📜

সদ্দবিন্দু ¶ পকরণং

নমো তস্স ভগৰতো অরহতো সম্মাসম্বুদ্ধস্স

১.

যস্সঞেয্যেসু ধম্মেসু, নাণুমত্তম্পৰেদিতং,

নত্ৰাসদ্ধম্মসঙ্ঘংতং, সদ্দবিন্দুংসমারভে;

২. ¶

কাদিরিতা নৰসঙ্খ্যা, কমেনটা দি যাদিচ,

পাদযোপঞ্চ সঙ্খ্যাতা, সুঞ্ঞনামা সরঞ্ঞনা;

৩.

সরেহেৰসরাপুব্বে লুত্তাৰাৰীপরেরমা,

ব্যঞ্জনাচাগমাৰাৰী দীঘরস্সাদিসম্ভৰা;

৪. ¶

কাকাসেনাগতোসিস কেনিদ্ধিমচ্চদস্সযি,

অরাজখ্ৰগ্গিমেসীনং সোতুকম্মেঘযিত্থিযো;

ইতি সন্ধিকপ্পো সমত্তো.

৫. ¶

বুদ্ধপুমযুৰসন্ত রাজব্রহ্মসখাচসা,

যতাদিদেহীজন্তুচ সত্থুপিতাভিভূৰিদূ;

৬.

কঞ্ঞাম্মারত্তিথিপো, ক্খরণীনদিরুমাতুভূ,

নপুংসকেতিযন্তাচ, পদকম্মদধাযুনো;

৭. ¶

গহিতাগহণেনেত্থ সুদ্ধোস্যাদ্যন্তকাপুমে,

ৰিমলাহোন্তিজান্তেহি থ্যংপঞ্চন্তেহিদাধিকা;

৮.

নপুংসকেপযোগাতু জনকাহোন্তিত্যন্ততো,

পধানানুগতাসব্ব নামসমাসতদ্ধিতা;

৯. ¶

অত্তিলিঙ্গানিপাতাদি ততোলুত্তাৰস্যাদযো,

সুত্তানুরূপতোসিদ্ধা হোন্তিৰত্তামনাদযো;

ইতি নামকপ্পো সমত্তো.

১০.

ছকারকেসসামিস্মিং সমাসোহোতিসম্ভৰা,

তদ্ধীতাকত্তুকম্মস, ম্পদানোকাসসামিসু;

১১. ¶

সাধত্তযম্হিআখ্যাতো কিতকোসত্তসাধনে,

সব্বত্থপঠমাৰুত্তে অৰুত্তেদুতিযাদযো;

১২.

মনসামুনিনোৰুত্যা ৰনেবুদ্ধেনৰণ্ণিতে,

ৰট্টাহিতোৰিৰট্টত্থং ভিক্খুভাৰেতিভাৰনং;

ইতি কারককপ্পো সমত্তো.

১৩. ¶

রাসীদ্ৰিপদিকাদ্ৰন্দা লিঙ্গেনৰচনেনচ,

লুত্তাতুল্যাধিকরণা বহুব্বীহীতুখেমরূ;

১৪.

তপ্পুরিসাচখেমোরা দযাচকম্মধারযা,

দিগৰোচাৰ্যযাহারা এতেসব্বেপিহারিতা;

ইতি সমাসকপ্পো সমত্তো.

১৫.

কচ্চাদিতোপিএকম্হা সদ্দতোনিযমংৰিনা,

নেকত্থেসতিভোন্তেৰ সব্বেতদ্ধিতপচ্চযা;

ইতি তদ্ধিতকপ্পো সমত্তো.

১৬. ¶

কত্তরিনাঞ্ঞথাকম্মে তথাভাৰেতুমেরযা,

সব্বেতেপচধাতুম্হি সঙ্খেপেনমরূমযা;

১৭. ¶

গমীম্হাতিগুণাফত্তো সম্ভৰাঅঞ্ঞধাতুসু,

অনন্তাৰপযোগাতে আদেসপচ্চযাদিহি;

ইতি আখ্যাতকপ্পো সমত্তো.

১৮.

কিতাদিপচ্চযাসব্বে, একম্হাঅপিধাতুতো,

সিযুংনুরূপতোসত্ত, সাধনেসতিপাযতো;

ইতি কিতকপ্পো সমত্তো.

১৯. ¶

ইমিনাকিঞ্চিলেসেন, সক্কাঞাতুংজিনাগমে,

পযোগাঞাণিনাসিন্ধু, রসোৰেকেনবিন্দুনা;

২০.

রম্মংসীঘপ্পৰেসায, পুরংপিটকসঞ্ঞিতং,

মগ্গোজুমগ্গতংমগ্গং, সদ্দারঞ্ঞেৰিসোধিতো;

২১. ¶

তেনেৰ কিঞ্চি জলিতো জলিতো পদীপো

কচ্চাযনুত্তিরতনো চিতগব্ভকোণে,

ধম্মাদিরাজগুরুনা গরুমামকেন

ধম্মেন যোব্বিপতিনা সগরুত্তনীতো;

ইতি সদ্দবিন্দু পকরণং পরিসমত্তং.

যোসঞ্ঞমো গুণধনো নযনং নিজংৰ

সিক্খাপযী মম মৰং সুগতাগমাদো,

সল্লোক পুঞ্জ সুহদো পদুমাদি রাম

নামো মহা যতিৰরা চরিযো সময্হং;

সদ্ধাধনেন ৰসতা ৰিদিতম্হি পুপ্ফা

রামেধুনা অরিযৰংস ধজৰ্হযেন,

সন্তেন ঞাণতিলকো ত্যপরাখ্যকেন

বালানমেতমৰিধীযি মযাহিতায;