মূল > সুত্তপিটক > খুদ্দকনিকায

১৩৬. ‘‘মম ¶ চ, ভন্তে, ৰচনেন ভগৰতো পাদে সিরসা ৰন্দেয্যাসি – ‘উত্তরা নাম, ভন্তে, উপাসিকা ভগৰতো পাদে সিরসা ৰন্দতী’তি. অনচ্ছরিযং খো পনেতং, ভন্তে, যং মং ভগৰা অঞ্ঞতরস্মিং সামঞ্ঞফলে ব্যাকরেয্য [ব্যাকরেয্যাতি (?)], তং ভগৰা সকদাগামিফলে ব্যাকাসী’’তি.

‘‘যুত্তা ¶ চ তে পরমঅলঙ্কতা হযা, অধোমুখা অঘসিগমা বলী জৰা;

অভিনিম্মিতা পঞ্চরথাসতা চ তে, অন্ৰেন্তি তং সারথিচোদিতা হযা.

‘‘সা তিট্ঠসি রথৰরে অলঙ্কতা, ওভাসযং জলমিৰ জোতি পাৰকো;

পুচ্ছামি তং ৰরতনু [ৰরচারু (কত্থচি)] অনোমদস্সনে, কস্মা নু কাযা অনধিৰরং উপাগমি.

‘‘কামগ্গপত্তানং ¶ যমাহুনুত্তরং [… নুত্তরা (ক.), অনুত্তরা (স্যা.)], নিম্মায নিম্মায রমন্তি দেৰতা;

তস্মা কাযা অচ্ছরা কামৰণ্ণিনী, ইধাগতা অনধিৰরং নমস্সিতুং.

‘‘কিং ত্ৰং পুরে সুচরিতমাচরীধ [সুচরিতং অচারিধ (পী.)],

কেনচ্ছসি ¶ ত্ৰং অমিতযসা সুখেধিতা;

‘‘দেৰেহি ত্ৰং পরিৰুতা সক্কতা চসি,

আচিক্খ মে ত্ৰং যদি বুদ্ধসাৰিকা’’তি.

‘‘নগন্তরে ¶ নগরৰরে সুমাপিতে, পরিচারিকা রাজৰরস্স সিরিমতো;

নচ্চে গীতে পরমসুসিক্খিতা অহুং, সিরিমাতি মং রাজগহে অৰেদিংসু [অৰেদিসুং (?)].

‘‘বুদ্ধো চ মে ইসিনিসভো ৰিনাযকো, অদেসযী সমুদযদুক্খনিচ্চতং;

অসঙ্খতং দুক্খনিরোধসস্সতং, মগ্গঞ্চিমং অকুটিলমঞ্জসং সিৰং.

‘‘সুত্ৰানহং অমতপদং অসঙ্খতং, তথাগতস্সনধিৰরস্স সাসনং;

সীলেস্ৰহং পরমসুসংৰুতা অহুং, ধম্মে ঠিতা নরৰরবুদ্ধদেসিতে [ভাসিতে (সী.)].

‘‘ঞত্ৰানহং ৰিরজপদং অসঙ্খতং, তথাগতেননধিৰরেন ¶ দেসিতং;

তত্থেৰহং সমথসমাধিমাফুসিং, সাযেৰ মে পরমনিযামতা অহু.

‘‘লদ্ধানহং ¶ অমতৰরং ৰিসেসনং, একংসিকা অভিসমযে ৰিসেসিয;

অসংসযা বহুজনপূজিতা অহং, খিড্ডারতিং [খিড্ডং রতিং (স্যা. পী.)] পচ্চনুভোমনপ্পকং.

‘‘এৰং অহং অমতদসম্হি [অমতরসম্হি (ক.)] দেৰতা, তথাগতস্সনধিৰরস্স সাৰিকা;

ধম্মদ্দসা পঠমফলে পতিট্ঠিতা, সোতাপন্না ন চ পন মত্থি দুগ্গতি.

‘‘সা ৰন্দিতুং অনধিৰরং উপাগমিং, পাসাদিকে কুসলরতে চ ভিক্খৰো;

নমস্সিতুং সমণসমাগমং সিৰং, সগারৰা সিরিমতো ধম্মরাজিনো.

‘‘দিস্ৰা ¶ মুনিং মুদিতমনম্হি পীণিতা, তথাগতং নরৰরদম্মসারথিং;

তণ্হচ্ছিদং কুসলরতং ৰিনাযকং, ৰন্দামহং পরমহিতানুকম্পক’’ন্তি.

‘‘ইদং ¶ ¶ ¶ ৰিমানং রুচিরং পভস্সরং, ৰেল়ুরিযথম্ভং সততং সুনিম্মিতং;

সুৰণ্ণরুক্খেহি সমন্তমোত্থতং, ঠানং মমং কম্মৰিপাকসম্ভৰং.

‘‘তত্রূপপন্না পুরিমচ্ছরা ইমা, সতং সহস্সানি সকেন কম্মুনা;

তুৰংসি অজ্ঝুপগতা যসস্সিনী, ওভাসযং তিট্ঠসি পুব্বদেৰতা.

‘‘সসী অধিগ্গয্হ যথা ৰিরোচতি, নক্খত্তরাজারিৰ তারকাগণং;

তথেৰ ত্ৰং অচ্ছরাসঙ্গণং [অচ্ছরাসঙ্গমং (সী.)] ইমং, দদ্দল্লমানা যসসা ৰিরোচসি.

‘‘কুতো নু আগম্ম অনোমদস্সনে, উপপন্না ত্ৰং ভৰনং মমং ইদং;

ব্রহ্মংৰ দেৰা তিদসা সহিন্দকা, সব্বে ন তপ্পামসে দস্সনেন ত’’ন্তি.

‘‘যমেতং সক্ক অনুপুচ্ছসে মমং, ‘কুতো চুতা ত্ৰং ইধ আগতা’তি [কুতো চুতা ইধ আগতা তুৰং (স্যা.), কুতো চুতায আগতি তৰ (পী.)];

বারাণসী নাম পুরত্থি কাসিনং, তত্থ অহোসিং পুরে কেসকারিকা.

‘‘বুদ্ধে ¶ ¶ চ ধম্মে চ পসন্নমানসা, সঙ্ঘে চ একন্তগতা অসংসযা;

অখণ্ডসিক্খাপদা আগতপ্ফলা, সম্বোধিধম্মে নিযতা অনামযা’’তি.

‘‘তন্ত্যাভিনন্দামসে স্ৰাগতঞ্চ [সাগতঞ্চ (সী.)] তে, ধম্মেন চ ত্ৰং যসসা ৰিরোচসি;

বুদ্ধে চ ধম্মে চ পসন্নমানসে, সঙ্ঘে চ একন্তগতে অসংসযে;

অখণ্ডসিক্খাপদে আগতপ্ফলে, সম্বোধিধম্মে নিযতে অনামযে’’তি.

পঞ্চ পীঠা তযো নাৰা, দীপতিলদক্খিণা দ্ৰে;

পতি দ্ৰে সুণিসা উত্তরা, সিরিমা কেসকারিকা;

‘‘অপি ¶ ¶ সক্কোৰ দেৰিন্দো, রম্মে চিত্তলতাৰনে;

সমন্তা অনুপরিযাসি, নারীগণপুরক্খতা;

ওভাসেন্তী ¶ দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি ¶ তং দেৰি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

সা দেৰতা অত্তমনা, মোগ্গল্লানেন পুচ্ছিতা;

পঞ্হং পুট্ঠা ৰিযাকাসি, যস্স কম্মস্সিদং ফলং.

‘‘অহং মনুস্সেসু মনুস্সভূতা, দাসী অহোসিং পরপেস্সিযা [পরপেসিযা (ক.)] কুলে.

‘‘উপাসিকা চক্খুমতো, গোতমস্স যসস্সিনো;

তস্সা মে নিক্কমো আসি, সাসনে তস্স তাদিনো.

‘‘কামং ভিজ্জতুযং কাযো, নেৰ অত্থেত্থ সণ্ঠনং [সন্থনং (সী. স্যা. পী.)];

সিক্খাপদানং পঞ্চন্নং, মগ্গো সোৰত্থিকো সিৰো.

‘‘অকণ্টকো অগহনো, উজু সব্ভি পৰেদিতো;

নিক্কমস্স ফলং পস্স, যথিদং পাপুণিত্থিকা.

‘‘আমন্তনিকা রঞ্ঞোম্হি, সক্কস্স ৰসৰত্তিনো;

সট্ঠি ¶ তুরিয [তুরিয (সী. স্যা. পী.)] সহস্সানি, পটিবোধং করোন্তি মে.

‘‘আলম্বো গগ্গরো [গগ্গমো (স্যা.), ভগ্গরো (ক.)] ভীমো [ভিম্মো (ক.)], সাধুৰাদী চ সংসযো;

পোক্খরো ¶ চ সুফস্সো চ, ৰিণামোক্খা [ৰিলামোক্খা (ক.)] চ নারিযো.

‘‘নন্দা চেৰ সুনন্দা চ, সোণদিন্না সুচিম্হিতা [সুচিম্ভিকা (স্যা.)];

অলম্বুসা মিস্সকেসী চ, পুণ্ডরীকাতি দারুণী.

‘‘এণীফস্সা সুফস্সা চ, সুভদ্দা মুদুৰাদিনী;

এতা চঞ্ঞা চ সেয্যাসে, অচ্ছরানং পবোধিকা.

‘‘তা ¶ মং কালেনুপাগন্ত্ৰা, অভিভাসন্তি দেৰতা;

হন্দ নচ্চাম গাযাম, হন্দ তং রমযামসে.

‘‘নযিদং ¶ অকতপুঞ্ঞানং, কতপুঞ্ঞানমেৰিদং;

অসোকং নন্দনং রম্মং, তিদসানং মহাৰনং.

‘‘সুখং অকতপুঞ্ঞানং, ইধ নত্থি পরত্থ চ;

সুখঞ্চ কতপুঞ্ঞানং, ইধ চেৰ পরত্থ চ.

‘‘তেসং সহব্যকামানং, কত্তব্বং কুসলং বহুং;

কতপুঞ্ঞা হি মোদন্তি, সগ্গে ভোগসমঙ্গিনো’’তি.

‘‘অভিক্কন্তেন ¶ ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি তং দেৰি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

সা দেৰতা অত্তমনা, মোগ্গল্লানেন পুচ্ছিতা;

পঞ্হং ¶ পুট্ঠা ৰিযাকাসি, যস্স কম্মস্সিদং ফলং.

‘‘কেৰট্টদ্ৰারা নিক্খম্ম, অহু ময্হং নিৰেসনং;

তত্থ সঞ্চরমানানং, সাৰকানং মহেসিনং.

‘‘ওদনং কুম্মাসং [সাকং (সী.)] ডাকং, লোণসোৰীরকঞ্চহং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং ¶ উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ¶ ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতীতি.

‘‘মম চ, ভন্তে, ৰচনেন ভগৰতো পাদে সিরসা ৰন্দেয্যাসি – ‘লখুমা নাম,ভন্তে,উপাসিকা ভগৰতো পাদে সিরসা ৰন্দতী’তি. অনচ্ছরিযং খো পনেতং, ভন্তে, যং মং ভগৰা অঞ্ঞতরস্মিং সামঞ্ঞফলে ব্যাকরেয্য [ব্যাকরেয্যাতি (?)]. তং ভগৰা সকদাগামিফলে ব্যাকাসী’’তি.

‘‘পিণ্ডায ¶ ¶ তে চরন্তস্স, তুণ্হীভূতস্স তিট্ঠতো;

দলিদ্দা কপণা নারী, পরাগারং অপস্সিতা [অৰস্সিতা (সী.)].

‘‘যা তে অদাসি আচামং, পসন্না সেহি পাণিভি;

সা হিত্ৰা মানুসং দেহং, কং নু সা দিসতং গতা’’তি.

‘‘পিণ্ডায মে চরন্তস্স, তুণ্হীভূতস্স তিট্ঠতো;

দলিদ্দা কপণা নারী, পরাগারং অপস্সিতা.

‘‘যা মে অদাসি আচামং, পসন্না সেহি পাণিভি;

সা হিত্ৰা মানুসং দেহং, ৰিপ্পমুত্তা ইতো চুতা.

‘‘নিম্মানরতিনো নাম, সন্তি দেৰা মহিদ্ধিকা;

তত্থ সা সুখিতা নারী, মোদতাচামদাযিকা’’তি.

‘‘অহো ¶ দানং ৰরাকিযা, কস্সপে সুপ্পতিট্ঠিতং;

পরাভতেন দানেন, ইজ্ঝিত্থ ৰত দক্খিণা.

‘‘যা মহেসিত্তং কারেয্য, চক্কৰত্তিস্স রাজিনো;

নারী সব্বঙ্গকল্যাণী, ভত্তু চানোমদস্সিকা;

এতস্সাচামদানস্স ¶ , কলং নাগ্ঘতি সোল়সিং.

‘‘সতং ¶ নিক্খা সতং অস্সা, সতং অস্সতরীরথা;

সতং কঞ্ঞাসহস্সানি, আমুত্তমণিকুণ্ডলা;

এতস্সাচামদানস্স, কলং নাগ্ঘন্তি সোল়সিং.

‘‘সতং হেমৰতা নাগা, ঈসাদন্তা উরূল়্হৰা;

সুৰণ্ণকচ্ছা মাতঙ্গা, হেমকপ্পনৰাসসা [হেমকপ্পনিৰাসসা (স্যা. ক.)];

এতস্সাচামদানস্স, কলং নাগ্ঘতি সোল়সিং.

‘‘চতুন্নমপি ¶ দীপানং, ইস্সরং যোধ কারযে;

এতস্সাচামদানস্স, কলং নাগ্ঘতি সোল়সি’’ন্তি.

‘‘চণ্ডালি ৰন্দ পাদানি, গোতমস্স যসস্সিনো;

তমেৰ [তৰেৰ (সী.)] অনুকম্পায, অট্ঠাসি ইসিসত্তমো [ইসিসুত্তমো (সী.)].

‘‘অভিপ্পসাদেহি মনং, অরহন্তম্হি তাদিনি [তাদিনে (স্যা. ক.)];

খিপ্পং পঞ্জলিকা ৰন্দ, পরিত্তং তৰ জীৰিত’’ন্তি.

চোদিতা ভাৰিতত্তেন, সরীরন্তিমধারিনা;

চণ্ডালী ৰন্দি পাদানি, গোতমস্স যসস্সিনো.

তমেনং অৰধী গাৰী, চণ্ডালিং পঞ্জলিং ঠিতং;

নমস্সমানং সম্বুদ্ধং, অন্ধকারে পভঙ্করন্তি.

‘‘খীণাসৰং ¶ ৰিগতরজং অনেজং, একং অরঞ্ঞম্হি রহো নিসিন্নং;

দেৰিদ্ধিপত্তা উপসঙ্কমিত্ৰা, ৰন্দামি তং ৰীর মহানুভাৰ’’ন্তি.

‘‘সুৰণ্ণৰণ্ণা জলিতা মহাযসা, ৰিমানমোরুয্হ অনেকচিত্তা;

পরিৰারিতা অচ্ছরাসঙ্গণেন [অচ্ছরানং গণেন (সী.)], কা ত্ৰং সুভে দেৰতে ৰন্দসে মম’’ন্তি.

‘‘অহং ¶ ভদ্দন্তে চণ্ডালী, তযা ৰীরেন [থেরেন (ক.)] পেসিতা;

ৰন্দিং ¶ অরহতো পাদে, গোতমস্স যসস্সিনো.

‘‘সাহং ৰন্দিত্ৰা [ৰন্দিত্ৰ (সী.)] পাদানি, চুতা চণ্ডালযোনিযা;

ৰিমানং সব্বতো ভদ্দং, উপপন্নম্হি নন্দনে.

‘‘অচ্ছরানং ¶ সতসহস্সং, পুরক্খত্ৰান [পুরক্খিত্ৰা মং (স্যা. ক.)] তিট্ঠতি;

তাসাহং পৰরা সেট্ঠা, ৰণ্ণেন যসসাযুনা.

‘‘পহূতকতকল্যাণা, সম্পজানা পটিস্সতা [পতিস্সতা (সী. স্যা.)];

মুনিং কারুণিকং লোকে, তং ভন্তে ৰন্দিতুমাগতা’’তি.

ইদং ৰত্ৰান চণ্ডালী, কতঞ্ঞূ কতৰেদিনী;

ৰন্দিত্ৰা অরহতো পাদে, তত্থেৰন্তরধাযথাতি [তত্থেৰন্তরধাযতীতি (স্যা. ক.)].

‘‘নীলা পীতা চ কাল়া চ, মঞ্জিট্ঠা [মঞ্জেট্ঠা (সী.), মঞ্জট্ঠা (পী.)] অথ লোহিতা;

উচ্চাৰচানং ৰণ্ণানং, কিঞ্জক্খপরিৰারিতা.

‘‘মন্দারৰানং পুপ্ফানং, মালং ধারেসি মুদ্ধনি;

নযিমে অঞ্ঞেসু কাযেসু, রুক্খা সন্তি সুমেধসে.

‘‘কেন ¶ ¶ কাযং উপপন্না, তাৰতিংসং যসস্সিনী;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘ভদ্দিত্থিকাতি [ভদ্দিত্থীতি (সী.)] মং অঞ্ঞংসু, কিমিলাযং উপাসিকা;

সদ্ধা সীলেন সম্পন্না, সংৰিভাগরতা সদা.

‘‘অচ্ছাদনঞ্চ ভত্তঞ্চ, সেনাসনং পদীপিযং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং ¶ পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে রতা, অরিযসচ্চান কোৰিদা;

উপাসিকা ¶ চক্খুমতো, অপ্পমাদৰিহারিনী.

কতাৰাসা কতকুসলা ততো চুতা [কতাৰকাসা কতকুসলা (ক.)],

‘‘ভিক্খূ চাহং পরমহিতানুকম্পকে, অভোজযিং তপস্সিযুগং মহামুনিং;

কতাৰাসা কতকুসলা ততো চুতা [কতাৰকাসা কতকুসলা (ক.)], সযং পভা অনুৰিচরামি নন্দনং.

‘‘অট্ঠঙ্গিকং অপরিমিতং সুখাৰহং, উপোসথং সততমুপাৰসিং অহং;

কতাৰাসা কতকুসলা ততো চুতা [কতাৰকাসা কতকুসলা (ক.)], সযং পভা অনুৰিচরামি নন্দন’’ন্তি.

ভদ্দিত্থিৰিমানং [ভদ্দিত্থিকাৰিমানং (স্যা.)] পঞ্চমং.

‘‘অভিক্কন্তেন ¶ ¶ ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

‘‘কেন ¶ তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি তং দেৰি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

সা দেৰতা অত্তমনা, মোগ্গল্লানেন পুচ্ছিতা;

পঞ্হং পুট্ঠা ৰিযাকাসি, যস্স কম্মস্সিদং ফলং.

‘‘সোণদিন্নাতি মং অঞ্ঞংসু, নাল়ন্দাযং উপাসিকা;

সদ্ধা সীলেন সম্পন্না, সংৰিভাগরতা সদা.

‘‘অচ্ছাদনঞ্চ ভত্তঞ্চ, সেনাসনং পদীপিযং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে ¶ রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

ৰণ্ণো ¶ চ মে সব্বদিসা পভাসতী’’তি.

‘‘অভিক্কন্তেন ¶ ¶ ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘উপোসথাতি মং অঞ্ঞংসু, সাকেতাযং উপাসিকা;

সদ্ধা সীলেন সম্পন্না, সংৰিভাগরতা সদা.

‘‘অচ্ছাদনঞ্চ ভত্তঞ্চ, সেনাসনং পদীপিযং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

ৰণ্ণো ¶ চ মে সব্বদিসা পভাসতী’’তি.

‘‘অভিক্খণং ¶ নন্দনং সুত্ৰা, ছন্দো মে উদপজ্জথ [উপপজ্জথ (বহূসু)];

তত্থ চিত্তং পণিধায, উপপন্নম্হি নন্দনং.

‘‘নাকাসিং ¶ সত্থু ৰচনং, বুদ্ধস্সাদিচ্চবন্ধুনো;

হীনে চিত্তং পণিধায, সাম্হি পচ্ছানুতাপিনী’’তি.

‘‘কীৰ চিরং ৰিমানম্হি, ইধ ৰচ্ছসুপোসথে [ৰস্সসুপোসথে (সী.)];

দেৰতে পুচ্ছিতাচিক্খ, যদি জানাসি আযুনো’’তি.

‘‘সট্ঠিৰস্সসহস্সানি ¶ [সট্ঠি সতসহস্সানি (?)], তিস্সো চ ৰস্সকোটিযো;

ইধ ঠত্ৰা মহামুনি, ইতো চুতা গমিস্সামি;

‘‘মা ত্ৰং উপোসথে ভাযি, সম্বুদ্ধেনাসি ব্যাকতা;

সোতাপন্না ৰিসেসযি, পহীনা তৰ দুগ্গতী’’তি.

‘‘অভিক্কন্তেন ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘নিদ্দাতি [সদ্ধাতি (সী.)] মমং অঞ্ঞংসু, রাজগহস্মিং উপাসিকা;

সদ্ধা সীলেন সম্পন্না, সংৰিভাগরতা সদা.

‘‘অচ্ছাদনঞ্চ ¶ ¶ ভত্তঞ্চ, সেনাসনং পদীপিযং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ¶ ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

নিদ্দাৰিমানং [সদ্ধাৰিমানং (সী.)] অট্ঠমং.

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন তেতাদিসো ৰণ্ণো…পে… ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘সুনিদ্দাতি ¶ [সুনন্দাতি (সী.)] মং অঞ্ঞংসু, রাজগহস্মিং উপাসিকা;

সদ্ধা সীলেন সম্পন্না, সংৰিভাগরতা সদা.

(যথা নিদ্দাৰিমানং তথা ৰিত্থারেতব্বং.)

‘‘পঞ্চসিক্খাপদে ¶ রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

১০. পঠমভিক্খাদাযিকাৰিমানৰত্থু

‘‘অভিক্কন্তেন ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো…পে…ৰণ্ণো চ তে সব্বদিসা পভাসতী’’তি.

সা ¶ দেৰতা অত্তমনা…পে… যস্স কম্মস্সিদং ফলং.

‘‘অহং ¶ মনুস্সেসু মনুস্সভূতা, পুরিমায জাতিযা মনুস্সলোকে.

‘‘অদ্দসং ¶ ¶ ৰিরজং বুদ্ধং, ৰিপ্পসন্নমনাৰিলং;

তস্স অদাসহং ভিক্খং, পসন্না সেহি পাণিভি.

ৰণ্ণো চ মে সব্বদিসা পভাসতী’’তি.

১১. দুতিযভিক্খাদাযিকাৰিমানৰত্থু

‘‘অভিক্কন্তেন ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো…পে… ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘অহং মনুস্সেসু মনুস্সভূতা, পুরিমায জাতিযা মনুস্সলোকে.

‘‘অদ্দসং ৰিরজং ভিক্খুং, ৰিপ্পসন্নমনাৰিলং;

তস্স অদাসহং ভিক্খং, পসন্না সেহি পাণিভি.

‘‘তেন মেতাদিসো ৰণ্ণো…পে. ¶ … ৰণ্ণো চ মে সব্বদিসা পভাসতী’’তি.

দুতিযভিক্খাদাযিকাৰিমানং একাদসমং.

চিত্তলতাৰগ্গো দুতিযো নিট্ঠিতো.

দাসী ¶ চেৰ লখুমা চ, অথ আচামদাযিকা;

চণ্ডালী ¶ ভদ্দিত্থী চেৰ [ভদ্দিত্থিকা চ (স্যা.)], সোণদিন্না উপোসথা;

নিদ্দা চেৰ সুনিদ্দা চ [নন্দা চেৰ সুনন্দা চ (সী.)], দ্ৰে চ ভিক্খায দাযিকা;

‘‘উল়ারো ¶ ¶ তে যসো ৰণ্ণো, সব্বা ওভাসতে দিসা;

নারিযো নচ্চন্তি গাযন্তি, দেৰপুত্তা অলঙ্কতা.

‘‘মোদেন্তি পরিৰারেন্তি, তৰ পূজায দেৰতে;

সোৰণ্ণানি ৰিমানানি, তৰিমানি সুদস্সনে.

‘‘তুৰংসি ইস্সরা তেসং, সব্বকামসমিদ্ধিনী;

অভিজাতা মহন্তাসি, দেৰকাযে পমোদসি;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘অহং মনুস্সেসু মনুস্সভূতা, পুরিমায জাতিযা মনুস্সলোকে;

দুস্সীলকুলে সুণিসা অহোসিং, অস্সদ্ধেসু কদরিযেসু অহং.

‘‘সদ্ধা সীলেন সম্পন্না, সংৰিভাগরতা সদা;

পিণ্ডায চরমানস্স, অপূৰং তে অদাসহং.

‘‘তদাহং ¶ সস্সুযাচিক্খিং, সমণো আগতো ইধ;

তস্স অদাসহং পূৰং, পসন্না সেহি পাণিভি.

‘‘ইতিস্সা ¶ ¶ সস্সু পরিভাসি, অৰিনীতাসি ত্ৰং [অৰিনীতা তুৰং (সী.)] ৰধু;

ন মং সম্পুচ্ছিতুং ইচ্ছি, সমণস্স দদামহং.

‘‘ততো মে সস্সু কুপিতা, পহাসি মুসলেন মং;

কূটঙ্গচ্ছি অৰধি মং, নাসক্খিং জীৰিতুং চিরং.

‘‘সা অহং কাযস্স ভেদা, ৰিপ্পমুত্তা ততো চুতা;

দেৰানং তাৰতিংসানং, উপপন্না সহব্যতং.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘ওভাসযিত্ৰা ¶ ¶ পথৰিং [পঠৰিং (সী. স্যা.)] সদেৰকং, অতিরোচসি চন্দিমসূরিযা ৰিয;

সিরিযা চ ৰণ্ণেন যসেন তেজসা, ব্রহ্মাৰ দেৰে তিদসে সহিন্দকে [সইন্দকে (সী.)].

‘‘পুচ্ছামি তং উপ্পলমালধারিনী, আৰেল়িনী কঞ্চনসন্নিভত্তচে;

অলঙ্কতে উত্তমৰত্থধারিনী, কা ত্ৰং সুভে দেৰতে ৰন্দসে মমং.

‘‘কিং ত্ৰং পুরে কম্মমকাসি অত্তনা, মনুস্সভূতা পুরিমায জাতিযা;

দানং সুচিণ্ণং অথ সীলসংযমং [সঞ্ঞমং (সী.)], কেনূপপন্না ¶ সুগতিং যসস্সিনী;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘ইদানি ¶ ভন্তে ইমমেৰ গামং [গামে (স্যা. ক.)], পিণ্ডায অম্হাকং ঘরং উপাগমি;

ততো তে উচ্ছুস্স অদাসি খণ্ডিকং, পসন্নচিত্তা অতুলায পীতিযা.

‘‘সস্সু চ পচ্ছা অনুযুঞ্জতে মমং, কহং [কহং মে (পী.)] নু উচ্ছুং ৰধুকে অৰাকিরি [অৰাকরি (স্যা. ক.)];

ন ছড্ডিতং নো পন খাদিতং মযা, সন্তস্স ভিক্খুস্স সযং অদাসহং.

‘‘তুয্হংন্ৰিদং [তুয্হং নু ইদং (স্যা.)] ইস্সরিযং অথো মম, ইতিস্সা সস্সু পরিভাসতে মমং;

পীঠং গহেত্ৰা পহারং অদাসি মে, ততো চুতা কালকতাম্হি দেৰতা.

‘‘তদেৰ কম্মং কুসলং কতং মযা, সুখঞ্চ কম্মং অনুভোমি অত্তনা;

দেৰেহি সদ্ধিং পরিচারযামহং, মোদামহং কামগুণেহি পঞ্চহি.

‘‘তদেৰ কম্মং কুসলং কতং মযা, সুখঞ্চ কম্মং অনুভোমি অত্তনা;

দেৰিন্দগুত্তা ¶ তিদসেহি রক্খিতা, সমপ্পিতা কামগুণেহি পঞ্চহি.

‘‘এতাদিসং পুঞ্ঞফলং অনপ্পকং, মহাৰিপাকা মম উচ্ছুদক্খিণা;

দেৰেহি সদ্ধিং পরিচারযামহং, মোদামহং কামগুণেহি পঞ্চহি.

‘‘এতাদিসং ¶ পুঞ্ঞফলং অনপ্পকং, মহাজুতিকা মম উচ্ছুদক্খিণা;

দেৰিন্দগুত্তা তিদসেহি রক্খিতা, সহস্সনেত্তোরিৰ নন্দনে ৰনে.

‘‘তুৰঞ্চ ¶ ভন্তে অনুকম্পকং ৰিদুং, উপেচ্চ ৰন্দিং কুসলঞ্চ পুচ্ছিসং;

ততো তে উচ্ছুস্স অদাসি খণ্ডিকং, পসন্নচিতা অতুলায পীতিযা’’তি.

‘‘পল্লঙ্কসেট্ঠে ¶ ¶ মণিসোণ্ণচিত্তে, পুপ্ফাভিকিণ্ণে সযনে উল়ারে;

তত্থচ্ছসি দেৰি মহানুভাৰে, উচ্চাৰচা ইদ্ধি ৰিকুব্বমানা.

‘‘ইমা চ তে অচ্ছরাযো সমন্ততো, নচ্চন্তি ¶ গাযন্তি পমোদযন্তি;

দেৰিদ্ধিপত্তাসি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

‘‘অহং মনুস্সেসু মনুস্সভূতা, অড্ঢে কুলে সুণিসা অহোসিং;

অক্কোধনা ভত্তুৰসানুৰত্তিনী, উপোসথে অপ্পমত্তা অহোসিং [অপ্পমত্তা উপোসথে (স্যা. ক.)].

‘‘মনুস্সভূতা দহরা অপাপিকা [দহরাস’পাপিকা (সী.)], পসন্নচিত্তা পতিমাভিরাধযিং;

দিৰা চ রত্তো চ মনাপচারিনী, অহং পুরে সীলৰতী অহোসিং.

‘‘পাণাতিপাতা ¶ ৰিরতা অচোরিকা, সংসুদ্ধকাযা সুচিব্রহ্মচারিনী;

অমজ্জপা নো চ মুসা অভাণিং, সিক্খাপদেসু পরিপূরকারিনী.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, পসন্নমানসা অহং [অতিপসন্নমানসা (ক.)].

‘‘অট্ঠঙ্গুপেতং অনুধম্মচারিনী, উপোসথং ¶ পীতিমনা উপাৰসিং;

ইমঞ্চ অরিযং অট্ঠঙ্গৰরেহুপেতং, সমাদিযিত্ৰা কুসলং সুখুদ্রযং;

পতিম্হি কল্যাণী ৰসানুৰত্তিনী, অহোসিং পুব্বে সুগতস্স সাৰিকা.

‘‘এতাদিসং কুসলং জীৰলোকে, কম্মং করিত্ৰান ৰিসেসভাগিনী;

কাযস্স ভেদা অভিসম্পরাযং, দেৰিদ্ধিপত্তা সুগতিম্হি আগতা.

‘‘ৰিমানপাসাদৰরে মনোরমে, পরিৰারিতা অচ্ছরাসঙ্গণেন;

সযংপভা দেৰগণা রমেন্তি মং, দীঘাযুকিং দেৰৰিমানমাগত’’ন্তি;

লতা ¶ চ সজ্জা পৰরা চ দেৰতা, অচ্চিমতী [অচ্চিমুখী (সী.), অচ্ছিমতী (পী. ক.) অচ্ছিমুতী (স্যা.)] রাজৰরস্স সিরীমতো;

সুতা চ রঞ্ঞো ৰেস্সৰণস্স ধীতা, রাজীমতী ধম্মগুণেহি সোভথ.

পঞ্চেত্থ ¶ ¶ নারিযো আগমংসু ন্হাযিতুং, সীতোদকং উপ্পলিনিং সিৰং নদিং;

তা ¶ তত্থ ন্হাযিত্ৰা রমেত্ৰা দেৰতা, নচ্চিত্ৰা গাযিত্ৰা সুতা লতং ব্রৰি [ব্রুৰী (সী.)].

‘‘পুচ্ছামি তং উপ্পলমালধারিনি, আৰেল়িনি কঞ্চনসন্নিভত্তচে;

তিমিরতম্বক্খি নভেৰ সোভনে, দীঘাযুকী কেন কতো যসো তৰ.

‘‘কেনাসি ভদ্দে পতিনো পিযতরা, ৰিসিট্ঠকল্যাণিতরস্সু রূপতো;

পদক্খিণা নচ্চগীতৰাদিতে, আচিক্খ নো ত্ৰং নরনারিপুচ্ছিতা’’তি.

‘‘অহং মনুস্সেসু মনুস্সভূতা, উল়ারভোগে কুলে সুণিসা অহোসিং;

অক্কোধনা ভত্তুৰসানুৰত্তিনী, উপোসথে অপ্পমত্তা অহোসিং.

‘‘মনুস্সভূতা ¶ দহরা অপাপিকা [দহরাস’পাপিকা (সী.)], পসন্নচিত্তা পতিমাভিরাধযিং;

সদেৰরং সস্সসুরং সদাসকং, অভিরাধযিং তম্হি কতো যসো মম.

‘‘সাহং তেন কুসলেন কম্মুনা, চতুব্ভি ঠানেহি ৰিসেসমজ্ঝগা;

আযুঞ্চ ¶ ৰণ্ণঞ্চ সুখং বলঞ্চ, খিড্ডারতিং পচ্চনুভোমনপ্পকং.

‘‘সুতং নু তং ভাসতি যং অযং লতা, যং নো অপুচ্ছিম্হ অকিত্তযী নো;

পতিনো কিরম্হাকং ৰিসিট্ঠ নারীনং, গতী চ তাসং পৰরা চ দেৰতা.

‘‘পতীসু ¶ ধম্মং পচরাম সব্বা, পতিব্বতা যত্থ ভৰন্তি ইত্থিযো;

পতীসু ধম্মং পচরিত্ৰ [পচরিত্ৰান (ক.)] সব্বা, লচ্ছামসে ভাসতি যং অযং লতা.

‘‘সীহো যথা পব্বতসানুগোচরো, মহিন্ধরং পব্বতমাৰসিত্ৰা;

পসয্হ হন্ত্ৰা ইতরে চতুপ্পদে, খুদ্দে মিগে খাদতি মংসভোজনো.

‘‘তথেৰ সদ্ধা ইধ অরিযসাৰিকা, ভত্তারং নিস্সায পতিং অনুব্বতা;

কোধং ৰধিত্ৰা অভিভুয্য মচ্ছরং, সগ্গম্হি সা মোদতি ধম্মচারিনী’’তি.

১. ৰত্থুত্তমদাযিকাৰিমানৰত্থু

‘‘সত্ততন্তিং ¶ সুমধুরং, রামণেয্যং অৰাচযিং;

সো ¶ মং রঙ্গম্হি অৰ্হেতি, ‘সরণং মে হোহি কোসিযা’তি.

‘‘অহং ¶ তে সরণং হোমি, অহমাচরিযপূজকো;

ন তং জযিস্সতি সিস্সো, সিস্সমাচরিয জেস্সসী’’তি.

‘‘অভিক্কন্তেন ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি ¶ তং দেৰি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

সা দেৰতা অত্তমনা, মোগ্গল্লানেন পুচ্ছিতা;

পঞ্হং পুট্ঠা ৰিযাকাসি, যস্স কম্মস্সিদং ফলং.

‘‘ৰত্থুত্তমদাযিকা নারী, পৰরা হোতি নরেসু নারীসু;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা ¶ মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা [অচ্ছরাসহস্সস্সাহং পৰরা, (স্যা.)] পস্স ¶ পুঞ্ঞানং ৰিপাকং.

‘‘তেন মেতাদিসো ৰণ্ণো, তেন মে ইধ মিজ্ঝতি;

উপ্পজ্জন্তি চ মে ভোগা, যে কেচি মনসো পিযা.

‘‘অক্খামি তে ভিক্খু মহানুভাৰ, মনুস্সভূতা যমকাসি পুঞ্ঞং;

তেনম্হি এৰং জলিতানুভাৰা, ৰণ্ণো চ মে সব্বদিসা পভাসতী’’তি.

(অনন্তরং চতুরৰিমানং যথা ৰত্থুদাযিকাৰিমানং তথা ৰিত্থারেতব্বং [( ) নত্থি সী. পোত্থকে])

২. পুপ্ফুত্তমদাযিকাৰিমানৰত্থু (১)

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন তেতাদিসো ৰণ্ণো…পে… যে কেচি মনসো পিযা.

‘‘পুচ্ছামি তং দেৰি মহানুভাৰে…পে…

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘পুপ্ফুত্তমদাযিকা নারী, পৰরা হোতি নরেসু নারীসু;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা ¶ ¶ মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

ৰণ্ণো চ মে সব্বদিসা পভাসতী’’তি.

৩. গন্ধুত্তমদাযিকাৰিমানৰত্থু (২)

‘‘অভিক্কন্তেন ৰণ্ণেন…পে… ¶ ওসধী ৰিয তারকা.

‘‘কেন তেতাদিসো ৰণ্ণো…পে… যে কেচি মনসো পিযা.

‘‘পুচ্ছামি তং দেৰি মহানুভাৰে…পে…

ৰণ্ণো চ তে সব্বদিসা পভাসতী’’তি.

‘‘সা দেৰতা অত্তমনা…পে… যস্স কম্মস্সিদং ফলং.

‘‘গন্ধুত্তমদাযিকা নারী, পৰরা হোতি নরেসু নারীসু;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

ৰণ্ণো চ মে সব্বদিসা পভাসতী’’তি.

৪. ফলুত্তমদাযিকাৰিমানৰত্থু (৩)

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন তেতাদিসো ৰণ্ণো…পে… যে কেচি মনসো পিযা.

‘‘পুচ্ছামি তং দেৰি মহানুভাৰে…পে…

ৰণ্ণো চ তে সব্বদিসা পভাসতী’’তি.

সা ¶ দেৰতা অত্তমনা…পে… যস্স কম্মস্সিদং ফলং.

‘‘ফলুত্তমদাযিকা নারী, পৰরা হোতি নরেসু নারীসু;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

৫. রসুত্তমদাযিকাৰিমানৰত্থু (৪)

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন ¶ তেতাদিসো ৰণ্ণো…পে… যে কেচি মনসো পিযা.

‘‘পুচ্ছামি তং দেৰি মহানুভাৰে…পে…

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘রসুত্তমদাযিকা নারী, পৰরা ¶ হোতি নরেসু নারীসু;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

ৰণ্ণো চ মে সব্বদিসা পভাসতী’’তি.

৬. গন্ধপঞ্চঙ্গুলিকদাযিকাৰিমানৰত্থু

‘‘অভিক্কন্তেন ৰণ্ণেন…পে… ওসধী ৰিয তারকা.

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘গন্ধপঞ্চঙ্গুলিকং অহমদাসিং, কস্সপস্স ভগৰতো থূপম্হি;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং ¶ , পৰরা পস্স পুঞ্ঞানং ৰিপাকং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

(অনন্তরং ¶ চতুরৰিমানং যথা গন্ধপঞ্চঙ্গুলিকদাযিকাৰিমানং তথা ৰিত্থারেতব্বং [( ) নত্থি সী. পোত্থকে] )

‘‘অভিক্কন্তেন ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে…যস্স কম্মস্সিদং ফলং.

‘‘ভিক্খূ চ অহং ভিক্খুনিযো চ, অদ্দসাসিং পন্থপটিপন্নে;

তেসাহং ধম্মং সুত্ৰান, একূপোসথং উপৰসিস্সং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘অভিক্কন্তেন ¶ ¶ ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘উদকে ¶ ঠিতা উদকমদাসিং, ভিক্খুনো চিত্তেন ৰিপ্পসন্নেন;

এৰং পিযরূপদাযিকা মনাপং, দিব্বং সা লভতে উপেচ্চ ঠানং.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘অভিক্কন্তেন ৰণ্ণেন…পে… ৰণ্ণো চ তে সব্বদিসা পভাসতী’’তি.

সা ¶ দেৰতা অত্তমনা…পে… যস্স কম্মস্সিদং ফলং.

‘‘সস্সুঞ্চাহং সসুরঞ্চ, চণ্ডিকে কোধনে চ ফরুসে চ;

অনুসূযিকা উপট্ঠাসিং [সূপট্ঠাসিং (সী.)], অপ্পমত্তা ¶ সকেন সীলেন.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

১০. অপরকম্মকারিনীৰিমানৰত্থু (৪)

‘‘অভিক্কন্তেন ৰণ্ণেন…পে… ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘পরকম্মকরী [পরকম্মকারিনী (স্যা.) পরকম্মকারী (পী.) অপরকম্মকারিনী (ক.)] আসিং, অত্থেনাতন্দিতা দাসী;

অক্কোধনানতিমানিনী [অনতিমানী (সী. স্যা.)], সংৰিভাগিনী সকস্স ভাগস্স.

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স ¶ পুঞ্ঞানং ৰিপাকং.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন ¶ তেতাদিসো ৰণ্ণো…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘খীরোদনং অহমদাসিং, ভিক্খুনো পিণ্ডায চরন্তস্স;

এৰং করিত্ৰা কম্মং, সুগতিং উপপজ্জ মোদামি.

‘‘তস্সা ¶ মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

(অনন্তরং পঞ্চৰীসতিৰিমানং যথা খীরোদনদাযিকাৰিমানং তথা ৰিত্থারেতব্বং) [( ) নত্থি সী. পোত্থকে]

‘‘অভিক্কন্তেন ৰণ্ণেন…পে… ¶ সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘ফাণিতং অহমদাসিং, ভিক্খুনো পিণ্ডায চরন্তস্স…পে…’’.

১৩. উচ্ছুখণ্ডিকদাযিকাৰত্থু (২)

উচ্ছুখণ্ডিকং অহমদাসিং, ভিক্খুনো পিণ্ডায চরন্তস্স…পে….

১৪. তিম্বরুসকদাযিকাৰিমানৰত্থু (৩)

তিম্বরুসকং অহমদাসিং, ভিক্খুনো পিণ্ডায চরন্তস্স…পে….

১৫. কক্কারিকদাযিকাৰিমানৰত্থু (৪)

কক্কারিকং অহমদাসিং, ভিক্খুনো পিণ্ডায চরন্তস্স…পে….

১৬. এল়ালুকদাযিকাৰিমানৰত্থু (৫)

এল়ালুকং অহমদাসিং, ভিক্খুনো পিণ্ডায চরন্তস্স…পে….

১৭. ৰল্লিফলদাযিকাৰিমানৰত্থু(৬)

ৰল্লিফলং ¶ অহমদাসিং, ভিক্খুনো পিণ্ডায চরন্তস্স…পে….

১৮. ফারুসকদাযিকাৰিমানৰত্থু (৭)

ফারুসকং ¶ অহমদাসিং, ভিক্খুনো পিণ্ডায চরন্তস্স…পে….

১৯. হত্থপ্পতাপকদাযিকাৰিমানৰত্থু (৮)

হত্থপ্পতাপকং ¶ অহমদাসিং, ভিক্খুনো পিণ্ডায চরন্তস্স…পে….

২০. সাকমুট্ঠিদাযিকাৰিমানৰত্থু (৯)

সাকমুট্ঠিং অহমদাসিং, ভিক্খুনো পন্থপটিপন্নস্স…পে….

২১. পুপ্ফকমুট্ঠিদাযিকাৰিমানৰত্থু (১০)

পুপ্ফকমুট্ঠিং অহমদাসিং, ভিক্খুনো পিণ্ডায চরন্তস্স…পে….

মূলকং অহমদাসিং, ভিক্খুনো পিণ্ডায চরন্তস্স…পে….

২৩. নিম্বমুট্ঠিদাযিকাৰিমানৰত্থু (১২)

নিম্বমুট্ঠিং অহমদাসিং, ভিক্খুনো পিণ্ডায চরন্তস্স…পে….

২৪. অম্বকঞ্জিকদাযিকাৰিমানৰত্থু (১৩)

অম্বকঞ্জিকং অহমদাসিং, ভিক্খুনো পিণ্ডায চরন্তস্স…পে….

২৫. দোণিনিম্মজ্জনিদাযিকাৰিমানৰত্থু (১৪)

দোণিনিম্মজ্জনিং [দোণিনিম্মুজ্জনং (স্যা.)] অহমদাসিং, ভিক্খুনো পিণ্ডায চরন্তস্স…পে….

২৬. কাযবন্ধনদাযিকাৰিমানৰত্থু (১৫)

কাযবন্ধনং অহমদাসিং, ভিক্খুনো পিণ্ডায চরন্তস্স…পে….

২৭. অংসবদ্ধকদাযিকাৰিমানৰত্থু (১৬)

অংসবদ্ধকং ¶ [অংসৰট্টকং (সী.), অংসবন্ধনং (ক.)] অহমদাসিং, ভিক্খুনো পিণ্ডায চরন্তস্স…পে….

২৮. আযোগপট্টদাযিকাৰিমানৰত্থু (১৭)

আযোগপট্টং ¶ অহমদাসিং, ভিক্খুনো পিণ্ডায চরন্তস্স…পে….

২৯. ৰিধূপনদাযিকাৰিমানৰত্থু (১৮)

ৰিধূপনং ¶ অহমদাসিং, ভিক্খুনো পিণ্ডায চরন্তস্স…পে….

৩০. তালৰণ্টদাযিকাৰিমানৰত্থু (১৯)

তালৰণ্টং অহমদাসিং, ভিক্খুনো পিণ্ডায চরন্তস্স…পে….

৩১. মোরহত্থদাযিকাৰিমানৰত্থু (২০)

মোরহত্থং অহমদাসিং, ভিক্খুনো পিণ্ডায চরন্তস্স…পে….

ছত্তং [ছত্তঞ্চ (ক.)] অহমদাসিং, ভিক্খুনো পিণ্ডায চরন্তস্স…পে….

৩৩. উপাহনদাযিকাৰিমানৰত্থু (২২)

উপাহনং অহমদাসিং, ভিক্খুনো পিণ্ডায চরন্তস্স…পে….

পূৰং অহমদাসিং, ভিক্খুনো পিণ্ডায চরন্তস্স…পে….

মোদকং অহমদাসিং, ভিক্খুনো পিণ্ডায চরন্তস্স…পে….

৩৬. সক্খলিকদাযিকাৰিমানৰত্থু (২৫)

‘‘সক্খলিকং [সক্খলিং (সী. স্যা.)] অহমদাসিং, ভিক্খুনো পিণ্ডায চরন্তস্স…পে….

‘‘তস্সা মে পস্স ৰিমানং, অচ্ছরা কামৰণ্ণিনীহমস্মি;

অচ্ছরাসহস্সস্সাহং, পৰরা পস্স পুঞ্ঞানং ৰিপাকং.

‘‘তেন ¶ মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘স্ৰাগতং ৰত মে অজ্জ, সুপ্পভাতং সুহুট্ঠিতং [সুৰুট্ঠিতং (সী.)];

যং অদ্দসামি [অদ্দসং (সী. স্যা.), অদ্দসাসিং (পী.)] দেৰতাযো, অচ্ছরা কামৰণ্ণিনিযো [কামৰণ্ণিযো (সী.)].

‘‘ইমাসাহং ¶ [তাসাহং (স্যা. ক.)] ধম্মং সুত্ৰা [সুত্ৰান (স্যা. ক.)], কাহামি কুসলং বহুং.

দানেন সমচরিযায, সঞ্ঞমেন দমেন চ;

স্ৰাহং তত্থ গমিস্সামি [তত্থেৰ গচ্ছামি (ক.)], যত্থ গন্ত্ৰা ন সোচরে’’তি.

‘‘দদ্দল্লমানা ¶ ¶ [দদ্দল়্হমানা (ক.)] ৰণ্ণেন, যসসা চ যসস্সিনী;

সব্বে দেৰে তাৰতিংসে, ৰণ্ণেন অতিরোচসি.

‘‘দস্সনং নাভিজানামি, ইদং পঠমদস্সনং;

কস্মা কাযা নু আগম্ম, নামেন ভাসসে মম’’ন্তি.

‘‘অহং ভদ্দে সুভদ্দাসিং, পুব্বে মানুসকে ভৰে;

সহভরিযা চ তে আসিং, ভগিনী চ কনিট্ঠিকা.

‘‘সা অহং কাযস্স ভেদা, ৰিপ্পমুত্তা ততো চুতা;

নিম্মানরতীনং দেৰানং, উপপন্না সহব্যত’’ন্তি.

‘‘পহূতকতকল্যাণা, তে দেৰে যন্তি পাণিনো;

যেসং ত্ৰং কিত্তযিস্সসি, সুভদ্দে জাতিমত্তনো.

‘‘অথ [কথং (সী. স্যা.)] ত্ৰং কেন ৰণ্ণেন, কেন ৰা অনুসাসিতা;

কীদিসেনেৰ দানেন, সুব্বতেন যসস্সিনী.

‘‘যসং এতাদিসং পত্তা, ৰিসেসং ৰিপুলমজ্ঝগা;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘অট্ঠেৰ পিণ্ডপাতানি, যং দানং অদদং পুরে;

দক্খিণেয্যস্স সঙ্ঘস্স, পসন্না সেহি পাণিভি.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘অহং ¶ তযা বহুতরে ভিক্খূ, সঞ্ঞতে ব্রহ্মচারযো [ব্রহ্মচরিনো (স্যা.), ব্রহ্মচারিযে (পী. ক.)];

তপ্পেসিং অন্নপানেন, পসন্না সেহি পাণিভি.

‘‘তযা ¶ ¶ বহুতরং দত্ৰা, হীনকাযূপগা অহং [অহুং (ক. সী.)];

কথং ত্ৰং অপ্পতরং দত্ৰা, ৰিসেসং ৰিপুলমজ্ঝগা;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘মনোভাৰনীযো ¶ ভিক্খু, সন্দিট্ঠো মে পুরে অহু;

তাহং ভত্তেন [ভদ্দে (ক.)] নিমন্তেসিং, রেৰতং অত্তনট্ঠমং.

‘‘সো মে অত্থপুরেক্খারো, অনুকম্পায রেৰতো;

সঙ্ঘে দেহীতি মংৰোচ, তস্সাহং ৰচনং করিং.

‘‘সা দক্খিণা সঙ্ঘগতা, অপ্পমেয্যে পতিট্ঠিতা;

পুগ্গলেসু তযা দিন্নং, ন তং তৰ মহপ্ফল’’ন্তি.

‘‘ইদানেৰাহং জানামি, সঙ্ঘে দিন্নং মহপ্ফলং;

সাহং গন্ত্ৰা মনুস্সত্তং, ৰদঞ্ঞূ ৰীতমচ্ছরা;

সঙ্ঘে দানানি দস্সামি [সঙ্ঘে দানং দস্সামিহং (স্যা.)], অপ্পমত্তা পুনপ্পুন’’ন্তি.

‘‘কা এসা দেৰতা ভদ্দে, তযা মন্তযতে সহ;

সব্বে দেৰে তাৰতিংসে, ৰণ্ণেন অতিরোচতী’’তি.

‘‘মনুস্সভূতা দেৰিন্দ, পুব্বে মানুসকে ভৰে;

সহভরিযা চ মে আসি, ভগিনী চ কনিট্ঠিকা;

সঙ্ঘে দানানি দত্ৰান, কতপুঞ্ঞা ৰিরোচতী’’তি.

‘‘ধম্মেন পুব্বে ভগিনী, তযা ভদ্দে ৰিরোচতি;

যং সঙ্ঘম্হি অপ্পমেয্যে, পতিট্ঠাপেসি দক্খিণং.

‘‘পুচ্ছিতো হি মযা বুদ্ধো, গিজ্ঝকূটম্হি পব্বতে;

ৰিপাকং ¶ সংৰিভাগস্স, যত্থ দিন্নং মহপ্ফলং.

‘‘যজমানানং মনুস্সানং, পুঞ্ঞপেক্খান পাণিনং;

করোতং ওপধিকং পুঞ্ঞং, যত্থ দিন্নং মহপ্ফলং.

‘‘তং ¶ মে বুদ্ধো ৰিযাকাসি, জানং কম্মফলং সকং;

ৰিপাকং সংৰিভাগস্স, যত্থ দিন্নং মহপ্ফলং.

[ৰি. ৰ. ৭৫০; কথা. ৭৯৮] ‘‘চত্তারো চ পটিপন্না, চত্তারো চ ফলে ঠিতা;

এস সঙ্ঘো উজুভূতো, পঞ্ঞাসীলসমাহিতো.

[ৰি. ৰ. ৭৫১; কথা. ৭৯৮] ‘‘যজমানানং মনুস্সানং, পুঞ্ঞপেক্খান পাণিনং;

করোতং ওপধিকং পুঞ্ঞং, সঙ্ঘে দিন্নং মহপ্ফলং.

[ৰি. ৰ. ৭৫২; কথা. ৭৯৮] ‘‘এসো ¶ হি সঙ্ঘো ৰিপুলো মহগ্গতো, এসপ্পমেয্যো উদধীৰ সাগরো;

এতে হি সেট্ঠা নরৰীরসাৰকা, পভঙ্করা ধম্মমুদীরযন্তি [ধম্মকথং উদীরযন্তি (স্যা.)].

[ৰি. ৰ. ৭৫৩; কথা. ৭৯৮] ‘‘তেসং ¶ সুদিন্নং সুহুতং সুযিট্ঠং, যে সঙ্ঘমুদ্দিস্স দদন্তি দানং;

সা দক্খিণা সঙ্ঘগতা পতিট্ঠিতা, মহপ্ফলা লোকৰিদূন [লোকৰিদূহি (স্যা. ক.)] ৰণ্ণিতা.

[ৰি. ৰ. ৭৫৪; কথা. ৭৯৮] ‘‘এতাদিসং যঞ্ঞমনুস্সরন্তা [পুঞ্ঞমনুস্সরন্তা (স্যা. ক.)], যে ৰেদজাতা ৰিচরন্তি লোকে;

ৰিনেয্য মচ্ছেরমলং সমূলং, অনিন্দিতা ¶ সগ্গমুপেন্তি ঠান’’ন্তি.

দদ্দল্লৰিমানং [দদ্দল়্হৰিমানং (ক.)] ছট্ঠং.

‘‘ফলিকরজতহেমজালছন্নং ¶ , ৰিৰিধচিত্রতলমদ্দসং সুরম্মং;

ব্যম্হং সুনিম্মিতং তোরণূপপন্নং, রুচকুপকিণ্ণমিদং সুভং ৰিমানং.

‘‘ভাতি ¶ চ দস দিসা নভেৰ সুরিযো, সরদে তমোনুদো সহস্সরংসী;

তথা তপতিমিদং তৰ ৰিমানং, জলমিৰ ধূমসিখো নিসে নভগ্গে.

‘‘মুসতীৰ নযনং সতেরতাৰ [সতেরিতাৰ (স্যা. ক.)], আকাসে ঠপিতমিদং মনুঞ্ঞং;

ৰীণামুরজসম্মতাল়ঘুট্ঠং, ইদ্ধং ইন্দপুরং যথা তৰেদং.

‘‘পদুমকুমুদুপ্পলকুৰলযং, যোধিক [যূধিক (সী.)] বন্ধুকনোজকা [যোথিকা ভণ্ডিকা নোজকা (স্যা.)] চ সন্তি;

সালকুসুমিতপুপ্ফিতা অসোকা, ৰিৰিধদুমগ্গসুগন্ধসেৰিতমিদং.

‘‘সল়ললবুজভুজক [সুজক (সী. স্যা.)] সংযুত্তা [সঞ্ঞতা (সী.)], কুসকসুফুল্লিতলতাৰলম্বিনীহি ¶ ;

মণিজালসদিসা যসস্সিনী, রম্মা পোক্খরণী উপট্ঠিতা তে.

‘‘উদকরুহা চ যেত্থি পুপ্ফজাতা, থলজা যে চ সন্তি রুক্খজাতা;

মানুসকামানুস্সকা চ দিব্বা, সব্বে তুয্হং নিৰেসনম্হি জাতা.

‘‘কিস্স সংযমদমস্সযং ৰিপাকো, কেনাসি কম্মফলেনিধূপপন্না;

যথা চ তে অধিগতমিদং ৰিমানং, তদনুপদং অৰচাসিল়ারপম্হে’’তি [পখুমেতি (সী.)].

‘‘যথা ¶ চ মে অধিগতমিদং ৰিমানং, কোঞ্চমযূরচকোর [চঙ্কোর (ক.)] সঙ্ঘচরিতং;

দিব্য [দিব্ব (সী. পী.)] পিলৰহংসরাজচিণ্ণং, দিজকারণ্ডৰকোকিলাভিনদিতং.

‘‘নানাসন্তানকপুপ্ফরুক্খৰিৰিধা, পাটলিজম্বুঅসোকরুক্খৰন্তং;

যথা চ মে অধিগতমিদং ৰিমানং, তং ¶ তে পৰেদযামি [পৰদিস্সামি (সী.), পৰেদিস্সামি (পী.)] সুণোহি ভন্তে.

‘‘মগধৰরপুরত্থিমেন ¶ , নাল়কগামো নাম অত্থি ভন্তে;

তত্থ অহোসিং পুরে সুণিসা, পেসৰতীতি [সেসৰতীতি (সী. স্যা.)] তত্থ জানিংসু মমং.

‘‘সাহমপচিতত্থধম্মকুসলং ¶ , দেৰমনুস্সপূজিতং মহন্তং;

উপতিস্সং নিব্বুতমপ্পমেয্যং, মুদিতমনা কুসুমেহি অব্ভুকিরিং [অব্ভোকিরিং (সী. স্যা. পী. ক.)].

‘‘পরমগতিগতঞ্চ পূজযিত্ৰা, অন্তিমদেহধরং ইসিং উল়ারং;

পহায মানুসকং সমুস্সযং, তিদসগতা ইধ মাৰসামি ঠান’’ন্তি.

‘‘পীতৰত্থে ¶ পীতধজে, পীতালঙ্কারভূসিতে;

পীতন্তরাহি ৰগ্গূহি, অপিল়ন্ধাৰ সোভসি.

‘‘কা ¶ কম্বুকাযূরধরে [ককম্বুকাযুরধরে (স্যা.)], কঞ্চনাৰেল়ভূসিতে;

হেমজালকসঞ্ছন্নে [পচ্ছন্নে (সী.)], নানারতনমালিনী.

‘‘সোৰণ্ণমযা লোহিতঙ্গমযা [লোহিতঙ্কমযা (সী. স্যা.)] চ, মুত্তামযা ¶ ৰেল়ুরিযমযা চ;

মসারগল্লা সহলোহিতঙ্গা [সহলোহিতঙ্কা (সী.), সহলোহিতকা (স্যা.)], পারেৰতক্খীহি মণীহি চিত্ততা.

‘‘কোচি কোচি এত্থ মযূরসুস্সরো, হংসস্স রঞ্ঞো করৰীকসুস্সরো;

তেসং সরো সুয্যতি ৰগ্গুরূপো, পঞ্চঙ্গিকং তূরিযমিৰপ্পৰাদিতং.

‘‘রথো চ তে সুভো ৰগ্গু [ৰগ্গূ (স্যা.)], নানারতনচিত্তিতো [নানারতনচিত্তঙ্গো (স্যা.)];

নানাৰণ্ণাহি ধাতূহি, সুৰিভত্তোৰ সোভতি.

‘‘তস্মিং রথে কঞ্চনবিম্বৰণ্ণে, যা ত্ৰং [যত্থ (ক. সী. স্যা. ক.)] ঠিতা ভাসসি মং পদেসং;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘সোৰণ্ণজালং মণিসোণ্ণচিত্তিতং [ৰিচিত্তং (ক.), চিত্তং (সী. স্যা.)], মুত্তাচিতং হেমজালেন ছন্নং [সঞ্ছন্নং (ক.)];

পরিনিব্বুতে গোতমে অপ্পমেয্যে, পসন্নচিত্তা অহমাভিরোপযিং.

‘‘তাহং কম্মং করিত্ৰান, কুসলং বুদ্ধৰণ্ণিতং;

অপেতসোকা সুখিতা, সম্পমোদামনামযা’’তি.

‘‘কা ¶ ¶ ¶ নাম ত্ৰং ৰিসালক্খি [ৰিসালক্খী (স্যা.)], রম্মে চিত্তলতাৰনে;

সমন্তা অনুপরিযাসি, নারীগণপুরক্খতা [পুরক্খিতা (স্যা. ক.)].

‘‘যদা ¶ দেৰা তাৰতিংসা, পৰিসন্তি ইমং ৰনং;

সযোগ্গা সরথা সব্বে, চিত্রা হোন্তি ইধাগতা.

‘‘তুয্হঞ্চ ইধ পত্তায, উয্যানে ৰিচরন্তিযা;

কাযে ন দিস্সতী চিত্তং, কেন রূপং তৰেদিসং;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘যেন কম্মেন দেৰিন্দ, রূপং ময্হং গতী চ মে;

ইদ্ধি চ আনুভাৰো চ, তং সুণোহি পুরিন্দদ.

‘‘অহং রাজগহে রম্মে, সুনন্দা নামুপাসিকা;

সদ্ধা সীলেন সম্পন্না, সংৰিভাগরতা সদা.

‘‘অচ্ছাদনঞ্চ ভত্তঞ্চ, সেনাসনং পদীপিযং;

অদাসিং উজুভূতেসু, ৰিপ্পসন্নেন চেতসা.

‘‘চাতুদ্দসিং [চতুদ্দসিং (পী. ক.)] পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

সঞ্ঞমা সংৰিভাগা চ, ৰিমানং আৰসামহং.

‘‘পাণাতিপাতা ৰিরতা, মুসাৰাদা চ সঞ্ঞতা;

থেয্যা চ অতিচারা চ, মজ্জপানা চ আরকা.

‘‘পঞ্চসিক্খাপদে রতা, অরিযসচ্চান কোৰিদা;

উপাসিকা চক্খুমতো, গোতমস্স যসস্সিনো.

‘‘তস্সা ¶ ¶ মে ঞাতিকুলা দাসী [ঞাতিকুলং আসী (স্যা. ক.)], সদা মালাভিহারতি;

তাহং ভগৰতো থূপে, সব্বমেৰাভিরোপযিং.

‘‘উপোসথে চহং গন্ত্ৰা, মালাগন্ধৰিলেপনং;

থূপস্মিং অভিরোপেসিং, পসন্না সেহি পাণিভি.

‘‘তেন ¶ কম্মেন দেৰিন্দ, রূপং ময্হং গতী চ মে;

ইদ্ধী চ আনুভাৰো চ, যং মালং অভিরোপযিং.

‘‘যঞ্চ সীলৰতী আসিং, ন তং তাৰ ৰিপচ্চতি;

আসা চ পন মে দেৰিন্দ, সকদাগামিনী সিয’’ন্তি.

‘‘পারিচ্ছত্তকে ¶ কোৰিল়ারে, রমণীযে মনোরমে;

দিব্বমালং গন্থমানা, গাযন্তী সম্পমোদসি.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা সদ্দা নিচ্ছরন্তি, সৰনীযা মনোরমা.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা গন্ধা পৰাযন্তি, সুচিগন্ধা মনোরমা.

‘‘ৰিৰত্তমানা কাযেন, যা ৰেণীসু পিল়ন্ধনা.

তেসং সুয্যতি নিগ্ঘোসো, তূরিযে পঞ্চঙ্গিকে যথা.

‘‘ৰটংসকা ৰাতধুতা [ৰাতধূতা (সী. স্যা.)], ৰাতেন সম্পকম্পিতা;

তেসং সুয্যতি নিগ্ঘোসো, তূরিযে পঞ্চঙ্গিকে যথা.

‘‘যাপি ¶ তে সিরস্মিং মালা, সুচিগন্ধা মনোরমা;

ৰাতি ¶ গন্ধো দিসা সব্বা, রুক্খো মঞ্জূসকো যথা.

‘‘ঘাযসে তং সুচিগন্ধং [সুচিং গন্ধং (সী.)], রূপং পস্সসি অমানুসং [মানুসং (পী.)];

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘পভস্সরং অচ্চিমন্তং, ৰণ্ণগন্ধেন সংযুতং;

অসোকপুপ্ফমালাহং, বুদ্ধস্স উপনামযিং.

‘‘তাহং কম্মং করিত্ৰান, কুসলং বুদ্ধৰণ্ণিতং;

অপেতসোকা সুখিতা, সম্পমোদামনামযা’’তি.

পারিচ্ছত্তকৰগ্গো ততিযো নিট্ঠিতো.

উল়ারো উচ্ছু পল্লঙ্কো, লতা চ গুত্তিলেন চ;

দদ্দল্লপেসমল্লিকা, ৰিসালক্খি পারিচ্ছত্তকো;

‘‘মঞ্জিট্ঠকে ¶ ¶ [মঞ্জেট্ঠকে (সী.)] ৰিমানস্মিং, সোণ্ণৰালুকসন্থতে [সোৰণ্ণৰালুকসন্থতে (স্যা. পী.), সোৰণ্ণৰালিকসন্থতে (ক.)];

পঞ্চঙ্গিকে তুরিযেন [তুরিযেন (সী. স্যা. পী.)], রমসি সুপ্পৰাদিতে.

‘‘তম্হা ৰিমানা ওরুয্হ, নিম্মিতা রতনামযা;

ওগাহসি ¶ সালৰনং, পুপ্ফিতং সব্বকালিকং.

‘‘যস্স যস্সেৰ সালস্স, মূলে তিট্ঠসি দেৰতে;

সো সো মুঞ্চতি পুপ্ফানি, ওনমিত্ৰা দুমুত্তমো.

‘‘ৰাতেরিতং সালৰনং, আধুতং [আধূতং (সী.)] দিজসেৰিতং;

ৰাতি গন্ধো দিসা সব্বা, রুক্খো মঞ্জূসকো যথা.

‘‘ঘাযসে তং সুচিগন্ধং, রূপং পস্সসি অমানুসং;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘অহং মনুস্সেসু মনুস্সভূতা, দাসী অযিরকুলে [অয্যিরকুলে (স্যা. ক.)] অহুং;

বুদ্ধং নিসিন্নং দিস্ৰান, সালপুপ্ফেহি ওকিরিং.

‘‘ৰটংসকঞ্চ সুকতং, সালপুপ্ফমযং অহং;

বুদ্ধস্স উপনামেসিং, পসন্না সেহি পাণিভি.

‘‘তাহং ¶ কম্মং করিত্ৰান, কুসলং বুদ্ধৰণ্ণিতং;

অপেতসোকা সুখিতা, সম্পমোদামনামযা’’তি.

‘‘পভস্সরৰরৰণ্ণনিভে ¶ , সুরত্তৰত্থৰসনে [ৰত্থনিৰাসনে (সী. স্যা.)];

মহিদ্ধিকে চন্দনরুচিরগত্তে, কা ত্ৰং সুভে দেৰতে ৰন্দসে মমং.

‘‘পল্লঙ্কো ¶ চ তে মহগ্ঘো, নানারতনচিত্তিতো ¶ রুচিরো;

যত্থ ত্ৰং নিসিন্না ৰিরোচসি, দেৰরাজারিৰ নন্দনে ৰনে.

‘‘কিং ত্ৰং পুরে সুচরিতমাচরী ভদ্দে, কিস্স কম্মস্স ৰিপাকং;

অনুভোসি দেৰলোকস্মিং, দেৰতে পুচ্ছিতাচিক্খ;

‘‘পিণ্ডায তে চরন্তস্স, মালং ফাণিতঞ্চ অদদং ভন্তে;

তস্স কম্মস্সিদং ৰিপাকং, অনুভোমি দেৰলোকস্মিং.

‘‘হোতি চ মে অনুতাপো, অপরদ্ধং [অপরাধং (স্যা.)] দুক্খিতঞ্চ [দুক্কটঞ্চ (সী.)] মে ভন্তে;

সাহং ধম্মং নাস্সোসিং, সুদেসিতং ধম্মরাজেন.

‘‘তং তং ৰদামি ভদ্দন্তে, ‘যস্স মে অনুকম্পিযো কোচি;

ধম্মেসু তং সমাদপেথ’, সুদেসিতং ধম্মরাজেন.

‘‘যেসং অত্থি সদ্ধা বুদ্ধে, ধম্মে ¶ চ সঙ্ঘরতনে;

তে মং অতিৰিরোচন্তি, আযুনা যসসা সিরিযা.

অঞ্ঞে মহিদ্ধিকতরা মযা দেৰা’’তি;

‘‘অলঙ্কতা ¶ ¶ মণিকঞ্চনাচিতং, সোৰণ্ণজালচিতং মহন্তং;

অভিরুয্হ গজৰরং সুকপ্পিতং, ইধাগমা ৰেহাযসং [ৰেহাসযং (সী.)] অন্তলিক্খে.

‘‘নাগস্স দন্তেসু দুৰেসু নিম্মিতা, অচ্ছোদকা [অচ্ছোদিকা (সী. ক.)] পদুমিনিযো সুফুল্লা;

পদুমেসু চ তুরিযগণা পভিজ্জরে, ইমা চ নচ্চন্তি মনোহরাযো.

‘‘দেৰিদ্ধিপত্তাসি মহানুভাৰে, মনুস্সভূতা কিমকাসি পুঞ্ঞং;

কেনাসি এৰং জলিতানুভাৰা, ৰণ্ণো চ তে সব্বদিসা পভাসতী’’তি.

‘‘বারাণসিযং ¶ উপসঙ্কমিত্ৰা, বুদ্ধস্সহং ৰত্থযুগং অদাসিং;

পাদানি ৰন্দিত্ৰা [ৰন্দিত্ৰ (সী.)] ছমা নিসীদিং, ৰিত্তা চহং অঞ্জলিকং অকাসিং.

‘‘বুদ্ধো চ মে কঞ্চনসন্নিভত্তচো, অদেসযি সমুদযদুক্খনিচ্চতং;

অসঙ্খতং দুক্খনিরোধসস্সতং, মগ্গং অদেসযি [অদেসেসি (সী.)] যতো ৰিজানিসং;

‘‘অপ্পাযুকী ¶ কালকতা ততো চুতা, উপপন্না তিদসগণং যসস্সিনী;

সক্কস্সহং অঞ্ঞতরা পজাপতি, যসুত্তরা নাম দিসাসু ৰিস্সুতা’’তি.

‘‘অভিক্কন্তেন ¶ ¶ ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘অহঞ্চ ¶ বারাণসিযং, বুদ্ধস্সাদিচ্চবন্ধুনো;

অদাসিং সুক্খকুম্মাসং, পসন্না সেহি পাণিভি.

‘‘সুক্খায অলোণিকায চ, পস্স ফলং কুম্মাসপিণ্ডিযা;

অলোমং সুখিতং দিস্ৰা, কো পুঞ্ঞং ন করিস্সতি.

‘‘তেন মেতাদিসো ৰণ্ণো…পে… ¶ ৰণ্ণো চ মে সব্বদিসা পভাসতী’’তি.

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘কেন তেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘অহং অন্ধকৰিন্দম্হি, বুদ্ধস্সাদিচ্চবন্ধুনো;

অদাসিং কোলসম্পাকং, কঞ্জিকং তেলধূপিতং.

‘‘পিপ্ফল্যা লসুণেন চ, মিস্সং লামঞ্জকেন চ;

অদাসিং উজুভূতস্মিং [উজুভূতেসু (ক.)], ৰিপ্পসন্নেন চেতসা.

‘‘যা ¶ ¶ মহেসিত্তং কারেয্য, চক্কৰত্তিস্স রাজিনো;

নারী সব্বঙ্গকল্যাণী, ভত্তু চানোমদস্সিকা;

একস্স ¶ কঞ্জিকদানস্স, কলং নাগ্ঘতি সোল়সিং.

‘‘সতং নিক্খা সতং অস্সা, সতং অস্সতরীরথা;

সতং কঞ্ঞাসহস্সানি, আমুত্তমণিকুণ্ডলা;

একস্স কঞ্জিকদানস্স, কলং নাগ্ঘন্তি সোল়সিং.

‘‘সতং হেমৰতা নাগা, ঈসাদন্তা উরূল়্হৰা;

সুৰণ্ণকচ্ছা মাতঙ্গা, হেমকপ্পনৰাসসা;

একস্স কঞ্জিকদানস্স, কলং নাগ্ঘন্তি সোল়সিং.

‘‘চতুন্নমপি ¶ দীপানং, ইস্সরং যোধ কারযে;

একস্স কঞ্জিকদানস্স, কলং নাগ্ঘতি সোল়সি’’ন্তি.

‘‘অভিক্কন্তেন ৰণ্ণেন…পে… ওসধী ৰিয তারকা.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা সদ্দা নিচ্ছরন্তি, সৰনীযা মনোরমা.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা গন্ধা পৰাযন্তি, সুচিগন্ধা মনোরমা.

‘‘ৰিৰত্তমানা কাযেন, যা ৰেণীসু পিল়ন্ধনা;

তেসং সুয্যতি নিগ্ঘোসো, তুরিযে পঞ্চঙ্গিকে যথা.

‘‘ৰটংসকা ৰাতধুতা, ৰাতেন সম্পকম্পিতা;

তেসং সুয্যতি নিগ্ঘোসো, তুরিযে পঞ্চঙ্গিকে যথা.

‘‘যাপি ¶ তে সিরস্মিং মালা, সুচিগন্ধা মনোরমা;

ৰাতি গন্ধো দিসা সব্বা, রুক্খো মঞ্জূসকো যথা.

‘‘ঘাযসে তং সুচিগন্ধং, রূপং পস্সসি অমানুসং;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘সাৰত্থিযং ¶ ¶ ময্হং সখী ভদন্তে, সঙ্ঘস্স কারেসি মহাৰিহারং;

তত্থপ্পসন্না অহমানুমোদিং, দিস্ৰা অগারঞ্চ পিযঞ্চ মেতং.

‘‘তাযেৰ ¶ মে সুদ্ধনুমোদনায, লদ্ধং ৰিমানব্ভুতদস্সনেয্যং;

সমন্ততো সোল়সযোজনানি, ৰেহাযসং গচ্ছতি ইদ্ধিযা মম.

‘‘কূটাগারা নিৰেসা মে, ৰিভত্তা ভাগসো মিতা;

দদ্দল্লমানা আভন্তি, সমন্তা সতযোজনং.

‘‘পোক্খরঞ্ঞো চ মে এত্থ, পুথুলোমনিসেৰিতা;

অচ্ছোদকা [অচ্ছোদিকা (সী.)] ৰিপ্পসন্না, সোণ্ণৰালুকসন্থতা.

‘‘নানাপদুমসঞ্ছন্না, পুণ্ডরীকসমোততা [পণ্ডরীকসমোনতা (সী.)];

সুরভী সম্পৰাযন্তি, মনুঞ্ঞা মালুতেরিতা.

‘‘জম্বুযো পনসা তালা, নাল়িকেরৰনানি চ;

অন্তোনিৰেসনে জাতা, নানারুক্খা অরোপিমা.

‘‘নানাতূরিযসঙ্ঘুট্ঠং ¶ , অচ্ছরাগণঘোসিতং;

যোপি মং সুপিনে পস্সে, সোপি ৰিত্তো সিযা নরো.

‘‘এতাদিসং অব্ভুতদস্সনেয্যং, ৰিমানং সব্বসোপভং;

মম কম্মেহি নিব্বত্তং, অলং পুঞ্ঞানি কাতৰে’’তি.

‘‘তাযেৰ তে সুদ্ধনুমোদনায, লদ্ধং ৰিমানব্ভুতদস্সনেয্যং;

যা চেৰ সা দানমদাসি নারী, তস্সা গতিং ব্রূহি কুহিং উপ্পন্না [উপপন্না (ক.)] সা’’তি.

‘‘যা সা অহু ময্হং সখী ভদন্তে, সঙ্ঘস্স কারেসি মহাৰিহারং;

ৰিঞ্ঞাতধম্মা সা অদাসি দানং, উপ্পন্না নিম্মানরতীসু দেৰেসু.

‘‘পজাপতী ¶ তস্স সুনিম্মিতস্স, অচিন্তিযা কম্মৰিপাকা তস্স;

যমেতং পুচ্ছসি কুহিং উপ্পন্না [উপপন্না (ক.)] সাতি, তং তে ৰিযাকাসিং অনঞ্ঞথা অহং.

‘‘তেনহঞ্ঞেপি সমাদপেথ, সঙ্ঘস্স দানানি দদাথ ৰিত্তা;

ধম্মঞ্চ সুণাথ পসন্নমানসা, সুদুল্লভো লদ্ধো মনুস্সলাভো.

‘‘যং ¶ মগ্গং মগ্গাধিপতী অদেসযি [মগ্গাধিপত্যদেসযি (সী.)], ব্রহ্মস্সরো কঞ্চনসন্নিভত্তচো;

সঙ্ঘস্স দানানি দদাথ ৰিত্তা, মহপ্ফলা যত্থ ভৰন্তি দক্খিণা.

[খু. পা. ৬.৬; সু. নি. ২২৯] ‘‘যে ¶ পুগ্গলা অট্ঠ সতং পসত্থা, চত্তারি এতানি যুগানি হোন্তি;

তে দক্খিণেয্যা সুগতস্স সাৰকা, এতেসু দিন্নানি মহপ্ফলানি.

[ৰি. ৰ. ৬৪১] ‘‘চত্তারো চ পটিপন্না, চত্তারো চ ফলে ঠিতা;

এস সঙ্ঘো উজুভূতো, পঞ্ঞাসীলসমাহিতো.

[ৰি. ৰ. ৬৪২] ‘‘যজমানানং ¶ মনুস্সানং, পুঞ্ঞপেক্খান পাণিনং;

করোতং ওপধিকং পুঞ্ঞং, সঙ্ঘে দিন্নং মহপ্ফলং.

[ৰি. ৰ. ৬৪৩] ‘‘এসো হি সঙ্ঘো ৰিপুলো মহগ্গতো, এসপ্পমেয্যো উদধীৰ সাগরো;

এতেহি সেট্ঠা নরৰীরসাৰকা, পভঙ্করা ধম্মমুদীরযন্তি [নত্থেত্থ পাঠভেদো].

[ৰি. ৰ. ৬৪৪] ‘‘তেসং সুদিন্নং সুহুতং সুযিট্ঠং, যে সঙ্ঘমুদ্দিস্স দদন্তি দানং;

সা দক্খিণা সঙ্ঘগতা পতিট্ঠিতা, মহপ্ফলা লোকৰিদূন [লোকৰিদূহি (ক.)] ৰণ্ণিতা.

‘‘এতাদিসং ¶ ¶ যঞ্ঞমনুস্সরন্তা, যে ৰেদজাতা ৰিচরন্তি লোকে;

ৰিনেয্য মচ্ছেরমলং সমূলং, অনিন্দিতা সগ্গমুপেন্তি ঠান’’ন্তি.

‘‘অভিক্কন্তেন ¶ ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘ইন্দীৰরানং ¶ হত্থকং অহমদাসিং, ভিক্খুনো পিণ্ডায চরন্তস্স;

এসিকানং উণ্ণতস্মিং, নগরৰরে পণ্ণকতে রম্মে.

‘‘তেন মেতাদিসো ৰণ্ণো…পে…ৰণ্ণো চ মে সব্বদিস্সা পভাসতী’’তি.

‘‘অভিক্কন্তেন ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… ¶ যস্স কম্মস্সিদং ফলং.

‘‘নীলুপ্পলহত্থকং অহমদাসিং, ভিক্খুনো পিণ্ডায চরন্তস্স;

এসিকানং উণ্ণতস্মিং, নগরৰরে পণ্ণকতে রম্মে.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘অভিক্কন্তেন ¶ ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘ওদাতমূলকং হরিতপত্তং, উদকস্মিং সরে জাতং অহমদাসিং;

ভিক্খুনো পিণ্ডায চরন্তস্স, এসিকানং উণ্ণতস্মিং;

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘অভিক্কন্তেন ¶ ¶ ৰণ্ণেন…পে…ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘অহং সুমনা সুমনস্স সুমনমকুল়ানি, দন্তৰণ্ণানি অহমদাসিং;

ভিক্খুনো পিণ্ডায চরন্তস্স, এসিকানং উণ্ণতস্মিং;

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘দিব্বং ¶ তে অম্বৰনং রম্মং, পাসাদেত্থ মহল্লকো;

নানাতুরিযসঙ্ঘুট্ঠো, অচ্ছরাগণঘোসিতো.

‘‘পদীপো চেত্থ জলতি, নিচ্চং সোৰণ্ণযো মহা;

দুস্সফলেহি রুক্খেহি, সমন্তা পরিৰারিতো.

‘‘কেন ¶ তেতাদিসো ৰণ্ণো…পে…ৰণ্ণো চ তে সব্বদিসা পভাসতী’’তি;

সা দেৰতা অত্তমনা…পে… ¶ যস্স কম্মস্সিদং ফলং.

‘‘অহং মনুস্সেসু মনুস্সভূতা, পুরিমায জাতিযা মনুস্সলোকে;

ৰিহারং সঙ্ঘস্স কারেসিং, অম্বেহি পরিৰারিতং.

‘‘পরিযোসিতে ৰিহারে, কারেন্তে নিট্ঠিতে মহে;

অম্বেহি ছাদযিত্ৰান [অম্বে অচ্ছাদযিত্ৰান (সী. স্যা.), অম্বেহচ্ছাদযিত্ৰান (পী. ক.)], কত্ৰা দুস্সমযে ফলে.

‘‘পদীপং তত্থ জালেত্ৰা, ভোজযিত্ৰা গণুত্তমং;

নিয্যাদেসিং তং সঙ্ঘস্স, পসন্না সেহি পাণিভি.

‘‘তেন মে অম্বৰনং রম্মং, পাসাদেত্থ মহল্লকো;

নানাতুরিযসঙ্ঘুট্ঠো, অচ্ছরাগণঘোসিতো.

‘‘পদীপো ¶ চেত্থ জলতি, নিচ্চং সোৰণ্ণযো মহা;

দুস্সফলেহি রুক্খেহি, সমন্তা পরিৰারিতো.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘পীতৰত্থে ¶ পীতধজে, পীতালঙ্কারভূসিতে;

পীতচন্দনলিত্তঙ্গে, পীতউপ্পলমালিনী [পীতুপ্পলমধারিনী (স্যা. ক.), পীতুপ্পলমালিনী (পী.)].

‘‘পীতপাসাদসযনে, পীতাসনে পীতভাজনে;

পীতছত্তে পীতরথে, পীতস্সে পীতবীজনে.

‘‘কিং ¶ ¶ কম্মমকরী ভদ্দে, পুব্বে মানুসকে ভৰে;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘কোসাতকী নাম লতত্থি ভন্তে, তিত্তিকা অনভিচ্ছিতা;

তস্সা চত্তারি পুপ্ফানি, থূপং অভিহরিং অহং.

‘‘সত্থু সরীরমুদ্দিস্স, ৰিপ্পসন্নেন চেতসা;

নাস্স মগ্গং অৰেক্খিস্সং, ন তগ্গমনসা [তদগ্গমনসা (সী.), তদঙ্গমনসা (স্যা.)] সতী.

‘‘ততো মং অৰধী গাৰী, থূপং অপত্তমানসং;

তঞ্চাহং অভিসঞ্চেয্যং, ভিয্যো [ভীযো (সী. অট্ঠ.)] নূন ইতো সিযা.

‘‘তেন কম্মেন দেৰিন্দ, মঘৰা দেৰকুঞ্জরো;

পহায মানুসং দেহং, তৰ সহব্য [সহব্যত (সী. স্যা.)] মাগতা’’তি.

ইদং ¶ সুত্ৰা তিদসাধিপতি, মঘৰা দেৰকুঞ্জরো;

তাৰতিংসে পসাদেন্তো, মাতলিং এতদব্রৰি [এতদব্রূৰীতি (সী.)].

‘‘পস্স মাতলি অচ্ছেরং, চিত্তং কম্মফলং ইদং;

অপ্পকম্পি কতং দেয্যং, পুঞ্ঞং হোতি মহপ্ফলং.

‘‘নত্থি চিত্তে পসন্নম্হি, অপ্পকা নাম দক্খিণা;

তথাগতে ৰা সম্বুদ্ধে, অথ ৰা তস্স সাৰকে.

‘‘এহি মাতলি অম্হেপি, ভিয্যো ভিয্যো মহেমসে;

তথাগতস্স ধাতুযো, সুখো পুঞ্ঞান মুচ্চযো.

‘‘তিট্ঠন্তে নিব্বুতে চাপি, সমে চিত্তে সমং ফলং;

চেতোপণিধিহেতু ¶ হি, সত্তা গচ্ছন্তি সুগ্গতিং.

‘‘বহূনং [বহুন্নং (সী. স্যা.)] ৰত অত্থায, উপ্পজ্জন্তি তথাগতা;

যত্থ কারং করিত্ৰান, সগ্গং গচ্ছন্তি দাযকা’’তি.

‘‘ওভাসযিত্ৰা ¶ ¶ পথৰিং সদেৰকং, অতিরোচসি চন্দিমসূরিযা ৰিয;

সিরিযা চ ৰণ্ণেন যসেন তেজসা, ব্রহ্মাৰ দেৰে তিদসে সহিন্দকে.

‘‘পুচ্ছামি ¶ তং উপ্পলমালধারিনী, আৰেল়িনী কঞ্চনসন্নিভত্তচে;

অলঙ্কতে উত্তমৰত্থধারিনী, কা ত্ৰং সুভে দেৰতে ৰন্দসে মমং.

‘‘কিং ত্ৰং পুরে কম্মমকাসি অত্তনা, মনুস্সভূতা পুরিমায জাতিযা;

দানং সুচিণ্ণং অথ সীলসঞ্ঞমং, কেনুপপন্না সুগতিং যসস্সিনী;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘ইদানি ভন্তে ইমমেৰ গামং, পিণ্ডায অম্হাক ঘরং উপাগমি;

ততো তে উচ্ছুস্স অদাসি খণ্ডিকং, পসন্নচিত্তা অতুলায পীতিযা;

‘‘সস্সু ¶ চ পচ্ছা অনুযুঞ্জতে মমং, কহং নু উচ্ছুং ৰধুকে অৰাকিরী;

ন ছড্ডিতং নো পন খাদিতং মযা, সন্তস্স ভিক্খুস্স সযং অদাসহং.

‘‘তুয্হংন্ৰিদং ইস্সরিযং অথো মম, ইতিস্সা সস্সু পরিভাসতে মমং;

লেড্ডুং গহেত্ৰা পহারং অদাসি মে, ততো চুতা কালকতাম্হি দেৰতা.

‘‘তদেৰ কম্মং কুসলং কতং মযা, সুখঞ্চ কম্মং অনুভোমি অত্তনা;

দেৰেহি সদ্ধিং পরিচারযামহং, মোদামহং কামগুণেহি পঞ্চহি.

‘‘তদেৰ ¶ কম্মং কুসলং কতং মযা, সুখঞ্চ কম্মং অনুভোমি অত্তনা;

দেৰিন্দগুত্তা তিদসেহি রক্খিতা, সমপ্পিতা কামগুণেহি পঞ্চহি.

‘‘এতাদিসং ¶ পুঞ্ঞফলং অনপ্পকং, মহাৰিপাকা মম উচ্ছুদক্খিণা;

দেৰেহি সদ্ধিং পরিচারযামহং, মোদামহং কামগুণেহি পঞ্চহি.

‘‘এতাদিসং পুঞ্ঞফলং অনপ্পকং, মহাজুতিকা মম উচ্ছুদক্খিণা;

দেৰিন্দগুত্তা তিদসেহি রক্খিতা, সহস্সনেত্তোরিৰ নন্দনে ৰনে.

‘‘তুৰঞ্চ ¶ ভন্তে অনুকম্পকং ৰিদুং, উপেচ্চ ৰন্দিং কুসলঞ্চ পুচ্ছিসং;

ততো তে উচ্ছুস্স অদাসিং খণ্ডিকং, পসন্নচিত্তা অতুলায পীতিযা’’তি.

‘‘অভিক্কন্তেন ¶ ৰণ্ণেন, যা ত্ৰং তিট্ঠসি দেৰতে;

ওভাসেন্তী দিসা সব্বা, ওসধী ৰিয তারকা.

ৰণ্ণো চ তে সব্বদিসা পভাসতী’’তি.

সা দেৰতা অত্তমনা…পে… যস্স কম্মস্সিদং ফলং.

‘‘অহং মনুস্সেসু মনুস্সভূতা, দিস্ৰান সমণে সীলৰন্তে;

পাদানি ৰন্দিত্ৰা মনং পসাদযিং, ৰিত্তা চহং অঞ্জলিকং অকাসিং.

‘‘তেন ¶ মেতাদিসো ৰণ্ণো…পে… ৰণ্ণো ¶ চ মে সব্বদিসা পভাসতী’’তি.

‘‘অভিক্কন্তেন ৰণ্ণেন, যা ত্ৰং তিট্ঠসি দেৰতে;

হত্থপাদে চ ৰিগ্গয্হ, নচ্চসি সুপ্পৰাদিতে.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা সদ্দা নিচ্ছরন্তি, সৰনীযা মনোরমা.

‘‘তস্সা তে নচ্চমানায, অঙ্গমঙ্গেহি সব্বসো;

দিব্বা গন্ধা পৰাযন্তি, সুচিগন্ধা মনোরমা.

‘‘ৰিৰত্তমানা কাযেন, যা ৰেণীসু পিল়ন্ধনা;

তেসং সুয্যতি নিগ্ঘোসো, তুরিযে পঞ্চঙ্গিকে যথা.

‘‘ৰটংসকা ৰাতধুতা, ৰাতেন সম্পকম্পিতা;

তেসং সুয্যতি নিগ্ঘোসো, তুরিযে পঞ্চঙ্গিকে যথা.

‘‘যাপি তে সিরস্মিং মালা, সুচিগন্ধা মনোরমা;

ৰাতি গন্ধো দিসা সব্বা, রুক্খো মঞ্জূসকো যথা.

‘‘ঘাযসে ¶ তং সুচিগন্ধং, রূপং পস্সসি অমানুসং;

দেৰতে পুচ্ছিতাচিক্খ, কিস্স কম্মস্সিদং ফল’’ন্তি.

‘‘দাসী ¶ অহং পুরে আসিং, গযাযং ব্রাহ্মণস্সহং;

অপ্পপুঞ্ঞা অলক্খিকা, রজ্জুমালাতি মং ৰিদুং [ৰিদূ (স্যা. পী. ক.)].

‘‘অক্কোসানং ৰধানঞ্চ, তজ্জনায চ উগ্গতা [উক্কতা (সী. স্যা.)];

কুটং ¶ গহেত্ৰা নিক্খম্ম, অগঞ্ছিং [আগচ্ছিং (স্যা. ক.), অগচ্ছিং (পী.), গচ্ছিং (সী.)] উদহারিযা [উদকহারিযা (সী.)].

‘‘ৰিপথে ¶ কুটং নিক্খিপিত্ৰা, ৰনসণ্ডং উপাগমিং;

ইধেৰাহং মরিস্সামি, কো অত্থো [ক্ৰত্থোসি (ক.), কীৰত্থোপি (স্যা.)] জীৰিতেন মে.

‘‘দল়্হং পাসং করিত্ৰান, আসুম্ভিত্ৰান পাদপে;

ততো দিসা ৰিলোকেসিং,কো নু খো ৰনমস্সিতো.

‘‘তত্থদ্দসাসিং সম্বুদ্ধং, সব্বলোকহিতং মুনিং;

নিসিন্নং রুক্খমূলস্মিং, ঝাযন্তং অকুতোভযং.

‘‘তস্সা মে অহু সংৰেগো, অব্ভুতো লোমহংসনো;

কো নু খো ৰনমস্সিতো, মনুস্সো উদাহু দেৰতা.

‘‘পাসাদিকং পসাদনীযং, ৰনা নিব্বনমাগতং;

দিস্ৰা মনো মে পসীদি, নাযং যাদিসকীদিসো.

‘‘গুত্তিন্দ্রিযো ঝানরতো, অবহিগ্গতমানসো;

হিতো সব্বস্স লোকস্স, বুদ্ধো অযং [সোযং (সী.)] ভৰিস্সতি.

‘‘ভযভেরৰো দুরাসদো, সীহোৰ গুহমস্সিতো;

দুল্লভাযং দস্সনায, পুপ্ফং ওদুম্বরং যথা.

‘‘সো মং মুদূহি ৰাচাহি, আলপিত্ৰা তথাগতো;

রজ্জুমালেতি মংৰোচ, সরণং গচ্ছ তথাগতং.

‘‘তাহং গিরং সুণিত্ৰান, নেলং অত্থৰতিং সুচিং;

সণ্হং মুদুঞ্চ ৰগ্গুঞ্চ, সব্বসোকাপনূদনং.

‘‘কল্লচিত্তঞ্চ মং ঞত্ৰা, পসন্নং সুদ্ধমানসং;

হিতো ¶ সব্বস্স লোকস্স, অনুসাসি তথাগতো.

‘‘ইদং দুক্খন্তি মংৰোচ, অযং দুক্খস্স সম্ভৰো;

দুক্খ [অযং (সী. স্যা. পী.)] নিরোধো মগ্গো চ [দুক্খনিরোধো চ (স্যা.)], অঞ্জসো অমতোগধো.

‘‘অনুকম্পকস্স ¶ কুসলস্স, ওৰাদম্হি অহং ঠিতা;

অজ্ঝগা অমতং সন্তিং, নিব্বানং পদমচ্চুতং.

‘‘সাহং অৰট্ঠিতাপেমা, দস্সনে অৰিকম্পিনী;

মূলজাতায সদ্ধায, ধীতা বুদ্ধস্স ওরসা.

‘‘সাহং ¶ ¶ রমামি কীল়ামি, মোদামি অকুতোভযা;

দিব্বমালং ধারযামি, পিৰামি মধুমদ্দৰং.

‘‘সট্ঠিতুরিযসহস্সানি, পটিবোধং করোন্তি মে;

আল়ম্বো গগ্গরো ভীমো, সাধুৰাদী চ সংসযো.

‘‘পোক্খরো চ সুফস্সো চ, ৰীণামোক্খা চ নারিযো;

নন্দা চেৰ সুনন্দা চ, সোণদিন্না সুচিম্হিতা.

‘‘অলম্বুসা মিস্সকেসী চ, পুণ্ডরীকাতিদারুণী [… তিচারুণী (সী.)];

এণীফস্সা সুফস্সা [সুপস্সা (স্যা. পী. ক.)] চ, সুভদ্দা [সংভদ্দা (ক.)] মুদুৰাদিনী.

‘‘এতা চঞ্ঞা চ সেয্যাসে, অচ্ছরানং পবোধিকা;

তা মং কালেনুপাগন্ত্ৰা, অভিভাসন্তি দেৰতা.

‘‘হন্দ নচ্চাম গাযাম, হন্দ তং রমযামসে;

নযিদং অকতপুঞ্ঞানং, কতপুঞ্ঞানমেৰিদং.

‘‘অসোকং ¶ নন্দনং রম্মং, তিদসানং মহাৰনং;

সুখং অকতপুঞ্ঞানং, ইধ নত্থি পরত্থ চ.

‘‘সুখঞ্চ কতপুঞ্ঞানং, ইধ চেৰ পরত্থ চ;

তেসং সহব্যকামানং, কত্তব্বং কুসলং বহুং;

কতপুঞ্ঞা হি মোদন্তি, সগ্গে ভোগসমঙ্গিনো.

‘‘বহূনং ৰত অত্থায, উপ্পজ্জন্তি তথাগতা;

দক্খিণেয্যা মনুস্সানং, পুঞ্ঞখেত্তানমাকরা;

যত্থ কারং করিত্ৰান, সগ্গে মোদন্তি দাযকা’’তি.

মঞ্জিট্ঠকৰগ্গো চতুত্থো নিট্ঠিতো.

মঞ্জিট্ঠা ¶ পভস্সরা নাগা, অলোমাকঞ্জিকদাযিকা;

ৰিহারচতুরিত্থম্বা, পীতা উচ্ছুৰন্দনরজ্জুমালা চ;

‘‘কো ¶ ¶ ¶ মে ৰন্দতি পাদানি, ইদ্ধিযা যসসা জলং;

অভিক্কন্তেন ৰণ্ণেন, সব্বা ওভাসযং দিসা’’তি.

‘‘মণ্ডূকোহং পুরে আসিং, উদকে ৰারিগোচরো;

তৰ ধম্মং সুণন্তস্স, অৰধী ৰচ্ছপালকো.

‘‘মুহুত্তং ¶ চিত্তপসাদস্স, ইদ্ধিং পস্স যসঞ্চ মে;

আনুভাৰঞ্চ মে পস্স, ৰণ্ণং পস্স জুতিঞ্চ মে.

‘‘যে চ তে দীঘমদ্ধানং, ধম্মং অস্সোসুং গোতম;

পত্তা তে অচলট্ঠানং, যত্থ গন্ত্ৰা ন সোচরে’’তি.

[ধ. প. ২১৯ ধম্মপদে] ‘‘চিরপ্পৰাসিং পুরিসং, দূরতো সোত্থিমাগতং;

ঞাতিমিত্তা সুহজ্জা চ, অভিনন্দন্তি আগতং;

[ধ. প. ২২০ ধম্মপদে] ‘‘তথেৰ ¶ কতপুঞ্ঞম্পি, অস্মা লোকা পরং গতং;

পুঞ্ঞানি পটিগণ্হন্তি, পিযং ঞাতীৰ আগতং.

[পে. ৰ. ৭১৪]‘‘উট্ঠেহি রেৰতে সুপাপধম্মে, অপারুতদ্ৰারে [অপারুভং দ্ৰারং (সী. স্যা.), অপারুতদ্ৰারং (পী. ক.)] অদানসীলে;

নেস্সাম তং যত্থ থুনন্তি দুগ্গতা, সমপ্পিতা নেরযিকা দুক্খেনা’’তি.

ইচ্চেৰ ¶ [ইচ্চেৰং (স্যা. ক.)] ৰত্ৰান যমস্স দূতা, তে দ্ৰে যক্খা লোহিতক্খা ব্রহন্তা;

পচ্চেকবাহাসু গহেত্ৰা রেৰতং, পক্কামযুং দেৰগণস্স সন্তিকে.

‘‘আদিচ্চৰণ্ণং ¶ রুচিরং পভস্সরং, ব্যম্হং সুভং কঞ্চনজালছন্নং;

কস্সেতমাকিণ্ণজনং ¶ ৰিমানং, সূরিযস্স রংসীরিৰ জোতমানং.

‘‘নারীগণা চন্দনসারলিত্তা [চন্দনসারানুলিত্তা (স্যা.)], উভতো ৰিমানং উপসোভযন্তি;

তং দিস্সতি সূরিযসমানৰণ্ণং, কো মোদতি সগ্গপত্তো ৰিমানে’’তি.

‘‘বারাণসিযং নন্দিযো নামাসি, উপাসকো অমচ্ছরী দানপতি ৰদঞ্ঞূ;

তস্সেতমাকিণ্ণজনং ৰিমানং, সূরিযস্স রংসীরিৰ জোতমানং.

‘‘নারীগণা চন্দনসারলিত্তা, উভতো ৰিমানং উপসোভযন্তি;

তং দিস্সতি সূরিযসমানৰণ্ণং, সো মোদতি সগ্গপত্তো ৰিমানে’’তি.

‘‘নন্দিযস্সাহং ভরিযা, অগারিনী সব্বকুলস্স ইস্সরা;

ভত্তু ৰিমানে রমিস্সামি দানহং, ন পত্থযে নিরযং দস্সনাযা’’তি.

‘‘এসো তে নিরযো সুপাপধম্মে, পুঞ্ঞং ¶ তযা অকতং জীৰলোকে;

ন হি মচ্ছরী রোসকো পাপধম্মো, সগ্গূপগানং লভতি সহব্যত’’ন্তি.

‘‘কিং ¶ নু গূথঞ্চ মুত্তঞ্চ, অসুচী পটিদিস্সতি;

দুগ্গন্ধং কিমিদং মীল়্হং, কিমেতং উপৰাযতী’’তি.

‘‘এস সংসৰকো নাম, গম্ভীরো সতপোরিসো;

যত্থ ৰস্সসহস্সানি, তুৰং পচ্চসি রেৰতে’’তি.

‘‘কিং ¶ নু কাযেন ৰাচায, মনসা দুক্কটং কতং;

কেন সংসৰকো লদ্ধো, গম্ভীরো সতপোরিসো’’তি.

‘‘সমণে ব্রাহ্মণে চাপি, অঞ্ঞে ৰাপি ৰনিব্বকে [ৰণিব্বকে (স্যা. ক.)];

মুসাৰাদেন ৰঞ্চেসি, তং পাপং পকতং তযা.

‘‘তেন সংসৰকো লদ্ধো, গম্ভীরো সতপোরিসো;

তত্থ ৰস্সসহস্সানি, তুৰং পচ্চসি রেৰতে.

‘‘হত্থেপি ছিন্দন্তি অথোপি পাদে, কণ্ণেপি ছিন্দন্তি অথোপি নাসং;

অথোপি কাকোল়গণা সমেচ্চ, সঙ্গম্ম খাদন্তি ৰিফন্দমান’’ন্তি.

‘‘সাধু খো মং পটিনেথ, কাহামি কুসলং বহুং;

যং কত্ৰা সুখিতা হোন্তি, ন চ পচ্ছানুতপ্পরে’’তি.

‘‘পুরে ¶ তুৰং পমজ্জিত্ৰা, ইদানি পরিদেৰসি;

সযং কতানং কম্মানং, ৰিপাকং অনুভোস্সসী’’তি.

‘‘কো ¶ দেৰলোকতো মনুস্সলোকং, গন্ত্ৰান পুট্ঠো মে এৰং ৰদেয্য;

‘নিক্খিত্তদণ্ডেসু দদাথ দানং, অচ্ছাদনং সেয্য [সযন (সী.)] মথন্নপানং;

নহি মচ্ছরী রোসকো পাপধম্মো, সগ্গূপগানং লভতি সহব্যতং’.

‘‘সাহং নূন ইতো গন্ত্ৰা, যোনিং লদ্ধান মানুসিং;

ৰদঞ্ঞূ সীলসম্পন্না, কাহামি কুসলং বহুং;

‘‘আরামানি ¶ চ রোপিস্সং, দুগ্গে সঙ্কমনানি চ;

পপঞ্চ উদপানঞ্চ, ৰিপ্পসন্নেন চেতসা.

‘‘চাতুদ্দসিং পঞ্চদসিং, যা চ পক্খস্স অট্ঠমী;

পাটিহারিযপক্খঞ্চ, অট্ঠঙ্গসুসমাগতং.

‘‘উপোসথং উপৰসিস্সং, সদা সীলেসু সংৰুতা;

ন চ দানে পমজ্জিস্সং, সামং দিট্ঠমিদং মযা’’তি;

ইচ্চেৰং ৰিপ্পলপন্তিং, ফন্দমানং ততো ততো;

খিপিংসু নিরযে ঘোরে, উদ্ধপাদং অৰংসিরং.

‘‘অহং পুরে মচ্ছরিনী অহোসিং, পরিভাসিকা ¶ সমণব্রাহ্মণানং;

ৰিতথেন চ সামিকং ৰঞ্চযিত্ৰা, পচ্চামহং নিরযে ঘোররূপে’’তি.

‘‘যে ¶ ৰদতং পৰরো মনুজেসু, সক্যমুনী ভগৰা কতকিচ্চো;

পারগতো বলৰীরিযসমঙ্গী [বলৰীরসমঙ্গী (ক.)], তং সুগতং সরণত্থমুপেহি.

‘‘রাগৰিরাগমনেজমসোকং, ধম্মমসঙ্খতমপ্পটিকূলং;

মধুরমিমং পগুণং সুৰিভত্তং, ধম্মমিমং সরণত্থমুপেহি.

‘‘যত্থ ¶ চ দিন্ন মহপ্ফলমাহু, চতূসু সুচীসু পুরিসযুগেসু;

অট্ঠ চ পুগ্গলধম্মদসা তে, সঙ্ঘমিমং সরণত্থমুপেহি.

‘‘ন ¶ তথা তপতি নভে সূরিযো, চন্দো চ ন ভাসতি ন ফুস্সো;

যথা অতুলমিদং মহপ্পভাসং, কো ¶ নু ত্ৰং তিদিৰা মহিং উপাগা.

‘‘ছিন্দতি ¶ রংসী পভঙ্করস্স, সাধিকৰীসতিযোজনানি আভা;

রত্তিমপি যথা দিৰং করোতি, পরিসুদ্ধং ৰিমলং সুভং ৰিমানং.

‘‘বহুপদুমৰিচিত্রপুণ্ডরীকং, ৰোকিণ্ণং কুসুমেহি নেকচিত্তং;

অরজৰিরজহেমজালছন্নং, আকাসে তপতি যথাপি সূরিযো.

‘‘রত্তম্বরপীতৰসসাহি, অগরুপিযঙ্গুচন্দনুস্সদাহি;

কঞ্চনতনুসন্নিভত্তচাহি, পরিপূরং গগনংৰ তারকাহি.

‘‘নরনারিযো [নরনারী (ক.), নারিযো (?)] বহুকেত্থনেকৰণ্ণা, কুসুমৰিভূসিতাভরণেত্থ সুমনা;

অনিলপমুঞ্চিতা পৰন্তি [পৰাযন্তি (ক.)] সুরভিং, তপনিযৰিততা সুৰণ্ণছন্না [সুৰণ্ণচ্ছাদনা (সী.)].

‘‘কিস্স সংযমস্স [সমদমস্স (সী.)] অযং ৰিপাকো, কেনাসি কম্মফলেনিধূপপন্নো;

যথা ¶ চ তে অধিগতমিদং ৰিমানং, তদনুপদং অৰচাসি ইঙ্ঘ পুট্ঠো’’তি.

‘‘সযমিধ [যমিধ (সী. স্যা. পী.)] পথে সমেচ্চ মাণৰেন, সত্থানুসাসি অনুকম্পমানো;

তৰ রতনৰরস্স ধম্মং সুত্ৰা, করিস্সামীতি চ ব্রৰিত্থ ছত্তো.

‘‘জিনৰরপৰরং ¶ [জিনপৰরং (স্যা. ক.)] উপেহি [উপেমি (বহূসু)] সরণং, ধম্মঞ্চাপি তথেৰ ভিক্খুসঙ্ঘং;

নোতি পঠমং অৰোচহং [অৰোচাহং (সী. স্যা. ক.)] ভন্তে, পচ্ছা তে ৰচনং তথেৰকাসিং.

‘‘মা চ পাণৰধং ৰিৰিধং চরস্সু অসুচিং,

ন হি পাণেসু অসঞ্ঞতং অৰণ্ণযিংসু সপ্পঞ্ঞা;

‘‘মা ¶ চ পরজনস্স রক্খিতম্পি, আদাতব্বমমঞ্ঞিথো [মমঞ্ঞিত্থ (সী. পী.)] অদিন্নং;

নোতি পঠমং অৰোচহং ভন্তে, পচ্ছা ৰচনং তথেৰকাসিং.

‘‘মা চ পরজনস্স রক্খিতাযো, পরভরিযা অগমা অনরিযমেতং;

নোতি পঠমং অৰোচহং ভন্তে, পচ্ছা তে ৰচনং তথেৰকাসিং;

ন ¶ হি মুসাৰাদং অৰণ্ণযিংসু সপ্পঞ্ঞা;

নোতি পঠমং অৰোচহং ভন্তে, পচ্ছা তে ৰচনং তথেৰকাসিং.

‘‘যেন চ পুরিসস্স অপেতি সঞ্ঞা, তং মজ্জং পরিৰজ্জযস্সু সব্বং;

নোতি পঠমং অৰোচহং ভন্তে, পচ্ছা তে ৰচনং তথেৰকাসিং.

‘‘স্ৰাহং ইধ পঞ্চ সিক্খা করিত্ৰা, পটিপজ্জিত্ৰা তথাগতস্স ধম্মে;

দ্ৰেপথমগমাসিং চোরমজ্ঝে, তে মং তত্থ ৰধিংসু ভোগহেতু.

‘‘এত্তকমিদং ¶ ¶ অনুস্সরামি কুসলং, ততো পরং ন মে ৰিজ্জতি অঞ্ঞং;

তেন সুচরিতেন কম্মুনাহং [কম্মনাহং (সী.)], উপ্পন্নো [উপপন্নো (বহূসু)] তিদিৰেসু কামকামী.

‘‘পস্স খণমুহুত্তসঞ্ঞমস্স, অনুধম্মপ্পটিপত্তিযা ৰিপাকং;

জলমিৰ যসসা সমেক্খমানা, বহুকা মং পিহযন্তি হীনকম্মা.

‘‘পস্স কতিপযায দেসনায, সুগতিঞ্চম্হি ¶ গতো সুখঞ্চ পত্তো;

যে চ তে সততং সুণন্তি ধম্মং, মঞ্ঞে তে অমতং ফুসন্তি খেমং.

‘‘অপ্পম্পি কতং মহাৰিপাকং, ৰিপুলং হোতি [ৰিপুলফলং (ক.)] তথাগতস্স ধম্মে;

পস্স কতপুঞ্ঞতায ছত্তো, ওভাসেতি পথৰিং যথাপি সূরিযো.

‘‘কিমিদং কুসলং কিমাচরেম, ইচ্চেকে হি সমেচ্চ মন্তযন্তি;

তে মযং পুনরেৰ [পুনপি (?)] লদ্ধ মানুসত্তং, পটিপন্না ৰিহরেমু সীলৰন্তো.

‘‘বহুকারো ¶ অনুকম্পকো চ সত্থা, ইতি মে সতি অগমা দিৰা দিৰস্স;

স্ৰাহং উপগতোম্হি সচ্চনামং, অনুকম্পস্সু পুনপি সুণেমু [সুণোম (সী.), সুণোমি (স্যা.)] ধম্মং.

‘‘যে ¶ চিধ [যেধ (সী. স্যা. পী.), যে ইধ (ক.)] পজহন্তি কামরাগং, ভৰরাগানুসযঞ্চ পহায মোহং;

ন চ তে পুনমুপেন্তি গব্ভসেয্যং, পরিনিব্বানগতা হি সীতিভূতা’’তি.

‘‘উচ্চমিদং ¶ ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা [রুচিরত্থতা (স্যা. ক.) ৬৪৬ গাথাযং ‘‘রুচকুপকিণ্ণং’’তি পদস্স সংৰণ্ণনা পস্সিতব্বা] সুভা.

‘‘তত্থচ্ছসি ¶ পিৰসি খাদসি চ, দিব্বা চ ৰীণা পৰদন্তি ৰগ্গুং [ৰগ্গু (সী. ক.), ৰগ্গূ (স্যা.)];

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি তং দেৰ মহানুভাৰ, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘সতিসমুপ্পাদকরো ¶ , দ্ৰারে কক্কটকো ঠিতো;

নিট্ঠিতো জাতরূপস্স, সোভতি দসপাদকো.

‘‘তেন ¶ মেতাদিসো ৰণ্ণো, তেন মে ইধ মিজ্ঝতি;

উপ্পজ্জন্তি ¶ চ মে ভোগা, যে কেচি মনসো পিযা.

‘‘অক্খামি তে ভিক্খু মহানুভাৰ, মনুস্সভূতো যমকাসি পুঞ্ঞং;

তেনম্হি এৰং জলিতানুভাৰো, ৰণ্ণো চ মে সব্বদিসা পভাসতী’’তি.

(অনন্তরং পঞ্চৰিমানং যথা কক্কটকরসদাযকৰিমানং তথা ৰিত্থারেতব্বং)

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে… ¶ ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘দিব্বং মমং ৰস্সসহস্সমাযু, ৰাচাভিগীতং মনসা পৰত্তিতং;

এত্তাৰতা ঠস্সতি পুঞ্ঞকম্মো, দিব্বেহি কামেহি সমঙ্গিভূতো.

‘‘তেন ¶ মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘উচ্চমিদং মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি ¶ পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে…যস্স কম্মস্সিদং ফলং.

‘‘করণীযানি পুঞ্ঞানি, পণ্ডিতেন ৰিজানতা;

সম্মগ্গতেসু বুদ্ধেসু, যত্থ দিন্নং মহপ্ফলং.

‘‘অত্থায ৰত মে বুদ্ধো, অরঞ্ঞা গামমাগতো;

তত্থ ¶ চিত্তং পসাদেত্ৰা, তাৰতিংসূপগো অহং [অহুং (সী.)].

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে… ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘করণীযানি পুঞ্ঞানি, পণ্ডিতেন ৰিজানতা;

সম্মগ্গতেসু ভিক্খূসু, যত্থ দিন্নং মহপ্ফলং.

‘‘অত্থায ৰত মে ভিক্খু, অরঞ্ঞা গামমাগতো;

তত্থ চিত্তং পসাদেত্ৰা, তাৰতিংসূপগো অহং.

ৰণ্ণো চ মে সব্বদিসা পভাসতী’’তি.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি ¶ পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে… ৰণ্ণো চ তে সব্বদিসা পভাসতী’’তি.

সো ¶ দেৰপুত্তো অত্তমনো…পে… যস্স কম্মস্সিদং ফলং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘উচ্চমিদং মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে… ৰণ্ণো ¶ চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং মনুস্সেসু মনুস্সভূতো,পুরিমজাতিযা মনুস্সলোকে.

‘‘অদ্দসং ¶ ৰিরজং ভিক্খুং, ৰিপ্পসন্নমনাৰিলং;

তস্স অদাসহং সূচিং, পসন্নো সেহি পাণিভি.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘সুসুক্কখন্ধং ¶ ¶ অভিরুয্হ নাগং, অকাচিনং দন্তিং বলিং মহাজৰং;

অভিরুয্হ গজৰরং [গজং ৰরং (স্যা.)] সুকপ্পিতং, ইধাগমা ৰেহাযসং অন্তলিক্খে.

‘‘নাগস্স দন্তেসু দুৰেসু নিম্মিতা, অচ্ছোদকা পদুমিনিযো সুফুল্লা;

পদুমেসু চ তুরিযগণা পৰজ্জরে, ইমা চ নচ্চন্তি মনোহরাযো.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘অট্ঠেৰ মুত্তপুপ্ফানি, কস্সপস্স মহেসিনো [ভগৰতো (স্যা. ক.)];

থূপস্মিং অভিরোপেসিং, পসন্নো সেহি পাণিভি.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘মহন্তং ¶ ¶ নাগং অভিরুয্হ, সব্বসেতং গজুত্তমং;

ৰনা ৰনং অনুপরিযাসি, নারীগণপুরক্খতো;

ওভাসেন্তো দিসা সব্বা, ওসধী ৰিয তারকা.

‘‘কেন তেতাদিসো ৰণ্ণো…পে…ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো, ৰঙ্গীসেনেৰ পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘অহং মনুস্সেসু মনুস্সভূতো, উপাসকো চক্খুমতো অহোসিং;

পাণাতিপাতা ৰিরতো অহোসিং, লোকে অদিন্নং পরিৰজ্জযিস্সং.

‘‘অমজ্জপো ¶ নো চ মুসা অভাণিং [অভাসিং (সী. ক.)], সকেন দারেন চ তুট্ঠো অহোসিং;

অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘কো ¶ ¶ নু দিব্বেন যানেন, সব্বসেতেন হত্থিনা;

তুরিযতাল়িতনিগ্ঘোসো, অন্তলিক্খে মহীযতি.

‘‘দেৰতা নুসি গন্ধব্বো, অদু [আদু (সী. স্যা.)] সক্কো পুরিন্দদো;

অজানন্তা তং পুচ্ছাম, কথং জানেমু তং ময’’ন্তি.

‘‘নম্হি ¶ দেৰো ন গন্ধব্বো, নাপি [নাম্হি (ক.)] সক্কো পুরিন্দদো;

সুধম্মা নাম যে দেৰা, তেসং অঞ্ঞতরো অহ’’ন্তি.

‘‘পুচ্ছাম দেৰং সুধম্মং [দেৰ সুধম্ম (স্যা.), দেৰ সুধম্মং (ক.)], পুথুং কত্ৰান অঞ্জলিং;

কিং কত্ৰা মানুসে কম্মং, সুধম্মং উপপজ্জতী’’তি.

‘‘উচ্ছাগারং তিণাগারং, ৰত্থাগারঞ্চ যো দদে;

তিণ্ণং অঞ্ঞতরং দত্ৰা, সুধম্মং উপপজ্জতী’’তি.

‘‘দল়্হধম্মা নিসারস্স, ধনুং ওলুব্ভ তিট্ঠসি;

খত্তিযো নুসি রাজঞ্ঞো, অদু লুদ্দো ৰনেচরো’’তি [ৰনাচরোতি (স্যা. ক.)].

‘‘অস্সকাধিপতিস্সাহং ¶ , ভন্তে পুত্তো ৰনেচরো;

নামং মে ভিক্খু তে ব্রূমি, সুজাতো ইতি মং ৰিদূ [ৰিদুং (সী.)].

‘‘মিগে গৰেসমানোহং, ওগাহন্তো ব্রহাৰনং;

মিগং তঞ্চেৰ [মিগং গন্ত্ৰেৰ (স্যা.), মিগৰধঞ্চ (ক.)] নাদ্দক্খিং, তঞ্চ দিস্ৰা ঠিতো অহ’’ন্তি.

‘‘স্ৰাগতং ¶ তে মহাপুঞ্ঞ, অথো তে অদুরাগতং;

এত্তো উদকমাদায, পাদে পক্খালযস্সু তে.

‘‘ইদম্পি পানীযং সীতং, আভতং গিরিগব্ভরা;

রাজপুত্ত ততো পিত্ৰা [পীত্ৰা (সী. স্যা.)], সন্থতস্মিং উপাৰিসা’’তি.

‘‘কল্যাণী ৰত তে ৰাচা, সৰনীযা মহামুনি;

নেলা অত্থৰতী [চত্থৰতী (সী.)] ৰগ্গু, মন্ত্ৰা [মন্তা (স্যা. পী. ক.)] অত্থঞ্চ ভাসসি [ভাসসে (সী.)].

‘‘কা ¶ তে রতি ৰনে ৰিহরতো, ইসিনিসভ ৰদেহি পুট্ঠো;

তৰ ৰচনপথং নিসামযিত্ৰা, অত্থধম্মপদং সমাচরেমসে’’তি.

‘‘অহিংসা ¶ সব্বপাণীনং, কুমারম্হাক রুচ্চতি;

থেয্যা চ অতিচারা চ, মজ্জপানা চ আরতি.

‘‘আরতি সমচরিযা চ, বাহুসচ্চং কতঞ্ঞুতা;

দিট্ঠেৰ ধম্মে পাসংসা, ধম্মা এতে পসংসিযাতি.

‘‘সন্তিকে মরণং তুয্হং, ওরং মাসেহি পঞ্চহি;

রাজপুত্ত ¶ ৰিজানাহি, অত্তানং পরিমোচযা’’তি.

‘‘কতমং স্ৰাহং জনপদং গন্ত্ৰা, কিং কম্মং কিঞ্চ পোরিসং;

কায ৰা পন ৰিজ্জায, ভৰেয্যং অজরামরো’’তি.

‘‘ন ৰিজ্জতে সো পদেসো, কম্মং ৰিজ্জা চ পোরিসং;

যত্থ গন্ত্ৰা ভৰে মচ্চো, রাজপুত্তাজরামরো.

‘‘মহদ্ধনা মহাভোগা, রট্ঠৰন্তোপি খত্তিযা;

পহূতধনধঞ্ঞাসে, তেপি নো [তেপি ন (বহূসু)] অজরামরা.

‘‘যদি তে সুতা অন্ধকৰেণ্ডুপুত্তা [অন্ধকৰেণ্হুপুত্তা (সী.), অণ্ডকৰেণ্ডপুত্তা (স্যা. ক.)], সূরা ৰীরা ৰিক্কন্তপ্পহারিনো;

তেপি আযুক্খযং পত্তা, ৰিদ্ধস্তা সস্সতীসমা.

‘‘খত্তিযা ব্রাহ্মণা ৰেস্সা, সুদ্দা চণ্ডালপুক্কুসা;

এতে চঞ্ঞে চ জাতিযা, তেপি নো অজরামরা.

‘‘যে মন্তং পরিৰত্তেন্তি, ছল়ঙ্গং ব্রহ্মচিন্তিতং;

এতে চঞ্ঞে চ ৰিজ্জায, তেপি নো অজরামরা.

‘‘ইসযো চাপি যে সন্তা, সঞ্ঞতত্তা তপস্সিনো;

সরীরং তেপি কালেন, ৰিজহন্তি তপস্সিনো.

‘‘ভাৰিতত্তাপি ¶ অরহন্তো, কতকিচ্চা অনাসৰা;

নিক্খিপন্তি ইমং দেহং, পুঞ্ঞপাপপরিক্খযা’’তি.

‘‘সুভাসিতা অত্থৰতী, গাথাযো তে মহামুনি;

নিজ্ঝত্তোম্হি ¶ সুভট্ঠেন, ত্ৰঞ্চ মে সরণং ভৰা’’তি.

‘‘মা ¶ মং ত্ৰং সরণং গচ্ছ, তমেৰ সরণং ৰজ [ভজ (ক.)];

সক্যপুত্তং মহাৰীরং, যমহং সরণং গতো’’তি.

‘‘কতরস্মিং সো জনপদে, সত্থা তুম্হাক মারিস;

অহম্পি দট্ঠুং গচ্ছিস্সং, জিনং অপ্পটিপুগ্গল’’ন্তি.

‘‘পুরত্থিমস্মিং ¶ জনপদে, ওক্কাককুলসম্ভৰো;

তত্থাসি পুরিসাজঞ্ঞো, সো চ খো পরিনিব্বুতো’’তি.

‘‘সচে হি বুদ্ধো তিট্ঠেয্য, সত্থা তুম্হাক মারিস;

যোজনানি সহস্সানি, গচ্ছেয্যং [গচ্ছে (স্যা. পী. ক.)] পযিরুপাসিতুং.

‘‘যতো চ খো [যতা খো (পী. ক.)] পরিনিব্বুতো, সত্থা তুম্হাক মারিস;

নিব্বুতম্পি [পরিনিব্বুতং (স্যা. ক.)] মহাৰীরং, গচ্ছামি সরণং অহং.

‘‘উপেমি সরণং বুদ্ধং, ধম্মঞ্চাপি অনুত্তরং;

সঙ্ঘঞ্চ নরদেৰস্স, গচ্ছামি সরণং অহং.

‘‘পাণাতিপাতা ৰিরমামি খিপ্পং, লোকে অদিন্নং পরিৰজ্জযামি;

অমজ্জপো নো চ মুসা ভণামি, সকেন দারেন চ হোমি তুট্ঠো’’তি.

‘‘সহস্সরংসীৰ যথা মহপ্পভো, দিসং যথা ভাতি নভে অনুক্কমং;

তথাপকারো [তথপ্পকারো (সী. স্যা.)] তৰাযং [তৰযং (সী. পী.)] মহারথো, সমন্ততো ¶ যোজনসত্তমাযতো.

‘‘সুৰণ্ণপট্টেহি সমন্তমোত্থটো, উরস্স মুত্তাহি মণীহি চিত্তিতো;

লেখা সুৰণ্ণস্স চ রূপিযস্স চ, সোভেন্তি ৰেল়ুরিযমযা সুনিম্মিতা.

‘‘সীসঞ্চিদং ¶ ৰেল়ুরিযস্স নিম্মিতং, যুগঞ্চিদং লোহিতকায চিত্তিতং;

যুত্তা সুৰণ্ণস্স চ রূপিযস্স চ, সোভন্তি অস্সা চ ইমে মনোজৰা.

‘‘সো তিট্ঠসি হেমরথে অধিট্ঠিতো, দেৰানমিন্দোৰ সহস্সৰাহনো;

পুচ্ছামি তাহং যসৰন্ত কোৰিদং [কোৰিদ (ক.)], কথং তযা লদ্ধো অযং উল়ারো’’তি.

‘‘সুজাতো ¶ নামহং ভন্তে, রাজপুত্তো পুরে অহুং;

ত্ৰঞ্চ মং অনুকম্পায, সঞ্ঞমস্মিং নিৰেসযি.

‘‘খীণাযুকঞ্চ মং ঞত্ৰা, সরীরং পাদাসি সত্থুনো;

ইমং সুজাত পূজেহি, তং তে অত্থায হেহিতি.

‘‘তাহং গন্ধেহি মালেহি, পূজযিত্ৰা সমুয্যুতো;

পহায মানুসং দেহং, উপপন্নোম্হি নন্দনং.

‘‘নন্দনে ¶ চ ৰনে [নন্দনোপৰনে (সী.), নন্দনে পৰনে (স্যা. ক.)] রম্মে, নানাদিজগণাযুতে;

রমামি নচ্চগীতেহি, অচ্ছরাহি পুরক্খতো’’তি.

‘‘সহস্সযুত্তং ¶ ¶ হযৰাহনং সুভং, আরুয্হিমং সন্দনং নেকচিত্তং;

উয্যানভূমিং অভিতো অনুক্কমং, পুরিন্দদো ভূতপতীৰ ৰাসৰো.

‘‘সোৰণ্ণমযা তে রথকুব্বরা উভো, ফলেহি [থলেহি (সী.)] অংসেহি অতীৰ সঙ্গতা;

সুজাতগুম্বা নরৰীরনিট্ঠিতা, ৰিরোচতী পন্নরসেৰ চন্দো.

‘‘সুৰণ্ণজালাৰততো ¶ রথো অযং, বহূহি নানারতনেহি চিত্তিতো;

সুনন্দিঘোসো চ সুভস্সরো চ, ৰিরোচতী চামরহত্থবাহুভি.

‘‘ইমা চ নাভ্যো মনসাভিনিম্মিতা, রথস্স পাদন্তরমজ্ঝভূসিতা;

ইমা চ নাভ্যো সতরাজিচিত্তিতা, সতেরতা ৰিজ্জুরিৰপ্পভাসরে.

‘‘অনেকচিত্তাৰততো ¶ রথো অযং, পুথূ চ নেমী চ সহস্সরংসিকো;

তেসং সরো সুয্যতি [সূযতি (সী.)] ৰগ্গুরূপো, পঞ্চঙ্গিকং তুরিযমিৰপ্পৰাদিতং.

‘‘সিরস্মিং ¶ চিত্তং মণিচন্দকপ্পিতং, সদা ৰিসুদ্ধং রুচিরং পভস্সরং;

সুৰণ্ণরাজীহি অতীৰ সঙ্গতং, ৰেল়ুরিযরাজীৰ অতীৰ সোভতি.

‘‘ইমে চ ৰাল়ী মণিচন্দকপ্পিতা, আরোহকম্বূ সুজৰা ব্রহূপমা.

ব্রহা মহন্তা বলিনো মহাজৰা, মনো তৰঞ্ঞায তথেৰ সিংসরে [সব্বরে (ক.), সপ্পরে (?)].

‘‘ইমে চ সব্বে সহিতা চতুক্কমা, মনো তৰঞ্ঞায তথেৰ সিংসরে;

সমং ৰহন্তা মুদুকা অনুদ্ধতা, আমোদমানা তুরগান [তুরঙ্গান (ক.)] মুত্তমা.

‘‘ধুনন্তি ৰগ্গন্তি পতন্তি [পৰত্তন্তি (পী. ক.)] চম্বরে, অব্ভুদ্ধুনন্তা সুকতে পিল়ন্ধনে;

তেসং সরো সুয্যতি ৰগ্গুরূপো, পঞ্চঙ্গিকং ¶ তুরিযমিৰপ্পৰাদিতং.

‘‘রথস্স ¶ ঘোসো অপিল়ন্ধনান চ, খুরস্স নাদো [নাদী (স্যা.), নাদি (পী. ক.)] অভিহিংসনায চ;

ঘোসো সুৰগ্গূ সমিতস্স সুয্যতি, গন্ধব্বতূরিযানি ৰিচিত্রসংৰনে.

‘‘রথে ঠিতা তা মিগমন্দলোচনা, আল়ারপম্হা হসিতা পিযংৰদা;

ৰেল়ুরিযজালাৰততা তনুচ্ছৰা, সদেৰ গন্ধব্বসূরগ্গপূজিতা.

‘‘তা রত্তরত্তম্বরপীতৰাসসা, ৰিসালনেত্তা অভিরত্তলোচনা;

কুলে সুজাতা সুতনূ সুচিম্হিতা, রথে ঠিতা পঞ্জলিকা উপট্ঠিতা.

‘‘তা কম্বুকেযূরধরা সুৰাসসা, সুমজ্ঝিমা ঊরুথনূপপন্না;

ৰট্টঙ্গুলিযো সুমুখা সুদস্সনা, রথে ঠিতা পঞ্জলিকা উপট্ঠিতা.

‘‘অঞ্ঞা সুৰেণী সুসু মিস্সকেসিযো, সমং ৰিভত্তাহি পভস্সরাহি চ;

অনুব্বতা তা তৰ মানসে রতা, রথে ঠিতা পঞ্জলিকা উপট্ঠিতা.

‘‘আৰেল়িনিযো ¶ পদুমুপ্পলচ্ছদা, অলঙ্কতা চন্দনসারৰাসিতা [ৰোসিতা (স্যা.), ভূসিতা (ক.)];

অনুব্বতা ¶ তা তৰ মানসে রতা, রথে ঠিতা পঞ্জলিকা উপট্ঠিতা.

‘‘তা ¶ মালিনিযো পদুমুপ্পলচ্ছদা, অলঙ্কতা চন্দনসারৰাসিতা;

অনুব্বতা তা তৰ মানসে রতা, রথে ঠিতা পঞ্জলিকা উপট্ঠিতা.

‘‘কণ্ঠেসু ¶ তে যানি পিল়ন্ধনানি, হত্থেসু পাদেসু তথেৰ সীসে;

ওভাসযন্তী দস সব্বসো দিসা, অব্ভুদ্দযং সারদিকোৰ ভাণুমা.

‘‘ৰাতস্স ৰেগেন চ সম্পকম্পিতা, ভুজেসু মালা অপিল়ন্ধনানি চ;

মুঞ্চন্তি ঘোসং রূচিরং সুচিং সুভং, সব্বেহি ৰিঞ্ঞূহি সুতব্বরূপং.

‘‘উয্যানভূম্যা চ দুৰদ্ধতো ঠিতা, রথা ¶ চ নাগা তূরিযানি চ সরো;

তমেৰ দেৰিন্দ পমোদযন্তি, ৰীণা যথা পোক্খরপত্তবাহুভি.

‘‘ইমাসু ৰীণাসু বহূসু ৰগ্গূসু, মনুঞ্ঞরূপাসু হদযেরিতং পীতিং [হদযেরিতং পতি (সী.), হদযেরিতম্পি তং (স্যা.)];

পৰজ্জমানাসু অতীৰ অচ্ছরা, ভমন্তি কঞ্ঞা পদুমেসু সিক্খিতা.

‘‘যদা চ গীতানি চ ৰাদিতানি চ, নচ্চানি চিমানি [চেমানি (সী.)] সমেন্তি একতো;

অথেত্থ নচ্চন্তি অথেত্থ অচ্ছরা, ওভাসযন্তী উভতো ৰরিত্থিযো.

‘‘সো মোদসি তুরিযগণপ্পবোধনো, মহীযমানো ৰজিরাৰুধোরিৰ;

ইমাসু ৰীণাসু বহূসু ৰগ্গূসু, মনুঞ্ঞরূপাসু হদযেরিতং পীতিং.

‘‘কিং ত্ৰং পুরে কম্মমকাসি অত্তনা, মনুস্সভূতো পুরিমায জাতিযা;

উপোসথং কং ৰা [উপোসথং কিং ৰ (স্যা.)] তুৰং উপাৰসি, কং [কিং (স্যা.)] ধম্মচরিযং ৰতমাভিরোচযি.

‘‘নযীদমপ্পস্স ¶ কতস্স [নযিদং অপ্পস্স কতস্স (সী. স্যা.), সাসেদং অপ্পকতস্স (ক.)] কম্মুনো, পুব্বে সুচিণ্ণস্স উপোসথস্স ৰা;

ইদ্ধানুভাৰো ¶ ৰিপুলো অযং তৰ, যং দেৰসঙ্ঘং অভিরোচসে ভুসং.

‘‘দানস্স তে ইদং ফলং, অথো সীলস্স ৰা পন;

অথো অঞ্জলিকম্মস্স, তং মে অক্খাহি পুচ্ছিতো’’তি.

সো ¶ দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলন্তি.

‘‘জিতিন্দ্রিযং বুদ্ধমনোমনিক্কমং, নরুত্তমং কস্সপমগ্গপুগ্গলং;

অৰাপুরন্তং অমতস্স দ্ৰারং, দেৰাতিদেৰং সতপুঞ্ঞলক্খণং.

‘‘তমদ্দসং কুঞ্জরমোঘতিণ্ণং, সুৰণ্ণসিঙ্গীনদবিম্বসাদিসং;

দিস্ৰান তং খিপ্পমহুং সুচীমনো, তমেৰ দিস্ৰান সুভাসিতদ্ধজং.

‘‘তমন্নপানং অথৰাপি চীৰরং, সুচিং পণীতং রসসা উপেতং;

পুপ্ফাভিক্কিণম্হি সকে নিৰেসনে, পতিট্ঠপেসিং স অসঙ্গমানসো.

‘‘তমন্নপানেন ¶ চ চীৰরেন চ, খজ্জেন ভোজ্জেন চ সাযনেন চ;

সন্তপ্পযিত্ৰা ¶ দ্ৰিপদানমুত্তমং, সো সগ্গসো দেৰপুরে রমামহং.

‘‘এতেনুপাযেন ইমং নিরগ্গল়ং, যঞ্ঞং যজিত্ৰা তিৰিধং ৰিসুদ্ধং.

পহাযহং মানুসকং সমুস্সযং, ইন্দূপমো [ইন্দস্সমো (স্যা. ক.)] দেৰপুরে রমামহং.

‘‘আযুঞ্চ ¶ ৰণ্ণঞ্চ সুখং বলঞ্চ, পণীতরূপং অভিকঙ্খতা মুনি;

অন্নঞ্চ পানঞ্চ বহুং সুসঙ্খতং, পতিট্ঠপেতব্বমসঙ্গমানসে.

[কথা. ৭৯৯]‘‘নযিমস্মিং লোকে পরস্মিং [নযিমস্মিং ৰা লোকে পরস্মিং (কথাৰত্থু ৭৯৯), নযিমস্মি লোকে ৰ পরস্মি (?)] ৰা পন, বুদ্ধেন সেট্ঠো ৰ সমো ৰ ৰিজ্জতি;

আহুনেয্যানং [যমাহুনেয্যানং (ক.)] পরমাহুতিং গতো, পুঞ্ঞত্থিকানং ৰিপুলপ্ফলেসিন’’ন্তি.

মণ্ডূকো রেৰতী ছত্তো, কক্কটো দ্ৰারপালকো;

দ্ৰে করণীযা দ্ৰে সূচি, তযো নাগা চ দ্ৰে রথা;

পুরিসানং পঠমো ৰগ্গো পৰুচ্চতীতি.

‘‘যথা ¶ ¶ ¶ ৰনং চিত্তলতং পভাসতি [পকাসতি (ক.)], উয্যানসেট্ঠং তিদসানমুত্তমং;

তথূপমং তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো ¶ দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘অহঞ্চ ভরিযা চ মনুস্সলোকে, ওপানভূতা ঘরমাৰসিম্হ;

অন্নঞ্চ পানঞ্চ পসন্নচিত্তা, সক্কচ্চ দানং ৰিপুলং অদম্হ.

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘যথা ¶ ৰনং চিত্তলতং পভাসতি, উয্যানসেট্ঠং তিদসানমুত্তমং;

তথূপমং ¶ তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহঞ্চ ভরিযা চ মনুস্সলোকে, ওপানভূতা ঘরমাৰসিম্হ;

অন্নঞ্চ পানঞ্চ পসন্নচিত্তা, সক্কচ্চ দানং ৰিপুলং অদম্হ.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘উচ্চমিদং ¶ ¶ ¶ মণিথূণং ৰিমানং, সমন্ততো সোল়স যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা ¶ চ ৰীণা পৰদন্তি ৰগ্গুং;

অট্ঠট্ঠকা সিক্খিতা সাধুরূপা, দিব্বা চ কঞ্ঞা তিদসচরা উল়ারা;

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘ফলদাযী ফলং ৰিপুলং লভতি, দদমুজুগতেসু পসন্নমানসো;

সো হি পমোদতি [মোদতি (সী. স্যা. পী.)] সগ্গগতো তিদিৰে [তত্থ (ক.)], অনুভোতি চ পুঞ্ঞফলং ৰিপুলং.

‘‘তৰেৰাহং [তথেৰাহং (সী. স্যা. পী.)] মহামুনি, অদাসিং চতুরো ফলে.

‘‘তস্মা হি ফলং অলমেৰ দাতুং, নিচ্চং মনুস্সেন সুখত্থিকেন;

দিব্বানি ৰা পত্থযতা সুখানি, মনুস্সসোভগ্গতমিচ্ছতা ৰা.

ৰণ্ণো চ মে সব্বদিসা পভাসতী’’তি.

‘‘চন্দো ¶ ¶ যথা ৰিগতৰলাহকে নভে, ওভাসযং গচ্ছতি অন্তলিক্খে;

তথূপমং তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি মহানুভাৰা, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহঞ্চ ভরিযা চ মনুস্সলোকে, উপস্সযং অরহতো অদম্হ;

অন্নঞ্চ পানঞ্চ পসন্নচিত্তা, সক্কচ্চ দানং ৰিপুলং অদম্হ.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

পঠমউপস্সযদাযকৰিমানং চতুত্থং.

৫. দুতিযউপস্সযদাযকৰিমানৰত্থু

সূরিযো ¶ ¶ যথা ৰিগতৰলাহকে নভে…পে….

(যথা পুরিমৰিমানং তথা ৰিত্থারেতব্বং).

‘‘তেন মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

দুতিযউপস্সযদাযকৰিমানং পঞ্চমং.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘দেৰিদ্ধিপত্তোসি ¶ মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং মনুস্সেসু মনুস্সভূতো, দিস্ৰান ভিক্খুং তসিতং কিলন্তং;

একাহং ভিক্খং পটিপাদযিস্সং, সমঙ্গি ভত্তেন তদা অকাসিং.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘উচ্চমিদং মণিথূণং ৰিমানং…পে… ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং ¶ মনুস্সেসু মনুস্সভূতো, অহোসিং যৰপালকো;

অদ্দসং ৰিরজং ভিক্খুং, ৰিপ্পসন্নমনাৰিলং.

‘‘তস্স ¶ অদাসহং ভাগং, পসন্নো সেহি পাণিভি;

কুম্মাসপিণ্ডং দত্ৰান, মোদামি নন্দনে ৰনে.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘অলঙ্কতো মল্যধরো সুৰত্থো, সুকুণ্ডলী কপ্পিতকেসমস্সু;

আমুত্তহত্থাভরণো যসস্সী, দিব্বে ¶ ৰিমানম্হি যথাপি চন্দিমা.

‘‘দিব্বা চ ৰীণা পৰদন্তি ৰগ্গুং, অট্ঠট্ঠকা সিক্খিতা সাধুরূপা;

দিব্বা চ কঞ্ঞা তিদসচরা উল়ারা, নচ্চন্তি গাযন্তি পমোদযন্তি.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং মনুস্সেসু মনুস্সভূতো, দিস্ৰান সমণে সীলৰন্তে;

সম্পন্নৰিজ্জাচরণে যসস্সী, বহুস্সুতে তণ্হক্খযূপপন্নে;

অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং.

‘‘তেন ¶ মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘অলঙ্কতো ¶ ¶ মল্যধরো সুৰত্থো, সুকুণ্ডলী কপ্পিতকেসমস্সু;

আমুত্তহত্থাভরণো যসস্সী, দিব্বে ৰিমানম্হি যথাপি চন্দিমা.

‘‘দিব্বা চ ৰীণা পৰদন্তি ৰগ্গুং, অট্ঠট্ঠকা সিক্খিতা সাধুরূপা;

দিব্বা চ কঞ্ঞা তিদসচরা উল়ারা, নচ্চন্তি গাযন্তি পমোদযন্তি.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং ¶ মনুস্সেসু মনুস্সভূতো, দিস্ৰান সমণে সাধুরূপে [সীলৰন্তে (ক.)];

সম্পন্নৰিজ্জাচরণে যসস্সী, বহুস্সুতে সীলৰন্তে পসন্নে [সীলৰতূপপন্নে (ক. সী. ক.)];

অন্নঞ্চ পানঞ্চ পসন্নচিত্তো, সক্কচ্চ ¶ দানং ৰিপুলং অদাসিং.

‘‘তেন ¶ মেতাদিসো ৰণ্ণো…পে…ৰণ্ণো চ মে সব্বদিসা পভাসতী’’তি.

‘‘যা ¶ দেৰরাজস্স সভা সুধম্মা, যত্থচ্ছতি দেৰসঙ্ঘো সমগ্গো;

তথূপমং তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং মনুস্সেসু মনুস্সভূতো, রঞ্ঞো পাযাসিস্স অহোসিং মাণৰো;

লদ্ধা ধনং সংৰিভাগং অকাসিং, পিযা চ মে সীলৰন্তো অহেসুং;

অন্নঞ্চ পানঞ্চ পসন্নচিত্তো, সক্কচ্চ ¶ দানং ৰিপুলং অদাসিং.

‘‘তেন মেতাদিসো ৰণ্ণো…পে. ¶ …ৰণ্ণো চ মে সব্বদিসা পভাসতী’’তি.

(উত্তর) পাযাসিৰিমানং [উত্তরৰিমানং (সী. স্যা. অট্ঠ.)] দসমং.

দ্ৰে অগারিনো ফলদাযী, দ্ৰে উপস্সযদাযী ভিক্খায দাযী;

যৰপালকো চেৰ দ্ৰে, কুণ্ডলিনো পাযাসীতি [পাঠভেদো নত্থি];

পুরিসানং দুতিযো ৰগ্গো পৰুচ্চতীতি.

‘‘যথা ¶ ¶ ¶ ৰনং চিত্তলতং পভাসতি, উয্যানসেট্ঠং তিদসানমুত্তমং;

তথূপমং তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… ¶ যস্স কম্মস্সিদং ফলং.

‘‘অহং মনুস্সেসু মনুস্সভূতো, দলিদ্দো অতাণো কপণো কম্মকরো অহোসিং;

জিণ্ণে চ মাতাপিতরো অভারিং [অভরিং (সী. স্যা.)], পিযা চ মে সীলৰন্তো অহেসুং;

অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসি.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘যথা ¶ ৰনং নন্দনং [নন্দনং চিত্তলতং (সী. স্যা. ক.), নন্দৰনং (ক.)] পভাসতি, উয্যানসেট্ঠং তিদসানমুত্তমং;

তথূপমং তুয্হমিদং ৰিমানং, ওভাসযং তিট্ঠতি অন্তলিক্খে.

‘‘দেৰিদ্ধিপত্তোসি ¶ মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… ¶ যস্স কম্মস্সিদং ফলং.

‘‘অহং মনুস্সেসু মনুস্সভূতো, দলিদ্দো অতাণো কপণো কম্মকরো অহোসিং;

জিণ্ণে চ মাতাপিতরো অভারিং, পিযা চ মে সীলৰন্তো অহেসুং;

অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং.

‘‘তেন ¶ মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে…ৰণ্ণো চ তে সব্বদিসা পভাসতী’’তি.

সো ¶ দেৰপুত্তো অত্তমনো…পে…যস্স কম্মস্সিদং ফলং.

‘‘অহং ¶ মনুস্সেসু মনুস্সভূতো, ৰিৰনে পথে সঙ্কমনং [চঙ্কমনং (সী.), চঙ্কমং (স্যা.), সমকং (ক. সী.)] অকাসিং;

আরামরুক্খানি চ রোপযিস্সং, পিযা চ মে সীলৰন্তো অহেসুং;

অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং.

‘‘তেন মেতাদিসো ৰণ্ণো…পে… ৰণ্ণো চ মে সব্বদিসা পভাসতী’’তি.

‘‘সোৰণ্ণমযে ¶ পব্বতস্মিং, ৰিমানং সব্বতোপভং;

হেমজালপটিচ্ছন্নং [হেমজালকপচ্ছন্নং (সী.)], কিঙ্কিণি [কিঙ্কণিক (স্যা. ক.), কিঙ্কিণিক (পী.)] জালকপ্পিতং.

‘‘অট্ঠংসা সুকতা থম্ভা, সব্বে ৰেল়ুরিযামযা;

একমেকায অংসিযা, রতনা সত্ত নিম্মিতা.

‘‘ৰেল়ুরিযসুৰণ্ণস্স, ফলিকা রূপিযস্স চ;

মসারগল্লমুত্তাহি, লোহিতঙ্গমণীহি চ.

‘‘চিত্রা মনোরমা ভূমি, ন তত্থুদ্ধংসতী রজো;

গোপাণসীগণা পীতা, কূটং ধারেন্তি নিম্মিতা.

‘‘সোপাণানি ¶ চ চত্তারি, নিম্মিতা চতুরো দিসা;

নানারতনগব্ভেহি ¶ , আদিচ্চোৰ ৰিরোচতি.

‘‘ৰেদিযা চতস্সো তত্থ, ৰিভত্তা ভাগসো মিতা;

দদ্দল্লমানা আভন্তি, সমন্তা চতুরো দিসা.

‘‘তস্মিং ৰিমানে পৰরে, দেৰপুত্তো মহপ্পভো;

অতিরোচসি ৰণ্ণেন, উদযন্তোৰ ভাণুমা.

‘‘দানস্স ¶ তে ইদং ফলং, অথো সীলস্স ৰা পন;

অথো অঞ্জলিকম্মস্স, তং মে অক্খাহি পুচ্ছিতো’’.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং অন্ধকৰিন্দস্মিং, বুদ্ধস্সাদিচ্চবন্ধুনো;

ৰিহারং সত্থু কারেসিং, পসন্নো সেহি পাণিভি.

‘‘তত্থ গন্ধঞ্চ মালঞ্চ, পচ্চযঞ্চ [পচ্চগ্গঞ্চ (সী.), পচ্চগ্ঘঞ্চ (?)] ৰিলেপনং;

ৰিহারং সত্থু অদাসিং, ৰিপ্পসন্নেন চেতসা;

তেন ময্হং ইদং লদ্ধং, ৰসং ৰত্তেমি নন্দনে.

‘‘নন্দনে চ ৰনে [নন্দনে পৰনে (সী. স্যা.)] রম্মে, নানাদিজগণাযুতে;

রমামি নচ্চগীতেহি, অচ্ছরাহি পুরক্খতো’’তি.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা ¶ সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো…পে… ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘গিম্হানং ¶ পচ্ছিমে মাসে, পতপন্তে [পতাপন্তে (স্যা.), পতাপেন্তে (ক.)] দিৰঙ্করে;

পরেসং ভতকো পোসো, অম্বারামমসিঞ্চতি.

‘‘অথ ¶ তেনাগমা ভিক্খু, সারিপুত্তোতি ৰিস্সুতো;

কিলন্তরূপো কাযেন, অকিলন্তোৰ চেতসা.

‘‘তঞ্চ ¶ দিস্ৰান আযন্তং, অৰোচং অম্বসিঞ্চকো;

সাধু তং [সাধুকং (ক.)] ভন্তে ন্হাপেয্যং, যং মমস্স সুখাৰহং.

‘‘তস্স মে অনুকম্পায, নিক্খিপি পত্তচীৰরং;

নিসীদি রুক্খমূলস্মিং, ছাযায একচীৰরো.

‘‘তঞ্চ অচ্ছেন ৰারিনা, পসন্নমানসো নরো;

ন্হাপযী রুক্খমূলস্মিং, ছাযায একচীৰরং.

‘‘অম্বো ¶ চ সিত্তো সমণো চ ন্হাপিতো, মযা চ পুঞ্ঞং পসুতং অনপ্পকং;

ইতি সো পীতিযা কাযং, সব্বং ফরতি অত্তনো.

‘‘তদেৰ এত্তকং কম্মং, অকাসিং তায জাতিযা;

পহায মানুসং দেহং, উপপন্নোম্হি নন্দনং.

‘‘নন্দনে চ ৰনে রম্মে, নানাদিজগণাযুতে;

রমামি নচ্চগীতেহি, অচ্ছরাহি পুরক্খতো’’তি.

‘‘দিস্ৰান দেৰং পটিপুচ্ছি ভিক্খু, উচ্চে ৰিমানম্হি চিরট্ঠিতিকে;

আমুত্তহত্থাভরণং যসস্সিং [আমুত্তহত্থাভরণো যসস্সী (স্যা. পী. ক.)], দিব্বে ৰিমানম্হি যথাপি চন্দিমা.

‘‘অলঙ্কতো ¶ ¶ মল্যধরো [মালভারী (সী.), মালধরী (ক.)] সুৰত্থো, সুকুণ্ডলী কপ্পিতকেসমস্সু;

আমুত্তহত্থাভরণো যসস্সী, দিব্বে ৰিমানম্হি যথাপি চন্দিমা.

‘‘দিব্বা চ ৰীণা পৰদন্তি ৰগ্গুং, অট্ঠট্ঠকা সিক্খিতা সাধুরূপা;

দিব্বা চ কঞ্ঞা তিদসচরা উল়ারা, নচ্চন্তি গাযন্তি পমোদযন্তি.

‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো ¶ দেৰপুত্তো অত্তমনো…পে… যস্স কম্মস্সিদং ফলং.

‘‘অহং মনুস্সেসু মনুস্সভূতো, সঙ্গম্ম রক্খিস্সং পরেসং ধেনুযো;

ততো চ আগা সমণো মমন্তিকে গাৰো চ মাসে অগমংসু খাদিতুং.

‘‘দ্ৰযজ্জ ¶ কিচ্চং উভযঞ্চ কারিযং, ইচ্চেৰহং [ইচ্চেৰং (ক.)] ভন্তে তদা ৰিচিন্তযিং;

ততো চ সঞ্ঞং পটিলদ্ধযোনিসো, দদামি ভন্তেতি খিপিং অনন্তকং.

‘‘সো মাসখেত্তং তুরিতো অৰাসরিং, পুরা অযং ভঞ্জতি যস্সিদং ধনং;

ততো চ কণ্হো উরগো মহাৰিসো, অডংসি পাদে তুরিতস্স মে সতো.

‘‘স্ৰাহং ¶ অট্টোম্হি দুক্খেন পীল়িতো, ভিক্খু চ তং সামং মুঞ্চিত্ৰানন্তকং [মুঞ্চিত্ৰ নন্তকং (সী.), মুঞ্চিত্ৰা অনন্তকং (স্যা.)];

অহাসি কুম্মাসং মমানুকম্পযা [মমানুকম্পিযা (পী. ক.), মমানুকম্পায (স্যা.)], ততো চুতো কালকতোম্হি দেৰতা.

‘‘তদেৰ ¶ কম্মং কুসলং কতং মযা, সুখঞ্চ কম্মং অনুভোমি অত্তনা;

তযা হি ভন্তে অনুকম্পিতো ভুসং, কতঞ্ঞুতায অভিপাদযামি তং.

‘‘সদেৰকে লোকে সমারকে চ, অঞ্ঞো মুনি নত্থি তযানুকম্পকো;

তযা হি ভন্তে অনুকম্পিতো ভুসং, কতঞ্ঞুতায অভিৰাদযামি তং.

‘‘ইমস্মিং ¶ লোকে পরস্মিং ৰা পন, অঞ্ঞো মুনী নত্থি তযানুকম্পকো;

তযা হি ভন্তে অনুকম্পিতো ভুসং, কতঞ্ঞুতায অভিৰাদযামি ত’’ন্তি.

‘‘পুণ্ণমাসে যথা চন্দো, নক্খত্তপরিৰারিতো;

সমন্তা অনুপরিযাতি, তারকাধিপতী সসী.

‘‘তথূপমং ইদং ব্যম্হং, দিব্বং দেৰপুরম্হি চ;

অতিরোচতি ৰণ্ণেন, উদযন্তোৰ রংসিমা.

‘‘ৰেল়ুরিযসুৰণ্ণস্স, ফলিকা রূপিযস্স চ;

মসারগল্লমুত্তাহি, লোহিতঙ্গমণীহি চ.

‘‘চিত্রা মনোরমা ভূমি, ৰেল়ূরিযস্স সন্থতা;

কূটাগারা ¶ সুভা রম্মা, পাসাদো তে সুমাপিতো.

‘‘রম্মা ¶ ¶ চ তে পোক্খরণী, পুথুলোমনিসেৰিতা;

অচ্ছোদকা ৰিপ্পসন্না, সোৰণ্ণৰালুকসন্থতা.

‘‘নানাপদুমসঞ্ছন্না, পুণ্ডরীকসমোততা [সমোত্থতা (ক.), সমোগতা (স্যা.)];

সুরভিং সম্পৰাযন্তি, মনুঞ্ঞা মালুতেরিতা.

‘‘তস্সা ¶ তে উভতো পস্সে, ৰনগুম্বা সুমাপিতা;

উপেতা পুপ্ফরুক্খেহি, ফলরুক্খেহি চূভযং.

‘‘সোৰণ্ণপাদে পল্লঙ্কে, মুদুকে গোণকত্থতে [চোলসন্থতে (সী.)];

নিসিন্নং দেৰরাজংৰ, উপতিট্ঠন্তি অচ্ছরা.

‘‘সব্বাভরণসঞ্ছন্না, নানামালাৰিভূসিতা;

রমেন্তি তং মহিদ্ধিকং, ৰসৰত্তীৰ মোদসি.

‘‘ভেরিসঙ্খমুদিঙ্গাহি, ৰীণাহি পণৰেহি চ;

রমসি রতিসম্পন্নো, নচ্চগীতে সুৰাদিতে.

‘‘দিব্বা তে ৰিৰিধা রূপা, দিব্বা সদ্দা অথো রসা;

গন্ধা চ তে অধিপ্পেতা, ফোট্ঠব্বা চ মনোরমা.

‘‘তস্মিং ৰিমানে পৰরে, দেৰপুত্ত মহপ্পভো;

অতিরোচসি ৰণ্ণেন, উদযন্তোৰ ভাণুমা.

‘‘দানস্স তে ইদং ফলং, অথো সীলস্স ৰা পন;

অথো অঞ্জলিকম্মস্স, তং মে অক্খাহি পুচ্ছিতো’’.

সো ¶ দেৰপুত্তো অত্তমনো…পে… যস্স কম্মস্সিদং ফলং.

‘‘অহং কপিলৰত্থুস্মিং, সাকিযানং পুরুত্তমে;

সুদ্ধোদনস্স পুত্তস্স, কণ্ডকো সহজো অহং.

‘‘যদা সো অড্ঢরত্তাযং, বোধায মভিনিক্খমি;

সো মং মুদূহি পাণীহি, জালি [জাল (সী.)] তম্বনখেহি চ.

‘‘সত্থিং আকোটযিত্ৰান, ৰহ সম্মাতি চব্রৰি;

অহং লোকং তারযিস্সং, পত্তো সম্বোধিমুত্তমং.

‘‘তং ¶ মে গিরং সুণন্তস্স, হাসো মে ৰিপুলো অহু;

উদগ্গচিত্তো সুমনো, অভিসীসিং [অভিসিংসিং (সী.), অভিসীসি (পী.)] তদা অহং.

‘‘অভিরূল়্হঞ্চ মং ঞত্ৰা, সক্যপুত্তং মহাযসং;

উদগ্গচিত্তো মুদিতো, ৰহিস্সং পুরিসুত্তমং.

‘‘পরেসং ৰিজিতং গন্ত্ৰা, উগ্গতস্মিং দিৰাকরে [দিৰঙ্করে (স্যা. ক.)];

মমং ছন্নঞ্চ ওহায, অনপেক্খো সো অপক্কমি.

‘‘তস্স ¶ তম্বনখে পাদে, জিৰ্হায পরিলেহিসং;

গচ্ছন্তঞ্চ মহাৰীরং, রুদমানো উদিক্খিসং.

‘‘অদস্সনেনহং ¶ তস্স, সক্যপুত্তস্স সিরীমতো;

অলত্থং গরুকাবাধং, খিপ্পং মে মরণং অহু.

‘‘তস্সেৰ আনুভাৰেন, ৰিমানং আৰসামিদং;

সব্বকামগুণোপেতং ¶ , দিব্বং দেৰপুরম্হি চ.

‘‘যঞ্চ মে অহুৰা হাসো, সদ্দং সুত্ৰান বোধিযা;

তেনেৰ কুসলমূলেন, ফুসিস্সং আসৰক্খযং.

‘‘সচে হি ভন্তে গচ্ছেয্যাসি, সত্থু বুদ্ধস্স সন্তিকে;

মমাপি নং ৰচনেন, সিরসা ৰজ্জাসি ৰন্দনং.

‘‘অহম্পি দট্ঠুং গচ্ছিস্সং, জিনং অপ্পটিপুগ্গলং;

দুল্লভং দস্সনং হোতি, লোকনাথান তাদিন’’ন্তি.

সো কতঞ্ঞূ কতৰেদী, সত্থারং উপসঙ্কমি;

সুত্ৰা গিরং চক্খুমতো, ধম্মচক্খুং ৰিসোধযি.

ৰিসোধেত্ৰা দিট্ঠিগতং, ৰিচিকিচ্ছং ৰতানি চ;

ৰন্দিত্ৰা সত্থুনো পাদে, তত্থেৰন্তরধাযথাতি [তত্থেৰন্তরধাযতীতি (ক.)].

‘‘অনেকৰণ্ণং ¶ ¶ দরসোকনাসনং, ৰিমানমারুয্হ অনেকচিত্তং;

পরিৰারিতো অচ্ছরাসঙ্গণেন, সুনিম্মিতো ভূতপতীৰ মোদসি.

‘‘সমস্সমো নত্থি কুতো পনুত্তরো [উত্তরি (ক.)], যসেন পুঞ্ঞেন চ ইদ্ধিযা চ;

সব্বে চ দেৰা তিদসগণা সমেচ্চ, তং ¶ তং নমস্সন্তি সসিংৰ দেৰা;

ইমা চ তে অচ্ছরাযো সমন্ততো, নচ্চন্তি গাযন্তি পমোদযন্তি.

‘‘দেৰিদ্ধিপত্তোসি ¶ মহানুভাৰো, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো দেৰপুত্তো অত্তমনো…পে… যস্স কম্মস্সিদং ফলং.

‘‘অহং ভদন্তে অহুৰাসি পুব্বে, সুমেধনামস্স জিনস্স সাৰকো;

পুথুজ্জনো অননুবোধোহমস্মি [অনৰবোধোহমস্মিং (সী.), অননুবোধোহমাসিং (?)], সো সত্ত ৰস্সানি পরিব্বজিস্সহং [পব্বজিস্সহং (স্যা. ক.), পব্বজিসাহং (পী.)].

‘‘সোহং ¶ সুমেধস্স জিনস্স সত্থুনো, পরিনিব্বুতস্সোঘতিণ্ণস্স তাদিনো;

রতনুচ্চযং হেমজালেন ছন্নং, ৰন্দিত্ৰা থূপস্মিং মনং পসাদযিং.

‘‘ন ¶ মাসি দানং ন চ মত্থি দাতুং, পরে চ খো তত্থ সমাদপেসিং;

পূজেথ নং পূজনীযস্স [পূজনেয্যস্স (স্যা. ক.)] ধাতুং, এৰং ¶ কির সগ্গমিতো গমিস্সথ.

‘‘তদেৰ কম্মং কুসলং কতং মযা, সুখঞ্চ দিব্বং অনুভোমি অত্তনা;

মোদামহং তিদসগণস্স মজ্ঝে, ন তস্স পুঞ্ঞস্স খযম্পি অজ্ঝগ’’ন্তি.

[পে. ৰ. ১৮৬] ‘‘অলঙ্কতো ¶ মট্ঠকুণ্ডলী [মট্টকুণ্ডলী (সী.)], মালধারী হরিচন্দনুস্সদো;

বাহা পগ্গয্হ কন্দসি, ৰনমজ্ঝে কিং দুক্খিতো তুৰ’’ন্তি.

‘‘সোৰণ্ণমযো পভস্সরো, উপ্পন্নো রথপঞ্জরো মম;

তস্স চক্কযুগং ন ৰিন্দামি, তেন দুক্খেন জহামি [জহিস্সং (সী.), জহিস্সামি (স্যা. পী.)] জীৰিত’’ন্তি.

‘‘সোৰণ্ণমযং মণিমযং, লোহিতকমযং [লোহিতঙ্গমযং (স্যা.), লোহিতঙ্কমযং (সী.), লোহমযং (কত্থচি)] অথ রূপিযমযং;

আচিক্খ [আচিক্খথ (ক.)] মে ভদ্দমাণৰ, চক্কযুগং পটিপাদযামি তে’’তি.

সো ¶ মাণৰো তস্স পাৰদি, ‘‘চন্দিমসূরিযা উভযেত্থ দিস্সরে;

সোৰণ্ণমযো রথো মম, তেন চক্কযুগেন সোভতী’’তি.

‘‘বালো ¶ খো ত্ৰং অসি মাণৰ, যো ত্ৰং পত্থযসে অপত্থিযং;

মঞ্ঞামি তুৰং মরিস্সসি, ন হি ত্ৰং লচ্ছসি চন্দিমসূরিযে’’তি.

‘‘গমনাগমনম্পি দিস্সতি, ৰণ্ণধাতু উভযত্থ ৰীথিযা;

পেতো [পেতো পন (সী. স্যা.)] কালকতো ন দিস্সতি, কো নিধ কন্দতং বাল্যতরো’’তি.

‘‘সচ্চং খো ৰদেসি মাণৰ, অহমেৰ কন্দতং বাল্যতরো;

চন্দং ৰিয দারকো রুদং, পেতং কালকতাভিপত্থযি’’ন্তি.

‘‘আদিত্তং ৰত মং সন্তং, ঘতসিত্তংৰ পাৰকং;

ৰারিনা ৰিয ওসিঞ্চং, সব্বং নিব্বাপযে দরং.

‘‘অব্বহী ¶ [অব্বূল়্হ (পী.), অব্বূল়্হং (স্যা. ক.)] ৰত মে সল্লং, সোকং হদযনিস্সিতং;

যো মে সোকপরেতস্স, পুত্তসোকং অপানুদি.

‘‘স্ৰাহং ¶ ¶ অব্বূল়্হসল্লোস্মি, সীতিভূতোস্মি নিব্বুতো;

ন সোচামি ন রোদামি, ৰত সুত্ৰান মাণৰাতি.

‘‘দেৰতা নুসি গন্ধব্বো, অদু [আদু (সী. স্যা.)] সক্কো পুরিন্দদো;

কো ৰা ত্ৰং কস্স ৰা পুত্তো, কথং জানেমু তং ময’’ন্তি.

‘‘যঞ্চ [যং (ক.)] কন্দসি যঞ্চ রোদসি, পুত্তং আল়াহনে সযং দহিত্ৰা;

স্ৰাহং কুসলং করিত্ৰা কম্মং, তিদসানং সহব্যতং গতো’’তি [পত্তোতি (সী. স্যা. পী.)].

‘‘অপ্পং ¶ ৰা বহুং ৰা নাদ্দসাম, দানং দদন্তস্স সকে অগারে;

উপোসথকম্মং ৰা [উপোসথকম্মঞ্চ (ক.)] তাদিসং, কেন কম্মেন গতোসি দেৰলোক’’ন্তি.

‘‘আবাধিকোহং দুক্খিতো গিলানো, আতুররূপোম্হি সকে নিৰেসনে;

বুদ্ধং ৰিগতরজং ৰিতিণ্ণকঙ্খং, অদ্দক্খিং সুগতং অনোমপঞ্ঞং.

‘‘স্ৰাহং মুদিতমনো পসন্নচিত্তো, অঞ্জলিং ¶ অকরিং তথাগতস্স;

তাহং কুসলং করিত্ৰান কম্মং, তিদসানং সহব্যতং গতো’’তি.

‘‘অচ্ছরিযং ৰত অব্ভুতং ৰত, অঞ্জলিকম্মস্স অযমীদিসো ৰিপাকো;

অহম্পি মুদিতমনো পসন্নচিত্তো, অজ্জেৰ বুদ্ধং সরণং ৰজামী’’তি.

‘‘অজ্জেৰ বুদ্ধং সরণং ৰজাহি, ধম্মঞ্চ সঙ্ঘঞ্চ পসন্নচিত্তো;

তথেৰ সিক্খায পদানি পঞ্চ, অখণ্ডফুল্লানি সমাদিযস্সু.

‘‘পাণাতিপাতা ৰিরমস্সু খিপ্পং, লোকে অদিন্নং পরিৰজ্জযস্সু;

অমজ্জপো মা চ মুসা ভণাহি, সকেন দারেন চ হোহি তুট্ঠো’’তি.

‘‘অত্থকামোসি মে যক্খ, হিতকামোসি দেৰতে;

করোমি তুয্হং ৰচনং, ত্ৰংসি আচরিযো মমাতি.

‘‘উপেমি সরণং বুদ্ধং, ধম্মঞ্চাপি অনুত্তরং;

সঙ্ঘঞ্চ নরদেৰস্স, গচ্ছামি সরণং অহং.

‘‘পাণাতিপাতা ¶ ¶ ৰিরমামি খিপ্পং, লোকে ¶ অদিন্নং পরিৰজ্জযামি;

অমজ্জপো নো চ মুসা ভণামি, সকেন দারেন চ হোমি তুট্ঠো’’তি.

[পে. ৰ. ৬০৪] সুণোথ ¶ ¶ যক্খস্স চ ৰাণিজান চ, সমাগমো যত্থ তদা অহোসি;

যথা কথং ইতরিতরেন চাপি, সুভাসিতং তঞ্চ সুণাথ সব্বে.

‘‘যো সো অহু রাজা পাযাসি নাম [নামো (সী.)], ভুম্মানং সহব্যগতো যসস্সী;

সো মোদমানোৰ সকে ৰিমানে, অমানুসো মানুসে অজ্ঝভাসীতি.

‘‘ৰঙ্কে অরঞ্ঞে অমনুস্সট্ঠানে, কন্তারে অপ্পোদকে অপ্পভক্খে;

সুদুগ্গমে ৰণ্ণুপথস্স মজ্ঝে, ৰঙ্কং ভযা [ধঙ্কংভযা (ক.)] নট্ঠমনা মনুস্সা.

‘‘নযিধ ফলা মূলমযা চ সন্তি, উপাদানং নত্থি কুতোধ ভক্খো;

অঞ্ঞত্র পংসূহি চ ৰালুকাহি চ, ততাহি ¶ উণ্হাহি চ দারুণাহি চ.

‘‘উজ্জঙ্গলং তত্তমিৰং কপালং, অনাযসং পরলোকেন তুল্যং;

লুদ্দানমাৰাসমিদং পুরাণং, ভূমিপ্পদেসো অভিসত্তরূপো.

‘‘অথ ¶ তুম্হে কেন [কেন নু (স্যা. ক.)] ৰণ্ণেন, কিমাসমানা ইমং পদেসং হি;

অনুপৰিট্ঠা সহসা সমেচ্চ, লোভা ভযা অথ ৰা সম্পমূল়্হা’’তি.

‘‘মগধেসু অঙ্গেসু চ সত্থৰাহা, আরোপযিত্ৰা পণিযং পুথুত্তং;

তে যামসে সিন্ধুসোৰীরভূমিং, ধনত্থিকা উদ্দযং পত্থযানা.

‘‘দিৰা ¶ পিপাসং নধিৰাসযন্তা, যোগ্গানুকম্পঞ্চ সমেক্খমানা,

এতেন ৰেগেন আযাম সব্বে [সব্বে তে (ক.)], রত্তিং মগ্গং পটিপন্না ৰিকালে.

‘‘তে দুপ্পযাতা অপরদ্ধমগ্গা, অন্ধাকুলা ৰিপ্পনট্ঠা অরঞ্ঞে;

সুদুগ্গমে ¶ ৰণ্ণুপথস্স মজ্ঝে, দিসং ন জানাম পমূল়্হচিত্তা.

‘‘ইদঞ্চ দিস্ৰান অদিট্ঠপুব্বং, ৰিমানসেট্ঠঞ্চ তৰঞ্চ যক্খ;

ততুত্তরিং জীৰিতমাসমানা, দিস্ৰা পতীতা সুমনা উদগ্গা’’তি.

‘‘পারং সমুদ্দস্স ইমঞ্চ ৰণ্ণুং [ৰনং (স্যা.), ৰণ্ণং (ক.)], ৰেত্তাচরং [ৰেত্তং পরং (স্যা.), ৰেত্তাচারং (ক.)] সঙ্কুপথঞ্চ মগ্গং;

নদিযো পন পব্বতানঞ্চ দুগ্গা, পুথুদ্দিসা গচ্ছথ ভোগহেতু.

‘‘পক্খন্দিযান ৰিজিতং পরেসং, ৰেরজ্জকে মানুসে পেক্খমানা;

যং ৰো সুতং ৰা অথ ৰাপি দিট্ঠং, অচ্ছেরকং তং ৰো সুণোম তাতা’’তি.

‘‘ইতোপি ¶ অচ্ছেরতরং কুমার, ন তো সুতং ৰা অথ ৰাপি দিট্ঠং;

অতীতমানুস্সকমেৰ সব্বং, দিস্ৰান তপ্পাম অনোমৰণ্ণং.

‘‘ৰেহাযসং পোক্খরঞ্ঞো সৰন্তি, পহূতমল্যা ¶ [পহূতমাল্যা (স্যা.)] বহুপুণ্ডরীকা;

দুমা চিমে [দুমা চ তে (স্যা. ক.)] নিচ্চফলূপপন্না, অতীৰ গন্ধা সুরভিং পৰাযন্তি.

‘‘ৰেল়ূরিযথম্ভা ¶ সতমুস্সিতাসে, সিলাপৰাল়স্স চ আযতংসা;

মসারগল্লা সহলোহিতঙ্গা, থম্ভা ইমে জোতিরসামযাসে.

‘‘সহস্সথম্ভং অতুলানুভাৰং, তেসূপরি সাধুমিদং ৰিমানং;

রতনন্তরং কঞ্চনৰেদিমিস্সং, তপনীযপট্টেহি চ সাধুছন্নং.

‘‘জম্বোনদুত্তত্তমিদং সুমট্ঠো, পাসাদসোপাণফলূপপন্নো;

দল়্হো চ ৰগ্গু চ সুসঙ্গতো চ [ৰগ্গু সুমুখো সুসঙ্গতো (সী.)], অতীৰ নিজ্ঝানখমো মনুঞ্ঞো.

‘‘রতনন্তরস্মিং ¶ বহুঅন্নপানং, পরিৰারিতো অচ্ছরাসঙ্গণেন;

মুরজআলম্বরতূরিযঘুট্ঠো, অভিৰন্দিতোসি থুতিৰন্দনায.

‘‘সো ¶ মোদসি নারিগণপ্পবোধনো, ৰিমানপাসাদৰরে মনোরমে;

অচিন্তিযো সব্বগুণূপপন্নো, রাজা যথা ৰেস্সৰণো নল়িন্যা [নল়িঞ্ঞং (ক.)].

‘‘দেৰো ¶ নু আসি উদৰাসি যক্খো, উদাহু দেৰিন্দো মনুস্সভূতো;

পুচ্ছন্তি তং ৰাণিজা সত্থৰাহা, আচিক্খ কো নাম তুৰংসি যক্খো’’তি.

‘‘সেরীসকো [সেরিস্সকো (সী. স্যা.)] নাম অহম্হি যক্খো, কন্তারিযো ৰণ্ণুপথম্হি গুত্তো;

ইমং পদেসং অভিপালযামি, ৰচনকরো ৰেস্সৰণস্স রঞ্ঞো’’তি.

‘‘অধিচ্চলদ্ধং পরিণামজং তে, সযং কতং উদাহু দেৰেহি দিন্নং;

পুচ্ছন্তি তং ৰাণিজা সত্থৰাহা, কথং তযা লদ্ধমিদং মনুঞ্ঞ’’ন্তি.

‘‘নাধিচ্চলদ্ধং ন পরিণামজং মে, ন সযং কতং ন হি দেৰেহি দিন্নং;

সকেহি কম্মেহি অপাপকেহি, পুঞ্ঞেহি ¶ মে লদ্ধমিদং মনুঞ্ঞ’’ন্তি.

‘‘কিং তে ৰতং কিং পন ব্রহ্মচরিযং, কিস্স সুচিণ্ণস্স অযং ৰিপাকো;

পুচ্ছন্তি তং ৰাণিজা সত্থৰাহা, কথং তযা লদ্ধমিদং ৰিমান’’ন্তি.

‘‘মমং পাযাসীতি অহু সমঞ্ঞা, রজ্জং যদা কারযিং কোসলানং;

নত্থিকদিট্ঠি কদরিযো পাপধম্মো, উচ্ছেদৰাদী চ তদা অহোসিং.

‘‘সমণো চ খো আসি কুমারকস্সপো, বহুস্সুতো চিত্তকথী উল়ারো;

সো মে তদা ধম্মকথং অভাসি [অকাসি (সী.)], দিট্ঠিৰিসূকানি ৰিনোদযী মে.

‘‘তাহং ¶ তস্স [তাহং (ক.)] ধম্মকথং সুণিত্ৰা, উপাসকত্তং পটিৰেদযিস্সং;

পাণাতিপাতা ৰিরতো অহোসিং, লোকে অদিন্নং পরিৰজ্জযিস্সং;

অমজ্জপো ¶ নো চ মুসা অভাণিং, সকেন দারেন চ অহোসি তুট্ঠো.

‘‘তং ¶ মে ৰতং তং পন ব্রহ্মচরিযং, তস্স সুচিণ্ণস্স অযং ৰিপাকো;

তেহেৰ কম্মেহি অপাপকেহি, পুঞ্ঞেহি মে লদ্ধমিদং ৰিমান’’ন্তি.

‘‘সচ্চং ¶ কিরাহংসু নরা সপঞ্ঞা, অনঞ্ঞথা ৰচনং পণ্ডিতানং;

যহিং যহিং গচ্ছতি পুঞ্ঞকম্মো, তহিং তহিং মোদতি কামকামী.

‘‘যহিং যহিং সোকপরিদ্দৰো চ, ৰধো চ বন্ধো চ পরিক্কিলেসো;

তহিং তহিং গচ্ছতি পাপকম্মো, ন মুচ্চতি দুগ্গতিযা কদাচী’’তি.

‘‘সম্মূল়্হরূপোৰ জনো অহোসি, অস্মিং মুহুত্তে কললীকতোৰ;

জনস্সিমস্স তুয্হঞ্চ কুমার, অপ্পচ্চযো কেন নু খো অহোসী’’তি.

‘‘ইমে চ সিরীসৰনা [ইমে সিরীসূপৰনা চ (সী.), ইমেপি সিরীসৰনা চ (পী. ক.)] তাতা, দিব্বা [দিব্বা চ (পী. ক.)] গন্ধা সুরভী [সুরভিং (সী. ক.)] সম্পৰন্তি [সম্পৰাযন্তি (ক.)];

তে সম্পৰাযন্তি ইমং ৰিমানং, দিৰা ¶ চ রত্তো চ তমং নিহন্ত্ৰা.

‘‘ইমেসঞ্চ ¶ খো ৰস্সসতচ্চযেন, সিপাটিকা ফলতি একমেকা;

মানুস্সকং ৰস্সসতং অতীতং, যদগ্গে কাযম্হি ইধূপপন্নো.

‘‘দিস্ৰানহং ৰস্সসতানি পঞ্চ, অস্মিং ৰিমানে ঠত্ৰান তাতা;

আযুক্খযা পুঞ্ঞক্খযা চৰিস্সং, তেনেৰ সোকেন পমুচ্ছিতোস্মী’’তি [সমুচ্ছিতোস্মীতি (পী. ক.)].

‘‘কথং নু সোচেয্য তথাৰিধো সো, লদ্ধা ৰিমানং অতুলং চিরায;

যে চাপি খো ইত্তরমুপপন্না, তে নূন সোচেয্যুং পরিত্তপুঞ্ঞা’’তি.

‘‘অনুচ্ছৰিং ওৰদিযঞ্চ মে তং, যং মং তুম্হে পেয্যৰাচং ৰদেথ;

তুম্হে চ খো তাতা মযানুগুত্তা, যেনিচ্ছকং তেন পলেথ সোত্থি’’ন্তি.

‘‘গন্ত্ৰা ¶ মযং সিন্ধুসোৰীরভূমিং, ধনত্থিকা উদ্দযং পত্থযানা;

যথাপযোগা পরিপুণ্ণচাগা, কাহাম ¶ সেরীসমহং উল়ার’’ন্তি.

‘‘মা চেৰ সেরীসমহং অকত্থ, সব্বঞ্চ ৰো ভৰিস্সতি যং ৰদেথ;

পাপানি কম্মানি ৰিৰজ্জযাথ, ধম্মানুযোগঞ্চ অধিট্ঠহাথ.

‘‘উপাসকো অত্থি ইমম্হি সঙ্ঘে, বহুস্সুতো সীলৰতূপপন্নো;

সদ্ধো চ চাগী চ সুপেসলো চ, ৰিচক্খণো সন্তুসিতো মুতীমা.

‘‘সঞ্জানমানো ¶ ন মুসা ভণেয্য, পরূপঘাতায ন চেতযেয্য;

ৰেভূতিকং পেসুণং নো করেয্য, সণ্হঞ্চ ৰাচং সখিলং ভণেয্য.

‘‘সগারৰো সপ্পটিস্সো ৰিনীতো, অপাপকো অধিসীলে ৰিসুদ্ধো;

সো মাতরং পিতরঞ্চাপি জন্তু, ধম্মেন পোসেতি অরিযৰুত্তি.

‘‘মঞ্ঞে সো মাতাপিতূনং কারণা, ভোগানি পরিযেসতি ন অত্তহেতু;

মাতাপিতূনঞ্চ যো [সো (?)] অচ্চযেন, নেক্খম্মপোণো ¶ চরিস্সতি ব্রহ্মচরিযং.

‘‘উজূ অৰঙ্কো অসঠো অমাযো, ন লেসকপ্পেন চ ৰোহরেয্য;

সো তাদিসো সুকতকম্মকারী, ধম্মে ঠিতো কিন্তি লভেথ দুক্খং.

‘‘তং ¶ কারণা পাতুকতোম্হি অত্তনা, তস্মা ধম্মং পস্সথ ৰাণিজাসে;

অঞ্ঞত্র তেনিহ ভস্মী [ভস্মি (স্যা.), ভস্ম (ক.)] ভৰেথ, অন্ধাকুলা ৰিপ্পনট্ঠা অরঞ্ঞে;

তং খিপ্পমানেন লহুং পরেন, সুখো হৰে সপ্পুরিসেন সঙ্গমো’’তি.

‘‘কিং নাম সো কিঞ্চ করোতি কম্মং,

কিং নামধেয্যং কিং পন তস্স গোত্তং;

মযম্পি নং দট্ঠুকামম্হ যক্খ, যস্সানুকম্পায ইধাগতোসি;

লাভা হি তস্স, যস্স তুৰং পিহেসী’’তি.

‘‘যো ¶ ¶ কপ্পকো সম্ভৰনামধেয্যো,

মা ¶ খো নং হীল়িত্থ সুপেসলো সো’’তি.

‘‘জানামসে যং ত্ৰং পৰদেসি [ৰদেসি (সী.)] যক্খ,

সুত্ৰান তুয্হং ৰচনং উল়ার’’ন্তি.

‘‘যে কেচি ইমস্মিং সত্থে মনুস্সা,

পস্সন্তু পুঞ্ঞানং ফলং কদরিযা’’তি.

তং কপ্পকং তত্থ পুরক্খত্ৰা [পুরক্খিপিত্ৰা (সী.)];

তে ¶ তত্থ সব্বেৰ ‘অহং পুরে’তি, উপাসকত্তং পটিৰেদযিংসু;

পাণাতিপাতা ৰিরতা অহেসুং, লোকে অদিন্নং পরিৰজ্জযিংসু;

অমজ্জপা নো চ মুসা ভণিংসু, সকেন দারেন চ অহেসুং তুট্ঠা.

তে তত্থ সব্বেৰ ‘অহং পুরে’তি, উপাসকত্তং পটিৰেদযিত্ৰা;

পক্কামি সত্থো অনুমোদমানো, যক্খিদ্ধিযা অনুমতো পুনপ্পুনং.

‘‘গন্ত্ৰান ¶ তে সিন্ধুসোৰীরভূমিং, ধনত্থিকা উদ্দযং [উদয (পী. ক.)] পত্থযানা;

যথাপযোগা পরিপুণ্ণলাভা, পচ্চাগমুং পাটলিপুত্তমক্খতং.

‘‘গন্ত্ৰান ¶ তে সঙ্ঘরং সোত্থিৰন্তো,

আনন্দী ৰিত্তা [আনন্দচিত্তা (স্যা.), আনন্দীচিত্তা (ক.)] সুমনা পতীতা,

সব্বেৰ সত্তা সুখিতা [সুখিনো (পী. ক.)] অহেসুন্তি.

‘‘উচ্চমিদং ¶ মণিথূণং ৰিমানং, সমন্ততো দ্ৰাদস যোজনানি;

কূটাগারা ¶ সত্তসতা উল়ারা, ৰেল়ুরিযথম্ভা রুচকত্থতা সুভা.

‘‘তত্থচ্ছসি পিৰসি খাদসি চ, দিব্বা চ ৰীণা পৰদন্তি ৰগ্গুং;

দিব্বা রসা কামগুণেত্থ পঞ্চ, নারিযো চ নচ্চন্তি সুৰণ্ণছন্না.

‘‘কেন তেতাদিসো ৰণ্ণো, কেন তে ইধ মিজ্ঝতি;

উপ্পজ্জন্তি চ তে ভোগা, যে কেচি মনসো পিযা.

‘‘পুচ্ছামি ¶ ‘তং দেৰ মহানুভাৰ, মনুস্সভূতো কিমকাসি পুঞ্ঞং;

কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি.

সো ¶ দেৰপুত্তো অত্তমনো, মোগ্গল্লানেন পুচ্ছিতো;

পঞ্হং পুট্ঠো ৰিযাকাসি, যস্স কম্মস্সিদং ফলং.

‘‘দুন্নিক্খিত্তং মালং সুনিক্খিপিত্ৰা, পতিট্ঠপেত্ৰা সুগতস্স থূপে;

মহিদ্ধিকো চম্হি মহানুভাৰো, দিব্বেহি কামেহি সমঙ্গিভূতো.

ৰণ্ণো চ মে সব্বদিসা পভাসতী’’তি.

সুনিক্খিত্তৰগ্গো সত্তমো নিট্ঠিতো.

দ্ৰে দলিদ্দা ৰনৰিহারা, ভতকো গোপালকণ্ডকা;

অনেকৰণ্ণমট্ঠকুণ্ডলী, সেরীসকো সুনিক্খিত্তং;

পুরিসানং ততিযো ৰগ্গো পৰুচ্চতীতি.