঞোঞ্ঞাভাসিতংগিরং;
সুত্ৰানফুস্সতীদেৰী,
ৰুত্তস্সসুণিসাযচ.
ৰিসংমেখাদিতংসেয্যো,
পব্বতাচ পপাতনং;
মতঞ্চরজ্জুযাবজ্ঝ,
নত্থত্থোজীৰিতেনমে.
অজ্ঝাযকং ¶ দান পতিং,
যসস্সিনং অমচ্ছরিং;
কস্মা ৰেস্সরং পুত্তং,
পব্বাজন্তি অদূসকং.
পূজিতং পতিরা জূহি,
সব্বলোকহি তেসিনং;
কস্মা ৰেস্সন্তরং ৰুত্তং,
পব্বাজেন্তিঅদূসকং.
কলুনং পরি দেৰিত্ৰা,
অস্সা সেত্ৰান ফুস্সতী;
ৰুত্তঞ্চ সুণিসং সীঘং,
অগা সিঞ্চয সন্তিকং.
ততোতং ¶ সিঞ্চযংদেৰী,
ৰিসট্ঠা এতদব্রৰী;
নানূপাযং পকাসেন্তী,
ৰিচিত্ত ৰাদ ৰিঞ্ঞুনী.
মধূনিৰ পলা তানি,
অম্বাৰপতি তাছমা;
এৰংহে স্সতিতে রট্ঠং,
পব্বাজিতেঅদূসকে.
হংসো ¶ নিখীণ পত্তোৰ,
পল্লস্মিং অনূদকে;
অপৰিট্ঠো অমচ্চেহি,
একোরাজাৰিহিয্যসি.
তন্তংব্রূমি মহারাজ,
অত্থোতেমা উপচ্চগা;
মানংসিৰীনংৰচনা,
পব্বাজেসিঅদূসকং.
দেৰিযাৰচনংসুত্ৰা ¶ ,
ধম্মরাজাধম্মঞ্চরো;
ধম্মেনধম্মিকংব্রূসি,
মহেসিং পুত্তসোকিনিং.
এসোৰেস্সন্তরোভদ্দে,
পাণাপিযতরোহিমে;
তথাপিনং পব্বাজেমি,
ধম্মসত্থৰসানুগো.
সীৰিরট্ঠম্হিপোরাণ- ¶
রাজূনংধম্মতন্তিযা;
অহঞ্হিপচিতিংকুম্মি,
ৰিনযন্তোমমোরসং.
রঞ্ঞোতং ৰচনংসুত্ৰা,
খিন্নাহদযকম্পিনী;
পুনসাপরিদেৰন্তী,
এৰংৰিলৰিফুস্সতী.
যস্সপুব্বেধজগ্গানি,
কণিকারাৰপুপ্ফিতা;
যাযন্তমনুযাযন্তি,
স্ৰজ্জেকোৰগমিস্সতি.
ইন্দগোপকৰণ্ণাভা ¶ ,
গন্ধারা পণ্ডুকম্পলা;
যাযন্তমনুযাযন্তি,
স্ৰজ্জেকোৰগমিস্সসি.
যোপুব্বেহত্থিনাযাতি,
সিৰিকাযরথেনচ;
স্ৰজ্জৰেস্সরোরাজা,
কথংগচ্ছতিপত্থিকা.
কথংচন্দনলিত্তঙ্গো ¶ ,
নচ্চগীতপবোধনো;
খুরাজিনং ফরুসঞ্চ,
খারিকাজঞ্চহাহিতি.
পৰীসন্তো ব্রহারঞ্ঞং,
কাসাৰং অজিনা নিৰা;
খরং কুস মযং চীরং,
কথং পরি দহিস্সতি.
কাসিযানিচ ¶ ধরেত্ৰা,
খোমকো টুম্পরানিচ;
কুসচীরানি ধারেন্তী,
কথংমদ্দীকরিস্সতি.
ৰয্হাহি পরিযাযিত্ৰা,
সিৰিকায রথেনচ,
সাকথজ্জ অনুজ্ঝঙ্গী,
পথং গচ্ছতি পত্থিকা.
সুখেধিতাহিহিরঞ্ঞ- ¶
পাদুকারুল়্হগামিনী,
সাকথজ্জসুখানন্দী,
পথংগচ্ছতিপত্থিকা.
গন্ত্ৰাইত্থিসহস্সানং,
পূরতোযাহিমালিনী;
সাকথজ্জযসানন্দী,
ৰনংগচ্ছতিএকিকা.
সদ্দংসিৰাযসুত্ৰাযা ¶ ,
মুহুংউত্তস্সতেপুরে;
ৰসন্তীসাব্রহারঞ্ঞে,
কথং ৰচ্ছতিভীরুকা.
সদ্দংসুত্ৰানুলুঙ্কস্স,
মুহুংউত্তসতেপুরে;
ৰসন্তীসাব্রহারঞ্ঞে,
কথংৰচ্ছতিভীরুকা.
সকুণীহত ¶ পুত্তাৰ,
সুঞ্ঞংদিস্ৰা কুলাৰকং;
চীরংদুক্খেন ঝাযিস্সং,
সুঞ্ঞংআগম্মিমংপুরং.
কুরুরী হতছাপাৰ,
সুঞ্ঞংদিস্ৰা কুলাৰকং;
তেনতেন পধাৰিস্সং,
পিযেপুত্তেঅপস্সতী.
এৰংমেৰিল ¶ পন্তিযা,
রাজপুত্তং অদূসকং;
পব্বাজেসি ৰনংরট্ঠা,
মঞ্ঞেহিস্সামিজীৰিতং.
ফুস্সত্যা লৰিতংসুত্ৰা,
সব্বা সিঞ্চযরা জিনো;
বাহাপগ্গয্হ পক্কন্দুং,
সিৰিকঞ্ঞা সমাগতা.
পক্কন্দিতরৰংতাসং ¶ ,
সুত্ৰা সোকপমদ্দিতা;
সিৰিকঞ্ঞাচ পক্কন্দুং,
ৰেস্সন্তরনিৰেসনে.
ওরোধাচ কুমারাচ,
ৰেসিযানা ব্রহ্মণা;
বাহাপগ্গয্হপক্কন্দুং,
ৰেস্সন্তরনিৰেসনে.
হত্থারোহাঅনীকট্ঠা ¶ ,
রথিকা পত্থিকারকা;
বাহাপগ্গয্হ পক্কন্দুং,
ৰেস্সন্তর নিৰেসনে.
তস্সারত্যা অচ্চযেন,
সূরিযে উগ্গতেসতি;
আরোচযিংসু রাজানং,
দানগ্গং উপগন্তৰে.
অথপাতোৰ সোরাজা,
ন্হত্ৰাভূসন ভূসিতো;
দানসাল মুপাগঞ্ছি,
মহাজন পুরক্খতো.
দানসালাসু ¶ দাতব্বং,
দিস্ৰান পটিযাদিতং;
অমচ্চেৰ মাণাপেসি,
রাজাভি তুট্ঠমানতো.
ৰত্তানিৰত্থকামানং,
সোণ্ডানং দেথৰারুণিং;
ভোজনং ভোজনত্থিনং,
সম্মদেৰ পৰচ্ছথ.
যেযংযং ¶ লদ্ধুমিচ্ছন্তি,
তংতংতস্সপৰচ্ছথ;
মাযাচকে নিৰারেথ,
দানসালাসু আগতে.
তদাসিযং ভীসনকং,
তদাসি লোমহংসনং;
মহাদানে পদিন্নম্হি
মেদিনী সম্পকম্পথ.
পরিদেৰিংসু ৰেস্সন্ত্ত-
ররাজং পতিতাৰদে;
পকিত্তেত্ৰান নানপ্প-
কারং এৰং ৰণিব্বকা.
অম্হেহিত্ৰান ¶ ৰেস্সন্ত-
ররাজা দানদাযকো;
অচিরে নেৰ রট্ঠম্হা,
নিক্খমিস্সতিকাননং.
সত্তহত্থিসতেদত্ৰা,
সব্বালঙ্কার ভূসিতে;
এসৰেস্সন্তরো সম্হা,
রট্ঠম্হা নিক্খমিস্সতি.
সত্তঅস্স সতে দত্ৰা,
সিন্ধৰে সীঘ ৰাহনে;
এস ৰেস্সন্তরোসম্হা,
রট্ঠম্হা নিক্খমিস্সতি.
রথেসত্তসতেদত্ৰা ¶ ,
সন্নন্ধে উস্সিতদ্ধজে;
এস ৰেস্সন্তরোসম্হা,
রট্ঠম্হা নিক্খমিস্সতি.
সত্তকঞ্ঞা সতেদত্ৰা,
সুরূপিনী ৰিভূসিতা;
এস ৰেস্সন্তরোসম্হা,
রট্ঠম্হা নিক্খমিস্সতি.
সত্তধেনু ¶ সতে দত্ৰা,
সব্বাকংসু পধারণা;
এসৰেস্সন্তরোরাজা,
সম্হারট্ঠানিরচ্ছতি.
সত্তদাসি সতে দত্ৰা,
সত্তদাস সতানিচ;
এসৰেস্সন্তরোরাজা,
সম্হারট্ঠানিরচ্ছতি.
অথেত্থৰত্ততেসদ্দো,
তুমুলোভে রৰোমহা;
সমাকুলং পুরংআসি,
অহোসি লোমহংসনং.
সোদত্ৰান ¶ মহাদানং,
ৰেস্সন্তরো অমচ্ছরী;
পুরক্খতো অমচ্চেহি,
অগাসকনিৰেসনং.
ততোহি মদ্দিযাসদ্ধিং,
মাতাপিতূন সন্তিকং;
ৰন্দনত্থায অগঞ্ছি,
অলঙ্কত রথেনসো.
ৰন্দিত্ৰা ¶ পিতরংবোধি-
সত্তোব্রৰিকতঞ্জলী;
এৰংআৰীকরোন্তোৰ,
গমিস্সমানঅঞ্জসং.
মমংতাত পব্বাজেসি,
যম্হারট্ঠা অদূসকং;
সিৰীনং ৰচনত্থেন,
তেনং-গচ্ছামি কাননং.
সুৰেঅহং মহারাজ,
সূরিযুগ্গ মনে সতি,
নিক্খমিস্সামি রট্ঠম্হা,
ৰঙ্কং গচ্ছামি পব্বতং.
ৰনেৰাল় ¶ মিগাকিণ্ণে,
খগ্গদীপিনিইসে ৰিতে;
অহংপুঞ্ঞানি করোমি,
তুম্হে পঙ্কম্হী সীদথ.
ততোসোতরমানোৰ,
গন্ত্ৰানমাকুসন্তিকং;
ৰন্দমানোআরোচিত্ত,
এৰংঞ্হিসকমাতুযা.
অনুজানাহিমংঅম্মা,
গচ্ছামিৰঙ্কপব্বতং;
ৰনেপুঞ্ঞানিকাহামি ¶ ,
পব্বজ্জামমরুচ্চতি.
তংসুত্ত্ৰারুণ্ণমুখেন,
জননীএৰমব্রৰী;
অনুজানামিতংৰুত্তং,
পব্বজ্জাতেসমিজ্ঝভু.
অযঞ্হিৰুত্ত মেমদ্দী,
সুণ্হা সুখুমৰদ্ধিনী;
অচ্ছতং সহ ৰুত্তেহি,
কিং অরঞ্ঞেকরিস্সতি.
মাতুযাৰচনংসুত্ৰা ¶ ,
ৰেস্সন্তরো কতঞ্জলী;
ম্হিতপুব্বমভা সিত্ত,
ঞাপেন্তোঅত্তনোমতিং.
নাহংঅকা মাদাসংৰি,
অরঞ্ঞংনেতু মুস্সহে;
সচেইচ্ছ তিঅন্ৰেতু,
সচেনিচ্ছতি অচ্ছতু.
ততোসুণ্হংমহারাজা ¶ ,
যাচিতুংপটিপজ্জথ;
মাচন্দনসমাচারে,
রজোজল্লংমধারযি.
কাসিযানিচধারেত্ৰা,
কুসচীরমধারযি;
দুক্খোৰাসোঅরঞ্ঞস্মিং,
মাহিত্ৰংলক্খণেগমি.
ততো ¶ পতিব্বতা সুণ্হা,
সস্সুরং এৰমব্রৰী;
নাহং তংসুখমিচ্ছয্যং,
যংমে ৰেস্সন্তরং ৰিনা.
ততো সুণ্হং মহারাজা,
দুস্সহানি ব্রহাৰনে;
নানাভযানি ঞাপেন্তো,
ৰনং যাচি অগন্তৰে.
যান সন্তি মহারাজ,
ভযানিতানি কাননে;
সব্বানি ¶ হং সহিস্সমি,
অনুগচ্ছামি মেপতিং.
পূরতোহং গমিস্সামি,
দদন্তী ভত্থুনো পথং;
উরসা পনুদহিত্ৰান,
কুস নল় ৰনাদযো.
বহূহি ৰতৰরিযাহি,
কুমারী ৰিন্দতে পতিং;
ৰেধব্যং কটুকং লোকে,
গচ্ছঞ্ঞেৰ রথেসভ.
নানাকারেহি ¶ পীল়েন্তি,
অনাথংৰিধৰং জনা;
অতিৰাক্যেন ভাসন্তি,
মিত্তাচাপি সলোহিতা.
নগ্গা নদী অনূদকা,
নগ্গং রট্ঠং অরাজকং;
ইত্থীপি ৰিধৰা নগ্গা,
যস্সাসুংদস ভাতরো.
ধজো ¶ রথস্স পঞ্ঞানং,
ধুমো পঞ্ঞা নমগ্গিনো;
রাজা রট্ঠস্স পঞ্ঞানং,
ভত্তা পঞ্ঞানমিত্থিযা.
যা দলিদ্দস্স পোসস্স,
দলিদ্দী ভরিযা সিযা;
অড্ঢা অড্ঢস্স রাজিন্দ,
তং ৰে দেৰা পসংসরে.
কথং নুতাসং হদযং,
সুখরাৰত ইত্থিযো;
যা ¶ সামিকে দুক্খিতম্হি,
সুখমিচ্ছন্তি অত্তনো.
অপিসাগরপরিযন্তং,
বহুৰিত্তধরংমহিং;
নানারতনপরিপূরং,
নিচ্ছেৰেস্সন্তরংৰিনা.
সামিকং অনুগচ্ছিস্সং,
অহং কাসাযৰাসিনী;
ধীরত্থুতং ¶ নিস্সীরিকং,
ৰেধব্যংযঞ্চ নারিযা.
সুণ্হায ভাসিতং সুত্ৰা,
সস্সুরো নিক্খিপেতৰে;
দুৰে ইধেৰ নত্তারো,
সুণ্হংসো এৰ মব্রৰী.
ইমেতে দহরাপুত্তা,
জালীকণ্হাজিনা চুভো;
নিক্খিপ্প লক্খণে গচ্ছ,
মযংতে পোসিসামসে.
পিযামে ¶ পুত্তকা দেৰ,
জালী কণ্হাজিনা চুভো;
ত্যম্হং তত্থ রমেস্সন্তি,
অরঞ্ঞে জীৰিসো কিনং.
পুত্তেনেত্ৰান গচ্ছাম,
দ্ৰেমযং ৰঙ্কপব্বতং,
দক্খমানা ৰসিস্সাম,
এতে পমোদমানসা.
সুণমানা ¶ ৰসিস্সাম,
গীতঞ্চ ৰিযভাণিনং;
এতেসং নচ্চমানানং,
অরঞ্ঞে মালধারিনং.
সুণ্হায ভাসিতংসুত্ৰা,
সস্সুরোখিন্ন মানসো;
এৰঞ্হিসো ৰিলৰিত্থ,
পটিচ্চদারকে দুৰে.
সালিনং ¶ ওদনং ভুত্ৰা,
সুচিং মংসুপসেচনং;
রুক্খফলানি ভুঞ্জন্তা,
কথংকাহন্তি দারকা.
ভুত্ৰা সতপলে কংসে,
সোৰণ্ণে সতরাজিতে;
রুক্খপত্তেসু ভুঞ্জন্তা,
কথংকাহন্তি দারকা.
কাসিযানিচ ধারেত্ৰা,
খোম কোটুম্পরানিচ;
কুসচীরানি ¶ ধারেন্তা,
কথং কাহন্তি দারকা.
ৰয্হাহিপরিযাযিত্ৰা,
সিৰিকায রথেনচ;
পত্থিকা পরিধাৰন্তা,
কথং কাহন্তি দারকা.
কুটাগারে সযিত্ৰান,
নিৰাতে ফুসিতগ্গলে;
সযন্তা রুক্খমূলস্মিং,
কথংকাহন্তি দারকা.
পল্লঙ্কেসু ¶ সযিত্ৰান,
গোনকে চিত্তসন্থতে;
সযন্তা তিণসন্থারে,
কথংকাহন্তি দারকা.
গন্ধকেন ৰিলিম্পেত্ৰা,
অগলুচন্দনেনচ;
রজোজল্লানি ধারেন্তা,
কথংকাহন্তি দারকা.
চামরী ¶ মোর হত্থেহি,
বীজিতঙ্গা সুখেধিতা;
ফুট্ঠা ডংসেহি মকসেহি,
কথংকাহন্তি দারকা.
তহিংৰংব্রৰি রাজানং,
ৰিলপন্তং সোকট্টিতং;
পটিচ্চ দারকে সুণ্হা,
ৰেস্সন্তরপিযঞ্জনা.
মা ¶ দেৰ পরিদেৰেসি,
মাচ ত্ৰং ৰিমনোঅহু;
যথামযং ভৰিস্সাম,
তথা হেস্সন্তি দারকা.
এৰঞ্হি সল্লপন্তানং,
তেসং খত্তিযজাতিনং;
অঞ্ঞোঞ্ঞং ৰিভাতা রত্তি,
সমুগ্গঞ্ছিত্থ সূরিযো.
তদানেত্ৰা ¶ ঠপযিংসু,
চতুসিন্ধৰযুঞ্জিতং;
অলঙ্কত রথংরাজ-
দ্ৰারে মঙ্গলসম্মতং.
ৰন্দিত্ৰা সস্সুরে মদ্দী,
আদায পুত্তকে দুৰে;
ভত্তুনো পুরতো গন্ত্ৰা,
পথমং রথমারুহি.
ততোৰেস্সন্তরোমাতা-
পিতরো অতিৰন্দিয;
পদক্খিণঞ্চ কত্ৰান,
সীঘসো রথমারুহি.
ততো ¶ মঙ্গলদ্ৰারেন,
রথং পেসেসি লঙ্কতং;
তোসাপযং মহাসত্তো,
মদ্দিং জালিস্স মাতরং.
পথন্তেসু ভিৰন্দন্তি,
সক্কচ্চং বহৰো জনা;
ৰেস্সন্তরঞ্চ মদ্দিঞ্চ,
পস্সমানা কতঞ্চলী.
আপুচ্ছন্তোচ ¶ পক্কামি,
গচ্ছিস্সামীহি পত্থযং;
নিদুক্খা সুখিতাহোথ,
ইতিসো ৰন্দকে জনে.
রথে ঠিতোৰ সোরাজা,
ওৰদন্তো অপক্কমি;
দানআদীনি পুঞ্ঞানি,
করোথাতি মহাজনং.
গচ্ছন্তে বোধিসত্তম্হি,
মাতা এৰঞ্হি চিন্তযি;
দাতুকামোসি মেৰুত্তো,
পট্ঠায জাতকালতো.
ততোদানং ¶ দদোপেতুং,
পুত্তংরতন পূরিতে;
পুত্তস্সুভোসু পস্সেসু,
পেসেসি সকটেবহূ.
ৰেস্সন্তরোহি সম্পরোহি সম্পত্ত-
যাচকানং অসেসকং;
অট্ঠারসৰারে দাসি,
কাযারুল়্হংপিঅত্তনো.
নগরা ¶ নিক্খমন্তম্হি,
ৰেস্সন্তরেস পেত্তিকং;
নগরং দট্ঠুকামোসি,
তদা সঙ্কম্পি মেদনী.
তহিং রথপ্পমাণম্হি,
ঠানে ভিজ্জিয মেদনী,
পরিৰত্তিত্থ কুলাল-
চক্কংৰনগরামুখী.
নগরং ওলোকেত্ৰান,
নগরাভিমুখে রথে,
ঠিতোমদ্দিংপি দক্খেতুং,
এৰংসোব্রৰি হাসযং.
ইঙ্ঘ ¶ মদ্দি নিসামেহি,
রম্মরূপংৰ দিস্সতি;
আৰাসো সিৰিসেট্ঠস্স,
পেত্তিকং ভৰনং মম.
সহজাতঅমচ্চেচ,
নিৰত্তেত্ৰা মহাজনং;
রথং পাজেসি সো সীঘং,
মোদন্তোমদ্দিযাততো.
অন্ৰাগমিংসু ¶ পাজেন্তং,
চত্তারো ব্রহ্মণা তহিং;
যাচিতুং সিন্ধৰে এতে,
মদ্দী পস্সিত্থ তাৰদে.
মদ্দীপি মন্দসদ্দেন,
যাচকা ৰিয আগতা;
ইত্যারোচেসি ভত্তারং,
গণ্হন্তী তস্স পিট্ঠিযং.
সাধু ¶ ভদ্দেতি ৰত্ৰান,
রথস্সাগমনং অকা;
ব্রহ্মণা উপগন্ত্ৰান,
যাচিংসু সিন্ধৰে তহিং.
মোদমানোৰ সোদাসি,
ব্রহ্মণানং সুসিন্ধৰে;
ব্রহ্মণাদায গঞ্ছিংসু,
অস্সেসক নিৰেসনং.
অস্সেসু পন দিন্নেসু,
চত্তারো দেৰপুত্তকা;
রোহিচ্চমিগৰণ্ণেন,
রথং ৰহিয গঞ্ছিসুং.
দেৰা ¶ রোহিচ্চৰণ্ণেন,
ৰহন্তীতি সুবুদ্ধিমা;
ৰিজানিত্ৰান মদ্দিংপি,
ঞাপেন্তো এৰমব্রৰী.
ইঙ্ঘপ্মদ্দি নিসামেহি,
চিত্তরূপংৰ দিস্সতি;
মিগরো হিচ্চৰণ্ণেন,
দক্খিণস্সাৰহন্তিমং.
মদ্দীচেৰং ¶ নিচ্ছারেসি,
গিরং অচ্ছেররূপিনী;
ৰেস্সন্তরস্সতেজেন,
রথংৰহন্তিদেৰতা.
আগন্ত্ৰান রথং যাচি,
অপরো ব্রাহ্মণো ততো;
বোধিসত্তোপিসোদাসি,
রথং তস্স অনিগ্ঘিযং.
সকপ্পিযে দদন্তম্হি,
মদ্দী পহট্ঠমানসা;
সাধুকারং পৰত্তেসি,
সদা মচ্ছেরহিংসিনী.
দিন্নে ¶ রথম্হি অন্তর-
ধারিযিংসু দেৰপুত্তকা;
সব্বে তে পত্থিকা আসুং,
রাজামদ্দিং তদাব্রৰী.
ত্ৰং মদ্দি কণ্হংগণ্হাহি,
লহুএসা কনিট্ঠকা;
অহং জালিং গহেস্সামি,
গরুকো ভাতিকোহিসো.
রাজা ¶ কুমারমাদায,
রাজপুত্তীচ দারিকং;
সম্মোদমানা পক্কামুং,
অঞ্ঞমঞ্ঞ পিযং ৰদা.
আগচ্ছন্তে পটিপথং,
দিস্ৰান অদ্ধিকেজনে;
এৰং পুচ্ছিযগঞ্ছিংসু,
কুহিং ৰঙ্কতপব্বতো.
কলুণং ¶ পরিদেৰিত্ৰা,
পুচ্ছিতা অদ্ধিকাজনা;
এৰং তে পটিৰেদেসুং,
দূরেৰঙ্কতপব্বতো.
মগ্গাসন্নেসু পস্সন্তা,
দারকা ফলিনে দুমে;
তেসংফলানং হেতুম্হি,
পিতরো উপরোদরে.
রোদন্তে দারকে দিস্ৰা,
উব্বিগ্গা ৰিপুলা দুমা;
যসমেৰোনমিত্ৰান,
উপগচ্ছন্তি দারকে.
ইদং ¶ অচ্ছেরকং দিস্ৰা,
মদ্দী সসঙ্কসন্নিভা;
পিতিপুণ্ণেন কাযেন,
এৰংগাযিত্থ নন্দনা.
অচ্ছেরং ৰত লোকস্মিং,
অব্ভূতং লোমহংসনং,
ৰেস্সন্তরস্স তেজেন;
সযমে ৰোনতা দুমা.
সংখিপিংসু ¶ পথং যক্খা,
অনুকম্পায দারকে;
নিক্খন্তদিৰসেনেৰ,
জেতরট্ঠমুপাগমুং.
একাহেনেৰতে তিংস-
যোজনানি অতিক্কমুং;
সাযন্হে মাতুলংনাম,
সম্পত্তা নগরং সুভং.
নগরস্সস্স দ্ৰারম্হি,
সালাযং নিসিদিং সুতে;
খেদং ৰিনোদমানাৰ,
তোসেন্তা দারকে দুৰে.
মদ্দীপি ¶ বোধিসত্তস্স,
রজং পাদেসু পুঞ্ছিয;
সম্বহিত্ৰান পাদেচ,
ৰিজযন্তী ঠিতা তদা.
সালায নিক্খমিত্ৰান,
ভত্তুচক্খুপথে ঠিতা;
দিসোদিসং ওলোকেসি,
মদ্দী কন্তারখেদিনী.
জেতিযো ¶ পরিৰারিংসু,
দিস্ৰান অসহাযিকং
মদ্দিং এৰংউগ্ঘোসিংসু,
ইত্থী ইচ্ছেররূৰিনী.
ৰয্হাহি পরিযাযিত্ৰা,
সিৰিকায রথেনচ;
সাজ্জ মদ্দীঅরঞ্ঞস্মি,
পত্থিকা পরিধাৰতি.
অনাথাগমনং মদ্দিং,
ভত্তারা পুত্তকেহিচ,
দিস্ৰাগন্ত্ৰানা চিক্খংসু,
জেতিন্দানং খণেন তা.
তং ¶ সুত্ৰা জেতপামোক্খা,
রোদমানা উপাগমুং;
ৰেস্সন্তরস্স পাদেস,
নিপচ্চ ইতি পুচ্ছিসুং.
কিচ্চিনু দেৰ কুসলং,
কিচ্চি দেৰ অনামযং;
কিচ্চিপিতা অরোগোতে,
সিৰীনঞ্চ অনামযং;
কো তে বলং মহারাজ,
কোনু তে রথমণ্ডলং.
অনস্সকো ¶ অরথকো,
দীঘমদ্ধান মাগতো;
কিচ্চামিত্তেহি পকতো,
অনুপ্পত্তো সিমংদিসং.
অথ ৰেস্সন্তরোরাজা,
আগতহেতুমত্তনো;
ঞাপেতুং জেতরাজূনং,
ইমাগাথা অভাসথ.
কুসলঞ্চেৰ ¶ মেসম্ম,
অথো সম্ম অনামযং;
অথো ৰিভা অরোগোমে,
সিৰীনঞ্চ আনামযং.
অহঞ্হিকুঞ্জরং দজ্জং,
সব্বসেতং গজুত্তমং;
ব্রাহ্মণানং সালঙ্কারং,
খেত্তঞ্ঞুং রঠপূজিতং.
তস্মিং মে সিৰযোকুদ্ধা,
ৰিভা উপহতোমনো;
অৰরুদ্ধসি মং রাজা,
ৰঙ্কংগচ্ছামিপব্বতং.
তদা ¶ তে জেতরাজানো,
বলানুপ্পদমানসা;
এৰং তোসিংসু রাজানং,
নিক্খন্তং সকরঠতো.
স্ৰাগতন্তে মহারাজ,
অথোতেঅদুরাগতং;
ইস্সরো সিঅনুপ্পত্তো,
যংইধত্থিপৰেদয.
ইধেৰ ¶ তাৰ অচ্ছস্সু,
জেতরট্ঠে রথেসভ;
যাৰ জেতা গমিস্সন্তি,
রঞ্ঞো সন্তিক যাচিতুং.
তদা ৰেস্সন্তরো আহ,
মাৰোগমিত্থ সন্তিকং;
যাচিতুং মম পিতুস্স,
রাজাপি তত্থ নিস্সরো.
অচ্চুগ্গতাহি সিৰযো,
বলগ্গানে গমাচযে,
তেপঅধংসি তুমিচ্ছন্তি,
রাজানং মম কারণা.
সচেএৰং ¶ মহারাজ,
সিযা জেতুত্তরে পুরে;
ইধেৰরজ্জং কারেহি,
জেতেহি পরিৰারিতো.
ইদ্ধং ফিতঞ্চিদংরট্ঠং,
ইদ্ধো জনপদো মহা;
মতিং করোহি ত্ৰং দেৰ,
রজ্জস্স মনুস্সতিতুং.
অলং ¶ মে রজ্জসুখেন,
পব্বাজিতস্স রট্ঠতো;
অতুট্ঠা সিৰযোচাসুং,
মঞ্চেরজ্জেভিসেচয্যূং.
অসম্মোদনী যম্পিৰোঅস্স,
অচ্চন্তং মমকারণা;
সিৰীহি ভণ্ডনঞ্চাৰি,
ৰিগ্গহো মে নরুচ্চতি.
পটিগ্গহিতং যং দিন্নং,
সব্বস্স অগ্ঘিযং কতং;
অৰরুদ্ধসি মং রাজা,
ৰঙ্ক গচ্ছামিপব্বতং.
অনেক ¶ পরিযাযেন,
জেতরাজূহি যাচিতো;
অনিচ্ছন্তো পটিক্খীপি,
রজ্জং সো জেতরট্ঠকে.
নগরং অপৰীসিত্ৰা,
সালং সাণিপরিক্খিপং;
কারেত্ৰা একরত্তিংসো,
সযী সপুত্তদারকো.
পুব্বণ্হসমযে ¶ ভুত্ৰা,
নানগ্গং রসভোজনং;
নূত্ৰা সো জেতরাজূহি,
পরিৰুতোৰ নিক্খমি.
জেতরাজা পন্নরস-
যোজনং জেতরট্ঠতো;
গন্ত্ৰান ৰনদ্ৰারম্হি
ঠিতামগ্গ মভাসিসুং.
এসসেলোমহারাজ,
পব্বতো গন্ধমাদনো;
যত্ত ত্ৰং সহ পুত্তেহি,
সহভরিযায ৰচ্ছসি.
তং ¶ জেতা অনুসাসিংসু,
অস্সুনেত্তা রুদম্মুখা;
ইতো গচ্ছংমহারাজ,
উজুং যেনুত্তরাভিমুখো.
অথ দক্খসি ভদ্দন্তে,
ৰেপুল্লংনাম পব্বতং;
নানাদুমগণাকিণ্ণং,
সীতচ্ছাযং মনোরমং.
তমতিক্কমভদ্দন্তে ¶ ,
অথদক্খসিআপগং;
নদিংকেতুমদিংনাম,
গম্ভীরংগিরিগব্ভরং.
পুথুলোমচ্ছআকিণ্ণং,
সুপ্পতিত্থংমহোদকং;
থত্তনূত্ৰাপিৰিত্ৰাচ,
অস্সাসেত্ৰাসপুত্তকে.
অথদক্খসিভদ্দন্তে,
নগ্রোধংমধুৰিপ্ফলং;
রম্মকে সিখরেজাতং,
সীতচ্ছাযংমনোরমং.
অথ ¶ দক্খসি ভদ্দন্তে,
নাল়িকংনাম পব্বতং;
নানাদিজ গণাকিণ্ণং,
সেলং কিং পুরিসাযুতং.
তস্সউত্তরপুব্বেন,
মুচলিন্দোনামসোসরো;
পুণ্ডরিকেহিসঞ্ছন্নো,
সেতসোগন্ধিকেহিচ.
সোৰনং মেঘসঙ্কাসং,
ধুৰং হরিতসদ্দলং;
সীহোৰা মিসপেক্খীৰ,
ৰনসণ্ডং ৰিগাহয.
তত্থ ¶ বিন্দুস্সরা ৰগ্গূ,
নানাৰণ্ণা বহূদিজা;
কূজন্তি মুপকূজন্তি,
উতুসংপুপ্ফিতে দুমে.
গন্ত্ৰা গিরিৰিদুগ্গানং,
নদীনং পভৰানিচ;
সো অদ্দস পোক্খরণিং,
করঞ্চ-ক কুধাযুতং.
পুথুলো মচ্ছআকিণ্ণং,
সুপ্পতিত্থং মহোদকং;
সমঞ্চ চতুরং সঞ্চ,
সাদুং অপ্পতিগন্ধিযং.
তস্সা ¶ উত্তরপুব্বেন,
পণ্ণসালং অমাপয;
পণ্ণসালং অমাপেত্ৰা,
উঞ্ছাচরিযায ঈহথ.
এৰঞ্হি জেতরাজানো,
আচিক্খিত্ৰান অঞ্জসং;
একং জেতপুত্তং ব্যত্তং,
আমন্তেসুং সুসিক্খিতং.
গচ্ছন্তেচা ¶ গচ্ছন্তেচ,
পরিগ্গণ্হস্সু লুদ্ধক;
ইচ্চেৰং সঞ্ঞাপেত্ৰান,
ৰনদ্ৰারে ঠপিং সুতং.
নানাভয ৰিনোদায,
ৰেস্সন্তরস্স রাজিনো;
আরক্খং তে ঠপেত্ৰান,
আগমিংসু সকংপুরং.
ৰেস্সন্তরোচ গচ্ছন্তো,
গন্ধ মাদনপব্বতং;
সপুত্ত ¶ দারকো পত্তো;
ৰিস্সমী দিৰসং তহিং.
ততোত্তরাহি মুখোসো,
গচ্ছ ৰেপুল্ল পব্বতং;
পত্ৰা তপ্পাদ মগ্গেন,
পত্তো কেতুমতিং নদিং.
তিস্সা তীরে নিসীদিত্ৰা,
মংসংখাদিয সুন্দরং;
দিন্নমেকেন লুদ্ধেন,
নূত্ৰা পিত্ৰাচ ৰিস্সমী.
সোণ্ণসূচিং ¶ লুদ্ধকস্স,
দত্ৰান সো ততোপরং;
গচ্ছন্তো দক্খিনিগ্রোধং,
পব্বতসিখরে ঠিতং.
তস্সমূলে নিসীদিত্ৰা,
থোকংফলানি ভুঞ্জিয;
ততোপরং স গচ্ছন্তো,
পত্তো নাল়িকপব্বতং.
নাল়িকং পরিহরিত্ৰা,
গচ্ছন্তো সো মহাসরং;
মুচলিন্দং উপাগঞ্ছি,
নানাকমল ভূসিতং.
তস্স ¶ পুব্বউত্তরেন,
খুদ্দমগ্গেন গচ্ছতা;
দিট্ঠং ব্রহাৰনং রম্মং,
ফল পুপ্ফান পূরিতং.
তমতিক্কম্ম গচ্ছন্তো,
অনুপুব্বেন খত্থিযো;
চতুরংস পোক্খরণিং,
সম্পত্তো, সি মহোদকং.
ৰেস্সন্তরোচ ¶ মদ্দীচ,
জালীকণ্হাজিনা চুভো;
তত্থেৰ তে ৰিস্সমিংসু,
অঞ্ঞমঞ্ঞপিযংৰদা.
আৰজ্জন্তো তদা সক্কো,
পস্সিত্থ দেৰকুঞ্জরো;
হিমৰন্তং মহাসত্তং,
পৰিট্ঠংভযভেরৰং.
ৰিস্সুকম্মং দেৰপুত্তং,
পক্কোসাপিয সো ততো;
অস্সমং মাপনত্থায,
পেসেসি ৰঙ্কপব্বতং.
ৰিস্সুকম্মোপি ¶ সো সীঘং,
ওতরিত্ৰা দেৰলোকতো;
ৰঙ্কপব্বত কুচ্ছিম্হি,
মাপেসি অস্সমে দুৰে.
দুৰেচ চঙ্কমেরত্তি-
দিৰা ঠানানিমাপযি;
পটিরূপেসু ঠানেসু,
পুপ্ফিতে ফলিতে দুমে.
পটিযাদিযিত্ৰা সমণ-
পরিক্খারে অসেসতো;
অক্খরানিপি সোকাসি,
এৰংঅস্সম ভিত্তিযং.
পব্বজ্জং ¶ ইচ্ছমানাচে,
যোতে ইমে গণ্হন্তুৰে;
পব্বজিত্ৰান অচ্ছন্তু,
ইমম্হিঅস্সমে সুখং.
এৰংলিখিত্ৰান সোদেৰো,
অমনুস্সেচ ভেরৰে;
মিগে খগে পলাপেত্ৰা,
সকঠান গতো অহু.
সো ¶ একপদিকং মগ্গং,
দিস্ৰা ৰেস্সন্তরো ততো;
পব্বজিতান মাৰাসো,
অযং হেহীতি চিন্তিয.
মদ্দিং অস্সম দ্ৰারম্হি,
ঠপেত্ৰা পুত্তকেপিচ;
অস্সমং পৰিসিত্ৰান,
পস্সিত্থ অক্খরানিসো.
ইদংসক্কেন দিন্নংতি,
উত্ৰা সো তুট্ঠমানসো;
পণ্ণসালং পৰিসিত্থ,
এককো পব্বজেতৰে.
তহিং ¶ ধনুঞ্চ খগ্গঞ্চ,
অপনেত্ৰা সসাটকে;
ওমুঞ্চিত্ৰান সোরত্ত-
ৰাকচীরং নিৰাসযি.
অংসে কত্ৰান অজিন-
চম্মঞ্চ সক্কদত্তিযং;
গণ্হিত্থ ইসিৰেসংসো,
বন্ধিত্ৰা জটমণ্ডলং.
দণ্ডমাদায ¶ নিক্খম্ম,
পণ্ণসালায চঙ্কমং;
আরুয্হ উদ, নেত্ৰানং,
চঙ্কমী অপরাপরং.
ততোসো পুত্তদারানং,
সন্তিকং সংৰুতিন্দ্রিযো;
আগঞ্ছি সট্ঠি ৰস্সোৰ,
থেরো ওরুয্হ চঙ্কমা.
মদ্দীদিস্ৰা মহাসত্তং,
কলুনং পরিদেৰযি;
নিপচ্চ তস্স পাদেসু,
পুরাণানি অনুত্থুনং.
ততো ¶ সা বোধিসত্তেন,
সদ্ধিং পৰিসি অস্সমং;
গন্ত্ৰা সকপণ্ণসালং,
ইসিৰেসগ্গহা অহু.
পচ্ছাপুত্তেপি তাপস-
কুমারকে করিংসুতে;
ৰসিংসু ৰঙ্ককুচ্ছিম্হি,
চত্তারো খত্তিযাজনা.
অথমদ্দী ৰরংযাচি,
মহাসত্তং মহাইসিং;
মাতুম্হে দেৰগঞ্ছিত্থ,
ফলাফল গৰেসনং.
ইধপুত্তে ¶ গহেত্ৰান,
ৰসেয্যাথ যথাসুখং;
অহমেৰা হরিস্সামি,
মূলালেচ ফলাফলে.
এৰংৰরং যাচিত্ৰান,
অরঞ্ঞতো ফলাফলং;
আহরিত্ৰান পোসেসি,
জটিনীসা তযোজনে.
বোধিসত্তোপি ¶ যাচিত্ত,
ৰরংমদ্দিং সুচারিনিং;
মাগচ্ছ আকালেভদ্দে,
পট্ঠাযিতো মমন্তিকং.
ইত্থীচ ব্রহ্মচরিয-
মলংনাম সুমেধসে;
ব্রহ্মচারিংহি নাসেন্তি,
তস্মা যাচামি মংৰরং.
সম্পটিচ্ছিত্থ সাধূতি,
সামদ্দী ব্রহ্মচারিনী;
সকট্ঠানে তে ৰসিংসু,
ভাৰেন্তা পিয ভাৰনং.
মেত্তায ¶ আনুভাৰেন,
মহেসিস্স তিযোজনে;
অঞ্ঞমঞ্ঞং মেত্তাযিংসু,
সমন্তা সব্বপাণিনো.
পাতোৰুট্ঠায মদ্দীপি,
উপট্ঠাপিয পানিযং;
পরিভোজনিযঞ্চেৰ,
মুখোদকঞ্চ আহরি.
দন্তকট্ঠঞ্চ ¶ পাদাসি,
ততো অস্সমমণ্ডলং;
সম্মজিত্ৰান দ্ৰেপুত্তে,
ঠপেত্ৰা পিতুসন্তিকে.
খণিত্তিং পচ্ছি মাদায,
অঙ্কুসঞ্চাপি গণ্হিয;
ৰনমূলফলত্থায,
পাৰেক্খি একিকাৰনং.
সাযন্হসমযে পচ্ছিং,
মূলালেহি ফলেহিচ;
পূরাপেত্ৰান সাগঞ্ছি,
পণ্ণসালং অরঞ্ঞতো.
ফলপচ্ছিং ¶ নিক্খিপেত্ৰা,
সযং ন্হাত্ৰান পুত্তকে;
ন্হাপেত্ৰাচ ভুঞ্জিংসু,
মোদেন্তা চতুরোজনা.
ভুত্ৰা নল্লাপ সল্লাপং,
কত্ৰান পুত্তকে দুৰে;
মদ্দীআদায পাৰীসি,
সাপণ্ণসালমত্তনো.
এৰংৰুত্তনিযামেন,
চত্তারোখত্তিযাজনা;
ৰঙ্কপব্বতকুচ্ছিম্হি,
সত্তমাসেৰসিংসুতে.
তদাকলিঙ্গরট্ঠম্হি ¶ ,
গামম্হিদুন্নিৰিট্ঠকে;
ব্রহ্মণোজূচকোনাম,
ভিক্খাচারো অলক্খিকো.
কহাপণসতংলদ্ধা,
ভিক্খাচারেনব্রাহ্মণো;
একব্রাহ্মণকুলম্হি,
থপেত্ৰাপুনসোগতো.
অনাগন্ত্ৰাচিরাযন্তে,
জূচকম্হিগহাপণং,
খীণংব্রাহ্মণগেহম্হি,
ৰলঞ্জেত্ৰাঅসেসতো.
চোদেসিগহাপণংসো ¶ ,
পচ্ছাগন্ত্ৰানজূচকো;
কহাপণস্সখীণত্তা,
দাতুংনাসক্খিব্রাহ্মণো.
ধীতা তস্স ব্রাহ্মণস্স,
নামেনামিত্ততাপনা;
যুৰতীরূপৰন্তীচ,
জূচকস্সঅদংসুতং.
ৰসিত্থদুন্নিৰিট্ঠম্হি ¶ ,
আদাযামিত্ততাপনং;
দহরিংজিণ্ণকোপাপো,
জূচকোযাচজীৰকো.
অমিত্ততাপনাসম্মা,
গরুংকত্ৰানব্রাহ্মণং;
পটিজগ্গতিইন্দংৰ,
সূজাউট্ঠানসীলিনী.
যুৰানোব্রাহ্মণাঅঞ্ঞে,
দিস্ৰানামিত্ততাপনং;
জাযাৰত্তেনসম্পন্নং,
সদারেইতিতজ্জরে.
অযংমহল্লকংসম্মা ¶ ,
পটিজগ্গতিজূচকং;
কিং পমজ্জথ অম্হাকং,
যুৰানানংতু ৰো সতং.
পটিজগ্গথনোবালা,
পস্সিত্ৰা মিত্ততাপনং;
নোচেপটিজগ্গেয্যাথ,
দণ্ডেস্সামখরংভুসং.
তজ্জিতা ¶ ভরিযাসব্বা,
পতীহি ভযমানসা;
সন্নিসিন্না মন্তলিংসু;
আরব্ভামিত্ততাপনং.
পলাপেস্সাম অয্যাযো,
ইমম্হাদুন্নি ৰিট্ঠতো;
এৰংসুখং ৰিহিস্সাম,
জূচকস্স পজাপতিং.
মন্তযিত্ৰানতা এৰং,
নদিং উদকহারিযা;
সমাগন্তা উজ্ঝাযিংসু,
তিত্থে অমিত্ততাপনং.
অমিত্তানুনতেমাতা ¶ ,
অমিত্তোনুনতেপিতা;
যেসংজিণ্ণস্সপাদংসু,
এৰং দহরিযং সতিং.
অহিতংৰততেঞ্ঞাতী,
মন্তযিংসু রহোগতা;
যেতংজিণ্ণস্স পাদংসু,
এৰং দহরিযংসতিং.
অমনাপৰাসংৰসতি ¶ ,
জিণ্ণেনপতিনাসহ;
যাত্ৰংৰসসিজিণ্ণস্স,
মতন্তেজীৰিতাৰরং.
নহিনুনতেৰিন্দিংসু,
মাতাপিতাচসোভণে;
তুয্হত্থাযজূচকম্হা,
পতিংঅঞ্ঞংসুযোব্বনং.
দুযিট্ঠংতেনৰমিযা,
অকতংঅগ্গিহুতকং;
যেতংজিণ্ণস্সপাদংসু,
এৰংদহরিযংসতিং.
সমণে ¶ ব্রাহ্মণে সুদ্ধে,
অক্কোসি ব্রাহ্মচারিনে;
যেনতেনদহরীত্ৰং,
মঞ্ঞেজিণ্ণেনসঙ্গমী.
নদুক্খংঅহিনাদট্ঠং,
নদুক্খংসত্তিযাহতং;
তঞ্চদুক্খঞ্চতিব্বঞ্চ,
যংপস্সেজিণ্ণকংপতিং.
নত্থিখিট্টানত্থিরতি ¶ ,
জিণ্ণেনপতিনাসহ;
নত্থিঅল্লাপসল্লাপো,
জগ্ঘিতুংৰিনসোভতি.
যদাদহরোদহরী,
মন্তযিংসুরহোগতা;
সব্বসোকাৰিনস্সন্তি,
যেকেচিহদযস্সিতা.
দহরীত্ৰংরূপাতী,
পুরিসাত্ৰমভিপত্থিতা;
গচ্ছ ঞাতিকুলে অচ্ছ,
কিং জিণ্ণো রমযিস্সতি.
রোদমানাৰআগঞ্ছি ¶ ,
সাঘরংপরিভাসিতা;
ব্রাহ্মণীহি হিরাযন্তী,
ঘটমাদাযসীঘসো.
রোদন্তিং আগতংজাযং,
দিস্ৰাকিং ভোতিরোদিয;
আগচ্ছ সীতিপুচ্ছিত্থ,
পচ্চুগ্গচ্ছং ৰজূচকো.
নতেব্রাহ্মণ ¶ গচ্ছামি,
নদিং উদকহারিযা;
থিযোমংপরিভাসিংসু,
তযাজিণ্ণেনব্রাহ্মণ.
ব্রাহ্মণ্যাভাসমানায,
কথংসুত্ৰানব্রাহ্মণো;
তোসেন্তোভরিযংরুণ্ণং,
জিণ্ণোসোএতদব্রৰী.
মামেত্ৰংঅকরাকম্মং,
মমেউদকমাহরি;
অহংউদকমাহিস্সং,
মাভোতিকুপিতাঅহু.
নাহংতম্হিকুলেজাতা ¶ ,
যংত্ৰংউদকমাহরি;
এৰংব্রাহ্মণজানাহি,
নতেৰচ্ছামিহংঘরে.
সচেমেদাসংদাসিং ৰা,
নানযিস্সসিব্রাহ্মণ;
এৰংব্রাহ্মণজানাহি,
নতেৰচ্ছামসন্তিকে.
নত্থিমে ¶ সিব্বট্ঠানংৰা,
ধনধঞ্ঞঞ্চ ব্রহ্মণি;
কুতোতং দাসংদাসিং ৰা,
আনযিস্সামি ভোতিযা,
অহংভোতিং উপট্ঠিস্সং,
মাভোতিকু পিতাঅহু.
এহিতে অহ মক্খিস্সং,
যথামেৰচনংসুতং;
এসৰেস্সন্তরো রাজা,
ৰঙ্কেৰসতি পব্বতে.
তংত্ৰংগন্ত্ৰান যাচস্সু,
দাসংদাসিঞ্চ ব্রহ্মণ;
সোতেদস্সতি যাচিতো,
দাসংদাসিঞ্চ খত্থিযো.
জিণ্ণোহস্মি ¶ দুব্বলো,
দীঘোচদ্ধাসু দুগ্গমো;
কথংগন্তুং সক্খিস্সমি,
উপঠিস্সামি তং অহং.
যথাঅগন্ত্ৰা সঙ্গামং,
অযুদ্ধোৰ পরাজিতো,
এৰমেৰ তুৰংব্রহ্মে,
অগন্ত্ৰাৰ পরাজিতো.
সচেমে ¶ দাসংদাসিং ৰা,
নানযিস্সসি ব্রহ্মণ;
এৰং ব্রহ্মণ জানাহি,
নতেৰচ্ছা মহংঘরে;
অমনাপং তেকরিস্সামি,
তংতেদুক্খং ভৰিস্সতি.
নক্খত্তে উতুপুপ্ফেসু,
যদামংদক্খসি লঙ্কতং;
অঞ্ঞেহি সদ্ধিং রমমানং,
তন্তেদুক্খং ভৰিস্সতি.
অদস্সনেন ¶ ময্হংতে,
জিণ্ণস্স পরিদেৰতো;
ভিয্যোৰঙ্কা পলিতাচ,
বহূহেস্সন্তি ব্রহ্মণ.
ততো সো ব্রহ্মণো ভীতো,
ব্রহ্মণিযাৰ সানুগো;
অট্টিতো কামরাগেন,
ব্রহ্মণিং এতদব্রৰী.
পাথেয্যংমেকরোহিত্ৰং ¶ ,
সংকুল্যাসকলানিচ;
মধুপিণ্ডিকাচসুকতাযো,
সত্থু ভত্তঞ্চব্রহ্মণি.
আনযিস্সং মেথুনকে,
উভোদাসকুমারকে;
তেতংপরিচরিস্সন্তি,
রত্তিংদিৰমতন্দিতা.
সাখিপ্পংপটিযাদেসি ¶ ,
পাথেয্যংমিত্ততাপনা;
পটিযাদিতন্তি আচিক্খি,
ব্রহ্মণস্সঅলক্খিনো.
গেহেদুব্বলঠানংসো,
থিরংকত্ৰানব্রহ্মণো;
ভরিযাযগোপনত্থং,
গুত্তদ্ৰারঞ্চসঙ্খরি.
দারূনিআহরিত্ৰান,
ঘটেপূরেসিৰারিনা;
জাযাযসুখৰাসত্থং,
অনিক্খন্তুংচগেহতো.
পচ্চক্খেযেৰ ¶ জাযায,
ইসিৰেসংসমাদিয;
পস্সিত্ৰাভরিযংএৰং,
ওৰদেসিসজূচকো.
ইতোপঠাযত্ৰংভদ্দে,
ৰিকালেমাস্সুনিক্খমি;
মমআগমনাযাৰ,
ৰসেসিঅপ্পমত্তকা.
ইদংৰত্ৰানলগ্গিত্ৰা ¶ ,
সোপাথেয্যপসিব্বহং;
উপাহনঞ্চআরুয্হ,
গণ্হীকত্তরদণ্ডকং.
ততোসোরুণ্ণমুখেন,
ভরিযংকত্ৰাপদক্খিণং;
সোচমানো ৰপক্কামি,
দাসকে পরিযেসিতুং.