📜

জিনৰংসদীপং ¶

নমো তস্স ভগৰতো অরহতো সম্মাসম্বুদ্ধস্স

১.

মহাদযো যো হদযো’দযো’দযো

হিতায দুক্খানুভৰে ভৰে ভৰে,

অকাসি সম্বোধিপদং পদং পদং

তমাভিৰন্দামি জিনং জিনং জিনং; (যমকবন্ধনং)

২. ¶

পহায যত্থা’ভিরতিং রতিং রতিং

রমন্তি ধম্মেৰ মুনী মুনী মুনী,

ৰিমুত্তিদং সব্বভৰা ভৰা’ভৰা

তমাভিৰন্দে মহিতং হিতং হিতং; (যমকবন্ধনং)

৩. ¶

নিপীতসদ্ধম্মরসা রসা’রসা

সুপুঞ্ঞখেত্তো’রসতং সতং সতং,

গতা ৰিধূতা ৰিনযেন যেন যে

তমাভিৰন্দে’সিগণঙ্গণ’ঙ্গণং; (যমকবন্ধনং)

৪. ¶

জিনা’নতম্ভোরুহ হংসরাজিনী

জিনোরসানং মুখপঞ্জরা’লি নী,

সদত্থসারং সরসং ৰিসূদ নী

উপেতু মে মানসমেৰ ৰাণি নী;

৫.

কম্মাৰসেসা ৰিচিতো’পজাত্যা

গন্থা’হিসঙ্খারৰিবন্ধকা মে,

পণাম পুঞ্ঞাতিসযেন’নেন

মা পাকদানা’ৰসরা ভৰন্তু;

৬.

সুৰণ্ণৰণ্ণস্স জিনস্স ৰণ্ণং

ৰণ্ণেয্য কপ্পম্পি কজিতো সুৰণ্ণো,

কপ্পস্সি’ৰোসান মনত্ততায

ন পাপুণে বুদ্ধগুণান মন্তং;

৭. ¶

নিদ্ধন্ত চামীকর চারু রূপং

সরস্সতী ভূসণ ভাসনংচ,

অনঞ্ঞ সাধারণ ঞাণমস্স

অৰাৰিযা’চিন্তিয মপক্পমেয্যং;

৮.

কুহিং অসাধারণ রূপ লীলা

কুহিং অসাধারণ ৰাণি লীলা,

কুহিং অসাধারণঞাণ লীলা

কুহিং নু মে মন্দমতিস্স লীলা;

৯. ¶

ৰিভাৰিমানী পরৰম্হিনো যে

ইস্সা’ভিমানেন ৰিভঞ্ঞমানা,

গৰেসযন্তী’ধ পরস্স রন্ধং

তেসং পসংসাগরহাহি কিম্মে;

১০.

পসত্থ সত্থাগম পারদস্সী

যে সাধৰো সাধু গুণপ্পসন্তা,

গন্থস্স নিম্মাণপরিস্সমং নো

জানন্তি তেযেৰ ইধপ্পমাণা;

১১.

আদিচ্চৰংসপ্পভৰস্স তস্স

জিনস্স সত্থাগমকোৰিদেহি,

ৰুত্তোপি পুব্বাচরিযেহি যেসু

গন্থেসু সঙ্খেপৰসেন ৰংসো;

১২.

ন তেহি সক্কা সুগতস্স ৰংসং

কিঞ্চাপি ৰিঞ্ঞাতু মসেসযিত্ৰা,

সম্পুণ্ণৰংসস্স ৰিভাৰনায

তস্মা সমুস্সাহিত মানসেন;

১৩. ¶

অভিপ্পসন্নো রতনত্তযম্হি

পসত্থৰংসপ্পভৰো পভুনং,

ৰিভুসণো ৰিস্সুতকিত্তিঘোসো

যো ভাতি লঙ্কায মুল়ারভাগ্যো;

১৪.

অমন্দচাগা’ভিরতস্স

পুনন্দু নামস্স দযাধনস্স,

বুদ্ধে পসাদাতিসযস্স তস্স

অজ্ঝেসনঞ্চাপি পটিগ্গহেত্ৰা;

১৫.

নস্সায পুব্বাচরিযো’পদেসং

সোতূন মত্থায মযা হিতায,

নিরুত্তিযা মাগধিকায সম্মা

ৰিধীযতে’দং জিনৰংসদীপং;

১৬. ¶

সদ্ধাসিনেহানুগতায পঞ্ঞা-

দসায সোতূহি মনোৰিমানে,

পদীপিতো’যং জিনৰংসদীপ-

দীপোহরেপাপতমপ্পবন্ধং;

১৭.

পুরঙ্গপুণ্ণা সিরিজম্বুদীপে

সম্পত্তিভারেন দিৰা’ৰতিণ্ণা,

যা দেৰরাজস্স’মরাৰতী’ৰা-

মরাৰতীনাম পুরী পুরে’সী;

১৮.

ৰিজ্জাধরানঞ্চ ৰিহঙ্গমানং

ৰিবন্ধ ৰেহাসগতিং বহাস,

যস্মিং পুরস্মিং জিতৰেরি চক্কং

পাকারচক্কং ৰিয চক্কৰাল়ং;

১৯. ¶

সঞ্চুম্বিতম্হোজ রজো পবন্ধ-

সুপিঞ্জরাপা পরিখাহিরামা,

পুরিত্থি পাকার নিতম্বভাগে

সমুব্বহী কঞ্চন মেখলা’ভং;

২০.

রত্তিন্দিৰা রত্তমণি’ন্দনীল-

মণিপ্পভারঞ্জিত রাজধানি,

ববন্ধ যা’মন্দসুরিন্দচাপ-

সমুজ্জলাকাসতলব্বিলাসং;

২১.

যহিংৰধূনং ৰদনম্বুজেহি

কতাৰমানং হরিণঙ্কবিম্বং,

পভাহি নীলোপলতোরণাতং

সোকাভীভূতংচ ৰিৰণ্ণমাপ;

২২. ¶

সরোরুহ’ন্তী মণিমন্দিরাভা-

সঞ্চুম্বিতং পুণ্ণসসঙ্কবিম্বং;

সঙ্কায রামাজনতা’ভিরামা

করে পসারেসি পুরম্হি যস্মিং;

২৩.

যত্থ’ঙ্গনানং পটিবিম্বিতানি

আদাসভিত্তীসু মুখম্বুজানি,

আসুং ৰিঘাতায মধুব্বতানং

ৰিলোচনালীন মনুগ্গহায;

২৪.

সম্মত্ত মাতঙ্গ ধরাধরেহি

যস্মিং অভিস্সন্দ মদস্সৰন্তি,

তুরঙ্গ রঙ্গেহী তরঙ্গ মালা

সমাকুলেৰা’সি ৰিধূত ধূলী;

২৫. ¶

নিক্খিত্তৰীণা মণিনুপুরানং

ৰিলাসিনীনং মুদুপাণি পাদে,

মত্তালিমালা কলনাদিনী কিং

নালঙ্করুং যত্থ কতাৰকাসা;

২৬.

ধৰত্থিনীনং কুচসারসেহি

নেত্তালিভারা’নননীরজেহি,

যা হাসৰীচীহি পুরী রজন্যা

ররাজ সমফুল্লসরোজিনী’ৰ;

২৭.

চন্দপ্পভা চুম্বিত চন্দকন্ত

পাসাণধারা মণিচন্দিকাসূ,

চন্দাননানং যহি মঙ্গনাহং

পরিস্সমস্সো’পসমায’হেসুং;

২৮. ¶

যস্মিং পূরে উদ্ধমধো ৰিনদ্ধ-

জুতিপ্পবন্ধো মণিমন্দিরানং,

সমুব্বহী গেরুক পঙ্ক দিদ্ধ-

ৰিতান পচ্চত্থরণব্বিলাসং

২৯.

সুৰণ্ণ মুত্তা মণি ৰংসৰণ্ণা-

পৰাল় রূপী ৰজিরেহিঞ্চা’পি,

যা সত্তধঞ্ঞেহি ধনেহি ফীতা

অহূ পুরি ধঞ্ঞৰতী’ৰ নারী; (সিলেসবন্ধনং)

৩০.

পসারিতা’নেকদিসামুখেসু

ৰিচিত্তৰত্থা’ভরণাদিপূরা,

যত্থা’পণা নিজ্জিতকপ্পরুক্খা

করিংসু লোকাভিমতত্থসিদ্ধিং;

৩১. ¶

পরাগরত্তা মধুপাতিমত্তা

সম্হিন্নৰেলা ঘননীলৰালা,

হংসাসযা পঞ্চসরাভিরামা

যস্মিং তল়াকা ৰিয কামভোগী; (সিলেসবন্ধনং)

৩২.

পুরন্তরস্মিং রতনগ্ঘিকানং

রংসিপ্পবন্ধেহি হতন্ধকারে,

কুন্দারৰিন্দব্ভুদযেনযস্মিং

রত্তিন্দিৰাভেদ মৰেদি লোকো;

৩৩. ¶

মাতঙ্গজীমূতঘটায ঘণ্টা-

টঙ্কারগম্ভীররৰায যস্মিং,

পলম্ভীতা মত্তসিখণ্ডিমালা

অকা ৰিকালেপি অখণ্ডকীল়ং;

৩৪.

পুরম্হি যস্মিং চরণম্বুজেহি

ৰধূজতো বন্ধিতনূপুরেহি,

ৰিকাস কোকাসন সীস বদ্ধ

মত্তালি সেস’ম্বুজিনী অজেসি;

৩৫.

রসাতলং নাগফণাৰনদ্ধং

নভোতলং ৰিজ্জুলতাৰনদ্ধং,

যা ছাদিতা রূপিযজাতরূপ-

ধজাৰলীহা’জিনি রাজধানী;

৩৬. ¶

নানত্থসারং মিতধাতুৰণ্ণং

ছন্দারহং পাণগণা’ভিরামং,

কৰিপ্পসত্থং সরসং সিলেসা-

লঙ্কারপজ্জং’ৰ পুরং যমাসি; (সিলেসবন্ধনং)

৩৭.

পুরম্হি তস্মিং করুণানিধানো

বুদ্ধঙ্কুরো ব্রাহ্মণসারৰংসে,

অসঙ্খকপ্পান মিতো চতুন্নং

লক্খাদিকানং উদপাদি পুব্বে;

৩৮.

ভোৰাদিৰংসে’কদিৰাকরস্স

পুঞ্ঞানুভাৰো’দযমঙ্গলেহি,

জাতস্স খো সম্পতি জম্বুদীপো

ৰিলুম্পযী মঙ্গলৰাসলীলং;

৩৯. ¶

জাতক্খণে তস্স সরীরজেন

গন্ধেন ৰণ্ণেন সকে নিকেতে,

হতপ্পভা চন্দনতেলদীপা

সণ্ঠানমত্তেহি ৰিজানিযাসুং;

৪০.

ৰিমুত্তদোসাহি সুখেধিতাহি

ধাতীহি কুম্ভোরুপযোধরাহি,

ভতো কুমারো সুকুমারকাযো

খেপেসি সো কানিচি ৰাসরানি;

৪১.

মহামহেচা’থ পৰত্তমানে

সৰেদ ৰেদঙ্গ ৰিদূ ৰিদূহি,

কারাপযুং তে পিতরো’রসস্স

নামং সুমেধো’তি পদত্থসারং;

৪২. ¶

উল়ারভাগ্যেন সমং কুমারে

সংৰদ্ধমানে জননী ন তিত্তিং,

পাযাসি নীলামকললোচনালিং

মুখম্বুজং তস্স’ভিচুম্বমানা;

৪৩.

সুখেধিত’ঙ্গাৰযৰো কুমারো

ৰিমানভুম্যা মণিনিম্মিতায,

পরোদি মাতাপিতরো’ভিযাচং

বিম্বং কনিজং জানুযুগেন গচ্ছং;

৪৪.

সুৰণ্ণবিম্বো’পমচারুরূপো

সমাচরং ধাতিভুজা’ৰলম্বং,

ৰিঞ্ঞাসপাদ’ঙ্গুলিমঞ্জরীহি

সলীলমাৰাসমলঙ্করিত্থ;

৪৫. ¶

নিজেন তেজেন চ জিৰলোকং

যসেন’পুব্বাচরিমং ফুসন্তো,

তিরোকরিত্ৰা রৰিচন্দসোভং

সংৰড্ঢি ধীরো উভতো সুজতো;

৪৬.

সো সত্তমা যাৰ পিতামহস্স

যুগা সগব্ভাসযসুদ্ধিকো’সি,

নিহীনজচ্চো’তি ন জাতিৰাদা

খিত্তো’পকুট্ঠো ভৰি ৰিপ্পসেট্ঠো;

৪৭.

ৰেদন্তযং সো সনিঘণ্টু সত্থং

সকেটুভং সাক্খরভেদ সত্থং,

সাধব্বতব্বেদি’তিহাস সত্থং

অৰেদি ৰেদঙ্গযুতং প সত্থং;

৪৮.

অজ্ঝাযকো মন্তধরো পৰীণো

কলাসু লোকাযতলক্খণেসু,

পপূরকারি পদকো কৰীনং

তেতা’সি ৰেয্যাকরণো গণিসো;

৪৯. ¶

কন্দপ্পদপ্পা’নলধুমরাজি-

লীলাৰলম্বি নিজমস্সুরাজি,

ন কেৰলং কোমলগণ্ডভাগং

মনম্পি থীনং মলিনীকরিত্থ;

৫০.

তন্দেভৰণ্ণাযতন’ণ্ণৰম্হি

নরূপতণ্হাতরণি নরানং,

পাযাসি চক্খাযতনপ্পিযাহি

তীরন্তরং চিত্তনিযামকট্ঠা;

৫১.

দ্ৰিজো সুমেধো সুৰিসুদ্ধমেধো

মাতাপিতুন্নং নিধনাৰসানে,

পুঞ্ঞানুভাৰপ্পভৰং অগার-

মজ্ঝাৰসং কামসুখং’নুভুঞ্জী;

৫২. ¶

নিসজ্জ পাসাদতলে’কদা সো

পল্লঙ্কমাধায রহোগতোৰ,

পুনব্ভৰুপ্পত্তি সরীরভেদো

দুক্খো’তি চিন্তেসি সভাৰচিন্তী;

৫৩.

জাতো স’হং জাতিজরারুজাদি-

ধম্মো’ম্হি তস্মা ভৰদুক্খসুঞ্ঞং,

নিচ্চং অজাতিং অজরং অরোগং

গৰেসিতুং ৰট্টতি নিব্বুতি’ন্তি;

৫৪.

যথাপিদুক্খে সতি চ’ত্থিসাতং

তদঞ্ঞমুণ্হে সতি সীতমত্থি,

ভৰম্হি সন্তে ৰিভৰো’পি এৰং

নিব্বাণমত্থী তিৰিধগ্গিসন্তে;

৫৫. ¶

সাৰজ্জধম্মে ইহৰিজ্জমানে

সংৰিজ্জতে ভো নিরৰজ্জধম্মো,

অজাতি হোতি সতি জাতিযা’তি

এৰং ৰিচিন্তেসি সদত্থৰিন্তী;

৫৬.

দিস্ৰা যথা গুথগতো তল়াকং

ন তস্স দোসো ন তমোতরেয্য,

কিলেসধোৰে অমতম্হি সন্তে

তথা ন সেৰেথ ন তস্স দোসো;

৫৭.

পাপারিরুদ্ধো সতি খেমমগ্গে

ন তস্স দোসো ন সুখং ৰজেয্য,

পাপারিরুদ্ধো সতি খেমমগ্গে

তথা নগচ্ছেয্য ন তস্স দোসো; (যমকবন্ধনং)

৫৮. ¶

যথাপি ৰেজ্জে সতি ঘোররোগী

ন তস্স দোসো ত লভে তিকিচ্ছং,

রাগাদিরোগী সতি বুদ্ধৰেজ্জে

ধম্মোসধং নে’চ্ছতি কস্স দোসো;

৫৯.

যো কণ্ঠবদ্ধং কুণপং পহায

যথাসুখং গচ্ছতি সেরিচারী,

তথেৰি’মং কুচ্ছিত পূতিকাযং

যংনূন গচ্ছেয্যমহং জহিত্ৰা;

৬০.

উচ্চারঠানম্হি জনা’নপেক্খা

কত্ৰা করীসানি কযথা ৰজন্তি,

তথা সরীরং কুণপেহি পূরং

যংনূন গচ্ছেয্যমহং জহিত্ৰা;

৬১. ¶

নাৰং যথা জজ্জরমাপগাহিং

ৰজেয্য নেতা অতপেক্খকোৰ,

তথা নৰদ্ৰারসৰং সরীরং

যংনূন গচ্ছেয্যমহং জহিত্ৰা;

৬২.

চোরেহি গচ্ছং অৰহারভীত্যা

খেমং সুমেধো পুরমোতরেয্য,

তথা সরীরং কুসলাৰহারং

যংনূন গচ্ছেয্যমহং জহিত্ৰা;

৬৩.

নেক্খম্ম সঙ্কপ্প পরো’পমাহি

অনুস্সরিত্ৰে’ৰমুল়ারৰীরো,

হতো’রপারে তিভৰে অসারে

ৰিহাসি উক্কণ্ঠিতমানসো সো;

৬৪. ¶

সুৰণ্ণ মুত্তা মণি রূপিযাদি-

ধনেহি ধঞ্ঞেহি চ পূরিতানি,

অৰাপুরিত্ৰান,থ কোসকোট্ঠা-

গারানি তং দস্সযি রাসিৰড্ঢো;

৬৫.

পিতামহানং পকপিতামহানং

মাতাপিতুন্নং ৰিভৰা পনেত্থ,

অনপ্পকাথাৰরজঙ্গমাতে

সংদিস্সরে ধীর সুমেধৰিপ্প;

৬৬.

সো সত্তমা যাৰ পৰেণিৰট্টা

ৰিভাৰযিত্ৰা ৰিভৰস্সরাসিং,

ধনাগমস্সাপি ধনব্বযস্স

পমাণ’মাচীক্খিপমাণদস্সিং;

৬৭.

কুটুম্বমেতং পটিপজ্জমানো

কামেসু দেৰোৰিয ইন্দ্রিযানি,

ইচ্ছানুরূপং পরিচারযস্সু

ইচ্চেৰ মারোচযি রাসিৰড্ঢো;

৬৮. ¶

অমুং মহন্তং ধনধঞ্ঞরাসিং

সমাৰিনিত্ৰে’ক কহাপণম্পি,

না’দায মাতাপিতরোপ্য’হো তো

গতা যথাকম্ম মিতো পরত্থ;

৬৯.

তব্বত্থুসারগ্গহণাতিসূরো

ৰোস্সগ্গসন্তো অথ সত্তসারো,

রঞ্ঞো সমারোচিয এতমত্থং

ভেরিং চরাপেসি সকে পুরম্হি;

৭০.

সন্তপ্পযি ভেরিৰিরাৰগন্ধ-

মাঘায সম্পত্তজাতা’লিজাতং,

ভোৰাদি নানারতনাদিভোগ-

মধূহি সত্তাহ’মনাথনাথো;

৭১. ¶

তদগ্গ যঞ্ঞালয ৰারিৰাহ-

ধারানিপাতদ্ধনৰুট্ঠিহেতু,

মহা জনস্সা’ধিকৰত্থুতণ্হা-

তটানি ভিন্নানি মনোদহেসু;

৭২.

সুখেধিতো কামসুখং পহায

ঘরা’ভীনিক্খম্ম ততো সুমেধো,

অজ্ঝোগহেত্ৰা হিমৰন্ত’মাপ

ধম্মেসকো ধম্মকপকব্বত’ন্তং;

৭৩.

ৰিতক্কমঞ্ঞায’থ দেৰরঞ্ঞা

ৰ্যাপারিতো মাপযি ৰিস্সকম্মো,

তহিং ৰিৰেকক্খমক মস্সমঞ্চ

মনোরমং চঙ্কমভুমিভাগং;

৭৪. ¶

তমস্সমং পব্বজিতেহি সুঞ্ঞং

উপেচ্চ সোঞ্চারমৰাপুরিত্ৰা,

ঞত্ৰা তদন্তোলিখিত’ক্খরানি

খারিংপরিক্খারভরংঅৰেক্খি;

৭৫.

নিৰত্থৰত্থংনৰৰদোসুপেতং

ৰিৰজ্জিযাৰজ্জিযৰজ্জদস্সি,

ধারেসিতংবারসধানিসংস-

মনোজপুপ্ফত্থরৰাকচীরং;

৭৬.

পুন্নাগপুপ্ফত্থরকা’ভিরামং

অংসে ৰিধাযা’জিনচম্মখণ্ডং,

কত্ৰা জটামণ্ডল মিত্তমঙ্গে

তিৰঙ্ক মাদায’থ খারিকাজং;

৭৭.

ভুজঙ্গভোগো’রুভুজেন ধীরো

আদায চালম্বনদণ্ডকোটিং,

সমগ্গহী তাপসৰেসমেৰং

ৰিরত্তচিত্তোক ৰিভৰেৰ ভৰে’পি;

৭৮. ¶

সো চঙ্কমী চঙ্কমমোতরিত্ৰা

সিলাতলস্মিঞ্চ দিৰা নিসজ্জি,

সাযং পৰিট্ঠো ৰসি পণ্ণসালং

নিপজ্জি কট্ঠত্থরসেসমঞ্চে;

৭৯.

পচচূসকালম্হি পবুজ্ঝিতো সো

আৰজ্জযিত্ৰা’গমনপ্পৰত্তিং,

ৰিৰেককামস্স মমে’ত্থ ৰাসো

কামং ঘরাৰাসসমো সিযা’তি;

৮০.

অদুঞ্হি পণ্ণচ্ছদনং কপোত-

পাদারুণং বেলুৰপক্কৰণ্ণা,

ভূমীপি ভিত্তী রজতাৰদাতা

মঞ্চো’পি চিত্তত্থরৰারুরূপো;

৮১. ¶

সুভাক মনাপা মম পকণ্ণসালা

সাদীনৰা দুপ্পরিভারিযা’যং,

পণীতভিক্খা পরিযেট্ঠি মূল-

দুক্খস্স নত্থি’তি পমাণ মন্তো;

৮২.

অগারসঞ্ঞায পটিক্খপিত্ৰা

তঞ্চ’ট্ঠদোসা কুলপণ্ণসালং,

দসঙ্গ সাধারণ রুক্খমূলং

ফলাফখলাহার মুপেচ্চ ভোজী;

৮৩.

সুমেধসো সো দিৰসানি সত্ত

মহাপধানং পদহং সুমেধো,

পত্তো অভিঞ্ঞাসু ৰসিসু পারং

সব্বংক সমাপত্তিসুখং অৰিন্দি;

৮৪. ¶

তস্মিংখণে কানন দেৰতাহি

সাধূ’তি নিগ্ঘোসিতপীতিঘোসো,

অব্ভুগ্গতো তস্স যসেন সদ্ধিং

ৰিসুদ্ধৰিজ্জাচরণু’ব্ভৰেন;

৮৫.

ৰিজ্জাধরা তগ্গুণদীপকানি

মুতিঙ্গৰীণাধনিবন্ধৰানি,

গাযিংসু গীতানি’ৰ নচ্চমানো

হিমাচলো সম্পতি সম্পৰেধি;

৮৬.

মুদ্ধঙ্কুরং ভুধরকুটবাহু-

সতেহি তন্নিজ্ঝর চামরেহি,

ৰিধূযমানেহি ৰিধূতপাপং

কতোপহারেৰ মহাসরা’পী;

৮৭. ¶

অকালমেঘদ্ধনি ভেরিরাৰ-

ৰ্যাপারিতা মত্তসিখণ্ডিসণ্ডা;

অজ্ঝাৰসন্তং ৰনসণ্ডমজ্ঝং

মহিংসুচা’খণ্ডনতণ্ডৰেন;

৮৮.

মন্দা’নিলা’মন্দভুজা’ৰলম্ব-

সুনীলসাখামণিৰিজনীহি,

লতঙ্গনা’লিঙ্গিতসালসামী

সংৰিজযুং ৰিতদরম্পি ধীরং;

৯০. ¶

কপীতনা’সোক তমাল নীপা

কপীতনা’সোক তমাল নীপা, (সমত্তপাদভ্যাস মহা যমকং)

কপীতনা’সোক তমাল নীপা

কপীতনা’সোক তমাল নীপা;

৯১.

ন ৰেললিতা কিং পসৰকা’ৰতংসা

লতাৰিতানা মধুপালিসালী,

লতাৰিতানা মধুপা’লিসালী

ন ৰেল্লিতা কিং পকসৰা’ৰতংসা;(সমুগ্গভেদ যমকং)

৯২. ¶

পুপ্ফাৰলী কন্দল পাটলগ্গা

কলাপিনী সা ৰনরাজিনীলা,

পুপ্ফাকুলী কন্দন পাটলক্খী

কলাপনীলা ৰর রাজিনীৰ; (অদ্ধগোমুত্তিকা বন্ধনং)

৯৩. ¶

নতাসিরো মঞ্জরিকাসুরম্হা

নতাসিরো পঞ্জলিকাৰ রম্মে,

ৰনে নিবদ্ধং রমিতো ৰিভাসি

ৰিনেয্য বন্ধূরচীতো পহারো; (পাদগোমুত্তিকা বন্ধনং)

৯৪.

রজোকিরন্তা’ৰনতা লতাসুং

লাজোকিরন্তা ৰনিতা নতাৰ,

দ্ৰিজোঅরঞ্ঞং ৰসিতা পিতাঘো

গজোতরন্তোৰ লতা ৰিতানং; (সিলোকগোমুত্তিকা বন্ধনং আকুলজালমিতিপি)

৯৫. ¶

মতঙ্গজিন্দা ন মসক্করিংসু

পাদানি নত্ৰান পদিপধামং,

পঞ্ঞাধৰং পীন তপং ফলেহি

হিমদ্দিপাদে পরিসুত্তমঞ্হি; (কব্বনাম গব্ভ চক্কং)

৯৬. ¶

মেত্তায ছত্তং’ৰ ফণং ফণিন্দো

ধারেসি সীসে ৰসিনো চচার,

নথামৰা’কাৰ’বলেসু কিঞ্চি

মেধায নন্দো থিরৰাচি খেমে; (কৰিনাম গব্ভ চক্কং)

৯৭. ¶

নো’সিতেহি’স্স সন্তাস’নূ’ন তোস ৰতো দো,

দাযতো ৰসতো ন’নুসন্তাসস্স হিতেসিনো; (গাথদ্ধৰিসয পটিলোম যমকং)

৯৮.

যোকা’সা’ৰাস কাযো কাম’কাম’মকাম’কা,

সকাযনা’নায’কাস ৰাম না গ গনা’মৰা; (সব্বতো ভদ্দ বন্ধনং)

৯৯. ¶

দযায ৰসিতো দাযে যাপজাসিৰ মাসদা,

যজারহং রঞ্জমানো ৰসিহংসো চিরংৰসি; (অদ্ধব্ভম বন্ধনং)

১০০.

মধুমদ মধুকর ৰিরুতে ৰিরুতে

মলযজ সুরহীত পৰনে পৰনে

হিমৰতি ৰিকসিত পদুমে পদুমে

অধিসুখ মনুভৰি সৰসি সৰকসি; (পাদন্ত যমকং)

ইতি মেধানন্দাভিধানেন যতিনা ৰিরচিতে সকলকৰিজন হদযানন্দদাননিদানে জিনৰংসদীপে দূরেনিদানে সুমেধব্রাহ্মণাপদানপরিদীপো.

পঠমো সগ্গো.

১. ¶

(মন্দা’ক্কন্তা) মরপুরসিরিং সব্বসম্পত্তিসারং

জম্বুদ্দীপা’সম সরসিজে কণ্ণিকা সন্নিকাসং,

রম্মং রম্মৰ্হয পুরৰরং পারমীপারদস্সী

বুদ্ধো দীপঙ্কর দসবলো সব্বলোকেকদী; ()

তস্মিং কালে ৰিপুলকরুণা নারিসঞ্চোদিত’ত্তো

নানা খীণাসৰ পরিৰুতো চারিকং সঞ্চরন্তো,

সংৰত্তেন্তো সুনিপুণতযং ধম্মচক্কং কমেন

পত্ৰা তস্মিং পটিৰসতি সোদস্সনৰ্হে ৰিহারে; ()

৩. ¶

সুত্ৰা দিপঙ্কর ভগৰতো নাগরা কিত্তিসদ্দং

সম্বুদ্ধো সো ইতিপি অরহং ত্যাদিনা’ব্ভুগ্গতং তং,

গাহাপেত্ৰা তুৰটতুৰটং ৰত্থভেসজ্জ পানং

তন্নিত্তা’সুং পমুদিতমতা গন্ধমকালাদিহত্থা; ()

৪.

পত্ৰা দীপঙ্করতরিহরিং গন্ধমালাদিকেহি

পূজেত্ৰাত’ঞজলিমুকুলিকা একমন্তং নিসিন্না,

ধম্মং সুত্ৰা সৰণসুভগং বুদ্ধপামোক্খসঙ্ঘং

সংযাচিত্ৰা মুদিতহদযা স্ৰাত্তযা’পগঞ্জুং; ()

৫. ¶

সজ্জেত্ৰা তে দুতিযদিৰসে সজ্জনা দানসালং

উস্সাপত্তা ধজকদলিযো পুণ্ণকুম্ভে ঠপেন্না,

কুব্বন্তা’পি ধৰলসুল়িনু’ক্খেপ লাজোপহারং

এৰং তস্সা’গমন মযনং লঙ্করোন্তা ৰিহাসুং; ()

৬.

অব্ভুগ্গন্ত্ৰা অথ হিমৰতা সো সুমেধো তপস্সি

গচ্ছং তেসং উপরি নভসা ৰাকচীরং ধুনন্নো,

দিস্ৰা পীতিপ্পমুদিতজতে অঞ্জসং সোধযন্তে

সঞ্ঝামেঘো রিৰ পরিলসং ধতরিত্থে’কমন্তং; ()

৭.

সংসোধেন্তা কললৰিসমট্ঠান সঙ্কারধানং

কস্মা তুম্হে পটিপথমিমং’লঙ্করোথা’তি পুচ্ছি,

ভন্তে দীপঙ্করতরহরি’দানি নিস্সায রম্মং

বুদ্ধো হুত্ৰা ৰিহরতি মহাধম্মসঙ্খং ধমন্তো; ()

৮. ¶

সো সম্বুদ্ধো পরিৰুতমহাভিক্খুসঙ্ঘো যতো নো

গামক্খেত্তং পৰিসতি ততো’লঙ্করোমা’ব্রুৰিংসু,

বুদ্ধূপ্পাদো কিমুত সুতরং দুল্লভো বুদ্ধসদ্দো

ইচ্চেৰংসো সুমরিয অলঙ্কত্তুকামো’সি মগ্গং; ()

৯.

ঝানা’ভিঞ্ঞা রততকৰচু’জ্জোতমান’ত্তভাৰো

সদ্ধাযে’সো অচলসদিসো ইদ্ধিমা তাপসো’তি,

সল্লক্খেত্ৰা কললৰিসমং দুগ্গমগ্গপ্পদেসং

সজ্জেতুং তে সপদি মুদিতা সাধৰো তস্স’দংসু; ()

১০. ¶

নানাপুপ্ফং জলজথলজং ওচিনিত্ৰা ৰনম্হা

তেত্ৰা দেৰাসুরভৰনতো কোৰিল়ারাদিপুপ্ফে,

আনেত্ৰা’হং ভুজগভৰতা ফুল্লকণ্ডুপ্পলানি

ছেকোস্মী’তি ৰিথরিয পথং ইদ্ধিযা সংৰিধাতুং; ()

১১.

কত্ৰে’ৰং মে হদযমকুল়ং তোৰিকাসেয্য তস্মা

ৰেয্যাৰচ্চং ৰিসদমতিনো কাযিকং সংৰিধায,

অজ্জেৰা’হং ৰিপুলকুসলং সঞ্চিনিস্স’ন্তী ধীরো

সংসোধেতুং কললকলুসং অঞ্জসং আরভিত্থ; ()

১২.

পস্সন্তানং ৰিমলনযনো’ভাস জিমূতগব্ভে

বুদ্ধোবুদ্ধো’ত্য’ভিহিতৰচো ৰিজ্জুরাজীৰ চারী,

তস্মিং পঙ্কে নিজকরতল’মেভাজপচ্ছিহি ধীমা

পংসুং দত্ৰা রজতধৰলং ৰালুকং ৰোকিরন্তো; ()

১৩. ¶

তস্মি ঠানে কল্ললুলিতে সুট্ঠু না’লঙ্কতেৰ

সদ্ধিং দীপঙ্কর’নধিৰরো’নেকখীণাসৰেহি,

পত্তো ব্রহ্মা’মরনরফণিসিদ্ধৰিজ্জাধরানং

সংৰত্তন্তে সুৰিপুলমহে পাটিহীরে উল়ারে; ()

১৪.

হেম’ম্ভোজো’পমসুৰদনং মণ্ডিতং লক্খণ্হো-

সীত্যা’নুব্যঞ্জনৰিলসিতং কেতুমালাৰিলাসং,

সত্থারং তং দিসিদিসি পভানিচ্ছরন্ত’ঞ্জসম্ভি

আগচ্ছন্তং ৰিয মণিতলে মত্তমাতঙ্গরাজা; ()

১৫. ¶

ওলোকেত্ৰা ৰিমলনযনঞ্চন্দনিলুপ্পলানি

উম্মিলেত্ৰা রতনফলকং অক্কমন্তোৰ পিট্ঠিং,

নানাখীণাসৰপরিচুতো কদ্দমং না’ক্কমিত্ৰা

সম্বুদ্ধোযং ৰজতু ইতি মে দীঘরত্তং হিতায; ()

১৬.

সল্লক্খেত্ৰা খর’জিনজটাৰাকচীরানি কেসে

ওমুঞ্চিত্ৰা ৰিসমকললে পত্থরিত্ৰা’ত্তভাৰং,

সেতুং কত্ৰা পরমপণিধী কোমিনী চোদিত’ত্তো

পঞ্চা’ভিঞ্ঞারতনমণিমা স্ৰা’চকুজ্জো নিপজ্জি; ()

১৭.

সুত্ৰা গাথাপদম্পি ন মে ভারিযং সংকিলেসে

ৰিদ্ধংসেত্ৰা ৰরসিৰুরং পত্তুমিচ্ছে সচা’হং,

সংৰিজ্জন্তে তিভৰভৰনে দুক্খিতা’নন্তসত্তে

সো’ভং একো কথমধিগমে ধম্ম মঞ্ঞাতৰেসো;()

১৮. ¶

যন্নূনা’হং পরহিতরতো সম্মদঞ্ঞায বোধিং

আরোপেত্ৰা নিখিলজনতং’নুত্তরং ধম্মনাৰং,

উত্তারেত্ৰা ৰরসিৰপুরং ৰট্টদুক্খোদধিম্হা

পচ্ছা দীপঙ্করমুনি যথা নিব্বুতিং পাপুণিস্সং; ()

১৯.

ইচ্চেৰং সো পুমরিয সমোধানযিত্ৰা’ট্ঠধম্মে

সংসারম্হা’ৰতরণমহাসেতুরূপো পজানং,

মুদ্ধাবদ্ধ’ঞ্জলিপুটজটো পঙ্কপিট্ঠে নিপন্নো

সম্বোধত্থং পণিধিমকরি তাৰ তপ্পাদমূলে; ()

২০. ¶

উস্সিসঠো সপদি ভগৰা পঞ্চৰণ্ণপ্পসাদং

উম্মীলেত্ৰা নযনযুগলং ফুল্লনীলুপ্পলাভং,

দিস্ৰা নীলোপলমণিমযং ৰাতপানঞ্চযং’ৰ

উগ্ঘাটেন্তো ইসিৰরম্হাপঙ্কজং পঙ্কপিট্ঠে; ()

২১.

এতস্সি’জঝিস্সতি ইতি অযং পত্থনা’নাগতংস-

ঞাণং সম্মা পতিনিয ইতো কপ্পলক্খাধিকানং,

আৰজ্জেন্তো উপরি চতুরাসঙ্খিযানন্ত্য’ৰেদি

পত্ৰা বোধিং অহমিৰ সিযা গোতমো নাম বুদ্ধো; ()

২২.

তুম্হে সম্পস্সথ ইতি ইমং তাপসং সঙ্ঘমজ্ঝে

ৰত্ৰে’ৰং সো পদমসদিসং ধম্মরাজা দদন্তো,

সম্হিন্দিত্থা’ধরকিসলযা’লত্তকং নাগতংয-

পঞ্ঞামুদ্দা’ঙ্কিতপদসতং ৰত্তসন্দেসগব্ভং; ()

২৩. ¶

ৰাসট্ঠানং কপিলনগরং নাম মাসামহেসি

মাতা সুদ্ধোদননরপতি তে পিতা’দিচ্চৰংসে,

বিম্বা বিম্বা ধরৰতি পিযা হেম বিম্বা ভিরামা

তস্মিংকালে তনুজরতনং রাহুলো হেস্সতে তে; ()

২৪.

হেস্সন্তে তে পঠমদুতিযস্সাৰকা সারিপুত্ত-

মোগ্গল্লানা দ্ৰিজকুলভৰা ভুরিপঞ্ঞিদ্ধিমন্তো,

আনন্দাখ্যো যতি পতি রুপট্ঠাযকোসাৰিকানং

খেমাথেরি পরম যুগলং উপ্পলব্বণ্ণথেরি; ()

২৫. ¶

অস্সত্থো তে ৰিজযৰিটপী ত্ৰঞ্চ খো গোতমৰ্হো

ছব্বস্সানী পদহিয ঘরা নিক্খমিত্ৰা সকম্হা,

পাযাসগ্গং পরিৰিসিয ভো ত্ৰং সুজাতায দিন্নং

বোধিং বুজ্ঝিস্সসি ইতি ধুৰং বোধিমূলে নিসজ্জ; ()

২৬.

সত্থা সঞ্ঝাঘনপটলতো মুত্তৰিজ্জুল্লতে,ৰ

সন্দস্সেত্ৰা নিজভুজলতং চীৰরব্ভন্তরম্হা,

পখ্যাকাসি জলধররৰা’কারগম্ভীরঘোযং

নিচ্ছারেত্ৰা সুরধনুরিৰো’ভাস ছব্বণ্ণরংসি; ()

২৭.

অম্হে দীপঙ্করভগৰতো সাসনে না’ৰবুদ্ধা

লচ্ছামা’তি তৰ পরিমুখে’ৰা’যতিং মোক্খধম্মং,

তস্মিং পত্তা’খীল সুরনরাপত্থযুং তঙ্খণেৰং

পূজেত্ৰা’তঞ্জলিসরসিজে পাদপীঠম্হি তস্স; ()

২৮. ¶

বুদ্ধো ব্রহ্মামরনরসিরো চুম্বিতঙ্ঘী সরোজো

সম্পূজেত্ৰা’ট্ঠহি জটিলকং পুপ্ফমুট্ঠীহি তম্হা,

পক্কামি সো কনকসিখরীহারি কিঞ্জক্খভারে

উব্ভূত’ম্হোরুহৰনসিরে অপ্পযন্তো পদানি; ()

২৯.

রম্মং রম্মং মহীয জটিলং পুপ্ফমুট্ঠীহি কত্ৰা

খীণা খীণাসৰৰসিগণা দক্খিণং পক্কমিংসু,

দেৰা’দেৰা পৰুরমকরুং ৰন্দনামানপূজং

দীপং দীপঙ্করদসবলঞ্চা’নুগন্ত্ৰা নিৰত্তা; ()

৩০. ¶

তম্হা ঠানা গতসতি জনে সন্নিসিন্নস্স তস্স

পল্লঙ্কেনা’মরনর পরিচ্চন্ত পুপ্ফাসনম্হি,

জাতিক্খেত্তা তহিমুপগতা দেৰতা এতমত্থং

আরোচেসুং মহিতৰরণা অঞ্জলিমঞ্জরীহিং; ()

৩১.

পুব্বে পুপ্ফাসনুপরি সমারূল়্হবুদ্ধঙ্কুরানং

অদ্ধানে’ৰে’তরহি ভৰতোচা’সনারোহণম্হি,

একালোকা দসহি গুণিতা লোকধাতু সহস্সী

সংৰত্তন্তে ত্ৰমনৰরতং হেস্সসে তেন বুদ্ধো; ()

৩২.

তাসং ৰাচং সৰণমধুরং দেৰতানং নিসম্ম

ভিয্যো চিত্তপ্পভৰৰীরিযো পীতিৰিপ্ফারিতত্তো,

পুব্বে সত্তুত্তমপরিচিতা বোধিসম্ভারধম্মা

আৰজ্জেসি কতি ইতি সুধী ধম্মধাতুং সহেতুং; ()

৩৩. ¶

ওকুজ্জিত্ৰা ধরণিঠপিতো পুণ্ণ কুম্ভো সুমেধ

ৰিস্সন্দেত্ৰা সলিলমখিলং কিন্তুপচ্চাহরেথ,

এৰং দত্ৰা ধনসুতকলত্ত’ঙ্গপচ্চঙ্গজীৰে

নিব্বিন্নো মা ভৰি’তি পঠমং পারমিং’ধিট্ঠহি সো; ()

৩৪.

না’পেক্খিত্ৰা যথরিৰ নিজং জীৰিতং জীৰিতং’ৰ

রক্খন্তো সঞ্চরতি চমরি চামর চন্দিকাভং,

এৰং সীলং ৰরসিৰপুরদ্ৰারমারক্খ ধীর

অজ্ঝিট্ঠাসি ইতি সদুতিযং পারমিং সুদ্ধসীলো; ()

৩৫. ¶

সংৰিগ্গো যো চিরপরিৰসং ঘোরকারাঘরম্হি

মুত্তীং তম্হা’গমযতি যথা হোহি নেক্খম্মনিত্তো

নিব্বিন্নো ত্ৰং তথরিৰ ভৰে বন্ধনাগাররূপে

অজ্ঝিট্ঠাসি ততিযম্পি সো পারমিন্ত্যে’কচারী; ()

৩৬.

হীনুক্কট্ঠং কুলমনুঘরং ভিক্খকো ভিক্খু ভিক্খং

অণ্ৰাহিণ্ডং লভতি নচিরং সংৰরট্ঠো যথে’ৰং,

সম্বোধত্থ ভজ পটিবলে পণ্ডিতে পুট্ঠপঞ্হো

অজ্ঝিট্ঠাসি ত্ৰমিতি মতিমা পারমিং সো চতুত্থিং; ()

৩৭.

নিচ্চুস্সাহো ৰিচরতি যথা কেসরী সেরিচারী

এৰং ঠানে গমনসযনেচা’সনে ত্ৰং সুমেধ,

উস্সোল়্হী ত্যাসিথিলৰীরিযো হোতি সম্বোধনত্থং

অজ্ঝীট্ঠাসি থিরৰীরিযৰা পঞ্চমিং পারমিং সো; ()

৩৮. ¶

ইট্ঠানিট্ঠং পথৰিরিৰ ভো সব্বমানাৰমানং

নাপজ্জিত্ৰা মনসিৰিক্তিং ত্ৰং সহন্তো খমন্তো,

সম্বোধত্থং পরৰধখমো হোহি’তী খন্তিৰাদী

অজ্ঝিট্ঠাসি পরহিতরতো ছট্ঠমিং পারমিং সো; ()

৩৯.

ৰীথিং নাতিক্কমতি নিযমং ওসধীতারকা’যং

এৰং সন্তুত্তম পরিচিতং সচ্চৰাচং সুমেধ,

ত্ৰং মাৰিতিক্কমি করহচি বোদ্ধুকামো সুবোধিং

অজ্ঝিট্ঠাসি’ত্য’ৰিতথকথি সত্তমিং পারমিং সো; ()

৪০. ¶

তম্হাঠানা বলৰপৰনে ৰাযমানে’পি থোকং

কপ্পট্ঠাসি তচলতি যথা পব্বতো সুপ্পতট্ঠো,

ত্ৰং তিট্ঠাহি তথরিৰ অধিট্ঠানধম্মেসু দল়্হং

অজ্ঝিট্ঠাসী’ত্যৰলসদিসো চ’ট্ঠমিং পারমিং সো; ()

৪১.

ওতিণ্ণেসু উদকরহদো ভো নিহীনুত্তমেসু

সীতত্তং সম্ফরতি হি সমং ৰারিনা ভাৰযেনি,

মেত্তাযেৰং তিভৰভৰনে সব্বসত্তেসু তুল্যং

অজ্ঝিট্ঠাসি সমুতি নৰমিং পারমিং মেত্ত চিত্তো; ()

৪২.

ইট্ঠানিট্ঠে সতি পটিহতে ৰত্থুজাতে যথাহি

মজ্ঝত্তা’যং ৰসুমতিৰধূ হোতি দুক্খে সুখেক ৰা,

এৰং ভো ত্ৰং ভৰ সমতুলাসন্তিভো’পেক্খ কো’তি

অজ্ঝিট্ঠাসি সৰসি দসমিং পারমিং ভুরিমেধো; ()

৪৩. ¶

আলোলেন্তো তিদসপমিতং পারমিসাগরং সো

সত্তাধিসো নিসিতমতিমা ঞাণমত্থা’চলেন,

আৰজ্জেসি ৰসুমতৰধু সাধুকারং’ৰ দেন্তি

সংকম্পি সম্পতি সতিমতো ধম্মতেজেন তেন; ()

৪৪.

ভীরূচ্ছম্হী ঘণপথৰিযা কম্পমাতাযি’মায

পত্ৰা দীপঙ্করভগৰতো রম্মৰাসী সমীপং,

সম্পুচ্ছিংসু ৰসুমতি ভুসং কম্পি তংকিস্সহেতু

আৰজ্জেত্ৰা সমুতি মুনিনো তম্পৰত্তিং কথেসি; ()

৪৫.

নিক্কঙ্খা তে পুনপি নগরা নাগরা তং উপেচ্চ

সম্পূজেসুং চরণযুগলং গন্ধমালাদিকেহি,

কত্ৰা তেন’ঞ্জলিসরসিজে যেন দীপঙ্করে’ণো

উট্ঠাসি সো পুরিসতিসহো সন্নীসিন্নাসনম্হা; ()

৪৬. ¶

মা তে রোগো ভৰি পটিভযং মা ভৰি ছম্ভিতত্তং

সঙ্কপ্পো তে পরমপণিধি সিজ্ঝতং খিপ্পমেৰ,

ইত্থঞ্চা’সিথুতিপদসতং জাতিখেত্তা গতা তং

পুপ্ফাদীহি মহীয জটিলং নিজ্জরা ব্যাহরিংসু; ()

৪৭.

অব্ভুগ্গন্ত্ৰা পৰনপদৰিং দেৰতানং মনানি

বোধাত্ৰো হিমৰতি সকং অস্সমং তাপসো সো,

পত্তো অত্থাচলমুপগমী তঙ্খণে রংসিমালী

সঙ্কোচেত্ৰা সরসিজৰনং সংহরিত্ৰা’ংসুজালং; ()

৪৮. ¶

রম্মং দীপঙ্করভগৰতো রম্মৰত্যা’ভিধানং

ৰাসট্ঠানং জনকজননী দ্ৰে সুদেৰস্সুমেধা,

নিচ্চোপট্ঠাযকযতিৰরো সাগতোমঙ্গলোচ

তিস্সোচা’সুং পঠমদুতিযস্সাৰকা থেরনাগা; ()

৪৯.

নানাখীণাসৰপরিৰুতো চা’সি নন্দা সুনন্দা

তস্সা’হেসুং পঠমদুতিযস্সাৰিকা অগ্গভূতা,

কাযো’সিতিরতনপমিতো পিপ্ফলিনামবোধি

অট্ঠাসি সো পচুরজনতং তারযং ৰস্সলক্খং; ()

৫০.

সত্থা দীপঙ্করৰ্হো সুরনরসরণোদীপদীপোচিরস্সং

দীপেৰো ধম্মদীপং তিভুৰনভৰনে ৰীত’ৰিজ্জন্ধকারং

অগ্গিক্খন্ধো’ৰভাসং ৰিহরিয পরিনিব্বাযি খীণাসৰা’পি

খীণস্নেহাপদীপাযথরিৰ অরিযা সাৰকা নিব্বুতা’সুং; ()

ইতি মেধানন্দাভিধানেন যতিনা ৰিরচিতে সকলকৰিজন হদযানন্দদাননিদানে জিতৰংসদীপে দূরেনিদানে সুমেধ তাপসস্স মূলপণিঠানট্ঠপনপৰত্তি পরিদীপো দুতিযো সগ্গো.

১. ¶

লোকং (’ৰসন্ততিলকো) কুমুদাকরং মা

কোণ্ডঞ্ঞনামভগৰা’থ পবোধযত্তো,

জাতো তদা ৰরমতী ৰিজিতাৰি রাজা

সম্পন্ন চক্করতনো’ভৰি চক্কমত্তি; ()

২.

সঙ্ঘস্স বুদ্ধপমুখস্স উল়ারদানং

দত্ৰা ৰিধায পণিধিং ৰরবোধিযা সো,

রজ্জং পহায জিনসাসনমোতরিত্ৰা

ঝানান্য’লত্থ পটিলঙ্ৰরপ্পদানো; ()

৩. ¶

তস্সা’সি রম্মৰতিনাম পুরং সুনন্দো

রাজা অহোসি জনকো জননী সুজাতা,

ভদ্দস্সুভদ্দসমণা ৰরসাৰকা’সুং

তিস্সো’পতিস্স’সমণি ৰরসাৰিকাযো; ()

৪.

লক্খাযুকো ৰিজযবোধি ৰিসালসাল-

কল্যাণি নাম তদুপট্ঠহি চা’নুরুদ্ধো,

তস্সা’ট্ঠ সীতিরতনপ্পমিতং সরীরং

আসুং তযো অরিযসাৰকসন্নিপাতা; ()

৫.

তস্সা’পরেন সমযেনি’হ’নঙ্গভঙ্গো

উপ্পজ্জি মঙ্গলজিনো জনমঙ্গলায,

বুদ্ধঙ্কুরো’তিরুচিরো সুরুচী সমঞ্ঞো

আসি তদা’ৰতিসুরো দ্ৰিজৰংসকেতু; ()

৬. ¶

দত্ৰা সসাৰকজিতস্স দিনানি সত্ত

পত্থেসি বোধিমসমং গৰপানদানং,

পব্যাকতো ভগৰতা ভৰনা’হীগন্ত্ৰা

পব্বজ্জিতো সুখমৰিন্দি সমাধিজং সো; ()

৭.

তস্সু’ন্তরং পুরৰরং পিতরো’ত্তর’ৰ্হা

আসুং সুদেৰসমণো ৰসি ধম্মসেনো,

তস্সা’গ্গসাৰকযুগং সকসাৰিকানং

ভদ্দংযুগং অভৰি সিৰলিচা’প্য’সোকা; ()

৮. ¶

তং পালিতো জিনমুপট্ঠহি অট্ঠ’সীতি

হত্থো’সি তস্স ৰজিরূপমরূপকাযো,

বোধী’পি নাগতরু সাৰকসন্তিপাতা

আসুং তযো নৰুতিৰস্সসহস্সমাযু; ()

৯.

তস্সা’পরেন সুমনো করুণানিধানো

নাথো মনোজমথনো উদপাদি লোকে,

বুদ্ধঙ্কুরো’ভৰি তদা’তুলনাগরাজা

তেজ’গ্গিজালজলিতো অতুলিদ্ধিমা সো; ()

১০.

নাগো’পি নাগভৰনম্হি সসাৰকস্স

বুদ্ধস্স দিব্বতুরিযেহি কতুপহারো,

দত্ৰান দানমতুলং পণিধিং অকাসি

বুদ্ধো ভৰিস্সসি তুৰন্তি অহাসি বুদ্ধো; ()

১১. ¶

খেমৰ্হযং পুরমহূ জনকো সুদন্তো

রাজা জনেত্তি সিরিমা নিজসাৰকানং;

অগ্গা ভৰিংসু সরণো ৰসি ভাৰিতত্তো

সোণা তদগ্গসমণি’সি তথু’পসোণা; ()

১২.

তস্সা’সি নাগতরু বোধি উদেনতেরো-

পট্ঠাযকো নৰুতিৰস্সসহস্সমাযু,

উব্বেধতো নৰুতিহত্থমিতং সরীরং

আসুং তযো অরিযসাৰকসন্নিপাতা; ()

১৩.

তস্সা’পরেন উদপাদি’হ রেৰতাখ্যো

দেৰাদিৰন্দিতপদো ভুৰি দেৰদেৰো,

সত্তুত্তমো ভৰি তদা অতিদেৰনামো

ভোৰাদিৰংসতিলকো চতুৰেদৰেদী; ()

১৪. ¶

বদ্ধঞ্জলী সিরসি ধম্মকথং নিসম্ম

গন্ত্ৰান তং সরণমুত্তরমুত্তরিযং;

দত্ৰা’হিপত্থযি সুখোধিমথো মহেসি

বুদ্ধো ভৰিস্সসি তুৰন্তী ৰিসাকরিত্থ; ()

১৫.

তস্সা’সি ধঞ্ঞৰতিনাম পুরং জিনস্স

মাতা মহেসি ৰিপুলা ৰিপুলো পিতা’সি,

সব্রহ্মদেৰৰরুণো ভৰি সঙ্ঘমজ্ঝে

ভদ্দা চ ভদ্দযুগলং দুৰিধং সুভদ্দা; ()

১৬.

তং সম্ভৰো ৰসি উপট্ঠহি নাগবোধি

রুক্খোপ্য’সিতিরতনং ভৰি অত্তভাৰো,

আযুপ্পমাণম্পি সট্ঠিসহস্সৰস্সং

আসুং তযো অরিযসাৰকসন্নিপাতাত;

১৭. ¶

তস্সা’পরম্হি সমযে জনপারিজাতো

উপ্পজ্জি সোভিতজিনো জিতপঞ্চমারো,

অজ্ঝাযকো সকলৰেদ মুল়ারভোগী

বুদ্ধঙ্কুরো ভৰি তদা’জিতনামৰপ্পো;

১৮.

ধম্মং নিসম্ম সরণেসু পতিট্ঠহিত্ৰা

সঙ্ঘস্স বুদ্ধপমুখস্স উল়ারদানং,

দত্ৰা পধানপণিধান মকাসি ধীরো

ত্ৰং লচ্ছসি’তি ৰরবোধি মহাসি সত্থা; ()

১৯.

রম্মং সুধম্মমহু তস্স পুরং সুধম্মো

রাজা অহোসি জনকো জনিকা সুধম্মা

তস্সা’গ্গসাৰকযুগং অসমো সুনেত্তো

তস্সাৰিকা’গ্গযুগলং নকুলা সুজাতা; ()

২০. ¶

নাগস্স নাগতরু বোধি সরীরমট্ঠ-

পণ্ণাসহত্থপমিতং তমতোমথেরো,

সোপট্ঠহী নৰুতিৰস্সসহস্সমাযু

আসুং তযো অরিয সাৰক সন্নিপাতা; ()

২১.

উপ্পজ্জি তস্স অপরেন অনোমদস্সি

বুদ্ধো পবুদ্ধকমলামলনীলনেত্তো,

বুদ্ধঙ্কুরো জিতসুরারি তদানি যক্খ-

সেনাপতী ভৰি মহিদ্ধিমহানুভাৰো; ()

২২.

সম্বোধি মগ্গপুরিসো পণিধানযং সো

সঙ্ঘস্স বুদ্ধপমুখস্স উল়ারদানং,

পাদাসি তিসু সরণেসু পতিট্ঠহিত্ৰা

বুদ্ধো ভৰিস্সসি তুৰন্তি জিনো’ব্রুৰিতং; ()

২৩. ¶

ঠানঞ্হি চন্দৰতিনাম যসোধরাখ্যা

মাতা মহেসি যসৰা জনকো জনিন্দো,

তস্স’গ্গসাৰকযুগং নিসভো অতোমো

দ্ৰে সুন্দরী চ সুমনা চরসাৰিকা’সুং; ()

২৪.

বোধী’পি তস্স ককুধো মুনিদেহমট্ঠ-

পণ্ণাসহত্থপমিতং ৰরুণাভিধানো,

থেরো উপট্ঠহি চ লক্খপমাণমাযু

আসুং তযো অরিযসাৰকসন্নিপাতা; ()

২৫.

তস্সা’পরেন পদুমো দিপদানমিন্দো

জাতো পবুজ্ঝিতমনোপদুমো পজানং,

ধীরো বভূৰ ৰরৰারণকুম্ভভেদী

সীহো তদা রুচিরকেসরভারগীৰো; ()

২৬. ¶

বুদ্ধং নিরোধসুখৰেদিযনং ৰতম্হি

সত্তাহমক্খিপদূমেহি তমচ্চযিত্ৰা,

চিত্তং পসাদিয পুনা’গতসাৰকেসু

সীহো ৰিভাসি পটিলদ্ধৰরপ্পদানো; ()

২৭.

তস্সা’সি চম্পকপুরং পদুমাভিধানো

রাজা অহোসি জনকো অসমা জনেত্তী,

সালোপসালযতযো ৰরসাৰকা’সুং

রামা’পি তস্স পরমাসমণি সুরামা; ()

২৮.

নামেনু’পট্ঠহি ৰসি ৰরুণো তমট্ঠ-

পণ্ণাসহত্থমিত মস্স সরীরমা’সি,

বোধি’পি সোণতরু লক্খপমাণমাযু

আসুং তযো অরিযসাৰকসন্নিপাতা; ()

২৯. ¶

তস্সা’পরেন ৰরদো মুনি নারদৰ্হো

পাপন্ধকারনিকরং ভীদুরো’দপাদি,

বুদ্ধঙ্কুরো ভৰি তদা’খিলঝাতভিঞ্ঞা-

লাভী পৰত্তফলভোজি তপোধনীসো; ()

৩০.

কত্ৰানু’ল়ারপণিধান মুল়ারৰিরো

দত্ৰা সসাৰকজিনস্স উল়ারদানং,

পূজেসি তং সুরভিনা হরিচন্দনেন

সত্থাপি সম্পতি ৰিযাকরণং অদাসি; ()

৩১.

তস্সা’সি ধঞ্ঞৰতিনাম পুরং সুমেধো

রাজা অহোসি জনকো জননী অনোমা,

দ্ৰে ভদ্দসালজিতমিত্তৰসি ৰসিন-

মগ্গো’ন্তরা সমণি ফগ্গুণি ভিক্খুনীতং; ()

৩২. ¶

ৰাসেট্ঠভিক্খু তদুপট্ঠহি রূপকাযো

তস্সা’ট্ঠসিতিরতনং মহসোণসাখী,

বোধিদ্দুমো নৰুতিৰস্সসহস্সমাযু

আসুং তযো অরিযসাৰকসন্তিপাতা; ()

৩৩.

তস্সা’পরেন পদুমুত্তর ধম্মরাজা

জাতো তিলোকপদুমো পদুমপ্পিতঙ্ঘী,

অড্ঢো উল়ারৰিভৰো মহরট্ঠিযো সো

বুদ্ধঙ্কুরো ভৰি তদা জটিলাভিধানো;()

৩৪.

সম্বোধিযা’ধিগম পচ্চযপত্থনং সো

ৰিরোৰিধায পদুমুত্তরপাদমূলে,

সঙ্ঘস্স বুদ্ধপমুখস্স তিচিৰরানি

পাদাসি তীসুরতনেসু অভিপ্পসন্নো; ()

৩৫. ¶

তস্সা’সি হংসৰতিনাম পুরং জিনস্স

আনন্দভুপতি পিতা জনিকা সুজাতা,

দ্ৰে তস্স দেৰলসুজাতৰসি ৰসিনং

অগ্গা ভৰিংসু সমণিস্ৰামিতাসমা’গ্গা; ()

৩৬.

লক্খাযুকো সজযবোধিক ৰিসালসাল

রুক্খো উপট্ঠহি মুনিং সুমনাভিধানো,

তস্স’ট্ঠ’সিতিরতনপ্পমিতং সরীরং

আসুং তযো ভগৰতো গণসন্নিপাতা; ()

৩৭.

তস্সা’পরেন সমযেন সুমেধনামো

লোকম্হি পাতুভৰি লোকহিতায সত্থা,

বুদ্ধঙ্কুরো কির তদান্যু’ভতো সুজাতো

স্ৰা’সিতিকোটিৰিভৰো’ত্তর মাণৰো’সি; ()

৩৮. ¶

ৰিস্সজ্জিযান ৰিভৰং তিংসতিকোটিং

দত্ৰান দানমস্মং সুগতে সসঙ্ঘে,

পব্বজ্জিতো পরমবোধি মপত্থযিত্থ

ব্যাকাসি সোমুনি ত’মিজ্ঝনভাৰ’মদ্ধা; ()

৩৯.

রম্মং সুদস্সনমহূ নগরং সুদন্তো

তস্সা’সি ভূপতি পিতা জননী সুদত্তা,

সঙ্ঘেসু’হোসু সরণো ৰসি সব্বকামো

রামা যমানি পরমান্য’ভৰুংক সুরামা; ()

৪০. ¶

বোধী’পি নীপতরু সাগরনামথেরো

’পট্ঠাসি তং নৰুতিৰস্সসহস্সমাযু,

তস্সা’ঢসিতিরতনু’গ্গতমাসি গত্তং

আসুং তযো সতিমতো গণসন্তিপাতা; ()

৪১.

তস্সা’পরেন সমযেন জনপ্পদীপো

জাতো সুজাতভগৰা জিতপঞ্চমারো,

সম্পন্নসত্তরততো ৰরচক্কৰত্তি

রাজা বভূৰি’হ মহাপুরিসো তদাসো; ()

৪২.

ধম্মা’মতেন মুদিতো রতনদ্ৰযস্স

দত্ৰা সসত্তরতনং চতুদীপরজ্জং,

পব্বজ্জি বোধিপণিধিং পণিধায ধীমা

ঞত্ৰা মহামুনি তমিজ্ঝনভাৰমাহ;

৪৩. ¶

রম্মং সুমঙ্গলমহূ পুরমুগ্গতাখ্যো

রাজা পিতাভৰি পভাৰতিনাম মাতা,

অগ্গাভৰিংসু চ সুদস্সনদেৰথেরা

নাগা গণস্সদসি নাগসমালথেরি; ()

৪৪.

তং নারদোমুনিরু’পট্ঠহি চ’ত্তভাৰো

পণ্ণাসহত্থপমিতো ভৰিৰেণুবোধি,

তস্সা’ভৰী নৰুতিৰস্সসহস্সমাযু

আসুং তযো ধীতিমতো গণসন্নিপাতা; ()

৪৫.

তস্সা’পরেনি’হ নিরূপমরূপসারো

জাতোবভূৰ পিযদস্সিসমন্তদস্সি,

ধীরো তদন্য’ভৰি কস্সপমাণৰো সো

ৰেদেসু তীসু কুসলো কুসলং গৰেসি; ()

৪৬. ¶

সো কোটিলক্খপরিমাণধতব্বযেন

সঙ্গস্স বুদ্ধপমুখস্স মহাৰিহারং,

কত্ৰা পদাসি অভিপত্থিতবুদ্ধভাৰো

বুদ্ধো’পি তপ্পণিধিসিদ্ধি সিযা’ত্য’ভাসি; ()

৪৭.

চন্দামহেসি জননী জনকো পুদিন্নো

রাজা বভূৰ পুরমস্স অনোমনামং,

আসুং তদগ্গযুগলানি সুজাতধম্ম-

দিন্না গণস্সদসি পকালিতসব্বদস্সি; ()

৪৮.

তং সোতৰ্হসমণো সমুপট্ঠহিত্থ

বোধী পিযঙ্গু ভগৰা’সি অসিতিহত্থো,

অট্ঠাসিক সো নৰুতিৰস্সসহস্সম’স্স

আসুং তযো মতিমতো গণসন্নিপাতা; ()

৪৯. ¶

তস্সা’পরেন সমযেনু’দপাদি লোকে

লোকত্থসাধনরতো মুনির’ত্থদস্সী,

সত্তুন্তমো’পি নিরতিক্কমধম্মসিমো

তেজিদ্ধিমা ইসি তদা’সি সুসিমনামো; ()

৫০.

আনীয দিব্বভৰনা কুসুমানি তস্স

মন্দারৰানি সুপতিট্ঠিতপাদপীঠে,

সম্পূজিযান পণিধানমকাসি সত্থা

ত্ৰং মাদিসো’ব্রুৰি ভৰিস্সসি চা’যতিন্তি; ()

৫১.

তস্সা’সি সোভিতপুরং ভৰিসাগরৰ্হো

রাজা পিতা জনতিদেৰি সুদস্সনাখ্যা,

সন্তোপসন্তসমণা ৰরসাৰকা’সুং

ধম্মা তদগ্গসমণিপ্য’ভৰুং সুধম্মা; ()

৫২. ¶

তঞ্চা’ভযো মুনিরূপট্ঠহি সোপ্য’সীতি-

হত্থুগ্গতো সতসহস্সপমাণমাযু,

চম্পেয্যসাখি ভৰি বোধি সুবোধিহেতু

আসুং তযো অরিযসৰকসন্নিতা; ()

৫৩.

তস্সা’পরেন উদপাদি’হ ধম্মদস্সী

নিস্সীমধী’নধিৰরো ভৰপারদস্সি,

সো তাৰতিংসভৰতম্হি মহানুভাৰো

বুদ্ধঙ্কুরো ভৰি তদা কির দেৰরাজা;()

৫৪.

দিব্বানি গন্ধকুসুমানি কথাগতস্স

চক্কঙ্কিতোরুচরণম্বুরুহাসনম্হি,

পূজেসি দিব্বতুরিযেহি চ বুদ্ধভাৰং

সো পত্থযং মুনিতমিজ্ঝ নভাৰমাহ; ()

৫৫. ¶

ঠানিযমাসি সরণং সুগতস্স তস্স

রাজা পিতা’সি সরণো জননি সুনন্দা,

অগ্গাভৰিংসু পদুমোৰসি ফুস্সদেৰো

খেমা চ ভিক্খুসমণিস্ৰ’পি সব্বনামা; ()

৫৬.

থেরো সুনেত্তৰিসুতো তদুপট্ঠহি সো

লক্খাযুকো’সি জযবোধি ঞ্চ বিম্বিজালো,

তস্সা’প্য’সিতিরতনপ্পমিতং সরীরং

আসুং তযো অরিযসাৰকসন্নিপাতা; ()

৫৭.

তস্সা’পরেন সমযেনি’গ সিদ্ধবোধি

সিদ্ধত্থনামৰিদিতো উদপাদি সত্থা,

বুদ্ধঙ্কুরো ভৰি তদা’খীলঙঝানলাভী

ভোজি পৰত্তিতফলং ৰসি মঙ্গলাখ্যো; ()

৫৮. ¶

সম্পন্নগন্ধরসিকং পরিপক্কমেকং

আনীয সো ৰিপকুলজম্বুভলং ৰনম্হা,

পাদাসি তস্স পণিধীকতবুদ্ধভাৰো

তঞ্চানুভুয ভগৰাপি ৰিযাকরিত্থ; ()

৫৯.

ৰেহারমাসি নগরং জযসেননামো

রাজা অহোসি জনকো জননী সুফস্সা

ভিক্খূসু তস্স ৰসি সম্বহুলো সুমিত্তো

দ্ৰে সীৰলি ঞ্চ সমণীসু ৰরা সুরামা; ()

৬০.

তং রেৰতোমুনি মুনিন্দমুট্ঠহিত্থ

বোধী’পি তস্স কণিকারমভীরুহো’সি,

লক্খাযুকো স’নরসারথি সট্ঠিহত্থো

আসুং তযো অরিযসাৰকসন্নিপাতা; ()

৬১. ¶

তস্সা’পরেনি’হ সমুব্ভৰি নিস্সনামো

সত্থা পসত্থচরণো চতুরো’ঘতিণ্ণো,

বুদ্ধঙ্কুরো ভৰি তদানি সুজাতরাজা

রাজঞ্ঞমোল়িমণিলঙ্কতপাদপীঠো; ()

৬২.

হিত্ৰা স’রজ্জমিসিৰেযধরো সুধীরো

দিব্বেহি’নেককুসুমেহি জিনং ৰজন্তং,

পূজেসি মুদ্ধনি তমাপৰিতানসোভং

সত্থা’পি তপ্পণিধিসিদ্ধি সিযা’ত্য’ভাসি; ()

৬৩.

খেমং পুরঞ্হি জনকো জনসন্ধনামো

রাজা জনেত্তি পদুমা নিজসঙ্ঘমজ্ঝে,

দ্ৰে ব্রহ্মদেৰুদয ৰিস্সুতথেরনাগা

ফুস্সা চ অগ্গযুগলান্য’ভৰুং সুদত্তা; ()

৬৪. ¶

তং সম্ভৰোৰসি ৰসিন্দমুপট্ঠহিত্থ

তস্সা’সনৰ্হতরু বোধি স’সট্ঠিতত্থো,

অট্ঠাসি ৰস্সগণনায মহেসি লক্খং

আসুং তযো অরিযসাৰকসন্নিপাতা; ()

৬৫.

তস্সা’পরেন ভৰসাগরপাদস্সি

ফুস্সো মহামুনিরি’হকব্ভুদপাদি লোকে,

ধীরো তদানি ৰিজিতাৰি জিতারিৰগ্গো

রাজা বভূৰ সুররাজনিভো’রুতেজো; ()

৬৬.

সম্বোধি মগ্গপুরিসো পণীধায ফীতং

রজ্জং ৰিৰজ্জিয স’পব্বজিতো জনস্স,

অঞ্ঞায তীণিপিটকানি কথেসি ধম্মং

ৰ্যাকাসি ফুস্সভগৰা’পি’ৰ পুব্ববুদ্ধা; ()

৬৭. ¶

তস্সা’সি কাসিনগরং জযসেননামো

রাজা পিতা’সি জনতি সিরিমা মহেসি,

সঙ্ঘেসু’ভোসু’পি সুরক্খিতধম্মসেতা

চালা তদগ্গযুগলানি তথূ’পঞ্চালা; ()

৬৮.

বোধিদ্দুমা’মলকসাখি সরীরমট্ঠ-

পণ্ণাসহত্থপমিতং সভিযাভিধানো,

সোপট্ঠহী নৰুতিৰস্সসহস্সমাযু

আসুং তযো ভকৰতো গণসন্নিপাতা; ()

৬৯.

তস্সা’পরেন সনরামরসত্তসারো

সত্থা ৰিপস্সি’হ সমুব্ভৰি সব্বদস্সী,

কম্মেন কেনচি মহিদ্ধিমহানুভাৰো

বুদ্ধঙ্কুরো’ভৰি তদা’তুলনাগরাজা; ()

৭০. ¶

অঙ্গীরসস্স ঘনকঞ্চনহদ্দপীঠং

পাদাসি তস্স খৰিতং রতনেহি নানা,

সো বুদ্ধভাৰমহিপত্থিয বোধিসত্তো

ৰ্যাকাসি তত্থসুনিসজ্জ জিনো ৰিপস্সি; ()

৭১.

তস্সা’সি বন্ধুমতিনামপুরং তদেৰ-

নামো পিতা জননি বন্ধুমতী মহেসি,

দ্ৰে খণ্ডতিস্সৰসিনো ৰরসাৰকা’সুং

চন্দা চ ভদ্দযুগলং ভৰি চন্দমিত্তা; ()

৭২.

দেহং অসিতিরততং তমসোকথেরো-

পট্ঠাসি বোধিৰিটপী ভৰি কণ্হৰণ্টা,

ৰাসংঅকা মুনির’সীতিসহস্সৰস্সং

আসুং তযো অরিযসাৰকসন্নিপাতা; ()

৭৩. ¶

তস্সা’পরেন অধিসীলসমাধিপঞ্ঞো

সত্থা সমুব্ভৰী সিখী জনকপ্পসাখী,

ধীরো তদা’ভৰি অরিন্দমনামরাজা

সদ্ধো পহূতরততো রতনত্তযম্হি; ()

৭৪.

ভিক্খঞ্চ সত্তরতনাভরণাভিরামং

ঞত্ৰান হত্থিরতনং সুগতে সসঙ্ঘে,

সো বুদ্ধভাৰমহিপত্থযি সত্তসারো

ৰ্যাকাসি লচ্ছসি সুখোধিপদন্তি সত্থা; ()

৭৫.

বুদ্ধস্স চারিণৰতী নগরং অহোসি

মাতা পভাৰতি পিতা অরুণৰ্হ রাজা,

সঙ্ঘেসু’ভোসু অভিভুৰসি সম্ভৰো চ

অগ্গাভৰিংসু মখিলাপদুমাভিধানা; ()

৭৬. ¶

খেমঙ্করো জিনমুপট্ঠহি সত্ততিংস-

হত্থুচ্ছিতো ৰিজযবোধি চ পুণ্ডরিকো,

সো সত্ততিংসতিসহস্স মিতাযুকো’সি

আসুং তযো তদিযসাৰকসন্নিপাতা; ()

৭৭.

তস্সা’পরেনি’হ সমুব্ভৰি কেতুমালা-

ব্যামপ্পভাপরিলসং মুনিৰেস্সভূ’তি,

বুদ্ধঙ্কুরো কির তদানি সুদস্সনৰ্হ-

রাজা বভূৰ পররাজগজিন্দসীহো; ()

৭৮.

সঙ্ঘস্স বুদ্ধপমুখস্স সচীৰরং সো

দত্ৰান দানমতুলং জিনসাসনম্হি,

সব্বঞ্ঞুবোধিমভিপত্থিয পব্বজিত্থ

বুদ্ধো ভৰিস্সসি ধুৰন্তি তমাহসত্থা; ()

৭৯. ¶

তস্সা’প্য’নোপমপুরং ভৰি সুপ্পতীতো

রাজা পিতা যসৰতী জনিকা মহেসী,

সোণুত্তরা চ নিজসাৰকসাৰিকানং

দামা মতিদ্ধিপরমা পরমা সমালা; ()

৮০.

বোধী’পি তস্স ভৰি সালমহীরূহো’প-

সম্পন্নভিক্খু তদুপট্ঠহি সট্ঠিহত্থো,

সত্থা ৰিহাসি সমসট্ঠিসহস্সৰস্সং

আসুং তযো তদিযসাৰকসত্তিপাতা; ()

৮১.

তস্সা’পরেনি’কহ সমুব্ভৰি সচ্চসন্দো

ৰেনেয্যবন্ধু ভগৰা ককুসন্ধনামো,

বুদ্ধঙ্কুরো ভুৰি তদা’ভৰি খেমরাজা

দানপ্পবন্ধজলসেকসুধোতহত্থো; ()

৮২. ¶

সো পত্তচীৰরপভূতিকমন্নপানং

দত্ৰা সসাৰকজিনস্স ঘরা’ভিগন্ত্ৰা,

পব্বজ্জি বোধিপণিধিং পণিধায রাজা

সত্থাসযা’ত্য’ৰচ তপ্পণিধানসিদ্ধি; ()

৮৩.

খেমৰহযং নগরমস্স পিতা’গ্গিদত্তো

ৰিপ্পো ৰিভাৰি অভৰি জনিকা ৰিসাখা,

সঞ্জিৰথেরদুতিযো ৰিধুরো চ থেরো

সামা তদগ্গযুগলং ভৰি চম্পকাখ্যা; ()

৮৪. ¶

তং বুদ্ধিজো জিনমুপট্ঠহি তস্স গত্তং

তাল়িসহত্থমিতমাসি সিরিসবোধি,

তাল়িসহাযনসহস্সপমাণমাযু

একো’ৰ তস্স ভৰি সাৰকসন্নিপাতো; ()

৮৫.

তস্সা’পরম্হি সমযে করুণানিধানো

লোকাভিভূ কনকভুধরহারিরূপো,

উপ্পজ্জি কোণগমনোমুনি পব্বতাখ্যো

ভুমিস্সরো ভৰি মহাপুরিসো তদানি; ()

৮৬.

সঙ্ঘস্স বুদ্ধপমুখস্স উল়ারদানং

দত্ৰা মহগ্ঘৰরচিৰরসাটকে চ,

সো পকব্বজিত্থ অভিপত্থিত বুদ্ধভাৰো

বুদ্ধো ভৰিস্সসি তুৰন্তি তমাহসত্থা; ()

৮৭. ¶

নামেন সোভৰতি তম্পুরমুত্তরাখ্যা

মাতা পিতা’ৰনিসুরো ভৰি যঞ্ঞদত্তো,

হীযোসোত্তরৰসী সমণি সমুদ্দা

তস্সো’ত্তরা চ পরমা পরিসাসু’ভোসু; ()

৮৮.

তং সোত্থিজো জিনমুপট্ঠহি তিংসহত্থো

অঙ্গীরসো ভৰি উদুম্বরসাখি বোধি,

সো তিংসহাযনসহস্সমিতাযুকো’সি

একো’ৰ তস্স ভৰি সাৰকসন্তিপাতো; ()

৮৯.

তস্সা’পরেনি’হ মহামুনি কস্সপাখ্যো

লোকম্হি পাতুভৰি খগ্গৰিসাণকপ্পো,

বুদ্ধঙ্কুরো ভুৰি তদা’ভৰি জোতিপালো

ৰেদেসু তীসু সকলাসু কলাসু ছেকো; ()

৯০. ¶

কল্যাণমিত্তদুতিযো সুগতং উপেচ্চ

সুত্ৰান ধম্মমথসাসন মোতরিত্ৰা,

সব্বঞ্ঞুভাৰম্হিপত্থযি মাণৰো সো

ৰ্যাকাসি কস্সপমুনী’পি মুনী’চ পুব্বা; ()

৯১.

বারাণসি নগরমাসি পিতা চ মাতা

দ্ৰে ব্রহ্মদত্তধনৰত্য’ভিধানৰন্তো,

ভিক্খুসু তস্স সমণিস্ৰ’পি তিস্সভার-

দ্ৰাজা চ ভদ্দযুগলাত্য’নুলোরুৰেলা; ()

৯২.

তং সব্বমিত্তসমণো সমুপট্ঠহিত্থ

নিগ্রোধসাখী জযবোধি স’ৰীসহত্থো,

তস্সা’সি ৰিসতিসহস্স পমাণমাযু

একো’ৰ’হূ অরিযসাৰকসন্নীপাতো; ()

ইতি মেধানন্দাভিধানেন যতিতা ৰিরচিতে সকলকৰিজন হদযানন্দ দাননিদানে জিনৰংসদীপে দূরেনিদানে বোধিসত্তস্স সেসপণিধাতট্ঠপন পৰত্তি পরিদীপো ততিযো সগ্গো.

১. ¶

দীপঙ্করাদিচতুৰীসতি বুদ্ধপাদ-

মূলেসু লঙপণিধান মহানিধানো,

লক্খাধিকং চতুরসঙ্খিযকপ্পসঙ্খং

পুঞ্ঞাভিসন্দমভিসঙ্খরি বোধিসত্তো; ()

২.

এত্থন্তরে ৰিৰিধবাহিরৰত্থুজাতং

সিস’ক্খিমংসরুধিরানি চ পুত্তদারে,

সো জিৰিতম্পি কপণডিকযাচকানং

ৰীরো পরিচ্চজি পজায হিতত্থমেৰ; ()

৩. ¶

দানাধিমুত্তিপরিযেসন ৰিপ্পৰেসো

পত্ৰা তপোৰনমকিত্তি তপোধনস্স,

তিহং অলত্থ সকটাহমলোণডাকং

যস্সা’ভিভূতজঠরস্স জিঘচ্ছিতত্তা; () (অকিত্তিচরিযং)

৪.

কন্তারমগ্গ পটিপন্ন মনাতপত্তং

পচ্চেক বুদ্ধমহিপস্সিয সঙক্খৰিপ্পো,

ফুট্ঠং সকিচ্চপসুতো সূরিযাতপেন

যো ছত্তুপাহণমদাসি সুধোতপাণি; () (সঙ্খচরিযং)

৫.

দুব্ভিক্খপীল়নভযেন কলিঙ্গরট্ঠা

সংযাচতং যদুপগম্ম ধনঞ্জযৰ্হো,

সোণ্ডায গয্হ নিজমঞ্জন নাগরাজং

যো দক্খিণোদক নিসেকমকাসি রাজা; () (কুরুধম্মচরিযং)

৬. ¶

হুত্ৰান যো মহসুদস্সন চক্কৰত্তী

রাজা কুসাৰতিপুরম্হি দিৰা চ রত্তো,

ৰত্থত্তপানমুপতেসি চরাপযিত্ৰা

ভেরিংক অসেসকপণ্ডিকযাচকানং; () (মহাসুদস্সনচরিযং)

৭.

যো সত্তভুমিভুজসাসি পুরোহিতো’পি

রাজূহি লদ্ধমখিলং ধনধঞ্ঞরাসিং,

সম্পত্তযাচকজনস্স পরিচ্ছজিত্ৰা

পুঞ্ঞপ্পবন্ধমভিসঞ্চিনি বোধিহেতু; () (মহাগোৰিন্দচরিযং)

৮.

ধম্মানুসাসি নিমিনাম মহীভুজো’পি

সালং ৰিধায মিথিলায চতুম্মুখং যো,

অচ্ছিন্নমত্থিজনপক্খিচতুপ্পদানং

দানং পৰত্তযী পুরা দদতং ৰরিট্ঠো; () (নিমিরাজচরিযং)

৯. ¶

যো একরাজসুতচন্দকুমারভূতো

মুদ্ধাভিসেক করণায জনেহি গচ্ছং,

সংৰেজিতো সৰিভৰে তিভৰে’পি যঞ্ঞা-

ৰাটং ৰিধায’ভিপৰত্তযি দানৰট্টং; () (চন্দকুমারচরিযং)

১০.

যো ৰত্থুসারগহণেন অতিত্তরূপো

ভুমিস্সরো’পি সিৰিনাম সুরাধিপস্স,

জচ্চন্ধৰেসগহিতস্স ৰিলোচনানি

উপ্পাটযিত্ৰ পদদং লভি দিব্বচক্খূ; () (সিৰিরাজচরিযং;)

১১.

দানাধিমুত্তিপরমো সসপণ্ডিতো যো

মিত্তেনু সাসিয অধিট্ঠিতুপোসথঙ্গো,

অঙ্গারমুদ্ধনি পপাত সজীৰিতাসং

হিত্ৰা দ্ৰিজস্স তনুমংসপদাতুকামো; () (সসপণ্ডিতচরিযং; ইতিদানপারমীং)

১২. ¶

যো মাতুপোসককরি ভিসমুদ্ধরত্তো

অন্ধায হত্থিদমকেন করেণুকায,

সোণ্ডায সুট্ঠুগহিতো’প্য’ৰিকণ্ডিতস্স

সীলস্স খণ্ডনভযা নজনেসি কোপং; () (মাতুপোসকচরিযং)

১৩.

যো ভুরিদত্তভুজগো’পরিৰম্মিকট্ঠো,

সীলব্বতং ৰিসধরো সমধিট্ঠহিত্ৰা,

পেল়ায খিত্তভুজগে অহিগুণ্ঠিকম্হি

সীলস্স কুপ্পনভযেন জহাসি কোপং; () (ভুরিদত্তচরিযং;)

১৪.

সীলব্বতাদিৰিভৰো জলিতিদ্ধিমা যো

চম্পেয্যনামভুজগো অহিগুণ্ঠিকম্হি,

ইচ্ছানুরূপৰিচরো চমরী’ৰ ৰালং

সীলং জুগোপ নপি তব্বধকে চুকোপ; () (চম্পেয্যচরিযং;)

১৫. ¶

যো চূলবোধিৰিসুতো সমদিট্ঠহত্ৰা

সীলব্বতং ৰনমুপেচ্চ ৰসং পিযায,

তাযং পসয্হ গহিতায’পি কাসিরঞ্ঞা

সীলব্বিসোধনপরো পজহিত্থ রোসং; () (চূলবোধিচরিযং)

১৬.

যো ভিংসরূপি মহিসো’পি ৰলিমুখস্স

আগুং তিতিক্খমখীলং পরিসুদ্ধসিলো,

রুক্খট্ঠযক্খৰচনানি পটিক্খিপিত্ৰা

তং সীলভঙ্গভযতো ভযতো মুমোচ; ()

১৭.

যো ৰুয্হমানমপনীয নদীপৰাহা

মিত্তদ্দুহিং পুতসজীৰিতদানহেতু,

রঞ্ঞা মুমোচ ৰধিযং অৰিকোপনেন

সীলস্স রূরুহরিণো’পি হরিস্সৰণ্ণো, () (রূরুমিগরাজচরিযং;)

১৮. ¶

যো দন্তকট্ঠসকলেহি জটাকুলেহি

কুদ্ধেন কুটজটিলেন কতাহিসাপো,

মাতঙ্গনামমুনি সীলধনং জুগোপ

সম্পাতসাপরিপুমিদ্ধিবলেন রক্খং; () (মাতঙ্গচরিযং;)

১৯.

মগ্গাৰতিণ্ণমধমং কল্হাভীলাসা-

সঙ্ঘট্টিতোভযরথঙ্গমধম্মযক্খং,

কোপগ্গিনা নপরিঝাপযমিদ্ধিমা যো

সীলং ররক্খ খলু ধম্মিকযক্খরাজা; () (ধম্মাধম্ম দেৰপুত্তচরিযং;)

২০.

যো পোরিসাদৰসগস্স জযদ্দিসস্স

রঞ্ঞো পটিঞ্ঞমধিকিচ্চ ৰিজিৰিতাসো,

খীত্তাযুধো তদুপগম্ম অলীনসত্তো

যক্খং দমেসি ননু সীলৰতং নিদানা; () (অলীনসত্তচরিযং;)

২১. ¶

যো সঙ্খপালভুজগো নিজভোগপূর-

ৰ্যাভঙ্গিভারতরৰাহিতি ভোজপুত্তে,

কারুঞ্ঞমাপ অভিগন্তুমপাদতায

সীলস্স ভঙ্গভযতো’পি হুতাসতেজো; () (সঙ্খপালচরিযং; ইতি সীলপারমিং;)

২২.

সঙ্খারধম্মখণভঙ্গসভাৰদস্সি

উস্সাৰবিন্দুৰিলযং’ৰ যুধঞ্জযো যো,

রাজা জনস্স রুদতো পৰিহায রজ্জং

নেক্খম্মপারমিমপুরযি পব্বজিত্ৰা; () (যুধঞ্জয চরিযং;)

২৩.

যো সোমনস্সৰিসুতো কুরুরাজপুত্তো

দুস্সীলকুটজটিলব্বচনং পটিচ্চ,

রঞ্ঞা নিযোজিতৰধো ৰধকাৰকাসং

লদ্ধানুসাসিয’ভিনিক্খমি চত্তরজ্জো; () (সোমনস্স চরিযং;)

২৪. ¶

যো কাসিরাজতনুজো’পি অযোঘরাখ্যো

ঈহং ভতো চিরমযোঘরৰাসহীরূ,

রজ্জং পহায পরমং পিতরা পদত্তং

নেক্খম্মপারমিপরো ৰনমোতরিত্থ; () (অযোঘরচরিযং;)

২৫.

যো পঞ্চকামগুণদীপনতো’পদিট্ঠ-

সম্ভত্তমিত্তৰচনম্পি পটিক্খিপিত্ৰা,

নিদ্ধন্তকঞ্চননিভচ্ছৰি কঞ্চনাখ্যো

পত্ৰা তপোৰনমপব্বজি বন্ধৰেহি; () (ভিসচরিযং;)

২৬. ¶

পক্খিত্তদদ্দুলনহারুরিৰা’নলম্হি

সঙ্খারধম্মৰিসযে পটিৰট্টিতত্তো,

যো সোণভুসুরসুধী ৰিভৰং পহায

পব্বজ্জিতুং সপরিসো পৰনং জগাম; () (সোণপণ্ডিতচরিযং; ইতি নেক্খম্ম পারমি;)

২৭.

যো সেণকো সুধি পসিব্বকগব্ভসাযিং

ৰিপ্পস্সি মোহকলুসিকতমানসস্স,

সপ্পং সুঘোরমুপদস্সিয দীঘদস্সী

পঞ্ঞাসুপারমিমপূরযি ভুরিমেধো; () (সেণকপণ্ডিত চরিযং;)

২৮.

যো যং মহোসধসমাখ্যসুধী সুধীসো

উম্মগ্গসংৰুতনিসগ্গৰতিসমো’পি,

উম্মগ্গতো’ৰ সবলং মিথিলাধিনাথং

পঞ্ঞাপজাপতিপতি রিপুতো মুমোচ; () (মহোসধচরিযং ইতি পঞ্ঞা পারমী;)

২৯. ¶

ৰালেনু’ল়ারৰীরিযো ৰীরিযেন ঘোরং

সংসারদুক্খমিৰ যো কিসকালকো’পি,

গম্ভীরসাগরজলং সপজানুকম্পী

উস্সিঞ্চিতুং সততমারহি সত্তসারো; () (কালক চরিযং)

৩০.

রাজামহাদিজনকো জনকুন্দচন্দো

গম্ভীরভুরিসলিলং সলিলাকরং যো,

সূরো’রুবাহুৰীরিযো ৰীরিযং ততার

সংসারসিন্ধুতরণে তরণীসরূপো; () (মহাজনকচরিযং; ইতি ৰীরিযপারমি;)

৩১.

যো খন্তিতিন্তহদযো যতিখন্তিৰাদী

ছেদাপিতে’পি সকলং সকলত্তভাৰে,

সমপূতখন্তিজলমেৰভূসং সিসেচ

ৰ্যাপাদপাৰকপদিত্তকলাবুরাজে; () (খন্তিৰাদী চরিযং)

৩২. ¶

যো ধম্মপালনপরো সুসু ধম্মপালো

কারাপিতে’পি ৰধকেহ’সিমালকম্মং,

আসন্নতাপনিরযম্হি পতাপরাজে

খন্তিং পৰত্তযি মনপ্পিতখন্তিমেত্তো; () (ধম্মপাল চরিযং; ইতি খন্তিপারমী;)

৩৩.

যো অন্তরীপগভযংকরসুংসুমার-

মুদ্ধাসমপ্পিতপদো কপিরাজভূতো,

দিন্নং পটিঞ্ঞমনুকুব্বমনঞ্ঞলব্ভং

নজ্জা পপাত পরতীরমসচ্চভীরূ; () (কপিরাজ চরিযং)

৩৪. ¶

যো সচ্চপারমিপরো ৰসি পচ্চনামো

সচ্চেন সচ্চমহীসন্ধিয সচ্চদস্সী,

পোরিং সমগ্গকরণিং সিরিজম্বুদীপে

সম্পালযং সকললোকমৰোচ ৰাচং; () (সচ্চসৰ্ভয চরিযং;)

৩৫.

যো ৰট্টপোতকদিজো অৰিরূল়্হপক্খ-

পাদো’তিখুদ্দককুলাৰকগব্ভসাযী,

সচ্চেন সোল়সকরিসমিতপ্পদেসে

দাৰগ্গিনিব্বুতিমকা থিরমাযুগন্তং; () (ৰট্টপোতক চরিযং;)

৩৬.

যো গিজ্ঝকাকবকবাণকভক্খভুত-

বন্ধু নিদাঘরৰিতাপপরিক্খযা’পে,

রিত্তে সরম্হি পরিমোচযি মচ্ছরাজা

সচ্চেন’কালজলদাগমপচ্চযেন; () (মচ্ছরাজ চরিযং;)

৩৭. ¶

দুট্ঠাহিদট্ঠৰিসৰেগৰিমুচ্ছিতং যো

মণ্ডব্বতাপসৰরো’রসযঞ্ঞদত্তং,

কত্ৰান সচ্চকিরিযং করুণায কণ্হ-

দীপাযনো মুনি মুমোচ তমাপদম্হা; () (কণ্হাদীপাযন চরিযং;)

৩৮.

যো পোরিসাদৰসগো সুতসোমরাজা

রজ্জে তিযোজনসতে সকজীৰিতে’পি,

সচ্চং ররক্খ ননু সচ্চপরো নিরাসো

দিন্নং পটিস্সৰমুভিন্নমপানুকুব্বং; () (সুতসোমচরিযং; ইতি সচ্চপারমী;)

৩৯.

নিব্বিন্নরজ্জৰিভৰো ভৰভীরূতায

যো মূগপক্খবধিরাকতি মূগপক্খো,

নীতে নিখাতুমপকি সীৰথিকাৰকাসে

দল়্হং অধিট্ঠিতৰতং ৰত নোজহাসি; () (তেমিযচরিযং; ইতি অধিট্ঠান পারমী;)

৪০. ¶

মেত্তৰিহারপরমো পিতুরন্ধযট্ঠি

যো সোমসোম্মযদযো’পি সুৰণ্ণসামো,

ৰাল়েহি সম্পরিৰুতো পৰনে ৰিহারি

মেত্তাখ্যপারমিমপূরযি পাপভীরূ; () (সুৰণ্ণসামচরিযং;)

৪১.

যো একরাজৰিসুতো ভুৰি কাসিরাজা

মেত্তাকলত্তদুতিযো সকজীৰিতে’পি,

অৰছিন্নরজ্জৰিভাৰে পটিপক্খরাজে

মেত্তায সম্ফরি সমং পরিভাৰিতায; () (একরাজচরিযং; ইতি মেত্তা পারমী;)

৪২. ¶

যা লোমেহংসৰিসুতো’পি তুলাসরিক্খো

মানাৰমাননকরেসু সুখে চ দুক্খ,

ৰাসং চৰট্ঠিপরিকিণ্ণসুসানমজ্ঝে

ৰেরং অৰেরমনুপেচ্চ ররক্খু’পেক্খং; () (লোমহংসচরিযং; ইতি উপেক্খাক পকারমিং)

৪৩.

সো বোধিযা’ভিনিযতো পরিপক্কঞাণো

বুদ্ধঙ্কুরো’পচিতপারমিতাবলেন,

নিজ্ঝামতণ্হ’সিতকঞ্জক্খুপ্পিপাস-

লোকন্তরোরুনিরযেসু ন জাতু জাতো; ()

৪৪.

নালত্থ পণ্ডকনপুংসকমূগপক্খ-

ছচ্চন্ধজাতিবধিরিত্থিজল়ত্তভাৰং,

সো মক্খিকামকসকুত্থকিপিল্লিকাদি-

জাত্যা নপাতুভৰি কীটপটঙ্গজাত্যা; ()

৪৫. ¶

নালত্থ গন্ধগজতো পুথুলত্ত ভাৰং

নালত্থ ৰট্টসুসুকা সুখুমন্ত ভাৰং,

নালত্থ উম্দনমম্মনকত্ত ভাৰং

নালত্থ এৰমতিহীনতরত্ত ভাৰং;

৪৬.

নাহোসি মাতুৰধকো পিতুঘাতকো ৰা

নাহোসি সঙ্ঘভিদুরো অরহন্তঘাতো,

নাহোসি দুট্ঠহদযেন তথাগতস্স

নাহোসি সংজননকো রুধিরস্স কাযে; ()

৪৭.

কম্মং ফখলং তদুভযং পটিবাহিনো যে

উচ্ছেদদিট্ঠিগতিকা ৰিহরিংসু তেসং,

লদ্ধিং কদাচি নপরামসি সদ্দহানো

কম্মং ফলং নিযতবোধিপরাযণো সো; ()

৪৮. ¶

যস্মিং ভৰে ভৰতি নামচতুক্কমত্তং

তত্রা’পি পুঞ্ঞকরণত্থ মসঞ্ঞসত্তে,

অট্ঠানতো নপটিসন্ধিমগণ্হি সুদ্ধা-

ৰাসেসু পঞ্চসু কদাচি পপঞ্চভীরূ; ()

৪৯.

বুদ্ধঙ্কুরো নিযতবোধিপদো কদাচি

দীঘাযুকেসু’পিভৰেসু সুখানপেখো,

কত্ৰা’ধিমুত্তিৰচনং ইধ জীৰলোকে

নিব্বত্তি সো তিদসপারমিপূরণত্থং; ()

৫০.

ইচ্চেৰং সো পুরিসনিসভো দুপ্পৰেসস্স বোধি-

পাসাদস্সা’ৰতরণসমত্তিংসতিস্সেণিরূপং,

নিপ্ফাদেন্তো পরহিতরতো পারমীধম্মজাতং

সংসারে সংসরি চিরতরং ঘোরদুক্খং তিতিক্খং; ()

ইতি মেধানন্দাভিধানেন যতিনা ৰিরচিতে সকলকৰিজন হদযানন্দ দাননিদানে জিনৰংসদীপে দুরেনিদানে পারমিধম্মাভিসঙ্খরণ পৰত্তি পরিদীপো চতুত্থো সগ্গো.

১. ¶

অত্থৰত্তপদং নানাৰণ্ণমণ্ণৰজান্ৰিতং,

পত্থ্যাৰত্তমিৰাহোসি জেতুত্তরপুরং পুরে; () (সিলেস বন্ধনং;)

২.

পরিখামেখলাদাম বদ্ধপাকারসোণিনী,

ররাজ রাজধানী সা ৰধূৰ পতিমণ্ডিতা; ()

৩. ¶

মণিসিঙ্গংসুমালাভি বালংসুমালিৰিব্ভমং,

সসঙ্কমণ্ডলং তস্মিং পলম্হেসা’ভীসারিকা; ()

৪.

ইন্দিরামন্দিরা’মন্দমণিমন্দিরসালিনী,

হেমদ্ধজাৰলি তস্মিং কিল়াপযি কলাপিনো; ()

৫.

ররাজ নাগরাজানং কপ্পিতাভরণেহি চ,

দাঠাহি দানধারাহি মেঘৰচ্ছন্তা’ৰ সা পুরী; ()

৬.

তুরঙ্গনিকরোণ্ডুতধুলিধূসরিতম্বরং,

নিৰারিতাতপংরঙ্গৰিতানস্সিরিমাহরি; ()

৭. ¶

নীলসেৰালধম্মিল্লা সম্ফুল্লকমলা’ননা,

তহিমুপ্পললোল’ক্খী হংসপীনপযোধরা; ()

৮.

কিঞ্জক্খরাজিরসানারুদ্ধরোধনিতম্বিনী,

ভিঙ্গালিমণিমঞ্জিরা নারী’ৰা’সুং সরোজিনী; () (সিলেস বন্ধনং;)

৯.

কেৰকলং কপ্পরুক্খেহি ৰিনা সা রাজধান্য’হু,

ৰিসাণারাজধানী’ৰ সব্বসম্পত্তিসালিনী; ()

১০.

কদাচি পুরিসাজঞ্ঞো রাজা’হোসি পুরে তহিং,

ৰেস্সন্তরো’তিনামেন ৰিস্সুতো ভুৰনত্তযে; ()

১১. ¶

কুমারো’ৰ সমানো সো দানকীল়াপরাযণো,

কাযূপগানি ধাতীনং রতনাভরণানি’পি; ()

১২.

খণ্ডাখণ্ডং করিত্ৰান নৰক্খন্তুং কপরিচ্চজি,

এৰং বাহিরৰত্থূনিদদন্তো অট্ঠৰস্সিকো; ()

১৩.

পাসাদমভিরীহিত্ৰা সোনিসজ্জা’ভিযাচনং,

দস্সামী’তি ৰিচিন্তেসি সিসক্খিমংসলোহিতং; ()

১৪.

সুখেধিতো মহাসত্তো সুক্কপক্খে’ৰ চন্দিমা,

পালেসি দসধম্মেন পত্ৰা রজ্জসিরিং পজং; ()

১৫.

নিসজ্জো পরিপাসাদে সো রাজা একদা রহো,

কামানং সঙ্কিলেসঞ্চ ৰোকারাদীনৰং সরি; ()

১৬. ¶

পব্বজ্জাহিরতো রাজা নিব্বিন্তো ৰিভৰেভৰে,

সম্পত্তিসারমাদায হিত্ৰা রজ্জসিরিং ৰরং; ()

১৭.

মত্তমাতঙ্গরাজা’ৰ অগ্গিপজ্জলকাননা,

রুদতো ঞাতিসঙ্ঘস্স অগারস্মা’ভি নিক্খমী; ()

১৮.

চম্পকাসোকৰকুলতরুসণ্ডসুমণ্ডিতং,

সিখণ্ডিমণ্ডলাখণ্ডকীল়ং কোকিলকূজনং; ()

১৯.

অনেকমিগপক্খীনমাসযং সলিলাসযং,

ৰীকাসকুসুমামোদপ্পৰাসিতসমীরণং; ()

২০.

মধুমত্তা’লিঙ্ধঙ্কারনিব্ভর’ম্বুরুহাকরং,

সম্পাতনিজ্ঝরা’রাৰগম্ভীরভুরিভূধরং; ()

২১. ¶

পৰৰেকক্খমং ৰঙ্কপব্ভারং গিরিগব্ভরং,

দুপ্পৰেসপকথং ৰঙ্কগিরিনামতপোৰনং; ()

২২.

পত্ৰা লদ্ধে’সিপব্বজ্জা কৰিলাসো সো মহীভুজো,

চরন্তো ব্রহ্মচরিযং চিরস্সং ৰীতিনামযি; ()

২৩.

তস্সরঞ্ঞো মহেসিপি মদ্দীনাম সুখেধিতা,

পুত্তধীতূভিসদ্ধিং তং তপোৰনমুপাৰিসি; ()

২৪.

মহিচ্ছো পূজকোৰিপ্পো তদা বীগচ্ছদস্সনো,

যেন ৰেস্সন্তরোসত্তসারো তেনুপসঙ্কমি; ()

২৫. ¶

অত্থো কম্মকরেহী’তি জরাজজ্জরিতস্স মে,

পুত্তঞ্চধীতরং যাচী ধীরং পত্ৰা দযাপরং; ()

২৬.

উভো কণ্হাজিনং জালিং সসেনহভারভাজনং,

সম্মাসম্বোধিকামো সো তণ্হাদাসব্যমুত্তিযা; ()

২৭.

দক্খিণোদকসম্পুতজূজক’ঞ্জলিভাজনে,

সমপ্পযিত্থ বন্ধিত্ৰা অগমা’দায নিদ্দযো; ()

২৮.

দানাধিমুত্তীৰীমংসী ৰিপ্পাকপ্পেনু’পাগতো,

সংযাচি দেৰরাজা’থ মদ্দিদেৰিং পতিব্বতং; ()

২৯.

দক্খিণোদকনিদ্ধোতহত্থো সো দক্খিণোদকং,

কত্ৰা দেৰেসৰিপ্পস্স দেৰিং দেৰো পরিচ্চজি; ()

৩০. ¶

সত্তক্খত্তুং পকম্পিত্থ তস্স পারমিতেজসা,

সাধুসাধূতি পত্তানুমোদন্তী’ৰ মহীৰধূ; ()

৩১.

ইচ্চেৰং পুরিসারঞ্ঞো পরিপাচিনপারমী,

মণিরংসিস্মুজ্জোত পাসাদসতলঙ্কতে; ()

৩২.

মন্দমন্দানিলোণ্ডূত পঞ্চৰণ্ণদ্ধজালীনং,

মণিকিংকিণিজালানুরাৰসোতরসাযনে; ()

৩৩.

দিব্বেহি নচ্চগীতেহি ৰাদিতেহি মনোরমে,

কন্দপ্পমণ্ডপাকার রঙ্গমণ্ডপমণ্ডিতে; ()

৩৪.

দিব্বন্তদিব্বরাজূনং ইন্দচাপসতেহি’ৰ,

চূল়ামণীমরীচিহী সম্বাধীকল়িত’ম্বরে; ()

৩৫. ¶

অচ্ছরাহি কুচঞ্চন্দনমিতঙ্গীহি দূরতো,

ৰিধূতচন্দিকারাজি চারুচামর মারুতে; ()

৩৬.

সুত্তপ্পবুদ্ধপোসো’ৰ তুসিতে তিদসালযে,

ততো চৰিত্ৰা নিব্বত্তি হুত্ৰা সন্তুসিত’ৰ্হযো; ()

৩৭.

দিব্বেসু পঞ্চকামেসু ৰসন্তো তুসিতালযে,

পঞ্চিন্দ্রিযানি লোকেকলোচনো পরিচারযি; ()

৩৮.

তদা দসসহস্সেসু চক্কৰাল়েসু দেৰতা,

একত্থ সন্নিপতিতা সুত্ৰা বুদ্ধহল়াহল়ং; ()

৩৯.

তেনো’পসঙ্কমিত্ৰান যেনা’সি পুরিসুত্তমো,

কত্ৰা তব্বদনম্ভোজং নযনালিকুলালযং; ()

৪০. ¶

চূল়ামণিমযুখম্বুতিদ্ধোতচরণাসনে,

বদ্ধঞ্জলিপুটম্ভোজমকুলাতি সমপ্পযুং; ()

৪১.

চক্কৰত্তিপদং সক্কমারব্রহ্মপদতযা,

নখো মারিস পত্থেত্ৰা পারমী পরিপাচিতা; ()

৪২.

ৰেনেয্যবন্ধুভুতেন সম্মাসম্বোধিমিচ্ছতা,

তযা মারিস কিচ্ছেন পূরিতা দসপারমী; ()

৪৩.

সদেৰকস্স লোকস্স হিতায মাতুকুচ্ছিযং,

উপ্পজ্জতূতি যাচিংসু তংধীরং করুণাপরং; ()

৪৪.

সতৰস্সাযুহেট্ঠাপি উদ্ধং সহসহস্সতো,

যস্মা অকালো বুদ্ধানং তস্মা কালং ৰিপস্সি সো; ()

৪৫. ¶

যস্মা অঞ্ঞেসু দীপেসু সম্বুদ্ধা নোপপজ্জরে,

জাযন্তি জম্বুদীপস্মিং তস্মা দীপং ৰিপস্সি সো; ()

৪৬.

যস্মা মিলক্খদেসেসু নূপ্পজ্জন্তি তথাগতা,

জাযরে মজ্ঝিমে দেসে তস্মাদেসং ৰিপস্সি সো; ()

৪৭.

যস্মা নজাযরে ৰেস্সসুদ্দত্ৰযেসু জাযরে,

খন্তিযে ব্রাহ্মণে বুদ্ধা কুলং তস্মা ৰিপস্সি সো; ()

৪৮.

যস্মা অনঞ্ঞৰিসযা কুচ্ছি সম্বুদ্ধমাতুযা,

তস্মা আযুপরিচ্ছেদৰসেন পস্সি মাতরং; ()

৪৯.

লোকেকলোচনো এৰং কত্ৰা পঞ্চাৰলোকনং,

তাসং পটিঞ্ঞং পাদাসি করুণাপুণ্ণমানসো; ()

৫০. ¶

তপ্পাদতামরসচুম্বিত মোল়িমালা

সম্পত্তদেৰপরিসা’ন্তরধাযি তাৰ,

ওগয্হ নন্দনৰনং তুসিতাধিরাজা

তম্হা চৰী মতিদযাদযিনাসভাযো; ()

ইতি মেধানন্দাভিধানেনযতিনা ৰিরচিতে সকলকৰিজন হদযানন্দদানতিদানে জিনৰংসদীপে দুরেনিদানে ৰেস্সন্তরচরিযপ্পভুতিদেৰারাধনা পৰত্তি পরিদীপো পঞ্চমো সগ্গো.

জিনৰংসদীপে দূরেনিদান ভাগো পঠমো.

১. ¶

যা সত্তসারপভৰা সিরিজম্বুদীপে

ফীতা’মরাৰতিপুরী’ৰ পুরীৰতংসা,

আদিচ্চৰংসিকনরিন্দপৰেণি ভূমি

লক্খ্যালযা কপিলৰত্থুপুরী পুরে’সি; ()

২.

ৰণ্ণেহি কণ্ণসুখসদ্দরসেহি জাত-

রূপেহি অত্থৰিসরেহি যতীহি যুত্তা,

যা রাজধানি পুথুপাণগণপ্পদেহি

আসী (ৰসন্ততিলকা) রচনা যথেৰ; () (সিলেস বন্ধনং;)

৩. ¶

পাচীদিসাভুজলতায মহীযুৰত্যা

সন্নদ্ধসঙ্খৰলযস্সিরিমাৰহন্তং,

যস্সা সুধাসুপরিকম্মকতং ররাজ

পাকারচক্কমচলং মকুটানুকারং; ()

৪.

যস্সা ররাজ পরিখা নগরিন্দিরায

কিঞ্জক্খিঞ্জরিততীরদসাভিরামা,

সংসিব্বিতালিৰিত্তীমণিতন্তুপন্তী

পাকারসোণিভরতো গলিতম্বরং’ৰ; ()

৫.

কন্দপ্পদপ্পমদিরামদমত্তধুত্তা

মন্দানিলেরিতসুনীললতাৰিতানং,

যস্মিং ৰিলোলনযনঞ্জলিপিযমানং

আপানভুমিনিভমোপৰনংভজিংসু; ()

৬. ¶

মত্তঙ্গনায নৰযোব্বনগব্বিতায

রঙ্গালযগ্গমণিদপ্পণবিম্বিতেহি,

যা রাজধানি ঘনপীনপযোধরেহি

সোম্মাননেহি ভজি মানসৰাপিসোভং; ()

৭.

সঙ্কপ্পিতাভরণরংসি সতেরতালী

দাঠাবলাকৰিসরা মদৰুট্ঠিধারা,

যস্মিং পুরে ঘরমযূরকুলং অকালে

কীল়াপযিংসু ৰরৰারণৰারিৰাহা; ()

৮.

পাকারচক্কবহিনিগ্গত মুগ্গরাগং

যস্মিং তুরঙ্গনিকরুদ্ধটধূলিজালং,

রচ্ছাৰতারজনতায খণং জনেসি

ভীতিং পদিত্তপলযানলজালসোভং; ()

৯. ¶

যস্মিং ৰিমানমণিসিঙ্গজুতিপ্পবন্ধ-

সঞ্চুম্বিতং জিতরৰিং হরিণ্ডকবিম্বং,

নারীজনাননসরোজকতাৰমানং

কোধাভিভুতমিৰ ৰণ্ণৰিকারমাপ; ()

১০.

যত্থিস্সরেহি সমধিগ্গহিতানি তুঙ্গ-

কেলাসকুটধৰলাতি মনোহরাতি,

নিচ্চং সুধাসুপরিকম্মকতানি চা’সুং

লক্খীনিকেতননিভানি নিকেতনানি; ()

১১.

যত্থিন্দনিলমণিমাপিতমণ্ডপগ্গে

হেমদ্ধজাৰলিপরিব্ভমণংক পুরম্হি,

জীমূতকূটপমুখে সতৰিজ্জুমালা-

লীলাৰহং ৰিরহিনীনমঘং জনেসি; ()

১২. ¶

সঞ্ঝানুরাগমণিতোরণদীধিতীহি

ভিন্নন্ধকারনিকরা’খিলনাগরানং,

যা রাজধানি জনযন্তিপি তুঙ্গতুট্ঠিং

পীত্যা নৰাসি রজনীস্ম ভিসারিকানং; ()

১৩.

সেৰালকেসরসমাকুলতীরভাগা

সম্ফুল্লরত্তপদুমুপ্পলকল্লহারা,

হংসালিসারসসমোসরণাভিরামা

যস্মিং সুনিম্মলজলা কমলাকরাসুং; ()

১৪.

যস্মিংপুরে কুলৰধূৰদনম্বুজানং

লদ্ধুং নিরূপমসিরিং ভুসমুস্সহন্তা,

যাৰজ্জ সেতসরসিরুহসীতরংসী

অঞ্ঞোঞ্ঞবদ্ধপটিঘা’ৰ ৰজন্তি নাসং; ()

১৫. ¶

যস্মিং সুৰণ্ণমকণিরূপিযৰংসৰণ্ণ-

মুত্তাপৰাল়চজিরেহি মহারহেহি,

নানাপণা সুখুমকাসিকসাণহঙ্গ-

কোসেয্যখোমৰসনেহি’ভৰুং পপুণ্ণা; ()

১৬.

চক্কাসিসত্তিধনুকুন্তগদাদিভত্থা

সন্নদ্ধহেমকৰচা ৰিজিতারিৰগ্গা,

সঙ্গামসাগরসমুত্তরণাতিসুরা

যোধা যহিং পুরৰরে অকরিংসু রক্খং; ()

১৭.

ফূট্ঠা ক ৰাটনিকটে মণিমন্দিরানং

কপ্পাসপট্টধৰলা সরদব্ভরাজী,

যস্মিং খণং জৰনিকাসিরিমাদধানা

থীনং জুগোপ মধুপেহি মুখম্বুজানি; ()

১৮. ¶

নিব্বিদ্ধৰীথিৰিসরেহি সুসজ্জিতেহি

নিচ্চুস্সৰায পুরমুস্সিততোরসেহি,

ভোগিন্দভোগনিকরেহি রসাতলং’ৰ

যং সম্পসারিতফণেহি বভুৰ রম্মং; ()

১৯.

যস্মিংপুরে ৰিৰটমন্দিরজালকানং

উদ্ধূতধুলিমলিনীকল়িতালকানং,

নারিনমিন্দুরুচীরানন দপ্পণেসু

লোকস্স লোচনমণি পটিবিম্বিতা’সুং; ()

২০.

গম্ভীরসঙ্খপটভদ্ধনিভূরিঘোসং

কেলাসকূটধৰলালযফেণপিণ্ডং,

যং পুণ্ণসত্তরতনং পুরখীরসিন্ধুং

লক্খী অলঙ্করি তুরঙ্গতরঙ্গৰেগং; ()

২১. ¶

রেণুপ্পবন্ধমলিনং কৰনরাজিনীলং

মধৰাতিমত্তমধুপং পদুমাভিরামং,

যং রাজহংসভজিতং অৰতিণ্ণলোকং

আসি পুরং ৰিকচকঞ্জৰনং যথেৰ; () (সিলেসবন্ধনং;)

২২.

যস্মিংপুরম্হি রতনুজ্জলনীলকণ্ঠা

রাগাৰমদ্দিতধরা’ৰিৰটদ্ৰিজালি,

আসুংপযোধরভরা’ৰিরল়প্পদেসা

সম্পত্তৰুট্ঠিদিৰসাৰিযমাতুগামা; () (সিলেসবন্ধনং;)

২৩. ¶

ধম্মানুধম্মপটিপত্তি পরাযণস্স

সংসারভীরুকজনস্স তপোৰনাভা,

যা রাজধানি পচুরন্ধপুথুজ্জনানং

আপানভুমিৰ বভূৰু’ভযপ্পকারা; ()

২৪.

বুদ্ধঙ্কুরস্স রৰিৰংসপভঙ্করস্স

সম্মা সুখানুভাৰনায সুভুমিভুতা,

ভো যাদিসি কপিলৰত্থুপুরি পুরে’সি

ধম্মস্সভাৰমধুনা পরিদীপযে সা; ()

২৫.

তস্মিং বভূৰ নগরে নগরাধিরাজে

রাজা সুনীতিচতুরো চতুসঙ্গহেহি,

ধম্মেন সব্বজনরঞ্জনকো কদাচি

সুদ্ধোদনৰ্হৰিসুতো রৰিৰংসকেতু; ()

২৬. ¶

দিস্ৰা’ৰতারকলুসিকতমত্তভাৰং

উক্কণ্ঠিতে’ৰ কমলা কমলাপতিস্স,

ভূপালিপালিভজিতং চরণারৰিন্দং

সংসেৰি যস্স রৰিৰংসধজস্স রঞ্ঞো; ()

২৭.

যস্সা’ৰনীসকৰিনো কৰিকণ্ঠভুসা

ৰাণিৰধূ মধুরকোমকলকত্তৰাণী,

পত্ৰা চতুম্মুখমুখম্বুজকাননম্হা

হংসীৰ মানসতল়াকমলঙ্করিত্থ; ()

২৮.

সব্বারিদপ্পমথনোপরি একধত্ৰা

অজ্ঝত্তিকারিপরাজিযমপ্পসয্হং,

সংসুদ্ধচিত্তনিকসে নিসিতেন তাৰ

পঞ্ঞাযুধেন অৰধিত্থ মহীভুজো যো; ()

২৯. ¶

যস্মা মহীপতিমহীধরতো উপেক্খা-

ৰেল়াতলাৰধি দযাসলিলেন পুণ্ণা,

মেত্তাসৰন্তি পভৰা মুদিতুমিমালা

অজ্ঝোত্থরিত্থ ভুৰনত্তযগংজনোঘং; ()

৩০.

সম্পন্নদানসদনম্বুধরেহি যস্স

দানাধিমুত্তিপরমস্স মনোদহেসু,

তণ্হাতটানি কপণদ্ধিকযাচকানং

হিন্নানি সত্তরতনম্বুনিপাতনেন; ()

৩১.

যস্সিন্দনীলনযনং রজতাৰদাত-

দন্তং সুৰণ্ণৰদনঞ্চ পৰাল়সীসং,

মুত্তামযঙ্গৰযৰং রতনেহি নানা

দেহং সুমাপিতমিৰাসি পিতামহেন; () (সীলেসবন্ধনং)

৩২. ¶

যস্সাতিপণ্ডরযসোৰিসরো’সধীসো

সঙেক্কাচিতাননসরো’রিনরাধিপানং,

সোকন্ধকারভিদুরো রিপুরাজিনীনং

আসাগরন্তপথৰিং পরিধিকরিত্থ; ()

৩৩.

রাজঞ্ঞছপ্পদকুলং সকলং পদেস-

রজ্জাধিপচ্চমকরন্দরসাভিলাসং,

যস্সত্তভাৰকমলাকরফুল্লিতানি

সংসেৰি চারুচরণম্বূরুহানি ভত্যা; ()

৩৪. ¶

সেতাতপত্তমিৰ ৰিস্সুতকিত্তিপুঞ্জং

কত্ৰা’সিপত্তমিৰ পাৰকভীমতেজং,

যস্মিং সরজ্জমনুসাসতি সেসভূপা

ছত্তাসিভূসিতকরা সককিঙ্করা’ৰ; ()

৩৫.

দ্ৰারানি’নেককপণ্ডিকযাচকানং

উগ্ঘাটিতোপ্য’ৰিরতং রতনালযেসু,

সদ্ধাদিসত্তধনরক্খণতপ্পরো সং

দ্ৰারত্তযং পিদহি যো কপিলাধিনাথো; ()

৩৬.

যস্সুস্সিতদ্ধনুএণো পবলারিৰগ্গং

ৰিস্সট্ঠাবাণৰিসরব্বিসমুব্বহন্তো,

ভস্মিকরি করিকরাযতপীনবাহু-

সপ্পো সুফোঠিতজিযাপরিফন্দজিৰ্হো; ()

৩৭. ¶

লক্খীনিধাননগরণ্ণৰপাতুভূতো

মন্তিন্দকূটসিখরীৰলযাৰুতো যো,

ৰালগ্গমত্তম্পি রাজসিণেরুরাজা

কোধানিলেন রিপুরঞ্ঞমকম্পিযো’সি; ()

৩৮.

ভস্মিকতাখীলৰিপক্খনরিন্দকট্ঠো

কোধানলো সরসমীরণভাৰিতোপি,

নিব্বাযি পগ্ঘরিতবপ্পজলেহি যস্স

লোলব্বিলোচনঘটেহি ৰিপক্খথীনং; ()

৩৯.

সন্নীতিমগ্গজলিতুগ্গমতিপ্পদীপো

কিত্তিপ্পবন্ধধৰলীকতজিৰলোকো,

রাজিন্দমোল়িমণিলঙ্কতপাদপীঠো

ধম্মেন রজ্জমনুসাসি চিরং সরাজা; ()

৪০. ¶

তস্সতিপীৰরপযোধরভদ্দকুম্ভ-

দ্ৰন্দাতিভারৰিরল়ীকতমজ্ঝভাগা,

নিদ্দোসবালরৰিমণ্ডলচারুগণ্ডা

দিব্বচ্ছরাজিতৰিরাজিতরূপসোভা; ()

৪১.

সম্ফুল্লনীলকমলামলনীলনেত্তা

ওলম্বমানমণিকুণ্ডললম্বকণ্ণা,

মুত্তাৰলিৰদসনাৰলি হংসধেনু-

হেলাপহাসগমনা মুদুচারুৰাণী; ()

৪২.

বিম্বাধরা জলধরাযতকেসপাসা

সোৰণ্ণদপ্পণনিভাননচন্দবিম্বা,

সন্নীরপুপ্ফমকুল়োপমচারুজঙ্ঘা

কন্দপ্প মঙ্গলসিলাতলসোণিভাগা; ()

৪৩. ¶

নাভালৰাল়রুহনীলতমালৰল্লী-

লীলাৰিনদ্ধনৰকোমলরোমরাজী,

লাৰণ্ণৰারিধিতরঙ্গভুজা’ভিনীল-

সুব্ভুলতামকরকেতনচাপরূপা; ()

৪৪.

ভুপালৰংসকমলাকররাজভংসি

মাযাৰধু ইৰ সুজম্পতিনো সুজাতা,

চন্দস্সকোমুদি’ৰ ৰিজ্জুরিৰ’ম্বুদস্স

রঞ্ঞো’তিচারুচরিতাসি পিযা মহেসি; ()

৪৫. ¶

তস্মিং নগোপমঘরে নগরে তদাসি

আসাল়্হিমঙ্গলমহো দিৰসানিসত্ত,

মিলাসুগন্ধপরমং ৰিগতাসৰং তং

নক্খত্তকীল়মকরিত্থ মহেসি মাযা; ()

৪৬.

ৰুট্ঠায সত্তমদিনাগতপুণ্ণমায

পাতো সুগন্ধপরিৰাসিতৰারিনা সা,

কত্ৰা সিনানমতুলং কপণ্ডিকানং

দানং অদাসি চতুলক্খধনব্বযেন; ()

৪৭.

ৰত্থাহতেহি সুনিৰত্থসুপারুতা সা

ভুত্ৰা’গ্গভোজনমধিট্ঠিতুপোসথ’ঙ্গা,

নিদ্দাতুরা সুপিনমোৰরকং পৰিস্স

কল্যাণমদ্দস সিরীসযনে নিপন্না; ()

৪৮. ¶

নেত্ৰা নিপন্নসযনং হিমৰন্তপস্সে

হেট্ঠা ৰিসালতরসাল়মহীরুহস্স,

নং সট্ঠিযোজনকচারুমনোসিলাযং

আরোপযিংসু চতুরো কির দেৰরাজা; ()

৪৯.

নেত্ৰা মনুস্সমলসংহরণায তম্হা’

নোতত্তনামরহদং সুনহাপযিত্ৰা,

দেৰিত্থিযো সপদি দিব্বমযেহি নেসং

ৰত্থেহি গন্ধকুসুমেহি অলঙ্করিত্ৰা; ()

৫০.

তত্থুব্ভৰো লসতি রূপিযপকব্বতো যো

তস্সোদরে’তিরুচিরে কনকব্বিমানে,

পাচীনসীসৰতি দিব্বমযম্হি সম্মা

পঞ্ঞাপিতগ্গসযনম্হি সযাপযিংসু; ()

৫১.

ওরুয্হ সেতৰরৰারণরাজৰেসো

বুদ্ধঙ্কুরো রুচিরকঞ্চনপব্বতম্হা,

আরুয্হ সজ্ঝুধরণিধরমুত্তরায

সোণ্ডায সেতসরসিরুহমুব্বহন্তো; ()

৫২. ¶

পত্ৰা ৰিমানৰথকুঞ্চনদং নদিত্ৰা

কত্ৰা পদক্খিণমলঙ্কতমাতুসেয্যং,

ভেত্ৰান তাযপন দক্খিণপস্সমন্তো

কুচ্ছিং পৰিট্ঠসদিসো সুপিনেন দিট্ঠো; ()

৫৩.

মাযায রাজৰধুযা রুচিরাননায

আসাল়্হিপুণ্ণমিযমুত্তর’সাল়্হভেন,

বুদ্ধঙ্কুরস্স পঠমেন মহাৰিপাক-

চিত্তেন সম্পতি অহূ পটিসন্ধিগব্ভে; ()

৫৪.

বুদ্ধঙ্কুরস্স পটিসন্ধিগতস্স গব্ভে

মাযায চারুচরিতায চ খগ্গহত্থা,

নিস্সেসুপদ্দৰনিরাকরণায রক্খং

গণ্হিংসু তাৰ চতুরো সুররাজপুত্তা; ()

৫৫. ¶

মাযায ভত্তুপরমায ততোপ্পভুতি

নূপ্পজ্জি কিঞ্চি পুরিসেসু সরাগচিত্তং,

সা পঞ্চকামসুখিনী অকিলন্তকাযা

লাভেনুল়ারযসসাপ্যভিৰড্ঢিতাসি; ()

৫৬.

পঞ্ঞাযি ধোতরতনে জনিকায অন্তো

কুচ্ছিং গতো যথরিৰাৰুতপণ্ডুসুত্তং,

তং কুচ্ছিনা পরিহরী দসমাসমত্তং

পত্তেন তেলমিৰ রাজিনি অপ্পমত্তা; ()

৫৭.

পাতো’ৰ পাটিপদগে দিৰসে পবুদ্ধা

রঞ্ঞো কথেসি সুপিনং অথ সো নরিন্দো,

ৰেদঙ্গৰেদচতুরে চতুসট্ঠমত্তে

পক্কোসযী দ্ৰিজৰরে দ্ৰিজৰংসকেতূ; ()

৫৮. ¶

লাজুত্তরায পরিভণ্ডকতায ভুম্যা

পঞ্ঞাপিতেসু সুখুমত্থরণত্থতেসু,

ভদ্দাসনেসু ভৰনম্হিনিসিন্নকানং

নেমিত্তিকানমৰনীপতি ভুসুরানং; ()

৫৯.

পক্খিত্তসপ্পিমধুসক্খিরখীরমিস্স-

পাযাসপুণ্ণহরিরূপিযভাজনেহি,

ৰত্থাহতানি ধনধঞ্ঞচযঞ্চ ধেনূ

দত্ৰান দিট্ঠসুপিনস্স ফখলং অপুচ্ছি; ()

৬০.

মাচিন্তযিত্থ তৰ রাজিনিযা জনিন্দ

কুচ্ছিম্হি তম্পতি পতিট্ঠহি পুত্তগব্ভো,

অজ্ঝাৰসিস্সতি সঞ্চেপন চক্কৰত্তি

রাজা ভৰিস্সতি অগারমসংসযং সো; ()

৬১. ¶

হিত্ৰা সসত্তরতনং চতুদীপরজ্জং

সো পব্বজিস্সতি সচে ভৰনা’ভিগন্ত্ৰা,

বুদ্ধো ভৰিস্সতি ধুৰং চতুসচ্চবুদ্ধো

ইচ্চব্রুৰিংসু সুপিনত্থৰিদূ ৰিদূ তে; ()

৬২.

সা গব্ভভারৰঠরিকতমজ্ঝভাগা

গন্তুং সকং কুলঘরং কুলকঞ্জহংসি,

ইচ্ছামহন্তি পটিৰেদযি দেৰি রঞ্ঞো

সো সম্পটিচ্ছি ৰচনং করৰীকৰাণ্যা; ()

৬৩.

তম্হা মহানগরতো নগরঙ্গপুণ্ণং

সো যাৰ দেৰদহনামিকরাজধানী,

মুত্তা’ৰদাতপুল়িনত্থরণেহি রাজা

লাজোপহারৰিধিনা কমলুপ্পলেহি; ()

৬৪. ¶

সন্তীরপুপ্ফকলসেহি সমপ্পিতেহি

মন্দাতিলেরিতপটাক ধজাৰলীহি,

কারাপযী কনকরূপিযতোরণেহি

অদ্ধানমগ্গসমলঙ্করণং’তখিপ্পং; ()

৬৫.

ৰন্দী’ভিগীতথুতিমঙ্গলগীতিকাহি

পঞ্চঙ্গিকেহি তুরিযেহি কতুপহারং,

তস্মিং সুমণ্ডিতপসাধিতমঞ্জসম্হি

দিব্বৰ্চরাসিরিৰিডম্বনরূপসোভং; ()

৬৬.

দেৰিং সুৰণ্ণসিৰিকায সুসজ্জিতায

আরোপযিত্ৰ খচিতায মণীহি নানা,

পেসেসি ভুপতি পুরক্খতঞাতিসঙ্ঘং

সদ্ধিং সহস্সসচিৰেহি সুখেধিতং সো; ()

৬৭. ¶

সম্থুল্লপুপ্ফফলপল্লৰৰত্তভার-

রুক্খাকুলং ঘনসুনীললতাৰিতানং,

হিন্তালতালনল়কীচকনাল়িকের-

সন্নীরপূগতিণপাদপপন্তিসালিং; ()

৬৮.

সেৰালনীলসলিলানিলসীতলেহি

ওতিণ্ণকহংসৰিসরেহি সমুল্লসত্তং,

ঝঙ্কাররাৰমুখরালিকুলাকরাল-

কিঞ্জক্খজালভরিতম্বুরুহাকরেহি; ()

৬৯.

পুপ্ফাভিগন্ধসুরভীকতগন্ধৰাহং

অদ্দক্খিসব্বজনলোচনপীযমানং,

নিন্দন্তনন্দনৰনং ৰনজাযতক্খী

সা লুম্বিনীৰনমনঙ্গৰিমানভূতিং; ()

৭০. ¶

সা রাজিনী নৰদলঙ্গুলিপন্তীচারু-

সাখাভুজোপহিতমঞ্জরিচামরেহি,

সন্নদ্ধকোমললতাৰনিতানমগ্গে

অত্তুপহারকরণায কতাৰকাসা; ()

৭১.

সেনায চারুচরণম্বুরুহোদ্ধটেহি

রেণূহি ধূসরিতমগ্গমনক্কমন্তি,

সদ্ধিং সকায পরিসায ততোতরিত্ৰা

তং লুম্বিনীৰনমুপাৰিসি রামণেয্যং;()

৭২.

তং রাজিনিং ৰনৰধু জিতহংসগামিং

আমোদমন্দমলযানিলহত্থগেহি,

সম্ভাৰযিত্থ মুখরালিকুলাভিকিণ্ণ-

রেণুপ্পবন্ধহরিসঙ্খসতেহি মগ্গে; ()

৭৩. ¶

গচ্ছন্তিযা চরণনূপুরনাদপাস-

বদ্ধানমুন্নতসিরোমিগপোতকানং,

উম্মীলিতাযতৰিলোচনপন্তিপক্খে

দস্সেসি নীলনলিনীৰনরাজিসোভং; ()

৭৪.

উদ্ধং সমগ্গসিখরেহি কতাৰকাস-

মগ্গন্তরেহি কলিকাকুসুমাকুলেহি,

নানালতাকুলমহিরুহতোরণেহি

উয্যানভুমি উপহাররতে’ৰ ভুয; ()

৭৫.

উক্খিত্তপিঞ্ছভরমন্তসিখণ্ডিমালা-

কীল়াহি কোকিলকুলঙনিকাহল়েহি,

উয্যানভুমি মকরঙজরঙ্গভুমি-

লীলং ভজিত্থ ভমরদ্ধনিৰল্লকীহি; ()

৭৬. ¶

নিচ্চং ৰসন্তসমযস্সিরিমুব্বহন্তং

তংখোৰনং ৰনৰধূহদযানুতাপী,

পত্তো নিদাঘসমযোপি জনেসি তুট্ঠিং

তস্সা সিরিসকুসুমালিকুলাৰতংসো; ()

৭৭.

তস্মিং নিদাঘসূরিযাতপতাপিতাম্ভং

রিত্তালৰাল়মিৰকালমকালমেঘো,

চিন্তাতুরং হদযমত্তসখীজনোপি

পীণেসি গব্ভপরিপাকভরং ৰাহন্ত্যা; ()

৭৮.

কট্ঠাৰসিট্ঠতরৰো পরিহীনপত্তা

তস্সাধরক্খিদসনজ্জুতিসঙ্গমেন,

আসুং নৰঙ্কুরপলাসৰিকাসপুপ্ফ-

সংৰেল্লিতা’ৰ রমণীযৰনপ্প দেসে; ()

৭৯. ¶

গিম্হাভীতাপপরিপীল়িতঙ্ধল্লিকানং

গম্ভীররাৰমুখরীকতদাযরাজি,

দুক্খাতুরব্বিরহিনীপমদাজনস্স

আসি ৰিলাপবধিরীকল়িতে’ৰ সাল়া; ()

৮০.

তস্মিং ৰিকাসকলিকাৰলিহারিহারা

কিঞ্চাপি পক্কফখলৰল্লরিকণ্ঠভুসা,

নাসক্খি পূগতরুপন্তি সুমণ্ডিতায

মাযায তায সিরিমাভরিতুং ঘটন্তী; ()

৮১.

উয্যানমুব্ভমিতমত্তমধুব্বতেহি

চম্পেয্যপুপ্ফমকুলেহি সমাকুলংতং,

উদ্ধুতধুমপটলেহি মনোভৰস্স

দীপেহি ৰাসভৰকনং’ৰ লসন্তমাসি; ()

৮২. ¶

গব্ভূপগং ভমরকেসকলাপভারা

বুদ্ধঙ্কুরং পরিণতঙ্কুরলোমহংসা,

ৰন্দন্তিযো ৰিয তহিং থবকঞ্জলীহি

মন্দানিলেরিতলতাৰনিতা কনতা’সুং; ()

৮৩.

গব্ভূপগস্স পরিপক্কফলেহি নানা

পুঞ্ঞানুভাৰপভৰোতুসমুব্ভৰেহি,

মাযায গব্ভবলিকম্মনি তপ্পরে’ৰ

উয্যানভুমি জনতং ভৰি তপ্পযন্তি; ()

৮৪.

গব্ভূপগস্স হি মহাপুরিসস্স গব্ভ-

ৰুট্ঠানমঙ্গলমহুস্সৰৰাসরম্হি,

উয্যানভুমি সকলোতুসমুব্ভৰেহি

আসি ৰিকাসকুসুমেহি সমাভিকিণ্ণা; ()

৮৫. ¶

সালুম্বিনীৰনসিরিং কলহংসঘোসং

সমফুল্লপুপ্ফসুরভিংফলসম্ভৰোজং,

পঞ্চিন্দ্রিযেহি গিরিনিজ্ঝরসিতৰাতং

পচ্চক্খপঞ্চৰিধকামরসংঅৰিন্দি; ()

৮৬.

নিয্যাসসারসুরহিংফখলপল্লৰেহি

ঝংকারিতালিকুলকুজিতকোকিলেহি,

সম্ফুল্লপুপ্ফনিকরেহি সমাভিকিণ্ণ

মদ্দক্খিসাযুৰতিমঙ্গলসাল়সালং; ()

৮৭.

সম্ফুল্লসাল়কলিকংতযতালিমালা

সঞ্চুম্বিতংকুৰলযামললোচনায,

সাখংসুকোমলকরঙ্গুলিপল্লৰেহি

মাযামহেসিসমলঙ্করি ৰিতমাযা; ()

৮৮. ¶

ভারোনতা’ৰ রুচিরঙ্গুলিপল্লৰানং

ঝঙ্কাররাৰমুখরালিকুলাভিরামা,

সাখা ৰিকাসকুসুমেহিসমাকুলা সা

ওলম্বযট্ঠি ভৰি গব্ভভরাতুরায; ()

৮৯.

তস্সা চলিত্থ পৰনো চললোচনায

কম্মুব্ভৰো ৰরতিরোকরণেহি তাৰ,

দেৰিং নিরূপমসিরিং সুপরিক্খিপিত্ৰা

তম্হা পটিক্কমি জনো কল়িতাৰকাসো; ()

৯০.

ব্রহ্মামরাসুরনরোরগপূজনীযং

বত্তিংসলক্খণসমুজ্জলরূপ সারং

নিদ্ধোতজাতিমণিসন্নিভসুদ্ধগত্তং

সত্তুত্তমং সপদি দেৰি ঠিতা ৰিজাযি; ()

৯১. ¶

দুগ্গন্ধমুত্তমলসোণিতমক্খিতঙ্গা

জাযন্ত্য’সেসমনুজা মনুজেসুনে’ৰং,

চঙ্গোটকম্হি জিনধাতুরিৰাধিৰাসো

থূপম্হি সোণ্ণপটিমারিৰ মাতুগব্ভং; ()

৯২.

নিস্সেণিতোৰ পুরিসো রতনাসনম্হা

থেরোৰ ধম্মকথিকো ঠিতকো’তরন্তো,

সম্মা পসারিয উভো মুদুপাণিপাদে

সো নিক্খমিত্থ কুণপেহি অমক্খিতঙ্গো; ()

৯৩. ¶

তত্রোপগম্ম চতুরো চতুরাননা তং

জালেন কঞ্চনমযেন ৰিসুদ্ধচিত্তা,

আদায মাতুপুরতো তনযং ঠপেত্ৰা

চন্দাননে ভৰতু নন্দমনা’ত্য’ৰোচুং; ()

৯৪.

আদিচ্চৰংসকমলাকরভাকরস্স

বুদ্ধঙ্কুরস্স সুভসীতলৰারিধারা,

নিক্খম্ম তাৰ নভসা নিজমাতুযা চ

গাহাপযুং উতুমুভোসু কলেবরেসু; ()

৯৫.

তেসং করেহি চতুরো সুররাজপুত্তা

গণ্হিংসু সণ্হসুখুমায’জিণপ্পৰেণ্যা,

তেসঞ্হি পাণিতলতো পণিপাতপুব্বং

গণ্হিংসু তং দুকুলচুম্বটকেন’মচ্চা; ()

৯৬. ¶

তেসং করেহি পথৰিতলমোতরিত্ৰা

ঠত্ৰা পুরত্থিমদিসং অসমো ৰিপস্সি,

উদ্ধং অধো চতুদিসানুদিসা চ এৰং

একঙ্গনং ভৰিতদা’খিললোকধাতু; ()

৯৭.

তুম্হেহি উত্তরিতরো ভুৰসে তীসু

নত্থীতি মত্থকজটামকুটপ্পিতেহি,

কত্ৰানিজঞ্জলিপুটেহি নিপচ্চকারং

ব্রহ্মামরাসুরনরা তমভিত্থৰিংসু; ()

৯৮.

সোচ’ত্তনা সমমদিস্ৰ দিসাসু তাসূ

তপ্পাদৰীতিহরণেন পদানিসত্ত,

গন্ত্ৰান উত্তরদিসা’ভিমুখো অৰন্যা

অব্ভুগ্গতম্বুরুহমুদ্ধনি তিট্ঠমানো; ()

৯৯. ¶

অগ্গো’হমস্মি অহমস্মি জনস্স জেট্ঠো

সেট্ঠো’হমস্মি অযমন্তিম’জাতি ময্হং,

ধীরো মমেতরহি নত্থি পুনব্ভৰো’তি

নিচ্ছারিতাসভিৰচো নদি সীহকনাদং; ()

১০০.

ৰেসাখেমাসে সুহকুজদিনে পুণ্ণমাযং ৰিসাখে

নক্খত্তেযোগে সুরগুরুগতে সো কুল়ীরৰ্হরাসিং,

সঞ্জাতো নাথো পরমকরুণাভাৰনাভাৰতত্তো

মাযাকুচ্ছিম্হা কুসুমিতলতাৰেললিতুয্যানভুম্যা; ()

ইতি মেধানন্দাভিধানেন যতিনা ৰিরচিতে সকল কৰিজন হদযানন্দদাননিদানে জিনৰংসদীপে অৰিদুরেনিদানে পচ্ছিমভৰিক মহাবোধি সত্তুপ্পত্তি পৰত্তিপরিদীপো ছট্ঠোসগ্গো.

১. ¶

অথরম্মতরা’সি জাতিখেত্ত-

পরিযাপত্ত’ৰকাসলোকধাতু,

কমলুপ্পল (মালভারিনী) হি

তদুপট্ঠানগতাহি দেৰতাহি; ()

২.

কমলাসনদেৰদানৰানং

ভুৰনে’কত্থ সমাগমো তদা’সি,

জিনচক্কপটিগ্গহস্স ঠানং

অৰিৰাদেন সদেৰমানুসানং; ()

৩.

পটিলাভনিমিত্তমাদিসন্তী

ৰত সব্বঞ্ঞুতঞাণসম্পদায,

দসসঙ্খসহস্সিলোকধাতু

অভিকম্পী পহটে’ৰ কংসপাতী; ()

৪. ¶

জননুস্সৰৰাসরম্হি তস্মিং

নিজদেহজ্জুতিপিঞ্জরো’দপাদি,

দসসঙ্খসহস্সচক্কৰাল়-

কুহরালোককরো মহাৰভাসো; ()

৫.

অপতাল়িতচম্মনদ্ধভেরী-

ৰিকতীনং সযমেৰ ৰজ্জনম্পি,

তদনুত্তরধম্মদেসনায

ভৰি ঠানং অনুসাৰণস্স লোকে; ()

৬.

ঘণকাহল়ৰংসসঙ্খৰীণা-

ভরণানং সযমেৰ ৰজ্জনম্পী,

অনুপুব্বৰিহারভাৰনানং

পটিলাভায নিবন্ধনং বভূৰ; ()

৭. ¶

পরিমুত্তিৰরত্তপাসকারা-

ঘর,যোসঙ্খলিকাদিবন্ধনেহি,

মিগপক্খিনরানমস্মিমান-

ৰিগমস্সা’সি নিদানমাদিভুতং; ()

৮.

ভুৰনেসু মহাজনস্স রোগা-

পগমেনা’দিসনং অহোসুখন্তি,

চতুরারিযসচ্চদস্সনেন

ভৰি ঠানং চতুসচ্চদেসনায; ()

৯.

ৰিৰিধব্ভুতরূপগোচরানং

ভুৰি জচ্চন্ধজনস্সলোচনানং,

পভৰো পভৰো’সি দিব্বচক্খু

পটিলাভায তিলোকলোচনস্স; ()

১০. ¶

থুতগীতিসুধারসস্স পানং

বধিরানং সৰণঞ্জলীপুটেহি,

অতিমানুসদিব্বসোতধাতু-

পটিৰেধায নিদানমাসি তস্স; ()

১১.

ভুৰি জাতিজল়াদিপুগ্গলানং

তদহে’নুস্সতিযা সুপাতুভাৰো,

ভৰি পুব্বমুপট্ঠিতস্সতিস্স

সতিপট্ঠাননিবোধনায ঠানং; ()

১২.

ৰিসিখাচরণং সরোজচারু-

পদৰিঞ্ঞাসৰসেন পঙ্গুলানং,

পুরিমং চতুরিদ্ধিপাদৰেগ-

পটিলাভায নিমিত্তমাসি লোকে; ()

১৩.

মধুরেন সরেন জাতিমূগা

থুতিগীতান্য’ৰদিংসু ৰন্দিনো’ৰ,

ভুৰি খুজ্জজনো’জুগত্তলাভো

কুটিলত্তা’পগমায ঠানমাসি; ()

১৪. ¶

সরণং পুরিসাসভো সিযানো

ভৰতো দুগ্গতিতো ৰিমুত্তিযা’তি,

করিনো’পি করিংসু কুঞ্চনাদং

তুরগা হেসমকংসু পীতিযে’ৰ; ()

১৫.

ৰিসদা পটিসম্ভিদা চতস্সো

পটিৰিজ্ঝিস্সতি চা’যতিং সচা’যং,

সকপট্টনমেৰ তন্নিদানা

তরণী সীঘমুপাগমুং ৰিদেসা; ()

১৬.

সযমেৰ ৰিরোচনং তদানি

রতনানং ভুৰনাকরুব্ভৰানং,

রৰিৰংসরৰিস্স ধম্মরংসী

ৰিসরস্সু’জ্জলনায ঠানমাসী; ()

১৭. ¶

তুরিযানি সকংসকং নিনাদং

অকরুং তগ্গুণদীপকানিৰা’ত্র,

ৰিৰটা ৰিদিসাদিসা সকিত্তি-

ৰিসরোকাসকতে’ৰ’হিপ্পসত্তা; ()

১৮.

সকলস্স কিলেসপাৰকস্স

পরিনিব্বানসভাৰদীপনেন,

নিরযেসু হুতাসজালমালা

তদহে নিব্বুতিমাপ জাতিখেত্তে; ()

১৯.

পরিসাসু ৰিসারদস্স তস্স

চতুৰেসারদঞাণলাভহেতু,

ভুৰনেসু তদামহানদীনং

অনভিস্সন্দনমাসি কুন্নদীনং; ()

২০.

উদপাদি পভা নিরাকরিত্ৰা-

বিললোকন্তরিযেসু অন্ধকারং,

হতমোহতম’গ্গ মগ্গঞাণ-

জ্জুতিলাভায নিবন্ধনং তমাসি; ()

২১. ¶

সুৰিমুত্তিরসো সিযা’ৰ তস্স

চতুরাসিতসহস্সধম্মখন্ধো,

মধুরং চতুরোদধীনমাসি

সলিলং সন্ততরং তরঙ্গরিত্তং; ()

২২.

ৰিদিসাসু চতুদ্দিসাসু চণ্ড-

পৰনস্সা’পি অৰাযনং তদানি,

ভৰি পুব্বনিমিত্তমত্তনো’পি

ভটদিট্ঠ্যাভৰদট্ঠিভেদনায; ()

২৩.

নৰপল্লৰপত্তসেখরানং

ৰিটপীনং কুসুমাহিকিণ্ণভাৰো,

ভৰি পুব্বনিবন্ধনং ৰিমুত্তি

কুসুমেহা’তুমদেহভূসণায; ()

২৪. ¶

কুমুদাকরবোধকস্স চন্দ-

কিরণস্সা’তিৰিরোচনং তদাসি,

সতিবুদ্ধসুধাকরো’দযম্হি

জনসন্দোহমনোপসাদহেতু; ()

২৫.

ৰিমলত্তমনুণ্হতা নিদাঘ-

সূরিযস্সূ’পসমো নিমিত্তমগ্গং,

ভৰি চেতসিকস্স কাযিকস্স

পটিলাভায সুখস্স তম্হিজাতে; ()

২৬.

গগনা’গনগাদিতো’তরিত্ৰা

পথৰিসঙ্কমণং তদা খগানং,

সরণাগমনস্স ঠানমাসি

জিনধম্মং সুনিসম্ম সজ্জনানং; ()

২৭.

নভসা’ভিপৰস্সনং তদানি

চতুদীপেসু অকালৰারিদানং,

পরিসাসু অখণ্ডধম্মৰুট্ঠি-

পতনস্সা’সি নিবন্ধনং জিনম্হা; ()

২৮. ¶

ছণমঙ্গলকীল়ণং তদানি

তিদসানম্পি সকেসকে ৰিমানে,

উপগম্ম তহিংতহিং উদান

সমুদানস্সনিদানমা’সি বোধিং; ()

২৯.

ৰিৰটা সযমেৰ মন্দিরানং

পিহিতঞ্চারকৰাটৰাতপানা,

ভৰদুক্খনিরোধগামিমগ্গ-

পটিলাভায নিমিত্তমাহরিংসু; ()

৩০.

তদহে মধুরামিসস্স পেত্তী-

ৰিসযেস্ৰাহরণং খুদাতুরানং,

ভৰি কাযগতাসতামতস্স

পটিলাভায নিমিত্তমত্তনো’পি; ()

৩১. ¶

দিৰসে জননুস্সৰে পিপাসা-

ৰিগমো দীনজনস্স পেতলোকে,

সুখিতত্তস্স উপেচ্চবুদ্ধভাৰং; ()

৩২.

পটিপক্খজনস্স মেত্তিলাভো

তদহে ৰাযসৰাযসারিনম্পি,

ভৰিঠানমনন্তসত্তলোক-

ৰিসযব্রহ্মৰিহারভাৰনায; ()

৩৩.

সতিমগ্গফলুব্ভৰে যথেৰ

ভৰভীত্যাপগমো তথাগতানং,

সতি জাতমহামহে ভযং ৰা

নতিরচ্ছানগতানমাসি তাসো; ()

৩৪.

পিযভাৰুপসঙ্কমো পজানং

হদযানন্দকরায খো গিরায,

জিনধম্মকথায সাৰকানং

ৰিয সামগ্গিরসস্স পাতুভাৰো; ()

৩৫. ¶

সিতকিত্তিলতায রোপিতায

ভৰতো’স্মিং ভুৰনালৰাল়গব্ভে,

ৰিয নিম্মিতযন্তৰারিধারা

জলধারা ধরণীতলুট্ঠহিংসু; ()

৩৬.

ভমরাৰলিভারপঞ্চৰণ্ণ-

কমলচ্ছন্নমহীতলং ররাজ,

জলজং থলজং পরাগহারং

ভুৰি সব্বত্থ অপুপ্ফি পুপ্ফজাতং, ()

৩৭.

ৰিটপীসু লতাসু খন্ধসাখা-

সতপত্তানি তদা সুপুপ্ফিতানি,

নরৰীর’ভিরূপদস্সনায

ভূসমুম্মীলিতলোচনানি’ৰাসুং; ()

৩৮. ¶

উপরূপরি সত্তসত্ত হুত্ৰা

সতপত্তানি সীলাতলুব্ভৰানি,

তৰ অব্ভুদযো সুদুল্লভোতি

কথযন্তিৰি’হ কপাতুভাৰতো নো; ()

৩৯.

নিজপারমিতালতায কত্তি-

লতযা’লঙ্কতপুপ্ফহাসরূপা,

সমলঙ্করি যাৰতা ভৰগ্গং

ধজমালা জননুস্সৰে তিলোকং; ()

৪০.

অৰকুজ্জসরোরুহাভিরামং

নভৰম্ভোজৰনস্সিরিং ববন্ধ,

ভুৰি পোক্খরৰস্সমীদিসন্তি

ৰদমানংৰ পৰস্সি ধম্মৰস্সং; ()

৪১.

রমণী রমণীযরূপসোভা

অচরুং ধম্মমনঙ্গরঙ্গভূমি,

মধুপা মধুপানমন্দিরানি

তদহে নাৰসরিংসু ধম্মকামা; () (অব্যপেত পঠমদুতিয পাদাদিযমেকং)

৪২. ¶

কমলা কমলালযা ৰিৰেস

ভুৰনং ভূরিনৰাৰতারহারী,

ধরণী ধরণীধরাৰতংসা

উপহারাতিভরাতুরেৰ কম্পি; () (অব্যপেত পঠমদুতিয পাদাদিযমকং)

৪৩.

রুচিরং রুচিরঙ্গনা তদানি

অকরুং কীল়মনেকচন্দিকাসু,

সুৰীরং সুচিরংসিকিণ্ণতারা-

নিকরো’ভাসতরো’সি ভাকরো’ৰ; () (অব্যপেত পঠমদুতিয পাদাদিযমকং)

৪৪.

পৰনো’পৰনো’পৰাযমানো

পৰিনোদেসি পরিস্সমং জনস্স,

ৰনদা ৰনদাহৰুপসন্তিং

অকরুং সব্বধি সস্সসম্পদঞ্চ; () (অব্যপেত পঠমদুতিয পাদাদিযমকং)

৪৫. ¶

ৰিসদা ৰিসদা সকিত্তিরামা

মুখরঙ্গালয মাপকোৰিদানং,

সুজনা’সুজনা ভজিংসু তস্স

চরণান্যঙ্কিতচক্কলক্খণানি; () (অব্যপেত পঠমদুতিয পাদাদিযমকং)

৪৬.

ৰসুধং ৰসুধম্পতী সমগ্গা

দসধম্মেন’নুসাসযুং তদানি,

হদযং যদযঙ্গমায ৰাণ্যা

অসতং মিত্তদুহী ৰিধানযিংসু; () (অব্যপেত পঠমদুতিয পাদাদিযমকং)

৪৭.

তিমদা’তিমদা গজাধিপাপি

মিগরাজূহি তদা সমাচরিংসু,

পবলা’পবলা মিগা তদঞ্ঞে

পটিসত্থারমকংসু অঞ্ঞমঞ্ঞং; () (অব্যপেত পঠমদুতিয পাদাদিযমকং)

৪৮. ¶

ভুৰনে ভুৰনেকলোচনস্স

জননস্মিং দিৰসে সমুজ্জলানী,

নিহনিতা’নিহিতাযুধাতি ভিতিং

জনযুং পাপিমতোৰ নেতরেসং; () (অব্যপেত পঠমদুতিয পাদাদিযমকং)

৪৯.

পরিৰাদিতদিব্বভেরিৰীণা-

তুরিযং দস্সিতদিব্বনচ্চভেদং,

গগনং সুররঙ্গমণ্ডলাভং

তিদসানং উপহারসারমাসি; ()

৫০. ¶

সোৰণ্ণৰণ্ণৰধুযা গরুগব্ভগস্মিং

তংনন্দনব্বনসমানৰনঙ্গতস্মিং,

ভুতব্ভুতন্ৰিতমহে নযনঞ্জনস্মিং

জাতম্হি তম্হি তনুজে ভৰি ভদ্দভত্তি; () (মালাবন্ধনং)

ইতি মেধানন্দাভিধানেন যতিনা ৰিরচিতে সকলকৰিজন হদযানন্দননিদানে জিনৰংসদীপে অৰিদূরেনিদানে ৰিৰিধপুব্বনিমিত্তপাতুভাৰপ্পৰত্তি পরিদিপো. সত্তমোসগ্গো.

১. ¶

ৰিসুদ্ধ (ৰংসট্ঠ) মসেসবন্ধৰো

কুমারমাদায তিলোকলোচনং,

অগংসু তম্হা কপিলৰ্হযংপুরং

পুরীৰতংসং সমলঙ্কতঞ্জসং; ()

২.

তদা অভিঞ্ঞাসু ৰসিসু পারগো

সমাধিৰিক্খম্ভিতসব্বকিব্বিসো,

ৰিহাসি সুদ্ধোদনভুমিভত্তুনো

কুলূপগো দেৰলনামতাপসো; ()

৩. ¶

তপোধনো সো পৰিৰেককামৰা

দিৰাৰিহারত্থমুপাগতো দিৰং,

তমত্থমঞ্ঞাতুমপুচ্ছি দেৰতা-

পৰত্তিতং পস্সিযমঙ্গলুস্সৰং; ()

৪.

তৰেৰুপট্ঠাযকভুমিভত্তুনো

ৰরোরসো মারিয মারৰাহিনিং,

পরাজযং লচ্ছতি বোধিমাযতিং

মহুস্সৰো তম্পতি ৰত্ততে, ব্রৰুং; ()

৫.

ইমায ৰুত্তন্তকথায চোদিতো

তপোধনো ইদ্ধিবলেন ইদ্ধিমা,

সুরালযে অন্তরধান’নন্তরং

নিকেতনে পাতুরহোসি রাজিনো; ()

৬. ¶

কুমারনিজ্ঝানমনোরথোক ৰসি

তহিং সুপঞ্ঞত্তমহারহকাসনে,

নিসজ্জ সুদ্ধোদনরাজিনো’ব্রুৰি

তৰত্রজং দট্ঠুমিধাগতোত্য’হং; ()

৭.

নরিন্দচূল়ামণিচুম্বিতান্য’থ

পদানি ৰন্দাপযিতু তপস্সিনো,

ৰিভুসণালঙ্কতমত্তসম্ভৰং

নরাধিপো রাজকুমারমাহরি; ()

৮.

তদত্তভাৰেন’হিৰাদনারহ-

স্স’ভাৰতো তস্স ররাজ সূনুনো,

পৰট্টযিত্ৰা জটিলস্স সম্পতি

জটাসু চক্কঙ্কিতপাদপঙ্কজং; ()

৯.

কুমারমাদায সমপ্পিতঞ্জলিং

ৰিধায পাদেস্ৰনিসম্মকারিনো,

সচে ঠপেয্যুং জটিলস্স সত্তধা

ফলেয্য মুদ্ধা জটিতোজটায’পি; ()

১০.

সকাসনুট্ঠায অথে’সিভূমিযা

নিহচ্চ সো দক্খিণজানুমণ্ডলং,

অকা মহাকারুণিকস্স গারৰং

সিরোৰিরূল়্হঞ্জলি পুপ্ফমঞ্জরী; ()

১১.

উদিক্খমানো ৰসিনা সমপ্পিতং

তমঞ্জলিং ভত্তিভরেন ভূপতি,

অথো’নমেত্ৰা তনুমীসকং সকং

পৰন্দি পাদম্বুরুহানি সুনুনো; ()

১২.

সিযা’ৰ বুদ্ধো পুরিসাসভো অযং

নদস্সনং তস্স সিযা মমন্তী সো,

নিরূপমং রূপসিরিং সমেক্খিয

পযাসি নিট্ঠং উপধারযং ৰসি; ()

১৩. ¶

ৰৰত্থযিত্ৰেৰমুল়ারবুদ্ধিমা

ৰিতিণ্ণকঙ্খো হসমীসকং রুদং,

নরিন্দমোরোধপুরক্খতং ৰসী

তদৰসীদাপযি সংসযণ্ণৰে; ()

১৪.

তমাহরিত্ৰান পকৰত্তিমব্ভুতং

পুরক্খতো’রোধজনস্স রাজিনো,

যতিস্সরো সংসযসল্লমুদ্ধরং

সবন্ধৰে’নুস্সরি কালদেৰলো;()

১৫.

সকেকুলে নাল়কনামদারকো

সযম্ভুনো লচ্ছতি দস্সনং ইতি,

তমত্থমঞ্ঞা সমুপেচ্চ তংকুলং

ত্ৰমাহ পব্বজ্জিতি ভাগিনেয্যকং; ()

১৬. ¶

নিরামযং পঞ্চমৰাসরম্হি সো

ৰরোরসং ৰাসিতগন্ধৰারিনা,

পৰত্তমানে ভৰনে মহামহে

নহাপযি ভূপতি বন্ধুমজ্ঝগো; ()

১৭.

পসত্থমন্ৰত্থভিধান মত্তনো

কুমারমারোপযিতুং পরোসতং,

সৰেদৰেদঙ্গপভেদকোৰিদে

দ্ৰিজে নিমন্তাপযি সো নরাধিপো; ()

১৮.

সুরিন্দরূপো সুরমন্দিরোপমং

তমিন্দিরাধারনরিন্দমন্দিরং,

জনিন্দসীহো’পগতা’ৰনীসুরে

অমন্দপূজাৰিধিনা’ভিরাধযি; ()

১৯.

অনেনসিদ্ধা সমতিংসপারমী-

সদত্থসম্পত্তিপরত্থকারিনা,

তথা’ত্থ সঙ্খাতধনং নিধানগং

ইমম্হি সিদ্ধং সহজাতিযা যতো; (৫)

২০. ¶

দ্ৰিজেহি তন্তিব্বচনদ্ৰযারহং

সমাসসংখিত্তপদত্থসংহিতং,

সুতস্স সিদ্ধত্থ’ভিধানমত্তনো

ততো’ভিৰোহারসুখায কারযি; ()

২১.

সুযামরামদ্ধজমন্তিলক্খণ-

সুভোজকোণ্ডঞ্ঞসুদত্তসঞ্ঞিনো,

ইমে দ্ৰিজা রাজসুপূজিতা তদা

ৰিচক্খণালক্খণপাঠকা’ভৰং; ()

২২.

সুভাসুভং পস্সিয দেহলক্খণং

ৰিভাৰযৰ্হো ইতি তেসমব্রুৰি,

সমুক্খিপিত্ৰা’ঙ্গুলিপল্লৰদ্ৰযং

জনাধিপং সত্তজনা’ব্রৰুং দ্ৰিধা; ()

২৩. ¶

সচে মহারাজ অগারমাৰসে

ৰরোরসো তে পরিচারিতিন্দ্রিযো,

সমঙ্গিভুতো রতনেহি সত্তহি

ভৰেয্য রাজা ৰতচক্কৰত্য’যং; ()

২৪.

মহাদযো’যং করুণায চোদিতো

ঘরা’ভিগন্ত্ৰা যদি পব্বজিস্সতি,

ভৰেয্য বুদ্ধো’খিলঞেয্যমণ্ডলং

সযং অভিঞ্ঞায নহে’ত্থসংসযো; ()

২৫.

কণিট্ঠভূতো ৰযসা তদন্তরে

পসত্থসত্থা’ৰগমেন জেট্ঠকো,

সমুক্খিপিত্ৰা’ঙ্গুলিমেকমব্রুৰি

ইতীহ কোণ্ডঞ্ঞসমঞ্ঞভুসুরো; ()

২৬. ¶

ইমস্স ৰেনেয্যজনাকতঞ্জলী

সমং ফুসন্তানি ৰসুন্ধরাতলং,

সুভানি ভোপাদতলাতি সব্বদা

ভজন্তি ভত্যা কমলানিৰালিনো; ()

২৭.

ইমস্স খেমন্তমসেসপাণিনো

তিপট্টকন্তারপথাৰতারণে,

সুসজ্জিতং চক্কযুগংৰ পারমী

রথম্হি পাদঙ্কিতচক্কলক্খণং; ()

২৮.

ইমস্স ভো কম্বলভেণ্ডুকোপমং

সুমট্টৰট্টাযতপণ্হিমণ্ডলং,

সদা পদম্ভোজনিৰাসলক্খিযা

তনোতি পীনত্থনপিণ্ডৰিব্ভমং; ()

২৯. ¶

ইমস্স দীঘঙ্গুলিপন্তি ৰট্টিত-

মনোসিলালত্তকৰত্তিকোপমা,

ৰিভাতি ভো বাহুলতায পারমী-

লতায ৰা নূতনপত্তপন্তিৰ; ()

৩০.

ইমস্স পারেৰটপাদ পাটলা

সপাণিপাদা তল়ুণাতিকোমলা,

উল়ারপূজাৰিধিসম্পটিচ্ছনে

পৰাল়পাতি’ৰ সমুল্লসন্তি ভো; ()

৩১.

ইমস্সরূপস্সিরিমন্দিরোদরে

সমপ্পমাণাভিনৰঙ্গুলীহি ভো,

পদিস্সরে জালকৰাটসন্তিভা

সপাণিপাদা ততজাললক্খণা ()

৩২. ¶

ইমস্স উস্সঙ্খপদস্স গোপ্ফকা

পদম্বুজানং চতুরঙ্গুলোপরি,

পতিট্ঠিতা পুণ্ণঘটেসুকন্ধরা-

ৰিলাসমালিঙ্গিয রাজভাসরে; ()

৩৩.

ইমস্স দেহজ্জুতিৰারিপূরিত-

সরীরকেদারভৰা ফলত্থিনো,

সুরত্তসাল্যোদরসন্নিভা সুভা

দুৰেণিজঙ্ঘা অভিপীণযন্তী ভো; ()

৩৪.

ইমস্স ভো জানুযুগং পরামসং

অনোনমন্তো ঠিতকো মহাভুজো,

সহত্তনা সম্ভৰবোধিসাখিনো

ৰিসালসাখায ৰিলাসমাদিসে; ()

৩৫.

ইমস্স কোসোহিতৰত্থগুয্হকো

অভিন্নকোকাসককোসকোসগো,

অনঞ্ঞসাধারণতাদিনা’যতিং

অনঙ্গসঙ্গামপরম্মুখো সিযা; ()

৩৬. ¶

ইমস্স ভো গোতমগোত্তকেতুনো

কলেৰরে কঞ্চনসত্তিভত্তচো,

সুৰণ্ণৰণ্ণো জিনচীৰরস্সপি

তনোতি সোভং ঘনবুদ্ধরংসিনো; ()

৩৭.

ইমস্স জম্বোনদীপিঞ্জরায ভো

সিরিসপুপ্ফস্সুকুমারচারিযা

রজোনুমত্তং ছৰিযা নলিম্পতে

সরোজপত্তেরিৰ ৰারিবিন্দৰো; ()

৩৮.

ইমস্স লোমানি কলেৰরে ৰরে

ৰিসুং ৰিসুং কূপগতানি সূনুনো,

ৰিলুম্পরে রূপৰিলাসলক্খিযা

মনোরমং ভো কমণিকঞ্চুকস্সিরিং; ()

৩৯. ¶

ইমস্স উদ্ধগ্গমুখং মুখস্সিরিং

পদক্খিণাৰত্ত মপেক্খিনো যথা,

তিরোকরে রোমৰিতান মিন্দিরা-

নিকেতনিন্দীৰরকাননস্সিরিং; ()

৪০.

ইমস্স ভোরাজ সরোজযোনিনো

যথোজুগত্তং উজুগত্তমাযতিং,

অনঞ্ঞসামঞ্ঞগুণাৰকাসতো

পজাভিপূজাৰিধিভাজনং সিযা; ()

৪১.

ইমস্স সত্তুস্সদলক্খণং সুভং

সমংসমদ্দিট্ঠসিরাৰলিং সদা,

দধাতি ভো পারমিধম্মসিপক্পিনো

সুধন্তচামীকরপিণ্ডৰিব্ভমং; ()

৪২. ¶

ইমস্স পুণ্ণোভযকাযভাগিমং

মিগিন্দপুব্বদ্ধসরীরলক্খণং,

কুদিট্ঠিৰাদীভসিরোৰিদারণে

নরিন্দসামত্থিযমুব্বহে নকিং; ()

৪৩.

ইমস্সু’পেতো ঘনমংসৰট্টিযা

চিতন্তরংসো মুদুচারুপিট্ঠিযং,

ভৰণ্ণৰা কঞ্চনপচ্চরিসিরং

তনোতি সত্তুত্তরণে নরাধিপ; ()

৪৪.

ইমস্স নিগ্রোধমহীরুহস্সিৰ

সমপ্পমাণো পরিমণ্ডলোপ্য’যং,

কদাচি দুক্খাতপখিন্নদেহিনং

পরিস্সমং ভো পজহে ভৰঞ্জসে; ()

৪৫. ¶

ইমস্স রাজিত্তযরঞ্জিতো’ত্তরিং

করীযমানু’ত্তমধম্মনিস্সনো,

সুমট্টৰট্টো সমৰত্তখন্ধকো

মুতিঙ্গখন্ধোরিৰ রাজ রাজতে; () (সিলেস বন্ধনং)

৪৬.

ইমস্স ভো সত্তসহস্সসম্মিতা

যথা’মতজ্ঝোহরণাভিলাসিনো,

রসগ্গসা সন্তি রসাদনুম্মুখা

রসগ্গসগ্গী’ত্য’ভিধীযতে ততো; ()

৪৭.

ইমস্স’নুব্যঞ্জনতারকাকুলে

অনন্তরূপাযতনম্বরো দরে,

ৰিরোচতেবারসমীসসিরিৰ

নরিন্দসীহস্সহনূপমাহনূ; ()

৪৮. ¶

ইমস্স তাল়িসতিদন্তপন্তি ভো

পহূতজিৰ্হারথিকং চরন্তিযা,

মনুঞ্ঞৰাণিৰনিতায তত্ৰতে

পসত্থমুত্তাৰলিলীলমাযতিং; ()

৪৯.

ইমস্স জৰ্হাৰরকণ্ণিকাৰহে

মুখম্বুজে সচ্চসুগন্ধৰাসিতে,

সমপ্পমাণা দসনাৰলী সুভা

ৰিভাতি কিঞ্জক্খততীৰ ভূপতী; ()

৫০.

ইমস্স ভো খণ্ডিতসঙ্খপণ্ডরা

দ্ৰিজাৰলী নিব্বিৰরন্তরাযতিং,

সমুব্ভৰাযুত্তিলতায তাযতি

মুখালৰাল়ে মুকুলাৰলিস্সিরিং; ()

৫১. ¶

ইমস্স পীণাননচন্দচন্দিকা

সুসুক্কদাঠাৰলি সচ্চৰাদিনো,

পদিস্সতে ধম্মতল়াককীল়নে

কতাভিলাসারিৰহংসমালিনী; ()

৫২.

ইমস্স চানুত্তরধম্মদেসনা-

তরণ্যমালোললকাররূপিনী,

পহূতজিৰ্হা ভৰসাগরা’যতিং

নরিন্দ পারং জনতা’ৰতারযে; ()

৫৩.

ইমস্স ভো ব্রহ্মসরোপমো সদা

সহস্সধা’যং করৰীকরাৰতো,

মনোহরট্ঠঙ্গসমঙ্গিসুস্সরো

সসোতকানং মণিকুণ্ডলাযতে; ()

৫৪. ¶

ইমস্স নীলং নযনুপ্পলঞ্চযং

নিরূপমে রূপৰিলাসমন্দিরে,

নিরোপিতং ভো মণিসীহপঞ্জর-

দ্ৰযংৰ ভাসে কুসলেন কেনচি; ()

৫৫.

ইমস্স পাঠীনযুগং’ৰ দিস্সতে

ৰিসিট্ঠরূপাযতনাপগাসযং,

সুভং গৰচ্ছাপৰিলোচনোপমং

মণিপ্পভং গোপখুমদ্ৰযং সদা; ()

৫৬.

ইমস্সা উণ্ণা ভমুকন্তরুব্ভৰা

ল়াটমজ্ঝোপগতা ৰিরোচতি,

যদত্থি সঞঝাঘনরাজিমজ্ঝগং

সসঙ্কহীনং সসিমণ্ডলং তথা ()

৫৭. ¶

ইমস্স উণ্হীসকসীসলক্খণং

সধম্মরজ্জিস্সরিযং অনাগতে,

করিযমানস্স হি চক্কৰত্তিনো

দধাতি উণ্হীসকসিসৰিব্ভমং; ()

৫৮.

ইমস্স ভুমিস্সর সুপক্পতিট্ঠিত-

পদঙ্কিতে চক্কযুগম্হি দিস্সরে,

অরাসহস্সানি চ নেমিনাভিযো

তিৰট্টরেখা সিরিৰচ্ছকাদযো; ()

৫৯.

ইমেহি বত্তিংসতিলক্খণেহি ভো

অসীত্যনুব্যঞ্জনলক্খণেহি’পি,

সমুজ্জলন্তো পুরিসাসভোত্যযং

ভৰেয্য বুদ্ধো ভৰবন্ধনচ্ছিদো; ()

৬০. ¶

সসোতমাপাথগতায তাৰদে

দ্ৰিজস্স ৰিত্থারকথায চোদিতো,

অপুচ্ছি রাজা কিমযং সমেক্খিয

অনাগতে ব্রাহ্মণ পব্বজিস্সতি; ()

৬১.

কদাচি উয্যানগতো মহাপথে

জরারুজামচ্চুৰিরূপদস্সনং,

ৰিধায নিব্বিন্তমনো ভৰত্তযে

তপোধনং পস্সিয পব্বজিস্সতি; ()

৬২.

ইতিহ ৰত্ৰান সকংসকং ঘরং

ততো’পগন্ত্ৰা’দ্ধনিমিত্তপাঠকা,

মহল্লকা’দানি মযন্তি সুনৰো

তমানুপব্বজ্জিতুমোৰদিংসু তে; ()

৬৩. ¶

দ্ৰিজেসু ৰুদ্ধেসু মতেসু সত্তসু

অযংহি কোণ্ডঞ্ঞসমৰ্হযো সুধী,

মহাপধানং পুরিসাসভো’ধুনা

করোতি সুত্ৰা করুণায চোদিতো; ()

৬৪.

সমানলদ্ধিহি কুলেসু তেসু হি

চতুহি ৰিপ্পেহি সহ’ন্তপঞ্চমো,

অথো’রুৰেলং উপগম্ম পব্বজি

ভৰিংসু তেপঞ্চি’ধ পঞ্চৰগ্গিযা; ()

৬৫.

কদাচি লদ্ধা পরিযন্তসাগরং

ইমং চতুদ্দীপিকরজ্জমত্রজং,

জিতারিৰগ্গং ৰিচরন্তমম্বরে

করোমি পচ্চক্খমহন্তি চিন্তিয; ()

৬৬.

নিমিত্তরূপক্খিপথপ্পৰেসনং

নিৰারণত্থং তনিজরাজসূনুনা,

নরাধিপো সো পুরিসেহি সব্বথা

দিসাসু রক্খাৰরণং অকারযি; ()

৬৭. ¶

অযং কুমারো যদি চক্কৰত্তিৰা

ভৰেয্য সম্বোধিপদং লভেয্যৰা,

সকেকুলে খত্তিযবন্ধৰেহি সো

পুরক্খতোযেৰ চরিস্সতং ইতি; ()

৬৮.

কুমারনামট্ঠপনম্হি ৰাসরে

সহস্সমত্তেসু কুলেস্ৰ’সিতিযা,

অদাসি পচ্চেকজনো পটিস্সৰং

পদাতুকামোৰ ৰিসুংৰিসুং সুতে; ()

৬৯.

অসেসদোসাপগতা সুখেধি তা

সুৰণ্ণকুম্ভোরুপযোধরো ন তা,

অনেকধাতী ৰরৰণ্ণগব্বি তা

সপচ্চুপট্ঠাপযি তঙ্খণেপি তা; ()

৭০. ¶

তল়াকতীরম্হি তরঙ্গভাসুরে

যথেৰ হংস্যা কলহংসপোতকং,

মহেসিযা’ঙ্কে সযনে সিতত্থরে

সুৰাসরে ভুপতি পুত্তমদ্দস; ()

৭১.

অদিট্ঠপুত্তাননপঙ্কজা চিরং

লহুং পরিক্খীণৰযোগুণা ইতো,

চুতা’ৰ মাযাজননি নিরামযা

উপাৰিসি সত্তমৰাসরে দিৰং; ()

৭২.

মহেসিমাযাভগিনী তদা মহা-

পজাপতিগোতমিনামরাজিনী,

নিজং কুমারং ভরণায ধাতিনং

ৰিধায ভারং পটিজগ্গি তং সযং; ()

৭৩. ¶

তদা’ভৰুং দীপসিখা জগন্তযে

কলেবরো’ভাসলৰেন সুনুনো,

ৰিনট্ঠতেজারিৰ রঙ্গদীপিকা

ৰিমানদিপেসু কথাৰকা’ত্তনো; ()

৭৪.

ৰিচিত্তভুম্মত্থরণে অভিক্খণং

সজন্নুকেহা’চরি মন্দিরোদরে,

মহাৰনস্মিং মণিৰালুকাতলে

ৰিজম্ভমানোরিৰ সিহপোতকো; ()

৭৫.

সুতস্স কীল়াপসুতস্স মন্দি রে

ভমন্তবিম্বং মণিদপ্পণোদ রে

নিবদ্ধমদ্দক্খি চরন্তমম্ব রে

যথেৰ চক্কং রতনং মহীভু জো; ()

৭৬. ¶

তদঙ্ঘিৰিঞ্ঞাসৰসেন ভুমিযা

ৰজন্তমঙ্কো’পনিধায ভুমিপো,

তদা’ভিনিচ্ছারিত মাসভিং গিরং

ইদানি মং সাৰয পুত্তমব্রুৰি; ()

৭৭.

নিবদ্ধমন্তোমণিৰেদিকাতলে

মুখেন্দুবিম্বুদ্ধরণে পযোজযং,

সযং পলম্ভেসি অমচ্চসূনৰো

ৰযেন মন্দো’পি অমন্দবুদ্ধিমা; ()

৭৮.

উল়ারসোকং পিতুচিত্তসম্ভৰং

তিলোকদীপো নিজপুঞ্ঞতেজসা,

তমোপবন্ধং ভুৰনো’দরুব্ভৰং

নিরাকরি বালরৰী’ৰ রংসিনা; ()

৭৯.

ৰিকিণ্ণলাজাকুসুমাকুলঞ্জসে

ৰিতানরঙ্গদ্ধজনিব্ভরম্বরে,

পুরে তহিং মঙ্গলকিচ্চসম্মতং

কদাচি রঞ্ঞো ভৰি ৰপ্পমঙ্গলং; ()

৮০. ¶

সুগন্ধমালাভরণাদিমণ্ডিত-

পসাধিতা কাপিলৰত্থৰা নরা,

সকিঙ্করা কম্মকরা’পি কপ্পিতা

ততো ততো সত্তিপতিংসু তং কুলং; ()

৮১.

মহচ্চসেনাযপুরক্খতোহিসো

উল়াররাজিদ্ধিসমুজ্জলংততো

পযাসিকম্মন্তপদেসমত্রজং

কুমারমাদাযপুরিন্দদোপমো; ()

৮২.

ছণম্হি তস্মিং মনুৰংসকেতুনো

মনোরমং মঙ্গলনঙ্গলাদিকং,

সুৰণ্ণপট্টেহি পরিক্খটংক মহা-

জনস্স’পী রূপিযপট্টছাদিতং; ()

৮৩. ¶

ৰিসালসাখাকুলজম্বুসাখিনো

ৰিধায হেট্ঠা সযনে মহারহে,

নিজং কুমারং সজনো জনাধিপো

সমারহী সম্পতি ৰপ্পমঙ্গলং; ()

৮৪.

কুমাররক্খাৰরণাযু’পট্ঠিতা

তমুস্সৰং ধাতিজনা ৰিপস্সিতুং,

অপক্কমিত্ৰা বহি সাণিতো খণং

পমত্তরূপা ৰিচরিংস্ৰি’তোচিতো; ()

৮৫.

পরিগ্গহেত্ৰা’নমপান মাসনে

নিসজ্জ পল্লঙ্ক মলত্থ বন্ধিয,

জিনঙ্কুরো নীৰরণেহি নিস্সটং

ৰিৰেকজং ঝানমগাধবুদ্ধিমা; ()

৮৬. ¶

ৰিপস্স পুত্তস্সু’পৰেসনং তহিং

দুমস্স ছাযায নিৰত্ততং তথা,

পৰন্দি রাজা পটিহারিকাকথা-

পচোদিতোপুত্তমুপেচ্চ তঙ্খণে; ()

৮৭.

কলাসু ৰুজ্জাসু চ পুত্তমত্তনো

ৰিনেতুকামো ৰিনযক্খমং পিতা;

পসত্থসত্থন্তরপারদস্সিনং

কদাচি ৰিপ্পাচরিযং কিরা’নযি; ()

৮৮.

সমপ্পিতং তং গুরুনো করম্বুজে

সদেৰলোকস্স গুরুং সগারৰং,

মহীসুরো সো জলবিন্দুনা যথা

সুদুত্তরাগাধমহোদধীরসং; ()

৮৯. ¶

সৰণ্ণভেদং সনিঘণ্টুকেটুভং

অথব্ববেদেনি’নিহাসপঞ্চমং,

তিৰেদমুদ্দেসপদেন দুদ্দসং

তথা কলাসিপ্পতং নিবোধযী; ()

৯০.

অনঞ্ঞসাধারণপুঞ্ঞৰাসনা-

ৰিধূতসম্মোহৰিসুদ্ধবুদ্ধিনো,

সমত্তৰিজ্জা সকলাকলা ধিযা

কলম্পি নালং বহুভাসনেন কিং; ()

৯১.

ন কেৰলং তস্স কলেবরং বহি

ৰিভাতি বত্তিংসতিলক্খণেহি ভো,

ভুসং তদব্ভন্তরৰত্থু দিপ্পতে

সুবুদ্ধসত্থন্তরলক্খণেহী’পি; ()

৯২. ¶

তিলোচনস্সা’পি তিলোকচক্খুনো

অযং ৰিসেসো নযনেহি দিস্সতে,

ললাটনেত্তো পুরিমো নসোভতি

পরো’ৰ অব্ভত্তরঞাণলোচনো; ()

৯৩.

অনুব্বজন্তো নৰযোব্বনস্সিরিং

যসোপবন্ধেন সকে নিকেতনে,

পৰড্ঢি ধীরো সকলং কলান্তরং

কলানিধী রংসিচযেনি’ৰ’ম্বরে; ()

৯৪.

উপড্ঢগণ্ডাহিতদাঠিকায সো

যসোধনো সোল়সৰস্সিকো যদা,

কপোলফুট্ঠঞ্জনদানরাজিযা

করি যথা বালদসং ৰ্যতিক্কমি ()

৯৫. ¶

তদা নরিন্দো সুরমন্দিরো’পমং

উতুত্তযানুচ্ছৰিকং মনোরমং,

পযোজযিত্ৰান পৰিণসিপ্পিকে

সুতায কারাপযি মন্দিরত্তযং; ()

৯৬.

নিসিতসম্বাধতলং নিৰারিত-

সরোনিলং ফস্সিতসিহপঞ্জরং,

মহিৰতংসং নৰভুমিকং ঘরং

বভুৰ রম্মং ভুৰি রম্মনামিকং; ()

৯৭.

সসিকর’ম্ভোধররাৰনিব্ভর-

ৰিতান মুগ্ঘাটকৰাটবন্ধনং,

সুরম্মনামং হতঘম্মমিন্দিরা-

নিৰাসরম্মং ভৰি পঞ্চভূমিকং; ()

৯৮.

অহিণ্হসিতুণ্ভগুণেহি পাৰুসে

সুখানুলোমং সমসত্তভুমিকং,

সুফস্সিতা’ফস্সিতসিহপঞ্জরং

সুভং সুভং নাম নিকেতনং ভৰি; ()

৯৯. ¶

ৰযোনুপত্তস্স নরিন্দসুনুনো

উল়াররাজিদ্ধিৰিলাসদস্সনে,

কতা’ভিলাসো জনকো জনাধিপো

পদাতুকামো নিজরজ্জসম্পদং; ()

১০০.

ৰসন্তি চে যোব্বনহারিদারিকা

নরিন্দসন্দেসহরেহি পেসযি

স সাকিযানং সচিৰেহি সাসনে; ()

১০১.

নিৰেদযুং যোব্বনগব্বিতস্স তে

নকিঞ্চিসিকপ্পাযতন’ন্তদস্সিনো,

সুতস্স দারাভরণায ধীতরো

কথন্নু দস্সাম মযন্তি খত্তিযা; ()

১০২. ¶

সুতেন তং রাজসুতেন চোদিতো

পিতা চরাপেসি পুরম্হি ভেরিযো,

মম’ত্রজো কাহতি সিপ্পদীপনং

ইতোপরং সত্তমৰাসরে ইতি; ()

১০৩.

ৰরো কুমারো হি কুমারৰিক্কমো

কলাপসন্নদ্ধ কলেবরো তদা,

ৰিপস্সতং বন্ধুজনানমোসরি

অনপ্পদপ্পো রণকেল়িমণ্ডলং; ()

১০৪.

ধনুদ্ধরো সো পঠমং সকে ভুজে

সহস্সথামং সসরং সরাসনং,

ৰিধায পোঠেসি জিযং ৰসুন্ধরা-

ৰিদারণাকারমহারৰং রৰি; ()

১০৫. ¶

চতুদ্দিসা’ধরধনুদ্ধরা মমং

করোন্তু লক্খং নিজখাণপত্তিযা,

ইতীহ ৰত্ৰা সরৰারণেন সো

অভুতপুব্বং সরসিপ্পমাহরি; ()

১০৬.

চতুদ্দিসাযং চতুরো ধনুদ্ধরে

মমে’কবাণেন হণাম’হং ইতি,

অকাসি তদদীপযমঞ্ঞথা’ব্ভুতং

স চক্কৰেধৰ্হযসিপ্পদীপনং; ()

১০৭.

সরেহি ৰেণ্যা’যতযট্ঠিরজ্জুকং

সরেহি চা’রোহণমণ্ডপালযং,

সরেহি পাকারতল়াকপঙ্কজং

সরেহি ৰস্সং ইতিসিপ্পমাহরি; ()

১০৮. ¶

মহাসত্তো লোকপ্পভৰমসমং সিপ্পজাতং জনানং

তদা সংদস্সেসি মুদিতহদযা সাকিযা দারিকাযো,

উপট্ঠাপেসুং তা সুরতিরতিসঙ্গামচতুরা

সহস্সানং তাল়িসতিপরিমিতা নাটিকা’সুং ঘরেসূ; ()

ইতি মেধানন্দাভিধানেন যতিনা ৰিরচিতে সকলকৰিজন হদযানন্দ দাননিদানে জিনৰংসদীপে অৰিদূরেনিদানে লক্খণপটিগ্গহণ কুমারসম্ভরণাদি পৰত্তি পরিদিপো অট্ঠমো সগ্গো.

১. ¶

ইতি ৰিহিতে সতি সিপ্পদীপনস্মিং

তদভিমুখে’তরখত্তিযা’তিসূরা,

অপগতমানমদাভৰিংসুমঞ্ঞো

(তরুণমিগিন্দমুখে)ৰ মত্তদন্তি; ()

২.

ৰিজটিত সংসযবন্ধনো পদাতুং

সুমরিয দেৰদহম্হি সুপক্পবুদ্ধো,

নরপৰরো নিজধীতরং কুমারিং

সুৰিমল কোলিযৰংসকঞ্জহংসিং; ()

৩.

তহিমথমন্তিৰরেহি মন্তযিত্ৰা

নিখিলপৰত্তিনিৰেদনায দূতে,

পহিণি কৰিৰাহমহে ৰিধিযতন্তি

তৰ তনুজেন মমঞ্হি ধীতুকঞ্ঞা; ()

৪. ¶

ৰলযিততারমুপট্ঠিতো’দযং তে

হিমকরবিম্বমিৰো’পৰিট্ঠপীঠং,

পরিৰুতমন্তিগণং পণম্ম রাজং

কপিলপুরোপগতা তমত্থমাহু;

৫.

অথ পটিলদ্ধপটিস্সৰেনু’দগ্গা

পদযুগমঞ্জলিপুপ্ফমঞ্জরীহি,

সুমহিয তং পটিৰেদযিংসু রঞ্ঞো

সকৰিসযং সমুপেচ্চ রাজদূতা; ()

৬.

উভযকুলম্হি মহীভুজা’ঞ্ঞমঞ্ঞং

পুনরপি মন্তিৰরেহি মন্তযিত্ৰা,

ৰিসদমতীহি নিমিত্তপাঠকেহি

নিযমিতমঙ্গলৰাসরম্হিতম্হা; ()

৭.

কনকৰিতানৰিনদ্ধহারিহারং

কুসুমসমাকুলহেমপুণ্ণকুম্ভং,

তিদিৰৰিমানসমানমুল্লসন্ন-

রতনৰিচিত্তৰিৰাহমণ্ডপগ্গং; ()

৮. ¶

গহিতৰিতানসিতাতপত্তকেতু-

দ্ধজমণিৰিজনিচরুচামরেহি,

পচুরজনেহি কতুপহারমগ্গে

সুপরিৰুতং চতুঙ্গিরনিধজিন্যা; (৬)

৯.

ৰিৰিধৰিভূসণভুসিতত্তভাৰং

অভিনৰপীনপযোধরাভিরামং,

হরিসিৰিকায যসোধরং কুমারিং

মণিখচিতায ৰিধায চা’নযিংসু; ()

১০.

ৰলযিতমালতিদামহেমমালা

পরিমলভাৰিতকুন্তলপ্পৰেণি,

ৰিরল়বকাৰলিমপ্পৰিজ্জুরাজিং

জলধরমালমজেসি কোমলায ()

১১. ¶

নিরৰধিরূপনভোতলম্হি তস্সা

জনমনকুন্দৰিকাসনং বভাস,

কুটিলতরালককালমেঘরাজি-

জটিতললাটতলদ্ধচন্দবিম্বং; ()

১২.

মিগমদকুঙ্কুমগন্ধপঙ্কলিত্তো

কুলৰধুযা তিলকো ললাটমজ্ঝে,

মকরধজেন নিরোপিতোরি’ৰা’সি

তিভুৰনভুতজযায পুপ্ফকেতু; ()

১৩.

জননযনঞ্জনরূপসম্পদায

কুলমপদায ররাজ নিম্মদায,

পরমসিরিং সরুসীরুহাভিরামং

ৰদনমনঙ্গসুৰণ্ণদপ্পণাভং; ()

১৪. ¶

মণিগণমণ্ডিতকুণ্ডলেহি তস্সা

সৰণ্যুগং ঘটিতাৰগণ্ডভাগং,

মনসিজসাকুণিকেন খিত্তপাস-

যুগলমিৰক্খিৰিভঙ্গমানমাসি; ()

১৫.

সুৰিমলকন্তিপবন্ধসন্দনত্থং

নযননদীনমুভিন্নমন্তরাল়ে,

কনকপণাল়িসমপ্পিতে’ৰ তায

ৰরৰদনায ররাজ তুঙ্গনাসা; ()

১৬.

নিরুপমরূপৰিলাসমন্দিরস্মিং

সজৰনিকানি’ৰ সীহপঞ্জরানি,

রুচিরৰিলাসিনিযা লসিংসু পম্ভা-

ৰলিসহিতানি সুনীললোচনানি; ()

১৭. ¶

কনককপালনিভং মনোভৰস্স

ৰিমলকপোলযুগং সিনিদ্ধকন্নিং,

নৰসসিমণ্ডলপুণ্ডরীকসণ্ড-

সসিরিমৰরুন্ধিমনোহরাধরায; (৬)

১৮.

সুচরিতপারমিতালতায তায

পরিণতরাগলতায ভূলতায,

অধরযুগং তরুণঙ্কুরদ্ৰযং ৰা

কিমিতি ৰিতক্কহতো’যমাসি লোকো; ()

১৯.

কুলৰধুযা ৰদনা’লৰাল়গব্ভে

নৰকলিকাৰলিফুল্লিতে’ৰকিঞ্চি,

সুমধুরৰাণিলতায মন্দহাস-

জ্জুতিধৰলি দসনৰলি ররাজ; ()

২০. ¶

কুৰলযনীলৰিলোললোচনায

মুখকমলা’লিকুলানুকারিনীভু,

নযনমযূখগুণেহ’পাঙ্গভঙ্গ-

নিসিত্সরেহি অনঙ্গচাপরূপা; ()

২১.

কলরৰমঞ্জুগিরা তিৰট্টরাজি

ঘনকুচভদ্দঘটায কম্বুগীৰা,

মধুরগভীরৰিরাৰ রঙ্গলেখং

অজিনি সুৰণ্ণমুতিঙ্গভেরিসঙ্খং; ()

২২.

অভিনৰপিনপযোধরো’পধানং

সুখুমতরচ্ছৰিকোজৰাভিরামং,

উরসযনং সমলঙ্কতং ৰিযা’সি

নিজপতিসঙ্গমমঙ্গলায তায; ()

২৩. ¶

কুচকনকা’চলসম্ভৰায নাভি-

কুহরতটাভিমুখায কন্তিনজ্জা,

ছঠারৰলিত্তযমিন্দিরোপমায

অৰহরি তুঙ্গতরঙ্গপন্তিকন্তিং; ()

২৪.

মণিরসনাগুণমন্থরায তস্সা

ঘনকুচভারকিসো কিসোদরায,

হরিসিরিৰচ্ছসুহজ্জমজ্ঝভাগো

মদধনুমুট্ঠিৰিলাসমাহরিত্থ; ()

২৫.

সরসিজতন্তুপৰেসনাৰকাস

মৰহরি পীনপযোধরন্তরাল়ং,

নিজগল়ভাসুরহারনিজ্ঝরেহি

কনকদরিমুখৰিব্ভমং যুৰত্যা; ()

২৬. ¶

অৰিকলরূপৰিলাসসিন্ধুৰেলা

ৰিরলৰিলগ্গিনিযাক ৰিসালসোণি,

পরিহরি রাজকুমারিকায তায

কুসুমসরাভৰভুমিভাগসোভং; ()

২৭.

কুলৰধুযা কমলামলাননায

কুৰলযকোমলনিলরোমরাজি,

ভুসমভিচুম্বি গভিরনাভিগব্ভং;

কমলৰিৰাযতমত্তভিঙ্গরাজি ()

২৮.

রুচিরতরোরুযুগং সুৰণ্ণ রম্ভা-

করিকরপীৰরমিন্দিরোপমায,

ভজি মকরদ্ধজরঙ্গমন্দিরস্মিং

হরিমযথম্ভযুগস্সিরিং রমায; ()

২৯. ¶

মদরযরূপরসদ্ৰযং তুলায

সুপরিমিতায চতুম্মুখেন তুল্যং,

নিজমিহজানুযুগং পৰাল়পাতি-

যুগলৰিৰাসি অৰম্মুখোপনীতং; ()

৩০.

ৰিসযৰিতক্কতমাকুলং যুৰত্যা

মদনুপসঙ্কমণে মনোৰিমানং,

জিতমদমত্তমযূরকণ্ঠভূতি

জলিতপদীপসিখে’ৰ চারুজঙ্ঘা; ()

৩১.

মণিমযনূপুরভাসুরেহি তস্সা

চরণতলেহি পরাজিতানি থীনং,

মুখপদুমানিৰ সঙ্কুচন্তি মঞ্ঞে

ভমরভরম্বুরুহানি কঞ্জনীনং; ()

৩২.

করচরণঙ্গুলিপল্ল’ৰগ্গসালী-

জললৰপন্তিনিভা’তিকোমলায,

অভিনৰতম্বনখাৰলী বভূৰ

মকরধজস্স কতে’ৰ পুপ্ফপূজা; ()

৩৩. ¶

সপরিজনো ৰনিতায তায সদ্ধিং

মণিগণমণ্ডিতমণ্ডপপ্পদেসে,

দিনকরৰংসধজস্স রাজপুত্ত-

স্সুপগমনং অপলোকযং নিসীদি; ()

৩৪.

পরিৰুতবন্ধুজনেহি রাজপুত্তো

যথরিৰ দেৰগণেহি দেৰরাজা,

সপদি তুরঙ্গরথং সমাহিরূল়্হো

তদভিমুখো যসসা জলং পযাসি; ()

৩৫.

তহিমুপগম্ম ঠিতস্স মণ্ডপস্মিং

পরিদহিতু’ত্তরসাটকেন তস্স,

হরিমণিমণ্ডনমণ্ডিত’ত্তভাৰো

হিমপটলেন হিমাচলো রিৰাসি; ()

৩৬. ¶

মণিমকুটেন নিৰত্থকাসিকেন

নরপতিসুনু সুমণ্ডিতো ররাজ,

সুরভৰনেন চ খীরসাগরেন

কনকসিণেরুগিরী’ৰ নিচ্চলট্ঠো; ()

৩৭.

নভসি সমাকুলতারকাৰলী’ৰ

উরসি ৰিরাজিততারহারপন্তী,

নরপৰরো পিৰি তায রূপসারং

অমতমিৰা’যতলোচন’ঞ্জলীহি; ()

৩৮.

তদহনি রাজকুমারপুব্বসেল-

প্পভৰৰরাননচন্দমণ্ডলেন,

মুকুল়িতলোচননীলনীরজায

অভৰিমনোকুমুদাকরপ্পবোধো; ()

৩৯. ¶

যুৰতযুৰানমপেক্খতং জনানং

অনিমিসলোচননীলকন্তিগঙ্গা,

রুচিরৰধূহি ৰিধূতচামরেহি

অনিলৰিলোলতরঙ্গসালিনীৰ; ()

৪০.

গগনতলোপরি তারকাকুলম্হি

যুৰযুৰতীনৰচন্দচন্দিকেৰ,

নিচিতসুৰণ্ণকহাপণে ৰরেজুং

অথমণিমণ্ডপৰেদিকাতলম্হি; ()

৪১.

সকলকলাকুসলো’পগম্মৰিপ্পা-

চরিযগণো জযমঙ্গলায তেসং,

সুপরিসমাপযি সব্বপুব্বকিচ্চং

সপদি পৰস্সি অখণ্ডলাৰুজট্ঠি; ()

৪২. ¶

করতলতামরসেসু কুণ্ডিকায

মণিখৰিতায পুরোহিতো উভিন্নং,

সুভমভিসেকজলং নিপাতযং তে

পুনহিপযোজযি পাণিপীল়ণস্মিং; ()

৪৩.

সুরধনুৰিজ্জুলতে’ৰ ৰারিৰাহং

রথমভিরুয্হ গহীরমন্দঘোসং,

পরিৰুতখত্তিযবন্ধৰেহি তম্হা

কপিলপুরা’ভিমুখাভৰুং উভোত তে; ()

৪৪.

অথ সমলঙ্কতৰীথিমজ্ঝিগানং

ৰিৰটনিকেতনসীহপঞ্জরট্ঠা,

অনিমিসলোচনপঙ্কজোপহারং

ভূসমকরুং কপিলঙ্গনা পসন্না; ()

৪৫. ¶

গমনৰিলাসমুদিক্খতং জনানং

রুচিরসিরোপহিত’ঞ্জলীহি ভত্ত্যা,

মণিকলসপ্পিতপুপ্ফমঞ্জরীহি

রচিতমিৰোভযৰীথিপস্সমাসি; ()

৪৬.

তিখিণৰিলোচনবাণলক্খভাৰং

নিরুপমরূপিনি কামিনীহি নীতে,

পতিত’নুরাগসরেহিযেৰ তাসং

হদযৰিদারণমাসি তপ্ফলং’ৰ; ()

৪৭.

কথমপি কাপিলৰত্থৰা অহেসুং

তদহনি নিচ্চললোচনুপ্পলেহি,

কপিলপুরং তিদসালযাৰতিণ্ণা

তিদসগণা’ৰ ৰিপস্সনাযু’ভিন্নং; ()

৪৮. ¶

তিদিৰপুরা নিজৰেজযন্তনাম-

সুরভৰনং’ৰ সুজম্পতী সুজাতা,

কপিলপুরা পুনরাগমিংসু তম্হা

পতিপতিনী নিজরাজমন্দিরং দ্ৰে; ()

৪৯.

ধরণিপতিসুতো পত্তরজ্জাভিসেকো

কপিলপুরৰরে তেসু তিস্ৰালযেসু,

অপরিমিতসুখং তায বিম্বায সদ্ধিং

সুচিরমনুভৰি চন্দবিম্বাননায; ()

৫০.

ৰিকচকমল (নন্দীমুখি) মঞ্জুভাণী

তিৰিধৰযসি দিব্বচ্ছরারূপসোভা,

অগমি খযৰযং সা’পি বিম্বামহেসি

সরথ সরথ সঙ্খারধম্মস্সভাৰং; ()

ইতি ম্বেধানন্দাভিধানেন যতিনা ৰিরচিতে সকলকৰিজন হদযানন্দদাননিদানে জিনৰংসদীপে অৰিদূরেনিদানে পাণিগ্গহমঙ্গলুস্সৰপৰত্তিপরিদীপো. নৰমো সগ্গো.

১. ¶

গুণমণিমণিমা সো দেৰরাজা’ৰ রাজা

সুখমনুভৰমানো ৰাজিযানেন যেন,

ভমরভরিতমালা মঙ্গলুয্যানভূমি

তদৰসরি কদাচি সালিনী (মালিনী) হি; ()

২.

উপগতসমযো’তি বুজ্ঝনত্থায বোধিং

সুমরিয সুরপুত্তা বোধিসত্তে ৰজন্তে,

ভৰৰিরতিসমত্থং দস্সযুং মাপযিত্ৰা

জরসকটসরূপং জিণ্ণরূপংক ৰিরূপং; ()

৩. ¶

কিমিদমিতিহপুট্ঠো জিণ্ণরূপং ৰিপস্স

ৰিমতিপরৰসো সো সারথিং রূপসারো,

নিজহদযনিধানে দেৰতাচোদিতস্স

নিদহি ধনমিৰগ্ঘং তস্সধম্মোপদেসং; ()

৪.

হরিতনল়কলাপং মঙ্গলুয্যানমগ্গে

যথরিৰ’হিমুখট্ঠা কুঞ্জরি ভঞ্জমানা,

তথরিৰ’ভিভৰন্তী সব্বযোব্বঞ্ঞদপ্পং

খরতরজরতা সা অত্তপচ্চক্খভূতা; ()

৫.

মুখকুকৰলযগব্ভা ভট্ঠকিঞ্জক্খসোভা

ভৰি কঠিনজরারিখণ্ডদন্তট্ঠিপন্তি,

কুটিলপলিতজাতং তঞ্জরাযা’ভিসেকে

সিরসি রচিতসেতচ্ছত্তসোভং ববন্ধ; ()

৬. ¶

অৰিরল়ৰলিযো তা জিণ্ণরূপস্স চম্মে

পভৰবলৰতেজোধাতুৰেগুট্ঠিতা’সুং,

তরলসলিলপিট্ঠে সেয্যথাপো’দধিস্স

তরলসলিলপিট্ঠে সেয্যথাপো’দধিস্স

পলযপৰনৰেগু’ত্তুঙ্গকল্লোলমালা ()

৭.

ঠিতমুপৰনপন্থে ৰঙ্কগোপাণসি’ৰ

অনুজুকমুজুভুতং দণ্ডমোলুব্ভ ভুম্যা,

নিজতরুণৰিলাসং লক্খমাপাদযন্তং

ধনুমিৰ সগুণং তং রূপমদ্দক্খি ধীরো; ()

৮. ¶

জিনিঅজগরভোগে জিণ্ণনিম্মোকভারং

তিলকৰিবতচম্মং তন্তিরোজত্তভাৰে,

অপগতঘনমংসো ফাসুকট্ঠিপ্পন্ধো

অজিনিতিরৰলেপং কুড্ডদারুপ্পবন্ধং; ()

৯.

ৰিগতবলমদাদিং ৰিস্সৰন্তং সরীরে

নৰ্হি ৰণমুখেহি গুথমুত্তাদ্য’সূৰিং,

ৰলিৰিসমকপোলং কম্পমানুত্তমঙ্গং

সুৰিসদমতিনো তং পস্সতো জিণ্ণরূপং; ()

১০.

ভুৰনমনৰসেসং তস্সু’পট্ঠাসি সম্প-

জ্জলিতমথ জরাযা’দিত্তগেহত্তযং’ৰ,

অহমপকি অনতীতো ধম্মমেতন্তি ৰত্ৰা

ভৰনৰনমগঞ্ছি জাতিযু’ক্কণ্ঠিতত্তো; ()

১১. ¶

পুনরুপৰনমগ্গং ওগহন্তস্স রঞ্ঞো

সুখমনুভৰনত্থং দেৰতামাপযিত্ৰা,

পরপরিহরনীযং ঘোররোগাৰতিণ্ণং

অপরমপি ৰিরূপং দস্সযুং ৰ্যাধিরূপং; ()

১২.

ৰিসদমতি ৰিমত্যা সক্যৰংসেককেতু

কিমিমিৰপলিপন্নং ৰচ্চপস্সাৰপঙ্কে,

পভৰবলৰদুক্খং তং পরাধীনৰুত্তিং

কিমিদমিতি পদিস্ৰা পাজিতারং অপুচ্ছি; ()

১৩.

ৰরমতি ৰরধম্মং তেন সূতেন ৰুত্তং

অমতমিৰ পিবন্তো সোতধাত্ৰঞ্জলীহি,

অগমপি অনতিতো ব্যাধিধম্মন্তি তম্হা

নিজভৰনৰনং সোপা’গ সংৰিগ্গরূপো; ()

১৪. ¶

তদুপৰনৰিমানং ৰাজিযানেন নাথে

ৰজতি সতি কদাচি মাপযুং দেৰতাযো,

সুণখকুললগিজ্ঝাদীহীৰা খজ্জমানং

নরকুণপসরীরং উদ্ধুমাতং পঠম্হি; ()

১৫.

পভৰকিমিকুলানং চালযং নীলৰণ্ণং

ৰণৰিৰরমুখেহি লোহিতং পগ্ঘরন্তং,

সকুণগণ্ৰিতচ্ছিং মক্খিকামক্খিতঙ্গং

সুমতি মতসরীরং অদ্দসা সারহীনং; ()

১৬.

অভিগমি গমযন্তো ভারতিং সারথিস্স

নিজসৰণযুগস্মিং হেমতাডঙ্কসোভং,

অহম্পি মরণং ভো নাতিৰত্তোতি ৰত্ৰা

ৰনমিৰ মিগরাজা সক্যরাজা ৰিমানং; ()

১৭. ¶

পুনপি সপরিসো সো যানমারুয্হ ভদ্রং

কতিপযদিৰসানং অচ্চযেনা’ধিরাজা,

কপিলপুরৰরম্হা’নঙ্গরঙ্গালযাভং

তদুপৰনমগঞ্ছি পঞ্চবাণাভিরূপো; ()

১৮.

গুণমণি মণিৰণ্ণং পত্তমাদায পত্থে

পনসসরসরাগং ৰীৰরংপারুপিত্ৰা,

ঠিতমৰিকলচক্খুং নিম্মিতং দেৰতাহি

সুমতি সমণরূপং বুদ্ধরূপং’ৰ পস্সি; ()

১৯.

তদহনি ৰিবুধা’ধিট্ঠানতো ভাৰনীযো

যতিপতিরিৰ সূতো অত্থধম্মানুসাসি,

সমণগুণমনেকাদীনৰং পঞ্চকামে

তমৰদি গমনস্মিং আনিসংসঞ্চ গেহা; ()

২০. ¶

কুহনলপনমিচ্ছাজীৰমোহায কুচ্ছি-

পরহরণসমত্থং মত্তিকাপত্তমস্স,

কর কমকলগতং সো পারমীচোদিতত্তো

ৰিসদমতি পদিস্ৰা সম্পসাদং জনেসি; ()

২১.

ৰিকসিতকলিকালঙ্কারমুদ্দালসাল-

মিৰ সমণৰিলাসং চীৰরোভাসমগ্গে,

নযনমধুকরানং ভারমাধায ধীরো

নিজমনসি জনেসি চীৰরে সম্পসাদং; ()

২২.

খণিকমরণদুক্খাৰট্টমাবাধরাসি-

মকরনিকরভিমং তং জরাৰীচিৰেগং,

ভৰজলধিমগাধং জাতিৰেলাৰধিং সো

অযমিৰ পটিপন্না নিত্তরেয্যুন্ত্য’ৰেদি; ()

২৩. ¶

সমণৰদনপীনচ্চন্দবিম্বোদযেন

ৰিকসিতমনকুন্দো নন্দনুয্যানসোভং,

উপৰনমভীগন্তুং সন্দনং চারযে’তি

তদহনি মনুজিন্দো সন্দনাচারিমাহ; ()

২৪.

ৰলযিতনল়তাল়ীতালহিন্তালপন্তিং

মলযজতরুজাযাসীতলং নিম্মলাপং,

উপৰনমৰতিণ্ণো নন্দনং ৰাসৰো’ৰ

অকরি দিৰসভাগং সাধুকীল়ং সরাজা; ()

২৫.

দসসতকিরণস্মিং যস্স কিত্তিপ্পবন্ধ-

সরদজলদরাজিছাদিতস্মিং নভস্মিং,

উপরিসিরসি সেতচ্ছত্তসোভং ভজন্তে

তদিযচরণলক্খ্যা’লঙ্করি ৰাপিতীরং; ()

২৬. ¶

সরসিজৰদনেহি হংসপীনত্থনেহি

কুৰলযনযনেহী নীলিকাকুন্তলেহি,

মধুমদমুদিতালীনূপুরেভা’ৰরোধ-

জনমিৰ রমণীযং ওতরি সো তল়াকং; () (সিলেসবন্ধনং)

২৭.

ৰরযুৰতিজনানং কুম্ভগম্ভীরনাভি-

ৰিৰরগহিতৰারি ৰাপি সা রিত্তরূপা,

ঘনথনজঘনানং সঙ্গমেনে’তরাসং

পুনরভৰি কপপুণ্ণা পীতিৰিপ্ফারিনীৰ; ()

২৮.

অভিনৰরমণিনং জাতুলজ্জাতুরানং

ৰিমুখনযনমীনে মীনকেতুপমেন,

উপৰধিতুমীৰগ্গে খিত্তজালব্বিলাসং

খণমৰহরি রঞ্ঞা ৰিদ্ধহত্থম্বুধারা; ()

২৯. ¶

নৰজলকণিকালঙ্কারৰত্তারৰিন্দা

ঘনকুচকলহংসা কেসসেৰালনীলা,

পতিমথিততরঙ্গাকিণ্ণসুস্সোণিৰেলা

সরসি সরসি’ৰা’সি তত্র কীল়াতুরে’কা; ()

৩০.

সসিরূচিরমুখীনং খোমৰত্থন্তরীযে

সনিকমপনযন্তে ৰিচীহত্থেহি রঞ্ঞা,

রচিতনযনকন্তী ব্যন্ত গম্ভীরনাভী-

সরসিজপরিযন্তা নাল়পন্তীরি’ৰা’সি; ()

২৯. ¶

নৰজলকণিকালঙ্কারৰত্তারৰিন্দা

ঘনকুচকলহংসা কেসসেৰালনীলা,

পতিমথিততরঙ্গাকিণ্ণসুস্সোণিৰেলা

সরসি সরসি’ৰা’সি তত্র কীল়াতুরে’কা; ()

৩০.

সসিরুচিরমুখীনং খোমৰত্থন্তরীযে

সনিকমপনযন্তে ৰিৰিভণ্থেহি রঞ্ঞা,

রচিতনযনকন্তী ব্যন্ত গম্হীরনাহী

সরসিজপরিযন্তা নাল়পন্তিরি’ৰা’সি; ()

৩১. ¶

পুনরপি কুচকুম্ভঞ্চন্দহারেনিৰা’পে

নিজগল়পরিমাণে সন্নিমুগ্গঙ্গনানং,

মলিনকমলিনী সা লোচনেহা’ননেহি

অভৰি ভমরভার’ম্ভোজসণ্ডা’কুলে’চ; ()

৩২.

মধুমদমধুপেহি গীযমানেহি ৰিচি-

ভুজসতপহটাহি সোণিভেরীহি থিনং,

ললিতকমলসীসে নচ্চমানিন্দিরায

অজিনি জলজিনী সা দিব্বসঙ্গীতসালং; ()

৩৩.

তুহিনকরমুখীনং তন্তল়াক’ন্তলিক্খে

সুললিতভুজৰল্লী ৰিজ্জুলেখাভিরামা,

কুৰলযৰনরাজি নীলজীমুতরাজি

পতিনযনমযূরে কীল়যন্তী ররাজ; ()

৩৪. ¶

ফুটকুৰলযহত্থং রাজভংসেহি খিত্তং

ৰিৰিধমধুপভুত্তং ধম্মৰেলাতিৰত্তং,

যথরিৰ গণিকং তং কঞ্জনিং সো জনিন্দো

তদহনি পরিভুত্ৰা’মন্দমানন্ৰ্দমাপ; () (সিলেসবন্ধনং)

৩৫.

চরণ’নুৰজমানব্বীচিসঙ্খোভতীরং

জহতি সতি তল়াকং সাৰরোধে নরিন্দে,

সরসিৰিরহিনীসংরুদ্ধনিস্সাসরূপো

মুদুসুরভিসমীরো মন্দমন্দং পৰাযি; ()

৩৬. ¶

পরিভৰি রৰিবিম্বং তঙ্খণত্থাচলট্ঠং

তহিমুপলতলট্ঠো ভানুৰংসেকভানু,

অথ সরসিৰধূনং কিঞ্চিসঙ্কোৰিতানি

সরসিজৰদনাতি সোকদীনানিৰা’সুং; ()

৩৭.

অসিতনভসি সঞ্ঝামেঘমালাৰিলাসং

অভিভৰিয নিসিন্নে তত্র সক্যাধিনাথে,

তুৰটমুপগতা তং কপ্পকা’নেকৰত্থা-

ভরণৰিকতিহত্থা ভূপতিং ভূসণত্থং; ()

৩৮.

রৰিকুলরৰিনো খো ধম্মতেজাভিভূতো

সুরপতি সুরপুত্তং ৰিস্সকম্মাভিধানং,

সপদি পহিণি সম্মা দিব্বৰত্থাদিনা ভো

তিভুৰনসরণং তং ভূসযস্সূ’তি ৰত্ৰা; ()

৩৯. ¶

গহিতমনুজৰেসো সো’পসঙ্কম্ম সীসে

সুখুমপটসতেহী ৰেঠনঞ্চা’পি দত্ৰা,

মণিকনকমযেহি ভূসযি ভূসণেহি

তদহনি ভৰি সক্কো দেৰরাজা’ৰ রাজা; ()

৪০.

তিমিরহমরভার’ক্কন্তপাচীনপস্সং

মুকুলিতসতসঞ্ঝামেঘপত্তাৰলীনং,

গগনতলতল়াকাধারমন্দারনাল়ং

কমলমকুলসোভং ভানুবিম্বং ববন্ধ; ()

৪১.

পহিণি পিতুনরিন্দো সাসনং তাৰ তস্স

নিজতনুজকুমারু’প্পত্তিমারোচযিত্ৰা,

পমুদিতভদযো সো লেখণালোকনেন

অৰদিতি মম জাতং বন্ধনং রাহুজাতো; ()

৪২. ¶

তদহনিপিতুরঞ্ঞা ৰুত্তৰাক্যানুরূপং

তহিমখিলপদত্থং সদ্দসত্থক্কমেন,

করহচী মনুজিন্দো অয্যকো সঙ্গহেত্ৰা

অৰদিতি মমতত্তা রাহুলোনামহোতং; ()

৪৩.

ৰনসুরৰনিতানং লোচনিন্দীৰরেহি

মহিতসিরিসরিরো ভদ্রমারুয্হ যানং,

সভৰনমভিগন্তুং ওসরি নাগরানং

সুৰিমলনযনালীতোরণাকিণ্ণৰীথিং; ()

৪৪.

ৰিৰটমণিকৰাটো’পন্তিকট্ঠা ৰিমানে

জিতসুরৰনিতা’সি যা পিতুচ্ছায ধীতা,

নযনকরপুটেহি রূপসারং নিপীয

সমিতরতিপিপাসা সা কিসাগোতমী থী; ()

৪৫. ¶

জিতমনসিজরূপং ঈদিসং যেসমত্থি

তনুজরতনমদ্ধা নিব্বুতা সা’পি মাতা,

পিতুজগতিপতী সো নিব্বুতো সীতিভূতো

নিজপিযভরিযা’পি নিব্বুতা’ত্যে’ৰমাহ; ()

৪৬.

হদযগতকিলেসে নিব্বুতে ৰূপসন্তে

যতিপতিরিৰ দিট্ঠো নিব্বুতো সো’হমস্মি,

ইতি ৰরমতি সুত্ৰা তায গাথং সুগীতং

ৰিৰিধনযৰিভত্তং তপ্পদত্থং অৰেদি; ()

৪৭.

অহমিতিপদমস্সা নিব্বুতিং সাৰিতো’স্মি

সুমরিয গরুভত্যা তায লক্খগ্ঘমগ্গং,

ধৰলকিরণভারং ভাসুরং হারিহারং

পহিণিয ভৰনং সো পাৰিসি সাৰরোধো; ()

৪৮. ¶

মযমিৰ ৰরবোধিং বুজ্ঝমানস্স জাতু

মনসি ৰুপসমে’তি তুয্হমেকাদসগ্গি,

উপগমুমুপসন্তিং ৰ্যাকরোন্তী’ৰ তাৰ

অপরদিসি ৰিনদ্ধা’নেকসঞ্ঝাঘনালী; ()

৪৯.

অতুলধৰজছত্তং ধোতমুত্তাৰলীহি

ৰলযিতমিৰ রঞ্ঞো তস্স সিহাসনস্মিং,

উদযসিখরিসীসে তাৰতারাৰলীহি

পরিৰুতমতিসোভং চন্দবিম্বং বহাস; ()

৫০.

ঘনতরতিমিরেহা’ৰত্থরত্তেহি লোকে

মসিমলিনৰিলাসং তঙ্খণে দস্সযন্তি,

রজনিকরকরেহি ৰিপ্ফুরত্তেহি ফীতা

কতনৰপরিকম্মে’ৰা’সি সা রাজধানি; ()

৫১. ¶

হিমকরকরভারক্কত্তরত্তন্ধকার-

গলিততিমিরলেখাকারমাৰী করোন্তি,

ফুটকুমুদ ৰনেসু চাসিকুন্দাটৰীসু

সুমধুর মধুমত্তা ভিঙ্গমালা পমত্তা; ()

৫২.

জিতসুরপতিৰেসো ধম্মচিন্তাপরো সো

জলিত মণিপদীপালোকভিন্নন্ধকারে,

নিজসিরিভৰনস্মিং হেমসীহাসনস্মিং

নচির মভিনিসজ্জী পঞ্চকামে ৰিরত্তো; ()

৫৩.

সপদি তুরিযহত্থা নীলজিমুতকেসা

কুৰলযদলনেত্তা চন্দলেখাললাটা,

ৰিকচকমলৰত্তা মেখলাভারসোণী

কুচহরৰিরল়ঙ্গী চারুৰামোরুজঙ্ঘা; ()

৫৪. ¶

কুমুদমুদকপোলা কুণ্ডলোলম্বকণ্ণা

অৰিৰরদসনালিমালতীদামলিলা,

কনকরতনমালাভারগীৰা, ভিরামা,

অভিনৰৰনিতাযো নচ্চগীতেসু ছেকা; ()

৫৫.

রহদমিৰপসন্নং নিচ্চলাসিনমিনং

সুমতিমুপনিসিন্নং সংৰুতদ্ৰারুপেতং,

তমভিরতিনিরাসং বুদ্ধভাৰাভিলাসং

অভিরমযিতুকামা ওতরুং রঙ্গভূমিং; ()

৫৬. ¶

মণিমযৰসুমত্যা পাদসঙ্ঘট্টনেন

কনকৰকলযঘোসং কাচি নিচ্ছারযন্তী,

চলকিসলযলীলা অঙ্গুলি চালযন্তি

অনুলযমভিনচ্চুং হেমৰল্লীৰিলাসা; ()

৫৭.

নরপতিমুখবিম্বংক লক্খমাপাদযন্তী

নযনখরসরানং রঙ্গসঙ্গামভূম্যা,

জিতকলরৰৰাণী কাচি রামা ভিরামা

সৰণসুভগগীতং গাযমানা ৰিভাসুং; ()

৫৮.

জিতসুরললনাযোকাৰি পঞ্চঙ্গিকানি

তদহনি তুরিযানি ৰাদযুং লোলপাঙ্গা,

সৰণমধুরৰীণা ভেরিনাদেহি তাসং

গগনতল মিৰা,সি পাৰুসে রঙ্গভূমি; ()

৫৯. ¶

ৰরমতি রমণীনং তং মহাভূতরূপ-

প্পভৰমিৰৰিকারং নচ্চমদ্দক্খি তাসং,

ৰিসমভৰকুটীরে রাজরোগাতুরানং

অসুনিতুরিযরাৰং গীতমট্টস্সরং,ৰ; ()

৬০.

ভুসমনহিরতো সো নচ্চগীতেসু তাসং

সিরিসযনৰরস্মিং সীহসেয্যং অকাসি,

ইতিগহিতৰিহেসা লদ্ধনিদ্দাৰকাসা

সপদি মদনপাসা তা নিপজ্জিংসুনারী; ()

৬১.

সহকুমুদিনিযা সো সুত্তমত্তপ্পবুদ্ধো

নিজসিরিসযনস্মিং সন্নিসিন্নো রজন্যা,

গহিততুরিযভণ্ডে তত্থতত্থো, ত্থরিত্ৰা

যুৰতিজনমপস্সি দল়্হনিদ্দাভিভূতং; ()

৬২. ¶

অনিলচলকপো লা কাচি লালং গিলন্তে

গলিতবহল়খে ল়া কাচি খাদন্তি দন্তে,

ভগমপগতচো ল়া কাচি সংদস্সয ন্নে

খলিতৰচনমা লা কাচি যংযং লপন্তে; ()

৬৩.

খিপিতমপি করোন্তী কাচি কাসন্তিকাচি

ইতি পচুরৰিকারং নিস্সিরিকং অসারং,

ভৰনমনৰসেসং তস্সু, পট্ঠাসি দল়্হং

নরকুণপৰিকিণ্ণং আমকাল়াহণংৰ; ()

৬৪.

তদহনি তিভৰং চা,দিত্তগেহত্তযং,ৰ

সুমরিয ৰতভো, পস্সট্ঠমোপদ্দুতং ভো,

ইতি পরমমুদানং কৰত্তযং তব্বিমুত্যা

মনসি পুরিসসূরো সূরভাৰং জনেসি; ()

৬৫. ¶

সুরতচতুররামারক্খসিৰাসভূতে

সিরিভৰনৰনস্মিং মোহযন্তম্হি বালে,

অলমিতি মম ৰাসো হন্দ নিক্খম্ম তম্হা

তিভৰভযৰিমুত্তিং এসযিস্সামহং,তি; ()

৬৬.

উপকমিয ৰিমানদ্ৰারমুম্মারুপন্তে

সযনুপরি নিপন্নং ছন্নমুট্ঠাপযিত্ৰা,

তমৰদি অভিগন্তুং কপ্পযিত্ৰং, নযেতি

পবলজৰবলগ্গং ৰাজিরাজং সরাজা, ()

৬৭.

গতসতি হযসাল়ং তঙ্খণে ছন্নমচ্চে

সকপতিগমনত্থং এসমং কপ্পনত্থো,

অগমিতি সহজাতো কত্থকো ৰাজিরাজা

অকরি ৰিপুলহেসারাৰমানন্দভারো; ()

৬৮. ¶

পৰিসিয সিরিগব্ভং তেলদীপুজ্জলন্তং

রতনখচিতমঞ্চে গন্ধপুপ্ফাভিকিণ্ণে,

ধরণিপতিনিপন্নং হেমবিম্বোপমানং

নিজতনুজকুমারং পস্সিবিম্বাযসদ্ধিং; ()

৬৯.

যদি অহমপনেত্ৰা দেৰিযা হত্থপাসং

মম তনুজকুমারং অঙ্কমারোপযামি,

ৰদনজিতসরোজা রাজিনী ৰুট্ঠহিত্ৰা

ৰনমহীগমনং মে ৰারযে দুন্নিৰারং; ()

৭০.

তনুজমুখসরোজং বুদ্ধভূতো সমানো

নযনমধুকরানং জাতু কাহামিভারং,

সুমরিয চরণং সো উদ্ধরন্তো,ৰ মেরুং

অৰতরি ভৰনম্হা উক্খিপিত্ৰা পৰীরো; ()

৭১. ¶

কুৰলযদলনেত্তঞ্চন্দমম্হোজৰত্তং

মদনরথরথঙ্গাকারসুস্সোণিভারং,

কথমৰতরি বিম্বানামদেৰিং পহায

নরপতি ভৰনম্হা হেমবিম্বাভিরামং; ()

৭২.

মরকতপটিমাভং সম্ভৰং সক্যৰংসে

সমুপচিতসুপুঞ্ঞং লক্খণাকিণ্ণগত্তং,

পজহিয সুকুমারং রাহুলাখ্যং কুমারং

কথমৰতরি পাদমন্দমুক্খিপ্প ধীরো; ()

৭৩.

রিপুগজমিগরাজং জম্বুদীপগ্গরাজং

তদহনি পিতুরাজং পুত্তসোকণ্ণৰম্হি,

কথমমিতদযো সো নিদ্দযো পক্খিপিত্ৰা

অৰতরি ভৰনম্হাক উদ্ধরিত্ৰান পাদে; ()

৭৪. ¶

সকলপথৰিচক্কং চক্কৰাল়াৰধিং সো

অভিৰিজিয অসত্থো সত্তমে ৰাসরম্হি,

নরহরি কতপুঞ্ঞো চক্কৰত্তি অহুত্ৰা

কথমৰতরি তম্হা উক্খিপিত্ৰান পাদে; ()

৭৫.

অৰতরিয ৰিমানা অজ্জ মং তারযত্ৰং

ত্ৰমপিতিভৰতো)হং উত্তরেয্য’ন্তি ৰত্ৰা,

তমভিরুহি জনিন্দো ৰাজিরাজিন্দ’মট্ঠা-

রসরতনপমাণং ধোতসঙ্খাৰদাতং; ()

৭৬.

পৰনতুরিতৰেগো কন্থকো ৰাজিরাজা

যদহনি পদসদ্দং চা’পি হেসং করেয্য,

ননু সকলপুরং সো যাতি অজ্ঝোত্থরিত্ৰা

তদহনি কতসদ্দং ৰারযুং দেৰতাযো; ()

৭৭. ¶

করকমলতলেসু দেৰতানিম্মিতেসু

পনিহিতপদৰারং অস্স মারুয্হ ধীরো,

লহুমুপগমি ছন্নং ৰালধিং গাহযিত্ৰা

থিরপিহিতকৰাটদ্ৰারপাকারুপন্তং; ()

৭৮.

যদি পিহিতকৰাটুগ্ঘাটনং না’ভৰিস্সা

হযৰরমপি ছন্নামচ্চমাদায সোহং,

অসরি পুরিসসিহো উপ্পতেয্যন্তি অট্ঠা-

রসরততপমাণু’ত্তুঙ্গপাকারচক্কং; ()

৭৯.

তথরিৰ হযরাজা ছন্ননামো চ মন্তী

ৰীরিযবলসমঙ্গী চীন্তযুং তাৰদেৰ,

ৰিৰরি তদধিৰত্থা দেৰতা চোদিতত্তা

পুরিসদসসতেনু’গ্ঘাটিযং দ্ৰারবাহং; ()

৮০. ¶

মম ৰিসযমসেসং এসসিদ্ধত্থনামো

অভিভৰিয সুবোধিং জাতু বুজ্ঝিস্সতীতি,

অথ সুমরিয মারো পাপিমা’তীৰকুদ্ধো

পটিপথমুপগঞ্ছি নিক্খমিত্ৰা ৰিমানা; ()

৮১.

তুরিতমহিৰজন্তে মারৰেরিম্হি মারো

অসিতনভসি ঠত্ৰা ইত্থমারোচযিত্থ,

ৰরপুরিস ইতো খো সত্তমে ৰাসরম্হি

ত্ৰমহিৰিজিয লোকং হেস্সসে চক্কৰত্তী; ()

৮২.

সুখমনুভৰমানো চক্কৰত্তী ভৰিত্ৰা

ঘরমধিৰস চক্কং ৰত্তযং যাৰজীৰং,

অমিতমতি তুৰং মা নিক্খমস্সূ’তি মারো

অভিগমননিসেধং কাতুমিচ্চানুসাসি; ()

৮৩. ¶

নমুৰিলপিতৰাচং সোতধাত্ৰঞ্জলীহি

সৰিসমিৰ পিবন্তো তং তুৰং কো’সি পুচ্ছি,

পৰনপথঠিতো’হং ইস্সরো দেৰতানং

নরৰর ৰসৰত্তী পাপিমা’ত্যে’ৰ মাহ; ()

৮৪.

সুরনরসরণো সো নিব্ভযো দিব্বচদ্দ-

রতনজননমদ্ধা মারজানামহ’ন্তি,

পটিৰচনমদাসি মাদিসো দুপ্পসয্হো

ভৰতি দসসহস্সেহা’পি তুম্হাদিসেহি; ()

৮৫.

যদি মনসি সিযা তে কামদোসব্বিহিংসা-

পভুতিপরিৰিতক্কো তাৰজানাম’হন্তি,

পটিঘপরৰসো সো কিঞ্চিওতারপেখো

অনুপদমনুবন্ধি তস্স ছাযাযথেৰ; ()

৮৬. ¶

পুনরভিৰজতোৰা’সাল়্হিযা পুণ্ণমায

কপিলপুরৰিভূতিং দট্ঠুকামম্হি জাতে,

ৰসুমতি পরিৰত্তী দস্সযি অস্সরঞ্ঞো

পুরৰরভিমুখট্ঠো চেতিযট্ঠানভুমিং; ()

৮৭.

সপদি দসসহস্সিচক্কৰাল়েসু দেৰা

তিভুৰনসরণস্সা’রক্খণে ৰ্যাৰটাসুং,

মণিকনকমযেহি দণ্ডদীপাদিকেহি

অনিমিসতনযে’কে মগ্গমালোকযিংসু; ()

৮৮.

সুরভিকুসুমদামোলম্বমানব্বিতান-

কনককলসসেতচ্ছত্তকেতুদ্ধজেহি,

তদহিগমনমগ্গং দেৰতা’লঙ্করিংসু

ভুৰনকুহরমাসি পুপ্ফপূজাভিরামং; ()

৮৯. ¶

গগনমসনিঘোসচ্ছন্তমেৰট্ঠসট্ঠি-

তুরিযসতসহস্সারৰৰিপ্ফারমাসি,

মহিতসুরভিপুপ্ফাকিণ্ণমগ্গাৰতিণ্ণো

অতুরিতমভিগন্ত্ৰা যোজনন্তিংসমত্তং; ()

৯০.

ৰিমলসলিলপুণ্ণং ফেণমালাভিকিণ্ণং

ৰিকচকমলরাজিং তুঙ্গকল্লোলরাজিং,

সসিরতরসমীরং ৰাল়ুকাকিণ্ণতিরং

সমুপগমি অনোমানামগঙ্গং সৰীরো; ()

৯১.

অসিতমণিতলাভা ছন্ন কা নামিকা’যং

ইতি ৰরমতি পুচ্ছি সো অনোমানদীতি,

তমৰদি যদি তীরে এত্থ’হং পব্বজেয্যং

অতিৰিয সফখলা মে সা অনোমাসিযা’তি; ()

৯২. ¶

রৰিকুলতিলকো সো পণ্হিযা ৰাজিরাজং

সজৰমদদি সঞ্ঞং তায অট্ঠোসভায,

সুৰিমলসলিলাযা’নোমগঙ্গায তীরে

তরণিরিৰ ঠিতো’সি উপ্পতিত্ৰা তুরঙ্গো; ()

৯৩.

সিতপুলিনতলট্ঠো তিণ্হধারা’সিহত্থো

ৰিসদমতি সমোল়িং চূল়মাদায দল়্হং,

অলুনি সিরসি সেসা দ্ৰঙ্গুলা নীলকেসা

ন তদুপরি পরূল়্হা দক্খিণাৰত্তযিংসু; ()

৯৪.

অভৰি তদনুরূপং দাঠিকা মস্সুচা’পি

অযমুপরি সচা’হং ঠাতু বুদ্ধো ভৰেয্যং,

নভসি খিপি সিখং তং ইচ্চধিট্ঠায ধীরো

পরিভৰিয ঠিতা সা মেঘমালাৰিলাসং; ()

৯৫. ¶

সপদি সুরপুরম্হা দেৰরাজাভি’গন্ত্ৰা

তমভিহরিয চূল়ং চারিচঙ্গোটকেন,

রতনমযমুল়ারং চেতিযং মাপযিত্থ

সুরগণমহনীযং তত্র চূল়ামণিন্তি; ()

৯৬.

ৰিধিরভৰি সহাযো যো ঘটিকারনামো

অদদি সমণকপ্পংক সো কপরিক্খারমস্স,

গহিতসমণৰেসো পুব্ববুদ্ধা’ৰ নাথো

নভসি খিপি নিৰত্থং সাটকং সংহরিত্ৰা; ()

৯৭.

তমভিহরিয দুস্সং পক্খিপিত্ৰা সমুগ্গে

রতনমযমতুল্যং যোজনদ্ৰাদসুচ্চং,

অকরি পরহিতত্থং ব্রহ্মলোকেক ৰিধাতা

মকুটমণিমরিচীচুম্বিযং চেতিযংসো; ()

৯৮. ¶

পিতুনরপতিনো ত্ৰং ভুসণাদীনি দত্ৰা

ইতি মম ৰচনেনা’রোগ্যমারোচযস্সু,

সচিৰমনুপলব্ভা’ দানি পব্বজ্জিতুং তে

পহিণি হযসহাযং ওৰদিত্ৰান ছন্নং; ()

৯৯.

পটিপথমৰতিণ্ণো গন্তুকামো সরট্ঠং

ধরণিপতিৰিযোগা সোকনিব্বিদ্ধগত্তো,

তুরগপতি চৰিত্ৰা কন্থকো দেৰপুত্তো

ভৰি কনকৰিমানে তঙ্খণেতাৰতিংসে; ()

১০০.

সকলৰনসুরানং অঞ্জলিমঞ্জরিহি

মহিতঞ্চরণপীঠো যেন পব্বজ্জিতো সো,

তদৰসরিঅনোমানামনজ্জা সমীপে

ৰনমনুপিযনামং অম্বরুক্খাভিরামং; ()

১০১. ¶

সো নিক্খম্ম অভিন্নখত্তিযকুলা নেক্খম্ম ধম্মালযো

ভোগক্খন্ধমুল়ারচক্করতনং উচ্চারভারং ৰিয,

ওহাযা’নুপিযম্বনামৰিপিনে সত্তাহমজ্ঝাৰসং

পব্বজ্জাপটিলাভসম্ভৰসুখং ৰেদেসি বুদ্ধঙ্কুরো; ()

ইতি মেধানন্দাভিধানেন যতিনা ৰিরচিতে সকল কৰিজন হদযানন্দ দাননিদানে জিনৰংসদীপে অৰিদূরে নিদানে মহাভিনিক্খমন পৰত্তিপরিদীপো দসমো সগ্গো.

১. ¶

মন্দানিলেরিততরুসণ্ডমণ্ডিতে

তস্মিং তপোৰনগহণে তপোধনো,

ভুত্ৰা (পভাৰতি) ৰনদেৰতা যথা

দিব্বং সুখং সুখমনগারিযং ততো; ()

২.

যো সেনিযো নরপতি মাগধো তদা

যস্মিং পুরে ৰসতি পুরঙ্গভাসুরে,

রাজগ্গহং তমহিপৰেসনত্থিকো

অদ্ধানমোসরি সমতিংসযোজনং; ()

৩.

চক্কঙ্কিতস্সিরিচারণো সুসঞ্ঞমো

দীঘঞ্জসং ৰসি তদহেন খেপযং,

রাজগ্গহং কপুরৰরমিন্দিরালযং

সম্পাৰিসি জিতগজরাজগামি সো; ()

৪. ¶

ইন্দাসুধাৰলিৰলযিকতো মহা-

মগ্গম্হি জঙ্গম্মণিপব্বতোরিৰ,

খত্তিংসলক্খণসমলঙ্কতো মহা-

ৰীরো তপোনিধি যুগমত্তদস্সনো; ()

৫.

বোধাপযং বুধজনমানসম্বুজে

অৰ্হাপযং পথিকজন’ক্খিপক্খিনো,

ৰিম্হাপযং নিজসিরিযা সদেৰকে

তস্মিং পুরে চরি সপদানচারিকং; ()

৬.

পিণ্ডায গচ্ছতিসতি রূপদস্সন-

পব্যাৰটা’খিলজনতায গোতমে,

সঙ্ঘোভিতা’সুরমিসরেহি সা পুরি

পত্তে যথেৰ’সুরপুরি পুরিন্দদে; ()

৭. ¶

খত্তিংসলক্খণসুরচাপভাসুরে

রূপম্বরে ৰরপুরিসস্স গচ্ছতো,

লোকস্স লোচনসকুণাৰলিতদা

অন্তং নপাপুণি পরিসঙ্কমন্তীপি; ()

৮.

মঞ্জীরপিঞ্জরকর কন্ধরামণি-

কেযূরভাসুরচরণা সিরিমতো,

সীমন্তিনী পরমসিরিং ৰিপস্সিতুং

ধাৰিংসু নিজ্জিতকলহংসকামিনী; ()

৯.

নারিজনা মহিতুমিৰা’ভিগচ্ছতো

রূপিন্দিরায’ নিমিসলোচনুপ্পলে,

ধম্মিল্লৰেল্লিতভুজচম্পকাৰলী

ধাৰিংসু পীৰরকুচহারপীল়িতা; ()

১০. ¶

নিস্সাসিনী সমজলবিন্দুচুম্বিত-

ৰত্তম্বুজা সিথিলিতকাসিকম্বরা,

কাচিত্থিযো সমণমুদিক্খিতুং পথে

ধাৰন্তিযো কিমুপতিসঙ্কিযা’ভৰুং; ()

১১.

উগ্ঘাটিতা’সিতমণিসিহপঞ্জরা

রামাপসারিতৰদনম্বুজাক ৰসিং,

দট্ঠুং পভুজনভৰনেসু তঙ্খণে

মন্দাকিনিসরসিৰিলাসমাহরুং; ()

১২.

উচ্ছঙ্গতোপতিতসুতা’ভিরূপিনো

রূপপ্পলম্হিতহদযাক পূরীৰধূ,

পস্সন্তিযো পথিকজনস্সহত্থগে

নাকংসু কিং অধিকরণা’ধিরোপণং; ()

১৩. ¶

একে জনা যতিপতিরূপদস্সন-

কোতুহল়া সকপটিভানমব্রৰুং,

সীমন্তিনী মনকুমুদানি বোধযং

পত্তো’ত্য’যং পকতিনিসাপতীনুখো; ()

১৪.

সুত্ৰান তং সকলকলান্তরোপগং

বিম্বং তদঙ্কিতহরিণঙ্কমম্বরে,

তুম্হে নপস্সথ হিমরংসিনো ইতি

গব্বাভিজপ্পিতৰচনা’পরেজনা; ()

১৫.

অচ্ছেরপঙ্কজৰিসরানি চিন্তিয

সঞ্চুম্বিতুং পুরললনানন’ম্বুজে;

ৰেরোচনো ইধুপগমা ৰিরূপিমা

ইচ্চব্রৰুং পুনরনিসম্মকারিনো; ()

১৬.

সুত্ৰান তং গগনতলঙ্গনে’ধুনা

ৰেরোচনস্স’ভিচরতো নপস্সথ,

চণ্ডাতপং থিরপরিৰেসমম্বুজ-

পাণিন্তি গজ্জিতৰচনা’পরেজনা; ()

১৭. ¶

উত্তুঙ্গমন্দিরমণিচন্দিকাতলে

দিব্বচ্ছরানিভরমণিহি ৰঞ্চিতো,

এযা’মরাৰতিনগরিতি চিন্তিয

সক্কো চরে ননু সকৰাদমপক্পযুং; ()

১৮.

সক্কস্স দানৰৰিজযা’ভিলাসিনো

পাণিম্হি দিস্সতি ৰজিরাযুধং খরং,

সংৰিজ্জরে দসসতলোচনানি’পি

নোতাদিসো অযমিতি তব্বিপক্খিনো; ()

১৯.

যা সালৰত্য’ধিৰচনা’ভিরূপিনী

সঞ্চোদিতো জিতগিরিজায তায হো,

কেলাসপব্বতনিভপণ্ডৰাচল-

ঞত্তং ৰজং অযমিতিইস্সরো’ব্রৰুং; ()

২০. ¶

তুম্হে নপস্সথ পরমিস্সরস্স কিং

নগ্গত্তনং পসুসযনো’পৰেসনং,

পাণিং কপালকমধিকক্খিমণ্ডলং

ইত্থং পৰেদিতৰচনা’পরেজনা; ()

২১.

এসা’ৰলম্বিতপুরখীরনীরধিং

লক্খিং সমেক্খিয নিজলক্খিসংসযো,

পীতম্বরং পরিদহিয’ঞ্জসে চরং

নারাযনো ইতি মতিমপ্পযুং সকং; ()

২২.

নারাযনো কুৰলযনীলৰিগ্গহো

কোপন্তরো’রগসযনিন্দিরাধনো,

চক্কাযুধো’ল্লসিতকরো’তিৰামনো

তব্বাদমদ্দনচতুরে’তরে জনা; ()

২৩. ¶

ৰেদত্তযং ৰিবুধজনানমাননে

স্ৰ’জ্ঝাযতং ৰসতিনুখো সরস্সতী,

সঞ্জাতসংসয জটিতো পিতামহো

তস্সাগৰেসনপসুতো’ত্যু’দীরযুং; ()

২৪.

সুত্ৰান তং সরসিজযোনিনো সদা

পাণিম্হি ৰিজ্জতি ৰরমত্তপোত্থকং,

চত্তারিচাননপদুমানি দিস্সরে

গচ্ছং অযংপন পুরিসো নতাদিসো; ()

২৫.

সুদ্ধোদনৰ্হযৰসুধাধিপ’ত্রজো

বুদ্ধো ভৰিস্সতি ইতি ৰেদকোৰিদা,

কোণ্ডঞ্ঞভুসুরপমুখা দ্ৰিজা তদা

পব্যাকরুং তনু বহুভাসণেন কিং; ()

২৬. ¶

উক্কণ্ঠিতো সকভৰনা মহামতী

নিক্খম্ম সত্তমদিৰসোতি ৰিস্সুতো,

আপাথগং নিজসৰণঞ্জলিহি ভো

তং ব্যপ্পথং নপিৰথ কিং যথামতং; ()

২৭.

ৰেদাগতং ৰরপুরিসঙ্গলক্খণং

দেহম্হি ৰিজ্জতি সমণস্স গচ্ছতো,

অন্ধা’ৰ ভো অপগতরূপদস্সনা

তুম্হে’পি কিং তলহথ রূপদস্সনং; ()

২৮.

নিক্খম্ম ছড্ডিতৰিভৰো মহাকুলা

সুদ্ধাসযো সুগহিয পত্তচীৰরং,

পব্বজ্জিযা’নহিরমিতো ভৰত্তযে

অত্থাচরং অনুঘরমঞ্জসে’ধুনা; ()

২৯. ¶

সুদ্ধোদনাৰনিপতিনো ৰরোরসো

এসো সমুজ্জলসতপুঞ্ঞলক্খণো,

ৰ্যাপারিতো কুসলবলেন বোধিযা

হোতে’ৰ গোতমসমণো নসংসযো; ()

৩০.

দিস্ৰা তপোধনমহিযন্তমঞ্জসে

যে মানৰা সকসকৰাদমপ্পযুং,

তব্বাদবন্ধনৰিনিৰেঠনা পরং

ইচ্চাহু পণ্ডিতপুরিসা যথাৰতো; ()

৩১.

দুতা তদা সুরসি সমপ্পিতঞ্জলী

রঞ্ঞো তমচ্ছরিযপৰত্তিমাহরুং,

অদ্দক্খি ভুপতি চরমানমঞ্জসে

পিণ্ডায’থব্বিৰরিয সিহপঞ্জরং; ()

৩২.

না গো সিযা পঠমিনিমুজ্জনং ক রে

যক্খো সিযা সহযমদস্সনং ক রে,

দে ৰো সিযা গগনতলঙ্গণঞ্চ রে

পোসো সিযা যদি পটিলদ্ধমাহ রে; ()

৩৩. ¶

দূতেনু’সাসিয মগধাধিপো ইতি

ৰীমংসিতুং পকতিমনঙ্গহঙ্গিনো,

পাহেসি তে পদমনুগম্মু’পাগমুং

সদ্ধিং মহাসমণৰরেন পণ্ডৰং; ()

৩৪.

ৰিক্খালযং মুখকমলং কুলে কুলে

ভিক্খাটনেন’ ভিহটমিস্সভোজনং,

লদ্ধা জিগুচ্ছিয ৰসি পণ্ডৰাচল-

চ্ছাযায মারভি সুনিসজ্জ ভুঞ্জিতুং; ()

৩৫.

ভত্তম্হী কুক্কুরৰমথূপমে মুহুং

অন্তোদরং পৰিসতি ধীমতো সতি,

অন্তানি বাহিরকরণানি’ৰা’ভৰুং

তংখো সহী ৰসিসনিসম্পজঞ্ঞৰা; ()

৩৬. ¶

পব্বজ্জিতং সুগহিতপত্তচীৰরং

দিস্ৰা রতিং পজহিয রাজভোজনে,

সিদ্ধত্থ নো ত্ৰমভিগমিত্থ অত্তনা

অত্তানমোৰদিয পভুঞ্জি ভোজনং; ()

৩৭.

দূতেহি চোদিতহদযো দযাধনো

সো মাগধো নরপতি তেন পাৰিসি,

যেনা’সি পণ্ডৰগিরি ভদ্রৰাহনং

আরুয্হ দস্সনরসঘেধলোচনো; ()

৩৮.

অঞ্ঞায সাকিযকুলসম্ভৰং ৰসিং

রাজা পসিদিয অরিযে’রিযাপথে,

মা কাহসে সখ ইতি দুক্করং খরং

রজ্জেন তংনরপৰরং পৰারযি; ()

৩৯. ¶

রজ্জেন কিং তৰ চতুরণ্ণৰাৰধিং

রজ্জং নিজং পজহিয আগতস্স মে,

বোধিং পবুজ্ঝিয পঠমং তথাসতি

আগচ্ছতং মম ৰিজিতন্ত্য’ৰোচ নং; ()

৪০.

দত্ৰা পটিস্সৰমথ ভুমিভত্তুনো

লোকস্স লোচনমণিতোরণাকুলে,

দীঘঞ্জসে ৰসি ঠপিতঙ্ঘিপঙ্কজো

আল়ারাকং ইসিপৰরং উপাৰিসি; ()

৪১.

পত্ৰান কিং কুসলগৰেসি সো ৰসি

আল়ারকং ৰিরজমুল়ারঝাযিনং,

ইচ্ছামহন্তি’সি তৰ সন্তিকে’ধুনা

ধম্মং সমাচরিতুমিধাগতো ব্রুৰি; ()

৪২. ¶

সুত্ৰান তং ততিযমরূপিকং ৰসি

ঝানং ৰিযাকরি পটিলদ্ধমত্তনা,

খিপ্পং তপোনিধিপগুণং অকাসি তং

ধম্মং সকাচরিযনযা’ৰলম্বিয; ()

৪৩.

না’যং ৰসি তনুতরসদ্ধযা মমং

ধম্মং সযং সমধিগতং ৰিযাকরে,

গোসামিকো যথরিৰ পঞ্চগোরসং

অদ্ধাফলং অনুভৰতীতি তিন্তিয; ()

৪৪.

কালাম দ্ৰে অধিগতঝানসম্ভৰং

ত্ৰং যাৰতাসুখ মনুভোসি মং ৰদ,

পুট্ঠস্স তস্সি’তি নচকিঞ্চি ভাৰিযং

আকিঞ্চনং অৰচ অকিঞ্চনালযো; ()

৪৫. ¶

সংৰিজ্জরে মমপকি ইমস্সি’ৰে’সিনো

সদ্ধাসতীৰীরিযসমাধিবুদ্ধিযো,

এৰং ৰিতক্কিয নচিরং কতুস্সহো

ঝানং লভী ততীযমরূপিকং ৰসী;

৪৬.

যং খো তুৰং ৰিহরসি ঝাতমপক্পিতো

সম্পজ্জ সম্পতি ৰিহরামহন্তি তং,

আল়ারি’সি ৰরপুরিসেন সাৰিতো

লাভা’ৰুসোত্যৰচ সুলদ্ধমাৰুসো;

৪৭.

জানামি পাৰচনমহং যথা তুৰং

জানাসি পাৰচনমহং যথা তুৰং,

ত্ৰং তাদিসো অহমপি যাদিসো ভৰে

ত্ৰং যাদিসো অহমপকি তাদিসো ভৰে;

৪৮. ¶

এহা’ৰুসো সমণ মযং উভো জনা

কাহামি’তো পরিহরণং গণস্সি’দং,

ৰত্ৰান আচরিযসমানকো সকং

সিস্সং অকা তমসমমত্তনা সমং; ()

৪৯.

ধম্মোপ্য’যং নভৰতি নিব্বিদায ৰা

বোধাযৰা নৰুপসমায কেৰলং,

আরুপ্পভুমিযমুপপত্তিযা সিযা

ইচ্চানলঙ্করিয ততো অপক্কমি; ()

৫০.

কালমতো উপরিৰিসেসমুদ্দকো

জঞ্ঞা’ত্য’যং সুমরিয রামপুত্তকো,

পত্ৰা’স্সমং সমধিগতং ত্ৰযা’প’হং

ধম্মং সমাচরিতুমিধাগতো’ব্রুৰি; ()

৫১. ¶

ঞত্ৰা সকাচরিযমতঞ্হি বুদ্ধিমা

ধম্মঞ্চরে মম সমযো চ তাদিসো,

ৰত্ৰে’ৰমুদ্দকৰসি খিপ্পমত্তনো

সিক্খেসি পাৰচনপথে তপোধনং; ()

৫২.

সদ্ধায মং সকসমযা’নুসাসকো

অদ্ধা সমাধিজফলমাহরে’ত্য’যং,

চিন্তাপরো ৰরপুরিসো অরূপিকং

ঝানং ৰলঞ্জসি কতমন্ত্য’পুচ্ছি নং; ()

৫৩.

সুত্ৰা তমুদ্দকৰসি সন্তমানসো

সন্তংহি’দং পরমমিদন্তি ভাৰিযং,

সামং ৰলঞ্জনকমরূপভুমিকং

ঝানং চতুত্থকমৰিকম্পমাহরী; ()

৫৪. ¶

সংৰিজ্জরে মমপি মনোনিকেতনে

সদ্ধাদিসগ্গুণরতনানি’মস্সি’ৰ,

এৰংসরং নচিরমরূপিকং ৰসি

ঝানং লভী ৰীরিযবলেনৰা’ন্তমং; ()

৫৫.

লদ্ধং তযা যমধিগতন্তি তম্মযা

আরোচিতে সমণ ৰরে’সিপুঙ্গৰো,

অম্হে গণং সুপরিহরামু’ভো’তিমং

ৰত্ৰা তমাচরিযধুরেন মানযি; ()

৫৬.

না’যং পথো ভৰপরিমুত্তিযা সিযা

অদ্ধাভৰে মমপকি ভৰগ্গপত্তিযা,

এৰং ৰৰত্থিতহদযো মহাদযো

নিব্বিজ্জসো তদপগতো’নলংইতি; ()

৫৭. ¶

মোক্খেসকো জিতৰরৰারণক্কমো

একোচরং ৰসি মগধেসু চারিকং,

সেনানিৰিস্সুন্নিগমো যহিংসিযা

তং তাপসালযমুরুৰেলমোসরি; ()

৫৮.

অদ্দক্খি সো হরিণৰিহঙ্গমাকুলং

মন্দানিলেরিততরুসণ্ডমণ্ডিতং,

নেরঞ্জরাসলিলপৰাহসিতলং

পাসাদিকং পরমতপোৰনং তহিং; ()

৫৯.

অন্তোজটং জটিলজটা’লিৰুম্বিত-

পাদম্বুজো ৰিজটযিতুং ঘটং ৰসী,

অত্তাহিতাপনপটিপত্তিযা তহিং

ৰিজ্জাধরে জটিলৰরে পসাদযী; ()

৬০. ¶ সঞ্চারিতো জনপদচারিকং তদা

পত্ৰা তপোৰনমথ পঞ্চৰগ্গিযা,

ভিক্খু মহাপুরিসমুপট্ঠহিংসু তং

আরদ্ধদুক্করকিরিযং যথাবলং. ()

৬১. ধীরো’তিদুক্করপটিপত্তিপূরকো

দন্তানি ৰীসতিদসনেহি ৰীসতি,

তালুং নিরুম্হিয রসনায চেতসা

চিত্তং নিপীল়যি পরিতাপযি তহিং. ()

৬২. পগ্গয্হ মুদ্ধনি বলৰা’তিদুব্বলং

নিপ্ফীল়যে যথরিৰ ধীমতো তথা,

অত্তাহিতাপনপসুতস্স পগ্ঘরুং

কচ্ছাদিনা’ধীকতরসেদবিন্দৰো; ()

৬৩. ¶ মগ্গোভৰত্য’যমিতি বোধিসিদ্ধিযা

অপ্পাণকং পটিপদ মাচরং চিরং,

ৰাসং অকা ৰসি মুখতো চ নাসতো

অস্সাসমপ্পটিপটিমো’পরুন্ধিয; ()

৬৪.

রুদ্ধেসু তেস্ৰ’ পিহিতসোতরন্ধতো

ৰাতো’ভিনিক্খমি অধিমত্তনিস্সনো,

কম্মারগগ্গরিমুখতো রৰো ভুসং

নিগ্গচ্ছতে অভিধমনেন সেয্যথা; ()

৬৫.

যাৰেদনা খরসিখরেন জাযরে

সীসস্স ৰিজ্ঝনসমযে সুখত্থিনো,

এৰং তদা কঠিনসিরোরুজা’ভৰুং

রুদ্ধানিলস্স হি মুখকণ্ণনাসতো; ()

৬৬. ¶

ৰাতাভিঘাতনসমযে সুধিমতো

সীসে’ভৰুং পুনরপিসিসৰেদনা,

দল়্হেন যো সিরসি ৰরত্তকেন যং

দল়্হং দদে যথরিৰ সিসৰেঠনং; ()

৬৭.

সম্মা নিরুম্হিতমুখকণ্ণনাসতো

ধীরো সমীরণমুপরুন্ধিচু’ত্তরিং,

গব্ভন্তরং খরতরৰেদনা’তুরং

ৰাতা’ভিমন্থিয পরিকন্তযুং ততো; ()

৬৮.

গোঘাতকো চতুরতরো ৰিকত্তযে

কুচ্ছিং গৰং তিখিণৰিকন্তনেন চে,

রুদ্ধাতিলেহ’নরিযমগ্গগামিনো

জাতা তথা খরতর কুচ্ছিৰেদনা; ()

৬৯. ¶

অপ্পানকং পুনরপি ঝানমাচরং

ৰীরো সমীরণ মুপরুন্ধি সব্বথা,

চীন্তুব্ভৰং সকমুখকণ্ণনাসগং

তেনা’সি কাযিকদরথো ধিতীমতো; ()

৭০.

দল়্হং উভো চরপুরিসা মহব্বলা

বাহাসু গণ্হিয পুরিসং’তিদুব্বলং,

অঙ্গারকাসুযমহিতাপযন্তিচে

সো তাদিসিং অনুভৰি দুক্খৰেদনং; ()

৭১.

খিত্তং কলিঙ্গরমিৰকাৰিদেৰতা

রুদ্ধানিলুব্ভৰখরৰেদনাতুরং,

ৰীরং ৰিলোকিয পতিতং তপোৰনে

পব্যাকরুংক ৰরপুরিসো মতো ইতি; ()

৭২. ¶

কালংকরোত্য’যমিতি কাচি দেৰতা

নোচাহুকিং তদিতর দেৰতা ৰতং,

অস্সে’ৰ গোতমসমণস্স মারিসা

আরোচযুং ৰিহরণমীদিসংইতি; ()

৭৩.

যংনূন’হং পটিপদহেয্যমাযতিং

আহারযাপনহরণায সব্বসো,

এৰং সচিন্তযি করুণায চোদিতা

তা দেৰতা তুৰটুমুপেচ্চ গোতমং; ()

৭৪.

আরোচযুং যদিপন নিচ্চভোজনো-

পচ্ছেদনং সমণতুৰং করিস্সসি,

কাহাম তে মযমিতিলোমকুপতো

দিব্বোজমোকিরিয সরিরতপ্পণং; ()

৭৫.

ঘাসস্সছেদনৰীরিযং করোমি চে

যাপেন্তি তা মধুর সুধারসেন মং,

তেনা’ভিযাপনৰিধিমিচ্ছতো সতো

তংখোতপং নভৰতি কিং মুসা মমং; ()

৭৬. ¶

নালন্তি সো কুহনৰসেন দেৰতা-

ৰিম্হাপনেতি’হ নিজদেহতপ্পণং,

এৰং অনুস্সরিয’নুৰাসরং ৰসী

আহারমাহরি ৰিরসং পরিত্তকং; ()

৭৭.

স্ৰাচেলকো ৰিচরিকরাপলেখণো

আচারমুত্ত্য’ভৰি নচেহিতিট্ঠিকো,

উদ্দিস্সকং অভিহটকং নিমন্তনং

নাসাদযি পিটককলোপিকুম্ভিকং; ()

৭৮. ¶

সো দণ্ডমুগ্গরমুসলে’ল়কন্তরং

পাযন্তিগব্ভিনিপনিতীহি চা’হটং,

সামক্খিকাৰিসয মুহিন্নমেকিকং

সঙ্কিত্তিনোদনমপি নাভিসাদযী; ()

৭৯.

সোৰীরকং নপিৰি সুরং নমেরযং

সুক্খামকং যদপি তিকোৰিসুদ্ধিকং,

সো মচ্ছমংসকৰিকতিং পটিক্খিপি

অপ্পেকদা তপসি নিরামগন্ধিকো; ()

৮০. ¶

সো সত্ততোপ্পভুতি কমেন হাপযং

যাৰেকমাহরি কবলং বলত্থিকো,

সো সত্ততোপ্পভুতি কমেন হাপযং

একং কুলং উপগমি যাৰ ভিক্খিতুং; () (যমকবন্ধনং)

৮১.

একায দীহিপি তিচতূহি পঞ্চহি

দিন্নং পটিগ্গহি ছহি দত্তিসত্তহি,

একাহিকপ্পভুতিকমদ্ধমাসিকং

মূলং সযং পতিতফলং পভুঞ্জি সো; ()

৮২.

সামাকতণ্ডুলমথসাকমদ্দকং

নীৰারকুণ্ডকহটদদ্দুলাদিকং,

পিঞ্ঞাকগোমযতিণ ঝামকোদনং

ৰীরো মহাৰিকটমপানুভুঞ্জি সো; ()

৮৩. ¶

থোকং পিৰি পকসতমিতং হরেণুক-

যূসং তথা চনক কুলত্থমুগ্গজং,

সো অপ্পভোজনপরমো সজীৰিতং

একেন যাপযি তিলতণ্ডুলেন’পি; ()

৮৪.

সাণম্মসাণ?জিন’জিনক্খিপচ্ছৰ-

দুস্সং তিরীটককুসৰাকচীরকং,

সো কেসকম্বলমপিৰাল়কম্বল

মোল়ুকপক্খিকফলকান্য’ধারযি; ()

৮৫. ¶

দুব্বণ্ণনত্তকমযমগ্গপুগ্গলো

অপ্পেকদা পরিদহি পংসুকূলকং,

অত্তন্তপোৰরণ পরাযণো ভৰি

সো মস্সুকুন্তলতনুলোমলোচকো; ()

৮৬.

উব্ভট্ঠকো’ভৰি পরিৰজ্জিতাসনো

উক্কট্ঠমুক্কুটিকৰতং অধিট্ঠহী,

উদ্ধগ্গকণ্টকৰীসমে অপস্সযে

সেয্যং অকা তদুপরিঠানচঙ্কমং; ()

৮৭.

সো সাযততিযকমুদকাৰরোহণ-

যুত্তো পৰাহযিতুমঘং সমুস্স হী,

আতাপযং ইতি পরিতাপযং সকং

দেহং চিরং পরিহরি পাপভীরুকো; ()

৮৮. ¶

যো নেকহাযনগণিকো’ত্থি’তিন্দুক-

রুক্খস্স খো পপটিকজাতখাণুকো,

এৰং তথা পপটিকজাতমত্তনো

গত্তঞ্চ সন্নিৰিতরজোমলং ভৰি; ()

৮৯.

সোৰা পরো নতু পরিৰজ্জযী রজো-

জল্লানি কজ্জলমলিনানি পাণিনা,

দেহং সুভোজনজহনেন জজ্জরং

তেলং ৰিলেপিয রজসা’ভিথূলযী; ()

৯০.

সো দ্ৰে’কপস্সযিকৰতং পপূরযী

আপানকো’ ভৰি ফলকে’পি থণ্ডিলে,

সেয্যং অকাক ৰিহরি ৰিৰেককামৰা

অজ্ঝোগহং অদুতিযকো মহাৰনং; ()

৯১. ¶

পাণে ইমে ৰিসমগতে’তিখুদ্দকে

না’হং ৰধিস্সমিতি পটিচ্চ’নুদ্দযং,

উস্সাৰমদ্দনহিরভীরুতায সো

নাথো অভিক্কমি চ সতো পটিক্কমি; ()

৯২.

নিন্নত্থলা ৰনগহনা ৰনাসযো

নিন্নত্থলং ৰনগহনং মিগো যথা,

হীতো ৰিপস্সিয ৰিপিনোপগে জনে

তাসাভিভূ পপনতি এৰমেৰখো; ()

৯৩.

দিস্ৰান লুদ্দকৰনকম্মিকাদযো

গোপালকে তিণনল়কট্ঠহারকে,

মাচদ্দসং অহমপি তেত্য’যংজনো

মা মং ৰিপস্সতু সমধিট্ঠহং ৰতং; ()

৯৪.

একোৰসঙ্গণিকৰিহারভীতিযা

নিন্নত্থলা ৰনগহনা তপোনিধী,

নিন্নত্থলং ৰনগহনং পপাত সো

তস্সাসি তাদিসি পৰিৰিত্ততা তদা; ()

৯৫. ¶

যস্মিংৰনে চরতমৰীতরাগীনং

রোমুগ্গমো চরণতলানি কম্পরে,

দিস্ৰান ভিংসণকৰনং তথাৰিধং

অজ্ঝোগহং ৰসি পৰিৰেককামৰা; ()

৯৬.

উস্সাৰপাততসমযে’ন্তরট্ঠকে

হেমন্তিকে সিসিরতরায রত্তিযা,

অব্ভাৰকাসিক মভিপূরযি ৰতং

কিচ্ছং ৰসি ৰসি ৰনসণ্ডগো দিৰা; ()

৯৭.

গিম্হোতু পচ্ছিমদিৰসন্তরে দিৰা

অব্ভাৰকাসিকধুতধম্মপূরকো,

রত্তিং ৰনে ৰিহরি জৰট্ঠিকান্যু’প

নিস্সায সো অসযি সুসানভূমিযং; ()

৯৮. ¶

বুদ্ধঙ্কুরং উপগমিযো’ঠুভন্তি’পি

ওমুত্তযন্তিপি রজসো’কিরন্তি’পি,

গোমণ্ডলা সৰণখিলেসু দণ্ডকং

দত্ৰা ৰদাপযিতুমুপক্কমন্তি’পি; ()

৯৯.

সোৰাধিৰাসযি সতিমা উপেক্খকো

তংৰেদনং কটুকক মনঞ্ঞৰেদিযং,

দুক্খে সুখে সুমতি তুলাসরিক্খকো

বালেসু তেস্ৰ’পি নৰিকোপযিমনং; ()

১০০.

আহারতপ্পণৰিধিনা ৰিসুদ্ধি’তি

একে ৰদন্তি’হ সমণাঞ্ঞতিত্থিযা,

কোলাদিভোজনৰিকতিং তথাৰিধং

অপ্পিচ্ছতায’নুভৰি সুদ্ধিকামৰা; ()

১০১. ¶

অপ্পোজভোজনৰিকতিং পভুঞ্জতো

খত্তিংসলক্খণসিরিযা সমুজ্জলং,

কাযো সুরদ্দুমরুচিরো’ধিমত্তক-

সীমানমট্ঠিকতচ মাপধীমতো; ()

পব্বানিৰা অসিতলনাস্ৰ’সিতিক-

ৰল্লিসু উন্নত’ৰনতানি সেয্যথা,

আসুং তথা করচরণাদিকানি’পি

তস্সু’ন্নতোনত’ৰযৰাতি ৰিগ্গহে; ()

১০৩.

মোক্খেসিনো করভপদংৰ নিস্সিরিং

নিম্মংস মানিসদ মহূ সিরিমতো;

তস্সু’ন্ততাৰনতকপিট্ঠিকণ্টকো

আসি যথাৰলযিতৰট্টনাৰলি; ()

১০৪. ¶

গোপাণসি সিথিলিতবন্ধনা জর-

সাল়ায হেট্ঠুপরিঠিতে’ৰ ধীমতো,

নিম্মংসলোহিতককলেবরে প্য’ৰ-

ভগ্গা ভৰুং পৰিসমফাসুকাৰলী; ()

১০৫.

অপ্পং কুভোজনৰিকতিং পভুঞ্জনো

তস্স’ক্খিকূপগযুগলক্খিতারকা,

ওক্কাযিকা অভৰু মগাধগা তদা

গম্ভীরকুপগদকতারকাক ৰিয; ()

১০৬.

ৰাতাতপেন’ ভিফুসিতো যথা’মক-

চ্ছিন্নো’ভিসম্ফুটনি অলাবু তিত্তকো,

সীসচ্ছৰী সুখুমছৰিস্স ভোজনো-

পচ্ছেদনেন’ভিফুটিতা ঠিতং তথা; ()

১০৭. ¶

তস্সোদরচ্ছৰি পন পিট্ঠিকণ্টকং

অল্লিযি সো মুনি মলমুত্তমোচকো,

ওকুজ্জিতো পরিপতি পূতিমূলক-

লোমানি তব্বপুগলিতানি ভূমিযং; ()

১০৮.

সো পিট্ঠিকণ্টকমৰসঙ্গপাণিনা

কুচ্ছিচ্ছৰিং ফুসিতুমিতো পরামসি,

সো পিট্ঠিকণ্টকমৰসঙ্গপাণিনা

কুচ্ছিচ্ছৰিং ফুসিতুমিতো পরামসি; () (যমকবন্ধনং)

১০৯.

কালোনুখো ৰরপুরিসো’তি নো তথা

সামোনুখো নপি ননুমঙ্গুরচ্ছৰি,

আসুং তদা কৰিমতিকথাপরা নরা

দিস্ৰা মলগ্গহিতমসোভনচ্ছৰিং; ()

১১০. ¶

যে সন্তী সম্পতী সমণা’ভৰুং পুরে

অত্তন্তপা তপসি অনাগতে সিযুং,

তে ৰেদনং কটুকমিতোধিকং কিমু

ৰেদেন্তি ৰেদযু মভিৰেদযিস্সরে; ()

১১১.

ঈহায দুক্করকিরিযাযি’মায’পি

নেৰ’জ্ঝগা যমরিযঞাণদস্সনং,

অত্তূপতাপনকসিরস্স কেৰলং

ভাগী ভৰি অনরিযমগ্গগামিসো; ()

১১২.

সংসারে সাতিসারে বরতরদরথে সংসরং সচ্চসন্ধো

খেদেৰেদেসি দেৰাসিরনরসরণোএসযংসত্তসন্তিং,

ধীরোৰীরোৰরোযোপভৰভৰভযোপাপতাপব্বিপত্তো

আযোগং যোগিযোগী পরিহরি হিরিমাএৰমেৰচ্ছৰস্সং; () (মুত্তাহার বন্ধনং)

ইতি মেধানন্দাভিধানেন যতিনা ৰিরচিতে সকল কৰিজন হকযানন্দদাননিদানে জিনৰংসদীপে অৰিদুরেনিদানে মহাবোধিসত্তস্স মহা পধানানুযোগপ্পৰত্তিপরিদীপো একাদসমোসগ্গো.

১. ¶

কামং কামসুখল্লিকা’নুযোগো

হীনো’নত্থকরো’ত্য’নে(’করূপং),

চিন্তেত্ৰান তপোৰনং ৰিমানা

ত্ৰং সিদ্ধত্থু’পগম্ম কাহসে কিং; ()

২. ¶

কোনাম’ন্তু’পতাপনা’নুযুত্তো

পত্তো হোতি সুখপ্পদং কদাচি,

তস্মা অত্তু’পতাপনা’নুযোগো

হীনো’নত্থকরো’তি চিন্তযস্সু; ()

৩.

অত্তানং সযমেৰমোৰদিত্ৰা

পিণ্ডাযা’নুঘরং চরিত্ৰ লদ্ধং,

ভত্তং ভুত্তৰতো সকম্হি কাযে

আসুং পাকতিকানি লক্খণানি, ()

৪.

হীনন্তদ্ৰযৰজ্জনেন জাতু

ঞাণুক্কংসগতম্হি তম্হি ৰীরে,

বোধাযূ’পসমায নিব্বিদায

উক্কট্ঠং পটিপত্তিমাচরন্তে; ()

৫. ¶

ছব্বস্সান্য’নিদুক্করং করিত্ৰা

বোধিং নাজ্ঝগতো সুভোজনানি,

ভুঞ্জন্তো কিমু কুব্বতে’ পধানা

ৰিব্ভন্তো ইতি পঞ্চৰগ্গিযাযং; ()

৬.

মদদিত্ৰা সিকতং সিনেহলদ্ধা

কেৰা’সুং সমণং হি’মং উপেচ্চ,

কো মূল়্হো’ধিগমাধিগন্তুমিচ্ছে

চিন্তেত্ৰা মিগদাযমোতরিংসু; ()

৭.

সেনানীনিগমে তদানি সেট্ঠি-

ধীতা সামিকুলং অলঙ্কতা’সি,

ভারেনা’ৰনতঙ্গিনী কুচানং

হংসিৰা’লসগামিনী সুজাতা; ()

৮. ¶

জাতে পত্থিতপত্থনাসমিদ্ধে

রুক্খা’ধিগ্গহিতায দেৰতায,

কাতুং সাবলিকম্মক মানযিত্ৰা

ধেনূ লট্ঠিৰনোপগা সহস্সং; ()

৯.

তাসং পঞ্চসতানি দুদ্ধখীরং

পাযেত্ৰা কতপুন যাৰতা’ঢধেনূ,

খীরানং পরিৰত্তনং ৰিধায

পচ্চূসম্হি দুদোহ তা’ঢধেনূ; ()

১০.

মিস্সেত্ৰা সযমেৰৰ দুদ্ধখীরং

পাযাসং পচিতুং সমারভিত্থ,

দেৰা তত্থ সুধারসং খিপিত্ৰা

আরক্খাদিমকংসু উদ্ধনস্মিং; ()

১১.

তস্সা’সি হিমাৰাচলো’পধানং

পল্লঙ্কো পথৰিতলং অহূ চে,

হত্থা পচ্ছিমপুব্বসাগরেসু

পাদা দক্খিণসাগরে ভৰিংসূ; ()

১২. ¶

উগ্গন্ত্ৰা তিণজাতি নাহিরন্ধা

তস্সা’হচ্চ ঠিতা নভং অসেসং,

ছাদেসুং চরণুট্ঠিতা’স্স কণ্হ-

সীসা’জানুযুগা’প্য’কণ্হকীটা; ()

১৩.

চত্তারো সকুণা চতুদ্দিসাহি

পত্ৰা তপ্পদপঞ্জরং ৰিৰণ্ণা,

সেতা’সুং পুথুমীল়্হপব্বতস্স

সীসে চঙ্কমি সো অলিম্পমানো; ()

১৪.

ইচ্চেৰং সুমতি’ট্ঠপাকদানি

পস্সিত্ৰা সুপিনানি পঞ্চ নিট্ঠং,

পত্তো অজ্জ ভৰামহন্তি বুদ্ধো

নিগ্রোধং সমুপেচ্চ সন্নিসীদি; ()

১৫. ¶

সোধেতং সহিতা তু পুণ্ণদাসী

পচ্চূসে ৰটমূলপুব্বসেলে,

তং লোকেকরৰিং ৰিরাজমানং

দিস্ৰা’ৰোচ সুজাতমেতমত্থং; ()

১৬.

লক্খগ্ঘং হরিপাতিমাহরিত্ৰা

সা আৰজ্জযি পক্কভাজনং সো,

পাযাসো ৰিনিৰট্টিতো ঠিতো’সি

তাযং পোক্খরপত্ততোৰ’তোযং; ()

১৭.

সা অঞ্ঞায সুৰণ্ণপাতিযা তং

ছাদেত্ৰা মুদিতা পসন্তচিত্তা

গন্ত্ৰা মণ্ডন মণ্ডিতা সসীসে

কত্ৰা পূজযি ভোজনং সুজাতা; ()

১৮.

কালং এত্তকমেৰবোধিসত্তং

নাতিক্কম্ম ৰিধাতুদিন্নপত্তো,

সম্পত্তো’সি অদস্সনং ততো তং

পাতিং সোণ্ণমযং পটিগ্গহেত্ৰা; ()

১৯. ¶

হংসালিমলিনীকতারৰিন্দ-

রেণুচ্ছন্নসুনীলনীরপুরা,

যা নেরঞ্জরৰিস্সুতা’সি তায

নজ্জাতীরমগঞ্জি সত্তসারো; ()

২০.

পাযাসামিসপুণ্ণসোণ্ণপাতিং

কাসাৰানি জিনঙ্কুরো ঠপেত্ৰা,

তীরে তায সৰন্তিযা নহাতুং

তিত্থং গন্ধগজোরিৰো’তরিত্থ; ()

২১.

রোলম্বাকুলনীলনীরজেহি

সেৰালেহি নদীজলং সুনিলং,

নিক্খন্তজ্জুতিসঞ্চযেহি দেহা

ওতিণ্ণস্স জগাম পিঞ্জরত্তং; ()

২২. ¶

গঙ্গাকামিনি কঞ্জরেণুগন্ধ-

চুণ্ণং তুঙ্গতরঙ্গবাহুনা তং,

ভত্তারং সলিলেন সীতলেন

মক্খেত্ৰাসুনহাপযন্তী’ৰা’সি; ()

২৩.

তুল্যং তব্বদনম্বুজেন লদ্ধুং

আযন্তং রৰিরংসিসঙ্গমেন,

হংসস্সেণি সরোজকোসরাসিং

সংদূসেসি আৰারিযো হি পাকো; ()

২৪.

তীরে সারসচক্কৰাকপক্খী

সোসায’স্সৰিসারিতং’সপক্খা,

গম্ভীরম্ভসি মত্তমাহরিংসু

মঞ্ঞে নিক্করুণায এত্তকন্তী; ()

২৫. ¶

তুণ্ডে মণ্ডিতপুণ্ডরীকদণ্ডো

পক্খে কেরৰপণ্ডরে পসারী,

নাথস্সু’ব্বহি মত্তহংসরাজা

সেতচ্ছত্তৰিভুতিমুত্তমঙ্গে; ()

২৬.

ৰত্তম্হোজপলোভিতালিচক্কং

চক্খৰাপাথগতং জিনঙ্কুরস্স,

সংদস্সেসি পধানভুঠিতস্স

নিলস্মিং কসিণম্হি ভূতিভারং; ()

২৭.

ৰেয্যাৰচ্চকরারিৰাপগাযং

সেৰালাদিমলাপনেন মীনা,

পাদঞ্চন্দগমীনলক্খণস্স

তস্স’গ্গে ৰিমলিকরিংসু ৰারিং; ()

২৮. ¶

উত্তিণ্ণস্স ৰিসালসাল়সাখী-

সাখাহত্থপুটেহি পুঞ্ক্নায,

গত্তং মন্দসুগন্ধগন্ধৰাহ-

ৰত্থং সাল়ৰনঙ্গনা অদাসি; ()

২৯.

লোকিন্দো পরিমণ্ডলং নিৰত্থো

ছাদেত্ৰান তিমণ্ডল’ন্তরিযং,

বন্ধিত্ৰোপরি কাযবন্ধনম্পি

কাসাৰং পরিধাযি পংসুকূলং; ()

৩০.

পাযাসস্স নিরূদকস্স ঊন-

পঞ্ঞাসপ্পমিতে ৰিধায পিণ্ডে,

পাচীনাভিমুখো নিসজ্জ নজ্জা

তীরে তায অকাসি ভত্তকিচ্চং; ()

৩১. ¶

পাযাসো মধুরো’যমস্স সত্ত-

সত্তাহং পটিৰিদ্ধবোধিনো হি,

ওজাসমফরণায ঠানমাসি

তস্মা সো পৰিহাসি নিব্বিহেসং; ()

৩২.

বুজ্ঝেয্যং যদি বোধিমজ্জ সোহং

উদ্ধংসোতমযং সুৰণ্ণপাতি,

গঙ্গাযং খিপকি গচ্ছতূতি ৰত্ৰা

ধীমা দক্খিণহত্থগং তমগ্ঘং; ()

৩৩.

সোতং ভিন্দিয সা সৰন্তিমজ্ঝে

ঠত্ৰা পাতি যতো অসীতিহত্থং,

উদ্ধংসোতমুপেচ্চ সন্নিমুজ্জি

তস্মা সো’পি নিমুজ্জি পীতিনজ্জং; ()

৩৪.

নাগানং ভৰনং উপেচ্চ তিণ্ণং

বুদ্ধানং পনিমম্হি ভদ্দকপ্পে,

সাপাতিপরিভুত্তসোণ্ণপাতি

ঘট্টেত্ৰান ঠিতা কতানুরাৰা; ()

৩৫.

তং দীঘাযুককালনাগরাজা

সুত্ৰা সদ্দমথজ্জপে’কবুদ্ধো,

উপ্পন্নোতি জিনং অভিত্থৰন্তো

অট্ঠাসি থুতিগীতিকাসতেহি; ()

৩৬.

ছাযাবদ্ধৰিসালসাল়সালং

পত্ৰাসাল়ৰনং নদীসমীপে,

আজীৰট্ঠমসীলসংৰরেন

আদোযেৰ ৰিসুদ্ধকাযৰাচো; ()

৩৭.

কত্ৰাট্ঠারসপিট্ঠিকণ্টকানং

কোটীনংপটিপাদনং কমেন,

পল্লঙ্কস্সনিসজ্জবন্ধনেন

কম্মট্ঠানসতিং উপট্ঠপেত্ৰা; ()

৩৮. ¶

আনাপানসতিংপরিগ্গহেত্ৰা

নিব্বত্তেসিমলগ্গহীতপুব্বে,

রূপারূপসমাধযো’ট্ঠপঞ্চা-

ভিঞ্ঞাযো ৰসিতাচ সো ৰসীসো ()

৩৯.

ঝানস্সাদরতো দিৰাৰিহারং

কত্ৰা সাল়ৰনে সুরাসুরেহি,

ধীরো মগ্গমলঙ্কতং করীৰ

গন্তুং ওতরিযত্রবোধিমূলং; ()

৪০.

লাজাদীকুসুমেহিৰিপ্পকিণ্ণো

মুত্তাপণ্ডরৰাল়ুকাত্থতো সো,

মগ্গো তুঙ্গতরঙ্গ ভঙ্গহারি

লক্খীৰাসপযোদধীরি’ৰা’সি; ()

৪১. ¶

মজ্ঝা’রোপিতপঙ্কজাভিরামং

মুত্তাদামসমাকুলং সমন্তা,

কণ্ণোলম্বসুৰণ্ণঘণ্টমস্স

দেটা দিব্বৰিতান মুক্খিপিংসু; ()

৪২.

লোকত্থং করণায চোদিতস্মিং

তস্মিং লোকদিৰাকরে’কৰীরে,

গচ্ছন্তে সহজাতবোধিমূলং

আলোকো উদপাদি সব্বলোকে; ()

৪৩.

আযন্তং তিণ্হারকো পথম্হি

দিস্ৰা সোত্থিযনামভূসুরো তং,

পাদাসি তিণমুট্ঠিযো’ট্ঠমত্তা

নাথো তানি তিণানি সম্পটিচ্ছি; ()

৪৪. ¶

ৰত্তত্তে ৰরপাটিহারিযম্হি

মগ্গে গন্ধগজো’চ জম্হমানো,

সম্পত্তো করুণাকলত্তভত্তা

সম্বোধাধিগমায বোধিমূলং; ()

৪৫.

তস্সোসীদঠিতং’ৰ চক্কৰাল়ং

হেট্ঠা দক্খিণতো’ত্তরাননস্স,

পঞ্ঞাযু’ত্তরচক্কৰাল়মুদ্ধং

লঙ্ঘিত্ৰানঠিতং’ৰ আভৰগ্গং; ()

৪৬.

এৰং পচ্ছিমমুত্তরং দিসম্পি

অট্ঠানন্তি পদক্খিণং করোন্তো,

গন্ত্ৰা ঠানৰরং পুরত্থিমস্মিং

অট্ঠাসি ৰসি পচ্ছিমাননো সো; ()

৪৭. ¶

ধীমা দক্খিণপাণিপল্লৰেন

অগ্গে তানি তিণানি সত্থরী সো,

তম্হা চুদ্দসহত্থমুপ্পতিত্ৰা

পল্লঙ্কো সমলঙ্করী দুমিন্দং; ()

৪৮.

দক্খো কারুপৰীণচিত্তকারো

কাতুং ৰা’লিখিতুং যথানসক্কা,

অট্ঠংসু হরিতানি সন্থতানি

এৰং তানি তিণানি উপ্পতিত্ৰা; ()

৪৯.

মংসাদী উপসুস্সরে নহারূ

অট্ঠীচেপ্যৰসিস্সরে সরীরে;

মুঞ্চেয্যং চতুরাসৰেহি যাৰ

ভিন্দিস্সামি নতাৰিমং অহন্তি; ()

৫০. ¶

দল়্হং চিন্তিয দল়্হমানসো সো

পাচীনাভিমুখো দুমিন্দবন্ধং;

কত্ৰা পিট্ঠিগতং নিসীদি বোধি-

পল্লঙ্কম্হি যুগন্ধরে রৰী’ৰ; ()

৫১.

লোকেসো সসিমণ্ডলাৰভাসং

সেতচ্ছত্তমধারযী তদঞ্ঞে,

সুদ্ধাৰাসতলট্ঠদেৰতা তং

পূজেসুং মকুটপ্পিতঞ্জলীহি; ()

৫২.

যে রূপাৰচরে ৰসন্তি দেৰা

তে চ’ঞ্ঞত্র অসঞ্ঞসত্তদেৰে,

সম্পত্ৰা ৰজিরাসনে নিসিন্নং

পূজেসুং কুসুমাকুলঞ্জলীহি ()

৫৩. ¶

একচ্চে পরনিম্মিতাদিলোকা

পত্ৰা ভত্তিভরা’মরা মহিংসু,

পূজাভণ্ডসমাভিকিণ্ণহত্থা

মারারিং তহিমাপ পাপিমা কিং; ()

৫৪.

যে নিম্মাণরতিম্হি নিজ্জরা তে;

পত্ৰা গন্ধকরণ্ডমণ্ডলেহি,

সম্পূজেসুমলঙ্কতঙ্ঘিপীঠং

নং সেট্ঠং ৰিজযাসনোপৰিট্ঠং; ()

৫৫.

অট্ঠাসি তুসিতালযা সসেনো

পত্ৰা সন্তুসিতৰ্হদেৰরাজা,

ৰিজেন্তো হরিমোর পিঞ্ছপুঞ্জ-

সোভং কঞ্চনতালৰণ্টপন্তিং; ()

৫৬.

পত্ৰা যামসুরালযা সসেনো

সংৰিজেসি সুযাম দেৰরাজা,

ধীরং সোণ্ণপণাল়িকানিপাত-

ধারাসন্নিভচারুচামরেহি; ()

৫৭. ¶

দেৰিন্দো ৰিজযুত্তরাখ্যসঙ্খং

ৰীসং হত্থসতং ধমীতদঞ্ঞে,

পূজেসুং তমুপেচ্চ কোৰিল়ার-

পুপ্ফাদীহি চ তাৰতিংসদেৰা; ()

৫৮.

যক্খাদীহি পুরক্খতা’পি দেৰ-

রাজানো চতুরো চতুদ্দিসাসু,

রক্খং সংৰিদহিংসু দেৰলোকা

তং পত্ৰান ৰিনট্ঠলোমহট্ঠং; ()

৫৯.

ৰাদেন্তো সরমণ্ডলং ৰিধায

ৰীণং পঞ্চসিখো’পি বেল়ুৰাখ্যং,

তং সম্পূজযি কালনাগরাজা

থোমেন্তো থুতিগীতিকাসতেহি; ()

৬০. ¶

এৰং কাহল়ভেরিসঙ্খৰীণা-

ঘণ্টাৰীজনিছত্তচামরেহি,

নচ্চাদীহিচলাজপঞ্চমেহি

দীপদ্ধুপধজেহি মানযুং তং; ()

৬১.

সিদ্ধত্থো পটিসিদ্ধমারধেয্যো

কত্তুং অত্তৰসে সদেৰলোকং,

সুত্ৰা ৰাযমতীতি বোধিমণ্ডে

মারো তত্র সমারভিত্থগন্তুং; ()

৬২.

তস্মিং খো সমযে ভযাৰহানি

মারস্সো’তরণায কারণানি,

চক্খচাপাথগতানি দুন্নিমিত্ত-

রূপাদীনি তিলোকলোচনস্স; ()

৬৩. ¶

সুক্খ’ম্হোধররাৰভেরিরাৰ-

ৰিপ্ফারাবধিরীকতম্বরম্পি,

ভীমং ৰিজ্জুলতা’সিঘট্টণেহি

মারস্সা’হৰম্ব্ডলাভমাহ; ()

৬৪.

মারস্সা’গমনঞ্জসে রজোৰ

ৰাজীনং খুরঘট্টণেন জাতো,

উক্কাপাতসতং জনেসি তস্স

চক্খৰানিট্ঠফখলং দিসাসু ডাহো; ()

৬৫.

ৰেহাসে ৰিচরুং কবন্ধরূপা

কাকোলা বলিপুট্ঠৰাযসারী,

উন্নাদিংসু খরানিলো পৰাযী

অব্ভুট্ঠাসি রজো দিসাসু ধূমো; ()

৬৬.

আলোকো ৰিগতো ঘণন্ধকারো

ওতিণ্ণো মহিকাসমাভিকিণ্ণো,

আকাসো পথৰি ভূসং পকম্পি

মেঘচ্ছন্নদিনং দিনং বভূৰ; ()

৬৭. ¶

সিদ্ধত্থঞ্হি অসিদ্ধমত্থমেতং

কাতুং অস্সৰমারকিঙ্করামে,

ৰত্ৰে’থা’তি পজাপতী সসেনো

তত্থেৰ’ন্তরধাযি তাৰদেৰ; ()

৬৮.

সা সেতা পুরতো পজাপতিস্স

আসী বারসযোজনং ৰিনদ্ধা,

এৰং দক্খিণৰামনো চ লোক-

ধাত্ৰন্তাৰধীমাসি পচ্ছতো’পি; ()

৬৯.

উদ্ধং সা নৰযোজনপ্পমাণা

সদ্দো ভূমিৰিদারণোরি’ৰা সি,

সো’পড্ঢং সতযোজনং বভূৰ

উচ্চং সো গিরিমেখলো গজিন্দো; ()

৭০. ¶

নাহেসুং পরিসাসু নিম্মিতাসুং

দ্ৰেযোধা সদিসাযুধাদধানা,

তব্যাসেন অলঞ্হি লোমহংসো

যস্সা’নুস্সরণেন চে সিযা মে; ()

৭১.

মাপেত্ৰা সহসা সহস্সবাহুং

গণ্হিত্ৰা ৰিৰিধাযুধানি তেহি,

আরূল়্হো গিরিমেখলং সসেনো

মারো পাতুরহোসি বদ্ধৰেরো; ()

৭২.

দেৰেসো যসসা সমং সকেন

সেতচ্ছত্ত মগঞ্ছি সংহরিত্ৰা,

দেৰেসো যসসা সমং সকেন

সঙক্খং পিট্ঠিগতং ৰিধায ধাৰী; () (যমকবন্ধনং)

৭৩. ¶

সঙ্কোচা’ননকাহলো জগাম

পাতালং খলু কালনাগরাজা,

ৰীণাদোণিসখো সখানপেখো

তম্হা পঞ্চসিখো কলহুং পলাযি; ()

৭৪.

দিস্ৰা মারবলং সমোসরন্তং

সম্পত্তা জনতা পলাযি ভীতা,

সোসীহো’ৰ ৰিহাসি সক্যসীহো

একো কমারকরিন্দকুম্হভেদী; ()

৭৫.

পস্সিত্ৰা’ধরকন্তিভারমস্স

ৰত্তম্হোরুহ মিন্দিরাৰিহারং,

সিদ্ধত্থেন সমো নচত্থি লোকে

ইচ্চেৰং কলিমা’হ মারসেনং; ()

৭৬. ¶

এতসসা’ভিমুখা মযং কদাচি

নোসক্কোম’ভিযুজ্ঝিতুন্তি তাতা,

ৰত্ৰা উত্তরপস্সতো সমারো

খন্ধাৰারমবন্ধি বদ্ধৰেরো;

৭৭.

দিস্ৰা’জ্ঝোত্থরমানমারসেনং

আরক্খাৰরণং থিরং ৰিধায,

খন্ধাৰারমবন্ধি সোপি ৰীরো

জেতুং তং দসপারমী ভটেহি; ()

৭৮.

মারো ভুধরমেরুচক্কৰাল়ে

রুক্খাদীনি ৰিচুণ্ণিতুং সমত্থং,

খোভেত্ৰা ভুৰনত্তযং দিসাসু

উট্ঠাপেসি সমীরণং সুঘোরং; ()

৭৯.

ৰাতো পারমিধামৰারিতো সো

নিত্তেজং পলযানিলস্সমোপি,

পত্তো চামরমন্দমারুতোৰ

তন্দেহোতুপরিস্সমং জহাসি; ()

৮০. ¶

ধারাৰেগৰিহিন্নভূমিভাগং

গম্ভীরা’সনিরাৰনিব্ভরা’ঘং,

মারো মাপযি তুঙ্গৰীচভঙ্গং

ৰস্সোঘং পরিপাতরুক্খসেলং; ()

৮১.

ৰীরো পারমিপাল়িবন্ধনেন

রক্খং বন্ধি নিজন্তভাৰখেত্তে,

তেনো’ঘো ৰিপথঙ্গমো ৰিপক্খ-

সেনাযা’সি পৰাহণে নিদানং; ()

৮২.

তেজোখণ্ডসমানমত্তনো সো

তত্তং পজ্জলিতং সজোতিভূতং,

মাপেত্ৰো’পলৰস্সমপ্পসয্হং

ঝাপেতুং তমুপক্কমিত্থ মারো; ()

৮৩. ¶

মারস্সেৰ পতন্তমুত্তমঙ্গে

ঘোরং পারমিৰাযুৰেগরুদ্ধং,

তংৰস্সং ৰজিরাসনূপচারে

পূজাপুপ্ফগুল়ত্তনং জগাম; ()

৮৪.

অস্সদ্ধো ৰিসদিদ্ধতিণ্হধারং

আদিত্তং পিহিতম্বরো’দরং সো,

মাপেসি অসিসত্তিতোমরাদি-

ৰস্সং সব্বদিসানিপাতমানং; ()

৮৫.

তস্মিং পারমিৰম্মৰম্মিতস্মিং

ৰিস্সট্ঠা’যুধৰুট্ঠি কুণ্ঠিতগ্গা,

পত্ৰা সম্পতি পুপ্ফৰুট্ঠিভাৰং

তপ্পাদাসনমত্থকে পপাত; ()

৮৬. ¶

মারো ৰিচ্চিটচিচ্চিটাযমানং

সংৰট্টানলখণ্ডৰিব্ভমং সো,

ৰস্সঙ্গারমযং সৰিপ্ফুলিঙ্গং

উট্ঠাপেসি পলাসপকুপ্ফৰণ্ণং; ()

৮৭.

খিপ্পংপারমিমন্তজপ্পনেন

অঙ্গারানিনিৰারিতানিতানি,

তংবুদ্ধঙ্কুরপুণ্ণচন্দবিম্বং

সেৰন্তানিৰিকিণ্ণভানিৰাসুং; ()

৮৮.

ভস্মীকাতুমলন্তিমারৰেরিং

ধূমাকিণ্ণমনিগ্গতগ্গিজালং,

মারোভেরৰরাৰমুস্সদাভ-

মব্ভুট্ঠাপযিখারভস্মৰস্সং; ()

৮৯.

সেতামুদ্ধনিৰিপ্পকিণ্ণভস্মিং

তংৰস্সংচিতপারমীবলেন,

পত্ৰাচন্দনগন্ধচুণ্ণভাৰং

মারারিস্সপপাতপাদমূলে; ()

৯০. ¶

অস্মিং গুৰলযালৰাল়গব্ভে

সম্পাতানলদড্ঢৰণ্ণুধারং,

উত্তাসাৰহমত্তনো’পি কণ্হো

ৰস্সাপেসি উল়ারৰণ্ণুৰস্সং; ()

৯১.

দিস্ৰা’ঙক্ঘীনখরালিরংসিগঙ্গা-

তীরুস্সারিতৰণ্ণুরাসি মস্স,

অঙ্গারো’ৰ’ধিকোধপাৰকেন

কণ্হো কণ্হতরো’সি ঝাপিতত্তো; ()

৯২.

ধূপাযন্তমৰীচিমচ্চিমন্তং

সম্ফুট্ঠং ঘনফেণণবুব্বুলেহি,

ৰস্সং পঙ্কমযং ভুসং নিমুগ্গো

মারো মাপযি পঞ্চকামপঙ্কে; ()

৯৩. ¶

তস্মিংপারমিসত্তীসিতিভূতে

পঙ্কে চন্দনপঙ্কভাৰযাতে,

মারো পস্সিয ফুল্লপঙ্কজাহং

কোপা পঙ্কহতাননোরিৰাসি; ()

৯৪.

মারারিং ইমিনা হনামহন্তী

সো লোকন্তরিযন্ধকারঘোরং,

মারো সূৰিৰিদারিযং দিসাসু

উট্ঠাপেসিঘনন্ধকারখন্ধং; ()

৯৫.

সো’যং পারমিজাতরংসিজাল-

ভিন্না’সেসতমোজিনঙ্কুরেণো,

পল্লঙ্কোদযপব্বতোদিতো’সি

কামং মারতুসারসোসনায; ()

৯৬. ¶

এতং গণ্হথ বন্ধথা’তি ৰত্ৰা

নিট্ঠং কপ্পমৰণ্ণিযং কৰীহি,

সদ্ধিং মারবলেনু’পাগতো সো

কুদ্ধো যুদ্ধমকা পমত্তবন্ধু; ()

৯৭.

তং দিস্ৰা’চলনিচ্চলট্ঠমেস

পল্লঙ্কো নচপাপুণাতি তুয্হং,

ময্হং হে’সু’পকপক্পতেৰ তস্মা

অস্মা ৰুট্ঠহথা’ৰুসোত্য’ৰোচ; ()

৯৮.

একা’পী সমতিংসপারমীনং

পল্লঙ্কত্থমপূরিতা তযা’তি,

ৰুত্তে সো খিপি নিজ্জিতো’রচক্কং

চক্কং চক্কৰরঙ্কিতস্স সীসে; ()

৯৯.

তং চক্কাযুধমুজ্ঝিতপ্পভাৰং

যুদ্ধে লদ্ধজযস্স মারজিস্স,

উস্সিসম্হি ৰরাসনূপচারে

সেতচ্ছন্তমিৰুস্সিতং ররাজ; ()

১০০. ¶

তুয্হং সঞ্চিননম্হি পারমীনং

কো সক্খী’তি অহঞ্চ সক্খিহোমি,

সক্খী’গন্তি পৰত্তমারসেনা-

ঘোসো ভুমিৰিদারণোরি’ৰাসি; ()

১০১.

দাপেন্তোনিজসক্খিমুগ্গতেজো

বাহুংতাৰপসারযী পৰিরো,

সক্খীহন্তীৰদং’ৰ মারসেনং

তজ্জেন্তো’ৰ বভূৰ ভুমিচালো; ()

১০২.

মাতঙ্গো গিরিমেখলো ছিতারিং

ৰন্দন্তো’ৰপপাত জন্নুকেহি,

মারো লদ্ধপরাজযো নিৰত্থ-

ৰত্থস্সা’পি অনিস্সরো পলাযি; ()

১০৩. ¶

ঘোরমারবলৰারণাধিপ-

মানদপ্পনিভকুম্ভদারণো,

বোধিমূলৰজিরাসনোপরি

কেসরীৰ ৰিররাজ মারজি; ()

ইতি মেধানন্দাভিধানেন যতিনা ৰিরচিতে সকল কৰকিজন হদযানন্দদাননিদানে জিনৰংসদীপে অৰিদূরে নিদানে দেৰপুত্ত মারবল ৰিদ্ধংসন পৰত্তিপরিদীপো দ্ৰাদসমো সগ্গো.

১.

নিখিলমারতুসারৰিসোসিনো

অথজিনঙ্কুরদীধিতিমালিনো,

রৰি কতাৰসরো’ৰ’পরাচলং

(দুত’ৰিলম্বিত) গামিমুপাগমী; ()

২. ¶

জলধিৰারিসিনেহসুপুরিতে

অভৰি পংসুমহীতলমল্লকে,

পণিহিতাপরভুধরৰত্তিকা-

জলিতদীপসিখে’ৰ নভোমণি; ()

৩.

উদযপব্বতগব্ভসমুব্ভৰং

সকযসোপটিবিম্বসমংসুভং,

সপদি তপ্পমুখে সসিমণ্ডলং

কসিণমণ্ডলৰিব্ভমমুব্বহি; ()

৪.

অরুণৰণ্ণসুধাকর ভাকরা

দিৰসসন্ধিৰিলাসিনিযা খণং,

পরিহরিংসু’দযাপরভুধর-

সৰণগং মণিমণ্ডন ৰিব্ভমং; ()

৫. ¶

রৰিধুরা ৰিধুরা সরসীৰধু

কমলকোমলকোসপুটঞ্জলী,

উপৰনে পৰনে’রিতভূরুহা

পনমিতানমিতাৰ তপোধনং; () (যমকবন্ধনং;)

৬.

অপরসাগরমুদ্ধনি ভাসুরং

তিমিরজালপরং রৰিমণ্ডলং,

মুকুলিতম্বুরুহস্সিরিমাহরি

ভমরচক্কভরং সরসূপরি; ()

৭.

লৰণৰারিধিকাচসরাৰকে

অপরভূধর কূট ভুজপ্পিতা,

সূরিযমণ্ডলপাতি নিমুজ্জিয

পুরিমযামমুখংনকিমাহরি; ()

৮. ¶

মণিপভারুণ ভাকর মণ্ডলং

তমনুভুয মহম্বুধিরাহুনা,

মুখগতংৰমিতং ৰিযক লোহিতং

জলদরাজি ররাজ দিনচ্চযে; ()

৯.

ৰিততমেঘপভাহি মুহুং মুহুং

কল়িত পাটল পল্লৰ সম্পদং,

ৰনঘটং ৰিটপন্তরগং কমা

ফূটতমোপটলংপরিণামযী ()

১০.

সুভজনেভজনেনিরপেক্খিনী

ৰিপতিনী পতিনীৰ রজস্সলা,

সুমধুপে মধুপে পরিৰজ্জযুং

কমলিনীমলিনীকতনিরজা; () (যমকবন্ধনং;)

১১. ¶

মধুমদালিকুলা মকুলাৰলী

অনিলভঙ্গ তরঙ্গ ভুজেরিতা,

পদুমিনী রমণীহি সিরিমতো

সুমহিতামণিকিঙ্কিণিসেণিৰ; ()

১২.

রসিকপক্ক ফলাফল সালিসু

তরুসিরেসু সমোসরমানকা,

তিমিরখণ্ডনিভা বধিরীকরুং

রৰিপথং ৰিরুতেহি ৰিভঙ্গমা; ()

১৩.

কুমুদিনীপমদা’থসুধাকর-

করসতেহি পরামসনাপরং,

কুসুমহাসৰিলাসধরা ভুসং

ভুৰনৰন্দিরগব্ভমলঙ্করি; ()

১৪. ¶

হিমকরো হরিণঞ্জনহারিনা

নিজকরেন নিরাকরি তঙ্খণে,

সকললোক’ৰিলোচন সম্ভৰং

ঘনতমোপটলংহিসজো যথা; () (সিলেসবন্ধনং)

১৫.

সপদিপারমিতারমিতাসযো

নৰম’নুস্সতিযাসতিযা পরং,

অধিকতা’ধি সমাধি সমাহিতো

পুরিমজাতিভৰে তিভৰে সরি; () (যমকবন্ধনং)

১৬.

সুমতিপাদক ঝান সমুট্ঠিতো

পুরিমখন্ধসমূহমনুক্কমং,

অসরিসো’পনিসিন্নজযাসন-

প্পভুতি যাৰসুমেধভৰাৰধিং; ()

১৭. ¶

ইধভৰে সমনন্তরজাতিযং

তদিযখন্ধপবন্ধমনুস্সরি,

তিচতুপঞ্চছসত্ত নৰ’ট্ঠপি

দসপি ৰিসতিতিংসতি জাতিযো; ()

১৮.

লহুমনুস্সরিতাল়িস জাতিযো

পভৰ খন্ধৰসেন তহিংতহিং,

ভৰসতংভৰুপড্ঢসতংভৰ-

দসসতংভৰলক্খমথাপরং ()

১৯.

অপরিমাণ যুগন্তগজাতিযো

অপরিমাণ ৰিৰট্টগজাতিযো,

অপরিমাণ যুগন্ত ৰিৰট্টগা

অপরিমাণ গুণো সরিজাতিযো; ()

২০. ¶

চতুসুযোনিসুসত্তমনট্ঠিতি-

তিভৰপঞ্চগতীসুপরিব্ভমিং,

কসিরভারৰহো অহমঞ্জসে

সকটভারৰহো গৰজোযথা; ()

২১.

ইতিসমঞ্ঞ ধরো’সিমমুত্র’হং

ইতি নিহীনপসত্থ কুলো ভৰিং,

ইতি ভৰিং অভীরূপৰিরূপিমা

ইতিপি ভত্ত ফখলাফল মাহরিং; ()

২২. ¶

অনুভৰিংকুসলাকুসলারহং

ৰিৰিধদুক্খমদুক্খ মদুক্খ খং,

দসসতাযু সতাযুমিতোভৰিং

ইতিভৰংতিভৰংসমনুস্সরি; () (যমকবন্ধনং)

২৩.

ইতিহ যাৰসুমেধ ভৰং সুধী

সুমরিযা’তিগতা’মিতজাতিযো,

অসরি সোপটিলোমৰসা ততো-

প্পভুতি যাৰ ইতো ততিযং ভৰং; ()

২৪.

পুনরমুত্র ততোভৰতো চুতো

সমুপপজ্জি মনন্তরজাতিযং,

তহিমহংতুসিতে তিদসালযে

ভৰিমতিজ্জুতি সন্তুসিতাভিধো; ()

২৫. ¶

তুসিতদেৰনিকাযসমত্ৰযো

পরমরূপ ৰিলাসধরো’ভৰিং,

সুমধুরামতমাহরি মিদিসং

অনুভৰিংসুখমিন্দ্রিয গোচরং; ()

২৬.

সমুপজীৰিমমানুসহাযন-

চতুসহস্স মহংতুসিতালযে,

মরুগণম্বুরুহাসনযাচনং

ইহ পটিচ্চ ততো ভৰতো চুতো; ()

২৭.

জননিরাজিনিযা মণিচেতিযে

সুগতধাতুমিৰা’সমকুচ্ছিযং,

রৰিকুলে পটিসন্ধিমহং পিত্র-

নরপতিং অধিকিচ্চ সমপ্পযিং; ()

২৮.

ইতিহ রূপমরূপমনাদিকং

ৰিপরিৰত্ততি ৰত্ততি নাপরং,

ৰিসতিযা সতি যাৰ ধিযা’সনং

ৰিহতমোহতমো’সি ভৰে সুধী; () (যমকবন্ধনং;)

২৯. ¶

চুতুপপত্তিপবন্ধৰসেনহি

অৰসৰকত্তনধাতুপরম্পরা,

জলিতদীপসিখে’ৰ পৰত্ততি

নযিধপুগ্গলৰেদককারকো; ()

৩০.

পুরিমখন্ধপবন্ধমনেকধা

ইতিৰৰত্থযতো হি কুদিট্ঠিযো,

অপগতা’ত্তনি ৰীসতিৰত্থুকা

তমিহদিট্ঠিৰিসুদ্ধি’তি ৰুচ্চতি; ()

৩১. ¶

সতিমতো রৰিমণ্ডলসন্তিভা

সকটমগ্গনিভা’যমনুস্সতি,

পুরিমজাতিসু নাভিৰিরজ্ঝতি

সরৰযে সরভঙ্গসরো যথা; ()

৩২.

অচুতিযাচুতিযামতি মাসনে

সুতৰতী’তৰতী’হতি বুজ্ঝিতুং,

সমুদিতে’মুদিতে কুমুদানি’ম

নকমলা কমলানি অলঙ্করি; () (যমকবন্ধনং;)

৩৩.

রুচিরচন্দমরিচিৰিলেপিনী

কুমুদসণ্ডৰিকাসৰিহাসিনী,

রজনিমজ্ঝিমযামৰিলাসিনী

তদধিসীলধনং ৰিজাভাসি কিং ()

৩৪. ¶

ঘনসুনীলৰিসালতপোৰনং

অনলভাসুরকীটকুলাকুলং,

রজনিরাজিনিযা কুসুমাকুলা-

ৰিরল়কেসকলাপসিরিং ভজী; ()

৩৫.

তদুপহাররতাযি’ৰ কোমুদী-

ভুজলতায ৰিভাৰরিভীরুযা,

গহিতলাজকভাজনৰিব্ভমং

ফুটিতকেরৰকানন মাহরি; ()

৩৬.

তিভুৰনেকরৰিং রৰিভত্তরি

অপরদীপগতে সরসীৰধূ,

রজনিযা ৰিহিতাৰসরা’পি কিং

পরিচরিংসু পতিব্বতমব্ভুতং; ()

৩৭.

পরিলসিংসু ভুসং ভুৰনে’ৰু ভো

রৰিপথে ৰিততা, ৰিততারকা,

অনিমিসে হি মহায মহিমতো

জলিতদীপসিখাচ মহীতলে; ()

৩৮. ¶

মকরতেনকেতনসন্তিভা

তুহিনদীধিতিদীধিতি মজ্ঝিমে,

নিসি দদার সদারসরাগিনং

হদযকেরৰকেরৰকাননং; () (যমকবন্ধনং)

৩৯.

অথ ভৰাভৰদিট্ঠিৰিভেদ নং

ৰিমতি মোহ তমোপুটপাট নং,

চুতুপপাতপভুতি ৰিজান নং

কথমলত্থ সদিব্বৰিলোচ নং; ()

৪০.

কুসলকম্মপভাৰসমুব্ভৰং

সুখুমদুরগতানি’পি গোচরং,

অনিমিসান পসাদৰিলোচনং

রুধিরসেম্ভমকলাপগতংক যথা; ()

৪১. ¶

তথরিৰ’ক্খিসমেন সুধাসিনং

ৰিমতিদিট্ঠিমিসোধনহেতুনা,

হতমনোপকিলেসমলেন সো

ৰিগতমানুসকেনহি চক্খুনা; ()

৪২.

করতলম্বুরুহোপরিচক্খুমা

যথারিৰা’মলকীবদরীফলং,

চুতুপপত্তিগতেপি তথাগতে

তিভুৰনম্হি যথিচ্ছিত মদ্দস; ()

৪৩.

নৰুপপাতখণেচ চুতিক্খণে

ৰিসযভাৰমুপেন্তি তথাগতা,

তদুপচারৰসেনি’হদস্সনং

খমতি অট্ঠকথাচরিযাসভো; ()

৪৪. ¶

উপধিহীন’ধিহনীনতথাগতে

অনপনীতপণীত তথাগতে,

অনভিরূপ’ভিরূপতথাগতে

সুগতি দুগ্গতি দুগ্গ মুপাগতে; () (যমকবন্ধনং;)

৪৫.

তিরিযমুদ্ধমধোপতিতীয সো

মতিপহং অভিপস্সি যথারহং,

নিচিতকম্মপথেচ তথাগতে

উপরি পাদকঝানসমুট্ঠিতো; ()

৪৬.

অকুসলানি করিংসু ইমে তিধা

সুচরিতানি করিংসু তিধা ইমে,

অরিযমগ্গফলেহিক সমঙ্গিনো

নসমণা’তিপি অন্তিমৰত্থুনা; ()

৪৭.

গুণনিরাকরণেন অসাধৰো

উপৰদিংসু নসন্তি গুণা’তি’মে,

অপিচসপ্পুরিসা’রিযপুগ্গলে

তদনুরূপগুণেহি পসংসযুং; ()

৪৮.

ৰিতথলদ্ধিপরামসনা ইমে

পরমলদ্ধিপরামসনা ইমে,

গহিতলদ্ধিৰসেন তহিংতহিং

নিচিতকম্মপথা জনতা অযং; ()

৪৯.

চতুরপাযমপাযমপাযতিং

উপগতা সুগতি সুগতিংইতি,

যতি সমাহিতৰাহিতৰা’ দ্দস

অনিমিসক্খিসমক্খিসমন্ৰিতো; () (যমকবন্ধনং)

৫০. ¶

সম্মাসম্মসতোসতো সতিমতো কম্মাদিহেতুব্ভৰং

রূপারূপমনাগতঙ্নি মহা মোহন্ধকারো ধিযা,

অব্ভত্থঙ্গমি যায সোল়সৰিধা কঙ্খাচতেকালিকা

সাকঙ্খাতরণব্বিসুদ্ধু দুতিযেযামে পৰত্তা মতি; ()

ইতি মেধানন্দাভিধানেনযতিনা ৰিরচিতে সকলকৰিজন হদযানন্দদাননিদানে জিনৰংসদীপে অৰিদুরে নিদানে পুব্বেনিৰাসঞাণদিব্বচক্খুঞাণাধিগম পৰত্তিপরিদীপো তেরসমো সগ্গো.

১. ¶

সুধাকরে ৰিকসিতকেরৰাকরে

কমেনু’ পাসতি সতি পচ্ছিমং দিসং,

ৰিহাৰরী সসিরুচিরাননং জিনং

ভজন্তি পচ্ছিমমথযাম মোতরি; ()

২.

খণং নিসাপতি ৰিরহাতুরেৰ’যং

নিসাৰধূ মলিনপযোধরম্বরা,

চতুদ্দিসাযতনযনেহি সম্পতি

মুমোচ সীকরনিকরস্সুবিন্দৰো; ()

৩.

কিলেসনাসনপসুতো সমাধিনা

পুথুজ্জনো তদনুসযং যথুব্বহে,

তথং’সুনা ভুৰনকলঙ্কসোধনো

নহে কলানিধি সকলঙ্ক মুব্বহী; ()

৪. ¶

পুরত্থিমে নভসি ৰিকিণ্ণ তারকা-

পবন্ধনিব্ভরতিমিরং ৰিযাকরী

নিসাৰধু ৰলযিতহারভাসুর-

সুনীলকোমলনৰকুন্তলস্সিরিং; ()

৫.

ৰিপস্সনাবলৰিমলীকতন্তরো

জিনঙ্কুরো দুরিতমলংৰ চন্দিমা,

মরিচিসঞ্চযধৰলীকতম্বরো

তমোচযং তমনুচরং নিরাকরী; ()

৬.

পৰাযি সীতলমলযানিলো ভুসং

দিসঙ্গনা সিসিরতুসারবিন্দৰো,

মুমোচ সা ৰিচরি নিসা নিসাকর-

মরীচিমঞ্জরিপরিচুম্বিতে ভুৰি; ()

৭. ¶

নিরঙ্গণে নিরুপকিলেস নিচ্চলে

মুদুম্হি কম্মনিযৰিসুদ্ধিভাৰগে,

সমাহিতে মনসি ৰিপস্সনামনং

অথাসৰক্খযমতিযা’ ভীনীহরি; ()

৮.

সবারসঙ্গিকভৰচক্ক মজ্ঝগা

অনুক্কমেন’পি পটিলোমতো সুধী

ৰৰত্থযং যমরিযঞাণদস্সনং

ৰিসুদ্ধিযা ৰিসদ্ধিযা তদুচ্চতে; ()

৯.

খণেন যো সরতি সহস্সলোচনো

যথাৰতো দসসতমত্থ মস্সপি,

ৰিধাতুনো নিজচরণঙ্গুলিপ্পভা-

ৰিভুসিতা’খিলভুৰনোদরস্স’পি; ()

১০. ¶

অসেসনীৰরণতুসারসোসিনো

সমাধিসম্ভৰ’ খিলঝানলাভিনো,

জগত্তযং করবদরং’ৰ দস্সিনো

নযস্স কস্সচি ৰিসযত্ত মাগতং; ()

১১.

অদিট্ঠ মপ্পটি ৰিদিতং সযংপুরা

অনুত্তরংতমরিযঞাণদস্সনং,

ইমস্স গোতমসমণস্স সিজ্ঝতে

গরূপসেৰনৰিরহস্স অব্ভূতং; ()

১২.

ভৰেভৰে পরিৰিতদানপারমি-

বলেন’হূ ৰিজটিতলোভবন্ধনো,

সমেত্তিখন্ত্যনুগতসীলপারমী-

জলেন নিব্বুতপটিঘাদিপাৰকো; ()

১৩. ¶

ভৰেভৰে ভৰি থিরঞাণপারমী-

পধংসিতা’খিলৰিপরীতদস্সনো,

ৰিনাযকপ্পভুতি গরূপসেৰন-

ৰসেন পুচ্ছিয হতমোহসংসযো; ()

১৪.

ভৰেভৰে বুধজনপুজনাদিনা

গরূভিৰাদনবহুমাননাদিনা,

জনাপচাযনৰিধিনা ৰিনোদযি

সদপ্প মুন্নতি মভিমান মুদ্ধটং; ()

১৫.

ভৰেভৰে ৰিভৰরতিং রতিংভৰে

অনঙ্গসঙ্গমরতি মঙ্গনারতিং,

ঘরা’ভিনিক্খমিয’নগারিযংরতো

অপানুদী পটিলভি ঝান মত্তনা; ()

১৬. ¶

ভৰেভৰে স’ৰীরিয সচ্চপারমী-

পরাযণো অধিকুসলেসু চারতিং,

জহং ৰচীদুরিতমলং চতুব্বিধং

ৰিসোধযী নিজহদযঞ্চ পগ্গহী; ()

১৭.

ভৰে ভৰে ইতি সমতিংসপারমী-

ৰিসুজ্ঝিতা’ কুসলমনোমলিমসো,

কমেন ইন্দ্রিয পরিপাকতং গতো

নচঞ্ঞসম্পদ মহিপত্থযী সুধী; ()

১৮.

ভৰে ভৰে অগণিতমেৰ বোধিযা

দযায চোদিতহদযো’হি কপত্থনং,

অকা চতুব্বিধফলসম্পদা ততো

পদিস্সরে নিরৰসরা রিৰ’ন্তনি; ()

১৯. ¶

ভৰে ভৰে সকপণিধানসত্তিযা

তিধা’হিসঙ্খতকুসলং ইমস্স ভো,

নসাধযে কিমরিযঞাণদস্সনং

অনঞ্ঞপুগ্গলৰিসযং নসংসযো; ()

২০.

অনিচ্চতো’দযৰযতায দুক্খতো

সদুক্খতাযপি অৰিধেযতাদিনা,

অনত্ততো ৰরমতি খন্ধপঞ্চকং

পুনপ্পুনং সমুপপরিক্খ মুস্সহী; ()

২১.

কলাপসম্মসনমুখেন বারস-

ৰিধে অনাদিকভৰচক্কনিস্সিতে,

কমেন সত্তসু অনুপস্সনাসু সো

জিনঙ্কুরো তদৰযৰে’ভিনীহরি; ()

২২. ¶

অনিচ্চতোভুসমনুপস্সমুদ্ধরি

অসেসসঙ্খতগতনিচ্চসঞ্ঞিতং,

অনত্ততো সমনুৰিপস্স দুক্খতো

সসঙ্খতেপজহি সুখত্তসঞ্ঞিতং; ()

২৩.

ৰিনোদযী সুমতি ৰিরাগনিব্বিদা-

ৰসেন সঙ্খতগতরাগনন্দিযো,

নিরোধনিস্সজনৰসা’নুপস্সিয

তথোদযাদিযনমসেসঙ্ঘতে; ()

২৪.

ৰিধাযদুব্বিধমনুপস্সতো কসতো

অসেসসঙ্খতমপি নামরূপতো,

নিদানতো পুনখণতো’দযব্বযং

উপট্ঠহি দ্ৰিগুণিতপঞ্চৰিসধা; ()

২৫. ¶

সুধীমতো তরুণৰিপস্সনাযি’মে

ৰিপস্সকস্সি’তি দসুপক্কিলেসকা,

ভৰুংপভাসতিমতিপীতিনিচ্ছযো

সুখী’হনাসমথনিকন্ত্যুপেক্খনা; ()

২৬. ¶

পসন্নলোহিত পরিপুণ্ণৰিগ্গহা

ৰিনিগ্গতা নিরৰধিলোকধাতুসু,

ৰিপস্সনাবলপভৰা’ভিপত্থরি

সুধন্তকঞ্চনরসপিঞ্জরপ্পভা; ()

২৭.

অযংপথো নভৰতি তপ্পভাদযো

ৰিসত্তিকাপভুতিকিলেসৰত্থুকা,

পুনোদযব্বয মনুপস্সতো ততো

পথো সমুব্ভৰি দসুপক্কিলেসগং; ()

২৮.

পথাপথং সমুপপরিক্খতোইতি

সুধীমতো তরুণৰিপস্সকস্সযা,

সমুট্ঠিতা নিসিতৰিপস্সনামতি

পথাপথিক্খণকৰিসুদ্ধি ৰুচ্চতে; ()

২৯. ¶

নরাসভো অধিগতঞাততীরণ-

পরিঞ্ঞৰা উপরিপহাণসঙ্খযা,

পরিঞ্ঞযা উভয ৰিসুদ্ধিসিদ্ধিযা

তিসচ্চদস্সনপসুতো সমারভী; ()

৩০.

অনিচ্চলক্খণমপকি দুক্খলক্খণং

অনত্তলক্খণমথ সব্বসঙ্খতে,

যথাৰতো নসমনুপস্সি সন্ততি-

রিযাপথেহিচ পিহিতংঘণেনসো; ()

৩১.

ৰিসোধযং মতিমুদযব্বযে ততো

লহুং তিলক্খণৰিসদত্তগো ভুসং,

ৰিপস্সনাপথপটিপন্ন মত্তনা

অলত্থভঙ্গধিভযঞাণমাদিকং; ()

৩২. ¶

সযম্ভুনো উপরিনৰানুপস্সনা-

ৰিভাৰনা নৰগুণৰণ্ণনাযিধ,

ৰিধীযতে নৰৰিধঞ্ণভাৰনা

পৰুচ্চতে সপকটিপদাৰিসুদ্ধিতি; ()

৩৩.

মতীহিতিহিপি চতুসচ্চছাদক-

তমোৰিধংসন সমনন্তরং থিরং,

নিরোধগোচরমলভিত্থ গোত্রভু-

মতিং সুধী অনরিযগোত্তবাহিরং; ()

৩৪. ¶

পসত্থগোত্রভুমতিদিন্নসঞ্ঞকং

সমূলমুদ্ধটকলুসত্তযং সুধী,

ৰিবন্ধদুগ্গতিৰিনিপাতনাদিকং

অথাদিমংপটিলভী ঞাণদস্সনং; ()

৩৫.

যদেৰনন্তরফলদন্তি পণ্ডিতা

ৰদন্তিতপ্ফলমপি পচ্চৰেক্খণং,

অলত্থ সো পুন দুতিযায ভুমিযা

ৰিপস্সনং সমধিগমায ভাৰযী; ()

৩৬.

ভুসোৰিসোসিত ভৰদুক্খকদ্দমং

অকালিকং তনুকতকিব্বিসত্তযং,

অনুত্তরং দুতিযমলত্থ তপ্ফলং

সপচ্চৰেক্খণমথ ঞাণদস্সনং; ()

৩৭. ¶

ৰিপস্সনংপুনরপিভাৰযং সযং

সমুদ্ধটালযপটিঘং ভৰাপহং,

সপচ্চৰেক্খণফলঞাণমজ্ঝগা

অনুত্তরং ততিযক ঞাণদস্সনং; ()

৩৮.

তিলক্খণং থিরমতিমা’ভিপত্তিযা

সুভাৰযিক উপরি চতুত্থভুমিযা,

অৰারিযাসনিরিৰ তালমত্থকে

কিলেসমুদ্ধনিরনিহচ্চচারিনং; ()

৩৯.

নিৰারিতাখিল ভৰচক্কৰিব্ভমং

সৰাসনাপরিমিত পকাপনাসনং,

অনঞ্ঞগোচর ৰরঞাণদস্সনং

অলত্থ তপ্ফলমপিপচ্চৰেক্খণং; ()

৪০. ¶

তদাসৰক্খযমতিগ্ঞাণদস্সন-

ৰিসুদ্ধিৰুচ্চতি অরহত্তপত্তিযা,

সহেৰচুদ্দসৰিধ বুদ্ধবুদ্ধিযো

জিনো চতুব্বিধ পটিসম্ভিদালভী; ()

৪১.

অসাধারণং ঞাণছক্কংবলানি

দস’ট্ঠারসাৰেণিকা বুদ্ধধম্মা,

চতুদ্ধাৰিসারজ্জমিদ্ধানুভাৰা

সমিদ্ধাসহেচারহত্তেন তস্স; ()

৪২.

অভিঞ্ঞেয্যধম্মে অভিঞ্ঞায সামং

পরিঞ্ঞেয্য ধম্মে পরিঞ্ঞায সামং,

পহাতব্ব ধম্মে পহন্ত্ৰান সামং

সনিব্বানমগ্গপ্ফলং সচ্ছিকত্ৰা; ()

৪৩. ¶

সিযাযাৰতাঞেয্য ধম্মপ্পৰত্তি

সিযাতাৰতা তস্স ঞাণপ্পৰত্তি,

অভিঞ্ঞায সব্বঞ্ঞুতাঞাণ মাসি

সহেৰারহত্তেন সব্বঞ্ঞু বুদ্ধো; ()

৪৪.

মহামোহনিদ্দাপগোমগ্গঞাণ-

প্পবুদ্ধো’হিসম্বোধিযা সোভমানো,

মুনিন্দো দিনিন্দং’ সুসন্দোহহাসি-

’ন্দিরামন্দিরিন্দিৰরাভংঅহাসি; ()

৪৫.

সুবুদ্ধাভিসম্বোধিপুব্বাচলম্ভা

সহেৰারুণো বুদ্ধসূরোদযেন,

সমুট্ঠাসি ৰেনেয্য বন্ধূহিসদ্ধিং

পবুজ্ঝিংসু অব্ভুগ্গতম্হোজকোসা; ()

৪৬. ¶

উল়ারাৰভাসো তদা জাতিখেত্তে

ভুসংপাতুভুতো মহীসম্পৰেধি,

সিল়াসাল়সেল়াৰতংসা সুভানি

নিমত্তানি বত্তিংসজাতাতিলোকে; ()

৪৭.

তমোজালৰিদ্ধংসনাদীনি লোকে

করোন্তোৰ চত্তারিকিচ্চানি’মানি,

সমুট্ঠাসি তস্মিংখণে রংসিমালি

রিৰাদিচ্চৰংসুব্ভৰো বুদ্ধসূরো; ()

৪৮.

মহীলাজৰুট্ঠীহি সঞ্ছন্নভুতা

নভং কনিব্ভরং গন্ধধুপদ্ধজেহি,

ছণ্হোকুলা কেৰলং লোকধাতু

মহামঙ্গলাৰাস কলীলাৰলম্বিং ()

৪৯. ¶

তদাতপ্পদম্ভোজ পূজাগতানং

সিরো ভত্তিভারঞ্জলীনং সুরানং,

নিরালম্বমাকাস রন্ধং বভাস

পভাসার চূল়ামণিহকা’করাল়ং; ()

৫০.

গুণোনাম সক্খন্ধসন্তান সুদ্ধি

সকোসুদ্ধখন্ৰ্ধপ্পবন্ধোহি বুদ্ধো,

নমোবুদ্ধভুতস্স নিপ্ফন্তঞাণ-

প্পহাণানুভাৰাহিরূপস্সতস্স; ()

ইতি মেধানন্দাভিধানেনযতিনা ৰিরচিতে সকলকৰিজন হদযানন্দদাননিদানে জিনৰংসদীপে অৰিদুরে নিদানে মহা বোধিসত্তস্স অরিযমগ্গঞাণাভিসম্বোধি সমধিগম পৰত্তিপরিদীপো চুদ্দসমো সগ্গো.

জিনৰংসদীপে অৰিদুরে নিদানভাগো দুতিযো.

১. ¶

অস্সেৰ পকল্লঙ্কৰরস্সকারণা

সীসক্খিমংসানি চ দারসুনৰো,

দত্ৰা চিরস্সং অকরিন্তি দুক্করং

সো (ইন্দৰংসা’)ভিধজো ৰিচিন্তযী; ()

২.

পল্লঙ্কতো তাৰ নৰুট্ঠহং তহিং

পল্লঙ্কমাধায নিসজ্জ সত্তহং,

সঙ্কপ্পপুণ্ণো’ধিসমাধযো মুনি

সম্মা সমাপজ্জি অনেককোটিযো; ()

৩.

না’যং জহাতে ৰিজযাসনা’লযং

যংকিঞ্চিকিচ্চং করণিযমস্সহি,

সংৰিজ্জতে দানিপি কাচি দেৰতা

সঙ্কাভিঘা’তাভিৰিতক্কযুং ইতি; ()

৪. ¶

তাসং ৰিদিত্ৰান ৰিতক্কমাসনা

অব্ভুট্ঠিতো সো গগনঙ্গণং খণং,

সংদস্সযন্তো যমপাটিহারিযং

নিস্সংসযো সংসযসল্লমুদ্ধরী; ()

৫.

নিস্সায পল্লঙ্কমিমং মহীরুহং

সম্পত্তসম্বোধিপদো’স্মি চিন্তিয,

ওরুয্হ পকল্লঙ্কঠিতপ্পদেসতো

পুব্বুত্তরানঞ্হি দিসান মন্তরা; ()

৬.

সত্তাহ মিন্দিৰরচারুলোচন-

পঞ্চপ্পভাসারনিসেচনেন সো,

সমপূজযন্তো জযবোধিমাসনং

অট্ঠাসি লোকেকৰিলোচনো জিনো; ()

৭. ¶

গন্ত্ৰা ঠীতট্ঠানজযাসনন্তরা

পুব্বাপরস্সং দিসি সত্তৰাসরং,

নিক্খিত্তচক্কঙ্কিতপাদপঙ্কজো

সো চঙ্কমী নিম্মিতরতনচঙ্কমে; ()

৮.

সো বোধিতো উত্তরপচ্ছিমন্তরা

দেৰেহি নানারতনেহি নিম্মিতে,

সত্তাহমত্তং মণিমন্দিরে মুনি

সম্মাভিধম্মং পৰিহাসি সম্মসং; ()

৯.

মন্থাচলে’নম্বুনিধিং’ৰ কেসৰো

ৰিঞ্ঞাণকণ্ডাদিটসা চতুব্বিধং,

তস্মিং নিসিন্নো মুনি ধম্মসঙ্গণি-

মালোলযী ঞাণবলেন দুদ্দসং; ()

১০. ¶

ৰেভঙ্গিযং খন্ধৰিভঙ্গমাদিকং

গম্ভীরমট্ঠারসধা সুদুব্বুধং,

সো মারভঙ্গো’থ ৰিভঙ্গসাগরং

সংখোভযী ঞাণযুগন্তৰাযুনা; ()

১১.

সো ধাতুসুঞ্ঞত্তপজাননো জিনো

নিস্সত্তনিজ্জিৰসভাৰধাতুযো,

ৰিত্থারযন্তো তদনন্তরং ৰরং

নানানযং ধাতুকথং ৰৰত্থযী; ()

১২.

খন্ধাদিপঞ্ঞত্তিৰসেন ছব্বিধা

পঞ্ঞত্তিযো’তি সুৰিভত্তমাতিকং,

পঞ্ঞায সব্বঞ্ঞুজিনো’থ পুগ্গল-

পঞ্ঞত্তি মালোলযি অগ্গপুগ্গলো; ()

১৩. ¶

ৰাদীভসীহো সকৰাদমণ্ডলং

ওরুয্হ সম্মা পরৰাদমণ্ডলং,

সুত্তানি সঙ্গয্হ সহস্সমট্ঠধা

সংখিত্ত মাদো মুখৰাদযুত্তিকং; ()

১৪.

ঞাণেন ৰিত্থারিযমান মত্তনো

কিঞ্চাপ্য’নন্তাপরিযন্ত মুত্তমং,

তক্কীহি নক্কাৰচরং নকেহিচি

নাথো কথাৰত্থু মথা’ভিসম্মসি; ()

১৫.

যং মূলখন্ধাদিৰসা দসব্বিধং

উদ্দেসনিদ্দেসপদা’নুরূপতো,

নিট্ঠানতো সংসযতো ৰিভাগিযং

গম্ভীরঞাণেন’থ সাগরূপমং; ()

১৬. ¶

সন্তং পণিতং নিপুণং সুদুদ্দসং

গুল়্হং অতক্কাৰচরং অচিন্তিযং,

নানানযং তং যমকং সুসঞ্ঞমো

ধম্মস্সরো সম্মসি নিপ্পদেসতো; ()

১৭.

নানানযু’ত্তুঙ্গতরঙ্গনিব্ভরং

নেয্যত্থনীতত্থমণিহি মণ্ডিতং,

ধম্মন্তরাৰট্টসতং অথাপরং

সদ্ধম্মখন্ধোদকখন্ধপূরিতং; ()

১৮.

সত্থা চতুব্বিস তিমত্তপচ্চয-

ৰেলং পরিচ্ছেদৰিসালপট্টনং,

গম্ভীরপট্ঠান মহণ্ণৰং কথং

আলোলযং সম্মসি ঞাণমেরুনা; ()

১৯. ¶

নিস্সঙ্গঞাণো মুনি হেতুপচ্চযো

ইচ্চাদিনা’রোপিতমাতিকারহং,

নিদ্দিট্ঠনিদেদসপদং পপঞ্চিত-

ঞেয্যং চতুব্বীসৰিধং সুদুব্বুধং; ()

২০.

নিস্সায বাৰীসৰিধে তিকে তিক-

পট্ঠান মন্তোগধনামরূপিকে

নিস্সায নিস্সেসকে তথা দুক-

পট্ঠান মন্তোগধনামরূপিকে ()

২১.

বাৰিসমত্তা তিকমাতিকা দুকে

পক্খিপ্প পট্ঠানৰিদং দুকন্তিকং,

বাৰীসমত্তায তিকে সতংদুকে

পক্খিপ্প পট্ঠানমিদংক তিকদ্দুকং; ()

২২. ¶

কত্ৰা তিকেস্ৰে’ৰ তিকে দুৰীসতি

পট্ঠান মন্তোগতিকে তিকত্তিকং,

কত্ৰা দুকেস্ৰে’ৰ তথা সতংদুকে

পট্ঠান মন্তাগেতিকে দুকদ্দুকং; ()

২৩.

ইচ্চানুলোমে জনযানি পক্খিপং

ছ প্পচ্চনীযে’পি নযানি পক্খিপং,

এৰং খিপিত্ৰা অনুলোমপচ্চনি-

যেচা’পি ছ প্পচ্চনিযা’নুলোমকে; ()

২৪.

গম্ভীরপট্ঠানমহোদধিং ইতি

সঙ্খোভযং সম্মসি ঞাণমেরুনা,

তং সম্মসন্তস্স সৰত্থুকং ছৰি-

ৰণ্ণো পসন্তো’সি পসীদি লোহিতং; ()

২৫. ¶

তস্মিংখণে চত্তজৰণ্ণধাতুযো

অট্ঠংসু ঠানম্হি অসিতিহত্থকে,

অঞ্ঞত্র’ধিট্ঠানবলং সরীরতো

ছব্বণ্ণরংসী ৰিসরা’হিনিচ্ছরুং; ()

২৬.

সেৰালকালিন্দিনদি’ন্দিরাপতি-

নিলম্বরি’ন্দিৰরৰণ্ণসন্তিভা,

কেস’ক্খিমস্সূহিক ৰিনিগ্গতা ভুসং

নীলপ্পভা’সেসদিসা অলঙ্করুং; ()

২৭.

তাসং ৰসা’ সেসদিসাৰিলাসিনী

আসুং যথা পারুতনীলকম্বলা,

তা চক্কৰাল়াতি পপূরযন্তিযো

ধাৰিংসু নিলোপলচুণ্ণসন্নিভা; ()

২৮. ¶

নিস্সেসলোকং হরিতালকুঙ্কুম-

চুণ্ণেহি সোৰণ্ণরসেহি মিস্সকং,

আলেপযন্তীৰিয পীতরংসিযো

যা নিগ্গতা কঞ্চনসন্নিভত্তচা; ()

২৯.

তাসং ৰসেনা’সি সিণেরুপব্বত-

রাজা ৰিলিনো’ৰ মহণ্ণৰে জলং,

সংকপ্পিতা’ৰ’ট্ঠ দিসাগজা’ভৰুং

নিদ্ধন্তচামীকরকপ্পনাদিনা; ()

৩০.

লাখারসানং পরিসেচনং ৰিয

নিন্দূরচুণ্ণো’কিরণং’ৰ যাদিসি,

সঞ্ঝাপভারত্তসুরত্তরংসিযো

নিক্খম্ম ধাৰিংসু সমংসলোহিতা; ()

৩১.

তাসং ৰসেনা’খিলভূমিকামিনী

আসী নিমুগ্গারিৰ উত্তরণ্ণৰে,

অম্ভোজরাগেহি সুনিম্মিতানি’ৰ

সব্বানি দব্বান্য’ভৰুং জগত্তযে;()

৩২. ¶

যাকুন্দসোগন্ধিকচন্দচন্দিকা-

কপ্পূরখীরোদধিৰীচিপণ্ডরা,

অট্ঠীহি দাঠাহী ৰিতস্সটা ভুসং

ওদাতরংসী ধৰলীকরুং দিসা; ()

৩৩.