📜
নমো তস্স ভগৰতো অরহতো সম্মাসম্বুদ্ধস্স
খুদ্দকনিকাযে
থেরাপদানপাল়ি
(পঠমো ভাগো)
১. বুদ্ধৰগ্গো
১. বুদ্ধঅপদানং
তথাগতং ¶ ¶ ¶ জেতৰনে ৰসন্তং, অপুচ্ছি ৰেদেহমুনী নতঙ্গো;
‘‘সব্বঞ্ঞুবুদ্ধা কির নাম হোন্তি, ভৰন্তি তে হেতুভি কেহি ৰীর’’.
তদাহ সব্বঞ্ঞুৰরো মহেসী, আনন্দভদ্দং মধুরস্সরেন;
‘‘যে পুব্ববুদ্ধেসু [সব্ববুদ্ধেসু (স্যা.)] কতাধিকারা, অলদ্ধমোক্খা জিনসাসনেসু.
‘‘তেনেৰ সম্বোধিমুখেন ধীরা, অজ্ঝাসযেনাপি মহাবলেন;
পঞ্ঞায তেজেন সুতিক্খপঞ্ঞা, সব্বঞ্ঞুভাৰং অনুপাপুণন্তি.
‘‘অহম্পি ¶ ¶ পুব্ববুদ্ধেসু, বুদ্ধত্তমভিপত্থযিং,
মনসাযেৰ হুত্ৰান, ধম্মরাজা অসঙ্খিযা.
‘‘অথ ¶ ¶ বুদ্ধাপদানানি, সুণাথ সুদ্ধমানসা;
তিংসপারমিসম্পুণ্ণা, ধম্মরাজা অসঙ্খিযা.
‘‘সম্বোধিং বুদ্ধসেট্ঠানং, সসঙ্ঘে লোকনাযকে;
দসঙ্গুলী নমস্সিত্ৰা, সিরসা অভিৰাদযিং [অভিৰাদযে (স্যা.)].
‘‘যাৰতা বুদ্ধখেত্তেসু, রতনা ৰিজ্জন্তিসঙ্খিযা;
আকাসট্ঠা চ ভূমট্ঠা [ভুম্মট্ঠা (সী. স্যা.)], মনসা সব্বমাহরিং.
‘‘তত্থ রূপিযভূমিযং, পাসাদং মাপযিং অহং;
নেকভুম্মং রতনমযং, উব্বিদ্ধং নভমুগ্গতং.
‘‘ৰিচিত্তথম্ভং সুকতং, সুৰিভত্তং মহারহং;
কনকমযসঙ্ঘাটং, কোন্তচ্ছত্তেহি মণ্ডিতং.
‘‘পঠমা ৰেল়ুরিযা ভূমি, ৰিমলব্ভসমা সুভা;
নল়িনজলজাকিণ্ণা, ৰরকঞ্চনভূমিযা.
‘‘পৰাল়ংসা পৰাল়ৰণ্ণা, কাচি লোহিতকা সুভা;
ইন্দগোপকৰণ্ণাভা, ভূমি ওভাসতী দিসা.
‘‘সুৰিভত্তা ঘরমুখা, নিয্যূহা সীহপঞ্জরা;
চতুরো ৰেদিকা জালা, গন্ধাৰেল়া মনোরমা.
‘‘নীলা পীতা লোহিতকা, ওদাতা সুদ্ধকাল়কা;
কূটাগারৰরূপেতা, সত্তরতনভূসিতা.
‘‘ওলোকমযা ¶ পদুমা, ৰাল়ৰিহঙ্গসোভিতা;
নক্খত্ততারকাকিণ্ণা, চন্দসূরেহি [চন্দসুরিযেহি (সী. স্যা.)] মণ্ডিতা.
‘‘হেমজালেন ¶ সঞ্ছন্না, সোণ্ণকিঙ্কিণিকাযুতা;
ৰাতৰেগেন কূজন্তি, সোণ্ণমালা মনোরমা.
‘‘মঞ্জেট্ঠকং লোহিতকং, পীতকং হরিপিঞ্জরং;
নানারঙ্গেহি সম্পীতং [সংচিত্তং (স্যা.)], উস্সিতদ্ধজমালিনী [মালিনিং (সী.)].
‘‘ন নং [নানা (সী. স্যা.)] বহূনেকসতা, ফলিকা রজতামযা;
মণিমযা লোহিতঙ্গা, মসারগল্লমযা তথা;
নানাসযনৰিচিত্তা, সণ্হকাসিকসন্থতা.
‘‘কম্পলা ¶ ¶ দুকূলা চীনা, পট্টুণ্ণা পণ্ডুপাৰুরা;
ৰিৰিধত্থরণং সব্বং, মনসা পঞ্ঞপেসহং.
‘‘তাসু তাস্ৰেৰ ভূমীসু, রতনকূটলঙ্কতং;
মণিৰেরোচনা উক্কা, ধারযন্তা সুতিট্ঠরে.
‘‘সোভন্তি এসিকা থম্ভা, সুভা কঞ্চনতোরণা;
জম্বোনদা সারমযা, অথো রজতমযাপি চ.
‘‘নেকা সন্ধী সুৰিভত্তা, কৰাটগ্গল়চিত্তিতা;
উভতো পুণ্ণঘটানেকা, পদুমুপ্পলসংযুতা.
‘‘অতীতে সব্ববুদ্ধে চ, সসঙ্ঘে লোকনাযকে;
পকতিৰণ্ণরূপেন, নিম্মিনিত্ৰা সসাৰকে.
‘‘তেন দ্ৰারেন পৰিসিত্ৰা, সব্বে বুদ্ধা সসাৰকা;
সব্বসোণ্ণমযে পীঠে, নিসিন্না অরিযমণ্ডলা.
‘‘যে চ এতরহি অত্থি, বুদ্ধা লোকে অনুত্তরা;
অতীতে ¶ ৰত্তমানা চ, ভৰনং সব্বে সমাহরিং.
‘‘পচ্চেকবুদ্ধেনেকসতে, সযম্ভূ অপরাজিতে;
অতীতে ৰত্তমানে চ, ভৰনং সব্বে সমাহরিং.
‘‘কপ্পরুক্খা বহূ অত্থি, যে দিব্বা যে চ মানুসা;
সব্বং দুস্সং সমাহন্তা, অচ্ছাদেমি তিচীৰরং.
‘‘খজ্জং ভোজ্জং সাযনীযং, সম্পন্নং পানভোজনং;
মণিমযে সুভে পত্তে, সংপূরেত্ৰা অদাসহং.
‘‘দিব্বৰত্থসমা হুত্ৰা, মট্ঠা [মট্টা (সী.)] চীৰরসংযুতা;
মধুরা সক্খরা চেৰ, তেলা চ মধুফাণিতা.
‘‘তপ্পিতা পরমন্নেন, সব্বে তে অরিযমণ্ডলা;
রতনগব্ভং ¶ পৰিসিত্ৰা, কেসরীৰ গুহাসযা.
‘‘মহারহম্হি সযনে, সীহসেয্যমকপ্পযুং;
সম্পজানা সমুট্ঠায, সযনে [সেয্যে (স্যা.)] পল্লঙ্কমাভুজুং.
‘‘গোচরং ¶ সব্ববুদ্ধানং, ঝানরতিসমপ্পিতা;
অঞ্ঞে ধম্মানি দেসেন্তি, অঞ্ঞে কীল়ন্তি ইদ্ধিযা.
‘‘অঞ্ঞে ¶ অভিঞ্ঞা অপ্পেন্তি, অভিঞ্ঞা ৰসিভাৰিতা;
ৰিকুব্বনা ৰিকুব্বন্তি, অঞ্ঞেনেকসহস্সিযো.
‘‘বুদ্ধাপি বুদ্ধে পুচ্ছন্তি, ৰিসযং সব্বঞ্ঞুমালযং;
গম্ভীরং নিপুণং ঠানং, পঞ্ঞায ৰিনিবুজ্ঝরে.
‘‘সাৰকা বুদ্ধে পুচ্ছন্তি, বুদ্ধা পুচ্ছন্তি সাৰকে;
অঞ্ঞমঞ্ঞঞ্চ ¶ পুচ্ছিত্ৰা [পুচ্ছন্তি (সী. স্যা.)], অঞ্ঞোঞ্ঞং ব্যাকরোন্তি তে.
‘‘বুদ্ধা পচ্চেকবুদ্ধা চ, সাৰকা পরিচারকা;
এৰং সকায রতিযা, পাসাদেভিরমন্তি তে.
‘‘ছত্তা তিট্ঠন্তু রতনা, কঞ্চনাৰেল়পন্তিকা;
মুত্তাজালপরিক্খিত্তা, সব্বে ধারেন্তু [ধারেন্তি (ক.)] মত্থকে.
‘‘ভৰন্তু চেল়ৰিতানা, সোণ্ণতারকচিত্তিতা;
ৰিচিত্তমল্যৰিততা, সব্বে ধারেন্তু মত্থকে.
‘‘ৰিততা মল্যদামেহি, গন্ধদামেহি সোভিতা;
দুস্সদামপরিকিণ্ণা, রতনদামভূসিতা.
‘‘পুপ্ফাভিকিণ্ণা সুচিত্তা, সুরভিগন্ধভূসিতা;
গন্ধপঞ্চঙ্গুলিকতা [গন্ধপঞ্চঙ্গুলং কতা (অট্ঠ.)], হেমচ্ছদনছাদিতা.
‘‘চতুদ্দিসা পোক্খরঞ্ঞো, পদুমুপ্পলসন্থতা;
সোৰণ্ণরূপা খাযন্তু, পদ্মংরেণুরজুগ্গতা.
‘‘পুপ্ফন্তু পাদপা সব্বে, পাসাদস্স সমন্ততো;
সযঞ্চ পুপ্ফা মুঞ্চিত্ৰা, গন্ত্ৰা ভৰনমোকিরুং.
‘‘সিখিনো তত্থ নচ্চন্তু, দিব্বহংসা পকূজরে;
করৰীকা চ গাযন্তু, দিজসঙ্ঘা সমন্ততো.
‘‘ভেরিযো সব্বা ৰজ্জন্তু, ৰীণা সব্বা রসন্তু [রৰন্তু (সী. স্যা.)] তা;
সব্বা সঙ্গীতি ৰত্তন্তু, পাসাদস্স সমন্ততো.
‘‘যাৰতা ¶ ¶ ¶ বুদ্ধখেত্তম্হি, চক্কৰাল়ে ততো পরে;
মহন্তা জোতিসম্পন্না, অচ্ছিন্না রতনামযা.
‘‘তিট্ঠন্তু সোণ্ণপল্লঙ্কা, দীপরুক্খা জলন্তু তে;
ভৰন্তু একপজ্জোতা, দসসহস্সিপরম্পরা.
‘‘গণিকা লাসিকা চেৰ, নচ্চন্তু অচ্ছরাগণা;
নানারঙ্গা পদিস্সন্তু, পাসাদস্স সমন্ততো.
‘‘দুমগ্গে ¶ পব্বতগ্গে ৰা, সিনেরুগিরিমুদ্ধনি;
উস্সাপেমি ধজং সব্বং, ৰিচিত্তং পঞ্চৰণ্ণিকং.
‘‘নরা নাগা চ গন্ধব্বা, সব্বে দেৰা উপেন্তু তে;
নমস্সন্তা পঞ্জলিকা, পাসাদং পরিৰারযুং.
‘‘যং কিঞ্চি কুসলং কম্মং, কত্তব্বং কিরিযং মম;
কাযেন ৰাচা মনসা, তিদসে সুকতং কতং.
‘‘যে সত্তা সঞ্ঞিনো অত্থি, যে চ সত্তা অসঞ্ঞিনো;
কতং পুঞ্ঞফলং ময্হং, সব্বে ভাগী ভৰন্তু তে.
‘‘যেসং কতং সুৰিদিতং, দিন্নং পুঞ্ঞফলং মযা;
যে চ তত্থ [তস্মিং (সী. ক.)] ন জানন্তি, দেৰা গন্ত্ৰা নিৰেদযুং.
‘‘সব্বলোকম্হি [সব্বে লোকম্হি (স্যা. ক.)] যে সত্তা, জীৰন্তাহারহেতুকা;
মনুঞ্ঞং ভোজনং সব্বং [সব্বে (স্যা.)], লভন্তু মম চেতসা.
‘‘মনসা দানং মযা দিন্নং, মনসা পসাদমাৰহিং;
পূজিতা সব্বসম্বুদ্ধা, পচ্চেকা জিনসাৰকা.
‘‘তেন ¶ কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘দুৰে ভৰে পজানামি, দেৰত্তে অথ মানুসে;
অঞ্ঞং গতিং ন জানামি, মনসা পত্থনাফলং.
‘‘দেৰানং অধিকো হোমি, ভৰামি মনুজাধিপো;
রূপলক্খণসম্পন্নো, পঞ্ঞায অসমো ভৰে.
‘‘ভোজনং ৰিৰিধং সেট্ঠং, রতনঞ্চ অনপ্পকং;
ৰিৰিধানি চ ৰত্থানি, নভা [নভসা (স্যা.)] খিপ্পং উপেন্তি মং.
‘‘পথব্যা ¶ পব্বতে চেৰ, আকাসে উদকে ৰনে;
যং যং হত্থং পসারেমি, দিব্বা ভক্খা উপেন্তি মং.
‘‘পথব্যা ¶ পব্বতে চেৰ, আকাসে উদকে ৰনে;
যং যং হত্থং পসারেমি, রতনা সব্বে উপেন্তি মং.
‘‘পথব্যা ¶ পব্বতে চেৰ, আকাসে উদকে ৰনে;
যং যং হত্থং পসারেমি, সব্বে গন্ধা উপেন্তি মং.
‘‘পথব্যা পব্বতে চেৰ, আকাসে উদকে ৰনে;
যং যং [যত্থ (স্যা.), যঞ্ঞং (ক.)] হত্থং পসারেমি, সব্বে যানা উপেন্তি মং.
‘‘পথব্যা পব্বতে চেৰ, আকাসে উদকে ৰনে;
যং যং হত্থং পসারেমি, সব্বে মালা উপেন্তি মং.
‘‘পথব্যা পব্বতে চেৰ, আকাসে উদকে ৰনে;
যং যং হত্থং পসারেমি, অলঙ্কারা উপেন্তি মং.
‘‘পথব্যা ¶ পব্বতে চেৰ, আকাসে উদকে ৰনে;
যং যং হত্থং পসারেমি, সব্বা কঞ্ঞা উপেন্তি মং.
‘‘পথব্যা পব্বতে চেৰ, আকাসে উদকে ৰনে;
যং যং হত্থং পসারেমি, মধুসক্খরা উপেন্তি মং.
‘‘পথব্যা পব্বতে চেৰ, আকাসে উদকে ৰনে;
যং যং হত্থং পসারেমি, সব্বে খজ্জা উপেন্তি মং.
‘‘অধনে অদ্ধিক [অদ্ধিকে (স্যা.)] জনে, যাচকে চ পথাৰিনো;
দদামিহং [দদামিহ (সী.) দদামি তং (স্যা.)] দানৰরং, সম্বোধিৰরপত্তিযা.
‘‘নাদেন্তো পব্বতং সেলং, গজ্জেন্তো বহলং গিরিং;
সদেৰকং হাসযন্তো, বুদ্ধো লোকে ভৰামহং.
‘‘দিসা দসৰিধা লোকে, যাযতো নত্থি অন্তকং;
তস্মিঞ্চ দিসাভাগম্হি, বুদ্ধখেত্তা অসঙ্খিযা.
‘‘পভা পকিত্তিতা ময্হং, যমকা রংসিৰাহনা;
এত্থন্তরে রংসিজালং, আলোকো ৰিপুলো ভৰে.
‘‘এত্তকে ¶ লোকধাতুম্হি, সব্বে পস্সন্তু মং জনা;
সব্বে মং অনুৰত্তন্তু, যাৰ ব্রহ্মনিৰেসনং [সব্বেৰ সুমনা হোন্তু, সব্বে মং অনুৰত্তরে (সী. স্যা.)].
‘‘ৰিসিট্ঠমধুনাদেন, অমতভেরিমাহনিং;
এত্থন্তরে জনা সব্বে, সুণন্তু মধুরং গিরং.
‘‘ধম্মমেঘেন ৰস্সন্তে, সব্বে হোন্তু অনাসৰা;
যেত্থ পচ্ছিমকা সত্তা, সোতাপন্না ভৰন্তু তে.
‘‘দত্ৰা ¶ ¶ দাতব্বকং দানং, সীলং পূরেত্ৰা অসেসতো;
নেক্খম্মপারমিং গন্ত্ৰা, পত্তো সম্বোধিমুত্তমং.
‘‘পণ্ডিতে ¶ পরিপুচ্ছিত্ৰা, কত্ৰা ৰীরিযমুত্তমং;
খন্তিযা পারমিং গন্ত্ৰা, পত্তো সম্বোধিমুত্তমং.
‘‘কত্ৰা দল়্হমধিট্ঠানং, সচ্চপারমি পূরিয;
মেত্তায পারমিং গন্ত্ৰা, পত্তো সম্বোধিমুত্তমং.
‘‘লাভালাভে সুখে দুক্খে, সম্মানে চাৰমাননে [সম্মানে চ ৰিমাননে (ক.) সম্মাননে ৰিমাননে (স্যা.)];
সব্বত্থ সমকো হুত্ৰা, পত্তো সম্বোধিমুত্তমং.
‘‘কোসজ্জং ভযতো দিস্ৰা, ৰীরিযং চাপি খেমতো;
আরদ্ধৰীরিযা হোথ, এসা বুদ্ধানুসাসনী.
‘‘ৰিৰাদং ভযতো দিস্ৰা, অৰিৰাদঞ্চ খেমতো;
সমগ্গা সখিলা হোথ, এসা বুদ্ধানুসাসনী.
‘‘পমাদং ভযতো দিস্ৰা, অপ্পমাদঞ্চ খেমতো;
ভাৰেথট্ঠঙ্গিকং মগ্গং, এসা বুদ্ধানুসাসনী.
‘‘সমাগতা বহূ বুদ্ধা, অরহন্তা [অরহন্তো (স্যা.)] চ সব্বসো;
সম্বুদ্ধে অরহন্তে চ, ৰন্দমানা নমস্সথ.
‘‘এৰং অচিন্তিযা বুদ্ধা, বুদ্ধধম্মা অচিন্তিযা;
অচিন্তিযে পসন্নানং, ৰিপাকো হোতি অচিন্তিযো’’’.
ইত্থং সুদং ভগৰা অত্তনো বুদ্ধচরিযং সম্ভাৰযমানো বুদ্ধাপদানিযং [বুদ্ধচরিযং (সী.) বুদ্ধচরিতং (স্যা.)] নাম ধম্মপরিযাযং অভাসিত্থাতি.
বুদ্ধাপদানং সমত্তং.
২. পচ্চেকবুদ্ধঅপদানং
অথ ¶ ¶ পচ্চেকবুদ্ধাপদানং সুণাথ –
‘‘তথাগতং ¶ জেতৰনে ৰসন্তং, অপুচ্ছি ৰেদেহমুনী নতঙ্গো;
‘পচ্চেকবুদ্ধা কির নাম হোন্তি, ভৰন্তি তে হেতুভি কেহি ৰীর’ [ধীর (সী.) ধীরা (স্যা.)].
‘‘তদাহ ¶ সব্বঞ্ঞুৰরো মহেসী, আনন্দভদ্দং মধুরস্সরেন;
‘যে পুব্ববুদ্ধেসু [সব্ববুদ্ধেসু (স্যা. ক.)] কতাধিকারা, অলদ্ধমোক্খা জিনসাসনেসু.
‘‘‘তেনেৰ সংৰেগমুখেন ধীরা, ৰিনাপি বুদ্ধেহি সুতিক্খপঞ্ঞা;
আরম্মণেনাপি পরিত্তকেন, পচ্চেকবোধিং অনুপাপুণন্তি.
‘‘‘সব্বম্হি লোকম্হি মমং ঠপেত্ৰা, পচ্চেকবুদ্ধেহি সমোৰ নত্থি;
তেসং ইমং ৰণ্ণপদেসমত্তং, ৰক্খামহং সাধু মহামুনীনং.
‘‘‘সযমেৰ ¶ বুদ্ধানং মহাইসীনং, সাধূনি ৰাক্যানি মধূৰ [মধুংৰ (সী.)] খুদ্দং;
অনুত্তরং ভেসজং পত্থযন্তা, সুণাথ সব্বেসু পসন্নচিত্তা.
‘‘‘পচ্চেকবুদ্ধানং সমাগতানং, পরম্পরং ব্যাকরণানি যানি;
আদীনৰো যঞ্চ ৰিরাগৰত্থুং, যথা চ বোধিং অনুপাপুণিংসু.
‘‘‘সরাগৰত্থূসু ¶ ¶ ৰিরাগসঞ্ঞী, রত্তম্হি লোকম্হি ৰিরত্তচিত্তা;
হিত্ৰা পপঞ্চে জিতফন্দিতানি [ৰিদিয ফন্দিতানি (সী.) জিতবন্ধিতানি (ক.)], তথেৰ বোধিং অনুপাপুণিংসু.
‘‘‘সব্বেসু ভূতেসু নিধায দণ্ডং, অৰিহেঠযং অঞ্ঞতরম্পি তেসং;
মেত্তেন চিত্তেন হিতানুকম্পী, একো চরে খগ্গৰিসাণকপ্পো.
‘‘‘সব্বেসু ভূতেসু নিধায দণ্ডং, অৰিহেঠযং অঞ্ঞতরম্পি তেসং;
ন পুত্তমিচ্ছেয্য কুতো সহাযং, একো চরে খগ্গৰিসাণকপ্পো.
‘‘‘সংসগ্গজাতস্স ¶ ভৰন্তি স্নেহা, স্নেহন্ৰযং দুক্খমিদং পহোতি;
আদীনৰং স্নেহজং পেক্খমানো, একো চরে খগ্গৰিসাণকপ্পো.
‘‘‘মিত্তে সুহজ্জে অনুকম্পমানো, হাপেতি অত্থং পটিবদ্ধচিত্তো;
এতং ভযং সন্থৰে পেক্খমানো, একো চরে খগ্গৰিসাণকপ্পো.
‘‘‘ৰংসো ৰিসালোৰ যথা ৰিসত্তো, পুত্তেসু দারেসু চ যা অপেক্খা;
ৰংসে কল়ীরোৰ অসজ্জমানো, একো চরে খগ্গৰিসাণকপ্পো.
‘‘‘মিগো অরঞ্ঞম্হি যথা অবদ্ধো, যেনিচ্ছকং গচ্ছতি গোচরায;
ৰিঞ্ঞূ নরো সেরিতং পেক্খমানো, একো চরে খগ্গৰিসাণকপ্পো.
‘‘‘আমন্তনা ¶ হোতি সহাযমজ্ঝে, ৰাসে চ [ৰাসে (সী. স্যা.) সুত্তনিপাতেপি ‘‘চ‘‘কারো নত্থি] ঠানে গমনে চারিকায;
অনভিজ্ঝিতং সেরিতং পেক্খমানো, একো চরে খগ্গৰিসাণকপ্পো.
‘‘‘খিড্ডা ¶ রতী হোতি সহাযমজ্ঝে, পুত্তেসু পেমং ৰিপুলঞ্চ হোতি;
পিযৰিপ্পযোগং ¶ ৰিজিগুচ্ছমানো, একো চরে খগ্গৰিসাণকপ্পো.
‘‘‘চাতুদ্দিসো ¶ অপ্পটিঘো চ হোতি, সন্তুস্সমানো ইতরীতরেন;
পরিস্সযানং সহিতা অছম্ভী, একো চরে খগ্গৰিসাণকপ্পো.
‘‘‘দুস্সঙ্গহা পব্বজিতাপি একে, অথো গহট্ঠা ঘরমাৰসন্তা;
অপ্পোস্সুক্কো পরপুত্তেসু হুত্ৰা, একো চরে খগ্গৰিসাণকপ্পো.
‘‘‘ওরোপযিত্ৰা গিহিব্যঞ্জনানি, সঞ্ছিন্নপত্তো যথা কোৰিল়ারো;
ছেত্ৰান ৰীরো গিহিবন্ধনানি, একো চরে খগ্গৰিসাণকপ্পো.
‘‘‘সচে লভেথ নিপকং সহাযং, সদ্ধিং চরং সাধুৰিহারিধীরং;
অভিভুয্য সব্বানি পরিস্সযানি, চরেয্য তেনত্তমনো সতীমা.
‘‘‘নো ¶ চে লভেথ নিপকং সহাযং, সদ্ধিং চরং সাধুৰিহারিধীরং;
রাজাৰ রট্ঠং ৰিজিতং পহায, একো চরে মাতঙ্গরঞ্ঞেৰ নাগো.
‘‘‘অদ্ধা ¶ পসংসাম সহাযসম্পদং, সেট্ঠা সমা সেৰিতব্বা সহাযা;
এতে অলদ্ধা অনৰজ্জভোজী, একো চরে খগ্গৰিসাণকপ্পো.
‘‘‘দিস্ৰা সুৰণ্ণস্স পভস্সরানি, কম্মারপুত্তেন সুনিট্ঠিতানি;
সঙ্ঘট্টমানানি দুৰে ভুজস্মিং, একো চরে খগ্গৰিসাণকপ্পো.
‘‘‘এৰং দুতীযেন সহা মমস্স, ৰাচাভিলাপো অভিসজ্জনা ৰা;
এতং ভযং আযতিং পেক্খমানো, একো চরে খগ্গৰিসাণকপ্পো.
‘‘‘কামা ¶ হি চিত্রা মধুরা মনোরমা, ৰিরূপরূপেন মথেন্তি চিত্তং;
আদীনৰং কামগুণেসু দিস্ৰা, একো চরে খগ্গৰিসাণকপ্পো.
‘‘‘ঈতী ¶ চ গণ্ডো চ উপদ্দৰো চ, রোগো চ সল্লঞ্চ ভযঞ্চ মেতং;
এতং ভযং কামগুণেসু দিস্ৰা, একো চরে খগ্গৰিসাণকপ্পো.
‘‘‘সীতঞ্চ উণ্হঞ্চ খুদং পিপাসং, ৰাতাতপে ডংসসরীসপে [ডংসসিরিংসপে (সী. স্যা.)] চ;
সব্বানিপেতানি অভিব্ভৰিত্ৰা [অভিসংভৰিত্ৰা (সুত্তনিপাতে)], একো চরে খগ্গৰিসাণকপ্পো.
‘‘‘নাগোৰ যূথানি ৰিৰজ্জযিত্ৰা, সঞ্জাতখন্ধো পদুমী উল়ারো;
যথাভিরন্তং ৰিহরং অরঞ্ঞে, একো চরে খগ্গৰিসাণকপ্পো.
‘‘‘অট্ঠানতং ¶ সঙ্গণিকারতস্স, যং ফস্সযে [ফুস্সযে (স্যা.)] সামযিকং ৰিমুত্তিং;
আদিচ্চবন্ধুস্স ৰচো নিসম্ম, একো চরে খগ্গৰিসাণকপ্পো.
‘‘‘দিট্ঠীৰিসূকানি উপাতিৰত্তো, পত্তো নিযামং পটিলদ্ধমগ্গো;
উপ্পন্নঞাণোম্হি অনঞ্ঞনেয্যো, একো চরে খগ্গৰিসাণকপ্পো.
‘‘‘নিল্লোলুপো ¶ ¶ নিক্কুহো নিপ্পিপাসো, নিম্মক্খ [নিম্মক্খো (স্যা.)] নিদ্ধন্তকসাৰমোহো;
নিরাসযো [নিরাসাসো (ক.)] সব্বলোকে ভৰিত্ৰা, একো চরে খগ্গৰিসাণকপ্পো.
‘‘‘পাপং সহাযং পরিৰজ্জযেথ, অনত্থদস্সিং ৰিসমে নিৰিট্ঠং;
সযং ন সেৰে পসুতং পমত্তং, একো চরে খগ্গৰিসাণকপ্পো.
‘‘‘বহুস্সুতং ধম্মধরং ভজেথ, মিত্তং উল়ারং পটিভানৰন্তং;
অঞ্ঞায ¶ অত্থানি ৰিনেয্য কঙ্খং, একো চরে খগ্গৰিসাণকপ্পো.
‘‘‘খিড্ডং রতিং কামসুখঞ্চ লোকে, অনলঙ্করিত্ৰা অনপেক্খমানো;
ৰিভূসট্ঠানা ৰিরতো সচ্চৰাদী, একো চরে খগ্গৰিসাণকপ্পো.
‘‘‘পুত্তঞ্চ দারং পিতরঞ্চ মাতরং, ধনানি ধঞ্ঞানি চ বন্ধৰানি;
হিত্ৰান কামানি যথোধিকানি, একো চরে খগ্গৰিসাণকপ্পো.
‘‘‘সঙ্গো ¶ ¶ এসো পরিত্তমেত্থ সোখ্যং, অপ্পস্সাদো দুক্খমেৰেত্থ ভিয্যো;
গল়ো [গাহো (সী.) কণ্ডো (স্যা.) গাল়্হো (ক.)] এসো ইতি ঞত্ৰা মতিমা, একো চরে খগ্গৰিসাণকপ্পো.
‘‘‘সন্দালযিত্ৰান সংযোজনানি, জালংৰ ভেত্ৰা সলিলম্বুচারী;
অগ্গীৰ দড্ঢং অনিৰত্তমানো, একো চরে খগ্গৰিসাণকপ্পো.
‘‘‘ওক্খিত্তচক্খূ ন চ পাদলোলো, গুত্তিন্দ্রিযো রক্খিতমানসানো;
অনৰস্সুতো অপরিডয্হমানো, একো চরে খগ্গৰিসাণকপ্পো.
‘‘‘ওহারযিত্ৰা গিহিব্যঞ্জনানি, সঞ্ছন্নপত্তো যথা পারিছত্তো;
কাসাযৰত্থো অভিনিক্খমিত্ৰা, একো চরে খগ্গৰিসাণকপ্পো.
‘‘‘রসেসু গেধং অকরং অলোলো, অনঞ্ঞপোসী সপদানচারী;
কুলে কুলে অপ্পটিবদ্ধচিত্তো, একো চরে খগ্গৰিসাণকপ্পো.
‘‘‘পহায ¶ পঞ্চাৰরণানি চেতসো, উপক্কিলেসে ব্যপনুজ্জ সব্বে;
অনিস্সিতো ছেজ্জ সিনেহদোসং, একো চরে খগ্গৰিসাণকপ্পো.
‘‘‘ৰিপিট্ঠিকত্ৰান ¶ সুখঞ্চ দুক্খং, পুব্বেৰ সোমনস্সদোমনস্সং;
লদ্ধানুপেক্খং সমথং ৰিসুদ্ধং, একো চরে খগ্গৰিসাণকপ্পো.
‘‘‘আরদ্ধৰীরিযো ¶ পরমত্থপত্তিযা, অলীনচিত্তো অকুসীতৰুত্তি;
দল়্হনিক্কমো থামবলূপপন্নো, একো চরে খগ্গৰিসাণকপ্পো.
‘‘‘পটিসল্লানং ঝানমরিঞ্চমানো, ধম্মেসু নিচ্চং অনুধম্মচারী;
আদীনৰং সম্মসিতা ভৰেসু, একো চরে খগ্গৰিসাণকপ্পো.
‘‘‘তণ্হক্খযং ¶ পত্থযমপ্পমত্তো, অনেল়মূগো সুতৰা সতীমা;
সঙ্খাতধম্মো নিযতো পধানৰা, একো চরে খগ্গৰিসাণকপ্পো.
‘‘‘সীহোৰ ¶ সদ্দেসু অসন্তসন্তো, ৰাতোৰ জালম্হি অসজ্জমানো;
পদুমংৰ তোযেন অলিম্পমানো, একো চরে খগ্গৰিসাণকপ্পো.
‘‘‘সীহো যথা দাঠবলী পসয্হ, রাজা মিগানং অভিভুয্য চারী;
সেৰেথ পন্তানি সেনাসনানি, একো চরে খগ্গৰিসাণকপ্পো.
‘‘‘মেত্তং উপেক্খং করুণং ৰিমুত্তিং, আসেৰমানো মুদিতঞ্চ কালে;
সব্বেন লোকেন অৰিরুজ্ঝমানো, একো চরে খগ্গৰিসাণকপ্পো.
‘‘‘রাগঞ্চ দোসঞ্চ পহায মোহং, সন্দালযিত্ৰান সংযোজনানি;
অসন্তসং জীৰিতসঙ্খযম্হি, একো চরে খগ্গৰিসাণকপ্পো.
‘‘‘ভজন্তি ¶ ¶ সেৰন্তি চ কারণত্থা, নিক্কারণা দুল্লভা অজ্জ মিত্তা;
অত্তত্থপঞ্ঞা অসুচীমনুস্সা, একো চরে খগ্গৰিসাণকপ্পো.
‘‘‘ৰিসুদ্ধসীলা ¶ সুৰিসুদ্ধপঞ্ঞা, সমাহিতা জাগরিযানুযুত্তা;
ৰিপস্সকা ধম্মৰিসেসদস্সী, মগ্গঙ্গবোজ্ঝঙ্গগতে ৰিজঞ্ঞা.
‘‘‘সুঞ্ঞপ্পণিধিঞ্চ তথানিমিত্তং [সুঞ্ঞতপ্পণীহিতঞ্চানিমিত্তং (সী.)], আসেৰযিত্ৰা জিনসাসনম্হি;
যে সাৰকত্তং ন ৰজন্তি ধীরা, ভৰন্তি পচ্চেকজিনা সযম্ভূ.
‘‘‘মহন্তধম্মা বহুধম্মকাযা, চিত্তিস্সরা সব্বদুক্খোঘতিণ্ণা;
উদগ্গচিত্তা পরমত্থদস্সী, সীহোপমা খগ্গৰিসাণকপ্পা.
‘‘‘সন্তিন্দ্রিযা সন্তমনা সমাধী, পচ্চন্তসত্তেসু পতিপ্পচারা [পচ্চত্তগম্ভীরমতপ্পচারা (সী.)];
দীপা পরত্থ ইধ ৰিজ্জলন্তা, পচ্চেকবুদ্ধা সততং হিতামে.
‘‘‘পহীনসব্বাৰরণা জনিন্দা, লোকপ্পদীপা ঘনকঞ্চনাভা;
নিস্সংসযং লোকসুদক্খিণেয্যা, পচ্চেকবুদ্ধা সততপ্পিতামে.
‘‘‘পচ্চেকবুদ্ধানং ¶ সুভাসিতানি, চরন্তি লোকম্হি সদেৰকম্হি;
সুত্ৰা তথা যে ন করোন্তি বালা, চরন্তি দুক্খেসু পুনপ্পুনং তে.
‘‘‘পচ্চেকবুদ্ধানং ¶ সুভাসিতানি, মধুং যথা খুদ্দমৰস্সৰন্তং;
সুত্ৰা তথা যে পটিপত্তিযুত্তা, ভৰন্তি তে সচ্চদসা সপঞ্ঞা’.
‘‘পচ্চেকবুদ্ধেহি ¶ জিনেহি ভাসিতা, কথা [গাথা (সী. স্যা.)] উল়ারা অভিনিক্খমিত্ৰা;
তা সক্যসীহেন নরুত্তমেন, পকাসিতা ধম্মৰিজাননত্থং.
‘‘লোকানুকম্পায ¶ ইমানি তেসং, পচ্চেকবুদ্ধান ৰিকুব্বিতানি;
সংৰেগসঙ্গমতিৰড্ঢনত্থং, সযম্ভুসীহেন পকাসিতানী’’তি.
পচ্চেকবুদ্ধাপদানং সমত্তং.
৩-১. সারিপুত্তত্থেরঅপদানং
অথ থেরাপদানং সুণাথ –
‘‘হিমৰন্তস্স ¶ ¶ অৰিদূরে, লম্বকো নাম পব্বতো;
অস্সমো সুকতো ময্হং, পণ্ণসালা সুমাপিতা.
‘‘উত্তানকূলা নদিকা, সুপতিত্থা মনোরমা;
সুসুদ্ধপুল়িনাকিণ্ণা, অৰিদূরে মমস্সমং.
‘‘অসক্খরা অপব্ভারা, সাদু অপ্পটিগন্ধিকা;
সন্দতী নদিকা তত্থ, সোভযন্তা মমস্সমং.
‘‘কুম্ভীলা মকরা চেত্থ, সুসুমারা [সুংসুমারা (সী. স্যা. )] চ কচ্ছপা;
চরন্তি নদিযা তত্থ, সোভযন্তা মমস্সমং.
‘‘পাঠীনা পাৰুসা মচ্ছা, বলজা [ৰজলা (সী. স্যা.) জলজা (পী.)] মুঞ্জরোহিতা;
ৰগ্গল়া [ৰগ্গুলা (সী.) ৰগ্গুল়া (স্যা.) মগ্গুরা (থেরগাথা)] পপতাযন্তা, সোভযন্তি [পপতাযন্তি, সোভযন্তা (ক.)] মমস্সমং.
‘‘উভো ¶ কূলেসু নদিযা, পুপ্ফিনো ফলিনো দুমা;
উভতো অভিলম্বন্তা, সোভযন্তি [অভিলম্বন্তি সোভযন্তা (ক.)] মমস্সমং.
‘‘অম্বা সালা চ তিলকা, পাটলী সিন্দুৰারকা [সিন্দুৰারিকা (বহূসু)];
দিব্বগন্ধা সম্পৰন্তি, পুপ্ফিতা মম অস্সমে.
‘‘চম্পকা সল়লা নীপা [নিম্বা (ক.)], নাগপুন্নাগকেতকা;
দিব্বগন্ধা সম্পৰন্তি, পুপ্ফিতা মম অস্সমে.
‘‘অতিমুত্তা ¶ অসোকা চ, ভগিনীমালা চ পুপ্ফিতা;
অঙ্কোলা বিম্বিজালা [বিম্বজালা (ক.)] চ, পুপ্ফিতা মম অস্সমে.
‘‘কেতকা ¶ কন্দলি [কদলী (স্যা.)] চেৰ, গোধুকা তিণসূলিকা;
দিব্বগন্ধং সম্পৰন্তা, সোভযন্তি মমস্সমং.
‘‘কণিকারা ¶ কণ্ণিকা চ, অসনা অজ্জুনা বহূ;
দিব্বগন্ধং সম্পৰন্তা, সোভযন্তি মমস্সমং.
‘‘পুন্নাগা গিরিপুন্নাগা, কোৰিল়ারা চ পুপ্ফিতা;
দিব্বগন্ধং সম্পৰন্তা, সোভযন্তি মমস্সমং.
‘‘উদ্ধালকা চ কুটজা, কদম্বা ৰকুলা বহূ;
দিব্বগন্ধং সম্পৰন্তা, সোভযন্তি মমস্সমং.
‘‘আল়কা ইসিমুগ্গা চ, কদলিমাতুলুঙ্গিযো;
গন্ধোদকেন সংৰড্ঢা, ফলানি ধারযন্তি তে.
‘‘অঞ্ঞে পুপ্ফন্তি পদুমা, অঞ্ঞে জাযন্তি কেসরী;
অঞ্ঞে ওপুপ্ফা পদুমা, পুপ্ফিতা তল়াকে তদা.
‘‘গব্ভং গণ্হন্তি পদুমা, নিদ্ধাৰন্তি মুলাল়িযো;
সিংঘাটিপত্তমাকিণ্ণা, সোভন্তি তল়াকে তদা.
‘‘নযিতা অম্বগন্ধী চ, উত্তলী বন্ধুজীৰকা;
দিব্বগন্ধা সম্পৰন্তি, পুপ্ফিতা তল়াকে তদা.
‘‘পাঠীনা পাৰুসা মচ্ছা, বলজা মুঞ্জরোহিতা;
সংগুলা মগ্গুরা [মঙ্গুরা (সী. ক.)] চেৰ, ৰসন্তি তল়াকে তদা.
‘‘কুম্ভীলা ¶ ¶ সুসুমারা চ, তন্তিগাহা চ রক্খসা;
ওগুহা [ওগাহা (স্যা.)] অজগরা চ, ৰসন্তি তল়াকে তদা.
‘‘পারেৰতা রৰিহংসা, চক্কৰাকা নদীচরা;
কোকিলা সুকসাল়িকা, উপজীৰন্তি তং সরং.
‘‘কুক্কুত্থকা কুল়ীরকা, ৰনে পোক্খরসাতকা;
দিন্দিভা সুৰপোতা চ, উপজীৰন্তি তং সরং.
‘‘হংসা ¶ কোঞ্চা মযূরা চ, কোকিলা তম্বচূল়কা [তম্বচূল়িকা (সী.)];
পম্পকা জীৰংজীৰা চ, উপজীৰন্তি তং সরং.
‘‘কোসিকা পোট্ঠসীসা চ, কুররা সেনকা বহূ;
মহাকাল়া চ সকুণা, উপজীৰন্তি তং সরং.
‘‘পসদা চ ৰরাহা চ, চমরা গণ্ডকা বহূ [ৰকা ভেরণ্ডকা বহূ (সী. স্যা.)];
রোহিচ্চা সুকপোতা [সুত্তপোতা (স্যা.)] চ, উপজীৰন্তি তং সরং.
‘‘সীহব্যগ্ঘা ¶ চ দীপী চ, অচ্ছকোকতরচ্ছকা;
তিধা পভিন্নমাতঙ্গা, উপজীৰন্তি তং সরং.
‘‘কিন্নরা ৰানরা চেৰ, অথোপি ৰনকম্মিকা;
চেতা চ লুদ্দকা চেৰ, উপজীৰন্তি তং সরং.
‘‘তিন্দুকানি পিযালানি, মধুকা কাসুমারযো [কাসমারিযো (স্যা.)];
ধুৰং ফলানি ধারেন্তি, অৰিদূরে মমস্সমং.
‘‘কোসম্বা [কোসুম্ভা (সী. স্যা.)] সল়লা নিম্বা [সল়লা নীপা (সী. স্যা.) পনসা অম্বা (?)], সাদুফলসমাযুতা;
ধুৰং ফলানি ধারেন্তি, অৰিদূরে মমস্সমং.
‘‘হরীতকা ¶ আমলকা, অম্বজম্বুৰিভীতকা;
কোলা ভল্লাতকা বিল্লা, ফলানি ধারযন্তি তে.
‘‘আলুৰা চ কল়ম্বা চ, বিল়ালীতক্কল়ানি চ;
জীৰকা সুতকা চেৰ, বহুকা মম অস্সমে.
‘‘অস্সমস্সাৰিদূরম্হি, তল়াকাসুং সুনিম্মিতা;
অচ্ছোদকা সীতজলা, সুপতিত্থা মনোরমা.
‘‘পদুমুপ্পলসঞ্ছন্না ¶ , পুণ্ডরীকসমাযুতা;
মন্দালকেহি সঞ্ছন্না, দিব্বগন্ধো পৰাযতি.
‘‘এৰং সব্বঙ্গসম্পন্নে, পুপ্ফিতে ফলিতে ৰনে;
সুকতে অস্সমে রম্মে, ৰিহরামি অহং তদা.
‘‘সীলৰা ৰতসম্পন্নো [ৰত্তসম্পন্নো (স্যা.)], ঝাযী ঝানরতো সদা;
পঞ্চাভিঞ্ঞাবলপ্পত্তো, সুরুচি নাম তাপসো.
‘‘চতুৰীসসহস্সানি, সিস্সা ময্হং উপট্ঠহু;
সব্বেৰ ব্রাহ্মণা এতে, জাতিমন্তো যসস্সিনো.
‘‘লক্খণে ইতিহাসে চ, সনিঘণ্টুসকেটুভে;
পদকা ৰেয্যাকরণা, সধম্মে পারমিং গতা.
‘‘উপ্পাতেসু ¶ নিমিত্তেসু, লক্খণেসু চ কোৰিদা;
পথব্যা ভূমন্তলিক্খে, মম সিস্সা সুসিক্খিতা.
‘‘অপ্পিচ্ছা নিপকা এতে, অপ্পাহারা অলোলুপা;
লাভালাভেন সন্তুট্ঠা, পরিৰারেন্তি মং সদা.
‘‘ঝাযী ¶ ¶ ঝানরতা ধীরা, সন্তচিত্তা সমাহিতা;
আকিঞ্চঞ্ঞং পত্থযন্তা, পরিৰারেন্তি মং সদা.
‘‘অভিঞ্ঞাপারমিপ্পত্তা, পেত্তিকে গোচরে রতা;
অন্তলিক্খচরা ধীরা, পরিৰারেন্তি মং সদা.
‘‘সংৰুতা ছসু দ্ৰারেসু, অনেজা রক্খিতিন্দ্রিযা;
অসংসট্ঠা চ তে ধীরা, মম সিস্সা দুরাসদা.
‘‘পল্লঙ্কেন নিসজ্জায, ঠানচঙ্কমনেন চ;
ৰীতিনামেন্তি তে রত্তিং, মম সিস্সা দুরাসদা.
‘‘রজনীযে ন রজ্জন্তি, দুস্সনীযে ন দুস্সরে;
মোহনীযে ন মুয্হন্তি, মম সিস্সা দুরাসদা.
‘‘ইদ্ধিং ৰীমংসমানা তে, ৰত্তন্তি নিচ্চকালিকং;
পথৰিং [পঠৰিং (সী. স্যা.)] তে পকম্পেন্তি, সারম্ভেন দুরাসদা.
‘‘কীল়মানা চ তে সিস্সা, কীল়ন্তি ঝানকীল়িতং;
জম্বুতো ফলমানেন্তি, মম সিস্সা দুরাসদা.
‘‘অঞ্ঞে ¶ গচ্ছন্তি গোযানং, অঞ্ঞে পুব্বৰিদেহকং [পুব্বৰিদেহনং (স্যা. ক.)];
অঞ্ঞে চ উত্তরকুরুং, এসনায দুরাসদা.
‘‘পুরতো পেসেন্তি খারিং, পচ্ছতো চ ৰজন্তি তে;
চতুৰীসসহস্সেহি, ছাদিতং হোতি অম্বরং.
‘‘অগ্গিপাকী অনগ্গী চ, দন্তোদুক্খলিকাপি চ;
অস্মেন কোট্টিতা কেচি, পৰত্তফলভোজনা.
‘‘উদকোরোহণা ¶ কেচি, সাযং পাতো সুচীরতা;
তোযাভিসেচনকরা, মম সিস্সা দুরাসদা.
‘‘পরূল়্হকচ্ছনখলোমা, পঙ্কদন্তা রজস্সিরা;
গন্ধিতা সীলগন্ধেন, মম সিস্সা দুরাসদা.
‘‘পাতোৰ ¶ সন্নিপতিত্ৰা, জটিলা উগ্গতাপনা;
লাভালাভং পকিত্তেত্ৰা, গচ্ছন্তি অম্বরে তদা.
‘‘এতেসং পক্কমন্তানং, মহাসদ্দো পৰত্ততি;
অজিনচম্মসদ্দেন, মুদিতা হোন্তি দেৰতা.
‘‘দিসোদিসং ¶ পক্কমন্তি, অন্তলিক্খচরা ইসী;
সকে বলেনুপত্থদ্ধা, তে গচ্ছন্তি যদিচ্ছকং.
‘‘পথৰীকম্পকা এতে, সব্বেৰ নভচারিনো;
উগ্গতেজা দুপ্পসহা, সাগরোৰ অখোভিযা.
‘‘ঠানচঙ্কমিনো কেচি, কেচি নেসজ্জিকা ইসী;
পৰত্তভোজনা কেচি, মম সিস্সা দুরাসদা.
‘‘মেত্তাৰিহারিনো এতে, হিতেসী সব্বপাণিনং;
অনত্তুক্কংসকা সব্বে, ন তে ৰম্ভেন্তি কস্সচি.
‘‘সীহরাজাৰসম্ভীতা, গজরাজাৰ থামৰা;
দুরাসদা ব্যগ্ঘারিৰ, আগচ্ছন্তি মমন্তিকে.
‘‘ৰিজ্জাধরা দেৰতা চ, নাগগন্ধব্বরক্খসা;
কুম্ভণ্ডা দানৰা গরুল়া, উপজীৰন্তি তং সরং.
‘‘তে ¶ ¶ জটাখারিভরিতা, অজিনুত্তরৰাসনা;
অন্তলিক্খচরা সব্বে, উপজীৰন্তি তং সরং.
‘‘সদানুচ্ছৰিকা [তদানুচ্ছৰিকা (স্যা. ক.)] এতে, অঞ্ঞমঞ্ঞং সগারৰা;
চতুব্বীসসহস্সানং, খিপিতসদ্দো ন ৰিজ্জতি.
‘‘পাদে পাদং নিক্খিপন্তা, অপ্পসদ্দা সুসংৰুতা;
উপসঙ্কম্ম সব্বেৰ [সব্বে তে (স্যা.)], সিরসা ৰন্দরে মমং.
‘‘তেহি সিস্সেহি পরিৰুতো, সন্তেহি চ তপস্সিভি;
ৰসামি অস্সমে তত্থ, ঝাযী ঝানরতো অহং.
‘‘ইসীনং সীলগন্ধেন, পুপ্ফগন্ধেন চূভযং;
ফলীনং ফলগন্ধেন, গন্ধিতো হোতি অস্সমো.
‘‘রত্তিন্দিৰং ন জানামি, অরতি মে ন ৰিজ্জতি;
সকে সিস্সে ওৰদন্তো, ভিয্যো হাসং লভামহং.
‘‘পুপ্ফানং পুপ্ফমানানং, ফলানঞ্চ ৰিপচ্চতং;
দিব্বগন্ধা পৰাযন্তি, সোভযন্তা মমস্সমং.
‘‘সমাধিম্হা ¶ ৰুট্ঠহিত্ৰা, আতাপী নিপকো অহং;
খারিভারং গহেত্ৰান, ৰনং অজ্ঝোগহিং অহং.
‘‘উপ্পাতে ¶ সুপিনে চাপি, লক্খণেসু সুসিক্খিতো;
পৰত্তমানং [ৰত্তমানং (ক.)] মন্তপদং, ধারযামি অহং তদা.
‘‘অনোমদস্সী ভগৰা, লোকজেট্ঠো নরাসভো;
ৰিৰেককামো সম্বুদ্ধো, হিমৰন্তমুপাগমি.
‘‘অজ্ঝোগাহেত্ৰা ¶ হিমৰন্তং, অগ্গো কারুণিকো মুনি;
পল্লঙ্কং আভুজিত্ৰান, নিসীদি পুরিসুত্তমো.
‘‘তমদ্দসাহং সম্বুদ্ধং, সপ্পভাসং মনোরমং;
ইন্দীৰরংৰ জলিতং, আদিত্তংৰ হুতাসনং.
‘‘জলন্তং দীপরুক্খংৰ, ৰিজ্জুতং গগণে যথা;
সুফুল্লং সালরাজংৰ, অদ্দসং লোকনাযকং.
‘‘অযং ¶ নাগো মহাৰীরো, দুক্খস্সন্তকরো মুনি;
ইমং দস্সনমাগম্ম, সব্বদুক্খা পমুচ্চরে.
‘‘দিস্ৰানাহং দেৰদেৰং, লক্খণং উপধারযিং;
বুদ্ধো নু খো ন ৰা বুদ্ধো, হন্দ পস্সামি চক্খুমং.
‘‘সহস্সারানি চক্কানি, দিস্সন্তি চরণুত্তমে;
লক্খণানিস্স দিস্ৰান, নিট্ঠং গচ্ছিং তথাগতে.
‘‘সম্মজ্জনিং গহেত্ৰান, সম্মজ্জিত্ৰানহং তদা;
অথ পুপ্ফে সমানেত্ৰা, বুদ্ধসেট্ঠং অপূজযিং.
‘‘পূজযিত্ৰান তং বুদ্ধং, ওঘতিণ্ণমনাসৰং;
একংসং অজিনং কত্ৰা, নমস্সিং লোকনাযকং.
‘‘যেন ঞাণেন সম্বুদ্ধো, ৰিহরতি [ৰিহরিত্থ (সী.), ৰিহরেতি (ক.)] অনাসৰো;
তং ঞাণং কিত্তযিস্সামি, সুণাথ মম ভাসতো.
‘‘‘সমুদ্ধরসিমং [সমুদ্ধরযিমং (স্যা.)] লোকং, সযম্ভূ অমিতোদয;
তৰ দস্সনমাগম্ম, কঙ্খাসোতং তরন্তি তে.
‘‘‘তুৰং ¶ সত্থা চ কেতু চ, ধজো যূপো চ পাণিনং;
পরাযণো [পরাযনো (স্যা. ক.)] পতিট্ঠা চ, দীপো চ দ্ৰিপদুত্তমো.
‘‘‘সক্কা সমুদ্দে উদকং, পমেতুং আল়্হকেন ৰা;
ন ত্ৰেৰ তৰ সব্বঞ্ঞু, ঞাণং সক্কা পমেতৰে.
‘‘‘ধারেতুং ¶ পথৰিং সক্কা, ঠপেত্ৰা তুলমণ্ডলে;
ন ত্ৰেৰ তৰ সব্বঞ্ঞু, ঞাণং সক্কা ধরেতৰে.
‘‘‘আকাসো ¶ মিনিতুং সক্কা, রজ্জুযা অঙ্গুলেন ৰা;
ন ত্ৰেৰ তৰ সব্বঞ্ঞু, ঞাণং সক্কা পমেতৰে.
‘‘‘মহাসমুদ্দে উদকং, পথৰী চাখিলা জটং [পথৰিং চাখিলঞ্জহে (স্যা.)];
বুদ্ধঞাণং উপাদায, উপমাতো ন যুজ্জরে.
‘‘‘সদেৰকস্স লোকস্স, চিত্তং যেসং পৰত্ততি;
অন্তোজালীকতা [অন্তোজালগতা (পী.)] এতে, তৰ ঞাণম্হি চক্খুম.
‘‘‘যেন ¶ ঞাণেন পত্তোসি, কেৰলং বোধিমুত্তমং;
তেন ঞাণেন সব্বঞ্ঞু, মদ্দসী পরতিত্থিযে’.
‘‘ইমা গাথা থৰিত্ৰান, সুরুচি নাম তাপসো;
অজিনং পত্থরিত্ৰান, পথৰিযং নিসীদি সো.
‘‘চুল্লাসীতিসহস্সানি, অজ্ঝোগাল়্হো মহণ্ণৰে;
অচ্চুগতো তাৰদেৰ, গিরিরাজা পৰুচ্চতি.
‘‘তাৰ অচ্চুগ্গতো নেরু, আযতো ৰিত্থতো চ সো;
চুণ্ণিতো অণুভেদেন, কোটিসতসহস্সসো [সহস্সিযো (স্যা. ক.)].
‘‘লক্খে ¶ ঠপিযমানম্হি, পরিক্খযমগচ্ছথ;
ন ত্ৰেৰ তৰ সব্বঞ্ঞু, ঞাণং সক্কা পমেতৰে.
‘‘সুখুমচ্ছিকেন জালেন, উদকং যো পরিক্খিপে;
যে কেচি উদকে পাণা, অন্তোজালীকতা সিযুং.
‘‘তথেৰ হি মহাৰীর, যে কেচি পুথুতিত্থিযা;
দিট্ঠিগহনপক্খন্দা [পক্খন্তা (সী. স্যা.)], পরামাসেন মোহিতা.
‘‘তৰ সুদ্ধেন ঞাণেন, অনাৰরণদস্সিনা;
অন্তোজালীকতা এতে, ঞাণং তে নাতিৰত্তরে.
‘‘ভগৰা তম্হি সমযে, অনোমদস্সী মহাযসো;
ৰুট্ঠহিত্ৰা সমাধিম্হা, দিসং ওলোকযী জিনো.
‘‘অনোমদস্সিমুনিনো, নিসভো নাম সাৰকো;
পরিৰুতো সতসহস্সেহি, সন্তচিত্তেহি তাদিভি.
‘‘খীণাসৰেহি ¶ সুদ্ধেহি, ছল়ভিঞ্ঞেহি ঝাযিভি;
চিত্তমঞ্ঞায বুদ্ধস্স, উপেসি লোকনাযকং.
‘‘অন্তলিক্খে ঠিতা তত্থ, পদক্খিণমকংসু তে;
নমস্সন্তা পঞ্জলিকা, ওতরুং [ওরুহুং (স্যা.)] বুদ্ধসন্তিকে.
‘‘অনোমদস্সী ভগৰা, লোকজেট্ঠো নরাসভো;
ভিক্খুসঙ্ঘে নিসিদিত্ৰা, সিতং পাতুকরী জিনো.
‘‘ৰরুণো ¶ নামুপট্ঠাকো, অনোমদস্সিস্স সত্থুনো;
একংসং চীৰরং কত্ৰা, অপুচ্ছি লোকনাযকং.
‘‘‘কো ¶ ¶ নু খো ভগৰা হেতু, সিতকম্মস্স সত্থুনো;
ন হি বুদ্ধা অহেতূহি, সিতং পাতুকরোন্তি তে’.
‘‘অনোমদস্সী ভগৰা, লোকজেট্ঠো নরাসভো;
ভিক্খুমজ্ঝে নিসীদিত্ৰা, ইমং গাথং অভাসথ.
‘‘‘যো মং পুপ্ফেন পূজেসি, ঞাণঞ্চাপি অনুত্থৰি;
তমহং কিত্তযিস্সামি, সুণোথ মম ভাসতো.
‘‘‘বুদ্ধস্স গিরমঞ্ঞায, সব্বে দেৰা সমাগতা;
সদ্ধম্মং সোতুকামা তে, সম্বুদ্ধমুপসঙ্কমুং.
‘‘‘দসসু লোকধাতূসু, দেৰকাযা মহিদ্ধিকা;
সদ্ধম্মং সোতুকামা তে, সম্বুদ্ধমুপসঙ্কমুং.
‘‘‘হত্থী অস্সা রথা পত্তী, সেনা চ চতুরঙ্গিনী;
পরিৰারেস্সন্তিমং নিচ্চং, বুদ্ধপূজাযিদং ফলং.
‘‘‘সট্ঠিতূরিযসহস্সানি, ভেরিযো সমলঙ্কতা;
উপট্ঠিস্সন্তিমং নিচ্চং, বুদ্ধপূজাযিদং ফলং.
‘‘‘সোল়সিত্থিসহস্সানি, নারিযো সমলঙ্কতা;
ৰিচিত্তৰত্থাভরণা, আমুত্তমণিকুণ্ডলা.
‘‘‘অল়ারপম্হা হসুলা, সুসঞ্ঞা তনুমজ্ঝিমা;
পরিৰারেস্সন্তিমং নিচ্চং, বুদ্ধপূজাযিদং ফলং.
‘‘‘কপ্পসতসহস্সানি, দেৰলোকে রমিস্সতি;
সহস্সক্খত্তুং চক্কৰত্তী, রাজা রট্ঠে ভৰিস্সতি.
‘‘‘সহস্সক্খত্তুং ¶ ¶ দেৰিন্দো, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং [অসঙ্খযং (স্যা. ক.) এৰমুপরিপি].
‘‘‘পচ্ছিমে ভৰসম্পত্তে [পচ্ছিমভৰে সম্পত্তে (সী.)], মনুস্সত্তং গমিস্সতি;
ব্রাহ্মণী সারিযা নাম, ধারযিস্সতি কুচ্ছিনা.
‘‘‘মাতুযা ¶ নামগোত্তেন, পঞ্ঞাযিস্সতিযং নরো;
সারিপুত্তোতি নামেন, তিক্খপঞ্ঞো ভৰিস্সতি.
‘‘‘অসীতিকোটী ছড্ডেত্ৰা, পব্বজিস্সতিকিঞ্চনো;
গৰেসন্তো সন্তিপদং, চরিস্সতি মহিং ইমং.
‘‘‘অপ্পরিমেয্যে ইতো কপ্পে, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সারিপুত্তোতি নামেন, হেস্সতি অগ্গসাৰকো.
‘‘‘অযং ¶ ভাগীরথী [ভাগীরসী (স্যা. ক.)] গঙ্গা, হিমৰন্তা পভাৰিতা;
মহাসমুদ্দমপ্পেতি, তপ্পযন্তী মহোদধিং [মহোদধী (?) গঙ্গাদিমহানদিযোতি অত্থো].
‘‘‘তথেৰাযং সারিপুত্তো, সকে তীসু ৰিসারদো;
পঞ্ঞায পারমিং গন্ত্ৰা, তপ্পযিস্সতি পাণিনে [পাণিনো (সী. স্যা.)].
‘‘‘হিমৰন্তমুপাদায, সাগরঞ্চ মহোদধিং;
এত্থন্তরে যং পুলিনং, গণনাতো অসঙ্খিযং.
‘‘‘তম্পি সক্কা অসেসেন, সঙ্খাতুং গণনা যথা;
ন ত্ৰেৰ সারিপুত্তস্স, পঞ্ঞাযন্তো ভৰিস্সতি.
‘‘‘লক্খে ¶ ঠপিযমানম্হি, খীযে গঙ্গায ৰালুকা;
ন ত্ৰেৰ সারিপুত্তস্স, পঞ্ঞাযন্তো ভৰিস্সতি.
‘‘‘মহাসমুদ্দে ঊমিযো, গণনাতো অসঙ্খিযা;
তথেৰ সারিপুত্তস্স, পঞ্ঞাযন্তো ন হেস্সতি.
‘‘‘আরাধযিত্ৰা সম্বুদ্ধং, গোতমং সক্যপুঙ্গৰং;
পঞ্ঞায পারমিং গন্ত্ৰা, হেস্সতি অগ্গসাৰকো.
‘‘‘পৰত্তিতং ধম্মচক্কং, সক্যপুত্তেন তাদিনা;
অনুৰত্তেস্সতি সম্মা, ৰস্সেন্তো ধম্মৰুট্ঠিযো.
‘‘‘সব্বমেতং ¶ অভিঞ্ঞায, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, অগ্গট্ঠানে ঠপেস্সতি’.
‘‘অহো ¶ মে সুকতং কম্মং, অনোমদস্সিস্স সত্থুনো;
যস্সাহং কারং [যস্সাধিকারং (স্যা.)] কত্ৰান, সব্বত্থ পারমিং গতো.
‘‘অপরিমেয্যে কতং কম্মং, ফলং দস্সেসি মে ইধ;
সুমুত্তো সরৰেগোৰ, কিলেসে ঝাপযিং অহং.
‘‘অসঙ্খতং গৰেসন্তো, নিব্বানং অচলং পদং;
ৰিচিনং তিত্থিযে সব্বে, এসাহং সংসরিং ভৰে.
‘‘যথাপি ব্যাধিতো পোসো, পরিযেসেয্য ওসধং;
ৰিচিনেয্য ৰনং [ধনং (স্যা. ক.)] সব্বং, ব্যাধিতো পরিমুত্তিযা.
‘‘অসঙ্খতং গৰেসন্তো, নিব্বানং অমতং পদং;
অব্বোকিণ্ণং [অব্বোচ্ছিন্নং (অট্ঠ.)] পঞ্চসতং, পব্বজিং ইসিপব্বজং.
‘‘জটাভারেন ¶ ভরিতো, অজিনুত্তরনিৰাসনো;
অভিঞ্ঞাপারমিং গন্ত্ৰা, ব্রহ্মলোকং অগচ্ছিহং.
‘‘নত্থি ¶ বাহিরকে সুদ্ধি, ঠপেত্ৰা জিনসাসনং;
যে কেচি বুদ্ধিমা সত্তা, সুজ্ঝন্তি জিনসাসনে.
‘‘অত্তকারমযং [অত্থকারমযং (ক.)] এতং, নযিদং ইতিহীতিহং;
অসঙ্খতং গৰেসন্তো, কুতিত্থে [কুতিত্থং (সী. স্যা.)] সঞ্চরিং অহং.
‘‘যথা সারত্থিকো পোসো, কদলিং ছেত্ৰান ফালযে;
ন তত্থ সারং ৰিন্দেয্য, সারেন রিত্তকো হি সো.
‘‘তথেৰ তিত্থিযা লোকে, নানাদিট্ঠী বহুজ্জনা;
অসঙ্খতেন রিত্তাসে, সারেন কদলী যথা.
‘‘পচ্ছিমে ভৰসম্পত্তে, ব্রহ্মবন্ধু অহোসহং;
মহাভোগং ছড্ডেত্ৰান, পব্বজিং অনগারিযং.
পঠমভাণৰারং.
‘‘অজ্ঝাযকো মন্তধরো, তিণ্ণং ৰেদান পারগূ;
ব্রাহ্মণো সঞ্চযো [সঞ্জযো (সী. স্যা. পী.)] নাম, তস্স মূলে ৰসামহং.
‘‘সাৰকো ¶ তে মহাৰীর, অস্সজি নাম ব্রাহ্মণো;
দুরাসদো উগ্গতেজো, পিণ্ডায চরতী তদা.
‘‘তমদ্দসাসিং ¶ সপ্পঞ্ঞং, মুনিং মোনে সমাহিতং;
সন্তচিত্তং মহানাগং, সুফুল্লং পদুমং যথা.
‘‘দিস্ৰা ¶ মে চিত্তমুপ্পজ্জি, সুদন্তং সুদ্ধমানসং;
উসভং পৰরং ৰীরং, অরহাযং ভৰিস্সতি.
‘‘পাসাদিকো ইরিযতি, অভিরূপো সুসংৰুতো;
উত্তমে দমথে দন্তো, অমতদস্সী ভৰিস্সতি.
‘‘যংনূনাহং উত্তমত্থং, পুচ্ছেয্যং তুট্ঠমানসং;
সো মে পুট্ঠো কথেস্সতি, পটিপুচ্ছামহং তদা.
‘‘পিণ্ডপাতং [পিণ্ডচারং (স্যা.)] চরন্তস্স, পচ্ছতো অগমাসহং;
ওকাসং পটিমানেন্তো, পুচ্ছিতুং অমতং পদং.
‘‘ৰীথিন্তরে অনুপ্পত্তং, উপগন্ত্ৰান পুচ্ছহং;
‘কথং গোত্তোসি ত্ৰং ৰীর, কস্স সিস্সোসি মারিস’.
‘‘সো মে পুট্ঠো ৰিযাকাসি, অসম্ভীতোৰ কেসরী;
‘বুদ্ধো লোকে সমুপ্পন্নো, তস্স সিস্সোম্হি আৰুসো’.
‘‘‘কীদিসং ¶ তে মহাৰীর, অনুজাত মহাযস;
বুদ্ধস্স সাসনং ধম্মং, সাধু মে কথযস্সু ভো’.
‘‘সো মে পুট্ঠো কথী সব্বং, গম্ভীরং নিপুণং পদং;
তণ্হাসল্লস্স হন্তারং, সব্বদুক্খাপনূদনং.
‘‘‘যে ধম্মা হেতুপ্পভৰা, তেসং হেতুং তথাগতো আহ;
তেসঞ্চ যো নিরোধো, এৰং ৰাদী মহাসমণো’.
‘‘সোহং ৰিস্সজ্জিতে পঞ্হে, পঠমং ফলমজ্ঝগং;
ৰিরজো ৰিমলো আসিং, সুত্ৰান জিনসাসনং.
‘‘সুত্ৰান ¶ মুনিনো ৰাক্যং, পস্সিত্ৰা ধম্মমুত্তমং;
পরিযোগাল়্হসদ্ধম্মো, ইমং গাথমভাসহং.
‘‘‘এসেৰ ¶ ধম্মো যদি তাৰদেৰ, পচ্চব্যথপদমসোকং;
অদিট্ঠং অব্ভতীতং, বহুকেহি কপ্পনহুতেহি’.
‘‘স্ৰাহং ধম্মং গৰেসন্তো, কুতিত্থে সঞ্চরিং অহং;
সো মে অত্থো অনুপ্পত্তো, কালো মে নপ্পমজ্জিতুং.
‘‘তোসিতোহং ¶ অস্সজিনা, পত্ৰান অচলং পদং;
সহাযকং গৰেসন্তো, অস্সমং অগমাসহং.
‘‘দূরতোৰ মমং দিস্ৰা, সহাযো মে সুসিক্খিতো;
ইরিযাপথসম্পন্নো [ইরিযাপথং মমং দিস্ৰা (ক.)], ইদং ৰচনমব্রৰি.
‘‘‘পসন্নমুখনেত্তোসি, মুনিভাৰোৰ দিস্সতি;
অমতাধিগতো কচ্চি, নিব্বানমচ্চুতং পদং.
‘‘‘সুভানুরূপো আযাসি, আনেঞ্জকারিতো ৰিয;
দন্তোৰ দন্তদমথো [দন্তোৰুত্তমদমথো (সী.) দন্তোৰ দন্ত দমথে (স্যা.)], উপসন্তোসি ব্রাহ্মণ.
‘‘‘অমতং মযাধিগতং, সোকসল্লাপনূদনং;
ত্ৰম্পি তং অধিগচ্ছেসি [অধিগচ্ছাহি (সী.), অধিগচ্ছেহি (স্যা.), অধিগতোসি (?)], গচ্ছাম বুদ্ধসন্তিকং’.
‘‘সাধূতি সো পটিস্সুত্ৰা, সহাযো মে সুসিক্খিতো;
হত্থেন হত্থং গণ্হিত্ৰা, উপগম্ম [উপাগমি (সী.), উপাগম্ম (স্যা.)] তৰন্তিকং.
‘‘উভোপি পব্বজিস্সাম, সক্যপুত্ত তৰন্তিকে;
তৰ সাসনমাগম্ম, ৰিহরাম অনাসৰা.
‘‘কোলিতো ¶ ইদ্ধিযা সেট্ঠো, অহং পঞ্ঞায পারগো;
উভোৰ একতো হুত্ৰা, সাসনং সোভযামসে.
‘‘অপরিযোসিতসঙ্কপ্পো ¶ , কুতিত্থে সঞ্চরিং অহং;
তৰ দস্সনমাগম্ম, সঙ্কপ্পো পূরিতো মম.
‘‘পথৰিযং পতিট্ঠায, পুপ্ফন্তি সমযে দুমা;
দিব্বগন্ধা সম্পৰন্তি, তোসেন্তি সব্বপাণিনং.
‘‘তথেৰাহং মহাৰীর, সক্যপুত্ত মহাযস;
সাসনে তে পতিট্ঠায, সমযেসামি পুপ্ফিতুং.
‘‘ৰিমুত্তিপুপ্ফং ¶ এসন্তো, ভৰসংসারমোচনং;
ৰিমুত্তিপুপ্ফলাভেন, তোসেমি সব্বপাণিনং.
‘‘যাৰতা বুদ্ধখেত্তম্হি, ঠপেত্ৰান মহামুনিং;
পঞ্ঞায সদিসো নত্থি, তৰ পুত্তস্স চক্খুম.
‘‘সুৰিনীতা চ তে সিস্সা, পরিসা চ সুসিক্খিতা;
উত্তমে দমথে দন্তা, পরিৰারেন্তি তং সদা.
‘‘ঝাযী ¶ ঝানরতা ধীরা, সন্তচিত্তা সমাহিতা;
মুনী মোনেয্যসম্পন্না, পরিৰারেন্তি তং সদা.
‘‘অপ্পিচ্ছা নিপকা ধীরা, অপ্পাহারা অলোলুপা;
লাভালাভেন সন্তুট্ঠা, পরিৰারেন্তি তং সদা.
‘‘আরঞ্ঞিকা ধুতরতা, ঝাযিনো লূখচীৰরা;
ৰিৰেকাভিরতা ধীরা, পরিৰারেন্তি তং সদা.
‘‘পটিপন্না ¶ ফলট্ঠা চ, সেখা ফলসমঙ্গিনো;
আসীসকা [আসিংসকা (সী. স্যা.)] উত্তমত্থং, পরিৰারেন্তি তং সদা.
‘‘সোতাপন্না চ ৰিমলা, সকদাগামিনো চ যে;
অনাগামী চ অরহা, পরিৰারেন্তি তং সদা.
‘‘সতিপট্ঠানকুসলা, বোজ্ঝঙ্গভাৰনারতা;
সাৰকা তে বহূ সব্বে, পরিৰারেন্তি তং সদা.
‘‘ইদ্ধিপাদেসু কুসলা, সমাধিভাৰনারতা;
সম্মপ্পধানানুযুত্তা, পরিৰারেন্তি তং সদা.
‘‘তেৰিজ্জা ছল়ভিঞ্ঞা চ, ইদ্ধিযা পারমিং গতা;
পঞ্ঞায পারমিং পত্তা, পরিৰারেন্তি তং সদা.
‘‘এদিসা তে মহাৰীর, তৰ সিস্সা সুসিক্খিতা;
দুরাসদা উগ্গতেজা, পরিৰারেন্তি তং সদা.
‘‘তেহি সিস্সেহি পরিৰুতো, সঞ্ঞতেহি তপস্সিভি;
মিগরাজাৰসম্ভীতো, উল়ুরাজাৰ সোভসি.
‘‘পথৰিযং পতিট্ঠায, রুহন্তি ধরণীরুহা;
ৰেপুল্লতং পাপুণন্তি, ফলঞ্চ দস্সযন্তি তে.
‘‘পথৰীসদিসো ¶ ¶ ত্ৰংসি, সক্যপুত্ত মহাযস;
সাসনে তে পতিট্ঠায, লভন্তি অমতং ফলং.
‘‘সিন্ধু সরস্সতী চেৰ, নদিযো চন্দভাগিকা;
গঙ্গা চ যমুনা চেৰ, সরভূ চ অথো মহী.
‘‘এতাসং ¶ সন্দমানানং, সাগরো সম্পটিচ্ছতি;
জহন্তি পুরিমং নামং, সাগরোতেৰ ঞাযতি.
‘‘তথেৰিমে ¶ চতুব্বণ্ণা, পব্বজিত্ৰা তৰন্তিকে;
জহন্তি পুরিমং নামং, বুদ্ধপুত্তাতি ঞাযরে.
‘‘যথাপি চন্দো ৰিমলো, গচ্ছং আকাসধাতুযা;
সব্বে তারগণে লোকে, আভায অতিরোচতি.
‘‘তথেৰ ত্ৰং মহাৰীর, পরিৰুতো দেৰমানুসে;
এতে সব্বে অতিক্কম্ম, জলসি সব্বদা তুৰং.
‘‘গম্ভীরে উট্ঠিতা ঊমী, ন ৰেলমতিৰত্তরে;
সব্বা ৰেলংৰ ফুসন্তি [সব্বাৰ ৰেলং ফুসন্তি (সী.), সব্বা ৰেলং পফুস্সন্তি (স্যা.)], সঞ্চুণ্ণা ৰিকিরন্তি তা.
‘‘তথেৰ তিত্থিযা লোকে, নানাদিট্ঠী বহুজ্জনা;
ধম্মং ৰাদিতুকামা তে, নাতিৰত্তন্তি তং মুনিং.
‘‘সচে চ তং পাপুণন্তি, পটিৰাদেহি চক্খুম;
তৰন্তিকং উপাগন্ত্ৰা, সঞ্চুণ্ণাৰ ভৰন্তি তে.
‘‘যথাপি উদকে জাতা, কুমুদা মন্দালকা বহূ;
উপলিম্পন্তি [উপলিপ্পন্তি (?)] তোযেন, কদ্দমকললেন চ.
‘‘তথেৰ বহুকা সত্তা, লোকে জাতা ৰিরূহরে;
অট্টিতা রাগদোসেন, কদ্দমে কুমুদং যথা.
‘‘যথাপি পদুমং জলজং, জলমজ্ঝে ৰিরূহতি;
ন সো লিম্পতি তোযেন, পরিসুদ্ধো হি কেসরী.
‘‘তথেৰ ¶ ত্ৰং মহাৰীর, লোকে জাতো মহামুনি;
নোপলিম্পসি লোকেন, তোযেন পদুমং যথা.
‘‘যথাপি রম্মকে মাসে, বহূ পুপ্ফন্তি ৰারিজা;
নাতিক্কমন্তি তং মাসং, সমযো পুপ্ফনায সো.
‘‘তথেৰ ¶ ¶ ¶ ত্ৰং মহাৰীর, পুপ্ফিতো তে ৰিমুত্তিযা;
সাসনং নাতিৰত্তন্তি, পদুমং ৰারিজং যথা.
‘‘সুপুপ্ফিতো সালরাজা, দিব্বগন্ধং পৰাযতি;
অঞ্ঞসালেহি পরিৰুতো, সালরাজাৰ সোভতি.
‘‘তথেৰ ত্ৰং মহাৰীর, বুদ্ধঞাণেন পুপ্ফিতো;
ভিক্খুসঙ্ঘপরিৰুতো, সালরাজাৰ সোভসি.
‘‘যথাপি সেলো হিমৰা, ওসধো সব্বপাণিনং;
নাগানং অসুরানঞ্চ, দেৰতানঞ্চ আলযো.
‘‘তথেৰ ত্ৰং মহাৰীর, ওসধো ৰিয পাণিনং;
তেৰিজ্জা ছল়ভিঞ্ঞা চ, ইদ্ধিযা পারমিং গতা.
‘‘অনুসিট্ঠা মহাৰীর, তযা কারুণিকেন তে;
রমন্তি ধম্মরতিযা, ৰসন্তি তৰ সাসনে.
‘‘মিগরাজা যথা সীহো, অভিনিক্খম্ম আসযা;
চতুদ্দিসানুৰিলোকেত্ৰা [ৰিলোকেত্ৰা (সী. স্যা.), নুলোকেত্ৰা (ক.)],
তিক্খত্তুং অভিনাদতি.
‘‘সব্বে মিগা উত্তসন্তি, মিগরাজস্স গজ্জতো;
তথা হি জাতিমা এসো, পসূ তাসেতি সব্বদা.
‘‘গজ্জতো ¶ তে মহাৰীর, ৰসুধা সম্পকম্পতি;
বোধনেয্যাৰবুজ্ঝন্তি, তসন্তি মারকাযিকা.
‘‘তসন্তি তিত্থিযা সব্বে, নদতো তে মহামুনি;
কাকা সেনাৰ ৰিব্ভন্তা, মিগরঞ্ঞা যথা মিগা.
‘‘যে কেচি গণিনো লোকে, সত্থারোতি পৰুচ্চরে;
পরম্পরাগতং ধম্মং, দেসেন্তি পরিসায তে.
‘‘ন হেৰং ত্ৰং মহাৰীর, ধম্মং দেসেসি পাণিনং;
সামং সচ্চানি বুজ্ঝিত্ৰা, কেৰলং বোধিপক্খিযং.
‘‘আসযানুসযং ঞত্ৰা, ইন্দ্রিযানং বলাবলং;
ভব্বাভব্বে ৰিদিত্ৰান, মহামেঘোৰ গজ্জসি.
‘‘চক্কৰাল়পরিযন্তা ¶ , নিসিন্না পরিসা ভৰে;
নানাদিট্ঠী ৰিচিনন্তা [ৰিচিন্তেন্তি (স্যা.), ৰিচিনন্তং (ক.)], ৰিমতিচ্ছেদনায তং.
‘‘সব্বেসং ¶ চিত্তমঞ্ঞায, ওপম্মকুসলো মুনি;
একং পঞ্হং কথেন্তোৰ, ৰিমতিং ছিন্দসি [ছিন্দি (স্যা. ক.)] পাণিনং.
‘‘উপতিস্সসদিসেহেৰ, ৰসুধা পূরিতা ভৰে;
সব্বেৰ তে পঞ্জলিকা, কিত্তযুং লোকনাযকং.
‘‘কপ্পং ৰা তে কিত্তযন্তা, নানাৰণ্ণেহি কিত্তযুং;
পরিমেতুং ন সক্কেয্যুং [ন কপ্পেয্যুং (স্যা.), ন পপ্পেয্যুং (ক.)], অপ্পমেয্যো তথাগতো.
‘‘যথাসকেন ¶ থামেন, কিত্তিতো হি মযা জিনো;
কপ্পকোটীপি কিত্তেন্তা, এৰমেৰ পকিত্তযুং.
‘‘সচে ¶ হি কোচি দেৰো ৰা, মনুস্সো ৰা সুসিক্খিতো;
পমেতুং পরিকপ্পেয্য, ৰিঘাতংৰ লভেয্য সো.
‘‘সাসনে তে পতিট্ঠায, সক্যপুত্ত মহাযস;
পঞ্ঞায পারমিং গন্ত্ৰা, ৰিহরামি অনাসৰো.
‘‘তিত্থিযে সম্পমদ্দামি, ৰত্তেমি জিনসাসনং;
ধম্মসেনাপতি অজ্জ, সক্যপুত্তস্স সাসনে.
‘‘অপরিমেয্যে কতং কম্মং, ফলং দস্সেসি মে ইধ;
সুখিত্তো সরৰেগোৰ, কিলেসে ঝাপযী মম [ঝাপযিং মম (স্যা.), ঝাপযিং অহং (ক.)].
‘‘যো কোচি মনুজো ভারং, ধারেয্য মত্থকে সদা;
ভারেন দুক্খিতো অস্স, ভারেহি ভরিতো তথা.
‘‘ডয্হমানো তীহগ্গীহি, ভৰেসু সংসরিং অহং;
ভরিতো ভৰভারেন, গিরিং উচ্চারিতো যথা.
‘‘ওরোপিতো চ মে ভারো, ভৰা উগ্ঘাটিতা মযা;
করণীযং কতং সব্বং, সক্যপুত্তস্স সাসনে.
‘‘যাৰতা বুদ্ধখেত্তম্হি, ঠপেত্ৰা সক্যপুঙ্গৰং;
অহং অগ্গোম্হি পঞ্ঞায, সদিসো মে ন ৰিজ্জতি.
‘‘সমাধিম্হি ¶ সুকুসলো, ইদ্ধিযা পারমিং গতো;
ইচ্ছমানো চহং অজ্জ, সহস্সং অভিনিম্মিনে.
‘‘অনুপুব্বৰিহারস্স ¶ , ৰসীভূতো মহামুনি;
কথেসি সাসনং ময্হং, নিরোধো সযনং মম.
‘‘দিব্বচক্খু ¶ ৰিসুদ্ধং মে, সমাধিকুসলো অহং;
সম্মপ্পধানানুযুত্তো, বোজ্ঝঙ্গভাৰনারতো.
‘‘সাৰকেন হি পত্তব্বং, সব্বমেৰ কতং মযা;
লোকনাথং ঠপেত্ৰান, সদিসো মে ন ৰিজ্জতি.
‘‘সমাপত্তীনং কুসলো [সমাপত্তিনযকুসলো (সী.)], ঝানৰিমোক্খান খিপ্পপটিলাভী;
বোজ্ঝঙ্গভাৰনারতো, সাৰকগুণপারমিগতোস্মি.
‘‘সাৰকগুণেনপি ¶ ফুস্সেন [সাৰকগুণফুস্সেন (স্যা.)], বুদ্ধিযা পরিসুত্তমভারৰা [পুরিসুত্তমগারৰা (স্যা.), পুরিসুত্তমভারৰা (ক.)];
যং সদ্ধাসঙ্গহিতং [সদ্ধায সঙ্গহিতং (সী.), সদ্দাসঙ্গহিতং (স্যা.)] চিত্তং, সদা সব্রহ্মচারীসু.
‘‘উদ্ধতৰিসোৰ সপ্পো, ছিন্নৰিসাণোৰ উসভো;
নিক্খিত্তমানদপ্পোৰ [দব্বোৰ (ক.)], উপেমি গরুগারৰেন গণং.
‘‘যদি রূপিনী ভৰেয্য, পঞ্ঞা মে ৰসুমতীপি [ৰসুমতী (সী. ক.) ৰসুপতীনং (স্যা.)] ন সমেয্য;
অনোমদস্সিস্স [অনোমদস্সি (?)] ভগৰতো, ফলমেতং ঞাণথৰনায.
‘‘পৰত্তিতং ধম্মচক্কং, সক্যপুত্তেন তাদিনা;
অনুৰত্তেমহং সম্মা, ঞাণথৰনাযিদং ফলং.
‘‘মা মে কদাচি পাপিচ্ছো, কুসীতো হীনৰীরিযো;
অপ্পস্সুতো অনাদরো [অনাচারো (সব্বত্থ) থেরগা. ৯৮৭ পস্সিতব্বা], সমেতো অহু কত্থচি.
‘‘বহুস্সুতো চ মেধাৰী, সীলেসু সুসমাহিতো;
চেতোসমথানুযুত্তো, অপি মুদ্ধনি তিট্ঠতু.
‘‘তং ৰো ৰদামি ভদ্দন্তে, যাৰন্তেত্থ সমাগতা;
অপ্পিচ্ছা হোথ সন্তুট্ঠা, ঝাযী ঝানরতা সদা.
‘‘যমহং ¶ ¶ ¶ পঠমং দিস্ৰা, ৰিরজো ৰিমলো অহুং;
সো মে আচরিযো ধীরো, অস্সজি নাম সাৰকো.
‘‘তস্সাহং ৰাহসা অজ্জ, ধম্মসেনাপতী অহুং;
সব্বত্থ পারমিং পত্ৰা, ৰিহরামি অনাসৰো.
‘‘যো মে আচরিযো আসি, অস্সজি নাম সাৰকো;
যস্সং দিসাযং ৰসতি, উস্সীসম্হি করোমহং.
‘‘মম কম্মং সরিত্ৰান, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, অগ্গট্ঠানে ঠপেসি মং.
[ইমা দ্ৰে গাথাযো স্যামপোত্থকে ন সন্তি]
কিলেসা ঝাপিতা ময্হং, ভৰা সব্বে সমূহতা.
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, বুদ্ধসেট্ঠস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং [ইমা দ্ৰে গাথারো স্যামপোত্থকে ন সন্তি].
‘‘পটিসম্ভিদা ¶ চতস্সো [চতস্সো চ (সী.)], ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সারিপুত্তো থেরো ইমা গাথাযো
অভাসিত্থাতি.
সারিপুত্তত্থেরস্সাপদানং পঠমং.
৩-২. মহামোগ্গল্লানত্থেরঅপদানং
‘‘অনোমদস্সী ভগৰা, লোকজেট্ঠো নরাসভো;
ৰিহাসি হিমৰন্তম্হি, দেৰসঙ্ঘপুরক্খতো.
‘‘ৰরুণো নাম নামেন, নাগরাজা অহং তদা;
কামরূপী ৰিকুব্বামি, মহোদধিনিৰাসহং.
‘‘সঙ্গণিযং ¶ গণং হিত্ৰা, তূরিযং পট্ঠপেসহং;
সম্বুদ্ধং পরিৰারেত্ৰা, ৰাদেসুং অচ্ছরা তদা.
‘‘ৰজ্জমানেসু ¶ তূরেসু, দেৰা তূরানি [তুরিযেসু, দেৰা তুরিযানি (সী. স্যা.)] ৰজ্জযুং;
উভিন্নং সদ্দং সুত্ৰান, বুদ্ধোপি সম্পবুজ্ঝথ.
‘‘নিমন্তেত্ৰান সম্বুদ্ধং, সকং ভৰনুপাগমিং;
আসনং পঞ্ঞপেত্ৰান, কালমারোচযিং অহং.
‘‘খীণাসৰসহস্সেহি, পরিৰুতো লোকনাযকো;
ওভাসেন্তো দিসা সব্বা, ভৰনং মে উপাগমি.
‘‘উপৰিট্ঠং ¶ মহাৰীরং, দেৰদেৰং নরাসভং;
সভিক্খুসঙ্ঘং তপ্পেসিং [সন্তপ্পেসিং (স্যা.), তপ্পেমি (ক.)], অন্নপানেনহং তদা.
‘‘অনুমোদি মহাৰীরো, সযম্ভূ অগ্গপুগ্গলো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো সো [যং সো (ক.)] সঙ্ঘং অপূজেসি, বুদ্ধঞ্চ লোকনাযকং;
তেন চিত্তপ্পসাদেন, দেৰলোকং গমিস্সতি.
‘‘‘সত্তসত্ততিক্খত্তুঞ্চ, দেৰরজ্জং করিস্সতি;
পথব্যা রজ্জং অট্ঠসতং, ৰসুধং আৰসিস্সতি.
‘‘‘পঞ্চপঞ্ঞাসক্খত্তুঞ্চ, চক্কৰত্তী ভৰিস্সতি;
ভোগা অসঙ্খিযা তস্স, উপ্পজ্জিস্সন্তি তাৰদে.
‘‘‘অপরিমেয্যে ¶ ইতো কপ্পে, ওক্কাককুলসম্ভৰো;
গোতমো নাম গোত্তেন [নামেন (সী.)], সত্থা লোকে ভৰিস্সতি.
‘‘‘নিরযা ¶ সো চৰিত্ৰান, মনুস্সতং গমিস্সতি;
কোলিতো নাম নামেন, ব্রহ্মবন্ধু ভৰিস্সতি.
‘‘‘সো পচ্ছা পব্বজিত্ৰান, কুসলমূলেন চোদিতো;
গোতমস্স ভগৰতো, দুতিযো হেস্সতি সাৰকো.
‘‘‘আরদ্ধৰীরিযো পহিতত্তো, ইদ্ধিযা পারমিং গতো;
সব্বাসৰে পরিঞ্ঞায, নিব্বাযিস্সতিনাসৰো’.
‘‘পাপমিত্তোপনিস্সায, কামরাগৰসং গতো;
মাতরং পিতরঞ্চাপি, ঘাতযিং দুট্ঠমানসো.
‘‘যং ¶ যং যোনুপপজ্জামি, নিরযং অথ মানুসং;
পাপকম্মসমঙ্গিতা, ভিন্নসীসো মরামহং.
‘‘ইদং পচ্ছিমকং ময্হং, চরিমো ৰত্ততে ভৰো;
ইধাপি এদিসো ময্হং, মরণকালে ভৰিস্সতি.
‘‘পৰিৰেকমনুযুত্তো, সমাধিভাৰনারতো;
সব্বাসৰে পরিঞ্ঞায, ৰিহরামি অনাসৰো.
‘‘ধরণিম্পি সুগম্ভীরং, বহলং দুপ্পধংসিযং;
ৰামঙ্গুট্ঠেন খোভেয্যং, ইদ্ধিযা পারমিং গতো.
‘‘অস্মিমানং ন পস্সামি, মানো ময্হং ন ৰিজ্জতি;
সামণেরে উপাদায, গরুচিত্তং করোমহং.
‘‘অপরিমেয্যে ইতো কপ্পে, যং কম্মমভিনীহরিং;
তাহং ভূমিমনুপ্পত্তো, পত্তোম্হি আসৰক্খযং.
‘‘পটিসম্ভিদা ¶ ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা মহামোগ্গল্লানো থেরো ইমা গাথাযো অভাসিত্থাতি.
মহামোগ্গল্লানত্থেরস্সাপদানং দুতিযং.
৩-৩. মহাকস্সপত্থেরঅপদানং
‘‘পদুমুত্তরস্স ¶ ভগৰতো, লোকজেট্ঠস্স তাদিনো;
নিব্বুতে লোকনাথম্হি, পূজং কুব্বন্তি সত্থুনো.
‘‘উদগ্গচিত্তা জনতা, আমোদিতপমোদিতা;
তেসু সংৰেগজাতেসু, পীতি মে উদপজ্জথ.
‘‘ঞাতিমিত্তে সমানেত্ৰা, ইদং ৰচনমব্রৰিং;
পরিনিব্বুতো মহাৰীরো, হন্দ পূজং করোমসে.
‘‘সাধূতি তে পটিস্সুত্ৰা, ভিয্যো হাসং জনিংসু মে;
বুদ্ধস্মিং লোকনাথম্হি, কাহাম পুঞ্ঞসঞ্চযং.
‘‘অগ্ঘিযং ¶ সুকতং কত্ৰা, সতহত্থসমুগ্গতং;
দিযড্ঢহত্থপত্থটং, ৰিমানং নভমুগ্গতং.
‘‘কত্ৰান হম্মিযং তত্থ, তালপন্তীহি চিত্তিতং;
সকং চিত্তং পসাদেত্ৰা, চেতিযং পূজযুত্তমং.
‘‘অগ্গিক্খন্ধোৰ ¶ জলিতো, কিংসুকো ইৰ [সালরাজাৰ (সী.)] ফুল্লিতো;
ইন্দলট্ঠীৰ আকাসে, ওভাসেতি চতুদ্দিসা.
‘‘তত্থ চিত্তং পসাদেত্ৰা, কত্ৰান কুসলং বহুং;
পুব্বকম্মং সরিত্ৰান, তিদসং উপপজ্জহং.
‘‘সহস্সযুত্তং ¶ হযৰাহিং, দিব্বযানমধিট্ঠিতো;
উব্বিদ্ধং ভৰনং ময্হং, সত্তভূমং সমুগ্গতং.
‘‘কূটাগারসহস্সানি, সব্বসোণ্ণমযা অহুং;
জলন্তি সকতেজেন, দিসা সব্বা পভাসযং.
‘‘সন্তি অঞ্ঞেপি নিয্যূহা, লোহিতঙ্গমযা তদা;
তেপি জোতন্তি আভায, সমন্তা চতুরো দিসা.
‘‘পুঞ্ঞকম্মাভিনিব্বত্তা, কূটাগারা সুনিম্মিতা;
মণিমযাপি জোতন্তি, দিসা দস [দিসোদিসং (স্যা.)] সমন্ততো.
‘‘তেসং উজ্জোতমানানং, ওভাসো ৰিপুলো অহু;
সব্বে দেৰে অভিভোমি, পুঞ্ঞকম্মস্সিদং ফলং.
‘‘সট্ঠিকপ্পসহস্সম্হি ¶ , উব্বিদ্ধো নাম খত্তিযো;
চাতুরন্তো ৰিজিতাৰী, পথৰিং আৰসিং অহং.
‘‘তথেৰ ভদ্দকে কপ্পে, তিংসক্খত্তুং অহোসহং;
সককম্মাভিরদ্ধোম্হি, চক্কৰত্তী মহব্বলো.
‘‘সত্তরতনসম্পন্নো, চতুদীপম্হি ইস্সরো;
তত্থাপি ভৰনং ময্হং, ইন্দলট্ঠীৰ উগ্গতং.
‘‘আযামতো ¶ ¶ চতুব্বীসং, ৰিত্থারেন চ দ্ৰাদস;
রম্মণং [রম্মকং (সী. স্যা.)] নাম নগরং, দল়্হপাকারতোরণং.
‘‘আযামতো পঞ্চসতং, ৰিত্থারেন তদড্ঢকং;
আকিণ্ণং জনকাযেহি, তিদসানং পুরং ৰিয.
‘‘যথা সূচিঘরে সূচী, পক্খিত্তা পণ্ণৰীসতি;
অঞ্ঞমঞ্ঞং পঘট্টেন্তি, আকিণ্ণং হোতি লঙ্কতং [তং তদা (সী.), সততা (স্যা.), সঙ্করং (?)].
‘‘এৰম্পি নগরং ময্হং, হত্থিস্সরথসংকুলং;
মনুস্সেহি সদাকিণ্ণং, রম্মণং নগরুত্তমং.
‘‘তত্থ ভুত্ৰা পিৰিত্ৰা চ, পুন দেৰত্তনং গতো [পুনপি দেৰতঙ্গতো (ক.)].
ভৰে পচ্ছিমকে ময্হং, অহোসি কুলসম্পদা.
‘‘ব্রাহ্মঞ্ঞকুলসম্ভূতো ¶ , মহারতনসঞ্চযো;
অসীতিকোটিযো হিত্ৰা, হিরঞ্ঞস্সাপি পব্বজিং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা মহাকস্সপো থেরো ইমা গাথাযো অভাসিত্থাতি.
মহাকস্সপত্থেরস্সাপদানং ততিযং.
৩-৪. অনুরুদ্ধত্থেরঅপদানং
‘‘সুমেধং ¶ ভগৰন্তাহং, লোকজেট্ঠং নরাসভং;
ৰূপকট্ঠং ৰিহরন্তং, অদ্দসং লোকনাযকং.
‘‘উপগন্ত্ৰান সম্বুদ্ধং, সুমেধং লোকনাযকং;
অঞ্জলিং পগ্গহেত্ৰান, বুদ্ধসেট্ঠমযাচহং.
‘‘অনুকম্প ¶ মহাৰীর, লোকজেট্ঠ নরাসভ;
পদীপং তে পদস্সামি, রুক্খমূলম্হি ঝাযতো.
‘‘অধিৰাসেসি সো ধীরো, সযম্ভূ ৰদতং ৰরো;
দুমেসু ৰিনিৰিজ্ঝিত্ৰা, যন্তং যোজিযহং তদা.
‘‘সহস্সৰট্টিং ¶ পাদাসিং, বুদ্ধস্স লোকবন্ধুনো;
সত্তাহং পজ্জলিত্ৰান, দীপা ৰূপসমিংসু মে.
‘‘তেন চিত্তপ্পসাদেন, চেতনাপণিধীহি চ;
জহিত্ৰা মানুসং দেহং, ৰিমানমুপপজ্জহং.
‘‘উপপন্নস্স দেৰত্তং, ব্যম্হং আসি সুনিম্মিতং;
সমন্ততো পজ্জলতি, দীপদানস্সিদং ফলং.
‘‘সমন্তা ¶ যোজনসতং, ৰিরোচেসিমহং তদা;
সব্বে দেৰে অভিভোমি, দীপদানস্সিদং ফলং.
‘‘তিংসকপ্পানি ¶ দেৰিন্দো, দেৰরজ্জমকারযিং;
ন মং কেচীতিমঞ্ঞন্তি, দীপদানস্সিদং ফলং.
‘‘অট্ঠৰীসতিক্খত্তুঞ্চ, চক্কৰত্তী অহোসহং;
দিৰা রত্তিঞ্চ পস্সামি, সমন্তা যোজনং তদা.
‘‘সহস্সলোকং ঞাণেন, পস্সামি সত্থু সাসনে;
দিব্বচক্খুমনুপ্পত্তো, দীপদানস্সিদং ফলং.
‘‘সুমেধো নাম সম্বুদ্ধো, তিংসকপ্পসহস্সিতো;
তস্স দীপো মযা দিন্নো, ৰিপ্পসন্নেন চেতসা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা অনুরুদ্ধো থেরো ইমা গাথাযো অভাসিত্থাতি.
অনুরুদ্ধত্থেরস্সাপদানং চতুত্থং.
৩-৫. পুণ্ণমন্তাণিপুত্তত্থেরঅপদানং
‘‘অজ্ঝাযকো মন্তধরো, তিণ্ণং ৰেদান পারগূ;
পুরক্খতোম্হি সিস্সেহি, উপগচ্ছিং নরুত্তমং.
‘‘পদুমুত্তরো ¶ লোকৰিদূ, আহুতীনং পটিগ্গহো;
মম কম্মং পকিত্তেসি, সঙ্খিত্তেন মহামুনি.
‘‘তাহং ¶ ধম্মং সুণিত্ৰান, অভিৰাদেত্ৰান সত্থুনো;
অঞ্জলিং পগ্গহেত্ৰান, পক্কমিং [পক্কামিং (সী. স্যা.)] দক্খিণামুখো.
‘‘সঙ্খিত্তেন ¶ সুণিত্ৰান, ৰিত্থারেন অভাসযিং [অদেসযিং (সী. স্যা.)];
সব্বে সিস্সা অত্তমনা, সুত্ৰান মম ভাসতো;
সকং দিট্ঠিং ৰিনোদেত্ৰা, বুদ্ধে চিত্তং পসাদযুং.
‘‘সঙ্খিত্তেনপি দেসেমি, ৰিত্থারেন তথেৰহং [দেসেসিং ৰিত্থারেনপি ভাসযিং (ক.)];
অভিধম্মনযঞ্ঞূহং ¶ , কথাৰত্থুৰিসুদ্ধিযা;
সব্বেসং ৰিঞ্ঞাপেত্ৰান, ৰিহরামি অনাসৰো.
‘‘ইতো পঞ্চসতে কপ্পে, চতুরো সুপ্পকাসকা;
সত্তরতনসম্পন্না, চতুদীপম্হি ইস্সরা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পুণ্ণো মন্তাণিপুত্তো থেরো ইমা গাথাযো অভাসিত্থাতি.
পুণ্ণমন্তাণিপুত্তত্থেরস্সাপদানং পঞ্চমং.
৩-৬. উপালিত্থেরঅপদানং
‘‘নগরে হংসৰতিযা, সুজাতো নাম ব্রাহ্মণো;
অসীতিকোটিনিচযো, পহূতধনধঞ্ঞৰা.
‘‘অজ্ঝাযকো মন্তধরো, তিণ্ণং ৰেদান পারগূ;
লক্খণে ইতিহাসে চ, সধম্মে পারমিং গতো.
‘‘পরিব্বাজা ¶ একসিখা [একভিক্খা (ক.)], গোতমা
বুদ্ধসাৰকা [সব্বত্থপি এৰমেৰ দিস্সতি].
চরকা তাপসা চেৰ, চরন্তি মহিযা তদা.
‘‘তেপি মং পরিৰারেন্তি, ব্রাহ্মণো ৰিস্সুতো ইতি;
বহুজ্জনো মং পূজেতি, নাহং পূজেমি কিঞ্চনং.
‘‘পূজারহং ¶ ন পস্সামি, মানত্থদ্ধো অহং তদা;
বুদ্ধোতি ৰচনং নত্থি, তাৰ নুপ্পজ্জতে জিনো.
‘‘অচ্চযেন ¶ অহোরত্তং, পদুমুত্তরনামকো [নাযকো (সী. স্যা.)];
সব্বং তমং ৰিনোদেত্ৰা, লোকে উপ্পজ্জি চক্খুমা.
‘‘ৰিত্থারিকে বাহুজঞ্ঞে, পুথুভূতে চ সাসনে;
উপাগমি তদা বুদ্ধো, নগরং হংসসৰ্হযং.
‘‘পিতু অত্থায ¶ সো বুদ্ধো, ধম্মং দেসেসি চক্খুমা;
তেন কালেন পরিসা, সমন্তা যোজনং তদা.
‘‘সম্মতো মনুজানং সো, সুনন্দো নাম তাপসো;
যাৰতা বুদ্ধপরিসা, পুপ্ফেহচ্ছাদযী তদা.
‘‘চতুসচ্চং পকাসেন্তে, সেট্ঠে চ [হেট্ঠা চ (ক.)] পুপ্ফমণ্ডপে;
কোটিসতসহস্সানং, ধম্মাভিসমযো অহু.
‘‘সত্তরত্তিন্দিৰং বুদ্ধো, ৰস্সেত্ৰা ধম্মৰুট্ঠিযো;
অট্ঠমে দিৰসে পত্তে, সুনন্দং কিত্তযী জিনো.
‘‘দেৰলোকে মনুস্সে ৰা, সংসরন্তো অযং ভৰে;
সব্বেসং পৰরো হুত্ৰা, ভৰেসু সংসরিস্সতি.
‘‘কপ্পসতসহস্সম্হি ¶ , ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘তস্স ধম্মেসু দাযাদো, ওরসো ধম্মনিম্মিতো;
মন্তাণিপুত্তো পুণ্ণোতি, হেস্সতি সত্থু সাৰকো.
‘‘এৰং কিত্তযি সম্বুদ্ধো, সুনন্দং তাপসং তদা;
হাসযন্তো জনং সব্বং, দস্সযন্তো সকং বলং.
‘‘কতঞ্জলী নমস্সন্তি, সুনন্দং তাপসং জনা;
বুদ্ধে কারং করিত্ৰান, সোধেসি গতিমত্তনো.
‘‘তত্থ মে অহু সঙ্কপ্পো, সুত্ৰান মুনিনো ৰচং;
অহম্পি কারং কস্সামি, যথা পস্সামি গোতমং.
‘‘এৰাহং ¶ চিন্তযিত্ৰান, কিরিযং চিন্তযিং মম;
ক্যাহং কম্মং আচরামি, পুঞ্ঞক্খেত্তে অনুত্তরে.
‘‘অযঞ্চ পাঠিকো ভিক্খু, সব্বপাঠিস্স সাসনে;
ৰিনযে অগ্গনিক্খিত্তো, তং ঠানং পত্থযে অহং.
‘‘ইদং ¶ মে অমিতং ভোগং, অক্খোভং সাগরূপমং;
তেন ভোগেন বুদ্ধস্স, আরামং মাপযে অহং.
‘‘সোভনং নাম আরামং, নগরস্স পুরত্থতো;
কিণিত্ৰা [কীত্ৰা (সী.), কিত্ৰা (ক.)] সতসহস্সেন, সঙ্ঘারামং অমাপযিং.
‘‘কূটাগারে ¶ চ পাসাদে, মণ্ডপে হম্মিযে গুহা;
চঙ্কমে সুকতে কত্ৰা, সঙ্ঘারামং অমাপযিং.
‘‘জন্তাঘরং ¶ অগ্গিসালং, অথো উদকমাল়কং;
ন্হানঘরং মাপযিত্ৰা, ভিক্খুসঙ্ঘস্সদাসহং.
‘‘আসন্দিযো পীঠকে চ, পরিভোগে চ ভাজনে;
আরামিকঞ্চ ভেসজ্জং, সব্বমেতং অদাসহং.
‘‘আরক্খং পট্ঠপেত্ৰান, পাকারং কারযিং দল়্হং;
মা নং কোচি ৰিহেঠেসি, সন্তচিত্তান তাদিনং.
‘‘সতসহস্সেনাৰাসং [আৰাসং সতসহস্সেন (সী.), আৰাসে সতসহস্সে (স্যা.)], সঙ্ঘারামে অমাপযিং;
ৰেপুল্লং তং মাপযিত্ৰা [ৰেপুল্লতং পাপযিত্ৰা (সী.)], সম্বুদ্ধং উপনামযিং.
‘‘নিট্ঠাপিতো মযারামো, সম্পটিচ্ছ তুৰং মুনি;
নিয্যাদেস্সামি তং ৰীর [তে ৰীর (সী.), তং ধীর (স্যা.)], অধিৰাসেহি চক্খুম.
‘‘পদুমুত্তরো লোকৰিদূ, আহুতীনং পটিগ্গহো;
মম সঙ্কপ্পমঞ্ঞায, অধিৰাসেসি নাযকো.
‘‘অধিৰাসনমঞ্ঞায, সব্বঞ্ঞুস্স মহেসিনো;
ভোজনং পটিযাদেত্ৰা, কালমারোচযিং অহং.
‘‘আরোচিতম্হি কালম্হি, পদুমুত্তরনাযকো;
খীণাসৰসহস্সেহি, আরামং মে উপাগমি.
‘‘নিসিন্নং ¶ কালমঞ্ঞায, অন্নপানেন তপ্পযিং;
ভুত্তাৰিং কালমঞ্ঞায, ইদং ৰচনমব্রৰিং.
‘‘কীতো সতসহস্সেন, তত্তকেনেৰ কারিতো;
সোভনো নাম আরামো, সম্পটিচ্ছ তুৰং মুনি.
‘‘ইমিনারামদানেন ¶ , চেতনাপণিধীহি চ;
ভৰে নিব্বত্তমানোহং, লভামি মম পত্থিতং.
‘‘পটিগ্গহেত্ৰা ¶ সম্বুদ্ধো, সঙ্ঘারামং সুমাপিতং;
ভিক্খুসঙ্ঘে নিসীদিত্ৰা, ইদং ৰচনমব্রৰি.
‘‘যো সো বুদ্ধস্স পাদাসি, সঙ্ঘারামং সুমাপিতং;
তমহং কিত্তযিস্সামি, সুণাথ মম ভাসতো.
‘‘হত্থী ¶ অস্সা রথা পত্তী, সেনা চ চতুরঙ্গিনী;
পরিৰারেস্সন্তিমং নিচ্চং, সঙ্ঘারামস্সিদং ফলং.
‘‘সট্ঠি তূরসহস্সানি [তুরিযসহস্সানি (সী. স্যা.)], ভেরিযো সমলঙ্কতা;
পরিৰারেস্সন্তিমং নিচ্চং, সঙ্ঘারামস্সিদং ফলং.
‘‘ছল়সীতিসহস্সানি, নারিযো সমলঙ্কতা;
ৰিচিত্তৰত্থাভরণা, আমুত্তমণিকুণ্ডলা.
‘‘অল়ারপম্হা হসুলা, সুসঞ্ঞা তনুমজ্ঝিমা;
পরিৰারেস্সন্তিমং নিচ্চং, সঙ্ঘারামস্সিদং ফলং.
‘‘তিংসকপ্পসহস্সানি, দেৰলোকে রমিস্সতি;
সহস্সক্খত্তুং দেৰিন্দো, দেৰরজ্জং করিস্সতি.
‘‘দেৰরাজেন পত্তব্বং, সব্বং পটিলভিস্সতি;
অনূনভোগো হুত্ৰান, দেৰরজ্জং করিস্সতি.
‘‘সহস্সক্খত্তুং চক্কৰত্তী, রাজা রট্ঠে ভৰিস্সতি;
পথব্যা রজ্জং ৰিপুলং, গণনাতো অসঙ্খিযং.
‘‘কপ্পসতসহস্সম্হি ¶ , ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘তস্স ¶ ধম্মেসু দাযাদো, ওরসো ধম্মনিম্মিতো;
উপালি নাম নামেন, হেস্সতি সত্থু সাৰকো.
‘‘ৰিনযে পারমিং পত্ৰা, ঠানাঠানে চ কোৰিদো;
জিনসাসনং ধারেন্তো, ৰিহরিস্সতিনাসৰো.
‘‘সব্বমেতং অভিঞ্ঞায, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, এতদগ্গে ঠপেস্সতি.
‘‘অপরিমেয্যুপাদায, পত্থেমি তৰ সাসনং;
সো মে অত্থো অনুপ্পত্তো, সব্বসংযোজনক্খযো.
‘‘যথা ¶ সূলাৰুতো পোসো, রাজদণ্ডেন তজ্জিতো;
সূলে সাতং অৰিন্দন্তো, পরিমুত্তিংৰ ইচ্ছতি.
‘‘তথেৰাহং ¶ মহাৰীর, ভৰদণ্ডেন তজ্জিতো;
কম্মসূলাৰুতো সন্তো, পিপাসাৰেদনট্টিতো.
‘‘ভৰে সাতং ন ৰিন্দামি, ডয্হন্তো তীহি অগ্গিভি;
পরিমুত্তিং গৰেসামি, যথাপি রাজদণ্ডিতো.
‘‘যথা ¶ ৰিসাদো পুরিসো, ৰিসেন পরিপীল়িতো;
অগদং সো গৰেসেয্য, ৰিসঘাতাযুপালনং [ৰিসঘাতাযুপাযনং (স্যা. ক.)].
‘‘গৰেসমানো পস্সেয্য, অগদং ৰিসঘাতকং;
তং পিৰিত্ৰা সুখী অস্স, ৰিসম্হা পরিমুত্তিযা.
‘‘তথেৰাহং মহাৰীর, যথা ৰিসহতো নরো;
সম্পীল়িতো অৰিজ্জায, সদ্ধম্মাগদমেসহং.
‘‘ধম্মাগদং গৰেসন্তো, অদ্দক্খিং সক্যসাসনং;
অগ্গং সব্বোসধানং তং, সব্বসল্লৰিনোদনং.
‘‘ধম্মোসধং পিৰিত্ৰান, ৰিসং সব্বং সমূহনিং;
অজরামরং সীতিভাৰং, নিব্বানং ফস্সযিং অহং.
‘‘যথা ভূতট্টিতো পোসো, ভূতগ্গাহেন পীল়িতো;
ভূতৰেজ্জং গৰেসেয্য, ভূতস্মা পরিমুত্তিযা.
‘‘গৰেসমানো ¶ পস্সেয্য, ভূতৰিজ্জাসু কোৰিদং;
তস্স সো ৰিহনে ভূতং, সমূলঞ্চ ৰিনাসযে.
‘‘তথেৰাহং ¶ মহাৰীর, তমগ্গাহেন পীল়িতো;
ঞাণালোকং গৰেসামি, তমতো পরিমুত্তিযা.
‘‘অথদ্দসং সক্যমুনিং, কিলেসতমসোধনং;
সো মে তমং ৰিনোদেসি, ভূতৰেজ্জোৰ ভূতকং.
‘‘সংসারসোতং সঞ্ছিন্দিং, তণ্হাসোতং নিৰারযিং;
ভৰং উগ্ঘাটযিং সব্বং, ভূতৰেজ্জোৰ মূলতো.
‘‘গরুল়ো যথা ওপততি, পন্নগং ভক্খমত্তনো;
সমন্তা যোজনসতং, ৰিক্খোভেতি মহাসরং.
‘‘পন্নগং ¶ সো গহেত্ৰান, অধোসীসং ৰিহেঠযং;
আদায সো পক্কমতি, যেনকামং ৰিহঙ্গমো.
‘‘তথেৰাহং মহাৰীর, যথাপি গরুল়ো বলী;
অসঙ্খতং গৰেসন্তো, দোসে ৰিক্খালযিং অহং.
‘‘দিট্ঠো অহং ধম্মৰরং, সন্তিপদমনুত্তরং;
আদায ৰিহরামেতং, গরুল়ো পন্নগং যথা.
‘‘আসাৰতী নাম লতা, জাতা চিত্তলতাৰনে;
তস্সা ৰস্সসহস্সেন, একং নিব্বত্ততে ফলং.
‘‘তং ¶ দেৰা পযিরুপাসন্তি, তাৰদূরফলে সতি;
দেৰানং সা পিযা এৰং, আসাৰতী লতুত্তমা.
‘‘সতসহস্সুপাদায, তাহং পরিচরে মুনি;
সাযং পাতং নমস্সামি, দেৰা আসাৰতিং যথা.
‘‘অৰঞ্ঝা পারিচরিযা, অমোঘা চ নমস্সনা;
দূরাগতম্পি মং সন্তং, খণোযং ন ৰিরাধযি.
‘‘পটিসন্ধিং ন পস্সামি, ৰিচিনন্তো ভৰে অহং;
নিরূপধি ৰিপ্পমুত্তো [ৰিপ্পযুত্তো (ক.)], উপসন্তো চরামহং.
‘‘যথাপি ¶ পদুমং নাম, সূরিযরংসেন পুপ্ফতি;
তথেৰাহং মহাৰীর, বুদ্ধরংসেন পুপ্ফিতো.
‘‘যথা বলাকযোনিম্হি, ন ৰিজ্জতি পুমো [পুমা (সী. স্যা.)] সদা;
মেঘেসু গজ্জমানেসু, গব্ভং গণ্হন্তি তা সদা.
‘‘চিরম্পি গব্ভং ধারেন্তি, যাৰ মেঘো ন গজ্জতি;
ভারতো পরিমুচ্চন্তি, যদা মেঘো পৰস্সতি.
‘‘পদুমুত্তরবুদ্ধস্স ¶ , ধম্মমেঘেন গজ্জতো;
সদ্দেন ধম্মমেঘস্স, ধম্মগব্ভং অগণ্হহং.
সতসহস্সুপাদায, পুঞ্ঞগব্ভং ধরেমহং;
নপ্পমুচ্চামি ভারতো, ধম্মমেঘো ন গজ্জতি.
‘‘যদা তুৰং সক্যমুনি, রম্মে কপিলৰত্থৰে;
গজ্জসি ধম্মমেঘেন, ভারতো পরিমুচ্চহং.
‘‘সুঞ্ঞতং ¶ অনিমিত্তঞ্চ, তথাপ্পণিহিতম্পি চ;
চতুরো চ ফলে সব্বে, ধম্মেৰং ৰিজনযিং [ৰিজটযিং (ক.) বলাকানং ৰিজাযনূপমায সংসন্দেত্ৰা অত্থো ৰেদিতব্বো] অহং.
দুতিযভাণৰারং.
‘‘অপরিমেয্যুপাদায, পত্থেমি তৰ সাসনং;
সো মে অত্থো অনুপ্পত্তো, সন্তিপদমনুত্তরং.
‘‘ৰিনযে ¶ পারমিং পত্তো, যথাপি পাঠিকো ইসি;
ন মে সমসমো অত্থি, ধারেমি সাসনং অহং.
‘‘ৰিনযে খন্ধকে চাপি, তিকচ্ছেদে চ পঞ্চকে [পঞ্চমে (সী.)];
এত্থ মে ৰিমতি নত্থি, অক্খরে ব্যঞ্জনেপি ৰা.
‘‘নিগ্গহে পটিকম্মে চ, ঠানাঠানে চ কোৰিদো;
ওসারণে ৰুট্ঠাপনে, সব্বত্থ পারমিং গতো.
‘‘ৰিনযে খন্ধকে ৰাপি, নিক্খিপিত্ৰা পদং অহং;
উভতো ৰিনিৰেঠেত্ৰা, রসতো ওসরেয্যহং.
‘‘নিরুত্তিযা ¶ ¶ সুকুসলো, অত্থানত্থে চ কোৰিদো;
অনঞ্ঞাতং মযা নত্থি, একগ্গো সত্থু সাসনে.
‘‘রূপদক্খো [রূপরক্খো (?) মিলিন্দপঞ্হো ধম্মনগরাধিকারে পস্সিতব্বং] অহং অজ্জ, সক্যপুত্তস্স সাসনে;
কঙ্খং সব্বং ৰিনোদেমি, ছিন্দামি সব্বসংসযং.
‘‘পদং অনুপদঞ্চাপি, অক্খরঞ্চাপি ব্যঞ্জনং;
নিদানে পরিযোসানে, সব্বত্থ কোৰিদো অহং.
‘‘যথাপি রাজা বলৰা, নিগ্গণ্হিত্ৰা পরন্তপে;
ৰিজিনিত্ৰান সঙ্গামং, নগরং তত্থ মাপযে.
‘‘পাকারং পরিখঞ্চাপি, এসিকং দ্ৰারকোট্ঠকং;
অট্টালকে চ ৰিৰিধে, কারযে নগরে বহূ.
‘‘সিঙ্ঘাটকং চচ্চরঞ্চ, সুৰিভত্তন্তরাপণং;
কারযেয্য সভং তত্থ, অত্থানত্থৰিনিচ্ছযং.
‘‘নিগ্ঘাতত্থং অমিত্তানং, ছিদ্দাছিদ্দঞ্চ জানিতুং;
বলকাযস্স রক্খায, সেনাপচ্চং ঠপেতি [থপেসি (ক.)] সো.
‘‘আরক্খত্থায ¶ ভণ্ডস্স, নিধানকুসলং নরং;
মা মে ভণ্ডং ৰিনস্সীতি, ভণ্ডরক্খং ঠপেতি সো.
‘‘মমত্তো [মামকো (সী.), সমগ্গো (স্যা.)]
হোতি যো রঞ্ঞো, ৰুদ্ধিং যস্স চ ইচ্ছতি.
তস্সাধিকরণং দেতি, মিত্তস্স পটিপজ্জিতুং.
‘‘উপ্পাতেসু নিমিত্তেসু, লক্খণেসু চ কোৰিদং;
অজ্ঝাযকং মন্তধরং, পোরোহিচ্চে ঠপেতি সো.
‘‘এতেহঙ্গেহি ¶ ¶ সম্পন্নো, খত্তিযোতি পৰুচ্চতি;
সদা রক্খন্তি রাজানং, চক্কৰাকোৰ দুক্খিতং.
‘‘তথেৰ ত্ৰং মহাৰীর, হতামিত্তোৰ খত্তিযো;
সদেৰকস্স লোকস্স, ধম্মরাজাতি ৰুচ্চতি.
‘‘তিত্থিযে নিহনিত্ৰান [নীহরিত্ৰান (স্যা. ক.)], মারঞ্চাপি সসেনকং;
তমন্ধকারং ৰিধমিত্ৰা, ধম্মনগরং অমাপযি.
‘‘সীলং ¶ পাকারকং তত্থ, ঞাণং তে দ্ৰারকোট্ঠকং;
সদ্ধা তে এসিকা ৰীর, দ্ৰারপালো চ সংৰরো.
‘‘সতিপট্ঠানমট্টালং, পঞ্ঞা তে চচ্চরং মুনে;
ইদ্ধিপাদঞ্চ সিঙ্ঘাটং, ধম্মৰীথি সুমাপিতা.
‘‘সুত্তন্তং অভিধম্মঞ্চ, ৰিনযঞ্চাপি কেৰলং;
নৰঙ্গং বুদ্ধৰচনং, এসা ধম্মসভা তৰ.
‘‘সুঞ্ঞতং অনিমিত্তঞ্চ, ৰিহারঞ্চপ্পণীহিতং;
আনেঞ্জঞ্চ নিরোধো চ, এসা ধম্মকুটী তৰ.
‘‘পঞ্ঞায অগ্গো নিক্খিত্তো [অগ্গনিক্খিত্তো (সী.)], পটিভানে চ কোৰিদো;
সারিপুত্তোতি নামেন, ধম্মসেনাপতী তৰ.
‘‘চুতূপপাতকুসলো, ইদ্ধিযা পারমিং গতো;
কোলিতো নাম নামেন, পোরোহিচ্চো তৰং মুনে.
‘‘পোরাণকৰংসধরো, উগ্গতেজো দুরাসদো;
ধুতৰাদীগুণেনগ্গো, অক্খদস্সো তৰং মুনে.
‘‘বহুস্সুতো ¶ ধম্মধরো, সব্বপাঠী চ সাসনে;
আনন্দো নাম নামেন, ধম্মারক্খো [ধম্মরক্খো (স্যা.)] তৰং মুনে.
‘‘এতে ¶ সব্বে অতিক্কম্ম, পমেসি ভগৰা মমং;
ৰিনিচ্ছযং মে পাদাসি, ৰিনযে ৰিঞ্ঞুদেসিতং.
‘‘যো কোচি ৰিনযে পঞ্হং, পুচ্ছতি বুদ্ধসাৰকো;
তত্থ মে চিন্তনা নত্থি, তঞ্ঞেৰত্থং কথেমহং.
‘‘যাৰতা বুদ্ধখেত্তম্হি, ঠপেত্ৰা তং মহামুনি;
ৰিনযে মাদিসো নত্থি, কুতো ভিয্যো ভৰিস্সতি.
‘‘ভিক্খুসঙ্ঘে ¶ নিসীদিত্ৰা, এৰং গজ্জতি গোতমো;
উপালিস্স সমো নত্থি, ৰিনযে খন্ধকেসু চ.
‘‘যাৰতা বুদ্ধভণিতং, নৰঙ্গং সত্থুসাসনং;
ৰিনযোগধং তং [ৰিনযোগধিতং (সী. অট্ঠ.), ৰিনযে কথিতং (স্যা.)] সব্বং,
ৰিনযমূলপস্সিনো [ৰিনযং মূলন্তি পস্সতো (সী.)].
‘‘মম ¶ কম্মং সরিত্ৰান, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, এতদগ্গে ঠপেসি মং.
‘‘সতসহস্সুপাদায, ইমং ঠানং অপত্থযিং;
সো মে অত্থো অনুপ্পত্তো, ৰিনযে পারমিং গতো.
‘‘সক্যানং নন্দিজননো, কপ্পকো আসহং পুরে;
ৰিজহিত্ৰান তং জাতিং, পুত্তো জাতো মহেসিনো.
‘‘ইতো দুতিযকে কপ্পে, অঞ্জসো নাম খত্তিযো;
অনন্ততেজো অমিতযসো, ভূমিপালো মহদ্ধনো.
‘‘তস্স ¶ রঞ্ঞো অহং পুত্তো, চন্দনো নাম খত্তিযো;
জাতিমদেনুপত্থদ্ধো, যসভোগমদেন চ.
‘‘নাগসতসহস্সানি, সব্বালঙ্কারভূসিতা;
তিধাপভিন্না মাতঙ্গা, পরিৰারেন্তি মং সদা.
‘‘সবলেহি পরেতোহং, উয্যানং গন্তুকামকো;
আরুয্হ সিরিকং নাগং, নগরা নিক্খমিং তদা.
‘‘চরণেন চ সম্পন্নো, গুত্তদ্ৰারো সুসংৰুতো;
দেৰলো নাম সম্বুদ্ধো, আগচ্ছি পুরতো মম.
‘‘পেসেত্ৰা সিরিকং নাগং, বুদ্ধং আসাদযিং তদা;
ততো সঞ্জাতকোপো সো [জাতকোপোৰ (স্যা.)], নাগো নুদ্ধরতে পদং.
‘‘নাগং ¶ রুণ্ণমনং [রুট্ঠমনং (পী. অট্ঠ.), দুট্ঠমনং (সী. অট্ঠ.), রুদ্ধপদং (?)] দিস্ৰা, বুদ্ধে কোধং অকাসহং;
ৰিহেসযিত্ৰা সম্বুদ্ধং, উয্যানং অগমাসহং.
‘‘সাতং তত্থ ন ৰিন্দামি, সিরো পজ্জলিতো যথা;
পরিল়াহেন ডয্হামি, মচ্ছোৰ বল়িসাদকো.
‘‘সসাগরন্তা ¶ পথৰী, আদিত্তা ৰিয হোতি মে;
পিতু সন্তিকুপাগম্ম, ইদং ৰচনমব্রৰিং.
‘‘আসীৰিসংৰ কুপিতং, অগ্গিক্খন্ধংৰ আগতং;
মত্তংৰ কুঞ্জরং দন্তিং, যং সযম্ভুমসাদযিং.
‘‘আসাদিতো ¶ মযা বুদ্ধো, ঘোরো উগ্গতপো জিনো;
পুরা সব্বে ৰিনস্সাম, খমাপেস্সাম তং মুনিং.
‘‘নো ¶ চে তং নিজ্ঝাপেস্সাম, অত্তদন্তং সমাহিতং;
ওরেন সত্তদিৰসা, রট্ঠং মে ৰিধমিস্সতি.
‘‘সুমেখলো কোসিযো চ, সিগ্গৰো চাপি সত্তকো [সত্তুকো (সী.)];
আসাদযিত্ৰা ইসযো, দুগ্গতা তে সরট্ঠকা.
‘‘যদা কুপ্পন্তি ইসযো, সঞ্ঞতা ব্রহ্মচারিনো;
সদেৰকং ৰিনাসেন্তি, সসাগরং সপব্বতং.
‘‘তিযোজনসহস্সম্হি, পুরিসে সন্নিপাতযিং;
অচ্চযং দেসনত্থায, সযম্ভুং উপসঙ্কমিং.
‘‘অল্লৰত্থা অল্লসিরা, সব্বেৰ পঞ্জলীকতা;
বুদ্ধস্স পাদে নিপতিত্ৰা, ইদং ৰচনমব্রৰুং [মব্রৰিং (ক.)].
‘‘খমস্সু ত্ৰং মহাৰীর, অভিযাচতি তং জনো;
পরিল়াহং ৰিনোদেহি, মা নো রট্ঠং ৰিনাসয.
‘‘সদেৰমানুসা সব্বে, সদানৰা সরক্খসা;
অযোমযেন কুটেন, সিরং ভিন্দেয্যু মে সদা.
‘‘দকে [উদকে (সী. স্যা.)] অগ্গি ন সণ্ঠাতি, বীজং সেলে ন রূহতি;
অগদে কিমি ন সণ্ঠাতি, কোপো বুদ্ধে ন জাযতি.
‘‘যথা চ ভূমি অচলা, অপ্পমেয্যো চ সাগরো;
অনন্তকো চ আকাসো, এৰং বুদ্ধা অখোভিযা.
‘‘সদা ¶ খন্তা মহাৰীরা, খমিতা চ তপস্সিনো;
খন্তানং খমিতানঞ্চ, গমনং তং [ৰো (স্যা.)] ন ৰিজ্জতি.
‘‘ইদং ¶ ৰত্ৰান সম্বুদ্ধো, পরিল়াহং ৰিনোদযং;
মহাজনস্স পুরতো, নভং অব্ভুগ্গমি তদা.
‘‘তেন ¶ কম্মেনহং ৰীর, হীনত্তং অজ্ঝুপাগতো;
সমতিক্কম্ম তং জাতিং, পাৰিসিং অভযং পুরং.
‘‘তদাপি ¶ মং মহাৰীর, ডয্হমানং সুসণ্ঠিতং;
পরিল়াহং ৰিনোদেসি, সযম্ভুঞ্চ খমাপযিং.
‘‘অজ্জাপি মং মহাৰীর, ডয্হমানং তিহগ্গিভি;
নিব্বাপেসি তযো অগ্গী, সীতিভাৰঞ্চ পাপযিং [পাপযী (সী.)].
যেসং সোতাৰধানত্থি, সুণাথ মম ভাসতো;
অত্থং তুম্হং পৰক্খামি, যথা দিট্ঠং পদং মম.
‘‘সযম্ভুং তং ৰিমানেত্ৰা, সন্তচিত্তং সমাহিতং;
তেন কম্মেনহং অজ্জ, জাতোম্হি নীচযোনিযং.
‘‘মা ৰো খণং ৰিরাধেথ, খণাতীতা হি সোচরে;
সদত্থে ৰাযমেয্যাথ, খণো ৰো পটিপাদিতো.
‘‘একচ্চানঞ্চ ৰমনং, একচ্চানং ৰিরেচনং;
ৰিসং হলাহলং একে, একচ্চানঞ্চ ওসধং.
‘‘ৰমনং পটিপন্নানং, ফলট্ঠানং ৰিরেচনং;
ওসধং ফললাভীনং, পুঞ্ঞক্খেত্তং গৰেসিনং.
‘‘সাসনেন ৰিরুদ্ধানং, ৰিসং হলাহলং যথা;
আসীৰিসো দিট্ঠৰিসো [দট্ঠৰিসো (স্যা. অট্ঠ.)], এৰং ঝাপেতি তং নরং.
‘‘সকিং ¶ পীতং হলাহলং, উপরুন্ধতি জীৰিতং;
সাসনেন ৰিরুজ্ঝিত্ৰা, কপ্পকোটিম্হি ডয্হতি.
‘‘খন্তিযা অৰিহিংসায, মেত্তচিত্তৰতায চ;
সদেৰকং সো তারতি, তস্মা তে অৰিরাধিযা [অৰিরোধিযো (সী.), তে অৰিরোধিযা (স্যা.)].
‘‘লাভালাভে ন সজ্জন্তি, সম্মাননৰিমাননে;
পথৰীসদিসা বুদ্ধা, তস্মা তে ন ৰিরাধিযা [তে ন ৰিরোধিযা (সী. স্যা.)].
‘‘দেৰদত্তে ¶ চ ৰধকে, চোরে অঙ্গুলিমালকে;
রাহুলে ধনপালে চ, সব্বেসং সমকো মুনি.
‘‘এতেসং ¶ পটিঘো নত্থি, রাগোমেসং ন ৰিজ্জতি;
সব্বেসং সমকো বুদ্ধো, ৰধকস্সোরসস্স চ.
‘‘পন্থে ¶ দিস্ৰান কাসাৰং, ছড্ডিতং মীল়্হমক্খিতং;
সিরস্মিং অঞ্জলিং কত্ৰা, ৰন্দিতব্বং ইসিদ্ধজং.
‘‘অব্ভতীতা চ যে বুদ্ধা, ৰত্তমানা অনাগতা;
ধজেনানেন সুজ্ঝন্তি, তস্মা এতে নমস্সিযা.
‘‘সত্থুকপ্পং সুৰিনযং, ধারেমি হদযেনহং;
নমস্সমানো ৰিনযং, ৰিহরিস্সামি সব্বদা.
‘‘ৰিনযো আসযো ময্হং, ৰিনযো ঠানচঙ্কমং;
কপ্পেমি ৰিনযে ৰাসং, ৰিনযো মম গোচরো.
‘‘ৰিনযে পারমিপ্পত্তো, সমথে চাপি কোৰিদো;
উপালি তং মহাৰীর, পাদে ৰন্দতি সত্থুনো.
‘‘সো ¶ অহং ৰিচরিস্সামি, গামা গামং পুরা পুরং;
নমস্সমানো সম্বুদ্ধং, ধম্মস্স চ সুধম্মতং.
‘‘কিলেসা ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি, বুদ্ধসেট্ঠস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা উপালি থেরো ইমা গাথাযো অভাসিত্থাতি.
উপালিত্থেরস্সাপদানং ছট্ঠং.
৩-৭. অঞ্ঞাসিকোণ্ডঞ্ঞত্থেরঅপদানং
‘‘পদুমুত্তরসম্বুদ্ধং, লোকজেট্ঠং ৰিনাযকং;
বুদ্ধভূমিমনুপ্পত্তং, পঠমং অদ্দসং অহং.
‘‘যাৰতা ¶ বোধিযা মূলে, যক্খা সব্বে সমাগতা;
সম্বুদ্ধং পরিৰারেত্ৰা, ৰন্দন্তি পঞ্জলীকতা.
‘‘সব্বে ¶ ¶ দেৰা তুট্ঠমনা, আকাসে সঞ্চরন্তি তে;
বুদ্ধো অযং অনুপ্পত্তো, অন্ধকারতমোনুদো.
‘‘তেসং ¶ হাসপরেতানং, মহানাদো অৰত্তথ;
কিলেসে ঝাপযিস্সাম, সম্মাসম্বুদ্ধসাসনে.
‘‘দেৰানং গিরমঞ্ঞায, ৰাচাসভিমুদীরিহং;
হট্ঠো হট্ঠেন চিত্তেন, আদিভিক্খমদাসহং.
‘‘মম সঙ্কপ্পমঞ্ঞায, সত্থা লোকে অনুত্তরো;
দেৰসঙ্ঘে নিসীদিত্ৰা, ইমা গাথা অভাসথ.
‘‘‘সত্তাহং অভিনিক্খম্ম, বোধিং অজ্ঝগমং অহং;
ইদং মে পঠমং ভত্তং, ব্রহ্মচারিস্স যাপনং.
‘‘‘তুসিতা হি ইধাগন্ত্ৰা, যো মে ভিক্খং উপানযি;
তমহং কিত্তযিস্সামি, সুণোথ মম ভাসতো.
‘‘‘তিংসকপ্পসহস্সানি [তিংসমত্তে কপ্পসগস্সে (স্যা. ক.)], দেৰরজ্জং করিস্সতি;
সব্বে দেৰে অভিভোত্ৰা, তিদিৰং আৰসিস্সতি.
‘‘‘দেৰলোকা চৰিত্ৰান, মনুস্সত্তং গমিস্সতি;
সহস্সধা চক্কৰত্তী, তত্থ রজ্জং করিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তিদসা সো চৰিত্ৰান, মনুস্সত্তং গমিস্সতি;
অগারা পব্বজিত্ৰান, ছব্বস্সানি ৰসিস্সতি.
‘‘‘ততো সত্তমকে ৰস্সে, বুদ্ধো সচ্চং কথেস্সতি;
কোণ্ডঞ্ঞো নাম নামেন, পঠমং সচ্ছিকাহিতি’.
‘‘নিক্খন্তেনানুপব্বজিং ¶ , পধানং সুকতং মযা;
কিলেসে ঝাপনত্থায, পব্বজিং অনগারিযং.
‘‘অভিগন্ত্ৰান সব্বঞ্ঞূ, বুদ্ধো লোকে সদেৰকে;
ইসিনামে মিগারঞ্ঞে [ইমিনা মে মহারঞ্ঞং (স্যা.), ইমিনা মে মিগারঞ্ঞং (ক.)], অমতভেরিমাহনি.
‘‘সো ¶ ¶ দানি পত্তো অমতং, সন্তিপদমনুত্তরং;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা অঞ্ঞাসিকোণ্ডঞ্ঞো [অঞ্ঞাতকোণ্ডঞ্ঞো (সী.), অঞ্ঞা কোণ্ডঞ্ঞো (স্যা.)] থেরো ইমা
গাথাযো অভাসিত্থাতি.
অঞ্ঞাসিকোণ্ডঞ্ঞত্থেরস্সাপদানং সত্তমং.
৩-৮. পিণ্ডোলভারদ্ৰাজত্থেরঅপদানং
‘‘পদুমুত্তরো নাম জিনো, সযম্ভূ অগ্গপুগ্গলো;
পুরতো হিমৰন্তস্স, চিত্তকূটে ৰসী তদা.
‘‘অভীতরূপো তত্থাসিং, মিগরাজা চতুক্কমো;
তস্স সদ্দং সুণিত্ৰান, ৰিক্খম্ভন্তি বহুজ্জনা.
‘‘সুফুল্লং পদুমং গয্হ, উপগচ্ছিং নরাসভং;
ৰুট্ঠিতস্স সমাধিম্হা, বুদ্ধস্স অভিরোপযিং.
‘‘চাতুদ্দিসং ¶ নমস্সিত্ৰা, বুদ্ধসেট্ঠং নরুত্তমং;
সকং চিত্তং পসাদেত্ৰা, সীহনাদং নদিং অহং [তদা (স্যা.)].
‘‘পদুমুত্তরো লোকৰিদূ, আহুতীনং পটিগ্গহো;
সকাসনে নিসীদিত্ৰা, ইমা গাথা অভাসথ.
‘‘‘বুদ্ধস্স গিরমঞ্ঞায, সব্বে দেৰা সমাগতা;
আগতো ৰদতং সেট্ঠো, ধম্মং সোস্সাম তং মযং.
‘‘‘তেসং হাসপরেতানং, পুরতো লোকনাযকো;
মম সদ্দং [কম্মং (?)] পকিত্তেসি, দীঘদস্সী মহামুনি’.
‘‘যেনিদং পদুমং দিন্নং, সীহনাদো চ নাদিতো;
তমহং কিত্তযিস্সামি, সুণাথ মম ভাসতো.
‘‘‘ইতো ¶ অট্ঠমকে কপ্পে, চক্কৰত্তী ভৰিস্সতি;
সত্তরতনসম্পন্নো চতুদীপম্হি ইস্সরো.
‘‘‘কারযিস্সতি ইস্সরিযং [ইস্সরং (স্যা. ক.)], মহিযা চতুসট্ঠিযা;
পদুমো নাম নামেন, চক্কৰত্তী মহব্বলো.
‘‘কপ্পসতসহস্সম্হি ¶ ¶ , ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘পকাসিতে পাৰচনে, ব্রহ্মবন্ধু ভৰিস্সতি;
ব্রহ্মঞ্ঞা অভিনিক্খম্ম, পব্বজিস্সতি তাৰদে’.
‘‘পধানপহিতত্তো সো, উপসন্তো নিরূপধি;
সব্বাসৰে পরিঞ্ঞায, নিব্বাযিস্সতিনাসৰো.
‘‘ৰিজনে ¶ পন্তসেয্যম্হি, ৰাল়মিগসমাকুলে;
সব্বাসৰে পরিঞ্ঞায, নিব্বাযিস্সতিনাসৰো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পিণ্ডোলভারদ্ৰাজো থেরো ইমা গাথাযো অভাসিত্থাতি.
পিণ্ডোলভারদ্ৰাজত্থেরস্সাপদানং অট্ঠমং.
৩-৯. খদিরৰনিযরেৰতত্থেরঅপদানং
‘‘গঙ্গা ভাগীরথী নাম, হিমৰন্তা পভাৰিতা;
কুতিত্থে নাৰিকো আসিং, ওরিমে চ তরিং [ওরিমং চ তরে (স্যা.)] অহং.
‘‘পদুমুত্তরো নাযকো, সম্বুদ্ধো দ্ৰিপদুত্তমো;
ৰসী সতসহস্সেহি, গঙ্গাতীরমুপাগতো [পুব্বে ময্হং সুতং আসি,§‘‘পদুমুত্তরনাযকো; ৰসীসতসহস্সেহি, গঙ্গাসোতং তরিস্সতি‘‘; (সী.)].
‘‘বহূ নাৰা সমানেত্ৰা, ৰড্ঢকীহি [চম্মকেহি (ক.)] সুসঙ্খতং;
নাৰায [নাৰানং (ক.)] ছদনং কত্ৰা, পটিমানিং নরাসভং.
‘‘আগন্ত্ৰান ¶ চ সম্বুদ্ধো, আরূহি তঞ্চ নাৰকং;
ৰারিমজ্ঝে ঠিতো সত্থা, ইমা গাথা অভাসথ.
‘‘‘যো সো তারেসি সম্বুদ্ধং, সঙ্ঘঞ্চাপি অনাসৰং;
তেন চিত্তপ্পসাদেন, দেৰলোকে রমিস্সতি.
‘‘‘নিব্বত্তিস্সতি তে ব্যম্হং, সুকতং নাৰসণ্ঠিতং;
আকাসে পুপ্ফছদনং, ধারযিস্সতি সব্বদা.
‘‘‘অট্ঠপঞ্ঞাসকপ্পম্হি ¶ , তারকো [তারণো (স্যা.)] নাম খত্তিযো;
চাতুরন্তো ৰিজিতাৰী, চক্কৰত্তী ভৰিস্সতি.
‘‘‘সত্তপঞ্ঞাসকপ্পম্হি ¶ ¶ , চম্মকো [চম্পকো (সী.), চম্বকো (স্যা.)] নাম খত্তিযো;
উগ্গচ্ছন্তোৰ সূরিযো, জোতিস্সতি মহব্বলো.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তিদসা সো চৰিত্ৰান, মনুস্সত্তং গমিস্সতি;
রেৰতো নাম নামেন, ব্রহ্মবন্ধু ভৰিস্সতি.
‘‘‘অগারা নিক্খমিত্ৰান, সুক্কমূলেন চোদিতো;
গোতমস্স ভগৰতো, সাসনে পব্বজিস্সতি.
‘‘‘সো পচ্ছা পব্বজিত্ৰান, যুত্তযোগো ৰিপস্সকো;
সব্বাসৰে পরিঞ্ঞায, নিব্বাযিস্সতিনাসৰো’.
‘‘ৰীরিযং [ৰিরিযং (সী. স্যা.)] মে ধুরধোরয্হং, যোগক্খেমাধিৰাহনং;
ধারেমি অন্তিমং দেহং, সম্মাসম্বুদ্ধসাসনে.
‘‘সতসহস্সে কতং কম্মং, ফলং দস্সেসি মে ইধ;
সুমুত্তো সরৰেগোৰ, কিলেসে ঝাপযী মম.
‘‘ততো মং ৰননিরতং, দিস্ৰা লোকন্তগূ মুনি;
ৰনৰাসিভিক্খূনগ্গং, পঞ্ঞপেসি মহামতি.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা খদিরৰনিযো রেৰতো থেরো ইমা গাথাযো অভাসিত্থাতি.
খদিরৰনিযরেৰতত্থেরস্সাপদানং নৰমং.
৩-১০. আনন্দত্থেরঅপদানং
‘‘আরামদ্ৰারা ¶ নিক্খম্ম, পদুমুত্তরো মহামুনি;
ৰস্সেন্তো অমতং ৰুট্ঠিং, নিব্বাপেসি মহাজনং.
‘‘সতসহস্সং তে ধীরা, ছল়ভিঞ্ঞা মহিদ্ধিকা;
পরিৰারেন্তি সম্বুদ্ধং, ছাযাৰ অনপাযিনী [অনুপাযিনী (স্যা. ক.)].
‘‘হত্থিক্খন্ধগতো আসিং, সেতচ্ছত্তং ৰরুত্তমং;
সুচারুরূপং দিস্ৰান, ৰিত্তি মে উদপজ্জথ.
‘‘ওরুয্হ ¶ হত্থিখন্ধম্হা, উপগচ্ছিং নরাসভং;
রতনামযছত্তং মে, বুদ্ধসেট্ঠস্স ধারযিং.
‘‘মম ¶ সঙ্কপ্পমঞ্ঞায, পদুমুত্তরো মহাইসি;
তং কথং ঠপযিত্ৰান, ইমা গাথা অভাসথ.
‘‘‘যো সো ছত্তমধারেসি, সোণ্ণালঙ্কারভূসিতং;
তমহং কিত্তযিস্সামি, সুণোথ মম ভাসতো.
‘‘‘ইতো গন্ত্ৰা অযং পোসো, তুসিতং আৰসিস্সতি;
অনুভোস্সতি সম্পত্তিং, অচ্ছরাহি পুরক্খতো.
‘‘‘চতুত্তিংসতিক্খত্তুঞ্চ, দেৰরজ্জং করিস্সতি;
বলাধিপো অট্ঠসতং, ৰসুধং আৰসিস্সতি.
‘‘‘অট্ঠপঞ্ঞাসক্খত্তুঞ্চ, চক্কৰত্তী ভৰিস্সতি;
পদেসরজ্জং ৰিপুলং, মহিযা কারযিস্সতি.
‘‘‘কপ্পসতসহস্সম্হি ¶ , ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘সক্যানং ¶ কুলকেতুস্স, ঞাতিবন্ধু ভৰিস্সতি;
আনন্দো নাম নামেন, উপট্ঠাকো মহেসিনো.
‘‘‘আতাপী নিপকো চাপি, বাহুসচ্চে সুকোৰিদো;
নিৰাতৰুত্তি অত্থদ্ধো, সব্বপাঠী ভৰিস্সতি.
‘‘‘পধানপহিতত্তো সো, উপসন্তো নিরূপধি;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘সন্তি আরঞ্ঞকা নাগা, কুঞ্জরা সট্ঠিহাযনা;
তিধাপভিন্না মাতঙ্গা, ঈসাদন্তা উরূল়্হৰা.
‘‘‘অনেকসতসহস্সা, পণ্ডিতাপি মহিদ্ধিকা;
সব্বে তে বুদ্ধনাগস্স, ন হোন্তু পণিধিম্হি তে’ [ন হোন্তি পরিৰিম্ভিতা (স্যা.), ন হোন্তি পণিধিম্হি তে (ক.)].
‘‘আদিযামে নমস্সামি, মজ্ঝিমে অথ পচ্ছিমে;
পসন্নচিত্তো সুমনো, বুদ্ধসেট্ঠং উপট্ঠহিং.
‘‘আতাপী নিপকো চাপি, সম্পজানো পতিস্সতো;
সোতাপত্তিফলং পত্তো, সেখভূমীসু কোৰিদো.
‘‘সতসহস্সিতো ¶ কপ্পে, যং কম্মমভিনীহরিং;
তাহং ভূমিমনুপ্পত্তো, ঠিতা সদ্ধম্মমাচলা [ঠিতো সদ্ধম্মমাচলো (সী.), ঠিতা সদ্ধা মহপ্ফলা (স্যা.)].
‘‘স্ৰাগতং ¶ ৰত মে আসি, বুদ্ধসেট্ঠস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা আনন্দো থেরো ইমা গাথাযো অভাসিত্থাতি.
আনন্দত্থেরস্সাপদানং দসমং.
তস্সুদ্দানং –
বুদ্ধো ¶ পচ্চেকবুদ্ধো চ, সারিপুত্তো চ কোলিতো;
কস্সপো অনুরুদ্ধো চ, পুণ্ণত্থেরো উপালি চ.
অঞ্ঞাসিকোণ্ডঞ্ঞো পিণ্ডোলো, রেৰতানন্দপণ্ডিতো;
ছসতানি চ পঞ্ঞাস, গাথাযো সব্বপিণ্ডিতা.
অপদানে বুদ্ধৰগ্গো পঠমো.
২. সীহাসনিযৰগ্গো
১. সীহাসনদাযকত্থেরঅপদানং
‘‘নিব্বুতে ¶ ¶ ¶ লোকনাথম্হি, সিদ্ধত্থে দ্ৰিপদুত্তমে [দিপদুত্তমে (সী. স্যা.)];
ৰিত্থারিকে পাৰচনে, বাহুজঞ্ঞম্হি সাসনে.
‘‘পসন্নচিত্তো সুমনো, সীহাসনমকাসহং;
সীহাসনং করিত্ৰান, পাদপীঠমকাসহং.
‘‘সীহাসনে চ ৰস্সন্তে, ঘরং তত্থ অকাসহং;
তেন চিত্তপ্পসাদেন, তুসিতং উপপজ্জহং.
‘‘আযামেন ¶ চতুব্বীস, যোজনং আসি [যোজনাসিংসু (স্যা. ক.)] তাৰদে;
ৰিমানং সুকতং ময্হং, ৰিত্থারেন চতুদ্দস.
‘‘সতং [সত্ত (স্যা.)] কঞ্ঞাসহস্সানি, পরিৰারেন্তি মং সদা;
সোণ্ণমযঞ্চ পল্লঙ্কং, ব্যম্হে আসি সুনিম্মিতং.
‘‘হত্থিযানং অস্সযানং, দিব্বযানং উপট্ঠিতং;
পাসাদা সিৰিকা চেৰ, নিব্বত্তন্তি যদিচ্ছকং.
‘‘মণিমযা চ পল্লঙ্কা, অঞ্ঞে সারমযা বহূ;
নিব্বত্তন্তি মমং সব্বে, সীহাসনস্সিদং ফলং.
‘‘সোণ্ণমযা রূপিমযা, ফলিকাৰেল়ুরিযামযা;
পাদুকা অভিরূহামি, পাদপীঠস্সিদং ফলং.
‘‘চতুন্নৰুতিতো [চতুনৰুতে ইতো (সী. স্যা.)] কপ্পে, যং কম্মমকরিং তদা;
দুগ্গতিং নাভিজানামি, পুঞ্ঞকম্মস্সিদং ফলং.
‘‘তেসত্ততিম্হিতো কপ্পে, ইন্দনামা তযো জনা;
দ্ৰেসত্ততিম্হিতো কপ্পে, তযো সুমননামকা.
‘‘সমসত্ততিতো কপ্পে, তযো ৰরুণনামকা;
সত্তরতনসম্পন্না, চতুদীপম্হি ইস্সরা.
‘‘পটিসম্ভিদা ¶ ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সীহাসনদাযকো থেরো ইমা গাথাযো অভাসিত্থাতি.
সীহাসনদাযকত্থেরস্সাপদানং পঠমং.
২. একত্থম্ভিকত্থেরঅপদানং
‘‘সিদ্ধত্থস্স ¶ ¶ ভগৰতো, মহাপূগগণো অহু;
সরণং গতা চ তে বুদ্ধং, সদ্দহন্তি তথাগতং.
‘‘সব্বে সঙ্গম্ম মন্তেত্ৰা, মাল়ং কুব্বন্তি সত্থুনো;
একত্থম্ভং অলভন্তা, ৰিচিনন্তি ব্রহাৰনে.
‘‘তেহং অরঞ্ঞে দিস্ৰান, উপগম্ম গণং তদা;
অঞ্জলিং পগ্গহেত্ৰান, পরিপুচ্ছিং গণং অহং.
‘‘তে মে পুট্ঠা ৰিযাকংসু, সীলৰন্তো উপাসকা;
মাল়ং মযং কত্তুকামা, একত্থম্ভো ন লব্ভতি.
‘‘একত্থম্ভং মমং দেথ, অহং দস্সামি সত্থুনো;
আহরিস্সামহং থম্ভং, অপ্পোস্সুক্কা ভৰন্তু তে [ভৰন্তু ৰো (সী.), ভৰাথ ৰো (?)].
‘‘তে মে থম্ভং পৰেচ্ছিংসু, পসন্না তুট্ঠমানসা;
ততো পটিনিৰত্তিত্ৰা, অগমংসু সকং ঘরং.
‘‘অচিরং গতে পূগগণে, থম্ভং অহাসহং তদা;
হট্ঠো হট্ঠেন চিত্তেন, পঠমং উস্সপেসহং.
‘‘তেন চিত্তপ্পসাদেন, ৰিমানং উপপজ্জহং;
উব্বিদ্ধং ভৰনং ময্হং, সত্তভূমং [সতভূমং (সী. ক.)] সমুগ্গতং.
‘‘ৰজ্জমানাসু ভেরীসু, পরিচারেমহং সদা;
পঞ্চপঞ্ঞাসকপ্পম্হি, রাজা আসিং যসোধরো.
‘‘তত্থাপি ¶ ¶ ভৰনং ময্হং, সত্তভূমং সমুগ্গতং;
কূটাগারৰরূপেতং, একত্থম্ভং মনোরমং.
‘‘একৰীসতিকপ্পম্হি, উদেনো নাম খত্তিযো;
তত্রাপি ভৰনং ময্হং, সত্তভূমং সমুগ্গতং.
‘‘যং ¶ যং যোনুপপজ্জামি, দেৰত্তং অথ মানুসং;
অনুভোমি সুখং সব্বং [সব্বমেতং (স্যা.)], একত্থম্ভস্সিদং ফলং.
‘‘চতুন্নৰুতিতো ¶ কপ্পে, যং থম্ভমদদং তদা;
দুগ্গতিং নাভিজানামি, একত্থম্ভস্সিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা একত্থম্ভিকো থেরো ইমা গাথাযো অভাসিত্থাতি.
একত্থম্ভিকত্থেরস্সাপদানং দুতিযং.
৩. নন্দত্থেরঅপদানং
‘‘পদুমুত্তরস্স ভগৰতো, লোকজেট্ঠস্স তাদিনো;
ৰত্থং খোমং মযা দিন্নং, সযম্ভুস্স মহেসিনো.
‘‘তং মে বুদ্ধো ৰিযাকাসি, জলজুত্তরনামকো;
‘ইমিনা ৰত্থদানেন, হেমৰণ্ণো ভৰিস্সসি.
‘‘‘দ্ৰে ¶ সম্পত্তী অনুভোত্ৰা, কুসলমূলেহি চোদিতো;
গোতমস্স ভগৰতো, কনিট্ঠো ত্ৰং ভৰিস্সসি.
‘‘‘রাগরত্তো সুখসীলো, কামেসু গেধমাযুতো;
বুদ্ধেন চোদিতো সন্তো, তদা [ততো (স্যা.)] ত্ৰং পব্বজিস্সসি.
‘‘‘পব্বজিত্ৰান ত্ৰং তত্থ, কুসলমূলেন চোদিতো;
সব্বাসৰে পরিঞ্ঞায, নিব্বাযিস্সসিনাসৰো’.
‘‘সত্ত ¶ [সত (স্যা.)] কপ্পসহস্সম্হি, চতুরো চেল়নামকা;
সট্ঠি কপ্পসহস্সম্হি, উপচেলা চতুজ্জনা.
‘‘পঞ্চ কপ্পসহস্সম্হি, চেল়াৰ চতুরো জনা;
সত্তরতনসম্পন্না, চতুদীপম্হি ইস্সরা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা নন্দো থেরো ইমা গাথাযো অভাসিত্থাতি.
নন্দত্থেরস্সাপদানং ততিযং.
৪. চূল়পন্থকত্থেরঅপদানং
‘‘পদুমুত্তরো ¶ ¶ নাম জিনো, আহুতীনং পটিগ্গহো;
গণম্হা ৰূপকট্ঠো সো, হিমৰন্তে ৰসী তদা.
‘‘অহম্পি ¶ হিমৰন্তম্হি, ৰসামি অস্সমে তদা;
অচিরাগতং মহাৰীরং, উপেসিং লোকনাযকং.
‘‘পুপ্ফচ্ছত্তং গহেত্ৰান, উপগচ্ছিং নরাসভং;
সমাধিং সমাপজ্জন্তং, অন্তরাযমকাসহং.
‘‘উভো হত্থেহি পগ্গয্হ, পুপ্ফচ্ছত্তং অদাসহং;
পটিগ্গহেসি ভগৰা, পদুমুত্তরো মহামুনি.
‘‘সব্বে দেৰা অত্তমনা, হিমৰন্তং উপেন্তি তে;
সাধুকারং পৰত্তেসুং, অনুমোদিস্সতি চক্খুমা.
‘‘ইদং ৰত্ৰান তে দেৰা, উপগচ্ছুং নরুত্তমং;
আকাসে ধারযন্তস্স [ধারযন্তং মে (ক), ধারযতো মে (?)], পদুমচ্ছত্তমুত্তমং.
‘‘সতপত্তছত্তং পগ্গয্হ, অদাসি তাপসো মম;
‘তমহং কিত্তযিস্সামি, সুণাথ মম ভাসতো.
‘‘‘পঞ্চৰীসতিকপ্পানি, দেৰরজ্জং করিস্সতি;
চতুত্তিংসতিক্খত্তুঞ্চ, চক্কৰত্তী ভৰিস্সতি.
‘‘‘যং ¶ যং যোনিং সংসরতি, দেৰত্তং অথ মানুসং;
অব্ভোকাসে পতিট্ঠন্তং, পদুমং ধারযিস্সতি’.
‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন [নামেন (সী. ক.)], সত্থা লোকে ভৰিস্সতি.
‘‘‘পকাসিতে পাৰচনে, মনুস্সত্তং লভিস্সতি;
মনোমযম্হি কাযম্হি, উত্তমো সো ভৰিস্সতি.
‘‘‘দ্ৰে ¶ ভাতরো ভৰিস্সন্তি, উভোপি পন্থকৰ্হযা;
অনুভোত্ৰা উত্তমত্থং, জোতযিস্সন্তি সাসনং’.
‘‘সোহং ¶ অট্ঠারসৰস্সো [সো অট্ঠারসৰস্সোহং (স্যা.)], পব্বজিং অনগারিযং;
ৰিসেসাহং ন ৰিন্দামি, সক্যপুত্তস্স সাসনে.
‘‘দন্ধা ময্হং গতী আসি, পরিভূতো পুরে অহুং [অহং (স্যা.)];
ভাতা চ মং পণামেসি, গচ্ছ দানি সকং ঘরং.
‘‘সোহং পণামিতো সন্তো, সঙ্ঘারামস্স কোট্ঠকে;
দুম্মনো তত্থ অট্ঠাসিং, সামঞ্ঞস্মিং অপেক্খৰা.
‘‘ভগৰা ¶ তত্থ [অথেত্থ সত্থা (সী. স্যা.)] আগচ্ছি, সীসং ময্হং পরামসি;
বাহায মং গহেত্ৰান, সঙ্ঘারামং পৰেসযি.
‘‘অনুকম্পায মে সত্থা, অদাসি পাদপুঞ্ছনিং;
এৰং সুদ্ধং অধিট্ঠেহি, একমন্তমধিট্ঠহং.
‘‘হত্থেহি তমহং গয্হ, সরিং কোকনদং অহং;
তত্থ চিত্তং ৰিমুচ্চি মে, অরহত্তং অপাপুণিং.
‘‘মনোমযেসু কাযেসু, সব্বত্থ পারমিং গতো;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা চূল়পন্থকো [চুল্লপন্থকো (সী. স্যা.)] থেরো ইমা গাথাযো অভাসিত্থাতি.
চূল়পন্থকত্থেরস্সাপদানং চতুত্থং.
৫. পিলিন্দৰচ্ছত্থেরঅপদানং
‘‘নিব্বুতে ¶ ¶ লোকনাথম্হি, সুমেধে অগ্গপুগ্গলে;
পসন্নচিত্তো সুমনো, থূপপূজং অকাসহং.
‘‘যে চ খীণাসৰা তত্থ, ছল়ভিঞ্ঞা মহিদ্ধিকা;
তেহং তত্থ সমানেত্ৰা, সঙ্ঘভত্তং অকাসহং.
‘‘সুমেধস্স ভগৰতো, উপট্ঠাকো তদা অহু;
সুমেধো নাম নামেন, অনুমোদিত্থ সো তদা.
‘‘তেন চিত্তপ্পসাদেন, ৰিমানং উপপজ্জহং;
ছল়াসীতিসহস্সানি, অচ্ছরাযো রমিংসু মে.
‘‘মমেৰ ¶ অনুৰত্তন্তি, সব্বকামেহি তা সদা;
অঞ্ঞে দেৰে অভিভোমি, পুঞ্ঞকম্মস্সিদং ফলং.
‘‘পঞ্চৰীসতিকপ্পম্হি, ৰরুণো নাম খত্তিযো;
ৰিসুদ্ধভোজনো [সুসুদ্ধভোজনো (সী.)] আসিং, চক্কৰত্তী অহং তদা.
‘‘ন তে বীজং পৰপন্তি, নপি নীযন্তি নঙ্গলা;
অকট্ঠপাকিমং সালিং, পরিভুঞ্জন্তি মানুসা.
‘‘তত্থ ¶ রজ্জং করিত্ৰান, দেৰত্তং পুন গচ্ছহং;
তদাপি এদিসা ময্হং, নিব্বত্তা ভোগসম্পদা.
‘‘ন মং মিত্তা অমিত্তা ৰা, হিংসন্তি সব্বপাণিনো;
সব্বেসম্পি পিযো হোমি, পুঞ্ঞকম্মস্সিদং ফলং.
‘‘তিংসকপ্পসহস্সম্হি ¶ , যং দানমদদিং তদা;
দুগ্গতিং নাভিজানামি, গন্ধালেপস্সিদং ফলং.
‘‘ইমস্মিং ভদ্দকে কপ্পে, একো আসিং জনাধিপো;
মহানুভাৰো রাজাহং [রাজীসি (স্যা. ক.)], চক্কৰত্তী মহব্বলো.
‘‘সোহং পঞ্চসু সীলেসু, ঠপেত্ৰা জনতং বহুং;
পাপেত্ৰা সুগতিংযেৰ, দেৰতানং পিযো অহুং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পিলিন্দৰচ্ছো [পিলিন্দিৰচ্ছো (সী.)] থেরো ইমা গাথাযো অভাসিত্থাতি.
পিলিন্দৰচ্ছত্থেরস্সাপদানং পঞ্চমং.
৬. রাহুলত্থেরঅপদানং
‘‘পদুমুত্তরস্স ভগৰতো, লোকজেট্ঠস্স তাদিনো;
সত্তভূমম্হি পাসাদে, আদাসং সন্থরিং অহং.
‘‘খীণাসৰসহস্সেহি, পরিকিণ্ণো মহামুনি;
উপাগমি গন্ধকুটিং, দ্ৰিপদিন্দো [দিপদিন্দো (সী. স্যা.)] নরাসভো.
‘‘ৰিরোচেন্তো [ৰিরোচযং (স্যা.)] গন্ধকুটিং, দেৰদেৰো নরাসভো;
ভিক্খুসঙ্ঘে ঠিতো সত্থা, ইমা গাথা অভাসথ.
‘‘‘যেনাযং ¶ ¶ জোতিতা সেয্যা, আদাসোৰ সুসন্থতো;
তমহং কিত্তযিস্সামি, সুণাথ মম ভাসতো.
‘‘‘সোণ্ণমযা রূপিমযা, অথো ৰেল়ুরিযামযা;
নিব্বত্তিস্সন্তি পাসাদা, যে কেচি মনসো পিযা.
‘‘‘চতুসট্ঠিক্খত্তুং ¶ দেৰিন্দো, দেৰরজ্জং করিস্সতি;
সহস্সক্খত্তুং চক্কৰত্তী, ভৰিস্সতি অনন্তরা.
‘‘‘একৰীসতিকপ্পম্হি, ৰিমলো নাম খত্তিযো;
চাতুরন্তো ৰিজিতাৰী, চক্কৰত্তী ভৰিস্সতি.
‘‘‘নগরং রেণুৰতী নাম, ইট্ঠকাহি সুমাপিতং;
আযামতো তীণি সতং, চতুরস্সসমাযুতং.
‘‘‘সুদস্সনো নাম পাসাদো, ৰিস্সকম্মেন মাপিতো [ৰিসুকম্মেন§মাপিতো (ক.), ৰিস্সকম্মেন নিম্মিতো (সী.)];
কূটাগারৰরূপেতো, সত্তরতনভূসিতো.
‘‘‘দসসদ্দাৰিৰিত্তং ¶ তং [অৰিৰিত্তং (সী.)], ৰিজ্জাধরসমাকুলং;
সুদস্সনংৰ নগরং, দেৰতানং ভৰিস্সতি.
‘‘‘পভা নিগ্গচ্ছতে তস্স, উগ্গচ্ছন্তেৰ সূরিযে;
ৰিরোচেস্সতি তং নিচ্চং, সমন্তা অট্ঠযোজনং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তুসিতা সো চৰিত্ৰান, সুক্কমূলেন চোদিতো;
গোতমস্স ভগৰতো, অত্রজো সো ভৰিস্সতি.
‘‘‘সচে ¶ ৰসেয্য [সচা’ৰসেয্য (?)] অগারং, চক্কৰত্তী ভৰেয্য সো;
অট্ঠানমেতং যং তাদী, অগারে রতিমজ্ঝগা.
‘‘‘নিক্খমিত্ৰা অগারম্হা, পব্বজিস্সতি সুব্বতো;
রাহুলো নাম নামেন, অরহা সো ভৰিস্সতি’.
‘‘কিকীৰ অণ্ডং রক্খেয্য, চামরী ৰিয ৰালধিং;
নিপকো সীলসম্পন্নো, মমং রক্খি মহামুনি [এৰং রক্খিং মহামুনি (সী. ক.), মমং দক্খি মহামুনি (স্যা.)].
‘‘তস্সাহং ধম্মমঞ্ঞায, ৰিহাসিং সাসনে রতো;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা রাহুলো থেরো ইমা গাথাযো অভাসিত্থাতি.
রাহুলত্থেরস্সাপদানং ছট্ঠং.
৭. উপসেনৰঙ্গন্তপুত্তত্থেরঅপদানং
‘‘পদুমুত্তরং ¶ ভগৰন্তং, লোকজেট্ঠং নরাসভং;
পব্ভারম্হি নিসীদন্তং, উপগচ্ছিং নরুত্তমং.
‘‘কণিকারপুপ্ফং ¶ [কণিকারং পুপ্ফিতং (সী. স্যা.)] দিস্ৰা, ৰণ্টে ছেত্ৰানহং তদা;
অলঙ্করিত্ৰা ছত্তম্হি, বুদ্ধস্স অভিরোপযিং.
‘‘পিণ্ডপাতঞ্চ ¶ পাদাসিং, পরমন্নং সুভোজনং;
বুদ্ধেন নৰমে তত্থ, সমণে অট্ঠ ভোজযিং.
‘‘অনুমোদি মহাৰীরো, সযম্ভূ অগ্গপুগ্গলো;
ইমিনা ছত্তদানেন, পরমন্নপৰেচ্ছনা.
‘‘তেন চিত্তপ্পসাদেন, সম্পত্তিমনুভোস্সসি;
ছত্তিংসক্খত্তুং দেৰিন্দো, দেৰরজ্জং করিস্সতি.
‘‘একৰীসতিক্খত্তুঞ্চ, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘সতসহস্সিতো কপ্পে, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি [যং ৰদন্তি সুমেধোতি, ভূরিপঞ্ঞং সুমেধসং; কপ্পেতো সতসহস্সে, এস বুদ্ধো ভৰিস্সতি; (ক.)].
‘‘সাসনে দিব্বমানম্হি, মনুস্সত্তং গমিস্সতি;
তস্স ধম্মেসু দাযাদো, ওরসো ধম্মনিম্মিতো.
‘‘উপসেনোতি নামেন, হেস্সতি সত্থু সাৰকো;
[ইদং পাদদ্ৰযং থেরগাথাঅট্ঠকথাযমেৰ দিস্সতি] সমন্তপাসাদিকত্তা, অগ্গট্ঠানে ঠপেস্সতি
[ইদং পাদদ্ৰযং থেরগাথাঅট্ঠকথাযমেৰ দিস্সতি].
‘‘চরিমং ৰত্ততে ময্হং, ভৰা সব্বে সমূহতা;
ধারেমি অন্তিমং দেহং, জেত্ৰা মারং সৰাহনং [সৰাহিনিং (?)].
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা উপসেনো ৰঙ্গন্তপুত্তো থেরো ইমা গাথাযো অভাসিত্থাতি.
উপসেনৰঙ্গন্তপুত্তত্থেরস্সাপদানং সত্তমং.
ততিযভাণৰারং.
৮. রট্ঠপালত্থেরঅপদানং
‘‘পদুমুত্তরস্স ¶ ¶ ¶ ভগৰতো, লোকজেট্ঠস্স তাদিনো;
ৰরনাগো মযা দিন্নো, ঈসাদন্তো উরূল়্হৰা.
‘‘সেতচ্ছত্তো পসোভিতো, সকপ্পনো সহত্থিপো;
অগ্ঘাপেত্ৰান তং সব্বং, সঙ্ঘারামং অকারযিং.
‘‘চতুপঞ্ঞাসসহস্সানি, পাসাদে কারযিং অহং;
মহোঘদানং [মহাভত্তং (সী.), মহোঘঞ্চ (ক.), মহাদানং (?)] করিত্ৰান, নিয্যাদেসিং মহেসিনো.
‘‘অনুমোদি মহাৰীরো, সযম্ভূ অগ্গপুগ্গলো;
সব্বে জনে হাসযন্তো, দেসেসি অমতং পদং.
‘‘তং মে বুদ্ধো ৰিযাকাসি, জলজুত্তরনামকো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘চতুপঞ্ঞাসসহস্সানি, পাসাদে কারযী অযং;
কথযিস্সামি ৰিপাকং, সুণোথ মম ভাসতো.
‘‘‘অট্ঠারসসহস্সানি, কূটাগারা ভৰিস্সরে;
ব্যম্হুত্তমম্হি নিব্বত্তা, সব্বসোণ্ণমযা চ তে.
‘‘‘পঞ্ঞাসক্খত্তুং দেৰিন্দো, দেৰরজ্জং করিস্সতি;
অট্ঠপঞ্ঞাসক্খত্তুঞ্চ, চক্কৰত্তী ভৰিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘দেৰলোকা ¶ চৰিত্ৰান, সুক্কমূলেন চোদিতো;
অড্ঢে কুলে মহাভোগে, নিব্বত্তিস্সতি তাৰদে.
‘‘‘সো পচ্ছা পব্বজিত্ৰান, সুক্কমূলেন চোদিতো;
রট্ঠপালোতি নামেন, হেস্সতি সত্থু সাৰকো.
‘‘‘পধানপহিতত্তো ¶ সো, উপসন্তো নিরূপধি;
সব্বাসৰে পরিঞ্ঞায, নিব্বাযিস্সতিনাসৰো’.
‘‘উট্ঠায অভিনিক্খম্ম, জহিতা ভোগসম্পদা;
খেল়পিণ্ডেৰ ভোগম্হি, পেমং ময্হং ন ৰিজ্জতি.
‘‘ৰীরিযং ¶ ¶ মে ধুরধোরয্হং, যোগক্খেমাধিৰাহনং;
ধারেমি অন্তিমং দেহং, সম্মাসম্বুদ্ধসাসনে.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা রট্ঠপালো থেরো ইমা গাথাযো অভাসিত্থাতি.
রট্ঠপালত্থেরস্সাপদানং অট্ঠমং.
৯. সোপাকত্থেরঅপদানং
‘‘পব্ভারং সোধযন্তস্স [সেৰযন্তস্স (সী. ক.)], ৰিপিনে পব্বতুত্তমে;
সিদ্ধত্থো নাম ভগৰা, আগচ্ছি মম সন্তিকং.
‘‘বুদ্ধং ¶ উপগতং দিস্ৰা, লোকজেট্ঠস্স তাদিনো;
সন্থরং সন্থরিত্ৰান [পঞ্ঞপেত্ৰান (স্যা. অট্ঠ)], পুপ্ফাসনমদাসহং.
‘‘পুপ্ফাসনে নিসীদিত্ৰা, সিদ্ধত্থো লোকনাযকো;
মমঞ্চ গতিমঞ্ঞায, অনিচ্চতমুদাহরি.
‘‘‘অনিচ্চা ৰত সঙ্খারা, উপ্পাদৰযধম্মিনো;
উপ্পজ্জিত্ৰা নিরুজ্ঝন্তি, তেসং ৰূপসমো সুখো’.
‘‘ইদং ৰত্ৰান সব্বঞ্ঞূ, লোকজেট্ঠো নরাসভো;
নভং অব্ভুগ্গমি ৰীরো, হংসরাজাৰ অম্বরে.
‘‘সকং দিট্ঠিং জহিত্ৰান, ভাৰযানিচ্চসঞ্ঞহং;
একাহং ভাৰযিত্ৰান, তত্থ কালং কতো অহং.
‘‘দ্ৰে সম্পত্তী অনুভোত্ৰা, সুক্কমূলেন চোদিতো;
পচ্ছিমে ভৰে সম্পত্তে, সপাকযোনুপাগমিং.
‘‘অগারা অভিনিক্খম্ম, পব্বজিং অনগারিযং;
জাতিযা সত্তৰস্সোহং, অরহত্তমপাপুণিং.
‘‘আরদ্ধৰীরিযো ¶ ¶ পহিতত্তো, সীলেসু সুসমাহিতো;
তোসেত্ৰান মহানাগং, অলত্থং উপসম্পদং.
‘‘চতুন্নৰুতিতো ¶ কপ্পে, যং কম্মমকরিং তদা;
দুগ্গতিং নাভিজানামি, পুপ্ফদানস্সিদং ফলং.
‘‘চতুন্নৰুতিতো কপ্পে, যং সঞ্ঞং ভাৰযিং তদা;
তং সঞ্ঞং ভাৰযন্তস্স, পত্তো মে আসৰক্খযো.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সোপাকো থেরো ইমা গাথাযো অভাসিত্থাতি.
সোপাকত্থেরস্সাপদানং নৰমং.
১০. সুমঙ্গলত্থেরঅপদানং
‘‘আহুতিং যিট্ঠুকামোহং, পটিযাদেত্ৰান ভোজনং;
ব্রাহ্মণে পটিমানেন্তো, ৰিসালে মাল়কে ঠিতো.
‘‘অথদ্দসাসিং সম্বুদ্ধং, পিযদস্সিং মহাযসং;
সব্বলোকৰিনেতারং, সযম্ভুং অগ্গপুগ্গলং.
‘‘ভগৰন্তং জুতিমন্তং, সাৰকেহি পুরক্খতং;
আদিচ্চমিৰ রোচন্তং, রথিযং পটিপন্নকং.
‘‘অঞ্জলিং পগ্গহেত্ৰান, সকং চিত্তং পসাদযিং;
মনসাৰ নিমন্তেসিং, ‘আগচ্ছতু মহামুনি’.
‘‘মম সঙ্কপ্পমঞ্ঞায, সত্থা লোকে অনুত্তরো;
খীণাসৰসহস্সেহি, মম দ্ৰারং উপাগমি.
‘‘নমো তে পুরিসাজঞ্ঞ, নমো তে পুরিসুত্তম;
পাসাদং অভিরূহিত্ৰা, সীহাসনে নিসীদতং [নিসীদ ত্ৰং (সী.)].
‘‘দন্তো ¶ ¶ দন্তপরিৰারো, তিণ্ণো তারযতং ৰরো;
পাসাদং অভিরূহিত্ৰা, নিসীদি পৰরাসনে.
‘‘যং মে অত্থি সকে গেহে, আমিসং পচ্চুপট্ঠিতং;
তাহং বুদ্ধস্স পাদাসিং, পসন্নো সেহি পাণিভি.
‘‘পসন্নচিত্তো ¶ সুমনো, ৰেদজাতো কতঞ্জলী;
বুদ্ধসেট্ঠং নমস্সামি, অহো বুদ্ধস্সুল়ারতা.
‘‘অট্ঠন্নং ¶ পযিরূপাসতং, ভুঞ্জং খীণাসৰা বহূ;
তুয্হেৰেসো আনুভাৰো, সরণং তং উপেমহং.
‘‘পিযদস্সী চ ভগৰা, লোকজেট্ঠো নরাসভো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো সো সঙ্ঘং অভোজেসি, উজুভূতং সমাহিতং;
তথাগতঞ্চ সম্বুদ্ধং, সুণাথ মম ভাসতো.
‘‘‘সত্তৰীসতিক্খত্তুং সো, দেৰরজ্জং করিস্সতি;
সককম্মাভিরদ্ধো সো, দেৰলোকে রমিস্সতি.
‘‘‘দস অট্ঠ চক্খত্তুং [দসঞ্চট্ঠক্খত্থুং (সী.), দস চট্ঠক্খত্তুং (স্যা.)] সো, চক্কৰত্তী ভৰিস্সতি;
পথব্যা রজ্জং পঞ্চসতং, ৰসুধং আৰসিস্সতি’.
‘‘অরঞ্ঞৰনমোগ্গয্হ, কাননং ব্যগ্ঘসেৰিতং;
পধানং পদহিত্ৰান, কিলেসা ঝাপিতা মযা.
‘‘অট্ঠারসে কপ্পসতে, যং দানমদদিং তদা;
দুগ্গতিং নাভিজানামি, ভত্তদানস্সিদং ফলং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সুমঙ্গলো থেরো ইমা গাথাযো অভাসিত্থাতি.
সুমঙ্গলত্থেরস্সাপদানং দসমং.
তস্সুদ্দানং –
সীহাসনী ¶ একথম্ভী, নন্দো চ চূল়পন্থকো;
পিলিন্দরাহুলো চেৰ, ৰঙ্গন্তো রট্ঠপালকো.
সোপাকো মঙ্গলো চেৰ, দসেৰ দুতিযে ৰগ্গে;
সতঞ্চ অট্ঠতিংস চ, গাথা চেত্থ পকাসিতা.
সীহাসনিযৰগ্গো দুতিযো.
৩. সুভূতিৰগ্গো
১. সুভূতিত্থেরঅপদানং
‘‘হিমৰন্তস্সাৰিদূরে ¶ ¶ ¶ , নিসভো নাম পব্বতো;
অস্সমো সুকতো ময্হং, পণ্ণসালা সুমাপিতা.
‘‘কোসিযো নাম নামেন, জটিলো উগ্গতাপনো;
একাকিযো [একাকিকো (ক.)] অদুতিযো, ৰসামি নিসভে তদা.
‘‘ফলং মূলঞ্চ পণ্ণঞ্চ, ন ভুঞ্জামি অহং তদা;
পৰত্তংৰ সুপাতাহং [পৰত্তপণ্ডুপত্তানি (সী.)], উপজীৰামি তাৰদে.
‘‘নাহং ¶ কোপেমি আজীৰং, চজমানোপি জীৰিতং;
আরাধেমি সকং চিত্তং, ৰিৰজ্জেমি অনেসনং.
‘‘রাগূপসংহিতং চিত্তং, যদা উপ্পজ্জতে মম;
সযংৰ পচ্চৰেক্খামি, একগ্গো তং দমেমহং.
‘‘‘রজ্জসে রজ্জনীযে চ, দুস্সনীযে চ দুস্সসে;
মুয্হসে মোহনীযে চ, নিক্খমস্সু ৰনা তুৰং.
‘‘‘ৰিসুদ্ধানং অযং ৰাসো, নিম্মলানং তপস্সিনং;
মা খো ৰিসুদ্ধং দূসেসি, নিক্খমস্সু ৰনা তুৰং.
‘‘‘অগারিকো ভৰিত্ৰান, যদা পুত্তং [সদাযুত্তং (সী.), যদাযুত্তং (স্যা.)], লভিস্সসি;
উভোপি মা ৰিরাধেসি, নিক্খমস্সু ৰনা তুৰং.
‘‘‘ছৰালাতং যথা কট্ঠং, ন ক্ৰচি কিচ্চকারকং;
নেৰ গামে অরঞ্ঞে ৰা, ন হি তং কট্ঠসম্মতং.
‘‘‘ছৰালাতূপমো ত্ৰংসি, ন গিহী নাপি সঞ্ঞতো;
উভতো মুত্তকো অজ্জ, নিক্খমস্সু ৰনা তুৰং.
‘‘‘সিযা নু খো তৰ এতং, কো পজানাতি তে ইদং;
সদ্ধাধুরং ৰহিসি [সদ্ধাধুরং জহসি (সী.), সীঘং ধুরং ৰহিসি (স্যা.)] মে, কোসজ্জবহুলায চ.
‘‘‘জিগুচ্ছিস্সন্তি ¶ ¶ তং ৰিঞ্ঞূ, অসুচিং নাগরিকো যথা;
আকড্ঢিত্ৰান ইসযো, চোদযিস্সন্তি তং সদা.
‘‘‘তং ৰিঞ্ঞূ পৰদিস্সন্তি, সমতিক্কন্তসাসনং;
সংৰাসং অলভন্তো হি, কথং জীৰিহিসি [জীৰিস্সসি (সী.)] তুৰং.
‘‘‘তিধাপভিন্নং ¶ ¶ মাতঙ্গং, কুঞ্জরং সট্ঠিহাযনং;
বলী নাগো উপগন্ত্ৰা, যূথা নীহরতে গজং.
‘‘‘যূথা ৰিনিস্সটো সন্তো, সুখং সাতং ন ৰিন্দতি;
দুক্খিতো ৰিমনো হোতি, পজ্ঝাযন্তো পৰেধতি.
‘‘‘তথেৰ জটিলা তম্পি, নীহরিস্সন্তি দুম্মতিং;
তেহি ত্ৰং নিস্সটো সন্তো, সুখং সাতং ন লচ্ছসি.
‘‘‘দিৰা ৰা যদি ৰা রত্তিং, সোকসল্লসমপ্পিতো;
ডয্হসি পরিল়াহেন, গজো যূথাৰ নিস্সটো.
‘‘‘জাতরূপং যথা কূটং, নেৰ ঝাযতি [যাযতি (স্যা.)] কত্থচি;
তথা সীলৰিহীনো ত্ৰং, ন ঝাযিস্সসি [যারিস্সতি (স্যা.)] কত্থচি.
‘‘‘অগারং ৰসমানোপি, কথং জীৰিহিসি তুৰং;
মত্তিকং পেত্তিকঞ্চাপি, নত্থি তে নিহিতং ধনং.
‘‘‘সযং কম্মং করিত্ৰান, গত্তে সেদং পমোচযং;
এৰং জীৰিহিসি গেহে, সাধু তে তং ন রুচ্চতি.
‘‘‘এৰাহং তত্থ ৰারেমি, সংকিলেসগতং মনং;
নানাধম্মকথং কত্ৰা, পাপা চিত্তং নিৰারযিং’.
‘‘এৰং মে ৰিহরন্তস্স, অপ্পমাদৰিহারিনো;
তিংসৰস্সসহস্সানি, ৰিপিনে মে অতিক্কমুং.
‘‘অপ্পমাদরতং দিস্ৰা, উত্তমত্থং গৰেসকং;
পদুমুত্তরসম্বুদ্ধো, আগচ্ছি মম সন্তিকং.
‘‘তিম্বরূসকৰণ্ণাভো ¶ , অপ্পমেয্যো অনূপমো;
রূপেনাসদিসো বুদ্ধো, আকাসে চঙ্কমী তদা.
‘‘সুফুল্লো ¶ সালরাজাৰ, ৰিজ্জূৰব্ভঘনন্তরে;
ঞাণেনাসদিসো বুদ্ধো, আকাসে চঙ্কমী তদা.
‘‘সীহরাজা ¶ ৰসম্ভীতো [ছম্ভিতো (ক.)],
গজরাজাৰ দপ্পিতো [দম্মিতো (ক.)].
লাসিতো [অভীতো (স্যা.)] ব্যগ্ঘরাজাৰ, আকাসে চঙ্কমী তদা.
‘‘সিঙ্গীনিক্খসৰণ্ণাভো, খদিরঙ্গারসন্নিভো;
মণি যথা জোতিরসো, আকাসে চঙ্কমী তদা.
‘‘ৰিসুদ্ধকেলাসনিভো ¶ , পুণ্ণমাযেৰ চন্দিমা;
মজ্ঝন্হিকেৰ [মজ্ঝন্তিকেৰ (সব্বত্থ)] সূরিযো, আকাসে চঙ্কমী তদা.
‘‘দিস্ৰা নভে চঙ্কমন্তং, এৰং চিন্তেসহং তদা;
‘দেৰো নু খো অযং সত্তো, উদাহু মনুজো অযং.
‘‘‘ন মে সুতো ৰা দিট্ঠো ৰা, মহিযা এদিসো নরো;
অপি মন্তপদং অত্থি, অযং সত্থা ভৰিস্সতি’.
‘‘এৰাহং চিন্তযিত্ৰান, সকং চিত্তং পসাদযিং;
নানাপুপ্ফঞ্চ গন্ধঞ্চ, সন্নিপাতেসহং [সন্নিপাতেত্ৰাহং (সী.)] তদা.
‘‘পুপ্ফাসনং পঞ্ঞপেত্ৰা, সাধুচিত্তং মনোরমং;
নরসারথিনং অগ্গং, ইদং ৰচনমব্রৰিং.
‘‘‘ইদং মে আসনং ৰীর, পঞ্ঞত্তং তৰনুচ্ছৰং;
হাসযন্তো মমং চিত্তং, নিসীদ কুসুমাসনে’.
‘‘নিসীদি ¶ তত্থ ভগৰা, অসম্ভীতোৰ [অছম্ভিতোৰ (ক.)] কেসরী;
সত্তরত্তিন্দিৰং বুদ্ধো, পৰরে কুসুমাসনে.
‘‘নমস্সমানো অট্ঠাসিং, সত্তরত্তিন্দিৰং অহং;
ৰুট্ঠহিত্ৰা সমাধিম্হা, সত্থা লোকে অনুত্তরো;
মম কম্মং পকিত্তেন্তো, ইদং ৰচনমব্রৰি.
‘‘‘ভাৰেহি বুদ্ধানুস্সতিং, ভাৰনানমনুত্তরং;
ইমং সতিং ভাৰযিত্ৰা, পূরযিস্সসি মানসং.
‘‘‘তিংসকপ্পসহস্সানি, দেৰলোকে রমিস্সসি;
অসীতিক্খত্তুং দেৰিন্দো, দেৰরজ্জং করিস্সসি;
সহস্সক্খত্তুং চক্কৰত্তী, রাজা রট্ঠে ভৰিস্সসি.
‘‘‘পদেসরজ্জং ¶ ৰিপুলং, গণনাতো অসঙ্খিযং;
অনুভোস্সসি তং সব্বং, বুদ্ধানুস্সতিযা ফলং.
‘‘‘ভৰাভৰে ¶ সংসরন্তো, মহাভোগং লভিস্সসি;
ভোগে তে ঊনতা নত্থি, বুদ্ধানুস্সতিযা ফলং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘অসীতিকোটিং ছড্ডেত্ৰা, দাসে কম্মকরে বহূ;
গোতমস্স ভগৰতো, সাসনে পব্বজিস্সসি.
‘‘‘আরাধযিত্ৰা সম্বুদ্ধং, গোতমং সক্যপুঙ্গৰং;
সুভূতি নাম নামেন, হেস্সতি সত্থু সাৰকো.
‘‘‘ভিক্খুসঙ্ঘে ¶ ¶ নিসীদিত্ৰা, দক্খিণেয্যগুণম্হি তং;
তথারণৰিহারে চ, দ্ৰীসু অগ্গে ঠপেস্সতি’.
‘‘ইদং ৰত্ৰান সম্বুদ্ধো, জলজুত্তমনামকো;
নভং অব্ভুগ্গমী ৰীরো, হংসরাজাৰ অম্বরে.
‘‘সাসিতো লোকনাথেন, নমস্সিত্ৰা তথাগতং;
সদা ভাৰেমি মুদিতো, বুদ্ধানুস্সতিমুত্তমং.
‘‘তেন কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসং অগচ্ছহং.
‘‘অসীতিক্খত্তুং দেৰিন্দো, দেৰরজ্জমকারযিং;
সহস্সক্খত্তুং রাজা চ, চক্কৰত্তী অহোসহং.
‘‘পদেসরজ্জং ৰিপুলং, গণনাতো অসঙ্খিযং;
অনুভোমি সুসম্পত্তিং, বুদ্ধানুস্সতিযা ফলং.
‘‘ভৰাভৰে সংসরন্তো, মহাভোগং লভামহং;
ভোগে মে ঊনতা নত্থি, বুদ্ধানুস্সতিযা ফলং.
‘‘সতসহস্সিতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধানুস্সতিযা ফলং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সুভূতি থেরো ইমা গাথাযো অভাসিত্থাতি.
সুভূতিত্থেরস্সাপদানং পঠমং.
২. উপৰানত্থেরঅপদানং
‘‘পদুমুত্তরো ¶ ¶ নাম জিনো, সব্বধম্মান পারগূ;
জলিত্ৰা অগ্গিক্খন্ধোৰ, সম্বুদ্ধো পরিনিব্বুতো.
‘‘মহাজনা সমাগম্ম, পূজযিত্ৰা তথাগতং;
চিতং কত্ৰান সুকতং, সরীরং অভিরোপযুং.
‘‘সরীরকিচ্চং কত্ৰান, ধাতুং তত্থ সমানযুং;
সদেৰমানুসা সব্বে, বুদ্ধথূপং অকংসু তে.
‘‘পঠমা ¶ কঞ্চনমযা, দুতিযাসি মণীমযা;
ততিযা রূপিযমযা, চতুত্থী ফলিকামযা.
‘‘তথা [তত্থ (স্যা. ক.)] পঞ্চমিযা ভূমি [নেমি (সী.)], লোহিতঙ্গমযা অহু;
ছট্ঠা মসারগল্লস্স, সব্বরতনমযূপরি.
‘‘জঙ্ঘা মণিমযা আসি, ৰেদিকা রতনমযা;
সব্বসোণ্ণমযো থূপো, উদ্ধং যোজনমুগ্গতো.
‘‘দেৰা তত্থ সমাগন্ত্ৰা, একতো মন্তযুং তদা;
মযম্পি থূপং কস্সাম, লোকনাথস্স তাদিনো.
‘‘ধাতু আৰেণিকা নত্থি, সরীরং একপিণ্ডিতং;
ইমম্হি বুদ্ধথূপম্হি, কস্সাম কঞ্চুকং মযং.
‘‘দেৰা সত্তহি রত্নেহি [সত্তরতনেহি (সী.)], অঞ্ঞং ৰড্ঢেসু যোজনং;
থূপো দ্ৰিযোজনুব্বেধো, তিমিরং ব্যপহন্তি সো.
‘‘নাগা ¶ তত্থ সমাগন্ত্ৰা, একতো মন্তযুং তদা;
মনুস্সা চেৰ দেৰা চ, বুদ্ধথূপং অকংসু তে.
‘‘মা ¶ নো পমত্তা অস্সুম্হ [অস্সুম্হা (সী. স্যা.), আসিম্হা (?)], অপ্পমত্তা সদেৰকা;
মযম্পি থূপং কস্সাম, লোকনাথস্স তাদিনো.
‘‘ইন্দনীলং মহানীলং, অথো জোতিরসং মণিং;
একতো সন্নিপাতেত্ৰা, বুদ্ধথূপং অছাদযুং.
‘‘সব্বং মণিমযং আসি, তাৰতা বুদ্ধচেতিযং;
তিযোজনসমুব্বিদ্ধং [তীণি যোজনমুব্বিদ্ধং (সী. ক.)], আলোককরণং তদা.
‘‘গরুল়া ¶ চ সমাগন্ত্ৰা, একতো মন্তযুং তদা;
মনুস্সা দেৰা নাগা চ, বুদ্ধথূপং অকংসু তে.
‘‘‘মা নো পমত্তা অস্সুম্হ, অপ্পমত্তা সদেৰকা;
মযম্পি থূপং কস্সাম, লোকনাথস্স তাদিনো’.
‘‘সব্বং মণিমযং থূপং, অকরুং তে চ কঞ্চুকং [সব্বমণিমযং থূপে, অকরুত্তরকঞ্চুকং (সী.)];
যোজনং তেপি ৰড্ঢেসুং, আযতং বুদ্ধচেতিযং.
‘‘চতুযোজনমুব্বিদ্ধো, বুদ্ধথূপো ৰিরোচতি;
ওভাসেতি দিসা সব্বা, সতরংসীৰ উগ্গতো.
‘‘কুম্ভণ্ডা চ সমাগন্ত্ৰা, একতো মন্তযুং তদা;
মনুস্সা চেৰ দেৰা চ, নাগা চ গরুল়া তথা.
পচ্চেকং বুদ্ধসেট্ঠস্স, অকংসু থূপমুত্তমং.
‘‘‘মা নো পমত্তা অস্সুম্হ, অপ্পমত্তা সদেৰকা;
মযম্পি থূপং কস্সাম, লোকনাথস্স তাদিনো;
রতনেহি ছাদেস্সাম, আযতং বুদ্ধচেতিযং’.
‘‘যোজনং তেপি ৰড্ঢেসুং, আযতং বুদ্ধচেতিযং;
পঞ্চযোজনমুব্বিদ্ধো, থূপো ওভাসতে তদা.
‘‘যক্খা ¶ তত্থ সমাগন্ত্ৰা, একতো মন্তযুং তদা;
মনুস্সা দেৰা নাগা চ, গরুল়া কুম্ভঅণ্ডকা.
‘‘পচ্চেকং বুদ্ধসেট্ঠস্স, অকংসু থূপমুত্তমং;
‘মা নো পমত্তা অস্সুম্হ, অপ্পমত্তা সদেৰকা.
‘‘‘মযম্পি ¶ ¶ থূপং কস্সাম, লোকনাথস্স তাদিনো;
ফলিকাহি ছাদেস্সাম, আযতং বুদ্ধচেতিযং’.
‘‘যোজনং তেপি ৰড্ঢেসুং, আযতং বুদ্ধচেতিযং;
ছ যোজনানি উব্বিদ্ধো, থূপো ওভাসতে তদা.
‘‘গন্ধব্বা চ সমাগন্ত্ৰা, একতো মন্তযুং তদা;
‘মনুজা দেৰতা নাগা, গরুল়া কুম্ভযক্খকা.
‘‘‘সব্বেকংসু বুদ্ধথূপং, মযমেত্থ অকারকা;
মযম্পি থূপং কস্সাম, লোকনাথস্স তাদিনো’.
‘‘ৰেদিযো ¶ সত্ত কত্ৰান, ছত্তমারোপযিংসু তে;
সব্বসোণ্ণমযং থূপং, গন্ধব্বা কারযুং তদা.
‘‘সত্তযোজনমুব্বিদ্ধো, থূপো ওভাসতে তদা;
রত্তিন্দিৰা ন ঞাযন্তি, আলোকো হোতি [আলোকা হোন্তি (স্যা. ক.)] সব্বদা.
‘‘অভিভোন্তি ¶ ন তস্সাভা, চন্দসূরা সতারকা;
সমন্তা যোজনসতে, পদীপোপি ন পজ্জলি.
‘‘তেন কালেন যে কেচি, থূপং পূজেন্তি মানুসা;
ন তে থূপমারুহন্তি, অম্বরে উক্খিপন্তি তে.
‘‘দেৰেহি ঠপিতো যক্খো, অভিসম্মতনামকো;
ধজং ৰা পুপ্ফদামং ৰা, অভিরোপেতি উত্তরি.
‘‘ন তে পস্সন্তি তং যক্খং, দামং পস্সন্তি গচ্ছতো;
এৰং পস্সিত্ৰা গচ্ছন্তা, সব্বে গচ্ছন্তি সুগ্গতিং.
‘‘ৰিরুদ্ধা [ৰিসদ্ধা (সী.)] যে পাৰচনে, পসন্না যে চ সাসনে;
পাটিহেরং দট্ঠুকামা, থূপং পূজেন্তি মানুসা.
‘‘নগরে হংসৰতিযা, অহোসিং ভতকো [ৰরকো (স্যা. ক.)] তদা;
আমোদিতং জনং দিস্ৰা, এৰং চিন্তেসহং তদা.
‘‘‘উল়ারো ভগৰা হেসো, যস্স ধাতুধরেদিসং;
ইমা চ জনতা তুট্ঠা, কারং কুব্বং ন তপ্পরে [কুব্বন্তনপ্পকং (সী.)].
‘‘‘অহম্পি ¶ কারং কস্সামি, লোকনাথস্স তাদিনো;
তস্স ধম্মেসু দাযাদো, ভৰিস্সামি অনাগতে’.
‘‘সুধোতং ¶ রজকেনাহং, উত্তরেয্যপটং মম;
ৰেল়গ্গে আলগেত্ৰান, ধজং উক্খিপিমম্বরে.
‘‘অভিসম্মতকো গয্হ, অম্বরেহাসি মে ধজং;
ৰাতেরিতং ধজং দিস্ৰা, ভিয্যো হাসং জনেসহং.
‘‘তত্থ ¶ চিত্তং পসাদেত্ৰা, সমণং উপসঙ্কমিং;
তং ভিক্খুং অভিৰাদেত্ৰা, ৰিপাকং পুচ্ছহং ধজে.
‘‘সো মে কথেসি আনন্দ, পীতিসঞ্জননং মম;
‘তস্স ধজস্স ৰিপাকং, অনুভোস্সসি সব্বদা.
‘‘‘হত্থী ¶ অস্সা রথা পত্তী, সেনা চ চতুরঙ্গিনী;
পরিৰারেস্সন্তি তং নিচ্চং, ধজদানস্সিদং ফলং.
‘‘‘সট্ঠিতূরিযসহস্সানি, ভেরিযো সমলঙ্কতা;
পরিৰারেস্সন্তি তং নিচ্চং, ধজদানস্সিদং ফলং.
‘‘‘ছল়াসীতিসহস্সানি, নারিযো সমলঙ্কতা;
ৰিচিত্তৰত্থাভরণা, আমুত্তমণিকুণ্ডলা.
‘‘‘অল়ারপম্হা হসুলা, সুসঞ্ঞা তনুমজ্ঝিমা;
পরিৰারেস্সন্তি তং নিচ্চং, ধজদানস্সিদং ফলং.
‘‘‘তিংসকপ্পসহস্সানি, দেৰলোকে রমিস্সসি;
অসীতিক্খত্তুং দেৰিন্দো, দেৰরজ্জং করিস্সসি.
‘‘‘সহস্সক্খত্তুং রাজা চ, চক্কৰত্তী ভৰিস্সসি;
পদেসরজ্জং ৰিপুলং, গণনাতো অসঙ্খিযং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘দেৰলোকা চৰিত্ৰান, সুক্কমূলেন চোদিতো;
পুঞ্ঞকম্মেন সংযুত্তো, ব্রহ্মবন্ধু ভৰিস্সসি.
‘‘‘অসীতিকোটিং ¶ ছড্ডেত্ৰা, দাসে কম্মকরে বহূ;
গোতমস্স ভগৰতো, সাসনে পব্বজিস্সসি.
‘‘‘আরাধযিত্ৰা ¶ সম্বুদ্ধং, গোতমং সক্যপুঙ্গৰং;
উপৰানোতি নামেন, হেস্সসি সত্থু সাৰকো’.
‘‘সতসহস্সে কতং কম্মং, ফলং দস্সেসি মে ইধ;
সুমুত্তো সরৰেগোৰ কিলেসে ঝাপযী মম.
‘‘চক্কৰত্তিস্স সন্তস্স, চতুদীপিস্সরস্স মে;
তিযোজনানি সমন্তা, উস্সীসন্তি ধজা সদা.
‘‘সতসহস্সিতো ¶ কপ্পে, যং কম্মমকরিং তদা;
দুগ্গতিং নাভিজানামি, ধজদানস্সিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা উপৰানো থেরো ইমা গাথাযো অভাসিত্থাতি.
উপৰানত্থেরস্সাপদানং দুতিযং.
৩. তিসরণগমনিযত্থেরঅপদানং
‘‘নগরে চন্দৰতিযা [বন্ধুমতিযা (অট্ঠ.)], মাতুউপট্ঠাকো [মাতুপট্ঠাযকো (সী.), মাতুপট্ঠানকো (স্যা.)] অহুং;
অন্ধা মাতা পিতা ময্হং, তে পোসেমি অহং তদা.
‘‘রহোগতো ¶ নিসীদিত্ৰা, এৰং চিন্তেসহং তদা;
পোসেন্তো মাতাপিতরো, পব্বজ্জং ন লভামহং.
‘‘মহন্ধকারপিহিতা [তমন্ধকারপিহিতা (স্যা.)], তিৰিধগ্গীহি ডয্হরে;
এতাদিসে ভৰে [ভযে (সী.)] জাতে, নত্থি কোচি ৰিনাযকো.
‘‘বুদ্ধো লোকে সমুপ্পন্নো, দিপ্পতি [দিব্বতি (ক.)] [জিনসাসনং (সী.)] দানি সাসনং;
সক্কা উদ্ধরিতুং অত্তা, পুঞ্ঞকামেন জন্তুনা.
‘‘উগ্গয্হ তীণি সরণে, পরিপুণ্ণানি গোপযিং;
তেন কম্মেন সুকতেন, পটিমোক্খামি দুগ্গতিং.
‘‘নিসভো ¶ নাম সমণো, বুদ্ধস্স অগ্গসাৰকো;
তমহং উপগন্ত্ৰান, সরণগমনং গহিং.
‘‘ৰস্সসতসহস্সানি, আযু ৰিজ্জতি তাৰদে;
তাৰতা সরণগমনং, পরিপুণ্ণং অগোপযিং.
‘‘চরিমে ৰত্তমানম্হি, সরণং তং অনুস্সরিং;
তেন কম্মেন সুকতেন, তাৰতিংসং অগচ্ছহং.
‘‘দেৰলোকগতো সন্তো, পুঞ্ঞকম্মসমাহিতো;
যং দেসং [যং যং দেসং (স্যা.)] উপপজ্জামি [উপগচ্ছামি (সী.)], অট্ঠ হেতূ লভামহং.
‘‘দিসাসু ¶ পূজিতো হোমি, তিক্খপঞ্ঞো ভৰামহং;
সব্বে দেৰানুৰত্তন্তি, অমিতভোগং লভামহং.
‘‘সুৰণ্ণৰণ্ণো সব্বত্থ, পটিকন্তো ভৰামহং;
মিত্তানং অচলো হোমি, যসো অব্ভুগ্গতো মমং.
‘‘অসীতিক্খত্তু ¶ দেৰিন্দো, দেৰরজ্জমকারযিং;
দিব্বসুখং অনুভৰিং, অচ্ছরাহি পুরক্খতো.
‘‘পঞ্চসত্ততিক্খত্তুঞ্চ ¶ , চক্কৰত্তী অহোসহং;
পদেসরজ্জং ৰিপুলং, গণনাতো অসঙ্খিযং.
‘‘পচ্ছিমে ভৰে সম্পত্তে, পুঞ্ঞকম্মসমাহিতো;
পুরে সাৰত্থিযং জাতো, মহাসালে সুঅড্ঢকে.
‘‘নগরা নিক্খমিত্ৰান, দারকেহি পুরক্খতো;
হসখিড্ডসমঙ্গীহং [সাহং খিড্ডসমঙ্গী (স্যা.)], সঙ্ঘারামং উপাগমিং.
‘‘তত্থদ্দসাসিং [তত্থদ্দসাহং (ক.)] সমণং, ৰিপ্পমুত্তং নিরূপধিং;
সো মে ধম্মমদেসেসি, সরণঞ্চ অদাসি মে.
‘‘সোহং সুত্ৰান সরণং, সরণং মে অনুস্সরিং;
একাসনে নিসীদিত্ৰা, অরহত্তমপাপুণিং.
‘‘জাতিযা সত্তমে ৰস্সে, অরহত্তমপাপুণিং;
উপসম্পাদযি বুদ্ধো, গুণমঞ্ঞায চক্খুমা.
‘‘অপরিমেয্যে ¶ ইতো কপ্পে, সরণানি অগচ্ছহং;
ততো মে সুকতং কম্মং, ফলং দস্সেসি মে ইধ.
‘‘সুগোপিতং মে সরণং, মানসং সুপ্পণীহিতং;
অনুভোত্ৰা যসং সব্বং, পত্তোম্হি অচলং পদং.
‘‘যেসং সোতাৰধানত্থি, সুণোথ মম ভাসতো;
অহং [অত্থং (স্যা.)] ৰো কথযিস্সামি, সামং দিট্ঠং পদং মম.
‘‘‘বুদ্ধো ¶ লোকে সমুপ্পন্নো, ৰত্ততে জিনসাসনং;
অমতা ৰাদিতা ভেরী, সোকসল্লৰিনোদনা.
‘‘‘যথাসকেন থামেন, পুঞ্ঞক্খেত্তে অনুত্তরে;
অধিকারং করেয্যাথ, পস্সযিস্সথ নিব্বুতিং.
‘‘‘পগ্গয্হ তীণি সরণে, পঞ্চসীলানি গোপিয;
বুদ্ধে চিত্তং পসাদেত্ৰা, দুক্খস্সন্তং করিস্সথ.
‘‘‘সম্মা ধম্মং ভাৰেত্ৰান [মমোপমং করিত্ৰান (সী. স্যা.)], সীলানি ¶ পরিগোপিয;
অচিরং অরহত্তং ৰো, সব্বেপি পাপুণিস্সথ.
‘‘‘তেৰিজ্জো ইদ্ধিপত্তোম্হি, চেতোপরিযকোৰিদো;
সাৰকো তে মহাৰীর, সরণো [চরণে (সী. স্যা.)] ৰন্দতি সত্থুনো’.
‘‘অপরিমেয্যে ¶ ইতো কপ্পে, সরণং বুদ্ধস্স গচ্ছহং;
দুগ্গতিং নাভিজানামি, সরণং গমনে ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা তিসরণগমনিযো থেরো ইমা গাথাযো অভাসিত্থাতি.
তিসরণগমনিযত্থেরস্সাপদানং ততিযং.
৪. পঞ্চসীলসমাদানিযত্থেরঅপদানং
‘‘নগরে চন্দৰতিযা, ভতকো আসহং তদা;
পরকম্মাযনে যুত্তো, পব্বজ্জং ন লভামহং.
‘‘মহন্ধকারপিহিতা ¶ ¶ , তিৰিধগ্গীহি ডয্হরে;
কেন নু খো উপাযেন, ৰিসংযুত্তো ভৰে অহং.
‘‘দেয্যধম্মো চ মে নত্থি, ৰরাকো ভতকো অহং;
যংনূনাহং পঞ্চসীলং, রক্খেয্যং পরিপূরযং.
‘‘অনোমদস্সিস্স মুনিনো, নিসভো নাম সাৰকো;
তমহং উপসঙ্কম্ম, পঞ্চসিক্খাপদগ্গহিং.
‘‘ৰস্সসতসহস্সানি, আযু ৰিজ্জতি তাৰদে;
তাৰতা পঞ্চসীলানি, পরিপুণ্ণানি গোপযিং.
‘‘মচ্চুকালে চ সম্পত্তে, দেৰা অস্সাসযন্তি মং;
‘রথো সহস্সযুত্তো তে, মারিসাযং [মারিসস্স (ক.)] উপট্ঠিতো’.
‘‘ৰত্তন্তে চরিমে চিত্তে, মম সীলং অনুস্সরিং;
তেন কম্মেন সুকতেন, তাৰতিংসং অগচ্ছহং.
‘‘তিংসক্খত্তুঞ্চ ¶ দেৰিন্দো, দেৰরজ্জমকারযিং;
দিব্বসুখং [দিব্বং সুখং (সী.)] অনুভৰিং, অচ্ছরাহি পুরক্খতো.
‘‘পঞ্চসত্ততিক্খত্তুঞ্চ, চক্কৰত্তী অহোসহং;
পদেসরজ্জং ৰিপুলং, গণনাতো অসঙ্খিযং.
‘‘দেৰলোকা চৰিত্ৰান, সুক্কমূলেন চোদিতো;
পুরে ৰেসালিযং জাতো, মহাসালে সুঅড্ঢকে.
‘‘ৰস্সূপনাযিকে ¶ কালে, দিপ্পন্তে [দিব্বন্তি (ক.)] জিনসাসনে;
মাতা চ মে পিতা চেৰ, পঞ্চসিক্খাপদগ্গহুং.
‘‘সহ ¶ সুত্ৰানহং সীলং, মম সীলং অনুস্সরিং;
একাসনে নিসীদিত্ৰা, অরহত্তমপাপুণিং.
‘‘জাতিযা পঞ্চৰস্সেন, অরহত্তমপাপুণিং;
উপসম্পাদযি বুদ্ধো, গুণমঞ্ঞায চক্খুমা.
‘‘পরিপুণ্ণানি গোপেত্ৰা, পঞ্চসিক্খাপদানহং;
অপরিমেয্যে ইতো কপ্পে, ৰিনিপাতং ন গচ্ছহং.
‘‘স্ৰাহং ¶ যসমনুভৰিং, তেসং সীলান ৰাহসা;
কপ্পকোটিম্পি কিত্তেন্তো, কিত্তযে একদেসকং.
‘‘পঞ্চসীলানি গোপেত্ৰা, তযো হেতূ লভামহং;
দীঘাযুকো মহাভোগো, তিক্খপঞ্ঞো ভৰামহং.
‘‘সংকিত্তেন্তো চ [পকিত্তেন্তোৰ (সী.), পকিত্তেন্তে চ (স্যা.)] সব্বেসং, অভিমত্তঞ্চ পোরিসং;
ভৰাভৰে সংসরিত্ৰা, এতে ঠানে লভামহং.
‘‘অপরিমেয্যসীলেসু, ৰত্তন্তা জিনসাৰকা;
ভৰেসু যদি রজ্জেয্যুং, ৰিপাকো কীদিসো ভৰে.
‘‘সুচিণ্ণং মে পঞ্চসীলং, ভতকেন তপস্সিনা [ৰিপস্সিনা (সী.)];
তেন সীলেনহং অজ্জ, মোচযিং সব্ববন্ধনা.
‘‘অপরিমেয্যে ইতো কপ্পে, পঞ্চসীলানি গোপযিং;
দুগ্গতিং নাভিজানামি, পঞ্চসীলানিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা পঞ্চসীলসমাদানিযো থেরো ইমা গাথাযো অভাসিত্থাতি.
পঞ্চসীলসমাদানিযত্থেরস্সাপদানং চতুত্থং.
৫. অন্নসংসাৰকত্থেরঅপদানং
‘‘সুৰণ্ণৰণ্ণং ¶ সম্বুদ্ধং, গচ্ছন্তং অন্তরাপণে;
কঞ্চনগ্ঘিযসংকাসং, বাত্তিংসৰরলক্খণং.
‘‘সিদ্ধত্থং ¶ লোকপজ্জোতং, অপ্পমেয্যং অনোপমং;
অলত্থং পরমং পীতিং, দিস্ৰা দন্তং জুতিন্ধরং.
‘‘সম্বুদ্ধং অভিনামেত্ৰা, ভোজযিং তং মহামুনিং;
মহাকারুণিকো লোকে [নাথো (সী.)], অনুমোদি মমং তদা.
‘‘তস্মিং ¶ মহাকারুণিকে, পরমস্সাসকারকে;
বুদ্ধে চিত্তং পসাদেত্ৰা, কপ্পং সগ্গম্হি মোদহং.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, ভিক্খাদানস্সিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা অন্নসংসাৰকো থেরো ইমা গাথাযো অভাসিত্থাতি.
অন্নসংসাৰকত্থেরস্সাপদানং পঞ্চমং.
৬. ধূপদাযকত্থেরঅপদানং
‘‘সিদ্ধত্থস্স ¶ ভগৰতো, লোকজেট্ঠস্স তাদিনো;
কুটিধূপং মযা দিন্নং, ৰিপ্পসন্নেন চেতসা.
যং যং যোনুপপজ্জামি, দেৰত্তং অথ মানুসং;
সব্বেসম্পি পিযো হোমি, ধূপদানস্সিদং ফলং.
‘‘চতুন্নৰুতিতো কপ্পে, যং ধূপমদদিং তদা [যং ধূপনমদাসহং (ক.)];
দুগ্গতিং নাভিজানামি, ধূপদানস্সিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা ধূপদাযকো থেরো ইমা গাথাযো অভাসিত্থাতি.
ধূপদাযকত্থেরস্সাপদানং ছট্ঠং.
৭. পুলিনপূজকত্থেরঅপদানং
‘‘ৰিপস্সিস্স ¶ ¶ ভগৰতো, বোধিযা পাদপুত্তমে;
পুরাণপুলিনং হিত্ৰা [ছড্ডেত্ৰা (সী. স্যা.)], সুদ্ধপুলিনমাকিরিং.
‘‘একনৰুতিতো ¶ কপ্পে, যং পুলিনমদাসহং;
দুগ্গতিং নাভিজানামি, পুলিনদানস্সিদং ফলং.
‘‘তিংসতিমে ¶ [তিপঞ্ঞাসে (সী. স্যা.)] ইতো কপ্পে, রাজা আসিং জনাধিভূ;
মহাপুলিননামেন, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পুলিনপূজকো থেরো ইমা গাথাযো অভাসিত্থাতি.
পুলিনপূজকত্থেরস্সাপদানং সত্তমং.
৮. উত্তিযত্থেরঅপদানং
‘‘চন্দভাগানদীতীরে, সুসুমারো অহং তদা;
সগোচরপ্পসুতোহং [সভোজনপসুতাহং (স্যা. ক.)], নদীতিত্থং অগচ্ছহং.
‘‘সিদ্ধত্থো তম্হি সমযে, সযম্ভূ অগ্গপুগ্গলো;
নদিং তরিতুকামো সো, নদীতিত্থং উপাগমি.
‘‘উপাগতে চ [উপাগতম্হি (স্যা. ক.)] সম্বুদ্ধে, অহম্পি তত্থুপাগমিং;
উপগন্ত্ৰান সম্বুদ্ধং, ইমং ৰাচং উদীরযিং.
‘‘‘অভিরূহ মহাৰীর, তারেস্সামি অহং তুৰং;
পেত্তিকং ৰিসযং ময্হং, অনুকম্প মহামুনি’.
‘‘মম উগ্গজ্জনং সুত্ৰা, অভিরূহি মহামুনি;
হট্ঠো হট্ঠেন চিত্তেন, তারেসিং লোকনাযকং.
‘‘নদিযা ¶ পারিমে তীরে, সিদ্ধত্থো লোকনাযকো;
অস্সাসেসি মমং তত্থ, অমতং পাপুণিস্সসি.
‘‘তম্হা ¶ কাযা চৰিত্ৰান, দেৰলোকং আগচ্ছহং;
দিব্বসুখং অনুভৰিং, অচ্ছরাহি পুরক্খতো.
‘‘সত্তক্খত্তুঞ্চ ¶ দেৰিন্দো, দেৰরজ্জমকাসহং;
তীণিক্খত্তুং চক্কৰত্তী, মহিযা ইস্সরো অহুং.
‘‘ৰিৰেকমনুযুত্তোহং ¶ , নিপকো চ সুসংৰুতো;
ধারেমি অন্তিমং দেহং, সম্মাসম্বুদ্ধসাসনে.
‘‘চতুন্নৰুতিতো কপ্পে, তারেসিং যং নরাসভং;
দুগ্গতিং নাভিজানামি, তরণায ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা উত্তিযো [উত্তিরিযো (সী.)] থেরো ইমা গাথাযো অভাসিত্থাতি.
উত্তিযত্থেরস্সাপদানং অট্ঠমং.
৯. একঞ্জলিকত্থেরঅপদানং
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে;
ৰিপস্সিং সত্থৰাহগ্গং, নরৰরং ৰিনাযকং.
‘‘অদন্তদমনং ¶ তাদিং, মহাৰাদিং মহামতিং;
দিস্ৰা পসন্নো সুমনো, একঞ্জলিমকাসহং.
‘‘একনৰুতিতো কপ্পে, যমঞ্জলিং করিং [যং অঞ্জলিমকরিং (স্যা.), অঞ্জলিমকরিং (ক.)] তদা;
দুগ্গতিং নাভিজানামি, অঞ্জলিস্স ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা একঞ্জলিকো থেরো ইমা গাথাযো অভাসিত্থাতি.
একঞ্জলিকত্থেরস্সাপদানং নৰমং.
১০. খোমদাযকত্থেরঅপদানং
‘‘নগরে ¶ ¶ বন্ধুমতিযা, অহোসিং ৰাণিজো তদা;
তেনেৰ দারং পোসেমি, রোপেমি বীজসম্পদং.
‘‘রথিযং পটিপন্নস্স, ৰিপস্সিস্স মহেসিনো;
একং খোমং মযা দিন্নং, কুসলত্থায সত্থুনো.
‘‘একনৰুতিতো ¶ কপ্পে, যং খোমমদদিং তদা;
দুগ্গতিং নাভিজানামি, খোমদানস্সিদং ফলং.
‘‘সত্তরসে [সত্তৰীসে (সী. স্যা.)] ইতো কপ্পে, একো সিন্ধৰসন্ধনো;
সত্তরতনসম্পন্নো, চতুদীপম্হি ইস্সরো.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা খোমদাযকো থেরো ইমা গাথাযো অভাসিত্থাতি.
খোমদাযকত্থেরস্সাপদানং দসমং.
তস্সুদ্দানং –
সুসূতি উপৰানো চ, সরণো সীলগাহকো;
অন্নসংসাৰকো খোমদাযী চ, দসেৰ ততিযে গণে;
অঞ্জলী খোমদাযী চ, দসেৰ ততিযে গণে;
পঞ্চালীসীতিসতং ৰুত্তা, গাথাযো সব্বপিণ্ডিতা.
সুভূতিৰগ্গো ততিযো.
চতুত্থভাণৰারং.
৪. কুণ্ডধানৰগ্গো
১. কুণ্ডধানত্থেরঅপদানং
‘‘সত্তাহং ¶ ¶ পটিসল্লীনং, সযম্ভুং অগ্গপুগ্গলং;
পসন্নচিত্তো সুমনো, বুদ্ধসেট্ঠং উপট্ঠহিং.
‘‘ৰুট্ঠিতং কালমঞ্ঞায, পদুমুত্তরং মহামুনিং;
মহন্তিং কদলীকণ্ণিং, গহেত্ৰা উপগচ্ছহং.
‘‘পটিগ্গহেত্ৰা ¶ [পটিগ্গহেসি (স্যা. ক.)] ভগৰা, সব্বঞ্ঞূ [তং ফলং (সী.)] লোকনাযকো;
মম চিত্তং পসাদেন্তো, পরিভুঞ্জি মহামুনি.
‘‘পরিভুঞ্জিত্ৰা সম্বুদ্ধো, সত্থৰাহো অনুত্তরো;
সকাসনে নিসীদিত্ৰা, ইমা গাথা অভাসথ.
‘‘‘যে ¶ চ সন্তি সমিতারো [যে ৰসন্তি সমেতারো (সী.)], যক্খা ইমম্হি পব্বতে;
অরঞ্ঞে ভূতভব্যানি [ভূতগণা সব্বে (স্যা.)], সুণন্তু ৰচনং মম’.
‘‘যো সো বুদ্ধং উপট্ঠাসি, মিগরাজংৰ কেসরিং [মিগরাজাৰ কেসরী (সী.)];
তমহং কিত্তযিস্সামি, সুণাথ মম ভাসতো.
‘‘‘একাদসঞ্চক্খত্তুং, সো [সোযমেকাদসক্খত্তুং (সী.)] দেৰরাজা ভৰিস্সতি;
চতুতিংসতিক্খত্তুঞ্চ, চক্কৰত্তী ভৰিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘অক্কোসিত্ৰান সমণে, সীলৰন্তে অনাসৰে;
পাপকম্মৰিপাকেন, নামধেয্যং লভিস্সতি [ভৰিস্সতি (ক.)].
‘‘‘তস্স ধম্মেসু দাযাদো, ওরসো ধম্মনিম্মিতো;
কুণ্ডধানোতি নামেন, সাৰকো সো ভৰিস্সতি’.
‘‘পৰিৰেকমনুযুত্তো, ঝাযী ঝানরতো অহং;
তোসযিত্ৰান সত্থারং, ৰিহরামি অনাসৰো.
‘‘সাৰকেহি ¶ ¶ [সাৰকগ্গেহি (সী.)] পরিৰুতো, ভিক্খুসঙ্ঘপুরক্খতো;
ভিক্খুসঙ্ঘে নিসীদিত্ৰা, সলাকং গাহযী জিনো.
‘‘একংসং ¶ চীৰরং কত্ৰা, ৰন্দিত্ৰা লোকনাযকং;
ৰদতং ৰরস্স পুরতো, পঠমং অগ্গহেসহং.
‘‘তেন কম্মেন ভগৰা, দসসহস্সীকম্পকো;
ভিক্খুসঙ্ঘে নিসীদিত্ৰা, অগ্গট্ঠানে ঠপেসি মং.
‘‘ৰীরিযং মে ধুরধোরয্হং, যোগক্খেমাধিৰাহনং;
ধারেমি অন্তিমং দেহং, সম্মাসম্বুদ্ধসাসনে.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা কুণ্ডধানো থেরো ইমা গাথাযো অভাসিত্থাতি.
কুণ্ডধানত্থেরস্সাপদানং পঠমং.
২. সাগতত্থেরঅপদানং
‘‘সোভিতো ¶ নাম নামেন, অহোসিং ব্রাহ্মণো তদা;
পুরক্খতো সসিস্সেহি, আরামং অগমাসহং.
‘‘ভগৰা তম্হি সমযে, ভিক্খুসঙ্ঘপুরক্খতো;
আরামদ্ৰারা নিক্খম্ম, অট্ঠাসি পুরিসুত্তমো.
‘‘তমদ্দসাসিং সম্বুদ্ধং, দন্তং দন্তপুরক্খতং;
সকং চিত্তং পসাদেত্ৰা, সন্থৰিং লোকনাযকং.
‘‘যে কেচি পাদপা সব্বে, মহিযা তে ৰিরূহরে;
বুদ্ধিমন্তো ¶ তথা সত্তা, রুহন্তি জিনসাসনে.
‘‘সত্থৰাহোসি সপ্পঞ্ঞো, মহেসি বহুকে জনে;
ৰিপথা উদ্ধরিত্ৰান, পথং আচিক্খসে তুৰং.
‘‘দন্তো ¶ দন্তপরিকিণ্ণো [পুরক্খতো (স্যা.)], ঝাযী ঝানরতেহি চ;
আতাপী পহিতত্তেহি, উপসন্তেহি তাদিভি.
‘‘অলঙ্কতো পরিসাহি, পুঞ্ঞঞাণেহি সোভতি;
পভা নিদ্ধাৰতে তুয্হং, সূরিযোদযনে যথা.
‘‘পসন্নচিত্তং ¶ দিস্ৰান, মহেসী পদুমুত্তরো;
ভিক্খুসঙ্ঘে ঠিতো সত্থা, ইমা গাথা অভাসথ.
‘‘‘যো সো হাসং জনেত্ৰান, মমং কিত্তেসি ব্রাহ্মণো;
কপ্পানং সতসহস্সং, দেৰলোকে রমিস্সতি.
‘‘‘তুসিতা হি চৰিত্ৰান, সুক্কমূলেন চোদিতো;
গোতমস্স ভগৰতো, সাসনে পব্বজিস্সতি.
‘‘‘তেন কম্মেন সুকতেন, অরহত্তং [তুট্ঠহট্ঠং (স্যা. ক.)] লভিস্সতি;
সাগতো নাম নামেন, হেস্সতি সত্থু সাৰকো’.
‘‘পব্বজিত্ৰান কাযেন, পাপকম্মং ৰিৰজ্জযিং;
ৰচীদুচ্চরিতং হিত্ৰা, আজীৰং পরিসোধযিং.
‘‘এৰং ¶ ৰিহরমানোহং, তেজোধাতূসু কোৰিদো;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সাগতো থেরো ইমা গাথাযো অভাসিত্থাতি.
সাগতত্থেরস্সাপদানং দুতিযং.
৩. মহাকচ্চানত্থেরঅপদানং
‘‘পদুমুত্তরনাথস্স, পদুমং নাম চেতিযং;
সিলাসনং [সীহাসনং (ক.)] কারযিত্ৰা, সুৰণ্ণেনাভিলেপযিং.
‘‘রতনামযছত্তঞ্চ, পগ্গয্হ ৰাল়বীজনিং [ৰাল়বীজনী (সী. স্যা.)];
বুদ্ধস্স অভিরোপেসিং, লোকবন্ধুস্স তাদিনো.
‘‘যাৰতা ¶ দেৰতা ভুম্মা [ভূমা (ক.)], সব্বে সন্নিপতুং তদা;
রতনামযছত্তানং, ৰিপাকং কথযিস্সতি.
‘‘তঞ্চ সব্বং সুণিস্সাম, কথযন্তস্স সত্থুনো;
ভিয্যো হাসং জনেয্যাম, সম্মাসম্বুদ্ধসাসনে.
‘‘হেমাসনে নিসীদিত্ৰা, সযম্ভূ অগ্গপুগ্গলো;
ভিক্খুসঙ্ঘপরিব্যূল়্হো [পরিব্বূল়্হো (সী.)], ইমা গাথা অভাসথ.
‘‘‘যেনিদং ¶ আসনং দিন্নং, সোৰণ্ণং রতনামযং;
তমহং কিত্তযিস্সামি, সুণাথ মম ভাসতো.
‘‘‘তিংসকপ্পানি ¶ দেৰিন্দো, দেৰরজ্জং করিস্সতি;
সমন্তা যোজনসতং, আভাযাভিভৰিস্সতি.
‘‘‘মনুস্সলোকমাগন্ত্ৰা, চক্কৰত্তী ভৰিস্সতি;
পভস্সরোতি নামেন, উগ্গতেজো ভৰিস্সতি.
‘‘‘দিৰা ৰা যদি ৰা রত্তিং, সতরংসীৰ উগ্গতো;
সমন্তা অট্ঠরতনং, উজ্জোতিস্সতি খত্তিযো.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তুসিতা ¶ হি চৰিত্ৰান, সুক্কমূলেন চোদিতো;
কচ্চানো নাম নামেন, ব্রহ্মবন্ধু ভৰিস্সতি.
‘‘‘সো পচ্ছা পব্বজিত্ৰান, অরহা হেস্সতিনাসৰো;
গোতমো লোকপজ্জোতো, অগ্গট্ঠানে ঠপেস্সতি.
‘‘‘সংখিত্তপুচ্ছিতং [সংখিত্তং পুচ্ছিতং (স্যা. ক.)] পঞ্হং, ৰিত্থারেন কথেস্সতি;
কথযন্তো চ তং পঞ্হং, অজ্ঝাসযং [অজ্ঝাসং (সী.), অব্ভাসং (ক.)] পূরযিস্সতি’.
‘‘অড্ঢে কুলে অভিজাতো, ব্রাহ্মণো মন্তপারগূ;
ওহায ধনধঞ্ঞানি, পব্বজিং অনগারিযং.
‘‘সংখিত্তেনপি পুচ্ছন্তে, ৰিত্থারেন কথেমহং;
অজ্ঝাসযং তেসং পূরেমি, তোসেমি দ্ৰিপদুত্তমং.
‘‘তোসিতো ¶ মে মহাৰীরো, সযম্ভূ অগ্গপুগ্গলো;
ভিক্খুসঙ্ঘে নিসীদিত্ৰা, এতদগ্গে ঠপেসি মং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা মহাকচ্চানো থেরো ইমা গাথাযো অভাসিত্থাতি.
মহাকচ্চানত্থেরস্সাপদানং ততিযং.
৪. কাল়ুদাযিত্থেরঅপদানং
‘‘পদুমুত্তরবুদ্ধস্স ¶ , লোকজেট্ঠস্স তাদিনো;
অদ্ধানং পটিপন্নস্স, চরতো চারিকং তদা.
‘‘সুফুল্লং পদুমং গয্হ, উপ্পলং মল্লিকঞ্চহং;
পরমন্নং গহেত্ৰান, অদাসিং সত্থুনো অহং.
‘‘পরিভুঞ্জি মহাৰীরো, পরমন্নং সুভোজনং;
তঞ্চ পুপ্ফং গহেত্ৰান, জনস্স সম্পদস্সযি.
‘‘ইট্ঠং কন্তং [কন্তযিদং (স্যা.)], পিযং লোকে, জলজং পুপ্ফমুত্তমং;
সুদুক্করং কতং তেন, যো মে পুপ্ফং অদাসিদং.
‘‘যো ¶ পুপ্ফমভিরোপেসি, পরমন্নঞ্চদাসি মে;
তমহং কিত্তযিস্সামি, সুণাথ মম ভাসতো.
‘‘‘দস অট্ঠ চক্খত্তুং [দস চট্ঠক্খত্তুং (সী.), দসমট্ঠক্খত্তুং (স্যা.)] সো, দেৰরজ্জং করিস্সতি;
উপ্পলং পদুমঞ্চাপি, মল্লিকঞ্চ তদুত্তরি.
‘‘‘অস্স ¶ পুঞ্ঞৰিপাকেন, দিব্বগন্ধসমাযুতং;
আকাসে ছদনং কত্ৰা, ধারযিস্সতি তাৰদে.
‘‘‘পঞ্চৰীসতিক্খত্তুঞ্চ, চক্কৰত্তী ভৰিস্সতি;
পথব্যা রজ্জং পঞ্চসতং, ৰসুধং আৰসিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন [নামেন (সী. স্যা. ক.)], সত্থা লোকে ভৰিস্সতি.
‘‘‘সককম্মাভিরদ্ধো ¶ সো, সুক্কমূলেন চোদিতো;
সক্যানং নন্দিজননো, ঞাতিবন্ধু ভৰিস্সতি.
‘‘‘সো পচ্ছা পব্বজিত্ৰান, সুক্কমূলেন চোদিতো;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘পটিসম্ভিদমনুপ্পত্তং, কতকিচ্চমনাসৰং;
গোতমো লোকবন্ধু তং [সো (সী.)], এতদগ্গে ঠপেস্সতি.
‘‘‘পধানপহিতত্তো সো, উপসন্তো নিরূপধি;
উদাযী নাম নামেন, হেস্সতি সত্থু সাৰকো’.
‘‘রাগো ¶ দোসো চ মোহো চ, মানো মক্খো চ ধংসিতো;
সব্বাসৰে পরিঞ্ঞায, ৰিহরামি অনাসৰো.
‘‘তোসযিঞ্চাপি সম্বুদ্ধং, আতাপী নিপকো অহং;
পসাদিতো [পমোদিতো (সী.)] চ সম্বুদ্ধো, এতদগ্গে ঠপেসি মং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা কাল়ুদাযী থেরো ইমা গাথাযো অভাসিত্থাতি;
কাল়ুদাযীথেরস্সাপদানং চতুত্থং.
৫. মোঘরাজত্থেরঅপদানং
‘‘অত্থদস্সী ¶ তু ভগৰা, সযম্ভূ অপরাজিতো;
ভিক্খুসঙ্ঘপরিব্যূল়্হো, রথিযং পটিপজ্জথ.
‘‘সিস্সেহি সম্পরিৰুতো, ঘরম্হা অভিনিক্খমিং;
নিক্খমিত্ৰানহং তত্থ, অদ্দসং লোকনাযকং.
‘‘অভিৰাদিয সম্বুদ্ধং, সিরে কত্ৰান অঞ্জলিং;
সকং চিত্তং পসাদেত্ৰা, সন্থৰিং লোকনাযকং.
‘‘যাৰতা রূপিনো সত্তা, অরূপী ৰা অসঞ্ঞিনো;
সব্বে তে তৰ ঞাণম্হি, অন্তো হোন্তি সমোগধা.
‘‘সুখুমচ্ছিকজালেন ¶ , উদকং যো পরিক্খিপে;
যে কেচি উদকে পাণা, অন্তোজালে ভৰন্তি তে.
‘‘যেসঞ্চ চেতনা অত্থি, রূপিনো চ অরূপিনো;
সব্বে তে তৰ ঞাণম্হি, অন্তো হোন্তি সমোগধা.
‘‘সমুদ্ধরসিমং লোকং, অন্ধকারসমাকুলং;
তৰ ধম্মং সুণিত্ৰান, কঙ্খাসোতং তরন্তি তে.
‘‘অৰিজ্জানিৰুতে লোকে, অন্ধকারেন ওত্থটে;
তৰ ¶ ঞাণম্হি জোতন্তে, অন্ধকারা পধংসিতা.
‘‘তুৰং চক্খূসি সব্বেসং, মহাতমপনূদনো;
তৰ ধম্মং সুণিত্ৰান, নিব্বাযতি বহুজ্জনো.
‘‘পুটকং ¶ পূরযিত্ৰান [পীঠরং (সী.), পুতরং (স্যা.)], মধুখুদ্দমনেল়কং;
উভো হত্থেহি পগ্গয্হ, উপনেসিং মহেসিনো.
‘‘পটিগ্গণ্হি মহাৰীরো, সহত্থেন মহা ইসী;
ভুঞ্জিত্ৰা তঞ্চ সব্বঞ্ঞূ, ৰেহাসং নভমুগ্গমি.
‘‘অন্তলিক্খে ঠিতো সত্থা, অত্থদস্সী নরাসভো;
মম চিত্তং পসাদেন্তো, ইমা গাথা অভাসথ.
‘‘‘যেনিদং থৰিতং ঞাণং, বুদ্ধসেট্ঠো চ থোমিতো;
তেন চিত্তপ্পসাদেন, দুগ্গতিং সো ন গচ্ছতি.
‘‘‘চতুদ্দসঞ্চক্খত্তুং [চতুসট্ঠিঞ্চ (স্যা.)] সো, দেৰরজ্জং করিস্সতি;
পথব্যা রজ্জং অট্ঠসতং, ৰসুধং আৰসিস্সতি.
‘‘‘পঞ্চেৰ ¶ সতক্খত্তুঞ্চ [অথ পঞ্চসতক্খত্তুং (সী.)], চক্কৰত্তী ভৰিস্সতি;
পদেসরজ্জং অসঙ্খেয্যং, মহিযা কারযিস্সতি.
‘‘‘অজ্ঝাযকো মন্তধরো, তিণ্ণং ৰেদান পারগূ;
গোতমস্স ভগৰতো, সাসনে পব্বজিস্সতি.
‘‘‘গম্ভীরং নিপুণং অত্থং, ঞাণেন ৰিচিনিস্সতি;
মোঘরাজাতি নামেন, হেস্সতি সত্থু সাৰকো.
‘‘‘তীহি ¶ ৰিজ্জাহি সম্পন্নং, কতকিচ্চমনাসৰং;
গোতমো ¶ সত্থৰাহগ্গো, এতদগ্গে ঠপেস্সতি’.
‘‘হিত্ৰা মানুসকং যোগং, ছেত্ৰান ভৰবন্ধনং;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা মোঘরাজো থেরো ইমা গাথাযো অভাসিত্থাতি;
মোঘরাজত্থেরস্সাপদানং পঞ্চমং.
৬. অধিমুত্তত্থেরঅপদানং
‘‘নিব্বুতে লোকনাথম্হি, অত্থদস্সীনরুত্তমে;
উপট্ঠহিং ভিক্খুসঙ্ঘং, ৰিপ্পসন্নেন চেতসা.
‘‘নিমন্তেত্ৰা ¶ ভিক্খুসঙ্ঘং [সংঘরতনং (সী. স্যা.)], উজুভূতং সমাহিতং;
উচ্ছুনা মণ্ডপং কত্ৰা, ভোজেসিং সঙ্ঘমুত্তমং.
‘‘যং যং যোনুপপজ্জামি, দেৰত্তং অথ মানুসং;
সব্বে সত্তে অভিভোমি [অতিভোমি (সী. ক.)], পুঞ্ঞকম্মস্সিদং ফলং.
‘‘অট্ঠারসে কপ্পসতে, যং দানমদদিং তদা;
দুগ্গতিং নাভিজানামি, উচ্ছুদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অধিমুত্তো থেরো ইমা গাথাযো অভাসিত্থাতি;
অধিমুত্তত্থেরস্সাপদানং ছট্ঠং.
৭. লসুণদাযকত্থেরঅপদানং
‘‘হিমৰন্তস্সাৰিদূরে ¶ , তাপসো আসহং তদা;
লসুণং উপজীৰামি, লসুণং ময্হভোজনং.
‘‘খারিযো ¶ পূরযিত্ৰান, সঙ্ঘারামমগচ্ছহং;
হট্ঠো হট্ঠেন চিত্তেন, সঙ্ঘস্স লসুণং অদং.
‘‘ৰিপস্সিস্স নরগ্গস্স, সাসনে নিরতস্সহং;
সঙ্ঘস্স লসুণং দত্ৰা, কপ্পং সগ্গম্হি মোদহং.
‘‘একনৰুতিতো কপ্পে, লসুণং যমদং তদা;
দুগ্গতিং নাভিজানামি, লসুণস্স ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা লসুণদাযকো থেরো ইমা গাথাযো অভাসিত্থাতি;
লসুণদাযকত্থেরস্সাপদানং সত্তমং.
৮. আযাগদাযকত্থেরঅপদানং
‘‘নিব্বুতে ¶ লোকনাথম্হি, সিখিম্হি ৰদতং ৰরে;
হট্ঠো হট্ঠেন চিত্তেন, অৰন্দিং থূপমুত্তমং.
‘‘ৰড্ঢকীহি ¶ কথাপেত্ৰা, মূলং দত্ৰানহং তদা;
হট্ঠো হট্ঠেন চিত্তেন, আযাগং কারপেসহং.
‘‘অট্ঠ কপ্পানি দেৰেসু, অব্বোকিণ্ণং [অব্বোচ্ছিন্নং (সী.)] ৰসিং অহং;
অৰসেসেসু কপ্পেসু, ৰোকিণ্ণং সংসরিং অহং.
‘‘কাযে ৰিসং ন কমতি, সত্থানি ন চ হন্তি মে;
উদকেহং ন মিয্যামি, আযাগস্স ইদং ফলং.
‘‘যদিচ্ছামি অহং ৰস্সং, মহামেঘো পৰস্সতি;
দেৰাপি মে ৰসং এন্তি, পুঞ্ঞকম্মস্সিদং ফলং.
‘‘সত্তরতনসম্পন্নো, তিসক্খত্তুং অহোসহং;
ন মং কেচাৰজানন্তি, পুঞ্ঞকম্মস্সিদং ফলং.
‘‘একত্তিংসে ¶ ইতো কপ্পে, আযাগং যমকারযিং;
দুগ্গতিং নাভিজানামি, আযাগস্স ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা আযাগদাযকো থেরো ইমা গাথাযো অভাসিত্থাতি.
আযাগদাযকত্থেরস্সাপদানং অট্ঠমং.
৯. ধম্মচক্কিকত্থেরঅপদানং
‘‘সিদ্ধত্থস্স ¶ ভগৰতো, সীহাসনস্স সম্মুখা;
ধম্মচক্কং মে ঠপিতং, সুকতং ৰিঞ্ঞুৰণ্ণিতং.
‘‘চারুৰণ্ণোৰ সোভামি, সযোগ্গবলৰাহনো;
পরিৰারেন্তি মং নিচ্চং, অনুযন্তা বহুজ্জনা.
‘‘সট্ঠিতূরিযসহস্সেহি, পরিচারেমহং সদা;
পরিৰারেন সোভামি, পুঞ্ঞকম্মস্সিদং ফলং.
‘‘চতুন্নৰুতিতো কপ্পে, যং চক্কং ঠপযিং অহং;
দুগ্গতিং নাভিজানামি, ধম্মচক্কস্সিদং ফলং.
‘‘ইতো একাদসে কপ্পে, অট্ঠাসিংসু জনাধিপা;
সহস্সরাজনামেন, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধম্মচক্কিকো থেরো ইমা গাথাযো অভাসিত্থাতি.
ধম্মচক্কিকত্থেরস্সাপদানং নৰমং.
১০. কপ্পরুক্খিযত্থেরঅপদানং
‘‘সিদ্ধত্থস্স ভগৰতো, থূপসেট্ঠস্স সম্মুখা;
ৰিচিত্তদুস্সে লগেত্ৰা [লগ্গেত্ৰা (সী. স্যা.)], কপ্পরুক্খং ঠপেসহং.
‘‘যং ¶ ¶ যং যোনুপপজ্জামি, দেৰত্তং অথ মানুসং;
সোভযন্তো মম দ্ৰারং, কপ্পরুক্খো পতিট্ঠতি.
‘‘অহঞ্চ ¶ পরিসা চেৰ, যে কেচি মম ৰস্সিতা [নিস্সিতা (সী.)];
তম্হা দুস্সং গহেত্ৰান, নিৰাসেম মযং সদা [তদা (স্যা.)].
‘‘চতুন্নৰুতিতো কপ্পে, যং রুক্খং ঠপযিং অহং;
দুগ্গতিং নাভিজানামি, কপ্পরুক্খস্সিদং ফলং.
‘‘ইতো চ সত্তমে কপ্পে, সুচেল়া অট্ঠ খত্তিযা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কপ্পরুক্খিযো থেরো ইমা গাথাযো অভাসিত্থাতি.
কপ্পরুক্খিযত্থেরস্সাপদানং দসমং.
কুণ্ডধানৰগ্গো চতুত্থো.
তস্সুদ্দানং –
কুণ্ডসাগতকচ্চানা, উদাযী মোঘরাজকো;
অধিমুত্তো লসুণদো, আযাগী ধম্মচক্কিকো;
কপ্পরুক্খী চ দসমো, গাথা দ্ৰযদসসতং [গাথাযো দ্ৰাদসসতং (সী.)].
৫. উপালিৰগ্গো
১. ভাগিনেয্যুপালিত্থেরঅপদানং
‘‘খীণাসৰসহস্সেহি ¶ ¶ , পরিৰুতো [পরেতো (ক. অট্ঠ)] লোকনাযকো;
ৰিৰেকমনুযুত্তো সো, গচ্ছতে পটিসল্লিতুং.
‘‘অজিনেন নিৰত্থোহং, তিদণ্ডপরিধারকো;
ভিক্খুসঙ্ঘপরিব্যূল়্হং, অদ্দসং লোকনাযকং.
‘‘একংসং ¶ অজিনং কত্ৰা, সিরে কত্ৰান অঞ্জলিং;
সম্বুদ্ধং অভিৰাদেত্ৰা, সন্থৰিং লোকনাযকং.
‘‘যথাণ্ডজা চ সংসেদা, ওপপাতী জলাবুজা;
কাকাদিপক্খিনো সব্বে, অন্তলিক্খচরা সদা.
‘‘যে কেচি পাণভূতত্থি, সঞ্ঞিনো ৰা অসঞ্ঞিনো;
সব্বে তে তৰ ঞাণম্হি, অন্তো হোন্তি সমোগধা.
‘‘গন্ধা চ পব্বতেয্যা যে, হিমৰন্তনগুত্তমে;
সব্বে তে তৰ সীলম্হি, কলাযপি ন যুজ্জরে.
‘‘মোহন্ধকারপক্খন্দো, অযং লোকো সদেৰকো;
তৰ ঞাণম্হি জোতন্তে, অন্ধকারা ৰিধংসিতা.
‘‘যথা অত্থঙ্গতে সূরিযে, হোন্তি সত্তা তমোগতা;
এৰং বুদ্ধে অনুপ্পন্নে, হোতি লোকো তমোগতো.
‘‘যথোদযন্তো আদিচ্চো, ৰিনোদেতি তমং সদা;
তথেৰ ত্ৰং বুদ্ধসেট্ঠ, ৰিদ্ধংসেসি তমং সদা.
‘‘পধানপহিতত্তোসি ¶ , বুদ্ধো লোকে সদেৰকে;
তৰ কম্মাভিরদ্ধেন, তোসেসি জনতং বহুং.
‘‘তং সব্বং অনুমোদিত্ৰা, পদুমুত্তরো মহামুনি;
নভং অব্ভুগ্গমী ধীরো, হংসরাজাৰ অম্বরে.
‘‘অব্ভুগ্গন্ত্ৰান ¶ সম্বুদ্ধো, মহেসি পদুমুত্তরো;
অন্তলিক্খে ঠিতো সত্থা, ইমা গাথা অভাসথ.
‘‘যেনিদং ¶ থৰিতং ঞাণং, ওপম্মেহি সমাযুতং;
তমহং কিত্তযিস্সামি, সুণাথ মম ভাসতো.
‘‘‘অট্ঠারসঞ্চ খত্তুং সো, দেৰরাজা ভৰিস্সতি;
পথব্যা রজ্জং তিসতং, ৰসুধং আৰসিস্সতি.
‘‘‘পঞ্চৰীসতিক্খত্তুঞ্চ, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তুসিতা হি চৰিত্ৰান, সুক্কমূলেন চোদিতো;
হীনোৰ জাতিযা সন্তো, উপালি নাম হেস্সতি.
‘‘‘সো ¶ পচ্ছা পব্বজিত্ৰান, ৰিরাজেত্ৰান পাপকং;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘তুট্ঠো চ গোতমো বুদ্ধো, সক্যপুত্তো মহাযসো;
ৰিনযাধিগতং তস্স, এতদগ্গে ঠপেস্সতি’.
‘‘সদ্ধাযাহং ¶ পব্বজিতো, কতকিচ্চো অনাসৰো;
সব্বাসৰে পরিঞ্ঞায, ৰিহরামি অনাসৰো.
‘‘ভগৰা চানুকম্পী মং, ৰিনযেহং ৰিসারদো;
সককম্মাভিরদ্ধো চ, ৰিহরামি অনাসৰো.
‘‘সংৰুতো পাতিমোক্খম্হি, ইন্দ্রিযেসু চ পঞ্চসু;
ধারেমি ৰিনযং সব্বং, কেৰলং রতনাকরং [রতনগ্ঘরং (ক.)].
‘‘মমঞ্চ গুণমঞ্ঞায, সত্থা লোকে অনুত্তরো;
ভিক্খুসঙ্ঘে নিসীদিত্ৰা, এতদগ্গে ঠপেসি মং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা উপালিথেরো ইমা গাথাযো অভাসিত্থাতি.
ভাগিনেয্যুপালিত্থেরস্সাপদানং পঠমং.
২. সোণকোল়িৰিসত্থেরঅপদানং
‘‘অনোমদস্সিস্স ¶ ¶ মুনিনো, লোকজেট্ঠস্স তাদিনো;
সুধায লেপনং কত্ৰা, চঙ্কমং কারযিং অহং.
‘‘নানাৰণেহি পুপ্ফেহি, চঙ্কমং সন্থরিং অহং;
আকাসে ৰিতানং কত্ৰা, ভোজযিং বুদ্ধমুত্তমং.
‘‘অঞ্জলিং ¶ পগ্গহেত্ৰান, অভিৰাদেত্ৰান সুব্বতং [পুপ্ফকং (ক.)];
দীঘসালং ভগৰতো, নিয্যাদেসিমহং তদা.
‘‘মম সঙ্কপ্পমঞ্ঞায, সত্থা লোকে অনুত্তরো;
পটিগ্গহেসি ভগৰা, অনুকম্পায চক্খুমা.
‘‘পটিগ্গহেত্ৰান সম্বুদ্ধো, দক্খিণেয্যো সদেৰকে;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো সো হট্ঠেন চিত্তেন, দীঘসালং অদাসি [অকাসি (সী.)] মে;
তমহং কিত্তযিস্সামি, সুণাথ মম ভাসতো.
‘‘‘ইমস্স ¶ মচ্চুকালম্হি, পুঞ্ঞকম্মসমঙ্গিনো;
সহস্সযুত্তস্সরথো, উপট্ঠিস্সতি তাৰদে.
‘‘‘তেন যানেনযং পোসো, দেৰলোকং গমিস্সতি;
অনুমোদিস্সরে দেৰা, সম্পত্তে কুসলব্ভৰে [কুসলে ভৰে (সী. স্যা.)].
‘‘‘মহারহং ব্যম্হং সেট্ঠং, রতনমত্তিকলেপনং;
কূটাগারৰরূপেতং, ব্যম্হং অজ্ঝাৰসিস্সতি.
‘‘‘তিংসকপ্পসহস্সানি, দেৰলোকে রমিস্সতি;
পঞ্চৰীসতি কপ্পানি, দেৰরাজা ভৰিস্সতি.
‘‘‘সত্তসত্ততিক্খত্তুঞ্চ, চক্কৰত্তী ভৰিস্সতি;
যসোধরসনামা [যসেধরা সমানা (সী.)] তে, সব্বেপি একনামকা.
‘‘‘দ্ৰে সম্পত্তী অনুভোত্ৰা, ৰড্ঢেত্ৰা [চিনিত্ৰা (স্যা.)] পুঞ্ঞসঞ্চযং;
অট্ঠৰীসতিকপ্পম্হি, চক্কৰত্তী ভৰিস্সতি.
‘‘‘তত্রাপি ¶ ¶ ব্যম্হং পৰরং, ৰিস্সকম্মেন মাপিতং;
দসসদ্দাৰিৰিত্তং তং, পুরমজ্ঝাৰসিস্সতি.
‘‘‘অপরিমেয্যে ¶ ইতো কপ্পে, ভূমিপালো মহিদ্ধিকো;
ওক্কাকো নাম নামেন, রাজা রট্ঠে ভৰিস্সতি.
‘‘‘সোল়সিত্থিসহস্সানং, সব্বাসং পৰরা চ সা [পৰরাৰ যা (স্যা.), পৰরা পিযা (?)];
অভিজাতা খত্তিযানী, নৰ পুত্তে জনেস্সতি.
‘‘‘নৰ পুত্তে জনেত্ৰান, খত্তিযানী মরিস্সতি;
তরুণী চ পিযা কঞ্ঞা, মহেসিত্তং করিস্সতি.
‘‘‘ওক্কাকং তোসযিত্ৰান, ৰরং কঞ্ঞা লভিস্সতি;
ৰরং লদ্ধান সা কঞ্ঞা, পুত্তে পব্বাজযিস্সতি.
‘‘‘পব্বাজিতা চ তে সব্বে, গমিস্সন্তি নগুত্তমং;
জাতিভেদভযা সব্বে, ভগিনীহি ৰসিস্সরে [সংৰসিস্সরে (সী.)].
‘‘‘একা চ কঞ্ঞা ব্যাধীহি, ভৰিস্সতি পরিক্খতা [পুরক্খতা (স্যা. ক.)];
মা নো জাতি পভিজ্জীতি, নিখণিস্সন্তি খত্তিযা.
‘‘‘খত্তিযো নীহরিত্ৰান, তায সদ্ধিং ৰসিস্সতি;
ভৰিস্সতি তদা ভেদো, ওক্কাককুলসম্ভৰো.
‘‘‘তেসং ¶ পজা ভৰিস্সন্তি, কোল়িযা নাম জাতিযা;
তত্থ মানুসকং ভোগং, অনুভোস্সতিনপ্পকং.
‘‘‘তম্হা কাযা চৰিত্ৰান, দেৰলোকং গমিস্সতি;
তত্রাপি পৰরং ব্যম্হং, লভিস্সতি মনোরমং.
‘‘‘দেৰলোকা ¶ চৰিত্ৰান, সুক্কমূলেন চোদিতো;
আগন্ত্ৰান মনুস্সত্তং, সোণো নাম ভৰিস্সতি.
‘‘‘আরদ্ধৰীরিযো পহিতত্তো, পদহং সত্থু সাসনে;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘অনন্তদস্সী ভগৰা, গোতমো সক্যপুঙ্গৰো;
ৰিসেসঞ্ঞূ মহাৰীরো, অগ্গট্ঠানে ঠপেস্সতি’.
‘‘ৰুট্ঠম্হি ¶ দেৰে চতুরঙ্গুলম্হি, তিণে অনিলেরিতঅঙ্গণম্হি;
ঠত্ৰান যোগস্স পযুত্ততাদিনো, ততোত্তরিং পারমতা ন ৰিজ্জতি.
‘‘উত্তমে দমথে দন্তো, চিত্তং মে সুপণীহিতং;
ভারো মে ওহিতো সব্বো, নিব্বুতোম্হি অনাসৰো.
‘‘অঙ্গীরসো ¶ মহানাগো, অভিজাতোৰ কেসরী;
ভিক্খুসঙ্ঘে নিসীদিত্ৰা, এতদগ্গে ঠপেসি মং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সোণো কোল়িৰিসো [কোল়িযৰেস্সো (সী. স্যা.), কোটিকণ্ণো (ক.)] থেরো ইমা গাথাযো অভাসিত্থাতি.
সোণকোল়িৰিসত্থেরস্সাপদানং দুতিযং.
৩. কাল়িগোধাপুত্তভদ্দিযত্থেরঅপদানং
‘‘পদুমুত্তরসম্বুদ্ধং ¶ , মেত্তচিত্তং মহামুনিং;
উপেতি জনতা সব্বা, সব্বলোকগ্গনাযকং.
‘‘সত্তুকঞ্চ বদ্ধকঞ্চ [ৰত্থং সেনাসনঞ্চেৰ (সী.), সত্তুকঞ্চ পদকঞ্চ (সী. অট্ঠ.), সত্তুকঞ্চ পৰাকঞ্চ (স্যা.)], আমিসং পানভোজনং;
দদন্তি সত্থুনো সব্বে, পুঞ্ঞক্খেত্তে অনুত্তরে.
‘‘অহম্পি ¶ দানং দস্সামি, দেৰদেৰস্স তাদিনো;
বুদ্ধসেট্ঠং নিমন্তেত্ৰা, সঙ্ঘম্পি চ অনুত্তরং.
‘‘উয্যোজিতা মযা চেতে, নিমন্তেসুং তথাগতং;
কেৰলং ভিক্খুসঙ্ঘঞ্চ, পুঞ্ঞক্খেত্তং অনুত্তরং.
‘‘সতসহস্সপল্লঙ্কং, সোৰণ্ণং গোনকত্থতং;
তূলিকাপটলিকায, খোমকপ্পাসিকেহি চ;
মহারহং পঞ্ঞাপযিং, আসনং বুদ্ধযুত্তকং.
‘‘পদুমুত্তরো ¶ লোকৰিদূ, দেৰদেৰো নরাসভো;
ভিক্খুসঙ্ঘপরিব্যূল়্হো, মম দ্ৰারমুপাগমি.
‘‘পচ্চুগ্গন্ত্ৰান সম্বুদ্ধং, লোকনাথং যসস্সিনং;
পসন্নচিত্তো সুমনো, অভিনামযিং সঙ্ঘরং [সকং ঘরং (সী.)].
‘‘ভিক্খূনং সতসহস্সং, বুদ্ধঞ্চ লোকনাযকং;
পসন্নচিত্তো সুমনো, পরমন্নেন তপ্পযিং.
‘‘পদুমুত্তরো লোকৰিদূ, আহুতীনং পটিগ্গহো;
ভিক্খুসঙ্ঘে ¶ নিসীদিত্ৰা, ইমা গাথা অভাসথ.
‘‘‘যেনিদং আসনং দিন্নং, সোৰণ্ণং গোনকত্থতং;
তমহং কিত্তযিস্সামি, সুণাথ মম ভাসতো.
‘‘‘চতুসত্ততিক্খত্তুং ¶ সো, দেৰরজ্জং করিস্সতি;
অনুভোস্সতি সম্পত্তিং, অচ্ছরাহি পুরক্খতো.
‘‘‘পদেসরজ্জং সহস্সং, ৰসুধং আৰসিস্সতি;
একপঞ্ঞাসক্খত্তুঞ্চ, চক্কৰত্তী ভৰিস্সতি.
‘‘‘সব্বাসু ভৰযোনীসু, উচ্চাকুলী [উচ্চাকুলে (ক.)] ভৰিস্সতি;
সো চ পচ্ছা পব্বজিত্ৰা, সুক্কমূলেন চোদিতো;
ভদ্দিযো নাম নামেন, হেস্সতি সত্থু সাৰকো.
‘‘‘ৰিৰেকমনুযুত্তোম্হি, পন্তসেননিৰাসহং;
ফলঞ্চাধিগতং সব্বং, চত্তক্লেসোম্হি অজ্জহং.
‘‘‘মম সব্বং [কম্মং (?)] অভিঞ্ঞায, সব্বঞ্ঞূ লোকনাযকো;
ভিক্খুসঙ্ঘে নিসীদিত্ৰা, এতদগ্গে ঠপেসি মং’.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা ভদ্দিযো কাল়িগোধায পুত্তো থেরো ইমা গাথাযো অভাসিত্থাতি.
ভদ্দিযস্স কাল়িগোধায পুত্তত্থেরস্সাপদানং ততিযং.
৪. সন্নিট্ঠাপকত্থেরঅপদানং
‘‘অরঞ্ঞে ¶ ¶ কুটিকং কত্ৰা, ৰসামি পব্বতন্তরে;
লাভালাভেন সন্তুট্ঠো, যসেন অযসেন চ.
‘‘পদুমুত্তরো লোকৰিদূ, আহুতীনং পটিগ্গহো;
ৰসীসতসহস্সেহি [ভিক্খুসতসহস্সেহি (স্যা.)], আগচ্ছি মম সন্তিকং.
‘‘উপাগতং মহানাগং [মহাৰীরং (সী.)], জলজুত্তমনামকং;
তিণসন্থরং [তিণত্থরং (ক.)] পঞ্ঞাপেত্ৰা, অদাসিং সত্থুনো অহং.
‘‘পসন্নচিত্তো সুমনো, আমণ্ডং পানীযঞ্চহং;
অদাসিং উজুভূতস্স, ৰিপ্পসন্নেন চেতসা.
‘‘সতসহস্সিতো কপ্পে [সতসহস্সে ইতো কপ্পে (সী.)], যং দানমদদিং তদা;
দুগ্গতিং নাভিজানামি, আমণ্ডস্স ইদং ফলং.
‘‘একতালীসকপ্পম্হি, একো আসিং অরিন্দমো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সন্নিট্ঠাপকো [সন্নিধাপকো (সী.)] থেরো ইমা গাথাযো অভাসিত্থাতি.
সন্নিট্ঠাপকত্থেরস্সাপদানং চতুত্থং.
৫. পঞ্চহত্থিযত্থেরঅপদানং
‘‘সুমেধো ¶ নাম সম্বুদ্ধো, গচ্ছতে অন্তরাপণে;
ওক্খিত্তচক্খু [খিত্তচক্খু (ক. সী. ক.)] মিতভাণী, সতিমা সংৰুতিন্দ্রিযো.
‘‘পঞ্চ উপ্পলহত্থানি, আৰেল়ত্থং অহংসু মে;
তেন বুদ্ধং অপূজেসিং, পসন্নো সেহি পাণিভি.
‘‘আরোপিতা ¶ চ তে পুপ্ফা, ছদনং অস্সু সত্থুনো;
সমাধিংসু [সংসাৰিংসু (সী.)] মহানাগং, সিস্সা আচরিযং যথা.
‘‘তিংসকপ্পসহস্সম্হি ¶ , যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো ৰীসকপ্পসতে, অহেসুং পঞ্চ খত্তিযা;
হত্থিযা নাম নামেন, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পঞ্চহত্থিযো থেরো ইমা গাথাযো অভাসিত্থাতি.
পঞ্চহত্থিযত্থেরস্সাপদানং পঞ্চমং.
৬. পদুমচ্ছদনিযত্থেরঅপদানং
‘‘নিব্বুতে লোকনাথম্হি, ৰিপস্সিম্হগ্গপুগ্গলে;
সুফুল্লপদুমং গয্হ, চিতমারোপযিং অহং.
‘‘আরোপিতে ¶ চ চিতকে, ৰেহাসং নভমুগ্গমি;
আকাসে ছদনং [আকাসচ্ছদনং (সী.)] কত্ৰা, চিতকম্হি অধারযি.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্ততালীসিতো ¶ কপ্পে, পদুমিস্সরনামকো;
চাতুরন্তো ৰিজিতাৰী, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমচ্ছদনিযো থেরো ইমা গাথাযো অভাসিত্থাতি;
পদুমচ্ছদনিযত্থেরস্সাপদানং ছট্ঠং.
৭. সযনদাযকত্থেরঅপদানং
‘‘সিদ্ধত্থস্স ভগৰতো, মেত্তচিত্তস্স তাদিনো;
সযনগ্গং মযা দিন্নং, দুস্সভণ্ডেহি [দুস্সভণ্ডেন (স্যা.)] অত্থতং.
‘‘পটিগ্গহেসি ¶ ভগৰা, কপ্পিযং সযনাসনং;
উট্ঠায সযনা [আসনা (সী.)] তম্হা, ৰেহাসং উগ্গমী জিনো.
‘‘চতুন্নৰুতিতো ¶ কপ্পে, যং সযনমদাসহং;
দুগ্গতিং নাভিজানামি, সযনস্স ইদং ফলং.
‘‘একপঞ্ঞাসিতো ¶ কপ্পে, ৰরকো [ৰরুণো (সী. স্যা.)] দেৰসৰ্হযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সযনদাযকো থেরো ইমা গাথাযো অভাসিত্থাতি.
সযনদাযকত্থেরস্সাপদানং সত্তমং.
৮. চঙ্কমনদাযকত্থেরঅপদানং
‘‘অত্থদস্সিস্স মুনিনো, লোকজেট্ঠস্স তাদিনো;
ইট্ঠকাহি চিনিত্ৰান, চঙ্কমং কারযিং অহং.
‘‘উচ্চতো পঞ্চরতনং, চঙ্কমং সাধুমাপিতং;
আযামতো হত্থসতং, ভাৰনীয্যং মনোরমং.
‘‘পটিগ্গহেসি ভগৰা, অত্থদস্সী নরুত্তমো;
হত্থেন পুলিনং গয্হ, ইমা গাথা অভাসথ.
‘‘‘ইমিনা ¶ পুলিনদানেন, চঙ্কমং সুকতেন চ;
সত্তরতনসম্পন্নং, পুলিনং অনুভোস্সতি.
‘‘‘তীণি কপ্পানি দেৰেসু, দেৰরজ্জং করিস্সতি;
অনুভোস্সতি সম্পত্তিং, অচ্ছরাহি পুরক্খতো.
‘‘‘মনুস্সলোকমাগন্ত্ৰা ¶ , রাজা রট্ঠে ভৰিস্সতি;
তিক্খত্তুং চক্কৰত্তী চ, মহিযা সো ভৰিস্সতি’.
‘‘অট্ঠারসে কপ্পসতে, যং কম্মমকরিং তদা;
দুগ্গতিং নাভিজানামি, চঙ্কমস্স ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা চঙ্কমনদাযকো থেরো ইমা গাথাযো অভাসিত্থাতি.
চঙ্কমনদাযকত্থেরস্সাপদানং অট্ঠমং.
৯. সুভদ্দত্থেরঅপদানং
‘‘পদুমুত্তরো ¶ লোকৰিদূ, আহুতীনং পটিগ্গহো;
জনতং উদ্ধরিত্ৰান, নিব্বাযতি মহাযসো.
‘‘নিব্বাযন্তে চ সম্বুদ্ধে, দসসহস্সি কম্পথ;
জনকাযো মহা আসি, দেৰা সন্নিপতুং তদা.
‘‘চন্দনং পূরযিত্ৰান, তগরামল্লিকাহি চ;
হট্ঠো হট্ঠেন চিত্তেন, আরোপযিং [আলেপেসিং (সী.), আরোপেসিং (স্যা.)] নরুত্তমং.
‘‘মম সঙ্কপ্পমঞ্ঞায, সত্থা লোকে অনুত্তরো;
নিপন্নকোৰ সম্বুদ্ধো, ইমা গাথা অভাসথ.
‘‘‘যো ¶ মে পচ্ছিমকে কালে, গন্ধমালেন [গন্ধমল্লেন (স্যা. ক.) নপুংসকেকত্তং মনসিকাতব্বং] ছাদযি;
তমহং কিত্তযিস্সামি, সুণাথ মম ভাসতো.
‘‘‘ইতো চুতো অযং পোসো, তুসিতকাযং গমিস্সতি;
তত্থ রজ্জং করিত্ৰান, নিম্মানং সো গমিস্সতি.
‘‘‘এতেনেৰ উপাযেন, দত্ৰা মালং [মল্যং (সী.), মল্লং (স্যা. ক.)] ৰরুত্তমং;
সককম্মাভিরদ্ধো সো, সম্পত্তিং অনুভোস্সতি.
‘‘‘পুনাপি ¶ তুসিতে কাযে, নিব্বত্তিস্সতিযং নরো;
তম্হা কাযা চৰিত্ৰান, মনুস্সত্তং গমিস্সতি.
‘‘‘সক্যপুত্তো মহানাগো, অগ্গো লোকে সদেৰকে;
বোধযিত্ৰা বহূ সত্তে, নিব্বাযিস্সতি চক্খুমা.
‘‘‘তদা ¶ সোপগতো সন্তো, সুক্কমূলেন চোদিতো;
উপসঙ্কম্ম সম্বুদ্ধং, পঞ্হং পুচ্ছিস্সতি তদা.
‘‘‘হাসযিত্ৰান সম্বুদ্ধো, সব্বঞ্ঞূ লোকনাযকো;
পুঞ্ঞকম্মং পরিঞ্ঞায, সচ্চানি ৰিৰরিস্সতি.
‘‘‘আরদ্ধো চ অযং পঞ্হো, তুট্ঠো একগ্গমানসো;
সত্থারং অভিৰাদেত্ৰা, পব্বজ্জং যাচযিস্সতি.
‘‘‘পসন্নমানসং দিস্ৰা, সককম্মেন তোসিতং;
পব্বাজেস্সতি সো বুদ্ধো, অগ্গমগ্গস্স কোৰিদো.
‘‘‘ৰাযমিত্ৰানযং পোসো, সম্মাসম্বুদ্ধসাসনে;
সব্বাসৰে পরিঞ্ঞায, নিব্বাযিস্সতিনাসৰো’.
পঞ্চমভাণৰারং.
‘‘পুব্বকম্মেন ¶ ¶ সংযুত্তো, একগ্গো সুসমাহিতো;
বুদ্ধস্স ওরসো পুত্তো, ধম্মজোম্হি সুনিম্মিতো.
‘‘ধম্মরাজং উপগম্ম, অপুচ্ছিং পঞ্হমুত্তমং;
কথযন্তো চ মে পঞ্হং, ধম্মসোতং উপানযি.
‘‘তস্সাহং ধম্মমঞ্ঞায, ৰিহাসিং সাসনে রতো;
সব্বাসৰে পরিঞ্ঞায, ৰিহরামি অনাসৰো.
‘‘সতসহস্সিতো কপ্পে, জলজুত্তমনাযকো;
নিব্বাযি অনুপাদানো, দীপোৰ তেলসঙ্খযা.
‘‘সত্তযোজনিকং আসি, থূপঞ্চ রতনামযং;
ধজং তত্থ অপূজেসিং, সব্বভদ্দং মনোরমং.
‘‘কস্সপস্স চ বুদ্ধস্স, তিস্সো নামগ্গসাৰকো;
পুত্তো মে ওরসো আসি, দাযাদো জিনসাসনে.
‘‘তস্স হীনেন মনসা, ৰাচং ভাসিং অভদ্দকং;
তেন কম্মৰিপাকেন, পচ্ছা মে আসি ভদ্দকং [পচ্ছিমে অদ্দসং জিনং (সী.)].
‘‘উপৰত্তনে ¶ সালৰনে, পচ্ছিমে সযনে মুনি;
পব্বাজেসি মহাৰীরো, হিতো কারুণিকো জিনো.
‘‘অজ্জেৰ ¶ দানি পব্বজ্জা, অজ্জেৰ উপসম্পদা;
অজ্জেৰ পরিনিব্বানং, সম্মুখা দ্ৰিপদুত্তমে.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সুভদ্দো থেরো ইমা গাথাযো অভাসিত্থাতি.
সুভদ্দত্থেরস্সাপদানং নৰমং.
১০. চুন্দত্থেরঅপদানং
‘‘সিদ্ধত্থস্স ভগৰতো, লোকজেট্ঠস্স তাদিনো;
অগ্ঘিযং কারযিত্ৰান, জাতিপুপ্ফেহি ছাদযিং.
‘‘নিট্ঠাপেত্ৰান তং পুপ্ফং, বুদ্ধস্স উপনামযিং;
পুপ্ফাৰসেসং পগ্গয্হ, বুদ্ধস্স অভিরোপযিং.
‘‘কঞ্চনগ্ঘিযসঙ্কাসং ¶ , বুদ্ধং লোকগ্গনাযকং;
পসন্নচিত্তো সুমনো, পুপ্ফগ্ঘিযমুপানযিং.
‘‘ৰিতিণ্ণকঙ্খো সম্বুদ্ধো, তিণ্ণোঘেহি পুরক্খতো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘দিব্বগন্ধং পৰাযন্তং, যো মে পুপ্ফগ্ঘিযং অদা;
তমহং কিত্তযিস্সামি, সুণাথ মম ভাসতো.
‘‘‘ইতো চুতো অযং পোসো, দেৰসঙ্ঘপুরক্খতো;
জাতিপুপ্ফেহি পরিকিণ্ণো, দেৰলোকং গমিস্সতি.
‘‘‘উব্বিদ্ধং ভৰনং তস্স, সোৰণ্ণঞ্চ মণীমযং;
ব্যম্হং পাতুভৰিস্সতি, পুঞ্ঞকম্মপ্পভাৰিতং.
‘‘‘চতুসত্ততিক্খত্তুং ¶ সো, দেৰরজ্জং করিস্সতি;
অনুভোস্সতি সম্পত্তিং, অচ্ছরাহি পুরক্খতো.
‘‘‘পথব্যা রজ্জং তিসতং, ৰসুধং আৰসিস্সতি;
পঞ্চসত্ততিক্খত্তুঞ্চ, চক্কৰত্তী ভৰিস্সতি.
‘‘‘দুজ্জযো ¶ নাম নামেন, হেস্সতি মনুজাধিপো;
অনুভোত্ৰান তং পুঞ্ঞং, সককম্মং অপস্সিতো [সককম্মূপসংহিতো (স্যা.)].
‘‘‘ৰিনিপাতং ¶ অগন্ত্ৰান, মনুস্সত্তং গমিস্সতি;
হিরঞ্ঞং তস্স [হিরঞ্ঞস্স চ (সী. ক.)] নিচিতং, কোটিসতমনপ্পকং.
‘‘‘নিব্বত্তিস্সতি যোনিম্হি, ব্রাহ্মণে সো ভৰিস্সতি;
ৰঙ্গন্তস্স সুতো ধীমা, সারিযা ওরসো পিযো.
‘‘‘সো চ পচ্ছা পব্বজিত্ৰা, অঙ্গীরসস্স সাসনে;
চূল়চুন্দোতি [চূলচুন্দোতি (সী.)] নামেন, হেস্সতি সত্থু সাৰকো.
‘‘‘সামণেরোৰ সো সন্তো, খীণাসৰো ভৰিস্সতি;
সব্বাসৰে পরিঞ্ঞায, নিব্বাযিস্সতিনাসৰো’.
‘‘উপট্ঠহিং মহাৰীরং, অঞ্ঞে চ পেসলে বহূ;
ভাতরং মে চুপট্ঠাসিং, উত্তমত্থস্স পত্তিযা.
‘‘ভাতরং মে উপট্ঠিত্ৰা, ধাতুং পত্তম্হি ওহিয [ওপিয (সী.), ওচিয (স্যা.)];
সম্বুদ্ধং উপনামেসিং, লোকজেট্ঠং নরাসভং.
‘‘উভো ¶ হত্থেহি পগ্গয্হ, বুদ্ধো লোকে সদেৰকে;
সন্দস্সযন্তো তং ধাতুং, কিত্তযি অগ্গসাৰকং.
‘‘চিত্তঞ্চ ¶ সুৰিমুত্তং মে, সদ্ধা ময্হং পতিট্ঠিতা;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদানুপ্পত্তা, ৰিমোক্খাপি চ ফস্সিতা [পটিসম্ভিদা চতস্সো, ৰিমোক্খাপি চ অট্ঠিমে (স্যা.)];
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা চুন্দো থেরো ইমা গাথাযো অভাসিত্থাতি.
চুন্দত্থেরস্সাপদানং দসমং.
উপালিৰগ্গো পঞ্চমো.
তস্সুদ্দানং –
উপালি সোণো ভদ্দিযো, সন্নিট্ঠাপকহত্থিযো;
ছদনং সেয্যচঙ্কমং, সুভদ্দো চুন্দসৰ্হযো;
গাথাসতং সতালীসং [চ তালীসং (সী. স্যা.)], চতস্সো চ তদুত্তরি.
৬. বীজনিৰগ্গো
১. ৰিধূপনদাযকত্থেরঅপদানং
‘‘পদুমুত্তরবুদ্ধস্স ¶ ¶ , লোকজেট্ঠস্স তাদিনো;
বীজনিকা [ৰীজনিকা (সী. স্যা.)] মযা দিন্না, দ্ৰিপদিন্দস্স তাদিনো.
‘‘সকং চিত্তং পসাদেত্ৰা, পগ্গহেত্ৰান অঞ্জলিং;
সম্বুদ্ধমভিৰাদেত্ৰা, পক্কমিং উত্তরামুখো.
‘‘বীজনিং ¶ পগ্গহেত্ৰান, সত্থা লোকগ্গনাযকো [লোকে অনুত্তরো (সী.)];
ভিক্খুসঙ্ঘে ঠিতো সন্তো, ইমা গাথা অভাসথ.
‘‘‘ইমিনা বীজনিদানেন, চিত্তস্স পণিধীহি [চেতনাপণিধীহি (অঞ্ঞত্থ)] চ;
কপ্পানং সতসহস্সং, ৰিনিপাতং ন গচ্ছতি’.
‘‘আরদ্ধৰীরিযো পহিতত্তো, চেতোগুণসমাহিতো;
জাতিযা সত্তৰস্সোহং, অরহত্তং অপাপুণিং.
‘‘সট্ঠিকপ্পসহস্সম্হি, বীজমানসনামকা;
সোল়সাসিংসু রাজানো, চক্কৰত্তী মহব্বলা.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা ৰিধূপনদাযকো থেরো ইমা গাথাযো অভাসিত্থাতি.
ৰিধূপনদাযকত্থেরস্সাপদানং পঠমং.
২. সতরংসিত্থেরঅপদানং
‘‘উব্বিদ্ধং সেলমারুয্হ, নিসীদি পুরিসুত্তমো;
পব্বতস্সাৰিদূরম্হি, ব্রাহ্মণো মন্তপারগূ.
‘‘উপৰিট্ঠং ¶ মহাৰীরং, দেৰদেৰং নরাসভং;
অঞ্জলিং পগ্গহেত্ৰান, সন্থৰিং লোকনাযকং.
‘‘‘এস ¶ ¶ বুদ্ধো মহাৰীরো, ৰরধম্মপ্পকাসকো;
জলতি অগ্গিখন্ধোৰ, ভিক্খুসঙ্ঘপুরক্খতো.
‘‘‘মহাসমুদ্দোৰ‘ক্খুব্ভো [’ক্খোভো (সী. স্যা.)], অণ্ণৰোৰ দুরুত্তরো;
মিগরাজাৰসম্ভীতো [ছম্ভিতো (ক.)], ধম্মং দেসেতি চক্খুমা’.
‘‘মম সঙ্কপ্পমঞ্ঞায, পদুমুত্তরনাযকো;
ভিক্খুসঙ্ঘে ঠিতো সত্থা, ইমা গাথা অভাসথ.
‘‘‘যেনাযং [যেনাহং (ক.)] অঞ্জলী দিন্নো, বুদ্ধসেট্ঠো চ থোমিতো;
তিংসকপ্পসহস্সানি, দেৰরজ্জং করিস্সতি.
‘‘‘কপ্পসতসহস্সম্হি, অঙ্গীরসসনামকো;
ৰিৰট্টচ্ছদো [ৰিৰত্থচ্ছদ্দো (সী.)] সম্বুদ্ধো, উপ্পজ্জিস্সতি তাৰদে.
‘‘‘তস্স ধম্মেসু দাযাদো, ওরসো ধম্মনিম্মিতো;
সতরংসীতি নামেন, অরহা সো ভৰিস্সতি’.
‘‘জাতিযা সত্তৰস্সোহং, পব্বজিং অনগারিযং;
সতরংসিম্হি নামেন, পভা নিদ্ধাৰতে মম.
‘‘মণ্ডপে রুক্খমূলে ৰা, ঝাযী ঝানরতো অহং;
ধারেমি অন্তিমং দেহং, সম্মাসম্বুদ্ধসাসনে.
‘‘সট্ঠিকপ্পসহস্সম্হি, চতুরো রামনামকা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সতরংসি থেরো ইমা গাথাযো অভাসিত্থাতি.
সতরংসিত্থেরস্সাপদানং দুতিযং.
৩. সযনদাযকত্থেরঅপদানং
‘‘পদুমুত্তরবুদ্ধস্স, সব্বলোকানুকম্পিনো;
সযনং তস্স পাদাসিং, ৰিপ্পসন্নেন চেতসা.
‘‘তেন ¶ ¶ সযনদানেন, সুখেত্তে বীজসম্পদা;
ভোগা নিব্বত্তরে তস্স, সযনস্স ইদং ফলং.
‘‘আকাসে সেয্যং কপ্পেমি, ধারেমি পথৰিং ইমং;
পাণেসু মে ইস্সরিযং, সযনস্স ইদং ফলং.
‘‘পঞ্চকপ্পসহস্সম্হি, অট্ঠ আসুং মহাতেজা [মহাৰরা (সী.), মহাৰীরা (স্যা.)];
চতুত্তিংসে কপ্পসতে, চতুরো চ মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সযনদাযকো থেরো ইমা গাথাযো অভাসিত্থাতি.
সযনদাযকত্থেরস্সাপদানং ততিযং.
৪. গন্ধোদকিযত্থেরঅপদানং
‘‘পদুমুত্তরবুদ্ধস্স ¶ , মহাবোধিমহো অহু;
ৰিচিত্তং ঘটমাদায, গন্ধোদকমদাসহং.
‘‘ন্হানকালে চ বোধিযা, মহামেঘো পৰস্সথ;
নিন্নাদো চ মহা আসি, অসনিযা ফলন্তিযা.
‘‘তেনেৰাসনিৰেগেন, তত্থ কালঙ্কতো [কালকতো (সী. স্যা.)] অহং [অহুং (সী.)];
দেৰলোকে ঠিতো সন্তো, ইমা গাথা অভাসহং.
‘‘‘অহো ¶ বুদ্ধো অহো ধম্মো, অহো নো সত্থুসম্পদা;
কল়েৰরং [কলেবরং (সী.)] মে পতিতং, দেৰলোকে রমামহং.
‘‘‘উব্বিদ্ধং ভৰনং ময্হং, সতভূমং সমুগ্গতং;
কঞ্ঞাসতসহস্সানি, পরিৰারেন্তি মং সদা.
‘‘‘আবাধা মে ন ৰিজ্জন্তি, সোকো ময্হং ন ৰিজ্জতি;
পরিল়াহং ন পস্সামি, পুঞ্ঞকম্মস্সিদং ফলং.
‘‘‘অট্ঠৰীসে কপ্পসতে, রাজা সংৰসিতো অহুং;
সত্তরতনসম্পন্নো, চক্কৰত্তী মহব্বলো’.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা গন্ধোদকিযো থেরো ইমা গাথাযো অভাসিত্থাতি.
গন্ধোদকিযত্থেরস্সাপদানং চতুত্থং.
৫. ওপৰয্হত্থেরঅপদানং
‘‘পদুমুত্তরবুদ্ধস্স ¶ ¶ , আজানীযমদাসহং;
নিয্যাদেত্ৰান সম্বুদ্ধে [সম্বুদ্ধং (সী. ক.)], অগমাসিং সকং ঘরং.
‘‘দেৰলো নাম নামেন, সত্থুনো অগ্গসাৰকো;
ৰরধম্মস্স দাযাদো, আগচ্ছি মম সন্তিকং.
‘‘সপত্তভারো ভগৰা, আজানেয্যো ন কপ্পতি;
তৰ সঙ্কপ্পমঞ্ঞায, অধিৰাসেসি চক্খুমা.
‘‘অগ্ঘাপেত্ৰা ৰাতজৰং, সিন্ধৰং সীঘৰাহনং;
পদুমুত্তরবুদ্ধস্স, খমনীযমদাসহং.
‘‘যং যং যোনুপপজ্জামি, দেৰত্তং অথ মানুসং [দেৰে চ মানুসে ভৰে (সী. ক.)];
খমনীযং ৰাতজৰং, চিত্তং নিব্বত্ততে [আজানীযা ৰাতজৰা, ৰিত্তি নিব্বত্তরে (স্যা.), খমনীযা ৰাতজৰা, চিত্তা নিব্বত্তরে (সী.)] মম.
‘‘লাভং ¶ তেসং সুলদ্ধংৰ, যে লভন্তুপসম্পদং;
পুনপি পযিরুপাসেয্যং, বুদ্ধো লোকে সচে ভৰে.
‘‘অট্ঠৰীসতিক্খত্তুংহং, রাজা আসিং মহব্বলো;
চাতুরন্তো ৰিজিতাৰী, জম্বুসণ্ডস্স [জম্বুদীপস্স (স্যা.), জম্বুমণ্ডস্স (ক.)] জম্বুইস্সরো.
‘‘ইদং পচ্ছিমকং ময্হং, চরিমো ৰত্ততে ভৰো;
পত্তোস্মি অচলং ঠানং, হিত্ৰা জযপরাজযং.
‘‘চতুতিংসসহস্সম্হি, মহাতেজোসি খত্তিযো;
সতরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ওপৰয্হো থেরো ইমা গাথাযো অভাসিত্থাতি.
ওপৰয্হত্থেরস্সাপদানং পঞ্চমং.
৬. সপরিৰারাসনত্থেরঅপদানং
‘‘পদুমুত্তরবুদ্ধস্স, পিণ্ডপাতং অদাসহং;
গন্ত্ৰা কিলিট্ঠকং ঠানং [তং ভোজনট্ঠানং (সী.)], মল্লিকাহি পরিক্খিতং [পরিক্খিপিং (সী.)].
‘‘তম্হাসনম্হি ¶ আসীনো, বুদ্ধো লোকগ্গনাযকো;
অকিত্তযি পিণ্ডপাতং, উজুভূতো সমাহিতো.
‘‘যথাপি ভদ্দকে খেত্তে, বীজং অপ্পম্পি রোপিতং;
সম্মা ধারং পৰেচ্ছন্তে, ফলং তোসেতি কস্সকং.
‘‘তথেৰাযং পিণ্ডপাতো, সুখেত্তে রোপিতো তযা;
ভৰে নিব্বত্তমানম্হি, ফলং তে [নিব্বত্তমানং হি, ফলতো (সী.)] তোসযিস্সতি [তপ্পযিস্সতি (ক.)].
‘‘ইদং ৰত্ৰান সম্বুদ্ধো, জলজুত্তমনামকো;
পিণ্ডপাতং গহেত্ৰান, পক্কামি উত্তরামুখো.
‘‘সংৰুতো পাতিমোক্খস্মিং, ইন্দ্রিযেসু চ পঞ্চসু;
পৰিৰেকমনুযুত্তো, ৰিহরামি অনাসৰো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সপরিৰারাসনো থেরো ইমা গাথাযো অভাসিত্থাতি.
সপরিৰারাসনত্থেরস্সাপদানং ছট্ঠং.
৭. পঞ্চদীপকত্থেরঅপদানং
‘‘পদুমুত্তরবুদ্ধস্স, সব্বভূতানুকম্পিনো;
সদ্দহিত্ৰান [সুসণ্ঠহিত্ৰা (সী.)] সদ্ধম্মে, উজুদিট্ঠি অহোসহং.
‘‘পদীপদানং ¶ পাদাসিং, পরিৰারেত্ৰান বোধিযং;
সদ্দহন্তো পদীপানি, অকরিং তাৰদে অহং.
‘‘যং যং যোনুপপজ্জামি, দেৰত্তং অথ মানুসং;
আকাসে উক্কং ধারেন্তি, দীপদানস্সিদং ফলং.
‘‘তিরোকুট্টং তিরোসেলং, সমতিগ্গয্হ পব্বতং;
সমন্তা যোজনসতং, দস্সনং অনুভোমহং.
‘‘তেন কম্মাৰসেসেন, পত্তোম্হি আসৰক্খযং;
ধারেমি অন্তিমং দেহং, দ্ৰিপদিন্দস্স সাসনে.
‘‘চতুত্তিংসে কপ্পসতে, সতচক্খুসনামকা;
রাজাহেসুং মহাতেজা, চক্কৰত্তী মহব্বলা.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পঞ্চদীপকো থেরো ইমা গাথাযো অভাসিত্থাতি.
পঞ্চদীপকত্থেরস্সাপদানং সত্তমং.
৮. ধজদাযকত্থেরঅপদানং
‘‘পদুমুত্তরবুদ্ধস্স, বোধিযা পাদপুত্তমে;
হট্ঠো হট্ঠেন চিত্তেন, ধজমারোপযিং অহং.
‘‘পতিতপত্তানি গণ্হিত্ৰা, বহিদ্ধা ছড্ডযিং অহং;
অন্তোসুদ্ধং বহিসুদ্ধং, অধিমুত্তমনাসৰং.
‘‘সম্মুখা ৰিয সম্বুদ্ধং, অৰন্দিং বোধিমুত্তমং;
পদুমুত্তরো ¶ লোকৰিদূ, আহুতীনং পটিগ্গহো.
‘‘ভিক্খুসঙ্ঘে ঠিতো সত্থা, ইমা গাথা অভাসথ;
‘‘‘ইমিনা ধজদানেন, উপট্ঠানেন চূভযং.
‘‘‘কপ্পানং সতসহস্সং, দুগ্গতিং সো ন গচ্ছতি;
দেৰেসু দেৰসোভগ্যং, অনুভোস্সতিনপ্পকং.
‘‘‘অনেকসতক্খত্তুঞ্চ ¶ , রাজা রট্ঠে ভৰিস্সতি;
উগ্গতো নাম নামেন, চক্কৰত্তী ভৰিস্সতি.
‘‘‘সম্পত্তিং ¶ অনুভোত্ৰান, সুক্কমূলেন চোদিতো;
গোতমস্স ভগৰতো, সাসনেভিরমিস্সতি’.
‘‘পধানপহিতত্তোম্হি, উপসন্তো নিরূপধি;
ধারেমি অন্তিমং দেহং, সম্মাসম্বুদ্ধসাসনে.
‘‘একপঞ্ঞাসসহস্সে, কপ্পে উগ্গতসৰ্হযো [সৰ্হযা (স্যা.)];
পঞ্ঞাসসতসহস্সে, খত্তিযো মেঘসৰ্হযো [খত্তিযা খেমসৰ্হযা (স্যা.)].
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধজদাযকো থেরো ইমা গাথাযো অভাসিত্থাতি.
ধজদাযকত্থেরস্সাপদানং অট্ঠমং.
৯. পদুমত্থেরঅপদানং
‘‘চতুসচ্চং ¶ পকাসেন্তো, ৰরধম্মপ্পৰত্তকো;
ৰস্সতে [ৰস্সেতি (?)] অমতং ৰুট্ঠিং, নিব্বাপেন্তো মহাজনং.
‘‘সধজং [সদণ্ডং (সী.)] পদুমং গয্হ, অড্ঢকোসে ঠিতো অহং;
পদুমুত্তরমুনিস্স, পহট্ঠো উক্খিপিমম্বরে.
‘‘আগচ্ছন্তে চ পদুমে, অব্ভুতো আসি তাৰদে;
মম সঙ্কপ্পমঞ্ঞায, পগ্গণ্হি ৰদতং ৰরো.
‘‘করসেট্ঠেন ¶ পগ্গয্হ, জলজং পুপ্ফমুত্তমং;
ভিক্খুসঙ্ঘে ঠিতো সত্থা, ইমা গাথা অভাসথ.
‘‘‘যেনিদং পদুমং খিত্তং, সব্বঞ্ঞুম্হি ৰিনাযকে [সব্বঞ্ঞুতমনাযকে (স্যা. ক.)];
তমহং কিত্তযিস্সামি, সুণাথ মম ভাসতো.
‘‘‘তিংসকপ্পানি ¶ ¶ দেৰিন্দো, দেৰরজ্জং করিস্সতি;
পথব্যা রজ্জং সত্তসতং, ৰসুধং আৰসিস্সতি.
‘‘‘তত্থ পত্তং গণেত্ৰান, চক্কৰত্তী ভৰিস্সতি;
আকাসতো পুপ্ফৰুট্ঠি, অভিৰস্সিস্সতী তদা.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম নামেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো’.
‘‘নিক্খমিত্ৰান কুচ্ছিম্হা, সম্পজানো পতিস্সতো;
জাতিযা পঞ্চৰস্সোহং, অরহত্তং অপাপুণিং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমো থেরো ইমা গাথাযো অভাসিত্থাতি.
পদুমত্থেরস্সাপদানং নৰমং.
১০. অসনবোধিযত্থেরঅপদানং
‘‘জাতিযা ¶ ¶ সত্তৰস্সোহং, অদ্দসং লোকনাযকং;
পসন্নচিত্তো সুমনো, উপগচ্ছিং নরুত্তমং.
‘‘তিস্সস্সাহং ভগৰতো, লোকজেট্ঠস্স তাদিনো;
হট্ঠো হট্ঠেন চিত্তেন, রোপযিং বোধিমুত্তমং.
‘‘অসনো নামধেয্যেন, ধরণীরুহপাদপো;
পঞ্চৰস্সে পরিচরিং, অসনং বোধিমুত্তমং.
‘‘পুপ্ফিতং পাদপং দিস্ৰা, অব্ভুতং লোমহংসনং;
সকং কম্মং পকিত্তেন্তো, বুদ্ধসেট্ঠং উপাগমিং.
‘‘তিস্সো তদা সো সম্বুদ্ধো, সযম্ভূ অগ্গপুগ্গলো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যেনাযং ¶ রোপিতা বোধি, বুদ্ধপূজা চ সক্কতা;
তমহং কিত্তযিস্সামি, সুণাথ মম ভাসতো.
‘‘‘তিংসকপ্পানি দেৰেসু, দেৰরজ্জং করিস্সতি;
চতুসট্ঠি চক্খত্তুং সো, চক্কৰত্তী ভৰিস্সতি.
‘‘‘তুসিতা ¶ হি চৰিত্ৰান, সুক্কমূলেন চোদিতো;
দ্ৰে সম্পত্তী অনুভোত্ৰা, মনুস্সত্তে রমিস্সতি.
‘‘‘পধানপহিতত্তো সো, উপসন্তো নিরূপধি;
সব্বাসৰে পরিঞ্ঞায, নিব্বাযিস্সতিনাসৰো’.
‘‘ৰিৰেকমনুযুত্তোহং ¶ , উপসন্তো নিরূপধি;
নাগোৰ বন্ধনং ছেত্ৰা, ৰিহরামি অনাসৰো.
‘‘দ্ৰেনৰুতে ইতো কপ্পে, বোধিং রোপেসহং তদা;
দুগ্গতিং নাভিজানামি, বোধিরোপস্সিদং ফলং.
‘‘চতুসত্ততিতো কপ্পে, দণ্ডসেনোতি ৰিস্সুতো;
সত্তরতনসম্পন্নো, চক্কৰত্তী তদা অহুং.
‘‘তেসত্ততিম্হিতো কপ্পে, সত্তাহেসুং মহীপতী;
সমন্তনেমিনামেন, রাজানো চক্কৰত্তিনো.
‘‘পণ্ণৰীসতিতো ¶ কপ্পে, পুণ্ণকো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অসনবোধিযো থেরো ইমা গাথাযো অভাসিত্থাতি.
অসনবোধিযত্থেরস্সাপদানং দসমং.
বীজনিৰগ্গো ছট্ঠো.
তস্সুদ্দানং –
বীজনী সতরংসী চ, সযনোদকিৰাহিযো;
পরিৰারো পদীপঞ্চ, ধজো পদুমপূজকো;
বোধি চ দসমো ৰুত্তো, গাথা দ্ৰেনৰুতি তথা.
৭. সকচিন্তনিযৰগ্গো
১. সকচিন্তনিযত্থেরঅপদানং
‘‘পৰনং ¶ ¶ ¶ কাননং দিস্ৰা, অপ্পসদ্দমন্নাৰিলং;
ইসীনং অনুচিণ্ণংৰ, আহুতীনং পটিগ্গহং.
‘‘থূপং কত্ৰান পুলিনং [ৰেল়ুনা (অট্ঠ.), ৰেল়িনং (স্যা.)], নানাপুপ্ফং সমোকিরিং;
সম্মুখা ৰিয সম্বুদ্ধং, নিম্মিতং অভিৰন্দহং.
‘‘সত্তরতনসম্পন্নো ¶ , রাজা রট্ঠম্হি ইস্সরো;
সককম্মাভিরদ্ধোহং, পুপ্ফপূজাযিদং [থূপপূজাযিদং (সী.)] ফলং.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং [থূপপূজাযিদং (সী.)] ফলং.
‘‘অসীতিকপ্পেনন্তযসো, চক্কৰত্তী অহোসহং;
সত্তরতনসম্পন্নো, চতুদীপম্হি ইস্সরো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সকচিন্তনিযো থেরো ইমা গাথাযো অভাসিত্থাতি.
সকচিন্তনিযত্থেরস্সাপদানং পঠমং.
২. অৰোপুপ্ফিযত্থেরঅপদানং
‘‘ৰিহারা অভিনিক্খম্ম, অব্ভুট্ঠহিয [অব্ভুট্ঠাসি চ (স্যা. ক.)] চঙ্কমে;
চতুসচ্চং পকাসন্তো, দেসেতি [দেসেন্তো (স্যা. ক.)] অমতং পদং.
‘‘সিখিস্স ¶ গিরমঞ্ঞায, বুদ্ধসেট্ঠস্স তাদিনো;
নানাপুপ্ফং গহেত্ৰান, আকাসম্হি সমোকিরিং.
‘‘তেন ¶ কম্মেন দ্ৰিপদিন্দ, লোকজেট্ঠ নরাসভ;
পত্তোম্হি অচলং ঠানং, হিত্ৰা জযপরাজযং.
‘‘একত্তিংসে ¶ ইতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং ফলং.
‘‘ইতো ৰীসতিকপ্পম্হি, সুমেধো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অৰোপুপ্ফিযো থেরো ইমা গাথাযো অভাসিত্থাতি.
অৰোপুপ্ফিযত্থেরস্সাপদানং দুতিযং.
৩. পচ্চাগমনিযত্থেরঅপদানং
‘‘সিন্ধুযা ¶ নদিযা তীরে, চক্কৰাকো অহং তদা;
সুদ্ধসেৰালভক্খোহং, পাপেসু চ সুসঞ্ঞতো.
‘‘অদ্দসং ৰিরজং বুদ্ধং, গচ্ছন্তং অনিলঞ্জসে;
তুণ্ডেন সালং পগ্গয্হ, ৰিপস্সিস্সাভিরোপযিং.
‘‘যস্স ¶ সদ্ধা তথাগতে, অচলা সুপতিট্ঠিতা;
তেন চিত্তপ্পসাদেন, দুগ্গতিং সো ন গচ্ছতি.
‘‘স্ৰাগতং ৰত মে আসি, বুদ্ধসেট্ঠস্স সন্তিকে;
ৰিহঙ্গমেন সন্তেন, সুবীজং রোপিতং মযা.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং [পুপ্ফপূজাযিদং (সী.)] ফলং.
‘‘সুচারুদস্সনা নাম, অট্ঠেতে একনামকা;
কপ্পে সত্তরসে আসুং, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পচ্চাগমনিযো থেরো ইমা গাথাযো অভাসিত্থাতি.
পচ্চাগমনিযত্থেরস্সাপদানং ততিযং.
৪. পরপ্পসাদকত্থেরঅপদানং
‘‘উসভং ¶ ¶ পৰরং ৰীরং, মহেসিং ৰিজিতাৰিনং;
সুৰণ্ণৰণ্ণং সম্বুদ্ধং, কো দিস্ৰা নপ্পসীদতি.
‘‘হিমৰাৰাপরিমেয্যো, সাগরোৰ দুরুত্তরো;
তথেৰ ঝানং বুদ্ধস্স, কো দিস্ৰা নপ্পসীদতি.
‘‘ৰসুধা যথাপ্পমেয্যা, চিত্তা ৰনৰটংসকা;
তথেৰ ¶ সীলং বুদ্ধস্স, কো দিস্ৰা নপ্পসীদতি.
‘‘অনিলঞ্জসাসঙ্খুব্ভো [অনিলজোৰ অসঙ্খোভো (সী.)], যথাকাসো অসঙ্খিযো;
তথেৰ ঞাণং বুদ্ধস্স, কো দিস্ৰা নপ্পসীদতি.
‘‘ইমাহি ¶ চতুগাথাহি, ব্রাহ্মণো সেনসৰ্হযো;
বুদ্ধসেট্ঠং থৰিত্ৰান, সিদ্ধত্থং অপরাজিতং.
‘‘চতুন্নৰুতিকপ্পানি, দুগ্গতিং নুপপজ্জথ;
সুগতিং সুখসম্পত্তিং [সুগতীসু সুসুম্পত্তিং (সী. স্যা.)], অনুভোসিমনপ্পকং.
‘‘চতুন্নৰুতিতো কপ্পে, থৰিত্ৰা লোকনাযকং;
দুগ্গতিং নাভিজানামি, থোমনায [থোমনস্স (স্যা.)] ইদং ফলং.
‘‘চাতুদ্দসম্হি কপ্পম্হি, চতুরো আসুমুগ্গতা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পরপ্পসাদকো থেরো ইমা গাথাযো অভাসিত্থাতি.
পরপ্পসাদকত্থেরস্সাপদানং চতুত্থং.
৫. ভিসদাযকত্থেরঅপদানং
‘‘ৰেস্সভূ নাম নামেন, ইসীনং ততিযো অহু;
কাননং ৰনমোগয্হ, ৰিহাসি পুরিসুত্তমো.
‘‘ভিসমুল়ালং ¶ ¶ ¶ গণ্হিত্ৰা, অগমং বুদ্ধসন্তিকং;
তঞ্চ বুদ্ধস্স পাদাসিং, পসন্নো সেহি পাণিভি.
‘‘করেন চ পরামট্ঠো, ৰেস্সভূৰরবুদ্ধিনা;
সুখাহং নাভিজানামি, সমং তেন কুতোত্তরিং.
‘‘চরিমো ৰত্ততে ময্হং, ভৰা সব্বে সমূহতা;
হত্থিনাগেন সন্তেন, কুসলং রোপিতং মযা [নাগোৰ বন্ধনং ছেত্ৰা, ৰিহরামি অনাসৰো (স্যা.)].
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, ভিসদানস্সিদং ফলং.
‘‘সমোধানা চ রাজানো, সোল়স মনুজাধিপা;
কপ্পম্হি চুদ্দসে [তেরসে (সী. স্যা.)] আসুং, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ভিসদাযকো থেরো ইমা গাথাযো অভাসিত্থাতি.
ভিসদাযকত্থেরস্সাপদানং পঞ্চমং.
৬. সুচিন্তিতত্থেরঅপদানং
‘‘গিরিদুগ্গচরো ¶ আসিং, অভিজাতোৰ কেসরী;
মিগসঙ্ঘং ৰধিত্ৰান, জীৰামি পব্বতন্তরে.
‘‘অত্থদস্সী ¶ তু ভগৰা, সব্বঞ্ঞূ ৰদতং ৰরো;
মমুদ্ধরিতুকামো সো, আগচ্ছি পব্বতুত্তমং.
‘‘পসদঞ্চ মিগং হন্ত্ৰা, ভক্খিতুং সমুপাগমিং;
ভগৰা তম্হি সমযে, ভিক্খমানো [সিক্খাচারো (স্যা.)] উপাগমি.
‘‘ৰরমংসানি পগ্গয্হ, অদাসিং তস্স সত্থুনো;
অনুমোদি মহাৰীরো, নিব্বাপেন্তো মমং তদা.
‘‘তেন ¶ চিত্তপ্পসাদেন, গিরিদুগ্গং পৰিসিং অহং;
পীতিং উপ্পাদযিত্ৰান, তত্থ কালঙ্কতো অহং.
‘‘এতেন ¶ মংসদানেন, চিত্তস্স পণিধীহি চ;
পন্নরসে কপ্পসতে, দেৰলোকে রমিং অহং.
‘‘অৰসেসেসু কপ্পেসু, কুসলং চিন্তিতং [নিচিতং (সী.), করিতং (স্যা.)] মযা;
তেনেৰ মংসদানেন, বুদ্ধানুস্সরণেন চ.
‘‘অট্ঠত্তিংসম্হি কপ্পম্হি, অট্ঠ দীঘাযুনামকা;
সট্ঠিম্হিতো কপ্পসতে, দুৰে ৰরুণনামকা [সরণনামকা (স্যা.)].
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুচিন্তিতো থেরো ইমা গাথাযো অভাসিত্থাতি.
সুচিন্তিতত্থেরস্সাপদানং ছট্ঠং.
৭. ৰত্থদাযকত্থেরঅপদানং
‘‘পক্খিজাতো ¶ ¶ তদা আসিং, সুপণ্ণো গরুল়াধিপো;
অদ্দসং ৰিরজং বুদ্ধং, গচ্ছন্তং গন্ধমাদনং.
‘‘জহিত্ৰা গরুল়ৰণ্ণং, মাণৰকং অধারযিং;
একং ৰত্থং মযা দিন্নং, দ্ৰিপদিন্দস্স তাদিনো.
‘‘তঞ্চ দুস্সং পটিগ্গয্হ, বুদ্ধো লোকগ্গনাযকো;
অন্তলিক্খে ঠিতো সত্থা, ইমা গাথা অভাসথ.
‘‘‘ইমিনা ৰত্থদানেন, চিত্তস্স পণিধীহি চ;
পহায গরুল়ং যোনিং, দেৰলোকে রমিস্সতি’.
‘‘অত্থদস্সী তু ভগৰা, লোকজেট্ঠো নরাসভো;
ৰত্থদানং পসংসিত্ৰা, পক্কামি উত্তরামুখো.
‘‘ভৰে নিব্বত্তমানম্হি, হোন্তি মে ৰত্থসম্পদা;
আকাসে ছদনং হোতি, ৰত্থদানস্সিদং ফলং.
‘‘অরুণৰা ¶ [অরুণকা (সী.), অরুণসা (স্যা.)] সত্ত জনা, চক্কৰত্তী মহব্বলা;
ছত্তিংসতিম্হি আসিংসু, কপ্পম্হি মনুজাধিপা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰত্থদাযকো থেরো ইমা গাথাযো অভাসিত্থাতি.
ৰত্থদাযকত্থেরস্সাপদানং সত্তমং.
৮. অম্বদাযকত্থেরঅপদানং
‘‘অনোমদস্সী ¶ ভগৰা, নিসিন্নো পব্বতন্তরে;
মেত্তায অফরি লোকে, অপ্পমাণে নিরূপধি.
‘‘কপি অহং তদা আসিং, হিমৰন্তে নগুত্তমে;
দিস্ৰা অনোমদস্সিং তং [অনোমং অমিতং (সী.), অনোমমধিতং (স্যা.)], বুদ্ধে চিত্তং পসাদযিং.
‘‘অৰিদূরে হিমৰন্তস্স, অম্বাসুং ফলিনো তদা;
ততো পক্কং গহেত্ৰান, অম্বং সমধুকং অদং.
‘‘তং ¶ মে বুদ্ধো ৰিযাকাসি, অনোমদস্সী মহামুনি;
ইমিনা মধুদানেন, অম্বদানেন চূভযং.
‘‘সত্তপঞ্ঞাসকপ্পম্হি, দেৰলোকে রমিস্সতি;
অৰসেসেসু কপ্পেসু, ৰোকিণ্ণং সংসরিস্সতি.
‘‘খেপেত্ৰা পাপকং কম্মং, পরিপক্কায বুদ্ধিযা;
ৰিনিপাতমগন্ত্ৰান, কিলেসে ঝাপযিস্সতি.
‘‘দমেন উত্তমেনাহং, দমিতোম্হি মহেসিনা;
পত্তোম্হি অচলং ঠানং, হিত্ৰা জযপরাজযং.
‘‘সত্তসত্ততিকপ্পসতে, অম্বট্ঠজসনামকা;
চতুদ্দস তে রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা অম্বদাযকো থেরো ইমা গাথাযো অভাসিত্থাতি.
অম্বদাযকত্থেরস্সাপদানং অট্ঠমং.
৯. সুমনত্থেরঅপদানং
‘‘সুমনো ¶ ¶ নাম নামেন, মালাকারো অহং তদা;
অদ্দসং ৰিরজং বুদ্ধং, লোকাহুতিপটিগ্গহং.
‘‘উভো হত্থেহি পগ্গয্হ, সুমনং পুপ্ফমুত্তমং;
বুদ্ধস্স অভিরোপেসিং, সিখিনো লোকবন্ধুনো.
‘‘ইমায পুপ্ফপূজায, চেতনাপণিধীহি চ;
দুগ্গতিং নাভিজানামি, বুদ্ধপূজাযিদং ফলং.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং [পুপ্ফপূজাযিদং (সী.)] ফলং.
‘‘ছব্বীসতিম্হি কপ্পম্হি, চত্তারোসুং মহাযসা;
সত্তরতনসম্পন্না, রাজানো চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুমনো থেরো ইমা গাথাযো অভাসিত্থাতি.
সুমনত্থেরস্সাপদানং নৰমং.
১০. পুপ্ফচঙ্কোটিযত্থেরঅপদানং
‘‘অভীতরূপং ¶ ¶ সীহংৰ, গরুল়গ্গংৰ পক্খিনং;
ব্যগ্ঘূসভংৰ পৰরং, অভিজাতংৰ কেসরিং.
‘‘সিখিং তিলোকসরণং, অনেজং অপরাজিতং;
নিসিন্নং সমণানগ্গং, ভিক্খুসঙ্ঘপুরক্খতং.
‘‘চঙ্কোটকে [চঙ্গোটকে (সী.)] ঠপেত্ৰান, অনোজং পুপ্ফমুত্তমং;
সহ চঙ্কোটকেনেৰ, বুদ্ধসেট্ঠং সমোকিরিং.
‘‘তেন চিত্তপ্পসাদেন, দ্ৰিপদিন্দ নরাসভ;
পত্তোম্হি অচলং ঠানং, হিত্ৰা জযপরাজযং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘সম্পুণ্ণে ¶ ¶ তিংসকপ্পম্হি, দেৰভূতিসনামকা;
সত্তরতনসম্পন্না, পঞ্চাসুং চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুপ্ফচঙ্কোটিযো থেরো ইমা গাথাযো অভাসিত্থাতি.
পুপ্ফচঙ্কোটিযত্থেরস্সাপদানং দসমং.
সকচিন্তনিযৰগ্গো সত্তমো.
তস্সুদ্দানং –
সকচিন্তী ¶ অৰোপুপ্ফী, সপচ্চাগমনেন চ;
পরপ্পসাদী ভিসদো, সুচিন্তি ৰত্থদাযকো.
অম্বদাযী চ সুমনো, পুপ্ফচঙ্কোটকীপি চ;
গাথেকসত্ততি ৰুত্তা, গণিতা অত্থদস্সিভি.
৮. নাগসমালৰগ্গো
১. নাগসমালত্থেরঅপদানং
‘‘অপাটলিং ¶ ¶ ¶ অহং পুপ্ফং, উজ্ঝিতং সুমহাপথে;
থূপম্হি অভিরোপেসিং, সিখিনো লোকবন্ধুনো.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, থূপপূজাযিদং ফলং.
‘‘ইতো পন্নরসে কপ্পে, ভূমিযো [পুপ্ফিযো (স্যা.)] নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা নাগসমালো থেরো ইমা গাথাযো অভাসিত্থাতি.
নাগসমালত্থেরস্সাপদানং পঠমং.
২. পদসঞ্ঞকত্থেরঅপদানং
‘‘অক্কন্তঞ্চ ¶ পদং দিস্ৰা, তিস্সস্সাদিচ্চবন্ধুনো;
হট্ঠো হট্ঠেন চিত্তেন, পদে চিত্তং পসাদযিং.
‘‘দ্ৰেনৰুতে ইতো কপ্পে, যং সঞ্ঞমলভিং তদা;
দুগ্গতিং নাভিজানামি, পদসঞ্ঞাযিদং ফলং.
‘‘ইতো সত্তমকে কপ্পে, সুমেধো নাম খত্তিযো;
সত্তরতনসম্পন্নো, চক্কৰতী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদসঞ্ঞকো থেরো ইমা গাথাযো অভাসিত্থাতি.
পদসঞ্ঞকত্থেরস্সাপদানং দুতিযং.
৩. বুদ্ধসঞ্ঞকত্থেরঅপদানং
‘‘দুমগ্গে ¶ ¶ ¶ পংসুকূলিকং, লগ্গং দিস্ৰান সত্থুনো;
ততো তমঞ্জলিং কত্ৰা, পংসুকূলং অৰন্দহং.
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘ইতো ¶ চতুত্থকে কপ্পে, দুমসারোসি খত্তিযো;
চাতুরন্তো ৰিজিতাৰী, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বুদ্ধসঞ্ঞকো থেরো ইমা গাথাযো অভাসিত্থাতি.
বুদ্ধসঞ্ঞকত্থেরস্সাপদানং ততিযং.
৪. ভিসালুৰদাযকত্থেরঅপদানং
‘‘কাননং ৰনমোগয্হ, ৰসামি ৰিপিনে অহং;
ৰিপস্সিং অদ্দসং বুদ্ধং, আহুতীনং পটিগ্গহং.
‘‘ভিসালুৰঞ্চ পাদাসিং, উদকং হত্থধোৰনং;
ৰন্দিত্ৰা সিরসা পাদে, পক্কামি উত্তরামুখো.
‘‘একনৰুতিতো কপ্পে, ভিসালুৰমদং তদা;
দুগ্গতিং নাভিজানামি, পুঞ্ঞকম্মস্সিদং ফলং.
‘‘ইতো ততিযকে কপ্পে, ভিসসম্মতখত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা ভিসালুৰদাযকো থেরো ইমা গাথাযো অভাসিত্থাতি.
ভিসালুৰদাযকত্থেরস্সাপদানং চতুত্থং.
ছট্ঠভাণৰারং.
৫. একসঞ্ঞকত্থেরঅপদানং
‘‘খণ্ডো ¶ ¶ ¶ নামাসি নামেন, ৰিপস্সিস্সগ্গসাৰকো;
একা ভিক্খা মযা দিন্না, লোকাহুতিপটিগ্গহে.
‘‘তেন চিত্তপ্পসাদেন, দ্ৰিপদিন্দ নরাসভ;
দুগ্গতিং নাভিজানামি, একভিক্খাযিদং ফলং.
‘‘চত্তালীসম্হিতো কপ্পে, ৰরুণো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একসঞ্ঞকো থেরো ইমা গাথাযো অভাসিত্থাতি.
একসঞ্ঞকত্থেরস্সাপদানং পঞ্চমং.
৬. তিণসন্থরদাযকত্থেরঅপদানং
‘‘হিমৰন্তস্সাৰিদূরে, মহাজাতস্সরো অহু;
সতপত্তেহি সঞ্ছন্নো, নানাসকুণমালযো.
‘‘তম্হি ¶ ন্হত্ৰা চ পিত্ৰা [পীত্ৰা (সী. স্যা.)] চ, অৰিদূরে ৰসামহং;
অদ্দসং সমণানগ্গং, গচ্ছন্তং অনিলঞ্জসে.
‘‘মম সঙ্কপ্পমঞ্ঞায, সত্থা লোকে অনুত্তরো;
অব্ভতো ওরুহিত্ৰান, ভূমিযংঠাসি তাৰদে.
‘‘ৰিসাণেন [লাযনেন (স্যা.)] তিণং গয্হ, নিসীদনমদাসহং;
নিসীদি ভগৰা তত্থ, তিস্সো লোকগ্গনাযকো.
‘‘সকং চিত্তং পসাদেত্ৰা, অৰন্দি লোকনাযকং;
পটিকুটিকো [উক্কুটিকো (স্যা. ক.)] অপসক্কিং, নিজ্ঝাযন্তো মহামুনিং.
‘‘তেন চিত্তপ্পসাদেন, নিম্মানং উপপজ্জহং;
দুগ্গতিং নাভিজানামি, সন্থরস্স ইদং ফলং.
‘‘ইতো ¶ ¶ দুতিযকে কপ্পে, মিগ [মিত্ত (স্যা.)] সম্মতখত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিণসন্থরদাযকো থেরো ইমা গাথাযো অভাসিত্থাতি.
তিণসন্থরদাযকত্থেরস্সাপদানং ছট্ঠং.
৭. সূচিদাযকত্থেরঅপদানং
‘‘তিংসকপ্পসহস্সম্হি, সম্বুদ্ধো লোকনাযকো;
সুমেধো নাম নামেন, বাত্তিংসৰরলক্খণো.
‘‘তস্স ¶ কঞ্চনৰণ্ণস্স, দ্ৰিপদিন্দস্স তাদিনো;
পঞ্চ সূচী মযা দিন্না, সিব্বনত্থায চীৰরং.
‘‘তেনেৰ সূচিদানেন, নিপুণত্থৰিপস্সকং;
তিক্খং লহুঞ্চ ফাসুঞ্চ, ঞাণং মে উদপজ্জথ.
‘‘কিলেসা ঝাপিতা ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে.
‘‘দ্ৰিপদাধিপতী নাম, রাজানো চতুরো অহুং;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সূচিদাযকো থেরো ইমা গাথাযো অভাসিত্থাতি.
সূচিদাযকত্থেরস্সাপদানং সত্তমং.
৮. পাটলিপুপ্ফিযত্থেরঅপদানং
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে;
কঞ্চনগ্ঘিযসঙ্কাসং, বাত্তিংসৰরলক্খণং.
‘‘সেট্ঠিপুত্তো ¶ তদা আসিং, সুখুমালো সুখেধিতো;
উচ্ছঙ্গে পাটলিপুপ্ফং, কত্ৰান [কত্ৰা তং (সী. স্যা.)] অভিসংহরিং.
‘‘হট্ঠো ¶ ¶ হট্ঠেন চিত্তেন, পুপ্ফেহি অভিপূজযিং;
তিস্সং লোকৰিদুং নাথং, নরদেৰং নমস্সহং.
‘‘দ্ৰেনৰুতে ¶ ইতো কপ্পে, যং কম্মমকরিং তদা;
দুগ্গতিং নাভিজানামি, পুপ্ফপূজাযিদং ফলং.
‘‘ইতো তেসট্ঠিকপ্পম্হি, অভিসম্মতনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাটলিপুপ্ফিযো থেরো ইমা গাথাযো অভাসিত্থাতি.
পাটলিপুপ্ফিযত্থেরস্সাপদানং অট্ঠমং.
৯. ঠিতঞ্জলিযত্থেরঅপদানং
‘‘মিগলুদ্দো পুরে আসিং, অরঞ্ঞে কাননে অহং;
তত্থ অদ্দসং [তত্থদ্দসাসিং (সী. স্যা.)] সম্বুদ্ধং, বাত্তিংসৰরলক্খণং.
‘‘তত্থাহং অঞ্জলিং কত্ৰা, পক্কামিং পাচিনামুখো;
অৰিদূরে নিসিন্নস্স, নিযকে পণ্ণসন্থরে.
‘‘ততো মে অসনীপাতো, মত্থকে নিপতী তদা;
সোহং মরণকালম্হি, অকাসিং পুনরঞ্জলিং.
‘‘দ্ৰেনৰুতে ¶ ইতো কপ্পে, অঞ্জলিং অকরিং তদা;
দুগ্গতিং নাভিজানামি, অঞ্জলিস্স ইদং ফলং.
‘‘চতুপণ্ণাসকপ্পম্হি, মিগকেতুসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ঠিতঞ্জলিযো থেরো ইমা গাথাযো অভাসিত্থাতি.
ঠিতঞ্জলিযত্থেরস্সাপদানং নৰমং.
১০. তিপদুমিযত্থেরঅপদানং
‘‘পদুমুত্তরো ¶ ¶ নাম জিনো, সব্বধম্মান পারগূ;
দন্তো দন্তপরিৰুতো, নগরা নিক্খমী তদা.
‘‘নগরে ¶ হংসৰতিযং, অহোসিং মালিকো তদা;
যং তত্থ উত্তমং তোণি, পদ্মপুপ্ফানি [উত্তমং পুপ্ফং, তীণি পুপ্ফানি (সী.)] অগ্গহিং.
‘‘অদ্দসং ৰিরজং বুদ্ধং, পটিমগ্গন্তরাপণে;
সহ [সোহং (সী.)] দিস্ৰান সম্বুদ্ধং, এৰং চিন্তেসহং তদা.
‘‘কিং মে ইমেহি পুপ্ফেহি, রঞ্ঞো উপনিতেহি মে;
গামং ৰা গামখেত্তং ৰা, সহস্সং ৰা লভেয্যহং.
‘‘অদন্তদমনং ¶ ৰীরং, সব্বসত্তসুখাৰহং;
লোকনাথং পূজযিত্ৰা, লচ্ছামি অমতং ধনং.
‘‘এৰাহং চিন্তযিত্ৰান, সকং চিত্তং পসাদযিং;
তীণি লোহিতকে গয্হ, আকাসে উক্খিপিং তদা.
‘‘মযা উক্খিত্তমত্তম্হি, আকাসে পত্থরিংসু তে;
ধারিংসু মত্থকে তত্থ, উদ্ধংৰণ্টা অধোমুখা.
‘‘যে কেচি মনুজা দিস্ৰা, উক্কুট্ঠিং সম্পৰত্তযুং;
দেৰতা অন্তলিক্খম্হি, সাধুকারং পৰত্তযুং.
‘‘অচ্ছেরং লোকে উপ্পন্নং, বুদ্ধসেট্ঠস্স ৰাহসা;
সব্বে ধম্মং সুণিস্সাম, পুপ্ফানং ৰাহসা মযং.
‘‘পদুমুত্তরো লোকৰিদূ, আহুতীনং পটিগ্গহো;
ৰীথিযঞ্হি ঠিতো সন্তো, ইমা গাথা অভাসথ.
‘‘‘যো সো বুদ্ধং অপূজেসি, রত্তপদ্মেহি [রত্তপদুমেহি (সী. স্যা.)] মাণৰো;
তমহং কিত্তযিস্সামি, সুণাথ মম ভাসতো.
‘‘‘তিংসকপ্পসহস্সানি, দেৰলোকে রমিস্সতি;
তিংসকপ্পানি [তিংসক্খত্তুঞ্চ (স্যা.)] দেৰিন্দো, দেৰরজ্জং করিস্সতি.
‘‘‘মহাৰিত্থারিকং ¶ নাম, ব্যম্হং হেস্সতি তাৰদে;
তিযোজনসতুব্বিদ্ধং, দিযড্ঢসতৰিত্থতং.
‘‘‘চত্তারিসতসহস্সানি ¶ , নিয্যূহা চ সুমাপিতা;
কূটাগারৰরূপেতা, মহাসযনমণ্ডিতা.
‘‘‘কোটিসতসহস্সিযো ¶ ¶ , পরিৰারেস্সন্তি অচ্ছরা;
কুসলা নচ্চগীতস্স, ৰাদিতেপি পদক্খিণা.
‘‘‘এতাদিসে ব্যম্হৰরে, নারীগণসমাকুলে;
ৰস্সিস্সতি পুপ্ফৰস্সো, দিব্বো [পদ (ক.)] লোহিতকো সদা.
‘‘‘ভিত্তিখীলে নাগদন্তে, দ্ৰারবাহায তোরণে;
চক্কমত্তা লোহিতকা, ওলম্বিস্সন্তি তাৰদে.
‘‘‘পত্তেন পত্তসঞ্ছন্নে, অন্তোব্যম্হৰরে ইমং;
অত্থরিত্ৰা পারুপিত্ৰা, তুৰট্টিস্সন্তি তাৰদে.
‘‘‘ভৰনং পরিৰারেত্ৰা, সমন্তা সতযোজনে;
তেপি পদ্মা [তে ৰিসুদ্ধা (সী. স্যা.)] লোহিতকা, দিব্বগন্ধং পৰাযরে.
‘‘‘পঞ্চসত্ততিক্খত্তুঞ্চ, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘সম্পত্তিযো দুৰে ভুত্ৰা, অনীতি অনুপদ্দৰো;
সম্পত্তে পরিযোসানে, নিব্বানং পাপুণিস্সতি’ [ফস্সযিস্সতি (সী.), পস্সযিস্সতি (ক.)].
‘‘সুদিট্ঠো ৰত মে বুদ্ধো, ৰাণিজ্জং সুপযোজিতং;
পদ্মানি তীণি পূজেত্ৰা, অনুভোসিং তিসম্পদা [অনুভূযন্তি সম্পদা (ক.)].
‘‘অজ্জ মে ধম্মপ্পত্তস্স, ৰিপ্পমুত্তস্স সব্বসো;
সুপুপ্ফিতং লোহিতকং, ধারযিস্সতি মত্থকে.
‘‘মম কম্মং কথেন্তস্স, পদুমুত্তরসত্থুনো;
সতপাণসহস্সানং, ধম্মাভিসমযো অহু.
‘‘সতসহস্সিতো ¶ কপ্পে, যং বুদ্ধমভিপূজযিং;
দুগ্গতিং নাভিজানামি, তিপদুমানিদং ফলং.
‘‘কিলেসা ¶ ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিপদুমিযো থেরো ইমা গাথাযো অভাসিত্থাতি.
তিপদুমিযত্থেরস্সাপদানং দসমং.
নাগসমালৰগ্গো অট্ঠমো.
তস্সুদ্দানং –
নাগসমালো পদসঞ্ঞী, সঞ্ঞকালুৰদাযকো;
একসঞ্ঞী তিণসন্থারো, সূচিপাটলিপুপ্ফিযো;
ঠিতঞ্জলী তিপদুমী, গাথাযো পঞ্চসত্ততি.
৯. তিমিরৰগ্গো
১. তিমিরপুপ্ফিযত্থেরঅপদানং
‘‘চন্দভাগানদীতীরে ¶ ¶ ¶ , অনুসোতং ৰজামহং;
নিসিন্নং সমণং দিস্ৰা, ৰিপ্পসন্নমনাৰিলং.
‘‘তত্থ চিত্তং পসাদেত্ৰা [পসাদেসিং (স্যা.)], এৰং চিন্তেসহং তদা;
তারযিস্সতি তিণ্ণোযং, দন্তোযং দমযিস্সতি.
‘‘অস্সাসিস্সতি অস্সত্থো, সন্তো চ সমযিস্সতি;
মোচযিস্সতি মুত্তো চ, নিব্বাপেস্সতি নিব্বুতো.
‘‘এৰাহং চিন্তযিত্ৰান, সিদ্ধত্থস্স মহেসিনো;
গহেত্ৰা তিমিরপুপ্ফং, মত্থকে ওকিরিং অহং [তদা (স্যা.)].
‘‘অঞ্জলিং পগ্গহেত্ৰান, কত্ৰা চ নং পদক্খিণং;
ৰন্দিত্ৰা সত্থুনো পাদে, পক্কামিং অপরং দিসং.
‘‘অচিরং গতমত্তং মং, মিগরাজা ৰিহেঠযি;
পপাতমনুগচ্ছন্তো, তত্থেৰ পপতিং অহং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং [বুদ্ধপূজাযিদং (সী. স্যা.)] ফলং.
‘‘ছপ্পঞ্ঞাসম্হি ¶ কপ্পম্হি, সত্তেৰাসুং মহাযসা [মহারহা (স্যা. ক.)];
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা ¶ সচ্ছিকতা, কতং বুদ্ধস্স সাসনং’’.
ইত্থং সুদং আযস্মা তিমিরপুপ্ফিযো থেরো ইমা গাথাযো অভাসিত্থাতি.
তিমিরপুপ্ফিযত্থেরস্সাপদানং পঠমং.
২. গতসঞ্ঞকত্থেরঅপদানং
‘‘জাতিযা ¶ ¶ সত্তৰস্সোহং, পব্বজিং অনগারিযং;
অৰন্দিং সত্থুনো পাদে, ৰিপ্পসন্নেন চেতসা.
‘‘সত্তনঙ্গলকীপুপ্ফে, আকাসে উক্খিপিং অহং;
তিস্সং বুদ্ধং সমুদ্দিস্স, অনন্তগুণসাগরং.
‘‘সুগতানুগতং মগ্গং, পূজেত্ৰা হট্ঠমানসো;
অঞ্জলিঞ্চ [অঞ্জলিস্স (ক.)] তদাকাসিং, পসন্নো সেহি পাণিভি.
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘ইতো অট্ঠমকে কপ্পে, তযো অগ্গিসিখা অহু;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা গতসঞ্ঞকো থেরো ইমা গাথাযো অভাসিত্থাতি.
গতসঞ্ঞকত্থেরস্সাপদানং দুতিযং.
৩. নিপন্নঞ্জলিকত্থেরঅপদানং
‘‘রুক্খমূলে ¶ ¶ নিসিন্নোহং, ব্যাধিতো পরমেন চ;
পরমকারুঞ্ঞপত্তোম্হি, অরঞ্ঞে কাননে অহং.
‘‘অনুকম্পং উপাদায, তিস্সো সত্থা উপেসি মং;
সোহং নিপন্নকো সন্তো, সিরে কত্ৰান অঞ্জলিং.
‘‘পসন্নচিত্তো সুমনো, সব্বসত্তানমুত্তমং;
সম্বুদ্ধং অভিৰাদেত্ৰা, তত্থ কালঙ্কতো অহং.
‘‘দ্ৰেনৰুতে ইতো কপ্পে, যং ৰন্দিং পুরিসুত্তমং;
দুগ্গতিং নাভিজানামি, ৰন্দনায ইদং ফলং.
‘‘ইতো ¶ পঞ্চমকে কপ্পে, পঞ্চেৰাসুং মহাসিখা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা নিপন্নঞ্জলিকো থেরো ইমা গাথাযো অভাসিত্থাতি.
নিপন্নঞ্জলিকত্থেরস্সাপদানং ততিযং.
৪. অধোপুপ্ফিযত্থেরঅপদানং
‘‘অভিভূ নাম সো ভিক্খু, সিখিনো অগ্গসাৰকো;
মহানুভাৰো তেৰিজ্জো, হিমৰন্তং উপাগমি.
‘‘অহম্পি ¶ হিমৰন্তম্হি, রমণীযস্সমে ইসি;
ৰসামি অপ্পমঞ্ঞাসু, ইদ্ধীসু চ তদা ৰসী.
‘‘পক্খিজাতো ৰিযাকাসে, পব্বতং অধিৰত্তযিং [অভিপত্থযিং (স্যা.), অভিমত্থযিং (ক.), অধিৰত্থযিন্তি পব্বতস্স উপরি গচ্ছিন্তিঅত্থো];
অধোপুপ্ফং গহেত্ৰান, আগচ্ছিং [অগচ্ছিং (ক.)] পব্বতং অহং.
‘‘সত্ত পুপ্ফানি গণ্হিত্ৰা, মত্থকে ওকিরিং অহং;
আলোকিতে [আলোকিতো (স্যা.)] চ ৰীরেন, পক্কামিং পাচিনামুখো.
‘‘আৰাসং ¶ অভিসম্ভোসিং, পত্ৰান অস্সমং অহং;
খারিভারং গহেত্ৰান, পাযাসিং [পাৰিসিং (সী.)] পব্বতন্তরং.
‘‘অজগরো মং পীল়েসি, ঘোররূপো মহব্বলো;
পুব্বকম্মং সরিত্ৰান, তত্থ কালঙ্কতো অহং.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অধোপুপ্ফিযো থেরো ইমা গাথাযো অভাসিত্থাতি.
অধোপুপ্ফিযত্থেরস্সাপদানং চতুত্থং.
৫. রংসিসঞ্ঞকত্থেরঅপদানং
‘‘পব্বতে ¶ ¶ হিমৰন্তম্হি, ৰাসং কপ্পেসহং পুরে;
অজিনুত্তরৰাসোহং, ৰসামি পব্বতন্তরে.
‘‘সুৰণ্ণৰণ্ণং ¶ ¶ সম্বুদ্ধং, সতরংসিংৰ ভাণুমং;
ৰনন্তরগতং দিস্ৰা, সালরাজংৰ পুপ্ফিতং.
‘‘রংস্যা [রংসে (স্যা. ক.)] চিত্তং পসাদেত্ৰা, ৰিপস্সিস্স মহেসিনো;
পগ্গয্হ অঞ্জলিং ৰন্দিং, সিরসা উক্কুটী [সিরসা উক্কুটিকো (স্যা.), সিরসুক্কুটিকো (ক.)] অহং.
‘‘একনৰুতিতো কপ্পে, যং কম্মমকরিং তদা;
দুগ্গতিং নাভিজানামি, রংসিসঞ্ঞাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা রংসিসঞ্ঞকো থেরো ইমা গাথাযো অভাসিত্থাতি.
রংসিসঞ্ঞকত্থেরস্সাপদানং পঞ্চমং.
৬. দুতিযরংসিসঞ্ঞকত্থেরঅপদানং
‘‘পব্বতে হিমৰন্তম্হি, ৰাকচীরধরো অহং;
চঙ্কমঞ্চ সমারূল়্হো, নিসীদিং পাচিনামুখো.
‘‘পব্বতে সুগতং দিস্ৰা, ফুস্সং ঝানরতং তদা;
অঞ্জলিং পগ্গহেত্ৰান, রংস্যা চিত্তং পসাদযিং.
‘‘দ্ৰেনৰুতে ইতো কপ্পে, যং সঞ্ঞমলভিং তদা;
দুগ্গতিং নাভিজানামি, রংসিসঞ্ঞাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা রংসিসঞ্ঞকো থেরো ইমা গাথাযো অভাসিত্থাতি.
দুতিযরংসিসঞ্ঞকত্থেরস্সাপদানং ছট্ঠং.
৭. ফলদাযকত্থেরঅপদানং
‘‘পব্বতে ¶ হিমৰন্তম্হি, খরাজিনধরো অহং;
ফুস্সং জিনৰরং দিস্ৰা, ফলহত্থো ফলং অদং.
‘‘যমহং ফলমদাসিং, ৰিপ্পসন্নেন চেতসা;
ভৰে নিব্বত্তমানম্হি, ফলং নিব্বত্ততে মম.
‘‘দ্ৰেনৰুতে ইতো কপ্পে, যং ফলং অদদিং অহং;
দুগ্গতিং নাভিজানামি, ফলদানস্সিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফলদাযকো থেরো ইমা গাথাযো অভাসিত্থাতি.
ফলদাযকত্থেরস্সাপদানং সত্তমং.
৮. সদ্দসঞ্ঞকত্থেরঅপদানং
‘‘পব্বতে ¶ ¶ হিমৰন্তম্হি, ৰসামি পণ্ণসন্থরে;
ফুস্সস্স ধম্মং ভণতো, সদ্দে চিত্তং পসাদযিং.
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, পুঞ্ঞকম্মস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সদ্দসঞ্ঞকো থেরো ইমা গাথাযো অভাসিত্থাতি.
সদ্দসঞ্ঞকত্থেরস্সাপদানং অট্ঠমং.
৯. বোধিসিঞ্চকত্থেরঅপদানং
‘‘ৰিপস্সিস্স ভগৰতো, মহাবোধিমহো অহু;
পব্বজ্জুপগতো সন্তো, উপগচ্ছিং অহং তদা.
‘‘কুসুমোদকমাদায ¶ , বোধিযা ওকিরিং অহং;
মোচযিস্সতি নো মুত্তো, নিব্বাপেস্সতি নিব্বুতো.
‘‘একনৰুতিতো কপ্পে, যং বোধিমভিসিঞ্চযিং;
দুগ্গতিং নাভিজানামি, বোধিসিঞ্চাযিদং ফলং.
‘‘তেত্তিংসে ¶ ৰত্তমানম্হি, কপ্পে আসুং জনাধিপা;
উদকসেচনা নাম, অট্ঠেতে চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বোধিসিঞ্চকো থেরো ইমা গাথাযো অভাসিত্থাতি.
বোধিসিঞ্চকত্থেরস্সাপদানং নৰমং.
১০. পদুমপুপ্ফিযত্থেরঅপদানং
‘‘পোক্খরৰনং ¶ ¶ পৰিট্ঠো, ভঞ্জন্তো পদুমানিহং;
তত্থদ্দসং ফুস্সং বুদ্ধং [অদ্দসং ফুস্সসম্বুদ্ধং (সী. স্যা.)], বাত্তিংসৰরলক্খণং.
‘‘পদুমপুপ্ফং গহেত্ৰান, আকাসে উক্খিপিং অহং;
পাপকম্মং সরিত্ৰান, পব্বজিং অনগারিযং.
‘‘পব্বজিত্ৰান কাযেন, মনসা সংৰুতেন চ;
ৰচীদুচ্চরিতং হিত্ৰা, আজীৰং পরিসোধযিং.
‘‘দ্ৰেনৰুতে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পদুমাভাসনামা চ, অট্ঠারস মহীপতী;
অট্ঠারসেসু কপ্পেসু, অট্ঠতালীসমাসিসুং.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমপুপ্ফিযো থেরো ইমা গাথাযো অভাসিত্থাতি;
পদুমপুপ্ফিযত্থেরস্সাপদানং দসমং.
তিমিরৰগ্গো নৰমো.
তস্সুদ্দানং –
তিমিরনঙ্গলীপুপ্ফ, নিপ্পন্নঞ্জলিকো অধো;
দ্ৰে রংসিসঞ্ঞী ফলদো, সদ্দসঞ্ঞী চ সেচকো;
পদ্মপুপ্ফী চ গাথাযো, ছপ্পঞ্ঞাস পকিত্তিতা.
১০. সুধাৰগ্গো
১. সুধাপিণ্ডিযত্থেরঅপদানং
‘‘পূজারহে ¶ ¶ ¶ পূজযতো, বুদ্ধে যদি ৰ সাৰকে;
পপঞ্চসমতিক্কন্তে, তিণ্ণসোকপরিদ্দৰে.
‘‘তে তাদিসে পূজযতো, নিব্বুতে অকুতোভযে;
ন সক্কা পুঞ্ঞং সঙ্খাতুং, ইমেত্তমপি [ইদম্মত্তন্তি (সী.), ইমেত্থমপি (ক.)] কেনচি.
‘‘চতুন্নমপি দীপানং, ইস্সরং যোধ কারযে;
একিস্সা পূজনাযেতং, কলং নাগ্ঘতি সোল়সিং.
‘‘সিদ্ধত্থস্স ¶ নরগ্গস্স, চেতিযে ফলিতন্তরে;
সুধাপিণ্ডো মযা দিন্নো, ৰিপ্পসন্নেন চেতসা.
‘‘চতুন্নৰুতিতো কপ্পে, যং কম্মমকরিং তদা;
দুগ্গতিং নাভিজানামি, পটিসঙ্খারস্সিদং ফলং.
‘‘ইতো তিংসতিকপ্পম্হি, পটিসঙ্খারসৰ্হযা;
সত্তরতনসম্পন্না, তেরস চক্কৰত্তিনো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সুধাপিণ্ডিযো থেরো ইমা গাথাযো অভাসিত্থাতি.
সুধাপিণ্ডিযত্থেরস্সাপদানং পঠমং.
২. সুচিন্তিকত্থেরঅপদানং
‘‘তিস্সস্স লোকনাথস্স, সুদ্ধপীঠমদাসহং;
হট্ঠো হট্ঠেন চিত্তেন, বুদ্ধস্সাদিচ্চবন্ধুনো.
‘‘অট্ঠারসে ¶ [অট্ঠতিংসে (সী. স্যা.)] ইতো কপ্পে, রাজা আসিং মহারুচি;
ভোগো চ ৰিপুলো আসি, সযনঞ্চ অনপ্পকং.
‘‘পীঠং ¶ বুদ্ধস্স দত্ৰান, ৰিপ্পসন্নেন চেতসা;
অনুভোমি সকং কম্মং, পুব্বে সুকতমত্তনো.
‘‘দ্ৰেনৰুতে ¶ ইতো কপ্পে, যং পীঠমদদিং তদা;
দুগ্গতিং নাভিজানামি, পীঠদানস্সিদং ফলং.
‘‘অট্ঠতিংসে ইতো কপ্পে, তযো তে চক্কৰত্তিনো;
রুচি উপরুচি চেৰ, মহারুচি ততিযকো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুচিন্তিকো থেরো ইমা গাথাযো অভাসিত্থাতি.
সুচিন্তিকত্থেরস্সাপদানং দুতিযং.
৩. অড্ঢচেল়কত্থেরঅপদানং
‘‘তিস্সস্সাহং ভগৰতো, উপড্ঢদুস্সমদাসহং;
পরমকাপঞ্ঞপত্তোম্হি [পরমকারুঞ্ঞপত্তোম্হি (স্যা. ক.)], দুগ্গতেন [দুগ্গন্ধেন (সী.)] সমপ্পিতো.
‘‘উপড্ঢদুস্সং দত্ৰান, কপ্পং সগ্গম্হি মোদহং;
অৰসেসেসু কপ্পেসু, কুসলং কারিতং মযা.
‘‘দ্ৰেনৰুতে ¶ ইতো কপ্পে, যং দুস্সমদদিং তদা;
দুগ্গতিং নাভিজানামি, দুস্সদানস্সিদং ফলং.
‘‘একূনপঞ্ঞাসকপ্পম্হি [একপঞ্ঞাসকপ্পম্হি (স্যা.)], রাজানো চক্কৰত্তিনো;
সমন্তচ্ছদনা নাম, বাত্তিংসাসুং [খত্তিযাসুং (স্যা. ক.)] জনাধিপা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অড্ঢচেল়কো থেরো ইমা গাথাযো অভাসিত্থাতি.
অড্ঢচেল়কত্থেরস্সাপদানং ততিযং.
৪. সূচিদাযকত্থেরঅপদানং
‘‘কম্মারোহং ¶ ¶ পুরে আসিং, বন্ধুমাযং পুরুত্তমে;
সূচিদানং মযা দিন্নং, ৰিপস্সিস্স মহেসিনো.
‘‘ৰজিরগ্গসমং ঞাণং, হোতি কম্মেন তাদিসং;
ৰিরাগোম্হি ৰিমুত্তোম্হি [ৰিভৰোম্হি ৰিভত্তোম্হি (ক.)], পত্তোম্হি আসৰক্খযং.
‘‘অতীতে ¶ চ ভৰে সব্বে, ৰত্তমানে চনাগতে [অতীতা চ ভৰা সব্বে, ৰত্তমানা চ’নাগতা (স্যা. ক.)];
ঞাণেন ৰিচিনিং সব্বং, সূচিদানস্সিদং ফলং.
‘‘একনৰুতিতো কপ্পে, সত্তাসুং ৰজিরৰ্হযা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সূচিদাযকো থেরো ইমা গাথাযো অভাসিত্থাতি.
সূচিদাযকত্থেরস্সাপদানং চতুত্থং.
৫. গন্ধমালিযত্থেরঅপদানং
‘‘সিদ্ধত্থস্স ¶ ভগৰতো, গন্ধথূপং অকাসহং;
সুমনেহি পটিচ্ছন্নং, বুদ্ধানুচ্ছৰিকং কতং.
‘‘কঞ্চনগ্ঘিযসঙ্কাসং, বুদ্ধং লোকগ্গনাযকং;
ইন্দীৰরংৰ জলিতং, আদিত্তংৰ হুতাসনং.
‘‘ব্যগ্ঘূসভংৰ পৰরং, অভিজাতংৰ কেসরিং;
নিসিন্নং সমণানগ্গং, ভিক্খুসঙ্ঘপুরক্খতং.
‘‘ৰন্দিত্ৰা সত্থুনো পাদে, পক্কামিং উত্তরামুখো;
চতুন্নৰুতিতো কপ্পে, গন্ধমালং যতো অদং.
‘‘বুদ্ধে কতস্স কারস্স, ফলেনাহং ৰিসেসতো;
দুগ্গতিং নাভিজানামি, বুদ্ধপূজাযিদং ফলং.
‘‘চত্তারীসম্হি একূনে, কপ্পে আসিংসু সোল়স;
দেৰগন্ধসনামা তে, রাজানো চক্কৰত্তিনো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা গন্ধমালিযো থেরো ইমা গাথাযো অভাসিত্থাতি.
গন্ধমালিযত্থেরস্সাপদানং পঞ্চমং.
৬. তিপুপ্ফিযত্থেরঅপদানং
‘‘মিগলুদ্দো ¶ ¶ পুরে আসিং, অরঞ্ঞে কাননে অহং [ব্রহা (স্যা.)];
পাটলিং হরিতং দিস্ৰা, তীণি পুপ্ফানি ওকিরিং.
‘‘পতিতপত্তানি [সত্তপত্তানি (সী.), সতপত্তানি (ক.), সুক্খপণ্ণানি (স্যা.)] গণ্হিত্ৰা, বহি ছড্ডেসহং তদা;
অন্তোসুদ্ধং বহিসুদ্ধং, সুৰিমুত্তং অনাসৰং.
‘‘সম্মুখা ৰিয সম্বুদ্ধং, ৰিপস্সিং লোকনাযকং;
পাটলিং অভিৰাদেত্ৰা, তত্থ কালঙ্কতো অহং.
‘‘একনৰুতিতো কপ্পে, যং বোধিমভিপূজযিং;
দুগ্গতিং নাভিজানামি, বোধিপূজাযিদং ফলং.
‘‘সমন্তপাসাদিকা নাম, তেরসাসিংসু রাজিনো;
ইতো তেত্তিংসকপ্পম্হি [তিংসতিকপ্পম্হি (স্যা.)], চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিপুপ্ফিযো থেরো ইমা গাথাযো অভাসিত্থাতি.
তিপুপ্ফিযত্থেরস্সাপদানং ছট্ঠং.
৭. মধুপিণ্ডিকত্থেরঅপদানং
‘‘ৰিপিনে ¶ [ৰিৰনে (স্যা. অট্ঠ.)] কাননে দিস্ৰা, অপ্পসদ্দে নিরাকুলে;
সিদ্ধত্থং ইসিনং সেট্ঠং, আহুতীনং পটিগ্গহং.
‘‘নিব্বুতত্তং ¶ [নিব্বুতগ্গং (ক.), নিব্বূতিকং (স্যা.)] মহানাগং, নিসভাজানিযং যথা;
ওসধিংৰ ৰিরোচন্তং, দেৰসঙ্ঘনমস্সিতং.
‘‘ৰিত্তি মমাহু তাৰদে [ৰিত্তি মে পাহুনা তাৰ (সী. স্যা.)], ঞাণং উপ্পজ্জি তাৰদে;
ৰুট্ঠিতস্স সমাধিম্হা, মধুং দত্ৰান সত্থুনো.
‘‘ৰন্দিত্ৰা ¶ সত্থুনো পাদে, পক্কামিং পাচিনামুখো;
চতুত্তিংসম্হি কপ্পম্হি, রাজা আসিং সুদস্সনো.
‘‘মধু ভিসেহি সৰতি, ভোজনম্হি চ তাৰদে;
মধুৰস্সং পৰস্সিত্থ, পুব্বকম্মস্সিদং ফলং.
‘‘চতুন্নৰুতিতো ¶ কপ্পে, যং মধুং অদদিং তদা;
দুগ্গতিং নাভিজানামি, মধুদানস্সিদং ফলং.
‘‘চতুত্তিংসে ইতো কপ্পে, চত্তারো তে সুদস্সনা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা মধুপিণ্ডিকো থেরো ইমা গাথাযো অভাসিত্থাতি.
মধুপিণ্ডিকত্থেরস্সাপদানং সত্তমং.
৮. সেনাসনদাযকত্থেরঅপদানং
‘‘সিদ্ধত্থস্স ভগৰতো, অদাসিং পণ্ণসন্থরং;
সমন্তা উপহারঞ্চ, কুসুমং ওকিরিং অহং.
‘‘পাসাদেৰং গুণং রম্মং [পাসাদে চ গুহং রম্মং (স্যা.)], অনুভোমি মহারহং;
মহগ্ঘানি চ পুপ্ফানি, সযনেভিসৰন্তি মে.
‘‘সযনেহং তুৰট্টামি, ৰিচিত্তে পুপ্ফসন্থতে;
পুপ্ফৰুট্ঠি চ সযনে, অভিৰস্সতি তাৰদে.
‘‘চতুন্নৰুতিতো ¶ কপ্পে, অদাসিং পণ্ণসন্থরং;
দুগ্গতিং নাভিজানামি, সন্থরস্স ইদং ফলং.
‘‘তিণসন্থরকা নাম, সত্তেতে চক্কৰত্তিনো;
ইতো তে পঞ্চমে কপ্পে, উপ্পজ্জিংসু জনাধিপা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সেনাসনদাযকো থেরো ইমা গাথাযো অভাসিত্থাতি.
সেনাসনদাযকত্থেরস্সাপদানং অট্ঠমং.
৯. ৰেয্যাৰচ্চকত্থেরঅপদানং
‘‘ৰিপস্সিস্স ¶ ¶ ভগৰতো, মহাপূগগণো অহু;
ৰেয্যাৰচ্চকরো আসিং, সব্বকিচ্চেসু ৰাৰটো [ব্যাৰটো (সী. স্যা.)].
‘‘দেয্যধম্মো চ মে নত্থি, সুগতস্স মহেসিনো;
অৰন্দিং সত্থুনো পাদে, ৰিপ্পসন্নেন চেতসা.
‘‘একনৰুতিতো কপ্পে, ৰেয্যাৰচ্চং অকাসহং;
দুগ্গতিং নাভিজানামি, ৰেয্যাৰচ্চস্সিদং ফলং.
‘‘ইতো চ অট্ঠমে কপ্পে, রাজা আসিং সুচিন্তিতো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰেয্যাৰচ্চকো থেরো ইমা গাথাযো অভাসিত্থাতি.
ৰেয্যাৰচ্চকত্থেরস্সাপদানং নৰমং.
১০. বুদ্ধুপট্ঠাকত্থেরঅপদানং
‘‘ৰিপস্সিস্স ভগৰতো, অহোসিং সঙ্খধম্মকো;
নিচ্চুপট্ঠানযুত্তোম্হি, সুগতস্স মহেসিনো.
‘‘উপট্ঠানফলং ¶ ¶ পস্স, লোকনাথস্স তাদিনো;
সট্ঠিতূরিযসহস্সানি, পরিৰারেন্তি মং সদা.
‘‘একনৰুতিতো ¶ কপ্পে, উপট্ঠহিং মহাইসিং;
দুগ্গতিং নাভিজানামি, উপট্ঠানস্সিদং ফলং.
‘‘চতুৰীসে [চতুনৰুতে (স্যা.)] ইতো কপ্পে, মহানিগ্ঘোসনামকা;
সোল়সাসিংসু রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বুদ্ধুপট্ঠাকো থেরো ইমা গাথাযো অভাসিত্থাতি.
বুদ্ধুপট্ঠাকত্থেরস্সাপদানং দসমং.
সুধাৰগ্গো দসমো.
তস্সুদ্দানং –
সুধা ¶ সুচিন্তি চেল়ঞ্চ, সূচী চ গন্ধমালিযো;
তিপুপ্ফিযো মধুসেনা, ৰেয্যাৰচ্চো চুপট্ঠকো;
সমসট্ঠি চ গাথাযো, অস্মিং ৰগ্গে পকিত্তিতা.
অথ ৰগ্গুদ্দানং –
বুদ্ধৰগ্গো হি পঠমো, সীহাসনি সুভূতি চ;
কুণ্ডধানো উপালি চ, বীজনিসকচিন্তি চ.
নাগসমালো ¶ তিমিরো, সুধাৰগ্গেন তে দস;
চতুদ্দসসতা গাথা, পঞ্চপঞ্ঞাসমেৰ চ.
বুদ্ধৰগ্গদসকং.
পঠমসতকং সমত্তং.
১১. ভিক্খদাযিৰগ্গো
১. ভিক্খদাযকত্থেরঅপদানং
‘‘সুৰণ্ণৰণ্ণং ¶ ¶ ¶ সম্বুদ্ধং, আহুতীনং পটিগ্গহং;
পৰরা [পৰনা (স্যা.)] অভিনিক্খন্তং, ৰনা নিব্বনমাগতং [ৰানা নিব্বানমাগতং (স্যা.)].
‘‘কটচ্ছুভিক্খং পাদাসিং, সিদ্ধত্থস্স মহেসিনো;
পঞ্ঞায উপসন্তস্স, মহাৰীরস্স তাদিনো.
‘‘পদেনানুপদাযন্তং [পদেনানুপদাযন্তো (সী. স্যা.)], নিব্বাপেন্তে মহাজনং;
উল়ারা ৰিত্তি মে জাতা, বুদ্ধে আদিচ্চবন্ধুনে [ৰিত্তি মে পাহুনা তাৰ, বুদ্ধস্সাদিচ্চবন্ধুনো (স্যা.)].
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, ভিক্খাদানস্সিদং ফলং.
‘‘সত্তাসীতিম্হিতো কপ্পে, মহারেণু সনামকা;
সত্তরতনসম্পন্না, সত্তেতে চক্কৰত্তিনো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা ভিক্খদাযকো থেরো ইমা গাথাযো অভাসিত্থাতি.
ভিক্খদাযকত্থেরস্সাপদানং পঠমং.
২. ঞাণসঞ্ঞিকত্থেরঅপদানং
‘‘সুৰণ্ণৰণ্ণং সম্বুদ্ধং, নিসভাজানিযং যথা;
তিধাপভিন্নং মাতঙ্গং, কুঞ্জরংৰ মহেসিনং.
‘‘ওভাসেন্তং দিসা সব্বা, উল়ুরাজংৰ পূরিতং;
রথিযং পটিপজ্জন্তং, লোকজেট্ঠং অপস্সহং.
‘‘ঞাণে ¶ ¶ চিত্তং পসাদেত্ৰা, পগ্গহেত্ৰান অঞ্জলিং;
পসন্নচিত্তো সুমনো, সিদ্ধত্থমভিৰাদযিং.
‘‘চতুন্নৰুতিতো কপ্পে, যং কম্মমকরিং তদা;
দুগ্গতিং নাভিজানামি, ঞাণসঞ্ঞাযিদং ফলং.
‘‘তেসত্ততিম্হিতো কপ্পে, সোল়সাসুং নরুত্তমা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ঞাণসঞ্ঞিকো থেরো ইমা গাথাযো অভাসিত্থাতি.
ঞাণসঞ্ঞিকত্থেরস্সাপদানং দুতিযং.
৩. উপ্পলহত্থিযত্থেরঅপদানং
‘‘তিৰরাযং ¶ নিৰাসীহং, অহোসিং মালিকো তদা;
অদ্দসং ৰিরজং বুদ্ধং, সিদ্ধত্থং লোকপূজিতং [লোকনাযকং (সী.)].
‘‘পসন্নচিত্তো সুমনো, পুপ্ফহত্থমদাসহং;
যত্থ যত্থুপপজ্জামি, তস্স কম্মস্স ৰাহসা.
‘‘অনুভোমি ফলং ইট্ঠং, পুব্বে সুকতমত্তনো;
পরিক্খিত্তো সুমল্লেহি, পুপ্ফদানস্সিদং ফলং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং [বুদ্ধপূজাযিদং (সী.)] ফলং.
‘‘চতুন্নৰুতুপাদায, ঠপেত্ৰা ৰত্তমানকং;
পঞ্চরাজসতা তত্থ, নজ্জসমসনামকা [নজ্জুপমসনামকা (সী. স্যা.)].
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উপ্পলহত্থিযো থেরো ইমা গাথাযো অভাসিত্থাতি.
উপ্পলহত্থিযত্থেরস্সাপদানং ততিযং.
৪. পদপূজকত্থেরঅপদানং
‘‘সিদ্ধত্থস্স ¶ ¶ ভগৰতো, জাতিপুপ্ফমদাসহং;
পাদেসু সত্ত পুপ্ফানি, হাসেনোকিরিতানি মে.
‘‘তেন ¶ কম্মেনহং অজ্জ, অভিভোমি নরামরে;
ধারেমি অন্তিমং দেহং, সম্মাসম্বুদ্ধসাসনে.
‘‘চতুন্নৰুতিতো ¶ কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং ফলং.
‘‘সমন্তগন্ধনামাসুং, তেরস চক্কৰত্তিনো;
ইতো পঞ্চমকে কপ্পে, চাতুরন্তা জনাধিপা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদপূজকো থেরো ইমা গাথাযো অভাসিত্থাতি.
পদপূজকত্থেরস্সাপদানং চতুত্থং.
৫. মুট্ঠিপুপ্ফিযত্থেরঅপদানং
‘‘সুদস্সনোতি নামেন, মালাকারো অহং তদা;
অদ্দসং ৰিরজং বুদ্ধং, লোকজেট্ঠং নরাসভং.
‘‘জাতিপুপ্ফং গহেত্ৰান, পূজযিং পদুমুত্তরং;
ৰিসুদ্ধচক্খু সুমনো, দিব্বচক্খুং সমজ্ঝগং.
‘‘এতিস্সা পুপ্ফপূজায, চিত্তস্স পণিধীহি চ;
কপ্পানং সতসহস্সং, দুগ্গতিং নুপপজ্জহং.
‘‘সোল়সাসিংসু ¶ রাজানো, দেৰুত্তরসনামকা;
ছত্তিংসম্হি ইতো কপ্পে, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মুট্ঠিপুপ্ফিযো থেরো ইমা গাথাযো অভাসিত্থাতি.
মুট্ঠিপুপ্ফিযত্থেরস্সাপদানং পঞ্চমং.
৬. উদকপূজকত্থেরঅপদানং
‘‘সুৰণ্ণৰণ্ণং ¶ ¶ সম্বুদ্ধং, গচ্ছন্তং অনিলঞ্জসে;
ঘতাসনংৰ জলিতং, আদিত্তংৰ হুতাসনং.
‘‘পাণিনা উদকং গয্হ, আকাসে উক্খিপিং অহং;
সম্পটিচ্ছি মহাৰীরো, বুদ্ধো কারুণিকো ইসি [মযি (স্যা.)].
‘‘অন্তলিক্খে ¶ ঠিতো সত্থা, পদুমুত্তরনামকো;
মম সঙ্কপ্পমঞ্ঞায, ইমং গাথং অভাসথ.
‘‘‘ইমিনা দকদানেন, পীতিউপ্পাদনেন চ;
কপ্পসতসহস্সম্পি, দুগ্গতিং নুপপজ্জতি’ [নুপপজ্জসি (ক.)].
‘‘তেন কম্মেন দ্ৰিপদিন্দ, লোকজেট্ঠ নরাসভ;
পত্তোম্হি অচলং ঠানং, হিত্ৰা জযপরাজযং.
‘‘সহস্সরাজনামেন ¶ , তযো তে চক্কৰত্তিনো;
পঞ্চসট্ঠিকপ্পসতে, চাতুরন্তা জনাধিপা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদকপূজকো থেরো ইমা গাথাযো অভাসিত্থাতি.
উদকপূজকত্থেরস্সাপদানং ছট্ঠং.
৭. নল়মালিযত্থেরঅপদানং
‘‘পদুমুত্তরবুদ্ধস্স, লোকজেট্ঠস্স তাদিনো;
তিণত্থরে নিসিন্নস্স, উপসন্তস্স তাদিনো.
‘‘নল়মালং গহেত্ৰান, বন্ধিত্ৰা [বীজিত্ৰা (ক.)] বীজনিং অহং;
বুদ্ধস্স উপনামেসিং, দ্ৰিপদিন্দস্স তাদিনো.
‘‘পটিগ্গহেত্ৰা সব্বঞ্ঞূ, বীজনিং লোকনাযকো;
মম সঙ্কপ্পমঞ্ঞায, ইমং গাথং অভাসথ.
‘‘‘যথা ¶ মে কাযো নিব্বাতি, পরিল়াহো ন ৰিজ্জতি;
তথেৰ তিৰিধগ্গীহি, চিত্তং তৰ ৰিমুচ্চতু’.
‘‘সব্বে ¶ দেৰা সমাগচ্ছুং, যে কেচি ৰননিস্সিতা;
সোস্সাম বুদ্ধৰচনং, হাসযন্তঞ্চ দাযকং.
‘‘নিসিন্নো ¶ ভগৰা তত্থ, দেৰসঙ্ঘপুরক্খতো;
দাযকং সম্পহংসেন্তো, ইমা গাথা অভাসথ.
‘‘‘ইমিনা বীজনিদানেন, চিত্তস্স পণিধীহি চ;
সুব্বতো নাম নামেন, চক্কৰত্তী ভৰিস্সতি.
‘‘‘তেন ¶ কম্মাৰসেসেন, সুক্কমূলেন চোদিতো;
মালুতো নাম নামেন, চক্কৰত্তী ভৰিস্সতি’.
‘‘‘ইমিনা বীজনিদানেন, সম্মানৰিপুলেন চ;
কপ্পসতসহস্সম্পি, দুগ্গতিং নুপপজ্জতি.
‘‘তিংসকপ্পসহস্সম্হি, সুব্বতা অট্ঠতিংস তে;
একূনতিংসসহস্সে, অট্ঠ মালুতনামকা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নল়মালিযো থেরো ইমা গাথাযো অভাসিত্থাতি.
নল়মালিযত্থেরস্সাপদানং সত্তমং.
সত্তমভাণৰারং.
৮. আসনুপট্ঠাহকত্থেরঅপদানং
‘‘কাননং ৰনমোগয্হ, অপ্পসদ্দং নিরাকুলং;
সীহাসনং মযা দিন্নং, অত্থদস্সিস্স তাদিনো.
‘‘মালাহত্থং ¶ গহেত্ৰান, কত্ৰা চ নং পদক্খিণং;
সত্থারং পযিরুপাসিত্ৰা, পক্কামিং উত্তরামুখো.
‘‘তেন ¶ কম্মেন দ্ৰিপদিন্দ, লোকজেট্ঠ নরাসভ;
সন্নিব্বাপেমি [সন্দিট্ঠাপেমি (ক.)] অত্তানং, ভৰা সব্বে সমূহতা.
‘‘অট্ঠারসকপ্পসতে, যং দানমদদিং তদা;
দুগ্গতিং নাভিজানামি, সীহাসনস্সিদং ফলং.
‘‘ইতো ¶ সত্তকপ্পসতে, সন্নিব্বাপক [সন্নিট্ঠো নাম (ক.)] খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা আসনুপট্ঠাহকো থেরো ইমা গাথাযো অভাসিত্থাতি.
আসনুপট্ঠাহকত্থেরস্সাপদানং অট্ঠমং.
৯. বিল়ালিদাযকত্থেরঅপদানং
‘‘হিমৰন্তস্সাৰিদূরে ¶ , ৰসামি পণ্ণসন্থরে;
ঘাসেসু গেধমাপন্নো, সেয্যসীলো চহং [সেযসীলোৰহং (স্যা. ক.)] তদা.
‘‘খণন্তালু [খণমালু (স্যা.)] কলম্বানি, বিল়ালিতক্কলানি চ;
কোলং ভল্লাতকং বিল্লং, আহত্ৰা পটিযাদিতং.
‘‘পদুমুত্তরো ¶ লোকৰিদূ, আহুতীনং পটিগ্গহো;
মম সঙ্কপ্পমঞ্ঞায, আগচ্ছি মম সন্তিকং.
‘‘উপাগতং মহানাগং, দেৰদেৰং নরাসভং;
বিল়ালিং পগ্গহেত্ৰান, পত্তম্হি ওকিরিং অহং.
‘‘পরিভুঞ্জি মহাৰীরো, তোসযন্তো মমং তদা;
পরিভুঞ্জিত্ৰান সব্বঞ্ঞূ, ইমং গাথং অভাসথ.
‘‘‘সকং চিত্তং পসাদেত্ৰা, বিল়ালিং মে অদা তুৰং;
কপ্পানং সতসহস্সং, দুগ্গতিং নুপপজ্জসি’.
‘‘চরিমং ¶ ৰত্ততে ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে.
‘‘চতুপঞ্ঞাসিতো কপ্পে, সুমেখলিযসৰ্হযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বিল়ালিদাযকো থেরো ইমা গাথাযো অভাসিত্থাতি.
বিল়ালিদাযকত্থেরস্সাপদানং নৰমং.
১০. রেণুপূজকত্থেরঅপদানং
‘‘সুৰণ্ণৰণ্ণং ¶ ¶ ¶ সম্বুদ্ধং, সতরংসিংৰ ভাণুমং;
ওভাসেন্তং দিসা সব্বা, উল়ুরাজংৰ পূরিতং.
‘‘পুরক্খতং সাৰকেহি, সাগরেহেৰ মেদনিং;
নাগং পগ্গয্হ রেণূহি, ৰিপস্সিস্সাভিরোপযিং.
‘‘একনৰুতিতো কপ্পে, যং রেণুমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পণ্ণতালীসিতো কপ্পে, রেণু নামাসি খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা রেণুপূজকো থেরো ইমা গাথাযো অভাসিত্থাতি.
রেণুপূজকত্থেরস্সাপদানং দসমং.
ভিক্খদাযিৰগ্গো একাদসমো.
তস্সুদ্দানং –
ভিক্খদাযী ঞাণসঞ্ঞী, হত্থিযো পদপূজকো;
মুট্ঠিপুপ্ফী উদকদো, নল়মালি উপট্ঠকো;
বিল়ালিদাযী রেণু চ, গাথাযো ছ চ সট্ঠি চ.
১২. মহাপরিৰারৰগ্গো
১. মহাপরিৰারকত্থেরঅপদানং
‘‘ৰিপস্সী ¶ ¶ ¶ নাম ভগৰা, লোকজেট্ঠো নরাসভো;
অট্ঠসট্ঠিসহস্সেহি, পাৰিসি বন্ধুমং তদা.
‘‘নগরা অভিনিক্খম্ম, অগমং দীপচেতিযং;
অদ্দসং ৰিরজং বুদ্ধং, আহুতীনং পটিগ্গহং.
‘‘চুল্লাসীতিসহস্সানি, যক্খা ময্হং উপন্তিকে;
উপট্ঠহন্তি সক্কচ্চং [মং নিচ্চং (ক.)], ইন্দংৰ তিদসা গণা.
‘‘ভৰনা ¶ অভিনিক্খম্ম, দুস্সং পগ্গয্হহং তদা;
সিরসা অভিৰাদেসিং, তঞ্চাদাসিং মহেসিনো.
‘‘অহো বুদ্ধো অহো ধম্মো, অহো নো সত্থু সম্পদা;
বুদ্ধস্স আনুভাৰেন, ৰসুধাযং পকম্পথ.
‘‘তঞ্চ অচ্ছরিযং দিস্ৰা, অব্ভুতং লোমহংসনং;
বুদ্ধে চিত্তং পসাদেমি, দ্ৰিপদিন্দম্হি তাদিনে.
‘‘সোহং চিত্তং পসাদেত্ৰা, দুস্সং দত্ৰান সত্থুনো;
সরণঞ্চ উপাগচ্ছিং, সামচ্চো সপরিজ্জনো.
‘‘একনৰুতিতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘ইতো পন্নরসে কপ্পে, সোল়সাসুং সুৰাহনা [সোল়সাসিংসু ৰাহনো (স্যা.)];
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা মহাপরিৰারকো থেরো ইমা গাথাযো অভাসিত্থাতি.
মহাপরিৰারকত্থেরস্সাপদানং পঠমং.
২. সুমঙ্গলত্থেরঅপদানং
‘‘অত্থদস্সী ¶ ¶ জিনৰরো, লোকজেট্ঠো নরাসভো;
ৰিহারা অভিনিক্খম্ম, তল়াকং উপসঙ্কমি.
‘‘ন্হত্ৰা পিত্ৰা চ সম্বুদ্ধো, উত্তরিত্ৰেকচীৰরো;
অট্ঠাসি ভগৰা তত্থ, ৰিলোকেন্তো দিসোদিসং.
‘‘ভৰনে উপৰিট্ঠোহং, অদ্দসং লোকনাযকং;
হট্ঠো হট্ঠেন চিত্তেন, অপ্ফোটেসিং অহং তদা.
‘‘সতরংসিংৰ জোতন্তং, পভাসন্তংৰ কঞ্চনং [ইমিনা পাদদ্ৰযেন পুরিমপাদদ্ৰযস্স পুরতো ভৰিতব্বং];
নচ্চগীতে পযুত্তোহং, পঞ্চঙ্গতূরিযম্হি চ.
‘‘যং যং যোনুপপজ্জামি, দেৰত্তং অথ মানুসং;
সব্বে সত্তে অভিভোমি, ৰিপুলো হোতি মে যসো [অযঞ্চ গাথা পরিগ্গহেতিগাথায অনন্তরমেৰ ঠাতুং যুত্তা].
‘‘নমো ¶ তে পুরিসাজঞ্ঞ, নমো তে পুরিসুত্তম;
অত্তানং তোসযিত্ৰান, পরে তোসেসি ত্ৰং মুনি.
‘‘পরিগ্গহে ¶ [পরিগ্গয্হ (সী.), পরিগ্গহিত্ৰা (স্যা.), পরিগ্গহেন (ক.)] নিসীদিত্ৰা, হাসং কত্ৰান সুব্বতে;
উপট্ঠহিত্ৰা সম্বুদ্ধং, তুসিতং উপপজ্জহং.
‘‘সোল়সেতো কপ্পসতে, দ্ৰিনৰএকচিন্তিতা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুমঙ্গলো থেরো ইমা গাথাযো অভাসিত্থাতি.
সুমঙ্গলত্থেরস্সাপদানং দুতিযং.
৩. সরণগমনিযত্থেরঅপদানং
‘‘উভিন্নং দেৰরাজূনং, সঙ্গামো সমুপট্ঠিতো;
অহোসি সমুপব্যূল়্হো [সমুপব্বূল়্হো (সী.)], মহাঘোসো অৰত্তথ [পৰত্তথ (সী.)].
‘‘পদুমুত্তরো ¶ লোকৰিদূ, আহুতীনং পটিগ্গহো;
অন্তলিক্খে ঠিতো সত্থা, সংৰেজেসি মহাজনং.
‘‘সব্বে ¶ দেৰা অত্তমনা, নিক্খিত্তকৰচাৰুধা;
সম্বুদ্ধং অভিৰাদেত্ৰা, একগ্গাসিংসু তাৰদে.
‘‘ময্হং [অম্হং (সী.)] সঙ্কপ্পমঞ্ঞায, ৰাচাসভিমুদীরযি;
অনুকম্পকো লোকৰিদূ, নিব্বাপেসি মহাজনং.
‘‘পদুট্ঠচিত্তো ¶ মনুজো, একপাণং ৰিহেঠযং;
তেন চিত্তপ্পদোসেন, অপাযং উপপজ্জতি.
‘‘সঙ্গামসীসে নাগোৰ, বহূ পাণে ৰিহেঠযং;
নিব্বাপেথ সকং চিত্তং, মা হঞ্ঞিত্থো পুনপ্পুনং.
‘‘দ্ৰিন্নম্পি যক্খরাজূনং, সেনা সা ৰিম্হিতা অহু [সেনাযো ৰিম্হিতা অহূ (সী.), সেনাপি সমিতা অহু (স্যা.)];
সরণঞ্চ উপাগচ্ছুং, লোকজেট্ঠং সুতাদিনং.
‘‘সঞ্ঞাপেত্ৰান ¶ জনতং, পদমুদ্ধরি [উদ্ধরি পন (সী. স্যা.)] চক্খুমা;
পেক্খমানোৰ দেৰেহি, পক্কামি উত্তরামুখো.
‘‘পঠমং সরণং গচ্ছিং, দ্ৰিপদিন্দস্স তাদিনো;
কপ্পানং সতসহস্সং, দুগ্গতিং নুপপজ্জহং.
‘‘মহাদুন্দুভিনামা চ, সোল়সাসুং রথেসভা;
তিংসকপ্পসহস্সম্হি, রাজানো চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সরণগমনিযো থেরো ইমা গাথাযো অভাসিত্থাতি.
সরণগমনিযত্থেরস্সাপদানং ততিযং.
৪. একাসনিযত্থেরঅপদানং
‘‘ৰরুণো নাম নামেন, দেৰরাজা অহং তদা;
উপট্ঠহেসিং সম্বুদ্ধং, সযোগ্গবলৰাহনো.
‘‘নিব্বুতে ¶ ¶ লোকনাথম্হি, অত্থদস্সীনরুত্তমে;
তূরিযং সব্বমাদায, অগমং বোধিমুত্তমং.
‘‘ৰাদিতেন চ নচ্চেন, সম্মতাল়সমাহিতো;
সম্মুখা ৰিয সম্বুদ্ধং, উপট্ঠিং বোধিমুত্তমং.
‘‘উপট্ঠহিত্ৰা ¶ তং বোধিং, ধরণীরুহপাদপং;
পল্লঙ্কং আভুজিত্ৰান, তত্থ কালঙ্কতো অহং.
‘‘সককম্মাভিরদ্ধোহং, পসন্নো বোধিমুত্তমে;
তেন চিত্তপ্পসাদেন, নিম্মানং উপপজ্জহং.
‘‘সট্ঠিতূরিযসহস্সানি, পরিৰারেন্তি মং সদা;
মনুস্সেসু চ দেৰেসু, ৰত্তমানং ভৰাভৰে.
‘‘তিৰিধগ্গী নিব্বুতা ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে [অযঞ্চ গাথা পটিসম্ভিদা চতস্সেতিগাথায একসম্বন্ধা ভৰিতং যুত্তা].
‘‘সুবাহূ ¶ নাম নামেন, চতুত্তিংসাসু খত্তিযা;
সত্তরতনসম্পন্না, পঞ্চকপ্পসতে ইতো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একাসনিযো থেরো ইমা গাথাযো অভাসিত্থাতি.
একাসনিযত্থেরস্সাপদানং চতুত্থং.
৫. সুৰণ্ণপুপ্ফিযত্থেরঅপদানং
‘‘ৰিপস্সী ¶ নাম ভগৰা, লোকজেট্ঠো নরাসভো;
নিসিন্নো জনকাযস্স, দেসেসি অমতং পদং.
‘‘তস্সাহং ধম্মং সুত্ৰান, দ্ৰিপদিন্দস্স তাদিনো;
সোণ্ণপুপ্ফানি চত্তারি, বুদ্ধস্স অভিরোপযিং.
‘‘সুৰণ্ণচ্ছদনং আসি, যাৰতা পরিসা তদা;
বুদ্ধাভা চ সুৰণ্ণাভা, আলোকো ৰিপুলো অহু.
‘‘উদগ্গচিত্তো ¶ সুমনো, ৰেদজাতো কতঞ্জলী;
ৰিত্তিসঞ্জননো তেসং, দিট্ঠধম্মসুখাৰহো.
‘‘আযাচিত্ৰান সম্বুদ্ধং, ৰন্দিত্ৰান চ সুব্বতং;
পামোজ্জং জনযিত্ৰান, সকং ভৰনুপাগমিং.
‘‘ভৰনে উপৰিট্ঠোহং, বুদ্ধসেট্ঠং অনুস্সরিং;
তেন চিত্তপ্পসাদেন, তুসিতং উপপজ্জহং.
‘‘একনৰুতিতো ¶ কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সোল়সাসিংসু রাজানো, নেমিসম্মতনামকা;
তেতালীসে ইতো কপ্পে, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সুৰণ্ণপুপ্ফিযো থেরো ইমা গাথাযো অভাসিত্থাতি.
সুৰণ্ণপুপ্ফিযত্থেরস্সাপদানং পঞ্চমং.
৬. চিতকপূজকত্থেরঅপদানং
‘‘ৰসামি ¶ রাজাযতনে, সামচ্চো সপরিজ্জনো;
পরিনিব্বুতে ভগৰতি, সিখিনো লোকবন্ধুনো.
‘‘পসন্নচিত্তো সুমনো, চিতকং অগমাসহং;
তূরিযং তত্থ ৰাদেত্ৰা, গন্ধমালং সমোকিরিং.
‘‘চিতম্হি পূজং কত্ৰান, ৰন্দিত্ৰা চিতকং অহং;
পসন্নচিত্তো সুমনো, সকং ভৰনুপাগমিং.
‘‘ভৰনে উপৰিট্ঠোহং, চিতপূজং অনুস্সরিং;
তেন কম্মেন দ্ৰিপদিন্দ, লোকজেট্ঠ নরাসভ.
‘‘অনুভোত্ৰান সম্পত্তিং, দেৰেসু মানুসেসু চ;
পত্তোম্হি অচলং ঠানং, হিত্ৰা জযপরাজযং.
‘‘একত্তিংসে ¶ ইতো কপ্পে, যং পুপ্ফমভিরোপযিং;
দুগ্গতিং নাভিজানামি, চিতপূজাযিদং ফলং.
‘‘একূনতিংসকপ্পম্হি, ইতো সোল়স রাজানো;
উগ্গতা নাম নামেন, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা চিতকপূজকো থেরো ইমা গাথাযো অভাসিত্থাতি.
চিতকপূজকত্থেরস্সাপদানং ছট্ঠং.
৭. বুদ্ধসঞ্ঞকত্থেরঅপদানং
‘‘যদা ¶ ৰিপস্সী লোকগ্গো, আযুসঙ্খারমোস্সজি;
পথৰী সম্পকম্পিত্থ, মেদনী জলমেখলা.
‘‘ওততং ৰিত্থতং [ওততং ৰিততং (স্যা.)] ময্হং, সুৰিচিত্তৰটংসকং [সুচিচিত্তং পপঞ্চকং (স্যা.)];
ভৰনম্পি পকম্পিত্থ, বুদ্ধস্স আযুসঙ্খযে.
‘‘তাসো ¶ ময্হং সমুপ্পন্নো, ভৰনে সম্পকম্পিতে;
উপ্পাদো [উপ্পাতো (?)] নু কিমত্থায, আলোকো ৰিপুলো অহু.
‘‘ৰেস্সৰণো ইধাগম্ম, নিব্বাপেসি মহাজনং;
পাণভূতে [পাণভুতং (স্যা.), পাণভূনং (সী. ক.)] ভযং নত্থি, একগ্গা হোথ সংৰুতা [সগারৰা (স্যা.)].
‘‘অহো বুদ্ধো অহো ধম্মো, অহো নো সত্থু সম্পদা;
যস্মিং উপ্পজ্জমানম্হি, পথৰী [পঠৰী (সী. স্যা.)] সম্পকম্পতি.
‘‘বুদ্ধানুভাৰং কিত্তেত্ৰা, কপ্পং সগ্গম্হি মোদহং;
অৰসেসেসু কপ্পেসু, কুসলং চরিতং [করিতং (সী. স্যা.), কারিতং (ক.)] মযা.
‘‘একনৰুতিতো ¶ কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘ইতো ¶ চুদ্দসকপ্পম্হি, রাজা আসিং পতাপৰা;
সমিতো নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বুদ্ধসঞ্ঞকো থেরো ইমা গাথাযো অভাসিত্থাতি.
বুদ্ধসঞ্ঞকত্থেরস্সাপদানং সত্তমং.
৮. মগ্গসঞ্ঞকত্থেরঅপদানং
‘‘পদুমুত্তরবুদ্ধস্স, সাৰকা ৰনচারিনো;
ৰিপ্পনট্ঠা ব্রহারঞ্ঞে, অন্ধাৰ অনুসুয্যরে [অনুসুযরে (সী.)].
‘‘অনুস্সরিত্ৰা ¶ সম্বুদ্ধং, পদুমুত্তরনাযকং;
তস্স তে মুনিনো পুত্তা, ৰিপ্পনট্ঠা মহাৰনে.
‘‘ভৰনা ওরুহিত্ৰান, অগমিং ভিক্খুসন্তিকং;
তেসং মগ্গঞ্চ আচিক্খিং, ভোজনঞ্চ অদাসহং.
‘‘তেন কম্মেন দ্ৰিপদিন্দ, লোকজেট্ঠ নরাসভ;
জাতিযা সত্তৰস্সোহং, অরহত্তমপাপুণিং.
‘‘সচক্খূ ¶ নাম নামেন, দ্ৰাদস চক্কৰত্তিনো;
সত্তরতনসম্পন্না, পঞ্চকপ্পসতে ইতো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা মগ্গসঞ্ঞকো থেরো ইমা গাথাযো অভাসিত্থাতি.
মগ্গসঞ্ঞকত্থেরস্সাপদানং অট্ঠমং.
৯. পচ্চুপট্ঠানসঞ্ঞকত্থেরঅপদানং
‘‘অত্থদস্সিম্হি সুগতে, নিব্বুতে সমনন্তরা;
যক্খযোনিং উপপজ্জিং, যসং পত্তো চহং তদা.
‘‘দুল্লদ্ধং ¶ ৰত মে আসি, দুপ্পভাতং দুরুট্ঠিতং;
যং মে ভোগে ৰিজ্জমানে, পরিনিব্বাযি চক্খুমা.
‘‘মম সঙ্কপ্পমঞ্ঞায, সাগরো নাম সাৰকো;
মমুদ্ধরিতুকামো সো, আগচ্ছি মম সন্তিকং.
‘‘কিং নু সোচসি মা ভাযি, চর ধম্মং সুমেধস;
অনুপ্পদিন্না বুদ্ধেন, সব্বেসং বীজসম্পদা.
‘‘সো চে পূজেয্য সম্বুদ্ধং, তিট্ঠন্তং লোকনাযকং;
ধাতুং সাসপমত্তম্পি, নিব্বুতস্সাপি পূজযে.
‘‘সমে ¶ চিত্তপ্পসাদম্হি, সমং পুঞ্ঞং মহগ্গতং;
তস্মা থূপং করিত্ৰান, পূজেহি জিনধাতুযো.
‘‘সাগরস্স ৰচো সুত্ৰা, বুদ্ধথূপং অকাসহং;
পঞ্চৰস্সে পরিচরিং, মুনিনো থূপমুত্তমং.
‘‘তেন ¶ কম্মেন দ্ৰিপদিন্দ, লোকজেট্ঠ নরাসভ;
সম্পত্তিং অনুভোত্ৰান, অরহত্তমপাপুণিং.
‘‘ভূরিপঞ্ঞা চ চত্তারো, সত্তকপ্পসতে ইতো;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পচ্চুপট্ঠানসঞ্ঞকো থেরো ইমা গাথাযো অভাসিত্থাতি.
পচ্চুপট্ঠানসঞ্ঞকত্থেরস্সাপদানং নৰমং.
১০. জাতিপূজকত্থেরঅপদানং
‘‘জাযন্তস্স ¶ ৰিপস্সিস্স, আলোকো ৰিপুলো অহু;
পথৰী চ পকম্পিত্থ, সসাগরা সপব্বতা.
‘‘নেমিত্তা চ ৰিযাকংসু, বুদ্ধো লোকে ভৰিস্সতি;
অগ্গো চ সব্বসত্তানং, জনতং উদ্ধরিস্সতি.
‘‘নেমিত্তানং ¶ ¶ সুণিত্ৰান, জাতিপূজমকাসহং;
এদিসা পূজনা নত্থি, যাদিসা জাতিপূজনা.
‘‘সঙ্খরিত্ৰান [সংহরিত্ৰান (সী. স্যা.), সঙ্করিত্ৰান (ক.)]
কুসলং, সকং চিত্তং পসাদযিং.
জাতিপূজং করিত্ৰান, তত্থ কালঙ্কতো অহং.
‘‘যং যং যোনুপপজ্জামি, দেৰত্তং অথ মানুসং;
সব্বে সত্তে অভিভোমি, জাতিপূজাযিদং ফলং.
‘‘ধাতিযো মং উপট্ঠন্তি, মম চিত্তৰসানুগা;
ন তা সক্কোন্তি কোপেতুং, জাতিপূজাযিদং ফলং.
‘‘একনৰুতিতো কপ্পে, যং পূজমকরিং তদা;
দুগ্গতিং নাভিজানামি, জাতিপূজাযিদং ফলং.
‘‘সুপারিচরিযা নাম, চতুত্তিংস জনাধিপা;
ইতো ততিযকপ্পম্হি, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা জাতিপূজকো থেরো ইমা গাথাযো অভাসিত্থাতি.
জাতিপূজকত্থেরস্সাপদানং দসমং.
মহাপরিৰারৰগ্গো দ্ৰাদসমো.
তস্সুদ্দানং –
পরিৰারসুমঙ্গলা, সরণাসনপুপ্ফিযা;
চিতপূজী বুদ্ধসঞ্ঞী, মগ্গুপট্ঠানজাতিনা;
গাথাযো ¶ নৰুতি ৰুত্তা, গণিতাযো ৰিভাৰিহি.
১৩. সেরেয্যৰগ্গো
১. সেরেয্যকত্থেরঅপদানং
‘‘অজ্ঝাযকো ¶ ¶ ¶ মন্তধরো, তিণ্ণং ৰেদান পারগূ;
অব্ভোকাসে ঠিতো সন্তো, অদ্দসং লোকনাযকং.
‘‘সীহং যথা ৰনচরং, ব্যগ্ঘরাজংৰ নিত্তসং;
তিধাপভিন্নমাতঙ্গং, কুঞ্জরংৰ মহেসিনং.
‘‘সেরেয্যকং গহেত্ৰান, আকাসে উক্খিপিং [নিক্খিপিং (ক.)] অহং;
বুদ্ধস্স আনুভাৰেন, পরিৰারেন্তি সব্বসো [সব্বতো (সী.)].
‘‘অধিট্ঠহি মহাৰীরো, সব্বঞ্ঞূ লোকনাযকো;
সমন্তা পুপ্ফচ্ছদনা, ওকিরিংসু নরাসভং.
‘‘ততো সা পুপ্ফকঞ্চুকা, অন্তোৰণ্টা বহিমুখা;
সত্তাহং ছদনং কত্ৰা, ততো অন্তরধাযথ.
‘‘তঞ্চ অচ্ছরিযং দিস্ৰা, অব্ভুতং লোমহংসনং;
বুদ্ধে চিত্তং পসাদেসিং, সুগতে লোকনাযকে.
‘‘তেন চিত্তপ্পসাদেন, সুক্কমূলেন চোদিতো;
কপ্পানং সতসহস্সং, দুগ্গতিং নুপপজ্জহং.
‘‘পন্নরসসহস্সম্হি ¶ , কপ্পানং পঞ্চৰীসতি;
ৰীতমলা [চিত্তমালা (সী.), ৰিলামালা (স্যা.)] সমানা চ, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সেরেয্যকো থেরো ইমা গাথাযো অভাসিত্থাতি.
সেরেয্যকত্থেরস্সাপদানং পঠমং.
২. পুপ্ফথূপিযত্থেরঅপদানং
‘‘হিমৰন্তস্সাৰিদূরে ¶ ¶ , কুক্কুরো নাম [কুক্কুটো নাম (সী.)] পব্বতো;
ৰেমজ্ঝে তস্স ৰসতি, ব্রাহ্মণো মন্তপারগূ.
‘‘পঞ্চ সিস্সসহস্সানি, পরিৰারেন্তি মং সদা;
পুব্বুট্ঠাযী চ তে আসুং, মন্তেসু চ ৰিসারদা.
‘‘বুদ্ধো ¶ লোকে সমুপ্পন্নো, তং ৰিজানাথ নো ভৰং;
অসীতিব্যঞ্জনানস্স, বাত্তিংসৰরলক্খণা.
‘‘ব্যামপ্পভো জিনৰরো, আদিচ্চোৰ ৰিরোচতি;
সিস্সানং ৰচনং সুত্ৰা, ব্রাহ্মণো মন্তপারগূ.
‘‘অস্সমা অভিনিক্খম্ম, দিসং পুচ্ছতি সিস্সকে [ব্রাহ্মণো (স্যা.)];
যম্হি দেসে মহাৰীরো, ৰসতি লোকনাযকো.
‘‘তাহং দিসং নমস্সিস্সং, জিনং অপ্পটিপুগ্গলং;
উদগ্গচিত্তো সুমনো, পূজেসিং তং তথাগতং.
‘‘এথ ¶ সিস্সা গমিস্সাম, দক্খিস্সাম তথাগতং;
ৰন্দিত্ৰা সত্থুনো পাদে, সোস্সাম জিনসাসনং.
‘‘একাহং অভিনিক্খম্ম, ব্যাধিং পটিলভিং অহং;
ব্যাধিনা পীল়িতো সন্তো, সালং ৰাসযিতুং গমিং.
‘‘সব্বে সিস্সে সমানেত্ৰা, অপুচ্ছিং তে তথাগতং;
কীদিসং লোকনাথস্স, গুণং পরমবুদ্ধিনো.
‘‘তে মে পুট্ঠা ৰিযাকংসু, যথা দস্সাৰিনো তথা;
সক্কচ্চং বুদ্ধসেট্ঠং তং, দেসেসুং [দস্সেসুং (সী. স্যা.)] মম সম্মুখা.
‘‘তেসাহং ৰচনং সুত্ৰা, সকং চিত্তং পসাদযিং;
পুপ্ফেহি থূপং কত্ৰান, তত্থ কালঙ্কতো অহং.
‘‘তে মে সরীরং ঝাপেত্ৰা, অগমুং বুদ্ধসন্তিকং;
অঞ্জলিং পগ্গহেত্ৰান, সত্থারমভিৰাদযুং.
‘‘পুপ্ফেহি থূপং কত্ৰান, সুগতস্স মহেসিনো;
কপ্পানং সতসহস্সং, দুগ্গতিং নুপপজ্জহং.
‘‘চত্তালীসসহস্সম্হি ¶ ¶ , কপ্পে সোল়স খত্তিযা;
নামেনগ্গিসমা নাম, চক্কৰত্তী মহব্বলা.
‘‘ৰীসকপ্পসহস্সম্হি, রাজানো চক্কৰত্তিনো;
ঘতাসনসনামাৰ, অট্ঠত্তিংস মহীপতী.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা পুপ্ফথূপিযো থেরো ইমা গাথাযো অভাসিত্থাতি.
পুপ্ফথূপিযত্থেরস্সাপদানং দুতিযং.
৩. পাযসদাযকত্থেরঅপদানং
‘‘সুৰণ্ণৰণ্ণো ¶ সম্বুদ্ধো, বাত্তিংসৰরলক্খণো;
পৰনা [পধানো (ক.)] অভিনিক্খন্তো, ভিক্খুসঙ্ঘপুরক্খতো [সুৰণ্ণৰণ্ণং …পে… পুরক্খতং-এৰং দুতিযন্তৰসেন সী. স্যা. পোত্থকেসু দিস্সতি].
‘‘মহচ্চা [সহত্থা (স্যা. ক.)] কংসপাতিযা, ৰড্ঢেত্ৰা পাযসং [পাযাসং (স্যা. ক.)] অহং;
আহুতিং যিট্ঠুকামো সো, উপনেসিং বলিং অহং.
‘‘ভগৰা তম্হি সমযে, লোকজেট্ঠো নরাসভো;
চঙ্কমং সুসমারূল়্হো, অম্বরে অনিলাযনে.
‘‘তঞ্চ অচ্ছরিযং দিস্ৰা, অব্ভুতং লোমহংসনং;
ঠপযিত্ৰা কংসপাতিং, ৰিপস্সিং অভিৰাদযিং.
‘‘তুৰং দেৰোসি [বুদ্ধোসি (স্যা.)] সব্বঞ্ঞূ, সদেৰে সহমানুসে;
অনুকম্পং উপাদায, পটিগণ্হ মহামুনি.
‘‘পটিগ্গহেসি ভগৰা, সব্বঞ্ঞূ লোকনাযকো;
মম সঙ্কপ্পমঞ্ঞায, সত্থা লোকে মহামুনি [অনুত্তরো (স্যা.)].
‘‘একনৰুতিতো কপ্পে, যং দানমদদিং তদা;
দুগ্গতিং নাভিজানামি, পাযসস্স [পাযাসস্স (স্যা. ক.)] ইদং ফলং.
‘‘একতালীসিতো ¶ কপ্পে, বুদ্ধো নামাসি খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাযসদাযকো [পাযাসদাযকো (স্যা. ক.)] থেরো ইমা গাথাযো অভাসিত্থাতি.
পাযসদাযকত্থেরস্সাপদানং ততিযং.
৪. গন্ধোদকিযত্থেরঅপদানং
‘‘নিসজ্জ ¶ পাসাদৰরে, ৰিপস্সিং অদ্দসং জিনং;
ককুধং ৰিলসন্তংৰ, সব্বঞ্ঞুং তমনাসকং [সব্বঞ্ঞুত্তমনাযকং (স্যা.), সব্বঞ্ঞুতমনাসৰং (ক.)].
‘‘পাসাদস্সাৰিদূরে চ, গচ্ছতি লোকনাযকো;
পভা নিদ্ধাৰতে তস্স, যথা চ সতরংসিনো.
‘‘গন্ধোদকঞ্চ ¶ পগ্গয্হ, বুদ্ধসেট্ঠং সমোকিরিং;
তেন চিত্তপ্পসাদেন, তত্থ কালঙ্কতো অহং.
‘‘একনৰুতিতো কপ্পে, যং গন্ধোদকমাকিরিং;
দুগ্গতিং নাভিজানামি, বুদ্ধপূজাযিদং ফলং.
‘‘একত্তিংসে ইতো কপ্পে, সুগন্ধো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা গন্ধোদকিযো থেরো ইমা গাথাযো অভাসিত্থাতি.
গন্ধোদকিযত্থেরস্সাপদানং চতুত্থং.
৫. সম্মুখাথৰিকত্থেরঅপদানং
‘‘জাযমানে ৰিপস্সিম্হি, নিমিত্তং ব্যাকরিং অহং;
‘নিব্বাপযিঞ্চ [নিব্বাপযং চ (সী. স্যা.), নিব্বাপযন্তো (?)] জনতং, বুদ্ধো লোকে ভৰিস্সতি.
‘‘‘যস্মিঞ্চ ¶ জাযমানস্মিং, দসসহস্সি কম্পতি;
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ জাযমানস্মিং, আলোকো ৰিপুলো অহু;
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ জাযমানস্মিং, সরিতাযো ন সন্দযুং [সন্দিসুং (সী. স্যা.)];
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ জাযমানস্মিং, অৰীচগ্গি ন পজ্জলি;
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ ¶ জাযমানস্মিং, পক্খিসঙ্ঘো ন সংচরি;
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ জাযমানস্মিং, ৰাতক্খন্ধো ন ৰাযতি;
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ ¶ জাযমানস্মিং, সব্বরতনানি জোতযুং [জোতিসুং (সী. স্যা.)];
সো দানি ভগৰা সত্থা, ধম্মং দেসেতি চক্খুমা.
‘‘‘যস্মিঞ্চ জাযমানস্মিং, সত্তাসুং পদৰিক্কমা;
সো দানি ভগৰা সত্থা, ধম্মং দেসেতি চক্খুমা.
‘‘‘জাতমত্তো ¶ চ সম্বুদ্ধো, দিসা সব্বা ৰিলোকযি;
ৰাচাসভিমুদীরেসি, এসা বুদ্ধান ধম্মতা’.
‘‘সংৰেজযিত্ৰা জনতং, থৰিত্ৰা লোকনাযকং;
সম্বুদ্ধং অভিৰাদেত্ৰা, পক্কামিং পাচিনামুখো.
‘‘একনৰুতিতো কপ্পে, যং বুদ্ধমভিথোমযিং;
দুগ্গতিং নাভিজানামি, থোমনায ইদং ফলং.
‘‘ইতো নৰুতিকপ্পম্হি, সম্মুখাথৰিকৰ্হযো;
সত্তরতনসম্পন্নো, চক্কৰত্তী মহব্বলো.
‘‘পথৰীদুন্দুভি নাম [দুদ্দসি নাম (ক.)], একূননৰুতিম্হিতো;
সত্তরতনসম্পন্নো, চক্কৰত্তী মহব্বলো.
‘‘অট্ঠাসীতিম্হিতো ¶ কপ্পে, ওভাসো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘সত্তাসীতিম্হিতো কপ্পে, সরিতচ্ছেদনৰ্হযো;
সত্তরতনসম্পন্নো, চক্কৰত্তী মহব্বলো.
‘‘অগ্গিনিব্বাপনো নাম, কপ্পানং ছল়সীতিযা;
সত্তরতনসম্পন্নো, চক্কৰত্তী মহব্বলো.
‘‘গতিপচ্ছেদনো নাম, কপ্পানং পঞ্চসীতিযা;
সত্তরতনসম্পন্নো, চক্কৰত্তী মহব্বলো.
‘‘রাজা ¶ ৰাতসমো নাম, কপ্পানং চুল্লসীতিযা;
সত্তরতনসম্পন্নো, চক্কৰত্তী মহব্বলো.
‘‘রতনপজ্জলো ¶ নাম, কপ্পানং তেঅসীতিযা;
সত্তরতনসম্পন্নো, চক্কৰত্তী মহব্বলো.
‘‘পদৰিক্কমনো নাম, কপ্পানং দ্ৰেঅসীতিযা;
সত্তরতনসম্পন্নো, চক্কৰত্তী মহব্বলো.
‘‘রাজা ৰিলোকনো নাম, কপ্পানং একসীতিযা;
সত্তরতনসম্পন্নো, চক্কৰত্তী মহব্বলো.
‘‘গিরসারোতি নামেন, কপ্পেসীতিম্হি খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সম্মুখাথৰিকো থেরো ইমা গাথাযো অভাসিত্থাতি.
সম্মুখাথৰিকত্থেরস্সাপদানং পঞ্চমং.
৬. কুসুমাসনিযত্থেরঅপদানং
‘‘নগরে ¶ ¶ ধঞ্ঞৰতিযা, অহোসিং ব্রাহ্মণো তদা;
লক্খণে ইতিহাসে চ, সনিঘণ্ডুসকেটুভে.
‘‘পদকো ¶ ৰেয্যাকরণো, নিমিত্তকোৰিদো অহং;
মন্তে চ সিস্সে ৰাচেসিং, তিণ্ণং ৰেদান পারগূ.
‘‘পঞ্চ উপ্পলহত্থানি, পিট্ঠিযং ঠপিতানি মে;
আহুতিং যিট্ঠুকামোহং, পিতুমাতুসমাগমে.
‘‘তদা ৰিপস্সী ভগৰা, ভিক্খুসঙ্ঘপুরক্খতো;
ওভাসেন্তো দিসা সব্বা, আগচ্ছতি নরাসভো.
‘‘আসনং পঞ্ঞপেত্ৰান, নিমন্তেত্ৰা মহামুনিং;
সন্থরিত্ৰান তং পুপ্ফং, অভিনেসিং সকং ঘরং.
‘‘যং মে অত্থি সকে গেহে, আমিসং পচ্চুপট্ঠিতং;
তাহং বুদ্ধস্স পাদাসিং, পসন্নো সেহি পাণিভি.
‘‘ভুত্তাৰিং কালমঞ্ঞায, পুপ্ফহত্থমদাসহং;
অনুমোদিত্ৰান সব্বঞ্ঞূ, পক্কামি উত্তরামুখো.
‘‘একনৰুতিতো ¶ কপ্পে, যং পুপ্ফমদদিং তদা;
দুগ্গতিং নাভিজানামি, পুপ্ফদানস্সিদং ফলং.
‘‘অনন্তরং ইতো কপ্পে, রাজাহুং ৰরদস্সনো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কুসুমাসনিযো থেরো ইমা গাথাযো অভাসিত্থাতি.
কুসুমাসনিযত্থেরস্সাপদানং ছট্ঠং.
৭. ফলদাযকত্থেরঅপদানং
‘‘অজ্ঝাযকো মন্তধরো, তিণ্ণং ৰেদান পারগূ;
হিমৰন্তস্সাৰিদূরে, ৰসামি অস্সমে অহং.
‘‘অগ্গিহুত্তঞ্চ মে অত্থি, পুণ্ডরীকফলানি চ;
পুটকে নিক্খিপিত্ৰান, দুমগ্গে লগ্গিতং মযা.
‘‘পদুমুত্তরো ¶ ¶ লোকৰিদূ, আহুতীনং পটিগ্গহো;
মমুদ্ধরিতুকামো সো, ভিক্খন্তো মমুপাগমি.
‘‘পসন্নচিত্তো সুমনো, ফলং বুদ্ধস্সদাসহং;
ৰিত্তিসঞ্জননো ময্হং, দিট্ঠধম্মসুখাৰহো.
‘‘সুৰণ্ণৰণ্ণো সম্বুদ্ধো, আহুতীনং পটিগ্গহো;
অন্তলিক্খে ঠিতো সত্থা, ইমং গাথং অভাসথ.
‘‘‘ইমিনা ফলদানেন, চেতনাপণিধীহি চ;
কপ্পানং সতসহস্সং, দুগ্গতিং নুপপজ্জসি’.
‘‘তেনেৰ ¶ সুক্কমূলেন, অনুভোত্ৰান সম্পদা;
পত্তোম্হি অচলং ঠানং, হিত্ৰা জযপরাজযং.
‘‘ইতো সত্তসতে কপ্পে, রাজা আসিং সুমঙ্গলো;
সত্তরতনসম্পন্নো চক্কৰত্তী মহব্বলো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফলদাযকো থেরো ইমা গাথাযো অভাসিত্থাতি.
ফলদাযকত্থেরস্সাপদানং সত্তমং.
৮. ঞাণসঞ্ঞিকত্থেরঅপদানং
‘‘পব্বতে হিমৰন্তম্হি, ৰসামি পব্বতন্তরে;
পুলিনং সোভনং দিস্ৰা, বুদ্ধসেট্ঠং অনুস্সরিং.
‘‘ঞাণে উপনিধা নত্থি, সঙ্খারং [সঙ্গামং (সী. স্যা.), সঙ্খাতং (থেরগাথা অট্ঠ.)] নত্থি সত্থুনো;
সব্বধম্মং অভিঞ্ঞায, ঞাণেন অধিমুচ্চতি.
‘‘নমো তে পুরিসাজঞ্ঞ, নমো তে পুরিসুত্তম;
ঞাণেন তে সমো নত্থি, যাৰতা ঞাণমুত্তমং.
‘‘ঞাণে চিত্তং পসাদেত্ৰা, কপ্পং সগ্গম্হি মোদহং;
অৰসেসেসু কপ্পেসু, কুসলং চরিতং [করিতং (সী. স্যা.), কিরিযং (ক.)] মযা.
‘‘একনৰুতিতো ¶ ¶ কপ্পে, যং সঞ্ঞমলভিং তদা;
দুগ্গতিং নাভিজানামি, ঞাণসঞ্ঞাযিদং ফলং.
‘‘ইতো সত্ততিকপ্পম্হি [তেসত্ততিকপ্পে (সী. স্যা.)], একো পুলিনপুপ্ফিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ঞাণসঞ্ঞিকো থেরো ইমা গাথাযো অভাসিত্থাতি.
ঞাণসঞ্ঞিকত্থেরস্সাপদানং অট্ঠমং.
৯. গণ্ঠিপুপ্ফিযত্থেরঅপদানং
‘‘সুৰণ্ণৰণ্ণো সম্বুদ্ধো, ৰিপস্সী দক্খিণারহো;
পুরক্খতো সাৰকেহি, আরামা অভিনিক্খমি.
‘‘দিস্ৰানহং বুদ্ধসেট্ঠং, সব্বঞ্ঞুং তমনাসকং;
পসন্নচিত্তো সুমনো, গণ্ঠিপুপ্ফং [গতমগ্গং (স্যা. ক.)] অপূজযিং.
‘‘তেন ¶ চিত্তপ্পসাদেন, দ্ৰিপদিন্দস্স তাদিনো;
হট্ঠো হট্ঠেন চিত্তেন, পুন ৰন্দিং তথাগতং.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘একতালীসিতো ¶ কপ্পে, চরণো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা গণ্ঠিপুপ্ফিযো [গন্ধপুপ্ফিযো (স্যা. ক.)] থেরো ইমা গাথাযো অভাসিত্থাতি.
গণ্ঠিপুপ্ফিযত্থেরস্সাপদানং নৰমং.
১০. পদুমপূজকত্থেরঅপদানং
‘‘হিমৰন্তস্সাৰিদূরে ¶ , গোতমো নাম পব্বতো;
নানারুক্খেহি সঞ্ছন্নো, মহাভূতগণালযো.
‘‘ৰেমজ্ঝম্হি চ তস্সাসি, অস্সমো অভিনিম্মিতো;
পুরক্খতো সসিস্সেহি, ৰসামি অস্সমে অহং.
‘‘আযন্তু ¶ মে সিস্সগণা, পদুমং আহরন্তু মে;
বুদ্ধপূজং করিস্সামি, দ্ৰিপদিন্দস্স তাদিনো.
‘‘এৰন্তি তে পটিস্সুত্ৰা, পদুমং আহরিংসু মে;
তথা নিমিত্তং কত্ৰাহং, বুদ্ধস্স অভিরোপযিং.
‘‘সিস্সে তদা সমানেত্ৰা, সাধুকং অনুসাসহং;
মা খো তুম্হে পমজ্জিত্থ, অপ্পমাদো সুখাৰহো.
‘‘এৰং ¶ সমনুসাসিত্ৰা, তে সিস্সে ৰচনক্খমে;
অপ্পমাদগুণে যুত্তো, তদা কালঙ্কতো অহং.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘একপঞ্ঞাসকপ্পম্হি, রাজা আসিং জলুত্তমো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমপূজকো থেরো ইমা গাথাযো অভাসিত্থাতি;
পদুমপূজকত্থেরস্সাপদানং দসমং.
সেরেয্যৰগ্গো তেরসমো.
তস্সুদ্দানং –
সেরেয্যকো পুপ্ফথূপি, পাযসো গন্ধথোমকো;
আসনি ফলসঞ্ঞী চ, গণ্ঠিপদুমপুপ্ফিযো;
পঞ্চুত্তরসতা গাথা, গণিতা অত্থদস্সিভি.
১৪. সোভিতৰগ্গো
১. সোভিতত্থেরঅপদানং
‘‘পদুমুত্তরো ¶ ¶ ¶ নাম জিনো, লোকজেট্ঠো নরাসভো;
মহতো জনকাযস্স, দেসেতি অমতং পদং.
‘‘তস্সাহং ৰচনং সুত্ৰা, ৰাচাসভিমুদীরিতং [ৰাচাসভিমুদীরযিং (?)];
অঞ্জলিং পগ্গহেত্ৰান, একগ্গো আসহং তদা.
‘‘যথা ¶ সমুদ্দো উদধীনমগ্গো, নেরূ নগানং পৰরো সিলুচ্চযো;
তথেৰ যে চিত্তৰসেন ৰত্তরে, ন বুদ্ধঞাণস্স কলং উপেন্তি তে.
‘‘ধম্মৰিধিং [ধম্মে ৰিধিং (সী.)] ঠপেত্ৰান, বুদ্ধো কারুণিকো ইসি;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো সো ঞাণং পকিত্তেসি, বুদ্ধম্হি লোকনাযকে;
কপ্পানং সতসহস্সং, দুগ্গতিং ন গমিস্সতি.
‘‘‘কিলেসে ঝাপযিত্ৰান, একগ্গো সুসমাহিতো;
সোভিতো নাম নামেন, হেস্সতি সত্থু সাৰকো’.
‘‘পঞ্ঞাসে ¶ কপ্পসহস্সে, সত্তেৰাসুং যসুগ্গতা [সমুগ্গতা (স্যা.)];
সত্তরতনসম্পন্না, চক্কৰত্তী মহব্বলা.
‘‘কিলেসা ঝাপিতা ময্হং, ভৰা সব্বে সমূহতা;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সোভিতো থেরো ইমা গাথাযো অভাসিত্থাতি.
সোভিতত্থেরস্সাপদানং পঠমং.
২. সুদস্সনত্থেরঅপদানং
‘‘ৰিনতা ¶ ¶ নদিযা [ৰিত্থতায নদিযা (স্যা.)] তীরে, পিলক্খু [পিলক্খো (সী. থেরগাথা অট্ঠ.)] ফলিতো অহু;
তাহং রুক্খং গৰেসন্তো, অদ্দসং লোকনাযকং.
‘‘কেতকং পুপ্ফিতং দিস্ৰা, ৰণ্টে ছেত্ৰানহং তদা;
বুদ্ধস্স অভিরোপেসিং, সিখিনো লোকবন্ধুনো.
‘‘যেন ঞাণেন পত্তোসি, অচ্চুতং অমতং পদং;
তং ঞাণং অভিপূজেমি, বুদ্ধসেট্ঠ মহামুনি.
‘‘ঞাণম্হি পূজং কত্ৰান, পিলক্খুমদ্দসং অহং;
পটিলদ্ধোম্হি তং পঞ্ঞং [তং সঞ্ঞং (স্যা.), তং পুঞ্ঞং (ক.)], ঞাণপূজাযিদং ফলং.
‘‘একত্তিংসে ¶ ইতো কপ্পে, যং পুপ্ফমভিরোপযিং;
দুগ্গতিং নাভিজানামি, ঞাণপূজাযিদং ফলং.
‘‘ইতো ¶ তেরসকপ্পম্হি, দ্ৰাদসাসুং ফলুগ্গতা;
সত্তরতনসম্পন্না, চক্কৰত্তী মহপ্ফলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুদস্সনো থেরো ইমা গাথাযো অভাসিত্থাতি.
সুদস্সনত্থেরস্সাপদানং দুতিযং.
৩. চন্দনপূজনকত্থেরঅপদানং
‘‘চন্দভাগানদীতীরে, অহোসিং কিন্নরো তদা;
পুপ্ফভক্খো চহং আসিং, পুপ্ফানিৰসনো তথা [পুপ্ফানং ৰসনো অহং (স্যা.)].
‘‘অত্থদস্সী তু ভগৰা, লোকজেট্ঠো নরাসভো;
ৰিপিনগ্গেন নিয্যাসি, হংসরাজাৰ অম্বরে.
‘‘নমো তে পুরিসাজঞ্ঞ, চিত্তং তে সুৰিসোধিতং;
পসন্নমুখৰণ্ণোসি, ৰিপ্পসন্নমুখিন্দ্রিযো.
‘‘ওরোহিত্ৰান ¶ আকাসা, ভূরিপঞ্ঞো সুমেধসো;
সঙ্ঘাটিং পত্থরিত্ৰান, পল্লঙ্কেন উপাৰিসি.
‘‘ৰিলীনং ¶ চন্দনাদায, অগমাসিং জিনন্তিকং;
পসন্নচিত্তো সুমনো, বুদ্ধস্স অভিরোপযিং.
‘‘অভিৰাদেত্ৰান ¶ সম্বুদ্ধং, লোকজেট্ঠং নরাসভং;
পামোজ্জং জনযিত্ৰান, পক্কামিং উত্তরামুখো.
‘‘অট্ঠারসে কপ্পসতে, চন্দনং যং অপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘চতুদ্দসে কপ্পসতে, ইতো আসিংসু তে তযো;
রোহণী নাম [রোহিতা নাম (সী.), রোহিণী নাম (স্যা.)] নামেন, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা চন্দনপূজনকো থেরো ইমা গাথাযো অভাসিত্থাতি;
চন্দনপূজনকত্থেরস্সাপদানং ততিযং.
অট্ঠমভাণৰারং.
৪. পুপ্ফচ্ছদনিযত্থেরঅপদানং
‘‘সুনন্দো ¶ নাম নামেন, ব্রাহ্মণো মন্তপারগূ;
অজ্ঝাযকো যাচযোগো, ৰাজপেয্যং অযাজযি.
‘‘পদুমুত্তরো লোকৰিদূ, অগ্গো কারুণিকো ইসি;
জনতং অনুকম্পন্তো, অম্বরে চঙ্কমী তদা.
‘‘চঙ্কমিত্ৰান সম্বুদ্ধো, সব্বঞ্ঞূ লোকনাযকো;
মেত্তায অফরি সত্তে, অপ্পমাণে [অপ্পমাণং (সী. স্যা.)] নিরূপধি.
‘‘ৰণ্টে ¶ ছেত্ৰান পুপ্ফানি, ব্রাহ্মণো মন্তপারগূ;
সব্বে সিস্সে সমানেত্ৰা, আকাসে উক্খিপাপযি.
‘‘যাৰতা ¶ নগরং আসি, পুপ্ফানং ছদনং তদা;
বুদ্ধস্স আনুভাৰেন, সত্তাহং ন ৰিগচ্ছথ.
‘‘তেনেৰ সুক্কমূলেন, অনুভোত্ৰান সম্পদা;
সব্বাসৰে পরিঞ্ঞায, তিণ্ণো লোকে ৰিসত্তিকং.
‘‘একারসে ¶ কপ্পসতে, পঞ্চতিংসাসু খত্তিযা;
অম্বরংসসনামা তে, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুপ্ফচ্ছদনিযো থেরো ইমা গাথাযো অভাসিত্থাতি.
পুপ্ফচ্ছদনিযত্থেরস্সাপদানং চতুত্থং.
৫. রহোসঞ্ঞকত্থেরঅপদানং
‘‘হিমৰন্তস্সাৰিদূরে, ৰসভো নাম পব্বতো;
তস্মিং পব্বতপাদম্হি, অস্সমো আসি মাপিতো.
‘‘তীণি সিস্সসহস্সানি, ৰাচেসিং ব্রাহ্মণো [ব্রাহ্মণে (সী.)] তদা;
সংহরিত্ৰান [সংসাৰিত্ৰান (স্যা.)] তে সিস্সে, একমন্তং উপাৰিসিং.
‘‘একমন্তং ¶ ¶ নিসীদিত্ৰা, ব্রাহ্মণো মন্তপারগূ;
বুদ্ধৰেদং গৰেসন্তো [পৰেসন্তো (ক.)], ঞাণে চিত্তং পসাদযিং.
‘‘তত্থ চিত্তং পসাদেত্ৰা, নিসীদিং পণ্ণসন্থরে;
পল্লঙ্কং আভুজিত্ৰান, তত্থ কালঙ্কতো অহং.
‘‘একত্তিংসে ইতো কপ্পে, যং সঞ্ঞমলভিং তদা;
দুগ্গতিং নাভিজানামি, ঞাণসঞ্ঞাযিদং ফলং.
‘‘সত্তৰীসতিকপ্পম্হি, রাজা সিরিধরো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা রহোসঞ্ঞকো থেরো ইমা গাথাযো অভাসিত্থাতি.
রহোসঞ্ঞকত্থেরস্সাপদানং পঞ্চমং.
৬. চম্পকপুপ্ফিযত্থেরঅপদানং
‘‘কণিকারংৰ জোতন্তং, নিসিন্নং পব্বতন্তরে;
ওভাসেন্তং দিসা সব্বা, ওসধিং ৰিয তারকং [ওসধী ৰিয তারকা (ক.)].
‘‘তযো ¶ মাণৰকা আসুং, সকে সিপ্পে সুসিক্খিতা;
খারিভারং গহেত্ৰান, অন্ৰেন্তি মম পচ্ছতো.
‘‘পুটকে ¶ সত্ত পুপ্ফানি, নিক্খিত্তানি তপস্সিনা;
গহেত্ৰা তানি ঞাণম্হি, ৰেস্সভুস্সাভিরোপযিং.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, ঞাণপূজাযিদং ফলং.
‘‘একূনতিংসকপ্পম্হি, ৰিপুলাভ [ৰিহতাভা (স্যা.)] সনামকো;
সত্তরতনসম্পন্নো, চক্কৰত্তী [রাজা হোসি (ক.)] মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা চম্পকপুপ্ফিযো থেরো ইমা গাথাযো অভাসিত্থাতি;
চম্পকপুপ্ফিযত্থেরস্সাপদানং ছট্ঠং.
৭. অত্থসন্দস্সকত্থেরঅপদানং
‘‘ৰিসালমাল়ে ¶ আসীনো, অদ্দসং লোকনাযকং;
খীণাসৰং বলপ্পত্তং, ভিক্খুসঙ্ঘপুরক্খতং.
‘‘সতসহস্সা ¶ তেৰিজ্জা, ছল়ভিঞ্ঞা মহিদ্ধিকা;
পরিৰারেন্তি সম্বুদ্ধং, কো দিস্ৰা নপ্পসীদতি.
‘‘ঞাণে উপনিধা যস্স, ন ৰিজ্জতি সদেৰকে;
অনন্তঞাণং সম্বুদ্ধং, কো দিস্ৰা নপ্পসীদতি.
‘‘ধম্মকাযঞ্চ ¶ দীপেন্তং, কেৰলং রতনাকরং;
ৰিকপ্পেতুং [ৰিকোপেতুং (সী. স্যা.)] ন সক্কোন্তি, কো দিস্ৰা নপ্পসীদতি.
‘‘ইমাহি তীহি গাথাহি, নারদোৰ্হযৰচ্ছলো [সরগচ্ছিযো (সী.), পুরগচ্ছিযো (স্যা.)];
পদুমুত্তরং থৰিত্ৰান, সম্বুদ্ধং অপরাজিতং.
‘‘তেন চিত্তপ্পসাদেন, বুদ্ধসন্থৰনেন চ;
কপ্পানং সতসহস্সং, দুগ্গতিং, নুপপজ্জহং.
‘‘ইতো তিংসকপ্পসতে, সুমিত্তো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অত্থসন্দস্সকো থেরো ইমা গাথাযো অভাসিত্থাতি.
অত্থসন্দস্সকত্থেরস্সাপদানং সত্তমং.
৮. একপসাদনিযত্থেরঅপদানং
‘‘নারদো ইতি মে নামং [নারদো ইতি নামেন (স্যা. ক.) উপরি তেৰীসতিমৰগ্গে পন ছট্ঠাপদানে ‘‘মে নামং‘‘ইচ্চেৰ দিস্সতি], কেসৰো ইতি মং ৰিদূ;
কুসলাকুসলং এসং, অগমং বুদ্ধসন্তিকং.
‘‘মেত্তচিত্তো কারুণিকো, অত্থদস্সী মহামুনি;
অস্সাসযন্তো সত্তে সো, ধম্মং দেসেতি চক্খুমা.
‘‘সকং ¶ চিত্তং পসাদেত্ৰা, সিরে কত্ৰান অঞ্জলিং;
সত্থারং অভিৰাদেত্ৰা, পক্কামিং পাচিনামুখো.
‘‘সত্তরসে ¶ ¶ কপ্পসতে, রাজা আসি মহীপতি;
অমিত্ততাপনো নাম, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একপসাদনিযো থেরো ইমা গাথাযো অভাসিত্থাতি.
একপসাদনিযত্থেরস্সাপদানং অট্ঠমং.
৯. সালপুপ্ফদাযকত্থেরঅপদানং
‘‘মিগরাজা তদা আসিং, অভিজাতো সুকেসরী;
গিরিদুগ্গং গৰেসন্তো, অদ্দসং লোকনাযকং.
‘‘অযং নু খো মহাৰীরো, নিব্বাপেতি মহাজনং;
যংনূনাহং উপাসেয্যং, দেৰদেৰং নরাসভং.
‘‘সাখং সালস্স ভঞ্জিত্ৰা, সকোসং পুপ্ফমাহরিং;
উপগন্ত্ৰান সম্বুদ্ধং, অদাসিং পুপ্ফমুত্তমং.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফদানস্সিদং ফলং.
‘‘ইতো ¶ ¶ চ নৰমে কপ্পে, ৰিরোচনসনামকা;
তযো আসিংসু রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সালপুপ্ফদাযকো থেরো ইমা গাথাযো অভাসিত্থাতি.
সালপুপ্ফদাযকত্থেরস্সাপদানং নৰমং.
১০. পিযালফলদাযকত্থেরঅপদানং
‘‘পারাৰতো ¶ [পরোধকো (স্যা.)] তদা আসিং, পরং অনুপরোধকো;
পব্ভারে সেয্যং কপ্পেমি, অৰিদূরে সিখিসত্থুনো.
‘‘সাযং পাতঞ্চ পস্সামি, বুদ্ধং লোকগ্গনাযকং;
দেয্যধম্মো চ মে নত্থি, দ্ৰিপদিন্দস্স তাদিনো.
‘‘পিযালফলমাদায ¶ , অগমং বুদ্ধসন্তিকং;
পটিগ্গহেসি ভগৰা, লোকজেট্ঠো নরাসভো.
‘‘ততো পরং উপাদায, পরিচারিং ৰিনাযকং;
তেন চিত্তপ্পসাদেন, তত্থ কালঙ্কতো অহং.
‘‘একত্তিংসে ইতো কপ্পে, যং ফলং অদদিং অহং;
দুগ্গতিং নাভিজানামি, ফলদানস্সিদং ফলং.
‘‘ইতো ¶ পন্নরসে কপ্পে, তযো আসুং পিযালিনো;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পিযালফলদাযকো থেরো ইমা গাথাযো অভাসিত্থাতি.
পিযালফলদাযকত্থেরস্সাপদানং দসমং.
সোভিতৰগ্গো চুদ্দসমো.
তস্সুদ্দানং –
সোভিতসুদস্সনো চ, চন্দনো পুপ্ফছদনো;
রহো চম্পকপুপ্ফী চ, অত্থসন্দস্সকেন চ.
একপসাদী [একরংসি (স্যা.)] সালদদো, দসমো ফলদাযকো;
গাথাযো সত্ততি দ্ৰে চ, গণিতাযো ৰিভাৰিভি.
১৫. ছত্তৰগ্গো
১. অতিছত্তিযত্থেরঅপদানং
‘‘পরিনিব্বুতে ¶ ¶ ¶ ভগৰতি, অত্থদস্সীনরুত্তমে;
ছত্তাতিছত্তং [ছত্তাধিছত্তং (সী.)] কারেত্ৰা, থূপম্হি অভিরোপযিং.
‘‘কালেন কালমাগন্ত্ৰা, নমস্সিং লোকনাযকং [সত্থু চেতিযং (সী.)];
পুপ্ফচ্ছদনং কত্ৰান, ছত্তম্হি অভিরোপযিং.
‘‘সত্তরসে কপ্পসতে, দেৰরজ্জমকারযিং;
মনুস্সত্তং ন গচ্ছামি, থূপপূজাযিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা অতিছত্তিযো [অধিছত্তিযো (সী. স্যা.)] থেরো ইমা গাথাযো অভাসিত্থাতি.
অতিছত্তিযত্থেরস্সাপদানং পঠমং.
২. থম্ভারোপকত্থেরঅপদানং
‘‘নিব্বুতে ¶ লোকনাথম্হি, ধম্মদস্সীনরাসভে;
আরোপেসিং ধজত্থম্ভং, বুদ্ধসেট্ঠস্স চেতিযে.
‘‘নিস্সেণিং মাপযিত্ৰান, থূপসেট্ঠং সমারুহিং;
জাতিপুপ্ফং গহেত্ৰান, থূপম্হি অভিরোপযিং.
‘‘অহো ¶ বুদ্ধো অহো ধম্মো, অহো নো সত্থু সম্পদা;
দুগ্গতিং নাভিজানামি, থূপপূজাযিদং ফলং.
‘‘চতুন্নৰুতিতো কপ্পে, থূপসীখসনামকা;
সোল়সাসিংসু রাজানো, চক্কৰত্তী মহব্বলা.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা থম্ভারোপকো থেরো ইমা গাথাযো অভাসিত্থাতি.
থম্ভারোপকত্থেরস্সাপদানং দুতিযং.
৩. ৰেদিকারকত্থেরঅপদানং
‘‘নিব্বুতে লোকনাথম্হি, পিযদস্সীনরুত্তমে;
পসন্নচিত্তো সুমনো, মুত্তাৰেদিমকাসহং.
‘‘মণীহি পরিৰারেত্ৰা, অকাসিং ৰেদিমুত্তমং;
ৰেদিকায মহং কত্ৰা, তত্থ কালঙ্কতো অহং.
‘‘যং যং যোনুপপজ্জামি, দেৰত্তং অথ মানুসং;
মণী ধারেন্তি আকাসে, পুঞ্ঞকম্মস্সিদং ফলং.
‘‘সোল়সিতো কপ্পসতে, মণিপ্পভাসনামকা;
ছত্তিংসাসিংসু [বাত্তিংসাসিংসু (সী. স্যা.)] রাজানো, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰেদিকারকো থেরো ইমা গাথাযো অভাসিত্থাতি.
ৰেদিকারকত্থেরস্সাপদানং ততিযং.
৪. সপরিৰারিযত্থেরঅপদানং
‘‘পদুমুত্তরো ¶ নাম জিনো, লোকজেট্ঠো নরাসভো;
জলিত্ৰা অগ্গিক্খন্ধোৰ, সম্বুদ্ধো পরিনিব্বুতো.
‘‘নিব্বুতে চ মহাৰীরে, থূপো ৰিত্থারিকো অহু;
দূরতোৰ [অহোরত্তং (সী.), থূপদত্তং (স্যা.)] উপট্ঠেন্তি, ধাতুগেহৰরুত্তমে.
‘‘পসন্নচিত্তো সুমনো, অকং চন্দনৰেদিকং;
দিস্সতি থূপখন্ধো চ [দীযতি ধূমক্খন্ধো চ (সী.), দীযতি ধূপগন্ধো চ (স্যা.)], থূপানুচ্ছৰিকো তদা.
‘‘ভৰে ¶ নিব্বত্তমানম্হি, দেৰত্তে অথ মানুসে;
ওমত্তং মে ন পস্সামি, পুব্বকম্মস্সিদং ফলং.
‘‘পঞ্চদসকপ্পসতে ¶ , ইতো অট্ঠ জনা অহুং;
সব্বে সমত্তনামা তে, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সপরিৰারিযো থেরো ইমা গাথাযো অভাসিত্থাতি.
সপরিৰারিযত্থেরস্সাপদানং চতুত্থং.
৫. উমাপুপ্ফিযত্থেরঅপদানং
‘‘নিব্বুতে লোকমহিতে [লোকনাথম্হি (সী.)], আহুতীনং পটিগ্গহে;
সিদ্ধত্থম্হি ভগৰতি, মহাথূপমহো অহু.
‘‘মহে পৰত্তমানম্হি, সিদ্ধত্থস্স মহেসিনো;
উমাপুপ্ফং [উম্মাপুপ্ফং (সব্বত্থ)] গহেত্ৰান, থূপম্হি অভিরোপযিং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, থূপপূজাযিদং [পুপ্ফপূজাযিদং (স্যা.), বুদ্ধপূজাযিদং (ক.)] ফলং.
‘‘ইতো চ নৰমে কপ্পে, সোমদেৰসনামকা;
পঞ্চাসীতিসু রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উমাপুপ্ফিযো থেরো ইমা গাথাযো অভাসিত্থাতি.
উমাপুপ্ফিযত্থেরস্সাপদানং পঞ্চমং.
৬. অনুলেপদাযকত্থেরঅপদানং
‘‘অনোমদস্সীমুনিনো ¶ ¶ , বোধিৰেদিমকাসহং;
সুধায পিণ্ডং দত্ৰান, পাণিকম্মং অকাসহং.
‘‘দিস্ৰা ¶ তং সুকতং কম্মং, অনোমদস্সী নরুত্তমো;
ভিক্খুসঙ্ঘে ঠিতো সত্থা, ইমং গাথং অভাসথ.
‘‘‘ইমিনা সুধকম্মেন, চেতনাপণিধীহি চ;
সম্পত্তিং অনুভোত্ৰান, দুক্খস্সন্তং করিস্সতি’.
‘‘পসন্নমুখৰণ্ণোম্হি ¶ , একগ্গো সুসমাহিতো;
ধারেমি অন্তিমং দেহং, সম্মাসম্বুদ্ধসাসনে.
‘‘ইতো কপ্পসতে আসিং, পরিপুণ্ণে অনূনকে [পরিপুণ্ণো অনূনকো (স্যা.)];
রাজা সব্বঘনো নাম, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অনুলেপদাযকো থেরো ইমা গাথাযো অভাসিত্থাতি.
অনুলেপদাযকত্থেরস্সাপদানং ছট্ঠং.
৭. মগ্গদাযকত্থেরঅপদানং
‘‘উত্তরিত্ৰান ¶ নদিকং, ৰনং গচ্ছতি চক্খুমা;
তমদ্দসাসিং সম্বুদ্ধং, সিদ্ধত্থং ৰরলক্খণং.
‘‘কুদাল [কুদ্দাল (সী. স্যা.)] পিটকমাদায, সমং কত্ৰান তং পথং;
সত্থারং অভিৰাদেত্ৰা, সকং চিত্তং পসাদযিং.
‘‘চতুন্নৰুতিতো কপ্পে, যং কম্মমকরিং তদা;
দুগ্গতিং নাভিজানামি, মগ্গদানস্সিদং ফলং.
‘‘সত্তপঞ্ঞাসকপ্পম্হি, একো আসিং জনাধিপো;
নামেন সুপ্পবুদ্ধোতি, নাযকো সো নরিস্সরো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মগ্গদাযকো থেরো ইমা গাথাযো অভাসিত্থাতি.
মগ্গদাযকত্থেরস্সাপদানং সত্তমং.
৮. ফলকদাযকত্থেরঅপদানং
‘‘যানকারো ¶ ¶ পুরে আসিং, দারুকম্মে সুসিক্খিতো;
চন্দনং ফলকং কত্ৰা, অদাসিং লোকবন্ধুনো.
‘‘পভাসতি ¶ ইদং ব্যম্হং, সুৰণ্ণস্স সুনিম্মিতং;
হত্থিযানং অস্সযানং, দিব্বযানং উপট্ঠিতং.
‘‘পাসাদা ¶ সিৰিকা চেৰ, নিব্বত্তন্তি যদিচ্ছকং;
অক্খুব্ভং [অক্খোভং (সী.)] রতনং ময্হং, ফলকস্স ইদং ফলং.
‘‘একনৰুতিতো কপ্পে, ফলকং যমহং দদিং;
দুগ্গতিং নাভিজানামি, ফলকস্স ইদং ফলং.
‘‘সত্তপঞ্ঞাসকপ্পম্হি, চতুরো নিম্মিতাৰ্হযা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফলকদাযকো থেরো ইমা গাথাযো অভাসিত্থাতি.
ফলকদাযকত্থেরস্সাপদানং অট্ঠমং.
৯. ৰটংসকিযত্থেরঅপদানং
‘‘সুমেধো নাম নামেন, সযম্ভূ অপরাজিতো;
ৰিৰেকমনুব্রূহন্তো, অজ্ঝোগহি মহাৰনং.
‘‘সল়লং পুপ্ফিতং দিস্ৰা, গন্থিত্ৰান [বন্ধিত্ৰান (সী.)] ৰটংসকং;
বুদ্ধস্স অভিরোপেসিং, সম্মুখা লোকনাযকং.
‘‘তিংসকপ্পসহস্সম্হি ¶ , যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ঊনৰীসে কপ্পসতে, সোল়সাসুং সুনিম্মিতা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰটংসকিযো থেরো ইমা গাথাযো অভাসিত্থাতি.
ৰটংসকিযত্থেরস্সাপদানং নৰমং.
১০. পল্লঙ্কদাযকত্থেরঅপদানং
‘‘সুমেধস্স ¶ ভগৰতো, লোকজেট্ঠস্স তাদিনো;
পল্লঙ্কো হি মযা দিন্নো, সউত্তরসপচ্ছদো.
‘‘সত্তরতনসম্পন্নো ¶ , পল্লঙ্কো আসি সো তদা;
মম সঙ্কপ্পমঞ্ঞায, নিব্বত্ততি সদা মম.
‘‘তিংসকপ্পসহস্সম্হি, পল্লঙ্কমদদিং তদা;
দুগ্গতিং নাভিজানামি, পল্লঙ্কস্স ইদং ফলং.
‘‘ৰীসকপ্পসহস্সম্হি, সুৰণ্ণাভা তযো জনা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পল্লঙ্কদাযকো থেরো ইমা গাথাযো অভাসিত্থাতি.
পল্লঙ্কদাযকত্থেরস্সাপদানং দসমং.
ছত্তৰগ্গো পন্নরসমো.
তস্সুদ্দানং –
ছত্তং থম্ভো চ ৰেদি চ, পরিৰারুমপুপ্ফিযো;
অনুলেপো চ মগ্গো চ, ফলকো চ ৰটংসকো;
পল্লঙ্কদাযী চ গাথাযো, ছপ্পঞ্ঞাস পকিত্তিতাতি.
১৬. বন্ধুজীৰকৰগ্গো
১. বন্ধুজীৰকত্থেরঅপদানং
‘‘চন্দংৰ ¶ ¶ ¶ ৰিমলং সুদ্ধং, ৰিপ্পসন্নমনাৰিলং;
নন্দীভৰপরিক্খীণং, তিণ্ণং লোকে ৰিসত্তিকং.
‘‘নিব্বাপযন্তং জনতং, তিণ্ণং [দিস্ৰা (?)] তারযতং ৰরং [তারযতং মুনিং (স্যা.)];
মুনিং ৰনম্হি ঝাযন্তং [ৰনস্মিং ঝাযমানং তং (সী. স্যা.)], একগ্গং সুসমাহিতং.
‘‘বন্ধুজীৰকপুপ্ফানি, লগেত্ৰা সুত্তকেনহং;
বুদ্ধস্স অভিরোপযিং, সিখিনো লোকবন্ধুনো.
‘‘একত্তিংসে ¶ ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘ইতো সত্তমকে কপ্পে, মনুজিন্দো মহাযসো;
সমন্তচক্খু নামাসি, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা বন্ধুজীৰকো থেরো ইমা গাথাযো অভাসিত্থাতি.
বন্ধুজীৰকত্থেরস্সাপদানং পঠমং.
২. তম্বপুপ্ফিযত্থেরঅপদানং
‘‘পরকম্মাযনে ¶ যুত্তো, অপরাধং অকাসহং;
ৰনন্তং অভিধাৰিস্সং, ভযৰেরসমপ্পিতো.
‘‘পুপ্ফিতং পাদপং দিস্ৰা, পিণ্ডিবন্ধং সুনিম্মিতং;
তম্বপুপ্ফং গহেত্ৰান, বোধিযং ওকিরিং অহং.
‘‘সম্মজ্জিত্ৰান ¶ তং বোধিং, পাটলিং পাদপুত্তমং;
পল্লঙ্কং আভুজিত্ৰান, বোধিমূলে উপাৰিসিং.
‘‘গতমগ্গং ¶ গৰেসন্তা, আগচ্ছুং মম সন্তিকং;
তে চ দিস্ৰানহং তত্থ, আৰজ্জিং বোধিমুত্তমং.
‘‘ৰন্দিত্ৰান অহং বোধিং, ৰিপ্পসন্নেন চেতসা;
অনেকতালে পপতিং, গিরিদুগ্গে ভযানকে.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বোধিপূজাযিদং ফলং.
‘‘ইতো চ ততিযে কপ্পে, রাজা সুসঞ্ঞতো অহং [সংথুসিতো অহুং (সী.)];
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তম্বপুপ্ফিযো থেরো ইমা গাথাযো অভাসিত্থাতি.
তম্বপুপ্ফিযত্থেরস্সাপদানং দুতিযং.
৩. ৰীথিসম্মজ্জকত্থেরঅপদানং
‘‘উদেন্তং ¶ ¶ সতরংসিংৰ, পীতরংসিংৰ [সিতরংসিংৰ (সী. স্যা.)] ভাণুমং;
পন্নরসে যথা চন্দং, নিয্যন্তং লোকনাযকং.
‘‘অট্ঠসট্ঠিসহস্সানি, সব্বে খীণাসৰা অহুং;
পরিৰারিংসু সম্বুদ্ধং, দ্ৰিপদিন্দং নরাসভং.
‘‘সম্মজ্জিত্ৰান তং ৰীথিং, নিয্যন্তে লোকনাযকে;
উস্সাপেসিং ধজং তত্থ, ৰিপ্পসন্নেন চেতসা.
‘‘একনৰুতিতো কপ্পে, যং ধজং অভিরোপযিং;
দুগ্গতিং নাভিজানামি, ধজদানস্সিদং ফলং.
‘‘ইতো চতুত্থকে কপ্পে, রাজাহোসিং মহব্বলো;
সব্বাকারেন সম্পন্নো, সুধজো ইতি ৰিস্সুতো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰীথিসম্মজ্জকো থেরো ইমা গাথাযো অভাসিত্থাতি.
ৰীথিসম্মজ্জকত্থেরস্সাপদানং ততিযং.
৪. কক্কারুপুপ্ফপূজকত্থেরঅপদানং
‘‘দেৰপুত্তো ¶ অহং সন্তো, পূজযিং সিখিনাযকং;
কক্কারুপুপ্ফং পগ্গয্হ, বুদ্ধস্স অভিরোপযিং.
‘‘একত্তিংসে ¶ ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো চ নৰমে কপ্পে, রাজা সত্তুত্তমো অহুং;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কক্কারুপুপ্ফপূজকো থেরো ইমা গাথাযো অভাসিত্থাতি.
কক্কারুপুপ্ফপূজকত্থেরস্সাপদানং চতুত্থং.
৫. মন্দারৰপুপ্ফপূজকত্থেরঅপদানং
‘‘দেৰপুত্তো ¶ অহং সন্তো, পূজযিং সিখিনাযকং;
মন্দারৰেন পুপ্ফেন, বুদ্ধস্স অভিরোপযিং.
‘‘সত্তাহং ছদনং আসি, দিব্বং মালং তথাগতে;
সব্বে জনা সমাগন্ত্ৰা, নমস্সিংসু তথাগতং.
‘‘একত্তিংসে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো চ দসমে কপ্পে, রাজাহোসিং জুতিন্ধরো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা মন্দারৰপুপ্ফপূজকো থেরো ইমা গাথাযো অভাসিত্থাতি.
মন্দারৰপুপ্ফপূজকত্থেরস্সাপদানং পঞ্চমং.
৬. কদম্বপুপ্ফিযত্থেরঅপদানং
‘‘হিমৰন্তস্সাৰিদূরে ¶ , কুক্কুটো নাম পব্বতো;
তম্হি পব্বতপাদম্হি, সত্ত বুদ্ধা ৰসন্তি তে.
‘‘কদম্বং পুপ্ফিতং দিস্ৰা, দীপরাজংৰ উগ্গতং;
উভো হত্থেহি পগ্গয্হ, সত্ত বুদ্ধে সমোকিরিং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘দ্ৰেনৰুতে ইতো কপ্পে, সত্তাসুং পুপ্ফনামকা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কদম্বপুপ্ফিযো থেরো ইমা গাথাযো অভাসিত্থাতি;
কদম্বপুপ্ফিযত্থেরস্সাপদানং ছট্ঠং.
৭. তিণসূলকত্থেরঅপদানং
‘‘হিমৰন্তস্সাৰিদূরে ¶ ¶ , ভূতগণো নাম পব্বতো;
ৰসতেকো জিনো তত্থ, সযম্ভূ লোকনিস্সটো.
‘‘তিণসূলং গহেত্ৰান, বুদ্ধস্স অভিরোপযিং;
একূনসতসহস্সং, কপ্পং ন ৰিনিপাতিকো.
‘‘ইতো একাদসে কপ্পে, একোসিং ধরণীরুহো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিণসূলকো থেরো ইমা গাথাযো অভাসিত্থাতি.
তিণসূলকত্থেরস্সাপদানং সত্তমং.
৮. নাগপুপ্ফিযত্থেরঅপদানং
‘‘সুৰচ্ছো ¶ নাম নামেন, ব্রাহ্মণো মন্তপারগূ;
পুরক্খতো সসিস্সেহি, ৰসতে পব্বতন্তরে.
‘‘পদুমুত্তরো নাম জিনো, আহুতীনং পটিগ্গহো;
মমুদ্ধরিতুকামো সো, আগচ্ছি মম সন্তিকং.
‘‘ৰেহাসম্হি ¶ চঙ্কমতি, ধূপাযতি জলতে তথা;
হাসং মমং ৰিদিত্ৰান, পক্কামি পাচিনামুখো.
‘‘তঞ্চ অচ্ছরিযং দিস্ৰা, অব্ভুতং লোমহংসনং;
নাগপুপ্ফং গহেত্ৰান, গতমগ্গম্হি ওকিরিং.
‘‘সতসহস্সিতো কপ্পে, যং পুপ্ফং ওকিরিং অহং;
তেন চিত্তপ্পসাদেন, দুগ্গতিং নুপপজ্জহং.
‘‘একত্তিংসে কপ্পসতে [একতিংসে ইতো কম্মে (স্যা.)], রাজা আসি মহারহো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নাগপুপ্ফিযো থেরো ইমা গাথাযো অভাসিত্থাতি.
নাগপুপ্ফিযত্থেরস্সাপদানং অট্ঠমং.
৯. পুন্নাগপুপ্ফিযত্থেরঅপদানং
‘‘কাননং ¶ ৰনমোগয্হ, ৰসামি লুদ্দকো অহং;
পুন্নাগং পুপ্ফিতং দিস্ৰা, বুদ্ধসেট্ঠং অনুস্সরিং.
‘‘তং ¶ পুপ্ফং ওচিনিত্ৰান, সুগন্ধং গন্ধিতং সুভং;
থূপং করিত্ৰা পুলিনে, বুদ্ধস্স অভিরোপযিং.
‘‘দ্ৰেনৰুতে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘একম্হি নৰুতে কপ্পে, একো আসিং তমোনুদো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুন্নাগপুপ্ফিযো থেরো ইমা গাথাযো অভাসিত্থাতি.
পুন্নাগপুপ্ফিযত্থেরস্সাপদানং নৰমং.
১০. কুমুদদাযকত্থেরঅপদানং
‘‘হিমৰন্তস্সাৰিদূরে, মহাজাতস্সরো অহু;
পদুমুপ্পলসঞ্ছন্নো, পুণ্ডরীকসমোত্থটো.
‘‘কুকুত্থো নাম নামেন, তত্থাসিং সকুণো তদা;
সীলৰা বুদ্ধিসম্পন্নো, পুঞ্ঞাপুঞ্ঞেসু কোৰিদো.
‘‘পদুমুত্তরো লোকৰিদূ, আহুতীনং পটিগ্গহো;
জাতস্সরস্সাৰিদূরে, সঞ্চরিত্থ মহামুনি.
‘‘জলজং কুমুদং ছেত্ৰা, উপনেসিং মহেসিনো;
মম সঙ্কপ্পমঞ্ঞায, পটিগ্গহি মহামুনি.
‘‘তঞ্চ ¶ দানং দদিত্ৰান, সুক্কমূলেন চোদিতো;
কপ্পানং সতসহস্সং, দুগ্গতিং নুপপজ্জহং.
‘‘সোল়সেতো কপ্পসতে, আসুং ৰরুণনামকা;
অট্ঠ এতে জনাধিপা, চক্কৰত্তী মহব্বলা.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কুমুদদাযকো থেরো ইমা গাথাযো অভাসিত্থাতি.
কুমুদদাযকত্থেরস্সাপদানং দসমং.
বন্ধুজীৰকৰগ্গো সোল়সমো.
তস্সুদ্দানং –
বন্ধুজীৰো তম্বপুপ্ফী, ৰীথিকক্কারুপুপ্ফিযো;
মন্দারৰো কদম্বী চ, সূলকো নাগপুপ্ফিযো;
পুন্নাগো কোমুদী গাথা, ছপ্পঞ্ঞাস পকিত্তিতাতি.
১৭. সুপারিচরিযৰগ্গো
১. সুপারিচরিযত্থেরঅপদানং
‘‘পদুমো ¶ ¶ ¶ নাম নামেন, দ্ৰিপদিন্দো নরাসভো;
পৰনা অভিনিক্খম্ম, ধম্মং দেসেতি চক্খুমা.
‘‘যক্খানং সমযো আসি, অৰিদূরে মহেসিনো;
যেন কিচ্চেন সম্পত্তা, অজ্ঝাপেক্খিংসু তাৰদে.
‘‘বুদ্ধস্স গিরমঞ্ঞায, অমতস্স চ দেসনং;
পসন্নচিত্তো সুমনো, অপ্ফোটেত্ৰা উপট্ঠহিং.
‘‘সুচিণ্ণস্স ফলং পস্স, উপট্ঠানস্স সত্থুনো;
তিংসকপ্পসহস্সেসু, দুগ্গতিং নুপপজ্জহং.
‘‘ঊনতিংসে কপ্পসতে, সমলঙ্কতনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সুপারিচরিযো থেরো ইমা গাথাযো অভাসিত্থাতি.
সুপারিচরিযত্থেরস্সাপদানং পঠমং.
২. কণৰেরপুপ্ফিযত্থেরঅপদানং
‘‘সিদ্ধত্থো ¶ ¶ নাম ভগৰা, লোকজেট্ঠো নরাসভো;
পুরক্খতো সাৰকেহি, নগরং পটিপজ্জথ.
‘‘রঞ্ঞো অন্তেপুরে আসিং, গোপকো অভিসম্মতো;
পাসাদে উপৰিট্ঠোহং, অদ্দসং লোকনাযকং.
‘‘কণৰেরং ¶ [করৰীরং (সক্কতানুলোমং), কণৰীরং (পাকত)] গহেত্ৰান, ভিক্খুসঙ্ঘে সমোকিরিং;
বুদ্ধস্স ৰিসুং কত্ৰান, ততো ভিয্যো সমোকিরিং.
‘‘চতুন্নৰুতিতো ¶ কপ্পে, যং পুপ্ফমভিপূজযিং [রোপযিং (স্যা.)];
দুগ্গতিং নাভিজানামি, বুদ্ধপূজাযিদং ফলং.
‘‘সত্তাসীতিম্হিতো কপ্পে, চতুরাসুং মহিদ্ধিকা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কণৰেরপুপ্ফিযো থেরো ইমা গাথাযো অভাসিত্থাতি.
কণৰেরপুপ্ফিযত্থেরস্সাপদানং দুতিযং.
৩. খজ্জকদাযকত্থেরঅপদানং
‘‘তিস্সস্স খো ভগৰতো, পুব্বে ফলমদাসহং;
নাল়িকেরঞ্চ পাদাসিং, খজ্জকং অভিসম্মতং.
‘‘বুদ্ধস্স ¶ তমহং দত্ৰা, তিস্সস্স তু মহেসিনো;
মোদামহং কামকামী, উপপজ্জিং [কামকারী, উপপজ্জং (সী.)] যমিচ্ছকং [সব্বত্থপি এৰমেৰ দিস্সতি].
‘‘দ্ৰেনৰুতে ইতো কপ্পে, যং দানমদদিং তদা;
দুগ্গতিং নাভিজানামি, ফলদানস্সিদং ফলং.
‘‘ইতো তেরসকপ্পম্হি, রাজা ইন্দসমো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা খজ্জকদাযকো থেরো ইমা গাথাযো অভাসিত্থাতি.
খজ্জকদাযকত্থেরস্সাপদানং ততিযং.
৪. দেসপূজকত্থেরঅপদানং
‘‘অত্থদস্সী ¶ তু ভগৰা, লোকজেট্ঠো নরাসভো;
অব্ভুগ্গন্ত্ৰান ৰেহাসং, গচ্ছতে অনিলঞ্জসে.
‘‘যম্হি ¶ ¶ দেসে ঠিতো সত্থা, অব্ভুগ্গচ্ছি মহামুনি;
তাহং দেসং অপূজেসিং, পসন্নো সেহি পাণিভি.
‘‘অট্ঠারসে কপ্পসতে, অদ্দসং যং মহামুনিং;
দুগ্গতিং নাভিজানামি, দেসপূজাযিদং ফলং.
‘‘একাদসে ¶ কপ্পসতে, গোসুজাতসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা দেসপূজকো থেরো ইমা গাথাযো অভাসিত্থাতি.
দেসপূজকত্থেরস্সাপদানং চতুত্থং.
৫. কণিকারছত্তিযত্থেরঅপদানং
‘‘ৰেস্সভূ নাম সম্বুদ্ধো, লোকজেট্ঠো নরাসভো;
দিৰাৰিহারায মুনি, ওগাহযি মহাৰনং.
‘‘কণিকারং ওচিনিত্ৰা, ছত্তং কত্ৰানহং তদা;
পুপ্ফচ্ছদনং কত্ৰান, বুদ্ধস্স অভিরোপযিং.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো ৰীসতিকপ্পম্হি, সোণ্ণাভা অট্ঠ খত্তিযা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা কণিকারছত্তিযো থেরো ইমা গাথাযো অভাসিত্থাতি.
কণিকারছত্তিযত্থেরস্সাপদানং পঞ্চমং.
৬. সপ্পিদাযকত্থেরঅপদানং
‘‘ফুস্সো ¶ ¶ নামাসি [নামাথ (সী.)] ভগৰা, আহুতীনং পটিগ্গহো;
গচ্ছতে ৰীথিযং ৰীরো, নিব্বাপেন্তো মহাজনং.
‘‘অনুপুব্বেন ¶ ভগৰা, আগচ্ছি মম সন্তিকং;
ততো তং [ততোহং (সী. স্যা.)] পত্তং পগ্গয্হ, সপ্পিতেলমদাসহং.
‘‘দ্ৰেনৰুতে ইতো কপ্পে, যং সপ্পিমদদিং তদা;
দুগ্গতিং নাভিজানামি, সপ্পিদানস্সিদং ফলং.
‘‘ছপ্পঞ্ঞাসে ইতো কপ্পে, একো আসি সমোদকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সপ্পিদাযকো থেরো ইমা গাথাযো অভাসিত্থাতি.
সপ্পিদাযকত্থেরস্সাপদানং ছট্ঠং.
৭. যূথিকপুপ্ফিযত্থেরঅপদানং
‘‘চন্দভাগানদীতীরে ¶ , অনুসোতং ৰজামহং;
সযম্ভুং অদ্দসং তত্থ, সালরাজংৰ ফুল্লিতং.
‘‘পুপ্ফং যূথিকমাদায, উপগচ্ছিং মহামুনিং;
পসন্নচিত্তো সুমনো, বুদ্ধস্স অভিরোপযিং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্তসট্ঠিম্হিতো কপ্পে, একো সামুদ্ধরো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা যূথিকপুপ্ফিযো থেরো ইমা গাথাযো অভাসিত্থাতি.
যূথিকপুপ্ফিযত্থেরস্সাপদানং সত্তমং.
৮. দুস্সদাযকত্থেরঅপদানং
‘‘তিৰরাযং ¶ ¶ পুরে রম্মে, রাজপুত্তোসহং [রাজপুত্তো অহং (সী. স্যা.)] তদা;
পণ্ণাকারং লভিত্ৰান, উপসন্তস্সদাসহং.
‘‘অধিৰাসেসি ¶ ¶ ভগৰা, ৰত্থং [নৰং (ক.)] হত্থেন আমসি;
সিদ্ধত্থো অধিৰাসেত্ৰা, ৰেহাসং নভমুগ্গমি.
‘‘বুদ্ধস্স গচ্ছমানস্স, দুস্সা ধাৰন্তি পচ্ছতো;
তত্থ চিত্তং পসাদেসিং, বুদ্ধো নো অগ্গপুগ্গলো.
‘‘চতুন্নৰুতিতো কপ্পে, যং দুস্সমদদিং তদা;
দুগ্গতিং নাভিজানামি, দুস্সদানস্সিদং ফলং.
‘‘সত্তসট্ঠিম্হিতো কপ্পে, চক্কৰত্তী তদা অহু;
পরিসুদ্ধোতি নামেন, মনুজিন্দো মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা দুস্সদাযকো থেরো ইমা গাথাযো অভাসিত্থাতি.
দুস্সদাযকত্থেরস্সাপদানং অট্ঠমং.
৯. সমাদপকত্থেরঅপদানং
‘‘নগরে বন্ধুমতিযা, মহাপূগগণো অহু;
তেসাহং পৰরো আসিং, মম বদ্ধচরা [পট্ঠচরা (স্যা.)] চ তে.
‘‘সব্বে তে সন্নিপাতেত্ৰা, পুঞ্ঞকম্মে সমাদযিং;
মাল়ং কস্সাম সঙ্ঘস্স, পুঞ্ঞক্খেত্তং অনুত্তরং.
‘‘সাধূতি ¶ তে পটিস্সুত্ৰা, মম ছন্দৰসানুগা;
নিট্ঠাপেত্ৰা চ তং মাল়ং, ৰিপস্সিস্স অদম্হসে.
‘‘একনৰুতিতো কপ্পে, যং মাল়মদদিং তদা;
দুগ্গতিং নাভিজানামি, মাল়দানস্সিদং ফলং.
‘‘একূনসত্ততিকপ্পে ¶ [একূনসট্ঠিকপ্পম্হি (সী. স্যা.)],
একো আসি জনাধিপো.
আদেয্যো নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সমাদপকো থেরো ইমা গাথাযো অভাসিত্থাতি.
সমাদপকত্থেরস্সাপদানং নৰমং.
১০. পঞ্চঙ্গুলিযত্থেরঅপদানং
‘‘তিস্সো ¶ ¶ নামাসি ভগৰা, লোকজেট্ঠো নরাসভো;
পৰিসতি গন্ধকুটিং, ৰিহারকুসলো মুনি.
‘‘সুগন্ধমালমাদায, অগমাসিং জিনন্তিকং;
অপসদ্দো চ সম্বুদ্ধে, পঞ্চঙ্গুলিমদাসহং.
‘‘দ্ৰেনৰুতে ইতো কপ্পে, যং গন্ধমভিরোপযিং;
দুগ্গতিং নাভিজানামি, পঞ্চঙ্গুলিস্সিদং [পঞ্চঙ্গুলিযিদং (সী.)] ফলং.
‘‘দ্ৰেসত্ততিম্হিতো ¶ কপ্পে, রাজা আসিং সযম্পভো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পঞ্চঙ্গুলিযো থেরো ইমা গাথাযো অভাসিত্থাতি;
পঞ্চঙ্গুলিযত্থেরস্সাপদানং দসমং.
সুপারিচরিযৰগ্গো সত্তরসমো.
তস্সুদ্দানং –
সুপারিচরি কণৰেরী, খজ্জকো দেসপূজকো;
কণিকারো সপ্পিদদো, যূথিকো দুস্সদাযকো;
মাল়ো চ পঞ্চঙ্গুলিকো, চতুপঞ্ঞাস গাথকাতি.
১৮. কুমুদৰগ্গো
১. কুমুদমালিযত্থেরঅপদানং
‘‘পব্বতে ¶ ¶ ¶ হিমৰন্তম্হি, মহাজাতস্সরো অহু;
তত্থজো রক্খসো আসিং, ঘোররূপো মহব্বলো.
‘‘কুমুদং পুপ্ফতে তত্থ, চক্কমত্তানি জাযরে;
ওচিনামি চ তং পুপ্ফং, বলিনো সমিতিং তদা.
‘‘অত্থদস্সী ¶ তু ভগৰা, দ্ৰিপদিন্দো নরাসভো;
পুপ্ফসঙ্কোচিতং [পুপ্ফং সঙ্কোচিতং (সী. স্যা.), পুপ্ফং সমোচিতং (?)] দিস্ৰা, আগচ্ছি মম সন্তিকং.
‘‘উপাগতঞ্চ সম্বুদ্ধং, দেৰদেৰং নরাসভং;
সব্বঞ্চ পুপ্ফং পগ্গয্হ, বুদ্ধস্স অভিরোপযিং.
‘‘যাৰতা হিমৰন্তন্তা, পরিসা সা [হিমৰন্তস্মিং, যাৰ মালা (স্যা.)] তদা অহু;
তাৰচ্ছদনসম্পন্নো, অগমাসি তথাগতো.
‘‘অট্ঠারসে কপ্পসতে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো পন্নরসে কপ্পে, সত্তাহেসুং জনাধিপা;
সহস্সরথনামা তে, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা কুমুদমালিযো থেরো ইমা গাথাযো অভাসিত্থাতি.
কুমুদমালিযত্থেরস্সাপদানং পঠমং.
২. নিস্সেণিদাযকত্থেরঅপদানং
‘‘কোণ্ডঞ্ঞস্স ¶ ভগৰতো, লোকজেট্ঠস্স তাদিনো;
আরোহত্থায পাসাদং, নিস্সেণী কারিতা মযা.
‘‘তেন ¶ চিত্তপ্পসাদেন, অনুভোত্ৰান সম্পদা;
ধারেমি অন্তিমং দেহং, সম্মাসম্বুদ্ধসাসনে.
‘‘একত্তিংসম্হি কপ্পানং, সহস্সম্হি তযো অহুং [মহা (সী. স্যা.)];
সম্বহুলা নাম রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নিস্সেণিদাযকো থেরো ইমা গাথাযো অভাসিত্থাতি.
নিস্সেণিদাযকত্থেরস্সাপদানং দুতিযং.
৩. রত্তিপুপ্ফিযত্থেরঅপদানং
‘‘মিগলুদ্দো ¶ পুরে আসিং, অরঞ্ঞে কাননে অহং;
ৰিপস্সিং অদ্দসং বুদ্ধং, দেৰদেৰং নরাসভং.
‘‘রত্তিকং ¶ পুপ্ফিতং দিস্ৰা, কুটজং ধরণীরুহং;
সমূলং পগ্গহেত্ৰান, উপনেসিং মহেসিনো.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফদানস্সিদং ফলং.
‘‘ইতো চ অট্ঠমে কপ্পে, সুপ্পসন্নসনামকো;
সত্তরতনসম্পন্নো, রাজাহোসিং মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা রত্তিপুপ্ফিযো থেরো ইমা গাথাযো অভাসিত্থাতি.
রত্তিপুপ্ফিযত্থেরস্সাপদানং ততিযং.
৪. উদপানদাযকত্থেরঅপদানং
‘‘ৰিপস্সিনো ¶ ভগৰতো, উদপানো কতো মযা;
পিণ্ডপাতঞ্চ দত্ৰান [গহেত্ৰান (স্যা.)], নিয্যাদেসিমহং তদা.
‘‘একনৰুতিতো ¶ কপ্পে, যং কম্মমকরিং তদা;
দুগ্গতিং নাভিজানামি, উদপানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা উদপানদাযকো থেরো ইমা গাথাযো অভাসিত্থাতি.
উদপানদাযকত্থেরস্সাপদানং চতুত্থং.
৫. সীহাসনদাযকত্থেরঅপদানং
‘‘নিব্বুতে লোকনাথম্হি, পদুমুত্তরনাযকে;
পসন্নচিত্তো সুমনো, সীহাসনমদাসহং.
‘‘বহূহি গন্ধমালেহি, দিট্ঠধম্মসুখাৰহে;
তত্থ পূজঞ্চ কত্ৰান, নিব্বাযতি বহুজ্জনো.
‘‘পসন্নচিত্তো ¶ সুমনো, ৰন্দিত্ৰা বোধিমুত্তমং;
কপ্পানং সতসহস্সং, দুগ্গতিং নুপপজ্জহং.
‘‘পন্নরসসহস্সম্হি, কপ্পানং অট্ঠ আসু তে [অট্ঠ আসযুং (ক.)];
সিলুচ্চযসনামা চ, রাজানো চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সীহাসনদাযকো থেরো ইমা গাথাযো অভাসিত্থাতি;
সীহাসনদাযকত্থেরস্সাপদানং পঞ্চমং.
৬. মগ্গদত্তিকত্থেরঅপদানং
‘‘অনোমদস্সী ¶ ভগৰা, দ্ৰিপদিন্দো নরাসভো;
দিট্ঠধম্মসুখত্থায, অব্ভোকাসম্হি চঙ্কমি.
‘‘উদ্ধতে ¶ ¶ পাদে পুপ্ফানি, সোভং মুদ্ধনি তিট্ঠরে;
পসন্নচিত্তো সুমনো, ৰন্দিত্ৰা পুপ্ফমোকিরিং.
‘‘ৰীসকপ্পসহস্সম্হি, ইতো পঞ্চ জনা অহুং;
পুপ্ফচ্ছদনিযা নাম, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মগ্গদত্তিকো থেরো ইমা গাথাযো অভাসিত্থাতি.
মগ্গদত্তিকত্থেরস্সাপদানং ছট্ঠং.
৭. একদীপিযত্থেরঅপদানং
‘‘পদুমুত্তরস্স মুনিনো, সল়লে বোধিমুত্তমে;
পসন্নচিত্তো সুমনো, একদীপং অদাসহং.
‘‘ভৰে নিব্বত্তমানম্হি, নিব্বত্তে পুঞ্ঞসঞ্চযে;
দুগ্গতিং নাভিজানামি, দীপদানস্সিদং ফলং.
‘‘সোল়সে ¶ কপ্পসহস্সে, ইতো তে চতুরো জনা;
চন্দাভা নাম নামেন, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একদীপিযো থেরো ইমা গাথাযো অভাসিত্থাতি.
একদীপিযত্থেরস্সাপদানং সত্তমং.
নৰমং ভাণৰারং.
৮. মণিপূজকত্থেরঅপদানং
‘‘ওরেন ¶ হিমৰন্তস্স, নদিকা সম্পৰত্তথ;
তস্সা চানুপখেত্তম্হি, সযম্ভূ ৰসতে তদা.
‘‘মণিং ¶ পগ্গয্হ পল্লঙ্কং, সাধুচিত্তং মনোরমং;
পসন্নচিত্তো সুমনো, বুদ্ধস্স অভিরোপযিং.
‘‘চতুন্নৰুতিতো ¶ কপ্পে, যং মণিং অভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো চ দ্ৰাদসে কপ্পে, সতরংসীসনামকা;
অট্ঠ তে আসুং রাজানো, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা মণিপূজকো থেরো ইমা গাথাযো অভাসিত্থাতি.
মণিপূজকত্থেরস্সাপদানং অট্ঠমং.
৯. তিকিচ্ছকত্থেরঅপদানং
‘‘নগরে বন্ধুমতিযা, ৰেজ্জো আসিং সুসিক্খিতো;
আতুরানং সদুক্খানং, মহাজনসুখাৰহো.
‘‘ব্যাধিতং সমণং দিস্ৰা, সীলৰন্তং মহাজুতিং;
পসন্নচিত্তো সুমনো, ভেসজ্জমদদিং তদা.
‘‘অরোগো আসি তেনেৰ, সমণো সংৰুতিন্দ্রিযো;
অসোকো নাম নামেন, উপট্ঠাকো ৰিপস্সিনো.
‘‘একনৰুতিতো কপ্পে, যং ওসধমদাসহং;
দুগ্গতিং নাভিজানামি, ভেসজ্জস্স ইদং ফলং.
‘‘ইতো চ অট্ঠমে কপ্পে, সব্বোসধসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিকিচ্ছকো থেরো ইমা গাথাযো অভাসিত্থাতি.
তিকিচ্ছকত্থেরস্সাপদানং নৰমং.
১০. সঙ্ঘুপট্ঠাকত্থেরঅপদানং
‘‘ৰেস্সভুম্হি ¶ ¶ ¶ ভগৰতি, অহোসারামিকো অহং;
পসন্নচিত্তো সুমনো, উপট্ঠিং সঙ্ঘমুত্তমং.
‘‘একত্তিংসে ¶ ইতো কপ্পে, যং কম্মমকরিং তদা;
দুগ্গতিং নাভিজানামি, উপট্ঠানস্সিদং ফলং.
‘‘ইতো তে সত্তমে কপ্পে, সত্তেৰাসুং সমোদকা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সঙ্ঘুপট্ঠাকো থেরো ইমা গাথাযো অভাসিত্থাতি.
সঙ্ঘুপট্ঠাকত্থেরস্সাপদানং দসমং.
কুমুদৰগ্গো অট্ঠারসমো.
তস্সুদ্দানং –
কুমুদো অথ নিস্সেণী, রত্তিকো উদপানদো;
সীহাসনী মগ্গদদো, একদীপী মণিপ্পদো;
তিকিচ্ছকো উপট্ঠাকো, একপঞ্ঞাস গাথকাতি.
১৯. কুটজপুপ্ফিযৰগ্গো
১. কুটজপুপ্ফিযত্থেরঅপদানং
‘‘সুৰণ্ণৰণ্ণং ¶ ¶ ¶ সম্বুদ্ধং, সতরংসিংৰ উগ্গতং;
দিসং অনুৰিলোকেন্তং, গচ্ছন্তং অনিলঞ্জসে.
‘‘কুটজং পুপ্ফিতং দিস্ৰা, সংৰিত্থতসমোত্থতং;
রুক্খতো ওচিনিত্ৰান, ফুস্সস্স অভিরোপযিং.
‘‘দ্ৰেনৰুতে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো সত্তরসে কপ্পে, তযো আসুং সুপুপ্ফিতা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা কুটজপুপ্ফিযো থেরো ইমা গাথাযো অভাসিত্থাতি.
কুটজপুপ্ফিযত্থেরস্সাপদানং পঠমং.
২. বন্ধুজীৰকত্থেরঅপদানং
‘‘সিদ্ধত্থো ¶ নাম সম্বুদ্ধো, সযম্ভূ সব্ভি ৰণ্ণিতো;
সমাধিং সো সমাপন্নো, নিসীদি পব্বতন্তরে.
‘‘জাতস্সরে ¶ গৰেসন্তো, দকজং পুপ্ফমুত্তমং;
বন্ধুজীৰকপুপ্ফানি, অদ্দসং সমনন্তরং.
‘‘উভো হত্থেহি পগ্গয্হ, উপাগচ্ছিং মহামুনিং;
পসন্নচিত্তো সুমনো, সিদ্ধত্থস্সাভিরোপযিং.
‘‘চতুন্নৰুতিতো ¶ কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো ¶ চাতুদ্দসে কপ্পে, একো আসিং জনাধিপো;
সমুদ্দকপ্পো নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বন্ধুজীৰকো থেরো ইমা গাথাযো অভাসিত্থাতি.
বন্ধুজীৰকত্থেরস্সাপদানং দুতিযং.
৩. কোটুম্বরিযত্থেরঅপদানং
‘‘কণিকারংৰ জোতন্তং, নিসিন্নং পব্বতন্তরে;
অপ্পমেয্যংৰ উদধিং, ৰিত্থতং ধরণিং যথা.
‘‘পূজিতং [পরেতং (সী.)] দেৰসঙ্ঘেন, নিসভাজানিযং যথা;
হট্ঠো হট্ঠেন চিত্তেন, উপাগচ্ছিং নরুত্তমং.
‘‘সত্তপুপ্ফানি ¶ পগ্গয্হ, কোটুম্বরসমাকুলং;
বুদ্ধস্স অভিরোপেসিং, সিখিনো লোকবন্ধুনো.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো ৰীসতিকপ্পম্হি, মহানেলসনামকো;
একো আসি মহাতেজো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কোটুম্বরিযো থেরো ইমা গাথাযো অভাসিত্থাতি.
কোটুম্বরিযত্থেরস্সাপদানং ততিযং.
৪. পঞ্চহত্থিযত্থেরঅপদানং
‘‘তিস্সো ¶ নামাসি ভগৰা, লোকজেট্ঠো নরাসভো;
পুরক্খতো সাৰকেহি, রথিযং পটিপজ্জথ.
‘‘পঞ্চ ¶ ¶ উপ্পলহত্থা চ, চাতুরা ঠপিতা মযা;
আহুতিং দাতুকামোহং, পগ্গণ্হিং ৰতসিদ্ধিযা [পুত্তোম্হি হিতসিদ্ধিযা (স্যা.)].
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে;
বুদ্ধরংসীহি ফুট্ঠোস্মি [বুদ্ধরংস্যাভিফুট্ঠোম্হি (সী.), বুদ্ধরংসাভিঘুট্ঠোস্মি (ক.)], পূজেসিং দ্ৰিপদুত্তমং.
‘‘দ্ৰেনৰুতে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো তেরসকপ্পম্হি, পঞ্চ সুসভসম্মতা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পঞ্চহত্থিযো থেরো ইমা গাথাযো অভাসিত্থাতি.
পঞ্চহত্থিযত্থেরস্সাপদানং চতুত্থং.
৫. ইসিমুগ্গদাযকত্থেরঅপদানং
‘‘উদেন্তং সতরংসিংৰ, পীতরংসিংৰ [সিতরংসিংৰ (সী.)] ভাণুমং;
ককুধং ৰিলসন্তংৰ, পদুমুত্তরনাযকং.
‘‘ইসিমুগ্গানি পিসিত্ৰা [ইসিসুগ্গানি পিংসেত্ৰা (সী.), ইসিমুগ্গং নিমন্তেত্ৰা (স্যা.)], মধুখুদ্দে অনীল়কে;
পাসাদেৰ ঠিতো সন্তো, অদাসিং লোকবন্ধুনো.
‘‘অট্ঠসতসহস্সানি, অহেসুং বুদ্ধসাৰকা;
সব্বেসং পত্তপূরেন্তং [পত্তপূরং তং (সী.)], ততো চাপি বহুত্তরং.
‘‘তেন চিত্তপ্পসাদেন, সুক্কমূলেন চোদিতো;
কপ্পানং সতসহস্সং, দুগ্গতিং নুপপজ্জহং.
‘‘চত্তালীসম্হি ¶ ¶ সহস্সে, কপ্পানং অট্ঠতিংস তে;
ইসিমুগ্গসনামা [মহিসমন্তনামা (স্যা.)] তে, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ইসিমুগ্গদাযকো থেরো ইমা গাথাযো অভাসিত্থাতি.
ইসিমুগ্গদাযকত্থেরস্সাপদানং পঞ্চমং.
৬. বোধিউপট্ঠাকত্থেরঅপদানং
‘‘নগরে ¶ রম্মৰতিযা, আসিং মুরজৰাদকো;
নিচ্চুপট্ঠানযুত্তোম্হি, গতোহং বোধিমুত্তমং.
‘‘সাযং পাতং উপট্ঠিত্ৰা, সুক্কমূলেন চোদিতো;
অট্ঠারসকপ্পসতে, দুগ্গতিং নুপপজ্জহং.
‘‘পন্নরসে কপ্পসতে, ইতো আসিং জনাধিপো;
মুরজো [দমথো (স্যা.)] নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বোধিউপট্ঠাকো থেরো ইমা গাথাযো অভাসিত্থাতি.
বোধিউপট্ঠাকত্থেরস্সাপদানং ছট্ঠং.
৭. একচিন্তিকত্থেরঅপদানং
‘‘যদা ¶ দেৰো [দেৰা (ক.)] দেৰকাযা, চৰতে [চৰন্তি (ক.)] আযুসঙ্খযা;
তযো সদ্দা নিচ্ছরন্তি, দেৰানং অনুমোদতং.
‘ইতো ভো সুগতিং গচ্ছ, মনুস্সানং সহব্যতং;
মনুস্সভূতো সদ্ধম্মে, লভ সদ্ধং অনুত্তরং.
‘‘‘সা তে সদ্ধা নিৰিট্ঠাস্স, মূলজাতা পতিট্ঠিতা;
যাৰজীৰং অসংহীরা, সদ্ধম্মে সুপ্পৰেদিতে.
‘‘‘কাযেন ¶ ¶ কুসলং কত্ৰা, ৰাচায কুসলং বহুং;
মনসা কুসলং কত্ৰা, অব্যাপজ্জং [অব্যাপজ্ঝং (স্যা.), অপ্পমাণং (ইতিৰুত্তকে ৮৩)] নিরূপধিং.
‘‘‘ততো ওপধিকং পুঞ্ঞং, কত্ৰা দানেন তং বহুং;
অঞ্ঞেপি মচ্চে সদ্ধম্মে, ব্রহ্মচরিযে নিৰেসয’.
‘‘ইমায অনুকম্পায, দেৰা দেৰং যদা ৰিদূ;
চৰন্তং অনুমোদন্তি, এহি দেৰ পুনপ্পুনং [দেৰপুরং পুন (স্যা.)].
‘‘সংৰেগো মে [সংৰিগ্গোহং (স্যা.)] তদা আসি, দেৰসঙ্ঘে সমাগতে;
কংসু নাম অহং যোনিং, গমিস্সামি ইতো চুতো.
‘‘মম ¶ সংৰেগমঞ্ঞায, সমণো ভাৰিতিন্দ্রিযো;
মমুদ্ধরিতুকামো সো, আগচ্ছি মম সন্তিকং.
‘‘সুমনো নাম নামেন, পদুমুত্তরসাৰকো;
অত্থধম্মানুসাসিত্ৰা, সংৰেজেসি মমং তদা.
‘‘তস্সাহং ¶ ৰচনং সুত্ৰা, বুদ্ধে চিত্তং পসাদযিং;
তং ধীরং অভিৰাদেত্ৰা, তত্থ কালংকতো অহং.
‘‘উপপজ্জিং স [উপপজ্জিস্সং (সী.)] তত্থেৰ, সুক্কমূলেন চোদিতো;
কপ্পানং সতসহস্সং, দুগ্গতিং নুপপজ্জহং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একচিন্তিকো থেরো ইমা গাথাযো অভাসিত্থাতি.
একচিন্তিকত্থেরস্সাপদানং সত্তমং.
৮. তিকণ্ণিপুপ্ফিযত্থেরঅপদানং
‘‘দেৰভূতো অহং সন্তো, অচ্ছরাহি পুরক্খতো;
পুব্বকম্মং সরিত্ৰান, বুদ্ধসেট্ঠং অনুস্সরিং.
‘‘তিকণ্ণিপুপ্ফং [কিংকণিপুপ্ফং (ক.)] পগ্গয্হ, সকং চিত্তং পসাদযিং;
বুদ্ধম্হি অভিরোপেসিং, ৰিপস্সিম্হি নরাসভে.
‘‘একনৰুতিতো ¶ কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘তেসত্ততিম্হিতো কপ্পে, চতুরাসুং রমুত্তমা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিকণ্ণিপুপ্ফিযো [কিংকণিকপুপ্ফিযো (ক.)] থেরো ইমা গাথাযো অভাসিত্থাতি.
তিকণ্ণিপুপ্ফিযত্থেরস্সাপদানং অট্ঠমং.
৯. একচারিযত্থেরঅপদানং
‘‘তাৰতিংসেসু ¶ ¶ দেৰেসু, মহাঘোসো তদা অহু;
বুদ্ধো চ লোকে নিব্বাতি, মযঞ্চম্হ সরাগিনো.
‘‘তেসং সংৰেগজাতানং, সোকসল্লসমঙ্গিনং;
সবলেন উপত্থদ্ধো, অগমং বুদ্ধসন্তিকং.
‘‘মন্দারৰং গহেত্ৰান, সঙ্গীতি [সণ্হিতং (সী.), সঙ্গিতং (স্যা.)] অভিনিম্মিতং;
পরিনিব্বুতকালম্হি, বুদ্ধস্স অভিরোপযিং.
‘‘সব্বে দেৰানুমোদিংসু, অচ্ছরাযো চ মে তদা;
কপ্পানং সতসহস্সং, দুগ্গতিং নুপপজ্জহং.
‘‘সট্ঠিকপ্পসহস্সম্হি, ইতো সোল়স তে জনা;
মহামল্লজনা নাম, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা একচারিযো থেরো ইমা গাথাযো অভাসিত্থাতি.
একচারিযত্থেরস্সাপদানং নৰমং.
১০. তিৰণ্টিপুপ্ফিযত্থেরঅপদানং
‘‘অভিভূতং ¶ পনিজ্ঝন্তি [অভিভূতোপনিজ্ঝন্তি (সী.)], সব্বে সঙ্গম্ম তে মমং [অভিভুং থেরং পনিজ্ঝাম, সব্বে সঙ্গম্ম তে মযং (স্যা.)];
তেসং নিজ্ঝাযমানানং, পরিল়াহো অজাযথ.
‘‘সুনন্দো নাম নামেন, বুদ্ধস্স সাৰকো তদা;
ধম্মদস্সিস্স মুনিনো, আগচ্ছি মম সন্তিকং.
‘‘যে মে বদ্ধচরা আসুং, তে মে পুপ্ফং অদুং তদা;
তাহং পুপ্ফং গহেত্ৰান, সাৰকে অভিরোপযিং.
‘‘সোহং কালংকতো তত্থ, পুনাপি উপপজ্জহং;
অট্ঠারসে কপ্পসতে, ৰিনিপাতং ন গচ্ছহং.
‘‘তেরসেতো ¶ কপ্পসতে, অট্ঠাসুং ধূমকেতুনো;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিৰণ্টিপুপ্ফিযো থেরো ইমা গাথাযো অভাসিত্থাতি;
তিৰণ্টিপুপ্ফিযত্থেরস্সাপদানং দসমং.
কুটজপুপ্ফিযৰগ্গো একূনৰীসতিমো.
তস্সুদ্দানং –
কুটজো ¶ বন্ধুজীৰী চ, কোটুম্বরিকহত্থিযো;
ইসিমুগ্গো চ বোধি চ, একচিন্তী তিকণ্ণিকো;
একচারী তিৰণ্টি চ, গাথা দ্ৰাসট্ঠি কিত্তিতাতি.
২০. তমালপুপ্ফিযৰগ্গো
১. তমালপুপ্ফিযত্থেরঅপদানং
‘‘চুল্লাসীতিসহস্সানি ¶ ¶ , থম্ভা সোৰণ্ণযা অহূ;
দেৰলট্ঠিপটিভাগং, ৰিমানং মে সুনিম্মিতং.
‘‘তমালপুপ্ফং পগ্গয্হ, ৰিপ্পসন্নেন চেতসা;
বুদ্ধস্স অভিরোপযিং, সিখিনো লোকবন্ধুনো.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘ইতো ৰীসতিমে কপ্পে, চন্দতিত্তোতি এককো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা তমালপুপ্ফিযো থেরো ইমা গাথাযো অভাসিত্থাতি.
তমালপুপ্ফিযত্থেরস্সাপদানং পঠমং.
২. তিণসন্থারকত্থেরঅপদানং
‘‘যদা ¶ ৰনৰাসী [যং দাযৰাসিকো (সী.)] ইসি, তিণং লাযতি সত্থুনো;
সব্বে পদক্খিণাৰট্টা [পদক্খিণাৰত্তা (সী. স্যা.)], পথব্যা [পুথৰ্যা (সী.)] নিপতিংসু তে.
‘‘তমহং তিণমাদায, সন্থরিং ধরণুত্তমে;
তীণেৰ তালপত্তানি, আহরিত্ৰানহং তদা.
‘‘তিণেন ¶ ছদনং কত্ৰা, সিদ্ধত্থস্স অদাসহং;
সত্তাহং ধারযুং তস্স [তত্থ (স্যা.)], দেৰমানুসসত্থুনো.
‘‘চতুন্নৰুতিতো কপ্পে, যং তিণং অদদিং তদা;
দুগ্গতিং নাভিজানামি, তিণদানস্সিদং ফলং.
‘‘পঞ্চসট্ঠিম্হিতো ¶ কপ্পে, চত্তারোসুং মহদ্ধনা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিণসন্থারকো থেরো ইমা গাথাযো অভাসিত্থাতি.
তিণসন্থারকত্থেরস্সাপদানং দুতিযং.
৩. খণ্ডপুল্লিযত্থেরঅপদানং
‘‘ফুস্সস্স ¶ খো ভগৰতো, থূপো আসি মহাৰনে;
কুঞ্জরেহি তদা ভিন্নো, পরূল়্হো পাদপো [পরূল়্হপাদপো (সী.), সংরূল়্হো পাদপো (স্যা.)] তহিং.
‘‘ৰিসমঞ্চ সমং কত্ৰা, সুধাপিণ্ডং অদাসহং;
তিলোকগরুনো তস্স, গুণেহি পরিতোসিতো [পরিতো সুতো (ক.)].
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, সুধাপিণ্ডস্সিদং ফলং.
‘‘সত্তসত্ততিকপ্পম্হি, জিতসেনাসুং সোল়স;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা খণ্ডফুল্লিযো থেরো ইমা গাথাযো অভাসিত্থাতি.
খণ্ডপুল্লিযত্থেরস্সাপদানং ততিযং.
৪. অসোকপূজকত্থেরঅপদানং
‘‘তিৰরাযং ¶ [তিপুরাযং (স্যা.)] পুরে রম্মে, রাজুয্যানং অহু তদা;
উয্যানপালো তত্থাসিং, রঞ্ঞো বদ্ধচরো অহং.
‘‘পদুমো ¶ ¶ ¶ নাম নামেন, সযম্ভূ সপ্পভো অহু;
নিসিন্নং [নিসিন্নো (ক.)] পুণ্ডরীকম্হি, ছাযা ন জহি তং মুনিং.
‘‘অসোকং পুপ্ফিতং দিস্ৰা, পিণ্ডিভারং সুদস্সনং;
বুদ্ধস্স অভিরোপেসিং, জলজুত্তমনামিনো.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্ততিংসম্হিতো কপ্পে, সোল়স অরণঞ্জহা [অরুণঞ্জহা (সী.)];
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অসোকপূজকো থেরো ইমা গাথাযো অভাসিত্থাতি.
অসোকপূজকত্থেরস্সাপদানং চতুত্থং.
৫. অঙ্কোলকত্থেরঅপদানং
‘‘অঙ্কোলং পুপ্ফিতং দিস্ৰা, মালাৰরং সকোসকং [সমোগধং (স্যা.)];
ওচিনিত্ৰান তং পুপ্ফং, অগমং বুদ্ধসন্তিকং.
‘‘সিদ্ধত্থো তম্হি সমযে, পতিলীনো মহামুনি;
মুহুত্তং পটিমানেত্ৰা, গুহাযং পুপ্ফমোকিরিং.
‘‘চতুন্নৰুতিতো ¶ কপ্পে, যং পুপ্ফমভিপূজযিং;
দুগ্গতিং নাভিজানামি, পুপ্ফদানস্সিদং [বুদ্ধপূজাযিদং (সী. স্যা.)] ফলং.
‘‘ছত্তিংসম্হি ইতো কপ্পে, আসেকো দেৰগজ্জিতো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অঙ্কোলকো থেরো ইমা গাথাযো অভাসিত্থাতি.
অঙ্কোলকত্থেরস্সাপদানং পঞ্চমং.
৬. কিসলযপূজকত্থেরঅপদানং
‘‘নগরে ¶ ¶ ¶ দ্ৰারৰতিযা, মালাৰচ্ছো মমং অহু;
উদপানো চ তত্থেৰ, পাদপানং ৰিরোহনো.
‘‘সবলেন উপত্থদ্ধো, সিদ্ধত্থো অপরাজিতো;
মমানুকম্পমানো সো, গচ্ছতে অনিলঞ্জসে.
‘‘অঞ্ঞং কিঞ্চি ন পস্সামি, পূজাযোগ্গং মহেসিনো;
অসোকং পল্লৰং দিস্ৰা, আকাসে উক্খিপিং অহং.
‘‘বুদ্ধস্স তে কিসলযা, গচ্ছতো যন্তি পচ্ছতো;
তাহং দিস্ৰান সংৰিজিং [সোহং দিস্ৰান তং ইদ্ধিং (সী. স্যা.)], অহো বুদ্ধস্সুল়ারতা.
‘‘চতুন্নৰুতিতো ¶ কপ্পে, পল্লৰং অভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্ততিংসে [সত্তৰীসে (সী. স্যা.)] ইতো কপ্পে, একো একিস্সরো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কিসলযপূজকো থেরো ইমা গাথাযো অভাসিত্থাতি.
কিসলযপূজকত্থেরস্সাপদানং ছট্ঠং.
৭. তিন্দুকদাযকত্থেরঅপদানং
‘‘গিরিদুগ্গচরো আসিং, মক্কটো থামৰেগিকো;
ফলিনং তিন্দুকং দিস্ৰা, বুদ্ধসেট্ঠং অনুস্সরিং.
‘‘নিক্খমিত্ৰা কতিপাহং, ৰিচিনিং লোকনাযকং;
পসন্নচিত্তো সুমনো, সিদ্ধত্থং তিভৰন্তগুং.
‘‘মম সঙ্কপ্পমঞ্ঞায, সত্থা লোকে অনুত্তরো;
খীণাসৰসহস্সেহি, আগচ্ছি মম সন্তিকং.
‘‘পামোজ্জং ¶ জনযিত্ৰান, ফলহত্থো উপাগমিং;
পটিগ্গহেসি ভগৰা, সব্বঞ্ঞূ ৰদতং ৰরো.
‘‘চতুন্নৰুতিতো ¶ ¶ ¶ কপ্পে, যং ফলং অদদিং তদা;
দুগ্গতিং নাভিজানামি, ফলদানস্সিদং ফলং.
‘‘সত্তপঞ্ঞাসকপ্পম্হি, উপনন্দসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিন্দুকদাযকো থেরো ইমা গাথাযো অভাসিত্থাতি.
তিন্দুকদাযকত্থেরস্সাপদানং সত্তমং.
৮. মুট্ঠিপূজকত্থেরঅপদানং
‘‘সুমেধো নাম ভগৰা, লোকজেট্ঠো নরাসভো;
পচ্ছিমে অনুকম্পায, পধানং পদহী জিনো.
‘‘তস্স চঙ্কমমানস্স, দ্ৰিপদিন্দস্স তাদিনো;
গিরিনেলস্স পুপ্ফানং, মুট্ঠিং বুদ্ধস্স রোপযিং.
‘‘তেন চিত্তপ্পসাদেন, সুক্কমূলেন চোদিতো;
তিংসকপ্পসহস্সানি, দুগ্গতিং নুপপজ্জহং.
‘‘তেৰীসতিকপ্পসতে, সুনেলো নাম খত্তিযো;
সত্তরতনসম্পন্নো, একো আসিং মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা মুট্ঠিপূজকো থেরো ইমা গাথাযো অভাসিত্থাতি.
মুট্ঠিপূজকত্থেরস্সাপদানং অট্ঠমং.
৯. কিংকণিকপুপ্ফিযত্থেরঅপদানং
‘‘সুমঙ্গলোতি নামেন, সযম্ভূ অপরাজিতো;
পৰনা নিক্খমিত্ৰান, নগরং পাৰিসী জিনো.
‘‘পিণ্ডচারং ¶ চরিত্ৰান, নিক্খম্ম নগরা মুনি;
কতকিচ্চোৰ সম্বুদ্ধো, সো ৰসী ৰনমন্তরে.
‘‘কিংকণিপুপ্ফং ¶ ¶ পগ্গয্হ, বুদ্ধস্স অভিরোপযিং;
পসন্নচিত্তো সুমনো, সযম্ভুস্স মহেসিনো.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ছল়াসীতিম্হিতো কপ্পে, অপিলাসিসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা কিংকণিকপুপ্ফিযো থেরো ইমা গাথাযো অভাসিত্থাতি.
কিংকণিকপুপ্ফিযত্থেরস্সাপদানং নৰমং.
১০. যূথিকপুপ্ফিযত্থেরঅপদানং
‘‘পদুমুত্তরো নাম জিনো, আহুতীনং পটিগ্গহো;
পৰনা নিক্খমিত্ৰান, ৰিহারং যাতি চক্খুমা.
‘‘উভো হত্থেহি পগ্গয্হ, যূথিকং পুপ্ফমুত্তমং;
বুদ্ধস্স অভিরোপযিং, মেত্তচিত্তস্স তাদিনো.
‘‘তেন চিত্তপ্পসাদেন, অনুভোত্ৰান সম্পদা;
কপ্পানং সতসহস্সং, দুগ্গতিং নুপপজ্জহং.
‘‘ইতো পঞ্ঞাসকপ্পেসু, একো আসিং জনাধিপো;
সমিত্তনন্দনো নাম, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা যূথিকপুপ্ফিযো থেরো ইমা গাথাযো অভাসিত্থাতি;
যূথিকপুপ্ফিযত্থেরস্সাপদানং দসমং.
তমালপুপ্ফিযৰগ্গো ৰীসতিমো.
তস্সুদ্দানং ¶ –
তমালতিণসন্থারো ¶ , খণ্ডফুল্লি অসোকিযো;
অঙ্কোলকী কিসলযো, তিন্দুকো নেলপুপ্ফিযো;
কিংকণিকো যূথিকো চ, গাথা পঞ্ঞাস অট্ঠ চাতি.
অথ ¶ ৰগ্গুদ্দানং –
ভিক্খাদাযী ¶ পরিৰারো, সেরেয্যো সোভিতো তথা;
ছত্তঞ্চ বন্ধুজীৰী চ, সুপারিচরিযোপি চ.
কুমুদো কুটজো চেৰ, তমালি দসমো কতো;
ছসতানি চ গাথানি, ছসট্ঠি চ ততুত্তরি.
ভিক্খাৰগ্গদসকং.
দুতিযসতকং সমত্তং.
২১. কণিকারপুপ্ফিযৰগ্গো
১. কণিকারপুপ্ফিযত্থেরঅপদানং
‘‘কণিকারং ¶ ¶ ¶ পুপ্ফিতং দিস্ৰা, ওচিনিত্ৰানহং তদা;
তিস্সস্স অভিরোপেসিং, ওঘতিণ্ণস্স তাদিনো.
‘‘দ্ৰেনৰুতে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চত্তিংসে ইতো কপ্পে, অরুণপাণীতি ৰিস্সুতো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা কণিকারপুপ্ফিযো থেরো ইমা গাথাযো অভাসিত্থাতি.
কণিকারপুপ্ফিযত্থেরস্সাপদানং পঠমং.
২. মিনেলপুপ্ফিযত্থেরঅপদানং
‘‘সুৰণ্ণৰণ্ণো ভগৰা, সতরংসী পতাপৰা;
চঙ্কমনং সমারূল়্হো, মেত্তচিত্তো সিখীসভো.
‘‘পসন্নচিত্তো সুমনো, ৰন্দিত্ৰা [থোমেত্ৰা (স্যা.)] ঞাণমুত্তমং;
মিনেলপুপ্ফং পগ্গয্হ, বুদ্ধস্স অভিরোপযিং.
‘‘একত্তিংসে ¶ ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘একূনতিংসকপ্পম্হি, সুমেঘঘননামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা মিনেলপুপ্ফিযো থেরো ইমা গাথাযো অভাসিত্থাতি.
মিনেলপুপ্ফিযত্থেরস্সাপদানং দুতিযং.
৩. কিঙ্কণিপুপ্ফিযত্থেরঅপদানং
‘‘কঞ্চনগ্ঘিযসঙ্কাসো, সব্বঞ্ঞূ লোকনাযকো;
ওদকং দহমোগ্গয্হ, সিনাযি লোকনাযকো.
‘‘পগ্গয্হ কিঙ্কণিং [কিঙ্কিণিং (সী.)] পুপ্ফং, ৰিপস্সিস্সাভিরোপযিং;
উদগ্গচিত্তো সুমনো, দ্ৰিপদিন্দস্স তাদিনো.
‘‘একনৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্তৰীসতিকপ্পম্হি, রাজা ভীমরথো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কিঙ্কণিপুপ্ফিযো [কিঙ্কিণিকপুপ্ফিযো (সী.)] থেরো ইমা গাথাযো অভাসিত্থাতি.
কিঙ্কণিপুপ্ফিযত্থেরস্সাপদানং ততিযং.
৪. তরণিযত্থেরঅপদানং
‘‘অত্থদস্সী তু ভগৰা, দ্ৰিপদিন্দো নরাসভো;
পুরক্খতো সাৰকেহি, গঙ্গাতীরমুপাগমি.
‘‘সমতিত্তি কাকপেয্যা, গঙ্গা আসি দুরুত্তরা;
উত্তারযিং ভিক্খুসঙ্ঘং, বুদ্ধঞ্চ দ্ৰিপদুত্তমং.
‘‘অট্ঠারসে ¶ কপ্পসতে, যং কম্মমকরিং তদা;
দুগ্গতিং নাভিজানামি, তরণায ইদং ফলং.
‘‘তেরসেতো ¶ কপ্পসতে, পঞ্চ সব্বোভৰা [সব্ভোগৰা (সী.)] অহুং;
সত্তরতনসম্পন্না, চক্কৰত্তী মহব্বলা.
‘‘পচ্ছিমে ¶ চ ভৰে অস্মিং, জাতোহং ব্রাহ্মণে কুলে;
সদ্ধিং তীহি সহাযেহি, পব্বজিং সত্থু সাসনে.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তরণিযো থেরো ইমা গাথাযো অভাসিত্থাতি;
তরণিযত্থেরস্সাপদানং চতুত্থং.
৫. নিগ্গুণ্ডিপুপ্ফিযত্থেরঅপদানং
‘‘ৰিপস্সিস্স ¶ ভগৰতো, আসিমারামিকো অহং;
নিগ্গুণ্ডিপুপ্ফং পগ্গয্হ, বুদ্ধস্স অভিরোপযিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চৰীসে [পঞ্চতিংসে (সী. স্যা.)] ইতো কপ্পে, একো আসিং জনাধিপো;
মহাপতাপনামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নিগ্গুণ্ডিপুপ্ফিযো থেরো ইমা গাথাযো অভাসিত্থাতি.
নিগ্গুণ্ডিপুপ্ফিযত্থেরস্সাপদানং পঞ্চমং.
৬. উদকদাযকত্থেরঅপদানং
‘‘ভুঞ্জন্তং সমণং দিস্ৰা, ৰিপ্পসন্নমনাৰিলং;
ঘটেনোদকমাদায, সিদ্ধত্থস্স অদাসহং.
‘‘নিম্মলো ¶ হোমহং অজ্জ, ৰিমলো খীণসংসযো;
ভৰে নিব্বত্তমানম্হি, ফলং নিব্বত্ততে মম [সুভং (সী.)].
‘‘চতুন্নৰুতিতো ¶ কপ্পে, উদকং যমদাসহং [যং তদা অদং (সী.), অদদিং তদা (স্যা.)];
দুগ্গতিং নাভিজানামি, দকদানস্সিদং ফলং.
‘‘একসট্ঠিম্হিতো কপ্পে, একোৰ ৰিমলো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদকদাযকো থেরো ইমা গাথাযো অভাসিত্থাতি.
উদকদাযকত্থেরস্সাপদানং ছট্ঠং.
৭. সললমালিযত্থেরঅপদানং
‘‘কণিকারংৰ ¶ ¶ জোতন্তং, নিসিন্নং পব্বতন্তরে;
ওভাসেন্তং দিসা সব্বা, সিদ্ধত্থং নরসারথিং.
‘‘ধনুং অদ্ৰেজ্ঝং কত্ৰান, উসুং সন্নয্হহং তদা;
পুপ্ফং সৰণ্টং ছেত্ৰান, বুদ্ধস্স অভিরোপযিং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘একপঞ্ঞাসিতো কপ্পে, একো আসিং জুতিন্ধরো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সললমালিযো থেরো ইমা গাথাযো অভাসিত্থাতি.
সললমালিযত্থেরস্সাপদানং সত্তমং.
৮. কোরণ্ডপুপ্ফিযত্থেরঅপদানং
‘‘অক্কন্তঞ্চ ¶ পদং দিস্ৰা, চক্কালঙ্কারভূসিতং;
পদেনানুপদং যন্তো, ৰিপস্সিস্স মহেসিনো.
‘‘কোরণ্ডং পুপ্ফিতং দিস্ৰা, সমূলং পূজিতং মযা;
হট্ঠো হট্ঠেন চিত্তেন, অৰন্দিং পদমুত্তমং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্তপঞ্ঞাসকপ্পম্হি, একো ৰীতমলো অহুং;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা কোরণ্ডপুপ্ফিযো থেরো ইমা গাথাযো অভাসিত্থাতি.
কোরণ্ডপুপ্ফিযত্থেরস্সাপদানং অট্ঠমং.
৯. আধারদাযকত্থেরঅপদানং
‘‘আধারকং ¶ ¶ মযা দিন্নং, সিখিনো লোকবন্ধুনো;
ধারেমি পথৰিং সব্বং, কেৰলং ৰসুধং ইমং.
‘‘কিলেসা ঝাপিতা ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে.
‘‘সত্তৰীসে ইতো কপ্পে, অহেসুং চতুরো জনা;
সমন্তৰরণা নাম, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা আধারদাযকো [পরিযাদানিযো (ক.)] থেরো ইমা গাথাযো অভাসিত্থাতি.
আধারদাযকত্থেরস্সাপদানং নৰমং.
১০. পাপনিৰারিযত্থেরঅপদানং
‘‘তিস্সস্স ¶ তু ভগৰতো, দেৰদেৰস্স তাদিনো;
একচ্ছত্তং মযা দিন্নং, ৰিপ্পসন্নেন চেতসা.
‘‘নিৰুতং হোতি মে পাপং, কুসলস্সুপসম্পদা;
আকাসে ছত্তং ধারেন্তি, পুব্বকম্মস্সিদং ফলং.
‘‘চরিমং ¶ ৰত্ততে ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে.
‘‘দ্ৰেনৰুতে ইতো কপ্পে, যং ছত্তমদদিং তদা;
দুগ্গতিং নাভিজানামি, ছত্তদানস্সিদং ফলং.
‘‘দ্ৰেসত্ততিম্হিতো কপ্পে, অট্ঠাসিংসু জনাধিপা;
মহানিদাননামেন, রাজানো চক্কৰত্তিনো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাপনিৰারিযো [ৰাতাতপনিৰারিযো (সী.)] থেরো ইমা গাথাযো অভাসিত্থাতি;
পাপনিৰারিযত্থেরস্সাপদানং দসমং.
কণিকারপুপ্ফিযৰগ্গো একৰীসতিমো.
তস্সুদ্দানং ¶ –
কণিকারো মিনেলঞ্চ, কিঙ্কণি তরণেন চ;
নিগ্গুণ্ডিপুপ্ফী দকদো, সললো চ কুরণ্ডকো;
আধারকো পাপৰারী, অট্ঠতালীস গাথকাতি.
২২. হত্থিৰগ্গো
১. হত্থিদাযকত্থেরঅপদানং
‘‘সিদ্ধত্থস্স ¶ ¶ ¶ ভগৰতো, দ্ৰিপদিন্দস্স তাদিনো;
নাগসেট্ঠো মযা দিন্নো, ঈসাদন্তো উরূল়্হৰা.
‘‘উত্তমত্থং অনুভোমি, সন্তিপদমনুত্তরং;
নাগদানং [অগ্গদানং (সী. ক.)] মযা দিন্নং, সব্বলোকহিতেসিনো.
‘‘চতুন্নৰুতিতো কপ্পে, যং নাগ [দান (সী. ক.)] মদদিং তদা;
দুগ্গতিং নাভিজানামি, নাগদানস্সিদং ফলং.
‘‘অট্ঠসত্ততিকপ্পম্হি, সোল়সাসিংসু খত্তিযা;
সমন্তপাসাদিকা নাম, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা হত্থিদাযকো থেরো ইমা গাথাযো অভাসিত্থাতি.
হত্থিদাযকত্থেরস্সাপদানং পঠমং.
২. পানধিদাযকত্থেরঅপদানং
‘‘আরঞ্ঞিকস্স ইসিনো, চিররত্ততপস্সিনো [ঝাযিনো, মেত্তচিত্ততপস্সিনো (স্যা.)];
বুদ্ধস্স [ধম্মস্স (স্যা. ক.)] ভাৰিতত্তস্স, অদাসিং পানধিং অহং.
‘‘তেন ¶ কম্মেন দ্ৰিপদিন্দ, লোকজেট্ঠ নরাসভ;
দিব্বযানং [সব্বং যানং (সী.)] অনুভোমি, পুব্বকম্মস্সিদং ফলং.
‘‘চতুন্নৰুতে ¶ ইতো কপ্পে, যং কম্মমকরিং তদা;
দুগ্গতিং নাভিজানামি, পানধিস্স ইদং ফলং.
‘‘সত্তসত্ততিতো ¶ ¶ কপ্পে, অট্ঠ আসিংসু খত্তিযা;
সুযানা নাম নামেন, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পানধিদাযকো থেরো ইমা গাথাযো অভাসিত্থাতি.
পানধিদাযকত্থেরস্সাপদানং দুতিযং.
৩. সচ্চসঞ্ঞকত্থেরঅপদানং
‘‘ৰেস্সভূ তম্হি সমযে, ভিক্খুসঙ্ঘপুরক্খতো;
দেসেতি অরিযসচ্চানি, নিব্বাপেন্তো মহাজনং.
‘‘পরমকারুঞ্ঞপত্তোম্হি, সমিতিং অগমাসহং;
সোহং নিসিন্নকো সন্তো, ধম্মমস্সোসি সত্থুনো.
‘‘তস্সাহং ধম্মং সুত্ৰান, দেৰলোকং অগচ্ছহং;
তিংসকপ্পানি দেৰেসু, অৰসিং তত্থহং পুরে.
‘‘একত্তিংসে ¶ ইতো কপ্পে, যং সঞ্ঞমলভিং তদা;
দুগ্গতিং নাভিজানামি, সচ্চসঞ্ঞাযিদং ফলং.
‘‘ছব্বীসম্হি ইতো কপ্পে, একো আসিং জনাধিপো;
একফুসিতনামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সচ্চসঞ্ঞকো থেরো ইমা গাথাযো অভাসিত্থাতি.
সচ্চসঞ্ঞকত্থেরস্সাপদানং ততিযং.
৪. একসঞ্ঞকত্থেরঅপদানং
‘‘দুমগ্গে পংসুকূলিকং [পংসুকূলকং (?)], লগ্গং দিস্ৰান সত্থুনো;
অঞ্জলিং পগ্গহেত্ৰান, পংসুকূলং অৰন্দহং.
‘‘একত্তিংসে ইতো কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চৰীসে ¶ ¶ ¶ ইতো কপ্পে, একো আসিং জনাধিপো;
অমিতাভোতি নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা একসঞ্ঞকো থেরো ইমা গাথাযো অভাসিত্থাতি.
একসঞ্ঞকত্থেরস্সাপদানং চতুত্থং.
৫. রংসিসঞ্ঞকত্থেরঅপদানং
‘‘উদেন্তং সতরংসিংৰ, পীতরংসিংৰ [সিতরংসিং ৰ (সী. স্যা.)] ভাণুমং;
ব্যগ্ঘূসভংৰ পৰরং, সুজাতং পব্বতন্তরে.
‘‘বুদ্ধস্স আনুভাৰো সো, জলতে পব্বতন্তরে;
রংসে [রংস্যা (?)] চিত্তং পসাদেত্ৰা, কপ্পং সগ্গম্হি মোদহং.
‘‘অৰসেসেসু কপ্পেসু, কুসলং চরিতং মযা;
তেন চিত্তপ্পসাদেন, বুদ্ধানুস্সতিযাপি চ.
‘‘তিংসকপ্পসহস্সেতো, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘সত্তপঞ্ঞাসকপ্পম্হি, একো আসিং জনাধিপো;
সুজাতো নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা রংসিসঞ্ঞকো থেরো ইমা গাথাযো অভাসিত্থাতি.
রংসিসঞ্ঞকত্থেরস্সাপদানং পঞ্চমং.
৬. সন্ধিতত্থেরঅপদানং
‘‘অস্সত্থে ¶ হরিতোভাসে, সংৰিরূল়্হম্হি পাদপে;
একং বুদ্ধগতং সঞ্ঞং, অলভিংহং [অলভিস্সং (সী.)] পতিস্সতো.
‘‘একত্তিংসে ¶ ইতো কপ্পে, যং সঞ্ঞমলভিং তদা;
তস্সা সঞ্ঞায ৰাহসা, পত্তো মে আসৰক্খযো.
‘‘ইতো ¶ তেরসকপ্পম্হি, ধনিট্ঠো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সন্ধিতো [সণ্ঠিতো (সী.)] থেরো ইমা গাথাযো অভাসিত্থাতি.
সন্ধিতত্থেরস্সাপদানং ছট্ঠং.
৭. তালৰণ্টদাযকত্থেরঅপদানং
‘‘তালৰণ্টং মযা দিন্নং, তিস্সস্সাদিচ্চবন্ধুনো;
গিম্হনিব্বাপনত্থায, পরিল়াহোপসন্তিযা.
‘‘সন্নিব্বাপেমি রাগগ্গিং, দোসগ্গিঞ্চ তদুত্তরিং;
নিব্বাপেমি চ মোহগ্গিং, তালৰণ্টস্সিদং ফলং.
‘‘কিলেসা ¶ ঝাপিতা ময্হং, ভৰা সব্বে সমূহতা;
ধারেমি অন্তিমং দেহং, সম্মাসম্বুদ্ধসাসনে.
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, তালৰণ্টস্সিদং ফলং.
‘‘তেসট্ঠিম্হি ইতো কপ্পে, মহানামসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তালৰণ্টদাযকো থেরো ইমা গাথাযো অভাসিত্থাতি.
তালৰণ্টদাযকত্থেরস্সাপদানং সত্তমং.
৮. অক্কন্তসঞ্ঞকত্থেরঅপদানং
‘‘কুসাটকং ¶ গহেত্ৰান, উপজ্ঝাযস্সহং পুরে;
মন্তঞ্চ অনুসিক্খামি, গন্থাদোসস্স [কণ্ডভেদস্স (সী.), গণ্ডভেদস্স (স্যা.)] পত্তিযা.
‘‘অদ্দসং ৰিরজং বুদ্ধং, আহুতীনং পটিগ্গহং;
উসভং পৰরং অগ্গং, তিস্সং বুদ্ধং গণুত্তমং [গজুত্তমং (স্যা.)].
‘‘কুসাটকং ¶ পত্থরিতং, অক্কমন্তং নরুত্তমং;
সমুগ্গতং মহাৰীরং, লোকজেট্ঠং নরাসভং.
‘‘দিস্ৰা ¶ ¶ তং লোকপজ্জোতং, ৰিমলং চন্দসন্নিভং;
অৰন্দিং সত্থুনো পাদে, ৰিপ্পসন্নেন চেতসা.
‘‘চতুন্নৰুতিতো কপ্পে, যং অদাসিং কুসাটকং;
দুগ্গতিং নাভিজানামি, কুসাটকস্সিদং ফলং.
‘‘সত্ততিংসে ইতো কপ্পে, একো আসিং জনাধিপো;
সুনন্দো নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অক্কন্তসঞ্ঞকো থেরো ইমা গাথাযো অভাসিত্থাতি;
অক্কন্তসঞ্ঞকত্থেরস্সাপদানং অট্ঠমং.
৯. সপ্পিদাযকত্থেরঅপদানং
‘‘নিসিন্নো পাসাদৰরে, নারীগণপুরক্খতো;
ব্যাধিতং সমণং দিস্ৰা, অভিনামেসহং ঘরং.
‘‘উপৰিট্ঠং মহাৰীরং, দেৰদেৰং নরাসভং;
সপ্পিতেলং মযা দিন্নং, সিদ্ধত্থস্স মহেসিনো.
‘‘পস্সদ্ধদরথং দিস্ৰা, ৰিপ্পসন্নমুখিন্দ্রিযং;
ৰন্দিত্ৰা সত্থুনো পাদে, অনুসংসাৰযিং পুরে.
‘‘দিস্ৰা ¶ ¶ মং সুপ্পসন্নত্তং [সুপ্পসন্নন্তং (স্যা. ক.) সুপ্পসন্নচিত্তন্তি অত্থো], ইদ্ধিযা পারমিঙ্গতো;
নভং অব্ভুগ্গমী ধীরো, হংসরাজাৰ অম্বরে.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, সপ্পিতেলস্সিদং ফলং.
‘‘ইতো সত্তরসে কপ্পে, জুতিদেৰ [দুতিদেৰ (স্যা.), তুতিদেৰ (ক.)] সনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সপ্পিদাযকো থেরো ইমা গাথাযো অভাসিত্থাতি.
সপ্পিদাযকত্থেরস্সাপদানং নৰমং.
১০. পাপনিৰারিযত্থেরঅপদানং
‘‘পিযদস্সিস্স ¶ ভগৰতো, চঙ্কমং সোধিতং মযা;
নল়কেহি পটিচ্ছন্নং, ৰাতাতপনিৰারণং.
‘‘পাপং ৰিৰজ্জনত্থায, কুসলস্সুপসম্পদা;
কিলেসানং পহানায, পদহিং সত্থু সাসনে.
‘‘ইতো ¶ একাদসে কপ্পে, অগ্গিদেৰোতি ৰিস্সুতো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাপনিৰারিযো [ৰাতাতপনিৰারিযো (?)] থেরো ইমা গাথাযো অভাসিত্থাতি.
পাপনিৰারিযত্থেরস্সাপদানং দসমং.
হত্থিৰগ্গো বাৰীসতিমো.
তস্সুদ্দানং –
হত্থি পানধি সচ্চঞ্চ, একসঞ্ঞি চ রংসিকো;
সন্ধিতো তালৰণ্টঞ্চ, তথা অক্কন্তসঞ্ঞকো;
সপ্পি পাপনিৰারী চ, চতুপ্পঞ্ঞাস গাথকাতি.
২৩. আলম্বণদাযকৰগ্গো
১. আলম্বণদাযকত্থেরঅপদানং
‘‘অত্থদস্সিস্স ¶ ¶ ¶ ভগৰতো, লোকজেট্ঠস্স তাদিনো;
আলম্বণং মযা দিন্নং, দ্ৰিপদিন্দস্স তাদিনো.
‘‘ধরণিং পটিপজ্জামি, ৰিপুলং সাগরপ্পরং;
পাণেসু চ ইস্সরিযং, ৰত্তেমি ৰসুধায চ.
‘‘কিলেসা ঝাপিতা ময্হং, ভৰা সব্বে সমূহতা;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘ইতো দ্ৰেসট্ঠিকপ্পম্হি, তযো আসিংসু খত্তিযা;
একাপস্সিতনামা তে, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা আলম্বণদাযকো থেরো ইমা গাথাযো অভাসিত্থাতি.
আলম্বণদাযকত্থেরস্সাপদানং পঠমং.
২. অজিনদাযকত্থেরঅপদানং
‘‘একত্তিংসে ইতো কপ্পে, গণসত্থারকো অহং;
অদ্দসং ৰিরজং বুদ্ধং, আহুতীনং পটিগ্গহং.
‘‘চম্মখণ্ডং ¶ মযা দিন্নং, সিখিনো লোকবন্ধুনো;
তেন কম্মেন দ্ৰিপদিন্দ, লোকজেট্ঠ নরাসভ.
‘‘সম্পত্তিং ¶ অনুভোত্ৰান, কিলেসে ঝাপযিং অহং;
ধারেমি অন্তিমং দেহং, সম্মাসম্বুদ্ধসাসনে.
‘‘একত্তিংসে ¶ ইতো কপ্পে, অজিনং যং অদাসহং;
দুগ্গতিং নাভিজানামি, অজিনস্স ইদং ফলং.
‘‘ইতো পঞ্চমকে কপ্পে, রাজা আসিং সুদাযকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অজিনদাযকো থেরো ইমা গাথাযো অভাসিত্থাতি.
অজিনদাযকত্থেরস্সাপদানং দুতিযং.
৩. দ্ৰেরতনিযত্থেরঅপদানং
‘‘মিগলুদ্দো পুরে আসিং, অরঞ্ঞে কাননে অহং;
অদ্দসং ৰিরজং বুদ্ধং, আহুতীনং পটিগ্গহং.
‘‘মংসপেসি মযা দিন্না, ৰিপস্সিস্স মহেসিনো;
সদেৰকস্মিং লোকস্মিং, ইস্সরং কারযামহং.
‘‘ইমিনা ¶ মংসদানেন, রতনং নিব্বত্ততে মম;
দুৰেমে রতনা লোকে, দিট্ঠধম্মস্স পত্তিযা.
‘‘তেহং সব্বে অনুভোমি, মংসদানস্স সত্তিযা;
গত্তঞ্চ মুদুকং ময্হং, পঞ্ঞা নিপুণৰেদনী.
‘‘একনৰুতিতো কপ্পে, যং মংসমদদিং তদা;
দুগ্গতিং নাভিজানামি, মংসদানস্সিদং ফলং.
‘‘ইতো চতুত্থকে কপ্পে, একো আসিং জনাধিপো;
মহারোহিতনামো সো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা দ্ৰেরতনিযো [দ্ৰিরতনিযো (সী.)] থেরো ইমা গাথাযো অভাসিত্থাতি.
দ্ৰেরতনিযত্থেরস্সাপদানং ততিযং.
দসমং ভাণৰারং.
৪. আরক্খদাযকত্থেরঅপদানং
‘‘সিদ্ধত্থস্স ¶ ভগৰতো, ৰেদি কারাপিতা [ৰেদিকা কারিতা (স্যা.)] মযা;
আরক্খো চ মযা দিন্নো, সুগতস্স মহেসিনো.
‘‘তেন ¶ কম্মৰিসেসেন, ন পস্সিং ভযভেরৰং;
কুহিঞ্চি উপপন্নস্স, তাসো ময্হং ন ৰিজ্জতি.
‘‘চতুন্নৰুতিতো ¶ ¶ কপ্পে, যং ৰেদিং কারযিং পুরে;
দুগ্গতিং নাভিজানামি, ৰেদিকায ইদং ফলং.
‘‘ইতো ছট্ঠম্হি কপ্পম্হি, অপস্সেনসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা আরক্খদাযকো থেরো ইমা গাথাযো অভাসিত্থাতি.
আরক্খদাযকত্থেরস্সাপদানং চতুত্থং.
৫. অব্যাধিকত্থেরঅপদানং
‘‘ৰিপস্সিস্স ভগৰতো, অগ্গিসালং অদাসহং;
ব্যাধিকানঞ্চ আৰাসং, উণ্হোদকপটিগ্গহং.
‘‘তেন কম্মেনযং ময্হং, অত্তভাৰো সুনিম্মিতো;
ব্যাধাহং নাভিজানামি, পুঞ্ঞকম্মস্সিদং ফলং.
‘‘একনৰুতিতো কপ্পে, যং সালমদদিং তদা;
দুগ্গতিং নাভিজানামি, অগ্গিসালাযিদং ফলং.
‘‘ইতো চ সত্তমে কপ্পে, একোসিং অপরাজিতো [একো আসিং নরাধিপো (স্যা.)];
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অব্যাধিকো থেরো ইমা গাথাযো অভাসিত্থাতি.
অব্যাধিকত্থেরস্সাপদানং পঞ্চমং.
৬. অঙ্কোলপুপ্ফিযত্থেরঅপদানং
‘‘নারদো ¶ ¶ [ৰরদো (ক.)] ইতি মে নামং, কস্সপো ইতি মং ৰিদূ;
অদ্দসং সমণানগ্গং, ৰিপস্সিং দেৰসক্কতং.
‘‘অনুব্যঞ্জনধরং বুদ্ধং, আহুতীনং পটিগ্গহং;
অঙ্কোলপুপ্ফং [ৰকুলপুপ্ফং (স্যা.), বকোলপুপ্ফং (ক.)] পগ্গয্হ, বুদ্ধস্স অভিরোপযিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘চতুসত্ততিতো কপ্পে, রোমসো নাম খত্তিযো;
আমুক্কমালাভরণো, সযোগ্গবলৰাহনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অঙ্কোলপুপ্ফিযো [ৰকুলপুপ্ফিযো (স্যা.), বকোলপুপ্ফিযো (ক.)] থেরো ইমা গাথাযো অভাসিত্থাতি.
অঙ্কোলপুপ্ফিযত্থেরস্সাপদানং ছট্ঠং.
৭. সোৰণ্ণৰটংসকিযত্থেরঅপদানং
‘‘উয্যানভূমিং ¶ নিয্যন্তো, অদ্দসং লোকনাযকং;
ৰটংসকং গহেত্ৰান, সোৰণ্ণং সাধুনিম্মিতং.
‘‘সীঘং ততো সমারুয্হ, হত্থিক্খন্ধগতো অহং;
বুদ্ধস্স অভিরোপেসিং, সিখিনো লোকবন্ধুনো.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফপূজাযিদং ফলং.
‘‘সত্তৰীসে ইতো কপ্পে, একো আসিং জনাধিপো;
মহাপতাপনামেন, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সোৰণ্ণৰটংসকিযো থেরো ইমা গাথাযো অভাসিত্থাতি.
সোৰণ্ণৰটংসকিযত্থেরস্সাপদানং সত্তমং.
৮. মিঞ্জৰটংসকিযত্থেরঅপদানং
‘‘নিব্বুতে ¶ লোকনাথম্হি, সিখিম্হি ৰদতং ৰরে;
ৰটংসকেহি আকিণ্ণং, বোধিপূজং অকাসহং.
‘‘একত্তিংসে ¶ ইতো কপ্পে, যং পূজমকরিং তদা;
দুগ্গতিং নাভিজানামি, বোধিপূজাযিদং ফলং.
‘‘ইতো ছব্বীসতিকপ্পে, অহুং মেঘব্ভনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মিঞ্জৰটংসকিযো থেরো ইমা গাথাযো অভাসিত্থাতি.
মিঞ্জৰটংসকিযত্থেরস্সাপদানং অট্ঠমং.
৯. সুকতাৰেল়িযত্থেরঅপদানং
‘‘অসিতো ¶ নাম নামেন, মালাকারো অহং [অহুং (?)] তদা;
আৰেল়ং পগ্গহেত্ৰান, রঞ্ঞো দাতুং ৰজামহং.
‘‘অসম্পত্তোম্হি [অসম্পত্তম্হি (সী.), অসম্পত্তোৰ (?)] রাজানং, অদ্দসং সিখিনাযকং;
হট্ঠো হট্ঠেন চিত্তেন, বুদ্ধস্স অভিরোপযিং.
‘‘একত্তিংসে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চৰীসে ¶ ইতো কপ্পে, রাজাহোসিং মহব্বলো;
ৰেভারো নাম নামেন, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুকতাৰেল়িযো থেরো ইমা গাথাযো অভাসিত্থাতি.
সুকতাৰেল়িযত্থেরস্সাপদানং নৰমং.
১০. একৰন্দনিযত্থেরঅপদানং
‘‘উসভং ¶ পৰরং ৰীরং, ৰেস্সভুং ৰিজিতাৰিনং;
পসন্নচিত্তো সুমনো, বুদ্ধসেট্ঠমৰন্দহং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, ৰন্দনায ইদং ফলং.
‘‘চতুৰীসতিকপ্পম্হি, ৰিকতানন্দনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একৰন্দনিযো থেরো ইমা গাথাযো অভাসিত্থাতি.
একৰন্দনিযত্থেরস্সাপদানং দসমং.
আলম্বণদাযকৰগ্গো তেৰীসতিমো.
তস্সুদ্দানং –
আলম্বণঞ্চ ¶ অজিনং, মংসদারক্খদাযকো;
অব্যাধি অঙ্কোলং [ৰকুলং (স্যা.), বকুল়ং (ক.)] সোণ্ণং, মিঞ্জআৰেল়ৰন্দনং;
পঞ্চপঞ্ঞাস গাথাযো, গণিতা অত্থদস্সিভি.
২৪. উদকাসনৰগ্গো
১. উদকাসনদাযকত্থেরঅপদানং
‘‘আরামদ্ৰারা ¶ ¶ ¶ নিক্খম্ম, ফলকং সন্থরিং অহং;
উদকঞ্চ উপট্ঠাসিং, উত্তমত্থস্স পত্তিযা.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, আসনে চোদকে ফলং.
‘‘ইতো পন্নরসে কপ্পে, অভিসামসমৰ্হযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা উদকাসনদাযকো থেরো ইমা গাথাযো অভাসিত্থাতি.
উদকাসনদাযকত্থেরস্সাপদানং পঠমং.
২. ভাজনপালকত্থেরঅপদানং
‘‘নগরে ¶ বন্ধুমতিযা, কুম্ভকারো অহং তদা;
ভাজনং অনুপালেসিং, ভিক্খুসঙ্ঘস্স তাৰদে.
‘‘একনৰুতিতো কপ্পে, ভাজনং অনুপালযিং;
দুগ্গতিং নাভিজানামি, ভাজনস্স ইদং ফলং.
‘‘তেপঞ্ঞাসে ইতো কপ্পে, অনন্তজালিনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ভাজনপালকো [ভাজনদাযকো (সী. স্যা.)] থেরো ইমা গাথাযো অভাসিত্থাতি.
ভাজনপালকত্থেরস্সাপদানং দুতিযং.
৩. সালপুপ্ফিযত্থেরঅপদানং
‘‘অরুণৰতিযা ¶ ¶ নগরে, অহোসিং পূপিকো তদা;
মম দ্ৰারেন গচ্ছন্তং, সিখিনং অদ্দসং জিনং.
‘‘বুদ্ধস্স পত্তং পগ্গয্হ, সালপুপ্ফং অদাসহং;
সম্মগ্গতস্স বুদ্ধস্স, ৰিপ্পসন্নেন চেতসা.
‘‘একত্তিংসে ¶ ¶ ইতো কপ্পে, যং পুপ্ফমভিদাসহং [যং খজ্জকমদাসহং (সী.), যং খজ্জমভিদাসহং (ক.) সালপুপ্ফনামকং খজ্জকং ৰা ভৰেয্য];
দুগ্গতিং নাভিজানামি, সালপুপ্ফস্সিদং ফলং.
‘‘ইতো চুদ্দসকপ্পম্হি, অহোসিং অমিতঞ্জলো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সালপুপ্ফিযো থেরো ইমা গাথাযো অভাসিত্থাতি.
সালপুপ্ফিযত্থেরস্সাপদানং ততিযং.
৪. কিলঞ্জদাযকত্থেরঅপদানং
‘‘তিৰরাযং পুরে রম্মে, নল়কারো অহং তদা;
সিদ্ধত্থে লোকপজ্জোতে, পসন্না জনতা তহিং.
‘‘পূজত্থং লোকনাথস্স, কিলঞ্জং পরিযেসতি;
বুদ্ধপূজং করোন্তানং, কিলঞ্জং অদদিং অহং.
‘‘চতুন্নৰুতিতো কপ্পে, যং কম্মমকরিং তদা;
দুগ্গতিং নাভিজানামি, কিলঞ্জস্স ইদং ফলং.
‘‘সত্তসত্ততিকপ্পম্হি, রাজা আসিং জলদ্ধরো [জুতিন্ধরো (সী.)];
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কিলঞ্জদাযকো থেরো ইমা গাথাযো অভাসিত্থাতি.
কিলঞ্জদাযকত্থেরস্সাপদানং চতুত্থং.
৫. ৰেদিকারকত্থেরঅপদানং
‘‘ৰিপস্সিনো ¶ ¶ ভগৰতো, বোধিযা পাদপুত্তমে;
পসন্নচিত্তো সুমনো, কারেসিং ৰেদিকং অহং.
‘‘একনৰুতিতো কপ্পে, কারেসিং ৰেদিকং অহং;
দুগ্গতিং নাভিজানামি, ৰেদিকায ইদং ফলং.
‘‘ইতো ¶ একাদসে কপ্পে, অহোসিং সূরিযস্সমো;
সত্তরত্তনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰেদিকারকো থেরো ইমা গাথাযো অভাসিত্থাতি.
ৰেদিকারকত্থেরস্সাপদানং পঞ্চমং.
৬. ৰণ্ণকারত্থেরঅপদানং
‘‘নগরে ¶ অরুণৰতিযা, ৰণ্ণকারো অহং তদা;
চেতিযে দুস্সভণ্ডানি, নানাৰণ্ণং রজেসহং [রজিং অহং (ক.), রজেমহং (স্যা.)].
‘‘একত্তিংসে ইতো কপ্পে, যং ৰণ্ণং রজযিং তদা;
দুগ্গতিং নাভিজানামি, ৰণ্ণদানস্সিদং ফলং.
‘‘ইতো তেৰীসতিকপ্পে, ৰণ্ণসম [চন্দুপম (সী.), চন্দসম (স্যা.)] সনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰণ্ণকারো থেরো ইমা গাথাযো অভাসিত্থাতি.
ৰণ্ণকারত্থেরস্সাপদানং ছট্ঠং.
৭. পিযালপুপ্ফিযত্থেরঅপদানং
‘‘মিগলুদ্দো ¶ পুরে আসিং, অরঞ্ঞে কাননে অহং;
পিযালং পুপ্ফিতং দিস্ৰা, গতমগ্গে খিপিং অহং.
‘‘একনৰুতিতো ¶ ¶ কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পিযালপুপ্ফিযো থেরো ইমা গাথাযো অভাসিত্থাতি.
পিযালপুপ্ফিযত্থেরস্সাপদানং সত্তমং.
৮. অম্বযাগদাযকত্থেরঅপদানং
‘‘সকে ¶ সিপ্পে অপত্থদ্ধো, অগমং কাননং অহং;
সম্বুদ্ধং যন্তং দিস্ৰান, অম্বযাগং অদাসহং.
‘‘একনৰুতিতো কপ্পে, যং দানমদদিং তদা;
দুগ্গতিং নাভিজানামি, অম্বযাগস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অম্বযাগদাযকো থেরো ইমা গাথাযো অভাসিত্থাতি.
অম্বযাগদাযকত্থেরস্সাপদানং অট্ঠমং.
৯. জগতিকারকত্থেরঅপদানং
‘‘নিব্বুতে ¶ লোকনাথম্হি, অত্থদস্সি নরুত্তমে;
জগতী কারিতা ময্হং, বুদ্ধস্স থূপমুত্তমে.
‘‘অট্ঠারসে কপ্পসতে, যং কম্মমকরিং তদা;
দুগ্গতিং নাভিজানামি, জগতিযা ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা জগতিকারকো থেরো ইমা গাথাযো অভাসিত্থাতি.
জগতিকারকত্থেরস্সাপদানং নৰমং.
১০. ৰাসিদাযকত্থেরঅপদানং
‘‘কম্মারোহং ¶ পুরে আসিং, তিৰরাযং পুরুত্তমে;
একা ৰাসি মযা দিন্না, সযম্ভুং অপরাজিতং [সযম্ভুম্হিপরাজিতে (?)].
‘‘চতুন্নৰুতিতো কপ্পে, যং ৰাসিমদদিং তদা;
দুগ্গতিং নাভিজানামি, ৰাসিদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা ৰাসিদাযকো থেরো ইমা গাথাযো অভাসিত্থাতি.
ৰাসিদাযকত্থেরস্সাপদানং দসমং.
উদকাসনৰগ্গো চতুৰীসতিমো.
তস্সুদ্দানং ¶ –
উদকাসনভাজনং, সালপুপ্ফী কিলঞ্জকো;
ৰেদিকা ৰণ্ণকারো চ, পিযালঅম্বযাগদো;
জগতী ৰাসিদাতা চ, গাথা তিংস চ অট্ঠ চ.
২৫. তুৰরদাযকৰগ্গো
১. তুৰরদাযকত্থেরঅপদানং
‘‘মিগলুদ্দো ¶ ¶ ¶ পুরে আসিং, অরঞ্ঞে কাননে অহং;
ভরিত্ৰা তুৰরমাদায [ভরিত্ৰা তুরৰমাদায (ক.), ভজ্জিতং তুৰরমাদায (?) এত্থ তুৰরন্তি মুগ্গকলাযসদিসং তুৰরট্ঠিন্তি তদট্ঠকথা; তুৰরো ধঞ্ঞভেদেতি সক্কতাভিধানে], সঙ্ঘস্স অদদিং অহং.
‘‘একনৰুতিতো কপ্পে, যং দানমদদিং তদা;
দুগ্গতিং নাভিজানামি, তুৰরস্স ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা তুৰরদাযকো থেরো ইমা গাথাযো অভাসিত্থাতি.
তুৰরদাযকত্থেরস্সাপদানং পঠমং.
২. নাগকেসরিযত্থেরঅপদানং
‘‘ধনুং অদ্ৰেজ্ঝং কত্ৰান, ৰনমজ্ঝোগহিং অহং;
কেসরং ওগতং [ওসরং (স্যা.), ওসটং (সী.)] দিস্ৰা, পতপত্তং সমুট্ঠিতং.
‘‘উভো হত্থেহি পগ্গয্হ, সিরে কত্ৰান অঞ্জলিং;
বুদ্ধস্স অভিরোপেসিং, তিস্সস্স লোকবন্ধুনো.
‘‘দ্ৰেনৰুতে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘তেসত্ততিম্হি ¶ কপ্পম্হি [সত্তসত্ততিমে কপ্পে (স্যা.)], সত্ত কেসরনামকা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নাগকেসরিযো থেরো ইমা গাথাযো অভাসিত্থাতি.
নাগকেসরিযত্থেরস্সাপদানং দুতিযং.
৩. নল়িনকেসরিযত্থেরঅপদানং
‘‘জাতস্সরস্স ¶ ¶ ¶ ৰেমজ্ঝে, ৰসামি জলকুক্কুটো;
অদ্দসাহং [অথদ্দসং (সী. স্যা.)] দেৰদেৰং, গচ্ছন্তং অনিলঞ্জসে.
‘‘তুণ্ডেন কেসরিং [কেসরং (স্যা.)] গয্হ, ৰিপ্পসন্নেন চেতসা;
বুদ্ধস্স অভিরোপেসিং, তিস্সস্স লোকবন্ধুনো.
‘‘দ্ৰেনৰুতে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘তেসত্ততিম্হি কপ্পম্হি, সত্ত কেসরনামকা [সতপত্তসনামকো (সী. স্যা.)];
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা নল়িনকেসরিযো থেরো ইমা গাথাযো অভাসিত্থাতি.
নল়িনকেসরিযত্থেরস্সাপদানং ততিযং.
৪. ৰিরৰপুপ্ফিযত্থেরঅপদানং
‘‘খীণাসৰসহস্সেহি, নিয্যাতি লোকনাযকো;
ৰিরৰপুপ্ফমাদায [ৰিরৰিপুপ্ফং পগ্গয্হ (সী.)], বুদ্ধস্স অভিরোপযিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰিরৰপুপ্ফিযো থেরো ইমা গাথাযো অভাসিত্থাতি.
ৰিরৰপুপ্ফিযত্থেরস্সাপদানং চতুত্থং.
৫. কুটিধূপকত্থেরঅপদানং
‘‘সিদ্ধত্থস্স ¶ ভগৰতো, অহোসিং কুটিগোপকো;
কালেন কালং ধূপেসিং, পসন্নো সেহি পাণিভি.
‘‘চতুন্নৰুতিতো ¶ কপ্পে, যং কম্মমকরিং তদা;
দুগ্গতিং নাভিজানামি, ধূপদানস্সিদং [বুদ্ধপূজাযিদং (সী.)] ফলং.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কুটিধূপকো থেরো ইমা গাথাযো অভাসিত্থাতি.
কুটিধূপকত্থেরস্সাপদানং পঞ্চমং.
৬. পত্তদাযকত্থেরঅপদানং
‘‘পরমেন দমথেন, সিদ্ধত্থস্স মহেসিনো;
পত্তদানং মযা দিন্নং, উজুভূতস্স তাদিনো.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, পত্তদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পত্তদাযকো থেরো ইমা গাথাযো অভাসিত্থাতি.
পত্তদাযকত্থেরস্সাপদানং ছট্ঠং.
৭. ধাতুপূজকত্থেরঅপদানং
‘‘নিব্বুতে লোকনাথম্হি, সিদ্ধত্থম্হি নরুত্তমে;
একা ধাতু মযা লদ্ধা, দ্ৰিপদিন্দস্স তাদিনো.
‘‘তাহং ¶ ধাতুং গহেত্ৰান, বুদ্ধস্সাদিচ্চবন্ধুনো;
পঞ্চৰস্সে পরিচরিং, তিট্ঠন্তংৰ নরুত্তমং.
‘‘চতুন্নৰুতিতো ¶ কপ্পে, যং ধাতুং পূজযিং তদা;
দুগ্গতিং নাভিজানামি, ধাতুপট্ঠহনে ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধাতুপূজকো থেরো ইমা গাথাযো অভাসিত্থাতি.
ধাতুপূজকত্থেরস্সাপদানং সত্তমং.
৮. সত্তলিপুপ্ফপূজকত্থেরঅপদানং
‘‘সত্ত ¶ সত্তলিপুপ্ফানি, সীসে কত্ৰানহং তদা;
বুদ্ধস্স অভিরোপেসিং, ৰেস্সভুম্হি নরুত্তমে [ৰিভত্তিৰিপল্লাসো চিন্তেতব্বো].
‘‘একত্তিংসে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সত্তলিপুপ্ফপূজকো থেরো ইমা গাথাযো অভাসিত্থাতি.
সত্তলিপুপ্ফপূজকত্থেরস্সাপদানং অট্ঠমং.
৯. বিম্বিজালিযত্থেরঅপদানং
‘‘পদুমুত্তরো ¶ নাম জিনো, সযম্ভূ অগ্গপুগ্গলো;
চতুসচ্চং পকাসেতি, দীপেতি অমতং পদং.
‘‘বিম্বিজালকপুপ্ফানি [বিম্বজালকপুপ্ফানি (ক.)], পুথু কত্ৰানহং তদা;
বুদ্ধস্স অভিরোপেসিং, দ্ৰিপদিন্দস্স তাদিনো.
‘‘অট্ঠসট্ঠিম্হিতো কপ্পে, চতুরো কিঞ্জকেসরা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা বিম্বিজালিযো থেরো ইমা গাথাযো অভাসিত্থাতি.
বিম্বিজালিযত্থেরস্সাপদানং নৰমং.
১০. উদ্দালকদাযকত্থেরঅপদানং
‘‘ককুধো নাম নামেন, সযম্ভূ অপরাজিতো;
পৰনা নিক্খমিত্ৰান, অনুপ্পত্তো মহানদিং.
‘‘উদ্দালকং ¶ গহেত্ৰান, সযম্ভুস্স অদাসহং;
সংযতস্সুজুভূতস্স, পসন্নমানসো অহং.
‘‘একত্তিংসে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, পুপ্ফদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদ্দালকদাযকো থেরো ইমা গাথাযো অভাসিত্থাতি.
উদ্দালকদাযকত্থেরস্সাপদানং দসমং.
তুৰরদাযকৰগ্গো পঞ্চৰীসতিমো.
তস্সুদ্দানং ¶ –
তুৰরনাগনল়িনা, ৰিরৰী কুটিধূপকো;
পত্তো ধাতুসত্তলিযো, বিম্বি উদ্দালকেন চ;
সত্ততিংসতি গাথাযো, গণিতাযো ৰিভাৰিভি.
২৬. থোমকৰগ্গো
১. থোমকত্থেরঅপদানং
‘‘দেৰলোকে ¶ ¶ ¶ ঠিতো সন্তো, ৰিপস্সিস্স মহেসিনো;
ধম্মং সুণিত্ৰা মুদিতো, ইমং ৰাচং অভাসহং.
‘‘‘নমো তে পুরিসাজঞ্ঞ, নমো তে পুরিসুত্তম;
বহুজ্জনং [বহুং জনং (সী.)] তারযসি, দেসেন্তো অমতং পদং’.
‘‘একনৰুতিতো কপ্পে, যং ৰাচমভণিং তদা;
দুগ্গতিং নাভিজানামি, থোমনায ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা থোমকো থেরো ইমা গাথাযো অভাসিত্থাতি.
থোমকত্থেরস্সাপদানং পঠমং.
২. একাসনদাযকত্থেরঅপদানং
‘‘ৰিজহিত্ৰা দেৰৰণ্ণং, সভরিযো ইধাগমিং;
অধিকারং কত্তুকামো, বুদ্ধসেট্ঠস্স সাসনে.
‘‘দেৰলো নাম নামেন, পদুমুত্তরসাৰকো;
তস্স ভিক্খা মযা দিন্না, ৰিপ্পসন্নেন চেতসা.
‘‘সতসহস্সিতো ¶ কপ্পে, যং কম্মমকরিং তদা;
দুগ্গতিং নাভিজানামি, পিণ্ডপাতস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একাসনদাযকো থেরো ইমা গাথাযো অভাসিত্থাতি.
একাসনদাযকত্থেরস্সাপদানং দুতিযং.
৩. চিতকপূজকত্থেরঅপদানং
‘‘আনন্দো ¶ ¶ ¶ নাম সম্বুদ্ধো, সযম্ভূ অপরাজিতো;
অরঞ্ঞে পরিনিব্বাযি, অমনুস্সম্হি কাননে.
‘‘দেৰলোকা ইধাগন্ত্ৰা, চিতং কত্ৰানহং তদা;
সরীরং তত্থ ঝাপেসিং, সক্কারঞ্চ অকাসহং.
‘‘একনৰুতিতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা চিতকপূজকো থেরো ইমা গাথাযো অভাসিত্থাতি.
চিতকপূজকত্থেরস্সাপদানং ততিযং.
৪. তিচম্পকপুপ্ফিযত্থেরঅপদানং
‘‘হিমৰন্তস্সাৰিদূরে ¶ , ৰিকতো [ৰিকনো (সী. স্যা.)] নাম পব্বতো;
তস্স ৰেমজ্ঝে ৰসতি, সমণো ভাৰিতিন্দ্রিযো.
‘‘দিস্ৰান তস্সোপসমং, ৰিপ্পসন্নেন চেতসা;
তীণি চম্পকপুপ্ফানি, গহেত্ৰান সমোকিরিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিচম্পকপুপ্ফিযো থেরো ইমা গাথাযো অভাসিত্থাতি.
তিচম্পকপুপ্ফিযত্থেরস্সাপদানং চতুত্থং.
৫. সত্তপাটলিযত্থেরঅপদানং
‘‘কণিকারংৰ জোতন্তং, নিসিন্নং পব্বতন্তরে;
সত্ত পাটলিপুপ্ফানি, বুদ্ধস্স অভিরোপযিং.
‘‘চতুন্নৰুতিতো ¶ ¶ কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সত্তপাটলিযো থেরো ইমা গাথাযো অভাসিত্থাতি.
সত্তপাটলিযত্থেরস্সাপদানং পঞ্চমং.
৬. উপাহনদাযকত্থেরঅপদানং
‘‘অহোসিং ¶ চন্দনো নাম, সম্বুদ্ধস্সত্রজো তদা;
একোপাহনো মযা দিন্নো, বোধিং সম্পজ্জ মে তুৰং.
‘‘একনৰুতিতো কপ্পে, যং পানধিং [যমুপাহনং (সী.), যং পাদুং (স্যা.)] দদিং তদা;
দুগ্গতিং নাভিজানামি, উপাহনস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উপাহনদাযকো থেরো ইমা গাথাযো অভাসিত্থাতি.
উপাহনদাযকত্থেরস্সাপদানং ছট্ঠং.
৭. মঞ্জরিপূজকত্থেরঅপদানং
‘‘মঞ্জরিকং করিত্ৰান, রথিযং পটিপজ্জহং;
অদ্দসং সমণানগ্গং, ভিক্খুসঙ্ঘপুরক্খতং.
‘‘পসন্নচিত্তো ¶ সুমনো, পরমায চ পীতিযা;
উভো হত্থেহি পগ্গয্হ, বুদ্ধস্স অভিরোপযিং.
‘‘দ্ৰেনৰুতে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, পুপ্ফপূজাযিদং ফলং.
‘‘ইতো ¶ তেসত্ততিকপ্পে, একো আসিং মহীপতি;
জোতিযো নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মঞ্জরিপূজকো থেরো ইমা গাথাযো অভাসিত্থাতি.
মঞ্জরিপূজকত্থেরস্সাপদানং সত্তমং.
৮. পণ্ণদাযকত্থেরঅপদানং
‘‘পব্বতে ¶ হিমৰন্তম্হি, ৰাকচীরধরো অহং;
অলোণপণ্ণভক্খোম্হি, নিযমেসু চ সংৰুতো.
‘‘পাতরাসে অনুপ্পত্তে, সিদ্ধত্থো উপগচ্ছি মং;
তাহং বুদ্ধস্স পাদাসিং, পসন্নো সেহি পাণিভি.
‘‘চতুন্নৰুতিতো ¶ কপ্পে, যং পণ্ণমদদিং তদা;
দুগ্গতিং নাভিজানামি, পণ্ণদানস্সিদং ফলং.
‘‘সত্তৰীসতিকপ্পম্হি ¶ , রাজা আসিং সদত্থিযো [যদত্থিযো (সী. স্যা.)];
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পণ্ণদাযকো থেরো ইমা গাথাযো অভাসিত্থাতি.
পণ্ণদাযকত্থেরস্সাপদানং অট্ঠমং.
৯. কুটিদাযকত্থেরঅপদানং
‘‘ৰিপিনচারী সম্বুদ্ধো, রুক্খমূলে ৰসী তদা;
পণ্ণসালং করিত্ৰান, অদাসিং অপরাজিতে.
‘‘একনৰুতিতো কপ্পে, যং পণ্ণকুটিকং অদং;
দুগ্গতিং নাভিজানামি, কুটিদানস্সিদং ফলং.
‘‘অট্ঠৰীসে ¶ [অট্ঠতিংসে (স্যা.)] ইতো কপ্পে, সোল়সাসিংসু রাজানো;
সব্বত্থ অভিৰস্সীতি, ৰুচ্চরে চক্কৰত্তিনো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কুটিদাযকো থেরো ইমা গাথাযো অভাসিত্থাতি.
কুটিদাযকত্থেরস্সাপদানং নৰমং.
১০. অগ্গপুপ্ফিযত্থেরঅপদানং
‘‘সুৰণ্ণৰণ্ণং ¶ ¶ সম্বুদ্ধং, নিসিন্নং পব্বতন্তরে;
ওভাসযন্তং রংসেন [রংসিযা (স্যা.)], সিখিনং সিখিনং যথা.
‘‘অগ্গজং পুপ্ফমাদায, উপাগচ্ছিং নরুত্তমং;
পসন্নচিত্তো সুমনো, বুদ্ধস্স অভিরোপযিং.
‘‘একত্তিংসে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চৰীসতিকপ্পম্হি, অহোসি অমিতোগতো [অমিতৰ্হযো (সী.)];
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অগ্গপুপ্ফিযো থেরো ইমা গাথাযো অভাসিত্থাতি.
অগ্গপুপ্ফিযত্থেরস্সাপদানং দসমং.
থোমকৰগ্গো ছব্বীসতিমো.
তস্সুদ্দানং –
থোমকেকাসনচিতকং, চম্পকো সত্তপাটলি;
পানধি ¶ [পাহনো (সী.), পাদু (স্যা.)] মঞ্জরী পণ্ণং, কুটিদো অগ্গপুপ্ফিযো;
গাথাযো গণিতা চেত্থ, একতালীসমেৰ চাতি.
২৭. পদুমুক্খিপৰগ্গো
১. আকাসুক্খিপিযত্থেরঅপদানং
‘‘সুৰণ্ণৰণ্ণং ¶ ¶ সিদ্ধত্থং, গচ্ছন্তং অন্তরাপণে;
জলজগ্গে দুৰে গয্হ, উপাগচ্ছিং নরাসভং.
‘‘একঞ্চ পুপ্ফং পাদেসু, বুদ্ধসেট্ঠস্স নিক্খিপিং;
একঞ্চ পুপ্ফং পগ্গয্হ, আকাসে উক্খিপিং অহং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, পুপ্ফদানস্সিদং ফলং.
‘‘ইতো ছত্তিংসকপ্পম্হি, একো আসিং মহীপতি;
অন্তলিক্খকরো নাম, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা আকাসুক্খিপিযো থেরো ইমা গাথাযো অভাসিত্থাতি.
আকাসুক্খিপিযত্থেরস্সাপদানং পঠমং.
২. তেলমক্খিযত্থেরঅপদানং
‘‘সিদ্ধত্থম্হি ¶ ভগৰতি, নিব্বুতম্হি নরাসভে;
বোধিযা ৰেদিকাযাহং, তেলং মক্খেসি তাৰদে.
‘‘চতুন্নৰুতিতো ¶ কপ্পে, যং তেলং মক্খযিং তদা;
দুগ্গতিং নাভিজানামি, মক্খনায ইদং ফলং.
‘‘চতুৰীসে ইতো কপ্পে, সুচ্ছৰি নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তেলমক্খিযো থেরো ইমা গাথাযো অভাসিত্থাতি.
তেলমক্খিযত্থেরস্সাপদানং দুতিযং.
৩. অড্ঢচন্দিযত্থেরঅপদানং
‘‘তিস্সস্স ¶ খো ভগৰতো, বোধিযা পাদপুত্তমে;
অড্ঢচন্দং মযা দিন্নং, ধরণীরুহপাদপে.
‘‘দ্ৰেনৰুতে ইতো কপ্পে, যং চন্দ [যং পুপ্ফ (ক.)] মভিরোপযিং;
দুগ্গতিং নাভিজানামি, বোধিপূজাযিদং ফলং.
‘‘পঞ্চৰীসে ¶ ইতো কপ্পে, দেৰলো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অড্ঢচন্দিযো থেরো ইমা গাথাযো অভাসিত্থাতি.
অড্ঢচন্দিযত্থেরস্সাপদানং ততিযং.
৪. পদীপদাযকত্থেরঅপদানং
‘‘দেৰভূতো অহং সন্তো, ওরুয্হ পথৰিং তদা;
পদীপে পঞ্চ পাদাসিং, পসন্নো সেহি পাণিভি.
‘‘চতুন্নৰুতিতো কপ্পে, যং পদীপমদং তদা;
দুগ্গতিং নাভিজানামি, দীপদানস্সিদং ফলং.
‘‘পঞ্চপঞ্ঞাসকে কপ্পে, একো আসিং মহীপতি;
সমন্তচক্খুনামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদীপদাযকো [অপণ্ণদীপিযো (সী. ক.)] থেরো ইমা গাথাযো অভাসিত্থাতি.
পদীপদাযকত্থেরস্সাপদানং চতুত্থং.
৫. বিল়ালিদাযকত্থেরঅপদানং
‘‘হিমৰন্তস্সাৰিদূরে ¶ ¶ ¶ , রোমসো নাম পব্বতো;
তম্হি পব্বতপাদম্হি, সমণো ভাৰিতিন্দ্রিযো.
‘‘বিল়ালিযো ¶ গহেত্ৰান, সমণস্স অদাসহং;
অনুমোদি মহাৰীরো, সযম্ভূ অপরাজিতো.
‘‘বিল়ালী তে মম দিন্না, ৰিপ্পসন্নেন চেতসা;
ভৰে নিব্বত্তমানম্হি, ফলং নিব্বত্ততং তৰ.
‘‘চতুন্নৰুতিতো কপ্পে, যং বিল়ালিমদাসহং;
দুগ্গতিং নাভিজানামি, বিল়ালিযা ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বিল়ালিদাযকো থেরো ইমা গাথাযো অভাসিত্থাতি.
বিল়ালিদাযকত্থেরস্সাপদানং পঞ্চমং.
৬. মচ্ছদাযকত্থেরঅপদানং
‘‘চন্দভাগানদীতীরে, উক্কুসো আসহং তদা;
মহন্তং মচ্ছং পগ্গয্হ, সিদ্ধত্থমুনিনো অদং.
‘‘চতুন্নৰুতিতো ¶ কপ্পে, যং মচ্ছমদদিং তদা;
দুগ্গতিং নাভিজানামি, মচ্ছদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মচ্ছদাযকো থেরো ইমা গাথাযো অভাসিত্থাতি.
মচ্ছদাযকত্থেরস্সাপদানং ছট্ঠং.
৭. জৰহংসকত্থেরঅপদানং
‘‘চন্দভাগানদীতীরে, আসিং ৰনচরো তদা;
সিদ্ধত্থং অদ্দসং বুদ্ধং, গচ্ছন্তং অনিলঞ্জসে.
‘‘অঞ্জলিং ¶ পগ্গহেত্ৰান, উল্লোকেন্তো মহামুনিং;
সকং চিত্তং পসাদেত্ৰা, অৰন্দিং নাযকং অহং.
‘‘চতুন্নৰুতিতো ¶ ¶ কপ্পে, যমৰন্দিং নরাসভং;
দুগ্গতিং নাভিজানামি, ৰন্দনায ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা জৰহংসকো থেরো ইমা গাথাযো অভাসিত্থাতি.
জৰহংসকত্থেরস্সাপদানং সত্তমং.
৮. সল়লপুপ্ফিযত্থেরঅপদানং
‘‘চন্দভাগানদীতীরে ¶ , অহোসিং কিন্নরো তদা;
ৰিপস্সিং অদ্দসং বুদ্ধং, রংসিজালসমাকুলং.
‘‘পসন্নচিত্তো সুমনো, পরমায চ পীতিযা;
পগ্গয্হ সল়লং পুপ্ফং, ৰিপস্সিং ওকিরিং অহং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সল়লপুপ্ফিযো থেরো ইমা গাথাযো অভাসিত্থাতি.
সল়লপুপ্ফিযত্থেরস্সাপদানং অট্ঠমং.
৯. উপাগতাসযত্থেরঅপদানং
‘‘হিমৰন্তস্স ৰেমজ্ঝে, সরো আসি সুনিম্মিতো;
তত্থাহং রক্খসো আসিং, হেঠসীলো ভযানকো.
‘‘অনুকম্পকো কারুণিকো, ৰিপস্সী লোকনাযকো;
মমুদ্ধরিতুকামো সো, আগচ্ছি মম সন্তিকং.
‘‘উপাগতং ¶ মহাৰীরং, দেৰদেৰং নরাসভং;
আসযা অভিনিক্খম্ম, অৰন্দিং সত্থুনো অহং.
‘‘একনৰুতিতো ¶ ¶ কপ্পে, যং ৰন্দিং পুরিসুত্তমং;
দুগ্গতিং নাভিজানামি, ৰন্দনায ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উপাগতাসযো [উপাগতহাসনিযো (স্যা.), উপাগতাহাসনিযো (ক.)] থেরো ইমা গাথাযো অভাসিত্থাতি.
উপাগতাসযত্থেরস্সাপদানং নৰমং.
১০. তরণিযত্থেরঅপদানং
‘‘সুৰণ্ণৰণ্ণো ¶ সম্বুদ্ধো, ৰিপস্সী দক্খিণারহো;
নদীতীরে ঠিতো সত্থা, ভিক্খুসঙ্ঘপুরক্খতো.
‘‘নাৰা ন ৰিজ্জতে তত্থ, সন্তারণী মহণ্ণৰে;
নদিযা অভিনিক্খম্ম, তারেসিং লোকনাযকং.
‘‘একনৰুতিতো কপ্পে, যং তারেসিং নরুত্তমং;
দুগ্গতিং নাভিজানামি, তরণায ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা তরণিযো থেরো ইমা গাথাযো অভাসিত্থাতি.
তরণিযত্থেরস্সাপদানং দসমং.
পদুমুক্খিপৰগ্গো সত্তৰীসতিমো.
তস্সুদ্দানং –
উক্খিপী তেলচন্দী চ, দীপদো চ বিল়ালিদো;
মচ্ছো জৰো সল়লদো, রক্খসো তরণো দস;
গাথাযো চেত্থ সঙ্খাতা, তালীসং চেকমেৰ চাতি.
২৮. সুৰণ্ণবিব্বোহনৰগ্গো
১. সুৰণ্ণবিব্বোহনিযত্থেরঅপদানং
‘‘একাসনং ¶ ¶ ¶ অহমদং, পসন্নো সেহি পাণিভি;
বিব্বোহনঞ্চ [বিম্বোহনঞ্চ (সী. পী.)] পাদাসিং, উত্তমত্থস্স পত্তিযা.
‘‘একনৰুতিতো কপ্পে, বিব্বোহনমদাসহং;
দুগ্গতিং নাভিজানামি, বিব্বোহনস্সিদং ফলং.
‘‘ইতো তেসট্ঠিমে কপ্পে, অসমো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সুৰণ্ণবিব্বোহনিযো থেরো ইমা গাথাযো অভাসিত্থাতি.
সুৰণ্ণবিব্বোহনিযত্থেরস্সাপদানং পঠমং.
২. তিলমুট্ঠিদাযকত্থেরঅপদানং
‘‘মম ¶ সঙ্কপ্পমঞ্ঞায, সত্থা লোকগ্গনাযকো;
মনোমযেন কাযেন, ইদ্ধিযা উপসঙ্কমি.
‘‘সত্থারং উপসঙ্কন্তং, ৰন্দিত্ৰা পুরিসুত্তমং;
পসন্নচিত্তো সুমনো, তিলমুট্ঠিমদাসহং.
‘‘একনৰুতিতো ¶ কপ্পে, যং দানমদদিং তদা;
দুগ্গতিং নাভিজানামি, তিলমুট্ঠিযিদং ফলং.
‘‘ইতো সোল়সকপ্পম্হি, তন্তিসো [খন্তিযো (স্যা.)] নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিলমুট্ঠিদাযকো থেরো ইমা গাথাযো অভাসিত্থাতি.
তিলমুট্ঠিদাযকত্থেরস্সাপদানং দুতিযং.
৩. চঙ্কোটকিযত্থেরঅপদানং
‘‘মহাসমুদ্দং ¶ নিস্সায, ৰসতী পব্বতন্তরে;
পচ্চুগ্গন্ত্ৰান কত্ৰান [পচ্চুগ্গন্ত্ৰান’কাসহং (অট্ঠ.), পচ্চুগ্গমনং কত্ৰান (?)], চঙ্কোটক [চঙ্গোটক (সী.)] মদাসহং.
‘‘সিদ্ধত্থস্স মহেসিনো, সব্বসত্তানুকম্পিনো [সযম্ভুস্সানুকম্পিনো (স্যা.)];
পুপ্ফচঙ্কোটকং দত্ৰা, কপ্পং সগ্গম্হি মোদহং.
‘‘চতুন্নৰুতিতো কপ্পে, চঙ্কোটকমদং তদা;
দুগ্গতিং নাভিজানামি, চঙ্কোটকস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা চঙ্কোটকিযো থেরো ইমা গাথাযো অভাসিত্থাতি.
চঙ্কোটকিযত্থেরস্সাপদানং ততিযং.
৪. অব্ভঞ্জনদাযকত্থেরঅপদানং
‘‘কোণ্ডঞ্ঞস্স ¶ ভগৰতো, ৰীতরাগস্স তাদিনো;
আকাসসমচিত্তস্স [অকক্কসচিত্তস্সাথ (অট্ঠ.)], নিপ্পপঞ্চস্স ঝাযিনো.
‘‘সব্বমোহাতিৰত্তস্স, সব্বলোকহিতেসিনো;
অব্ভঞ্জনং মযা দিন্নং, দ্ৰিপদিন্দস্স তাদিনো.
‘‘অপরিমেয্যে ইতো কপ্পে, অব্ভঞ্জনমদং তদা [অম্ভঞ্জনমদাসহং (স্যা.)];
দুগ্গতিং নাভিজানামি, অব্ভঞ্জনস্সিদং ফলং.
‘‘ইতো পন্নরসে কপ্পে, চিরপ্পো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অব্ভঞ্জনদাযকো থেরো ইমা গাথাযো অভাসিত্থাতি.
অব্ভঞ্জনদাযকত্থেরস্সাপদানং চতুত্থং.
৫. একঞ্জলিকত্থেরঅপদানং
‘‘উদুম্বরে ¶ ¶ ¶ ৰসন্তস্স, নিযতে পণ্ণসন্থরে;
ৰুত্থোকাসো মযা দিন্নো, সমণস্স মহেসিনো.
‘‘তিস্সস্স দ্ৰিপদিন্দস্স, লোকনাথস্স তাদিনো;
অঞ্জলিং পগ্গহেত্ৰান, সন্থরিং পুপ্ফসন্থরং.
‘‘দ্ৰেনৰুতে ইতো কপ্পে, যং করিং পুপ্ফসন্থরং;
দুগ্গতিং নাভিজানামি, সন্থরস্স ইদং ফলং.
‘‘ইতো চুদ্দসকপ্পম্হি, অহোসিং মনুজাধিপো;
একঅঞ্জলিকো নাম, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একঞ্জলিকো থেরো ইমা গাথাযো অভাসিত্থাতি.
একঞ্জলিকত্থেরস্সাপদানং পঞ্চমং.
৬. পোত্থকদাযকত্থেরঅপদানং
‘‘সত্থারং ¶ ধম্মমারব্ভ, সঙ্ঘঞ্চাপি মহেসিনং;
পোত্থদানং মযা দিন্নং, দক্খিণেয্যে অনুত্তরে.
‘‘একনৰুতিতো ¶ কপ্পে, যং কম্মমকরিং তদা;
দুগ্গতিং নাভিজানামি, পোত্থদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পোত্থকদাযকো থেরো ইমা গাথাযো অভাসিত্থাতি.
পোত্থকদাযকত্থেরস্সাপদানং ছট্ঠং.
৭. চিতকপূজকত্থেরঅপদানং
‘‘চন্দভাগানদীতীরে, অনুসোতং ৰজামহং;
সত্ত মালুৰপুপ্ফানি, চিতমারোপযিং অহং.
‘‘চতুন্নৰুতিতো ¶ ¶ কপ্পে, চিতকং যমপূজযিং;
দুগ্গতিং নাভিজানামি, চিতপূজাযিদং ফলং.
‘‘সত্তসট্ঠিম্হিতো কপ্পে, পটিজগ্গসনামকা;
সত্তরতনসম্পন্না, সত্তাসুং চক্কৰত্তিনো [পটিজগ্গসনামকো; সত্তরতনসম্পন্নো, চক্কৰত্তী মহব্বলো (স্যা.)].
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা চিতকপূজকো থেরো ইমা গাথাযো অভাসিত্থাতি.
চিতকপূজকত্থেরস্সাপদানং সত্তমং.
৮. আলুৰদাযকত্থেরঅপদানং
‘‘পব্বতে ¶ হিমৰন্তম্হি, মহাসিন্ধু সুদস্সনা;
তত্থদ্দসং ৰীতরাগং, সুপ্পভাসং সুদস্সনং.
‘‘পরমোপসমে যুত্তং, দিস্ৰা ৰিম্হিতমানসো;
আলুৰং তস্স পাদাসিং, পসন্নো সেহি পাণিভি.
‘‘একত্তিংসে ইতো কপ্পে, যং ফলমদদিং তদা;
দুগ্গতিং নাভিজানামি, আলুৰস্স ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা আলুৰদাযকো থেরো ইমা গাথাযো অভাসিত্থাতি.
আলুৰদাযকত্থেরস্সাপদানং অট্ঠমং.
৯. একপুণ্ডরীকত্থেরঅপদানং
‘‘রোমসো ¶ নাম নামেন, সযম্ভূ সুব্বতো [সপ্পভো (স্যা.)] তদা;
পুণ্ডরীকং মযা দিন্নং, ৰিপ্পসন্নেন চেতসা.
‘‘চতুন্নৰুতিতো কপ্পে, পুণ্ডরীকমদং তদা;
দুগ্গতিং নাভিজানামি, পুণ্ডরীকস্সিদং ফলং.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা একপুণ্ডরীকো থেরো ইমা গাথাযো অভাসিত্থাতি.
একপুণ্ডরীকত্থেরস্সাপদানং নৰমং.
১০. তরণীযত্থেরঅপদানং
‘‘মহাপথম্হি ৰিসমে, সেতু কারাপিতো মযা;
তরণত্থায লোকস্স, পসন্নো সেহি পাণিভি.
‘‘একনৰুতিতো কপ্পে, যো সেতু কারিতো মযা;
দুগ্গতিং নাভিজানামি, সেতুদানস্সিদং ফলং.
‘‘পঞ্চপঞ্ঞাসিতো কপ্পে, একো আসিং সমোগধো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তরণীযো থেরো ইমা গাথাযো অভাসিত্থাতি.
তরণীযত্থেরস্সাপদানং দসমং.
সুৰণ্ণবিব্বোহনৰগ্গো অট্ঠৰীসতিমো.
তস্সুদ্দানং –
সুৰণ্ণং ¶ তিলমুট্ঠি চ, চঙ্কোটব্ভঞ্জনঞ্জলী;
পোত্থকো চিতমালুৰা, একপুণ্ডরী সেতুনা;
দ্ৰেচত্তালীস গাথাযো, গণিতাযো ৰিভাৰিভীতি.
একাদসমং ভাণৰারং.
২৯. পণ্ণদাযকৰগ্গো
১. পণ্ণদাযকত্থেরঅপদানং
‘‘পণ্ণসালে ¶ ¶ ¶ নিসিন্নোম্হি, পণ্ণভোজনভোজনো;
উপৰিট্ঠঞ্চ মং সন্তং, উপাগচ্ছি মহাইসি [মহামুনি (সী.)].
‘‘সিদ্ধত্থো লোকপজ্জোতো, সব্বলোকতিকিচ্ছকো;
তস্স পণ্ণং মযা দিন্নং, নিসিন্নং [নিসিন্নস্স (স্যা. অট্ঠ.)] পণ্ণসন্থরে.
‘‘চতুন্নৰুতিতো কপ্পে, যং পণ্ণমদদিং তদা;
দুগ্গতিং নাভিজানামি, পণ্ণদানস্সিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পণ্ণদাযকো থেরো ইমা গাথাযো অভাসিত্থাতি.
পণ্ণদাযকত্থেরস্সাপদানং পঠমং.
২. ফলদাযকত্থেরঅপদানং
‘‘সিনেরুসমসন্তোসো ¶ , ধরণীসম [ধরণীধর (সী. স্যা.)] সাদিসো;
ৰুট্ঠহিত্ৰা সমাধিম্হা, ভিক্খায মমুপট্ঠিতো.
‘‘হরীতকং [হরীতকিং (স্যা.)] আমলকং, অম্বজম্বুৰিভীতকং;
কোলং ভল্লাতকং বিল্লং, ফারুসকফলানি চ.
‘‘সিদ্ধত্থস্স মহেসিস্স, সব্বলোকানুকম্পিনো;
তঞ্চ সব্বং মযা দিন্নং, ৰিপ্পসন্নেন চেতসা.
‘‘চতুন্নৰুতিতো কপ্পে, যং ফলং অদদিং তদা;
দুগ্গতিং নাভিজানামি, ফলদানস্সিদং ফলং.
‘‘সত্তপঞ্ঞাসিতো ¶ কপ্পে, একজ্ঝো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফলদাযকো থেরো ইমা গাথাযো অভাসিত্থাতি.
ফলদাযকত্থেরস্সাপদানং দুতিযং.
৩. পচ্চুগ্গমনিযত্থেরঅপদানং
‘‘সীহং ¶ যথা ৰনচরং, নিসভাজানিযং যথা;
ককুধং ৰিলসন্তংৰ, আগচ্ছন্তং নরাসভং.
‘‘সিদ্ধত্থং ¶ লোকপজ্জোতং, সব্বলোকতিকিচ্ছকং;
অকাসিং পচ্চুগ্গমনং, ৰিপ্পসন্নেন চেতসা.
‘‘চতুন্নৰুতিতো কপ্পে, পচ্চুগ্গচ্ছিং নরাসভং;
দুগ্গতিং নাভিজানামি, পচ্চুগ্গমনে ইদং ফলং.
‘‘সত্ততিংসে [সত্তৰীসে (সী. স্যা.)] ইতো কপ্পে, একো আসিং জনাধিপো;
সপরিৰারোতি নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পচ্চুগ্গমনিযো থেরো ইমা গাথাযো অভাসিত্থাতি.
পচ্চুগ্গমনিযত্থেরস্সাপদানং ততিযং.
৪. একপুপ্ফিযত্থেরঅপদানং
‘‘দক্খিণম্হি দুৰারম্হি, পিসাচো আসহং তদা;
অদ্দসং ৰিরজং বুদ্ধং, পীতরংসিংৰ ভাণুমং.
‘‘ৰিপস্সিস্স নরগ্গস্স, সব্বলোকহিতেসিনো;
একপুপ্ফং মযা দিন্নং, দ্ৰিপদিন্দস্স তাদিনো.
‘‘একনৰুতিতো কপ্পে, যং পুপ্ফমদদিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা একপুপ্ফিযো থেরো ইমা গাথাযো অভাসিত্থাতি.
একপুপ্ফিযত্থেরস্সাপদানং চতুত্থং.
৫. মঘৰপুপ্ফিযত্থেরঅপদানং
‘‘নম্মদানদিযা তীরে, সযম্ভূ অপরাজিতো;
সমাধিং সো সমাপন্নো, ৰিপ্পসন্নো অনাৰিলো.
‘‘দিস্ৰা পসন্নসুমনো, সম্বুদ্ধং অপরাজিতং;
তাহং মঘৰপুপ্ফেন, সযম্ভুং পূজযিং তদা.
‘‘একনৰুতিতো ¶ কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মঘৰপুপ্ফিযো থেরো ইমা গাথাযো অভাসিত্থাতি.
মঘৰপুপ্ফিযত্থেরস্সাপদানং পঞ্চমং.
৬. উপট্ঠাকদাযকত্থেরঅপদানং
‘‘রথিযং ¶ পটিপজ্জন্তং, আহুতীনং পটিগ্গহং;
দ্ৰিপদিন্দং মহানাগং, লোকজেট্ঠং নরাসভং.
‘‘পক্কোসাপিয তস্সাহং, সব্বলোকহিতেসিনো;
উপট্ঠাকো মযা দিন্নো, সিদ্ধত্থস্স মহেসিনো.
‘‘পটিগ্গহেত্ৰা [পটিগ্গহেসি (ক.)] সম্বুদ্ধো, নিয্যাদেসি মহামুনি [মহাইসি (ক.)];
উট্ঠায আসনা তম্হা, পক্কামি পাচিনামুখো.
‘‘চতুন্নৰুতিতো ¶ কপ্পে, উপট্ঠাকমদং তদা;
দুগ্গতিং নাভিজানামি, উপট্ঠানস্সিদং ফলং.
‘‘সত্তপঞ্ঞাসিতো কপ্পে, বলসেনসনামকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা উপট্ঠাকদাযকো থেরো ইমা গাথাযো অভাসিত্থাতি.
উপট্ঠাকদাযকত্থেরস্সাপদানং ছট্ঠং.
৭. অপদানিযত্থেরঅপদানং
‘‘অপদানং সুগতানং, কিত্তযিংহং মহেসিনং;
পাদে চ সিরসা ৰন্দিং, পসন্নো সেহি পাণিভি.
‘‘দ্ৰেনৰুতে ¶ ইতো কপ্পে, অপদানং পকিত্তযিং;
দুগ্গতিং নাভিজানামি, কিত্তনায ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অপদানিযো থেরো ইমা গাথাযো অভাসিত্থাতি.
অপদানিযত্থেরস্সাপদানং সত্তমং.
৮. সত্তাহপব্বজিতত্থেরঅপদানং
‘‘ৰিপস্সিস্স ¶ ভগৰতো, সঙ্ঘো সক্কতমানিতো;
ব্যসনং মে অনুপ্পত্তং, ঞাতিভেদো পুরে অহু.
‘‘পব্বজ্জং উপগন্ত্ৰান, ব্যসনুপসমাযহং;
সত্তাহাভিরতো তত্থ, সত্থুসাসনকম্যতা.
‘‘একনৰুতিতো কপ্পে, যমহং পব্বজিং তদা;
দুগ্গতিং নাভিজানামি, পব্বজ্জায ইদং ফলং.
‘‘সত্তসট্ঠিম্হিতো ¶ কপ্পে, সত্ত আসুং মহীপতী;
সুনিক্খমাতি ঞাযন্তি, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সত্তাহপব্বজিতো থেরো ইমা গাথাযো অভাসিত্থাতি.
সত্তাহপব্বজিতত্থেরস্সাপদানং অট্ঠমং.
৯. বুদ্ধুপট্ঠাযিকত্থেরঅপদানং
‘‘ৰেটম্ভিনীতি ¶ [ৰেটম্বরীতি (সী.), ৰেধম্ভিনীতি (স্যা.)] মে নামং, পিতুসন্তং [পিতা’সন্তং (?)] মমং তদা;
মম হত্থং গহেত্ৰান, উপানযি মহামুনিং.
‘‘ইমেমং উদ্দিসিস্সন্তি, বুদ্ধা লোকগ্গনাযকা;
তেহং উপট্ঠিং সক্কচ্চং, পসন্নো সেহি পাণিভি.
‘‘একত্তিংসে ইতো কপ্পে, বুদ্ধে উপট্ঠহিং [পরিচরিং (সী. স্যা.)] তদা;
দুগ্গতিং নাভিজানামি, উপট্ঠানস্সিদং ফলং.
‘‘তেৰীসম্হি ইতো কপ্পে, চতুরো আসু খত্তিযা;
সমণুপট্ঠাকা নাম, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা বুদ্ধুপট্ঠাযিকো থেরো ইমা গাথাযো অভাসিত্থাতি.
বুদ্ধুপট্ঠাযিকত্থেরস্সাপদানং নৰমং.
১০. পুব্বঙ্গমিযত্থেরঅপদানং
‘‘চুল্লাসীতিসহস্সানি ¶ ¶ , পব্বজিম্হ অকিঞ্চনা;
তেসং পুব্বঙ্গমো আসিং, উত্তমত্থস্স পত্তিযা.
‘‘সরাগা ¶ সভৰা [সমোহা (স্যা.)] চেতে, ৰিপ্পসন্নমনাৰিলা;
উপট্ঠহিংসু সক্কচ্চং, পসন্না সেহি পাণিভি.
‘‘খীণাসৰা ৰন্তদোসা, কতকিচ্চা অনাসৰা;
ফরিংসু মেত্তচিত্তেন, সযম্ভূ অপরাজিতা.
‘‘তেসং উপট্ঠহিত্ৰান, সম্বুদ্ধানং পতিস্সতো;
মরণঞ্চ অনুপ্পত্তো, দেৰত্তঞ্চ অগম্হসে.
‘‘চতুন্নৰুতিতো কপ্পে, যং সীলমনুপালযিং;
দুগ্গতিং নাভিজানামি, সঞ্ঞমস্স ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুব্বঙ্গমিযো থেরো ইমা গাথাযো অভাসিত্থাতি.
পুব্বঙ্গমিযত্থেরস্সাপদানং দসমং.
পণ্ণদাযকৰগ্গো একূনতিংসতিমো.
তস্সুদ্দানং –
পণ্ণং ফলং পচ্চুগ্গমং, একপুপ্ফি চ মঘৰা;
উপট্ঠাকাপদানঞ্চ ¶ , পব্বজ্জা বুদ্ধুপট্ঠাকো;
পুব্বঙ্গমো চ গাথাযো, অট্ঠতালীস কিত্তিতা.
৩০. চিতকপূজকৰগ্গো
১. চিতকপূজকত্থেরঅপদানং
‘‘অজিতো ¶ ¶ নাম নামেন, অহোসিং ব্রাহ্মণো তদা;
আহুতিং যিট্ঠুকামোহং, নানাপুপ্ফং সমানযিং.
‘‘জলন্তং চিতকং দিস্ৰা, সিখিনো লোকবন্ধুনো;
তঞ্চ পুপ্ফং সমানেত্ৰা, চিতকে ওকিরিং অহং.
‘‘একত্তিংসে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘সত্তৰীসে [সত্ততিংসে (ক.)] ইতো কপ্পে, সত্তাসুং মনুজাধিপা;
সুপজ্জলিতনামা তে, চক্কৰত্তী মহব্বলা.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা চিতকপূজকো থেরো ইমা গাথাযো অভাসিত্থাতি.
চিতকপূজকত্থেরস্সাপদানং পঠমং.
২. পুপ্ফধারকত্থেরঅপদানং
‘‘ৰাকচীরধরো ¶ আসিং, অজিনুত্তরৰাসনো;
অভিঞ্ঞা পঞ্চ নিব্বত্তা, চন্দস্স পরিমজ্জকো.
‘‘ৰিপস্সিং লোকপজ্জোতং, দিস্ৰা অভিগতং মমং;
পারিচ্ছত্তকপুপ্ফানি, ধারেসিং সত্থুনো অহং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, ধারণায ইদং ফলং.
‘‘সত্তাসীতিম্হিতো ¶ কপ্পে, একো আসিং মহীপতি;
সমন্তধারণো নাম, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুপ্ফধারকো থেরো ইমা গাথাযো অভাসিত্থাতি.
পুপ্ফধারকত্থেরস্সাপদানং দুতিযং.
৩. ছত্তদাযকত্থেরঅপদানং
‘‘পুত্তো মম পব্বজিতো, কাসাযৰসনো তদা;
সো চ বুদ্ধত্তং সম্পত্তো, নিব্বুতো লোকপূজিতো.
‘‘ৰিচিনন্তো ¶ সকং পুত্তং, অগমং পচ্ছতো অহং;
নিব্বুতস্স মহন্তস্স, চিতকং অগমাসহং.
‘‘পগ্গয্হ অঞ্জলিং তত্থ, ৰন্দিত্ৰা চিতকং অহং;
সেতচ্ছত্তঞ্চ পগ্গয্হ, আরোপেসিং অহং তদা.
‘‘চতুন্নৰুতিতো কপ্পে, যং ছত্তমভিরোপযিং;
দুগ্গতিং নাভিজানামি, ছত্তদানস্সিদং ফলং.
‘‘পঞ্চৰীসে ¶ ইতো কপ্পে, সত্ত আসুং জনাধিপা;
মহারহসনামা তে, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ছত্তদাযকো থেরো ইমা গাথাযো অভাসিত্থাতি.
ছত্তদাযকত্থেরস্সাপদানং ততিযং.
৪. সদ্দসঞ্ঞকত্থেরঅপদানং
‘‘অনুগ্গতম্হি আদিচ্চে, পনাদো [পসাদো (স্যা. অট্ঠ.)] ৰিপুলো অহু;
বুদ্ধসেট্ঠস্স লোকম্হি, পাতুভাৰো মহেসিনো.
‘‘ঘোস [সদ্দ (সী. স্যা.)] মস্সোসহং ¶ তত্থ, ন চ পস্সামি তং জিনং;
মরণঞ্চ অনুপ্পত্তো, বুদ্ধসঞ্ঞমনুস্সরিং.
‘‘চতুন্নৰুতিতো ¶ ¶ কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সদ্দসঞ্ঞকো থেরো ইমা গাথাযো অভাসিত্থাতি.
সদ্দসঞ্ঞকত্থেরস্সাপদানং চতুত্থং.
৫. গোসীসনিক্খেপকত্থেরঅপদানং
‘‘আরামদ্ৰারা নিক্খম্ম, গোসীসং সন্থতং মযা;
অনুভোমি সকং কম্মং, পুব্বকম্মস্সিদং ফলং.
‘‘আজানিযা ৰাতজৰা, সিন্ধৰা সীঘৰাহনা;
অনুভোমি সব্বমেতং, গোসীসস্স ইদং ফলং.
‘‘অহো কারং পরমকারং, সুখত্তে সুকতং মযা;
সঙ্ঘে কতস্স কারস্স, ন অঞ্ঞং কলমগ্ঘতি.
‘‘চতুন্নৰুতিতো কপ্পে, যং সীসং সন্থরিং অহং;
দুগ্গতিং নাভিজানামি, সন্থরস্স ইদং ফলং.
‘‘পঞ্চসত্ততিকপ্পম্হি, সুপ্পতিট্ঠিতনামকো;
একো আসিং মহাতেজো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা গোসীসনিক্খেপকো থেরো ইমা গাথাযো অভাসিত্থাতি.
গোসীসনিক্খেপকত্থেরস্সাপদানং পঞ্চমং.
৬. পাদপূজকত্থেরঅপদানং
‘‘পব্বতে ¶ ¶ হিমৰন্তম্হি, অহোসিং কিন্নরো তদা;
অদ্দসং ৰিরজং বুদ্ধং, পীতরংসিংৰ ভাণুমং.
‘‘উপেতং তমহং [উপেতোপি তদা (স্যা.), উপেসিং তমহং (?)] বুদ্ধং, ৰিপস্সিং লোকনাযকং;
চন্দনং তগরঞ্চাপি, পাদে ওসিঞ্চহং তদা.
‘‘একনৰুতিতো ¶ কপ্পে, যং পাদং অভিপূজযিং;
দুগ্গতিং নাভিজানামি, পাদপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাদপূজকো থেরো ইমা গাথাযো অভাসিত্থাতি.
পাদপূজকত্থেরস্সাপদানং ছট্ঠং.
৭. দেসকিত্তকত্থেরঅপদানং
‘‘উপসালকনামোহং ¶ , অহোসিং ব্রাহ্মণো তদা;
কাননং ৰনমোগাল়্হং, লোকজেট্ঠং নরাসভং.
‘‘দিস্ৰান ৰন্দিং পাদেসু, লোকাহুতিপটিগ্গহং;
পসন্নচিত্তং মং ঞত্ৰা, বুদ্ধো অন্তরধাযথ.
‘‘কাননা অভিনিক্খম্ম, বুদ্ধসেট্ঠমনুস্সরিং;
তং দেসং কিত্তযিত্ৰান, কপ্পং সগ্গম্হি মোদহং.
‘‘দ্ৰেনৰুতে ইতো কপ্পে, যং দেসমভিকিত্তযিং;
দুগ্গতিং নাভিজানামি, কিত্তনায ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা দেসকিত্তকো থেরো ইমা গাথাযো অভাসিত্থাতি.
দেসকিত্তকত্থেরস্সাপদানং সত্তমং.
৮. সরণগমনিযত্থেরঅপদানং
‘‘পব্বতে ¶ হিমৰন্তম্হি, অহোসিং লুদ্দকো তদা;
ৰিপস্সিং অদ্দসং বুদ্ধং, লোকজেট্ঠং নরাসভং.
‘‘উপাসিত্ৰান ¶ সম্বুদ্ধং, ৰেয্যাৰচ্চমকাসহং;
সরণঞ্চ উপাগচ্ছিং, দ্ৰিপদিন্দস্স তাদিনো.
‘‘একনৰুতিতো ¶ কপ্পে, সরণং উপগচ্ছহং;
দুগ্গতিং নাভিজানামি, সরণাগমনপ্ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সরণগমনিযো থেরো ইমা গাথাযো অভাসিত্থাতি.
সরণগমনিযত্থেরস্সাপদানং অট্ঠমং.
৯. অম্বপিণ্ডিযত্থেরঅপদানং
‘‘রোমসো নাম নামেন, দানৰো ইতি ৰিস্সুতো;
অম্বপিণ্ডী মযা দিন্না [অম্বপিণ্ডো মযা দিন্নো (স্যা.)], ৰিপস্সিস্স মহেসিনো.
‘‘একনৰুতিতো কপ্পে, যমম্বমদদিং তদা;
দুগ্গতিং নাভিজানামি, অম্বদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অম্বপিণ্ডিযো থেরো ইমা গাথাযো অভাসিত্থাতি.
অম্বপিণ্ডিযত্থেরস্সাপদানং নৰমং.
১০. অনুসংসাৰকত্থেরঅপদানং
‘‘পিণ্ডায ¶ চরমানাহং, ৰিপস্সিমদ্দসং জিনং;
উল়ুঙ্গভিক্খং পাদাসিং, দ্ৰিপদিন্দস্স তাদিনো.
‘‘পসন্নচিত্তো ¶ সুমনো, অভিৰাদেসহং তদা;
অনুসংসাৰযিং বুদ্ধং, উত্তমত্থস্স পত্তিযা.
‘‘একনৰুতিতো কপ্পে, অনুসংসাৰযিং অহং;
দুগ্গতিং নাভিজানামি, অনুসংসাৰনা ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অনুসংসাৰকো থেরো ইমা গাথাযো অভাসিত্থাতি.
অনুসংসাৰকত্থেরস্সাপদানং দসমং.
চিতকপূজকৰগ্গো তিংসতিমো.
তস্সুদ্দানং –
চিতকং ¶ পারিছত্তো চ, সদ্দগোসীসসন্থরং;
পাদো পদেসং সরণং, অম্বো সংসাৰকোপি চ;
অট্ঠতালীস গাথাযো, গণিতাযো ৰিভাৰিভি.
অথ ¶ ৰগ্গুদ্দানং –
কণিকারো ¶ হত্থিদদো, আলম্বণুদকাসনং;
তুৰরং থোমকো চেৰ, উক্খেপং সীসুপধানং.
পণ্ণদো চিতপূজী চ, গাথাযো চেৰ সব্বসো;
চত্তারি চ সতানীহ, একপঞ্ঞাসমেৰ চ.
পঞ্চৰীসসতা সব্বা, দ্ৰাসত্ততি তদুত্তরি;
তিসতং অপদানানং, গণিতা অত্থদস্সিভি.
কণিকারৰগ্গদসকং.
ততিযসতকং সমত্তং.
৩১. পদুমকেসরৰগ্গো
১. পদুমকেসরিযত্থেরঅপদানং
‘‘ইসিসঙ্ঘে ¶ ¶ অহং পুব্বে, আসিং মাতঙ্গৰারণো;
মহেসীনং পসাদেন, পদ্মকেসরমোকিরিং.
‘‘পচ্চেকজিনসেট্ঠেসু, ধুতরাগেসু তাদিসু;
তেসু চিত্তং পসাদেত্ৰা, কপ্পং সগ্গম্হি মোদহং.
‘‘একনৰুতিতো কপ্পে, কেসরং ওকিরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা পদুমকেসরিযো থেরো ইমা গাথাযো অভাসিত্থাতি.
পদুমকেসরিযত্থেরস্সাপদানং পঠমং.
২. সব্বগন্ধিযত্থেরঅপদানং
‘‘গন্ধমালং মযা দিন্নং, ৰিপস্সিস্স মহেসিনো;
অদাসিং উজুভূতস্স, কোসেয্যৰত্থমুত্তমং.
‘‘একনৰুতিতো কপ্পে, যং ৰত্থমদদিং [গন্ধমদদিং (স্যা.)] পুরে;
দুগ্গতিং নাভিজানামি, গন্ধদানস্সিদং ফলং.
‘‘ইতো ¶ পন্নরসে কপ্পে, সুচেল়ো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সব্বগন্ধিযো থেরো ইমা গাথাযো অভাসিত্থাতি.
সব্বগন্ধিযত্থেরস্সাপদানং দুতিযং.
৩. পরমন্নদাযকত্থেরঅপদানং
‘‘কণিকারংৰ ¶ ¶ জোতন্তং, উদযন্তংৰ ভাণুমং;
ৰিপস্সিং অদ্দসং বুদ্ধং, লোকজেট্ঠং নরাসভং.
‘‘অঞ্জলিং ¶ পগ্গহেত্ৰান, অভিনেসিং সকং ঘরং;
অভিনেত্ৰান সম্বুদ্ধং, পরমন্নমদাসহং.
‘‘একনৰুতিতো কপ্পে, পরমন্নমদিং [পরমন্নং দদিং (সী.), পরমন্নমদং (স্যা.)] তদা;
দুগ্গতিং নাভিজানামি, পরমন্নস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পরমন্নদাযকো থেরো ইমা গাথাযো অভাসিত্থাতি.
পরমন্নদাযকত্থেরস্সাপদানং ততিযং.
৪. ধম্মসঞ্ঞকত্থেরঅপদানং
‘‘ৰিপস্সিনো ভগৰতো, মহাবোধিমহো অহু;
রুক্খট্ঠস্সেৰ সম্বুদ্ধো, [রুক্খট্ঠেযেৰ সম্বুদ্ধে (সী.), রুক্খট্ঠো ইৰ সম্বুদ্ধো (অট্ঠ.) এত্থ রুক্খট্ঠস্সেৰ বোধিমহকারজনস্স সম্বুদ্ধো চতুসচ্চং পকাসেতীতি অত্থোপি সক্কা ঞাতুং] লোকজেট্ঠো নরাসভো [লোকজেট্ঠে নরাসভে (সী.)].
‘‘ভগৰা তম্হি সমযে, ভিক্খুসঙ্ঘপুরক্খতো;
চতুসচ্চং পকাসেতি, ৰাচাসভিমুদীরযং.
‘‘সঙ্খিত্তেন চ দেসেন্তো, ৰিত্থারেন চ দেসযং [দেসযি (স্যা.), ভাসতি (ক.)];
ৰিৰট্টচ্ছদো সম্বুদ্ধো, নিব্বাপেসি মহাজনং.
‘‘তস্সাহং ধম্মং সুত্ৰান, লোকজেট্ঠস্স তাদিনো;
ৰন্দিত্ৰা সত্থুনো পাদে, পক্কামিং উত্তরামুখো.
‘‘একনৰুতিতো ¶ কপ্পে, যং ধম্মমসুণিং তদা;
দুগ্গতিং নাভিজানামি, ধম্মসৰস্সিদং ফলং.
‘‘তেত্তিংসম্হি ¶ ইতো কপ্পে, একো আসিং মহীপতি;
সুতৰা নাম নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধম্মসঞ্ঞকো থেরো ইমা গাথাযো অভাসিত্থাতি.
ধম্মসঞ্ঞকত্থেরস্সাপদানং চতুত্থং.
৫. ফলদাযকত্থেরঅপদানং
‘‘ভাগীরথীনদীতীরে ¶ ¶ , অহোসি অস্সমো তদা;
তমহং অস্সমং গচ্ছিং, ফলহত্থো অপেক্খৰা.
‘‘ৰিপস্সিং তত্থ অদ্দক্খিং, পীতরংসিংৰ ভাণুমং;
যং মে অত্থি ফলং সব্বং, অদাসিং সত্থুনো অহং.
‘‘একনৰুতিতো কপ্পে, যং ফলং অদদিং তদা;
দুগ্গতিং নাভিজানামি, ফলদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা ফলদাযকো থেরো ইমা গাথাযো অভাসিত্থাতি.
ফলদাযকত্থেরস্সাপদানং পঞ্চমং.
৬. সম্পসাদকত্থেরঅপদানং
‘‘‘নমো তে বুদ্ধ ৰীরত্থু, ৰিপ্পমুত্তোসি সব্বধি;
ব্যসনম্হি [ব্যসনং হি (সী.)] অনুপ্পত্তো, তস্স মে সরণং ভৰ’.
‘‘সিদ্ধত্থো তস্স ব্যাকাসি, লোকে অপ্পটিপুগ্গলো;
‘মহোদধিসমো সঙ্ঘো, অপ্পমেয্যো অনুত্তরো.
‘‘‘তত্থ ত্ৰং ৰিরজে খেত্তে, অনন্তফলদাযকে;
সঙ্ঘে চিত্তং পসাদেত্ৰা, সুবীজং ৰাপ [চাপি (সী.), ৰাপি (স্যা.)] রোপয.
‘‘ইদং ¶ ৰত্ৰান সব্বঞ্ঞূ, লোকজেট্ঠো নরাসভো;
মমেৰ অনুসাসিত্ৰা, ৰেহাসং নভমুগ্গমি.
‘‘অচিরং গতমত্তম্হি, সব্বঞ্ঞুম্হি নরাসভে;
মরণং সমনুপ্পত্তো, তুসিতং উপপজ্জহং.
‘‘তদাহং ৰিরজে খেত্তে, অনন্তফলদাযকে;
সঙ্ঘে চিত্তং পসাদেত্ৰা, কপ্পং সগ্গম্হি মোদহং.
‘‘চতুন্নৰুতিতো কপ্পে, পসাদমলভিং তদা;
দুগ্গতিং নাভিজানামি, পসাদস্স ইদং ফলং.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সম্পসাদকো থেরো ইমা গাথাযো অভাসিত্থাতি.
সম্পসাদকত্থেরস্সাপদানং ছট্ঠং.
৭. আরামদাযকত্থেরঅপদানং
‘‘সিদ্ধত্থস্স ¶ ভগৰতো, আরামো রোপিতো মযা;
সন্দচ্ছাযেসু [সীতছাযেসু (স্যা.), সন্তচ্ছাযেসু (ক.)] রুক্খেসু, উপাসন্তেসু পক্খিসু.
‘‘অদ্দসং ৰিরজং বুদ্ধং, আহুতীনং পটিগ্গহং;
আরামং অভিনামেসিং, লোকজেট্ঠং নরাসভং.
‘‘হট্ঠো হট্ঠেন চিত্তেন, ফলং পুপ্ফমদাসহং;
ততো জাতপ্পসাদোৰ, তং ৰনং পরিণামযিং.
‘‘বুদ্ধস্স যমিদং দাসিং, ৰিপ্পসন্নেন চেতসা;
ভৰে নিব্বত্তমানম্হি, নিব্বত্ততি ফলং মম.
‘‘চতুন্নৰুতিতো কপ্পে, যং আরামমদং তদা;
দুগ্গতিং নাভিজানামি, আরামস্স ইদং ফলং.
‘‘সত্ততিংসে ইতো কপ্পে, সত্তাসুং মুদুসীতলা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা আরামদাযকো থেরো ইমা গাথাযো অভাসিত্থাতি.
আরামদাযকত্থেরস্সাপদানং সত্তমং.
৮. অনুলেপদাযকত্থেরঅপদানং
‘‘অত্থদস্সিস্স মুনিনো, অদ্দসং সাৰকং অহং;
নৰকম্মং করোন্তস্স, সীমায উপগচ্ছহং.
‘‘নিট্ঠিতে নৰকম্মে চ, অনুলেপমদাসহং;
পসন্নচিত্তো সুমনো, পুঞ্ঞক্খেত্তে অনুত্তরে.
‘‘অট্ঠারসে ¶ কপ্পসতে, যং কম্মমকরিং তদা;
দুগ্গতিং নাভিজানামি, অনুলেপস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অনুলেপদাযকো থেরো ইমা গাথাযো অভাসিত্থাতি.
অনুলেপদাযকত্থেরস্সাপদানং অট্ঠমং.
৯. বুদ্ধসঞ্ঞকত্থেরঅপদানং
‘‘উদেন্তং ¶ ¶ সতরংসিংৰ, পীতরংসিংৰ ভাণুমং;
ৰনন্তরগতং সন্তং, লোকজেট্ঠং নরাসভং.
‘‘অদ্দসং সুপিনন্তেন, সিদ্ধত্থং লোকনাযকং;
তত্থ চিত্তং পসাদেত্ৰা, সুগতিং উপপজ্জহং.
‘‘চতুন্নৰুতিতো কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা বুদ্ধসঞ্ঞকো থেরো ইমা গাথাযো অভাসিত্থাতি.
বুদ্ধসঞ্ঞকত্থেরস্সাপদানং নৰমং.
১০. পব্ভারদাযকত্থেরঅপদানং
‘‘পিযদস্সিনো ভগৰতো, পব্ভারো সোধিতো মযা;
ঘটকঞ্চ উপট্ঠাসিং, পরিভোগায তাদিনো.
‘‘তং মে বুদ্ধো ৰিযাকাসি, পিযদস্সী মহামুনি;
সহস্সকণ্ডো সতভেণ্ডু [সতগেণ্ডু (স্যা. ক.)], ধজালু হরিতামযো.
‘‘নিব্বত্তিস্সতি ¶ সো যূপো, রতনঞ্চ অনপ্পকং;
পব্ভারদানং দত্ৰান, কপ্পং সগ্গম্হি মোদহং.
‘‘ইতো বাত্তিংসকপ্পম্হি, সুসুদ্ধো নাম খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পব্ভারদাযকো থেরো ইমা গাথাযো অভাসিত্থাতি.
পব্ভারদাযকত্থেরস্সাপদানং দসমং.
পদুমকেসরৰগ্গো একতিংসতিমো.
তস্সুদ্দানং –
কেসরং গন্ধমন্নঞ্চ, ধম্মসঞ্ঞী ফলেন চ;
পসাদারামদাযী চ, লেপকো বুদ্ধসঞ্ঞকো;
পব্ভারদো চ গাথাযো, একপঞ্ঞাস কিত্তিতা.
৩২. আরক্খদাযকৰগ্গো
১. আরক্খদাযকত্থেরঅপদানং
‘‘ধম্মদস্সিস্স ¶ ¶ ¶ ¶ মুনিনো, ৰতি কারাপিতা মযা;
আরক্খো চ মযা দিন্নো, দ্ৰিপদিন্দস্স তাদিনো.
‘‘অট্ঠারসে কপ্পসতে, যং কম্মমকরিং তদা;
তেন কম্মৰিসেসেন, পত্তো মে আসৰক্খযো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা আরক্খদাযকো থেরো ইমা গাথাযো অভাসিত্থাতি.
আরক্খদাযকত্থেরস্সাপদানং পঠমং.
২. ভোজনদাযকত্থেরঅপদানং
‘‘সুজাতো সাললট্ঠীৰ, সোভঞ্জনমিৰুগ্গতো;
ইন্দলট্ঠিরিৰাকাসে, ৰিরোচতি সদা জিনো.
‘‘তস্স দেৰাতিদেৰস্স, ৰেস্সভুস্স মহেসিনো;
অদাসি ভোজনমহং, ৰিপ্পসন্নেন চেতসা.
‘‘তং মে বুদ্ধো অনুমোদি, সযম্ভূ অপরাজিতো;
ভৰে নিব্বত্তমানম্হি, ফলং নিব্বত্ততূ তৰ.
‘‘একত্তিংসে ¶ ইতো কপ্পে, যং দানমদদিং তদা;
দুগ্গতিং নাভিজানামি, ভোজনস্স ইদং ফলং.
‘‘পঞ্চৰীসে ইতো কপ্পে, একো আসিং অমিত্তকো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ভোজনদাযকো থেরো ইমা গাথাযো অভাসিত্থাতি.
ভোজনদাযকত্থেরস্সাপদানং দুতিযং.
৩. গতসঞ্ঞকত্থেরঅপদানং
‘‘আকাসেৰ ¶ পদং নত্থি, অম্বরে অনিলঞ্জসে;
সিদ্ধত্থং জিনমদ্দক্খিং, গচ্ছন্তং তিদিৰঙ্গণে [তিদিৰঙ্গণং (স্যা. ক.)].
‘‘অনিলেনেরিতং দিস্ৰা, সম্মাসম্বুদ্ধচীৰরং;
ৰিত্তি মমাহু তাৰদে [ৰিত্তি মে পাহুণা তাৰ (স্যা.), ৰিত্তি মে তাৰদে জাতা (সী.)], দিস্ৰান গমনং মুনিং [মুনে (সী.)].
‘‘চতুন্নৰুতিতো ¶ কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা গতসঞ্ঞকো থেরো ইমা গাথাযো অভাসিত্থাতি.
গতসঞ্ঞকত্থেরস্সাপদানং ততিযং.
৪. সত্তপদুমিযত্থেরঅপদানং
‘‘নদীকূলে ৰসামহং, নেসাদো নাম ব্রাহ্মণো;
সতপত্তেহি পুপ্ফেহি, সম্মজ্জিত্ৰান অস্সমং.
‘‘সুৰণ্ণৰণ্ণং সম্বুদ্ধং, সিদ্ধত্থং লোকনাযকং;
দিস্ৰা নভেন [ৰনেন (স্যা. ক.)] গচ্ছন্তং, হাসো মে উদপজ্জথ.
‘‘পচ্চুগ্গন্ত্ৰান সম্বুদ্ধং, লোকজেট্ঠং নরাসভং;
অস্সমং অতিনামেত্ৰা, জলজগ্গেহি ওকিরিং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘ইতো তে সত্তমে কপ্পে, চতুরো পাদপাৰরা;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সত্তপদুমিযো থেরো ইমা গাথাযো অভাসিত্থাতি.
সত্তপদুমিযত্থেরস্সাপদানং চতুত্থং.
৫. পুপ্ফাসনদাযকত্থেরঅপদানং
‘‘সুৰণ্ণৰণ্ণং ¶ সম্বুদ্ধং, পীতরংসিংৰ [সতরংসিংৰ (সী. স্যা.)] ভাণুমং;
অৰিদূরেন গচ্ছন্তং, সিদ্ধত্থং অপরাজিতং.
‘‘তস্স পচ্চুগ্গমিত্ৰান, পৰেসেত্ৰান অস্সমং;
পুপ্ফাসনং মযা দিন্নং, ৰিপ্পসন্নেন চেতসা.
‘‘অঞ্জলিং পগ্গহেত্ৰান, ৰেদজাতো তদা অহং;
বুদ্ধে চিত্তং পসাদেত্ৰা, তং কম্মং পরিণামযিং.
‘‘যং ¶ মে অত্থি কতং পুঞ্ঞং, সযম্ভুম্হপরাজিতে;
সব্বেন তেন কুসলেন, ৰিমলো হোমি সাসনে.
‘‘চতুন্নৰুতিতো কপ্পে, পুপ্ফাসনমদং তদা;
দুগ্গতিং নাভিজানামি, পুপ্ফাসনস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুপ্ফাসনদাযকো থেরো ইমা গাথাযো অভাসিত্থাতি.
পুপ্ফাসনদাযকত্থেরস্সাপদানং পঞ্চমং.
৬. আসনসন্থৰিকত্থেরঅপদানং
‘‘চেতিযং উত্তমং নাম, সিখিনো লোকবন্ধুনো;
অরঞ্ঞে ইরীণে ৰনে, অন্ধাহিণ্ডামহং তদা.
‘‘পৰনা ¶ নিক্খমন্তেন, দিট্ঠং সীহাসনং মযা;
একংসং অঞ্জলিং কত্ৰা, সন্থৰিং [থৰিস্সং (সী.)] লোকনাযকং.
‘‘দিৰসভাগং ¶ থৰিত্ৰান, বুদ্ধং লোকগ্গনাযকং;
হট্ঠো হট্ঠেন চিত্তেন, ইমং ৰাচং উদীরযিং.
‘‘‘নমো ¶ তে পুরিসাজঞ্ঞ, নমো তে পুরিসুত্তম;
সব্বঞ্ঞূসি মহাৰীর, লোকজেট্ঠ নরাসভ’.
‘‘অভিত্থৰিত্ৰা সিখিনং, নিমিত্তকরণেনহং;
আসনং অভিৰাদেত্ৰা, পক্কামিং উত্তরামুখো.
‘‘একত্তিংসে ইতো কপ্পে, যং থৰিং ৰদতং ৰরং;
দুগ্গতিং নাভিজানামি, থোমনায ইদং ফলং.
‘‘সত্তৰীসে ইতো কপ্পে, অতুলা সত্ত আসু তে;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা আসনসন্থৰিকো [আসনসন্থৰকো (?), আসনথৰিকো (ক.), আসনত্থৰিকো (সী. স্যা.)] থেরো ইমা গাথাযো অভাসিত্থাতি.
আসনসন্থৰিকত্থেরস্সাপদানং ছট্ঠং.
৭. সদ্দসঞ্ঞকত্থেরঅপদানং
‘‘সুদস্সনো ¶ মহাৰীরো, দেসেতি অমতং পদং;
পরিৰুতো সাৰকেহি, ৰসতি ঘরমুত্তমে.
‘‘তায ¶ ৰাচায মধুরায, সঙ্গণ্হাতি [সঙ্গণ্হন্তে (সী.)] মহাজনং;
ঘোসো চ ৰিপুলো আসি, আসীসো [আসংসো (সী.)] দেৰমানুসে.
‘‘নিগ্ঘোসসদ্দং সুত্ৰান, সিদ্ধত্থস্স মহেসিনো;
সদ্দে চিত্তং পসাদেত্ৰা, অৰন্দিং লোকনাযকং.
‘‘চতুন্নৰুতিতো কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সদ্দসঞ্ঞকো থেরো ইমা গাথাযো অভাসিত্থাতি.
সদ্দসঞ্ঞকত্থেরস্সাপদানং সত্তমং.
৮. তিরংসিযত্থেরঅপদানং
‘‘কেসরিং ¶ অভিজাতংৰ, অগ্গিক্খন্ধংৰ পব্বতে;
ওভাসেন্তং দিসা সব্বা [নিৰাসেন্তং (ক.), দিসাসিন্নং (স্যা.)], সিদ্ধত্থং পব্বতন্তরে.
‘‘সূরিযস্স চ আলোকং, চন্দালোকং তথেৰ চ;
বুদ্ধালোকঞ্চ দিস্ৰান, ৰিত্তি মে উদপজ্জথ.
‘‘তযো আলোকে দিস্ৰান, সম্বুদ্ধং [বুদ্ধঞ্চ (সী.)] সাৰকুত্তমং;
একংসং অজিনং কত্ৰা, সন্থৰিং লোকনাযকং.
‘‘তযো ¶ হি আলোককরা, লোকে লোকতমোনুদা;
চন্দো চ সূরিযো চাপি, বুদ্ধো চ লোকনাযকো.
‘‘ওপম্মং উপদস্সেত্ৰা, কিত্তিতো মে মহামুনি;
বুদ্ধস্স ৰণ্ণং কিত্তেত্ৰা, কপ্পং সগ্গম্হি মোদহং.
‘‘চতুন্নৰুতিতো কপ্পে, যং বুদ্ধমভিকিত্তযিং;
দুগ্গতিং নাভিজানামি, কিত্তনায ইদং ফলং.
‘‘একসট্ঠিম্হিতো ¶ কপ্পে, একো ঞাণধরো অহু;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিরংসিযো থেরো ইমা গাথাযো অভাসিত্থাতি.
তিরংসিযত্থেরস্সাপদানং অট্ঠমং.
৯. কন্দলিপুপ্ফিযত্থেরঅপদানং
‘‘সিন্ধুযা ¶ নদিযা তীরে, অহোসিং কস্সকো তদা;
পরকম্মাযনে যুত্তো, পরভত্তং অপস্সিতো.
‘‘সিন্ধুং অনুচরন্তোহং, সিদ্ধত্থং জিনমদ্দসং;
সমাধিনা নিসিন্নংৰ, সতপত্তংৰ পুপ্ফিতং.
‘‘সত্ত ¶ কন্দলিপুপ্ফানি, ৰণ্টে ছেত্ৰানহং তদা;
মত্থকে অভিরোপেসিং, বুদ্ধস্সাদিচ্চবন্ধুনো.
‘‘সুৰণ্ণৰণ্ণং ¶ সম্বুদ্ধং, অনুকূলে সমাহিতং;
তিধাপভিন্নমাতঙ্গং, কুঞ্জরংৰ দুরাসদং.
‘‘তমহং উপগন্ত্ৰান, নিপকং ভাৰিতিন্দ্রিযং;
অঞ্জলিং পগ্গহেত্ৰান, অৰন্দিং সত্থুনো অহং.
‘‘চতুন্নৰুতিতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কন্দলিপুপ্ফিযো থেরো ইমা গাথাযো অভাসিত্থাতি.
কন্দলিপুপ্ফিযত্থেরস্সাপদানং নৰমং.
১০. কুমুদমালিযত্থেরঅপদানং
‘‘উসভং পৰরং ৰীরং, মহেসিং ৰিজিতাৰিনং;
ৰিপস্সিনং মহাৰীরং, অভিজাতংৰ কেসরিং.
‘‘রথিযং পটিপজ্জন্তং, আহুতীনং পটিগ্গহং;
গহেত্ৰা কুমুদং মালং, বুদ্ধসেট্ঠং সমোকিরিং.
‘‘একনৰুতিতো ¶ ¶ কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কুমুদমালিযো থেরো ইমা গাথাযো অভাসিত্থাতি.
কুমুদমালিযত্থেরস্সাপদানং দসমং.
আরক্খদাযকৰগ্গো বাত্তিংসতিমো [বত্তিংসতিমো (সী. স্যা.)].
তস্সুদ্দানং –
আরক্খদো ভোজনদো, গতসঞ্ঞী পদুমিযো;
পুপ্ফাসনী সন্থৰিকো, সদ্দসঞ্ঞী তিরংসিযো;
কন্দলিকো কুমুদী চ, সত্তপঞ্ঞাস গাথকাতি.
৩৩. উমাপুপ্ফিযৰগ্গো
১. উমাপুপ্ফিযত্থেরঅপদানং
‘‘সমাহিতং ¶ ¶ ¶ সমাপন্নং, সিদ্ধত্থমপরাজিতং;
সমাধিনা উপৰিট্ঠং, অদ্দসাহং নরুত্তমং.
‘‘উমাপুপ্ফং গহেত্ৰান, বুদ্ধস্স অভিরোপযিং;
সব্বপুপ্ফা একসীসা, উদ্ধংৰণ্টা অধোমুখা.
‘‘সুচিত্তা ৰিয তিট্ঠন্তে, আকাসে পুপ্ফসন্থরা;
তেন চিত্তপ্পসাদেন, তুসিতং উপপজ্জহং.
‘‘চতুন্নৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পঞ্চপঞ্ঞাসিতো কপ্পে, একো আসিং মহীপতি;
সমন্তছদনো নাম, চক্কৰত্তী মহব্বলো.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং.
ইত্থং সুদং আযস্মা উমাপুপ্ফিযো থেরো ইমা গাথাযো অভাসিত্থাতি.
উমাপুপ্ফিযত্থেরস্সাপদানং পঠমং.
২. পুলিনপূজকত্থেরঅপদানং
‘‘ককুধং ¶ ¶ ৰিলসন্তংৰ, নিসভাজানিযং যথা;
ওসধিংৰ ৰিরোচন্তং, ওভাসন্তং নরাসভং.
‘‘অঞ্জলিং পগ্গহেত্ৰান, অৰন্দিং সত্থুনো অহং;
সত্থারং পরিৰণ্ণেসিং, সককম্মেন তোসযিং [তোসিতো (সী.)].
‘‘সুসুদ্ধং ¶ পুলিনং গয্হ, গতমগ্গে সমোকিরিং;
উচ্ছঙ্গেন গহেত্ৰান, ৰিপস্সিস্স মহেসিনো.
‘‘ততো ¶ উপড্ঢপুলিনং, ৰিপ্পসন্নেন চেতসা;
দিৰাৰিহারে ওসিঞ্চিং, দ্ৰিপদিন্দস্স তাদিনো.
‘‘একনৰুতিতো কপ্পে, পুলিনং যমসিঞ্চহং;
দুগ্গতিং নাভিজানামি, পুলিনস্স ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুলিনপূজকো থেরো ইমা গাথাযো অভাসিত্থাতি.
পুলিনপূজকত্থেরস্সাপদানং দুতিযং.
৩. হাসজনকত্থেরঅপদানং
‘‘দুমগ্গে পংসুকূলকং [পংসুকূলিকং (স্যা. ক.)], লগ্গং দিস্ৰান সত্থুনো;
অঞ্জলিং পগ্গহেত্ৰান, ভিয্যো উচ্চারিতং মযা.
‘‘দূরতো ¶ পন দিস্ৰান [পতিদিস্ৰান (সী. স্যা.)], হাসো মে উদপজ্জথ;
অঞ্জলিং পগ্গহেত্ৰান, ভিয্যো চিত্তং পসাদযিং.
‘‘একনৰুতিতো কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা হাসজনকো থেরো ইমা গাথাযো অভাসিত্থাতি.
হাসজনকত্থেরস্সাপদানং ততিযং.
৪. যঞ্ঞসামিকত্থেরঅপদানং
‘‘জাতিযা ¶ সত্তৰস্সোহং, অহোসিং মন্তপারগূ;
কুলৰত্তং [কুলৰংসং (সী. স্যা.)] অধারেসিং, যঞ্ঞো উস্সাহিতো মযা.
‘‘চুল্লাসীতিসহস্সানি ¶ , পসূ হঞ্ঞন্তি মে তদা;
সারথম্ভুপনীতানি [তারস্মীহি উপনীতানি (ক.), সারস্মিংহি উপনীতানি (স্যা.)], যঞ্ঞত্থায উপট্ঠিতা.
‘‘উক্কামুখপহট্ঠোৰ ¶ , খদিরঙ্গারসন্নিভো;
উদযন্তোৰ সূরিযো, পুণ্ণমাযেৰ [পুণ্ণমাসেৰ (সী.)] চন্দিমা.
‘‘সিদ্ধত্থো সব্বসিদ্ধত্থো, তিলোকমহিতো হিতো;
উপগন্ত্ৰান সম্বুদ্ধো, ইদং ৰচনমব্রৰি.
‘‘‘অহিংসা ¶ সব্বপাণীনং, কুমার মম রুচ্চতি;
থেয্যা চ অতিচারা চ, মজ্জপানা চ আরতি.
‘‘‘রতি চ সমচরিযায, বাহুসচ্চং কতঞ্ঞুতা;
দিট্ঠে ধম্মে পরত্থ চ, ধম্মা এতে পসংসিযা.
‘‘‘এতে ধম্মে ভাৰযিত্ৰা, সব্বসত্তহিতে রতো [হিতেসিতো (ক.)];
বুদ্ধে চিত্তং পসাদেত্ৰা, ভাৰেহি মগ্গমুত্তমং’.
‘‘ইদং ৰত্ৰান সব্বঞ্ঞূ, লোকজেট্ঠো নরাসভো;
মমেৰং অনুসাসিত্ৰা, ৰেহাসং উগ্গতো গতো.
‘‘পুব্বে চিত্তং ৰিসোধেত্ৰা, পচ্ছা চিত্তং পসাদযিং;
তেন চিত্তপ্পসাদেন, তুসিতং উপপজ্জহং.
‘‘চতুন্নৰুতিতো কপ্পে, যদা চিত্তং পসাদযিং;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা যঞ্ঞসামিকো থেরো ইমা গাথাযো অভাসিত্থাতি.
যঞ্ঞসামিকত্থেরস্সাপদানং চতুত্থং.
৫. নিমিত্তসঞ্ঞকত্থেরঅপদানং
‘‘চন্দভাগানদীতীরে ¶ , ৰসামি অস্সমে অহং;
সুৰণ্ণমিগমদ্দক্খিং, চরন্তং ৰিপিনে অহং.
‘‘মিগে ¶ ¶ চিত্তং পসাদেত্ৰা, লোকজেট্ঠং অনুস্সরিং;
তেন চিত্তপ্পসাদেন, অঞ্ঞে বুদ্ধে অনুস্সরিং.
‘‘অব্ভতীতা চ যে বুদ্ধা, ৰত্তমানা অনাগতা;
এৰমেৰং ৰিরোচন্তি, মিগরাজাৰ তে তযো.
‘‘চতুন্নৰুতিতো ¶ কপ্পে, যং সঞ্ঞমলভিং তদা;
দুগ্গতিং নাভিজানামি, বুদ্ধসঞ্ঞাযিদং ফলং.
‘‘সত্তৰীসে ইতো কপ্পে, একো আসিং মহীপতি;
অরঞ্ঞসত্থো নামেন, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নিমিত্তসঞ্ঞকো থেরো ইমা গাথাযো অভাসিত্থাতি.
নিমিত্তসঞ্ঞকত্থেরস্সাপদানং পঞ্চমং.
৬. অন্নসংসাৰকত্থেরঅপদানং
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে;
কঞ্চনগ্ঘিযসঙ্কাসং, বাত্তিংসৰরলক্খণং.
‘‘সিদ্ধত্থং সব্বসিদ্ধত্থং, অনেজং অপরাজিতং;
সম্বুদ্ধং অতিনামেত্ৰা, ভোজযিং তং মহামুনিং.
‘‘মুনি ¶ কারুণিকো লোকে, ওভাসযি মমং তদা;
বুদ্ধে চিত্তং পসাদেত্ৰা, কপ্পং সগ্গম্হি মোদহং.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, ভিক্খাদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অন্নসংসাৰকো থেরো ইমা গাথাযো অভাসিত্থাতি;
অন্নসংসাৰকত্থেরস্সাপদানং ছট্ঠং.
৭. নিগ্গুণ্ডিপুপ্ফিযত্থেরঅপদানং
‘‘যদা ¶ ¶ দেৰো দেৰকাযা, চৰতে আযুসঙ্খযা;
তযো সদ্দা নিচ্ছরন্তি, দেৰানং অনুমোদতং.
‘‘‘ইতো ভো সুগতিং গচ্ছ, মনুস্সানং সহব্যতং;
মনুস্সভূতো সদ্ধম্মে, লভ সদ্ধং অনুত্তরং.
‘‘‘সা ¶ তে সদ্ধা নিৰিট্ঠাস্স, মূলজাতা পতিট্ঠিতা;
যাৰজীৰং অসংহীরা, সদ্ধম্মে সুপ্পৰেদিতে.
‘‘‘কাযেন কুসলং কত্ৰা, ৰাচায কুসলং বহুং;
মনসা কুসলং কত্ৰা, অব্যাপজ্জং নিরূপধিং.
‘‘‘ততো ¶ ওপধিকং পুঞ্ঞং, কত্ৰা দানেন তং বহুং;
অঞ্ঞেপি মচ্চে সদ্ধম্মে, ব্রহ্মচরিযে নিৰেসয’.
‘‘ইমায অনুকম্পায, দেৰাদেৰং যদা ৰিদূ;
চৰন্তং অনুমোদন্তি, এহি দেৰ পুনপ্পুনং [দেৰপুরং পুন (সী.)].
‘‘সংৰেগো মে [সংৰিগ্গোহং (স্যা.)] তদা আসি, দেৰসঙ্ঘে সমাগতে;
কংসু নাম অহং যোনিং, গমিস্সামি ইতো চুতো.
‘‘মম সংৰেগমঞ্ঞায, সমণো ভাৰিতিন্দ্রিযো;
মমুদ্ধরিতুকামো সো, আগচ্ছি মম সন্তিকং.
‘‘সুমনো নাম নামেন, পদুমুত্তরসাৰকো;
অত্থধম্মানুসাসিত্ৰা, সংৰেজেসি মমং তদা.
দ্ৰাদসমং ভাণৰারং.
‘‘তস্সাহং ৰচনং সুত্ৰা, বুদ্ধে চিত্তং পসাদযিং;
তং ধীরং অভিৰাদেত্ৰা, তত্থ কালংকতো অহং.
‘‘উপপজ্জিং স [উপপজ্জিস্সং (সী.)] তত্থেৰ, সুক্কমূলেন চোদিতো;
ৰসন্তো মাতুকুচ্ছিম্হি, পুন ধারেতি মাতুযা.
‘‘তম্হা কাযা চৰিত্ৰান, তিদসে উপপজ্জহং;
এত্থন্তরে ন পস্সামি, দোমনস্সমহং তদা.
‘‘তাৰতিংসা ¶ ¶ চৰিত্ৰান, মাতুকুচ্ছিং সমোক্কমিং;
নিক্খমিত্ৰান কুচ্ছিম্হা, কণ্হসুক্কং অজানহং.
‘‘জাতিযা ¶ সত্তৰস্সোৰ [জাতিযা সত্তৰস্সেন (স্যা.)], আরামং পাৰিসিং অহং;
গোতমস্স ভগৰতো, সক্যপুত্তস্স তাদিনো.
‘‘ৰিত্থারিকে [ৰিত্থারিতে (সী. ক.)] পাৰচনে, বাহুজঞ্ঞম্হি সাসনে;
অদ্দসং সাসনকরে, ভিক্খৰো তত্থ সত্থুনো.
‘‘সাৰত্থি ¶ নাম নগরং, রাজা তত্থাসি কোসলো;
রথেন নাগযুত্তেন, উপেসি বোধিমুত্তমং.
‘‘তস্সাহং নাগং দিস্ৰান, পুব্বকম্মং অনুস্সরিং;
অঞ্জলিং পগ্গহেত্ৰান, সমযং অগমাসহং.
‘‘জাতিযা সত্তৰস্সোৰ, পব্বজিং অনগারিযং;
যো সো বুদ্ধং উপট্ঠাসি, আনন্দো নাম সাৰকো.
‘‘গতিমা ধিতিমা চেৰ, সতিমা চ বহুস্সুতো;
রঞ্ঞো চিত্তং পসাদেন্তো, নিয্যাদেসি মহাজুতি.
‘‘তস্সাহং ধম্মং সুত্ৰান, পুব্বকম্মং অনুস্সরিং;
তত্থেৰ ঠিতকো সন্তো, অরহত্তমপাপুণিং.
‘‘একংসং চীৰরং কত্ৰা, সিরে কত্ৰান অঞ্জলিং;
সম্বুদ্ধং অভিৰাদেত্ৰা, ইমং ৰাচং উদীরযিং.
‘‘‘পদুমুত্তরবুদ্ধস্স, দ্ৰিপদিন্দস্স সত্থুনো;
নিগ্গুণ্ডিপুপ্ফং পগ্গয্হ, সীহাসনে ঠপেসহং.
‘‘‘তেন কম্মেন দ্ৰিপদিন্দ, লোকজেট্ঠ নরাসভ;
পত্তোম্হি অচলং ঠানং, হিত্ৰা জযপরাজযং’.
‘‘পঞ্চৰীসসহস্সম্হি ¶ , কপ্পানং মনুজাধিপা;
অব্বুদনিরব্বুদানি, অট্ঠট্ঠাসিংসু খত্তিযা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নিগ্গুণ্ডিপুপ্ফিযো থেরো ইমা গাথাযো অভাসিত্থাতি.
নিগ্গুণ্ডিপুপ্ফিযত্থেরস্সাপদানং সত্তমং.
৮. সুমনাৰেল়িযত্থেরঅপদানং
‘‘ৰেস্সভুস্স ¶ ¶ ভগৰতো, লোকজেট্ঠস্স তাদিনো;
সব্বে জনা সমাগম্ম, মহাপূজং করোন্তি তে.
‘‘সুধায পিণ্ডং কত্ৰান, আৰেল়ং সুমনাযহং;
সীহাসনস্স পুরতো, অভিরোপেসহং তদা.
‘‘সব্বে ¶ জনা সমাগম্ম, পেক্খন্তি পুপ্ফমুত্তমং;
কেনিদং পূজিতং পুপ্ফং, বুদ্ধসেট্ঠস্স তাদিনো.
‘‘তেন চিত্তপ্পসাদেন, নিম্মানং উপপজ্জহং;
অনুভোমি [অনুভোসিং (সী.)] সকং কম্মং, পুব্বে সুকতমত্তনো.
‘‘যং যং যোনুপপজ্জামি, দেৰত্তং অথ মানুসং;
সব্বেসানং পিযো হোমি, পুপ্ফপূজাযিদং ফলং.
‘‘নাভিজানামি ¶ কাযেন, ৰাচায উদ চেতসা;
সংযতানং তপস্সীনং, কতং অক্কোসিতং মযা.
‘‘তেন সুচরিতেনাহং, চিত্তস্স পণিধীহি চ;
সব্বেসং পূজিতো হোমি, অনক্কোসস্সিদং ফলং.
‘‘ইতো একাদসে কপ্পে, সহস্সারোসি খত্তিযো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুমনাৰেল়িযো থেরো ইমা গাথাযো অভাসিত্থাতি.
সুমনাৰেল়িযত্থেরস্সাপদানং অট্ঠমং.
৯. পুপ্ফচ্ছত্তিযত্থেরঅপদানং
‘‘সিদ্ধত্থস্স ভগৰতো, লোকজেট্ঠস্স তাদিনো;
সচ্চং পকাসযন্তস্স, নিব্বাপেন্তস্স পাণিনো.
‘‘জলজং ¶ আহরিত্ৰান, সতপত্তং মনোরমং;
পুপ্ফস্স ছত্তং কত্ৰান, বুদ্ধস্স অভিরোপযিং.
‘‘সিদ্ধত্থো ¶ ¶ চ লোকৰিদূ, আহুতীনং পটিগ্গহো;
ভিক্খুসঙ্ঘে ঠিতো সত্থা, ইমং গাথং অভাসথ.
‘‘‘যো মে চিত্তং পসাদেত্ৰা, পুপ্ফচ্ছত্তং অধারযিং;
তেন চিত্তপ্পসাদেন, দুগ্গতিং সো ন গচ্ছতি’.
‘‘ইদং ৰত্ৰান সম্বুদ্ধো, সিদ্ধত্থো লোকনাযকো;
উয্যোজেত্ৰান পরিসং, ৰেহাসং নভমুগ্গমি.
‘‘ৰুট্ঠিতে ¶ নরদেৰম্হি, সেতচ্ছত্তম্পি ৰুট্ঠহি;
পুরতো বুদ্ধসেট্ঠস্স, গচ্ছতি ছত্তমুত্তমং.
‘‘চতুন্নৰুতিতো কপ্পে, যং ছত্তং অভিরোপযিং;
দুগ্গতিং নাভিজানামি, পুপ্ফচ্ছত্তস্সিদং ফলং.
‘‘চতুসত্ততিকপ্পম্হি, অট্ঠ জলসিখা অহূ;
সত্তরতনসম্পন্না, চক্কৰত্তী মহব্বলা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুপ্ফচ্ছত্তিযো থেরো ইমা গাথাযো অভাসিত্থাতি.
পুপ্ফচ্ছত্তিযত্থেরস্সাপদানং নৰমং.
১০. সপরিৰারছত্তদাযকত্থেরঅপদানং
‘‘পদুমুত্তরো লোকৰিদূ, আহুতীনং পটিগ্গহো;
আকাসে জলৰুট্ঠীৰ ৰস্সতে [ৰস্সতি (সী. স্যা.), ৰস্সেতি (?)] ধম্মৰুট্ঠিযা.
‘‘তমদ্দসাসিং ¶ সম্বুদ্ধং, দেসেন্তং অমতং পদং;
সকং চিত্তং পসাদেত্ৰা, অগমাসিং সকং ঘরং.
‘‘ছত্তং অলঙ্কতং গয্হ, উপগচ্ছিং নরুত্তমং;
হট্ঠো হট্ঠেন চিত্তেন, আকাসে উক্খিপিং অহং.
‘‘সুসঙ্গহিতযানংৰ ¶ , দন্তোৰ সাৰকুত্তমো;
উপগন্ত্ৰান সম্বুদ্ধং, মত্থকে সম্পতিট্ঠহি.
‘‘অনুকম্পকো কারুণিকো, বুদ্ধো লোকগ্গনাযকো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যেন ছত্তমিদং দিন্নং, অলঙ্কতং মনোরমং;
তেন চিত্তপ্পসাদেন, দুগ্গতিং সো ন গচ্ছতি.
‘‘‘সত্তক্খত্তুঞ্চ ¶ দেৰেসু, দেৰরজ্জং করিস্সতি;
বাত্তিংসক্খত্তুঞ্চ রাজা, চক্কৰত্তী ভৰিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ¶ ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো’.
‘‘বুদ্ধস্স গিরমঞ্ঞায, ৰাচাসভিমুদীরিতং;
পসন্নচিত্তো সুমনো, ভিয্যো হাসং জনেসহং.
‘‘জহিত্ৰা মানুসং যোনিং, দিব্বং যোনিং [দেৰযোনিং (সী.), দিব্বযোনিং (স্যা.)] মজ্ঝগং;
ৰিমানমুত্তমং ময্হং, অব্ভুগ্গতং মনোরমং.
‘‘ৰিমানা ¶ নিক্খমন্তস্স, সেতচ্ছত্তং ধরীযতি;
তদা সঞ্ঞং পটিলভিং, পুব্বকম্মস্সিদং ফলং.
‘‘দেৰলোকা চৰিত্ৰান, মনুস্সত্তঞ্চ আগমিং;
ছত্তিংসক্খত্তুং চক্কৰত্তী, সত্তকপ্পসতম্হিতো.
‘‘তম্হা কাযা চৰিত্ৰান, আগচ্ছিং [অগঞ্ছিং (?)] তিদসং পুরং;
সংসরিত্ৰানুপুব্বেন, মানুসং পুনরাগমিং.
‘‘ওক্কন্তং মাতুকুচ্ছিং মং, সেত্তচ্ছত্তং অধারযুং;
জাতিযা সত্তৰস্সোহং, পব্বজিং অনগারিযং.
‘‘সুনন্দো নাম নামেন, ব্রাহ্মণো মন্তপারগূ;
ফলিকং ছত্তমাদায, সাৰকগ্গস্স সো তদা.
‘‘অনুমোদি ¶ মহাৰীরো, সারিপুত্তো মহাকথী;
সুত্ৰানুমোদনং তস্স, পুব্বকম্মমনুস্সরিং.
‘‘অঞ্জলিং পগ্গহেত্ৰান, সকং চিত্তং পসাদযিং;
সরিত্ৰা পুরিমং কম্মং, অরহত্তমপাপুণিং.
‘‘উট্ঠায আসনা তম্হা, সিরে কত্ৰান অঞ্জলিং;
সম্বুদ্ধং অভিৰাদেত্ৰা, ইমং ৰাচং উদীরিযিং.
‘‘সতসহস্সিতো কপ্পে, বুদ্ধো লোকে অনুত্তরো;
পদুমুত্তরো লোকৰিদূ, আহুতীনং পটিগ্গহো.
‘‘তস্স ছত্তং মযা দিন্নং, ৰিচিত্তং সমলঙ্কতং;
উভো হত্থেহি পগ্গণ্হি, সযম্ভূ অগ্গপুগ্গলো.
‘‘অহো ¶ ¶ বুদ্ধো অহো ধম্মো, অহো নো সত্থুসম্পদা;
একচ্ছত্তস্স দানেন, দুগ্গতিং নুপপজ্জহং.
‘‘কিলেসা ¶ ঝাপিতা ময্হং, ভৰা সব্বে সমূহতা;
সব্বাসৰে পরিঞ্ঞায, ৰিহরামি অনাসৰো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সপরিৰারছত্তদাযকো থেরো ইমা গাথাযো অভাসিত্থাতি.
সপরিৰারছত্তদাযকত্থেরস্সাপদানং দসমং.
উমাপুপ্ফিযৰগ্গো তেত্তিংসতিমো.
তস্সুদ্দানং –
উমাপুপ্ফঞ্চ পুলিনং, হাসো যঞ্ঞো নিমিত্তকো;
সংসাৰকো নিগ্গুণ্ডী চ, সুমনং পুপ্ফছত্তকো;
সপরিৰারছত্তো চ, গাথা সত্তসতুত্তরাতি.
৩৪. গন্ধোদকৰগ্গো
১. গন্ধধূপিযত্থেরঅপদানং
‘‘সিদ্ধত্থস্স ¶ ¶ ¶ ভগৰতো, গন্ধধূপং অদাসহং;
সুমনেহি পটিচ্ছন্নং, বুদ্ধানুচ্ছৰিকঞ্চ তং.
‘‘কঞ্চনগ্ঘিযসঙ্কাসং, বুদ্ধং লোকগ্গনাযকং;
ইন্দীৰরংৰ জলিতং, আদিত্তংৰ হুতাসনং.
‘‘ব্যগ্ঘুসভংৰ পৰরং, অভিজাতংৰ কেসরিং;
নিসিন্নং সমণানগ্গং, ভিক্খুসঙ্ঘপুরক্খতং.
‘‘দিস্ৰা চিত্তং পসাদেত্ৰা, পগ্গহেত্ৰান অঞ্জলিং;
ৰন্দিত্ৰা সত্থুনো পাদে, পক্কামিং উত্তরামুখো.
‘‘চতুন্নৰুতিতো কপ্পে, যং গন্ধমদদিং তদা;
দুগ্গতিং নাভিজানামি, গন্ধপূজাযিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা গন্ধধূপিযো থেরো ইমা গাথাযো অভাসিত্থাতি.
গন্ধধূপিযত্থেরস্সাপদানং পঠমং.
২. উদকপূজকত্থেরঅপদানং
‘‘সুৰণ্ণৰণ্ণং ¶ সম্বুদ্ধং, গচ্ছন্তং অনিলঞ্জসে;
ঘতাসনংৰ জলিতং, আদিত্তংৰ হুতাসনং.
‘‘পাণিনা উদকং গয্হ, আকাসে উক্খিপিং অহং;
সম্পটিচ্ছি মহাৰীরো, বুদ্ধো কারুণিকো ইসি.
‘‘অন্তলিক্খে ঠিতো সত্থা, পদুমুত্তরনামকো;
মম সঙ্কপ্পমঞ্ঞায, ইমং গাথমভাসথ.
‘‘‘ইমিনা ¶ দকদানেন, পীতিউপ্পাদনেন চ;
কপ্পসতসহস্সম্পি, দুগ্গতিং নুপপজ্জসি’.
‘‘তেন ¶ কম্মেন দ্ৰিপদিন্দ, লোকজেট্ঠ নরাসভ;
পত্তোম্হি অচলং ঠানং, হিত্ৰা জযপরাজযং.
‘‘সহস্সরাজনামেন, তযো চ চক্কৰত্তিনো;
পঞ্চসট্ঠিকপ্পসতে, চাতুরন্তা জনাধিপা.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদকপূজকো থেরো ইমা গাথাযো অভাসিত্থাতি.
উদকপূজকত্থেরস্সাপদানং দুতিযং.
৩. পুন্নাগপুপ্ফিযত্থেরঅপদানং
‘‘কাননং ¶ ৰনমোগয্হ, ৰসামি লুদ্দকো অহং;
পুন্নাগং পুপ্ফিতং দিস্ৰা, বুদ্ধসেট্ঠং অনুস্সরিং.
‘‘তং পুপ্ফং ওচিনিত্ৰান, সুগন্ধং গন্ধিতং সুভং;
থূপং কত্ৰান পুলিনে, বুদ্ধস্স অভিরোপযিং.
‘‘দ্ৰেনৰুতে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘একম্হি নৰুতে কপ্পে, একো আসিং তমোনুদো;
সত্তরতনসম্পন্নো, চক্কৰত্তী মহব্বলো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুন্নাগপুপ্ফিযো থেরো ইমা গাথাযো অভাসিত্থাতি.
পুন্নাগপুপ্ফিযত্থেরস্সাপদানং ততিযং.
৪. একদুস্সদাযকত্থেরঅপদানং
‘‘নগরে হংসৰতিযা, অহোসিং তিণহারকো;
তিণহারেন জীৰামি, তেন পোসেমি দারকে.
‘‘পদুমুত্তরো ¶ ¶ নাম জিনো, সব্বধম্মান পারগূ;
তমন্ধকারং নাসেত্ৰা, উপ্পজ্জি লোকনাযকো.
‘‘সকে ¶ ঘরে নিসীদিত্ৰা, এৰং চিন্তেসহং তদা;
‘বুদ্ধো লোকে সমুপ্পন্নো, দেয্যধম্মো চ নত্থি মে.
‘‘‘ইদং মে সাটকং একং, নত্থি মে কোচি দাযকো;
দুক্খো নিরযসম্ফস্সো, রোপযিস্সামি দক্খিণং’.
‘‘এৰাহং চিন্তযিত্ৰান, সকং চিত্তং পসাদযিং;
একং দুস্সং গহেত্ৰান, বুদ্ধসেট্ঠস্সদাসহং.
‘‘একং দুস্সং দদিত্ৰান, উক্কুট্ঠিং সম্পৰত্তযিং;
যদি বুদ্ধো তুৰং ৰীর, তারেহি মং মহামুনি.
‘‘পদুমুত্তরো লোকৰিদূ, আহুতীনং পটিগ্গহো;
মম দানং পকিত্তেন্তো, অকা মে অনুমোদনং.
‘‘‘ইমিনা একদুস্সেন, চেতনাপণিধীহি চ;
কপ্পসতসহস্সানি, ৰিনিপাতং ন গচ্ছতি.
‘‘‘ছত্তিংসক্খত্তুং দেৰিন্দো, দেৰরজ্জং করিস্সতি;
তেত্তিংসক্খত্তুং রাজা চ, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘দেৰলোকে মনুস্সে ৰা, সংসরন্তো তুৰং ভৰে;
রূপৰা গুণসম্পন্নো, অনৰক্কন্তদেহৰা;
অক্খোভং অমিতং দুস্সং, লভিস্সসি যদিচ্ছকং’.
‘‘ইদং ¶ ৰত্ৰান সম্বুদ্ধো, জলজুত্তমনামকো;
নভং অব্ভুগ্গমী ধীরো, হংসরাজাৰ অম্বরে.
‘‘যং যং যোনুপপজ্জামি, দেৰত্তং অথ মানুসং;
ভোগে মে ঊনতা নত্থি, একদুস্সস্সিদং ফলং.
‘‘পদুদ্ধারে পদুদ্ধারে, দুস্সং নিব্বত্ততে মমং;
হেট্ঠা দুস্সম্হি তিট্ঠামি, উপরি ছদনং মম.
‘‘চক্কৰাল়মুপাদায, সকাননং সপব্বতং;
ইচ্ছমানো চহং অজ্জ, দুস্সেহি ছাদযেয্যহং.
‘‘তেনেৰ ¶ একদুস্সেন, সংসরন্তো ভৰাভৰে;
সুৰণ্ণৰণ্ণো হুত্ৰান, সংসরামি ভৰাভৰে.
‘‘ৰিপাকং একদুস্সস্স, নজ্ঝগং কত্থচিক্খযং;
অযং মে অন্তিমা জাতি, ৰিপচ্চতি ইধাপি মে.
‘‘সতসহস্সিতো ¶ কপ্পে, যং দুস্সমদদিং তদা;
দুগ্গতিং নাভিজানামি, একদুস্সস্সিদং ফলং.
‘‘কিলেসা ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একদুস্সদাযকো থেরো ইমা গাথাযো অভাসিত্থাতি.
একদুস্সদাযকত্থেরস্সাপদানং চতুত্থং.
৫. ফুসিতকম্পিযত্থেরঅপদানং
‘‘ৰিপস্সী ¶ ¶ নাম [সব্বত্থপি এৰমেৰ দিস্সতি]
সম্বুদ্ধো, লোকজেট্ঠো নরাসভো.
খীণাসৰেহি সহিতো, সঙ্ঘারামে ৰসী তদা.
‘‘আরামদ্ৰারা নিক্খম্ম, ৰিপস্সী [সব্বত্থপি এৰমেৰ দিস্সতি] লোকনাযকো;
সহ সতসহস্সেহি, অট্ঠ [সহস্সসতসিস্সেহি, অট্ঠ (ক.), অট্ঠ সতসহস্সেহি, সহ (?)] খীণাসৰেহি সো.
‘‘অজিনেন নিৰত্থোহং, ৰাকচীরধরোপি চ;
কুসুমোদকমাদায [কুসুম্ভোদক… (সী. স্যা.)], সম্বুদ্ধং উপসঙ্কমিং.
‘‘সকং চিত্তং পসাদেত্ৰা, ৰেদজাতো কতঞ্জলী;
কুসুমোদকমাদায, বুদ্ধমব্ভুক্কিরিং অহং.
‘‘তেন কম্মেন সম্বুদ্ধো, জলজুত্তমনামকো [সব্বত্থপি এৰমেৰ দিস্সতি];
মম কম্মং পকিত্তেত্ৰা, অগমা যেন পত্থিতং.
‘‘ফুসিতা ¶ পঞ্চসহস্সা, যেহি পূজেসহং জিনং;
অড্ঢতেয্যসহস্সেহি, দেৰরজ্জং অকারযিং.
‘‘অড্ঢতেয্যসহস্সেহি, চক্কৰত্তী অহোসহং;
অৰসেসেন কম্মেন, অরহত্তমপাপুণিং.
‘‘দেৰরাজা যদা হোমি [অহোসিং (স্যা. ক.)], মনুজাধিপতী যদা [তদা (স্যা. ক.)];
তমেৰ নামধেয্যং মে, ফুসিতো নাম হোমহং.
‘‘দেৰভূতস্স সন্তস্স, অথাপি মানুসস্স ৰা;
সমন্তা ব্যামতো ময্হং, ফুসিতংৰ পৰস্সতি.
‘‘ভৰা ¶ ¶ উগ্ঘাটিতা ময্হং, কিলেসা ঝাপিতা মম;
সব্বাসৰপরিক্খীণো, ফুসিতস্স ইদং ফলং.
‘‘চন্দনস্সেৰ মে কাযা, তথা গন্ধো পৰাযতি;
সরীরতো মম গন্ধো, অড্ঢকোসে পৰাযতি.
‘‘দিব্বগন্ধং সম্পৰন্তং, পুঞ্ঞকম্মসমঙ্গিনং;
গন্ধং ঘত্ৰান জানন্তি, ফুসিতো আগতো ইধ.
‘‘সাখাপলাসকট্ঠানি ¶ , তিণানিপি চ সব্বসো;
মম সঙ্কপ্পমঞ্ঞায, গন্ধো সম্পজ্জতে খণে.
‘‘সতসহস্সিতো [সব্বত্থপি এৰমেৰ দিস্সতি] কপ্পে, চন্দনং অভিপূজযিং;
দুগ্গতিং নাভিজানামি, ফুসিতস্স ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফুসিতকম্পিযো থেরো ইমা গাথাযো অভাসিত্থাতি.
ফুসিতকম্পিযত্থেরস্সাপদানং পঞ্চমং.
৬. পভঙ্করত্থেরঅপদানং
‘‘পদুমুত্তরভগৰতো, লোকজেট্ঠস্স তাদিনো;
ৰিপিনে চেতিযং আসি, ৰাল়মিগসমাকুলে.
‘‘ন ¶ ¶ কোচি ৰিসহি গন্তুং, চেতিযং অভিৰন্দিতুং;
তিণকট্ঠলতোনদ্ধং, পলুগ্গং আসি চেতিযং.
‘‘ৰনকম্মিকো তদা আসিং, পিতুমাতুমতেনহং [পিতুপেতামহেনহং (সী.), পিতাপেতামহেনহং (স্যা.)];
অদ্দসং ৰিপিনে থূপং, লুগ্গং তিণলতাকুলং.
‘‘দিস্ৰানাহং বুদ্ধথূপং, গরুচিত্তং উপট্ঠহিং;
বুদ্ধসেট্ঠস্স থূপোযং, পলুগ্গো অচ্ছতী ৰনে.
‘‘নচ্ছন্নং নপ্পতিরূপং, জানন্তস্স গুণাগুণং;
বুদ্ধথূপং অসোধেত্ৰা, অঞ্ঞং কম্মং পযোজযে.
‘‘তিণকট্ঠঞ্চ ৰল্লিঞ্চ, সোধযিত্ৰান চেতিযে;
ৰন্দিত্ৰা অট্ঠ ৰারানি [অট্ঠ ঠানানি (ক.)], পটিকুটিকো অগচ্ছহং.
‘‘তেন ¶ কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘তত্থ মে সুকতং ব্যম্হং, সোৰণ্ণং সপভস্সরং;
সট্ঠিযোজনমুব্বিদ্ধং, তিংসযোজনৰিত্থতং.
‘‘তিসতানি চ ৰারানি, দেৰরজ্জমকারযিং;
পঞ্চৰীসতিক্খত্তুঞ্চ, চক্কৰত্তী অহোসহং.
‘‘ভৰাভৰে সংসরন্তো, মহাভোগং লভামহং;
ভোগে মে ঊনতা নত্থি, সোধনায ইদং ফলং.
‘‘সিৰিকা ¶ হত্থিখন্ধেন, ৰিপিনে গচ্ছতো মম;
যং যং দিসাহং গচ্ছামি, সরণং সম্পতে [সিজ্ঝতে (ক.)] ৰনং.
‘‘খাণুং ¶ ৰা কণ্টকং ৰাপি, নাহং পস্সামি চক্খুনা;
পুঞ্ঞকম্মেন সংযুত্তো, সযমেৰাপনীযরে.
‘‘কুট্ঠং গণ্ডো কিলাসো চ, অপমারো ৰিতচ্ছিকা;
দদ্দু কচ্ছু [কণ্ডু (স্যা.)] চ মে নত্থি, সোধনায ইদং ফলং.
‘‘অঞ্ঞম্পি ¶ মে অচ্ছরিযং, বুদ্ধথূপস্স সোধনে [বুদ্ধথূপম্হি সোধিতে (স্যা.)];
নাভিজানামি মে কাযে, জাতং পিল়কবিন্দুকং.
‘‘অঞ্ঞম্পি মে অচ্ছরিযং, বুদ্ধথূপম্হি সোধিতে [সব্বত্থপি এৰমেৰ দিস্সতি, তথা উপরিপি];
দুৰে ভৰে সংসরামি, দেৰত্তে অথ মানুসে.
‘‘অঞ্ঞম্পি মে অচ্ছরিযং, বুদ্ধথূপম্হি সোধিতে;
সুৰণ্ণৰণ্ণো সব্বত্থ, সপ্পভাসো ভৰামহং.
‘‘অঞ্ঞম্পি মে অচ্ছরিযং, বুদ্ধথূপম্হি সোধিতে;
অমনাপং ৰিৰজ্জতি, মনাপং উপতিট্ঠতি.
‘‘অঞ্ঞম্পি মে অচ্ছরিযং, বুদ্ধথূপম্হি সোধিতে;
ৰিসুদ্ধং হোতি মে চিত্তং, একগ্গং সুসমাহিতং.
‘‘অঞ্ঞম্পি মে অচ্ছরিযং, বুদ্ধথূপম্হি সোধিতে;
একাসনে নিসীদিত্ৰা, অরহত্তমপাপুণিং.
‘‘সতসহস্সিতো কপ্পে, যং কম্মমকরিং তদা;
দুগ্গতিং নাভিজানামি, সোধনায ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা পভঙ্করো থেরো ইমা গাথাযো অভাসিত্থাতি.
পভঙ্করত্থেরস্সাপদানং ছট্ঠং.
৭. তিণকুটিদাযকত্থেরঅপদানং
‘‘নগরে বন্ধুমতিযা, অহোসিং পরকম্মিকো;
পরকম্মাযনে যুত্তো, পরভত্তং অপস্সিতো.
‘‘রহোগতো নিসীদিত্ৰা, এৰং চিন্তেসহং তদা;
বুদ্ধো লোকে সমুপ্পন্নো, অধিকারো চ নত্থি মে.
‘‘কালো ¶ মে গতিং [কালো গতিং মে (সী. স্যা.)] সোধেতুং, খণো মে পটিপাদিতো;
দুক্খো নিরযসম্ফস্সো, অপুঞ্ঞানঞ্হি পাণিনং.
‘‘এৰাহং চিন্তযিত্ৰান, কম্মসামিং উপাগমিং;
একাহং কম্মং যাচিত্ৰা, ৰিপিনং পাৰিসিং অহং.
‘‘তিণকট্ঠঞ্চ ¶ ৰল্লিঞ্চ, আহরিত্ৰানহং তদা;
তিদণ্ডকে ঠপেত্ৰান, অকং তিণকুটিং অহং.
‘‘সঙ্ঘস্সত্থায কুটিকং, নিয্যাদেত্ৰান [নিয্যাতেত্ৰান (সী.)] তং অহং;
তদহেযেৰ আগন্ত্ৰা, কম্মসামিং উপাগমিং.
‘‘তেন কম্মেন সুকতেন, তাৰতিংসমগচ্ছহং;
তত্থ মে সুকতং ব্যম্হং, কুটিকায সুনিম্মিতং [তিণকুটিকায নিম্মিতং (সী.)].
‘‘সহস্সকণ্ডং ¶ সতভেণ্ডু, ধজালু হরিতামযং;
সতসহস্সনিয্যূহা, ব্যম্হে পাতুভৰিংসু মে.
‘‘যং যং যোনুপপজ্জামি, দেৰত্তং অথ মানুসং;
মম সঙ্কপ্পমঞ্ঞায, পাসাদো উপতিট্ঠতি.
‘‘ভযং ৰা ছম্ভিতত্তং ৰা, লোমহংসো ন ৰিজ্জতি;
তাসং মম ন জানামি, তিণকুটিকাযিদং [তিণকুটিযিদং (ক.)] ফলং.
‘‘সীহব্যগ্ঘা চ দীপী চ, অচ্ছকোকতরচ্ছকা [তরচ্ছযো (স্যা. ক.)];
সব্বে মং পরিৰজ্জেন্তি, তিণকুটিকাযিদং ফলং.
‘‘সরীসপা ¶ [সিরিংসপা (সী. স্যা.), সরিংসপা (ক.)] চ ভূতা চ, অহী কুম্ভণ্ডরক্খসা;
তেপি মং পরিৰজ্জেন্তি, তিণকুটিকাযিদং ফলং.
‘‘ন পাপসুপিনস্সাপি, সরামি দস্সনং মম;
উপট্ঠিতা সতি ময্হং, তিণকুটিকাযিদং ফলং.
‘‘তাযেৰ তিণকুটিকায, অনুভোত্ৰান সম্পদা;
গোতমস্স ভগৰতো, ধম্মং সচ্ছিকরিং অহং.
‘‘একনৰুতিতো কপ্পে, যং কম্মমকরিং তদা;
দুগ্গতিং নাভিজানামি, তিণকুটিকাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা তিণকুটিদাযকো থেরো ইমা গাথাযো অভাসিত্থাতি.
তিণকুটিদাযকত্থেরস্সাপদানং সত্তমং.
৮. উত্তরেয্যদাযকত্থেরঅপদানং
‘‘নগরে ¶ ¶ হংসৰতিযা, অহোসিং ব্রাহ্মণো তদা;
অজ্ঝাযকো মন্তধরো, তিণ্ণং ৰেদান পারগূ.
‘‘পুরক্খতো সসিস্সেহি, জাতিমা চ সুসিক্খিতো;
তোযাভিসেচনত্থায, নগরা নিক্খমিং তদা.
‘‘পদুমুত্তরো নাম জিনো, সব্বধম্মান পারগূ;
খীণাসৰসহস্সেহি, পাৰিসী নগরং জিনো.
‘‘সুচারুরূপং দিস্ৰান, আনেঞ্জকারিতং ৰিয;
পরিৰুতং অরহন্তেহি, দিস্ৰা চিত্তং পসাদযিং.
‘‘সিরস্মিং অঞ্জলিং কত্ৰা, নমস্সিত্ৰান সুব্বতং;
পসন্নচিত্তো সুমনো, উত্তরীযমদাসহং.
‘‘উভো হত্থেহি পগ্গয্হ, সাটকং উক্খিপিং অহং;
যাৰতা বুদ্ধপরিসা, তাৰ ছাদেসি সাটকো.
‘‘পিণ্ডচারং চরন্তস্স, মহাভিক্খুগণাদিনো;
ছদং করোন্তো অট্ঠাসি, হাসযন্তো মমং তদা.
‘‘ঘরতো ¶ ¶ নিক্খমন্তস্স, সযম্ভূ অগ্গপুগ্গলো;
ৰীথিযংৰ ঠিতো সত্থা, অকা মে [অকাসি (স্যা.)] অনুমোদনং.
‘‘পসন্নচিত্তো সুমনো, যো মে অদাসি সাটকং;
তমহং কিত্তযিস্সামি, সুণোথ মম ভাসতো.
‘‘‘তিংসকপ্পসহস্সানি, দেৰলোকে রমিস্সতি;
পঞ্ঞাসক্খত্তুং দেৰিন্দো, দেৰরজ্জং করিস্সতি.
‘‘‘দেৰলোকে ৰসন্তস্স, পুঞ্ঞকম্মসমঙ্গিনো;
সমন্তা যোজনসতং, দুস্সচ্ছন্নং ভৰিস্সতি.
‘‘‘ছত্তিংসক্খত্তুং রাজা চ, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘ভৰে সংসরমানস্স, পুঞ্ঞকম্মসমঙ্গিনো;
মনসা পত্থিতং সব্বং, নিব্বত্তিস্সতি তাৰদে.
‘‘‘কোসেয্যকম্বলিযানি ¶ [কোসেয্যকম্বলীযানি (সী.)], খোমকপ্পাসিকানি চ;
মহগ্ঘানি চ দুস্সানি, পটিলচ্ছতিযং নরো.
‘‘‘মনসা ¶ পত্থিতং সব্বং, পটিলচ্ছতিযং নরো;
একদুস্সস্স ৰিপাকং, অনুভোস্সতি সব্বদা.
‘‘‘সো পচ্ছা পব্বজিত্ৰান, সুক্কমূলেন চোদিতো;
গোতমস্স ভগৰতো, ধম্মং সচ্ছিকরিস্সতি’.
‘‘অহো মে সুকতং কম্মং, সব্বঞ্ঞুস্স মহেসিনো;
একাহং সাটকং দত্ৰা, পত্তোম্হি অমতং পদং.
‘‘মণ্ডপে ¶ রুক্খমূলে ৰা, ৰসতো সুঞ্ঞকে ঘরে;
ধারেতি দুস্সছদনং, সমন্তা ব্যামতো মম.
‘‘অৰিঞ্ঞত্তং নিৰাসেমি [অৰিঞ্ঞত্তানি সেৰামি (?)], চীৰরং পচ্চযঞ্চহং;
লাভী [লাভিম্হি (স্যা.)] অন্নস্স পানস্স, উত্তরেয্যস্সিদং ফলং.
‘‘সতসহস্সিতো কপ্পে, যং কম্মমকরিং তদা;
দুগ্গতিং নাভিজানামি, ৰত্থদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উত্তরেয্যদাযকো থেরো ইমা গাথাযো অভাসিত্থাতি.
উত্তরেয্যদাযকত্থেরস্সাপদানং অট্ঠমং.
৯. ধম্মসৰনিযত্থেরঅপদানং
‘‘পদুমুত্তরো ¶ নাম জিনো, সব্বধম্মান পারগূ;
চতুসচ্চং পকাসেন্তো, সন্তারেসি বহুং জনং.
‘‘অহং তেন সমযেন, জটিলো উগ্গতাপনো;
ধুনন্তো ৰাকচীরানি, গচ্ছামি অম্বরে তদা.
‘‘বুদ্ধসেট্ঠস্স উপরি, গন্তুং ন ৰিসহামহং;
পক্খীৰ সেলমাসজ্জ [সেলমাপজ্জ (স্যা.)], গমনং ন লভামহং.
‘‘ন ¶ ¶ মে ইদং ভূতপুব্বং, ইরিযস্স ৰিকোপনং;
দকে যথা উম্মুজ্জিত্ৰা, এৰং গচ্ছামি অম্বরে.
‘‘উল়ারভূতো ¶ মনুজো, হেট্ঠাসীনো [হেট্ঠাপি নো (ক.)] ভৰিস্সতি;
হন্দ মেনং গৰেসিস্সং, অপি অত্থং লভেয্যহং.
‘‘ওরোহন্তো অন্তলিক্খা, সদ্দমস্সোসি সত্থুনো;
অনিচ্চতং কথেন্তস্স, তমহং উগ্গহিং তদা.
‘‘অনিচ্চসঞ্ঞমুগ্গয্হ, অগমাসিং মমস্সমং;
যাৰতাযুং ৰসিত্ৰান, তত্থ কালঙ্কতো অহং.
‘‘চরিমে ৰত্তমানম্হি, তং ধম্মসৰনং [ধম্মসৰণং (সী.)] সরিং;
তেন কম্মেন সুকতেন, তাৰতিংসমগচ্ছহং.
‘‘তিংসকপ্পসহস্সানি, দেৰলোকে রমিং অহং;
একপঞ্ঞাসক্খত্তুঞ্চ, দেৰরজ্জমকারযিং.
‘‘একসত্ততিক্খত্তুঞ্চ, চক্কৰত্তী অহোসহং;
পদেসরজ্জং ৰিপুলং, গণনাতো অসঙ্খিযং.
‘‘পিতুগেহে নিসীদিত্ৰা, সমণো ভাৰিতিন্দ্রিযো;
গাথায পরিদীপেন্তো, অনিচ্চতমুদাহরি [অনিচ্চৰত্থুদাহরি (স্যা. ক.)].
‘‘অনুস্সরামি তং সঞ্ঞং, সংসরন্তো ভৰাভৰে;
ন কোটিং পটিৰিজ্ঝামি [ন কোচি পটিৰজ্জামি (ক.)], নিব্বানং অচ্চুতং পদং [অযং গাথা উপরি ৪৩ ৰগ্গে সত্তমাপদানে পুরিমগাথায পুরেতরং দিস্সতি].
‘‘অনিচ্চা ৰত সঙ্খারা, উপ্পাদৰযধম্মিনো;
উপ্পজ্জিত্ৰা নিরুজ্ঝন্তি, তেসং ৰূপসমো সুখো.
‘‘সহ ¶ ¶ গাথং সুণিত্ৰান, পুব্বকম্মং অনুস্সরিং;
একাসনে নিসীদিত্ৰা, অরহত্তমপাপুণিং.
‘‘জাতিযা সত্তৰস্সোহং, অরহত্তমপাপুণিং;
উপসম্পাদযি বুদ্ধো, গুণমঞ্ঞায চক্খুমা.
‘‘দারকোৰ ¶ অহং সন্তো, করণীযং সমাপযিং;
কিং মে করণীযং অজ্জ, সক্যপুত্তস্স সাসনে.
‘‘সতসহস্সিতো কপ্পে, যং কম্মমকরিং তদা;
দুগ্গতিং নাভিজানামি, সদ্ধম্মসৰনে ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধম্মসৰনিযো থেরো ইমা গাথাযো অভাসিত্থাতি.
ধম্মসৰনিযত্থেরস্সাপদানং নৰমং.
১০. উক্খিত্তপদুমিযত্থেরঅপদানং
‘‘নগরে ¶ হংসৰতিযা, অহোসিং মালিকো তদা;
ওগাহেত্ৰা পদুমসরং, সতপত্তং ওচিনামহং.
‘‘পদুমুত্তরো নাম জিনো, সব্বধম্মান পারগূ;
সহ সতসহস্সেহি [সতসহস্সসিস্সেহি (ক.)], সন্তচিত্তেহি তাদিভি.
‘‘খীণাসৰেহি ¶ সুদ্ধেহি, ছল়ভিঞ্ঞেহি ঝাযিভি [সো তদা (সী.), সো সহ (ক.)];
মম ৰুদ্ধিং সমন্ৰেসং, আগচ্ছি মম সন্তিকং [মম সন্তিকে (সী.), পুরিসুত্তমো (স্যা. ক.)].
‘‘দিস্ৰানহং দেৰদেৰং, সযম্ভুং লোকনাযকং;
ৰণ্টে ছেত্ৰা সতপত্তং, উক্খিপিমম্বরে তদা.
‘‘যদি বুদ্ধো তুৰং ৰীর, লোকজেট্ঠো নরাসভো;
সযং গন্ত্ৰা সতপত্তা, মত্থকে ধারযন্তু তে.
‘‘অধিট্ঠহি মহাৰীরো, লোকজেট্ঠো নরাসভো;
বুদ্ধস্স আনুভাৰেন, মত্থকে ধারযিংসু তে.
‘‘তেন কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘তত্থ ¶ ¶ মে সুকতং ব্যম্হং, সতপত্তন্তি ৰুচ্চতি;
সট্ঠিযোজনমুব্বিদ্ধং, তিংসযোজনৰিত্থতং.
‘‘সহস্সক্খত্তুং দেৰিন্দো, দেৰরজ্জমকারযিং;
পঞ্চসত্ততিক্খত্তুঞ্চ, চক্কৰত্তী অহোসহং.
‘‘পদেসরজ্জং ৰিপুলং, গণনাতো অসঙ্খিযং;
অনুভোমি সকং কম্মং, পুব্বে সুকতমত্তনো.
‘‘তেনেৰেকপদুমেন, অনুভোত্ৰান সম্পদা;
গোতমস্স ভগৰতো, ধম্মং সচ্ছিকরিং অহং.
‘‘কিলেসা ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘সতসহস্সিতো ¶ কপ্পে, যং পুপ্ফমভিপূজযিং;
দুগ্গতিং নাভিজানামি, একপদুমস্সিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা উক্খিত্তপদুমিযো থেরো ইমা গাথাযো অভাসিত্থাতি.
উক্খিত্তপদুমিযত্থেরস্সাপদানং দসমং.
গন্ধোদকৰগ্গো চতুতিংসতিমো.
তস্সুদ্দানং –
গন্ধধূপো উদকঞ্চ, পুন্নাগ একদুস্সকা;
ফুসিতো চ পভঙ্করো, কুটিদো উত্তরীযকো.
সৰনী একপদুমী, গাথাযো সব্বপিণ্ডিতা;
একং গাথাসতঞ্চেৰ, চতুতালীসমেৰ চ.
৩৫. একপদুমিযৰগ্গো
১. একপদুমিযত্থেরঅপদানং
‘‘পদুমুত্তরো ¶ ¶ ¶ নাম জিনো, সব্বধম্মান পারগূ;
ভৰাভৰে ৰিভাৰেন্তো, তারেসি জনতং বহুং.
‘‘হংসরাজা তদা হোমি, দিজানং পৰরো অহং;
জাতস্সরং সমোগয্হ, কীল়ামি হংসকীল়িতং.
‘‘পদুমুত্তরো লোকৰিদূ, আহুতীনং পটিগ্গহো;
জাতস্সরস্স উপরি, আগচ্ছি তাৰদে জিনো.
‘‘দিস্ৰানহং দেৰদেৰং, সযম্ভুং লোকনাযকং;
ৰণ্টে ছেত্ৰান পদুমং, সতপত্তং মনোরমং.
‘‘মুখতুণ্ডেন পগ্গয্হ, পসন্নো লোকনাযকে [ৰিপ্পসন্নেন চেতসা (স্যা.)];
উক্খিপিত্ৰান গগণে [উক্খিপিত্ৰা নলাটেন (ক.)], বুদ্ধসেট্ঠং অপূজযিং.
‘‘পদুমুত্তরো লোকৰিদূ, আহুতীনং পটিগ্গহো;
অন্তলিক্খে ঠিতো সত্থা, অকা মে অনুমোদনং.
‘‘‘ইমিনা একপদুমেন, চেতনাপণিধীহি চ;
কপ্পানং সতসহস্সং, ৰিনিপাতং ন গচ্ছসি’.
‘‘ইদং ৰত্ৰান সম্বুদ্ধো, জলজুত্তমনামকো;
মম কম্মং পকিত্তেত্ৰা, অগমা যেন পত্থিতং.
‘‘সতসহস্সিতো ¶ ¶ কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা একপদুমিযো থেরো ইমা গাথাযো অভাসিত্থাতি.
একপদুমিযত্থেরস্সাপদানং পঠমং.
২. তীণুপ্পলমালিযত্থেরঅপদানং
‘‘চন্দভাগানদীতীরে ¶ ¶ , অহোসিং ৰানরো তদা;
অদ্দসং ৰিরজং বুদ্ধং, নিসিন্নং পব্বতন্তরে.
‘‘ওভাসেন্তং দিসা সব্বা, সালরাজংৰ ফুল্লিতং;
লক্খণব্যঞ্জনূপেতং, দিস্ৰা অত্তমনো অহুং.
‘‘উদগ্গচিত্তো সুমনো, পীতিযা হট্ঠমানসো;
তীণি উপ্পলপুপ্ফানি, মত্থকে অভিরোপযিং.
‘‘পুপ্ফানি অভিরোপেত্ৰা, ৰিপস্সিস্স মহেসিনো;
সগারৰো ভৰিত্ৰান [গমিত্ৰান (সী.), নমিত্ৰান (ক.)], পক্কামিং উত্তরামুখো.
‘‘গচ্ছন্তো পটিকুটিকো, ৰিপ্পসন্নেন চেতসা;
সেলন্তরে পতিত্ৰান [পপতিত্ৰা (স্যা. ক.)], পাপুণিং জীৰিতক্খযং.
‘‘তেন ¶ কম্মেন সুকতেন, চেতনাপণিধীহি চ;
জহিত্ৰা মানুসং দেহং [পুরিমং জাতিং (?) উপরি ৩৮ ৰগ্গে ততিযাপদানে এৰমেৰ দিস্সতি], তাৰতিংসমগচ্ছহং.
‘‘সতানং ¶ তীণিক্খত্তুঞ্চ, দেৰরজ্জং অকারযিং;
সতানং পঞ্চক্খত্তুঞ্চ, চক্কৰত্তী অহোসহং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তীণুপ্পলমালিযো [তিউপ্পলমালিযো (সী.)] থেরো ইমা গাথাযো অভাসিত্থাতি.
তীণুপ্পলমালিযত্থেরস্সাপদানং দুতিযং.
৩. ধজদাযকত্থেরঅপদানং
‘‘তিস্সো নাম অহু সত্থা, লোকজেট্ঠো নরাসভো;
তযোপধিক্খযে [তস্সোপধিক্খযে (সী.)] দিস্ৰা, ধজং আরোপিতং মযা.
‘‘তেন ¶ কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘সতানং ¶ তীণিক্খত্তুঞ্চ, দেৰরজ্জং অকারযিং;
সতানং পঞ্চক্খত্তুঞ্চ, চক্কৰত্তী অহোসহং.
‘‘পদেসরজ্জং ¶ ৰিপুলং, গণনাতো অসঙ্খিযং;
অনুভোমি সকং কম্মং, পুব্বে সুকতমত্তনো.
‘‘দ্ৰেনৰুতে ইতো কপ্পে, যং কম্মমকরিং তদা;
দুগ্গতিং নাভিজানামি, ধজদানস্সিদং ফলং.
‘‘ইচ্ছমানো চহং অজ্জ, সকাননং সপব্বতং;
খোমদুস্সেন ছাদেয্যং, তদা ময্হং কতে ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধজদাযকো থেরো ইমা গাথাযো অভাসিত্থাতি.
ধজদাযকত্থেরস্সাপদানং ততিযং.
৪. তিকিঙ্কণিপূজকত্থেরঅপদানং
‘‘হিমৰন্তস্সাৰিদূরে, ভূতগণো নাম পব্বতো;
তত্থদ্দসং পংসুকূলং, দুমগ্গম্হি ৰিলগ্গিতং.
‘‘তীণি কিঙ্কণিপুপ্ফানি, ওচিনিত্ৰানহং তদা;
হট্ঠো হট্ঠেন চিত্তেন, পংসুকূলং অপূজযিং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, তিণ্ণং পুপ্ফানিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিকিঙ্কণিপূজকো থেরো ইমা গাথাযো অভাসিত্থাতি.
তিকিঙ্কণিপূজকত্থেরস্সাপদানং চতুত্থং.
৫. নল়াগারিকত্থেরঅপদানং
‘‘হিমৰন্তস্সাৰিদূরে ¶ , হারিতো নাম পব্বতো;
সযম্ভূ নারদো নাম, রুক্খমূলে ৰসী তদা.
‘‘নল়াগারং করিত্ৰান, তিণেন ছাদযিং অহং;
চঙ্কমং সোধযিত্ৰান, সযম্ভুস্স অদাসহং.
‘‘চতুদ্দসসু ¶ কপ্পেসু, দেৰলোকে রমিং অহং;
চতুসত্ততিক্খত্তুঞ্চ, দেৰরজ্জং অকারযিং.
‘‘চতুসত্ততি [সত্তসত্ততি (সী.)] ক্খত্তুঞ্চ ¶ , চক্কৰত্তী অহোসহং;
পদেসরজ্জং ৰিপুলং, গণনাতো অসঙ্খিযং.
‘‘উব্বিদ্ধং ভৰনং ময্হং, ইন্দলট্ঠীৰ উগ্গতং;
সহস্সথম্ভং অতুলং, ৰিমানং সপভস্সরং.
‘‘দ্ৰে সম্পত্তী অনুভোত্ৰা, সুক্কমূলেন চোদিতো;
গোতমস্স ভগৰতো, সাসনে পব্বজিং অহং.
‘‘পধানপহিতত্তোম্হি ¶ , উপসন্তো নিরূপধি;
নাগোৰ বন্ধনং ছেত্ৰা, ৰিহরামি অনাসৰো.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নল়াগারিকো থেরো ইমা গাথাযো অভাসিত্থাতি.
নল়াগারিকত্থেরস্সাপদানং পঞ্চমং.
৬. চম্পকপুপ্ফিযত্থেরঅপদানং
‘‘হিমৰন্তস্সাৰিদূরে, জাপলো [চাপলো (সী.), ছাপলো (স্যা.)] নাম পব্বতো;
বুদ্ধো সুদস্সনো নাম, ৰিহাসি পব্বতন্তরে.
‘‘পুপ্ফং হেমৰন্তং [হেমৰতং (সী.), হেমৰণ্ণং (স্যা.)] গয্হ, গচ্ছং ৰেহাযসেনহং;
অদ্দসং ৰিরজং বুদ্ধং, ওঘতিণ্ণমনাসৰং.
‘‘সত্ত ¶ চম্পকপুপ্ফানি, সীসে কত্ৰানহং তদা;
বুদ্ধস্স অভিরোপেসিং, সযম্ভুস্স মহেসিনো.
‘‘একত্তিংসে ইতো কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা চম্পকপুপ্ফিযো থেরো ইমা গাথাযো অভাসিত্থাতি.
চম্পকপুপ্ফিযত্থেরস্সাপদানং ছট্ঠং.
৭. পদুমপূজকত্থেরঅপদানং
‘‘হিমৰন্তস্সাৰিদূরে ¶ , রোমসো নাম পব্বতো;
বুদ্ধোপি সম্ভৰো নাম, অব্ভোকাসে ৰসী তদা.
‘‘ভৰনা নিক্খমিত্ৰান, পদুমং ধারযিং অহং;
একাহং ধারযিত্ৰান, পুন ভৰনুপাগমিং.
‘‘একনৰুতিতো ¶ কপ্পে, যং পুপ্ফমভিরোপযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমপূজকো থেরো ইমা গাথাযো অভাসিত্থাতি.
পদুমপূজকত্থেরস্সাপদানং সত্তমং.
তেরসমং ভাণৰারং.
৮. তিণমুট্ঠিদাযকত্থেরঅপদানং
‘‘হিমৰন্তস্সাৰিদূরে, লম্বকো নাম পব্বতো;
উপতিস্সো নাম সম্বুদ্ধো, অব্ভোকাসম্হি চঙ্কমি.
‘‘মিগলুদ্দো ¶ ¶ তদা আসিং, অরঞ্ঞে কাননে অহং;
দিস্ৰান তং দেৰদেৰং, সযম্ভুং অপরাজিতং.
‘‘ৰিপ্পসন্নেন চিত্তেন, তদা তস্স মহেসিনো;
নিসীদনত্থং বুদ্ধস্স, তিণমুট্ঠিমদাসহং.
‘‘দত্ৰান দেৰদেৰস্স, ভিয্যো চিত্তং পসাদযিং;
সম্বুদ্ধং অভিৰাদেত্ৰা, পক্কামিং উত্তরামুখো.
‘‘অচিরং গতমত্তং মং, মিগরাজা অপোথযি [অহেঠযি (সী. স্যা.)];
সীহেন পোথিতো [পাতিতো (সী. স্যা.)] সন্তো, তত্থ কালঙ্কতো অহং.
‘‘আসন্নে মে কতং কম্মং, বুদ্ধসেট্ঠে অনাসৰে;
সুমুত্তো সরৰেগোৰ, দেৰলোকং অগঞ্ছহং.
‘‘যূপো ¶ তত্থ সুভো আসি, পুঞ্ঞকম্মাভিনিম্মিতো;
সহস্সকণ্ডো সতভেণ্ডু, ধজালু হরিতামযো.
‘‘পভা নিদ্ধাৰতে তস্স, সতরংসীৰ উগ্গতো;
আকিণ্ণো দেৰকঞ্ঞাহি, আমোদিং কামকামহং.
‘‘দেৰলোকা চৰিত্ৰান, সুক্কমূলেন চোদিতো;
আগন্ত্ৰান মনুস্সত্তং, পত্তোম্হি আসৰক্খযং.
‘‘চতুন্নৰুতিতো কপ্পে, নিসীদনমদাসহং;
দুগ্গতিং নাভিজানামি, তিণমুট্ঠিযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা তিণমুট্ঠিদাযকো থেরো ইমা গাথাযো অভাসিত্থাতি.
তিণমুট্ঠিদাযকত্থেরস্সাপদানং অট্ঠমং.
৯. তিন্দুকফলদাযকত্থেরঅপদানং
‘‘কণিকারংৰ ¶ জোতন্তং, নিসিন্নং পব্বতন্তরে;
অদ্দসং ৰিরজং বুদ্ধং, ওঘতিণ্ণমনাসৰং.
‘‘তিন্দুকং ¶ সফলং দিস্ৰা, ভিন্দিত্ৰান সকোসকং [সকোটকং (সী.), সকোটিকং (স্যা.)];
পসন্নচিত্তো সুমনো, সযম্ভুস্স মদাসহং [ৰেস্সভুস্স অদাসহং (সী.)].
‘‘একনৰুতিতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিন্দুকফলদাযকো থেরো ইমা গাথাযো অভাসিত্থাতি.
তিন্দুকফলদাযকত্থেরস্সাপদানং নৰমং.
১০. একঞ্জলিযত্থেরঅপদানং
‘‘রোমসো [রেৰতো (সী.)] নাম সম্বুদ্ধো, নদীকূলে ৰসী তদা;
অদ্দসং ৰিরজং বুদ্ধং, পীতরংসিংৰ ভাণুমং.
‘‘উক্কামুখপহট্ঠংৰ ¶ ¶ , খদিরঙ্গারসন্নিভং;
ওসধিংৰ ৰিরোচন্তং, একঞ্জলিমকাসহং.
‘‘চতুন্নৰুতিতো কপ্পে, যং অঞ্জলিমকাসহং;
দুগ্গতিং নাভিজানামি, অঞ্জলিযা ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একঞ্জলিযো থেরো ইমা গাথাযো অভাসিত্থাতি.
একঞ্জলিযত্থেরস্সাপদানং দসমং.
একপদুমিযৰগ্গো পঞ্চতিংসতিমো.
তস্সুদ্দানং –
পদুমী উপ্পলমালী, ধজো কিঙ্কণিকং নল়ং [কিঙ্কণিকো নল়ো (সী.)];
চম্পকো পদুমো মুট্ঠি, তিন্দুকেকঞ্জলী তথা;
ছ চ সট্ঠি চ গাথাযো, গণিতাযো ৰিভাৰিভি.
৩৬. সদ্দসঞ্ঞকৰগ্গো
১. সদ্দসঞ্ঞকত্থেরঅপদানং
‘‘মিগলুদ্দো ¶ ¶ ¶ ¶ পুরে আসিং, অরঞ্ঞে কাননে অহং;
তত্থদ্দসাসিং সম্বুদ্ধং, দেৰসঙ্ঘপুরক্খতং.
‘‘চতুসচ্চং পকাসেন্তং, উদ্ধরন্তং মহাজনং;
অস্সোসিং মধুরং ৰাচং, করৰীকরুদোপমং [রুতোপমং (?)].
‘‘ব্রহ্মসরস্স মুনিনো, সিখিনো লোকবন্ধুনো;
ঘোসে চিত্তং পসাদেত্ৰা, পত্তোম্হি আসৰক্খযং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, পসাদস্স ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা সদ্দসঞ্ঞকো থেরো ইমা গাথাযো অভাসিত্থাতি.
সদ্দসঞ্ঞকত্থেরস্সাপদানং পঠমং.
২. যৰকলাপিযত্থেরঅপদানং
‘‘নগরে অরুণৰতিযা, আসিং যৰসিকো তদা;
পন্থে দিস্ৰান সম্বুদ্ধং, যৰকলাপং সন্থরিং [যৰকলাপমৰত্থরিং (সী.)].
‘‘অনুকম্পকো ¶ কারুণিকো, সিখী লোকগ্গনাযকো;
মম সঙ্কপ্পমঞ্ঞায, নিসীদি যৰসন্থরে.
‘‘দিস্ৰা নিসিন্নং ৰিমলং, মহাঝাযিং ৰিনাযকং;
পামোজ্জং জনযিত্ৰান, তত্থ কালঙ্কতো অহং.
‘‘একত্তিংসে ¶ ইতো কপ্পে, যং কম্মমকরিং তদা;
দুগ্গতিং নাভিজানামি, যৰত্থরে ইদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা যৰকলাপিযো থেরো ইমা গাথাযো অভাসিত্থাতি.
যৰকলাপিযত্থেরস্সাপদানং দুতিযং.
৩. কিংসুকপূজকত্থেরঅপদানং
‘‘কিংসুকং ¶ পুপ্ফিতং দিস্ৰা, পগ্গহেত্ৰান অঞ্জলিং;
বুদ্ধং সরিত্ৰা সিদ্ধত্থং, আকাসে অভিপূজযিং.
‘‘চতুন্নৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা কিংসুকপূজকো থেরো ইমা গাথাযো অভাসিত্থাতি.
কিংসুকপূজকত্থেরস্সাপদানং ততিযং.
৪. সকোসককোরণ্ডদাযকত্থেরঅপদানং
‘‘অক্কন্তঞ্চ পদং দিস্ৰা, সিখিনো লোকবন্ধুনো;
একংসং অজিনং কত্ৰা, পদসেট্ঠং অৰন্দহং.
‘‘কোরণ্ডং পুপ্ফিতং দিস্ৰা, পাদপং ধরণীরুহং;
সকোসকং [সকোটকং (সী. স্যা.)] গহেত্ৰান, পদচক্কং অপূজযিং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, পদপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সকোসক [সকোটক (সী. স্যা.)] কোরণ্ডদাযকো থেরো ইমা গাথাযো অভাসিত্থাতি.
সকোসককোরণ্ডদাযকত্থেরস্সাপদানং চতুত্থং.
৫. দণ্ডদাযকত্থেরঅপদানং
‘‘কাননং ¶ ¶ ৰনমোগয্হ, ৰেল়ুং ছেত্ৰানহং তদা;
আলম্বনং করিত্ৰান, সঙ্ঘস্স অদদং অহং.
‘‘তেন ¶ চিত্তপ্পসাদেন, সুব্বতে অভিৰাদিয;
আলম্বনম্পি দত্ৰান, পক্কামিং উত্তরামুখো.
‘‘চতুন্নৰুতিতো কপ্পে, যং দণ্ডমদদিং তদা;
দুগ্গতিং নাভিজানামি, দণ্ডদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা দণ্ডদাযকো থেরো ইমা গাথাযো অভাসিত্থাতি.
দণ্ডদাযকত্থেরস্সাপদানং পঞ্চমং.
৬. অম্বযাগুদাযকত্থেরঅপদানং
‘‘সতরংসী ¶ নাম সম্বুদ্ধো, সযম্ভূ অপরাজিতো;
ৰুট্ঠহিত্ৰা সমাধিম্হা, ভিক্খায মমুপাগমি.
‘‘পচ্চেকবুদ্ধং দিস্ৰান, অম্বযাগুং অদাসহং;
ৰিপ্পসন্নমনং তস্স, ৰিপ্পসন্নেন চেতসা.
‘‘চতুন্নৰুতিতো কপ্পে, যং কম্মমকরিং তদা;
দুগ্গতিং নাভিজানামি, অম্বযাগুযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা অম্বযাগুদাযকো থেরো ইমা গাথাযো অভাসিত্থাতি.
অম্বযাগুদাযকত্থেরস্সাপদানং ছট্ঠং.
৭. সুপুটকপূজকত্থেরঅপদানং
‘‘দিৰাৰিহারা নিক্খন্তো, ৰিপস্সী লোকনাযকো;
ভিক্খায ৰিচরন্তো সো, মম সন্তিকুপাগমি.
‘‘ততো ¶ ¶ পতীতো সুমনো, বুদ্ধসেট্ঠস্স তাদিনো;
লোণসুপুটকং দত্ৰা, কপ্পং সগ্গম্হি মোদহং.
‘‘একনৰুতিতো কপ্পে, যং পুটকমদাসহং;
দুগ্গতিং নাভিজানামি, পুটকস্স ইদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুপুটকপূজকো থেরো ইমা গাথাযো অভাসিত্থাতি.
সুপুটকপূজকত্থেরস্সাপদানং সত্তমং.
৮. মঞ্চদাযকত্থেরঅপদানং
‘‘ৰিপস্সিনো ভগৰতো, লোকজেট্ঠস্স তাদিনো;
একং মঞ্চং মযা দিন্নং, পসন্নেন সপাণিনা.
‘‘হত্থিযানং ¶ অস্সযানং, দিব্বযানং সমজ্ঝগং;
তেন মঞ্চকদানেন, পত্তোম্হি আসৰক্খযং.
‘‘একনৰুতিতো ¶ কপ্পে, যং মঞ্চমদদিং তদা;
দুগ্গতিং নাভিজানামি, মঞ্চদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মঞ্চদাযকো থেরো ইমা গাথাযো অভাসিত্থাতি.
মঞ্চদাযকত্থেরস্সাপদানং অট্ঠমং.
৯. সরণগমনিযত্থেরঅপদানং
‘‘আরুহিম্হ তদা নাৰং, ভিক্খু চাজীৰকো চহং;
নাৰায ভিজ্জমানায, ভিক্খু মে সরণং অদা.
‘‘একত্তিংসে ইতো কপ্পে, যঞ্চ মে সরণং অদা;
দুগ্গতিং নাভিজানামি, সরণাগমনে ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা সরণগমনিযো থেরো ইমা গাথাযো অভাসিত্থাতি.
সরণগমনিযত্থেরস্সাপদানং নৰমং.
১০. পিণ্ডপাতিকত্থেরঅপদানং
‘‘তিস্সো ¶ ¶ নামাসি সম্বুদ্ধো, ৰিহাসি ৰিপিনে তদা;
তুসিতা হি ইধাগন্ত্ৰা, পিণ্ডপাতং অদাসহং.
‘‘সম্বুদ্ধমভিৰাদেত্ৰা, তিস্সং নাম মহাযসং;
সকং চিত্তং পসাদেত্ৰা, তুসিতং অগমাসহং.
‘‘দ্ৰেনৰুতে ইতো কপ্পে, যং দানমদদিং তদা;
দুগ্গতিং নাভিজানামি, পিণ্ডপাতস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পিণ্ডপাতিকো থেরো ইমা গাথাযো অভাসিত্থাতি.
পিণ্ডপাতিকত্থেরস্সাপদানং দসমং.
সদ্দসঞ্ঞকৰগ্গো ছত্তিংসতিমো.
তস্সুদ্দানং –
সদ্দসঞ্ঞী যৰসিকো, কিংসুকোরণ্ডপুপ্ফিযো;
আলম্বনো অম্বযাগু, সুপুটী মঞ্চদাযকো;
সরণং পিণ্ডপাতো চ, গাথা তালীসমেৰ চ.
৩৭. মন্দারৰপুপ্ফিযৰগ্গো
১. মন্দারৰপুপ্ফিযত্থেরঅপদানং
‘‘তাৰতিংসা ¶ ¶ ¶ ¶ ইধাগন্ত্ৰা, মঙ্গলো নাম মাণৰো;
মন্দারৰং গহেত্ৰান, ৰিপস্সিস্স মহেসিনো.
‘‘সমাধিনা নিসিন্নস্স, মত্থকে ধারযিং অহং;
সত্তাহং ধারযিত্ৰান, দেৰলোকং পুনাগমিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা মন্দারৰপুপ্ফিযো থেরো ইমা গাথাযো অভাসিত্থাতি.
মন্দারৰপুপ্ফিযত্থেরস্সাপদানং পঠমং.
২. কক্কারুপুপ্ফিযত্থেরঅপদানং
‘‘যামা দেৰা ইধাগন্ত্ৰা, গোতমং সিরিৰচ্ছসং;
কক্কারুমালং [গোক্খনুমালং (সী.)] পগ্গয্হ, বুদ্ধস্স অভিরোপযিং.
‘‘দ্ৰেনৰুতে ইতো কপ্পে, যং বুদ্ধমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা কক্কারুপুপ্ফিযো [গোক্খনুপুপ্ফিযো (ক.)] থেরো ইমা গাথাযো অভাসিত্থাতি.
কক্কারুপুপ্ফিযত্থেরস্সাপদানং দুতিযং.
৩. ভিসমুল়ালদাযকত্থেরঅপদানং
‘‘ফুস্সো ¶ ¶ নামাসি সম্বুদ্ধো, সব্বধম্মান পারগূ;
ৰিৰেককামো সব্বঞ্ঞূ [সপ্পঞ্ঞো (সী. স্যা.)], আগঞ্ছি মম সন্তিকে.
‘‘তস্মিং চিত্তং পসাদেত্ৰা, মহাকারুণিকে জিনে;
ভিসমুল়ালং পগ্গয্হ, বুদ্ধসেট্ঠস্সদাসহং.
‘‘দ্ৰেনৰুতে ¶ ইতো কপ্পে, যং ভিসমদদিং তদা;
দুগ্গতিং নাভিজানামি, ভিসদানস্সিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ভিসমুল়ালদাযকো থেরো ইমা গাথাযো অভাসিত্থাতি.
ভিসমুল়ালদাযকত্থেরস্সাপদানং ততিযং.
৪. কেসরপুপ্ফিযত্থেরঅপদানং
‘‘ৰিজ্জাধরো ¶ তদা আসিং, হিমৰন্তম্হি পব্বতে;
অদ্দসং ৰিরজং বুদ্ধং, চঙ্কমন্তং মহাযসং.
‘‘তীণি কেসরপুপ্ফানি [কেসরিপুপ্ফানি (সী.)], সীসে কত্ৰানহং তদা;
উপসঙ্কম্ম সম্বুদ্ধং, ৰেস্সভুং অভিপূজযিং.
‘‘একত্তিংসে ইতো কপ্পে, যং কম্মমকরিং তদা;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কেসরপুপ্ফিযো থেরো ইমা গাথাযো অভাসিত্থাতি.
কেসরপুপ্ফিযত্থেরস্সাপদানং চতুত্থং.
৫. অঙ্কোলপুপ্ফিযত্থেরঅপদানং
‘‘পদুমো নাম সম্বুদ্ধো, চিত্তকূটে ৰসী তদা;
দিস্ৰান তং অহং বুদ্ধং, সযম্ভুং অপরাজিতং [উপগচ্ছিহং (সী. স্যা.)].
‘‘অঙ্কোলং ¶ ¶ পুপ্ফিতং দিস্ৰা, ওচিনিত্ৰানহং তদা;
উপগন্ত্ৰান সম্বুদ্ধং, পূজযিং পদুমং জিনং.
‘‘একত্তিংসে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা অঙ্কোলপুপ্ফিযো থেরো ইমা গাথাযো অভাসিত্থাতি.
অঙ্কোলপুপ্ফিযত্থেরস্সাপদানং পঞ্চমং.
৬. কদম্বপুপ্ফিযত্থেরঅপদানং
‘‘সুৰণ্ণৰণ্ণং সম্বুদ্ধং, গচ্ছন্তং অন্তরাপণে;
কঞ্চনগ্ঘিযসঙ্কাসং, বাত্তিংসৰরলক্খণং.
‘‘নিসজ্জ পাসাদৰরে, অদ্দসং লোকনাযকং;
কদম্বপুপ্ফং পগ্গয্হ, ৰিপস্সিং অভিপূজযিং.
‘‘একনৰুতিতো ¶ কপ্পে, যং বুদ্ধমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কদম্বপুপ্ফিযো থেরো ইমা গাথাযো অভাসিত্থাতি.
কদম্বপুপ্ফিযত্থেরস্সাপদানং ছট্ঠং.
৭. উদ্দালকপুপ্ফিযত্থেরঅপদানং
‘‘অনোমো ¶ [সুজাতো (স্যা.), অনুমো (ক.)] নাম সম্বুদ্ধো, গঙ্গাকূলে ৰসী তদা;
উদ্দালকং গহেত্ৰান, পূজযিং অপরাজিতং.
‘‘একত্তিংসে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদ্দালকপুপ্ফিযো থেরো ইমা গাথাযো অভাসিত্থাতি.
উদ্দালকপুপ্ফিযত্থেরস্সাপদানং সত্তমং.
৮. একচম্পকপুপ্ফিযত্থেরঅপদানং
‘‘উপসন্তো ¶ চ সম্বুদ্ধো, ৰসতী পব্বতন্তরে;
একচম্পকমাদায, উপগচ্ছিং নরুত্তমং.
‘‘পসন্নচিত্তো সুমনো, পচ্চেকমুনিমুত্তমং;
উভোহত্থেহি পগ্গয্হ, পূজযিং অপরাজিতং.
‘‘পঞ্চসট্ঠিম্হিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা একচম্পকপুপ্ফিযো থেরো ইমা গাথাযো অভাসিত্থাতি.
একচম্পকপুপ্ফিযত্থেরস্সাপদানং অট্ঠমং.
৯. তিমিরপুপ্ফিযত্থেরঅপদানং
‘‘চন্দভাগানদীতীরে, অনুসোতং ৰজামহং;
অদ্দসং ৰিরজং বুদ্ধং, সালরাজংৰ ফুল্লিতং.
‘‘পসন্নচিত্তো ¶ সুমনো, পচ্চেকমুনিমুত্তমং;
গহেত্ৰা তিমিরং পুপ্ফং, মত্থকে ওকিরিং অহং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিমিরপুপ্ফিযো থেরো ইমা গাথাযো অভাসিত্থাতি.
তিমিরপুপ্ফিযত্থেরস্সাপদানং নৰমং.
১০. সল়লপুপ্ফিযত্থেরঅপদানং
‘‘চন্দভাগানদীতীরে ¶ , অহোসিং কিন্নরো তদা;
তত্থদ্দসং দেৰদেৰং, চঙ্কমন্তং নরাসভং.
‘‘ওচিনিত্ৰান ¶ সল়লং, পুপ্ফং বুদ্ধস্সদাসহং;
উপসিঙ্ঘি মহাৰীরো, সল়লং দেৰগন্ধিকং.
‘‘পটিগ্গহেত্ৰা সম্বুদ্ধো, ৰিপস্সী লোকনাযকো;
উপসিঙ্ঘি মহাৰীরো, পেক্খমানস্স মে সতো.
‘‘পসন্নচিত্তো সুমনো, ৰন্দিত্ৰা দ্ৰিপদুত্তমং;
অঞ্জলিং পগ্গহেত্ৰান, পুন পব্বতমারুহিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সল়লপুপ্ফিযো থেরো ইমা গাথাযো অভাসিত্থাতি.
সল়লপুপ্ফিযত্থেরস্সাপদানং দসমং.
মন্দারৰপুপ্ফিযৰগ্গো সত্ততিংসতিমো.
তস্সুদ্দানং –
মন্দারৰঞ্চ কক্কারু, ভিসকেসরপুপ্ফিযো;
অঙ্কোলকো ¶ কদম্বী চ, উদ্দালী একচম্পকো;
তিমিরং সল়লঞ্চেৰ, গাথা তালীসমেৰ চ.
৩৮. বোধিৰন্দনৰগ্গো
১. বোধিৰন্দকত্থেরঅপদানং
‘‘পাটলিং ¶ ¶ ¶ হরিতং দিস্ৰা, পাদপং ধরণীরুহং;
একংসং অঞ্জলিং কত্ৰা, অৰন্দিং পাটলিং অহং.
‘‘অঞ্জলিং পগ্গহেত্ৰান, গরুং কত্ৰান মানসং;
অন্তোসুদ্ধং বহিসুদ্ধং, সুৰিমুত্তমনাসৰং.
‘‘ৰিপস্সিং লোকমহিতং, করুণাঞাণসাগরং;
সম্মুখা ৰিয সম্বুদ্ধং, অৰন্দিং পাটলিং অহং.
‘‘একনৰুতিতো কপ্পে, যং বোধিমভিৰন্দহং;
দুগ্গতিং নাভিজানামি, ৰন্দনায ইদং ফলং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা বোধিৰন্দকো থেরো ইমা গাথাযো অভাসিত্থাতি.
বোধিৰন্দকত্থেরস্সাপদানং পঠমং.
২. পাটলিপুপ্ফিযত্থেরঅপদানং
‘‘ৰিপস্সী ¶ নাম ভগৰা, সযম্ভূ অগ্গপুগ্গলো;
পুরক্খতো সসিস্সেহি, পাৰিসি বন্ধুমং জিনো.
‘‘তীণি পাটলিপুপ্ফানি, উচ্ছঙ্গে ঠপিতানি মে;
সীসং ন্হাযিতুকামোৰ, নদীতিত্থং অগচ্ছহং.
‘‘নিক্খম্ম বন্ধুমতিযা, অদ্দসং লোকনাযকং;
ইন্দীৰরংৰ জলিতং, আদিত্তংৰ হুতাসনং.
‘‘ব্যগ্ঘূসভংৰ ¶ পৰরং, অভিজাতংৰ কেসরিং;
গচ্ছন্তং সমণানগ্গং, ভিক্খুসঙ্ঘপুরক্খতং.
‘‘তস্মিং ¶ পসন্নো [সমণে (ক.)] সুগতে, কিলেসমলধোৰনে;
গহেত্ৰা তীণি পুপ্ফানি, বুদ্ধসেট্ঠং অপূজযিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পাটলিপুপ্ফিযো থেরো ইমা গাথাযো অভাসিত্থাতি.
পাটলিপুপ্ফিযত্থেরস্সাপদানং দুতিযং.
৩. তীণুপ্পলমালিযত্থেরঅপদানং
‘‘চন্দভাগানদীতীরে ¶ ¶ , অহোসিং ৰানরো তদা;
অদ্দসং ৰিরজং বুদ্ধং, নিসিন্নং পব্বতন্তরে.
‘‘ওভাসেন্তং দিসা সব্বা, সালরাজংৰ ফুল্লিতং;
লক্খণব্যঞ্জনূপেতং, দিস্ৰানত্তমনো অহং.
‘‘উদগ্গচিত্তো সুমনো, পীতিযা হট্ঠমানসো;
তীণি উপ্পলপুপ্ফানি, মত্থকে অভিরোপযিং.
‘‘পূজযিত্ৰান পুপ্ফানি, ফুস্সস্সাহং মহেসিনো;
সগারৰো ভৰিত্ৰান, পক্কামিং উত্তরামুখো.
‘‘গচ্ছন্তো পটিকুটিকো, ৰিপ্পসন্নেন চেতসা;
সেলন্তরে পতিত্ৰান, পাপুণিং জীৰিতক্খযং.
‘‘তেন কম্মেন সুকতেন, চেতনাপণিধীহি চ;
জহিত্ৰা পুরিমং জাতিং, তাৰতিংসমগচ্ছহং.
‘‘সতানং তীণিক্খত্তুঞ্চ, দেৰরজ্জমকারযিং;
সতানং পঞ্চক্খত্তুঞ্চ, চক্কৰত্তী অহোসহং.
‘‘দ্ৰেনৰুতে ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘পটিসম্ভিদা ¶ ¶ চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা তীণুপ্পলমালিযো থেরো ইমা গাথাযো অভাসিত্থাতি.
তীণুপ্পলমালিযত্থেরস্সাপদানং ততিযং.
৪. পট্টিপুপ্ফিযত্থেরঅপদানং
‘‘যদা নিব্বাযি সম্বুদ্ধো, মহেসী পদুমুত্তরো;
সমাগম্ম জনা সব্বে, সরীরং নীহরন্তি তে.
‘‘নীহরন্তে সরীরম্হি, ৰজ্জমানাসু ভেরিসু;
পসন্নচিত্তো সুমনো, পট্টিপুপ্ফং অপূজযিং.
‘‘সতসহস্সিতো কপ্পে, যং পুপ্ফমভিপূজযিং;
দুগ্গতিং নাভিজানামি, সরীরপূজিতে ফলং.
‘‘কিলেসা ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, মম বুদ্ধস্স [বুদ্ধসেট্ঠস্স (সী.)] সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা পট্টিপুপ্ফিযো থেরো ইমা গাথাযো অভাসিত্থাতি.
পট্টিপুপ্ফিযত্থেরস্সাপদানং চতুত্থং.
৫. সত্তপণ্ণিযত্থেরঅপদানং
‘‘সুমনো ¶ নাম সম্বুদ্ধো, উপ্পজ্জি লোকনাযকো;
পসন্নচিত্তো সুমনো, সত্তপণ্ণিমপূজযিং.
‘‘সতসহস্সিতো কপ্পে, সত্তপণ্ণিমপূজযিং;
দুগ্গতিং নাভিজানামি, সত্তপণ্ণিপূজাযিদং [সত্তপণ্ণিস্সিদং (সী.)] ফলং.
‘‘কিলেসা ¶ ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সত্তপণ্ণিযো থেরো ইমা গাথাযো অভাসিত্থাতি.
সত্তপণ্ণিযত্থেরস্সাপদানং পঞ্চমং.
৬. গন্ধমুট্ঠিযত্থেরঅপদানং
[ইধ গাথাদ্ধং ঊনং ৰিয দিস্সতি] ‘‘চিতকে করীযমানে, নানাগন্ধে সমাহতে;
পসন্নচিত্তো সুমনো, গন্ধমুট্ঠিমপূজযিং.
‘‘সতসহস্সিতো ¶ কপ্পে, চিতকং যং অপূজযিং;
দুগ্গতিং নাভিজানামি, চিতপূজাযিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা গন্ধমুট্ঠিযো থেরো ইমা গাথাযো অভাসিত্থাতি.
গন্ধমুট্ঠিযত্থেরস্সাপদানং ছট্ঠং.
৭. চিতকপূজকত্থেরঅপদানং
‘‘পরিনিব্বুতে ভগৰতি, জলজুত্তমনামকে;
আরোপিতম্হি চিতকে, সালপুপ্ফমপূজযিং.
‘‘সতসহস্সিতো কপ্পে, যং পুপ্ফমভিপূজযিং;
দুগ্গতিং নাভিজানামি, চিতপূজাযিদং ফলং.
‘‘কিলেসা ¶ ¶ ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা চিতকপূজকো থেরো ইমা গাথাযো অভাসিত্থাতি.
চিতকপূজকত্থেরস্সাপদানং সত্তমং.
৮. সুমনতালৰণ্টিযত্থেরঅপদানং
‘‘সিদ্ধত্থস্স ¶ ভগৰতো, তালৰণ্টমদাসহং;
সুমনেহি পটিচ্ছন্নং, ধারযামি মহারহং.
‘‘চতুন্নৰুতিতো কপ্পে, তালৰণ্টমদাসহং;
দুগ্গতিং নাভিজানামি, তালৰণ্টস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা সুমনতালৰণ্টিযো থেরো ইমা গাথাযো অভাসিত্থাতি.
সুমনতালৰণ্টিযত্থেরস্সাপদানং অট্ঠমং.
৯. সুমনদামিযত্থেরঅপদানং
‘‘সিদ্ধত্থস্স ভগৰতো, ন্হাতকস্স তপস্সিনো;
কত্ৰান সুমনদামং, ধারযিং পুরতো ঠিতো.
‘‘চতুন্নৰুতিতো কপ্পে, যং দামং ধারযিং তদা;
দুগ্গতিং নাভিজানামি, সুমনধারণে ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ¶ ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সুমনদামিযো থেরো ইমা গাথাযো অভাসিত্থাতি.
সুমনদামিযত্থেরস্সাপদানং নৰমং.
১০. কাসুমারিফলদাযকত্থেরঅপদানং
‘‘কণিকারংৰ ¶ ¶ জোতন্তং, নিসিন্নং পব্বতন্তরে;
অদ্দসং ৰিরজং বুদ্ধং, লোকজেট্ঠং নরাসভং.
‘‘পসন্নচিত্তো ¶ সুমনো, সিরে কত্ৰান অঞ্জলিং;
কাসুমারিফলং গয্হ, বুদ্ধসেট্ঠস্সদাসহং.
‘‘একত্তিংসে ইতো কপ্পে, যং ফলমদদিং অহং;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কাসুমারিফলদাযকো থেরো ইমা গাথাযো অভাসিত্থাতি.
কাসুমারিফলদাযকত্থেরস্সাপদানং দসমং.
বোধিৰন্দনৰগ্গো অট্ঠতিংসতিমো.
তস্সুদ্দানং –
বোধি পাটলি উপ্পলী, পট্টি চ সত্তপণ্ণিযো;
গন্ধমুট্ঠি ¶ চ চিতকো, তালং সুমনদামকো;
কাসুমারিফলী চেৰ, গাথা একূনসট্ঠিকা.
৩৯. অৰটফলৰগ্গো
১. অৰটফলদাযকত্থেরঅপদানং
‘‘সতরংসি ¶ ¶ নাম ভগৰা, সযম্ভূ অপরাজিতো;
ৰিৰেককামো সম্বুদ্ধো, গোচরাযাভিনিক্খমি.
‘‘ফলহত্থো অহং দিস্ৰা, উপগচ্ছিং নরাসভং;
পসন্নচিত্তো সুমনো, অৰটং [অৰণ্টং (সী.), অম্বটং (স্যা.)] অদদিং ফলং.
‘‘চতুন্নৰুতিতো কপ্পে, যং ফলমদদিং অহং;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, মম বুদ্ধস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা অৰটফলদাযকো থেরো ইমা গাথাযো অভাসিত্থাতি.
অৰটফলদাযকত্থেরস্সাপদানং পঠমং.
২. লবুজদাযকত্থেরঅপদানং
‘‘নগরে বন্ধুমতিযা, আসিং আরামিকো তদা;
অদ্দসং ৰিরজং বুদ্ধং, গচ্ছন্তং অনিলঞ্জসে.
‘‘লবুজস্স ফলং গয্হ, বুদ্ধসেট্ঠস্সদাসহং;
আকাসে ঠিতকো সন্তো, পটিগণ্হি মহাযসো.
‘‘ৰিত্তিসঞ্জননং ¶ ময্হং, দিট্ঠধম্মসুখাৰহং;
ফলং বুদ্ধস্স দত্ৰান, ৰিপ্পসন্নেন চেতসা.
‘‘অধিগচ্ছিং ¶ তদা পীতিং, ৰিপুলঞ্চ সুখুত্তমং;
উপ্পজ্জতেৰ রতনং, নিব্বত্তস্স তহিং তহিং.
‘‘একনৰুতিতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা লবুজদাযকো থেরো ইমা গাথাযো অভাসিত্থাতি.
লবুজদাযকত্থেরস্সাপদানং দুতিযং.
৩. উদুম্বরফলদাযকত্থেরঅপদানং
‘‘ৰিনতানদিযা তীরে, ৰিহাসি পুরিসুত্তমো;
অদ্দসং ৰিরজং বুদ্ধং, একগ্গং সুসমাহিতং.
‘‘তস্মিং পসন্নমানসো, কিলেসমলধোৰনে;
উদুম্বরফলং গয্হ, বুদ্ধসেট্ঠস্সদাসহং.
‘‘একনৰুতিতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা উদুম্বরফলদাযকো থেরো ইমা গাথাযো অভাসিত্থাতি.
উদুম্বরফলদাযকত্থেরস্সাপদানং ততিযং.
৪. পিলক্খফলদাযকত্থেরঅপদানং
‘‘ৰনন্তরে ¶ ¶ ¶ বুদ্ধং দিস্ৰা, অত্থদস্সিং মহাযসং;
পসন্নচিত্তো সুমনো, পিলক্খস্সাদদিং ফলং [পিলক্খস্স ফলং অদং (সী.), পিলক্খুস্স ফলং অদং (স্যা.)].
‘‘অট্ঠারসে কপ্পসতে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পিলক্খফলদাযকো থেরো ইমা গাথাযো অভাসিত্থাতি.
পিলক্খফলদাযকত্থেরস্সাপদানং চতুত্থং.
৫. ফারুসফলদাযকত্থেরঅপদানং
‘‘সুৰণ্ণৰণ্ণং ¶ সম্বুদ্ধং, আহুতীনং পটিগ্গহং;
রথিযং পটিপজ্জন্তং, ফারুসফলমদাসহং.
‘‘একনৰুতিতো কপ্পে, যং ফলমদদিং অহং;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ফারুসফলদাযকো থেরো ইমা গাথাযো অভাসিত্থাতি.
ফারুসফলদাযকত্থেরস্সাপদানং পঞ্চমং.
৬. ৰল্লিফলদাযকত্থেরঅপদানং
‘‘সব্বে ¶ জনা সমাগম্ম, অগমিংসু ৰনং তদা;
ফলমন্ৰেসমানা তে, অলভিংসু ফলং তদা.
‘‘তত্থদ্দসাসিং ¶ ¶ সম্বুদ্ধং, সযম্ভুং অপরাজিতং;
পসন্নচিত্তো সুমনো, ৰল্লিফলমদাসহং.
‘‘একত্তিংসে ইতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা ৰল্লিফলদাযকো থেরো ইমা গাথাযো অভাসিত্থাতি.
ৰল্লিফলদাযকত্থেরস্সাপদানং ছট্ঠং.
৭. কদলিফলদাযকত্থেরঅপদানং
‘‘কণিকারংৰ জলিতং, পুণ্ণমাযেৰ [পুণ্ণমাসেৰ (সী. ক.)] চন্দিমং;
জলন্তং দীপরুক্খংৰ, অদ্দসং লোকনাযকং.
‘‘কদলিফলং পগ্গয্হ, অদাসিং সত্থুনো অহং;
পসন্নচিত্তো সুমনো, ৰন্দিত্ৰান অপক্কমিং.
‘‘একত্তিংসে ¶ ইতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা কদলিফলদাযকো থেরো ইমা গাথাযো অভাসিত্থাতি.
কদলিফলদাযকত্থেরস্সাপদানং সত্তমং.
৮. পনসফলদাযকত্থেরঅপদানং
‘‘অজ্জুনো ¶ নাম সম্বুদ্ধো, হিমৰন্তে ৰসী তদা;
চরণেন চ সম্পন্নো, সমাধিকুসলো মুনি.
‘‘কুম্ভমত্তং ¶ গহেত্ৰান, পনসং জীৰজীৰকং [দেৰগন্ধিকং (৪১ ৰগ্গে, ৫ অপদানে)];
ছত্তপণ্ণে ঠপেত্ৰান, অদাসিং সত্থুনো অহং.
‘‘একত্তিংসে ইতো কপ্পে, যং ফলমদদিং তদা;
দুগ্গতিং নাভিজানামি, ফলদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ¶ ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পনসফলদাযকো থেরো ইমা গাথাযো অভাসিত্থাতি.
পনসফলদাযকত্থেরস্সাপদানং অট্ঠমং.
৯. সোণকোটিৰীসত্থেরঅপদানং
‘‘ৰিপস্সিনো ¶ পাৰচনে, একং লেণং মযা কতং;
চাতুদ্দিসস্স সঙ্ঘস্স, বন্ধুমারাজধানিযা.
‘‘দুস্সেহি ভূমিং লেণস্স, সন্থরিত্ৰা পরিচ্চজিং;
উদগ্গচিত্তো সুমনো, অকাসিং পণিধিং তদা.
‘‘আরাধযেয্যং সম্বুদ্ধং, পব্বজ্জঞ্চ লভেয্যহং;
অনুত্তরঞ্চ নিব্বানং, ফুসেয্যং সন্তিমুত্তমং.
‘‘তেনেৰ সুক্কমূলেন, কপ্পে [কপ্পং (সী.), কপ্প (ক.)] নৰুতি সংসরিং;
দেৰভূতো মনুস্সো চ, কতপুঞ্ঞো ৰিরোচহং.
‘‘ততো ¶ কম্মাৰসেসেন, ইধ পচ্ছিমকে ভৰে;
চম্পাযং অগ্গসেট্ঠিস্স, জাতোম্হি একপুত্তকো.
‘‘জাতমত্তস্স ¶ মে সুত্ৰা, পিতু ছন্দো অযং অহু;
দদামহং কুমারস্স, ৰীসকোটী অনূনকা.
‘‘চতুরঙ্গুলা চ মে লোমা, জাতা পাদতলে উভো;
সুখুমা মুদুসম্ফস্সা, তূলাপিচুসমা সুভা.
‘‘অতীতা নৰুতি কপ্পা, অযং একো চ উত্তরি;
নাভিজানামি নিক্খিত্তে, পাদে ভূম্যা অসন্থতে.
‘‘আরাধিতো ¶ মে সম্বুদ্ধো, পব্বজিং অনগারিযং;
অরহত্তঞ্চ মে পত্তং, সীতিভূতোম্হি নিব্বুতো.
‘‘অগ্গো আরদ্ধৰীরিযানং, নিদ্দিট্ঠো সব্বদস্সিনা;
খীণাসৰোম্হি অরহা, ছল়ভিঞ্ঞো মহিদ্ধিকো.
‘‘একনৰুতিতো কপ্পে, যং দানমদদিং তদা;
দুগ্গতিং নাভিজানামি, লেণদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
‘‘থেরো ¶ কোটিৰীসো [কোটিৰিসো (স্যা. ক.), কোল়িৰিসো (অঞ্ঞট্ঠানেসু)] সোণো, ভিক্খুসঙ্ঘস্স অগ্গতো;
পঞ্হং পুট্ঠো ৰিযাকাসি, অনোতত্তে মহাসরে’’তি.
ইত্থং সুদং আযস্মা সোণো কোটিৰীসো থেরো ইমা গাথাযো অভাসিত্থাতি.
সোণকোটিৰীসত্থেরস্সাপদানং নৰমং.
১০. পুব্বকম্মপিলোতিকবুদ্ধঅপদানং
‘‘অনোতত্তসরাসন্নে ¶ , রমণীযে সিলাতলে;
নানারতনপজ্জোতে, নানাগন্ধৰনন্তরে.
‘‘মহতা ভিক্খুসঙ্ঘেন, পরেতো [উপেতো (উদানট্ঠকথাযং ৪ ৰগ্গে, ৮ সুত্তে)] লোকনাযকো;
আসীনো ব্যাকরী তত্থ, পুব্বকম্মানি অত্তনো.
[সুণাথ ভিক্খৰে ময্হং, যং কম্মং পকতং মযা; একং অরঞ্ঞিকং ভিক্খুং, দিস্ৰা দিন্নং পিলোতিকং; পত্থিতং পঠমং বুদ্ধং, বুদ্ধত্তায মযা তদা; পিলোতিযস্স কম্মস্স, বুদ্ধত্তেপি ৰিপচ্চতি; গোপালকো পুরে আসিং, গাৰিং পাজেতি গোচরং; পিৰন্তিং উদকং আৰিলং, গাৰিং দিস্ৰা নিৰারযিং; তেন কম্মৰিপাকেন, ইধ পচ্ছিমকে ভৰে; ৰিপাসিতো যদিচ্ছকং, ন হি পাতুং লভামহং (স্যা.)] ‘‘সুণাথ ¶ ভিক্খৰো ময্হং, যং কম্মং পকতং মযা;
পিলোতিকস্স কম্মস্স, বুদ্ধত্তেপি ৰিপচ্চতি [সুণাথ ভিক্খৰে ময্হং, যং কম্মং পকতং মযা; একং অরঞ্ঞিকং ভিক্খুং, দিস্ৰা দিন্নং পিলোতিকং; পত্থিতং পঠমং বুদ্ধং, বুদ্ধত্তায মযা তদা; পিলোতিযস্স কম্মস্স, বুদ্ধত্তেপি ৰিপচ্চতি; গোপালকো পুরে আসিং, গাৰিং পাজেতি গোচরং; পিৰন্তিং উদকং আৰিলং, গাৰিং দিস্ৰা নিৰারযিং; তেন কম্মৰিপাকেন, ইধ পচ্ছিমকে ভৰে; ৰিপাসিতো যদিচ্ছকং, ন হি পাতুং লভামহং (স্যা.)].
[১]
‘‘মুনাল়ি ¶ নামহং ধুত্তো, পুব্বে অঞ্ঞাসু জাতিসু [অঞ্ঞায জাতিযা (উদান অট্ঠ.)];
পচ্চেকবুদ্ধং সুরভিং [সরভুং (সী.)], অব্ভাচিক্খিং অদূসকং.
‘‘তেন কম্মৰিপাকেন, নিরযে সংসরিং চিরং;
বহূৰস্সসহস্সানি, দুক্খং ৰেদেসি ৰেদনং.
‘‘তেন কম্মাৰসেসেন, ইধ পচ্ছিমকে ভৰে;
অব্ভক্খানং মযা লদ্ধং, সুন্দরিকায কারণা.
[২]
‘‘সব্বাভিভুস্স ¶ বুদ্ধস্স, নন্দো নামাসি সাৰকো;
তং অব্ভক্খায নিরযে, চিরং সংসরিতং মযা.
‘‘দসৰস্সসহস্সানি, নিরযে সংসরিং চিরং;
মনুস্সভাৰং লদ্ধাহং, অব্ভক্খানং বহুং লভিং.
‘‘তেন কম্মাৰসেসেন, চিঞ্চমানৰিকা মমং;
অব্ভাচিক্খি অভূতেন, জনকাযস্স অগ্গতো.
[৩]
‘‘ব্রাহ্মণো সুতৰা আসিং, অহং সক্কতপূজিতো;
মহাৰনে পঞ্চসতে, মন্তে ৰাচেমি মাণৰে.
‘‘তত্থাগতো ¶ [তমাগতো (ক.)] ইসি ভীমো, পঞ্চাভিঞ্ঞো মহিদ্ধিকো;
তং চাহং আগতং দিস্ৰা, অব্ভাচিক্খিং অদূসকং.
‘‘ততোহং অৰচং সিস্সে, কামভোগী অযং ইসি;
ময্হম্পি ভাসমানস্স, অনুমোদিংসু মাণৰা.
‘‘ততো মাণৰকা সব্বে, ভিক্খমানং কুলে কুলে;
মহাজনস্স আহংসু, কামভোগী অযং ইসি.
‘‘তেন ¶ ¶ কম্মৰিপাকেন, পঞ্চ ভিক্খুসতা ইমে;
অব্ভক্খানং লভুং সব্বে, সুন্দরিকায কারণা.
[৪]
‘‘ৰেমাতুভাতরং পুব্বে, ধনহেতু হনিং অহং;
পক্খিপিং গিরিদুগ্গস্মিং, সিলায চ অপিংসযিং.
‘‘তেন কম্মৰিপাকেন, দেৰদত্তো সিলং খিপি;
অঙ্গুট্ঠং পিংসযী পাদে, মম পাসাণসক্খরা.
[৫]
‘‘পুরেহং দারকো হুত্ৰা, কীল়মানো মহাপথে;
পচ্চেকবুদ্ধং দিস্ৰান, মগ্গে সকলিকং [সক্খলিকং (ক.)] খিপিং [দহিং (স্যা.)].
‘‘তেন কম্মৰিপাকেন, ইধ পচ্ছিমকে ভৰে;
ৰধত্থং মং দেৰদত্তো, অভিমারে পযোজযি.
[৬]
‘‘হত্থারোহো ¶ পুরে আসিং, পচ্চেকমুনিমুত্তমং;
পিণ্ডায ৰিচরন্তং তং, আসাদেসিং গজেনহং.
‘‘তেন কম্মৰিপাকেন, ভন্তো [দন্তো (ক.)] নাল়াগিরী গজো;
গিরিব্বজে পুরৰরে, দারুণো সমুপাগমি [মং উপাগমি (সী.)].
[৭]
‘‘রাজাহং ¶ পত্থিৰো [পত্তিকো (স্যা. ক.), খত্তিযো (উদান অট্ঠ.)] আসিং, সত্তিযা পুরিসং হনিং;
তেন কম্মৰিপাকেন, নিরযে পচ্চিসং ভুসং.
‘‘কম্মুনো তস্স সেসেন, ইদানি সকলং মম;
পাদে ছৰিং পকপ্পেসি [পকোপেসি (সী.)], ন হি কম্মং ৰিনস্সতি.
[৮]
‘‘অহং কেৰট্টগামস্মিং, অহুং কেৰট্টদারকো;
মচ্ছকে ঘাতিতে দিস্ৰা, জনযিং সোমনস্সকং [সোমনস্সহং (উদান অট্ঠ.)].
‘‘তেন ¶ কম্মৰিপাকেন, সীসদুক্খং অহূ মম;
সব্বে সক্কা চ হঞ্ঞিংসু, যদা হনি ৰিটটূভো [ৰিটটুভো (স্যা. ক.)].
[৯]
‘‘ফুস্সস্সাহং পাৰচনে, সাৰকে পরিভাসযিং;
যৰং খাদথ ভুঞ্জথ, মা চ ভুঞ্জথ সালযো.
‘‘তেন কম্মৰিপাকেন, তেমাসং খাদিতং যৰং;
নিমন্তিতো ব্রাহ্মণেন, ৰেরঞ্জাযং ৰসিং তদা.
[১০]
‘‘নিব্বুদ্ধে ৰত্তমানম্হি, মল্লপুত্তং নিহেঠযিং [নিসেধযিং (স্যা. ক.)];
তেন কম্মৰিপাকেন, পিট্ঠিদুক্খং অহূ মম.
[১১]
‘‘তিকিচ্ছকো অহং আসিং, সেট্ঠিপুত্তং ৰিরেচযিং;
তেন কম্মৰিপাকেন, হোতি পক্খন্দিকা মম.
[১২]
‘‘অৰচাহং জোতিপালো, সুগতং কস্সপং তদা;
কুতো নু বোধি মুণ্ডস্স, বোধি পরমদুল্লভা.
‘‘তেন ¶ ¶ ¶ কম্মৰিপাকেন, অচরিং দুক্করং বহুং;
ছব্বস্সানুরুৰেল়াযং, ততো বোধিমপাপুণিং.
‘‘নাহং এতেন মগ্গেন, পাপুণিং বোধিমুত্তমং;
কুম্মগ্গেন গৰেসিস্সং, পুব্বকম্মেন ৰারিতো.
‘‘পুঞ্ঞপাপপরিক্খীণো, সব্বসন্তাপৰজ্জিতো;
অসোকো অনুপাযাসো, নিব্বাযিস্সমনাসৰো.
‘‘এৰং জিনো ৰিযাকাসি, ভিক্খুসঙ্ঘস্স অগ্গতো;
সব্বাভিঞ্ঞাবলপ্পত্তো, অনোতত্তে মহাসরে’’তি.
ইত্থং ¶ সুদং ভগৰা অত্তনো পুব্বচরিতং কম্মপিলোতিকং নাম বুদ্ধাপদানধম্মপরিযাযং অভাসিত্থাতি.
পুব্বকম্মপিলোতিকং নাম বুদ্ধাপদানং দসমং.
অৰটফলৰগ্গো একূনচত্তালীসমো.
তস্সুদ্দানং –
অৰটং লবুজঞ্চেৰ, উদুম্বরপিলক্খু চ;
ফারু ৰল্লী চ কদলী, পনসো কোটিৰীসকো.
পুব্বকম্মপিলোতি চ, অপদানং মহেসিনো;
গাথাযো একনৰুতি, গণিতাযো ৰিভাৰিভি.
চুদ্দসমং ভাণৰারং.
৪০. পিলিন্দৰচ্ছৰগ্গো
১. পিলিন্দৰচ্ছত্থেরঅপদানং
‘‘নগরে ¶ ¶ ¶ ¶ হংসৰতিযা, আসিং দোৰারিকো অহং;
অক্খোভং অমিতং ভোগং, ঘরে সন্নিচিতং মম.
‘‘রহোগতো নিসীদিত্ৰা, পহংসিত্ৰান মানসং [সম্পহংসিত্ৰ মানসং (সী.)];
নিসজ্জ পাসাদৰরে, এৰং চিন্তেসহং তদা.
(চিন্তনাকারো)
‘‘‘বহূ মেধিগতা ভোগা, ফীতং অন্তেপুরং মম;
রাজাপি [রাজিসি (ক.)] সন্নিমন্তেসি, আনন্দো পথৰিস্সরো.
‘‘‘অযঞ্চ বুদ্ধো উপ্পন্নো, অধিচ্চুপ্পত্তিকো মুনি;
সংৰিজ্জন্তি চ মে ভোগা, দানং দস্সামি সত্থুনো.
‘‘‘পদুমেন রাজপুত্তেন, দিন্নং দানৰরং জিনে;
হত্থিনাগে চ পল্লঙ্কে, অপস্সেনঞ্চনপ্পকং.
‘‘‘অহম্পি দানং দস্সামি, সঙ্ঘে গণৰরুত্তমে;
অদিন্নপুব্বমঞ্ঞেসং, ভৰিস্সং আদিকম্মিকো.
‘‘‘চিন্তেত্ৰাহং বহুৰিধং, যাগে যস্স সুখংফলং;
পরিক্খারদানমদ্দক্খিং, মম সঙ্কপ্পপূরণং.
‘‘‘পরিক্খারানি দস্সামি, সঙ্ঘে গণৰরুত্তমে;
অদিন্নপুব্বমঞ্ঞেসং, ভৰিস্সং আদিকম্মিকো’.
(দানৰত্থুসম্পাদনং)
‘‘নল়কারে ¶ উপাগম্ম, ছত্তং কারেসি তাৰদে;
ছত্তসতসহস্সানি, একতো সন্নিপাতযিং.
‘‘দুস্সসতসহস্সানি, একতো সন্নিপাতযিং;
পত্তসতসহস্সানি, একতো সন্নিপাতযিং.
‘‘ৰাসিযো ¶ ¶ সত্থকে চাপি, সূচিযো নখছেদনে;
হেট্ঠাছত্তে ঠপাপেসিং, কারেত্ৰা তদনুচ্ছৰে.
‘‘ৰিধূপনে তালৰণ্টে, মোরহত্থে চ চামরে;
পরিস্সাৰনে তেলধারে [তেলধরে (সী.)], কারযিং তদনুচ্ছৰে.
‘‘সূচিঘরে অংসবদ্ধে, অথোপি কাযবন্ধনে;
আধারকে চ সুকতে, কারযিং তদনুচ্ছৰে.
‘‘পরিভোগভাজনে চ, অথোপি লোহথালকে;
ভেসজ্জে ¶ পূরযিত্ৰান, হেট্ঠাছত্তে ঠপেসহং.
‘‘ৰচং উসীরং লট্ঠিমধুং, পিপ্ফলী মরিচানি চ;
হরীতকিং সিঙ্গীৰেরং, সব্বং পূরেসি ভাজনে.
‘‘উপাহনা পাদুকাযো, অথো উদকপুঞ্ছনে;
কত্তরদণ্ডে সুকতে, কারযিং তদনুচ্ছৰে.
‘‘ওসধঞ্জননাল়ী চ [ওসধং অঞ্জনাপিচ (স্যা.)], সলাকা ধম্মকুত্তরা;
কুঞ্চিকা পঞ্চৰণ্ণেহি, সিব্বিতে কুঞ্চিকাঘরে.
‘‘আযোগে ধূমনেত্তে চ, অথোপি দীপধারকে;
তুম্বকে চ করণ্ডে চ, কারযিং তদনুচ্ছৰে.
‘‘সণ্ডাসে ¶ পিপ্ফলে চেৰ, অথোপি মলহারকে;
ভেসজ্জথৰিকে চেৰ, কারযিং তদনুচ্ছৰে.
‘‘আসন্দিযো পীঠকে চ, পল্লঙ্কে চতুরোমযে;
তদনুচ্ছৰে কারযিত্ৰা, হেট্ঠাছত্তে ঠপেসহং.
‘‘উণ্ণাভিসী তূলভিসী, অথোপি পীঠিকাভিসী [পীঠকাভিসী (স্যা. ক.)];
বিম্বোহনে [বিব্বোহনে (স্যা. ক.)] চ সুকতে, কারযিং তদনুচ্ছৰে.
‘‘কুরুৰিন্দে মধুসিত্থে, তেলং হত্থপ্পতাপকং;
সিপাটিফলকে সুচী, মঞ্চং অত্থরণেন চ.
‘‘সেনাসনে পাদপুঞ্ছে, সযনাসনদণ্ডকে;
দন্তপোণে চ আটলী [কথলিং (স্যা.)], সীসালেপনগন্ধকে.
‘‘অরণী ¶ ফলপীঠে [পলালপীঠে (সী.)] চ, পত্তপিধানথালকে;
উদকস্স কটচ্ছূ চ, চুণ্ণকং রজনম্বণং [রজনম্মণং (সী.)].
‘‘সম্মজ্জনং ¶ [সম্মুঞ্জনং (স্যা.), সম্মজ্জনিং, সম্মুঞ্জনিং (?)] উদপত্তং, তথা ৰস্সিকসাটিকং;
নিসীদনং কণ্ডুচ্ছাদি, অথ অন্তরৰাসকং.
‘‘উত্তরাসঙ্গসঙ্ঘাটী, নত্থুকং মুখসোধনং;
বিল়ঙ্গলোণং পহূতঞ্চ [লোণভূতঞ্চ (ক.)], মধুঞ্চ দধিপানকং.
‘‘ধূপং [ধূমং (ক.)] সিত্থং পিলোতিঞ্চ, মুখপুঞ্ছনসুত্তকং;
দাতব্বং নাম যং অত্থি, যঞ্চ কপ্পতি সত্থুনো.
‘‘সব্বমেতং সমানেত্ৰা, আনন্দং উপসঙ্কমিং;
উপসঙ্কম্ম ¶ রাজানং, জনেতারং মহেসিনো [মহেসিনং (সী.), মহাযসং (স্যা.), মহিস্সরং (ক.)];
সিরসা ¶ অভিৰাদেত্ৰা, ইদং ৰচনমব্রৰিং.
(দানোকাসযাচনা)
‘‘‘একতো জাতসংৰদ্ধা, উভিন্নং একতো মনং [যসো (স্যা.), মনো (?)];
সাধারণা সুখদুক্খে, উভো চ অনুৰত্তকা.
‘‘‘অত্থি চেতসিকং দুক্খং, তৰাধেয্যং অরিন্দম;
যদি সক্কোসি তং দুক্খং, ৰিনোদেয্যাসি খত্তিয.
‘‘‘তৰ দুক্খং মম দুক্খং, উভিন্নং একতো মনো [মনং (সী. স্যা.)];
নিট্ঠিতন্তি ৰিজানাহি, মমাধেয্যং সচে তুৰং.
‘‘‘জানাহি খো মহারাজ, দুক্খং মে দুব্বিনোদযং;
পহু সমানো গজ্জসু, একং তে দুচ্চজং ৰরং.
‘‘‘যাৰতা ৰিজিতে অত্থি, যাৰতা মম জীৰিতং;
এতেহি যদি তে অত্থো, দস্সামি অৰিকম্পিতো.
‘‘‘গজ্জিতং খো তযা দেৰ, মিচ্ছা তং বহু গজ্জিতং;
জানিস্সামি তুৰং অজ্জ, সব্বধম্মে [সচ্চধম্মে (?)] পতিট্ঠিতং.
‘‘‘অতিবাল়্হং ¶ নিপীল়েসি, দদমানস্স মে সতো;
কিং তে মে পীল়িতেনত্থো, পত্থিতং তে কথেহি মে.
‘‘‘ইচ্ছামহং মহারাজ, বুদ্ধসেট্ঠং অনুত্তরং;
ভোজযিস্সামি সম্বুদ্ধং, ৰজ্জং [ৰঞ্চুং (?)] মে মাহু জীৰিতং.
‘‘‘অঞ্ঞং তেহং ৰরং দম্মি, মা যাচিত্থো তথাগতং [অযাচিতো তথাগতো (স্যা. ক.)];
অদেয্যো কস্সচি বুদ্ধো, মণি জোতিরসো যথা.
‘‘‘ননু ¶ তে গজ্জিতং দেৰ, যাৰ জীৰিতমত্তনো [ৰিজিতমত্থিতং (ক.), জীৰিতমত্থিকং (স্যা.)];
জীৰিতং ¶ [ৰিজিতং (ক.)] দদমানেন, যুত্তং দাতুং তথাগতং.
‘‘‘ঠপনীযো মহাৰীরো, অদেয্যো কস্সচি জিনো;
ন মে পটিস্সুতো বুদ্ধো, ৰরস্সু অমিতং ধনং.
‘‘‘ৰিনিচ্ছযং পাপুণাম, পুচ্ছিস্সাম ৰিনিচ্ছযে;
যথাসণ্ঠং [যথাসন্তং (সী.)] কথেস্সন্তি, পটিপুচ্ছাম তং তথা.
‘‘‘রঞ্ঞো হত্থে গহেত্ৰান, অগমাসিং ৰিনিচ্ছযং;
পুরতো অক্খদস্সানং, ইদং ৰচনমব্রৰিং.
‘‘‘সুণন্তু ¶ মে অক্খদস্সা, রাজা ৰরমদাসি মে;
ন কিঞ্চি ঠপযিত্ৰান, জীৰিতম্পি [ৰিজিতংপি (ক.)] পৰারযি.
‘‘‘তস্স মে ৰরদিন্নস্স, বুদ্ধসেট্ঠং ৰরিং অহং;
সুদিন্নো হোতি মে বুদ্ধো, ছিন্দথ সংসযং মম.
‘‘‘সোস্সাম তৰ ৰচনং, ভূমিপালস্স রাজিনো;
উভিন্নং ৰচনং সুত্ৰা, ছিন্দিস্সামেত্থ সংসযং.
‘‘‘সব্বং দেৰ তযা দিন্নং, ইমস্স সব্বগাহিকং [সব্বগাহিতং (স্যা. ক.)];
ন কিঞ্চি ঠপযিত্ৰান, জীৰিতম্পি পৰারযি.
‘‘‘কিচ্ছপ্পত্তোৰ হুত্ৰান, যাচী ৰরমনুত্তরং [যাৰজীৰমনুত্তরং (স্যা. ক.)];
ইমং সুদুক্খিতং ঞত্ৰা, অদাসিং সব্বগাহিকং.
‘‘‘পরাজযো ¶ তুৰং [তৰং (সী.)] দেৰ, অস্স দেয্যো তথাগতো;
উভিন্নং সংসযো ছিন্নো, যথাসণ্ঠম্হি [যথাসন্তম্হি (সী.)] তিট্ঠথ.
‘‘‘রাজা তত্থেৰ ঠত্ৰান, অক্খদস্সেতদব্রৰি;
সম্মা ¶ ময্হম্পি দেয্যাথ, পুন বুদ্ধং লভামহং.
‘‘‘পূরেত্ৰা তৰ সঙ্কপ্পং, ভোজযিত্ৰা তথাগতং;
পুন দেয্যাসি [দেয্যাথ (ক.)] সম্বুদ্ধং, আনন্দস্স যসস্সিনো’.
(নিমন্তনকথা)
‘‘অক্খদস্সেভিৰাদেত্ৰা, আনন্দঞ্চাপি খত্তিযং;
তুট্ঠো পমুদিতো হুত্ৰা, সম্বুদ্ধমুপসঙ্কমিং.
‘‘উপসঙ্কম্ম সম্বুদ্ধং, ওঘতিণ্ণমনাসৰং;
সিরসা অভিৰাদেত্ৰা, ইদং ৰচনমব্রৰিং.
‘ৰসীসতসহস্সেহি ¶ , অধিৰাসেহি চক্খুম;
হাসযন্তো মম চিত্তং, নিৰেসনমুপেহি মে’.
‘‘পদুমুত্তরো লোকৰিদূ, আহুতীনং পটিগ্গহো;
মম সঙ্কপ্পমঞ্ঞায, অধিৰাসেসি চক্খুমা.
‘‘অধিৰাসনমঞ্ঞায, অভিৰাদিয সত্থুনো;
হট্ঠো উদগ্গচিত্তোহং, নিৰেসনমুপাগমিং.
(দানপটিযাদনং)
‘‘মিত্তামচ্চে সমানেত্ৰা, ইদং ৰচনমব্রৰিং;
‘সুদুল্লভো মযা লদ্ধো, মণি জোতিরসো যথা.
‘‘‘কেন তং পূজযিস্সাম, অপ্পমেয্যো অনূপমো;
অতুলো অসমো ধীরো, জিনো অপ্পটিপুগ্গলো.
‘‘‘তথাসমসমো চেৰ, অদুতিযো নরাসভো;
দুক্করং অধিকারঞ্হি, বুদ্ধানুচ্ছৰিকং মযা.
‘‘‘নানাপুপ্ফে ¶ সমানেত্ৰা, করোম পুপ্ফমণ্ডপং;
বুদ্ধানুচ্ছৰিকং ¶ এতং, সব্বপূজা ভৰিস্সতি’.
‘‘উপ্পলং ¶ পদুমং ৰাপি, ৰস্সিকং অধিমুত্তকং [অতিমুত্তকং (?)];
চম্পকং [চন্দনং (ক.)] নাগপুপ্ফঞ্চ, মণ্ডপং কারযিং অহং.
‘‘সতাসনসহস্সানি, ছত্তচ্ছাযায পঞ্ঞপিং;
পচ্ছিমং আসনং ময্হং, অধিকং সতমগ্ঘতি.
‘‘সতাসনসহস্সানি, ছত্তচ্ছাযায পঞ্ঞপিং;
পটিযাদেত্ৰা অন্নপানং, কালং আরোচযিং অহং.
‘‘আরোচিতম্হি কালম্হি, পদুমুত্তরো মহামুনি;
ৰসীসতসহস্সেহি, নিৰেসনমুপেসি মে.
‘‘ধারেন্তং উপরিচ্ছত্তং [ধারেন্তমুপরিচ্ছত্তে (সী.)], সুফুল্লপুপ্ফমণ্ডপে;
ৰসীসতসহস্সেহি, নিসীদি পুরিসুত্তমো.
‘‘‘ছত্তসতসহস্সানি, সতসহস্সমাসনং;
কপ্পিযং অনৰজ্জঞ্চ, পটিগণ্হাহি চক্খুম’.
‘‘পদুমুত্তরো লোকৰিদূ, আহুতীনং পটিগ্গহো;
মমং তারেতুকামো সো, সম্পটিচ্ছি মহামুনি.
(দানকথা)
‘‘ভিক্খুনো ¶ একমেকস্স, পচ্চেকং পত্তমদাসহং;
জহিংসু সুম্ভকং [পুব্বকং (সী.), সম্ভতং (স্যা.), মত্তিকং (?)] পত্তং, লোহপত্তং অধারযুং.
‘‘সত্তরত্তিন্দিৰং বুদ্ধো, নিসীদি পুপ্ফমণ্ডপে;
বোধযন্তো বহূ সত্তে, ধম্মচক্কং পৰত্তযি.
‘‘ধম্মচক্কং পৰত্তেন্তো, হেট্ঠতো পুপ্ফমণ্ডপে;
চুল্লাসীতিসহস্সানং ¶ , ধম্মাভিসমযো অহু.
‘‘সত্তমে দিৰসে পত্তে, পদুমুত্তরো মহামুনি;
ছত্তচ্ছাযাযমাসীনো, ইমা গাথা অভাসথ.
(ব্যাকরণং)
‘‘‘অনূনকং দানৰরং, যো মে পাদাসি মাণৰো;
তমহং কিত্তযিস্সামি, সুণাথ মম ভাসতো.
‘‘‘হত্থী ¶ অস্সা রথা পত্তী, সেনা চ চতুরঙ্গিনী;
পরিৰারেস্সন্তিমং [তং (স্যা.)] নিচ্চং, সব্বদানস্সিদং ফলং.
‘‘‘হত্থিযানং অস্সযানং, সিৰিকা সন্দমানিকা;
উপট্ঠিস্সন্তিমং নিচ্চং, সব্বদানস্সিদং ফলং.
‘‘‘সট্ঠি রথসহস্সানি, সব্বালঙ্কারভূসিতা;
পরিৰারেস্সন্তিমং নিচ্চং, সব্বদানস্সিদং ফলং.
‘‘‘সট্ঠি ¶ তূরিযসহস্সানি, ভেরিযো সমলঙ্কতা;
ৰজ্জযিস্সন্তিমং নিচ্চং, সব্বদানস্সিদং ফলং.
‘‘‘ছল়াসীতিসহস্সানি, নারিযো সমলঙ্কতা;
ৰিচিত্তৰত্থাভরণা, আমুক্কমণিকুণ্ডলা [আমুত্তমণিকুণ্ডলা (সী. স্যা.)].
‘‘‘অল়ারপম্হা হসুলা, সুসঞ্ঞা তনুমজ্ঝিমা;
পরিৰারেস্সন্তিমং নিচ্চং, সব্বদানস্সিদং ফলং.
‘‘‘তিংসকপ্পসহস্সানি, দেৰলোকে রমিস্সতি;
সহস্সক্খত্তুং দেৰিন্দো, দেৰরজ্জং করিস্সতি.
‘‘‘সহস্সক্খত্তুং রাজা চ, চক্কৰত্তী ভৰিস্সতি;
পদেসরজ্জং ¶ ৰিপুলং, গণনাতো অসঙ্খিযং.
‘‘‘দেৰলোকে ¶ ৰসন্তস্স, পুঞ্ঞকম্মসমঙ্গিনো;
দেৰলোকপরিযন্তং, রতনছত্তং ধরিস্সতি.
‘‘‘ইচ্ছিস্সতি যদা ছাযং [যদা ৰাযং (স্যা. ক.)], ছদনং দুস্সপুপ্ফজং;
ইমস্স চিত্তমঞ্ঞায, নিবদ্ধং ছাদযিস্সতি.
‘‘‘দেৰলোকা চৰিত্ৰান, সুক্কমূলেন চোদিতো;
পুঞ্ঞকম্মেন সংযুত্তো, ব্রহ্মবন্ধু ভৰিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন [নামেন (সব্বত্থ) এৰমুপরিপি; অট্ঠথাযং পন পুব্বে গোত্তেনাতিপদং ৰণ্ণিতং], সত্থা লোকে ভৰিস্সতি.
‘‘‘সব্বমেতং অভিঞ্ঞায, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, এতদগ্গে ঠপেস্সতি.
‘‘‘পিলিন্দৰচ্ছনামেন ¶ [পিলিন্দিৰচ্ছনামেন (সী.)], হেস্সতি সত্থুসাৰকো;
দেৰানং অসুরানঞ্চ, গন্ধব্বানঞ্চ সক্কতো.
‘‘‘ভিক্খূনং ভিক্খুনীনঞ্চ, গিহীনঞ্চ তথেৰ সো;
পিযো হুত্ৰান সব্বেসং, ৰিহরিস্সতিনাসৰো’.
(দানানিসংসকথা)
‘‘সতসহস্সে কতং কম্মং, ফলং দস্সেসি মে ইধ;
সুমুত্তো সরৰেগোৰ, কিলেসে ঝাপযী মম [ঝাপযিস্সতি (সী. ক.), ঝাপযিং অহং (স্যা.)].
‘‘অহো মে সুকতং কম্মং, পুঞ্ঞক্খেত্তে অনুত্তরে;
যত্থ কারং করিত্ৰান, পত্তোম্হি অচলং পদং.
‘‘অনূনকং দানৰরং, অদাসি যো [সো (ক.)] হি মাণৰো;
আদিপুব্বঙ্গমো ¶ আসি, তস্স দানস্সিদং ফলং.
(১. ছত্তানিসংসো)
‘‘ছত্তে চ সুগতে দত্ৰা [ছত্তে সুগতে দত্ৰান (সী. স্যা.)], সঙ্ঘে গণৰরুত্তমে;
অট্ঠানিসংসে অনুভোমি, কম্মানুচ্ছৰিকে মম.
‘‘সীতং ¶ উণ্হং ন জানামি, রজোজল্লং ন লিম্পতি;
অনুপদ্দৰো অনীতি চ, হোমি অপচিতো সদা.
‘‘সুখুমচ্ছৰিকো হোমি, ৰিসদং হোতি মানসং;
ছত্তসতসহস্সানি, ভৰে সংসরতো মম.
‘‘সব্বালঙ্কারযুত্তানি ¶ , তস্স কম্মস্স ৰাহসা;
ইমং জাতিং ঠপেত্ৰান, মত্থকে ধারযন্তি মে.
‘‘কস্মা [তস্মা (স্যা. ক.)] ইমায জাতিযা, নত্থি মে ছত্তধারণা;
মম সব্বং কতং কম্মং, ৰিমুত্তিছত্তপত্তিযা.
(২. দুস্সানিসংসো)
‘‘দুস্সানি সুগতে দত্ৰা, সঙ্ঘে গণৰরুত্তমে;
অট্ঠানিসংসে অনুভোমি, কম্মানুচ্ছৰিকে মম.
‘‘সুৰণ্ণৰণ্ণো ¶ ৰিরজো, সপ্পভাসো পতাপৰা;
সিনিদ্ধং হোতি মে গত্তং, ভৰে সংসরতো মম.
‘‘দুস্সসতসহস্সানি, সেতা পীতা চ লোহিতা;
ধারেন্তি মত্থকে ময্হং, দুস্সদানস্সিদং ফলং.
‘‘কোসেয্যকম্বলিযানি, খোমকপ্পাসিকানি চ;
সব্বত্থ পটিলভামি, তেসং নিস্সন্দতো অহং.
(৩. পত্তানিসংসো)
‘‘পত্তে সুগতে দত্ৰান, সঙ্ঘে গণৰরুত্তমে;
দসানিসংসে ¶ অনুভোমি, কম্মানুচ্ছৰিকে মম.
‘‘সুৰণ্ণথালে মণিথালে, রজতেপি চ থালকে;
লোহিতঙ্গমযে থালে, পরিভুঞ্জামি সব্বদা.
‘‘অনুপদ্দৰো অনীতি চ, হোমি অপচিতো সদা;
লাভী অন্নস্স পানস্স, ৰত্থস্স সযনস্স চ.
‘‘ন ৰিনস্সন্তি মে ভোগা, ঠিতচিত্তো ভৰামহং;
ধম্মকামো সদা হোমি, অপ্পক্লেসো অনাসৰো.
‘‘দেৰলোকে মনুস্সে ৰা, অনুবন্ধা ইমে গুণা;
ছাযা যথাপি রুক্খস্স, সব্বত্থ ন জহন্তি মং.
(৪. ৰাসিআনিসংসো)
‘‘চিত্তবন্ধনসম্বদ্ধা [চিত্তবন্ধনসম্পন্না (ক.)], সুকতা ৰাসিযো বহূ;
দত্ৰান বুদ্ধসেট্ঠস্স, সঙ্ঘস্স চ তথেৰহং.
‘‘অট্ঠানিসংসে অনুভোমি, কম্মানুচ্ছৰিকে মম;
সূরো ¶ হোমৰিসারী চ, ৰেসারজ্জেসু পারমী.
‘‘ধিতিৰীরিযৰা ¶ হোমি, পগ্গহীতমনো সদা;
কিলেসচ্ছেদনং ঞাণং, সুখুমং অতুলং সুচিং;
সব্বত্থ পটিলভামি, তস্স নিস্সন্দতো অহং.
(৫. সত্থকানিসংসো)
‘‘অকক্কসে ¶ অফরুসে, সুধোতে সত্থকে বহূ;
পসন্নচিত্তো দত্ৰান, বুদ্ধে সঙ্ঘে তথেৰ চ.
‘‘পঞ্চানিসংসে অনুভোমি, কম্মানুচ্ছৰিকে মম;
কল্যাণমিত্তং [কল্যাণচিত্তং (সী.)] ৰীরিযং, খন্তিঞ্চ মেত্তসত্থকং.
‘‘তণ্হাসল্লস্স ¶ ছিন্নত্তা, পঞ্ঞাসত্থং অনুত্তরং;
ৰজিরেন সমং ঞাণং, তেসং নিস্সন্দতো লভে.
(৬. সূচিআনিসংসো)
‘‘সূচিযো সুগতে দত্ৰা, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘ন সংসযো কঙ্খচ্ছেদো, অভিরূপো চ ভোগৰা;
তিক্খপঞ্ঞো সদা হোমি, সংসরন্তো ভৰাভৰে.
‘‘গম্ভীরং নিপুণং ঠানং, অত্থং ঞাণেন পস্সযিং;
ৰজিরগ্গসমং ঞাণং, হোতি মে তমঘাতনং.
(৭. নখচ্ছেদনানিসংসো)
‘‘নখচ্ছেদনে সুগতে, দত্ৰা সঙ্ঘে গণুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘দাসিদাসে [দাসিদাস (ক.)] গৰস্সে চ, ভতকে নাটকে [আরক্খকে (সী.)] বহূ;
ন্হাপিতে ভত্তকে সূদে, সব্বত্থেৰ লভামহং.
(৮. ৰিধূপনতালৰণ্টানিসংসো)
‘‘ৰিধূপনে সুগতে দত্ৰা, তালৰণ্টে চ সোভণে;
অট্ঠানিসংসে অনুভোমি, কম্মানুচ্ছৰিকে মম.
‘‘সীতং উণ্হং ন জানামি, পরিল়াহো ন ৰিজ্জতি;
দরথং নাভিজানামি, চিত্তসন্তাপনং মম.
‘‘রাগগ্গি ¶ দোসমোহগ্গি, মানগ্গি দিট্ঠিঅগ্গি চ;
সব্বগ্গী নিব্বুতা ময্হং, তস্স নিস্সন্দতো মম.
(৯. মোরহত্থ-চামরং)
‘‘মোরহত্থে ¶ চামরিযো, দত্ৰা সঙ্ঘে গণুত্তমে;
উপসন্তকিলেসোহং, ৰিহরামি অনঙ্গণো.
(১০. পরিস্সাৰন-ধম্মকরং)
‘‘পরিস্সাৰনে ¶ ¶ সুগতে, দত্ৰা ধম্মকরুত্তমে [দত্ৰা সুকতে ধম্মকুত্তরে (স্যা. ক.)];
পঞ্চানিসংসে অনুভোমি, কম্মানুচ্ছৰিকে মম.
‘‘সব্বেসং সমতিক্কম্ম, দিব্বং আযুং লভামহং;
অপ্পসয্হো সদা হোমি, চোরপচ্চত্থিকেহি ৰা.
‘‘সত্থেন ৰা ৰিসেন ৰা, ৰিহেসম্পি ন কুব্বতে;
অন্তরামরণং নত্থি, তেসং নিস্সন্দতো মম.
(১১. তেলধারানিসংসো)
‘‘তেলধারে সুগতে দত্ৰা, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘সুচারুরূপো সুভদ্দো [সুগদো (সী.), সুৰাচো (?)], সুসমুগ্গতমানসো;
অৰিক্খিত্তমনো হোমি, সব্বারক্খেহি রক্খিতো.
(১২. সূচিঘরানিসংসো)
‘‘সূচিঘরে সুগতে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘চেতোসুখং কাযসুখং, ইরিযাপথজং সুখং;
ইমে গুণে পটিলভে, তস্স নিস্সন্দতো অহং.
(১৩. অংসবদ্ধানিসংসো)
‘‘অংসবদ্ধে জিনে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘সদ্ধম্মে ¶ গাধং [চেতোঞাণং চ (সী.)] ৰিন্দামি, সরামি দুতিযং ভৰং;
সব্বত্থ সুচ্ছৰী হোমি, তস্স নিস্সন্দতো অহং.
(১৪. কাযবন্ধনানিসংসো)
‘‘কাযবন্ধে জিনে দত্ৰা, সঙ্ঘে গণৰরুত্তমে;
ছানিসংসে অনুভোমি, কম্মানুচ্ছৰিকে মম.
‘‘সমাধীসু ¶ ¶ ন কম্পামি, ৰসী হোমি সমাধিসু;
অভেজ্জপরিসো হোমি, আদেয্যৰচনো সদা.
‘‘উপট্ঠিতসতি হোমি, তাসো ময্হং ন ৰিজ্জতি;
দেৰলোকে মনুস্সে ৰা, অনুবন্ধা ইমে গুণা.
(১৫. আধারকানিসংসো)
‘‘আধারকে জিনে দত্ৰা, সঙ্ঘে গণৰরুত্তমে;
পঞ্চৰণ্ণেহি দাযাদো [পঞ্চৰণ্ণে ভযাভাৰো (স্যা.)], অচলো হোমি কেনচি.
‘‘যে ¶ কেচি মে সুতা ধম্মা, সতিঞাণপ্পবোধনা;
ধতা [ঠিতা (ক.)] মে ন ৰিনস্সন্তি, ভৰন্তি সুৰিনিচ্ছিতা.
(১৬. ভাজনানিসংসো)
‘‘ভাজনে পরিভোগে চ, দত্ৰা বুদ্ধে গণুত্তমে;
তীণানিসংসে অনুভোমি, কম্মানুচ্ছৰিকে মম.
‘‘সোণ্ণমযে মণিমযে, অথোপি ফলিকামযে;
লোহিতঙ্গমযে চেৰ, লভামি ভাজনে অহং.
‘‘ভরিযা দাসদাসী [সব্বত্থপি এৰমেৰ দিস্সতি] চ, হত্থিস্সরথপত্তিকে;
ইত্থী পতিব্বতা চেৰ, পরিভোগানি সব্বদা.
‘‘ৰিজ্জা মন্তপদে চেৰ, ৰিৰিধে আগমে বহূ;
সব্বং সিপ্পং নিসামেমি, পরিভোগানি সব্বদা.
(১৭. থালকানিসংসো)
‘‘থালকে সুগতে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘সোণ্ণমযে ¶ মণিমযে, অথোপি ফলিকামযে;
লোহিতঙ্গমযে চেৰ, লভামি থালকে অহং.
‘‘অসত্থকে ¶ [অসত্থকে (সী.), অস্সট্ঠকে (স্যা.)] ফলমযে, অথো পোক্খরপত্তকে;
মধুপানকসঙ্খে চ, লভামি থালকে অহং.
‘‘ৰত্তে গুণে পটিপত্তি, আচারকিরিযাসু চ;
ইমে গুণে পটিলভে, তস্স নিস্সন্দতো অহং.
(১৮. ভেসজ্জানিসংসো)
‘‘ভেসজ্জং ¶ সুগতে দত্ৰা, সঙ্ঘে গণৰরুত্তমে;
দসানিসংসে অনুভোমি, কম্মানুচ্ছৰিকে মম.
‘‘আযুৰা বলৰা ধীরো, ৰণ্ণৰা যসৰা সুখী;
অনুপদ্দৰো অনীতি চ, হোমি অপচিতো সদা;
ন মে পিযৰিযোগত্থি, তস্স নিস্সন্দতো মম.
(১৯. উপাহনানিসংসো)
‘‘উপাহনে জিনে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘হত্থিযানং অস্সযানং, সিৰিকা সন্দমানিকা;
সট্ঠিসতসহস্সানি, পরিৰারেন্তি মং সদা.
‘‘মণিমযা তম্বমযা [কম্বলিকা (সী. ক.)], সোণ্ণরজতপাদুকা;
নিব্বত্তন্তি পদুদ্ধারে, ভৰে সংসরতো মম.
‘‘নিযামং ¶ সতি ধাৰন্তি [নিযমং পটিধাৰন্তী (সী.), নিযামং পটিধাৰন্তি (স্যা.)], আগুআচারসোধনং [আচারগুণসোধনং (সী. স্যা.)];
ইমে গুণে পটিলভে, তস্স নিস্সন্দতো অহং.
(২০. পাদুকানিসংসো)
‘‘পাদুকে সুগতে দত্ৰা, সঙ্ঘে গণৰরুত্তমে;
ইদ্ধিপাদুকমারুয্হ, ৰিহরামি যদিচ্ছকং.
(২১. উদকপুঞ্ছনানিসংসো)
‘‘উদকপুচ্ছনচোল়ে ¶ , দত্ৰা বুদ্ধে গণুত্তমে;
পঞ্চানিসংসে ¶ অনুভোমি, কম্মানুচ্ছৰিকে মম.
‘‘সুৰণ্ণৰণ্ণো ৰিরজো, সপ্পভাসো পতাপৰা;
সিনিদ্ধং হোতি মে গত্তং, রজোজল্লং ন লিম্পতি;
ইমে গুণে পটিলভে, তস্স নিস্সন্দতো অহং.
(২২. কত্তরদণ্ডানিসংসো)
‘‘কত্তরদণ্ডে সুগতে, দত্ৰা সঙ্ঘে গণুত্তমে;
ছানিসংসে অনুভোমি, কম্মানুচ্ছৰিকে মম.
‘‘পুত্তা ¶ ময্হং বহূ হোন্তি, তাসো ময্হং ন ৰিজ্জতি;
অপ্পসয্হো সদা হোমি, সব্বারক্খেহি রক্খিতো;
খলিতম্পি [খলিতং মং (সী. ক.)] ন জানামি, অভন্তং মানসং মম.
(২৩. ওসধঞ্জনানিসংসো)
‘‘ওসধং অঞ্জনং দত্ৰা, বুদ্ধে সঙ্ঘে গণুত্তমে;
অট্ঠানিসংসে অনুভোমি, কম্মানুচ্ছৰিকে মম.
‘‘ৰিসালনযনো হোমি, সেতপীতো চ লোহিতো;
অনাৰিলপসন্নক্খো, সব্বরোগৰিৰজ্জিতো.
‘‘লভামি দিব্বনযনং, পঞ্ঞাচক্খুং অনুত্তরং;
ইমে গুণে পটিলভে, তস্স নিস্সন্দতো অহং.
(২৪. কুঞ্চিকানিসংসো)
‘‘কুঞ্চিকে সুগতে দত্ৰা, সঙ্ঘে গণৰরুত্তমে;
ধম্মদ্ৰারৰিৰরণং, লভামি ঞাণকুঞ্চিকং.
(২৫. কুঞ্চিকাঘরানিসংসো)
‘‘কুঞ্চিকানং ঘরে দত্ৰা, বুদ্ধে সঙ্ঘে গণুত্তমে;
দ্ৰানিসংসে অনুভোমি, কম্মানুচ্ছৰিকে মম;
অপ্পকোধো ¶ অনাযাসো, সংসরন্তো ভৰে অহং.
(২৬. আযোগানিসংসো)
‘‘আযোগে ¶ সুগতে দত্ৰা, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘সমাধীসু ন কম্পামি, ৰসী হোমি সমাধিসু;
অভেজ্জপরিসো হোমি, আদেয্যৰচনো সদা;
জাযতি ভোগসম্পত্তি, ভৰে সংসরতো মম.
(২৭. ধূমনেত্তানিসংসো)
‘‘ধূমনেত্তে জিনে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘সতি ¶ মে উজুকা হোতি, সুসম্বন্ধা চ ন্হারৰো;
লভামি দিব্বনযনং [দিব্বসযনং (স্যা.)], তস্স নিস্সন্দতো অহং.
(২৮. দীপধারানিসংসো)
‘‘দীপধারে ¶ [দীপট্ঠানে (সী.), দীপদানে (স্যা.), দীপট্ঠাপে (ক.)] জিনে দত্ৰা, সঙ্ঘে গণৰরুত্তমে;
তীণানিসংসে অনুভোমি, কম্মানুচ্ছৰিকে মম.
‘‘জাতিমা অঙ্গসম্পন্নো, পঞ্ঞৰা বুদ্ধসম্মতো [বুদ্ধিসম্মতো (সী. ক.)];
ইমে গুণে পটিলভে, তস্স নিস্সন্দতো অহং.
(২৯. তুম্বক-করণ্ডো)
‘‘তুম্বকে চ করণ্ডে চ, দত্ৰা বুদ্ধে গণুত্তমে;
দসানিসংসে অনুভোমি, কম্মানুচ্ছৰিকে মম.
‘‘সুগুত্তো [সদাগুত্তো (সী. স্যা.) সংগুত্তো (ক.)] সুখসমঙ্গী, মহাযসো তথাগতি;
ৰিপত্তিৰিগতো [ৰিভত্তিগত্তো (স্যা.)] সুখুমালো, সব্বীতিপরিৰজ্জিতো.
‘‘ৰিপুলে চ গুণে লাভী, সমাৰ চলনা মম;
সুৰিৰজ্জিতউব্বেগো, তুম্বকে চ করণ্ডকে.
‘‘লভামি ¶ চতুরো ৰণ্ণে, হত্থিস্সরতনানি চ;
তানি মে ন ৰিনস্সন্তি, তুম্বদানে ইদং ফলং.
(৩০. মলহরণানিসংসো)
‘‘মলহরণিযো ¶ [অঞ্জননাল়িযো (সী.), হত্থলিলঙ্গকে (স্যা. পী.), হত্থলিলঙ্গতে (ক.)] দত্ৰা, বুদ্ধে সঙ্ঘে গণুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘সব্বলক্খণসম্পন্নো, আযুপঞ্ঞাসমাহিতো;
সব্বাযাসৰিনিমুত্তো, কাযো মে হোতি সব্বদা.
(৩১. পিপ্ফলানিসংসো)
‘‘তণুধারে সুনিসিতে, সঙ্ঘে দত্ৰান পিপ্ফলে;
কিলেসকন্তনং ঞাণং, লভামি অতুলং সুচিং.
(৩২. ভণ্ডাসানিসংসো)
‘‘সণ্ডাসে সুগতে দত্ৰা, সঙ্ঘে গণৰরুত্তমে;
কিলেসভঞ্জনং [কিলেসলুঞ্চনং (সী. স্যা. পী.)] ঞাণং, লভামি অতুলং সুচিং.
(৩৩. নত্থুকানিসংসো)
‘‘নত্থুকে [থৰিকে (?) ভেসজ্জথৰিকেতি হি পুব্বে ৰুত্তং] সুগতে দত্ৰা, সঙ্ঘে গণৰরুত্তমে;
অট্ঠানিসংসে অনুভোমি, কম্মানুচ্ছৰিকে মম.
‘‘সদ্ধং ¶ সীলং হিরিঞ্চাপি, অথ ওত্তপ্পিযং গুণং;
সুতং চাগঞ্চ খন্তিঞ্চ, পঞ্ঞং মে অট্ঠমং গুণং.
(৩৪. পীঠকানিসংসো)
‘‘পীঠকে ¶ সুগতে দত্ৰা, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘উচ্চে কুলে পজাযামি, মহাভোগো ভৰামহং;
সব্বে মং অপচাযন্তি, কিত্তি অব্ভুগ্গতা মম.
‘‘কপ্পসতসহস্সানি, পল্লঙ্কা চতুরস্সকা;
পরিৰারেন্তি মং নিচ্চং, সংৰিভাগরতো অহং.
(৩৫. ভিসিআনিসংসো)
‘‘ভিসিযো ¶ ¶ সুগতে দত্ৰা, সঙ্ঘে গণৰরুত্তমে;
ছানিসংসে অনুভোমি, কম্মানুচ্ছৰিকে মম.
‘‘সমসুগত্তোপচিতো, মুদুকো চারুদস্সনো;
লভামি ঞাণপরিৰারং, ভিসিদানস্সিদং ফলং.
‘‘তূলিকা ৰিকতিকাযো, কট্টিস্সা [কট্ঠিস্সা (সী.), কুট্টকা (ক.)] চিত্তকা বহূ;
ৰরপোত্থকে কম্বলে চ, লভামি ৰিৰিধে অহং.
‘‘পাৰারিকে চ মুদুকে, মুদুকাজিনৰেণিযো;
লভামি ৰিৰিধত্থারে [ৰিৰিধট্ঠানে (স্যা. ক.)], ভিসিদানস্সিদং ফলং.
‘‘যতো সরামি অত্তানং, যতো পত্তোস্মি ৰিঞ্ঞুতং;
অতুচ্ছো ঝানমঞ্চোম্হি, ভিসিদানস্সিদং ফলং.
(৩৬. বিব্বোহনানিসংসো)
‘‘বিব্বোহনে জিনে দত্ৰা, সঙ্ঘে গণৰরুত্তমে;
ছানিসংসে অনুভোমি, কম্মানুচ্ছৰিকে মম.
‘‘উণ্ণিকে পদুমকে চ, অথো লোহিতচন্দনে;
বিব্বোহনে উপাধেমি, উত্তমঙ্গং সদা মম.
‘‘অট্ঠঙ্গিকে মগ্গৰরে, সামঞ্ঞে চতুরো ফলে;
তেসু ঞাণং উপ্পাদেত্ৰা [উপনেত্ৰা (সী.)], ৰিহরে নিচ্চকালিকং.
‘‘দানে ¶ দমে সংযমে চ, অপ্পমঞ্ঞাসু রূপিসু;
তেসু ঞাণং উপ্পাদেত্ৰা [উপনেত্ৰা (সী.)], ৰিহরে সব্বকালিকং.
‘‘ৰত্তে গুণে পটিপত্তি, আচারকিরিযাসু চ;
তেসু ঞাণং উপ্পাদেত্ৰা [ঞাণং উপদহিত্ৰান (সী.)], ৰিহরে সব্বদা অহং.
‘‘চঙ্কমে ¶ ৰা পধানে ৰা, ৰীরিযে বোধিপক্খিযে;
তেসু ঞাণং উপ্পাদেত্ৰা, ৰিহরামি যদিচ্ছকং.
‘‘সীলং ¶ ¶ সমাধি পঞ্ঞা চ, ৰিমুত্তি চ অনুত্তরা;
তেসু ঞাণং উপ্পাদেত্ৰা [ঞাণং উপদহিত্ৰান (সী.)], ৰিহরামি সুখং অহং.
(৩৭. ফলপীঠানিসংসো)
‘‘ফলপীঠে [পলালপীট্ঠে (সী.)] জিনে দত্ৰা, সঙ্ঘে গণৰরুত্তমে;
দ্ৰানিসংসে অনুভোমি, কম্মানুচ্ছৰিকে মম.
‘‘সোণ্ণমযে মণিমযে, দন্তসারমযে বহূ;
পল্লঙ্কসেট্ঠে ৰিন্দামি, ফলপীঠস্সিদং ফলং.
(৩৮. পাদপীঠানিসংসো)
‘‘পাদপীঠে জিনে দত্ৰা, সঙ্ঘে গণৰরুত্তমে;
দ্ৰানিসংসে অনুভোমি, কম্মানুচ্ছৰিকে মম;
লভামি বহুকে যানে, পাদপীঠস্সিদং ফলং.
‘‘দাসী দাসা চ ভরিযা, যে চঞ্ঞে অনুজীৰিনো;
সম্মা পরিচরন্তে মং, পাদপীঠস্সিদং ফলং.
(৩৯. তেলব্ভঞ্জনানিসংসো)
‘‘তেলঅব্ভঞ্জনে [তেলানব্ভঞ্জনে (সী.)] দত্ৰা, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘অব্যাধিতা রূপৰতা, খিপ্পং ধম্মনিসন্তিতা;
লাভিতা অন্নপানস্স, আযুপঞ্চমকং মম.
(৪০. সপ্পিতেলানিসংসো)
‘‘সপ্পিতেলঞ্চ দত্ৰান, সঙ্ঘে গণৰরুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘থামৰা রূপসম্পন্নো, পহট্ঠতনুজো সদা;
অব্যাধি ¶ ৰিসদো হোমি, সপ্পিতেলস্সিদং ফলং.
(৪১. মুখসোধনকানিসংসো)
‘‘মুখসোধনকং ¶ ¶ দত্ৰা, বুদ্ধে সঙ্ঘে গণুত্তমে;
পঞ্চানিসংসে অনুভোমি, কম্মানুচ্ছৰিকে মম.
‘‘ৰিসুদ্ধকণ্ঠো মধুরস্সরো, কাসসাসৰিৰজ্জিতো;
উপ্পলগন্ধো মুখতো, উপৰাযতি মে সদা.
(৪২. দধিআনিসংসো)
‘‘দধিং দত্ৰান সম্পন্নং, বুদ্ধে সঙ্ঘে গণুত্তমে;
ভুঞ্জামি অমতং ভত্তং [ৰিত্তং (সী. ক.)], ৰরং কাযগতাসতিং.
(৪৩. মধুআনিসংসো)
‘‘ৰণ্ণগন্ধরসোপেতং, মধুং দত্ৰা জিনে গণে;
অনূপমং অতুলিযং, পিৰে মুত্তিরসং অহং.
(৪৪.রসানিসংসো)
‘‘যথাভূতং ¶ রসং দত্ৰা, বুদ্ধে সঙ্ঘে গণুত্তমে;
চতুরো ফলে অনুভোমি, কম্মানুচ্ছৰিকে মম.
(৪৫. অন্নপানানিসংসো)
‘‘অন্নং পানঞ্চ দত্ৰান, বুদ্ধে সঙ্ঘে গণুত্তমে;
দসানিসংসে অনুভোমি, কম্মানুচ্ছৰিকে মম.
‘‘আযুৰা বলৰা ধীরো, ৰণ্ণৰা যসৰা সুখী;
লাভী অন্নস্স পানস্স, সূরো পঞ্ঞাণৰা সদা;
ইমে গুণে পটিলভে, সংসরন্তো ভৰে অহং.
(৪৬. ধূপানিসংসো)
‘‘ধূপং [ধূমং (সী. ক.)] দত্ৰান সুগতে, সঙ্ঘে গণৰরুত্তমে;
দসানিসংসে অনুভোমি, কম্মানুচ্ছৰিকে মম.
‘‘সুগন্ধদেহো যসৰা, সীঘপঞ্ঞো চ কিত্তিমা;
তিক্খপঞ্ঞো ভূরিপঞ্ঞো, হাসগম্ভীরপঞ্ঞৰা.
‘‘ৰেপুল্লজৰনপঞ্ঞো ¶ ¶ , সংসরন্তো ভৰাভৰে;
তস্সেৰ ৰাহসা দানি, পত্তো সন্তিসুখং সিৰং.
(সাধারণানিসংসো)
‘‘কিলেসা ¶ ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, মম বুদ্ধস্স সন্তিকে [বুদ্ধসেট্ঠস্স সন্তিকে (?) এৰমুপরিপি; এতদেৰ হি উপালিত্থেরাপদানট্ঠকথাযং ৰণ্ণিতং];
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা পিলিন্দৰচ্ছো থেরো ইমা গাথাযো অভাসিত্থাতি.
পিলিন্দৰচ্ছত্থেরস্সাপদানং পঠমং.
২. সেলত্থেরঅপদানং
‘‘নগরে হংসৰতিযা, ৰীথিসামী অহোসহং;
মম ঞাতী সমানেত্ৰা, ইদং ৰচনমব্রৰিং.
‘‘‘বুদ্ধো লোকে সমুপ্পন্নো, পুঞ্ঞক্খেত্তো অনুত্তরো [পুঞ্ঞক্খেত্তং অনুত্তরং (সী.)];
আসি সো [আসীসো (সী.), আধারো (পী.)] সব্বলোকস্স, আহুতীনং পটিগ্গহো.
‘‘‘খত্তিযা নেগমা চেৰ, মহাসালা চ ব্রাহ্মণা;
পসন্নচিত্তা সুমনা, পূগধম্মং অকংসু তে.
‘‘‘হত্থারোহা ¶ অনীকট্ঠা, রথিকা পত্তিকারকা;
পসন্নচিত্তা সুমনা, পূগধম্মং অকংসু তে.
‘‘‘উগ্গা ¶ চ রাজপুত্তা চ, ৰেসিযানা চ ব্রাহ্মণা;
পসন্নচিত্তা সুমনা, পূগধম্মং অকংসু তে.
‘‘‘আল়ারিকা ¶ কপ্পকা [আল়ারিকা চ সূদা (স্যা.)] চ, ন্হাপকা মালকারকা;
পসন্নচিত্তা সুমনা, পূগধম্মং অকংসু তে.
‘‘‘রজকা পেসকারা চ, চম্মকারা চ ন্হাপিতা;
পসন্নচিত্তা সুমনা, পূগধম্মং অকংসু তে.
‘‘‘উসুকারা ভমকারা, চম্মকারা চ তচ্ছকা;
পসন্নচিত্তা সুমনা, পূগধম্মং অকংসু তে.
‘‘‘কম্মারা ¶ সোণ্ণকারা চ, তিপুলোহকরা তথা;
পসন্নচিত্তা সুমনা, পূগধম্মং অকংসু তে.
‘‘‘ভতকা চেটকা চেৰ, দাসকম্মকরা বহূ;
যথাসকেন থামেন, পূগধম্মং অকংসু তে.
‘‘‘উদহারা কট্ঠহারা, কস্সকা তিণহারকা;
যথাসকেন থামেন, পূগধম্মং অকংসু তে.
‘‘‘পুপ্ফিকা মালিকা চেৰ, পণ্ণিকা ফলহারকা;
যথাসকেন থামেন, পূগধম্মং অকংসু তে.
‘‘‘গণিকা কুম্ভদাসী চ, পূৰিকা [সূপিকা (ক.)] মচ্ছিকাপি চ;
যথাসকেন থামেন, পূগধম্মং অকংসু তে.
‘‘‘এথ ¶ সব্বে সমাগন্ত্ৰা, গণং বন্ধাম একতো;
অধিকারং করিস্সাম, পুঞ্ঞক্খেত্তে অনুত্তরে’.
‘‘তে মে সুত্ৰান ৰচনং, গণং বন্ধিংসু তাৰদে;
উপট্ঠানসালং সুকতং, ভিক্খুসঙ্ঘস্স কারযুং.
‘‘নিট্ঠাপেত্ৰান তং সালং, উদগ্গো তুট্ঠমানসো;
পরেতো তেহি সব্বেহি, সম্বুদ্ধমুপসঙ্কমিং.
‘‘উপসঙ্কম্ম সম্বুদ্ধং, লোকনাথং নরাসভং;
ৰন্দিত্ৰা সত্থুনো পাদে, ইদং ৰচনমব্রৰিং.
‘‘‘ইমে তীণি সতা ৰীর, পুরিসা একতো গণা;
উপট্ঠানসালং সুকতং, নিয্যাদেন্তি [নিয্যাতেন্তি (সী.)] তুৰং [তৰং (সী.), তৰ (স্যা.)] মুনি’.
‘‘ভিক্খুসঙ্ঘস্স ¶ পুরতো, সম্পটিচ্ছত্ৰ চক্খুমা;
তিণ্ণং সতানং পুরতো, ইমা গাথা অভাসথ.
‘‘‘তিসতাপি চ জেট্ঠো চ, অনুৰত্তিংসু একতো;
সম্পত্তিঞ্হি [সম্পত্তীহি (স্যা. ক.)] করিত্ৰান, সব্বে অনুভৰিস্সথ.
‘‘‘পচ্ছিমে ¶ ভৰে সম্পত্তে, সীতিভাৰমনুত্তরং;
অজরং অমতং সন্তং, নিব্বানং ফস্সযিস্সথ’.
‘‘এৰং বুদ্ধো ৰিযাকাসি, সব্বঞ্ঞূ সমণুত্তরো;
বুদ্ধস্স ৰচনং সুত্ৰা, সোমনস্সং পৰেদযিং.
‘‘তিংস ¶ কপ্পসহস্সানি, দেৰলোকে রমিং অহং;
দেৰাধিপো পঞ্চসতং, দেৰরজ্জমকারযিং.
‘‘সহস্সক্খত্তুং ¶ রাজা চ, চক্কৰত্তী অহোসহং;
দেৰরজ্জং করোন্তস্স, মহাদেৰা অৰন্দিসুং.
‘‘ইধ মানুসকে রজ্জং [রজ্জে (সী.)], পরিসা হোন্তি বন্ধৰা;
পচ্ছিমে ভৰে সম্পত্তে, ৰাসেট্ঠো নাম ব্রাহ্মণো.
‘‘অসীতিকোটি নিচযো, তস্স পুত্তো অহোসহং;
সেলো ইতি মম নামং, ছল়ঙ্গে পারমিং গতো.
‘‘জঙ্ঘাৰিহারং ৰিচরং, সসিস্সেহি পুরক্খতো;
জটাভারিকভরিতং, কেণিযং নাম তাপসং.
‘‘পটিযত্তাহুতিং দিস্ৰা, ইদং ৰচনমব্রৰিং;
‘আৰাহো ৰা ৰিৰাহো ৰা, রাজা ৰা তে নিমন্তিতো’.
‘‘আহুতিং [নাহুতিং (?)] যিট্ঠুকামোহং, ব্রাহ্মণে দেৰসম্মতে;
ন নিমন্তেমি রাজানং, আহুতী মে ন ৰিজ্জতি.
‘‘ন চত্থি ময্হমাৰাহো, ৰিৰাহো মে ন ৰিজ্জতি;
সক্যানং নন্দিজননো, সেট্ঠো লোকে সদেৰকে.
‘‘সব্বলোকহিতত্থায, সব্বসত্তসুখাৰহো;
সো মে নিমন্তিতো অজ্জ, তস্সেতং পটিযাদনং.
‘‘তিম্বরূসকৰণ্ণাভো ¶ , অপ্পমেয্যো অনূপমো;
রূপেনাসদিসো বুদ্ধো, স্ৰাতনায নিমন্তিতো.
‘‘উক্কামুখপহট্ঠোৰ, খদিরঙ্গারসন্নিভো;
ৰিজ্জূপমো মহাৰীরো, সো মে বুদ্ধো নিমন্তিতো.
‘‘পব্বতগ্গে ¶ যথা অচ্চি, পুণ্ণমাযেৰ চন্দিমা;
নল়গ্গিৰণ্ণসঙ্কাসো, সো মে বুদ্ধো নিমন্তিতো.
‘‘অসম্ভীতো ভযাতীতো, ভৰন্তকরণো মুনি;
সীহূপমো মহাৰীরো, সো মে বুদ্ধো নিমন্তিতো.
‘‘কুসলো ¶ বুদ্ধধম্মেহি, অপসয্হো পরেহি সো;
নাগূপমো মহাৰীরো, সো মে বুদ্ধো নিমন্তিতো.
‘‘সদ্ধম্মাচারকুসলো ¶ , বুদ্ধনাগো অসাদিসো;
উসভূপমো মহাৰীরো, সো মে বুদ্ধো নিমন্তিতো.
‘‘অনন্তৰণ্ণো অমিতযসো, ৰিচিত্তসব্বলক্খণো;
সক্কূপমো মহাৰীরো, সো মে বুদ্ধো নিমন্তিতো.
‘‘ৰসী গণী পতাপী চ, তেজস্সী চ দুরাসদো;
ব্রহ্মূপমো মহাৰীরো, সো মে বুদ্ধো নিমন্তিতো.
‘‘পত্তধম্মো দসবলো, বলাতিবলপারগো;
ধরণূপমো মহাৰীরো, সো মে বুদ্ধো নিমন্তিতো.
‘‘সীলৰীচিসমাকিণ্ণো, ধম্মৰিঞ্ঞাণখোভিতো;
উদধূপমো মহাৰীরো, সো মে বুদ্ধো নিমন্তিতো.
‘‘দুরাসদো দুপ্পসহো, অচলো উগ্গতো ব্রহা;
নেরূপমো মহাৰীরো, সো মে বুদ্ধো নিমন্তিতো.
‘‘অনন্তঞাণো অসমসমো, অতুলো অগ্গতং গতো;
গগনূপমো মহাৰীরো, সো মে বুদ্ধো নিমন্তিতো.
পন্নরসমং ভাণৰারং.
‘‘পতিট্ঠা ¶ ভযভীতানং, তাণো সরণগামিনং;
অস্সাসকো মহাৰীরো, সো মে বুদ্ধো নিমন্তিতো.
‘‘আসযো ¶ বুদ্ধিমন্তানং, পুঞ্ঞক্খেত্তং সুখেসিনং;
রতনাকরো মহাৰীরো, সো মে বুদ্ধো নিমন্তিতো.
‘‘অস্সাসকো ৰেদকরো, সামঞ্ঞফলদাযকো;
মেঘূপমো মহাৰীরো, সো মে বুদ্ধো নিমন্তিতো.
‘‘লোকচক্খু মহাতেজো, সব্বতমৰিনোদনো;
সূরিযূপমো মহাৰীরো, সো মে বুদ্ধো নিমন্তিতো.
‘‘আরম্মণৰিমুত্তীসু, সভাৰদস্সনো মুনি;
চন্দূপমো মহাৰীরো, সো মে বুদ্ধো নিমন্তিতো.
‘‘বুদ্ধো সমুস্সিতো লোকে, লক্খণেহি অলঙ্কতো;
অপ্পমেয্যো মহাৰীরো, সো মে বুদ্ধো নিমন্তিতো.
‘‘যস্স ঞাণং অপ্পমেয্যং, সীলং যস্স অনূপমং;
ৰিমুত্তি অসদিসা যস্স, সো মে বুদ্ধো নিমন্তিতো.
‘‘যস্স ধীতি অসদিসা, থামো যস্স অচিন্তিযো;
যস্স পরক্কমো জেট্ঠো, সো মে বুদ্ধো নিমন্তিতো.
‘‘রাগো ¶ দোসো চ মোহো চ, ৰিসা সব্বে সমূহতা;
অগদূপমো মহাৰীরো, সো মে বুদ্ধো নিমন্তিতো.
‘‘ক্লেসব্যাধিবহুদুক্খ ¶ সব্বতমৰিনোদনো [ৰিনোদকো (সী. স্যা.)];
ৰেজ্জূপমো মহাৰীরো, সো মে বুদ্ধো নিমন্তিতো.
‘‘বুদ্ধোতি ¶ ভো যং ৰদেসি, ঘোসোপেসো সুদুল্লভো;
বুদ্ধো বুদ্ধোতি সুত্ৰান, পীতি মে উদপজ্জথ.
‘‘অব্ভন্তরং অগণ্হন্তং, পীতি মে বহি নিচ্ছরে;
সোহং পীতিমনো সন্তো, ইদং ৰচনমব্রৰিং.
‘‘‘কহং নু খো সো ভগৰা, লোকজেট্ঠো নরাসভো;
তত্থ গন্ত্ৰা নমস্সিস্সং, সামঞ্ঞফলদাযকং’.
‘‘‘পগ্গয্হ দক্খিণং বাহুং, ৰেদজাতো কতঞ্জলী;
আচিক্খি মে ধম্মরাজং, সোকসল্লৰিনোদনং.
‘‘‘উদেন্তংৰ ¶ মহামেঘং, নীলং অঞ্জনসন্নিভং;
সাগরং ৰিয দিস্সন্তং, পস্সসেতং মহাৰনং.
‘‘‘এত্থ সো ৰসতে বুদ্ধো, অদন্তদমকো মুনি;
ৰিনযন্তো চ ৰেনেয্যে, বোধেন্তো বোধিপক্খিযে.
‘‘‘পিপাসিতোৰ উদকং, ভোজনংৰ জিঘচ্ছিতো;
গাৰী যথা ৰচ্ছগিদ্ধা, এৰাহং ৰিচিনিং জিনং.
‘‘‘আচারউপচারঞ্ঞূ, ধম্মানুচ্ছৰিসংৰরং;
সিক্খাপেমি সকে সিস্সে, গচ্ছন্তে জিনসন্তিকং.
‘‘‘দুরাসদা ভগৰন্তো, সীহাৰ একচারিনো;
পদে পদং নিক্খিপন্তা, আগচ্ছেয্যাথ মাণৰা.
‘‘‘আসীৰিসো যথা ঘোরো, মিগরাজাৰ কেসরী;
মত্তোৰ কুঞ্জরো দন্তী, এৰং বুদ্ধা দুরাসদা.
‘‘‘উক্কাসিতঞ্চ ¶ খিপিতং, অজ্ঝুপেক্খিয মাণৰা;
পদে পদং নিক্খিপন্তা, উপেথ বুদ্ধসন্তিকং.
‘‘‘পটিসল্লানগরুকা, অপ্পসদ্দা দুরাসদা;
দুরূপসঙ্কমা বুদ্ধা, গরূ হোন্তি সদেৰকে.
‘‘‘যদাহং ¶ পঞ্হং পুচ্ছামি, পটিসম্মোদযামি ৰা;
অপ্পসদ্দা তদা হোথ, মুনিভূতাৰ তিট্ঠথ.
‘‘‘যং ¶ সো দেসেতি সম্বুদ্ধো [সদ্ধম্মং (সী. স্যা.)], খেমং নিব্বানপত্তিযা;
তমেৰত্থং নিসামেথ, সদ্ধম্মসৰনং সুখং’.
‘‘উপসঙ্কম্ম সম্বুদ্ধং, সম্মোদিং মুনিনা অহং;
তং কথং ৰীতিসারেত্ৰা, লক্খণে উপধারযিং.
‘‘লক্খণে দ্ৰে চ কঙ্খামি, পস্সামি তিংসলক্খণে;
কোসোহিতৰত্থগুয্হং, ইদ্ধিযা দস্সযী মুনি.
‘‘জিৰ্হং নিন্নামযিত্ৰান, কণ্ণসোতে চ নাসিকে;
পটিমসি নলাটন্তং, কেৰলং ছাদযী জিনো.
‘‘তস্সাহং ¶ লক্খণে দিস্ৰা, পরিপুণ্ণে সব্যঞ্জনে;
বুদ্ধোতি নিট্ঠং গন্ত্ৰান, সহ সিস্সেহি পব্বজিং.
‘‘সতেহি তীহি সহিতো, পব্বজিং অনগারিযং;
অদ্ধমাসে অসম্পত্তে, সব্বে পত্তাম্হ নিব্বুতিং.
‘‘একতো কম্মং কত্ৰান, পুঞ্ঞক্খেত্তে অনুত্তরে;
একতো সংসরিত্ৰান, একতো ৰিনিৰত্তযুং.
‘‘গোপানসিযো ¶ দত্ৰান, পূগধম্মে ৰসিং অহং;
তেন কম্মেন সুকতেন, অট্ঠ হেতূ লভামহং.
‘‘দিসাসু পূজিতো হোমি, ভোগা চ অমিতা মম;
পতিট্ঠা হোমি সব্বেসং, তাসো মম ন ৰিজ্জতি.
‘‘ব্যাধযো মে ন ৰিজ্জন্তি, দীঘাযুং পালযামি চ;
সুখুমচ্ছৰিকো হোমি, আৰাসে পত্থিতে ৰসে [আৰাসে পত্তে ৰস্সে (স্যা.), আৰাসেৰ ঠিতে ৰসে (ক.)].
‘‘অট্ঠ গোপানসী দত্ৰা, পূগধম্মে ৰসিং অহং;
পটিসম্ভিদারহত্তঞ্চ, এতং মে অপরট্ঠমং.
‘‘সব্বৰোসিতৰোসানো, কতকিচ্চো অনাসৰো;
অট্ঠগোপানসী নাম, তৰ পুত্তো মহামুনি.
‘‘পঞ্চ থম্ভানি দত্ৰান, পূগধম্মে ৰসিং অহং;
তেন কম্মেন সুকতেন, পঞ্চ হেতূ লভামহং.
‘‘অচলো ¶ হোমি মেত্তায, অনূনঙ্গো ভৰামহং;
আদেয্যৰচনো হোমি, ন ধংসেমি যথা অহং.
‘‘অভন্তং হোতি মে চিত্তং, অখিলো হোমি কস্সচি;
তেন কম্মেন সুকতেন, ৰিমলো হোমি সাসনে.
‘‘সগারৰো ¶ সপ্পতিস্সো, কতকিচ্চো অনাসৰো;
সাৰকো তে মহাৰীর, ভিক্খু তং ৰন্দতে মুনি.
‘‘কত্ৰা সুকতপল্লঙ্কং, সালাযং পঞ্ঞপেসহং;
তেন কম্মেন সুকতেন, পঞ্চ হেতূ লভামহং.
‘‘উচ্চে ¶ ¶ কুলে পজাযিত্ৰা, মহাভোগো ভৰামহং;
সব্বসম্পত্তিকো হোমি, মচ্ছেরং মে ন ৰিজ্জতি.
‘‘গমনে পত্থিতে ময্হং, পল্লঙ্কো উপতিট্ঠতি;
সহ পল্লঙ্কসেট্ঠেন, গচ্ছামি মম পত্থিতং.
‘‘তেন পল্লঙ্কদানেন, তমং সব্বং ৰিনোদযিং;
সব্বাভিঞ্ঞাবলপ্পত্তো, থেরো [সেলো (?)] ৰন্দতি তং মুনি.
‘‘পরকিচ্চত্তকিচ্চানি, সব্বকিচ্চানি সাধযিং;
তেন কম্মেন সুকতেন, পাৰিসিং অভযং পুরং.
‘‘পরিনিট্ঠিতসালম্হি, পরিভোগমদাসহং;
তেন কম্মেন সুকতেন, সেট্ঠত্তং অজ্ঝুপাগতো.
‘‘যে কেচি দমকা লোকে, হত্থিঅস্সে দমেন্তি যে;
করিত্ৰা কারণা নানা, দারুণেন দমেন্তি তে.
‘‘ন হেৰং ত্ৰং মহাৰীর, দমেসি নরনারিযো;
অদণ্ডেন অসত্থেন, দমেসি উত্তমে দমে.
‘‘দানস্স ৰণ্ণে কিত্তেন্তো, দেসনাকুসলো মুনি;
একপঞ্হং কথেন্তোৰ, বোধেসি তিসতে মুনি.
‘‘দন্তা মযং সারথিনা, সুৰিমুত্তা অনাসৰা;
সব্বাভিঞ্ঞাবলপত্তা, নিব্বুতা উপধিক্খযে.
‘‘সতসহস্সিতো কপ্পে, যং দানমদদিং তদা;
অতিক্কন্তা ভযা সব্বে, সালাদানস্সিদং ফলং.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ¶ ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সেলো সপরিসো ভগৰতো সন্তিকে ইমা গাথাযো অভাসিত্থাতি.
সেলত্থেরস্সাপদানং দুতিযং.
৩. সব্বকিত্তিকত্থেরঅপদানং
‘‘কণিকারংৰ ¶ ¶ জলিতং [জোতন্তং (সী.)], দীপরুক্খংৰ উজ্জলং [জোতিতং (স্যা.)];
ওসধিংৰ ৰিরোচন্তং, ৰিজ্জুতং গগনে যথা.
‘‘অসম্ভীতং অনুত্তাসিং, মিগরাজংৰ কেসরিং;
ঞাণালোকং পকাসেন্তং, মদ্দন্তং তিত্থিযে গণে.
‘‘উদ্ধরন্তং ইমং লোকং, ছিদ্দন্তং সব্বসংসযং;
গজ্জন্তং [অসম্ভীতং (স্যা.), গচ্ছন্তং (ক.)] মিগরাজংৰ, অদ্দসং লোকনাযকং.
‘‘জটাজিনধরো আসিং, ব্রহা উজু পতাপৰা;
ৰাকচীরং গহেত্ৰান, পাদমূলে অপত্থরিং.
‘‘কাল়ানুসারিযং গয্হ, অনুলিম্পিং তথাগতং;
সম্বুদ্ধমনুলিম্পেত্ৰা, সন্থৰিং লোকনাযকং.
‘‘সমুদ্ধরসিমং ¶ লোকং, ওঘতিণ্ণ [ওঘতিণ্ণো (স্যা. ক.)] মহামুনি;
ঞাণালোকেন জোতেসি, নাৰটং [পৰরং (স্যা.), ৰজির (পী.)] ঞাণমুত্তমং.
‘‘ধম্মচক্কং [তুৰং চক্কং (ক.)] পৰত্তেসি, মদ্দসে পরতিত্থিযে;
উসভো জিতসঙ্গামো, সম্পকম্পেসি মেদনিং.
‘‘মহাসমুদ্দে ঊমিযো, ৰেলন্তম্হি পভিজ্জরে;
তথেৰ তৰ ঞাণম্হি, সব্বদিট্ঠী পভিজ্জরে.
‘‘সুখুমচ্ছিকজালেন, সরম্হি সম্পতানিতে;
অন্তোজালিকতা [জালগতা (সী.)] পাণা, পীল়িতা হোন্তি তাৰদে.
‘‘তথেৰ তিত্থিযা লোকে, পুথুপাসণ্ডনিস্সিতা [মূল়্হা সচ্চৰিনিস্সটা (স্যা.), মুট্ঠসচ্চৰিনিস্সটা (ক.)];
অন্তোঞাণৰরে তুয্হং, পরিৰত্তন্তি মারিস.
‘‘পতিট্ঠা ¶ ৰুয্হতং ওঘে, ত্ৰঞ্হি নাথো অবন্ধুনং;
ভযট্টিতানং সরণং, মুত্তিত্থীনং পরাযণং.
‘‘একৰীরো ¶ অসদিসো, মেত্তাকরুণসঞ্চযো [সঞ্ঞুতো (স্যা.)];
অসমো সুসমো সন্তো [সুসীলো অসমো সন্তো (সী.), পঞ্ঞৰা যুত্তচাগো চ (স্যা.)], ৰসী তাদী জিতঞ্জযো.
‘‘ধীরো ¶ ৰিগতসম্মোহো, অনেজো অকথংকথী;
তুসিতো [ৰুসিতো (সী.)] ৰন্তদোসোসি, নিম্মলো সংযতো সুচি.
‘‘সঙ্গাতিগো হতমদো [গতমদো (স্যা.), তমনুদো (ক.)], তেৰিজ্জো তিভৰন্তগো;
সীমাতিগো ধম্মগরু, গতত্থো হিতৰব্ভুতো [হিতৰপ্পথো (সী. স্যা.)].
‘‘তারকো ¶ ত্ৰং যথা নাৰা, নিধীৰস্সাসকারকো;
অসম্ভীতো যথা সীহো, গজরাজাৰ দপ্পিতো.
‘‘থোমেত্ৰা দসগাথাহি, পদুমুত্তরং মহাযসং;
ৰন্দিত্ৰা সত্থুনো পাদে, তুণ্হী অট্ঠাসহং তদা.
‘‘পদুমুত্তরো লোকৰিদূ, আহুতীনং পটিগ্গহো;
ভিক্খুসঙ্ঘে ঠিতো সত্থা, ইমা গাথা অভাসথ.
‘‘‘যো মে সীলঞ্চ ঞাণঞ্চ, সদ্ধম্মঞ্চাপি ৰণ্ণযি [ধম্মঞ্চাপি পকিত্তযি (সী. স্যা.)];
তমহং কিত্তযিস্সামি, সুণাথ মম ভাসতো.
‘‘‘সট্ঠি কপ্পসহস্সানি, দেৰলোকে রমিস্সতি;
অঞ্ঞে দেৰেভিভৰিত্ৰা, ইস্সরং কারযিস্সতি.
‘‘‘সো পচ্ছা পব্বজিত্ৰান, সুক্কমূলেন চোদিতো;
গোতমস্স ভগৰতো, সাসনে পব্বজিস্সতি.
‘‘‘পব্বজিত্ৰান কাযেন, পাপকম্মং ৰিৰজ্জিয;
সব্বাসৰে পরিঞ্ঞায, নিব্বাযিস্সতিনাসৰো’.
‘‘যথাপি মেঘো থনযং, তপ্পেতি মেদিনিং ইমং;
তথেৰ ত্ৰং মহাৰীর, ধম্মেন তপ্পযী মমং.
‘‘সীলং পঞ্ঞঞ্চ ধম্মঞ্চ, থৰিত্ৰা লোকনাযকং;
পত্তোম্হি পরমং সন্তিং, নিব্বানং পদমচ্চুতং.
‘‘অহো ¶ নূন স ভগৰা, চিরং তিট্ঠেয্য চক্খুমা;
অঞ্ঞাতঞ্চ ৰিজানেয্যুং, ফুসেয্যুং [অঞ্ঞাতঞ্চাপি জানেয্য, পস্সেয্য (ক.)] অমতং পদং.
‘‘অযং ¶ ¶ মে পচ্ছিমা জাতি, ভৰা সব্বে সমূহতা;
সব্বাসৰে পরিঞ্ঞায, ৰিহরামি অনাসৰো.
‘‘সতসহস্সিতো কপ্পে, যং বুদ্ধমভিথোমযিং
দুগ্গতিং নাভিজানামি, কিত্তনায ইদং ফলং.
‘‘কিলেসা ¶ ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সব্বকিত্তিকো থেরো ইমা গাথাযো অভাসিত্থাতি.
সব্বকিত্তিকত্থেরস্সাপদানং ততিযং.
৪. মধুদাযকত্থেরঅপদানং
‘‘সিন্ধুযা নদিযা তীরে, সুকতো অস্সমো মম;
তত্থ ৰাচেমহং সিস্সে, ইতিহাসং সলক্খণং.
‘‘ধম্মকামা ৰিনীতা তে, সোতুকামা সুসাসনং;
ছল়ঙ্গে পারমিপ্পত্তা, সিন্ধুকূলে ৰসন্তি তে.
‘‘উপ্পাতগমনে ¶ চেৰ, লক্খণেসু চ কোৰিদা;
উত্তমত্থং গৰেসন্তা, ৰসন্তি ৰিপিনে তদা.
‘‘সুমেধো নাম সম্বুদ্ধো, লোকে উপ্পজ্জি তাৰদে;
অম্হাকং অনুকম্পন্তো, উপাগচ্ছি ৰিনাযকো.
‘‘উপাগতং মহাৰীরং, সুমেধং লোকনাযকং;
তিণসন্থারকং কত্ৰা, লোকজেট্ঠস্সদাসহং.
‘‘ৰিপিনাতো ¶ মধুং গয্হ, বুদ্ধসেট্ঠস্সদাসহং;
সম্বুদ্ধো পরিভুঞ্জিত্ৰা, ইদং ৰচনমব্রৰি.
‘‘‘যো তং অদাসি মধুং মে, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘ইমিনা মধুদানেন, তিণসন্থারকেন চ;
তিংস কপ্পসহস্সানি, দেৰলোকে রমিস্সতি.
‘‘‘তিংস ¶ কপ্পসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘দেৰলোকা ইধাগন্ত্ৰা, মাতুকুচ্ছিং উপাগতে;
মধুৰস্সং পৰস্সিত্থ, ছাদযং মধুনা মহিং’.
‘‘মযি নিক্খন্তমত্তম্হি, কুচ্ছিযা চ সুদুত্তরা;
তত্রাপি মধুৰস্সং মে, ৰস্সতে নিচ্চকালিকং.
‘‘অগারা ¶ ¶ অভিনিক্খম্ম, পব্বজিং অনগারিযং;
লাভী অন্নস্স পানস্স, মধুদানস্সিদং ফলং.
‘‘সব্বকামসমিদ্ধোহং, ভৰিত্ৰা দেৰমানুসে;
তেনেৰ মধুদানেন, পত্তোম্হি আসৰক্খযং.
‘‘ৰুট্ঠম্হি দেৰে চতুরঙ্গুলে তিণে, সম্পুপ্ফিতে [সুপুপ্ফিতে (স্যা.)] ধরণীরুহে সঞ্ছন্নে [ৰপ্পদেসে (স্যা.)];
সুঞ্ঞে ঘরে মণ্ডপরুক্খমূলকে, ৰসামি নিচ্চং সুখিতো অনাসৰো.
‘‘মজ্ঝে মহন্তে হীনে চ [মজ্ঝে ময্হং ভৰা অস্সু (স্যা. পী. ক.)], ভৰে সব্বে অতিক্কমিং [যে ভৰে সমতিক্কমিং (স্যা. ক.), যো ভৰেসু পকিত্তযি (ক.)];
অজ্জ মে আসৰা খীণা, নত্থি দানি পুনব্ভৰো.
‘‘তিংসকপ্পসহস্সম্হি, যং দানমদদিং তদা;
দুগ্গতিং নাভিজানামি, মধুদানস্সিদং ফলং.
‘‘কিলেসা ¶ ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মধুদাযকো থেরো ইমা গাথাযো অভাসিত্থাতি.
মধুদাযকত্থেরস্সাপদানং চতুত্থং.
৫. পদুমকূটাগারিযত্থেরঅপদানং
‘‘পিযদস্সী ¶ নাম ভগৰা, সযম্ভূ লোকনাযকো;
ৰিৰেককামো সম্বুদ্ধো, সমাধিকুসলো মুনি.
‘‘ৰনসণ্ডং ¶ সমোগয্হ, পিযদস্সী মহামুনি;
পংসুকূলং পত্থরিত্ৰা, নিসীদি পুরিসুত্তমো.
‘‘মিগলুদ্দো পুরে আসিং, অরঞ্ঞে [ৰিপিনে (সী.), ইরিনে (স্যা. ক.)] কাননে অহং;
পসদং মিগমেসন্তো, আহিণ্ডামি অহং তদা.
‘‘তত্থদ্দসাসিং সম্বুদ্ধং, ওঘতিণ্ণমনাসৰং;
পুপ্ফিতং সালরাজংৰ, সতরংসিংৰ উগ্গতং.
‘‘দিস্ৰানহং দেৰদেৰং, পিযদস্সিং মহাযসং;
জাতস্সরং সমোগয্হ, পদুমং আহরিং তদা.
‘‘আহরিত্ৰান পদুমং, সতপত্তং মনোরমং;
কূটাগারং করিত্ৰান, ছাদযিং পদুমেনহং.
‘‘অনুকম্পকো ¶ কারুণিকো, পিযদস্সী মহামুনি;
সত্তরত্তিন্দিৰং বুদ্ধো, কূটাগারে ৰসী জিনো.
‘‘পুরাণং ছড্ডযিত্ৰান, নৰেন ছাদযিং অহং;
অঞ্জলিং পগ্গহেত্ৰান, অট্ঠাসিং তাৰদে অহং.
‘‘ৰুট্ঠহিত্ৰা ¶ সমাধিম্হা, পিযদস্সী মহামুনি;
দিসং অনুৰিলোকেন্তো, নিসীদি লোকনাযকো.
‘‘তদা ¶ সুদস্সনো নাম, উপট্ঠাকো মহিদ্ধিকো;
চিত্তমঞ্ঞায বুদ্ধস্স, পিযদস্সিস্স সত্থুনো.
‘‘অসীতিযা সহস্সেহি, ভিক্খূহি পরিৰারিতো;
ৰনন্তে সুখমাসীনং, উপেসি লোকনাযকং.
‘‘যাৰতা ৰনসণ্ডম্হি, অধিৰত্থা চ দেৰতা;
বুদ্ধস্স চিত্তমঞ্ঞায, সব্বে সন্নিপতুং তদা.
‘‘সমাগতেসু যক্খেসু, কুম্ভণ্ডে সহরক্খসে;
ভিক্খুসঙ্ঘে চ সম্পত্তে, গাথা পব্যাহরী [সব্যাহরী (স্যা.), মাব্যাহরী (সী.)] জিনো.
‘‘‘যো মং সত্তাহং পূজেসি, আৰাসঞ্চ অকাসি মে;
তমহং কিত্তযিস্সামি, সুণাথ মম ভাসতো.
‘‘‘সুদুদ্দসং সুনিপুণং, গম্ভীরং সুপ্পকাসিতং;
ঞাণেন কিত্তযিস্সামি, সুণাথ মম ভাসতো.
‘‘‘চতুদ্দসানি ¶ কপ্পানি, দেৰরজ্জং করিস্সতি;
কূটাগারং মহন্তস্স [ব্রহং তস্স (সী. স্যা.)], পদ্মপুপ্ফেহি ছাদিতং.
‘‘‘আকাসে ধারযিস্সতি, পুপ্ফকম্মস্সিদং [পুব্বকম্মস্সিদং (স্যা.)] ফলং;
চতুব্বীসে [চতুদ্দসে (স্যা.)] কপ্পসতে, ৰোকিণ্ণং সংসরিস্সতি.
‘‘‘তত্থ পুপ্ফমযং ব্যম্হং, আকাসে ধারযিস্সতি;
যথা পদুমপত্তম্হি, তোযং ন উপলিম্পতি.
‘‘‘তথেৰীমস্স ঞাণম্হি, কিলেসা নোপলিম্পরে;
মনসা ৰিনিৰট্টেত্ৰা, পঞ্চ নীৰরণে অযং.
‘‘‘চিত্তং ¶ জনেত্ৰা নেক্খম্মে, অগারা পব্বজিস্সতি;
ততো পুপ্ফমযে ব্যম্হে, ধারেন্তে [পুপ্ফমযং ব্যম্হং, ধারেন্তং (স্যা. ক.)] নিক্খমিস্সতি.
‘‘‘রুক্খমূলে ৰসন্তস্স, নিপকস্স সতীমতো;
তত্থ পুপ্ফমযং ব্যম্হং, মত্থকে ধারযিস্সতি.
‘‘‘চীৰরং ¶ ¶ পিণ্ডপাতঞ্চ, পচ্চযং সযনাসনং;
দত্ৰান ভিক্খুসঙ্ঘস্স, নিব্বাযিস্সতিনাসৰো’.
‘‘কূটাগারেন চরতা [চরণা (সী. পী. ক.), চরিতে (স্যা.)], পব্বজ্জং অভিনিক্খমিং;
রুক্খমূলে ৰসন্তম্পি [ৰসন্তম্হি (সী.), ৰসতোপি (?)], কূটাগারং ধরীযতি.
‘‘চীৰরে পিণ্ডপাতে চ, চেতনা মে ন ৰিজ্জতি;
পুঞ্ঞকম্মেন সংযুত্তো, লভামি পরিনিট্ঠিতং.
‘‘গণনাতো অসঙ্খেয্যা, কপ্পকোটী বহূ মম;
রিত্তকা তে অতিক্কন্তা, পমুত্তা লোকনাযকা.
‘‘অট্ঠারসে কপ্পসতে, পিযদস্সী ৰিনাযকো;
তমহং পযিরুপাসিত্ৰা, ইমং যোনিং উপাগতো.
‘‘ইধ পস্সামি [ইধদ্দসাসিং (সী.)] সম্বুদ্ধং, অনোমং নাম চক্খুমং;
তমহং উপগন্ত্ৰান, পব্বজিং অনগারিযং.
‘‘দুক্খস্সন্তকরো বুদ্ধো, মগ্গং মে দেসযী জিনো;
তস্স ধম্মং সুণিত্ৰান, পত্তোম্হি অচলং পদং.
‘‘তোসযিত্ৰান সম্বুদ্ধং, গোতমং সক্যপুঙ্গৰং;
সব্বাসৰে পরিঞ্ঞায, ৰিহরামি অনাসৰো.
‘‘অট্ঠারসে ¶ ¶ কপ্পসতে, যং বুদ্ধমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পদুমকূটাগারিযো থেরো ইমা গাথাযো অভাসিত্থাতি.
পদুমকূটাগারিযত্থেরস্সাপদানং পঞ্চমং.
৬. বাকুলত্থেরঅপদানং
‘‘হিমৰন্তস্সাৰিদূরে ¶ , সোভিতো নাম পব্বতো;
অস্সমো সুকতো ময্হং, সকসিস্সেহি মাপিতো.
‘‘মণ্ডপা চ বহূ তত্থ, পুপ্ফিতা সিন্দুৰারকা;
কপিত্থা চ বহূ তত্থ, পুপ্ফিতা জীৰজীৰকা [চম্পকা নাগকেতকা (স্যা.)].
‘‘নিগ্গুণ্ডিযো বহূ তত্থ, বদরামলকানি চ;
ফারুসকা অলাবূ চ, পুণ্ডরীকা চ পুপ্ফিতা.
‘‘আল়কা ¶ [অল়ক্কা (স্যা.)] বেলুৰা তত্থ, কদলী মাতুলুঙ্গকা;
মহানামা বহূ তত্থ, অজ্জুনা চ পিযঙ্গুকা.
‘‘কোসম্বা ¶ সল়লা নিম্বা [নীপা (সী.)], নিগ্রোধা চ কপিত্থনা;
এদিসো অস্সমো ময্হং, সসিস্সোহং তহিং ৰসিং.
‘‘অনোমদস্সী ভগৰা, সযম্ভূ লোকনাযকো;
গৰেসং পটিসল্লানং, মমস্সমমুপাগমি.
‘‘উপেতম্হি মহাৰীরে, অনোমদস্সিমহাযসে;
খণেন লোকনাথস্স, ৰাতাবাধো সমুট্ঠহি.
‘‘ৰিচরন্তো অরঞ্ঞম্হি, অদ্দসং লোকনাযকং;
উপগন্ত্ৰান সম্বুদ্ধং, চক্খুমন্তং মহাযসং.
‘‘ইরিযঞ্চাপি দিস্ৰান, উপলক্খেসহং তদা;
অসংসযঞ্হি বুদ্ধস্স, ব্যাধি নো উদপজ্জথ.
‘‘খিপ্পং ¶ অস্সমমাগঞ্ছিং, মম সিস্সান সন্তিকে;
ভেসজ্জং কত্তুকামোহং, সিস্সে আমন্তযিং তদা.
‘‘পটিস্সুণিত্ৰান মে ৰাক্যং, সিস্সা সব্বে সগারৰা;
একজ্ঝং সন্নিপতিংসু, সত্থুগারৰতা মম.
‘‘খিপ্পং পব্বতমারুয্হ, সব্বোসধমহাসহং [মকাসহং (স্যা. ক.)];
পানীযযোগং [পানীযযোগ্গং (সী.)] কত্ৰান, বুদ্ধসেট্ঠস্সদাসহং.
‘‘পরিভুত্তে ¶ মহাৰীরে, সব্বঞ্ঞুলোকনাযকে;
খিপ্পং ৰাতো ৰূপসমি, সুগতস্স মহেসিনো.
‘‘পস্সদ্ধং ¶ দরথং দিস্ৰা, অনোমদস্সী মহাযসো;
সকাসনে নিসীদিত্ৰা, ইমা গাথা অভাসথ.
‘‘‘যো মে পাদাসি ভেসজ্জং, ব্যাধিঞ্চ সমযী মম;
তমহং কিত্তযিস্সামি, সুণাথ মম ভাসতো.
‘‘‘কপ্পসতসহস্সানি, দেৰলোকে রমিস্সতি;
ৰাদিতে তূরিযে তত্থ, মোদিস্সতি সদা অযং.
‘‘‘মনুস্সলোকমাগন্ত্ৰা, সুক্কমূলেন চোদিতো;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘পঞ্চপঞ্ঞাসকপ্পম্হি, অনোমো নাম খত্তিযো;
চাতুরন্তো ৰিজিতাৰী, জম্বুমণ্ডস্স [জম্বুদীপস্স (স্যা.)] ইস্সরো.
‘‘‘সত্তরতনসম্পন্নো, চক্কৰত্তী মহব্বলো;
তাৰতিংসেপি খোভেত্ৰা, ইস্সরং কারযিস্সতি.
‘‘‘দেৰভূতো ¶ মনুস্সো ৰা, অপ্পাবাধো ভৰিস্সতি;
পরিগ্গহং ৰিৰজ্জেত্ৰা, ব্যাধিং লোকে তরিস্সতি.
‘‘‘অপ্পরিমেয্যে ইতো কপ্পে, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘কিলেসে ঝাপযিত্ৰান, তণ্হাসোতং তরিস্সতি;
বাকুলো [বক্কুলো (সী. স্যা.)] নাম নামেন, হেস্সতি সত্থু সাৰকো.
‘‘‘ইদং ¶ ¶ সব্বং অভিঞ্ঞায, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, এতদগ্গে ঠপেস্সতি’.
‘‘অনোমদস্সী ভগৰা, সযম্ভূ লোকনাযকো;
ৰিৰেকানুৰিলোকেন্তো, মমস্সমমুপাগমি.
‘‘উপাগতং ¶ মহাৰীরং, সব্বঞ্ঞুং লোকনাযকং;
সব্বোসধেন তপ্পেসিং, পসন্নো সেহি পাণিভি.
‘‘তস্স মে সুকতং কম্মং, সুখেত্তে বীজসম্পদা;
খেপেতুং নেৰ সক্কোমি, তদা হি সুকতং মম.
‘‘লাভা মম সুলদ্ধং মে, যোহং অদ্দক্খি নাযকং;
তেন কম্মাৰসেসেন, পত্তোম্হি অচলং পদং.
‘‘সব্বমেতং অভিঞ্ঞায, গোতমো সক্যপুঙ্গৰো;
ভিক্খুসঙ্ঘে নিসীদিত্ৰা, এতদগ্গে ঠপেসি মং.
‘‘অপরিমেয্যে ইতো কপ্পে, যং কম্মমকরিং তদা;
দুগ্গতিং নাভিজানামি, ভেসজ্জস্স ইদং ফলং.
‘‘কিলেসা ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা বাকুলো [বক্কুলো (সী. স্যা.)] থেরো ইমা গাথাযো অভাসিত্থাতি;
বাকুলত্থেরস্সাপদানং ছট্ঠং.
৭. গিরিমানন্দত্থেরঅপদানং
‘‘ভরিযা মে কালঙ্কতা, পুত্তো সীৰথিকং গতো;
মাতা পিতা মতা ভাতা, একচিতম্হি [মাতা পিতা চ ভাতা চ, একচিতকম্হি (সী. স্যা.)] ডয্হরে.
‘‘তেন সোকেন সন্তত্তো, কিসো পণ্ডু অহোসহং;
চিত্তক্খেপো চ মে আসি, তেন সোকেন অট্টিতো.
‘‘সোকসল্লপরেতোহং ¶ , ৰনন্তমুপসঙ্কমিং;
পৰত্তফলং ভুঞ্জিত্ৰা, রুক্খমূলে ৰসামহং.
‘‘সুমেধো ¶ ¶ নাম সম্বুদ্ধো, দুক্খস্সন্তকরো জিনো;
মমুদ্ধরিতুকামো সো, আগঞ্ছি মম সন্তিকং.
‘‘পদসদ্দং সুণিত্ৰান, সুমেধস্স মহেসিনো;
পগ্গহেত্ৰানহং সীসং, উল্লোকেসিং মহামুনিং.
‘‘উপাগতে মহাৰীরে, পীতি মে উদপজ্জথ;
তদাসিমেকগ্গমনো, দিস্ৰা তং লোকনাযকং.
‘‘সতিং পটিলভিত্ৰান, পণ্ণমুট্ঠিমদাসহং;
নিসীদি ভগৰা তত্থ, অনুকম্পায চক্খুমা.
‘‘নিসজ্জ ¶ তত্থ ভগৰা, সুমেধো লোকনাযকো;
ধম্মং মে কথযী বুদ্ধো, সোকসল্লৰিনোদনং.
‘‘‘অনৰ্হিতা ততো আগুং, অননুঞ্ঞাতা ইতো গতা;
যথাগতা তথা গতা, তত্থ কা পরিদেৰনা.
‘‘‘যথাপি পথিকা সত্তা, ৰস্সমানায ৰুট্ঠিযা;
সভণ্ডা উপগচ্ছন্তি, ৰস্সস্সাপতনায তে.
‘‘‘ৰস্সে চ তে ওরমিতে, সম্পযন্তি যদিচ্ছকং;
এৰং মাতা পিতা তুয্হং, তত্থ কা পরিদেৰনা.
‘‘‘আগন্তুকা পাহুনকা, চলিতেরিতকম্পিতা;
এৰং মাতা পিতা তুয্হং, তত্থ কা পরিদেৰনা.
‘‘‘যথাপি উরগো জিণ্ণং, হিত্ৰা গচ্ছতি সং তচং [সংতনুং (স্যা. ক.)];
এৰং মাতা পিতা তুয্হং, সং তনুং ইধ হীযরে’.
‘‘বুদ্ধস্স গিরমঞ্ঞায, সোকসল্লং ৰিৰজ্জযিং;
পামোজ্জং জনযিত্ৰান, বুদ্ধসেট্ঠং অৰন্দহং.
‘‘ৰন্দিত্ৰান মহানাগং, পূজযিং গিরিমঞ্জরিং [গিরিমঞ্জরিমপূজযিং (সী. স্যা.)];
দিব্বগন্ধং সম্পৰন্তং [দিব্বগন্ধেন সম্পন্নং (সী. স্যা.)], সুমেধং লোকনাযকং.
‘‘পূজযিত্ৰান সম্বুদ্ধং, সিরে কত্ৰান অঞ্জলিং;
অনুস্সরং গুণগ্গানি, সন্থৰিং লোকনাযকং.
‘‘নিত্তিণ্ণোসি ¶ ¶ [নিত্তণ্হোসি (সী.), ৰিতিণ্ণোসি (স্যা.)] মহাৰীর, সব্বঞ্ঞু লোকনাযক;
সব্বে সত্তে উদ্ধরসি, ঞাণেন ত্ৰং মহামুনে.
‘‘ৰিমতিং ¶ ¶ দ্ৰেল়্হকং ৰাপি, সঞ্ছিন্দসি মহামুনে;
পটিপাদেসি মে মগ্গং, তৰ ঞাণেন চক্খুম.
‘‘অরহা ৰসিপত্তা [সিদ্ধিপত্তা (সী. স্যা.)] চ, ছল়ভিঞ্ঞা মহিদ্ধিকা;
অন্তলিক্খচরা ধীরা, পরিৰারেন্তি তাৰদে.
‘‘পটিপন্না চ সেখা চ, ফলট্ঠা সন্তি সাৰকা;
সূরোদযেৰ পদুমা, পুপ্ফন্তি তৰ সাৰকা.
‘‘মহাসমুদ্দোৰক্খোভো, অতুলোপি [যথা সমুদ্দো অক্খোভো, অতুলো চ (সী.)] দুরুত্তরো;
এৰং ঞাণেন সম্পন্নো, অপ্পমেয্যোসি চক্খুম.
‘‘ৰন্দিত্ৰাহং লোকজিনং, চক্খুমন্তং মহাযসং;
পুথু দিসা নমস্সন্তো, পটিকুটিকো অগঞ্ছহং.
‘‘দেৰলোকা চৰিত্ৰান, সম্পজানো পতিস্সতো;
ওক্কমিং মাতুযা কুচ্ছিং, সন্ধাৰন্তো ভৰাভৰে.
‘‘অগারা অভিনিক্খম্ম, পব্বজিং অনগারিযং;
আতাপী নিপকো ঝাযী, পটিসল্লানগোচরো.
‘‘পধানং পদহিত্ৰান, তোসযিত্ৰা মহামুনিং;
চন্দোৰব্ভঘনা মুত্তো, ৰিচরামি অহং সদা.
‘‘ৰিৰেকমনুযুত্তোম্হি, উপসন্তো নিরূপধি;
সব্বাসৰে পরিঞ্ঞায, ৰিহরামি অনাসৰো.
‘‘তিংসকপ্পসহস্সম্হি, যং বুদ্ধমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ¶ ঝাপিতা ময্হং, ভৰা সব্বে সমূহতা;
সব্বাসৰা পরিক্খীণা, নত্থি দানি পুনব্ভৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা গিরিমানন্দো থেরো ইমা গাথাযো অভাসিত্থাতি.
গিরিমানন্দত্থেরস্সাপদানং সত্তমং.
৮. সল়লমণ্ডপিযত্থেরঅপদানং
‘‘নিব্বুতে ¶ ¶ ককুসন্ধম্হি, ব্রাহ্মণম্হি ৰুসীমতি;
গহেত্ৰা সল়লং মালং, মণ্ডপং কারযিং অহং.
‘‘তাৰতিংসগতো সন্তো, লভামি ব্যম্হমুত্তমং;
অঞ্ঞে দেৰেতিরোচামি, পুঞ্ঞকম্মস্সিদং ফলং.
‘‘দিৰা ৰা যদি ৰা রত্তিং, চঙ্কমন্তো ঠিতো চহং;
ছন্নো সল়লপুপ্ফেহি, পুঞ্ঞকম্মস্সিদং ফলং.
‘‘ইমস্মিংযেৰ কপ্পম্হি, যং বুদ্ধমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সল়লমণ্ডপিযো থেরো ইমা গাথাযো অভাসিত্থাতি.
সল়লমণ্ডপিযত্থেরস্সাপদানং অট্ঠমং.
৯. সব্বদাযকত্থেরঅপদানং
‘‘মহাসমুদ্দং ওগয্হ, ভৰনং মে সুনিম্মিতং;
সুনিম্মিতা পোক্খরণী, চক্কৰাকপকূজিতা.
‘‘মন্দালকেহি সঞ্ছন্না, পদুমুপ্পলকেহি চ;
নদী চ সন্দতে তত্থ, সুপতিত্থা মনোরমা.
‘‘মচ্ছকচ্ছপসঞ্ছন্না ¶ , নানাদিজসমোত্থতা;
মযূরকোঞ্চাভিরুদা, কোকিলাদীহি ৰগ্গুহি.
‘‘পারেৰতা রৰিহংসা চ, চক্কৰাকা নদীচরা;
দিন্দিভা সাল়িকা চেত্থ, পম্মকা [পম্পকা (সী.), চপ্পকা (স্যা.)] জীৰজীৰকা.
‘‘হংসা ¶ কোঞ্চাপি নদিতা [কোঞ্চাভিনদিতা (সী. স্যা.)], কোসিযা পিঙ্গলা বহূ;
সত্তরতনসম্পন্না, মণিমুত্তিকৰালুকা.
‘‘সব্বসোণ্ণমযা ¶ রুক্খা, নানাগন্ধসমেরিতা;
উজ্জোতেন্তি দিৰারত্তিং, ভৰনং সব্বকালিকং.
‘‘সট্ঠি ¶ তূরিযসহস্সানি, সাযং পাতো পৰজ্জরে;
সোল়সিত্থিসহস্সানি, পরিৰারেন্তি মং সদা.
‘‘অভিনিক্খম্ম ভৰনা, সুমেধং লোকনাযকং;
পসন্নচিত্তো সুমনো, ৰন্দযিং তং মহাযসং.
‘‘সম্বুদ্ধং অভিৰাদেত্ৰা, সসঙ্ঘং তং নিমন্তযিং;
অধিৰাসেসি সো ধীরো, সুমেধো লোকনাযকো.
‘‘মম ধম্মকথং কত্ৰা, উয্যোজেসি মহামুনি;
সম্বুদ্ধং অভিৰাদেত্ৰা, ভৰনং মে উপাগমিং.
‘‘আমন্তযিং পরিজনং, সব্বে সন্নিপতাথ [সন্নিপতত্থ (ক.)] ৰো;
পুব্বণ্হসমযং বুদ্ধো, ভৰনং আগমিস্সতি.
‘‘লাভা অম্হং সুলদ্ধং নো, যে ৰসাম তৰন্তিকে;
মযম্পি বুদ্ধসেট্ঠস্স, পূজং কস্সাম সত্থুনো.
‘‘অন্নপনং পট্ঠপেত্ৰা, কালং আরোচযিং অহং;
ৰসীসতসহস্সেহি, উপেসি লোকনাযকো.
‘‘পঞ্চঙ্গিকেহি তূরিযেহি, পচ্চুগ্গমনমকাসহং;
সব্বসোণ্ণমযে পীঠে, নিসীদি পুরিসুত্তমো.
‘‘উপরিচ্ছদনং ¶ আসি, সব্বসোণ্ণমযং তদা;
বীজনিযো পৰাযন্তি, ভিক্খুসঙ্ঘস্স অন্তরে.
‘‘পহূতেনন্নপানেন ¶ , ভিক্খুসঙ্ঘমতপ্পযিং;
পচ্চেকদুস্সযুগল়ে, ভিক্খুসঙ্ঘস্সদাসহং.
‘‘যং ৰদন্তি সুমেধোতি, লোকাহুতিপটিগ্গহং;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘যো মে অন্নেন পানেন, সব্বে ইমে চ তপ্পযিং;
তমহং কিত্তযিস্সামি, সুণাথ মম ভাসতো.
‘‘অট্ঠারসে কপ্পসতে, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘উপ্পজ্জতি ¶ [উপগচ্ছতি (সী.)] যং যোনিং, দেৰত্তং অথ মানুসং;
সব্বদা সব্বসোৰণ্ণং, ছদনং ধারযিস্সতি.
‘‘তিংসকপ্পসহস্সম্হি, ওক্কাককুসলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘তস্স ¶ ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘ভিক্খুসঙ্ঘে নিসীদিত্ৰা, সীহনাদং নদিস্সতি;
চিতকে ছত্তং ধারেন্তি, হেট্ঠা ছত্তম্হি ডয্হথ’.
‘‘সামঞ্ঞং মে অনুপ্পত্তং, কিলেসা ঝাপিতা মযা;
মণ্ডপে রুক্খমূলে ৰা, সন্তাপো মে ন ৰিজ্জতি.
‘‘তিংসকপ্পসহস্সম্হি ¶ , যং দানমদদিং তদা;
দুগ্গতিং নাভিজানামি, সব্বদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা সব্বদাযকো থেরো ইমা গাথাযো অভাসিত্থাতি.
সব্বদাযকত্থেরস্সাপদানং নৰমং.
১০. অজিতত্থেরঅপদানং
‘‘পদুমুত্তরো ¶ নাম জিনো, সব্বধম্মান পারগূ;
অজ্ঝোগাহেত্ৰা হিমৰন্তং, নিসীদি লোকনাযকো.
‘‘নাহং অদ্দক্খিং [পস্সামি (?)] সম্বুদ্ধং, নপি সদ্দং সুণোমহং;
মম ভক্খং গৰেসন্তো, আহিণ্ডামি ৰনে অহং [তদা (সী.)].
‘‘তত্থদ্দস্সাসিং সম্বুদ্ধং, দ্ৰত্তিংসৰরলক্খণং;
দিস্ৰান ৰিত্তিমাপজ্জিং [চিত্তমাপজ্জি (সী.), চিত্তমাপজ্জিং (স্যা.)], সত্তো কো নামযং ভৰে.
‘‘লক্খণানি ¶ ৰিলোকেত্ৰা, মম ৰিজ্জং অনুস্সরিং;
সুতঞ্হি মেতং ৰুড্ঢানং, পণ্ডিতানং সুভাসিতং.
‘‘তেসং ¶ যথা তং ৰচনং, অযং বুদ্ধো ভৰিস্সতি;
যংনূনাহং সক্করেয্যং, গতিং মে সোধযিস্সতি.
‘‘খিপ্পং অস্সমমাগন্ত্ৰা, মধুতেলং গহিং অহং;
কোলম্বকং গহেত্ৰান, উপগচ্ছিং ৰিনাযকং [নরাসভং (সী.)].
‘‘তিদণ্ডকে গহেত্ৰান, অব্ভোকাসে ঠপেসহং;
পদীপং পজ্জলিত্ৰান, অট্ঠক্খত্তুং অৰন্দহং.
‘‘সত্তরত্তিন্দিৰং ¶ বুদ্ধো, নিসীদি পুরিসুত্তমো;
ততো রত্যা ৰিৰসানে, ৰুট্ঠাসি লোকনাযকো.
‘‘পসন্নচিত্তো সুমনো, সব্বরত্তিন্দিৰং অহং;
দীপং বুদ্ধস্স পাদাসিং, পসন্নো সেহি পাণিভি.
‘‘সব্বে ৰনা গন্ধমযা, পব্বতে গন্ধমাদনে;
বুদ্ধস্স আনুভাৰেন, আগচ্ছুং বুদ্ধসন্তিকং [উপগচ্ছুং তদা জিনং (সী.)].
‘‘যে কেচি পুপ্ফগন্ধাসে, পুপ্ফিতা ধরণীরুহা;
বুদ্ধস্স আনুভাৰেন, সব্বে সন্নিপতুং তদা.
‘‘যাৰতা হিমৰন্তম্হি, নাগা চ গরুল়া উভো;
ধম্মঞ্চ সোতুকামা তে, আগচ্ছুং বুদ্ধসন্তিকং.
‘‘দেৰলো ¶ নাম সমণো, বুদ্ধস্স অগ্গসাৰকো;
ৰসীসতসহস্সেহি, বুদ্ধসন্তিকুপাগমি.
‘‘পদুমুত্তরো ¶ লোকৰিদূ, আহুতীনং পটিগ্গহো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো মে দীপং পদীপেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘সট্ঠি কপ্পসহস্সানি, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
সোল়সমং ভাণৰারং.
‘‘‘ছত্তিসক্খত্তুং দেৰিন্দো, দেৰরজ্জং করিস্সতি;
পথৰিযং সত্তসতং, ৰিপুলং রজ্জং করিস্সতি.
‘‘‘পদেসরজ্জং ¶ ৰিপুলং, গণনাতো অসঙ্খিযং;
ইমিনা দীপদানেন, দিব্বচক্খু ভৰিস্সতি.
‘‘‘সমন্ততো অট্ঠকোসং [অড্ঢকোসং (সী. স্যা.)], পস্সিস্সতি অযং সদা;
দেৰলোকা চৰন্তস্স, নিব্বত্তন্তস্স জন্তুনো.
‘‘‘দিৰা ৰা যদি ৰা রত্তিং, পদীপং ধারযিস্সতি;
জাযমানস্স সত্তস্স, পুঞ্ঞকম্মসমঙ্গিনো.
‘‘‘যাৰতা নগরং আসি, তাৰতা জোতযিস্সতি;
উপপজ্জতি যং যোনিং, দেৰত্তং অথ মানুসং.
‘‘‘অস্সেৰ দীপদানস্স, [অট্ঠদীপফলেন হি; উপট্ঠিস্সন্তিমং জন্তুং (স্যা.), অট্ঠ দীপা ফলেন হি; ন জহিস্সন্তি’মং জন্তুং (?)] অট্ঠদীপফলেন হি;
ন জযিস্সন্তিমং জন্তূ [অট্ঠদীপফলেন হি; উপট্ঠিস্সন্তিমং জন্তুং (স্যা.), অট্ঠ দীপা ফলেন হি; ন জহিস্সন্তি’মং জন্তুং (?)], দীপদানস্সিদং ফলং.
‘‘‘কপ্পসতসহস্সম্হি ¶ ¶ , ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো.
‘‘‘তোসযিত্ৰান ¶ সম্বুদ্ধং, গোতমং সক্যপুঙ্গৰং;
অজিতো নাম নামেন, হেস্সতি সত্থু সাৰকো’.
‘‘সট্ঠি কপ্পসহস্সানি, দেৰলোকে রমিং অহং;
তত্রাপি মে দীপসতং, জোততে নিচ্চকালিকং [সব্বকালিকং (সী.)].
‘‘দেৰলোকে মনুস্সে ৰা, নিদ্ধাৰন্তি পভা মম;
বুদ্ধসেট্ঠং সরিত্ৰান, ভিয্যো হাসং জনেসহং.
‘‘তুসিতাহং চৰিত্ৰান, ওক্কমিং মাতুকুচ্ছিযং;
জাযমানস্স সন্তস্স, আলোকো ৰিপুলো অহু.
‘‘অগারা অভিনিক্খম্ম, পব্বজিং অনগারিযং;
বাৰরিং উপসঙ্কম্ম, সিস্সত্তং অজ্ঝুপাগমিং.
‘‘হিমৰন্তে ৰসন্তোহং, অস্সোসিং লোকনাযকং;
উত্তমত্থং গৰেসন্তো, উপগচ্ছিং ৰিনাযকং.
‘‘দন্তো বুদ্ধো দমেতাৰী, ওঘতিণ্ণো নিরূপধি;
নিব্বানং কথযী বুদ্ধো, সব্বদুক্খপ্পমোচনং.
‘‘তং ¶ মে আগমনং সিদ্ধং, তোসিতোহং মহামুনিং;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘সতসহস্সিতো ¶ কপ্পে, যং দীপমদদিং তদা;
দুগ্গতিং নাভিজানামি, দীপদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা অজিতো থেরো ইমা গাথাযো অভাসিত্থাতি.
অজিতত্থেরস্সাপদানং দসমং.
পিলিন্দৰচ্ছৰগ্গো চত্তালীসমো.
তস্সুদ্দানং ¶ –
পিলিন্দৰচ্ছো সেলো চ, সব্বকিত্তী মধুংদদো;
কূটাগারী বাকুলো চ, গিরি সল়লসৰ্হযো.
সব্বদো ¶ অজিতো চেৰ, গাথাযো গণিতা ইহ;
সতানি পঞ্চ গাথানং, ৰীসতি চ তদুত্তরীতি.
অথ ৰগ্গুদ্দানং –
পদুমারক্খদো ¶ চেৰ, উমা গন্ধোদকেন চ;
একপদ্ম সদ্দসঞ্ঞী, মন্দারং বোধিৰন্দকো.
অৰটঞ্চ পিলিন্দি [এৰমেৰ দিস্সতি] চ, গাথাযো গণিতা ইহ;
চতুসত্ততি গাথাযো, একাদস সতানি চ.
পদুমৰগ্গদসকং.
চতুত্থসতকং সমত্তং.
৪১. মেত্তেয্যৰগ্গো
১. তিস্সমেত্তেয্যত্থেরঅপদানং
‘‘পব্ভারকূটং ¶ ¶ ¶ ¶ নিস্সায, সোভিতো নাম তাপসো;
পৰত্তফলং ভুঞ্জিত্ৰা, ৰসতি পব্বতন্তরে.
‘‘অগ্গিং দারুং আহরিত্ৰা, উজ্জালেসিং অহং তদা;
উত্তমত্থং গৰেসন্তো, ব্রহ্মলোকূপপত্তিযা.
‘‘পদুমুত্তরো লোকৰিদূ, আহুতীনং পটিগ্গহো;
মমুদ্ধরিতুকামো সো, আগচ্ছি মম সন্তিকে.
‘‘কিং করোসি মহাপুঞ্ঞ, দেহি মে অগ্গিদারুকং;
অহমগ্গিং পরিচরে, ততো মে সুদ্ধি হোহিতি [হেহিতি (সী.)].
‘‘সুভদ্দকো ত্ৰং মনুজে, দেৰতে ত্ৰং পজানসি;
তুৰং অগ্গিং পরিচর, হন্দ তে অগ্গিদারুকং.
‘‘ততো কট্ঠং গহেত্ৰান, অগ্গিং উজ্জালযী জিনো;
ন তত্থ কট্ঠং পজ্ঝাযি, পাটিহেরং মহেসিনো.
‘‘ন তে অগ্গি পজ্জলতি, আহুতী তে ন ৰিজ্জতি;
নিরত্থকং ৰতং তুয্হং, অগ্গিং পরিচরস্সু মে.
‘‘কীদিসো সো [তে (স্যা. ক.)] মহাৰীর, অগ্গি তৰ পৰুচ্চতি;
ময্হম্পি কথযস্সেতং, উভো পরিচরামসে.
‘‘হেতুধম্মনিরোধায ¶ , কিলেসসমণায চ;
ইস্সামচ্ছরিযং হিত্ৰা, তযো এতে মমাহুতী.
‘‘কীদিসো ত্ৰং মহাৰীর, কথং গোত্তোসি মারিস;
আচারপটিপত্তি তে, বাল়্হং খো মম রুচ্চতি.
‘‘খত্তিযম্হি ¶ কুলে জাতো, অভিঞ্ঞাপারমিং গতো;
সব্বাসৰপরিক্খীণো, নত্থি দানি পুনব্ভৰো.
‘‘যদি ¶ ¶ বুদ্ধোসি সব্বঞ্ঞূ, পভঙ্কর তমোনুদ;
নমস্সিস্সামি তং দেৰ, দুক্খস্সন্তকরো তুৰং.
‘‘পত্থরিত্ৰাজিনচম্মং, নিসীদনমদাসহং;
নিসীদ নাথ সব্বঞ্ঞু, উপট্ঠিস্সামহং তুৰং.
‘‘নিসীদি ভগৰা তত্থ, অজিনম্হি সুৰিত্থতে;
নিমন্তযিত্ৰা সম্বুদ্ধং, পব্বতং অগমাসহং.
‘‘খারিভারঞ্চ পূরেত্ৰা, তিন্দুকফলমাহরিং;
মধুনা যোজযিত্ৰান, ফলং বুদ্ধস্সদাসহং.
‘‘মম নিজ্ঝাযমানস্স, পরিভুঞ্জি তদা জিনো;
তত্থ চিত্তং পসাদেসিং, পেক্খন্তো লোকনাযকং.
‘‘পদুমুত্তরো লোকৰিদূ, আহুতীনং পটিগ্গহো;
মমস্সমে নিসীদিত্ৰা, ইমা গাথা অভাসথ.
‘‘‘যো মং ফলেন তপ্পেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘পঞ্চৰীসতিক্খত্তুং ¶ সো, দেৰরজ্জং করিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘তস্স সঙ্কপ্পমঞ্ঞায, পুব্বকম্মসমঙ্গিনো;
অন্নং পানঞ্চ ৰত্থঞ্চ, সযনঞ্চ মহারহং.
‘‘‘পুঞ্ঞকম্মেন সংযুত্তা, নিব্বত্তিস্সন্তি তাৰদে;
সদা পমুদিতো চাযং, ভৰিস্সতি অনামযো.
‘‘‘উপপজ্জতি যং যোনিং, দেৰত্তং অথ মানুসং;
সব্বত্থ সুখিতো হুত্ৰা, মনুস্সত্তং গমিস্সতি.
‘‘‘অজ্ঝাযকো মন্তধরো, তিণ্ণং ৰেদান পারগূ;
সম্বুদ্ধং উপগন্ত্ৰান, অরহা সো ভৰিস্সতি’.
‘‘যতো সরামি অত্তানং, যতো পত্তোস্মি ৰিঞ্ঞুতং;
ভোগে মে ঊনতা নত্থি, ফলদানস্সিদং ফলং.
‘‘ৰরধম্মমনুপ্পত্তো, রাগদোসে সমূহনিং;
সব্বাসৰপরিক্খীণো, নত্থি দানি পুনব্ভৰো.
‘‘কিলেসা ¶ ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, মম বুদ্ধস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা ¶ চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং ¶ সুদং আযস্মা তিস্সমেত্তেয্যো থেরো ইমা গাথাযো অভাসিত্থাতি.
তিস্সমেত্তেয্যত্থেরস্সাপদানং পঠমং.
২. পুণ্ণকত্থেরঅপদানং
‘‘পব্ভারকূটং ¶ নিস্সায, সযম্ভূ অপরাজিতো;
আবাধিকো চ সো [আবাধিকো গরু (সী.)] বুদ্ধো, ৰসতি পব্বতন্তরে.
‘‘মম অস্সমসামন্তা, পনাদো আসি তাৰদে;
বুদ্ধে নিব্বাযমানম্হি, আলোকো উদপজ্জথ [আসি তাৰদে (স্যা. ক.)].
‘‘যাৰতা ৰনসণ্ডস্মিং, অচ্ছকোকতরচ্ছকা;
ৰাল়া চ [ব্যগ্ঘা (সী.)] কেসরী সব্বে, অভিগজ্জিংসু তাৰদে.
‘‘উপ্পাতং তমহং দিস্ৰা, পব্ভারং অগমাসহং;
তত্থদ্দস্সাসিং সম্বুদ্ধং, নিব্বুতং অপরাজিতং.
‘‘সুফুল্লং সালরাজংৰ, সতরংসিংৰ উগ্গতং;
ৰীতচ্চিকংৰ অঙ্গারং, নিব্বুতং অপরাজিতং.
‘‘তিণং কট্ঠঞ্চ পূরেত্ৰা, চিতকং তত্থকাসহং;
চিতকং সুকতং কত্ৰা, সরীরং ঝাপযিং অহং.
‘‘সরীরং ঝাপযিত্ৰান, গন্ধতোযং সমোকিরিং;
অন্তলিক্খে ঠিতো যক্খো, নামমগ্গহি তাৰদে.
‘‘যং ¶ ¶ পূরিতং [তং পূরিতং (স্যা.), সপ্পুরিস (ক.)] তযা কিচ্চং, সযম্ভুস্স মহেসিনো;
পুণ্ণকো নাম নামেন, সদা হোহি তুৰং [যদা হোসি তুৰং (স্যা.), সদা হোহিতি ত্ৰং (ক.)] মুনে.
‘‘তম্হা কাযা চৰিত্ৰান, দেৰলোকং অগচ্ছহং;
তত্থ দিব্বমযো গন্ধো, অন্তলিক্খা পৰস্সতি [অন্তলিক্খে পৰাযতি (সী.)].
‘‘তত্রাপি নামধেয্যং মে, পুণ্ণকোতি অহূ তদা;
দেৰভূতো মনুস্সো ৰা, সঙ্কপ্পং পূরযামহং.
‘‘ইদং পচ্ছিমকং ময্হং, চরিমো ৰত্ততে ভৰো;
ইধাপি পুণ্ণকো নাম, নামধেয্যং পকাসতি.
‘‘তোসযিত্ৰান ¶ সম্বুদ্ধং, গোতমং সক্যপুঙ্গৰং;
সব্বাসৰে পরিঞ্ঞায, ৰিহরামি অনাসৰো.
‘‘একনৰুতিতো কপ্পে, যং কম্মমকরিং তদা;
দুগ্গতিং নাভিজানামি, তনুকিচ্চস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পুণ্ণকো থেরো ইমা গাথাযো অভাসিত্থাতি.
পুণ্ণকত্থেরস্সাপদানং দুতিযং.
৩. মেত্তগুত্থেরঅপদানং
‘‘হিমৰন্তস্সাৰিদূরে ¶ ¶ , অসোকো নাম পব্বতো;
তত্থাসি অস্সমো ময্হং, ৰিস্সকম্মেন [ৰিসুকম্মেন (সী. স্যা. ক.)] মাপিতো.
‘‘সুমেধো নাম সম্বুদ্ধো, অগ্গো কারুণিকো মুনি;
নিৰাসযিত্ৰা পুব্বণ্হে, পিণ্ডায মে [মং (সী.)] উপাগমি.
‘‘উপাগতং ¶ মহাৰীরং, সুমেধং লোকনাযকং;
পগ্গয্হ সুগতপত্তং [সুগতং পত্তং (সী.), সুভকং পত্তং (পী.)], সপ্পিতেলং অপূরযিং [সপ্পিতেলেন পূরযিং (সী.), সপ্পিতেলস্স’পূরযিং (?)].
‘‘দত্ৰানহং বুদ্ধসেট্ঠে, সুমেধে লোকনাযকে;
অঞ্জলিং পগ্গহেত্ৰান, ভিয্যো [ভীযো (সী.), ভীয্যো (পী.)] হাসং জনেসহং.
‘‘ইমিনা সপ্পিদানেন, চেতনাপণিধীহি চ;
দেৰভূতো মনুস্সো ৰা, লভামি ৰিপুলং সুখং.
‘‘ৰিনিপাতং ৰিৰজ্জেত্ৰা, সংসরামি ভৰাভৰে;
তত্থ চিত্তং পণিধিত্ৰা, লভামি অচলং পদং.
‘‘লাভা তুয্হং সুলদ্ধং তে, যং মং অদ্দক্খি ব্রাহ্মণ;
মম দস্সনমাগম্ম, অরহত্তং ভৰিস্সতি [অরহা ত্ৰং ভৰিস্সসি (সী. পী.), অরহত্তং গমিস্সসি (স্যা.)].
‘‘ৰিস্সত্থো [ৰিস্সট্ঠো (স্যা. পী.), ৰিসট্ঠো (ক.)] হোহি মা ভাযি, অধিগন্ত্ৰা মহাযসং;
মমঞ্হি সপ্পিং দত্ৰান, পরিমোক্খসি জাতিযা.
‘‘ইমিনা ¶ সপ্পিদানেন, চেতনাপণিধীহি চ;
দেৰভূতো মনুস্সো ৰা, লভসে ৰিপুলং সুখং.
‘‘ইমিনা ¶ সপ্পিদানেন, মেত্তচিত্তৰতায চ;
অট্ঠারসে কপ্পসতে, দেৰলোকে রমিস্সসি.
‘‘অট্ঠতিংসতিক্খত্তুঞ্চ, দেৰরাজা ভৰিস্সসি;
পদেসরজ্জং ৰিপুলং, গণনাতো অসঙ্খিযং.
‘‘একপঞ্ঞাসক্খত্তুঞ্চ, চক্কৰত্তী ভৰিস্সসি;
চাতুরন্তো ৰিজিতাৰী, জম্বুমণ্ডস্স [জম্বুসণ্ডস্স (সী. পী.)] ইস্সরো.
‘‘মহাসমুদ্দোৰক্খোভো, দুদ্ধরো পথৰী যথা;
এৰমেৰ চ তে ভোগা, অপ্পমেয্যা ভৰিস্সরে.
‘‘সট্ঠিকোটী হিরঞ্ঞস্স, চজিত্ৰা [চত্ৰান (সী. ক.), দত্ৰান (স্যা. পী.)] পব্বজিং অহং;
কিং কুসলং গৰেসন্তো, বাৰরিং উপসঙ্কমিং.
‘‘তত্থ ¶ ¶ মন্তে অধীযামি, ছল়ঙ্গং নাম লক্খণং;
তমন্ধকারং ৰিধমং, উপ্পজ্জি ত্ৰং মহামুনি.
‘‘তৰ দস্সনকামোহং, আগতোম্হি মহামুনি;
তৰ ধম্মং সুণিত্ৰান, পত্তোম্হি অচলং পদং.
‘‘তিংসকপ্পসহস্সম্হি, সপ্পিং বুদ্ধস্সদাসহং;
এত্থন্তরে নাভিজানে, সপ্পিং ৰিঞ্ঞাপিতং [ৰিঞ্ঞাপিতা (?)] মযা.
‘‘মম সঙ্কপ্পমঞ্ঞায, উপ্পজ্জতি যদিচ্ছকং;
চিত্তমঞ্ঞায নিব্বত্তং, সব্বে সন্তপ্পযামহং.
‘‘অহো বুদ্ধা অহো ধম্মা [অহো বুদ্ধো অহো ধম্মো (সী.) থেরগা. ২০১ থেরগাথায তদট্ঠকথায চ সংসন্দেতব্বং], অহো নো সত্থু সম্পদা;
থোকঞ্হি সপ্পিং দত্ৰান, অপ্পমেয্যং লভামহং.
‘‘মহাসমুদ্দে ¶ উদকং, যাৰতা নেরুপস্সতো;
মম সপ্পিং উপাদায, কলভাগং ন হেস্সতি [হিস্সতি (স্যা. ক.), এস্সতি (সী.)].
‘‘যাৰতা চক্কৰাল়স্স, করিযন্তস্স [কারযন্তস্স (স্যা.), কযিরন্তস্স (পী.), আহরন্তস্স (ক.)] রাসিতো;
মম নিব্বত্তৰত্থানং [মযা নিৰত্থৰত্থানং (পী.)], ওকাসো সো ন সম্মতি.
‘‘পব্বতরাজা হিমৰা, পৰরোপি সিলুচ্চযো;
মমানুলিত্তগন্ধস্স, উপনিধিং [উপনিধং (সী. স্যা. ক.), উপনীযং (পী.)] ন হেস্সতি.
‘‘ৰত্থং ¶ গন্ধঞ্চ সপ্পিঞ্চ, অঞ্ঞঞ্চ দিট্ঠধম্মিকং;
অসঙ্খতঞ্চ নিব্বানং, সপ্পিদানস্সিদং ফলং.
‘‘সতিপট্ঠানসযনো, সমাধিঝানগোচরো;
বোজ্ঝঙ্গভোজনো [… জননো (স্যা. ক.)] অজ্জ, সপ্পিদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মেত্তগূ থেরো ইমা গাথাযো
অভাসিত্থাতি.
মেত্তগুত্থেরস্সাপদানং ততিযং.
৪. ধোতকত্থেরঅপদানং
‘‘গঙ্গা ¶ ¶ ভাগীরথী নাম, হিমৰন্তা পভাৰিতা [হিমৰন্তপ্পভাৰিতা (সী.)];
হংসৰতিযা দ্ৰারেন, অনুসন্দতি তাৰদে.
‘‘সোভিতো নাম আরামো, গঙ্গাকূলে সুমাপিতো;
তত্থ পদুমুত্তরো বুদ্ধো, ৰসতে লোকনাযকো.
‘‘তিদসেহি ¶ যথা ইন্দো, মনুজেহি পুরক্খতো;
নিসীদি তত্থ ভগৰা, অসম্ভীতোৰ কেসরী.
‘‘নগরে হংসৰতিযা, ৰসামি [অহোসিং (স্যা.)] ব্রাহ্মণো অহং;
ছল়ঙ্গো নাম নামেন, এৰংনামো মহামুনি.
‘‘অট্ঠারস সিস্সসতা, পরিৰারেন্তি মং তদা;
তেহি সিস্সেহি সমিতো, গঙ্গাতীরং উপাগমিং.
‘‘তত্থদ্দসাসিং সমণে, নিক্কুহে ধোতপাপকে;
ভাগীরথিং তরন্তেহং [তরন্তোহং (স্যা. পী.)], এৰং চিন্তেসি তাৰদে.
‘‘সাযং পাতং [সাযপাতং (পী.)] তরন্তামে, বুদ্ধপুত্তা মহাযসা;
ৰিহেসযন্তি অত্তানং, তেসং অত্তা ৰিহঞ্ঞতি.
‘‘সদেৰকস্স লোকস্স, বুদ্ধো অগ্গো পৰুচ্চতি;
নত্থি মে দক্খিণে কারং, গতিমগ্গৰিসোধনং.
‘‘যংনূন ¶ বুদ্ধসেট্ঠস্স, সেতুং গঙ্গায কারযে;
কারাপেত্ৰা ইমং কম্মং [সেতুং (স্যা.)], সন্তরামি ইমং ভৰং.
‘‘সতসহস্সং ¶ দত্ৰান, সেতুং কারাপযিং অহং;
সদ্দহন্তো কতং কারং, ৰিপুলং মে ভৰিস্সতি.
‘‘কারাপেত্ৰান তং সেতুং, উপেসিং লোকনাযকং;
সিরসি অঞ্জলিং কত্ৰা, ইমং ৰচনমব্রৰিং.
‘‘‘সতসহস্সস্স ৰযং [ৰযং সতসহস্সংৰ (ক.)], দত্ৰা [কত্ৰা (সী. পী.)] কারাপিতো মযা;
তৰত্থায মহাসেতু, পটিগ্গণ্হ মহামুনে.
‘‘‘পদুমুত্তরো ¶ লোকৰিদূ, আহুতীনং পটিগ্গহো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো মে সেতুং অকারেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
(সেতুদানআনিসংসো)
‘‘‘দরিতো পব্বততো ৰা, রুক্খতো পতিতোপিযং;
চুতোপি লচ্ছতী ঠানং, সেতুদানস্সিদং ফলং.
‘‘‘ৰিরূল়্হমূলসন্তানং, নিগ্রোধমিৰ মালুতো;
অমিত্তা নপ্পসহন্তি, সেতুদানস্সিদং ফলং.
‘‘‘নাস্স চোরা পসহন্তি, নাতিমঞ্ঞন্তি খত্তিযা;
সব্বে তরিস্সতামিত্তে, সেতুদানস্সিদং ফলং.
‘‘‘অব্ভোকাসগতং ¶ সন্তং, কঠিনাতপতাপিতং;
পুঞ্ঞকম্মেন সংযুত্তং, ন ভৰিস্সতি ৰেদনা [তাৰদে (ক.)].
‘‘‘দেৰলোকে মনুস্সে ৰা, হত্থিযানং সুনিম্মিতং;
তস্স সঙ্কপ্পমঞ্ঞায, নিব্বত্তিস্সতি তাৰদে.
‘‘‘সহস্সস্সা ¶ ৰাতজৰা, সিন্ধৰা সীঘৰাহনা;
সাযং পাতং উপেস্সন্তি, সেতুদানস্সিদং ফলং.
‘‘‘আগন্ত্ৰান মনুস্সত্তং, সুখিতোযং ভৰিস্সতি;
ৰেহাসং [ইহাপি (সী. স্যা. পী.)] মনুজস্সেৰ, হত্থিযানং ভৰিস্সতি.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ¶ ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, নিব্বাযিস্সতিনাসৰো’.
‘‘অহো মে সুকতং কম্মং, জলজুত্তমনামকে;
তত্থ কারং করিত্ৰান, পত্তোহং আসৰক্খযং.
‘‘পধানং পহিতত্তোম্হি, উপসন্তো নিরূপধি;
নাগোৰ বন্ধনং ছেত্ৰা, ৰিহরামি অনাসৰো.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা ধোতকো থেরো ইমা গাথাযো অভাসিত্থাতি.
ধোতকত্থেরস্সাপদানং চতুত্থং.
৫. উপসীৰত্থেরঅপদানং
‘‘হিমৰন্তস্সাৰিদূরে ¶ , অনোমো নাম পব্বতো;
অস্সমো সুকতো ময্হং, পণ্ণসালা সুমাপিতা.
‘‘নদী চ সন্দতী তত্থ, সুপতিত্থা মনোরমা;
অনূপতিত্থে জাযন্তি, পদুমুপ্পলকা বহূ.
‘‘পাঠীনা পাৰুসা মচ্ছা, বলজা মুঞ্জরোহিতা;
মচ্ছকচ্ছপসঞ্ছন্না [মচ্ছকচ্ছপসম্পন্না (?)], নদিকা সন্দতে তদা.
‘‘তিমিরা পুপ্ফিতা তত্থ, অসোকা খুদ্দমালকা;
পুন্নাগা গিরিপুন্নাগা, সম্পৰন্তি মমস্সমং.
‘‘কুটজা ¶ পুপ্ফিতা তত্থ, তিণসূলৰনানি চ;
সালা চ সল়লা তত্থ, চম্পকা পুপ্ফিতা বহূ.
‘‘অজ্জুনা অতিমুত্তা চ, মহানামা চ পুপ্ফিতা;
অসনা মধুগন্ধী চ, পুপ্ফিতা তে মমস্সমে.
‘‘উদ্দালকা পাটলিকা, যূথিকা চ পিযঙ্গুকা;
বিম্বিজালকসঞ্ছন্না, সমন্তা অড্ঢযোজনং.
‘‘মাতগ্গারা ¶ [মাতঙ্গৰা (সী.), মাতকরা (স্যা.), মাতঙ্গা ৰা (পী.)] সত্তলিযো, পাটলী সিন্দুৰারকা;
অঙ্কোলকা বহূ তত্থ, তালকুট্ঠি [তালকূটা (সী. স্যা.), তালকুট্ঠা (পী.)] চ পুপ্ফিতা;
সেলেয্যকা বহূ তত্থ, পুপ্ফিতা মম অস্সমে.
‘‘এতেসু ¶ পুপ্ফজাতেসু [পুপ্ফমানেসু (সী. পী.)], সোভন্তি পাদপা বহূ;
সমন্তা ¶ তেন গন্ধেন, ৰাযতে মম অস্সমো.
‘‘হরীতকা আমলকা, অম্বজম্বুৰিভীতকা [ৰিভিটকা (সী.)];
কোলা ভল্লাতকা বিল্লা, ফারুসকফলানি চ.
‘‘তিন্দুকা চ পিযালা চ, মধুকা কাসুমারযো;
লবুজা পনসা তত্থ, কদলী বদরীফলা [মন্দরিফলা (ক.), চন্দরীফলা (স্যা. পী.)].
‘‘অম্বাটকা বহূ তত্থ, ৰল্লিকারফলানি চ;
বীজপূরসপারিযো [চিরসংরসপাকা চ (স্যা.), ৰিটপা চ সপাকা চ (পী), ৰিদপরপদাদযো (ক.)], ফলিতা মম অস্সমে.
‘‘আল়কা ইসিমুগ্গা চ, ততো মোদফলা বহূ;
অৰটা পক্কভরিতা [সক্করারিতা (ক.)], পিলক্খুদুম্বরানি চ.
‘‘পিপ্ফিলী মরীচা তত্থ, নিগ্রোধা চ কপিত্থনা;
উদুম্বরকা বহৰো, কণ্ডুপণ্ণা চ হরিযো [কণ্ডপক্কা চ পারিযো (সী. স্যা. পী.)].
‘‘এতে চঞ্ঞে চ বহৰো, ফলিতা অস্সমে মম;
পুপ্ফরুক্খাপি বহৰো, পুপ্ফিতা মম অস্সমে.
‘‘আলুৰা চ কল়ম্বা চ, বিল়ালী তক্কলানি চ;
আলকা তালকা চেৰ, ৰিজ্জন্তি অস্সমে মম.
‘‘অস্সমস্সাৰিদূরে মে, মহাজাতস্সরো অহু;
অচ্ছোদকো সীতজলো, সুপতিত্থো মনোরমো.
‘‘পদুমুপ্পলা বহূ তত্থ, পুণ্ডরীকসমাযুতা;
মন্দালকেহি ¶ সঞ্ছন্না, নানাগন্ধসমেরিতা.
‘‘গব্ভং গণ্হন্তি পদুমা, অঞ্ঞে পুপ্ফন্তি কেসরী;
ওপুপ্ফপত্তা ¶ তিট্ঠন্তি, পদুমাকণ্ণিকা বহূ.
‘‘মধু ভিসম্হা সৰতি, খীরং সপ্পি মুলাল়িভি;
সমন্তা তেন গন্ধেন, নানাগন্ধসমেরিতা.
‘‘কুমুদা ¶ অম্বগন্ধি চ, নযিতা দিস্সরে বহূ;
জাতস্সরস্সানুকূলং, কেতকা পুপ্ফিতা বহূ.
‘‘সুফুল্লা ¶ বন্ধুজীৰা চ, সেতৰারী সুগন্ধিকা;
কুম্ভিলা সুসুমারা চ, গহকা তত্থ জাযরে.
‘‘উগ্গাহকা অজগরা, তত্থ জাতস্সরে বহূ;
পাঠীনা পাৰুসা মচ্ছা, বলজা মুঞ্জরোহিতা.
‘‘মচ্ছকচ্ছপসঞ্ছন্না, অথো পপটকাহি [পম্পটকেহি (সী.), সপটকেহি (স্যা.), পপ্পটকেহি (পী)] চ;
পারেৰতা রৰিহংসা, কুকুত্থা [কুক্কুত্থা (স্যা. ক.), কুত্থকা (পী.)] চ নদীচরা.
‘‘দিন্দিভা [টিট্টিভা (পী.)] চক্কৰাকা চ, পম্পকা জীৰজীৰকা;
কলন্দকা উক্কুসা চ, সেনকা উদ্ধরা বহূ.
‘‘কোট্ঠকা সুকপোতা চ, তুলিযা চমরা বহূ;
কারেনিযো [কাসেনিযা (স্যা.)] চ তিলকা [কিলকা (ক.)], উপজীৰন্তি তং সরং.
‘‘সীহা ব্যগ্ঘা চ দীপী চ, অচ্ছকোকতরচ্ছকা;
ৰানরা কিন্নরা চেৰ, দিস্সন্তি মম অস্সমে.
‘‘তানি গন্ধানি ঘাযন্তো, ভক্খযন্তো ফলানহং;
গন্ধোদকং পিৰন্তো চ, ৰসামি মম অস্সমে.
‘‘এণীমিগা ৰরাহা চ, পসদা খুদ্দরূপকা;
অগ্গিকা ¶ জোতিকা চেৰ, ৰসন্তি মম অস্সমে.
‘‘হংসা কোঞ্চা মযূরা চ, সালিকাপি চ কোকিলা;
মজ্জারিকা [মঞ্জরিকা (সী. স্যা. পী.)] বহূ তত্থ, কোসিকা পোট্ঠসীসকা.
‘‘পিসাচা দানৰা চেৰ, কুম্ভণ্ডা রক্খসা বহূ;
গরুল়া পন্নগা চেৰ, ৰসন্তি মম অস্সমে.
‘‘মহানুভাৰা ইসযো, সন্তচিত্তা সমাহিতা;
কমণ্ডলুধরা ¶ সব্বে, অজিনুত্তরৰাসনা;
জটাভারভরিতাৰ [তে জটাভারভরিতা (সী. পী.), জটাভারভরিতা চ (স্যা.)], ৰসন্তি মম অস্সমে.
‘‘যুগমত্তঞ্চ ¶ পেক্খন্তা, নিপকা সন্তৰুত্তিনো;
লাভালাভেন সন্তুট্ঠা, ৰসন্তি মম অস্সমে.
‘‘ৰাকচীরং ধুনন্তা তে, ফোটেন্তাজিনচম্মকং;
সবলেহি উপত্থদ্ধা, গচ্ছন্তি অম্বরে তদা.
‘‘ন তে দকং আহরন্তি, কট্ঠং ৰা অগ্গিদারুকং;
সযঞ্চ উপসম্পন্না, পাটিহীরস্সিদং ফলং.
‘‘লোহদোণিং ¶ গহেত্ৰান, ৰনমজ্ঝে ৰসন্তি তে;
কুঞ্জরাৰ মহানাগা, অসম্ভীতাৰ কেসরী.
‘‘অঞ্ঞে গচ্ছন্তি গোযানং, অঞ্ঞে পুব্বৰিদেহকং [পুব্বৰিদেহনং (স্যা. পী. ক.)];
অঞ্ঞে চ উত্তরকুরুং, সকং বলমৰস্সিতা [বলমপস্সিতা (স্যা. পী. ক.)].
‘‘ততো পিণ্ডং আহরিত্ৰা, পরিভুঞ্জন্তি একতো;
সব্বেসং পক্কমন্তানং, উগ্গতেজান তাদিনং.
‘‘অজিনচম্মসদ্দেন ¶ , ৰনং সদ্দাযতে তদা;
এদিসা তে মহাৰীর, সিস্সা উগ্গতপা মম.
‘‘পরিৰুতো অহং তেহি, ৰসামি মম অস্সমে;
তোসিতা সককম্মেন, ৰিনীতাপি সমাগতা.
‘‘আরাধযিংসু মং এতে, সককম্মাভিলাসিনো;
সীলৰন্তো চ নিপকা, অপ্পমঞ্ঞাসু কোৰিদা.
‘‘পদুমুত্তরো লোকৰিদূ, আহুতীনং পটিগ্গহো;
সমযং সংৰিদিত্ৰান, উপগচ্ছি ৰিনাযকো.
‘‘উপগন্ত্ৰান সম্বুদ্ধো, আতাপী নিপকো মুনি;
পত্তং পগ্গয্হ সম্বুদ্ধো, ভিক্খায মমুপাগমি.
‘‘উপাগতং মহাৰীরং, জলজুত্তমনাযকং;
তিণসন্থরং [তিণত্থরং (স্যা.), তিণত্থতং (ক.)] পঞ্ঞাপেত্ৰা, সালপুপ্ফেহি ওকিরিং.
‘‘নিসাদেত্ৰান ¶ [নিসীদেত্ৰান (সী.), নিসীদিত্ৰান (স্যা. পী.)] সম্বুদ্ধং, হট্ঠো সংৰিগ্গমানসো;
খিপ্পং পব্বতমারুয্হ, অগল়ুং [অগরুং (সী.)] অগ্গহিং অহং.
‘‘কুম্ভমত্তং গহেত্ৰান, পনসং দেৰগন্ধিকং;
খন্ধে আরোপযিত্ৰান, উপগচ্ছিং ৰিনাযকং.
‘‘ফলং ¶ বুদ্ধস্স দত্ৰান, অগল়ুং অনুলিম্পহং;
পসন্নচিত্তো সুমনো, বুদ্ধসেট্ঠং অৰন্দিহং.
‘‘পদুমুত্তরো লোকৰিদূ, আহুতীনং পটিগ্গহো;
ইসিমজ্ঝে ¶ নিসীদিত্ৰা, ইমা গাথা অভাসথ.
‘‘‘যো মে ফলঞ্চ অগল়ুং, আসনঞ্চ অদাসি মে;
তমহং কিত্তযিস্সামি, সুণাথ মম ভাসতো.
‘‘‘গামে ¶ ৰা যদি ৰারঞ্ঞে, পব্ভারেসু গুহাসু ৰা;
ইমস্স চিত্তমঞ্ঞায, নিব্বত্তিস্সতি ভোজনং.
‘‘‘দেৰলোকে মনুস্সে ৰা, উপপন্নো অযং নরো;
ভোজনেহি চ ৰত্থেহি, পরিসং তপ্পযিস্সতি.
‘‘‘উপপজ্জতি যং যোনিং, দেৰত্তং অথ মানুসং;
অক্খোভভোগো হুত্ৰান, সংসরিস্সতিযং নরো.
‘‘‘তিংসকপ্পসহস্সানি, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘একসত্ততিক্খত্তুঞ্চ, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো [(উপসীৰো নাম নামেন, হেস্সতি সত্থু সাৰকো) (স্যা.)];
সব্বাসৰে পরিঞ্ঞায, ৰিহরিস্সতিনাসৰো’.
‘‘সুলদ্ধলাভো লদ্ধো মে, যোহং অদ্দক্খিং নাযকং;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘গামে ¶ ¶ ৰা যদি ৰারঞ্ঞে, পব্ভারেসু গুহাসু ৰা;
মম সঙ্কপ্পমঞ্ঞায, ভোজনং হোতি মে সদা.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উপসীৰো [উপসিৰো (ক.)] থেরো ইমা গাথাযো অভাসিত্থাতি.
উপসীৰত্থেরস্সাপদানং পঞ্চমং.
৬. নন্দকত্থেরঅপদানং
‘‘মিগলুদ্দো ¶ পুরে আসিং, অরঞ্ঞে কাননে অহং;
পসদং মিগমেসন্তো, সযম্ভুং অদ্দসং অহং [জিনং (সী.)].
‘‘অনুরুদ্ধো ¶ নাম সম্বুদ্ধো, সযম্ভূ অপরাজিতো;
ৰিৰেককামো সো ধীরো, ৰনমজ্ঝোগহী তদা.
‘‘চতুদণ্ডে গহেত্ৰান, চতুট্ঠানে ঠপেসহং;
মণ্ডপং সুকতং কত্ৰা, পদ্মপুপ্ফেহি ছাদযিং.
‘‘মণ্ডপং ¶ ছাদযিত্ৰান, সযম্ভুং অভিৰাদযিং;
ধনুং তত্থেৰ নিক্খিপ্প, পব্বজিং অনগারিযং.
‘‘নচিরং পব্বজিতস্স [পব্বজিতস্স অচিরং (সী.)], ব্যাধি মে উদপজ্জথ;
পুব্বকম্মং সরিত্ৰান, তত্থ কালঙ্কতো অহং.
‘‘পুব্বকম্মেন সংযুত্তো, তুসিতং অগমাসহং;
তত্থ সোণ্ণমযং ব্যম্হং, নিব্বত্ততি যদিচ্ছকং.
‘‘সহস্সযুত্তং হযৰাহিং, দিব্বযানমধিট্ঠিতো;
আরুহিত্ৰান তং যানং, গচ্ছামহং যদিচ্ছকং.
‘‘ততো ¶ মে নিয্যমানস্স, দেৰভূতস্স মে সতো;
সমন্তা যোজনসতং, মণ্ডপো মে ধরীযতি.
‘‘সযনেহং তুৰট্টামি, অচ্ছন্নে [অচ্চন্তং (সী.), অচ্চন্ত (পী.)] পুপ্ফসন্থতে;
অন্তলিক্খা চ পদুমা, ৰস্সন্তে নিচ্চকালিকং.
‘‘মরীচিকে ফন্দমানে, তপ্পমানে চ আতপে;
ন মং তাপেতি আতাপো, মণ্ডপস্স ইদং ফলং.
‘‘দুগ্গতিং সমতিক্কন্তো, অপাযা পিহিতা মম;
মণ্ডপে রুক্খমূলে ৰা, সন্তাপো মে ন ৰিজ্জতি.
‘‘মহীসঞ্ঞং অধিট্ঠায, লোণতোযং তরামহং;
তস্স মে সুকতং কম্মং, বুদ্ধপূজাযিদং ফলং.
‘‘অপথম্পি [অব্ভম্হি (স্যা. ক.)] পথং কত্ৰা, গচ্ছামি অনিলঞ্জসে;
অহো মে সুকতং কম্মং, বুদ্ধপূজাযিদং ফলং.
‘‘পুব্বেনিৰাসং ¶ ¶ জানামি, দিব্বচক্খু ৰিসোধিতং;
আসৰা মে পরিক্খীণা, বুদ্ধপূজাযিদং ফলং.
‘‘জহিতা পুরিমা জাতি, বুদ্ধস্স ওরসো অহং;
দাযাদোম্হি চ সদ্ধম্মে, বুদ্ধপূজাযিদং ফলং.
‘‘আরাধিতোম্হি ¶ সুগতং, গোতমং সক্যপুঙ্গৰং;
ধম্মধজো ধম্মদাযাদো [ধম্মাদাসো (ক.)], বুদ্ধপূজাযিদং ফলং.
‘‘উপট্ঠিত্ৰান সম্বুদ্ধং, গোতমং সক্যপুঙ্গৰং;
পারঙ্গমনিযং মগ্গং, অপুচ্ছিং লোকনাযকং.
‘‘অজ্ঝিট্ঠো কথযী বুদ্ধো, গম্ভীরং নিপুণং পদং;
তস্সাহং ধম্মং সুত্ৰান, পত্তোম্হি আসৰক্খযং.
‘‘অহো মে সুকতং কম্মং, পরিমুত্তোম্হি জাতিযা;
সব্বাসৰপরিক্খীণো, নত্থি দানি পুনব্ভৰো.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা নন্দকো থেরো ইমা গাথাযো অভাসিত্থাতি.
নন্দকত্থেরস্সাপদানং ছট্ঠং.
৭. হেমকত্থেরঅপদানং
‘‘পব্ভারকূটং ¶ নিস্সায, অনোমো নাম তাপসো;
অস্সমং সুকতং কত্ৰা, পণ্ণসালে ৰসী তদা.
‘‘সিদ্ধং তস্স তপো কম্মং, সিদ্ধিপত্তো সকে বলে;
সকসামঞ্ঞৰিক্কন্তো, আতাপী নিপকো মুনি.
‘‘ৰিসারদো সসমযে, পরৰাদে চ কোৰিদো;
পট্ঠো ভূমন্তলিক্খম্হি, উপ্পাতম্হি চ কোৰিদো.
‘‘ৰীতসোকো নিরারম্ভো, অপ্পাহারো অলোলুপো;
লাভালাভেন সন্তুট্ঠো, ঝাযী ঝানরতো মুনি.
‘‘পিযদস্সী নাম সম্বুদ্ধো, অগ্গো কারুণিকো মুনি;
সত্তে তারেতুকামো সো, করুণায ফরী তদা.
‘‘বোধনেয্যং ¶ জনং দিস্ৰা, পিযদস্সী মহামুনি;
চক্কৰাল়সহস্সম্পি, গন্ত্ৰা ওৰদতে মুনি.
‘‘মমুদ্ধরিতুকামো ¶ সো, মমস্সমমুপাগমি;
ন দিট্ঠো মে জিনো পুব্বে, ন সুতোপি চ কস্সচি.
‘‘উপ্পাতা সুপিনা ময্হং, লক্খণা সুপ্পকাসিতা;
পট্ঠো ভূমন্তলিক্খম্হি, নক্খত্তপদকোৰিদো.
‘‘সোহং বুদ্ধস্স সুত্ৰান, তত্থ চিত্তং পসাদযিং;
তিট্ঠন্তো [ভুঞ্জন্তো (সী. পী. ক.)] ৰা নিসিন্নো ৰা, সরামি নিচ্চকালিকং.
‘‘মযি ¶ এৰং সরন্তম্হি, ভগৰাপি অনুস্সরি;
বুদ্ধং অনুস্সরন্তস্স, পীতি মে হোতি তাৰদে.
‘‘কালঞ্চ ¶ পুনরাগম্ম, উপেসি মং মহামুনি;
সম্পত্তেপি ন জানামি, অযং বুদ্ধো মহামুনি.
‘‘অনুকম্পকো কারুণিকো, পিযদস্সী মহামুনি;
সঞ্জানাপেসি অত্তানং, ‘অহং বুদ্ধো সদেৰকে’.
‘‘সঞ্জানিত্ৰান সম্বুদ্ধং, পিযদস্সিং মহামুনিং;
সকং চিত্তং পসাদেত্ৰা, ইদং ৰচনমব্রৰিং.
‘‘‘অঞ্ঞে [সব্বে (স্যা.)] পীঠে চ পল্লঙ্কে, আসন্দীসু নিসীদরে;
তুৰম্পি সব্বদস্সাৰী, নিসীদ রতনাসনে’.
‘‘সব্বরতনমযং পীঠং, নিম্মিনিত্ৰান তাৰদে;
পিযদস্সিস্স মুনিনো, অদাসিং ইদ্ধিনিম্মিতং.
‘‘রতনে চ নিসিন্নস্স, পীঠকে ইদ্ধিনিম্মিতে;
কুম্ভমত্তং জম্বুফলং, অদাসিং তাৰদে অহং.
‘‘মম হাসং জনেত্ৰান, পরিভুঞ্জি মহামুনি;
তদা চিত্তং পসাদেত্ৰা, সত্থারং অভিৰাদযিং.
‘‘পিযদস্সী তু ভগৰা, লোকজেট্ঠো নরাসভো;
রতনাসনমাসীনো, ইমা গাথা অভাসথ.
‘‘‘যো মে রতনমযং পীঠং, অমতঞ্চ ফলং অদা;
তমহং কিত্তযিস্সামি, সুণাথ মম ভাসতো.
‘‘‘সত্তসত্ততি ¶ কপ্পানি, দেৰলোকে রমিস্সতি;
পঞ্চসত্ততিক্খত্তুঞ্চ, চক্কৰত্তী ভৰিস্সতি.
‘‘‘দ্ৰত্তিংসক্খত্তুং ¶ দেৰিন্দো, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘সোণ্ণমযং ¶ রূপিমযং, পল্লঙ্কং সুকতং বহুং;
লোহিতঙ্গমযঞ্চেৰ, লচ্ছতি রতনামযং.
‘‘‘চঙ্কমন্তম্পি মনুজং, পুঞ্ঞকম্মসমঙ্গিনং;
পল্লঙ্কানি অনেকানি, পরিৰারেস্সরে তদা.
‘‘‘কূটাগারা ¶ চ পাসাদা, সযনঞ্চ মহারহং;
ইমস্স চিত্তমঞ্ঞায, নিব্বত্তিস্সন্তি তাৰদে.
‘‘‘সট্ঠি নাগসহস্সানি, সব্বালঙ্কারভূসিতা;
সুৰণ্ণকচ্ছা মাতঙ্গা, হেমকপ্পনৰাসসা [হেমকপ্পনিৰাসনা (সী. স্যা.), হেমকপ্পনিৰাসসা (ক.)].
‘‘‘আরূল়্হা গামণীযেহি, তোমরঙ্কুসপাণিভি;
ইমং পরিচরিস্সন্তি, রত্নপীঠস্সিদং ফলং.
‘‘‘সট্ঠি অস্সসহস্সানি, সব্বালঙ্কারভূসিতা;
আজানীযাৰ জাতিযা, সিন্ধৰা সীঘৰাহিনো.
‘‘‘আরূল়্হা গামণীযেহি, ইল্লিযাচাপধারিভি;
তেপিমং পরিচরিস্সন্তি, রত্নপীঠস্সিদং ফলং.
‘‘‘সট্ঠি রথসহস্সানি, সব্বালঙ্কারভূসিতা;
দীপা অথোপি ৰেযগ্ঘা, সন্নদ্ধা উস্সিতদ্ধজা.
‘‘‘আরূল়্হা ¶ গামণীযেহি, চাপহত্থেহি ৰম্মিভি;
পরিৰারেস্সন্তিমং নিচ্চং, রত্নপীঠস্সিদং ফলং.
‘‘‘সট্ঠি ধেনুসহস্সানি, দোহঞ্ঞা পুঙ্গৰূসভে;
ৰচ্ছকে জনযিস্সন্তি, রত্নপীঠস্সিদং ফলং.
‘‘‘সোল়সিত্থিসহস্সানি, সব্বালঙ্কারভূসিতা;
ৰিচিত্তৰত্থাভরণা, আমুক্কমণিকুণ্ডলা.
‘‘‘অল়ারপম্হা হসুলা, সুসঞ্ঞা তনুমজ্ঝিমা;
পরিৰারেস্সন্তিমং নিচ্চং, রত্নপীঠস্সিদং ফলং.
‘‘‘অট্ঠারসে কপ্পসতে, গোতমো নাম চক্খুমা;
তমন্ধকারং ৰিধমিত্ৰা, বুদ্ধো লোকে ভৰিস্সতি.
‘‘‘তস্স ¶ দস্সনমাগম্ম, পব্বজিস্সতিকিঞ্চনো;
তোসযিত্ৰান সত্থারং, সাসনেভিরমিস্সতি.
‘‘‘তস্স ¶ ধম্মং সুণিত্ৰান, কিলেসে ঘাতযিস্সতি;
সব্বাসৰে পরিঞ্ঞায, নিব্বাযিস্সতিনাসৰো’.
‘‘ৰীরিযং ¶ মে ধুরধোরয্হং, যোগক্খেমাধিৰাহনং;
উত্তমত্থং পত্থযন্তো, সাসনে ৰিহরামহং.
‘‘ইদং পচ্ছিমকং ময্হং, চরিমো ৰত্ততে ভৰো;
সব্বাসৰা পরিক্খীণা, নত্থি দানি পুনব্ভৰো.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ¶ ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা হেমকো থেরো ইমা গাথাযো অভাসিত্থাতি;
হেমকত্থেরস্সাপদানং সত্তমং.
সত্তরসমং ভাণৰারং.
৮. তোদেয্যত্থেরঅপদানং
‘‘রাজা অজিতঞ্জযো [রাজাসি ৰিজযো (সী. অট্ঠ.), রাজা ৰিজিতজযো (স্যা.)] নাম, কেতুমতীপুরুত্তমে;
সূরো ৰিক্কমসম্পন্নো, পুরমজ্ঝাৰসী তদা.
‘‘তস্স রঞ্ঞো পমত্তস্স, অটৰিযো সমুট্ঠহুং;
ওতারা [উত্তরা (স্যা.), ওচরা (পী.)] তুণ্ডিকা চেৰ, রট্ঠং ৰিদ্ধংসযুং তদা.
‘‘পচ্চন্তে কুপিতে খিপ্পং, সন্নিপাতেসিরিন্দমো;
ভটে চেৰ বলত্থে চ, অরিং নিগ্গাহযি তদা.
‘‘হত্থারোহা অনীকট্ঠা, সূরা চ চম্মযোধিনো;
ধনুগ্গহা চ উগ্গা চ, সব্বে সন্নিপতুং তদা.
‘‘আল়ারিকা চ কপ্পকা, ন্হাপকা মালকারকা;
সূরা ৰিজিতসঙ্গামা, সব্বে সন্নিপতুং তদা.
‘‘খগ্গহত্থা ¶ চ পুরিসা, চাপহত্থা চ ৰম্মিনো;
লুদ্দা ৰিজিতসঙ্গামা, সব্বে সন্নিপতুং তদা.
‘‘তিধাপভিন্না ¶ ¶ মাতঙ্গা, কুঞ্জরা সট্ঠিহাযনা;
সুৰণ্ণকচ্ছালঙ্কারা, সব্বে সন্নিপতুং তদা.
‘‘খমা সীতস্স উণ্হস্স, উক্কারুহরণস্স চ;
যোধাজীৰা কতকম্মা, সব্বে সন্নিপতুং তদা.
‘‘সঙ্খসদ্দং ¶ ভেরিসদ্দং, অথো উতুজ [উদ্ধৰ (সী.), উদ্দট (স্যা.)] সদ্দকং;
এতেহি তে হাসযন্তা, সব্বে সন্নিপতুং তদা.
‘‘তিসূলকোন্তিমন্তেহি [তিসূলকোন্তমন্তেহি (সী.), কৰচেহি তোমরেহি (সী.), ধনূহি তোমরেহি (স্যা.)] চ;
কোট্টেন্তানং নিপাতেন্তা [কোট্টযন্তা নিৰত্তেন্তা (স্যা.)], সব্বে সন্নিপতুং তদা.
‘‘কিমেৰাতিনিসামেত্ৰা [কৰচানিৰাসেত্ৰা (স্যা.)], সরাজা অজিতঞ্জযো [অজিনং জিনো (সী.), অজিতঞ্জিনো (স্যা.)];
সট্ঠি পাণসহস্সানি, সূলে উত্তাসযিং তদা.
‘‘সদ্দং মানুসকাকংসু, অহো রাজা অধম্মিকো;
নিরযে পচ্চমানস্স, কদা অন্তো ভৰিস্সতি.
‘‘সযনেহং তুৰট্টেন্তো, পস্সামি নিরযে তদা;
ন সুপামি দিৰারত্তিং, সূলেন তজ্জযন্তি মং.
‘‘কিং পমাদেন রজ্জেন, ৰাহনেন বলেন চ;
ন তে পহোন্তি ধারেতুং, তাপযন্তি [তাসযন্তি (সী. স্যা.)] মমং সদা.
‘‘কিং মে পুত্তেহি দারেহি, রজ্জেন সকলেন চ;
যংনূন পব্বজেয্যাহং, গতিমগ্গং ৰিসোধযে.
‘‘সট্ঠি ¶ নাগসহস্সানি, সব্বালঙ্কারভূসিতে;
সুৰণ্ণকচ্ছে মাতঙ্গে, হেমকপ্পনৰাসসে.
‘‘আরূল়্হে গামণীযেহি, তোমরঙ্কুসপাণিভি;
সঙ্গামাৰচরে ঠানে, অনপেক্খো ৰিহাযহং;
সককম্মেন সন্তত্তো, নিক্খমিং অনগারিযং.
‘‘সট্ঠি ¶ অস্সসহস্সানি, সব্বালঙ্কারভূসিতে;
আজানীযেৰ জাতিযা, সিন্ধৰে সীঘৰাহনে.
‘‘আরূল়্হে গামণীযেহি, চাপহত্থেহি ৰম্মিভি;
পহারেত্ৰান [পহাযিত্ৰান (সী. পী.), ছড্ডযিত্ৰান (স্যা.)] তে সব্বে, নিক্খমিং অনগারিযং.
‘‘সট্ঠি ¶ রথসহস্সানি, সব্বালঙ্কারভূসিতে;
দীপে অথোপি ৰেযগ্ঘে, সন্নদ্ধে উস্সিতদ্ধজে;
তে সব্বে পরিহারেত্ৰা [পরিৰজ্জেত্ৰা (স্যা.), পরিহাযিত্ৰা (পী.)], পব্বজিং অনগারিযং.
‘‘সট্ঠি ¶ ধেনুসহস্সানি, সব্বা কংসূপধারণা;
তাযোপি [গাৰিযো (স্যা.), ধেনুযো (ক.)] ছড্ডযিত্ৰান, পব্বজিং অনগারিযং.
‘‘সট্ঠি ইত্থিসহস্সানি, সব্বালঙ্কারভূসিতা;
ৰিচিত্তৰত্থাভরণা, আমুক্কমণিকুণ্ডলা.
‘‘অল়ারপম্হা হসুলা, সুসঞ্ঞা তনুমজ্ঝিমা;
তা হিত্ৰা কন্দমানাযো, পব্বজিং অনগারিযং.
‘‘সট্ঠি গামসহস্সানি, পরিপুণ্ণানি সব্বসো;
ছড্ডযিত্ৰান তং রজ্জং, পব্বজিং অনগারিযং.
‘‘নগরা ¶ নিক্খমিত্ৰান, হিমৰন্তমুপাগমিং;
ভাগীরথীনদীতীরে, অস্সমং মাপযিং অহং.
‘‘পণ্ণসালং করিত্ৰান, অগ্যাগারং অকাসহং;
আরদ্ধৰীরিযো পহিতত্তো, ৰসামি অস্সমে অহং.
‘‘মণ্ডপে রুক্খমূলে ৰা, সুঞ্ঞাগারে চ ঝাযতো;
ন তু ৰিজ্জতি তাসো মে, ন পস্সে ভযভেরৰং.
‘‘সুমেধো নাম সম্বুদ্ধো, অগ্গো কারুণিকো মুনি;
ঞাণালোকেন জোতন্তো, লোকে উপ্পজ্জি তাৰদে.
‘‘মম অস্সমসামন্তা, যক্খো আসি মহিদ্ধিকো;
বুদ্ধসেট্ঠম্হি উপ্পন্নে, আরোচেসি মমং তদা.
‘‘বুদ্ধো ¶ লোকে সমুপ্পন্নো, সুমেধো নাম চক্খুমা;
তারেতি জনতং সব্বং, তম্পি সো তারযিস্সতি.
‘‘যক্খস্স ৰচনং সুত্ৰা, সংৰিগ্গো আসি তাৰদে;
বুদ্ধো বুদ্ধোতি চিন্তেন্তো, অস্সমং পটিসামযিং.
‘‘অগ্গিদারুঞ্চ ছড্ডেত্ৰা, সংসামেত্ৰান সন্থতং;
অস্সমং অভিৰন্দিত্ৰা, নিক্খমিং ৰিপিনা অহং.
‘‘ততো চন্দনমাদায, গামা গামং পুরা পুরং;
দেৰদেৰং গৰেসন্তো, উপগচ্ছিং ৰিনাযকং.
‘‘ভগৰা ¶ তম্হি সমযে, সুমেধো লোকনাযকো;
চতুসচ্চং পকাসেন্তো, বোধেতি জনতং বহুং.
‘‘অঞ্জলিং ¶ পগ্গহেত্ৰান, সীসে কত্ৰান চন্দনং;
সম্বুদ্ধং অভিৰাদেত্ৰা, ইমা গাথা অভাসহং.
‘‘‘ৰস্সিকে পুপ্ফমানম্হি, সন্তিকে উপৰাযতি;
ত্ৰং ৰীর গুণগন্ধেন, দিসা সব্বা পৰাযসি.
‘‘‘চম্পকে নাগৰনিকে, অতিমুত্তককেতকে;
সালেসু পুপ্ফমানেসু, অনুৰাতং পৰাযতি.
‘‘‘তৰ ¶ গন্ধং সুণিত্ৰান, হিমৰন্তা ইধাগমিং;
পূজেমি তং মহাৰীর, লোকজেট্ঠ মহাযস’.
‘‘ৰরচন্দনেনানুলিম্পিং, সুমেধং লোকনাযকং;
সকং চিত্তং পসাদেত্ৰা, তুণ্হী অট্ঠাসি তাৰদে.
‘‘সুমেধো নাম ভগৰা, লোকজেট্ঠো নরাসভো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো মে গুণে পকিত্তেসি, চন্দনঞ্চ অপূজযি;
তমহং কিত্তযিস্সামি, সুণাথ মম ভাসতো.
‘‘‘আদেয্যৰাক্যৰচনো, ব্রহ্মা উজু পতাপৰা;
পঞ্চৰীসতিকপ্পানি, সপ্পভাসো ভৰিস্সতি.
‘‘‘ছব্বীসতিকপ্পসতে, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘তেত্তিংসক্খত্তুং ¶ দেৰিন্দো, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘ততো ¶ চুতোযং মনুজো, মনুস্সত্তং গমিস্সতি;
পুঞ্ঞকম্মেন সংযুত্তো, ব্রহ্মবন্ধু ভৰিস্সতি.
‘‘‘অজ্ঝাযকো মন্তধরো, তিণ্ণং ৰেদান পারগূ;
তিলক্খণেন সম্পন্নো, বাৰরী নাম ব্রাহ্মণো.
‘‘‘তস্স সিস্সো ভৰিত্ৰান, হেস্সতি মন্তপারগূ;
উপগন্ত্ৰান সম্বুদ্ধং, গোতমং সক্যপুঙ্গৰং.
‘‘‘পুচ্ছিত্ৰা ¶ নিপুণে পঞ্হে, ভাৰযিত্ৰান অঞ্জসং [হাসযিত্ৰান মানসং (স্যা.), ভাৰযিত্ৰান সঞ্চযং (ক.)];
সব্বাসৰে পরিঞ্ঞায, ৰিহরিস্সতিনাসৰো’.
‘‘তিৰিধগ্গি নিব্বুতা ময্হং, ভৰা সব্বে সমূহতা;
সব্বাসৰে পরিঞ্ঞায, ৰিহরামি অনাসৰো.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তোদেয্যো থেরো ইমা গাথাযো অভাসিত্থাতি.
তোদেয্যত্থেরস্সাপদানং অট্ঠমং.
৯. জতুকণ্ণিত্থেরঅপদানং
‘‘নগরে ¶ হংসৰতিযা, সেট্ঠিপুত্তো অহোসহং;
সমপ্পিতো কামগুণে, পরিচারেমহং তদা.
‘‘ততো ¶ [তযো (সী.)] পাসাদমারুয্হ, মহাভোগে ৰলঞ্জকো [উব্বিদ্ধা গেহলুঞ্জকা (ক.), উব্বিদ্ধাগেহলঞ্ছকা (সী.)];
তত্থ নচ্চেহি গীতেহি, পরিচারেমহং তদা.
‘‘তূরিযা ¶ আহতা ময্হং, সম্মতাল়সমাহিতা;
নচ্চন্তা [রঞ্জন্তী (স্যা.), রজ্জন্তা (ক.)] ইত্থিযো সব্বা, হরন্তিযেৰ মে মনো.
‘‘চেলাপিকা [চেলাৰকা (স্যা.), ৰেলামিকা (পী.)] লামণিকা [ৰামনিকা (স্যা. পী.)], কুঞ্জৰাসী তিমজ্ঝিকা [কুঞ্জৰা সীহিমজ্ঝিতা (স্যা.), কুজ্জা ৰা সীহিমজ্ঝিকা (পী.)];
লঙ্ঘিকা সোকজ্ঝাযী চ, পরিৰারেন্তি মং সদা.
‘‘ৰেতাল়িনো কুম্ভথূনী, নটা চ নচ্চকা বহূ;
নটকা নাটকা চেৰ, পরিৰারেন্তি মং সদা.
‘‘কপ্পকা ন্হাপকা সূদা, মালাকারা সুপাসকা [সুমাপকা (সী. স্যা.)];
জল্লা মল্লা চ তে সব্বে, পরিৰারেন্তি মং সদা.
‘‘এতেসু কীল়মানেসু, সিক্খিতে কতুপাসনে;
রত্তিন্দিৰং ন জানামি, ইন্দোৰ তিদসঙ্গণে.
‘‘অদ্ধিকা পথিকা সব্বে, যাচকা ৰরকা বহূ;
উপগচ্ছন্তি তে নিচ্চং, ভিক্খযন্তা মমং ঘরং.
‘‘সমণা ¶ ব্রাহ্মণা চেৰ, পুঞ্ঞক্খেত্তা অনুত্তরা;
ৰড্ঢযন্তা মমং পুঞ্ঞং, আগচ্ছন্তি মমং ঘরং.
‘‘পটগা [পটকা (সী. স্যা.), পদকা (পী.)] লটুকা [লটকা (সী.)] সব্বে, নিগণ্ঠা পুপ্ফসাটকা;
তেদণ্ডিকা ¶ একসিখা, আগচ্ছন্তি মমং ঘরং.
‘‘আজীৰকা ৰিলুত্তাৰী, গোধম্মা দেৰধম্মিকা;
রজোজল্লধরা এতে, আগচ্ছন্তি মমং ঘরং.
‘‘পরিত্তকা সন্তিপত্তা [পরিৰত্তকা সিদ্ধিপত্তা (সী. স্যা. পী.)], কোধপুগ্গনিকা [কোণ্ডপুগ্গণিকা (সী.), কোণ্ডপুগ্গলিকা (পী.)] বহূ;
তপস্সী ৰনচারী চ, আগচ্ছন্তি মমং ঘরং.
‘‘ওড্ডকা দমিল়া চেৰ, সাকুল়া মলৰাল়কা [মলযালকা (সী. স্যা. পী.)];
সৰরা যোনকা চেৰ, আগচ্ছন্তি মমং ঘরং.
‘‘অন্ধকা ¶ ¶ মুণ্ডকা সব্বে, কোটলা হনুৰিন্দকা [কোলকা সানুৰিন্দকা (সী. পী.)];
আরাৰচীনরট্ঠা চ, আগচ্ছন্তি মমং ঘরং.
‘‘অলসন্দকা [অলসন্তা (ক.)] পল্লৰকা, ধম্মরা নিগ্গমানুসা [বব্বরা ভগ্গকারুসা (সী.)];
গেহিকা [রোহিতা (সী.), বাহিকা (পী.)] চেতপুত্তা চ, আগচ্ছন্তি মমং ঘরং.
‘‘মাধুরকা কোসলকা, কলিঙ্গা [কাসিকা (সী.)] হত্থিপোরিকা;
ইসিণ্ডা মক্কলা চেৰ, আগচ্ছন্তি মমং ঘরং.
‘‘চেলাৰকা আরব্ভা [অরম্মা (সী. পী.)] চ, ওঘুল়্হা [ওক্কলা (সী.)] মেঘলা বহূ;
খুদ্দকা সুদ্দকা চেৰ, আগচ্ছন্তি মমং ঘরং.
‘‘রোহণা সিন্ধৰা চেৰ, চিতকা এককণ্ণিকা;
সুরট্ঠা অপরন্তা চ, আগচ্ছন্তি মমং ঘরং.
‘‘সুপ্পারকা কুমারা [কিকুমারা (সী. পী.)] চ, মল্লসোৰণ্ণভূমিকা [মলযা সোণ্ণভূমিকা (সী. স্যা. পী.)];
ৰজ্জীতঙ্গা [ৰজ্জী তারা (সী.), ৰজ্জীহারা (স্যা. পী.)] চ তে সব্বে, আগচ্ছন্তি মমং ঘরং.
‘‘নল়কারা ¶ পেসকারা, চম্মকারা চ তচ্ছকা;
কম্মারা কুম্ভকারা চ, আগচ্ছন্তি মমং ঘরং.
‘‘মণিকারা লোহকারা, সোণ্ণকারা চ দুস্সিকা;
তিপুকারা চ তে সব্বে, আগচ্ছন্তি মমং ঘরং.
‘‘উসুকারা ভমকারা, পেসকারা চ গন্ধিকা;
রজকা তুন্নৰাযা চ, আগচ্ছন্তি মমং ঘরং.
‘‘তেলিকা ¶ কট্ঠহারা চ, উদহারা চ পেস্সিকা;
সূপিকা সূপরক্খা চ, আগচ্ছন্তি মমং ঘরং.
‘‘দোৰারিকা ¶ অনীকট্ঠা, বন্ধিকা [ৰন্দিকা (সী.), গন্থিকা (স্যা.), সন্দিকা (পী.)] পুপ্ফছড্ডকা;
হত্থারুহা হত্থিপালা, আগচ্ছন্তি মমং ঘরং.
‘‘আনন্দস্স ¶ মহারঞ্ঞো [আনন্দস্স নাম রঞ্ঞো (স্যা.), অরিন্দমনাম রঞ্ঞো (পী.)], মমত্থস্স [পমত্তস্স (সী. পী.), সমগ্গস্স (স্যা.)] অদাসহং;
সত্তৰণ্ণেন রতনেন, ঊনত্থং [ঊনত্তং (সী. স্যা. পী.)] পূরযামহং.
‘‘যে মযা কিত্তিতা সব্বে, নানাৰণ্ণা বহূ জনা;
তেসাহং চিত্তমঞ্ঞায, তপ্পযিং রতনেনহং.
‘‘ৰগ্গূসু ভাসমানাসু, ৰজ্জমানাসু ভেরিসু;
সঙ্খেসু ধমযন্তেসু, সকগেহে রমামহং.
‘‘ভগৰা তম্হি সমযে, পদুমুত্তরনাযকো;
ৰসীসতসহস্সেহি, পরিক্খীণাসৰেহি সো.
‘‘ভিক্খূহি সহিতো ৰীথিং, পটিপজ্জিত্থ চক্খুমা;
ওভাসেন্তো দিসা সব্বা, দীপরুক্খোৰ জোততি.
‘‘ৰজ্জন্তি ¶ ভেরিযো সব্বা, গচ্ছন্তে লোকনাযকে;
পভা নিদ্ধাৰতে তস্স, সতরংসীৰ উগ্গতো.
‘‘কৰাটন্তরিকাযাপি, পৰিট্ঠেন চ রস্মিনা;
অন্তোঘরেসু ৰিপুলো, আলোকো আসি তাৰদে.
‘‘পভং দিস্ৰান বুদ্ধস্স, পারিসজ্জে অৰোচহং;
নিস্সংসযং বুদ্ধসেট্ঠো, ইমং ৰীথিমুপাগতো.
‘‘খিপ্পং ওরুয্হ পাসাদা, অগমিং অন্তরাপণং;
সম্বুদ্ধং অভিৰাদেত্ৰা, ইদং ৰচনমব্রৰিং.
‘‘‘অনুকম্পতু মে বুদ্ধো, জলজুত্তমনাযকো;
ৰসীসতসহস্সেহি, অধিৰাসেসি সো মুনি’.
‘‘নিমন্তেত্ৰান সম্বুদ্ধং, অভিনেসিং সকং ঘরং;
তত্থ অন্নেন পানেন, সন্তপ্পেসিং মহামুনিং.
‘‘ভুত্তাৰিং কালমঞ্ঞায, বুদ্ধসেট্ঠস্স তাদিনো;
সতঙ্গিকেন তূরিযেন, বুদ্ধসেট্ঠং উপট্ঠহিং.
‘‘পদুমুত্তরো লোকৰিদূ, আহুতীনং পটিগ্গহো;
অন্তোঘরে নিসীদিত্ৰা, ইমা গাথা অভাসথ.
‘‘‘যো ¶ ¶ ¶ মং তূরিযেহুপট্ঠাসি, অন্নপানঞ্চদাসি মে;
তমহং কিত্তযিস্সামি, সুণাথ মম ভাসতো.
‘‘‘পহূতভক্খো হুত্ৰান, সহিরঞ্ঞো সভোজনো;
চতুদীপে একরজ্জং, কারযিস্সতিযং নরো.
‘‘‘পঞ্চসীলে ¶ সমাদায, দসকম্মপথে ততো;
সমাদায পৰত্তেন্তো, পরিসং সিক্খাপযিস্সতি.
‘‘‘তূরিযসতসহস্সানি, ভেরিযো সমলঙ্কতা;
ৰজ্জযিস্সন্তিমং নিচ্চং, উপট্ঠানস্সিদং ফলং.
‘‘‘তিংসকপ্পসহস্সানি, দেৰলোকে রমিস্সতি;
চতুসট্ঠিক্খত্তুং দেৰিন্দো, দেৰরজ্জং করিস্সতি.
‘‘‘চতুসট্ঠিক্খত্তুং রাজা, চক্কৰত্তী ভৰিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘কপ্পসতসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘উপপজ্জতি যং যোনিং, দেৰত্তং অথ মানুসং;
অনূনভোগো হুত্ৰান, মনুস্সত্তং গমিস্সতি.
‘‘‘অজ্ঝাযকো ভৰিত্ৰান, তিণ্ণং ৰেদান পারগূ;
উত্তমত্থং গৰেসন্তো, চরিস্সতি মহিং ইমং.
‘‘‘সো পচ্ছা পব্বজিত্ৰান, সুক্কমূলেন চোদিতো;
গোতমস্স ভগৰতো, সাসনেভিরমিস্সতি.
‘‘‘আরাধযিত্ৰান সম্বুদ্ধং, গোতমং সক্যপুঙ্গৰং;
কিলেসে ঝাপযিত্ৰান, অরহাযং ভৰিস্সতি’.
‘‘ৰিপিনে ব্যগ্ঘরাজাৰ, মিগরাজাৰ কেসরী;
অভীতো ৰিহরামজ্জ, সক্যপুত্তস্স সাসনে.
‘‘দেৰলোকে ¶ মনুস্সে ৰা, দলিদ্দে দুগ্গতিম্হি ৰা;
নিব্বত্তিং মে ন পস্সামি, উপট্ঠানস্সিদং ফলং.
‘‘ৰিৰেকমনুযুত্তোম্হি ¶ , উপসন্তো নিরূপধি;
নাগোৰ বন্ধনং ছেত্ৰা, ৰিহরামি অনাসৰো.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা জতুকণ্ণিত্থেরো ইমা গাথাযো অভাসিত্থাতি.
জতুকণ্ণিত্থেরস্সাপদানং নৰমং.
১০. উদেনত্থেরঅপদানং
‘‘হিমৰন্তস্সাৰিদূরে ¶ , পদুমো নাম পব্বতো;
অস্সমো সুকতো ময্হং, পণ্ণসালা সুমাপিতা.
‘‘নদিযো সন্দরে তত্থ, সুপতিত্থা মনোরমা;
অচ্ছোদকা সীতজলা, সন্দরে নদিযো সদা.
‘‘পাঠীনা ¶ পাৰুসা মচ্ছা, বলজা মুঞ্জরোহিতা;
সোভেন্তা নদিযো এতে, ৰসন্তি নদিযা সদা.
‘‘অম্বজম্বূহি সঞ্ছন্না, করেরিতিলকা তথা;
উদ্দালকা পাটলিযো, সোভেন্তি মম অস্সমং.
‘‘অঙ্কোলকা বিম্বিজালা, মাযাকারী চ পুপ্ফিতা;
গন্ধেন উপৰাযন্তা, সোভেন্তি মম অস্সমং.
‘‘অতিমুত্তা সত্তলিকা, নাগা সালা চ পুপ্ফিতা;
দিব্বগন্ধং সম্পৰন্তা, সোভেন্তি মম অস্সমং.
‘‘কোসম্বা সল়লা নীপা, অট্ঠঙ্গাপি চ পুপ্ফিতা [অট্ঠঙ্গা চ সুপুপ্ফিতা (সী.), কট্ঠঙ্গা চ সুপুপ্ফিতা (পী.)];
দিব্বগন্ধং সম্পৰন্তা, সোভেন্তি মম অস্সমং.
‘‘হরীতকা আমলকা, অম্বজম্বুৰিভীতকা;
কোলা ভল্লাতকা বিল্লা, ফলানি বহু অস্সমে.
‘‘কলম্বা ¶ কন্দলী তত্থ, পুপ্ফন্তি মম অস্সমে;
দিব্বগন্ধং [দিব্বগন্ধা (সী. স্যা. পী.) এৰং পরত্থপি] সম্পৰন্তা, সোভেন্তি মম অস্সমং.
‘‘অসোকপিণ্ডিৰারী ¶ চ [অসোকপিণ্ডী চ ৰরী (সী. স্যা.), অসোকপিণ্ডী চ ৰারী (পী.)], নিম্বরুক্খা চ পুপ্ফিতা;
দিব্বগন্ধং সম্পৰন্তা, সোভেন্তি মম অস্সমং.
‘‘পুন্নাগা গিরিপুন্নাগা, তিমিরা তত্থ পুপ্ফিতা;
দিব্বগন্ধং সম্পৰন্তা, সোভেন্তি মম অস্সমং.
‘‘নিগ্গুণ্ডী সিরিনিগ্গুণ্ডী, চম্পরুক্খেত্থ পুপ্ফিতা;
দিব্বগন্ধং সম্পৰন্তা, সোভেন্তি মম অস্সমং.
‘‘অৰিদূরে ¶ পোক্খরণী, চক্কৰাকূপকূজিতা;
মন্দালকেহি সঞ্ছন্না, পদুমুপ্পলকেহি চ.
‘‘অচ্ছোদকা ¶ সীতজলা, সুপতিত্থা মনোরমা;
অচ্ছা ফলিকসমানা, সোভেন্তি মম অস্সমং.
‘‘পদুমা পুপ্ফরে তত্থ, পুণ্ডরীকা চ উপ্পলা;
মন্দালকেহি সঞ্ছন্না, সোভেন্তি মম অস্সমং.
‘‘পাঠীনা পাৰুসা মচ্ছা, বলজা মুঞ্জরোহিতা;
ৰিচরন্তাৰ তে তত্থ, সোভেন্তি মম অস্সমং.
‘‘কুম্ভীলা সুসুমারা চ, কচ্ছপা চ গহা বহূ;
ওগহা অজগরা চ, সোভেন্তি মম অস্সমং.
‘‘পারেৰতা রৰিহংসা, চক্কৰাকা নদীচরা;
দিন্দিভা সাল়িকা চেত্থ, সোভেন্তি মম অস্সমং.
‘‘নযিতা অম্বগন্ধী চ, কেতকা তত্থ পুপ্ফিতা;
দিব্বগন্ধং সম্পৰন্তা, সোভেন্তি মম অস্সমং.
‘‘সীহা ব্যগ্ঘা চ দীপী চ, অচ্ছকোকতরচ্ছকা;
অনুসঞ্চরন্তা পৰনে, সোভেন্তি মম অস্সমং.
‘‘জটাভারেন ভরিতা, অজিনুত্তরৰাসনা;
অনুসঞ্চরন্তা পৰনে, সোভেন্তি মম অস্সমং.
‘‘অজিনানিধরা ¶ এতে, নিপকা সন্তৰুত্তিনো;
অপ্পাহারাৰ তে সব্বে, সোভেন্তি মম অস্সমং.
‘‘খারিভারং ¶ গহেত্ৰান, অজ্ঝোগয্হ ৰনং তদা;
মূলফলানি ভুঞ্জন্তা, ৰসন্তি অস্সমে তদা.
‘‘ন ¶ তে দারুং আহরন্তি, উদকং পাদধোৰনং;
সব্বেসং আনুভাৰেন, সযমেৰাহরীযতি.
‘‘চুল্লাসীতিসহস্সানি, ইসযেত্থ সমাগতা;
সব্বেৰ ঝাযিনো এতে, উত্তমত্থগৰেসকা.
‘‘তপস্সিনো ব্রহ্মচারী, চোদেন্তা অপ্পনাৰ তে;
অম্বরাৰচরা সব্বে, ৰসন্তি অস্সমে তদা.
‘‘পঞ্চাহং সন্নিপতন্তি, একগ্গা সন্তৰুত্তিনো;
অঞ্ঞোঞ্ঞং অভিৰাদেত্ৰা, পক্কমন্তি দিসামুখা.
‘‘পদুমুত্তরো নাম জিনো, সব্বধম্মান পারগূ;
তমন্ধকারং ৰিধমং, উপ্পজ্জি তাৰদে জিনো.
‘‘মম ¶ অস্সমসামন্তা, যক্খো আসি মহিদ্ধিকো;
সো মে সংসিত্থ সম্বুদ্ধং, জলজুত্তমনাযকং.
‘‘এস বুদ্ধো সমুপ্পন্নো, পদুমুত্তরো মহামুনি;
খিপ্পং গন্ত্ৰান সম্বুদ্ধং, পযিরূপাস মারিস.
‘‘যক্খস্স ৰচনং সুত্ৰা, ৰিপ্পসন্নেন চেতসা;
অস্সমং সংসামেত্ৰান, নিক্খমিং ৰিপিনা তদা.
‘‘চেল়েৰ ডয্হমানম্হি, নিক্খমিত্ৰান অস্সমা;
একরত্তিং নিৰাসেত্ৰা [নিৰসিত্ৰা (সী.), নিৰাসেন (?)], উপগচ্ছিং ৰিনাযকং.
‘‘পদুমুত্তরো ¶ লোকৰিদূ, আহুতীনং পটিগ্গহো;
চতুসচ্চং পকাসেন্তো, দেসেসি অমতং পদং.
‘‘সুফুল্লং পদুমং গয্হ, উপগন্ত্ৰা মহেসিনো;
পসন্নচিত্তো সুমনো, বুদ্ধস্স অভিরোপযিং.
‘‘পূজযিত্ৰান ¶ সম্বুদ্ধং, জলজুত্তমনাযকং;
একংসং অজিনং কত্ৰা, সন্থৰিং লোকনাযকং.
‘‘যেন ঞাণেন সম্বুদ্ধো, ৰসতীহ অনাসৰো;
তং ঞাণং কিত্তযিস্সামি, সুণাথ মম ভাসতো.
‘‘‘সংসারসোতং ছিন্দিত্ৰা, তারেসি সব্বপাণিনং;
তৰ ধম্মং সুণিত্ৰান, তণ্হাসোতং তরন্তি তে.
‘‘‘তুৰং ¶ সত্থা চ কেতু চ, ধজো যূপো চ পাণিনং;
পরাযণো পতিট্ঠা চ, দীপো চ দ্ৰিপদুত্তম [দিপদুত্তম (সী. স্যা. পী.)].
‘‘‘যাৰতা গণিনো লোকে, সত্থৰাহা পৰুচ্চরে;
তুৰং অগ্গোসি সব্বঞ্ঞু, তৰ অন্তোগধাৰ তে.
‘‘‘তৰ ঞাণেন সব্বঞ্ঞু, তারেসি জনতং বহুং;
তৰ দস্সনমাগম্ম, দুক্খস্সন্তং করিস্সরে.
‘‘‘যে কেচিমে গন্ধজাতা, লোকে ৰাযন্তি চক্খুম;
তৰ গন্ধসমো নত্থি, পুঞ্ঞক্খেত্তে মহামুনে’.
‘‘‘তিরচ্ছানযোনিং নিরযং, পরিমোচেসি [পরিমোচেহি (স্যা. ক.)] চক্খুম;
অসঙ্খতং পদং সন্তং, দেসেসি [দেসেহি (স্যা. ক.)] ত্ৰং মহামুনে’.
‘‘পদুমুত্তরো ¶ লোকৰিদূ, আহুতীনং পটিগ্গহো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো ¶ মে ঞাণং অপূজেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘তিংসকপ্পসহস্সানি, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি’.
‘‘সুলদ্ধলাভং লদ্ধোম্হি, তোসযিত্ৰান সুব্বতং;
সব্বাসৰে পরিঞ্ঞায, ৰিহরামি অনাসৰো.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা ¶ চতস্সো…পে… কতং বুদ্ধস্স সাসনং’’.
ইত্থং সুদং আযস্মা উদেনো থেরো ইমা গাথাযো অভাসিত্থাতি.
উদেনত্থেরস্সাপদানং দসমং.
মেত্তেয্যৰগ্গো একচত্তালীসমো.
তস্সুদ্দানং –
মেত্তেয্যো পুণ্ণকো থেরো, মেত্তগূ ধোতকোপি চ;
উপসিৰো ¶ চ নন্দো চ, হেমকো সত্তমো তহিং.
তোদেয্যো জতুকণ্ণী চ, উদেনো চ মহাযসো;
তীণি গাথাসতানেত্থ, অসীতি তীণি চুত্তরিং.
৪২. ভদ্দালিৰগ্গো
১. ভদ্দালিত্থেরঅপদানং
‘‘সুমেধো ¶ ¶ ¶ নাম সম্বুদ্ধো, অগ্গো কারুণিকো মুনি;
ৰিৰেককামো লোকগ্গো, হিমৰন্তমুপাগমি.
‘‘অজ্ঝোগাহেত্ৰা হিমৰং, সুমেধো লোকনাযকো;
পল্লঙ্কং আভুজিত্ৰান, নিসীদি পুরিসুত্তমো.
‘‘সমাধিং সো সমাপন্নো, সুমেধো লোকনাযকো;
সত্তরত্তিন্দিৰং বুদ্ধো, নিসীদি পুরিসুত্তমো.
‘‘খারিভারং [খারিকাজং (সী.)] গহেত্ৰান, ৰনমজ্ঝোগহিং অহং;
তত্থদ্দসাসিং সম্বুদ্ধং, ওঘতিণ্ণমনাসৰং.
‘‘সম্মজ্জনিং গহেত্ৰান, সম্মজ্জিত্ৰান অস্সমং;
চতুদণ্ডে ঠপেত্ৰান, অকাসিং মণ্ডপং তদা.
‘‘সালপুপ্ফং ¶ আহরিত্ৰা, মণ্ডপং ছাদযিং অহং;
পসন্নচিত্তো সুমনো, অভিৰন্দিং তথাগতং.
‘‘যং ¶ ৰদন্তি সুমেধোতি, ভূরিপঞ্ঞং সুমেধসং;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘বুদ্ধস্স গিরমঞ্ঞায, সব্বে দেৰা সমাগমুং;
অসংসযং বুদ্ধসেট্ঠো, ধম্মং দেসেতি চক্খুমা.
‘‘‘সুমেধো নাম সম্বুদ্ধো, আহুতীনং পটিগ্গহো;
দেৰসঙ্ঘে নিসীদিত্ৰা, ইমা গাথা অভাসথ.
‘‘‘যো মে সত্তাহং মণ্ডপং, ধারযী সালছাদিতং;
তমহং কিত্তযিস্সামি, সুণাথ মম ভাসতো.
‘‘‘দেৰভূতো মনুস্সো ৰা, হেমৰণ্ণো ভৰিস্সতি;
পহূতভোগো হুত্ৰান, কামভোগী ভৰিস্সতি.
‘‘‘সট্ঠি ¶ ¶ নাগসহস্সানি, সব্বালঙ্কারভূসিতা;
সুৰণ্ণকচ্ছা মাতঙ্গা, হেমকপ্পনৰাসসা.
‘‘‘আরূল়্হা গামণীযেহি, তোমরঙ্কুসপাণিভি;
সাযং পাতো [সাযপাতো (পী.)] উপট্ঠানং, আগমিস্সন্তিমং নরং;
তেহি নাগেহি পরিৰুতো, রমিস্সতি অযং নরো.
‘‘‘সট্ঠি অস্সসহস্সানি, সব্বালঙ্কারভূসিতা;
আজানীযাৰ জাতিযা, সিন্ধৰা সীঘৰাহিনো.
‘‘‘আরূল়্হা গামণীযেহি, ইল্লিযাচাপধারিভি;
পরিৰারেস্সন্তিমং নিচ্চং, বুদ্ধপূজাযিদং ফলং.
‘‘‘সট্ঠি রথসহস্সানি, সব্বালঙ্কারভূসিতা;
দীপা ¶ অথোপি ৰেযগ্ঘা, সন্নদ্ধা উস্সিতদ্ধজা.
‘‘‘আরূল়্হা গামণীযেহি, চাপহত্থেহি ৰম্মিভি;
পরিৰারেস্সন্তিমং নিচ্চং, বুদ্ধপূজাযিদং ফলং.
‘‘‘সট্ঠি গামসহস্সানি, পরিপুণ্ণানি সব্বসো;
পহূতধনধঞ্ঞানি, সুসমিদ্ধানি সব্বসো;
সদা পাতুভৰিস্সন্তি, বুদ্ধপূজাযিদং ফলং.
‘‘‘হত্থী অস্সা রথা পত্তী, সেনা চ চতুরঙ্গিনী;
পরিৰারেস্সন্তিমং নিচ্চং, বুদ্ধপূজাযিদং ফলং.
‘‘‘অট্ঠারসে কপ্পসতে, দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘সতানং ¶ তীণিক্খত্তুঞ্চ, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘তিংসকপ্পসহস্সম্হি, ওক্কাককুলসম্ভৰো;
গোতমো নাম গোত্তেন, সত্থা লোকে ভৰিস্সতি.
‘‘‘তস্স ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, ৰিহরিস্সতিনাসৰো’.
‘‘তিংসকপ্পসহস্সম্হি ¶ , অদ্দসং লোকনাযকং;
এত্থন্তরমুপাদায, গৰেসিং অমতং পদং.
‘‘লাভা ¶ ময্হং সুলদ্ধং মে, যমহঞ্ঞাসি সাসনং;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘নমো ¶ তে পুরিসাজঞ্ঞ, নমো তে পুরিসুত্তম;
তৰ ঞাণং পকিত্তেত্ৰা, পত্তোম্হি অচলং পদং.
‘‘যং যং যোনুপপজ্জামি, দেৰত্তং অথ মানুসং;
সব্বত্থ সুখিতো হোমি, ফলং মে ঞাণকিত্তনে.
‘‘ইদং পচ্ছিমকং ময্হং, চরিমো ৰত্ততে ভৰো;
নাগোৰ বন্ধনং ছেত্ৰা, ৰিহরামি অনাসৰো.
‘‘কিলেসা ঝাপিতা ময্হং, ভৰা সব্বে সমূহতা;
নাগোৰ বন্ধনং ছেত্ৰা, ৰিহরামি অনাসৰো.
‘‘স্ৰাগতং ৰত মে আসি, মম বুদ্ধস্স সন্তিকে;
তিস্সো ৰিজ্জা অনুপ্পত্তা, কতং বুদ্ধস্স সাসনং.
‘‘পটিসম্ভিদা চতস্সো, ৰিমোক্খাপি চ অট্ঠিমে;
ছল়ভিঞ্ঞা সচ্ছিকতা, কতং বুদ্ধস্স সাসনং’’.
ইত্থং সুদং আযস্মা ভদ্দালিত্থেরো ইমা গাথাযো অভাসিত্থাতি.
ভদ্দালিত্থেরস্সাপদানং পঠমং.
২. একছত্তিযত্থেরঅপদানং
‘‘চন্দভাগানদীতীরে, অস্সমো সুকতো মম;
সুসুদ্ধপুলিনাকিণ্ণো, পন্নসালা সুমাপিতা.
‘‘উত্তানকূলা নদিকা, সুপতিত্থা মনোরমা;
মচ্ছকচ্ছপসম্পন্না [… সঞ্ছন্না (ক.)], সুসুমারনিসেৰিতা.
‘‘অচ্ছা ¶ ¶ দীপী চ মযূরা, করৰীকা চ সাল়িকা;
কূজন্তি সব্বদা এতে, সোভযন্তা মমস্সমং.
‘‘কোকিলা মঞ্জুভাণী চ, হংসা চ মধুরস্সরা;
অভিকূজন্তি তে তত্থ, সোভযন্তা মমস্সমং.
‘‘সীহা ব্যগ্ঘা ৰরাহা চ, অচ্ছ [ৰক (সী. পী.), বকা (স্যা.), ৰকা (ক.)] কোকতরচ্ছকা;
গিরিদুগ্গম্হি নাদেন্তি, সোভযন্তা মমস্সমং.
‘‘এণীমিগা ¶ ¶ চ সরভা, ভেরণ্ডা সূকরা বহূ;
গিরিদুগ্গম্হি নাদেন্তি, সোভযন্তা মমস্সমং.
‘‘উদ্দালকা চম্পকা চ, পাটলী সিন্দুৰারকা;
অতিমুত্তা অসোকা চ, সোভযন্তি মমস্সমং [পুপ্ফন্তি মম অস্সমে (সী. পী.)].
‘‘অঙ্কোলা যূথিকা চেৰ, সত্তলী বিম্বিজালিকা;
কণিকারা চ পুপ্ফন্তি, সোভযন্তা মমস্সমং [কণিকাকণিকারা চ, পুপ্ফন্তি মম অস্সমে (সী. স্যা. পী.)].
‘‘নাগা সালা চ সল়লা, পুণ্ডরীকেত্থ পুপ্ফিতা;
দিব্বগন্ধং সম্পৰন্তা, সোভযন্তি মমস্সমং.
‘‘অজ্জুনা অসনা চেত্থ, মহানামা চ পুপ্ফিতা;
সালা চ কঙ্গুপুপ্ফা চ, সোভযন্তি মমস্সমং.
‘‘অম্বা জম্বূ চ তিলকা, নিম্বা চ সালকল্যাণী;
দিব্বগন্ধং সম্পৰন্তা, সোভযন্তি মমস্সমং.
‘‘অসোকা চ কপিট্ঠা চ, গিরিমালেত্থ [ভগিনিমালেত্থ (সী. পী.), ভগিনিমালা চ (স্যা.)] পুপ্ফিতা;
দিব্বগন্ধং সম্পৰন্তা, সোভযন্তি মমস্সমং.
‘‘কদম্বা ¶ কদলী চেৰ, ইসিমুগ্গা চ রোপিতা;
ধুৰং ফলানি ধারেন্তি, সোভযন্তা মমস্সমং.
‘‘হরীতকা আমলকা, অম্বজম্বুৰিভীতকা;
কোলা ভল্লাতকা বিল্লা, ফলিনো মম অস্সমে.
‘‘অৰিদূরে ¶ পোক্খরণী, সুপতিত্থা মনোরমা;
মন্দালকেহি সঞ্ছন্না, পদুমুপ্পলকেহি চ.
‘‘গব্ভং গণ্হন্তি পদুমা, অঞ্ঞে পুপ্ফন্তি কেসরী;
ওপত্তকণ্ণিকা চেৰ, পুপ্ফন্তি মম অস্সমে.
‘‘পাঠীনা পাৰুসা মচ্ছা, বলজা মুঞ্জরোহিতা;
অচ্ছোদকম্হি ৰিচরং, সোভযন্তি মমস্সমং.
‘‘নযিতা অম্বগন্ধী চ, অনুকূলে চ কেতকা;
দিব্বগন্ধং সম্পৰন্তা, সোভযন্তি মমস্সমং.
‘‘মধু ভিসম্হা সৰতি, খীরসপ্পি মুল়ালিভি;
দিব্বগন্ধং সম্পৰন্তা, সোভযন্তি মমস্সমং.
‘‘পুলিনা ¶ সোভনা তত্থ, আকিণ্ণা জলসেৰিতা;
ওপুপ্ফা পুপ্ফিতা সেন্তি, সোভযন্তা মমস্সমং.
‘‘জটাভারেন ¶ ভরিতা, অজিনুত্তরৰাসনা;
ৰাকচীরধরা সব্বে, সোভযন্তি মমস্সমং.
‘‘যুগমত্তমপেক্খন্তা, নিপকা সন্তৰুত্তিনো;
কামভোগে অনপেক্খা, ৰসন্তি মম অস্সমে.
‘‘পরূল়্হকচ্ছনখলোমা ¶ , পঙ্কদন্তা রজস্সিরা;
রজোজল্লধরা সব্বে, ৰসন্তি মম অস্সমে.
‘‘অভিঞ্ঞাপারমিপ্পত্তা, অন্তলিক্খচরা চ তে;
উগ্গচ্ছন্তা নভং এতে, সোভযন্তি মমস্সমং.
‘‘তেহি সিস্সেহি পরিৰুতো, ৰসামি ৰিপিনে তদা;
রত্তিন্দিৰং ন জানামি, সদা ঝানসমপ্পিতো.
‘‘ভগৰা তম্হি সমযে, অত্থদস্সী মহামুনি;
তমন্ধকারং নাসেন্তো, উপ্পজ্জি লোকনাযকো.
‘‘অথ অঞ্ঞতরো সিস্সো, আগচ্ছি মম সন্তিকং;
মন্তে অজ্ঝেতুকামো সো, ছল়ঙ্গং নাম লক্খণং.
‘‘বুদ্ধো ¶ লোকে সমুপ্পন্নো, অত্থদস্সী মহামুনি;
চতুসচ্চং পকাসেন্তো, দেসেতি অমতং পদং.
‘‘তুট্ঠহট্ঠো পমুদিতো, ধম্মন্তরগতাসযো;
অস্সমা অভিনিক্খম্ম, ইদং ৰচনমব্রৰিং.
‘‘‘বুদ্ধো লোকে সমুপ্পন্নো, দ্ৰত্তিংসৰরলক্খণো;
এথ সব্বে গমিস্সাম, সম্মাসম্বুদ্ধসন্তিকং’.
‘‘ওৰাদপটিকরা তে, সধম্মে পারমিং গতা;
সাধূতি সম্পটিচ্ছিংসু, উত্তমত্থগৰেসকা.
‘‘জটাভারভরিতা তে [জটাভারেন ভরিতা (ক.)], অজিনুত্তরৰাসনা;
উত্তমত্থং গৰেসন্তা, নিক্খমিংসু ৰনা তদা.
‘‘ভগৰা ¶ তম্হি সমযে, অত্থদস্সী মহাযসো;
চতুসচ্চং পকাসেন্তো, দেসেতি অমতং পদং.
‘‘সেতচ্ছত্তং ¶ গহেত্ৰান, বুদ্ধসেট্ঠস্স ধারযিং;
একাহং ধারযিত্ৰান, বুদ্ধসেট্ঠং অৰন্দহং.
‘‘অত্থদস্সী তু ভগৰা, লোকজেট্ঠো নরাসভো;
ভিক্খুসঙ্ঘে নিসীদিত্ৰা, ইমা গাথা অভাসথ.
‘‘‘যো মে ছত্তং অধারেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘ইমস্স জাযমানস্স, দেৰত্তে অথ মানুসে;
ধারেস্সতি সদা ছত্তং, ছত্তদানস্সিদং ফলং.
‘‘‘সত্তসত্ততিকপ্পানি ¶ , দেৰলোকে রমিস্সতি;
সহস্সক্খত্তুং রাজা চ, চক্কৰত্তী ভৰিস্সতি.
‘‘‘সত্তসত্ততিক্খত্তুঞ্চ, দেৰরজ্জং করিস্সতি;
পদেসরজ্জং ৰিপুলং, গণনাতো অসঙ্খিযং.
‘‘‘অট্ঠারসে কপ্পসতে, গোতমো সক্যপুঙ্গৰো;
তমন্ধকারং নাসেন্তো, উপ্পজ্জিস্সতি চক্খুমা.
‘‘‘তস্স ¶ ধম্মেসু দাযাদো, ওরসো ধম্মনিম্মিতো;
সব্বাসৰে পরিঞ্ঞায, ৰিহরিস্সতিনাসৰো’.
‘‘যতো অহং কম্মমকং, ছত্তং বুদ্ধস্স ধারযং;
এত্থন্তরে ন জানামি, সেতচ্ছত্তং অধারিতং.
‘‘ইদং ¶ পচ্ছিমকং ময্হং, চরিমো ৰত্ততে ভৰো;
ছত্তধারণমজ্জাপি, ৰত্ততে নিচ্চকালিকং.
‘‘অহো মে সুকতং কম্মং, অত্থদস্সিস্স তাদিনো;
সব্বাসৰা পরিক্খীণা, নত্থি দানি পুনব্ভৰো.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একছত্তিযো থেরো ইমা গাথাযো অভাসিত্থাতি;
একছত্তিযত্থেরস্সাপদানং দুতিযং.
৩. তিণসূলকছাদনিযত্থেরঅপদানং
‘‘জাতিং ¶ জরঞ্চ মরণং, পচ্চৰেক্খিং অহং তদা;
এককো অভিনিক্খম্ম, পব্বজিং অনগারিযং.
‘‘চরমানোনুপুব্বেন, গঙ্গাতীরং উপাগমিং;
তত্থদ্দসাসিং পথৰিং, গঙ্গাতীরে সমুন্নতং.
‘‘অস্সমং তত্থ মাপেত্ৰা, ৰসামি অস্সমে অহং;
সুকতো চঙ্কমো ময্হং, নানাদিজগণাযুতো.
‘‘মমুপেন্তি চ ৰিস্সত্থা, কূজন্তি চ মনোহরং;
রমমানো সহ তেহি, ৰসামি অস্সমে অহং.
‘‘মম ¶ অস্সমসামন্তা, মিগরাজা চতুক্কমো;
আসযা অভিনিক্খম্ম, গজ্জি সো অসনী ৰিয.
‘‘নদিতে ¶ ¶ মিগরাজে চ, হাসো মে উদপজ্জথ;
মিগরাজং গৰেসন্তো, অদ্দসং লোকনাযকং.
‘‘দিস্ৰানাহং দেৰদেৰং, তিস্সং লোকগ্গনাযকং;
হট্ঠো হট্ঠেন চিত্তেন, পূজযিং নাগকেসরং.
‘‘উগ্গচ্ছন্তংৰ সূরিযং, সালরাজংৰ পুপ্ফিতং;
ওসধিংৰ ৰিরোচন্তং, সন্থৰিং লোকনাযকং.
‘‘‘তৰ ঞাণেন সব্বঞ্ঞু, মোচেসিমং সদেৰকং;
তৰং আরাধযিত্ৰান, জাতিযা পরিমুচ্চরে.
‘‘‘অদস্সনেন সব্বঞ্ঞু, বুদ্ধানং সব্বদস্সিনং;
পতন্তিৰীচিনিরযং, রাগদোসেহি ওফুটা [ওত্থটা (স্যা.)].
‘‘‘তৰ দস্সনমাগম্ম, সব্বঞ্ঞু লোকনাযক;
পমুচ্চন্তি ভৰা সব্বা, ফুসন্তি অমতং পদং.
‘‘‘যদা বুদ্ধা চক্খুমন্তো, উপ্পজ্জন্তি পভঙ্করা;
কিলেসে ঝাপযিত্ৰান, আলোকং দস্সযন্তি তে’.
‘‘কিত্তযিত্ৰান সম্বুদ্ধং, তিস্সং লোকগ্গনাযকং;
হট্ঠো হট্ঠেন চিত্তেন, তিণসূলং অপূজযিং.
‘‘মম ¶ ¶ সঙ্কপ্পমঞ্ঞায, তিস্সো লোকগ্গনাযকো;
সকাসনে নিসীদিত্ৰা, ইমা গাথা অভাসথ.
‘‘‘যো মং পুপ্ফেহি ছাদেসি, পসন্নো সেহি পাণিভি;
তমহং কিত্তযিস্সামি, সুণাথ মম ভাসতো.
‘‘‘পঞ্চৰীসতিক্খত্তুং সো, দেৰরজ্জং করিস্সতি;
পঞ্চসত্ততিক্খত্তুঞ্চ, চক্কৰত্তী ভৰিস্সতি.
‘‘‘পদেসরজ্জং ৰিপুলং, গণনাতো অসঙ্খিযং;
তস্স কম্মনিস্সন্দেন [কম্মস্স নিস্সন্দো (সী. স্যা. পী.)], পুপ্ফানং পূজনায চ [সো (স্যা. পী.)].
‘‘‘সীসংন্হাতো চযং পোসো, পুপ্ফমাকঙ্খতে যদি [সাযং পাতো চযং পোসো, পুপ্ফেহি মং অছাদযি (স্যা.)];
পুঞ্ঞকম্মেন সংযুত্তং [সংযুত্তো (সী. স্যা. পী.)], পুরতো পাতুভৰিস্সতি.
‘‘‘যং ¶ যং ইচ্ছতি কামেহি, তং তং পাতুভৰিস্সতি;
সঙ্কপ্পং পরিপূরেত্ৰা, নিব্বাযিস্সতিনাসৰো’.
অট্ঠারসমং ভাণৰারং.
‘‘কিলেসে ঝাপযিত্ৰান, সম্পজানো পতিস্সতো;
একাসনে নিসীদিত্ৰা, অরহত্তমপাপুণিং.
‘‘চঙ্কমন্তো ¶ নিপজ্জন্তো, নিসিন্নো উদ ৰা ঠিতো;
বুদ্ধসেট্ঠং সরিত্ৰান, ৰিহরামি অহং সদা.
‘‘চীৰরে পিণ্ডপাতে চ, পচ্চযে সযনাসনে;
তত্থ মে ঊনতা নত্থি, বুদ্ধপূজাযিদং ফলং.
‘‘সো দানি পত্তো অমতং, সন্তং পদমনুত্তরং;
সব্বাসৰে পরিঞ্ঞায, ৰিহরামি অনাসৰো.
‘‘দ্ৰেনৰুতে ¶ ইতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা তিণসূলকছাদনিযো [তিণসূলিকছাদনিযো (ক.)] থেরো ইমা গাথাযো অভাসিত্থাতি.
তিণসূলকছাদনিযত্থেরস্সাপদানং ততিযং.
৪. মধুমংসদাযকত্থেরঅপদানং
‘‘নগরে ¶ বন্ধুমতিযা, সূকরিকো অহোসহং;
উক্কোটং রন্ধযিত্ৰান [উক্কোটকং রন্ধযিত্ৰা (সী. স্যা.)], মধুমংসম্হি [মধুসপ্পিম্হি (পী.), মধুং মংসম্হি (ক.)] ওকিরিং.
‘‘সন্নিপাতং ¶ অহং গন্ত্ৰা, একং পত্তং গহেসহং;
পূরযিত্ৰান তং পত্তং, ভিক্খুসঙ্ঘস্সদাসহং.
‘‘যোত্থ থেরতরো ভিক্খু, নিয্যাদেসি মমং তদা;
ইমিনা পত্তপূরেন, লভস্সু ৰিপুলং সুখং.
‘‘দুৰে সম্পত্তিযো ভুত্ৰা, সুক্কমূলেন চোদিতো;
পচ্ছিমে ৰত্তমানম্হি, কিলেসে ঝাপযিস্সতি.
‘‘তত্থ ¶ চিত্তং পসাদেত্ৰা, তাৰতিংসমগচ্ছহং;
তত্থ ভুত্ৰা পিৰিত্ৰা চ, লভামি ৰিপুলং সুখং.
‘‘মণ্ডপে রুক্খমূলে ৰা, পুব্বকম্মং অনুস্সরিং;
অন্নপানাভিৰস্সো মে, অভিৰস্সতি তাৰদে.
‘‘ইদং পচ্ছিমকং ময্হং, চরিমো ৰত্ততে ভৰো;
ইধাপি অন্নপানং মে, ৰস্সতে সব্বকালিকং.
‘‘তেনেৰ মধুদানেন [মংসদানেন (সী. পী.)], সন্ধাৰিত্ৰা ভৰে অহং;
সব্বাসৰে পরিঞ্ঞায, ৰিহরামি অনাসৰো.
‘‘একনৰুতিতো ¶ কপ্পে, যং দানমদদিং তদা;
দুগ্গতিং নাভিজানামি, মধুদানস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা মধুমংসদাযকো থেরো ইমা গাথাযো অভাসিত্থাতি.
মধুমংসদাযকত্থেরস্সাপদানং চতুত্থং.
৫. নাগপল্লৰত্থেরঅপদানং
‘‘নগরে ¶ ¶ বন্ধুমতিযা, রাজুয্যানে ৰসামহং;
মম অস্সমসামন্তা, নিসীদি লোকনাযকো.
‘‘নাগপল্লৰমাদায ¶ , বুদ্ধস্স অভিরোপযিং;
পসন্নচিত্তো সুমনো, সুগতং অভিৰাদযিং.
‘‘একনৰুতিতো কপ্পে, যং পল্লৰমপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা নাগপল্লৰো থেরো ইমা গাথাযো অভাসিত্থাতি.
নাগপল্লৰত্থেরস্সাপদানং পঞ্চমং.
৬. একদীপিযত্থেরঅপদানং
‘‘পরিনিব্বুতে সুগতে, সিদ্ধত্থে লোকনাযকে;
সদেৰমানুসা সব্বে, পূজেন্তি দ্ৰিপদুত্তমং.
‘‘আরোপিতে ¶ চ চিতকে, সিদ্ধত্থে লোকনাযকে;
যথাসকেন থামেন, চিতং পূজেন্তি সত্থুনো.
‘‘অৰিদূরে চিতকস্স, দীপং উজ্জালযিং অহং;
যাৰ উদেতি সূরিযো, দীপং মে তাৰ উজ্জলি.
‘‘তেন কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘তত্থ মে সুকতং ব্যম্হং, একদীপীতি ঞাযতি;
দীপসতসহস্সানি, ব্যম্হে পজ্জলরে মম.
‘‘উদযন্তোৰ ¶ সূরিযো, দেহো মে জোততে সদা;
সপ্পভাহি সরীরস্স, আলোকো হোতি মে সদা.
‘‘তিরোকুট্টং ¶ [তিরোকুড্ডং (সী. স্যা. ক.)] তিরোসেলং, সমতিগ্গয্হ [সব্বত্থপি এৰমেৰ দিস্সতি] পব্বতং;
সমন্তা যোজনসতং, পস্সামি চক্খুনা অহং.
‘‘সত্তসত্ততিক্খত্তুঞ্চ ¶ , দেৰলোকে রমিং অহং;
একতিংসতিক্খত্তুঞ্চ, দেৰরজ্জমকারযিং.
‘‘অট্ঠৰীসতিক্খত্তুঞ্চ, চক্কৰত্তী অহোসহং;
পদেসরজ্জং ৰিপুলং, গণনাতো অসঙ্খিযং.
‘‘দেৰলোকা চৰিত্ৰান, নিব্বত্তিং মাতুকুচ্ছিযং;
মাতুকুচ্ছিগতস্সাপি, অক্খি মে ন নিমীলতি.
‘‘জাতিযা চতুৰস্সোহং, পব্বজিং অনগারিযং;
অড্ঢমাসে অসম্পত্তে, অরহত্তমপাপুণিং.
‘‘দিব্বচক্খুং ¶ ৰিসোধেসিং, ভৰা সব্বে সমূহতা;
সব্বে কিলেসা সঞ্ছিন্না, একদীপস্সিদং ফলং.
‘‘তিরোকুট্টং তিরোসেলং, পব্বতঞ্চাপি কেৰলং;
সমতিক্কম্ম [সব্বত্থপী এৰমেৰ দিস্সতি] পস্সামি, একদীপস্সিদং ফলং.
‘‘ৰিসমা মে সমা হোন্তি, অন্ধকারো ন ৰিজ্জতি;
নাহং পস্সামি তিমিরং, একদীপস্সিদং ফলং.
‘‘চতুন্নৰুতিতো কপ্পে, যং দীপমদদিং তদা;
দুগ্গতিং নাভিজানামি, একদীপস্সিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা একদীপিযো থেরো ইমা গাথাযো অভাসিত্থাতি.
একদীপিযত্থেরস্সাপদানং ছট্ঠং.
৭. উচ্ছঙ্গপুপ্ফিযত্থেরঅপদানং
‘‘নগরে বন্ধুমতিযা, অহোসিং মালিকো তদা;
উচ্ছঙ্গং পূরযিত্ৰান, অগমং অন্তরাপণং.
‘‘ভগৰা ¶ ¶ ¶ তম্হি সমযে, ভিক্খুসঙ্ঘপুরক্খতো;
মহতা আনুভাৰেন, নিয্যাতি লোকনাযকো.
‘‘দিস্ৰান ¶ লোকপজ্জোতং, ৰিপস্সিং লোকতারণং;
পুপ্ফং পগ্গয্হ উচ্ছঙ্গা, বুদ্ধসেট্ঠং অপূজযিং.
‘‘একনৰুতিতো কপ্পে, যং পুপ্ফমভিপূজযিং;
দুগ্গতিং নাভিজানামি, বুদ্ধপূজাযিদং ফলং.
‘‘কিলেসা ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা উচ্ছঙ্গপুপ্ফিযো থেরো ইমা গাথাযো অভাসিত্থাতি.
উচ্ছঙ্গপুপ্ফিযত্থেরস্সাপদানং সত্তমং.
৮. যাগুদাযকত্থেরঅপদানং
‘‘অতিথিং [অতীতং (ক.)] মে গহেত্ৰান, অগচ্ছিং গামকং তদা;
সম্পুণ্ণনদিকং দিস্ৰা, সঙ্ঘারামং উপাগমিং.
‘‘আরঞ্ঞকা ধুতধরা, ঝাযিনো লূখচীৰরা;
ৰিৰেকাভিরতা ধীরা, সঙ্ঘারামে ৰসন্তি তে.
‘‘গতি ¶ তেসং উপচ্ছিন্না, সুৰিমুত্তান তাদিনং;
পিণ্ডায তে ন গচ্ছন্তি, ওরুদ্ধনদিতায হি [ওরুদ্ধনদিকাযতিং (স্যা.)].
‘‘পসন্নচিত্তো সুমনো, ৰেদজাতো কতঞ্জলী;
তণ্ডুলং মে গহেত্ৰান, যাগুদানং অদাসহং.
‘‘পঞ্চন্নং যাগুং দত্ৰান, পসন্নো সেহি পাণিভি;
সককম্মাভিরদ্ধোহং, তাৰতিংসমগচ্ছহং.
‘‘মণিমযঞ্চ ¶ মে ব্যম্হং, নিব্বত্তি তিদসে গণে;
নারীগণেহি সহিতো, মোদামি ব্যম্হমুত্তমে.
‘‘তেত্তিংসক্খত্তুং দেৰিন্দো, দেৰরজ্জমকারযিং;
তিংসক্খত্তুং চক্কৰত্তী, মহারজ্জমকারযিং.
‘‘পদেসরজ্জং ¶ ৰিপুলং, গণনাতো অসঙ্খিযং;
দেৰলোকে মনুস্সে ৰা, অনুভোত্ৰা সযং [যসং (স্যা.)] অহং.
‘‘পচ্ছিমে ভৰে সম্পত্তে, পব্বজিং অনগারিযং;
সহ ওরোপিতে কেসে, সব্বং সম্পটিৰিজ্ঝহং.
‘‘খযতো ৰযতো চাপি, সম্মসন্তো কল়েৰরং;
পুরে সিক্খাপদাদানা, অরহত্তমপাপুণিং.
‘‘সুদিন্নং ¶ মে দানৰরং, ৰাণিজ্জং সম্পযোজিতং;
তেনেৰ যাগুদানেন, পত্তোম্হি অচলং পদং.
‘‘সোকং পরিদ্দৰং ব্যাধিং, দরথং চিত্ততাপনং;
নাভিজানামি উপ্পন্নং, যাগুদানস্সিদং ফলং.
‘‘যাগুং ¶ সঙ্ঘস্স দত্ৰান, পুঞ্ঞক্খেত্তে অনুত্তরে;
পঞ্চানিসংসে অনুভোমি, অহো যাগুসুযিট্ঠতা.
‘‘অব্যাধিতা রূপৰতা, খিপ্পং ধম্মনিসন্তিতা [নিবুজ্ঝিতা (স্যা.)];
লাভিতা অন্নপানস্স, আযু পঞ্চমকং মম.
‘‘যো কোচি ৰেদং জনযং, সঙ্ঘে যাগুং দদেয্য সো;
ইমানি পঞ্চ ঠানানি, পটিগণ্হেয্য পণ্ডিতো.
‘‘করণীযং কতং সব্বং, ভৰা উগ্ঘাটিতা মযা;
সব্বাসৰা পরিক্খীণা, নত্থি দানি পুনব্ভৰো.
‘‘সো অহং ৰিচরিস্সামি, গামা গামং পুরা পুরং;
নমস্সমানো সম্বুদ্ধং, ধম্মস্স চ সুধম্মতং.
‘‘তিংসকপ্পসহস্সম্হি, যং দানমদদিং তদা;
দুগ্গতিং নাভিজানামি, যাগুদানস্সিদং ফলং.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা যাগুদাযকো থেরো ইমা গাথাযো অভাসিত্থাতি.
যাগুদাযকত্থেরস্সাপদানং অট্ঠমং.
৯. পত্থোদনদাযকত্থেরঅপদানং
‘‘ৰনচারী ¶ ¶ পুরে আসিং, সততং ৰনকম্মিকো;
পত্থোদনং গহেত্ৰান, কম্মন্তং অগমাসহং.
‘‘তত্থদ্দসাসিং সম্বুদ্ধং, সযম্ভুং অপরাজিতং;
ৰনা পিণ্ডায নিক্খন্তং, দিস্ৰা চিত্তং পসাদযিং.
‘‘পরকম্মাযনে [ৰযকম্মাযনে (ক.)] যুত্তো, পুঞ্ঞঞ্চ মে ন ৰিজ্জতি;
অযং পত্থোদনো অত্থি, ভোজযিস্সামহং [ভোজযিস্সামি মং (স্যা.)] মুনিং.
‘‘পত্থোদনং গহেত্ৰান, সযম্ভুস্স অদাসহং;
মম নিজ্ঝাযমানস্স, পরিভুঞ্জি তদা মুনি.
‘‘তেন কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘ছত্তিংসক্খত্তুং ¶ দেৰিন্দো, দেৰরজ্জমকারযিং;
তেত্তিংসক্খত্তুং রাজা চ, চক্কৰত্তী অহোসহং.
‘‘পদেসরজ্জং ৰিপুলং, গণনাতো অসঙ্খিযং;
সুখিতো যসৰা হোমি, পত্থোদনস্সিদং ফলং.
‘‘ভৰাভৰে সংসরন্তো, লভামি অমিতং ধনং;
ভোগে মে ঊনতা নত্থি, পত্থোদনস্সিদং ফলং.
‘‘নদীসোতপটিভাগা ¶ , ভোগা নিব্বত্তরে মম;
পরিমেতুং ন সক্কোমি, পত্থোদনস্সিদং ফলং.
‘‘ইমং ¶ খাদ ইমং ভুঞ্জ, ইমম্হি সযনে সয;
তেনাহং সুখিতো হোমি, পত্থোদনস্সিদং ফলং.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, পত্থোদনস্সিদং ফলং.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং সুদং আযস্মা পত্থোদনদাযকো থেরো ইমা গাথাযো অভাসিত্থাতি.
পত্থোদনদাযকত্থেরস্সাপদানং নৰমং.
১০. মঞ্চদাযকত্থেরঅপদানং
‘‘পরিনিব্বুতে কারুণিকে, সিদ্ধত্থে লোকনাযকে;
ৰিত্থারিকে পাৰচনে, দেৰমানুসসক্কতে.
‘‘চণ্ডালো আসহং তত্থ, আসন্দিপীঠকারকো;
তেন কম্মেন জীৰামি, তেন পোসেমি দারকে.
‘‘আসন্দিং সুকতং কত্ৰা, পসন্নো সেহি পাণিভি;
সযমেৰুপগন্ত্ৰান, ভিক্খুসঙ্ঘস্সদাসহং.
‘‘তেন ¶ কম্মেন সুকতেন, চেতনাপণিধীহি চ;
জহিত্ৰা মানুসং দেহং, তাৰতিংসমগচ্ছহং.
‘‘দেৰলোকগতো সন্তো, মোদামি তিদসে গণে;
সযনানি মহগ্ঘানি, নিব্বত্তন্তি যদিচ্ছকং.
‘‘পঞ্ঞাসক্খত্তুং দেৰিন্দো, দেৰরজ্জমকারযিং;
অসীতিক্খত্তুং রাজা চ, চক্কৰত্তী অহোসহং.
‘‘পদেসরজ্জং ¶ ¶ ৰিপুলং, গণনাতো অসঙ্খিযং;
সুখিতো যসৰা হোমি, মঞ্চদানস্সিদং ফলং.
‘‘দেৰলোকা চৰিত্ৰান, এমি চে মানুসং ভৰং;
মহারহা সুসযনা, সযমেৰ ভৰন্তি মে.
‘‘অযং পচ্ছিমকো ময্হং, চরিমো ৰত্ততে ভৰো;
অজ্জাপি সযনে কালে [সযনকালে (স্যা.)], সযনং উপতিট্ঠতি.
‘‘চতুন্নৰুতিতো কপ্পে, যং দানমদদিং তদা;
দুগ্গতিং নাভিজানামি, মঞ্চদানস্সিদং ফলং.
‘‘কিলেসা ¶ ঝাপিতা ময্হং…পে… ৰিহরামি অনাসৰো.
‘‘স্ৰাগতং ৰত মে আসি…পে… কতং বুদ্ধস্স সাসনং.
‘‘পটিসম্ভিদা চতস্সো…পে… কতং বুদ্ধস্স সাসনং’’.
ইত্থং ¶ সুদং আযস্মা মঞ্চদাযকো থেরো ইমা গাথাযো
অভাসিত্থাতি.
মঞ্চদাযকত্থেরস্সাপদানং দসমং.
ভদ্দালিৰগ্গো বাচত্তালীসমো.
তস্সুদ্দানং –
ভদ্দালী একছত্তো চ, তিণসূলো চ মংসদো;
নাগপল্লৰিকো দীপী, উচ্ছঙ্গি যাগুদাযকো.
পত্থোদনী মঞ্চদদো, গাথাযো গণিতা চিহ;
দ্ৰেসতানি চ গাথানং, গাথা চেকা তদুত্তরি.