📜

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀅𑀪𑀺𑀥𑀫𑁆𑀫𑀧𑀺𑀝𑀓𑁂

𑀓𑀣𑀸𑀯𑀢𑁆𑀣𑀼𑀧𑀸𑀴𑀺

𑁧. 𑀧𑀼𑀕𑁆𑀕𑀮𑀓𑀣𑀸

𑁧. 𑀲𑀼𑀤𑁆𑀥𑀲𑀘𑁆𑀘𑀺𑀓𑀝𑁆𑀞𑁄

𑁧. 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀓𑀁

𑁧. [𑀇𑀫𑀺𑀦𑀸 𑀮𑀓𑁆𑀔𑀡𑁂𑀦 𑀲𑀓𑀯𑀸𑀤𑀻𑀧𑀼𑀘𑁆𑀙𑀸 𑀤𑀲𑁆𑀲𑀺𑀢𑀸] 𑀧𑀼𑀕𑁆𑀕𑀮𑁄 ¶ ¶ ¶ ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺 [𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀝𑁆𑀞𑁂𑀦𑀸𑀢𑀺 (𑀲𑁆𑀬𑀸. 𑀧𑀻. 𑀓. 𑀲𑀻.)]? 𑀆𑀫𑀦𑁆𑀢𑀸. 𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 [𑀦𑁄 𑀯𑀢 𑀭𑁂 (𑀲𑁆𑀬𑀸. 𑀧𑀻.)] 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀅𑀦𑀼𑀮𑁄𑀫𑀧𑀜𑁆𑀘𑀓𑀁.

𑁨. [𑀇𑀫𑀺𑀦𑀸 𑀮𑀓𑁆𑀔𑀡𑁂𑀦 𑀧𑀭𑀯𑀸𑀤𑀻𑀧𑀼𑀘𑁆𑀙𑀸 𑀤𑀲𑁆𑀲𑀺𑀢𑀸] 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 ¶ 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀧𑀝𑀺𑀓𑀫𑁆𑀫𑀘𑀢𑀼𑀓𑁆𑀓𑀁.

𑁩. 𑀢𑁆𑀯𑀁 𑀘𑁂 𑀧𑀦 𑀫𑀜𑁆𑀜𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ ¶ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’𑀢𑀺, 𑀢𑁂𑀦 𑀢𑀯 [𑀢𑁆𑀯𑀁 (𑀲𑁆𑀬𑀸.) 𑀝𑀻𑀓𑀸 𑀑𑀮𑁄𑀓𑁂𑀢𑀩𑁆𑀩𑀸] 𑀢𑀢𑁆𑀣 𑀳𑁂𑀢𑀸𑀬 𑀧𑀝𑀺𑀜𑁆𑀜𑀸𑀬 𑀳𑁂𑀯𑀁 𑀧𑀝𑀺𑀚𑀸𑀦𑀦𑁆𑀢𑀁 [𑀝𑀻𑀓𑀸 𑀑𑀮𑁄𑀓𑁂𑀢𑀩𑁆𑀩𑀸] 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑁂. 𑀅𑀣 𑀢𑀁 𑀦𑀺𑀕𑁆𑀕𑀡𑁆𑀳𑀸𑀫. 𑀲𑀼𑀦𑀺𑀕𑁆𑀕𑀳𑀺𑀢𑁄 𑀘 [𑀲𑀼𑀦𑀺𑀕𑁆𑀕𑀳𑀺𑀢𑁄𑀯 (𑀲𑁆𑀬𑀸.)] 𑀳𑁄𑀲𑀺.

𑀳𑀜𑁆𑀘𑀺 ¶ 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 ¶ , 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸.

𑀦𑀺𑀕𑁆𑀕𑀳𑀘𑀢𑀼𑀓𑁆𑀓𑀁.

𑁪. 𑀏𑀲𑁂 𑀘𑁂 𑀤𑀼𑀦𑁆𑀦𑀺𑀕𑁆𑀕𑀳𑀺𑀢𑁂 𑀳𑁂𑀯𑀫𑁂𑀯𑀁 [𑀳𑁂𑀯𑀫𑁂𑀯 (𑀲𑁆𑀬𑀸.)] 𑀢𑀢𑁆𑀣 𑀤𑀓𑁆𑀔. 𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀦𑁄 𑀘 𑀫𑀬𑀁 𑀢𑀬𑀸 𑀢𑀢𑁆𑀣 𑀳𑁂𑀢𑀸𑀬 𑀧𑀝𑀺𑀜𑁆𑀜𑀸𑀬 𑀳𑁂𑀯𑀁 𑀧𑀝𑀺𑀚𑀸𑀦𑀦𑁆𑀢𑀸 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑀸. 𑀅𑀣 𑀫𑀁 𑀦𑀺𑀕𑁆𑀕𑀡𑁆𑀳𑀸𑀲𑀺. 𑀤𑀼𑀦𑁆𑀦𑀺𑀕𑁆𑀕𑀳𑀺𑀢𑀸 𑀘 [𑀤𑀼𑀦𑁆𑀦𑀺𑀕𑁆𑀕𑀳𑀺𑀢𑀸𑀯 (𑀲𑁆𑀬𑀸.)] 𑀳𑁄𑀫.

𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄 ¶ , 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺 ¶ . 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 ¶ 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸.

𑀉𑀧𑀦𑀬𑀦𑀘𑀢𑀼𑀓𑁆𑀓𑀁.

𑁫. 𑀦 ¶ 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑁂. 𑀢𑁂𑀦 𑀳𑀺 𑀬𑀁 𑀦𑀺𑀕𑁆𑀕𑀡𑁆𑀳𑀸𑀲𑀺 𑁋 ‘‘𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸. 𑀢𑁂𑀦 𑀳𑀺 𑀬𑁂 𑀓𑀢𑁂 𑀦𑀺𑀕𑁆𑀕𑀳𑁂 𑀲𑁂 𑀦𑀺𑀕𑁆𑀕𑀳𑁂 ¶ 𑀤𑀼𑀓𑁆𑀓𑀝𑁂. 𑀲𑀼𑀓𑀢𑁂 𑀧𑀝𑀺𑀓𑀫𑁆𑀫𑁂. 𑀲𑀼𑀓𑀢𑀸 𑀧𑀝𑀺𑀧𑀸𑀤𑀦𑀸𑀢𑀺.

𑀦𑀺𑀕𑁆𑀕𑀫𑀦𑀘𑀢𑀼𑀓𑁆𑀓𑀁.

𑀧𑀞𑀫𑁄 𑀦𑀺𑀕𑁆𑀕𑀳𑁄.

𑁧. 𑀲𑀼𑀤𑁆𑀥𑀲𑀘𑁆𑀘𑀺𑀓𑀝𑁆𑀞𑁄

𑁨. 𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀁

𑁬. 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 ¶ 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀧𑀘𑁆𑀘𑀦𑀻𑀓𑀧𑀜𑁆𑀘𑀓𑀁.

𑁭. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀧𑀝𑀺𑀓𑀫𑁆𑀫𑀘𑀢𑀼𑀓𑁆𑀓𑀁.

𑁮. 𑀢𑁆𑀯𑀁 ¶ 𑀘𑁂 𑀧𑀦 𑀫𑀜𑁆𑀜𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦’ ¶ , 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺, 𑀢𑁂𑀦 𑀢𑀯 𑀢𑀢𑁆𑀣 𑀳𑁂𑀢𑀸𑀬 𑀧𑀝𑀺𑀜𑁆𑀜𑀸𑀬 𑀳𑁂𑀯𑀁 𑀧𑀝𑀺𑀚𑀸𑀦𑀦𑁆𑀢𑀁 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑁂. 𑀅𑀣 𑀢𑀁 𑀦𑀺𑀕𑁆𑀕𑀡𑁆𑀳𑀸𑀫. 𑀲𑀼𑀦𑀺𑀕𑁆𑀕𑀳𑀺𑀢𑁄 𑀘 𑀳𑁄𑀲𑀺.

𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 ¶ 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸.

𑁯. 𑀏𑀲𑁂 𑀘𑁂 𑀤𑀼𑀦𑁆𑀦𑀺𑀕𑁆𑀕𑀳𑀺𑀢𑁂 𑀳𑁂𑀯𑀫𑁂𑀯𑀁 𑀢𑀢𑁆𑀣 𑀤𑀓𑁆𑀔. 𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀦𑁄 𑀘 𑀫𑀬𑀁 𑀢𑀬𑀸 𑀢𑀢𑁆𑀣 𑀳𑁂𑀢𑀸𑀬 𑀧𑀝𑀺𑀜𑁆𑀜𑀸𑀬 𑀳𑁂𑀯𑀁 𑀧𑀝𑀺𑀚𑀸𑀦𑀦𑁆𑀢𑀸 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑀸. 𑀅𑀣 𑀫𑀁 𑀦𑀺𑀕𑁆𑀕𑀡𑁆𑀳𑀸𑀲𑀺. 𑀤𑀼𑀦𑁆𑀦𑀺𑀕𑁆𑀕𑀳𑀺𑀢𑀸 𑀘 𑀳𑁄𑀫.

𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 ¶ 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ ¶ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 ¶ 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸.

𑀉𑀧𑀦𑀬𑀦𑀘𑀢𑀼𑀓𑁆𑀓𑀁.

𑁧𑁦. 𑀦 𑀳𑁂𑀯𑀁 𑀦𑀺𑀕𑁆𑀕𑀳𑁂𑀢𑀩𑁆𑀩𑁂. 𑀢𑁂𑀦 𑀳𑀺 𑀬𑀁 𑀦𑀺𑀕𑁆𑀕𑀡𑁆𑀳𑀸𑀲𑀺 𑁋 ‘‘𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘𑀯𑀢𑁆𑀢𑀩𑁆𑀩𑁂 𑀔𑁄 𑁋 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀬𑁄 𑀲𑀘𑁆𑀘𑀺𑀓𑀝𑁆𑀞𑁄 𑀧𑀭𑀫𑀢𑁆𑀣𑁄, 𑀢𑀢𑁄 𑀲𑁄 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀇𑀤𑀁 𑀢𑁂 𑀫𑀺𑀘𑁆𑀙𑀸. 𑀢𑁂𑀦 𑀳𑀺 𑀬𑁂 𑀓𑀢𑁂 𑀦𑀺𑀕𑁆𑀕𑀳𑁂 𑀲𑁂 𑀦𑀺𑀕𑁆𑀕𑀳𑁂 𑀤𑀼𑀓𑁆𑀓𑀝𑁂. 𑀲𑀼𑀓𑀢𑁂 𑀧𑀝𑀺𑀓𑀫𑁆𑀫𑁂. 𑀲𑀼𑀓𑀢𑀸 𑀧𑀝𑀺𑀧𑀸𑀤𑀦𑀸𑀢𑀺.

𑀦𑀺𑀕𑁆𑀕𑀫𑀦𑀘𑀢𑀼𑀓𑁆𑀓𑀁.

𑀤𑀼𑀢𑀺𑀬𑁄 𑀦𑀺𑀕𑁆𑀕𑀳𑁄.

𑁨. (𑀓) 𑀑𑀓𑀸𑀲𑀲𑀘𑁆𑀘𑀺𑀓𑀝𑁆𑀞𑁄

𑁧. 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀓𑀁

𑁧𑁧. 𑀧𑀼𑀕𑁆𑀕𑀮𑁄 ¶ ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀢𑀢𑀺𑀬𑁄 𑀦𑀺𑀕𑁆𑀕𑀳𑁄.

𑁩. (𑀓) 𑀓𑀸𑀮𑀲𑀘𑁆𑀘𑀺𑀓𑀝𑁆𑀞𑁄

𑁧. 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀓𑀁

𑁧𑁨. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀤𑀸 ¶ 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 ¶ 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀤𑀸 ¶ 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀘𑀢𑀼𑀢𑁆𑀣𑁄 𑀦𑀺𑀕𑁆𑀕𑀳𑁄.

𑁪. (𑀓) 𑀅𑀯𑀬𑀯𑀲𑀘𑁆𑀘𑀺𑀓𑀝𑁆𑀞𑁄

𑁧. 𑀅𑀦𑀼𑀮𑁄𑀫𑀧𑀘𑁆𑀘𑀦𑀻𑀓𑀁

𑁧𑁩. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀧𑀜𑁆𑀘𑀫𑁄 𑀦𑀺𑀕𑁆𑀕𑀳𑁄.

𑁨. (𑀔) 𑀑𑀓𑀸𑀲𑀲𑀘𑁆𑀘𑀺𑀓𑀝𑁆𑀞𑁄

𑁨. 𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀁

𑁧𑁪. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 ¶ , 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀢𑁆𑀣 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀙𑀝𑁆𑀞𑁄 𑀦𑀺𑀕𑁆𑀕𑀳𑁄.

𑁩. (𑀔) 𑀓𑀸𑀮𑀲𑀘𑁆𑀘𑀺𑀓𑀝𑁆𑀞𑁄

𑁨. 𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀁

𑁧𑁫. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑀤𑀸 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀲𑀢𑁆𑀢𑀫𑁄 𑀦𑀺𑀕𑁆𑀕𑀳𑁄.

𑁪. (𑀔) 𑀅𑀯𑀬𑀯𑀲𑀘𑁆𑀘𑀺𑀓𑀝𑁆𑀞𑁄

𑁨. 𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀁

𑁧𑁬. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 ¶ 𑁋 ‘𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦’ ¶ , 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀲𑀩𑁆𑀩𑁂𑀲𑀼 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀅𑀝𑁆𑀞𑀓𑀦𑀺𑀕𑁆𑀕𑀳𑁄.

𑁫. 𑀲𑀼𑀤𑁆𑀥𑀺𑀓𑀲𑀁𑀲𑀦𑁆𑀤𑀦𑀁

𑁧𑁭. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 ¶ 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦’ ¶ , 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁧𑁮. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺…𑀧𑁂… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 ¶ 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁧𑁯. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀘𑀓𑁆𑀔𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀖𑀸𑀦𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀚𑀺𑀯𑁆𑀳𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀓𑀸𑀬𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀭𑀽𑀧𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑀤𑁆𑀤𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀕𑀦𑁆𑀥𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀭𑀲𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀫𑀦𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀥𑀫𑁆𑀫𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁨𑁦. 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀖𑀸𑀦𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀚𑀺𑀯𑁆𑀳𑀸𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀓𑀸𑀬𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀭𑀽𑀧𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀲𑀤𑁆𑀤𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀕𑀦𑁆𑀥𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀭𑀲𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀨𑁄𑀝𑁆𑀞𑀩𑁆𑀩𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀲𑁄𑀢𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀖𑀸𑀦𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀓𑀸𑀬𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀫𑀦𑁄𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺… 𑀥𑀫𑁆𑀫𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁨𑁧. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 ¶ ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀖𑀸𑀦𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀚𑀺𑀯𑁆𑀳𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀓𑀸𑀬𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ … 𑀫𑀦𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀧𑀼𑀭𑀺𑀲𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑀼𑀔𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀤𑀼𑀓𑁆𑀔𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀤𑁄𑀫𑀦𑀲𑁆𑀲𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀉𑀧𑁂𑀓𑁆𑀔𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑀤𑁆𑀥𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀯𑀻𑀭𑀺𑀬𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀲𑀫𑀸𑀥𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀅𑀦𑀜𑁆𑀜𑀸𑀢𑀜𑁆𑀜𑀲𑁆𑀲𑀸𑀫𑀻𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 ¶ 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁨𑁨. [𑀧𑀼. 𑀧. 𑀫𑀸𑀢𑀺𑀓𑀸 𑁪.𑁨𑁪; 𑀅. 𑀦𑀺. 𑁪.𑁯𑁫-𑁯𑁬] 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 ¶ 𑀧𑀝𑀺𑀧𑀦𑁆𑀦𑁄, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁨𑁩. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺…𑀧𑁂… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁨𑁪. 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 ¶ 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀘𑀓𑁆𑀔𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁨𑁫. 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀓𑀸𑀬𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀭𑀽𑀧𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀨𑁄𑀝𑁆𑀞𑀩𑁆𑀩𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁨𑁬. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 [𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 (𑀩𑀳𑀽𑀲𑀼)] 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁨𑁭. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 ¶ 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀲𑀼𑀤𑁆𑀥𑀺𑀓𑀲𑀁𑀲𑀦𑁆𑀤𑀦𑀸.

𑁬. 𑀑𑀧𑀫𑁆𑀫𑀲𑀁𑀲𑀦𑁆𑀤𑀦𑀁

𑁨𑁮. 𑀭𑀽𑀧𑀁 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 ¶ 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁨𑁯. 𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺…𑀧𑁂… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 ¶ , 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁩𑁦. 𑀯𑁂𑀤𑀦𑀸 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺…𑀧𑁂… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁧. 𑀲𑀜𑁆𑀜𑀸 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺…𑀧𑁂… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁨. 𑀲𑀗𑁆𑀔𑀸𑀭𑀸 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀜𑁆𑀜𑀸 ¶ 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁩. 𑀯𑀺𑀜𑁆𑀜𑀸𑀡𑀁 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁂 𑀲𑀗𑁆𑀔𑀸𑀭𑀸𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀯𑀺𑀜𑁆𑀜𑀸𑀡𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁂 𑀲𑀗𑁆𑀔𑀸𑀭𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀺𑀜𑁆𑀜𑀸𑀡𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁂 𑀲𑀗𑁆𑀔𑀸𑀭𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀺𑀜𑁆𑀜𑀸𑀡𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁂 𑀲𑀗𑁆𑀔𑀸𑀭𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 ¶ 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀺𑀜𑁆𑀜𑀸𑀡𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁂 𑀲𑀗𑁆𑀔𑀸𑀭𑀸, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁩𑁪. 𑀘𑀓𑁆𑀔𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀘𑀓𑁆𑀔𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀫𑀦𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁫. 𑀘𑀓𑁆𑀔𑀼𑀥𑀸𑀢𑀼 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀥𑀸𑀢𑀼 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀥𑀸𑀢𑀼 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁬. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀺𑀦𑁆𑀤𑁆𑀭𑀺𑀬𑀁 ¶ 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁩𑁭. 𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 ¶ 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 ¶ 𑁋 ‘‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀭𑀽𑀧𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑀸 𑀯𑁂𑀤𑀦𑀸, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁩𑁮. 𑀭𑀽𑀧𑀁 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁩𑁯. 𑀯𑁂𑀤𑀦𑀸 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁦. 𑀲𑀜𑁆𑀜𑀸 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑀗𑁆𑀔𑀸𑀭𑀸 𑀘 ¶ 𑀉𑀧𑀮𑀩𑁆𑀪𑀦𑁆𑀢𑀺… 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁧. 𑀲𑀗𑁆𑀔𑀸𑀭𑀸 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀯𑀺𑀜𑁆𑀜𑀸𑀡𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺… 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁨. 𑀯𑀺𑀜𑁆𑀜𑀸𑀡𑀁 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀭𑀽𑀧𑀜𑁆𑀘 𑀉𑀧𑀮𑀩𑁆𑀪𑀢𑀺… 𑀯𑁂𑀤𑀦𑀸 𑀘 𑀉𑀧𑀮𑀩𑁆𑀪𑀢𑀺… 𑀲𑀜𑁆𑀜𑀸 𑀘 𑀉𑀧𑀮𑀩𑁆𑀪𑀢𑀺… 𑀲𑀗𑁆𑀔𑀸𑀭𑀸 𑀘 𑀉𑀧𑀮𑀩𑁆𑀪𑀦𑁆𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁩. 𑀘𑀓𑁆𑀔𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀸𑀬𑀢𑀦𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 𑀘𑀓𑁆𑀔𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀫𑀦𑀸𑀬𑀢𑀦𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁪. 𑀘𑀓𑁆𑀔𑀼𑀥𑀸𑀢𑀼 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀥𑀫𑁆𑀫𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀥𑀸𑀢𑀼 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀥𑀫𑁆𑀫𑀥𑀸𑀢𑀼 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀘𑀓𑁆𑀔𑀼𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂….

𑁪𑁫. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀲𑁄𑀢𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦…𑀧𑁂… 𑀲𑁄𑀢𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺…𑀧𑁂… 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀅𑀜𑁆𑀜𑀁 ¶ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 ¶ 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑀁 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀜𑁆𑀘 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑀑𑀧𑀫𑁆𑀫𑀲𑀁𑀲𑀦𑁆𑀤𑀦𑀁.

𑁭. 𑀘𑀢𑀼𑀓𑁆𑀓𑀦𑀬𑀲𑀁𑀲𑀦𑁆𑀤𑀦𑀁

𑁪𑁬. 𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀭𑀽𑀧𑀁 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀭𑀽𑀧𑀁 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁪𑁭. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀭𑀽𑀧𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧𑀦𑁆𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 ¶ ,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑁪𑁮. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑁂𑀤𑀦𑀸 𑀧𑀼𑀕𑁆𑀕𑀮𑁄…𑀧𑁂… 𑀯𑁂𑀤𑀦𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀯𑁂𑀤𑀦𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑁂𑀤𑀦𑀸…𑀧𑁂….

𑀲𑀜𑁆𑀜𑀸 ¶ 𑀧𑀼𑀕𑁆𑀕𑀮𑁄…𑀧𑁂… 𑀲𑀜𑁆𑀜𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀲𑀜𑁆𑀜𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀲𑀜𑁆𑀜𑀸…𑀧𑁂….

𑀲𑀗𑁆𑀔𑀸𑀭𑀸 𑀧𑀼𑀕𑁆𑀕𑀮𑁄…𑀧𑁂… 𑀲𑀗𑁆𑀔𑀸𑀭𑁂𑀲𑀼 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀲𑀗𑁆𑀔𑀸𑀭𑁂𑀳𑀺 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀲𑀗𑁆𑀔𑀸𑀭𑀸…𑀧𑁂….

𑀯𑀺𑀜𑁆𑀜𑀸𑀡𑀁 𑀧𑀼𑀕𑁆𑀕𑀮𑁄…𑀧𑁂… 𑀯𑀺𑀜𑁆𑀜𑀸𑀡𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀯𑀺𑀜𑁆𑀜𑀸𑀡𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 ¶ 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 ¶ 𑀯𑀺𑀜𑁆𑀜𑀸𑀡’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑁪𑁯. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀸𑀬𑀢𑀦𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀘𑀓𑁆𑀔𑀸𑀬𑀢𑀦𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀸𑀬𑀢𑀦𑀁…𑀧𑁂… 𑀥𑀫𑁆𑀫𑀸𑀬𑀢𑀦𑀁 𑀧𑀼𑀕𑁆𑀕𑀮𑁄…𑀧𑁂… 𑀥𑀫𑁆𑀫𑀸𑀬𑀢𑀦𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀥𑀫𑁆𑀫𑀸𑀬𑀢𑀦𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀥𑀫𑁆𑀫𑀸𑀬𑀢𑀦𑀁…𑀧𑁂….

𑀘𑀓𑁆𑀔𑀼𑀥𑀸𑀢𑀼 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀼𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀘𑀓𑁆𑀔𑀼𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀼𑀥𑀸𑀢𑀼…𑀧𑁂… 𑀥𑀫𑁆𑀫𑀥𑀸𑀢𑀼 𑀧𑀼𑀕𑁆𑀕𑀮𑁄…𑀧𑁂… 𑀥𑀫𑁆𑀫𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀥𑀫𑁆𑀫𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀥𑀫𑁆𑀫𑀥𑀸𑀢𑀼…𑀧𑁂….

𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀸 𑀧𑀼𑀕𑁆𑀕𑀮𑁄 ¶ …𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 ¶ 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺 ¶ . 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑁫𑁦. 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀭𑀽𑀧𑀁 𑀧𑀼𑀕𑁆𑀕𑀮𑁄𑀢𑀺’’’ 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀭𑀽𑀧𑀁 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁫𑁧. 𑀧𑀼𑀕𑁆𑀕𑀮𑁄 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀭𑀽𑀧𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀭𑀽𑀧𑀁…𑀧𑁂….

𑀯𑁂𑀤𑀦𑀸 ¶ 𑀧𑀼𑀕𑁆𑀕𑀮𑁄…𑀧𑁂… 𑀯𑁂𑀤𑀦𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀯𑁂𑀤𑀦𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑁂𑀤𑀦𑀸…𑀧𑁂….

𑀲𑀜𑁆𑀜𑀸 𑀧𑀼𑀕𑁆𑀕𑀮𑁄…𑀧𑁂… 𑀲𑀜𑁆𑀜𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀲𑀜𑁆𑀜𑀸𑀬 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 ¶ 𑀲𑀜𑁆𑀜𑀸…𑀧𑁂….

𑀲𑀗𑁆𑀔𑀸𑀭𑀸 𑀧𑀼𑀕𑁆𑀕𑀮𑁄…𑀧𑁂… 𑀲𑀗𑁆𑀔𑀸𑀭𑁂𑀲𑀼 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀲𑀗𑁆𑀔𑀸𑀭𑁂𑀳𑀺 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀲𑀗𑁆𑀔𑀸𑀭𑀸…𑀧𑁂….

𑀯𑀺𑀜𑁆𑀜𑀸𑀡𑀁 𑀧𑀼𑀕𑁆𑀕𑀮𑁄…𑀧𑁂… 𑀯𑀺𑀜𑁆𑀜𑀸𑀡𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀯𑀺𑀜𑁆𑀜𑀸𑀡𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀯𑀺𑀜𑁆𑀜𑀸𑀡’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑁫𑁨. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀸𑀬𑀢𑀦𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀘𑀓𑁆𑀔𑀸𑀬𑀢𑀦𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀸𑀬𑀢𑀦𑀁…𑀧𑁂… 𑀥𑀫𑁆𑀫𑀸𑀬𑀢𑀦𑀁 𑀧𑀼𑀕𑁆𑀕𑀮𑁄…𑀧𑁂… 𑀥𑀫𑁆𑀫𑀸𑀬𑀢𑀦𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀥𑀫𑁆𑀫𑀸𑀬𑀢𑀦𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀥𑀫𑁆𑀫𑀸𑀬𑀢𑀦𑀁…𑀧𑁂….

𑀘𑀓𑁆𑀔𑀼𑀥𑀸𑀢𑀼 ¶ 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀼𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 ¶ 𑀘𑀓𑁆𑀔𑀼𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀼𑀥𑀸𑀢𑀼…𑀧𑁂… 𑀥𑀫𑁆𑀫𑀥𑀸𑀢𑀼 𑀧𑀼𑀕𑁆𑀕𑀮𑁄…𑀧𑁂… 𑀥𑀫𑁆𑀫𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀥𑀫𑁆𑀫𑀥𑀸𑀢𑀼𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀥𑀫𑁆𑀫𑀥𑀸𑀢𑀼…𑀧𑁂….

𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀧𑀼𑀕𑁆𑀕𑀮𑁄…𑀧𑁂… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀲𑁆𑀫𑀺𑀁 𑀧𑀼𑀕𑁆𑀕𑀮𑁄…𑀧𑁂… 𑀅𑀜𑁆𑀜𑀢𑁆𑀭 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀸 𑀧𑀼𑀕𑁆𑀕𑀮𑁄…𑀧𑁂… 𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 ¶ 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀧𑀼𑀕𑁆𑀕𑀮𑀲𑁆𑀫𑀺𑀁 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑀘𑀢𑀼𑀓𑁆𑀓𑀦𑀬𑀲𑀁𑀲𑀦𑁆𑀤𑀦𑀁.

𑁮. 𑀮𑀓𑁆𑀔𑀡𑀬𑀼𑀢𑁆𑀢𑀺𑀓𑀣𑀸

𑁫𑁩. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀲𑀧𑁆𑀧𑀘𑁆𑀘𑀬𑁄…𑀧𑁂… 𑀧𑀼𑀕𑁆𑀕𑀮𑁄 𑀅𑀧𑁆𑀧𑀘𑁆𑀘𑀬𑁄… 𑀧𑀼𑀕𑁆𑀕𑀮𑁄 𑀲𑀗𑁆𑀔𑀢𑁄 ¶ … 𑀧𑀼𑀕𑁆𑀕𑀮𑁄 𑀅𑀲𑀗𑁆𑀔𑀢𑁄… 𑀧𑀼𑀕𑁆𑀕𑀮𑁄 𑀲𑀲𑁆𑀲𑀢𑁄 ¶ … 𑀧𑀼𑀕𑁆𑀕𑀮𑁄 𑀅𑀲𑀲𑁆𑀲𑀢𑁄… 𑀧𑀼𑀕𑁆𑀕𑀮𑁄 𑀲𑀦𑀺𑀫𑀺𑀢𑁆𑀢𑁄… 𑀧𑀼𑀕𑁆𑀕𑀮𑁄 𑀅𑀦𑀺𑀫𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁)

𑁫𑁪. 𑀧𑀼𑀕𑁆𑀕𑀮𑁄 ¶ 𑀦𑀼𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀲𑀧𑁆𑀧𑀘𑁆𑀘𑀬𑁄…𑀧𑁂… 𑀧𑀼𑀕𑁆𑀕𑀮𑁄 𑀅𑀧𑁆𑀧𑀘𑁆𑀘𑀬𑁄… 𑀧𑀼𑀕𑁆𑀕𑀮𑁄 𑀲𑀗𑁆𑀔𑀢𑁄… 𑀧𑀼𑀕𑁆𑀕𑀮𑁄 𑀅𑀲𑀗𑁆𑀔𑀢𑁄… 𑀧𑀼𑀕𑁆𑀕𑀮𑁄 𑀲𑀲𑁆𑀲𑀢𑁄… 𑀧𑀼𑀕𑁆𑀕𑀮𑁄 𑀅𑀲𑀲𑁆𑀲𑀢𑁄… 𑀧𑀼𑀕𑁆𑀕𑀮𑁄 𑀲𑀦𑀺𑀫𑀺𑀢𑁆𑀢𑁄… 𑀧𑀼𑀕𑁆𑀕𑀮𑁄 𑀅𑀦𑀺𑀫𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁)

𑀮𑀓𑁆𑀔𑀡𑀬𑀼𑀢𑁆𑀢𑀺𑀓𑀣𑀸.

𑁯. 𑀯𑀘𑀦𑀲𑁄𑀥𑀦𑀁

𑁫𑁫. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺, 𑀉𑀧𑀮𑀩𑁆𑀪𑀢𑀺 𑀧𑀼𑀕𑁆𑀕𑀮𑁄𑀢𑀺? 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺, 𑀉𑀧𑀮𑀩𑁆𑀪𑀢𑀺 𑀓𑁂𑀳𑀺𑀘𑀺 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀦 𑀧𑀼𑀕𑁆𑀕𑀮𑁄𑀢𑀺. 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀉𑀧𑀮𑀩𑁆𑀪𑀢𑀺 𑀓𑁂𑀳𑀺𑀘𑀺 𑀦 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁫𑁬. 𑀧𑀼𑀕𑁆𑀕𑀮𑁄 𑀲𑀘𑁆𑀘𑀺𑀓𑀝𑁆𑀞𑁄, 𑀲𑀘𑁆𑀘𑀺𑀓𑀝𑁆𑀞𑁄 𑀧𑀼𑀕𑁆𑀕𑀮𑁄𑀢𑀺? 𑀧𑀼𑀕𑁆𑀕𑀮𑁄 𑀲𑀘𑁆𑀘𑀺𑀓𑀝𑁆𑀞𑁄, 𑀲𑀘𑁆𑀘𑀺𑀓𑀝𑁆𑀞𑁄 𑀓𑁂𑀳𑀺𑀘𑀺 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀦 𑀧𑀼𑀕𑁆𑀕𑀮𑁄𑀢𑀺. 𑀧𑀼𑀕𑁆𑀕𑀮𑁄 ¶ 𑀓𑁂𑀳𑀺𑀘𑀺 𑀲𑀘𑁆𑀘𑀺𑀓𑀝𑁆𑀞𑁄 𑀓𑁂𑀳𑀺𑀘𑀺 𑀦 𑀲𑀘𑁆𑀘𑀺𑀓𑀝𑁆𑀞𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁫𑁭. 𑀧𑀼𑀕𑁆𑀕𑀮𑁄 𑀯𑀺𑀚𑁆𑀚𑀫𑀸𑀦𑁄, 𑀯𑀺𑀚𑁆𑀚𑀫𑀸𑀦𑁄 𑀧𑀼𑀕𑁆𑀕𑀮𑁄𑀢𑀺? 𑀧𑀼𑀕𑁆𑀕𑀮𑁄 𑀯𑀺𑀚𑁆𑀚𑀫𑀸𑀦𑁄, 𑀯𑀺𑀚𑁆𑀚𑀫𑀸𑀦𑁄 𑀓𑁂𑀳𑀺𑀘𑀺 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀦 𑀧𑀼𑀕𑁆𑀕𑀮𑁄𑀢𑀺. 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀯𑀺𑀚𑁆𑀚𑀫𑀸𑀦𑁄 𑀓𑁂𑀳𑀺𑀘𑀺 𑀦 𑀯𑀺𑀚𑁆𑀚𑀫𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁫𑁮. 𑀧𑀼𑀕𑁆𑀕𑀮𑁄 ¶ 𑀲𑀁𑀯𑀺𑀚𑁆𑀚𑀫𑀸𑀦𑁄, 𑀲𑀁𑀯𑀺𑀚𑁆𑀚𑀫𑀸𑀦𑁄 𑀧𑀼𑀕𑁆𑀕𑀮𑁄𑀢𑀺? 𑀧𑀼𑀕𑁆𑀕𑀮𑁄 𑀲𑀁𑀯𑀺𑀚𑁆𑀚𑀫𑀸𑀦𑁄, 𑀲𑀁𑀯𑀺𑀚𑁆𑀚𑀫𑀸𑀦𑁄 ¶ 𑀓𑁂𑀳𑀺𑀘𑀺 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀦 𑀧𑀼𑀕𑁆𑀕𑀮𑁄𑀢𑀺. 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀲𑀁𑀯𑀺𑀚𑁆𑀚𑀫𑀸𑀦𑁄 𑀓𑁂𑀳𑀺𑀘𑀺 𑀦 𑀲𑀁𑀯𑀺𑀚𑁆𑀚𑀫𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁫𑁯. 𑀧𑀼𑀕𑁆𑀕𑀮𑁄 𑀅𑀢𑁆𑀣𑀺, 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄𑀢𑀺? 𑀧𑀼𑀕𑁆𑀕𑀮𑁄 𑀅𑀢𑁆𑀣𑀺, 𑀅𑀢𑁆𑀣𑀺 𑀓𑁂𑀳𑀺𑀘𑀺 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀦 𑀧𑀼𑀕𑁆𑀕𑀮𑁄𑀢𑀺. 𑀧𑀼𑀕𑁆𑀕𑀮𑁄 𑀓𑁂𑀳𑀺𑀘𑀺 𑀅𑀢𑁆𑀣𑀺 𑀓𑁂𑀳𑀺𑀘𑀺 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁦. 𑀧𑀼𑀕𑁆𑀕𑀮𑁄 𑀅𑀢𑁆𑀣𑀺, 𑀅𑀢𑁆𑀣𑀺 𑀦 𑀲𑀩𑁆𑀩𑁄 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸…𑀧𑁂… 𑀧𑀼𑀕𑁆𑀕𑀮𑁄 𑀦𑀢𑁆𑀣𑀺, 𑀦𑀢𑁆𑀣𑀺 𑀦 𑀲𑀩𑁆𑀩𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁)

𑀯𑀘𑀦𑀲𑁄𑀥𑀦𑀁.

𑁧𑁦. 𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑁄

𑁬𑁧. 𑀭𑀽𑀧𑀥𑀸𑀢𑀼𑀬𑀸 ¶ 𑀭𑀽𑀧𑀻 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀥𑀸𑀢𑀼𑀬𑀸 𑀓𑀸𑀫𑀻 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁨. 𑀭𑀽𑀧𑀥𑀸𑀢𑀼𑀬𑀸 𑀭𑀽𑀧𑀺𑀦𑁄 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀥𑀸𑀢𑀼𑀬𑀸 𑀓𑀸𑀫𑀺𑀦𑁄 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁩. 𑀅𑀭𑀽𑀧𑀥𑀸𑀢𑀼𑀬𑀸 𑀅𑀭𑀽𑀧𑀻 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀥𑀸𑀢𑀼𑀬𑀸 ¶ 𑀓𑀸𑀫𑀻 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁪. 𑀅𑀭𑀽𑀧𑀥𑀸𑀢𑀼𑀬𑀸 𑀅𑀭𑀽𑀧𑀺𑀦𑁄 𑀲𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀓𑀸𑀫𑀥𑀸𑀢𑀼𑀬𑀸 𑀓𑀸𑀫𑀺𑀦𑁄 𑀲𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁫. 𑀭𑀽𑀧𑀥𑀸𑀢𑀼𑀬𑀸 𑀭𑀽𑀧𑀻 𑀧𑀼𑀕𑁆𑀕𑀮𑁄 𑀅𑀭𑀽𑀧𑀥𑀸𑀢𑀼𑀬𑀸 𑀅𑀭𑀽𑀧𑀻 𑀧𑀼𑀕𑁆𑀕𑀮𑁄, 𑀅𑀢𑁆𑀣𑀺 ¶ 𑀘 𑀓𑁄𑀘𑀺 𑀭𑀽𑀧𑀥𑀸𑀢𑀼𑀬𑀸 ¶ 𑀘𑀼𑀢𑁄 𑀅𑀭𑀽𑀧𑀥𑀸𑀢𑀼𑀁 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻 𑀧𑀼𑀕𑁆𑀕𑀮𑁄 𑀉𑀧𑀘𑁆𑀙𑀺𑀦𑁆𑀦𑁄, 𑀅𑀭𑀽𑀧𑀻 𑀧𑀼𑀕𑁆𑀕𑀮𑁄 𑀚𑀸𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁬. 𑀭𑀽𑀧𑀥𑀸𑀢𑀼𑀬𑀸 𑀭𑀽𑀧𑀺𑀦𑁄 𑀲𑀢𑁆𑀢𑀸 𑀅𑀭𑀽𑀧𑀥𑀸𑀢𑀼𑀬𑀸 𑀅𑀭𑀽𑀧𑀺𑀦𑁄 𑀲𑀢𑁆𑀢𑀸, 𑀅𑀢𑁆𑀣𑀺 𑀘 𑀓𑁄𑀘𑀺 𑀭𑀽𑀧𑀥𑀸𑀢𑀼𑀬𑀸 𑀘𑀼𑀢𑁄 𑀅𑀭𑀽𑀧𑀥𑀸𑀢𑀼𑀁 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀻 𑀲𑀢𑁆𑀢𑁄 𑀉𑀧𑀘𑁆𑀙𑀺𑀦𑁆𑀦𑁄, 𑀅𑀭𑀽𑀧𑀻 𑀲𑀢𑁆𑀢𑁄 𑀚𑀸𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁬𑁭. 𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄𑀢𑀺 𑀯𑀸 𑀚𑀻𑀯𑁄𑀢𑀺 𑀯𑀸, 𑀚𑀻𑀯𑁄𑀢𑀺 𑀯𑀸 𑀧𑀼𑀕𑁆𑀕𑀮𑁄𑀢𑀺 𑀯𑀸, 𑀧𑀼𑀕𑁆𑀕𑀮𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀓𑀸𑀬𑁄, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀚𑀻𑀯𑀁, 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀧𑀼𑀕𑁆𑀕𑀮𑁄𑀢𑀺 𑀯𑀸 𑀚𑀻𑀯𑁄𑀢𑀺 𑀯𑀸, 𑀚𑀻𑀯𑁄𑀢𑀺 𑀯𑀸 𑀧𑀼𑀕𑁆𑀕𑀮𑁄𑀢𑀺 𑀯𑀸, 𑀧𑀼𑀕𑁆𑀕𑀮𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 ¶ 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀓𑀸𑀬𑁄𑀢𑀺 ¶ 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 ¶ 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀧𑀼𑀕𑁆𑀕𑀮𑁄𑀢𑀺 𑀯𑀸 𑀚𑀻𑀯𑁄𑀢𑀺 𑀯𑀸, 𑀚𑀻𑀯𑁄𑀢𑀺 𑀯𑀸 𑀧𑀼𑀕𑁆𑀕𑀮𑁄𑀢𑀺 𑀯𑀸, 𑀧𑀼𑀕𑁆𑀕𑀮𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭’’𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀧𑀼𑀕𑁆𑀕𑀮𑁄𑀢𑀺 𑀯𑀸 𑀚𑀻𑀯𑁄𑀢𑀺 𑀯𑀸, 𑀚𑀻𑀯𑁄𑀢𑀺 𑀯𑀸 𑀧𑀼𑀕𑁆𑀕𑀮𑁄𑀢𑀺 𑀯𑀸, 𑀧𑀼𑀕𑁆𑀕𑀮𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀓𑀸𑀬𑁄𑀢𑀺 ¶ 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀧𑀼𑀕𑁆𑀕𑀮𑁄𑀢𑀺 𑀯𑀸 𑀚𑀻𑀯𑁄𑀢𑀺 𑀯𑀸, 𑀚𑀻𑀯𑁄𑀢𑀺 𑀯𑀸 𑀧𑀼𑀕𑁆𑀕𑀮𑁄𑀢𑀺 𑀯𑀸, 𑀧𑀼𑀕𑁆𑀕𑀮𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’, 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭’’’𑀦𑁆𑀢𑀺 𑀫𑀺𑀘𑁆𑀙𑀸…𑀧𑁂….

𑁬𑁮. 𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 𑀧𑀝𑀺𑀓𑀫𑁆𑀫𑀁. 𑀳𑀜𑁆𑀘𑀺 𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 ¶ 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 ¶ 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸.

𑀦𑁄 ¶ 𑀘𑁂 𑀧𑀦 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀓𑀸𑀬𑁄𑀢𑀺 𑀯𑀸 𑀲𑀭𑀻𑀭𑀦𑁆𑀢𑀺 𑀯𑀸, 𑀲𑀭𑀻𑀭𑀦𑁆𑀢𑀺 𑀯𑀸 𑀓𑀸𑀬𑁄𑀢𑀺 𑀯𑀸, 𑀓𑀸𑀬𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂, 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄,’ 𑀦𑁄 𑀘 𑀯𑀢𑁆𑀢𑀩𑁆𑀩𑁂 𑁋 ‘𑀅𑀜𑁆𑀜𑁄 𑀓𑀸𑀬𑁄 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄’’’𑀢𑀺 𑀫𑀺𑀘𑁆𑀙𑀸. (𑀲𑀁𑀔𑀺𑀢𑁆𑀢𑀁)

𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑁄.

𑁧𑁧. 𑀕𑀢𑀺𑀅𑀦𑀼𑀬𑁄𑀕𑁄

𑁬𑁯. 𑀧𑀼𑀕𑁆𑀕𑀮𑁄 ¶ 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁄 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ …𑀧𑁂….

𑁭𑁦. 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁧. 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁄 𑀘 𑀅𑀜𑁆𑀜𑁄 𑀘 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁨. 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑁂𑀯 𑀲𑁄 𑀲𑀦𑁆𑀥𑀸𑀯𑀢𑀺, 𑀦 𑀅𑀜𑁆𑀜𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁩. 𑀧𑀼𑀕𑁆𑀕𑀮𑁄 ¶ 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁄 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺, 𑀲𑁄 𑀘 𑀅𑀜𑁆𑀜𑁄 𑀘 𑀲𑀦𑁆𑀥𑀸𑀯𑀢𑀺, 𑀦𑁂𑀯 𑀲𑁄 𑀲𑀦𑁆𑀥𑀸𑀯𑀢𑀺 𑀦 𑀅𑀜𑁆𑀜𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁪. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 ¶ 𑀪𑀕𑀯𑀢𑀸 𑁋

‘‘𑀲 𑀲𑀢𑁆𑀢𑀓𑁆𑀔𑀢𑁆𑀢𑀼𑀧𑀭𑀫𑀁, 𑀲𑀦𑁆𑀥𑀸𑀯𑀺𑀢𑁆𑀯𑀸𑀦 𑀧𑀼𑀕𑁆𑀕𑀮𑁄;

𑀤𑀼𑀓𑁆𑀔𑀲𑁆𑀲𑀦𑁆𑀢𑀓𑀭𑁄 𑀳𑁄𑀢𑀺, 𑀲𑀩𑁆𑀩𑀲𑀁𑀬𑁄𑀚𑀦𑀓𑁆𑀔𑀬𑀸’’𑀢𑀺 [𑀲𑀁. 𑀦𑀺. 𑁨.𑁧𑁩𑁩; 𑀇𑀢𑀺𑀯𑀼. 𑁨𑁪 𑀇𑀢𑀺𑀯𑀼𑀢𑁆𑀢𑀓𑁂𑀧𑀺].

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺.

𑁭𑁫. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀦𑀫𑀢𑀕𑁆𑀕𑁄𑀬𑀁 [𑀅𑀦𑀫𑀢𑀕𑁆𑀕𑀸𑀬𑀁 (𑀓.)], 𑀪𑀺𑀓𑁆𑀔𑀯𑁂, 𑀲𑀁𑀲𑀸𑀭𑁄. 𑀧𑀼𑀩𑁆𑀩𑀓𑁄𑀝𑀺 𑀦 𑀧𑀜𑁆𑀜𑀸𑀬𑀢𑀺, 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀸𑀦𑀁 𑀲𑀢𑁆𑀢𑀸𑀦𑀁 𑀢𑀡𑁆𑀳𑀸𑀲𑀁𑀬𑁄𑀚𑀦𑀸𑀦𑀁 𑀲𑀦𑁆𑀥𑀸𑀯𑀢𑀁 𑀲𑀁𑀲𑀭𑀢’’𑀦𑁆𑀢𑀺 [𑀲𑀁. 𑀦𑀺. 𑁨.𑁧𑁨𑁪]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺.

𑁭𑁬. 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁭. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀤𑁂𑀯𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀫𑀦𑀼𑀲𑁆𑀲𑁄 𑀲𑁄 𑀤𑁂𑀯𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁭𑁮. 𑀲𑁆𑀯𑁂𑀯 𑀫𑀦𑀼𑀲𑁆𑀲𑁄 𑀲𑁄 𑀤𑁂𑀯𑁄𑀢𑀺? 𑀆𑀫𑀦𑁆𑀢𑀸. 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀤𑁂𑀯𑁄 𑀳𑁄𑀢𑀺, 𑀤𑁂𑀯𑁄 𑀳𑀼𑀢𑁆𑀯𑀸 𑀫𑀦𑀼𑀲𑁆𑀲𑁄 ¶ 𑀳𑁄𑀢𑀺, 𑀫𑀦𑀼𑀲𑁆𑀲𑀪𑀽𑀢𑁄 𑀅𑀜𑁆𑀜𑁄, 𑀤𑁂𑀯𑁄 𑀅𑀜𑁆𑀜𑁄, 𑀫𑀦𑀼𑀲𑁆𑀲𑀪𑀽𑀢𑁄 𑀲𑁆𑀯𑁂𑀯𑀸𑀬𑀁 𑀲𑀦𑁆𑀥𑀸𑀯𑀢𑀻𑀢𑀺 𑀫𑀺𑀘𑁆𑀙𑀸…𑀧𑁂….

𑀲𑀘𑁂 ¶ 𑀳𑀺 𑀲𑀦𑁆𑀥𑀸𑀯𑀢𑀺 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀇𑀢𑁄 𑀘𑀼𑀢𑁄 𑀧𑀭𑀁 𑀮𑁄𑀓𑀁 𑀅𑀦𑀜𑁆𑀜𑁄, 𑀳𑁂𑀯𑀁 𑀫𑀭𑀡𑀁 𑀦 𑀳𑁂𑀳𑀺𑀢𑀺, 𑀧𑀸𑀡𑀸𑀢𑀺𑀧𑀸𑀢𑁄𑀧𑀺 𑀦𑀼𑀧𑀮𑀩𑁆𑀪𑀢𑀺. 𑀓𑀫𑁆𑀫𑀁 𑀅𑀢𑁆𑀣𑀺, 𑀓𑀫𑁆𑀫𑀯𑀺𑀧𑀸𑀓𑁄 𑀅𑀢𑁆𑀣𑀺, 𑀓𑀢𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀅𑀢𑁆𑀣𑀺, 𑀓𑀼𑀲𑀮𑀸𑀓𑀼𑀲𑀮𑁂 𑀯𑀺𑀧𑀘𑁆𑀘𑀫𑀸𑀦𑁂 𑀲𑁆𑀯𑁂𑀯𑀸𑀬𑀁 𑀲𑀦𑁆𑀥𑀸𑀯𑀢𑀻𑀢𑀺 𑀫𑀺𑀘𑁆𑀙𑀸.

𑁭𑁯. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀬𑀓𑁆𑀔𑁄 𑀳𑁄𑀢𑀺, 𑀧𑁂𑀢𑁄 𑀳𑁄𑀢𑀺, 𑀦𑁂𑀭𑀬𑀺𑀓𑁄 𑀳𑁄𑀢𑀺 ¶ , 𑀢𑀺𑀭𑀘𑁆𑀙𑀸𑀦𑀕𑀢𑁄 𑀳𑁄𑀢𑀺, 𑀑𑀝𑁆𑀞𑁄 𑀳𑁄𑀢𑀺, 𑀕𑁄𑀡𑁄 𑀳𑁄𑀢𑀺, 𑀕𑀤𑁆𑀭𑀪𑁄 𑀳𑁄𑀢𑀺, 𑀲𑀽𑀓𑀭𑁄 𑀳𑁄𑀢𑀺, 𑀫𑀳𑀺𑀁𑀲𑁄 [𑀫𑀳𑀺𑀲𑁄 (𑀲𑀻. 𑀲𑁆𑀬𑀸. 𑀓𑀁. 𑀧𑀻.)] 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀫𑀦𑀼𑀲𑁆𑀲𑁄 𑀲𑁄 𑀫𑀳𑀺𑀁𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁦. 𑀲𑁆𑀯𑁂𑀯 𑀫𑀦𑀼𑀲𑁆𑀲𑁄 𑀲𑁄 𑀫𑀳𑀺𑀁𑀲𑁄𑀢𑀺? 𑀆𑀫𑀦𑁆𑀢𑀸. 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀫𑀳𑀺𑀁𑀲𑁄 𑀳𑁄𑀢𑀺, 𑀫𑀳𑀺𑀁𑀲𑁄 𑀳𑀼𑀢𑁆𑀯𑀸 𑀫𑀦𑀼𑀲𑁆𑀲𑁄 𑀳𑁄𑀢𑀺, 𑀫𑀦𑀼𑀲𑁆𑀲𑀪𑀽𑀢𑁄 𑀅𑀜𑁆𑀜𑁄, 𑀫𑀳𑀺𑀁𑀲𑁄 𑀅𑀜𑁆𑀜𑁄, 𑀫𑀦𑀼𑀲𑁆𑀲𑀪𑀽𑀢𑁄 𑀲𑁆𑀯𑁂𑀯𑀸𑀬𑀁 𑀲𑀦𑁆𑀥𑀸𑀯𑀢𑀻𑀢𑀺 𑀫𑀺𑀘𑁆𑀙𑀸…𑀧𑁂….

𑀲𑀘𑁂 𑀳𑀺 𑀲𑀦𑁆𑀥𑀸𑀯𑀢𑀺 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀇𑀢𑁄 𑀘𑀼𑀢𑁄 𑀧𑀭𑀁 𑀮𑁄𑀓𑀁 𑀅𑀦𑀜𑁆𑀜𑁄, 𑀳𑁂𑀯𑀁 𑀫𑀭𑀡𑀁 𑀦 𑀳𑁂𑀳𑀺𑀢𑀺, 𑀧𑀸𑀡𑀸𑀢𑀺𑀧𑀸𑀢𑁄𑀧𑀺 𑀦𑀼𑀧𑀮𑀩𑁆𑀪𑀢𑀺. 𑀓𑀫𑁆𑀫𑀁 𑀅𑀢𑁆𑀣𑀺, 𑀓𑀫𑁆𑀫𑀯𑀺𑀧𑀸𑀓𑁄 𑀅𑀢𑁆𑀣𑀺, 𑀓𑀢𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀅𑀢𑁆𑀣𑀺, 𑀓𑀼𑀲𑀮𑀸𑀓𑀼𑀲𑀮𑁂 𑀯𑀺𑀧𑀘𑁆𑀘𑀫𑀸𑀦𑁂 𑀲𑁆𑀯𑁂𑀯𑀸𑀬𑀁 𑀲𑀦𑁆𑀥𑀸𑀯𑀢𑀻𑀢𑀺 𑀫𑀺𑀘𑁆𑀙𑀸.

𑁮𑁧. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑁆𑀣𑀺 𑀓𑁄𑀘𑀺 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸 𑀩𑁆𑀭𑀸𑀳𑁆𑀫𑀡𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀔𑀢𑁆𑀢𑀺𑀬𑁄 𑀲𑁄 𑀩𑁆𑀭𑀸𑀳𑁆𑀫𑀡𑁄𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁨. 𑀅𑀢𑁆𑀣𑀺 𑀓𑁄𑀘𑀺 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸 𑀯𑁂𑀲𑁆𑀲𑁄 𑀳𑁄𑀢𑀺, 𑀲𑀼𑀤𑁆𑀤𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀔𑀢𑁆𑀢𑀺𑀬𑁄 𑀲𑁄 𑀲𑀼𑀤𑁆𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁩. 𑀅𑀢𑁆𑀣𑀺 𑀓𑁄𑀘𑀺 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸 𑀯𑁂𑀲𑁆𑀲𑁄 𑀳𑁄𑀢𑀺, 𑀲𑀼𑀤𑁆𑀤𑁄 𑀳𑁄𑀢𑀺, 𑀔𑀢𑁆𑀢𑀺𑀬𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀩𑁆𑀭𑀸𑀳𑁆𑀫𑀡𑁄 𑀲𑁄 𑀔𑀢𑁆𑀢𑀺𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁪. 𑀅𑀢𑁆𑀣𑀺 ¶ 𑀓𑁄𑀘𑀺 𑀯𑁂𑀲𑁆𑀲𑁄 𑀳𑀼𑀢𑁆𑀯𑀸 𑀲𑀼𑀤𑁆𑀤𑁄 𑀳𑁄𑀢𑀺, 𑀔𑀢𑁆𑀢𑀺𑀬𑁄 𑀳𑁄𑀢𑀺, 𑀩𑁆𑀭𑀸𑀳𑁆𑀫𑀡𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀯𑁂𑀲𑁆𑀲𑁄 𑀲𑁄 𑀩𑁆𑀭𑀸𑀳𑁆𑀫𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁫. 𑀅𑀢𑁆𑀣𑀺 𑀓𑁄𑀘𑀺 𑀲𑀼𑀤𑁆𑀤𑁄 𑀳𑀼𑀢𑁆𑀯𑀸 𑀔𑀢𑁆𑀢𑀺𑀬𑁄 𑀳𑁄𑀢𑀺, 𑀩𑁆𑀭𑀸𑀳𑁆𑀫𑀡𑁄 𑀳𑁄𑀢𑀺, 𑀯𑁂𑀲𑁆𑀲𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁆𑀯𑁂𑀯 𑀲𑀼𑀤𑁆𑀤𑁄 𑀲𑁄 𑀯𑁂𑀲𑁆𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁬. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀳𑀢𑁆𑀣𑀘𑁆𑀙𑀺𑀦𑁆𑀦𑁄 𑀳𑀢𑁆𑀣𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀧𑀸𑀤𑀘𑁆𑀙𑀺𑀦𑁆𑀦𑁄 𑀧𑀸𑀤𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀳𑀢𑁆𑀣𑀧𑀸𑀤𑀘𑁆𑀙𑀺𑀦𑁆𑀦𑁄 𑀳𑀢𑁆𑀣𑀧𑀸𑀤𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀓𑀡𑁆𑀡𑀘𑁆𑀙𑀺𑀦𑁆𑀦𑁄… 𑀦𑀸𑀲𑀘𑁆𑀙𑀺𑀦𑁆𑀦𑁄… 𑀓𑀡𑁆𑀡𑀦𑀸𑀲𑀘𑁆𑀙𑀺𑀦𑁆𑀦𑁄… 𑀅𑀗𑁆𑀕𑀼𑀮𑀺𑀘𑁆𑀙𑀺𑀦𑁆𑀦𑁄… 𑀅𑀴𑀘𑁆𑀙𑀺𑀦𑁆𑀦𑁄… 𑀓𑀡𑁆𑀟𑀭𑀘𑁆𑀙𑀺𑀦𑁆𑀦𑁄… 𑀓𑀼𑀡𑀺𑀳𑀢𑁆𑀣𑀓𑁄… 𑀨𑀡𑀳𑀢𑁆𑀣𑀓𑁄… 𑀓𑀼𑀝𑁆𑀞𑀺𑀬𑁄… 𑀕𑀡𑁆𑀟𑀺𑀬𑁄… 𑀓𑀺𑀮𑀸𑀲𑀺𑀬𑁄… 𑀲𑁄𑀲𑀺𑀬𑁄… 𑀅𑀧𑀫𑀸𑀭𑀺𑀬𑁄… 𑀑𑀝𑁆𑀞𑁄… 𑀕𑁄𑀡𑁄… 𑀕𑀤𑁆𑀭𑀪𑁄… 𑀲𑀽𑀓𑀭𑁄… 𑀫𑀳𑀺𑀁𑀲𑁄 𑀫𑀳𑀺𑀁𑀲𑁄𑀯 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁭. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀫𑀦𑀼𑀲𑁆𑀲𑀮𑁄𑀓𑀸 𑀘𑀼𑀢𑁄 𑀤𑁂𑀯𑀮𑁄𑀓𑀁 𑀉𑀧𑀧𑀦𑁆𑀦𑁄 𑀢𑀢𑁆𑀣𑀧𑀺 𑀲𑁄𑀢𑀸𑀧𑀦𑁆𑀦𑁄𑀯 ¶ 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸.

𑀳𑀜𑁆𑀘𑀺 𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀫𑀦𑀼𑀲𑁆𑀲𑀮𑁄𑀓𑀸 𑀘𑀼𑀢𑁄 𑀤𑁂𑀯𑀮𑁄𑀓𑀁 𑀉𑀧𑀧𑀦𑁆𑀦𑁄 𑀢𑀢𑁆𑀣𑀧𑀺 𑀲𑁄𑀢𑀸𑀧𑀦𑁆𑀦𑁄𑀯 𑀳𑁄𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓’’𑀦𑁆𑀢𑀺.

𑁮𑁮. 𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀫𑀦𑀼𑀲𑁆𑀲𑀮𑁄𑀓𑀸 𑀘𑀼𑀢𑁄 𑀤𑁂𑀯𑀮𑁄𑀓𑀁 𑀉𑀧𑀧𑀦𑁆𑀦𑁄 𑀢𑀢𑁆𑀣𑀧𑀺 𑀲𑁄𑀢𑀸𑀧𑀦𑁆𑀦𑁄𑀯 𑀳𑁄𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀫𑀦𑀼𑀲𑁆𑀲𑀮𑁄𑀓𑀸 𑀘𑀼𑀢𑁄 𑀤𑁂𑀯𑀮𑁄𑀓𑀁 𑀉𑀧𑀧𑀦𑁆𑀦𑁄 𑀢𑀢𑁆𑀣𑀧𑀺 𑀫𑀦𑀼𑀲𑁆𑀲𑁄 𑀳𑁄𑀢𑀻𑀢𑀺 𑀓𑀢𑁆𑀯𑀸? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁮𑁯. 𑀲𑁆𑀯𑁂𑀯 ¶ 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀜𑁆𑀜𑁄 𑀅𑀯𑀺𑀕𑀢𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁦. 𑀅𑀦𑀜𑁆𑀜𑁄 𑀅𑀯𑀺𑀕𑀢𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀢𑁆𑀣𑀘𑁆𑀙𑀺𑀦𑁆𑀦𑁄 𑀳𑀢𑁆𑀣𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀧𑀸𑀤𑀘𑁆𑀙𑀺𑀦𑁆𑀦𑁄 𑀧𑀸𑀤𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀳𑀢𑁆𑀣𑀧𑀸𑀤𑀘𑁆𑀙𑀺𑀦𑁆𑀦𑁄 𑀳𑀢𑁆𑀣𑀧𑀸𑀤𑀘𑁆𑀙𑀺𑀦𑁆𑀦𑁄𑀯 𑀳𑁄𑀢𑀺, 𑀓𑀡𑁆𑀡𑀘𑁆𑀙𑀺𑀦𑁆𑀦𑁄… 𑀦𑀸𑀲𑀘𑁆𑀙𑀺𑀦𑁆𑀦𑁄… 𑀓𑀡𑁆𑀡𑀦𑀸𑀲𑀘𑁆𑀙𑀺𑀦𑁆𑀦𑁄… 𑀅𑀗𑁆𑀕𑀼𑀮𑀺𑀘𑁆𑀙𑀺𑀦𑁆𑀦𑁄… 𑀅𑀴𑀘𑁆𑀙𑀺𑀦𑁆𑀦𑁄… 𑀓𑀡𑁆𑀟𑀭𑀘𑁆𑀙𑀺𑀦𑁆𑀦𑁄… 𑀓𑀼𑀡𑀺𑀳𑀢𑁆𑀣𑀓𑁄… 𑀨𑀡𑀳𑀢𑁆𑀣𑀓𑁄… 𑀓𑀼𑀝𑁆𑀞𑀺𑀬𑁄… 𑀕𑀡𑁆𑀟𑀺𑀬𑁄… 𑀓𑀺𑀮𑀸𑀲𑀺𑀬𑁄… 𑀲𑁄𑀲𑀺𑀬𑁄… 𑀅𑀧𑀫𑀸𑀭𑀺𑀬𑁄… 𑀑𑀝𑁆𑀞𑁄… 𑀕𑁄𑀡𑁄… 𑀕𑀤𑁆𑀭𑀪𑁄… 𑀲𑀽𑀓𑀭𑁄… 𑀫𑀳𑀺𑀁𑀲𑁄 𑀫𑀳𑀺𑀁𑀲𑁄𑀯 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁧. 𑀲𑁆𑀯𑁂𑀯 ¶ 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 ¶ 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀭𑀽𑀧𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀭𑀽𑀧𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀯𑁂𑀤𑀦𑁄…𑀧𑁂… 𑀲𑀲𑀜𑁆𑀜𑁄…𑀧𑁂… 𑀲𑀲𑀗𑁆𑀔𑀸𑀭𑁄…𑀧𑁂… 𑀲𑀯𑀺𑀜𑁆𑀜𑀸𑀡𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀯𑀺𑀜𑁆𑀜𑀸𑀡𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁨. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀽𑀧𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀽𑀧𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀯𑁂𑀤𑀦𑁄…𑀧𑁂… 𑀅𑀲𑀜𑁆𑀜𑁄…𑀧𑁂… 𑀅𑀲𑀗𑁆𑀔𑀸𑀭𑁄…𑀧𑁂… 𑀅𑀯𑀺𑀜𑁆𑀜𑀸𑀡𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀯𑀺𑀜𑁆𑀜𑀸𑀡𑁄 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁩. 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑁂𑀤𑀦𑀸 ¶ …𑀧𑁂… 𑀲𑀜𑁆𑀜𑀸…𑀧𑁂… 𑀲𑀗𑁆𑀔𑀸𑀭𑀸…𑀧𑁂… 𑀯𑀺𑀜𑁆𑀜𑀸𑀡𑀁 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀺𑀜𑁆𑀜𑀸𑀡𑀁 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁪. 𑀲𑁆𑀯𑁂𑀯 ¶ 𑀧𑀼𑀕𑁆𑀕𑀮𑁄 𑀲𑀦𑁆𑀥𑀸𑀯𑀢𑀺 𑀅𑀲𑁆𑀫𑀸 𑀮𑁄𑀓𑀸 𑀧𑀭𑀁 𑀮𑁄𑀓𑀁, 𑀧𑀭𑀲𑁆𑀫𑀸 𑀮𑁄𑀓𑀸 𑀇𑀫𑀁 𑀮𑁄𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀦 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀦 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 ¶ 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑁂𑀤𑀦𑀸 ¶ …𑀧𑁂… 𑀲𑀜𑁆𑀜𑀸…𑀧𑁂… 𑀲𑀗𑁆𑀔𑀸𑀭𑀸…𑀧𑁂… 𑀯𑀺𑀜𑁆𑀜𑀸𑀡𑀁 𑀦 𑀲𑀦𑁆𑀥𑀸𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀺𑀜𑁆𑀜𑀸𑀡𑀁 𑀦 𑀲𑀦𑁆𑀥𑀸𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁).

𑀔𑀦𑁆𑀥𑁂𑀲𑀼 𑀪𑀺𑀚𑁆𑀚𑀫𑀸𑀦𑁂𑀲𑀼, 𑀲𑁄 𑀘𑁂 𑀪𑀺𑀚𑁆𑀚𑀢𑀺 𑀧𑀼𑀕𑁆𑀕𑀮𑁄;

𑀉𑀘𑁆𑀙𑁂𑀤𑀸 𑀪𑀯𑀢𑀺 𑀤𑀺𑀝𑁆𑀞𑀺, 𑀬𑀸 𑀩𑀼𑀤𑁆𑀥𑁂𑀦 𑀯𑀺𑀯𑀚𑁆𑀚𑀺𑀢𑀸.

𑀔𑀦𑁆𑀥𑁂𑀲𑀼 𑀪𑀺𑀚𑁆𑀚𑀫𑀸𑀦𑁂𑀲𑀼, 𑀦𑁄 𑀘𑁂 𑀪𑀺𑀚𑁆𑀚𑀢𑀺 𑀧𑀼𑀕𑁆𑀕𑀮𑁄;

𑀧𑀼𑀕𑁆𑀕𑀮𑁄 𑀲𑀲𑁆𑀲𑀢𑁄 𑀳𑁄𑀢𑀺, 𑀦𑀺𑀩𑁆𑀩𑀸𑀦𑁂𑀦 𑀲𑀫𑀲𑀫𑁄𑀢𑀺.

𑀕𑀢𑀺𑀅𑀦𑀼𑀬𑁄𑀕𑁄.

𑁧𑁨. 𑀉𑀧𑀸𑀤𑀸𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑁄

𑁯𑁫. 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀲𑀗𑁆𑀔𑀢𑀁 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀁 𑀔𑀬𑀥𑀫𑁆𑀫𑀁 𑀯𑀬𑀥𑀫𑁆𑀫𑀁 𑀯𑀺𑀭𑀸𑀕𑀥𑀫𑁆𑀫𑀁 𑀦𑀺𑀭𑁄𑀥𑀥𑀫𑁆𑀫𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸? 𑀧𑀼𑀕𑁆𑀕𑀮𑁄𑀧𑀺 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁬. 𑀯𑁂𑀤𑀦𑀁 𑀉𑀧𑀸𑀤𑀸𑀬… 𑀲𑀜𑁆𑀜𑀁 𑀉𑀧𑀸𑀤𑀸𑀬… 𑀲𑀗𑁆𑀔𑀸𑀭𑁂 𑀉𑀧𑀸𑀤𑀸𑀬… 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑀺𑀜𑁆𑀜𑀸𑀡𑀁 ¶ 𑀅𑀦𑀺𑀘𑁆𑀘𑀁 𑀲𑀗𑁆𑀔𑀢𑀁 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀁 𑀔𑀬𑀥𑀫𑁆𑀫𑀁 𑀯𑀬𑀥𑀫𑁆𑀫𑀁 𑀯𑀺𑀭𑀸𑀕𑀥𑀫𑁆𑀫𑀁 𑀦𑀺𑀭𑁄𑀥𑀥𑀫𑁆𑀫𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄𑀧𑀺 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁭. 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀻𑀮𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀦𑀻𑀮𑀓𑀲𑁆𑀲 ¶ 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀻𑀢𑀁 ¶ 𑀭𑀽𑀧𑀁 𑀉𑀧𑀸𑀤𑀸𑀬… 𑀮𑁄𑀳𑀺𑀢𑀁 ¶ 𑀭𑀽𑀧𑀁 𑀉𑀧𑀸𑀤𑀸𑀬… 𑀑𑀤𑀸𑀢𑀁 𑀭𑀽𑀧𑀁 𑀉𑀧𑀸𑀤𑀸𑀬… 𑀲𑀦𑀺𑀤𑀲𑁆𑀲𑀦𑀁 𑀭𑀽𑀧𑀁 𑀉𑀧𑀸𑀤𑀸𑀬… 𑀅𑀦𑀺𑀤𑀲𑁆𑀲𑀦𑀁 𑀭𑀽𑀧𑀁 𑀉𑀧𑀸𑀤𑀸𑀬… 𑀲𑀧𑁆𑀧𑀝𑀺𑀖𑀁 𑀭𑀽𑀧𑀁 𑀉𑀧𑀸𑀤𑀸𑀬… 𑀅𑀧𑁆𑀧𑀝𑀺𑀖𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀅𑀧𑁆𑀧𑀝𑀺𑀖𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁮. 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑀁 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑀁 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑀸 𑀯𑁂𑀤𑀦𑀸 𑀲𑀨𑀮𑀸 𑀲𑀯𑀺𑀧𑀸𑀓𑀸 𑀇𑀝𑁆𑀞𑀨𑀮𑀸 𑀓𑀦𑁆𑀢𑀨𑀮𑀸 𑀫𑀦𑀼𑀜𑁆𑀜𑀨𑀮𑀸 𑀅𑀲𑁂𑀘𑀦𑀓𑀨𑀮𑀸 𑀲𑀼𑀔𑀼𑀤𑁆𑀭𑀬𑀸 𑀲𑀼𑀔𑀯𑀺𑀧𑀸𑀓𑀸𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑁄𑀧𑀺 𑀧𑀼𑀕𑁆𑀕𑀮𑁄 𑀲𑀨𑀮𑁄 𑀲𑀯𑀺𑀧𑀸𑀓𑁄 𑀇𑀝𑁆𑀞𑀨𑀮𑁄 𑀓𑀦𑁆𑀢𑀨𑀮𑁄 𑀫𑀦𑀼𑀜𑁆𑀜𑀨𑀮𑁄 𑀅𑀲𑁂𑀘𑀦𑀓𑀨𑀮𑁄 𑀲𑀼𑀔𑀼𑀤𑁆𑀭𑀬𑁄 𑀲𑀼𑀔𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁯𑁯. 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑀁 ¶ 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀅𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑀁 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀅𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑀸 𑀯𑁂𑀤𑀦𑀸 𑀲𑀨𑀮𑀸 𑀲𑀯𑀺𑀧𑀸𑀓𑀸 𑀅𑀦𑀺𑀝𑁆𑀞𑀨𑀮𑀸 𑀅𑀓𑀦𑁆𑀢𑀨𑀮𑀸 ¶ 𑀅𑀫𑀦𑀼𑀜𑁆𑀜𑀨𑀮𑀸 𑀲𑁂𑀘𑀦𑀓𑀨𑀮𑀸 𑀤𑀼𑀓𑁆𑀔𑀼𑀤𑁆𑀭𑀬𑀸 𑀤𑀼𑀓𑁆𑀔𑀯𑀺𑀧𑀸𑀓𑀸𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁄𑀧𑀺 𑀧𑀼𑀕𑁆𑀕𑀮𑁄 𑀲𑀨𑀮𑁄 𑀲𑀯𑀺𑀧𑀸𑀓𑁄 𑀅𑀦𑀺𑀝𑁆𑀞𑀨𑀮𑁄 𑀅𑀓𑀦𑁆𑀢𑀨𑀮𑁄 𑀅𑀫𑀦𑀼𑀜𑁆𑀜𑀨𑀮𑁄 𑀲𑁂𑀘𑀦𑀓𑀨𑀮𑁄 𑀤𑀼𑀓𑁆𑀔𑀼𑀤𑁆𑀭𑀬𑁄 𑀤𑀼𑀓𑁆𑀔𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁦. 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑀁 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀅𑀩𑁆𑀬𑀸𑀓𑀢𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀩𑁆𑀬𑀸𑀓𑀢𑀁 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀅𑀩𑁆𑀬𑀸𑀓𑀢𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑀸 𑀯𑁂𑀤𑀦𑀸 𑀅𑀦𑀺𑀘𑁆𑀘𑀸 𑀲𑀗𑁆𑀔𑀢𑀸 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀸 𑀔𑀬𑀥𑀫𑁆𑀫𑀸 𑀯𑀬𑀥𑀫𑁆𑀫𑀸 𑀯𑀺𑀭𑀸𑀕𑀥𑀫𑁆𑀫𑀸 𑀦𑀺𑀭𑁄𑀥𑀥𑀫𑁆𑀫𑀸 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀸𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑁄𑀧𑀺 𑀧𑀼𑀕𑁆𑀕𑀮𑁄 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁧. 𑀲𑀜𑁆𑀜𑀁 𑀉𑀧𑀸𑀤𑀸𑀬… 𑀲𑀗𑁆𑀔𑀸𑀭𑁂 𑀉𑀧𑀸𑀤𑀸𑀬… 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀁 𑀲𑀨𑀮𑀁 𑀲𑀯𑀺𑀧𑀸𑀓𑀁 𑀇𑀝𑁆𑀞𑀨𑀮𑀁 𑀓𑀦𑁆𑀢𑀨𑀮𑀁 𑀫𑀦𑀼𑀜𑁆𑀜𑀨𑀮𑀁 𑀅𑀲𑁂𑀘𑀦𑀓𑀨𑀮𑀁 ¶ 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀓𑀼𑀲𑀮𑁄𑀧𑀺 𑀧𑀼𑀕𑁆𑀕𑀮𑁄 𑀲𑀨𑀮𑁄 𑀲𑀯𑀺𑀧𑀸𑀓𑁄 𑀇𑀝𑁆𑀞𑀨𑀮𑁄 𑀓𑀦𑁆𑀢𑀨𑀮𑁄 𑀫𑀦𑀼𑀜𑁆𑀜𑀨𑀮𑁄 𑀅𑀲𑁂𑀘𑀦𑀓𑀨𑀮𑁄 𑀲𑀼𑀔𑀼𑀤𑁆𑀭𑀬𑁄 𑀲𑀼𑀔𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁨. 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑀁 ¶ 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀅𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀅𑀓𑀼𑀲𑀮𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑀁 𑀯𑀺𑀜𑁆𑀜𑀸𑀡𑀁 𑀲𑀨𑀮𑀁 𑀲𑀯𑀺𑀧𑀸𑀓𑀁 𑀅𑀦𑀺𑀝𑁆𑀞𑀨𑀮𑀁 𑀅𑀓𑀦𑁆𑀢𑀨𑀮𑀁 𑀅𑀫𑀦𑀼𑀜𑁆𑀜𑀨𑀮𑀁 𑀲𑁂𑀘𑀦𑀓𑀨𑀮𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀲𑀮𑁄𑀧𑀺 𑀧𑀼𑀕𑁆𑀕𑀮𑁄 𑀲𑀨𑀮𑁄 𑀲𑀯𑀺𑀧𑀸𑀓𑁄 𑀅𑀦𑀺𑀝𑁆𑀞𑀨𑀮𑁄 𑀅𑀓𑀦𑁆𑀢𑀨𑀮𑁄 𑀅𑀫𑀦𑀼𑀜𑁆𑀜𑀨𑀮𑁄 𑀲𑁂𑀘𑀦𑀓𑀨𑀮𑁄 𑀤𑀼𑀓𑁆𑀔𑀼𑀤𑁆𑀭𑀬𑁄 𑀤𑀼𑀓𑁆𑀔𑀯𑀺𑀧𑀸𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁩. 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑀁 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀅𑀩𑁆𑀬𑀸𑀓𑀢𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀩𑁆𑀬𑀸𑀓𑀢𑀁 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀅𑀩𑁆𑀬𑀸𑀓𑀢𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀘𑁆𑀘𑀁 𑀲𑀗𑁆𑀔𑀢𑀁 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀁 𑀔𑀬𑀥𑀫𑁆𑀫𑀁 𑀯𑀬𑀥𑀫𑁆𑀫𑀁 𑀯𑀺𑀭𑀸𑀕𑀥𑀫𑁆𑀫𑀁 𑀦𑀺𑀭𑁄𑀥𑀥𑀫𑁆𑀫𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀬𑀸𑀓𑀢𑁄𑀧𑀺 𑀧𑀼𑀕𑁆𑀕𑀮𑁄 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁪. 𑀘𑀓𑁆𑀔𑀼𑀁 𑀉𑀧𑀸𑀤𑀸𑀬 ‘‘𑀘𑀓𑁆𑀔𑀼𑀫𑀸 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸 ¶ . 𑀘𑀓𑁆𑀔𑀼𑀫𑁆𑀳𑀺 𑀦𑀺𑀭𑀼𑀤𑁆𑀥𑁂 ‘‘𑀘𑀓𑁆𑀔𑀼𑀫𑀸 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀁 𑀉𑀧𑀸𑀤𑀸𑀬… 𑀖𑀸𑀦𑀁 𑀉𑀧𑀸𑀤𑀸𑀬… 𑀚𑀺𑀯𑁆𑀳𑀁 𑀉𑀧𑀸𑀤𑀸𑀬… 𑀓𑀸𑀬𑀁 ¶ 𑀉𑀧𑀸𑀤𑀸𑀬… 𑀫𑀦𑀁 𑀉𑀧𑀸𑀤𑀸𑀬 ‘‘𑀫𑀦𑀯𑀸 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀫𑀦𑀫𑁆𑀳𑀺 𑀦𑀺𑀭𑀼𑀤𑁆𑀥𑁂 ‘‘𑀫𑀦𑀯𑀸 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁧𑁦𑁫. 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀁 𑀉𑀧𑀸𑀤𑀸𑀬 ‘‘𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑁄 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑀸 𑀦𑀺𑀭𑀼𑀤𑁆𑀥𑀸𑀬 ‘‘𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑁄 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀫𑀺𑀘𑁆𑀙𑀸𑀲𑀗𑁆𑀓𑀧𑁆𑀧𑀁 𑀉𑀧𑀸𑀤𑀸𑀬… 𑀫𑀺𑀘𑁆𑀙𑀸𑀯𑀸𑀘𑀁 𑀉𑀧𑀸𑀤𑀸𑀬… 𑀫𑀺𑀘𑁆𑀙𑀸𑀓𑀫𑁆𑀫𑀦𑁆𑀢𑀁 𑀉𑀧𑀸𑀤𑀸𑀬… 𑀫𑀺𑀘𑁆𑀙𑀸𑀆𑀚𑀻𑀯𑀁 𑀉𑀧𑀸𑀤𑀸𑀬 ¶ … 𑀫𑀺𑀘𑁆𑀙𑀸𑀯𑀸𑀬𑀸𑀫𑀁 𑀉𑀧𑀸𑀤𑀸𑀬… 𑀫𑀺𑀘𑁆𑀙𑀸𑀲𑀢𑀺𑀁 𑀉𑀧𑀸𑀤𑀸𑀬… 𑀫𑀺𑀘𑁆𑀙𑀸𑀲𑀫𑀸𑀥𑀺𑀁 𑀉𑀧𑀸𑀤𑀸𑀬 ‘‘𑀫𑀺𑀘𑁆𑀙𑀸𑀲𑀫𑀸𑀥𑀺𑀬𑁄 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀫𑀺𑀘𑁆𑀙𑀸𑀲𑀫𑀸𑀥𑀺𑀫𑁆𑀳𑀺 𑀦𑀺𑀭𑀼𑀤𑁆𑀥𑁂 ‘‘𑀫𑀺𑀘𑁆𑀙𑀸𑀲𑀫𑀸𑀥𑀺𑀬𑁄 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁧𑁦𑁬. 𑀲𑀫𑁆𑀫𑀸𑀤𑀺𑀝𑁆𑀞𑀺𑀁 ¶ 𑀉𑀧𑀸𑀤𑀸𑀬 ‘‘𑀲𑀫𑁆𑀫𑀸𑀤𑀺𑀝𑁆𑀞𑀺𑀬𑁄 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑁆𑀫𑀸𑀤𑀺𑀝𑁆𑀞𑀺𑀬𑀸 𑀦𑀺𑀭𑀼𑀤𑁆𑀥𑀸𑀬 ‘‘𑀲𑀫𑁆𑀫𑀸𑀤𑀺𑀝𑁆𑀞𑀺𑀬𑁄 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀫𑁆𑀫𑀸𑀲𑀗𑁆𑀓𑀧𑁆𑀧𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀯𑀸𑀘𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀓𑀫𑁆𑀫𑀦𑁆𑀢𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀆𑀚𑀻𑀯𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀯𑀸𑀬𑀸𑀫𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀲𑀢𑀺𑀁 𑀉𑀧𑀸𑀤𑀸𑀬… 𑀲𑀫𑁆𑀫𑀸𑀲𑀫𑀸𑀥𑀺𑀁 ¶ 𑀉𑀧𑀸𑀤𑀸𑀬 ‘‘𑀲𑀫𑁆𑀫𑀸𑀲𑀫𑀸𑀥𑀺𑀬𑁄 𑀧𑀼𑀕𑁆𑀕𑀮𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑁆𑀫𑀸𑀲𑀫𑀸𑀥𑀺𑀫𑁆𑀳𑀺 ¶ 𑀦𑀺𑀭𑀼𑀤𑁆𑀥𑁂 ‘‘𑀲𑀫𑁆𑀫𑀸𑀲𑀫𑀸𑀥𑀺𑀬𑁄 𑀧𑀼𑀕𑁆𑀕𑀮𑁄 𑀦𑀺𑀭𑀼𑀤𑁆𑀥𑁄’’𑀢𑀺 𑀯𑀢𑁆𑀢𑀩𑁆𑀩𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁭. 𑀭𑀽𑀧𑀁 𑀉𑀧𑀸𑀤𑀸𑀬, 𑀯𑁂𑀤𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀺𑀦𑁆𑀦𑀁 𑀔𑀦𑁆𑀥𑀸𑀦𑀁 𑀉𑀧𑀸𑀤𑀸𑀬 𑀤𑁆𑀯𑀺𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀉𑀧𑀸𑀤𑀸𑀬, 𑀯𑁂𑀤𑀦𑀁 𑀉𑀧𑀸𑀤𑀸𑀬, 𑀲𑀜𑁆𑀜𑀁 𑀉𑀧𑀸𑀤𑀸𑀬, 𑀲𑀗𑁆𑀔𑀸𑀭𑁂 𑀉𑀧𑀸𑀤𑀸𑀬, 𑀯𑀺𑀜𑁆𑀜𑀸𑀡𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀦𑁆𑀦𑀁 𑀔𑀦𑁆𑀥𑀸𑀦𑀁 𑀉𑀧𑀸𑀤𑀸𑀬 𑀧𑀜𑁆𑀘𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁮. 𑀘𑀓𑁆𑀔𑀸𑀬𑀢𑀦𑀁 𑀉𑀧𑀸𑀤𑀸𑀬, 𑀲𑁄𑀢𑀸𑀬𑀢𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀺𑀦𑁆𑀦𑀁 𑀆𑀬𑀢𑀦𑀸𑀦𑀁 𑀉𑀧𑀸𑀤𑀸𑀬 𑀤𑁆𑀯𑀺𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀘𑀓𑁆𑀔𑀸𑀬𑀢𑀦𑀁 𑀉𑀧𑀸𑀤𑀸𑀬, 𑀲𑁄𑀢𑀸𑀬𑀢𑀦𑀁 𑀉𑀧𑀸𑀤𑀸𑀬…𑀧𑁂… 𑀥𑀫𑁆𑀫𑀸𑀬𑀢𑀦𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀸𑀤𑀲𑀦𑁆𑀦𑀁 𑀆𑀬𑀢𑀦𑀸𑀦𑀁 𑀉𑀧𑀸𑀤𑀸𑀬 𑀤𑁆𑀯𑀸𑀤𑀲𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁦𑁯. 𑀘𑀓𑁆𑀔𑀼𑀥𑀸𑀢𑀼𑀁 𑀉𑀧𑀸𑀤𑀸𑀬, 𑀲𑁄𑀢𑀥𑀸𑀢𑀼𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀺𑀦𑁆𑀦𑀁 𑀥𑀸𑀢𑀽𑀦𑀁 𑀉𑀧𑀸𑀤𑀸𑀬 𑀤𑁆𑀯𑀺𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀘𑀓𑁆𑀔𑀼𑀥𑀸𑀢𑀼𑀁 𑀉𑀧𑀸𑀤𑀸𑀬, 𑀲𑁄𑀢𑀥𑀸𑀢𑀼𑀁 𑀉𑀧𑀸𑀤𑀸𑀬…𑀧𑁂… 𑀥𑀫𑁆𑀫𑀥𑀸𑀢𑀼𑀁 𑀉𑀧𑀸𑀤𑀸𑀬 ¶ 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀝𑁆𑀞𑀸𑀭𑀲𑀦𑁆𑀦𑀁 𑀥𑀸𑀢𑀽𑀦𑀁 𑀉𑀧𑀸𑀤𑀸𑀬 𑀅𑀝𑁆𑀞𑀸𑀭𑀲𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁦. 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 ¶ 𑀉𑀧𑀸𑀤𑀸𑀬, 𑀲𑁄𑀢𑀺𑀦𑁆𑀤𑁆𑀭𑀺𑀬𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀺𑀦𑁆𑀦𑀁 𑀇𑀦𑁆𑀤𑁆𑀭𑀺𑀬𑀸𑀦𑀁 𑀉𑀧𑀸𑀤𑀸𑀬 𑀤𑁆𑀯𑀺𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀉𑀧𑀸𑀤𑀸𑀬, 𑀲𑁄𑀢𑀺𑀦𑁆𑀤𑁆𑀭𑀺𑀬𑀁 𑀉𑀧𑀸𑀤𑀸𑀬…𑀧𑁂… 𑀅𑀜𑁆𑀜𑀸𑀢𑀸𑀯𑀺𑀦𑁆𑀤𑁆𑀭𑀺𑀬𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀩𑀸𑀯𑀻𑀲𑀢𑀻𑀦𑀁 [𑀩𑀸𑀯𑀻𑀲𑀢𑀺𑀬𑀸 (?)] 𑀇𑀦𑁆𑀤𑁆𑀭𑀺𑀬𑀸𑀦𑀁 𑀉𑀧𑀸𑀤𑀸𑀬 𑀩𑀸𑀯𑀻𑀲𑀢𑀻𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁧. 𑀏𑀓𑀯𑁄𑀓𑀸𑀭𑀪𑀯𑀁 ¶ 𑀉𑀧𑀸𑀤𑀸𑀬 𑀏𑀓𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀢𑀼𑀯𑁄𑀓𑀸𑀭𑀪𑀯𑀁 𑀉𑀧𑀸𑀤𑀸𑀬 𑀘𑀢𑀼𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀏𑀓𑀯𑁄𑀓𑀸𑀭𑀪𑀯𑀁 𑀉𑀧𑀸𑀤𑀸𑀬 𑀏𑀓𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀯𑁄𑀓𑀸𑀭𑀪𑀯𑀁 𑀉𑀧𑀸𑀤𑀸𑀬 𑀧𑀜𑁆𑀘𑀦𑁆𑀦𑀁 𑀧𑀼𑀕𑁆𑀕𑀮𑀸𑀦𑀁 𑀧𑀜𑁆𑀜𑀢𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀏𑀓𑀯𑁄𑀓𑀸𑀭𑀪𑀯𑁂 𑀏𑀓𑁄𑀯 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸. 𑀘𑀢𑀼𑀯𑁄𑀓𑀸𑀭𑀪𑀯𑁂 𑀘𑀢𑁆𑀢𑀸𑀭𑁄𑀯 [𑀘𑀢𑁆𑀢𑀸𑀭𑁄 (?)] 𑀧𑀼𑀕𑁆𑀕𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀏𑀓𑀯𑁄𑀓𑀸𑀭𑀪𑀯𑁂 𑀏𑀓𑁄𑀯 𑀧𑀼𑀕𑁆𑀕𑀮𑁄𑀢𑀺? 𑀆𑀫𑀦𑁆𑀢𑀸. 𑀧𑀜𑁆𑀘𑀯𑁄𑀓𑀸𑀭𑀪𑀯𑁂 𑀧𑀜𑁆𑀘𑁂𑀯 𑀧𑀼𑀕𑁆𑀕𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁨. 𑀬𑀣𑀸 ¶ 𑀭𑀼𑀓𑁆𑀔𑀁 𑀉𑀧𑀸𑀤𑀸𑀬 𑀙𑀸𑀬𑀸𑀬 𑀧𑀜𑁆𑀜𑀢𑁆𑀢𑀺, 𑀏𑀯𑀫𑁂𑀯𑀁 𑀭𑀽𑀧𑀁 ¶ 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? ( ) [(𑀆𑀫𑀦𑁆𑀢𑀸) (?) 𑀏𑀯𑀁 𑀅𑀦𑀦𑁆𑀢𑀭𑀯𑀸𑀭𑀢𑁆𑀢𑀬𑁂𑀧𑀺] 𑀬𑀣𑀸 𑀭𑀼𑀓𑁆𑀔𑀁 𑀉𑀧𑀸𑀤𑀸𑀬 𑀙𑀸𑀬𑀸𑀬 𑀧𑀜𑁆𑀜𑀢𑁆𑀢𑀺, 𑀭𑀼𑀓𑁆𑀔𑁄𑀧𑀺 𑀅𑀦𑀺𑀘𑁆𑀘𑁄 𑀙𑀸𑀬𑀸𑀧𑀺 𑀅𑀦𑀺𑀘𑁆𑀘𑀸, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀭𑀽𑀧𑀫𑁆𑀧𑀺 𑀅𑀦𑀺𑀘𑁆𑀘𑀁 𑀧𑀼𑀕𑁆𑀕𑀮𑁄𑀧𑀺 𑀅𑀦𑀺𑀘𑁆𑀘𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀣𑀸 𑀭𑀼𑀓𑁆𑀔𑀁 𑀉𑀧𑀸𑀤𑀸𑀬 𑀙𑀸𑀬𑀸𑀬 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑁄 𑀭𑀼𑀓𑁆𑀔𑁄 𑀅𑀜𑁆𑀜𑀸 𑀙𑀸𑀬𑀸, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁩. 𑀬𑀣𑀸 𑀕𑀸𑀫𑀁 𑀉𑀧𑀸𑀤𑀸𑀬 𑀕𑀸𑀫𑀺𑀓𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀬𑀣𑀸 𑀕𑀸𑀫𑀁 𑀉𑀧𑀸𑀤𑀸𑀬 𑀕𑀸𑀫𑀺𑀓𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑁄 𑀕𑀸𑀫𑁄 𑀅𑀜𑁆𑀜𑁄 𑀕𑀸𑀫𑀺𑀓𑁄, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁪. 𑀬𑀣𑀸 𑀭𑀝𑁆𑀞𑀁 𑀉𑀧𑀸𑀤𑀸𑀬 𑀭𑀜𑁆𑀜𑁄 𑀧𑀜𑁆𑀜𑀢𑁆𑀢𑀺, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺 ¶ ? 𑀬𑀣𑀸 𑀭𑀝𑁆𑀞𑀁 𑀉𑀧𑀸𑀤𑀸𑀬 𑀭𑀜𑁆𑀜𑁄 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑀁 𑀭𑀝𑁆𑀞𑀁 𑀅𑀜𑁆𑀜𑁄 𑀭𑀸𑀚𑀸, 𑀏𑀯𑀫𑁂𑀯𑀁 𑀭𑀽𑀧𑀁 𑀉𑀧𑀸𑀤𑀸𑀬 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀺, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁫. 𑀬𑀣𑀸 𑀦 𑀦𑀺𑀕𑀴𑁄 𑀦𑁂𑀕𑀴𑀺𑀓𑁄, 𑀬𑀲𑁆𑀲 𑀦𑀺𑀕𑀴𑁄 𑀲𑁄 𑀦𑁂𑀕𑀴𑀺𑀓𑁄, 𑀏𑀯𑀫𑁂𑀯𑀁 𑀦 𑀭𑀽𑀧𑀁 𑀭𑀽𑀧𑀯𑀸, 𑀬𑀲𑁆𑀲 𑀭𑀽𑀧𑀁 𑀲𑁄 𑀭𑀽𑀧𑀯𑀸𑀢𑀺? 𑀬𑀣𑀸 𑀦 𑀦𑀺𑀕𑀴𑁄 𑀦𑁂𑀕𑀴𑀺𑀓𑁄, 𑀬𑀲𑁆𑀲 𑀦𑀺𑀕𑀴𑁄 𑀲𑁄 𑀦𑁂𑀕𑀴𑀺𑀓𑁄, 𑀅𑀜𑁆𑀜𑁄 𑀦𑀺𑀕𑀴𑁄 𑀅𑀜𑁆𑀜𑁄 𑀦𑁂𑀕𑀴𑀺𑀓𑁄, 𑀏𑀯𑀫𑁂𑀯𑀁 𑀦 𑀭𑀽𑀧𑀁 𑀭𑀽𑀧𑀯𑀸, 𑀬𑀲𑁆𑀲 𑀭𑀽𑀧𑀁 𑀲𑁄 𑀭𑀽𑀧𑀯𑀸, 𑀅𑀜𑁆𑀜𑀁 𑀭𑀽𑀧𑀁 𑀅𑀜𑁆𑀜𑁄 𑀭𑀽𑀧𑀯𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁧𑁬. 𑀘𑀺𑀢𑁆𑀢𑁂 ¶ 𑀘𑀺𑀢𑁆𑀢𑁂 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀜𑀢𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀺𑀢𑁆𑀢𑁂 ¶ 𑀘𑀺𑀢𑁆𑀢𑁂 𑀧𑀼𑀕𑁆𑀕𑀮𑁄 𑀚𑀸𑀬𑀢𑀺 𑀚𑀻𑀬𑀢𑀺 𑀫𑀻𑀬𑀢𑀺 𑀘𑀯𑀢𑀺 𑀉𑀧𑀧𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸𑀢𑀺? 𑀆𑀫𑀦𑁆𑀢𑀸 ¶ . 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑀓𑀼𑀫𑀸𑀭𑀓𑁄𑀢𑀺 𑀯𑀸 𑀓𑀼𑀫𑀸𑀭𑀺𑀓𑀸𑀢𑀺 𑀯𑀸𑀢𑀺? 𑀯𑀢𑁆𑀢𑀩𑁆𑀩𑀁.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘𑀓𑀼𑀫𑀸𑀭𑀓𑁄𑀢𑀺 𑀯𑀸 𑀓𑀼𑀫𑀸𑀭𑀺𑀓𑀸𑀢𑀺 𑀯𑀸’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸, 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 𑀓𑀼𑀫𑀸𑀭𑀓𑁄𑀢𑀺 𑀯𑀸 𑀓𑀼𑀫𑀸𑀭𑀺𑀓𑀸𑀢𑀺 𑀯𑀸’’’𑀢𑀺 𑀫𑀺𑀘𑁆𑀙𑀸.

𑀳𑀜𑁆𑀘𑀺 𑀯𑀸 𑀧𑀦 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀓𑀼𑀫𑀸𑀭𑀓𑁄𑀢𑀺 𑀯𑀸 𑀓𑀼𑀫𑀸𑀭𑀺𑀓𑀸’’𑀢𑀺 𑀯𑀸, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸, 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 𑀓𑀼𑀫𑀸𑀭𑀓𑁄𑀢𑀺 𑀯𑀸 𑀓𑀼𑀫𑀸𑀭𑀺𑀓𑀸𑀢𑀺 𑀯𑀸’’’𑀢𑀺 𑀫𑀺𑀘𑁆𑀙𑀸.

𑁧𑁧𑁭. 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸’’𑀢𑀺? 𑀆𑀫𑀦𑁆𑀢𑀸. 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀇𑀢𑁆𑀣𑀻𑀢𑀺 𑀯𑀸 𑀧𑀼𑀭𑀺𑀲𑁄𑀢𑀺 𑀯𑀸 𑀕𑀳𑀝𑁆𑀞𑁄𑀢𑀺 𑀯𑀸 𑀧𑀩𑁆𑀩𑀚𑀺𑀢𑁄𑀢𑀺 𑀯𑀸 𑀤𑁂𑀯𑁄𑀢𑀺 𑀯𑀸 𑀫𑀦𑀼𑀲𑁆𑀲𑁄𑀢𑀺 𑀯𑀸’’𑀢𑀺? 𑀯𑀢𑁆𑀢𑀩𑁆𑀩𑀁.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 ¶ 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 ‘𑀤𑁂𑀯𑁄𑀢𑀺 𑀯𑀸 𑀫𑀦𑀼𑀲𑁆𑀲𑁄𑀢𑀺 𑀯𑀸’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸, 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 𑀤𑁂𑀯𑁄𑀢𑀺 𑀯𑀸 𑀫𑀦𑀼𑀲𑁆𑀲𑁄𑀢𑀺 𑀯𑀸’’’𑀢𑀺 𑀫𑀺𑀘𑁆𑀙𑀸.

𑀳𑀜𑁆𑀘𑀺 𑀯𑀸 𑀧𑀦 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘‘𑀤𑁂𑀯𑁄𑀢𑀺 𑀯𑀸 𑀫𑀦𑀼𑀲𑁆𑀲𑁄𑀢𑀺 𑀯𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 ‘𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸’’’𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀦 𑀯𑀢𑁆𑀢𑀩𑁆𑀩𑀁 𑁋 𑀲𑁄𑀢𑀺 𑀯𑀸 𑀅𑀜𑁆𑀜𑁄𑀢𑀺 𑀯𑀸, 𑀤𑀼𑀢𑀺𑀬𑁂 𑀘𑀺𑀢𑁆𑀢𑁂 𑀉𑀧𑁆𑀧𑀦𑁆𑀦𑁂 𑀯𑀢𑁆𑀢𑀩𑁆𑀩𑀁 𑁋 𑀤𑁂𑀯𑁄𑀢𑀺 𑀯𑀸 𑀫𑀦𑀼𑀲𑁆𑀲𑁄𑀢𑀺 𑀯𑀸’’’𑀢𑀺 𑀫𑀺𑀘𑁆𑀙𑀸…𑀧𑁂….

𑁧𑁧𑁮. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀬𑁄 𑀧𑀲𑁆𑀲𑀢𑀺 𑀬𑀁 𑀧𑀲𑁆𑀲𑀢𑀺 𑀬𑁂𑀦 𑀧𑀲𑁆𑀲𑀢𑀺, 𑀲𑁄 𑀧𑀲𑁆𑀲𑀢𑀺 𑀢𑀁 𑀧𑀲𑁆𑀲𑀢𑀺 𑀢𑁂𑀦 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀬𑁄 𑀧𑀲𑁆𑀲𑀢𑀺 𑀬𑀁 𑀧𑀲𑁆𑀲𑀢𑀺 𑀬𑁂𑀦 𑀧𑀲𑁆𑀲𑀢𑀺, 𑀲𑁄 𑀧𑀲𑁆𑀲𑀢𑀺 𑀢𑀁 𑀧𑀲𑁆𑀲𑀢𑀺 𑀢𑁂𑀦 𑀧𑀲𑁆𑀲𑀢𑀺; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁧𑁯. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀬𑁄 𑀲𑀼𑀡𑀸𑀢𑀺…𑀧𑁂… 𑀬𑁄 𑀖𑀸𑀬𑀢𑀺… 𑀬𑁄 𑀲𑀸𑀬𑀢𑀺… 𑀬𑁄 𑀨𑀼𑀲𑀢𑀺… 𑀬𑁄 𑀯𑀺𑀚𑀸𑀦𑀸𑀢𑀺 𑀬𑀁 𑀯𑀺𑀚𑀸𑀦𑀸𑀢𑀺 𑀬𑁂𑀦 𑀯𑀺𑀚𑀸𑀦𑀸𑀢𑀺, 𑀲𑁄 𑀯𑀺𑀚𑀸𑀦𑀸𑀢𑀺 𑀢𑀁 𑀯𑀺𑀚𑀸𑀦𑀸𑀢𑀺 𑀢𑁂𑀦 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀬𑁄 𑀯𑀺𑀚𑀸𑀦𑀸𑀢𑀺 𑀬𑀁 𑀯𑀺𑀚𑀸𑀦𑀸𑀢𑀺 𑀬𑁂𑀦 𑀯𑀺𑀚𑀸𑀦𑀸𑀢𑀺, 𑀲𑁄 𑀯𑀺𑀚𑀸𑀦𑀸𑀢𑀺 𑀢𑀁 𑀯𑀺𑀚𑀸𑀦𑀸𑀢𑀺 𑀢𑁂𑀦 𑀯𑀺𑀚𑀸𑀦𑀸𑀢𑀺; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 ¶ 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁨𑁦. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀬𑁄 𑀦 𑀧𑀲𑁆𑀲𑀢𑀺 𑀬𑀁 𑀦 𑀧𑀲𑁆𑀲𑀢𑀺 𑀬𑁂𑀦 𑀦 𑀧𑀲𑁆𑀲𑀢𑀺, 𑀲𑁄 𑀦 𑀧𑀲𑁆𑀲𑀢𑀺 𑀢𑀁 𑀦 𑀧𑀲𑁆𑀲𑀢𑀺 𑀢𑁂𑀦 𑀦 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀬𑁄 𑀦 𑀧𑀲𑁆𑀲𑀢𑀺 𑀬𑀁 𑀦 𑀧𑀲𑁆𑀲𑀢𑀺 𑀬𑁂𑀦 𑀦 𑀧𑀲𑁆𑀲𑀢𑀺, 𑀲𑁄 𑀦 𑀧𑀲𑁆𑀲𑀢𑀺 𑀢𑀁 𑀦 𑀧𑀲𑁆𑀲𑀢𑀺 𑀢𑁂𑀦 𑀦 𑀧𑀲𑁆𑀲𑀢𑀺; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀬𑁄 𑀦 𑀲𑀼𑀡𑀸𑀢𑀺…𑀧𑁂… 𑀬𑁄 ¶ 𑀦 𑀖𑀸𑀬𑀢𑀺… 𑀬𑁄 𑀦 𑀲𑀸𑀬𑀢𑀺… 𑀬𑁄 𑀦 𑀨𑀼𑀲𑀢𑀺… 𑀬𑁄 𑀦 𑀯𑀺𑀚𑀸𑀦𑀸𑀢𑀺 𑀬𑀁 𑀦 𑀯𑀺𑀚𑀸𑀦𑀸𑀢𑀺 𑀬𑁂𑀦 𑀦 𑀯𑀺𑀚𑀸𑀦𑀸𑀢𑀺, 𑀲𑁄 𑀦 𑀯𑀺𑀚𑀸𑀦𑀸𑀢𑀺 𑀢𑀁 𑀦 𑀯𑀺𑀚𑀸𑀦𑀸𑀢𑀺 𑀢𑁂𑀦 𑀦 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀬𑁄 𑀦 𑀯𑀺𑀚𑀸𑀦𑀸𑀢𑀺 𑀬𑀁 𑀦 𑀯𑀺𑀚𑀸𑀦𑀸𑀢𑀺 𑀬𑁂𑀦 𑀦 𑀯𑀺𑀚𑀸𑀦𑀸𑀢𑀺, 𑀲𑁄 𑀦 𑀯𑀺𑀚𑀸𑀦𑀸𑀢𑀺 𑀢𑀁 𑀦 𑀯𑀺𑀚𑀸𑀦𑀸𑀢𑀺 𑀢𑁂𑀦 𑀦 𑀯𑀺𑀚𑀸𑀦𑀸𑀢𑀺; 𑀦𑁄 𑀘 𑀯𑀢 𑀭𑁂 ¶ 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁨𑁧. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀲𑁆𑀲𑀸𑀫𑀳𑀁, 𑀪𑀺𑀓𑁆𑀔𑀯𑁂, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀲𑀢𑁆𑀢𑁂 𑀘𑀯𑀫𑀸𑀦𑁂 𑀉𑀧𑀧𑀚𑁆𑀚𑀫𑀸𑀦𑁂 𑀳𑀻𑀦𑁂 𑀧𑀡𑀻𑀢𑁂 𑀲𑀼𑀯𑀡𑁆𑀡𑁂 𑀤𑀼𑀩𑁆𑀩𑀡𑁆𑀡𑁂, 𑀲𑀼𑀕𑀢𑁂 𑀤𑀼𑀕𑁆𑀕𑀢𑁂 𑀬𑀣𑀸𑀓𑀫𑁆𑀫𑀽𑀧𑀕𑁂 𑀲𑀢𑁆𑀢𑁂 𑀧𑀚𑀸𑀦𑀸𑀫𑀻’’𑀢𑀺 [𑀫. 𑀦𑀺. 𑁧.𑁨𑁧𑁩 𑀣𑁄𑀓𑀁 𑀯𑀺𑀲𑀤𑀺𑀲𑀁]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺.

𑁧𑁨𑁨. 𑀯𑀼𑀢𑁆𑀢𑀁 ¶ 𑀪𑀕𑀯𑀢𑀸 𑁋 ‘‘𑀧𑀲𑁆𑀲𑀸𑀫𑀳𑀁, 𑀪𑀺𑀓𑁆𑀔𑀯𑁂, 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀲𑀢𑁆𑀢𑁂 𑀘𑀯𑀫𑀸𑀦𑁂 𑀉𑀧𑀧𑀚𑁆𑀚𑀫𑀸𑀦𑁂 ¶ 𑀳𑀻𑀦𑁂 𑀧𑀡𑀻𑀢𑁂 𑀲𑀼𑀯𑀡𑁆𑀡𑁂 𑀤𑀼𑀩𑁆𑀩𑀡𑁆𑀡𑁂, 𑀲𑀼𑀕𑀢𑁂 𑀤𑀼𑀕𑁆𑀕𑀢𑁂 𑀬𑀣𑀸𑀓𑀫𑁆𑀫𑀽𑀧𑀕𑁂 𑀲𑀢𑁆𑀢𑁂 𑀧𑀚𑀸𑀦𑀸𑀫𑀻’’𑀢𑀺 𑀓𑀢𑁆𑀯𑀸 𑀢𑁂𑀦𑁂𑀯 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀪𑀕𑀯𑀸 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀭𑀽𑀧𑀁 𑀧𑀲𑁆𑀲𑀢𑀺 𑀧𑀼𑀕𑁆𑀕𑀮𑀁 𑀧𑀲𑁆𑀲𑀢𑀻𑀢𑀺? 𑀭𑀽𑀧𑀁 𑀧𑀲𑁆𑀲𑀢𑀺. 𑀭𑀽𑀧𑀁 𑀧𑀼𑀕𑁆𑀕𑀮𑁄, 𑀭𑀽𑀧𑀁 𑀘𑀯𑀢𑀺, 𑀭𑀽𑀧𑀁 𑀉𑀧𑀧𑀚𑁆𑀚𑀢𑀺, 𑀭𑀽𑀧𑀁 𑀬𑀣𑀸𑀓𑀫𑁆𑀫𑀽𑀧𑀕𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀪𑀕𑀯𑀸 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀭𑀽𑀧𑀁 𑀧𑀲𑁆𑀲𑀢𑀺 𑀧𑀼𑀕𑁆𑀕𑀮𑀁 𑀧𑀲𑁆𑀲𑀢𑀻𑀢𑀺? 𑀧𑀼𑀕𑁆𑀕𑀮𑀁 𑀧𑀲𑁆𑀲𑀢𑀺. 𑀧𑀼𑀕𑁆𑀕𑀮𑁄 𑀭𑀽𑀧𑀁 𑀭𑀽𑀧𑀸𑀬𑀢𑀦𑀁 𑀭𑀽𑀧𑀥𑀸𑀢𑀼 𑀦𑀻𑀮𑀁 𑀧𑀻𑀢𑀓𑀁 𑀮𑁄𑀳𑀺𑀢𑀓𑀁 𑀑𑀤𑀸𑀢𑀁 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀁 𑀘𑀓𑁆𑀔𑀼𑀲𑁆𑀫𑀺𑀁 𑀧𑀝𑀺𑀳𑀜𑁆𑀜𑀢𑀺, 𑀘𑀓𑁆𑀔𑀼𑀲𑁆𑀲 𑀆𑀧𑀸𑀣𑀁 𑀆𑀕𑀘𑁆𑀙𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀪𑀕𑀯𑀸 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀭𑀽𑀧𑀁 𑀧𑀲𑁆𑀲𑀢𑀺 𑀧𑀼𑀕𑁆𑀕𑀮𑀁 𑀧𑀲𑁆𑀲𑀢𑀻𑀢𑀺? 𑀉𑀪𑁄 𑀧𑀲𑁆𑀲𑀢𑀺. 𑀉𑀪𑁄 𑀭𑀽𑀧𑀁 𑀭𑀽𑀧𑀸𑀬𑀢𑀦𑀁 𑀭𑀽𑀧𑀥𑀸𑀢𑀼, 𑀉𑀪𑁄 𑀦𑀻𑀮𑀸, 𑀉𑀪𑁄 𑀧𑀻𑀢𑀓𑀸, 𑀉𑀪𑁄 𑀮𑁄𑀳𑀺𑀢𑀓𑀸, 𑀉𑀪𑁄 𑀑𑀤𑀸𑀢𑀸, 𑀉𑀪𑁄 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸, 𑀉𑀪𑁄 ¶ 𑀘𑀓𑁆𑀔𑀼𑀲𑁆𑀫𑀺𑀁 𑀧𑀝𑀺𑀳𑀜𑁆𑀜𑀦𑁆𑀢𑀺, 𑀉𑀪𑁄 ¶ 𑀘𑀓𑁆𑀔𑀼𑀲𑁆𑀲 𑀆𑀧𑀸𑀣𑀁 𑀆𑀕𑀘𑁆𑀙𑀦𑁆𑀢𑀺, 𑀉𑀪𑁄 𑀘𑀯𑀦𑁆𑀢𑀺, 𑀉𑀪𑁄 𑀉𑀧𑀧𑀚𑁆𑀚𑀦𑁆𑀢𑀺, 𑀉𑀪𑁄 𑀬𑀣𑀸𑀓𑀫𑁆𑀫𑀽𑀧𑀕𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀉𑀧𑀸𑀤𑀸𑀧𑀜𑁆𑀜𑀢𑁆𑀢𑀸𑀦𑀼𑀬𑁄𑀕𑁄.

𑁧𑁩. 𑀧𑀼𑀭𑀺𑀲𑀓𑀸𑀭𑀸𑀦𑀼𑀬𑁄𑀕𑁄

𑁧𑁨𑁩. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁪. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 ¶ 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁫. 𑀢𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁬. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 ¶ 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁭. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁮. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 ¶ 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀳𑀸𑀧𑀣𑀯𑀺𑀬𑀸 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁨𑁯. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀳𑀸𑀲𑀫𑀼𑀤𑁆𑀤𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁦. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺, 𑀲𑀺𑀦𑁂𑀭𑀼𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁧. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁨. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀚𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀢𑁂𑀚𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁩. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀯𑀸𑀬𑀲𑁆𑀲 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁪. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺 ¶ , 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 ¶ 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁫. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 ¶ 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀸𑀦𑀺 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀅𑀜𑁆𑀜𑁄 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁬. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 ¶ 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁭. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁮. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁩𑁯. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁦. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁧. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 ¶ 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺… 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑁂𑀚𑁄 ¶ 𑀉𑀧𑀮𑀩𑁆𑀪𑀢𑀻𑀢𑀺… 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁨. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 ¶ 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 ¶ 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑁄, 𑀅𑀜𑁆𑀜𑁄 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁩. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁪. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁫. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁬. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁭. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁮. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺… 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺… 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑁂𑀚𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁪𑁯. 𑀤𑀺𑀩𑁆𑀩𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀜𑁆𑀜𑀁 𑀤𑀺𑀩𑁆𑀩𑀁 𑀲𑀼𑀔𑀁, 𑀅𑀜𑁆𑀜𑁄 𑀤𑀺𑀩𑁆𑀩𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁦. 𑀫𑀸𑀦𑀼𑀲𑀓𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁧. 𑀫𑀸𑀦𑀼𑀲𑀓𑀁 ¶ 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁨. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁩. 𑀫𑀸𑀦𑀼𑀲𑀓𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 ¶ 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁪. 𑀫𑀸𑀦𑀼𑀲𑀓𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁫. 𑀫𑀸𑀦𑀼𑀲𑀓𑀁 ¶ 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺… 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑁂𑀚𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁬. 𑀫𑀸𑀦𑀼𑀲𑀓𑀁 𑀲𑀼𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀫𑀸𑀦𑀼𑀲𑀓𑀁 𑀲𑀼𑀔𑀁 𑀅𑀜𑁆𑀜𑁄 𑀫𑀸𑀦𑀼𑀲𑀓𑀲𑁆𑀲 𑀲𑀼𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁭. 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁮. 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁫𑁯. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁦. 𑀆𑀧𑀸𑀬𑀺𑀓𑀁 ¶ ¶ 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁧. 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁨. 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺… 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑁂𑀚𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁩. 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀆𑀧𑀸𑀬𑀺𑀓𑀁 𑀤𑀼𑀓𑁆𑀔𑀁, 𑀅𑀜𑁆𑀜𑁄 𑀆𑀧𑀸𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁪. 𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁫. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 ¶ 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁬. 𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁭. 𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 ¶ 𑀉𑀧𑀮𑀩𑁆𑀪𑀢𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁮. 𑀦𑁂𑀭𑀬𑀺𑀓𑀁 ¶ 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀉𑀧𑀮𑀩𑁆𑀪𑀢𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀉𑀧𑀮𑀩𑁆𑀪𑀢𑀻𑀢𑀺… 𑀆𑀧𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑁂𑀚𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀯𑀸𑀬𑁄 𑀉𑀧𑀮𑀩𑁆𑀪𑀢𑀻𑀢𑀺… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁬𑁯. 𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁 𑀉𑀧𑀮𑀩𑁆𑀪𑀢𑀻𑀢𑀺, 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀦𑁂𑀭𑀬𑀺𑀓𑀁 𑀤𑀼𑀓𑁆𑀔𑀁, 𑀅𑀜𑁆𑀜𑁄 𑀦𑁂𑀭𑀬𑀺𑀓𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁦. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄 𑀓𑀭𑁄𑀢𑀺 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁧. 𑀲𑁄 ¶ 𑀓𑀭𑁄𑀢𑀺 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀬𑀗𑁆𑀓𑀢𑀁 𑀲𑀼𑀔𑀤𑀼𑀓𑁆𑀔𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁨. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀓𑀭𑁄𑀢𑀺 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁩. 𑀅𑀜𑁆𑀜𑁄 𑀓𑀭𑁄𑀢𑀺 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀭𑀗𑁆𑀓𑀢𑀁 𑀲𑀼𑀔𑀤𑀼𑀓𑁆𑀔𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁪. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀲𑁄 𑀘 𑀅𑀜𑁆𑀜𑁄 𑀘 𑀓𑀭𑁄𑀦𑁆𑀢𑀺 𑀲𑁄 𑀘 𑀅𑀜𑁆𑀜𑁄 𑀘 𑀧𑀝𑀺𑀲𑀁𑀯𑁂𑀤𑁂𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁫. 𑀲𑁄 𑀘 𑀅𑀜𑁆𑀜𑁄 𑀘 𑀓𑀭𑁄𑀦𑁆𑀢𑀺, 𑀲𑁄 𑀘 𑀅𑀜𑁆𑀜𑁄 𑀘 𑀧𑀝𑀺𑀲𑀁𑀯𑁂𑀤𑁂𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀬𑀗𑁆𑀓𑀢𑀜𑁆𑀘 𑀧𑀭𑀗𑁆𑀓𑀢𑀜𑁆𑀘 𑀲𑀼𑀔𑀤𑀼𑀓𑁆𑀔𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁬. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑁂𑀯 𑀲𑁄 ¶ 𑀓𑀭𑁄𑀢𑀺 𑀦 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀦 𑀅𑀜𑁆𑀜𑁄 𑀓𑀭𑁄𑀢𑀺 𑀦 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁭. 𑀦𑁂𑀯 ¶ 𑀲𑁄 𑀓𑀭𑁄𑀢𑀺 𑀦 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀦 𑀅𑀜𑁆𑀜𑁄 𑀓𑀭𑁄𑀢𑀺 𑀦 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀲𑀬𑀗𑁆𑀓𑀸𑀭𑀁 𑀅𑀧𑀭𑀗𑁆𑀓𑀸𑀭𑀁 𑀅𑀥𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀁 𑀲𑀼𑀔𑀤𑀼𑀓𑁆𑀔𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁮. 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀺 ¶ 𑀓𑀫𑁆𑀫𑀸𑀦𑀺 𑀉𑀧𑀮𑀩𑁆𑀪𑀦𑁆𑀢𑀻𑀢𑀺, 𑀓𑀮𑁆𑀬𑀸𑀡𑀧𑀸𑀧𑀓𑀸𑀦𑀁 𑀓𑀫𑁆𑀫𑀸𑀦𑀁 𑀓𑀢𑁆𑀢𑀸 𑀓𑀸𑀭𑁂𑀢𑀸 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀉𑀧𑀮𑀩𑁆𑀪𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄 𑀓𑀭𑁄𑀢𑀺 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀅𑀜𑁆𑀜𑁄 𑀓𑀭𑁄𑀢𑀺 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀲𑁄 𑀘 𑀅𑀜𑁆𑀜𑁄 𑀘 𑀓𑀭𑁄𑀦𑁆𑀢𑀺 𑀲𑁄 𑀘 𑀅𑀜𑁆𑀜𑁄 𑀘 𑀧𑀝𑀺𑀲𑀁𑀯𑁂𑀤𑁂𑀦𑁆𑀢𑀺, 𑀦𑁂𑀯 𑀲𑁄 𑀓𑀭𑁄𑀢𑀺 𑀦 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀦 𑀅𑀜𑁆𑀜𑁄 𑀓𑀭𑁄𑀢𑀺 𑀦 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁭𑁯. 𑀲𑁄 𑀓𑀭𑁄𑀢𑀺 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀅𑀜𑁆𑀜𑁄 𑀓𑀭𑁄𑀢𑀺 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀲𑁄 𑀘 𑀅𑀜𑁆𑀜𑁄 𑀘 𑀓𑀭𑁄𑀦𑁆𑀢𑀺 𑀲𑁄 𑀘 𑀅𑀜𑁆𑀜𑁄 𑀘 𑀧𑀝𑀺𑀲𑀁𑀯𑁂𑀤𑁂𑀦𑁆𑀢𑀺, 𑀦𑁂𑀯 𑀲𑁄 𑀓𑀭𑁄𑀢𑀺 𑀦 𑀲𑁄 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀦 𑀅𑀜𑁆𑀜𑁄 𑀓𑀭𑁄𑀢𑀺 𑀦 𑀅𑀜𑁆𑀜𑁄 𑀧𑀝𑀺𑀲𑀁𑀯𑁂𑀤𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀬𑀗𑁆𑀓𑀢𑀁 𑀲𑀼𑀔𑀤𑀼𑀓𑁆𑀔𑀁, 𑀧𑀭𑀗𑁆𑀓𑀢𑀁 𑀲𑀼𑀔𑀤𑀼𑀓𑁆𑀔𑀁, 𑀲𑀬𑀗𑁆𑀓𑀢𑀜𑁆𑀘 𑀧𑀭𑀗𑁆𑀓𑀢𑀜𑁆𑀘 𑀲𑀼𑀔𑀤𑀼𑀓𑁆𑀔𑀁, 𑀅𑀲𑀬𑀗𑁆𑀓𑀸𑀭𑀁 𑀅𑀧𑀭𑀗𑁆𑀓𑀸𑀭𑀁 𑀅𑀥𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑀁 𑀲𑀼𑀔𑀤𑀼𑀓𑁆𑀔𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁦. 𑀓𑀫𑁆𑀫𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁧. 𑀓𑀫𑁆𑀫𑀁 𑀅𑀢𑁆𑀣𑀻𑀢𑀺, 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁨. 𑀢𑀲𑁆𑀲 𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁩. 𑀓𑀫𑁆𑀫𑀁 𑀅𑀢𑁆𑀣𑀻𑀢𑀺, 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁪. 𑀓𑀫𑁆𑀫𑀁 ¶ ¶ 𑀅𑀢𑁆𑀣𑀻𑀢𑀺, 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 ¶ 𑀅𑀢𑁆𑀣𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁫. 𑀓𑀫𑁆𑀫𑀁 𑀅𑀢𑁆𑀣𑀻𑀢𑀺, 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀅𑀢𑁆𑀣𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀅𑀢𑁆𑀣𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀅𑀢𑁆𑀣𑀻𑀢𑀺… 𑀆𑀧𑁄 𑀅𑀢𑁆𑀣𑀻𑀢𑀺… 𑀢𑁂𑀚𑁄 𑀅𑀢𑁆𑀣𑀻𑀢𑀺… 𑀯𑀸𑀬𑁄 𑀅𑀢𑁆𑀣𑀻𑀢𑀺… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 𑀅𑀢𑁆𑀣𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁬. 𑀓𑀫𑁆𑀫𑀁 𑀅𑀢𑁆𑀣𑀻𑀢𑀺, 𑀓𑀫𑁆𑀫𑀓𑀸𑀭𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀓𑀫𑁆𑀫𑀁, 𑀅𑀜𑁆𑀜𑁄 𑀓𑀫𑁆𑀫𑀓𑀸𑀭𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁭. 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁮. 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺, 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁮𑁯. 𑀢𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀲𑁆𑀲 𑀢𑀲𑁆𑀲𑁂𑀯 𑀦𑀢𑁆𑀣𑀺 𑀤𑀼𑀓𑁆𑀔𑀲𑁆𑀲 𑀅𑀦𑁆𑀢𑀓𑀺𑀭𑀺𑀬𑀸, 𑀦𑀢𑁆𑀣𑀺 𑀯𑀝𑁆𑀝𑀼𑀧𑀘𑁆𑀙𑁂𑀤𑁄, 𑀦𑀢𑁆𑀣𑀺 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺, 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀅𑀢𑁆𑀣𑀻𑀢𑀺, 𑀧𑀼𑀕𑁆𑀕𑀮𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁯𑁦. 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺, 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀻𑀢𑀺, 𑀦𑀺𑀩𑁆𑀩𑀸𑀦𑀲𑁆𑀲 𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁯𑁧. 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺, 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀫𑀳𑀸𑀧𑀣𑀯𑀻 𑀅𑀢𑁆𑀣𑀻𑀢𑀺…𑀧𑁂… 𑀫𑀳𑀸𑀲𑀫𑀼𑀤𑁆𑀤𑁄 𑀅𑀢𑁆𑀣𑀻𑀢𑀺… 𑀲𑀺𑀦𑁂𑀭𑀼𑀧𑀩𑁆𑀩𑀢𑀭𑀸𑀚𑀸 𑀅𑀢𑁆𑀣𑀻𑀢𑀺… 𑀆𑀧𑁄 𑀅𑀢𑁆𑀣𑀻𑀢𑀺… 𑀢𑁂𑀚𑁄 ¶ 𑀅𑀢𑁆𑀣𑀻𑀢𑀺… 𑀯𑀸𑀬𑁄 𑀅𑀢𑁆𑀣𑀻𑀢𑀺… 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀬𑁄 ¶ 𑀅𑀢𑁆𑀣𑀻𑀢𑀺, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁯𑁨. 𑀯𑀺𑀧𑀸𑀓𑁄 𑀅𑀢𑁆𑀣𑀻𑀢𑀺, 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀯𑀺𑀧𑀸𑀓𑁄, 𑀅𑀜𑁆𑀜𑁄 𑀯𑀺𑀧𑀸𑀓𑀧𑀝𑀺𑀲𑀁𑀯𑁂𑀤𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁)

𑀧𑀼𑀭𑀺𑀲𑀓𑀸𑀭𑀸𑀦𑀼𑀬𑁄𑀕𑁄.

𑀓𑀮𑁆𑀬𑀸𑀡𑀯𑀕𑁆𑀕𑁄 𑀧𑀞𑀫𑁄.

𑁧𑁪. 𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑁄

𑁧𑁯𑁩. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁯𑁪. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺…𑀧𑁂… 𑀧𑀭𑀘𑀺𑀢𑁆𑀢𑀁 𑀯𑀺𑀚𑀸𑀦𑀸𑀢𑀺… 𑀧𑀼𑀩𑁆𑀩𑁂𑀦𑀺𑀯𑀸𑀲𑀁 𑀅𑀦𑀼𑀲𑁆𑀲𑀭𑀢𑀺… 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺… 𑀆𑀲𑀯𑀸𑀦𑀁 𑀔𑀬𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀆𑀲𑀯𑀸𑀦𑀁 𑀔𑀬𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁯𑁫. 𑀅𑀢𑁆𑀣𑀺 𑀓𑁄𑀘𑀺 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 𑀇𑀤𑁆𑀥𑀺𑀁 𑀯𑀺𑀓𑀼𑀩𑁆𑀩𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄? 𑀬𑁄 𑀇𑀤𑁆𑀥𑀺𑀁 𑀦 𑀯𑀺𑀓𑀼𑀩𑁆𑀩𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁯𑁬. 𑀬𑁄 𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀺…𑀧𑁂… 𑀬𑁄 𑀧𑀭𑀘𑀺𑀢𑁆𑀢𑀁 𑀯𑀺𑀚𑀸𑀦𑀸𑀢𑀺… 𑀬𑁄 ¶ 𑀧𑀼𑀩𑁆𑀩𑁂𑀦𑀺𑀯𑀸𑀲𑀁 𑀅𑀦𑀼𑀲𑁆𑀲𑀭𑀢𑀺… 𑀬𑁄 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺… 𑀬𑁄 𑀆𑀲𑀯𑀸𑀦𑀁 ¶ 𑀔𑀬𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄? 𑀬𑁄 𑀆𑀲𑀯𑀸𑀦𑀁 𑀔𑀬𑀁 𑀦 𑀲𑀘𑁆𑀙𑀺𑀓𑀭𑁄𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑁄.

𑁧𑁫-𑁧𑁮. 𑀜𑀸𑀢𑀓𑀸𑀦𑀼𑀬𑁄𑀕𑀸𑀤𑀺

𑁧𑁯𑁭. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀫𑀸𑀢𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀫𑀸𑀢𑀸 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁯𑁮. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀧𑀺𑀢𑀸 𑀅𑀢𑁆𑀣𑀺…𑀧𑁂… 𑀪𑀸𑀢𑀸 𑀅𑀢𑁆𑀣𑀺… 𑀪𑀕𑀺𑀦𑀻 𑀅𑀢𑁆𑀣𑀺… 𑀔𑀢𑁆𑀢𑀺𑀬𑁄 𑀅𑀢𑁆𑀣𑀺 ¶ … 𑀩𑁆𑀭𑀸𑀳𑁆𑀫𑀡𑁄 𑀅𑀢𑁆𑀣𑀺… 𑀯𑁂𑀲𑁆𑀲𑁄 𑀅𑀢𑁆𑀣𑀺… 𑀲𑀼𑀤𑁆𑀤𑁄 𑀅𑀢𑁆𑀣𑀺… 𑀕𑀳𑀝𑁆𑀞𑁄 𑀅𑀢𑁆𑀣𑀺… 𑀧𑀩𑁆𑀩𑀚𑀺𑀢𑁄 𑀅𑀢𑁆𑀣𑀺… 𑀤𑁂𑀯𑁄 𑀅𑀢𑁆𑀣𑀺… 𑀫𑀦𑀼𑀲𑁆𑀲𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀫𑀦𑀼𑀲𑁆𑀲𑁄 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁧𑁯𑁯. 𑀫𑀸𑀢𑀸 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀦 𑀫𑀸𑀢𑀸 𑀳𑀼𑀢𑁆𑀯𑀸 𑀫𑀸𑀢𑀸 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀦 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑁆𑀣𑀺 𑀓𑁄𑀘𑀺 𑀦 𑀧𑀺𑀢𑀸 𑀳𑀼𑀢𑁆𑀯𑀸…𑀧𑁂… 𑀦 𑀪𑀸𑀢𑀸 𑀳𑀼𑀢𑁆𑀯𑀸… 𑀦 𑀪𑀕𑀺𑀦𑀻 𑀳𑀼𑀢𑁆𑀯𑀸… 𑀦 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸… 𑀦 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸… 𑀦 𑀯𑁂𑀲𑁆𑀲𑁄 𑀳𑀼𑀢𑁆𑀯𑀸… 𑀦 𑀲𑀼𑀤𑁆𑀤𑁄 𑀳𑀼𑀢𑁆𑀯𑀸… 𑀦 𑀕𑀳𑀝𑁆𑀞𑁄 𑀳𑀼𑀢𑁆𑀯𑀸… 𑀦 𑀧𑀩𑁆𑀩𑀚𑀺𑀢𑁄 𑀳𑀼𑀢𑁆𑀯𑀸… 𑀦 𑀤𑁂𑀯𑁄 𑀳𑀼𑀢𑁆𑀯𑀸… 𑀦 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀫𑀦𑀼𑀲𑁆𑀲𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 ¶ 𑀓𑁄𑀘𑀺 𑀦 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁦𑁦. 𑀫𑀸𑀢𑀸 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺 ¶ ? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀫𑀸𑀢𑀸 𑀳𑀼𑀢𑁆𑀯𑀸 𑀦 𑀫𑀸𑀢𑀸 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀦 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀓𑁄𑀘𑀺 𑀧𑀺𑀢𑀸 𑀳𑀼𑀢𑁆𑀯𑀸… 𑀪𑀸𑀢𑀸 𑀳𑀼𑀢𑁆𑀯𑀸… 𑀪𑀕𑀺𑀦𑀻 𑀳𑀼𑀢𑁆𑀯𑀸… 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸… 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸… 𑀯𑁂𑀲𑁆𑀲𑁄 𑀳𑀼𑀢𑁆𑀯𑀸… 𑀲𑀼𑀤𑁆𑀤𑁄 𑀳𑀼𑀢𑁆𑀯𑀸… 𑀕𑀳𑀝𑁆𑀞𑁄 𑀳𑀼𑀢𑁆𑀯𑀸… 𑀧𑀩𑁆𑀩𑀚𑀺𑀢𑁄 𑀳𑀼𑀢𑁆𑀯𑀸… 𑀤𑁂𑀯𑁄 𑀳𑀼𑀢𑁆𑀯𑀸… 𑀫𑀦𑀼𑀲𑁆𑀲𑁄 𑀳𑀼𑀢𑁆𑀯𑀸 𑀦 𑀫𑀦𑀼𑀲𑁆𑀲𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀦 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁧𑁯. 𑀧𑀝𑀺𑀯𑁂𑀥𑀸𑀦𑀼𑀬𑁄𑀕𑁄

𑁨𑁦𑁧. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀲𑁄𑀢𑀸𑀧𑀦𑁆𑀦𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀲𑁄𑀢𑀸𑀧𑀦𑁆𑀦𑁄 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁦𑁨. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀲𑀓𑀤𑀸𑀕𑀸𑀫𑀻 𑀅𑀢𑁆𑀣𑀺…𑀧𑁂… 𑀅𑀦𑀸𑀕𑀸𑀫𑀻 𑀅𑀢𑁆𑀣𑀺… 𑀅𑀭𑀳𑀸 𑀅𑀢𑁆𑀣𑀺… 𑀉𑀪𑀢𑁄𑀪𑀸𑀕𑀯𑀺𑀫𑀼𑀢𑁆𑀢𑁄 𑀅𑀢𑁆𑀣𑀺… 𑀧𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀅𑀢𑁆𑀣𑀺… 𑀓𑀸𑀬𑀲𑀓𑁆𑀔𑀺 [𑀓𑀸𑀬𑀲𑀓𑁆𑀔𑀻 (𑀲𑁆𑀬𑀸.)] 𑀅𑀢𑁆𑀣𑀺… 𑀤𑀺𑀝𑁆𑀞𑀺𑀧𑁆𑀧𑀢𑁆𑀢𑁄 ¶ 𑀅𑀢𑁆𑀣𑀺… 𑀲𑀤𑁆𑀥𑀸𑀯𑀺𑀫𑀼𑀢𑁆𑀢𑁄 𑀅𑀢𑁆𑀣𑀺… 𑀥𑀫𑁆𑀫𑀸𑀦𑀼𑀲𑀸𑀭𑀻 𑀅𑀢𑁆𑀣𑀺… 𑀲𑀤𑁆𑀥𑀸𑀦𑀼𑀲𑀸𑀭𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸.

𑀳𑀜𑁆𑀘𑀺 𑀲𑀤𑁆𑀥𑀸𑀦𑀼𑀲𑀸𑀭𑀻 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 ¶ 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁦𑁩. 𑀲𑁄𑀢𑀸𑀧𑀦𑁆𑀦𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀦 𑀲𑁄𑀢𑀸𑀧𑀦𑁆𑀦𑁄 𑀳𑀼𑀢𑁆𑀯𑀸 𑀲𑁄𑀢𑀸𑀧𑀦𑁆𑀦𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀦 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁦𑁪. 𑀅𑀢𑁆𑀣𑀺 𑀓𑁄𑀘𑀺 𑀦 𑀲𑀓𑀤𑀸𑀕𑀸𑀫𑀻 𑀳𑀼𑀢𑁆𑀯𑀸… 𑀦 𑀅𑀦𑀸𑀕𑀸𑀫𑀻 𑀳𑀼𑀢𑁆𑀯𑀸… 𑀦 𑀅𑀭𑀳𑀸 𑀳𑀼𑀢𑁆𑀯𑀸… 𑀦 𑀉𑀪𑀢𑁄𑀪𑀸𑀕𑀯𑀺𑀫𑀼𑀢𑁆𑀢𑁄 𑀳𑀼𑀢𑁆𑀯𑀸… 𑀦 𑀧𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀳𑀼𑀢𑁆𑀯𑀸… 𑀦 𑀓𑀸𑀬𑀲𑀓𑁆𑀔𑀺 𑀳𑀼𑀢𑁆𑀯𑀸… 𑀦 ¶ 𑀤𑀺𑀝𑁆𑀞𑀺𑀧𑁆𑀧𑀢𑁆𑀢𑁄 𑀳𑀼𑀢𑁆𑀯𑀸… 𑀦 𑀲𑀤𑁆𑀥𑀸𑀯𑀺𑀫𑀼𑀢𑁆𑀢𑁄 𑀳𑀼𑀢𑁆𑀯𑀸… 𑀦 𑀥𑀫𑁆𑀫𑀸𑀦𑀼𑀲𑀸𑀭𑀻 𑀳𑀼𑀢𑁆𑀯𑀸… 𑀦 𑀲𑀤𑁆𑀥𑀸𑀦𑀼𑀲𑀸𑀭𑀻 𑀳𑀼𑀢𑁆𑀯𑀸 𑀲𑀤𑁆𑀥𑀸𑀦𑀼𑀲𑀸𑀭𑀻 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀦 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁦𑁫. 𑀲𑁄𑀢𑀸𑀧𑀦𑁆𑀦𑁄 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀲𑁄𑀢𑀸𑀧𑀦𑁆𑀦𑁄 𑀳𑀼𑀢𑁆𑀯𑀸 𑀦 𑀲𑁄𑀢𑀸𑀧𑀦𑁆𑀦𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀦 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀓𑁄𑀘𑀺 𑀲𑀓𑀤𑀸𑀕𑀸𑀫𑀻 𑀳𑀼𑀢𑁆𑀯𑀸… 𑀅𑀦𑀸𑀕𑀸𑀫𑀻 𑀳𑀼𑀢𑁆𑀯𑀸 𑀦 𑀅𑀦𑀸𑀕𑀸𑀫𑀻 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑁄𑀘𑀺 𑀧𑀼𑀕𑁆𑀕𑀮𑁄 𑀳𑀼𑀢𑁆𑀯𑀸 𑀦 𑀧𑀼𑀕𑁆𑀕𑀮𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀝𑀺𑀯𑁂𑀥𑀸𑀦𑀼𑀬𑁄𑀕𑁄.

𑁨𑁦. 𑀲𑀗𑁆𑀖𑀸𑀦𑀼𑀬𑁄𑀕𑁄

𑁨𑁦𑁬. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑀬𑀼𑀕𑀸 𑀅𑀝𑁆𑀞 𑀧𑀼𑀭𑀺𑀲𑀧𑀼𑀕𑁆𑀕𑀮𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑀬𑀼𑀕𑀸 𑀅𑀝𑁆𑀞 𑀧𑀼𑀭𑀺𑀲𑀧𑀼𑀕𑁆𑀕𑀮𑀸 𑀅𑀢𑁆𑀣𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁦𑁭. 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑀬𑀼𑀕𑀸 𑀅𑀝𑁆𑀞 𑀧𑀼𑀭𑀺𑀲𑀧𑀼𑀕𑁆𑀕𑀮𑀸 𑀅𑀢𑁆𑀣𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀘𑀢𑁆𑀢𑀸𑀭𑁄 ¶ 𑀧𑀼𑀭𑀺𑀲𑀬𑀼𑀕𑀸 𑀅𑀝𑁆𑀞 𑀧𑀼𑀭𑀺𑀲𑀧𑀼𑀕𑁆𑀕𑀮𑀸 𑀩𑀼𑀤𑁆𑀥𑀧𑀸𑀢𑀼𑀪𑀸𑀯𑀸 𑀧𑀸𑀢𑀼𑀪𑀯𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀩𑀼𑀤𑁆𑀥𑀧𑀸𑀢𑀼𑀪𑀸𑀯𑀸 𑀧𑀸𑀢𑀼𑀪𑀯𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀕𑁆𑀕𑀮𑁄 𑀩𑀼𑀤𑁆𑀥𑀧𑀸𑀢𑀼𑀪𑀸𑀯𑀸 𑀧𑀸𑀢𑀼𑀪𑀯𑀢𑀻𑀢𑀺? 𑀆𑀫𑀦𑁆𑀢𑀸. 𑀩𑀼𑀤𑁆𑀥𑀲𑁆𑀲 𑀪𑀕𑀯𑀢𑁄 𑀧𑀭𑀺𑀦𑀺𑀩𑁆𑀩𑀼𑀢𑁂 𑀉𑀘𑁆𑀙𑀺𑀦𑁆𑀦𑁄 𑀧𑀼𑀕𑁆𑀕𑀮𑁄, 𑀦𑀢𑁆𑀣𑀺 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀗𑁆𑀖𑀸𑀦𑀼𑀬𑁄𑀕𑁄.

𑁨𑁧. 𑀲𑀘𑁆𑀘𑀺𑀓𑀝𑁆𑀞𑀲𑀪𑀸𑀕𑀸𑀦𑀼𑀬𑁄𑀕𑁄

𑁨𑁦𑁮. 𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀲𑀗𑁆𑀔𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀕𑁆𑀕𑀮𑁄 𑀅𑀲𑀗𑁆𑀔𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁦𑁯. 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀆𑀫𑀦𑁆𑀢𑀸 ¶ . 𑀲𑀗𑁆𑀔𑀢𑀜𑁆𑀘 𑀅𑀲𑀗𑁆𑀔𑀢𑀜𑁆𑀘 𑀞𑀧𑁂𑀢𑁆𑀯𑀸 𑀅𑀢𑁆𑀣𑀜𑁆𑀜𑀸 𑀢𑀢𑀺𑀬𑀸 𑀓𑁄𑀝𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁦. 𑀲𑀗𑁆𑀔𑀢𑀜𑁆𑀘 𑀅𑀲𑀗𑁆𑀔𑀢𑀜𑁆𑀘 𑀞𑀧𑁂𑀢𑁆𑀯𑀸 𑀅𑀢𑁆𑀣𑀜𑁆𑀜𑀸 𑀢𑀢𑀺𑀬𑀸 𑀓𑁄𑀝𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀤𑁆𑀯𑁂𑀫𑀸, 𑀪𑀺𑀓𑁆𑀔𑀯𑁂, 𑀥𑀸𑀢𑀼𑀬𑁄. 𑀓𑀢𑀫𑀸 𑀤𑁆𑀯𑁂? 𑀲𑀗𑁆𑀔𑀢𑀸 𑀘 𑀥𑀸𑀢𑀼 𑀅𑀲𑀗𑁆𑀔𑀢𑀸 𑀘 𑀥𑀸𑀢𑀼. 𑀇𑀫𑀸 𑀔𑁄, 𑀪𑀺𑀓𑁆𑀔𑀯𑁂, 𑀤𑁆𑀯𑁂 𑀥𑀸𑀢𑀼𑀬𑁄’’𑀢𑀺 [𑀫. 𑀦𑀺. 𑁧.𑁧𑁨𑁫, 𑀆𑀮𑀧𑀦𑀫𑀢𑁆𑀢𑀫𑁂𑀯 𑀦𑀸𑀦𑀁]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀗𑁆𑀔𑀢𑀜𑁆𑀘 𑀅𑀲𑀗𑁆𑀔𑀢𑀜𑁆𑀘 𑀞𑀧𑁂𑀢𑁆𑀯𑀸 𑀅𑀢𑁆𑀣𑀜𑁆𑀜𑀸 𑀢𑀢𑀺𑀬𑀸 𑀓𑁄𑀝𑀻’’𑀢𑀺.

𑁨𑁧𑁧. 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 ¶ 𑀲𑀗𑁆𑀔𑀢𑀁, 𑀅𑀜𑁆𑀜𑀁 𑀅𑀲𑀗𑁆𑀔𑀢𑀁, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁨. 𑀔𑀦𑁆𑀥𑀸 𑀲𑀗𑁆𑀔𑀢𑀸, 𑀦𑀺𑀩𑁆𑀩𑀸𑀦𑀁 𑀅𑀲𑀗𑁆𑀔𑀢𑀁, 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁂 𑀔𑀦𑁆𑀥𑀸, 𑀅𑀜𑁆𑀜𑀁 𑀦𑀺𑀩𑁆𑀩𑀸𑀦𑀁, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁩. 𑀭𑀽𑀧𑀁 𑀲𑀗𑁆𑀔𑀢𑀁, 𑀦𑀺𑀩𑁆𑀩𑀸𑀦𑀁 𑀅𑀲𑀗𑁆𑀔𑀢𑀁, 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀭𑀽𑀧𑀁, 𑀅𑀜𑁆𑀜𑀁 𑀦𑀺𑀩𑁆𑀩𑀸𑀦𑀁, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀯𑁂𑀤𑀦𑀸… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀲𑀗𑁆𑀔𑀢𑀁, 𑀦𑀺𑀩𑁆𑀩𑀸𑀦𑀁 𑀅𑀲𑀗𑁆𑀔𑀢𑀁, 𑀧𑀼𑀕𑁆𑀕𑀮𑁄 𑀦𑁂𑀯 𑀲𑀗𑁆𑀔𑀢𑁄 𑀦𑀸𑀲𑀗𑁆𑀔𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀁 𑀯𑀺𑀜𑁆𑀜𑀸𑀡𑀁, 𑀅𑀜𑁆𑀜𑀁 𑀦𑀺𑀩𑁆𑀩𑀸𑀦𑀁, 𑀅𑀜𑁆𑀜𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁪. 𑀧𑀼𑀕𑁆𑀕𑀮𑀲𑁆𑀲 ¶ 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺, 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀞𑀺𑀢𑀲𑁆𑀲 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀲𑀗𑁆𑀔𑀢𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑀻𑀡𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀲𑀗𑁆𑀔𑀢𑀲𑁆𑀲 𑀲𑀗𑁆𑀔𑀢𑀮𑀓𑁆𑀔𑀡𑀸𑀦𑀺. 𑀲𑀗𑁆𑀔𑀢𑀸𑀦𑀁, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸𑀦𑀁 [𑀓𑀢𑀫𑀸𑀦𑀺 𑀢𑀻𑀡𑀺 (𑀅. 𑀦𑀺. 𑁩.𑁪𑁭)] 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺 ¶ , 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀞𑀺𑀢𑀸𑀦𑀁 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀻’’𑀢𑀺 [𑀅. 𑀦𑀺. 𑁩.𑁪𑁭]. 𑀧𑀼𑀕𑁆𑀕𑀮𑀲𑁆𑀲 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺, 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀞𑀺𑀢𑀲𑁆𑀲 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀺; 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀲𑀗𑁆𑀔𑀢𑁄𑀢𑀺.

𑁨𑁧𑁫. 𑀧𑀼𑀕𑁆𑀕𑀮𑀲𑁆𑀲 𑀦 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺, 𑀦 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀦 𑀞𑀺𑀢𑀲𑁆𑀲 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄 𑀅𑀲𑀗𑁆𑀔𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀼𑀢𑁆𑀢𑀁 ¶ 𑀪𑀕𑀯𑀢𑀸 𑁋 ‘‘𑀢𑀻𑀡𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀅𑀲𑀗𑁆𑀔𑀢𑀲𑁆𑀲 𑀅𑀲𑀗𑁆𑀔𑀢𑀮𑀓𑁆𑀔𑀡𑀸𑀦𑀺. 𑀅𑀲𑀗𑁆𑀔𑀢𑀸𑀦𑀁, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸𑀦𑀁 𑀦 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺, 𑀦 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀦 𑀞𑀺𑀢𑀸𑀦𑀁 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀻’’𑀢𑀺 [𑀅. 𑀦𑀺. 𑁩.𑁪𑁮]. 𑀧𑀼𑀕𑁆𑀕𑀮𑀲𑁆𑀲 𑀦 𑀉𑀧𑁆𑀧𑀸𑀤𑁄 𑀧𑀜𑁆𑀜𑀸𑀬𑀢𑀺, 𑀦 𑀯𑀬𑁄 𑀧𑀜𑁆𑀜𑀸𑀬𑀢𑀺, 𑀦 𑀞𑀺𑀢𑀲𑁆𑀲 𑀅𑀜𑁆𑀜𑀣𑀢𑁆𑀢𑀁 𑀧𑀜𑁆𑀜𑀸𑀬𑀢𑀺; 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀅𑀲𑀗𑁆𑀔𑀢𑁄𑀢𑀺.

𑁨𑁧𑁬. 𑀧𑀭𑀺𑀦𑀺𑀩𑁆𑀩𑀼𑀢𑁄 𑀧𑀼𑀕𑁆𑀕𑀮𑁄 𑀅𑀢𑁆𑀣𑀢𑁆𑀣𑀫𑁆𑀳𑀺, 𑀦𑀢𑁆𑀣𑀢𑁆𑀣𑀫𑁆𑀳𑀻𑀢𑀺? 𑀅𑀢𑁆𑀣𑀢𑁆𑀣𑀫𑁆𑀳𑀻𑀢𑀺. 𑀧𑀭𑀺𑀦𑀺𑀩𑁆𑀩𑀼𑀢𑁄 𑀧𑀼𑀕𑁆𑀕𑀮𑁄 𑀲𑀲𑁆𑀲𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀢𑁆𑀣𑀢𑁆𑀣𑀫𑁆𑀳𑀻𑀢𑀺. 𑀧𑀭𑀺𑀦𑀺𑀩𑁆𑀩𑀼𑀢𑁄 𑀧𑀼𑀕𑁆𑀕𑀮𑁄 𑀉𑀘𑁆𑀙𑀺𑀦𑁆𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁭. 𑀧𑀼𑀕𑁆𑀕𑀮𑁄 𑀓𑀺𑀁 𑀦𑀺𑀲𑁆𑀲𑀸𑀬 𑀢𑀺𑀝𑁆𑀞𑀢𑀻𑀢𑀺? 𑀪𑀯𑀁 𑀦𑀺𑀲𑁆𑀲𑀸𑀬 𑀢𑀺𑀝𑁆𑀞𑀢𑀻𑀢𑀺. 𑀪𑀯𑁄 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀕𑁆𑀕𑀮𑁄𑀧𑀺 𑀅𑀦𑀺𑀘𑁆𑀘𑁄 𑀲𑀗𑁆𑀔𑀢𑁄 𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁄 𑀔𑀬𑀥𑀫𑁆𑀫𑁄 𑀯𑀬𑀥𑀫𑁆𑀫𑁄 𑀯𑀺𑀭𑀸𑀕𑀥𑀫𑁆𑀫𑁄 𑀦𑀺𑀭𑁄𑀥𑀥𑀫𑁆𑀫𑁄 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁧𑁮. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁧𑁯. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀤𑀼𑀓𑁆𑀔𑀁 ¶ 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄…𑀧𑁂… 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀅𑀤𑀼𑀓𑁆𑀔𑀫𑀲𑀼𑀔𑀁 ¶ 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁨𑁦. 𑀅𑀢𑁆𑀣𑀺 𑀓𑁄𑀘𑀺 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄; 𑀬𑁄 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀦 𑀧𑀚𑀸𑀦𑀸𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀬𑁄 𑀤𑀼𑀓𑁆𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄…𑀧𑁂… 𑀬𑁄 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄; 𑀬𑁄 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀦 𑀧𑀚𑀸𑀦𑀸𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁨𑁧. 𑀅𑀢𑁆𑀣𑀺 𑀓𑁄𑀘𑀺 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑀸 𑀲𑀼𑀔𑀸 𑀯𑁂𑀤𑀦𑀸, 𑀅𑀜𑁆𑀜𑁄 𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀜𑁆𑀜𑀸 ¶ 𑀤𑀼𑀓𑁆𑀔𑀸 𑀯𑁂𑀤𑀦𑀸…𑀧𑁂… 𑀅𑀜𑁆𑀜𑀸 𑀅𑀤𑀼𑀓𑁆𑀔𑀫𑀲𑀼𑀔𑀸 𑀯𑁂𑀤𑀦𑀸, 𑀅𑀜𑁆𑀜𑁄 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀫𑀸𑀦𑁄 ‘‘𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑁂𑀤𑀦𑀁 𑀯𑁂𑀤𑀺𑀬𑀸𑀫𑀻’’𑀢𑀺 𑀧𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ …𑀧𑁂….

𑁨𑁨𑁨. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀓𑁄𑀘𑀺 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁨𑁩. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀓𑁄𑀘𑀺 𑀯𑁂𑀤𑀦𑀸𑀲𑀼…𑀧𑁂… 𑀘𑀺𑀢𑁆𑀢𑁂… 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 ¶ 𑀓𑁄𑀘𑀺 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁨𑁪. 𑀅𑀢𑁆𑀣𑀺 𑀓𑁄𑀘𑀺 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀬𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄; 𑀬𑁄 𑀦 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀬𑁄 𑀯𑁂𑀤𑀦𑀸𑀲𑀼…𑀧𑁂… 𑀘𑀺𑀢𑁆𑀢𑁂… 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀲𑁆𑀯𑁂𑀯 𑀧𑀼𑀕𑁆𑀕𑀮𑁄; 𑀬𑁄 𑀦 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀺, 𑀦 𑀲𑁄 𑀧𑀼𑀕𑁆𑀕𑀮𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁨𑁫. 𑀅𑀢𑁆𑀣𑀺 𑀓𑁄𑀘𑀺 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺 𑀓𑀢𑁆𑀯𑀸 𑀢𑁂𑀦 𑀘 𑀓𑀸𑀭𑀡𑁂𑀦 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀅𑀜𑁆𑀜𑁄 𑀓𑀸𑀬𑁄, 𑀅𑀜𑁆𑀜𑁄 𑀓𑀸𑀬𑁂 𑀓𑀸𑀬𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀜𑁆𑀜𑀸 ¶ 𑀯𑁂𑀤𑀦𑀸… 𑀅𑀜𑁆𑀜𑀁 𑀘𑀺𑀢𑁆𑀢𑀁… 𑀅𑀜𑁆𑀜𑁂 𑀥𑀫𑁆𑀫𑀸, 𑀅𑀜𑁆𑀜𑁄 𑀥𑀫𑁆𑀫𑁂𑀲𑀼 𑀥𑀫𑁆𑀫𑀸𑀦𑀼𑀧𑀲𑁆𑀲𑀻 𑀯𑀺𑀳𑀭𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁨𑁬. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀲𑀼𑀜𑁆𑀜𑀢𑁄 𑀮𑁄𑀓𑀁 𑀅𑀯𑁂𑀓𑁆𑀔𑀲𑁆𑀲𑀼, 𑀫𑁄𑀖𑀭𑀸𑀚 𑀲𑀤𑀸 𑀲𑀢𑁄;

𑀅𑀢𑁆𑀢𑀸𑀦𑀼𑀤𑀺𑀝𑁆𑀞𑀺𑀁 𑀊𑀳𑀘𑁆𑀘 [𑀑𑀳𑀘𑁆𑀘 (𑀲𑁆𑀬𑀸.), 𑀉𑀳𑀘𑁆𑀘 (𑀓.)], 𑀏𑀯𑀁 𑀫𑀘𑁆𑀘𑀼𑀢𑀭𑁄 𑀲𑀺𑀬𑀸;

𑀏𑀯𑀁 𑀮𑁄𑀓𑀁 𑀅𑀯𑁂𑀓𑁆𑀔𑀦𑁆𑀢𑀁, 𑀫𑀘𑁆𑀘𑀼𑀭𑀸𑀚𑀸 𑀦 𑀧𑀲𑁆𑀲𑀢𑀻’’𑀢𑀺 [𑀲𑀼. 𑀦𑀺. 𑁧𑁧𑁨𑁫; 𑀘𑀽𑀴𑀦𑀺. 𑁮𑁮 𑀫𑁄𑀖𑀭𑀸𑀚𑀫𑀸𑀡𑀯𑀧𑀼𑀘𑁆𑀙𑀸𑀦𑀺𑀤𑁆𑀤𑁂𑀲].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁨𑁭. 𑀧𑀼𑀕𑁆𑀕𑀮𑁄 𑀅𑀯𑁂𑀓𑁆𑀔𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀳 𑀭𑀽𑀧𑁂𑀦 𑀅𑀯𑁂𑀓𑁆𑀔𑀢𑀺, 𑀯𑀺𑀦𑀸 𑀭𑀽𑀧𑁂𑀦 𑀅𑀯𑁂𑀓𑁆𑀔𑀢𑀻𑀢𑀺? 𑀲𑀳 𑀭𑀽𑀧𑁂𑀦 𑀅𑀯𑁂𑀓𑁆𑀔𑀢𑀻𑀢𑀺. 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀺𑀦𑀸 𑀭𑀽𑀧𑁂𑀦 𑀅𑀯𑁂𑀓𑁆𑀔𑀢𑀻𑀢𑀺, 𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁨𑁮. 𑀧𑀼𑀕𑁆𑀕𑀮𑁄 ¶ ¶ 𑀅𑀯𑁂𑀓𑁆𑀔𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀩𑁆𑀪𑀦𑁆𑀢𑀭𑀕𑀢𑁄 𑀅𑀯𑁂𑀓𑁆𑀔𑀢𑀺, 𑀩𑀳𑀺𑀤𑁆𑀥𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀅𑀯𑁂𑀓𑁆𑀔𑀢𑀻𑀢𑀺? 𑀅𑀩𑁆𑀪𑀦𑁆𑀢𑀭𑀕𑀢𑁄 𑀅𑀯𑁂𑀓𑁆𑀔𑀢𑀻𑀢𑀺. 𑀢𑀁 𑀚𑀻𑀯𑀁 𑀢𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀩𑀳𑀺𑀤𑁆𑀥𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀅𑀯𑁂𑀓𑁆𑀔𑀢𑀻𑀢𑀺, 𑀅𑀜𑁆𑀜𑀁 𑀚𑀻𑀯𑀁 𑀅𑀜𑁆𑀜𑀁 𑀲𑀭𑀻𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁨𑁯. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀣𑀺 𑀧𑀼𑀕𑁆𑀕𑀮𑁄 ¶ 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺.

𑁨𑁩𑁦. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀏𑀓𑀧𑀼𑀕𑁆𑀕𑀮𑁄, 𑀪𑀺𑀓𑁆𑀔𑀯𑁂, 𑀮𑁄𑀓𑁂 𑀉𑀧𑁆𑀧𑀚𑁆𑀚𑀫𑀸𑀦𑁄 𑀉𑀧𑁆𑀧𑀚𑁆𑀚𑀢𑀺 𑀩𑀳𑀼𑀚𑀦𑀳𑀺𑀢𑀸𑀬 𑀩𑀳𑀼𑀚𑀦𑀲𑀼𑀔𑀸𑀬 𑀮𑁄𑀓𑀸𑀦𑀼𑀓𑀫𑁆𑀧𑀸𑀬 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦’’𑀦𑁆𑀢𑀺 [𑀅. 𑀦𑀺. 𑁧.𑁧𑁬𑁨-𑁧𑁬𑁯]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺.

𑁨𑁩𑁧. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀩𑁆𑀩𑁂 𑀥𑀫𑁆𑀫𑀸 𑀅𑀦𑀢𑁆𑀢𑀸’’𑀢𑀺 [𑀫. 𑀦𑀺. 𑁧.𑁩𑁫𑁬; 𑀥. 𑀧. 𑁨𑁭𑁯 𑀥𑀫𑁆𑀫𑀧𑀤𑁂]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁨. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀤𑀼𑀓𑁆𑀔𑀫𑁂𑀯 𑀉𑀧𑁆𑀧𑀚𑁆𑀚𑀫𑀸𑀦𑀁 𑀉𑀧𑁆𑀧𑀚𑁆𑀚𑀢𑀺, 𑀤𑀼𑀓𑁆𑀔𑀫𑁂𑀯 [𑀤𑀼𑀓𑁆𑀔𑀁 (𑀲𑀁. 𑀦𑀺. 𑁨.𑁧𑁫)] 𑀦𑀺𑀭𑀼𑀚𑁆𑀛𑀫𑀸𑀦𑀁 𑀦𑀺𑀭𑀼𑀚𑁆𑀛𑀢𑀻𑀢𑀺 𑀦 𑀓𑀗𑁆𑀔𑀢𑀺 𑀦 𑀯𑀺𑀘𑀺𑀓𑀺𑀘𑁆𑀙𑀢𑀺, 𑀅𑀧𑀭𑀧𑁆𑀧𑀘𑁆𑀘𑀬𑀜𑁆𑀜𑀸𑀡𑀫𑁂𑀯𑀲𑁆𑀲 𑀏𑀢𑁆𑀣 𑀳𑁄𑀢𑀺. 𑀏𑀢𑁆𑀢𑀸𑀯𑀢𑀸 𑀔𑁄, 𑀓𑀘𑁆𑀘𑀸𑀦, 𑀲𑀫𑁆𑀫𑀸𑀤𑀺𑀝𑁆𑀞𑀺 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁨.𑁧𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 ¶ 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁩. 𑀧𑀼𑀕𑁆𑀕𑀮𑁄 ¶ ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀚𑀺𑀭𑀸 𑀪𑀺𑀓𑁆𑀔𑀼𑀦𑀻 𑀫𑀸𑀭𑀁 𑀧𑀸𑀧𑀺𑀫𑀦𑁆𑀢𑀁 𑀏𑀢𑀤𑀯𑁄𑀘 𑁋

‘‘𑀓𑀺𑀦𑁆𑀦𑀼 𑀲𑀢𑁆𑀢𑁄𑀢𑀺 𑀧𑀘𑁆𑀘𑁂𑀲𑀺, 𑀫𑀸𑀭 𑀤𑀺𑀝𑁆𑀞𑀺𑀕𑀢𑀁 𑀦𑀼 𑀢𑁂;

𑀲𑀼𑀤𑁆𑀥𑀲𑀗𑁆𑀔𑀸𑀭𑀧𑀼𑀜𑁆𑀚𑁄𑀬𑀁, 𑀦𑀬𑀺𑀥 𑀲𑀢𑁆𑀢𑀼𑀧𑀮𑀩𑁆𑀪𑀢𑀺.

‘‘𑀬𑀣𑀸 𑀳𑀺 [𑀬𑀣𑀸𑀧𑀺 (𑀩𑀳𑀽𑀲𑀼)] 𑀅𑀗𑁆𑀕𑀲𑀫𑁆𑀪𑀸𑀭𑀸, 𑀳𑁄𑀢𑀺 𑀲𑀤𑁆𑀤𑁄 𑀭𑀣𑁄 𑀇𑀢𑀺;

𑀏𑀯𑀁 𑀔𑀦𑁆𑀥𑁂𑀲𑀼 𑀲𑀦𑁆𑀢𑁂𑀲𑀼, 𑀳𑁄𑀢𑀺 𑀲𑀢𑁆𑀢𑁄𑀢𑀺 𑀲𑀫𑁆𑀫𑀼𑀢𑀺 [𑀲𑀫𑁆𑀫𑀢𑀺 (𑀲𑁆𑀬𑀸. 𑀓𑀁.)].

‘‘𑀤𑀼𑀓𑁆𑀔𑀫𑁂𑀯 𑀳𑀺 𑀲𑀫𑁆𑀪𑁄𑀢𑀺, 𑀤𑀼𑀓𑁆𑀔𑀁 𑀢𑀺𑀝𑁆𑀞𑀢𑀺 𑀯𑁂𑀢𑀺 𑀘;

𑀦𑀸𑀜𑁆𑀜𑀢𑁆𑀭 𑀤𑀼𑀓𑁆𑀔𑀸 𑀲𑀫𑁆𑀪𑁄𑀢𑀺, 𑀦𑀸𑀜𑁆𑀜𑀁 𑀤𑀼𑀓𑁆𑀔𑀸 𑀦𑀺𑀭𑀼𑀚𑁆𑀛𑀢𑀻’’𑀢𑀺 [𑀲𑀁. 𑀦𑀺. 𑁧.𑁧𑁭𑁧].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁪. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀆𑀬𑀲𑁆𑀫𑀸 𑀆𑀦𑀦𑁆𑀤𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 𑁋 ‘‘‘𑀲𑀼𑀜𑁆𑀜𑁄 ¶ 𑀮𑁄𑀓𑁄 𑀲𑀼𑀜𑁆𑀜𑁄 𑀮𑁄𑀓𑁄’𑀢𑀺, 𑀪𑀦𑁆𑀢𑁂, 𑀯𑀼𑀘𑁆𑀘𑀢𑀺. 𑀓𑀺𑀢𑁆𑀢𑀸𑀯𑀢𑀸 𑀦𑀼 𑀔𑁄, 𑀪𑀦𑁆𑀢𑁂, ‘𑀲𑀼𑀜𑁆𑀜𑁄 𑀮𑁄𑀓𑁄’𑀢𑀺 𑀯𑀼𑀘𑁆𑀘𑀢𑀻’’𑀢𑀺? ‘‘𑀬𑀲𑁆𑀫𑀸 𑀔𑁄, 𑀆𑀦𑀦𑁆𑀤, 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸, 𑀢𑀲𑁆𑀫𑀸 ‘𑀲𑀼𑀜𑁆𑀜𑁄 𑀮𑁄𑀓𑁄’𑀢𑀺 𑀯𑀼𑀘𑁆𑀘𑀢𑀺. 𑀓𑀺𑀜𑁆𑀘𑀸𑀦𑀦𑁆𑀤, 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸? 𑀘𑀓𑁆𑀔𑀼𑀁 𑀔𑁄, 𑀆𑀦𑀦𑁆𑀤, 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸, 𑀭𑀽𑀧𑀸 𑀲𑀼𑀜𑁆𑀜𑀸…𑀧𑁂… 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀲𑀼𑀜𑁆𑀜𑀁… 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑁄 𑀲𑀼𑀜𑁆𑀜𑁄… 𑀬𑀫𑁆𑀧𑀺𑀤𑀁 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀬𑀺𑀢𑀁 ¶ 𑀲𑀼𑀔𑀁 𑀯𑀸 𑀤𑀼𑀓𑁆𑀔𑀁 𑀯𑀸 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑀸, 𑀢𑀫𑁆𑀧𑀺 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸, 𑀲𑁄𑀢𑀁 𑀲𑀼𑀜𑁆𑀜𑀁…𑀧𑁂… 𑀲𑀤𑁆𑀤𑀸 𑀲𑀼𑀜𑁆𑀜𑀸… 𑀖𑀸𑀦𑀁 𑀲𑀼𑀜𑁆𑀜𑀁… 𑀕𑀦𑁆𑀥𑀸 𑀲𑀼𑀜𑁆𑀜𑀸… 𑀚𑀺𑀯𑁆𑀳𑀸 𑀲𑀼𑀜𑁆𑀜𑀸… 𑀭𑀲𑀸 𑀲𑀼𑀜𑁆𑀜𑀸… 𑀓𑀸𑀬𑁄 𑀲𑀼𑀜𑁆𑀜𑁄… 𑀨𑁄𑀝𑁆𑀞𑀩𑁆𑀩𑀸 𑀲𑀼𑀜𑁆𑀜𑀸… 𑀫𑀦𑁄 𑀲𑀼𑀜𑁆𑀜𑁄… 𑀥𑀫𑁆𑀫𑀸 𑀲𑀼𑀜𑁆𑀜𑀸… 𑀫𑀦𑁄𑀯𑀺𑀜𑁆𑀜𑀸𑀡𑀁 𑀲𑀼𑀜𑁆𑀜𑀁… 𑀫𑀦𑁄𑀲𑀫𑁆𑀨𑀲𑁆𑀲𑁄 𑀲𑀼𑀜𑁆𑀜𑁄… 𑀬𑀫𑁆𑀧𑀺𑀤𑀁 𑀫𑀦𑁄𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀬𑀺𑀢𑀁 𑀲𑀼𑀔𑀁 𑀯𑀸 𑀤𑀼𑀓𑁆𑀔𑀁 𑀯𑀸 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑀸, 𑀢𑀫𑁆𑀧𑀺 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸. 𑀬𑀲𑁆𑀫𑀸 𑀔𑁄, 𑀆𑀦𑀦𑁆𑀤, 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸, 𑀢𑀲𑁆𑀫𑀸 ¶ ‘𑀲𑀼𑀜𑁆𑀜𑁄 𑀮𑁄𑀓𑁄’𑀢𑀺 𑀯𑀼𑀘𑁆𑀘𑀢𑀻’’𑀢𑀺 [𑀲𑀁. 𑀦𑀺. 𑁪.𑁮𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁫. 𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀢𑁆𑀢𑀦𑀺 𑀯𑀸, 𑀪𑀺𑀓𑁆𑀔𑀯𑁂, 𑀲𑀢𑀺 ‘𑀅𑀢𑁆𑀢𑀦𑀺𑀬𑀁 𑀫𑁂’𑀢𑀺 𑀅𑀲𑁆𑀲𑀸’’𑀢𑀺? ‘‘𑀏𑀯𑀁, 𑀪𑀦𑁆𑀢𑁂’’. ‘‘𑀅𑀢𑁆𑀢𑀦𑀺𑀬𑁂 𑀯𑀸, 𑀪𑀺𑀓𑁆𑀔𑀯𑁂, 𑀲𑀢𑀺 ‘𑀅𑀢𑁆𑀢𑀸 𑀫𑁂’𑀢𑀺 𑀅𑀲𑁆𑀲𑀸’’𑀢𑀺? ‘‘𑀏𑀯𑀁, 𑀪𑀦𑁆𑀢𑁂’’. ‘‘𑀅𑀢𑁆𑀢𑀦𑀺 𑀘, 𑀪𑀺𑀓𑁆𑀔𑀯𑁂, 𑀅𑀢𑁆𑀢𑀦𑀺𑀬𑁂 𑀘 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀅𑀦𑀼𑀧𑀮𑀩𑁆𑀪𑀺𑀬𑀫𑀸𑀦𑁂 [𑀅𑀦𑀼𑀧𑀮𑀩𑁆𑀪𑀫𑀸𑀦𑁂 (𑀫. 𑀦𑀺. 𑁧.𑁨𑁪𑁪)] 𑀬𑀫𑁆𑀧𑀺𑀤𑀁 [𑀬𑀫𑀺𑀤𑀁 (𑀲𑁆𑀬𑀸.) 𑀬𑀫𑁆𑀧𑀺𑀢𑀁 (𑀫. 𑀦𑀺. 𑁧.𑁨𑁪𑁪)] 𑀤𑀺𑀝𑁆𑀞𑀺𑀝𑁆𑀞𑀸𑀦𑀁 𑀲𑁄 𑀮𑁄𑀓𑁄 𑀲𑁄 𑀅𑀢𑁆𑀢𑀸 𑀲𑁄 𑀧𑁂𑀘𑁆𑀘 𑀪𑀯𑀺𑀲𑁆𑀲𑀸𑀫𑀺 𑀦𑀺𑀘𑁆𑀘𑁄 𑀥𑀼𑀯𑁄 𑀲𑀲𑁆𑀲𑀢𑁄 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑁄, 𑀲𑀲𑁆𑀲𑀢𑀺𑀲𑀫𑀁 𑀢𑀣𑁂𑀯 𑀞𑀲𑁆𑀲𑀸𑀫𑀻𑀢𑀺 𑁋 ‘𑀦𑀦𑁆𑀯𑀸𑀬𑀁, 𑀪𑀺𑀓𑁆𑀔𑀯𑁂, 𑀓𑁂𑀯𑀮𑁄 𑀧𑀭𑀺𑀧𑀽𑀭𑁄 𑀩𑀸𑀮𑀥𑀫𑁆𑀫𑁄’’’𑀢𑀺? ‘‘𑀓𑀺𑀜𑁆𑀳𑀺 𑀦𑁄 𑀲𑀺𑀬𑀸, 𑀪𑀦𑁆𑀢𑁂, 𑀓𑁂𑀯𑀮𑁄 𑀳𑀺, 𑀪𑀦𑁆𑀢𑁂, 𑀧𑀭𑀺𑀧𑀽𑀭𑁄 𑀩𑀸𑀮𑀥𑀫𑁆𑀫𑁄’’𑀢𑀺 ¶ [𑀫. 𑀦𑀺. 𑁧.𑁨𑁪𑁪]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁬. 𑀧𑀼𑀕𑁆𑀕𑀮𑁄 ¶ 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑀬𑁄 𑀫𑁂, 𑀲𑁂𑀦𑀺𑀬, 𑀲𑀢𑁆𑀣𑀸𑀭𑁄 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄? 𑀇𑀥, 𑀲𑁂𑀦𑀺𑀬, 𑀏𑀓𑀘𑁆𑀘𑁄 𑀲𑀢𑁆𑀣𑀸 𑀤𑀺𑀝𑁆𑀞𑁂𑀯 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺.

‘‘𑀇𑀥 𑀧𑀦, 𑀲𑁂𑀦𑀺𑀬, 𑀏𑀓𑀘𑁆𑀘𑁄 𑀲𑀢𑁆𑀣𑀸 𑀤𑀺𑀝𑁆𑀞𑁂𑀯 𑀳𑀺 𑀔𑁄 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺, 𑀦𑁄 𑀘 𑀔𑁄 𑀅𑀪𑀺𑀲𑀫𑁆𑀧𑀭𑀸𑀬𑀁 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺.

‘‘𑀇𑀥 𑀧𑀦, 𑀲𑁂𑀦𑀺𑀬, 𑀏𑀓𑀘𑁆𑀘𑁄 𑀲𑀢𑁆𑀣𑀸 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀦 𑀧𑀜𑁆𑀜𑀸𑀧𑁂𑀢𑀺, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀦 𑀧𑀜𑁆𑀜𑀸𑀧𑁂𑀢𑀺.

‘‘𑀢𑀢𑁆𑀭, 𑀲𑁂𑀦𑀺𑀬, 𑀬𑁆𑀯𑀸𑀬𑀁 𑀲𑀢𑁆𑀣𑀸 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺 𑁋 𑀅𑀬𑀁 𑀯𑀼𑀘𑁆𑀘𑀢𑀺, 𑀲𑁂𑀦𑀺𑀬, 𑀲𑀢𑁆𑀣𑀸 𑀲𑀲𑁆𑀲𑀢𑀯𑀸𑀤𑁄.

‘‘𑀢𑀢𑁆𑀭 ¶ ¶ , 𑀲𑁂𑀦𑀺𑀬, 𑀬𑁆𑀯𑀸𑀬𑀁 𑀲𑀢𑁆𑀣𑀸 𑀤𑀺𑀝𑁆𑀞𑁂𑀯 𑀳𑀺 𑀔𑁄 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺, 𑀦𑁄 𑀘 𑀔𑁄 𑀅𑀪𑀺𑀲𑀫𑁆𑀧𑀭𑀸𑀬𑀁 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀧𑀜𑁆𑀜𑀸𑀧𑁂𑀢𑀺 𑁋 𑀅𑀬𑀁 𑀯𑀼𑀘𑁆𑀘𑀢𑀺, 𑀲𑁂𑀦𑀺𑀬, 𑀲𑀢𑁆𑀣𑀸 𑀉𑀘𑁆𑀙𑁂𑀤𑀯𑀸𑀤𑁄.

‘‘𑀢𑀢𑁆𑀭, 𑀲𑁂𑀦𑀺𑀬, 𑀬𑁆𑀯𑀸𑀬𑀁 𑀲𑀢𑁆𑀣𑀸 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 ¶ 𑀦 𑀧𑀜𑁆𑀜𑀸𑀧𑁂𑀢𑀺, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀢𑁆𑀢𑀸𑀦𑀁 𑀲𑀘𑁆𑀘𑀢𑁄 𑀣𑁂𑀢𑀢𑁄 𑀦 𑀧𑀜𑁆𑀜𑀸𑀧𑁂𑀢𑀺 𑁋 𑀅𑀬𑀁 𑀯𑀼𑀘𑁆𑀘𑀢𑀺, 𑀲𑁂𑀦𑀺𑀬, 𑀲𑀢𑁆𑀣𑀸 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄. 𑀇𑀫𑁂 𑀔𑁄, 𑀲𑁂𑀦𑀺𑀬, 𑀢𑀬𑁄 𑀲𑀢𑁆𑀣𑀸𑀭𑁄 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺’’𑀦𑁆𑀢𑀺 [𑀧𑀼. 𑀧. 𑁧𑁩𑁧 𑀧𑀼𑀕𑁆𑀕𑀮𑀧𑀜𑁆𑀜𑀢𑁆𑀢𑀺𑀬𑀁, 𑀅𑀢𑁆𑀣𑀢𑁄 𑀏𑀓𑀁]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁭. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀧𑁆𑀧𑀺𑀓𑀼𑀫𑁆𑀪𑁄’’𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑁆𑀣𑀺 𑀓𑁄𑀘𑀺 𑀲𑀧𑁆𑀧𑀺𑀲𑁆𑀲 𑀓𑀼𑀫𑁆𑀪𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺.

𑁨𑁩𑁮. 𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀪𑀕𑀯𑀸 𑀲𑀘𑁆𑀘𑀯𑀸𑀤𑀻 𑀓𑀸𑀮𑀯𑀸𑀤𑀻 𑀪𑀽𑀢𑀯𑀸𑀤𑀻 𑀢𑀣𑀯𑀸𑀤𑀻 𑀅𑀯𑀺𑀢𑀣𑀯𑀸𑀤𑀻 𑀅𑀦𑀜𑁆𑀜𑀣𑀯𑀸𑀤𑀻𑀢𑀺? 𑀆𑀫𑀦𑁆𑀢𑀸. 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑁂𑀮𑀓𑀼𑀫𑁆𑀪𑁄… 𑀫𑀥𑀼𑀓𑀼𑀫𑁆𑀪𑁄… 𑀨𑀸𑀡𑀺𑀢𑀓𑀼𑀫𑁆𑀪𑁄… 𑀔𑀻𑀭𑀓𑀼𑀫𑁆𑀪𑁄… 𑀉𑀤𑀓𑀓𑀼𑀫𑁆𑀪𑁄… 𑀧𑀸𑀦𑀻𑀬𑀣𑀸𑀮𑀓𑀁… 𑀧𑀸𑀦𑀻𑀬𑀓𑁄𑀲𑀓𑀁… 𑀧𑀸𑀦𑀻𑀬𑀲𑀭𑀸𑀯𑀓𑀁… 𑀦𑀺𑀘𑁆𑀘𑀪𑀢𑁆𑀢𑀁… 𑀥𑀼𑀯𑀬𑀸𑀕𑀽’’𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑀸𑀘𑀺 𑀬𑀸𑀕𑀼 𑀦𑀺𑀘𑁆𑀘𑀸 𑀥𑀼𑀯𑀸 𑀲𑀲𑁆𑀲𑀢𑀸 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.…𑀧𑁂…. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀼𑀕𑁆𑀕𑀮𑁄 𑀉𑀧𑀮𑀩𑁆𑀪𑀢𑀺 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦𑀸’’𑀢𑀺. (𑀲𑀁𑀔𑀺𑀢𑁆𑀢𑀁)

𑀅𑀝𑁆𑀞𑀓𑀦𑀺𑀕𑁆𑀕𑀳𑀧𑁂𑀬𑁆𑀬𑀸𑀮𑀸, 𑀲𑀦𑁆𑀥𑀸𑀯𑀦𑀺𑀬𑀸 𑀉𑀧𑀸𑀤𑀸𑀬;

𑀘𑀺𑀢𑁆𑀢𑁂𑀦 𑀧𑀜𑁆𑀘𑀫𑀁 𑀓𑀮𑁆𑀬𑀸𑀡𑀁, 𑀇𑀤𑁆𑀥𑀺𑀲𑀼𑀢𑁆𑀢𑀸𑀳𑀭𑀡𑁂𑀦 𑀅𑀝𑁆𑀞𑀫𑀁.

𑀲𑀘𑁆𑀘𑀺𑀓𑀝𑁆𑀞𑀲𑀪𑀸𑀕𑀸𑀦𑀼𑀬𑁄𑀕𑁄.

𑀧𑀼𑀕𑁆𑀕𑀮𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀧𑀭𑀺𑀳𑀸𑀦𑀺𑀓𑀣𑀸

𑁧. 𑀯𑀸𑀤𑀬𑀼𑀢𑁆𑀢𑀺𑀧𑀭𑀺𑀳𑀸𑀦𑀺

𑁨𑁩𑁯. 𑀧𑀭𑀺𑀳𑀸𑀬𑀢𑀺 ¶ ¶ ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀩𑁆𑀩𑀢𑁆𑀣 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀅𑀭𑀳𑀢𑁄 𑀧𑀭𑀺𑀳𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸 ¶ . 𑀲𑀩𑁆𑀩𑀤𑀸 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀩𑁆𑀩𑀤𑀸 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀤𑀸 𑀅𑀭𑀳𑀢𑁄 𑀧𑀭𑀺𑀳𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀯 𑀅𑀭𑀳𑀦𑁆𑀢𑁄 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀩𑁆𑀩𑁂𑀯 𑀅𑀭𑀳𑀦𑁆𑀢𑁄 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀁𑀬𑁂𑀯 𑀅𑀭𑀳𑀦𑁆𑀢𑀸𑀦𑀁 𑀧𑀭𑀺𑀳𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 𑀘𑀢𑀽𑀳𑀺 𑀨𑀮𑁂𑀳𑀺 𑀧𑀭𑀺𑀳𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀘𑀢𑀽𑀳𑀺 𑀲𑀢𑀲𑀳𑀲𑁆𑀲𑁂𑀳𑀺 𑀲𑁂𑀝𑁆𑀞𑀻 𑀲𑁂𑀝𑁆𑀞𑀺𑀢𑁆𑀢𑀁 𑀓𑀸𑀭𑁂𑀦𑁆𑀢𑁄 𑀲𑀢𑀲𑀳𑀲𑁆𑀲𑁂 𑀧𑀭𑀺𑀳𑀻𑀦𑁂 𑀲𑁂𑀝𑁆𑀞𑀺𑀢𑁆𑀢𑀸 𑀧𑀭𑀺𑀳𑀻𑀦𑁄 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀲𑀸𑀧𑀢𑁂𑀬𑁆𑀬𑀸 𑀧𑀭𑀺𑀳𑀻𑀦𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀘𑀢𑀽𑀳𑀺 ¶ 𑀲𑀢𑀲𑀳𑀲𑁆𑀲𑁂𑀳𑀺 𑀲𑁂𑀝𑁆𑀞𑀻 𑀲𑁂𑀝𑁆𑀞𑀺𑀢𑁆𑀢𑀁 𑀓𑀸𑀭𑁂𑀦𑁆𑀢𑁄 𑀲𑀢𑀲𑀳𑀲𑁆𑀲𑁂 𑀧𑀭𑀺𑀳𑀻𑀦𑁂 𑀪𑀩𑁆𑀩𑁄 𑀲𑀩𑁆𑀩𑀲𑀸𑀧𑀢𑁂𑀬𑁆𑀬𑀸 𑀧𑀭𑀺𑀳𑀸𑀬𑀺𑀢𑀼𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 ¶ 𑀪𑀩𑁆𑀩𑁄 𑀘𑀢𑀽𑀳𑀺 𑀨𑀮𑁂𑀳𑀺 𑀧𑀭𑀺𑀳𑀸𑀬𑀺𑀢𑀼𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨. 𑀅𑀭𑀺𑀬𑀧𑀼𑀕𑁆𑀕𑀮𑀲𑀁𑀲𑀦𑁆𑀤𑀦𑀧𑀭𑀺𑀳𑀸𑀦𑀺

𑁨𑁪𑁦. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 ¶ 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 ¶ 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸 ¶ . 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁪𑁧. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 𑀓𑀢𑁆𑀣 𑀲𑀡𑁆𑀞𑀸𑀢𑀻𑀢𑀺? 𑀅𑀦𑀸𑀕𑀸𑀫𑀺𑀨𑀮𑁂𑀢𑀺. 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀓𑀢𑁆𑀣 𑀲𑀡𑁆𑀞𑀸𑀢𑀻𑀢𑀺? 𑀲𑀓𑀤𑀸𑀕𑀸𑀫𑀺𑀨𑀮𑁂𑀢𑀺. 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀓𑀢𑁆𑀣 𑀲𑀡𑁆𑀞𑀸𑀢𑀻𑀢𑀺? 𑀲𑁄𑀢𑀸𑀧𑀢𑁆𑀢𑀺𑀨𑀮𑁂𑀢𑀺. 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀧𑀼𑀣𑀼𑀚𑁆𑀚𑀦𑀪𑀽𑀫𑀺𑀬𑀁 𑀲𑀡𑁆𑀞𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀺, 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀲𑀓𑀤𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀺, 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑁂 𑀲𑀡𑁆𑀞𑀸𑀢𑀺; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸 𑀧𑀭𑀺𑀳𑀸𑀬𑀫𑀸𑀦𑁄 𑀧𑀼𑀣𑀼𑀚𑁆𑀚𑀦𑀪𑀽𑀫𑀺𑀬𑀁 𑀲𑀡𑁆𑀞𑀸𑀢𑀻’’𑀢𑀺.

𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑁂 𑀲𑀡𑁆𑀞𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑁆𑀲 𑀅𑀦𑀦𑁆𑀢𑀭𑀸 𑀅𑀭𑀳𑀢𑁆𑀢𑀁𑀬𑁂𑀯 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁪𑁨. 𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 ¶ 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 ¶ 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀅𑀭𑀳𑀢𑁄 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀅𑀭𑀳𑀢𑁄 𑀯𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀅𑀭𑀳𑀢𑁄 𑀯𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀅𑀦𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑁨𑁪𑁩. 𑀧𑀭𑀺𑀳𑀸𑀬𑀢𑀺 ¶ ¶ 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 ¶ 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀦𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀲𑀓𑀤𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀲𑀓𑀤𑀸𑀕𑀸𑀫𑀺𑀲𑁆𑀲 𑀩𑀳𑀼𑀢𑀭𑀸 𑀓𑀺𑀮𑁂𑀲𑀸 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑁨𑁪𑁪. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸 𑀅𑀭𑀳𑀢𑁄 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀲𑀢𑀺𑀧𑀝𑁆𑀞𑀸𑀦𑀪𑀸𑀯𑀦𑀸…𑀧𑁂… 𑀲𑀫𑁆𑀫𑀧𑁆𑀧𑀥𑀸𑀦𑀪𑀸𑀯𑀦𑀸… 𑀇𑀤𑁆𑀥𑀺𑀧𑀸𑀤𑀪𑀸𑀯𑀦𑀸… 𑀇𑀦𑁆𑀤𑁆𑀭𑀺𑀬𑀪𑀸𑀯𑀦𑀸 ¶ … 𑀩𑀮𑀪𑀸𑀯𑀦𑀸… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀅𑀭𑀳𑀢𑁄 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀥𑀺𑀫𑀢𑁆𑀢𑀸 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀅𑀭𑀳𑀢𑁄 𑀯𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀥𑀺𑀫𑀢𑁆𑀢𑀸 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀅𑀭𑀳𑀢𑁄 𑀯𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀭𑀳𑀢𑁄. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀥𑀺𑀫𑀢𑁆𑀢𑀸 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸’’𑀢𑀺.

𑁨𑁪𑁫. 𑀧𑀭𑀺𑀳𑀸𑀬𑀢𑀺 ¶ 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀅𑀦𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀅𑀥𑀺𑀫𑀢𑁆𑀢𑀸 ¶ 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀅𑀦𑀸𑀕𑀸𑀫𑀺𑀲𑁆𑀲 𑀯𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸𑀢𑀺? 𑀅𑀦𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀅𑀥𑀺𑀫𑀢𑁆𑀢𑀸 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 ¶ 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸’’𑀢𑀺.

𑁨𑁪𑁬. 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀓𑀲𑁆𑀲 𑀅𑀥𑀺𑀫𑀢𑁆𑀢𑀸 𑀫𑀕𑁆𑀕𑀪𑀸𑀯𑀦𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀸 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀸𑀢𑀺? 𑀲𑀓𑀤𑀸𑀕𑀸𑀫𑀺𑀲𑁆𑀲. 𑀳𑀜𑁆𑀘𑀺 𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀥𑀺𑀫𑀢𑁆𑀢𑀸 𑀩𑁄𑀚𑁆𑀛𑀗𑁆𑀕𑀪𑀸𑀯𑀦𑀸, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸’’𑀢𑀺…𑀧𑁂….

𑁨𑁪𑁭. 𑀅𑀭𑀳𑀢𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺 ¶ ? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 ¶ 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 ¶ 𑀫𑀕𑁆𑀕𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀫𑀕𑁆𑀕𑁄 𑀤𑀺𑀝𑁆𑀞𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀦𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀦𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 ¶ 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁪𑁮. 𑀅𑀦𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀦𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸 ¶ . 𑀲𑁄𑀢𑀸𑀧𑀦𑁆𑀦𑁂𑀦 ¶ 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀦𑀸 ¶ 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀦𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀦𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁪𑁯. 𑀲𑀓𑀤𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀦𑀸 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 ¶ 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁂𑀦 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁫𑁦. 𑀲𑁄𑀢𑀸𑀧𑀦𑁆𑀦𑁂𑀦 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀦𑁆𑀦𑁂𑀦 𑀲𑀫𑀼𑀤𑀬𑁄 𑀤𑀺𑀝𑁆𑀞𑁄…𑀧𑁂… 𑀦𑀺𑀭𑁄𑀥𑁄 𑀤𑀺𑀝𑁆𑀞𑁄…𑀧𑁂… 𑀫𑀕𑁆𑀕𑁄 𑀤𑀺𑀝𑁆𑀞𑁄…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀦𑀸 ¶ 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑀸 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀦𑁆𑀦𑁂𑀦 ¶ 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸.

𑀅𑀦𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 ¶ 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀦𑁆𑀦𑁂𑀦 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀦𑀸 𑀤𑀼𑀓𑁆𑀔𑀁 𑀤𑀺𑀝𑁆𑀞𑀁…𑀧𑁂… 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀤𑀺𑀝𑁆𑀞𑀸𑀦𑀺, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁫𑁧. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 ¶ 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀧𑀳𑀻𑀦𑁄…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀭𑀸𑀕𑁄 𑀧𑀳𑀻𑀦𑁄 ¶ …𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄… 𑀫𑀸𑀦𑁄 𑀧𑀳𑀻𑀦𑁄… 𑀤𑀺𑀝𑁆𑀞𑀺 𑀧𑀳𑀻𑀦𑀸… 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸… 𑀣𑀺𑀦𑀁 [𑀣𑀻𑀦𑀁 (𑀲𑀻. 𑀲𑁆𑀬𑀸. 𑀓𑀁. 𑀧𑀻.)] 𑀧𑀳𑀻𑀦𑀁… 𑀉𑀤𑁆𑀥𑀘𑁆𑀘𑀁 𑀧𑀳𑀻𑀦𑀁… 𑀅𑀳𑀺𑀭𑀺𑀓𑀁 𑀧𑀳𑀻𑀦𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺 ¶ ? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀧𑀳𑀻𑀦𑁄…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀤𑁄𑀲𑁄 ¶ 𑀧𑀳𑀻𑀦𑁄…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀧𑀳𑀻𑀦𑁄…𑀧𑁂… 𑀑𑀴𑀸𑀭𑀺𑀓𑁄 𑀓𑀸𑀫𑀭𑀸𑀕𑁄 𑀧𑀳𑀻𑀦𑁄… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 ¶ 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 ¶ 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀧𑀳𑀻𑀦𑁄… 𑀅𑀡𑀼𑀲𑀳𑀕𑀢𑁄 𑀓𑀸𑀫𑀭𑀸𑀕𑁄 𑀧𑀳𑀻𑀦𑁄… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁨. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀺𑀲𑁆𑀲 ¶ 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸 ¶ . 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 ¶ 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀧𑀳𑀻𑀦𑁄… 𑀑𑀴𑀸𑀭𑀺𑀓𑁄 𑀓𑀸𑀫𑀭𑀸𑀕𑁄 𑀧𑀳𑀻𑀦𑁄… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀺𑀲𑁆𑀲 ¶ 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁩. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀓𑀸𑀫𑀭𑀸𑀕𑁄 𑀧𑀳𑀻𑀦𑁄… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺 ¶ ? 𑀆𑀫𑀦𑁆𑀢𑀸 ¶ . 𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁪. 𑀲𑁄𑀢𑀸𑀧𑀦𑁆𑀦𑀲𑁆𑀲 ¶ 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑁄𑀢𑀸𑀧𑀦𑁆𑀦𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁫. 𑀲𑀓𑀤𑀸𑀕𑀸𑀫𑀺𑀲𑁆𑀲 ¶ 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁬. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ .

𑀅𑀦𑀸𑀕𑀸𑀫𑀺𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁭. 𑀲𑁄𑀢𑀸𑀧𑀦𑁆𑀦𑀲𑁆𑀲 ¶ 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁮. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀺𑀲𑁆𑀲 ¶ 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀦𑀸𑀕𑀸𑀫𑀻 𑀅𑀦𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁫𑁯. 𑀲𑁄𑀢𑀸𑀧𑀦𑁆𑀦𑀲𑁆𑀲 ¶ 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑁄𑀢𑀸𑀧𑀦𑁆𑀦𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸…𑀧𑁂… 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 ¶ 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑁄𑀢𑀸𑀧𑀦𑁆𑀦𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀸𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀧𑀳𑀻𑀦𑀸…𑀧𑁂… 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑀓𑀤𑀸𑀕𑀸𑀫𑀻 𑀲𑀓𑀤𑀸𑀕𑀸𑀫𑀺𑀨𑀮𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁬𑁦. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 [𑀅𑀦𑀪𑀸𑀯𑀓𑀢𑁄 (𑀲𑀻.)] 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 ¶ 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄, 𑀦𑁄 𑀘 𑀯𑀢 𑀭𑁂 [𑀦𑁄 𑀯𑀢 𑀭𑁂 (𑀲𑁆𑀬𑀸. 𑀧𑀻.) 𑀏𑀯𑀫𑀼𑀧𑀭𑀺𑀧𑀺] 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄… 𑀫𑀸𑀦𑁄 𑀧𑀳𑀻𑀦𑁄… 𑀤𑀺𑀝𑁆𑀞𑀺 𑀧𑀳𑀻𑀦𑀸… 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸… 𑀣𑀺𑀦𑀁 𑀧𑀳𑀻𑀦𑀁… 𑀉𑀤𑁆𑀥𑀘𑁆𑀘𑀁 𑀧𑀳𑀻𑀦𑀁… 𑀅𑀳𑀺𑀭𑀺𑀓𑀁 𑀧𑀳𑀻𑀦𑀁… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄𑀢𑀺 ¶ ? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀲𑀢𑀺𑀧𑀝𑁆𑀞𑀸𑀦𑀸 𑀪𑀸𑀯𑀺𑀢𑀸…𑀧𑁂… 𑀲𑀫𑁆𑀫𑀧𑁆𑀧𑀥𑀸𑀦𑀸 𑀪𑀸𑀯𑀺𑀢𑀸… 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑀺𑀢𑀸… 𑀇𑀦𑁆𑀤𑁆𑀭𑀺𑀬𑀸 𑀪𑀸𑀯𑀺𑀢𑀸… 𑀩𑀮𑀸 𑀪𑀸𑀯𑀺𑀢𑀸… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 ¶ 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑁨𑁬𑁧. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄; 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 ¶ 𑀅𑀪𑀺𑀜𑁆𑀜𑀸𑀢𑀁 ¶ , 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁, 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑁨𑁬𑁨. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? ( ) [(𑀆𑀫𑀦𑁆𑀢𑀸) (𑀓.)] 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀺, 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀦 𑀧𑀭𑀺𑀳𑀸𑀬𑀢𑀻𑀢𑀺. 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀢𑀻𑀢𑀺 [𑀦 𑀧𑀭𑀺𑀳𑀸𑀬𑀢𑀻𑀢𑀺 (𑀓.)]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀦 𑀧𑀭𑀺𑀳𑀸𑀬𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀦 𑀧𑀭𑀺𑀳𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 ¶ ¶ 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 ¶ 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀲𑀢𑀺𑀧𑀝𑁆𑀞𑀸𑀦𑀸 𑀪𑀸𑀯𑀺𑀢𑀸…𑀧𑁂… 𑀲𑀫𑁆𑀫𑀧𑁆𑀧𑀥𑀸𑀦𑀸 𑀪𑀸𑀯𑀺𑀢𑀸… 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑀺𑀢𑀸… 𑀇𑀦𑁆𑀤𑁆𑀭𑀺𑀬𑀸 𑀪𑀸𑀯𑀺𑀢𑀸… 𑀩𑀮𑀸 𑀪𑀸𑀯𑀺𑀢𑀸… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀲𑀢𑀺𑀧𑀝𑁆𑀞𑀸𑀦𑀸 ¶ 𑀪𑀸𑀯𑀺𑀢𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 ¶ 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄, 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 𑀅𑀪𑀺𑀜𑁆𑀜𑀸𑀢𑀁, 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁, 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁 ¶ , 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 ¶ 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁬𑁩. 𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 ¶ 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 ¶ 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦 𑀧𑀭𑀺𑀳𑀸𑀬𑀢𑀺 𑀅𑀲𑀫𑀬𑀯𑀺𑀫𑀼𑀢𑁆𑀢𑁄 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦 𑀧𑀭𑀺𑀳𑀸𑀬𑀢𑀺 𑀲𑀫𑀬𑀯𑀺𑀫𑀼𑀢𑁆𑀢𑁄 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁬𑁪. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀲𑀸𑀭𑀺𑀧𑀼𑀢𑁆𑀢𑁄 𑀣𑁂𑀭𑁄 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑁄 [𑀫𑀳𑀸𑀫𑁄𑀕𑁆𑀕𑀮𑀸𑀦𑁄 (𑀓.)] 𑀣𑁂𑀭𑁄… 𑀫𑀳𑀸𑀓𑀲𑁆𑀲𑀧𑁄 𑀣𑁂𑀭𑁄… 𑀫𑀳𑀸𑀓𑀘𑁆𑀘𑀸𑀬𑀦𑁄 [𑀫𑀳𑀸𑀓𑀘𑁆𑀘𑀸𑀦𑁄 (𑀫. 𑀦𑀺. 𑁧.𑁨𑁦𑁨 𑀆𑀤𑀬𑁄)] 𑀣𑁂𑀭𑁄… 𑀫𑀳𑀸𑀓𑁄𑀝𑁆𑀞𑀺𑀓𑁄 [𑀫𑀳𑀸𑀓𑁄𑀝𑁆𑀞𑀺𑀢𑁄 (𑀲𑀻. 𑀲𑁆𑀬𑀸. 𑀓𑀁. 𑀧𑀻.)] 𑀣𑁂𑀭𑁄… 𑀫𑀳𑀸𑀧𑀦𑁆𑀣𑀓𑁄 𑀣𑁂𑀭𑁄 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀸𑀭𑀺𑀧𑀼𑀢𑁆𑀢𑁄 𑀣𑁂𑀭𑁄 𑀦 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀲𑀸𑀭𑀺𑀧𑀼𑀢𑁆𑀢𑁄 𑀣𑁂𑀭𑁄 𑀦 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑁄 𑀣𑁂𑀭𑁄… 𑀫𑀳𑀸𑀓𑀲𑁆𑀲𑀧𑁄 𑀣𑁂𑀭𑁄… 𑀫𑀳𑀸𑀓𑀘𑁆𑀘𑀸𑀬𑀦𑁄 𑀣𑁂𑀭𑁄… 𑀫𑀳𑀸𑀓𑁄𑀝𑁆𑀞𑀺𑀓𑁄 𑀣𑁂𑀭𑁄… 𑀫𑀳𑀸𑀧𑀦𑁆𑀣𑀓𑁄 𑀣𑁂𑀭𑁄 𑀦 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀫𑀳𑀸𑀧𑀦𑁆𑀣𑀓𑁄 𑀣𑁂𑀭𑁄 𑀦 𑀧𑀭𑀺𑀳𑀸𑀬𑀺𑀢𑁆𑀣 𑀅𑀭𑀳𑀢𑁆𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀅𑀭𑀺𑀬𑀧𑀼𑀕𑁆𑀕𑀮𑀲𑀁𑀲𑀦𑁆𑀤𑀦𑀁.

𑁩. 𑀲𑀼𑀢𑁆𑀢𑀲𑀸𑀥𑀦𑀧𑀭𑀺𑀳𑀸𑀦𑀺

𑁨𑁬𑁫. 𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀉𑀘𑁆𑀘𑀸𑀯𑀘𑀸 𑀳𑀺 𑀧𑀝𑀺𑀧𑀤𑀸 [𑀧𑀝𑀺𑀧𑀸𑀤𑀸 (𑀅𑀝𑁆𑀞.)], 𑀲𑀫𑀡𑁂𑀦 𑀧𑀓𑀸𑀲𑀺𑀢𑀸;

𑀦 𑀧𑀸𑀭𑀁 𑀤𑀺𑀕𑀼𑀡𑀁 𑀬𑀦𑁆𑀢𑀺, 𑀦𑀬𑀺𑀤𑀁 𑀏𑀓𑀕𑀼𑀡𑀁 𑀫𑀼𑀢’’𑀦𑁆𑀢𑀺 [𑀲𑀼. 𑀦𑀺. 𑁭𑁧𑁯 𑀲𑀼𑀢𑁆𑀢𑀦𑀺𑀧𑀸𑀢𑁂].

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 ¶ 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀙𑀺𑀦𑁆𑀦𑀲𑁆𑀲 𑀙𑁂𑀤𑀺𑀬𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀙𑀺𑀦𑁆𑀦𑀲𑁆𑀲 𑀙𑁂𑀤𑀺𑀬𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀯𑀻𑀢𑀢𑀡𑁆𑀳𑁄 ¶ 𑀅𑀦𑀸𑀤𑀸𑀦𑁄, 𑀓𑀺𑀘𑁆𑀘𑀁 𑀬𑀲𑁆𑀲 𑀦 𑀯𑀺𑀚𑁆𑀚𑀢𑀺;

𑀙𑀺𑀦𑁆𑀦𑀲𑁆𑀲 𑀙𑁂𑀤𑀺𑀬𑀁 𑀦𑀢𑁆𑀣𑀺, 𑀑𑀖𑀧𑀸𑀲𑁄 𑀲𑀫𑀽𑀳𑀢𑁄’’𑀢𑀺.

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀙𑀺𑀦𑁆𑀦𑀲𑁆𑀲 𑀙𑁂𑀤𑀺𑀬’’𑀦𑁆𑀢𑀺.

𑁨𑁬𑁬. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀓𑀢𑀲𑁆𑀲 𑀧𑀢𑀺𑀘𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀓𑀢𑀲𑁆𑀲 𑀧𑀢𑀺𑀘𑀬𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀢𑀲𑁆𑀲 𑀲𑀫𑁆𑀫𑀸 𑀯𑀺𑀫𑀼𑀢𑁆𑀢𑀲𑁆𑀲, 𑀲𑀦𑁆𑀢𑀘𑀺𑀢𑁆𑀢𑀲𑁆𑀲 𑀪𑀺𑀓𑁆𑀔𑀼𑀦𑁄;

𑀓𑀢𑀲𑁆𑀲 𑀧𑀢𑀺𑀘𑀬𑁄 𑀦𑀢𑁆𑀣𑀺, 𑀓𑀭𑀡𑀻𑀬𑀁 𑀦 𑀯𑀺𑀚𑁆𑀚𑀢𑀺.

‘‘𑀲𑁂𑀮𑁄 𑀬𑀣𑀸 𑀏𑀓𑀕𑁆𑀖𑀦𑁄, 𑀯𑀸𑀢𑁂𑀦 𑀦 𑀲𑀫𑀻𑀭𑀢𑀺;

𑀏𑀯𑀁 𑀭𑀽𑀧𑀸 𑀭𑀲𑀸 𑀲𑀤𑁆𑀤𑀸, 𑀕𑀦𑁆𑀥𑀸 𑀨𑀲𑁆𑀲𑀸 𑀘 𑀓𑁂𑀯𑀮𑀸.

‘‘𑀇𑀝𑁆𑀞𑀸 𑀥𑀫𑁆𑀫𑀸 𑀅𑀦𑀺𑀝𑁆𑀞𑀸 𑀘, 𑀦𑀧𑁆𑀧𑀯𑁂𑀥𑁂𑀦𑁆𑀢𑀺 𑀢𑀸𑀤𑀺𑀦𑁄;

𑀞𑀺𑀢𑀁 𑀘𑀺𑀢𑁆𑀢𑀁 𑀯𑀺𑀧𑁆𑀧𑀫𑀼𑀢𑁆𑀢𑀁, 𑀯𑀬𑀁 𑀘𑀲𑁆𑀲𑀸𑀦𑀼𑀧𑀲𑁆𑀲𑀢𑀻’’𑀢𑀺 [𑀫𑀳𑀸𑀯. 𑁨𑁪𑁪; 𑀅. 𑀦𑀺. 𑁬.𑁫𑁫].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 ¶ 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀓𑀢𑀲𑁆𑀲 𑀧𑀢𑀺𑀘𑀬𑁄’’𑀢𑀺.

𑁨𑁬𑁭. 𑀦 ¶ ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑀸 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀭𑀺𑀳𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀧𑀜𑁆𑀘? 𑀓𑀫𑁆𑀫𑀸𑀭𑀸𑀫𑀢𑀸, 𑀪𑀲𑁆𑀲𑀸𑀭𑀸𑀫𑀢𑀸, 𑀦𑀺𑀤𑁆𑀤𑀸𑀭𑀸𑀫𑀢𑀸, 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀸, 𑀬𑀣𑀸𑀯𑀺𑀫𑀼𑀢𑁆𑀢𑀁 𑀘𑀺𑀢𑁆𑀢𑀁 𑀦 𑀧𑀘𑁆𑀘𑀯𑁂𑀓𑁆𑀔𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀥𑀫𑁆𑀫𑀸 𑀲𑀫𑀬𑀯𑀺𑀫𑀼𑀢𑁆𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀭𑀺𑀳𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺 [𑀅. 𑀦𑀺. 𑁫.𑁧𑁪𑁯]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀫𑁆𑀫𑀸𑀭𑀸𑀫𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀓𑀫𑁆𑀫𑀸𑀭𑀸𑀫𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀪𑀲𑁆𑀲𑀸𑀭𑀸𑀫𑀢𑀸, 𑀅𑀢𑁆𑀣𑀺 𑀅𑀭𑀳𑀢𑁄 𑀦𑀺𑀤𑁆𑀤𑀸𑀭𑀸𑀫𑀢𑀸, 𑀅𑀢𑁆𑀣𑀺 𑀅𑀭𑀳𑀢𑁄 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁬𑁮. 𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑁄 𑀓𑀺𑀁 𑀧𑀭𑀺𑀬𑀼𑀝𑁆𑀞𑀺𑀢𑁄 𑀧𑀭𑀺𑀳𑀸𑀬𑀢𑀻𑀢𑀺? 𑀭𑀸𑀕𑀧𑀭𑀺𑀬𑀼𑀝𑁆𑀞𑀺𑀢𑁄 𑀧𑀭𑀺𑀳𑀸𑀬𑀢𑀻𑀢𑀺. 𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀺𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀅𑀦𑀼𑀲𑀬𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀻𑀢𑀺. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀦𑀼𑀲𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 ¶ ¶ 𑀅𑀭𑀳𑀢𑁄 𑀅𑀦𑀼𑀲𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀸𑀫𑀭𑀸𑀕𑀸𑀦𑀼𑀲𑀬𑁄 𑀧𑀝𑀺𑀖𑀸𑀦𑀼𑀲𑀬𑁄 𑀫𑀸𑀦𑀸𑀦𑀼𑀲𑀬𑁄 𑀤𑀺𑀝𑁆𑀞𑀸𑀦𑀼𑀲𑀬𑁄 𑀯𑀺𑀘𑀺𑀓𑀺𑀘𑁆𑀙𑀸𑀦𑀼𑀲𑀬𑁄 𑀪𑀯𑀭𑀸𑀕𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀤𑁄𑀲𑀧𑀭𑀺𑀬𑀼𑀝𑁆𑀞𑀺𑀢𑁄 𑀧𑀭𑀺𑀳𑀸𑀬𑀢𑀻𑀢𑀺…𑀧𑁂… 𑀫𑁄𑀳𑀧𑀭𑀺𑀬𑀼𑀝𑁆𑀞𑀺𑀢𑁄 𑀧𑀭𑀺𑀳𑀸𑀬𑀢𑀻𑀢𑀺…. 𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀺𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀅𑀦𑀼𑀲𑀬𑀁 𑀧𑀝𑀺𑀘𑁆𑀘 𑀉𑀧𑁆𑀧𑀚𑁆𑀚𑀢𑀻𑀢𑀺. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀦𑀼𑀲𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀦𑀼𑀲𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀸𑀫𑀭𑀸𑀕𑀸𑀦𑀼𑀲𑀬𑁄…𑀧𑁂… 𑀅𑀯𑀺𑀚𑁆𑀚𑀸𑀦𑀼𑀲𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀭𑀺𑀳𑀸𑀬𑀢𑀺 ¶ 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀅𑀭𑀳𑀢𑁆𑀢𑀸 𑀧𑀭𑀺𑀳𑀸𑀬𑀫𑀸𑀦𑀲𑁆𑀲 𑀓𑀺𑀁 𑀉𑀧𑀘𑀬𑀁 ¶ 𑀕𑀘𑁆𑀙𑀢𑀻𑀢𑀺? 𑀭𑀸𑀕𑁄 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺. 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺, 𑀯𑀺𑀘𑀺𑀓𑀺𑀘𑁆𑀙𑀸 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀤𑁄𑀲𑁄 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺…𑀧𑁂… 𑀫𑁄𑀳𑁄 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺, 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺, 𑀯𑀺𑀘𑀺𑀓𑀺𑀘𑁆𑀙𑀸 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀉𑀧𑀘𑀬𑀁 𑀕𑀘𑁆𑀙𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀆𑀘𑀺𑀦𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀅𑀧𑀘𑀺𑀦𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀧𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀉𑀧𑀸𑀤𑀺𑀬𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀯𑀺𑀲𑀺𑀦𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀉𑀲𑁆𑀲𑀺𑀦𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 ¶ 𑀯𑀺𑀥𑀽𑀧𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀭𑀳𑀸 𑀲𑀦𑁆𑀥𑀽𑀧𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦𑀦𑀼 𑀅𑀭𑀳𑀸 𑀦𑁂𑀯𑀸𑀘𑀺𑀦𑀢𑀺 𑀦 𑀅𑀧𑀘𑀺𑀦𑀢𑀺 𑀅𑀧𑀘𑀺𑀦𑀺𑀢𑁆𑀯𑀸 𑀞𑀺𑀢𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀦𑁂𑀯𑀸𑀘𑀺𑀦𑀢𑀺 𑀦 𑀅𑀧𑀘𑀺𑀦𑀢𑀺 𑀅𑀧𑀘𑀺𑀦𑀺𑀢𑁆𑀯𑀸 𑀞𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀦𑀦𑀼 𑀅𑀭𑀳𑀸 𑀦𑁂𑀯 𑀧𑀚𑀳𑀢𑀺 𑀦 𑀉𑀧𑀸𑀤𑀺𑀬𑀢𑀺 𑀧𑀚𑀳𑀺𑀢𑁆𑀯𑀸 𑀞𑀺𑀢𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀦𑁂𑀯 𑀧𑀚𑀳𑀢𑀺 𑀦 𑀉𑀧𑀸𑀤𑀺𑀬𑀢𑀺 𑀧𑀚𑀳𑀺𑀢𑁆𑀯𑀸 𑀞𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀦𑀦𑀼 𑀅𑀭𑀳𑀸 𑀦𑁂𑀯 𑀯𑀺𑀲𑀺𑀦𑁂𑀢𑀺 𑀦 𑀉𑀲𑁆𑀲𑀺𑀦𑁂𑀢𑀺 𑀯𑀺𑀲𑀺𑀦𑀺𑀢𑁆𑀯𑀸 𑀞𑀺𑀢𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀦𑁂𑀯 𑀯𑀺𑀲𑀺𑀦𑁂𑀢𑀺 𑀦 𑀉𑀲𑁆𑀲𑀺𑀦𑁂𑀢𑀺 𑀯𑀺𑀲𑀺𑀦𑀺𑀢𑁆𑀯𑀸 𑀞𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀦𑀦𑀼 𑀅𑀭𑀳𑀸 𑀦𑁂𑀯 𑀯𑀺𑀥𑀽𑀧𑁂𑀢𑀺 𑀦 𑀲𑀦𑁆𑀥𑀽𑀧𑁂𑀢𑀺 𑀯𑀺𑀥𑀽𑀧𑁂𑀢𑁆𑀯𑀸 𑀞𑀺𑀢𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀦𑁂𑀯 𑀯𑀺𑀥𑀽𑀧𑁂𑀢𑀺 𑀦 𑀲𑀦𑁆𑀥𑀽𑀧𑁂𑀢𑀺 𑀯𑀺𑀥𑀽𑀧𑁂𑀢𑁆𑀯𑀸 𑀞𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀭𑀺𑀳𑀸𑀬𑀢𑀺 𑀅𑀭𑀳𑀸 𑀅𑀭𑀳𑀢𑁆𑀢𑀸’’𑀢𑀺.

𑀧𑀭𑀺𑀳𑀸𑀦𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁩. 𑀩𑁆𑀭𑀳𑁆𑀫𑀘𑀭𑀺𑀬𑀓𑀣𑀸

𑁧. 𑀲𑀼𑀤𑁆𑀥𑀩𑁆𑀭𑀳𑁆𑀫𑀘𑀭𑀺𑀬𑀓𑀣𑀸

𑁨𑁬𑁯. 𑀦𑀢𑁆𑀣𑀺 ¶ ¶ 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 ¶ 𑀤𑁂𑀯𑀸 𑀚𑀴𑀸 𑀏𑀮𑀫𑀽𑀕𑀸 [𑀏𑀴𑀫𑀽𑀕𑀸 (𑀲𑁆𑀬𑀸.)] 𑀅𑀯𑀺𑀜𑁆𑀜𑀽 𑀳𑀢𑁆𑀣𑀲𑀁𑀯𑀸𑀘𑀺𑀓𑀸 𑀦𑀧𑁆𑀧𑀝𑀺𑀩𑀮𑀸 𑀲𑀼𑀪𑀸𑀲𑀺𑀢𑀤𑀼𑀩𑁆𑀪𑀸𑀲𑀺𑀢𑀸𑀦𑀁 𑀅𑀢𑁆𑀣𑀫𑀜𑁆𑀜𑀸𑀢𑀼𑀁, 𑀲𑀩𑁆𑀩𑁂 𑀤𑁂𑀯𑀸 𑀦 𑀩𑀼𑀤𑁆𑀥𑁂 𑀧𑀲𑀦𑁆𑀦𑀸 𑀦 𑀥𑀫𑁆𑀫𑁂 ¶ 𑀧𑀲𑀦𑁆𑀦𑀸 𑀦 𑀲𑀗𑁆𑀖𑁂 𑀧𑀲𑀦𑁆𑀦𑀸, 𑀦 𑀩𑀼𑀤𑁆𑀥𑀁 𑀪𑀕𑀯𑀦𑁆𑀢𑀁 𑀧𑀬𑀺𑀭𑀼𑀧𑀸𑀲𑀦𑁆𑀢𑀺, 𑀦 𑀩𑀼𑀤𑁆𑀥𑀁 𑀪𑀕𑀯𑀦𑁆𑀢𑀁 𑀧𑀜𑁆𑀳𑀁 𑀧𑀼𑀘𑁆𑀙𑀦𑁆𑀢𑀺, 𑀦 𑀩𑀼𑀤𑁆𑀥𑁂𑀦 𑀪𑀕𑀯𑀢𑀸 𑀧𑀜𑁆𑀳𑁂 𑀯𑀺𑀲𑁆𑀲𑀚𑁆𑀚𑀺𑀢𑁂 𑀅𑀢𑁆𑀢𑀫𑀦𑀸, 𑀲𑀩𑁆𑀩𑁂 𑀤𑁂𑀯𑀸 𑀓𑀫𑁆𑀫𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀓𑀺𑀮𑁂𑀲𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀯𑀺𑀧𑀸𑀓𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀅𑀲𑁆𑀲𑀤𑁆𑀥𑀸 𑀅𑀘𑁆𑀙𑀦𑁆𑀤𑀺𑀓𑀸 𑀤𑀼𑀧𑁆𑀧𑀜𑁆𑀜𑀸 𑀅𑀪𑀩𑁆𑀩𑀸 𑀦𑀺𑀬𑀸𑀫𑀁 𑀑𑀓𑁆𑀓𑀫𑀺𑀢𑀼𑀁 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼 𑀲𑀫𑁆𑀫𑀢𑁆𑀢𑀁, 𑀲𑀩𑁆𑀩𑁂 𑀤𑁂𑀯𑀸 𑀫𑀸𑀢𑀼𑀖𑀸𑀢𑀓𑀸 𑀧𑀺𑀢𑀼𑀖𑀸𑀢𑀓𑀸 𑀅𑀭𑀳𑀦𑁆𑀢𑀖𑀸𑀢𑀓𑀸 𑀭𑀼𑀳𑀺𑀭𑀼𑀧𑁆𑀧𑀸𑀤𑀓𑀸 𑀲𑀗𑁆𑀖𑀪𑁂𑀤𑀓𑀸, 𑀲𑀩𑁆𑀩𑁂 𑀤𑁂𑀯𑀸 𑀧𑀸𑀡𑀸𑀢𑀺𑀧𑀸𑀢𑀺𑀦𑁄 𑀅𑀤𑀺𑀦𑁆𑀦𑀸𑀤𑀸𑀬𑀺𑀦𑁄 𑀓𑀸𑀫𑁂𑀲𑀼𑀫𑀺𑀘𑁆𑀙𑀸𑀘𑀸𑀭𑀺𑀦𑁄 𑀫𑀼𑀲𑀸𑀯𑀸𑀤𑀺𑀦𑁄 𑀧𑀺𑀲𑀼𑀡𑀯𑀸𑀘𑀸 𑀨𑀭𑀼𑀲𑀸𑀯𑀸𑀘𑀸 𑀲𑀫𑁆𑀨𑀧𑁆𑀧𑀮𑀸𑀧𑀺𑀦𑁄 𑀅𑀪𑀺𑀚𑁆𑀛𑀸𑀮𑀼𑀦𑁄 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑀸 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀓𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀦𑀼 𑀅𑀢𑁆𑀣𑀺 𑀤𑁂𑀯𑀸 𑀅𑀚𑀴𑀸 𑀅𑀦𑁂𑀮𑀫𑀽𑀕𑀸 𑀯𑀺𑀜𑁆𑀜𑀽 𑀦 𑀳𑀢𑁆𑀣𑀲𑀁𑀯𑀸𑀘𑀺𑀓𑀸 𑀧𑀝𑀺𑀩𑀮𑀸 𑀲𑀼𑀪𑀸𑀲𑀺𑀢𑀤𑀼𑀩𑁆𑀪𑀸𑀲𑀺𑀢𑀸𑀦𑀁 𑀅𑀢𑁆𑀣𑀫𑀜𑁆𑀜𑀸𑀢𑀼𑀁, 𑀅𑀢𑁆𑀣𑀺 𑀤𑁂𑀯𑀸 𑀩𑀼𑀤𑁆𑀥𑁂 𑀧𑀲𑀦𑁆𑀦𑀸 𑀥𑀫𑁆𑀫𑁂 𑀧𑀲𑀦𑁆𑀦𑀸 𑀲𑀗𑁆𑀖𑁂 𑀧𑀲𑀦𑁆𑀦𑀸, 𑀩𑀼𑀤𑁆𑀥𑀁 𑀪𑀕𑀯𑀦𑁆𑀢𑀁 𑀧𑀬𑀺𑀭𑀼𑀧𑀸𑀲𑀦𑁆𑀢𑀺, 𑀩𑀼𑀤𑁆𑀥𑀁 𑀪𑀕𑀯𑀦𑁆𑀢𑀁 𑀧𑀜𑁆𑀳𑀁 𑀧𑀼𑀘𑁆𑀙𑀦𑁆𑀢𑀺, 𑀩𑀼𑀤𑁆𑀥𑁂𑀦 𑀪𑀕𑀯𑀢𑀸 𑀧𑀜𑁆𑀳𑁂 𑀯𑀺𑀲𑁆𑀲𑀚𑁆𑀚𑀺𑀢𑁂 𑀅𑀢𑁆𑀢𑀫𑀦𑀸 𑀳𑁄𑀦𑁆𑀢𑀺, 𑀅𑀢𑁆𑀣𑀺 𑀤𑁂𑀯𑀸 𑀦 𑀓𑀫𑁆𑀫𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀦 𑀓𑀺𑀮𑁂𑀲𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀦 𑀯𑀺𑀧𑀸𑀓𑀸𑀯𑀭𑀡𑁂𑀦 𑀲𑀫𑀦𑁆𑀦𑀸𑀕𑀢𑀸 𑀲𑀤𑁆𑀥𑀸 𑀙𑀦𑁆𑀤𑀺𑀓𑀸 𑀧𑀜𑁆𑀜𑀯𑀦𑁆𑀢𑁄 𑀪𑀩𑁆𑀩𑀸 𑀦𑀺𑀬𑀸𑀫𑀁 𑀑𑀓𑁆𑀓𑀫𑀺𑀢𑀼𑀁 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼 𑀲𑀫𑁆𑀫𑀢𑁆𑀢𑀁, 𑀅𑀢𑁆𑀣𑀺 𑀤𑁂𑀯𑀸 𑀦 𑀫𑀸𑀢𑀼𑀖𑀸𑀢𑀓𑀸 𑀦 𑀧𑀺𑀢𑀼𑀖𑀸𑀢𑀓𑀸 𑀦 𑀅𑀭𑀳𑀦𑁆𑀢𑀖𑀸𑀢𑀓𑀸 𑀦 𑀭𑀼𑀳𑀺𑀭𑀼𑀧𑁆𑀧𑀸𑀤𑀓𑀸 𑀦 𑀲𑀗𑁆𑀖𑀪𑁂𑀤𑀓𑀸, 𑀅𑀢𑁆𑀣𑀺 𑀤𑁂𑀯𑀸 𑀦 𑀧𑀸𑀡𑀸𑀢𑀺𑀧𑀸𑀢𑀺𑀦𑁄 𑀦 𑀅𑀤𑀺𑀦𑁆𑀦𑀸𑀤𑀸𑀬𑀺𑀦𑁄 𑀦 𑀓𑀸𑀫𑁂𑀲𑀼𑀫𑀺𑀘𑁆𑀙𑀸𑀘𑀸𑀭𑀺𑀦𑁄 ¶ 𑀦 𑀫𑀼𑀲𑀸𑀯𑀸𑀤𑀺𑀦𑁄 𑀦 𑀧𑀺𑀲𑀼𑀡𑀸𑀯𑀸𑀘𑀸 𑀦 𑀨𑀭𑀼𑀲𑀸𑀯𑀸𑀘𑀸 𑀦 𑀲𑀫𑁆𑀨𑀧𑁆𑀧𑀮𑀸𑀧𑀺𑀦𑁄 𑀦 𑀅𑀪𑀺𑀚𑁆𑀛𑀸𑀮𑀼𑀦𑁄 ¶ 𑀅𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑀸 𑀲𑀫𑁆𑀫𑀸𑀤𑀺𑀝𑁆𑀞𑀺𑀓𑀸𑀢𑀺? 𑀆𑀫𑀦𑁆𑀢𑀸.

𑀳𑀜𑁆𑀘𑀺 𑀅𑀢𑁆𑀣𑀺 𑀤𑁂𑀯𑀸 𑀅𑀚𑀴𑀸 𑀅𑀦𑁂𑀮𑀫𑀽𑀕𑀸 𑀯𑀺𑀜𑁆𑀜𑀽 𑀦 𑀳𑀢𑁆𑀣𑀲𑀁𑀯𑀸𑀘𑀺𑀓𑀸 ¶ 𑀧𑀝𑀺𑀩𑀮𑀸 𑀲𑀼𑀪𑀸𑀲𑀺𑀢𑀤𑀼𑀩𑁆𑀪𑀸𑀲𑀺𑀢𑀸𑀦𑀁 𑀅𑀢𑁆𑀣𑀫𑀜𑁆𑀜𑀸𑀢𑀼𑀁…𑀧𑁂… 𑀅𑀢𑁆𑀣𑀺 𑀤𑁂𑀯𑀸 𑀩𑀼𑀤𑁆𑀥𑁂 𑀧𑀲𑀦𑁆𑀦𑀸…𑀧𑁂… 𑀲𑀫𑁆𑀫𑀸𑀤𑀺𑀝𑁆𑀞𑀺𑀓𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺.

𑁨𑁭𑁦. 𑀅𑀢𑁆𑀣𑀺 ¶ 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀢𑁆𑀣 𑀧𑀩𑁆𑀩𑀚𑁆𑀚𑀸 𑀫𑀼𑀡𑁆𑀟𑀺𑀬𑀁 𑀓𑀸𑀲𑀸𑀯𑀥𑀸𑀭𑀡𑀸 𑀧𑀢𑁆𑀢𑀥𑀸𑀭𑀡𑀸, 𑀤𑁂𑀯𑁂𑀲𑀼 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀧𑀩𑁆𑀩𑀚𑁆𑀚𑀸 𑀦𑀢𑁆𑀣𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀅𑀢𑁆𑀣𑀺 𑀧𑀩𑁆𑀩𑀚𑁆𑀚𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀧𑀩𑁆𑀩𑀚𑁆𑀚𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀅𑀢𑁆𑀣𑀺 𑀧𑀩𑁆𑀩𑀚𑁆𑀚𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀧𑀩𑁆𑀩𑀚𑁆𑀚𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑁄 𑀧𑀩𑁆𑀩𑀚𑀢𑀺 𑀢𑀲𑁆𑀲𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑁄 𑀦 𑀧𑀩𑁆𑀩𑀚𑀢𑀺 𑀦𑀢𑁆𑀣𑀺 𑀢𑀲𑁆𑀲 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀫𑀼𑀡𑁆𑀟𑀺𑀬𑀁 𑀦𑀢𑁆𑀣𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀅𑀢𑁆𑀣𑀺 𑀫𑀼𑀡𑁆𑀟𑀺𑀬𑀁 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀫𑀼𑀡𑁆𑀟𑀺𑀬𑀁 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀅𑀢𑁆𑀣𑀺 𑀫𑀼𑀡𑁆𑀟𑀺𑀬𑀁 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 ¶ 𑀦𑀢𑁆𑀣𑀺 𑀫𑀼𑀡𑁆𑀟𑀺𑀬𑀁 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑁄 𑀫𑀼𑀡𑁆𑀟𑁄 𑀳𑁄𑀢𑀺 𑀢𑀲𑁆𑀲𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑁄 𑀫𑀼𑀡𑁆𑀟𑁄 𑀦 𑀳𑁄𑀢𑀺 𑀦𑀢𑁆𑀣𑀺 𑀢𑀲𑁆𑀲 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀓𑀸𑀲𑀸𑀯𑀥𑀸𑀭𑀡𑀸 𑀦𑀢𑁆𑀣𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀅𑀢𑁆𑀣𑀺 𑀓𑀸𑀲𑀸𑀯𑀥𑀸𑀭𑀡𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀓𑀸𑀲𑀸𑀯𑀥𑀸𑀭𑀡𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀅𑀢𑁆𑀣𑀺 𑀓𑀸𑀲𑀸𑀯𑀥𑀸𑀭𑀡𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀓𑀸𑀲𑀸𑀯𑀥𑀸𑀭𑀡𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑁄 𑀓𑀸𑀲𑀸𑀯𑀁 ¶ 𑀥𑀸𑀭𑁂𑀢𑀺 𑀢𑀲𑁆𑀲𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑁄 𑀓𑀸𑀲𑀸𑀯𑀁 𑀦 𑀥𑀸𑀭𑁂𑀢𑀺 𑀦𑀢𑁆𑀣𑀺 𑀢𑀲𑁆𑀲 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀧𑀢𑁆𑀢𑀥𑀸𑀭𑀡𑀸 𑀦𑀢𑁆𑀣𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀅𑀢𑁆𑀣𑀺 𑀧𑀢𑁆𑀢𑀥𑀸𑀭𑀡𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀧𑀢𑁆𑀢𑀥𑀸𑀭𑀡𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀅𑀢𑁆𑀣𑀺 𑀧𑀢𑁆𑀢𑀥𑀸𑀭𑀡𑀸 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀦𑀢𑁆𑀣𑀺 𑀧𑀢𑁆𑀢𑀥𑀸𑀭𑀡𑀸 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸? 𑀬𑁄 𑀧𑀢𑁆𑀢𑀁 𑀥𑀸𑀭𑁂𑀢𑀺 𑀢𑀲𑁆𑀲𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑁄 𑀧𑀢𑁆𑀢𑀁 𑀦 𑀥𑀸𑀭𑁂𑀢𑀺 𑀦𑀢𑁆𑀣𑀺 𑀢𑀲𑁆𑀲 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 ¶ 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺 ¶ ? 𑀆𑀫𑀦𑁆𑀢𑀸. 𑀬𑀢𑁆𑀣 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸 ¶ . 𑀮𑀼𑀫𑁆𑀩𑀺𑀦𑀺𑀬𑀸 𑀪𑀕𑀯𑀸 𑀚𑀸𑀢𑁄, 𑀩𑁄𑀥𑀺𑀬𑀸 𑀫𑀽𑀮𑁂 𑀅𑀪𑀺𑀲𑀫𑁆𑀩𑀼𑀤𑁆𑀥𑁄, 𑀩𑀸𑀭𑀸𑀡𑀲𑀺𑀬𑀁 𑀪𑀕𑀯𑀢𑀸 𑀥𑀫𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑀺𑀢𑀁; 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀦𑀢𑁆𑀣𑀜𑁆𑀜𑀢𑁆𑀭 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀦𑀼𑀧𑁆𑀧𑀚𑁆𑀚𑀦𑁆𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀫𑀚𑁆𑀛𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀧𑀘𑁆𑀘𑁂𑀓𑀲𑀫𑁆𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀦𑀢𑁆𑀣𑀜𑁆𑀜𑀢𑁆𑀭 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑁂𑀲𑀼 𑀲𑀸𑀯𑀓𑀬𑀼𑀕𑀁 𑀦𑀼𑀧𑁆𑀧𑀚𑁆𑀚𑀢𑀻𑀢𑀺, 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀬𑀢𑁆𑀣 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀺 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀲𑀸𑀯𑀓𑀬𑀼𑀕𑀁 𑀦𑀼𑀧𑁆𑀧𑀚𑁆𑀚𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀬𑀢𑁆𑀣 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀚𑁆𑀚𑀢𑀺 𑀢𑀢𑁆𑀣𑁂𑀯 ¶ 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀬𑀢𑁆𑀣 𑀲𑀸𑀯𑀓𑀬𑀼𑀕𑀁 𑀦𑀼𑀧𑁆𑀧𑀚𑁆𑀚𑀢𑀺 𑀦𑀢𑁆𑀣𑀺 𑀢𑀢𑁆𑀣 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀫𑀕𑀥𑁂𑀲𑀼 ¶ 𑀲𑀸𑀯𑀓𑀬𑀼𑀕𑀁 𑀉𑀧𑁆𑀧𑀦𑁆𑀦𑀁, 𑀢𑀢𑁆𑀣𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀦𑀢𑁆𑀣𑀜𑁆𑀜𑀢𑁆𑀭 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁭𑁧. 𑀅𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸 ¶ . 𑀲𑀩𑁆𑀩𑀤𑁂𑀯𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀫𑀦𑀼𑀲𑁆𑀲𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀫𑀦𑀼𑀲𑁆𑀲𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀅𑀲𑀜𑁆𑀜𑀲𑀢𑁆𑀢𑁂𑀲𑀼 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 ¶ 𑀫𑀦𑀼𑀲𑁆𑀲𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀫𑀺𑀮𑀓𑁆𑀔𑁂𑀲𑀼 [𑀫𑀺𑀮𑀓𑁆𑀔𑀽𑀲𑀼 (𑀲𑁆𑀬𑀸. 𑀓.)] 𑀅𑀯𑀺𑀜𑁆𑀜𑀸𑀢𑀸𑀭𑁂𑀲𑀼 𑀬𑀢𑁆𑀣 𑀦𑀢𑁆𑀣𑀺 𑀕𑀢𑀺 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀉𑀧𑀸𑀲𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀻𑀢𑀺. 𑀅𑀲𑀜𑁆𑀜𑀲𑀢𑁆𑀢𑁂𑀲𑀼 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀲𑀜𑁆𑀜𑀲𑀢𑁆𑀢𑁂𑀲𑀼 [𑀅𑀲𑀜𑁆𑀜𑀲𑀢𑁆𑀢𑁂𑀲𑀼 (𑀓.)] 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀤𑁂𑀯𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀓𑀢𑁆𑀣 𑀅𑀢𑁆𑀣𑀺, 𑀓𑀢𑁆𑀣 𑀦𑀢𑁆𑀣𑀻𑀢𑀺? 𑀅𑀲𑀜𑁆𑀜𑀲𑀢𑁆𑀢𑁂𑀲𑀼 ¶ 𑀤𑁂𑀯𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀲𑀜𑁆𑀜𑀲𑀢𑁆𑀢𑁂𑀲𑀼 [𑀅𑀲𑀜𑁆𑀜𑀲𑀢𑁆𑀢𑁂𑀲𑀼 (𑀓.)] 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺. 𑀅𑀲𑀜𑁆𑀜𑀲𑀢𑁆𑀢𑁂𑀲𑀼 𑀤𑁂𑀯𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀲𑀜𑁆𑀜𑀲𑀢𑁆𑀢𑁂𑀲𑀼 [𑀅𑀲𑀜𑁆𑀜𑀲𑀢𑁆𑀢𑁂𑀲𑀼 (𑀓.)] 𑀤𑁂𑀯𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀜𑁆𑀜𑀲𑀢𑁆𑀢𑁂𑀲𑀼 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀅𑀲𑀜𑁆𑀜𑀲𑀢𑁆𑀢𑁂𑀲𑀼 ¶ 𑀤𑁂𑀯𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 ¶ 𑀫𑀦𑀼𑀲𑁆𑀲𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀻𑀢𑀺. 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀫𑀺𑀮𑀓𑁆𑀔𑁂𑀲𑀼 𑀅𑀯𑀺𑀜𑁆𑀜𑀸𑀢𑀸𑀭𑁂𑀲𑀼 𑀬𑀢𑁆𑀣 𑀦𑀢𑁆𑀣𑀺 𑀕𑀢𑀺 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀉𑀧𑀸𑀲𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁, 𑀫𑀚𑁆𑀛𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀫𑀦𑀼𑀲𑁆𑀲𑁂𑀲𑀼 𑀅𑀢𑁆𑀣𑀺 𑀬𑀢𑁆𑀣 𑀅𑀢𑁆𑀣𑀺, 𑀅𑀢𑁆𑀣𑀺 𑀬𑀢𑁆𑀣 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀓𑀢𑁆𑀣 𑀅𑀢𑁆𑀣𑀺, 𑀓𑀢𑁆𑀣 𑀦𑀢𑁆𑀣𑀻𑀢𑀺? 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀫𑀺𑀮𑀓𑁆𑀔𑁂𑀲𑀼 𑀅𑀯𑀺𑀜𑁆𑀜𑀸𑀢𑀸𑀭𑁂𑀲𑀼 𑀬𑀢𑁆𑀣 𑀦𑀢𑁆𑀣𑀺 𑀕𑀢𑀺 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀉𑀧𑀸𑀲𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁, 𑀫𑀚𑁆𑀛𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺. 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀫𑀺𑀮𑀓𑁆𑀔𑁂𑀲𑀼 𑀅𑀯𑀺𑀜𑁆𑀜𑀸𑀢𑀸𑀭𑁂𑀲𑀼 𑀬𑀢𑁆𑀣 𑀦𑀢𑁆𑀣𑀺 𑀕𑀢𑀺 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀉𑀧𑀸𑀲𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀫𑀚𑁆𑀛𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀦𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀫𑀚𑁆𑀛𑀺𑀫𑁂𑀲𑀼 ¶ 𑀚𑀦𑀧𑀤𑁂𑀲𑀼 ¶ 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀅𑀢𑁆𑀣𑀺 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀫𑀺𑀮𑀓𑁆𑀔𑁂𑀲𑀼 𑀅𑀯𑀺𑀜𑁆𑀜𑀸𑀢𑀸𑀭𑁂𑀲𑀼 𑀬𑀢𑁆𑀣 𑀦𑀢𑁆𑀣𑀺 𑀕𑀢𑀺 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀉𑀧𑀸𑀲𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑀻𑀳𑀺, 𑀪𑀺𑀓𑁆𑀔𑀯𑁂, 𑀞𑀸𑀦𑁂𑀳𑀺 𑀚𑀫𑁆𑀩𑀼𑀤𑀻𑀧𑀓𑀸 𑀫𑀦𑀼𑀲𑁆𑀲𑀸 𑀉𑀢𑁆𑀢𑀭𑀓𑀼𑀭𑀼𑀓𑁂 𑀘 𑀫𑀦𑀼𑀲𑁆𑀲𑁂 𑀅𑀥𑀺𑀕𑁆𑀕𑀡𑁆𑀳𑀦𑁆𑀢𑀺 𑀤𑁂𑀯𑁂 𑀘 𑀢𑀸𑀯𑀢𑀺𑀁𑀲𑁂! 𑀓𑀢𑀫𑁂𑀳𑀺 𑀢𑀻𑀳𑀺? 𑀲𑀽𑀭𑀸, 𑀲𑀢𑀺𑀫𑀦𑁆𑀢𑁄, 𑀇𑀥 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺 [𑀅. 𑀦𑀺. 𑁯.𑁨𑁧]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 ¶ 𑀳𑀺 𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺.

𑀲𑀸𑀯𑀢𑁆𑀣𑀺𑀬𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀇𑀥 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺? 𑀆𑀫𑀦𑁆𑀢𑀸. 𑀲𑀸𑀯𑀢𑁆𑀣𑀺𑀬𑀁𑀬𑁂𑀯 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄, 𑀦𑀢𑁆𑀣𑀺 𑀅𑀜𑁆𑀜𑀢𑁆𑀭 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁭𑁨. 𑀅𑀦𑀸𑀕𑀸𑀫𑀺𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀘𑁄𑀭𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀦𑀸𑀦𑀺, 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀅𑀧𑁆𑀧𑀳𑀻𑀦𑀸𑀦𑀺, 𑀇𑀢𑁄 𑀘𑀼𑀢𑀲𑁆𑀲 𑀢𑀢𑁆𑀣 𑀉𑀧𑀧𑀦𑁆𑀦𑀲𑁆𑀲 𑀓𑀼𑀳𑀺𑀁 𑀨𑀮𑀼𑀧𑁆𑀧𑀢𑁆𑀢𑀻𑀢𑀺? 𑀢𑀢𑁆𑀣𑁂𑀯. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀘𑁄𑀭𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀦𑀸𑀦𑀺 ¶ , 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀅𑀧𑁆𑀧𑀳𑀻𑀦𑀸𑀦𑀺, 𑀇𑀢𑁄 𑀘𑀼𑀢𑀲𑁆𑀲 𑀢𑀢𑁆𑀣 𑀉𑀧𑀧𑀦𑁆𑀦𑀲𑁆𑀲 𑀢𑀳𑀺𑀁 𑀨𑀮𑀼𑀧𑁆𑀧𑀢𑁆𑀢𑀺; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺.

𑀅𑀦𑀸𑀕𑀸𑀫𑀺𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀘𑁄𑀭𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀦𑀸𑀦𑀺, 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀅𑀧𑁆𑀧𑀳𑀻𑀦𑀸𑀦𑀺 ¶ , 𑀇𑀢𑁄 𑀘𑀼𑀢𑀲𑁆𑀲 𑀢𑀢𑁆𑀣 𑀉𑀧𑀧𑀦𑁆𑀦𑀲𑁆𑀲 𑀓𑀼𑀳𑀺𑀁 𑀪𑀸𑀭𑁄𑀳𑀭𑀡𑀁, 𑀓𑀼𑀳𑀺𑀁 𑀤𑀼𑀓𑁆𑀔𑀧𑀭𑀺𑀜𑁆𑀜𑀸𑀢𑀁, 𑀓𑀼𑀳𑀺𑀁 𑀓𑀺𑀮𑁂𑀲𑀧𑁆𑀧𑀳𑀸𑀦𑀁, 𑀓𑀼𑀳𑀺𑀁 𑀦𑀺𑀭𑁄𑀥𑀲𑀘𑁆𑀙𑀺𑀓𑀺𑀭𑀺𑀬𑀸, 𑀓𑀼𑀳𑀺𑀁 𑀅𑀓𑀼𑀧𑁆𑀧𑀧𑀝𑀺𑀯𑁂𑀥𑁄𑀢𑀺? 𑀢𑀢𑁆𑀣𑁂𑀯. 𑀳𑀜𑁆𑀘𑀺 𑀅𑀦𑀸𑀕𑀸𑀫𑀺𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀘𑁄𑀭𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀦𑀸𑀦𑀺, 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀅𑀧𑁆𑀧𑀳𑀻𑀦𑀸𑀦𑀺, 𑀇𑀢𑁄 𑀘𑀼𑀢𑀲𑁆𑀲 𑀢𑀢𑁆𑀣 𑀉𑀧𑀧𑀦𑁆𑀦𑀲𑁆𑀲 𑀢𑀳𑀺𑀁 𑀅𑀓𑀼𑀧𑁆𑀧𑀧𑀝𑀺𑀯𑁂𑀥𑁄; 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺.

𑀅𑀦𑀸𑀕𑀸𑀫𑀺𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀧𑀜𑁆𑀘𑁄𑀭𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀦𑀸𑀦𑀺, 𑀧𑀜𑁆𑀘𑀼𑀤𑁆𑀥𑀫𑁆𑀪𑀸𑀕𑀺𑀬𑀸𑀦𑀺 𑀲𑀁𑀬𑁄𑀚𑀦𑀸𑀦𑀺 𑀅𑀧𑁆𑀧𑀳𑀻𑀦𑀸𑀦𑀺, 𑀇𑀢𑁄 𑀘𑀼𑀢𑀲𑁆𑀲 𑀢𑀢𑁆𑀣 𑀉𑀧𑀧𑀦𑁆𑀦𑀲𑁆𑀲 𑀢𑀳𑀺𑀁 ¶ 𑀨𑀮𑀼𑀧𑁆𑀧𑀢𑁆𑀢𑀺, 𑀢𑀳𑀺𑀁 𑀪𑀸𑀭𑁄𑀳𑀭𑀡𑀁, 𑀢𑀳𑀺𑀁 𑀤𑀼𑀓𑁆𑀔𑀧𑀭𑀺𑀜𑁆𑀜𑀸𑀢𑀁, 𑀢𑀳𑀺𑀁 𑀓𑀺𑀮𑁂𑀲𑀧𑁆𑀧𑀳𑀸𑀦𑀁, 𑀢𑀳𑀺𑀁 𑀦𑀺𑀭𑁄𑀥𑀲𑀘𑁆𑀙𑀺𑀓𑀺𑀭𑀺𑀬𑀸, 𑀢𑀳𑀺𑀁 𑀅𑀓𑀼𑀧𑁆𑀧𑀧𑀝𑀺𑀯𑁂𑀥𑁄; 𑀓𑁂𑀦𑀝𑁆𑀞𑁂𑀦 𑀯𑀤𑁂𑀲𑀺 𑁋 ‘‘𑀦𑀢𑁆𑀣𑀺 𑀤𑁂𑀯𑁂𑀲𑀼 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄’’𑀢𑀺? 𑀳𑀦𑁆𑀤 𑀳𑀺 𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺 [𑀲𑀘𑁆𑀙𑀺𑀓𑀭𑁄𑀢𑀺 (𑀩𑀳𑀽𑀲𑀼)].

𑁨. 𑀲𑀁𑀲𑀦𑁆𑀤𑀦𑀩𑁆𑀭𑀳𑁆𑀫𑀘𑀭𑀺𑀬𑀓𑀣𑀸

𑁨𑁭𑁩. 𑀅𑀦𑀸𑀕𑀸𑀫𑀻 ¶ 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀇𑀥 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀇𑀥 𑀧𑀭𑀺𑀦𑀺𑀩𑁆𑀩𑀸𑀬𑀺𑀧𑀼𑀕𑁆𑀕𑀮𑁄 [𑀇𑀥𑀧𑀭𑀺𑀦𑀺𑀩𑁆𑀩𑀸𑀬𑀻 (?)] 𑀢𑀢𑁆𑀣 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀇𑀥 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑁄𑀢𑀸𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀇𑀥 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀻 ¶ 𑀧𑀼𑀕𑁆𑀕𑀮𑁄 𑀇𑀥 𑀧𑀭𑀺𑀦𑀺𑀩𑁆𑀩𑀸𑀬𑀺𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀇𑀥 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀇𑀥 𑀯𑀺𑀳𑀸𑀬 𑀦𑀺𑀝𑁆𑀞𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀦 𑀘 𑀓𑀺𑀮𑁂𑀲𑀸 𑀧𑀳𑀻𑀬𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀦 𑀘 𑀓𑀺𑀮𑁂𑀲𑀸 𑀧𑀳𑀻𑀬𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀇𑀥 𑀯𑀺𑀳𑀸𑀬 𑀦𑀺𑀝𑁆𑀞𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀦 𑀘 𑀓𑀺𑀮𑁂𑀲𑀸 𑀧𑀳𑀻𑀬𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲…𑀧𑁂… 𑀅𑀭𑀳𑀢𑁆𑀢𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀦 𑀘 𑀓𑀺𑀮𑁂𑀲𑀸 𑀧𑀳𑀻𑀬𑀦𑁆𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀓𑀺𑀮𑁂𑀲𑀸 𑀘 𑀧𑀳𑀻𑀬𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀇𑀥 𑀯𑀺𑀳𑀸𑀬 𑀦𑀺𑀝𑁆𑀞𑀲𑁆𑀲 ¶ 𑀧𑀼𑀕𑁆𑀕𑀮𑀲𑁆𑀲 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀓𑀺𑀮𑁂𑀲𑀸 𑀘 𑀧𑀳𑀻𑀬𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀓𑀤𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲…𑀧𑁂… 𑀅𑀭𑀳𑀢𑁆𑀢𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀓𑀺𑀮𑁂𑀲𑀸 𑀘 𑀧𑀳𑀻𑀬𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀇𑀥 𑀯𑀺𑀳𑀸𑀬 𑀦𑀺𑀝𑁆𑀞𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀫𑀕𑁆𑀕𑁄 𑀘 𑀪𑀸𑀯𑀻𑀬𑀢𑀺, 𑀓𑀺𑀮𑁂𑀲𑀸 𑀘 𑀧𑀳𑀻𑀬𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ .

𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀓𑀢𑀓𑀭𑀡𑀻𑀬𑁄 𑀪𑀸𑀯𑀺𑀢𑀪𑀸𑀯𑀦𑁄 𑀢𑀢𑁆𑀣 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀉𑀧𑀧𑀚𑁆𑀚𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀭𑀳𑀸 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀼𑀦𑀩𑁆𑀪𑀯𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀧𑀼𑀦𑀩𑁆𑀪𑀯𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀪𑀯𑁂𑀦 𑀪𑀯𑀁 𑀕𑀘𑁆𑀙𑀢𑀺, 𑀕𑀢𑀺𑀬𑀸 𑀕𑀢𑀺𑀁 𑀕𑀘𑁆𑀙𑀢𑀺, 𑀲𑀁𑀲𑀸𑀭𑁂𑀦 𑀲𑀁𑀲𑀸𑀭𑀁 𑀕𑀘𑁆𑀙𑀢𑀺, 𑀉𑀧𑀧𑀢𑁆𑀢𑀺𑀬𑀸 𑀉𑀧𑀧𑀢𑁆𑀢𑀺𑀁 𑀕𑀘𑁆𑀙𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀓𑀢𑀓𑀭𑀡𑀻𑀬𑁄 𑀪𑀸𑀯𑀺𑀢𑀪𑀸𑀯𑀦𑁄 𑀅𑀦𑁄𑀳𑀝𑀪𑀸𑀭𑁄 𑀢𑀢𑁆𑀣 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀪𑀸𑀭𑁄𑀳𑀭𑀡𑀸𑀬 𑀧𑀼𑀦 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀻 ¶ 𑀧𑀼𑀕𑁆𑀕𑀮𑁄 𑀓𑀢𑀓𑀭𑀡𑀻𑀬𑁄 𑀪𑀸𑀯𑀺𑀢𑀪𑀸𑀯𑀦𑁄 𑀅𑀧𑀭𑀺𑀜𑁆𑀜𑀸𑀢𑀤𑀼𑀓𑁆𑀔𑁄 𑀅𑀧𑁆𑀧𑀳𑀻𑀦𑀓𑀺𑀮𑁂𑀲𑁄 𑀅𑀲𑀘𑁆𑀙𑀺𑀓𑀢𑀦𑀺𑀭𑁄𑀥𑁄 𑀅𑀧𑁆𑀧𑀝𑀺𑀯𑀺𑀤𑁆𑀥𑀸𑀓𑀼𑀧𑁆𑀧𑁄 𑀢𑀢𑁆𑀣 𑀉𑀧𑀧𑀚𑁆𑀚𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀓𑀼𑀧𑁆𑀧𑀧𑀝𑀺𑀯𑁂𑀥𑀸𑀬 𑀧𑀼𑀦 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀓𑀢𑀓𑀭𑀡𑀻𑀬𑁄 𑀪𑀸𑀯𑀺𑀢𑀪𑀸𑀯𑀦𑁄 𑀅𑀦𑁄𑀳𑀝𑀪𑀸𑀭𑁄 𑀢𑀢𑁆𑀣 𑀉𑀧𑀧𑀚𑁆𑀚𑀢𑀺, 𑀦 𑀘 𑀪𑀸𑀭𑁄𑀳𑀭𑀡𑀸𑀬 𑀧𑀼𑀦 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑁄𑀳𑀝𑀪𑀸𑀭𑁄 𑀘 𑀢𑀢𑁆𑀣 𑀧𑀭𑀺𑀦𑀺𑀩𑁆𑀩𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀓𑀢𑀓𑀭𑀡𑀻𑀬𑁄 𑀪𑀸𑀯𑀺𑀢𑀪𑀸𑀯𑀦𑁄 𑀅𑀧𑀭𑀺𑀜𑁆𑀜𑀸𑀢𑀤𑀼𑀓𑁆𑀔𑁄 𑀅𑀧𑁆𑀧𑀳𑀻𑀦𑀓𑀺𑀮𑁂𑀲𑁄 𑀅𑀲𑀘𑁆𑀙𑀺𑀓𑀢𑀦𑀺𑀭𑁄𑀥𑁄 𑀅𑀧𑁆𑀧𑀝𑀺𑀯𑀺𑀤𑁆𑀥𑀸𑀓𑀼𑀧𑁆𑀧𑁄 𑀢𑀢𑁆𑀣 𑀉𑀧𑀧𑀚𑁆𑀚𑀢𑀺, 𑀦 𑀘 𑀅𑀓𑀼𑀧𑁆𑀧𑀧𑀝𑀺𑀯𑁂𑀥𑀸𑀬 𑀧𑀼𑀦 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀅𑀧𑁆𑀧𑀝𑀺𑀯𑀺𑀤𑁆𑀥𑀸𑀓𑀼𑀧𑁆𑀧𑁄 𑀘 𑀢𑀢𑁆𑀣 𑀧𑀭𑀺𑀦𑀺𑀩𑁆𑀩𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀬𑀣𑀸 𑀫𑀺𑀕𑁄 𑀲𑀮𑁆𑀮𑁂𑀦 𑀯𑀺𑀤𑁆𑀥𑁄 𑀤𑀽𑀭𑀫𑁆𑀧𑀺 𑀕𑀦𑁆𑀢𑁆𑀯𑀸 𑀓𑀸𑀮𑀁 𑀓𑀭𑁄𑀢𑀺, 𑀏𑀯𑀫𑁂𑀯𑀁 𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺.

𑀬𑀣𑀸 ¶ 𑀫𑀺𑀕𑁄 𑀲𑀮𑁆𑀮𑁂𑀦 𑀯𑀺𑀤𑁆𑀥𑁄 𑀤𑀽𑀭𑀫𑁆𑀧𑀺 𑀕𑀦𑁆𑀢𑁆𑀯𑀸 𑀲𑀲𑀮𑁆𑀮𑁄𑀯 𑀓𑀸𑀮𑀁 𑀓𑀭𑁄𑀢𑀺, 𑀏𑀯𑀫𑁂𑀯𑀁 𑀅𑀦𑀸𑀕𑀸𑀫𑀻 𑀧𑀼𑀕𑁆𑀕𑀮𑁄 𑀇𑀥 𑀪𑀸𑀯𑀺𑀢𑁂𑀦 𑀫𑀕𑁆𑀕𑁂𑀦 𑀢𑀢𑁆𑀣 𑀲𑀲𑀮𑁆𑀮𑁄𑀯 𑀧𑀭𑀺𑀦𑀺𑀩𑁆𑀩𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀩𑁆𑀭𑀳𑁆𑀫𑀘𑀭𑀺𑀬𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁩. 𑀑𑀥𑀺𑀲𑁄𑀓𑀣𑀸

𑁨𑁭𑁪. 𑀑𑀥𑀺𑀲𑁄𑀥𑀺𑀲𑁄 ¶ 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁 ¶ 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 𑀦 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑀧𑁆𑀧𑀢𑁆𑀢𑁄 [𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀧𑀢𑁆𑀢𑁄 (?)] 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀲𑀢𑁆𑀢𑀓𑁆𑀔𑀢𑁆𑀢𑀼𑀧𑀭𑀫𑁄, 𑀓𑁄𑀮𑀗𑁆𑀓𑁄𑀮𑁄, 𑀏𑀓𑀩𑀻𑀚𑀻, 𑀩𑀼𑀤𑁆𑀥𑁂 𑀅𑀯𑁂𑀘𑁆𑀘𑀧𑁆𑀧𑀲𑀸𑀤𑁂𑀦 𑀲𑀫𑀦𑁆𑀦𑀸𑀕𑀢𑁄, 𑀥𑀫𑁆𑀫𑁂…𑀧𑁂… 𑀲𑀗𑁆𑀖𑁂…𑀧𑁂… 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀦 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁 𑀚𑀳𑀢𑀺, 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 𑀦 𑀲𑁄𑀢𑀸𑀧𑀦𑁆𑀦𑁄…𑀧𑁂… 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄, 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀦 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀺𑀭𑁄𑀥𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 𑀦 𑀲𑁄𑀢𑀸𑀧𑀦𑁆𑀦𑁄…𑀧𑁂… 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄, 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀦 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 𑀦 𑀲𑁄𑀢𑀸𑀧𑀦𑁆𑀦𑁄, 𑀏𑀓𑀤𑁂𑀲𑀁 ¶ 𑀲𑁄𑀢𑀸𑀧𑀢𑁆𑀢𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀲𑀢𑁆𑀢𑀓𑁆𑀔𑀢𑁆𑀢𑀼𑀧𑀭𑀫𑁄, 𑀓𑁄𑀮𑀗𑁆𑀓𑁄𑀮𑁄, 𑀏𑀓𑀩𑀻𑀚𑀻, 𑀩𑀼𑀤𑁆𑀥𑁂 𑀅𑀯𑁂𑀘𑁆𑀘𑀧𑁆𑀧𑀲𑀸𑀤𑁂𑀦 𑀲𑀫𑀦𑁆𑀦𑀸𑀕𑀢𑁄, 𑀥𑀫𑁆𑀫𑁂…𑀧𑁂… 𑀲𑀗𑁆𑀖𑁂…𑀧𑁂… 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄, 𑀏𑀓𑀤𑁂𑀲𑀁 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀦 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁭𑁫. 𑀲𑀓𑀤𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 ¶ 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁 𑀚𑀳𑀢𑀺, 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 ¶ 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 [𑀲𑀓𑀤𑀸𑀕𑀸𑀫𑀺𑀨𑀮𑀁 𑀧𑀢𑁆𑀢𑁄 (?)] 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁 𑀚𑀳𑀢𑀺, 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀺𑀭𑁄𑀥𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀺, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀺, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀲𑀓𑀤𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁭𑁬. 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 ¶ 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀅𑀡𑀼𑀲𑀳𑀕𑀢𑀁 𑀓𑀸𑀫𑀭𑀸𑀕𑀁 𑀚𑀳𑀢𑀺, 𑀅𑀡𑀼𑀲𑀳𑀕𑀢𑀁 𑀩𑁆𑀬𑀸𑀧𑀸𑀤𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀅𑀦𑀸𑀕𑀸𑀫𑀻 ¶ , 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 [𑀅𑀦𑀸𑀕𑀸𑀫𑀺𑀨𑀮𑀁 𑀧𑀢𑁆𑀢𑁄 (?)] 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻, 𑀉𑀧𑀳𑀘𑁆𑀘𑀧𑀭𑀺𑀦𑀺𑀩𑁆𑀩𑀸𑀬𑀻, 𑀅𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻, 𑀲𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻, 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦 ¶ 𑀓𑀺𑀁 𑀚𑀳𑀢𑀻𑀢𑀺? 𑀅𑀡𑀼𑀲𑀳𑀕𑀢𑀁 ¶ 𑀓𑀸𑀫𑀭𑀸𑀕𑀁 𑀚𑀳𑀢𑀺, 𑀅𑀡𑀼𑀲𑀳𑀕𑀢𑀁 𑀩𑁆𑀬𑀸𑀧𑀸𑀤𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀅𑀦𑀸𑀕𑀸𑀫𑀻…𑀧𑁂… 𑀏𑀓𑀤𑁂𑀲𑀁 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀺𑀭𑁄𑀥𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀅𑀡𑀼𑀲𑀳𑀕𑀢𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀺, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀅𑀦𑀸𑀕𑀸𑀫𑀻…𑀧𑁂… 𑀏𑀓𑀤𑁂𑀲𑀁 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀅𑀦𑀸𑀕𑀸𑀫𑀻, 𑀏𑀓𑀤𑁂𑀲𑀁 𑀅𑀦𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻, 𑀉𑀧𑀳𑀘𑁆𑀘𑀧𑀭𑀺𑀦𑀺𑀩𑁆𑀩𑀸𑀬𑀻, 𑀅𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻, 𑀲𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻, 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀏𑀓𑀤𑁂𑀲𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁭𑁭. 𑀅𑀭𑀳𑀢𑁆𑀢𑀲𑀘𑁆𑀙𑀺𑀓𑀺𑀭𑀺𑀬𑀸𑀬 ¶ 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀭𑀽𑀧𑀭𑀸𑀕𑀁 𑀅𑀭𑀽𑀧𑀭𑀸𑀕𑀁 𑀫𑀸𑀦𑀁 𑀉𑀤𑁆𑀥𑀘𑁆𑀘𑀁 𑀅𑀯𑀺𑀚𑁆𑀚𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀭𑀳𑀸, 𑀏𑀓𑀤𑁂𑀲𑀁 𑀦 𑀅𑀭𑀳𑀸, 𑀏𑀓𑀤𑁂𑀲𑀁 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑁄 ¶ [𑀅𑀭𑀳𑀢𑁆𑀢𑀁 𑀧𑀢𑁆𑀢𑁄 (?)] 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 ¶ 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄, 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 𑀅𑀪𑀺𑀜𑁆𑀜𑀸𑀢𑀁, 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁, 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, (𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁,) [( ) (?)] 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀦 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦 ¶ 𑀓𑀺𑀁 𑀚𑀳𑀢𑀻𑀢𑀺? 𑀭𑀽𑀧𑀭𑀸𑀕𑀁 𑀅𑀭𑀽𑀧𑀭𑀸𑀕𑀁 𑀚𑀳𑀢𑀺, 𑀫𑀸𑀦𑀁 𑀉𑀤𑁆𑀥𑀘𑁆𑀘𑀁 𑀅𑀯𑀺𑀚𑁆𑀚𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀭𑀳𑀸, 𑀏𑀓𑀤𑁂𑀲𑀁 𑀦 𑀅𑀭𑀳𑀸…𑀧𑁂… 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀦 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀺𑀭𑁄𑀥𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀫𑀸𑀦𑀁 𑀚𑀳𑀢𑀺, 𑀉𑀤𑁆𑀥𑀘𑁆𑀘𑀁 𑀅𑀯𑀺𑀚𑁆𑀚𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀏𑀓𑀤𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀭𑀳𑀸, 𑀏𑀓𑀤𑁂𑀲𑀁 𑀦 𑀅𑀭𑀳𑀸 ¶ …𑀧𑁂… 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀦 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀉𑀤𑁆𑀥𑀘𑁆𑀘𑀁 𑀅𑀯𑀺𑀚𑁆𑀚𑀁 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺. 𑀏𑀓𑀤𑁂𑀲𑀁 𑀅𑀭𑀳𑀸, 𑀏𑀓𑀤𑁂𑀲𑀁 𑀦 𑀅𑀭𑀳𑀸, 𑀏𑀓𑀤𑁂𑀲𑀁 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀏𑀓𑀤𑁂𑀲𑀁 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄, 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 𑀅𑀪𑀺𑀜𑁆𑀜𑀸𑀢𑀁, 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁 ¶ , 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀏𑀓𑀤𑁂𑀲𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀦 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁭𑁮. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀑𑀥𑀺𑀲𑁄𑀥𑀺𑀲𑁄 𑀓𑀺𑀮𑁂𑀲𑁂 𑀚𑀳𑀢𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀅𑀦𑀼𑀧𑀼𑀩𑁆𑀩𑁂𑀦 𑀫𑁂𑀥𑀸𑀯𑀻, 𑀣𑁄𑀓𑀁 𑀣𑁄𑀓𑀁 𑀔𑀡𑁂 𑀔𑀡𑁂;

𑀓𑀫𑁆𑀫𑀸𑀭𑁄 𑀭𑀚𑀢𑀲𑁆𑀲𑁂𑀯, 𑀦𑀺𑀤𑁆𑀥𑀫𑁂 𑀫𑀮𑀫𑀢𑁆𑀢𑀦𑁄’’𑀢𑀺 [𑀥. 𑀧. 𑁨𑁩𑁯 𑀥𑀫𑁆𑀫𑀧𑀤𑁂].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀑𑀥𑀺𑀲𑁄𑀥𑀺𑀲𑁄 𑀓𑀺𑀮𑁂𑀲𑁂 𑀚𑀳𑀢𑀻’’𑀢𑀺.

𑀑𑀥𑀺𑀲𑁄𑀥𑀺𑀲𑁄 ¶ ¶ ¶ 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀲𑀳𑀸𑀯𑀲𑁆𑀲 𑀤𑀲𑁆𑀲𑀦𑀲𑀫𑁆𑀧𑀤𑀸𑀬,

𑀢𑀬𑀲𑁆𑀲𑀼 𑀥𑀫𑁆𑀫𑀸 𑀚𑀳𑀺𑀢𑀸 𑀪𑀯𑀦𑁆𑀢𑀺;

𑀲𑀓𑁆𑀓𑀸𑀬𑀤𑀺𑀝𑁆𑀞𑀻 𑀯𑀺𑀘𑀺𑀓𑀺𑀘𑁆𑀙𑀺𑀢𑀜𑁆𑀘,

𑀲𑀻𑀮𑀩𑁆𑀩𑀢𑀁 𑀯𑀸𑀧𑀺 𑀬𑀤𑀢𑁆𑀣𑀺 𑀓𑀺𑀜𑁆𑀘𑀺;

𑀘𑀢𑀽𑀳𑀧𑀸𑀬𑁂𑀳𑀺 𑀘 𑀯𑀺𑀧𑁆𑀧𑀫𑀼𑀢𑁆𑀢𑁄,

𑀙𑀘𑁆𑀘𑀸𑀪𑀺𑀞𑀸𑀦𑀸𑀦𑀺 𑀅𑀪𑀩𑁆𑀩 [𑀅𑀪𑀩𑁆𑀩𑁄 (𑀲𑀻. 𑀲𑁆𑀬𑀸.)] 𑀓𑀸𑀢𑀼’’𑀦𑁆𑀢𑀺 [𑀔𑀼. 𑀧𑀸. 𑁬.𑁧𑁦; 𑀲𑀼. 𑀦𑀺. 𑁨𑁩𑁩].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀑𑀥𑀺𑀲𑁄𑀥𑀺𑀲𑁄 𑀓𑀺𑀮𑁂𑀲𑁂 𑀚𑀳𑀢𑀻’’𑀢𑀺.

𑀑𑀥𑀺𑀲𑁄𑀥𑀺𑀲𑁄 𑀓𑀺𑀮𑁂𑀲𑁂 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀲𑁆𑀫𑀺𑀁, 𑀪𑀺𑀓𑁆𑀔𑀯𑁂, 𑀲𑀫𑀬𑁂 𑀅𑀭𑀺𑀬𑀲𑀸𑀯𑀓𑀲𑁆𑀲 𑀯𑀺𑀭𑀚𑀁 𑀯𑀻𑀢𑀫𑀮𑀁 𑀥𑀫𑁆𑀫𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 𑁋 ‘𑀬𑀁 𑀓𑀺𑀜𑁆𑀘𑀺 𑀲𑀫𑀼𑀤𑀬𑀥𑀫𑁆𑀫𑀁, 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫’𑀦𑁆𑀢𑀺, 𑀲𑀳 𑀤𑀲𑁆𑀲𑀦𑀼𑀧𑁆𑀧𑀸𑀤𑀸, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲 𑀢𑀻𑀡𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀬𑀦𑁆𑀢𑀺 𑁋 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀯𑀺𑀘𑀺𑀓𑀺𑀘𑁆𑀙𑀸 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄’’𑀢𑀺 [𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀑𑀥𑀺𑀲𑁄𑀥𑀺𑀲𑁄 𑀓𑀺𑀮𑁂𑀲𑁂 𑀚𑀳𑀢𑀻’’𑀢𑀺.

𑀑𑀥𑀺𑀲𑁄𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁪. 𑀚𑀳𑀢𑀺𑀓𑀣𑀸

𑁧. 𑀦𑀲𑀼𑀢𑁆𑀢𑀸𑀳𑀭𑀡𑀓𑀣𑀸

𑁨𑁭𑁯. 𑀚𑀳𑀢𑀺 ¶ ¶ 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀘𑁆𑀘𑀦𑁆𑀢𑀁 𑀚𑀳𑀢𑀺, 𑀅𑀦𑀯𑀲𑁂𑀲𑀁 𑀚𑀳𑀢𑀺, 𑀅𑀧𑁆𑀧𑀝𑀺𑀲𑀦𑁆𑀥𑀺𑀬𑀁 𑀚𑀳𑀢𑀺, 𑀲𑀫𑀽𑀮𑀁 𑀚𑀳𑀢𑀺, 𑀲𑀢𑀡𑁆𑀳𑀁 𑀚𑀳𑀢𑀺, 𑀲𑀸𑀦𑀼𑀲𑀬𑀁 𑀚𑀳𑀢𑀺, 𑀅𑀭𑀺𑀬𑁂𑀦 ¶ 𑀜𑀸𑀡𑁂𑀦 𑀚𑀳𑀢𑀺, 𑀅𑀭𑀺𑀬𑁂𑀦 𑀫𑀕𑁆𑀕𑁂𑀦 𑀚𑀳𑀢𑀺, 𑀅𑀓𑀼𑀧𑁆𑀧𑀁 ¶ 𑀧𑀝𑀺𑀯𑀺𑀚𑁆𑀛𑀦𑁆𑀢𑁄 𑀚𑀳𑀢𑀺, 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀺𑀓𑁆𑀔𑀫𑁆𑀪𑁂𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀘𑁆𑀘𑀦𑁆𑀢𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀦𑀯𑀲𑁂𑀲𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀧𑁆𑀧𑀝𑀺𑀲𑀦𑁆𑀥𑀺𑀬𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀲𑀫𑀽𑀮𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀲𑀢𑀡𑁆𑀳𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀲𑀸𑀦𑀼𑀲𑀬𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀭𑀺𑀬𑁂𑀦 𑀜𑀸𑀡𑁂𑀦 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀭𑀺𑀬𑁂𑀦 𑀫𑀕𑁆𑀕𑁂𑀦 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀓𑀼𑀧𑁆𑀧𑀁 𑀧𑀝𑀺𑀯𑀺𑀚𑁆𑀛𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀚𑀳𑀢𑀺 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀅𑀘𑁆𑀘𑀦𑁆𑀢𑀁 𑀚𑀳𑀢𑀺, 𑀅𑀦𑀯𑀲𑁂𑀲𑀁 𑀚𑀳𑀢𑀺…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀅𑀘𑁆𑀘𑀦𑁆𑀢𑀁 𑀚𑀳𑀢𑀺, 𑀅𑀦𑀯𑀲𑁂𑀲𑀁 𑀚𑀳𑀢𑀺…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀺𑀓𑁆𑀔𑀫𑁆𑀪𑁂𑀢𑀺 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀅𑀘𑁆𑀘𑀦𑁆𑀢𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀦𑀯𑀲𑁂𑀲𑀁 𑀯𑀺𑀓𑁆𑀔𑀫𑁆𑀪𑁂𑀢𑀺…𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑀺𑀓𑁆𑀔𑀫𑁆𑀪𑁂𑀢𑀺 ¶ 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀅𑀘𑁆𑀘𑀦𑁆𑀢𑀁 ¶ 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀅𑀦𑀯𑀲𑁂𑀲𑀁 𑀯𑀺𑀓𑁆𑀔𑀫𑁆𑀪𑁂𑀢𑀺 ¶ …𑀧𑁂… 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀦 𑀅𑀘𑁆𑀘𑀦𑁆𑀢𑀁 𑀚𑀳𑀢𑀺, 𑀦 𑀅𑀦𑀯𑀲𑁂𑀲𑀁 𑀚𑀳𑀢𑀺…𑀧𑁂… 𑀦 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀚𑀳𑀢𑀺 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀦 𑀅𑀘𑁆𑀘𑀦𑁆𑀢𑀁 𑀚𑀳𑀢𑀺…𑀧𑁂… 𑀦 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀺𑀓𑁆𑀔𑀫𑁆𑀪𑁂𑀢𑀺 ¶ 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀦 𑀅𑀘𑁆𑀘𑀦𑁆𑀢𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀦 𑀅𑀦𑀯𑀲𑁂𑀲𑀁 𑀯𑀺𑀓𑁆𑀔𑀫𑁆𑀪𑁂𑀢𑀺…𑀧𑁂… 𑀦 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑀺𑀓𑁆𑀔𑀫𑁆𑀪𑁂𑀢𑀺 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀦 𑀅𑀘𑁆𑀘𑀦𑁆𑀢𑀁 𑀯𑀺𑀓𑁆𑀔𑀫𑁆𑀪𑁂𑀢𑀺, 𑀦 𑀅𑀦𑀯𑀲𑁂𑀲𑀁 𑀯𑀺𑀓𑁆𑀔𑀫𑁆𑀪𑁂𑀢𑀺…𑀧𑁂… 𑀦 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀦𑁆𑀢𑁄 𑀯𑀺𑀓𑁆𑀔𑀫𑁆𑀪𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀦𑁆𑀢𑀺? 𑀆𑀫𑀦𑁆𑀢𑀸. 𑀓𑀢𑀫𑁂𑀦 𑀫𑀕𑁆𑀕𑁂𑀦𑀸𑀢𑀺? 𑀭𑀽𑀧𑀸𑀯𑀘𑀭𑁂𑀦 𑀫𑀕𑁆𑀕𑁂𑀦𑀸𑀢𑀺. 𑀭𑀽𑀧𑀸𑀯𑀘𑀭𑁄 𑀫𑀕𑁆𑀕𑁄 𑀦𑀺𑀬𑁆𑀬𑀸𑀦𑀺𑀓𑁄 𑀔𑀬𑀕𑀸𑀫𑀻 𑀩𑁄𑀥𑀕𑀸𑀫𑀻 𑀅𑀧𑀘𑀬𑀕𑀸𑀫𑀻 𑀅𑀦𑀸𑀲𑀯𑁄 𑀅𑀲𑀁𑀬𑁄𑀚𑀦𑀺𑀬𑁄 𑀅𑀕𑀦𑁆𑀣𑀦𑀺𑀬𑁄 ¶ 𑀅𑀦𑁄𑀖𑀦𑀺𑀬𑁄 𑀅𑀬𑁄𑀕𑀦𑀺𑀬𑁄 𑀅𑀦𑀻𑀯𑀭𑀡𑀺𑀬𑁄 𑀅𑀧𑀭𑀸𑀫𑀝𑁆𑀞𑁄 𑀅𑀦𑀼𑀧𑀸𑀤𑀸𑀦𑀺𑀬𑁄 𑀅𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀦𑀦𑀼 𑀭𑀽𑀧𑀸𑀯𑀘𑀭𑁄 𑀫𑀕𑁆𑀕𑁄 𑀅𑀦𑀺𑀬𑁆𑀬𑀸𑀦𑀺𑀓𑁄 𑀦 𑀔𑀬𑀕𑀸𑀫𑀻 𑀦 𑀩𑁄𑀥𑀕𑀸𑀫𑀻 𑀦 𑀅𑀧𑀘𑀬𑀕𑀸𑀫𑀻 𑀲𑀸𑀲𑀯𑁄 𑀲𑀁𑀬𑁄𑀚𑀦𑀺𑀬𑁄…𑀧𑁂… 𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀭𑀽𑀧𑀸𑀯𑀘𑀭𑁄 𑀫𑀕𑁆𑀕𑁄 𑀅𑀦𑀺𑀬𑁆𑀬𑀸𑀦𑀺𑀓𑁄 𑀦 𑀔𑀬𑀕𑀸𑀫𑀻…𑀧𑁂… 𑀲𑀁𑀓𑀺𑀮𑁂𑀲𑀺𑀬𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀭𑀽𑀧𑀸𑀯𑀘𑀭𑁂𑀦 𑀫𑀕𑁆𑀕𑁂𑀦 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤’’𑀦𑁆𑀢𑀺.

𑀚𑀳𑀢𑀺 ¶ 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀫𑀕𑁆𑀕𑁄 𑀦𑀺𑀬𑁆𑀬𑀸𑀦𑀺𑀓𑁄 𑀔𑀬𑀕𑀸𑀫𑀻 𑀩𑁄𑀥𑀕𑀸𑀫𑀻 𑀅𑀧𑀘𑀬𑀕𑀸𑀫𑀻 𑀅𑀦𑀸𑀲𑀯𑁄…𑀧𑁂… 𑀅𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀭𑀽𑀧𑀸𑀯𑀘𑀭𑁂𑀦 𑀫𑀕𑁆𑀕𑁂𑀦 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀫𑀕𑁆𑀕𑁄 𑀦𑀺𑀬𑁆𑀬𑀸𑀦𑀺𑀓𑁄 𑀔𑀬𑀕𑀸𑀫𑀻 𑀩𑁄𑀥𑀕𑀸𑀫𑀻 𑀅𑀧𑀘𑀬𑀕𑀸𑀫𑀻 𑀅𑀦𑀸𑀲𑀯𑁄…𑀧𑁂… 𑀅𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀭𑀽𑀧𑀸𑀯𑀘𑀭𑁂𑀦 𑀫𑀕𑁆𑀕𑁂𑀦 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀫𑀕𑁆𑀕𑁄 𑀅𑀦𑀺𑀬𑁆𑀬𑀸𑀦𑀺𑀓𑁄 𑀦 𑀔𑀬𑀕𑀸𑀫𑀻 𑀦 𑀩𑁄𑀥𑀕𑀸𑀫𑀻 𑀦 𑀅𑀧𑀘𑀬𑀕𑀸𑀫𑀻 𑀲𑀸𑀲𑀯𑁄…𑀧𑁂… 𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀆𑀫𑀦𑁆𑀢𑀸. 𑀚𑀳𑀢𑀺 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀁, 𑀲𑁄 𑀘 𑀫𑀕𑁆𑀕𑁄 𑀅𑀦𑀺𑀬𑁆𑀬𑀸𑀦𑀺𑀓𑁄 𑀦 𑀔𑀬𑀕𑀸𑀫𑀻 𑀦 𑀩𑁄𑀥𑀕𑀸𑀫𑀻 𑀦 𑀅𑀧𑀘𑀬𑀕𑀸𑀫𑀻 𑀲𑀸𑀲𑀯𑁄…𑀧𑁂… 𑀲𑀁𑀓𑀺𑀮𑁂𑀲𑀺𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁮𑁦. 𑀧𑀼𑀣𑀼𑀚𑁆𑀚𑀦𑁄 ¶ 𑀓𑀸𑀫𑁂𑀲𑀼 𑀯𑀻𑀢𑀭𑀸𑀕𑁄 𑀲𑀳 𑀥𑀫𑁆𑀫𑀸𑀪𑀺𑀲𑀫𑀬𑀸 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁆𑀢𑁂 𑀲𑀡𑁆𑀞𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀣𑀼𑀚𑁆𑀚𑀦𑁄 ¶ 𑀓𑀸𑀫𑁂𑀲𑀼 𑀯𑀻𑀢𑀭𑀸𑀕𑁄 𑀲𑀳 𑀥𑀫𑁆𑀫𑀸𑀪𑀺𑀲𑀫𑀬𑀸 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀢𑀬𑁄 𑀫𑀕𑁆𑀕𑁂 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀧𑀼𑀩𑁆𑀩𑀁 ¶ 𑀅𑀘𑀭𑀺𑀫𑀁 𑀢𑀬𑁄 𑀫𑀕𑁆𑀕𑁂 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀢𑀻𑀡𑀺 𑀲𑀸𑀫𑀜𑁆𑀜𑀨𑀮𑀸𑀦𑀺 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀧𑀼𑀩𑁆𑀩𑀁 𑀅𑀘𑀭𑀺𑀫𑀁 𑀢𑀻𑀡𑀺 𑀲𑀸𑀫𑀜𑁆𑀜𑀨𑀮𑀸𑀦𑀺 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀺𑀡𑁆𑀡𑀁 𑀨𑀲𑁆𑀲𑀸𑀦𑀁 𑀢𑀺𑀲𑁆𑀲𑀦𑁆𑀦𑀁 𑀯𑁂𑀤𑀦𑀸𑀦𑀁 𑀢𑀺𑀲𑁆𑀲𑀦𑁆𑀦𑀁 𑀲𑀜𑁆𑀜𑀸𑀦𑀁 𑀢𑀺𑀲𑁆𑀲𑀦𑁆𑀦𑀁 𑀘𑁂𑀢𑀦𑀸𑀦𑀁 𑀢𑀺𑀡𑁆𑀡𑀁 𑀘𑀺𑀢𑁆𑀢𑀸𑀦𑀁 𑀢𑀺𑀲𑁆𑀲𑀦𑁆𑀦𑀁 𑀲𑀤𑁆𑀥𑀸𑀦𑀁 ¶ 𑀢𑀺𑀡𑁆𑀡𑀁 𑀯𑀻𑀭𑀺𑀬𑀸𑀦𑀁 𑀢𑀺𑀲𑁆𑀲𑀦𑁆𑀦𑀁 𑀲𑀢𑀻𑀦𑀁 𑀢𑀺𑀡𑁆𑀡𑀁 𑀲𑀫𑀸𑀥𑀻𑀦𑀁 𑀢𑀺𑀲𑁆𑀲𑀦𑁆𑀦𑀁 𑀧𑀜𑁆𑀜𑀸𑀦𑀁 𑀲𑀫𑁄𑀥𑀸𑀦𑀁 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑁂𑀲𑀼 𑀯𑀻𑀢𑀭𑀸𑀕𑁄 𑀲𑀳 𑀥𑀫𑁆𑀫𑀸𑀪𑀺𑀲𑀫𑀬𑀸 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀢𑁆𑀢𑀺𑀫𑀕𑁆𑀕𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀫𑀕𑁆𑀕𑁂𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀓𑀢𑀫𑁂𑀦 𑀫𑀕𑁆𑀕𑁂𑀦𑀸𑀢𑀺? 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦𑀸𑀢𑀺. 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨. 𑀲𑀼𑀢𑁆𑀢𑀸𑀳𑀭𑀡𑀓𑀣𑀸

𑁨𑁮𑁧. 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀢𑀺𑀡𑁆𑀡𑀁 𑀲𑀁𑀬𑁄𑀚𑀦𑀸𑀦𑀁 𑀧𑀳𑀸𑀦𑀸 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 ¶ 𑀯𑀼𑀢𑁆𑀢𑀁 𑀪𑀕𑀯𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀢𑀺𑀡𑁆𑀡𑀁 𑀲𑀁𑀬𑁄𑀚𑀦𑀸𑀦𑀁 𑀧𑀳𑀸𑀦𑀸 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁 𑀯𑀺𑀘𑀺𑀓𑀺𑀘𑁆𑀙𑀁 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁 𑀚𑀳𑀢𑀻’’𑀢𑀺. 𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀸𑀦𑀁 𑀢𑀦𑀼𑀪𑀸𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀸𑀦𑀁 𑀢𑀦𑀼𑀪𑀸𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑀁 𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀸𑀫𑀺𑀫𑀕𑁆𑀕𑁂𑀦 ¶ 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁 𑀚𑀳𑀢𑀻’’𑀢𑀺.

𑀧𑀼𑀣𑀼𑀚𑁆𑀚𑀦𑁄 ¶ 𑀓𑀸𑀫𑁂𑀲𑀼 𑀯𑀻𑀢𑀭𑀸𑀕𑁄 𑀲𑀳 𑀥𑀫𑁆𑀫𑀸𑀪𑀺𑀲𑀫𑀬𑀸 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀬𑁂 𑀓𑁂𑀘𑀺 𑀥𑀫𑁆𑀫𑀁 𑀅𑀪𑀺𑀲𑀫𑁂𑀦𑁆𑀢𑀺, 𑀲𑀩𑁆𑀩𑁂 𑀢𑁂 𑀲𑀳 𑀥𑀫𑁆𑀫𑀸𑀪𑀺𑀲𑀫𑀬𑀸 𑀅𑀦𑀸𑀕𑀸𑀫𑀺𑀨𑀮𑁂 𑀲𑀡𑁆𑀞𑀳𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀅𑀳𑁂𑀲𑀼𑀁 𑀢𑁂 [𑀅𑀳𑀺𑀁𑀲𑀓𑀸 (𑀅. 𑀦𑀺. 𑁬.𑁫𑁪)] 𑀅𑀢𑀻𑀢𑀁𑀲𑁂, 𑀙 𑀲𑀢𑁆𑀣𑀸𑀭𑁄 𑀬𑀲𑀲𑁆𑀲𑀺𑀦𑁄;

𑀦𑀺𑀭𑀸𑀫𑀕𑀦𑁆𑀥𑀸 𑀓𑀭𑀼𑀡𑁂𑀥𑀺𑀫𑀼𑀢𑁆𑀢𑀸 [𑀓𑀭𑀼𑀡𑀸𑀥𑀺𑀫𑀼𑀢𑁆𑀢𑀸 (𑀲𑀻. 𑀓.)], 𑀓𑀸𑀫𑀲𑀁𑀬𑁄𑀚𑀦𑀸𑀢𑀺𑀕𑀸.

‘‘𑀓𑀸𑀫𑀭𑀸𑀕𑀁 𑀯𑀺𑀭𑀸𑀚𑁂𑀢𑁆𑀯𑀸, 𑀩𑁆𑀭𑀳𑁆𑀫𑀮𑁄𑀓𑀽𑀧𑀕𑀸 𑀅𑀳𑀼;

𑀅𑀳𑁂𑀲𑀼𑀁 𑀲𑀸𑀯𑀓𑀸 𑀢𑁂𑀲𑀁, 𑀅𑀦𑁂𑀓𑀸𑀦𑀺 𑀲𑀢𑀸𑀦𑀺𑀧𑀺.

‘‘𑀦𑀺𑀭𑀸𑀫𑀕𑀦𑁆𑀥𑀸 𑀓𑀭𑀼𑀡𑁂𑀥𑀺𑀫𑀼𑀢𑁆𑀢𑀸, 𑀓𑀸𑀫𑀲𑀁𑀬𑁄𑀚𑀦𑀸𑀢𑀺𑀕𑀸;

𑀓𑀸𑀫𑀭𑀸𑀕𑀁 𑀯𑀺𑀭𑀸𑀚𑁂𑀢𑁆𑀯𑀸, 𑀩𑁆𑀭𑀳𑁆𑀫𑀮𑁄𑀓𑀽𑀧𑀕𑀸 𑀅𑀳𑀽’’𑀢𑀺 [𑀅. 𑀦𑀺. 𑁬.𑁫𑁪].

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀦𑁆𑀢𑀺.

𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑁄 𑀳𑀺 𑀦𑀸𑀫, 𑀪𑀺𑀓𑁆𑀔𑀯𑁂, 𑀲𑀼𑀦𑁂𑀢𑁆𑀢𑁄 𑀲𑀢𑁆𑀣𑀸 𑀏𑀯𑀁 𑀤𑀻𑀖𑀸𑀬𑀼𑀓𑁄 𑀲𑀫𑀸𑀦𑁄 𑀏𑀯𑀁 𑀘𑀺𑀭𑀝𑁆𑀞𑀺𑀢𑀺𑀓𑁄 𑀅𑀧𑀭𑀺𑀫𑀼𑀢𑁆𑀢𑁄 𑀅𑀳𑁄𑀲𑀺 𑀚𑀸𑀢𑀺𑀬𑀸 𑀚𑀭𑀸𑀬 𑀫𑀭𑀡𑁂𑀦 𑀲𑁄𑀓𑁂𑀳𑀺 𑀧𑀭𑀺𑀤𑁂𑀯𑁂𑀳𑀺 𑀤𑀼𑀓𑁆𑀔𑁂𑀳𑀺 𑀤𑁄𑀫𑀦𑀲𑁆𑀲𑁂𑀳𑀺 𑀉𑀧𑀸𑀬𑀸𑀲𑁂𑀳𑀺 𑀅𑀧𑀭𑀺𑀫𑀼𑀢𑁆𑀢𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺. 𑀢𑀁 𑀓𑀺𑀲𑁆𑀲 𑀳𑁂𑀢𑀼? 𑀘𑀢𑀼𑀦𑁆𑀦𑀁 𑀥𑀫𑁆𑀫𑀸𑀦𑀁 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸. 𑀓𑀢𑀫𑁂𑀲𑀁 𑀘𑀢𑀼𑀦𑁆𑀦𑀁? 𑀅𑀭𑀺𑀬𑀲𑁆𑀲 𑀲𑀻𑀮𑀲𑁆𑀲 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸, 𑀅𑀭𑀺𑀬𑀲𑁆𑀲 𑀲𑀫𑀸𑀥𑀺𑀲𑁆𑀲, 𑀅𑀭𑀺𑀬𑀸𑀬 𑀧𑀜𑁆𑀜𑀸𑀬, 𑀅𑀭𑀺𑀬𑀸𑀬 𑀯𑀺𑀫𑀼𑀢𑁆𑀢𑀺𑀬𑀸 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸. 𑀢𑀬𑀺𑀤𑀁, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀁 𑀲𑀻𑀮𑀁 𑀅𑀦𑀼𑀩𑀼𑀤𑁆𑀥𑀁 𑀧𑀝𑀺𑀯𑀺𑀤𑁆𑀥𑀁, 𑀅𑀭𑀺𑀬𑁄 𑀲𑀫𑀸𑀥𑀺 𑀅𑀦𑀼𑀩𑀼𑀤𑁆𑀥𑁄 𑀧𑀝𑀺𑀯𑀺𑀤𑁆𑀥𑁄, 𑀅𑀭𑀺𑀬𑀸 𑀧𑀜𑁆𑀜𑀸 𑀅𑀦𑀼𑀩𑀼𑀤𑁆𑀥𑀸 𑀧𑀝𑀺𑀯𑀺𑀤𑁆𑀥𑀸, 𑀅𑀭𑀺𑀬𑀸 𑀯𑀺𑀫𑀼𑀢𑁆𑀢𑀺 𑀅𑀦𑀼𑀩𑀼𑀤𑁆𑀥𑀸 𑀧𑀝𑀺𑀯𑀺𑀤𑁆𑀥𑀸, 𑀉𑀘𑁆𑀙𑀺𑀦𑁆𑀦𑀸 𑀪𑀯𑀢𑀡𑁆𑀳𑀸, 𑀔𑀻𑀡𑀸 𑀪𑀯𑀦𑁂𑀢𑁆𑀢𑀺, 𑀦𑀢𑁆𑀣𑀺 𑀤𑀸𑀦𑀺 𑀧𑀼𑀦𑀩𑁆𑀪𑀯𑁄𑀢𑀺.

‘‘𑀲𑀻𑀮𑀁 ¶ 𑀲𑀫𑀸𑀥𑀺 𑀧𑀜𑁆𑀜𑀸 𑀘, 𑀯𑀺𑀫𑀼𑀢𑁆𑀢𑀺 𑀘 𑀅𑀦𑀼𑀢𑁆𑀢𑀭𑀸;

𑀅𑀦𑀼𑀩𑀼𑀤𑁆𑀥𑀸 𑀇𑀫𑁂 𑀥𑀫𑁆𑀫𑀸, 𑀕𑁄𑀢𑀫𑁂𑀦 𑀬𑀲𑀲𑁆𑀲𑀺𑀦𑀸.

‘‘𑀇𑀢𑀺 𑀩𑀼𑀤𑁆𑀥𑁄 𑀅𑀪𑀺𑀜𑁆𑀜𑀸𑀬, 𑀥𑀫𑁆𑀫𑀫𑀓𑁆𑀔𑀸𑀲𑀺 𑀪𑀺𑀓𑁆𑀔𑀼𑀦𑀁;

𑀤𑀼𑀓𑁆𑀔𑀲𑁆𑀲𑀦𑁆𑀢𑀓𑀭𑁄 𑀲𑀢𑁆𑀣𑀸, 𑀘𑀓𑁆𑀔𑀼𑀫𑀸 𑀧𑀭𑀺𑀦𑀺𑀩𑁆𑀩𑀼𑀢𑁄’’𑀢𑀺 [𑀅. 𑀦𑀺. 𑁭.𑁬𑁬].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀚𑀳𑀢𑀺 𑀧𑀼𑀣𑀼𑀚𑁆𑀚𑀦𑁄 𑀓𑀸𑀫𑀭𑀸𑀕𑀩𑁆𑀬𑀸𑀧𑀸𑀤’’𑀦𑁆𑀢𑀺.

𑀚𑀳𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁫. 𑀲𑀩𑁆𑀩𑀫𑀢𑁆𑀣𑀻𑀢𑀺𑀓𑀣𑀸

𑁧. 𑀯𑀸𑀤𑀬𑀼𑀢𑁆𑀢𑀺

𑁨𑁮𑁨. 𑀲𑀩𑁆𑀩𑀫𑀢𑁆𑀣𑀻𑀢𑀺 ¶ ¶ ? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀤𑀸 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀦 𑀲𑀩𑁆𑀩𑀁 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀼 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀬𑁄𑀕𑀦𑁆𑀢𑀺 𑀓𑀢𑁆𑀯𑀸 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀬𑀫𑁆𑀧𑀺 𑀦𑀢𑁆𑀣𑀺, 𑀢𑀫𑁆𑀧𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑀩𑁆𑀩𑀫𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀫𑀢𑁆𑀣𑀻𑀢𑀺 𑀬𑀸 𑀤𑀺𑀝𑁆𑀞𑀺 𑀲𑀸 𑀤𑀺𑀝𑁆𑀞𑀺 𑀫𑀺𑀘𑁆𑀙𑀸𑀤𑀺𑀝𑁆𑀞𑀻𑀢𑀺, 𑀬𑀸 𑀤𑀺𑀝𑁆𑀞𑀺 𑀲𑀸 𑀤𑀺𑀝𑁆𑀞𑀺 𑀲𑀫𑁆𑀫𑀸𑀤𑀺𑀝𑁆𑀞𑀻𑀢𑀺, 𑀳𑁂𑀯𑀫𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. (𑀲𑀁𑀔𑀺𑀢𑁆𑀢𑀁). 𑀯𑀸𑀤𑀬𑀼𑀢𑁆𑀢𑀺.

𑁨. 𑀓𑀸𑀮𑀲𑀁𑀲𑀦𑁆𑀤𑀦𑀸

𑁨𑁮𑁩. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑀻𑀢𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀻’’𑀢𑀺.

𑀅𑀦𑀸𑀕𑀢𑀁 ¶ 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀦𑀸𑀕𑀢𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 ¶ 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀕𑀢𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀁 𑀅𑀢𑁆𑀣𑀻’’𑀢𑀺.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀦𑀺𑀭𑀼𑀤𑁆𑀥𑀁 𑀅𑀯𑀺𑀕𑀢𑀁 𑀅𑀯𑀺𑀧𑀭𑀺𑀡𑀢𑀁 𑀦 𑀅𑀢𑁆𑀣𑀗𑁆𑀕𑀢𑀁 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀦𑀺𑀭𑀼𑀤𑁆𑀥𑀁 ¶ 𑀅𑀯𑀺𑀕𑀢𑀁 𑀅𑀯𑀺𑀧𑀭𑀺𑀡𑀢𑀁 𑀦 𑀅𑀢𑁆𑀣𑀗𑁆𑀕𑀢𑀁 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀚𑀸𑀢𑀁 𑀪𑀽𑀢𑀁 𑀲𑀜𑁆𑀚𑀸𑀢𑀁 𑀦𑀺𑀩𑁆𑀩𑀢𑁆𑀢𑀁 𑀅𑀪𑀺𑀦𑀺𑀩𑁆𑀩𑀢𑁆𑀢𑀁 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀚𑀸𑀢𑀁 𑀪𑀽𑀢𑀁 𑀲𑀜𑁆𑀚𑀸𑀢𑀁 𑀦𑀺𑀩𑁆𑀩𑀢𑁆𑀢𑀁 𑀅𑀪𑀺𑀦𑀺𑀩𑁆𑀩𑀢𑁆𑀢𑀁 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀅𑀚𑀸𑀢𑀁 𑀅𑀪𑀽𑀢𑀁 ¶ 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁮𑁪. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑀻𑀢𑀁 𑀭𑀽𑀧𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀭𑀽𑀧𑀁 𑀦𑀺𑀭𑀼𑀤𑁆𑀥𑀁…𑀧𑁂… 𑀅𑀩𑁆𑀪𑀢𑁆𑀣𑀗𑁆𑀕𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻’’𑀢𑀺.

𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀚𑀸𑀢𑀁…𑀧𑁂… 𑀅𑀧𑀸𑀢𑀼𑀪𑀽𑀢𑀁, 𑀦𑁄 𑀘 𑀯𑀢 ¶ 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀻’’𑀢𑀺.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀦𑀺𑀭𑀼𑀤𑁆𑀥𑀁 𑀅𑀯𑀺𑀕𑀢𑀁 𑀅𑀯𑀺𑀧𑀭𑀺𑀡𑀢𑀁 𑀦 𑀅𑀢𑁆𑀣𑀗𑁆𑀕𑀢𑀁 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀦𑀺𑀭𑀼𑀤𑁆𑀥𑀁 𑀅𑀯𑀺𑀕𑀢𑀁 𑀅𑀯𑀺𑀧𑀭𑀺𑀡𑀢𑀁 𑀦 𑀅𑀢𑁆𑀣𑀗𑁆𑀕𑀢𑀁 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀚𑀸𑀢𑀁 𑀪𑀽𑀢𑀁 𑀲𑀜𑁆𑀚𑀸𑀢𑀁 𑀦𑀺𑀩𑁆𑀩𑀢𑁆𑀢𑀁 𑀅𑀪𑀺𑀦𑀺𑀩𑁆𑀩𑀢𑁆𑀢𑀁 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀭𑀽𑀧𑀁 𑀚𑀸𑀢𑀁 𑀪𑀽𑀢𑀁 𑀲𑀜𑁆𑀚𑀸𑀢𑀁 𑀦𑀺𑀩𑁆𑀩𑀢𑁆𑀢𑀁 𑀅𑀪𑀺𑀦𑀺𑀩𑁆𑀩𑀢𑁆𑀢𑀁 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑀻𑀢𑀸 𑀯𑁂𑀤𑀦𑀸 𑀅𑀢𑁆𑀣𑀺…𑀧𑁂… 𑀲𑀜𑁆𑀜𑀸 𑀅𑀢𑁆𑀣𑀺, 𑀲𑀗𑁆𑀔𑀸𑀭𑀸 𑀅𑀢𑁆𑀣𑀺, 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 𑀅𑀢𑁆𑀣𑀗𑁆𑀕𑀢𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 ¶ 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀺𑀭𑀼𑀤𑁆𑀥𑀁…𑀧𑁂… 𑀅𑀩𑁆𑀪𑀢𑁆𑀣𑀗𑁆𑀕𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻’’𑀢𑀺.

𑀅𑀦𑀸𑀕𑀢𑀁 ¶ 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀚𑀸𑀢𑀁 𑀅𑀪𑀽𑀢𑀁 𑀅𑀲𑀜𑁆𑀚𑀸𑀢𑀁 𑀅𑀦𑀺𑀩𑁆𑀩𑀢𑁆𑀢𑀁 𑀅𑀦𑀪𑀺𑀦𑀺𑀩𑁆𑀩𑀢𑁆𑀢𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀚𑀸𑀢𑀁…𑀧𑁂… 𑀅𑀧𑀸𑀢𑀼𑀪𑀽𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻’’𑀢𑀺.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀭𑀼𑀤𑁆𑀥𑀁…𑀧𑁂… 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀭𑀼𑀤𑁆𑀥𑀁…𑀧𑁂… 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀚𑀸𑀢𑀁…𑀧𑁂… 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀚𑀸𑀢𑀁…𑀧𑁂… 𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑀻𑀢𑀁 ¶ 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀺𑀭𑀼𑀤𑁆𑀥𑀁…𑀧𑁂… 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀦𑀺𑀭𑀼𑀤𑁆𑀥𑀁…𑀧𑁂… 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀚𑀸𑀢𑀁…𑀧𑁂… 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀆𑀫𑀦𑁆𑀢𑀸.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀯𑀺𑀜𑁆𑀜𑀸𑀡𑀁 𑀅𑀚𑀸𑀢𑀁…𑀧𑁂… 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁨𑁮𑁫. ‘‘𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀯𑀸 𑀭𑀽𑀧’’𑀦𑁆𑀢𑀺 𑀯𑀸, ‘‘𑀭𑀽𑀧𑀦𑁆𑀢𑀺 𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦’’𑀦𑁆𑀢𑀺 𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀭𑀽𑀧𑀁 𑀦𑀺𑀭𑀼𑀚𑁆𑀛𑀫𑀸𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀪𑀸𑀯𑀁 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

‘‘𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀯𑀸 𑀭𑀽𑀧’’𑀦𑁆𑀢𑀺 𑀯𑀸, ‘‘𑀭𑀽𑀧𑀦𑁆𑀢𑀺 𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦’’𑀦𑁆𑀢𑀺 𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀺𑀭𑀼𑀚𑁆𑀛𑀫𑀸𑀦𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

‘‘𑀑𑀤𑀸𑀢𑀦𑁆𑀢𑀺 𑀯𑀸 𑀯𑀢𑁆𑀣’’𑀦𑁆𑀢𑀺 𑀯𑀸, ‘‘𑀯𑀢𑁆𑀣𑀦𑁆𑀢𑀺 𑀯𑀸 𑀑𑀤𑀸𑀢’’𑀦𑁆𑀢𑀺 𑀯𑀸 𑀑𑀤𑀸𑀢𑀁 𑀯𑀢𑁆𑀣𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀑𑀤𑀸𑀢𑀁 𑀯𑀢𑁆𑀣𑀁 𑀭𑀚𑁆𑀚𑀫𑀸𑀦𑀁 𑀑𑀤𑀸𑀢𑀪𑀸𑀯𑀁 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀯𑀢𑁆𑀣𑀪𑀸𑀯𑀁 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

‘‘𑀑𑀤𑀸𑀢𑀦𑁆𑀢𑀺 ¶ 𑀯𑀸 𑀯𑀢𑁆𑀣’’𑀦𑁆𑀢𑀺 𑀯𑀸, ‘‘𑀯𑀢𑁆𑀣𑀦𑁆𑀢𑀺 𑀯𑀸 𑀑𑀤𑀸𑀢’’𑀦𑁆𑀢𑀺 𑀯𑀸 𑀑𑀤𑀸𑀢𑀁 𑀯𑀢𑁆𑀣𑀁 𑀅𑀧𑁆𑀧𑀺𑀬𑀁 𑀓𑀭𑀺𑀢𑁆𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀆𑀫𑀦𑁆𑀢𑀸. 𑀑𑀤𑀸𑀢𑀁 𑀯𑀢𑁆𑀣𑀁 𑀭𑀚𑁆𑀚𑀫𑀸𑀦𑀁 𑀯𑀢𑁆𑀣𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀑𑀤𑀸𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.…𑀧𑁂….

𑁨𑁮𑁬. 𑀭𑀽𑀧𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 ¶ 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀦𑀦𑀼 𑀭𑀽𑀧𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀻𑀢𑀺 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 ¶ 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀭𑀽𑀧𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀻’’𑀢𑀺.

𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺 𑀦𑀺𑀩𑁆𑀩𑀸𑀦𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀻𑀢𑀺 [𑀦 𑀚𑀳𑀢𑀺 (𑀲𑀻. 𑀓.)] 𑀭𑀽𑀧𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀭𑀽𑀧𑀁 𑀭𑀽𑀧𑀪𑀸𑀯𑀁 𑀦 𑀚𑀳𑀢𑀺 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 𑀦𑀺𑀩𑁆𑀩𑀸𑀦𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀅𑀦𑀸𑀕𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀅𑀦𑀸𑀕𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀝𑁆𑀞𑀓𑀣𑀸 𑀑𑀮𑁄𑀓𑁂𑀢𑀩𑁆𑀩𑀸]? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀝𑁆𑀞𑀓𑀣𑀸 𑀑𑀮𑁄𑀓𑁂𑀢𑀩𑁆𑀩𑀸]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀝𑁆𑀞𑀓𑀣𑀸 𑀑𑀮𑁄𑀓𑁂𑀢𑀩𑁆𑀩𑀸]? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀝𑁆𑀞𑀓𑀣𑀸 𑀑𑀮𑁄𑀓𑁂𑀢𑀩𑁆𑀩𑀸]? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂.

𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 ¶ 𑀅𑀢𑀻𑀢𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻’’𑀢𑀺.

𑀦𑀺𑀩𑁆𑀩𑀸𑀦𑀁 ¶ 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺 𑀦𑀺𑀩𑁆𑀩𑀸𑀦𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺 𑀅𑀢𑀻𑀢𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀺 𑀅𑀢𑀻𑀢𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 𑀦𑀺𑀩𑁆𑀩𑀸𑀦𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁮𑁭. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀦𑀸𑀕𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀦𑀸𑀕𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯] ¶ ? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀭𑀽𑀧𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯]? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀢𑀻𑀢𑀁 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀦𑀺𑀘𑁆𑀘𑀁…𑀧𑁂… 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻’’𑀢𑀺.

𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 [𑀦 𑀚𑀳𑀢𑀻𑀢𑀺 (?) 𑀧𑀼𑀭𑀺𑀫𑀧𑀜𑁆𑀳𑁂𑀳𑀺 𑀲𑀁𑀲𑀦𑁆𑀤𑁂𑀢𑀩𑁆𑀩𑀁] 𑀦𑀺𑀩𑁆𑀩𑀸𑀦𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀺 [𑀦 𑀚𑀳𑀢𑀻𑀢𑀺 (?) 𑀧𑀼𑀭𑀺𑀫𑀜𑁆𑀳𑁂𑀳𑀺 𑀲𑀁𑀲𑀦𑁆𑀤𑁂𑀢𑀩𑁆𑀩𑀁] 𑀅𑀢𑀻𑀢𑀁 𑀭𑀽𑀧𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 ¶ ¶ 𑀭𑀽𑀧𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀺 𑀅𑀢𑀻𑀢𑀁 𑀭𑀽𑀧𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 𑀦𑀺𑀩𑁆𑀩𑀸𑀦𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀯𑁂𑀤𑀦𑀸 𑀅𑀢𑁆𑀣𑀺… 𑀅𑀢𑀻𑀢𑀸 𑀲𑀜𑁆𑀜𑀸 𑀅𑀢𑁆𑀣𑀺… 𑀅𑀢𑀻𑀢𑀸 ¶ 𑀲𑀗𑁆𑀔𑀸𑀭𑀸 𑀅𑀢𑁆𑀣𑀺… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 ¶ 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀸𑀕𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀸𑀕𑀢𑀪𑀸𑀯𑀁 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯]? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀚𑀳𑀢𑀻𑀢𑀺 [𑀦 𑀚𑀳𑀢𑀻𑀢𑀺 (𑀩𑀳𑀽𑀲𑀼) 𑀅𑀦𑀼𑀮𑁄𑀫𑀧𑀜𑁆𑀳𑁄𑀬𑁂𑀯]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀦𑀦𑀼 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀻’’𑀢𑀺.

𑀦𑀺𑀩𑁆𑀩𑀸𑀦𑀁 ¶ 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 [𑀦 𑀚𑀳𑀢𑀻𑀢𑀺 (?) 𑀧𑀼𑀭𑀺𑀫𑀧𑀜𑁆𑀳𑁂𑀳𑀺 𑀲𑀁𑀲𑀦𑁆𑀤𑁂𑀢𑀩𑁆𑀩𑀁] 𑀦𑀺𑀩𑁆𑀩𑀸𑀦𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 ¶ 𑀦 𑀚𑀳𑀢𑀺 [𑀦 𑀚𑀳𑀢𑀻𑀢𑀺 (?) 𑀧𑀼𑀭𑀺𑀫𑀧𑀜𑁆𑀳𑁂𑀳𑀺 𑀲𑀁𑀲𑀦𑁆𑀤𑁂𑀢𑀩𑁆𑀩𑀁] 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀺𑀘𑁆𑀘𑀁 𑀥𑀼𑀯𑀁 𑀲𑀲𑁆𑀲𑀢𑀁 𑀅𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀪𑀸𑀯𑀁 𑀦 𑀚𑀳𑀢𑀺 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀦𑀺𑀘𑁆𑀘𑀁 ¶ 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀁 ¶ 𑀦𑀺𑀩𑁆𑀩𑀸𑀦𑀪𑀸𑀯𑀁 𑀦 𑀚𑀳𑀢𑀺 𑀦𑀺𑀩𑁆𑀩𑀸𑀦𑀁 𑀅𑀦𑀺𑀘𑁆𑀘𑀁 𑀅𑀥𑀼𑀯𑀁 𑀅𑀲𑀲𑁆𑀲𑀢𑀁 𑀯𑀺𑀧𑀭𑀺𑀡𑀸𑀫𑀥𑀫𑁆𑀫𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀘𑀦𑀲𑁄𑀥𑀦𑀸

𑁨𑁮𑁮. 𑀅𑀢𑀻𑀢𑀁 𑀦𑁆𑀯𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀁 𑀦𑁆𑀯𑀢𑁆𑀣𑀺, 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺 𑀫𑀺𑀘𑁆𑀙𑀸. 𑀳𑀜𑁆𑀘𑀺 𑀯𑀸 𑀧𑀦 𑀅𑀢𑁆𑀣𑀺 𑀦𑁆𑀯𑀸𑀢𑀻𑀢𑀁, 𑀅𑀢𑁆𑀣𑀺 𑀅𑀢𑀻𑀢𑀦𑁆𑀢𑀺 𑀫𑀺𑀘𑁆𑀙𑀸. 𑀅𑀦𑀸𑀕𑀢𑀁 𑀦𑁆𑀯𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀕𑀢𑀁 𑀦𑁆𑀯𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺 𑀫𑀺𑀘𑁆𑀙𑀸. 𑀳𑀜𑁆𑀘𑀺 𑀯𑀸 𑀧𑀦 𑀅𑀢𑁆𑀣𑀺 𑀦𑁆𑀯𑀸𑀦𑀸𑀕𑀢𑀁, 𑀅𑀢𑁆𑀣𑀺 𑀅𑀦𑀸𑀕𑀢𑀦𑁆𑀢𑀺 𑀫𑀺𑀘𑁆𑀙𑀸.

𑀅𑀦𑀸𑀕𑀢𑀁 𑀳𑀼𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀜𑁆𑀜𑁂𑀯 𑀅𑀦𑀸𑀕𑀢𑀁 𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑀜𑁆𑀜𑁂𑀯 𑀅𑀦𑀸𑀕𑀢𑀁 𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀺 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀻𑀢𑀺? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑀼𑀢𑁆𑀯𑀸 𑀅𑀢𑀻𑀢𑀁 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀜𑁆𑀜𑁂𑀯 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀢𑀁 𑀅𑀢𑀻𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑀜𑁆𑀜𑁂𑀯 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀢𑀁 𑀅𑀢𑀻𑀢𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀺 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀳𑀼𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑁄𑀢𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑀼𑀢𑁆𑀯𑀸 𑀅𑀢𑀻𑀢𑀁 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑀜𑁆𑀜𑁂𑀯 𑀅𑀦𑀸𑀕𑀢𑀁 𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀢𑀁 𑀅𑀢𑀻𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑀜𑁆𑀜𑁂𑀯 𑀅𑀦𑀸𑀕𑀢𑀁 𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀢𑀁 𑀅𑀢𑀻𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀳𑀼𑀢𑁆𑀯𑀸 𑀳𑁄𑀢𑀺 𑀳𑀼𑀢𑁆𑀯𑀸 𑀳𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀺 𑀦 𑀳𑀼𑀢𑁆𑀯𑀸 𑀦 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑀻𑀢𑀘𑀓𑁆𑀔𑀼𑀭𑀽𑀧𑀸𑀤𑀺𑀓𑀣𑀸

𑁨𑁮𑁯. 𑀅𑀢𑀻𑀢𑀁 ¶ 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀲𑁄𑀢𑀁 𑀅𑀢𑁆𑀣𑀺 𑀲𑀤𑁆𑀤𑀸 𑀅𑀢𑁆𑀣𑀺 𑀲𑁄𑀢𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀓𑀸𑀲𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 ¶ 𑀲𑁄𑀢𑁂𑀦 𑀅𑀢𑀻𑀢𑀁 𑀲𑀤𑁆𑀤𑀁 𑀲𑀼𑀡𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀖𑀸𑀦𑀁 𑀅𑀢𑁆𑀣𑀺 𑀕𑀦𑁆𑀥𑀸 𑀅𑀢𑁆𑀣𑀺 𑀖𑀸𑀦𑀯𑀺𑀜𑁆𑀜𑀸𑀡𑀁 ¶ 𑀅𑀢𑁆𑀣𑀺 𑀯𑀸𑀬𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 𑀖𑀸𑀦𑁂𑀦 𑀅𑀢𑀻𑀢𑀁 𑀕𑀦𑁆𑀥𑀁 𑀖𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀚𑀺𑀯𑁆𑀳𑀸 𑀅𑀢𑁆𑀣𑀺 𑀭𑀲𑀸 𑀅𑀢𑁆𑀣𑀺 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀧𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑀻𑀢𑀸𑀬 𑀚𑀺𑀯𑁆𑀳𑀸𑀬 𑀅𑀢𑀻𑀢𑀁 𑀭𑀲𑀁 𑀲𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁄 𑀓𑀸𑀬𑁄 𑀅𑀢𑁆𑀣𑀺 𑀨𑁄𑀝𑁆𑀞𑀩𑁆𑀩𑀸 𑀅𑀢𑁆𑀣𑀺 𑀓𑀸𑀬𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀧𑀣𑀯𑀻 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 𑀓𑀸𑀬𑁂𑀦 𑀅𑀢𑀻𑀢𑀁 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁄 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀦 𑀫𑀦𑁂𑀦 𑀅𑀢𑀻𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑁂𑀦 𑀘𑀓𑁆𑀔𑀼𑀦𑀸 𑀅𑀦𑀸𑀕𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀲𑁄𑀢𑀁 𑀅𑀢𑁆𑀣𑀺… 𑀖𑀸𑀦𑀁 𑀅𑀢𑁆𑀣𑀺… 𑀚𑀺𑀯𑁆𑀳𑀸 𑀅𑀢𑁆𑀣𑀺… 𑀓𑀸𑀬𑁄 𑀅𑀢𑁆𑀣𑀺 ¶ … 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑁂𑀦 𑀫𑀦𑁂𑀦 𑀅𑀦𑀸𑀕𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀘𑀓𑁆𑀔𑀼𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 ¶ 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀅𑀢𑀻𑀢𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂…. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀲𑁄𑀢𑀁 𑀅𑀢𑁆𑀣𑀺… 𑀖𑀸𑀦𑀁 𑀅𑀢𑁆𑀣𑀺… 𑀚𑀺𑀯𑁆𑀳𑀸 𑀅𑀢𑁆𑀣𑀺… 𑀓𑀸𑀬𑁄 𑀅𑀢𑁆𑀣𑀺… 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀫𑀦𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁄 𑀫𑀦𑁄 ¶ 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀅𑀢𑀻𑀢𑁂𑀦 𑀫𑀦𑁂𑀦 𑀅𑀢𑀻𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀘𑀓𑁆𑀔𑀼𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 ¶ 𑀅𑀢𑁆𑀣𑀺, 𑀅𑀦𑀸𑀕𑀢𑁂𑀦 𑀘𑀓𑁆𑀔𑀼𑀦𑀸 𑀅𑀦𑀸𑀕𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀲𑁄𑀢𑀁 𑀅𑀢𑁆𑀣𑀺… 𑀖𑀸𑀦𑀁 𑀅𑀢𑁆𑀣𑀺… 𑀚𑀺𑀯𑁆𑀳𑀸 𑀅𑀢𑁆𑀣𑀺… 𑀓𑀸𑀬𑁄 𑀅𑀢𑁆𑀣𑀺… 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀫𑀦𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑁄 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀅𑀦𑀸𑀕𑀢𑁂𑀦 𑀫𑀦𑁂𑀦 𑀅𑀦𑀸𑀕𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 ¶ 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀅𑀢𑀻𑀢𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀘𑀓𑁆𑀔𑀼𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀲𑁄𑀢𑀁 𑀅𑀢𑁆𑀣𑀺… 𑀖𑀸𑀦𑀁 𑀅𑀢𑁆𑀣𑀺… 𑀚𑀺𑀯𑁆𑀳𑀸 𑀅𑀢𑁆𑀣𑀺… 𑀓𑀸𑀬𑁄 𑀅𑀢𑁆𑀣𑀺… 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀅𑀢𑀻𑀢𑁂𑀦 𑀫𑀦𑁂𑀦 𑀅𑀢𑀻𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑁄 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀫𑀦𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀅𑀦𑀸𑀕𑀢𑁂𑀦 𑀘𑀓𑁆𑀔𑀼𑀦𑀸 𑀅𑀦𑀸𑀕𑀢𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀼𑀁 𑀅𑀢𑁆𑀣𑀺 𑀭𑀽𑀧𑀸 𑀅𑀢𑁆𑀣𑀺 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀆𑀮𑁄𑀓𑁄 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀘𑀓𑁆𑀔𑀼𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀧𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀲𑁄𑀢𑀁 𑀅𑀢𑁆𑀣𑀺… 𑀖𑀸𑀦𑀁 𑀅𑀢𑁆𑀣𑀺… 𑀚𑀺𑀯𑁆𑀳𑀸 𑀅𑀢𑁆𑀣𑀺… 𑀓𑀸𑀬𑁄 𑀅𑀢𑁆𑀣𑀺… 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 ¶ 𑀘 𑀅𑀦𑀸𑀕𑀢𑁂𑀦 𑀫𑀦𑁂𑀦 𑀅𑀦𑀸𑀕𑀢𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑁄 𑀫𑀦𑁄 𑀅𑀢𑁆𑀣𑀺 𑀥𑀫𑁆𑀫𑀸 𑀅𑀢𑁆𑀣𑀺 𑀫𑀦𑁄𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀺 𑀯𑀢𑁆𑀣𑀼𑀁 𑀅𑀢𑁆𑀣𑀺 𑀫𑀦𑀲𑀺𑀓𑀸𑀭𑁄 𑀅𑀢𑁆𑀣𑀺, 𑀦 𑀘 𑀧𑀘𑁆𑀘𑀼𑀧𑁆𑀧𑀦𑁆𑀦𑁂𑀦 𑀫𑀦𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀜𑀸𑀡𑀸𑀤𑀺𑀓𑀣𑀸

𑁨𑁯𑁦. 𑀅𑀢𑀻𑀢𑀁 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺 ¶ , 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀦𑀸𑀕𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀜𑀸𑀡𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂…. 𑀅𑀦𑀸𑀕𑀢𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺 ¶ , 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀜𑀸𑀡𑀁 𑀅𑀢𑁆𑀣𑀺, 𑀦 𑀘 𑀢𑁂𑀦 𑀜𑀸𑀡𑁂𑀦 𑀤𑀼𑀓𑁆𑀔𑀁 𑀧𑀭𑀺𑀚𑀸𑀦𑀸𑀢𑀺, 𑀲𑀫𑀼𑀤𑀬𑀁 𑀧𑀚𑀳𑀢𑀺, 𑀦𑀺𑀭𑁄𑀥𑀁 𑀲𑀘𑁆𑀙𑀺𑀓𑀭𑁄𑀢𑀺, 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀦𑁆𑀢𑀸𑀤𑀺𑀓𑀣𑀸

𑁨𑁯𑁧. 𑀅𑀭𑀳𑀢𑁄 𑀅𑀢𑀻𑀢𑁄 𑀭𑀸𑀕𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀭𑀸𑀕𑁂𑀦 𑀲𑀭𑀸𑀕𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑁄 𑀤𑁄𑀲𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀭𑀳𑀸 𑀢𑁂𑀦 𑀤𑁄𑀲𑁂𑀦 𑀲𑀤𑁄𑀲𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑁄 𑀫𑁄𑀳𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑁄 𑀫𑀸𑀦𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀫𑀸𑀦𑁂𑀦 𑀲𑀫𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀸 𑀤𑀺𑀝𑁆𑀞𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑀸𑀬 𑀯𑀺𑀘𑀺𑀓𑀺𑀘𑁆𑀙𑀸𑀬 𑀲𑀯𑀺𑀘𑀺𑀓𑀺𑀘𑁆𑀙𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀁 𑀣𑀺𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀣𑀺𑀦𑁂𑀦 𑀲𑀣𑀺𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀁 𑀉𑀤𑁆𑀥𑀘𑁆𑀘𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀉𑀤𑁆𑀥𑀘𑁆𑀘𑁂𑀦 𑀲𑀉𑀤𑁆𑀥𑀘𑁆𑀘𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀁 𑀅𑀳𑀺𑀭𑀺𑀓𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀅𑀳𑀺𑀭𑀺𑀓𑁂𑀦 𑀲𑀅𑀳𑀺𑀭𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑀁 𑀅𑀦𑁄𑀢𑁆𑀢𑀧𑁆𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀢𑁂𑀦 𑀅𑀦𑁄𑀢𑁆𑀢𑀧𑁆𑀧𑁂𑀦 ¶ 𑀲𑀅𑀦𑁄𑀢𑁆𑀢𑀧𑁆𑀧𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀲𑁆𑀲 ¶ 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀦𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺… 𑀅𑀢𑀻𑀢𑁄 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀓𑀸𑀫𑀭𑀸𑀕𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺… 𑀅𑀢𑀻𑀢𑁄 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀅𑀢𑁆𑀣𑀺… 𑀅𑀢𑀻𑀢𑁄 ¶ 𑀑𑀴𑀸𑀭𑀺𑀓𑁄 𑀓𑀸𑀫𑀭𑀸𑀕𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺… 𑀅𑀢𑀻𑀢𑁄 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀭𑀸𑀕𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀤𑁄𑀲𑁄 𑀅𑀢𑁆𑀣𑀺… 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑁄 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨𑁯𑁨. 𑀧𑀼𑀣𑀼𑀚𑁆𑀚𑀦𑀲𑁆𑀲 ¶ 𑀅𑀢𑀻𑀢𑁄 𑀭𑀸𑀕𑁄 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀭𑀸𑀕𑁂𑀦 𑀲𑀭𑀸𑀕𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀅𑀢𑀻𑀢𑁄 𑀭𑀸𑀕𑁄 𑀅𑀢𑁆𑀣𑀺, 𑀅𑀭𑀳𑀸 𑀢𑁂𑀦 𑀭𑀸𑀕𑁂𑀦 𑀲𑀭𑀸𑀕𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑁄 𑀤𑁄𑀲𑁄 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑀁 𑀅𑀦𑁄𑀢𑁆𑀢𑀧𑁆𑀧𑀁 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀅𑀦𑁄𑀢𑁆𑀢𑀧𑁆𑀧𑁂𑀦 𑀅𑀦𑁄𑀢𑁆𑀢𑀧𑁆𑀧𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀅𑀢𑀻𑀢𑀁 𑀅𑀦𑁄𑀢𑁆𑀢𑀧𑁆𑀧𑀁 𑀅𑀢𑁆𑀣𑀺, 𑀅𑀭𑀳𑀸 𑀢𑁂𑀦 𑀅𑀦𑁄𑀢𑁆𑀢𑀧𑁆𑀧𑁂𑀦 𑀅𑀦𑁄𑀢𑁆𑀢𑀧𑁆𑀧𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀅𑀦𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀸𑀫𑀺𑀲𑁆𑀲 ¶ 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀅𑀦𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀲𑀓𑀤𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺… 𑀅𑀢𑀻𑀢𑁄 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺 ¶ ? 𑀆𑀫𑀦𑁆𑀢𑀸. 𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑁄 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀲𑀓𑀤𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀼𑀣𑀼𑀚𑁆𑀚𑀦𑀲𑁆𑀲 ¶ 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀲𑁄𑀢𑀸𑀧𑀦𑁆𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀅𑀢𑁆𑀣𑀺, 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀅𑀢𑁆𑀣𑀺, 𑀲𑁄𑀢𑀸𑀧𑀦𑁆𑀦𑁄 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 𑀅𑀢𑀻𑀢𑁄 𑀭𑀸𑀕𑁄 𑀅𑀢𑁆𑀣𑀺, 𑀦 𑀘 𑀅𑀭𑀳𑀸 𑀢𑁂𑀦 𑀭𑀸𑀕𑁂𑀦 𑀲𑀭𑀸𑀕𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑁄 𑀭𑀸𑀕𑁄 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀭𑀸𑀕𑁂𑀦 𑀲𑀭𑀸𑀕𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀭𑀳𑀢𑁄 𑀅𑀢𑀻𑀢𑁄 𑀤𑁄𑀲𑁄 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑀁 𑀅𑀦𑁄𑀢𑁆𑀢𑀧𑁆𑀧𑀁 𑀅𑀢𑁆𑀣𑀺, 𑀦 𑀘 𑀅𑀭𑀳𑀸 𑀢𑁂𑀦 𑀅𑀦𑁄𑀢𑁆𑀢𑀧𑁆𑀧𑁂𑀦 𑀅𑀦𑁄𑀢𑁆𑀢𑀧𑁆𑀧𑀻𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀁 𑀅𑀦𑁄𑀢𑁆𑀢𑀧𑁆𑀧𑀁 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀅𑀦𑁄𑀢𑁆𑀢𑀧𑁆𑀧𑁂𑀦 𑀅𑀦𑁄𑀢𑁆𑀢𑀧𑁆𑀧𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀦 𑀘 𑀅𑀦𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 ¶ 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀦 𑀘 𑀅𑀦𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺 ¶ ? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑁄 𑀅𑀡𑀼𑀲𑀳𑀕𑀢𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀦 𑀘 𑀲𑀓𑀤𑀸𑀕𑀸𑀫𑀻 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀓𑀤𑀸𑀕𑀸𑀫𑀺𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑁄 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀦 𑀘 𑀲𑀓𑀤𑀸𑀕𑀸𑀫𑀻 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑁄 𑀑𑀴𑀸𑀭𑀺𑀓𑁄 𑀩𑁆𑀬𑀸𑀧𑀸𑀤𑁄 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀩𑁆𑀬𑀸𑀧𑀸𑀤𑁂𑀦 𑀩𑁆𑀬𑀸𑀧𑀦𑁆𑀦𑀘𑀺𑀢𑁆𑀢𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 𑀅𑀢𑁆𑀣𑀺, 𑀦 𑀘 𑀲𑁄𑀢𑀸𑀧𑀦𑁆𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑀸 𑀲𑀓𑁆𑀓𑀸𑀬𑀤𑀺𑀝𑁆𑀞𑀺 ¶ 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑀸𑀬 𑀤𑀺𑀝𑁆𑀞𑀺𑀬𑀸 𑀲𑀤𑀺𑀝𑁆𑀞𑀺𑀓𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀸𑀧𑀦𑁆𑀦𑀲𑁆𑀲 𑀅𑀢𑀻𑀢𑀸 𑀯𑀺𑀘𑀺𑀓𑀺𑀘𑁆𑀙𑀸 𑀅𑀢𑁆𑀣𑀺…𑀧𑁂… 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 𑀫𑁄𑀳𑁄 𑀅𑀢𑁆𑀣𑀺, 𑀦 𑀘 𑀲𑁄𑀢𑀸𑀧𑀦𑁆𑀦𑁄 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀆𑀫𑀦𑁆𑀢𑀸. 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀢𑀻𑀢𑁄 𑀅𑀧𑀸𑀬𑀕𑀫𑀦𑀻𑀬𑁄 ¶ 𑀫𑁄𑀳𑁄 𑀅𑀢𑁆𑀣𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀢𑁂𑀦 𑀫𑁄𑀳𑁂𑀦 𑀲𑀫𑁄𑀳𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀳𑀢𑁆𑀣𑀸𑀤𑀺𑀓𑀣𑀸

𑁨𑁯𑁩. 𑀅𑀢𑀻𑀢𑀸 𑀳𑀢𑁆𑀣𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀲𑀼 𑀳𑀢𑁆𑀣𑁂𑀲𑀼 𑀲𑀢𑀺 𑀆𑀤𑀸𑀦𑀦𑀺𑀓𑁆𑀔𑁂𑀧𑀦𑀁 𑀧𑀜𑁆𑀜𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀧𑀸𑀤𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀲𑀼 𑀧𑀸𑀤𑁂𑀲𑀼 𑀲𑀢𑀺 𑀅𑀪𑀺𑀓𑁆𑀓𑀫𑀧𑀝𑀺𑀓𑁆𑀓𑀫𑁄 𑀧𑀜𑁆𑀜𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀧𑀩𑁆𑀩𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁂𑀲𑀼 𑀧𑀩𑁆𑀩𑁂𑀲𑀼 𑀲𑀢𑀺 𑀲𑀫𑀺𑀜𑁆𑀚𑀦𑀧𑀲𑀸𑀭𑀡𑀁 𑀧𑀜𑁆𑀜𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁄 𑀓𑀼𑀘𑁆𑀙𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀲𑁆𑀫𑀺𑀁 𑀓𑀼𑀘𑁆𑀙𑀺𑀲𑁆𑀫𑀺𑀁 𑀲𑀢𑀺 𑀚𑀺𑀖𑀘𑁆𑀙𑀸 𑀧𑀺𑀧𑀸𑀲𑀸 𑀧𑀜𑁆𑀜𑀸𑀬𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑁄 𑀓𑀸𑀬𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑁄 𑀓𑀸𑀬𑁄 𑀧𑀕𑁆𑀕𑀳𑀦𑀺𑀕𑁆𑀕𑀳𑀼𑀧𑀕𑁄 𑀙𑁂𑀤𑀦𑀪𑁂𑀤𑀦𑀼𑀧𑀕𑁄 𑀓𑀸𑀓𑁂𑀳𑀺 𑀕𑀺𑀚𑁆𑀛𑁂𑀳𑀺 𑀓𑀼𑀮𑀮𑁂𑀳𑀺 𑀲𑀸𑀥𑀸𑀭𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁂 ¶ 𑀓𑀸𑀬𑁂 𑀯𑀺𑀲𑀁 𑀓𑀫𑁂𑀬𑁆𑀬 ¶ , 𑀲𑀢𑁆𑀣𑀁 𑀓𑀫𑁂𑀬𑁆𑀬, 𑀅𑀕𑁆𑀕𑀺 𑀓𑀫𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀮𑀩𑁆𑀪𑀸 𑀅𑀢𑀻𑀢𑁄 𑀓𑀸𑀬𑁄 𑀅𑀤𑁆𑀤𑀼𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀭𑀚𑁆𑀚𑀼𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀲𑀗𑁆𑀔𑀮𑀺𑀓𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀕𑀸𑀫𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀦𑀺𑀕𑀫𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀦𑀕𑀭𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀚𑀦𑀧𑀤𑀩𑀦𑁆𑀥𑀦𑁂𑀦 𑀩𑀦𑁆𑀥𑀺𑀢𑀼𑀁, 𑀓𑀡𑁆𑀞𑀧𑀜𑁆𑀘𑀫𑁂𑀳𑀺 𑀩𑀦𑁆𑀥𑀦𑁂𑀳𑀺 𑀩𑀦𑁆𑀥𑀺𑀢𑀼𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑁄 𑀆𑀧𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀆𑀧𑁂𑀦 𑀆𑀧𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁄 𑀢𑁂𑀚𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀢𑁂𑀚𑁂𑀦 𑀢𑁂𑀚𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑁄 𑀯𑀸𑀬𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀯𑀸𑀬𑁂𑀦 𑀯𑀸𑀬𑀓𑀭𑀡𑀻𑀬𑀁 𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀓𑁆𑀔𑀦𑁆𑀥𑀸𑀤𑀺𑀲𑀫𑁄𑀥𑀸𑀦𑀓𑀣𑀸

𑁨𑁯𑁪. 𑀅𑀢𑀻𑀢𑁄 𑀭𑀽𑀧𑀓𑁆𑀔𑀦𑁆𑀥𑁄 𑀅𑀢𑁆𑀣𑀺, 𑀅𑀦𑀸𑀕𑀢𑁄 𑀭𑀽𑀧𑀓𑁆𑀔𑀦𑁆𑀥𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁄 𑀭𑀽𑀧𑀓𑁆𑀔𑀦𑁆𑀥𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀬𑁄 𑀭𑀽𑀧𑀓𑁆𑀔𑀦𑁆𑀥𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ …𑀧𑁂… 𑀅𑀢𑀻𑀢𑀸 𑀧𑀜𑁆𑀘𑀓𑁆𑀔𑀦𑁆𑀥𑀸 𑀅𑀢𑁆𑀣𑀺, 𑀅𑀦𑀸𑀕𑀢𑀸 𑀧𑀜𑁆𑀘𑀓𑁆𑀔𑀦𑁆𑀥𑀸 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀧𑀜𑁆𑀘𑀓𑁆𑀔𑀦𑁆𑀥𑀸 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀦𑁆𑀦𑀭𑀲𑀓𑁆𑀔𑀦𑁆𑀥𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀸𑀬𑀢𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀻𑀡𑀺 𑀘𑀓𑁆𑀔𑀸𑀬𑀢𑀦𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸𑀦𑀺 ¶ 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺 𑀅𑀢𑁆𑀣𑀺, 𑀅𑀦𑀸𑀕𑀢𑀸𑀦𑀺 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀺 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀙𑀢𑁆𑀢𑀺𑀁𑀲𑀸𑀬𑀢𑀦𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀘𑀓𑁆𑀔𑀼𑀥𑀸𑀢𑀼 𑀅𑀢𑁆𑀣𑀺, 𑀅𑀦𑀸𑀕𑀢𑀸 𑀘𑀓𑁆𑀔𑀼𑀥𑀸𑀢𑀼 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀘𑀓𑁆𑀔𑀼𑀥𑀸𑀢𑀼 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀺𑀲𑁆𑀲𑁄 𑀘𑀓𑁆𑀔𑀼𑀥𑀸𑀢𑀼𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀅𑀝𑁆𑀞𑀸𑀭𑀲 𑀥𑀸𑀢𑀼𑀬𑁄 𑀅𑀢𑁆𑀣𑀺, 𑀅𑀦𑀸𑀕𑀢𑀸 𑀅𑀝𑁆𑀞𑀸𑀭𑀲 𑀥𑀸𑀢𑀼𑀬𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀅𑀝𑁆𑀞𑀸𑀭𑀲 𑀥𑀸𑀢𑀼𑀬𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀘𑀢𑀼𑀧𑀜𑁆𑀜𑀸𑀲 𑀥𑀸𑀢𑀼𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀅𑀢𑁆𑀣𑀻𑀢𑀺 ¶ ? 𑀆𑀫𑀦𑁆𑀢𑀸. 𑀢𑀻𑀡𑀺 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸𑀦𑀺 𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺 𑀅𑀢𑁆𑀣𑀺, 𑀅𑀦𑀸𑀕𑀢𑀸𑀦𑀺 𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺 ¶ 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀦𑀺 𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀙𑀲𑀝𑁆𑀞𑀺𑀦𑁆𑀤𑁆𑀭𑀺𑀬𑀸𑀦𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑁄 𑀭𑀸𑀚𑀸 𑀘𑀓𑁆𑀓𑀯𑀢𑁆𑀢𑀻 𑀅𑀢𑁆𑀣𑀺, 𑀅𑀦𑀸𑀕𑀢𑁄 𑀭𑀸𑀚𑀸 𑀘𑀓𑁆𑀓𑀯𑀢𑁆𑀢𑀻 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁄 𑀭𑀸𑀚𑀸 𑀘𑀓𑁆𑀓𑀯𑀢𑁆𑀢𑀻 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀺𑀡𑁆𑀡𑀦𑁆𑀦𑀁 𑀭𑀸𑀚𑀽𑀦𑀁 𑀘𑀓𑁆𑀓𑀯𑀢𑁆𑀢𑀻𑀦𑀁 𑀲𑀫𑁆𑀫𑀼𑀔𑀻𑀪𑀸𑀯𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑁄 𑀲𑀫𑁆𑀫𑀸𑀲𑀫𑁆𑀫𑀼𑀤𑁆𑀥𑁄 𑀅𑀢𑁆𑀣𑀺, 𑀅𑀦𑀸𑀕𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀅𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀢𑀺𑀡𑁆𑀡𑀦𑁆𑀦𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸𑀦𑀁 𑀲𑀫𑁆𑀫𑀼𑀔𑀻𑀪𑀸𑀯𑁄 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀤𑀲𑁄𑀥𑀦𑀓𑀣𑀸

𑁨𑁯𑁫. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑁆𑀣𑀺 𑀅𑀢𑀻𑀢𑀦𑁆𑀢𑀺? 𑀅𑀢𑁆𑀣𑀺 𑀲𑀺𑀬𑀸 𑀅𑀢𑀻𑀢𑀁, 𑀲𑀺𑀬𑀸 𑀦𑁆𑀯𑀸𑀢𑀻𑀢𑀦𑁆𑀢𑀺.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀅𑀢𑀻𑀢𑀁 𑀅𑀢𑁆𑀣𑀺, 𑀅𑀢𑁆𑀣𑀺 𑀲𑀺𑀬𑀸 𑀅𑀢𑀻𑀢𑀁, 𑀲𑀺𑀬𑀸 𑀦𑁆𑀯𑀸𑀢𑀻𑀢𑀁, 𑀢𑁂𑀦𑀸𑀢𑀻𑀢𑀁 𑀦𑁆𑀯𑀸𑀢𑀻𑀢𑀁, 𑀦𑁆𑀯𑀸𑀢𑀻𑀢𑀁 𑀅𑀢𑀻𑀢𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 ¶ 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀢𑀻𑀢𑀁, 𑀲𑀺𑀬𑀸 𑀦𑁆𑀯𑀸𑀢𑀻𑀢𑀁, 𑀢𑁂𑀦𑀸𑀢𑀻𑀢𑀁 𑀦𑁆𑀯𑀸𑀢𑀻𑀢𑀁, 𑀦𑁆𑀯𑀸𑀢𑀻𑀢𑀁 𑀅𑀢𑀻𑀢’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀅𑀢𑀻𑀢𑀁 𑀦𑁆𑀯𑀸𑀢𑀻𑀢𑀁 𑀦𑁆𑀯𑀸𑀢𑀻𑀢𑀁 𑀅𑀢𑀻𑀢𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀢𑀻𑀢𑀁, 𑀲𑀺𑀬𑀸 𑀦𑁆𑀯𑀸𑀢𑀻𑀢’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀢𑀻𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀢𑀻𑀢𑀁, 𑀲𑀺𑀬𑀸 𑀦𑁆𑀯𑀸𑀢𑀻𑀢𑀁, 𑀢𑁂𑀦𑀸𑀢𑀻𑀢𑀁 𑀦𑁆𑀯𑀸𑀢𑀻𑀢𑀁, 𑀦𑁆𑀯𑀸𑀢𑀻𑀢𑀁 𑀅𑀢𑀻𑀢’’’𑀦𑁆𑀢𑀺 𑀫𑀺𑀘𑁆𑀙𑀸.

𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀦𑀸𑀕𑀢𑀦𑁆𑀢𑀺? 𑀅𑀢𑁆𑀣𑀺 𑀲𑀺𑀬𑀸 𑀅𑀦𑀸𑀕𑀢𑀁, 𑀲𑀺𑀬𑀸 𑀦𑁆𑀯𑀸𑀦𑀸𑀕𑀢𑀦𑁆𑀢𑀺.

𑀆𑀚𑀸𑀦𑀸𑀳𑀺 ¶ 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀦𑀸𑀕𑀢𑀁 𑀲𑀺𑀬𑀸 𑀦𑁆𑀯𑀸𑀦𑀸𑀕𑀢𑀁, 𑀢𑁂𑀦𑀸𑀦𑀸𑀕𑀢𑀁 ¶ 𑀦𑁆𑀯𑀸𑀦𑀸𑀕𑀢𑀁, 𑀦𑁆𑀯𑀸𑀦𑀸𑀕𑀢𑀁 𑀅𑀦𑀸𑀕𑀢𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀦𑀸𑀕𑀢𑀁, 𑀲𑀺𑀬𑀸 𑀦𑁆𑀯𑀸𑀦𑀸𑀕𑀢𑀁, 𑀢𑁂𑀦𑀸𑀦𑀸𑀕𑀢𑀁 𑀦𑁆𑀯𑀸𑀦𑀸𑀕𑀢𑀁, 𑀦𑁆𑀯𑀸𑀦𑀸𑀕𑀢𑀁 𑀅𑀦𑀸𑀕𑀢’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦𑀸𑀦𑀸𑀕𑀢𑀁 𑀦𑁆𑀯𑀸𑀦𑀸𑀕𑀢𑀁 𑀦𑁆𑀯𑀸𑀦𑀸𑀕𑀢𑀁 𑀅𑀦𑀸𑀕𑀢𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀦𑀸𑀕𑀢𑀁, 𑀲𑀺𑀬𑀸 𑀦𑁆𑀯𑀸𑀦𑀸𑀕𑀢’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀅𑀦𑀸𑀕𑀢𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀅𑀦𑀸𑀕𑀢𑀁, 𑀲𑀺𑀬𑀸 𑀦𑁆𑀯𑀸𑀦𑀸𑀕𑀢𑀁, 𑀢𑁂𑀦𑀸𑀦𑀸𑀕𑀢𑀁 𑀦𑁆𑀯𑀸𑀦𑀸𑀕𑀢𑀁, 𑀦𑁆𑀯𑀸𑀦𑀸𑀕𑀢𑀁 𑀅𑀦𑀸𑀕𑀢’’’𑀦𑁆𑀢𑀺 𑀫𑀺𑀘𑁆𑀙𑀸.

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺, 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺? 𑀅𑀢𑁆𑀣𑀺 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀲𑀺𑀬𑀸 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀲𑀺𑀬𑀸 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀢𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀲𑀺𑀬𑀸 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀢𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀲𑀺𑀬𑀸 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 ¶ 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀲𑀺𑀬𑀸 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀢𑁂𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁, 𑀦𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀦𑀺𑀩𑁆𑀩𑀸𑀦𑀦𑁆𑀢𑀺? 𑀅𑀢𑁆𑀣𑀺 ¶ 𑀲𑀺𑀬𑀸 𑀦𑀺𑀩𑁆𑀩𑀸𑀦𑀁 𑀲𑀺𑀬𑀸 𑀦𑁄 𑀦𑀺𑀩𑁆𑀩𑀸𑀦𑀦𑁆𑀢𑀺.

𑀆𑀚𑀸𑀦𑀸𑀳𑀺 𑀦𑀺𑀕𑁆𑀕𑀳𑀁. 𑀳𑀜𑁆𑀘𑀺 𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀦𑀺𑀩𑁆𑀩𑀸𑀦𑀁, 𑀲𑀺𑀬𑀸 𑀦𑁄 𑀦𑀺𑀩𑁆𑀩𑀸𑀦𑀁, 𑀢𑁂𑀦 𑀦𑀺𑀩𑁆𑀩𑀸𑀦𑀁 𑀦𑁄 𑀦𑀺𑀩𑁆𑀩𑀸𑀦𑀁, 𑀦𑁄 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 ¶ 𑁋 ‘𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀦𑀺𑀩𑁆𑀩𑀸𑀦𑀁, 𑀲𑀺𑀬𑀸 𑀦𑁄 𑀦𑀺𑀩𑁆𑀩𑀸𑀦𑀁, 𑀢𑁂𑀦 𑀦𑀺𑀩𑁆𑀩𑀸𑀦𑀁 𑀦𑁄 𑀦𑀺𑀩𑁆𑀩𑀸𑀦𑀁, 𑀦𑁄 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦’’’𑀦𑁆𑀢𑀺 𑀫𑀺𑀘𑁆𑀙𑀸.

𑀦𑁄 𑀘𑁂 𑀧𑀦 𑀦𑀺𑀩𑁆𑀩𑀸𑀦𑀁 𑀦𑁄 𑀦𑀺𑀩𑁆𑀩𑀸𑀦𑀁, 𑀦𑁄 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀦𑀺𑀩𑁆𑀩𑀸𑀦𑀁, 𑀲𑀺𑀬𑀸 𑀦𑁄 𑀦𑀺𑀩𑁆𑀩𑀸𑀦’’𑀦𑁆𑀢𑀺. 𑀬𑀁 𑀢𑀢𑁆𑀣 𑀯𑀤𑁂𑀲𑀺 𑁋 ‘‘𑀯𑀢𑁆𑀢𑀩𑁆𑀩𑁂 𑀔𑁄 𑁋 ‘𑀦𑀺𑀩𑁆𑀩𑀸𑀦𑀁 𑀅𑀢𑁆𑀣𑀺 𑀅𑀢𑁆𑀣𑀺 𑀲𑀺𑀬𑀸 𑀦𑀺𑀩𑁆𑀩𑀸𑀦𑀁, 𑀲𑀺𑀬𑀸 𑀦𑁄 𑀦𑀺𑀩𑁆𑀩𑀸𑀦𑀁, 𑀢𑁂𑀦 𑀦𑀺𑀩𑁆𑀩𑀸𑀦𑀁 𑀦𑁄 𑀦𑀺𑀩𑁆𑀩𑀸𑀦𑀁, 𑀦𑁄 𑀦𑀺𑀩𑁆𑀩𑀸𑀦𑀁 𑀦𑀺𑀩𑁆𑀩𑀸𑀦’’’𑀦𑁆𑀢𑀺 𑀫𑀺𑀘𑁆𑀙𑀸.

𑀲𑀼𑀢𑁆𑀢𑀲𑀸𑀥𑀦𑀁

𑁨𑁯𑁬. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀁 𑀓𑀺𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀅𑀢𑀻𑀢𑀸𑀦𑀸𑀕𑀢𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀚𑁆𑀛𑀢𑁆𑀢𑀁 𑀯𑀸 𑀩𑀳𑀺𑀤𑁆𑀥𑀸 𑀯𑀸 𑀑𑀴𑀸𑀭𑀺𑀓𑀁 𑀯𑀸 𑀲𑀼𑀔𑀼𑀫𑀁 𑀯𑀸 𑀳𑀻𑀦𑀁 𑀯𑀸 𑀧𑀡𑀻𑀢𑀁 𑀯𑀸 𑀬𑀁 𑀤𑀽𑀭𑁂 𑀲𑀦𑁆𑀢𑀺𑀓𑁂 𑀯𑀸 𑁋 𑀅𑀬𑀁 𑀯𑀼𑀘𑁆𑀘𑀢𑀺 𑀭𑀽𑀧𑀓𑁆𑀔𑀦𑁆𑀥𑁄. 𑀬𑀸 𑀓𑀸𑀘𑀺 𑀯𑁂𑀤𑀦𑀸… 𑀬𑀸 𑀓𑀸𑀘𑀺 𑀲𑀜𑁆𑀜𑀸… 𑀬𑁂 𑀓𑁂𑀘𑀺 𑀲𑀗𑁆𑀔𑀸𑀭𑀸… 𑀬𑀁 𑀓𑀺𑀜𑁆𑀘𑀺 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀸𑀦𑀸𑀕𑀢𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀚𑁆𑀛𑀢𑁆𑀢𑀁 𑀯𑀸 𑀩𑀳𑀺𑀤𑁆𑀥𑀸 𑀯𑀸 𑀑𑀴𑀸𑀭𑀺𑀓𑀁 𑀯𑀸 𑀲𑀼𑀔𑀼𑀫𑀁 𑀯𑀸 𑀳𑀻𑀦𑀁 𑀯𑀸 𑀧𑀡𑀻𑀢𑀁 𑀯𑀸 𑀬𑀁 𑀤𑀽𑀭𑁂 𑀲𑀦𑁆𑀢𑀺𑀓𑁂 𑀯𑀸 𑁋 𑀅𑀬𑀁 𑀯𑀼𑀘𑁆𑀘𑀢𑀺 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄’’𑀢𑀺 [𑀲𑀁. 𑀦𑀺. 𑁩.𑁪𑁮]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀅𑀢𑀻𑀢𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺.

𑀅𑀢𑀻𑀢𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 ¶ 𑁋 ‘‘𑀢𑀬𑁄𑀫𑁂, 𑀪𑀺𑀓𑁆𑀔𑀯𑁂, 𑀦𑀺𑀭𑀼𑀢𑁆𑀢𑀺𑀧𑀣𑀸 ¶ 𑀅𑀥𑀺𑀯𑀘𑀦𑀧𑀣𑀸 𑀧𑀜𑁆𑀜𑀢𑁆𑀢𑀺𑀧𑀣𑀸 𑀅𑀲𑀗𑁆𑀓𑀺𑀡𑁆𑀡𑀸 𑀅𑀲𑀗𑁆𑀓𑀺𑀡𑁆𑀡𑀧𑀼𑀩𑁆𑀩𑀸 𑀦 𑀲𑀗𑁆𑀓𑀺𑀬𑀦𑁆𑀢𑀺 𑀦 𑀲𑀗𑁆𑀓𑀺𑀬𑀺𑀲𑁆𑀲𑀦𑁆𑀢𑀺 𑀅𑀧𑁆𑀧𑀝𑀺𑀓𑀼𑀝𑁆𑀞𑀸 𑀲𑀫𑀡𑁂𑀳𑀺 𑀩𑁆𑀭𑀸𑀳𑁆𑀫𑀡𑁂𑀳𑀺 𑀯𑀺𑀜𑁆𑀜𑀽𑀳𑀺. 𑀓𑀢𑀫𑁂 𑀢𑀬𑁄? 𑀬𑀁, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀅𑀢𑀻𑀢𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀲𑀫𑀜𑁆𑀜𑀸, ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀢𑁆𑀣𑀻’𑀢𑀺, 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀪𑀯𑀺𑀲𑁆𑀲𑀢𑀻’𑀢𑀺. 𑀬𑀸 𑀯𑁂𑀤𑀦𑀸…𑀧𑁂… 𑀬𑀸 𑀲𑀜𑁆𑀜𑀸… 𑀬𑁂 𑀲𑀗𑁆𑀔𑀸𑀭𑀸… 𑀬𑀁 𑀯𑀺𑀜𑁆𑀜𑀸𑀡𑀁 ¶ 𑀅𑀢𑀻𑀢𑀁 𑀦𑀺𑀭𑀼𑀤𑁆𑀥𑀁 𑀯𑀺𑀕𑀢𑀁 𑀯𑀺𑀧𑀭𑀺𑀡𑀢𑀁 ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀲𑀫𑀜𑁆𑀜𑀸, ‘𑀅𑀳𑁄𑀲𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀢𑁆𑀣𑀻’𑀢𑀺, 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀪𑀯𑀺𑀲𑁆𑀲𑀢𑀻’𑀢𑀺.

‘‘𑀬𑀁, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀅𑀚𑀸𑀢𑀁 𑀅𑀧𑀸𑀢𑀼𑀪𑀽𑀢𑀁 ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 ¶ 𑀲𑀫𑀜𑁆𑀜𑀸, ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀢𑁆𑀣𑀻’𑀢𑀺, 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀳𑁄𑀲𑀻’𑀢𑀺. 𑀬𑀸 𑀯𑁂𑀤𑀦𑀸…𑀧𑁂… 𑀬𑀸 𑀲𑀜𑁆𑀜𑀸… 𑀬𑁂 𑀲𑀗𑁆𑀔𑀸𑀭𑀸… 𑀬𑀁 𑀯𑀺𑀜𑁆𑀜𑀸𑀡𑀁 𑀅𑀚𑀸𑀢𑀁 𑀅𑀧𑀸𑀢𑀼𑀪𑀽𑀢𑀁 ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 𑀲𑀫𑀜𑁆𑀜𑀸, ‘𑀪𑀯𑀺𑀲𑁆𑀲𑀢𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀢𑁆𑀣𑀻’𑀢𑀺, 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀳𑁄𑀲𑀻’𑀢𑀺.

‘‘𑀬𑀁, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀚𑀸𑀢𑀁 𑀧𑀸𑀢𑀼𑀪𑀽𑀢𑀁 ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀲𑀫𑀜𑁆𑀜𑀸, ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀳𑁄𑀲𑀻’𑀢𑀺, 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀪𑀯𑀺𑀲𑁆𑀲𑀢𑀻’𑀢𑀺. 𑀬𑀸 𑀯𑁂𑀤𑀦𑀸…𑀧𑁂… 𑀬𑀸 𑀲𑀜𑁆𑀜𑀸… 𑀬𑁂 𑀲𑀗𑁆𑀔𑀸𑀭𑀸… 𑀬𑀁 𑀯𑀺𑀜𑁆𑀜𑀸𑀡𑀁 𑀚𑀸𑀢𑀁 𑀧𑀸𑀢𑀼𑀪𑀽𑀢𑀁 ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀲𑀗𑁆𑀔𑀸, ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀲𑀫𑀜𑁆𑀜𑀸, ‘𑀅𑀢𑁆𑀣𑀻’𑀢𑀺 𑀢𑀲𑁆𑀲 𑀧𑀜𑁆𑀜𑀢𑁆𑀢𑀺; 𑀦 𑀢𑀲𑁆𑀲 𑀲𑀗𑁆𑀔𑀸 ‘𑀅𑀳𑁄𑀲𑀻’𑀢𑀺, 𑀦 ¶ 𑀢𑀲𑁆𑀲 𑀲𑀗𑁆𑀔𑀸 ‘𑀪𑀯𑀺𑀲𑁆𑀲𑀢𑀻’𑀢𑀺. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀢𑀬𑁄 𑀦𑀺𑀭𑀼𑀢𑁆𑀢𑀺𑀧𑀣𑀸 𑀅𑀥𑀺𑀯𑀘𑀦𑀧𑀣𑀸 𑀧𑀜𑁆𑀜𑀢𑁆𑀢𑀺𑀧𑀣𑀸 𑀅𑀲𑀗𑁆𑀓𑀺𑀡𑁆𑀡𑀸 𑀅𑀲𑀗𑁆𑀓𑀺𑀡𑁆𑀡𑀧𑀼𑀩𑁆𑀩𑀸 𑀦 𑀲𑀗𑁆𑀓𑀺𑀬𑀦𑁆𑀢𑀺 𑀦 𑀲𑀗𑁆𑀓𑀺𑀬𑀺𑀲𑁆𑀲𑀦𑁆𑀢𑀺 𑀅𑀧𑁆𑀧𑀝𑀺𑀓𑀼𑀝𑁆𑀞𑀸 𑀲𑀫𑀡𑁂𑀳𑀺 𑀩𑁆𑀭𑀸𑀳𑁆𑀫𑀡𑁂𑀳𑀺 𑀯𑀺𑀜𑁆𑀜𑀽𑀳𑀺.

‘‘𑀬𑁂𑀧𑀺 𑀢𑁂, 𑀪𑀺𑀓𑁆𑀔𑀯𑁂, 𑀅𑀳𑁂𑀲𑀼𑀁 𑀉𑀓𑁆𑀓𑀮𑀸 𑀯𑀲𑁆𑀲𑀪𑀜𑁆𑀜𑀸 𑀅𑀳𑁂𑀢𑀼𑀓𑀯𑀸𑀤𑀸 𑀅𑀓𑀺𑀭𑀺𑀬𑀯𑀸𑀤𑀸 𑀦𑀢𑁆𑀣𑀺𑀓𑀯𑀸𑀤𑀸, 𑀢𑁂𑀧𑀺𑀫𑁂 𑀢𑀬𑁄 𑀦𑀺𑀭𑀼𑀢𑁆𑀢𑀺𑀧𑀣𑁂 𑀅𑀥𑀺𑀯𑀘𑀦𑀧𑀣𑁂 𑀧𑀜𑁆𑀜𑀢𑁆𑀢𑀺𑀧𑀣𑁂 𑀦 𑀕𑀭𑀳𑀺𑀢𑀩𑁆𑀩𑀁 𑀦 𑀧𑀝𑀺𑀓𑁆𑀓𑁄𑀲𑀺𑀢𑀩𑁆𑀩𑀁 𑀅𑀫𑀜𑁆𑀜𑀺𑀁𑀲𑀼. 𑀢𑀁 𑀓𑀺𑀲𑁆𑀲 𑀳𑁂𑀢𑀼? 𑀦𑀺𑀦𑁆𑀤𑀸𑀩𑁆𑀬𑀸𑀭𑁄𑀲𑀉𑀧𑀸𑀭𑀫𑁆𑀪𑀪𑀬𑀸’’𑀢𑀺 [𑀲𑀁𑀬𑀼𑀢𑁆𑀢𑀦𑀺𑀓𑀸𑀬𑁂]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑁆𑀣𑀻’’𑀢𑀺.

𑀅𑀢𑀻𑀢𑀁 ¶ 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀆𑀬𑀲𑁆𑀫𑀸 𑀨𑀕𑁆𑀕𑀼𑀦𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 𑁋 ‘‘𑀅𑀢𑁆𑀣𑀺 𑀦𑀼 𑀔𑁄 𑀢𑀁, 𑀪𑀦𑁆𑀢𑁂, 𑀘𑀓𑁆𑀔𑀼𑀁 𑀬𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀢𑁆𑀢𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬𑀸𑀢𑀺. 𑀅𑀢𑁆𑀣𑀺 𑀦𑀼 𑀔𑁄 𑀲𑀸, 𑀪𑀦𑁆𑀢𑁂, 𑀚𑀺𑀯𑁆𑀳𑀸…𑀧𑁂… 𑀅𑀢𑁆𑀣𑀺 𑀦𑀼 𑀔𑁄 𑀲𑁄, 𑀪𑀦𑁆𑀢𑁂, 𑀫𑀦𑁄 𑀬𑁂𑀦 𑀫𑀦𑁂𑀦 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀢𑁆𑀢𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬𑀸’’𑀢𑀺.

‘‘𑀦𑀢𑁆𑀣𑀺 ¶ 𑀔𑁄 𑀢𑀁, 𑀨𑀕𑁆𑀕𑀼𑀦, 𑀘𑀓𑁆𑀔𑀼𑀁 𑀬𑁂𑀦 𑀘𑀓𑁆𑀔𑀼𑀦𑀸 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀢𑁆𑀢𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬. 𑀦𑀢𑁆𑀣𑀺 𑀔𑁄 𑀲𑀸, 𑀨𑀕𑁆𑀕𑀼𑀦, 𑀚𑀺𑀯𑁆𑀳𑀸…𑀧𑁂… 𑀦𑀢𑁆𑀣𑀺 𑀦𑀼 𑀔𑁄 𑀲𑁄, 𑀨𑀕𑁆𑀕𑀼𑀦, 𑀫𑀦𑁄 𑀬𑁂𑀦 𑀫𑀦𑁂𑀦 𑀅𑀢𑀻𑀢𑁂 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀙𑀺𑀦𑁆𑀦𑀧𑀧𑀜𑁆𑀘𑁂 𑀙𑀺𑀦𑁆𑀦𑀯𑀝𑀼𑀫𑁂 ¶ 𑀧𑀭𑀺𑀬𑀸𑀤𑀺𑀦𑁆𑀦𑀯𑀝𑁆𑀝𑁂 𑀲𑀩𑁆𑀩𑀤𑀼𑀓𑁆𑀔𑀯𑀻𑀢𑀺𑀯𑀢𑁆𑀢𑁂 𑀧𑀜𑁆𑀜𑀸𑀧𑀬𑀫𑀸𑀦𑁄 𑀧𑀜𑁆𑀜𑀸𑀧𑁂𑀬𑁆𑀬𑀸’’𑀢𑀺 ¶ [𑀲𑀁. 𑀦𑀺. 𑁪.𑁮𑁩]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀻’’𑀢𑀺.

𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀆𑀬𑀲𑁆𑀫𑀸 𑀦𑀦𑁆𑀤𑀓𑁄 𑀏𑀢𑀤𑀯𑁄𑀘 𑁋 ‘‘𑀅𑀳𑀼 𑀧𑀼𑀩𑁆𑀩𑁂 𑀮𑁄𑀪𑁄 𑀢𑀤𑀳𑀼 𑀅𑀓𑀼𑀲𑀮𑀁, 𑀲𑁄 𑀏𑀢𑀭𑀳𑀺 𑀦𑀢𑁆𑀣𑀺, 𑀇𑀘𑁆𑀘𑁂𑀢𑀁 𑀓𑀼𑀲𑀮𑀁. 𑀅𑀳𑀼 𑀧𑀼𑀩𑁆𑀩𑁂 𑀤𑁄𑀲𑁄… 𑀅𑀳𑀼 𑀧𑀼𑀩𑁆𑀩𑁂 𑀫𑁄𑀳𑁄, 𑀢𑀤𑀳𑀼 𑀅𑀓𑀼𑀲𑀮𑀁, 𑀲𑁄 𑀏𑀢𑀭𑀳𑀺 𑀦𑀢𑁆𑀣𑀺, 𑀇𑀘𑁆𑀘𑁂𑀢𑀁 𑀓𑀼𑀲𑀮’’𑀦𑁆𑀢𑀺 [𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀁 𑀅𑀢𑁆𑀣𑀻’’𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀦𑀸𑀕𑀢𑀁 𑀅𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀓𑀩𑀴𑀻𑀓𑀸𑀭𑁂 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂 𑀅𑀢𑁆𑀣𑀺 𑀭𑀸𑀕𑁄, 𑀅𑀢𑁆𑀣𑀺 𑀦𑀦𑁆𑀤𑀻, 𑀅𑀢𑁆𑀣𑀺 𑀢𑀡𑁆𑀳𑀸; 𑀧𑀢𑀺𑀝𑁆𑀞𑀺𑀢𑀁 𑀢𑀢𑁆𑀣 𑀯𑀺𑀜𑁆𑀜𑀸𑀡𑀁 𑀯𑀺𑀭𑀽𑀴𑁆𑀳𑀁. 𑀬𑀢𑁆𑀣 𑀧𑀢𑀺𑀝𑁆𑀞𑀺𑀢𑀁 𑀯𑀺𑀜𑁆𑀜𑀸𑀡𑀁 𑀯𑀺𑀭𑀽𑀴𑁆𑀳𑀁, 𑀅𑀢𑁆𑀣𑀺 𑀢𑀢𑁆𑀣 𑀦𑀸𑀫𑀭𑀽𑀧𑀲𑁆𑀲 𑀅𑀯𑀓𑁆𑀓𑀦𑁆𑀢𑀺. 𑀬𑀢𑁆𑀣 𑀅𑀢𑁆𑀣𑀺 𑀦𑀸𑀫𑀭𑀽𑀧𑀲𑁆𑀲 ¶ 𑀅𑀯𑀓𑁆𑀓𑀦𑁆𑀢𑀺, 𑀅𑀢𑁆𑀣𑀺 𑀢𑀢𑁆𑀣 𑀲𑀗𑁆𑀔𑀸𑀭𑀸𑀦𑀁 𑀯𑀼𑀤𑁆𑀥𑀺. 𑀬𑀢𑁆𑀣 𑀅𑀢𑁆𑀣𑀺 𑀲𑀗𑁆𑀔𑀸𑀭𑀸𑀦𑀁 𑀯𑀼𑀤𑁆𑀥𑀺, 𑀅𑀢𑁆𑀣𑀺 𑀢𑀢𑁆𑀣 𑀆𑀬𑀢𑀺𑀁 𑀧𑀼𑀦𑀩𑁆𑀪𑀯𑀸𑀪𑀺𑀦𑀺𑀩𑁆𑀩𑀢𑁆𑀢𑀺. 𑀬𑀢𑁆𑀣 𑀅𑀢𑁆𑀣𑀺 𑀆𑀬𑀢𑀺𑀁 𑀧𑀼𑀦𑀩𑁆𑀪𑀯𑀸𑀪𑀺𑀦𑀺𑀩𑁆𑀩𑀢𑁆𑀢𑀺, 𑀅𑀢𑁆𑀣𑀺 𑀢𑀢𑁆𑀣 𑀆𑀬𑀢𑀺𑀁 𑀚𑀸𑀢𑀺𑀚𑀭𑀸𑀫𑀭𑀡𑀁. 𑀬𑀢𑁆𑀣 𑀅𑀢𑁆𑀣𑀺 𑀆𑀬𑀢𑀺𑀁 𑀚𑀸𑀢𑀺𑀚𑀭𑀸𑀫𑀭𑀡𑀁, 𑀲𑀲𑁄𑀓𑀁 𑀢𑀁, 𑀪𑀺𑀓𑁆𑀔𑀯𑁂, 𑀲𑀭𑀚𑀁 [𑀲𑀤𑀭𑀁 (𑀲𑀁. 𑀦𑀺. 𑁨.𑁬𑁪) 𑀢𑀤𑁂𑀯 𑀬𑀼𑀢𑁆𑀢𑀢𑀭𑀁] 𑀲𑀉𑀧𑀸𑀬𑀸𑀲𑀦𑁆𑀢𑀺 𑀯𑀤𑀸𑀫𑀺.

‘‘𑀨𑀲𑁆𑀲𑁂 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂… 𑀫𑀦𑁄𑀲𑀜𑁆𑀘𑁂𑀢𑀦𑀸𑀬 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂… 𑀯𑀺𑀜𑁆𑀜𑀸𑀡𑁂 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂 𑀅𑀢𑁆𑀣𑀺 𑀭𑀸𑀕𑁄, 𑀅𑀢𑁆𑀣𑀺 𑀦𑀦𑁆𑀤𑀻…𑀧𑁂… 𑀲𑀭𑀚𑀁 𑀲𑀉𑀧𑀸𑀬𑀸𑀲𑀦𑁆𑀢𑀺 𑀯𑀤𑀸𑀫𑀻’’𑀢𑀺 [𑀲𑀁. 𑀦𑀺. 𑁨.𑁬𑁪]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸 ¶ . 𑀢𑁂𑀦 𑀳𑀺 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺.

𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀓𑀩𑀴𑀻𑀓𑀸𑀭𑁂 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂 𑀦𑀢𑁆𑀣𑀺 𑀭𑀸𑀕𑁄, 𑀦𑀢𑁆𑀣𑀺 𑀦𑀦𑁆𑀤𑀻, 𑀦𑀢𑁆𑀣𑀺 𑀢𑀡𑁆𑀳𑀸; 𑀅𑀧𑁆𑀧𑀢𑀺𑀝𑁆𑀞𑀺𑀢𑀁 𑀢𑀢𑁆𑀣 𑀯𑀺𑀜𑁆𑀜𑀸𑀡𑀁 𑀅𑀯𑀺𑀭𑀽𑀴𑁆𑀳𑀁. 𑀬𑀢𑁆𑀣 𑀯𑀺𑀜𑁆𑀜𑀸𑀡𑀁 𑀅𑀧𑁆𑀧𑀢𑀺𑀝𑁆𑀞𑀺𑀢𑀁 𑀅𑀯𑀺𑀭𑀽𑀴𑁆𑀳𑀁, 𑀦𑀢𑁆𑀣𑀺 𑀢𑀢𑁆𑀣 𑀦𑀸𑀫𑀭𑀽𑀧𑀲𑁆𑀲 𑀅𑀯𑀓𑁆𑀓𑀦𑁆𑀢𑀺. 𑀬𑀢𑁆𑀣 𑀦𑀢𑁆𑀣𑀺 𑀦𑀸𑀫𑀭𑀽𑀧𑀲𑁆𑀲 𑀅𑀯𑀓𑁆𑀓𑀦𑁆𑀢𑀺, 𑀦𑀢𑁆𑀣𑀺 𑀢𑀢𑁆𑀣 𑀲𑀗𑁆𑀔𑀸𑀭𑀸𑀦𑀁 𑀯𑀼𑀤𑁆𑀥𑀺. 𑀬𑀢𑁆𑀣 𑀦𑀢𑁆𑀣𑀺 𑀲𑀗𑁆𑀔𑀸𑀭𑀸𑀦𑀁 𑀯𑀼𑀤𑁆𑀥𑀺, 𑀦𑀢𑁆𑀣𑀺 𑀢𑀢𑁆𑀣 𑀆𑀬𑀢𑀺𑀁 𑀧𑀼𑀦𑀩𑁆𑀪𑀯𑀸𑀪𑀺𑀦𑀺𑀩𑁆𑀩𑀢𑁆𑀢𑀺. 𑀬𑀢𑁆𑀣 ¶ 𑀦𑀢𑁆𑀣𑀺 𑀆𑀬𑀢𑀺𑀁 𑀧𑀼𑀦𑀩𑁆𑀪𑀯𑀸𑀪𑀺𑀦𑀺𑀩𑁆𑀩𑀢𑁆𑀢𑀺, 𑀦𑀢𑁆𑀣𑀺 𑀢𑀢𑁆𑀣 𑀆𑀬𑀢𑀺𑀁 𑀚𑀸𑀢𑀺𑀚𑀭𑀸𑀫𑀭𑀡𑀁. 𑀬𑀢𑁆𑀣 𑀦𑀢𑁆𑀣𑀺 𑀆𑀬𑀢𑀺𑀁 𑀚𑀸𑀢𑀺𑀚𑀭𑀸𑀫𑀭𑀡𑀁, 𑀅𑀲𑁄𑀓𑀁 𑀢𑀁, 𑀪𑀺𑀓𑁆𑀔𑀯𑁂, 𑀅𑀭𑀚𑀁 𑀅𑀦𑀼𑀧𑀸𑀬𑀸𑀲𑀦𑁆𑀢𑀺 𑀯𑀤𑀸𑀫𑀺.

‘‘𑀨𑀲𑁆𑀲𑁂 ¶ 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂… 𑀫𑀦𑁄𑀲𑀜𑁆𑀘𑁂𑀢𑀦𑀸𑀬 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂… 𑀯𑀺𑀜𑁆𑀜𑀸𑀡𑁂 𑀘𑁂, 𑀪𑀺𑀓𑁆𑀔𑀯𑁂, 𑀆𑀳𑀸𑀭𑁂 𑀦𑀢𑁆𑀣𑀺 𑀭𑀸𑀕𑁄, 𑀦𑀢𑁆𑀣𑀺 𑀦𑀦𑁆𑀤𑀻…𑀧𑁂… 𑀅𑀭𑀚𑀁 𑀅𑀦𑀼𑀧𑀸𑀬𑀸𑀲𑀦𑁆𑀢𑀺 𑀯𑀤𑀸𑀫𑀻’’𑀢𑀺 [𑀲𑀁. 𑀦𑀺. 𑁨.𑁬𑁪]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀦𑀸𑀕𑀢𑀁 𑀅𑀢𑁆𑀣𑀻’’𑀢𑀺.

𑀲𑀩𑁆𑀩𑀫𑀢𑁆𑀣𑀻𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁬. 𑀅𑀢𑀻𑀢𑀓𑁆𑀔𑀦𑁆𑀥𑀸𑀤𑀺𑀓𑀣𑀸

𑁧. 𑀦𑀲𑀼𑀢𑁆𑀢𑀲𑀸𑀥𑀦𑀁

𑁨𑁯𑁭. 𑀅𑀢𑀻𑀢𑀁 𑀔𑀦𑁆𑀥𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 ¶ 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺 [𑀔𑀦𑁆𑀥𑀥𑀸𑀢𑀼𑀆𑀬𑀢𑀦𑀦𑁆𑀢𑀺 (𑀲𑁆𑀬𑀸.)]? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀔𑀦𑁆𑀥𑀸𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀔𑀦𑁆𑀥𑀸 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀆𑀬𑀢𑀦𑀁 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀸𑀢𑀼 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 ¶ 𑀥𑀸𑀢𑀼 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ ¶ 𑀔𑀦𑁆𑀥𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀔𑀦𑁆𑀥𑀸 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀸𑀢𑀼 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀥𑀸𑀢𑀼 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀔𑀦𑁆𑀥𑀸 𑀅𑀢𑀻𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀆𑀬𑀢𑀦𑀁 𑀅𑀢𑀻𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀥𑀸𑀢𑀼 𑀅𑀢𑀻𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀥𑀸𑀢𑀼 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀔𑀦𑁆𑀥𑀸 𑀅𑀦𑀸𑀕𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀆𑀬𑀢𑀦𑀁…𑀧𑁂… 𑀅𑀦𑀸𑀕𑀢𑀁 𑀥𑀸𑀢𑀼…𑀧𑁂… 𑀅𑀦𑀸𑀕𑀢𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀭𑀽𑀧𑀁 𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀥𑀸𑀢𑀽𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 ¶ 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀆𑀬𑀢𑀦𑀁…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀥𑀸𑀢𑀼…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀭𑀽𑀧𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀔𑀦𑁆𑀥𑁄 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀆𑀬𑀢𑀦𑀁…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀥𑀸𑀢𑀼…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀭𑀽𑀧𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑁄 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀆𑀬𑀢𑀦𑀁…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀥𑀸𑀢𑀼…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 ¶ 𑀭𑀽𑀧𑀁 𑀔𑀦𑁆𑀥𑁄 𑀅𑀢𑀻𑀢𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 ¶ 𑀭𑀽𑀧𑀁 𑀆𑀬𑀢𑀦𑀁…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀥𑀸𑀢𑀼…𑀧𑁂… 𑀅𑀢𑀻𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑁄 𑀅𑀦𑀸𑀕𑀢𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀆𑀬𑀢𑀦𑀁…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀥𑀸𑀢𑀼…𑀧𑁂… 𑀅𑀦𑀸𑀕𑀢𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀭𑀽𑀧𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀯𑁂𑀤𑀦𑀸… 𑀅𑀢𑀻𑀢𑀸 𑀲𑀜𑁆𑀜𑀸… 𑀅𑀢𑀻𑀢𑀸 𑀲𑀗𑁆𑀔𑀸𑀭𑀸… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁 ¶ …𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 ¶ 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀢𑀻𑀢𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 ¶ 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑁄 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀆𑀬𑀢𑀦𑀁…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀥𑀸𑀢𑀼…𑀧𑁂… 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀅𑀦𑀸𑀕𑀢𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀯𑀺𑀜𑁆𑀜𑀸𑀡𑀁 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨. 𑀲𑀼𑀢𑁆𑀢𑀲𑀸𑀥𑀦𑀁

𑁨𑁯𑁮. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀸𑀦𑀸𑀕𑀢𑀸 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀦𑀢𑁆𑀣𑀺 𑀘𑁂𑀢𑁂’’𑀢𑀺? 𑀆𑀫𑀦𑁆𑀢𑀸 ¶ . 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀢𑀬𑁄𑀫𑁂, 𑀪𑀺𑀓𑁆𑀔𑀯𑁂, 𑀦𑀺𑀭𑀼𑀢𑁆𑀢𑀺𑀧𑀣𑀸 𑀅𑀥𑀺𑀯𑀘𑀦𑀧𑀣𑀸 𑀧𑀜𑁆𑀜𑀢𑁆𑀢𑀺…𑀧𑁂… 𑀯𑀺𑀜𑁆𑀜𑀽𑀳𑀻𑀢𑀺…𑀧𑁂…’’. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀸𑀦𑀸𑀕𑀢𑀸 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀦𑀢𑁆𑀣𑀺 𑀘𑁂𑀢𑁂’’𑀢𑀺.

𑀅𑀢𑀻𑀢𑀸𑀦𑀸𑀕𑀢𑀸 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀦𑀢𑁆𑀣𑀺 𑀘𑁂𑀢𑁂𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀁 𑀓𑀺𑀜𑁆𑀘𑀺, 𑀪𑀺𑀓𑁆𑀔𑀯𑁂, 𑀭𑀽𑀧𑀁 𑀅𑀢𑀻𑀢𑀸𑀦𑀸𑀕𑀢𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀚𑁆𑀛𑀢𑁆𑀢𑀁 𑀯𑀸 𑀩𑀳𑀺𑀤𑁆𑀥𑀸 ¶ 𑀯𑀸 𑀑𑀴𑀸𑀭𑀺𑀓𑀁 𑀯𑀸 𑀲𑀼𑀔𑀼𑀫𑀁 𑀯𑀸 𑀳𑀻𑀦𑀁 𑀯𑀸 𑀧𑀡𑀻𑀢𑀁 𑀯𑀸 𑀬𑀁 𑀤𑀽𑀭𑁂 𑀲𑀦𑁆𑀢𑀺𑀓𑁂 𑀯𑀸, 𑀅𑀬𑀁 𑀯𑀼𑀘𑁆𑀘𑀢𑀺 𑀭𑀽𑀧𑀓𑁆𑀔𑀦𑁆𑀥𑁄. 𑀬𑀸 𑀓𑀸𑀘𑀺 𑀯𑁂𑀤𑀦𑀸… 𑀬𑀸 𑀓𑀸𑀘𑀺 𑀲𑀜𑁆𑀜𑀸… 𑀬𑁂 𑀓𑁂𑀘𑀺 𑀲𑀗𑁆𑀔𑀸𑀭𑀸… 𑀬𑀁 𑀓𑀺𑀜𑁆𑀘𑀺 𑀯𑀺𑀜𑁆𑀜𑀸𑀡𑀁 𑀅𑀢𑀻𑀢𑀸𑀦𑀸𑀕𑀢𑀧𑀘𑁆𑀘𑀼𑀧𑁆𑀧𑀦𑁆𑀦𑀁…𑀧𑁂… 𑀅𑀬𑀁 𑀯𑀼𑀘𑁆𑀘𑀢𑀺 𑀯𑀺𑀜𑁆𑀜𑀸𑀡𑀓𑁆𑀔𑀦𑁆𑀥𑁄’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀸𑀦𑀸𑀕𑀢𑀸 𑀔𑀦𑁆𑀥𑀸 𑀥𑀸𑀢𑀼 𑀆𑀬𑀢𑀦𑀁 𑀦𑀢𑁆𑀣𑀺 𑀘𑁂𑀢𑁂’’𑀢𑀺.

𑀅𑀢𑀻𑀢𑀓𑁆𑀔𑀦𑁆𑀥𑀸𑀤𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁭. 𑀏𑀓𑀘𑁆𑀘𑀁 𑀅𑀢𑁆𑀣𑀻𑀢𑀺𑀓𑀣𑀸

𑁧. 𑀅𑀢𑀻𑀢𑀸𑀤𑀺𑀏𑀓𑀘𑁆𑀘𑀓𑀣𑀸

𑁨𑁯𑁯. 𑀅𑀢𑀻𑀢𑀁 ¶ ¶ 𑀅𑀢𑁆𑀣𑀻𑀢𑀺? 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺. 𑀏𑀓𑀘𑁆𑀘𑀁 𑀦𑀺𑀭𑀼𑀤𑁆𑀥𑀁, 𑀏𑀓𑀘𑁆𑀘𑀁 𑀦 𑀦𑀺𑀭𑀼𑀤𑁆𑀥𑀁; 𑀏𑀓𑀘𑁆𑀘𑀁 𑀯𑀺𑀕𑀢𑀁, 𑀏𑀓𑀘𑁆𑀘𑀁 𑀅𑀯𑀺𑀕𑀢𑀁; 𑀏𑀓𑀘𑁆𑀘𑀁 𑀅𑀢𑁆𑀣𑀗𑁆𑀕𑀢𑀁, 𑀏𑀓𑀘𑁆𑀘𑀁 𑀦 𑀅𑀢𑁆𑀣𑀗𑁆𑀕𑀢𑀁; 𑀏𑀓𑀘𑁆𑀘𑀁 𑀅𑀩𑁆𑀪𑀢𑁆𑀣𑀗𑁆𑀕𑀢𑀁, 𑀏𑀓𑀘𑁆𑀘𑀁 𑀦 𑀅𑀩𑁆𑀪𑀢𑁆𑀣𑀗𑁆𑀕𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀏𑀓𑀘𑁆𑀘𑁂 𑀅𑀢𑁆𑀣𑀺, 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀏𑀓𑀘𑁆𑀘𑁂 𑀅𑀢𑁆𑀣𑀺, 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀁 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀸𑀓𑀸 𑀥𑀫𑁆𑀫𑀸 𑀏𑀓𑀘𑁆𑀘𑁂 𑀅𑀢𑁆𑀣𑀺 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀁 ¶ 𑀏𑀓𑀘𑁆𑀘𑀁 𑀅𑀢𑁆𑀣𑀺 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀁 𑀅𑀢𑁆𑀣𑀺 𑀓𑀺𑀁 𑀦𑀢𑁆𑀣𑀻𑀢𑀺? 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀺; 𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺 [𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀢𑁂 𑀦𑀢𑁆𑀣𑀻𑀢𑀺 (𑀓.)]? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 ¶ …𑀧𑁂….

𑀅𑀢𑀻𑀢𑀸 𑀅𑀯𑀺𑀧𑀸𑀓𑀸 [𑀯𑀺𑀧𑀓𑁆𑀓𑀯𑀺𑀧𑀸𑀓𑀸 (𑀲𑁆𑀬𑀸.), 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 (𑀓.)] 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 [𑀅𑀯𑀺𑀧𑀸𑀓𑀸 (𑀲𑁆𑀬𑀸.)] 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 [𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑀢𑁂 (𑀲𑁆𑀬𑀸. 𑀓.)] 𑀅𑀢𑁆𑀣𑀻’’𑀢𑀺.

𑀅𑀢𑀻𑀢𑀸 ¶ 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀸𑀓𑀸 [𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 (𑀲𑀻. 𑀓.)] 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀅𑀯𑀺𑀧𑀸𑀓𑀸 [𑀯𑀺𑀧𑀓𑁆𑀓𑀯𑀺𑀧𑀸𑀓𑀸 (𑀲𑁆𑀬𑀸.), 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 (𑀓.)] 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 ¶ [𑀅𑀯𑀺𑀧𑀸𑀓𑀸 (𑀲𑁆𑀬𑀸.)] 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑀻𑀢𑀸 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 ¶ 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀸 𑀏𑀓𑀤𑁂𑀲𑀁 𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀏𑀓𑀤𑁂𑀲𑀁 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀦𑀺𑀭𑀼𑀤𑁆𑀥𑀸 𑁋 𑀢𑁂 𑀏𑀓𑀘𑁆𑀘𑁂 𑀅𑀢𑁆𑀣𑀺 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀯𑀺𑀧𑀘𑁆𑀘𑀺𑀲𑁆𑀲𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀯𑀺𑀧𑀘𑁆𑀘𑀺𑀲𑁆𑀲𑀦𑁆𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻’’𑀢𑀺.

𑀅𑀢𑀻𑀢𑀸 𑀅𑀯𑀺𑀧𑀓𑁆𑀓𑀯𑀺𑀧𑀸𑀓𑀸 𑀥𑀫𑁆𑀫𑀸 𑀯𑀺𑀧𑀘𑁆𑀘𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀯𑀺𑀧𑀘𑁆𑀘𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀯𑀺𑀧𑀘𑁆𑀘𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸 𑀦𑀺𑀭𑀼𑀚𑁆𑀛𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁨. 𑀅𑀦𑀸𑀕𑀢𑀸𑀤𑀺𑀏𑀓𑀘𑁆𑀘𑀓𑀣𑀸

𑁩𑁦𑁦. 𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺. 𑀏𑀓𑀘𑁆𑀘𑀁 𑀚𑀸𑀢𑀁, 𑀏𑀓𑀘𑁆𑀘𑀁 𑀅𑀚𑀸𑀢𑀁; 𑀏𑀓𑀘𑁆𑀘𑀁 𑀲𑀜𑁆𑀚𑀸𑀢𑀁, 𑀏𑀓𑀘𑁆𑀘𑀁 𑀅𑀲𑀜𑁆𑀚𑀸𑀢𑀁; 𑀏𑀓𑀘𑁆𑀘𑀁 𑀦𑀺𑀩𑁆𑀩𑀢𑁆𑀢𑀁, 𑀏𑀓𑀘𑁆𑀘𑀁 𑀅𑀦𑀺𑀩𑁆𑀩𑀢𑁆𑀢𑀁; 𑀏𑀓𑀘𑁆𑀘𑀁 𑀧𑀸𑀢𑀼𑀪𑀽𑀢𑀁, 𑀏𑀓𑀘𑁆𑀘𑀁 𑀅𑀧𑀸𑀢𑀼𑀪𑀽𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 ¶ 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀏𑀓𑀘𑁆𑀘𑁂 𑀅𑀢𑁆𑀣𑀺, 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀁 ¶ 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀏𑀓𑀘𑁆𑀘𑁂 𑀅𑀢𑁆𑀣𑀺, 𑀏𑀓𑀘𑁆𑀘𑁂 𑀦𑀢𑁆𑀣𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀏𑀓𑀘𑁆𑀘𑀁 𑀅𑀢𑁆𑀣𑀺, 𑀏𑀓𑀘𑁆𑀘𑀁 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀁 𑀅𑀢𑁆𑀣𑀺, 𑀓𑀺𑀁 𑀦𑀢𑁆𑀣𑀻𑀢𑀺? 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀺; 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺. 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻’’𑀢𑀺.

𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸 𑁋 𑀢𑁂 𑀅𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑀸𑀕𑀢𑀸 𑀅𑀦𑀼𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀅𑀚𑀸𑀢𑀸 𑁋 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑁋 𑀢𑁂 𑀅𑀢𑁆𑀣𑀻’’𑀢𑀺.

𑀅𑀦𑀸𑀕𑀢𑀸 𑀉𑀧𑁆𑀧𑀸𑀤𑀺𑀦𑁄 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀢𑁂 𑀅𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀻𑀢𑀺 ¶ 𑀓𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑀸𑀢𑀺? 𑀆𑀫𑀦𑁆𑀢𑀸. 𑀧𑀘𑁆𑀘𑀼𑀧𑁆𑀧𑀦𑁆𑀦𑀸 𑀥𑀫𑁆𑀫𑀸 𑀦𑀺𑀭𑀼𑀚𑁆𑀛𑀺𑀲𑁆𑀲𑀦𑁆𑀢𑀻𑀢𑀺 𑀓𑀢𑁆𑀯𑀸 𑀢𑁂 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀏𑀓𑀘𑁆𑀘𑀁 𑀅𑀢𑁆𑀣𑀻𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁮. 𑀲𑀢𑀺𑀧𑀝𑁆𑀞𑀸𑀦𑀓𑀣𑀸

𑁩𑁦𑁧. 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺 𑀲𑀢𑀺𑀦𑁆𑀤𑁆𑀭𑀺𑀬𑀁 𑀲𑀢𑀺𑀩𑀮𑀁 𑀲𑀫𑁆𑀫𑀸𑀲𑀢𑀺 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑁄 𑀏𑀓𑀸𑀬𑀦𑀫𑀕𑁆𑀕𑁄 𑀔𑀬𑀕𑀸𑀫𑀻 𑀩𑁄𑀥𑀕𑀸𑀫𑀻 ¶ 𑀅𑀧𑀘𑀬𑀕𑀸𑀫𑀻 𑀅𑀦𑀸𑀲𑀯𑀸 𑀅𑀲𑀁𑀬𑁄𑀚𑀦𑀺𑀬𑀸 ¶ 𑀅𑀕𑀦𑁆𑀣𑀦𑀺𑀬𑀸 𑀅𑀦𑁄𑀖𑀦𑀺𑀬𑀸 𑀅𑀬𑁄𑀕𑀦𑀺𑀬𑀸 𑀅𑀦𑀻𑀯𑀭𑀡𑀺𑀬𑀸 𑀅𑀧𑀭𑀸𑀫𑀝𑁆𑀞𑀸 𑀅𑀦𑀼𑀧𑀸𑀤𑀸𑀦𑀺𑀬𑀸 𑀅𑀲𑀁𑀓𑀺𑀮𑁂𑀲𑀺𑀓𑀸, 𑀲𑀩𑁆𑀩𑁂 𑀥𑀫𑁆𑀫𑀸 𑀩𑀼𑀤𑁆𑀥𑀸𑀦𑀼𑀲𑁆𑀲𑀢𑀺 𑀥𑀫𑁆𑀫𑀸𑀦𑀼𑀲𑁆𑀲𑀢𑀺 𑀲𑀗𑁆𑀖𑀸𑀦𑀼𑀲𑁆𑀲𑀢𑀺 𑀲𑀻𑀮𑀸𑀦𑀼𑀲𑁆𑀲𑀢𑀺 𑀘𑀸𑀕𑀸𑀦𑀼𑀲𑁆𑀲𑀢𑀺 𑀤𑁂𑀯𑀢𑀸𑀦𑀼𑀲𑁆𑀲𑀢𑀺 𑀆𑀦𑀸𑀧𑀸𑀦𑀲𑁆𑀲𑀢𑀺 𑀫𑀭𑀡𑀸𑀦𑀼𑀲𑁆𑀲𑀢𑀺 𑀓𑀸𑀬𑀕𑀢𑀸𑀲𑀢𑀺 𑀉𑀧𑀲𑀫𑀸𑀦𑀼𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀲𑀢𑀺𑀧𑀝𑁆𑀞𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀘𑀓𑁆𑀔𑀸𑀬𑀢𑀦𑀁 𑀲𑀢𑀺𑀧𑀝𑁆𑀞𑀸𑀦𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀲𑀢𑀺 𑀲𑀢𑀺𑀦𑁆𑀤𑁆𑀭𑀺𑀬𑀁 𑀲𑀢𑀺𑀩𑀮𑀁 𑀲𑀫𑁆𑀫𑀸𑀲𑀢𑀺 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑁄 𑀏𑀓𑀸𑀬𑀦𑀫𑀕𑁆𑀕𑁄 𑀔𑀬𑀕𑀸𑀫𑀻 𑀩𑁄𑀥𑀕𑀸𑀫𑀻 𑀅𑀧𑀘𑀬𑀕𑀸𑀫𑀻 𑀅𑀦𑀸𑀲𑀯𑀁 𑀅𑀲𑀁𑀬𑁄𑀚𑀦𑀺𑀬𑀁…𑀧𑁂… 𑀅𑀲𑀁𑀓𑀺𑀮𑁂𑀲𑀺𑀓𑀁, 𑀘𑀓𑁆𑀔𑀸𑀬𑀢𑀦𑀁 𑀩𑀼𑀤𑁆𑀥𑀸𑀦𑀼𑀲𑁆𑀲𑀢𑀺 𑀥𑀫𑁆𑀫𑀸𑀦𑀼𑀲𑁆𑀲𑀢𑀺 𑀲𑀗𑁆𑀖𑀸𑀦𑀼𑀲𑁆𑀲𑀢𑀺 𑀲𑀻𑀮𑀸𑀦𑀼𑀲𑁆𑀲𑀢𑀺 𑀘𑀸𑀕𑀸𑀦𑀼𑀲𑁆𑀲𑀢𑀺 𑀤𑁂𑀯𑀢𑀸𑀦𑀼𑀲𑁆𑀲𑀢𑀺 𑀆𑀦𑀸𑀧𑀸𑀦𑀲𑁆𑀲𑀢𑀺 𑀫𑀭𑀡𑀸𑀦𑀼𑀲𑁆𑀲𑀢𑀺 𑀓𑀸𑀬𑀕𑀢𑀸𑀲𑀢𑀺 𑀉𑀧𑀲𑀫𑀸𑀦𑀼𑀲𑁆𑀲𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀸𑀬𑀢𑀦𑀁… 𑀖𑀸𑀦𑀸𑀬𑀢𑀦𑀁… 𑀚𑀺𑀯𑁆𑀳𑀸𑀬𑀢𑀦𑀁… 𑀓𑀸𑀬𑀸𑀬𑀢𑀦𑀁… 𑀭𑀽𑀧𑀸𑀬𑀢𑀦𑀁… 𑀲𑀤𑁆𑀤𑀸𑀬𑀢𑀦𑀁… 𑀕𑀦𑁆𑀥𑀸𑀬𑀢𑀦𑀁… 𑀭𑀲𑀸𑀬𑀢𑀦𑀁… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄… 𑀫𑀸𑀦𑁄… 𑀤𑀺𑀝𑁆𑀞𑀺… 𑀯𑀺𑀘𑀺𑀓𑀺𑀘𑁆𑀙𑀸… 𑀣𑀺𑀦𑀁… 𑀉𑀤𑁆𑀥𑀘𑁆𑀘𑀁… 𑀅𑀳𑀺𑀭𑀺𑀓𑀁… 𑀅𑀦𑁄𑀢𑁆𑀢𑀧𑁆𑀧𑀁 𑀲𑀢𑀺𑀧𑀝𑁆𑀞𑀸𑀦𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀲𑀢𑀺𑀧𑀝𑁆𑀞𑀸𑀦𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀦𑁄𑀢𑁆𑀢𑀧𑁆𑀧𑀁 𑀲𑀢𑀺 𑀲𑀢𑀺𑀦𑁆𑀤𑁆𑀭𑀺𑀬𑀁 𑀲𑀢𑀺𑀩𑀮𑀁 𑀲𑀫𑁆𑀫𑀸𑀲𑀢𑀺…𑀧𑁂… 𑀓𑀸𑀬𑀕𑀢𑀸𑀲𑀢𑀺 𑀉𑀧𑀲𑀫𑀸𑀦𑀼𑀲𑁆𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀢𑀺 𑀲𑀢𑀺𑀧𑀝𑁆𑀞𑀸𑀦𑀸, 𑀲𑀸 𑀘 𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀸𑀬𑀢𑀦𑀁 𑀲𑀢𑀺𑀧𑀝𑁆𑀞𑀸𑀦𑀁, 𑀢𑀜𑁆𑀘 𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀢𑀺 𑀲𑀢𑀺𑀧𑀝𑁆𑀞𑀸𑀦𑀸, 𑀲𑀸 𑀘 𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀸𑀬𑀢𑀦𑀁…𑀧𑁂… 𑀓𑀸𑀬𑀸𑀬𑀢𑀦𑀁… 𑀭𑀽𑀧𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀭𑀸𑀕𑁄… 𑀤𑁄𑀲𑁄… 𑀫𑁄𑀳𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀲𑀢𑀺𑀧𑀝𑁆𑀞𑀸𑀦𑀁, 𑀢𑀜𑁆𑀘 𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀘𑀓𑁆𑀔𑀸𑀬𑀢𑀦𑀁 𑀲𑀢𑀺𑀧𑀝𑁆𑀞𑀸𑀦𑀁, 𑀢𑀜𑁆𑀘 𑀦 𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀢𑀺 𑀲𑀢𑀺𑀧𑀝𑁆𑀞𑀸𑀦𑀸, 𑀲𑀸 𑀘 𑀦 𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁄𑀢𑀸𑀬𑀢𑀦𑀁…𑀧𑁂… 𑀓𑀸𑀬𑀸𑀬𑀢𑀦𑀁… 𑀭𑀽𑀧𑀸𑀬𑀢𑀦𑀁…𑀧𑁂… 𑀨𑁄𑀝𑁆𑀞𑀩𑁆𑀩𑀸𑀬𑀢𑀦𑀁… 𑀭𑀸𑀕𑁄 ¶ … 𑀤𑁄𑀲𑁄… 𑀫𑁄𑀳𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀲𑀢𑀺𑀧𑀝𑁆𑀞𑀸𑀦𑀁, 𑀢𑀜𑁆𑀘 𑀦 𑀲𑀢𑀻𑀢𑀺? 𑀆𑀫𑀦𑁆𑀢𑀸 ¶ . 𑀲𑀢𑀺 𑀲𑀢𑀺𑀧𑀝𑁆𑀞𑀸𑀦𑀸, 𑀲𑀸 𑀘 𑀦 𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁦𑁨. 𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀲𑀩𑁆𑀩𑁂 𑀥𑀫𑁆𑀫𑁂 𑀆𑀭𑀩𑁆𑀪 ¶ 𑀲𑀢𑀺 𑀲𑀦𑁆𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀲𑀩𑁆𑀩𑁂 𑀥𑀫𑁆𑀫𑁂 𑀆𑀭𑀩𑁆𑀪 𑀲𑀢𑀺 𑀲𑀦𑁆𑀢𑀺𑀝𑁆𑀞𑀢𑀻𑀢𑀺, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸’’𑀢𑀺.

𑀲𑀩𑁆𑀩𑀁 𑀥𑀫𑁆𑀫𑀁 𑀆𑀭𑀩𑁆𑀪 𑀲𑀢𑀺 𑀲𑀦𑁆𑀢𑀺𑀝𑁆𑀞𑀢𑀻𑀢𑀺 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀁 𑀥𑀫𑁆𑀫𑀁 𑀆𑀭𑀩𑁆𑀪 𑀨𑀲𑁆𑀲𑁄 𑀲𑀦𑁆𑀢𑀺𑀝𑁆𑀞𑀢𑀻𑀢𑀺 𑀲𑀩𑁆𑀩𑁂 𑀥𑀫𑁆𑀫𑀸 𑀨𑀲𑁆𑀲𑀧𑀝𑁆𑀞𑀸𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀩𑁆𑀩𑀁 𑀥𑀫𑁆𑀫𑀁 𑀆𑀭𑀩𑁆𑀪 𑀲𑀢𑀺 𑀲𑀦𑁆𑀢𑀺𑀝𑁆𑀞𑀢𑀻𑀢𑀺 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀁 𑀥𑀫𑁆𑀫𑀁 𑀆𑀭𑀩𑁆𑀪 𑀯𑁂𑀤𑀦𑀸 𑀲𑀦𑁆𑀢𑀺𑀝𑁆𑀞𑀢𑀺… 𑀲𑀜𑁆𑀜𑀸 𑀲𑀦𑁆𑀢𑀺𑀝𑁆𑀞𑀢𑀺… 𑀘𑁂𑀢𑀦𑀸 𑀲𑀦𑁆𑀢𑀺𑀝𑁆𑀞𑀢𑀺… 𑀘𑀺𑀢𑁆𑀢𑀁 𑀲𑀦𑁆𑀢𑀺𑀝𑁆𑀞𑀢𑀻𑀢𑀺 𑀲𑀩𑁆𑀩𑁂 𑀥𑀫𑁆𑀫𑀸 𑀘𑀺𑀢𑁆𑀢𑀧𑀝𑁆𑀞𑀸𑀦𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 𑀲𑀢𑁆𑀢𑀸 𑀉𑀧𑀝𑁆𑀞𑀺𑀢𑀲𑀢𑀺𑀦𑁄 𑀲𑀢𑀺𑀬𑀸 𑀲𑀫𑀦𑁆𑀦𑀸𑀕𑀢𑀸 𑀲𑀢𑀺𑀬𑀸 𑀲𑀫𑁄𑀳𑀺𑀢𑀸; 𑀲𑀩𑁆𑀩𑁂𑀲𑀁 𑀲𑀢𑁆𑀢𑀸𑀦𑀁 𑀲𑀢𑀺 𑀧𑀘𑁆𑀘𑀼𑀧𑀝𑁆𑀞𑀺𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁦𑁩. 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀅𑀫𑀢𑀁 𑀢𑁂, 𑀪𑀺𑀓𑁆𑀔𑀯𑁂, 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀺 𑀬𑁂 𑀓𑀸𑀬𑀕𑀢𑀸𑀲𑀢𑀺𑀁 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀺. 𑀅𑀫𑀢𑀁 𑀢𑁂, 𑀪𑀺𑀓𑁆𑀔𑀯𑁂, 𑀧𑀭𑀺𑀪𑀼𑀜𑁆𑀚𑀦𑁆𑀢𑀺 𑀬𑁂 𑀓𑀸𑀬𑀕𑀢𑀸𑀲𑀢𑀺𑀁 𑀧𑀭𑀺𑀪𑀼𑀜𑁆𑀚𑀦𑁆𑀢𑀻’’𑀢𑀺 ¶ [𑀅. 𑀦𑀺. 𑁧.𑁬𑁦𑁦]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 𑀲𑀢𑁆𑀢𑀸 𑀓𑀸𑀬𑀕𑀢𑀸𑀲𑀢𑀺𑀁 𑀧𑀭𑀺𑀪𑀼𑀜𑁆𑀚𑀦𑁆𑀢𑀺 𑀧𑀝𑀺𑀮𑀪𑀦𑁆𑀢𑀺 𑀆𑀲𑁂𑀯𑀦𑁆𑀢𑀺 𑀪𑀸𑀯𑁂𑀦𑁆𑀢𑀺 𑀩𑀳𑀼𑀮𑀻𑀓𑀭𑁄𑀦𑁆𑀢𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀏𑀓𑀸𑀬𑀦𑁄 𑀅𑀬𑀁, 𑀪𑀺𑀓𑁆𑀔𑀯𑁂, 𑀫𑀕𑁆𑀕𑁄 𑀲𑀢𑁆𑀢𑀸𑀦𑀁 𑀯𑀺𑀲𑀼𑀤𑁆𑀥𑀺𑀬𑀸 𑀲𑁄𑀓𑀧𑀭𑀺𑀤𑁂𑀯𑀸𑀦𑀁 𑀲𑀫𑀢𑀺𑀓𑁆𑀓𑀫𑀸𑀬 𑀤𑀼𑀓𑁆𑀔𑀤𑁄𑀫𑀦𑀲𑁆𑀲𑀸𑀦𑀁 𑀅𑀢𑁆𑀣𑀗𑁆𑀕𑀫𑀸𑀬 𑀜𑀸𑀬𑀲𑁆𑀲 𑀅𑀥𑀺𑀕𑀫𑀸𑀬 𑀦𑀺𑀩𑁆𑀩𑀸𑀦𑀲𑁆𑀲 𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀬𑀤𑀺𑀤𑀁 𑀘𑀢𑁆𑀢𑀸𑀭𑁄 𑀲𑀢𑀺𑀧𑀝𑁆𑀞𑀸𑀦𑀸’’𑀢𑀺 [𑀤𑀻. 𑀦𑀺. 𑁨.𑁩𑁭𑁩; 𑀫. 𑀦𑀺. 𑁧.𑁧𑁦𑁬; 𑀲𑀁. 𑀦𑀺. 𑁫.𑁩𑁬𑁭]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸? 𑀲𑀩𑁆𑀩𑁂 𑀥𑀫𑁆𑀫𑀸 𑀏𑀓𑀸𑀬𑀦𑀫𑀕𑁆𑀕𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀭𑀜𑁆𑀜𑁄, 𑀪𑀺𑀓𑁆𑀔𑀯𑁂, 𑀘𑀓𑁆𑀓𑀯𑀢𑁆𑀢𑀺𑀲𑁆𑀲 𑀧𑀸𑀢𑀼𑀪𑀸𑀯𑀸 𑀲𑀢𑁆𑀢𑀦𑁆𑀦𑀁 𑀭𑀢𑀦𑀸𑀦𑀁 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺. 𑀓𑀢𑀫𑁂𑀲𑀁 𑀲𑀢𑁆𑀢𑀦𑁆𑀦𑀁? 𑀘𑀓𑁆𑀓𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀳𑀢𑁆𑀣𑀺𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀅𑀲𑁆𑀲𑀭𑀢𑀦𑀲𑁆𑀲… 𑀫𑀡𑀺𑀭𑀢𑀦𑀲𑁆𑀲… 𑀇𑀢𑁆𑀣𑀺𑀭𑀢𑀦𑀲𑁆𑀲 ¶ … 𑀕𑀳𑀧𑀢𑀺𑀭𑀢𑀦𑀲𑁆𑀲… 𑀧𑀭𑀺𑀡𑀸𑀬𑀓𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺 ¶ . 𑀭𑀜𑁆𑀜𑁄, 𑀪𑀺𑀓𑁆𑀔𑀯𑁂, 𑀘𑀓𑁆𑀓𑀯𑀢𑁆𑀢𑀺𑀲𑁆𑀲 𑀧𑀸𑀢𑀼𑀪𑀸𑀯𑀸 𑀇𑀫𑁂𑀲𑀁 𑀲𑀢𑁆𑀢𑀦𑁆𑀦𑀁 𑀭𑀢𑀦𑀸𑀦𑀁 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺.

‘‘𑀢𑀣𑀸𑀕𑀢𑀲𑁆𑀲, 𑀪𑀺𑀓𑁆𑀔𑀯𑁂, 𑀧𑀸𑀢𑀼𑀪𑀸𑀯𑀸 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀲𑀢𑁆𑀢𑀦𑁆𑀦𑀁 𑀩𑁄𑀚𑁆𑀛𑀗𑁆𑀕𑀭𑀢𑀦𑀸𑀦𑀁 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺. 𑀓𑀢𑀫𑁂𑀲𑀁 𑀲𑀢𑁆𑀢𑀦𑁆𑀦𑀁? 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀥𑀫𑁆𑀫𑀯𑀺𑀘𑀬𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 ¶ 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀯𑀻𑀭𑀺𑀬𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀧𑀻𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀧𑀲𑁆𑀲𑀤𑁆𑀥𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀲𑀫𑀸𑀥𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺, 𑀉𑀧𑁂𑀓𑁆𑀔𑀸𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀲𑁆𑀲 𑀧𑀸𑀢𑀼𑀪𑀸𑀯𑁄 𑀳𑁄𑀢𑀺. 𑀢𑀣𑀸𑀕𑀢𑀲𑁆𑀲, 𑀪𑀺𑀓𑁆𑀔𑀯𑁂, 𑀧𑀸𑀢𑀼𑀪𑀸𑀯𑀸 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀇𑀫𑁂𑀲𑀁 𑀲𑀢𑁆𑀢𑀦𑁆𑀦𑀁 𑀩𑁄𑀚𑁆𑀛𑀗𑁆𑀕𑀭𑀢𑀦𑀸𑀦𑀁 𑀧𑀸𑀢𑀼𑀪𑀸𑀯𑁄 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁫.𑁨𑁨𑁩]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑀣𑀸𑀕𑀢𑀲𑁆𑀲 𑀧𑀸𑀢𑀼𑀪𑀸𑀯𑀸 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑀭𑀢𑀦𑀸𑀯 𑀳𑁄𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀩𑁆𑀩𑁂 ¶ 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀫𑁆𑀫𑀧𑁆𑀧𑀥𑀸𑀦𑀸… 𑀇𑀤𑁆𑀥𑀺𑀧𑀸𑀤𑀸… 𑀇𑀦𑁆𑀤𑁆𑀭𑀺𑀬𑀸… 𑀩𑀮𑀸… 𑀩𑁄𑀚𑁆𑀛𑀗𑁆𑀕𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀢𑀺𑀧𑀝𑁆𑀞𑀸𑀦𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁯. 𑀳𑁂𑀯𑀢𑁆𑀣𑀺𑀓𑀣𑀸

𑁩𑁦𑁪. 𑀅𑀢𑀻𑀢𑀁 𑀅𑀢𑁆𑀣𑀻𑀢𑀺? 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄, 𑀦𑀢𑁆𑀣𑀝𑁆𑀞𑁄 𑀅𑀢𑁆𑀣𑀝𑁆𑀞𑁄, 𑀅𑀢𑁆𑀣𑀺𑀪𑀸𑀯𑁄 𑀦𑀢𑁆𑀣𑀺𑀪𑀸𑀯𑁄, 𑀦𑀢𑁆𑀣𑀺𑀪𑀸𑀯𑁄 𑀅𑀢𑁆𑀣𑀺𑀪𑀸𑀯𑁄, 𑀅𑀢𑁆𑀣𑀻𑀢𑀺 𑀯𑀸 𑀦𑀢𑁆𑀣𑀻𑀢𑀺 𑀯𑀸, 𑀦𑀢𑁆𑀣𑀻𑀢𑀺 𑀯𑀸 ¶ 𑀅𑀢𑁆𑀣𑀻𑀢𑀺 𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 𑀅𑀢𑁆𑀣𑀻𑀢𑀺? 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄, 𑀦𑀢𑁆𑀣𑀝𑁆𑀞𑁄 𑀅𑀢𑁆𑀣𑀝𑁆𑀞𑁄, 𑀅𑀢𑁆𑀣𑀺𑀪𑀸𑀯𑁄 ¶ 𑀦𑀢𑁆𑀣𑀺𑀪𑀸𑀯𑁄, 𑀦𑀢𑁆𑀣𑀺𑀪𑀸𑀯𑁄 𑀅𑀢𑁆𑀣𑀺𑀪𑀸𑀯𑁄, 𑀅𑀢𑁆𑀣𑀻𑀢𑀺 𑀯𑀸 𑀦𑀢𑁆𑀣𑀻𑀢𑀺 𑀯𑀸, 𑀦𑀢𑁆𑀣𑀻𑀢𑀺 𑀯𑀸 𑀅𑀢𑁆𑀣𑀻𑀢𑀺 𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀅𑀢𑁆𑀣𑀻𑀢𑀺? 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁦𑁫. 𑀅𑀢𑀻𑀢𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀦𑁆𑀢𑀢𑁆𑀣𑀺, 𑀓𑀺𑀦𑁆𑀢𑀺 𑀦𑀢𑁆𑀣𑀻𑀢𑀺? 𑀅𑀢𑀻𑀢𑀁 𑀅𑀢𑀻𑀢𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀅𑀢𑀻𑀢𑀁 𑀅𑀦𑀸𑀕𑀢𑀦𑁆𑀢𑀺 𑀳𑁂𑀯 𑀦𑀢𑁆𑀣𑀺, 𑀅𑀢𑀻𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄, 𑀦𑀢𑁆𑀣𑀝𑁆𑀞𑁄 𑀅𑀢𑁆𑀣𑀝𑁆𑀞𑁄, 𑀅𑀢𑁆𑀣𑀺𑀪𑀸𑀯𑁄 𑀦𑀢𑁆𑀣𑀺𑀪𑀸𑀯𑁄, 𑀦𑀢𑁆𑀣𑀺𑀪𑀸𑀯𑁄 𑀅𑀢𑁆𑀣𑀺𑀪𑀸𑀯𑁄, 𑀅𑀢𑁆𑀣𑀻𑀢𑀺 𑀯𑀸 𑀦𑀢𑁆𑀣𑀻𑀢𑀺 𑀯𑀸, 𑀦𑀢𑁆𑀣𑀻𑀢𑀺 𑀯𑀸 𑀅𑀢𑁆𑀣𑀻𑀢𑀺 𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀦𑀸𑀕𑀢𑀁 ¶ 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀦𑁆𑀢𑀢𑁆𑀣𑀺, 𑀓𑀺𑀦𑁆𑀢𑀺 𑀦𑀢𑁆𑀣𑀻𑀢𑀺? 𑀅𑀦𑀸𑀕𑀢𑀁 𑀅𑀦𑀸𑀕𑀢𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑀻𑀢𑀦𑁆𑀢𑀺 𑀳𑁂𑀯 𑀦𑀢𑁆𑀣𑀺, 𑀅𑀦𑀸𑀕𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄, 𑀦𑀢𑁆𑀣𑀝𑁆𑀞𑁄 𑀅𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀦𑁆𑀢𑀢𑁆𑀣𑀺, 𑀓𑀺𑀦𑁆𑀢𑀺 𑀦𑀢𑁆𑀣𑀻𑀢𑀺? 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 ¶ 𑀅𑀢𑀻𑀢𑀦𑁆𑀢𑀺 𑀳𑁂𑀯 𑀦𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀦𑀸𑀕𑀢𑀦𑁆𑀢𑀺 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑀻𑀢𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀺; 𑀅𑀦𑀸𑀕𑀢𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀺; 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻’’𑀢𑀺? 𑀆𑀫𑀦𑁆𑀢𑀸. 𑀅𑀢𑀻𑀢𑀁 𑀅𑀦𑀸𑀕𑀢𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀅𑀢𑀻𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀅𑀦𑀸𑀕𑀢𑀁 𑀅𑀢𑀻𑀢𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀅𑀦𑀸𑀕𑀢𑀁 𑀧𑀘𑁆𑀘𑀼𑀧𑁆𑀧𑀦𑁆𑀦𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀢𑀻𑀢𑀦𑁆𑀢𑀺 𑀳𑁂𑀯𑀢𑁆𑀣𑀺 ¶ , 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀅𑀦𑀸𑀕𑀢𑀦𑁆𑀢𑀺 𑀳𑁂𑀯𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.…𑀧𑁂…. 𑀢𑁂𑀦 𑀳𑀺 𑀅𑀢𑀻𑀢𑀁 𑀳𑁂𑀯𑀢𑁆𑀣𑀺 𑀳𑁂𑀯 𑀦𑀢𑁆𑀣𑀺, 𑀅𑀦𑀸𑀕𑀢𑀁 𑀳𑁂𑀯𑀢𑁆𑀣𑀺 𑀳𑁂𑀯 𑀦𑀢𑁆𑀣𑀺, 𑀧𑀘𑁆𑀘𑀼𑀧𑁆𑀧𑀦𑁆𑀦𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺.

𑁩𑁦𑁬. 𑀭𑀽𑀧𑀁 𑀅𑀢𑁆𑀣𑀻𑀢𑀺? 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺 ¶ ? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄, 𑀦𑀢𑁆𑀣𑀝𑁆𑀞𑁄 ¶ 𑀅𑀢𑁆𑀣𑀝𑁆𑀞𑁄, 𑀅𑀢𑁆𑀣𑀺𑀪𑀸𑀯𑁄 𑀦𑀢𑁆𑀣𑀺𑀪𑀸𑀯𑁄, 𑀦𑀢𑁆𑀣𑀺𑀪𑀸𑀯𑁄 𑀅𑀢𑁆𑀣𑀺𑀪𑀸𑀯𑁄, 𑀅𑀢𑁆𑀣𑀻𑀢𑀺 𑀯𑀸 𑀦𑀢𑁆𑀣𑀻𑀢𑀺 𑀯𑀸, 𑀦𑀢𑁆𑀣𑀻𑀢𑀺 𑀯𑀸 𑀅𑀢𑁆𑀣𑀻𑀢𑀺 𑀯𑀸 𑀏𑀲𑁂𑀲𑁂 𑀏𑀓𑀝𑁆𑀞𑁂 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑁂𑀤𑀦𑀸… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀅𑀢𑁆𑀣𑀻𑀢𑀺? 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺 ¶ , 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀭𑀽𑀧𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀦𑁆𑀢𑀢𑁆𑀣𑀺, 𑀓𑀺𑀦𑁆𑀢𑀺 𑀦𑀢𑁆𑀣𑀻𑀢𑀺? 𑀭𑀽𑀧𑀁 𑀭𑀽𑀧𑀦𑁆𑀢𑀺 𑀳𑁂𑀯𑀢𑁆𑀣𑀺, 𑀭𑀽𑀧𑀁 𑀯𑁂𑀤𑀦𑀸𑀢𑀺 𑀳𑁂𑀯𑀁 𑀦𑀢𑁆𑀣𑀺…𑀧𑁂… 𑀭𑀽𑀧𑀁 𑀲𑀜𑁆𑀜𑀸𑀢𑀺 𑀳𑁂𑀯 𑀦𑀢𑁆𑀣𑀺…𑀧𑁂… 𑀭𑀽𑀧𑀁 𑀲𑀗𑁆𑀔𑀸𑀭𑀸𑀢𑀺 𑀳𑁂𑀯 𑀦𑀢𑁆𑀣𑀺…𑀧𑁂… 𑀭𑀽𑀧𑀁 𑀯𑀺𑀜𑁆𑀜𑀸𑀡𑀦𑁆𑀢𑀺 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑁂𑀤𑀦𑀸… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀦𑁆𑀢𑀢𑁆𑀣𑀺, 𑀓𑀺𑀦𑁆𑀢𑀺 𑀦𑀢𑁆𑀣𑀻𑀢𑀺? 𑀯𑀺𑀜𑁆𑀜𑀸𑀡𑀁 𑀯𑀺𑀜𑁆𑀜𑀸𑀡𑀦𑁆𑀢𑀺 𑀳𑁂𑀯𑀢𑁆𑀣𑀺. 𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺 𑀳𑁂𑀯 𑀦𑀢𑁆𑀣𑀺…𑀧𑁂… 𑀯𑀺𑀜𑁆𑀜𑀸𑀡𑀁 𑀯𑁂𑀤𑀦𑀸𑀢𑀺 𑀳𑁂𑀯 𑀦𑀢𑁆𑀣𑀺…𑀧𑁂… 𑀯𑀺𑀜𑁆𑀜𑀸𑀡𑀁 𑀲𑀜𑁆𑀜𑀸𑀢𑀺 𑀳𑁂𑀯 𑀦𑀢𑁆𑀣𑀺…𑀧𑁂… 𑀯𑀺𑀜𑁆𑀜𑀸𑀡𑀁 𑀲𑀗𑁆𑀔𑀸𑀭𑀸𑀢𑀺 𑀳𑁂𑀯 𑀦𑀢𑁆𑀣𑀻𑀢𑀺. 𑀲𑁂𑀯𑀢𑁆𑀣𑀺, 𑀲𑁂𑀯 𑀦𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑁂𑀯𑀢𑁆𑀣𑀺 ¶ , 𑀲𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀝𑁆𑀞𑁄 𑀦𑀢𑁆𑀣𑀝𑁆𑀞𑁄…𑀧𑁂… 𑀲𑀫𑁂 𑀲𑀫𑀪𑀸𑀕𑁂 𑀢𑀚𑁆𑀚𑀸𑀢𑁂𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀭𑀽𑀧𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺; 𑀯𑁂𑀤𑀦𑀸… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺? 𑀆𑀫𑀦𑁆𑀢𑀸. 𑀭𑀽𑀧𑀁 𑀯𑁂𑀤𑀦𑀸𑀢𑀺 𑀳𑁂𑀯𑀢𑁆𑀣𑀺…𑀧𑁂… 𑀭𑀽𑀧𑀁 𑀲𑀜𑁆𑀜𑀸𑀢𑀺 𑀳𑁂𑀯𑀢𑁆𑀣𑀺…𑀧𑁂… 𑀭𑀽𑀧𑀁 𑀲𑀗𑁆𑀔𑀸𑀭𑀸𑀢𑀺 𑀳𑁂𑀯𑀢𑁆𑀣𑀺…𑀧𑁂… 𑀭𑀽𑀧𑀁 𑀯𑀺𑀜𑁆𑀜𑀸𑀡𑀦𑁆𑀢𑀺 𑀳𑁂𑀯𑀢𑁆𑀣𑀺… 𑀯𑁂𑀤𑀦𑀸… 𑀲𑀜𑁆𑀜𑀸 ¶ … 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀭𑀽𑀧𑀦𑁆𑀢𑀺 𑀳𑁂𑀯𑀢𑁆𑀣𑀺… 𑀯𑀺𑀜𑁆𑀜𑀸𑀡𑀁 𑀯𑁂𑀤𑀦𑀸𑀢𑀺 𑀳𑁂𑀯𑀢𑁆𑀣𑀺… 𑀯𑀺𑀜𑁆𑀜𑀸𑀡𑀁 𑀲𑀜𑁆𑀜𑀸𑀢𑀺 𑀳𑁂𑀯𑀢𑁆𑀣𑀺… 𑀯𑀺𑀜𑁆𑀜𑀸𑀡𑀁 𑀲𑀗𑁆𑀔𑀸𑀭𑀸𑀢𑀺 𑀳𑁂𑀯𑀢𑁆𑀣𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀢𑁂𑀦 𑀳𑀺 𑀭𑀽𑀧𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀺; 𑀯𑁂𑀤𑀦𑀸… 𑀲𑀜𑁆𑀜𑀸… 𑀲𑀗𑁆𑀔𑀸𑀭𑀸… 𑀯𑀺𑀜𑁆𑀜𑀸𑀡𑀁 𑀳𑁂𑀯𑀢𑁆𑀣𑀺, 𑀳𑁂𑀯 𑀦𑀢𑁆𑀣𑀻𑀢𑀺.

𑀳𑁂𑀯𑀢𑁆𑀣𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀉𑀧𑀮𑀩𑁆𑀪𑁄 ¶ 𑀧𑀭𑀺𑀳𑀸𑀦𑀺, 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑁄 𑀑𑀥𑀺𑀲𑁄;

𑀧𑀭𑀺𑀜𑁆𑀜𑀸 𑀓𑀸𑀫𑀭𑀸𑀕𑀧𑁆𑀧𑀳𑀸𑀦𑀁, 𑀲𑀩𑁆𑀩𑀢𑁆𑀣𑀺𑀯𑀸𑀤𑁄 𑀆𑀬𑀢𑀦𑀁;

𑀅𑀢𑀻𑀢𑀸𑀦𑀸𑀕𑀢𑁄 𑀲𑀼𑀪𑀗𑁆𑀕𑁄 [𑀅𑀢𑀻𑀢𑀸𑀦𑀸𑀕𑀢𑁂𑀲𑀼 𑀪𑀸𑀕𑁄 (𑀲𑁆𑀬𑀸.)], 𑀲𑀩𑁆𑀩𑁂 𑀥𑀫𑁆𑀫𑀸 𑀲𑀢𑀺𑀧𑀝𑁆𑀞𑀸𑀦𑀸.

𑀳𑁂𑀯𑀢𑁆𑀣𑀺 𑀳𑁂𑀯 𑀦𑀢𑁆𑀣𑀻𑀢𑀺.

𑀧𑀞𑀫𑀯𑀕𑁆𑀕𑁄

𑀫𑀳𑀸𑀯𑀕𑁆𑀕𑁄.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁦) 𑁧. 𑀧𑀭𑀽𑀧𑀳𑀸𑀭𑀓𑀣𑀸

𑁩𑁦𑁭. 𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀢𑁆𑀣𑀺 ¶ 𑀅𑀭𑀳𑀢𑁄 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀅𑀢𑁆𑀣𑀺 𑀢𑀲𑁆𑀲 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁 𑀓𑀸𑀫𑀭𑀸𑀕𑀲𑀁𑀬𑁄𑀚𑀦𑀁 𑀓𑀸𑀫𑁄𑀖𑁄 𑀓𑀸𑀫𑀬𑁄𑀕𑁄 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀅𑀢𑁆𑀣𑀺 𑀢𑀲𑁆𑀲 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁…𑀧𑁂… 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀦𑀢𑁆𑀣𑀺 𑀢𑀲𑁆𑀲 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁…𑀧𑁂… 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀦𑀢𑁆𑀣𑀺 𑀢𑀲𑁆𑀲 𑀭𑀸𑀕𑁄 𑀓𑀸𑀫𑀭𑀸𑀕𑁄 𑀓𑀸𑀫𑀭𑀸𑀕𑀧𑀭𑀺𑀬𑀼𑀝𑁆𑀞𑀸𑀦𑀁…𑀧𑁂… 𑀓𑀸𑀫𑀘𑁆𑀙𑀦𑁆𑀤𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 ¶ ¶ 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀓𑁂𑀦𑀝𑁆𑀞𑁂𑀦𑀸𑀢𑀺? 𑀳𑀦𑁆𑀤 𑀳𑀺 𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺.

𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀫𑀸𑀭𑀓𑀸𑀬𑀺𑀓𑀸𑀦𑀁 𑀤𑁂𑀯𑀢𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀢𑁆𑀣𑀺 𑀫𑀸𑀭𑀓𑀸𑀬𑀺𑀓𑀸𑀦𑀁 𑀤𑁂𑀯𑀢𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀫𑀸𑀭𑀓𑀸𑀬𑀺𑀓𑀸𑀦𑀁 𑀤𑁂𑀯𑀢𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻’’𑀢𑀺.

𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀢𑁆𑀢𑀦𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀺, 𑀅𑀜𑁆𑀜𑁂𑀲𑀁 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 ¶ 𑀉𑀧𑀲𑀁𑀳𑀭𑀦𑁆𑀢𑀺, 𑀢𑀲𑁆𑀲 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀦𑁂𑀯 𑀅𑀢𑁆𑀢𑀦𑁄 𑀦 𑀅𑀜𑁆𑀜𑁂𑀲𑀁 𑀦 𑀢𑀲𑁆𑀲 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀦𑁂𑀯 𑀅𑀢𑁆𑀢𑀦𑁄 𑀦 𑀅𑀜𑁆𑀜𑁂𑀲𑀁 𑀦 𑀢𑀲𑁆𑀲 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻’’𑀢𑀺.

𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀮𑁄𑀫𑀓𑀽𑀧𑁂𑀳𑀺 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁦𑁮. 𑀫𑀸𑀭𑀓𑀸𑀬𑀺𑀓𑀸 𑀤𑁂𑀯𑀢𑀸 𑀅𑀭𑀳𑀢𑁄 𑀅𑀲𑀼𑀘𑀺𑀁 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺𑀁 𑀉𑀧𑀲𑀁𑀳𑀭𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀓𑀺𑀁 𑀓𑀸𑀭𑀡𑀸𑀢𑀺? 𑀳𑀦𑁆𑀤 𑀳𑀺 𑀯𑀺𑀫𑀢𑀺𑀁 𑀕𑀸𑀳𑀬𑀺𑀲𑁆𑀲𑀸𑀫𑀸𑀢𑀺. 𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀫𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀫𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀯𑀺𑀫𑀢𑀺, 𑀥𑀫𑁆𑀫𑁂 𑀯𑀺𑀫𑀢𑀺, 𑀲𑀗𑁆𑀖𑁂 𑀯𑀺𑀫𑀢𑀺, 𑀲𑀺𑀓𑁆𑀔𑀸𑀬 𑀯𑀺𑀫𑀢𑀺, 𑀧𑀼𑀩𑁆𑀩𑀦𑁆𑀢𑁂 𑀯𑀺𑀫𑀢𑀺, 𑀅𑀧𑀭𑀦𑁆𑀢𑁂 𑀯𑀺𑀫𑀢𑀺, 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀯𑀺𑀫𑀢𑀺, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀢𑁆𑀣𑀺 ¶ 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀯𑀺𑀫𑀢𑀺, 𑀥𑀫𑁆𑀫𑁂 𑀯𑀺𑀫𑀢𑀺, 𑀲𑀗𑁆𑀖𑁂 𑀯𑀺𑀫𑀢𑀺, 𑀲𑀺𑀓𑁆𑀔𑀸𑀬 𑀯𑀺𑀫𑀢𑀺, 𑀧𑀼𑀩𑁆𑀩𑀦𑁆𑀢𑁂 𑀯𑀺𑀫𑀢𑀺, 𑀅𑀧𑀭𑀦𑁆𑀢𑁂 𑀯𑀺𑀫𑀢𑀺 ¶ , 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀯𑀺𑀫𑀢𑀺, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀯𑀺𑀫𑀢𑀺…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀫𑀢𑀻’’𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀯𑀺𑀫𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀯𑀺𑀫𑀢𑀺…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀫𑀢𑀺, 𑀅𑀢𑁆𑀣𑀺 𑀢𑀲𑁆𑀲 ¶ 𑀲𑀢𑁆𑀣𑀭𑀺 𑀯𑀺𑀫𑀢𑀺…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀫𑀢𑀺, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀯𑀺𑀫𑀢𑀺…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 ¶ 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀯𑀺𑀫𑀢𑀺, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀯𑀺𑀫𑀢𑀺…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀯𑀺𑀫𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺 𑀓𑀺𑀲𑁆𑀲 𑀦𑀺𑀲𑁆𑀲𑀦𑁆𑀤𑁄𑀢𑀺? 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄𑀢𑀺. 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄𑀢𑀺? 𑀆𑀫𑀦𑁆𑀢𑀸. 𑀬𑁂 𑀓𑁂𑀘𑀺 𑀅𑀲𑀦𑁆𑀢𑀺 𑀧𑀺𑀯𑀦𑁆𑀢𑀺 𑀔𑀸𑀤𑀦𑁆𑀢𑀺 𑀲𑀸𑀬𑀦𑁆𑀢𑀺, 𑀲𑀩𑁆𑀩𑁂𑀲𑀁𑀬𑁂𑀯 𑀅𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀬𑁂 𑀓𑁂𑀘𑀺 𑀅𑀲𑀦𑁆𑀢𑀺 𑀧𑀺𑀯𑀦𑁆𑀢𑀺 𑀔𑀸𑀤𑀦𑁆𑀢𑀺 𑀲𑀸𑀬𑀦𑁆𑀢𑀺, 𑀲𑀩𑁆𑀩𑁂𑀲𑀁𑀬𑁂𑀯 𑀅𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀤𑀸𑀭𑀓𑀸 𑀅𑀲𑀦𑁆𑀢𑀺 𑀧𑀺𑀯𑀦𑁆𑀢𑀺 𑀔𑀸𑀤𑀦𑁆𑀢𑀺 𑀲𑀸𑀬𑀦𑁆𑀢𑀺, 𑀅𑀢𑁆𑀣𑀺 𑀤𑀸𑀭𑀓𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀡𑁆𑀟𑀓𑀸 𑀅𑀲𑀦𑁆𑀢𑀺 𑀧𑀺𑀯𑀦𑁆𑀢𑀺 𑀔𑀸𑀤𑀦𑁆𑀢𑀺 𑀲𑀸𑀬𑀦𑁆𑀢𑀺, 𑀅𑀢𑁆𑀣𑀺 𑀧𑀡𑁆𑀟𑀓𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑁂𑀯𑀸 𑀅𑀲𑀦𑁆𑀢𑀺 𑀧𑀺𑀯𑀦𑁆𑀢𑀺 𑀔𑀸𑀤𑀦𑁆𑀢𑀺 𑀲𑀸𑀬𑀦𑁆𑀢𑀺, 𑀅𑀢𑁆𑀣𑀺 𑀤𑁂𑀯𑀢𑀸𑀦𑀁 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁦𑁯. 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀢𑀲𑁆𑀲 𑀆𑀲𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 ¶ 𑀉𑀘𑁆𑀘𑀸𑀭𑀧𑀲𑁆𑀲𑀸𑀯𑁄 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀲𑀬𑁄𑀢𑀺 ¶ ? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 ¶ 𑀦𑀺𑀲𑁆𑀲𑀦𑁆𑀤𑁄, 𑀅𑀢𑁆𑀣𑀺 𑀢𑀲𑁆𑀲 𑀆𑀲𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀲𑀬𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀉𑀘𑁆𑀘𑀸𑀭𑀧𑀲𑁆𑀲𑀸𑀯𑁄 𑀅𑀲𑀺𑀢𑀧𑀻𑀢𑀔𑀸𑀬𑀺𑀢𑀲𑀸𑀬𑀺𑀢𑀲𑁆𑀲 𑀦𑀺𑀲𑁆𑀲𑀦𑁆𑀤𑁄, 𑀦𑀢𑁆𑀣𑀺 𑀢𑀲𑁆𑀲 𑀆𑀲𑀬𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁧𑁦. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑁂𑀬𑁆𑀬, 𑀫𑁂𑀣𑀼𑀦𑀁 𑀉𑀧𑁆𑀧𑀸𑀤𑁂𑀬𑁆𑀬 [𑀫𑁂𑀣𑀼𑀦𑀁 𑀥𑀫𑁆𑀫𑀁 𑀉𑀧𑁆𑀧𑀸𑀤𑁂𑀬𑁆𑀬 (𑀲𑀻. 𑀲𑁆𑀬𑀸.)], 𑀧𑀼𑀢𑁆𑀢𑀲𑀫𑁆𑀩𑀸𑀥𑀲𑀬𑀦𑀁 𑀅𑀚𑁆𑀛𑀸𑀯𑀲𑁂𑀬𑁆𑀬, 𑀓𑀸𑀲𑀺𑀓𑀘𑀦𑁆𑀤𑀦𑀁 𑀧𑀘𑁆𑀘𑀦𑀼𑀪𑀯𑁂𑀬𑁆𑀬, 𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀁 𑀥𑀸𑀭𑁂𑀬𑁆𑀬, 𑀚𑀸𑀢𑀭𑀽𑀧𑀭𑀚𑀢𑀁 𑀲𑀸𑀤𑀺𑀬𑁂𑀬𑁆𑀬𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀧𑀼𑀣𑀼𑀚𑁆𑀚𑀦𑁄 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑁂𑀬𑁆𑀬, 𑀫𑁂𑀣𑀼𑀦𑀁 𑀉𑀧𑁆𑀧𑀸𑀤𑁂𑀬𑁆𑀬, 𑀧𑀼𑀢𑁆𑀢𑀲𑀫𑁆𑀩𑀸𑀥𑀲𑀬𑀦𑀁 𑀅𑀚𑁆𑀛𑀸𑀯𑀲𑁂𑀬𑁆𑀬, 𑀓𑀸𑀲𑀺𑀓𑀘𑀦𑁆𑀤𑀦𑀁 𑀧𑀘𑁆𑀘𑀦𑀼𑀪𑀯𑁂𑀬𑁆𑀬, 𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀁 𑀥𑀸𑀭𑁂𑀬𑁆𑀬, 𑀚𑀸𑀢𑀭𑀽𑀧𑀭𑀚𑀢𑀁 𑀲𑀸𑀤𑀺𑀬𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀅𑀭𑀳𑀸 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑁂𑀬𑁆𑀬, 𑀫𑁂𑀣𑀼𑀦𑀁 𑀉𑀧𑁆𑀧𑀸𑀤𑁂𑀬𑁆𑀬, 𑀧𑀼𑀢𑁆𑀢𑀲𑀫𑁆𑀩𑀸𑀥𑀲𑀬𑀦𑀁 𑀅𑀚𑁆𑀛𑀸𑀯𑀲𑁂𑀬𑁆𑀬, 𑀓𑀸𑀲𑀺𑀓𑀘𑀦𑁆𑀤𑀦𑀁 𑀧𑀘𑁆𑀘𑀦𑀼𑀪𑀯𑁂𑀬𑁆𑀬, 𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀁 𑀥𑀸𑀭𑁂𑀬𑁆𑀬, 𑀚𑀸𑀢𑀭𑀽𑀧𑀭𑀚𑀢𑀁 𑀲𑀸𑀤𑀺𑀬𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀦 𑀘 𑀅𑀭𑀳𑀸 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑁂𑀬𑁆𑀬, 𑀫𑁂𑀣𑀼𑀦𑀁 𑀉𑀧𑁆𑀧𑀸𑀤𑁂𑀬𑁆𑀬, 𑀧𑀼𑀢𑁆𑀢𑀲𑀫𑁆𑀩𑀸𑀥𑀲𑀬𑀦𑀁 𑀅𑀚𑁆𑀛𑀸𑀯𑀲𑁂𑀬𑁆𑀬, 𑀓𑀸𑀲𑀺𑀓𑀘𑀦𑁆𑀤𑀦𑀁 𑀧𑀘𑁆𑀘𑀦𑀼𑀪𑀯𑁂𑀬𑁆𑀬, 𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀁 𑀥𑀸𑀭𑁂𑀬𑁆𑀬, 𑀚𑀸𑀢𑀭𑀽𑀧𑀭𑀚𑀢𑀁 𑀲𑀸𑀤𑀺𑀬𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀫𑁂𑀣𑀼𑀦𑀁 𑀥𑀫𑁆𑀫𑀁 𑀧𑀝𑀺𑀲𑁂𑀯𑁂𑀬𑁆𑀬, 𑀫𑁂𑀣𑀼𑀦𑀁 𑀉𑀧𑁆𑀧𑀸𑀤𑁂𑀬𑁆𑀬 ¶ , 𑀧𑀼𑀢𑁆𑀢𑀲𑀫𑁆𑀩𑀸𑀥𑀲𑀬𑀦𑀁 𑀅𑀚𑁆𑀛𑀸𑀯𑀲𑁂𑀬𑁆𑀬, 𑀓𑀸𑀲𑀺𑀓𑀘𑀦𑁆𑀤𑀦𑀁 𑀧𑀘𑁆𑀘𑀦𑀼𑀪𑀯𑁂𑀬𑁆𑀬, 𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀁 𑀥𑀸𑀭𑁂𑀬𑁆𑀬, 𑀚𑀸𑀢𑀭𑀽𑀧𑀭𑀚𑀢𑀁 𑀲𑀸𑀤𑀺𑀬𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 ¶ 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 ¶ 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄… 𑀫𑀸𑀦𑁄 𑀧𑀳𑀻𑀦𑁄… 𑀤𑀺𑀝𑁆𑀞𑀺 𑀧𑀳𑀻𑀦𑀸… 𑀯𑀺𑀘𑀺𑀓𑀺𑀘𑁆𑀙𑀸 𑀧𑀳𑀻𑀦𑀸… 𑀣𑀺𑀦𑀁 𑀧𑀳𑀻𑀦𑀁… 𑀉𑀤𑁆𑀥𑀘𑁆𑀘𑀁 𑀧𑀳𑀻𑀦𑀁… 𑀅𑀳𑀺𑀭𑀺𑀓𑀁 𑀧𑀳𑀻𑀦𑀁…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑁩𑁧𑁧. 𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀲𑀢𑀺𑀧𑀝𑁆𑀞𑀸𑀦𑀸 𑀪𑀸𑀯𑀺𑀢𑀸…𑀧𑁂… 𑀲𑀫𑁆𑀫𑀧𑁆𑀧𑀥𑀸𑀦𑀸 𑀪𑀸𑀯𑀺𑀢𑀸… 𑀇𑀤𑁆𑀥𑀺𑀧𑀸𑀤𑀸 𑀪𑀸𑀯𑀺𑀢𑀸… 𑀇𑀦𑁆𑀤𑁆𑀭𑀺𑀬𑀸 𑀪𑀸𑀯𑀺𑀢𑀸… 𑀩𑀮𑀸 𑀪𑀸𑀯𑀺𑀢𑀸…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 ¶ ¶ 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄, 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 𑀅𑀪𑀺𑀜𑁆𑀜𑀸𑀢𑀁, 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 ¶ 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁, 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀓𑀢𑀓𑀭𑀡𑀻𑀬𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁 ¶ , 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑁩𑁧𑁨. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀺, 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸 ¶ . 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 ¶ 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑁄 ¶ 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑁄 ¶ 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 ¶ 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑁄 ¶ 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁧𑁩. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑁂 𑀢𑁂 [𑀬𑁂 𑀓𑁂𑀘𑀺 (𑀲𑀻.)], 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀽 𑀧𑀼𑀣𑀼𑀚𑁆𑀚𑀦𑀸 𑀲𑀻𑀮𑀲𑀫𑁆𑀧𑀦𑁆𑀦𑀸 𑀲𑀢𑀸 𑀲𑀫𑁆𑀧𑀚𑀸𑀦𑀸 𑀦𑀺𑀤𑁆𑀤𑀁 𑀑𑀓𑁆𑀓𑀫𑀦𑁆𑀢𑀺, 𑀢𑁂𑀲𑀁 𑀅𑀲𑀼𑀘𑀺 𑀦 𑀫𑀼𑀘𑁆𑀘𑀢𑀺. 𑀬𑁂𑀧𑀺 𑀢𑁂, 𑀪𑀺𑀓𑁆𑀔𑀯𑁂, 𑀩𑀸𑀳𑀺𑀭𑀓𑀸 𑀇𑀲𑀬𑁄 𑀓𑀸𑀫𑁂𑀲𑀼 𑀯𑀻𑀢𑀭𑀸𑀕𑀸, 𑀢𑁂𑀲𑀫𑁆𑀧𑀺 𑀅𑀲𑀼𑀘𑀺 𑀦 𑀫𑀼𑀘𑁆𑀘𑀢𑀺. 𑀅𑀝𑁆𑀞𑀸𑀦𑀫𑁂𑀢𑀁, 𑀪𑀺𑀓𑁆𑀔𑀯𑁂, 𑀅𑀦𑀯𑀓𑀸𑀲𑁄 𑀬𑀁 𑀅𑀭𑀳𑀢𑁄 𑀅𑀲𑀼𑀘𑀺 𑀫𑀼𑀘𑁆𑀘𑁂𑀬𑁆𑀬𑀸’’𑀢𑀺 [𑀫𑀳𑀸𑀯. 𑁩𑁫𑁩 𑀅𑀢𑁆𑀣𑀢𑁄 𑀲𑀫𑀸𑀦𑀁; 𑀅. 𑀦𑀺. 𑁫.𑁨𑁧𑁦 𑀧𑀲𑁆𑀲𑀺𑀢𑀩𑁆𑀩𑀁]. 𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀲𑀼𑀘𑀺 𑀲𑀼𑀓𑁆𑀓𑀯𑀺𑀲𑁆𑀲𑀝𑁆𑀞𑀻’’𑀢𑀺.

𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀽𑀧𑀳𑀸𑀭𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀧𑀭𑁂 𑀉𑀧𑀲𑀁𑀳𑀭𑁂𑀬𑁆𑀬𑀼𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀧𑀭𑁂 𑀉𑀧𑀲𑀁𑀳𑀭𑁂𑀬𑁆𑀬𑀼𑀁, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀽𑀧𑀳𑀸𑀭𑁄’’𑀢𑀺.

𑀅𑀭𑀳𑀢𑁄 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁 𑀧𑀭𑁂 𑀉𑀧𑀲𑀁𑀳𑀭𑁂𑀬𑁆𑀬𑀼𑀦𑁆𑀢𑀺, 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀽𑀧𑀳𑀸𑀭𑁄𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑀁 𑀯𑀸 𑀅𑀦𑀸𑀕𑀸𑀫𑀺𑀨𑀮𑀁 𑀯𑀸 𑀅𑀭𑀳𑀢𑁆𑀢𑀁 𑀯𑀸 𑀧𑀭𑁂 𑀉𑀧𑀲𑀁𑀳𑀭𑁂𑀬𑁆𑀬𑀼𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀽𑀧𑀳𑀸𑀭𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁧) 𑁨. 𑀅𑀜𑁆𑀜𑀸𑀡𑀓𑀣𑀸

𑁩𑁧𑁪. 𑀅𑀢𑁆𑀣𑀺 ¶ ¶ 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀦𑀢𑁆𑀣𑀺 𑀅𑀭𑀳𑀢𑁄 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 ¶ 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁 ¶ , 𑀦𑀢𑁆𑀣𑀺 𑀢𑀲𑁆𑀲 𑀅𑀯𑀺𑀚𑁆𑀚𑀸 𑀅𑀯𑀺𑀚𑁆𑀚𑁄𑀖𑁄 𑀅𑀯𑀺𑀚𑁆𑀚𑀸𑀬𑁄𑀕𑁄 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 𑀅𑀯𑀺𑀚𑁆𑀚𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀅𑀯𑀺𑀚𑁆𑀚𑀸𑀲𑀁𑀬𑁄𑀚𑀦𑀁 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀅𑀜𑁆𑀜𑀸𑀡𑀧𑀓𑀢𑁄 𑀧𑀸𑀡𑀁 𑀳𑀦𑁂𑀬𑁆𑀬, 𑀅𑀤𑀺𑀦𑁆𑀦𑀁 𑀆𑀤𑀺𑀬𑁂𑀬𑁆𑀬, 𑀫𑀼𑀲𑀸 𑀪𑀡𑁂𑀬𑁆𑀬, 𑀧𑀺𑀲𑀼𑀡𑀁 𑀪𑀡𑁂𑀬𑁆𑀬, 𑀨𑀭𑀼𑀲𑀁 𑀪𑀡𑁂𑀬𑁆𑀬, 𑀲𑀫𑁆𑀨𑀁 𑀧𑀮𑀧𑁂𑀬𑁆𑀬, 𑀲𑀦𑁆𑀥𑀺𑀁 𑀙𑀺𑀦𑁆𑀤𑁂𑀬𑁆𑀬, 𑀦𑀺𑀮𑁆𑀮𑁄𑀧𑀁 𑀳𑀭𑁂𑀬𑁆𑀬, 𑀏𑀓𑀸𑀕𑀸𑀭𑀺𑀬𑀁 𑀓𑀭𑁂𑀬𑁆𑀬, 𑀧𑀭𑀺𑀧𑀦𑁆𑀣𑁂 𑀢𑀺𑀝𑁆𑀞𑁂𑀬𑁆𑀬, 𑀧𑀭𑀤𑀸𑀭𑀁 𑀕𑀘𑁆𑀙𑁂𑀬𑁆𑀬, 𑀕𑀸𑀫𑀖𑀸𑀢𑀁 𑀓𑀭𑁂𑀬𑁆𑀬, 𑀦𑀺𑀕𑀫𑀖𑀸𑀢𑀁 𑀓𑀭𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁, 𑀧𑀼𑀣𑀼𑀚𑁆𑀚𑀦𑁄 𑀅𑀜𑁆𑀜𑀸𑀡𑀧𑀓𑀢𑁄 𑀧𑀸𑀡𑀁 ¶ 𑀳𑀦𑁂𑀬𑁆𑀬, 𑀅𑀤𑀺𑀦𑁆𑀦𑀁 𑀆𑀤𑀺𑀬𑁂𑀬𑁆𑀬, 𑀫𑀼𑀲𑀸 𑀪𑀡𑁂𑀬𑁆𑀬…𑀧𑁂… 𑀕𑀸𑀫𑀖𑀸𑀢𑀁 𑀓𑀭𑁂𑀬𑁆𑀬, 𑀦𑀺𑀕𑀫𑀖𑀸𑀢𑀁 𑀓𑀭𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀅𑀭𑀳𑀸 𑀅𑀜𑁆𑀜𑀸𑀡𑀧𑀓𑀢𑁄 𑀧𑀸𑀡𑀁 𑀳𑀦𑁂𑀬𑁆𑀬, 𑀅𑀤𑀺𑀦𑁆𑀦𑀁 𑀆𑀤𑀺𑀬𑁂𑀬𑁆𑀬…𑀧𑁂… 𑀕𑀸𑀫𑀖𑀸𑀢𑀁 𑀓𑀭𑁂𑀬𑁆𑀬, 𑀦𑀺𑀕𑀫𑀖𑀸𑀢𑀁 𑀓𑀭𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀦 𑀘 𑀅𑀭𑀳𑀸 𑀅𑀜𑁆𑀜𑀸𑀡𑀧𑀓𑀢𑁄 𑀧𑀸𑀡𑀁 𑀳𑀦𑁂𑀬𑁆𑀬, 𑀅𑀤𑀺𑀦𑁆𑀦𑀁 𑀆𑀤𑀺𑀬𑁂𑀬𑁆𑀬…𑀧𑁂… 𑀕𑀸𑀫𑀖𑀸𑀢𑀁 𑀓𑀭𑁂𑀬𑁆𑀬, 𑀦𑀺𑀕𑀫𑀖𑀸𑀢𑀁 𑀓𑀭𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁, 𑀦 𑀘 𑀧𑀼𑀣𑀼𑀚𑁆𑀚𑀦𑁄 𑀅𑀜𑁆𑀜𑀸𑀡𑀧𑀓𑀢𑁄 𑀧𑀸𑀡𑀁 𑀳𑀦𑁂𑀬𑁆𑀬, 𑀅𑀤𑀺𑀦𑁆𑀦𑀁 𑀆𑀤𑀺𑀬𑁂𑀬𑁆𑀬…𑀧𑁂… 𑀕𑀸𑀫𑀖𑀸𑀢𑀁 𑀓𑀭𑁂𑀬𑁆𑀬, 𑀦𑀺𑀕𑀫𑀖𑀸𑀢𑀁 𑀓𑀭𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁, 𑀲𑀺𑀓𑁆𑀔𑀸𑀬 𑀅𑀜𑁆𑀜𑀸𑀡𑀁, 𑀧𑀼𑀩𑁆𑀩𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀅𑀧𑀭𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦𑀢𑁆𑀣𑀺 ¶ 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁, 𑀲𑀺𑀓𑁆𑀔𑀸𑀬 𑀅𑀜𑁆𑀜𑀸𑀡𑀁, 𑀧𑀼𑀩𑁆𑀩𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀅𑀧𑀭𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀅𑀜𑁆𑀜𑀸𑀡𑀁, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 ¶ 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀅𑀜𑁆𑀜𑀸𑀡𑀁, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀅𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀅𑀜𑁆𑀜𑀸𑀡𑀁, 𑀲𑀗𑁆𑀖𑁂 𑀅𑀜𑁆𑀜𑀸𑀡𑀁…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁩𑁧𑁫. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄 ¶ …𑀧𑁂… 𑀩𑁄𑀚𑁆𑀛𑀗𑁆𑀕𑀸 ¶ 𑀪𑀸𑀯𑀺𑀢𑀸𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀯𑀻𑀢𑀭𑀸𑀕𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑁩𑁧𑁬. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀜𑁆𑀜𑀸𑀡𑀁, 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀜𑁆𑀜𑀸𑀡𑀦𑁆𑀢𑀺. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 ¶ 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 ¶ 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 ¶ 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 ¶ 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 ¶ …𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀅𑀜𑁆𑀜𑀸𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁧𑁭. 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁 [𑀚𑀸𑀦𑀢𑀸𑀳𑀁 (𑀲𑀻.), 𑀚𑀸𑀦𑀢𑁆𑀯𑀸𑀳𑀁 (𑀲𑁆𑀬𑀸. 𑀧𑀻. 𑀓.)], 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 𑀦𑁄 𑀅𑀧𑀲𑁆𑀲𑀢𑁄. 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺? ‘𑀇𑀢𑀺 𑀭𑀽𑀧𑀁, 𑀇𑀢𑀺 𑀭𑀽𑀧𑀲𑁆𑀲 𑀲𑀫𑀼𑀤𑀬𑁄, 𑀇𑀢𑀺 𑀭𑀽𑀧𑀲𑁆𑀲 𑀅𑀢𑁆𑀣𑀗𑁆𑀕𑀫𑁄, 𑀇𑀢𑀺 𑀯𑁂𑀤𑀦𑀸…𑀧𑁂… 𑀇𑀢𑀺 𑀲𑀜𑁆𑀜𑀸… 𑀇𑀢𑀺 𑀲𑀗𑁆𑀔𑀸𑀭𑀸… 𑀇𑀢𑀺 𑀯𑀺𑀜𑁆𑀜𑀸𑀡𑀁, 𑀇𑀢𑀺 𑀯𑀺𑀜𑁆𑀜𑀸𑀡𑀲𑁆𑀲 𑀲𑀫𑀼𑀤𑀬𑁄, 𑀇𑀢𑀺 𑀯𑀺𑀜𑁆𑀜𑀸𑀡𑀲𑁆𑀲 𑀅𑀢𑁆𑀣𑀗𑁆𑀕𑀫𑁄’𑀢𑀺 𑁋 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁩.𑁧𑁦𑁧; 𑀇𑀢𑀺𑀯𑀼. 𑁧𑁦𑁨; 𑀲𑀁. 𑀦𑀺. 𑁫.𑁧𑁦𑁯𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁, 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 ¶ 𑀦𑁄 𑀅𑀧𑀲𑁆𑀲𑀢𑁄. 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 ¶ 𑀳𑁄𑀢𑀺? ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺 𑁋 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺, ‘𑀅𑀬𑀁 𑀤𑀼𑀓𑁆𑀔𑀲𑀫𑀼𑀤𑀬𑁄’𑀢𑀺 𑁋 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺, ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑁄’𑀢𑀺 𑁋 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺, ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑁋 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁫.𑁧𑁦𑁯𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀩𑁆𑀩𑀁, 𑀪𑀺𑀓𑁆𑀔𑀯𑁂, 𑀅𑀦𑀪𑀺𑀚𑀸𑀦𑀁 𑀅𑀧𑀭𑀺𑀚𑀸𑀦𑀁 𑀅𑀯𑀺𑀭𑀸𑀚𑀬𑀁 𑀅𑀧𑁆𑀧𑀚𑀳𑀁 𑀅𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬, 𑀲𑀩𑁆𑀩𑀜𑁆𑀘 𑀔𑁄, 𑀪𑀺𑀓𑁆𑀔𑀯𑁂, 𑀅𑀪𑀺𑀚𑀸𑀦𑀁 𑀧𑀭𑀺𑀚𑀸𑀦𑀁 ¶ 𑀯𑀺𑀭𑀸𑀚𑀬𑀁 𑀧𑀚𑀳𑀁 𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬𑀸’’𑀢𑀺 [𑀲𑀁. 𑀦𑀺. 𑁪.𑁨𑁬; 𑀇𑀢𑀺𑀯𑀼. 𑁭 𑀇𑀢𑀺𑀯𑀼𑀢𑁆𑀢𑀓𑁂𑀧𑀺]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀲𑀳𑀸𑀯𑀲𑁆𑀲 ¶ 𑀤𑀲𑁆𑀲𑀦𑀲𑀫𑁆𑀧𑀤𑀸𑀬,

𑀢𑀬𑀲𑁆𑀲𑀼 𑀥𑀫𑁆𑀫𑀸 𑀚𑀳𑀺𑀢𑀸 𑀪𑀯𑀦𑁆𑀢𑀺;

𑀲𑀓𑁆𑀓𑀸𑀬𑀤𑀺𑀝𑁆𑀞𑀻 𑀯𑀺𑀘𑀺𑀓𑀺𑀘𑁆𑀙𑀺𑀢𑀜𑁆𑀘,

𑀲𑀻𑀮𑀩𑁆𑀩𑀢𑀁 𑀯𑀸𑀧𑀺 𑀬𑀤𑀢𑁆𑀣𑀺 𑀓𑀺𑀜𑁆𑀘𑀺;

𑀘𑀢𑀽𑀳𑀧𑀸𑀬𑁂𑀳𑀺 𑀘 𑀯𑀺𑀧𑁆𑀧𑀫𑀼𑀢𑁆𑀢𑁄,

𑀙𑀘𑁆𑀘𑀸𑀪𑀺𑀞𑀸𑀦𑀸𑀦𑀺 𑀅𑀪𑀩𑁆𑀩 𑀓𑀸𑀢𑀼’’𑀦𑁆𑀢𑀺.

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀲𑁆𑀫𑀺𑀁, 𑀪𑀺𑀓𑁆𑀔𑀯𑁂, 𑀲𑀫𑀬𑁂 𑀅𑀭𑀺𑀬𑀲𑀸𑀯𑀓𑀲𑁆𑀲 𑀯𑀺𑀭𑀚𑀁 𑀯𑀻𑀢𑀫𑀮𑀁 𑀥𑀫𑁆𑀫𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 𑁋 ‘𑀬𑀁 𑀓𑀺𑀜𑁆𑀘𑀺 𑀲𑀫𑀼𑀤𑀬𑀥𑀫𑁆𑀫𑀁 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫’𑀦𑁆𑀢𑀺, 𑀲𑀳 𑀤𑀲𑁆𑀲𑀦𑀼𑀧𑁆𑀧𑀸𑀤𑀸, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲 𑀢𑀻𑀡𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀬𑀦𑁆𑀢𑀺 𑁋 𑀲𑀓𑁆𑀓𑀸𑀬𑀤𑀺𑀝𑁆𑀞𑀺, 𑀯𑀺𑀘𑀺𑀓𑀺𑀘𑁆𑀙𑀸, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀸 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀦 𑀚𑀸𑀦𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑀁 𑀦 𑀚𑀸𑀦𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑀁 𑀦 𑀚𑀸𑀦𑁂𑀬𑁆𑀬𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀦 𑀚𑀸𑀦𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑀁 ¶ 𑀦 𑀚𑀸𑀦𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑀁 𑀦 𑀚𑀸𑀦𑁂𑀬𑁆𑀬, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡’’𑀦𑁆𑀢𑀺.

𑀅𑀭𑀳𑀸 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀦 𑀚𑀸𑀦𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑀁 𑀦 𑀚𑀸𑀦𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑀁 𑀦 𑀚𑀸𑀦𑁂𑀬𑁆𑀬𑀸𑀢𑀺, 𑀅𑀢𑁆𑀣𑀺 𑀅𑀭𑀳𑀢𑁄 𑀅𑀜𑁆𑀜𑀸𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑀁 𑀯𑀸 𑀅𑀦𑀸𑀕𑀸𑀫𑀺𑀨𑀮𑀁 𑀯𑀸 𑀅𑀭𑀳𑀢𑁆𑀢𑀁 𑀯𑀸 𑀦 𑀚𑀸𑀦𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀜𑁆𑀜𑀸𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁨) 𑁩. 𑀓𑀗𑁆𑀔𑀸𑀓𑀣𑀸

𑁩𑁧𑁮. 𑀅𑀢𑁆𑀣𑀺 ¶ ¶ 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀢𑁆𑀣𑀺 𑀅𑀭𑀳𑀢𑁄 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀓𑀗𑁆𑀔𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸, 𑀦𑀢𑁆𑀣𑀺 𑀢𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀓𑀗𑁆𑀔𑀸, 𑀦𑀢𑁆𑀣𑀺 ¶ 𑀢𑀲𑁆𑀲 𑀯𑀺𑀘𑀺𑀓𑀺𑀘𑁆𑀙𑀸 𑀯𑀺𑀘𑀺𑀓𑀺𑀘𑁆𑀙𑀸𑀧𑀭𑀺𑀬𑀼𑀝𑁆𑀞𑀸𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀲𑀁𑀬𑁄𑀚𑀦𑀁 𑀯𑀺𑀘𑀺𑀓𑀺𑀘𑁆𑀙𑀸𑀦𑀻𑀯𑀭𑀡𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸, 𑀲𑀗𑁆𑀖𑁂 𑀓𑀗𑁆𑀔𑀸, 𑀲𑀺𑀓𑁆𑀔𑀸𑀬 𑀓𑀗𑁆𑀔𑀸, 𑀧𑀼𑀩𑁆𑀩𑀦𑁆𑀢𑁂 𑀓𑀗𑁆𑀔𑀸, 𑀅𑀧𑀭𑀦𑁆𑀢𑁂 𑀓𑀗𑁆𑀔𑀸, 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀓𑀗𑁆𑀔𑀸, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦𑀢𑁆𑀣𑀺 ¶ 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺 ¶ ? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀓𑀗𑁆𑀔𑀸, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀓𑀗𑁆𑀔𑀸, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀓𑀗𑁆𑀔𑀸, 𑀥𑀫𑁆𑀫𑁂 𑀓𑀗𑁆𑀔𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁩𑁧𑁯. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸 ¶ . 𑀦𑀦𑀼 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁…𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸; 𑀦𑀦𑀼 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑁩𑁨𑁦. 𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 ¶ 𑀅𑀢𑁆𑀣𑀺 𑀓𑀗𑁆𑀔𑀸, 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 ¶ 𑀅𑀭𑀳𑀢𑁄 𑀦𑀢𑁆𑀣𑀺 𑀓𑀗𑁆𑀔𑀸𑀢𑀺. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁…𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 ¶ 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 ¶ …𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁…𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀫𑁄𑀳𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀓𑀗𑁆𑀔𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁨𑁧. 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁, 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 𑀦𑁄 ¶ 𑀅𑀧𑀲𑁆𑀲𑀢𑁄! 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂 ¶ , 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺 ¶ ? ‘𑀇𑀢𑀺 𑀭𑀽𑀧𑀁’…𑀧𑁂… ‘𑀇𑀢𑀺 𑀯𑀺𑀜𑁆𑀜𑀸𑀡𑀲𑁆𑀲 𑀅𑀢𑁆𑀣𑀗𑁆𑀕𑀫𑁄’𑀢𑀺 𑁋 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁, 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 𑀦𑁄 𑀅𑀧𑀲𑁆𑀲𑀢𑁄! 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺? ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺, 𑀪𑀺𑀓𑁆𑀔𑀯𑁂…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺. 𑀏𑀯𑀁 𑀔𑁄 ¶ , 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀩𑁆𑀩𑀁, 𑀪𑀺𑀓𑁆𑀔𑀯𑁂, 𑀅𑀦𑀪𑀺𑀚𑀸𑀦𑀁 𑀅𑀧𑀭𑀺𑀚𑀸𑀦𑀁 𑀅𑀯𑀺𑀭𑀸𑀚𑀬𑀁 𑀅𑀧𑁆𑀧𑀚𑀳𑀁 𑀅𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬; 𑀲𑀩𑁆𑀩𑀜𑁆𑀘 𑀔𑁄, 𑀪𑀺𑀓𑁆𑀔𑀯𑁂, 𑀅𑀪𑀺𑀚𑀸𑀦𑀁 𑀧𑀭𑀺𑀚𑀸𑀦𑀁 𑀯𑀺𑀭𑀸𑀚𑀬𑀁 𑀧𑀚𑀳𑀁 𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬𑀸’’𑀢𑀺! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀳𑀸𑀯𑀲𑁆𑀲 𑀤𑀲𑁆𑀲𑀦𑀲𑀫𑁆𑀧𑀤𑀸𑀬 ¶ …𑀧𑁂… 𑀙𑀘𑁆𑀘𑀸𑀪𑀺𑀞𑀸𑀦𑀸𑀦𑀺 𑀅𑀪𑀩𑁆𑀩 𑀓𑀸𑀢𑀼’’𑀦𑁆𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀲𑁆𑀫𑀺𑀁, 𑀪𑀺𑀓𑁆𑀔𑀯𑁂, 𑀲𑀫𑀬𑁂 𑀅𑀭𑀺𑀬𑀲𑀸𑀯𑀓𑀲𑁆𑀲 𑀯𑀺𑀭𑀚𑀁 𑀯𑀻𑀢𑀫𑀮𑀁 𑀥𑀫𑁆𑀫𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 ¶ 𑁋 ‘𑀬𑀁 𑀓𑀺𑀜𑁆𑀘𑀺 𑀲𑀫𑀼𑀤𑀬𑀥𑀫𑁆𑀫𑀁 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫’𑀦𑁆𑀢𑀺, 𑀲𑀳 𑀤𑀲𑁆𑀲𑀦𑀼𑀧𑁆𑀧𑀸𑀤𑀸, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲 𑀢𑀻𑀡𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀬𑀦𑁆𑀢𑀺 𑁋 𑀲𑀓𑁆𑀓𑀸𑀬𑀤𑀺𑀝𑁆𑀞𑀺, 𑀯𑀺𑀘𑀺𑀓𑀺𑀘𑁆𑀙𑀸, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄’’𑀢𑀺! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀬𑀤𑀸 ¶ 𑀳𑀯𑁂 𑀧𑀸𑀢𑀼𑀪𑀯𑀦𑁆𑀢𑀺 𑀥𑀫𑁆𑀫𑀸,

𑀆𑀢𑀸𑀧𑀺𑀦𑁄 𑀛𑀸𑀬𑀢𑁄 𑀩𑁆𑀭𑀸𑀳𑁆𑀫𑀡𑀲𑁆𑀲;

𑀅𑀣𑀲𑁆𑀲 𑀓𑀗𑁆𑀔𑀸 𑀯𑀧𑀬𑀦𑁆𑀢𑀺 𑀲𑀩𑁆𑀩𑀸,

𑀬𑀢𑁄 𑀧𑀚𑀸𑀦𑀸𑀢𑀺 𑀲𑀳𑁂𑀢𑀼𑀥𑀫𑁆𑀫𑀦𑁆𑀢𑀺.

‘‘𑀬𑀤𑀸 ¶ 𑀳𑀯𑁂 𑀧𑀸𑀢𑀼𑀪𑀯𑀦𑁆𑀢𑀺 𑀥𑀫𑁆𑀫𑀸,

𑀆𑀢𑀸𑀧𑀺𑀦𑁄 𑀛𑀸𑀬𑀢𑁄 𑀩𑁆𑀭𑀸𑀳𑁆𑀫𑀡𑀲𑁆𑀲;

𑀅𑀣𑀲𑁆𑀲 𑀓𑀗𑁆𑀔𑀸 𑀯𑀧𑀬𑀦𑁆𑀢𑀺 𑀲𑀩𑁆𑀩𑀸,

𑀬𑀢𑁄 𑀔𑀬𑀁 𑀧𑀘𑁆𑀘𑀬𑀸𑀦𑀁 𑀅𑀯𑁂𑀤𑀻𑀢𑀺.

‘‘𑀬𑀤𑀸 𑀳𑀯𑁂 𑀧𑀸𑀢𑀼𑀪𑀯𑀦𑁆𑀢𑀺 𑀥𑀫𑁆𑀫𑀸,

𑀆𑀢𑀸𑀧𑀺𑀦𑁄 𑀛𑀸𑀬𑀢𑁄 𑀩𑁆𑀭𑀸𑀳𑁆𑀫𑀡𑀲𑁆𑀲;

𑀯𑀺𑀥𑀽𑀧𑀬𑀁 𑀢𑀺𑀝𑁆𑀞𑀢𑀺 𑀫𑀸𑀭𑀲𑁂𑀦𑀁,

𑀲𑀽𑀭𑀺𑀬𑁄𑀯 [𑀲𑀼𑀭𑀺𑀬𑁄𑀯 (𑀲𑀻. 𑀲𑁆𑀬𑀸. 𑀓𑀁. 𑀧𑀻.)] 𑀑𑀪𑀸𑀲𑀬𑀫𑀦𑁆𑀢𑀮𑀺𑀓𑁆𑀔𑀦𑁆𑀢𑀺 [𑀫𑀳𑀸𑀯. 𑁩; 𑀉𑀤𑀸. 𑁩].

‘‘𑀬𑀸 𑀓𑀸𑀘𑀺 𑀓𑀗𑁆𑀔𑀸 𑀇𑀥 𑀯𑀸 𑀳𑀼𑀭𑀁 𑀯𑀸,

𑀲𑀓𑀯𑁂𑀤𑀺𑀬𑀸 𑀯𑀸 𑀧𑀭𑀯𑁂𑀤𑀺𑀬𑀸 𑀯𑀸;

𑀛𑀸𑀬𑀺𑀦𑁄 ¶ [𑀬𑁂 𑀛𑀸𑀬𑀺𑀦𑁄 (𑀉𑀤𑀸𑀦𑁂)] 𑀢𑀸 𑀧𑀚𑀳𑀦𑁆𑀢𑀺 𑀲𑀩𑁆𑀩𑀸,

𑀆𑀢𑀸𑀧𑀺𑀦𑁄 ¶ 𑀩𑁆𑀭𑀳𑁆𑀫𑀘𑀭𑀺𑀬𑀁 𑀘𑀭𑀦𑁆𑀢𑀸𑀢𑀺 [𑀉𑀤𑀸. 𑁪𑁭 𑀉𑀤𑀸𑀦𑁂𑀧𑀺].

‘‘𑀬𑁂 𑀓𑀗𑁆𑀔𑀸𑀲𑀫𑀢𑀺𑀓𑁆𑀓𑀦𑁆𑀢𑀸, 𑀓𑀗𑁆𑀔𑀸𑀪𑀽𑀢𑁂𑀲𑀼 𑀧𑀸𑀡𑀺𑀲𑀼;

𑀅𑀲𑀁𑀲𑀬𑀸 𑀯𑀺𑀲𑀁𑀬𑀼𑀢𑁆𑀢𑀸, 𑀢𑁂𑀲𑀼 𑀤𑀺𑀦𑁆𑀦𑀁 𑀫𑀳𑀧𑁆𑀨𑀮𑀦𑁆𑀢𑀺.

‘‘𑀏𑀢𑀸𑀤𑀺𑀲𑀻 𑀥𑀫𑁆𑀫𑀧𑀓𑀸𑀲𑀦𑁂𑀢𑁆𑀣,

𑀦 𑀢𑀢𑁆𑀣 𑀓𑀺𑀁 𑀓𑀗𑁆𑀔𑀢𑀺 𑀓𑁄𑀘𑀺 𑀲𑀸𑀯𑀓𑁄;

𑀦𑀺𑀢𑁆𑀣𑀺𑀡𑁆𑀡𑀑𑀖𑀁 [𑀦𑀺𑀢𑀺𑀡𑁆𑀡𑀑𑀖𑀁 (𑀲𑀻. 𑀓.), 𑀦𑀺𑀢𑁆𑀢𑀺𑀡𑁆𑀡𑀑𑀖𑀁 (𑀲𑁆𑀬𑀸. 𑀓𑀁.)] 𑀯𑀺𑀘𑀺𑀓𑀺𑀘𑁆𑀙𑀙𑀺𑀦𑁆𑀦𑀁,

𑀩𑀼𑀤𑁆𑀥𑀁 𑀦𑀫𑀲𑁆𑀲𑀸𑀫 𑀚𑀺𑀦𑀁 𑀚𑀦𑀺𑀦𑁆𑀤𑀸’’𑀢𑀺 [𑀤𑀻. 𑀦𑀺. 𑁨.𑁩𑁫𑁪].

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀸 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑁂 𑀓𑀗𑁆𑀔𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑁂 𑀓𑀗𑁆𑀔𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑁂 𑀓𑀗𑁆𑀔𑁂𑀬𑁆𑀬𑀸’’𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑁂 𑀓𑀗𑁆𑀔𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑁂 𑀓𑀗𑁆𑀔𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑁂 𑀓𑀗𑁆𑀔𑁂𑀬𑁆𑀬; 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸’’𑀢𑀺.

𑀅𑀭𑀳𑀸 ¶ 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑁂 𑀓𑀗𑁆𑀔𑁂𑀬𑁆𑀬, 𑀫𑀕𑁆𑀕𑀸𑀫𑀕𑁆𑀕𑁂 𑀓𑀗𑁆𑀔𑁂𑀬𑁆𑀬, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑁂 𑀓𑀗𑁆𑀔𑁂𑀬𑁆𑀬𑀸𑀢𑀺, 𑀅𑀢𑁆𑀣𑀺 𑀅𑀭𑀳𑀢𑁄 𑀓𑀗𑁆𑀔𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀸 𑀲𑁄𑀢𑀸𑀧𑀢𑁆𑀢𑀺𑀨𑀮𑁂 𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑁂 𑀯𑀸 𑀅𑀦𑀸𑀕𑀸𑀫𑀺𑀨𑀮𑁂 𑀯𑀸 𑀅𑀭𑀳𑀢𑁆𑀢𑁂 𑀯𑀸 𑀓𑀗𑁆𑀔𑁂𑀬𑁆𑀬𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀓𑀗𑁆𑀔𑀸𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁩) 𑁪. 𑀧𑀭𑀯𑀺𑀢𑀸𑀭𑀡𑀓𑀣𑀸

𑁩𑁨𑁨. 𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸 ¶ . 𑀅𑀭𑀳𑀸 𑀧𑀭𑀦𑁂𑀬𑁆𑀬𑁄 𑀧𑀭𑀧𑀢𑁆𑀢𑀺𑀬𑁄 𑀧𑀭𑀧𑀘𑁆𑀘𑀬𑁄 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀦 𑀚𑀸𑀦𑀸𑀢𑀺 𑀦 𑀧𑀲𑁆𑀲𑀢𑀺 𑀲𑀫𑁆𑀫𑀽𑀴𑁆𑀳𑁄 𑀅𑀲𑀫𑁆𑀧𑀚𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀦𑀼 𑀅𑀭𑀳𑀸 𑀦 𑀧𑀭𑀦𑁂𑀬𑁆𑀬𑁄 𑀦 𑀧𑀭𑀧𑀢𑁆𑀢𑀺𑀬𑁄 𑀦 𑀧𑀭𑀧𑀘𑁆𑀘𑀬𑁄 𑀦 𑀧𑀭𑀧𑀝𑀺𑀩𑀤𑁆𑀥𑀪𑀽 𑀚𑀸𑀦𑀸𑀢𑀺 𑀧𑀲𑁆𑀲𑀢𑀺 𑀅𑀲𑀫𑁆𑀫𑀽𑀴𑁆𑀳𑁄 𑀲𑀫𑁆𑀧𑀚𑀸𑀦𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀦 𑀧𑀭𑀦𑁂𑀬𑁆𑀬𑁄 𑀦 𑀧𑀭𑀧𑀢𑁆𑀢𑀺𑀬𑁄 𑀦 𑀧𑀭𑀧𑀘𑁆𑀘𑀬𑁄 𑀦 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀚𑀸𑀦𑀸𑀢𑀺 𑀧𑀲𑁆𑀲𑀢𑀺 𑀅𑀲𑀫𑁆𑀫𑀽𑀴𑁆𑀳𑁄 𑀲𑀫𑁆𑀧𑀚𑀸𑀦𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 ¶ 𑀧𑀼𑀣𑀼𑀚𑁆𑀚𑀦𑀲𑁆𑀲 𑀧𑀭𑀯𑀺𑀢𑀸𑀭𑀡𑀸, 𑀲𑁄 𑀘 𑀧𑀭𑀦𑁂𑀬𑁆𑀬𑁄 𑀧𑀭𑀧𑀢𑁆𑀢𑀺𑀬𑁄 𑀧𑀭𑀧𑀘𑁆𑀘𑀬𑁄 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀦 𑀚𑀸𑀦𑀸𑀢𑀺 𑀦 𑀧𑀲𑁆𑀲𑀢𑀺 𑀲𑀫𑁆𑀫𑀽𑀴𑁆𑀳𑁄 𑀅𑀲𑀫𑁆𑀧𑀚𑀸𑀦𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸, 𑀲𑁄 𑀘 𑀧𑀭𑀦𑁂𑀬𑁆𑀬𑁄 𑀧𑀭𑀧𑀢𑁆𑀢𑀺𑀬𑁄 𑀧𑀭𑀧𑀘𑁆𑀘𑀬𑁄 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀦 𑀚𑀸𑀦𑀸𑀢𑀺 𑀦 𑀧𑀲𑁆𑀲𑀢𑀺 𑀲𑀫𑁆𑀫𑀽𑀴𑁆𑀳𑁄 𑀅𑀲𑀫𑁆𑀧𑀚𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸, 𑀲𑁄 𑀘 𑀦 𑀧𑀭𑀦𑁂𑀬𑁆𑀬𑁄 𑀦 𑀧𑀭𑀧𑀢𑁆𑀢𑀺𑀬𑁄 𑀦 𑀧𑀭𑀧𑀘𑁆𑀘𑀬𑁄 𑀦 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀚𑀸𑀦𑀸𑀢𑀺 𑀧𑀲𑁆𑀲𑀢𑀺 𑀅𑀲𑀫𑁆𑀫𑀽𑀴𑁆𑀳𑁄 𑀲𑀫𑁆𑀧𑀚𑀸𑀦𑁄𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀧𑀭𑀯𑀺𑀢𑀸𑀭𑀡𑀸, 𑀲𑁄 𑀘 𑀦 𑀧𑀭𑀦𑁂𑀬𑁆𑀬𑁄 𑀦 𑀧𑀭𑀧𑀢𑁆𑀢𑀺𑀬𑁄 𑀦 𑀧𑀭𑀧𑀘𑁆𑀘𑀬𑁄 𑀦 𑀧𑀭𑀧𑀝𑀺𑀩𑀤𑁆𑀥𑀪𑀽, 𑀚𑀸𑀦𑀸𑀢𑀺 𑀧𑀲𑁆𑀲𑀢𑀺 𑀅𑀲𑀫𑁆𑀫𑀽𑀴𑁆𑀳𑁄 𑀲𑀫𑁆𑀧𑀚𑀸𑀦𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸, 𑀲𑀗𑁆𑀖𑁂 𑀧𑀭𑀯𑀺𑀢𑀸𑀭𑀡𑀸, 𑀲𑀺𑀓𑁆𑀔𑀸𑀬 ¶ 𑀧𑀭𑀯𑀺𑀢𑀸𑀭𑀡𑀸, 𑀧𑀼𑀩𑁆𑀩𑀦𑁆𑀢𑁂 𑀧𑀭𑀯𑀺𑀢𑀸𑀭𑀡𑀸, 𑀅𑀧𑀭𑀦𑁆𑀢𑁂 𑀧𑀭𑀯𑀺𑀢𑀸𑀭𑀡𑀸, 𑀧𑀼𑀩𑁆𑀩𑀦𑁆𑀢𑀸𑀧𑀭𑀦𑁆𑀢𑁂 𑀧𑀭𑀯𑀺𑀢𑀸𑀭𑀡𑀸, 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑀢𑁆𑀣𑀺 𑀅𑀭𑀳𑀢𑁄 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 𑀧𑀭𑀯𑀺𑀢𑀸𑀭𑀡𑀸, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸, 𑀅𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀺 𑀧𑀼𑀣𑀼𑀚𑁆𑀚𑀦𑀲𑁆𑀲 ¶ 𑀧𑀭𑀯𑀺𑀢𑀸𑀭𑀡𑀸, 𑀦𑀢𑁆𑀣𑀺 𑀢𑀲𑁆𑀲 𑀲𑀢𑁆𑀣𑀭𑀺 𑀧𑀭𑀯𑀺𑀢𑀸𑀭𑀡𑀸, 𑀥𑀫𑁆𑀫𑁂 𑀧𑀭𑀯𑀺𑀢𑀸𑀭𑀡𑀸…𑀧𑁂… 𑀇𑀤𑀧𑁆𑀧𑀘𑁆𑀘𑀬𑀢𑀸𑀧𑀝𑀺𑀘𑁆𑀘𑀲𑀫𑀼𑀧𑁆𑀧𑀦𑁆𑀦𑁂𑀲𑀼 ¶ 𑀥𑀫𑁆𑀫𑁂𑀲𑀼 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁨𑁩. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄 𑀉𑀘𑁆𑀙𑀺𑀦𑁆𑀦𑀫𑀽𑀮𑁄 𑀢𑀸𑀮𑀸𑀯𑀢𑁆𑀣𑀼𑀓𑀢𑁄 𑀅𑀦𑀪𑀸𑀯𑀗𑁆𑀓𑀢𑁄 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ¶ 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 𑀉𑀘𑁆𑀙𑀺𑀦𑁆𑀦𑀫𑀽𑀮𑀁 𑀢𑀸𑀮𑀸𑀯𑀢𑁆𑀣𑀼𑀓𑀢𑀁 𑀅𑀦𑀪𑀸𑀯𑀗𑁆𑀓𑀢𑀁 𑀆𑀬𑀢𑀺𑀁 𑀅𑀦𑀼𑀧𑁆𑀧𑀸𑀤𑀥𑀫𑁆𑀫𑀁…𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀦𑀦𑀼 ¶ 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑁩𑁨𑁪. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸, 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸𑀢𑀺. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀅𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸 ¶ . 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀦𑀢𑁆𑀣𑀺 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀅𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄…𑀧𑁂… 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁 ¶ …𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀅𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 ¶ 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀭𑀸𑀕𑁄 𑀧𑀳𑀻𑀦𑁄, 𑀦𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀧𑀭𑀥𑀫𑁆𑀫𑀓𑀼𑀲𑀮𑀲𑁆𑀲 𑀅𑀭𑀳𑀢𑁄 𑀤𑁄𑀲𑁄 𑀧𑀳𑀻𑀦𑁄, 𑀫𑁄𑀳𑁄 𑀧𑀳𑀻𑀦𑁄…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀁 𑀧𑀳𑀻𑀦𑀁…𑀧𑁂… 𑀭𑀸𑀕𑀧𑁆𑀧𑀳𑀸𑀦𑀸𑀬 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀤𑁄𑀲𑀧𑁆𑀧𑀳𑀸𑀦𑀸𑀬…𑀧𑁂… 𑀅𑀦𑁄𑀢𑁆𑀢𑀧𑁆𑀧𑀧𑀳𑀸𑀦𑀸𑀬 ¶ 𑀫𑀕𑁆𑀕𑁄 𑀪𑀸𑀯𑀺𑀢𑁄…𑀧𑁂… 𑀩𑁄𑀚𑁆𑀛𑀗𑁆𑀕𑀸 𑀪𑀸𑀯𑀺𑀢𑀸…𑀧𑁂… 𑀧𑀭𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 ¶ 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀲𑀥𑀫𑁆𑀫𑀓𑀼𑀲𑀮𑁄 𑀅𑀭𑀳𑀸 𑀯𑀻𑀢𑀭𑀸𑀕𑁄 𑀯𑀻𑀢𑀤𑁄𑀲𑁄 𑀯𑀻𑀢𑀫𑁄𑀳𑁄…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀲𑀘𑁆𑀙𑀺𑀓𑀢𑀁, 𑀦𑀢𑁆𑀣𑀺 𑀢𑀲𑁆𑀲 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁨𑁫. 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁, 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 𑀦𑁄 𑀅𑀧𑀲𑁆𑀲𑀢𑁄! 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺? ‘𑀇𑀢𑀺 𑀭𑀽𑀧𑀁’…𑀧𑁂… ‘𑀇𑀢𑀺 𑀯𑀺𑀜𑁆𑀜𑀸𑀡𑀲𑁆𑀲 𑀅𑀢𑁆𑀣𑀗𑁆𑀕𑀫𑁄’𑀢𑀺 𑁋 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸 ¶ . 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀚𑀸𑀦𑀢𑁄𑀳𑀁, 𑀪𑀺𑀓𑁆𑀔𑀯𑁂, 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑀁 𑀯𑀤𑀸𑀫𑀺, 𑀦𑁄 𑀅𑀚𑀸𑀦𑀢𑁄 𑀦𑁄 𑀅𑀧𑀲𑁆𑀲𑀢𑁄! 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀓𑀺𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺? ‘𑀇𑀤𑀁 𑀤𑀼𑀓𑁆𑀔’𑀦𑁆𑀢𑀺 𑁋 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 ¶ 𑀳𑁄𑀢𑀺, ‘𑀅𑀬𑀁 𑀤𑀼𑀓𑁆𑀔𑀲𑀫𑀼𑀤𑀬𑁄’𑀢𑀺…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑁄’𑀢𑀺…𑀧𑁂… ‘𑀅𑀬𑀁 𑀤𑀼𑀓𑁆𑀔𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸’𑀢𑀺 𑁋 𑀚𑀸𑀦𑀢𑁄 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀺. 𑀏𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀚𑀸𑀦𑀢𑁄 𑀏𑀯𑀁 𑀧𑀲𑁆𑀲𑀢𑁄 𑀆𑀲𑀯𑀸𑀦𑀁 𑀔𑀬𑁄 𑀳𑁄𑀢𑀻’’𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 ¶ 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀩𑁆𑀩𑀁, 𑀪𑀺𑀓𑁆𑀔𑀯𑁂, 𑀅𑀦𑀪𑀺𑀚𑀸𑀦𑀁 𑀅𑀧𑀭𑀺𑀚𑀸𑀦𑀁 𑀅𑀯𑀺𑀭𑀸𑀚𑀬𑀁 𑀅𑀧𑁆𑀧𑀚𑀳𑀁 𑀅𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬; 𑀲𑀩𑁆𑀩𑀜𑁆𑀘 𑀔𑁄, 𑀪𑀺𑀓𑁆𑀔𑀯𑁂, 𑀅𑀪𑀺𑀚𑀸𑀦𑀁 𑀧𑀭𑀺𑀚𑀸𑀦𑀁 𑀯𑀺𑀭𑀸𑀚𑀬𑀁 𑀧𑀚𑀳𑀁 𑀪𑀩𑁆𑀩𑁄 𑀤𑀼𑀓𑁆𑀔𑀓𑁆𑀔𑀬𑀸𑀬𑀸’’𑀢𑀺! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀳𑀸𑀯𑀲𑁆𑀲 𑀤𑀲𑁆𑀲𑀦𑀲𑀫𑁆𑀧𑀤𑀸𑀬…𑀧𑁂… 𑀙𑀘𑁆𑀘𑀸𑀪𑀺𑀞𑀸𑀦𑀸𑀦𑀺 𑀅𑀪𑀩𑁆𑀩 𑀓𑀸𑀢𑀼’’𑀦𑁆𑀢𑀺. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 ¶ 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 ¶ 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀬𑀲𑁆𑀫𑀺𑀁, 𑀪𑀺𑀓𑁆𑀔𑀯𑁂, 𑀲𑀫𑀬𑁂 𑀅𑀭𑀺𑀬𑀲𑀸𑀯𑀓𑀲𑁆𑀲 𑀯𑀺𑀭𑀚𑀁 𑀯𑀻𑀢𑀫𑀮𑀁 𑀥𑀫𑁆𑀫𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 𑁋 ‘𑀬𑀁 𑀓𑀺𑀜𑁆𑀘𑀺 𑀲𑀫𑀼𑀤𑀬𑀥𑀫𑁆𑀫𑀁, 𑀲𑀩𑁆𑀩𑀁 𑀢𑀁 𑀦𑀺𑀭𑁄𑀥𑀥𑀫𑁆𑀫’𑀦𑁆𑀢𑀺, 𑀲𑀳 𑀤𑀲𑁆𑀲𑀦𑀼𑀧𑁆𑀧𑀸𑀤𑀸, 𑀪𑀺𑀓𑁆𑀔𑀯𑁂, 𑀅𑀭𑀺𑀬𑀲𑀸𑀯𑀓𑀲𑁆𑀲 𑀢𑀻𑀡𑀺 𑀲𑀁𑀬𑁄𑀚𑀦𑀸𑀦𑀺 𑀧𑀳𑀻𑀬𑀦𑁆𑀢𑀺 𑁋 𑀲𑀓𑁆𑀓𑀸𑀬𑀤𑀺𑀝𑁆𑀞𑀺, 𑀯𑀺𑀘𑀺𑀓𑀺𑀘𑁆𑀙𑀸, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑁄’’𑀢𑀺! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀦𑀸𑀳𑀁 𑀲𑀳𑀺𑀲𑁆𑀲𑀸𑀫𑀺 [𑀕𑀫𑀺𑀲𑁆𑀲𑀸𑀫𑀺 (𑀲𑀻. 𑀲𑁆𑀬𑀸. 𑀓.), 𑀲𑀫𑀻𑀳𑀸𑀫𑀺 (𑀧𑀻.)] 𑀧𑀫𑁄𑀘𑀦𑀸𑀬,

𑀓𑀣𑀗𑁆𑀓𑀣𑀺𑀁 𑀥𑁄𑀢𑀓 𑀓𑀜𑁆𑀘𑀺 [𑀓𑀺𑀜𑁆𑀘𑀺 (𑀓.)] 𑀮𑁄𑀓𑁂;

𑀥𑀫𑁆𑀫𑀜𑁆𑀘 ¶ 𑀲𑁂𑀝𑁆𑀞𑀁 𑀅𑀪𑀺𑀚𑀸𑀦𑀫𑀸𑀦𑁄,

𑀏𑀯𑀁 𑀢𑀼𑀯𑀁 𑀑𑀖𑀫𑀺𑀫𑀁 𑀢𑀭𑁂𑀲𑀻’’𑀢𑀺 [𑀲𑀼. 𑀦𑀺. 𑁧𑁦𑁭𑁦 𑀲𑀼𑀢𑁆𑀢𑀦𑀺𑀧𑀸𑀢𑁂; 𑀘𑀽𑀴𑀦𑀺. 𑁩𑁩 𑀥𑁄𑀢𑀓𑀫𑀸𑀡𑀯𑀧𑀼𑀘𑁆𑀙𑀸𑀦𑀺𑀤𑁆𑀤𑁂𑀲].

𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀭𑀳𑀢𑁄 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀫𑀕𑁆𑀕𑀸𑀫𑀕𑁆𑀕𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀭𑀳𑀢𑁄 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀫𑀕𑁆𑀕𑀸𑀫𑀕𑁆𑀕𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 ¶ 𑀦𑀸𑀫𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸’’𑀢𑀺.

𑀅𑀭𑀳𑀢𑁄 𑀇𑀢𑁆𑀣𑀺𑀧𑀼𑀭𑀺𑀲𑀸𑀦𑀁 𑀦𑀸𑀫𑀕𑁄𑀢𑁆𑀢𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀫𑀕𑁆𑀕𑀸𑀫𑀕𑁆𑀕𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀁, 𑀢𑀺𑀡𑀓𑀝𑁆𑀞𑀯𑀦𑀧𑁆𑀧𑀢𑀻𑀦𑀁 𑀦𑀸𑀫𑀁 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀦𑁆𑀢𑀺, 𑀅𑀢𑁆𑀣𑀺 𑀅𑀭𑀳𑀢𑁄 𑀧𑀭𑀯𑀺𑀢𑀸𑀭𑀡𑀸𑀢𑀺? 𑀆𑀫𑀦𑁆𑀢𑀸. 𑀅𑀭𑀳𑀢𑁄 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀸 𑀲𑀓𑀤𑀸𑀕𑀸𑀫𑀺𑀨𑀮𑀁 𑀯𑀸 𑀅𑀦𑀸𑀕𑀸𑀫𑀺𑀨𑀮𑀁 𑀯𑀸 𑀅𑀭𑀳𑀢𑁆𑀢𑀁 𑀯𑀸 𑀧𑀭𑁂 𑀯𑀺𑀢𑀸𑀭𑁂𑀬𑁆𑀬𑀼𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀭𑀯𑀺𑀢𑀸𑀭𑀡𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁪) 𑁫. 𑀯𑀘𑀻𑀪𑁂𑀤𑀓𑀣𑀸

𑁩𑁨𑁬. 𑀲𑀫𑀸𑀧𑀦𑁆𑀦𑀲𑁆𑀲 ¶ ¶ 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀢𑁆𑀣 𑀲𑀫𑀸𑀧𑀦𑁆𑀦𑀸𑀦𑀁 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀤𑀸 𑀲𑀫𑀸𑀧𑀦𑁆𑀦𑀸𑀦𑀁 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 ¶ 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂𑀲𑀁 𑀲𑀫𑀸𑀧𑀦𑁆𑀦𑀸𑀦𑀁 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑀲𑀫𑀸𑀧𑀢𑁆𑀢𑀻𑀲𑀼 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀓𑀸𑀬𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 ¶ 𑀦𑀢𑁆𑀣𑀺 𑀓𑀸𑀬𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀸𑀘𑀸, 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀓𑀸𑀬𑁄, 𑀅𑀢𑁆𑀣𑀺 𑀓𑀸𑀬𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀓𑀸𑀬𑁄, 𑀦𑀢𑁆𑀣𑀺 𑀓𑀸𑀬𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀸𑀘𑀸, 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁨𑁭. 𑀤𑀼𑀓𑁆𑀔𑀦𑁆𑀢𑀺 ¶ 𑀚𑀸𑀦𑀦𑁆𑀢𑁄 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀲𑀫𑀼𑀤𑀬𑁄𑀢𑀺 𑀚𑀸𑀦𑀦𑁆𑀢𑁄 𑀲𑀫𑀼𑀤𑀬𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑀼𑀓𑁆𑀔𑀦𑁆𑀢𑀺 𑀚𑀸𑀦𑀦𑁆𑀢𑁄 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀦𑀺𑀭𑁄𑀥𑁄𑀢𑀺 𑀚𑀸𑀦𑀦𑁆𑀢𑁄 𑀦𑀺𑀭𑁄𑀥𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑀼𑀓𑁆𑀔𑀦𑁆𑀢𑀺 𑀚𑀸𑀦𑀦𑁆𑀢𑁄 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀕𑁆𑀕𑁄𑀢𑀺 𑀚𑀸𑀦𑀦𑁆𑀢𑁄 𑀫𑀕𑁆𑀕𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑁄𑀢𑀺 ¶ ¶ 𑀚𑀸𑀦𑀦𑁆𑀢𑁄 𑀦 𑀘 𑀲𑀫𑀼𑀤𑀬𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑀼𑀓𑁆𑀔𑀦𑁆𑀢𑀺 𑀚𑀸𑀦𑀦𑁆𑀢𑁄 𑀦 𑀘 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦𑀺𑀭𑁄𑀥𑁄𑀢𑀺 𑀚𑀸𑀦𑀦𑁆𑀢𑁄 𑀦 𑀘 𑀦𑀺𑀭𑁄𑀥𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑀼𑀓𑁆𑀔𑀦𑁆𑀢𑀺 𑀚𑀸𑀦𑀦𑁆𑀢𑁄 𑀦 𑀘 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀫𑀕𑁆𑀕𑁄𑀢𑀺 𑀚𑀸𑀦𑀦𑁆𑀢𑁄 𑀦 𑀘 𑀫𑀕𑁆𑀕𑁄𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑀼𑀓𑁆𑀔𑀦𑁆𑀢𑀺 𑀚𑀸𑀦𑀦𑁆𑀢𑁄 𑀦 𑀘 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁨𑁮. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸 ¶ . 𑀜𑀸𑀡𑀁 𑀓𑀺𑀁𑀕𑁄𑀘𑀭𑀦𑁆𑀢𑀺? 𑀜𑀸𑀡𑀁 𑀲𑀘𑁆𑀘𑀕𑁄𑀘𑀭𑀦𑁆𑀢𑀺. 𑀲𑁄𑀢𑀁 𑀲𑀘𑁆𑀘𑀕𑁄𑀘𑀭𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑁄𑀢𑀁 𑀓𑀺𑀁 𑀕𑁄𑀘𑀭𑀦𑁆𑀢𑀺? 𑀲𑁄𑀢𑀁 𑀲𑀤𑁆𑀤𑀕𑁄𑀘𑀭𑀦𑁆𑀢𑀺. 𑀜𑀸𑀡𑀁 𑀲𑀤𑁆𑀤𑀕𑁄𑀘𑀭𑀦𑁆𑀢𑀺? 𑀦 𑀳𑁂𑀯𑀁 ¶ 𑀯𑀢𑁆𑀢𑀩𑁆𑀩𑁂.

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄 𑀜𑀸𑀡𑀁 𑀲𑀘𑁆𑀘𑀕𑁄𑀘𑀭𑀁, 𑀲𑁄𑀢𑀁 𑀲𑀤𑁆𑀤𑀕𑁄𑀘𑀭𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀜𑀸𑀡𑀁 𑀲𑀘𑁆𑀘𑀕𑁄𑀘𑀭𑀁, 𑀲𑁄𑀢𑀁 𑀲𑀤𑁆𑀤𑀕𑁄𑀘𑀭𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄 𑀜𑀸𑀡𑀁 𑀲𑀘𑁆𑀘𑀕𑁄𑀘𑀭𑀁, 𑀲𑁄𑀢𑀁 𑀲𑀤𑁆𑀤𑀕𑁄𑀘𑀭𑀦𑁆𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑀺𑀦𑁆𑀦𑀁 𑀨𑀲𑁆𑀲𑀸𑀦𑀁, 𑀤𑁆𑀯𑀺𑀦𑁆𑀦𑀁 𑀯𑁂𑀤𑀦𑀸𑀦𑀁, 𑀤𑁆𑀯𑀺𑀦𑁆𑀦𑀁 𑀲𑀜𑁆𑀜𑀸𑀦𑀁, 𑀤𑁆𑀯𑀺𑀦𑁆𑀦𑀁 𑀘𑁂𑀢𑀦𑀸𑀦𑀁, 𑀤𑁆𑀯𑀺𑀦𑁆𑀦𑀁 𑀘𑀺𑀢𑁆𑀢𑀸𑀦𑀁 𑀲𑀫𑁄𑀥𑀸𑀦𑀁 𑀳𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁩𑁨𑁯. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀧𑀣𑀯𑀻𑀓𑀲𑀺𑀡𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀆𑀧𑁄𑀓𑀲𑀺𑀡𑀁…𑀧𑁂… 𑀢𑁂𑀚𑁄𑀓𑀲𑀺𑀡𑀁… 𑀯𑀸𑀬𑁄𑀓𑀲𑀺𑀡𑀁… 𑀦𑀻𑀮𑀓𑀲𑀺𑀡𑀁… 𑀧𑀻𑀢𑀓𑀲𑀺𑀡𑀁… 𑀮𑁄𑀳𑀺𑀢𑀓𑀲𑀺𑀡𑀁… 𑀑𑀤𑀸𑀢𑀓𑀲𑀺𑀡𑀁… 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁 ¶ … 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁…𑀧𑁂… 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀧𑀣𑀯𑀻𑀓𑀲𑀺𑀡𑀁 ¶ 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀧𑀣𑀯𑀻𑀓𑀲𑀺𑀡𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀆𑀧𑁄𑀓𑀲𑀺𑀡𑀁 ¶ … 𑀢𑁂𑀚𑁄𑀓𑀲𑀺𑀡𑀁… 𑀯𑀸𑀬𑁄𑀓𑀲𑀺𑀡𑀁… 𑀦𑀻𑀮𑀓𑀲𑀺𑀡𑀁… 𑀧𑀻𑀢𑀓𑀲𑀺𑀡𑀁… 𑀮𑁄𑀳𑀺𑀢𑀓𑀲𑀺𑀡𑀁… 𑀑𑀤𑀸𑀢𑀓𑀲𑀺𑀡𑀁… 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁 ¶ … 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁… 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀺𑀬𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀺𑀬𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂…. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀺𑀬𑀁 𑀤𑀼𑀢𑀺𑀬𑀁 𑀛𑀸𑀦𑀁… 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀺𑀬𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀮𑁄𑀓𑀺𑀬𑀁 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀮𑁄𑀓𑀺𑀬𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 𑀮𑁄𑀓𑀺𑀬𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀮𑁄𑀓𑀺𑀬𑀁 ¶ 𑀤𑀼𑀢𑀺𑀬𑀁 𑀛𑀸𑀦𑀁… 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀮𑁄𑀓𑀺𑀬𑀁 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 ¶ 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑁩𑁩𑁦. 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀺𑀬𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀺𑀬𑀁 𑀤𑀼𑀢𑀺𑀬𑀁 𑀛𑀸𑀦𑀁… 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀺𑀬𑀁 ¶ 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀺𑀬𑀁 𑀤𑀼𑀢𑀺𑀬𑀁 𑀛𑀸𑀦𑀁… 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁩𑁧. 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀤𑀼𑀢𑀺𑀬𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 ¶ 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀤𑀼𑀢𑀺𑀬𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸 ¶ . 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀮𑁄𑀓𑀼𑀢𑁆𑀢𑀭𑀁 𑀤𑀼𑀢𑀺𑀬𑀁 𑀛𑀸𑀦𑀁… 𑀢𑀢𑀺𑀬𑀁 𑀛𑀸𑀦𑀁… 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺 ¶ ? 𑀆𑀫𑀦𑁆𑀢𑀸. 𑀮𑁄𑀓𑀼𑀢𑁆𑀢𑀭𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀦𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁩𑁨. 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀺𑀢𑀓𑁆𑀓𑀯𑀺𑀘𑀸𑀭𑀸 𑀯𑀘𑀻𑀲𑀗𑁆𑀔𑀸𑀭𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸 𑀯𑀘𑀻𑀲𑀗𑁆𑀔𑀸𑀭𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀯𑀺𑀢𑀓𑁆𑀓𑀯𑀺𑀘𑀸𑀭𑀸 𑀯𑀘𑀻𑀲𑀗𑁆𑀔𑀸𑀭𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺 [𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸 (𑀲𑁆𑀬𑀸.) 𑀏𑀯𑀫𑀼𑀧𑀭𑀺𑀧𑀺], 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀧𑀣𑀯𑀻𑀓𑀲𑀺𑀡𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀺𑀢𑀓𑁆𑀓𑀯𑀺𑀘𑀸𑀭𑀸 ¶ 𑀯𑀘𑀻𑀲𑀗𑁆𑀔𑀸𑀭𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸 ¶ . 𑀆𑀧𑁄𑀓𑀲𑀺𑀡𑀁… 𑀢𑁂𑀚𑁄𑀓𑀲𑀺𑀡𑀁… 𑀯𑀸𑀬𑁄𑀓𑀲𑀺𑀡𑀁… 𑀦𑀻𑀮𑀓𑀲𑀺𑀡𑀁… 𑀧𑀻𑀢𑀓𑀲𑀺𑀡𑀁… 𑀮𑁄𑀳𑀺𑀢𑀓𑀲𑀺𑀡𑀁… 𑀑𑀤𑀸𑀢𑀓𑀲𑀺𑀡𑀁 𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 ¶ 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀺𑀢𑀓𑁆𑀓𑀲𑀫𑀼𑀝𑁆𑀞𑀸𑀦𑀸 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀯𑀺𑀢𑀓𑁆𑀓𑀲𑀫𑀼𑀝𑁆𑀞𑀸𑀦𑀸 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀯𑀺𑀢𑀓𑁆𑀓𑀲𑀫𑀼𑀝𑁆𑀞𑀸𑀦𑀸 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀜𑁆𑀜𑀸𑀲𑀫𑀼𑀝𑁆𑀞𑀸𑀦𑀸 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀤𑀼𑀢𑀺𑀬𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀲𑀜𑁆𑀜𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀯𑀺𑀢𑀓𑁆𑀓𑀲𑀫𑀼𑀝𑁆𑀞𑀸𑀦𑀸 ¶ 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀺𑀢𑀓𑁆𑀓𑀯𑀺𑀘𑀸𑀭𑀸’’𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀲𑀜𑁆𑀜𑀸𑀲𑀫𑀼𑀝𑁆𑀞𑀸𑀦𑀸 𑀯𑀸𑀘𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸 𑁋 𑀢𑀢𑀺𑀬𑀁 𑀛𑀸𑀦𑀁…𑀧𑁂… 𑀘𑀢𑀼𑀢𑁆𑀣𑀁 𑀛𑀸𑀦𑀁… 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁… 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀲𑀜𑁆𑀜𑀸, 𑀅𑀢𑁆𑀣𑀺 𑀢𑀲𑁆𑀲 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁩𑁩. 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀸𑀘𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁪.𑁨𑁫𑁯, 𑁨𑁬𑁩]! 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸 ¶ . 𑀳𑀜𑁆𑀘𑀺 ‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀸𑀘𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀻’’𑀢𑀺, 𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀸𑀘𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁪.𑁨𑁫𑁯, 𑁨𑁬𑁩], 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. ‘‘𑀤𑀼𑀢𑀺𑀬𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀺𑀢𑀓𑁆𑀓𑀯𑀺𑀘𑀸𑀭𑀸 𑀦𑀺𑀭𑀼𑀤𑁆𑀥𑀸 𑀳𑁄𑀦𑁆𑀢𑀻’’𑀢𑀺 [𑀲𑀁. 𑀦𑀺. 𑁪.𑁨𑁫𑁯, 𑁨𑁬𑁩], 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀺𑀢𑀓𑁆𑀓𑀯𑀺𑀘𑀸𑀭𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

‘‘𑀧𑀞𑀫𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀸𑀘𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀻’’𑀢𑀺 [𑀲𑀁. 𑀦𑀺. 𑁪.𑁨𑁫𑁯, 𑁨𑁬𑁩], 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. ‘‘𑀢𑀢𑀺𑀬𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 ¶ 𑀧𑀻𑀢𑀺 𑀦𑀺𑀭𑀼𑀤𑁆𑀥𑀸 𑀳𑁄𑀢𑀺, 𑀘𑀢𑀼𑀢𑁆𑀣𑀁 𑀛𑀸𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸 𑀦𑀺𑀭𑀼𑀤𑁆𑀥𑀸 𑀳𑁄𑀦𑁆𑀢𑀺, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀭𑀽𑀧𑀲𑀜𑁆𑀜𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀺, 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀲𑀜𑁆𑀜𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀺, 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀲𑀜𑁆𑀜𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀺, 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀲𑀜𑁆𑀜𑀸 𑀦𑀺𑀭𑀼𑀤𑁆𑀥𑀸 𑀳𑁄𑀢𑀺, 𑀲𑀜𑁆𑀜𑀸𑀯𑁂𑀤𑀬𑀺𑀢𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀲𑀜𑁆𑀜𑀸 𑀘 𑀯𑁂𑀤𑀦𑀸 𑀘 𑀦𑀺𑀭𑀼𑀤𑁆𑀥𑀸 𑀳𑁄𑀦𑁆𑀢𑀻’’𑀢𑀺 [𑀲𑀁. 𑀦𑀺. 𑁪.𑁨𑁫𑁯, 𑁨𑁬𑁩; 𑀅. 𑀦𑀺. 𑁯.𑁩𑁧; 𑀤𑀻. 𑀦𑀺. 𑁩.𑁩𑁪𑁪], 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺, 𑀅𑀢𑁆𑀣𑀺 𑀢𑀲𑁆𑀲 𑀲𑀜𑁆𑀜𑀸 𑀘 𑀯𑁂𑀤𑀦𑀸 𑀘𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀧𑀞𑀫𑀲𑁆𑀲 𑀛𑀸𑀦𑀲𑁆𑀲 𑀲𑀤𑁆𑀤𑁄 𑀓𑀡𑁆𑀟𑀓𑁄 [𑀓𑀡𑁆𑀝𑀓𑁄 (𑀲𑁆𑀬𑀸.) 𑀅. 𑀦𑀺. 𑁧𑁦.𑁭𑁨] 𑀯𑀼𑀢𑁆𑀢𑁄 𑀪𑀕𑀯𑀢𑀸𑀢𑀺 [𑀅. 𑀦𑀺. 𑁧𑁦.𑁭𑁨 𑀓𑀡𑁆𑀝𑀓𑀲𑀼𑀢𑁆𑀢𑀁 𑀦𑀺𑀲𑁆𑀲𑀸𑀬 𑀧𑀼𑀘𑁆𑀙𑀢𑀺]? 𑀆𑀫𑀦𑁆𑀢𑀸. 𑀳𑀜𑁆𑀘𑀺 ¶ 𑀧𑀞𑀫𑀲𑁆𑀲 𑀛𑀸𑀦𑀲𑁆𑀲 𑀲𑀤𑁆𑀤𑁄 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸, 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺.

𑀧𑀞𑀫𑀲𑁆𑀲 ¶ 𑀛𑀸𑀦𑀲𑁆𑀲 𑀲𑀤𑁆𑀤𑁄 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸𑀢𑀺, 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺? 𑀆𑀫𑀦𑁆𑀢𑀸. 𑀤𑀼𑀢𑀺𑀬𑀲𑁆𑀲 ¶ 𑀛𑀸𑀦𑀲𑁆𑀲 𑀯𑀺𑀢𑀓𑁆𑀓𑀯𑀺𑀘𑀸𑀭𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀢𑀢𑀺𑀬𑀲𑁆𑀲 𑀛𑀸𑀦𑀲𑁆𑀲 𑀧𑀻𑀢𑀺 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀘𑀢𑀼𑀢𑁆𑀣𑀲𑁆𑀲 𑀛𑀸𑀦𑀲𑁆𑀲 𑀅𑀲𑁆𑀲𑀸𑀲𑀧𑀲𑁆𑀲𑀸𑀲𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸 [𑀅. 𑀦𑀺. 𑁧𑁦.𑁭𑁨] … 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀭𑀽𑀧𑀲𑀜𑁆𑀜𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀲𑀜𑁆𑀜𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀯𑀺𑀜𑁆𑀜𑀸𑀡𑀜𑁆𑀘𑀸𑀬𑀢𑀦𑀲𑀜𑁆𑀜𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀦𑁂𑀯𑀲𑀜𑁆𑀜𑀸𑀦𑀸𑀲𑀜𑁆𑀜𑀸𑀬𑀢𑀦𑀁 𑀲𑀫𑀸𑀧𑀦𑁆𑀦𑀲𑁆𑀲 𑀆𑀓𑀺𑀜𑁆𑀘𑀜𑁆𑀜𑀸𑀬𑀢𑀦𑀲𑀜𑁆𑀜𑀸 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸… 𑀲𑀜𑁆𑀜𑀸𑀯𑁂𑀤𑀬𑀺𑀢𑀦𑀺𑀭𑁄𑀥𑀁 𑀲𑀫𑀸𑀧𑀦𑁆𑀦𑀲𑁆𑀲 𑀲𑀜𑁆𑀜𑀸 𑀘 𑀯𑁂𑀤𑀦𑀸 𑀘 𑀓𑀡𑁆𑀝𑀓𑁄 𑀯𑀼𑀢𑁆𑀢𑁄 𑀪𑀕𑀯𑀢𑀸 [𑀅. 𑀦𑀺. 𑁧𑁦.𑁭𑁨], 𑀅𑀢𑁆𑀣𑀺 𑀢𑀲𑁆𑀲 𑀲𑀜𑁆𑀜𑀸 𑀘 𑀯𑁂𑀤𑀦𑀸 𑀘𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀺𑀔𑀺𑀲𑁆𑀲, 𑀆𑀦𑀦𑁆𑀤, 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀅𑀪𑀺𑀪𑀽 𑀦𑀸𑀫 𑀲𑀸𑀯𑀓𑁄 𑀩𑁆𑀭𑀳𑁆𑀫𑀮𑁄𑀓𑁂 𑀞𑀺𑀢𑁄 𑀤𑀲𑀲𑀳𑀲𑁆𑀲𑀺𑀮𑁄𑀓𑀥𑀸𑀢𑀼𑀁 𑀲𑀭𑁂𑀦 𑀯𑀺𑀜𑁆𑀜𑀸𑀧𑁂𑀲𑀺 𑁋

‘𑀆𑀭𑀩𑁆𑀪𑀣 ¶ 𑀦𑀺𑀓𑁆𑀓𑀫𑀣, 𑀬𑀼𑀜𑁆𑀚𑀣 𑀩𑀼𑀤𑁆𑀥𑀲𑀸𑀲𑀦𑁂;

𑀥𑀼𑀦𑀸𑀣 𑀫𑀘𑁆𑀘𑀼𑀦𑁄 𑀲𑁂𑀦𑀁, 𑀦𑀴𑀸𑀕𑀸𑀭𑀁𑀯 𑀓𑀼𑀜𑁆𑀚𑀭𑁄.

‘𑀬𑁄 ¶ 𑀇𑀫𑀲𑁆𑀫𑀺𑀁 𑀥𑀫𑁆𑀫𑀯𑀺𑀦𑀬𑁂, 𑀅𑀧𑁆𑀧𑀫𑀢𑁆𑀢𑁄 𑀯𑀺𑀳𑀲𑁆𑀲𑀢𑀺 [𑀯𑀺𑀳𑁂𑀲𑁆𑀲𑀢𑀺 (𑀲𑀻. 𑀲𑁆𑀬𑀸. 𑀓𑀁.) 𑀯𑀺𑀳𑀭𑀺𑀲𑁆𑀲𑀢𑀺 (𑀓.)];

𑀧𑀳𑀸𑀬 𑀚𑀸𑀢𑀺𑀲𑀁𑀲𑀸𑀭𑀁, 𑀤𑀼𑀓𑁆𑀔𑀲𑁆𑀲𑀦𑁆𑀢𑀁 𑀓𑀭𑀺𑀲𑁆𑀲𑀢𑀻’’’𑀢𑀺 [𑀅. 𑀦𑀺. 𑁧 𑀢𑀺𑀓𑀦𑀺𑀧𑀸𑀢𑁂; 𑀲𑀁. 𑀦𑀺. 𑁧.𑁨𑁮𑁫].

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀲𑀫𑀸𑀧𑀦𑁆𑀦𑀲𑁆𑀲 𑀅𑀢𑁆𑀣𑀺 𑀯𑀘𑀻𑀪𑁂𑀤𑁄𑀢𑀺.

𑀯𑀘𑀻𑀪𑁂𑀤𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁫) 𑁬. 𑀤𑀼𑀓𑁆𑀔𑀸𑀳𑀸𑀭𑀓𑀣𑀸

𑁩𑁩𑁪. 𑀤𑀼𑀓𑁆𑀔𑀸𑀳𑀸𑀭𑁄 ¶ 𑀫𑀕𑁆𑀕𑀗𑁆𑀕𑀁 𑀫𑀕𑁆𑀕𑀧𑀭𑀺𑀬𑀸𑀧𑀦𑁆𑀦𑀦𑁆𑀢𑀺? 𑀆𑀫𑀦𑁆𑀢𑀸 ¶ . 𑀬𑁂 𑀓𑁂𑀘𑀺 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀦𑁆𑀢𑀺, 𑀲𑀩𑁆𑀩𑁂 𑀢𑁂 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀬𑁂 𑀓𑁂𑀘𑀺 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀦𑁆𑀢𑀺, 𑀲𑀩𑁆𑀩𑁂 𑀢𑁂 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀩𑀸𑀮𑀧𑀼𑀣𑀼𑀚𑁆𑀚𑀦𑀸 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀦𑁆𑀢𑀺, 𑀩𑀸𑀮𑀧𑀼𑀣𑀼𑀚𑁆𑀚𑀦𑀸 𑀫𑀕𑁆𑀕𑀁 𑀪𑀸𑀯𑁂𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀫𑀸𑀢𑀼𑀖𑀸𑀢𑀓𑁄… 𑀧𑀺𑀢𑀼𑀖𑀸𑀢𑀓𑁄… 𑀅𑀭𑀳𑀦𑁆𑀢𑀖𑀸𑀢𑀓𑁄… 𑀭𑀼𑀳𑀺𑀭𑀼𑀧𑁆𑀧𑀸𑀤𑀓𑁄 [𑀮𑁄𑀳𑀺𑀢𑀼𑀧𑁆𑀧𑀸𑀤𑀓𑁄 (𑀲𑀻. 𑀓.) 𑀅𑀜𑁆𑀜𑀝𑁆𑀞𑀸𑀦𑁂𑀲𑀼 𑀧𑀦 𑀭𑀼𑀳𑀺𑀭𑀼𑀧𑁆𑀧𑀸𑀤𑀓𑁄𑀢𑁆𑀯𑁂𑀯 𑀤𑀺𑀲𑁆𑀲𑀢𑀺] … 𑀲𑀗𑁆𑀖𑀪𑁂𑀤𑀓𑁄 𑀤𑀼𑀓𑁆𑀔𑀦𑁆𑀢𑀺 𑀯𑀸𑀘𑀁 𑀪𑀸𑀲𑀢𑀺, 𑀲𑀗𑁆𑀖𑀪𑁂𑀤𑀓𑁄 𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀤𑀼𑀓𑁆𑀔𑀸𑀳𑀸𑀭𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁬) 𑁭. 𑀘𑀺𑀢𑁆𑀢𑀝𑁆𑀞𑀺𑀢𑀺𑀓𑀣𑀸

𑁩𑁩𑁫. 𑀏𑀓𑀁 ¶ 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀉𑀧𑀟𑁆𑀠𑀤𑀺𑀯𑀲𑁄 𑀉𑀧𑁆𑀧𑀸𑀤𑀓𑁆𑀔𑀡𑁄, 𑀉𑀧𑀟𑁆𑀠𑀤𑀺𑀯𑀲𑁄 𑀯𑀬𑀓𑁆𑀔𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀏𑀓𑀁 ¶ 𑀘𑀺𑀢𑁆𑀢𑀁 𑀤𑁆𑀯𑁂 𑀤𑀺𑀯𑀲𑁂 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑀺𑀯𑀲𑁄 𑀉𑀧𑁆𑀧𑀸𑀤𑀓𑁆𑀔𑀡𑁄, 𑀤𑀺𑀯𑀲𑁄 𑀯𑀬𑀓𑁆𑀔𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀏𑀓𑀁 𑀘𑀺𑀢𑁆𑀢𑀁 𑀘𑀢𑁆𑀢𑀸𑀭𑁄 𑀤𑀺𑀯𑀲𑁂 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀤𑀺𑀯𑀲𑁂 𑀢𑀺𑀝𑁆𑀞𑀢𑀺… 𑀤𑀲 𑀤𑀺𑀯𑀲𑁂 𑀢𑀺𑀝𑁆𑀞𑀢𑀺… 𑀯𑀻𑀲𑀢𑀺 𑀤𑀺𑀯𑀲𑁂 𑀢𑀺𑀝𑁆𑀞𑀢𑀺… 𑀫𑀸𑀲𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀫𑀸𑀲𑁂 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑁄 𑀫𑀸𑀲𑁂 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀫𑀸𑀲𑁂 ¶ 𑀢𑀺𑀝𑁆𑀞𑀢𑀺… 𑀤𑀲 𑀫𑀸𑀲𑁂 𑀢𑀺𑀝𑁆𑀞𑀢𑀺… 𑀲𑀁𑀯𑀘𑁆𑀙𑀭𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀤𑀲 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀯𑀻𑀲𑀢𑀺 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀢𑀺𑀁𑀲 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀻𑀲 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀧𑀜𑁆𑀜𑀸𑀲 𑀯𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀯𑀲𑁆𑀲𑀲𑀢𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀯𑀲𑁆𑀲𑀲𑀢𑀸𑀦𑀺 ¶ 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀯𑀲𑁆𑀲𑀲𑀢𑀸𑀦𑀺 𑀢𑀺𑀝𑁆𑀞𑀢𑀺… 𑀧𑀜𑁆𑀘 𑀯𑀲𑁆𑀲𑀲𑀢𑀸𑀦𑀺 𑀢𑀺𑀝𑁆𑀞𑀢𑀺… 𑀯𑀲𑁆𑀲𑀲𑀳𑀲𑁆𑀲𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀲𑁄𑀴𑀲 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀓𑀧𑁆𑀧𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑁄 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀲𑁄𑀴𑀲 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀩𑀸𑀢𑁆𑀢𑀺𑀁𑀲 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀘𑀢𑀼𑀲𑀝𑁆𑀞𑀺 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀧𑀜𑁆𑀘 𑀓𑀧𑁆𑀧𑀲𑀢𑀸𑀦𑀺 𑀢𑀺𑀝𑁆𑀞𑀢𑀺… 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 ¶ 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀲𑁄𑀴𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀯𑀻𑀲𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀻𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀲𑀝𑁆𑀞𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑀼𑀭𑀸𑀲𑀻𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀤𑁆𑀯𑁂𑀘𑀢𑁆𑀢𑀸𑀭𑀻𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀉𑀧𑁆𑀧𑀸𑀤𑀓𑁆𑀔𑀡𑁄, 𑀤𑁆𑀯𑁂𑀘𑀢𑁆𑀢𑀸𑀭𑀻𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀯𑀬𑀓𑁆𑀔𑀡𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀏𑀓𑀁 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀢𑁆𑀣𑀜𑁆𑀜𑁂 𑀥𑀫𑁆𑀫𑀸 𑀏𑀓𑀸𑀳𑀁 𑀩𑀳𑀼𑀫𑁆𑀧𑀺 𑀉𑀧𑁆𑀧𑀚𑁆𑀚𑀺𑀢𑁆𑀯𑀸 𑀦𑀺𑀭𑀼𑀚𑁆𑀛𑀦𑁆𑀢𑀻𑀢𑀺? 𑀆𑀫𑀦𑁆𑀢𑀸. 𑀢𑁂 𑀥𑀫𑁆𑀫𑀸 𑀘𑀺𑀢𑁆𑀢𑁂𑀦 𑀮𑀳𑀼𑀧𑀭𑀺𑀯𑀢𑁆𑀢𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀢𑁂 𑀥𑀫𑁆𑀫𑀸 𑀘𑀺𑀢𑁆𑀢𑁂𑀦 𑀮𑀳𑀼𑀧𑀭𑀺𑀯𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀦𑀸𑀳𑀁, 𑀪𑀺𑀓𑁆𑀔𑀯𑁂, 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺 𑀏𑀯𑀁 𑀮𑀳𑀼𑀧𑀭𑀺𑀯𑀢𑁆𑀢𑀁 𑀬𑀣𑀬𑀺𑀤𑀁 𑀘𑀺𑀢𑁆𑀢𑀁. 𑀬𑀸𑀯𑀜𑁆𑀘𑀺𑀤𑀁, 𑀪𑀺𑀓𑁆𑀔𑀯𑁂, 𑀉𑀧𑀫𑀸𑀧𑀺 𑀦 𑀲𑀼𑀓𑀭𑀸 𑀬𑀸𑀯 𑀮𑀳𑀼𑀧𑀭𑀺𑀯𑀢𑁆𑀢𑀁 𑀘𑀺𑀢𑁆𑀢’’𑀦𑁆𑀢𑀺 [𑀅. 𑀦𑀺. 𑁧.𑁪𑁮]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀢𑁂 𑀥𑀫𑁆𑀫𑀸 𑀘𑀺𑀢𑁆𑀢𑁂𑀦 𑀮𑀳𑀼𑀧𑀭𑀺𑀯𑀢𑁆𑀢𑀸’’𑀢𑀺.

𑀢𑁂 ¶ 𑀥𑀫𑁆𑀫𑀸 𑀘𑀺𑀢𑁆𑀢𑁂𑀦 𑀮𑀳𑀼𑀧𑀭𑀺𑀯𑀢𑁆𑀢𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑁂𑀬𑁆𑀬𑀣𑀸𑀧𑀺, 𑀪𑀺𑀓𑁆𑀔𑀯𑁂, 𑀫𑀓𑁆𑀓𑀝𑁄 ¶ 𑀅𑀭𑀜𑁆𑀜𑁂 𑀧𑀯𑀦𑁂 𑀘𑀭𑀫𑀸𑀦𑁄 𑀲𑀸𑀔𑀁 𑀕𑀡𑁆𑀳𑀢𑀺, 𑀢𑀁 𑀫𑀼𑀜𑁆𑀘𑀺𑀢𑁆𑀯𑀸 𑀅𑀜𑁆𑀜𑀁 𑀕𑀡𑁆𑀳𑀢𑀺, 𑀢𑀁 𑀫𑀼𑀜𑁆𑀘𑀺𑀢𑁆𑀯𑀸 𑀅𑀜𑁆𑀜𑀁 𑀕𑀡𑁆𑀳𑀢𑀺; 𑀏𑀯𑀫𑁂𑀯 𑀔𑁄, 𑀪𑀺𑀓𑁆𑀔𑀯𑁂, 𑀬𑀫𑀺𑀤𑀁 [𑀬𑀤𑀺𑀤𑀁 (𑀩𑀳𑀽𑀲𑀼)] 𑀯𑀼𑀘𑁆𑀘𑀢𑀺 𑀘𑀺𑀢𑁆𑀢𑀁 𑀇𑀢𑀺𑀧𑀺 𑀫𑀦𑁄 𑀇𑀢𑀺𑀧𑀺 𑀯𑀺𑀜𑁆𑀜𑀸𑀡𑀁 𑀇𑀢𑀺𑀧𑀺 𑀢𑀁 𑀭𑀢𑁆𑀢𑀺𑀬𑀸 𑀘 𑀤𑀺𑀯𑀲𑀲𑁆𑀲 𑀘 𑀅𑀜𑁆𑀜𑀤𑁂𑀯 𑀉𑀧𑁆𑀧𑀚𑁆𑀚𑀢𑀺 ¶ 𑀅𑀜𑁆𑀜𑀁 𑀦𑀺𑀭𑀼𑀚𑁆𑀛𑀢𑀻’’𑀢𑀺 [𑀲𑀁. 𑀦𑀺. 𑁨.𑁬𑁧]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀢𑁂 𑀥𑀫𑁆𑀫𑀸 𑀘𑀺𑀢𑁆𑀢𑁂𑀦 𑀮𑀳𑀼𑀧𑀭𑀺𑀯𑀢𑁆𑀢𑀸’’𑀢𑀺.

𑁩𑁩𑁬. 𑀏𑀓𑀁 ¶ 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀲𑁄𑀢𑀯𑀺𑀜𑁆𑀜𑀸𑀡𑀁…𑀧𑁂… 𑀖𑀸𑀦𑀯𑀺𑀜𑁆𑀜𑀸𑀡𑀁… 𑀚𑀺𑀯𑁆𑀳𑀸𑀯𑀺𑀜𑁆𑀜𑀸𑀡𑀁… 𑀓𑀸𑀬𑀯𑀺𑀜𑁆𑀜𑀸𑀡𑀁… 𑀅𑀓𑀼𑀲𑀮𑀁 𑀘𑀺𑀢𑁆𑀢𑀁… 𑀭𑀸𑀕𑀲𑀳𑀕𑀢𑀁… 𑀤𑁄𑀲𑀲𑀳𑀕𑀢𑀁… 𑀫𑁄𑀳𑀲𑀳𑀕𑀢𑀁… 𑀫𑀸𑀦𑀲𑀳𑀕𑀢𑀁… 𑀤𑀺𑀝𑁆𑀞𑀺𑀲𑀳𑀕𑀢𑀁… 𑀯𑀺𑀘𑀺𑀓𑀺𑀘𑁆𑀙𑀸𑀲𑀳𑀕𑀢𑀁… 𑀣𑀺𑀦𑀲𑀳𑀕𑀢𑀁… 𑀉𑀤𑁆𑀥𑀘𑁆𑀘𑀲𑀳𑀕𑀢𑀁… 𑀅𑀳𑀺𑀭𑀺𑀓𑀲𑀳𑀕𑀢𑀁… 𑀅𑀦𑁄𑀢𑁆𑀢𑀧𑁆𑀧𑀲𑀳𑀕𑀢𑀁 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀏𑀓𑀁 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀲𑁄𑀢𑁂𑀦 𑀲𑀤𑁆𑀤𑀁 𑀲𑀼𑀡𑀸𑀢𑀺…𑀧𑁂… 𑀖𑀸𑀦𑁂𑀦 𑀕𑀦𑁆𑀥𑀁 𑀖𑀸𑀬𑀢𑀺… 𑀚𑀺𑀯𑁆𑀳𑀸𑀬 𑀭𑀲𑀁 𑀲𑀸𑀬𑀢𑀺… 𑀓𑀸𑀬𑁂𑀦 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀺… 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀺…𑀧𑁂… 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺…𑀧𑁂… 𑀲𑁄𑀢𑁂𑀦 𑀲𑀤𑁆𑀤𑀁 𑀲𑀼𑀡𑀸𑀢𑀺… 𑀖𑀸𑀦𑁂𑀦 𑀕𑀦𑁆𑀥𑀁 𑀖𑀸𑀬𑀢𑀺… 𑀚𑀺𑀯𑁆𑀳𑀸𑀬 𑀭𑀲𑀁 𑀲𑀸𑀬𑀢𑀺…𑀧𑁂… 𑀓𑀸𑀬𑁂𑀦 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀏𑀓𑀁 𑀘𑀺𑀢𑁆𑀢𑀁 𑀤𑀺𑀯𑀲𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀅𑀪𑀺𑀓𑁆𑀓𑀫𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀧𑀝𑀺𑀓𑁆𑀓𑀫𑀢𑀺; 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀧𑀝𑀺𑀓𑁆𑀓𑀫𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀅𑀪𑀺𑀓𑁆𑀓𑀫𑀢𑀺; 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀆𑀮𑁄𑀓𑁂𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀯𑀺𑀮𑁄𑀓𑁂𑀢𑀺; 𑀬𑁂𑀦𑁂𑀯 ¶ 𑀘𑀺𑀢𑁆𑀢𑁂𑀦 𑀯𑀺𑀮𑁄𑀓𑁂𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀆𑀮𑁄𑀓𑁂𑀢𑀺; 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀲𑀫𑀺𑀜𑁆𑀚𑁂𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀧𑀲𑀸𑀭𑁂𑀢𑀺 ¶ ; 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀧𑀲𑀸𑀭𑁂𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀲𑀫𑀺𑀜𑁆𑀚𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁩𑁭. 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 ¶ 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀬𑀸𑀯𑀢𑀸𑀬𑀼𑀓𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀦𑀼𑀲𑁆𑀲𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀬𑀸𑀯𑀢𑀸𑀬𑀼𑀓𑀁 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀬𑀸𑀯𑀢𑀸𑀬𑀼𑀓𑀁 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀸𑀢𑀼𑀫𑀳𑀸𑀭𑀸𑀚𑀺𑀓𑀸𑀦𑀁 𑀤𑁂𑀯𑀸𑀦𑀁…𑀧𑁂… 𑀢𑀸𑀯𑀢𑀺𑀁𑀲𑀸𑀦𑀁 𑀤𑁂𑀯𑀸𑀦𑀁… 𑀬𑀸𑀫𑀸𑀦𑀁 𑀤𑁂𑀯𑀸𑀦𑀁… 𑀢𑀼𑀲𑀺𑀢𑀸𑀦𑀁 𑀤𑁂𑀯𑀸𑀦𑀁… 𑀦𑀺𑀫𑁆𑀫𑀸𑀦𑀭𑀢𑀻𑀦𑀁 𑀤𑁂𑀯𑀸𑀦𑀁… 𑀧𑀭𑀦𑀺𑀫𑁆𑀫𑀺𑀢𑀯𑀲𑀯𑀢𑁆𑀢𑀻𑀦𑀁 𑀤𑁂𑀯𑀸𑀦𑀁… 𑀩𑁆𑀭𑀳𑁆𑀫𑀧𑀸𑀭𑀺𑀲𑀚𑁆𑀚𑀸𑀦𑀁 𑀤𑁂𑀯𑀸𑀦𑀁… 𑀩𑁆𑀭𑀳𑁆𑀫𑀧𑀼𑀭𑁄𑀳𑀺𑀢𑀸𑀦𑀁 𑀤𑁂𑀯𑀸𑀦𑀁… 𑀫𑀳𑀸𑀩𑁆𑀭𑀳𑁆𑀫𑀸𑀦𑀁 𑀤𑁂𑀯𑀸𑀦𑀁… 𑀧𑀭𑀺𑀢𑁆𑀢𑀸𑀪𑀸𑀦𑀁 𑀤𑁂𑀯𑀸𑀦𑀁… 𑀅𑀧𑁆𑀧𑀫𑀸𑀡𑀸𑀪𑀸𑀦𑀁 𑀤𑁂𑀯𑀸𑀦𑀁… 𑀆𑀪𑀲𑁆𑀲𑀭𑀸𑀦𑀁 𑀤𑁂𑀯𑀸𑀦𑀁… 𑀧𑀭𑀺𑀢𑁆𑀢𑀲𑀼𑀪𑀸𑀦𑀁 𑀤𑁂𑀯𑀸𑀦𑀁… 𑀅𑀧𑁆𑀧𑀫𑀸𑀡𑀲𑀼𑀪𑀸𑀦𑀁 𑀤𑁂𑀯𑀸𑀦𑀁… 𑀲𑀼𑀪𑀓𑀺𑀡𑁆𑀳𑀸𑀦𑀁 𑀤𑁂𑀯𑀸𑀦𑀁 ¶ … 𑀯𑁂𑀳𑀧𑁆𑀨𑀮𑀸𑀦𑀁 𑀤𑁂𑀯𑀸𑀦𑀁… 𑀅𑀯𑀺𑀳𑀸𑀦𑀁 𑀤𑁂𑀯𑀸𑀦𑀁… 𑀅𑀢𑀧𑁆𑀧𑀸𑀦𑀁 𑀤𑁂𑀯𑀸𑀦𑀁… 𑀲𑀼𑀤𑀲𑁆𑀲𑀸𑀦𑀁 𑀤𑁂𑀯𑀸𑀦𑀁… 𑀲𑀼𑀤𑀲𑁆𑀲𑀻𑀦𑀁 𑀤𑁂𑀯𑀸𑀦𑀁… 𑀅𑀓𑀦𑀺𑀝𑁆𑀞𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀬𑀸𑀯𑀢𑀸𑀬𑀼𑀓𑀁 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 𑀤𑁂𑀯𑀸𑀦𑀁 𑀯𑀻𑀲𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀆𑀬𑀼𑀧𑁆𑀧𑀫𑀸𑀡𑀁, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀯𑀻𑀲𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀫𑀦𑀼𑀲𑁆𑀲𑀸𑀦𑀁 𑀯𑀲𑁆𑀲𑀲𑀢𑀁 𑀆𑀬𑀼𑀧𑁆𑀧𑀫𑀸𑀡𑀁, 𑀫𑀦𑀼𑀲𑁆𑀲𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀯𑀲𑁆𑀲𑀲𑀢𑀁 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 ¶ 𑀤𑁂𑀯𑀸𑀦𑀁 𑀯𑀻𑀲𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀆𑀬𑀼𑀧𑁆𑀧𑀫𑀸𑀡𑀁, 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀯𑀻𑀲𑀢𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀻𑀢𑀺? 𑀆𑀫𑀦𑁆𑀢𑀸. 𑀘𑀸𑀢𑀼𑀫𑀳𑀸𑀭𑀸𑀚𑀺𑀓𑀸𑀦𑀁 ¶ 𑀤𑁂𑀯𑀸𑀦𑀁 𑀧𑀜𑁆𑀘 𑀯𑀲𑁆𑀲𑀲𑀢𑀸𑀦𑀺 𑀆𑀬𑀼𑀧𑁆𑀧𑀫𑀸𑀡𑀁, 𑀘𑀸𑀢𑀼𑀫𑀳𑀸𑀭𑀸𑀚𑀺𑀓𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀧𑀜𑁆𑀘 𑀯𑀲𑁆𑀲𑀲𑀢𑀸𑀦𑀺 𑀢𑀺𑀝𑁆𑀞𑀢𑀺… 𑀯𑀲𑁆𑀲𑀲𑀳𑀲𑁆𑀲𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀲𑁄𑀴𑀲 𑀯𑀲𑁆𑀲𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀓𑀧𑁆𑀧𑀲𑁆𑀲 𑀢𑀢𑀺𑀬𑀪𑀸𑀕𑀁 𑀢𑀺𑀝𑁆𑀞𑀢𑀺… 𑀉𑀧𑀟𑁆𑀠𑀓𑀧𑁆𑀧𑀁 𑀢𑀺𑀝𑁆𑀞𑀢𑀺… 𑀏𑀓𑀁 𑀓𑀧𑁆𑀧𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑁄 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀲𑁄𑀴𑀲 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀩𑀸𑀢𑁆𑀢𑀺𑀁𑀲 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀘𑀢𑀼𑀲𑀝𑁆𑀞𑀺 𑀓𑀧𑁆𑀧𑁂 𑀢𑀺𑀝𑁆𑀞𑀢𑀺… 𑀧𑀜𑁆𑀘 𑀓𑀧𑁆𑀧𑀲𑀢𑀸𑀦𑀺 𑀢𑀺𑀝𑁆𑀞𑀢𑀺… 𑀓𑀧𑁆𑀧𑀲𑀳𑀲𑁆𑀲𑀁 𑀢𑀺𑀝𑁆𑀞𑀢𑀺… 𑀤𑁆𑀯𑁂 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀘𑀢𑁆𑀢𑀸𑀭𑀺 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀅𑀝𑁆𑀞 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀺… 𑀅𑀓𑀦𑀺𑀝𑁆𑀞𑀸𑀦𑀁 𑀤𑁂𑀯𑀸𑀦𑀁 𑀲𑁄𑀴𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀆𑀬𑀼𑀧𑁆𑀧𑀫𑀸𑀡𑀁, 𑀅𑀓𑀦𑀺𑀝𑁆𑀞𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀲𑁄𑀴𑀲 𑀓𑀧𑁆𑀧𑀲𑀳𑀲𑁆𑀲𑀸𑀦𑀺 𑀢𑀺𑀝𑁆𑀞𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 ¶ 𑀤𑁂𑀯𑀸𑀦𑀁 𑀘𑀺𑀢𑁆𑀢𑀁 𑀫𑀼𑀳𑀼𑀢𑁆𑀢𑀁 𑀫𑀼𑀳𑀼𑀢𑁆𑀢𑀁 𑀉𑀧𑁆𑀧𑀚𑁆𑀚𑀢𑀺 𑀫𑀼𑀳𑀼𑀢𑁆𑀢𑀁 𑀫𑀼𑀳𑀼𑀢𑁆𑀢𑀁 𑀦𑀺𑀭𑀼𑀚𑁆𑀛𑀢𑀻𑀢𑀺? 𑀆𑀫𑀦𑁆𑀢𑀸. 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸 𑀤𑁂𑀯𑀸 𑀫𑀼𑀳𑀼𑀢𑁆𑀢𑀁 𑀫𑀼𑀳𑀼𑀢𑁆𑀢𑀁 𑀘𑀯𑀦𑁆𑀢𑀺 𑀫𑀼𑀳𑀼𑀢𑁆𑀢𑀁 𑀫𑀼𑀳𑀼𑀢𑁆𑀢𑀁 𑀉𑀧𑁆𑀧𑀚𑁆𑀚𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸𑀦𑀁 𑀤𑁂𑀯𑀸𑀦𑀁 𑀏𑀓𑀁 𑀘𑀺𑀢𑁆𑀢𑀁 𑀬𑀸𑀯𑀢𑀸𑀬𑀼𑀓𑀁 𑀢𑀺𑀝𑁆𑀞𑀢𑀻𑀢𑀺 ¶ ? 𑀆𑀫𑀦𑁆𑀢𑀸. 𑀆𑀓𑀸𑀲𑀸𑀦𑀜𑁆𑀘𑀸𑀬𑀢𑀦𑀽𑀧𑀕𑀸 𑀤𑁂𑀯𑀸 𑀬𑁂𑀦𑁂𑀯 𑀘𑀺𑀢𑁆𑀢𑁂𑀦 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀢𑁂𑀦𑁂𑀯 𑀘𑀺𑀢𑁆𑀢𑁂𑀦 𑀘𑀯𑀦𑁆𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀘𑀺𑀢𑁆𑀢𑀝𑁆𑀞𑀺𑀢𑀺𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁭) 𑁮. 𑀓𑀼𑀓𑁆𑀓𑀼𑀴𑀓𑀣𑀸

𑁩𑁩𑁮. 𑀲𑀩𑁆𑀩𑁂 ¶ 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀅𑀢𑁆𑀣𑀺 𑀲𑀼𑀔𑀸 𑀯𑁂𑀤𑀦𑀸, 𑀓𑀸𑀬𑀺𑀓𑀁 𑀲𑀼𑀔𑀁, 𑀘𑁂𑀢𑀲𑀺𑀓𑀁 𑀲𑀼𑀔𑀁 ¶ , 𑀤𑀺𑀩𑁆𑀩𑀁 𑀲𑀼𑀔𑀁, 𑀫𑀸𑀦𑀼𑀲𑀓𑀁 𑀲𑀼𑀔𑀁, 𑀮𑀸𑀪𑀲𑀼𑀔𑀁, 𑀲𑀓𑁆𑀓𑀸𑀭𑀲𑀼𑀔𑀁, 𑀬𑀸𑀦𑀲𑀼𑀔𑀁, 𑀲𑀬𑀦𑀲𑀼𑀔𑀁, 𑀇𑀲𑁆𑀲𑀭𑀺𑀬𑀲𑀼𑀔𑀁, 𑀆𑀥𑀺𑀧𑀘𑁆𑀘𑀲𑀼𑀔𑀁, 𑀕𑀺𑀳𑀺𑀲𑀼𑀔𑀁, 𑀲𑀸𑀫𑀜𑁆𑀜𑀲𑀼𑀔𑀁, 𑀲𑀸𑀲𑀯𑀁 𑀲𑀼𑀔𑀁, 𑀅𑀦𑀸𑀲𑀯𑀁 𑀲𑀼𑀔𑀁, 𑀉𑀧𑀥𑀺𑀲𑀼𑀔𑀁, 𑀦𑀺𑀭𑀽𑀧𑀥𑀺𑀲𑀼𑀔𑀁, 𑀲𑀸𑀫𑀺𑀲𑀁 𑀲𑀼𑀔𑀁, 𑀦𑀺𑀭𑀸𑀫𑀺𑀲𑀁 𑀲𑀼𑀔𑀁, 𑀲𑀧𑁆𑀧𑀻𑀢𑀺𑀓𑀁 𑀲𑀼𑀔𑀁, 𑀦𑀺𑀧𑁆𑀧𑀻𑀢𑀺𑀓𑀁 𑀲𑀼𑀔𑀁, 𑀛𑀸𑀦𑀲𑀼𑀔𑀁, 𑀯𑀺𑀫𑀼𑀢𑁆𑀢𑀺𑀲𑀼𑀔𑀁, 𑀓𑀸𑀫𑀲𑀼𑀔𑀁, 𑀦𑁂𑀓𑁆𑀔𑀫𑁆𑀫𑀲𑀼𑀔𑀁, 𑀯𑀺𑀯𑁂𑀓𑀲𑀼𑀔𑀁, 𑀉𑀧𑀲𑀫𑀲𑀼𑀔𑀁, 𑀲𑀫𑁆𑀩𑁄𑀥𑀲𑀼𑀔𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀅𑀢𑁆𑀣𑀺 𑀲𑀼𑀔𑀸 𑀯𑁂𑀤𑀦𑀸…𑀧𑁂… 𑀲𑀫𑁆𑀩𑁄𑀥𑀲𑀼𑀔𑀁, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀤𑀼𑀓𑁆𑀔𑀸 𑀯𑁂𑀤𑀦𑀸 𑀓𑀸𑀬𑀺𑀓𑀁 𑀤𑀼𑀓𑁆𑀔𑀁 𑀘𑁂𑀢𑀲𑀺𑀓𑀁 𑀤𑀼𑀓𑁆𑀔𑀁 𑀲𑁄𑀓𑀧𑀭𑀺𑀤𑁂𑀯𑀤𑀼𑀓𑁆𑀔𑀤𑁄𑀫𑀦𑀲𑁆𑀲𑀉𑀧𑀸𑀬𑀸𑀲𑀸𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀲𑀩𑁆𑀩𑀁, 𑀪𑀺𑀓𑁆𑀔𑀯𑁂, 𑀆𑀤𑀺𑀢𑁆𑀢𑀁! 𑀓𑀺𑀜𑁆𑀘, 𑀪𑀺𑀓𑁆𑀔𑀯𑁂, 𑀲𑀩𑁆𑀩𑀁 𑀆𑀤𑀺𑀢𑁆𑀢𑀁? 𑀘𑀓𑁆𑀔𑀼𑀁, 𑀪𑀺𑀓𑁆𑀔𑀯𑁂, 𑀆𑀤𑀺𑀢𑁆𑀢𑀁, 𑀭𑀽𑀧𑀸 𑀆𑀤𑀺𑀢𑁆𑀢𑀸, 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 ¶ 𑀆𑀤𑀺𑀢𑁆𑀢𑀁, 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑁄 𑀆𑀤𑀺𑀢𑁆𑀢𑁄; 𑀬𑀫𑀺𑀤𑀁 [𑀬𑀫𑁆𑀧𑀺𑀤𑀁 (𑀲𑀁. 𑀦𑀺. 𑁪.𑁨𑁮)] 𑀘𑀓𑁆𑀔𑀼𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀬𑀺𑀢𑀁 𑀲𑀼𑀔𑀁 𑀯𑀸 𑀤𑀼𑀓𑁆𑀔𑀁 𑀯𑀸 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑀸, 𑀢𑀫𑁆𑀧𑀺 𑀆𑀤𑀺𑀢𑁆𑀢𑀁. 𑀓𑁂𑀦 𑀆𑀤𑀺𑀢𑁆𑀢𑀁? ‘𑀭𑀸𑀕𑀕𑁆𑀕𑀺𑀦𑀸 𑀤𑁄𑀲𑀕𑁆𑀕𑀺𑀦𑀸 𑀫𑁄𑀳𑀕𑁆𑀕𑀺𑀦𑀸 𑀆𑀤𑀺𑀢𑁆𑀢𑀁, 𑀚𑀸𑀢𑀺𑀬𑀸 𑀚𑀭𑀸𑀬 𑀫𑀭𑀡𑁂𑀦 𑀲𑁄𑀓𑁂𑀳𑀺 𑀧𑀭𑀺𑀤𑁂𑀯𑁂𑀳𑀺 𑀤𑀼𑀓𑁆𑀔𑁂𑀳𑀺 ¶ 𑀤𑁄𑀫𑀦𑀲𑁆𑀲𑁂𑀳𑀺 𑀉𑀧𑀸𑀬𑀸𑀲𑁂𑀳𑀺 𑀆𑀤𑀺𑀢𑁆𑀢’𑀦𑁆𑀢𑀺 𑀯𑀤𑀸𑀫𑀺. 𑀲𑁄𑀢𑀁 𑀆𑀤𑀺𑀢𑁆𑀢𑀁, 𑀲𑀤𑁆𑀤𑀸 𑀆𑀤𑀺𑀢𑁆𑀢𑀸…𑀧𑁂… 𑀖𑀸𑀦𑀁 𑀆𑀤𑀺𑀢𑁆𑀢𑀁, 𑀕𑀦𑁆𑀥𑀸 𑀆𑀤𑀺𑀢𑁆𑀢𑀸…𑀧𑁂… 𑀚𑀺𑀯𑁆𑀳𑀸 𑀆𑀤𑀺𑀢𑁆𑀢𑀸, 𑀭𑀲𑀸 𑀆𑀤𑀺𑀢𑁆𑀢𑀸…𑀧𑁂… 𑀓𑀸𑀬𑁄 𑀆𑀤𑀺𑀢𑁆𑀢𑁄, 𑀨𑁄𑀝𑁆𑀞𑀩𑁆𑀩𑀸 𑀆𑀤𑀺𑀢𑁆𑀢𑀸…𑀧𑁂… 𑀫𑀦𑁄 𑀆𑀤𑀺𑀢𑁆𑀢𑁄, 𑀥𑀫𑁆𑀫𑀸 𑀆𑀤𑀺𑀢𑁆𑀢𑀸, 𑀫𑀦𑁄𑀯𑀺𑀜𑁆𑀜𑀸𑀡𑀁 𑀆𑀤𑀺𑀢𑁆𑀢𑀁, 𑀫𑀦𑁄𑀲𑀫𑁆𑀨𑀲𑁆𑀲𑁄 𑀆𑀤𑀺𑀢𑁆𑀢𑁄; 𑀬𑀫𑀺𑀤𑀁 𑀫𑀦𑁄𑀲𑀫𑁆𑀨𑀲𑁆𑀲𑀧𑀘𑁆𑀘𑀬𑀸 𑀉𑀧𑁆𑀧𑀚𑁆𑀚𑀢𑀺 𑀯𑁂𑀤𑀬𑀺𑀢𑀁 𑀲𑀼𑀔𑀁 𑀯𑀸 𑀤𑀼𑀓𑁆𑀔𑀁 𑀯𑀸 𑀅𑀤𑀼𑀓𑁆𑀔𑀫𑀲𑀼𑀔𑀁 𑀯𑀸, 𑀢𑀫𑁆𑀧𑀺 𑀆𑀤𑀺𑀢𑁆𑀢𑀁. 𑀓𑁂𑀦 𑀆𑀤𑀺𑀢𑁆𑀢𑀁? ‘𑀭𑀸𑀕𑀕𑁆𑀕𑀺𑀦𑀸 𑀤𑁄𑀲𑀕𑁆𑀕𑀺𑀦𑀸 𑀫𑁄𑀳𑀕𑁆𑀕𑀺𑀦𑀸 𑀆𑀤𑀺𑀢𑁆𑀢𑀁, 𑀚𑀸𑀢𑀺𑀬𑀸 𑀚𑀭𑀸𑀬 𑀫𑀭𑀡𑁂𑀦 𑀲𑁄𑀓𑁂𑀳𑀺 𑀧𑀭𑀺𑀤𑁂𑀯𑁂𑀳𑀺 𑀤𑀼𑀓𑁆𑀔𑁂𑀳𑀺 𑀤𑁄𑀫𑀦𑀲𑁆𑀲𑁂𑀳𑀺 𑀉𑀧𑀸𑀬𑀸𑀲𑁂𑀳𑀺 𑀆𑀤𑀺𑀢𑁆𑀢’𑀦𑁆𑀢𑀺 𑀯𑀤𑀸𑀫𑀻’’𑀢𑀺 [𑀫𑀳𑀸𑀯. 𑁫𑁪; 𑀲𑀁. 𑀦𑀺. 𑁪.𑁨𑁮]. 𑀅𑀢𑁆𑀣𑁂𑀯 ¶ 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 ¶ 𑀳𑀺 𑀯𑀢𑁆𑀢𑀩𑁆𑀩𑀁 [𑀢𑁂𑀦 𑀳𑀺 (𑀲𑀻. 𑀲𑁆𑀬𑀸.), 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 (𑀓.)] 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀧𑀜𑁆𑀘𑀺𑀫𑁂, 𑀪𑀺𑀓𑁆𑀔𑀯𑁂, 𑀓𑀸𑀫𑀕𑀼𑀡𑀸! 𑀓𑀢𑀫𑁂 𑀧𑀜𑁆𑀘? 𑀘𑀓𑁆𑀔𑀼𑀯𑀺𑀜𑁆𑀜𑁂𑀬𑁆𑀬𑀸 𑀭𑀽𑀧𑀸 𑀇𑀝𑁆𑀞𑀸 𑀓𑀦𑁆𑀢𑀸 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸, 𑀲𑁄𑀢𑀯𑀺𑀜𑁆𑀜𑁂𑀬𑁆𑀬𑀸 𑀲𑀤𑁆𑀤𑀸…𑀧𑁂… 𑀖𑀸𑀦𑀯𑀺𑀜𑁆𑀜𑁂𑀬𑁆𑀬𑀸 𑀕𑀦𑁆𑀥𑀸… 𑀚𑀺𑀯𑁆𑀳𑀸𑀯𑀺𑀜𑁆𑀜𑁂𑀬𑁆𑀬𑀸 𑀭𑀲𑀸… 𑀓𑀸𑀬𑀯𑀺𑀜𑁆𑀜𑁂𑀬𑁆𑀬𑀸 𑀨𑁄𑀝𑁆𑀞𑀩𑁆𑀩𑀸 𑀇𑀝𑁆𑀞𑀸 𑀓𑀦𑁆𑀢𑀸 ¶ 𑀫𑀦𑀸𑀧𑀸 𑀧𑀺𑀬𑀭𑀽𑀧𑀸 𑀓𑀸𑀫𑀽𑀧𑀲𑀁𑀳𑀺𑀢𑀸 𑀭𑀚𑀦𑀻𑀬𑀸. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀧𑀜𑁆𑀘 𑀓𑀸𑀫𑀕𑀼𑀡𑀸’’𑀢𑀺 [𑀫. 𑀦𑀺. 𑁧.𑁧𑁬𑁬; 𑀲𑀁. 𑀦𑀺. 𑁪.𑁨𑁬𑁮]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀮𑀸𑀪𑀸 𑀯𑁄, 𑀪𑀺𑀓𑁆𑀔𑀯𑁂, 𑀲𑀼𑀮𑀤𑁆𑀥𑀁 𑀯𑁄, 𑀪𑀺𑀓𑁆𑀔𑀯𑁂, 𑀔𑀡𑁄 𑀯𑁄 𑀧𑀝𑀺𑀮𑀤𑁆𑀥𑁄 [𑀧𑀝𑀺𑀯𑀺𑀤𑁆𑀥𑁄 (𑀩𑀳𑀽𑀲𑀼)] 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑀸𑀬! 𑀤𑀺𑀝𑁆𑀞𑀸 𑀫𑀬𑀸, 𑀪𑀺𑀓𑁆𑀔𑀯𑁂, 𑀙 𑀨𑀲𑁆𑀲𑀸𑀬𑀢𑀦𑀺𑀓𑀸 𑀦𑀸𑀫 𑀦𑀺𑀭𑀬𑀸. 𑀢𑀢𑁆𑀣 𑀬𑀁 𑀓𑀺𑀜𑁆𑀘𑀺 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀅𑀦𑀺𑀝𑁆𑀞𑀭𑀽𑀧𑀜𑁆𑀜𑁂𑀯 𑀧𑀲𑁆𑀲𑀢𑀺 𑀦𑁄 𑀇𑀝𑁆𑀞𑀭𑀽𑀧𑀁, 𑀅𑀓𑀦𑁆𑀢𑀭𑀽𑀧𑀜𑁆𑀜𑁂𑀯 𑀧𑀲𑁆𑀲𑀢𑀺 𑀦𑁄 𑀓𑀦𑁆𑀢𑀭𑀽𑀧𑀁, 𑀅𑀫𑀦𑀸𑀧𑀭𑀽𑀧𑀜𑁆𑀜𑁂𑀯 𑀧𑀲𑁆𑀲𑀢𑀺 𑀦𑁄 𑀫𑀦𑀸𑀧𑀭𑀽𑀧𑀁. 𑀬𑀁 𑀓𑀺𑀜𑁆𑀘𑀺 𑀲𑁄𑀢𑁂𑀦 𑀲𑀤𑁆𑀤𑀁 𑀲𑀼𑀡𑀸𑀢𑀺…𑀧𑁂… 𑀖𑀸𑀦𑁂𑀦 𑀕𑀦𑁆𑀥𑀁 𑀖𑀸𑀬𑀢𑀺… 𑀚𑀺𑀯𑁆𑀳𑀸𑀬 𑀭𑀲𑀁 𑀲𑀸𑀬𑀢𑀺… 𑀓𑀸𑀬𑁂𑀦 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀺… 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀺, 𑀅𑀦𑀺𑀝𑁆𑀞𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 𑀦𑁄 𑀇𑀝𑁆𑀞𑀭𑀽𑀧𑀁, 𑀅𑀓𑀦𑁆𑀢𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 𑀦𑁄 𑀓𑀦𑁆𑀢𑀭𑀽𑀧𑀁, 𑀅𑀫𑀦𑀸𑀧𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 𑀦𑁄 𑀫𑀦𑀸𑀧𑀭𑀽𑀧’’𑀦𑁆𑀢𑀺 [𑀲𑀁. 𑀦𑀺. 𑁪.𑁧𑁩𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀯𑀢𑁆𑀢𑀩𑁆𑀩𑀁 [𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 (𑀲𑁆𑀬𑀸. 𑀓.)] 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀲𑀩𑁆𑀩𑁂 ¶ 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋 ‘‘𑀮𑀸𑀪𑀸 𑀯𑁄, 𑀪𑀺𑀓𑁆𑀔𑀯𑁂, 𑀲𑀼𑀮𑀤𑁆𑀥𑀁 𑀯𑁄, 𑀪𑀺𑀓𑁆𑀔𑀯𑁂, 𑀔𑀡𑁄 𑀯𑁄 𑀧𑀝𑀺𑀮𑀤𑁆𑀥𑁄 𑀩𑁆𑀭𑀳𑁆𑀫𑀘𑀭𑀺𑀬𑀯𑀸𑀲𑀸𑀬! 𑀤𑀺𑀝𑁆𑀞𑀸 𑀫𑀬𑀸, 𑀪𑀺𑀓𑁆𑀔𑀯𑁂, 𑀙 𑀨𑀲𑁆𑀲𑀸𑀬𑀢𑀦𑀺𑀓𑀸 ¶ 𑀦𑀸𑀫 𑀲𑀕𑁆𑀕𑀸. 𑀢𑀢𑁆𑀣 𑀬𑀁 𑀓𑀺𑀜𑁆𑀘𑀺 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀇𑀝𑁆𑀞𑀭𑀽𑀧𑀜𑁆𑀜𑁂𑀯 ¶ 𑀧𑀲𑁆𑀲𑀢𑀺 𑀦𑁄 𑀅𑀦𑀺𑀝𑁆𑀞𑀭𑀽𑀧𑀁, 𑀓𑀦𑁆𑀢𑀭𑀽𑀧𑀜𑁆𑀜𑁂𑀯 𑀧𑀲𑁆𑀲𑀢𑀺 𑀦𑁄 𑀅𑀓𑀦𑁆𑀢𑀭𑀽𑀧𑀁, 𑀫𑀦𑀸𑀧𑀭𑀽𑀧𑀜𑁆𑀜𑁂𑀯 𑀧𑀲𑁆𑀲𑀢𑀺 𑀦𑁄 𑀅𑀫𑀦𑀸𑀧𑀭𑀽𑀧𑀁. 𑀬𑀁 𑀓𑀺𑀜𑁆𑀘𑀺 𑀲𑁄𑀢𑁂𑀦 𑀲𑀤𑁆𑀤𑀁 𑀲𑀼𑀡𑀸𑀢𑀺…𑀧𑁂… 𑀖𑀸𑀦𑁂𑀦 𑀕𑀦𑁆𑀥𑀁 𑀖𑀸𑀬𑀢𑀺… 𑀚𑀺𑀯𑁆𑀳𑀸𑀬 𑀭𑀲𑀁 𑀲𑀸𑀬𑀢𑀺… 𑀓𑀸𑀬𑁂𑀦 𑀨𑁄𑀝𑁆𑀞𑀩𑁆𑀩𑀁 𑀨𑀼𑀲𑀢𑀺… 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀺, 𑀇𑀝𑁆𑀞𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 𑀦𑁄 𑀅𑀦𑀺𑀝𑁆𑀞𑀭𑀽𑀧𑀁, 𑀓𑀦𑁆𑀢𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 ¶ 𑀦𑁄 𑀅𑀓𑀦𑁆𑀢𑀭𑀽𑀧𑀁, 𑀫𑀦𑀸𑀧𑀭𑀽𑀧𑀜𑁆𑀜𑁂𑀯 𑀯𑀺𑀚𑀸𑀦𑀸𑀢𑀺 𑀦𑁄 𑀅𑀫𑀦𑀸𑀧𑀭𑀽𑀧’’𑀦𑁆𑀢𑀺 [𑀲𑀁. 𑀦𑀺. 𑁪.𑁧𑁩𑁫]. 𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺? 𑀆𑀫𑀦𑁆𑀢𑀸. 𑀦𑀦𑀼 ‘‘𑀬𑀤𑀦𑀺𑀘𑁆𑀘𑀁 𑀢𑀁 𑀤𑀼𑀓𑁆𑀔𑀁 [𑀲𑀁. 𑀦𑀺. 𑁩.𑁧𑁫],’’ 𑀯𑀼𑀢𑁆𑀢𑀁 𑀪𑀕𑀯𑀢𑀸, ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑀺𑀘𑁆𑀘𑀸’’𑀢𑀺 [𑀥. 𑀧. 𑁨𑁭𑁭; 𑀫. 𑀦𑀺. 𑁧.𑁩𑁫𑁬]? 𑀆𑀫𑀦𑁆𑀢𑀸. 𑀳𑀜𑁆𑀘𑀺 ‘‘𑀬𑀤𑀦𑀺𑀘𑁆𑀘𑀁 𑀢𑀁 𑀤𑀼𑀓𑁆𑀔𑀁,’’ 𑀯𑀼𑀢𑁆𑀢𑀁 𑀪𑀕𑀯𑀢𑀸, ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑀺𑀘𑁆𑀘𑀸,’’ 𑀢𑁂𑀦 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀤𑀸𑀦𑀁 𑀅𑀦𑀺𑀝𑁆𑀞𑀨𑀮𑀁 𑀅𑀓𑀦𑁆𑀢𑀨𑀮𑀁 𑀅𑀫𑀦𑀼𑀜𑁆𑀜𑀨𑀮𑀁 𑀲𑁂𑀘𑀦𑀓𑀨𑀮𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀻𑀮𑀁…𑀧𑁂… 𑀉𑀧𑁄𑀲𑀣𑁄…𑀧𑁂… 𑀪𑀸𑀯𑀦𑀸…𑀧𑁂… 𑀩𑁆𑀭𑀳𑁆𑀫𑀘𑀭𑀺𑀬𑀁 𑀅𑀦𑀺𑀝𑁆𑀞𑀨𑀮𑀁 𑀅𑀓𑀦𑁆𑀢𑀨𑀮𑀁 𑀅𑀫𑀦𑀼𑀜𑁆𑀜𑀨𑀮𑀁 𑀲𑁂𑀘𑀦𑀓𑀨𑀮𑀁 𑀤𑀼𑀓𑁆𑀔𑀼𑀤𑁆𑀭𑀬𑀁 𑀤𑀼𑀓𑁆𑀔𑀯𑀺𑀧𑀸𑀓𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀦𑀦𑀼 𑀤𑀸𑀦𑀁 𑀇𑀝𑁆𑀞𑀨𑀮𑀁 𑀓𑀦𑁆𑀢𑀨𑀮𑀁 𑀫𑀦𑀼𑀜𑁆𑀜𑀨𑀮𑀁 𑀅𑀲𑁂𑀘𑀦𑀓𑀨𑀮𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀦𑁆𑀢𑀺 ¶ ? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀤𑀸𑀦𑀁 𑀇𑀝𑁆𑀞𑀨𑀮𑀁 𑀓𑀦𑁆𑀢𑀨𑀮𑀁 𑀫𑀦𑀼𑀜𑁆𑀜𑀨𑀮𑀁 𑀅𑀲𑁂𑀘𑀦𑀓𑀨𑀮𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀁, 𑀦𑁄 ¶ 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀦𑀦𑀼 𑀲𑀻𑀮𑀁… 𑀉𑀧𑁄𑀲𑀣𑁄… 𑀪𑀸𑀯𑀦𑀸… 𑀩𑁆𑀭𑀳𑁆𑀫𑀘𑀭𑀺𑀬𑀁 𑀇𑀝𑁆𑀞𑀨𑀮𑀁 𑀓𑀦𑁆𑀢𑀨𑀮𑀁 𑀫𑀦𑀼𑀜𑁆𑀜𑀨𑀮𑀁 𑀅𑀲𑁂𑀘𑀦𑀓𑀨𑀮𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀦𑁆𑀢𑀺? 𑀆𑀫𑀦𑁆𑀢𑀸. 𑀳𑀜𑁆𑀘𑀺 𑀩𑁆𑀭𑀳𑁆𑀫𑀘𑀭𑀺𑀬𑀁 𑀇𑀝𑁆𑀞𑀨𑀮𑀁 𑀓𑀦𑁆𑀢𑀨𑀮𑀁 𑀫𑀦𑀼𑀜𑁆𑀜𑀨𑀮𑀁 𑀅𑀲𑁂𑀘𑀦𑀓𑀨𑀮𑀁 𑀲𑀼𑀔𑀼𑀤𑁆𑀭𑀬𑀁 𑀲𑀼𑀔𑀯𑀺𑀧𑀸𑀓𑀦𑁆𑀢𑀺, 𑀦𑁄 𑀘 𑀯𑀢 𑀭𑁂 𑀯𑀢𑁆𑀢𑀩𑁆𑀩𑁂 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀲𑀩𑁆𑀩𑁂 ¶ 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸𑀢𑀺? 𑀆𑀫𑀦𑁆𑀢𑀸. 𑀦𑀦𑀼 𑀯𑀼𑀢𑁆𑀢𑀁 𑀪𑀕𑀯𑀢𑀸 𑁋

‘‘𑀲𑀼𑀔𑁄 𑀯𑀺𑀯𑁂𑀓𑁄 𑀢𑀼𑀝𑁆𑀞𑀲𑁆𑀲, 𑀲𑀼𑀢𑀥𑀫𑁆𑀫𑀲𑁆𑀲 𑀧𑀲𑁆𑀲𑀢𑁄;

𑀅𑀩𑁆𑀬𑀸𑀧𑀚𑁆𑀚𑀁 𑀲𑀼𑀔𑀁 𑀮𑁄𑀓𑁂, 𑀧𑀸𑀡𑀪𑀽𑀢𑁂𑀲𑀼 𑀲𑀁𑀬𑀫𑁄.

‘‘𑀲𑀼𑀔𑀸 ¶ 𑀯𑀺𑀭𑀸𑀕𑀢𑀸 𑀮𑁄𑀓𑁂, 𑀓𑀸𑀫𑀸𑀦𑀁 𑀲𑀫𑀢𑀺𑀓𑁆𑀓𑀫𑁄;

𑀅𑀲𑁆𑀫𑀺𑀫𑀸𑀦𑀲𑁆𑀲 𑀬𑁄 𑀯𑀺𑀦𑀬𑁄, 𑀏𑀢𑀁 𑀯𑁂 𑀧𑀭𑀫𑀁 𑀲𑀼𑀔𑀁 [𑀫𑀳𑀸𑀯. 𑁫; 𑀉𑀤𑀸. 𑁧𑁧 𑀉𑀤𑀸𑀦𑁂 𑀘].

‘‘𑀢𑀁 𑀲𑀼𑀔𑁂𑀦 𑀲𑀼𑀔𑀁 𑀧𑀢𑁆𑀢𑀁, 𑀅𑀘𑁆𑀘𑀦𑁆𑀢𑀲𑀼𑀔𑀫𑁂𑀯 𑀢𑀁;

𑀢𑀺𑀲𑁆𑀲𑁄 𑀯𑀺𑀚𑁆𑀚𑀸 𑀅𑀦𑀼𑀧𑁆𑀧𑀢𑁆𑀢𑀸, 𑀏𑀢𑀁 𑀯𑁂 𑀧𑀭𑀫𑀁 𑀲𑀼𑀔’’𑀦𑁆𑀢𑀺.

𑀅𑀢𑁆𑀣𑁂𑀯 𑀲𑀼𑀢𑁆𑀢𑀦𑁆𑀢𑁄𑀢𑀺? 𑀆𑀫𑀦𑁆𑀢𑀸. 𑀢𑁂𑀦 𑀳𑀺 𑀦 𑀯𑀢𑁆𑀢𑀩𑁆𑀩𑀁 𑁋 ‘‘𑀲𑀩𑁆𑀩𑁂 𑀲𑀗𑁆𑀔𑀸𑀭𑀸 𑀅𑀦𑁄𑀥𑀺𑀁 𑀓𑀢𑁆𑀯𑀸 𑀓𑀼𑀓𑁆𑀓𑀼𑀴𑀸’’𑀢𑀺.

𑀓𑀼𑀓𑁆𑀓𑀼𑀴𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨. 𑀤𑀼𑀢𑀺𑀬𑀯𑀕𑁆𑀕𑁄

(𑁧𑁮) 𑁯. 𑀅𑀦𑀼𑀧𑀼𑀩𑁆𑀩𑀸𑀪𑀺𑀲𑀫𑀬𑀓𑀣𑀸

𑁩𑁩𑁯. 𑀅𑀦𑀼𑀧𑀼𑀩𑁆𑀩𑀸𑀪𑀺𑀲𑀫𑀬𑁄𑀢𑀺 ¶ ? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 ¶ 𑀲𑁄𑀢𑀸𑀧𑀢𑁆𑀢𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀦𑀼𑀧𑀼𑀩𑁆𑀩𑁂𑀦 𑀲𑁄𑀢𑀸𑀧𑀢𑁆𑀢𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀼𑀧𑀼𑀩𑁆𑀩𑀸𑀪𑀺𑀲𑀫𑀬𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀲𑀓𑀤𑀸𑀕𑀸𑀫𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀦𑀼𑀧𑀼𑀩𑁆𑀩𑁂𑀦 𑀲𑀓𑀤𑀸𑀕𑀸𑀫𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀲𑀓𑀤𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀼𑀧𑀼𑀩𑁆𑀩𑀸𑀪𑀺𑀲𑀫𑀬𑁄𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀦𑀸𑀕𑀸𑀫𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀦𑀸𑀕𑀸𑀫𑀺𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀅𑀦𑀼𑀧𑀼𑀩𑁆𑀩𑀸𑀪𑀺𑀲𑀫𑀬𑁄𑀢𑀺 ¶ ? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀭𑀳𑀢𑁆𑀢𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀭𑀳𑀢𑁆𑀢𑀫𑀕𑁆𑀕𑀁 𑀪𑀸𑀯𑁂𑀢𑀻𑀢𑀺? 𑀆𑀫𑀦𑁆𑀢𑀸. 𑀅𑀦𑀼𑀧𑀼𑀩𑁆𑀩𑁂𑀦 𑀅𑀭𑀳𑀢𑁆𑀢𑀨𑀮𑀁 𑀲𑀘𑁆𑀙𑀺𑀓𑀭𑁄𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑁩𑁪𑁦. 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 ¶ 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁, 𑀯𑀺𑀘𑀺𑀓𑀺𑀘𑁆𑀙𑀁, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 ¶ 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀲𑁄𑀢𑀸𑀧𑀦𑁆𑀦𑁄, 𑀘𑀢𑀼𑀪𑀸𑀕𑀁 𑀦 𑀲𑁄𑀢𑀸𑀧𑀦𑁆𑀦𑁄, 𑀘𑀢𑀼𑀪𑀸𑀕𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 ¶ 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀲𑀢𑁆𑀢𑀓𑁆𑀔𑀢𑁆𑀢𑀼𑀧𑀭𑀫𑁄 𑀓𑁄𑀮𑀗𑁆𑀓𑁄𑀮𑁄 𑀏𑀓𑀩𑀻𑀚𑀻 𑀩𑀼𑀤𑁆𑀥𑁂 𑀅𑀯𑁂𑀘𑁆𑀘𑀧𑁆𑀧𑀲𑀸𑀤𑁂𑀦 𑀲𑀫𑀦𑁆𑀦𑀸𑀕𑀢𑁄, 𑀥𑀫𑁆𑀫𑁂…𑀧𑁂… 𑀲𑀗𑁆𑀖𑁂…𑀧𑁂… 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀘𑀢𑀼𑀪𑀸𑀕𑀁 𑀦 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂.

𑀲𑀫𑀼𑀤𑀬𑀤𑀲𑁆𑀲𑀦𑁂𑀦…𑀧𑁂… 𑀦𑀺𑀭𑁄𑀥𑀤𑀲𑁆𑀲𑀦𑁂𑀦…𑀧𑁂… 𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀲𑀓𑁆𑀓𑀸𑀬𑀤𑀺𑀝𑁆𑀞𑀺𑀁, 𑀯𑀺𑀘𑀺𑀓𑀺𑀘𑁆𑀙𑀁, 𑀲𑀻𑀮𑀩𑁆𑀩𑀢𑀧𑀭𑀸𑀫𑀸𑀲𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀲𑁄𑀢𑀸𑀧𑀦𑁆𑀦𑁄, 𑀘𑀢𑀼𑀪𑀸𑀕𑀁 𑀦 𑀲𑁄𑀢𑀸𑀧𑀦𑁆𑀦𑁄, 𑀘𑀢𑀼𑀪𑀸𑀕𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀲𑀢𑁆𑀢𑀓𑁆𑀔𑀢𑁆𑀢𑀼𑀧𑀭𑀫𑁄 𑀓𑁄𑀮𑀗𑁆𑀓𑁄𑀮𑁄 𑀏𑀓𑀩𑀻𑀚𑀻 𑀩𑀼𑀤𑁆𑀥𑁂 𑀅𑀯𑁂𑀘𑁆𑀘𑀧𑁆𑀧𑀲𑀸𑀤𑁂𑀦 𑀲𑀫𑀦𑁆𑀦𑀸𑀕𑀢𑁄, 𑀥𑀫𑁆𑀫𑁂…𑀧𑁂… 𑀲𑀗𑁆𑀖𑁂…𑀧𑁂… 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄, 𑀘𑀢𑀼𑀪𑀸𑀕𑀁 𑀦 𑀅𑀭𑀺𑀬𑀓𑀦𑁆𑀢𑁂𑀳𑀺 𑀲𑀻𑀮𑁂𑀳𑀺 𑀲𑀫𑀦𑁆𑀦𑀸𑀕𑀢𑁄𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁪𑁧. 𑀲𑀓𑀤𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁, 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀲𑀓𑀤𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀲𑀓𑀤𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 ¶ 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂… 𑀲𑀫𑀼𑀤𑀬𑀤𑀲𑁆𑀲𑀦𑁂𑀦…𑀧𑁂… 𑀦𑀺𑀭𑁄𑀥𑀤𑀲𑁆𑀲𑀦𑁂𑀦…𑀧𑁂… 𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀑𑀴𑀸𑀭𑀺𑀓𑀁 𑀓𑀸𑀫𑀭𑀸𑀕𑀁, 𑀑𑀴𑀸𑀭𑀺𑀓𑀁 𑀩𑁆𑀬𑀸𑀧𑀸𑀤𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀲𑀓𑀤𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀲𑀓𑀤𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀲𑀓𑀤𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 ¶ 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺 ¶ , 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁪𑁨. 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 ¶ 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀅𑀡𑀼𑀲𑀳𑀕𑀢𑀁 𑀓𑀸𑀫𑀭𑀸𑀕𑀁, 𑀅𑀡𑀼𑀲𑀳𑀕𑀢𑀁 𑀩𑁆𑀬𑀸𑀧𑀸𑀤𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀅𑀦𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀅𑀦𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀅𑀦𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻…𑀧𑁂… 𑀉𑀧𑀳𑀘𑁆𑀘𑀧𑀭𑀺𑀦𑀺𑀩𑁆𑀩𑀸𑀬𑀻… 𑀅𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻… 𑀲𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻… 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀦 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦…𑀧𑁂… 𑀦𑀺𑀭𑁄𑀥𑀤𑀲𑁆𑀲𑀦𑁂𑀦…𑀧𑁂… 𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀅𑀡𑀼𑀲𑀳𑀕𑀢𑀁 𑀓𑀸𑀫𑀭𑀸𑀕𑀁, 𑀅𑀡𑀼𑀲𑀳𑀕𑀢𑀁 𑀩𑁆𑀬𑀸𑀧𑀸𑀤𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀅𑀦𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀅𑀦𑀸𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀅𑀦𑀸𑀕𑀸𑀫𑀺𑀨𑀮𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 ¶ 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀅𑀦𑁆𑀢𑀭𑀸𑀧𑀭𑀺𑀦𑀺𑀩𑁆𑀩𑀸𑀬𑀻…𑀧𑁂… 𑀉𑀧𑀳𑀘𑁆𑀘𑀧𑀭𑀺𑀦𑀺𑀩𑁆𑀩𑀸𑀬𑀻… 𑀅𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻… 𑀲𑀲𑀗𑁆𑀔𑀸𑀭𑀧𑀭𑀺𑀦𑀺𑀩𑁆𑀩𑀸𑀬𑀻… 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻, 𑀘𑀢𑀼𑀪𑀸𑀕𑀁 𑀦 𑀉𑀤𑁆𑀥𑀁𑀲𑁄𑀢𑁄 𑀅𑀓𑀦𑀺𑀝𑁆𑀞𑀕𑀸𑀫𑀻𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑁩𑁪𑁩. 𑀅𑀭𑀳𑀢𑁆𑀢𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀤𑀼𑀓𑁆𑀔𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀭𑀽𑀧𑀭𑀸𑀕𑀁, 𑀅𑀭𑀽𑀧𑀭𑀸𑀕𑀁, 𑀫𑀸𑀦𑀁, 𑀉𑀤𑁆𑀥𑀘𑁆𑀘𑀁, 𑀅𑀯𑀺𑀚𑁆𑀚𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘𑀢𑀼𑀪𑀸𑀕𑀁 𑀚𑀳𑀢𑀻𑀢𑀺. 𑀘𑀢𑀼𑀪𑀸𑀕𑀁 𑀅𑀭𑀳𑀸, 𑀘𑀢𑀼𑀪𑀸𑀕𑀁 𑀦 𑀅𑀭𑀳𑀸, 𑀘𑀢𑀼𑀪𑀸𑀕𑀁 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑁄 𑀧𑀝𑀺𑀮𑀤𑁆𑀥𑁄 𑀅𑀥𑀺𑀕𑀢𑁄 𑀲𑀘𑁆𑀙𑀺𑀓𑀢𑁄 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺, 𑀓𑀸𑀬𑁂𑀦 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀦 𑀓𑀸𑀬𑁂𑀦 ¶ 𑀨𑀼𑀲𑀺𑀢𑁆𑀯𑀸 𑀯𑀺𑀳𑀭𑀢𑀺, 𑀘𑀢𑀼𑀪𑀸𑀕𑀁 𑀯𑀻𑀢𑀭𑀸𑀕𑁄…𑀧𑁂… 𑀯𑀻𑀢𑀤𑁄𑀲𑁄… 𑀯𑀻𑀢𑀫𑁄𑀳𑁄…𑀧𑁂… 𑀓𑀢𑀓𑀭𑀡𑀻𑀬𑁄 𑀑𑀳𑀺𑀢𑀪𑀸𑀭𑁄 𑀅𑀦𑀼𑀧𑁆𑀧𑀢𑁆𑀢𑀲𑀤𑀢𑁆𑀣𑁄 𑀧𑀭𑀺𑀓𑁆𑀔𑀻𑀡𑀪𑀯𑀲𑀁𑀬𑁄𑀚𑀦𑁄 𑀲𑀫𑁆𑀫𑀤𑀜𑁆𑀜𑀸𑀯𑀺𑀫𑀼𑀢𑁆𑀢𑁄 𑀉𑀓𑁆𑀔𑀺𑀢𑁆𑀢𑀧𑀮𑀺𑀖𑁄 𑀲𑀗𑁆𑀓𑀺𑀡𑁆𑀡𑀧𑀭𑀺𑀔𑁄 𑀅𑀩𑁆𑀩𑀽𑀴𑁆𑀳𑁂𑀲𑀺𑀓𑁄 𑀦𑀺𑀭𑀕𑁆𑀕𑀴𑁄 𑀅𑀭𑀺𑀬𑁄 𑀧𑀦𑁆𑀦𑀤𑁆𑀥𑀚𑁄 𑀧𑀦𑁆𑀦𑀪𑀸𑀭𑁄 𑀯𑀺𑀲𑀜𑁆𑀜𑀼𑀢𑁆𑀢𑁄 𑀲𑀼𑀯𑀺𑀚𑀺𑀢𑀯𑀺𑀚𑀬𑁄, 𑀤𑀼𑀓𑁆𑀔𑀁 𑀢𑀲𑁆𑀲 𑀧𑀭𑀺𑀜𑁆𑀜𑀸𑀢𑀁, 𑀲𑀫𑀼𑀤𑀬𑁄 𑀧𑀳𑀻𑀦𑁄, 𑀦𑀺𑀭𑁄𑀥𑁄 𑀲𑀘𑁆𑀙𑀺𑀓𑀢𑁄, 𑀫𑀕𑁆𑀕𑁄 𑀪𑀸𑀯𑀺𑀢𑁄, 𑀅𑀪𑀺𑀜𑁆𑀜𑁂𑀬𑁆𑀬𑀁 𑀅𑀪𑀺𑀜𑁆𑀜𑀸𑀢𑀁, 𑀧𑀭𑀺𑀜𑁆𑀜𑁂𑀬𑁆𑀬𑀁 𑀧𑀭𑀺𑀜𑁆𑀜𑀸𑀢𑀁, 𑀧𑀳𑀸𑀢𑀩𑁆𑀩𑀁 𑀧𑀳𑀻𑀦𑀁, 𑀪𑀸𑀯𑁂𑀢𑀩𑁆𑀩𑀁 𑀪𑀸𑀯𑀺𑀢𑀁…𑀧𑁂… 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 ¶ 𑀲𑀘𑁆𑀙𑀺𑀓𑀢𑀁, 𑀘𑀢𑀼𑀪𑀸𑀕𑀁 𑀲𑀘𑁆𑀙𑀺𑀓𑀸𑀢𑀩𑁆𑀩𑀁 𑀦 𑀲𑀘𑁆𑀙𑀺𑀓𑀢𑀦𑁆𑀢𑀺? 𑀦 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂…𑀧𑁂….

𑀲𑀫𑀼𑀤𑀬𑀤𑀲𑁆𑀲𑀦𑁂𑀦 ¶ … 𑀦𑀺𑀭𑁄𑀥𑀤𑀲𑁆𑀲𑀦𑁂𑀦… 𑀫𑀕𑁆𑀕𑀤𑀲𑁆𑀲𑀦𑁂𑀦 𑀓𑀺𑀁 𑀚𑀳𑀢𑀻𑀢𑀺? 𑀭𑀽𑀧𑀭𑀸𑀕𑀁, 𑀅𑀭𑀽𑀧𑀭𑀸𑀕𑀁, 𑀫𑀸𑀦𑀁, 𑀉𑀤𑁆𑀥𑀘𑁆𑀘𑀁, 𑀅𑀯𑀺𑀚𑁆𑀚𑀁, 𑀢𑀤𑁂𑀓𑀝𑁆𑀞𑁂 𑀘 𑀓𑀺𑀮𑁂𑀲𑁂 𑀘