মূল > সুত্তপিটক > অঙ্গুত্তরনিকায

১. এৰং ¶ ¶ ¶ ¶ মে সুতং – একং সমযং ভগৰা সাৰত্থিযং ৰিহরতি জেতৰনে অনাথপিণ্ডিকস্স আরামে. তত্র খো ভগৰা ভিক্খূ আমন্তেসি – ‘‘ভিক্খৰো’’তি. ‘‘ভদন্তে’’তি তে ভিক্খূ ভগৰতো পচ্চস্সোসুং. ভগৰা এতদৰোচ –

‘‘নাহং, ভিক্খৰে, অঞ্ঞং একরূপম্পি সমনুপস্সামি যং এৰং পুরিসস্স চিত্তং পরিযাদায তিট্ঠতি যথযিদং, ভিক্খৰে, ইত্থিরূপং. ইত্থিরূপং, ভিক্খৰে, পুরিসস্স চিত্তং পরিযাদায তিট্ঠতী’’তি. পঠমং.

২. ‘‘নাহং, ভিক্খৰে, অঞ্ঞং একসদ্দম্পি সমনুপস্সামি যং এৰং পুরিসস্স চিত্তং পরিযাদায ¶ তিট্ঠতি যথযিদং, ভিক্খৰে, ইত্থিসদ্দো. ইত্থিসদ্দো, ভিক্খৰে, পুরিসস্স চিত্তং পরিযাদায তিট্ঠতী’’তি. দুতিযং.

৩. ‘‘নাহং, ভিক্খৰে, অঞ্ঞং একগন্ধম্পি সমনুপস্সামি যং এৰং পুরিসস্স চিত্তং পরিযাদায তিট্ঠতি যথযিদং, ভিক্খৰে, ইত্থিগন্ধো. ইত্থিগন্ধো, ভিক্খৰে, পুরিসস্স চিত্তং পরিযাদায তিট্ঠতী’’তি. ততিযং.

৪. ‘‘নাহং ¶ ¶ , ভিক্খৰে, অঞ্ঞং একরসম্পি সমনুপস্সামি যং এৰং পুরিসস্স চিত্তং পরিযাদায তিট্ঠতি যথযিদং, ভিক্খৰে, ইত্থিরসো. ইত্থিরসো, ভিক্খৰে, পুরিসস্স চিত্তং পরিযাদায তিট্ঠতী’’তি. চতুত্থং.

৫. ‘‘নাহং ¶ , ভিক্খৰে, অঞ্ঞং একফোট্ঠব্বম্পি সমনুপস্সামি যং এৰং পুরিসস্স চিত্তং পরিযাদায তিট্ঠতি যথযিদং, ভিক্খৰে, ইত্থিফোট্ঠব্বো. ইত্থিফোট্ঠব্বো, ভিক্খৰে, পুরিসস্স চিত্তং পরিযাদায তিট্ঠতী’’তি. পঞ্চমং.

৬. ‘‘নাহং, ভিক্খৰে, অঞ্ঞং একরূপম্পি সমনুপস্সামি যং এৰং ইত্থিযা চিত্তং পরিযাদায তিট্ঠতি যথযিদং, ভিক্খৰে, পুরিসরূপং. পুরিসরূপং, ভিক্খৰে, ইত্থিযা চিত্তং পরিযাদায তিট্ঠতী’’তি. ছট্ঠং.

৭. ‘‘নাহং, ভিক্খৰে, অঞ্ঞং একসদ্দম্পি সমনুপস্সামি যং এৰং ইত্থিযা চিত্তং পরিযাদায তিট্ঠতি যথযিদং, ভিক্খৰে, পুরিসসদ্দো. পুরিসসদ্দো, ভিক্খৰে, ইত্থিযা চিত্তং পরিযাদায তিট্ঠতী’’তি. সত্তমং.

৮. ‘‘নাহং, ভিক্খৰে, অঞ্ঞং একগন্ধম্পি সমনুপস্সামি যং এৰং ইত্থিযা চিত্তং পরিযাদায তিট্ঠতি যথযিদং, ভিক্খৰে, পুরিসগন্ধো. পুরিসগন্ধো, ভিক্খৰে, ইত্থিযা চিত্তং পরিযাদায তিট্ঠতী’’তি. অট্ঠমং.

৯. ‘‘নাহং, ভিক্খৰে, অঞ্ঞং একরসম্পি সমনুপস্সামি যং এৰং ইত্থিযা চিত্তং পরিযাদায ¶ তিট্ঠতি যথযিদং, ভিক্খৰে, পুরিসরসো. পুরিসরসো, ভিক্খৰে, ইত্থিযা চিত্তং পরিযাদায তিট্ঠতী’’তি. নৰমং.

১০. ‘‘নাহং, ভিক্খৰে, অঞ্ঞং একফোট্ঠব্বম্পি সমনুপস্সামি যং এৰং ¶ ইত্থিযা চিত্তং পরিযাদায তিট্ঠতি যথযিদং, ভিক্খৰে, পুরিসফোট্ঠব্বো. পুরিসফোট্ঠব্বো, ভিক্খৰে, ইত্থিযা চিত্তং পরিযাদায তিট্ঠতী’’তি. দসমং.

১১. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নো ৰা কামচ্ছন্দো উপ্পজ্জতি উপ্পন্নো ৰা কামচ্ছন্দো ভিয্যোভাৰায ৰেপুল্লায সংৰত্ততি যথযিদং, ভিক্খৰে, সুভনিমিত্তং. সুভনিমিত্তং, ভিক্খৰে, অযোনিসো মনসি করোতো অনুপ্পন্নো চেৰ কামচ্ছন্দো উপ্পজ্জতি উপ্পন্নো চ কামচ্ছন্দো ভিয্যোভাৰায ৰেপুল্লায সংৰত্ততী’’তি. পঠমং.

১২. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নো ৰা ব্যাপাদো উপ্পজ্জতি উপ্পন্নো ৰা ব্যাপাদো ভিয্যোভাৰায ৰেপুল্লায সংৰত্ততি যথযিদং, ভিক্খৰে, পটিঘনিমিত্তং. পটিঘনিমিত্তং, ভিক্খৰে, অযোনিসো মনসি করোতো অনুপ্পন্নো চেৰ ব্যাপাদো উপ্পজ্জতি উপ্পন্নো চ ব্যাপাদো ভিয্যোভাৰায ৰেপুল্লায সংৰত্ততী’’তি. দুতিযং.

১৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নং ৰা থিনমিদ্ধং [থীনমিদ্ধং (সী. স্যা. কং. পী.)] উপ্পজ্জতি উপ্পন্নং ৰা থিনমিদ্ধং ভিয্যোভাৰায ৰেপুল্লায সংৰত্ততি যথযিদং, ভিক্খৰে, অরতি তন্দী [তন্দি (ক.)] ৰিজম্ভিতা [ৰিজম্ভিকা (সী. স্যা. কং. পী.)] ভত্তসম্মদো চেতসো চ লীনত্তং. লীনচিত্তস্স, ভিক্খৰে, অনুপ্পন্নঞ্চেৰ থিনমিদ্ধং ¶ উপ্পজ্জতি উপ্পন্নঞ্চ থিনমিদ্ধং ভিয্যোভাৰায ৰেপুল্লায সংৰত্ততী’’তি. ততিযং.

১৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নং ৰা উদ্ধচ্চকুক্কুচ্চং উপ্পজ্জতি উপ্পন্নং ৰা উদ্ধচ্চকুক্কুচ্চং ভিয্যোভাৰায ৰেপুল্লায সংৰত্ততি যথযিদং, ভিক্খৰে, চেতসো অৰূপসমো. অৰূপসন্তচিত্তস্স, ভিক্খৰে, অনুপ্পন্নঞ্চেৰ উদ্ধচ্চকুক্কুচ্চং উপ্পজ্জতি উপ্পন্নঞ্চ উদ্ধচ্চকুক্কুচ্চং ভিয্যোভাৰায ৰেপুল্লায সংৰত্ততী’’তি. চতুত্থং.

১৫. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা ৰিচিকিচ্ছা উপ্পজ্জতি উপ্পন্না ৰা ৰিচিকিচ্ছা ভিয্যোভাৰায ৰেপুল্লায সংৰত্ততি যথযিদং, ভিক্খৰে, অযোনিসোমনসিকারো. অযোনিসো, ভিক্খৰে, মনসি করোতো অনুপ্পন্না চেৰ ৰিচিকিচ্ছা উপ্পজ্জতি উপ্পন্না চ ৰিচিকিচ্ছা ভিয্যোভাৰায ৰেপুল্লায সংৰত্ততী’’তি. পঞ্চমং.

১৬. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নো ৰা কামচ্ছন্দো নুপ্পজ্জতি উপ্পন্নো ৰা কামচ্ছন্দো পহীযতি যথযিদং, ভিক্খৰে, অসুভনিমিত্তং. অসুভনিমিত্তং, ভিক্খৰে, যোনিসো মনসি করোতো অনুপ্পন্নো চেৰ কামচ্ছন্দো নুপ্পজ্জতি উপ্পন্নো চ কামচ্ছন্দো পহীযতী’’তি. ছট্ঠং.

১৭. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নো ৰা ব্যাপাদো নুপ্পজ্জতি উপ্পন্নো ৰা ব্যাপাদো পহীযতি ¶ যথযিদং, ভিক্খৰে, মেত্তা ¶ চেতোৰিমুত্তি. মেত্তং, ভিক্খৰে, চেতোৰিমুত্তিং যোনিসো মনসি করোতো অনুপ্পন্নো চেৰ ব্যাপাদো নুপ্পজ্জতি উপ্পন্নো চ ব্যাপাদো পহীযতী’’তি. সত্তমং.

১৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নং ৰা থিনমিদ্ধং নুপ্পজ্জতি উপ্পন্নং ৰা থিনমিদ্ধং পহীযতি যথযিদং, ভিক্খৰে, আরম্ভধাতু নিক্কমধাতু পরক্কমধাতু. আরদ্ধৰীরিযস্স, ভিক্খৰে, অনুপ্পন্নঞ্চেৰ থিনমিদ্ধং নুপ্পজ্জতি উপ্পন্নঞ্চ থিনমিদ্ধং পহীযতী’’তি. অট্ঠমং.

১৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্নং ৰা উদ্ধচ্চকুক্কুচ্চং নুপ্পজ্জতি উপ্পন্নং ৰা উদ্ধচ্চকুক্কুচ্চং পহীযতি যথযিদং, ভিক্খৰে, চেতসো ৰূপসমো. ৰূপসন্তচিত্তস্স, ভিক্খৰে, অনুপ্পন্নঞ্চেৰ উদ্ধচ্চকুক্কুচ্চং নুপ্পজ্জতি উপ্পন্নঞ্চ উদ্ধচ্চকুক্কুচ্চং পহীযতী’’তি. নৰমং.

২০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি ¶ যেন অনুপ্পন্না ৰা ৰিচিকিচ্ছা নুপ্পজ্জতি উপ্পন্না ৰা ৰিচিকিচ্ছা পহীযতি যথযিদং, ভিক্খৰে, যোনিসোমনসিকারো ¶ . যোনিসো, ভিক্খৰে, মনসি করোতো অনুপ্পন্না চেৰ ৰিচিকিচ্ছা নুপ্পজ্জতি উপ্পন্না চ ৰিচিকিচ্ছা পহীযতী’’তি. দসমং.

২১. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং অভাৰিতং ¶ অকম্মনিযং হোতি যথযিদং, ভিক্খৰে, চিত্তং [যথযিদং চিত্তং (সী. পী.) এৰমুপরিপি]. চিত্তং, ভিক্খৰে, অভাৰিতং অকম্মনিযং হোতী’’তি. পঠমং.

২২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং ভাৰিতং কম্মনিযং হোতি যথযিদং, ভিক্খৰে, চিত্তং. চিত্তং, ভিক্খৰে, ভাৰিতং কম্মনিযং হোতী’’তি. দুতিযং.

২৩. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং অভাৰিতং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অভাৰিতং মহতো অনত্থায সংৰত্ততী’’তি. ততিযং.

২৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং ভাৰিতং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, ভাৰিতং মহতো অত্থায সংৰত্ততী’’তি. চতুত্থং.

২৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং অভাৰিতং অপাতুভূতং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অভাৰিতং অপাতুভূতং মহতো অনত্থায সংৰত্ততী’’তি. পঞ্চমং.

২৬. ‘‘নাহং, ভিক্খৰে, অঞ্ঞং একধম্মম্পি সমনুপস্সামি ¶ যং এৰং ভাৰিতং পাতুভূতং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, ভাৰিতং পাতুভূতং মহতো অত্থায সংৰত্ততী’’তি. ছট্ঠং.

২৭. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং অভাৰিতং অবহুলীকতং ¶ মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অভাৰিতং অবহুলীকতং মহতো অনত্থায সংৰত্ততী’’তি. সত্তমং.

২৮. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং ভাৰিতং বহুলীকতং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, ভাৰিতং বহুলীকতং মহতো অত্থায সংৰত্ততী’’তি. অট্ঠমং.

২৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং অভাৰিতং অবহুলীকতং দুক্খাধিৰহং হোতি যথযিদং, ভিক্খৰে, চিত্তং. চিত্তং, ভিক্খৰে, অভাৰিতং অবহুলীকতং দুক্খাধিৰহং হোতী’’তি. নৰমং.

৩০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং ভাৰিতং বহুলীকতং সুখাধিৰহং হোতি যথযিদং, ভিক্খৰে, চিত্তং. চিত্তং, ভিক্খৰে, ভাৰিতং বহুলীকতং সুখাধিৰহং হোতী’’তি. দসমং.

৩১. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যং এৰং অদন্তং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অদন্তং মহতো অনত্থায সংৰত্ততী’’তি. পঠমং.

৩২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং দন্তং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, দন্তং মহতো অত্থায সংৰত্ততী’’তি. দুতিযং.

৩৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি ¶ যং এৰং অগুত্তং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অগুত্তং মহতো অনত্থায সংৰত্ততী’’তি. ততিযং.

৩৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং গুত্তং ¶ মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, গুত্তং মহতো অত্থায সংৰত্ততী’’তি. চতুত্থং.

৩৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং অরক্খিতং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অরক্খিতং মহতো অনত্থায সংৰত্ততী’’তি. পঞ্চমং.

৩৬. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং রক্খিতং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, রক্খিতং মহতো অত্থায সংৰত্ততী’’তি. ছট্ঠং.

৩৭. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং অসংৰুতং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অসংৰুতং মহতো অনত্থায সংৰত্ততী’’তি. সত্তমং.

৩৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং সংৰুতং মহতো অত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, সংৰুতং মহতো অত্থায সংৰত্ততী’’তি. অট্ঠমং.

৩৯. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং অদন্তং অগুত্তং অরক্খিতং অসংৰুতং মহতো অনত্থায সংৰত্ততি যথযিদং, ভিক্খৰে, চিত্তং. চিত্তং, ভিক্খৰে, অদন্তং অগুত্তং অরক্খিতং অসংৰুতং মহতো অনত্থায সংৰত্ততী’’তি. নৰমং.

৪০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং দন্তং গুত্তং রক্খিতং সংৰুতং মহতো অত্থায সংৰত্ততি যথযিদং, ভিক্খৰে, চিত্তং ¶ . চিত্তং, ভিক্খৰে, দন্তং গুত্তং রক্খিতং সংৰুতং মহতো অত্থায সংৰত্ততী’’তি. দসমং.

৪১. ‘‘সেয্যথাপি ¶ ¶ , ভিক্খৰে, সালিসূকং ৰা যৰসূকং ৰা মিচ্ছাপণিহিতং হত্থেন ৰা পাদেন ৰা অক্কন্তং হত্থং ৰা পাদং ৰা ভেচ্ছতি [ভিজ্জিস্সতি (স্যা. কং. ক.), ভেজ্জতি (সী.) মোগ্গল্লানব্যাকরণং পস্সিতব্বং] লোহিতং ৰা উপ্পাদেস্সতীতি নেতং ঠানং ৰিজ্জতি. তং কিস্স হেতু? মিচ্ছাপণিহিতত্তা, ভিক্খৰে, সূকস্স. এৰমেৰং খো, ভিক্খৰে, সো ৰত ভিক্খু মিচ্ছাপণিহিতেন চিত্তেন অৰিজ্জং ভেচ্ছতি, ৰিজ্জং উপ্পাদেস্সতি, নিব্বানং সচ্ছিকরিস্সতীতি নেতং ঠানং ৰিজ্জতি. তং কিস্স হেতু? মিচ্ছাপণিহিতত্তা, ভিক্খৰে, চিত্তস্সা’’তি. পঠমং.

৪২. ‘‘সেয্যথাপি, ভিক্খৰে, সালিসূকং ৰা যৰসূকং ৰা সম্মাপণিহিতং হত্থেন ৰা পাদেন ৰা অক্কন্তং হত্থং ৰা পাদং ৰা ভেচ্ছতি লোহিতং ৰা উপ্পাদেস্সতীতি ঠানমেতং ৰিজ্জতি. তং কিস্স হেতু? সম্মাপণিহিতত্তা, ভিক্খৰে, সূকস্স. এৰমেৰং খো, ভিক্খৰে, সো ৰত ভিক্খু সম্মাপণিহিতেন চিত্তেন অৰিজ্জং ভেচ্ছতি, ৰিজ্জং উপ্পাদেস্সতি, নিব্বানং সচ্ছিকরিস্সতীতি ঠানমেতং ৰিজ্জতি. তং কিস্স হেতু? সম্মাপণিহিতত্তা, ভিক্খৰে, চিত্তস্সা’’তি. দুতিযং.

৪৩. ‘‘ইধাহং ¶ [ইদাহং (সী.)], ভিক্খৰে, একচ্চং পুগ্গলং পদুট্ঠচিত্তং এৰং চেতসা চেতো পরিচ্চ পজানামি – ‘ইমম্হি চে অযং সমযে পুগ্গলো কালং করেয্য, যথাভতং নিক্খিত্তো এৰং নিরযে’. তং কিস্স হেতু? চিত্তং হিস্স ¶ , ভিক্খৰে, পদুট্ঠং. ‘‘চেতোপদোসহেতু পন, ভিক্খৰে, এৰমিধেকচ্চে সত্তা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জন্তী’’তি. ততিযং.

৪৪. ‘‘ইধাহং, ভিক্খৰে, একচ্চং পুগ্গলং পসন্নচিত্তং এৰং চেতসা চেতো পরিচ্চ পজানামি – ‘ইমম্হি চে অযং ¶ সমযে পুগ্গলো কালং করেয্য, যথাভতং নিক্খিত্তো এৰং সগ্গে’. তং কিস্স হেতু? চিত্তং হিস্স, ভিক্খৰে, পসন্নং. ‘‘চেতোপসাদহেতু পন, ভিক্খৰে, এৰমিধেকচ্চে সত্তা কাযস্স ভেদা পরং মরণা সুগতিং সগ্গং লোকং উপপজ্জন্তী’’তি. চতুত্থং.

৪৫. ‘‘সেয্যথাপি ¶ , ভিক্খৰে, উদকরহদো আৰিলো লুল়িতো কললীভূতো তত্থ চক্খুমা পুরিসো তীরে ঠিতো ন পস্সেয্য সিপ্পিসম্বুকম্পি [সিপ্পিকসম্বুকম্পি (ক.)] সক্খরকঠলম্পি মচ্ছগুম্বম্পি চরন্তম্পি তিট্ঠন্তম্পি. তং কিস্স হেতু? আৰিলত্তা, ভিক্খৰে, উদকস্স. এৰমেৰং খো, ভিক্খৰে, সো ৰত ভিক্খু আৰিলেন চিত্তেন অত্তত্থং ৰা ঞস্সতি পরত্থং ৰা ঞস্সতি উভযত্থং ৰা ঞস্সতি উত্তরিং ৰা মনুস্সধম্মা অলমরিযঞাণদস্সনৰিসেসং সচ্ছিকরিস্সতীতি নেতং ঠানং ৰিজ্জতি. তং কিস্স হেতু? আৰিলত্তা, ভিক্খৰে, চিত্তস্সা’’তি. পঞ্চমং.

৪৬. ‘‘সেয্যথাপি, ভিক্খৰে, উদকরহদো অচ্ছো ৰিপ্পসন্নো অনাৰিলো তত্থ চক্খুমা পুরিসো তীরে ঠিতো পস্সেয্য সিপ্পিসম্বুকম্পি সক্খরকঠলম্পি মচ্ছগুম্বম্পি চরন্তম্পি তিট্ঠন্তম্পি. তং কিস্স হেতু? অনাৰিলত্তা, ভিক্খৰে, উদকস্স. এৰমেৰং খো, ভিক্খৰে, সো ৰত ভিক্খু অনাৰিলেন ¶ চিত্তেন অত্তত্থং ৰা ঞস্সতি পরত্থং ৰা ঞস্সতি উভযত্থং ৰা ঞস্সতি উত্তরিং ৰা মনুস্সধম্মা অলমরিযঞাণদস্সনৰিসেসং সচ্ছিকরিস্সতীতি ঠানমেতং ৰিজ্জতি. তং কিস্স হেতু? অনাৰিলত্তা, ভিক্খৰে, চিত্তস্সা’’তি. ছট্ঠং.

৪৭. ‘‘সেয্যথাপি, ভিক্খৰে, যানি কানিচি রুক্খজাতানং ফন্দনো তেসং অগ্গমক্খাযতি যদিদং মুদুতায চেৰ কম্মঞ্ঞতায চ. এৰমেৰং খো অহং, ভিক্খৰে ¶ , নাঞ্ঞং একধম্মম্পি সমনুপস্সামি যং এৰং ভাৰিতং বহুলীকতং মুদু চ হোতি কম্মঞ্ঞঞ্চ যথযিদং চিত্তং. চিত্তং, ভিক্খৰে, ভাৰিতং বহুলীকতং মুদু চ হোতি কম্মঞ্ঞঞ্চ হোতী’’তি. সত্তমং.

৪৮. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যং এৰং লহুপরিৰত্তং যথযিদং চিত্তং. যাৰঞ্চিদং, ভিক্খৰে, উপমাপি ন সুকরা যাৰ লহুপরিৰত্তং চিত্ত’’ন্তি. অট্ঠমং.

৪৯. ‘‘পভস্সরমিদং, ভিক্খৰে, চিত্তং. তঞ্চ খো আগন্তুকেহি উপক্কিলেসেহি উপক্কিলিট্ঠ’’ন্তি. নৰমং.

৫০. ‘‘পভস্সরমিদং, ভিক্খৰে, চিত্তং. তঞ্চ খো আগন্তুকেহি উপক্কিলেসেহি ৰিপ্পমুত্ত’’ন্তি. দসমং.

৫১. ‘‘পভস্সরমিদং ¶ , ভিক্খৰে, চিত্তং. তঞ্চ খো আগন্তুকেহি উপক্কিলেসেহি উপক্কিলিট্ঠং. তং অস্সুতৰা পুথুজ্জনো যথাভূতং নপ্পজানাতি. তস্মা ‘অস্সুতৰতো পুথুজ্জনস্স চিত্তভাৰনা নত্থী’তি ৰদামী’’তি. পঠমং.

৫২. ‘‘পভস্সরমিদং ¶ , ভিক্খৰে, চিত্তং. তঞ্চ খো আগন্তুকেহি উপক্কিলেসেহি ৰিপ্পমুত্তং. তং সুতৰা অরিযসাৰকো যথাভূতং পজানাতি. তস্মা ‘সুতৰতো অরিযসাৰকস্স চিত্তভাৰনা অত্থী’তি ৰদামী’’তি. দুতিযং.

৫৩. ‘‘অচ্ছরাসঙ্ঘাতমত্তম্পি চে, ভিক্খৰে, ভিক্খু মেত্তাচিত্তং [মেত্তং চিত্তং (সী.), মেত্তচিত্তং (স্যা. কং. পী. ক.)] আসেৰতি; অযং ৰুচ্চতি, ভিক্খৰে – ‘ভিক্খু অরিত্তজ্ঝানো ৰিহরতি সত্থুসাসনকরো ওৰাদপতিকরো, অমোঘং রট্ঠপিণ্ডং ভুঞ্জতি’. কো পন ৰাদো যে নং বহুলীকরোন্তী’’তি! ততিযং.

৫৪. ‘‘অচ্ছরাসঙ্ঘাতমত্তম্পি ¶ চে, ভিক্খৰে, ভিক্খু মেত্তাচিত্তং ভাৰেতি; অযং ৰুচ্চতি, ভিক্খৰে – ‘ভিক্খু অরিত্তজ্ঝানো ৰিহরতি সত্থুসাসনকরো ওৰাদপতিকরো, অমোঘং রট্ঠপিণ্ডং ভুঞ্জতি’. কো পন ৰাদো যে নং বহুলীকরোন্তী’’তি! চতুত্থং.

৫৫. ‘‘অচ্ছরাসঙ্ঘাতমত্তম্পি ¶ চে, ভিক্খৰে, ভিক্খু মেত্তাচিত্তং মনসি করোতি; অযং ৰুচ্চতি, ভিক্খৰে – ‘ভিক্খু অরিত্তজ্ঝানো ৰিহরতি সত্থুসাসনকরো ওৰাদপতিকরো অমোঘং রট্ঠপিণ্ডং ভুঞ্জতি’. কো পন ৰাদো যে নং বহুলীকরোন্তী’’তি! পঞ্চমং.

৫৬. ‘‘যে কেচি, ভিক্খৰে, ধম্মা অকুসলা অকুসলভাগিযা অকুসলপক্খিকা, সব্বে তে মনোপুব্বঙ্গমা. মনো তেসং ধম্মানং পঠমং উপ্পজ্জতি, অন্ৰদেৰ অকুসলা ধম্মা’’তি. ছট্ঠং.

৫৭. ‘‘যে ¶ কেচি, ভিক্খৰে, ধম্মা কুসলা কুসলভাগিযা কুসলপক্খিকা, সব্বে তে মনোপুব্বঙ্গমা. মনো তেসং ধম্মানং পঠমং উপ্পজ্জতি, অন্ৰদেৰ ¶ কুসলা ধম্মা’’তি. সত্তমং.

৫৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, পমাদো. পমত্তস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. অট্ঠমং.

৫৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, অপ্পমাদো. অপ্পমত্তস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা পরিহাযন্তী’’তি. নৰমং.

৬০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, কোসজ্জং. কুসীতস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. দসমং.

৬১. ‘‘নাহং ¶ ¶ ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, ৰীরিযারম্ভো [ৰিরিযারম্ভো (সী. স্যা. কং. পী.)]. আরদ্ধৰীরিযস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ¶ ধম্মা পরিহাযন্তী’’তি. পঠমং.

৬২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, মহিচ্ছতা. মহিচ্ছস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. দুতিযং.

৬৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, অপ্পিচ্ছতা. অপ্পিচ্ছস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা পরিহাযন্তী’’তি. ততিযং.

৬৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, অসন্তুট্ঠিতা. অসন্তুট্ঠস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. চতুত্থং.

৬৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, সন্তুট্ঠিতা. সন্তুট্ঠস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা ¶ পরিহাযন্তী’’তি. পঞ্চমং.

৬৬. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, অযোনিসোমনসিকারো. অযোনিসো, ভিক্খৰে, মনসি করোতো অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. ছট্ঠং.

৬৭. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, যোনিসোমনসিকারো. যোনিসো, ভিক্খৰে, মনসি করোতো অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা পরিহাযন্তী’’তি. সত্তমং.

৬৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, অসম্পজঞ্ঞং. অসম্পজানস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. অট্ঠমং.

৬৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, সম্পজঞ্ঞং. সম্পজানস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ¶ ধম্মা পরিহাযন্তী’’তি. নৰমং.

৭০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, পাপমিত্ততা. পাপমিত্তস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. দসমং.

৭১. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, কল্যাণমিত্ততা. কল্যাণমিত্তস্স, ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা পরিহাযন্তী’’তি. পঠমং.

৭২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং, ভিক্খৰে, অনুযোগো অকুসলানং ধম্মানং, অননুযোগো কুসলানং ¶ ধম্মানং. অনুযোগা, ভিক্খৰে, অকুসলানং ধম্মানং, অননুযোগা কুসলানং ধম্মানং অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ কুসলা ধম্মা পরিহাযন্তী’’তি. দুতিযং.

৭৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা অকুসলা ধম্মা ¶ পরিহাযন্তি যথযিদং, ভিক্খৰে, অনুযোগো কুসলানং ধম্মানং, অননুযোগো অকুসলানং ধম্মানং. অনুযোগা, ভিক্খৰে, কুসলানং ধম্মানং, অননুযোগা অকুসলানং ধম্মানং অনুপ্পন্না চেৰ কুসলা ধম্মা উপ্পজ্জন্তি উপ্পন্না চ অকুসলা ধম্মা পরিহাযন্তী’’তি. ততিযং.

৭৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা বোজ্ঝঙ্গা নুপ্পজ্জন্তি উপ্পন্না ৰা বোজ্ঝঙ্গা ন ভাৰনাপারিপূরিং গচ্ছন্তি যথযিদং, ভিক্খৰে, অযোনিসোমনসিকারো. অযোনিসো, ভিক্খৰে, মনসি করোতো অনুপ্পন্না চেৰ বোজ্ঝঙ্গা নুপ্পজ্জন্তি উপ্পন্না চ বোজ্ঝঙ্গা ন ভাৰনাপারিপূরিং গচ্ছন্তী’’তি. চতুত্থং.

৭৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা বোজ্ঝঙ্গা উপ্পজ্জন্তি উপ্পন্না ৰা বোজ্ঝঙ্গা ভাৰনাপারিপূরিং গচ্ছন্তি যথযিদং, ভিক্খৰে, যোনিসোমনসিকারো ¶ . যোনিসো ¶ , ভিক্খৰে, মনসি করোতো অনুপ্পন্না চেৰ বোজ্ঝঙ্গা উপ্পজ্জন্তি উপ্পন্না চ বোজ্ঝঙ্গা ভাৰনাপারিপূরিং গচ্ছন্তী’’তি. পঞ্চমং.

৭৬. ‘‘অপ্পমত্তিকা এসা, ভিক্খৰে, পরিহানি যদিদং ঞাতিপরিহানি. এতং পতিকিট্ঠং, ভিক্খৰে, পরিহানীনং যদিদং পঞ্ঞাপরিহানী’’তি. ছট্ঠং.

৭৭. ‘‘অপ্পমত্তিকা এসা, ভিক্খৰে, ৰুদ্ধি যদিদং ঞাতিৰুদ্ধি. এতদগ্গং, ভিক্খৰে, ৰুদ্ধীনং যদিদং পঞ্ঞাৰুদ্ধি. তস্মাতিহ, ভিক্খৰে, এৰং সিক্খিতব্বং – ‘পঞ্ঞাৰুদ্ধিযা ৰদ্ধিস্সামা’তি. এৰঞ্হি ৰো, ভিক্খৰে ¶ , সিক্খিতব্ব’’ন্তি. সত্তমং.

৭৮. ‘‘অপ্পমত্তিকা এসা, ভিক্খৰে, পরিহানি যদিদং ভোগপরিহানি. এতং পতিকিট্ঠং, ভিক্খৰে, পরিহানীনং যদিদং পঞ্ঞাপরিহানী’’তি. অট্ঠমং.

৭৯. ‘‘অপ্পমত্তিকা ¶ এসা, ভিক্খৰে, ৰুদ্ধি যদিদং ভোগৰুদ্ধি. এতদগ্গং, ভিক্খৰে, ৰুদ্ধীনং যদিদং পঞ্ঞাৰুদ্ধি. তস্মাতিহ, ভিক্খৰে, এৰং সিক্খিতব্বং – ‘পঞ্ঞাৰুদ্ধিযা ৰদ্ধিস্সামা’তি. এৰঞ্হি ৰো, ভিক্খৰে, সিক্খিতব্ব’’ন্তি. নৰমং.

৮০. ‘‘অপ্পমত্তিকা এসা, ভিক্খৰে, পরিহানি যদিদং যসোপরিহানি. এতং পতিকিট্ঠং, ভিক্খৰে, পরিহানীনং যদিদং পঞ্ঞাপরিহানী’’তি. দসমং.

৮১. ‘‘অপ্পমত্তিকা ¶ এসা, ভিক্খৰে, ৰুদ্ধি যদিদং যসোৰুদ্ধি. এতদগ্গং, ভিক্খৰে, ৰুদ্ধীনং যদিদং পঞ্ঞাৰুদ্ধি. তস্মাতিহ, ভিক্খৰে, এৰং সিক্খিতব্বং – ‘পঞ্ঞাৰুদ্ধিযা ৰদ্ধিস্সামা’তি. এৰঞ্হি ৰো, ভিক্খৰে, সিক্খিতব্ব’’ন্তি. পঠমং.

৮২. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, পমাদো. পমাদো, ভিক্খৰে, মহতো অনত্থায সংৰত্ততী’’তি. দুতিযং.

৮৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, অপ্পমাদো. অপ্পমাদো, ভিক্খৰে, মহতো অত্থায সংৰত্ততী’’তি. ততিযং.

৮৪. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, কোসজ্জং. কোসজ্জং, ভিক্খৰে, মহতো অনত্থায সংৰত্ততী’’তি. চতুত্থং.

৮৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, ৰীরিযারম্ভো. ৰীরিযারম্ভো, ভিক্খৰে, মহতো অত্থায সংৰত্ততী’’তি. পঞ্চমং.

৮৬. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, মহিচ্ছতা. মহিচ্ছতা, ভিক্খৰে, মহতো অনত্থায সংৰত্ততী’’তি. ছট্ঠং.

৮৭. ‘‘নাহং ¶ ¶ , ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, অপ্পিচ্ছতা. অপ্পিচ্ছতা, ভিক্খৰে, মহতো অত্থায সংৰত্ততী’’তি. সত্তমং.

৮৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, অসন্তুট্ঠিতা. অসন্তুট্ঠিতা, ভিক্খৰে, মহতো অনত্থায সংৰত্ততী’’তি. অট্ঠমং.

৮৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, সন্তুট্ঠিতা. সন্তুট্ঠিতা, ভিক্খৰে, মহতো অত্থায সংৰত্ততী’’তি. নৰমং.

৯০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, অযোনিসো মনসিকারো. অযোনিসোমনসিকারো ¶ , ভিক্খৰে, মহতো অনত্থায সংৰত্ততী’’তি. দসমং.

৯১. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, যোনিসো মনসিকারো. যোনিসোমনসিকারো, ভিক্খৰে, মহতো অত্থায সংৰত্ততী’’তি. একাদসমং.

৯২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, অসম্পজঞ্ঞং. অসম্পজঞ্ঞং, ভিক্খৰে, মহতো অনত্থায সংৰত্ততী’’তি. দ্ৰাদসমং.

৯৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, সম্পজঞ্ঞং. সম্পজঞ্ঞং, ভিক্খৰে, মহতো অত্থায সংৰত্ততী’’তি. তেরসমং.

৯৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি ¶ যথযিদং, ভিক্খৰে, পাপমিত্ততা. পাপমিত্ততা, ভিক্খৰে, মহতো অনত্থায সংৰত্ততী’’তি. চুদ্দসমং.

৯৫. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, কল্যাণমিত্ততা. কল্যাণমিত্ততা, ভিক্খৰে, মহতো অত্থায সংৰত্ততী’’তি. পন্নরসমং.

৯৬. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং মহতো অনত্থায সংৰত্ততি যথযিদং, ভিক্খৰে, অনুযোগো অকুসলানং ধম্মানং, অননুযোগো কুসলানং ধম্মানং. অনুযোগো, ভিক্খৰে, অকুসলানং ধম্মানং, অননুযোগো কুসলানং ধম্মানং মহতো অনত্থায সংৰত্ততী’’তি. সোল়সমং.

৯৭. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যো এৰং মহতো অত্থায সংৰত্ততি যথযিদং, ভিক্খৰে, অনুযোগো কুসলানং ধম্মানং, অননুযোগো অকুসলানং ধম্মানং. অনুযোগো, ভিক্খৰে, কুসলানং ধম্মানং, অননুযোগো অকুসলানং ধম্মানং মহতো অত্থায সংৰত্ততী’’তি. সত্তরসমং.

৯৮. ‘‘অজ্ঝত্তিকং ¶ , ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অনত্থায সংৰত্ততি যথযিদং, ভিক্খৰে, পমাদো. পমাদো, ভিক্খৰে, মহতো অনত্থায সংৰত্ততী’’তি. পঠমং.

৯৯. ‘‘অজ্ঝত্তিকং, ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অত্থায সংৰত্ততি যথযিদং, ভিক্খৰে, অপ্পমাদো. অপ্পমাদো ¶ , ভিক্খৰে, মহতো অত্থায সংৰত্ততী’’তি. দুতিযং.

১০০. ‘‘অজ্ঝত্তিকং, ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অনত্থায সংৰত্ততি যথযিদং, ভিক্খৰে, কোসজ্জং. কোসজ্জং, ভিক্খৰে, মহতো অনত্থায সংৰত্ততী’’তি. ততিযং.

১০১. ‘‘অজ্ঝত্তিকং, ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অত্থায সংৰত্ততি যথযিদং, ভিক্খৰে, ৰীরিযারম্ভো. ৰীরিযারম্ভো, ভিক্খৰে, মহতো অত্থায সংৰত্ততী’’তি. চতুত্থং.

১০২-১০৯. ‘‘অজ্ঝত্তিকং ¶ , ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অনত্থায সংৰত্ততি যথযিদং, ভিক্খৰে, মহিচ্ছতা…পে… ¶ অপ্পিচ্ছতা… অসন্তুট্ঠিতা… সন্তুট্ঠিতা… অযোনিসোমনসিকারো… যোনিসোমনসিকারো… অসম্পজঞ্ঞং… সম্পজঞ্ঞং… দ্ৰাদসমং.

১১০. ‘‘বাহিরং ¶ , ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অনত্থায সংৰত্ততি যথযিদং, ভিক্খৰে, পাপমিত্ততা. পাপমিত্ততা, ভিক্খৰে, মহতো অনত্থায সংৰত্ততী’’তি. তেরসমং.

১১১. ‘‘বাহিরং, ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অত্থায সংৰত্ততি যথযিদং, ভিক্খৰে, কল্যাণমিত্ততা. কল্যাণমিত্ততা, ভিক্খৰে, মহতো অত্থায সংৰত্ততী’’তি. চুদ্দসমং.

১১২. ‘‘অজ্ঝত্তিকং ¶ , ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অনত্থায সংৰত্ততি যথযিদং, ভিক্খৰে, অনুযোগো অকুসলানং ধম্মানং, অননুযোগো কুসলানং ধম্মানং. অনুযোগো, ভিক্খৰে, অকুসলানং ধম্মানং, অননুযোগো কুসলানং ধম্মানং মহতো অনত্থায সংৰত্ততী’’তি. পন্নরসমং.

১১৩. ‘‘অজ্ঝত্তিকং, ভিক্খৰে, অঙ্গন্তি করিত্ৰা নাঞ্ঞং একঙ্গম্পি সমনুপস্সামি যং এৰং মহতো অত্থায সংৰত্ততি যথযিদং, ভিক্খৰে, অনুযোগো কুসলানং ধম্মানং, অননুযোগো অকুসলানং ধম্মানং. অনুযোগো, ভিক্খৰে, কুসলানং ধম্মানং, অননুযোগো অকুসলানং ধম্মানং মহতো অত্থায সংৰত্ততী’’তি. সোল়সমং.

১১৪. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং সদ্ধম্মস্স সম্মোসায অন্তরধানায সংৰত্ততি যথযিদং, ভিক্খৰে, পমাদো. পমাদো, ভিক্খৰে, সদ্ধম্মস্স সম্মোসায অন্তরধানায সংৰত্ততী’’তি. সত্তরসমং.

১১৫. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং সদ্ধম্মস্স ঠিতিযা অসম্মোসায অনন্তরধানায সংৰত্ততি যথযিদং, ভিক্খৰে, অপ্পমাদো. অপ্পমাদো ¶ , ভিক্খৰে, সদ্ধম্মস্স ঠিতিযা অসম্মোসায অনন্তরধানায সংৰত্ততী’’তি. অট্ঠারসমং.

১১৬. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যো এৰং ¶ সদ্ধম্মস্স সম্মোসায ¶ অন্তরধানায সংৰত্ততি যথযিদং, ভিক্খৰে, কোসজ্জং. কোসজ্জং, ভিক্খৰে, সদ্ধম্মস্স সম্মোসায অন্তরধানায সংৰত্ততী’’তি. একূনৰীসতিমং.

১১৭. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং সদ্ধম্মস্স ঠিতিযা অসম্মোসায অনন্তরধানায সংৰত্ততি যথযিদং, ভিক্খৰে, ৰীরিযারম্ভো. ৰীরিযারম্ভো, ভিক্খৰে, সদ্ধম্মস্স ঠিতিযা অসম্মোসায অনন্তরধানায সংৰত্ততী’’তি. ৰীসতিমং.

১১৮-১২৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং সদ্ধম্মস্স সম্মোসায অন্তরধানায সংৰত্ততি যথযিদং, ভিক্খৰে, মহিচ্ছতা…পে… অপ্পিচ্ছতা… অসন্তুট্ঠিতা… সন্তুট্ঠিতা… অযোনিসোমনসিকারো… যোনিসোমনসিকারো… অসম্পজঞ্ঞং… সম্পজঞ্ঞং ¶ … পাপমিত্ততা… কল্যাণমিত্ততা… অনুযোগো অকুসলানং ধম্মানং, অননুযোগো কুসলানং ধম্মানং. অনুযোগো, ভিক্খৰে, অকুসলানং ধম্মানং, অননুযোগো কুসলানং ধম্মানং সদ্ধম্মস্স সম্মোসায অন্তরধানায সংৰত্ততী’’তি. একত্তিংসতিমং.

১২৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যো এৰং সদ্ধম্মস্স ঠিতিযা অসম্মোসায অনন্তরধানায সংৰত্ততি যথযিদং, ভিক্খৰে, অনুযোগো কুসলানং ধম্মানং, অননুযোগো অকুসলানং ধম্মানং. অনুযোগো, ভিক্খৰে, কুসলানং ধম্মানং, অননুযোগো অকুসলানং ধম্মানং সদ্ধম্মস্স ঠিতিযা অসম্মোসায অনন্তরধানায সংৰত্ততী’’তি. চতুক্কোটিকং নিট্ঠিতং. বাত্তিংসতিমং.

১৩০. ‘‘যে তে, ভিক্খৰে, ভিক্খূ অধম্মং ধম্মোতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং ¶ . বহুঞ্চ তে, ভিক্খৰে, ভিক্খূ অপুঞ্ঞং পসৰন্তি, তে চিমং [তেপিমং (সী.)] সদ্ধম্মং অন্তরধাপেন্তী’’তি. তেত্তিংসতিমং.

১৩১. ‘‘যে তে, ভিক্খৰে, ভিক্খূ ধম্মং অধম্মোতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায ¶ অহিতায দুক্খায দেৰমনুস্সানং. বহুঞ্চ তে, ভিক্খৰে, ভিক্খূ অপুঞ্ঞং পসৰন্তি, তে চিমং সদ্ধম্মং অন্তরধাপেন্তী’’তি. চতুত্তিংসতিমং.

১৩২-১৩৯. ‘‘যে তে, ভিক্খৰে, ভিক্খূ অৰিনযং ¶ ৰিনযোতি দীপেন্তি…পে… ৰিনযং অৰিনযোতি দীপেন্তি…পে… অভাসিতং অলপিতং তথাগতেন ভাসিতং ¶ লপিতং তথাগতেনাতি দীপেন্তি…পে… ভাসিতং লপিতং তথাগতেন অভাসিতং অলপিতং তথাগতেনাতি দীপেন্তি…পে… অনাচিণ্ণং তথাগতেন আচিণ্ণং তথাগতেনাতি দীপেন্তি…পে… আচিণ্ণং তথাগতেন অনাচিণ্ণং তথাগতেনাতি দীপেন্তি…পে… অপঞ্ঞত্তং তথাগতেন পঞ্ঞত্তং তথাগতেনাতি দীপেন্তি…পে… পঞ্ঞত্তং তথাগতেন অপঞ্ঞত্তং তথাগতেনাতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং. বহুঞ্চ তে, ভিক্খৰে, ভিক্খূ অপুঞ্ঞং পসৰন্তি, তে চিমং সদ্ধম্মং অন্তরধাপেন্তী’’তি. দ্ৰাচত্তালীসতিমং.

১৪০. ‘‘যে ¶ তে, ভিক্খৰে, ভিক্খূ অধম্মং অধম্মোতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি [থপেন্তীতি (ক.)]. পঠমং.

১৪১. ‘‘যে তে, ভিক্খৰে, ভিক্খূ ধম্মং ধম্মোতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি. দুতিযং.

১৪২-১৪৯. ‘‘যে তে, ভিক্খৰে, ভিক্খূ অৰিনযং অৰিনযোতি দীপেন্তি…পে… ৰিনযং ৰিনযোতি দীপেন্তি…পে… অভাসিতং অলপিতং তথাগতেন অভাসিতং অলপিতং তথাগতেনাতি দীপেন্তি…পে… ভাসিতং ¶ লপিতং তথাগতেন ভাসিতং লপিতং তথাগতেনাতি দীপেন্তি…পে… অনাচিণ্ণং ¶ তথাগতেন অনাচিণ্ণং তথাগতেনাতি দীপেন্তি…পে… আচিণ্ণং তথাগতেন আচিণ্ণং তথাগতেনাতি দীপেন্তি…পে… ¶ অপঞ্ঞত্তং তথাগতেন অপঞ্ঞত্তং তথাগতেনাতি দীপেন্তি…পে… পঞ্ঞত্তং তথাগতেন পঞ্ঞত্তং তথাগতেনাতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি. দসমং.

১৫০. ‘‘যে ¶ তে, ভিক্খৰে, ভিক্খূ অনাপত্তিং আপত্তীতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং. বহুঞ্চ তে, ভিক্খৰে, ভিক্খূ অপুঞ্ঞং পসৰন্তি, তে চিমং সদ্ধম্মং অন্তরধাপেন্তী’’তি. পঠমং.

১৫১. ‘‘যে তে, ভিক্খৰে, ভিক্খূ আপত্তিং অনাপত্তীতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং. বহুঞ্চ তে, ভিক্খৰে, ভিক্খূ অপুঞ্ঞং পসৰন্তি, তে চিমং সদ্ধম্মং অন্তরধাপেন্তী’’তি. দুতিযং.

১৫২-১৫৯. ‘‘যে তে, ভিক্খৰে, ভিক্খূ লহুকং আপত্তিং গরুকা আপত্তীতি দীপেন্তি…পে… গরুকং আপত্তিং লহুকা আপত্তীতি দীপেন্তি…পে… দুট্ঠুল্লং আপত্তিং অদুট্ঠুল্লা আপত্তীতি দীপেন্তি…পে… অদুট্ঠুল্লং আপত্তিং দুট্ঠুল্লা আপত্তীতি দীপেন্তি…পে… সাৰসেসং আপত্তিং অনৰসেসা আপত্তীতি দীপেন্তি…পে… অনৰসেসং ¶ আপত্তিং সাৰসেসা আপত্তীতি দীপেন্তি…পে… সপ্পটিকম্মং আপত্তিং অপ্পটিকম্মা আপত্তীতি দীপেন্তি…পে… অপ্পটিকম্মং আপত্তিং সপ্পটিকম্মা আপত্তীতি দীপেন্তি তে, ভিক্খৰে, ভিক্খূ বহুজনঅহিতায পটিপন্না বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং. বহুঞ্চ ¶ তে, ভিক্খৰে, ভিক্খূ অপুঞ্ঞং পসৰন্তি, তে চিমং সদ্ধম্মং অন্তরধাপেন্তী’’তি. দসমং.

১৬০. ‘‘যে তে, ভিক্খৰে, ভিক্খূ অনাপত্তিং অনাপত্তীতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায ¶ হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি. একাদসমং.

১৬১. ‘‘যে ¶ তে, ভিক্খৰে, ভিক্খূ আপত্তিং আপত্তীতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি. দ্ৰাদসমং.

১৬২-১৬৯. ‘‘যে তে, ভিক্খৰে, ভিক্খূ লহুকং আপত্তিং লহুকা আপত্তীতি দীপেন্তি… গরুকং আপত্তিং গরুকা আপত্তীতি দীপেন্তি… দুট্ঠুল্লং আপত্তিং দুট্ঠুল্লা আপত্তীতি দীপেন্তি… অদুট্ঠুল্লং আপত্তিং অদুট্ঠুল্লা আপত্তীতি দীপেন্তি… সাৰসেসং আপত্তিং সাৰসেসা আপত্তীতি দীপেন্তি… অনৰসেসং আপত্তিং অনৰসেসা আপত্তীতি দীপেন্তি… সপ্পটিকম্মং আপত্তিং সপ্পটিকম্মা আপত্তীতি দীপেন্তি… অপ্পটিকম্মং আপত্তিং অপ্পটিকম্মা আপত্তীতি দীপেন্তি তে, ভিক্খৰে, ভিক্খূ বহুজনহিতায পটিপন্না বহুজনসুখায, বহুনো জনস্স অত্থায হিতায সুখায দেৰমনুস্সানং. বহুঞ্চ তে, ভিক্খৰে, ভিক্খূ পুঞ্ঞং পসৰন্তি, তে চিমং সদ্ধম্মং ঠপেন্তী’’তি. ৰীসতিমং.

১৭০. ‘‘একপুগ্গলো ¶ ¶ , ভিক্খৰে, লোকে উপ্পজ্জমানো উপ্পজ্জতি বহুজনহিতায বহুজনসুখায লোকানুকম্পায অত্থায হিতায সুখায দেৰমনুস্সানং ¶ . কতমো একপুগ্গলো? তথাগতো অরহং সম্মাসম্বুদ্ধো. অযং খো, ভিক্খৰে, একপুগ্গলো লোকে উপ্পজ্জমানো উপ্পজ্জতি বহুজনহিতায ¶ বহুজনসুখায লোকানুকম্পায অত্থায হিতায সুখায দেৰমনুস্সান’’ন্তি.

১৭১. ‘‘একপুগ্গলস্স, ভিক্খৰে, পাতুভাৰো দুল্লভো লোকস্মিং. কতমস্স একপুগ্গলস্স? তথাগতস্স অরহতো সম্মাসম্বুদ্ধস্স. ইমস্স খো, ভিক্খৰে, একপুগ্গলস্স পাতুভাৰো দুল্লভো লোকস্মি’’ন্তি.

১৭২. ‘‘একপুগ্গলো, ভিক্খৰে, লোকে উপ্পজ্জমানো উপ্পজ্জতি অচ্ছরিযমনুস্সো. কতমো একপুগ্গলো? তথাগতো অরহং সম্মাসম্বুদ্ধো. অযং খো, ভিক্খৰে, একপুগ্গলো লোকে উপ্পজ্জমানো উপ্পজ্জতি অচ্ছরিযমনুস্সো’’তি.

১৭৩. ‘‘একপুগ্গলস্স, ভিক্খৰে, কালকিরিযা বহুনো জনস্স অনুতপ্পা [আনুতপ্পা (সী.)] হোতি. কতমস্স একপুগ্গলস্স? তথাগতস্স অরহতো সম্মাসম্বুদ্ধস্স. ইমস্স খো, ভিক্খৰে, একপুগ্গলস্স কালকিরিযা বহুনো জনস্স অনুতপ্পা হোতী’’তি.

১৭৪. ‘‘একপুগ্গলো, ভিক্খৰে, লোকে উপ্পজ্জমানো উপ্পজ্জতি অদুতিযো অসহাযো অপ্পটিমো অপ্পটিসমো অপ্পটিভাগো অপ্পটিপুগ্গলো অসমো অসমসমো দ্ৰিপদানং অগ্গো. কতমো একপুগ্গলো? তথাগতো অরহং সম্মাসম্বুদ্ধো. অযং খো, ভিক্খৰে, একপুগ্গলো লোকে উপ্পজ্জমানো উপ্পজ্জতি অদুতিযো অসহাযো অপ্পটিমো অপ্পটিসমো অপ্পটিভাগো অপ্পটিপুগ্গলো অসমো অসমসমো দ্ৰিপদানং অগ্গো’’তি.

১৭৫-১৮৬. ‘‘একপুগ্গলস্স ¶ ¶ , ভিক্খৰে, পাতুভাৰা মহতো চক্খুস্স পাতুভাৰো হোতি, মহতো আলোকস্স পাতুভাৰো হোতি, মহতো ওভাসস্স পাতুভাৰো হোতি, ছন্নং অনুত্তরিযানং পাতুভাৰো হোতি, চতুন্নং পটিসম্ভিদানং সচ্ছিকিরিযা হোতি, অনেকধাতুপটিৰেধো হোতি, নানাধাতুপটিৰেধো হোতি, ৰিজ্জাৰিমুত্তিফলসচ্ছিকিরিযা ¶ হোতি, সোতাপত্তিফলসচ্ছিকিরিযা হোতি, সকদাগামিফলসচ্ছিকিরিযা হোতি, অনাগামিফলসচ্ছিকিরিযা হোতি, অরহত্তফলসচ্ছিকিরিযা ¶ হোতি. কতমস্স একপুগ্গলস্স? তথাগতস্স অরহতো সম্মাসম্বুদ্ধস্স. ইমস্স খো, ভিক্খৰে, একপুগ্গলস্স পাতুভাৰা মহতো চক্খুস্স পাতুভাৰো হোতি, মহতো আলোকস্স পাতুভাৰো হোতি, মহতো ওভাসস্স পাতুভাৰো হোতি, ছন্নং অনুত্তরিযানং পাতুভাৰো হোতি, চতুন্নং পটিসম্ভিদানং সচ্ছিকিরিযা হোতি, অনেকধাতুপটিৰেধো হোতি, নানাধাতুপটিৰেধো হোতি, ৰিজ্জাৰিমুত্তিফলসচ্ছিকিরিযা হোতি, সোতাপত্তিফলসচ্ছিকিরিযা হোতি, সকদাগামিফলসচ্ছিকিরিযা হোতি, অনাগামিফলসচ্ছিকিরিযা হোতি, অরহত্তফলসচ্ছিকিরিযা হোতী’’তি.

১৮৭. ‘‘নাহং ভিক্খৰে, অঞ্ঞং একপুগ্গলম্পি সমনুপস্সামি যো এৰং তথাগতেন অনুত্তরং ধম্মচক্কং পৰত্তিতং সম্মদেৰ অনুপ্পৰত্তেতি যথযিদং, ভিক্খৰে, সারিপুত্তো. সারিপুত্তো, ভিক্খৰে, তথাগতেন অনুত্তরং ধম্মচক্কং পৰত্তিতং সম্মদেৰ অনুপ্পৰত্তেতী’’তি.

১৮৮. ‘‘এতদগ্গং ¶ ¶ , ভিক্খৰে, মম সাৰকানং ভিক্খূনং রত্তঞ্ঞূনং যদিদং অঞ্ঞাসিকোণ্ডঞ্ঞো’’ [অঞ্ঞাতকোণ্ডঞ্ঞোতি (ক.), অঞ্ঞাকোণ্ডঞ্ঞো (সী. স্যা. কং. পী.)].

১৮৯. … মহাপঞ্ঞানং যদিদং সারিপুত্তো.

১৯০. … ইদ্ধিমন্তানং যদিদং মহামোগ্গল্লানো.

১৯১. … ধুতৰাদানং [ধুতঙ্গধরানং (কত্থচি)] যদিদং মহাকস্সপো.

১৯২. … দিব্বচক্খুকানং যদিদং অনুরুদ্ধো.

১৯৩. … উচ্চাকুলিকানং যদিদং ভদ্দিযো কাল়িগোধাযপুত্তো.

১৯৪. … মঞ্জুস্সরানং যদিদং লকুণ্ডক [লকুণ্টক (স্যা. কং.)] ভদ্দিযো.

১৯৫. … সীহনাদিকানং ¶ যদিদং পিণ্ডোলভারদ্ৰাজো.

১৯৬. … ধম্মকথিকানং যদিদং পুণ্ণো মন্তাণিপুত্তো.

১৯৭. … সংখিত্তেন ভাসিতস্স ৰিত্থারেন অত্থং ৰিভজন্তানং যদিদং মহাকচ্চানোতি.

১৯৮. ‘‘এতদগ্গং ¶ ¶ , ভিক্খৰে, মম সাৰকানং ভিক্খূনং মনোমযং কাযং অভিনিম্মিনন্তানং যদিদং চূল়পন্থকো’’ [চুল্লপন্থকো (সী. স্যা. কং. পী.)].

১৯৯. … চেতোৰিৰট্টকুসলানং যদিদং চূল়পন্থকো.

২০০. … সঞ্ঞাৰিৰট্টকুসলানং যদিদং মহাপন্থকো.

২০১. … অরণৰিহারীনং যদিদং সুভূতি.

২০২. … দক্খিণেয্যানং যদিদং সুভূতি.

২০৩. … আরঞ্ঞকানং যদিদং রেৰতো খদিরৰনিযো.

২০৪. … ঝাযীনং যদিদং কঙ্খারেৰতো.

২০৫. … আরদ্ধৰীরিযানং যদিদং সোণো কোল়িৰিসো.

২০৬. … কল্যাণৰাক্করণানং যদিদং সোণো কুটিকণ্ণো.

২০৮. … সদ্ধাধিমুত্তানং যদিদং ৰক্কলীতি.

২০৯. ‘‘এতদগ্গং ¶ , ভিক্খৰে, মম সাৰকানং ভিক্খূনং সিক্খাকামানং যদিদং ¶ রাহুলো’’.

২১০. … সদ্ধাপব্বজিতানং ¶ যদিদং রট্ঠপালো.

২১১. … পঠমং সলাকং গণ্হন্তানং যদিদং কুণ্ডধানো.

২১২. … পটিভানৰন্তানং যদিদং ৰঙ্গীসো.

২১৩. … সমন্তপাসাদিকানং যদিদং উপসেনো ৰঙ্গন্তপুত্তো.

২১৪. … সেনাসনপঞ্ঞাপকানং যদিদং দব্বো মল্লপুত্তো.

২১৫. … দেৰতানং পিযমনাপানং যদিদং পিলিন্দৰচ্ছো.

২১৬. … খিপ্পাভিঞ্ঞানং যদিদং বাহিযো দারুচীরিযো.

২১৭. … চিত্তকথিকানং যদিদং কুমারকস্সপো.

২১৮. … পটিসম্ভিদাপত্তানং যদিদং মহাকোট্ঠিতোতি [মহাকোট্ঠিকোতি (অঞ্ঞেসু সুত্তেসু মরম্মপোত্থকে)].

২১৯. ‘‘এতদগ্গং, ভিক্খৰে, মম সাৰকানং ভিক্খূনং বহুস্সুতানং যদিদং আনন্দো’’.

২২০. … সতিমন্তানং ¶ যদিদং আনন্দো.

২২১. … গতিমন্তানং ¶ যদিদং আনন্দো.

২২২. … ধিতিমন্তানং যদিদং আনন্দো.

২২৩. … উপট্ঠাকানং যদিদং আনন্দো.

২২৪. … মহাপরিসানং যদিদং উরুৰেলকস্সপো.

২২৫. … কুলপ্পসাদকানং যদিদং কাল়ুদাযী.

২২৬. … অপ্পাবাধানং যদিদং বাকুলো [বক্কুলো (সী. স্যা. কং. পী.)].

২২৭. … পুব্বেনিৰাসং অনুস্সরন্তানং যদিদং সোভিতো.

২২৯. … ভিক্খুনোৰাদকানং ¶ যদিদং নন্দকো.

২৩০. … ইন্দ্রিযেসু গুত্তদ্ৰারানং যদিদং নন্দো.

২৩১. … ভিক্খুওৰাদকানং যদিদং মহাকপ্পিনো.

২৩২. … তেজোধাতুকুসলানং যদিদং সাগতো.

২৩৩. … পটিভানেয্যকানং যদিদং রাধো.

২৩৪. … লূখচীৰরধরানং ¶ যদিদং মোঘরাজাতি.

২৩৫. ‘‘এতদগ্গং ¶ , ভিক্খৰে, মম সাৰিকানং ভিক্খুনীনং রত্তঞ্ঞূনং যদিদং মহাপজাপতিগোতমী’’.

২৩৭. … ইদ্ধিমন্তীনং যদিদং উপ্পলৰণ্ণা.

২৩৮. … ৰিনযধরানং যদিদং পটাচারা.

২৩৯. … ধম্মকথিকানং যদিদং ধম্মদিন্না.

২৪১. … আরদ্ধৰীরিযানং যদিদং সোণা.

২৪২. … দিব্বচক্খুকানং যদিদং বকুলা [সকুলা (সী. স্যা. কং. পী.)].

২৪৩. … খিপ্পাভিঞ্ঞানং যদিদং ভদ্দা কুণ্ডলকেসা.

২৪৪. … পুব্বেনিৰাসং অনুস্সরন্তীনং যদিদং ভদ্দা কাপিলানী.

২৪৫. … মহাভিঞ্ঞপ্পত্তানং যদিদং ভদ্দকচ্চানা.

২৪৬. … লূখচীৰরধরানং যদিদং কিসাগোতমী.

২৪৭. … সদ্ধাধিমুত্তানং ¶ যদিদং সিঙ্গালকমাতাতি [সিগালমাতাতি (সী. স্যা. কং. পী.)].

২৪৮. ‘‘এতদগ্গং ¶ , ভিক্খৰে, মম সাৰকানং উপাসকানং পঠমং সরণং গচ্ছন্তানং যদিদং ¶ তপুস্সভল্লিকা [তপস্সুভল্লিকা (সী. পী.)] ৰাণিজা’’.

২৪৯. … দাযকানং যদিদং সুদত্তো গহপতি অনাথপিণ্ডিকো.

২৫০. … ধম্মকথিকানং যদিদং চিত্তো গহপতি মচ্ছিকাসণ্ডিকো.

২৫১. … চতূহি সঙ্গহৰত্থূহি পরিসং সঙ্গণ্হন্তানং যদিদং হত্থকো আল়ৰকো.

২৫২. … পণীতদাযকানং যদিদং মহানামো সক্কো.

২৫৩. … মনাপদাযকানং যদিদং উগ্গো গহপতি ৰেসালিকো.

২৫৪. … সঙ্ঘুপট্ঠাকানং যদিদং হত্থিগামকো উগ্গতো গহপতি.

২৫৫. … অৰেচ্চপ্পসন্নানং যদিদং সূরম্বট্ঠো [সূরো অম্বট্ঠো (সী. স্যা. কং. পী.) সুরেবন্ধো (ক.)].

২৫৬. … পুগ্গলপ্পসন্নানং যদিদং জীৰকো কোমারভচ্চো.

২৫৭. … ৰিস্সাসকানং ¶ যদিদং নকুলপিতা গহপতীতি.

২৫৮. ‘‘এতদগ্গং ¶ , ভিক্খৰে, মম সাৰিকানং উপাসিকানং পঠমং সরণং গচ্ছন্তীনং যদিদং সুজাতা সেনিযধীতা’’ [সেনানী ধীতা (সী. স্যা. কং. পী.)].

২৫৯. … দাযিকানং যদিদং ৰিসাখা মিগারমাতা.

২৬০. … বহুস্সুতানং যদিদং খুজ্জুত্তরা.

২৬১. … মেত্তাৰিহারীনং যদিদং সামাৰতী.

২৬২. … ঝাযীনং যদিদং উত্তরানন্দমাতা.

২৬৩. … পণীতদাযিকানং যদিদং সুপ্পৰাসা কোলিযধীতা.

২৬৪. … গিলানুপট্ঠাকীনং ¶ যদিদং সুপ্পিযা উপাসিকা.

২৬৫. … অৰেচ্চপ্পসন্নানং যদিদং কাতিযানী.

২৬৬. … ৰিস্সাসিকানং যদিদং নকুলমাতা গহপতানী.

২৬৭. … অনুস্সৰপ্পসন্নানং যদিদং কাল়ী উপাসিকা কুলঘরিকা [কুলঘরিকা (ক.)] তি.

২৬৮. ‘‘অট্ঠানমেতং ¶ , ভিক্খৰে, অনৰকাসো যং দিট্ঠিসম্পন্নো পুগ্গলো কঞ্চি [কিঞ্চি (ক.)] সঙ্খারং নিচ্চতো উপগচ্ছেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি ¶ যং পুথুজ্জনো কঞ্চি সঙ্খারং নিচ্চতো উপগচ্ছেয্য. ঠানমেতং ৰিজ্জতী’’তি.

২৬৯. ‘‘অট্ঠানমেতং, ভিক্খৰে, অনৰকাসো যং দিট্ঠিসম্পন্নো পুগ্গলো কঞ্চি সঙ্খারং সুখতো উপগচ্ছেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো কঞ্চি সঙ্খারং সুখতো উপগচ্ছেয্য. ঠানমেতং ৰিজ্জতী’’তি.

২৭০. ‘‘অট্ঠানমেতং, ভিক্খৰে, অনৰকাসো যং দিট্ঠিসম্পন্নো পুগ্গলো ¶ কঞ্চি ধম্মং অত্ততো উপগচ্ছেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো কঞ্চি ধম্মং অত্ততো উপগচ্ছেয্য. ঠানমেতং ৰিজ্জতী’’তি.

২৭১. ‘‘অট্ঠানমেতং, ভিক্খৰে, অনৰকাসো যং দিট্ঠিসম্পন্নো পুগ্গলো মাতরং জীৰিতা ৰোরোপেয্য. নেতং ঠানং ৰিজ্জতি. ঠানঞ্চ খো, ভিক্খৰে, ৰিজ্জতি যং পুথুজ্জনো মাতরং জীৰিতা ৰোরোপেয্য. ঠানমেতং ৰিজ্জতী’’তি.

২৭২. ‘‘অট্ঠানমেতং ¶ , ভিক্খৰে, অনৰকাসো যং দিট্ঠিসম্পন্নো পুগ্গলো পিতরং জীৰিতা ৰোরোপেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো পিতরং জীৰিতা ৰোরোপেয্য. ঠানমেতং ৰিজ্জতী’’তি.

২৭৩. ‘‘অট্ঠানমেতং ¶ , ভিক্খৰে, অনৰকাসো যং দিট্ঠিসম্পন্নো পুগ্গলো অরহন্তং জীৰিতা ৰোরোপেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো অরহন্তং জীৰিতা ৰোরোপেয্য. ঠানমেতং ৰিজ্জতী’’তি.

২৭৪. ‘‘অট্ঠানমেতং, ভিক্খৰে, অনৰকাসো যং দিট্ঠিসম্পন্নো পুগ্গলো তথাগতস্স পদুট্ঠচিত্তো লোহিতং উপ্পাদেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো তথাগতস্স পদুট্ঠচিত্তো লোহিতং উপ্পাদেয্য. ঠানমেতং ৰিজ্জতী’’তি.

২৭৫. ‘‘অট্ঠানমেতং ¶ , ভিক্খৰে, অনৰকাসো যং দিট্ঠিসম্পন্নো পুগ্গলো সঙ্ঘং ভিন্দেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো সঙ্ঘং ভিন্দেয্য. ঠানমেতং ৰিজ্জতী’’তি.

২৭৬. ‘‘অট্ঠানমেতং, ভিক্খৰে, অনৰকাসো যং দিট্ঠিসম্পন্নো পুগ্গলো অঞ্ঞং সত্থারং উদ্দিসেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুথুজ্জনো অঞ্ঞং সত্থারং উদ্দিসেয্য. ঠানমেতং ৰিজ্জতী’’তি.

২৭৭. ‘‘অট্ঠানমেতং, ভিক্খৰে, অনৰকাসো যং একিস্সা লোকধাতুযা দ্ৰে অরহন্তো সম্মাসম্বুদ্ধা অপুব্বং অচরিমং ¶ উপ্পজ্জেয্যুং. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং একিস্সা লোকধাতুযা একোৰ অরহং সম্মাসম্বুদ্ধো উপ্পজ্জেয্য. ঠানমেতং ৰিজ্জতী’’তি.

২৭৮. ‘‘অট্ঠানমেতং ¶ , ভিক্খৰে, অনৰকাসো যং একিস্সা লোকধাতুযা দ্ৰে রাজানো চক্কৰত্তী অপুব্বং অচরিমং উপ্পজ্জেয্যুং. নেতং ঠানং ৰিজ্জতি ¶ . ঠানঞ্চ খো এতং, ভিক্খৰে, ৰিজ্জতি যং একিস্সা লোকধাতুযা একো রাজা চক্কৰত্তী উপ্পজ্জেয্য. ঠানমেতং ৰিজ্জতী’’তি.

২৭৯. ‘‘অট্ঠানমেতং, ভিক্খৰে, অনৰকাসো যং ইত্থী অরহং অস্স সম্মাসম্বুদ্ধো. নেতং ঠানং ৰিজ্জতি. ঠানঞ্চ খো, এতং, ভিক্খৰে, ৰিজ্জতি যং পুরিসো অরহং অস্স সম্মাসম্বুদ্ধো. ঠানমেতং ৰিজ্জতী’’তি.

২৮০. ‘‘অট্ঠানমেতং ¶ , ভিক্খৰে, অনৰকাসো যং ইত্থী রাজা অস্স চক্কৰত্তী. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুরিসো রাজা অস্স চক্কৰত্তী. ঠানমেতং ৰিজ্জতী’’তি.

২৮১-২৮৩. ‘‘অট্ঠানমেতং, ভিক্খৰে, অনৰকাসো যং ইত্থী সক্কত্তং কারেয্য…পে… মারত্তং কারেয্য…পে… ব্রহ্মত্তং কারেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং পুরিসো সক্কত্তং কারেয্য…পে… মারত্তং কারেয্য…পে… ব্রহ্মত্তং কারেয্য. ঠানমেতং ৰিজ্জতী’’তি.

২৮৪. ‘‘অট্ঠানমেতং, ভিক্খৰে, অনৰকাসো যং কাযদুচ্চরিতস্স ইট্ঠো কন্তো মনাপো ৰিপাকো নিব্বত্তেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং কাযদুচ্চরিতস্স অনিট্ঠো অকন্তো অমনাপো ৰিপাকো নিব্বত্তেয্য. ঠানমেতং ৰিজ্জতী’’তি.

২৮৫-২৮৬. ‘‘অট্ঠানমেতং, ভিক্খৰে, অনৰকাসো যং ৰচীদুচ্চরিতস্স…পে… যং মনোদুচ্চরিতস্স ইট্ঠো কন্তো মনাপো ৰিপাকো নিব্বত্তেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং মনোদুচ্চরিতস্স অনিট্ঠো অকন্তো অমনাপো ৰিপাকো নিব্বত্তেয্য. ঠানমেতং ৰিজ্জতী’’তি.

২৮৭. ‘‘অট্ঠানমেতং ¶ , ভিক্খৰে, অনৰকাসো যং কাযসুচরিতস্স অনিট্ঠো অকন্তো অমনাপো ৰিপাকো নিব্বত্তেয্য. নেতং ঠানং ৰিজ্জতি. ঠানঞ্চ ¶ ¶ খো এতং, ভিক্খৰে, ৰিজ্জতি যং কাযসুচরিতস্স ইট্ঠো কন্তো মনাপো ৰিপাকো নিব্বত্তেয্য. ঠানমেতং ৰিজ্জতী’’তি.

২৮৮-২৮৯. ‘‘অট্ঠানমেতং ¶ , ভিক্খৰে, অনৰকাসো যং ৰচীসুচরিতস্স…পে… মনোসুচরিতস্স অনিট্ঠো অকন্তো অমনাপো ৰিপাকো নিব্বত্তেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং মনোসুচরিতস্স ইট্ঠো কন্তো মনাপো ৰিপাকো নিব্বত্তেয্য. ঠানমেতং ৰিজ্জতী’’তি.

২৯০. ‘‘অট্ঠানমেতং, ভিক্খৰে, অনৰকাসো যং কাযদুচ্চরিতসমঙ্গী তন্নিদানা তপ্পচ্চযা কাযস্স ভেদা পরং মরণা সুগতিং সগ্গং লোকং উপপজ্জেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং কাযদুচ্চরিতসমঙ্গী তন্নিদানা তপ্পচ্চযা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয্য. ঠানমেতং ৰিজ্জতী’’তি.

২৯১-২৯২. ‘‘অট্ঠানমেতং, ভিক্খৰে, অনৰকাসো যং ৰচীদুচ্চরিতসমঙ্গী…পে… যং মনোদুচ্চরিতসমঙ্গী তন্নিদানা তপ্পচ্চযা কাযস্স ভেদা পরং মরণা সুগতিং সগ্গং লোকং উপপজ্জেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং মনোদুচ্চরিতসমঙ্গী তন্নিদানা তপ্পচ্চযা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয্য. ঠানমেতং ৰিজ্জতী’’তি ¶ .

২৯৩. ‘‘অট্ঠানমেতং, ভিক্খৰে, অনৰকাসো যং কাযসুচরিতসমঙ্গী তন্নিদানা তপ্পচ্চযা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং কাযসুচরিতসমঙ্গী তন্নিদানা তপ্পচ্চযা ¶ কাযস্স ভেদা পরং মরণা সুগতিং সগ্গং লোকং উপপজ্জেয্য. ঠানমেতং ৰিজ্জতী’’তি.

২৯৪-২৯৫. ‘‘অট্ঠানমেতং, ভিক্খৰে, অনৰকাসো যং ৰচীসুচরিতসমঙ্গী…পে… যং মনোসুচরিতসমঙ্গী তন্নিদানা তপ্পচ্চযা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জেয্য. নেতং ঠানং ৰিজ্জতি. ঠানঞ্চ খো এতং, ভিক্খৰে, ৰিজ্জতি যং ¶ মনোসুচরিতসমঙ্গী তন্নিদানা তপ্পচ্চযা কাযস্স ভেদা পরং মরণা সুগতিং সগ্গং লোকং উপপজ্জেয্য. ঠানমেতং ৰিজ্জতী’’তি.

২৯৬. ‘‘একধম্মো ¶ ¶ , ভিক্খৰে, ভাৰিতো বহুলীকতো একন্তনিব্বিদায ৰিরাগায নিরোধায উপসমায অভিঞ্ঞায সম্বোধায নিব্বানায সংৰত্ততি. কতমো একধম্মো? বুদ্ধানুস্সতি. অযং খো, ভিক্খৰে, একধম্মো ভাৰিতো বহুলীকতো একন্তনিব্বিদায ৰিরাগায নিরোধায উপসমায অভিঞ্ঞায সম্বোধায ¶ নিব্বানায সংৰত্ততী’’তি.

২৯৭. ‘‘একধম্মো, ভিক্খৰে, ভাৰিতো বহুলীকতো একন্তনিব্বিদায ৰিরাগায নিরোধায উপসমায অভিঞ্ঞায সম্বোধায নিব্বানায সংৰত্ততি. কতমো একধম্মো? ধম্মানুস্সতি…পে… সঙ্ঘানুস্সতি… সীলানুস্সতি… চাগানুস্সতি… দেৰতানুস্সতি… আনাপানস্সতি… মরণস্সতি… কাযগতাসতি… উপসমানুস্সতি. অযং খো, ভিক্খৰে, একধম্মো ভাৰিতো বহুলীকতো একন্তনিব্বিদায ৰিরাগায নিরোধায উপসমায অভিঞ্ঞায সম্বোধায নিব্বানায সংৰত্ততী’’তি.

২৯৮. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা উপ্পজ্জন্তি উপ্পন্না ৰা অকুসলা ধম্মা ভিয্যোভাৰায ৰেপুল্লায সংৰত্তন্তি যথযিদং, ভিক্খৰে, মিচ্ছাদিট্ঠি. মিচ্ছাদিট্ঠিকস্স, ভিক্খৰে, অনুপ্পন্না চেৰ অকুসলা ধম্মা উপ্পজ্জন্তি উপ্পন্না চ অকুসলা ধম্মা ভিয্যোভাৰায ৰেপুল্লায সংৰত্তন্তী’’তি.

২৯৯. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা উপ্পজ্জন্তি উপ্পন্না ৰা কুসলা ধম্মা ভিয্যোভাৰায ৰেপুল্লায সংৰত্তন্তি যথযিদং ¶ , ভিক্খৰে, সম্মাদিট্ঠি. সম্মাদিট্ঠিকস্স ¶ , ভিক্খৰে, অনুপ্পন্না চেৰ কুসলা ধম্মা উপ্পজ্জন্তি উপ্পন্না চ কুসলা ধম্মা ভিয্যোভাৰায ৰেপুল্লায সংৰত্তন্তী’’তি.

৩০০. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা কুসলা ধম্মা নুপ্পজ্জন্তি উপ্পন্না ৰা কুসলা ধম্মা পরিহাযন্তি যথযিদং ¶ , ভিক্খৰে, মিচ্ছাদিট্ঠি. মিচ্ছাদিট্ঠিকস্স, ভিক্খৰে, অনুপ্পন্না চেৰ কুসলা ধম্মা নুপ্পজ্জন্তি উপ্পন্না চ কুসলা ধম্মা পরিহাযন্তী’’তি.

৩০১. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা অকুসলা ধম্মা নুপ্পজ্জন্তি উপ্পন্না ৰা অকুসলা ধম্মা পরিহাযন্তি যথযিদং, ভিক্খৰে, সম্মাদিট্ঠি. সম্মাদিট্ঠিকস্স, ভিক্খৰে, অনুপ্পন্না চেৰ অকুসলা ধম্মা নুপ্পজ্জন্তি উপ্পন্না চ অকুসলা ধম্মা পরিহাযন্তী’’তি.

৩০২. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা মিচ্ছাদিট্ঠি উপ্পজ্জতি উপ্পন্না ৰা মিচ্ছাদিট্ঠি পৰড্ঢতি যথযিদং, ভিক্খৰে, অযোনিসোমনসিকারো. অযোনিসো, ভিক্খৰে, মনসি করোতো অনুপ্পন্না চেৰ মিচ্ছাদিট্ঠি উপ্পজ্জতি উপ্পন্না চ মিচ্ছাদিট্ঠি পৰড্ঢতী’’তি.

৩০৩. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যেন অনুপ্পন্না ৰা সম্মাদিট্ঠি উপ্পজ্জতি উপ্পন্না ৰা সম্মাদিট্ঠি পৰড্ঢতি যথযিদং, ভিক্খৰে, যোনিসোমনসিকারো. যোনিসো, ভিক্খৰে, মনসি করোতো অনুপ্পন্না চেৰ সম্মাদিট্ঠি উপ্পজ্জতি উপ্পন্না চ সম্মাদিট্ঠি পৰড্ঢতী’’তি.

৩০৪. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি যেন [যেনেৰং (সী. স্যা. কং. পী.)] সত্তা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জন্তি যথযিদং, ভিক্খৰে, মিচ্ছাদিট্ঠি. মিচ্ছাদিট্ঠিযা, ভিক্খৰে, সমন্নাগতা সত্তা কাযস্স ভেদা পরং মরণা অপাযং দুগ্গতিং ৰিনিপাতং নিরযং উপপজ্জন্তী’’তি.

৩০৫. ‘‘নাহং ¶ , ভিক্খৰে, অঞ্ঞং একধম্মম্পি সমনুপস্সামি ¶ যেন সত্তা কাযস্স ভেদা পরং মরণা সুগতিং সগ্গং লোকং উপপজ্জন্তি যথযিদং, ভিক্খৰে, সম্মাদিট্ঠি. সম্মাদিট্ঠিযা, ভিক্খৰে, সমন্নাগতা সত্তা কাযস্স ভেদা পরং মরণা সুগতিং সগ্গং লোকং উপপজ্জন্তী’’তি.

৩০৬. ‘‘মিচ্ছাদিট্ঠিকস্স, ভিক্খৰে, পুরিসপুগ্গলস্স যঞ্চেৰ কাযকম্মং যথাদিট্ঠি সমত্তং সমাদিন্নং যঞ্চ ৰচীকম্মং…পে… যঞ্চ মনোকম্মং যথাদিট্ঠি সমত্তং সমাদিন্নং যা চ চেতনা যা চ পত্থনা যো চ পণিধি যে চ সঙ্খারা সব্বে তে ধম্মা অনিট্ঠায অকন্তায অমনাপায অহিতায দুক্খায সংৰত্তন্তি. তং কিস্স হেতু? দিট্ঠি হিস্স [দিট্ঠি হি (সী. স্যা. কং. পী.)], ভিক্খৰে, পাপিকা. সেয্যথাপি, ভিক্খৰে ¶ , নিম্ববীজং ৰা কোসাতকিবীজং ৰা তিত্তকলাবুবীজং ৰা অল্লায পথৰিযা [পঠৰিযা (সী. স্যা. কং. পী.)] নিক্খিত্তং যঞ্চেৰ পথৰিরসং উপাদিযতি যঞ্চ আপোরসং উপাদিযতি সব্বং তং তিত্তকত্তায কটুকত্তায অসাতত্তায সংৰত্ততি. তং কিস্স হেতু? বীজং হিস্স [ৰীজং (সী. স্যা. কং. পী.)], ভিক্খৰে, পাপকং. এৰমেৰং খো, ভিক্খৰে, মিচ্ছাদিট্ঠিকস্স পুরিসপুগ্গলস্স যঞ্চেৰ কাযকম্মং যথাদিট্ঠি সমত্তং সমাদিন্নং যঞ্চ ৰচীকম্মং…পে… ¶ যঞ্চ মনোকম্মং যথাদিট্ঠি সমত্তং সমাদিন্নং যা চ চেতনা যা চ পত্থনা যো চ পণিধি যে চ সঙ্খারা সব্বে তে ধম্মা অনিট্ঠায অকন্তায অমনাপায অহিতায দুক্খায সংৰত্তন্তি. তং কিস্স হেতু? দিট্ঠি হিস্স, ভিক্খৰে, পাপিকা’’তি.

৩০৭. ‘‘সম্মাদিট্ঠিকস্স, ভিক্খৰে, পুরিসপুগ্গলস্স যঞ্চেৰ কাযকম্মং যথাদিট্ঠি সমত্তং সমাদিন্নং যঞ্চ ৰচীকম্মং…পে… যঞ্চ মনোকম্মং যথাদিট্ঠি সমত্তং সমাদিন্নং যা চ চেতনা যা চ পত্থনা যো চ পণিধি যে চ সঙ্খারা সব্বে তে ধম্মা ইট্ঠায কন্তায মনাপায হিতায সুখায সংৰত্তন্তি. তং কিস্স হেতু? দিট্ঠি হিস্স, ভিক্খৰে, ভদ্দিকা. সেয্যথাপি, ভিক্খৰে, উচ্ছুবীজং ৰা সালিবীজং ৰা মুদ্দিকাবীজং ৰা অল্লায পথৰিযা নিক্খিত্তং যঞ্চেৰ পথৰিরসং উপাদিযতি যঞ্চ আপোরসং উপাদিযতি সব্বং তং মধুরত্তায সাতত্তায অসেচনকত্তায সংৰত্ততি. তং কিস্স হেতু? বীজং হিস্স, ভিক্খৰে, ভদ্দকং. এৰমেৰং খো, ভিক্খৰে, সম্মাদিট্ঠিকস্স পুরিসপুগ্গলস্স যঞ্চেৰ কাযকম্মং যথাদিট্ঠি সমত্তং সমাদিন্নং যঞ্চ ৰচীকম্মং…পে… যঞ্চ মনোকম্মং যথাদিট্ঠি সমত্তং সমাদিন্নং যা চ চেতনা যা চ পত্থনা যো চ পণিধি যে চ সঙ্খারা সব্বে তে ধম্মা ইট্ঠায কন্তায মনাপায ¶ হিতায সুখায সংৰত্তন্তি. তং কিস্স হেতু? দিট্ঠি হিস্স, ভিক্খৰে, ভদ্দিকা’’তি.

৩০৮. ‘‘একপুগ্গলো ¶ ¶ , ভিক্খৰে, লোকে উপ্পজ্জমানো উপ্পজ্জতি বহুজনঅহিতায বহুজনঅসুখায, বহুনো জনস্স অনত্থায অহিতায দুক্খায ¶ দেৰমনুস্সানং. কতমো একপুগ্গলো? মিচ্ছাদিট্ঠিকো হোতি ৰিপরীতদস্সনো. সো বহুজনং সদ্ধম্মা ৰুট্ঠাপেত্ৰা অসদ্ধম্মে পতিট্ঠাপেতি. অযং খো, ভিক্খৰে, একপুগ্গলো লোকে উপ্পজ্জমানো উপ্পজ্জতি বহুজনঅহিতায বহুজনঅসুখায, বহুনো জনস্স অনত্থায অহিতায দুক্খায দেৰমনুস্সান’’ন্তি.

৩০৯. ‘‘একপুগ্গলো, ভিক্খৰে, লোকে উপ্পজ্জমানো উপ্পজ্জতি বহুজনহিতায বহুজনসুখায, বহুনো জনস্স অত্থায হিতায সুখায দেৰমনুস্সানং. কতমো একপুগ্গলো? সম্মাদিট্ঠিকো হোতি অৰিপরীতদস্সনো. সো বহুজনং অসদ্ধম্মা ৰুট্ঠাপেত্ৰা সদ্ধম্মে পতিট্ঠাপেতি. অযং খো, ভিক্খৰে, একপুগ্গলো লোকে উপপজ্জমানো উপ্পজ্জতি বহুজনহিতায বহুজনসুখায, বহুনো জনস্স অত্থায হিতায সুখায দেৰমনুস্সান’’ন্তি.

৩১০. ‘‘নাহং, ভিক্খৰে, অঞ্ঞং একধম্মম্পি সমনুপস্সামি যং এৰং মহাসাৰজ্জং যথযিদং, ভিক্খৰে, মিচ্ছাদিট্ঠি. মিচ্ছাদিট্ঠিপরমানি, ভিক্খৰে, মহাসাৰজ্জানী’’তি [ৰজ্জানীতি (সী. স্যা. কং.)].

৩১১. ‘‘নাহং, ভিক্খৰে, অঞ্ঞং একপুগ্গলম্পি সমনুপস্সামি যো এৰং বহুজনঅহিতায পটিপন্নো বহুজনঅসুখায, বহুনো জনস্স অনত্থায অহিতায দুক্খায দেৰমনুস্সানং যথযিদং, ভিক্খৰে, মক্খলি মোঘপুরিসো. সেয্যথাপি, ভিক্খৰে, নদীমুখে খিপ্পং [খিপং (সী. স্যা. কং. পী.)] উড্ডেয্য [ওড্ডেয্য (সী.), উজ্ঝেয্য (ক.)] বহূনং মচ্ছানং অহিতায দুক্খায অনযায ব্যসনায; এৰমেৰং খো, ভিক্খৰে ¶ , মক্খলি মোঘপুরিসো মনুস্সখিপ্পং ¶ মঞ্ঞে লোকে উপ্পন্নো বহূনং সত্তানং অহিতায দুক্খায অনযায ব্যসনাযা’’তি.

৩১২. ‘‘দুরক্খাতে ¶ , ভিক্খৰে, ধম্মৰিনযে যো চ সমাদপেতি [সমাদাপেতি (?)] যঞ্চ সমাদপেতি যো চ সমাদপিতো তথত্তায পটিপজ্জতি সব্বে তে বহুং অপুঞ্ঞং পসৰন্তি. তং কিস্স হেতু? দুরক্খাতত্তা, ভিক্খৰে, ধম্মস্সা’’তি.

৩১৩. ‘‘স্ৰাক্খাতে ¶ , ভিক্খৰে, ধম্মৰিনযে যো চ সমাদপেতি যঞ্চ সমাদপেতি যো চ সমাদপিতো তথত্তায পটিপজ্জতি সব্বে তে বহুং পুঞ্ঞং পসৰন্তি. তং কিস্স হেতু? স্ৰাক্খাতত্তা, ভিক্খৰে, ধম্মস্সা’’তি.

৩১৪. ‘‘দুরক্খাতে, ভিক্খৰে, ধম্মৰিনযে দাযকেন মত্তা জানিতব্বা, নো পটিগ্গাহকেন. তং কিস্স হেতু? দুরক্খাতত্তা, ভিক্খৰে, ধম্মস্সা’’তি.

৩১৫. ‘‘স্ৰাক্খাতে, ভিক্খৰে, ধম্মৰিনযে পটিগ্গাহকেন মত্তা জানিতব্বা, নো দাযকেন. তং কিস্স হেতু? স্ৰাক্খাতত্তা, ভিক্খৰে, ধম্মস্সা’’তি.

৩১৬. ‘‘দুরক্খাতে, ভিক্খৰে, ধম্মৰিনযে যো আরদ্ধৰীরিযো সো দুক্খং ৰিহরতি. তং কিস্স হেতু? দুরক্খাতত্তা, ভিক্খৰে, ধম্মস্সা’’তি.

৩১৭. ‘‘স্ৰাক্খাতে, ভিক্খৰে, ধম্মৰিনযে যো কুসীতো সো দুক্খং ৰিহরতি. তং কিস্স হেতু? স্ৰাক্খাতত্তা, ভিক্খৰে, ধম্মস্সা’’তি.

৩১৮. ‘‘দুরক্খাতে, ভিক্খৰে, ধম্মৰিনযে যো কুসীতো সো সুখং ৰিহরতি ¶ . তং কিস্স হেতু? দুরক্খাতত্তা, ভিক্খৰে, ধম্মস্সা’’তি.

৩১৯. ‘‘স্ৰাক্খাতে, ভিক্খৰে, ধম্মৰিনযে যো আরদ্ধৰীরিযো সো সুখং ৰিহরতি. তং কিস্স হেতু? স্ৰাক্খাতত্তা, ভিক্খৰে, ধম্মস্সা’’তি.

৩২০. ‘‘সেয্যথাপি ¶ , ভিক্খৰে, অপ্পমত্তকোপি গূথো দুগ্গন্ধো হোতি; এৰমেৰং খো অহং, ভিক্খৰে, অপ্পমত্তকম্পি ভৰং ন ৰণ্ণেমি, অন্তমসো অচ্ছরাসঙ্ঘাতমত্তম্পি’’.

৩২১. ‘‘সেয্যথাপি, ভিক্খৰে, অপ্পমত্তকম্পি মুত্তং দুগ্গন্ধং হোতি… অপ্পমত্তকোপি খেল়ো দুগ্গন্ধো হোতি… অপ্পমত্তকোপি পুব্বো দুগ্গন্ধো হোতি… অপ্পমত্তকম্পি ¶ লোহিতং দুগ্গন্ধং হোতি; এৰমেৰং খো অহং, ভিক্খৰে, অপ্পমত্তকম্পি ভৰং ন ৰণ্ণেমি, অন্তমসো অচ্ছরাসঙ্ঘাতমত্তম্পি’’.

৩২২. ‘‘সেয্যথাপি ¶ , ভিক্খৰে, অপ্পমত্তকং ইমস্মিং জম্বুদীপে আরামরামণেয্যকং ৰনরামণেয্যকং ভূমিরামণেয্যকং পোক্খরণিরামণেয্যকং; অথ খো এতদেৰ বহুতরং যদিদং উক্কূলৰিকূলং নদীৰিদুগ্গং খাণুকণ্টকট্ঠানং [খাণুকণ্ডকধানং (সী. পী.)] পব্বতৰিসমং; এৰমেৰং খো, ভিক্খৰে, অপ্পকা তে সত্তা যে থলজা, অথ খো এতেৰ সত্তা বহুতরা যে ওদকা’’.

৩২৩. … এৰমেৰং খো, ভিক্খৰে, অপ্পকা তে সত্তা যে মনুস্সেসু পচ্চাজাযন্তি; অথ খো এতেৰ সত্তা বহুতরা যে অঞ্ঞত্র মনুস্সেহি পচ্চাজাযন্তি.

… এৰমেৰং খো, ভিক্খৰে, অপ্পকা তে সত্তা যে মজ্ঝিমেসু জনপদেসু পচ্চাজাযন্তি; অথ ¶ খো এতেৰ সত্তা বহুতরা যে পচ্চন্তিমেসু জনপদেসু পচ্চাজাযন্তি অৰিঞ্ঞাতারেসু মিলক্খেসু [মিলক্খূসু (ক.)].

৩২৪. … এৰমেৰং খো, ভিক্খৰে, অপ্পকা তে সত্তা যে পঞ্ঞৰন্তো অজল়া অনেল়মূগা পটিবলা সুভাসিতদুব্ভাসিতস্স অত্থমঞ্ঞাতুং; অথ খো এতেৰ সত্তা বহুতরা যে দুপ্পঞ্ঞা জল়া এল়মূগা ন পটিবলা সুভাসিতদুব্ভাসিতস্স অত্থমঞ্ঞাতুং.

৩২৫. … এৰমেৰং ¶ খো, ভিক্খৰে, অপ্পকা তে সত্তা যে অরিযেন পঞ্ঞাচক্খুনা সমন্নাগতা; অথ খো এতেৰ সত্তা বহুতরা যে অৰিজ্জাগতা সম্মূল়্হা.

৩২৬. … এৰমেৰং খো, ভিক্খৰে, অপ্পকা তে সত্তা যে লভন্তি তথাগতং দস্সনায; অথ খো এতেৰ সত্তা বহুতরা যে ন লভন্তি তথাগতং দস্সনায.

৩২৭. … এৰমেৰং খো, ভিক্খৰে, অপ্পকা তে সত্তা যে লভন্তি তথাগতপ্পৰেদিতং ধম্মৰিনযং সৰনায; অথ খো এতেৰ ¶ সত্তা বহুতরা যে ন লভন্তি তথাগতপ্পৰেদিতং ধম্মৰিনযং সৰনায.

৩২৮. … এৰমেৰং ¶ খো, ভিক্খৰে, অপ্পকা তে সত্তা যে সুত্ৰা ধম্মং ধারেন্তি; অথ খো এতেৰ সত্তা বহুতরা যে সুত্ৰা ধম্মং ন ধারেন্তি.

৩২৯. … এৰমেৰং খো, ভিক্খৰে, অপ্পকা তে সত্তা যে ধাতানং [ধতানং (সী. স্যা. কং. পী.)] ধম্মানং অত্থং উপপরিক্খন্তি; অথ খো এতেৰ সত্তা বহুতরা যে ধাতানং ধম্মানং অত্থং ন উপপরিক্খন্তি.

৩৩০. … এৰমেৰং খো, ভিক্খৰে, অপ্পকা তে সত্তা যে অত্থমঞ্ঞায ধম্মমঞ্ঞায ধম্মানুধম্মং পটিপজ্জন্তি; অথ খো এতেৰ সত্তা বহুতরা যে অত্থমঞ্ঞায ধম্মমঞ্ঞায ধম্মানুধম্মং ন পটিপজ্জন্তি.

৩৩১. … এৰমেৰং খো, ভিক্খৰে, অপ্পকা তে সত্তা যে সংৰেজনিযেসু ঠানেসু সংৰিজ্জন্তি; অথ খো এতেৰ সত্তা ¶ বহুতরা যে সংৰেজনিযেসু ঠানেসু ন সংৰিজ্জন্তি.

৩৩২. … এৰমেৰং খো, ভিক্খৰে, অপ্পকা তে সত্তা যে সংৰিগ্গা ¶ যোনিসো পদহন্তি; অথ খো এতেৰ সত্তা বহুতরা যে সংৰিগ্গা যোনিসো ন পদহন্তি.

৩৩৩. … এৰমেৰং খো, ভিক্খৰে, অপ্পকা তে সত্তা যে ৰৰস্সগ্গারম্মণং করিত্ৰা লভন্তি সমাধিং [চিত্তস্স সমাধিং (সী.)] লভন্তি চিত্তস্সেকগ্গতং [চিত্তস্সেকগ্গং (সী.)]; অথ খো এতেৰ সত্তা বহুতরা যে ৰৰস্সগ্গারম্মণং করিত্ৰা ন লভন্তি সমাধিং ন লভন্তি চিত্তস্সেকগ্গতং.

৩৩৪. … এৰমেৰং খো, ভিক্খৰে, অপ্পকা তে সত্তা যে অন্নগ্গরসগ্গানং লাভিনো; অথ খো এতেৰ সত্তা বহুতরা যে অন্নগ্গরসগ্গানং ন লাভিনো, উঞ্ছেন কপালাভতেন যাপেন্তি.

৩৩৫. … এৰমেৰং খো, ভিক্খৰে, অপ্পকা তে সত্তা যে অত্থরসস্স ধম্মরসস্স ৰিমুত্তিরসস্স লাভিনো; অথ খো এতেৰ সত্তা বহুতরা যে অত্থরসস্স ধম্মরসস্স ৰিমুত্তিরসস্স ন লাভিনো. তস্মাতিহ, ভিক্খৰে ¶ , এৰং সিক্খিতব্বং – অত্থরসস্স ধম্মরসস্স ৰিমুত্তিরসস্স লাভিনো ভৰিস্সামাতি. এৰঞ্হি ৰো, ভিক্খৰে, সিক্খিতব্বন্তি.

৩৩৬-৩৩৮. ‘‘সেয্যথাপি ¶ , ভিক্খৰে, অপ্পমত্তকং ইমস্মিং জম্বুদীপে আরামরামণেয্যকং ৰনরামণেয্যকং ভূমিরামণেয্যকং পোক্খরণিরামণেয্যকং; অথ খো এতদেৰ বহুতরং যদিদং উক্কূলৰিকূলং নদীৰিদুগ্গং খাণুকণ্টকট্ঠানং পব্বতৰিসমং. এৰমেৰং খো, ভিক্খৰে, অপ্পকা তে সত্তা যে মনুস্সা চুতা মনুস্সেসু পচ্চাজাযন্তি, অথ খো এতেৰ সত্তা বহুতরা যে মনুস্সা চুতা নিরযে পচ্চাজাযন্তি…পে… তিরচ্ছানযোনিযা পচ্চাজাযন্তি…পে… পেত্তিৰিসযে পচ্চাজাযন্তি’’.

৩৩৯-৩৪১. … এৰমেৰং খো, ভিক্খৰে, অপ্পকা তে সত্তা যে ¶ মনুস্সা চুতা দেৰেসু পচ্চাজাযন্তি; অথ খো এতেৰ সত্তা বহুতরা যে মনুস্সা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৪২-৩৪৪. … এৰমেৰং খো, ভিক্খৰে, অপ্পকা তে সত্তা যে দেৰা ¶ চুতা দেৰেসু পচ্চাজাযন্তি; অথ খো এতেৰ সত্তা বহুতরা যে দেৰা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৪৫-৩৪৭. … এৰমেৰং খো, ভিক্খৰে, অপ্পকা তে সত্তা যে দেৰা চুতা মনুস্সেসু পচ্চাজাযন্তি; অথ খো এতেৰ সত্তা বহুতরা যে দেৰা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৪৮-৩৫০. … এৰমেৰং খো, ভিক্খৰে, অপ্পকা তে সত্তা যে নিরযা চুতা মনুস্সেসু পচ্চাজাযন্তি; অথ খো এতেৰ সত্তা বহুতরা যে নিরযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৫১-৩৫৩. … এৰমেৰং খো, ভিক্খৰে, অপ্পকা তে সত্তা যে নিরযা চুতা দেৰেসু পচ্চাজাযন্তি; অথ খো এতেৰ সত্তা বহুতরা যে নিরযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৫৪-৩৫৬. … এৰমেৰং ¶ খো, ভিক্খৰে, অপ্পকা তে সত্তা যে তিরচ্ছানযোনিযা চুতা মনুস্সেসু পচ্চাজাযন্তি; অথ খো এতেৰ সত্তা বহুতরা যে তিরচ্ছানযোনিযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৫৭-৩৫৯. … এৰমেৰং খো, ভিক্খৰে, অপ্পকা তে সত্তা যে তিরচ্ছানযোনিযা চুতা দেৰেসু পচ্চাজাযন্তি; অথ খো এতেৰ সত্তা বহুতরা যে ¶ তিরচ্ছানযোনিযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৬০-৩৬২. … এৰমেৰং খো, ভিক্খৰে, অপ্পকা তে সত্তা যে পেত্তিৰিসযা চুতা মনুস্সেসু পচ্চাজাযন্তি; অথ খো এতেৰ সত্তা বহুতরা যে পেত্তিৰিসযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৬৩-৩৬৫. … এৰমেৰং ¶ খো, ভিক্খৰে, অপ্পকা তে সত্তা যে পেত্তিৰিসযা চুতা দেৰেসু পচ্চাজাযন্তি ¶ ; অথ খো এতেৰ সত্তা বহুতরা যে পেত্তিৰিসযা চুতা নিরযে পচ্চাজাযন্তি… তিরচ্ছানযোনিযা পচ্চাজাযন্তি… পেত্তিৰিসযে পচ্চাজাযন্তি.

৩৬৬-৩৮১. ‘‘অদ্ধমিদং ¶ , ভিক্খৰে, লাভানং যদিদং আরঞ্ঞিকত্তং [অরঞ্ঞকত্তং (সব্বত্থ)] …পে… পিণ্ডপাতিকত্তং… পংসুকূলিকত্তং… তেচীৰরিকত্তং… ধম্মকথিকত্তং… ৰিনযধরত্তং [ৰিনযধরকত্তং (স্যা. কং. পী. ক.)] … বাহুসচ্চং… থাৰরেয্যং… আকপ্পসম্পদা… পরিৰারসম্পদা… মহাপরিৰারতা… কোলপুত্তি… ৰণ্ণপোক্খরতা… কল্যাণৰাক্করণতা… অপ্পিচ্ছতা… অপ্পাবাধতা’’তি.

৩৮২. ‘‘অচ্ছরাসঙ্ঘাতমত্তম্পি ¶ ¶ চে, ভিক্খৰে, ভিক্খু পঠমং ঝানং ভাৰেতি, অযং ৰুচ্চতি, ভিক্খৰে – ‘ভিক্খু অরিত্তজ্ঝানো ৰিহরতি, সত্থুসাসনকরো ওৰাদপতিকরো, অমোঘং রট্ঠপিণ্ডং ভুঞ্জতি’. কো পন ৰাদো যে নং বহুলীকরোন্তী’’তি!

৩৮৩-৩৮৯. ‘‘অচ্ছরাসঙ্ঘাতমত্তম্পি চে, ভিক্খৰে, ভিক্খু দুতিযং ঝানং ভাৰেতি…পে… ¶ ততিযং ঝানং ভাৰেতি…পে… চতুত্থং ঝানং ভাৰেতি…পে… মেত্তং চেতোৰিমুত্তিং ভাৰেতি…পে… করুণং চেতোৰিমুত্তিং ভাৰেতি…পে… মুদিতং ¶ চেতোৰিমুত্তিং ভাৰেতি…পে… উপেক্খং চেতোৰিমুত্তিং ভাৰেতি…পে….

৩৯০-৩৯৩. কাযে কাযানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং; ৰেদনাসু ৰেদনানুপস্সী ৰিহরতি…পে… চিত্তে চিত্তানুপস্সী ৰিহরতি…পে… ধম্মেসু ধম্মানুপস্সী ৰিহরতি আতাপী সম্পজানো সতিমা ৰিনেয্য লোকে অভিজ্ঝাদোমনস্সং.

৩৯৪-৩৯৭. অনুপ্পন্নানং পাপকানং অকুসলানং ধম্মানং অনুপ্পাদায ছন্দং জনেতি ৰাযমতি ৰীরিযং [ৰিরিযং (সী. স্যা. কং. পী.)] আরভতি চিত্তং পগ্গণ্হাতি পদহতি; উপ্পন্নানং পাপকানং অকুসলানং ধম্মানং পহানায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি. অনুপ্পন্নানং কুসলানং ধম্মানং উপ্পাদায ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি; উপ্পন্নানং কুসলানং ধম্মানং ঠিতিযা অসম্মোসায ভিয্যোভাৰায ৰেপুল্লায ভাৰনায পারিপূরিযা ছন্দং জনেতি ৰাযমতি ৰীরিযং আরভতি চিত্তং পগ্গণ্হাতি পদহতি.

৩৯৮-৪০১. ছন্দসমাধিপধানসঙ্খারসমন্নাগতং ইদ্ধিপাদং ভাৰেতি… ৰীরিযসমাধিপধানসঙ্খারসমন্নাগতং ¶ ইদ্ধিপাদং ভাৰেতি… চিত্তসমাধিপধানসঙ্খারসমন্নাগতং ইদ্ধিপাদং ভাৰেতি… ৰীমংসাসমাধিপধানসঙ্খারসমন্নাগতং ইদ্ধিপাদং ভাৰেতি….

৪০২-৪০৬. সদ্ধিন্দ্রিযং ভাৰেতি… ৰীরিযিন্দ্রিযং ভাৰেতি… সতিন্দ্রিযং ভাৰেতি… সমাধিন্দ্রিযং ভাৰেতি… পঞ্ঞিন্দ্রিযং ভাৰেতি….

৪০৭-৪১১. সদ্ধাবলং ¶ ভাৰেতি… ৰীরিযবলং ভাৰেতি… সতিবলং ¶ ভাৰেতি… সমাধিবলং ভাৰেতি… পঞ্ঞাবলং ভাৰেতি….

৪১২-৪১৮. সতিসম্বোজ্ঝঙ্গং ভাৰেতি… ধম্মৰিচযসম্বোজ্ঝঙ্গং ভাৰেতি… ৰীরিযসম্বোজ্ঝঙ্গং ¶ ভাৰেতি… পীতিসম্বোজ্ঝঙ্গং ভাৰেতি… পস্সদ্ধিসম্বোজ্ঝঙ্গং ভাৰেতি… সমাধিসম্বোজ্ঝঙ্গং ভাৰেতি… উপেক্খাসম্বোজ্ঝঙ্গং ভাৰেতি….

৪১৯-৪২৬. সম্মাদিট্ঠিং ভাৰেতি… সম্মাসঙ্কপ্পং ভাৰেতি… সম্মাৰাচং ভাৰেতি… সম্মাকম্মন্তং ভাৰেতি… সম্মাআজীৰং ভাৰেতি… সম্মাৰাযামং ভাৰেতি… সম্মাসতিং ভাৰেতি… সম্মাসমাধিং ভাৰেতি….

৪২৭-৪৩৪. [দী. নি. ২.১৭৩; ম. নি. ২.২৪৯; অ. নি. ৮.৬৫] অজ্ঝত্তং রূপসঞ্ঞী বহিদ্ধা রূপানি পস্সতি পরিত্তানি সুৰণ্ণদুব্বণ্ণানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং রূপসঞ্ঞী বহিদ্ধা রূপানি পস্সতি অপ্পমাণানি সুৰণ্ণদুব্বণ্ণানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং অরূপসঞ্ঞী বহিদ্ধা রূপানি পস্সতি পরিত্তানি সুৰণ্ণদুব্বণ্ণানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং অরূপসঞ্ঞী বহিদ্ধা রূপানি পস্সতি অপ্পমাণানি সুৰণ্ণদুব্বণ্ণানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং ¶ অরূপসঞ্ঞী বহিদ্ধা রূপানি পস্সতি নীলানি নীলৰণ্ণানি নীলনিদস্সনানি নীলনিভাসানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং অরূপসঞ্ঞী বহিদ্ধা রূপানি পস্সতি পীতানি পীতৰণ্ণানি পীতনিদস্সনানি পীতনিভাসানি. ‘তানি অভিভুয্য জানামি পস্সামী’তি – এৰংসঞ্ঞী হোতি… অজ্ঝত্তং অরূপসঞ্ঞী বহিদ্ধা রূপানি পস্সতি লোহিতকানি লোহিতকৰণ্ণানি ¶ লোহিতকনিদস্সনানি লোহিতকনিভাসানি. ‘তানি অভিভুয্য জানামি পস্সামী’তি এৰংসঞ্ঞী হোতি… অজ্ঝত্তং অরূপসঞ্ঞী বহিদ্ধা রূপানি পস্সতি ওদাতানি ওদাতৰণ্ণানি ওদাতনিদস্সনানি ওদাতনিভাসানি. ‘তানি অভিভুয্য জানামি পস্সামী’তি – এৰংসঞ্ঞী হোতি….

৪৩৫-৪৪২. রূপী রূপানি পস্সতি… অজ্ঝত্তং ¶ অরূপসঞ্ঞী বহিদ্ধা রূপানি পস্সতি সুভন্তেৰ অধিমুত্তো হোতি… সব্বসো রূপসঞ্ঞানং সমতিক্কমা পটিঘসঞ্ঞানং অত্থঙ্গমা নানত্তসঞ্ঞানং অমনসিকারা অনন্তো ¶ আকাসোতি আকাসানঞ্চাযতনং উপসম্পজ্জ ৰিহরতি… সব্বসো আকাসানঞ্চাযতনং সমতিক্কম্ম অনন্তং ৰিঞ্ঞাণন্তি ৰিঞ্ঞাণঞ্চাযতনং উপসম্পজ্জ ৰিহরতি… সব্বসো ৰিঞ্ঞাণঞ্চাযতনং সমতিক্কম্ম নত্থি কিঞ্চীতি আকিঞ্চঞ্ঞাযতনং ¶ উপসম্পজ্জ ৰিহরতি… সব্বসো আকিঞ্চঞ্ঞাযতনং সমতিক্কম্ম নেৰসঞ্ঞানাসঞ্ঞাযতনং উপসম্পজ্জ ৰিহরতি… সব্বসো নেৰসঞ্ঞানাসঞ্ঞাযতনং সমতিক্কম্ম সঞ্ঞাৰেদযিতনিরোধং উপসম্পজ্জ ৰিহরতি….

৪৪৩-৪৫২. পথৰীকসিণং ভাৰেতি… আপোকসিণং ভাৰেতি… তেজোকসিণং ভাৰেতি… ৰাযোকসিণং ভাৰেতি… নীলকসিণং ভাৰেতি… পীতকসিণং ভাৰেতি… লোহিতকসিণং ভাৰেতি… ওদাতকসিণং ভাৰেতি… আকাসকসিণং ভাৰেতি… ৰিঞ্ঞাণকসিণং ভাৰেতি….

৪৫৩-৪৬২. অসুভসঞ্ঞং ভাৰেতি… মরণসঞ্ঞং ভাৰেতি… আহারে পটিকূলসঞ্ঞং ভাৰেতি… সব্বলোকে অনভিরতিসঞ্ঞং [অনভিরতসঞ্ঞং (সী. স্যা. কং. পী.)] ভাৰেতি… অনিচ্চসঞ্ঞং ভাৰেতি… অনিচ্চে দুক্খসঞ্ঞং ভাৰেতি… দুক্খে অনত্তসঞ্ঞং ভাৰেতি… পহানসঞ্ঞং ভাৰেতি… ৰিরাগসঞ্ঞং ভাৰেতি… নিরোধসঞ্ঞং ভাৰেতি….

৪৬৩-৪৭২. অনিচ্চসঞ্ঞং ভাৰেতি… অনত্তসঞ্ঞং ভাৰেতি… মরণসঞ্ঞং ¶ ভাৰেতি… আহারে পটিকূলসঞ্ঞং ভাৰেতি… সব্বলোকে অনভিরতিসঞ্ঞং ভাৰেতি… অট্ঠিকসঞ্ঞং ভাৰেতি… পুল়ৰকসঞ্ঞং [পুল়ুৰকসঞ্ঞং (ক.)] ভাৰেতি… ৰিনীলকসঞ্ঞং ভাৰেতি… ৰিচ্ছিদ্দকসঞ্ঞং ভাৰেতি… উদ্ধুমাতকসঞ্ঞং ভাৰেতি….

৪৭৩-৪৮২. বুদ্ধানুস্সতিং ¶ ভাৰেতি… ধম্মানুস্সতিং ভাৰেতি… সঙ্ঘানুস্সতিং ভাৰেতি… সীলানুস্সতিং ভাৰেতি… চাগানুস্সতিং ভাৰেতি… দেৰতানুস্সতিং ¶ ভাৰেতি… আনাপানস্সতিং ভাৰেতি… মরণস্সতিং ভাৰেতি… কাযগতাসতিং ভাৰেতি… উপসমানুস্সতিং ভাৰেতি….

৪৮৩-৪৯২. পঠমজ্ঝানসহগতং ¶ সদ্ধিন্দ্রিযং ভাৰেতি… ৰীরিযিন্দ্রিযং ভাৰেতি… সতিন্দ্রিযং ভাৰেতি… সমাধিন্দ্রিযং ভাৰেতি… পঞ্ঞিন্দ্রিযং ভাৰেতি… সদ্ধাবলং ভাৰেতি… ৰীরিযবলং ভাৰেতি… সতিবলং ভাৰেতি… সমাধিবলং ভাৰেতি… পঞ্ঞাবলং ভাৰেতি….

৪৯৩-৫৬২. ‘‘দুতিযজ্ঝানসহগতং…পে… ততিযজ্ঝানসহগতং…পে… চতুত্থজ্ঝানসহগতং…পে… মেত্তাসহগতং…পে… করুণাসহগতং…পে… মুদিতাসহগতং…পে… উপেক্খাসহগতং সদ্ধিন্দ্রিযং ভাৰেতি… ৰীরিযিন্দ্রিযং ভাৰেতি… সতিন্দ্রিযং ¶ ভাৰেতি… সমাধিন্দ্রিযং ভাৰেতি… পঞ্ঞিন্দ্রিযং ভাৰেতি… সদ্ধাবলং ভাৰেতি… ৰীরিযবলং ভাৰেতি… সতিবলং ভাৰেতি… সমাধিবলং ভাৰেতি… পঞ্ঞাবলং ভাৰেতি. অযং ৰুচ্চতি, ভিক্খৰে – ‘ভিক্খু অরিত্তজ্ঝানো ৰিহরতি সত্থুসাসনকরো ওৰাদপতিকরো, অমোঘং রট্ঠপিণ্ডং ভুঞ্জতি’. কো পন ৰাদো যে নং বহুলীকরোন্তী’’তি!

অপরঅচ্ছরাসঙ্ঘাতৰগ্গো অট্ঠারসমো.

৫৬৩. ‘‘যস্স ¶ কস্সচি, ভিক্খৰে, মহাসমুদ্দো চেতসা ফুটো অন্তোগধা তস্স কুন্নদিযো যা কাচি সমুদ্দঙ্গমা; এৰমেৰং, ভিক্খৰে, যস্স কস্সচি কাযগতা সতি ভাৰিতা বহুলীকতা অন্তোগধা তস্স কুসলা ধম্মা যে কেচি ৰিজ্জাভাগিযা’’তি.

৫৬৪-৫৭০. ‘‘একধম্মো, ভিক্খৰে, ভাৰিতো বহুলীকতো মহতো সংৰেগায সংৰত্ততি… মহতো অত্থায সংৰত্ততি… মহতো যোগক্খেমায সংৰত্ততি… সতিসম্পজঞ্ঞায ¶ সংৰত্ততি… ঞাণদস্সনপ্পটিলাভায সংৰত্ততি… দিট্ঠধম্মসুখৰিহারায সংৰত্ততি… ৰিজ্জাৰিমুত্তিফলসচ্ছিকিরিযায সংৰত্ততি. কতমো একধম্মো? কাযগতা সতি. অযং খো, ভিক্খৰে, একধম্মো ভাৰিতো বহুলীকতো মহতো সংৰেগায সংৰত্ততি… মহতো অত্থায সংৰত্ততি… মহতো যোগক্খেমায সংৰত্ততি… সতিসম্পজঞ্ঞায সংৰত্ততি… ঞাণদস্সনপ্পটিলাভায সংৰত্ততি… দিট্ঠধম্মসুখৰিহারায সংৰত্ততি… ৰিজ্জাৰিমুত্তিফলসচ্ছিকিরিযায সংৰত্ততী’’তি.

৫৭১. ‘‘একধম্মে ¶ , ভিক্খৰে, ভাৰিতে বহুলীকতে কাযোপি পস্সম্ভতি, চিত্তম্পি পস্সম্ভতি, ৰিতক্কৰিচারাপি ৰূপসম্মন্তি, কেৰলাপি ৰিজ্জাভাগিযা ধম্মা ভাৰনাপারিপূরিং গচ্ছন্তি. কতমস্মিং একধম্মে? কাযগতায সতিযা. ইমস্মিং ¶ খো, ভিক্খৰে, একধম্মে ভাৰিতে বহুলীকতে কাযোপি পস্সম্ভতি, চিত্তম্পি পস্সম্ভতি, ৰিতক্কৰিচারাপি ৰূপসম্মন্তি, কেৰলাপি ৰিজ্জাভাগিযা ধম্মা ভাৰনাপারিপূরিং গচ্ছন্তী’’তি.

৫৭২. ‘‘একধম্মে, ভিক্খৰে, ভাৰিতে বহুলীকতে অনুপ্পন্না চেৰ অকুসলা ধম্মা নুপ্পজ্জন্তি, উপ্পন্না চ অকুসলা ধম্মা পহীযন্তি. কতমস্মিং একধম্মে? কাযগতায সতিযা. ইমস্মিং খো, ভিক্খৰে, একধম্মে ভাৰিতে বহুলীকতে অনুপ্পন্না চেৰ অকুসলা ধম্মা নুপ্পজ্জন্তি, উপ্পন্না চ অকুসলা ধম্মা পহীযন্তী’’তি.

৫৭৩. ‘‘একধম্মে ¶ , ভিক্খৰে, ভাৰিতে বহুলীকতে অনুপ্পন্না চেৰ কুসলা ধম্মা উপ্পজ্জন্তি, উপ্পন্না চ কুসলা ধম্মা ভিয্যোভাৰায ৰেপুল্লায ¶ সংৰত্তন্তি. কতমস্মিং একধম্মে? কাযগতায সতিযা. ইমস্মিং খো, ভিক্খৰে, একধম্মে ভাৰিতে বহুলীকতে অনুপ্পন্না চেৰ কুসলা ধম্মা উপ্পজ্জন্তি, উপ্পন্না চ কুসলা ধম্মা ভিয্যোভাৰায ৰেপুল্লায সংৰত্তন্তী’’তি.

৫৭৪. ‘‘একধম্মে, ভিক্খৰে, ভাৰিতে বহুলীকতে অৰিজ্জা পহীযতি, ৰিজ্জা উপ্পজ্জতি, অস্মিমানো পহীযতি, অনুসযা সমুগ্ঘাতং গচ্ছন্তি, সংযোজনা পহীযন্তি. কতমস্মিং একধম্মে? কাযগতায সতিযা. ইমস্মিং খো, ভিক্খৰে, একধম্মে ভাৰিতে বহুলীকতে অৰিজ্জা পহীযতি, ৰিজ্জা উপ্পজ্জতি, অস্মিমানো পহীযতি, অনুসযা সমুগ্ঘাতং গচ্ছন্তি, সংযোজনা পহীযন্তী’’তি.

৫৭৫-৫৭৬. ‘‘একধম্মো, ভিক্খৰে, ভাৰিতো বহুলীকতো পঞ্ঞাপভেদায সংৰত্ততি… অনুপাদাপরিনিব্বানায সংৰত্ততি. কতমো একধম্মো? কাযগতা সতি. অযং খো, ভিক্খৰে, একধম্মো ভাৰিতো বহুলীকতো পঞ্ঞাপভেদায সংৰত্ততি… অনুপাদাপরিনিব্বানায সংৰত্ততী’’তি.

৫৭৭-৫৭৯. ‘‘একধম্মে ¶ , ভিক্খৰে, ভাৰিতে বহুলীকতে অনেকধাতুপটিৰেধো হোতি… নানাধাতুপটিৰেধো হোতি… অনেকধাতুপটিসম্ভিদা হোতি. কতমস্মিং একধম্মে? কাযগতায সতিযা. ইমস্মিং খো, ভিক্খৰে, একধম্মে ভাৰিতে বহুলীকতে অনেকধাতুপটিৰেধো হোতি… নানাধাতুপটিৰেধো হোতি… অনেকধাতুপটিসম্ভিদা হোতী’’তি.

৫৮০-৫৮৩. ‘‘একধম্মো, ভিক্খৰে, ভাৰিতো বহুলীকতো সোতাপত্তিফলসচ্ছিকিরিযায ¶ সংৰত্ততি… সকদাগামিফলসচ্ছিকিরিযায সংৰত্ততি… অনাগামিফলসচ্ছিকিরিযায সংৰত্ততি… অরহত্তফলসচ্ছিকিরিযায ¶ সংৰত্ততি. কতমো একধম্মো? কাযগতা সতি. অযং খো, ভিক্খৰে, একধম্মো ভাৰিতো বহুলীকতো সোতাপত্তিফলসচ্ছিকিরিযায সংৰত্ততি… সকদাগামিফলসচ্ছিকিরিযায সংৰত্ততি… অনাগামিফলসচ্ছিকিরিযায সংৰত্ততি… অরহত্তফলসচ্ছিকিরিযায সংৰত্ততী’’তি.

৫৮৪-৫৯৯. ‘‘একধম্মো ¶ , ভিক্খৰে, ভাৰিতো বহুলীকতো পঞ্ঞাপটিলাভায সংৰত্ততি… পঞ্ঞাৰুদ্ধিযা সংৰত্ততি… পঞ্ঞাৰেপুল্লায সংৰত্ততি… মহাপঞ্ঞতায সংৰত্ততি… পুথুপঞ্ঞতায সংৰত্ততি… ৰিপুলপঞ্ঞতায সংৰত্ততি… গম্ভীরপঞ্ঞতায সংৰত্ততি… অসামন্তপঞ্ঞতায [অসমত্থপঞ্ঞতায (স্যা. কং.), অসমত্তপঞ্ঞতায (ক.), অসমন্তপঞ্ঞতায (টীকা) পটি. ম. অট্ঠ. ২.৩.১ পস্সিতব্বং] সংৰত্ততি… ভূরিপঞ্ঞতায সংৰত্ততি… পঞ্ঞাবাহুল্লায সংৰত্ততি… সীঘপঞ্ঞতায সংৰত্ততি… লহুপঞ্ঞতায সংৰত্ততি… হাসপঞ্ঞতায [হাসুপঞ্ঞতায (সী. পী.)] সংৰত্ততি… জৰনপঞ্ঞতায সংৰত্ততি… তিক্খপঞ্ঞতায সংৰত্ততি… নিব্বেধিকপঞ্ঞতায সংৰত্ততি. কতমো একধম্মো? কাযগতা সতি. অযং খো, ভিক্খৰে, একধম্মো ভাৰিতো বহুলীকতো পঞ্ঞাপটিলাভায সংৰত্ততি… পঞ্ঞাৰুদ্ধিযা সংৰত্ততি… পঞ্ঞাৰেপুল্লায সংৰত্ততি… মহাপঞ্ঞতায সংৰত্ততি… পুথুপঞ্ঞতায সংৰত্ততি… ৰিপুলপঞ্ঞতায সংৰত্ততি… গম্ভীরপঞ্ঞতায সংৰত্ততি… অসামন্তপঞ্ঞতায সংৰত্ততি… ভূরিপঞ্ঞতায সংৰত্ততি… পঞ্ঞাবাহুল্লায সংৰত্ততি… সীঘপঞ্ঞতায সংৰত্ততি… লহুপঞ্ঞতায সংৰত্ততি… হাসপঞ্ঞতায সংৰত্ততি… জৰনপঞ্ঞতায সংৰত্ততি… তিক্খপঞ্ঞতায সংৰত্ততি… নিব্বেধিকপঞ্ঞতায সংৰত্ততী’’তি.

৬০০. ‘‘অমতং ¶ ¶ ¶ তে, ভিক্খৰে, ন পরিভুঞ্জন্তি যে কাযগতাসতিং ন পরিভুঞ্জন্তি. অমতং তে, ভিক্খৰে, পরিভুঞ্জন্তি যে কাযগতাসতিং পরিভুঞ্জন্তী’’তি.

৬০১. ‘‘অমতং তেসং, ভিক্খৰে, অপরিভুত্তং যেসং কাযগতাসতি অপরিভুত্তা. অমতং তেসং, ভিক্খৰে, পরিভুত্তং যেসং কাযগতাসতি পরিভুত্তা’’তি.

৬০২. ‘‘অমতং তেসং, ভিক্খৰে, পরিহীনং যেসং কাযগতাসতি পরিহীনা. অমতং তেসং, ভিক্খৰে, অপরিহীনং যেসং কাযগতাসতি অপরিহীনা’’তি.

৬০৩. ‘‘অমতং তেসং, ভিক্খৰে, ৰিরদ্ধং যেসং কাযগতাসতি ¶ ৰিরদ্ধা. অমতং তেসং, ভিক্খৰে, আরদ্ধং [অৰিরদ্ধং (ক.)] যেসং কাযগতাসতি আরদ্ধা’’তি.

৬০৪. ‘‘অমতং তে, ভিক্খৰে, পমাদিংসু যে কাযগতাসতিং পমাদিংসু. অমতং তে, ভিক্খৰে, ন পমাদিংসু যে কাযগতাসতিং ন পমাদিংসু’’.

৬০৫. ‘‘অমতং তেসং, ভিক্খৰে, পমুট্ঠং যেসং কাযগতাসতি পমুট্ঠা. অমতং তেসং, ভিক্খৰে, অপ্পমুট্ঠং যেসং কাযগতাসতি অপ্পমুট্ঠা’’তি.

৬০৬. ‘‘অমতং তেসং, ভিক্খৰে, অনাসেৰিতং যেসং কাযগতাসতি অনাসেৰিতা. অমতং তেসং, ভিক্খৰে, আসেৰিতং যেসং কাযগতাসতি আসেৰিতা’’তি.

৬০৭. ‘‘অমতং তেসং, ভিক্খৰে, অভাৰিতং যেসং কাযগতাসতি অভাৰিতা. অমতং তেসং, ভিক্খৰে, ভাৰিতং যেসং কাযগতাসতি ভাৰিতা’’তি.

৬০৮. ‘‘অমতং ¶ ¶ তেসং, ভিক্খৰে, অবহুলীকতং যেসং কাযগতাসতি অবহুলীকতা ¶ . অমতং তেসং, ভিক্খৰে, বহুলীকতং যেসং কাযগতাসতি বহুলীকতা’’তি.

৬০৯. ‘‘অমতং তেসং, ভিক্খৰে, অনভিঞ্ঞাতং যেসং কাযগতাসতি অনভিঞ্ঞাতা. অমতং তেসং, ভিক্খৰে, অভিঞ্ঞাতং যেসং কাযগতাসতি অভিঞ্ঞাতা’’তি.

৬১০. ‘‘অমতং তেসং, ভিক্খৰে, অপরিঞ্ঞাতং যেসং কাযগতাসতি অপরিঞ্ঞাতা. অমতং তেসং, ভিক্খৰে, পরিঞ্ঞাতং যেসং কাযগতাসতি পরিঞ্ঞাতা’’তি.

৬১১. ‘‘অমতং তেসং, ভিক্খৰে, অসচ্ছিকতং যেসং কাযগতাসতি অসচ্ছিকতা. অমতং তেসং, ভিক্খৰে, সচ্ছিকতং যেসং কাযগতাসতি সচ্ছিকতা’’তি. (….) [(এককনিপাতস্স সুত্তসহস্সং সমত্তং.) (সী. স্যা. কং. পী.)]

(ইদমৰোচ ভগৰা. অত্তমনা তে ভিক্খূ ভগৰতো ভাসিতং অভিনন্দুন্তি.) [( ) এত্থন্তরে পাঠো সী. স্যা. কং. পী. পোত্থকেসু নত্থি]