📜

কচ্চাযন ¶ ধাতু মঞ্জূসা

নমো তস্স ভগৰতো অরহতো সম্মাসম্বুদ্ধস্স

নিরুত্তি নিকরা’পার-পারৰার’ন্তগং মুনিং,

ৰন্দিত্ৰা ধাতুমঞ্জূসং-ব্রূমি পাৰচনঞ্জসং.

সোগতাগম মা’গম্ম-তং তংৰ্যাকরণানি চ,

পাঠে চা’পঠিতাপে’ত্থ ধাত্ৰত্থা চ পৰুচ্চরে.

ছন্দ’হানিত্থমো’কারং-ধাত্ৰন্তানং ¶ সিযাক্ৰ চি, যূনং দীঘো চ ধাতুম্হা-পুব্বম’ত্থপদং অপি.

১.

ভূ সত্তাযং পচ পাকে গমুসপ্প গতিম্হি (চ);

সিলোক (ধাতু) সঙ্ঘাতে সকি সঙ্কায (ৰত্ততে;).

২.

(অথো) কুক-ৰকা’দানে কে সদ্দে অকি লক্খণে;

কু সদ্দে কুচ্ছিতে টঙ্ক ধারণে মকি মণ্ডনে.

৩.

ৰকি কোটিল্লযাত্রাসু সক্ক-টীকদ্ৰযং গতে;

ককি লোলত্তনে যাতে তকী (ইধ) গতাদিসু.

৪. ¶ ৰৰ, লোকনৰিত্তিসু চক্খৰুতিম্হি (তু) রুক্খ (চ) খে থিরহিংসখণে নিয, মো’পনযিট্ঠি ৰতাদিস মুণ্ডিসু দিক্খ (’থ) কক্খ-কখা হসনে তুর, হিংসনৰুদ্ধিগতীসু (হি) দক্খ’দনম্হি (তু) জক্খ (চ) ভক্খ (মতা) অন, জালদুখেসু (তু) দিক্খ (চ) দুক্খ (চ) ইক্খ দিস’ঙ্ক ন কো’খ সুসে.

৫. [অ] নিক্খ চুম্বনে’(পি) সিক্খ ৰিজ্জু’পাদু’ পাসানম্হি রক্খ গুত্তিৰারণে (পি) উঞ্ছনে (সিযা’পি) ভিক্খ যাৰলদ্ধ্য’লদ্ধিসূ (পি) ৰক্খ রোসসংহতেসু মোক্খ মুত্তিযং চজে (পি) চিক্খ ৰাচবোধনেসু.

[ব] ¶ নখ মখ রখ নঙ্খামঙ্খরক্খী’খীলঙ্খা লখ ৰখ ইখ ইঙ্খা উঙ্খ ৰঙ্খূ’খ গত্যং ৰখি মখি কখি কঙ্খে খী খযে উক্খ সেকে খু খুতধনিসু (ৰুত্তো) খে(’থ) খাদে সুপে (চ.)

৬.

অগ্গো (তু) গতিকোটিল্লে লগ সঙ্গে মগে’সনে;

অগী ইগী রিগী লিগী ৰগী গত্য’ত্থধাতৰো.

৭.

সিলাঘ কত্থনে জগ্ঘ হসনে অগ্ঘ অগ্ঘনে;

সিঘী আঘাযনে (হোতি) লঘি সোসগতীসু (চ;).

৮.

ৰচ ব্যত্তৰচে যাচ যাচনে রুচ দিত্তিযং;

সুচ সোকে কুচ সদ্দে (অথো) ৰিচ ৰিৰেচনে.

৯. ¶

অঞ্চ পূজাগতে ৰঞ্চ গমনে কিঞ্চা’ৰমদ্দনে;

লুঞ্চা’পনযনে নচ্চ নচ্চনে মচ রোচনে.

১০.

অচ্চা’চ্চনে চু ৰচনে সচো (তু) সমৰাযনে;

পচ যাতে কচি-ৰচ্চ দিত্তিযং মচি ধারণে.

১১.

পুচ্ছ সম্পুচ্ছনে মুচ্ছ মোহস্মিং লঞ্ছ লক্খণে;

অঞ্ছা’যামে (ভৰে) পুঞ্ছ পুঞ্ছনে উঞ্ছ উঞ্ছনে.

১২.

তচ্ছো তনুকিরযে পিঞ্ছ পিঞ্ছনে রাজ দিত্তিযং;

ৰজা’জগমনে রঞ্জ রাগে ভঞ্জা’ৰমদ্দনে.

১৩.

অঞ্জু ব্যত্তিগতীকন্তি মক্খণেস্ৰে’জ কম্পনে;

ভজ সংসেৰনে সঞ্জ সঙ্গে (তু) ইঞ্জ কম্পনে.

১৪. ¶

যজ দেৰচ্চনে দানসঙ্গতীকরণেসু (চ);

তিজক্খমনিসানেসু দানে(’পি) চজ হানিযং.

১৫.

সজা’লিঙ্গন ৰিস্সজ্জ নিম্মাণে মুজ্জ মুজ্জনে;

মজ্জ সংসুদ্ধিযং লজ্জ লজ্জনে তজ্জ তজ্জনে.

১৬.

অজ্জ-সজ্জা’জ্জনে সজ্জ নিম্মাণে গজ্জ সদ্দনে;

গুজ-কুজ দ্ৰযং সদ্দে অখ্যত্তে খজ্জ ভক্খণে.

১৭.

ভজ্জ পাকে ৰিজি ভযচলনে ৰীজ ৰীজনে;

খজী গমনৰেকল্লে জী জযে জু জৰে (সিযা;).

১৮.

ঝে চিন্তাযুজ্ঝ উস্সগ্গে গমনে অট-পট দ্ৰযং;

নট নচ্চে রট পরিভাসনে ৰট ৰেঠনে.

১৯. ¶

ৰট্ট আৰত্তনে ৰণ্ট ৰণ্টত্থে কট মদ্দনে;

ফুটো ৰিসরণাদীসু কট সংৰরণে গতে.

২০.

ঘুট ঘোসে পতিঘাতে ৰিট’ক্কোসে (চ) পেসনে;

ভট ভত্যং কুট-কোট্টচ্ছেদনে লুট লোটনে.

২১.

জট-ঝট-পিট সঙ্ঘাতে চিটু’ত্তাসে ঘটী’হনে;

ঘটি সঙ্ঘট্টনে তট্ট চ্ছেদনে মুট মদ্দনে.

২২.

পঠ ব্যত্তৰচে হেঠ বাধাযং ৰেঠ ৰেঠনে;

সুঠী-কুঠী দ্ৰযং সোসে পীঠ হিংসনধারণে.

২৩.

কঠ সোসনপাকেসু ৰঠ থুলত্তনে (ভৰে);

কঠি সোসে রুঠ-লুঠো’পঘাতে সঠ কেতৰে.

২৪. ¶

(সিযা হঠ বলক্কারে কডিভেদে কডিচ্ছিদে;

মণ্ড ৰিভূসনে চণ্ড চণ্ডিক্কে ভডি ভঙ্ডনে.

২৫.

পডি উপ্পণ্ডনে লিঙ্গৰেকল্লে মুডি খণ্ডনে,

গডি ৰত্তে’কদেসম্হি গডি সন্নিৰযে(’পিচ;);

২৬.

রডি-এরডি হিংসাযং পিডি সঙ্ঘাতআদিসু,

কুডি দাহে পডি গতে হিডি আহিণ্ডনে (সিযা;);

২৭.

করণ্ড ভাজন’ত্থম্হি (অথো) লডি জিগুচ্ছনে,

(ৰত্ততে) মেডিকোটিল্লে সডি গুম্বত্থমীরণে;

২৮.

(অথো’পি) অডি অণ্ডত্থে (দিস্সতে) তুডি তোডনে,

ৰড্ঢ সংৰড্ঢনে কড্ঢ কড্ঢণে ভণ ভাসনে;

২৯. ¶

সোণ ৰণ্ণে গুণ’ভ্যাসে ইণ-ফেণ দ্ৰযং গতে,

পণ ৰোহারথোমেসু (ৰত্ততে) কণ মিলনে;

৩০.

অণ-রণ-কণ-মুণ-ক্ৰণ-কুণ সদ্দে,

যত পতিযতনে জুত দিত্তিম্হি;

অত-পত গমনে চিত সঞ্ঞাণে,

কিত ৰাসা’দো ৰতু ৰত্তুম্হি.

৩১.

(ভৰে) কত্থ সিলাঘাযং মথ-মত্থ ৰিলোল়নে,

নাথ যাচনসন্তাপ ইস্সেরা’সিংসনেসু (চ;)

৩২.

পুথ (চে) পুথু ৰিত্থারে ব্যথ ভীতিচলেসু (চ),

গোত্থু ৰংসে পথ-পন্থ গতে নন্দ সমিদ্ধিযং;

৩৩.

ৰন্দা’ভিৰাদথোমেসু গদ ব্যত্তৰচে’(পিচ),

(অথো) নিন্দ গরহাযং খদি পক্খন্দনাদিসু;

৩৪. ¶

এদী (তু) কিঞ্চিচলেন চদি কন্তিহিল়াদনে,

কিলিদী পরিদেৰাদো উদিস্সৰকিলেদনে;

৩৫.

ইদী (তু) পরমিস্সরিযে অদিঅন্দু (চ) বন্ধনে,

ভগন্দ সেৰনে (হোতি) ভদ্দ কল্যাণকম্মনি;

৩৬.

সিদ সিঙ্গারপাকেসু সদ্দুহরিতসোসনে,

মদি বল্যে মুদ-মদা সন্তোসে মদ্দ মদ্দনে;

৩৭.

সন্দু পস্সৰনাদীসু কন্দ’ৰ্হানে (চ’) রোদনে,

ৰিদ লাভে দদ দানে রুদি অস্সুৰিমোচনে;

৩৮.

সদো ৰিসরণা’দানগমনে (চা’)ৰসাদনে,

হিল়াদ (তু) সুখে সূদক্খরণে রদ ৰিলেখণে;

৩৯.

সাদ অস্সাদনাদীসু গদ ব্যত্তৰচে’(পিচ),

নদ অব্যত্তসদ্দে (তু) রদা’দা-খাদ-ভক্খণে;

৪০. ¶

অদ্দ যাচনযাত্রাদিস্ৰ (থো) মিদ সিনেহনে,

(সিযা) খুদ জিগচ্ছাযং দল়িদ্দ দুগ্গচ্চং (হি তু;)

৪১.

দা দৰে দু গতীৰুদ্ধযং দা দানে ৰিদ জাননে,

তদি আলসিযে বাধ বাধাযং গুধ কীল়নে;

৪২.

(অথো) গাধ পতিট্ঠাযং ৰুঠু-এধ (চ) ৰুদ্ধিযং,

ধা (হোতি) ধারণে (চেৰ) চিন্তাযং বুধ বোধনে;

৪৩.

সিধু গতিম্হি যুধ সম্পহারে ৰিধ ৰেধনে,

রাধ হিংসাযসংরাধে বধ-বন্ধ (চ) বন্ধনে;

৪৪.

সিধ-সাধ (চ) সিদ্ধিম্হি ধে পানে ইন্ধ দিত্তিযং,

মান পূজায ৰন-সন সম্ভৰে অন পাণনে;

কন দিত্তিগতীকন্ত্যং খন-খন্ৰ’ৰদারণে.

৪৫. ¶

গুপ গোপনকে গুপ সংৰরণে তপ সন্তাপে তপ ইস্সরিযে,

চুপ মন্দগতে তপুউব্বেগে রপ-লপ ৰাক্যে সপ অক্কোসে;

৪৬.

জপ-জপ্প ৰচে’ব্যত্তে তপ্প সন্তপ্পনে (সিযা),

কপি কিঞ্চিচলে কপ্প সামত্থে ৰেপু কম্পনে;

৪৭.

তপ্প সন্তগতেচ্ছেদে তক্কে হিংসাদিসু’(চ্চতে),

ৰপ বীজৰিনিক্খেপে ধূপ সন্তপনে’(পি চ);

৪৮.

চপ সান্ত্ৰে পু পৰনে ঝপ দাহে সুপো সযে,

পুপ্ফ ৰিকসনে (হোতি) রম্ব’লম্বৰসংসনে;

৪৯.

চুম্ব ৰদনসংযোগে কম্ব সংৰরণে (মতো),

অম্ব সদ্দে (চ) অস্সাদে তাযনে সবি মণ্ডনে;

৫০. ¶

গব্ব দপ্পে’ব্ব-সব্বা’(পি) গমনে পুব্ব পূরণে,

গুম্ব’ব্বগুম্বনে চব্ব অদনে উব্ব ধারণে;

৫১.

লভ লাভে জম্ভ গত্তৰিনামে সুভ সোভনে,

ভী ভযে রভ রাভস্সে (চা)’রম্ভে খুভ সঞ্চলে;

৫২.

থম্ভ-খম্ভ পতিবন্ধে গব্ভ পাগব্ভিযে ৰধে,

সুম্ভ সংসুম্ভনে সম্ভ ৰিস্সাসে যভ মেথুনে;

৫৩.

দুভ জীগিংসনে দব্ভ গন্থনে উদ্রভা’দনে,

কমূ (তু) পদৰিক্খেপে খমূ (তু) সহণে (সিযা;)

৫৪.

ভমু অনৰট্ঠানে (চ) ৰমু উগ্গিরণাদিসু,

কিলমু-ক্লমূ গেলঞ্ঞে রমু কীল়া’য (মীরিতো;)

৫৫.

দমো দমে নম নমে (অথো) সম পরিস্সমে,

যমু উপরমে নাসে অম যাতে মু বন্ধনে;

৫৬. ¶

ধমো পুমো (চ) ধমনে তম সঙ্কাৰিভূসনে,

ধুম-থীম (চ) সঙ্ঘাতে তম সান্ত্ৰ’ৰসাদিযে;

৫৭.

অযো ৰযো পয-মযো নযো রযগতিম্হি (চ)

দয দানগতীরক্খা হিংসাদিসু যু মিস্সনে;

চায সম্পূজনে তায সন্তানে পায ৰুদ্ধিযং,

(অথো) উসূয দোসা’ৰিকরণে সায সাযনে;

৫৮.

তর তরণস্মিং থর সন্থরণে ভর ভরণস্মিং ফর সম্ফরণে,

সর গতি চিন্তা হিংসা সদ্দে ফুর চলনাদো হর হরণস্মিং;

৫৯.

রি সন্ততিস্মিং রি গতে রু সদ্দে খুরচ্ছিদস্মিং ধর ধারণম্হি,

জর জীরণত্থে মরপাণচাগে খর সেকনাসে ঘর সেৰনম্হি;

৬০. ¶

গরো নিগরেণ সেকে দর ডাহে ৰিদারণে,

চর গতিভক্খণেসু ৰর সংৰরণাদিসু;

৬১.

চরচ্ছেদে অরনাসে গতে (চ) পূর পূরণে,

কুর ক্কোসে নর নযে জাগর সুপিনক্খযে;

৬২.

পীলু-পলূ-সল-হুলা গত্য’ত্থা চল কম্পনে,

খল সঞ্চলনে ফুল্ল ৰিকাসে জল দিত্তিযং;

৬৩.

ফল নিপ্ফত্তিযং (হোতি) দল দিত্তিৰিদারণে,

দল দুগ্গতিযং নীল ৰণ্ণে মীল নিমীলনে;

৬৪.

সিল সমাধিম্হি কীল বন্ধে গল-গিলা’দনে,

কূল আৰরণে সূল রুজাযং বলপাণনে;

৬৫.

তল-মূল পতিট্ঠাযং ৰল-ৰল্ল নিৰারণে,

পল্ল নিন্নে (চ) গমনে মল-মল্ল’ৰধারণে;

৬৬. ¶

(ৰত্ততে) খিল কাঠিন্নে কলিলে অল-কল দ্ৰযং,

ৰেল্ল সঞ্চলনে কল্ল সজ্জনে অলিবন্ধনে;

৬৭.

চুল্ল হাৰকিরযে থূলা’কস্সনে চূল মদ্দনে,

(ৰত্ততে) খল সোচেয্যো পল রক্খগতেসু(পি;)

৬৮.

কেল-খেল-চেল-পেল-ৰেল-সঞ্চলনাদিসু,

অৰ রক্খণে জীৰ পাণধারণে (তু) প্লৰো গতে;

৬৯.

কণ্ডুৰনম্হি কণ্ডুৰো সরণে ছেদনে দৰে,

দৰো (তু) দৰনে দেৰু দেৰনে সেৰু সেৰনে;

৭০.

ধাৰ গমনৰুদ্ধিম্হি (পঠিতো) ধোৰু ধোৰনে;

ৰে-ৰী দ্ৰে তন্তুসন্তানে ৰে-ৰু সংৰরণে (সিযা)

হ্ৰে অৰ্হানে কেৰ সেকে ধুৰ যাত্রা থিরেসু (চ;);

৭১. ¶

অস গস অদনে ঘস অদনস্মিং-ইস পরিযেসে ইসুইচ্ছাযং,

সসু পাণনগতিহিংসা’দ্য’ত্থে-মস আমসনে মুস সম্মোসে;

৭২.

কুস অক্কোসে দুস অপ্পীতে-তুস সন্তোসে পুস পোসম্হি,

রুস আলেপে রুস হিংসাযং-মসু মচ্ছেরে উসু দাহে (’পি;)

৭৩.

হস হসনস্মিং ঘুস সদ্দস্মিং-তস উব্বেগে ত্রস উব্বেগে,

লস কন্ত্য’ত্থে রস অস্সাদে-(পুন)ভস ভস্মিকরণে(চা’পি;)

৭৪.

গৰেস মগ্গণে পংস নাসনে দিস পেক্খণে,

সাসা’নুসিট্ঠিযং হংস পিতিযং পাস বন্ধনে;

৭৫.

সংস পসংসনে ইস্স ইস্সাযং কস্স কস্সনে,

ধংস পধংসনে সিংস ইচ্ছাযং ঘংস ঘংসনে;

৭৬. ¶

সংস-দংসা (তু) ডসনে ভাস ৰাচায দিত্তিযং,

(সিযা) ভুস অলঙ্কারে (অথো) আসূ’পৰেসনে;

৭৭.

ৰস কন্তিনিৰাসেসু ৰস্সসেচনসদ্দনে,

কিস সাণে কস গতে কস হিংসাৰিলেখনে;

৭৮.

দিসা’তিসজ্জনা’দীসু কাস দিত্তিম্হি সজ্জনে,

(দুৰে ধাতু) খস-ঝস হিংসাযং মিস মিলনে;

৭৯.

সু হিংসাকুলসন্ধানযাত্রা’দীসু সু পস্সৰে,

সু সদ্দে সু পসৰনে সি সযে (চ) সি সেৰনে;

৮০.

মহ পূজাযা’রহপূজাযং-গুহ সংৰরণে লিহ অস্সাদে,

রহ চাগস্মিং মুহ মুচ্ছাযং-মহ সত্তাযং বহু সংখ্যানে;

৮১. ¶

সহ খমে দহ ভস্মিকরণে (চ) পতিট্ঠাযং,

রুহ সঞ্জননে ঊহ ৰিতক্কে ৰহ পাপণে;

৮২.

দুহ’প্পপূরণে নাসে দিহো উপচযে (মতো),

নিন্দাযং গরহো ঈহ ঘট্টনে মিহ সেৰনে;

৮৩.

গাহ ৰিলোল়নে ব্রূহ-বহ-ব্রহ (চ) ৰুদ্ধিযং,

ৰ্হে সদ্দম্হি হসনে হা চাগে লুল় মন্থনে

কীল়ৰিহারম্হি লল় ৰিলাসে’(মেসৰুদ্ধিকা;)

তুদাদযো অৰুদ্ধিকা

৮৪.

তুদ ব্যথাযং (তু) নুদ ক্খেপণে লিখ লেখণে,

কুচ সঙ্কোচনে রিচ ক্খরণে খচ বন্ধনে;

৮৫. ¶

উচ সদ্দে সমৰাযে ৰিজী ভযচলেসু (চ),

(ৰত্ততে) ভুজ কোটিল্লে ৰলঞ্জো (তু) ৰলঞ্জনে;

৮৬.

ভজ সেৰাপুথক্কারে রুজ রোগে অটা’টনে,

কুটচ্ছেদে (চ) কোটিল্লে অগা সজ্ঝাযনা’দিসু;

৮৭.

পুণো সুভ কিরযে ৰত্ত ৰত্তনে চত যাচনে,

পুথ পাকে পূতিভাৰে কুথসংক্লেসনে’(পি চ;)

৮৮.

(উভো ধাতু) পুথ-পথ ৰিত্থারে ৰিদ জাননে,

হদ উচ্চার উস্সগ্গে-চিন্তাযং মিদ হিংসনে;

৮৯.

নন্ধ ৰিনন্ধনে থীন-পুন সঙ্ঘাতৰাচিনো,

কপ অচ্ছাদনে ৰপ্প ৰারণে খিপ পেরণে;

৯০.

সুপো সযে ছুপো ফস্সে (ৰত্ততে) চপ সান্ত্ৰনে,

নভ (ধাতু) ৰিহিংসাযং রুম্ভ উপ্পীল়নাদিসু;

৯১. ¶

সুম্ভ সংসুম্ভনে জম্ভ জম্ভনে জুভ নিচ্ছুভে,

ঠুভ নিট্ঠুভনে চমু অদনে ছমু হীল়নে;

৯২.

ঝমু দাহে ছমু অদনে ইরীয ৰত্তনে’(পি চ),

কির (ধাতু) ৰিকিরণে গিরো নিগিরণা’দিসু;

৯৩.

ফুর সঞ্চলনাদীসু কুর সদ্দা’দনেসু (চ),

খুরচ্ছেদে ৰিলিখণে ঘুর ভীমে গিলা’দনে;

৯৪.

তিল স্নেহে চিল ৰাসে হিল হাৰে সিলু’ঞ্ছনে,

বিল ভেদে থূল চযে কুসচ্ছেদন পূরণে;

৯৫.

ৰিসপ্পৰেসে ফরণে দিসা’তিসজ্জনা’দিসু

ফুল ফস্সে মুস থেয্যে থুস অপ্পিকিরযায (তু)

গুল় মোক্খে গুল় পরিৰত্তনম্হি (তুদাদযো;)

হূ ¶ ভুৰাদযো লুত্তৰিকরণা

৯৬.

হূ-ভূ সত্তায (মু’চ্চন্তি) ই অজ্ঝানে গতিম্হি (চ,)

খা-খ্যা (দ্ৰযং) পকথনে জি জযে ঞা’ৰবোধনে;

৯৭.

সী-ল়ী ৰেহাসগমনে ঠা গতীৰিনিৰুত্তিযং,

নী পাপণে মুন ঞাণে হন হিংসাগতীসু (’পি)

৯৮.

পারক্খণম্হি পা পানে ব্রূ ৰাচাযং ৰিযত্তিযং,

ভা দিত্তিযং মা পমাণে (অথো) যা পাপুণে (সিযা;)

৯৯.

(দুৰেপি) রা-লা আদানে ৰা গতীগন্ধনেসু (পি,)

অস (ধাতু) ভুৰি (খ্যাতো) সি সযে সা সমত্থিযে;

জুহোত্যা’দযো ¶ সদ্ৰিভাৰলুত্তৰিকরণা.

১০০.

হূ দানে’(পি চ) আদানে হৰ্যদানে (চ ৰত্ততে,)

হা চাগে কমু যাত্রাযং দা দানে ধা (চ) ধারণে;

অৰিকরণভূৰাদযো সমত্তা.

রুধাদযো

১০১.

রুধি আৰরণে মুচ মোচনে রিচ রেচনে,

সিচ সেকে যুজ যোগে ভুজ পালনভোজনে;

১০২.

কতিচ্ছেদে ছিদি দ্ৰেধাকরণে ভিদ ৰিদারণে

ৰিদ লাভে লুপচ্ছেদে ৰিনাসে লিপলিম্পনে

পিস সংচুণ্ণনে হিসি ৰিহিংসাযং (রুধাদযো;)

দিৰাদযো ¶

১০৩.

দিৰু কীলা ৰিজিগিংসা ৰোহারজ্জুতি থোমিতে,

সিৰু তন্তূনসন্তানে খী খযে খা পকাসনে;

১০৪.

কা-গা সদ্দে (পি) ঘা গন্ধো’পাদানে রুচ রোচনে,

কচ দিত্যং মুচ মোচে (অথো) ৰিচ ৰিৰেচনে;

১০৫.

রঞ্জ রাগে সঞ্জ সঙ্গে খলনে মজ্জ সুদ্ধিযং,

যুজো সমাধিম্হি লুজো ৰিনাসে ঝা ৰিচিন্তনে;

১০৬.

তা পালনে ছিদি দ্ৰেধাকারে মিদ সিনেহনে,

মদু’ম্মাদে খিদ দীনভাৰে ভিদ ৰিদারণে;

১০৭.

সিদ পাকে পদগতে ৰিদ সত্তা ৰিচিন্তনে,

দী খযে সুপনে দা (চ) দানে দাত্ৰ’ৰখণ্ডনে;

১০৮. ¶

বুধা’ৰগমনা’দীসু অত্থেসু যুধ যুজ্ঝনে,

কুধ কোপে সুধ সোচে রাধ হিংসায সিদ্ধিযং;

১০৯.

ইধ সংসিদ্ধিৰুদ্ধীসু সিধ-সাধ (চ) সিদ্ধিযং,

ৰিধ ৰেধে গিধ গেধে রুধি আৰরণা’দিসু;

১১০.

মন ঞাণে জনু’প্পাদে হন হিংসাগতীসু (পি,)

সিনা সোচে কুপ কোপে তপ সন্তাপ পীণনে;

১১১.

লুপচ্ছেদে রুপ নাসে পকাসে দিপ দিত্তিযং,

দপ হাসে লভ লাভে লুভ গেধে খুভো চলে;

১১২.

সমূ’পসম খেদেসু হর-হিরী (চ) লজ্জনে,

মিলা গত্তৰীনামে (চ) গিলা হাসক্খযে (পি চ;)

১১৩. ¶

লী সিলেসে দ্রৰীকারে ৰা গতী বন্ধনেসু (চ,)

লিসি লেসে তুস তোসে সিলিসা’লিঙ্গনাদিসু;

১১৪.

কিলিস কলিসো’পতাপে (অথো) তস পিপাসনে,

রুস রোসে দিস-দুস অপ্পীতিম্হি (দুৰে সিযুং;)

১১৫.

যসুপ্পযতনে অসু খেপনে (পি চ ৰত্ততে,)

সুস সোসে ভস অধোপাতে নস অদস্সনে;

১১৬. সা’স্সাদে সা’ৰসানে (চ) সা তনূকরণে (পি চ) হা চাগে মুহ ৰেচিত্তে নহ সজ্জনবন্ধনে নহ সোচে পিহিচ্ছাযং সিনিহ-সনিহ পীতিযং.

স্ৰাদযো ¶

১১৭. সু সৰণে সক সত্তিম্হি খী খযম্হি গি সদ্দনে,

অপ-সম্ভূ (চ) পাপুণনে হি গতিম্হি ৰূ সংৰরে;

কিযাদযো

১১৮.

কী ৰিনিমযে চি চযে জি জযে ঞা’ৰবোধনে,

থৰ’ভিত্থৰে কম্পনে ধু (অথো) পু পৰনে (সিযা;)

১১৯.

পী তপ্পণে মা পমাণে খিপক্খেপে মি হিংসনে,

মি পমাণে মু বন্ধে (চ) লু পচ্ছেদে সি বন্ধনে

অস ভক্খণে (অথো) গহ উপাদানে (কিযাদযো;)

তনাদযো ¶

১২০.

তনু ৰিত্থারে সক সত্তিস্মিং-দু পরিতাপে সনু দানস্মিং,

ৰন যাচাযং মনু বোধস্মিং-হি গতে অপ পাপুণনস্মিং (হি,)

কর করণস্মিং(ভৰতি)সি বন্ধে-সু অভিস্সৰনে(তনু আদীনি;)

নিচ্চং ণেণযন্তা চুরাদযো.

১২১.

চুর থেয্যে লোক (ধাতু) দস্সনে অকি লক্খণে,

সিযা থক পতিঘাতে (পুন) তক্ক ৰিতক্কণে;

১২২.

লক্খ দস্সনঅঙ্কেসু (ৰত্ততে) মক্খ মক্খণে,

ভক্খা’দনে মোক্খ মোচে সুখ-দুক্খ (চ) তকিরযে;

১২৩. ¶

লিঙ্গ চিত্তকিরযা’দীসু মগ-মগ্গ গৰেসনে,

(পুনা’পি) পচ ৰিত্থারে ক্লেসে ৰঞ্চ পলম্ভনে.

১২৪.

ৰচ্চ অজ্ঝাযনে অচ্চ পূজাযং ৰচ ভাসনে,

রচ পতিযতনে সুচ পেসুঞ্ঞে রুচ রোচনে;

১২৫.

মুচপ্পমোচনে লোচ দস্সনে কচ দিত্তিযং,

সজ্জা’জ্জ অজ্জনে তজ্জ তজ্জনে ৰজ্জ ৰজ্জনে;

১২৬.

যুজ সংযমনে পূজ পূজাযং তিজ তেজনে,

পজ মগ্গ সংৰরণে গতে ভজ ৰিভাজনে;

১২৭.

(অথো) ভাজ পুথক্কারে সভাজ পীতিদস্সনে,

(অথো তু) ঘট সঙ্ঘাতে ঘট্ট সঞ্চলনা’দিসু;

১২৮. ¶

কুট-কোট্টচ্ছেদনে (দ্ৰে) কুট আকোটনা’দিসু,

নট নচ্চে চট-পুট ভেদে ৰণ্ট ৰিভাজনে;

১২৯.

তুৰট্ট একসযনে ঘটো ৰিসরণে (সিযা),

গুণ্ঠ ওগুণ্ঠনে হেঠ বাধাযং ৰেঠ ৰেঠনে

গুডি ৰেঠে কডি-খডি ভেদনে মডি ভূসনে;

১৩০.

পণ্ড-ভণ্ড পরিভাসে দডি আণায (মীরিতো),

তডি সংতাল়নে পিণ্ড সঙ্ঘাতে ছড্ড ছড্ডনে;

১৩১.

ৰণ্ণ সংৰণ্ণনে চুণ্ণ চুণ্ণনে আণ পেসনে,

গণ সংকলনে কণ্ণ সৰণে চিন্ত চিন্তনে;

১৩২.

সন্ত সঙ্কোচনে মন্ত গুত্ত ভাসন জাননে,

চিত সংচেতনা’দিসু কিত্ত সংসদ্দনে (ভৰে;)

১৩৩. ¶

যত নীয্যাতনে গন্থ সন্দব্ভে অত্থ যাচনে,

কথ ৰাক্যপ্পবন্ধে (চ) ৰিদ ঞাণে নুদে চুদ;

১৩৪.

ছদা’পৰারণে ছদ্দ ৰমনে ছন্দ ইচ্ছযং,

ৰদী’ভিৰাদ থোমেসু ভদিকল্যাণকম্মনি;

১৩৫.

হিল়াদ (তু) সুখে গন্ধ সূচনে ৰিধ কম্পনে,

রন্ধ পাকে (অথো) মান পূজাযং নু ত্থুতিম্হি (তু;)

১৩৬.

থন দেৰসদ্দে ঊন পরিহানে থেন চোরিযে,

ধন সদ্দে ঞপ তোস নিসান মারণা’দিসু;

১৩৭.

লপ ৰাক্যে ঝপ দাহে রুপ রোপণআদিসু,

পী তপ্পনে (সিযা) কপ্প ৰিতক্কে লভি ৰঞ্চনে;

১৩৮. ¶

(অথো) ৰহি গরহাযং সমু সান্ত্ৰন দস্সনে,

কমু ইচ্ছায কন্তিম্হি (সিযা) থোম সিলাঘনে;

১৩৯.

তিমু তেমন সঙ্কাসু অম রোগগতা’দিসু,

সংগাম যুদ্ধে (ৰত্তেয্য) ঈর ৰাচা পকম্পনে;

১৪০.

ৰর আৰরণি’চ্ছাসু যাচাযং ধর ধারণে,

তীর কম্ম সমত্তিম্হি পার সামত্থিযা’দিসু;

১৪১.

তুলু’ম্মানে খল সোৰে সঞ্চযে পালরক্খণে,

কল সঙ্কলনা’দীসু (ভৰে) মীল নিমীলনে;

১৪২.

সীলূ’পধারণে মূল রোহণে লল ইচ্ছনে,

দুল উক্খেপণে পূল মহত্তন সমুস্সযে;

১৪৩. ¶

ঘুস সদ্দে পিস পেসে ভুসা’লঙ্করণে (সিযা,)

রুস পারুসিযে খুংস অক্কোসে পুস পোসনে;

১৪৪.

দিস উচ্চারণা’দীসু ৰস অচ্ছাদনে (সিযা,)

রস’স্সাদে রৰে স্নেহে (অথো) সিস ৰিসেসনে;

১৪৫.

সি বন্ধে মিস্স সম্মিস্সে কুহ ৰিম্ভাপনে সিযা,

রহ চাগে গতে (চা’পি) মহ পূজায (মীরিতো;)

১৪৬.

পিহি’চ্ছাযং সিযা ৰীল় লজ্জাযং এল় ফাল়নে

হীল় গারহিযে পীল় বাধাযং তল় তাল়নে

লল় (ধাতূ)’পসেৰা’যং (ৰত্ততী’মেচুরাদযো;)

সমত্তা সত্তগণা.

১৪৭. ¶

ভুৰাদী চ রুধাদী চ-দিৰাদি স্ৰা’দযো গণা,

কিযাদী চ তনাদী চ-চুরাদীতী’ধ সত্তধা;

১৪৮.

কিরযাৰাচিত্তমক্খাতু-মে’কেকত্থো বহূ’দিতো,

পযোগতো’নুগন্তব্বা-অনেকত্থা হি ধাতৰো;

১৪৯.

হিতায মন্দবুদ্ধীনং-ৰ্যত্তং ৰণ্ণক্কমা লহুং,

রচিতা ধাতুমঞ্জুসা-সীলৰংসেন ধীমতা;

১৫০.

সদ্ধম্মপঙ্কেরুহরাজহংসো,

আসিট্ঠধম্মট্ঠিতি সীলৰংসো;

যক্খদ্দিলেনাখ্য নিৰাসৰাসী,

যতিস্সরো সোযমিদং অকাসি;

কচ্চাযন ধাতুমঞ্জূসা সমত্তা.

সাচরিযানুসিট্ঠা ¶ পরিসিট্ঠপরিভাসা

১.

একা নেকস্স রানন্তূ-’ভযেসং অন্তিমা সরা,

অঙ্গানুবন্ধা ধাতূনং-ৰুচ্চন্তে’পি যথাক্কমং;

২.

ধাতুনো ৰ্যাঞ্জনা পুব্বে-নিগ্গহীতং সম’ন্তিমা,

ইৰণ্ণেনা’রুধাদীন-মনুবন্ধেন চিণ্হিতং;

৩.

সেসা’নুবন্ধা সব্বেসং-হোন্তী’ধু’চ্চারণপ্ফলা,

উচ্চাৰচপ্ফলা ভাস-ন্তরম্পত্ৰা ভ ৰন্তি’পি;

৪. ¶

নামধাতুক ভাৰো’পি-কিরযায অধিকারতো,

ৰিরুদ্ধন্তরাভাৰা-ক্ৰচিদেৰ পযুজ্জতে;

৫.

দ্ৰন্দযুত্তিৰসা ক্ৰাপি-আদেসো যোৰিভত্তিযা,

গুণাদিভাৰ সদ্দো’পি-তকিরযত্থে ৰিধীযতে;