মূল > সুত্তপিটক > খুদ্দকনিকায

[কিমগ্ঘতী তণ্ডুলনাল়িকা চ, বারাণসী অন্তরবাহিরানি; অস্সপঞ্চসতে তানি, একা তণ্ডুলনাল়িকাতি; (স্যা.)] কিমগ্ঘতি তণ্ডুলনাল়িকায, অস্সান মূলায ৰদেহি রাজ [নাল়িকা চ (সী.), নাল়িকায (ক. সী. অট্ঠ.)];

বারাণসিং সন্তরবাহিরতো [বাহিরন্তং (সী.)], অযমগ্ঘতি তণ্ডুলনাল়িকাতি [কিমগ্ঘতী ৰণ্ডুলনাল়িকা চ, বারাণসী অন্তরবাহিরানি; অস্সপঞ্চসতে তানি, একা তণ্ডুলনাল়িকাতি; (স্যা.)].

হিরিওত্তপ্পসম্পন্না ¶ , সুক্কধম্মসমাহিতা;

সন্তো সপ্পুরিসা লোকে, দেৰধম্মাতি ৰুচ্চরেতি.

পুত্তো ত্যাহং মহারাজ, ত্ৰং মং পোস জনাধিপ;

অঞ্ঞেপি দেৰো পোসেতি, কিঞ্চ [কিঞ্চি (ক.)] দেৰো সকং পজন্তি.

কট্ঠহারি [কট্ঠৰাহন (ক.)] জাতকং সত্তমং.

অপি ¶ ¶ অতরমানানং, ফলাসাৰ সমিজ্ঝতি;

ৰিপক্কব্রহ্মচরিযোস্মি, এৰং জানাহি গামণীতি.

উত্তমঙ্গরুহা ময্হং, ইমে জাতা ৰযোহরা;

পাতুভূতা দেৰদূতা, পব্বজ্জাসমযো মমাতি.

মঘদেৰ [মখাদেৰ (সী. পী.), দেৰদূত (ক.)] জাতকং নৰমং.

যঞ্চ ¶ অঞ্ঞে ন রক্খন্তি, যো চ অঞ্ঞে ন রক্খতি;

স ৰে রাজ সুখং সেতি, কামেসু অনপেক্খৰাতি.

ৰরাপণ্ণক ৰণ্ণুপথ সেরিৰরো, সুৰিচক্খণ তণ্ডুলনাল়িকস্সা;

হিরি পুত্তৰরুত্তগামণিনা, যো চ ন রক্খতি তেন দসাতি.

হোতি সীলৰতং অত্থো, পটিসন্থার [পটিসন্ধার (ক.)] ৰুত্তিনং;

লক্খণং পস্স আযন্তং, ঞাতিসঙ্ঘপুরক্খতং [পুরক্খিতং (স্যা.), পুরেক্খিতং (ক.)];

অথ পস্সসিমং কাল়ং, সুৰিহীনংৰ ঞাতিভীতি.

নিগ্রোধমেৰ ¶ ¶ ¶ সেৰেয্য, ন সাখমুপসংৰসে;

নিগ্রোধস্মিং মতং সেয্যো, যঞ্চে সাখস্মি [সাখস্মিং (সী. পী.)] জীৰিতন্তি.

ধিরত্থু কণ্ডিনং সল্লং, পুরিসং গাল়্হৰেধিনং;

ধিরত্থু তং জনপদং, যত্থিত্থী পরিণাযিকা;

তে চাপি ধিক্কিতা [ধিক্কতা (?)] সত্তা, যে ইত্থীনং ৰসংগতাতি.

ন কিরত্থি রসেহি পাপিযো, আৰাসেহি ৰ [ৰা (সব্বত্থ)] সন্থৰেহি ৰা;

ৰাতমিগং গহননিস্সিতং [গেহনিস্সিতং (সী. পী.)], ৰসমানেসি রসেহি সঞ্জযোতি.

অট্ঠক্খুরং খরাদিযে, মিগং ৰঙ্কাতিৰঙ্কিনং;

সত্তহি ¶ কালাতিক্কন্তং [সত্তহি কলাহ’তিক্কন্তং (সী.), সত্তকালেহ’তিক্কন্তং (স্যা.), সত্তহি কালাহ’তিক্কন্তং (পী.)], ন নং ওৰদিতুস্সহেতি.

মিগং ¶ তিপল্লত্থ [তিপল্লত্ত (ক.)] মনেকমাযং, অট্ঠক্খুরং অড্ঢরত্তাপপাযিং [অড্ঢরত্তাৰপাযিং (সী. পী.)];

একেন সোতেন ছমাস্সসন্তো, ছহি কলাহিতিভোতি [কলাহতিভোতি (সী. স্যা. পী.)] ভাগিনেয্যোতি.

কাল়ে ¶ ৰা যদি ৰা জুণ্হে, যদা ৰাযতি মালুতো;

ৰাতজানি হি সীতানি, উভোত্থমপরাজিতাতি.

এৰং চে সত্তা জানেয্যুং, দুক্খাযং জাতিসম্ভৰো;

ন পাণো পাণিনং হঞ্ঞে, পাণঘাতী হি সোচতীতি.

সচে ¶ মুচ্চে [মুঞ্চে (সী. স্যা. পী.)] পেচ্চ মুচ্চে [মুঞ্চে (সী. স্যা. পী.)], মুচ্চমানো হি বজ্ঝতি;

ন হেৰং ধীরা মুচ্চন্তি, মুত্তি বালস্স বন্ধনন্তি.

দিস্ৰা পদমনুত্তিণ্ণং, দিস্ৰানোতরিতং পদং;

নল়েন ৰারিং পিস্সাম [পিৰিস্সাম (সী. স্যা. পী.)], নেৰ [ন চ (ক.)] মং ত্ৰং ৰধিস্সসীতি.

অথ ¶ লক্খণ সাখ ধিরত্থু পুন, ন কিরত্থি রসেহি খরাদিযা;

অতিভোতি ৰর [রস (সব্বত্থ)] মালুত পাণ, মুচ্চেন নল়অৰ্হযনেন ভৰন্তি দসাতি.

ঞাতমেতং ¶ কুরুঙ্গস্স, যং ত্ৰং সেপণ্ণি সিয্যসি [সেয্যসি (সী. স্যা. পী.)];

অঞ্ঞং ¶ সেপণ্ণি গচ্ছামি, ন মে তে রুচ্চতে ফলন্তি.

যে কুক্কুরা রাজকুলম্হি ৰদ্ধা, কোলেয্যকা ৰণ্ণবলূপপন্না;

তেমে ন ৰজ্ঝা মযমস্ম ৰজ্ঝা, নাযং সঘচ্চা দুব্বলঘাতিকাযন্তি.

অপি পস্সেন সেমানো, সল্লেভি সল্ললীকতো;

সেয্যোৰ ৰল়ৰা গোজো [ভোজ্জো (সী.), ভোজ্ঝো (স্যা. পী.)], যুঞ্জ মঞ্ঞেৰ সারথীতি.

গোজানীয [ভোজাজানীয (সী. স্যা. পী.)] জাতকং ততিযং.

যদা যদা যত্থ যদা, যত্থ যত্থ যদা যদা;

আজঞ্ঞো কুরুতে ৰেগং, হাযন্তি তত্থ ৰাল়ৰাতি.

অঞ্ঞমঞ্ঞেহি ¶ ¶ তিত্থেহি, অস্সং পাযেহি সারথি;

অচ্চাসনস্স পুরিসো, পাযাসস্সপি তপ্পতীতি.

পুরাণচোরান ¶ ৰচো নিসম্ম, মহিল়ামুখো পোথযমন্ৰচারী;

সুসঞ্ঞতানঞ্হি ৰচো নিসম্ম, গজুত্তমো সব্বগুণেসু অট্ঠাতি.

নালং কবল়ং পদাতৰে, ন চ পিণ্ডং ন কুসে ন ঘংসিতুং;

মঞ্ঞামি অভিণ্হদস্সনা, নাগো স্নেহমকাসি [সিনেহমকাসি (সী. স্যা. পী.)] কুক্কুরেতি.

মনুঞ্ঞমেৰ ¶ ভাসেয্য, নামনুঞ্ঞং কুদাচনং;

মনুঞ্ঞং ভাসমানস্স, গরুং ভারং উদদ্ধরি;

ধনঞ্চ নং অলাভেসি, তেন চত্তমনো অহূতি.

যতো যতো গরু ধুরং, যতো গম্ভীরৰত্তনী;

তদাস্সু কণ্হং যুঞ্জন্তি, স্ৰাস্সু তং ৰহতে ধুরন্তি.

মা ¶ মুনিকস্স পিহযি, আতুরন্নানি ভুঞ্জতি;

অপ্পোস্সুক্কো ভুসং খাদ, এতং দীঘাযুলক্খণন্তি.

কুরুঙ্গস্স ¶ কুক্কুরগোজৰরো, পুন ৰাল়ৰস্সসিরিৰ্হযনো [সিরিৰযনো (সব্বত্থ)];

মহিল়ামুখনামনুঞ্ঞৰরো, ৰহতে ধুর মুনিকেন দসাতি.

কুলাৰকা ¶ মাতলি সিম্বলিস্মিং, ঈসামুখেন পরিৰজ্জযস্সু;

কামং চজাম অসুরেসু পাণং, মা মে দিজা ৰিক্কুলৰা [মাযিমে দিজা ৰিকুলাৰা (সী. স্যা. পী.)] অহেসুন্তি.

রুদং মনুঞ্ঞং রুচিরা চ পিট্ঠি, ৰেল়ুরিযৰণ্ণূপনিভা [ৰণ্ণূপটিভা (স্যা.), ৰণ্ণসন্নিভা (ক.)] চ গীৰা;

ব্যামমত্তানি চ পেখুণানি, নচ্চেন তে ধীতরং নো দদামীতি.

সম্মোদমানা ¶ গচ্ছন্তি, জালমাদায পক্খিনো;

যদা তে ৰিৰদিস্সন্তি, তদা এহিন্তি মে ৰসন্তি.

ন ¶ মং সীতং ন মং উণ্হং, ন মং জালস্মি বাধনং;

যঞ্চ মং মঞ্ঞতে মচ্ছী, অঞ্ঞং সো রতিযা গতোতি.

সন্তি ¶ পক্খা অপতনা, সন্তি পাদা অৰঞ্চনা;

মাতাপিতা চ নিক্খন্তা, জাতৰেদ পটিক্কমাতি.

যং নিস্সিতা জগতিরুহং ৰিহঙ্গমা, স্ৰাযং অগ্গিং পমুঞ্চতি;

দিসা ভজথ ৰক্কঙ্গা [ৰঙ্কঙ্গা (স্যা.)], জাতং সরণতো ভযন্তি.

যে ৰুড্ঢ [ৰদ্ধ (সী. পী.)] মপচাযন্তি, নরা ধম্মস্স কোৰিদা;

দিট্ঠেৰ ধম্মে পাসংসা, সম্পরাযে চ সুগ্গতীতি.

নাচ্চন্তং ¶ নিকতিপ্পঞ্ঞো, নিকত্যা সুখমেধতি;

আরাধেতি নিকতিপ্পঞ্ঞো [আরাধে নিকতিপ্পঞ্ঞো (পী.)], বকো কক্কটকামিৰাতি.

মঞ্ঞে ¶ সোৰণ্ণযো রাসি, সোণ্ণমালা চ নন্দকো;

যত্থ দাসো আমজাতো, ঠিতো থুল্লানি [থূলানি (ক.)] গজ্জতীতি.

কামং ¶ পতামি নিরযং, উদ্ধংপাদো অৰংসিরো;

নানরিযং করিস্সামি, হন্দ পিণ্ডং পটিগ্গহাতি.

সিরিমাতলি ধীতর পক্খিৰরো, রতিযাগতো মাতাপিতা চ পুন;

জগতীরুহ ৰুড্ঢ সুকক্কটকো, তথা নন্দকপিণ্ডৰরেন দসাতি.

যো ¶ অত্থকামস্স হিতানুকম্পিনো, ওৰজ্জমানো ন করোতি সাসনং;

অজিযা পাদমোলম্ব [পাদমোলুম্ব (সী. স্যা. পী.)], মিত্তকো ৰিয সোচতীতি.

যো ¶ অত্থকামস্স হিতানুকম্পিনো, ওৰজ্জমানো ন করোতি সাসনং;

কপোতকস্স ৰচনং অকত্ৰা, অমিত্তহত্থত্থগতোৰ সেতীতি.

যো অত্থকামস্স হিতানুকম্পিনো, ওৰজ্জমানো ন করোতি সাসনং;

এৰং সো নিহতো সেতি, ৰেল়ুকস্স যথা পিতাতি.

সেয্যো ¶ ¶ অমিত্তো মতিযা উপেতো, ন ত্ৰেৰ মিত্তো মতিৰিপ্পহীনো;

মকসং ৰধিস্সন্তি হি এল়মূগো, পুত্তো পিতু অব্ভিদা উত্তমঙ্গন্তি.

সেয্যো অমিত্তো মেধাৰী, যঞ্চে বালানুকম্পকো;

পস্স রোহিণিকং জম্মিং, মাতরং হন্ত্ৰান সোচতীতি.

ন ৰে অনত্থকুসলেন, অত্থচরিযা সুখাৰহা;

হাপেতি অত্থং দুম্মেধো, কপি আরামিকো যথাতি.

ন ¶ ৰে অনত্থকুসলেন, অত্থচরিযা সুখাৰহা;

হাপেতি অত্থং দুম্মেধো, কোণ্ডঞ্ঞো ৰারুণিং যথাতি.

অনুপাযেন ¶ যো অত্থং, ইচ্ছতি সো ৰিহঞ্ঞতি;

চেতা হনিংসু ৰেদব্বং [ৰেদব্ভং (সী. পী.)], সব্বে তে ব্যসনমজ্ঝগূতি.

ৰেদব্ব [ৰেদব্ভ (সী. পী.)] জাতকং অট্ঠমং.

নক্খত্তং ¶ পটিমানেন্তং, অত্থো বালং উপচ্চগা;

অত্থো অত্থস্স নক্খত্তং, কিং করিস্সন্তি তারকাতি.

দুম্মেধানং সহস্সেন, যঞ্ঞো মে উপযাচিতো;

ইদানি খোহং যজিস্সামি, বহু [বহূ (সী. পী.), বহুং (ক.)] অধম্মিকো জনোতি.

অথ মিত্তক মাতু কপোতৰরো, তথা ৰেল়ূক এল়মূগো রোহিণী;

কপি ¶ ৰারুণি চেতচরা চ পুন, তথা তারক যঞ্ঞৰরেন দসাতি.

আসীসেথেৰ ¶ [আসিংসেথেৰ (সী. স্যা. পী.)] পুরিসো, ন নিব্বিন্দেয্য পণ্ডিতো;

পস্সামি ৰোহং অত্তানং, যথা ইচ্ছিং তথা অহূতি.

ৰাযমেথেৰ পুরিসো, ন নিব্বিন্দেয্য পণ্ডিতো;

পস্সামি ৰোহং অত্তানং, উদকা থলমুব্ভতন্তি.

তথেৰ ¶ পুণ্ণা পাতিযো, অঞ্ঞাযং ৰত্ততে কথা;

আকারণেন [আকারকেন (সী. স্যা. পী.)] জানামি, ন চাযং ভদ্দিকা সুরাতি.

নাযং ¶ রুক্খো দুরারুহো, নপি গামতো আরকা;

আকারণেন জানামি, নাযং সাদুফলো দুমোতি.

যো অলীনেন চিত্তেন, অলীনমনসো নরো;

ভাৰেতি কুসলং ধম্মং, যোগক্খেমস্স পত্তিযা;

পাপুণে অনুপুব্বেন, সব্বসংযোজনক্খযন্তি.

যো ¶ পহট্ঠেন চিত্তেন, পহট্ঠমনসো নরো;

ভাৰেতি কুসলং ধম্মং, যোগক্খেমস্স পত্তিযা;

পাপুণে অনুপুব্বেন, সব্বসংযোজনক্খযন্তি.

যস্সেতে চতুরো ধম্মা, ৰানরিন্দ যথা তৰ;

সচ্চং ধম্মো ধিতি [ধিতী (সী. পী.)] চাগো, দিট্ঠং সো অতিৰত্ততীতি.

যস্সেতে ¶ ¶ চ [যস্স এতে (সী. পী.)] তযো ধম্মা, ৰানরিন্দ যথা তৰ;

দক্খিযং সূরিযং পঞ্ঞা, দিট্ঠং সো অতিৰত্ততীতি.

ধমে ধমে নাতিধমে, অতিধন্তঞ্হি পাপকং;

ধন্তেন হি সতং লদ্ধং, অতিধন্তেন নাসিতন্তি.

ধমে ধমে নাতিধমে, অতিধন্তঞ্হি পাপকং;

ধন্তেনাধিগতা ভোগা, তে তাতো ৰিধমী ধমন্তি.

যথা ¶ ইচ্ছিং তথাহুদকা থলা, সুর সাদুফলো চ অলীনমনো;

সম্পহট্ঠমনো ¶ চতুরো চ তযো, সতলদ্ধক ভোগধনেন দসাতি.

অসা লোকিত্থিযো নাম, ৰেলা তাসং ন ৰিজ্জতি;

সারত্তা চ পগব্ভা চ, সিখী সব্বঘসো যথা;

তা হিত্ৰা পব্বজিস্সামি, ৰিৰেকমনুব্রূহযন্তি.

যং ¶ ব্রাহ্মণো অৰাদেসি, ৰীণং সমুখৰেঠিতো;

অণ্ডভূতা ভতা ভরিযা, তাসু কো জাতু ৰিস্সসেতি.

কোধনা অকতঞ্ঞূ চ, পিসুণা মিত্তভেদিকা [পিসুণা চ ৰিভেদিকা (সী. স্যা. পী.)];

ব্রহ্মচরিযং চর ভিক্খু, সো সুখং ন ৰিহাহসীতি [পিহাহিসীতি (সী. স্যা. পী.), ৰিহাযসি (ক.)].

তক্কপণ্ডিতজাতকং [তক্কজাতকং (সী. স্যা. পী. অট্ঠ.)] ততিযং.

মা ¶ সু নন্দি ইচ্ছতি মং, মা সু সোচি ন মিচ্ছতি [ন ইচ্ছতি (সী. স্যা. পী.)];

থীনং ভাৰো দুরাজানো, মচ্ছস্সেৰোদকে গতন্তি.

যথা ¶ নদী চ পন্থো চ, পানাগারং সভা পপা;

এৰং লোকিত্থিযো নাম, নাসং কুজ্ঝন্তি পণ্ডিতাতি.

একা ইচ্ছা পুরে আসি, অলদ্ধা মুদুলক্খণং;

যতো লদ্ধা অল়ারক্খী, ইচ্ছা ইচ্ছং ৰিজাযথাতি.

উচ্ছঙ্গে দেৰ মে পুত্তো, পথে ধাৰন্তিযা পতি;

তঞ্চ দেসং ন পস্সামি, যতো সোদরিযমানযেতি [সোদরিযং নযে (ক.)].

যস্মিং ¶ ¶ মনো নিৰিসতি, চিত্তঞ্চাপি [চিত্তং ৰাপি (কত্থচি)] পসীদতি;

অদিট্ঠপুব্বকে পোসে, কামং তস্মিম্পি ৰিস্সসেতি.

ধিরত্থু তং ৰিসং ৰন্তং, যমহং জীৰিতকারণা;

ৰন্তং পচ্চাৰমিস্সামি [পচ্চাহরিস্সামি (ক.)], মতং মে জীৰিতা ৰরন্তি.

ন তং জিতং সাধু জিতং, যং জিতং অৰজীযতি;

তং খো জিতং সাধু জিতং, যং জিতং নাৰজীযতীতি.

সিখীসব্বঘসোপি ¶ চ ৰীণৰরো, পিসুণা মিত্তভেদিকা নন্দী নদী;

মুদুলক্খণ সোদরিযা চ মনো, ৰিস সাধুজিতেন ভৰন্তি দসাতি.

যো ¶ পুব্বে করণীযানি, পচ্ছা সো কাতুমিচ্ছতি;

ৰরুণকট্ঠ [ৰরণকট্ঠ (সী. পী.)] ভঞ্জোৰ, স পচ্ছা মনুতপ্পতীতি.

অকতঞ্ঞুস্স ¶ পোসস্স, নিচ্চং ৰিৰরদস্সিনো;

সব্বং চে পথৰিং [পঠৰিং (সী. স্যা. পী.)] দজ্জা, নেৰ নং অভিরাধযেতি.

সচ্চং কিরেৰমাহংসু, নরা একচ্চিযা ইধ;

কট্ঠং নিপ্লৰিতং [ৰিপ্লাৰিতং (সী. পী.)] সেয্যো, ন ত্ৰেৰেকচ্চিযো নরোতি.

সাধূ সম্বহুলা ঞাতী, অপি রুক্খা অরঞ্ঞজা;

ৰাতো ¶ ৰহতি একট্ঠং, ব্রহন্তম্পি ৰনপ্পতিন্তি.

অভিত্থনয ¶ পজ্জুন্ন, নিধিং কাকস্স নাসয;

কাকং সোকায রন্ধেহি, মঞ্চ সোকা পমোচযাতি.

অসঙ্কিযোম্হি গামম্হি, অরঞ্ঞে নত্থি মে ভযং;

উজুং মগ্গং সমারূল়্হো, মেত্তায করুণায চাতি.

উসভা ¶ রুক্খা গাৰিযো গৰা চ, অস্সো কংসো সিঙ্গালী [সিগাসী (সী. স্যা. পী.)] চ কুম্ভো;

পোক্খরণী চ অপাকচন্দনং, লাবূনি সীদন্তি সিলা প্লৰন্তি.

মণ্ডূকিযো কণ্হসপ্পে গিলন্তি, কাকং সুপণ্ণা পরিৰারযন্তি;

তসা ¶ ৰকা এল়কানং ভযাহি, ৰিপরিযাসো [ৰিপরিযাযো (স্যা. ক.)] ৰত্ততি নযিধ মত্থীতি.

উভো খঞ্জা উভো কুণী, উভো ৰিসমচক্খুকা [চক্খুলা (সী. পী.)];

উভিন্নং পিল়কা [পীল়কা (স্যা.)] জাতা, নাহং পস্সামি ইল্লিসন্তি.

যতো ¶ ৰিলুত্তা চ হতা চ গাৰো, দড্ঢানি গেহানি জনো চ নীতো;

অথাগমা পুত্তহতায পুত্তো, খরস্সরং ডিণ্ডিমং [দেণ্ডিমং (সী. স্যা. পী.), ডিন্দিমং (ক.)] ৰাদযন্তোতি.

যং তে পৰিকত্থিতং পুরে, অথ তে পূতিসরা সজন্তি পচ্ছা;

উভযং ¶ ন সমেতি ভীমসেন, যুদ্ধকথা চ ইদঞ্চ তে ৰিহঞ্ঞন্তি.

ৰরুণৰগ্গো [ৰরণৰগ্গো (সী. পী.)] অট্ঠমো.

ৰরুণা অকতঞ্ঞূৰরে তু সচ্চৰরং, সৰনপ্পতিনা চ অভিত্থনয;

করুণায সিলাপ্লৰ ইল্লিসতো, পুন ডিণ্ডিমপূতিসরেন দসাতি.

অপাযিম্হ ¶ অনচ্চিম্হ, অগাযিম্হ রুদিম্হ চ;

ৰিসঞ্ঞিকরণিং পিত্ৰা [পীত্ৰা (সী. স্যা. পী.)], দিট্ঠা নাহুম্হ ৰানরাতি.

অতিক্কম্ম ¶ ¶ রমণকং, সদামত্তঞ্চ দূভকং;

স্ৰাসি পাসাণমাসীনো, যস্মা জীৰং ন মোক্খসীতি.

মিত্তো হৰে সত্তপদেন হোতি, সহাযো পন দ্ৰাদসকেন হোতি;

মাসড্ঢমাসেন চ ঞাতি হোতি, ততুত্তরিং অত্তসমোপি হোতি;

সোহং কথং অত্তসুখস্স হেতু, চিরসন্থুতং [চিরসন্ধৰং (ক.), চিরসত্থুনং (পী.)] কাল়কণ্ণিং জহেয্যন্তি.

আরোগ্যমিচ্ছে পরমঞ্চ লাভং, সীলঞ্চ ৰুদ্ধানুমতং সুতঞ্চ;

ধম্মানুৰত্তী চ অলীনতা চ, অত্থস্স দ্ৰারা পমুখা ছল়েতেতি.

আযতিং ¶ দোসং নাঞ্ঞায, যো কামে পটিসেৰতি;

ৰিপাকন্তে হনন্তি নং, কিংপক্কমিৰ ভক্খিতন্তি.

সীলং ¶ কিরেৰ কল্যাণং, সীলং লোকে অনুত্তরং;

পস্স ঘোরৰিসো নাগো, সীলৰাতি ন হঞ্ঞতীতি.

যস্স ¶ মঙ্গলা সমূহতাসে [সমূহতা (সী. স্যা. পী. সু. নি. ৩৬২], উপ্পাতা [উপ্পাদা (পী.)] সুপিনা চ লক্খণা চ;

সো [স (সী. পী. ক.)] মঙ্গলদোসৰীতিৰত্তো, যুগযোগাধিগতো ন জাতুমেতীতি.

কল্যাণিমেৰ মুঞ্চেয্য, ন হি মুঞ্চেয্য পাপিকং;

মোক্খো কল্যাণিযা সাধু, মুত্ৰা তপ্পতি পাপিকন্তি.

ৰাচাৰ ¶ কির তে আসি, সণ্হা সখিলভাণিনো;

তিণমত্তে অসজ্জিত্থো, নো চ নিক্খসতং হরন্তি.

যো পুব্বে কতকল্যাণো, কতত্থো নাৰবুজ্ঝতি;

পচ্ছা কিচ্চে সমুপ্পন্নে, কত্তারং নাধিগচ্ছতীতি.

অপাযিম্হ চ দূভকং সত্তপদং, ছল়দ্ৰর চ আযতিনা চ পুন;

অহিসীলৰ মঙ্গলি পাপিকস্সা, সতংনিক্খ কতত্থৰরেন দসাতি.

লিত্তং ¶ ¶ পরমেন তেজসা, গিলমক্খং ¶ পুরিসো ন বুজ্ঝতি;

গিল রে গিল পাপধুত্তক, পচ্ছা তে কটুকং ভৰিস্সতীতি.

উক্কট্ঠে সূরমিচ্ছন্তি, মন্তীসু অকুতূহলং;

পিযঞ্চ অন্নপানম্হি, অত্থে জাতে চ পণ্ডিতন্তি.

ন ৰিস্সসে অৰিস্সত্থে, ৰিস্সত্থেপি ন ৰিস্সসে;

ৰিস্সাসা ভযমন্ৰেতি, সীহংৰ মিগমাতুকাতি [মিগমাতুযা (ক.)].

সোতত্তো সোসিন্দো [সোসীতো (সী. স্যা. পী.), সোসিনো (ক.)] চেৰ, একো ভিংসনকে ৰনে;

নগ্গো ন চগ্গিমাসীনো, এসনাপসুতো মুনীতি.

অনিচ্চা ¶ ৰত সঙ্খারা, উপ্পাদৰযধম্মিনো;

উপ্পজ্জিত্ৰা নিরুজ্ঝন্তি, তেসং ৰূপসমো সুখোতি.

সমতিত্তিকং ¶ অনৰসেকং, তেলপত্তং যথা পরিহরেয্য;

এৰং সচিত্তমনুরক্খে, পত্থযানো দিসং অগতপুব্বন্তি.

জীৰকঞ্চ ¶ মতং দিস্ৰা, ধনপালিঞ্চ দুগ্গতং;

পন্থকঞ্চ ৰনে মূল়্হং, পাপকো পুনরাগতোতি.

সাধু ¶ খো পণ্ডিতো নাম, ন ত্ৰেৰ অতিপণ্ডিতো;

অতিপণ্ডিতেন পুত্তেন, মনম্হি উপকূল়িতোতি [উপকূলিতোতি (সী.), উপকুট্ঠিতোতি (স্যা.), উপকুটিতো (ক.)].

পরোসহস্সম্পি সমাগতানং, কন্দেয্যুং তে ৰস্সসতং অপঞ্ঞা;

একোৰ সেয্যো পুরিসো সপঞ্ঞো, যো ভাসিতস্স ৰিজানাতি অত্থন্তি.

অসাতং সাতরূপেন, পিযরূপেন অপ্পিযং;

দুক্খং সুখস্স রূপেন, পমত্তমতিৰত্ততীতি.

গিলমক্খকুতূহল ¶ ¶ মাতুকস্সা, মুনিনা চ অনিচ্চত পত্তৰরং;

ধনপালিৰরো অতিপণ্ডিতকো, সপরোসহস্সঅসাতদসাতি.

পরোসতং ¶ চেপি সমাগতানং, ঝাযেয্যুং তে ৰস্সসতং অপঞ্ঞা;

একোৰ সেয্যো পুরিসো সপঞ্ঞো, যো ভাসিতস্স ৰিজানাতি অত্থন্তি.

যো দুক্খফুট্ঠায ভৰেয্য তাণং, সো মে পিতা দুব্ভি [দূভি (সী. পী.)] ৰনে করোতি;

সা কস্স কন্দামি ৰনস্স মজ্ঝে, যো তাযিতা সো সহসং [সহসা (সী. স্যা. পী.)] করোতীতি.

যত্থ ¶ ৰেরী নিৰিসতি [নিৰসতি (সী. ক.)], ন ৰসে তত্থ পণ্ডিতো;

একরত্তং দিরত্তং ৰা, দুক্খং ৰসতি ৰেরিসূতি.

চতুব্ভি অট্ঠজ্ঝগমা, অট্ঠাহিপি চ সোল়স;

সোল়সাহি চ বাত্তিংস [বত্তিংস (সী. স্যা. পী.)], অত্রিচ্ছং চক্কমাসদো;

ইচ্ছাহতস্স পোসস্স, চক্কং ভমতি মত্থকেতি.

বহুম্পেতং ¶ ¶ ৰনে কট্ঠং, ৰাতো ভঞ্জতি দুব্বলং;

তস্স চে ভাযসী নাগ, কিসো নূন ভৰিস্সসীতি.

সুখং ৰত মং জীৰন্তং [সুখকং ৰত জীৰং (ক.)], পচমানা উদঞ্চনী;

চোরী জাযপ্পৰাদেন, তেলং লোণঞ্চ যাচতীতি.

সাধু ¶ খো সিপ্পকং নাম, অপি যাদিস কীদিসং;

পস্স খঞ্জপ্পহারেন, লদ্ধা গামা চতুদ্দিসাতি.

সিক্খেয্য সিক্খিতব্বানি, সন্তি তচ্ছন্দিনো [সচ্ছন্দিনো (সী. পী.)] জনা;

বাহিযা হি [পি (সী. স্যা. পী.)] সুহন্নেন, রাজানমভিরাধযীতি.

যথন্নো পুরিসো হোতি, তথন্না তস্স দেৰতা;

আহরেতং কুণ্ডপূৰং [কণং পূৰং (সী. পী.)], মা মে ভাগং ৰিনাসযাতি.

সব্বসংহারকো ¶ ¶ [সব্বসাহারকো (ক.)] নত্থি, সুদ্ধং কঙ্গু পৰাযতি;

অলিকং ভাযতিযং ধুত্তী, সচ্চমাহ মহল্লিকাতি.

সপরোসত তাযিত ৰেরী ¶ পুন, ভমচক্কথ নাগসিরিৰ্হযনো;

সুখকঞ্চ ৰত সিপ্পক বাহিযা, কুণ্ডপূৰ মহল্লিককা চ দসাতি.

হংচি [হংসি (সী. স্যা.), হঞ্চি (?)] তুৰং এৰমঞ্ঞসি সেয্যো, পুত্তেন পিতাতি রাজসেট্ঠ;

হন্দস্সতরস্স তে অযং, অস্সতরস্স হি গদ্রভো পিতাতি.

যেন সত্তুবিলঙ্গা চ, দিগুণপলাসো চ পুপ্ফিতো;

যেন দদামি [যেনা’দামি (সী. স্যা.)] তেন ৰদামি, যেন ন দদামি [যেন না’দামি (সী. স্যা.)] ন তেন ৰদামি;

এস ¶ মগ্গো যৰমজ্ঝকস্স, এতং ছন্নপথং ৰিজানাহীতি.

সদ্দহাসি ¶ সিঙ্গালস্স [সিগালস্স (সী. স্যা. পী.)], সুরাপীতস্স ব্রাহ্মণ;

সিপ্পিকানং সতং নত্থি, কুতো কংসসতা দুৰেতি.

বহুচিন্তী ¶ অপ্পচিন্তী, উভো জালে অবজ্ঝরে;

মিতচিন্তী পমোচেসী, উভো তত্থ সমাগতাতি.

যাযঞ্ঞ [যাযঞ্ঞে (ক.)] মনুসাসতি, সযং লোলুপ্পচারিনী;

সাযং ৰিপক্খিকা সেতি, হতা চক্কেন সাসিকাতি [সালিকাতি (সী. স্যা. পী.)].

অতিকরমকরাচরিয ¶ , ময্হম্পেতং ন রুচ্চতি;

চতুত্থে লঙ্ঘযিত্ৰান, পঞ্চমাযসি আৰুতোতি.

অচ্চুগ্গতাতিলপতা [অতিবলতা (সী. স্যা. পী.), অতিলপকা (কত্থচি)], অতিৰেলং পভাসিতা;

ৰাচা হনতি দুম্মেধং, তিত্তিরংৰাতিৰস্সিতন্তি.

নাচিন্তযন্তো পুরিসো, ৰিসেসমধিগচ্ছতি;

চিন্তিতস্স ফলং পস্স, মুত্তোস্মি ৰধবন্ধনাতি.

অমাতাপিতরসংৰদ্ধো ¶ [পিতরি (সী. পী.), পিতু (স্যা.)], অনাচেরকুলে ৰসং;

নাযং কালং অকালং ৰা, অভিজানাতি কুক্কুটোতি.

অবদ্ধা ¶ ¶ তত্থ বজ্ঝন্তি, যত্থ বালা পভাসরে;

বদ্ধাপি তত্থ মুচ্চন্তি, যত্থ ধীরা পভাসরেতি.

হংচিৰগ্গো [হংসিৰগ্গো (সী. স্যা.)] দ্ৰাদসমো.

অথ গদ্রভ সত্তুৰ কংসসতং, বহুচিন্তি সাসিকাযাতিকর;

অতিৰেল ৰিসেসমনাচরিযোৰ, ধীরাপভাসরতেন দসাতি.

করে সরিক্খো অথ ৰাপি সেট্ঠো, নিহীনকো ৰাপি করেয্য একো;

করেয্যুমেতে [করেয্যুং তে (সী. পী.)] ব্যসনে উত্তমত্থং, যথা অহং কুসনাল়ি রুচাযন্তি.

যসং ¶ ¶ লদ্ধান দুম্মেধো, অনত্থং চরতি অত্তনো;

অত্তনো চ পরেসঞ্চ, হিংসায পটিপজ্জতীতি.

অসব্বত্থগামিং ৰাচং, বালো সব্বত্থ ভাসতি;

নাযং দধিং ৰেদি ন [ন ৰেদি (ক.)] নঙ্গলীসং, দধিপ্পযং [দধিম্পযং (সী. পী.)] মঞ্ঞতি নঙ্গলীসন্তি.

ৰাযমেথেৰ ¶ পুরিসো, ন নিব্বিন্দেয্য পণ্ডিতো;

ৰাযামস্স ফলং পস্স, ভুত্তা অম্বা অনীতিহন্তি.

বহুম্পি সো ৰিকত্থেয্য, অঞ্ঞং জনপদং গতো;

অন্ৰাগন্ত্ৰান দূসেয্য, ভুঞ্জ ভোগে কটাহকাতি.

তদেৰেকস্স ¶ [তথেৰেকস্স (সী. স্যা. পী. অট্ঠ. মূলপাঠো)] কল্যাণং, তদেৰেকস্স পাপকং;

তস্মা সব্বং ন কল্যাণং, সব্বং ৰাপি ন পাপকন্তি.

তে দেসা তানি ৰত্থূনি, অহঞ্চ ৰনগোচরো;

অনুৰিচ্চ খো তং গণ্হেয্যুং, পিৰ [পিপ (সী. পী.)] খীরং কলণ্ডুকাতি.

যো ¶ ৰে ধম্মং ধজং [ধম্মধজং (স্যা. পী. ক.)] কত্ৰা, নিগূল়্হো পাপমাচরে;

ৰিস্সাসযিত্ৰা ভূতানি, বিল়ারং নাম তং ৰতন্তি.

নাযং সিখা পুঞ্ঞহেতু, ঘাসহেতু অযং সিখা;

নাঙ্গুট্ঠগণনং যাতি, অলং তে হোতু অগ্গিকাতি.

যথা ¶ ¶ ৰাচা চ ভুঞ্জস্সু, যথা ভুত্তঞ্চ ব্যাহর;

উভযং তে ন সমেতি, ৰাচা ভুত্তঞ্চ কোসিযেতি.

কুসনাল়িৰগ্গো [সরিক্খৰগ্গো (ক.)] তেরসমো.

কুসনাল়িসিরিৰ্হযনো চ যসং, দধি মম্ব কটাহকপঞ্চমকো;

অথ পাপক খীর বিল়ারৰতং, সিখি কোসিযসৰ্হযনেন দসাতি.

অসম্পদানেনিতরীতরস্স, বালস্স মিত্তানি কলী ভৰন্তি;

তস্মা হরামি ভুসং অড্ঢমানং, মা মে মিত্তি জীযিত্থ সস্সতাযন্তি.

কুসলূপদেসে ¶ ¶ ধিতিযা দল়্হায চ, অনিৰত্তিতত্তাভযভীরুতায [অৰত্থিতত্তাভযভীরুতায (সী. স্যা. পী.)] চ;

ন রক্খসীনং ৰসমাগমিম্হসে, স সোত্থিভাৰো মহতা ভযেন মেতি.

ভীরুক [পঞ্চগরুক (সী. পী.), পঞ্চভীরুক (স্যা.), অভযভীরুত§(?)] জাতকং দুতিযং.

খেমং যহিং তত্থ অরী উদীরিতো [অরি উদ্ধরিতো (ক.)], দকস্স মজ্ঝে জলতে ঘতাসনো;

ন অজ্জ ৰাসো মহিযা মহীরুহে, দিসা ভজৰ্হো সরণাজ্জ নো ভযন্তি.

যে ¶ সঞ্ঞিনো তেপি দুগ্গতা, যেপি অসঞ্ঞিনো তেপি দুগ্গতা;

এতং উভযং ৰিৰজ্জয, তং ¶ সমাপত্তিসুখং অনঙ্গণন্তি.

চন্দাভং সূরিযাভঞ্চ, যোধ পঞ্ঞায গাধতি.

অৰিতক্কেন ঝানেন, হোতি আভস্সরূপগোতি.

যং ¶ লদ্ধং তেন তুট্ঠব্বং, অতিলোভো হি পাপকো;

হংসরাজং গহেত্ৰান, সুৰণ্ণা পরিহাযথাতি.

যত্থেকো লভতে বব্বু, দুতিযো তত্থ জাযতি;

ততিযো চ চতুত্থো চ, ইদং তে বব্বুকা বিলন্তি.

কিং তে জটাহি দুম্মেধ, কিং তে অজিনসাটিযা;

অব্ভন্তরং ¶ তে গহনং, বাহিরং পরিমজ্জসীতি.

অক্খী ভিন্না পটো নট্ঠো, সখিগেহে চ ভণ্ডনং;

উভতো পদুট্ঠা কম্মন্তা [পদুট্ঠকম্মন্তো (সী.), পদুট্ঠো কম্মন্তো (পী.)], উদকম্হি থলম্হি চাতি.

নিচ্চং ¶ উব্বিগ্গহদযা, সব্বলোকৰিহেসকা;

তস্মা নেসং ৰসা নত্থি, কাকানম্হাক [কাকানস্মাক (সী. স্যা. পী.)] ঞাতিনন্তি.

ইতরীতর ¶ রক্খসি খেমিযো চ, পরোসতপঞ্হেন আভস্সরো পুন;

অথ হংসৰরুত্তমবব্বুজটং, পটনট্ঠক কাকৰরেন দসাতি.

ন ¶ পাপজনসংসেৰী, অচ্চন্তসুখমেধতি;

গোধাকুলং [গোধক্কুলং (ক.)] ককণ্টাৰ [ককণ্টকা (ক.)], কলিং পাপেতি অত্তনন্তি.

এতঞ্হি তে দুরাজানং, যং সেসি মতসাযিকং;

যস্স তে কড্ঢমানস্স, হত্থা দণ্ডো ন মুচ্চতীতি.

লসী চ তে নিপ্ফলিতা, মত্থকো চ পদালিতো [ৰিদালিতো (সী. পী.)];

সব্বা তে ফাসুকা ভগ্গা, অজ্জ খো ত্ৰং ৰিরোচসীতি.

বহুম্পেতং ¶ অসব্ভি [বহুপেতমসব্ভি (ক.)] জাতৰেদ, যং তং ৰালধিনাভিপূজযাম;

মংসারহস্স ¶ নত্থজ্জ মংসং, নঙ্গুট্ঠম্পি ভৰং পটিগ্গহাতূতি.

ন ¶ ত্ৰং রাধ ৰিজানাসি, অড্ঢরত্তে অনাগতে;

অব্যযতং [অব্যাযতং (সী. স্যা. পী.), অব্যত্ততং (?)] ৰিলপসি, ৰিরত্তা কোসিযাযনেতি.

অপি নু হনুকা সন্তা, মুখঞ্চ পরিসুস্সতি;

ওরমাম ন পারেম, পূরতেৰ মহোদধীতি.

নযিদং দুক্খং অদুং দুক্খং, যং মং তুদতি ৰাযসো;

যং সামা পুপ্ফরত্তেন, কত্তিকং নানুভোস্সতীতি.

নাহং ¶ পুনং ন চ পুনং, ন চাপি অপুনপ্পুনং;

হত্থিবোন্দিং পৰেক্খামি, তথা হি ভযতজ্জিতোতি.

একপণ্ণো অযং রুক্খো, ন ভূম্যা চতুরঙ্গুলো;

ফলেন ৰিসকপ্পেন, মহাযং কিং ভৰিস্সতীতি.

অসন্তং ¶ ¶ যো পগ্গণ্হাতি, অসন্তং চূপসেৰতি;

তমেৰ ঘাসং কুরুতে, ব্যগ্ঘো সঞ্জীৰকো যথাতি.

ককণ্টক [পাপসেৰন (ক.)] ৰগ্গো পন্নরসমো.

সুখমেধতি দণ্ডৰরো চ পুন, লসি ৰালধি পঞ্চমরাধৰরো;

সমহোদধি ¶ কত্তিক বোন্দি পুন, চতুরঙ্গুলব্যগ্ঘৰরেন দসাতি.

(উপরিমো পণ্ণাসকো.) [( ) সীহল়পোত্থকেযেৰ দিস্সতি]

অপণ্ণকং সীলৰগ্গকুরুঙ্গ, কুলাৰকং অত্থকামেন পঞ্চমং;

আসীসো ইত্থিৰরুণং অপাযি, লিত্তৰগ্গেন তে দস;

পরোসতং হংচি কুসনাল়ি [হংসি সরিক্খং (সব্বত্থ)], অসম্পদং ককণ্টকৰগ্গো.

দল়্হং ¶ ¶ ¶ দল়্হস্স খিপতি, বল্লিকো [মল্লিকো (সী. পী.)] মুদুনা মুদুং;

সাধুম্পি সাধুনা জেতি, অসাধুম্পি অসাধুনা;

এতাদিসো অযং রাজা, মগ্গা উয্যাহি সারথি.

অক্কোধেন জিনে কোধং, অসাধুং সাধুনা জিনে;

জিনে কদরিযং দানেন, সচ্চেনালিকৰাদিনং;

এতাদিসো অযং রাজা, মগ্গা উয্যাহি সারথীতি.

১৫২. অসমেক্খিতকম্মন্তং, তুরিতাভিনিপাতিনং.

সানি কম্মানি তপ্পেন্তি, উণ্হংৰজ্ঝোহিতং মুখে.

সীহো চ সীহনাদেন, দদ্দরং অভিনাদযি;

সুত্ৰা সীহস্স নিগ্ঘোসং, সিঙ্গালো [সিগালো (সী. স্যা. পী.)] দদ্দরে ৰসং;

ভীতো সন্তাসমাপাদি, হদযঞ্চস্স অপ্ফলীতি.

সিঙ্গালজাতকং [সিগালজাতকং (সী. স্যা. পী.)] দুতিযং.

চতুপ্পদো ¶ অহং সম্ম, ত্ৰম্পি সম্ম চতুপ্পদো;

এহি সম্ম [সীহ (সী. পী.)] নিৰত্তস্সু, কিং নু ভীতো পলাযসি.

অসুচি ¶ পূতিলোমোসি, দুগ্গন্ধো ৰাসি সূকর;

সচে যুজ্ঝিতুকামোসি, জযং সম্ম দদামি তেতি.

ইধূরগানং ¶ পৰরো পৰিট্ঠো, সেলস্স ৰণ্ণেন পমোক্খমিচ্ছং;

ব্রহ্মঞ্চ ৰণ্ণং [ৰক্কং (ক.)] অপচাযমানো, বুভুক্খিতো নো ৰিতরামি [ৰিসহামি (ক. সি. স্যা. পী.)] ভোত্তুং.

সো ব্রহ্মগুত্তো চিরমেৰ জীৰ, দিব্যা চ তে পাতুভৰন্তু ভক্খা;

যো ব্রহ্মৰণ্ণং অপচাযমানো, বুভুক্খিতো নো ৰিতরাসি [সব্বত্থপি সমানং] ভোত্তুন্তি.

জীৰ ¶ ৰস্সসতং ভগ্গ [গগ্গ (সী. পী.)], অপরানি চ ৰীসতিং [ৰীসতি (স্যা. ক.)];

মা মং পিসাচা খাদন্তু, জীৰ ত্ৰং সরদো সতং.

ত্ৰম্পি ৰস্সসতং জীৰ, অপরানি চ ৰীসতিং;

ৰিসং পিসাচা খাদন্তু, জীৰ ত্ৰং সরদো সতন্তি.

অলীনচিত্তং নিস্সায, পহট্ঠা মহতী চমূ;

কোসলং সেনাসন্তুট্ঠং, জীৰগ্গাহং অগাহযি.

এৰং নিস্সযসম্পন্নো, ভিক্খু আরদ্ধৰীরিযো;

ভাৰযং কুসলং ধম্মং, যোগক্খেমস্স পত্তিযা;

পাপুণে অনুপুব্বেন, সব্বসংযোজনক্খযন্তি.

যেন ¶ কামং পণামেতি, ধম্মো বলৰতং মিগী;

উন্নদন্তী ৰিজানাহি, জাতং সরণতো ভযং.

অপি ¶ চেপি দুব্বলো মিত্তো, মিত্তধম্মেসু তিট্ঠতি;

সো ঞাতকো চ বন্ধু চ, সো মিত্তো সো চ মে সখা;

দাঠিনি ¶ মাতিমঞ্ঞিত্থো [মঞ্ঞিৰো (স্যা.), মঞ্ঞৰ্হো (ক.)], সিঙ্গালো মম পাণদোতি.

নযিদং ৰিসমসীলেন, সোণেন সুহনূ সহ;

সুহনূপি তাদিসোযেৰ, যো সোণস্স সগোচরো.

পক্খন্দিনা পগব্ভেন, নিচ্চং সন্দানখাদিনা;

সমেতি পাপং পাপেন, সমেতি অসতা অসন্তি.

উদেতযং চক্খুমা একরাজা, হরিস্সৰণ্ণো পথৰিপ্পভাসো [পঠৰিপ্পভাসো (সী. স্যা. পী.)];

তং তং নমস্সামি হরিস্সৰণ্ণং পথৰিপ্পভাসং, তযাজ্জ গুত্তা ৰিহরেমু দিৰসং.

যে ব্রাহ্মণা ৰেদগূ সব্বধম্মে, তে মে নমো তে চ মং পালযন্তু;

নমত্থু বুদ্ধানং [বুদ্ধান (?)] নমত্থু বোধিযা, নমো ৰিমুত্তানং [ৰিমুত্তান (?)] নমো ৰিমুত্তিযা;

ইমং সো পরিত্তং কত্ৰা, মোরো চরতি এসনা.

অপেতযং ¶ ¶ চক্খুমা একরাজা, হরিস্সৰণ্ণো পথৰিপ্পভাসো;

তং তং নম্মস্সামি হরিস্সৰণ্ণং পথৰিপ্পভাসং, তযাজ্জ গুত্তা ৰিহরেমু রত্তিং.

যে ব্রাহ্মণা ৰেদগূ সব্বধম্মে, তে মে নমো তে চ মং পালযন্তু;

নমত্থু বুদ্ধানং নমত্থু বোধিযা, নমো ৰিমুত্তানং নমো ৰিমুত্তিযা;

ইমং সো পরিত্তং কত্ৰা, মোরো ৰাসমকপ্পযীতি.

এৰমেৰ নূন [নু (ক.)] রাজানং, ৰেদেহং মিথিলগ্গহং;

অস্সা ৰহন্তি আজঞ্ঞা, যথা হংসা ৰিনীলকং.

ৰিনীল ¶ দুগ্গং ভজসি, অভূমিং তাত সেৰসি;

গামন্তকানি [গামন্তিকানি (সী.), গামন্তরানি (ক.)] সেৰস্সু, এতং মাতালযং তৰাতি.

ৰরবল্লিক ¶ দদ্দর সূকরকো, উরগূত্তম পঞ্চমভগ্গৰরো;

মহতীচমু যাৰ সিঙ্গালৰরো, সুহনুত্তম মোর ৰিনীলং দসাতি.

ন ¶ সন্থৰং [সন্ধৰং (ক.)] কাপুরিসেন কযিরা, অরিযো অনরিযেন পজানমত্থং;

চিরানুৰুত্থোপি করোতি পাপং, গজো যথা ইন্দসমানগোত্তং.

যং ত্ৰেৰ জঞ্ঞা সদিসো মমন্তি, সীলেন পঞ্ঞায সুতেন চাপি;

তেনেৰ মেত্তিং কযিরাথ সদ্ধিং, সুখো হৰে সপ্পুরিসেন সঙ্গমোতি.

ন ¶ সন্থৰস্মা পরমত্থি পাপিযো, যো সন্থৰো [সন্ধৰো (ক.)] কাপুরিসেন হোতি;

সন্তপ্পিতো সপ্পিনা পাযসেন [পাযাসেন (ক.)], কিচ্ছাকতং পণ্ণকুটিং অদয্হি [অদড্ঢহি (সী. স্যা.), অদট্ঠহি (পী.), অদদ্দহি (?)].

ন সন্থৰস্মা পরমত্থি সেয্যো, যো সন্থৰো সপ্পুরিসেন হোতি;

সীহস্স ব্যগ্ঘস্স চ দীপিনো চ, সামা মুখং লেহতি সন্থৰেনাতি.

কাল়া মিগা সেতদন্তা তৰীমে [তৰ ইমে (সী. স্যা. পী.)], পরোসতং হেমজালাভিছন্না [হেমজালাভিসঞ্ছন্না (সী.)];

তে তে দদামীতি সুসীম ব্রূসি, অনুস্সরং ¶ পেত্তিপিতামহানং.

কাল়া ¶ ¶ মিগা সেতদন্তা মমীমে [মম ইমে (সী. পী.)], পরোসতং হেমজালাভিচ্ছন্না;

তে তে দদামীতি ৰদামি মাণৰ, অনুস্সরং পেত্তিপিতামহানন্তি.

যং নু গিজ্ঝো যোজনসতং, কুণপানি অৰেক্খতি;

কস্মা জালঞ্চ পাসঞ্চ, আসজ্জাপি ন বুজ্ঝসি.

যদা পরাভৰো হোতি, পোসো জীৰিতসঙ্খযে;

অথ জালঞ্চ পাসঞ্চ, আসজ্জাপি ন বুজ্ঝতীতি.

সন্ধিং কত্ৰা অমিত্তেন, অণ্ডজেন জলাবুজ;

ৰিৰরিয দাঠং সেসি [সযসি (সী. স্যা. পী.)], কুতো তে ভযমাগতং.

সঙ্কেথেৰ [সঙ্কতেৰ (ক.)] অমিত্তস্মিং, মিত্তস্মিম্পি ন ৰিস্সসে;

অভযা ভযমুপ্পন্নং, অপি মূলানি কন্ততীতি [মূলং নিকন্ততীতি (সী.)].

উপসাল়কনামানি [উপসাল়্হকনামানং (সী. স্যা. পী.)], সহস্সানি চতুদ্দস;

অস্মিং পদেসে দড্ঢানি, নত্থি লোকে অনামতং.

যম্হি ¶ সচ্চঞ্চ ধম্মো চ, অহিংসা সংযমো দমো;

এতং অরিযা সেৰন্তি, এতং লোকে অনামতন্তি.

অভুত্ৰা ¶ ভিক্খসি ভিক্খু, ন হি ভুত্ৰান ভিক্খসি;

ভুত্ৰান ভিক্খু ভিক্খস্সু, মা তং কালো উপচ্চগা.

কালং ¶ ৰোহং ন জানামি, ছন্নো কালো ন দিস্সতি;

তস্মা অভুত্ৰা ভিক্খামি, মা মং কালো উপচ্চগাতি.

সেনো বলসা পতমানো, লাপং গোচরঠাযিনং;

সহসা অজ্ঝপ্পত্তোৰ, মরণং তেনুপাগমি.

সোহং নযেন সম্পন্নো, পেত্তিকে গোচরে রতো;

অপেতসত্তু মোদামি, সম্পস্সং অত্থমত্তনোতি.

যো ৰে মেত্তেন চিত্তেন, সব্বলোকানুকম্পতি;

উদ্ধং ¶ অধো চ তিরিযং, অপ্পমাণেন সব্বসো.

অপ্পমাণং হিতং চিত্তং, পরিপুণ্ণং সুভাৰিতং;

যং পমাণকতং কম্মং, ন তং তত্রাৰসিস্সতীতি.

নাযং পুরে উণ্ণমতি [উন্নমতি (স্যা.)], তোরণগ্গে ককণ্টকো;

মহোসধ ৰিজানাহি, কেন থদ্ধো ককণ্টকো.

অলদ্ধপুব্বং লদ্ধান, অড্ঢমাসং ককণ্টকো;

অতিমঞ্ঞতি রাজানং, ৰেদেহং মিথিলগ্গহন্তি.

অথ ¶ ইন্দসমান সপণ্ণকুটি, সুসিমুত্তম গিজ্ঝ জলাবুজকো;

উপসাল়ক ভিক্খু সলাপৰরো, অথ মেত্তৰরো দসপুণ্ণমতীতি.

কল্যাণধম্মোতি ¶ ¶ যদা জনিন্দ, লোকে সমঞ্ঞং অনুপাপুণাতি;

তস্মা ন হিয্যেথ [হীযেথ (সী.)] নরো সপঞ্ঞো, হিরিযাপি সন্তো ধুরমাদিযন্তি.

সাযং সমঞ্ঞা ইধ মজ্জ পত্তা, কল্যাণধম্মোতি জনিন্দ লোকে;

তাহং সমেক্খং ইধ পব্বজিস্সং, ন হি মত্থি ছন্দো ইধ কামভোগেতি.

কো নু সদ্দেন মহতা, অভিনাদেতি দদ্দরং;

তং সীহা নপ্পটিনদন্তি [কিং সীহা নপ্পটিনদন্তি (সী. পী.), ন সীহা পটিনদন্তি (ক.)], কো নামেসো মিগাধিভূ.

অধমো মিগজাতানং, সিঙ্গালো তাত ৰস্সতি;

জাতিমস্স জিগুচ্ছন্তা, তুণ্হী সীহা সমচ্ছরেতি.

তাত ¶ ¶ মাণৰকো এসো, তালমূলং অপস্সিতো;

অগারকঞ্চিদং অত্থি, হন্দ দেমস্সগারকং.

মা খো ত্ৰং তাত পক্কোসি, দূসেয্য নো অগারকং;

নেতাদিসং মুখং হোতি, ব্রাহ্মণস্স সুসীলিনোতি.

অদম্হ তে ৰারি পহূতরূপং, ঘম্মাভিতত্তস্স পিপাসিতস্স;

সো দানি পিত্ৰান [পীত্ৰান (সী. পী.)] কিরিঙ্করোসি [কিকিংকরোসি (সী. স্যা. পী.)], অসঙ্গমো পাপজনেন সেয্যো.

কো তে সুতো ৰা দিট্ঠো ৰা, সীলৰা নাম মক্কটো;

ইদানি খো তং ওহচ্ছং [ঊহচ্চ (সী. পী.), ওহচ্চং (স্যা.), উহজ্জং (ক.)], এসা অস্মাক ধম্মতাতি.

সব্বেসু ¶ কির ভূতেসু, সন্তি সীলসমাহিতা;

পস্স সাখামিগং জম্মং, আদিচ্চমুপতিট্ঠতি.

নাস্স সীলং ৰিজানাথ, অনঞ্ঞায পসংসথ;

অগ্গিহুত্তঞ্চ ¶ উহন্নং [ঊহন্তং (সী.), ঊহনং (স্যা.), ঊহন্তি (পী.), উহদং (ক.)], দ্ৰে চ ভিন্না কমণ্ডলূতি.

বালো ¶ ৰতাযং দুমসাখগোচরো, পঞ্ঞা জনিন্দ নযিমস্স ৰিজ্জতি;

কল়াযমুট্ঠিং [কলাযমুট্ঠিং (সী. পী.)] অৰকিরিয কেৰলং, একং কল়াযং পতিতং গৰেসতি.

এৰমেৰ মযং রাজ, যে চঞ্ঞে অতিলোভিনো;

অপ্পেন বহুং জিয্যাম, কল়াযেনেৰ ৰানরোতি.

ধনুহত্থকলাপেহি, নেত্তিং সৰরধারিভি;

সমন্তা পরিকিণ্ণম্হ, কথং মোক্খো ভৰিস্সতি.

অপ্পেৰ বহুকিচ্চানং, অত্থো জাযেথ কোচি নং;

অত্থি রুক্খস্স অচ্ছিন্নং, খজ্জথঞ্ঞেৰ তিন্দুকন্তি.

জনিত্তং ¶ মে ভৰিত্তং মে, ইতি পঙ্কে অৰস্সযিং;

তং মং পঙ্কো অজ্ঝভৰি, যথা দুব্বলকং তথা;

তং তং ৰদামি ভগ্গৰ, সুণোহি ৰচনং মম.

গামে ৰা যদি ৰা রঞ্ঞে, সুখং যত্রাধিগচ্ছতি;

তং জনিত্তং ভৰিত্তঞ্চ, পুরিসস্স পজানতো;

যম্হি জীৰে তম্হি গচ্ছে, ন নিকেতহতো সিযাতি.

তঞ্চ ¶ অপ্পঞ্চ উচ্ছিট্ঠং, তঞ্চ কিচ্ছেন নো অদা;

সোহং ব্রাহ্মণজাতিকো, যং ভুত্তং তম্পি উগ্গতং.

এৰং ¶ ধম্মং নিরংকত্ৰা [নিরাকত্ৰা (?) নি + আ + কর + ত্ৰা], যো অধম্মেন জীৰতি;

সতধম্মোৰ লাভেন, লদ্ধেনপি ন নন্দতীতি.

দুদ্দদং দদমানানং, দুক্করং কম্ম কুব্বতং;

অসন্তো নানুকুব্বন্তি, সতং ধম্মো দুরন্নযো.

তস্মা সতঞ্চ অসতং, নানা হোতি ইতো গতি;

অসন্তো ¶ নিরযং যন্তি, সন্তো সগ্গপরাযণাতি [পরাযনা (স্যা. ক.)].

সুসমঞ্ঞমিগাধিভূ মাণৰকো, ৰারিপহূতরূপাদিচ্চুপট্ঠানা;

সকল়াযসতিন্দুকপঙ্ক পুন, সতধম্ম সুদুদ্দদকেন দসাতি.

ধনুগ্গহো অসদিসো, রাজপুত্তো মহব্বলো;

দূরেপাতী অক্খণৰেধী, মহাকাযপ্পদালনো.

সব্বামিত্তে রণং কত্ৰা, ন চ কঞ্চি ৰিহেঠযি;

ভাতরং সোত্থিং কত্ৰান, সংযমং অজ্ঝুপাগমীতি.

সঙ্গামাৰচরো ¶ ¶ সূরো, বলৰা ইতি ৰিস্সুতো;

কিং ¶ নু তোরণমাসজ্জ, পটিক্কমসি কুঞ্জর.

ওমদ্দ খিপ্পং পলিঘং, এসিকানি চ অব্বহ [উব্বহ (স্যা.), অব্ভুহ (ক.)];

তোরণানি চ মদ্দিত্ৰা, খিপ্পং পৰিস কুঞ্জরাতি.

ৰালোদকং অপ্পরসং নিহীনং, পিত্ৰা [পীত্ৰা (সী. পী.)] মদো জাযতি গদ্রভানং;

ইমঞ্চ পিত্ৰান রসং পণীতং, মদো ন সঞ্জাযতি সিন্ধৰানং.

অপ্পং পিৰিত্ৰান নিহীনজচ্চো, সো মজ্জতী তেন জনিন্দ পুট্ঠো [ফুট্ঠো (সী. স্যা.), মুট্ঠো (ক.)];

ধোরয্হসীলী চ কুলম্হি জাতো, ন মজ্জতী অগ্গরসং পিৰিত্ৰাতি.

দূসিতো গিরিদত্তেন [গিরিদন্তেন (পী.)], হযো সামস্স পণ্ডৰো;

পোরাণং পকতিং হিত্ৰা, তস্সেৰানুৰিধিয্যতি [নুৰিধীযতি (সী. পী.)].

সচে ¶ চ তনুজো পোসো, সিখরাকার [সিঙ্গারাকার (স্যা.)] কপ্পিতো;

আননে নং [তং (সী. স্যা. পী.)] গহেত্ৰান, মণ্ডলে পরিৰত্তযে;

খিপ্পমেৰ পহন্ত্ৰান, তস্সেৰানুৰিধিয্যতীতি.

যথোদকে ¶ আৰিলে অপ্পসন্নে, ন পস্সতি সিপ্পিকসম্বুকঞ্চ;

সক্খরং ৰালুকং মচ্ছগুম্বং, এৰং আৰিলম্হি [আৰিলে হি (সী.)] চিত্তে;

যথোদকে ¶ অচ্ছে ৰিপ্পসন্নে, সো পস্সতি সিপ্পিকসম্বুকঞ্চ;

সক্খরং ৰালুকং মচ্ছগুম্বং, এৰং অনাৰিলম্হি চিত্তে;

সো পস্সতি অত্তদত্থং পরত্থন্তি.

ৰণ্ণগন্ধরসূপেতো ¶ , অম্বোযং অহুৰা পুরে;

তমেৰ পূজং লভমানো, কেনম্বো কটুকপ্ফলো.

পুচিমন্দপরিৰারো, অম্বো তে দধিৰাহন;

মূলং মূলেন সংসট্ঠং, সাখা সাখা [সাখং (স্যা. ক.)] নিসেৰরে [নিৰীসরে (ক.)];

অসাতসন্নিৰাসেন, তেনম্বো কটুকপ্ফলোতি.

উচ্চে ৰিটভিমারুয্হ, মন্তযৰ্হো রহোগতা;

নীচে ওরুয্হ মন্তৰ্হো, মিগরাজাপি সোস্সতি.

যং সুৰণ্ণো সুৰণ্ণেন [যং সুপণ্ণো সুপণ্ণেন (সী. স্যা. পী.)], দেৰো দেৰেন মন্তযে;

কিং তেত্থ চতুমট্ঠস্স, বিলং পৰিস জম্বুকাতি.

সীহঙ্গুলী ¶ সীহনখো, সীহপাদপতিট্ঠিতো;

সো সীহো সীহসঙ্ঘম্হি, একো নদতি অঞ্ঞথা.

মা ¶ ত্ৰং নদি রাজপুত্ত, অপ্পসদ্দো ৰনে ৰস;

সরেন খো [মা (ক.)] তং জানেয্যুং, ন হি তে পেত্তিকো সরোতি.

নেতং সীহস্স নদিতং, ন ব্যগ্ঘস্স ন [ব্যগ্ঘস্স ন চ (ক.)] দীপিনো;

পারুতো সীহচম্মেন, জম্মো নদতি গদ্রভো.

চিরম্পি ¶ খো তং খাদেয্য, গদ্রভো হরিতং যৰং;

পারুতো সীহচম্মেন, রৰমানোৰ দূসযীতি.

পস্স সদ্ধায সীলস্স, চাগস্স চ অযং ফলং;

নাগো নাৰায ৰণ্ণেন, সদ্ধং ৰহতুপাসকং.

সব্ভিরেৰ সমাসেথ, সব্ভি কুব্বেথ সন্থৰং;

সতঞ্হি সন্নিৰাসেন, সোত্থিং গচ্ছতি ন্হাপিতোতি.

ধনুগ্গহ ¶ কুঞ্জর অপ্পরসো, গিরিদত্তমনাৰিলচিত্তৰরং;

দধিৰাহন জম্বূক সীহনখো, হরিতযৰ নাগৰরেন দসাতি.

অপি ¶ [অম্ভো (স্যা. ক. সী.)] রুহক ছিন্নাপি, জিযা সন্ধীযতে পুন;

সন্ধীযস্সু পুরাণিযা, মা কোধস্স ৰসং গমি.

ৰিজ্জমানেসু ৰাকেসু [ৰিজ্জমানাসু মরুৰাসু (সী.), ৰিজ্জমানাসু মরূদ্ৰাসু (পী.)], ৰিজ্জমানেসু কারিসু;

অঞ্ঞং জিযং করিস্সামি, অলঞ্ঞেৰ পুরাণিযাতি.

ইত্থী সিযা রূপৰতী, সা চ সীলৰতী সিযা;

পুরিসো তং ন ইচ্ছেয্য, সদ্দহাসি মহোসধ.

সদ্দহামি ¶ মহারাজ, পুরিসো দুব্ভগো সিযা;

সিরী ¶ চ কাল়কণ্ণী চ, ন সমেন্তি কুদাচনন্তি.

অযমেৰ সা অহমপি [অহম্পি (সী. স্যা. পী.), অহস্মি (ক.)] সো অনঞ্ঞো, অযমেৰ সো হত্থচ্ছিন্নো অনঞ্ঞো;

যমাহ ‘‘কোমারপতী মম’’ন্তি, ৰজ্ঝিত্থিযো নত্থি ইত্থীসু সচ্চং.

ইমঞ্চ জম্মং মুসলেন হন্ত্ৰা, লুদ্দং ছৰং পরদারূপসেৰিং;

ইমিস্সা চ নং পাপপতিব্বতায, জীৰন্তিযা ছিন্দথ কণ্ণনাসন্তি.

ন ¶ সন্তি দেৰা পৰসন্তি নূন, ন হি নূন সন্তি ইধ লোকপালা;

সহসা করোন্তানমসঞ্ঞতানং, ন হি নূন সন্তী পটিসেধিতারো.

অকালে ৰস্সতী তস্স, কালে তস্স ন ৰস্সতি;

সগ্গা ¶ চ চৰতি ঠানা, ননু সো তাৰতা হতোতি.

পব্বতূপত্থরে [পব্বতপত্থরে (সী. স্যা. পী.)] রম্মে, জাতা পোক্খরণী সিৰা;

তং সিঙ্গালো অপাপাযি [অপাপাসি (সী. স্যা. পী.)], জানং সীহেন রক্খিতং.

পিৰন্তি চে [পিৰন্তি ৰে (সী.), পিৰন্তিৰ (পী.), পিৰন্তেৰ (?)] মহারাজ, সাপদানি মহানদিং;

ন তেন অনদী হোতি, খমস্সু যদি তে পিযাতি.

পব্বতূপত্থর [পব্বতপত্থর (সী. স্যা. পী.)] জাতকং পঞ্চমং.

যে ন কাহন্তি ওৰাদং, নরা বুদ্ধেন দেসিতং;

ব্যসনং তে গমিস্সন্তি, রক্খসীহিৰ ৰাণিজা.

যে ¶ চ কাহন্তি ওৰাদং, নরা বুদ্ধেন দেসিতং;

সোত্থিং পারং গমিস্সন্তি, ৰলাহেনেৰ [ৰালাহেনেৰ (সী. পী.)] ৰাণিজাতি.

ৰলাহকস্স [ৰালাহস্স (সী. পী.)] জাতকং ছট্ঠং.

ন নং উম্হযতে দিস্ৰা, ন চ নং পটিনন্দতি;

চক্খূনি চস্স ন দদাতি, পটিলোমঞ্চ ৰত্ততি.

এতে ¶ ¶ ভৰন্তি আকারা, অমিত্তস্মিং পতিট্ঠিতা;

যেহি অমিত্তং জানেয্য, দিস্ৰা সুত্ৰা চ পণ্ডিতোতি.

পৰাসা আগতো তাত, ইদানি নচিরাগতো;

কচ্চিন্নু তাত তে মাতা, ন অঞ্ঞমুপসেৰতি.

ন খো পনেতং সুভণং, গিরং সচ্চুপসংহিতং;

সযেথ পোট্ঠপাদোৰ, মুম্মুরে [মুম্মুরে (স্যা.), মং পুরে (ক.) মুম্মুরসদ্দো থুসগ্গিম্হি কুক্কুল়ে চ ৰত্ততীতি সক্কতাভিধানেসু] উপকূথিতোতি [উপকূসিতোতি (সী. স্যা. পী.), উপকূলিতো (ক.)].

উভযং মে ন খমতি, উভযং মে ন রুচ্চতি;

যাচাযং কোট্ঠমোতিণ্ণা, নাদ্দসং ইতি ভাসতি.

তং তং গামপতি ব্রূমি, কদরে অপ্পস্মি জীৰিতে;

দ্ৰে মাসে সঙ্গরং কত্ৰা [কারং কত্ৰান (সী. পী.), সংকরং কত্ৰা (ক.)], মংসং জরগ্গৰং কিসং;

অপ্পত্তকালে চোদেসি, তম্পি ময্হং ন রুচ্চতীতি.

সরীরদব্যং ¶ ৰুড্ঢব্যং [ৰদ্ধব্যং (সী. পী.)], সোজচ্চং সাধুসীলিযং;

ব্রাহ্মণং তেৰ পুচ্ছাম, কন্নু তেসং ৰনিম্হসে [ৰণিম্হসে (সী. পী.)].

অত্থো ¶ অত্থি সরীরস্মিং, ৰুড্ঢব্যস্স নমো করে;

অত্থো অত্থি সুজাতস্মিং, সীলং অস্মাক রুচ্চতীতি.

অপিরুহক ¶ রূপৰতী মুসলো, পৰসন্তি সপঞ্চমপোক্খরণী;

অথ মুত্তিমৰাণিজ উম্হযতে, চিরআগত কোট্ঠ সরীর দসাতি.

ন তং দল়্হং বন্ধনমাহু ধীরা, যদাযসং দারুজপব্বজঞ্চ [বব্বজঞ্চ (সী.)];

সারত্তরত্তা মণিকুণ্ডলেসু, পুত্তেসু ¶ দারেসু চ যা অপেক্খা.

এতং দল়্হং বন্ধনমাহু ধীরা, ওহারিনং সিথিলং দুপ্পমুঞ্চং;

এতম্পি ছেত্ৰান ৰজন্তি ধীরা, অনপেক্খিনো কামসুখং পহাযাতি.

হংসা কোঞ্চা মযূরা চ, হত্থযো [হত্থিনো (সী.), হত্থিযো (স্যা. পী.)] পসদা মিগা;

সব্বে সীহস্স ভাযন্তি, নত্থি কাযস্মি তুল্যতা.

এৰমেৰ মনুস্সেসু, দহরো চেপি পঞ্ঞৰা;

সো হি তত্থ মহা হোতি, নেৰ বালো সরীরৰাতি.

ৰিরূপক্খেহি মে মেত্তং, মেত্তং এরাপথেহি মে;

ছব্যাপুত্তেহি মে মেত্তং, মেত্তং কণ্হাগোতমকেহি চ.

অপাদকেহি ¶ ¶ মে মেত্তং, মেত্তং দ্ৰিপাদকেহি মে;

চতুপ্পদেহি মে মেত্তং, মেত্তং বহুপ্পদেহি মে.

মা ¶ মং অপাদকো হিংসি, মা মং হিংসি দ্ৰিপাদকো;

মা মং চতুপ্পদো হিংসি, মা মং হিংসি বহুপ্পদো.

সব্বে সত্তা সব্বে পাণা, সব্বে ভূতা চ কেৰলা;

সব্বে ভদ্রানি পস্সন্তু, মা কঞ্চি [কিঞ্চি (স্যা. ক.)] পাপমাগমা.

অপ্পমাণো বুদ্ধো, অপ্পমাণো ধম্মো;

অপ্পমাণো সঙ্ঘো, পমাণৰন্তানি সরীসপানি [সিরিসপানি (সী. স্যা. পী.)];

অহিৰিচ্ছিকসতপদী, উণ্ণনাভি [উণ্ণানাভি (সী. স্যা. পী.)] সরবূমূসিকা.

কতা মে রক্খা কতা মে পরিত্তা, পটিক্কমন্তু ভূতানি;

সোহং নমো ভগৰতো, নমো সত্তন্নং সম্মাসম্বুদ্ধানন্তি.

অপি ৰীরক পস্সেসি, সকুণং মঞ্জুভাণকং;

মযূরগীৰসঙ্কাসং, পতিং ময্হং সৰিট্ঠকং.

উদকথলচরস্স পক্খিনো, নিচ্চং আমকমচ্ছভোজিনো;

তস্সানুকরং সৰিট্ঠকো, সেৰালে পলিগুণ্ঠিতো মতোতি.

সোভতি মচ্ছো গঙ্গেয্যো, অথো সোভতি যামুনো [সোভন্তি মচ্ছা গঙ্গেয্যা, অথো সোভন্তি যামুনা (স্যা. পী.)];

চতুপ্পদোযং ¶ পুরিসো, নিগ্রোধপরিমণ্ডলো;

ঈসকাযত [ঈসমাযত (ক.)] গীৰো চ, সব্বেৰ অতিরোচতি.

যং ¶ পুচ্ছিতো ন তং অক্খাসি [অক্খা (সী. স্যা. পী.)], অঞ্ঞং অক্খাসি [অক্খাতি (স্যা. পী.)] পুচ্ছিতো;

অত্তপ্পসংসকো পোসো, নাযং অস্মাক রুচ্চতীতি.

ইঙ্ঘ ¶ ৰদ্ধমযং [ৰদ্ধমযং (সী. স্যা. পী.)] পাসং, ছিন্দ দন্তেহি কচ্ছপ;

অহং তথা করিস্সামি, যথা নেহিতি লুদ্দকো.

কচ্ছপো পাৰিসী ৰারিং, কুরুঙ্গো পাৰিসী ৰনং;

সতপত্তো দুমগ্গম্হা, দূরে পুত্তে অপানযীতি.

অযমস্সকরাজেন, দেসো ৰিচরিতো মযা;

অনুকাময কামেন [অনুকামযৰনুকামেন (সী. পী.)], পিযেন পতিনা সহ.

নৰেন সুখদুক্খেন, পোরাণং অপিধীযতি [অপিথীযতি (সী. পী.), অপিথিয্যতি (স্যা.)];

তস্মা অস্সকরঞ্ঞাৰ, কীটো পিযতরো মমাতি.

অলং ¶ মেতেহি অম্বেহি, জম্বূহি পনসেহি চ;

যানি পারং সমুদ্দস্স, ৰরং ময্হং উদুম্বরো.

মহতী ৰত তে বোন্দি, ন চ পঞ্ঞা তদূপিকা;

সুসুমার [সুংসুমার (সী. স্যা. পী.)] ৰঞ্চিতো মেসি, গচ্ছ দানি যথাসুখন্তি.

দিট্ঠা ¶ মযা ৰনে রুক্খা, অস্সকণ্ণা ৰিভীটকা [ৰিভেদকা (স্যা. ক.)];

ন তানি এৰং সক্কন্তি, যথা ত্ৰং রুক্খ সক্কসি.

পুরাণকুক্কুটো [কক্করো (সী. স্যা. পী.)] অযং, ভেত্ৰা পঞ্জরমাগতো;

কুসলো ৰাল়পাসানং, অপক্কমতি ভাসতীতি.

কুক্কুট [কক্কর (সী. স্যা. পী.)] জাতকং নৰমং.

অম্ভো ¶ কো নাম যং রুক্খো, সিন্নপত্তো [সীনপত্তো (সী. পী.)] সকণ্টকো;

যত্থ একপ্পহারেন, উত্তমঙ্গং ৰিভিজ্জিতং [ৰিসাটিকং (সী. স্যা. পী.), ৰিঘাটিতং (সী. নিয্য)].

অচারি ৰতাযং ৰিতুদং ৰনানি, কট্ঠঙ্গরুক্খেসু অসারকেসু;

অথাসদা ¶ খদিরং জাতসারং [জাতিসারং (ক.)], যত্থব্ভিদা গরুল়ো উত্তমঙ্গন্তি.

দল়্হবন্ধন হংসৰরো চ পুন, ৰিরূপক্খ সৰিট্ঠক মচ্ছৰরো;

সকুরুঙ্গ সঅস্সক অম্বৰরো, পুন কুক্কুটকো গরুল়েন দসাতি.

অকাসি যোগ্গং ধুৰমপ্পমত্তো, সংৰচ্ছরং বীরণথম্ভকস্মিং;

ব্যাকাসি সঞ্ঞং পরিসং ৰিগয্হ, ন নিয্যমো তাযতি অপ্পপঞ্ঞং.

দ্ৰযং ¶ যাচনকো তাত, সোমদত্ত নিগচ্ছতি;

অলাভং ¶ ধনলাভং ৰা, এৰং ধম্মা হি যাচনাতি.

অঞ্ঞো উপরিমো ৰণ্ণো, অঞ্ঞো ৰণ্ণো চ হেট্ঠিমো;

ব্রাহ্মণী ত্ৰেৰ পুচ্ছামি, কিং হেট্ঠা কিঞ্চ উপ্পরি.

অহং নটোস্মি ভদ্দন্তে, ভিক্খকোস্মি ইধাগতো;

অযঞ্হি কোট্ঠমোতিণ্ণো, অযং সো যং [ত্ৰং (ক.)] গৰেসসীতি.

ইসীনমন্তরং ¶ কত্ৰা, ভরুরাজাতি [কুরুরাজাতি (ক.)] মে সুতং;

উচ্ছিন্নো সহ রট্ঠেহি [রট্ঠেন (সী. পী.)], সরাজা ৰিভৰঙ্গতো.

তস্মা হি ছন্দাগমনং, নপ্পসংসন্তি পণ্ডিতা;

অদুট্ঠচিত্তো ভাসেয্য, গিরং সচ্চুপসংহিতন্তি.

পুণ্ণং নদিং যেন চ পেয্যমাহু, জাতং ¶ যৰং যেন চ গুয্হমাহু;

দূরং গতং যেন চ অৰ্হযন্তি, সো ত্যাগতো [ত্যাভতো (স্যা. ক.) পহেল়িগাথাভাৰো মনসি কাতব্বো] হন্দ চ ভুঞ্জ ব্রাহ্মণ.

যতো মং সরতী রাজা, ৰাযসম্পি পহেতৰে;

হংসা কোঞ্চা মযূরা চ [হংসকোঞ্চমযূরানং (ক. অট্ঠ. পাঠন্তরং)], অসতীযেৰ পাপিযাতি.

অৰধী ¶ ৰত অত্তানং, কচ্ছপো ব্যাহরং গিরং [কচ্ছপোৰ পব্যাহরং (স্যা.), কচ্ছপো সো পব্যাহরং (ক.)];

সুগ্গহীতস্মিং কট্ঠস্মিং, ৰাচায সকিযাৰধি.

এতম্পি দিস্ৰা নরৰীরিযসেট্ঠ, ৰাচং পমুঞ্চে কুসলং নাতিৰেলং;

পস্সসি বহুভাণেন, কচ্ছপং ব্যসনং গতন্তি.

ন মাযমগ্গি তপতি, ন সূলো সাধুতচ্ছিতো;

যঞ্চ মং মঞ্ঞতে মচ্ছী, অঞ্ঞং সো রতিযা গতো.

সো ¶ মং দহতি রাগগ্গি, চিত্তং চূপতপেতি মং;

জালিনো মুঞ্চথাযিরা মং, ন কামে হঞ্ঞতে ক্ৰচীতি.

সব্বো ¶ লোকো অত্তমনো অহোসি, অকোৰিদা গামধম্মস্স সেগ্গু;

কোমারি কো নাম [কোমারিকা নাম (ক.), কোমারিকো নাম (স্যা. পী.)] তৰজ্জ ধম্মো, যং ত্ৰং গহিতা পৰনে পরোদসি.

যো দুক্খফুট্ঠায ভৰেয্য তাণং, সো মে পিতা দুব্ভি ৰনে করোতি;

সা কস্স কন্দামি ৰনস্স মজ্ঝে, যো তাযিতা সো সহসং করোতীতি.

সঠস্স ¶ সাঠেয্যমিদং সুচিন্তিতং, পচ্চোড্ডিতং পটিকূটস্স কূটং;

ফালঞ্চে খাদেয্যুং [অদেয্যুং (সী. পী.)] মূসিকা, কস্মা কুমারং কুললা ন [নো (সী. স্যা. পী.)] হরেয্যুং.

কূটস্স ¶ হি সন্তি [সন্তীধ (ক.)] কূটকূটা, ভৰতি [ভৰন্তি (ক.)] চাপি নিকতিনো নিকত্যা;

দেহি পুত্তনট্ঠ ফালনট্ঠস্স ফালং, মা তে পুত্তমহাসি ফালনট্ঠোতি.

হিরঞ্ঞং মে সুৰণ্ণং মে, এসা রত্তিং দিৰা কথা;

দুম্মেধানং মনুস্সানং, অরিযধম্মং অপস্সতং.

দ্ৰে দ্ৰে গহপতযো গেহে, একো তত্থ অমস্সুকো;

লম্বত্থনো ৰেণিকতো, অথো অঙ্কিতকণ্ণকো;

কীতো ধনেন বহুনা, সো তং ৰিতুদতে জনন্তি.

সুখং জীৰিতরূপোসি, রট্ঠা ৰিৰনমাগতো;

সো এককো রুক্খমূলে [অরঞ্ঞস্মিং (সী. স্যা. পী.)], কপণো ৰিয ঝাযসি.

সুখং ¶ জীৰিতরূপোস্মি, রট্ঠা ৰিৰনমাগতো;

সো এককো রুক্খমূলে, কপণো ৰিয ঝাযামি;

অথ ¶ বীরণথম্ভৰরো চ নটো, ভরুরাজৰরুত্তমপুণ্ণনদী;

বহুভাণি অগ্গিপৰনে মূসিকা, সহলম্বত্থনো কপণেন দসাতি.

অনিক্কসাৰো কাসাৰং, যো ৰত্থং পরিদহিস্সতি [পরিদহেস্সতি (সী. পী.)];

অপেতো দমসচ্চেন, ন সো কাসাৰমরহতি.

যো চ ৰন্তকসাৰস্স, সীলেসু সুসমাহিতো;

উপেতো দমসচ্চেন, স ৰে কাসাৰমরহতীতি.

ইদং ¶ তদাচরিযৰচো, পারাসরিযো যদব্রৰি [পোরাণাচরিযোব্রৰি (ক.)];

মাসু ত্ৰং অকরি [অকরা (সী. পী.)] পাপং, যং ত্ৰং পচ্ছা কতং তপে.

যানি করোতি পুরিসো, তানি অত্তনি পস্সতি;

কল্যাণকারী কল্যাণং, পাপকারী চ পাপকং;

যাদিসং ৰপতে বীজং, তাদিসং হরতে ফলন্তি.

নমে ¶ নমন্তস্স ভজে ভজন্তং, কিচ্চানুকুব্বস্স করেয্য কিচ্চং;

নানত্থকামস্স করেয্য অত্থং, অসম্ভজন্তম্পি ন সম্ভজেয্য.

চজে ¶ চজন্তং ৰনথং ন কযিরা, অপেতচিত্তেন ন সম্ভজেয্য;

দিজো দুমং খীণফলন্তি ঞত্ৰা, অঞ্ঞং সমেক্খেয্য মহা হি লোকোতি.

যস্সেতে ¶ চতুরো ধম্মা, ৰানরিন্দ যথা তৰ;

সচ্চং ধম্মো ধিতি চাগো, দিট্ঠং সো অতিৰত্ততি.

যস্স চেতে ন ৰিজ্জন্তি, গুণা পরমভদ্দকা;

সচ্চং ধম্মো ধিতি চাগো, দিট্ঠং সো নাতিৰত্ততীতি.

অত্থি মে পুরিসো দেৰ, সব্বকিচ্চেসু ব্যাৰটো [ৰাৰটো (ক.)];

তস্স চেকোপরাধত্থি, তত্থ ত্ৰং কিন্তি মঞ্ঞসি.

অম্হাকম্পত্থি পুরিসো, এদিসো ইধ ৰিজ্জতি;

দুল্লভো অঙ্গসম্পন্নো, খন্তিরস্মাক রুচ্চতীতি.

কালে নিক্খমনা সাধু, নাকালে সাধু নিক্খমো;

অকালেন হি নিক্খম্ম, এককম্পি বহুজ্জনো;

ন কিঞ্চি অত্থং জোতেতি, ধঙ্কসেনাৰ কোসিযং.

ধীরো চ ৰিধিৰিধানঞ্ঞূ, পরেসং ৰিৰরানুগূ;

সব্বামিত্তে ¶ ৰসীকত্ৰা, কোসিযোৰ সুখী সিযাতি.

সূরো ¶ ¶ সূরেন সঙ্গম্ম, ৰিক্কন্তেন পহারিনা;

এহি নাগ নিৰত্তস্সু, কিং নু ভীতো পলাযসি;

পস্সন্তু অঙ্গমগধা, মম তুয্হঞ্চ ৰিক্কমং.

ন তং পাদা ৰধিস্সামি, ন দন্তেহি ন সোণ্ডিযা;

মীল়্হেন তং ৰধিস্সামি, পূতি হঞ্ঞতু পূতিনাতি.

তযো গিরিং অন্তরং কামযামি, পঞ্চালা কুরুযো কেককে চ [কুরযো কেকযে চ (সী.)];

ততুত্তরিং [তদুত্তরিং (ক.)] ব্রাহ্মণ কামযামি, তিকিচ্ছ মং ব্রাহ্মণ কামনীতং.

কণ্হাহিদট্ঠস্স করোন্তি হেকে, অমনুস্সপৰিট্ঠস্স [অমনুস্সৰদ্ধস্স (সী. পী.), অমনুস্সৰিট্ঠস্স (স্যা.)] করোন্তি পণ্ডিতা;

ন কামনীতস্স করোতি কোচি, ওক্কন্তসুক্কস্স ¶ হি কা তিকিচ্ছাতি.

গজগ্গমেঘেহি হযগ্গমালিভি, রথূমিজাতেহি সরাভিৰস্সেভি [সরাভিৰস্সভি (স্যা. সী. অট্ঠ.), সরাভিৰস্সিভি (?)];

থরুগ্গহাৰট্ট [ধনুগ্গহাৰট্ট (ক.)] দল়্হপ্পহারিভি, পরিৰারিতা তক্কসিলা সমন্ততো.

[অভিধাৰথা চ পতথা চ, ৰিৰিধৰিনদিতা চ দন্তিভি; ৰত্ততজ্জ তুমুলো ঘোসো, যথা ৰিজ্জুতা জলধরস্স গজ্জতোতি; (সী. পী. ক.)] অভিধাৰথ ¶ চূপধাৰথ চ [অভিধাৰথা চুপ্পতথা চ (স্যা.)], ৰিৰিধা ৰিনাদিতা [ৰিনাদিতত্থ (ক.)] ৰদন্তিভি;

ৰত্ততজ্জ তুমুলো ঘোসো যথা, ৰিজ্জুলতা জলধরস্স গজ্জতোতি [অভিধাৰথা চ পতথা চ, ৰিৰিধৰিনদিতা চ দন্তিভি; ৰত্ততজ্জ তুমুলো ঘোসো, যথা ৰিজ্জুতা জলধরস্স গজ্জতোতি; (সী. পী. ক.)].

ধজমপরিমিতং অনন্তপারং, দুপ্পসহংধঙ্কেহি সাগরংৰ [সাগরমিৰ (সী. স্যা. পী.)];

গিরিমিৰঅনিলেন দুপ্পসয্হো [দুপ্পসহো (সী. পী. ক.)], দুপ্পসহো অহমজ্জতাদিসেন.

মা ¶ বালিযং ৰিলপি [ৰিপ্পলপি (বহূসু)] ন হিস্স তাদিসং, ৰিডয্হসে [ৰিল়য্হসে (সী. পী.)] ন হি লভসে নিসেধকং;

আসজ্জসি গজমিৰ একচারিনং, যো তং পদা নল়মিৰ পোথযিস্সতীতি.

ৰরৰত্থৰচো ¶ দুমখীণফলং, চতুরোধম্মৰরং পুরিসুত্তম;

ধঙ্কমগধা চ তযোগিরিনাম, গজগ্গৰরো ধজৰরেন দসাতি.

যথাপি ¶ কীতা পুরিসস্সুপাহনা, সুখস্স অত্থায দুখং উদব্বহে;

ঘম্মাভিতত্তা থলসা পপীল়িতা, তস্সেৰ পাদে পুরিসস্স খাদরে.

এৰমেৰ ¶ যো দুক্কুলীনো অনরিযো, তম্মাক [তম্হাক (সী.), তুম্হাক (স্যা. পী.)] ৰিজ্জঞ্চ সুতঞ্চ আদিয;

তমেৰ সো তত্থ সুতেন খাদতি, অনরিযো ৰুচ্চতি দুপাহনূপমোতি [পানদূপমোতি (সী. পী.)].

একচিন্তিতো যমত্থো, বালো অপরিণাযকো;

ন হি খুজ্জেন ৰামেন, ভোতি সঙ্গন্তুমরহসি.

পুরিসূসভং মঞ্ঞমানা, অহং খুজ্জমকামযিং;

সোযং সংকুটিতো সেতি, ছিন্নতন্তি যথা ৰিণাতি [থুণাতি (সী.)].

কামং যহিং ইচ্ছসি তেন গচ্ছ, ৰিদ্ধোসি মম্মম্হি [মমস্মি (ক.)] ৰিকণ্ণকেন;

হতোসি ভত্তেন সুৰাদিতেন [সৰাদিতেন (সী. স্যা. পী.)], লোলো চ মচ্ছে অনুবন্ধমানো.

এৰম্পি ¶ লোকামিসং ওপতন্তো, ৰিহঞ্ঞতী ¶ চিত্তৰসানুৰত্তী;

সো হঞ্ঞতি ঞাতিসখান মজ্ঝে, মচ্ছানুগো সোরিৰ সুংসুমারোতি [সুসুমারো (ক.)].

ত্ৰমেৰ ¶ দানিমকর [মকরি (স্যা.), মকরা (ক. সী.)], যং কামো ব্যগমা তযি;

সোযং অপ্পটিসন্ধিকো, খরছিন্নংৰ রেনুকং [রেরুকং (সী. পী.)].

অত্রিচ্ছং [অত্রিচ্ছা (সী. স্যা. পী.)] অতিলোভেন, অতিলোভমদেন চ;

এৰং হাযতি অত্থম্হা, অহংৰ অসিতাভুযাতি.

সুখা ঘরা ৰচ্ছনখ, সহিরঞ্ঞা সভোজনা;

যত্থ ভুত্ৰা পিৰিত্ৰা চ, সযেয্যাথ অনুস্সুকো.

ঘরা নানীহমানস্স, ঘরা নাভণতো মুসা;

ঘরা নাদিন্নদণ্ডস্স, পরেসং অনিকুব্বতো [অনিক্রুব্বতো (ক.)];

এৰং ছিদ্দং দুরভিসম্ভৰং [দুরভিভৰং (সী. পী.)], কো ঘরং পটিপজ্জতীতি.

ভদ্দকো ¶ ৰতযং পক্খী, দিজো কুমুদসন্নিভো;

ৰূপসন্তেহি পক্খেহি, মন্দমন্দোৰ ঝাযতি.

নাস্স সীলং ৰিজানাথ, অনঞ্ঞায পসংসথ;

অম্হে দিজো ন পালেতি, তেন পক্খী ন ফন্দতীতি.

কো ¶ নু খো ভগৰা হেতু, একচ্চে ইধ পুগ্গলে;

অতীৰ হদযং নিব্বাতি, চিত্তঞ্চাপি পসীদতি.

পুব্বেৰ সন্নিৰাসেন, পচ্চুপ্পন্নহিতেন ৰা;

এৰং তং জাযতে পেমং, উপ্পলংৰ যথোদকেতি.

ইঙ্ঘ ¶ একপদং তাত, অনেকত্থপদস্সিতং [পদনিস্সিতং (সী. পী.)];

কিঞ্চি সঙ্গাহিকং ব্রূসি, যেনত্থে সাধযেমসে.

দক্খেয্যেকপদং তাত, অনেকত্থপদস্সিতং;

তঞ্চ সীলেন সঞ্ঞুত্তং, খন্তিযা উপপাদিতং;

অলং ¶ মিত্তে সুখাপেতুং, অমিত্তানং দুখায চাতি.

আসীৰিসম্পি মং [আসীৰিসং মমং (সী. পী.)] সন্তং, পৰিট্ঠং কুমিনামুখং;

রুচ্চতে হরিতামাতা, যং মং খাদন্তি মচ্ছকা.

ৰিলুম্পতেৰ পুরিসো, যাৰস্স উপকপ্পতি;

যদা চঞ্ঞে ৰিলুম্পন্তি, সো ৰিলুত্তো ৰিলুম্পতীতি [ৰিলুপ্পতীতি (?)].

সব্বো জনো হিংসিতো পিঙ্গলেন, তস্মিং মতে পচ্চযা [পচ্চযং (সী. স্যা. পী.)] ৰেদযন্তি;

পিযো নু তে আসি অকণ্হনেত্তো, কস্মা নু ত্ৰং রোদসি দ্ৰারপাল.

ন ¶ মে পিযো আসি অকণ্হনেত্তো, ভাযামি পচ্চাগমনায তস্স;

ইতো গতো হিংসেয্য মচ্চুরাজং, সো হিংসিতো আনেয্য পুন ইধ.

দড্ঢো ৰাহসহস্সেহি, সিত্তো ঘটসতেহি সো;

পরিক্খতা ¶ চ সা ভূমি, মা ভাযি নাগমিস্সতীতি.

ৰরুপাহন খুজ্জ ৰিকণ্ণককো, অসিতাভুয পঞ্চমৰচ্ছনখো;

দিজ পেমৰরুত্তমএকপদং, কুমিনামুখ পিঙ্গলকেন দসাতি.

সিঙ্গালো ¶ মানথদ্ধো চ, পরিৰারেন অত্থিকো;

পাপুণি মহতিং ভূমিং, রাজাসি সব্বদাঠিনং.

এৰমেৰ মনুস্সেসু, যো হোতি পরিৰারৰা;

সো হি তত্থ মহা হোতি, সিঙ্গালো ৰিয দাঠিনন্তি.

বালো ¶ ৰতাযং সুনখো, যো ৰরত্তং [যো চ যোত্তং (ক.)] ন খাদতি;

বন্ধনা চ পমুঞ্চেয্য, অসিতো চ ঘরং ৰজে.

অট্ঠিতং ¶ মে মনস্মিং মে, অথো মে হদযে কতং;

কালঞ্চ পটিকঙ্খামি, যাৰ পস্সুপতূ জনো [পসুপতুজ্জনো (স্যা. ক.)].

সত্ততন্তিং সুমধুরং, রামণেয্যং অৰাচযিং;

সো মং রঙ্গম্হি অৰ্হেতি, সরণং মে হোহি কোসিয.

অহং তং সরণং সম্ম [অহং তে সরণং হোমি (ৰি. ৰ. ৩২৮)], অহমাচরিযপূজকো;

ন তং জযিস্সতি সিস্সো, সিস্সমাচরিয জেস্সসীতি.

যং পস্সতি ন তং ইচ্ছতি, যঞ্চ ন পস্সতি তং কিরিচ্ছতি;

মঞ্ঞামি চিরং চরিস্সতি, ন হি তং লচ্ছতি যং স ইচ্ছতি.

যং লভতি ন তেন তুস্সতি, যঞ্চ পত্থেতি লদ্ধং হীল়েতি;

ইচ্ছা হি অনন্তগোচরা, ৰিগতিচ্ছান [ৰীতিচ্ছানং (সী. পী.)] নমো করোমসেতি.

ৰিগতিচ্ছ [ৰীতিচ্ছ (সী. পী.)] জাতকং চতুত্থং.

কালো ¶ ¶ ঘসতি ভূতানি, সব্বানেৰ সহত্তনা;

যো চ কালঘসো ভূতো, স ভূতপচনিং পচি.

বহূনি নরসীসানি, লোমসানি ব্রহানি চ;

গীৰাসু পটিমুক্কানি, কোচিদেৰেত্থ কণ্ণৰাতি.

হন্ত্ৰা ছেত্ৰা [ঝত্ৰা (সী. পী.), ঘত্ৰা (স্যা.)] ৰধিত্ৰা চ, দেতি দানং অসঞ্ঞতো;

এদিসং ভত্তং ভুঞ্জমানো, স পাপমুপলিম্পতি [স পাপেন উপলিপ্পতি (সী. পী.)].

পুত্তদারম্পি ¶ চে হন্ত্ৰা, দেতি দানং অসঞ্ঞতো;

ভুঞ্জমানোপি সপ্পঞ্ঞো, ন পাপমুপলিম্পতীতি.

অদ্ধা পাদঞ্জলী সব্বে, পঞ্ঞায অতিরোচতি;

তথা হি ওট্ঠং ভঞ্জতি, উত্তরিং নূন পস্সতি.

নাযং ধম্মং অধম্মং ৰা, অত্থানত্থঞ্চ বুজ্ঝতি;

অঞ্ঞত্র ¶ ওট্ঠনিব্ভোগা, নাযং জানাতি কিঞ্চনন্তি.

সব্বেহি কিংসুকো দিট্ঠো, কিংন্ৰেত্থ ৰিচিকিচ্ছথ;

ন হি সব্বেসু ঠানেসু, সারথী পরিপুচ্ছিতো.

এৰং সব্বেহি ঞাণেহি, যেসং ধম্মা অজানিতা;

তে ৰে ধম্মেসু কঙ্খন্তি, কিংসুকস্মিংৰ ভাতরোতি.

একপুত্তকো ¶ ভৰিস্সসি, ত্ৰঞ্চ নো হেস্সসি ইস্সরো কুলে;

ওরোহ দুমস্মা সালক, এহি দানি ঘরকং ৰজেমসে.

ননু মং সুহদযোতি [ননু মং হদযেতি (সী. পী.)] মঞ্ঞসি, যঞ্চ মং হনসি ৰেল়ুযট্ঠিযা;

পক্কম্বৰনে রমামসে, গচ্ছ ত্ৰং ঘরকং যথাসুখন্তি.

অযং ¶ ¶ ইসী উপসমসংযমে রতো, স তিট্ঠতি [সন্তিট্ঠতি (সী. পী.)] সিসিরভযেন অট্টিতো;

হন্দ অযং পৰিসতুমং অগারকং, ৰিনেতু সীতং দরথঞ্চ কেৰলং.

নাযং ইসী উপসমসংযমে রতো, কপী অযং দুমৰরসাখগোচরো;

সো দূসকো রোসকো চাপি জম্মো, সচেৰজেমম্পি [সচে + আৰজে + ইমম্পি] দূসেয্যগারন্তি [দূসযে ঘরন্তি (সী. স্যা. পী.)].

অথ রাজা সিঙ্গালৰরো সুনখো, তথা কোসিয ইচ্ছতি কালঘসো;

অথ দানৰরোট্ঠপি সারথিনা, পুনম্বৰনঞ্চ সিসিরকপি দসাতি.

দল়্হঞ্চ ¶ ৰগ্গং অপরেন সন্থৰং, কল্যাণৰগ্গাসদিসো চ রূহকং;

নতংদল়্হ বীরণথম্ভকং পুন, কাসাৰুপাহন সিঙ্গালকেন দসাতি.

সঙ্কপ্পরাগধোতেন ¶ ¶ ¶ , ৰিতক্কনিসিতেন চ;

নালঙ্কতেন ভদ্রেন [নেৰালঙ্কতভদ্রেন (স্যা.)], উসুকারাকতেন চ [ন উসুকারকতেন চ (সী. স্যা. পী.)].

ন কণ্ণাযতমুত্তেন, নাপি মোরূপসেৰিনা;

তেনম্হি হদযে ৰিদ্ধো, সব্বঙ্গপরিদাহিনা.

আৰেধঞ্চ ন পস্সামি, যতো রুহিরমস্সৰে;

যাৰ অযোনিসো চিত্তং, সযং মে দুক্খমাভতন্তি.

অজ্জাপি মে তং মনসি [সরসি (ক.)], যং মং ত্ৰং তিলমুট্ঠিযা;

বাহায মং গহেত্ৰান, লট্ঠিযা অনুতাল়যি.

ননু জীৰিতে ন রমসি, যেনাসি ব্রাহ্মণাগতো;

যং মং বাহা গহেত্ৰান, তিক্খত্তুং অনুতাল়যি.

অরিযো অনরিযং কুব্বন্তং [কুব্বানং (সী. পী.), কুব্বং (স্যা.)], যো দণ্ডেন নিসেধতি;

সাসনং তং ন তং ৰেরং, ইতি নং পণ্ডিতা ৰিদূতি.

মমন্নপানং ¶ ৰিপুলং উল়ারং, উপ্পজ্জতীমস্স মণিস্স হেতু;

তং তে ন দস্সং অতিযাচকোসি, ন চাপি তে অস্সমমাগমিস্সং.

সুসূ ¶ ¶ যথা সক্খরধোতপাণী, তাসেসি মং সেলং যাচমানো;

তং তে ন দস্সং অতিযাচকোসি, ন চাপি তে অস্সমমাগমিস্সং.

ন তং যাচে যস্স পিযং জিগীসে [জিগিংসে (সী. স্যা. পী.)], দেস্সো হোতি অতিযাচনায;

নাগো মণিং যাচিতো ব্রাহ্মণেন, অদস্সনংযেৰ তদজ্ঝগমাতি.

২৫৪. কুণ্ডককুচ্ছিসিন্ধৰজাতকং (৩-১-৪)

ভুত্ৰা তিণপরিঘাসং, ভুত্ৰা আচামকুণ্ডকং;

এতং তে ভোজনং আসি, কস্মা দানি ন ভুঞ্জসি.

যত্থ পোসং ন জানন্তি, জাতিযা ৰিনযেন ৰা;

বহুং [পহূ (সী. পী.), পহুং (স্যা. ক.)] তত্থ মহাব্রম্হে, অপি আচামকুণ্ডকং.

ত্ৰঞ্চ ¶ খো মং পজানাসি, যাদিসাযং হযুত্তমো;

জানন্তো জানমাগম্ম, ন তে ভক্খামি কুণ্ডকন্তি.

কুণ্ডককুচ্ছিসিন্ধৰজাতকং চতুত্থং.

যাৰ সো মত্তমঞ্ঞাসি, ভোজনস্মিং ৰিহঙ্গমো;

তাৰ অদ্ধানমাপাদি, মাতরঞ্চ অপোসযি.

যতো চ খো বহুতরং, ভোজনং অজ্ঝৰাহরি [অজ্ঝুপাহরি (সী. পী.)];

ততো তত্থেৰ সংসীদি, অমত্তঞ্ঞূ হি সো অহু.

তস্মা মত্তঞ্ঞুতা সাধু, ভোজনস্মিং অগিদ্ধতা [অগিদ্ধিতা (স্যা. ক.)];

অমত্তঞ্ঞূ হি সীদন্তি, মত্তঞ্ঞূ চ ন সীদরেতি.

জরূদপানং ¶ খণমানা, ৰাণিজা উদকত্থিকা;

অজ্ঝগমুং অযসং লোহং [অজ্ঝগংসু অযোলোহং (সী. স্যা. পী.)], তিপুসীসঞ্চ ৰাণিজা;

রজতং জাতরূপঞ্চ, মুত্তা ৰেল়ূরিযা বহূ.

তে চ তেন অসন্তুট্ঠা, ভিয্যো ভিয্যো অখাণিসুং;

তে তত্থাসীৰিসো [তত্থ আসীৰিসো (ক.), তত্থপাসীৰিসো (স্যা.)] ঘোরো, তেজস্সী তেজসা হনি.

তস্মা ¶ ¶ খণে নাতিখণে, অতিখাতং [অতিখণং (ক.)] হি পাপকং;

খাতেন চ [খণেন চ (ক.), খণনেন (স্যা.)] ধনং লদ্ধং, অতিখাতেন [অতিখণেন (ক.)] নাসিতন্তি.

নাযং ঘরানং কুসলো, লোলো অযং ৰলীমুখো;

কতং কতং খো দূসেয্য, এৰংধম্মমিদং কুলং.

নযিদং চিত্তৰতো লোমং, নাযং অস্সাসিকো মিগো;

সিট্ঠং [সত্থং (সী. স্যা. পী.)] মে জনসন্ধেন, নাযং কিঞ্চি ৰিজানতি.

ন মাতরং পিতরং ৰা, ভাতরং ভগিনিং সকং;

ভরেয্য তাদিসো পোসো, সিট্ঠং দসরথেন মেতি.

গামণিচন্দ [গামণিচণ্ড (সী. পী.)] জাতকং সত্তমং.

যাৰতা চন্দিমসূরিযা, পরিহরন্তি দিসা ভন্তি ৰিরোচনা [ৰিরোচমানা (ক.)];

সব্বেৰ দাসা মন্ধাতু, যে পাণা পথৰিস্সিতা [পঠৰিনিস্সিতা (সী. পী.), পঠৰিস্সিতা (স্যা.)].

ন কহাপণৰস্সেন, তিত্তি কামেসু ৰিজ্জতি;

অপ্পস্সাদা দুখা কামা, ইতি ৰিঞ্ঞায পণ্ডিতো.

অপি ¶ দিব্বেসু কামেসু, রতিং সো নাধিগচ্ছতি;

তণ্হক্খযরতো ¶ হোতি, সম্মাসম্বুদ্ধসাৰকোতি.

নযিমস্স ৰিজ্জামযমত্থি কিঞ্চি, ন বন্ধৰো নো পন তে সহাযো;

অথ কেন ৰণ্ণেন তিরীটৰচ্ছো [তিরীটিৰচ্ছো (স্যা. ক.)], তেদণ্ডিকো ভুঞ্জতি অগ্গপিণ্ডং.

আপাসু [আৰাসু (ক.)] মে যুদ্ধপরাজিতস্স, একস্স কত্ৰা ৰিৰনস্মি ঘোরে;

পসারযী কিচ্ছগতস্স পাণিং, তেনূদতারিং দুখসংপরেতো.

এতস্স ¶ কিচ্চেন ইধানুপত্তো, ৰেসাযিনো ৰিসযা জীৰলোকে;

লাভারহো তাত তিরীটৰচ্ছো, দেথস্স ভোগং যজথঞ্চ [যজতঞ্চ (সী. পী.), যজিতঞ্চ (স্যা.)] যঞ্ঞন্তি.

যস্সত্থা ¶ দূরমাযন্তি, অমিত্তমপি যাচিতুং;

তস্সূদরস্সহং দূতো, মা মে কুজ্ঝ [কুজ্ঝি (সী. পী.)] রথেসভ.

যস্স দিৰা চ রত্তো চ, ৰসমাযন্তি মাণৰা;

তস্সূদরস্সহং দূতো, মা মে কুজ্ঝ [কুজ্ঝি (সী. পী.)] রথেসভ.

দদামি ¶ তে ব্রাহ্মণ রোহিণীনং, গৰং সহস্সং সহ পুঙ্গৰেন;

দূতো হি দূতস্স কথং ন দজ্জং, মযম্পি তস্সেৰ ভৰাম দূতাতি.

উসুকারৰরো তিলমুট্ঠি মণি, হযরাজ ৰিহঙ্গম আসিৰিসো;

জনসন্ধ কহাপণৰস্স পুন, তিরিটং পুন দূতৰরেন দসাতি.

যথা ¶ কেসা চ মস্সূ চ, ছিন্নং ছিন্নং ৰিরূহতি;

এৰং রূহতু তে নাসা, পদুমং দেহি যাচিতো.

যথা সারদিকং বীজং, খেত্তে ৰুত্তং ৰিরূহতি;

এৰং রূহতু তে নাসা, পদুমং দেহি যাচিতো.

উভোপি পলপন্তেতে [ৰিলপন্তেতে (স্যা. ক.)], অপি পদ্মানি দস্সতি;

ৰজ্জুং ৰা তে ন ৰা ৰজ্জুং, নত্থি নাসায রূহনা;

দেহি সম্ম পদুমানি, অহং যাচামি যাচিতোতি.

পাণি ¶ চে মুদুকো চস্স, নাগো চস্স সুকারিতো;

অন্ধকারো চ ৰস্সেয্য, অথ নূন তদা সিযা.

অনলা ¶ মুদুসম্ভাসা, দুপ্পূরা তা [দুপ্পূরত্তা (ক.)] নদীসমা;

সীদন্তি নং ৰিদিত্ৰান, আরকা পরিৰজ্জযে.

যং এতা উপসেৰন্তি, ছন্দসা ৰা ধনেন ৰা;

জাতৰেদোৰ সং ঠানং, খিপ্পং অনুদহন্তি নন্তি.

অভিজ্জমানে ¶ ৰারিস্মিং, সযং [অযং (ক.)] আগম্ম ইদ্ধিযা;

মিস্সীভাৰিত্থিযা গন্ত্ৰা, সংসীদসি [সংসীদতি (ক.)] মহণ্ণৰে.

আৰট্টনী মহামাযা, ব্রহ্মচরিযৰিকোপনা;

সীদন্তি নং ৰিদিত্ৰান, আরকা পরিৰজ্জযে.

যং এতা উপসেৰন্তি, ছন্দসা ৰা ধনেন ৰা;

জাতৰেদোৰ সং ঠানং, খিপ্পং অনুদহন্তি নন্তি.

চূল়পলোভন [চুল্লপলোভন (সী. স্যা. পী.)] জাতকং ততিযং.

পনাদো নাম সো রাজা, যস্স যূপো সুৰণ্ণযো;

তিরিযং সোল়সুব্বেধো [সোল়সপব্বেধো (সী. পী.)], উদ্ধমাহু [উচ্চমাহু (সী. স্যা. পী.)] সহস্সধা.

সহস্সকণ্ডো সতগেণ্ডু [সতভেদো (সী. পী.), সতভেণ্ডু (সী. নিস্সয)], ধজাসু হরিতামযো;

অনচ্চুং তত্থ গন্ধব্বা, ছ সহস্সানি সত্তধা.

এৰমেতং [এৰমেৰ (ক.)] তদা আসি, যথা ভাসসি ভদ্দজি;

সক্কো অহং তদা আসিং, ৰেয্যাৰচ্চকরো তৰাতি.

দিস্ৰা ¶ ¶ খুরপ্পে ধনুৰেগনুন্নে, খগ্গে ¶ গহীতে তিখিণে তেলধোতে;

তস্মিং ভযস্মিং মরণে ৰিযূল়্হে, কস্মা নু তে নাহু ছম্ভিতত্তং.

দিস্ৰা খুরপ্পে ধনুৰেগনুন্নে, খগ্গে গহীতে তিখিণে তেলধোতে;

তস্মিং ভযস্মিং মরণে ৰিযূল়্হে, ৰেদং অলত্থং ৰিপুলং উল়ারং.

সো ৰেদজাতো অজ্ঝভৰিং অমিত্তে, পুব্বেৰ মে জীৰিতমাসি চত্তং;

ন হি জীৰিতে আলযং কুব্বমানো, সূরো কযিরা সূরকিচ্চং কদাচীতি.

যেনাসি কিসিযা পণ্ডু, যেন ভত্তং ন রুচ্চতি;

অযং সো আগতো ভত্তা [তাতো (সী. স্যা. পী.)], কস্মা দানি পলাযসি.

সচে [ন খো (স্যা. ক.)] পনাদিকেনেৰ, সন্থৰো নাম জাযতি;

যসো হাযতি ইত্থীনং, তস্মা তাত পলাযহং [পলাযিহং (স্যা.), পলাযিতং (ক.)].

যস্সস্সিনং কুলে জাতং, আগতং যা ন ইচ্ছতি;

সোচতি ¶ চিররত্তায, ৰাতগ্গমিৰ ভদ্দলীতি [কুন্দলীতি (সী. পী.), গদ্রভীতি (স্যা.)].

সিঙ্গীমিগো ¶ আযতচক্খুনেত্তো, অট্ঠিত্তচো ৰারিসযো অলোমো;

তেনাভিভূতো কপণং রুদামি, মা হেৰ মং পাণসমং জহেয্য [জহেয্যা (পী.) জহা’য্যে (?)].

অয্য ন তং জহিস্সামি, কুঞ্জরং সট্ঠিহাযনং [কুঞ্জর সট্ঠিহাযন (সী. পী.)];

পথব্যা চাতুরন্তায, সুপ্পিযো হোসি মে তুৰং.

যে কুল়ীরা সমুদ্দস্মিং, গঙ্গায যমুনায [নম্মদায (সী. পী.)] চ;

তেসং ত্ৰং ৰারিজো সেট্ঠো, মুঞ্চ রোদন্তিযা পতিন্তি.

কক্কটক [কুল়ীর (ক.)] জাতকং সত্তমং.

যো ¶ ৰে সব্বসমেতানং, অহুৰা সেট্ঠসম্মতো;

তস্সাযং এদিসী পঞ্ঞা, কিমেৰ ইতরা পজা.

এৰমেৰ তুৰং ব্রহ্মে, অনঞ্ঞায ৰিনিন্দসি;

কথং মূলং অদিস্ৰান [কথংহি মূলং অদিত্ৰা (স্যা. পী.)], রুক্খং জঞ্ঞা পতিট্ঠিতং.

নাহং ¶ তুম্হে ৰিনিন্দামি, যে চঞ্ঞে ৰানরা ৰনে;

ৰিস্সসেনোৰ গারয্হো, যস্সত্থা রুক্খরোপকাতি.

ন হি ৰণ্ণেন সম্পন্না, মঞ্জুকা পিযদস্সনা;

খরৰাচা পিযা হোতি, অস্মিং লোকে পরম্হি চ.

ননু পস্সসিমং কাল়িং, দুব্বণ্ণং তিলকাহতং;

কোকিলং সণ্হৰাচেন, বহূনং পাণিনং পিযং.

তস্মা ¶ সখিলৰাচস্স, মন্তভাণী অনুদ্ধতো;

অত্থং ধম্মঞ্চ দীপেতি, মধুরং তস্স ভাসিতন্তি.

সব্বেহি কির ঞাতীহি, কোসিযো ইস্সরো কতো;

সচে ঞাতীহি অনুঞ্ঞাতো [ঞাতীহনুঞ্ঞাতো (সী. পী.)], ভণেয্যাহং একৰাচিকং.

ভণ সম্ম অনুঞ্ঞাতো, অত্থং ধম্মঞ্চ কেৰলং;

সন্তি হি দহরা পক্খী, পঞ্ঞৰন্তো জুতিন্ধরা.

ন মে রুচ্চতি ভদ্দং ৰো [ভদন্তে (ক.)], উলূকস্সাভিসেচনং;

অক্কুদ্ধস্স ¶ মুখং পস্স, কথং কুদ্ধো করিস্সতীতি.

পদুমুত্তম ¶ নাগসিরিৰ্হযনো, স-মহণ্ণৰ যূপ খুরপ্পৰরো;

অথ ভদ্দলী কুঞ্জর রুক্খ পুন, খরৰাচ উলূকৰরেন দসাতি.

আরঞ্ঞিকস্স ইসিনো, চিররত্তং তপস্সিনো;

কিচ্ছাকতং উদপানং, কথং সম্ম অৰাহসি [অৰাহযি (সী. পী.), অপাহসি (স্যা.)].

এস ধম্মো সিঙ্গালানং, যং পিত্ৰা ওহদামসে;

পিতুপিতামহং ধম্মো, ন তং [ন নং (সী. পী.)] উজ্ঝাতুমরহসি.

যেসং ¶ ¶ ৰো এদিসো ধম্মো, অধম্মো পন কীদিসো;

মা ৰো ধম্মং অধম্মং ৰা, অদ্দসাম কুদাচনন্তি.

যেন মিত্তেন সংসগ্গা, যোগক্খেমো ৰিহিয্যতি;

পুব্বেৰজ্ঝাভৰং তস্স, রুক্খে অক্খীৰ পণ্ডিতো.

যেন মিত্তেন সংসগ্গা, যোগক্খেমো পৰড্ঢতি;

করেয্যত্তসমং ৰুত্তিং, সব্বকিচ্চেসু পণ্ডিতো.

এথ ব্যগ্ঘা নিৰত্তৰ্হো, পচ্চুপেথ [পচ্চমেথ (সী. পী.)] মহাৰনং;

মা ৰনং ছিন্দি নিব্যগ্ঘং, ব্যগ্ঘা মাহেসু নিব্বনাতি.

কো নু উদ্ধিতভত্তোৰ [উদ্দিতভত্তোৰ (সী.), ৰড্ঢিতভত্তোৰ (স্যা.)], পূরহত্থোৰ ব্রাহ্মণো;

কহং নু ভিক্খং অচরি, কং সদ্ধং উপসঙ্কমি.

অহং ¶ কপিস্মি দুম্মেধো, অনামাসানি আমসিং;

ত্ৰং মং মোচয ভদ্দন্তে, মুত্তো গচ্ছেয্য পব্বতং.

কচ্ছপা কস্সপা হোন্তি, কোণ্ডঞ্ঞা হোন্তি মক্কটা;

মুঞ্চ কস্সপ কোণ্ডঞ্ঞং, কতং মেথুনকং তযাতি.

কাযং বলাকা সিখিনী, চোরী লঙ্ঘিপিতামহা;

ওরং ¶ বলাকে আগচ্ছ, চণ্ডো মে ৰাযসো সখা.

নাহং বলাকা সিখিনী, অহং লোলোস্মি ৰাযসো;

অকত্ৰা ৰচনং তুয্হং, পস্স লূনোস্মি আগতো.

পুনপাপজ্জসী ¶ সম্ম, সীলঞ্হি তৰ তাদিসং;

ন হি মানুসকা ভোগা, সুভুঞ্জা হোন্তি পক্খিনাতি.

কাযং বলাকা রুচিরা, কাকনীল়স্মিমচ্ছতি;

চণ্ডো কাকো সখা ময্হং, যস্স [তস্স (সী. পী.)] চেতং কুলাৰকং.

ননু মং সম্ম জানাসি, দিজ সামাকভোজন;

অকত্ৰা ৰচনং তুয্হং, পস্স লূনোস্মি আগতো.

পুনপাপজ্জসী সম্ম, সীলঞ্হি তৰ তাদিসং;

ন হি মানুসকা ভোগা, সুভুঞ্জা হোন্তি পক্খিনাতি.

তৰ সদ্ধঞ্চ সীলঞ্চ, ৰিদিত্ৰান জনাধিপ;

ৰণ্ণং অঞ্জনৰণ্ণেন, কালিঙ্গস্মিং নিমিম্হসে [ৰিনিম্হসে (স্যা.), ৰনিম্হসে (ক.)].

অন্নভচ্চা ¶ চভচ্চা চ, যোধ উদ্দিস্স গচ্ছতি;

সব্বে তে অপ্পটিক্খিপ্পা, পুব্বাচরিযৰচো ইদং.

দদামি ¶ ৰো ব্রাহ্মণা নাগমেতং, রাজারহং রাজভোগ্গং যসস্সিনং;

অলঙ্কতং হেমজালাভিছন্নং, সসারথিং গচ্ছথ যেন কামন্তি.

কুরুধম্মজাতকং [কুরুধম্মজাতকং (সী. স্যা. পী.)] ছট্ঠং.

ৰস্সানি ¶ পঞ্ঞাস সমাধিকানি, ৰসিম্হ সেলস্স গুহায রোমক;

অসঙ্কমানা অভিনিব্বুতত্তা [অভিনিব্বুতচিত্তা (স্যা. ক.)], হত্থত্ত [হত্থত্থ (স্যা.)] মাযন্তি মমণ্ডজা পুরে.

তে দানি ৰক্কঙ্গ কিমত্থমুস্সুকা, ভজন্তি অঞ্ঞং গিরিকন্দরং দিজা;

ন নূন মঞ্ঞন্তি মমং যথা পুরে, চিরপ্পৰুত্থা অথ ৰা ন তে ইমে.

জানাম তং ন মযং সম্পমূল়্হা [ন ময’মস্ম মূল়্হা (সী. পী.)], সোযেৰ ত্ৰং তে মযমস্ম নাঞ্ঞে;

চিত্তঞ্চ ¶ তে অস্মিং জনে পদুট্ঠং, আজীৰিকা [আজীৰক (সী. স্যা.), আজীৰিক (পী.)] তেন তমুত্তসামাতি.

কিমত্থ [কমত্থ (সী. পী.)] মভিসন্ধায, লহুচিত্তস্স দুব্ভিনো [দূভিনো (সী. পী.)];

সব্বকামদদস্সেৰ [দুহস্সেৰ (সী. স্যা. পী.), রহস্সেৰ (ক.)], ইমং দুক্খং তিতিক্খসি.

সিঙ্গেন নিহনাহেতং, পদসা চ অধিট্ঠহ;

ভিয্যো [ভীযো (সী.)] বালা পকুজ্ঝেয্যুং, নো চস্স পটিসেধকো.

মমেৰাযং মঞ্ঞমানো, অঞ্ঞেপেৰং [অঞ্ঞম্পেৰং (সী. স্যা. পী.)] করিস্সতি;

তে নং তত্থ ৰধিস্সন্তি, সা মে মুত্তি ভৰিস্সতীতি.

মহিংসরাজজাতকং [মহিসজাতকং (সী. স্যা. পী.)] অট্ঠমং.

যথা ¶ মাণৰকো পন্থে, সিঙ্গালিং ৰনগোচরিং;

অত্থকামং পৰেদেন্তিং [পৰদন্তিং (পী.)], অনত্থকামাতি মঞ্ঞতি;

অনত্থকামং সতপত্তং, অত্থকামোতি মঞ্ঞতি.

এৰমেৰ ইধেকচ্চো, পুগ্গলো হোতি তাদিসো;

হিতেহি ৰচনং ৰুত্তো, পটিগণ্হাতি ৰামতো.

যে ¶ ¶ চ খো নং পসংসন্তি, ভযা উক্কংসযন্তি ৰা [চ (সী. পী.)];

তঞ্হি সো মঞ্ঞতে মিত্তং, সতপত্তংৰ মাণৰোতি.

অদ্ধা হি নূন মিগরাজা, পুটকম্মস্স কোৰিদো;

তথা হি পুটং দূসেতি, অঞ্ঞং নূন করিস্সতি.

ন মে মাতা ৰা পিতা ৰা, পুটকম্মস্স কোৰিদো;

কতং কতং খো দূসেম, এৰং ধম্মমিদং কুলং.

যেসং ৰো এদিসো ধম্মো, অধম্মো পন কীদিসো;

মা ৰো ধম্মং অধম্মং ৰা, অদ্দসাম কুদাচনন্তি.

উদপানৰগ্গো [অরঞ্ঞৰগ্গো (সী. পী. ক.)] ততিযো.

উদপানৰরং ৰনব্যগ্ঘ কপি, সিখিনী চ বলাক রুচিরৰরো;

সুজনাধিপরোমকদূস পুন, সতপত্তৰরো পুটকম্ম দসাতি.

অব্ভন্তরো ¶ ¶ নাম দুমো, যস্স দিব্যমিদং ফলং;

ভুত্ৰা দোহল়িনী নারী, চক্কৰত্তিং ৰিজাযতি.

ত্ৰম্পি [ত্ৰঞ্চ (সী. পী.), ত্ৰং হি (ক.)] ভদ্দে মহেসীসি, সা চাপি [চাসি (সী. পী.)] পতিনো পিযা;

আহরিস্সতি তে রাজা, ইদং অব্ভন্তরং ফলং.

ভত্তুরত্থে পরক্কন্তো, যং ঠানমধিগচ্ছতি;

সূরো অত্তপরিচ্চাগী, লভমানো ভৰামহন্তি.

সেয্যংসো ¶ সেয্যসো হোতি, যো সেয্যমুপসেৰতি;

একেন সন্ধিং কত্ৰান, সতং ৰজ্ঝে [মচ্চে (ক.), বজ্ঝে (ক. অট্ঠ.)] অমোচযিং.

[কস্মা…পে… সগ্গং ন গচ্ছেয্য (কত্থচি)] তস্মা সব্বেন লোকেন, সন্ধিং কত্ৰান একতো [এককো (সী. স্যা. পী.)];

পেচ্চ সগ্গং নিগচ্ছেয্য [কস্মা…পে… সগ্গং ন গচ্ছেয্য (কত্থচি)], ইদং সুণাথ কাসিযা [কাসযো (সী. পী.)].

ইদং ৰত্ৰা মহারাজা, কংসো বারাণসিগ্গহো;

ধনুং কণ্ডঞ্চ [তূণিঞ্চ (সী. পী.)] নিক্খিপ্প, সংযমং অজ্ঝুপাগমীতি.

ৰরং ¶ ৰরং ত্ৰং নিহনং পুরে চরি, অস্মিং পদেসে অভিভুয্য সূকরে;

সো দানি একো ব্যপগম্ম ঝাযসি, বলং নু তে ব্যগ্ঘ ন চজ্জ ৰিজ্জতি.

ইমে ¶ সুদং [ইমস্সু তা (স্যা. ক.)] যন্তি দিসোদিসং পুরে, ভযট্টিতা লেণগৰেসিনো পুথু;

তে দানি সঙ্গম্ম ৰসন্তি একতো, যত্থট্ঠিতা দুপ্পসহজ্জমে [দুপ্পসহজ্জিমে (স্যা.)] মযা.

নমত্থু সঙ্ঘান সমাগতানং, দিস্ৰা সযং সখ্য ৰদামি অব্ভুতং;

ব্যগ্ঘং মিগা যত্থ জিনিংসু দাঠিনো, সামগ্গিযা দাঠবলেসু মুচ্চরেতি.

যং উস্সুকা সঙ্ঘরন্তি, অলক্খিকা বহুং ধনং;

সিপ্পৰন্তো অসিপ্পা চ, লক্খিৰা তানি ভুঞ্জতি.

সব্বত্থ ¶ কতপুঞ্ঞস্স, অতিচ্চঞ্ঞেৰ পাণিনো;

উপ্পজ্জন্তি বহূ ভোগা, অপ্পনাযতনেসুপি.

কুক্কুটো [কুক্কুট (সী. পী.), কুক্কুটা (সী. নিস্সয, সদ্দনীতি)] মণযো দণ্ডো, থিযো চ পুঞ্ঞলক্খণা;

উপ্পজ্জন্তি অপাপস্স, কতপুঞ্ঞস্স জন্তুনোতি.

দরিযা ¶ সত্ত ৰস্সানি, তিংসমত্তা ৰসামসে;

হঞ্ঞাম [হঞ্ছেম (সী. পী.), হঞ্ছাম (?)] মণিনো আভং, ইতি নো মন্তনং অহু.

যাৰতা মণিং ঘংসাম [যাৰ যাৰ নিঘংসাম (সী. পী.)], ভিয্যো ৰোদাযতে মণি;

ইদঞ্চ দানি পুচ্ছাম, কিং কিচ্চং ইধ মঞ্ঞসি.

অযং মণি ৰেল়ূরিযো, অকাচো ৰিমলো [ৰিপুলো (ক.)] সুভো;

নাস্স সক্কা সিরিং হন্তুং, অপক্কমথ সূকরাতি.

মণিসূকর [মণিঘংস (ক.)] জাতকং পঞ্চমং.

মা ¶ সালূকস্স পিহযি, আতুরন্নানি ভুঞ্জতি;

অপ্পোস্সুক্কো ভুসং খাদ, এতং দীঘাযুলক্খণং.

ইদানি সো ইধাগন্ত্ৰা, অতিথী যুত্তসেৰকো;

অথ দক্খসি সালূকং, সযন্তং মুসলুত্তরং.

ৰিকন্তং ¶ [ৰিকত্তং (সী.), ৰিকন্তিযমানং ছিন্দিযমানংতি অত্থো] সূকরং দিস্ৰা, সযন্তং মুসলুত্তরং;

জরগ্গৰা ৰিচিন্তেসুং, ৰরম্হাকং ভুসামিৰাতি.

নানুম্মত্তো নাপিসুণো, নানটো নাকুতূহলো;

মূল়্হেসু লভতে লাভং, এসা তে অনুসাসনী.

ধিরত্থু তং যসলাভং, ধনলাভঞ্চ ব্রাহ্মণ;

যা ৰুত্তি ৰিনিপাতেন, অধম্মচরণেন [অধম্মচরিযায (সী. স্যা.)] ৰা.

অপি চে পত্তমাদায, অনগারো পরিব্বজে;

এসাৰ জীৰিকা সেয্যো [সেয্যা (সী. স্যা. পী.)], যা চাধম্মেন এসনাতি.

অগ্ঘন্তি ¶ মচ্ছা অধিকং সহস্সং, ন সো অত্থি যো ইমং সদ্দহেয্য;

ময্হঞ্চ অস্সু ইধ সত্ত মাসা, অহম্পি তং মচ্ছুদ্দানং কিণেয্যং.

মচ্ছানং ভোজনং দত্ৰা, মম দক্খিণমাদিসি;

তং দক্খিণং সরন্তিযা, কতং অপচিতিং তযা.

পদুট্ঠচিত্তস্স ¶ ¶ ন ফাতি হোতি, ন চাপি তং [নং (সী. স্যা.)] দেৰতা পূজযন্তি;

যো ভাতরং পেত্তিকং সাপতেয্যং, অৰঞ্চযী দুক্কটকম্মকারীতি.

নানাছন্দা মহারাজ, একাগারে ৰসামসে;

অহং গামৰরং ইচ্ছে, ব্রাহ্মণী চ গৰং সতং.

পুত্তো চ আজঞ্ঞরথং, কঞ্ঞা চ মণিকুণ্ডলং;

যা চেসা পুণ্ণিকা জম্মী, উদুক্খলংভিকঙ্খতি.

ব্রাহ্মণস্স গামৰরং, ব্রাহ্মণিযা গৰং সতং;

পুত্তস্স আজঞ্ঞরথং, কঞ্ঞায মণিকুণ্ডলং;

যঞ্চেতং পুণ্ণিকং জম্মিং, পটিপাদেথুদুক্খলন্তি.

সীলং কিরেৰ কল্যাণং, সীলং লোকে অনুত্তরং;

পস্স ঘোরৰিসো নাগো, সীলৰাতি ন হঞ্ঞতি.

সোহং সীলং সমাদিস্সং, লোকে অনুমতং সিৰং;

অরিযৰুত্তিসমাচারো ¶ , যেন ৰুচ্চতি সীলৰা.

ঞাতীনঞ্চ পিযো হোতি, মিত্তেসু চ ৰিরোচতি;

কাযস্স ভেদা সুগতিং, উপপজ্জতি সীলৰাতি.

দুম ¶ ¶ কংসৰরুত্তমব্যগ্ঘমিগা, মণযো মণি সালুকমৰ্হযনো;

অনুসাসনিযোপি চ মচ্ছৰরো, মণিকুণ্ডলকেন কিরেন দসাতি.

সব্বকামদদং কুম্ভং, কুটং লদ্ধান ধুত্তকো;

যাৰ নং অনুপালেতি, তাৰ সো সুখমেধতি.

যদা মত্তো চ দিত্তো চ, পমাদা কুম্ভমব্ভিদা;

তদা নগ্গো চ পোত্থো চ, পচ্ছা বালো ৰিহঞ্ঞতি.

এৰমেৰ যো ধনং লদ্ধা, পমত্তো [অমত্তা (সী.), অমত্তো (পী.)] পরিভুঞ্জতি;

পচ্ছা ¶ তপ্পতি দুম্মেধো, কুটং ভিত্ৰাৰ [কুটং ভিন্নোৰ (সী. পী.), কুটভিন্নোৰ (?)] ধুত্তকোতি.

সুরাঘট [ভদ্রঘট (সী. পী.), ভদ্রঘটভেদক (স্যা.)] জাতকং পঠমং.

বারাণস্যং [বারাণস্সং (সী. পী.)] মহারাজ, কাকরাজা নিৰাসকো [নিৰাসিকো (সী. পী.)];

অসীতিযা সহস্সেহি, সুপত্তো পরিৰারিতো.

তস্স দোহল়িনী ভরিযা, সুফস্সা ভক্খিতুমিচ্ছতি [মচ্ছমিচ্ছতি (সী. পী.)];

রঞ্ঞো মহানসে পক্কং, পচ্চগ্ঘং রাজভোজনং.

তেসাহং পহিতো দূতো, রঞ্ঞো চম্হি ইধাগতো;

ভত্তু অপচিতিং কুম্মি, নাসাযমকরং [মকরিং (সী. নিস্সয)] ৰণন্তি.

ফুট্ঠস্স ¶ মে অঞ্ঞতরেন ব্যাধিনা, রোগেন বাল়্হং দুখিতস্স রুপ্পতো;

পরিসুস্সতি খিপ্পমিদং কল়েৰরং, পুপ্ফং যথা পংসুনি আতপে কতং.

অজঞ্ঞং ¶ জঞ্ঞসঙ্খাতং, অসুচিং সুচিসম্মতং;

নানাকুণপপরিপূরং, জঞ্ঞরূপং অপস্সতো.

ধিরত্থুমং ¶ আতুরং পূতিকাযং, জেগুচ্ছিযং অস্সুচিং ব্যাধিধম্মং;

যত্থপ্পমত্তা অধিমুচ্ছিতা পজা, হাপেন্তি মগ্গং সুগতূপপত্তিযাতি.

কাযনিব্বিন্দ [কাযৰিচ্ছন্দ (সী.), কাযৰিচ্ছিন্দ (পী.)] জাতকং ততিযং.

কোযং বিন্দুস্সরো ৰগ্গু, সরৰন্তান [পৰদন্তান (সী. পী.)] মুত্তমো;

অচ্চুতো জম্বুসাখায, মোরচ্ছাপোৰ কূজতি.

কুলপুত্তোৰ জানাতি [কুলপুত্তো পজানাতি (স্যা. ক.)], কুলপুত্তং [কুলপুত্তে (সী. পী.)] পসংসিতুং;

ব্যগ্ঘচ্ছাপসরীৰণ্ণ, ভুঞ্জ সম্ম দদামি তে.

চিরস্সং ৰত পস্সামি, মুসাৰাদী সমাগতে;

ৰন্তাদং কুণপাদঞ্চ, অঞ্ঞমঞ্ঞং পসংসকেতি.

উসভস্সেৰ তে খন্ধো, সীহস্সেৰ ৰিজম্ভিতং;

মিগরাজ নমো ত্যত্থু, অপি কিঞ্চি লভামসে.

কুলপুত্তোৰ জানাতি, কুলপুত্তং পসংসিতুং;

মযূরগীৰসঙ্কাস, ইতো পরিযাহি ৰাযস.

মিগানং ¶ ¶ সিঙ্গালো [কোত্থুকো (সী. পী.), কোট্ঠুকো (স্যা.)] অন্তো, পক্খীনং পন ৰাযসো;

এরণ্ডো অন্তো রুক্খানং, তযো অন্তা সমাগতাতি.

কো নাযং [কো ন্ৰাযং (স্যা.)] লোণতোযস্মিং, সমন্তা পরিধাৰতি;

মচ্ছে মকরে চ ৰারেতি, ঊমীসু চ ৰিহঞ্ঞতি.

অনন্তপাযী সকুণো, অতিত্তোতি দিসাসুতো;

সমুদ্দং পাতুমিচ্ছামি, সাগরং সরিতং পতিং.

সো ¶ অযং হাযতি চেৰ, পূরতে চ মহোদধি;

নাস্স নাযতি পীতন্তো, অপেয্যো কির সাগরোতি.

উচ্চে সকুণ ডেমান, পত্তযান ৰিহঙ্গম;

ৰজ্জাসি খো ত্ৰং ৰামূরুং, চিরং খো সা করিস্সতি [সরিস্সতি (ক.)].

ইদং খো সা ন জানাতি, অসিং সত্তিঞ্চ ওড্ডিতং;

সা চণ্ডী কাহতি কোধং, তং মে তপতি নো ইদং [নো ইধ (সী. স্যা. পী.)].

এস ¶ উপ্পলসন্নাহো, নিক্খঞ্চুস্সীসকোহিতং [নিক্খমুস্সীসকে কতং (সী. পী.), নিক্খঞ্চুস্সীসকে কতং (স্যা.)];

কাসিকঞ্চ মুদুং ৰত্থং, তপ্পেতু ধনিকা পিযাতি [ধনকামিযাতি (স্যা. পী.), ধনকামিকাতি (সী.)].

উদুম্বরা চিমে পক্কা, নিগ্রোধা চ কপিত্থনা;

এহি নিক্খম ভুঞ্জস্সু, কিং জিঘচ্ছায মিয্যসি.

এৰং ¶ সো সুহিতো হোতি, যো ৰুড্ঢমপচাযতি;

যথাহমজ্জ সুহিতো, দুমপক্কানি মাসিতো.

যং ৰনেজো ৰনেজস্স, ৰঞ্চেয্য কপিনো কপি;

দহরো কপি [দহরোপি তং ন (সী. পী.), দহরোপি ন (স্যা.)] সদ্ধেয্য, ন হি জিণ্ণো জরাকপীতি.

পুরে তুৰং সীলৰতং সকাসে, ওক্কন্তিকং [ওক্কন্দিকং (সী. স্যা. পী.)] কীল়সি অস্সমম্হি;

করোহরে [করোহি রে (ক.)] মক্কটিযানি মক্কট, ন তং মযং সীলৰতং রমাম.

সুতা ¶ হি ময্হং পরমা ৰিসুদ্ধি, কোমারপুত্তস্স বহুস্সুতস্স;

মা দানি মং মঞ্ঞি তুৰং যথা পুরে, ঝানানুযুত্তো ৰিহরামি [ঝানানুযুত্তা ৰিহরাম (সী. পী.)] আৰুসো.

সচেপি সেলস্মি ৰপেয্য বীজং, দেৰো চ ৰস্সে ন হি তং ৰিরূল়্হে [নেৰ হি তং রুহেয্য (সী. পী.), ন হি তং ৰিরূহে (?)];

সুতা হি তে সা পরমা ৰিসুদ্ধি, আরা তুৰং মক্কট ঝানভূমিযাতি.

পরপাণরোধা ¶ [পরপাণঘাতে (স্যা.), পরপাণরোচং (ক.)] জীৰন্তো, মংসলোহিতভোজনো;

ৰকো ৰতং সমাদায, উপপজ্জি উপোসথং.

তস্স সক্কো ৰতঞ্ঞায, অজরূপেনুপাগমি;

ৰীততপো অজ্ঝপ্পত্তো, ভঞ্জি লোহিতপো তপং.

এৰমেৰ ¶ ইধেকচ্চে, সমাদানম্হি দুব্বলা;

লহুং করোন্তি অত্তানং, ৰকোৰ অজকারণাতি.

ৰরকুম্ভ ¶ সুপত্তসিরিৰ্হযনো, সুচিসম্মত বিন্দুসরো চুসভো;

সরিতংপতি চণ্ডি জরাকপিনা, অথ মক্কটিযা ৰককেন দসাতি.

সঙ্কপ্পো পদুমো চেৰ, উদপানেন ততিযং;

অব্ভন্তরং ঘটভেদং, তিকনিপাতম্হিলঙ্কতন্তি.

ৰিৰরথিমাসং ¶ ¶ ¶ [ৰিৰরথ ইমাসং (সী. স্যা. পী.)] দ্ৰারং, নগরং পৰিসন্তু [পৰিসিতুং মযা; (ক.)] অরুণরাজস্স;

সীহেন সুসিট্ঠেন, সুরক্খিতং [সুসত্থেন, সুরক্খিতং (সী. পী.), সুসিট্ঠেন (ক.)] নন্দিসেনেন.

জযো কলিঙ্গানমসয্হসাহিনং, পরাজযো অনযো [অজযো (স্যা.), অন্ৰিতো (ক.)] অস্সকানং;

ইচ্চেৰ তে ভাসিতং ব্রহ্মচারি, ন উজ্জুভূতা ৰিতথং ভণন্তি.

দেৰা মুসাৰাদমুপাতিৰত্তা, সচ্চং ধনং পরমং তেসু [তথং পেমকরং নু (ক.), তথং পরমং করং নু (স্যা.)] সক্ক;

তং তে মুসা ভাসিতং দেৰরাজ, কিং ৰা পটিচ্চ মঘৰা মহিন্দ.

ননু তে সুতং ব্রাহ্মণ ভঞ্ঞমানে, দেৰা ন ইস্সন্তি পুরিসপরক্কমস্স;

দমো সমাধি মনসো অভেজ্জো [অদেজ্জো (সী. পী.), অভিজ্জো (ক.)], অব্যগ্গতা ¶ নিক্কমনঞ্চ [নিক্খমনঞ্চ (সী.)] কালে;

দল়্হঞ্চ ৰিরিযং পুরিসপরক্কমো চ, তেনেৰ আসি ৰিজযো অস্সকানন্তি.

অদেয্যেসু দদং দানং, দেয্যেসু নপ্পৰেচ্ছতি;

আপাসু ব্যসনং পত্তো, সহাযং নাধিগচ্ছতি.

নাদেয্যেসু ¶ দদং দানং, দেয্যেসু যো পৰেচ্ছতি;

আপাসু ব্যসনং পত্তো, সহাযমধিগচ্ছতি.

সঞ্ঞোগসম্ভোগৰিসেসদস্সনং, অনরিযধম্মেসু সঠেসু নস্সতি;

কতঞ্চ অরিযেসু চ অজ্জৰেসু, মহপ্ফলং হোতি অণুম্পি তাদিসু.

যো পুব্বে কতকল্যাণো, অকা লোকে সুদুক্করং;

পচ্ছা কযিরা ন ৰা কযিরা, অচ্চন্তং পূজনারহোতি.

অনুত্তরে ¶ ¶ কামগুণে সমিদ্ধে, ভুত্ৰান পুব্বে ৰসী একরাজ;

সো দানি দুগ্গে নরকম্হি খিত্তো, নপ্পজ্জহে ৰণ্ণবলং পুরাণং.

পুব্বেৰ খন্তী চ তপো চ ময্হং, সম্পত্থিতা দুব্ভিসেন [দব্বসেনা (সী. পী.)] অহোসি;

তং দানি লদ্ধান কথং নু রাজ, জহে অহং ৰণ্ণবলং পুরাণং.

সব্বা কিরেৰং পরিনিট্ঠিতানি, যসস্সিনং পঞ্ঞৰন্তং ৰিসয্হ;

যসো চ লদ্ধা পুরিমং উল়ারং, নপ্পজ্জহে ৰণ্ণবলং পুরাণং.

পনুজ্জ দুক্খেন সুখং জনিন্দ, সুখেন ৰা দুক্খমসয্হসাহি;

উভযত্থ সন্তো অভিনিব্বুতত্তা, সুখে চ দুক্খে চ ভৰন্তি তুল্যাতি.

ইমানি ¶ ¶ মং দদ্দর তাপযন্তি, ৰাচাদুরুত্তানি মনুস্সলোকে;

মণ্ডূকভক্খা উদকন্তসেৰী, আসীৰিসং মং অৰিসা সপন্তি.

সকা রট্ঠা পব্বাজিতো, অঞ্ঞং জনপদং গতো;

মহন্তং কোট্ঠং কযিরাথ, দুরুত্তানং [দুরুত্তানি (ক.)] নিধেতৰে.

যত্থ পোসং ন জানন্তি, জাতিযা ৰিনযেন ৰা;

ন তত্থ মানং কযিরাথ, ৰসমঞ্ঞাতকে জনে.

ৰিদেসৰাসং ৰসতো, জাতৰেদসমেনপি [জাতৰেদভযেনপি (ক.)];

খমিতব্বং সপঞ্ঞেন, অপি দাসস্স তজ্জিতন্তি.

নত্থি লোকে রহো নাম, পাপকম্মং পকুব্বতো;

পস্সন্তি ৰনভূতানি, তং বালো মঞ্ঞতী রহো.

অহং রহো ন পস্সামি, সুঞ্ঞং ৰাপি ন ৰিজ্জতি;

যত্থ অঞ্ঞং [সুঞ্ঞং (স্যা. ক.)] ন পস্সামি, অসুঞ্ঞং হোতি তং মযা.

দুজ্জচ্চো চ সুজচ্চো [অজচ্চো (পী.)] চ, নন্দো চ সুখৰড্ঢিতো [সুখৰচ্ছকো (সী.), সুখৰচ্ছনো (স্যা. পী.)];

ৰেজ্জো ¶ চ অদ্ধুৰসীলো [অথ সীলো (ক.)] চ, তে ধম্মং জহু মত্থিকা.

ব্রাহ্মণো ¶ চ কথং জহে, সব্বধম্মান পারগূ;

যো ধম্মমনুপালেতি, ধিতিমা সচ্চনিক্কমোতি.

কিমণ্ডকা ¶ ইমে দেৰ, নিক্খিত্তা কংসমল্লকে;

উপলোহিতকা ৰগ্গূ, তং [তে (পী.)] মে অক্খাহি পুচ্ছিতো.

যানি পুরে তুৰং দেৰি, ভণ্ডু নন্তকৰাসিনী;

উচ্ছঙ্গহত্থা পচিনাসি, তস্সা তে কোলিযং ফলং.

উড্ডয্হতে ন রমতি, ভোগা ৰিপ্পজহন্তি তং [ৰিপ্পজহন্তি’মং (?)];

তত্থেৰিমং পটিনেথ, যত্থ কোলং পচিস্সতি.

হোন্তি হেতে মহারাজ, ইদ্ধিপ্পত্তায [ইদ্ধিমত্তায (ক.)] নারিযা;

খম দেৰ সুজাতায, মাস্সা [মাসু (ক.)] কুজ্ঝ রথেসভাতি.

অচেতনং ব্রাহ্মণ অস্সুণন্তং, জানো অজানন্তমিমং পলাসং;

আরদ্ধৰিরিযো ধুৰং অপ্পমত্তো, সুখসেয্যং ¶ পুচ্ছসি কিস্স হেতু.

দূরে সুতো চেৰ ব্রহা চ রুক্খো, দেসে ঠিতো ভূতনিৰাসরূপো;

তস্মা নমস্সামি ইমং পলাসং, যে চেত্থ ভূতা তে [তে চ (সী. পী.)] ধনস্স হেতু.

সো তে করিস্সামি যথানুভাৰং, কতঞ্ঞুতং ব্রাহ্মণ পেক্খমানো;

কথঞ্হি আগম্ম সতং সকাসে, মোঘানি তে অস্সু পরিফন্দিতানি.

যো ¶ তিন্দুকরুক্খস্স পরো [পুরো (ক.)] পিলক্খো [পিলক্খু (সী. পী.), মিলক্খু (ক.)], পরিৰারিতো পুব্বযঞ্ঞো উল়ারো;

তস্সেস মূলস্মিং নিধি নিখাতো, অদাযাদো গচ্ছ তং উদ্ধরাহীতি.

অকরম্হস তে কিচ্চং, যং বলং অহুৰম্হসে;

মিগরাজ নমো ত্যত্থু, অপি কিঞ্চি লভামসে.

মম ¶ লোহিতভক্খস্স, নিচ্চং লুদ্দানি কুব্বতো;

দন্তন্তরগতো সন্তো, তং বহুং যম্পি জীৰসি.

অকতঞ্ঞুমকত্তারং ¶ , কতস্স অপ্পটিকারকং;

যস্মিং কতঞ্ঞুতা নত্থি, নিরত্থা তস্স সেৰনা.

যস্স সম্মুখচিণ্ণেন, মিত্তধম্মো ন লব্ভতি;

অনুসূয [অনুসুয্য (সী. পী.)] মনক্কোসং, সণিকং তম্হা অপক্কমেতি.

সব্বমিদং চরিমং কতং [চরিমৰতং (সী. পী.)], উভো ধম্মং ন পস্সরে;

উভো পকতিযা চুতা, যো চাযং মন্তেজ্ঝাপেতি [মন্তজ্ঝাযতি (সী.), সজ্ঝাপযতি (পী.)];

সালীনং ওদনং ভুঞ্জে, সুচিং মংসূপসেচনং;

তস্মা এতং ন সেৰামি, ধম্মং ইসীহি সেৰিতং.

পরিব্বজ মহা লোকো [মহাব্রহ্মে (ক.)], পচন্তঞ্ঞেপি পাণিনো;

মা তং অধম্মো আচরিতো, অস্মা কুম্ভমিৰাভিদা.

ধিরত্থু ¶ তং যসলাভং, ধনলাভঞ্চ ব্রাহ্মণ;

যা ৰুত্তি ৰিনিপাতেন, অধম্মচরণেন ৰাতি.

সসমুদ্দপরিযাযং ¶ , মহিং সাগরকুণ্ডলং;

ন ইচ্ছে সহ নিন্দায, এৰং সেয্য [সয্হ (সী. স্যা. পী.)] ৰিজানহি.

ধিরত্থু তং যসলাভং, ধনলাভঞ্চ ব্রাহ্মণ;

যা ৰুত্তি ৰিনিপাতেন, অধম্মচরণেন ৰা.

অপি চে পত্তমাদায, অনগারো পরিব্বজে;

সাযেৰ জীৰিকা সেয্যো, যা চাধম্মেন এসনা.

অপি ¶ চে পত্তমাদায, অনগারো পরিব্বজে;

অঞ্ঞং অহিংসযং লোকে, অপি রজ্জেন তং ৰরন্তি.

সেয্যজাতকং [সয্হজাতকং (সী. স্যা. পী.)] দসমং.

কালিঙ্গৰগ্গো [ৰিৰরৰগ্গো (সী. পী.)] পঠমো.

ৰিৰরঞ্চ অদেয্য সমিদ্ধৰরং, অথ দদ্দর পাপমহাতিরহো;

অথ কোলি পলাসৰরঞ্চ কর, চরিমং সসমুদ্দৰরেন দসাতি.

উট্ঠেহি চোর কিং সেসি, কো অত্থো সুপনেন [সুপিতেন (সী.), সুপিনেন (পী. ক.)] তে;

মা ¶ তং গহেসুং [গণ্হেয্যুং (ক.)] রাজানো, গামে কিব্বিসকারকং.

যং ¶ নু [নূন (স্যা.)] চোরং গহেস্সন্তি, গামে কিব্বিসকারকং;

কিং তত্থ পুচিমন্দস্স, ৰনে জাতস্স তিট্ঠতো.

ন ত্ৰং অস্সত্থ জানাসি, মম চোরস্স চন্তরং;

চোরং গহেত্ৰা রাজানো, গামে কিব্বিসকারকং;

অপ্পেন্তি [অচ্চেন্তি (স্যা.)] নিম্বসূলস্মিং, তস্মিং মে সঙ্কতে মনো.

সঙ্কেয্য সঙ্কিতব্বানি, রক্খেয্যানাগতং ভযং;

অনাগতভযা ধীরো, উভো লোকে অৰেক্খতীতি.

অপি কস্সপ মন্দিযা, যুৰা সপতি হন্তি [সম্পটিহন্তি (ক.)] ৰা;

সব্বং তং খমতে ধীরো, পণ্ডিতো তং তিতিক্খতি.

সচেপি সন্তো ৰিৰদন্তি, খিপ্পং সন্ধীযরে পুন;

বালা পত্তাৰ ভিজ্জন্তি, ন তে সমথমজ্ঝগূ.

এতে ¶ ভিয্যো সমাযন্তি, সন্ধি তেসং ন জীরতি;

যো চাধিপন্নং জানাতি, যো চ জানাতি দেসনং.

এসো হি উত্তরিতরো, ভারৰহো ধুরদ্ধরো;

যো পরেসাধিপন্নানং ¶ , সযং সন্ধাতুমরহতীতি.

যো তে হত্থে চ পাদে চ, কণ্ণনাসঞ্চ ছেদযি;

তস্স কুজ্ঝ মহাৰীর, মা রট্ঠং ৰিনসা [ৰিনস্স (ক. সী. স্যা. ক.)] ইদং.

যো মে হত্থে চ পাদে চ, কণ্ণনাসঞ্চ ছেদযি;

চিরং জীৰতু সো রাজা, ন হি কুজ্ঝন্তি মাদিসা.

অহূ অতীতমদ্ধানং [অহু অতীতমদ্ধানে (স্যা. পী. ক.)], সমণো খন্তিদীপনো;

তং খন্তিযাযেৰ ঠিতং, কাসিরাজা অছেদযি.

তস্স ¶ কম্ম [কম্মস্স (সী. পী.)] ফরুসস্স, ৰিপাকো কটুকো অহু;

যং কাসিরাজা ৰেদেসি, নিরযম্হি সমপ্পিতোতি.

দুজ্জীৰিতমজীৰিম্হ, যে সন্তে [যেসং নো (স্যা. ক.)] ন দদম্হসে;

ৰিজ্জমানেসু ভোগেসু, দীপং নাকম্হ অত্তনো.

সট্ঠি [সট্ঠিং (স্যা.)] ৰস্সসহস্সানি, পরিপুণ্ণানি সব্বসো;

নিরযে পচ্চমানানং, কদা অন্তো ভৰিস্সতি.

নত্থি অন্তো কুতো অন্তো, ন অন্তো পটিদিস্সতি;

তদা ¶ হি পকতং পাপং, মম তুয্হঞ্চ মারিসা [মারিস (সী. স্যা. পী.)].

সোহং নূন ইতো গন্ত্ৰা, যোনিং লদ্ধান মানুসিং;

ৰদঞ্ঞূ সীলসম্পন্নো, কাহামি কুসলং বহুন্তি.

ফরুসা ¶ ৰত তে ৰাচা, মংসং [সম্ম (পী. ক.)] যাচনকো অসি [চসি (পী.)];

কিলোমসদিসী [কিলোমস্স সদিসা (পী.)] ৰাচা, কিলোমং সম্ম দম্মি তে.

অঙ্গমেতং মনুস্সানং, ভাতা লোকে পৰুচ্চতি;

অঙ্গস্স সদিসী ৰাচা [অঙ্গস্সদিসী তে ৰাচা (ক.)], অঙ্গং সম্ম দদামি তে.

তাতাতি পুত্তো ৰদমানো, কম্পেতি [সম্মেতি (ক.)] হদযং পিতু;

হদযস্স সদিসী [হদযস্সদিসী (ক.)] ৰাচা, হদযং সম্ম দম্মি তে.

যস্স গামে সখা নত্থি, যথারঞ্ঞং তথেৰ তং;

সব্বস্স সদিসী ৰাচা, সব্বং সম্ম দদামি তেতি.

সব্বমংসলাভজাতকং [মংসজাতকং (সী. স্যা. পী.)] পঞ্চমং.

সত্ত ¶ মে রোহিতা মচ্ছা, উদকা থলমুব্ভতা;

ইদং ব্রাহ্মণ মে অত্থি, এতং ভুত্ৰা ৰনে ৰস.

দুস্স মে খেত্তপালস্স, রত্তিভত্তং অপাভতং;

মংসসূলা ¶ চ দ্ৰে গোধা, একঞ্চ দধিৰারকং;

ইদং ব্রাহ্মণ মে অত্থি, এতং ভুত্ৰা ৰনে ৰস.

অম্বপক্কং দকং [অম্বপক্কোদকং (সী. পী.)] সীতং, সীতচ্ছাযা মনোরমা [সীতচ্ছাযং মনোরমং (সী. স্যা. পী.)];

ইদং ব্রাহ্মণ মে অত্থি, এতং ভুত্ৰা ৰনে ৰস.

ন সসস্স তিলা অত্থি, ন মুগ্গা নপি তণ্ডুলা;

ইমিনা অগ্গিনা পক্কং, মমং [মংসং (ক.)] ভুত্ৰা ৰনে ৰসাতি.

মতং মতং এৰ [মতমতমেৰ (সী. স্যা. পী.)] রোদথ, ন হি তং রোদথ যো মরিস্সতি;

সব্বেপি [সব্বেৰ (সী. স্যা. পী.)] সরীরধারিনো, অনুপুব্বেন জহন্তি জীৰিতং.

দেৰমনুস্সা চতুপ্পদা, পক্খিগণা উরগা চ ভোগিনো;

সম্হি [যম্হি (স্যা.), অস্মিং (পী. ক.)] সরীরে অনিস্সরা, রমমানাৰ জহন্তি জীৰিতং.

এৰং ¶ চলিতং অসণ্ঠিতং, সুখদুক্খং মনুজেস্ৰপেক্খিয;

কন্দিতরুদিতং নিরত্থকং, কিং ৰো সোকগণাভিকীররে.

ধুত্তা চ সোণ্ডা [ধুত্তা সোণ্ডা (সী.), ধুত্তা সোণ্ডা চ (স্যা.)] অকতা, বালা সূরা অযোগিনো [বালা সূরা ৰীরা অযোগিনো (পী.)];

ধীরং মঞ্ঞন্তি বালোতি, যে ধম্মস্স অকোৰিদাতি.

যং ¶ ¶ তং ৰসন্তসমযে, কণৰেরেসু ভাণুসু;

সামং বাহায পীল়েসি, সা তং আরোগ্যমব্রৰি.

অম্ভো ন কির সদ্ধেয্যং, যং ৰাতো পব্বতং ৰহে;

পব্বতঞ্চে ৰহে ৰাতো, সব্বম্পি পথৰিং ৰহে;

যত্থ সামা কালকতা [কালঙ্কতা (ক.)], সা মং আরোগ্যমব্রৰি.

ন চেৰ সা কালকতা, ন চ সা অঞ্ঞমিচ্ছতি;

একভত্তিকিনী [একভত্তা কির (সী. স্যা.), একভত্তকিনী (পী.)] সামা, তমেৰ অভিকঙ্খতি.

অসন্থুতং মং চিরসন্থুতেন [অসন্ধতং মং চিরসন্ধতেন (ক.)], নিমীনি সামা অধুৰং ধুৰেন;

মযাপি সামা নিমিনেয্য অঞ্ঞং, ইতো অহং দূরতরং গমিস্সন্তি.

সুসুখং ৰত জীৰামি, লভামি চেৰ ভুঞ্জিতুং;

পরিপন্থেৰ তিট্ঠামি, কা নু ভন্তে গতী মম.

মনো চে তে নপ্পণমতি, পক্খি পাপস্স কম্মুনো;

অব্যাৰটস্স ভদ্রস্স, ন পাপমুপলিম্পতি.

ঞাতকো নো নিসিন্নোতি, বহু আগচ্ছতে জনো;

পটিচ্চ ¶ কম্মং ফুসতি, তস্মিং মে সঙ্কতে মনো.

ন পটিচ্চ কম্মং ফুসতি, মনো চে নপ্পদুস্সতি;

অপ্পোস্সুক্কস্স ভদ্রস্স, ন পাপমুপলিম্পতীতি.

সুচ্চজং ¶ ¶ ৰত নচ্চজি, ৰাচায অদদং গিরিং;

কিং হিতস্স চজন্তস্স, ৰাচায অদদ পব্বতং.

যঞ্হি কযিরা তঞ্হি ৰদে, যং ন কযিরা ন তং ৰদে;

অকরোন্তং ভাসমানং, পরিজানন্তি পণ্ডিতা.

রাজপুত্ত নমো ত্যত্থু, সচ্চে ধম্মে ঠিতো চসি;

যস্স তে ব্যসনং পত্তো, সচ্চস্মিং রমতে মনো.

যা দলিদ্দী দলিদ্দস্স, অড্ঢা অড্ঢস্স কিত্তিম [কিত্তিমা (সী. স্যা. পী.)];

সা হিস্স পরমা ভরিযা, সহিরঞ্ঞস্স ইত্থিযোতি.

অথ চোর সকস্সপ খন্তীৰরো, দুজ্জীৰিততা চ ৰরা ফরুসা;

অথ ¶ সস মতঞ্চ ৰসন্ত সুখং, সুচ্চজংৰতনচ্চজিনা চ দসাতি.

মনুস্সস্সেৰ তে সীসং, হত্থপাদা চ ৰানর;

অথ কেন নু ৰণ্ণেন, অগারং তে ন ৰিজ্জতি.

মনুস্সস্সেৰ মে সীসং, হত্থপাদা চ সিঙ্গিল [সিঙ্গাল (ক.), পিঙ্গল (টীকা)];

যাহু সেট্ঠা মনুস্সেসু, সা মে পঞ্ঞা ন ৰিজ্জতি.

অনৰট্ঠিতচিত্তস্স ¶ , লহুচিত্তস্স দুব্ভিনো [দূভিনো (পী.)];

নিচ্চং অদ্ধুৰসীলস্স, সুখভাৰো [সুচিভাৰো (সী.), সুখভাগো (?)] ন ৰিজ্জতি.

সো ¶ করস্সু আনুভাৰং, ৰীতিৰত্তস্সু সীলিযং;

সীতৰাতপরিত্তাণং, করস্সু কুটৰং [কুটিকং (সী. স্যা.)] কপীতি.

কুটিদূসক [সিঙ্গালসকুণ (ক.)] জাতকং পঠমং.

দুদ্দুভাযতি [দদ্দভাযতি (সী. পী.)] ভদ্দন্তে, যস্মিং দেসে ৰসামহং;

অহম্পেতং ন জানামি, কিমেতং দুদ্দুভাযতি.

বেলুৰং ¶ পতিতং সুত্ৰা, দুদ্দুভন্তি [দদ্দভন্তি (সী.)] সসো জৰি;

সসস্স ৰচনং সুত্ৰা, সন্তত্তা মিগৰাহিনী.

অপ্পত্ৰা পদৰিঞ্ঞাণং, পরঘোসানুসারিনো;

পনাদপরমা বালা, তে হোন্তি পরপত্তিযা.

যে চ সীলেন সম্পন্না, পঞ্ঞাযূপসমে রতা;

আরকা ৰিরতা ধীরা, ন হোন্তি পরপত্তিযাতি.

দুদ্দুভজাতকং [দদ্দভজাতকং (সী. পী.)] দুতিযং.

দ্ৰযং যাচনকো রাজ, ব্রহ্মদত্ত নিগচ্ছতি;

অলাভং ধনলাভং ৰা, এৰং ধম্মা হি যাচনা.

যাচনং রোদনং আহু, পঞ্চালানং রথেসভ;

যো যাচনং পচ্চক্খাতি, তমাহু পটিরোদনং.

মা মদ্দসংসু রোদন্তং, পঞ্চালা সুসমাগতা;

তুৰং ৰা পটিরোদন্তং, তস্মা ইচ্ছামহং রহো.

দদামি ¶ তে ব্রাহ্মণ রোহিণীনং, গৰং সহস্সং সহ পুঙ্গৰেন;

অরিযো হি অরিযস্স কথং ন দজ্জা [দজ্জে (সী.), দজ্জং (?)], সুত্ৰান গাথা তৰ ধম্মযুত্তাতি.

কল্যাণরূপো ¶ ৰতযং চতুপ্পদো, সুভদ্দকো চেৰ সুপেসলো চ;

যো ব্রাহ্মণং জাতিমন্তূপপন্নং, অপচাযতি মেণ্ডৰরো যসস্সী.

মা ¶ ব্রাহ্মণ ইত্তরদস্সনেন, ৰিস্সাসমাপজ্জি চতুপ্পদস্স;

দল়্হপ্পহারং অভিকঙ্খমানো [অভিকত্তুকামো (স্যা.)], অৰসক্কতী দস্সতি সুপ্পহারং.

ঊরুট্ঠি [ঊরট্ঠি (সী.)] ভগ্গং পৰট্টিতো [পতিতো (সী. স্যা.)] খারিভারো, সব্বঞ্চ ভণ্ডং ব্রাহ্মণস্স [ব্রাহ্মণস্সীধ (ক. সী. পী.), ব্রাহ্মণস্সেৰ (ক. সী. স্যা. ক.)] ভিন্নং;

উভোপি বাহা পগ্গয্হ [পগ্গয্যেৰ (স্যা.), পগ্গহীয (?)] কন্দতি [বাহা পগ্গয্য কন্দতি (পী. ক.)], অভিধাৰথ হঞ্ঞতে ব্রহ্মচারী.

এৰং সো নিহতো সেতি, যো অপূজং পসংসতি [নমস্সতি (পী.)];

যথাহমজ্জ পহতো, হতো মেণ্ডেন দুম্মতীতি.

সমণং ¶ তং মঞ্ঞমানো, উপগচ্ছিমসঞ্ঞতং;

সো মং দণ্ডেন পাহাসি, যথা অস্সমণো তথা.

কিং ¶ তে জটাহি দুম্মেধ, কিং তে অজিনসাটিযা;

অব্ভন্তরং তে গহনং, বাহিরং পরিমজ্জসি.

এহি গোধ নিৰত্তস্সু, ভুঞ্জ সালীনমোদনং;

তেলং লোণঞ্চ মে অত্থি, পহূতং ময্হ পিপ্ফলি.

এস ভিয্যো পৰেক্খামি, ৰম্মিকং সতপোরিসং;

তেলং লোণঞ্চ কিত্তেসি [কিন্তেসি (স্যা. পী.)], অহিতং ময্হ পিপ্ফলীতি.

কাযেন যো নাৰহরে, ৰাচায ন মুসা ভণে;

যসো লদ্ধা ন মজ্জেয্য, স ৰে কক্কারুমরহতি.

ধম্মেন ৰিত্তমেসেয্য, ন নিকত্যা ধনং হরে;

ভোগে লদ্ধা ন মজ্জেয্য, স ৰে কক্কারুমরহতি.

যস্স চিত্তং অহালিদ্দং, সদ্ধা চ অৰিরাগিনী;

একো সাদুং ন ভুঞ্জেয্য, স ৰে কক্কারুমরহতি.

সম্মুখা ৰা তিরোক্খা ৰা [পরোক্খা ৰা (পী.), পরম্মুখা (ক.)], যো সন্তে ন পরিভাসতি;

যথাৰাদী ¶ তথাকারী, স ৰে কক্কারুমরহতীতি.

ৰাতি ¶ চাযং [ৰাযং (ক.)] ততো গন্ধো, যত্থ মে ৰসতী পিযা;

দূরে ইতো হি কাকৰতী [কাকাতী (সী.), কাকাতি (স্যা. পী.)], যত্থ মে নিরতো মনো.

কথং সমুদ্দমতরী, কথং অতরি কেপুকং [কেবুকং (সী. পী.)];

কথং সত্ত সমুদ্দানি, কথং সিম্বলিমারুহি.

তযা সমুদ্দমতরিং, তযা অতরি কেপুকং [কেবুকং (সী. পী.)];

তযা সত্ত সমুদ্দানি, তযা সিম্বলিমারুহিং.

ধিরত্থুমং ¶ মহাকাযং, ধিরত্থুমং অচেতনং;

যত্থ জাযাযহং জারং, আৰহামি ৰহামি চাতি.

বহূনং ৰিজ্জতী ভোতী, তেহি মে কিং ভৰিস্সতি;

তস্মা এতং ন সোচামি, পিযং সম্মিল্লহাসিনিং.

তং তং চে অনুসোচেয্য, যং যং তস্স ন ৰিজ্জতি;

অত্তানমনুসোচেয্য, সদা মচ্চুৰসং পতং.

ন ¶ হেৰ ঠিতং নাসীনং, ন সযানং ন পদ্ধগুং [পত্থগুং (স্যা.)];

যাৰ ব্যাতি নিমিসতি, তত্রাপি রসতী [সরতী (সী. স্যা. পী.)] ৰযো.

তত্থত্তনি ৰতপ্পদ্ধে [ৰত পন্থে (স্যা.), ৰত বন্ধে (ক.) ৰত + প-অদ্ধে = ৰতপ্পদ্ধে], ৰিনাভাৰে অসংসযে;

ভূতং সেসং দযিতব্বং, ৰীতং অননুসোচিযন্তি [চৰিতং নানুসোচিযন্তি (স্যা.), মতন্তং নানুসোচিযং (ক.)].

যং অন্নপানস্স পুরে লভাম, তং দানি সাখমিগমেৰ গচ্ছতি;

গচ্ছাম দানি ৰনমেৰ রাধ, অসক্কতা চস্ম ধনঞ্জযায [ধনঞ্চযায (ক.)].

লাভো অলাভো যসো অযসো চ, নিন্দা পসংসা চ সুখঞ্চ দুক্খং;

এতে অনিচ্চা মনুজেসু ধম্মা, মা সোচি কিং সোচসি পোট্ঠপাদ.

অদ্ধা ¶ তুৰং পণ্ডিতকোসি রাধ, জানাসি অত্থানি অনাগতানি;

কথং ¶ নু সাখামিগং দক্খিসাম [দক্খিযাম (ক.), দক্খাম (স্যা.)], নিদ্ধাৰিতং [নিদ্ধাপিতং (সী. স্যা.), নিব্বাপিতং (পী.), নিচ্ছদং (ক.)] রাজকুলতোৰ জম্মং.

চালেতি ¶ কণ্ণং ভকুটিং করোতি, মুহুং মুহুং ভাযযতে [ভাযতে (স্যা.), ভাযাপতে (ক.)] কুমারে;

সযমেৰ তং কাহতি কাল়বাহু, যেনারকা ঠস্সতি অন্নপানাতি.

সীলং কিরেৰ কল্যাণং, সীলং লোকে অনুত্তরং;

পস্স ঘোরৰিসো নাগো, সীলৰাতি ন হঞ্ঞতি.

যাৰদেৰস্সহূ কিঞ্চি, তাৰদেৰ অখাদিসুং;

সঙ্গম্ম কুললা লোকে, ন হিংসন্তি অকিঞ্চনং.

সুখং নিরাসা সুপতি, আসা ফলৰতী সুখা;

আসং নিরাসং কত্ৰান, সুখং সুপতি পিঙ্গলা.

ন সমাধিপরো অত্থি, অস্মিং লোকে পরম্হি চ;

ন পরং নাপি অত্তানং, ৰিহিংসতি সমাহিতোতি.

সমনুস্স ¶ -সদুদ্দুভ-যাচনকো, অথ মেণ্ডৰরুত্তম-গোধৰরো;

অথ কাযসকেপুক ভোতীৰরো, অথ রাধসুসীলৰরেন দসাতি.

যো ¶ ৰে কালে অসম্পত্তে, অতিৰেলং পভাসতি;

এৰং সো নিহতো সেতি, কোকিলাযিৰ অত্রজো.

ন হি সত্থং সুনিসিতং, ৰিসং হলাহলামিৰ [হলাহলং ইৰ (পী.)];

এৰং নিকট্ঠে [নিক্কড্ঢে (স্যা.), নিকড্ঢে (ক.)] পাতেতি, ৰাচা দুব্ভাসিতা যথা.

তস্মা কালে অকালে ৰা [অকালে চ (সী. স্যা.)], ৰাচং রক্খেয্য পণ্ডিতো;

নাতিৰেলং পভাসেয্য, অপি অত্তসমম্হি ৰা.

যো ¶ চ কালে মিতং ভাসে, মতিপুব্বো ৰিচক্খণো;

সব্বে অমিত্তে আদেতি, সুপণ্ণো উরগামিৰাতি.

কোকিলজাতকং [কোকালিকজাতকং (সব্বত্থ)] পঠমং.

অপি হন্ত্ৰা হতো ব্রূতি, জেত্ৰা জিতোতি ভাসতি;

পুব্বৰক্খাযিনো ¶ [পুব্বমক্খাযিনো (সী. স্যা.)] রাজ, অঞ্ঞদত্থু [একদত্থু (সী. পী.)] ন সদ্দহে.

তস্মা পণ্ডিতজাতিযো, সুণেয্য ইতরস্সপি;

উভিন্নং ৰচনং সুত্ৰা, যথা ধম্মো তথা করে.

অলসো গিহী কামভোগী ন সাধু, অসঞ্ঞতো পব্বজিতো ন সাধু;

রাজা ন সাধু অনিসম্মকারী, যো পণ্ডিতো কোধনো তং ন সাধু.

নিসম্ম খত্তিযো কযিরা, নানিসম্ম দিসম্পতি;

নিসম্মকারিনো রাজ [রঞ্ঞো (সী. স্যা.)], যসো কিত্তি চ ৰড্ঢতীতি.

তদেৰ ¶ মে ত্ৰং ৰিদিতো, ৰনমজ্ঝে রথেসভ;

যস্স তে খগ্গবদ্ধস্স, সন্নদ্ধস্স তিরীটিনো;

অস্সত্থদুমসাখায, পক্কা গোধা পলাযথ.

নমে নমন্তস্স ভজে ভজন্তং, কিচ্চানুকুব্বস্স করেয্য কিচ্চং;

নানত্থকামস্স করেয্য অত্থং, অসম্ভজন্তম্পি ন সম্ভজেয্য.

চজে ¶ চজন্তং ৰনথং ন কযিরা, অপেতচিত্তেন ন সম্ভজেয্য;

দিজো দুমং খীণফলন্তি [ফলংৰ (ক. সী. স্যা. ক.), দুকনিপাতে পুটভত্তজাতকেন সংসন্দেতব্বং] ঞত্ৰা, অঞ্ঞং সমেক্খেয্য মহা হি লোকো.

সো তে করিস্সামি যথানুভাৰং, কতঞ্ঞুতং খত্তিযে [খত্তিযো (স্যা. ক.)] পেক্খমানো;

সব্বঞ্চ তে ইস্সরিযং দদামি, যস্সিচ্ছসী তস্স তুৰং দদামীতি.

পক্কগোধজাতকং [গোধজাতকং (সী. স্যা. পী.)] ততিযং.

গৰং চে তরমানানং, জিম্হং গচ্ছতি পুঙ্গৰো;

সব্বা তা জিম্হং গচ্ছন্তি [সব্বা গাৰী জিম্হং যন্তি (সী. স্যা.)], নেত্তে জিম্হং গতে সতি.

এৰমেৰ ¶ মনুস্সেসু, যো হোতি সেট্ঠসম্মতো;

সো চে অধম্মং চরতি, পগেৰ ইতরা পজা;

সব্বং রট্ঠং দুখং সেতি, রাজা চে হোতি অধম্মিকো.

গৰং চে তরমানানং, উজুং গচ্ছতি পুঙ্গৰো;

সব্বা গাৰী উজুং যন্তি [সব্বা তা উজুং গচ্ছন্তি (পী. অ. নি. ৪.৭০)], নেত্তে উজুং গতে সতি.

এৰমেৰ ¶ মনুস্সেসু, যো হোতি সেট্ঠসম্মতো;

সো সচে ধম্মং চরতি, পগেৰ ইতরা পজা;

সব্বং ¶ রট্ঠং সুখং সেতি, রাজা চে হোতি ধম্মিকোতি.

ব্রহা পৰড্ঢকাযো সো, দীঘদাঠো চ জম্বুক;

ন ত্ৰং তত্থ কুলে জাতো, যত্থ গণ্হন্তি কুঞ্জরং.

অসীহো সীহমানেন, যো অত্তানং ৰিকুব্বতি;

কোত্থূৰ [কুট্ঠূৰ (সী.), কুত্থুৰ (স্যা. পী)] গজমাসজ্জ, সেতি ভূম্যা অনুত্থুনং.

যসস্সিনো উত্তমপুগ্গলস্স, সঞ্জাতখন্ধস্স মহব্বলস্স;

অসমেক্খিয থামবলূপপত্তিং, স সেতি নাগেন হতোযং জম্বুকো.

যো চীধ কম্মং কুরুতে পমায, থামব্বলং অত্তনি সংৰিদিত্ৰা;

জপ্পেন মন্তেন সুভাসিতেন, পরিক্খৰা সো ৰিপুলং জিনাতীতি.

তিণং তিণন্তি লপসি, কো নু তে তিণমাহরি;

কিং ¶ নু তে তিণকিচ্চত্থি, তিণমেৰ পভাসসি.

ইধাগমা ব্রহ্মচারী, ব্রহা ছত্তো বহুস্সুতো;

সো মে [সো ৰে (ক.)] সব্বং সমাদায, তিণং নিক্খিপ্প গচ্ছতি.

এৰেতং হোতি কত্তব্বং, অপ্পেন বহুমিচ্ছতা;

সব্বং সকস্স আদানং, অনাদানং তিণস্স চ. ( ) [(তিণস্স চাটীসু গতো, তত্থ কা পরিদেৰনা) (সী. স্যা.) (চাটীসু পক্খিপিত্ৰান, তত্থ কা পরিদেৰনা) (ক.)]

সীলৰন্তো ¶ ¶ ন কুব্বন্তি, বালো সীলানি কুব্বতি;

অনিচ্চসীলং দুস্সীল্যং [দুস্সীলং (পী.)], কিং পণ্ডিচ্চং করিস্সতীতি.

ন তে পীঠমদাযিম্হা [মদাসিম্হ (পী. ক.)], ন পানং নপি ভোজনং;

ব্রহ্মচারি খমস্সু মে, এতং পস্সামি অচ্চযং.

নেৰাভিসজ্জামি ন চাপি কুপ্পে, ন চাপি মে অপ্পিযমাসি কিঞ্চি;

অথোপি মে আসি মনোৰিতক্কো, এতাদিসো নূন কুলস্স ধম্মো.

এসস্মাকং কুলে ধম্মো, পিতুপিতামহো সদা;

আসনং উদকং পজ্জং, সব্বেতং নিপদামসে.

এসস্মাকং ¶ কুলে ধম্মো, পিতুপিতামহো সদা;

সক্কচ্চং উপতিট্ঠাম, উত্তমং ৰিয ঞাতকন্তি.

ৰিদিতং থুসং উন্দুরানং [উন্দূরানং (ক.)], ৰিদিতং পন তণ্ডুলং;

থুসং থুসং [থুসং থূলং (সী.)] ৰিৰজ্জেত্ৰা, তণ্ডুলং পন খাদরে.

যা মন্তনা অরঞ্ঞস্মিং, যা চ গামে নিকণ্ণিকা;

যঞ্চেতং ইতি চীতি চ, এতম্পি ৰিদিতং মযা.

ধম্মেন কির জাতস্স, পিতা পুত্তস্স মক্কটো;

দহরস্সেৰ সন্তস্স, দন্তেহি ফলমচ্ছিদা.

যমেতং পরিসপ্পসি [পরিসব্বেসি (ক.)], অজকাণোৰ সাসপে;

যোপাযং হেট্ঠতো সেতি [সেসি (সী.)], এতম্পি ৰিদিতং মযাতি.

অদস্সনেন ¶ মোরস্স, সিখিনো মঞ্জুভাণিনো;

কাকং তত্থ অপূজেসুং, মংসেন চ ফলেন চ.

যদা ¶ চ সরসম্পন্নো, মোরো বাৰেরুমাগমা;

অথ ¶ লাভো চ সক্কারো, ৰাযসস্স অহাযথ.

যাৰ নুপ্পজ্জতী বুদ্ধো, ধম্মরাজা পভঙ্করো;

তাৰ অঞ্ঞে অপূজেসুং, পুথূ সমণব্রাহ্মণে.

যদা চ সরসম্পন্নো, বুদ্ধো ধম্মং অদেসযি;

অথ লাভো চ সক্কারো, তিত্থিযানং অহাযথাতি.

অদাসি দানানি পুরে ৰিসয্হ, দদতো চ তে খযধম্মো অহোসি;

ইতো পরং চে ন দদেয্য দানং, তিট্ঠেয্যুং তে সংযমন্তস্স ভোগা.

অনরিযমরিযেন সহস্সনেত্ত, সুদুগ্গতেনাপি অকিচ্চমাহু;

মা ৰো ধনং তং অহু দেৰরাজ [অহুৰা জনিন্দ (ক. সী. স্যা. পী.)], যং ভোগহেতু ৰিজহেমু সদ্ধং.

যেন একো রথো যাতি, যাতি তেনাপরো রথো;

পোরাণং নিহিতং ৰত্তং, ৰত্ততঞ্ঞেৰ [ৰদ্ধং, ৰদ্ধতঞ্ঞেৰ (ক. সী. পী.)] ৰাসৰ.

যদি ¶ হেস্সতি দস্সাম, অসন্তে কিং দদামসে;

এৰংভূতাপি দস্সাম, মা দানং পমদম্হসেতি.

কোকিলৰগ্গো [কোকালিকৰগ্গো (ক.)] চতুত্থো.

অতিৰেলপভাসতি ¶ জীতৰরো, ৰনমজ্ঝ রথেসভ জিম্হগমো;

অথ জম্বু তিণাসনপীঠৰরং, অথ তণ্ডুল মোর ৰিসয্হ দসাতি.

নরানমারামকরাসু নারিসু, অনেকচিত্তাসু অনিগ্গহাসু চ;

সব্বত্থ নাপীতিকরাপি [সব্ব’ত্তনা’পীতিকরাপি (সী. স্যা.)] চে সিযা [সিযুং (স্যা.)], ন ৰিস্সসে তিত্থসমা হি নারিযো.

যং ¶ ৰে [যঞ্চ (স্যা. ক.)] দিস্ৰা কণ্ডরীকিন্নরানং [কিন্নরকিন্নরীনং (স্যা.), কিন্নরীকিন্নরানং (ক.)], সব্বিত্থিযো ন রমন্তি অগারে;

তং ¶ তাদিসং মচ্চং চজিত্ৰা ভরিযা, অঞ্ঞং দিস্ৰা পুরিসং পীঠসপ্পিং.

বকস্স চ বাৰরিকস্স [পাৰারিকস্স (সী.)] রঞ্ঞো, অচ্চন্তকামানুগতস্স ভরিযা;

অৰাচরী [অচ্চাচরি (স্যা.), অনাচরি (ক.)] পট্ঠৰসানুগস্স [বদ্ধৰসানুগস্স (সী. স্যা.), পত্তৰসানুগতস্স (ক.)], কং ৰাপি ইত্থী নাতিচরে তদঞ্ঞং.

পিঙ্গিযানী সব্বলোকিস্সরস্স, রঞ্ঞো পিযা ব্রহ্মদত্তস্স ভরিযা;

অৰাচরী পট্ঠৰসানুগস্স, তং ৰাপি সা নাজ্ঝগা কামকামিনীতি.

কণ্ডরীজাতকং [কিন্নরীজাতকং (ক. সী. ক.), কুণ্ডলিকজাতকং (স্যা.)] পঠমং.

অসক্খিং ¶ ৰত অত্তানং, উদ্ধাতুং উদকা থলং;

ন দানাহং পুন তুয্হং, ৰসং গচ্ছামি ৰারিজ.

অলমেতেহি অম্বেহি, জম্বূহি পনসেহি চ;

যানি পারং সমুদ্দস্স, ৰরং ময্হং উদুম্বরো.

যো চ উপ্পতিতং অত্থং, ন খিপ্পমনুবুজ্ঝতি;

অমিত্তৰসমন্ৰেতি ¶ , পচ্ছা চ অনুতপ্পতি.

যো চ উপ্পতিতং অত্থং, খিপ্পমেৰ নিবোধতি;

মুচ্চতে সত্তুসম্বাধা, ন চ পচ্ছানুতপ্পতীতি.

অৰসিম্হ তৰাগারে, নিচ্চং সক্কতপূজিতা;

ত্ৰমেৰ দানিমকরি, হন্দ রাজ ৰজামহং.

যো ৰে কতে পটিকতে, কিব্বিসে পটিকিব্বিসে;

এৰং তং সম্মতী ৰেরং, ৰস কুন্তিনি মাগমা.

ন কতস্স চ কত্তা চ, মেত্তি [মেত্তী (পী.), মিত্তী (ক.)] সন্ধীযতে পুন;

হদযং নানুজানাতি, গচ্ছঞ্ঞেৰ রথেসভ.

কতস্স চেৰ কত্তা চ, মেত্তি সন্ধীযতে পুন;

ধীরানং নো চ বালানং, ৰস কুন্তিনি মাগমাতি.

যো ¶ নীলিযং মণ্ডযতি, সণ্ডাসেন ৰিহঞ্ঞতি;

তস্স সা ৰসমন্ৰেতু, যা তে অম্বে অৰাহরি.

ৰীসং ৰা পঞ্চৰীসং [পণ্ণুৰীসং (ক. সী. পী.)] ৰা, ঊনতিংসং ৰ জাতিযা;

তাদিসা ¶ পতি মা লদ্ধা [পতিং মা লদ্ধা (পী.), পতি মা’লত্থ (?)], যা তে অম্বে অৰাহরি.

দীঘং ¶ গচ্ছতু অদ্ধানং, একিকা অভিসারিকা;

সঙ্কেতে পতি মা অদ্দ [মা অদ্দস (সী. পী.)], যা তে অম্বে অৰাহরি.

অলঙ্কতা সুৰসনা, মালিনী চন্দনুস্সদা;

একিকা সযনে সেতু, যা তে অম্বে অৰাহরীতি.

অম্বজাতকং [অম্বচোরজাতকং (ক. সী. পী.)] চতুত্থং.

ৰনং যদগ্গি দহতি, পাৰকো কণ্হৰত্তনী;

কথং করোসি পচলক, এৰং দন্ধপরক্কমো.

বহূনি রুক্খছিদ্দানি, পথব্যা ৰিৰরানি চ;

তানি চে নাভিসম্ভোম, হোতি নো কালপরিযাযো.

যো দন্ধকালে তরতি, তরণীযে চ দন্ধতি;

সুক্খপণ্ণংৰ অক্কম্ম, অত্থং ভঞ্জতি অত্তনো.

যো দন্ধকালে দন্ধেতি, তরণীযে চ তারযি;

সসীৰ রত্তিং ৰিভজং, তস্সত্থো পরিপূরতীতি.

মনুস্সিন্দং ¶ জহিত্ৰান, সব্বকামসমিদ্ধিনং;

কথং নু ভগৰা কেসী, কপ্পস্স রমতি অস্সমে [রমতস্সমে (ক.)].

সাদূনী [সাধূনি (ক. সী. স্যা. ক.)] রমণীযানি, সন্তি ৰক্খা মনোরমা;

সুভাসিতানি কপ্পস্স, নারদ রমযন্তি মং.

সালীনং ওদনং ভুঞ্জে, সুচিং মংসূপসেচনং;

কথং সামাকনীৰারং, অলোণং ছাদযন্তি তং.

সাদুং ¶ ৰা [অসাদুং (পী.)] যদি ৰাসাদুং, অপ্পং ৰা যদি ৰা বহুং;

ৰিস্সত্থো যত্থ ভুঞ্জেয্য, ৰিস্সাসপরমা রসাতি.

কেসৰজাতকং [কেসীজাতকং (ক.)] ছট্ঠং.

সব্বাযসং ¶ কূটমতিপ্পমাণং, পগ্গয্হ যো [সো (পী.)] তিট্ঠসি অন্তলিক্খে;

রক্খায মে [মং (সী.)] ত্ৰং ৰিহিতো নুসজ্জ, উদাহু মে চেতযসে [ৰাযমসে (সী. স্যা.)] ৰধায.

দূতো অহং রাজিধ রক্খসানং, ৰধায তুয্হং পহিতোহমস্মি;

ইন্দো ¶ চ তং রক্খতি দেৰরাজা, তেনুত্তমঙ্গং ন তে [ন হি (ক. সী. পী.), তে ন (ক.)] ফালযামি.

সচে চ মং রক্খতি দেৰরাজা, দেৰানমিন্দো মঘৰা সুজম্পতি;

কামং পিসাচা ৰিনদন্তু সব্বে, ন সন্তসে রক্খসিযা পজায.

কামং কন্দন্তু [কন্তন্তু (ক.), কণ্ডন্তু (স্যা.)] কুম্ভণ্ডা, সব্বে পংসুপিসাচকা;

নালং পিসাচা যুদ্ধায, মহতী সা ৰিভিংসিকাতি [ৰিভেসিকাতি (স্যা.), ৰিহেসিকাতি (পী.)].

অরঞ্ঞা গামমাগম্ম, কিংসীলং কিংৰতং অহং;

পুরিসং তাত সেৰেয্যং, তং মে অক্খাহি পুচ্ছিতো.

যো তং ৰিস্সাসযে তাত, ৰিস্সাসঞ্চ খমেয্য তে;

সুস্সূসী চ তিতিক্খী চ, তং ভজেহি ইতো [তং ভজেয্যাসিতো (ক.)] গতো.

যস্স কাযেন ৰাচায, মনসা নত্থি দুক্কটং;

উরসীৰ পতিট্ঠায, তং ভজেহি ইতো গতো.

হলিদ্দিরাগং ¶ কপিচিত্তং, পুরিসং রাগৰিরাগিনং;

তাদিসং ¶ তাত মা সেৰি, নিম্মনুস্সম্পি চে সিযাতি.

নেৰ ইত্থীসু সামঞ্ঞং, নাপি ভক্খেসু সারথি;

অথস্স সন্ধিভেদস্স, পস্স যাৰ সুচিন্তিতং.

অসি ¶ তিক্খোৰ মংসম্হি, পেসুঞ্ঞং পরিৰত্ততি;

যত্থূসভঞ্চ সীহঞ্চ, ভক্খযন্তি মিগাধমা.

ইমং সো সযনং সেতি, যমিমং [যযিমং (সী. পী.), যিমং (ক.)] পস্সসি সারথি;

যো ৰাচং সন্ধিভেদস্স, পিসুণস্স নিবোধতি.

তে জনা সুখমেধন্তি, নরা সগ্গগতারিৰ;

যে ৰাচং সন্ধিভেদস্স, নাৰবোধন্তি সারথীতি.

হন্তি হত্থেহি পাদেহি, মুখঞ্চ পরিসুম্ভতি;

স ৰে রাজ পিযো হোতি, কং তেন ত্ৰাভিপস্সসি [মভিপস্সসি (সী.)].

অক্কোসতি যথাকামং, আগমঞ্চস্স ইচ্ছতি;

স ¶ ৰে রাজ পিযো হোতি, কং তেন ত্ৰাভিপস্সসি.

অব্ভক্খাতি অভূতেন, অলিকেনাভিসারযে;

স ৰে রাজ পিযো হোতি, কং তেন ত্ৰাভিপস্সসি.

হরং অন্নঞ্চ পানঞ্চ, ৰত্থসেনাসনানি চ;

অঞ্ঞদত্থুহরা সন্তা, তে ৰে রাজ পিযা হোন্তি;

নরানং ¶ অসক্খিৰসিম্হৰরো, নীলিযমগ্গিৰরঞ্চ পুন;

পুন রসাযসকূটৰরো, তথারঞ্ঞ সারথি হন্তি দসাতি.

কালিঙ্গং [ৰিৰরং (বহূসু)] পুচিমন্দঞ্চ, কুটিদূসক কোকিলা [কুটিদূসং বহুভাণকং (বহূসু)];

চূল়কুণালৰগ্গো সো, পঞ্চমো সুপ্পকাসিতোতি.

জীনো ¶ ¶ ¶ রথস্সং মণিকুণ্ডলে চ, পুত্তে চ দারে চ তথেৰ জীনো;

সব্বেসু ভোগেসু অসেসকেসু [অসেসিতেসু (সী. পী.), অসেসিকেসু (ক.)], কস্মা ন সন্তপ্পসি সোককালে.

পুব্বেৰ মচ্চং ৰিজহন্তি ভোগা, মচ্চো ৰা তে [চ নে (পী.), ধনে (ক.)] পুব্বতরং জহাতি;

অসস্সতা ভোগিনো কামকামি, তস্মা ন সোচামহং সোককালে.

উদেতি আপূরতি ৰেতি [পূরেতি খীযতি (স্যা.)] চন্দো, অত্থং তপেত্ৰান [অন্ধং তপেত্ৰান (ক.), অত্থঙ্গমেত্ৰান (স্যা.), এত্থ ‘‘তপেত্ৰান অত্থং পলেতী’’তি সম্বন্ধো] পলেতি সূরিযো;

ৰিদিতা [ৰিজিতা (স্যা.)] মযা সত্তুক লোকধম্মা, তস্মা ন সোচামহং সোককালে.

অলসো গিহী কামভোগী ন সাধু, অসঞ্ঞতো ¶ পব্বজিতো ন সাধু;

রাজা ন সাধু অনিসম্মকারী, যো পণ্ডিতো কোধনো তং ন সাধু.

নিসম্ম খত্তিযো কযিরা, নানিসম্ম দিসম্পতি;

নিসম্মকারিনো রাজ [রঞ্ঞো (সী. স্যা.)], যসো কিত্তি চ ৰড্ঢতীতি.

কিং ¶ নু সন্তরমানোৰ, লাযিত্ৰা হরিতং তিণং;

খাদ খাদাতি লপসি, গতসত্তং জরগ্গৰং.

ন হি অন্নেন পানেন, মতো গোণো সমুট্ঠহে;

ত্ৰঞ্চ তুচ্ছং ৰিলপসি, যথা তং দুম্মতী তথা.

তথেৰ তিট্ঠতি সীসং, হত্থপাদা চ ৰালধি;

সোতা তথেৰ তিট্ঠন্তি [সো তাত তথেৰ তিট্ঠতি (ক.)], মঞ্ঞে গোণো সমুট্ঠহে.

নেৰয্যকস্স সীসঞ্চ [সীসং ৰা (সী. স্যা. পী.)], হত্থপাদা চ দিস্সরে;

রুদং মত্তিকথূপস্মিং, ননু ত্ৰঞ্ঞেৰ দুম্মতি.

আদিত্তং ¶ ৰত মং সন্তং, ঘতসিত্তংৰ পাৰকং;

ৰারিনা ৰিয ওসিঞ্চং [ওসিঞ্চি (ক.)], সব্বং নিব্বাপযে দরং.

অব্বহী [অব্বূল়্হং (সী. স্যা.), অব্ভূল়্হং (ক.)] ৰত মে সল্লং, যমাসি হদযস্সিতং [সোকং হদযনিস্সিতং (সী. স্যা.)];

যো ¶ মে সোকপরেতস্স, পিতু সোকং অপানুদি.

সোহং অব্বূল়্হসল্লোস্মি, ৰীতসোকো অনাৰিলো;

ন সোচামি ন রোদামি, তৰ সুত্ৰান মাণৰ.

এৰং করোন্তি সপ্পঞ্ঞা, যে হোন্তি অনুকম্পকা;

ৰিনিৰত্তেন্তি সোকম্হা, সুজাতো পিতরং যথাতি.

নযিদং নিচ্চং ভৰিতব্বং ব্রহ্মদত্ত, খেমং সুভিক্খং সুখতা চ কাযে;

অত্থচ্চযে মা অহু সম্পমূল়্হো, ভিন্নপ্লৰো সাগরস্সেৰ মজ্ঝে.

যানি ¶ করোতি পুরিসো, তানি অত্তনি পস্সতি;

কল্যাণকারী কল্যাণং, পাপকারী চ পাপকং;

যাদিসং ৰপতে বীজং, তাদিসং হরতে ফলং.

ইদং তদাচরিযৰচো, পারাসরিযো যদব্রৰি;

মা সু [মা স্সু (সী. স্যা. পী.)] ত্ৰং অকরি পাপং, যং ত্ৰং পচ্ছা কতং তপে.

অযমেৰ সো পিঙ্গিয [সো পিঙ্গিযো (স্যা.), সোপি ভিয্যো (ক.)] ৰেনসাখো, [ধোনসাখো (ক. সী. পী.)] যম্হি ¶ ঘাতযিং খত্তিযানং সহস্সং;

অলঙ্কতে চন্দনসারানুলিত্তে, তমেৰ দুক্খং পচ্চাগতং মমং.

সামা চ [সামাপি (সী. স্যা.)] খো চন্দনলিত্তগত্তা [গত্তী (ক. সী. স্যা. পী.)], লট্ঠীৰ সোভঞ্জনকস্স উগ্গতা;

অদিস্ৰা [অদিস্ৰাৰ (সী.)] কালং করিস্সামি উব্বরিং, তং মে ইতো দুক্খতরং ভৰিস্সতীতি.

ৰেনসাখজাতকং [ধোনসাখজাতকং (ক. সী. পী.)] ততিযং.

উরগোৰ তচং জিণ্ণং, হিত্ৰা গচ্ছতি সং তনুং;

এৰং সরীরে নিব্ভোগে, পেতে কালঙ্কতে সতি.

ডয্হমানো ন জানাতি, ঞাতীনং পরিদেৰিতং;

তস্মা এতং ন সোচামি, গতো সো তস্স যা গতি.

অনৰ্হিতো ¶ ততো আগা, অননুঞ্ঞাতো [নানুঞ্ঞাতো (ক.)] ইতো গতো;

যথাগতো তথা গতো, তত্থ কা পরিদেৰনা.

ডয্হমানো ন জানাতি, ঞাতীনং পরিদেৰিতং;

তস্মা এতং ন সোচামি, গতো সো তস্স যা গতি.

সচে রোদে কিসা [কিসী (পী.)] অস্সং, তস্সা মে কিং ফলং সিযা;

ঞাতিমিত্তসুহজ্জানং ¶ , ভিয্যো নো অরতী সিযা.

ডয্হমানো ¶ ন জানাতি, ঞাতীনং পরিদেৰিতং;

তস্মা এতং ন সোচামি, গতো সো তস্স যা গতি.

যথাপি দারকো চন্দং, গচ্ছন্তমনুরোদতি;

এৰং সম্পদমেৰেতং, যো পেতমনুসোচতি.

ডয্হমানো ন জানাতি, ঞাতীনং পরিদেৰিতং;

তস্মা এতং ন সোচামি, গতো সো তস্স যা গতি.

যথাপি উদককুম্ভো, ভিন্নো অপ্পটিসন্ধিযো;

এৰং সম্পদমেৰেতং, যো পেতমনুসোচতি.

ডয্হমানো ন জানাতি, ঞাতীনং পরিদেৰিতং;

তস্মা এতং ন সোচামি, গতো সো তস্স যা গতীতি.

অঞ্ঞে সোচন্তি রোদন্তি, অঞ্ঞে অস্সুমুখা জনা;

পসন্নমুখৰণ্ণোসি, কস্মা ঘট [ঘত (সী. পী.)] ন সোচসি.

নাব্ভতীতহরো সোকো, নানাগতসুখাৰহো;

তস্মা ধঙ্ক [ৰংক (পী.)] ন সোচামি, নত্থি সোকে দুতীযতা [সোকো দুতীযকা (ক.)].

সোচং পণ্ডু কিসো হোতি, ভত্তঞ্চস্স ন রুচ্চতি;

অমিত্তা সুমনা হোন্তি, সল্লৰিদ্ধস্স রুপ্পতো.

গামে ¶ ৰা যদি ৰারঞ্ঞে, নিন্নে ৰা যদি ৰা থলে;

ঠিতং মং নাগমিস্সতি, এৰং দিট্ঠপদো অহং.

যস্সত্তা নালমেকোৰ, সব্বকামরসাহরো;

সব্বাপি পথৰী তস্স, ন সুখং আৰহিস্সতীতি.

একো ¶ ¶ অরঞ্ঞে গিরিকন্দরাযং, পগ্গয্হ পগ্গয্হ সিলং পৰেচ্ছসি [পৰেজ্ঝসি (স্যা. সী. অট্ঠ.)];

পুনপ্পুনং সন্তরমানরূপো, কোরণ্ডিয [কারণ্ডিয (সী. স্যা. পী.)] কো নু তৰ যিধত্থো.

অহঞ্হিমং সাগর সেৰিতন্তং, সমং করিস্সামি যথাপি পাণি;

ৰিকিরিয সানূনি চ পব্বতানি চ, তস্মা সিলং দরিযা পক্খিপামি.

নযিমং মহিং অরহতি পাণিকপ্পং, সমং মনুস্সো করণায মেকো;

মঞ্ঞামিমঞ্ঞেৰ দরিং জিগীসং [জিগিংসং (সী. স্যা. পী.)], কোরণ্ডিয ¶ হাহসি [হাযসি (স্যা. ক.)] জীৰলোকং.

সচে অহং [অযং (সী. স্যা. পী.)] ভূতধরং ন সক্কা [সক্কো (স্যা. ক.)], সমং মনুস্সো করণায মেকো;

এৰমেৰ ত্ৰং ব্রহ্মে ইমে মনুস্সে, নানাদিট্ঠিকে নানযিস্সসি তে [নে (ক.)].

সঙ্খিত্তরূপেন ভৰং মমত্থং, অক্খাসি কোরণ্ডিয এৰমেতং;

যথা ন সক্কা পথৰী সমাযং, কত্তুং মনুস্সেন তথা মনুস্সাতি.

ৰন্দামি তং কুঞ্জর সট্ঠিহাযনং, আরঞ্ঞকং যূথপতিং যসস্সিং;

পক্খেহি তং পঞ্জলিকং করোমি, মা মে ৰধী পুত্তকে দুব্বলায.

ৰন্দামি ¶ তং কুঞ্জর একচারিং, আরঞ্ঞকং পব্বতসানুগোচরং;

পক্খেহি তং পঞ্জলিকং করোমি, মা ¶ মে ৰধী পুত্তকে দুব্বলায;

ৰমিস্সামি তে লটুকিকে পুত্তকানি, কিং মে তুৰং কাহসি দুব্বলাসি;

সতং সহস্সানিপি তাদিসীনং, ৰামেন পাদেন পপোথযেয্যং.

ন হেৰ সব্বত্থ বলেন কিচ্চং, বলঞ্হি বালস্স ৰধায হোতি;

করিস্সামি তে নাগরাজা অনত্থং, যো মে ৰধী পুত্তকে দুব্বলায.

কাকঞ্চ পস্স লটুকিকং, মণ্ডূকং নীলমক্খিকং;

এতে নাগং অঘাতেসুং, পস্স ৰেরস্স ৰেরিনং;

তস্মা হি ৰেরং ন কযিরাথ, অপ্পিযেনপি কেনচীতি.

অহমেৰ ¶ দূসিযা ভূনহতা, রঞ্ঞো মহাপতাপস্স;

এতং মুঞ্চতু ধম্মপালং, হত্থে মে দেৰ ছেদেহি.

অহমেৰ দূসিযা ভূনহতা, রঞ্ঞো মহাপতাপস্স;

এতং মুঞ্চতু ধম্মপালং, পাদে মে দেৰ ছেদেহি.

অহমেৰ দূসিযা ভূনহতা, রঞ্ঞো মহাপতাপস্স;

এতং ¶ মুঞ্চতু ধম্মপালং, সীসং মে দেৰ ছেদেহি.

ন হি [নহ (সী. স্যা. পী.) এত্থ হ-কারো খেদে] নূনিমস্স রঞ্ঞো, মিত্তামচ্চা চ ৰিজ্জরে সুহদা;

যে ন ৰদন্তি রাজানং, মা ঘাতযি ওরসং পুত্তং.

ন হি [নহ (সী. স্যা. পী.) এত্থ হ-কারো খেদে] নূনিমস্স রঞ্ঞো, ঞাতী মিত্তা চ ৰিজ্জরে সুহদা;

যে ন ৰদন্তি রাজানং, মা ঘাতযি অত্রজং পুত্তং.

চন্দনসারানুলিত্তা ¶ , বাহা ছিজ্জন্তি ধম্মপালস্স;

দাযাদস্স পথব্যা, পাণা মে দেৰ রুজ্ঝন্তীতি.

ৰিক্কম রে হরিপাদ [মহামিগ (সী. স্যা. পী.)], ৰিক্কম রে মহামিগ [হরীপদ (সী. স্যা. পী.)];

ছিন্দ ৰারত্তিকং পাসং, নাহং একা ৰনে রমে.

ৰিক্কমামি ন পারেমি, ভূমিং সুম্ভামি ৰেগসা;

দল়্হো ৰারত্তিকো পাসো, পাদং মে পরিকন্ততি.

অত্থরস্সু পলাসানি, অসিং নিব্বাহ লুদ্দক;

পঠমং মং ৰধিত্ৰান, হন পচ্ছা মহামিগং.

ন মে সুতং ৰা দিট্ঠং ৰা, ভাসন্তিং মানুসিং মিগিং [ন মে সুতা ৰা দিট্ঠা ৰা, ভাসন্তী মানুসিং মিগী (টীকা)];

ত্ৰঞ্চ ভদ্দে সুখী হোহি, এসো চাপি মহামিগো.

এৰং লুদ্দক নন্দস্সু, সহ সব্বেহি ঞাতিভি;

যথাহমজ্জ ¶ নন্দামি, মুত্তং দিস্ৰা মহামিগন্তি.

ৰাতি ¶ গন্ধো তিমিরানং, কুসমুদ্দো চ [ৰ (স্যা. পী.)] ঘোসৰা;

দূরে ইতো সুযোনন্দী [ইতো হি সুসন্দী (সী. স্যা.), ইতোপি সুস্সোন্দী (পী.)], তম্বকামা তুদন্তি মং.

কথং সমুদ্দমতরি, কথং অদ্দক্খি সেদুমং [সেরুমং (সী. স্যা. পী.)];

কথং তস্সা চ তুয্হঞ্চ, অহু সগ্গ [অগ্গ (সী. স্যা.)] সমাগমো.

কুরুকচ্ছা [ভরুকচ্ছা (সী. স্যা. পী.)] পযাতানং, ৰাণিজানং ধনেসিনং;

মকরেহি অভিদা [মকরেহিব্ভিদা (সী.), মকরেহি’ভিদা (স্যা.), মকরেহি ভিন্না (পী.)] নাৰা, ফলকেনাহমপ্লৰিং.

সা ¶ মং সণ্হেন মুদুনা, নিচ্চং চন্দনগন্ধিনী;

অঙ্গেন [অঙ্কেন (পী. ক.)] উদ্ধরী ভদ্দা, মাতা পুত্তংৰ ওরসং.

সা মং অন্নেন পানেন, ৰত্থেন সযনেন চ;

অত্তনাপি চ মন্দক্খী, এৰং তম্ব ৰিজানাহীতি.

অথ জিনৰরো হরিতং তিণকো, অথ ¶ ভিন্নপ্লৰো উরগোৰ ঘটো;

দরিযা পুন কুঞ্জর ভূনহতা, মিগমুত্তমসগ্গৰরেন দসাতি.

ৰণ্ণারোহেন জাতিযা, বলনিক্কমনেন চ;

সুবাহু ন মযা সেয্যো, সুদাঠ ইতি ভাসসি.

ৰণ্ণারোহেন জাতিযা, বলনিক্কমনেন চ;

সুদাঠো ন মযা সেয্যো, সুবাহু ইতি ভাসসি.

এৰং চে মং ৰিহরন্তং, সুবাহু সম্ম দুব্ভসি;

ন দানাহং তযা সদ্ধিং, সংৰাসমভিরোচযে.

যো ¶ পরেসং ৰচনানি, সদ্দহেয্য [সদ্দহেথ (সী. স্যা. পী.)] যথাতথং;

খিপ্পং ভিজ্জেথ মিত্তস্মিং, ৰেরঞ্চ পসৰে বহুং.

ন ¶ সো মিত্তো যো সদা অপ্পমত্তো, ভেদাসঙ্কী রন্ধমেৰানুপস্সী;

যস্মিঞ্চ সেতী উরসীৰ পুত্তো, স ৰে মিত্তো যো অভেজ্জো পরেহীতি.

সীলং ¶ সেয্যো সুতং সেয্যো, ইতি মে সংসযো অহু;

সীলমেৰ সুতা সেয্যো, ইতি মে নত্থি সংসযো.

মোঘা জাতি চ ৰণ্ণো চ, সীলমেৰ কিরুত্তমং;

সীলেন অনুপেতস্স, সুতেনত্থো ন ৰিজ্জতি.

খত্তিযো চ অধম্মট্ঠো, ৰেস্সো চাধম্মনিস্সিতো;

তে পরিচ্চজ্জুভো লোকে, উপপজ্জন্তি দুগ্গতিং.

খত্তিযা ব্রাহ্মণা ৰেস্সা, সুদ্দা চণ্ডালপুক্কুসা;

ইধ ধম্মং চরিত্ৰান, ভৰন্তি তিদিৰে সমা.

ন ৰেদা সম্পরাযায, ন জাতি নাপি [নোপি (পী.)] বন্ধৰা;

সকঞ্চ সীলং সংসুদ্ধং, সম্পরাযায সুখায চাতি [সুখাৰহন্তি (সী. স্যা.)].

হিরিং তরন্তং ৰিজিগুচ্ছমানং, তৰাহমস্মী ইতি ভাসমানং;

সেয্যানি কম্মানি অনাদিযন্তং, নেসো মমন্তি ইতি নং ৰিজঞ্ঞা.

যঞ্হি কযিরা তঞ্হি ৰদে, যং ন কযিরা ন তং ৰদে;

অকরোন্তং ¶ ভাসমানং, পরিজানন্তি পণ্ডিতা.

ন ¶ সো মিত্তো যো সদা অপ্পমত্তো, ভেদাসঙ্কী রন্ধমেৰানুপস্সী;

যস্মিঞ্চ সেতী উরসীৰ পুত্তো, স ৰে মিত্তো যো অভেজ্জো পরেহি.

পামোজ্জকরণং ঠানং, পসংসাৰহনং সুখং;

ফলানিসংসো ভাৰেতি, ৰহন্তো পোরিসং ধুরং.

পৰিৰেকরসং ¶ পিত্ৰা, রসং উপসমস্স চ;

নিদ্দরো হোতি নিপ্পাপো, ধম্মপ্পীতিরসং পিৰন্তি.

কো নু সন্তম্হি পজ্জোতে, অগ্গিপরিযেসনং চরং;

অদ্দক্খি রত্তি [রত্তিং (স্যা.)] খজ্জোতং, জাতৰেদং অমঞ্ঞথ.

স্ৰস্স গোমযচুণ্ণানি, অভিমত্থং তিণানি চ;

ৰিপরীতায সঞ্ঞায, নাসক্খি পজ্জলেতৰে.

এৰম্পি অনুপাযেন, অত্থং ন লভতে মিগো [মূগো (স্যা.)];

ৰিসাণতো গৰং দোহং, যত্থ খীরং ন ৰিন্দতি.

ৰিৰিধেহি উপাযেহি, অত্থং পপ্পোন্তি মাণৰা;

নিগ্গহেন অমিত্তানং, মিত্তানং পগ্গহেন চ.

সেনামোক্খপলাভেন ¶ [সেনী মোক্খূপলাভেন (স্যা.)], ৰল্লভানং নযেন চ;

জগতিং জগতিপালা, আৰসন্তি ৰসুন্ধরন্তি.

ধুত্তোম্হি সম্ম সুমুখ, জূতে অক্খপরাজিতো;

হরেহি [সেৰেহি (পী.)] অম্বপক্কানি, ৰীরিযং তে ভক্খযামসে.

অলিকং ৰত মং সম্ম, অভূতেন পসংসসি;

কো তে সুতো ৰা দিট্ঠো ৰা, সুমুখো নাম মক্কটো.

অজ্জাপি ¶ মে তং মনসি [তে মং সরসি (ক.)], যং মং ত্ৰং অহিতুণ্ডিক;

ধঞ্ঞাপণং পৰিসিত্ৰা, মত্তো [মুত্তো (ক.)] ছাতং হনাসি মং.

তাহং সরং দুক্খসেয্যং, অপি রজ্জম্পি কারযে;

নেৰাহং যাচিতো দজ্জং, তথা হি ভযতজ্জিতো.

যঞ্চ জঞ্ঞা কুলে জাতং, গব্ভে তিত্তং অমচ্ছরিং;

তেন সখিঞ্চ মিত্তঞ্চ, ধীরো সন্ধাতুমরহতীতি.

মধুৰণ্ণং ¶ মধুরসং, মধুগন্ধং ৰিসং অহু;

গুম্বিযো ¶ ঘাসমেসানো, অরঞ্ঞে ওদহী ৰিসং.

মধু ইতি মঞ্ঞমানা [মধূতি মঞ্ঞমানায (ক.)], যে তং ৰিসমখাদিসুং [ৰিসমসাযিসুং (সী. স্যা.)];

তেসং তং কটুকং আসি, মরণং তেনুপাগমুং.

যে চ খো পটিসঙ্খায, ৰিসং তং পরিৰজ্জযুং;

তে আতুরেসু সুখিতা, ডয্হমানেসু নিব্বুতা.

এৰমেৰ মনুস্সেসু, ৰিসং কামা সমোহিতা;

আমিসং বন্ধনঞ্চেতং, মচ্চুৰেসো [পচ্চুৰসো (সী. স্যা.)] গুহাসযো.

এৰমেৰ ইমে কামে, আতুরা পরিচারিকে [পরিচারকে (ক.)];

যে সদা পরিৰজ্জেন্তি, সঙ্গং লোকে উপচ্চগুন্তি.

য্ৰাযং সাল়িয [সালিয (সী. স্যা. পী.), সাল়িক (?)] ছাপোতি, কণ্হসপ্পং অগাহযি;

তেন সপ্পেনযং দট্ঠো, হতো পাপানুসাসকো.

অহন্তার [অহনন্ত (পী.), অহরন্ত (?)] মহন্তারং, যো নরো হন্তুমিচ্ছতি;

এৰং সো নিহতো সেতি, যথাযং পুরিসো হতো.

অহন্তার ¶ [অহনন্ত (সী. স্যা. পী.), অহরন্ত (?)] মঘাতেন্তং, যো নরো হন্তুমিচ্ছতি;

এৰং সো নিহতো সেতি, যথাযং পুরিসো হতো.

যথা পংসুমুট্ঠিং পুরিসো, পটিৰাতং পটিক্খিপে;

তমেৰ ¶ সো রজো হন্তি, তথাযং পুরিসো হতো.

যো অপ্পদুট্ঠস্স নরস্স দুস্সতি, সুদ্ধস্স পোসস্স অনঙ্গণস্স;

তমেৰ বালং পচ্চেতি পাপং, সুখুমো রজো পটিৰাতংৰ খিত্তোতি.

অমিত্তহত্থত্থগতা [হত্থত্তগতা (কত্থচি, সী. নিয্য)], তচসারসমপ্পিতা;

পসন্নমুখৰণ্ণাত্থ, কস্মা তুম্হে ন সোচথ.

ন ¶ সোচনায পরিদেৰনায, অত্থোৰ লব্ভো [অত্থো চ লব্ভা (সী. স্যা.), অত্থোধ লব্ভা (অ. নি. ৫.৪৮)] অপি অপ্পকোপি;

সোচন্তমেনং দুখিতং ৰিদিত্ৰা, পচ্চত্থিকা অত্তমনা ভৰন্তি.

যতো চ খো পণ্ডিতো আপদাসু, ন ৰেধতী অত্থৰিনিচ্ছযঞ্ঞূ;

পচ্চত্থিকাস্স [পচ্চত্থিকা তে (ক.)] দুখিতা ভৰন্তি, দিস্ৰা মুখং অৰিকারং পুরাণং.

জপ্পেন মন্তেন সুভাসিতেন, অনুপ্পদানেন পৰেণিযা ৰা;

যথা ¶ যথা যত্থ লভেথ অত্থং, তথা তথা তত্থ পরক্কমেয্য.

যতো ¶ চ জানেয্য অলব্ভনেয্যো, মযা ৰ [মযা ৰা (স্যা. ক.)] অঞ্ঞেন ৰা এস অত্থো;

অসোচমানো অধিৰাসযেয্য, কম্মং দল়্হং কিন্তি করোমি দানীতি.

ক্যাহং দেৰানমকরং, কিং পাপং পকতং মযা;

যং মে সিরস্মিং ওহচ্চ [উহচ্চ (ক.), উহচ্চ (পী.)], চক্কং ভমতি মত্থকে.

অতিক্কম্ম রমণকং, সদামত্তঞ্চ দূভকং;

ব্রহ্মত্তরঞ্চ পাসাদং, কেনত্থেন ইধাগতো.

ইতো বহুতরা ভোগা, অত্র মঞ্ঞে ভৰিস্সরে;

ইতি এতায সঞ্ঞায, পস্স মং ব্যসনং গতং.

চতুব্ভি অট্ঠজ্ঝগমা, অট্ঠাহিপি চ [অট্ঠাহি চাপি (সী. স্যা.), অট্ঠাভি চাপি (ক.)] সোল়স;

সোল়সাহি চ বাত্তিংস, অত্রিচ্ছং চক্কমাসদো;

ইচ্ছাহতস্স পোসস্স, চক্কং ভমতি মত্থকে.

উপরিৰিসালা দুপ্পূরা, ইচ্ছা ৰিসটগামিনী [উপরি ৰিসালং দুপ্পূরং, ইচ্ছাৰিসদগামিনী (সী.)];

যে ¶ চ তং অনুগিজ্ঝন্তি, তে হোন্তি চক্কধারিনোতি.

হংসো পলাসমৰচ, নিগ্রোধো সম্ম জাযতি;

অঙ্কস্মিং [অঙ্গস্মিং (ক.)] তে নিসিন্নোৰ, সো তে মম্মানি ছেচ্ছতি [ছিজ্জতি (ক.)].

ৰড্ঢতামেৰ [ৰদ্ধিতমেৰ (ক.)] নিগ্রোধো, পতিট্ঠস্স ভৰামহং;

যথা পিতা চ মাতা চ [পিতা ৰা মাতা ৰা (পী.), মাতা ৰা পিতা ৰা (ক.)], এৰং মে সো ভৰিস্সতি.

যং ¶ ত্ৰং অঙ্কস্মিং ৰড্ঢেসি, খীররুক্খং ভযানকং;

আমন্ত খো তং গচ্ছাম, ৰুড্ঢি মস্স ন রুচ্চতি.

ইদানি ¶ খো মং ভাযেতি, মহানেরুনিদস্সনং;

হংসস্স অনভিঞ্ঞায, মহা মে ভযমাগতং.

ন তস্স ৰুড্ঢি কুসলপ্পসত্থা, যো ৰড্ঢমানো ঘসতে পতিট্ঠং;

তস্সূপরোধং পরিসঙ্কমানো, পতারযী মূলৰধায ধীরোতি.

ৰণ্ণারোহৰগ্গো দুতিযো [ইমস্সুদ্দানং ততিযৰগ্গপরিযোসানে ভৰিস্সতি].

এৰংভূতস্স তে রাজ, আগতস্স ৰসে [ৰসো (পী. ক.)] মম;

অত্থি নু কোচি পরিযাযো, যো তং দুক্খা পমোচযে.

এৰংভূতস্স ¶ মে তাত, আগতস্স ৰসে তৰ;

নত্থি নো কোচি পরিযাযো, যো মং দুক্খা পমোচযে.

নাঞ্ঞং সুচরিতং রাজ, নাঞ্ঞং রাজ সুভাসিতং;

অক্কোচ্ছি মং অৰধি মং, অজিনি মং অহাসি মে;

যে চ তং উপনয্হন্তি, ৰেরং তেসং ন সম্মতি.

অক্কোচ্ছি মং অৰধি মং, অজিনি মং অহাসি মে;

যে চ তং নুপনয্হন্তি, ৰেরং তেসূপসম্মতি.

ন হি ৰেরেন ৰেরানি, সম্মন্তীধ কুদাচনং;

অৰেরেন চ সম্মন্তি, এস ধম্মো সনন্তনোতি.

অগারা ¶ পচ্চুপেতস্স, অনগারস্স তে সতো;

সমণস্স ন তং সাধু, যং পেতমনুসোচসি.

সংৰাসেন ¶ হৰে সক্ক, মনুস্সস্স মিগস্স ৰা;

হদযে ¶ জাযতে পেমং, ন তং সক্কা অসোচিতুং.

মতং মরিস্সং রোদন্তি, যে রুদন্তি লপন্তি চ;

তস্মা ত্ৰং ইসি মা রোদি, রোদিতং মোঘমাহু সন্তো.

রোদিতেন হৰে ব্রহ্মে, মতো পেতো সমুট্ঠহে;

সব্বে সঙ্গম্ম রোদাম, অঞ্ঞমঞ্ঞস্স ঞাতকে.

আদিত্তং ৰত মং সন্তং, ঘতসিত্তংৰ পাৰকং;

ৰারিনা ৰিয ওসিঞ্চং, সব্বং নিব্বাপযে দরং.

অব্বহি ৰত মে সল্লং, যমাসি হদযস্সিতং;

যো মে সোকপরেতস্স, পুত্তসোকং অপানুদি.

সোহং অব্বূল়্হসল্লোস্মি, ৰীতসোকো অনাৰিলো;

ন সোচামি ন রোদামি, তৰ সুত্ৰান ৰাসৰাতি.

কুহিং গতা কত্থ গতা, ইতি লালপ্পতী জনো;

অহমেৰেকো জানামি, উদপানে মূসিকা হতা.

যঞ্চেতং [যথেতং (পী.), যৰেতং (ক.), যমেতং (কত্থচি)] ইতি চীতি চ, গদ্রভোৰ নিৰত্তসি;

উদপানে মূসিকং হন্ত্ৰা, যৰং ভক্খেতুমিচ্ছসি.

দহরো চাসি দুম্মেধ, পঠমুপ্পত্তিকো [পঠমুপ্পত্তিতো (সী. পী.)] সুসু;

দীঘঞ্চেতং ¶ [দীঘমেতং (পী.)] সমাসজ্জ [সমাপজ্জ (স্যা. ক.)], ন তে দস্সামি জীৰিতং.

নান্তলিক্খভৰনেন, নাঙ্গপুত্তপিনেন [নাঙ্গপুত্তসিরেন (সী. স্যা. পী.)] ৰা;

পুত্তেন হি পত্থযিতো, সিলোকেহি পমোচিতো.

সব্বং ¶ সুতমধীযেথ, হীনমুক্কট্ঠমজ্ঝিমং;

সব্বস্স অত্থং জানেয্য, ন চ সব্বং পযোজযে;

হোতি তাদিসকো কালো, যত্থ অত্থাৰহং সুতন্তি.

সব্বং ¶ ভণ্ডং সমাদায, পারং তিণ্ণোসি ব্রাহ্মণ;

পচ্চাগচ্ছ লহুং খিপ্পং, মম্পি তারেহি দানিতো [দানিভো (স্যা.)].

অসন্থুতং মং চিরসন্থুতেন, নিমীনি ভোতী অদ্ধুৰং ধুৰেন;

মযাপি ভোতী নিমিনেয্য অঞ্ঞং, ইতো অহং দূরতরং গমিস্সং.

কাযং এল়গলাগুম্বে [এল়গণগুম্বে (ক.)], করোতি অহুহাসিযং;

নযীধ নচ্চগীতং ৰা [নযিধ নচ্চং ৰা গীতং ৰা (সী. স্যা. পী.)], তাল়ং ৰা সুসমাহিতং;

অনম্হিকালে [অনম্হকালে (পী.)] সুসোণি [সুস্সোণি (সী. স্যা. পী.)], কিং নু জগ্ঘসি সোভনে [সোভণে (পী. ক.)].

সিঙ্গাল বাল দুম্মেধ, অপ্পপঞ্ঞোসি জম্বুক;

জীনো ¶ মচ্ছঞ্চ পেসিঞ্চ, কপণো ৰিয ঝাযসি.

সুদস্সং ৰজ্জমঞ্ঞেসং, অত্তনো পন দুদ্দসং;

জীনা পতিঞ্চ জারঞ্চ, মঞ্ঞে ত্ৰঞ্ঞেৰ [মম্পি ত্ৰঞ্ঞেৰ (সী. স্যা.), ত্ৰম্পি মঞ্ঞেৰ (পী.)] ঝাযসি.

এৰমেতং মিগরাজ, যথা ভাসসি জম্বুক;

সা নূনাহং ইতো গন্ত্ৰা, ভত্তু হেস্সং ৰসানুগা.

যো হরে মত্তিকং থালং, কংসথালম্পি সো হরে;

কতঞ্চেৰ [কতংযেৰ (সী. স্যা. পী.)] তযা পাপং, পুনপেৰং করিস্সসীতি.

ইদানি খোম্হি সুখিতো অরোগো, নিক্কণ্টকো নিপ্পতিতো কপোতো;

কাহামি দানী হদযস্স তুট্ঠিং, তথাহিমং মংসসাকং বলেতি.

কাযং ¶ বলাকা সিখিনো, চোরী লঙ্ঘিপিতামহা;

ওরং বলাকে আগচ্ছ, চণ্ডো মে ৰাযসো সখা.

অলঞ্হি তে জগ্ঘিতাযে, মমং দিস্ৰান এদিসং;

ৰিলূনং সূদপুত্তেন, পিট্ঠমণ্ডেন [পিট্ঠমদ্দেন (সী. স্যা. পী.)] মক্খিতং.

সুন্হাতো ¶ সুৰিলিত্তোসি, অন্নপানেন তপ্পিতো;

কণ্ঠে ¶ চ তে ৰেল়ুরিযো, অগমা নু কজঙ্গলং.

মা তে মিত্তো অমিত্তো ৰা, অগমাসি কজঙ্গলং;

পিঞ্ছানি তত্থ লাযিত্ৰা, কণ্ঠে বন্ধন্তি ৰট্টনং.

পুনপাপজ্জসী সম্ম, সীলঞ্হি তৰ তাদিসং;

ন হি মানুসকা ভোগা, সুভুঞ্জা হোন্তি পক্খিনাতি.

অথ ৰণ্ণ সসীল হিরি লভতে, সুমুখা ৰিস সাল়িযমিত্তৰরো;

অথ চক্ক পলাস সরাজ সতো, যৰ বাল কপোতক পন্নরসাতি.

জীনঞ্চ ৰণ্ণং অসমংৰগুপ্পরি, সুদেসিতা জাতকন্তি সন্তি ৰীসতি [জাতক পঞ্চৰীসতি (?)];

মহেসিনো ব্রহ্মচরিত্তমুত্ত-মৰোচ গাথা অত্থৰতী সুব্যঞ্জনাতি.

মাসু ¶ ¶ ¶ কুজ্ঝ ভূমিপতি, মাসু কুজ্ঝ রথেসভ;

কুদ্ধং অপ্পটিকুজ্ঝন্তো, রাজা রট্ঠস্স পূজিতো.

গামে ৰা যদি ৰারঞ্ঞে, নিন্নে ৰা যদি ৰা থলে;

সব্বত্থ অনুসাসামি, মাসু কুজ্ঝ [মাস্সু কুজ্ঝি (সী. পী.)] রথেসভ.

অৰারিযপিতা নাম, অহু গঙ্গায নাৰিকো;

পুব্বে জনং তারেত্ৰান, পচ্ছা যাচতি ৰেতনং;

তেনস্স ভণ্ডনং হোতি, ন চ ভোগেহি ৰড্ঢতি.

অতিণ্ণংযেৰ যাচস্সু, অপারং তাত নাৰিক;

অঞ্ঞো হি তিণ্ণস্স মনো, অঞ্ঞো হোতি পারেসিনো [তরেসিনো (সী. পী.), তিরেসিনো (স্যা.)].

গামে ৰা যদি ৰারঞ্ঞে, নিন্নে ৰা যদি ৰা থলে;

সব্বত্থ অনুসাসামি, মাসু কুজ্ঝিত্থ নাৰিক.

যাযেৰানুসাসনিযা, রাজা গামৰরং অদা;

তাযেৰানুসাসনিযা, নাৰিকো পহরী মুখং.

ভত্তং ভিন্নং হতা ভরিযা, গব্ভো চ পতিতো ছমা;

মিগোৰ জাতরূপেন, ন তেনত্থং অবন্ধি সূতি [অৰড্ঢিতুন্তি (সী. স্যা.), অৰড্ঢি সূতি (?)].

মা ¶ তাত কুজ্ঝি ন হি সাধু কোধো, বহুম্পি তে অদিট্ঠমস্সুতঞ্চ;

মাতা পিতা দিসতা [দিসা তাত (স্যা.), দিসা তা (পী.)] সেতকেতু, আচরিযমাহু দিসতং পসত্থা.

অগারিনো ¶ ¶ অন্নদপানৰত্থদা [অন্নপানৰত্থদা (স্যা. ক.)], অৰ্হাযিকা তম্পি দিসং ৰদন্তি;

এসা দিসা পরমা সেতকেতু, যং পত্ৰা দুক্খী সুখিনো ভৰন্তি.

খরাজিনা জটিলা পঙ্কদন্তা, দুম্মক্খরূপা [দুমুক্খরূপা (সী. স্যা.), দুম্মুক্খরূপা (পী. ক.)] যেমে জপ্পন্তি মন্তে;

কচ্চি নু তে মানুসকে পযোগে, ইদং ৰিদূ পরিমুত্তা অপাযা.

পাপানি কম্মানি কত্ৰান রাজ, বহুস্সুতো চে ন [বহুস্সুতো নেৰ (সী. স্যা.)] চরেয্য ধম্মং;

সহস্সৰেদোপি ন তং পটিচ্চ, দুক্খা পমুঞ্চে চরণং অপত্ৰা.

সহস্সৰেদোপি ন তং পটিচ্চ, দুক্খা পমুঞ্চে চরণং অপত্ৰা;

মঞ্ঞামি ¶ ৰেদা অফলা ভৰন্তি, সসংযমং চরণমেৰ [চরণঞ্ঞেৰ (সী. স্যা. পী.)] সচ্চং.

ন হেৰ ৰেদা অফলা ভৰন্তি, সসংযমং চরণমেৰ সচ্চং;

কিত্তিঞ্হি পপ্পোতি অধিচ্চ ৰেদে, সন্তিং পুণেতি [সন্তং পুনে’তি (সী. পী.)] চরণেন দন্তোতি.

পঙ্কো চ কামা পলিপো চ কামা, ভযঞ্চ মেতং তিমূলং পৰুত্তং;

রজো চ ধূমো চ মযা পকাসিতা, হিত্ৰা তুৰং পব্বজ ব্রহ্মদত্ত.

গধিতো ¶ [গথিতো (সী.)] চ রত্তো চ অধিমুচ্ছিতো চ, কামেস্ৰহং ব্রাহ্মণ ভিংসরূপং;

তং নুস্সহে জীৰিকত্থো পহাতুং, কাহামি পুঞ্ঞানি অনপ্পকানি.

যো অত্থকামস্স হিতানুকম্পিনো, ওৰজ্জমানো ন করোতি সাসনং;

ইদমেৰ সেয্যো ইতি মঞ্ঞমানো, পুনপ্পুনং ¶ গব্ভমুপেতি মন্দো.

সো ঘোররূপং নিরযং উপেতি, সুভাসুভং মুত্তকরীসপূরং;

সত্তা সকাযে ন জহন্তি গিদ্ধা, যে হোন্তি কামেসু অৰীতরাগা.

মীল়্হেন লিত্তা রুহিরেন মক্খিতা, সেম্হেন লিত্তা উপনিক্খমন্তি;

যং যঞ্হি কাযেন ফুসন্তি তাৰদে, সব্বং অসাতং দুখমেৰ কেৰলং.

দিস্ৰা ৰদামি ন হি অঞ্ঞতো সৰং, পুব্বেনিৰাসং বহুকং সরামি;

চিত্রাহি গাথাহি সুভাসিতাহি, দরীমুখো নিজ্ঝাপযি সুমেধন্তি.

কাকোলা কাকসঙ্ঘা চ, মযঞ্চ পততং ৰরা [ৰর (ক.) মযন্তিপদস্স হি ৰিসেসনং];

সব্বেৰ সদিসা হোম, ইমং আগম্ম পব্বতং.

ইধ ¶ সীহা চ ব্যগ্ঘা চ, সিঙ্গালা চ মিগাধমা;

সব্বেৰ ¶ সদিসা হোন্তি, অযং কো নাম পব্বতো.

ইমং ¶ নেরূতি [নেরুন্তি (সী. স্যা.)] জানন্তি, মনুস্সা পব্বতুত্তমং;

ইধ ৰণ্ণেন সম্পন্না, ৰসন্তি সব্বপাণিনো.

অমাননা যত্থ সিযা, সন্তানং ৰা ৰিমাননা;

হীনসম্মাননা ৰাপি, ন তত্থ ৰসতিং ৰসে [ৰসতী ৰসে (স্যা.), ৰস দিৰসে (পী.)].

যত্থালসো চ দক্খো চ, সূরো ভীরু চ পূজিযা;

ন তত্থ সন্তো ৰসন্তি, অৰিসেসকরে নরে [নগে (সী. স্যা. পী.)].

নাযং নেরু ৰিভজতি, হীনউক্কট্ঠমজ্ঝিমে;

অৰিসেসকরো নেরু, হন্দ নেরুং জহামসেতি.

আসাৰতী নাম লতা, জাতা চিত্তলতাৰনে;

তস্সা ৰস্সসহস্সেন, একং নিব্বত্ততে ফলং.

তং দেৰা পযিরুপাসন্তি, তাৰ দূরফলং সতিং;

আসীসেৰ [আসিংসেৰ (সী. স্যা. পী.)] তুৰং রাজ, আসা ফলৰতী সুখা.

আসীসতেৰ [আসিংসেথেৰ (সী. স্যা. পী.)] সো পক্খী, আসীসতেৰ [আসিংসেথেৰ (সী. স্যা. পী.)] সো দিজো;

তস্স চাসা [তস্সেৰাসা (স্যা.)] সমিজ্ঝতি, তাৰ দূরগতা সতী;

আসীসেৰ তুৰং রাজ, আসা ফলৰতী সুখা.

সম্পেসি খো মং ৰাচায, ন চ সম্পেসি [সংসেসি (ক.)] কম্মুনা;

মালা ¶ সেরেয্যকস্সেৰ, ৰণ্ণৰন্তা অগন্ধিকা.

অফলং মধুরং ৰাচং, যো মিত্তেসু পকুব্বতি;

অদদং অৰিস্সজং ভোগং, সন্ধি তেনস্স জীরতি.

যঞ্হি কযিরা তঞ্হি ৰদে, যং ন কযিরা ন তং ৰদে;

অকরোন্তং ভাসমানং, পরিজানন্তি পণ্ডিতা.

বলঞ্চ ৰত মে খীণং, পাথেয্যঞ্চ ন ৰিজ্জতি;

সঙ্কে পাণূপরোধায, হন্দ দানি ৰজামহং.

এতদেৰ ¶ ¶ হি মে নামং, যং নামস্মি রথেসভ;

আগমেহি মহারাজ, পিতরং আমন্তযামহন্তি.

ন মে রুচ্চি মিগালোপ, যস্স তে তাদিসী গতী;

অতুচ্চং তাত পতসি, অভূমিং তাত সেৰসি.

চতুক্কণ্ণংৰ কেদারং, যদা তে পথৰী সিযা;

ততো তাত নিৰত্তস্সু, মাস্সু এত্তো পরং গমি.

সন্তি অঞ্ঞেপি সকুণা, পত্তযানা ৰিহঙ্গমা;

অক্খিত্তা ৰাতৰেগেন, নট্ঠা তে সস্সতীসমা.

অকত্ৰা অপনন্দস্স [অপরণ্ণস্স (সী. স্যা. পী.)], পিতু ৰুদ্ধস্স সাসনং;

কালৰাতে ¶ অতিক্কম্ম, ৰেরম্ভানং ৰসং অগা [গতো (সী.)].

তস্স পুত্তা চ দারা চ, যে চঞ্ঞে অনুজীৰিনো;

সব্বে ব্যসনমাপাদুং, অনোৰাদকরে দিজে.

এৰম্পি ইধ ৰুদ্ধানং, যো ৰাক্যং নাৰবুজ্ঝতি;

অতিসীমচরো [অতিসীমং চরো (সী. স্যা. ক.)] দিত্তো, গিজ্ঝোৰাতীতসাসনো;

সব্বে ব্যসনং পপ্পোন্তি, অকত্ৰা বুদ্ধসাসনন্তি.

কা নু কাল়েন ৰণ্ণেন, ন চাপি [ন চাসি (সী.)] পিযদস্সনা;

কা ৰা ত্ৰং কস্স ৰা ধীতা, কথং জানেমু তং মযং.

মহারাজস্সহং ধীতা, ৰিরূপক্খস্স চণ্ডিযা;

অহং কাল়ী অলক্খিকা, কাল়কণ্ণীতি মং ৰিদূ;

ওকাসং যাচিতো দেহি, ৰসেমু তৰ সন্তিকে.

কিংসীলে ¶ কিংসমাচারে, পুরিসে নিৰিসসে তুৰং;

পুট্ঠা মে কাল়ি অক্খাহি, কথং [যথা (সী. পী.)] জানেমু তং মযং.

মক্খী পল়াসী সারম্ভী, ইস্সুকী মচ্ছরী সঠো;

সো ময্হং পুরিসো কন্তো, লদ্ধং যস্স ৰিনস্সতি.

কোধনো ¶ উপনাহী চ, পিসুণো চ ৰিভেদকো;

কণ্ডকৰাচো [অণ্ডকৰাচো (ক. সী. পী.)] ফরুসো, সো মে কন্ততরো ততো.

অজ্জ ¶ সুৰেতি পুরিসো, সদত্থং নাৰবুজ্ঝতি;

ওৰজ্জমানো কুপ্পতি, সেয্যং সো অতিমঞ্ঞতি.

দৰপ্পলুদ্ধো [দেৰপ্পলুদ্ধো (ক.), দৰপ্পলদ্ধো (পী.)] পুরিসো, সব্বমিত্তেহি ধংসতি;

সো ময্হং পুরিসো কন্তো, তস্মিং হোমি অনামযা.

অপেহি এত্তো ত্ৰং কাল়ি, নেতং অম্হেসু ৰিজ্জতি;

অঞ্ঞং জনপদং গচ্ছ, নিগমে রাজধানিযো.

অহম্পি খো তং [চেতং (সী.)] জানামি, নেতং তুম্হেসু ৰিজ্জতি;

সন্তি লোকে অলক্খিকা, সঙ্ঘরন্তি বহুং ধনং;

অহং দেৰো চ মে ভাতা, উভো নং ৰিধমামসে.

কা নু দিব্বেন ৰণ্ণেন, পথব্যা সুপতিট্ঠিতা;

কা ৰা ত্ৰং কস্স ৰা ধীতা, কথং জানেমু তং মযং.

মহারাজস্সহং ধীতা, ধতরট্ঠস্স সিরীমতো [ধতরট্ঠসিরীমতো (স্যা. ক.)];

অহং সিরী চ লক্খী চ, ভূরিপঞ্ঞাতি মং ৰিদূ;

ওকাসং যাচিতো দেহি, ৰসেমু তৰ সন্তিকে.

কিংসীলে কিংসমাচারে, পুরিসে নিৰিসসে তুৰং;

পুট্ঠা মে লক্খি অক্খাহি, কথং [যথা (সী. পী.)] জানেমু তং মযং.

যো ¶ চাপি সীতে অথৰাপি উণ্হে, ৰাতাতপে ডংসসরীসপে চ;

খুধং [খুদ্দং (স্যা. ক.), খুদং (পী.)] পিপাসং অভিভুয্য সব্বং, রত্তিন্তিৰং যো সততং নিযুত্তো;

কালাগতঞ্চ ¶ ন হাপেতি অত্থং, সো মে মনাপো নিৰিসে চ তম্হি.

অক্কোধনো মিত্তৰা চাগৰা চ, সীলূপপন্নো অসঠোজুভূতো [অসঠো উজ্জুভূতো (পী.)];

সঙ্গাহকো সখিলো সণ্হৰাচো, মহত্তপত্তোপি নিৰাতৰুত্তি;

তস্মিংহং [তস্মাহং (সী. পী.)] পোসে ৰিপুলা ভৰামি, ঊমি সমুদ্দস্স যথাপি ৰণ্ণং.

যো চাপি মিত্তে অথৰা অমিত্তে, সেট্ঠে সরিক্খে অথ ৰাপি হীনে;

অত্থং চরন্তং অথৰা অনত্থং, আৰী রহো সঙ্গহমেৰ ৰত্তে [ৰত্তো (স্যা. ক.)].

ৰাচং ন ৰজ্জা ফরুসং কদাচি, মতস্স জীৰস্স চ তস্স হোমি.

এতেসং যো অঞ্ঞতরং লভিত্ৰা, কন্তা সিরী [কন্তসিরিং (কত্থচি), কন্তং সিরিং (স্যা.) অট্ঠকথাযং দুতিযততিযপাঠন্তরানি] মজ্জতি অপ্পপঞ্ঞো;

তং দিত্তরূপং ৰিসমং চরন্তং, করীসঠানংৰ [করীসজাতং ৰ (সী. স্যা.)] ৰিৰজ্জযামি.

অত্তনা ¶ কুরুতে লক্খিং, অলক্খিং কুরুতত্তনা;

ন ¶ হি লক্খিং অলক্খিং ৰা, অঞ্ঞো অঞ্ঞস্স কারকোতি.

সুচিত্তপত্তছদন ¶ , তম্বচূল় ৰিহঙ্গম;

ওরোহ দুমসাখায, মুধা ভরিযা ভৰামি তে.

চতুপ্পদী ত্ৰং কল্যাণি, দ্ৰিপদাহং মনোরমে;

মিগী পক্খী অসঞ্ঞুত্তা, অঞ্ঞং পরিযেস সামিকং.

কোমারিকা তে হেস্সামি, মঞ্জুকা পিযভাণিনী;

ৰিন্দ মং অরিযেন ৰেদেন, সাৰয মং যদিচ্ছসি.

কুণপাদিনি লোহিতপে, চোরি কুক্কুটপোথিনি;

ন ত্ৰং অরিযেন ৰেদেন, মমং ভত্তারমিচ্ছসি.

এৰম্পি চতুরা [চাতুরা (স্যা. ক.)] নারী, দিস্ৰান সধনং [পৰরং (সী. স্যা. পী.)] নরং;

নেন্তি সণ্হাহি ৰাচাহি, বিল়ারী ৰিয কুক্কুটং.

যো চ উপ্পতিতং অত্থং, ন খিপ্পমনুবুজ্ঝতি;

অমিত্তৰসমন্ৰেতি, পচ্ছা চ অনুতপ্পতি.

যো চ উপ্পতিতং অত্থং, খিপ্পমেৰ নিবোধতি;

মুচ্চতে ¶ সত্তুসম্বাধা, কুক্কুটোৰ বিল়ারিযাতি.

ধম্মং চরথ ঞাতযো, ধম্মং চরথ ভদ্দং ৰো [ভদ্দ ৰো (ক.)];

ধম্মচারী সুখং সেতি, অস্মিং লোকে পরম্হি চ.

ভদ্দকো ৰতযং পক্খী, দিজো পরমধম্মিকো;

একপাদেন তিট্ঠন্তো, ধম্মমেৰানুসাসতি.

নাস্স সীলং ৰিজানাথ, অনঞ্ঞায পসংসথ;

ভুত্ৰা অণ্ডঞ্চ পোতঞ্চ [ছাপে চ (সী. পী.)], ধম্মো ধম্মোতি ভাসতি.

অঞ্ঞং ভণতি ৰাচায, অঞ্ঞং কাযেন কুব্বতি;

ৰাচায নো চ কাযেন, ন তং ধম্মং অধিট্ঠিতো.

ৰাচায ¶ ¶ সখিলো মনোৰিদুগ্গো, ছন্নো কূপসযোৰ কণ্হসপ্পো;

ধম্মধজো গামনিগমাসুসাধু [গামনিগমাসু সাধুসম্মতো (সী.), গামনিগমসাধু (পী.)], দুজ্জানো পুরিসেন বালিসেন.

ইমং ¶ তুণ্ডেহি পক্খেহি, পাদা চিমং ৰিহেঠথ [ৰিপোথথ (পী.)];

ছৰঞ্হিমং ৰিনাসেথ, নাযং সংৰাসনারহোতি.

সচে ব্রাহ্মণ গচ্ছেসি, সাকেতে [সাকেতং (সী. স্যা.)] অজ্জুনং [অঞ্ঝনং (সী. স্যা. পী.)] ৰনং;

ৰজ্জাসি নন্দিযং নাম, পুত্তং অস্মাকমোরসং;

মাতা পিতা চ তে ৰুদ্ধা, তে তং ইচ্ছন্তি পস্সিতুং.

ভুত্তা মযা নিৰাপানি, রাজিনো পানভোজনং;

তং রাজপিণ্ডং অৰভোত্তুং [অৰভোত্তং (ক.)], নাহং ব্রাহ্মণ মুস্সহে.

ওদহিস্সামহং পস্সং, খুরপ্পানিস্স [খুরপ্পাণিস্স (সী.), খুরপাণিস্স (পী.), খুরপ্পপাণিস্স (?)] রাজিনো;

তদাহং সুখিতো মুত্তো, অপি পস্সেয্য মাতরং.

মিগরাজা পুরে আসিং, কোসলস্স নিকেতনে [নিকেতৰে (সী. স্যা. পী.)];

নন্দিযো নাম নামেন, অভিরূপো চতুপ্পদো.

তং মং ৰধিতুমাগচ্ছি, দাযস্মিং অজ্জুনে ৰনে;

ধনুং আরজ্জং [আরজ্জুং (নিয্য), অদেজ্ঝং (সী. পী.) অদ্ৰেধাভাৰং একীভাৰন্তি অত্থো] কত্ৰান, উসুং সন্নয্হ [সন্ধায (সী. পী.)] কোসলো.

তস্সাহং ¶ ওদহিং পস্সং, খুরপ্পানিস্স রাজিনো;

তদাহং ¶ সুখিতো মুত্তো, মাতরং দট্ঠুমাগতোতি.

অথ কুজ্ঝরথেসভ কেতুৰরো, সদরীমুখ নেরু লতা চ পুন;

অপনন্দ সিরী চ সুচিত্তৰরো, অথ ধম্মিক নন্দিমিগেন দসাতি.

সচ্চং ¶ কিরেৰমাহংসু, ৰস্তং [ভস্তং (সী. পী.), কলকং (স্যা.), গরং (ক.)] বালোতি পণ্ডিতা;

পস্স বালো রহোকম্মং, আৰিকুব্বং ন বুজ্ঝতি.

ত্ৰং খোপি [ত্ৰং নু খো (সী. স্যা.), ত্ৰঞ্চ খো (পী.)] সম্ম বালোসি, খরপুত্ত ৰিজানহি;

রজ্জুযা হি [রজ্জুযাসি (পী.)] পরিক্খিত্তো, ৰঙ্কোট্ঠো ওহিতোমুখো.

অপরম্পি সম্ম তে বাল্যং [অযম্পি সম্ম তে বালো (ক.)], যো মুত্তো ন পলাযসি;

সো চ বালতরো সম্ম, যং ত্ৰং ৰহসি সেনকং.

যং নু সম্ম অহং বালো, অজরাজ ৰিজানহি;

অথ ¶ কেন সেনকো বালো, তং মে অক্খাহি পুচ্ছিতো.

উত্তমত্থং লভিত্ৰান, ভরিযায যো পদস্সতি [ভযিযা যো পদস্সতি (পী.), ভযিযা ন ভৰিস্সতি (ক.)];

তেন জহিস্সতত্তানং, সা চেৰস্স ন হেস্সতি.

ন ¶ ৰে পিযম্মেতি [ন পিযমেতি (ক.), ন পিযমেদন্তি (কত্থচি)] জনিন্দ তাদিসো, অত্তং নিরংকত্ৰা পিযানি সেৰতি [সেৰযে (?)];

অত্তাৰ সেয্যো পরমা চ সেয্যো, লব্ভা পিযা ওচিতত্থেন পচ্ছাতি.

অকক্কসং অফরুসং, খরধোতং সুপাসিযং;

সুখুমং তিখিণগ্গঞ্চ, কো সূচিং কেতুমিচ্ছতি.

সুমজ্জঞ্চ সুপাসঞ্চ, অনুপুব্বং [অনুপুব্ব (সী. স্যা.)] সুৰট্টিতং;

ঘনঘাতিমং পটিথদ্ধং, কো সূচিং কেতুমিচ্ছতি.

ইতো দানি পতাযন্তি, সূচিযো বল়িসানি চ;

কোযং কম্মারগামস্মিং, সূচিং ৰিক্কেতুমিচ্ছতি.

ইতো সত্থানি গচ্ছন্তি, কম্মন্তা ৰিৰিধা পুথূ;

কোযং কম্মারগামস্মিং, সূচিং ৰিক্কেতুমিচ্ছতি [মরহতি (সী. স্যা. পী.)].

সূচিং ¶ কম্মারগামস্মিং, ৰিক্কেতব্বা পজানতা;

আচরিযাৰ জানন্তি [আচরিযা সঞ্জানন্তি (ক.), আচরিযা পজানন্তি (স্যা.), আচরিযাৰ সঞ্জানন্তি (পী.)], কম্মং সুকতদুক্কটং [দুক্কতং (সী. পী.)].

ইমং ¶ চে [ইমঞ্চ (সী. স্যা. পী.)] তে পিতা ভদ্দে, সূচিং জঞ্ঞা মযা কতং;

তযা চ মং নিমন্তেয্য, যঞ্চত্থঞ্ঞং ঘরে ধনন্তি.

নৰছন্নকে [নৰছন্দকে (সী. পী.), নৰচ্ছদ্দকে (স্যা.)] দানি [দোণি (ক.), দানং, দানে (কত্থচি)] দিয্যতি, পুণ্ণাযং দোণি সুৰামিনী ঠিতা;

বহুকে জনে পাসপাণিকে, নো চ খো মে পটিভাতি ভুঞ্জিতুং.

তসসি ¶ ভমসি লেণমিচ্ছসি, অত্তাণোসি কুহিং গমিস্সসি;

অপ্পোস্সুক্কো ভুঞ্জ তুণ্ডিল, মংসত্থায হি পোসিতাম্হসে [পোসিযামসে (সী. স্যা. পী.)].

ওগহ রহদং অকদ্দমং, সব্বং সেদমলং পৰাহয;

গণ্হাহি নৰং ৰিলেপনং, যস্স ¶ গন্ধো ন কদাচি ছিজ্জতি.

কতমো রহদো অকদ্দমো, কিংসু সেদমলন্তি ৰুচ্চতি;

কতমঞ্চ নৰং ৰিলেপনং, যস্স গন্ধো ন কদাচি ছিজ্জতি.

ধম্মো রহদো অকদ্দমো, পাপং সেদমলন্তি ৰুচ্চতি;

সীলঞ্চ নৰং ৰিলেপনং, তস্স গন্ধো ন কদাচি ছিজ্জতি.

নন্দন্তি সরীরঘাতিনো, ন চ নন্দন্তি সরীরধারিনো;

পুণ্ণায চ পুণ্ণমাসিযা, রমমানাৰ জহন্তি জীৰিতন্তি.

সিঙ্গীমিগো আযতচক্খুনেত্তো, অট্ঠিত্তচো ৰারিসযো অলোমো;

তেনাভিভূতো কপণং রুদামি, হরে সখা কিস্স নু মং জহাসি.

সো ¶ ¶ পস্সসন্তো মহতা ফণেন, ভুজঙ্গমো কক্কটমজ্ঝপত্তো;

সখা সখারং পরিতাযমানো, ভুজঙ্গমং কক্কটকো গহেসি.

ন ৰাযসং নো পন কণ্হসপ্পং, ঘাসত্থিকো কক্কটকো অদেয্য;

পুচ্ছামি তং আযতচক্খুনেত্ত, অথ কিস্স হেতুম্হ উভো গহীতা.

অযং পুরিসো মম অত্থকামো, যো মং গহেত্ৰান দকায নেতি;

তস্মিং মতে দুক্খমনপ্পকং মে, অহঞ্চ এসো চ উভো ন হোম.

মমঞ্চ দিস্ৰান পৰদ্ধকাযং, সব্বো জনো হিংসিতুমেৰ মিচ্ছে;

সাদুঞ্চ থূলঞ্চ মুদুঞ্চ মংসং, কাকাপি মং দিস্ৰান [দিস্ৰ (সী. পী.)] ৰিহেঠযেয্যুং.

সচেতস্স ¶ হেতুম্হ উভো গহীতা, উট্ঠাতু পোসো ৰিসমাৰমামি [ৰিসমাচমামি (সী. পী. ক.)];

মমঞ্চ কাকঞ্চ পমুঞ্চ খিপ্পং, পুরে ¶ ৰিসং গাল়্হমুপেতি মচ্চং.

সপ্পং পমোক্খামি ন তাৰ কাকং, পটিবন্ধকো [পটিবদ্ধকো (সী. পী.)] হোহিতি [হোতি হি (স্যা.)] তাৰ কাকো;

পুরিসঞ্চ দিস্ৰান সুখিং অরোগং, কাকং পমোক্খামি যথেৰ সপ্পং.

কাকো ¶ তদা দেৰদত্তো অহোসি, মারো পন কণ্হসপ্পো অহোসি;

আনন্দভদ্দো কক্কটকো অহোসি, অহং তদা ব্রাহ্মণো হোমি সত্থাতি [তত্থাতি (সী. পী.)].

সকুণো ময্হকো নাম, গিরিসানুদরীচরো;

পক্কং পিপ্ফলিমারুয্হ, ময্হং ময্হন্তি কন্দতি.

তস্সেৰং ৰিলপন্তস্স, দিজসঙ্ঘা সমাগতা;

ভুত্ৰান পিপ্ফলিং যন্তি, ৰিলপত্ৰেৰ সো দিজো.

এৰমেৰ ইধেকচ্চো, সঙ্ঘরিত্ৰা বহুং ধনং;

নেৰত্তনো ন ঞাতীনং, যথোধিং পটিপজ্জতি.

ন সো অচ্ছাদনং ভত্তং, ন মালং ন ৰিলেপনং;

অনুভোতি ¶ [নানুভোতি (স্যা. ক.)] সকিং কিঞ্চি, ন সঙ্গণ্হাতি ঞাতকে.

তস্সেৰং ৰিলপন্তস্স, ময্হং ময্হন্তি রক্খতো;

রাজানো অথ ৰা চোরা, দাযদা যে ৰ [যে চ (স্যা. ক.)] অপ্পিযা;

ধনমাদায গচ্ছন্তি, ৰিলপত্ৰেৰ সো নরো.

ধীরো [ধীরো চ (সী.)] ভোগে অধিগম্ম, সঙ্গণ্হাতি চ ঞাতকে;

তেন সো কিত্তিং পপ্পোতি, পেচ্চ সগ্গে পমোদতীতি [সগ্গে চ মোদতীতি (সী. পী.)].

দুব্বণ্ণরূপং তুৰমরিযৰণ্ণী, পুরক্খত্ৰা [পুরক্খিত্ৰা (স্যা. ক.)] পঞ্জলিকো নমস্সসি;

সেয্যো নু তে সো উদৰা [উদাহু (স্যা. ক.)] সরিক্খো, নামং পরস্সত্তনো চাপি ব্রূহি.

ন ¶ নামগোত্তং গণ্হন্তি রাজ, সম্মগ্গতানুজ্জুগতান [সমগ্গতানুজ্জুগতান (স্যা.), সমুগ্গতানুজ্জুগতান (ক.)] দেৰা;

অহঞ্চ তে নামধেয্যং ৰদামি, সক্কোহমস্মী তিদসানমিন্দো.

যো ¶ দিস্ৰা ভিক্খুং চরণূপপন্নং, পুরক্খত্ৰা পঞ্জলিকো নমস্সতি;

পুচ্ছামি তং দেৰরাজেতমত্থং, ইতো ¶ চুতো কিং লভতে সুখং সো.

যো দিস্ৰা ভিক্খুং চরণূপপন্নং, পুরক্খত্ৰা পঞ্জলিকো নমস্সতি;

দিট্ঠেৰ ধম্মে লভতে পসংসং, সগ্গঞ্চ সো যাতি সরীরভেদা.

লক্খী ৰত মে উদপাদি অজ্জ, যং ৰাসৰং ভূতপতিদ্দসাম;

ভিক্খুঞ্চ দিস্ৰান তুৰঞ্চ সক্ক, কাহামি পুঞ্ঞানি অনপ্পকানি.

অদ্ধা হৰে সেৰিতব্বা সপঞ্ঞা, বহুস্সুতা যে বহুঠানচিন্তিনো;

ভিক্খুঞ্চ দিস্ৰান মমঞ্চ রাজ, করোহি পুঞ্ঞানি অনপ্পকানি.

অক্কোধনো নিচ্চপসন্নচিত্তো, সব্বাতিথীযাচযোগো ভৰিত্ৰা;

নিহচ্চ মানং অভিৰাদযিস্সং, সুত্ৰান দেৰিন্দ সুভাসিতানীতি.

ৰিজ্জাধর [ধজৰিহেঠক (সী. পী.), পব্বজিতৰিহেঠক (স্যা.)] জাতকং ছট্ঠং.

যমেতং ¶ ¶ [যমেকং (পী.)] ৰারিজং পুপ্ফং, অদিন্নং উপসিঙ্ঘসি;

একঙ্গমেতং থেয্যানং, গন্ধথেনোসি মারিস.

ন হরামি ন ভঞ্জামি, আরা সিঙ্ঘামি ৰারিজং;

অথ কেন নু ৰণ্ণেন, গন্ধথেনোতি ৰুচ্চতি.

যোযং ভিসানি খণতি, পুণ্ডরীকানি ভঞ্জতি;

এৰং আকিণ্ণকম্মন্তো, কস্মা এসো ন ৰুচ্চতি.

আকিণ্ণলুদ্দো পুরিসো, ধাতিচেলংৰ মক্খিতো;

তস্মিং মে ৰচনং নত্থি, তঞ্চারহামি ৰত্তৰে.

অনঙ্গণস্স পোসস্স, নিচ্চং সুচিগৰেসিনো;

ৰালগ্গমত্তং পাপস্স, অব্ভামত্তংৰ খাযতি.

অদ্ধা মং যক্খ জানাসি, অথো মং অনুকম্পসি;

পুনপি যক্খ ৰজ্জাসি, যদা পস্সসি এদিসং.

নেৰ তং উপজীৰামি, নপি তে ভতকাম্হসে [ভতকম্হসে (সী. পী.), ভতিকম্হসে (স্যা.)];

ত্ৰমেৰ ভিক্খু জানেয্য, যেন গচ্ছেয্য সুগ্গতিন্তি.

সিঙ্ঘপুপ্ফ [ভিসপুপ্ফ (সী. পী.), উপসিঙ্ঘপুপ্ফ (স্যা.)] জাতকং সত্তমং.

সুসুখং ¶ ৰত জীৰন্তি, যে জনা ৰিঘাসাদিনো;

দিট্ঠেৰ ¶ ধম্মে পাসংসা, সম্পরাযে চ সুগ্গতী.

সুকস্স [সুৰস্স (সী. স্যা. পী.)] ভাসমানস্স, ন নিসামেথ পণ্ডিতা;

ইদং সুণাথ সোদরিযা, অম্হেৰাযং পসংসতি.

নাহং তুম্হে পসংসামি, কুণপাদা সুণাথ মে;

উচ্ছিট্ঠভোজিনো [ভোজনা (ক.)] তুম্হে, ন তুম্হে ৰিঘাসাদিনো.

সত্তৰস্সা ¶ পব্বজিতা, মেজ্ঝারঞ্ঞে [মজ্ঝেরঞ্ঞে (ক.)] সিখণ্ডিনো;

ৰিঘাসেনেৰ যাপেন্তা, মযং চে ভোতো গারয্হা;

তুম্হে সীহানং ব্যগ্ঘানং, ৰাল়ানঞ্চাৰসিট্ঠকং;

উচ্ছিট্ঠেনেৰ যাপেন্তা, মঞ্ঞিৰ্হো ৰিঘাসাদিনো.

যে ব্রাহ্মণস্স সমণস্স, অঞ্ঞস্স ৰা [অঞ্ঞস্স চ (সী. স্যা.), অঞ্ঞস্সেৰ (পী.)] ৰনিব্বিনো [ৰণিব্বিনো (সী. স্যা.)];

দত্ৰাৰ [দত্ৰান (পী. ক.)] সেসং ভুঞ্জন্তি, তে জনা ৰিঘাসাদিনোতি.

পণীতং ভুঞ্জসে ভত্তং, সপ্পিতেলঞ্চ মাতুল;

অথ কেন নু ৰণ্ণেন, কিসো ত্ৰমসি ৰাযস.

অমিত্তমজ্ঝে ৰসতো, তেসু আমিসমেসতো;

নিচ্চং উব্বিগ্গহদযস্স, কুতো কাকস্স দল়্হিযং.

নিচ্চং উব্বেগিনো [উব্বিগ্গিনো (স্যা. ক.), উব্বেধিনো (সী.)] কাকা, ধঙ্কা পাপেন কম্মুনা;

লদ্ধো ¶ পিণ্ডো ন পীণেতি, কিসো তেনস্মি ৰট্টক.

লূখানি তিণবীজানি, অপ্পস্নেহানি ভুঞ্জসি;

অথ কেন নু ৰণ্ণেন, থূলো ত্ৰমসি ৰট্টক.

অপ্পিচ্ছা অপ্পচিন্তায, অদূরগমনেন চ;

লদ্ধালদ্ধেন যাপেন্তো, থূলো তেনস্মি ৰাযস.

অপ্পিচ্ছস্স ¶ হি পোসস্স, অপ্পচিন্তসুখস্স [অপ্পচিন্তিসুখস্স (সী. স্যা. পী.)] চ;

সুসঙ্গহিতমানস্স [সুসঙ্গহিতপমাণস্স (সী. স্যা. পী.)], ৰুত্তী সুসমুদানযাতি.

চিরস্সং ৰত পস্সামি, সহাযং মণিধারিনং;

সুকতা [সুকতায (সী. পী.)] মস্সুকুত্তিযা, সোভতে ৰত মে সখা.

পরূল়্হকচ্ছনখলোমো ¶ , অহং কম্মেসু ব্যাৰটো;

চিরস্সং ন্হাপিতং লদ্ধা, লোমং তং অজ্জং হারযিং [অপহারযিং (সী. পী.)].

যং নু লোমং অহারেসি, দুল্লভং লদ্ধ কপ্পকং;

অথ কিঞ্চরহি তে সম্ম, কণ্ঠে কিণিকিণাযতি [ইদং কণ্ঠে কিণাযতি (ক.), কণ্ঠে কিংনিকিলাযতি (স্যা.)].

মনুস্সসুখুমালানং, মণি কণ্ঠেসু লম্বতি;

তেসাহং ¶ অনুসিক্খামি, মা ত্ৰং মঞ্ঞি দৰা কতং.

সচেপিমং পিহযসি, মস্সুকুত্তিং সুকারিতং;

কারযিস্সামি তে সম্ম, মণিঞ্চাপি দদামি তে.

ত্ৰঞ্ঞেৰ মণিনা ছন্নো, সুকতায চ মস্সুযা;

আমন্ত খো তং গচ্ছামি, পিযং মে তৰ দস্সনন্তি.

পারাৰতজাতকং [কাকজাতকং (সী. পী.), মণিজাতকং (স্যা.)] দসমং.

খরপুত্তৰগ্গো [সেনকৰগ্গো (সী. পী.), খুরপুত্তৰগ্গো (স্যা.), সূচিৰগ্গো (ক.)] দুতিযো.

অথ পস্স সসূচি চ তুণ্ডিলকো, মিগ ময্হকপঞ্চমপক্খিৰরো;

অথ পঞ্জলি ৰারিজ মেজ্ঝ পুন, অথ ৰট্ট কপোতৰরেন দসাতি.

অথ ৰগ্গং পকিত্তিস্সং, ছনিপাতং ৰরুত্তমে;

অৰারিযা চ খরো চ [সেনক (সী.), সূচি চ (স্যা. ক.)], দ্ৰে চ ৰুত্তা সুব্যঞ্জনাতি.

দিযড্ঢকুক্কূ ¶ ¶ ¶ উদযেন কণ্ণিকা, ৰিদত্থিযো অট্ঠ পরিক্খিপন্তি নং;

সা সিংসপা [সসিংসপা (সী. পী.), সা সীসপা (স্যা.), যা সিংসপা (ক. সী. নিয্য)] সারমযা অফেগ্গুকা, কুহিং ঠিতা উপ্পরিতো [উপরিতো (সী. স্যা. পী.)] ন ধংসতি.

যা তিংসতি সারমযা অনুজ্জুকা, পরিকিরিয [পকিরিযা (ক.)] গোপাণসিযো সমং ঠিতা [সমট্ঠিতা (সী. স্যা.)];

তাহি সুসঙ্গহিতা বলসা পীল়িতা [তা সঙ্গহিতা বলসা চ পীল়িতা (সী.), তাহি সুসঙ্গহিতা বলসা চ পীল়িতা (স্যা.), তাহি সঙ্গহীতা বলসা চ পীল়িতা (পী.)], সমং ঠিতা উপ্পরিতো ন ধংসতি.

এৰম্পি মিত্তেহি দল়্হেহি পণ্ডিতো, অভেজ্জরূপেহি সুচীহি মন্তিভি;

সুসঙ্গহীতো সিরিযা ন ধংসতি, গোপাণসী ভারৰহাৰ কণ্ণিকা.

খরত্তচং বেল্লং যথাপি সত্থৰা, অনামসন্তোপি করোতি তিত্তকং;

সমাহরং সাদুং করোতি পত্থিৰ, অসাদুং কযিরা তনুবন্ধমুদ্ধরং [তনুৰট্টমুদ্ধরং (সী. পী.)].

এৰম্পি ¶ গামনিগমেসু পণ্ডিতো, অসাহসং রাজধনানি সঙ্ঘরং;

ধম্মানুৰত্তী পটিপজ্জমানো, স ফাতি কযিরা অৰিহেঠযং পরং.

ওদাতমূলং ¶ সুচিৰারিসম্ভৰং, জাতং যথা পোক্খরণীসু অম্বুজং;

পদুমং যথা অগ্গিনিকাসিফালিমং, ন কদ্দমো ন রজো ন ৰারি লিম্পতি.

এৰম্পি ৰোহারসুচিং অসাহসং, ৰিসুদ্ধকম্মন্তমপেতপাপকং;

ন লিম্পতি কম্মকিলেস তাদিসো, জাতং যথা পোক্খরণীসু অম্বুজন্তি.

যথা চাপো নিন্নমতি, জিযা চাপি নিকূজতি;

হঞ্ঞতে নূন মনোজো, মিগরাজা সখা মম.

হন্দ দানি ৰনন্তানি, পক্কমামি যথাসুখং;

নেতাদিসা সখা হোন্তি, লব্ভা মে জীৰতো সখা.

ন ¶ পাপজনসংসেৰী, অচ্চন্তং সুখমেধতি;

মনোজং ¶ পস্স সেমানং, গিরিযস্সানুসাসনী [অরিযস্সানুসাসনী (সী. স্যা. পী.)].

ন পাপসম্পৰঙ্কেন, মাতা পুত্তেন নন্দতি;

মনোজং পস্স সেমানং, অচ্ছন্নং [সচ্ছন্নং (ক.)] সম্হি লোহিতে.

এৰমাপজ্জতে পোসো, পাপিযো চ নিগচ্ছতি;

যো ৰে হিতানং ৰচনং, ন করোতি অত্থদস্সিনং.

এৰঞ্চ সো হোতি ততো চ পাপিযো, যো উত্তমো অধমজনূপসেৰী;

পস্সুত্তমং অধমজনূপসেৰিতং [সেৰিং (স্যা.)], মিগাধিপং সরৰরৰেগনিদ্ধুতং.

নিহীযতি ¶ পুরিসো নিহীনসেৰী, ন চ হাযেথ কদাচি তুল্যসেৰী;

সেট্ঠমুপগমং [মুপনমং (সী. পী. অ. নি. ৩.২৬)] উদেতি খিপ্পং, তস্মাত্তনা উত্তরিতরং [তস্মা অত্তনো উত্তরিং (সী. পী.), তস্মা অত্তনো উত্তরং (স্যা.)] ভজেথাতি.

রাজা তে ভত্তং পাহেসি, সুচিং মংসূপসেচনং;

মঘদেৰস্মিং [মখাদেৰস্মিং (সী. পী.), মাঘদেৰস্মিং (ক.)] অধিৰত্থে, এহি নিক্খম্ম ভুঞ্জস্সু.

এহি মাণৰ ওরেন, ভিক্খমাদায সূপিতং;

ত্ৰঞ্চ ¶ মাণৰ ভিক্খা চ [ভক্খোসি (স্যা.), ভক্খাৰ (ক.)], উভো ভক্খা ভৰিস্সথ.

অপ্পকেন তুৰং যক্খ, থুল্লমত্থং জহিস্সসি;

ভিক্খং তে নাহরিস্সন্তি, জনা মরণসঞ্ঞিনো.

লদ্ধায যক্খা [লদ্ধাযং যক্খ (সী. স্যা. পী.)] তৰ নিচ্চভিক্খং, সুচিং পণীতং রসসা উপেতং;

ভিক্খঞ্চ তে আহরিযো নরো ইধ, সুদুল্লভো হেহিতি ভক্খিতে [খাদিতে (সী. স্যা. পী.)] মযি.

মমেৰ [মমেস (সী. পী.)] সুতনো অত্থো, যথা ভাসসি মাণৰ;

মযা ত্ৰং সমনুঞ্ঞাতো, সোত্থিং পস্সাহি মাতরং.

খগ্গং ছত্তঞ্চ পাতিঞ্চ, গচ্ছমাদায [গচ্ছেৰাদায (সী. স্যা. পী.)] মাণৰ;

সোত্থিং পস্সতু তে মাতা, ত্ৰঞ্চ পস্সাহি মাতরং.

এৰং যক্খ সুখী হোহি, সহ সব্বেহি ঞাতিভি;

ধনঞ্চ মে অধিগতং, রঞ্ঞো চ ৰচনং কতন্তি.

তে ¶ ¶ কথং নু করিস্সন্তি, ৰুদ্ধা গিরিদরীসযা;

অহং বদ্ধোস্মি পাসেন, নিলীযস্স ৰসং গতো.

কিং গিজ্ঝ পরিদেৰসি, কা নু তে পরিদেৰনা;

ন ¶ মে সুতো ৰা দিট্ঠো ৰা, ভাসন্তো মানুসিং দিজো.

ভরামি মাতাপিতরো, ৰুদ্ধে গিরিদরীসযে;

তে কথং নু করিস্সন্তি, অহং ৰসং গতো তৰ.

যং নু গিজ্ঝো যোজনসতং, কুণপানি অৰেক্খতি;

কস্মা জালঞ্চ পাসঞ্চ, আসজ্জাপি ন বুজ্ঝসি.

যদা পরাভৰো হোতি, পোসো জীৰিতসঙ্খযে;

অথ জালঞ্চ পাসঞ্চ, আসজ্জাপি ন বুজ্ঝতি.

ভরস্সু মাতাপিতরো, ৰুদ্ধে গিরিদরীসযে;

মযা ত্ৰং সমনুঞ্ঞাতো, সোত্থিং পস্সাহি ঞাতকে.

এৰং লুদ্দক নন্দস্সু, সহ সব্বেহি ঞাতিভি;

ভরিস্সং মাতাপিতরো, ৰুদ্ধে গিরিদরীসযেতি.

অনুতীরচারী ভদ্দন্তে, সহাযমনুধাৰ মং;

মহা মে গহিতো [রোহিতো (ক.)] মচ্ছো, সো মং হরতি ৰেগসা.

গম্ভীরচারী ভদ্দন্তে, দল়্হং গণ্হাহি থামসা;

অহং তং উদ্ধরিস্সামি, সুপণ্ণো উরগামিৰ [উরগম্মিৰ (সী. স্যা. পী.)].

ৰিৰাদো নো সমুপ্পন্নো, দব্ভপুপ্ফ সুণোহি মে;

সমেহি ¶ মেধগং [মেধকং (পী.)] সম্ম, ৰিৰাদো ৰূপসম্মতং.

ধম্মট্ঠোহং পুরে আসিং, বহূ অড্ডা মে তীরিতা [বহুঅট্টং মে তীরিতং (সী.), বহুঅট্টংৰ তীরিতং (স্যা.), বহু অত্থং মে তীরিতং (পী.)];

সমেমি মেধগং সম্ম, ৰিৰাদো ৰূপসম্মতং.

অনুতীরচারি ¶ নঙ্গুট্ঠং, সীসং গম্ভীরচারিনো;

অচ্চাযং [অথাযং (সী. পী.)] মজ্ঝিমো খণ্ডো, ধম্মট্ঠস্স ভৰিস্সতি.

চিরম্পি ¶ ভক্খো অভৰিস্স, সচে ন ৰিৰদেমসে;

অসীসকং অনঙ্গুট্ঠং, সিঙ্গালো হরতি রোহিতং.

যথাপি রাজা নন্দেয্য, রজ্জং লদ্ধান খত্তিযো;

এৰাহমজ্জ নন্দামি, দিস্ৰা পুণ্ণমুখং পতিং.

কথং নু থলজো সন্তো, উদকে মচ্ছং পরামসি;

পুট্ঠো মে সম্ম অক্খাহি, কথং অধিগতং তযা.

ৰিৰাদেন কিসা হোন্তি, ৰিৰাদেন ধনক্খযা;

জীনা উদ্দা ৰিৰাদেন, ভুঞ্জ মাযাৰি রোহিতং.

এৰমেৰ মনুস্সেসু, ৰিৰাদো যত্থ জাযতি;

ধম্মট্ঠং পটিধাৰন্তি, সো হি নেসং ৰিনাযকো;

ধনাপি তত্থ জীযন্তি, রাজকোসো পৰড্ঢতীতি [চ ৰড্ঢতি (পী.)].

পণ্ণকং [দসণ্ণকং (সী. স্যা. পী.)] তিখিণধারং, অসিং সম্পন্নপাযিনং;

পরিসাযং ¶ পুরিসো গিলতি, কিং দুক্করতরং ততো;

যদঞ্ঞং দুক্করং ঠানং, তং মে অক্খাহি পুচ্ছিতো.

গিলেয্য পুরিসো লোভা, অসিং সম্পন্নপাযিনং;

যো চ ৰজ্জা দদামীতি, তং দুক্করতরং ততো;

সব্বঞ্ঞং সুকরং ঠানং, এৰং জানাহি মদ্দৰ [মাগধ (সী. স্যা. পী.)].

ব্যাকাসি আযুরো পঞ্হং, অত্থং [অত্থ (পী. সী. নিয্য)] ধম্মস্স কোৰিদো;

পুক্কুসং দানি পুচ্ছামি, কিং দুক্করতরং ততো;

যদঞ্ঞং দুক্করং ঠানং, তং মে অক্খাহি পুচ্ছিতো.

ন ¶ ৰাচমুপজীৰন্তি, অফলং গিরমুদীরিতং;

যো চ দত্ৰা অৰাকযিরা, তং দুক্করতরং ততো;

সব্বঞ্ঞং সুকরং ঠানং, এৰং জানাহি মদ্দৰ.

ব্যাকাসি পুক্কুসো পঞ্হং, অত্থং ধম্মস্স কোৰিদো;

সেনকং দানি পুচ্ছামি, কিং দুক্করতরং ততো;

যদঞ্ঞং দুক্করং ঠানং, তং মে অক্খাহি পুচ্ছিতো.

দদেয্য ¶ পুরিসো দানং, অপ্পং ৰা যদি ৰা বহুং;

যো চ দত্ৰা নানুতপ্পে [তপে (সী. পী.)], তং দুক্করতরং ততো;

সব্বঞ্ঞং সুকরং ঠানং, এৰং জানাহি মদ্দৰ.

ব্যাকাসি আযুরো পঞ্হং, অথো পুক্কুসপোরিসো;

সব্বে ¶ পঞ্হে অতিভোতি, যথা ভাসতি সেনকোতি.

পণ্ণক [দসণ্ণক (সী. স্যা. পী.)] জাতকং ছট্ঠং.

ৰিব্ভন্তচিত্তো কুপিতিন্দ্রিযোসি, নেত্তেহি তে ৰারিগণা সৰন্তি;

কিং তে নট্ঠং কিং পন পত্থযানো, ইধাগমা ব্রহ্মে তদিঙ্ঘ [ব্রাহ্মণ ইঙ্ঘ (সী. স্যা.)] ব্রূহি.

মিয্যেথ ভরিযা ৰজতো মমজ্জ, অগচ্ছতো মরণমাহ যক্খো;

এতেন দুক্খেন পৰেধিতোস্মি, অক্খাহি মে সেনক এতমত্থং.

বহূনি ঠানানি ৰিচিন্তযিত্ৰা, যমেত্থ ৰক্খামি তদেৰ সচ্চং;

মঞ্ঞামি তে ব্রাহ্মণ সত্তুভস্তং, অজানতো কণ্হসপ্পো পৰিট্ঠো.

আদায ¶ দণ্ডং পরিসুম্ভ ভস্তং, পস্সেল়মূগং উরগং দুজিৰ্হং [দিজিৰ্হং (সী. পী.)];

ছিন্দজ্জ কঙ্খং ৰিচিকিচ্ছিতানি, ভুজঙ্গমং পস্স পমুঞ্চ ভস্তং.

সংৰিগ্গরূপো ¶ পরিসায মজ্ঝে, সো ব্রাহ্মণো সত্তুভস্তং পমুঞ্চি;

অথ নিক্খমি উরগো উগ্গতেজো, আসীৰিসো সপ্পো ফণং করিত্ৰা.

সুলদ্ধলাভা জনকস্স রঞ্ঞো, যো পস্সতী সেনকং সাধুপঞ্ঞং;

ৰিৰট্টছদ্দো [ৰিৰত্তচ্ছদ্দো (সী.), ৰিৰট্টচ্ছদো (স্যা.), ৰিৰট্টচ্ছদ্দা (পী.)] নুসি সব্বদস্সী, ঞাণং নু তে ব্রাহ্মণ ভিংসরূপং.

ইমানি মে সত্তসতানি অত্থি, গণ্হাহি সব্বানি দদামি তুয্হং;

তযা হি মে জীৰিতমজ্জ লদ্ধং, অথোপি ভরিযায মকাসি সোত্থিং.

ন পণ্ডিতা ৰেতনমাদিযন্তি, চিত্রাহি গাথাহি সুভাসিতাহি;

ইতোপি তে ব্রহ্মে দদন্তু ৰিত্তং, আদায ত্ৰং গচ্ছ সকং নিকেতন্তি.

সত্তুভস্তজাতকং [সেনকজাতকং (স্যা.)] সত্তমং.

যেমে ¶ অহং ন জানামি, অট্ঠিসেন ৰনিব্বকে;

তে মং সঙ্গম্ম যাচন্তি, কস্মা মং ত্ৰং ন যাচসি.

যাচকো ¶ অপ্পিযো হোতি, যাচং অদদমপ্পিযো;

তস্মাহং তং ন যাচামি, মা মে ৰিদেস্সনা [ৰিদ্দেসনা (সী. পী.)] অহু.

যো ¶ ৰে যাচনজীৰানো, কালে যাচং ন যাচতি;

পরঞ্চ পুঞ্ঞা [পুঞ্ঞং (স্যা. ক.)] ধংসেতি, অত্তনাপি ন জীৰতি.

যো চ [যো ৰে (ক.)] যাচনজীৰানো, কালে যাচঞ্হি যাচতি [যাচংপি যাচতি (স্যা.), যাচানি যাচতি (পী.), যাচতি যাচনং (সী. নিয্য), যাচনং যাচতি (ক.)];

পরঞ্চ পুঞ্ঞং লব্ভেতি, অত্তনাপি চ জীৰতি.

ন ৰে দেস্সন্তি [ন ৰে দুস্সন্তি (স্যা.), ন ৰে দিস্সন্তি (পী.), ন ৰিদেস্সন্তি (ক. অট্ঠ.)] সপ্পঞ্ঞা, দিস্ৰা যাচকমাগতে;

ব্রহ্মচারি পিযো মেসি, ৰদ ত্ৰং [ৰর তং (সী.), ৰর ত্ৰং (পী.)] ভঞ্ঞমিচ্ছসি [যঞ্ঞমিচ্ছসি (?)].

ন ৰে যাচন্তি সপ্পঞ্ঞা, ধীরো চ ৰেদিতুমরহতি;

উদ্দিস্স অরিযা তিট্ঠন্তি, এসা অরিযান যাচনা.

দদামি তে ব্রাহ্মণ রোহিণীনং, গৰং সহস্সং সহ পুঙ্গৰেন;

অরিযো হি অরিযস্স কথং ন দজ্জা, সুত্ৰান গাথা তৰ ধম্মযুত্তাতি.

যত্থ ¶ ৰেরী নিৰসতি, ন ৰসে তত্থ পণ্ডিতো;

একরত্তং দিরত্তং ৰা, দুক্খং ৰসতি ৰেরিসু.

দিসো ৰে লহুচিত্তস্স, পোসস্সানুৰিধীযতো;

একস্স কপিনো হেতু, যূথস্স অনযো কতো.

বালোৰ [চ (সী. স্যা. পী.)] পণ্ডিতমানী, যূথস্স পরিহারকো;

সচিত্তস্স ৰসং গন্ত্ৰা, সযেথাযং [পস্সেথাযং (ক.)] যথা কপি.

ন সাধু বলৰা বালো, যূথস্স পরিহারকো;

অহিতো ভৰতি ঞাতীনং, সকুণানংৰ চেতকো [চেটকো (ক.)].

ধীরোৰ ¶ বলৰা সাধু, যূথস্স পরিহারকো;

হিতো ভৰতি ঞাতীনং, তিদসানংৰ ৰাসৰো.

যো চ সীলঞ্চ পঞ্ঞঞ্চ, সুতঞ্চত্তনি পস্সতি;

উভিন্নমত্থং চরতি, অত্তনো চ পরস্স চ.

তস্মা তুলেয্য মত্তানং, সীলপঞ্ঞাসুতামিৰ [সীলং পঞ্ঞং সুতংপিৰ (স্যা.)];

গণং ৰা পরিহরে ধীরো, একো ৰাপি পরিব্বজেতি.

দ্ৰাসত্ততি ¶ গোতম [ভো গোতম (ক.)] পুঞ্ঞকম্মা, ৰসৰত্তিনো ¶ জাতিজরং অতীতা;

অযমন্তিমা ৰেদগূ ব্রহ্মপত্তি [ব্রহ্মুপপত্তি (স্যা. ক.)], অস্মাভিজপ্পন্তি জনা [পজা (ক.)] অনেকা.

অপ্পঞ্হি এতং [অপ্পঞ্চ হেতং (স্যা.), অপ্পংসি এতং (ক.)] ন হি দীঘমাযু, যং ত্ৰং বক মঞ্ঞসি দীঘমাযুং;

সতং সহস্সানি [সহস্সানং (সী. পী. সং. নি. ১.১৭৫), সহস্সান (স্যা. কং.)] নিরব্বুদানং, আযুং পজানামি তৰাহ ব্রহ্মে.

অনন্তদস্সী ভগৰাহমস্মি, জাতিজ্জরং সোকমুপাতিৰত্তো;

কিং মে পুরাণং ৰতসীলৰত্তং [সীলৰন্তং (পী. ক.)], আচিক্খ মে তং যমহং ৰিজঞ্ঞং.

যং ত্ৰং অপাযেসি বহূ মনুস্সে, পিপাসিতে ঘম্মনি সম্পরেতে;

তং তে পুরাণং ৰতসীলৰত্তং, সুত্তপ্পবুদ্ধোৰ অনুস্সরামি.

যং ¶ এণিকূলস্মি জনং গহীতং, অমোচযী গয্হক নিয্যমানং;

তং তে পুরাণং ৰতসীলৰত্তং, সুত্তপ্পবুদ্ধোৰ অনুস্সরামি.

গঙ্গায সোতস্মিং গহীতনাৰং, লুদ্দেন ¶ নাগেন মনুস্সকপ্পা;

অমোচযি ত্ৰং বলসা পসয্হ, তং তে পুরাণং ৰতসীলৰত্তং;

কপ্পো চ তে বদ্ধচরো [পত্থচরো (স্যা.), পট্ঠচরো (ক.)] অহোসি, সম্বুদ্ধিমন্তং [সম্বুদ্ধিৰন্তং (স্যা. পী.), সম্বুদ্ধৰন্তং (ক.)] ৰতিনং [ৰতিতং (স্যা.), ৰতিদং (ক.)] অমঞ্ঞং;

তং তে পুরাণং ৰতসীলৰত্তং, সুত্তপ্পবুদ্ধোৰ অনুস্সরামি.

অদ্ধা পজানাসি মমেতমাযুং, অঞ্ঞম্পি জানাসি তথা হি বুদ্ধো;

তথা হি তাযং [ত্যাযং (সং. নি. ১.১৭৫)] জলিতানুভাৰো, ওভাসযং তিট্ঠতি ব্রহ্মলোকন্তি.

ৰরকণ্ণিক চাপৰরো সুতনো, অথ গিজ্ঝ সরোহিতমচ্ছৰরো;

পুন পণ্ণক [দসণ্ণক (সী. স্যা. পী.)] সেনক যাচনকো, অথ ৰেরি সব্রহ্মবকেন দসাতি.

হিত্ৰা ¶ ¶ ¶ গামসহস্সানি, পরিপুণ্ণানি সোল়স;

কোট্ঠাগারানি ফীতানি, সন্নিধিং দানি কুব্বসি.

হিত্ৰা গন্ধারৰিসযং, পহূতধনধারিযং [ধানিযং (সী. পী.), ধঞ্ঞন্তি অত্থো];

পসাসনতো [পসাসনিতো (সী. স্যা.), পসাসনাতো (পী.)] নিক্খন্তো, ইধ দানি পসাসসি.

ধম্মং ভণামি ৰেদেহ, অধম্মো মে ন রুচ্চতি;

ধম্মং মে ভণমানস্স, ন পাপমুপলিম্পতি.

যেন কেনচি ৰণ্ণেন, পরো লভতি রুপ্পনং;

মহত্থিযম্পি চে ৰাচং, ন তং ভাসেয্য পণ্ডিতো.

কামং রুপ্পতু ৰা মা ৰা, ভুসংৰ ৰিকিরীযতু;

ধম্মং মে ভণমানস্স, ন পাপমুপলিম্পতি.

নো চে অস্স সকা বুদ্ধি, ৰিনযো ৰা সুসিক্খিতো;

ৰনে অন্ধমহিংসোৰ [অন্ধমহিসোৰ (সী. পী.)] চরেয্য বহুকো জনো.

যস্মা চ পনিধেকচ্চে, আচেরম্হি [আচারম্হি (সী. পী.)] সুসিক্খিতা;

তস্মা ৰিনীতৰিনযা, চরন্তি সুসমাহিতাতি.

অত্তানং ¶ সঙ্কমং কত্ৰা, যো সোত্থিং সমতারযি;

কিং ত্ৰং তেসং কিমে [কিমো (সী. পী.), কিং মে (স্যা.)] তুয্হং, হোন্তি এতে [হেতে (স্যা.), সো তে (ক.)] মহাকপি.

রাজাহং ইস্সরো তেসং, যূথস্স পরিহারকো;

তেসং সোকপরেতানং, ভীতানং তে অরিন্দম.

উল্লঙ্ঘযিত্ৰা [স লঙ্ঘযিত্ৰা (পী.), সুলঙ্ঘযিত্ৰা (ক.)] অত্তানং, ৰিস্সট্ঠধনুনো সতং;

ততো অপরপাদেসু, দল়্হং বন্ধং লতাগুণং.

ছিন্নব্ভমিৰ ¶ ৰাতেন, নুণ্ণো [নুন্নো (সী.)] রুক্খং উপাগমিং;

সোহং অপ্পভৰং তত্থ, সাখং হত্থেহি অগ্গহিং.

তং ¶ মং ৰিযাযতং সন্তং, সাখায চ লতায চ;

সমনুক্কমন্তা পাদেহি, সোত্থিং সাখামিগা গতা.

তং মং ন তপতে বন্ধো, মতো [ৰধো (সী. স্যা. পী.)] মে ন তপেস্সতি;

সুখমাহরিতং তেসং, যেসং রজ্জমকারযিং.

এসা তে উপমা রাজ, তং সুণোহি অরিন্দম [অত্থসন্দস্সনী কতা (পী.)];

রঞ্ঞা রট্ঠস্স যোগ্গস্স, বলস্স নিগমস্স চ;

সব্বেসং সুখমেট্ঠব্বং, খত্তিযেন পজানতাতি.

অম্বাহমদ্দং ¶ ৰনমন্তরস্মিং, নীলোভাসং ফলিতং [ফলিনং (পী.)] সংৰিরূল়্হং;

তমদ্দসং ফলহেতু ৰিভগ্গং, তং দিস্ৰা ভিক্খাচরিযং চরামি.

সেলং সুমট্ঠং নরৰীরনিট্ঠিতং [নরৰিদ্দুনিট্ঠিতং (ক.)], নারী যুগং ধারযি অপ্পসদ্দং;

দুতিযঞ্চ আগম্ম অহোসি সদ্দো, তং দিস্ৰা ভিক্খাচরিযং চরামি.

দিজা দিজং কুণপমাহরন্তং, একং সমানং বহুকা সমেচ্চ;

আহারহেতূ পরিপাতযিংসু, তং দিস্ৰা ভিক্খাচরিযং চরামি.

উসভাহমদ্দং যূথস্স মজ্ঝে, চলক্ককুং ৰণ্ণবলূপপন্নং;

তমদ্দসং কামহেতু ৰিতুন্নং, তং দিস্ৰা ভিক্খাচরিযং চরামি.

করণ্ডকো ¶ [করণ্ডুনাম (সী. পী.)] কলিঙ্গানং, গন্ধারানঞ্চ নগ্গজি;

নিমিরাজা ৰিদেহানং, পঞ্চালানঞ্চ দুম্মুখো;

এতে রট্ঠানি হিত্ৰান, পব্বজিংসু অকিঞ্চনা.

সব্বেপিমে ¶ দেৰসমা সমাগতা, অগ্গী যথা পজ্জলিতো তথেৰিমে;

অহম্পি একো চরিস্সামি ভগ্গৰি, হিত্ৰান কামানি যথোধিকানি.

অযমেৰ কালো ন হি অঞ্ঞো অত্থি, অনুসাসিতা মে ন ভৰেয্য পচ্ছা;

অহম্পি একা চরিস্সামি ভগ্গৰ, সকুণীৰ মুত্তা পুরিসস্স হত্থা.

আমং পক্কঞ্চ জানন্তি, অথো লোণং অলোণকং;

তমহং দিস্ৰান পব্বজিং, চরেৰ ত্ৰং চরামহন্তি.

অহং ¶ চে দল়্হধম্মস্স [দল়্হধম্মায (পী.)], ৰহন্তি নাভিরাধযিং;

ধরন্তী উরসি সল্লং, যুদ্ধে ৰিক্কন্তচারিনী.

নূন রাজা ন জানাতি [ন হ নূন রাজা জানাতি (সী. পী.)], মম ৰিক্কমপোরিসং;

সঙ্গামে সুকতন্তানি, দূতৰিপ্পহিতানি চ.

সা নূনাহং মরিস্সামি, অবন্ধু অপরাযিনী [অপরাযিণী (সী.), অপরাযণী (?)];

তদা ¶ হি [তথা হি (পী.)] কুম্ভকারস্স, দিন্না ছকণহারিকা.

যাৰতাসীসতী পোসো, তাৰদেৰ পৰীণতি;

অত্থাপাযে জহন্তি নং, ওট্ঠিব্যাধিংৰ খত্তিযো.

যো পুব্বে কতকল্যাণো, কতত্থো নাৰবুজ্ঝতি;

অত্থা তস্স পলুজ্জন্তি, যে হোন্তি অভিপত্থিতা.

যো ¶ পুব্বে কতকল্যাণো, কতত্থো মনুবুজ্ঝতি;

অত্থা তস্স পৰড্ঢন্তি, যে হোন্তি অভিপত্থিতা.

তং ৰো ৰদামি ভদ্দন্তে [ভদ্দং ৰো (সী. স্যা. পী.)], যাৰন্তেত্থ সমাগতা;

সব্বে কতঞ্ঞুনো হোথ, চিরং সগ্গম্হি ঠস্সথাতি.

যো মং পুরে পচ্চুড্ডেতি [পচ্চুদেতি (সী. স্যা. পী.), পচ্চুট্ঠেতি (ক.)], অরঞ্ঞে দূরমাযতো;

সো ন দিস্সতি মাতঙ্গো, সোমদত্তো কুহিং গতো.

অযং ৰা সো মতো সেতি, অল্লসিঙ্গংৰ ৰচ্ছিতো [অল্লপিঙ্কৰ ছিজ্জিতো (সী. পী.), অল্লপীতংৰ ৰিচ্ছিতো (স্যা.)];

ভুম্যা নিপতিতো সেতি, অমরা ৰত কুঞ্জরো.

অনগারিযুপেতস্স, ৰিপ্পমুত্তস্স তে সতো;

সমণস্স ন তং সাধু, যং পেতমনুসোচসি.

সংৰাসেন হৰে সক্ক, মনুস্সস্স মিগস্স ৰা;

হদযে ¶ জাযতে পেমং, তং ন সক্কা অসোচিতুং.

মতং মরিস্সং রোদন্তি, যে রুদন্তি লপন্তি চ;

তস্মা ত্ৰং ইসি মা রোদি, রোদিতং মোঘমাহু সন্তো.

কন্দিতেন ¶ হৰে ব্রহ্মে, মতো পেতো সমুট্ঠহে;

সব্বে সঙ্গম্ম রোদাম, অঞ্ঞমঞ্ঞস্স ঞাতকে.

আদিত্তং ৰত মং সন্তং, ঘতসিত্তংৰ পাৰকং;

ৰারিনা ৰিয ওসিঞ্চং, সব্বং নিব্বাপযে দরং.

অব্বহী ৰত মে সল্লং, যমাসি হদযস্সিতং;

যো মে সোকপরেতস্স, পুত্তসোকং অপানুদি.

সোহং অব্বূল়্হসল্লোস্মি, ৰীতসোকো অনাৰিলো;

ন সোচামি ন রোদামি, তৰ সুত্ৰান ৰাসৰাতি.

কাল়ানি ¶ কেসানি পুরে অহেসুং, জাতানি সীসম্হি যথাপদেসে;

তানজ্জ সেতানি সুসীম [সুসিম (ক.)] দিস্ৰা, ধম্মং চর ব্রহ্মচরিযস্স কালো.

মমেৰ দেৰ পলিতং ন তুয্হং, মমেৰ সীসং মম উত্তমঙ্গং;

‘‘অত্থং ¶ করিস্স’’ন্তি মুসা অভাণিং [অভাসিং (ক.)], একাপরাধং খম রাজসেট্ঠ.

দহরো তুৰং দস্সনিযোসি রাজ, পঠমুগ্গতো হোসি [হোহি (সী.), হোতি (ক.)] যথা কল়ীরো;

রজ্জঞ্চ কারেহি মমঞ্চ পস্স, মা কালিকং অনুধাৰী জনিন্দ.

পস্সামি ৰোহং দহরিং কুমারিং, সামট্ঠপস্সং সুতনুং সুমজ্ঝং;

কাল়প্পৰাল়াৰ পৰেল্লমানা, পলোভযন্তীৰ [সা লোভযন্তীৰ (পী.)] নরেসু গচ্ছতি.

তমেন পস্সামিপরেন নারিং, আসীতিকং নাৰুতিকং ৰ জচ্চা;

দণ্ডং গহেত্ৰান পৰেধমানং, গোপানসীভোগ্গসমং চরন্তিং.

সোহং তমেৰানুৰিচিন্তযন্তো, একো সযামি [পস্সামি (ক.)] সযনস্স মজ্ঝে;

‘‘অহম্পি এৰং’’ ইতি পেক্খমানো, ন গহে রমে [ন গেহে রমে (সী.), গেহে ন রমে (স্যা. ক.)] ব্রহ্মচরিযস্স কালো.

রজ্জুৰালম্বনী ¶ চেসা, যা গেহে ৰসতো রতি;

এৰম্পি ¶ ছেত্ৰান ৰজন্তি ধীরা, অনপেক্খিনো কামসুখং পহাযাতি.

অহং দসসতংব্যামং, উরগমাদায আগতো;

তঞ্চ মঞ্চ মহাকাযং, ধারযং নপ্পৰেধসি [ন পৰেধযি (ক.)].

অথিমং ¶ খুদ্দকং পক্খিং, অপ্পমংসতরং মযা;

ধারযং ব্যথসি [ব্যাধসে (সী.), ব্যধসে (পী.), ব্যাধসি (ক.)] ভীতা [ভীতো (সী. স্যা. পী.)], কমত্থং কোটসিম্বলি [কোটিসিম্বলি (সী. পী.)].

মংসভক্খো তুৰং রাজ, ফলভক্খো অযং দিজো;

অযং নিগ্রোধবীজানি, পিলক্খুদুম্বরানি চ;

অস্সত্থানি চ ভক্খিত্ৰা, খন্ধে মে ওহদিস্সতি.

তে রুক্খা সংৰিরূহন্তি, মম পস্সে নিৰাতজা;

তে মং পরিযোনন্ধিস্সন্তি, অরুক্খং মং করিস্সরে.

সন্তি অঞ্ঞেপি রুক্খা সে, মূলিনো খন্ধিনো দুমা;

ইমিনা সকুণজাতেন, বীজমাহরিতা হতা.

অজ্ঝারূহাভিৰড্ঢন্তি [অজ্ঝারূল়্হাভিৰড্ঢন্তি (সী. পী.)], ব্রহন্তম্পি ৰনপ্পতিং;

তস্মা রাজ পৰেধামি, সম্পস্সংনাগতং ভযং.

সঙ্কেয্য সঙ্কিতব্বানি, রক্খেয্যানাগতং ভযং;

অনাগতভযা ¶ ধীরো, উভো লোকে অৰেক্খতীতি.

রাজা অপুচ্ছি ৰিধুরং, ধম্মকামো যুধিট্ঠিলো;

অপি ব্রাহ্মণ জানাসি, কো একো বহু সোচতি.

ব্রাহ্মণো ¶ অজযূথেন, পহূতেধো [বহূতেজো (পী. ক.), বহুতেন্দো (স্যা.)] ৰনে ৰসং;

ধূমং অকাসি ৰাসেট্ঠো, রত্তিন্দিৰমতন্দিতো.

তস্স তং ধূমগন্ধেন, সরভা মকসড্ডিতা [মকসদ্দিতা (সী. স্যা.), মকসট্টিতা (পী. ক.)];

ৰস্সাৰাসং উপাগচ্ছুং, ধূমকারিস্স সন্তিকে.

সরভেসু মনং কত্ৰা, অজা সো নাৰবুজ্ঝথ;

আগচ্ছন্তী ৰজন্তী ৰা [আগচ্ছন্তি ৰজন্তি ৰা (স্যা. পী.), আগচ্ছন্তিং ৰজন্তিং ৰা (ক.)], তস্স তা ৰিনসুং [ৰিনস্সুং (সী.)] অজা.

পাৰিসুং গিরিদুগ্গানি, নদীনং পভৰানি চ.

সরভে চ গতে দিস্ৰা, অজা চ ৰিভৰং গতা [অজে চ ৰিভৰং গতে (ক.)];

কিসো চ ৰিৰণ্ণো চাসি, পণ্ডুরোগী চ ব্রাহ্মণো.

এৰং ¶ যো সং নিরংকত্ৰা, আগন্তুং কুরুতে পিযং;

সো একো বহু সোচতি, ধূমকারীৰ ব্রাহ্মণোতি.

কোধ ¶ জাগরতং সুত্তো, কোধ সুত্তেসু জাগরো;

কো মমেতং ৰিজানাতি, কো তং পটিভণাতি মে.

অহং জাগরতং সুত্তো, অহং সুত্তেসু জাগরো;

অহমেতং ৰিজানামি, অহং পটিভণামি তে.

কথং জাগরতং সুত্তো, কথং সুত্তেসু জাগরো;

কথং এতং ৰিজানাসি, কথং পটিভণাসি মে.

যে ধম্মং নপ্পজানন্তি, সংযমোতি দমোতি চ;

তেসু সুপ্পমানেসু, অহং জগ্গামি দেৰতে.

যেসং রাগো চ দোসো চ, অৰিজ্জা চ ৰিরাজিতা;

তেসু জাগরমানেসু, অহং সুত্তোস্মি দেৰতে.

এৰং ¶ জাগরতং সুত্তো, এৰং সুত্তেসু জাগরো;

এৰমেতং ৰিজানামি, এৰং পটিভণামি তে.

সাধু জাগরতং সুত্তো, সাধু সুত্তেসু জাগরো;

সাধুমেতং ৰিজানাসি, সাধু পটিভণাসি মেতি.

৪১৫. কুম্মাসপিণ্ডিজাতকং (৭-২-১০)

ন কিরত্থি অনোমদস্সিসু, পারিচরিযা বুদ্ধেসু অপ্পিকা [অপ্পকা (ক.)];

সুক্খায ¶ অলোণিকায চ, পস্সফলং কুম্মাসপিণ্ডিযা.

হত্থিগৰস্সা চিমে বহূ [হত্থিগৰাস্সা চ মে বহূ (সী.), হত্থী গৰাস্সা চিমে বহূ (স্যা.), হত্থী গৰাস্সা চ মে বহূ (পী.)], ধনধঞ্ঞং পথৰী চ কেৰলা;

নারিযো চিমা অচ্ছরূপমা, পস্সফলং কুম্মাসপিণ্ডিযা.

অভিক্খণং রাজকুঞ্জর, গাথা ভাসসি কোসলাধিপ;

পুচ্ছামি তং রট্ঠৰড্ঢন, বাল়্হং পীতিমনো পভাসসি.

ইমস্মিঞ্ঞেৰ নগরে, কুলে অঞ্ঞতরে অহুং;

পরকম্মকরো আসিং, ভতকো সীলসংৰুতো.

কম্মায ¶ নিক্খমন্তোহং, চতুরো সমণেদ্দসং;

আচারসীলসম্পন্নে, সীতিভূতে অনাসৰে.

তেসু চিত্তং পসাদেত্ৰা, নিসীদেত্ৰা [নিসাদেত্ৰা (?)] পণ্ণসন্থতে;

অদং বুদ্ধান কুম্মাসং, পসন্নো সেহি পাণিভি.

তস্স ¶ কম্মস্স কুসলস্স, ইদং মে এদিসং ফলং;

অনুভোমি ইদং রজ্জং, ফীতং ধরণিমুত্তমং.

দদং ভুঞ্জ মা চ পমাদো [দদ ভুঞ্জ চ মা চ পমাদো (সী. পী.)], চক্কং ৰত্তয কোসলাধিপ;

মা ¶ রাজ অধম্মিকো অহু, ধম্মং পালয কোসলাধিপ.

সোহং তদেৰ পুনপ্পুনং, ৰটুমং আচরিস্সামি সোভনে;

অরিযাচরিতং সুকোসলে, অরহন্তো মে মনাপাৰ পস্সিতুং.

দেৰী ৰিয অচ্ছরূপমা, মজ্ঝে নারিগণস্স সোভসি;

কিং কম্মমকাসি ভদ্দকং, কেনাসি ৰণ্ণৰতী সুকোসলে.

অম্বট্ঠকুলস্স খত্তিয, দাস্যাহং পরপেসিযা অহুং;

সঞ্ঞতা চ [সঞ্ঞতা (সী. পী.)] ধম্মজীৰিনী, সীলৰতী চ অপাপদস্সনা.

উদ্ধটভত্তং অহং তদা, চরমানস্স অদাসি ভিক্খুনো;

ৰিত্তা সুমনা সযং অহং, তস্স কম্মস্স ফলং মমেদিসন্তি.

আগমিস্সতি ¶ মে পাপং, আগমিস্সতি মে ভযং;

তদা হি চলিতা সাখা, মনুস্সেন মিগেন ৰা.

ভীরুযা নূন মে কামো, অৰিদূরে ৰসন্তিযা;

করিস্সতি কিসং পণ্ডুং, সাৰ সাখা পরন্তপং.

সোচযিস্সতি ¶ মং কন্তা, গামে ৰসমনিন্দিতা;

করিস্সতি কিসং পণ্ডুং, সাৰ সাখা পরন্তপং.

তযা মং অসিতাপঙ্গি [হসিতাপঙ্গি (সী. স্যা. পী.)], সিতানি [মিহিতানি (সী. স্যা. পী.)] ভণিতানি চ;

কিসং পণ্ডুং করিস্সন্তি, সাৰ সাখা পরন্তপং.

অগমা নূন সো সদ্দো, অসংসি নূন সো তৰ;

অক্খাতং নূন তং তেন, যো তং সাখমকম্পযি.

ইদং ¶ খো তং সমাগম্ম, মম বালস্স চিন্তিতং;

তদা হি চলিতা সাখা, মনুস্সেন মিগেন ৰা.

তথেৰ ত্ৰং অৰেদেসি, অৰঞ্চি [অৰজ্ঝি (ক.)] পিতরং মম;

হন্ত্ৰা সাখাহি ছাদেন্তো, আগমিস্সতি মে [তে (স্যা. ক.)] ভযন্তি.

ৰরগাম ¶ মহাকপি ভগ্গৰ চ, দল়্হধম্ম সকুঞ্জর কেসৰরো;

উরগো ৰিধুরো পুন জাগরতং, অথ কোসলাধিপ পরন্তপ চাতি.

অথ সত্তনিপাতম্হি, ৰগ্গং মে ভণতো সুণ;

কুক্কু চ পুন গন্ধারো, দ্ৰেৰ গুত্তা মহেসিনাতি.

ওদাতৰত্থা ¶ ¶ ¶ সুচি অল্লকেসা, কচ্চানি কিং কুম্ভিমধিস্সযিত্ৰা [কুম্ভিমপস্সযিত্ৰা (পী.)];

পিট্ঠা তিলা ধোৰসি তণ্ডুলানি, তিলোদনো হেহিতি কিস্স হেতু.

ন খো অযং ব্রাহ্মণ ভোজনত্থা [ভোজনত্থং (স্যা.)], তিলোদনো হেহিতি সাধুপক্কো;

ধম্মো মতো তস্স পহুত্তমজ্জ [পহূনমজ্জ (স্যা.), পহূতমজ্জ (সী.), বহূতমজ্জা (পী.)], অহং করিস্সামি সুসানমজ্ঝে.

অনুৰিচ্চ কচ্চানি করোহি কিচ্চং, ধম্মো মতো কো নু তৰেৰ [তৰেত (সী. স্যা. পী.)] সংসি;

সহস্সনেত্তো অতুলানুভাৰো, ন মিয্যতী ধম্মৰরো কদাচি.

দল়্হপ্পমাণং মম এত্থ ব্রহ্মে, ধম্মো মতো নত্থি মমেত্থ কঙ্খা;

যে যেৰ দানি পাপা ভৰন্তি, তে ¶ তেৰ দানি সুখিতা ভৰন্তি.

সুণিসা হি ময্হং ৰঞ্ঝা অহোসি, সা মং ৰধিত্ৰান ৰিজাযি পুত্তং;

সা দানি সব্বস্স কুলস্স ইস্সরা, অহং পনম্হি [ৰসামি (স্যা.)] অপৰিদ্ধা একিকা.

জীৰামি ¶ ৰোহং ন মতোহমস্মি [নাহং মতোস্মি (সী. পী.)], তৰেৰ অত্থায ইধাগতোস্মি;

যা তং ৰধিত্ৰান ৰিজাযি পুত্তং, সহাৰ পুত্তেন করোমি ভস্মং.

এৰঞ্চ [এতঞ্চ (সী. পী.)] তে রুচ্চতি দেৰরাজ, মমেৰ অত্থায ইধাগতোসি;

অহঞ্চ পুত্তো সুণিসা চ নত্তা, সম্মোদমানা ঘরমাৰসেম.

এৰঞ্চ তে রুচ্চতি কাতিযানি, হতাপি সন্তা ন জহাসি ধম্মং;

তুৰঞ্চ [ত্ৰঞ্চ (পী. ক.)] পুত্তো সুণিসা চ নত্তা, সম্মোদমানা ঘরমাৰসেথ.

সা কাতিযানী সুণিসায সদ্ধিং, সম্মোদমানা ঘরমাৰসিত্থ;

পুত্তো ¶ চ নত্তা চ উপট্ঠহিংসু, দেৰানমিন্দেন অধিগ্গহীতাতি.

ইদং ¶ পুরে নিন্নমাহু, বহুমচ্ছং মহোদকং;

আৰাসো বকরাজস্স, পেত্তিকং ভৰনং মম;

ত্যজ্জ ভেকেন [ভিঙ্গেন (ক.)] যাপেম, ওকং ন ৰজহামসে [ওকন্তং ন জহামসে (ক.)].

কো দুতিযং অসীলিস্স, বন্ধরস্সক্খি ভেচ্ছতি [ভেজ্জতি (সী. স্যা. পী.), ভিন্দতি (ক.)];

কো মে পুত্তে কুলাৰকং, মঞ্চ সোত্থিং করিস্সতি.

সব্বা পরিক্খযা ফেগ্গু, যাৰ তস্সা গতী অহু;

খীণভক্খো মহারাজ, সারে ন রমতী ঘুণো.

সা ¶ নূনাহং ইতো গন্ত্ৰা, রঞ্ঞো মুত্তা নিৰেসনা;

অত্তানং রমযিস্সামি, দুমসাখনিকেতিনী.

সো নূনাহং ইতো গন্ত্ৰা, রঞ্ঞো মুত্তো নিৰেসনা;

অগ্গোদকানি পিস্সামি, যূথস্স পুরতো ৰজং.

তং মং কামেহি সম্মত্তং, রত্তং কামেসু মুচ্ছিতং;

আনযী ভরতো [ৰনতো (ক.)] লুদ্দো, বাহিকো ভদ্দমত্থু তে.

অন্ধকারতিমিসাযং, তুঙ্গে উপরিপব্বতে;

সা ¶ মং সণ্হেন মুদুনা, মা পাদং খলি [খণি (সী. স্যা. পী.)] যস্মনি.

অসংসযং জাতিখযন্তদস্সী, ন গব্ভসেয্যং পুনরাৰজিস্সং;

অযমন্তিমা পচ্ছিমা গব্ভসেয্যা [অযং হি মে অন্তিমা গব্ভসেয্যা (সী. পী.)], খীণো মে সংসারো পুনব্ভৰাযাতি.

ইদং সুৰণ্ণকাযূরং, মুত্তা ৰেল়ুরিযা বহূ;

সব্বং হরস্সু ভদ্দন্তে, মঞ্চ দাসীতি সাৰয.

ওরোপযস্সু কল্যাণি, মা বাল়্হং [বহুং (সী. স্যা. পী.)] পরিদেৰসি;

ন চাহং অভিজানামি, অহন্ত্ৰা ধনমাভতং.

যতো সরামি অত্তানং, যতো পত্তাস্মি ৰিঞ্ঞুতং;

ন চাহং অভিজানামি, অঞ্ঞং পিযতরং তযা.

এহি তং উপগূহিস্সং [উপগুয্হিস্সং (ক.)], করিস্সঞ্চ পদক্খিণং;

ন হি দানি পুন অত্থি, মম তুয্হঞ্চ সঙ্গমো.

ন ¶ হি সব্বেসু ঠানেসু, পুরিসো হোতি পণ্ডিতো;

ইত্থীপি পণ্ডিতা হোতি, তত্থ তত্থ ৰিচক্খণা.

ন ¶ হি সব্বেসু ঠানেসু, পুরিসো হোতি পণ্ডিতো;

ইত্থীপি ¶ পণ্ডিতা হোতি, লহুং অত্থং ৰিচিন্তিকা [লহুমত্থৰিচিন্তিকা (সী. পী.)].

লহুঞ্চ ৰত খিপ্পঞ্চ, নিকট্ঠে সমচেতযি;

মিগং পুণ্ণাযতেনেৰ [পুণ্ণাযতনেৰ (স্যা.)], সুলসা সত্তুকং ৰধি.

যোধ উপ্পতিতং অত্থং, ন খিপ্পমনুবুজ্ঝতি;

সো হঞ্ঞতি মন্দমতি, চোরোৰ গিরিগব্ভরে.

যো চ উপ্পতিতং অত্থং, খিপ্পমেৰ নিবোধতি;

মুচ্চতে সত্তুসম্বাধা, সুলসা সত্তুকামিৰাতি.

ভুসম্হি [ভুসম্পি (ক.), ভুসং হি (সী. নিয্য)] কুদ্ধোতি অৰেক্খিযান, ন তাৰ দণ্ডং পণযেয্য ইস্সরো;

অট্ঠানসো অপ্পতিরূপমত্তনো, পরস্স দুক্খানি ভুসং উদীরযে.

যতো চ জানেয্য পসাদমত্তনো, অত্থং নিযুঞ্জেয্য পরস্স দুক্কটং;

তদাযমত্থোতি সযং অৰেক্খিয, অথস্স দণ্ডং সদিসং নিৰেসযে.

ন চাপি ঝাপেতি পরং ন অত্তনং, অমুচ্ছিতো যো নযতে নযানযং;

যো ¶ দণ্ডধারো ভৰতীধ ইস্সরো, স ৰণ্ণগুত্তো সিরিযা ন ধংসতি.

যে খত্তিযা সে অনিসম্মকারিনো, পণেন্তি দণ্ডং সহসা পমুচ্ছিতা;

অৰণ্ণসংযুতা [যুত্তাৰ (ক.)] জহন্তি জীৰিতং, ইতো ৰিমুত্তাপি চ যন্তি দুগ্গতিং.

ধম্মে ¶ চ যে অরিযপ্পৰেদিতে রতা, অনুত্তরা তে ৰচসা মনসা কম্মুনা চ;

তে সন্তিসোরচ্চসমাধিসণ্ঠিতা, ৰজন্তি লোকং দুভযং তথাৰিধা.

রাজাহমস্মি নরপমদানমিস্সরো, সচেপি কুজ্ঝামি ঠপেমি অত্তনং;

নিসেধযন্তো জনতং তথাৰিধং, পণেমি দণ্ডং অনুকম্প যোনিসো.

সিরী চ লক্খী চ তৰেৰ খত্তিয, জনাধিপ মা ৰিজহি কুদাচনং;

অক্কোধনো নিচ্চপসন্নচিত্তো, অনীঘো তুৰং ৰস্সসতানি পালয.

গুণেহি এতেহি উপেত খত্তিয, ঠিতমরিযৰত্তী [ৰত্তি (সী.), ৰুত্তি (ক.)] সুৰচো অকোধনো;

সুখী ¶ অনুপ্পীল় পসাসমেদিনিং [অনুপ্পীল়ং সহসমেদনিং (ক.)], ইতো ৰিমুত্তোপি চ যাহি সুগ্গতিং.

এৰং ¶ সুনীতেন [সুৰিনীতেন (পী.)] সুভাসিতেন, ধম্মেন ঞাযেন উপাযসো নযং;

নিব্বাপযে সঙ্খুভিতং মহাজনং, মহাৰ মেঘো সলিলেন মেদিনিন্তি [মেদনিন্তি (স্যা. ক.)].

অঙ্গারজাতা পথৰী, কুক্কুল়ানুগতা মহী;

অথ গাযসি ৰত্তানি [ৰত্থানি (ক.)], ন তং তপতি আতপো.

উদ্ধং তপতি আদিচ্চো, অধো তপতি ৰালুকা;

অথ গাযসি ৰত্তানি [ৰত্থানি (ক.)], ন তং তপতি আতপো.

ন ¶ মং তপতি আতপো, আতপা [আতপ্পা (সী. স্যা. পী.)] তপযন্তি মং;

অত্থা হি ৰিৰিধা রাজ, তে তপন্তি ন আতপো.

অদ্দসং কাম তে মূলং, সঙ্কপ্পা কাম জাযসি;

ন তং সঙ্কপ্পযিস্সামি, এৰং কাম ন হেহিসি.

অপ্পাপি কামা ন অলং, বহূহিপি ন তপ্পতি;

অহহা বাললপনা, পরিৰজ্জেথ [পটিৰিজ্ঝেথ (পী. সী. অট্ঠ.)] জগ্গতো.

অপ্পস্স ¶ কম্মস্স ফলং মমেদং, উদযো অজ্ঝাগমা মহত্তপত্তং;

সুলদ্ধলাভো ৰত মাণৰস্স, যো পব্বজী কামরাগং পহায.

তপসা পজহন্তি পাপকম্মং, তপসা ন্হাপিতকুম্ভকারভাৰং;

তপসা অভিভুয্য গঙ্গমাল, নামেনালপসজ্জ ব্রহ্মদত্তং.

সন্দিট্ঠিকমেৰ ‘‘অম্ম’’ পস্সথ, খন্তীসোরচ্চস্স অযং [যো (স্যা. পী. ক.)] ৰিপাকো;

যো [সো (স্যা. ক.)] সব্বজনস্স ৰন্দিতোহু, তং ৰন্দাম সরাজিকা সমচ্চা.

মা কিঞ্চি অৰচুত্থ গঙ্গমালং, মুনিনং মোনপথেসু সিক্খমানং;

এসো হি অতরি অণ্ণৰং, যং তরিত্ৰা চরন্তি ৰীতসোকাতি.

ধম্মো ¶ হৰে হতো হন্তি, নাহতো হন্তি কিঞ্চনং [কঞ্চিনং (পী.)];

তস্মা হি ধম্মং ন হনে, মা ত্ৰং [তং (স্যা. পী.)] ধম্মো হতো হনি.

অলিকং ¶ ¶ ভাসমানস্স, অপক্কমন্তি দেৰতা;

পূতিকঞ্চ মুখং ৰাতি, সকট্ঠানা চ ধংসতি;