📜

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀦𑀺𑀭𑀼𑀢𑁆𑀢𑀺𑀤𑀻𑀧𑀦𑀻𑀧𑀸𑀞

𑀕𑀦𑁆𑀣𑀸𑀭𑀫𑁆𑀪

𑁧.

𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲 ¶ , 𑀥𑀫𑁆𑀫𑀓𑁆𑀔𑀦𑁆𑀥𑀸𑀧𑀪𑀗𑁆𑀓𑀭𑀸;

𑀮𑁄𑀓𑀫𑁆𑀳𑀺 𑀬𑀲𑁆𑀲 𑀚𑁄𑀢𑀦𑁆𑀢𑀺, 𑀦𑀦𑁆𑀢𑀯𑀡𑁆𑀡𑀧𑀪𑀲𑁆𑀲𑀭𑀸.

𑁨.

𑀅𑀦𑀦𑁆𑀢𑀯𑀡𑁆𑀡𑀁 𑀲𑀫𑁆𑀩𑀼𑀤𑁆𑀥𑀁, 𑀯𑀦𑁆𑀤𑁂 𑀦𑀺𑀭𑀼𑀢𑁆𑀢𑀺𑀧𑀸𑀭𑀕𑀼𑀁;

𑀲𑀤𑁆𑀥𑀫𑁆𑀫𑀜𑁆𑀘𑀲𑁆𑀲 𑀲𑀗𑁆𑀖𑀜𑁆𑀘, 𑀯𑀺𑀲𑀼𑀤𑁆𑀥𑀯𑀡𑁆𑀡𑀪𑀸𑀚𑀦𑀁.

𑁩.

𑀫𑁄𑀕𑁆𑀕𑀮𑁆𑀮𑀸𑀦𑁄 𑀫𑀳𑀸𑀜𑀸𑀡𑀻, 𑀦𑀺𑀭𑀼𑀢𑁆𑀢𑀸𑀭𑀜𑁆𑀜𑀓𑁂𑀲𑀭𑀻;

𑀦𑀤𑀺 𑀩𑁆𑀬𑀸𑀓𑀭𑀡𑀁𑀦𑀸𑀤𑀁, 𑀲𑁄𑀕𑀢𑀸𑀭𑀜𑁆𑀜𑀩𑁆𑀬𑀸𑀧𑀦𑀁.

𑁪.

𑀢𑀲𑁆𑀲𑀢𑁆𑀣𑀁 𑀤𑀻𑀧𑀬𑀺𑀲𑁆𑀲𑀸𑀫𑀺, 𑀦𑀸𑀦𑀸𑀭𑀸𑀲𑀺𑀁𑀯𑀺𑀪𑀸𑀚𑀬𑀁;

𑀑𑀕𑀸𑀬𑁆𑀳 𑀲𑀤𑁆𑀤𑀲𑀢𑁆𑀣𑀸𑀦𑀺, 𑀦𑀯𑀗𑁆𑀕𑀁 𑀲𑀢𑁆𑀣𑀼𑀲𑀸𑀲𑀦𑀦𑁆𑀢𑀺.

𑁧. 𑀲𑀦𑁆𑀥𑀺𑀓𑀡𑁆𑀟

𑀲𑀜𑁆𑀜𑀸𑀭𑀸𑀲𑀺

𑀕𑀭𑀼𑀲𑀜𑁆𑀜𑀸𑀭𑀸𑀲𑀺

𑀯𑀡𑁆𑀡𑁄 ¶ , 𑀲𑀭𑁄, 𑀲𑀯𑀡𑁆𑀡𑁄, 𑀤𑀻𑀖𑁄, 𑀭𑀲𑁆𑀲𑁄, 𑀩𑁆𑀬𑀜𑁆𑀚𑀦𑁄, 𑀯𑀕𑁆𑀕𑁄, 𑀦𑀺𑀕𑁆𑀕𑀳𑀻𑀢𑀁.

𑁧. 𑀅𑀆𑀤𑀬𑁄 𑀢𑀺𑀢𑀸𑀮𑀻𑀲𑀁 [𑀢𑀺𑀢𑀸𑀮𑀻𑀲 (𑀩𑀳𑀽𑀲𑀼)] 𑀯𑀡𑁆𑀡𑀸 [𑀓. 𑁨; 𑀭𑀽. 𑁨; 𑀦𑀻. 𑁧, 𑁨].

𑀅𑀆𑀤𑀬𑁄 𑀩𑀺𑀦𑁆𑀤𑀦𑁆𑀢𑀸 𑀢𑁂𑀘𑀢𑁆𑀢𑀸𑀮𑀻𑀲𑀓𑁆𑀔𑀭𑀸 𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺.

𑀅, 𑀆, 𑀇, 𑀈, 𑀉, 𑀊, 𑀏𑀢, 𑀏, 𑀑𑀢, 𑀑. 𑀓, 𑀔, 𑀕, 𑀖, 𑀗, 𑀘, 𑀙, 𑀚, 𑀛, 𑀜, 𑀝, 𑀞, 𑀟, 𑀠, 𑀡, 𑀢, 𑀣, 𑀤, 𑀥, 𑀦, 𑀧, 𑀨, 𑀩, 𑀪, 𑀫, 𑀬, 𑀭, 𑀮,𑀯 𑀲, 𑀳, 𑀴, 𑀅𑀁. 𑀅𑀢𑁆𑀣𑀁 𑀯𑀡𑁆𑀡𑁂𑀦𑁆𑀢𑀺 𑀧𑀓𑀸𑀲𑁂𑀦𑁆𑀢𑀻𑀢𑀺 𑀯𑀡𑁆𑀡𑀸, 𑀅𑀓𑁆𑀔𑀭𑀸𑀢𑀺 𑀘 𑀯𑀼𑀘𑁆𑀘𑀦𑁆𑀢𑀺, 𑀦𑀸𑀫𑀧𑀜𑁆𑀜𑀢𑁆𑀢𑀺𑀭𑀽𑀧𑀢𑁆𑀢𑀸 𑀦𑀓𑁆𑀔𑀭𑀦𑁆𑀢𑀺 𑀔𑀬𑀯𑀬𑀁 𑀦 𑀕𑀘𑁆𑀙𑀦𑁆𑀢𑀻𑀢𑀺 𑀅𑀓𑁆𑀔𑀭𑀸. ‘‘𑀦𑀸𑀫𑀕𑁄𑀢𑁆𑀢𑀁 𑀦 𑀚𑀻𑀭𑀢𑀻’’𑀢𑀺 [𑀲𑀁. 𑀦𑀺. 𑁧.𑁭𑁬] 𑀳𑀺 𑀯𑀼𑀢𑁆𑀢𑀁.

𑁨. 𑀤𑀲𑀸𑀤𑁄 𑀲𑀭𑀸 [𑀓. 𑁩; 𑀭𑀽. 𑁩; 𑀦𑀻. 𑁩].

𑀢𑁂𑀲𑀼 𑀯𑀡𑁆𑀡𑁂𑀲𑀼 𑀆𑀤𑀺𑀫𑁆𑀳𑀺 𑀤𑀲 𑀯𑀡𑁆𑀡𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺. 𑀲𑀬𑀫𑁂𑀯 𑀮𑀤𑁆𑀥𑀲𑀭𑀽𑀧𑀸 𑀳𑀼𑀢𑁆𑀯𑀸 𑀭𑀸𑀚𑀦𑁆𑀢𑀺 𑀯𑀺𑀭𑁄𑀘𑀦𑁆𑀢𑀻𑀢𑀺 𑀲𑀭𑀸.

𑁩. 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸.

𑀢𑁂𑀲𑀼 𑀲𑀭𑁂𑀲𑀼 𑀤𑁆𑀯𑁂 𑀤𑁆𑀯𑁂𑀲𑀭𑀸 𑀲𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺.

𑀅, 𑀆 𑀅𑀯𑀡𑁆𑀡𑁄, 𑀇, 𑀈 𑀇𑀯𑀡𑁆𑀡𑁄, 𑀉, 𑀊 𑀉𑀯𑀡𑁆𑀡𑁄, 𑀏𑀢, 𑀏 𑀏𑀢𑀯𑀡𑁆𑀡𑁄, 𑀑𑀢, 𑀑 𑀑𑀢𑀯𑀡𑁆𑀡𑁄. 𑀲𑀫𑀸𑀦𑁄 𑀯𑀡𑁆𑀡𑁄 𑀲𑀼𑀢𑀺 𑀏𑀢𑁂𑀲𑀦𑁆𑀢𑀺 𑀲𑀯𑀡𑁆𑀡𑀸, 𑀲𑀭𑀽𑀧𑀸𑀢𑀺 𑀘 𑀯𑀼𑀘𑁆𑀘𑀦𑁆𑀢𑀺, 𑀲𑀫𑀸𑀦𑀁 𑀭𑀽𑀧𑀁 𑀲𑀼𑀢𑀺 𑀏𑀢𑁂𑀲𑀦𑁆𑀢𑀺 𑀲𑀭𑀽𑀧𑀸.

𑁪. 𑀧𑀼𑀩𑁆𑀩𑁄 𑀭𑀲𑁆𑀲𑁄 [𑀓. 𑁪; 𑀭𑀽. 𑁪; 𑀦𑀻. 𑁪.𑁨𑁨].

𑀤𑁆𑀯𑀻𑀲𑀼 ¶ 𑀤𑁆𑀯𑀻𑀲𑀼 𑀲𑀯𑀡𑁆𑀡𑁂𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄 𑀳𑁄𑀢𑀺, 𑀲𑁄 𑀲𑁄 𑀭𑀲𑁆𑀲𑁄 𑀦𑀸𑀫 𑀳𑁄𑀢𑀺. 𑀭𑀲𑁆𑀲𑁂𑀦 𑀓𑀸𑀮𑁂𑀦 𑀯𑀢𑁆𑀢𑀩𑁆𑀩𑀸𑀢𑀺 𑀭𑀲𑁆𑀲𑀸, 𑀭𑀲𑁆𑀲𑀓𑀸𑀮𑁄 𑀦𑀸𑀫 𑀅𑀓𑁆𑀔𑀺𑀤𑀮𑀸𑀦𑀁 𑀉𑀫𑁆𑀫𑀺𑀲𑀦𑀦𑀺𑀫𑁆𑀫𑀺𑀲𑀦𑀲𑀫𑀓𑀸𑀮𑁄.

𑀢𑀢𑁆𑀣 𑀏𑀢, 𑀑𑀢 𑀇𑀢𑀺 𑀤𑁆𑀯𑁂 𑀏𑀓𑀧𑀤𑀲𑀁𑀬𑁄𑀕𑁂 𑀧𑀭𑁂 𑀓𑁆𑀯𑀘𑀺 𑀮𑀩𑁆𑀪𑀦𑁆𑀢𑀺. 𑀏𑀝𑁆𑀞𑀺, 𑀲𑁂𑀝𑁆𑀞𑁄, 𑀑𑀝𑁆𑀞𑁄, 𑀲𑁄𑀢𑁆𑀣𑀺.

𑀏𑀓𑀧𑀤𑀲𑀁𑀬𑁄𑀕𑁂𑀢𑀺 𑀓𑀺𑀁? 𑀧𑀤𑀦𑁆𑀢𑀭𑀲𑀁𑀬𑁄𑀕𑁂 𑀧𑀭𑁂 𑀭𑀲𑁆𑀲𑀸 𑀫𑀸 𑀳𑁄𑀦𑁆𑀢𑀽𑀢𑀺. 𑀫𑀁 𑀘𑁂 𑀢𑁆𑀯𑀁 𑀦𑀺𑀔𑀡𑀁 𑀯𑀦𑁂, [𑀚𑀸. 𑁨.𑁨𑁨.𑁫] 𑀧𑀼𑀢𑁆𑀢𑁄 𑀢𑁆𑀬𑀸𑀳𑀁 𑀫𑀳𑀸𑀭𑀸𑀚 [𑀚𑀸. 𑁧.𑁧.𑁭].

𑀓𑁆𑀯𑀘𑀻𑀢𑀺 𑀓𑀺𑀁? 𑀏𑀓𑀧𑀤𑀲𑀁𑀬𑁄𑀕𑁂𑀧𑀺 𑀯𑀕𑁆𑀕𑀦𑁆𑀢𑁂𑀲𑀼 𑀯𑀸 𑀬, 𑀭, 𑀮, 𑀯𑁂𑀲𑀼 𑀯𑀸 𑀧𑀭𑁂𑀲𑀼 𑀭𑀲𑁆𑀲𑀸 𑀫𑀸 𑀳𑁄𑀦𑁆𑀢𑀽𑀢𑀺. 𑀏𑀦𑁆𑀢𑀺, 𑀲𑁂𑀦𑁆𑀢𑀺, 𑀏𑀬𑁆𑀬, 𑀪𑀸𑀲𑁂𑀬𑁆𑀬, 𑀫𑁂𑀡𑁆𑀟𑁄, 𑀲𑁄𑀡𑁆𑀟𑁄.

𑁫. 𑀧𑀭𑁄 𑀤𑀻𑀖𑁄 [𑀓. 𑁫; 𑀭𑀽. 𑁫; 𑀦𑀻. 𑁫].

𑀤𑁆𑀯𑀻𑀲𑀼 𑀤𑁆𑀯𑀻𑀲𑀼 𑀲𑀯𑀡𑁆𑀡𑁂𑀲𑀼 𑀬𑁄 𑀬𑁄 𑀧𑀭𑁄 𑀳𑁄𑀢𑀺, 𑀲𑁄 𑀲𑁄 𑀤𑀻𑀖𑁄 𑀦𑀸𑀫 𑀳𑁄𑀢𑀺. 𑀤𑀻𑀖𑁂𑀦 𑀓𑀸𑀮𑁂𑀦 𑀯𑀢𑁆𑀢𑀩𑁆𑀩𑀸𑀢𑀺 𑀤𑀻𑀖𑀸, 𑀤𑀻𑀖𑀓𑀸𑀮𑁄 𑀦𑀸𑀫 𑀭𑀲𑁆𑀲𑁂𑀳𑀺 𑀤𑀺𑀕𑀼𑀡𑀓𑀸𑀮𑁄.

𑁬. 𑀓𑀸𑀤𑀬𑁄 𑀩𑁆𑀬𑀜𑁆𑀚𑀦𑀸 [𑀓. 𑁬; 𑀭𑀽. 𑁮; 𑀦𑀻. 𑁬].

𑀢𑁂𑀲𑀼 𑀯𑀡𑁆𑀡𑁂𑀲𑀼 𑀓𑀸𑀤𑀬𑁄 𑀩𑀺𑀦𑁆𑀤𑀦𑁆𑀢𑀸 𑀯𑀡𑁆𑀡𑀸 𑀩𑁆𑀬𑀜𑁆𑀚𑀦𑀸 𑀦𑀸𑀫 𑀳𑁄𑀦𑁆𑀢𑀺. 𑀅𑀢𑁆𑀣𑀁 𑀩𑁆𑀬𑀜𑁆𑀚𑀬𑀦𑁆𑀢𑀻𑀢𑀺 𑀩𑁆𑀬𑀜𑁆𑀚𑀦𑀸. 𑀢𑁂 𑀧𑀦 𑀲𑀼𑀤𑁆𑀥𑀸 𑀅𑀤𑁆𑀥𑀫𑀢𑁆𑀢𑀺𑀓𑀸, 𑀭𑀲𑁆𑀲𑀬𑀼𑀢𑁆𑀢𑀸 𑀤𑀺𑀬𑀤𑁆𑀥𑀫𑀢𑁆𑀢𑀺𑀓𑀸, 𑀤𑀻𑀖𑀬𑀼𑀢𑁆𑀢𑀸 𑀢𑀺𑀬𑀤𑁆𑀥𑀫𑀢𑁆𑀢𑀺𑀓𑀸.

𑁭. 𑀧𑀜𑁆𑀘𑀧𑀜𑁆𑀘𑀓𑀸 𑀯𑀕𑁆𑀕𑀸 [𑀓. 𑁭; 𑀭𑀽 𑁯; 𑀦𑀻. 𑁭].

𑀢𑁂𑀲𑀼 𑀩𑁆𑀬𑀜𑁆𑀚𑀦𑁂𑀲𑀼 𑀓𑀸𑀤𑀺-𑀫𑀦𑁆𑀢𑀸 𑀧𑀜𑁆𑀘𑀩𑁆𑀬𑀜𑁆𑀚𑀦𑀧𑀜𑁆𑀘𑀓𑀸 𑀯𑀕𑁆𑀕𑀸 𑀦𑀸𑀫 𑀳𑁄𑀦𑁆𑀢𑀺.

𑀓𑀸𑀤𑀺 ¶ 𑀧𑀜𑁆𑀘𑀓𑁄 𑀓𑀯𑀕𑁆𑀕𑁄, 𑀘𑀸𑀤𑀺 𑀘 𑀯𑀕𑁆𑀕𑁄, 𑀝𑀸𑀤𑀺 𑀝𑀯𑀕𑁆𑀕𑁄, 𑀢𑀸𑀤𑀺 𑀢𑀯𑀕𑁆𑀕𑁄, 𑀧𑀸𑀤𑀺 𑀧𑀯𑀕𑁆𑀕𑁄. 𑀲𑁂𑀲𑀸 𑀅𑀯𑀕𑁆𑀕𑀸𑀢𑀺 𑀲𑀺𑀤𑁆𑀥𑀁. 𑀯𑀡𑁆𑀡𑀼𑀤𑁆𑀤𑁂𑀲𑁂 𑀏𑀓𑀝𑁆𑀞𑀸𑀦𑀺𑀓𑀸𑀦𑀁 𑀩𑁆𑀬𑀜𑁆𑀚𑀦𑀸𑀦𑀁 𑀯𑀕𑁆𑀕𑁂 𑀲𑀫𑀽𑀳𑁂 𑀦𑀺𑀬𑀼𑀢𑁆𑀢𑀸𑀢𑀺 𑀯𑀕𑁆𑀕𑀸.

𑁮. 𑀩𑀺𑀦𑁆𑀤𑀼 𑀦𑀺𑀕𑁆𑀕𑀳𑀻𑀢𑀁 [𑀓. 𑁮; 𑀭𑀽. 𑁧𑁦; 𑀦𑀻. 𑁮].

𑀅𑀦𑁆𑀢𑁂 𑀩𑀺𑀦𑁆𑀤𑀼𑀫𑀢𑁆𑀢𑁄 𑀯𑀡𑁆𑀡𑁄 𑀦𑀺𑀕𑁆𑀕𑀳𑀻𑀢𑀁 𑀦𑀸𑀫. 𑀦𑀺𑀕𑁆𑀕𑀬𑁆𑀳 𑀕𑀬𑁆𑀳𑀢𑀺 𑀉𑀘𑁆𑀘𑀸𑀭𑀺𑀬𑀢𑀻𑀢𑀺 𑀦𑀺𑀕𑁆𑀕𑀳𑀻𑀢𑀁.

𑀕𑀭𑀼𑀲𑀜𑁆𑀜𑀸𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀩𑁆𑀬𑀜𑁆𑀚𑀦𑀯𑀼𑀢𑁆𑀢𑀺𑀭𑀸𑀲𑀺

𑀞𑀸𑀦𑀁, 𑀓𑀭𑀡𑀁, 𑀧𑀬𑀢𑀦𑀁 [𑀭𑀽. 𑁨 (𑀧𑀺𑀝𑁆𑀞𑁂); 𑀦𑀻 𑁬 (𑀧𑀺𑀝𑁆𑀞𑁂); 𑁨𑁩 (𑀲𑀼𑀢𑁆𑀢𑀗𑁆𑀓𑁂)].

𑀙 𑀞𑀸𑀦𑀸𑀦𑀺 𑁋 𑀓𑀡𑁆𑀞𑀝𑁆𑀞𑀸𑀦𑀁, 𑀢𑀸𑀮𑀼𑀝𑁆𑀞𑀸𑀦𑀁, 𑀫𑀼𑀤𑁆𑀥𑀝𑁆𑀞𑀸𑀦𑀁, 𑀤𑀦𑁆𑀢𑀝𑁆𑀞𑀸𑀦𑀁, 𑀑𑀝𑁆𑀞𑀝𑁆𑀞𑀸𑀦𑀁, 𑀦𑀸𑀲𑀺𑀓𑀝𑁆𑀞𑀸𑀦𑀁. 𑀢𑁂𑀲𑀼 𑀩𑁆𑀬𑀢𑁆𑀢𑀁 𑀯𑀤𑀦𑁆𑀢𑁂𑀦 𑀬𑀢𑁆𑀣 ‘‘𑀅𑀓𑁆𑀔’’𑀦𑁆𑀢𑀺 𑀯𑀼𑀘𑁆𑀘𑀢𑀺, 𑀢𑀁 𑀓𑀡𑁆𑀞𑀝𑁆𑀞𑀸𑀦𑀁. 𑀬𑀢𑁆𑀣 ‘‘𑀇𑀘𑁆𑀙’’𑀦𑁆𑀢𑀺, 𑀢𑀁 𑀢𑀸𑀮𑀼𑀝𑁆𑀞𑀸𑀦𑀁. 𑀬𑀢𑁆𑀣 ‘‘𑀭𑀝𑁆𑀞’’𑀦𑁆𑀢𑀺, 𑀢𑀁 𑀫𑀼𑀤𑁆𑀥𑀝𑁆𑀞𑀸𑀦𑀁. 𑀬𑀢𑁆𑀣 ‘‘𑀲𑀢𑁆𑀣’’𑀦𑁆𑀢𑀺, 𑀢𑀁 𑀤𑀦𑁆𑀢𑀝𑁆𑀞𑀸𑀦𑀁. 𑀬𑀢𑁆𑀣 ‘‘𑀧𑀼𑀧𑁆𑀨’’𑀦𑁆𑀢𑀺 𑀯𑀼𑀘𑁆𑀘𑀢𑀺, 𑀢𑀁 𑀑𑀝𑁆𑀞𑀝𑁆𑀞𑀸𑀦𑀁. 𑀦𑀸𑀲𑀧𑀤𑁂𑀲𑁄 𑀦𑀸𑀲𑀺𑀓𑀝𑁆𑀞𑀸𑀦𑀁.

𑀓𑀢𑁆𑀣𑀘𑀺 𑀧𑀦 𑀉𑀭𑀝𑁆𑀞𑀸𑀦𑀁, 𑀲𑀺𑀭𑀝𑁆𑀞𑀸𑀦𑀁, 𑀚𑀺𑀯𑁆𑀳𑀸𑀫𑀽𑀮𑀝𑁆𑀞𑀸𑀦𑀦𑁆𑀢𑀺𑀧𑀺 𑀆𑀕𑀢𑀁. 𑀢𑀢𑁆𑀣 𑀲𑀺𑀭𑀝𑁆𑀞𑀸𑀦𑀁 𑀦𑀸𑀫 𑀫𑀼𑀤𑁆𑀥𑀝𑁆𑀞𑀸𑀦𑀫𑁂𑀯. 𑀚𑀺𑀯𑁆𑀳𑀸𑀫𑀽𑀮𑀝𑁆𑀞𑀸𑀦𑀁 𑀧𑀦 𑀲𑀩𑁆𑀩𑀯𑀡𑁆𑀡𑀸𑀦𑀁 𑀲𑀸𑀥𑀸𑀭𑀡𑀦𑁆𑀢𑀺 𑀯𑀤𑀦𑁆𑀢𑀺.

𑀓𑀭𑀡𑀁 𑀘𑀢𑀼𑀩𑁆𑀩𑀺𑀥𑀁 𑁋 𑀚𑀺𑀯𑁆𑀳𑀸𑀫𑀽𑀮𑀁, 𑀚𑀺𑀯𑁆𑀳𑁄𑀧𑀕𑁆𑀕𑀁, 𑀚𑀺𑀯𑁆𑀳𑀕𑁆𑀕𑀁, 𑀲𑀓𑀝𑁆𑀞𑀸𑀦𑀦𑁆𑀢𑀺.

𑀧𑀬𑀢𑀦𑀁 𑀘𑀢𑀼𑀩𑁆𑀩𑀺𑀥𑀁 𑁋 𑀲𑀁𑀯𑀼𑀝𑀁, 𑀯𑀺𑀯𑀝𑀁, 𑀨𑀼𑀝𑁆𑀞𑀁, 𑀈𑀲𑀁𑀨𑀼𑀝𑁆𑀞𑀦𑁆𑀢𑀺. 𑀢𑀢𑁆𑀣 𑀓𑀭𑀡𑀸𑀦𑀁 𑀲𑀓𑀲𑀓𑀝𑁆𑀞𑀸𑀦𑁂𑀳𑀺 𑀲𑀤𑁆𑀥𑀺𑀁 𑀲𑀁𑀯𑀭𑀡𑀸𑀤𑀺𑀓𑁄 𑀯𑀺𑀲𑁂𑀲𑀸𑀓𑀸𑀭𑁄 𑀲𑀁𑀯𑀼𑀝𑀸𑀤𑀺 𑀦𑀸𑀫.

𑀢𑀢𑁆𑀣 𑀓𑀡𑁆𑀞𑀧𑀤𑁂𑀲𑀸𑀦𑀁 𑀅𑀜𑁆𑀜𑀫𑀜𑁆𑀜𑀁 𑀲𑀗𑁆𑀖𑀝𑁆𑀝𑀦𑁂𑀦 𑀉𑀧𑁆𑀧𑀦𑁆𑀦𑀸 𑀅𑀯𑀡𑁆𑀡, 𑀓𑀯𑀕𑁆𑀕, 𑀳𑀓𑀸𑀭𑀸 𑀓𑀡𑁆𑀞𑀚𑀸 𑀦𑀸𑀫. 𑀢𑀸𑀮𑀼𑀫𑁆𑀳𑀺 𑀚𑀺𑀯𑁆𑀳𑀸𑀫𑀚𑁆𑀛𑀲𑀗𑁆𑀖𑀝𑁆𑀝𑀦𑁂𑀦 𑀉𑀧𑁆𑀧𑀦𑁆𑀦𑀸 𑀇𑀯𑀡𑁆𑀡, 𑀘𑀯𑀕𑁆𑀕, 𑀬𑀓𑀸𑀭𑀸 𑀢𑀸𑀮𑀼𑀚𑀸 𑀦𑀸𑀫. 𑀫𑀼𑀔𑀩𑁆𑀪𑀦𑁆𑀢𑀭𑀫𑀼𑀤𑁆𑀥𑀫𑁆𑀳𑀺 ¶ 𑀚𑀺𑀯𑁆𑀳𑁄𑀧𑀕𑁆𑀕𑀲𑀗𑁆𑀖𑀝𑁆𑀝𑀦𑁂𑀦 𑀉𑀧𑁆𑀧𑀦𑁆𑀦𑀸 𑀝𑀯𑀕𑁆𑀕, 𑀭, 𑀴𑀓𑀸𑀭𑀸 𑀫𑀼𑀤𑁆𑀥𑀚𑀸 𑀦𑀸𑀫. 𑀉𑀧𑀭𑀺 𑀤𑀦𑁆𑀢𑀧𑀦𑁆𑀢𑀺𑀬𑀁 𑀚𑀺𑀯𑁆𑀳𑀕𑁆𑀕𑀲𑀗𑁆𑀖𑀝𑁆𑀝𑀦𑁂𑀦 𑀉𑀧𑁆𑀧𑀦𑁆𑀦𑀸 𑀢𑀯𑀕𑁆𑀕, 𑀮, 𑀲𑀓𑀸𑀭𑀸 𑀤𑀦𑁆𑀢𑀚𑀸 𑀦𑀸𑀫. 𑀑𑀝𑁆𑀞𑀤𑁆𑀯𑀬𑀲𑀗𑁆𑀖𑀝𑁆𑀝𑀦𑁂𑀦 𑀉𑀧𑁆𑀧𑀦𑁆𑀦𑀸 𑀉𑀯𑀡𑁆𑀡, 𑀧𑀯𑀕𑁆𑀕𑀸 𑀑𑀝𑁆𑀞𑀚𑀸 𑀦𑀸𑀫. 𑀦𑀺𑀕𑁆𑀕𑀳𑀻𑀢𑀁 𑀦𑀸𑀲𑀺𑀓𑀚𑀁 𑀦𑀸𑀫. 𑀧𑀜𑁆𑀘𑀯𑀕𑁆𑀕𑀦𑁆𑀢𑀸 𑀧𑀦 𑀦𑀸𑀲𑀺𑀓𑀝𑁆𑀞𑀸𑀦𑁂𑀧𑀺 𑀲𑀓𑀝𑁆𑀞𑀸𑀦𑁂𑀧𑀺 𑀚𑀸𑀬𑀦𑁆𑀢𑀺. 𑀏𑀓𑀸𑀭𑁄 𑀓𑀡𑁆𑀞𑀢𑀸𑀮𑀼𑀚𑁄. 𑀑𑀓𑀸𑀭𑁄 𑀓𑀡𑁆𑀞𑁄𑀝𑁆𑀞𑀚𑁄. 𑀯𑀓𑀸𑀭𑁄 𑀤𑀦𑁆𑀢𑁄𑀝𑁆𑀞𑀚𑁄. 𑀅𑀧𑀺𑀘 𑀇𑀯𑀡𑁆𑀡𑀼𑀯𑀡𑁆𑀡𑀸 𑀓𑀡𑁆𑀞𑁂𑀧𑀺 𑀚𑀸𑀬𑀦𑁆𑀢𑀺𑀬𑁂𑀯. 𑀬𑀤𑀸 𑀳𑀓𑀸𑀭𑁄 𑀯𑀕𑁆𑀕𑀦𑁆𑀢𑁂𑀳𑀺 𑀯𑀸 𑀬, 𑀭, 𑀮, 𑀯𑁂𑀳𑀺 𑀯𑀸 𑀬𑀼𑀢𑁆𑀢𑁄 𑀳𑁄𑀢𑀺, 𑀢𑀤𑀸 𑀉𑀭𑀚𑁄𑀢𑀺 𑀯𑀤𑀦𑁆𑀢𑀺. 𑀧𑀜𑁆𑀳𑁄, 𑀢𑀼𑀡𑁆𑀳𑀺, 𑀦𑁆𑀳𑀸𑀢𑁄, 𑀯𑀺𑀫𑁆𑀳𑀺𑀢𑁄, 𑀕𑀬𑁆𑀳𑀢𑁂, 𑀯𑀼𑀮𑁆𑀳𑀢𑁂, 𑀅𑀯𑁆𑀳𑀸𑀦𑀁.

𑀓𑀡𑁆𑀞𑀁 𑀲𑀁𑀯𑀭𑀺𑀢𑁆𑀯𑀸 𑀉𑀘𑁆𑀘𑀸𑀭𑀺𑀢𑁄 𑀅𑀓𑀸𑀭𑁄 𑀲𑀁𑀯𑀼𑀝𑁄 𑀦𑀸𑀫. 𑀲𑀓𑀲𑀓𑀝𑁆𑀞𑀸𑀦, 𑀓𑀭𑀡𑀸𑀦𑀺 𑀯𑀺𑀯𑀭𑀺𑀢𑁆𑀯𑀸 𑀉𑀘𑁆𑀘𑀸𑀭𑀺𑀢𑀸 𑀲𑁂𑀲𑀲𑀭𑀸 𑀘 𑀲, 𑀳𑀓𑀸𑀭𑀸 𑀘 𑀯𑀺𑀯𑀝𑀸 𑀦𑀸𑀫. 𑀢𑀸𑀦𑀺𑀬𑁂𑀯 𑀕𑀸𑀴𑁆𑀳𑀁 𑀨𑀼𑀲𑀸𑀧𑁂𑀢𑁆𑀯𑀸 𑀉𑀘𑁆𑀘𑀸𑀭𑀺𑀢𑀸 𑀧𑀜𑁆𑀘𑀯𑀕𑁆𑀕𑀸 𑀨𑀼𑀝𑁆𑀞𑀸 𑀦𑀸𑀫. 𑀣𑁄𑀓𑀁 𑀨𑀼𑀲𑀸𑀧𑁂𑀢𑁆𑀯𑀸 𑀉𑀘𑁆𑀘𑀸𑀭𑀺𑀢𑀸 𑀬, 𑀭, 𑀮, 𑀯𑀸 𑀈𑀲𑀁𑀨𑀼𑀝𑁆𑀞𑀸 𑀦𑀸𑀫. 𑀢𑀢𑁆𑀣 𑀑𑀝𑁆𑀞𑀚𑁂𑀲𑀼 𑀢𑀸𑀯 𑀧𑀯𑀕𑁆𑀕𑀁 𑀯𑀤𑀦𑁆𑀢𑀸𑀦𑀁 𑀑𑀝𑁆𑀞𑀤𑁆𑀯𑀬𑀲𑁆𑀲 𑀕𑀸𑀴𑁆𑀳𑀁 𑀨𑀼𑀲𑀦𑀁 𑀇𑀘𑁆𑀙𑀺𑀢𑀩𑁆𑀩𑀁. 𑀓𑀲𑁆𑀫𑀸? 𑀨𑀼𑀝𑁆𑀞𑀧𑀬𑀢𑀦𑀺𑀓𑀢𑁆𑀢𑀸 𑀧𑀯𑀕𑁆𑀕𑀲𑁆𑀲. 𑀉𑀯𑀡𑁆𑀡𑀁 𑀯𑀤𑀦𑁆𑀢𑀸𑀦𑀁 𑀧𑀦 𑀑𑀝𑁆𑀞𑀤𑁆𑀯𑀬𑀲𑁆𑀲 𑀯𑀺𑀯𑀭𑀡𑀁 𑀇𑀘𑁆𑀙𑀺𑀢𑀩𑁆𑀩𑀁. 𑀓𑀲𑁆𑀫𑀸? 𑀯𑀺𑀯𑀝𑀧𑀬𑀢𑀦𑀺𑀓𑀢𑁆𑀢𑀸 𑀉𑀯𑀡𑁆𑀡𑀲𑁆𑀲. 𑀏𑀲 𑀦𑀬𑁄 𑀲𑁂𑀲𑁂𑀲𑀼 𑀲𑀩𑁆𑀩𑁂𑀲𑀽𑀢𑀺.

𑀘𑀽𑀴𑀦𑀺𑀭𑀼𑀢𑁆𑀢𑀺𑀬𑀁 𑀧𑀦 𑀲𑀩𑁆𑀩𑁂 𑀭𑀲𑁆𑀲𑀲𑀭𑀸 𑀲𑀁𑀯𑀼𑀝𑀸 𑀦𑀸𑀫, 𑀲𑀩𑁆𑀩𑁂𑀤𑀻𑀖𑀲𑀭𑀸 𑀯𑀺𑀯𑀝𑀸 𑀦𑀸𑀫𑀸𑀢𑀺 𑀯𑀼𑀢𑁆𑀢𑀁. 𑀢𑀣𑀸 𑀲𑀤𑁆𑀤𑀲𑀸𑀭𑀢𑁆𑀣𑀚𑀸𑀮𑀺𑀦𑀺𑀬𑀁, 𑀓𑀢𑁆𑀣𑀘𑀺 𑀲𑀓𑁆𑀓𑀝𑀕𑀦𑁆𑀣𑁂 𑀘. 𑀇𑀤𑀁 𑀬𑀼𑀢𑁆𑀢𑀢𑀭𑀁. 𑀅𑀜𑁆𑀜𑀝𑁆𑀞𑀸𑀦𑀺𑀓𑀩𑁆𑀬𑀜𑁆𑀚𑀦𑁂𑀳𑀺 𑀬𑀼𑀢𑁆𑀢𑀸 𑀲𑀭𑀸 𑀅𑀢𑁆𑀢𑀦𑁄 𑀞𑀸𑀦, 𑀓𑀭𑀡𑀸𑀦𑀺 𑀚𑀳𑀦𑁆𑀢𑀸𑀧𑀺 𑀧𑀬𑀢𑀦𑀁 𑀦 𑀚𑀳𑀦𑁆𑀢𑀺. 𑀢𑀲𑁆𑀫𑀸 𑀦𑀸𑀦𑀸𑀯𑀡𑁆𑀡𑀸𑀦𑀁 𑀲𑀁𑀲𑀕𑁆𑀕𑁂 𑀧𑀬𑀢𑀦𑀸𑀦𑀁 𑀲𑀁𑀲𑀕𑁆𑀕𑀪𑁂𑀤𑁄𑀧𑀺 𑀯𑁂𑀤𑀺𑀢𑀩𑁆𑀩𑁄𑀢𑀺. 𑀢𑀢𑁆𑀣 ‘‘𑀲𑀼𑀡𑀸𑀢𑀼 𑀫𑁂’’𑀢𑀺 𑀯𑀤𑀦𑁆𑀢𑁄 𑀬𑀤𑀺 𑀡𑀸-𑀓𑀸𑀭𑀁 𑀚𑀺𑀯𑁆𑀳𑀕𑁆𑀕𑁂𑀦 𑀤𑀦𑁆𑀢𑀝𑁆𑀞𑀸𑀦𑁂 𑀓𑀢𑁆𑀯𑀸 𑀯𑀤𑁂𑀬𑁆𑀬, 𑀤𑀦𑁆𑀢𑀚𑁄 𑀦𑀸-𑀓𑀸𑀭𑁄 𑀏𑀯 𑀪𑀯𑁂𑀬𑁆𑀬. 𑀢𑀼-𑀓𑀸𑀭𑀜𑁆𑀘 𑀚𑀺𑀯𑁆𑀳𑁄𑀧𑀕𑁆𑀕𑁂𑀦 𑀫𑀼𑀤𑁆𑀥𑀝𑁆𑀞𑀸𑀦𑁂 𑀓𑀢𑁆𑀯𑀸 𑀯𑀤𑁂𑀬𑁆𑀬, 𑀫𑀼𑀤𑁆𑀥𑀚𑁄 𑀝𑀼-𑀓𑀸𑀭𑁄 𑀏𑀯 𑀪𑀯𑁂𑀬𑁆𑀬. 𑀏𑀯𑀜𑁆𑀘 𑀲𑀢𑀺 𑀅𑀓𑁆𑀔𑀭𑀯𑀺𑀧𑀢𑁆𑀢𑀺 𑀦𑀸𑀫 𑀲𑀺𑀬𑀸. 𑀏𑀲 𑀦𑀬𑁄 𑀲𑁂𑀲𑁂𑀲𑀼 𑀫𑀼𑀤𑁆𑀥𑀚𑀤𑀦𑁆𑀢𑀚𑁂𑀲𑀼. 𑀢𑀲𑁆𑀫𑀸 𑀓𑀫𑁆𑀫𑀯𑀸𑀘𑀁 𑀲𑀸𑀯𑁂𑀦𑁆𑀢𑁂𑀳𑀺 𑀦𑀸𑀫 𑀞𑀸𑀦, 𑀓𑀭𑀡, 𑀧𑀬𑀢𑀦𑁂𑀲𑀼 𑀲𑀼𑀝𑁆𑀞𑀼 𑀓𑀼𑀲𑀮𑁂𑀳𑀺 𑀪𑀯𑀺𑀢𑀩𑁆𑀩𑀦𑁆𑀢𑀺.

𑀲𑀺𑀣𑀺𑀮𑀜𑁆𑀘 ¶ , 𑀥𑀦𑀺𑀢𑀜𑁆𑀘, 𑀤𑀻𑀖𑀁, 𑀭𑀲𑁆𑀲𑀁, 𑀕𑀭𑀼𑀁, 𑀮𑀳𑀼𑀁;

𑀦𑀺𑀕𑁆𑀕𑀳𑀻𑀢𑀁, 𑀯𑀺𑀫𑀼𑀢𑁆𑀢𑀜𑁆𑀘, 𑀲𑀫𑁆𑀩𑀦𑁆𑀥𑀜𑁆𑀘, 𑀯𑀯𑀢𑁆𑀣𑀺𑀢𑀁 [𑀦𑀻. 𑁯, 𑁧𑁦, 𑁧𑁧, 𑁧𑁨, 𑁧𑁩, 𑁧𑁪, 𑁧𑁫, 𑁧𑁬-𑁧𑁯, 𑁨𑁦, 𑁨𑁧 𑀲𑀼𑀢𑁆𑀢𑁂𑀲𑀼 𑀧𑀲𑁆𑀲𑀺𑀢𑀩𑁆𑀩𑀁].

𑀫𑀼𑀤𑀼𑀦𑀸 𑀯𑀘𑀻𑀧𑀬𑁄𑀕𑁂𑀦 𑀯𑀢𑁆𑀢𑀩𑁆𑀩𑀸 𑀯𑀕𑁆𑀕𑀧𑀞𑀫, 𑀢𑀢𑀺𑀬, 𑀧𑀜𑁆𑀘𑀫𑀸 𑀲𑀺𑀣𑀺𑀮𑀸 𑀦𑀸𑀫. 𑀣𑀤𑁆𑀥𑁂𑀦 𑀯𑀘𑀻𑀧𑀬𑁄𑀕𑁂𑀦 𑀯𑀢𑁆𑀢𑀩𑁆𑀩𑀸 𑀯𑀕𑁆𑀕𑀤𑀼𑀢𑀺𑀬, 𑀘𑀢𑀼𑀢𑁆𑀣𑀸 𑀥𑀦𑀺𑀢𑀸 𑀦𑀸𑀫. 𑀤𑀻𑀖, 𑀭𑀲𑁆𑀲𑀸 𑀧𑀼𑀩𑁆𑀩𑁂 𑀯𑀼𑀢𑁆𑀢𑀸. 𑀤𑀻𑀖𑀸 𑀘𑁂𑀯 𑀲𑀁𑀬𑁄𑀕𑀧𑀼𑀩𑁆𑀩𑀸 𑀘 𑀦𑀺𑀕𑁆𑀕𑀳𑀻𑀢𑀦𑁆𑀢𑀸 𑀘 𑀕𑀭𑀼𑀓𑀸 𑀦𑀸𑀫. 𑀲𑁂𑀲𑀸 𑀮𑀳𑀼𑀓𑀸 𑀦𑀸𑀫. 𑀬𑀣𑀸 𑀲𑀤𑁆𑀤𑀲𑀳𑀺𑀢𑁄 𑀯𑀸𑀢𑁄 𑀫𑀼𑀔𑀙𑀺𑀤𑁆𑀤𑁂𑀦 𑀩𑀳𑀺 𑀅𑀦𑀺𑀓𑁆𑀔𑀫𑁆𑀫 𑀦𑀸𑀲𑀲𑁄𑀢𑀸𑀪𑀺𑀫𑀼𑀔𑁄 𑀳𑁄𑀢𑀺, 𑀢𑀣𑀸 𑀫𑀼𑀔𑀁 𑀅𑀯𑀺𑀯𑀝𑀁 𑀓𑀢𑁆𑀯𑀸 𑀯𑀢𑁆𑀢𑀩𑁆𑀩𑀁 𑀩𑁆𑀬𑀜𑁆𑀚𑀦𑀁 𑀦𑀺𑀕𑁆𑀕𑀳𑀻𑀢𑀁 𑀦𑀸𑀫. 𑀢𑁂𑀦 𑀬𑀼𑀢𑁆𑀢𑀸𑀦𑀺 𑀲𑀩𑁆𑀩𑀩𑁆𑀬𑀜𑁆𑀚𑀦𑀸𑀦𑀺 𑀦𑀺𑀕𑁆𑀕𑀳𑀻𑀢𑀦𑁆𑀢𑀸𑀦𑀺 𑀦𑀸𑀫. 𑀲𑁂𑀲𑀸 𑀯𑀺𑀫𑀼𑀢𑁆𑀢𑀸 𑀦𑀸𑀫. 𑀧𑀤𑀲𑀦𑁆𑀥𑀺𑀯𑀲𑁂𑀦 𑀯𑀢𑁆𑀢𑀩𑁆𑀩𑀁 𑀲𑀫𑁆𑀩𑀦𑁆𑀥𑀁 𑀦𑀸𑀫. 𑀧𑀤𑀘𑁆𑀙𑁂𑀤𑀁 𑀓𑀢𑁆𑀯𑀸 𑀯𑀢𑁆𑀢𑀩𑁆𑀩𑀁 𑀯𑀯𑀢𑁆𑀣𑀺𑀢𑀁 𑀦𑀸𑀫.

𑀩𑁆𑀬𑀜𑁆𑀚𑀦𑀯𑀼𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀮𑀳𑀼𑀲𑀜𑁆𑀜𑀸𑀭𑀸𑀲𑀺

𑀛𑁄, 𑀮𑁄, 𑀧𑁄, 𑀖𑁄, 𑀕𑁄.

𑁯. 𑀬𑀼𑀯𑀡𑁆𑀡𑀸 [𑀇𑀬𑀼𑀯𑀡𑁆𑀡𑀸 (𑀩𑀳𑀽𑀲𑀼)] 𑀛𑀮𑀸 𑀦𑀸𑀫𑀲𑁆𑀲𑀦𑁆𑀢𑁂 [𑀓. 𑁫𑁮; 𑀭𑀽. 𑁨𑁯; 𑀦𑀻. 𑁨𑁦𑁫].

𑀅𑀦𑀺𑀢𑁆𑀣𑀺𑀮𑀺𑀗𑁆𑀕𑀲𑁆𑀲 𑀦𑀸𑀫𑀲𑁆𑀲 𑀅𑀦𑁆𑀢𑁂 𑀇𑀯𑀡𑁆𑀡𑀼𑀯𑀡𑁆𑀡𑀸 𑀓𑀫𑁂𑀦 𑀛𑀮𑀲𑀜𑁆𑀜𑀸 𑀳𑁄𑀦𑁆𑀢𑀺.

𑁧𑁦. 𑀧𑀺𑀢𑁆𑀣𑀺𑀬𑀁 [𑀓. 𑁫𑁯; 𑀭𑀽. 𑁧𑁮𑁨; 𑀦𑀻. 𑁨𑁦𑁬].

𑀇𑀢𑁆𑀣𑀺𑀮𑀺𑀗𑁆𑀕𑁂 𑀦𑀸𑀫𑀲𑁆𑀲𑀦𑁆𑀢𑁂 𑀇𑀯𑀡𑁆𑀡𑀼𑀯𑀡𑁆𑀡𑀸 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺.

𑁧𑁧. 𑀖𑀸 [𑀓. 𑁬𑁦; 𑀭𑀽. 𑁧𑁭𑁭; 𑀦𑀻. 𑁨𑁦𑁭].

𑀖𑁄

¶ , 𑀆 𑀇𑀢𑀺 𑀤𑁆𑀯𑀺𑀧𑀤𑀁. 𑀇𑀢𑁆𑀣𑀺𑀮𑀺𑀗𑁆𑀕𑁂 𑀆𑀓𑀸𑀭𑁄 𑀖𑀲𑀜𑁆𑀜𑁄 𑀳𑁄𑀢𑀺.

𑁧𑁨. 𑀕𑁄 𑀲𑁆𑀬𑀸𑀮𑀧𑀦𑁂 [𑀓. 𑁫𑁭; 𑀭𑀽. 𑁭𑁧; 𑀦𑀻. 𑁨𑁧𑁪].

𑀆𑀮𑀧𑀦𑁂 𑀲𑀺 𑀕𑀲𑀜𑁆𑀜𑁄 𑀳𑁄𑀢𑀺.

𑀮𑀳𑀼𑀲𑀜𑁆𑀜𑀸𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀲𑀗𑁆𑀓𑁂𑀢𑀭𑀸𑀲𑀺

𑁧𑁩. 𑀯𑀺𑀥𑀺 𑀯𑀺𑀲𑁂𑀲𑀦𑀁 𑀬𑀁 𑀢𑀲𑁆𑀲 [𑀘𑀁. 𑁧.𑁧.𑁬; 𑀧𑀸. 𑁧.𑁧.𑁭𑁨; 𑀯𑀺𑀥𑀺𑀩𑁆𑀩𑀺𑀲𑁂𑀲𑀦𑀦𑁆𑀢𑀲𑁆𑀲 (𑀩𑀳𑀽𑀲𑀼)].

𑀲𑀼𑀢𑁆𑀢𑁂 𑀬𑀁 𑀯𑀺𑀲𑁂𑀲𑀦𑀁 𑀤𑀺𑀲𑁆𑀲𑀢𑀺, 𑀢𑀲𑁆𑀲 𑀯𑀺𑀥𑀺 𑀜𑀸𑀢𑀩𑁆𑀩𑁄.

‘𑀅𑀢𑁄 𑀬𑁄𑀦𑀁 𑀝𑀸𑀝𑁂’. 𑀦𑀭𑀸, 𑀦𑀭𑁂. 𑀬𑁄𑀦𑀦𑁆𑀢𑀺 𑀯𑀺𑀲𑁂𑀲𑀦𑀁. 𑀝𑀸𑀝𑁂𑀢𑀺 𑀯𑀺𑀥𑀺.

𑁧𑁪. 𑀲𑀢𑁆𑀢𑀫𑀺𑀬𑀁 𑀧𑀼𑀩𑁆𑀩𑀲𑁆𑀲 [𑀭𑀽. 𑁮 (𑀧𑀺𑀝𑁆𑀞𑁂); 𑀘𑀁. 𑁧.𑁧.𑁭; 𑀧𑀸. 𑁧.𑁧.𑁬𑁬].

𑀲𑀢𑁆𑀢𑀫𑀻𑀦𑀺𑀤𑁆𑀤𑁂𑀲𑁂 𑀧𑀼𑀩𑁆𑀩𑀯𑀡𑁆𑀡𑀲𑁆𑀲𑁂𑀯 𑀯𑀺𑀥𑀺 𑀜𑀸𑀢𑀩𑁆𑀩𑁄.

‘𑀲𑀭𑁄 𑀮𑁄𑀧𑁄 𑀲𑀭𑁂’. 𑀮𑁄𑀓𑀕𑁆𑀕𑁄 [𑀅𑀧. 𑀣𑁂𑀭 𑁧.𑁧𑁨.𑁫𑁭].

𑁧𑁫. 𑀧𑀜𑁆𑀘𑀫𑀺𑀬𑀁 𑀧𑀭𑀲𑁆𑀲 [𑀘𑀁. 𑁧.𑁧.𑁮; 𑀧𑀸. 𑁧.𑁧.𑁬𑁭].

𑀧𑀜𑁆𑀘𑀫𑀻𑀦𑀺𑀤𑁆𑀤𑁂𑀲𑁂 𑀧𑀭𑀲𑁆𑀲𑁂𑀯 𑀯𑀺𑀥𑀺 𑀜𑀸𑀢𑀩𑁆𑀩𑁄.

‘𑀅𑀢𑁄 𑀬𑁄𑀦𑀁 𑀝𑀸𑀝𑁂’. 𑀦𑀭𑀸, 𑀦𑀭𑁂.

𑁧𑁬. 𑀆𑀤𑀺𑀲𑁆𑀲 [𑀘𑀁. 𑁧.𑁧.𑁯; 𑀧𑀸. 𑁧.𑁧.𑁫𑁪].

𑀧𑀭𑀲𑁆𑀲 𑀲𑀺𑀲𑁆𑀲𑀫𑀸𑀦𑁄 [𑀤𑀺𑀲𑁆𑀲𑀫𑀸𑀦𑁄 (𑀫𑀽)] 𑀯𑀺𑀥𑀺 𑀆𑀤𑀺𑀯𑀡𑁆𑀡𑀲𑁆𑀲 𑀜𑀸𑀢𑀩𑁆𑀩𑁄.

‘𑀭 ¶ 𑀲𑀗𑁆𑀔𑁆𑀬𑀸𑀢𑁄 𑀯𑀸’. 𑀢𑁂𑀭𑀲.

𑁧𑁭. 𑀙𑀝𑁆𑀞𑀺𑀬𑀦𑁆𑀢𑀲𑁆𑀲 [𑀘𑀁. 𑁧.𑁧.𑁧𑁦; 𑀧𑀸. 𑁧.𑁧.𑁫𑁨].

𑀙𑀝𑁆𑀞𑀻𑀦𑀺𑀤𑁆𑀤𑁂𑀲𑁂 𑀢𑀤𑀦𑁆𑀢𑀲𑁆𑀲 𑀯𑀺𑀥𑀺 𑀜𑀸𑀢𑀩𑁆𑀩𑁄.

‘𑀭𑀸𑀚𑀲𑁆𑀲𑀺 𑀦𑀸𑀫𑁆𑀳𑀺’. 𑀭𑀸𑀚𑀺𑀦𑀸.

𑁧𑁮. 𑀗𑀸𑀦𑀼𑀩𑀦𑁆𑀥𑁄 [𑀘𑀁. 𑁧.𑁧.𑁧𑁧; 𑀧𑀸. 𑁧.𑁧.𑁫𑁩].

𑀗𑀸𑀦𑀼𑀩𑀦𑁆𑀥𑁄 𑀆𑀤𑁂𑀲𑁄 𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀅𑀦𑁆𑀢𑀲𑁆𑀲 𑀜𑀸𑀢𑀩𑁆𑀩𑁄.

‘𑀕𑁄𑀲𑁆𑀲𑀸𑀯𑀗’. 𑀕𑀯𑀲𑁆𑀲𑀁.

𑁧𑁯. 𑀝𑀸𑀦𑀼𑀩𑀦𑁆𑀥𑁄𑀦𑁂𑀓𑀯𑀡𑁆𑀡𑁄 𑀲𑀩𑁆𑀩𑀲𑁆𑀲 [𑀘𑀁. 𑁧.𑁧.𑁧𑁨; 𑀧𑀸. 𑁧.𑁧.𑁫𑁫; 𑀝𑀸𑀦𑀼𑀩𑀦𑁆𑀥𑀸𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲 (𑀩𑀳𑀽𑀲𑀼)].

𑀬𑁄 𑀘 𑀝𑀸𑀦𑀼𑀩𑀦𑁆𑀥𑁄 𑀆𑀤𑁂𑀲𑁄, 𑀬𑁄 𑀘 𑀅𑀦𑁂𑀓𑀯𑀡𑁆𑀡𑁄 𑀆𑀤𑁂𑀲𑁄, 𑀢𑀤𑀼𑀪𑀬𑀁 𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀯𑀡𑁆𑀡𑀲𑀫𑀼𑀤𑀸𑀬𑀲𑁆𑀲 𑀜𑀸𑀢𑀩𑁆𑀩𑀁.

𑀝𑀸𑀦𑀼𑀩𑀦𑁆𑀥𑁂 𑀢𑀸𑀯 𑁋

‘𑀇𑀫𑀲𑁆𑀲𑀸𑀦𑀺𑀢𑁆𑀣𑀺𑀬𑀁 𑀝𑁂’. 𑀏𑀲𑀼.

𑀅𑀦𑁂𑀓𑀯𑀡𑁆𑀡𑁂 𑁋

‘𑀅𑀦𑀺𑀫𑀺 𑀦𑀸𑀫𑁆𑀳𑀺’. 𑀅𑀦𑁂𑀦, 𑀇𑀫𑀺𑀦𑀸.

𑁨𑁦. 𑀜𑀓𑀸𑀦𑀼𑀩𑀦𑁆𑀥𑀸 𑀆𑀤𑁆𑀬𑀦𑁆𑀢𑀸 [𑀘𑀁. 𑁧.𑁧.𑁧𑁩; 𑀧𑀸. 𑁧.𑁧.𑁪𑁬].

𑀜𑀸𑀦𑀼𑀩𑀦𑁆𑀥𑁄 𑀆𑀕𑀫𑁄 𑀘 𑀓𑀸𑀦𑀼𑀩𑀦𑁆𑀥𑁄 𑀆𑀕𑀫𑁄 𑀘 𑀓𑀫𑁂𑀦 𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀆𑀤𑀺𑀫𑁆𑀳𑀺 𑀘 𑀅𑀦𑁆𑀢𑁂 𑀘 𑀜𑀸𑀢𑀩𑁆𑀩𑁄.

𑀜𑀸𑀦𑀼𑀩𑀦𑁆𑀥𑁂 𑁋

‘𑀩𑁆𑀭𑀽𑀢𑁄 𑀢𑀺𑀲𑁆𑀲𑀺𑀜’. 𑀩𑁆𑀭𑀯𑀺𑀢𑀺.

𑀓𑀸𑀦𑀼𑀩𑀦𑁆𑀥𑁂 ¶ 𑁋

‘𑀪𑀽𑀲𑁆𑀲 𑀯𑀼𑀓’. 𑀩𑀪𑀼𑀯.

𑁨𑁧. 𑀫𑀸𑀦𑀼𑀩𑀦𑁆𑀥𑁄 𑀲𑀭𑀸𑀦𑀫𑀦𑁆𑀢𑀸 𑀧𑀭𑁄 [𑀘𑀁. 𑁧.𑁧.𑁧𑁪; 𑀧𑀸. 𑁧.𑁧.𑁪𑁭].

𑀫𑀸𑀦𑀼𑀩𑀦𑁆𑀥𑁄 𑀆𑀕𑀫𑁄 𑀲𑀭𑀸𑀦𑀁 𑀅𑀦𑁆𑀢𑀲𑀭𑀫𑁆𑀳𑀸 𑀧𑀭𑁄 𑀳𑁄𑀢𑀺.

‘𑀦𑀚𑁆𑀚𑀸𑀬𑁄 𑀲𑁆𑀯𑀸𑀫’. 𑀦𑀚𑁆𑀚𑀸𑀬𑁄 𑀲𑀦𑁆𑀤𑀦𑁆𑀢𑀺. ‘𑀫𑀁 𑀯𑀸 𑀭𑀼𑀥𑀸𑀤𑀻𑀦𑀁’. 𑀭𑀼𑀦𑁆𑀥𑀢𑀺. ‘𑀚𑀭 𑀲𑀤𑀸𑀦𑀫𑀻𑀫 𑀯𑀸’. 𑀚𑀻𑀭𑀢𑀺, 𑀲𑀻𑀤𑀢𑀺.

𑀇𑀫𑀲𑁆𑀫𑀺𑀁 𑀩𑁆𑀬𑀸𑀓𑀭𑀡𑁂 𑀅𑀦𑁂𑀓𑀲𑀭𑀢𑀸 𑀦𑀸𑀫 𑀦𑀤𑀻, 𑀧𑀼𑀭𑀺𑀲 𑀇𑀘𑁆𑀘𑀸𑀤𑀻𑀲𑀼 𑀮𑀺𑀗𑁆𑀕𑀧𑀤𑁂𑀲𑀼 𑀏𑀯 𑀅𑀢𑁆𑀣𑀺, 𑀕𑀫𑀼, 𑀧𑀘𑀇𑀘𑁆𑀘𑀸𑀤𑀻𑀲𑀼 𑀥𑀸𑀢𑀼𑀧𑀤𑁂𑀲𑀼 𑀦𑀢𑁆𑀣𑀺. 𑀲𑀩𑁆𑀩𑀥𑀸𑀢𑀼𑀬𑁄 𑀩𑁆𑀬𑀜𑁆𑀚𑀦𑀦𑁆𑀢𑀸 𑀏𑀯 𑀳𑁄𑀦𑁆𑀢𑀺, 𑀥𑀸𑀢𑁆𑀯𑀦𑁆𑀢𑀮𑁄𑀧𑀓𑀺𑀘𑁆𑀘𑀁 𑀦𑀢𑁆𑀣𑀺. 𑀢𑀲𑁆𑀫𑀸 𑀦𑀚𑁆𑀚𑀸𑀬𑁄𑀢𑀺 𑀏𑀢𑁆𑀣 𑀈-𑀓𑀸𑀭𑁄 𑀅𑀦𑁆𑀢𑀲𑀭𑁄 𑀦𑀸𑀫. 𑀢𑀢𑁄 ‘𑀦𑀚𑁆𑀚𑀸𑀬𑁄 𑀲𑁆𑀯𑀸𑀫’ 𑀇𑀢𑀺 𑀲𑀼𑀢𑁆𑀢𑁂𑀦 𑀆-𑀓𑀸𑀭𑀸𑀕𑀫𑁄. 𑀭𑀼𑀦𑁆𑀥𑀢𑀻𑀢𑀺 𑀏𑀢𑁆𑀣 𑀧𑀦 𑀉-𑀓𑀸𑀭𑁄 𑀅𑀦𑁆𑀢𑀲𑀭𑁄 𑀦𑀸𑀫, 𑀢𑀢𑁄 ‘‘𑀫𑀁 𑀯𑀸 𑀭𑀼𑀥𑀸𑀤𑀻𑀦’’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀩𑀺𑀦𑁆𑀤𑀸𑀕𑀫𑁄. 𑀏𑀯𑀁 𑀚𑀻𑀭𑀢𑀺, 𑀲𑀻𑀤𑀢𑀺 𑀇𑀘𑁆𑀘𑀸𑀤𑀻𑀲𑀼. 𑀫𑁆𑀭𑀫𑁆𑀫𑀧𑁄𑀢𑁆𑀣𑀓𑁂𑀲𑀼 𑀧𑀦 ‘‘𑀫𑀸𑀦𑀼𑀩𑀦𑁆𑀥𑁄 𑀧𑀤𑀸𑀦𑀫𑀦𑁆𑀢𑀸 𑀧𑀭𑁄’’𑀢𑀺 𑀧𑀸𑀞𑁄, 𑀲𑁄 𑀲𑀻𑀳𑀴𑀧𑁄𑀢𑁆𑀣𑀓𑁂𑀳𑀺 𑀦 𑀲𑀫𑁂𑀢𑀺.

𑁨𑁨. 𑀯𑀺𑀧𑁆𑀧𑀝𑀺𑀲𑁂𑀥𑁂 [𑀘𑀁. 𑁧.𑁧.𑁧𑁬; 𑀧𑀸. 𑁧.𑁪.𑁨].

𑀲𑀫𑀸𑀦𑀯𑀺𑀲𑀬𑀸𑀦𑀁 𑀤𑁆𑀯𑀺𑀦𑁆𑀦𑀁 𑀯𑀺𑀥𑀻𑀦𑀁 𑀅𑀜𑁆𑀜𑀫𑀜𑁆𑀜𑀧𑀝𑀺𑀲𑁂𑀥𑀭𑀳𑀺𑀢𑁂 𑀞𑀸𑀦𑁂 𑀬𑁂𑀪𑀼𑀬𑁆𑀬𑁂𑀦 𑀧𑀭𑁄 𑀯𑀺𑀥𑀺 𑀑𑀓𑀸𑀲𑀁 𑀮𑀪𑀢𑀺.

𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 [𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂] -𑀏𑀢𑁆𑀣 𑀘𑀢𑁆𑀢𑀸𑀭𑀺𑀫𑁂𑀢𑀺 𑀧𑀼𑀩𑁆𑀩𑀮𑁄𑀧𑁂 𑀲𑀫𑁆𑀧𑀢𑁆𑀢𑁂 𑀧𑀭𑀮𑁄𑀧𑁄 𑀑𑀓𑀸𑀲𑀁 𑀮𑀪𑀢𑀺.

𑁨𑁩. 𑀲𑀗𑁆𑀓𑁂𑀢𑁄 𑀦𑀸𑀯𑀬𑀯𑁄𑀦𑀼𑀩𑀦𑁆𑀥𑁄 [𑀘𑀁. 𑁧.𑁧.𑁫].

𑀬𑁄 𑀯𑀡𑁆𑀡𑁄 𑀧𑀬𑁄𑀕𑀲𑁆𑀲 𑀅𑀯𑀬𑀯𑁄 𑀦 𑀳𑁄𑀢𑀺, 𑀲𑀼𑀢𑁆𑀢𑁂𑀲𑀼 𑀲𑀗𑁆𑀓𑁂𑀢𑀫𑀢𑁆𑀢𑁄 𑀳𑁄𑀢𑀺, 𑀲𑁄 𑀅𑀦𑀼𑀩𑀦𑁆𑀥𑁄 𑀦𑀸𑀫.

‘𑀕𑁄𑀲𑁆𑀲𑀸𑀯’ ¶ . 𑀕𑀯𑀲𑁆𑀲𑀁-𑀏𑀢𑁂𑀦 𑀧𑀤𑀭𑀽𑀧𑀯𑀺𑀥𑀸𑀦𑁂 𑀅𑀦𑀼𑀩𑀦𑁆𑀥𑁄 𑀉𑀧𑀬𑁄𑀕𑀁 𑀦 𑀕𑀘𑁆𑀙𑀢𑀻𑀢𑀺 𑀜𑀸𑀧𑁂𑀢𑀺.

𑁨𑁪. 𑀯𑀡𑁆𑀡𑀧𑀭𑁂𑀦 𑀲𑀯𑀡𑁆𑀡𑁄𑀧𑀺.

𑀯𑀡𑁆𑀡𑀲𑀤𑁆𑀤𑁄 𑀧𑀭𑁄 𑀏𑀢𑀲𑁆𑀫𑀸𑀢𑀺 𑀯𑀡𑁆𑀡𑀧𑀭𑁄, 𑀯𑀡𑁆𑀡𑀧𑀭𑁂𑀦 𑀭𑀲𑁆𑀲𑀲𑀭𑁂𑀦 𑀲𑀯𑀡𑁆𑀡𑁄𑀧𑀺 𑀕𑀬𑁆𑀳𑀢𑀺 𑀲𑀬𑀜𑁆𑀘, 𑀅𑀯𑀡𑁆𑀡𑁄𑀢𑀺 𑀯𑀼𑀢𑁆𑀢𑁂 𑀆-𑀓𑀸𑀭𑁄𑀧𑀺 𑀕𑀬𑁆𑀳𑀢𑀺 𑀅-𑀓𑀸𑀭𑁄 𑀘𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀏𑀯𑀁 𑀇𑀯𑀡𑁆𑀡𑀼𑀯𑀡𑁆𑀡𑁂𑀲𑀼.

𑁨𑁫. 𑀦𑁆𑀢𑀼𑀯𑀦𑁆𑀢𑀼𑀫𑀦𑁆𑀢𑀸𑀯𑀦𑁆𑀢𑀼𑀢𑀯𑀦𑁆𑀢𑀼𑀲𑀫𑁆𑀩𑀦𑁆𑀥𑀻 [𑀦𑁆𑀢𑀼 𑀯𑀦𑁆𑀢𑀼𑀫𑀦𑁆𑀢𑁆𑀯𑀸𑀯𑀦𑁆𑀢𑀼𑀢𑀯𑀦𑁆𑀢𑀼 𑀲𑀫𑁆𑀩𑀦𑁆𑀥𑀻 (𑀩𑀳𑀽𑀲𑀼)].

𑀦𑁆𑀢𑀼𑀇𑀢𑀺 𑀯𑀼𑀢𑁆𑀢𑁂 𑀯𑀦𑁆𑀢𑀼, 𑀫𑀦𑁆𑀢𑀼, 𑀆𑀯𑀦𑁆𑀢𑀼, 𑀢𑀯𑀦𑁆𑀢𑀽𑀦𑀁 𑀲𑀫𑁆𑀩𑀦𑁆𑀥𑀻𑀪𑀽𑀢𑁄 𑀦𑁆𑀢𑀼𑀓𑀸𑀭𑁄 𑀕𑀬𑁆𑀳𑀢𑀺.

‘𑀦𑁆𑀢𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂’. 𑀕𑀼𑀡𑀯𑀦𑁆𑀢𑁄, 𑀲𑀢𑀺𑀫𑀦𑁆𑀢𑁄, 𑀬𑀸𑀯𑀦𑁆𑀢𑁄, 𑀪𑀼𑀢𑁆𑀢𑀯𑀦𑁆𑀢𑁄.

𑀲𑀗𑁆𑀓𑁂𑀢𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀲𑀦𑁆𑀥𑀺𑀯𑀺𑀥𑀸𑀦

𑀅𑀣 𑀲𑀦𑁆𑀥𑀺𑀯𑀺𑀥𑀸𑀦𑀁 𑀤𑀻𑀧𑀺𑀬𑀢𑁂.

𑀮𑁄𑀧𑁄, 𑀤𑀻𑀖𑁄, 𑀭𑀲𑁆𑀲𑁄, 𑀯𑀼𑀤𑁆𑀥𑀺, 𑀆𑀤𑁂𑀲𑁄, 𑀆𑀕𑀫𑁄, 𑀤𑁆𑀯𑀺𑀪𑀸𑀯𑁄, 𑀯𑀺𑀧𑀮𑁆𑀮𑀸𑀲𑁄.

𑀮𑁄𑀧𑀭𑀸𑀲𑀺

𑁨𑁬. 𑀲𑀭𑁄 𑀮𑁄𑀧𑁄 𑀲𑀭𑁂 [𑀓. 𑁧𑁨; 𑀭𑀽. 𑁧𑁩; 𑀦𑀻. 𑁩𑁦].

𑀮𑀼𑀧𑁆𑀧𑀢𑀻𑀢𑀺 𑀮𑁄𑀧𑁄. 𑀲𑀭𑁂 𑀧𑀭𑁂 𑀲𑀭𑀽𑀧𑁄 𑀯𑀸 𑀅𑀲𑀭𑀽𑀧𑁄 𑀯𑀸 𑀧𑀼𑀩𑁆𑀩𑁄 𑀲𑀭𑁄 𑀮𑁄𑀧𑁄 𑀳𑁄𑀢𑀺.

𑀲𑀭𑀽𑀧𑁂 𑀢𑀸𑀯 𑁋

𑀅𑀯𑀡𑁆𑀡𑁂-𑀮𑁄𑀓𑀕𑁆𑀕𑁄 ¶ [𑀅𑀧. 𑀣𑁂𑀭 𑁧.𑁧𑁨.𑁫𑁭], 𑀪𑀯𑀸𑀲𑀯𑁄, [𑀥. 𑀲. 𑁧𑁧𑁦𑁨] 𑀅𑀯𑀺𑀚𑁆𑀚𑀸𑀲𑀯𑁄 [𑀥. 𑀲. 𑁧𑁧𑁦𑁨], 𑀅𑀯𑀺𑀚𑁆𑀚𑀸𑀦𑀼𑀲𑀬𑁄 [𑀯𑀺𑀪. 𑁯𑁪𑁯].

𑀇𑀯𑀡𑁆𑀡𑁂-𑀫𑀼𑀦𑀺𑀦𑁆𑀤𑁄, 𑀫𑀼𑀦𑀻𑀭𑀺𑀢𑁄, 𑀯𑀭𑀯𑀸𑀤𑀻𑀭𑀺𑀢𑁄, 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁 [𑀯𑀺𑀪. 𑁨𑁧𑁯].

𑀉𑀯𑀡𑁆𑀡𑁂-𑀩𑀳𑀽𑀧𑀓𑀸𑀭𑁄 [𑀚𑀸. 𑁧.𑁨𑁨.𑁫𑁮𑁮], 𑀩𑀳𑀼𑀓𑀸 𑀊𑀫𑀺 𑀩𑀳𑀽𑀫𑀺, 𑀲𑀭𑀪𑀼𑀬𑀸 𑀊𑀫𑀺 𑀲𑀭𑀪𑀽𑀫𑀺, 𑀲𑀭𑀪𑀼𑀬𑀸 𑀉𑀤𑀓𑀁 𑀲𑀭𑀪𑀽𑀤𑀓𑀁.

𑀅𑀲𑀭𑀽𑀧𑁂 𑁋

𑀲𑁄𑀢𑀺𑀦𑁆𑀤𑁆𑀭𑀺𑀬𑀁 [𑀯𑀺𑀪. 𑁨𑁧𑁯], 𑀓𑀸𑀫𑀼𑀧𑀸𑀤𑀸𑀦𑀁, 𑀪𑀯𑁂𑀲𑀦𑀸 [𑀤𑀻. 𑀦𑀺. 𑁩.𑁩𑁦𑁫], 𑀪𑀯𑁄𑀖𑁄 [𑀥. 𑀲. 𑁧𑁧𑁫𑁬], 𑀲𑁄 𑀢𑀼𑀡𑁆𑀳𑀲𑁆𑀲 [𑀧𑀸𑀭𑀸. 𑁩𑁮𑁧], 𑀤𑀺𑀝𑁆𑀞𑀸𑀦𑀼𑀲𑀬𑁄 [𑀯𑀺𑀪. 𑁯𑁪𑁯], 𑀤𑀺𑀝𑁆𑀞𑀼𑀧𑀸𑀤𑀸𑀦𑀁, 𑀤𑀺𑀝𑁆𑀞𑁂𑀓𑀝𑁆𑀞𑀁, 𑀤𑀺𑀝𑁆𑀞𑁄𑀖𑁄 [𑀥. 𑀲. 𑁧𑁧𑁫𑁬], 𑀫𑀼𑀤𑀺𑀦𑁆𑀤𑁆𑀭𑀺𑀬𑀁 [𑀫𑀳𑀸𑀯. 𑁯], 𑀧𑀼𑀢𑁆𑀢𑀸 𑀫𑀢𑁆𑀣𑀺 [𑀥. 𑀧. 𑁬𑁨], 𑀉𑀭𑀲𑁆𑀲 𑀤𑀼𑀓𑁆𑀔𑁄 [𑀧𑀸𑀘𑀺. 𑁪𑁦𑁨], 𑀅𑀲𑀦𑁆𑀢𑁂𑀢𑁆𑀣 𑀦 𑀤𑀺𑀲𑁆𑀲𑀦𑁆𑀢𑀺 [𑀥. 𑀧. 𑁩𑁦𑁪] 𑀇𑀘𑁆𑀘𑀸𑀤𑀺.

𑀇𑀢𑀺 𑀧𑀼𑀩𑁆𑀩𑀮𑁄𑀧𑀭𑀸𑀲𑀺.

𑁨𑁭. 𑀧𑀭𑁄 𑀓𑁆𑀯𑀘𑀺 [𑀓. 𑁧𑁩; 𑀭𑀽. 𑁧𑁫; 𑀦𑀻. 𑁩𑁧].

𑀧𑀼𑀩𑁆𑀩𑀲𑀭𑀫𑁆𑀳𑀸 𑀲𑀭𑀽𑀧𑁄 𑀯𑀸 𑀅𑀲𑀭𑀽𑀧𑁄 𑀯𑀸 𑀧𑀭𑁄 𑀲𑀭𑁄 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺.

𑀲𑀭𑀽𑀧𑁂 𑀢𑀸𑀯 𑁋

𑀢𑀁 𑀓𑀤𑀸𑀲𑁆𑀲𑀼 𑀪𑀯𑀺𑀲𑁆𑀲𑀢𑀺 [𑀚𑀸. 𑁨.𑁨𑁨.𑁧𑁪𑁪 𑀆𑀤𑀬𑁄; 𑀢𑀁 𑀓𑀼𑀤𑀲𑁆𑀲𑀼], 𑀓𑀼𑀤𑀸𑀲𑁆𑀲𑀼 𑀦𑀸𑀫 𑀤𑀼𑀫𑁆𑀫𑁂𑀥𑁄, 𑀤𑀼𑀓𑁆𑀔𑀲𑁆𑀲𑀦𑁆𑀢𑀁 𑀓𑀭𑀺𑀲𑁆𑀲𑀢𑀺 [𑀥. 𑀧. 𑁩𑁭𑁬], 𑀬𑀤𑀸𑀲𑁆𑀲 𑀲𑀻𑀮𑀁 𑀧𑀜𑁆𑀜𑀜𑁆𑀘 [𑀚𑀸. 𑁨.𑁨𑁨.𑁧𑁪𑁭𑁪], 𑀢𑀤𑀸𑀲𑁆𑀲𑀼 𑀓𑀡𑁆𑀳𑀁 𑀬𑀼𑀜𑁆𑀚𑀦𑁆𑀢𑀺 [𑀚𑀸. 𑁧.𑁧.𑁨𑁯] -𑀓𑀡𑁆𑀳𑀦𑁆𑀢𑀺 𑀫𑀳𑀸𑀓𑀡𑁆𑀳𑀕𑁄𑀡𑀁, 𑀢𑀡𑁆𑀳𑀸𑀲𑁆𑀲 𑀯𑀺𑀧𑁆𑀧𑀳𑀻𑀦𑀸, 𑀫𑀸𑀲𑁆𑀲𑀼 ¶ 𑀓𑀼𑀚𑁆𑀛 𑀭𑀣𑁂𑀲𑀪, 𑀲𑀢𑁆𑀣𑀳𑀸𑀭𑀓𑀁 𑀯𑀸𑀲𑁆𑀲 𑀧𑀭𑀺𑀬𑁂𑀲𑁂𑀬𑁆𑀬 [𑀧𑀸𑀭𑀸. 𑁧𑁬𑁭, 𑁧𑁭𑁧], 𑀆𑀕𑀢𑀸𑀢𑁆𑀣 𑀢𑀼𑀫𑁆𑀳𑁂, 𑀲𑁄𑀢𑀼𑀓𑀸𑀫𑀸𑀢𑁆𑀣 𑀢𑀼𑀫𑁆𑀳𑁂, 𑀫𑀸𑀬𑁆𑀬𑁄 𑀏𑀯𑀭𑀽𑀧𑀫𑀓𑀸𑀲𑀺, 𑀧𑀧𑀁 𑀅𑀯𑀺𑀦𑁆𑀤𑀼𑀁 [𑀚𑀸. 𑁧.𑁧.𑁨] -𑀧𑀯𑀟𑁆𑀠𑀁 𑀆𑀧𑀁 𑀮𑀪𑀺𑀁𑀲𑀽𑀢𑁆𑀬𑀢𑁆𑀣𑁄, 𑀦𑀸𑀮𑀁 𑀓𑀩𑀴𑀁 𑀧𑀤𑀸𑀢𑀯𑁂 [𑀚𑀸. 𑁧.𑁧.𑁨𑁭] -𑀧+𑀆𑀤𑀸𑀢𑀯𑁂𑀢𑀺 𑀙𑁂𑀤𑁄, 𑀕𑀡𑁆𑀳𑀺𑀢𑀼𑀦𑁆𑀢𑀢𑁆𑀣𑁄, 𑀭𑀼𑀧𑁆𑀧𑀢𑀻𑀢𑀺 𑀭𑀽𑀧𑀁, 𑀩𑀼𑀚𑁆𑀛𑀢𑀻𑀢𑀺 𑀩𑀼𑀤𑁆𑀥𑁄-𑀤𑀻𑀖𑁄, 𑀅𑀕𑁆𑀕𑀻𑀯 𑀢𑀧𑁆𑀧𑀢𑀺, 𑀇𑀢𑁆𑀣𑀻𑀯 𑀕𑀘𑁆𑀙𑀢𑀺, 𑀦𑀤𑀻𑀯 𑀲𑀦𑁆𑀤𑀢𑀺, 𑀫𑀸𑀢𑀼𑀧𑀝𑁆𑀞𑀸𑀦𑀁, 𑀧𑀺𑀢𑀼𑀧𑀝𑁆𑀞𑀸𑀦𑀁, 𑀬𑁂𑀢𑁂 𑀥𑀫𑁆𑀫𑀸 𑀆𑀤𑀺𑀓𑀮𑁆𑀬𑀸𑀡𑀸 [𑀘𑀽𑀴𑀯. 𑁩𑁯𑁯] 𑀇𑀘𑁆𑀘𑀸𑀤𑀺.

𑀅𑀲𑀭𑀽𑀧𑁂 𑁋

𑀇𑀢𑀺𑀲𑁆𑀲 [𑀧𑀸𑀘𑀺. 𑁪𑁬𑁫], 𑀇𑀢𑀺𑀧𑀺 [𑀧𑀸𑀭𑀸. 𑁧], 𑀅𑀲𑁆𑀲𑀫𑀡𑀻𑀲𑀺 [𑀧𑀸𑀭𑀸. 𑁧𑁩𑁫], 𑀅𑀓𑀢𑀜𑁆𑀜𑀽𑀲𑀺 [𑀥. 𑀧. 𑁩𑁮𑁩], 𑀯𑀦𑁆𑀤𑁂𑀳𑀁, 𑀲𑁄𑀳𑀁, 𑀬𑀲𑁆𑀲𑀤𑀸𑀦𑀺 [𑀫𑀳𑀸𑀯. 𑁨𑁪𑁨], 𑀙𑀸𑀬𑀸𑀯 𑀅𑀦𑀧𑀸𑀬𑀺𑀦𑀻 [𑀥. 𑀧. 𑁨], 𑀫𑀸𑀤𑀺𑀲𑁂𑀲𑀼 𑀓𑀣𑀸𑀯 𑀓𑀸, 𑀓𑀺𑀦𑁆𑀦𑀼𑀫𑀸𑀯 𑀲𑀫𑀡𑀺𑀬𑁄 𑀫𑀥𑀼𑀯𑀸 𑀫𑀜𑁆𑀜𑀢𑀺 𑀩𑀸𑀮𑁄 [𑀥. 𑀧. 𑁬𑁯], 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 [𑀯𑀺𑀪. 𑁨𑁧𑁯], 𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 [𑀅. 𑀦𑀺. 𑁨.𑁩], 𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 [𑀅. 𑀦𑀺. 𑁩.𑁧𑁭] 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀻𑀢𑀺 𑀓𑀺𑀁? 𑀓𑀢𑀫𑀸 𑀘𑀸𑀦𑀦𑁆𑀤 𑀅𑀦𑀺𑀘𑁆𑀘𑀲𑀜𑁆𑀜𑀸 [𑀅. 𑀦𑀺. 𑁧𑁦.𑁬𑁦].

𑀇𑀢𑀺 𑀧𑀭𑀮𑁄𑀧𑀭𑀸𑀲𑀺.

𑁨𑁮. 𑀦 𑀤𑁆𑀯𑁂 𑀯𑀸.

𑀤𑁆𑀯𑁂 𑀧𑀼𑀩𑁆𑀩𑀧𑀭𑀲𑀭𑀸 𑀓𑁆𑀯𑀘𑀺 𑀮𑁄𑀧𑀸 𑀦 𑀳𑁄𑀦𑁆𑀢𑀺 𑀯𑀸.

𑀅𑀧𑁆𑀧𑀫𑀸𑀤𑁄 𑀅𑀫𑀢𑀁 𑀧𑀤𑀁 [𑀥. 𑀧. 𑁨𑁧], 𑀓𑁄 𑀇𑀫𑀁 𑀧𑀣𑀯𑀺𑀁𑀯𑀺𑀘𑁂𑀲𑁆𑀲𑀢𑀺 [𑀥. 𑀧. 𑁪𑁪].

𑀓𑁆𑀯𑀘𑀺𑀢𑁆𑀯𑁂𑀯? 𑀲𑁄𑀢𑀺𑀦𑁆𑀤𑁆𑀭𑀺𑀬𑀁 [𑀯𑀺𑀪. 𑁨𑁧𑁯], 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 [𑀯𑀺𑀪. 𑁨𑁧𑁯],

𑀯𑀸𑀢𑀺 𑀓𑀺𑀁 ¶ ? 𑀓𑁄𑀫𑀁 𑀯𑀲𑀮𑀺𑀁 𑀧𑀭𑀸𑀫𑀲𑀺𑀲𑁆𑀲𑀢𑀺.

𑀇𑀢𑁄 𑀧𑀝𑁆𑀞𑀸𑀬 𑀬𑀸𑀯𑀲𑀦𑁆𑀥𑀺𑀓𑀡𑁆𑀟𑀸𑀯𑀲𑀸𑀦𑀸 𑀬𑀼𑀢𑁆𑀢𑀝𑁆𑀞𑀸𑀦𑁂𑀲𑀼 𑀲𑀩𑁆𑀩𑀢𑁆𑀣 𑀓𑁆𑀯𑀘𑀺𑀲𑀤𑁆𑀤𑁄, 𑀯𑀸𑀲𑀤𑁆𑀤𑁄 𑀘 𑀯𑀢𑁆𑀢𑀦𑁆𑀢𑁂. 𑀢𑀢𑁆𑀣 𑀓𑁆𑀯𑀘𑀺𑀲𑀤𑁆𑀤𑁄 𑀦𑀸𑀦𑀸𑀧𑀬𑁄𑀕𑀁 𑀤𑀲𑁆𑀲𑁂𑀢𑀺. 𑀯𑀸𑀲𑀤𑁆𑀤𑁄 𑀏𑀓𑀧𑀬𑁄𑀕𑀲𑁆𑀲 𑀦𑀸𑀦𑀸𑀭𑀽𑀧𑀁 𑀤𑀲𑁆𑀲𑁂𑀢𑀺. 𑀮𑁄𑀧𑀦𑀺𑀲𑁂𑀥𑁄.

𑁨𑁯. 𑀧𑀭𑀲𑀭𑀲𑁆𑀲.

𑀦𑀺𑀕𑁆𑀕𑀳𑀻𑀢𑀫𑁆𑀳𑀸 𑀧𑀭𑀲𑀭𑀲𑁆𑀲 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺 𑀯𑀸.

𑀢𑁆𑀯𑀁𑀲𑀺 [𑀧𑁂. 𑀯. 𑁪𑁭; 𑀚𑀸. 𑁨.𑁨𑁨.𑁭𑁬𑁪], 𑀘𑀦𑁆𑀤𑀁𑀯 𑀯𑀺𑀫𑀮𑀁 𑀲𑀼𑀤𑁆𑀥𑀁 [𑀥. 𑀧. 𑁪𑁧𑁩; 𑀲𑀼. 𑀦𑀺. 𑁬𑁪𑁨], 𑀘𑀓𑁆𑀓𑀁𑀯 𑀯𑀳𑀢𑁄 𑀧𑀤𑀁 [𑀥. 𑀧. 𑁧], 𑀳𑀮𑀁𑀤𑀸𑀦𑀺 𑀧𑀓𑀸𑀲𑀺𑀢𑀼𑀁 [𑀫𑀳𑀸𑀯. 𑁮], 𑀓𑀺𑀦𑁆𑀢𑀺 𑀯𑀤𑁂𑀬𑁆𑀬𑀁, 𑀘𑀻𑀯𑀭𑀦𑁆𑀢𑀺, 𑀧𑀢𑁆𑀢𑀦𑁆𑀢𑀺, 𑀪𑀺𑀓𑁆𑀔𑀼𑀦𑁆𑀢𑀺.

𑀇𑀢𑀺 𑀲𑀭𑀮𑁄𑀧𑀭𑀸𑀲𑀺.

𑁩𑁦. 𑀲𑀁𑀬𑁄𑀕𑀸𑀤𑀺 𑀮𑁄𑀧𑁄.

𑀲𑀁𑀬𑁄𑀕𑀲𑁆𑀲 𑀆𑀤𑀺𑀪𑀽𑀢𑁄 𑀩𑁆𑀬𑀜𑁆𑀚𑀦𑁄 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺 𑀯𑀸.

𑀧𑀼𑀧𑁆𑀨𑀁𑀲𑀸 𑀉𑀧𑁆𑀧𑀚𑁆𑀚𑀢𑀺 [𑀧𑀸𑀭𑀸. 𑁩𑁬] 𑁋 𑀇𑀥 𑀧𑀼𑀩𑁆𑀩𑀲𑀼𑀢𑁆𑀢𑁂𑀦 𑀲𑀭𑀮𑁄𑀧𑁄, 𑀏𑀯𑀁𑀲 𑀢𑁂 𑀆𑀲𑀯𑀸 𑀧𑀳𑀻𑀦𑀸 𑀳𑁄𑀦𑁆𑀢𑀺 [𑀫. 𑀦𑀺. 𑁧.𑁨𑁪], 𑀲𑀘𑁂 𑀪𑀼𑀢𑁆𑀢𑁄 𑀪𑀯𑁂𑀬𑁆𑀬𑀸𑀳𑀁, 𑀲𑀸𑀚𑀻𑀯𑁄 𑀕𑀭𑀳𑀺𑀢𑁄 𑀫𑀫 [𑀫𑀺. 𑀧. 𑁬.𑁧.𑁫] - 𑀅𑀲𑁆𑀲+𑀆𑀚𑀻𑀯𑁄𑀢𑀺 𑀙𑁂𑀤𑁄, 𑀪𑀯𑁂𑀬𑁆𑀬𑀸𑀢𑀺 𑀅𑀢𑁆𑀣𑁄.

𑀢𑀻𑀲𑀼 𑀩𑁆𑀬𑀜𑁆𑀚𑀦𑁂𑀲𑀼 𑀲𑀭𑀽𑀧𑀸𑀦𑀁 𑀤𑁆𑀯𑀺𑀦𑁆𑀦𑀁 𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄 𑁋 𑀅𑀕𑁆𑀬𑀸𑀕𑀸𑀭𑀁 [𑀧𑀸𑀘𑀺. 𑁩𑁨𑁬], 𑀅𑀕𑁆𑀬𑀸𑀳𑀺𑀢𑁄, 𑀯𑀼𑀢𑁆𑀬𑀲𑁆𑀲, 𑀯𑀺𑀢𑁆𑀬𑀸𑀦𑀼𑀪𑀽𑀬𑀢𑁂, 𑀏𑀓𑀲𑀢𑀁 𑀔𑀢𑁆𑀬𑀸 [𑀚𑀸. 𑁨.𑁨𑁨.𑁫𑁯𑁪], 𑀭𑀢𑁆𑀬𑁄, 𑀭𑀢𑁆𑀬𑀸, 𑀭𑀢𑁆𑀬𑀁, 𑀲𑀓𑁆𑀯𑀸𑀳𑀁 𑀫𑀸𑀭𑀺𑀲 𑀤𑁂𑀯𑀸𑀦𑀫𑀺𑀦𑁆𑀤𑁄 [𑀲𑀁. 𑀦𑀺. 𑁧.𑁨𑁬𑁮], 𑀇𑀘𑁆𑀘𑀸𑀤𑀺.

𑀲𑀭𑀽𑀧𑀸𑀦𑀦𑁆𑀢𑀺 ¶ 𑀓𑀺𑀁? 𑀢𑀺𑀢𑁆𑀣𑁆𑀬𑀸 𑀧𑀼𑀣𑀼𑀲𑁄 𑀯𑀤𑀦𑁆𑀢𑀺 [𑀲𑀼. 𑀦𑀺. 𑁮𑁯𑁭], 𑀘𑀢𑀼𑀢𑁆𑀣𑁆𑀬𑀦𑁆𑀢𑀁, 𑀙𑀝𑁆𑀞𑀼𑀦𑁆𑀢𑀁, 𑀘𑀓𑁆𑀔𑁆𑀯𑀸𑀩𑀸𑀥𑀁, 𑀯𑀢𑁆𑀣𑁆𑀯𑁂𑀢𑁆𑀣.

𑀇𑀢𑀺 𑀩𑁆𑀬𑀜𑁆𑀚𑀦𑀮𑁄𑀧𑀭𑀸𑀲𑀺.

𑁩𑁧. 𑀮𑁄𑀧𑁄.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺 𑀯𑀸.

𑀲𑀭𑁂 𑀧𑀭𑁂 𑀢𑀸𑀯 𑁋

𑀏𑀯𑀸𑀳𑀁 𑀘𑀺𑀦𑁆𑀢𑀬𑀺𑀢𑁆𑀯𑀸𑀦 [𑀩𑀼. 𑀯𑀁. 𑁨.𑁨𑁭], 𑀧𑀼𑀧𑁆𑀨𑀤𑀸𑀦𑀁 𑀅𑀤𑀸𑀲𑀳𑀁-𑀅𑀤𑀸𑀲𑀺𑀁+𑀅𑀳𑀦𑁆𑀢𑀺 𑀙𑁂𑀤𑁄, 𑀩𑀺𑀦𑁆𑀤𑀼𑀮𑁄𑀧𑁄, 𑀧𑀼𑀦 𑀧𑀼𑀩𑁆𑀩𑀲𑀭𑀮𑁄𑀧𑁄, 𑀢𑀼𑀬𑁆𑀳𑀢𑁆𑀣𑀸𑀬 𑀫𑀳𑀸𑀫𑀼𑀦𑀺, 𑀢𑀼𑀬𑁆𑀳𑁂𑀯𑁂𑀢𑀁 𑀤𑀼𑀓𑁆𑀓𑀝𑀁 [𑀤𑀻. 𑀦𑀺. 𑁨.𑁧𑁭𑁮], 𑀢𑀸𑀲𑀸𑀳𑀁 𑀲𑀦𑁆𑀢𑀺𑀓𑁂 [𑀧𑀸𑀘𑀺. 𑁭𑁦𑁯], 𑀢𑁂𑀲𑀸𑀳𑀁 𑀏𑀯𑀁 𑀯𑀤𑀸𑀫𑀺, 𑀧𑀜𑁆𑀘𑀦𑁆𑀦𑁂𑀢𑀁 𑀥𑀫𑁆𑀫𑀸𑀦𑀁 𑀅𑀥𑀺𑀯𑀘𑀦𑀁, 𑀙𑀦𑁆𑀦𑁂𑀢𑀁 𑀥𑀫𑁆𑀫𑀸𑀦𑀁 𑀅𑀥𑀺𑀯𑀘𑀦𑀁, 𑀲𑀫𑀡 𑀢𑁆𑀯𑁂𑀯 𑀧𑀼𑀘𑁆𑀙𑀸𑀫𑀺 [𑀚𑀸. 𑁨.𑁨𑁨.𑁨𑁫𑁩 𑀲𑀫𑀡 𑀢𑁂𑀯], 𑀩𑁆𑀭𑀸𑀳𑁆𑀫𑀡 𑀢𑁆𑀯𑁂𑀯 𑀧𑀼𑀘𑁆𑀙𑀸𑀫𑀺 [𑀚𑀸. 𑁨.𑁨𑁨.𑁨𑁫𑁮 𑀩𑁆𑀭𑀸𑀳𑁆𑀫𑀡 𑀢𑁂𑀯] -𑀢𑁆𑀯𑀁+𑀏𑀯𑀸𑀢𑀺 𑀙𑁂𑀤𑁄, 𑀯𑀺𑀤𑀽𑀦𑀕𑁆𑀕𑀫𑀺𑀢𑀺.

𑀩𑁆𑀬𑀜𑁆𑀚𑀦𑁂 𑀧𑀭𑁂 𑁋

𑀢𑀁 𑀢𑀼𑀬𑁆𑀳𑀫𑀽𑀮𑁂 𑀧𑀝𑀺𑀤𑁂𑀲𑁂𑀫𑀺.

𑀕𑀸𑀣𑀸𑀬𑀁 𑁋

𑀅𑀭𑀺𑀬𑀲𑀘𑁆𑀘𑀸𑀦𑀤𑀲𑁆𑀲𑀦𑀁 [𑀔𑀼. 𑀧𑀸. 𑁫.𑁧𑁧], 𑀏𑀢𑀁 𑀩𑀼𑀤𑁆𑀥𑀸𑀦 𑀲𑀸𑀲𑀦𑀁 [𑀥. 𑀧. 𑁧𑁮𑁩], 𑀔𑀦𑁆𑀥𑀸𑀦𑀜𑁆𑀘 𑀧𑀝𑀺𑀧𑀸𑀝𑀺, 𑀥𑀸𑀢𑀼𑀆𑀬𑀢𑀦𑀸𑀦 𑀘 [𑀥. 𑀲. 𑀅𑀝𑁆𑀞. 𑀦𑀺𑀤𑀸𑀦𑀓𑀣𑀸].

𑀫𑀸𑀕𑀫𑁂 𑀧𑀭𑁂 𑁋

𑀕𑀭𑀼𑀴𑁄 𑀉𑀭𑀕𑀸𑀫𑀺𑀯 [𑀚𑀸. 𑁧.𑁪.𑁧𑁨𑁪 𑀲𑀼𑀧𑀡𑁆𑀡𑁄], 𑀥𑀫𑁆𑀫𑁄 𑀅𑀭𑀳𑀢𑀸𑀫𑀺𑀯 [𑀤𑀻. 𑀦𑀺. 𑁨.𑁩𑁪𑁮], 𑀆𑀮𑁄𑀓𑁄 𑀧𑀲𑁆𑀲𑀢𑀸𑀫𑀺𑀯 [𑀲𑀼. 𑀦𑀺. 𑁭𑁬𑁯], 𑀩𑀓𑁄 𑀓𑀓𑁆𑀓𑀝𑀓𑀸𑀫𑀺𑀯 [𑀚𑀸. 𑁧.𑁧.𑁩𑁮], 𑀦𑀪𑀁 𑀢𑀸𑀭𑀓𑀺𑀢𑀸𑀫𑀺𑀯 [𑀚𑀸. 𑁨.𑁨𑁨.𑁧𑁯𑁮𑁯 𑀢𑀸𑀭𑀸𑀘𑀺𑀢𑀸𑀫𑀺𑀯], 𑀧𑀤𑀼𑀫𑀁 ¶ 𑀳𑀢𑁆𑀣𑀕𑀢𑀸𑀫𑀺𑀯 [𑀚𑀸. 𑁨.𑁨𑁨.𑁨𑁩𑁩𑁬] -𑀏𑀢𑁂𑀲𑀼 𑀫𑀸𑀕𑀫𑁂 𑀩𑀺𑀦𑁆𑀤𑀼𑀮𑁄𑀧𑁄, 𑀩𑁆𑀬𑀜𑁆𑀚𑀦𑁂 𑀧𑀼𑀩𑁆𑀩𑀲𑀭𑀤𑀻𑀖𑁄 𑀘.

𑀢𑀣𑀸 𑀲𑀁𑀉𑀧𑀲𑀕𑁆𑀕𑀲𑁆𑀲 𑀩𑀺𑀦𑁆𑀤𑀼𑀮𑁄𑀧𑁂 𑀅𑀦𑁆𑀢𑀲𑀭𑀤𑀻𑀖𑁄 𑁋

𑀲𑀸𑀭𑀸𑀕𑁄, 𑀲𑀸𑀭𑀢𑁆𑀢𑁄, 𑀅𑀯𑀺𑀲𑀸𑀳𑀸𑀭𑁄, 𑀲𑀸𑀭𑀫𑁆𑀪𑁄, 𑀲𑀸𑀭𑀤𑁆𑀥𑁄, 𑀲𑀸𑀓𑁂𑀢𑀁 𑀦𑀕𑀭𑀁, 𑀲𑀸𑀥𑀸𑀭𑀡𑀁, 𑀲𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀸𑀫𑀻.

𑀲𑀫𑀸𑀲𑁂 𑀢𑀼𑀫𑀦𑁆𑀢𑀫𑁆𑀳𑀺 𑀦𑀺𑀘𑁆𑀘𑀁 𑁋

𑀓𑀢𑁆𑀢𑀼𑀓𑀸𑀫𑁄, 𑀕𑀦𑁆𑀢𑀼𑀓𑀸𑀫𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀩𑀺𑀦𑁆𑀤𑀼𑀮𑁄𑀧𑀭𑀸𑀲𑀺.

𑁩𑁨. 𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑁂𑀓𑀲𑁆𑀲.

𑀯𑀺𑀘𑁆𑀙𑀸𑀬𑀁 𑀏𑀓𑀲𑁆𑀲 𑀯𑀺𑀪𑀢𑁆𑀬𑀦𑁆𑀢𑀲𑁆𑀲 𑀧𑀤𑀲𑁆𑀲 𑀤𑁆𑀯𑀺𑀢𑁆𑀢𑁂 𑀓𑀢𑁂 𑀧𑀼𑀩𑁆𑀩𑀧𑀤𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀳𑁄𑀢𑀺.

𑀏𑀓𑁂𑀓𑀁, 𑀏𑀓𑁂𑀓𑀸𑀦𑀺, 𑀏𑀓𑁂𑀓𑁂𑀦, 𑀏𑀓𑁂𑀓𑀲𑁆𑀲 𑀇𑀘𑁆𑀘𑀸𑀤𑀺.

𑀫𑀸𑀕𑀫𑁂 𑁋

𑀏𑀓𑀫𑁂𑀓𑀁, 𑀏𑀓𑀫𑁂𑀓𑀸𑀦𑀺 𑀇𑀘𑁆𑀘𑀸𑀤𑀺.

𑀇𑀢𑀺 𑀲𑁆𑀬𑀸𑀤𑀺𑀮𑁄𑀧𑀭𑀸𑀲𑀺.

𑀅𑀧𑁆𑀧𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁩𑁩. 𑀢𑀤𑀫𑀺𑀦𑀸𑀤𑀻𑀦𑀺 [𑀘𑀁. 𑁫.𑁨.𑁧.𑁨𑁭; 𑀧𑀸. 𑁬.𑁩.𑁧𑁦𑁯; 𑀫𑀼. 𑁨.𑁩𑁪; 𑀓𑀸. 𑁨.𑁨𑁭].

𑀫𑀳𑀸𑀯𑀼𑀢𑁆𑀢𑀺𑀲𑀼𑀢𑁆𑀢𑀫𑀺𑀤𑀁, 𑀢𑀤𑀫𑀺𑀦𑀸𑀤𑀻𑀦𑀺 𑀧𑀤𑀭𑀽𑀧𑀸𑀦𑀺 𑀇𑀫𑀺𑀦𑀸 𑀦𑀺𑀧𑀸𑀢𑀦𑁂𑀦 𑀲𑀺𑀚𑁆𑀛𑀦𑁆𑀢𑀻𑀢𑀺 𑀅𑀢𑁆𑀣𑁄.

𑀲𑀭𑀮𑁄𑀧𑁄 𑀩𑁆𑀬𑀜𑁆𑀚𑀦𑁂 𑁋

𑀮𑀸𑀩𑀼=𑀅𑀮𑀸𑀩𑀼 ¶ , 𑀧𑀺𑀥𑀸𑀦𑀁=𑀅𑀧𑀺𑀥𑀸𑀦𑀁, 𑀤𑁆𑀯𑀸𑀭𑀁 𑀧𑀺𑀤𑀳𑀺𑀢𑁆𑀯𑀸=𑀅𑀧𑀺𑀤𑀳𑀺𑀢𑁆𑀯𑀸, 𑀕𑀺𑀦𑀺=𑀅𑀕𑁆𑀕𑀺𑀦𑀺, 𑀭𑀢𑁆𑀦𑀁=𑀭𑀢𑀦𑀁, 𑀦𑁆𑀳𑀸𑀦𑀁=𑀦𑀳𑀸𑀦𑀁, 𑀅𑀲𑁆𑀦𑀸𑀢𑀺=𑀅𑀲𑀦𑀸𑀢𑀺, 𑀳𑀦𑁆𑀢𑀺=𑀳𑀦𑀢𑀺, 𑀳𑀦𑁆𑀢𑀺 𑀓𑀼𑀤𑁆𑀥𑁄 𑀧𑀼𑀣𑀼𑀚𑁆𑀚𑀦𑁄 [𑀅. 𑀦𑀺. 𑁭.𑁬𑁪], 𑀨𑀮𑀁 𑀯𑁂 𑀓𑀤𑀮𑀺𑀁 𑀳𑀦𑁆𑀢𑀺 [𑀅. 𑀦𑀺. 𑁪.𑁬𑁮], 𑀲𑀓𑁆𑀓𑀸𑀭𑁄 𑀓𑀸𑀧𑀼𑀭𑀺𑀲𑀁 𑀳𑀦𑁆𑀢𑀺. 𑀓𑀢𑁆𑀣𑀘𑀺 𑀩𑀳𑀼𑀯𑀘𑀦𑀫𑁆𑀧𑀺 𑀤𑀺𑀲𑁆𑀲𑀢𑀺. 𑀯𑀺𑀓𑁆𑀓𑁄𑀲𑀫𑀸𑀦𑀸 𑀢𑀺𑀩𑁆𑀩𑀸𑀳𑀺, 𑀳𑀦𑁆𑀢𑀺 𑀦𑁂𑀲𑀁 𑀯𑀭𑀁 𑀯𑀭𑀁 [𑀚𑀸. 𑁨.𑁨𑁨.𑁨𑁩𑁭𑁦].

𑀇𑀯𑀡𑁆𑀡𑀮𑁄𑀧𑁂 𑁋

𑀆𑀭𑀸𑀫𑀭𑀼𑀓𑁆𑀔𑀘𑁂𑀢𑁆𑀬𑀸𑀦𑀺=𑀘𑁂𑀢𑀺𑀬𑀸𑀦𑀺 [𑀥. 𑀧. 𑁧𑁮𑁮], 𑀅𑀣𑀢𑁆𑀣𑁂𑀓𑀲𑀢𑀁 𑀔𑀢𑁆𑀬𑀸 [𑀚𑀸. 𑁨.𑁨𑁨.𑁫𑁯𑁪] =𑀔𑀢𑁆𑀢𑀺𑀬𑀸, 𑀢𑀺𑀣𑁆𑀬𑀸 𑀧𑀼𑀣𑀼𑀲𑁄 𑀯𑀤𑀦𑁆𑀢𑀺 [𑀲𑀼. 𑀦𑀺. 𑁮𑁯𑁭]. 𑀢𑀺𑀣𑁆𑀬𑀸 𑀧𑀼𑀣𑀼𑀲𑁄 𑀦𑀺𑀯𑀺𑀝𑁆𑀞𑀸 [𑀲𑀼. 𑀦𑀺. 𑁮𑁯𑁮] =𑀢𑀺𑀢𑁆𑀣𑀺𑀬𑀸. 𑀯𑀺𑀤𑁆𑀥𑀲𑁆𑀢𑁄=𑀯𑀺𑀤𑁆𑀥𑀁𑀲𑀺𑀢𑁄, 𑀉𑀢𑁆𑀭𑀲𑁆𑀢𑁄=𑀉𑀢𑁆𑀭𑀸𑀲𑀺𑀢𑁄, 𑀲𑁆𑀦𑁂𑀳𑁄=𑀲𑀺𑀦𑁂𑀳𑁄, 𑀓𑁆𑀮𑁂𑀲𑀯𑀢𑁆𑀣𑀽𑀦𑀺=𑀓𑀺𑀮𑁂𑀲𑀯𑀢𑁆𑀣𑀽𑀦𑀺, 𑀓𑁆𑀭𑀺𑀬𑀸=𑀓𑀺𑀭𑀺𑀬𑀸, 𑀧𑁆𑀮𑀯𑀦𑁆𑀢𑀺=𑀧𑀺𑀮𑀯𑀦𑁆𑀢𑀺.

𑀉𑀯𑀡𑁆𑀡𑀮𑁄𑀧𑁂 𑁋

𑀧𑀤𑁆𑀥𑀸𑀦𑀺=𑀧𑀤𑀼𑀫𑀸𑀦𑀺, 𑀉𑀲𑁆𑀫𑀸=𑀉𑀲𑀼𑀫𑀸 𑀇𑀘𑁆𑀘𑀸𑀤𑀺.

𑀲𑀁𑀬𑁄𑀕𑀸𑀤𑀺𑀩𑁆𑀬𑀜𑁆𑀚𑀦𑀮𑁄𑀧𑁄 𑀘 𑁋

𑀧𑀼𑀢𑁆𑀢𑀸𑀦𑀜𑁆𑀳𑀺 𑀯𑀥𑁄 𑀤𑀼𑀔𑁄, 𑀫𑀸𑀢𑀺𑀖𑁄 𑀮𑀪𑀢𑁂 𑀤𑀼𑀔𑀁, 𑀅𑀧𑁆𑀧𑀲𑁆𑀲𑀸𑀤𑀸 𑀓𑀸𑀫𑀸 𑀤𑀼𑀔𑀸, 𑀦𑀢𑁆𑀣𑀺 𑀓𑀸𑀫𑀧𑀭𑀁 𑀤𑀼𑀔𑀁 [𑀚𑀸. 𑁨.𑁧𑁯.𑁧𑁧𑁮], 𑀲𑁂𑀔𑁄=𑀲𑁂𑀓𑁆𑀔𑁄, 𑀅𑀧𑁂𑀔𑀸=𑀅𑀧𑁂𑀓𑁆𑀔𑀸, 𑀉𑀧𑀲𑀫𑁆𑀧𑀤𑀸𑀧𑁂𑀔𑁄=𑀉𑀧𑀲𑀫𑁆𑀧𑀤𑀸𑀧𑁂𑀓𑁆𑀔𑁄 [𑀫𑀳𑀸𑀯. 𑁭𑁦] 𑀇𑀘𑁆𑀘𑀸𑀤𑀺.

𑀲𑀭𑁂𑀦 𑀲𑀳 𑀩𑁆𑀬𑀜𑁆𑀚𑀦𑀮𑁄𑀧𑁄 𑁋

𑀧𑀝𑀺𑀲𑀗𑁆𑀔𑀸 𑀬𑁄𑀦𑀺𑀲𑁄 [𑀅. 𑀦𑀺. 𑁬.𑁫𑁮], 𑀅𑀓𑁆𑀔𑀸𑀢𑀺=𑀅𑀓𑁆𑀔𑀸𑀬𑀢𑀺, 𑀕𑀦𑁆𑀥𑀁 𑀖𑀸𑀢𑀺=𑀖𑀸𑀬𑀢𑀺, 𑀅𑀪𑀺𑀜𑁆𑀜𑀸=𑀅𑀪𑀺𑀜𑁆𑀜𑀸𑀬, 𑀧𑀭𑀺𑀜𑁆𑀜𑀸=𑀧𑀭𑀺𑀜𑁆𑀜𑀸𑀬, 𑀅𑀥𑀺𑀝𑁆𑀞𑀸=𑀅𑀥𑀺𑀝𑁆𑀞𑀸𑀬, 𑀧𑀢𑀺𑀝𑁆𑀞𑀸=𑀧𑀢𑀺𑀝𑁆𑀞𑀸𑀬, 𑀆𑀯𑀻𑀓𑀢𑀸 𑀳𑀺𑀲𑁆𑀲 𑀨𑀸𑀲𑀼 [𑀫𑀳𑀸𑀯. 𑁧𑁩𑁪] ¶ , 𑀅𑀲𑁆𑀲𑀯𑀦𑀢𑀸 𑀥𑀫𑁆𑀫𑀲𑁆𑀲 𑀧𑀭𑀺𑀳𑀸𑀬𑀦𑁆𑀢𑀺 [𑀫𑀳𑀸𑀯. 𑁮], 𑀯𑀺𑀧𑀸𑀓𑁄 𑀢𑀤𑀸𑀭𑀫𑁆𑀫𑀡𑀢𑀸 𑀉𑀧𑁆𑀧𑀚𑁆𑀚𑀢𑀺 [𑀧𑀝𑁆𑀞𑀸. 𑁩.𑁧.𑁯𑁮], 𑀤𑀲𑀸𑀳𑀧𑀭𑀫𑀢𑀸 𑀥𑀸𑀭𑁂𑀢𑀩𑁆𑀩𑀁 [𑀧𑀸𑀭𑀸. 𑁪𑁬𑁨], 𑀦𑀸𑀬𑀁 𑀩𑁆𑀭𑀸𑀳𑁆𑀫𑀡𑀪𑁄𑀚𑀦𑀢𑁆𑀣𑀸, 𑀢𑀺𑀮𑁄𑀤𑀦𑁄 𑀳𑁂𑀳𑀺𑀢𑀺 [𑀚𑀸. 𑁧.𑁮.𑁧], 𑀯𑀺𑀲𑀲𑁂𑀦𑁄𑀯 𑀕𑀸𑀭𑀬𑁆𑀳𑁄, 𑀬𑀲𑁆𑀲𑀢𑁆𑀣𑀸 𑀭𑀼𑀓𑁆𑀔𑀭𑁄𑀧𑀓𑀸 [𑀚𑀸. 𑁧.𑁩.𑁫𑁪] =𑀯𑀺𑀲𑀲𑁂𑀦𑁄𑀯𑀸𑀢𑀺 𑀏𑀯𑀁𑀦𑀸𑀫𑀓𑁄 𑀭𑀸𑀚𑀸 𑀏𑀯, 𑀬𑀲𑁆𑀲𑀢𑁆𑀣𑀸 𑀤𑀽𑀭𑀫𑀸𑀬𑀦𑁆𑀢𑀺 [𑀚𑀸. 𑁧.𑁩.𑁨𑁮] 𑁋 𑀬𑀲𑁆𑀲𑀸𑀢𑀺 𑀉𑀤𑀭𑀲𑁆𑀲, 𑀧𑀺𑀢𑀼 𑀅𑀢𑁆𑀣𑀸 𑀘𑀦𑁆𑀤𑀯𑀢𑀻 [𑀚𑀸. 𑁧.𑁯.𑁬𑁬], 𑀉𑀧𑀸𑀤𑀸𑀭𑀽𑀧𑀁, 𑀅𑀦𑀼𑀧𑀸𑀤𑀸 𑀯𑀺𑀫𑀼𑀢𑁆𑀢𑁄, 𑀲𑀤𑁆𑀥𑀸𑀧𑀩𑁆𑀩𑀚𑀺𑀢𑁄, 𑀉𑀧𑀦𑀺𑀥𑀸𑀧𑀜𑁆𑀜𑀢𑁆𑀢𑀺. 𑀲𑀁𑀯𑀺𑀥𑀸𑀯𑀳𑀸𑀭𑁄, 𑀬𑀸𑀢𑀺=𑀬𑀸𑀬𑀢𑀺, 𑀯𑀸𑀢𑀺=𑀯𑀸𑀬𑀢𑀺, 𑀦𑀺𑀩𑁆𑀩𑀸𑀢𑀺=𑀦𑀺𑀩𑁆𑀩𑀸𑀬𑀢𑀺, 𑀦𑀺𑀩𑁆𑀩𑀦𑁆𑀢𑀺=𑀦𑀺𑀩𑁆𑀩𑀸𑀬𑀦𑁆𑀢𑀺, 𑀧𑀳𑀸𑀢𑀺=𑀧𑀳𑀸𑀬𑀢𑀺, 𑀲𑀧𑁆𑀧𑀢𑀺𑀲𑁆𑀲𑁄=𑀲𑀧𑁆𑀧𑀢𑀺𑀲𑁆𑀲𑀬𑁄, 𑀲𑀼𑀳𑀤𑁄=𑀲𑀼𑀳𑀤𑀬𑁄=𑀲𑀩𑁆𑀩𑀢𑁆𑀣 𑀬𑀮𑁄𑀧𑁄,

𑀫𑀼𑀔𑀭𑁄=𑀫𑀼𑀔𑀔𑀭𑁄, 𑀯𑀸𑀘𑀸𑀓𑀭𑀡𑁄=𑀯𑀸𑀓𑁆𑀓𑀭𑀡𑁄, 𑀯𑀸𑀘𑀸𑀧𑀣𑁄=𑀩𑁆𑀬𑀧𑁆𑀧𑀣𑁄=𑀯𑀸𑀲𑁆𑀲 𑀩𑁆𑀬𑀢𑁆𑀢𑀁, 𑀭𑀲𑁆𑀲𑀢𑁆𑀢𑀜𑁆𑀘, 𑀏𑀯𑀁 𑀩𑁆𑀬𑀸𑀔𑁄=𑀏𑀯𑀁 𑀯𑀺𑀬 𑀔𑁄=𑀯𑀺𑀲𑁆𑀲 𑀩𑁆𑀬𑀢𑁆𑀢𑀁, 𑀤𑀻𑀖𑁄 𑀘 𑀬𑀮𑁄𑀧𑁄 𑀘.

𑀮𑁄𑀮𑀼𑀧𑁄, 𑀫𑁄𑀫𑀼𑀳𑁄, 𑀓𑀼𑀓𑁆𑀓𑀼𑀘𑁄, 𑀲𑀼𑀲𑀼𑀔𑁄, 𑀭𑁄𑀭𑀼𑀯𑁄𑀇𑀘𑁆𑀘𑀸𑀤𑀻𑀲𑀼 𑀧𑀦 𑀅𑀢𑀺𑀲𑀬𑀢𑁆𑀣𑀤𑀻𑀧𑀦𑀢𑁆𑀣𑀁 𑀧𑀤𑀤𑁆𑀯𑀺𑀢𑁆𑀢𑀁 𑀓𑀢𑁆𑀯𑀸 𑀧𑀼𑀩𑁆𑀩𑀧𑀤𑁂𑀲𑀼 𑀅𑀓𑁆𑀔𑀭𑀮𑁄𑀧𑁄.

𑀧𑀤𑀮𑁄𑀧𑁄 𑀆𑀤𑀺𑀫𑀚𑁆𑀛𑀦𑁆𑀢𑁂𑀲𑀼 𑁋

𑀤𑀢𑁆𑀢𑁄=𑀤𑁂𑀯𑀤𑀢𑁆𑀢𑁄, 𑀅𑀲𑁆𑀲𑁂𑀳𑀺 𑀬𑀼𑀢𑁆𑀢𑁄 𑀭𑀣𑁄=𑀅𑀲𑁆𑀲𑀭𑀣𑁄, 𑀭𑀽𑀧𑀪𑀯𑁄=𑀭𑀽𑀧𑀁, 𑀅𑀭𑀽𑀧𑀪𑀯𑁄=𑀅𑀭𑀽𑀧𑀁 𑀇𑀘𑁆𑀘𑀸𑀤𑀺.

𑀮𑁄𑀧𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀤𑀻𑀖, 𑀭𑀲𑁆𑀲𑀭𑀸𑀲𑀺

𑀅𑀣 ¶ 𑀤𑀻𑀖, 𑀭𑀲𑁆𑀲𑀸 𑀤𑀻𑀧𑀺𑀬𑀦𑁆𑀢𑁂.

𑁩𑁪. 𑀲𑁂𑀲𑀸 𑀤𑀻𑀖𑀸.

𑀧𑀓𑁆𑀔𑀺𑀢𑁆𑀢𑀫𑀺𑀤𑀁 𑀲𑀼𑀢𑁆𑀢𑀁. 𑀮𑀼𑀢𑁆𑀢𑁂𑀳𑀺 𑀯𑀸 𑀆𑀤𑁂𑀲𑀓𑀢𑁂𑀳𑀺 𑀯𑀸 𑀯𑀡𑁆𑀡𑁂𑀳𑀺 𑀲𑁂𑀲𑀸 𑀭𑀲𑁆𑀲𑀲𑀭𑀸 𑀓𑁆𑀯𑀘𑀺 𑀤𑀻𑀖𑀸 𑀳𑁄𑀦𑁆𑀢𑀺 𑀯𑀸.

𑀧𑀼𑀩𑁆𑀩𑀮𑀼𑀢𑁆𑀢𑁂 𑀢𑀸𑀯 𑁋

𑀢𑀢𑁆𑀭𑀸𑀬𑀫𑀸𑀤𑀺 𑀪𑀯𑀢𑀺𑀁 [𑀥. 𑀧. 𑁩𑁭𑁫], 𑀢𑀢𑁆𑀭𑀸𑀪𑀺𑀭𑀢𑀺𑀫𑀺𑀘𑁆𑀙𑁂𑀬𑁆𑀬 [𑀥. 𑀧. 𑁮𑁮; 𑀲𑀁. 𑀦𑀺. 𑁫.𑁧𑁯𑁮], 𑀩𑀼𑀤𑁆𑀥𑀸𑀦𑀼𑀲𑁆𑀲𑀢𑀺, 𑀲𑀤𑁆𑀥𑀻𑀥 𑀯𑀺𑀢𑁆𑀢𑀁 𑀧𑀼𑀭𑀺𑀲𑀲𑁆𑀲 𑀲𑁂𑀝𑁆𑀞𑀁 [𑀲𑀼. 𑀦𑀺. 𑁧𑁮𑁩], 𑀅𑀦𑀸𑀕𑀸𑀭𑁂𑀳𑀺 𑀘𑀽𑀪𑀬𑀁 [𑀥. 𑀧. 𑁪𑁦𑁪; 𑀲𑀼. 𑀦𑀺. 𑁬𑁩𑁩], 𑀥𑀫𑁆𑀫𑀽𑀧𑀲𑀁𑀳𑀺𑀢𑀸 [𑀤𑀻. 𑀦𑀺. 𑁨.𑁩𑁪𑁯], 𑀢𑀣𑀽𑀧𑀫𑀁 𑀥𑀫𑁆𑀫𑀯𑀭𑀁 𑀅𑀤𑁂𑀲𑀬𑀺 [𑀔𑀼. 𑀧𑀸. 𑁬.𑁧𑁩], 𑀢𑁂𑀲𑀁 𑀯𑀽𑀧𑀲𑀫𑁄 𑀲𑀼𑀔𑁄 [𑀤𑀻. 𑀦𑀺. 𑁨.𑁨𑁨𑁧] 𑀇𑀘𑁆𑀘𑀸𑀤𑀺.

𑀧𑀭𑀮𑀼𑀢𑁆𑀢𑁂 𑁋

𑀅𑀚𑀺𑀢𑀸𑀢𑀺 𑀪𑀕𑀯𑀸 𑀅𑀯𑁄𑀘 [𑀲𑀼. 𑀦𑀺. 𑁧𑁦𑁩𑁯, 𑁧𑁦𑁪𑁧], 𑀲𑀼𑀫𑁂𑀥𑁄 𑀲𑀸𑀚𑀸𑀢𑁄 𑀘𑀸𑀢𑀺, 𑀭𑀼𑀧𑁆𑀧𑀢𑀻𑀢𑀺 𑀭𑀽𑀧𑀁 [𑀲𑀁. 𑀦𑀺. 𑁩.𑁭𑁯], 𑀩𑀼𑀚𑁆𑀛𑀢𑀻𑀢𑀺 𑀩𑀼𑀤𑁆𑀥𑁄, 𑀲𑀸𑀥𑀽𑀢𑀺𑀧𑀢𑀺𑀲𑁆𑀲𑀼𑀡𑀺𑀢𑁆𑀯𑀸 [𑀥. 𑀧. 𑀅𑀝𑁆𑀞. 𑁧.𑁪 𑀓𑀸𑀴𑀬𑀓𑁆𑀔𑀺𑀦𑀻𑀯𑀢𑁆𑀣𑀼], 𑀓𑀺𑀁𑀲𑀽𑀥 𑀯𑀺𑀢𑁆𑀢𑀁 𑀧𑀼𑀭𑀺𑀲𑀲𑁆𑀲 𑀲𑁂𑀝𑁆𑀞𑀁 [𑀲𑀼. 𑀦𑀺. 𑁧𑁮𑁪] 𑀇𑀘𑁆𑀘𑀸𑀤𑀺.

𑀩𑀺𑀦𑁆𑀤𑀼𑀮𑀼𑀢𑁆𑀢𑁂 𑁋

𑀢𑀸𑀲𑀸𑀳𑀁 [𑀧𑀸𑀘𑀺. 𑁭𑁦𑁯], 𑀢𑁂𑀲𑀸𑀳𑀁 [𑀚𑀸. 𑁨.𑁨𑁨.𑁩𑁧𑁩].

𑀆𑀤𑁂𑀲𑁂𑀲𑀼 𑁋

𑀫𑁆𑀬𑀸𑀬𑀁𑀥𑀫𑁆𑀫𑁄 [𑀫𑀳𑀸𑀯. 𑁭], 𑀲𑁆𑀯𑀸𑀳𑀁 [𑀧𑁂. 𑀯. 𑁪𑁮𑁫], 𑀯𑀺𑀢𑁆𑀬𑀸𑀦𑀼𑀪𑀽𑀬𑀢𑁂 𑀇𑀘𑁆𑀘𑀸𑀤𑀺.

𑀬𑀤𑀺𑀧𑀺 𑀇𑀫𑀸𑀦𑀺 𑀭𑀽𑀧𑀸𑀦𑀺 𑀩𑁆𑀬𑀜𑁆𑀚𑀦𑁂 𑀉𑀧𑀭𑀺𑀲𑀼𑀢𑁆𑀢𑁂𑀦 𑀲𑀺𑀚𑁆𑀛𑀦𑁆𑀢𑀺, 𑀮𑀼𑀢𑁆𑀢𑀸𑀤𑁂𑀲𑁂𑀲𑀼 𑀧𑀦 𑀦𑀺𑀘𑁆𑀘𑀫𑀺𑀯 𑀤𑀻𑀖𑀲𑀺𑀤𑁆𑀥𑀺𑀜𑀸𑀧𑀦𑀢𑁆𑀣𑀁 𑀇𑀤𑀁 𑀲𑀼𑀢𑁆𑀢𑀁 𑀧𑀓𑁆𑀔𑀺𑀢𑁆𑀢𑀦𑁆𑀢𑀺 𑀤𑀝𑁆𑀞𑀩𑁆𑀩𑀁.

𑁩𑁫. 𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸 [𑀓. 𑁨𑁫, 𑁨𑁬; 𑀦𑀻. 𑁩𑁫, 𑁩𑁬, 𑁬𑁪, 𑁭𑁧, 𑁧𑁬𑁫, 𑁧𑁭𑁯].

𑀩𑁆𑀬𑀜𑁆𑀚𑀦𑁂 ¶ 𑀧𑀭𑁂 𑀭𑀲𑁆𑀲𑀤𑀻𑀖𑀸𑀦𑀁 𑀓𑁆𑀯𑀘𑀺 𑀤𑀻𑀖, 𑀭𑀲𑁆𑀲𑀸 𑀳𑁄𑀦𑁆𑀢𑀺 𑀯𑀸. 𑀢𑀢𑁆𑀣 𑀤𑀻𑀖𑀯𑀺𑀥𑀺 𑀦𑀸𑀫 𑀕𑀸𑀣𑀸𑀯𑀲𑁂𑀦 𑀯𑀸 𑀆𑀕𑀫𑀯𑀲𑁂𑀦 𑀯𑀸 𑀯𑀘𑀦𑀲𑀼𑀔𑀯𑀲𑁂𑀦 𑀯𑀸 𑀩𑀼𑀤𑁆𑀥𑀺𑀲𑀼𑀔𑀯𑀲𑁂𑀦 𑀯𑀸 𑀳𑁄𑀢𑀺.

𑀢𑀢𑁆𑀣 𑀕𑀸𑀣𑀸𑀯𑀲𑁂𑀦 𑀢𑀸𑀯 𑁋

𑀫𑀥𑀼𑀯𑀸𑀫𑀜𑁆𑀜𑀢𑀺 𑀩𑀸𑀮𑁄 [𑀥. 𑀧. 𑁬𑁯], 𑀔𑀦𑁆𑀢𑀻 𑀘 𑀲𑁄𑀯𑀘𑀲𑁆𑀲𑀢𑀸 [𑀔𑀼. 𑀧𑀸. 𑁫.𑁧𑁦], 𑀏𑀯𑀁 𑀕𑀸𑀫𑁂 𑀫𑀼𑀦𑀻 𑀘𑀭𑁂 [𑀥. 𑀧. 𑁪𑁯], 𑀲𑀓𑁆𑀓𑁄 𑀉𑀚𑀽 𑀘 𑀲𑀼𑀳𑀼𑀚𑀽 𑀘 [𑀔𑀼. 𑀧𑀸. 𑁯.𑁧] 𑀇𑀘𑁆𑀘𑀸𑀤𑀺.

𑀆𑀕𑀫𑁂 𑁋

𑀉𑀭𑀕𑀸𑀫𑀺𑀯 [𑀚𑀸. 𑁧.𑁭.𑁩𑁦], 𑀅𑀭𑀳𑀢𑀸𑀫𑀺𑀯 [𑀤𑀻. 𑀦𑀺. 𑁨.𑁩𑁪𑁮], 𑀧𑀲𑁆𑀲𑀢𑀸𑀫𑀺𑀯 [𑀲𑀼. 𑀦𑀺. 𑁭𑁬𑁯] 𑀇𑀘𑁆𑀘𑀸𑀤𑀺. 𑀕𑀸𑀣𑀸𑀯𑀲𑁂𑀦𑀸𑀢𑀺𑀧𑀺 𑀬𑀼𑀚𑁆𑀚𑀢𑀺.

𑀯𑀘𑀦𑀲𑀼𑀔𑀜𑁆𑀘 𑀩𑀼𑀤𑁆𑀥𑀺𑀲𑀼𑀔𑀜𑁆𑀘 𑀧𑀼𑀭𑀺𑀫𑁂 𑀲𑁂𑀲𑀤𑀻𑀖𑁂𑀧𑀺 𑀮𑀩𑁆𑀪𑀢𑀺.

𑀢𑀢𑁆𑀣 𑀯𑀘𑀦𑀲𑀼𑀔𑁂 𑁋

𑀙𑀸𑀭𑀢𑁆𑀢𑀁 𑀫𑀸𑀦𑀢𑁆𑀢𑀁 [𑀘𑀽𑀴𑀯. 𑁯𑁭], 𑀧𑀓𑀝𑁆𑀞𑀁 𑀯𑀘𑀦𑀁 𑀧𑀸𑀯𑀘𑀦𑀁, 𑀧𑀸𑀲𑀸𑀤𑁄, 𑀧𑀸𑀓𑀸𑀭𑁄, 𑀧𑀸𑀯𑀲𑁆𑀲𑀺 𑀫𑁂𑀖𑁄, 𑀦𑀕𑀭𑀁 𑀧𑀸𑀯𑀺𑀲𑀺, 𑀧𑀸𑀯𑁂𑀓𑁆𑀔𑀺, 𑀧𑀸𑀭𑀺𑀲𑀼𑀤𑁆𑀥𑀺, 𑀧𑀸𑀝𑀺𑀧𑀤𑁄, 𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺 [𑀥. 𑀲. 𑀅𑀝𑁆𑀞. 𑁫𑁮𑁪] 𑀇𑀘𑁆𑀘𑀸𑀤𑀺.

𑀩𑀼𑀤𑁆𑀥𑀺𑀲𑀼𑀔𑀁 𑀦𑀸𑀫 𑀧𑀤𑀘𑁆𑀙𑁂𑀤𑀜𑀸𑀡𑀲𑀼𑀔𑀁. 𑀢𑀢𑁆𑀣 𑁋

𑀲𑀸𑀢𑁆𑀣𑀁 𑀲𑀩𑁆𑀬𑀜𑁆𑀚𑀦𑀁 [𑀧𑀸𑀭𑀸. 𑁧], 𑀲𑀸𑀢𑁆𑀣𑀺𑀓𑀸 𑀥𑀫𑁆𑀫𑀤𑁂𑀲𑀦𑀸, 𑀘𑀓𑁆𑀔𑀼𑀫𑀸𑀲𑁆𑀲 𑀬𑀣𑀸 𑀅𑀦𑁆𑀥𑁄 𑀇𑀘𑁆𑀘𑀸𑀤𑀺.

𑀩𑀺𑀦𑁆𑀤𑀼𑀮𑀼𑀢𑁆𑀢𑁂 𑀧𑀦 𑀲𑀸𑀭𑀸𑀕𑁄, 𑀲𑀸𑀭𑀢𑁆𑀢𑁄 𑀇𑀘𑁆𑀘𑀸𑀤𑀻𑀦𑀺 𑀧𑀼𑀩𑁆𑀩𑁂 𑀉𑀤𑁆𑀥𑀝𑀸𑀦𑀺𑀬𑁂𑀯.

𑀇𑀢𑀺 𑀤𑀻𑀖𑀭𑀸𑀲𑀺.

𑀭𑀲𑁆𑀲𑀲𑀦𑁆𑀥𑀺𑀫𑁆𑀳𑀺 ¶ 𑀕𑀸𑀣𑀸𑀯𑀲𑁂𑀦 𑀢𑀸𑀯 𑁋

𑀬𑀺𑀝𑁆𑀞𑀁𑀯𑀳𑀼𑀢𑀁𑀯 𑀮𑁄𑀓𑁂 [𑀥. 𑀧. 𑁧𑁦𑁮], 𑀪𑁄𑀯𑀸𑀤𑀺 𑀦𑀸𑀫 𑀲𑁄 𑀳𑁄𑀢𑀺 [𑀥. 𑀧. 𑁩𑁯𑁬; 𑀲𑀼. 𑀦𑀺. 𑁬𑁨𑁫], 𑀬𑀣𑀸𑀪𑀸𑀯𑀺 𑀕𑀼𑀡𑁂𑀦 𑀲𑁄 𑀇𑀘𑁆𑀘𑀸𑀤𑀺.

𑀆𑀕𑀫𑁂 𑀬, 𑀭, 𑀤𑀸𑀕𑀫𑁂𑀲𑀼 𑀧𑀼𑀩𑁆𑀩𑀭𑀲𑁆𑀲𑁄 𑁋

𑀬𑀣𑀬𑀺𑀤𑀁 [𑀅. 𑀦𑀺. 𑁧.𑁧-𑁪], 𑀢𑀣𑀬𑀺𑀤𑀁, 𑀬𑀣𑀭𑀺𑀯 𑀅𑀫𑁆𑀳𑀸𑀓𑀁 𑀪𑀕𑀯𑀸, 𑀢𑀣𑀭𑀺𑀯 𑀪𑀺𑀓𑁆𑀔𑀼𑀲𑀗𑁆𑀖𑁄, 𑀲𑀫𑁆𑀫𑀤𑁂𑀯 𑀲𑀫𑀸𑀘𑀭𑁂 [𑀲𑀁. 𑀦𑀺. 𑁧.𑁧𑁧𑁨], 𑀲𑀫𑁆𑀫𑀤𑀓𑁆𑀔𑀸𑀢𑁄 𑀫𑀬𑀸 𑀲𑀢𑀺𑀲𑀫𑁆𑀩𑁄𑀚𑁆𑀛𑀗𑁆𑀕𑁄 [𑀲𑀁. 𑀦𑀺. 𑁫.𑁧𑁯𑁪] 𑀇𑀘𑁆𑀘𑀸𑀤𑀺.

𑀲𑀁𑀬𑁄𑀕𑀭𑀲𑁆𑀲𑁄 𑀦𑀸𑀫 𑀩𑀳𑀼𑀮𑀁 𑀮𑀩𑁆𑀪𑀢𑀺 𑁋

𑀅𑀓𑁆𑀓𑀫𑁄, 𑀧𑀭𑀓𑁆𑀓𑀫𑁄, 𑀅𑀓𑁆𑀔𑀸𑀢𑁄, 𑀅𑀜𑁆𑀜𑀸, 𑀅𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀅𑀜𑁆𑀜𑀸𑀢𑀁 𑀪𑀕𑀯𑀸, 𑀅𑀜𑁆𑀜𑀸𑀢𑀁 𑀲𑀼𑀕𑀢, 𑀅𑀢𑁆𑀣𑀭𑀡𑀁, 𑀅𑀧𑁆𑀨𑁄𑀝𑁂𑀢𑀺, 𑀅𑀮𑁆𑀮𑀺𑀬𑀢𑀺, 𑀅𑀘𑁆𑀙𑀺𑀦𑁆𑀤𑀢𑀺, 𑀅𑀲𑁆𑀲𑀸𑀤𑁄, 𑀆𑀪𑀲𑁆𑀲𑀭𑁄, 𑀧𑀪𑀲𑁆𑀲𑀭𑁄, 𑀲𑀩𑁆𑀩𑀜𑁆𑀜𑀼𑀢𑀜𑁆𑀜𑀸𑀡𑀁, 𑀛𑀸𑀦𑀲𑁆𑀲 𑀮𑀸𑀪𑀺𑀫𑁆𑀳𑀺 𑀯𑀲𑀺𑀫𑁆𑀳𑀺 [𑀧𑀸𑀭𑀸. 𑁨𑁦𑁩-𑁨𑁦𑁪].

𑀢𑀸, 𑀢𑁄𑀧𑀘𑁆𑀘𑀬𑁂𑀲𑀼𑀧𑀺 𑀭𑀲𑁆𑀲𑁄 𑁋

𑀓𑀢𑀜𑁆𑀜𑀼𑀢𑀸, 𑀅𑀢𑁆𑀣𑀜𑁆𑀜𑀼𑀢𑀸, 𑀥𑀫𑁆𑀫𑀜𑁆𑀜𑀼𑀢𑀸, 𑀓𑀜𑁆𑀜𑀢𑁄, 𑀦𑀤𑀺𑀢𑁄, 𑀯𑀥𑀼𑀢𑁄.

𑀲𑀫𑀸𑀲𑁂 𑁋

𑀇𑀢𑁆𑀣𑀺𑀧𑀼𑀫𑀁, 𑀇𑀢𑁆𑀣𑀺𑀮𑀺𑀗𑁆𑀕𑀁, 𑀇𑀢𑁆𑀣𑀺𑀪𑀸𑀯𑁄, 𑀲𑀩𑁆𑀩𑀜𑁆𑀜𑀼𑀩𑀼𑀤𑁆𑀥𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀭𑀲𑁆𑀲𑀭𑀸𑀲𑀺.

𑀤𑀻𑀖, 𑀭𑀲𑁆𑀲𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀯𑀼𑀤𑁆𑀥𑀺𑀭𑀸𑀲𑀺

𑀅𑀣 ¶ 𑀯𑀼𑀤𑁆𑀥𑀺𑀲𑀦𑁆𑀥𑀺 𑀤𑀻𑀧𑀺𑀬𑀢𑁂.

𑁩𑁬. 𑀬𑀼𑀯𑀡𑁆𑀡𑀸𑀦𑀫𑁂𑀑 𑀮𑀼𑀢𑁆𑀢𑀸 [𑀓. 𑁧𑁪; 𑀭𑀽. 𑁧𑁬; 𑀦𑀻. 𑁩𑁪].

𑀮𑀼𑀢𑁆𑀢𑀸 𑀧𑀼𑀩𑁆𑀩𑀲𑀭𑀫𑁆𑀳𑀸 𑀯𑀸 𑀧𑀭𑀲𑀭𑀫𑁆𑀳𑀸 𑀯𑀸 𑀲𑁂𑀲𑀸𑀦𑀁 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀓𑀫𑁂𑀦 𑀏, 𑀑𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.

𑀧𑀭𑀇𑀯𑀡𑁆𑀡𑁂 𑁋

𑀩𑀦𑁆𑀥𑀼𑀲𑁆𑀲𑁂𑀯 𑀲𑀫𑀸𑀕𑀫𑁄, 𑀅𑀢𑁂𑀯 𑀫𑁂 𑀅𑀘𑁆𑀙𑀭𑀺𑀬𑀁 [𑀚𑀸. 𑁨.𑁨𑁨.𑁧𑁯𑁮𑁮], 𑀯𑀸𑀢𑁂𑀭𑀺𑀢𑀁, 𑀚𑀺𑀦𑁂𑀭𑀺𑀢𑀁.

𑀧𑀭𑀉𑀯𑀡𑁆𑀡𑁂 𑁋

𑀕𑀗𑁆𑀕𑁄𑀤𑀓𑀁, 𑀧𑀢𑁆𑀢𑀁 𑀯𑁄𑀤𑀓𑀁 𑀓𑀢𑁆𑀯𑀸 [𑀘𑀽𑀴𑀯. 𑁩𑁭𑁬], 𑀲𑀗𑁆𑀔𑁆𑀬𑀁 [𑀲𑀼. 𑀦𑀺. 𑁭𑁫𑁪] 𑀦𑁄𑀧𑁂𑀢𑀺 𑀯𑁂𑀤𑀕𑀽 [𑀫𑀳𑀸𑀦𑀺. 𑁬], 𑀉𑀤𑀓𑁄𑀫𑀺𑀯 𑀚𑀸𑀢𑀁.

𑀓𑁆𑀭𑀺𑀬𑀸𑀧𑀤𑁂𑀲𑀼 𑁋

𑀯𑁂𑀢𑀺, 𑀅𑀧𑁂𑀢𑀺, 𑀉𑀧𑁂𑀢𑀺, 𑀅𑀧𑁂𑀓𑁆𑀔𑀸, 𑀉𑀧𑁂𑀓𑁆𑀔𑀸 𑀇𑀘𑁆𑀘𑀸𑀤𑀺.

𑀧𑀼𑀩𑁆𑀩𑀇𑀯𑀡𑁆𑀡𑁂 𑁋

𑀭𑀣𑁂𑀲𑀪𑁄, 𑀚𑀦𑁂𑀲𑀪𑁄, 𑀫𑀼𑀦𑁂𑀮𑀬𑁄 𑀇𑀘𑁆𑀘𑀸𑀤𑀺- 𑀢𑀢𑁆𑀣 𑀭𑀣𑀻𑀦𑀁 𑀆𑀲𑀪𑁄 𑀚𑁂𑀝𑁆𑀞𑀓𑁄𑀢𑀺 𑀭𑀣𑁂𑀲𑀪𑁄, 𑀭𑀣𑀻𑀦𑀦𑁆𑀢𑀺 𑀭𑀣𑀯𑀦𑁆𑀢𑀸𑀦𑀁 𑀭𑀣𑀭𑀼𑀴𑁆𑀳𑀸𑀦𑀁 𑀬𑁄𑀥𑀸𑀦𑀦𑁆𑀢𑀺 𑀅𑀢𑁆𑀣𑁄. 𑀚𑀦𑀻𑀦𑀁 𑀆𑀲𑀪𑁄 𑀚𑀦𑁂𑀲𑀪𑁄, 𑀚𑀦𑀻𑀦𑀦𑁆𑀢𑀺 𑀚𑀦𑀯𑀦𑁆𑀢𑀸𑀦𑀁 𑀇𑀲𑁆𑀲𑀭𑀸𑀦𑀁. 𑀫𑀼𑀦𑀻𑀦𑀁 𑀆𑀮𑀬𑁄 𑀯𑀺𑀳𑀸𑀭𑁄 𑀫𑀼𑀦𑁂𑀮𑀬𑁄.

𑀧𑀼𑀩𑁆𑀩𑀉𑀯𑀡𑁆𑀡𑁂 𑁋

𑀲𑀼𑀦𑁆𑀤𑀭𑀸 𑀇𑀢𑁆𑀣𑀻 𑀲𑁄𑀢𑁆𑀣𑀺, 𑀲𑀼𑀦𑁆𑀤𑀭𑁄 𑀅𑀢𑁆𑀣𑁄 𑀬𑀲𑁆𑀲𑀸𑀢𑀺 𑀲𑁄𑀢𑁆𑀣𑀺, 𑀭𑀲𑁆𑀲𑀢𑁆𑀢𑀁, 𑀫𑀗𑁆𑀕𑀮𑀁.

𑀯𑀼𑀤𑁆𑀥𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀆𑀤𑁂𑀲𑀲𑀦𑁆𑀥𑀺

𑀅𑀣𑀸𑀤𑁂𑀲𑀲𑀦𑁆𑀥𑀺 ¶ 𑀤𑀻𑀧𑀺𑀬𑀢𑁂.

𑁩𑁭. 𑀬𑀯𑀸 𑀲𑀭𑁂 [𑀓. 𑁧𑁮, 𑁧𑁯, 𑁨𑁧, 𑁪𑁫; 𑀦𑀻. 𑁪𑁪, 𑁪𑁬, 𑁪𑁭, 𑁫𑁧, 𑁫𑁮].

𑀲𑀭𑁂 𑀧𑀭𑁂 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀬, 𑀯𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.

𑀇𑀯𑀡𑁆𑀡𑁂 𑁋

𑀧𑀝𑀺𑀲𑀦𑁆𑀣𑀸𑀭𑀯𑀼𑀢𑁆𑀬𑀲𑁆𑀲 [𑀥. 𑀧. 𑁩𑁭𑁬], 𑀲𑀩𑁆𑀩𑀸 𑀯𑀺𑀢𑁆𑀬𑀸𑀦𑀼𑀪𑀽𑀬𑀢𑁂, 𑀓𑁆𑀬𑀸𑀳𑀁 𑀅𑀧𑀭𑀚𑁆𑀛𑀸𑀫𑀺 [𑀧𑀸𑀭𑀸. 𑁩𑁮𑁩] 𑁋 𑀇𑀥 𑀧𑀞𑀫𑀁 𑀩𑀺𑀦𑁆𑀥𑀼𑀮𑁄𑀧𑁄, 𑀲𑀼𑀢𑀸 𑀘 𑀧𑀡𑁆𑀟𑀺𑀢𑀸𑀢𑁆𑀬𑀢𑁆𑀣, 𑀲𑀼𑀢𑀸 𑀘 𑀧𑀡𑁆𑀟𑀺𑀢𑀸𑀢𑁆𑀬𑀫𑁆𑀳𑀸 [𑀚𑀸. 𑁨.𑁨𑁧.𑁧𑁪𑁯], 𑀜𑀸𑀢𑁄 𑀲𑁂𑀦𑀸𑀧𑀢𑀻𑀢𑁆𑀬𑀸𑀳𑀁 [𑀚𑀸. 𑁨.𑁨𑁧.𑁯𑁪], 𑀇𑀘𑁆𑀘𑁂𑀢𑀁 𑀓𑀼𑀲𑀮𑀁 [𑀧𑀸𑀭𑀸. 𑁪𑁧𑁧], 𑀇𑀘𑁆𑀘𑀲𑁆𑀲 𑀯𑀘𑀦𑀻𑀬𑀁 [𑀤𑀻𑀖𑀦𑀺𑀓𑀸𑀬𑁂], 𑀧𑀘𑁆𑀘𑀼𑀢𑁆𑀢𑀭𑀺𑀢𑁆𑀯𑀸, 𑀧𑀘𑁆𑀘𑀸𑀳𑀭𑀢𑀺 [𑀧𑀸𑀭𑀸. 𑁩𑁦𑁫-𑁩𑁦𑁭], 𑀧𑀘𑁆𑀘𑁂𑀢𑀺, 𑀧𑀘𑁆𑀘𑀬𑁄, 𑀅𑀘𑁆𑀘𑁂𑀢𑀺, 𑀅𑀘𑁆𑀘𑀬𑁄 [𑀤𑀻. 𑀦𑀺. 𑁧.𑁨𑁫𑁧], 𑀅𑀘𑁆𑀘𑀸𑀬𑀁 𑀫𑀚𑁆𑀛𑀺𑀫𑁄 𑀔𑀡𑁆𑀟𑁄 [𑀚𑀸. 𑁧.𑁭.𑁩𑁩] 𑁋 𑀅𑀢𑀺𑀭𑁂𑀓𑁄 𑀅𑀬𑀁 𑀫𑀚𑁆𑀛𑀺𑀫𑁄 𑀔𑀡𑁆𑀟𑁄𑀢𑁆𑀬𑀢𑁆𑀣𑁄, 𑀅𑀧𑀼𑀘𑁆𑀘𑀡𑁆𑀟𑀢𑀸 𑁋 𑀅𑀧𑀼𑀢𑀺𑀅𑀡𑁆𑀟𑀢𑀸𑀢𑁆𑀬𑀢𑁆𑀣𑁄, 𑀚𑀘𑁆𑀘𑀦𑁆𑀥𑁄, 𑀚𑀘𑁆𑀘𑀖𑀸𑀦𑀓𑁄, 𑀚𑀘𑁆𑀘𑁂𑀴𑀓𑁄, 𑀅𑀩𑁆𑀪𑀼𑀕𑁆𑀕𑀘𑁆𑀙𑀢𑀺, 𑀅𑀩𑁆𑀪𑁂𑀢𑀺, 𑀅𑀩𑁆𑀪𑁄𑀓𑀸𑀲𑁄 [𑀤𑀻. 𑀦𑀺. 𑁧.𑁧𑁯𑁧], 𑀅𑀚𑁆𑀛𑁄𑀓𑀸𑀲𑁄 𑀅𑀚𑁆𑀛𑀸𑀕𑀫𑀸 𑀇𑀘𑁆𑀘𑀸𑀤𑀺.

𑀯𑀸𑀢𑁆𑀯𑁂𑀯? 𑀇𑀢𑀺𑀲𑁆𑀲 𑀫𑀼𑀳𑀼𑀢𑁆𑀢𑀫𑁆𑀧𑀺 [𑀧𑀸𑀘𑀺. 𑁪𑁬𑁫], 𑀅𑀢𑀺𑀲𑀺𑀕𑀡𑁄, 𑀅𑀥𑀻𑀭𑀺𑀢𑀁.

𑀏𑀢𑁆𑀣 𑀘 𑀇𑀘𑁆𑀘𑁂𑀢𑀦𑁆𑀢𑀺𑀆𑀤𑀻𑀲𑀼 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀇𑀢𑀺, 𑀧𑀢𑀺, 𑀅𑀢𑀺𑀧𑀼𑀢𑀺, 𑀚𑀸𑀢𑀺, 𑀅𑀪𑀺, 𑀅𑀥𑀺𑀲𑀤𑁆𑀤𑀸𑀦𑀁 𑀇𑀯𑀡𑁆𑀡𑀲𑁆𑀲 𑀬𑀢𑁆𑀢𑀁, ‘𑀢𑀯𑀕𑁆𑀕, 𑀯𑀭𑀡𑀸𑀦’…𑀦𑁆𑀢𑀺 𑀲𑀼𑀢𑁆𑀢𑁂𑀦 𑀬𑀫𑁆𑀳𑀺 𑀢𑀯𑀕𑁆𑀕𑀲𑁆𑀲 𑀘𑀢𑁆𑀢𑀁, ‘𑀯𑀕𑁆𑀕, 𑀮, 𑀲𑁂𑀳𑀺 𑀢𑁂’𑀢𑀺 𑀲𑀼𑀢𑁆𑀢𑁂𑀦 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀢𑁆𑀢𑀁, 𑀅𑀪𑀺, 𑀅𑀥𑀺𑀲𑀤𑁆𑀤𑁂𑀲𑀼 𑀧𑀦 ‘𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂𑀲’…𑀦𑁆𑀢𑀺 𑀲𑀼𑀢𑁆𑀢𑁂𑀦 𑀯𑀕𑁆𑀕𑀘𑀢𑀼𑀢𑁆𑀣𑀸𑀦𑀁 𑀢𑀢𑀺𑀬𑀢𑁆𑀢𑀁.

𑀉𑀯𑀡𑁆𑀡𑁂 ¶ 𑁋

𑀘𑀓𑁆𑀔𑁆𑀯𑀸𑀩𑀸𑀥𑀫𑀸𑀕𑀘𑁆𑀙𑀢𑀺, 𑀧𑀸𑀢𑁆𑀯𑀸𑀓𑀸𑀲𑀺 [𑀫. 𑀦𑀺. 𑁨.𑁩𑁦𑁮], 𑀯𑀢𑁆𑀣𑁆𑀯𑁂𑀢𑁆𑀣 𑀯𑀺𑀳𑀺𑀢𑀁 𑀦𑀺𑀘𑁆𑀘𑀁, 𑀤𑁆𑀯𑀸𑀓𑀸𑀭𑁄 [𑀫𑀳𑀸𑀯. 𑁯], 𑀫𑀥𑁆𑀯𑀸𑀲𑀯𑁄 [𑀧𑀸𑀘𑀺. 𑁩𑁨𑁮], 𑀅𑀦𑁆𑀯𑀬𑁄, 𑀅𑀦𑁆𑀯𑁂𑀢𑀺, 𑀲𑁆𑀯𑀸𑀓𑁆𑀔𑀸𑀢𑁄 [𑀫𑀳𑀸𑀯. 𑁨𑁬, 𑁬𑁨], 𑀲𑁆𑀯𑀸𑀓𑀸𑀭𑁄 [𑀫𑀳𑀸𑀯. 𑁯], 𑀩𑀳𑁆𑀯𑀸𑀩𑀸𑀥𑁄 𑀇𑀘𑁆𑀘𑀸𑀤𑀺.

𑁩𑁮. 𑀏𑀑𑀦𑀁 [𑀓. 𑁧𑁭, 𑁧𑁮; 𑀭𑀽. 𑁧𑁯, 𑁨𑁦; 𑀦𑀻. 𑁪𑁩, 𑁪𑁪].

𑀲𑀭𑁂 𑀧𑀭𑁂 𑀏, 𑀑𑀦𑀁 𑀬, 𑀯𑀸𑀤𑁂𑀲𑁄 𑀳𑁄𑀢𑀺 𑀯𑀸.

𑀓𑁆𑀬𑀲𑁆𑀲 𑀩𑁆𑀬𑀧𑀣𑀬𑁄 𑀅𑀲𑁆𑀲𑀼 [𑀲𑀼. 𑀦𑀺. 𑁯𑁬𑁭], 𑀓𑁆𑀬𑀲𑁆𑀲𑀼 𑀇𑀥 𑀕𑁄𑀘𑀭𑀸 [𑀲𑀼. 𑀦𑀺. 𑁯𑁬𑁭] -𑀓𑁂+𑀅𑀲𑁆𑀲 𑀧𑀼𑀕𑁆𑀕𑀮𑀲𑁆𑀲𑀸𑀢𑀺 𑀅𑀢𑁆𑀣𑁄, 𑀩𑁆𑀬𑀧𑀣𑀬𑁄𑀢𑀺 𑀯𑀘𑀦𑀧𑀣𑀸, 𑀬𑀣𑀸 𑀦𑀸𑀫𑀁 𑀢𑀣𑀸 𑀛𑀲𑁆𑀲-𑀘𑁂+𑀅𑀲𑁆𑀲𑀸𑀢𑀺 𑀙𑁂𑀤𑁄, 𑀢𑁆𑀬𑀸𑀳𑀁 𑀏𑀯𑀁 𑀯𑀤𑁂𑀬𑁆𑀬𑀁 [𑀫. 𑀦𑀺. 𑁧.𑁩𑁦], 𑀢𑁆𑀬𑀲𑁆𑀲 𑀧𑀳𑀻𑀦𑀸 𑀳𑁄𑀦𑁆𑀢𑀺, 𑀧𑀼𑀢𑁆𑀢𑁄 𑀢𑁆𑀬𑀸𑀳𑀁 𑀫𑀳𑀸𑀭𑀸𑀚 [𑀚𑀸. 𑁧.𑁧.𑁭], 𑀧𑀩𑁆𑀩𑀢𑁆𑀬𑀸𑀳𑀁 𑀕𑀦𑁆𑀥𑀫𑀸𑀤𑀦𑁂 [𑀚𑀸. 𑁨.𑁨𑁨.𑁩𑁯𑁭], 𑀅𑀥𑀺𑀕𑀢𑁄 𑀔𑁄 𑀫𑁆𑀬𑀸𑀬𑀁 𑀥𑀫𑁆𑀫𑁄 [𑀫𑀳𑀸𑀯. 𑁭], 𑀬𑁆𑀬𑀲𑁆𑀲 𑀯𑀺𑀧𑁆𑀧𑀝𑀺𑀲𑀸𑀭𑀚𑀸, 𑀬𑁆𑀬𑀲𑁆𑀲 𑀢𑁂 𑀳𑁄𑀦𑁆𑀢𑀺 𑀅𑀦𑀢𑁆𑀣𑀓𑀸𑀫𑀸, 𑀬𑁆𑀬𑀲𑁆𑀲𑀼 𑀫𑀜𑁆𑀜𑀸𑀫𑀺 𑀲𑀫𑀡𑁂-𑀏𑀢𑁆𑀣 𑀘 𑀅𑀯𑀺𑀲𑀺𑀝𑁆𑀞𑁂𑀧𑀺 𑀯𑀘𑀦𑀲𑀤𑁆𑀤𑁂 𑀬𑁂+𑀅𑀲𑁆𑀲𑀸𑀢𑀺 𑀧𑀤𑀘𑁆𑀙𑁂𑀤𑀩𑀼𑀤𑁆𑀥𑀺𑀲𑀼𑀔𑀢𑁆𑀣𑀁 ‘𑀬𑁆𑀬𑀲𑁆𑀲𑀸’𑀢𑀺 𑀧𑁄𑀢𑁆𑀣𑀓𑀸𑀭𑁄𑀧𑀦𑀁 𑀬𑀼𑀚𑁆𑀚𑀢𑀺𑀬𑁂𑀯, 𑀬𑀣𑀸 𑀢𑀁? ‘𑀬𑀤𑀸𑀲𑁆𑀲 𑀲𑀻𑀮𑀁 𑀧𑀜𑁆𑀜𑀜𑁆𑀘’ [𑀚𑀸. 𑁨.𑁨𑁨.𑁧𑁪𑁭𑁪] 𑀇𑀘𑁆𑀘𑀸𑀤𑀻𑀲𑀼 𑀯𑀺𑀬, 𑀓𑁆𑀯𑀢𑁆𑀣𑁄𑀲𑀺 𑀚𑀻𑀯𑀺𑀢𑁂𑀦 𑀫𑁂, 𑀬𑀸𑀯𑀢𑀓𑁆𑀯𑀲𑁆𑀲 𑀓𑀸𑀬𑁄, 𑀢𑀸𑀯𑀢𑀓𑁆𑀯𑀲𑁆𑀲 𑀩𑁆𑀬𑀸𑀫𑁄 [𑀤𑀻. 𑀦𑀺. 𑁨.𑁩𑁫], 𑀅𑀣 𑀔𑁆𑀯𑀲𑁆𑀲, 𑀅𑀢𑁆𑀣𑀺 𑀔𑁆𑀯𑁂𑀢𑀁 𑀩𑁆𑀭𑀸𑀳𑁆𑀫𑀡, 𑀬𑀢𑁆𑀯𑀸𑀥𑀺𑀓𑀭𑀡𑀁 [𑀤𑀻. 𑀦𑀺. 𑁧.𑁨𑁧𑁩], 𑀬𑁆𑀯𑀸𑀳𑀁, 𑀲𑁆𑀯𑀸𑀳𑀁 𑀇𑀘𑁆𑀘𑀸𑀤𑀺.

𑀯𑀸𑀢𑁆𑀯𑁂𑀯? 𑀲𑁄 𑀅𑀳𑀁 𑀯𑀺𑀘𑀭𑀺𑀲𑁆𑀲𑀸𑀫𑀺 [𑀲𑀼. 𑀦𑀺. 𑁧𑁯𑁪], 𑀲𑁄 𑀅𑀳𑀁 𑀪𑀦𑁆𑀢𑁂.

𑁩𑁯. 𑀬𑀼𑀯𑀡𑁆𑀡𑀸𑀦𑀫𑀺𑀬𑀗𑀉𑀯𑀗 [𑀫𑁄𑀕. 𑁫-𑁧𑁩𑁬 (𑀬𑀼𑀯𑀡𑁆𑀡𑀸𑀦 𑀫𑀺𑀬𑀗𑀼𑀯𑀗 𑀲𑀭𑁂)].

𑀲𑀭𑁂 𑀧𑀭𑁂 𑀇𑀯𑀡𑁆𑀡𑀼𑀯𑀡𑁆𑀡𑀦𑁆𑀢𑀸𑀦𑀁 𑀧𑀤𑀸𑀦𑀁 𑀇𑀬𑀗, 𑀉𑀯𑀗𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸. 𑀗𑀸𑀦𑀼𑀩𑀦𑁆𑀥𑁄 𑀅𑀦𑁆𑀢𑀸𑀤𑁂𑀲𑀢𑁆𑀣𑁄. 𑀏𑀯𑀁 𑀲𑀩𑁆𑀩𑀢𑁆𑀣.

𑀇𑀥 ¶ 𑀏𑀓𑁂𑀓𑀲𑁆𑀲 𑀧𑀤𑀲𑁆𑀲 𑀭𑀽𑀧𑀤𑁆𑀯𑀬𑀁 𑀯𑀼𑀘𑁆𑀘𑀢𑁂.

𑀇𑀯𑀡𑁆𑀡𑁂 𑁋

𑀢𑀺𑀬𑀦𑁆𑀢𑀁 𑀢𑁆𑀬𑀦𑁆𑀢𑀁 𑁋 𑀢𑀢𑁆𑀣 𑀢𑀺𑀬𑀦𑁆𑀢𑀦𑁆𑀢𑀺 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀲𑀺𑀤𑁆𑀥𑀁, 𑀢𑁆𑀬𑀦𑁆𑀢𑀦𑁆𑀢𑀺 ‘𑀬𑀯𑀸 𑀲𑀭𑁂’𑀢𑀺 𑀲𑀼𑀢𑁆𑀢𑁂𑀦. 𑀏𑀯𑀁 𑀲𑁂𑀲𑁂𑀲𑀼. 𑀅𑀕𑁆𑀕𑀺𑀬𑀸𑀕𑀸𑀭𑁂 𑀅𑀕𑁆𑀬𑀸𑀕𑀸𑀭𑁂, 𑀘𑀢𑀼𑀢𑁆𑀣𑀺𑀬𑀢𑁆𑀣𑁂 [𑀫𑀳𑀸𑀯. 𑁩𑁭] 𑀘𑀢𑀼𑀢𑁆𑀣𑁆𑀬𑀢𑁆𑀣𑁂, 𑀧𑀜𑁆𑀘𑀫𑀺𑀬𑀢𑁆𑀣𑁂 𑀧𑀜𑁆𑀘𑀫𑁆𑀬𑀢𑁆𑀣𑁂, 𑀧𑀣𑀯𑀺𑀬𑀸𑀓𑀸𑀲𑁄 𑀧𑀣𑀩𑁆𑀬𑀸𑀓𑀸𑀲𑁄, 𑀯𑀺𑀬𑀜𑁆𑀚𑀦𑀁 𑀩𑁆𑀬𑀜𑁆𑀚𑀦𑀁, 𑀯𑀺𑀬𑀸𑀓𑀢𑁄 𑀩𑁆𑀬𑀸𑀓𑀢𑁄, 𑀯𑀺𑀬𑀸𑀓𑀁𑀲𑀼 𑀩𑁆𑀬𑀸𑀓𑀁𑀲𑀼, 𑀯𑀺𑀬𑀢𑁆𑀢𑁄 𑀩𑁆𑀬𑀢𑁆𑀢𑁄, 𑀯𑀺𑀬𑀽𑀴𑁆𑀳𑁄 𑀩𑁆𑀬𑀽𑀴𑁆𑀳𑁄, 𑀥𑀫𑁆𑀫𑀁 𑀅𑀥𑀺𑀬𑁂𑀢𑀺 𑀅𑀚𑁆𑀛𑁂𑀢𑀺, 𑀧𑀢𑀺𑀬𑁂𑀢𑀺 𑀧𑀘𑁆𑀘𑁂𑀢𑀺 𑀧𑀢𑁆𑀢𑀺𑀬𑀸𑀬𑀢𑀺 𑀯𑀸, 𑀧𑀭𑀺𑀬𑀗𑁆𑀓𑁄 𑀧𑀮𑁆𑀮𑀗𑁆𑀓𑁄, 𑀯𑀺𑀧𑀭𑀺𑀬𑀸𑀲𑁄 𑀯𑀺𑀧𑀮𑁆𑀮𑀸𑀲𑁄, 𑀇𑀥 𑀏𑀓𑀭𑀽𑀧𑀁 𑀳𑁄𑀢𑀺 𑁋 𑀧𑀭𑀺𑀬𑀢𑁆𑀢𑀺, 𑀧𑀭𑀺𑀬𑀢𑁆𑀢𑁄, 𑀧𑀭𑀺𑀬𑀸𑀬𑁄, 𑀧𑀮𑁆𑀮𑀗𑁆𑀓𑁄𑀇𑀘𑁆𑀘𑀸𑀤𑀻𑀲𑀼 𑀧𑀭𑀺𑀲𑀤𑁆𑀤𑁂 𑀭𑀲𑁆𑀲 𑀮𑀢𑁆𑀢𑀁 𑀓𑀢𑁆𑀯𑀸 𑀇𑀲𑁆𑀲 ‘𑀬𑀯𑀸 𑀲𑀭𑁂’𑀢𑀺 𑀬𑀢𑁆𑀢𑁂 𑀓𑀢𑁂 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀢𑁆𑀢𑀁.

𑀉𑀯𑀡𑁆𑀡𑁂 𑁋

𑀪𑀺𑀓𑁆𑀔𑀼𑀯𑀸𑀲𑀦𑁂, 𑀲𑀬𑀫𑁆𑀪𑀼𑀯𑀸𑀲𑀦𑁂, 𑀇𑀥𑀧𑀺 𑀭𑀽𑀧𑀤𑁆𑀯𑀬𑀁 𑀮𑀩𑁆𑀪𑀢𑀺 𑁋 𑀤𑀼𑀯𑀗𑁆𑀕𑀺𑀓𑀁=𑀤𑁆𑀯𑀗𑁆𑀕𑀺𑀓𑀁, 𑀪𑀼𑀯𑀸𑀤𑀺𑀕𑀡𑁄=𑀪𑁆𑀯𑀸𑀤𑀺𑀕𑀡𑁄 𑀇𑀘𑁆𑀘𑀸𑀤𑀺.

𑁪𑁦. 𑀯𑀺𑀢𑀺𑀲𑁆𑀲𑁂𑀯𑁂 𑀯𑀸 [𑀭𑀽. 𑁩𑁩 (𑀧𑀺𑀝𑁆𑀞𑁂)].

𑀏𑀯𑀲𑀤𑁆𑀤𑁂 𑀧𑀭𑁂 𑀇𑀢𑀺𑀲𑀤𑁆𑀤𑀲𑁆𑀲 𑀇-𑀓𑀸𑀭𑀲𑁆𑀲 𑀯𑁄 𑀳𑁄𑀢𑀺 𑀯𑀸.

𑀇𑀢𑁆𑀯𑁂𑀯 𑀘𑁄𑀭𑁄 𑀅𑀗𑁆𑀕𑀼𑀮𑀺𑀫𑀸𑀮𑁄, 𑀲𑀫𑀼𑀤𑁆𑀤𑁄𑀢𑁆𑀯𑁂𑀯 𑀲𑀗𑁆𑀔𑁆𑀬𑀁 [𑀉𑀤𑀸. 𑁪𑁫] 𑀕𑀘𑁆𑀙𑀢𑀺, 𑀫𑀳𑀸𑀉𑀤𑀓𑀓𑁆𑀔𑀦𑁆𑀥𑁄𑀢𑁆𑀯𑁂𑀯 𑀲𑀗𑁆𑀔𑁆𑀬𑀁 𑀕𑀘𑁆𑀙𑀢𑀺, 𑀫𑀳𑀸𑀲𑀫𑁆𑀫𑀢𑁄𑀢𑁆𑀯𑁂𑀯 𑀧𑀞𑀫𑀁 𑀅𑀓𑁆𑀔𑀭𑀁 𑀦𑀺𑀩𑁆𑀩𑀢𑁆𑀢𑀁 [𑀤𑀻. 𑀦𑀺. 𑁩.𑁧𑁩𑁧], 𑀇𑀲𑀺𑀕𑀺𑀮𑀺𑀢𑁆𑀯𑁂𑀯 𑀲𑀫𑀜𑁆𑀜𑀸 𑀅𑀳𑁄𑀲𑀺 [𑀫. 𑀦𑀺. 𑁩.𑁧𑁩𑁩].

𑀯𑀸𑀢𑀺 𑀓𑀺𑀁? 𑀇𑀘𑁆𑀘𑁂𑀯𑀢𑁆𑀣𑁄, 𑀲𑀫𑀼𑀤𑁆𑀤𑁄𑀢𑁂𑀯 𑀲𑀗𑁆𑀔𑁆𑀬𑀁 𑀕𑀘𑁆𑀙𑀢𑀺.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 ¶ 𑀏𑀯𑀲𑀤𑁆𑀤𑁂 𑀧𑀭𑁂 𑀅𑀜𑁆𑀜𑀢𑀺-𑀓𑀸𑀭𑀲𑁆𑀲 𑀯𑀢𑁆𑀢𑀁. 𑀯𑀺𑀮𑀧𑀢𑁆𑀯𑁂𑀯 𑀲𑁄 𑀤𑀺𑀚𑁄 [𑀚𑀸. 𑁧.𑁬.𑁧𑁦𑁩], 𑀅𑀦𑀼𑀲𑁂𑀢𑁆𑀯𑁂𑀯𑀲𑁆𑀲 𑀓𑀸𑀫𑀭𑀸𑀕𑁄, 𑀅𑀦𑀼𑀲𑁂𑀢𑁆𑀯𑁂𑀯𑀲𑁆𑀲 𑀭𑀽𑀧𑀭𑀸𑀕𑁄 𑁋 𑀅𑀦𑀼𑀲𑁂𑀢𑀺+𑀏𑀯+𑀅𑀲𑁆𑀲𑀸𑀢𑀺 𑀙𑁂𑀤𑁄, 𑀳𑁄𑀢𑁆𑀯𑁂𑀯 𑀓𑀸𑀭𑀺𑀬𑀲𑀦𑁆𑀦𑀺𑀝𑁆𑀞𑀸𑀦𑀁, 𑀳𑁄𑀢𑁂𑀯 𑀯𑀸.

𑁪𑁧. 𑀏𑀑𑀦𑀫 𑀯𑀡𑁆𑀡𑁂 [𑀓. 𑁨𑁭; 𑀭𑀽 𑁩𑁯; 𑀦𑀻. 𑁬𑁬, 𑁧𑁬𑁩-𑁪].

𑀲𑀭𑀩𑁆𑀬𑀜𑁆𑀚𑀦𑀪𑀽𑀢𑁂 𑀯𑀡𑁆𑀡𑁂 𑀧𑀭𑁂 𑀏, 𑀑𑀦𑀁 𑀅𑀢𑁆𑀢𑀁 𑀳𑁄𑀢𑀺 𑀯𑀸. 𑀢𑀢𑁆𑀣 𑀏𑀲𑁆𑀲 𑀅𑀢𑁆𑀢𑀁 𑀬𑁂𑀪𑀼𑀬𑁆𑀬𑁂𑀦 𑀫, 𑀤𑀸𑀕𑀫𑁂𑀲𑁆𑀯𑁂𑀯 𑀳𑁄𑀢𑀺.

𑀅𑀓𑀭𑀫𑁆𑀳𑀲 𑀢𑁂 𑀓𑀺𑀘𑁆𑀘𑀁 [𑀚𑀸. 𑁧.𑁪.𑁨𑁯] 𑁋 𑀅𑀓𑀭𑀫𑁆𑀳𑀲𑁂𑀢𑁆𑀬𑀢𑁆𑀣𑁄, 𑀤𑀺𑀲𑁆𑀯𑀸 𑀬𑀸𑀘𑀓𑀫𑀸𑀕𑀢𑁂 [𑀚𑀸. 𑁧.𑁭.𑁫𑁮; 𑁨.𑁨𑁨.𑁨𑁨𑁬𑁧], 𑀤𑀺𑀲𑁆𑀯𑀸 𑀧𑀡𑁆𑀟𑀺𑀢𑀫𑀸𑀕𑀢𑁂 [𑀚𑀸. 𑁨.𑁨𑁨.𑁭𑁮𑁩], 𑀬𑀫𑀸𑀳𑀼 𑀦𑀢𑁆𑀣𑀺 𑀯𑀻𑀭𑀺𑀬𑀦𑁆𑀢𑀺 [𑀚𑀸. 𑁨.𑁧𑁮.𑁧𑁬𑁨] 𑁋 𑀬𑁂+𑀆𑀳𑀼𑀢𑁆𑀬𑀢𑁆𑀣𑁄. 𑀓𑀤𑀲𑁆𑀲𑀼 𑁋 𑀓𑁂+𑀅𑀲𑁆𑀲𑀼, 𑀬𑀤𑁂𑀯 𑀢𑁂 𑀚𑀸𑀢𑀺𑀦𑀺𑀲𑁆𑀲𑀺𑀢𑀸, 𑀢𑀤𑁂𑀯 𑀢𑁂 𑀚𑀭𑀸𑀦𑀺𑀲𑁆𑀲𑀺𑀢𑀸𑀬𑁂+𑀏𑀯, 𑀢𑁂+𑀏𑀯𑀸𑀢𑀺 𑀙𑁂𑀤𑁄, 𑀲𑁆𑀯𑁂 𑀪𑀯𑁄 𑀲𑁆𑀯𑀸𑀢𑀦𑀁 [𑀧𑀸𑀭𑀸. 𑁨𑁨] 𑁋 𑀩𑁆𑀬𑀜𑁆𑀚𑀦𑁂 𑀤𑀻𑀖𑁄.

𑀑𑀫𑁆𑀳𑀺 𑁋

𑀲 𑀲𑀻𑀮𑀯𑀸 [𑀥. 𑀧. 𑁮𑁪], 𑀲 𑀧𑀜𑁆𑀜𑀯𑀸, 𑀲 𑀯𑁂 𑀓𑀸𑀲𑀸𑀯𑀫𑀭𑀳𑀢𑀺 [𑀥. 𑀧. 𑁧𑁦], 𑀏𑀲 𑀅𑀢𑁆𑀣𑁄, 𑀏𑀲 𑀥𑀫𑁆𑀫𑁄 [𑀥. 𑀧. 𑁫], 𑀤𑀺𑀦𑁆𑀦𑀫𑀸𑀲𑀺 𑀚𑀦𑀺𑀦𑁆𑀤𑁂𑀦 [𑀚𑀸. 𑁨.𑁨𑁨.𑁨𑁧𑁬𑁧 (𑀤𑀺𑀦𑁆𑀦𑀫𑁆𑀳𑀸𑀢𑀺 𑀚𑀦𑀺𑀦𑁆𑀤𑁂𑀦)] 𑁋 𑀤𑀺𑀦𑁆𑀦𑁄+𑀆𑀲𑀻𑀢𑀺 𑀙𑁂𑀤𑁄, 𑀫𑀕𑁆𑀕𑀫𑀢𑁆𑀣𑀺 [𑀯𑀺𑀪. 𑀅𑀝𑁆𑀞. 𑁧𑁮𑁯] 𑁋 𑀫𑀕𑁆𑀕𑁄+𑀅𑀢𑁆𑀣𑀺, 𑀅𑀕𑁆𑀕𑀫𑀓𑁆𑀔𑀸𑀬𑀢𑀺 [𑀅. 𑀦𑀺. 𑁧.𑁪𑁭], 𑀧𑀘𑁆𑀘𑀬𑀸𑀓𑀸𑀭𑀫𑁂𑀯 𑀘 [𑀯𑀺𑀪. 𑀅𑀝𑁆𑀞. 𑁨𑁨𑁫], 𑀲𑀗𑁆𑀖𑁄 𑀧𑀩𑁆𑀩𑀢𑀫𑀺𑀯, 𑀲𑀤𑁆𑀤𑁄 𑀘𑀺𑀘𑁆𑀘𑀺𑀝𑀫𑀺𑀯, 𑀳𑀺𑀬𑁆𑀬𑁄 𑀪𑀯𑁄 𑀳𑀺𑀬𑁆𑀬𑀢𑁆𑀢𑀦𑀁, 𑀧𑀸𑀢𑁄 𑀅𑀲𑀦𑀁 𑀧𑀸𑀢𑀭𑀸𑀲𑁄, 𑀧𑀸𑀢𑀫𑀦𑀼𑀲𑀺𑀝𑁆𑀞𑁄, 𑀓𑀓𑀼𑀲𑀦𑁆𑀥 𑀓𑁄𑀡𑀸𑀕𑀫𑀦𑁄, 𑀣𑁂𑀭 𑀯𑀸𑀤𑀸𑀦𑀫𑀼𑀢𑁆𑀢𑀫𑁄 𑁋 𑀓𑀓𑀼𑀲𑀦𑁆𑀥𑁄𑀢𑀺 𑀘 𑀣𑁂𑀭𑁄𑀢𑀺 𑀘 𑀙𑁂𑀤𑁄, 𑀣𑁂𑀭𑀯𑀸𑀤𑁄𑀢𑀺 𑀅𑀢𑁆𑀣𑁄.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 ¶ 𑀅𑀦𑀺𑀫𑀺𑀢𑁆𑀢𑁂𑀧𑀺 𑀳𑁄𑀢𑀺. 𑀢𑀼𑀯𑀜𑁆𑀘 𑀥𑀦𑀼𑀲𑁂𑀔 𑀘 [𑀚𑀸. 𑁧.𑁧𑁬.𑁨𑁩𑁯], 𑀧𑀘𑁆𑀘𑀬𑀫𑀳𑀸𑀧𑀤𑁂𑀲𑁄 𑀳𑁂𑀲, 𑀏𑀓𑀓𑁄𑀝𑁆𑀞𑀸𑀲𑁄 𑀏𑀲, 𑀅𑀪𑀺𑀮𑀸𑀧𑀫𑀢𑁆𑀢𑀪𑁂𑀤𑁄 𑀏𑀲 𑀇𑀘𑁆𑀘𑀸𑀤𑀺.

𑁪𑁨. 𑀕𑁄𑀲𑁆𑀲𑀸𑀯𑀗 [𑀓. 𑁨𑁨, 𑁭𑁮; 𑀭𑀽. 𑁨𑁮; 𑀦𑀻. 𑁫𑁨, 𑁨𑁨𑁯].

𑀲𑀭𑁂 𑀧𑀭𑁂 𑀕𑁄𑀲𑁆𑀲 𑀅𑀦𑁆𑀢𑀲𑁆𑀲 𑀅𑀯𑀗 𑀳𑁄𑀢𑀺.

𑀕𑁄 𑀘 𑀅𑀲𑁆𑀲𑁄 𑀘 𑀕𑀯𑀸𑀲𑁆𑀲𑀁.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀩𑁆𑀬𑀜𑁆𑀚𑀦𑁂𑀧𑀺. 𑀲𑀕𑀯𑀘𑀡𑁆𑀟𑁄 [𑀅. 𑀦𑀺. 𑁪.𑁧𑁦𑁮], 𑀧𑀭𑀕𑀯𑀘𑀡𑁆𑀟𑁄.

𑀅𑀧𑁆𑀧𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀅𑀯𑀡𑁆𑀡𑀲𑁆𑀲 𑀉𑀢𑁆𑀢𑀁, 𑀑𑀢𑁆𑀢𑀜𑁆𑀘 𑁋

𑀧𑀼𑀣𑀼𑀚𑁆𑀚𑀦𑁄, 𑀧𑀼𑀣𑀼𑀪𑀽𑀢𑁄-𑀧𑀼𑀣𑀽𑀢𑀺 𑀯𑀸 𑀏𑀓𑁄 𑀧𑀸𑀝𑀺𑀧𑀤𑀺𑀓𑁄, 𑀧𑀼𑀣𑀼𑀦𑀸 𑀧𑀼𑀣𑀼𑀦𑀻𑀢𑀺𑀧𑀺 𑀤𑀺𑀲𑁆𑀲𑀢𑀺, 𑀅𑀧𑁂𑀓𑁆𑀔𑀺𑀬𑀸𑀦𑁄 𑀅𑀧𑁂𑀓𑁆𑀔𑀺𑀬𑀸𑀦𑀅𑀧𑁂𑀓𑁆𑀔𑀺𑀢𑁆𑀯𑀸𑀢𑁆𑀬𑀢𑁆𑀣𑁄. 𑀏𑀯𑀁 𑀅𑀦𑀼𑀫𑁄𑀤𑀺𑀬𑀸𑀦𑁄, 𑀫𑀭𑀻𑀘𑀺𑀓𑀽𑀧𑀫𑀁 𑀅𑀪𑀺𑀲𑀫𑁆𑀩𑀼𑀤𑁆𑀥𑀸𑀦𑁄, 𑀫𑀸 𑀫𑀁 𑀧𑀺𑀲𑀸𑀘𑀸 𑀔𑀸𑀤𑀦𑁆𑀢𑀼, 𑀚𑀻𑀯 𑀢𑁆𑀯𑀁 𑀲𑀭𑀤𑁄𑀲𑀢𑀁 [𑀚𑀸. 𑁧.𑁨.𑁯], 𑀭𑀢𑁆𑀢𑀺𑀤𑀺𑀯𑁄𑀯 𑀲𑁄 𑀤𑀺𑀩𑁆𑀩𑁄, 𑀫𑀸𑀦𑀼𑀲𑀁 𑀲𑀭𑀤𑁄𑀲𑀢𑀁-𑀯𑀲𑁆𑀲𑀲𑀢𑀦𑁆𑀢𑁆𑀬𑀢𑁆𑀣𑁄, 𑀅𑀦𑀼𑀬𑀦𑁆𑀢𑀺 𑀤𑀺𑀲𑁄𑀤𑀺𑀲𑀁 [𑀤𑀻. 𑀦𑀺. 𑁩.𑁨𑁮𑁧], 𑀲𑀫𑁆𑀧𑀢𑀦𑁆𑀢𑀺 𑀤𑀺𑀲𑁄𑀤𑀺𑀲𑀁-𑀢𑀁 𑀢𑀁 𑀤𑀺𑀲𑀦𑁆𑀢𑁆𑀬𑀢𑁆𑀣𑁄, 𑀧𑀭𑁄𑀲𑀢𑀁, 𑀧𑀭𑁄𑀲𑀳𑀲𑁆𑀲𑀁, 𑀅𑀜𑁆𑀜𑁄𑀜𑁆𑀜𑀁 𑀅𑀜𑁆𑀜𑀫𑀜𑁆𑀜𑀁, 𑀧𑁄𑀦𑁄𑀧𑀼𑀜𑁆𑀜𑀁 𑀧𑀼𑀦𑀧𑁆𑀧𑀼𑀦𑀁, 𑀧𑁄𑀦𑁄𑀩𑁆𑀪𑀯𑀺𑀓𑀸 𑀢𑀡𑁆𑀳𑀸-𑀧𑀼𑀦𑁄𑀢𑀺 𑀯𑀸 𑀏𑀓𑁄 𑀦𑀺𑀧𑀸𑀢𑁄, 𑀧𑀼𑀦𑁄 𑀢𑀲𑁆𑀲 𑀫𑀳𑁂 𑀲𑀺𑀦𑁄, 𑀧𑀼𑀦𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸𑀦, 𑀦 𑀘 𑀤𑀸𑀦𑀺 𑀧𑀼𑀦𑁄 𑀅𑀢𑁆𑀣𑀺, 𑀫𑀫 𑀢𑀼𑀬𑁆𑀳𑀜𑁆𑀘 𑀲𑀗𑁆𑀕𑀫𑁄, 𑀦 𑀧𑀼𑀦𑁄 𑀅𑀫𑀢𑀸𑀓𑀸𑀭𑀁, 𑀧𑀲𑁆𑀲𑀺𑀲𑁆𑀲𑀸𑀫𑀺 𑀫𑀼𑀔𑀁 𑀢𑀯 [𑀅𑀧. 𑀣𑁂𑀭𑀻 𑁨.𑁨.𑁨𑁩𑁫].

𑀇𑀯𑀡𑁆𑀡𑀲𑁆𑀲 𑀅𑀢𑁆𑀢𑀁, 𑀉𑀢𑁆𑀢𑀁, 𑀏𑀢𑁆𑀢𑀜𑁆𑀘 𑁋

𑀢𑀤𑀫𑀺𑀦𑀸𑀧𑁂𑀢𑀁 𑀧𑀭𑀺𑀬𑀸𑀬𑁂𑀦 𑀯𑁂𑀤𑀺𑀢𑀩𑁆𑀩𑀁-𑀢𑀁 𑀏𑀢𑀁 𑀅𑀢𑁆𑀣𑀚𑀸𑀢𑀁 𑀇𑀫𑀺𑀦𑀸 𑀧𑀭𑀺𑀬𑀸𑀬𑁂𑀦 𑀯𑁂𑀤𑀺𑀢𑀩𑁆𑀩𑀦𑁆𑀢𑀺 𑀅𑀢𑁆𑀣𑁄, 𑀲𑀓𑀺𑀁 𑀆𑀕𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 ¶ 𑀲𑀓𑀤𑀸𑀕𑀸𑀫𑀻, 𑀇𑀢𑁆𑀣𑀺𑀬𑀸 𑀪𑀸𑀯𑁄 𑀇𑀢𑁆𑀣𑀢𑁆𑀢𑀁, 𑀏𑀯𑀼𑀫𑀁 𑁋 𑀏𑀯𑀁+𑀇𑀫𑀦𑁆𑀢𑀺 𑀙𑁂𑀤𑁄, 𑀢𑁆𑀯𑀁 𑀦𑁄 𑀲𑀢𑁆𑀣𑀸 𑀫𑀳𑀸𑀫𑀼𑀦𑁂, 𑀅𑀢𑁆𑀣𑀥𑀫𑁆𑀫𑀯𑀺𑀤𑀽 𑀇𑀲𑁂.

𑀉𑀯𑀡𑁆𑀡𑀲𑁆𑀲 𑀇𑀢𑁆𑀢𑀁, 𑀑𑀢𑁆𑀢𑀜𑁆𑀘 𑁋

𑀫𑀸𑀢𑀺𑀢𑁄 [𑀤𑀻. 𑀦𑀺. 𑁧.𑁩𑁦𑁩], 𑀧𑀺𑀢𑀺𑀢𑁄, 𑀫𑀸𑀢𑀺𑀧𑀓𑁆𑀔𑁄, 𑀧𑀺𑀢𑀺𑀧𑀓𑁆𑀔𑁄, 𑀫𑀸𑀢𑀺𑀖𑁄 [𑀚𑀸. 𑁨.𑁧𑁯.𑁧𑁧𑁮], 𑀧𑀺𑀢𑀺𑀖𑁄, 𑀫𑀢𑁆𑀢𑀺𑀓𑀁 𑀥𑀦𑀁 [𑀧𑀸𑀭𑀸. 𑁩𑁪], 𑀧𑁂𑀢𑁆𑀢𑀺𑀓𑀁 𑀥𑀦𑀁, 𑀅𑀧𑀺 𑀦𑁄 𑀮𑀘𑁆𑀙𑀲𑀺, 𑀓𑀘𑁆𑀘𑀺 𑀦𑁄 𑀢𑀼𑀫𑁆𑀳𑁂 𑀬𑀸𑀧𑁂𑀣, 𑀓𑀣𑀁 𑀦𑁄 𑀢𑀼𑀫𑁆𑀳𑁂 𑀬𑀸𑀧𑁂𑀣, 𑀲𑁄𑀢𑀼𑀓𑀸𑀫𑀢𑁆𑀣 𑀦𑁄 𑀢𑀼𑀫𑁆𑀳𑁂 𑀪𑀺𑀓𑁆𑀔𑀯𑁂, 𑀦 𑀦𑁄 𑀲𑀫𑀁 𑀅𑀢𑁆𑀣𑀺 [𑀔𑀼. 𑀧𑀸. 𑁬.𑁩], 𑀦 𑀳𑀺 𑀦𑁄 𑀲𑀗𑁆𑀓𑀭𑀦𑁆𑀢𑁂𑀦 [𑀫. 𑀦𑀺. 𑁩.𑁨𑁭𑁨], 𑀦𑀢𑁆𑀣𑀺 𑀦𑁄 𑀓𑁄𑀘𑀺 𑀧𑀭𑀺𑀬𑀸𑀬𑁄 [𑀚𑀸. 𑁧.𑁫.𑁧𑁧𑁦 (𑀦 𑀳𑀺 𑀦𑁄 𑀓𑁄𑀘𑀺 𑀧𑀭𑀺𑀬𑀸𑀬𑁄)] 𑁋 𑀇𑀫𑁂𑀲𑀼 𑀢𑀻𑀲𑀼 𑀦𑀼𑀲𑀤𑁆𑀤𑁄 𑀏𑀓𑀁𑀲𑀢𑁆𑀣𑁂, 𑀲𑁄𑀲𑀺𑀢𑁄 𑀲𑁄𑀢𑀢𑁆𑀢𑁄 𑀘𑁂𑀯 [𑀚𑀸. 𑁧.𑁧.𑁯𑁪 𑀲𑁄𑀢𑀢𑁆𑀢𑁄 𑀲𑁄𑀲𑀺𑀦𑁆𑀤𑁄 𑀘𑁂𑀯; 𑀫. 𑀦𑀺. 𑁧.𑁧𑁫𑁭] 𑁋 𑀲𑀼𑀝𑁆𑀞𑀼 𑀲𑀻𑀢𑀮𑁄 𑀲𑀼𑀝𑁆𑀞𑀼 𑀲𑀦𑁆𑀢𑀢𑁆𑀢𑁄𑀢𑁆𑀬𑀢𑁆𑀣𑁄, 𑀚𑀫𑁆𑀩𑀼𑀦𑀤𑀺𑀬𑀸 𑀚𑀸𑀢𑀁 𑀚𑀫𑁆𑀩𑁄𑀦𑀤𑀁.

𑀏𑀲𑁆𑀲 𑀇𑀢𑁆𑀢𑀁 𑁋

𑀑𑀓𑀦𑁆𑀤𑀸𑀫𑀲𑀺 𑀪𑀽𑀢𑀸𑀦𑀺, 𑀧𑀩𑁆𑀩𑀢𑀸𑀦𑀺 𑀯𑀦𑀸𑀦𑀺 𑀘 [𑀚𑀸. 𑁨.𑁨𑁨.𑁨𑁧𑁭𑁩] 𑁋 𑀅𑀯𑀓𑀦𑁆𑀤𑀸𑀫𑀲𑁂𑀢𑁆𑀬𑀢𑁆𑀣𑁄, 𑀬𑀁 𑀓𑀭𑁄𑀫𑀲𑀺 𑀩𑁆𑀭𑀳𑁆𑀫𑀼𑀦𑁄, 𑀢𑀤𑀚𑁆𑀚 𑀢𑀼𑀬𑁆𑀳𑀁 𑀤𑀲𑁆𑀲𑀸𑀫 [𑀤𑀻. 𑀦𑀺. 𑁨.𑁩𑁭𑁦], 𑀇𑀥 𑀳𑁂𑀫𑀦𑁆𑀢𑀕𑀺𑀫𑁆𑀳𑀺𑀲𑀼 [𑀥. 𑀧. 𑁨𑁮𑁬], 𑀩𑀼𑀤𑁆𑀥𑀧𑀘𑁆𑀘𑁂𑀓𑀩𑀼𑀤𑁆𑀥𑀺𑀲𑀼, 𑀘𑁂𑀢𑁂𑀳𑀺 𑀘𑁂𑀢𑀧𑀼𑀢𑁆𑀢𑀺𑀳𑀺 [𑀘𑀭𑀺𑀬𑀸. 𑁧.𑁧𑁦𑁬] 𑁋 𑀘𑁂𑀢𑀧𑀼𑀢𑁆𑀢𑁂𑀳𑀺 𑀲𑀤𑁆𑀥𑀺𑀦𑁆𑀢𑁆𑀬𑀢𑁆𑀣𑁄.

𑀑𑀲𑁆𑀲 𑀉𑀢𑁆𑀢𑀁 𑁋

𑀫𑀦𑀼𑀜𑁆𑀜𑀁, 𑀦 𑀢𑁂𑀦𑀢𑁆𑀣𑀁 𑀅𑀩𑀦𑁆𑀥𑀺𑀲𑀼 [𑀚𑀸. 𑁧.𑁬.𑁭] 𑁋 𑀲𑁄 𑀢𑁂𑀦 𑀯𑀘𑀦𑁂𑀦 𑀅𑀢𑁆𑀣𑀁 𑀦 𑀅𑀩𑀦𑁆𑀥𑀺 𑀦 𑀮𑀪𑀻𑀢𑁆𑀬𑀢𑁆𑀣𑁄. 𑀅𑀯𑁆𑀳𑀸𑀬𑀦𑁆𑀢𑀼 𑀲𑀼 𑀬𑀼𑀤𑁆𑀥𑁂𑀦 [𑀚𑀸. 𑁨.𑁨𑁨.𑁮𑁭𑁧] 𑁋 𑀲𑁄 ¶ 𑀧𑀳𑀸𑀭𑀯𑀘𑀦𑁂𑀦 𑀫𑀁 𑀅𑀯𑁆𑀳𑀬𑀦𑁆𑀢𑁄𑀢𑁆𑀬𑀢𑁆𑀣𑁄. 𑀅𑀧𑀺 𑀦𑀼 𑀳𑀦𑀼𑀓𑀸 𑀲𑀦𑁆𑀢𑀸 [𑀚𑀸. 𑁧.𑁧.𑁧𑁪𑁬] 𑁋 𑀦𑁄 𑀳𑀦𑀼𑀓𑀸 𑀏𑀓𑀦𑁆𑀢𑀁 𑀔𑀺𑀦𑁆𑀦𑀸 𑀤𑀼𑀓𑁆𑀔𑀧𑀢𑁆𑀢𑀸𑀢𑁆𑀬𑀢𑁆𑀣𑁄.

𑀯𑀺𑀓𑀸𑀭𑀲𑀦𑁆𑀥𑀺𑀧𑀺 𑀆𑀤𑁂𑀲𑀲𑀦𑁆𑀥𑀺𑀭𑀽𑀧𑀢𑁆𑀢𑀸 𑀇𑀥 𑀲𑀗𑁆𑀕𑀬𑁆𑀳𑀢𑀺.

𑀇𑀢𑀺 𑀲𑀭𑀸𑀤𑁂𑀲𑀭𑀸𑀲𑀺.

𑀓𑀯𑀕𑁆𑀕𑀢𑁄 𑀧𑀝𑁆𑀞𑀸𑀬 𑀯𑀕𑁆𑀕𑀸𑀯𑀕𑁆𑀕𑀩𑁆𑀬𑀜𑁆𑀚𑀦𑀸𑀦𑀁 𑀆𑀤𑁂𑀲𑁄 𑀤𑀻𑀧𑀺𑀬𑀢𑁂.

𑁪𑁩. 𑀯𑀕𑁆𑀕𑀮𑀲𑁂𑀳𑀺 𑀢𑁂.

𑀧𑀜𑁆𑀘𑀯𑀕𑁆𑀕𑁂𑀳𑀺 𑀘 𑀮, 𑀲𑁂𑀳𑀺 𑀘 𑀧𑀭𑀲𑁆𑀲 𑀬-𑀓𑀸𑀭𑀲𑁆𑀲 𑀓𑁆𑀯𑀘𑀺 𑀢𑁂 𑀏𑀯 𑀯𑀕𑁆𑀕 𑀮, 𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁, 𑀬-𑀓𑀸𑀭𑁄 𑀧𑀼𑀩𑁆𑀩𑀭𑀽𑀧𑀢𑁆𑀢𑀁 𑀆𑀧𑀚𑁆𑀚𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀦𑀺𑀧𑀘𑁆𑀘𑀢𑀻𑀢𑀺 𑀦𑀺𑀧𑀓𑁄, 𑀦𑀺𑀧𑀓𑀲𑁆𑀲 𑀪𑀸𑀯𑁄 𑀦𑁂𑀧𑀓𑁆𑀓𑀁, 𑀯𑀺𑀧𑀸𑀓𑁄 𑀏𑀯 𑀯𑁂𑀧𑀓𑁆𑀓𑀁, 𑀯𑀢𑁆𑀢𑀩𑁆𑀩𑀦𑁆𑀢𑀺 𑀯𑀸𑀓𑁆𑀓𑀁, 𑀯𑀸𑀓𑁆𑀬𑀁 𑀯𑀸. 𑀧𑀫𑀼𑀔𑁂 𑀲𑀸𑀥𑀼 𑀧𑀸𑀫𑁄𑀓𑁆𑀔𑀁 𑁋 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀢𑁆𑀢𑁂 𑀓𑀢𑁂 𑀆𑀤𑀺𑀤𑀼𑀢𑀺𑀬𑀲𑁆𑀲 𑀧𑀞𑀫𑀢𑁆𑀢𑀁, 𑀲𑀼𑀪𑀕𑀲𑁆𑀲 𑀪𑀸𑀯𑁄 𑀲𑁄𑀪𑀕𑁆𑀕𑀁, 𑀤𑁄𑀪𑀕𑁆𑀕𑀁, 𑀪𑀼𑀜𑁆𑀚𑀺𑀢𑀩𑁆𑀩𑀦𑁆𑀢𑀺 𑀪𑁄𑀕𑁆𑀕𑀁, 𑀬𑀼𑀜𑁆𑀚𑀺𑀢𑀩𑁆𑀩𑀦𑁆𑀢𑀺 𑀬𑁄𑀕𑁆𑀕𑀁, 𑀓𑀼𑀓𑁆𑀓𑀼𑀘𑀪𑀸𑀯𑁄 𑀓𑀼𑀓𑁆𑀓𑀼𑀘𑁆𑀘𑀁, 𑀯𑀢𑁆𑀢𑀩𑁆𑀩𑀦𑁆𑀢𑀺 𑀯𑀸𑀘𑁆𑀘𑀁, 𑀯𑀼𑀘𑁆𑀘𑀢𑁂, 𑀧𑀘𑁆𑀘𑀢𑁂, 𑀯𑀡𑀺𑀚𑀸𑀦𑀁 𑀓𑀫𑁆𑀫𑀁 𑀯𑀸𑀡𑀺𑀚𑁆𑀚𑀁, 𑀪𑀼𑀜𑁆𑀚𑀺𑀢𑀩𑁆𑀩𑀦𑁆𑀢𑀺 𑀪𑁄𑀚𑁆𑀚𑀁, 𑀬𑀼𑀜𑁆𑀚𑀺𑀢𑀩𑁆𑀩𑀦𑁆𑀢𑀺 𑀬𑁄𑀚𑁆𑀚𑀁.

𑁪𑁪. 𑀢𑀯𑀕𑁆𑀕𑀯𑀭𑀡𑀸𑀦𑀁 𑀬𑁂 𑀘𑀯𑀕𑁆𑀕𑀩𑀬𑀜𑀸 [𑀓. 𑁨𑁬𑁯, 𑁪𑁧; 𑀦𑀻. 𑁧𑁦𑁪, 𑁧𑁦𑁬, 𑁧𑁧𑁯, 𑁧𑁨𑁧-𑁫].

𑀆𑀤𑁂𑀲𑀪𑀽𑀢𑁂 𑀯𑀸 𑀯𑀺𑀪𑀢𑁆𑀢𑀺𑀪𑀽𑀢𑁂 𑀯𑀸 𑀧𑀘𑁆𑀘𑀬𑀪𑀽𑀢𑁂 𑀯𑀸 𑀬-𑀓𑀸𑀭𑁂 𑀧𑀭𑁂 𑀢𑀯𑀕𑁆𑀕𑀸𑀦𑀁𑀯, 𑀭, 𑀡𑀸𑀦𑀜𑁆𑀘 𑀘𑀯𑀕𑁆𑀕, 𑀩, 𑀬, 𑀜𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁.

𑀧𑁄𑀓𑁆𑀔𑀭𑀜𑁆𑀜𑁄, 𑀧𑁄𑀓𑁆𑀔𑀭𑀜𑁆𑀜𑀸, 𑀧𑁄𑀓𑁆𑀔𑀭𑀜𑁆𑀜𑀁, 𑀲𑀫𑀡𑀲𑁆𑀲 𑀪𑀸𑀯𑁄 𑀲𑀸𑀫𑀜𑁆𑀜𑀁, 𑀏𑀯𑀁 𑀩𑁆𑀭𑀳𑁆𑀫𑀜𑁆𑀜𑀁, 𑀇𑀘𑁆𑀘𑁂𑀢𑀁 𑀓𑀼𑀲𑀮𑀁 [𑀧𑀸𑀭𑀸. 𑁪𑁧𑁧] 𑀇𑀘𑁆𑀘𑀸𑀤𑀻𑀦𑀺 ‘𑀬𑀯𑀸 𑀲𑀭𑁂’𑀢𑀺 𑀲𑀼𑀢𑁆𑀢𑁂 𑀉𑀤𑀸𑀳𑀝𑀸𑀦𑀺.

𑀧𑀡𑁆𑀟𑀺𑀢𑀲𑁆𑀲 ¶ 𑀪𑀸𑀯𑁄 𑀧𑀡𑁆𑀟𑀺𑀘𑁆𑀘𑀁, 𑀲𑀦𑁆𑀢𑀲𑁆𑀲 𑀪𑀸𑀯𑁄 𑀲𑀘𑁆𑀘𑀁, 𑀢𑀣𑀲𑁆𑀲 𑀪𑀸𑀯𑁄𑀢𑀘𑁆𑀙𑀁, 𑀬𑀚𑁆𑀚𑁂𑀯𑀁-𑀬𑀤𑀺+𑀏𑀯𑀁, 𑀦𑀚𑁆𑀚𑁄, 𑀦𑀚𑁆𑀚𑀸, 𑀦𑀚𑁆𑀚𑀁, 𑀲𑀼𑀳𑀤𑀲𑁆𑀲 𑀪𑀸𑀯𑁄 𑀲𑁄𑀳𑀚𑁆𑀚𑀁, 𑀯𑀢𑁆𑀢𑀩𑁆𑀩𑀦𑁆𑀢𑀺 𑀯𑀚𑁆𑀚𑀁, 𑀛𑀸𑀦𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑀢𑀺 [𑀥. 𑀲. 𑁧𑁬𑁦], 𑀉𑀧𑀲𑀫𑁆𑀧𑀚𑁆𑀚𑀢𑀺, 𑀅𑀚𑁆𑀛𑁄𑀓𑀸𑀲𑁄, 𑀩𑁄𑀚𑁆𑀛𑀗𑁆𑀕𑁄, 𑀩𑁄𑀚𑁆𑀛𑀸, 𑀩𑁄𑀥𑀺𑀬𑀸 𑀯𑀸, 𑀩𑀼𑀚𑁆𑀛𑀺𑀢𑀩𑁆𑀩𑀦𑁆𑀢𑀺 𑀩𑁄𑀚𑁆𑀛𑀁, 𑀩𑀼𑀚𑁆𑀛𑀢𑀺, 𑀧𑁄𑀦𑁄𑀧𑀼𑀜𑁆𑀜𑀁, 𑀣𑀦𑀢𑁄 𑀲𑀫𑁆𑀪𑀽𑀢𑀁 𑀣𑀜𑁆𑀜𑀁.

𑀧𑀯𑀕𑁆𑀕𑁂 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀁 𑁋

𑀯𑀧𑁆𑀧𑀢𑁂, 𑀮𑀼𑀧𑁆𑀧𑀢𑁂, 𑀅𑀩𑁆𑀪𑀼𑀕𑁆𑀕𑀢𑁄, 𑀅𑀩𑁆𑀪𑁄𑀓𑀸𑀲𑁄, 𑀉𑀲𑀪𑀲𑁆𑀲 𑀪𑀸𑀯𑁄 𑀑𑀲𑀩𑁆𑀪𑀁, 𑀮𑀪𑀺𑀬𑀢𑁂𑀢𑀺 𑀮𑀩𑁆𑀪𑀁, 𑀮𑀩𑁆𑀪𑀢𑁂, 𑀕𑀸𑀫𑁂 𑀳𑀺𑀢𑀁 𑀕𑀫𑁆𑀫𑀁, 𑀑𑀧𑀫𑁆𑀫𑀁, 𑀲𑁄𑀔𑀼𑀫𑁆𑀫𑀁, 𑀆𑀕𑀫𑁆𑀫, 𑀉𑀧𑀕𑀫𑁆𑀫, 𑀕𑀫𑀺𑀬𑀢𑁂𑀢𑀺 𑀕𑀫𑁆𑀫𑁄, 𑀏𑀯𑀁 𑀤𑀫𑁆𑀫𑁄, 𑀭𑀫𑁆𑀫𑁄, 𑀕𑀫𑁆𑀫𑀢𑁂, 𑀭𑀫𑁆𑀫𑀢𑁂.

‘𑀢𑀯𑀕𑁆𑀕 𑀯𑀭𑀡𑀸𑀦…’𑀦𑁆𑀢𑀺 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀬𑀫𑁆𑀳𑀺 𑀭𑀲𑁆𑀲 𑀬𑀢𑁆𑀢𑀁 𑁋

𑀓𑀬𑁆𑀬𑀢𑁂 𑀓𑀭𑀺𑀬𑀢𑁂, 𑀅𑀬𑁆𑀬𑁄 𑀅𑀭𑀺𑀬𑁄.

‘𑀯𑀕𑁆𑀕𑀮𑀲𑁂𑀳𑀺 𑀢𑁂’𑀢𑀺 𑀮𑀢𑁄 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀁 𑁋

𑀧𑀮𑁆𑀮𑀗𑁆𑀓𑁄, 𑀯𑀺𑀧𑀮𑁆𑀮𑀸𑀲𑁄, 𑀓𑁄𑀲𑀮𑁆𑀮𑀁, 𑀧𑀢𑁆𑀢𑀓𑀮𑁆𑀮𑀁.

‘𑀢𑀯𑀕𑁆𑀕𑀯𑀭𑀡𑀸𑀦…’𑀦𑁆𑀢𑀺 𑀬𑀫𑁆𑀳𑀺 𑀯𑀲𑁆𑀲 𑀩𑀢𑁆𑀢𑀁 𑁋

𑀧𑀼𑀣𑀩𑁆𑀬𑀸, 𑀧𑀼𑀣𑀩𑁆𑀬𑀁, 𑀪𑀸𑀢𑀼 𑀅𑀧𑀘𑁆𑀘𑀁 𑀪𑀸𑀢𑀩𑁆𑀬𑁄, 𑀓𑁄𑀭𑀩𑁆𑀬𑁄, 𑀤𑀺𑀯𑁂 𑀪𑀯𑀁 𑀤𑀺𑀩𑁆𑀩𑀁 𑀤𑀺𑀩𑁆𑀬𑀁.

‘𑀯𑀕𑁆𑀕𑀮𑀲𑁂𑀳𑀺 𑀢𑁂’𑀢𑀺 𑀲𑀢𑁄 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀁 𑁋

𑀭𑀳𑀲𑀺 𑀪𑀯𑀁 𑀭𑀳𑀲𑁆𑀲𑀁, 𑀲𑁄𑀫𑀦𑀲𑁆𑀲𑀁, 𑀤𑁄𑀫𑀦𑀲𑁆𑀲𑀁, 𑀲𑁄𑀯𑀘𑀲𑁆𑀲𑀁, 𑀤𑁄𑀯𑀘𑀲𑁆𑀲𑀁-𑀫𑀦𑁄𑀕𑀡𑀢𑁆𑀢𑀸 𑀫𑀚𑁆𑀛𑁂 𑀲𑀸𑀕𑀫𑁄, 𑀪𑀸𑀲𑀺𑀢𑀩𑁆𑀩𑀦𑁆𑀢𑀺 𑀪𑀲𑁆𑀲𑀁, 𑀆𑀤𑀺𑀲𑁆𑀲=𑀆𑀤𑀺𑀲𑀺𑀢𑁆𑀯𑀸, 𑀉𑀤𑁆𑀤𑀺𑀲𑁆𑀲=𑀉𑀤𑁆𑀤𑀺𑀲𑀺𑀢𑁆𑀯𑀸, 𑀉𑀧𑀯𑀲𑁆𑀲=𑀉𑀧𑀯𑀲𑀺𑀢𑁆𑀯𑀸, 𑀲𑀫𑁆𑀨𑀼𑀲𑁆𑀲=𑀲𑀫𑁆𑀨𑀼𑀲𑀺𑀢𑁆𑀯𑀸, 𑀢𑀼𑀲𑁆𑀲𑀢𑀺, 𑀤𑀼𑀲𑁆𑀲𑀢𑀺, 𑀦𑀲𑁆𑀲𑀢𑀺𑀇𑀘𑁆𑀘𑀸𑀤𑀺.

𑁪𑁫. 𑀢𑀣𑀦𑀭𑀸𑀦𑀁 ¶ 𑀝𑀞𑀡𑀮𑀸 [𑀭𑀽. 𑁩 (𑀧𑀺𑀝𑁆𑀞𑁂)].

𑀢𑀸𑀤𑀻𑀦𑀁 𑀝𑀸𑀤𑀺𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.

𑀢𑀲𑁆𑀲 𑀝𑀢𑁆𑀢𑀁 𑁋

𑀧𑀝𑀺𑀳𑀜𑁆𑀜𑀢𑀺, 𑀧𑀝𑀕𑁆𑀕𑀺 𑀤𑀸𑀢𑀩𑁆𑀩𑁄, 𑀧𑀝𑀺𑀘𑁆𑀙𑀦𑁆𑀦𑁄, 𑀧𑀝𑀺𑀧𑁆𑀧𑀦𑁆𑀦𑁄, 𑀩𑁆𑀬𑀸𑀯𑀝𑁄, 𑀉𑀤𑀸𑀳𑀝𑁄, 𑀤𑀼𑀓𑁆𑀓𑀝𑀁 𑀇𑀘𑁆𑀘𑀸𑀤𑀺.

𑀣𑀲𑁆𑀲 𑀞𑀢𑁆𑀢𑀁 𑁋

𑀧𑀻𑀴𑀦𑀝𑁆𑀞𑁄 [𑀧𑀝𑀺. 𑀫. 𑁧.𑁧𑁭], 𑀲𑀗𑁆𑀔𑀢𑀝𑁆𑀞𑁄 [𑀧𑀝𑀺. 𑀫. 𑁧.𑁧𑁭], 𑀅𑀝𑁆𑀞𑀺𑀁𑀓𑀢𑁆𑀯𑀸 𑀲𑀼𑀡𑁂𑀬𑁆𑀬 [𑀚𑀸. 𑁨.𑁧𑁭.𑁯𑁨], 𑀅𑀝𑁆𑀞𑀓𑀣𑀸 𑀇𑀘𑁆𑀘𑀸𑀤𑀺.

𑀦𑀲𑁆𑀲 𑀡𑀢𑁆𑀢𑀁 𑁋

𑀕𑀸𑀫𑀁 𑀦𑁂𑀢𑀻𑀢𑀺 𑀕𑀸𑀫𑀡𑀺, 𑀲𑁂𑀦𑀁 𑀦𑁂𑀢𑀻𑀢𑀺 𑀲𑁂𑀦𑀸𑀡𑀺, 𑀧𑀡𑀺𑀥𑀺, 𑀧𑀡𑀺𑀥𑀸𑀦𑀁, 𑀧𑀡𑀺𑀳𑀺𑀢𑀁, 𑀧𑀡𑀸𑀫𑁄, 𑀧𑀭𑀺𑀡𑀸𑀫𑁄, 𑀑𑀡𑀸𑀫𑁄, 𑀉𑀡𑁆𑀡𑀸𑀫𑁄, 𑀓𑀭𑀡𑀻𑀬𑀁, 𑀓𑀭𑀡𑀁, 𑀜𑀸𑀡𑀁, 𑀢𑀸𑀡𑀁, 𑀧𑀫𑀸𑀡𑀁, 𑀲𑀭𑀡𑀁, 𑀕𑀳𑀡𑀁 𑀇𑀘𑁆𑀘𑀸𑀤𑀺.

𑀭𑀲𑁆𑀲 𑀮𑀢𑁆𑀢𑀁 𑁋

𑀧𑀮𑀺𑀖𑁄, 𑀧𑀮𑀺𑀩𑁄𑀥𑁄, 𑀧𑀮𑀺𑀧𑀦𑁆𑀦𑁄, 𑀧𑀮𑁆𑀮𑀗𑁆𑀓𑁄, 𑀢𑀮𑀼𑀡𑁄 𑀢𑀭𑀼𑀡𑁄, 𑀓𑀮𑀼𑀦𑀁 𑀧𑀭𑀺𑀤𑁂𑀯𑀬𑀺 [𑀚𑀸. 𑁨.𑁨𑁨.𑁨𑁧𑁫𑁧], 𑀫𑀳𑀸𑀲𑀸𑀮𑁄, 𑀅𑀝𑁆𑀞𑀲𑀸𑀮𑀺𑀦𑀻, 𑀦𑀬𑀲𑀸𑀮𑀺𑀦𑀻 𑀇𑀘𑁆𑀘𑀸𑀤𑀻𑀦𑀺.

𑀇𑀤𑀸𑀦𑀺 𑀫𑀳𑀸𑀯𑀼𑀢𑁆𑀢𑀺𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀓𑀲𑁆𑀲 𑀔𑀢𑁆𑀢𑀁 𑁋

𑀦𑀺𑀓𑁆𑀔𑀫𑀢𑀺, 𑀦𑀺𑀓𑁆𑀔𑀦𑁆𑀢𑁄, 𑀦𑁂𑀓𑁆𑀔𑀫𑁄, 𑀭𑀸𑀚𑀓𑀺𑀘𑁆𑀘𑀁 𑀓𑀭𑁄𑀢𑀻𑀢𑀺 𑀔𑀢𑁆𑀢𑀸, 𑀓𑀢𑁆𑀢𑀸 𑀯𑀸.

𑀤𑀢𑁆𑀢𑀜𑁆𑀘 𑁋

𑀲𑀤𑀢𑁆𑀣𑀧𑀲𑀼𑀢𑁄 𑀲𑀺𑀬𑀸 [𑀥. 𑀧. 𑁧𑁬𑁬].

𑀬𑀢𑁆𑀢𑀜𑁆𑀘 ¶ 𑁋

𑀲𑀬𑀁 𑀭𑀝𑁆𑀞𑀁 𑀳𑀺𑀢𑁆𑀯𑀸𑀦, 𑀧𑀼𑀧𑁆𑀨𑀤𑀸𑀦𑀁 𑀤𑀤𑀸𑀢𑀻𑀢𑀺 𑀧𑀼𑀧𑁆𑀨𑀤𑀸𑀦𑀺𑀬𑁄 𑀧𑀼𑀧𑁆𑀨𑀤𑀸𑀦𑀺𑀓𑁄, 𑀲𑀺𑀧𑁆𑀧𑀮𑀺𑀯𑀦𑁂 𑀯𑀲𑀢𑀻𑀢𑀺 𑀲𑀺𑀧𑁆𑀧𑀮𑀺𑀯𑀦𑀺𑀬𑁄 𑀲𑀺𑀧𑁆𑀧𑀮𑀺𑀯𑀦𑀺𑀓𑁄, 𑀓𑀼𑀫𑀸𑀭𑀺𑀬𑀸 𑀓𑀼𑀫𑀸𑀭𑀺𑀓𑀸.

𑀔𑀲𑁆𑀲 𑀕𑀢𑁆𑀢𑀁 𑁋

𑀏𑀴𑀫𑀽𑀕𑁄 𑀏𑀴𑀫𑀽𑀔𑁄.

𑀕𑀲𑁆𑀲 𑀓𑀢𑁆𑀢𑀁 𑁋

𑀮𑀼𑀚𑁆𑀚𑀢𑀻𑀢𑀺 𑀮𑁄𑀓𑁄, 𑀆𑀭𑁄𑀕𑁆𑀬𑀁 𑀅𑀪𑀺𑀲𑀚𑁆𑀚𑁂𑀢𑀻𑀢𑀺 𑀪𑀺𑀲𑀓𑁆𑀓𑁄, 𑀓𑀼𑀮𑀽𑀧𑀓𑁄 𑀓𑀼𑀮𑀽𑀧𑀕𑁄, 𑀔𑀻𑀭𑀽𑀧𑀓𑁄 𑀔𑀻𑀭𑀽𑀧𑀕𑁄, 𑀕𑀻𑀯𑀽𑀧𑀓𑀁 𑀕𑀻𑀯𑀽𑀧𑀕𑀁.

𑀖𑀲𑁆𑀲 𑀳𑀢𑁆𑀢𑀁 𑁋

𑀲𑀻𑀖𑀚𑀯𑀢𑀸𑀬 𑀲𑀻𑀳𑁄.

𑀘𑀲𑁆𑀲 𑀙𑀢𑁆𑀢𑀁 𑁋

𑀯𑀺𑀦𑀺𑀘𑁆𑀙𑀬𑁄, 𑀅𑀘𑁆𑀙𑀭𑀺𑀬𑀁, 𑀫𑀘𑁆𑀙𑀭𑀺𑀬𑀁, 𑀭𑀁𑀲𑀺𑀬𑁄 𑀦𑀺𑀘𑁆𑀙𑀭𑀦𑁆𑀢𑀺-𑀦𑀺𑀕𑀘𑁆𑀙𑀦𑁆𑀢𑀻𑀢𑀺 𑀅𑀢𑁆𑀣𑁄.

𑀙𑀲𑁆𑀲 𑀲𑀢𑁆𑀢𑀁 𑁋

𑀅𑀢𑁆𑀣𑀺 𑀲𑀸𑀳𑀲𑁆𑀲 𑀚𑀻𑀯𑀺𑀢𑀁 [𑀚𑀸. 𑁨.𑁨𑁨.𑁩𑁧𑁪] -𑀙𑀸𑀳𑀁+𑀅𑀲𑁆𑀲𑀸𑀢𑀺 𑀙𑁂𑀤𑁄, 𑀲𑀴𑀸𑀬𑀢𑀦𑀁.

𑀚𑀲𑁆𑀲 𑀤𑀢𑁆𑀢𑀁 𑁋

𑀧𑀭𑀲𑁂𑀦𑀁 𑀚𑀺𑀦𑀸𑀢𑀻𑀢𑀺𑀧𑀲𑁆𑀲𑁂𑀦𑀤𑀻-𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀭𑀮𑁄𑀧𑁄, 𑀭𑀲𑁆𑀲 𑀧𑀭𑀭𑀽𑀧𑀁.

𑀬𑀢𑁆𑀢𑀜𑁆𑀘 𑁋

𑀦𑀺𑀲𑁆𑀲𑀸𑀬 𑀚𑀸𑀬𑀢𑀻𑀢𑀺 𑀦𑀺𑀬𑁄, 𑀦𑀺𑀬𑀓𑁄 𑀯𑀸, 𑀦𑀺𑀬𑀁 𑀧𑀼𑀢𑁆𑀢𑀁.

𑀜𑀲𑁆𑀲𑀡𑀢𑁆𑀢𑀁 𑁋 ¶

𑀧𑀡𑁆𑀡𑀢𑁆𑀢𑀺 𑀧𑀜𑁆𑀜𑀢𑁆𑀢𑀺, 𑀧𑀡𑁆𑀡𑀸𑀲𑀁 𑀧𑀜𑁆𑀜𑀸𑀲𑀁. 𑀧𑀡𑁆𑀡𑀯𑀻𑀲𑀢𑀺 𑀧𑀜𑁆𑀘𑀯𑀻𑀲𑀢𑀺.

𑀦𑀢𑁆𑀢𑀜𑁆𑀘 𑁋

𑀦𑀸𑀫𑀫𑀢𑁆𑀢𑀁 𑀦 𑀦𑀸𑀬𑀢𑀺, 𑀅𑀦𑀺𑀫𑀺𑀢𑁆𑀢𑀸 𑀦 𑀦𑀸𑀬𑀭𑁂 [𑀯𑀺𑀲𑀼𑀤𑁆𑀥𑀺. 𑀅𑀝𑁆𑀞. 𑁧.𑁨𑁨𑁮] 𑁋 𑀦 𑀧𑀜𑁆𑀜𑀸𑀬𑀦𑁆𑀢𑀻𑀢𑀺 𑀅𑀢𑁆𑀣𑁄.

𑀢𑀲𑁆𑀲 𑀓𑀢𑁆𑀢𑀁 𑁋

𑀦𑀺𑀬𑀓𑁄 𑀦𑀺𑀬𑀢𑁄.

𑀣𑀢𑁆𑀢𑀜𑁆𑀘 𑁋

𑀦𑀺𑀢𑁆𑀣𑀺𑀡𑁆𑀡𑁄, 𑀦𑀺𑀢𑁆𑀣𑀭𑀡𑀁, 𑀦𑁂𑀢𑁆𑀣𑀸𑀭𑀁.

𑀦𑀢𑁆𑀢𑀜𑁆𑀘 𑁋

𑀚𑀺𑀦𑁄, 𑀧𑀺𑀦𑁄, 𑀮𑀺𑀦𑁄, 𑀧𑀝𑀺𑀲𑀮𑁆𑀮𑀺𑀦𑁄, 𑀧𑀴𑀺𑀦𑁄, 𑀫𑀮𑀺𑀦𑁄, 𑀲𑀼𑀧𑀺𑀦𑁄, 𑀧𑀳𑀻𑀦𑁄, 𑀥𑀼𑀦𑁄, 𑀧𑀼𑀦𑁄, 𑀮𑀼𑀦𑁄, 𑀆𑀳𑀼𑀦𑀁, 𑀧𑀸𑀳𑀼𑀦𑀁.

𑀤𑀲𑁆𑀲 𑀟𑀢𑁆𑀢𑀁 𑁋

𑀙𑀯𑀟𑀸𑀳𑁄, 𑀤𑀺𑀲𑀸𑀟𑀸𑀳𑁄, 𑀓𑀸𑀬𑀟𑀸𑀳𑁄.

𑀴𑀢𑁆𑀢𑀜𑁆𑀘 𑁋

𑀧𑀭𑀺𑀴𑀸𑀳𑁄, 𑀆𑀕𑀦𑁆𑀢𑁆𑀯𑀸 𑀙𑀯𑀁 𑀤𑀳𑀦𑁆𑀢𑀺 𑀏𑀢𑁆𑀣𑀸𑀢𑀺 𑀆𑀴𑀳𑀦𑀁, 𑀲𑀼𑀲𑀸𑀦𑀁.

𑀢𑀢𑁆𑀢𑀜𑁆𑀘 𑁋

𑀲𑀼𑀕𑀢𑁄, 𑀢𑀣𑀸𑀕𑀢𑁄, 𑀓𑀼𑀲𑀺𑀢𑁄, 𑀉𑀤𑀢𑀺 𑀧𑀲𑀯𑀢𑀻𑀢𑀺 𑀉𑀢𑀼.

𑀥𑀲𑁆𑀲 𑀤𑀢𑁆𑀢𑀁 𑁋

𑀏𑀓𑀫𑀺𑀤𑀸𑀳𑀁 𑀪𑀺𑀓𑁆𑀔𑀯𑁂 𑀲𑀫𑀬𑀁 [𑀫. 𑀦𑀺. 𑁧.𑁫𑁦𑁧] -𑀇𑀥𑀸𑀢𑀺 𑀯𑀸 𑀦𑀺𑀧𑀸𑀢𑁄.

𑀳𑀢𑁆𑀢𑀜𑁆𑀘 ¶ 𑁋

𑀲𑀸𑀳𑀼 𑀤𑀲𑁆𑀲𑀦𑀫𑀭𑀺𑀬𑀸𑀦𑀁 [𑀥. 𑀧. 𑁨𑁦𑁬], 𑀲𑀁𑀳𑀺𑀢𑀁, 𑀯𑀺𑀳𑀺𑀢𑀁, 𑀧𑀺𑀳𑀺𑀢𑀁, 𑀅𑀪𑀺𑀳𑀺𑀢𑀁, 𑀲𑀦𑁆𑀦𑀺𑀳𑀺𑀢𑀁, 𑀧𑀡𑀺𑀳𑀺𑀢𑀁, 𑀲𑀤𑁆𑀤𑀳𑀢𑀺, 𑀯𑀺𑀤𑀳𑀢𑀺, 𑀧𑀺𑀤𑀳𑀢𑀺.

𑀦𑀲𑁆𑀲 𑀉𑀢𑁆𑀢𑀁 𑁋

𑀉𑀧𑀜𑁆𑀜𑀸𑀲𑁄=𑀉𑀧𑀦𑁆𑀬𑀸𑀲𑁄, 𑀜𑀸𑀬𑁄=𑀦𑁆𑀬𑀸𑀬𑁄-𑀦𑀺𑀘𑁆𑀘𑀁 𑀏𑀢𑀺 𑀨𑀮𑀁 𑀏𑀢𑁂𑀦𑀸𑀢𑀺 𑀜𑀸𑀬𑁄, 𑀜𑁂𑀬𑁆𑀬𑀁=𑀦𑁂𑀬𑁆𑀬𑀁.

𑀬𑀢𑁆𑀢𑀜𑁆𑀘 𑁋

𑀣𑁂𑀦𑀲𑁆𑀲 𑀓𑀫𑁆𑀫𑀁 𑀣𑁂𑀬𑁆𑀬𑀁, 𑀣𑁂𑀭𑀸𑀥𑀺𑀦𑀦𑁆𑀢𑀺 𑀣𑁂𑀭𑀸𑀥𑁂𑀬𑁆𑀬𑀁, 𑀧𑀸𑀢𑀺𑀫𑁄𑀓𑁆𑀔𑀁, 𑀧𑀭𑀸𑀥𑁂𑀬𑁆𑀬𑀓𑀁 𑀤𑀼𑀓𑁆𑀔𑀁.

𑀧𑀲𑁆𑀲 𑀨𑀢𑁆𑀢𑀁 𑁋

𑀦𑀺𑀧𑁆𑀨𑀚𑁆𑀚𑀢𑀺, 𑀦𑀺𑀧𑁆𑀨𑀢𑁆𑀢𑀺, 𑀦𑀺𑀧𑁆𑀨𑀦𑁆𑀦𑀁.

𑀩𑀢𑁆𑀢𑀜𑁆𑀘 𑁋

𑀲𑀫𑁆𑀩𑀳𑀼𑀮𑀁=𑀲𑀫𑁆𑀧𑀳𑀼𑀮𑀁, 𑀩𑀳𑀼𑀲𑀦𑁆𑀢𑁄 𑀦 𑀪𑀭𑀢𑀺 [𑀲𑀼. 𑀦𑀺. 𑁯𑁮] =𑀧𑀳𑀼 𑀲𑀦𑁆𑀢𑁄 𑀦 𑀪𑀭𑀢𑀺.

𑀪𑀲𑁆𑀲 𑀨𑀢𑁆𑀢𑀁 𑁋

𑀅𑀦𑀦𑁆𑀢𑀁 𑀲𑀩𑁆𑀩𑀢𑁄𑀧𑀨𑀁 [𑀤𑀻. 𑀦𑀺. 𑁧.𑁪𑁯𑁯].

𑀫𑀲𑁆𑀲 𑀧𑀢𑁆𑀢𑀁 𑁋

𑀘𑀺𑀭𑀧𑁆𑀧𑀯𑀸𑀲𑀺𑀁 [𑀥. 𑀧. 𑁨𑁧𑁯], 𑀳𑀢𑁆𑀣𑀺𑀧𑁆𑀧𑀪𑀺𑀦𑁆𑀦𑀁 [𑀥. 𑀧. 𑁩𑁨𑁬].

𑀬𑀲𑁆𑀲 𑀯𑀢𑁆𑀢𑀁 𑁋

𑀤𑀻𑀖𑀸𑀯𑀼 𑀓𑀼𑀫𑀸𑀭𑁄 [𑀫𑀳𑀸𑀯. 𑁪𑁫𑁯] =𑀤𑀻𑀖𑀸𑀬𑀼 𑀓𑀼𑀫𑀸𑀭𑁄, 𑀆𑀬𑀼𑀁 𑀥𑀸𑀭𑁂𑀢𑀻𑀢𑀺 𑀆𑀯𑀼𑀥𑀁=𑀆𑀬𑀼𑀥𑀁, 𑀆𑀬𑀼 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀅𑀢𑁆𑀣𑁂 ‘𑀆𑀯𑀼𑀲𑁄’𑀢𑀺 𑀦𑀺𑀧𑀸𑀢𑁄, 𑀓𑀲𑀸𑀯𑁄=𑀓𑀲𑀸𑀬𑁄, 𑀓𑀸𑀲𑀸𑀯𑀁=𑀓𑀸𑀲𑀸𑀬𑀁, 𑀲𑀸𑀮𑀺𑀁 𑀮𑀼𑀦𑀸𑀢𑀻𑀢𑀺 𑀲𑀸𑀮𑀺𑀮𑀸𑀬𑀓𑁄, 𑀢𑀺𑀡𑀮𑀸𑀬𑀓𑁄.

𑀮𑀲𑁆𑀲 𑀭𑀢𑁆𑀢𑀁 ¶ 𑁋

𑀦𑀻𑀮𑀁 𑀚𑀮𑀁 𑀏𑀢𑁆𑀣𑀸𑀢𑀺 𑀦𑁂𑀭𑀜𑁆𑀚𑀭𑀸, 𑀚𑀮𑀁 𑀕𑀡𑁆𑀳𑀺𑀢𑀼𑀁 𑀅𑀮𑀦𑁆𑀢𑀺 𑀅𑀭𑀜𑁆𑀚𑀭𑁄, 𑀲𑀲𑁆𑀲𑀢𑀁 𑀧𑀭𑁂𑀢𑀺, 𑀉𑀘𑁆𑀙𑁂𑀤𑀁 𑀧𑀭𑁂𑀢𑀺-𑀧𑀮𑁂𑀢𑀻𑀢𑀺 𑀅𑀢𑁆𑀣𑁄.

𑀯𑀲𑁆𑀲 𑀧𑀢𑁆𑀢𑀁 𑁋

𑀧𑀺𑀧𑀸𑀲𑀢𑀺 𑀧𑀺𑀯𑀸𑀲𑀢𑀺.

𑀩𑀢𑁆𑀢𑀜𑁆𑀘 𑁋

𑀩𑁆𑀬𑀸𑀓𑀢𑁄, 𑀩𑁆𑀬𑀢𑁆𑀢𑁄, 𑀩𑁆𑀬𑀜𑁆𑀚𑀦𑀁, 𑀲𑀻𑀮𑀩𑁆𑀩𑀢𑀁, 𑀦𑀺𑀩𑁆𑀩𑀸𑀦𑀁, 𑀦𑀺𑀩𑁆𑀩𑀼𑀢𑀁, 𑀤𑀺𑀩𑁆𑀩𑀁, 𑀤𑀺𑀩𑁆𑀩𑀢𑀺, 𑀲𑀺𑀩𑁆𑀩𑀢𑀺, 𑀓𑀼𑀩𑁆𑀩𑀢𑀺, 𑀓𑀼𑀩𑁆𑀩𑀦𑁆𑀢𑁄, 𑀓𑁆𑀭𑀼𑀩𑁆𑀩𑀢𑀺, 𑀓𑁆𑀭𑀼𑀩𑁆𑀩𑀦𑁆𑀢𑁄, 𑀅𑀲𑁂𑀯𑀺𑀢𑀩𑁆𑀩𑀢𑁆𑀢𑀸 𑀯𑀸𑀭𑁂𑀢𑀩𑁆𑀩𑁄𑀢𑀺 𑀩𑀸𑀮𑁄, 𑀧𑀩𑁆𑀩𑀚𑀺𑀢𑁄, 𑀧𑀩𑁆𑀩𑀚𑁆𑀚𑀸 𑀇𑀘𑁆𑀘𑀸𑀤𑀺.

𑀲𑀲𑁆𑀲 𑀙𑀢𑁆𑀢𑀁 𑁋

𑀉𑀘𑁆𑀙𑀺𑀝𑁆𑀞𑀁-𑀅𑀯𑀲𑀺𑀝𑁆𑀞𑀦𑁆𑀢𑁆𑀬𑀢𑁆𑀣𑁄, ‘‘𑀤𑀺𑀩𑁆𑀩𑀸 𑀲𑀤𑁆𑀤𑀸 𑀦𑀺𑀘𑁆𑀙𑀭𑀦𑁆𑀢𑀺, 𑀭𑀁𑀲𑀺𑀬𑁄 [𑀯𑀺. 𑀯. 𑁭𑁩𑁦] 𑀦𑀺𑀘𑁆𑀙𑀭𑀦𑁆𑀢𑀻’’𑀢𑀺 𑀏𑀢𑁆𑀣𑀸𑀧𑀺 𑀲𑀲𑁆𑀲 𑀙𑀢𑁆𑀢𑀁 𑀇𑀘𑁆𑀙𑀦𑁆𑀢𑀺.

𑀢𑀢𑁆𑀢𑀜𑁆𑀘 𑁋

𑀉𑀢𑁆𑀢𑀺𑀝𑁆𑀞𑀧𑀢𑁆𑀢𑀁 𑀉𑀧𑀦𑀸𑀫𑁂𑀦𑁆𑀢𑀺 [𑀫𑀳𑀸𑀯. 𑁬𑁪], ‘‘𑀉𑀢𑁆𑀢𑀺𑀝𑁆𑀞𑁂 𑀦𑀧𑁆𑀧𑀫𑀚𑁆𑀚𑁂𑀬𑁆𑀬𑀸’’ 𑀢𑀺 𑀏𑀢𑁆𑀣 𑀧𑀦 𑀉𑀤𑁆𑀤𑀺𑀲𑁆𑀲 𑀢𑀺𑀝𑁆𑀞𑀦𑀁 𑀉𑀢𑁆𑀢𑀺𑀝𑁆𑀞𑀦𑁆𑀢𑀺 𑀅𑀢𑁆𑀣𑁄. ‘‘𑀉𑀤𑁆𑀤𑀺𑀲𑁆𑀲 𑀅𑀭𑀺𑀬𑀸 𑀢𑀺𑀝𑁆𑀞𑀦𑁆𑀢𑀺, 𑀏𑀲𑀸 𑀅𑀭𑀺𑀬𑀸𑀦 𑀬𑀸𑀘𑀦𑀸 [𑀚𑀸. 𑁧.𑁭.𑁫𑁯]’’𑀢𑀺 𑀯𑀼𑀢𑁆𑀢𑀁.

𑀳𑀲𑁆𑀲 𑀖𑀢𑁆𑀢𑀁 𑁋

𑀦𑀺𑀘𑁆𑀘𑀁 𑀤𑀳𑀢𑀺 𑀏𑀢𑁆𑀣𑀸𑀢𑀺 𑀦𑀺𑀤𑀸𑀖𑁄, 𑀮𑀖𑀼 𑀮𑀳𑀼.

𑀴𑀲𑁆𑀲 𑀟𑀢𑁆𑀢𑀁 𑁋

𑀕𑀭𑀼𑀟𑁄 𑀕𑀭𑀼𑀴𑁄.

𑀇𑀢𑀺 𑀩𑁆𑀬𑀜𑁆𑀚𑀦𑀸𑀤𑁂𑀲𑀭𑀸𑀲𑀺.

𑀫𑀺𑀲𑁆𑀲𑀓𑀸𑀤𑁂𑀲𑁄 ¶ 𑀯𑀼𑀘𑁆𑀘𑀢𑁂.

𑀅𑀯𑀲𑁆𑀲 𑀉𑀢𑁆𑀢𑀁 𑁋

𑀉𑀤𑁆𑀥𑀫𑁆𑀫𑁄, 𑀉𑀩𑁆𑀩𑀺𑀦𑀬𑁄, 𑀉𑀧𑁆𑀧𑀣𑁄, 𑀉𑀫𑁆𑀫𑀕𑁆𑀕𑁄, 𑀉𑀜𑁆𑀜𑀸 𑀅𑀯𑀜𑁆𑀜𑀸, 𑀉𑀜𑁆𑀜𑀸𑀢𑀁 𑀅𑀯𑀜𑁆𑀜𑀸𑀢𑀁, 𑀉𑀚𑁆𑀛𑀸𑀦𑀲𑀜𑁆𑀜𑀻.

𑀑𑀢𑁆𑀢𑀜𑁆𑀘 𑁋

𑀑𑀦𑀤𑁆𑀥𑁄, 𑀑𑀓𑀸𑀲𑁄, 𑀑𑀯𑀸𑀤𑁄, 𑀑𑀮𑁄𑀓𑀦𑀁 𑀇𑀘𑁆𑀘𑀸𑀤𑀺.

𑀯𑀲𑁆𑀲 𑀑𑀢𑁆𑀢𑀁 𑁋

𑀉𑀧𑁄𑀲𑀣𑁄 𑁋 𑀉𑀧𑀯𑀲𑀣𑁄𑀢𑀺 𑀞𑀺𑀢𑀺, 𑀦𑁄𑀦𑀻𑀢𑀁 𑀦𑀯𑀦𑀻𑀢𑀁, 𑀦𑀺𑀯𑀢𑁆𑀣𑀓𑁄𑀘𑁄 𑀦𑀺𑀯𑀢𑁆𑀣𑀓𑀯𑀘𑁄, 𑀓𑁄 𑀢𑁂 𑀩𑀮𑀁 𑀫𑀳𑀸𑀭𑀸𑀚, 𑀓𑁄 𑀦𑀼 𑀢𑁂 𑀭𑀣𑀫𑀡𑁆𑀟𑀮𑀁 [𑀚𑀸. 𑁨.𑁨𑁨.𑁧𑁮𑁮𑁦] 𑁋 𑀓𑁆𑀯𑀢𑀺 𑀅𑀢𑁆𑀣𑁄. 𑀓𑁄 𑀢𑁂 𑀤𑀺𑀝𑁆𑀞𑁄 𑀯𑀸 𑀲𑀼𑀢𑁄 𑀯𑀸, 𑀯𑀸𑀦𑀭𑁄 𑀥𑀫𑁆𑀫𑀺𑀓𑁄 𑀇𑀢𑀺, 𑀓𑁄 𑀦𑀼𑀫𑁂 𑀕𑁄𑀢𑀫𑀲𑀸𑀯𑀓𑀸 𑀕𑀢𑀸-𑀓𑁆𑀯 𑀦𑀼+𑀇𑀫𑁂𑀢𑀺 𑀙𑁂𑀤𑁄, 𑀲𑁄𑀡𑁆𑀡𑀁 𑀲𑀼𑀯𑀡𑁆𑀡𑀁 𑀇𑀘𑁆𑀘𑀸𑀤𑀺.

𑀓𑀼𑀲𑁆𑀲 𑀓𑁆𑀭𑀼𑀢𑁆𑀢𑀁 𑁋

𑀓𑁆𑀭𑀼𑀩𑁆𑀩𑀢𑀺 𑀓𑀼𑀩𑁆𑀩𑀢𑀺.

𑀢𑁆𑀢𑀲𑁆𑀲 𑀢𑁆𑀭𑀢𑁆𑀢𑀁 𑁋

𑀅𑀢𑁆𑀭𑀚𑁄 𑀧𑀼𑀢𑁆𑀢𑁄, 𑀔𑁂𑀢𑁆𑀭𑀚𑁄 𑀧𑀼𑀢𑁆𑀢𑁄 𑀅𑀢𑁆𑀢𑀚𑁄, 𑀔𑁂𑀢𑁆𑀢𑀚𑁄, 𑀕𑁄𑀢𑁆𑀭𑀪𑀽, 𑀯𑀢𑁆𑀭𑀪𑀽, 𑀘𑀺𑀢𑁆𑀭𑀁, 𑀯𑀺𑀘𑀺𑀢𑁆𑀭𑀁, 𑀘𑀺𑀢𑁆𑀢𑀁, 𑀯𑀺𑀘𑀺𑀢𑁆𑀢𑀁, 𑀉𑀢𑁆𑀭𑀲𑁆𑀢𑀫𑀺𑀤𑀁 𑀘𑀺𑀢𑁆𑀢𑀁 [𑀲𑀁. 𑀦𑀺. 𑁧.𑁯𑁮], 𑀉𑀢𑁆𑀭𑀸𑀲𑀻 𑀧𑀮𑀸𑀬𑀻 [𑀲𑀁. 𑀦𑀺. 𑁧.𑁨𑁪𑁯], 𑀬𑀸𑀢𑁆𑀭𑀸 𑀘 𑀫𑁂 𑀪𑀯𑀺𑀲𑁆𑀲𑀢𑀺 [𑀫. 𑀦𑀺. 𑁧.𑁨𑁩] 𑀇𑀘𑁆𑀘𑀸𑀤𑀺.

𑀤𑀲𑁆𑀲 𑀤𑁆𑀭𑀢𑁆𑀢𑀁 𑁋

𑀇𑀦𑁆𑀤𑁆𑀭𑀺𑀬𑀁, 𑀲𑀼𑀔𑁄 𑀉𑀤𑀬𑁄 𑀬𑀲𑁆𑀲𑀸𑀢𑀺 𑀲𑀼𑀔𑀼𑀤𑁆𑀭𑀬𑀁, 𑀤𑀼𑀓𑁆𑀔𑀼𑀤𑁆𑀭𑀬𑀁 𑀓𑀫𑁆𑀫𑀁 [𑀫. 𑀦𑀺. 𑁨.𑁧𑁦𑁯], 𑀧𑀣𑀯𑀻 𑀉𑀦𑁆𑀤𑁆𑀭𑀺𑀬𑁆𑀬𑀢𑀺 [𑀲𑀁. 𑀦𑀺. 𑁧.𑁧𑁫𑁮] 𑁋 𑀪𑀺𑀚𑁆𑀚𑀢𑀻𑀢𑁆𑀬𑀢𑁆𑀣𑁄, 𑀫𑀺𑀢𑁆𑀢𑀤𑁆𑀭𑀼𑀩𑁆𑀪𑁄 𑀫𑀺𑀢𑁆𑀢𑀤𑁆𑀤𑀼𑀩𑁆𑀪𑁄.

𑀤𑁆𑀤𑀲𑁆𑀲 𑀤𑁆𑀭𑀢𑁆𑀢𑀁 ¶ 𑁋

𑀪𑀤𑁆𑀭𑀁 𑀪𑀤𑁆𑀤𑀁, 𑀅𑀲𑁆𑀲𑁄 𑀪𑀤𑁆𑀭𑁄 [𑀥. 𑀧. 𑁧𑁪𑁩], 𑀲𑀤𑀸 𑀪𑀤𑁆𑀭𑀸𑀦𑀺 𑀧𑀲𑁆𑀲𑀢𑀺 [𑀤𑀻. 𑀦𑀺. 𑁨.𑁧𑁫𑁩], 𑀲𑀩𑁆𑀩𑁂 𑀪𑀤𑁆𑀭𑀸𑀦𑀺 𑀧𑀲𑁆𑀲𑀦𑁆𑀢𑀼 [𑀚𑀸. 𑁧.𑁨.𑁧𑁦𑁫], 𑀪𑀤𑁆𑀭𑀸𑀦𑀺 𑀪𑀤𑁆𑀭𑀸𑀦𑀺 𑀬𑀸𑀦𑀸𑀦𑀺 𑀬𑁄𑀚𑁂𑀢𑁆𑀯𑀸, 𑀮𑀼𑀤𑁆𑀭𑀁 [𑀤𑀻. 𑀦𑀺. 𑁨.𑁪𑁩] 𑀮𑀼𑀤𑁆𑀤𑀁.

𑀩𑀲𑁆𑀲 𑀩𑁆𑀭𑀢𑁆𑀢𑀁 𑁋

𑀩𑁆𑀭𑀳𑀸𑀯𑀦𑀁, 𑀩𑁆𑀭𑀳𑀦𑁆𑀢𑀁 𑀯𑀸 𑀯𑀦𑀧𑁆𑀧𑀢𑀺𑀁 [𑀚𑀸. 𑁧.𑁧.𑁧𑁪], 𑀩𑁆𑀭𑀳𑁆𑀫𑀸, 𑀩𑁆𑀭𑀸𑀳𑁆𑀫𑀡𑁄 𑁋 𑀩𑀸𑀳𑀺𑀢𑀧𑀸𑀧𑀢𑁆𑀢𑀸 𑀅𑀭𑀳𑀸 𑀩𑁆𑀭𑀸𑀳𑁆𑀫𑀡𑁄𑀢𑀺 𑀯𑀼𑀘𑁆𑀘𑀢𑀺, 𑀩𑁆𑀭𑀳𑁆𑀫𑀼𑀦𑁄 𑀅𑀧𑀘𑁆𑀘𑀦𑁆𑀢𑀺 𑀚𑀸𑀢𑀺𑀩𑁆𑀭𑀸𑀳𑁆𑀫𑀡𑁄 𑀯𑀼𑀘𑁆𑀘𑀢𑀺.

𑀯, 𑀯𑀻𑀦𑀁 𑀩𑁆𑀬𑀢𑁆𑀢𑀁 𑁋

𑀩𑁆𑀬𑀬𑁄=𑀯𑀬𑁄-𑀯𑀺𑀦𑀸𑀲𑁄𑀢𑁆𑀬𑀢𑁆𑀣𑁄, 𑀓𑀺𑀘𑁆𑀘𑀸𑀓𑀺𑀘𑁆𑀘𑁂𑀲𑀼 𑀩𑁆𑀬𑀸𑀯𑀝𑁄=𑀯𑀸𑀯𑀝𑁄, 𑀧𑀗𑁆𑀓𑁂 𑀩𑁆𑀬𑀲𑀦𑁆𑀦𑁄=𑀯𑀺𑀲𑀦𑁆𑀦𑁄, 𑀩𑁆𑀬𑀫𑁆𑀳𑀺𑀢𑁄=𑀯𑀺𑀫𑁆𑀳𑀺𑀢𑁄, 𑀩𑁆𑀬𑀫𑁆𑀳𑀁=𑀯𑀺𑀫𑀸𑀦𑀁-𑀫𑀸𑀦𑀲𑁆𑀲 𑀫𑁆𑀳𑀢𑁆𑀢𑀁.

𑀓𑁆𑀔𑀲𑁆𑀲 𑀘𑁆𑀙𑀢𑁆𑀢𑀁 𑁋

𑀅𑀘𑁆𑀙𑀺=𑀅𑀓𑁆𑀔𑀺, 𑀲𑀘𑁆𑀙𑀺=𑀲𑀓𑁆𑀔𑀺-𑀲𑀳 𑀅𑀓𑁆𑀔𑀺𑀦𑀸 𑀯𑀢𑁆𑀢𑀢𑀻𑀢𑀺 𑀅𑀢𑁆𑀣𑁂 𑀦𑀺𑀧𑀸𑀢𑁄, 𑀧𑀘𑁆𑀘𑀓𑁆𑀔𑀦𑁆𑀢𑀺 𑀅𑀢𑁆𑀣𑁄. 𑀦𑀺𑀩𑁆𑀩𑀸𑀦𑀁 𑀲𑀘𑁆𑀙𑀺𑀓𑀭𑁄𑀢𑀺 [𑀫𑀺. 𑀧. 𑁫.𑁩.𑁧𑁨], 𑀫𑀘𑁆𑀙𑀺𑀓𑀸=𑀫𑀓𑁆𑀔𑀺𑀓𑀸, 𑀮𑀘𑁆𑀙𑀻=𑀮𑀓𑁆𑀔𑀻-𑀲𑀺𑀭𑀻𑀢𑀺 𑀅𑀢𑁆𑀣𑁄.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀅𑀓𑁆𑀔𑀭𑀲𑀁𑀔𑀺𑀢𑁆𑀢𑀁 𑀳𑁄𑀢𑀺 𑁋

𑀆𑀘𑁂𑀭𑁄 𑀆𑀘𑀭𑀺𑀬𑁄, 𑀦 𑀫𑀸𑀢𑀸𑀧𑀺𑀢𑀭𑀲𑀁𑀯𑀟𑁆𑀠𑁄, 𑀅𑀦𑀸𑀘𑁂𑀭𑀓𑀼𑀮𑁂 𑀯𑀲𑀁 [𑀚𑀸. 𑁧.𑁧.𑁯], 𑀆𑀘𑁂𑀭𑀫𑁆𑀳𑀺 𑀲𑀼𑀲𑀺𑀓𑁆𑀔𑀺𑀢𑀸 [𑀚𑀸. 𑁧.𑁭.𑁮𑁨], 𑀩𑁆𑀭𑀳𑁆𑀫𑀘𑁂𑀭𑁄 𑀩𑁆𑀭𑀳𑁆𑀫𑀘𑀭𑀺𑀬𑁄, 𑀢𑀺𑀡𑁆𑀳𑀁 𑀢𑀺𑀔𑀺𑀡𑀁, 𑀢𑀡𑁆𑀳𑀸 𑀢𑀲𑀺𑀡𑀸, 𑀲𑀼𑀡𑁆𑀳𑀸 𑀲𑀼𑀡𑀺𑀲𑀸, 𑀅𑀪𑀺𑀡𑁆𑀳𑀁 𑀅𑀪𑀺𑀓𑁆𑀔𑀡𑀁, 𑀧𑀡𑁆𑀳𑁄 𑀧𑀼𑀩𑁆𑀩𑀡𑁆𑀳𑁄, 𑀧𑀡𑁆𑀳𑁂 𑀯𑀚𑁆𑀛𑁄 𑀫𑀳𑁄𑀲𑀥𑁄 [𑀚𑀸. 𑁧.𑁧𑁫.𑁩𑁨𑁪], 𑀲𑀼𑀭𑀸𑀫𑁂𑀭𑀬𑁄-𑀲𑀼𑀭𑀸𑀫𑁂𑀭𑁂𑀬𑁆𑀬𑁄, 𑀲𑀼𑀭𑀸𑀫𑁂𑀭𑁂𑀬𑁆𑀬𑀧𑀸𑀦𑀸𑀦𑀺, 𑀬𑁄 𑀦𑀭𑁄 𑀅𑀦𑀼𑀬𑀼𑀜𑁆𑀚𑀢𑀺 [𑀥. 𑀧. 𑁨𑁪𑁭]. 𑀓𑀫𑁆𑀫𑀥𑀸𑀭𑀬𑁄= 𑀓𑀫𑁆𑀫𑀥𑀸𑀭𑁂𑀬𑁆𑀬𑁄 ¶ , 𑀧𑀸𑀝𑀺𑀳𑀻𑀭𑀁 𑀧𑀸𑀝𑀺𑀳𑁂𑀭𑀁 𑀧𑀸𑀝𑀺𑀳𑀸𑀭𑀺𑀬𑀁, 𑀅𑀘𑁆𑀙𑁂𑀭𑀁 𑀅𑀘𑁆𑀙𑀭𑀺𑀬𑀁, 𑀫𑀘𑁆𑀙𑁂𑀭𑀁 𑀫𑀘𑁆𑀙𑀭𑀁 𑀫𑀘𑁆𑀙𑀭𑀺𑀬𑀁 𑀇𑀘𑁆𑀘𑀸𑀤𑀺.

𑀅𑀓𑁆𑀔𑀭𑀯𑀟𑁆𑀠𑀺𑀧𑀺 𑀳𑁄𑀢𑀺 𑁋

𑀏𑀓𑀘𑁆𑀘𑀺𑀬𑁄 𑀏𑀓𑀘𑁆𑀘𑁂𑀬𑁆𑀬𑁄 𑀏𑀓𑀘𑁆𑀘𑁄, 𑀫𑀸𑀢𑀺𑀬𑁄 𑀫𑀘𑁆𑀘𑁄, 𑀓𑀺𑀘𑁆𑀘𑀬𑀁 𑀓𑀺𑀘𑁆𑀘𑀁, 𑀧𑀡𑁆𑀟𑀺𑀢𑀺𑀬𑀁 𑀧𑀡𑁆𑀟𑀺𑀘𑁆𑀘𑀁, 𑀲𑀼𑀯𑀸𑀫𑀺 𑀲𑀸𑀫𑀺, 𑀲𑀼𑀯𑀸𑀫𑀺𑀦𑀺 𑀲𑀸𑀫𑀺𑀦𑀺, 𑀲𑀼𑀯𑀓𑁂𑀳𑀺 𑀧𑀼𑀢𑁆𑀢𑁂𑀳𑀺 𑀲𑀓𑁂𑀳𑀺 𑀧𑀼𑀢𑁆𑀢𑁂𑀳𑀺, 𑀲𑀢𑁆𑀢𑀯𑁄 𑀲𑀢𑁆𑀢𑁄, 𑀢𑁆𑀯𑀜𑁆𑀘 𑀉𑀢𑁆𑀢𑀫𑀲𑀢𑁆𑀢𑀯𑁄 [𑀚𑀸. 𑁨.𑁨𑁧.𑁭𑁬], 𑀏𑀯𑀁 𑀉𑀢𑁆𑀢𑀫𑀲𑀢𑁆𑀢𑀯𑁄 [𑀚𑀸. 𑁨.𑁨𑁧.𑁭𑁯] 𑀇𑀘𑁆𑀘𑀸𑀤𑀺.

𑀇𑀢𑀺 𑀫𑀺𑀲𑁆𑀲𑀓𑀸𑀤𑁂𑀲𑀭𑀸𑀲𑀺.

𑀩𑀺𑀦𑁆𑀤𑀸𑀤𑁂𑀲𑁄 𑀤𑀻𑀧𑀺𑀬𑀢𑁂.

𑁪𑁬. 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 [𑀓. 𑁩𑁧; 𑀭𑀽. 𑁪𑁯; 𑀦𑀻. 𑁧𑁩𑁮-𑁯].

𑀯𑀕𑁆𑀕𑀩𑁆𑀬𑀜𑁆𑀚𑀦𑁂 𑀧𑀭𑁂 𑀦𑀺𑀕𑁆𑀕𑀳𑀻𑀢𑀲𑁆𑀲 𑀲𑀓𑀯𑀕𑁆𑀕𑀦𑁆𑀢𑀩𑁆𑀬𑀜𑁆𑀚𑀦𑀸𑀤𑁂𑀲𑁄 𑀳𑁄𑀢𑀺 𑀯𑀸.

𑀤𑀻𑀧𑀗𑁆𑀓𑀭𑁄, 𑀲𑀗𑁆𑀔𑀸𑀭𑁄, 𑀲𑀗𑁆𑀕𑀳𑁄, 𑀲𑀜𑁆𑀘𑀸𑀭𑁄, 𑀲𑀜𑁆𑀚𑀸𑀢𑁄, 𑀲𑀡𑁆𑀞𑀺𑀢𑀁, 𑀅𑀢𑁆𑀢𑀦𑁆𑀢𑀧𑁄, 𑀧𑀭𑀦𑁆𑀢𑀧𑁄, 𑀅𑀫𑀢𑀦𑁆𑀤𑀤𑁄, 𑀧𑀼𑀭𑀺𑀦𑁆𑀤𑀤𑁄, 𑀲𑀦𑁆𑀥𑀺, 𑀲𑀦𑁆𑀦𑀺𑀥𑀺, 𑀲𑀫𑁆𑀧𑀢𑁆𑀢𑀺, 𑀲𑀫𑁆𑀩𑀼𑀤𑁆𑀥𑁄, 𑀲𑀫𑁆𑀪𑀯𑁄, 𑀲𑀫𑁆𑀪𑀸𑀭𑁄, 𑀲𑀫𑁆𑀪𑀺𑀦𑁆𑀦𑁄, 𑀲𑀫𑁆𑀫𑀢𑁄 𑀇𑀘𑁆𑀘𑀸𑀤𑀻𑀲𑀼 𑀦𑀺𑀘𑁆𑀘𑀁, 𑀢𑀗𑁆𑀓𑀭𑁄, 𑀢𑀁𑀓𑀭𑁄 𑀇𑀘𑁆𑀘𑀸𑀤𑀻𑀲𑀼 𑀅𑀦𑀺𑀘𑁆𑀘𑀁, 𑀩𑀼𑀤𑁆𑀥𑀁 𑀲𑀭𑀡𑀁 𑀕𑀘𑁆𑀙𑀸𑀫𑀺 [𑀔𑀼. 𑀧𑀸. 𑁧.𑀲𑀭𑀡𑀢𑁆𑀢𑀬], 𑀦 𑀢𑀁 𑀓𑀫𑁆𑀫𑀁 𑀓𑀢𑀁 𑀲𑀸𑀥𑀼 𑀇𑀘𑁆𑀘𑀸𑀤𑀻𑀲𑀼 [𑀥. 𑀧. 𑁬𑁭] 𑀦𑀢𑁆𑀣𑀺.

𑀫𑀳𑀸𑀯𑀼𑀢𑁆𑀢𑀺𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀯𑀕𑁆𑀕𑀸𑀯𑀕𑁆𑀕𑁂𑀲𑀼 𑀩𑁆𑀬𑀜𑁆𑀚𑀦𑁂𑀲𑀼 𑀧𑀭𑁂𑀲𑀼 𑀦𑀺𑀕𑁆𑀕𑀳𑀻𑀢𑀁 𑀧𑀭𑀭𑀽𑀧𑀁 𑀕𑀘𑁆𑀙𑀢𑀺 𑁋

𑀲𑀓𑁆𑀓𑀭𑁄𑀢𑀺, 𑀲𑀓𑁆𑀓𑀢𑁄, 𑀲𑀓𑁆𑀓𑀸𑀭𑁄, 𑀲𑀓𑁆𑀓𑀘𑁆𑀘𑀁, 𑀢𑀓𑁆𑀓𑀢𑁆𑀢𑀸, 𑀢𑀓𑁆𑀓𑀭𑁄, 𑀢𑀓𑁆𑀔𑀡𑀁 𑀢𑀗𑁆𑀔𑀡𑀁 𑀢𑀁 𑀔𑀡𑀁, 𑀢𑀕𑁆𑀕𑀢𑀺𑀓𑀁 𑀢𑀁 𑀕𑀢𑀺𑀓𑀁, 𑀢𑀦𑁆𑀦𑀺𑀦𑁆𑀦𑁄, 𑀢𑀧𑁆𑀧𑁄𑀡𑁄, 𑀢𑀧𑁆𑀧𑀩𑁆𑀪𑀸𑀭𑁄, 𑀢𑀧𑁆𑀧𑀥𑀸𑀦𑁄, 𑀏𑀢𑀧𑁆𑀧𑀭𑀫𑁄, 𑀬𑀕𑁆𑀕𑀼𑀡𑁄 𑀬𑀁𑀕𑀼𑀡𑁄, 𑀢𑀮𑁆𑀮𑁂𑀡𑀸, 𑀫𑀮𑁆𑀮𑁂𑀡𑀸, 𑀲𑀮𑁆𑀮𑁂𑀔𑁄, 𑀧𑀝𑀺𑀲𑀮𑁆𑀮𑀻𑀦𑁄, 𑀢𑀩𑁆𑀩𑀡𑁆𑀡𑀦𑀸 𑀢𑀁𑀯𑀡𑁆𑀡𑀦𑀸, 𑀢𑀲𑁆𑀲𑀫𑁄 𑀢𑀁𑀲𑀫𑁄, 𑀇𑀤𑀧𑁆𑀧𑀘𑁆𑀘𑀬𑀢𑀸 ¶ , 𑀘𑀺𑀭𑀧𑁆𑀧𑀯𑀸𑀲𑀺𑀁, 𑀳𑀢𑁆𑀣𑀺𑀧𑁆𑀧𑀪𑀺𑀦𑁆𑀦𑀁 𑀇𑀘𑁆𑀘𑀸𑀤𑀺. 𑀇𑀫𑀲𑁆𑀫𑀺𑀁 𑀕𑀦𑁆𑀣𑁂 𑀏𑀓𑀢𑁆𑀣 𑀲𑀺𑀤𑁆𑀥𑀫𑁆𑀧𑀺 𑀢𑀁 𑀢𑀁 𑀭𑀽𑀧𑀁 𑀢𑀢𑁆𑀣 𑀢𑀢𑁆𑀣 𑀧𑀼𑀦𑀧𑁆𑀧𑀼𑀦𑀫𑁆𑀧𑀺 𑀯𑀺𑀥𑀺𑀬𑁆𑀬𑀢𑀺 𑀜𑀸𑀡𑀯𑀺𑀘𑀺𑀢𑁆𑀢𑀢𑁆𑀣𑀁.

𑁪𑁭. 𑀫𑀬𑀤𑀸 𑀲𑀭𑁂 [𑀓. 𑁩𑁪, 𑁩𑁫; 𑀭𑀽. 𑁩𑁪, 𑁫𑁨; 𑀦𑀻. 𑁧𑁪𑁨-𑁫].

𑀲𑀭𑁂 𑀧𑀭𑁂 𑀦𑀺𑀕𑁆𑀕𑀳𑀻𑀢𑀲𑁆𑀲 𑀓𑁆𑀯𑀘𑀺 𑀫, 𑀬, 𑀤𑀸 𑀳𑁄𑀦𑁆𑀢𑀺 𑀯𑀸.

𑀢𑀢𑁆𑀣 𑀤𑀸𑀤𑁂𑀲𑁄 𑀬, 𑀢, 𑀏𑀢𑀲𑀤𑁆𑀤𑁂𑀳𑀺 𑀦𑀧𑀼𑀁𑀲𑀓𑁂 𑀤𑀺𑀲𑁆𑀲𑀢𑀺 𑁋

𑀬𑀤𑀩𑁆𑀭𑀯𑀺 [𑀚𑀸. 𑁧.𑁨.𑁧𑁪𑁩], 𑀢𑀤𑀦𑀺𑀘𑁆𑀘𑀁 [𑀫. 𑀦𑀺. 𑁨.𑁧𑁯], 𑀏𑀢𑀤𑀯𑁄𑀘 𑀲𑀢𑁆𑀣𑀸 [𑀲𑀼. 𑀦𑀺. 𑀤𑁆𑀯𑀬𑀢𑀸𑀦𑀼𑀧𑀲𑁆𑀲𑀦𑀸𑀲𑀼𑀢𑁆𑀢].

𑀲𑀫𑀸𑀲𑁂 𑀧𑀦 𑀤𑀸𑀤𑁂𑀲𑁄 𑀢𑀺𑀮𑀺𑀗𑁆𑀕𑁂 𑀤𑀺𑀲𑁆𑀲𑀢𑀺 𑁋

𑀬𑀤𑀦𑀦𑁆𑀢𑀭𑀁, 𑀢𑀤𑀦𑀦𑁆𑀢𑀭𑀁, 𑀏𑀢𑀤𑀢𑁆𑀣𑀸 𑀓𑀣𑀸 [𑀅. 𑀦𑀺. 𑁨.𑁬𑁮]. 𑀏𑀢𑀤𑀢𑁆𑀣𑀸 𑀫𑀦𑁆𑀢𑀦𑀸 [𑀅. 𑀦𑀺. 𑁨.𑁬𑁮] -𑀢𑀢𑁆𑀣 𑀬𑀲𑁆𑀲 𑀅𑀢𑁆𑀣𑀲𑁆𑀲 𑀯𑀸 𑀬𑀲𑁆𑀲 𑀧𑀤𑀲𑁆𑀲 𑀯𑀸 𑀬𑀲𑁆𑀲𑀸 𑀓𑀣𑀸𑀬 𑀯𑀸 𑀅𑀦𑀦𑁆𑀢𑀭𑀁 𑀬𑀤𑀦𑀦𑁆𑀢𑀭𑀁.

𑀓𑁆𑀯𑀘𑀺𑀢𑁆𑀯𑁂𑀯? 𑀬𑀫𑁂𑀢𑀁 𑀯𑀸𑀭𑀺𑀚𑀁 𑀧𑀼𑀧𑁆𑀨𑀁, 𑀅𑀤𑀺𑀦𑁆𑀦𑀁 𑀉𑀧𑀲𑀺𑀗𑁆𑀖𑀲𑀺 [𑀚𑀸. 𑁧.𑁬.𑁧𑁧𑁫].

𑀫𑀸𑀤𑁂𑀲𑁄 𑀬, 𑀢, 𑀏𑀢𑀲𑀤𑁆𑀤𑁂𑀳𑀺 𑀧𑀼𑀫𑀺𑀢𑁆𑀣𑀺𑀮𑀺𑀗𑁆𑀕𑁂𑀲𑀼 𑀤𑀺𑀲𑁆𑀲𑀢𑀺 𑁋

𑀬𑀫𑀸𑀳𑀼 𑀤𑁂𑀯𑁂𑀲𑀼 𑀲𑀼𑀚𑀫𑁆𑀧𑀢𑀻𑀢𑀺 [𑀚𑀸. 𑁧.𑁧𑁫.𑁫𑁪], 𑀢𑀫𑀢𑁆𑀣𑀁 𑀧𑀓𑀸𑀲𑁂𑀦𑁆𑀢𑁄 𑀲𑀢𑁆𑀣𑀸 [𑀚𑀸. 𑀅𑀝𑁆𑀞. 𑁧.𑁨𑁦.𑁩𑁫], 𑀏𑀢𑀫𑀢𑁆𑀣𑀁 𑀯𑀺𑀤𑀺𑀢𑁆𑀯𑀸 [𑀫𑀳𑀸𑀯. 𑁨-𑁩].

𑀅𑀜𑁆𑀜𑀲𑀤𑁆𑀤𑁂𑀳𑀺 𑀧𑀦 𑀤𑁆𑀯𑁂 𑀆𑀤𑁂𑀲𑀸 𑀢𑀺𑀮𑀺𑀗𑁆𑀕𑁂 𑀤𑀺𑀲𑁆𑀲𑀦𑁆𑀢𑀺 𑁋

𑀲𑀓𑀤𑀸𑀕𑀸𑀫𑀻, 𑀏𑀯𑀫𑁂𑀢𑀫𑀪𑀺𑀜𑁆𑀜𑀸𑀬 [𑀲𑀼. 𑀦𑀺. 𑁧𑁨𑁨𑁧] 𑀇𑀘𑁆𑀘𑀸𑀤𑀺.

𑀬𑀸𑀤𑁂𑀲𑁄 𑀇𑀤𑀁𑀲𑀤𑁆𑀤𑁂 𑀧𑀭𑁂 𑀢𑀲𑀤𑁆𑀤𑀫𑁆𑀳𑀸 𑀏𑀯 𑀓𑁆𑀯𑀘𑀺 𑀤𑀺𑀲𑁆𑀲𑀢𑀺 𑁋

𑀢𑀬𑀺𑀤𑀁 𑀦 𑀲𑀸𑀥𑀼 [𑀚𑀸. 𑁨.𑁨𑁨.𑁨𑁭𑁯], 𑀢𑀬𑀺𑀤𑀁 𑀦 𑀲𑀼𑀝𑁆𑀞𑀼 [𑀚𑀸. 𑁨.𑁨𑁨.𑁨𑁭𑁯].

𑁪𑁮. 𑀬𑁂𑀯𑀳𑀺𑀲𑀼 𑀜𑁄

𑀬 ¶ , 𑀏𑀯, 𑀳𑀺𑀲𑀤𑁆𑀤𑁂𑀲𑀼 𑀧𑀭𑁂𑀲𑀼 𑀦𑀺𑀕𑁆𑀕𑀳𑀻𑀢𑀲𑁆𑀲 𑀜𑁄 𑀳𑁄𑀢𑀺. 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀢𑁆𑀢𑀁.

𑀆𑀦𑀦𑁆𑀢𑀭𑀺𑀓𑀜𑁆𑀜𑀫𑀸𑀳𑀼 [𑀔𑀼. 𑀧𑀸. 𑁬.𑁫] 𑁋 𑀆𑀦𑀦𑁆𑀢𑀭𑀺𑀓𑀁 + 𑀬𑀁 + 𑀆𑀳𑀽𑀢𑀺 𑀙𑁂𑀤𑁄, 𑀬𑀜𑁆𑀜𑀤𑁂𑀯-𑀬𑀁 + 𑀬𑀁 + 𑀏𑀯, 𑀢𑀜𑁆𑀜𑁂𑀯 𑀢𑀁+𑀏𑀯, 𑀧𑀼𑀭𑀺𑀲𑀜𑁆𑀜𑁂𑀯, 𑀧𑀘𑁆𑀘𑀢𑁆𑀢𑀜𑁆𑀜𑁂𑀯, 𑀢𑀜𑁆𑀳𑀺, 𑀧𑀼𑀭𑀺𑀲𑀜𑁆𑀳𑀺, 𑀅𑀢𑁆𑀣𑀲𑀜𑁆𑀳𑀺𑀢𑁄 𑀅𑀢𑁆𑀣𑀲𑀁𑀳𑀺𑀢𑁄, 𑀥𑀫𑁆𑀫𑀲𑀜𑁆𑀳𑀺𑀢𑁄 𑀥𑀫𑁆𑀫𑀲𑀁𑀳𑀺𑀢𑁄.

𑁪𑁯. 𑀬𑁂 𑀲𑀁𑀲𑁆𑀲 [𑀓. 𑁩𑁩; 𑀭𑀽. 𑁫𑁧; 𑀦𑀻. 𑁧𑁪𑁧].

𑀬𑀫𑁆𑀳𑀺 𑀧𑀭𑁂 𑀲𑀁 𑀉𑀧𑀲𑀕𑁆𑀕𑀲𑁆𑀲 𑀦𑀺𑀕𑁆𑀕𑀳𑀻𑀢𑀲𑁆𑀲 𑀜𑁄 𑀳𑁄𑀢𑀺. 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀢𑁆𑀢𑀁.

𑀲𑀜𑁆𑀜𑁄𑀕𑁄 𑀲𑀁𑀬𑁄𑀕𑁄, 𑀲𑀜𑁆𑀜𑀼𑀢𑁆𑀢𑁄 𑀲𑀁𑀬𑀼𑀢𑁆𑀢𑁄. 𑀲𑀁𑀬𑁄𑀚𑀦𑀁 𑀲𑀁𑀬𑁄𑀚𑀦𑀁, 𑀲𑀜𑁆𑀜𑀫𑁄 𑀲𑀁𑀬𑀫𑁄, 𑀲𑀜𑁆𑀜𑀢𑁄 𑀲𑀁𑀬𑀢𑁄, 𑀲𑀜𑁆𑀜𑀫𑀢𑀺 𑀲𑀁𑀬𑀫𑀢𑀺, 𑀲𑀜𑁆𑀜𑀸𑀘𑀺𑀓𑀸 𑀲𑀁𑀬𑀸𑀘𑀺𑀓𑀸 𑀓𑀼𑀝𑀺𑀁 [𑀧𑀸𑀭𑀸. 𑁩𑁪𑁮] 𑀇𑀘𑁆𑀘𑀸𑀤𑀺.

𑀇𑀢𑀺 𑀩𑀺𑀦𑁆𑀤𑀸𑀤𑁂𑀲𑀭𑀸𑀲𑀺.

𑀆𑀤𑁂𑀲𑀲𑀦𑁆𑀥𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀆𑀕𑀫𑀲𑀦𑁆𑀥𑀺

𑀅𑀣𑀸𑀕𑀫𑀲𑀦𑁆𑀥𑀺 𑀤𑀻𑀧𑀺𑀬𑀢𑁂.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀭𑀸𑀕𑀫𑁄 𑁋

𑀅 𑁋

𑀧𑀡𑁆𑀡𑀲𑀸𑀮𑀁 𑀅𑀫𑀸𑀧𑁂𑀢𑁆𑀯𑀸 [𑀚𑀸. 𑁨.𑁨𑁨.𑁧𑁯𑁧𑁩], 𑀧𑀡𑁆𑀡𑀲𑀸𑀮𑀁 𑀅𑀫𑀸𑀧𑀺𑀬 [𑀚𑀸. 𑁧.𑁧.𑁧𑁪𑁮] 𑁋 𑀫𑀸𑀧𑁂𑀢𑁆𑀯𑀸 𑀇𑀘𑁆𑀘𑁂𑀯𑀢𑁆𑀣𑁄, 𑀦 𑀘𑀸𑀧𑀺 𑀅𑀧𑀼𑀦𑀧𑁆𑀧𑀼𑀦𑀁, 𑀳𑀢𑁆𑀣𑀺𑀩𑁄𑀦𑁆𑀤𑀺𑀁 𑀧𑀯𑁂𑀓𑁆𑀔𑀸𑀫𑀺 [𑀚𑀸. 𑁧.𑁧.𑁧𑁪𑁮] -𑀧𑀼𑀦𑀧𑁆𑀧𑀼𑀦𑀁 𑀇𑀘𑁆𑀘𑁂𑀯𑀢𑁆𑀣𑁄 ¶ , 𑀦𑀢𑁆𑀣𑀺 𑀮𑁄𑀓𑁂 𑀅𑀦𑀸𑀫𑀢𑀁 [𑀚𑀸. 𑁧.𑁨.𑁩𑁧] 𑁋 𑀅𑀫𑀢 𑀧𑀼𑀩𑁆𑀩𑀁 𑀞𑀸𑀦𑀦𑁆𑀢𑀺 𑀅𑀢𑁆𑀣𑁄, 𑀅𑀦𑀯𑀚𑁆𑀚𑀁, 𑀅𑀦𑀫𑀢𑀕𑁆𑀕𑁄, 𑀚𑀘𑁆𑀘𑀦𑁆𑀥𑁄, 𑀚𑀘𑁆𑀘𑀩𑀥𑀺𑀭𑁄, 𑀚𑀘𑁆𑀘𑀫𑀽𑀕𑁄, 𑀚𑀘𑁆𑀘𑀧𑀡𑁆𑀟𑀓𑁄.

𑀆 𑁋

𑀅𑀟𑁆𑀠𑁂 𑀆𑀚𑀸𑀬𑀭𑁂 𑀓𑀼𑀮𑁂 [𑀲𑀁. 𑀦𑀺. 𑁧.𑁪𑁯], 𑀫𑀦𑀼𑀲𑁆𑀲𑁂𑀲𑀼 𑀧𑀘𑁆𑀘𑀸𑀚𑀸𑀢𑁄, 𑀆𑀧𑀽𑀭𑀢𑀺 𑀢𑀲𑁆𑀲 𑀬𑀲𑁄 [𑀧𑀭𑀺. 𑁩𑁮𑁬].

𑀇 𑁋

𑀥𑀫𑁆𑀫𑀺𑀓𑀣𑀁 𑀓𑀢𑁆𑀯𑀸 [𑀧𑀸𑀭𑀸. 𑁩𑁯], 𑀲𑀭𑀦𑁆𑀢𑀸 𑀲𑀧𑀦𑁆𑀢𑀺 𑀕𑀘𑁆𑀙𑀦𑁆𑀢𑀻𑀢𑀺 𑀲𑀭𑀺𑀲𑀧𑀸.

𑀈 𑁋

𑀓𑀩𑀴𑀻𑀓𑀸𑀭𑁄, 𑀫𑀦𑀲𑀻𑀓𑀸𑀭𑁄, 𑀫𑀦𑀲𑀻𑀓𑀭𑁄𑀢𑀺, 𑀢𑀧𑁆𑀧𑀸𑀓𑀝𑀻𑀓𑀭𑁄𑀢𑀺, 𑀤𑀽𑀭𑀻𑀪𑀽𑀢𑁄, 𑀅𑀩𑁆𑀬𑀬𑀻𑀪𑀸𑀯𑁄.

𑀉 𑁋

𑀜𑀸𑀢𑀺𑀧𑀭𑀺𑀚𑀺𑀦𑀲𑁆𑀲 𑀪𑀸𑀯𑁄 𑀜𑀸𑀢𑀺𑀧𑀸𑀭𑀺𑀚𑀼𑀜𑁆𑀜𑀁, 𑀏𑀯𑀁 𑀪𑁄𑀕𑀧𑀸𑀭𑀺𑀚𑀼𑀜𑁆𑀜𑀁- 𑀧𑀭𑀺𑀚𑀺𑀦𑀲𑁆𑀲𑀸𑀢𑀺 𑀧𑀭𑀺𑀳𑀸𑀦𑀲𑁆𑀲, 𑀧𑀭𑀺𑀓𑁆𑀔𑀬𑀲𑁆𑀲.

𑀑 𑁋

𑀧𑀭𑁄𑀲𑀢𑀁, 𑀲𑀭𑀤𑁄𑀲𑀢𑀁, 𑀤𑀺𑀲𑁄𑀤𑀺𑀲𑀁 [𑀥. 𑀧. 𑁪𑁨] 𑀇𑀘𑁆𑀘𑀸𑀤𑀺.

‘𑀅𑀢𑀺𑀧𑁆𑀧𑀕𑁄 𑀔𑁄 𑀢𑀸𑀯 𑀧𑀺𑀡𑁆𑀟𑀸𑀬 𑀘𑀭𑀺𑀢𑀼’ [𑀤𑀻. 𑀦𑀺. 𑁩.𑁧] 𑀦𑁆𑀢𑀺 𑀏𑀢𑁆𑀣 𑀧𑀸𑀢𑁄𑀢𑁆𑀣𑁄 𑀧𑀕𑁄𑀲𑀤𑁆𑀤𑁄 𑀏𑀯.

𑀇𑀢𑀺 𑀲𑀭𑀸𑀕𑀫𑀭𑀸𑀲𑀺.

𑁫𑁦. 𑀯𑀦𑀢𑀭𑀕𑀸𑀘𑀸𑀕𑀫𑀸

𑀲𑀭𑁂 𑀧𑀭𑁂𑀯 𑀦, 𑀢, 𑀭, 𑀕𑀸 𑀘 𑀫, 𑀬, 𑀤𑀸 𑀘 𑀆𑀕𑀫𑀸 𑀳𑁄𑀦𑁆𑀢𑀺.

𑀕𑁄, 𑀢𑁄, 𑀤𑁄, 𑀦𑁄, 𑀫𑁄, 𑀬𑁄, 𑀭𑁄, 𑀯𑁄,

𑀢𑀢𑁆𑀣 ¶ 𑀕𑁄 𑁋

𑀅𑀭𑀺𑀬𑁂𑀳𑀺 𑀧𑀼𑀣𑀕𑁂𑀯𑀸𑀬𑀁 𑀚𑀦𑁄𑀢𑀺 𑀧𑀼𑀣𑀼𑀚𑁆𑀚𑀦𑁄 [𑀫𑀳𑀸𑀦𑀺𑀤𑁆𑀤𑁂𑀲𑁂], 𑀇𑀥 𑀧𑀦 𑀧𑀕𑁄𑀲𑀤𑁆𑀤𑁄 𑀏𑀯, 𑀧𑀕𑁂𑀯 𑀯𑀼𑀢𑁆𑀬𑀲𑁆𑀲, 𑀧𑀕𑁂𑀯 𑀫𑀦𑀼𑀲𑁆𑀲𑀺𑀢𑁆𑀣𑀺𑀬𑀸𑀢𑀺 [𑀧𑀸𑀭𑀸. 𑁫𑁫].

𑀢𑁄 𑁋

𑀅𑀚𑁆𑀚𑀢𑀕𑁆𑀕𑁂 [𑀤𑀻. 𑀦𑀺. 𑁧.𑁨𑁫𑁦], 𑀢𑀲𑁆𑀫𑀸𑀢𑀺𑀳 [𑀫. 𑀦𑀺. 𑁧.𑁨𑁯], 𑀓𑀢𑀫𑁄 𑀦𑀸𑀫 𑀲𑁄 𑀭𑀼𑀓𑁆𑀔𑁄, 𑀬𑀲𑁆𑀲 𑀢𑁂𑀯𑀁 𑀕𑀢𑀁 𑀨𑀮𑀁 [𑀚𑀸. 𑁨.𑁧𑁮.𑁧𑁦] -𑀢𑁂𑀯𑀦𑁆𑀢𑀺 𑀏𑀯𑀁.

𑀤𑁄 𑁋

𑀉𑀤𑀕𑁆𑀕𑁄, 𑀉𑀤𑀩𑁆𑀩𑀳𑀺, 𑀉𑀤𑀧𑀸𑀤𑀺, 𑀉𑀤𑀬𑁄, 𑀉𑀤𑀸𑀳𑀝𑁄, 𑀉𑀤𑀺𑀢𑁄, 𑀉𑀤𑀻𑀭𑀺𑀢𑁄, 𑀤𑀼𑀪𑀢𑁄 𑀯𑀼𑀝𑁆𑀞𑀸𑀦𑀁 [𑀧𑀝𑀺𑀲𑀫𑁆𑀪𑀺𑀤𑀸𑀫𑀕𑁆𑀕𑁂; 𑀯𑀺𑀲𑀼𑀤𑁆𑀥𑀺𑀫𑀕𑁆𑀕𑁂], 𑀤𑀼𑀪𑀬𑀸𑀦𑀺 𑀯𑀺𑀘𑁂𑀬𑁆𑀬 𑀧𑀡𑁆𑀟𑀭𑀸𑀦𑀺 [𑀲𑀼. 𑀦𑀺. 𑁫𑁩𑁧], 𑀢𑁄𑀤𑁂𑀬𑁆𑀬, 𑀓𑀧𑁆𑀧𑀸 𑀤𑀼𑀪𑀬𑁄 [𑀲𑀼. 𑀦𑀺. 𑁧𑁧𑁩𑁧] 𑁋 𑀤𑁆𑀯𑁂 𑀇𑀲𑀬𑁄𑀢𑀺 𑀅𑀢𑁆𑀣𑁄. 𑀓𑀺𑀜𑁆𑀘𑀺𑀤𑁂𑀯, 𑀓𑁄𑀘𑀺𑀤𑁂𑀯, 𑀓𑀺𑀲𑁆𑀫𑀺𑀜𑁆𑀘𑀺𑀤𑁂𑀯, 𑀬𑀸𑀯𑀤𑁂𑀯, 𑀢𑀸𑀯𑀤𑁂𑀯, 𑀯𑀮𑀼𑀢𑁆𑀢𑁂-𑀬𑀸𑀯𑀤𑁂, 𑀢𑀸𑀯𑀤𑁂𑀢𑀺 𑀲𑀺𑀤𑁆𑀥𑀁, 𑀧𑀼𑀦𑀤𑁂𑀯, 𑀲𑀓𑀺𑀤𑁂𑀯, 𑀲𑀫𑁆𑀫𑀤𑁂𑀯-𑀤𑀸𑀕𑀫𑁂 𑀭𑀲𑁆𑀲𑁄, 𑀲𑀫𑁆𑀫𑀤𑀓𑁆𑀔𑀸𑀢𑁄 [𑀲𑀁. 𑀦𑀺. 𑁫.𑁧𑁯𑁫], 𑀲𑀫𑁆𑀫𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑁄 [𑀫. 𑀦𑀺. 𑁨.𑁨𑁩𑁪], 𑀩𑀳𑀼𑀤𑁂𑀯 𑀭𑀢𑁆𑀢𑀺𑀁 [𑀅. 𑀦𑀺. 𑁩.𑁧𑁦𑁧], 𑀅𑀳𑀼𑀤𑁂𑀯 𑀪𑀬𑀁 [𑀤𑀻. 𑀦𑀺. 𑁧.𑁧𑁫𑁯] 𑀇𑀘𑁆𑀘𑀸𑀤𑀺.

𑀦𑁄 𑁋

𑀇𑀢𑁄 𑀦𑀸𑀬𑀢𑀺, 𑀘𑀺𑀭𑀁 𑀦𑀸𑀬𑀢𑀺, 𑀓𑀫𑁆𑀫𑁂 𑀲𑀸𑀥𑀼 𑀓𑀫𑁆𑀫𑀦𑀺𑀬𑀁 𑀓𑀫𑁆𑀫𑀜𑁆𑀜𑀁, 𑀅𑀢𑁆𑀢𑀦𑁄 𑀇𑀤𑀁 𑀅𑀢𑁆𑀢𑀦𑀺𑀬𑀁, 𑀅𑀤𑁆𑀥𑀸𑀦𑀁 𑀔𑀫𑀢𑀻𑀢𑀺 𑀅𑀤𑁆𑀥𑀦𑀺𑀬𑀁, 𑀮𑁄𑀪𑀲𑁆𑀲 𑀳𑀺𑀢𑀁 𑀮𑁄𑀪𑀦𑀺𑀬𑀁 𑀮𑁄𑀪𑀦𑁂𑀬𑁆𑀬𑀁, 𑀤𑁄𑀲𑀦𑀺𑀬𑀁 𑀤𑁄𑀲𑀦𑁂𑀬𑁆𑀬𑀁, 𑀫𑁄𑀳𑀦𑀺𑀬𑀁 𑀫𑁄𑀳𑀦𑁂𑀬𑁆𑀬𑀁, 𑀑𑀖𑀦𑀺𑀬𑀁, 𑀬𑁄𑀕𑀦𑀺𑀬𑀁, 𑀕𑀦𑁆𑀣𑀦𑀺𑀬𑀁, 𑀦𑀺𑀤𑁆𑀥𑀼𑀦𑀦𑀁, 𑀦𑀺𑀤𑁆𑀥𑀼𑀦𑀦𑀓𑁄, 𑀲𑀜𑁆𑀚𑀸𑀦𑀦𑀁, 𑀲𑀜𑁆𑀚𑀸𑀦𑀦𑀓𑁄, 𑀲𑀜𑁆𑀜𑀸𑀧𑀦𑀓𑁄 𑀇𑀘𑁆𑀘𑀸𑀤𑀺.

𑀫𑁄 ¶ 𑁋

𑀮𑀳𑀼𑀫𑁂𑀲𑁆𑀲𑀢𑀺 [𑀥. 𑀧. 𑁩𑁬𑁯], 𑀕𑀭𑀼𑀫𑁂𑀲𑁆𑀲𑀢𑀺, 𑀫𑀕𑁆𑀕𑀫𑀢𑁆𑀣𑀺 [𑀯𑀺𑀪. 𑀅𑀝𑁆𑀞. 𑁧𑁮𑁯], 𑀅𑀕𑁆𑀕𑀫𑀓𑁆𑀔𑀸𑀬𑀢𑀺 [𑀅. 𑀦𑀺. 𑁪.𑁩𑁪], 𑀉𑀭𑀕𑀸𑀫𑀺𑀯 [𑀚𑀸. 𑁧.𑁭.𑁩𑁦], 𑀅𑀭𑀳𑀢𑀸𑀫𑀺𑀯 [𑀤𑀻. 𑀦𑀺. 𑁨.𑁩𑁪𑁮] 𑀇𑀘𑁆𑀘𑀸𑀤𑀻𑀦𑀺. 𑀢𑀣𑀸 𑀓𑁂𑀦 𑀢𑁂 𑀇𑀥 𑀫𑀺𑀚𑁆𑀛𑀢𑀺 [𑀧𑁂. 𑀯. 𑁧𑁮𑁧], 𑀭𑀽𑀧𑀸𑀦𑀺 𑀫𑀦𑀼𑀧𑀲𑁆𑀲𑀢𑀺 [𑀥. 𑀲. 𑀅𑀝𑁆𑀞. 𑁫𑁯𑁬], 𑀆𑀓𑀸𑀲𑁂 𑀫𑀪𑀺𑀧𑀽𑀚𑀬𑁂, 𑀅𑀜𑁆𑀜𑀫𑀜𑁆𑀜𑀲𑁆𑀲 [𑀫. 𑀦𑀺. 𑁩.𑁪𑁦], 𑀏𑀓𑀫𑁂𑀓𑀲𑁆𑀲 [𑀧𑀸𑀭𑀸. 𑀅𑀝𑁆𑀞. 𑁧.𑁨𑁩], 𑀲𑀫𑀡𑀫𑀘𑀮𑁄 [𑀅. 𑀦𑀺. 𑁪.𑁮𑁭], 𑀅𑀤𑀼𑀓𑁆𑀔𑀫𑀲𑀼𑀔𑀸 𑀯𑁂𑀤𑀦𑀸 [𑀲𑀁. 𑀦𑀺. 𑁪.𑁨𑁫𑁦] 𑀇𑀘𑁆𑀘𑀸𑀤𑀺.

𑀬𑁄 𑁋

𑀦𑀬𑀺𑀫𑀲𑁆𑀲 𑀯𑀺𑀚𑁆𑀚𑀸 𑀫𑀬𑀫𑀢𑁆𑀣𑀺 [𑀚𑀸. 𑁧.𑁩.𑁨𑁫], 𑀬𑀣𑀬𑀺𑀤𑀁 [𑀅. 𑀦𑀺. 𑁧.𑁨𑁧-𑁨𑁨], 𑀢𑀣𑀬𑀺𑀤𑀁, 𑀙𑀬𑀺𑀫𑁂 𑀥𑀫𑁆𑀫𑀸 [𑀅. 𑀦𑀺. 𑁬.𑁧𑁧], 𑀦𑀯𑀬𑀺𑀫𑁂 𑀥𑀫𑁆𑀫𑀸 [𑀅. 𑀦𑀺. 𑁯.𑁯], 𑀤𑀲𑀬𑀺𑀫𑁂 𑀥𑀫𑁆𑀫𑀸 [𑀅. 𑀦𑀺. 𑁧𑁦.𑁧𑁬], 𑀫𑀫𑀬𑀺𑀤𑀁, 𑀲𑁄𑀬𑁂𑀯, 𑀢𑁂𑀬𑁂𑀯, 𑀢𑀁𑀬𑁂𑀯 𑀢𑀜𑁆𑀜𑁂𑀯, 𑀢𑁂𑀳𑀺𑀬𑁂𑀯, 𑀢𑁂𑀲𑀁𑀬𑁂𑀯 𑀢𑁂𑀲𑀜𑁆𑀜𑁂𑀯, 𑀢𑀲𑁆𑀫𑀺𑀬𑁂𑀯, 𑀩𑀼𑀤𑁆𑀥𑁄𑀬𑁂𑀯, 𑀩𑀼𑀤𑁆𑀥𑁂𑀲𑀼𑀬𑁂𑀯, 𑀩𑁄𑀥𑀺𑀬𑀸𑀬𑁂𑀯 𑀓𑀸𑀭𑀡𑀸 [𑀘𑀭𑀺𑀬𑀸. 𑁧.𑁬𑁫], 𑀳𑁄𑀢𑀺𑀬𑁂𑀯, 𑀅𑀢𑁆𑀣𑀺𑀬𑁂𑀯 𑀇𑀘𑁆𑀘𑀸𑀤𑀺. 𑀢𑀺𑀬𑀦𑁆𑀢𑀁, 𑀅𑀕𑁆𑀕𑀺𑀬𑀸𑀕𑀸𑀭𑁂, 𑀘𑀢𑀼𑀢𑁆𑀣𑀻𑀬𑀢𑁆𑀣𑁂 𑀇𑀘𑁆𑀘𑀸𑀤𑀻𑀦𑀺 𑀇𑀯𑀡𑁆𑀡𑀦𑁆𑀢𑀭𑀽𑀧𑀸𑀦𑀺 𑀬𑀸𑀕𑀫𑁂𑀦𑀸𑀧𑀺 𑀲𑀺𑀚𑁆𑀛𑀦𑁆𑀢𑀺𑀬𑁂𑀯.

𑀭𑁄 𑁋

𑀦𑀺𑀭𑀦𑁆𑀢𑀭𑀁, 𑀦𑀺𑀭𑀢𑁆𑀣𑀓𑀁, 𑀦𑀺𑀭𑀸𑀳𑀸𑀭𑁄, 𑀦𑀺𑀭𑀸𑀩𑀸𑀥𑁄, 𑀦𑀺𑀭𑀸𑀮𑀬𑁄, 𑀦𑀺𑀭𑀺𑀦𑁆𑀥𑀦𑁄 𑀅𑀕𑁆𑀕𑀺, 𑀦𑀺𑀭𑀻𑀳𑀓𑀁, 𑀦𑀺𑀭𑀼𑀤𑀓𑀁, 𑀦𑀺𑀭𑀼𑀢𑁆𑀢𑀺, 𑀦𑀺𑀭𑀼𑀢𑁆𑀢𑀭𑁄, 𑀦𑀺𑀭𑀽𑀫𑀺𑀓𑀸 𑀦𑀤𑀻, 𑀦𑀺𑀭𑁄𑀚𑀁, 𑀤𑀼𑀭𑀢𑀺𑀓𑁆𑀓𑀫𑁄, 𑀤𑀼𑀭𑀪𑀺𑀲𑀫𑁆𑀪𑀯𑁄, 𑀤𑀼𑀭𑀸𑀲𑀤𑀸 𑀩𑀼𑀤𑁆𑀥𑀸 [𑀅𑀧. 𑀣𑁂𑀭 𑁧.𑁪𑁦.𑁨𑁭𑁦], 𑀤𑀼𑀭𑀸𑀔𑁆𑀬𑀸𑀢𑁄 𑀥𑀫𑁆𑀫𑁄 [𑀤𑀻. 𑀦𑀺. 𑁩.𑁧𑁬𑁬], 𑀤𑀼𑀭𑀸𑀕𑀢𑀁, 𑀤𑀼𑀭𑀼𑀢𑁆𑀢𑀁 𑀯𑀘𑀦𑀁 [𑀅. 𑀦𑀺. 𑁫.𑁧𑁪𑁦], 𑀧𑀸𑀢𑀼𑀭𑀳𑁄𑀲𑀺 [𑀫𑀳𑀸𑀯. 𑁮], 𑀧𑀸𑀢𑀼𑀭𑀳𑀼 [𑀚𑀸. 𑁧.𑁧𑁪.𑁨𑁦𑁨], 𑀧𑀸𑀢𑀼𑀭𑀳𑁂𑀲𑀼𑀁 [𑀅. 𑀦𑀺. 𑁩.𑁭𑁧], 𑀧𑀸𑀢𑀭𑀸𑀲𑁄, 𑀧𑀼𑀦𑀭𑁂𑀢𑀺, 𑀥𑀻𑀭𑀢𑁆𑀣𑀼 [𑀚𑀸. 𑁧.𑁧.𑁧𑁩], 𑀘𑀢𑀼𑀭𑀗𑁆𑀕𑀺𑀓𑀁 𑀛𑀸𑀦𑀁 [𑀥. 𑀲. 𑁧𑁬𑁮], 𑀘𑀢𑀼𑀭𑀸𑀭𑀓𑁆𑀔𑀸, 𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺, 𑀘𑀢𑀼𑀭𑀺𑀤𑁆𑀥𑀺𑀮𑀸𑀪𑁄, ¶ 𑀘𑀢𑀼𑀭𑁄𑀖𑀸, 𑀯𑀼𑀤𑁆𑀥𑀺𑀭𑁂𑀲𑀸 [𑀤𑀻. 𑀦𑀺. 𑁧.𑁨𑁫𑁧], 𑀧𑀣𑀯𑀻𑀥𑀸𑀢𑀼𑀭𑁂𑀯𑁂𑀲𑀸 [𑀫. 𑀦𑀺. 𑁩.𑁩𑁪𑁮-𑁩𑁪𑁯], 𑀆𑀧𑁄𑀥𑀸𑀢𑀼𑀭𑁂𑀯𑁂𑀲𑀸 [𑀫. 𑀦𑀺. 𑁩.𑁩𑁫𑁦], 𑀲𑀩𑁆𑀪𑀺𑀭𑁂𑀯 𑀲𑀫𑀸𑀲𑁂𑀣, 𑀦𑀓𑁆𑀔𑀢𑁆𑀢𑀭𑀸𑀚𑀸𑀭𑀺𑀯 𑀢𑀸𑀭𑀓𑀸𑀦𑀁, 𑀯𑀺𑀚𑁆𑀚𑀼𑀭𑀺𑀯 𑀅𑀩𑁆𑀪𑀓𑀽𑀝𑁂, 𑀆𑀭𑀕𑁆𑀕𑁂𑀭𑀺𑀯, 𑀉𑀲𑀪𑁄𑀭𑀺𑀯 [𑀲𑀼. 𑀦𑀺. 𑁨𑁯], 𑀬𑀣𑀭𑀺𑀯, 𑀢𑀣𑀭𑀺𑀯 [𑀤𑀻. 𑀦𑀺. 𑁧.𑁨𑁬𑁩] -𑀭𑀸𑀕𑀫𑁂 𑀭𑀲𑁆𑀲𑁄. 𑀏𑀢𑁆𑀣 𑀘 𑀬𑀣𑀸 ‘‘𑀅𑀢𑀺𑀭𑀺𑀯 𑀓𑀮𑁆𑀮𑀭𑀽𑀧𑀸 [𑀲𑀼. 𑀦𑀺. 𑁬𑁮𑁮], 𑀅𑀢𑀺𑀯𑀺𑀬 𑀮𑀸𑀪𑀕𑁆𑀕𑀬𑀲𑀕𑁆𑀕𑀧𑀢𑁆𑀢𑁄, 𑀧𑀭𑀁𑀯𑀺𑀬 𑀫𑀢𑁆𑀢𑀸𑀬’’ 𑀇𑀘𑁆𑀘𑀸𑀤𑀻𑀲𑀼 𑀇𑀯, 𑀯𑀺𑀬𑀲𑀤𑁆𑀤𑀸 𑀏𑀯𑀢𑁆𑀣𑁂 𑀯𑀢𑁆𑀢𑀦𑁆𑀢𑀺, 𑀢𑀣𑀸 ‘‘𑀬𑀣𑀭𑀺𑀯, 𑀢𑀣𑀭𑀺𑀯, 𑀯𑀭𑀫𑁆𑀳𑀸𑀓𑀁 𑀪𑀼𑀲𑀸𑀫𑀺𑀯 [𑀚𑀸. 𑁧.𑁩.𑁧𑁦𑁮], 𑀦𑁂𑀢𑀁 𑀅𑀚𑁆𑀚𑀢𑀦𑀸𑀫𑀺𑀯’’ 𑀇𑀘𑁆𑀘𑀸𑀤𑀻𑀲𑀼 𑀇𑀯𑀲𑀤𑁆𑀤𑁄 𑀏𑀯𑀢𑁆𑀣𑁂 𑀯𑀢𑁆𑀢𑀢𑀺.

𑀯𑁄 𑁋

𑀤𑀼𑀯𑀗𑁆𑀕𑀼𑀮𑀁, 𑀤𑀼𑀯𑀗𑁆𑀕𑀺𑀓𑀁, 𑀢𑀺𑀯𑀗𑁆𑀕𑀼𑀮𑀁, 𑀢𑀺𑀯𑀗𑁆𑀕𑀺𑀓𑀁, 𑀧𑀸𑀕𑀼𑀜𑁆𑀜𑀯𑀼𑀚𑀼𑀢𑀸, 𑀯𑀼𑀲𑀺𑀢𑀁, 𑀯𑀼𑀢𑁆𑀢𑀁, 𑀯𑀼𑀘𑁆𑀘𑀢𑁂, 𑀆𑀲𑀦𑀸 𑀯𑀼𑀝𑁆𑀞𑀸𑀢𑀺 [𑀧𑀸𑀘𑀺. 𑁫𑁪𑁭], 𑀯𑀼𑀝𑁆𑀞𑀸𑀦𑀁, 𑀯𑀼𑀝𑁆𑀞𑀳𑀺𑀢𑁆𑀯𑀸, 𑀪𑀺𑀓𑁆𑀔𑀼𑀯𑀸𑀲𑀦𑁂, 𑀧𑀼𑀣𑀼𑀯𑀸𑀲𑀦𑁂, 𑀲𑀬𑀫𑁆𑀪𑀼𑀯𑀸𑀲𑀦𑁂 𑀇𑀘𑁆𑀘𑀸𑀤𑀻𑀦𑀺 𑀉𑀯𑀡𑁆𑀡𑀦𑁆𑀢𑀭𑀽𑀧𑀸𑀦𑀺 𑀯𑀸𑀕𑀫𑁂𑀦𑀸𑀧𑀺 𑀲𑀺𑀚𑁆𑀛𑀦𑁆𑀢𑀺𑀬𑁂𑀯.

𑁫𑁧. 𑀙𑀸 𑀴𑁄.

𑀲𑀭𑁂 𑀧𑀭𑁂 𑀙𑀫𑁆𑀳𑀸 𑀴𑀸𑀕𑀫𑁄 𑀳𑁄𑀢𑀺.

𑀙𑀴𑀗𑁆𑀕𑀁, 𑀙𑀴𑀸𑀬𑀢𑀦𑀁, 𑀙𑀴𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺 [𑀧𑁂. 𑀯. 𑁩𑁭𑁪], 𑀅𑀢𑁆𑀣𑀲𑁆𑀲 𑀤𑁆𑀯𑀸𑀭𑀸 𑀧𑀫𑀼𑀔𑀸 𑀙𑀴𑁂𑀢𑁂 [𑀚𑀸. 𑁧.𑁧.𑁮𑁪], 𑀙𑀴𑁂𑀯𑀸𑀦𑀼𑀲𑀬𑀸 𑀳𑁄𑀦𑁆𑀢𑀺 [𑀅𑀪𑀺𑀥𑀫𑁆𑀫𑀢𑁆𑀣𑀲𑀗𑁆𑀕𑀳], 𑀙𑀴𑀪𑀺𑀜𑁆𑀜𑀸 𑀫𑀳𑀺𑀤𑁆𑀥𑀺𑀓𑀸 [𑀩𑀼. 𑀯𑀁. 𑁩.𑁫].

𑀫𑀳𑀸𑀯𑀼𑀢𑁆𑀢𑀺𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀲𑀭𑁂 ¶ 𑀧𑀭𑁂 𑀫𑀦𑀸𑀤𑀻𑀳𑀺 𑀲𑀸𑀕𑀫𑁄 𑁋

𑀫𑀦𑀲𑀺𑀓𑀸𑀭𑁄, 𑀫𑀸𑀦𑀲𑀺𑀓𑁄, 𑀘𑁂𑀢𑀲𑀺𑀓𑁄, 𑀅𑀩𑁆𑀬𑀕𑁆𑀕𑀫𑀦𑀲𑁄 𑀦𑀭𑁄 [𑀅. 𑀦𑀺. 𑁧.𑁩𑁦], 𑀧𑀼𑀢𑁆𑀢𑁄 𑀚𑀸𑀢𑁄 𑀅𑀘𑁂𑀢𑀲𑁄, 𑀉𑀭𑁂 𑀪𑀯𑁄 𑀑𑀭𑀲𑁄 𑀇𑀘𑁆𑀘𑀸𑀤𑀺.

𑀲𑀭𑁂 𑀧𑀭𑁂 𑀩𑀳𑀼𑀮𑀁 𑀳𑀸𑀕𑀫𑁄 𑁋

𑀫𑀸𑀳𑁂𑀯𑀁 𑀆𑀦𑀦𑁆𑀤 [𑀤𑀻. 𑀦𑀺. 𑁨.𑁯𑁫], 𑀦𑁄𑀳𑁂𑀢𑀁 𑀪𑀦𑁆𑀢𑁂 [𑀤𑀻. 𑀦𑀺. 𑁧.𑁧𑁮𑁫-𑁧𑁮𑁬], 𑀦𑁄𑀳𑀺𑀤𑀁 𑀪𑁄 𑀕𑁄𑀢𑀫 [𑀤𑀻. 𑀦𑀺. 𑁧.𑁨𑁬𑁩], 𑀦𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 [𑀓𑀣𑀸. 𑁧], 𑀳𑁂𑀯𑀁 𑀯𑀢𑁆𑀢𑀩𑁆𑀩𑁂, 𑀳𑁂𑀯𑀁 𑀯𑀤𑀢𑀺, 𑀉𑀚𑀽 𑀘 𑀲𑀼𑀳𑀼𑀚𑀽𑀘 [𑀔𑀼. 𑀧𑀸. 𑁯.𑁧], 𑀲𑀼𑀳𑀼𑀝𑁆𑀞𑀺𑀢𑀁 𑀲𑀼𑀔𑀡𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀩𑁆𑀬𑀜𑁆𑀚𑀦𑀸𑀕𑀫𑀭𑀸𑀲𑀺.

𑁫𑁨. 𑀦𑀺𑀕𑁆𑀕𑀳𑀻𑀢𑀁 [𑀓. 𑁩𑁫; 𑀭𑀽. 𑁨𑁧 (𑀧𑀺𑀝𑁆𑀞𑁂); 𑀦𑀻. 𑁫𑁬].

𑀦𑀺𑀕𑁆𑀕𑀳𑀻𑀢𑀁 𑀓𑁆𑀯𑀘𑀺 𑀆𑀕𑀢𑀁 𑀳𑁄𑀢𑀺 𑀯𑀸.

𑀉𑀧𑀯𑀲𑁆𑀲𑀁 𑀔𑁄 𑀧𑀦 [𑀧𑀸𑀭𑀸. 𑁬𑁫𑁩], 𑀦𑀯𑀁 𑀧𑀦 𑀪𑀺𑀓𑁆𑀔𑀼𑀦𑀸 𑀘𑀻𑀯𑀭𑀮𑀸𑀪𑁂𑀦 [𑀧𑀸𑀘𑀺. 𑁩𑁬𑁮], 𑀅𑀧𑁆𑀧𑀫𑀸𑀤𑁄 𑀅𑀫𑀢𑀁 𑀧𑀤𑀁 [𑀥. 𑀧. 𑁨𑁧], 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 [𑀫𑀳𑀸𑀯. 𑁧𑁫], 𑀅𑀡𑀼𑀁𑀣𑀽𑀮𑀸𑀦𑀺 [𑀥. 𑀧. 𑁨𑁬𑁫], 𑀓𑀢𑁆𑀢𑀩𑁆𑀩𑀁 𑀓𑀼𑀲𑀮𑀁 𑀩𑀳𑀼𑀁 [𑀥. 𑀧. 𑁫𑁩], 𑀅𑀯𑀁𑀲𑀺𑀭𑀸 𑀧𑀢𑀦𑁆𑀢𑀺 [𑀚𑀸. 𑁧.𑁧𑁧.𑁩𑁫], 𑀬𑀤𑀢𑁆𑀣𑁄, 𑀢𑀤𑀢𑁆𑀣𑁄, 𑀏𑀢𑀤𑀢𑁆𑀣𑁄, 𑀢𑀓𑁆𑀓𑀢𑁆𑀢𑀸, 𑀢𑀓𑁆𑀓𑀭𑁄 𑀇𑀘𑁆𑀘𑀸𑀤𑀻𑀦𑀺 𑀧𑀼𑀩𑁆𑀩𑁂 𑀯𑀼𑀢𑁆𑀢𑀸𑀦𑁂𑀯, 𑀢𑀣𑀸 𑀢𑀁𑀲𑀫𑁆𑀧𑀬𑀼𑀢𑁆𑀢𑁄, 𑀢𑀩𑁆𑀩𑁄𑀳𑀸𑀭𑁄, 𑀢𑀩𑁆𑀩𑀳𑀼𑀮𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀩𑀺𑀦𑁆𑀤𑀸𑀕𑀫𑀭𑀸𑀲𑀺.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀧𑀤𑀸𑀦𑀁 𑀅𑀦𑁆𑀢𑁂 𑀕𑀢, 𑀚𑀸𑀢, 𑀅𑀦𑁆𑀢 𑀲𑀤𑁆𑀤𑀸 𑀆𑀕𑀫𑀸 𑀳𑁄𑀦𑁆𑀢𑀺.

𑀭𑀽𑀧𑀕𑀢𑀁 ¶ [𑀫. 𑀦𑀺. 𑁨.𑁧𑁩𑁩] 𑀯𑁂𑀤𑀦𑀸𑀕𑀢𑀁 [𑀫. 𑀦𑀺. 𑁨.𑁧𑁩𑁩], 𑀲𑀜𑁆𑀜𑀸𑀕𑀢𑀁 [𑀫. 𑀦𑀺. 𑁨.𑁧𑁩𑁩], 𑀕𑀽𑀣𑀕𑀢𑀁 [𑀫. 𑀦𑀺. 𑁨.𑁧𑁧𑁯], 𑀫𑀼𑀢𑁆𑀢𑀕𑀢𑀁 [𑀫. 𑀦𑀺. 𑁨.𑁧𑁧𑁯], 𑀤𑀺𑀝𑁆𑀞𑀺𑀕𑀢𑀁 [𑀫𑀳𑀸𑀯. 𑁬𑁬], 𑀅𑀢𑁆𑀣𑀚𑀸𑀢𑀁 [𑀧𑀸𑀭𑀸. 𑀅𑀝𑁆𑀞. 𑁧.𑀧𑀞𑀫𑀫𑀳𑀸𑀲𑀗𑁆𑀕𑀻𑀢𑀺𑀓𑀣𑀸], 𑀥𑀫𑁆𑀫𑀚𑀸𑀢𑀁, 𑀲𑀼𑀢𑁆𑀢𑀦𑁆𑀢𑁄 [𑀓𑀣𑀸. 𑁨𑁨𑁬], 𑀯𑀦𑀦𑁆𑀢𑁄, 𑀲𑀫𑁆𑀫𑀸𑀓𑀫𑁆𑀫𑀦𑁆𑀢𑁄, 𑀫𑀺𑀘𑁆𑀙𑀸𑀓𑀫𑁆𑀫𑀦𑁆𑀢𑁄 𑀇𑀘𑁆𑀘𑀸𑀤𑀺.

𑀆𑀕𑀫𑀲𑀦𑁆𑀥𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀤𑁆𑀯𑀺𑀪𑀸𑀯𑀲𑀦𑁆𑀥𑀺

𑀅𑀣 𑀤𑁆𑀯𑀺𑀪𑀸𑀯𑀲𑀦𑁆𑀥𑀺 𑀤𑀻𑀧𑀺𑀬𑀢𑁂.

𑀤𑁆𑀯𑀺𑀪𑀸𑀯𑁄 𑀢𑀺𑀯𑀺𑀥𑁄. 𑀢𑀢𑁆𑀣 𑀧𑀓𑁆𑀓𑀫𑁄, 𑀧𑀭𑀓𑁆𑀓𑀫𑁄 𑀇𑀘𑁆𑀘𑀸𑀤𑀺 𑀩𑁆𑀬𑀜𑁆𑀚𑀦𑀤𑁆𑀯𑀺𑀢𑁆𑀢𑀁 𑀦𑀸𑀫. 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀲𑀺𑀜𑁆𑀘𑀢𑀺 𑀇𑀘𑁆𑀘𑀸𑀤𑀺 𑀯𑀺𑀪𑀢𑁆𑀬𑀦𑁆𑀢𑀧𑀤𑀤𑁆𑀯𑀺𑀢𑁆𑀢𑀁 𑀦𑀸𑀫. 𑀢𑀺𑀢𑀺𑀓𑁆𑀔𑀸, 𑀢𑀺𑀓𑀺𑀘𑁆𑀙𑀸, 𑀚𑀕𑀫𑀸, 𑀚𑀕𑀫𑀼 𑀇𑀘𑁆𑀘𑀸𑀤𑀺 𑀥𑀸𑀢𑀼𑀧𑀤𑀤𑁆𑀯𑀺𑀢𑁆𑀢𑀁 𑀦𑀸𑀫.

𑁫𑁩. 𑀲𑀭𑀫𑁆𑀳𑀸 𑀤𑁆𑀯𑁂 [𑀓. 𑁨𑁮; 𑀭𑀽. 𑁪𑁦; 𑀦𑀻. 𑁬𑁭].

𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀓𑁆𑀯𑀘𑀺 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺.

𑀢𑀢𑁆𑀣 𑀲𑀭𑀫𑁆𑀳𑀸 𑀧, 𑀧𑀢𑀺, 𑀧𑀝𑀻𑀦𑀁 𑀧𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀅𑀧𑁆𑀧𑀫𑀸𑀤𑁄, 𑀇𑀥𑀧𑁆𑀧𑀫𑀸𑀤𑁄, 𑀯𑀺𑀧𑁆𑀧𑀬𑀼𑀢𑁆𑀢𑁄, 𑀲𑀫𑁆𑀫𑀧𑁆𑀧𑀥𑀸𑀦𑀁, 𑀅𑀧𑁆𑀧𑀢𑀺𑀯𑀢𑁆𑀢𑀺𑀬𑀁 𑀥𑀫𑁆𑀫𑀘𑀓𑁆𑀓𑀁 [𑀫𑀳𑀸𑀯. 𑁧𑁭], 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑁄, 𑀅𑀧𑁆𑀧𑀝𑀺𑀧𑀼𑀕𑁆𑀕𑀮𑁄, 𑀯𑀺𑀧𑁆𑀧𑀝𑀺𑀲𑀸𑀭𑁄, 𑀲𑀼𑀧𑁆𑀧𑀝𑀺𑀧𑀦𑁆𑀦𑁄 𑀇𑀘𑁆𑀘𑀸𑀤𑀺.

𑀲𑀭𑀫𑁆𑀳𑀸𑀢𑀺 𑀓𑀺𑀁? 𑀲𑀫𑁆𑀧𑀬𑀼𑀢𑁆𑀢𑁄.

𑀓𑀻, 𑀓𑀼𑀥, 𑀓𑀫𑀼, 𑀓𑀼𑀲, 𑀕𑀳, 𑀚𑀼𑀢, 𑀜𑀸, 𑀲𑀺, 𑀲𑀼, 𑀲𑀫𑁆𑀪𑀼, 𑀲𑀭, 𑀲𑀲 𑀇𑀘𑁆𑀘𑀸𑀤𑀻𑀦𑀁 𑀥𑀸𑀢𑀽𑀦𑀜𑁆𑀘, 𑀉, 𑀤𑀼, 𑀦𑀺𑀧𑀼𑀩𑁆𑀩𑀸𑀦𑀁 𑀧𑀤𑀸𑀦𑀜𑁆𑀘 𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀤𑁆𑀯𑀺𑀢𑁆𑀢𑀁.

𑀓𑀻 ¶ 𑁋

𑀯𑀺𑀓𑁆𑀓𑀺𑀦𑀸𑀢𑀺, 𑀯𑀺𑀓𑁆𑀓𑀬𑁄, 𑀥𑀦𑀓𑁆𑀓𑀻𑀢𑁄.

𑀓𑀼𑀥 𑁋

𑀅𑀓𑁆𑀓𑀼𑀤𑁆𑀥𑁄, 𑀅𑀓𑁆𑀓𑁄𑀥𑁄.

𑀓𑀫𑀼 𑁋

𑀅𑀪𑀺𑀓𑁆𑀓𑀫𑀢𑀺, 𑀅𑀪𑀺𑀓𑁆𑀓𑀫𑁄, 𑀅𑀪𑀺𑀓𑁆𑀓𑀦𑁆𑀢𑁄, 𑀅𑀓𑁆𑀓𑀫𑀢𑀺, 𑀅𑀓𑁆𑀓𑀫𑁄, 𑀅𑀓𑁆𑀓𑀦𑁆𑀢𑁄, 𑀧𑀭𑀓𑁆𑀓𑀫𑀢𑀺, 𑀧𑀭𑀓𑁆𑀓𑀫𑁄, 𑀯𑀺𑀓𑁆𑀓𑀫𑀢𑀺, 𑀯𑀺𑀓𑁆𑀓𑀫𑁄, 𑀑𑀓𑁆𑀓𑀫𑀢𑀺, 𑀑𑀓𑁆𑀓𑀦𑁆𑀢𑁄.

𑀓𑀼𑀲 𑁋

𑀅𑀓𑁆𑀓𑁄𑀲𑀢𑀺, 𑀅𑀓𑁆𑀓𑁄𑀲𑁄.

𑀕𑀳 𑁋

𑀧𑀕𑁆𑀕𑀡𑁆𑀳𑀸𑀢𑀺, 𑀧𑀕𑁆𑀕𑀳𑁄, 𑀯𑀺𑀕𑁆𑀕𑀳𑁄, 𑀧𑀭𑀺𑀕𑁆𑀕𑀳𑁄, 𑀅𑀦𑀼𑀕𑁆𑀕𑀳𑁄.

𑀚𑀼𑀢 𑁋

𑀉𑀚𑁆𑀚𑁄𑀢𑀢𑀺, 𑀯𑀺𑀚𑁆𑀚𑁄𑀢𑀢𑀺.

𑀜𑀸 𑁋

𑀅𑀜𑁆𑀜𑀸, 𑀧𑀜𑁆𑀜𑀸, 𑀅𑀪𑀺𑀜𑁆𑀜𑀸, 𑀧𑀭𑀺𑀜𑁆𑀜𑀸, 𑀯𑀺𑀜𑁆𑀜𑀸𑀡𑀁, 𑀲𑀩𑁆𑀩𑀜𑁆𑀜𑀼𑀢𑀜𑁆𑀜𑀸𑀡𑀁, 𑀭𑀢𑁆𑀢𑀜𑁆𑀜𑀽, 𑀅𑀢𑁆𑀣𑀜𑁆𑀜𑀽, 𑀥𑀫𑁆𑀫𑀜𑁆𑀜𑀽.

𑀲𑀺 𑁋

𑀅𑀢𑀺𑀲𑁆𑀲𑀬𑁄, 𑀪𑀽𑀫𑀲𑁆𑀲𑀺𑀢𑁄, 𑀕𑁂𑀳𑀲𑁆𑀲𑀺𑀢𑁄.

𑀲𑀼 𑁋

𑀅𑀧𑁆𑀧𑀲𑁆𑀲𑀼𑀢𑁄, 𑀩𑀳𑀼𑀲𑁆𑀲𑀼𑀢𑁄, 𑀯𑀺𑀲𑁆𑀲𑀼𑀢𑁄, 𑀅𑀲𑁆𑀲𑀯𑁄, 𑀅𑀦𑀲𑁆𑀲𑀯𑁄.

𑀲𑀫𑁆𑀪𑀼 ¶ 𑁋

𑀧𑀲𑁆𑀲𑀫𑁆𑀪𑀢𑀺, 𑀧𑀲𑁆𑀲𑀤𑁆𑀥𑀺, 𑀧𑀲𑁆𑀲𑀤𑁆𑀥𑁄.

𑀲𑀭 𑁋

𑀅𑀦𑀼𑀲𑁆𑀲𑀭𑀢𑀺, 𑀅𑀦𑀼𑀲𑁆𑀲𑀢𑀺, 𑀅𑀦𑀼𑀲𑁆𑀲𑀭𑁄.

𑀲𑀲 𑁋

𑀅𑀲𑁆𑀲𑀲𑀢𑀺, 𑀅𑀲𑁆𑀲𑀲𑀦𑁆𑀢𑁄, 𑀅𑀲𑁆𑀲𑀸𑀲𑁄, 𑀧𑀲𑁆𑀲𑀸𑀲𑁄.

𑀲𑀚 𑁋

𑀯𑀺𑀲𑁆𑀲𑀚𑁆𑀚𑁂𑀢𑀺, 𑀯𑀺𑀲𑁆𑀲𑀚𑁆𑀚𑀦𑁆𑀢𑁄, 𑀯𑀺𑀲𑁆𑀲𑀕𑁆𑀕𑁄.

𑀘𑀚 𑁋

𑀧𑀭𑀺𑀘𑁆𑀘𑀚𑀢𑀺, 𑀧𑀭𑀺𑀘𑁆𑀘𑀚𑀦𑁆𑀢𑁄, 𑀧𑀭𑀺𑀘𑁆𑀘𑀸𑀕𑁄 𑀇𑀘𑁆𑀘𑀸𑀤𑀺.

𑀉𑀧𑀼𑀩𑁆𑀩𑁂 𑁋

𑀉𑀓𑁆𑀓𑀁𑀲𑀢𑀺, 𑀉𑀓𑁆𑀓𑀁𑀲𑁄, 𑀉𑀕𑁆𑀕𑀳𑁄, 𑀉𑀘𑁆𑀘𑀸𑀭𑁂𑀢𑀺, 𑀉𑀘𑁆𑀘𑀸𑀭𑁄, 𑀉𑀘𑁆𑀘𑀬𑁄, 𑀲𑀫𑀼𑀘𑁆𑀘𑀬𑁄, 𑀉𑀚𑁆𑀚𑀮𑁄, 𑀲𑀫𑀼𑀚𑁆𑀚𑀮𑁄, 𑀉𑀡𑁆𑀡𑀫𑀢𑀺, 𑀉𑀢𑁆𑀢𑀭𑀢𑀺 𑀇𑀘𑁆𑀘𑀸𑀤𑀺.

𑀤𑀼𑀧𑀼𑀩𑁆𑀩𑁂 𑁋

𑀤𑀼𑀓𑁆𑀓𑀝𑀁, 𑀤𑀼𑀓𑁆𑀓𑀭𑀁, 𑀤𑀼𑀕𑁆𑀕𑀢𑀺, 𑀤𑀼𑀘𑁆𑀘𑀭𑀺𑀢𑀁, 𑀤𑀼𑀢𑁆𑀢𑀭𑁄, 𑀤𑀼𑀤𑁆𑀤𑀫𑁄, 𑀤𑀼𑀦𑁆𑀦𑀬𑁄, 𑀤𑀼𑀧𑁆𑀧𑁄𑀲𑁄, 𑀤𑀼𑀩𑁆𑀩𑀮𑁄, 𑀤𑀼𑀫𑁆𑀫𑀕𑁆𑀕𑁄, 𑀤𑀼𑀮𑁆𑀮𑀪𑁄 𑀇𑀘𑁆𑀘𑀸𑀤𑀺.

𑀦𑀺𑀧𑀼𑀩𑁆𑀩𑁂 𑁋

𑀦𑀺𑀓𑁆𑀓𑀫𑁄, 𑀦𑀺𑀓𑁆𑀔𑀦𑁆𑀢𑁄, 𑀦𑀺𑀕𑁆𑀕𑀢𑁄, 𑀦𑀺𑀘𑁆𑀘𑁄𑀭𑁄, 𑀦𑀺𑀚𑁆𑀚𑀭𑁄, 𑀦𑀺𑀤𑁆𑀤𑁄𑀲𑁄, 𑀦𑀺𑀧𑁆𑀧𑀸𑀧𑁄, 𑀦𑀺𑀫𑁆𑀫𑀺𑀢𑁄, 𑀦𑀺𑀫𑁆𑀫𑀸𑀦𑁄, 𑀦𑀺𑀬𑁆𑀬𑀸𑀦𑀁, 𑀦𑀺𑀮𑁆𑀮𑁄𑀮𑁄, 𑀦𑀺𑀩𑁆𑀩𑀸𑀦𑀁, 𑀦𑀺𑀲𑁆𑀲𑀬𑁄 𑀇𑀘𑁆𑀘𑀸𑀤𑀺.

𑀢𑀺𑀓, 𑀢𑀬, 𑀢𑀺𑀁𑀲𑀸𑀦𑀁 𑀢𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀓𑀼𑀲𑀮𑀢𑁆𑀢𑀺𑀓𑀁, 𑀯𑁂𑀤𑀦𑀢𑁆𑀢𑀺𑀓𑀁, 𑀯𑀢𑁆𑀣𑀼𑀢𑁆𑀢𑀬𑀁, 𑀭𑀢𑀦𑀢𑁆𑀢𑀬𑀁, 𑀤𑁆𑀯𑀢𑁆𑀢𑀺𑀁𑀲𑀁, 𑀢𑁂𑀢𑁆𑀢𑀺𑀁𑀲𑀁.

𑀘𑀢𑀼 ¶ , 𑀙𑁂𑀳𑀺 𑀧𑀭𑀩𑁆𑀬𑀜𑁆𑀚𑀦𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀘𑀢𑀼𑀩𑁆𑀩𑀺𑀥𑀁, 𑀘𑀢𑀼𑀤𑁆𑀤𑀲, 𑀘𑀢𑀼𑀤𑁆𑀤𑀺𑀲𑀁, 𑀘𑀢𑀼𑀧𑁆𑀧𑀤𑀁, 𑀙𑀩𑁆𑀩𑀺𑀥𑀁, 𑀙𑀦𑁆𑀦𑀯𑀼𑀢𑀺.

𑀯𑀸 𑀢𑁆𑀯𑁂𑀯? 𑀘𑀢𑀼𑀲𑀘𑁆𑀘𑀁, 𑀙𑀲𑀢𑀁.

𑀲𑀦𑁆𑀢𑀲𑁆𑀲 𑀲𑀢𑁆𑀢𑁂 𑀧𑀭𑀩𑁆𑀬𑀜𑁆𑀚𑀦𑀲𑁆𑀲 𑀦𑀺𑀘𑁆𑀘𑀁 𑀤𑁆𑀯𑀺𑀢𑁆𑀢𑀁 𑁋

𑀲𑀚𑁆𑀚𑀦𑁄, 𑀲𑀧𑁆𑀧𑀼𑀭𑀺𑀲𑁄, 𑀲𑀤𑁆𑀥𑀫𑁆𑀫𑁄, 𑀲𑀦𑁆𑀢𑀲𑁆𑀲 𑀪𑀸𑀯𑁄 𑀲𑀢𑁆𑀢𑀸, 𑀲𑀩𑁆𑀪𑀸𑀯𑁄.

𑀯𑀲𑁆𑀲 𑀩𑀢𑁆𑀢𑁂 𑀩𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀲𑀻𑀮𑀩𑁆𑀩𑀢𑀁, 𑀦𑀺𑀩𑁆𑀩𑀸𑀦𑀁, 𑀦𑀺𑀩𑁆𑀩𑀼𑀢𑀁 𑀇𑀘𑁆𑀘𑀸𑀤𑀺 𑀧𑀼𑀩𑁆𑀩𑁂 𑀯𑀼𑀢𑁆𑀢𑀫𑁂𑀯.

𑀯𑀢𑀼, 𑀯𑀝𑀼 𑀇𑀘𑁆𑀘𑀸𑀤𑀻𑀦𑀁 𑀅𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀯𑀢𑁆𑀢𑀢𑀺, 𑀧𑀯𑀢𑁆𑀢𑀢𑀺, 𑀦𑀺𑀯𑀢𑁆𑀢𑀢𑀺, 𑀲𑀁𑀯𑀢𑁆𑀢𑀢𑀺, 𑀯𑀝𑁆𑀝𑀢𑀺, 𑀯𑀺𑀯𑀝𑁆𑀝𑀢𑀺.

𑀲𑀁𑀫𑁆𑀳𑀸 𑀅𑀦𑀼𑀦𑁄 𑀦𑀲𑁆𑀲 𑀤𑁆𑀯𑀺𑀢𑁆𑀢𑀁 𑁋

𑀲𑀫𑀦𑁆𑀦𑀸𑀕𑀢𑁄, 𑀲𑀫𑀦𑁆𑀦𑀸𑀳𑀸𑀭𑁄, 𑀲𑀫𑀦𑁆𑀦𑁂𑀲𑀢𑀺.

𑀅𑀜𑁆𑀜𑀢𑁆𑀭𑀧𑀺 𑁋

𑀲𑀻𑀫𑀁 𑀲𑀫𑁆𑀫𑀦𑁆𑀦𑁂𑀬𑁆𑀬 [𑀫𑀳𑀸𑀯. 𑁧𑁩𑁯], 𑀲𑀻𑀫𑀁 𑀲𑀫𑁆𑀫𑀦𑁆𑀦𑀺𑀢𑀼𑀁 [𑀫𑀳𑀸𑀯. 𑁧𑁩𑁮], 𑀲𑀻𑀫𑀁 𑀲𑀫𑁆𑀫𑀦𑁆𑀦𑀢𑀺 [𑀫𑀳𑀸𑀯. 𑁧𑁩𑁯], 𑀲𑀫𑁆𑀧𑀝𑀺𑀘𑁆𑀙𑀦𑁆𑀦𑀁, 𑀘𑀻𑀯𑀭𑀘𑁂𑀢𑀸𑀧𑀦𑁆𑀦𑀁, 𑀘𑀢𑀼𑀦𑁆𑀦𑀁, 𑀧𑀜𑁆𑀘𑀦𑁆𑀦𑀁.

𑀇𑀢𑀺 𑀲𑀤𑀺𑀲𑀤𑁆𑀯𑀺𑀢𑁆𑀢𑀭𑀸𑀲𑀺.

𑁫𑁪. 𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂𑀲𑀁 𑀢𑀢𑀺𑀬𑀧𑀞𑀫𑀸 [𑀓. 𑁪𑁪, 𑁨𑁯; 𑀭𑀽. 𑁨𑁪; 𑀦𑀻. 𑁫𑁭, 𑁬𑁮, 𑁭𑁪, 𑁭𑁭-𑁮, 𑁮𑁦, 𑁮𑁨-𑁩, 𑁯𑁧, 𑁧𑁨𑁨].

𑀯𑀕𑁆𑀕𑁂 𑀘𑀢𑀼𑀢𑁆𑀣, 𑀤𑀼𑀢𑀺𑀬𑁂𑀲𑀼 𑀧𑀭𑁂𑀲𑀼 𑀓𑀫𑁂𑀦 𑀢𑀢𑀺𑀬, 𑀧𑀞𑀫𑀸 𑀏𑀲𑀁 𑀘𑀢𑀼𑀢𑁆𑀣, 𑀤𑀼𑀢𑀺𑀬𑀸𑀦𑀁 𑀤𑁆𑀯𑀺𑀪𑀸𑀯𑀁 𑀕𑀘𑁆𑀙𑀦𑁆𑀢𑀺, 𑀤𑀼𑀢𑀺𑀬𑀪𑀸𑀯𑀁 𑀕𑀘𑁆𑀙𑀦𑁆𑀢𑀻𑀢𑀺 𑀅𑀢𑁆𑀣𑁄. ‘𑀲𑀭𑀫𑁆𑀳𑀸 𑀤𑁆𑀯𑁂’𑀢𑀺 𑀲𑀼𑀢𑁆𑀢𑁂𑀦 𑀯𑀸 ‘𑀯𑀕𑁆𑀕𑀮𑀲𑁂𑀳𑀺 𑀢𑁂’𑀇𑀘𑁆𑀘𑀸𑀤𑀻𑀳𑀺 𑀯𑀸 𑀤𑀼𑀢𑀺𑀬, 𑀘𑀢𑀼𑀢𑁆𑀣𑀸𑀦𑀫𑁆𑀧𑀺 𑀲𑀤𑀺𑀲𑀢𑁆𑀢𑁂 𑀚𑀸𑀢𑁂 𑀧𑀼𑀦 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 ¶ 𑀆𑀤𑀺𑀤𑀼𑀢𑀺𑀬𑀲𑁆𑀲 𑀧𑀞𑀫𑀢𑁆𑀢𑀁, 𑀆𑀤𑀺𑀘𑀢𑀼𑀢𑁆𑀣𑀲𑁆𑀲 𑀢𑀢𑀺𑀬𑀢𑁆𑀢𑀜𑁆𑀘 𑀚𑀸𑀢𑀁.

𑀢𑀢𑁆𑀣 𑀓𑀯𑀕𑁆𑀕𑁂 𑁋

𑀆𑀓𑁆𑀔𑀸𑀢𑀁, 𑀧𑀓𑁆𑀔𑀺𑀢𑁆𑀢𑀁, 𑀧𑀓𑁆𑀔𑁂𑀧𑁄, 𑀭𑀽𑀧𑀓𑁆𑀔𑀦𑁆𑀥𑁄, 𑀯𑁂𑀤𑀦𑀸𑀓𑁆𑀔𑀦𑁆𑀥𑁄, 𑀥𑀸𑀢𑀼𑀓𑁆𑀔𑁄𑀪𑁄, 𑀆𑀬𑀼𑀓𑁆𑀔𑀬𑁄, 𑀦𑀓𑁆𑀔𑀫𑀢𑀺.

‘𑀯𑀕𑁆𑀕𑀮𑀲𑁂𑀳𑀺 𑀢𑁂’𑀢𑀺 𑀲𑀼𑀢𑁆𑀢𑀯𑀺𑀥𑀸𑀦𑁂 𑁋

𑀧𑀫𑀼𑀔𑁂 𑀲𑀸𑀥𑀼 𑀧𑀸𑀫𑁄𑀓𑁆𑀔𑀁, 𑀧𑀕𑁆𑀖𑀭𑀢𑀺, 𑀉𑀕𑁆𑀖𑁄𑀲𑀢𑀺, 𑀦𑀺𑀕𑁆𑀖𑁄𑀲𑁄.

𑀘𑀯𑀕𑁆𑀕𑁂 𑁋

𑀅𑀘𑁆𑀙𑀸𑀤𑁂𑀢𑀺, 𑀅𑀘𑁆𑀙𑀺𑀦𑁆𑀤𑀢𑀺-𑀲𑀁𑀬𑁄𑀕𑁂 𑀭𑀲𑁆𑀲𑀢𑁆𑀢𑀁, 𑀧𑀘𑁆𑀙𑀸𑀤𑁂𑀢𑀺, 𑀧𑀘𑁆𑀙𑀺𑀦𑁆𑀤𑀢𑀺, 𑀲𑁂𑀢𑀘𑁆𑀙𑀢𑁆𑀢𑀁, 𑀭𑀼𑀓𑁆𑀔𑀘𑁆𑀙𑀸𑀬𑀸, 𑀢𑀣𑀲𑁆𑀲 𑀪𑀸𑀯𑁄 𑀢𑀘𑁆𑀙𑀁, 𑀭𑀣𑀲𑁆𑀲 𑀳𑀺𑀢𑀸 𑀭𑀘𑁆𑀙𑀸, 𑀧𑀚𑁆𑀛𑀸𑀬𑀢𑀺, 𑀉𑀚𑁆𑀛𑀸𑀬𑀢𑀺, 𑀦𑀺𑀚𑁆𑀛𑀸𑀬𑀢𑀺, 𑀧𑀞𑀫𑀚𑁆𑀛𑀸𑀦𑀁, 𑀤𑀼𑀢𑀺𑀬𑀚𑁆𑀛𑀸𑀦𑀁, 𑀅𑀚𑁆𑀛𑁄𑀓𑀸𑀲𑁄, 𑀩𑁄𑀚𑁆𑀛𑀗𑁆𑀕𑁄, 𑀤𑀼𑀫𑁆𑀫𑁂𑀥𑀲𑁆𑀲 𑀪𑀸𑀯𑁄 𑀤𑀼𑀫𑁆𑀫𑁂𑀚𑁆𑀛𑀁, 𑀩𑀼𑀚𑁆𑀛𑀢𑀺, 𑀩𑀼𑀚𑁆𑀛𑀺𑀢𑀩𑁆𑀩𑀁, 𑀩𑁄𑀚𑁆𑀛𑀁, 𑀧𑀝𑀺𑀯𑀺𑀚𑁆𑀛, 𑀧𑀝𑀺𑀯𑀺𑀚𑁆𑀛𑀺𑀬, 𑀧𑀝𑀺𑀯𑀺𑀚𑁆𑀛𑀺𑀢𑁆𑀯𑀸 𑀇𑀘𑁆𑀘𑀸𑀤𑀺.

𑀝𑀯𑀕𑁆𑀕𑁂 𑁋

𑀬𑀢𑁆𑀭𑀝𑁆𑀞𑀺𑀢𑀁, 𑀢𑀢𑁆𑀭𑀝𑁆𑀞𑀺𑀢𑁄, 𑀉𑀝𑁆𑀞𑀺𑀢𑁄, 𑀦𑀺𑀝𑁆𑀞𑀺𑀢𑁄, 𑀣𑀮𑀝𑁆𑀞𑁄, 𑀚𑀮𑀝𑁆𑀞𑁄, 𑀯𑀼𑀟𑁆𑀠𑁄 𑀇𑀘𑁆𑀘𑀸𑀤𑀺.

𑀢𑀯𑀕𑁆𑀕𑁂 𑁋

𑀲𑀼𑀫𑀦𑀢𑁆𑀣𑁂𑀭𑁄, 𑀬𑀲𑀢𑁆𑀣𑁂𑀭𑁄, 𑀅𑀯𑀢𑁆𑀣𑀸, 𑀅𑀯𑀢𑁆𑀣𑀸𑀦𑀁, 𑀯𑀺𑀢𑁆𑀣𑀸𑀭𑁄, 𑀅𑀪𑀺𑀢𑁆𑀣𑀼𑀢𑁄, 𑀯𑀺𑀢𑁆𑀣𑀫𑁆𑀪𑀺𑀢𑁄, 𑀉𑀤𑁆𑀥𑀭𑀢𑀺, 𑀉𑀤𑁆𑀥𑀭𑀡𑀁, 𑀉𑀤𑁆𑀥𑀝𑀁, 𑀦𑀺𑀤𑁆𑀥𑀸𑀭𑁂𑀢𑀺, 𑀦𑀺𑀤𑁆𑀥𑀸𑀭𑀡𑀁, 𑀦𑀺𑀤𑁆𑀥𑀸𑀭𑀺𑀢𑀁, 𑀦𑀺𑀤𑁆𑀥𑀦𑁄, 𑀦𑀺𑀤𑁆𑀥𑀼𑀢𑁄, 𑀦𑀺𑀤𑁆𑀥𑁄𑀢𑁄 𑀇𑀘𑁆𑀘𑀸𑀤𑀺.

𑀧𑀯𑀕𑁆𑀕𑁂 𑁋

𑀯𑀺𑀧𑁆𑀨𑀭𑀢𑀺, 𑀯𑀺𑀧𑁆𑀨𑀭𑀡𑀁, 𑀯𑀺𑀧𑁆𑀨𑀸𑀭𑁄, 𑀅𑀧𑁆𑀨𑁄𑀝𑁂𑀢𑀺, 𑀫𑀳𑀧𑁆𑀨𑀮𑀁, 𑀦𑀺𑀧𑁆𑀨𑀮𑀁, 𑀫𑀥𑀼𑀧𑁆𑀨𑀸𑀡𑀺𑀢𑀁, 𑀯𑀺𑀩𑁆𑀪𑀫𑀢𑀺, 𑀯𑀺𑀩𑁆𑀪𑀫𑁄, 𑀉𑀩𑁆𑀪𑀢𑀁, 𑀦𑀺𑀩𑁆𑀪𑀬𑀁, 𑀤𑀼𑀩𑁆𑀪𑀭𑁄, 𑀲𑀩𑁆𑀪𑀸𑀯𑁄 ¶ , 𑀉𑀲𑀪𑀲𑁆𑀲 𑀪𑀸𑀯𑁄 𑀑𑀲𑀩𑁆𑀪𑀁, 𑀮𑀩𑁆𑀪𑀢𑀺, 𑀆𑀭𑀩𑁆𑀪𑁄, 𑀆𑀭𑀩𑁆𑀪, 𑀆𑀭𑀩𑁆𑀪𑀺𑀢𑁆𑀯𑀸 𑀇𑀘𑁆𑀘𑀸𑀤𑀺.

𑀇𑀥𑀧𑀺 𑀉, 𑀤𑀼, 𑀦𑀺𑀢𑁄 𑀧𑀭𑀧𑀤𑀸𑀦𑀁 𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀤𑁆𑀯𑀺𑀢𑁆𑀢𑀁 𑀯𑀺𑀲𑁂𑀲𑀢𑁄 𑀇𑀘𑁆𑀙𑀦𑁆𑀢𑀺.

𑀇𑀢𑀺 𑀯𑀺𑀲𑀤𑀺𑀲𑀤𑁆𑀯𑀺𑀢𑁆𑀢𑀭𑀸𑀲𑀺.

𑁫𑁫. 𑀯𑀺𑀘𑁆𑀙𑀸𑀪𑀺𑀓𑁆𑀔𑀜𑁆𑀜𑁂𑀲𑀼 𑀤𑁆𑀯𑁂 [𑀘𑀁. 𑁬.𑁩-𑁧; 𑀧𑀸. 𑁮.𑁧.𑁧, 𑁪].

𑀯𑀺𑀘𑁆𑀙𑀸𑀬𑀁 𑀅𑀪𑀺𑀓𑁆𑀔𑀜𑁆𑀜𑁂 𑀘 𑀅𑀦𑁂𑀓𑀢𑁆𑀣𑀲𑁆𑀲 𑀏𑀓𑀧𑀤𑀲𑁆𑀲 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺. 𑀪𑀺𑀦𑁆𑀦𑁂 𑀅𑀢𑁆𑀣𑁂 𑀓𑁆𑀭𑀺𑀬𑀸𑀬 𑀯𑀸 𑀤𑀩𑁆𑀩𑁂𑀦 𑀯𑀸 𑀕𑀼𑀡𑁂𑀦 𑀯𑀸 𑀩𑁆𑀬𑀸𑀧𑀺𑀢𑀼𑀁 𑀇𑀘𑁆𑀙𑀸 𑀯𑀺𑀘𑁆𑀙𑀸. 𑀧𑀼𑀦𑀧𑁆𑀧𑀼𑀦𑀓𑁆𑀭𑀺𑀬𑀸 𑀅𑀪𑀺𑀓𑁆𑀔𑀜𑁆𑀜𑀁.

𑀯𑀺𑀘𑁆𑀙𑀸𑀬𑀁 𑀢𑀸𑀯 𑁋

𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀲𑀺𑀜𑁆𑀘𑀢𑀺. 𑀕𑀸𑀫𑁂 𑀕𑀸𑀫𑁂 𑀲𑀢𑀁𑀓𑀼𑀫𑁆𑀪𑀸, 𑀕𑀸𑀫𑁄 𑀕𑀸𑀫𑁄 𑀭𑀫𑀡𑀺𑀬𑁄, 𑀕𑁂𑀳𑁂 𑀕𑁂𑀳𑁂 𑀇𑀲𑁆𑀲𑀭𑁄, 𑀭𑀲𑀁 𑀭𑀲𑀁 𑀪𑀓𑁆𑀔𑀬𑀢𑀺, 𑀓𑁆𑀭𑀺𑀬𑀁 𑀓𑁆𑀭𑀺𑀬𑀁 𑀆𑀭𑀪𑀢𑁂.

𑀆𑀦𑀼𑀧𑀼𑀩𑁆𑀩𑀺𑀬𑁂𑀧𑀺 𑀯𑀺𑀘𑁆𑀙𑀸𑀯 𑀕𑀫𑁆𑀬𑀢𑁂 𑁋

𑀫𑀽𑀮𑁂 𑀫𑀽𑀮𑁂 𑀣𑀽𑀮𑀸, 𑀅𑀕𑁆𑀕𑁂 𑀅𑀕𑁆𑀕𑁂 𑀲𑀼𑀔𑀼𑀫𑀸, 𑀚𑁂𑀝𑁆𑀞𑀁 𑀚𑁂𑀝𑁆𑀞𑀁 𑀅𑀦𑀼𑀧𑀯𑁂𑀲𑁂𑀣, 𑀇𑀫𑁂𑀲𑀁 𑀤𑁂𑀯𑀲𑀺𑀓𑀁 𑀫𑀸𑀲𑀓𑀁 𑀫𑀸𑀲𑀓𑀁 𑀤𑁂𑀳𑀺, 𑀫𑀜𑁆𑀚𑀽𑀲𑀓𑀭𑀼𑀓𑁆𑀔𑁄 𑀧𑀼𑀧𑁆𑀨𑀁 𑀧𑀼𑀧𑁆𑀨𑀁 𑀧𑀼𑀧𑁆𑀨𑀢𑀺, 𑀇𑀫𑁂 𑀚𑀦𑀸 𑀧𑀣𑀁 𑀧𑀣𑀁 𑀅𑀘𑁆𑀘𑁂𑀦𑁆𑀢𑀺, 𑀲𑀩𑁆𑀩𑁂 𑀇𑀫𑁂 𑀅𑀟𑁆𑀠𑀸, 𑀓𑀢𑀭𑀸 𑀓𑀢𑀭𑀸 𑀇𑀫𑁂𑀲𑀁 𑀅𑀟𑁆𑀠𑀢𑀸, 𑀓𑀢𑀫𑀸 𑀓𑀢𑀫𑀸 𑀇𑀫𑁂𑀲𑀁 𑀅𑀟𑁆𑀠𑀢𑀸.

𑀅𑀪𑀺𑀓𑁆𑀔𑀜𑁆𑀜𑁂 𑁋

𑀪𑀢𑁆𑀢𑀁 𑀧𑀘𑀢𑀺 𑀧𑀘𑀢𑀺, 𑀅𑀧𑀼𑀜𑁆𑀜𑀁 𑀧𑀲𑀯𑀢𑀺 𑀧𑀲𑀯𑀢𑀺, 𑀪𑀼𑀢𑁆𑀯𑀸 𑀪𑀼𑀢𑁆𑀯𑀸 𑀦𑀺𑀧𑁆𑀧𑀚𑁆𑀚𑀦𑁆𑀢𑀺, 𑀧𑀝𑀁 𑀧𑀝𑀁 𑀓𑀭𑁄𑀢𑀺, 𑀧𑀝𑀧𑀝𑀸𑀬𑀢𑀺, 𑀏𑀓𑀫𑁂𑀓𑀁, 𑀏𑀓𑀫𑁂𑀓𑀸𑀦𑀺 𑀇𑀘𑁆𑀘𑀸𑀤𑀻𑀲𑀼 𑀯𑀺𑀘𑁆𑀙𑀸𑀲𑀼 𑀧𑀼𑀩𑁆𑀩𑀧𑀤𑁂 𑀲𑁆𑀬𑀸𑀤𑀺𑀮𑁄𑀧𑁄.

𑁫𑁬. 𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂.

𑀅𑀢𑀺𑀓𑁆𑀓𑀫𑁆𑀫 ¶ 𑀳𑀭𑀡𑀁 𑀅𑀢𑀺𑀳𑀸𑀭𑁄, 𑀦 𑀅𑀢𑀺𑀳𑀸𑀭𑁄 𑀯𑀻𑀢𑀺𑀳𑀸𑀭𑁄, 𑀅𑀜𑁆𑀜𑀫𑀜𑁆𑀜𑀲𑁆𑀲 𑀅𑀦𑁆𑀢𑁄𑀬𑁂𑀯 𑀳𑀭𑀡𑀦𑁆𑀢𑀺𑀅𑀢𑁆𑀣𑁄, 𑀯𑀻𑀢𑀺𑀳𑀸𑀭𑀢𑁆𑀣𑁂 𑀕𑀫𑁆𑀬𑀫𑀸𑀦𑁂 𑀲𑀩𑁆𑀩𑀸𑀤𑀻𑀦𑀁 𑀲𑀩𑁆𑀩𑀦𑀸𑀫𑀸𑀦𑀁 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺, 𑀧𑀼𑀩𑁆𑀩𑀲𑁆𑀲𑁂𑀓𑀲𑁆𑀲 𑀘 𑀲𑁆𑀬𑀸𑀤𑀺𑀮𑁄𑀧𑁄.

𑀇𑀫𑁂 𑀤𑁆𑀯𑁂 𑀚𑀦𑀸 𑀅𑀜𑁆𑀜𑀫𑀜𑁆𑀜𑀲𑁆𑀲 𑀉𑀧𑀓𑀸𑀭𑀓𑀸, 𑀇𑀢𑀭𑀻𑀢𑀭𑀲𑁆𑀲 𑀉𑀧𑀓𑀸𑀭𑀓𑀸, 𑀅𑀜𑁆𑀜𑀫𑀜𑁆𑀜𑀁 𑀧𑀲𑁆𑀲𑀦𑁆𑀢𑀺, 𑀅𑀜𑁆𑀜𑀫𑀜𑁆𑀜𑀲𑁆𑀲 𑀤𑁂𑀦𑁆𑀢𑀺, 𑀅𑀜𑁆𑀜𑀫𑀜𑁆𑀜𑀲𑁆𑀲 𑀅𑀧𑁂𑀦𑁆𑀢𑀺, 𑀅𑀜𑁆𑀜𑀫𑀜𑁆𑀜𑀲𑁆𑀲 𑀥𑀦𑀁, 𑀅𑀜𑁆𑀜𑀫𑀜𑁆𑀜𑁂 𑀦𑀺𑀲𑁆𑀲𑀺𑀢𑀸.

𑁫𑁭. 𑀬𑀸𑀯𑀢𑀸𑀢𑀸𑀯𑀁 𑀲𑀫𑁆𑀪𑀫𑁂 [𑀘𑀁. 𑁬.𑁩.𑁧𑁪; 𑀧𑀸. 𑁮.𑁧.𑁧𑁨; 𑀬𑀸𑀯𑀩𑁄𑀥𑀁 𑀲𑀫𑁆𑀪𑀫𑁂 (𑀩𑀳𑀽𑀲𑀼)].

𑀬𑀁 𑀧𑀭𑀺𑀫𑀸𑀡𑀫𑀲𑁆𑀲𑀸𑀢𑀺 𑀬𑀸𑀯𑀁. 𑀢𑀁 𑀧𑀭𑀺𑀫𑀸𑀡𑀫𑀲𑁆𑀲𑀸𑀢𑀺 𑀢𑀸𑀯𑀁. 𑀧𑀼𑀦𑀧𑁆𑀧𑀼𑀦𑀁 𑀪𑀫𑀦𑀁 𑀧𑀯𑀢𑁆𑀢𑀦𑀁 𑀲𑀫𑁆𑀪𑀫𑁄. 𑀢𑀼𑀭𑀺𑀢𑁂𑀦 𑀯𑀘𑀻𑀧𑀬𑁄𑀕𑁂𑀦 𑀢𑀁 𑀢𑀁 𑀉𑀧𑀸𑀬𑀤𑀻𑀧𑀦𑀁 𑀲𑀫𑁆𑀪𑀫𑁄, 𑀆𑀫𑁂𑀟𑀺𑀢𑀫𑁂𑀯 𑀯𑀼𑀘𑁆𑀘𑀢𑀺, 𑀲𑀫𑁆𑀪𑀫𑁂 𑀕𑀫𑁆𑀬𑀫𑀸𑀦𑁂 𑀬𑀸𑀯𑀢𑀸 𑀬𑀢𑁆𑀢𑀓𑁂𑀦 𑀧𑀤𑁂𑀦 𑀲𑁄 𑀅𑀢𑁆𑀣𑁄 𑀧𑀜𑁆𑀜𑀸𑀬𑀢𑀺, 𑀢𑀢𑁆𑀢𑀓𑀁 𑀧𑀤𑀁 𑀧𑀬𑀼𑀚𑁆𑀚𑀢𑁂, 𑀤𑁆𑀯𑀺𑀓𑁆𑀔𑀢𑁆𑀢𑀼𑀁 𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀯𑀸 𑀢𑀤𑀼𑀢𑁆𑀢𑀭𑀺 𑀯𑀸 𑀉𑀤𑀻𑀭𑀺𑀬𑀢𑁂𑀢𑁆𑀬𑀢𑁆𑀣𑁄. 𑀬𑀣𑀸𑀩𑁄𑀥𑀁 𑀲𑀫𑁆𑀪𑀫𑁂𑀢𑀺𑀧𑀺 𑀧𑀸𑀞𑁄, 𑀲𑁄𑀬𑁂𑀯𑀢𑁆𑀣𑁄.

𑀪𑀬𑁂, 𑀓𑁄𑀥𑁂, 𑀧𑀲𑀁𑀲𑀸𑀬𑀁, 𑀢𑀼𑀭𑀺𑀢𑁂, 𑀓𑁄𑀢𑀽𑀳𑀮𑁂’𑀘𑁆𑀙𑀭𑁂.

𑀳𑀸𑀲𑁂, 𑀲𑁄𑀓𑁂, 𑀧𑀲𑀸𑀤𑁂 𑀘, 𑀓𑀭𑁂 𑀆𑀫𑁂𑀟𑀺𑀢𑀁 𑀩𑀼𑀥𑁄.

𑀢𑀢𑁆𑀣 𑀪𑀬𑁂 𑁋

𑀲𑀧𑁆𑀧𑁄 𑀲𑀧𑁆𑀧𑁄, 𑀘𑁄𑀭𑁄 𑀘𑁄𑀭𑁄 𑁋

𑀓𑁄𑀥𑁂 𑁋

𑀯𑀺𑀚𑁆𑀛 𑀯𑀺𑀚𑁆𑀛, 𑀧𑀳𑀭 𑀧𑀳𑀭.

𑀧𑀲𑀁𑀲𑀸𑀬𑀁 𑁋

𑀲𑀸𑀥𑀼 𑀲𑀸𑀥𑀼.

𑀢𑀼𑀭𑀺𑀢𑁂 ¶ 𑁋

𑀕𑀘𑁆𑀙 𑀕𑀘𑁆𑀙.

𑀓𑁄𑀢𑀽𑀳𑀮𑁂 𑁋

𑀆𑀕𑀘𑁆𑀙 𑀆𑀕𑀘𑁆𑀙.

𑀅𑀘𑁆𑀙𑀭𑁂 𑁋

𑀅𑀳𑁄 𑀩𑀼𑀤𑁆𑀥𑁄 𑀅𑀳𑁄 𑀩𑀼𑀤𑁆𑀥𑁄.

𑀳𑀸𑀲𑁂 𑁋

𑀅𑀪𑀺𑀓𑁆𑀓𑀫𑀣 𑀯𑀸𑀲𑁂𑀝𑁆𑀞𑀸 𑀅𑀪𑀺𑀓𑁆𑀓𑀫𑀣 𑀯𑀸𑀲𑁂𑀝𑁆𑀞𑀸 [𑀤𑀻. 𑀦𑀺. 𑁨.𑁨𑁧𑁦].

𑀲𑁄𑀓𑁂 𑁋

𑀓𑀳𑀁 𑀏𑀓𑀧𑀼𑀢𑁆𑀢𑀓 𑀓𑀳𑀁 𑀏𑀓𑀧𑀼𑀢𑁆𑀢𑀓 [𑀲𑀁. 𑀦𑀺. 𑁪.𑁧𑁨𑁦].

𑀧𑀲𑀸𑀤𑁂 𑁋

𑀅𑀪𑀺𑀓𑁆𑀓𑀦𑁆𑀢𑀁 𑀪𑁄 𑀕𑁄𑀢𑀫 𑀅𑀪𑀺𑀓𑁆𑀓𑀦𑁆𑀢𑀁 𑀪𑁄 𑀕𑁄𑀢𑀫 [𑀫. 𑀦𑀺. 𑁨.𑁧𑁦𑁬] 𑀇𑀘𑁆𑀘𑀸𑀤𑀺. 𑀢𑀺𑀓𑁆𑀔𑀢𑁆𑀢𑀼𑀁𑀉𑀤𑀸𑀦𑀁 𑀉𑀤𑀸𑀦𑁂𑀲𑀺 ‘‘𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄’’ [𑀫. 𑀦𑀺. 𑁨.𑁩𑁫𑁭] 𑀇𑀘𑁆𑀘𑀸𑀤𑀺.

𑀇𑀢𑀺 𑀧𑀤𑀯𑀸𑀓𑁆𑀬𑀤𑁆𑀯𑀺𑀢𑁆𑀢𑀭𑀸𑀲𑀺.

𑀤𑁆𑀯𑀺𑀪𑀸𑀯𑀲𑀦𑁆𑀥𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀯𑀺𑀧𑀮𑁆𑀮𑀸𑀲𑀲𑀦𑁆𑀥𑀺

𑀅𑀣 𑀯𑀺𑀧𑀮𑁆𑀮𑀸𑀲𑀲𑀦𑁆𑀥𑀺 𑀤𑀻𑀧𑀺𑀬𑀢𑁂.

𑀧𑀤𑀓𑁆𑀔𑀭𑀸𑀦𑀁 𑀧𑀼𑀩𑁆𑀩𑀸𑀧𑀭𑀯𑀺𑀧𑀭𑀺𑀬𑀸𑀬𑁄 𑀯𑀺𑀧𑀮𑁆𑀮𑀸𑀲𑁄.

𑁫𑁮. 𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄.

𑀬𑀫𑁆𑀳𑀺 𑀧𑀭𑁂 𑀳𑀲𑁆𑀲 𑀧𑀼𑀩𑁆𑀩𑀸𑀧𑀭𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀯𑀸.

𑀤𑀬𑁆𑀳𑀢𑀺, 𑀲𑀗𑁆𑀕𑀬𑁆𑀳𑀢𑀺, 𑀲𑀦𑁆𑀦𑀬𑁆𑀳𑀢𑀺, 𑀯𑀼𑀬𑁆𑀳𑀢𑀺, 𑀤𑀼𑀬𑁆𑀳𑀢𑀺, 𑀫𑀼𑀬𑁆𑀳𑀢𑀺.

𑀯𑀸𑀢𑁆𑀯𑁂𑀯 ¶ ? 𑀲𑀗𑁆𑀕𑀡𑁆𑀳𑀺𑀬𑀢𑀺, 𑀏𑀯𑀁 𑀲𑀗𑁆𑀕𑀬𑁆𑀳 𑀲𑀗𑁆𑀕𑀡𑁆𑀳𑀺𑀢𑁆𑀯𑀸, 𑀆𑀭𑀼𑀬𑁆𑀳 𑀆𑀭𑀼𑀳𑀺𑀢𑁆𑀯𑀸, 𑀑𑀕𑀸𑀬𑁆𑀳 𑀑𑀕𑀸𑀳𑀺𑀢𑁆𑀯𑀸. 𑀧𑀲𑀬𑁆𑀳 𑀧𑀲𑀳𑀺𑀢𑁆𑀯𑀸.

𑁫𑁯. 𑀯𑁂 𑀯𑀸 [𑀭𑀽. 𑁪𑁦 (𑀧𑀺𑀝𑁆𑀞𑁂)].

𑀯𑀫𑁆𑀳𑀺 𑀧𑀭𑁂 𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀯𑀸.

𑀩𑀯𑁆𑀳𑀸𑀩𑀸𑀥𑁄 𑀩𑀳𑁆𑀯𑀸𑀩𑀸𑀥𑁄, 𑀩𑀯𑁆𑀳𑁂𑀢𑁆𑀣 𑀦𑁆𑀳𑀸𑀬𑀢𑀻 𑀚𑀦𑁄 [𑀉𑀤𑀸. 𑁯] =𑀩𑀳𑁆𑀯𑁂𑀢𑁆𑀣 𑀦𑁆𑀳𑀸𑀬𑀢𑀻 𑀚𑀦𑁄.

𑀫𑀳𑀸𑀯𑀼𑀢𑁆𑀢𑀺𑀯𑀺𑀥𑀸𑀦𑀁 𑀯𑀼𑀘𑁆𑀘𑀢𑁂.

𑀬, 𑀭𑀸𑀦𑀁 𑀯𑀺𑀧𑀮𑁆𑀮𑀸𑀲𑁄 𑁋

𑀓𑀼𑀝𑀺 𑀫𑁂 𑀓𑀬𑀺𑀭𑀢𑀺 [𑀧𑀸𑀭𑀸. 𑁩𑁫𑁮], 𑀯𑀘𑀦𑀁 𑀧𑀬𑀺𑀭𑀼𑀤𑀸𑀳𑀸𑀲𑀺, 𑀕𑀭𑀼𑀁 𑀧𑀬𑀺𑀭𑀽𑀧𑀸𑀲𑀢𑀺, 𑀯𑀦𑁆𑀤𑀸𑀫𑀺 𑀢𑁂 𑀅𑀬𑁆𑀬𑀺𑀭𑁂 𑀧𑀲𑀦𑁆𑀦𑀘𑀺𑀢𑁆𑀢𑁄 [𑀚𑀸. 𑁨.𑁧𑁭.𑁫𑁪] -𑀬𑀲𑁆𑀲 𑀤𑁆𑀯𑀺𑀢𑁆𑀢𑀁.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑁋

𑀦𑀺𑀭𑀬𑀫𑁆𑀳𑀺 𑀅𑀧𑀘𑁆𑀘𑀺𑀲𑀼𑀁 [𑀚𑀸. 𑁨.𑁨𑁨.𑁬𑁦], 𑀢𑁂 𑀫𑁂 𑀅𑀲𑁆𑀲𑁂 𑀅𑀬𑀸𑀘𑀺𑀲𑀼𑀁 [𑀚𑀸. 𑁨.𑁨𑁨.𑁧𑁮𑁬𑁩]. 𑀇𑀫𑀸 𑀕𑀸𑀣𑀸 𑀅𑀪𑀸𑀲𑀺𑀲𑀼𑀁.

𑀲𑀭𑀸𑀦𑀫𑁆𑀧𑀺 𑀯𑀺𑀧𑀮𑁆𑀮𑀸𑀲𑁄 𑁋

𑀳𑀜𑁆𑀜𑀬𑁆𑀬𑁂𑀯𑀸𑀧𑀺 𑀓𑁄𑀘𑀺 𑀦𑀁 [𑀚𑀸. 𑁨.𑁨𑁨.𑁧𑁧𑁯𑁩] 𑁋 𑀳𑀜𑁆𑀜𑁂𑀬𑁆𑀬𑀸𑀢𑀺 𑀞𑀺𑀢𑀺, 𑀅𑀫𑀽𑀮𑀫𑀽𑀮𑀁 𑀕𑀦𑁆𑀢𑁆𑀯𑀸-𑀫𑀽𑀮𑀫𑀽𑀮𑀁 𑀅𑀕𑀦𑁆𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀏𑀯𑀁 𑀧𑀭𑀢𑁆𑀭. 𑀅𑀦𑁄𑀓𑀸𑀲𑀁 𑀓𑀸𑀭𑀸𑀧𑁂𑀢𑁆𑀯𑀸 [𑀧𑀸𑀭𑀸 𑁩𑁮𑁯], 𑀅𑀦𑀺𑀫𑀺𑀢𑁆𑀢𑀁 𑀓𑀢𑁆𑀯𑀸, 𑀲𑀤𑁆𑀥𑀁 𑀦 𑀪𑀼𑀜𑁆𑀚𑀢𑀻𑀢𑀺 𑀅𑀲𑀤𑁆𑀥𑀪𑁄𑀚𑀺, 𑀤𑀺𑀲𑁆𑀯𑀸 𑀧𑀤𑀫𑀦𑀼𑀢𑁆𑀢𑀺𑀡𑁆𑀡𑀁 [𑀚𑀸. 𑁧.𑁧.𑁨𑁦] 𑁋 𑀉𑀢𑁆𑀢𑀺𑀡𑁆𑀡𑀁 𑀅𑀤𑀺𑀲𑁆𑀯𑀸𑀢𑀺 𑀅𑀢𑁆𑀣𑁄.

𑀧𑀤𑀸𑀦𑀫𑁆𑀧𑀺 𑀯𑀺𑀧𑀮𑁆𑀮𑀸𑀲𑁄 𑁋

𑀦𑀯𑀁 𑀧𑀦 𑀪𑀺𑀓𑁆𑀔𑀼𑀦𑀸 𑀘𑀻𑀯𑀭𑀮𑀸𑀪𑁂𑀦, 𑀦𑀸𑀕𑀓𑀜𑁆𑀜𑀸 𑀘𑀭𑀺𑀢𑀁 𑀕𑀡𑁂𑀦 [𑀚𑀸. 𑁧.𑁧𑁫.𑁨𑁬𑁮] -𑀦𑀸𑀕𑀓𑀜𑁆𑀜𑀸𑀕𑀡𑁂𑀦 𑀘𑀭𑀺𑀢𑀦𑁆𑀢𑀺 𑀞𑀺𑀢𑀺.

𑀇𑀢𑀺 𑀯𑀺𑀧𑀮𑁆𑀮𑀸𑀲𑀭𑀸𑀲𑀺.

𑁬𑁦. 𑀩𑀳𑀼𑀮𑀁 [𑀘𑀁. 𑁧.𑁧.𑁧𑁩𑁦; 𑀧𑀸. 𑁩.𑁩.𑁧𑁧𑁩].

𑀲𑀦𑁆𑀥𑀺𑀯𑀺𑀥𑀸𑀦𑀁 ¶ 𑀦𑀸𑀫 𑀩𑀳𑀼𑀮𑀁 𑀳𑁄𑀢𑀺, 𑀬𑁂𑀪𑀼𑀬𑁆𑀬𑁂𑀦 𑀳𑁄𑀢𑀻𑀢𑀺 𑀅𑀢𑁆𑀣𑁄. 𑀅𑀥𑀺𑀓𑀸𑀭𑀲𑀼𑀢𑁆𑀢𑀁. 𑀬𑀸𑀯𑀕𑀦𑁆𑀣𑀧𑀭𑀺𑀬𑁄𑀲𑀸𑀦𑀸 𑀬𑀼𑀢𑁆𑀢𑀝𑁆𑀞𑀸𑀦𑁂𑀲𑀼 𑀲𑀩𑁆𑀩𑀢𑁆𑀣 𑀯𑀢𑁆𑀢𑀢𑁂. 𑀏𑀢𑁂𑀦 𑀲𑀩𑁆𑀩𑀲𑀤𑁆𑀤𑀲𑀼𑀢𑁆𑀢𑁂𑀲𑀼 𑀅𑀦𑀺𑀝𑁆𑀞𑀦𑀺𑀯𑀢𑁆𑀢𑀺 𑀘 𑀇𑀝𑁆𑀞𑀧𑀭𑀺𑀕𑁆𑀕𑀳𑁄 𑀘 𑀓𑀢𑁄 𑀳𑁄𑀢𑀺.

𑀇𑀢𑀺 𑀦𑀺𑀭𑀼𑀢𑁆𑀢𑀺𑀤𑀻𑀧𑀦𑀺𑀬𑀸 𑀦𑀸𑀫 𑀫𑁄𑀕𑁆𑀕𑀮𑁆𑀮𑀸𑀦𑀤𑀻𑀧𑀦𑀺𑀬𑀁

𑀲𑀦𑁆𑀥𑀺𑀓𑀡𑁆𑀟𑁄 𑀦𑀺𑀝𑁆𑀞𑀺𑀢𑁄.

𑁨. 𑀦𑀸𑀫𑀓𑀡𑁆𑀟

𑀯𑀺𑀪𑀢𑁆𑀢𑀺𑀭𑀸𑀲𑀺

𑀅𑀣 ¶ 𑀮𑀺𑀗𑁆𑀕𑀫𑁆𑀳𑀸 𑀲𑁆𑀬𑀸𑀤𑀺𑀯𑀺𑀪𑀢𑁆𑀢𑀺𑀯𑀺𑀥𑀸𑀦𑀁 𑀤𑀻𑀧𑀺𑀬𑀢𑁂.

𑀮𑀺𑀗𑁆𑀕𑀁, 𑀦𑀸𑀫𑀁, 𑀧𑀸𑀝𑀺𑀧𑀤𑀺𑀓𑀦𑁆𑀢𑀺 𑀅𑀢𑁆𑀣𑀢𑁄 𑀏𑀓𑀁, 𑀤𑀩𑁆𑀩𑀸𑀪𑀺𑀥𑀸𑀦𑀲𑁆𑀲 𑀧𑀼𑀭𑀺𑀲𑀸𑀤𑀺𑀓𑀲𑁆𑀲 𑀧𑀓𑀢𑀺𑀭𑀽𑀧𑀲𑁆𑀲𑁂𑀢𑀁 𑀦𑀸𑀫𑀁. 𑀢𑀜𑁆𑀳𑀺 𑀲𑀢𑁆𑀢𑀦𑁆𑀦𑀁 𑀯𑀺𑀪𑀢𑁆𑀢𑀻𑀦𑀁 𑀯𑀲𑁂𑀦 𑀯𑀺𑀪𑀸𑀕𑀁 𑀧𑀢𑁆𑀯𑀸 𑀓𑀺𑀜𑁆𑀘𑀺 𑀯𑀺𑀲𑀤𑀭𑀽𑀧𑀁 𑀳𑁄𑀢𑀺, 𑀓𑀺𑀜𑁆𑀘𑀺 𑀅𑀯𑀺𑀲𑀤𑀭𑀽𑀧𑀁, 𑀓𑀺𑀜𑁆𑀘𑀺 𑀫𑀚𑁆𑀛𑀺𑀫𑀭𑀽𑀧𑀦𑁆𑀢𑀺 𑀏𑀯𑀁 𑀢𑀺𑀯𑀺𑀥𑁂𑀦 𑀮𑀺𑀗𑁆𑀕𑀭𑀽𑀧𑁂𑀦 𑀬𑀼𑀢𑁆𑀢𑀢𑁆𑀢𑀸 𑀮𑀺𑀗𑁆𑀕𑀦𑁆𑀢𑀺 𑀯𑀼𑀘𑁆𑀘𑀢𑀺.

𑀢𑀤𑁂𑀯 𑀓𑀺𑀜𑁆𑀘𑀺 𑀲𑀤𑁆𑀤𑀮𑀺𑀗𑁆𑀕𑀸𑀦𑀼𑀭𑀽𑀧𑀁, 𑀓𑀺𑀜𑁆𑀘𑀺 𑀅𑀢𑁆𑀣𑀮𑀺𑀗𑁆𑀕𑀸𑀦𑀼𑀭𑀽𑀧𑀜𑁆𑀘 𑀧𑀭𑀺𑀡𑀫𑀦𑁆𑀢𑀁 𑀧𑀯𑀢𑁆𑀢𑀢𑀺, 𑀢𑀲𑁆𑀫𑀸 𑀦𑀸𑀫𑀦𑁆𑀢𑀺 𑀘 𑀯𑀼𑀘𑁆𑀘𑀢𑀺.

𑀢𑀤𑁂𑀯 𑀥𑀸𑀢𑀼, 𑀧𑀘𑁆𑀘𑀬, 𑀯𑀺𑀪𑀢𑁆𑀢𑀺𑀧𑀤𑁂𑀳𑀺 𑀘𑁂𑀯𑀲𑀤𑁆𑀤𑀧𑀤𑀢𑁆𑀣𑀓𑀧𑀤𑁂𑀳𑀺 𑀘 ‘𑀯𑀺𑀲𑀼𑀁 𑀪𑀽𑀢𑀁 𑀧𑀤’𑀦𑁆𑀢𑀺 𑀓𑀢𑁆𑀯𑀸 𑀧𑀸𑀝𑀺𑀧𑀤𑀺𑀓𑀦𑁆𑀢𑀺 𑀘 𑀯𑀼𑀘𑁆𑀘𑀢𑀺.

𑀢𑀢𑁆𑀣 𑀥𑀸𑀢𑀼𑀧𑀤𑀁 𑀦𑀸𑀫 𑀩𑁆𑀭𑀽, 𑀪𑀽, 𑀳𑀽𑀇𑀘𑁆𑀘𑀸𑀤𑀺.

𑀧𑀘𑁆𑀘𑀬𑀧𑀤𑀁 𑀦𑀸𑀫 𑀡, 𑀢𑀩𑁆𑀩, 𑀅𑀦𑀻𑀬 𑀇𑀘𑁆𑀘𑀸𑀤𑀺.

𑀯𑀺𑀪𑀢𑁆𑀢𑀺𑀧𑀤𑀁 𑀦𑀸𑀫 𑀲𑀺, 𑀬𑁄, 𑀅𑀁, 𑀬𑁄,𑀢𑀺, 𑀅𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀲𑀤𑁆𑀤𑀧𑀤𑀢𑁆𑀣𑀓𑀧𑀤𑀸𑀦𑀺 𑀦𑀸𑀫 𑀭𑀸𑀚𑀲𑁆𑀲, 𑀲𑀔𑀲𑁆𑀲, 𑀧𑀼𑀫𑀲𑁆𑀲 𑀇𑀘𑁆𑀘𑀸𑀤𑀻𑀦𑀺. 𑀏𑀢𑁆𑀣 𑀘 𑀭𑀸𑀚𑀲𑁆𑀲𑀇𑀘𑁆𑀘𑀸𑀤𑀻𑀦𑀺 𑀲𑀤𑁆𑀤𑀲𑀼𑀢𑁆𑀢𑁂 𑀲𑀤𑁆𑀤𑀧𑀤𑀢𑁆𑀣𑀓𑀸𑀦𑀺 𑀳𑁄𑀦𑁆𑀢𑀺, 𑀧𑀬𑁄𑀕𑁂 𑀅𑀢𑁆𑀣𑀧𑀤𑀢𑁆𑀣𑀓𑀸𑀦𑀺. 𑀥𑀸𑀢𑀼𑀧𑀘𑁆𑀘𑀬𑀯𑀺𑀪𑀢𑁆𑀢𑀺𑀧𑀤𑀸𑀦𑀺 𑀧𑀦 𑀦𑀺𑀘𑁆𑀘𑀁 𑀲𑀤𑁆𑀤𑀧𑀤𑀢𑁆𑀣𑀓𑀸𑀦𑀺 𑀏𑀯 𑀳𑁄𑀦𑁆𑀢𑀺, 𑀲𑀤𑁆𑀤𑀲𑀼𑀢𑁆𑀢𑁂𑀲𑁆𑀯𑁂𑀯 𑀘 𑀮𑀩𑁆𑀪𑀦𑁆𑀢𑀺, 𑀦 𑀧𑀬𑁄𑀕𑁂𑀢𑀺, 𑀇𑀤𑀁 𑀤𑁆𑀯𑀺𑀦𑁆𑀦𑀁 𑀦𑀸𑀦𑀢𑁆𑀢𑀁.

𑀬𑀤𑀺𑀏𑀯𑀁 𑀪𑀼𑀲𑁆𑀲, 𑀩𑁆𑀭𑀼𑀲𑁆𑀲, 𑀪𑀽𑀢𑁄, 𑀳𑀽𑀢𑁄, 𑀡𑁂, 𑀢𑀩𑁆𑀩𑁂, 𑀲𑀺𑀫𑁆𑀳𑀺, 𑀢𑀺𑀫𑁆𑀳𑀺 𑀇𑀘𑁆𑀘𑀸𑀤𑀺𑀦𑀸 𑀢𑁂𑀳𑀺 𑀓𑀣𑀁 𑀯𑀺𑀪𑀢𑁆𑀢𑀼𑀧𑁆𑀧𑀢𑁆𑀢𑀺 𑀳𑁄𑀢𑀻𑀢𑀺? 𑀅𑀦𑀼𑀓𑀭𑀡𑀧𑀤𑀸𑀦𑀺 𑀦𑀸𑀫 𑀢𑀸𑀦𑀺 𑀅𑀢𑁆𑀣𑀺𑀲𑁆𑀲, 𑀓𑀭𑁄𑀢𑀺𑀲𑁆𑀲 𑀇𑀘𑁆𑀘𑀸𑀤𑀻𑀦𑀺 𑀯𑀺𑀬, 𑀢𑀲𑁆𑀫𑀸 𑀢𑀸𑀦𑀺 𑀘 𑀭𑀸𑀚𑀲𑁆𑀲 𑀇𑀘𑁆𑀘𑀸𑀤𑀻𑀦𑀺 𑀘 𑀅𑀦𑀼𑀓𑀭𑀡𑀮𑀺𑀗𑁆𑀕𑀪𑀸𑀯𑁂𑀦 𑀏𑀢𑁆𑀣 𑀲𑀗𑁆𑀕𑀬𑁆𑀳𑀦𑁆𑀢𑀺, 𑀦 𑀏𑀓𑀦𑁆𑀢𑀮𑀺𑀗𑁆𑀕𑀪𑀸𑀯𑁂𑀦𑀸𑀢𑀺. 𑀏𑀯𑀜𑁆𑀘 𑀓𑀢𑁆𑀯𑀸 ‘𑀥𑀸𑀢𑀼- 𑀧𑀘𑁆𑀘𑀬 ¶ , 𑀯𑀺𑀪𑀢𑁆𑀢𑀺𑀯𑀚𑁆𑀚𑀺𑀢𑀫𑀢𑁆𑀣𑀯𑀁 𑀮𑀺𑀗𑁆𑀕’𑀦𑁆𑀢𑀺 𑀅𑀯𑁄𑀘𑀼𑀁. 𑀢𑀢𑁆𑀣 𑀅𑀢𑁆𑀣𑀯𑀦𑁆𑀢𑀺 𑀅𑀢𑁆𑀣𑀧𑀤𑀢𑁆𑀣𑀓𑀁 𑀯𑀼𑀘𑁆𑀘𑀢𑀺, 𑀭𑀸𑀚𑀲𑁆𑀲𑀇𑀘𑁆𑀘𑀸𑀤𑀺𑀓𑀁 𑀲𑀤𑁆𑀤𑀧𑀤𑀢𑁆𑀣𑀓𑀁 𑀯𑀺𑀯𑀚𑁆𑀚𑁂𑀢𑀺, 𑀏𑀢𑁂𑀦 𑀅𑀢𑁆𑀣𑀧𑀤𑀢𑁆𑀣𑀓𑁂 𑀲𑀢𑀺 𑀢𑀤𑁆𑀥𑀺𑀢, 𑀲𑀫𑀸𑀲, 𑀓𑀺𑀢𑀓𑀧𑀤𑀸𑀦𑀫𑁆𑀧𑀺 𑀏𑀓𑀦𑁆𑀢𑀮𑀺𑀗𑁆𑀕𑀪𑀸𑀯𑀁 𑀲𑀸𑀥𑁂𑀦𑁆𑀢𑀺. 𑀦 𑀳𑀺 𑀢𑁂𑀲𑀁 𑀮𑀺𑀗𑁆𑀕𑀦𑀸𑀫𑀩𑁆𑀬𑀧𑀤𑁂𑀲𑀓𑀺𑀘𑁆𑀘𑀁 𑀅𑀢𑁆𑀣𑀺, 𑀬𑀸𑀦𑀺 𑀘 𑀦𑀸𑀫𑀲𑁆𑀲 𑀯𑀺𑀲𑁂𑀲𑀦𑀸𑀦𑀺 𑀪𑀯𑀺𑀢𑀼𑀁 𑀅𑀭𑀳𑀦𑁆𑀢𑀺, 𑀢𑀸𑀦𑀺 𑀉𑀧𑀲𑀕𑁆𑀕, 𑀦𑀺𑀧𑀸𑀢𑀧𑀤𑀸𑀦𑀺 𑀢𑁆𑀯𑀸𑀦𑁆𑀢𑀸𑀤𑀺𑀧𑀤𑀸𑀦𑀺 𑀘 𑀇𑀥 𑀯𑀺𑀲𑁂𑀲𑀦𑀦𑀸𑀫𑀪𑀸𑀯𑁂𑀦 𑀲𑀗𑁆𑀕𑀬𑁆𑀳𑀦𑁆𑀢𑀻𑀢𑀺.

𑁬𑁧. 𑀤𑁆𑀯𑁂 𑀤𑁆𑀯𑁂𑀓𑀸𑀦𑁂𑀓𑁂𑀲𑀼 𑀦𑀸𑀫𑀲𑁆𑀫𑀸 𑀲𑀺 𑀬𑁄 𑀅𑀁𑀬𑁄 𑀦𑀸 𑀳𑀺 𑀲 𑀦𑀁 𑀲𑁆𑀫𑀸𑀳𑀺 𑀲𑀦𑀁𑀲𑁆𑀫𑀺𑀁𑀲𑀼 [𑀓. 𑁫𑁫; 𑀭𑀽. 𑁬𑁩; 𑀦𑀻. 𑁨𑁦𑁦].

𑀏𑀓𑀲𑁆𑀫𑀺𑀁 𑀅𑀢𑁆𑀣𑁂 𑀘 𑀅𑀦𑁂𑀓𑁂𑀲𑀼 𑀅𑀢𑁆𑀣𑁂𑀲𑀼 𑀘 𑀧𑀯𑀢𑁆𑀢𑀸 𑀦𑀸𑀫𑀲𑁆𑀫𑀸 𑀤𑁆𑀯𑁂 𑀤𑁆𑀯𑁂 𑀲𑀺, 𑀬𑁄…𑀧𑁂… 𑀲𑁆𑀫𑀺𑀁, 𑀲𑀼𑀯𑀺𑀪𑀢𑁆𑀢𑀺𑀬𑁄 𑀳𑁄𑀦𑁆𑀢𑀺.

𑀯𑀺𑀪𑀚𑀦𑁆𑀢𑀻𑀢𑀺 𑀯𑀺𑀪𑀢𑁆𑀢𑀺𑀬𑁄, 𑀏𑀓𑀫𑁂𑀓𑀁 𑀧𑀓𑀢𑀺𑀦𑀸𑀫𑀧𑀤𑀁 𑀦𑀸𑀦𑀸𑀭𑀽𑀧𑀯𑀺𑀪𑀸𑀕𑀯𑀲𑁂𑀦 𑀓𑀢𑁆𑀢𑀼, 𑀓𑀫𑁆𑀫𑀸𑀤𑀺𑀦𑀸𑀦𑀸𑀅𑀢𑁆𑀣𑀯𑀺𑀪𑀸𑀕𑀯𑀲𑁂𑀦 𑀏𑀓𑀢𑁆𑀢, 𑀩𑀳𑀼𑀢𑁆𑀢𑀲𑀗𑁆𑀔𑁆𑀬𑀸𑀯𑀺𑀪𑀸𑀕𑀯𑀲𑁂𑀦 𑀘 𑀯𑀺𑀪𑀚𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀲𑀺, 𑀮𑁄 𑀇𑀢𑀺 𑀧𑀞𑀫𑀸 𑀦𑀸𑀫…𑀧𑁂… 𑀲𑁆𑀫𑀺𑀁, 𑀲𑀼 𑀇𑀢𑀺 𑀲𑀢𑁆𑀢𑀫𑀻 𑀦𑀸𑀫. 𑀤𑁆𑀯𑀻𑀲𑀼 𑀤𑁆𑀯𑀻𑀲𑀼 𑀧𑀼𑀩𑁆𑀩𑀁 𑀧𑀼𑀩𑁆𑀩𑀁 ‘𑀏𑀓𑀲𑁆𑀫𑀺𑀁 𑀅𑀢𑁆𑀣𑁂 𑀧𑀯𑀢𑁆𑀢𑀁 𑀯𑀘𑀦’𑀦𑁆𑀢𑀺 𑀏𑀓𑀯𑀘𑀦𑀁 𑀦𑀸𑀫. 𑀧𑀭𑀁 𑀧𑀭𑀁 ‘𑀅𑀦𑁂𑀓𑁂𑀲𑀼 𑀅𑀢𑁆𑀣𑁂𑀲𑀼 𑀧𑀯𑀢𑁆𑀢𑀁 𑀯𑀘𑀦’𑀦𑁆𑀢𑀺 𑀅𑀦𑁂𑀓𑀯𑀘𑀦𑀁 𑀦𑀸𑀫. 𑀩𑀳𑀼𑀯𑀘𑀦𑀦𑁆𑀢𑀺 𑀘 𑀧𑀼𑀣𑀼𑀯𑀘𑀦𑀦𑁆𑀢𑀺 𑀘 𑀏𑀢𑀲𑁆𑀲 𑀦𑀸𑀫𑀁. 𑀲𑀩𑁆𑀩𑀫𑀺𑀤𑀁 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀲𑀺𑀤𑁆𑀥𑀁.

𑁬𑁨. 𑀧𑀞𑀫𑀸𑀢𑁆𑀣𑀫𑀢𑁆𑀢𑁂 [𑀓. 𑁨𑁮𑁪; 𑀭𑀽. 𑁬𑁫; 𑀦𑀻. 𑁫𑁭𑁭; 𑀘𑀁. 𑁨.𑁧.𑁯𑁩; 𑀧𑀸. 𑁨.𑁩.𑁪𑁬].

𑀓𑀢𑁆𑀢𑀼, 𑀓𑀫𑁆𑀫𑀸𑀤𑀺𑀓𑀁 𑀩𑀸𑀳𑀺𑀭𑀢𑁆𑀣𑀁 𑀅𑀦𑀧𑁂𑀓𑁆𑀔𑀺𑀢𑁆𑀯𑀸 𑀮𑀺𑀗𑁆𑀕𑀢𑁆𑀣𑀫𑀢𑁆𑀢𑁂 𑀧𑀯𑀢𑁆𑀢𑀸 𑀦𑀸𑀫𑀲𑁆𑀫𑀸 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀅𑀬𑀁 𑀫𑀫 𑀧𑀼𑀭𑀺𑀲𑁄, 𑀇𑀫𑁂 𑀫𑀫 𑀧𑀼𑀭𑀺𑀲𑀸.

𑁬𑁩. 𑀆𑀫𑀦𑁆𑀢𑀦𑁂 [𑀓. 𑁨𑁮𑁫; 𑀭𑀽. 𑁭𑁦; 𑀦𑀻. 𑁫𑁭𑁮; 𑀘𑀁. 𑁨.𑁧.𑁯𑁪; 𑀧𑀸. 𑁨.𑁩.𑁪𑁭].

𑀆𑀫𑀦𑁆𑀢𑀦𑀁 ¶ 𑀯𑀼𑀘𑁆𑀘𑀢𑀺 𑀆𑀮𑀧𑀦𑀁. 𑀆𑀫𑀦𑁆𑀢𑀦𑀯𑀺𑀲𑀬𑁂 𑀮𑀺𑀗𑁆𑀕𑀢𑁆𑀣𑀫𑀢𑁆𑀢𑁂 𑀧𑀯𑀢𑁆𑀢𑀸 𑀦𑀸𑀫𑀲𑁆𑀫𑀸 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀪𑁄 𑀧𑀼𑀭𑀺𑀲, 𑀪𑁄𑀦𑁆𑀢𑁄 𑀧𑀼𑀭𑀺𑀲𑀸.

𑁬𑁪. 𑀓𑀫𑁆𑀫𑁂 𑀤𑀼𑀢𑀺𑀬𑀸 [𑀓. 𑁨𑁯𑁭; 𑀭𑀽. 𑁭𑁬, 𑁨𑁮𑁪; 𑀦𑀻. 𑁫𑁮𑁦; 𑀘𑀁. 𑁨.𑁧.𑁪𑁩; 𑀧𑀸. 𑁧.𑁪.𑁪𑁯-𑁫𑁧].

𑀦𑀸𑀫𑀲𑁆𑀫𑀸 𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑀁 𑀧𑀲𑁆𑀲𑀢𑀺, 𑀧𑀼𑀭𑀺𑀲𑁂 𑀧𑀲𑁆𑀲𑀦𑁆𑀢𑀺.

𑁬𑁫. 𑀓𑀢𑁆𑀢𑀼𑀓𑀭𑀡𑁂𑀲𑀼 𑀢𑀢𑀺𑀬𑀸 [𑀓. 𑁨𑁮𑁬, 𑁨𑁮𑁮; 𑀭𑀽. 𑁮𑁩; 𑀦𑀻. 𑁫𑁯𑁧, 𑁫𑁯𑁪; 𑀘𑀁. 𑁨.𑁧.𑁬𑁨, 𑁬𑁩; 𑀧𑀸. 𑁨.𑁩.𑁧𑁮].

𑀦𑀸𑀫𑀲𑁆𑀫𑀸 𑀓𑀢𑁆𑀢𑀭𑀺 𑀘 𑀓𑀭𑀡𑁂 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑁂𑀦 𑀓𑀢𑀁, 𑀧𑀼𑀭𑀺𑀲𑁂𑀳𑀺 𑀓𑀢𑀁, 𑀧𑀼𑀭𑀺𑀲𑁂𑀦 𑀓𑀼𑀮𑀁 𑀲𑁄𑀪𑀢𑀺, 𑀧𑀼𑀭𑀺𑀲𑁂𑀳𑀺 𑀓𑀼𑀮𑀁 𑀲𑁄𑀪𑀢𑀺.

𑁬𑁬. 𑀘𑀢𑀼𑀢𑁆𑀣𑀻 𑀲𑀫𑁆𑀧𑀤𑀸𑀦𑁂 [𑀓. 𑁨𑁯𑁩; 𑀭𑀽 𑁮𑁫, 𑁩𑁦𑁧; 𑀦𑀻. 𑁬𑁦𑁫; 𑀘𑀁. 𑁨.𑁧.𑁭𑁩; 𑀧𑀸. 𑁨.𑁩.𑁧𑁩].

𑀦𑀸𑀫𑀲𑁆𑀫𑀸 𑀲𑀫𑁆𑀧𑀤𑀸𑀦𑀢𑁆𑀣𑁂 𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑀲𑁆𑀲 𑀤𑁂𑀢𑀺, 𑀧𑀼𑀭𑀺𑀲𑀸𑀦𑀁 𑀤𑁂𑀢𑀺.

𑁬𑁭. 𑀧𑀜𑁆𑀘𑀫𑁆𑀬𑀸𑀯𑀥𑀺𑀲𑁆𑀫𑀺𑀁 [𑀓. 𑁨𑁯𑁫; 𑀭𑀽. 𑁮𑁯, 𑁩𑁦𑁭; 𑀦𑀻. 𑁬𑁦𑁭 𑀘𑀁. 𑁨.𑁧.𑁮𑁧; 𑀧𑀸. 𑁨.𑁩.𑁨𑁮; 𑁧.𑁪.𑁨𑁪 𑀧𑀜𑁆𑀘𑀫𑁆𑀬𑀯𑀥𑀺𑀲𑁆𑀫𑀸 (𑀩𑀳𑀽𑀲𑀼)].

𑀅𑀯𑀥𑀺 𑀯𑀼𑀘𑁆𑀘𑀢𑀺 𑀅𑀧𑀸𑀤𑀸𑀦𑀁. 𑀦𑀸𑀫𑀲𑁆𑀫𑀸 𑀅𑀯𑀥𑀺𑀅𑀢𑁆𑀣𑁂 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑀲𑁆𑀫𑀸 𑀅𑀧𑁂𑀢𑀺, 𑀧𑀼𑀭𑀺𑀲𑁂𑀳𑀺 𑀅𑀧𑁂𑀢𑀺.

𑁬𑁮. 𑀙𑀝𑁆𑀞𑀻 ¶ 𑀲𑀫𑁆𑀩𑀦𑁆𑀥𑁂 [𑀓. 𑁩𑁦; 𑀭𑀽. 𑁯𑁨, 𑁩𑁧𑁫; 𑀦𑀻. 𑁬𑁦𑁯; 𑀘𑀁. 𑁨.𑁧.𑁯𑁫; 𑀧𑀸. 𑁨.𑁩.𑁫𑁦].

𑀦𑀸𑀫𑀲𑁆𑀫𑀸 𑀲𑀫𑁆𑀩𑀦𑁆𑀥𑀢𑁆𑀣𑁂 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑀲𑁆𑀲 𑀥𑀦𑀁, 𑀧𑀼𑀭𑀺𑀲𑀸𑀦𑀁 𑀥𑀦𑀁.

𑁬𑁯. 𑀲𑀢𑁆𑀢𑀫𑁆𑀬𑀸𑀥𑀸𑀭𑁂 [𑀓. 𑁩𑁧𑁨; 𑀭𑀽. 𑁯𑁪, 𑁩𑁧𑁯; 𑀦𑀻. 𑁬𑁩𑁦; 𑀘𑀁. 𑁨.𑁧.𑁮𑁮; 𑀧𑀸. 𑁨.𑁩.𑁩𑁬; 𑁧.𑁩.𑁪𑁫].

𑀦𑀸𑀫𑀲𑁆𑀫𑀸 𑀆𑀥𑀸𑀭𑀢𑁆𑀣𑁂 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀧𑀼𑀭𑀺𑀲𑀲𑁆𑀫𑀺𑀁 𑀢𑀺𑀝𑁆𑀞𑀢𑀺, 𑀧𑀼𑀭𑀺𑀲𑁂𑀲𑀼 𑀢𑀺𑀝𑁆𑀞𑀢𑀺.

𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀇𑀢𑁆𑀣𑀺𑀧𑀘𑁆𑀘𑀬𑀭𑀸𑀲𑀺

𑁭𑁦. 𑀇𑀢𑁆𑀣𑀺𑀬𑀫𑀢𑁆𑀯𑀸 [𑀓. 𑁨𑁩𑁭; 𑀭𑀽. 𑁧𑁭𑁬; 𑀦𑀻. 𑁪𑁬𑁬; 𑀘𑀁. 𑁨.𑁩.𑁧𑁫; 𑀧𑀸. 𑁪.𑁧.𑁪].

𑀇𑀢𑁆𑀣𑀺𑀬𑀁+𑀅𑀢𑁄+𑀆𑀢𑀺 𑀙𑁂𑀤𑁄. 𑀅𑀓𑀸𑀭𑀦𑁆𑀢𑀦𑀸𑀫𑀫𑁆𑀳𑀸 𑀇𑀢𑁆𑀣𑀺𑀬𑀁 𑀆𑀧𑀘𑁆𑀘𑀬𑁄 𑀳𑁄𑀢𑀺.

𑀅𑀪𑀸𑀲𑀺𑀢𑀧𑀼𑀫𑁂𑀳𑀺 𑀓𑁂𑀳𑀺𑀘𑀺 𑀲𑀜𑁆𑀜𑀸𑀲𑀤𑁆𑀤𑁂𑀳𑀺 𑀦𑀺𑀘𑁆𑀘𑀁 𑁋

𑀓𑀜𑁆𑀜𑀸, 𑀧𑀜𑁆𑀜𑀸, 𑀲𑀜𑁆𑀜𑀸, 𑀦𑀸𑀯𑀸, 𑀲𑀸𑀮𑀸, 𑀢𑀡𑁆𑀳𑀸, 𑀇𑀘𑁆𑀙𑀸, 𑀪𑀺𑀓𑁆𑀔𑀸, 𑀲𑀺𑀓𑁆𑀔𑀸, 𑀕𑀻𑀯𑀸, 𑀚𑀺𑀯𑁆𑀳𑀸, 𑀯𑀻𑀲𑀸, 𑀢𑀺𑀁𑀲𑀸, 𑀘𑀢𑁆𑀢𑀸𑀮𑀻𑀲𑀸, 𑀧𑀜𑁆𑀜𑀸𑀲𑀸 𑀇𑀘𑁆𑀘𑀸𑀤𑀺.

𑀪𑀸𑀲𑀺𑀢𑀧𑀼𑀫𑁂𑀳𑀺𑀧𑀺 𑀲𑀩𑁆𑀩𑀦𑀸𑀫𑁂𑀳𑀺 𑀢𑀩𑁆𑀩𑀸, 𑀦𑀻𑀬, 𑀢𑀧𑀘𑁆𑀘𑀬𑀦𑁆𑀢𑁂𑀳𑀺 𑀘 𑀦𑀺𑀘𑁆𑀘𑀁 𑁋

𑀲𑀩𑁆𑀩𑀸, 𑀓𑀢𑀭𑀸, 𑀓𑀢𑀫𑀸, 𑀅𑀦𑀼𑀪𑀯𑀺𑀢𑀩𑁆𑀩𑀸, 𑀅𑀦𑀼𑀪𑀯𑀦𑀻𑀬𑀸, 𑀕𑀢𑀸, 𑀚𑀸𑀢𑀸, 𑀪𑀽𑀢𑀸, 𑀳𑀽𑀢𑀸 𑀇𑀘𑁆𑀘𑀸𑀤𑀺.

𑀅𑀜𑁆𑀜𑁂𑀳𑀺 ¶ 𑀧𑀦 𑀅𑀦𑀺𑀘𑁆𑀘𑀁 𑁋

𑀓𑀮𑁆𑀬𑀸𑀡𑀸, 𑀓𑀮𑁆𑀬𑀸𑀡𑀻, 𑀲𑀼𑀦𑁆𑀤𑀭𑀸, 𑀲𑀼𑀦𑁆𑀤𑀭𑀻, 𑀲𑁄𑀪𑀡𑀸, 𑀲𑁄𑀪𑀡𑀻, 𑀓𑀼𑀫𑁆𑀪𑀓𑀸𑀭𑀸, 𑀓𑀼𑀫𑁆𑀪𑀓𑀸𑀭𑀻, 𑀓𑀼𑀫𑁆𑀪𑀓𑀸𑀭𑀺𑀦𑀻, 𑀅𑀢𑁆𑀣𑀓𑀸𑀫𑀸, 𑀅𑀢𑁆𑀣𑀓𑀸𑀫𑀻, 𑀅𑀢𑁆𑀣𑀓𑀸𑀫𑀺𑀦𑀻, 𑀧𑀭𑀺𑀩𑁆𑀩𑀸𑀚𑀺𑀓𑀸, 𑀧𑀭𑀺𑀩𑁆𑀩𑀸𑀚𑀺𑀓𑀺𑀦𑀻, 𑀏𑀓𑀸𑀓𑀸, 𑀏𑀓𑀸𑀓𑀺𑀦𑀻, 𑀤𑀻𑀧𑀦𑀸, 𑀤𑀻𑀧𑀦𑀻 𑀇𑀘𑁆𑀘𑀸𑀤𑀺.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀲𑀫𑀸𑀲𑁂 𑀫𑀸𑀢𑀼, 𑀥𑀻𑀢𑀼 𑀇𑀘𑁆𑀘𑀸𑀤𑀻𑀳𑀺 𑀆𑀧𑀘𑁆𑀘𑀬𑁄 𑀳𑁄𑀢𑀺. 𑀦𑀦𑁆𑀤𑀫𑀸𑀢𑀸, 𑀉𑀢𑁆𑀢𑀭𑀫𑀸𑀢𑀸, 𑀤𑁂𑀯𑀥𑀻𑀢𑀸, 𑀭𑀸𑀚𑀥𑀻𑀢𑀸, 𑀅𑀲𑁆𑀲𑀫𑀡𑀻 𑀳𑁄𑀢𑀺 𑀅𑀲𑀓𑁆𑀬𑀥𑀻𑀢𑀭𑀸 𑀇𑀘𑁆𑀘𑀸𑀤𑀺.

𑀏𑀢𑁆𑀣 𑀘 ‘𑀇𑀢𑁆𑀣𑀺𑀬’𑀦𑁆𑀢𑀺 𑀓𑀢𑁆𑀣𑀘𑀺 𑀲𑀤𑁆𑀤𑀫𑀢𑁆𑀢𑀲𑁆𑀲 𑀯𑀸, 𑀓𑀢𑁆𑀣𑀘𑀺 𑀅𑀢𑁆𑀣𑀫𑀢𑁆𑀢𑀲𑁆𑀲 𑀯𑀸 𑀇𑀢𑁆𑀣𑀺𑀪𑀸𑀯𑁂 𑀚𑁄𑀢𑁂𑀢𑀩𑁆𑀩𑁂𑀢𑀺 𑀅𑀢𑁆𑀣𑁄. 𑀏𑀯𑀜𑁆𑀘 𑀲𑀢𑀺 𑀇𑀢𑁆𑀣𑀺𑀧𑀘𑁆𑀘𑀬𑀸𑀧𑀺 𑀲𑁆𑀬𑀸𑀤𑀬𑁄 𑀯𑀺𑀬 𑀚𑁄𑀢𑀓𑀫𑀢𑁆𑀢𑀸 𑀏𑀯 𑀳𑁄𑀦𑁆𑀢𑀺, 𑀦 𑀯𑀸𑀘𑀓𑀸𑀢𑀺 𑀲𑀺𑀤𑁆𑀥𑀁 𑀳𑁄𑀢𑀺.

𑁭𑁧. 𑀦𑀤𑀸𑀤𑀻𑀳𑀺 𑀗𑀻 [𑀓. 𑁨𑁩𑁮; 𑀭𑀽. 𑁧𑁮𑁭; 𑀦𑀻. 𑁪𑁬𑁭; 𑀦𑀤𑀸𑀤𑀺𑀢𑁄 𑀯𑀻 (𑀩𑀳𑀽𑀲𑀼)].

𑀦𑀤𑀸𑀤𑀻𑀳𑀺 𑀇𑀢𑁆𑀣𑀺𑀬𑀁 𑀗𑀻 𑀳𑁄𑀢𑀺. 𑀗𑀸𑀦𑀼𑀩𑀦𑁆𑀥𑁄 ‘𑀦𑁆𑀢𑀦𑁆𑀢𑀽𑀦𑀁 𑀗𑀻𑀫𑁆𑀳𑀺 𑀢𑁄 𑀯𑀸’𑀢𑀺 𑀏𑀢𑁆𑀣 𑀯𑀺𑀲𑁂𑀲𑀦𑀢𑁆𑀣𑁄.

𑀦𑀤𑀻, 𑀫𑀳𑀻, 𑀇𑀢𑁆𑀣𑀻, 𑀓𑀼𑀫𑀸𑀭𑀻, 𑀢𑀭𑀼𑀡𑀻, 𑀯𑀸𑀲𑁂𑀝𑁆𑀞𑀻, 𑀕𑁄𑀢𑀫𑀻, 𑀓𑀘𑁆𑀘𑀸𑀦𑀻, 𑀓𑀘𑁆𑀘𑀸𑀬𑀦𑀻, 𑀫𑀸𑀡𑀯𑀻, 𑀲𑀸𑀫𑀡𑁂𑀭𑀻, 𑀦𑀸𑀯𑀺𑀓𑀻, 𑀧𑀜𑁆𑀘𑀫𑀻, 𑀙𑀝𑁆𑀞𑀻, 𑀘𑀢𑀼𑀤𑁆𑀤𑀲𑀻, 𑀧𑀜𑁆𑀘𑀤𑀲𑀻, 𑀲𑀳𑀲𑁆𑀲𑀻, 𑀤𑀲𑀲𑀳𑀲𑁆𑀲𑀻, 𑀲𑀢𑀲𑀳𑀲𑁆𑀲𑀻, 𑀓𑀼𑀫𑁆𑀪𑀓𑀸𑀭𑀻, 𑀫𑀸𑀮𑀓𑀸𑀭𑀻, 𑀘𑀓𑁆𑀔𑀼𑀓𑀭𑀡𑀻, 𑀜𑀸𑀡𑀓𑀭𑀡𑀻, 𑀥𑀫𑁆𑀫𑀤𑀻𑀧𑀦𑀻 𑀇𑀘𑁆𑀘𑀸𑀤𑀺.

𑁭𑁨. 𑀦𑁆𑀢𑀦𑁆𑀢𑀽𑀦𑀁 𑀗𑀻𑀫𑁆𑀳𑀺 𑀢𑁄 𑀯𑀸 [𑀓. 𑁨𑁩𑁯, 𑁨𑁪𑁧; 𑀭𑀽. 𑁧𑁯𑁦, 𑁧𑁯𑁧; 𑀦𑀻. 𑁪𑁬𑁮, 𑁪𑁭𑁧].

𑀦𑁆𑀢, 𑀦𑁆𑀢𑀽𑀦𑀁 𑀢𑁄 𑀳𑁄𑀢𑀺 𑀯𑀸 𑀗𑀻𑀫𑁆𑀳𑀺 𑀧𑀭𑁂.

𑀕𑀘𑁆𑀙𑀢𑀻, 𑀕𑀘𑁆𑀙𑀦𑁆𑀢𑀻, 𑀲𑀢𑀻, 𑀲𑀦𑁆𑀢𑀻, 𑀪𑀯𑀺𑀲𑁆𑀲𑀢𑀻, 𑀪𑀯𑀺𑀲𑁆𑀲𑀦𑁆𑀢𑀻, 𑀕𑀼𑀡𑀯𑀢𑀻, 𑀕𑀼𑀡𑀯𑀦𑁆𑀢𑀻, 𑀲𑀢𑀺𑀫𑀢𑀻, 𑀲𑀢𑀺𑀫𑀦𑁆𑀢𑀻, 𑀲𑀩𑁆𑀩𑀸𑀯𑀢𑀻, 𑀲𑀩𑁆𑀩𑀸𑀯𑀦𑁆𑀢𑀻, 𑀬𑀸𑀯𑀢𑀻, 𑀬𑀸𑀯𑀦𑁆𑀢𑀻, 𑀢𑀸𑀯𑀢𑀻, 𑀢𑀸𑀯𑀦𑁆𑀢𑀻, 𑀪𑀼𑀢𑁆𑀢𑀯𑀢𑀻, 𑀪𑀼𑀢𑁆𑀢𑀯𑀦𑁆𑀢𑀻.

𑁭𑁩. 𑀕𑁄𑀢𑁄 𑀯𑀸 [𑀓. 𑁨𑁩𑁮; 𑀭𑀽. 𑁧𑁮𑁭; 𑀦𑀻. 𑁪𑁬𑁭].

𑀕𑁄𑀲𑀤𑁆𑀤𑀫𑁆𑀳𑀸 ¶ 𑀇𑀢𑁆𑀣𑀺𑀬𑀁 𑀯𑀻 𑀳𑁄𑀢𑀺 𑀯𑀸.

𑀕𑀸𑀯𑀻.

𑀯𑀸𑀢𑀺 𑀓𑀺𑀁? 𑀕𑁄𑀓𑀸𑀡𑀸 𑀧𑀭𑀺𑀬𑀦𑁆𑀢𑀘𑀸𑀭𑀺𑀦𑀻𑀢𑀺 𑀧𑀸𑀴𑀺. 𑀢𑀢𑁆𑀣 𑀓𑀸𑀡𑀸𑀢𑀺 𑀅𑀦𑁆𑀥𑀸.

𑁭𑁪. 𑀬𑀓𑁆𑀔𑀸𑀤𑀻𑀳𑀺𑀦𑀻 𑀘 [𑀓. 𑁨𑁩𑁮, 𑁨𑁪𑁦; 𑀭𑀽. 𑁨𑁮𑁭, 𑁧𑁯𑁩; 𑀦𑀻. 𑁪𑁬𑁭, 𑁪𑁬𑁯; 𑀬𑀓𑁆𑀔𑀸𑀤𑀺𑀢𑁆𑀯𑀺𑀦𑀻 𑀘 (𑀩𑀳𑀽𑀲𑀼)].

𑀬𑀓𑁆𑀔𑀸𑀤𑀻𑀳𑀺 𑀅𑀓𑀸𑀭𑀦𑁆𑀢𑁂𑀳𑀺 𑀇𑀢𑁆𑀣𑀺𑀬𑀁 𑀯𑀻 𑀘 𑀳𑁄𑀢𑀺 𑀇𑀦𑀻 𑀘.

𑀬𑀓𑁆𑀔𑀻, 𑀬𑀓𑁆𑀔𑀺𑀦𑀻, 𑀦𑀸𑀕𑀻, 𑀦𑀸𑀕𑀺𑀦𑀻, 𑀫𑀳𑀺𑀁𑀲𑀻, 𑀫𑀳𑀺𑀁𑀲𑀺𑀦𑀻, 𑀫𑀺𑀕𑀻, 𑀫𑀺𑀕𑀺𑀦𑀻, 𑀲𑀻𑀳𑀻, 𑀲𑀻𑀳𑀺𑀦𑀻, 𑀤𑀻𑀧𑀻, 𑀤𑀻𑀧𑀺𑀦𑀻, 𑀩𑁆𑀬𑀕𑁆𑀖𑀻, 𑀩𑁆𑀬𑀕𑁆𑀖𑀺𑀦𑀻, 𑀓𑀸𑀓𑀻, 𑀓𑀸𑀓𑀺𑀦𑀻, 𑀓𑀧𑁄𑀢𑀻, 𑀓𑀧𑁄𑀢𑀺𑀦𑀻, 𑀫𑀸𑀦𑀼𑀲𑀻, 𑀫𑀸𑀦𑀼𑀲𑀺𑀦𑀻 𑀇𑀘𑁆𑀘𑀸𑀤𑀺.

𑁭𑁫. 𑀆𑀭𑀸𑀫𑀺𑀓𑀸𑀤𑀻𑀳𑀺 [𑀓. 𑁨𑁪𑁦; 𑀭𑀽. 𑁧𑁯𑁩; 𑀦𑀻. 𑁪𑁬𑁯].

𑀆𑀭𑀸𑀫𑀺𑀓𑀸𑀤𑀻𑀳𑀺 𑀅𑀓𑀸𑀭𑀦𑁆𑀢𑁂𑀳𑀺 𑀇𑀢𑁆𑀣𑀺𑀬𑀁 𑀇𑀦𑀻 𑀳𑁄𑀢𑀺.

𑀆𑀭𑀸𑀫𑀺𑀓𑀺𑀦𑀻, 𑀅𑀦𑁆𑀢𑀭𑀸𑀬𑀺𑀓𑀺𑀦𑀻, 𑀦𑀸𑀯𑀺𑀓𑀺𑀦𑀻, 𑀑𑀮𑀼𑀫𑁆𑀩𑀺𑀓𑀺𑀦𑀻, 𑀧𑀁𑀲𑀼𑀓𑀽𑀮𑀺𑀓𑀺𑀦𑀻, 𑀧𑀭𑀺𑀩𑁆𑀩𑀸𑀚𑀺𑀓𑀺𑀦𑀻, 𑀭𑀸𑀚𑀺𑀦𑀻, 𑀏𑀓𑀸𑀓𑀺𑀦𑀻 𑀇𑀘𑁆𑀘𑀸𑀤𑀺.

𑀲𑀜𑁆𑀜𑀸𑀬𑀁 𑁋

𑀫𑀸𑀦𑀼𑀲𑀺𑀦𑀻 𑀫𑀸𑀦𑀼𑀲𑀸 𑀯𑀸, 𑀅𑀜𑁆𑀜𑀢𑁆𑀭 𑀫𑀸𑀦𑀼𑀲𑀻 𑀲𑀫𑁆𑀧𑀢𑁆𑀢𑀺.

𑁭𑁬. 𑀖𑀭𑀡𑁆𑀬𑀸𑀤𑀬𑁄 [𑀓. 𑁨𑁪𑁦; 𑀭𑀽. 𑁧𑁯𑁩; 𑀦𑀻. 𑁪𑁬𑁯].

𑀖𑀭𑀡𑀻𑀇𑀘𑁆𑀘𑀸𑀤𑀬𑁄 𑀇𑀢𑁆𑀣𑀺𑀬𑀁 𑀦𑀻𑀧𑀘𑁆𑀘𑀬𑀦𑁆𑀢𑀸 𑀲𑀺𑀚𑁆𑀛𑀦𑁆𑀢𑀺.

𑀖𑀭𑀡𑀻, 𑀯𑁂𑀢𑁆𑀭𑀡𑀻, 𑀧𑁄𑀓𑁆𑀔𑀭𑀡𑀻-𑀏𑀲𑀼 𑀦𑀲𑁆𑀲 𑀡𑀢𑁆𑀢𑀁. 𑀆𑀘𑀭𑀺𑀦𑀻𑀬𑀮𑁄𑀧𑁄, 𑀆𑀘𑀭𑀺𑀬𑀸 𑀯𑀸.

𑁭𑁭. 𑀫𑀸𑀢𑀼𑀮𑀸𑀤𑀺𑀢𑁆𑀯𑀸𑀦𑀻 ¶ 𑀪𑀭𑀺𑀬𑀸𑀬𑀁 [𑀓. 𑁯𑁮; 𑀭𑀽. 𑁧𑁮𑁯; 𑀦𑀻. 𑁨𑁬𑁧].

𑀫𑀸𑀢𑀼𑀮𑀸𑀤𑀻𑀳𑀺 𑀅𑀓𑀸𑀭𑀦𑁆𑀢𑁂𑀳𑀺 𑀪𑀭𑀺𑀬𑀸𑀬𑀁 𑀆𑀦𑀻 𑀳𑁄𑀢𑀺.

𑀫𑀸𑀢𑀼𑀪𑀸𑀢𑀸 𑀫𑀸𑀢𑀼𑀮𑁄, 𑀢𑀲𑁆𑀲 𑀪𑀭𑀺𑀬𑀸 𑀫𑀸𑀢𑀼𑀮𑀸𑀦𑀻, 𑀏𑀯𑀁 𑀯𑀭𑀼𑀡𑀸𑀦𑀻, 𑀕𑀳𑀧𑀢𑀸𑀦𑀻, 𑀆𑀘𑀭𑀺𑀬𑀸𑀦𑀻, 𑀔𑀢𑁆𑀢𑀺𑀬𑀸𑀦𑀻.

‘𑀩𑀳𑀼𑀮𑀸’𑀥𑀺𑀓𑀸𑀭𑀸 𑀔𑀢𑁆𑀢𑀺𑀬𑀻 𑀔𑀢𑁆𑀢𑀺𑀬𑀸 𑀘.

𑁭𑁮. 𑀬𑀼𑀯𑀡𑁆𑀡𑁂𑀳𑀺 𑀦𑀻.

𑀇𑀯𑀡𑁆𑀡𑀦𑁆𑀢𑁂𑀳𑀺 𑀉𑀯𑀡𑁆𑀡𑀦𑁆𑀢𑁂𑀳𑀺 𑀘 𑀇𑀢𑁆𑀣𑀺𑀬𑀁 𑀦𑀻 𑀳𑁄𑀢𑀺.

𑀙𑀢𑁆𑀢𑀧𑀸𑀡𑀺𑀦𑀻, 𑀤𑀡𑁆𑀟𑀧𑀸𑀡𑀺𑀦𑀻, 𑀤𑀡𑁆𑀟𑀺𑀦𑀻, 𑀙𑀢𑁆𑀢𑀺𑀦𑀻, 𑀳𑀢𑁆𑀣𑀺𑀦𑀻, 𑀫𑀸𑀮𑀺𑀦𑀻, 𑀫𑀸𑀬𑀸𑀯𑀺𑀦𑀻, 𑀫𑁂𑀥𑀸𑀯𑀺𑀦𑀻, 𑀧𑀺𑀬𑀧𑀲𑀁𑀲𑀺𑀦𑀻, 𑀩𑁆𑀭𑀳𑁆𑀫𑀘𑀸𑀭𑀺𑀦𑀻, 𑀪𑀬𑀤𑀲𑁆𑀲𑀸𑀯𑀺𑀦𑀻, 𑀅𑀢𑁆𑀣𑀓𑀸𑀫𑀺𑀦𑀻, 𑀳𑀺𑀢𑀘𑀸𑀭𑀺𑀦𑀻, 𑀪𑀺𑀓𑁆𑀔𑀼𑀦𑀻, 𑀔𑀢𑁆𑀢𑀺𑀬𑀩𑀦𑁆𑀥𑀼𑀦𑀻, 𑀧𑀝𑀼𑀦𑀻, 𑀧𑀭𑀘𑀺𑀢𑁆𑀢𑀯𑀺𑀤𑀼𑀦𑀻, 𑀫𑀢𑁆𑀢𑀜𑁆𑀜𑀼𑀦𑀻, 𑀅𑀢𑁆𑀣𑀜𑁆𑀜𑀼𑀦𑀻, 𑀥𑀫𑁆𑀫𑀜𑁆𑀜𑀼𑀦𑀻 𑀇𑀘𑁆𑀘𑀸𑀤𑀺.

𑁭𑁯. 𑀢𑀺𑀫𑁆𑀳𑀸𑀜𑁆𑀜𑀢𑁆𑀣𑁂 [𑀓𑁆𑀢𑀺𑀫𑁆𑀳𑀸𑀜𑁆𑀜𑀢𑁆𑀣𑁂 (𑀩𑀳𑀽𑀲𑀼), 𑀫𑁄𑀕𑁆𑀕𑀮𑁆𑀮𑀸𑀦𑁂 𑁩𑁧 𑀲𑀼𑀢𑁆𑀢𑀗𑁆𑀓𑁂].

𑀅𑀜𑁆𑀜𑀧𑀤𑀢𑁆𑀣𑀲𑀫𑀸𑀲𑁂 𑀢𑀺𑀧𑀘𑁆𑀘𑀬𑀦𑁆𑀢𑀫𑁆𑀳𑀸 𑀇𑀢𑁆𑀣𑀺𑀬𑀁 𑀦𑀻 𑀳𑁄𑀢𑀺.

𑀅𑀳𑀺𑀁𑀲𑀸𑀭𑀢𑀺𑀦𑀻, 𑀥𑀫𑁆𑀫𑀭𑀢𑀺𑀦𑀻, 𑀯𑀘𑁆𑀙𑀕𑀺𑀤𑁆𑀥𑀺𑀦𑀻, 𑀧𑀼𑀢𑁆𑀢𑀕𑀺𑀤𑁆𑀥𑀺𑀦𑀻, 𑀫𑀼𑀝𑁆𑀞𑀲𑁆𑀲𑀢𑀺𑀦𑀻, 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀦𑀻, 𑀲𑀫𑁆𑀫𑀸𑀤𑀺𑀝𑁆𑀞𑀺𑀦𑀻, 𑀅𑀢𑁆𑀢𑀕𑀼𑀢𑁆𑀢𑀺𑀦𑀻 𑀇𑀘𑁆𑀘𑀸𑀤𑀺.

𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀥𑀫𑁆𑀫𑁂 𑀭𑀢𑀺 𑀥𑀫𑁆𑀫𑀭𑀢𑀺.

𑁮𑁦. 𑀬𑀼𑀯𑀸𑀢𑀺.

𑀬𑀼𑀯𑀢𑁄 𑀇𑀢𑁆𑀣𑀺𑀬𑀦𑁆𑀢𑀺 𑀳𑁄𑀢𑀺.

𑀬𑀼𑀯𑀢𑀺.

𑀏𑀢𑁆𑀣 𑀘 ‘𑀢𑀺’ 𑀇𑀢𑀺 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀯𑀻𑀲, 𑀢𑀺𑀁𑀲𑀢𑁄𑀧𑀺𑀢𑀺 𑀳𑁄𑀢𑀺 𑀯𑀸. 𑀯𑀻𑀲𑀢𑀺, 𑀯𑀻𑀲𑀁, 𑀢𑀺𑀁𑀲𑀢𑀺, 𑀢𑀺𑀁𑀲𑀁.

𑁮𑁧. 𑀉𑀧𑀫𑀸 ¶ 𑀲𑀁𑀳𑀺𑀢 𑀲𑀳𑀺𑀢 𑀲𑀜𑁆𑀜𑀢 𑀲𑀳 𑀲𑀨 𑀯𑀸𑀫𑀮𑀓𑁆𑀔𑀡𑀸𑀤𑀺𑀢𑀽𑀭𑀼𑀢𑁆𑀯𑀽 [𑀘𑀁. 𑁨.𑁩.𑁭𑁯; 𑀧𑀸. 𑁪.𑁧.𑁬𑁯, 𑁭𑁦 𑀢𑀽𑀭𑀼𑀢𑀽 (𑀩𑀳𑀽𑀲𑀼)].

𑀮𑀓𑁆𑀔𑀡𑀸𑀤𑀺𑀢𑁄+𑀊𑀭𑀼𑀢𑁄+𑀊𑀢𑀺 𑀙𑁂𑀤𑁄.

𑀅𑀜𑁆𑀜𑀧𑀤𑀢𑁆𑀣𑀲𑀫𑀸𑀲𑁂 𑀉𑀧𑀫𑀸𑀤𑀺𑀧𑀼𑀩𑁆𑀩𑀸 𑀊𑀭𑀼𑀲𑀤𑁆𑀤𑀫𑁆𑀳𑀸 𑀇𑀢𑁆𑀣𑀺𑀬𑀁 𑀊 𑀳𑁄𑀢𑀺.

𑀦𑀸𑀕𑀲𑁆𑀲 𑀦𑀸𑀲𑀸 𑀯𑀺𑀬 𑀊𑀭𑀽 𑀬𑀲𑁆𑀲𑀸𑀢𑀺 𑀦𑀸𑀕𑀦𑀸𑀲𑀽𑀭𑀽, 𑀲𑀁𑀳𑀺𑀢𑀸 𑀲𑀫𑁆𑀩𑀦𑁆𑀥𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀲𑀁𑀳𑀺𑀢𑁄𑀭𑀽, 𑀲𑀳𑀺𑀢𑀸 𑀏𑀓𑀩𑀤𑁆𑀥𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀲𑀳𑀺𑀢𑁄𑀭𑀽, 𑀲𑀜𑁆𑀜𑀢𑀸 𑀅𑀮𑁄𑀮𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀲𑀜𑁆𑀜𑀢𑁄𑀭𑀽, 𑀊𑀭𑀼𑀬𑀸 [𑀊𑀭𑀼𑀦𑀸?] 𑀲𑀳 𑀯𑀢𑁆𑀢𑀢𑀻𑀢𑀺 𑀲𑀳𑁄𑀭𑀽, 𑀲𑀨𑁄 𑀯𑀼𑀘𑁆𑀘𑀢𑀺 𑀔𑀼𑀭𑁄, 𑀲𑀁𑀲𑀺𑀮𑀺𑀝𑁆𑀞𑀢𑀸𑀬 𑀲𑀨𑀪𑀽𑀢𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀲𑀨𑁄𑀭𑀽, 𑀯𑀸𑀫𑀸 𑀲𑀼𑀦𑁆𑀤𑀭𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀯𑀸𑀫𑁄𑀭𑀽, 𑀮𑀓𑁆𑀔𑀡𑀲𑀫𑁆𑀧𑀦𑁆𑀦𑀸 𑀊𑀭𑀽 𑀬𑀲𑁆𑀲𑀸𑀢𑀺 𑀮𑀓𑁆𑀔𑀡𑁄𑀭𑀽.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀩𑁆𑀭𑀳𑁆𑀫𑀩𑀦𑁆𑀥𑀽𑀢𑀺 𑀲𑀺𑀚𑁆𑀛𑀢𑀺.

‘‘𑀲𑀘𑁂 𑀫𑀁 𑀦𑀸𑀕𑀦𑀸𑀲𑀽𑀭𑀽, 𑀑𑀮𑁄𑀓𑁂𑀬𑁆𑀬 𑀧𑀪𑀸𑀯𑀢𑀻’’𑀢𑀺 [𑀚𑀸. 𑁨.𑁨𑁦.𑁧𑁪] 𑀘 ‘‘𑀏𑀓𑀸 𑀢𑀼𑀯𑀁 𑀢𑀺𑀝𑁆𑀞𑀲𑀺 𑀲𑀳𑀺𑀢𑀽𑀭𑀽’’𑀢𑀺 [𑀚𑀸. 𑁧.𑁧𑁬.𑁨𑁯𑁭] 𑀘 ‘‘𑀲𑀜𑁆𑀜𑀢𑀽𑀭𑀽 𑀫𑀳𑀸𑀫𑀸𑀬𑀸, 𑀓𑀼𑀫𑀸𑀭𑀺 𑀘𑀸𑀭𑀼𑀤𑀲𑁆𑀲𑀦𑀸’’𑀢𑀺 [𑀚𑀸. 𑁨.𑁧𑁭.𑁧𑁦𑁯] 𑀘 ‘‘𑀯𑀸𑀫𑁄𑀭𑀽 𑀲𑀚 𑀫𑀁 𑀪𑀤𑁆𑀤𑁂’’𑀢𑀺 [𑀤𑀻. 𑀦𑀺. 𑁨.𑁩𑁪𑁮] 𑀘 ‘‘𑀓𑀸𑀭𑀡𑀁 𑀦𑀧𑁆𑀧𑀚𑀸𑀦𑀸𑀫𑀺, 𑀲𑀫𑁆𑀫𑀢𑁆𑀢𑁄 𑀮𑀓𑁆𑀔𑀡𑀽𑀭𑀼𑀬𑀸’’𑀢𑀺 [𑀤𑀻. 𑀦𑀺. 𑁨.𑁩𑁪𑁮] 𑀘 ‘‘𑀕𑀸𑀭𑀬𑁆𑀳𑀲𑁆𑀲𑀁 𑀩𑁆𑀭𑀳𑁆𑀫𑀩𑀦𑁆𑀥𑀼𑀬𑀸’’𑀢𑀺 [𑀚𑀸. 𑁨.𑁨𑁨.𑁨𑁧𑁦𑁯] 𑀘 𑀧𑀸𑀴𑀺𑀧𑀤𑀸𑀦𑀺 𑀤𑀺𑀲𑁆𑀲𑀦𑁆𑀢𑀺.

𑀢𑀢𑁆𑀣 ‘𑀲𑀚𑀸’𑀢𑀺 𑀆𑀮𑀺𑀗𑁆𑀕𑀸𑀳𑀺, ‘𑀕𑀸𑀭𑀬𑁆𑀳𑀲𑁆𑀲’𑀦𑁆𑀢𑀺 𑀅𑀳𑀁 𑀕𑀸𑀭𑀬𑁆𑀳𑁄 𑀪𑀯𑁂𑀬𑁆𑀬𑀁.

𑀏𑀢𑁆𑀣 𑀘 𑀢𑀸𑀧𑀘𑁆𑀘𑀬𑀦𑁆𑀢𑀸 𑀲𑀪𑀸𑀯𑀇𑀢𑁆𑀣𑀺𑀮𑀺𑀗𑁆𑀕𑀸 𑀏𑀯 𑁋 𑀮𑀳𑀼𑀢𑀸, 𑀫𑀼𑀤𑀼𑀢𑀸, 𑀕𑀸𑀫𑀢𑀸, 𑀚𑀦𑀢𑀸, 𑀤𑁂𑀯𑀢𑀸 𑀇𑀘𑁆𑀘𑀸𑀤𑀺.

𑀢𑀣𑀸 𑀢𑀺𑀧𑀘𑁆𑀘𑀬𑀦𑁆𑀢𑀸 𑁋 𑀕𑀢𑀺, 𑀫𑀢𑀺, 𑀭𑀢𑁆𑀢𑀺, 𑀲𑀢𑀺, 𑀢𑀼𑀝𑁆𑀞𑀺, 𑀤𑀺𑀝𑁆𑀞𑀺, 𑀇𑀤𑁆𑀥𑀺, 𑀲𑀺𑀤𑁆𑀥𑀺 𑀇𑀘𑁆𑀘𑀸𑀤𑀺, 𑀢𑀣𑀸 𑀬𑀸𑀕𑀼, 𑀥𑀸𑀢𑀼, 𑀥𑁂𑀦𑀼, 𑀓𑀡𑁆𑀟𑀼, 𑀓𑀘𑁆𑀙𑀼, 𑀫𑀸𑀢𑀼, 𑀥𑀻𑀢𑀼 ¶ , 𑀤𑀼𑀳𑀺𑀢𑀼 𑀇𑀘𑁆𑀘𑀸𑀤𑀺, 𑀚𑀫𑁆𑀩𑀽, 𑀯𑀥𑀽, 𑀘𑀫𑀽, 𑀲𑀼𑀢𑀦𑀽, 𑀲𑀭𑀩𑀽 𑀇𑀘𑁆𑀘𑀸𑀤𑀺 𑀘. 𑀲𑀓𑁆𑀓𑀢𑀕𑀦𑁆𑀣𑁂𑀲𑀼 𑀧𑀦 𑀲𑀼𑀢𑀦𑀽, 𑀲𑀭𑀩𑀽 𑀇𑀘𑁆𑀘𑀸𑀤𑀻𑀲𑀼𑀧𑀺 𑀊𑀧𑀘𑁆𑀘𑀬𑀁 𑀯𑀺𑀤𑀳𑀦𑁆𑀢𑀺.

𑀢𑀢𑁆𑀣 𑀇𑀢𑁆𑀣𑀺𑀮𑀺𑀗𑁆𑀕𑀪𑀽𑀢𑀸 𑀲𑀩𑁆𑀩𑁂 ‘𑀇𑀯𑀡𑁆𑀡𑀼𑀯𑀡𑁆𑀡𑀸 𑀧𑀺𑀢𑁆𑀣𑀺𑀬’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀦𑀺𑀘𑁆𑀘𑀁 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺. ‘𑀆𑀓𑀸𑀭𑁄 𑀘 𑀖𑀸’𑀢𑀺 𑀲𑀼𑀢𑁆𑀢𑁂𑀦 𑀦𑀺𑀘𑁆𑀘𑀁 𑀖𑀲𑀜𑁆𑀜𑁄.

𑀇𑀢𑁆𑀣𑀺𑀧𑀘𑁆𑀘𑀬𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀆𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺

𑀇𑀢𑁆𑀣𑀺𑀮𑀺𑀗𑁆𑀕𑀁 𑀙𑀩𑁆𑀩𑀺𑀥𑀁 𑀆𑀓𑀸𑀭𑀦𑁆𑀢𑀁, 𑀇𑀓𑀸𑀭𑀦𑁆𑀢𑀁, 𑀈𑀓𑀸𑀭𑀦𑁆𑀢𑀁, 𑀉𑀓𑀸𑀭𑀦𑁆𑀢𑀁, 𑀊𑀓𑀸𑀭𑀦𑁆𑀢𑀁, 𑀑𑀓𑀸𑀭𑀦𑁆𑀢𑀁. 𑀢𑀢𑁆𑀣 𑀓𑀜𑁆𑀜𑀸𑀲𑀤𑁆𑀤𑀫𑁆𑀳𑀸 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸.

𑁮𑁨. 𑀕𑀲𑀻𑀦𑀁 [𑀓. 𑁨𑁨𑁦; 𑀭𑀽. 𑁭𑁪; 𑀦𑀻. 𑁪𑁪𑁭].

𑀓𑁂𑀦𑀘𑀺 𑀲𑀼𑀢𑁆𑀢𑁂𑀦 𑀅𑀮𑀤𑁆𑀥𑀯𑀺𑀥𑀻𑀦𑀁 𑀕𑀲𑀻𑀦𑀁 𑀮𑁄𑀧𑁄 𑀳𑁄𑀢𑀻𑀢𑀺 𑀲𑀺𑀮𑁄𑀧𑁄.

𑀓𑀜𑁆𑀜𑀸 𑀢𑀺𑀝𑁆𑀞𑀢𑀺.

𑁮𑁩. 𑀚𑀦𑁆𑀢𑀼𑀳𑁂𑀢𑁆𑀯𑀻𑀖𑀧𑁂𑀳𑀺 𑀯𑀸 [𑀓. 𑁧𑁧𑁮; 𑀭𑀽. 𑁧𑁪𑁬; 𑀦𑀻. 𑁨𑁯𑁩].

𑀚𑀦𑁆𑀢𑀼, 𑀳𑁂𑀢𑀽𑀳𑀺 𑀘 𑀧𑀼𑀦𑁆𑀦𑀧𑀼𑀁𑀲𑀓𑁂𑀲𑀼 𑀈𑀓𑀸𑀭𑀦𑁆𑀢𑁂𑀳𑀺 𑀘 𑀖𑀢𑁄 𑀘 𑀧𑀲𑀜𑁆𑀜𑁂𑀳𑀺 𑀇𑀯𑀡𑁆𑀡𑀼𑀯𑀡𑁆𑀡𑁂𑀳𑀺 𑀘 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺 𑀯𑀸.

𑀓𑀜𑁆𑀜𑀸 𑀢𑀺𑀝𑁆𑀞𑀦𑁆𑀢𑀺, 𑀓𑀜𑁆𑀜𑀸𑀬𑁄 𑀢𑀺𑀝𑁆𑀞𑀦𑁆𑀢𑀺.

𑀆𑀫𑀦𑁆𑀢𑀦𑀢𑁆𑀣𑁂 𑀧𑀞𑀫𑀸, ‘𑀕𑁄𑀲𑁆𑀬𑀸𑀮𑀧𑀦𑁂’𑀢𑀺 𑀕𑀲𑀜𑁆𑀜𑀸.

𑁮𑁪. 𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂 [𑀓. 𑁧𑁧𑁪, 𑁧𑁯𑁩; 𑀭𑀽. 𑁧𑁨𑁨, 𑁧𑁭𑁮; 𑀦𑀻. 𑁨𑁮𑁮; 𑀖𑀩𑁆𑀭𑀳𑁆𑀫𑀸𑀤𑀺𑀢𑁂 (𑀩𑀳𑀲𑀼)].

𑀖𑀢𑁄 𑀘 𑀩𑁆𑀭𑀳𑁆𑀫𑀸𑀤𑀺𑀢𑁄 𑀘 𑀕𑀲𑁆𑀲 𑀏 𑀳𑁄𑀢𑀺 𑀯𑀸. 𑀆𑀤𑀺𑀲𑀤𑁆𑀤𑁂𑀦 𑀇𑀲𑀺, 𑀫𑀼𑀦𑀺, 𑀭𑁂𑀯𑀢𑀻, 𑀓𑀢𑁆𑀢𑀼, 𑀔𑀢𑁆𑀢𑀼𑀇𑀘𑁆𑀘𑀸𑀤𑀺𑀢𑁄𑀧𑀺.

𑀪𑁄𑀢𑀺 ¶ 𑀓𑀜𑁆𑀜𑁂, 𑀪𑁄𑀢𑀺 𑀓𑀜𑁆𑀜𑀸, 𑀪𑁄𑀢𑀺𑀬𑁄 𑀓𑀜𑁆𑀜𑀸𑀬𑁄, 𑀪𑁄𑀢𑀻 𑀓𑀜𑁆𑀜𑀸𑀬𑁄, ‘‘𑀉𑀝𑁆𑀞𑁂𑀳𑀺 𑀧𑀼𑀢𑁆𑀢𑀺𑀓 𑀧𑀩𑁆𑀩𑀚𑁆𑀚𑀸 𑀤𑀼𑀓𑁆𑀓𑀭𑀸 𑀧𑀼𑀢𑁆𑀢𑀺𑀓’’ 𑀇𑀢𑀺 𑀣𑁂𑀭𑀻𑀧𑀸𑀴𑀺 [𑀣𑁂𑀭𑀻𑀕𑀸. 𑁪𑁬𑁫], 𑀢𑀲𑁆𑀫𑀸 𑀕𑁂 𑀧𑀭𑁂 𑀫𑀳𑀸𑀯𑀼𑀢𑁆𑀢𑀺𑀦𑀸 𑀭𑀲𑁆𑀲𑁄𑀧𑀺 𑀬𑀼𑀚𑁆𑀚𑀢𑀺. 𑀓𑀼𑀲𑀚𑀸𑀢𑀓𑁂 ‘‘𑀦 𑀫𑁂 𑀅𑀓𑀸𑀲𑀺 𑀯𑀘𑀦𑀁, 𑀅𑀢𑁆𑀣𑀓𑀸𑀫𑀸𑀬 𑀧𑀼𑀢𑁆𑀢𑀺𑀓𑁂’’𑀢𑀺𑀧𑀺 [𑀚𑀸. 𑁨.𑁨𑁦.𑁪𑁭] 𑀅𑀢𑁆𑀣𑀺.

𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸, ‘𑀲𑀭𑁄 𑀮𑁄𑀧𑁄 𑀲𑀭𑁂’𑀢𑀺 𑀧𑀼𑀩𑁆𑀩𑀲𑀭𑀮𑁄𑀧𑁄.

𑀓𑀜𑁆𑀜𑀁 𑀧𑀲𑁆𑀲𑀢𑀺, 𑀓𑀜𑁆𑀜𑀸 𑀧𑀲𑁆𑀲𑀢𑀺, 𑀓𑀜𑁆𑀜𑀸𑀬𑁄 𑀧𑀲𑁆𑀲𑀢𑀺.

𑀓𑀢𑁆𑀢𑀭𑀺 𑀢𑀢𑀺𑀬𑀸.

𑁮𑁫. 𑀖𑀧𑀢𑁂𑀓𑀲𑁆𑀫𑀺𑀁 𑀦𑀸𑀤𑀻𑀦𑀁 𑀬𑀬𑀸 [𑀓. 𑁧𑁧𑁧, 𑁧𑁧𑁨; 𑀭𑀽. 𑁧𑁭𑁯, 𑁧𑁮𑁩 𑀦𑀻. 𑁨𑁮𑁩, 𑁨𑁮𑁪].

𑀖𑀢𑁄 𑀘 𑀧𑀲𑀜𑁆𑀜𑁂𑀳𑀺 𑀇𑀯𑀡𑁆𑀡𑀼𑀯𑀡𑁆𑀡𑁂𑀳𑀺 𑀘 𑀏𑀓𑀢𑁆𑀢𑁂 𑀧𑀯𑀢𑁆𑀢𑀸𑀦𑀁 𑀦𑀸𑀤𑀻𑀦𑀁 𑀧𑀜𑁆𑀘𑀦𑁆𑀦𑀁 𑀏𑀓𑀯𑀘𑀦𑀸𑀦𑀁 𑀓𑀫𑁂𑀦 𑀬, 𑀬𑀸 𑀳𑁄𑀦𑁆𑀢𑀺.

𑀓𑀜𑁆𑀜𑀸𑀬 𑀓𑀢𑀁, 𑀓𑀜𑁆𑀜𑀸𑀳𑀺 𑀓𑀢𑀁. 𑀏𑀢𑁆𑀣 𑀘 𑀖𑀢𑁄𑀧𑀺 𑀬𑀸𑀆𑀤𑁂𑀲𑁄 𑀤𑀺𑀲𑁆𑀲𑀢𑀺. ‘‘𑀢𑁂 𑀘 𑀢𑀢𑁆𑀣 𑀦𑀺𑀲𑀻𑀤𑀺𑀢𑁆𑀯𑀸, 𑀢𑀲𑁆𑀲 𑀭𑀼𑀓𑁆𑀔𑀲𑁆𑀲 𑀙𑀸𑀬𑀬𑀸’’ [𑀚𑀸. 𑁧.𑁧𑁪.𑁧𑁮𑁨] 𑀢𑀺 𑀘 ‘‘𑀲𑀫𑀦𑁆𑀢𑀸 𑀧𑀭𑀺𑀯𑀸𑀭𑀺𑀁𑀲𑀼, 𑀢𑀲𑁆𑀲 𑀭𑀼𑀓𑁆𑀔𑀲𑁆𑀲 𑀙𑀸𑀬𑀬𑀸’’ [𑀚𑀸. 𑁧.𑁧𑁪.𑁧𑁮𑁯] 𑀢𑀺 𑀘 𑀧𑀸𑀴𑀺, 𑀢𑀣𑀸 ‘‘𑀲𑀓𑁆𑀔𑀭𑁄𑀧𑀫𑀬𑀸 𑀯𑀤𑁂’’ [𑀲𑀘𑁆𑀘𑀲𑀗𑁆𑀔𑁂𑀧 𑁧𑁭𑁬 𑀕𑀸𑀣𑀸], ‘‘𑀩𑀸𑀮𑀤𑀸𑀭𑀓𑀮𑀻𑀮𑀬𑀸’’𑀢𑀺 [𑀯𑀺𑀪𑀸𑀯𑀺𑀦𑀻 𑁧𑁫𑁪] 𑀘 𑀤𑀺𑀲𑁆𑀲𑀦𑁆𑀢𑀺. 𑀫𑀳𑀸𑀯𑀼𑀢𑁆𑀢𑀺𑀦𑀸 𑀖𑀲𑁆𑀲 𑀭𑀲𑁆𑀲𑁄.

𑁮𑁬. 𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀁 𑀫𑁆𑀳𑀸𑀪𑀺𑀫𑁆𑀳𑀺 𑀯𑀸 [𑀓. 𑁯𑁯; 𑀭𑀽. 𑁮𑁧].

𑀢𑁂𑀲𑀁 𑀓𑀫𑁂𑀦 𑀫𑁆𑀳𑀸, 𑀪𑀺, 𑀫𑁆𑀳𑀺 𑀳𑁄𑀦𑁆𑀢𑀺 𑀯𑀸. 𑀏𑀢𑁂 𑀆𑀤𑁂𑀲𑀸 𑀕𑀸𑀣𑀸𑀲𑀼 𑀩𑀳𑀼𑀮𑀁 𑀤𑀺𑀲𑁆𑀲𑀦𑁆𑀢𑀺.

𑀓𑀜𑁆𑀜𑀸𑀳𑀺 𑀓𑀢𑀁, 𑀓𑀜𑁆𑀜𑀸𑀪𑀺 𑀓𑀢𑀁.

𑀲𑀫𑁆𑀧𑀤𑀸𑀦𑁂 ¶ 𑀘𑀢𑀼𑀢𑁆𑀣𑀻, 𑀓𑀜𑁆𑀜𑀸𑀬 𑀤𑁂𑀢𑀺, 𑀓𑀜𑁆𑀜𑀸𑀦𑀁 𑀤𑁂𑀢𑀺, 𑀓𑀜𑁆𑀜𑀸𑀬 𑀆𑀪𑀢𑀁 𑀯𑀢𑁆𑀣𑀁, 𑀓𑀜𑁆𑀜𑀸𑀦𑀁 𑀆𑀪𑀢𑀁 𑀯𑀢𑁆𑀣𑀁.

𑀅𑀧𑀸𑀤𑀸𑀦𑁂 𑀧𑀜𑁆𑀘𑀫𑀻, 𑀓𑀜𑁆𑀜𑀸𑀬 𑀅𑀧𑁂𑀢𑀺, 𑀓𑀜𑁆𑀜𑀫𑁆𑀳𑀸 𑀅𑀧𑁂𑀢𑀺𑀭𑀲𑁆𑀲𑀢𑁆𑀢𑀁, 𑀓𑀜𑁆𑀜𑀸𑀳𑀺 𑀓𑀜𑁆𑀜𑀸𑀪𑀺 𑀅𑀧𑁂𑀢𑀺.

𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀓𑀜𑁆𑀜𑀸𑀬 𑀲𑀦𑁆𑀢𑀓𑀁, 𑀓𑀜𑁆𑀜𑀸𑀦𑀁 𑀲𑀦𑁆𑀢𑀓𑀁.

𑀑𑀓𑀸𑀲𑁂 𑀲𑀢𑁆𑀢𑀫𑀻, 𑀓𑀜𑁆𑀜𑀸𑀬 𑀢𑀺𑀝𑁆𑀞𑀢𑀺.

𑁮𑁭. 𑀬𑀁 [𑀓. 𑁧𑁧𑁬; 𑀭𑀽. 𑁧𑁮𑁦; 𑀦𑀻. 𑁪𑁪𑁩].

𑀖𑀢𑁄 𑀘 𑀧𑀲𑀜𑁆𑀜𑁂𑀳𑀺 𑀇𑀯𑀡𑁆𑀡𑀼𑀯𑀡𑁆𑀡𑁂𑀳𑀺 𑀘 𑀲𑁆𑀫𑀺𑀁𑀦𑁄 𑀬𑀁 𑀳𑁄𑀢𑀺 𑀯𑀸.

𑀓𑀜𑁆𑀜𑀸𑀬𑀁 𑀢𑀺𑀝𑁆𑀞𑀢𑀺, 𑀓𑀜𑁆𑀜𑀸𑀬 𑀢𑀺𑀝𑁆𑀞𑀢𑀺, 𑀓𑀜𑁆𑀜𑀸𑀲𑀼 𑀢𑀺𑀝𑁆𑀞𑀢𑀺.

𑀲𑀤𑁆𑀥𑀸 𑀫𑁂𑀥𑀸 𑀧𑀜𑁆𑀜𑀸 𑀯𑀺𑀚𑁆𑀚𑀸, 𑀘𑀺𑀦𑁆𑀢𑀸 𑀫𑀦𑁆𑀢𑀸 𑀯𑀻𑀡𑀸 𑀢𑀡𑁆𑀳𑀸.

𑀇𑀘𑁆𑀙𑀸 𑀫𑀼𑀘𑁆𑀙𑀸 𑀏𑀚𑀸 𑀫𑀸𑀬𑀸, 𑀫𑁂𑀢𑁆𑀢𑀸 𑀫𑀢𑁆𑀢𑀸 𑀲𑀺𑀓𑁆𑀔𑀸 𑀪𑀺𑀓𑁆𑀔𑀸.

𑀚𑀗𑁆𑀖𑀸 𑀕𑀻𑀯𑀸 𑀚𑀺𑀯𑁆𑀳𑀸 𑀯𑀸𑀘𑀸, 𑀙𑀸𑀬𑀸 𑀆𑀲𑀸 𑀕𑀗𑁆𑀕𑀸𑀦𑀸𑀯𑀸.

𑀕𑀸𑀣𑀸 𑀲𑁂𑀦𑀸 𑀮𑁂𑀔𑀸 𑀲𑀸𑀔𑀸, 𑀫𑀸𑀮𑀸 𑀯𑁂𑀮𑀸 𑀧𑀽𑀚𑀸 𑀔𑀺𑀟𑁆𑀟𑀸.

𑀧𑀺𑀧𑀸𑀲𑀸 𑀯𑁂𑀤𑀦𑀸 𑀲𑀜𑁆𑀜𑀸, 𑀘𑁂𑀢𑀦𑀸 𑀢𑀲𑀺𑀡𑀸𑀧𑀚𑀸.

𑀤𑁂𑀯𑀢𑀸 𑀯𑀝𑁆𑀝𑀓𑀸 𑀕𑁄𑀥𑀸, 𑀩𑀮𑀸𑀓𑀸 𑀧𑀭𑀺𑀲𑀸 𑀲𑀪𑀸.

𑀊𑀓𑀸 𑀲𑁂𑀨𑀸𑀮𑀺𑀓𑀸 𑀮𑀗𑁆𑀓𑀸, 𑀲𑀮𑀸𑀓𑀸 𑀯𑀸𑀮𑀺𑀓𑀸 𑀲𑀺𑀔𑀸.

𑀯𑀺𑀲𑀸𑀔𑀸 𑀯𑀺𑀲𑀺𑀔𑀸 𑀲𑀸𑀔𑀸, 𑀕𑀘𑁆𑀙𑀸 𑀯𑀜𑁆𑀛𑀸 𑀚𑀝𑀸 𑀖𑀝𑀸.

𑀚𑁂𑀝𑁆𑀞𑀸 𑀲𑁄𑀡𑁆𑀟𑀸 𑀯𑀺𑀢𑀡𑁆𑀟𑀸 𑀘, 𑀯𑀭𑀼𑀡𑀸 𑀯𑀦𑀺𑀢𑀸 𑀮𑀢𑀸.

𑀓𑀣𑀸 𑀦𑀺𑀤𑁆𑀤𑀸 𑀲𑀼𑀥𑀸 𑀭𑀸𑀥𑀸, 𑀯𑀸𑀲𑀦𑀸 𑀲𑀻𑀲𑀧𑀸 𑀧𑀧𑀸.

𑀧𑀪𑀸 𑀲𑀻𑀫𑀸 𑀔𑀫𑀸 𑀚𑀸𑀬𑀸, 𑀔𑀢𑁆𑀢𑀺𑀬𑀸 𑀲𑀓𑁆𑀔𑀭𑀸 𑀲𑀼𑀭𑀸.

𑀤𑁄𑀮𑀸 𑀢𑀼𑀮𑀸 𑀲𑀺𑀮𑀸 𑀮𑀻𑀮𑀸, 𑀮𑀸𑀮𑁂’𑀮𑀸 𑀫𑁂𑀔𑀮𑀸 𑀓𑀮𑀸.

𑀯𑀴𑀯𑀸’ ¶ 𑀮𑀫𑁆𑀩𑀼𑀲𑀸 𑀫𑀽𑀲𑀸, 𑀫𑀜𑁆𑀚𑀽𑀲𑀸 𑀲𑀼𑀮𑀲𑀸 𑀤𑀺𑀲𑀸.

𑀦𑀸𑀲𑀸 𑀚𑀼𑀡𑁆𑀳𑀸 𑀕𑀼𑀳𑀸 𑀈𑀳𑀸, 𑀮𑀲𑀺𑀓𑀸 𑀯𑀲𑀼𑀥𑀸𑀤𑀬𑁄.

𑁮𑁮. 𑀦𑀫𑁆𑀩𑀸𑀤𑀻𑀳𑀺 [𑀦𑀫𑁆𑀩𑀸𑀤𑀻𑀳𑀺 (𑀩𑀳𑀽𑀲𑀼)].

𑀕𑀲𑀜𑁆𑀜𑁂𑀳𑀺 𑀅𑀫𑁆𑀩, 𑀅𑀦𑁆𑀦, 𑀅𑀫𑁆𑀫𑀇𑀘𑁆𑀘𑁂𑀢𑁂𑀳𑀺 𑀕𑀲𑁆𑀲 𑀏 𑀦 𑀳𑁄𑀢𑀺.

𑁮𑁯. 𑀭𑀲𑁆𑀲𑁄 𑀯𑀸.

𑀅𑀫𑁆𑀩𑀸𑀤𑀻𑀦𑀁 𑀭𑀲𑁆𑀲𑁄 𑀳𑁄𑀢𑀺 𑀯𑀸 𑀕𑁂 𑀧𑀭𑁂.

𑀪𑁄𑀢𑀺 𑀅𑀫𑁆𑀩, 𑀪𑁄𑀢𑀺 𑀅𑀫𑁆𑀩𑀸, 𑀪𑁄𑀢𑀺 𑀅𑀦𑁆𑀦, 𑀪𑁄𑀢𑀺 𑀅𑀦𑁆𑀦𑀸, 𑀪𑁄𑀢𑀺 𑀅𑀫𑁆𑀫, 𑀪𑁄𑀢𑀺 𑀅𑀫𑁆𑀫𑀸, 𑀲𑁂𑀲𑀁 𑀓𑀜𑁆𑀜𑀸𑀲𑀫𑀁.

𑀏𑀢𑁆𑀣 𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁯𑁦. 𑀢𑀺 𑀲𑀪𑀸𑀧𑀭𑀺𑀲𑀸𑀬.

𑀲𑀪𑀸𑀧𑀭𑀺𑀲𑀸𑀳𑀺 𑀲𑁆𑀫𑀺𑀁𑀦𑁄𑀢𑀺 𑀳𑁄𑀢𑀺. ‘𑀖𑁄 𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬 𑀢𑀻𑀲𑀽’𑀢𑀺 𑀲𑀼𑀢𑁆𑀢𑁂𑀦 𑀢𑀺𑀫𑁆𑀳𑀺 𑀭𑀲𑁆𑀲𑁄.

𑀲𑀪𑀢𑀺, 𑀲𑀪𑀸𑀬, 𑀲𑀪𑀸𑀬𑀁, 𑀲𑀪𑀸𑀲𑀼, 𑀧𑀭𑀺𑀲𑀢𑀺, 𑀧𑀭𑀺𑀲𑀸𑀬, 𑀧𑀭𑀺𑀲𑀸𑀬𑀁, 𑀧𑀭𑀺𑀲𑀸𑀲𑀼, 𑀢𑀫𑀤𑁆𑀤𑀲 𑀫𑀳𑀸𑀩𑁆𑀭𑀳𑁆𑀫𑀸, 𑀦𑀺𑀲𑀺𑀦𑁆𑀦𑀁 𑀲𑀫𑁆𑀳𑀺 𑀧𑀭𑀺𑀲𑀢𑀺, 𑀇𑀢𑀺 𑀪𑀕𑀯𑀸 𑀢𑀲𑁆𑀫𑀺𑀁 𑀧𑀭𑀺𑀲𑀢𑀺 𑀲𑀼𑀯𑀡𑁆𑀡𑀯𑀡𑁆𑀡𑀁 𑀓𑀸𑀬𑀁 𑀯𑀺𑀯𑀭𑀺 [𑀫. 𑀦𑀺. 𑁧.𑁩𑁫𑁯].

𑀦𑀦𑁆𑀤𑀫𑀸𑀢𑀸, 𑀭𑀸𑀚𑀥𑀻𑀢𑀸𑀇𑀘𑁆𑀘𑀸𑀤𑀻𑀲𑀼 ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀖𑀲𑁆𑀲 𑀏𑀢𑁆𑀢𑀁.

𑀅𑀘𑁆𑀙𑀭𑀺𑀬𑀁 𑀦𑀦𑁆𑀤𑀫𑀸𑀢𑁂, 𑀅𑀩𑁆𑀪𑀼𑀢𑀁 𑀦𑀦𑁆𑀤𑀫𑀸𑀢𑁂 [𑀅. 𑀦𑀺. 𑁭.𑁫𑁩], 𑀪𑁄𑀢𑀺 𑀤𑁂𑀯𑀥𑀻𑀢𑁂, 𑀪𑁄𑀢𑀺 𑀲𑀓𑁆𑀬𑀥𑀻𑀢𑀭𑁂-𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀫𑀸𑀲𑁂 𑀲𑁆𑀬𑀸𑀤𑀻𑀲𑀼 𑀆𑀭𑀢𑁆𑀢𑀁 𑀭𑀲𑁆𑀲𑀢𑁆𑀢𑀜𑁆𑀘. 𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸 𑀧𑀦 𑀬𑁂𑀪𑀼𑀬𑁆𑀬𑁂𑀦 𑀢𑀻𑀲𑀼 𑀮𑀺𑀗𑁆𑀕𑁂𑀲𑀼 𑀲𑀫𑀸𑀦𑀭𑀽𑀧𑀸 𑀳𑁄𑀦𑁆𑀢𑀺, ‘‘𑀅𑀢𑁆𑀣𑀥𑀫𑁆𑀫𑀁 𑀧𑀭𑀺𑀧𑀼𑀘𑁆𑀙𑀺𑀢𑀸 𑀘 𑀉𑀕𑁆𑀕𑀳𑁂𑀢𑀸 ¶ 𑀘 𑀥𑀫𑁆𑀫𑀸𑀦𑀁 𑀲𑁄𑀢𑀸 𑀘 𑀧𑀬𑀺𑀭𑀽𑀧𑀸𑀲𑀺𑀢𑀸 𑀘𑀸’’𑀢𑀺 𑀣𑁂𑀭𑀻𑀧𑀸𑀴𑀺. 𑀢𑀣𑀸 𑀓𑁆𑀯𑀘𑀺 𑀕𑀘𑁆𑀙𑀦𑁆𑀢𑀸𑀤𑀺𑀲𑀤𑁆𑀤𑀸𑀧𑀺. 𑀢𑀫𑁄𑀔𑀦𑁆𑀥𑀁 𑀧𑀤𑀸𑀮𑀬𑀁, 𑀏𑀯𑀁 𑀤𑀼𑀩𑁆𑀪𑀸𑀲𑀺𑀢𑀁 𑀪𑀡𑀁 𑀇𑀘𑁆𑀘𑀸𑀤𑀺-𑀢𑀢𑁆𑀣 𑀧𑀤𑀸𑀮𑀬𑀦𑁆𑀢𑀺 𑀧𑀤𑀸𑀮𑀬𑀦𑁆𑀢𑀻, 𑀪𑀡𑀦𑁆𑀢𑀺 𑀪𑀡𑀦𑁆𑀢𑀻𑀢𑀺 𑀅𑀢𑁆𑀣𑁄.

𑀯𑀻𑀲𑀸, 𑀢𑀺𑀁𑀲𑀸, 𑀘𑀢𑁆𑀢𑀸𑀮𑀻𑀲𑀸, 𑀧𑀜𑁆𑀜𑀸𑀲𑀸 𑀇𑀘𑁆𑀘𑁂𑀢𑁂 𑀲𑀗𑁆𑀔𑁆𑀬𑀸𑀭𑀸𑀲𑀺𑀫𑁆𑀳𑀺 𑀆𑀕𑀫𑀺𑀲𑁆𑀲𑀦𑁆𑀢𑀺.

𑀆𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀇𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺

‘𑀕𑀲𑀻𑀦’𑀦𑁆𑀢𑀺 𑀲𑀺𑀮𑁄𑀧𑁄. 𑀭𑀢𑁆𑀢𑀺 𑀢𑀺𑀝𑁆𑀞𑀢𑀺, 𑀭𑀢𑁆𑀢𑀺𑀬𑁄 𑀢𑀺𑀝𑁆𑀞𑀦𑁆𑀢𑀺.

‘𑀚𑀦𑁆𑀢𑀼𑀳𑁂𑀢𑁆𑀯𑀸’𑀤𑀺𑀲𑀼𑀢𑁆𑀢𑁂𑀦 𑀬𑁄𑀮𑁄𑀧𑁂 𑁋

𑁯𑁧. 𑀬𑁄𑀮𑁄𑀧𑀦𑀻𑀲𑀼 𑀤𑀻𑀖𑁄 [𑀓. 𑁮𑁮; 𑀭𑀽. 𑁧𑁪𑁭; 𑀦𑀻. 𑁨𑁪𑁫].

𑀢𑀺𑀮𑀺𑀗𑁆𑀕𑁂 𑀬𑁄𑀦𑀁 𑀮𑁄𑀧𑁂 𑀘 𑀦𑀺𑀆𑀤𑁂𑀲𑁂 𑀘 𑀭𑀲𑁆𑀲𑀸𑀦𑀁 𑀤𑀻𑀖𑁄 𑀳𑁄𑀢𑀺.

𑀭𑀢𑁆𑀢𑀻 𑀢𑀺𑀝𑁆𑀞𑀦𑁆𑀢𑀺.

𑁯𑁨. 𑀬𑁂 𑀧𑀲𑁆𑀲𑀺𑀯𑀡𑁆𑀡𑀲𑁆𑀲.

𑀯𑀺𑀪𑀢𑁆𑀢𑀺𑀪𑀽𑀢𑁂 𑀯𑀺𑀪𑀢𑁆𑀢𑀸𑀤𑁂𑀲𑀪𑀽𑀢𑁂 𑀘 𑀬𑀓𑀸𑀭𑁂 𑀧𑀭𑁂 𑀧𑀲𑀜𑁆𑀜𑀲𑁆𑀲 𑀇𑀯𑀡𑁆𑀡𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀕𑀸𑀣𑀸𑀲𑀼𑀬𑁂𑀯 𑀇𑀤𑀁 𑀯𑀺𑀥𑀸𑀦𑀁 𑀤𑀝𑁆𑀞𑀩𑁆𑀩𑀁.

𑀭𑀢𑁆𑀬𑁄 𑀢𑀺𑀝𑁆𑀞𑀦𑁆𑀢𑀺 [𑀭𑀽. 𑁮𑁪 𑀧𑀺𑀝𑁆𑀞𑁂] -𑀲𑀦𑁆𑀥𑀺𑀯𑀲𑁂𑀦 𑀆𑀤𑀺𑀢𑀓𑀸𑀭𑀮𑁄𑀧𑁄.

𑁬𑁩. 𑀅𑀬𑀼𑀦𑀁 𑀯𑀸 𑀤𑀻𑀖𑁄 [𑀓. 𑁮𑁮; 𑀭𑀽. 𑁧𑁪𑁭; 𑀦𑀻. 𑁨𑁪𑁫].

𑀕𑁂 𑀧𑀭𑁂 𑀢𑀺𑀮𑀺𑀗𑁆𑀕𑁂 𑀅𑀇𑀉𑀦𑀁 𑀤𑀻𑀖𑁄 𑀳𑁄𑀢𑀺 𑀯𑀸.

𑀳𑁂 ¶ 𑀭𑀢𑁆𑀢𑀻, 𑀳𑁂 𑀭𑀢𑁆𑀢𑀺. 𑀩𑀳𑀼𑀯𑀘𑀦𑁂 𑀳𑁂 𑀭𑀢𑁆𑀢𑀻, 𑀳𑁂 𑀭𑀢𑁆𑀢𑀺𑀬𑁄, 𑀳𑁂 𑀭𑀢𑁆𑀬𑁄.

𑀅𑀁𑀯𑀘𑀦𑁂 ‘𑀧𑀭𑁄 𑀓𑁆𑀯𑀘𑀻’𑀢𑀺 𑀲𑀼𑀢𑁆𑀢𑁂𑀦 𑀧𑀭𑀲𑀭𑁂 𑀮𑀼𑀢𑁆𑀢𑁂 𑀦𑀺𑀕𑁆𑀕𑀳𑀻𑀢𑀁 𑀧𑀼𑀩𑁆𑀩𑁂 𑀇𑀯𑀡𑁆𑀡𑀼𑀯𑀡𑁆𑀡𑁂𑀲𑀼 𑀢𑀺𑀝𑁆𑀞𑀢𑀺.

𑀭𑀢𑁆𑀢𑀺𑀁, 𑀢𑀣𑀸 𑀇𑀢𑁆𑀣𑀺𑀁, 𑀥𑁂𑀦𑀼𑀁, 𑀯𑀥𑀼𑀁, 𑀅𑀕𑁆𑀕𑀺𑀁, 𑀤𑀡𑁆𑀟𑀺𑀁, 𑀪𑀺𑀓𑁆𑀔𑀼𑀁, 𑀲𑀬𑀫𑁆𑀪𑀼𑀁 𑀇𑀢𑀺. 𑀭𑀢𑁆𑀢𑀺𑀬𑀁, ‘𑀩𑀼𑀚𑁆𑀛𑀲𑁆𑀲𑀼 𑀚𑀺𑀦𑀩𑁄𑀥𑀺𑀬’𑀦𑁆𑀢𑀺 𑀧𑀸𑀴𑀺 [𑀩𑀼. 𑀯𑀁. 𑁨.𑁧𑁮𑁨], 𑀭𑀢𑁆𑀢𑀺𑀦𑀁 𑀯𑀸, ‘𑀬𑀸𑀯𑀦𑁆𑀢𑁄 𑀧𑀼𑀭𑀺𑀲𑀲𑁆𑀲𑀢𑁆𑀣𑀁, 𑀕𑀼𑀬𑁆𑀳𑀁 𑀚𑀸𑀦𑀦𑁆𑀢𑀺 𑀫𑀦𑁆𑀢𑀺𑀦’𑀦𑁆𑀢𑀺𑀧𑀸𑀴𑀺 [𑀚𑀸. 𑁧.𑁧𑁫.𑁩𑁩𑁫].

𑀭𑀢𑁆𑀢𑀻, 𑀭𑀢𑁆𑀢𑀺𑀬𑁄, 𑀭𑀢𑁆𑀬𑁄-‘𑀖𑀧𑀢𑁂𑀓𑀲𑁆𑀫𑀺𑀁 𑀦𑀸𑀤𑀻𑀦𑀁 𑀬𑀬𑀸’𑀢𑀺 𑀦𑀸𑀤𑀻𑀦𑀁 𑀬𑀸 𑀳𑁄𑀢𑀺, 𑀭𑀢𑁆𑀢𑀺𑀬𑀸, 𑀬𑀓𑀸𑀭𑁂 𑀧𑀭𑁂 𑀇𑀯𑀡𑁆𑀡𑀮𑁄𑀧𑁄, 𑀭𑀢𑁆𑀬𑀸.

𑁯𑁪. 𑀲𑀼𑀦𑀁𑀳𑀺𑀲𑀼 [𑀓. 𑁮𑁯; 𑀭𑀽. 𑁮𑁭; 𑀦𑀻. 𑁨𑁪𑁬].

𑀲𑀼, 𑀦𑀁, 𑀳𑀺𑀲𑀼 𑀭𑀲𑁆𑀲𑀸𑀦𑀁 𑀤𑀻𑀖𑁄 𑀳𑁄𑀢𑀺.

𑀭𑀢𑁆𑀢𑀻𑀳𑀺, 𑀭𑀢𑁆𑀢𑀻𑀪𑀺, 𑀭𑀢𑁆𑀢𑀺𑀬𑀸, 𑀭𑀢𑁆𑀬𑀸, 𑀭𑀢𑁆𑀢𑀻𑀦𑀁, 𑀭𑀢𑁆𑀢𑀺𑀬𑀸, 𑀭𑀢𑁆𑀬𑀸, 𑀭𑀢𑁆𑀢𑀻𑀳𑀺, 𑀭𑀢𑁆𑀢𑀻𑀪𑀺, 𑀭𑀢𑁆𑀢𑀺𑀬𑀸, 𑀭𑀢𑁆𑀬𑀸, 𑀭𑀢𑁆𑀢𑀻𑀦𑀁, 𑀭𑀢𑁆𑀢𑀺𑀬𑀸, 𑀭𑀢𑁆𑀬𑀸, 𑀭𑀢𑁆𑀢𑀺𑀬𑀁, 𑀭𑀢𑁆𑀬𑀁, 𑀭𑀢𑁆𑀢𑀻𑀲𑀼.

𑀏𑀢𑁆𑀣 𑀕𑀭𑀽 𑀲𑀼, 𑀦𑀁, 𑀳𑀺𑀲𑀼 𑀤𑀻𑀖𑀢𑁆𑀢𑀁 𑀅𑀦𑀺𑀘𑁆𑀘𑀁 𑀇𑀘𑁆𑀙𑀦𑁆𑀢𑀺, 𑀢𑀁 𑀕𑀸𑀣𑀸𑀲𑀼 𑀬𑀼𑀚𑁆𑀚𑀢𑀺.

𑀧𑀢𑁆𑀢𑀺 𑀬𑀼𑀢𑁆𑀢𑀺 𑀯𑀼𑀢𑁆𑀢𑀺 𑀓𑀺𑀢𑁆𑀢𑀺, 𑀫𑀼𑀢𑁆𑀢𑀺 𑀢𑀺𑀢𑁆𑀢𑀺 𑀔𑀦𑁆𑀢𑀺 𑀓𑀦𑁆𑀢𑀺.

𑀲𑀦𑁆𑀢𑀺 𑀢𑀦𑁆𑀢𑀺 𑀲𑀺𑀤𑁆𑀥𑀺 𑀲𑀼𑀤𑁆𑀥𑀺, 𑀇𑀤𑁆𑀥𑀺 𑀯𑀼𑀤𑁆𑀥𑀺 𑀩𑀼𑀤𑁆𑀥𑀺 𑀩𑁄𑀥𑀺.

𑀪𑀽𑀫𑀺 𑀚𑀸𑀢𑀺 𑀧𑀻𑀢𑀺 𑀲𑀼𑀢𑀺, 𑀦𑀦𑁆𑀤𑀺 𑀲𑀦𑁆𑀥𑀺 𑀲𑀸𑀡𑀺 𑀓𑁄𑀝𑀺.

𑀤𑀺𑀝𑁆𑀞𑀺 𑀯𑀼𑀟𑁆𑀠𑀺 𑀢𑀼𑀝𑁆𑀞𑀺 𑀬𑀝𑁆𑀞𑀺, 𑀧𑀸𑀴𑀺 𑀆𑀴𑀺 𑀦𑀸𑀴𑀺 𑀓𑁂𑀴𑀺.

𑀲𑀢𑀺 𑀫𑀢𑀺 𑀕𑀢𑀺 𑀫𑀼𑀢𑀺, 𑀥𑀻𑀢𑀺 𑀬𑀼𑀯𑀢𑀺 𑀯𑀺𑀓𑀢𑀺.

𑀭𑀢𑀺 𑀭𑀼𑀘𑀺 𑀭𑀲𑁆𑀫𑀺 𑀅𑀲𑀦𑀺 𑀯𑀲𑀦𑀺 𑀑𑀲𑀥𑀺 𑀅𑀗𑁆𑀕𑀼𑀮𑀺 𑀥𑀽𑀮𑀺 𑀤𑀼𑀤𑁆𑀭𑀪𑀺

𑀤𑁄𑀡𑀺 ¶ 𑀅𑀝𑀯𑀺 𑀙𑀯𑀺𑀆𑀤𑀬𑁄 𑀭𑀢𑁆𑀢𑀸𑀤𑀺.

𑀏𑀢𑁆𑀣 𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁯𑁫. 𑀭𑀢𑁆𑀢𑀸𑀤𑀻𑀳𑀺 𑀝𑁄 𑀲𑁆𑀫𑀺𑀁𑀦𑁄 [𑀓. 𑁬𑁯; 𑀭𑀽. 𑁧𑁮𑁬; 𑀦𑀻. 𑁨𑁧𑁮, 𑁨𑁧𑁯; 𑀭𑀢𑁆𑀢𑁆𑀬𑀸𑀤𑀻𑀳𑀺 𑀝𑁄 𑀲𑁆𑀫𑀺𑀦𑁄 (𑀩𑀳𑀽𑀲𑀼) 𑀭𑀢𑁆𑀬𑀸𑀤𑀻𑀳𑀺 (𑀓𑀢𑁆𑀣𑀘𑀺)].

𑀭𑀢𑁆𑀢𑀺𑀲𑀤𑁆𑀤, 𑀆𑀤𑀺𑀲𑀤𑁆𑀤𑁂𑀳𑀺 𑀲𑁆𑀫𑀺𑀁𑀦𑁄 𑀝𑁄 𑀳𑁄𑀢𑀺 𑀯𑀸.

𑀤𑀺𑀯𑀸 𑀘 𑀭𑀢𑁆𑀢𑁄 𑀘 [𑀔𑀼. 𑀧𑀸. 𑁬.𑁨; 𑀚𑀸. 𑁧.𑁯.𑁯𑁨], 𑀆𑀤𑁄, 𑀆𑀤𑀺𑀫𑁆𑀳𑀺, 𑀧𑀸𑀤𑀸𑀤𑁄, 𑀧𑀸𑀤𑀸𑀤𑀺𑀫𑁆𑀳𑀺, 𑀕𑀸𑀣𑀸𑀤𑁄, 𑀕𑀸𑀣𑀸𑀤𑀺𑀫𑁆𑀳𑀺-𑀆𑀤𑀺𑀲𑀤𑁆𑀤𑁄 𑀧𑀦 𑀧𑀼𑀮𑁆𑀮𑀺𑀗𑁆𑀕𑁄𑀬𑁂𑀯, 𑀭𑀢𑁆𑀢𑀺𑀁 𑀪𑁄𑀚𑀦𑀁 𑀪𑀼𑀜𑁆𑀚𑀢𑀺, 𑀆𑀤𑀺𑀁 𑀢𑀺𑀝𑁆𑀞𑀢𑀻𑀢𑀺 𑀆𑀥𑀸𑀭𑀢𑁆𑀣𑁂 𑀤𑀼𑀢𑀺𑀬𑀸𑀯, 𑀭𑀢𑁆𑀬𑁄 𑀅𑀫𑁄𑀖𑀸 𑀕𑀘𑁆𑀙𑀦𑁆𑀢𑀺 [𑀚𑀸. 𑁨.𑁨𑁨.𑁧𑁦𑁫], 𑀢𑀺𑀡𑀮𑀢𑀸𑀦𑀺 𑀑𑀲𑀥𑁆𑀬𑁄 [𑀚𑀸. 𑁨.𑁨𑁨.𑁨𑁧𑁭𑁪], 𑀢𑀢𑁄 𑀭𑀢𑁆𑀬𑀸 𑀯𑀺𑀯𑀲𑀸𑀦𑁂 [𑀚𑀸. 𑁨.𑁨𑁨.𑁧𑁬𑁮𑁯], 𑀦 𑀚𑀘𑁆𑀘𑀸 𑀯𑀲𑀮𑁄 𑀳𑁄𑀢𑀺, 𑀦 𑀚𑀘𑁆𑀘𑀸 𑀳𑁄𑀢𑀺 𑀩𑁆𑀭𑀸𑀳𑁆𑀫𑀡𑁄 [𑀲𑀼. 𑀦𑀺. 𑁧𑁪𑁨] -𑀚𑀘𑁆𑀘𑀸𑀢𑀺 𑀚𑀸𑀢𑀺𑀬𑀸, 𑀦 𑀦𑀺𑀓𑀢𑁆𑀬𑀸 𑀲𑀼𑀔𑀫𑁂𑀥𑀢𑀺 [𑀚𑀸. 𑁧.𑁧.𑁩𑁮], 𑀔𑀦𑁆𑀢𑁆𑀬𑀸 𑀪𑀺𑀬𑁆𑀬𑁄 𑀦 𑀯𑀺𑀚𑁆𑀚𑀢𑀺 [𑀲𑀁. 𑀦𑀺. 𑁧.𑁨𑁫𑁦].

𑀦𑀸𑀜𑁆𑀜𑀢𑁆𑀭 𑀩𑁄𑀚𑁆𑀛𑀸 𑀢𑀧𑀲𑀸 [𑀲𑀁. 𑀦𑀺. 𑁧.𑁯𑁮], 𑀬𑀣𑁂𑀯 𑀔𑀮𑀢𑀻 𑀪𑀽𑀫𑁆𑀬𑀸, 𑀪𑀽𑀫𑁆𑀬𑀸𑀬𑁂𑀯 𑀧𑀢𑀺𑀝𑁆𑀞𑀢𑀺 [𑀚𑀸. 𑁨.𑁨𑁨.𑁧𑁫𑁨𑁨], 𑀫𑀳𑀸𑀯𑀼𑀢𑁆𑀢𑀺𑀦𑀸 𑀫𑀸𑀢𑀺, 𑀧𑀺𑀢𑀺𑀲𑀤𑁆𑀤𑀸 𑀦𑀸𑀤𑀻𑀳𑀺 𑀲𑀤𑁆𑀥𑀺𑀁 𑀫𑀢𑁆𑀬𑀸, 𑀧𑁂𑀢𑁆𑀬𑀸𑀢𑀺 𑀲𑀺𑀚𑁆𑀛𑀦𑁆𑀢𑀺, 𑀫𑀢𑁆𑀬𑀸 𑀘 𑀧𑁂𑀢𑁆𑀬𑀸 𑀘 𑀏𑀢𑀁 𑀚𑀸𑀦𑀸𑀫𑀺𑀫𑀸𑀢𑀺𑀢𑁄 𑀧𑀺𑀢𑀺𑀢𑁄𑀢𑀺 𑀅𑀢𑁆𑀣𑁄, 𑀫𑀢𑁆𑀬𑀸 𑀘 𑀧𑁂𑀢𑁆𑀬𑀸 𑀘 𑀓𑀢𑀁 𑀲𑀼𑀲𑀸𑀥𑀼 [𑀚𑀸. 𑁨.𑁧𑁮.𑁬𑁧] -𑀓𑀢𑀦𑁆𑀢𑀺 𑀓𑀢𑀁 𑀦𑀸𑀫𑀁, 𑀲𑀼𑀲𑀸𑀥𑀽𑀢𑀺 𑀅𑀢𑀺𑀲𑀼𑀦𑁆𑀤𑀭𑀁. ‘𑀅𑀦𑀼𑀜𑁆𑀜𑀸𑀢𑁄 𑀅𑀳𑀁 𑀫𑀢𑁆𑀬𑀸, 𑀲𑀜𑁆𑀘𑀢𑁆𑀢𑁄 𑀧𑀺𑀢𑀭𑀸 𑀅𑀳’𑀦𑁆𑀢𑀺 [𑀚𑀸. 𑁨.𑁨𑁨.𑁨𑁯] 𑀧𑀸𑀴𑀺𑀧𑀤𑀸𑀦𑀺. ‘𑀫𑀸𑀢𑀻𑀦𑀁 𑀤𑁄𑀳𑀴𑁄 𑀦𑀸𑀫 𑀚𑀦𑀺𑀦𑁆𑀤 𑀯𑀼𑀘𑁆𑀘𑀢𑀻’ [𑀚𑀸. 𑁨.𑁨𑁨.𑁧𑁩𑁪𑁭] 𑀢𑀺 𑀘 𑀧𑀸𑀴𑀺, 𑀯𑀻𑀲𑀢𑀺, 𑀢𑀺𑀁𑀲𑀢𑀺, 𑀲𑀝𑁆𑀞𑀺, 𑀲𑀢𑁆𑀢𑀢𑀺, 𑀅𑀲𑀻𑀢𑀺, 𑀦𑀯𑀼𑀢𑀺, 𑀓𑁄𑀝𑀺, 𑀧𑀓𑁄𑀝𑀺 𑀇𑀘𑁆𑀘𑁂𑀢𑁂 𑀲𑀗𑁆𑀔𑁆𑀬𑀸𑀭𑀸𑀲𑀺𑀫𑁆𑀳𑀺 𑀆𑀕𑀫𑀺𑀲𑁆𑀲𑀦𑁆𑀢𑀺.

𑀇𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀈𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺

𑁯𑁬. 𑀲𑀺𑀫𑁆𑀳𑀺 𑀦𑀸𑀦𑀧𑀼𑀁𑀲𑀓𑀲𑁆𑀲 [𑀓. 𑁮𑁫; 𑀭𑀽. 𑁧𑁫𑁦; 𑀦𑀻. 𑁨𑁩𑁯 𑀫𑁄𑀕-𑀤𑀼. 𑁬𑁬; 𑀲𑀺𑀲𑁆𑀫𑀺𑀁 (𑀩𑀳𑀽𑀲𑀼)].

𑀲𑀺𑀫𑁆𑀳𑀺 ¶ 𑀧𑀭𑁂 𑀅𑀦𑀧𑀼𑀁𑀲𑀓𑀲𑁆𑀲 𑀧𑀼𑀫𑀺𑀢𑁆𑀣𑀻𑀦𑀁 𑀤𑀻𑀖𑀲𑁆𑀲 𑀭𑀲𑁆𑀲𑁄 𑀦 𑀳𑁄𑀢𑀺.

𑀇𑀢𑁆𑀣𑀻 𑀢𑀺𑀝𑁆𑀞𑀢𑀺, 𑀇𑀢𑁆𑀣𑀻 𑀢𑀺𑀝𑁆𑀞𑀦𑁆𑀢𑀺.

𑁯𑁭. 𑀏𑀓𑀯𑀘𑀦𑀬𑁄𑀲𑁆𑀯𑀖𑁄𑀦𑀁 [𑀓. 𑁮𑁪; 𑀭𑀽. 𑁧𑁪𑁪; 𑀦𑀻. 𑁨𑁩𑁭, 𑁨𑁩𑁮].

𑀖𑁄 𑀘 𑀑 𑀘 𑀖𑁄, 𑀦 𑀖𑁄 𑀅𑀖𑁄. 𑀏𑀓𑀯𑀘𑀦𑁂𑀲𑀼 𑀘 𑀬𑁄𑀲𑀼 𑀘 𑀧𑀭𑁂𑀲𑀼 𑀖, 𑀑𑀯𑀚𑁆𑀚𑀺𑀢𑀸𑀦𑀁 𑀲𑀩𑁆𑀩𑁂𑀲𑀁 𑀤𑀻𑀖𑀸𑀦𑀁 𑀭𑀲𑁆𑀲𑁄 𑀳𑁄𑀢𑀺.

𑀇𑀢𑁆𑀣𑀺𑀬𑁄 𑀢𑀺𑀝𑁆𑀞𑀦𑁆𑀢𑀺, 𑀇𑀣𑁆𑀬𑁄 𑀢𑀺𑀝𑁆𑀞𑀦𑁆𑀢𑀺.

𑁯𑁮. 𑀕𑁂 𑀯𑀸 [𑀓. 𑁨𑁪𑁫, 𑁨𑁪𑁬; 𑀭𑀽. 𑁧𑁫𑁨, 𑁭𑁩; 𑀦𑀻. 𑁪𑁭𑁬-𑁯].

𑀕𑁂 𑀧𑀭𑁂 𑀖, 𑀑𑀯𑀚𑁆𑀚𑀺𑀢𑀸𑀦𑀁 𑀲𑀩𑁆𑀩𑁂𑀲𑀁 𑀤𑀻𑀖𑀸𑀦𑀁 𑀭𑀲𑁆𑀲𑁄 𑀳𑁄𑀢𑀺 𑀯𑀸.

𑀪𑁄𑀢𑀺 𑀇𑀢𑁆𑀣𑀺, 𑀪𑁄𑀢𑀺 𑀇𑀢𑁆𑀣𑀻, 𑀪𑁄𑀢𑀺𑀬𑁄 𑀇𑀢𑁆𑀣𑀻, 𑀪𑁄𑀢𑀺𑀬𑁄 𑀇𑀢𑁆𑀣𑀺𑀬𑁄, 𑀪𑁄𑀢𑀺𑀬𑁄 𑀇𑀣𑁆𑀬𑁄, 𑀇𑀢𑁆𑀣𑀺𑀁 𑀧𑀲𑁆𑀲𑀢𑀺.

𑁯𑁯. 𑀬𑀁 𑀧𑀻𑀢𑁄 [𑀓. 𑁨𑁨𑁩; 𑀭𑀽. 𑁧𑁮𑁮; 𑀦𑀻. 𑁪𑁫𑁦].

𑀬𑁄 𑀧𑀲𑀜𑁆𑀜𑁄 𑀈𑀓𑀸𑀭𑁄, 𑀢𑀢𑁄 𑀅𑀁𑀯𑀘𑀦𑀲𑁆𑀲 𑀬𑀁 𑀳𑁄𑀢𑀺 𑀯𑀸.

𑀇𑀢𑁆𑀣𑀺𑀬𑀁 𑀧𑀲𑁆𑀲𑀢𑀺, 𑀏𑀢𑁆𑀣 𑀘 𑀬𑀦𑁆𑀢𑀺 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 ‘‘𑀩𑀼𑀚𑁆𑀛𑀲𑁆𑀲𑀼 𑀚𑀺𑀦𑀩𑁄𑀥𑀺𑀬’’𑀦𑁆𑀢𑀺 [𑀩𑀼. 𑀯𑀁. 𑁨.𑁧𑁮𑁨] 𑀲𑀺𑀚𑁆𑀛𑀢𑀺. 𑀇𑀢𑁆𑀣𑀻 𑀧𑀲𑁆𑀲𑀢𑀺, 𑀇𑀢𑁆𑀣𑀺𑀬𑁄 𑀧𑀲𑁆𑀲𑀢𑀺, 𑀇𑀣𑁆𑀬𑁄 ¶ 𑀧𑀲𑁆𑀲𑀢𑀺, 𑀇𑀢𑁆𑀣𑀺𑀬𑀸, 𑀇𑀣𑁆𑀬𑀸, 𑀇𑀢𑁆𑀣𑀻𑀳𑀺, 𑀇𑀢𑁆𑀣𑀻𑀪𑀺, 𑀇𑀢𑁆𑀣𑀺𑀬𑀸, 𑀇𑀣𑁆𑀬𑀸, 𑀇𑀢𑁆𑀣𑀻𑀦𑀁, 𑀇𑀢𑁆𑀣𑀺𑀬𑀸, 𑀇𑀢𑁆𑀣𑀺𑀫𑁆𑀳𑀸, 𑀇𑀣𑁆𑀬𑀸, 𑀇𑀢𑁆𑀣𑀻𑀳𑀺, 𑀇𑀢𑁆𑀣𑀻𑀪𑀺, 𑀇𑀢𑁆𑀣𑀺𑀬𑀸, 𑀇𑀣𑁆𑀬𑀸, 𑀇𑀢𑁆𑀣𑀻𑀦𑀁, 𑀇𑀢𑁆𑀣𑀺𑀬𑀸, 𑀇𑀣𑁆𑀬𑀸, 𑀇𑀢𑁆𑀣𑀺𑀬𑀁, 𑀇𑀣𑁆𑀬𑀁, 𑀇𑀢𑁆𑀣𑀺𑀫𑁆𑀳𑀺, 𑀇𑀢𑁆𑀣𑀻𑀲𑀼.

𑀦𑀤𑀻 𑀲𑀦𑁆𑀤𑀢𑀺, 𑀦𑀤𑀻 𑀲𑀦𑁆𑀤𑀦𑁆𑀢𑀺, 𑀦𑀤𑀺𑀬𑁄 𑀲𑀦𑁆𑀤𑀦𑁆𑀢𑀺.

𑀇𑀯𑀡𑁆𑀡𑀮𑁄𑀧𑁂 𑀲𑀦𑁆𑀥𑀺𑀲𑀼𑀢𑁆𑀢𑁂𑀦 𑀬𑀓𑀸𑀭𑁂 𑀧𑀭𑁂 𑀢𑀯𑀕𑁆𑀕𑀲𑁆𑀲 𑀘𑀯𑀕𑁆𑀕𑁄, 𑀬𑀲𑁆𑀲 𑀘 𑀧𑀼𑀩𑁆𑀩𑀭𑀽𑀧𑀁 [𑀓. 𑁯𑁮; 𑀭𑀽. 𑁮𑁭 𑀧𑀺𑀝𑁆𑀞𑁂; 𑀦𑀻. 𑁧𑁦𑁪; 𑁨𑁬𑁨-𑁩-𑁪]. 𑀦𑀚𑁆𑀚𑁄 𑀲𑀦𑁆𑀤𑀦𑁆𑀢𑀺 [𑀓. 𑁯𑁮; 𑀭𑀽. 𑁮𑁭 𑀧𑀺𑀝𑁆𑀞𑁂; 𑀦𑀻. 𑁧𑁦𑁪; 𑁨𑁬𑁨-𑁩-𑁪], 𑀦𑀸𑀤𑁆𑀬𑁂𑀓𑀯𑀘𑀦𑁂𑀲𑀼 𑀦𑀚𑁆𑀚𑀸 𑀓𑀢𑀁, 𑀦𑀚𑁆𑀚𑀸 𑀤𑁂𑀢𑀺, 𑀦𑀚𑁆𑀚𑀸 𑀅𑀧𑁂𑀢𑀺, 𑀦𑀚𑁆𑀚𑀸 𑀲𑀦𑁆𑀢𑀓𑀁, 𑀦𑀚𑁆𑀚𑀸 𑀢𑀺𑀝𑁆𑀞𑀢𑀺, 𑀦𑀚𑁆𑀚𑀁 𑀢𑀺𑀝𑁆𑀞𑀢𑀺, 𑀲𑁂𑀲𑀭𑀽𑀧𑀸𑀦𑀺 𑀇𑀢𑁆𑀣𑀺𑀲𑀤𑀺𑀲𑀸𑀦𑀺.

𑀏𑀯𑀁 𑀕𑀘𑁆𑀙𑀢𑀻 𑀕𑀘𑁆𑀙𑀦𑁆𑀢𑀻, 𑀲𑀢𑀻 𑀲𑀦𑁆𑀢𑀻, 𑀅𑀲𑀢𑀻 𑀅𑀲𑀦𑁆𑀢𑀻, 𑀫𑀳𑀢𑀻 𑀫𑀳𑀦𑁆𑀢𑀻, 𑀩𑁆𑀭𑀳𑁆𑀫𑀢𑀻 𑀩𑁆𑀭𑀦𑁆𑀢𑀻, 𑀪𑁄𑀢𑀻 𑀪𑁄𑀦𑁆𑀢𑀻, 𑀪𑀯𑀺𑀲𑁆𑀲𑀢𑀻 𑀪𑀯𑀺𑀲𑁆𑀲𑀦𑁆𑀢𑀻, 𑀕𑀫𑀺𑀲𑁆𑀲𑀢𑀻 𑀕𑀫𑀺𑀲𑁆𑀲𑀦𑁆𑀢𑀻, 𑀕𑀼𑀡𑀯𑀢𑀻 𑀕𑀼𑀡𑀯𑀦𑁆𑀢𑀻, 𑀲𑀻𑀮𑀯𑀢𑀻 𑀲𑀻𑀮𑀯𑀦𑁆𑀢𑀻, 𑀲𑀢𑀺𑀫𑀢𑀻 𑀲𑀢𑀺𑀫𑀦𑁆𑀢𑀻, 𑀲𑀺𑀭𑀺𑀫𑀢𑀻 𑀲𑀺𑀭𑀺𑀫𑀦𑁆𑀢𑀻, 𑀓𑀢𑀯𑀢𑀻 𑀓𑀢𑀯𑀦𑁆𑀢𑀻, 𑀪𑀼𑀢𑁆𑀢𑀸𑀯𑀢𑀻 𑀪𑀼𑀢𑁆𑀢𑀸𑀯𑀦𑁆𑀢𑀻, 𑀲𑀩𑁆𑀩𑀸𑀯𑀢𑀻 𑀲𑀩𑁆𑀩𑀸𑀯𑀦𑁆𑀢𑀻, 𑀬𑀸𑀯𑀢𑀻 𑀬𑀸𑀯𑀦𑁆𑀢𑀻, 𑀢𑀸𑀯𑀢𑀻 𑀢𑀸𑀯𑀦𑁆𑀢𑀻. 𑀓𑀫𑁆𑀳𑀺 𑀆𑀕𑀫𑁂 𑀭𑀲𑁆𑀲𑁄, 𑀬𑀸𑀯𑀢𑀺𑀓𑀸, 𑀢𑀸𑀯𑀢𑀺𑀓𑀸.

𑀕𑀸𑀯𑀻, 𑀬𑀓𑁆𑀔𑀻, 𑀬𑀓𑁆𑀔𑀺𑀦𑀻, 𑀆𑀭𑀸𑀫𑀺𑀓𑀺𑀦𑀻, 𑀤𑀡𑁆𑀟𑀧𑀸𑀡𑀺𑀦𑀻, 𑀤𑀡𑁆𑀟𑀺𑀦𑀻, 𑀪𑀺𑀓𑁆𑀔𑀼𑀦𑀻, 𑀧𑀭𑀘𑀺𑀢𑁆𑀢𑀯𑀺𑀤𑀼𑀦𑀻, 𑀫𑀼𑀝𑁆𑀞𑀲𑁆𑀲𑀢𑀺𑀦𑀻, 𑀖𑀭𑀡𑀻, 𑀧𑁄𑀓𑁆𑀔𑀭𑀡𑀻, 𑀆𑀘𑀭𑀺𑀦𑀻, 𑀫𑀸𑀢𑀼𑀮𑀸𑀦𑀻, 𑀕𑀳𑀧𑀢𑀸𑀦𑀻 𑀇𑀘𑁆𑀘𑀸𑀤𑀬𑁄. 𑀦𑀤𑀸𑀤𑀺.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁧𑁦𑁦. 𑀦𑀚𑁆𑀚𑀸 𑀬𑁄𑀲𑁆𑀯𑀸𑀫 [𑀦𑀻. 𑁨𑁬𑁨].

𑀬𑁄𑀲𑀼 𑀧𑀭𑁂𑀲𑀼 𑀦𑀤𑀺𑀬𑀸 𑀅𑀦𑁆𑀢𑁂 𑀆𑀫𑀆𑀕𑀫𑁄 𑀳𑁄𑀢𑀺 𑀯𑀸.

𑀦𑀚𑁆𑀚𑀸𑀬𑁄 ¶ 𑀲𑀦𑁆𑀤𑀦𑁆𑀢𑀺 [𑀲𑀁. 𑀦𑀺. 𑁩.𑁨𑁨𑁪], 𑀦𑀚𑁆𑀚𑀸𑀬𑁄 𑀲𑀼𑀧𑀢𑀺𑀢𑁆𑀣𑀸𑀬𑁄 [𑀚𑀸. 𑁨.𑁨𑁨.𑁧𑁪𑁧𑁪] 𑀢𑀺 𑀧𑀸𑀴𑀺, 𑀦𑀺𑀫𑀺𑀚𑀸𑀢𑀓𑁂 𑀧𑀦 𑀦𑀚𑁆𑀚𑁄𑀦𑀼𑀧𑀭𑀺𑀬𑀸𑀬𑀢𑀺, 𑀦𑀸𑀦𑀸𑀧𑀼𑀧𑁆𑀨𑀤𑀼𑀫𑀸𑀬𑀼𑀢𑀸𑀢𑀺 𑀘 𑀦𑀚𑁆𑀚𑁄 𑀘𑀸𑀦𑀼𑀧𑀭𑀺𑀬𑀸𑀢𑀻𑀢𑀺 [𑀚𑀸. 𑁨.𑁨𑁨.𑁫𑁩𑁭] 𑀘 𑀧𑀸𑀴𑀺, 𑀢𑀢𑁆𑀣 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀺𑀲𑁆𑀲 𑀑𑀢𑁆𑀢𑀁.

𑀉𑀝𑁆𑀞𑁂𑀳𑀺 𑀭𑁂𑀯𑀢𑁂 𑀲𑀼𑀧𑀸𑀧𑀓𑀫𑁆𑀫𑁂 [𑀯𑀺. 𑀯. 𑁮𑁬𑁩], 𑀤𑀸𑀲𑀸 𑀘 𑀤𑀸𑀲𑁆𑀬𑁄 𑀘, 𑀅𑀦𑀼𑀚𑀻𑀯𑀺𑀦𑁄 [𑀚𑀸. 𑁧.𑁧𑁦.𑁧𑁦𑁧], 𑀩𑀸𑀭𑀸𑀡𑀲𑁆𑀬𑀁 𑀫𑀳𑀸𑀭𑀸𑀚, 𑀓𑀸𑀓𑀭𑀸𑀚𑀸 𑀦𑀺𑀯𑀸𑀲𑀓𑁄 [𑀚𑀸. 𑁧.𑁩.𑁧𑁨𑁪], 𑀩𑀸𑀭𑀸𑀡𑀲𑁆𑀬𑀁 𑀅𑀳𑀼 𑀭𑀸𑀚𑀸 [𑀚𑀸. 𑁧.𑁧𑁬.𑁧𑁭𑁮], 𑀭𑀜𑁆𑀜𑁄 𑀫𑀦𑁄 𑀉𑀫𑁆𑀫𑀸𑀤𑀦𑁆𑀢𑁆𑀬𑀸 𑀦𑀺𑀯𑀺𑀝𑁆𑀞𑁄, 𑀉𑀫𑁆𑀫𑀸𑀤𑀦𑁆𑀢𑁆𑀬𑀸 𑀭𑀫𑀺𑀢𑁆𑀯𑀸𑀦, 𑀲𑀺𑀯𑀺𑀭𑀸𑀚𑀸 𑀢𑀢𑁄 𑀲𑀺𑀬𑀁 [𑀚𑀸. 𑁨.𑁧𑁮.𑁭𑁦], 𑀤𑀸𑀭𑀓𑁂𑀯 𑀅𑀳𑀁 𑀦𑁂𑀲𑁆𑀲𑀁. 𑀩𑁆𑀭𑀸𑀳𑁆𑀫𑀡𑁆𑀬𑀸 𑀧𑀭𑀺𑀘𑀸𑀭𑀓𑁂 [𑀚𑀸. 𑁨.𑁨𑁨.𑁨𑁧𑁧𑁧]. 𑀢𑀣𑀸 𑀬𑁄𑀲𑀼 𑀧𑁄𑀓𑁆𑀔𑀭𑀜𑁆𑀜𑁄. 𑀦𑀸𑀤𑀻𑀲𑀼 𑀧𑀣𑀩𑁆𑀬𑀸, 𑀧𑀼𑀣𑀩𑁆𑀬𑀸, 𑀧𑁄𑀓𑁆𑀔𑀭𑀜𑁆𑀜𑀸. 𑀲𑁆𑀫𑀺𑀁𑀫𑁆𑀳𑀺 𑀧𑀣𑀩𑁆𑀬𑀸, 𑀧𑀣𑀩𑁆𑀬𑀁, 𑀧𑀼𑀣𑀩𑁆𑀬𑀸, 𑀧𑀼𑀣𑀩𑁆𑀬𑀁, 𑀧𑁄𑀓𑁆𑀔𑀭𑀜𑁆𑀜𑀸, 𑀧𑁄𑀓𑁆𑀔𑀭𑀜𑁆𑀜𑀁, 𑀯𑁂𑀢𑁆𑀭𑀜𑁆𑀜𑀸, 𑀯𑁂𑀢𑁆𑀭𑀜𑁆𑀜𑀁 [𑀯𑁂 𑀢𑁆𑀭𑀭𑀜𑁆𑀜𑀸, (𑀦𑀺𑀲𑁆𑀲𑀬)] 𑀇𑀘𑁆𑀘𑀸𑀤𑀻𑀦𑀺 𑀤𑀺𑀲𑁆𑀲𑀦𑁆𑀢𑀺.

𑀈𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀉𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺

𑀲𑀺𑀮𑁄𑀧𑁄, 𑀥𑁂𑀦𑀼 𑀕𑀘𑁆𑀙𑀢𑀺, 𑀥𑁂𑀦𑀼𑀬𑁄 𑀕𑀘𑁆𑀙𑀦𑁆𑀢𑀺, 𑀬𑁄𑀮𑁄𑀧𑁂 𑀤𑀻𑀖𑁄, 𑀥𑁂𑀦𑀽 𑀕𑀘𑁆𑀙𑀦𑁆𑀢𑀺, 𑀪𑁄𑀢𑀺 𑀥𑁂𑀦𑀼, 𑀪𑁄𑀢𑀺 𑀥𑁂𑀦𑀽, 𑀪𑁄𑀢𑀺𑀬𑁄 𑀥𑁂𑀦𑀼𑀬𑁄, 𑀪𑁄𑀢𑀺𑀬𑁄 𑀥𑁂𑀦𑀽, 𑀥𑁂𑀦𑀼𑀁 𑀧𑀲𑁆𑀲𑀢𑀺, 𑀥𑁂𑀦𑀼𑀬𑁄 𑀧𑀲𑁆𑀲𑀢𑀺, 𑀥𑁂𑀦𑀽 𑀧𑀲𑁆𑀲𑀢𑀺, 𑀥𑁂𑀦𑀼𑀬𑀸, 𑀥𑁂𑀦𑀽𑀳𑀺, 𑀥𑁂𑀦𑀽𑀪𑀺, 𑀥𑁂𑀦𑀼𑀬𑀸, 𑀥𑁂𑀦𑀽𑀦𑀁, 𑀥𑁂𑀦𑀼𑀬𑀸, 𑀥𑁂𑀦𑀼𑀫𑁆𑀳𑀸, 𑀥𑁂𑀦𑀽𑀳𑀺, 𑀥𑁂𑀦𑀽𑀪𑀺, 𑀥𑁂𑀦𑀼𑀬𑀸, 𑀥𑁂𑀦𑀽𑀦𑀁, 𑀥𑁂𑀦𑀼𑀬𑀸, 𑀥𑁂𑀦𑀼𑀬𑀁, 𑀥𑁂𑀦𑀼𑀫𑁆𑀳𑀺, 𑀥𑁂𑀦𑀽𑀲𑀼.

𑀏𑀯𑀁 𑀬𑀸𑀕𑀼, 𑀓𑀸𑀲𑀼, 𑀤𑀤𑁆𑀤𑀼, 𑀓𑀡𑁆𑀟𑀼, 𑀓𑀘𑁆𑀙𑀼, 𑀭𑀚𑁆𑀚𑀼, 𑀓𑀭𑁂𑀡𑀼, 𑀧𑀺𑀬𑀗𑁆𑀕𑀼, 𑀲𑀲𑁆𑀲𑀼 𑀇𑀘𑁆𑀘𑀸𑀤𑀬𑁄. 𑀥𑁂𑀦𑁆𑀯𑀸𑀤𑀺.

𑀥𑀸𑀢𑀼𑀲𑀤𑁆𑀤𑁄 ¶ 𑀧𑀦 𑀧𑀸𑀴𑀺𑀦𑀬𑁂 𑀇𑀢𑁆𑀣𑀺𑀮𑀺𑀗𑁆𑀕𑁄, 𑀲𑀤𑁆𑀤𑀲𑀢𑁆𑀣𑀦𑀬𑁂 𑀧𑀼𑀫𑀺𑀢𑁆𑀣𑀺𑀮𑀺𑀗𑁆𑀕𑁄.

𑀫𑀸𑀢𑀼, 𑀥𑀻𑀢𑀼, 𑀤𑀼𑀳𑀺𑀢𑀼𑀲𑀤𑁆𑀤𑀸 𑀇𑀢𑁆𑀣𑀺 𑀮𑀺𑀗𑁆𑀕𑀸, 𑀢𑁂𑀲𑀁 𑀭𑀽𑀧𑀁 𑀧𑀺𑀢𑀸𑀤𑀺𑀕𑀡𑁂 𑀆𑀕𑀫𑀺𑀲𑁆𑀲𑀢𑀺.

𑀉𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀊𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺

𑀯𑀥𑀽 𑀕𑀘𑁆𑀙𑀢𑀺, 𑀯𑀥𑀽 𑀕𑀘𑁆𑀙𑀦𑁆𑀢𑀺, 𑀬𑁄𑀲𑀼 𑀭𑀲𑁆𑀲𑁄, 𑀯𑀥𑀼𑀬𑁄 𑀕𑀘𑁆𑀙𑀦𑁆𑀢𑀺, 𑀪𑁄𑀢𑀺 𑀯𑀥𑀼, 𑀪𑁄𑀢𑀺 𑀯𑀥𑀽, 𑀪𑁄𑀢𑀺𑀬𑁄 𑀯𑀥𑀽, 𑀯𑀥𑀼𑀬𑁄, 𑀯𑀥𑀼𑀁, 𑀯𑀥𑀽, 𑀯𑀥𑀼𑀬𑁄, 𑀯𑀥𑀼𑀬𑀸, 𑀯𑀥𑀽𑀳𑀺, 𑀯𑀥𑀽𑀪𑀺, 𑀯𑀥𑀼𑀬𑀸, 𑀯𑀥𑀽𑀦𑀁, 𑀯𑀥𑀼𑀬𑀸, 𑀯𑀥𑀼𑀫𑁆𑀳𑀸, 𑀯𑀥𑀽𑀳𑀺, 𑀯𑀥𑀽𑀪𑀺, 𑀯𑀥𑀼𑀬𑀸, 𑀯𑀥𑀽𑀦𑀁, 𑀯𑀥𑀼𑀬𑀸, 𑀯𑀥𑀼𑀬𑀁, 𑀯𑀥𑀽𑀲𑀼. 𑀏𑀯𑀁 𑀚𑀫𑁆𑀩𑀽, 𑀲𑀭𑀪𑀽, 𑀲𑀼𑀢𑀦𑀽, 𑀦𑀸𑀕𑀦𑀸𑀲𑀽𑀭𑀽, 𑀲𑀁𑀳𑀺𑀢𑁄𑀭𑀽, 𑀯𑀸𑀫𑁄𑀭𑀽, 𑀮𑀓𑁆𑀔𑀡𑀽𑀭𑀽, 𑀩𑁆𑀭𑀳𑁆𑀫𑀩𑀦𑁆𑀥𑀽, 𑀪𑀽, 𑀘𑀫𑀽 𑀇𑀘𑁆𑀘𑀸𑀤𑀬𑁄. 𑀯𑀥𑀸𑀤𑀺.

𑀲𑀸𑀳𑀁 𑀕𑀦𑁆𑀢𑁆𑀯𑀸 𑀫𑀦𑀼𑀲𑁆𑀲𑀢𑁆𑀢𑀁, 𑀯𑀤𑀜𑁆𑀜𑀽 𑀯𑀻𑀢𑀫𑀘𑁆𑀙𑀭𑀸𑀢𑀺 [𑀯𑀺. 𑀯. 𑁬𑁩𑁪] 𑀘 𑀓𑁄𑀥𑀦𑀸 𑀅𑀓𑀢𑀜𑁆𑀜𑀽 𑀘𑀸𑀢𑀺 [𑀚𑀸. 𑁧.𑁧.𑁬𑁩] 𑀘 𑀧𑀸𑀴𑀺𑀬𑁄, 𑀢𑀲𑁆𑀫𑀸 𑀦𑀻𑀧𑀘𑁆𑀘𑀬𑀁 𑀯𑀺𑀦𑀸𑀧𑀺 𑀓𑁆𑀯𑀘𑀺 𑀊𑀓𑀸𑀭𑀦𑁆𑀢𑀓𑀺𑀢𑀓𑀲𑀤𑁆𑀤𑀸 𑀇𑀢𑁆𑀣𑀺𑀮𑀺𑀗𑁆𑀕𑀸 𑀪𑀯𑀦𑁆𑀢𑀺.

𑀊𑀓𑀸𑀭𑀦𑁆𑀢𑀺𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀑𑀓𑀸𑀭𑀦𑁆𑀢𑀭𑀸𑀲𑀺

𑀕𑁄𑀲𑀤𑁆𑀤𑁄 𑀤𑁆𑀯𑀺𑀮𑀺𑀗𑁆𑀕𑁄. 𑀢𑀲𑁆𑀲 𑀭𑀽𑀧𑀸𑀦𑀺 𑀓𑀸𑀦𑀺𑀘𑀺 𑀤𑁆𑀯𑀺𑀬𑀢𑁆𑀣𑀯𑀲𑁂𑀦 𑀇𑀢𑁆𑀣𑀺𑀬𑀫𑁆𑀧𑀺 𑀯𑀢𑁆𑀢𑀦𑁆𑀢𑀺 𑀧𑀼𑀫𑁂𑀧𑀺 𑀯𑀢𑁆𑀢𑀦𑁆𑀢𑀺 𑀫𑀺𑀲𑁆𑀲𑀓𑁂𑀧𑀺 𑀯𑀢𑁆𑀢𑀦𑁆𑀢𑀺, 𑀓𑀸𑀦𑀺𑀘𑀺 𑀇𑀢𑁆𑀣𑀺𑀬𑀁 𑀓𑀸𑀦𑀺𑀘𑀺 𑀧𑀼𑀫𑁂. 𑀇𑀥 𑀧𑀦 𑀲𑀩𑁆𑀩𑀸𑀦𑀺 𑀬𑀸𑀦𑀺 𑀲𑀫𑁄𑀥𑀸𑀦𑁂𑀢𑁆𑀯𑀸 𑀤𑀻𑀧𑀺𑀬𑀦𑁆𑀢𑁂.

𑀲𑀺𑀮𑁄𑀧𑁄, 𑀕𑁄𑀕𑀘𑁆𑀙𑀢𑀺-𑀏𑀢𑁆𑀣 𑀘 𑀕𑁄𑀢𑀺 𑀅𑀪𑀺𑀦𑁆𑀦𑀲𑀤𑁆𑀤𑀮𑀺𑀗𑁆𑀕𑀢𑁆𑀢𑀸 𑀕𑁄𑀡𑁄𑀢𑀺𑀧𑀺 𑀬𑀼𑀚𑁆𑀚𑀢𑀺, 𑀕𑀸𑀯𑀻𑀢𑀺𑀧𑀺 𑀬𑀼𑀚𑁆𑀚𑀢𑀺.

𑁧𑁦𑁧. 𑀕𑁄𑀲𑁆𑀲𑀸𑀕𑀲𑀺𑀳𑀺𑀦𑀁𑀲𑀼 ¶ 𑀕𑀸𑀯𑀕𑀯𑀸 [𑀓. 𑁭𑁩-𑁫; 𑀭𑀽. 𑁧𑁬𑁯, 𑁧𑁭𑁦, 𑁧𑁭𑁪; 𑀦𑀻. 𑁨𑁨𑁪].

𑀕, 𑀲𑀺, 𑀳𑀺, 𑀦𑀁𑀯𑀚𑁆𑀚𑀺𑀢𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀕𑁄𑀲𑀤𑁆𑀤𑀲𑁆𑀲 𑀕𑀸𑀯, 𑀕𑀯𑀸𑀤𑁂𑀲𑀸 𑀳𑁄𑀦𑁆𑀢𑀺.

𑁧𑁦𑁨. 𑀉𑀪𑀕𑁄𑀳𑀺 𑀝𑁄 [𑀓. 𑁨𑁦𑁫; 𑀭𑀽. 𑁧𑁬𑁦; 𑀦𑀻. 𑁪𑁨𑁧].

𑀉𑀪, 𑀕𑁄𑀳𑀺 𑀬𑁄𑀦𑀁 𑀝𑁄 𑀳𑁄𑀢𑀺.

𑀕𑀸𑀯𑁄, 𑀕𑀯𑁄, 𑀳𑁂 𑀕𑁄, 𑀳𑁂 𑀕𑀸𑀯𑁄, 𑀳𑁂 𑀕𑀯𑁄, 𑀕𑀸𑀯𑀁, 𑀕𑀯𑀁.

𑁧𑁦𑁩. 𑀕𑀸𑀯𑀼𑀫𑁆𑀳𑀺 [𑀓. 𑁭𑁬; 𑀭𑀽 𑁧𑁭𑁧, 𑁨𑁨𑁬].

𑀅𑀁𑀫𑁆𑀳𑀺 𑀕𑁄𑀲𑁆𑀲 𑀕𑀸𑀯𑀼 𑀳𑁄𑀢𑀺 𑀯𑀸.

𑀕𑀸𑀯𑀼𑀁, 𑀕𑀸𑀯𑁄, 𑀕𑀯𑁄, 𑀕𑀸𑀯𑁂𑀦, 𑀕𑀯𑁂𑀦.

𑁧𑁦𑁪. 𑀦𑀸𑀲𑁆𑀲𑀸.

𑀕𑁄𑀲𑁆𑀲 𑀕𑀸𑀯, 𑀕𑀯𑀸𑀤𑁂𑀲𑀢𑁄 𑀦𑀸𑀯𑀘𑀦𑀲𑁆𑀲 𑀆 𑀳𑁄𑀢𑀺 𑀯𑀸.

𑀕𑀸𑀯𑀸, 𑀕𑀯𑀸, 𑀕𑁄𑀳𑀺, 𑀕𑁄𑀪𑀺, 𑀕𑀸𑀯𑀲𑁆𑀲, 𑀕𑀯𑀲𑁆𑀲.

𑁧𑁦𑁫. 𑀕𑀯𑀁 𑀲𑁂𑀦.

𑀲𑁂𑀦 𑀲𑀳 𑀕𑁄𑀲𑁆𑀲 𑀕𑀯𑀁 𑀳𑁄𑀢𑀺 𑀯𑀸.

𑀕𑀯𑀁, 𑀕𑁄𑀦𑀁.

𑁧𑁦𑁬. 𑀕𑀼𑀦𑁆𑀦𑀜𑁆𑀘 𑀦𑀁𑀦𑀸 [𑀓. 𑁮𑁧; 𑀭𑀽. 𑁧𑁭𑁨; 𑀦𑀻. 𑁨𑁩𑁦].

𑀦𑀁𑀦𑀸 𑀲𑀳 𑀕𑁄𑀲𑁆𑀲 𑀕𑀼𑀦𑁆𑀦𑀜𑁆𑀘 𑀳𑁄𑀢𑀺 𑀕𑀯𑀜𑁆𑀘.

𑀕𑀼𑀦𑁆𑀦𑀁, 𑀕𑀯𑀁, 𑀕𑀸𑀯𑀲𑁆𑀫𑀸, 𑀕𑀯𑀲𑁆𑀫𑀸, 𑀕𑀸𑀯𑀫𑁆𑀳𑀸, 𑀕𑀯𑀫𑁆𑀳𑀸, 𑀕𑀸𑀯𑀸, 𑀕𑀯𑀸, 𑀕𑁄𑀳𑀺, 𑀕𑁄𑀪𑀺, 𑀕𑀸𑀯𑀲𑁆𑀲, 𑀕𑀯𑀲𑁆𑀲, 𑀕𑀯𑀁, 𑀕𑁄𑀦𑀁, 𑀕𑀼𑀦𑁆𑀦𑀁, 𑀕𑀯𑀁, 𑀕𑀸𑀯𑀲𑁆𑀫𑀺𑀁, 𑀕𑀸𑀯𑀫𑁆𑀳𑀺, 𑀕𑀸𑀯𑁂, 𑀕𑀯𑀲𑁆𑀫𑀺𑀁, 𑀕𑀯𑀫𑁆𑀳𑀺, 𑀕𑀯𑁂, 𑀕𑁄𑀲𑀼, 𑀕𑀸𑀯𑁂𑀲𑀼, 𑀕𑀯𑁂𑀲𑀼.

𑀬𑁄𑀲𑀼 ¶ 𑀕𑀸𑀯, 𑀕𑀯𑀸𑀤𑁂𑀲𑁂 𑀓𑀢𑁂 𑀅𑀢𑁄 𑀬𑁄𑀦𑀁 𑀝𑀸, 𑀝𑁂 𑀘 𑀳𑁄𑀦𑁆𑀢𑀺, 𑀉𑀲𑀪𑀸 𑀭𑀼𑀓𑁆𑀔𑀸 𑀕𑀸𑀯𑀺𑀬𑁄 𑀕𑀯𑀸 𑀘 [𑀚𑀸. 𑁧.𑁧.𑁭𑁭]. 𑀩𑀮𑀕𑀯𑀸 𑀤𑀫𑁆𑀫𑀕𑀯𑀸 𑀯𑀸 𑀕𑀗𑁆𑀕𑀸𑀬 𑀧𑀸𑀭𑀁 𑀅𑀕𑀫𑀺𑀁𑀲𑀼. 𑀅𑀣𑀸𑀧𑀭𑁂 𑀧𑀢𑀸𑀭𑁂𑀲𑀺 𑀩𑀮𑀕𑀸𑀯𑁂 𑀤𑀫𑁆𑀫𑀕𑀸𑀯𑁂 [𑀫. 𑀦𑀺. 𑁧.𑁩𑁫𑁨 (𑀣𑁄𑀓𑀁 𑀯𑀺𑀲𑀤𑀺𑀲𑀁)] 𑀢𑀺 𑀧𑀸𑀴𑀺𑀧𑀤𑀸𑀦𑀺.

𑀏𑀢𑁆𑀣 𑀘 𑀕𑀸𑀯𑁄 𑀦𑁄 𑀧𑀭𑀫𑀸 𑀫𑀺𑀢𑁆𑀢𑀸, 𑀬𑀸𑀲𑀼 𑀚𑀸𑀬𑀦𑁆𑀢𑀺 𑀑𑀲𑀥𑀸 [𑀲𑀼. 𑀦𑀺. 𑁨𑁯𑁮] 𑀢𑀺 𑀘, 𑀕𑀯𑀸 𑀔𑀻𑀭𑀁, 𑀔𑀻𑀭𑀫𑁆𑀳𑀸 𑀤𑀥𑀺, 𑀤𑀥𑀺𑀫𑁆𑀳𑀸 𑀦𑀯𑀦𑀻𑀢𑀁, 𑀦𑀯𑀦𑀻𑀢𑀫𑁆𑀳𑀸 𑀲𑀧𑁆𑀧𑀺, 𑀲𑀧𑁆𑀧𑀺𑀫𑁆𑀳𑀸 𑀲𑀧𑁆𑀧𑀺𑀫𑀡𑁆𑀟𑁄𑀢𑀺 𑀘 𑀇𑀢𑁆𑀣𑀺𑀬𑀁 𑀯𑀢𑁆𑀢𑀦𑁆𑀢𑀺. 𑀕𑀸𑀯𑀺𑀬𑁄 𑀕𑀯𑀸𑀢𑀺 𑀘 𑀩𑀮𑀕𑀯𑀸 𑀤𑀫𑁆𑀫𑀕𑀯𑀸 𑀩𑀮𑀕𑀯𑁂 𑀤𑀫𑁆𑀫𑀕𑀯𑁂𑀢𑀺 [𑀫. 𑀦𑀺. 𑁧.𑁩𑁫𑁧] 𑀘 𑀕𑀸𑀯𑀼𑀁 𑀯𑀸 𑀢𑁂 𑀤𑀫𑁆𑀫𑀺 𑀕𑀸𑀯𑀺𑀁 𑀯𑀸 𑀢𑁂 𑀤𑀫𑁆𑀫𑀻𑀢𑀺 𑀘 𑀕𑀯𑀁𑀯 𑀲𑀺𑀗𑁆𑀕𑀺𑀦𑁄 𑀲𑀺𑀗𑁆𑀕𑀦𑁆𑀢𑀺 [𑀚𑀸. 𑁧.𑁧𑁨.𑁩𑁯] 𑀘 𑀧𑀼𑀫𑁂 𑀪𑀯𑀦𑁆𑀢𑀺. 𑀅𑀢𑀺𑀢𑁆𑀣𑁂𑀦𑁂𑀯 𑀕𑀸𑀯𑁄 𑀧𑀢𑀸𑀭𑁂𑀲𑀺, 𑀅𑀣 𑀔𑁄 𑀢𑀸 𑀕𑀸𑀯𑁄 𑀫𑀚𑁆𑀛𑁂 𑀕𑀗𑁆𑀕𑀸𑀬 𑀅𑀦𑀬𑀩𑁆𑀬𑀲𑀦𑀁 𑀆𑀧𑀚𑁆𑀚𑀺𑀁𑀲𑀽 [𑀫. 𑀦𑀺. 𑁧.𑁩𑁫𑁦] 𑀢𑀺 𑀘 𑀅𑀦𑁆𑀦𑀤𑀸 𑀩𑀮𑀤𑀸 𑀘𑁂𑀢𑀸, 𑀯𑀡𑁆𑀡𑀤𑀸 𑀲𑀼𑀔𑀤𑀸 𑀘 𑀢𑀸, 𑀏𑀢𑀫𑀢𑁆𑀣𑀯𑀲𑀁 𑀜𑀢𑁆𑀯𑀸, 𑀦𑀸𑀲𑁆𑀲𑀼 𑀕𑀸𑀯𑁄 𑀳𑀦𑀺𑀁𑀲𑀼 𑀢𑁂𑀢𑀺 [𑀲𑀼. 𑀦𑀺. 𑁨𑁯𑁮] 𑀘 𑀪𑀤𑁆𑀤𑀯𑀲𑁂𑀦 𑀇𑀢𑁆𑀣𑀺𑀬𑀁 𑀅𑀢𑁆𑀣𑀯𑀲𑁂𑀦 𑀫𑀺𑀲𑁆𑀲𑀓𑁂 𑀯𑀢𑁆𑀢𑀦𑁆𑀢𑀺. 𑀕𑀼𑀦𑁆𑀦𑀁 𑀘𑁂 𑀢𑀭𑀫𑀸𑀦𑀸𑀦𑀁, 𑀕𑀯𑀁 𑀘𑁂 𑀢𑀭𑀫𑀸𑀦𑀸𑀦𑀁, 𑀉𑀚𑀼𑀁 𑀕𑀘𑁆𑀙𑀢𑀺 𑀧𑀼𑀗𑁆𑀕𑀯𑁄, 𑀲𑀩𑁆𑀩𑀸 𑀢𑀸 𑀉𑀚𑀼𑀁 𑀕𑀘𑁆𑀙𑀦𑁆𑀢𑀻𑀢𑀺 [𑀚𑀸. 𑁧.𑁪.𑁧𑁩𑁫; 𑁨.𑁧𑁮.𑁧𑁦𑁪] 𑀘 𑀫𑀺𑀲𑁆𑀲𑀓𑁂 𑀏𑀯. 𑀩𑀮𑀕𑀯, 𑀤𑀫𑁆𑀫𑀕𑀯𑀲𑀤𑁆𑀤𑀸 𑀚𑀭𑀕𑁆𑀕𑀯, 𑀧𑀼𑀗𑁆𑀕𑀯, 𑀲𑀕𑀯, 𑀧𑀭𑀕𑀯, 𑀤𑀸𑀭𑀕𑀯𑀲𑀤𑁆𑀤𑀸 𑀯𑀺𑀬 𑀅𑀓𑀸𑀭𑀦𑁆𑀢𑀸 𑀲𑀫𑀸𑀲𑀲𑀤𑁆𑀤𑀸𑀢𑀺𑀧𑀺 𑀬𑀼𑀚𑁆𑀚𑀢𑀺.

𑀫𑀺𑀲𑁆𑀲𑀓𑀝𑁆𑀞𑀸𑀦𑁂𑀲𑀼 𑀧𑀦 𑀇𑀢𑁆𑀣𑀺𑀩𑀳𑀼𑀮𑀢𑁆𑀢𑀸 𑀢𑀸 𑀕𑀸𑀯𑁄 𑀏𑀢𑀸 𑀕𑀸𑀯𑁄𑀢𑀺𑀆𑀤𑀺𑀦𑀸 𑀇𑀢𑁆𑀣𑀺𑀮𑀺𑀗𑁆𑀕𑀫𑁂𑀯 𑀤𑀺𑀲𑁆𑀲𑀢𑀺.

𑀇𑀢𑀺 𑀑𑀓𑀸𑀭𑀦𑁆𑀢𑀭𑀸𑀲𑀺.

𑀇𑀢𑁆𑀣𑀺𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

𑀅𑀓𑀸𑀭𑀦𑁆𑀢 𑀧𑀼𑀮𑁆𑀮𑀺𑀗𑁆𑀕𑀧𑀼𑀭𑀺𑀲𑀸𑀤𑀺𑀭𑀸𑀲𑀺

𑀅𑀣 𑀧𑀼𑀮𑁆𑀮𑀺𑀗𑁆𑀕𑀸𑀦𑀺 𑀤𑀻𑀧𑀺𑀬𑀦𑁆𑀢𑁂.

𑀲𑀢𑁆𑀢𑀯𑀺𑀥𑀁 𑀧𑀼𑀮𑁆𑀮𑀺𑀗𑁆𑀕𑀁 𑁋 𑀅𑀤𑀦𑁆𑀢𑀁, 𑀆𑀤𑀦𑁆𑀢𑀁, 𑀇𑀤𑀦𑁆𑀢𑀁, 𑀈𑀤𑀦𑁆𑀢𑀁, 𑀉𑀤𑀦𑁆𑀢𑀁, 𑀊𑀤𑀦𑁆𑀢𑀁, 𑀑𑀤𑀦𑁆𑀢𑀁.

𑁧𑁦𑁭. 𑀲𑀺𑀲𑁆𑀲𑁄 [𑀓. 𑁧𑁦𑁪; 𑀭𑀽. 𑁬𑁬; 𑀦𑀻. 𑁨𑁭𑁨].

𑀅𑀢𑁄 𑀲𑀺𑀲𑁆𑀲 𑀑 𑀳𑁄𑀢𑀺 𑀧𑀼𑀫𑁂.

𑀧𑀼𑀭𑀺𑀲𑁄 𑀢𑀺𑀝𑁆𑀞𑀢𑀺.

𑁧𑁦𑁮. 𑀅𑀢𑁄 𑀬𑁄𑀦𑀁 𑀝𑀸𑀝𑁂 [𑀓. 𑁧𑁦𑁭; 𑀭𑀽. 𑁬𑁯; 𑀦𑀻. 𑁨𑁭𑁫, 𑁨𑁭𑁭].

𑀅𑀢𑁄 𑀧𑀞𑀫𑀸𑀬𑁄𑀦𑀁 𑀤𑀼𑀢𑀺𑀬𑀸𑀬𑁄𑀦𑀜𑁆𑀘 𑀓𑀫𑁂𑀦 𑀝𑀸, 𑀝𑁂 𑀳𑁄𑀦𑁆𑀢𑀺 𑀧𑀼𑀁, 𑀦𑀧𑀼𑀁𑀲𑀓𑁂𑀲𑀼. 𑀝𑀸𑀦𑀼𑀩𑀦𑁆𑀥𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄.

𑀧𑀼𑀭𑀺𑀲𑀸 𑀢𑀺𑀝𑁆𑀞𑀦𑁆𑀢𑀺.

‘𑀕𑀲𑀻𑀦’𑀦𑁆𑀢𑀺 𑀲𑀺𑀮𑁄𑀧𑁄, 𑀪𑁄 𑀧𑀼𑀭𑀺𑀲, ‘𑀅𑀬𑀼𑀦𑀁 𑀯𑀸 𑀤𑀻𑀖𑁄’𑀢𑀺 𑀤𑀻𑀖𑁄, 𑀪𑁄 𑀧𑀼𑀭𑀺𑀲𑀸, 𑀪𑁄𑀦𑁆𑀢𑁄 𑀧𑀼𑀭𑀺𑀲𑀸, 𑀧𑀼𑀭𑀺𑀲𑀁, 𑀧𑀼𑀭𑀺𑀲𑁂.

𑁧𑁦𑁯. 𑀅𑀢𑁂𑀦 [𑀓. 𑁧𑁦𑁩; 𑀭𑀽. 𑁭𑁯; 𑀦𑀻. 𑁨𑁭𑁧].

𑀅𑀢𑁄 𑀦𑀸𑀯𑀘𑀦𑀲𑁆𑀲 𑀏𑀦𑀸𑀤𑁂𑀲𑁄 𑀳𑁄𑀢𑀺 𑀧𑀼𑀁, 𑀦𑀧𑀼𑀁𑀲𑀓𑁂𑀲𑀼.

𑀧𑀼𑀭𑀺𑀲𑁂𑀦.

𑁧𑁧𑁦. 𑀲𑀼𑀳𑀺𑀲𑁆𑀯𑀲𑁆𑀲𑁂 [𑀓. 𑁧𑁦𑁧; 𑀭𑀽. 𑁮𑁦; 𑀦𑀻. 𑁬𑁮].

𑀲𑀼, 𑀳𑀺𑀲𑀼 𑀧𑀭𑁂𑀲𑀼 𑀅𑀲𑁆𑀲 𑀏 𑀳𑁄𑀢𑀺 𑀧𑀼𑀁, 𑀦𑀧𑀼𑀁𑀲𑀓𑁂𑀲𑀼.

𑀧𑀼𑀭𑀺𑀲𑁂𑀳𑀺, 𑀧𑀼𑀭𑀺𑀲𑁂𑀪𑀺.

𑁧𑁧𑁧. 𑀲𑀼𑀉 ¶ 𑀲𑀲𑁆𑀲 [𑀓. 𑁬𑁧; 𑀭𑀽. 𑁮𑁬; 𑀦𑀻. 𑁨𑁦𑁮].

𑀲𑀲𑁆𑀲 𑀆𑀤𑀺𑀫𑁆𑀳𑀺 𑀲𑀸𑀕𑀫𑁄 𑀳𑁄𑀢𑀺. 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀜𑀸𑀦𑀼𑀩𑀦𑁆𑀥𑁄 𑀆𑀤𑀺𑀫𑁆𑀳𑀻𑀢𑀺 𑀤𑀻𑀧𑀦𑀢𑁆𑀣𑁄.

𑀧𑀼𑀭𑀺𑀲𑀲𑁆𑀲, ‘𑀲𑀼𑀦𑀁𑀳𑀺𑀲𑀽’𑀢𑀺 𑀤𑀻𑀖𑁄. 𑀧𑀼𑀭𑀺𑀲𑀸𑀦𑀁, 𑀧𑀼𑀭𑀺𑀲𑀲𑁆𑀫𑀸, 𑀧𑀼𑀭𑀺𑀲𑀫𑁆𑀳𑀸.

𑁧𑁧𑁨. 𑀲𑁆𑀫𑀸𑀲𑁆𑀫𑀺𑀁𑀦𑀁 [𑀓. 𑁧𑁦𑁮; 𑀭𑀽. 𑁯𑁦; 𑀦𑀻. 𑁨𑁭𑁬].

𑀅𑀢𑁄 𑀲𑁆𑀫𑀸, 𑀲𑁆𑀫𑀺𑀁𑀦𑀁 𑀓𑀫𑁂𑀦 𑀝𑀸, 𑀝𑁂 𑀳𑁄𑀦𑁆𑀢𑀺 𑀧𑀼𑀁, 𑀦𑀧𑀼𑀁𑀲𑀓𑁂𑀲𑀼.

𑀧𑀼𑀭𑀺𑀲𑀸, 𑀧𑀼𑀭𑀺𑀲𑁂𑀳𑀺, 𑀧𑀼𑀭𑀺𑀲𑁂𑀪𑀺, 𑀧𑀼𑀭𑀺𑀲𑀲𑁆𑀲, 𑀧𑀼𑀭𑀺𑀲𑀸𑀦𑀁, 𑀧𑀼𑀭𑀺𑀲𑀲𑁆𑀫𑀺𑀁, 𑀧𑀼𑀭𑀺𑀲𑀫𑁆𑀳𑀺, 𑀧𑀼𑀭𑀺𑀲𑁂, 𑀧𑀼𑀭𑀺𑀲𑁂𑀲𑀼.

𑀏𑀯𑀁 𑀩𑀼𑀤𑁆𑀥𑁄, 𑀥𑀫𑁆𑀫𑁄, 𑀲𑀗𑁆𑀖𑁄, 𑀲𑀓𑁆𑀓𑁄, 𑀤𑁂𑀯𑁄, 𑀲𑀢𑁆𑀢𑁄, 𑀦𑀭𑁄, 𑀕𑁄𑀡𑁄, 𑀧𑀼𑀗𑁆𑀕𑀯𑁄, 𑀚𑀭𑀕𑁆𑀕𑀯𑁄, 𑀲𑀕𑀯𑁄, 𑀧𑀭𑀕𑀯𑁄, 𑀭𑀸𑀚𑀕𑀯𑁄, 𑀫𑀸𑀢𑀼𑀕𑀸𑀫𑁄, 𑀑𑀭𑁄𑀥𑁄, 𑀤𑀸𑀭𑁄𑀇𑀘𑁆𑀘𑀸𑀤𑀺.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁧𑁧𑁩. 𑀓𑁆𑀯𑀘𑁂 𑀯𑀸 [𑀦𑀻. 𑁨𑁭𑁭].

𑀅𑀢𑁄 𑀲𑀺𑀲𑁆𑀲 𑀓𑁆𑀯𑀘𑀺 𑀏 𑀳𑁄𑀢𑀺 𑀯𑀸 𑀧𑀼𑀁, 𑀦𑀧𑀼𑀁𑀲𑀓𑁂𑀲𑀼.

𑀧𑀼𑀫𑁂 𑀢𑀸𑀯 𑁋

𑀯𑀦𑀧𑁆𑀧𑀕𑀼𑀫𑁆𑀩𑁂 𑀬𑀣 𑀨𑀼𑀲𑁆𑀲𑀺𑀢𑀕𑁆𑀕𑁂 [𑀔𑀼. 𑀧𑀸. 𑁬.𑁧𑁩; 𑀲𑀼. 𑀦𑀺. 𑁨𑁩𑁬], ‘‘𑀓𑁂 𑀕𑀦𑁆𑀥𑀩𑁆𑀩𑁂 𑀭𑀓𑁆𑀔𑀲𑁂 𑀘 𑀦𑀸𑀕𑁂, 𑀓𑁂 𑀓𑀺𑀫𑁆𑀧𑀼𑀭𑀺𑀲𑁂 𑀘𑀸𑀧𑀺 𑀫𑀸𑀦𑀼𑀲𑁂. 𑀓𑁂 𑀧𑀡𑁆𑀟𑀺𑀢𑁂 𑀲𑀩𑁆𑀩𑀓𑀸𑀫𑀤𑀤𑁂. 𑀤𑀻𑀖𑀭𑀢𑁆𑀢𑀁 𑀪𑀢𑁆𑀢𑀸 𑀫𑁂 𑀪𑀯𑀺𑀲𑁆𑀲𑀢𑀺’’ [𑀚𑀸. 𑁨.𑁨𑁨.𑁧𑁩𑁫𑁨]. 𑀦𑀢𑁆𑀣𑀺 𑀅𑀢𑁆𑀢𑀓𑀸𑀭𑁂 𑀦𑀢𑁆𑀣𑀺 𑀧𑀭𑀓𑀸𑀭𑁂 𑀦𑀢𑁆𑀣𑀺 𑀧𑀼𑀭𑀺𑀲𑀓𑀸𑀭𑁂 [𑀤𑀻. 𑀦𑀺. 𑁧.𑁧𑁬𑁮], 𑀏𑀓𑁂 𑀏𑀓𑀢𑁆𑀣𑁂, 𑀲𑀫𑁂 𑀲𑀫𑀪𑀸𑀕𑁂, 𑀦𑀳𑁂𑀯𑀁 𑀯𑀢𑁆𑀢𑀩𑁆𑀩𑁂 [𑀓𑀣𑀸. 𑁧], 𑀓𑁂 𑀙𑀯𑁂 𑀲𑀺𑀗𑁆𑀕𑀸𑀮𑁂, 𑀓𑁂 𑀙𑀯𑁂 𑀧𑀸𑀣𑀺𑀓𑀧𑀼𑀢𑁆𑀢𑁂 [𑀤𑀻. 𑀦𑀺. 𑁩.𑁨𑁯-𑁩𑁧] 𑀇𑀘𑁆𑀘𑀸𑀤𑀺.

𑀦𑀧𑀼𑀁𑀲𑀓𑁂 ¶ 𑀧𑀦 𑁋

𑀪𑁄𑀕𑀯𑀢𑀻 𑀦𑀸𑀫 𑀫𑀦𑁆𑀤𑀺𑀭𑁂, 𑀦𑀕𑀭𑁂 𑀦𑀺𑀫𑁆𑀫𑀺𑀢𑁂 𑀓𑀜𑁆𑀘𑀦𑀫𑀬𑁂 [𑀚𑀸. 𑁨.𑁨𑁨.𑁧𑁩𑁭𑁦] 𑀇𑀘𑁆𑀘𑀸𑀤𑀺.

𑀯𑀸𑀢𑀺 𑀓𑀺𑀁? 𑀯𑀦𑀧𑁆𑀧𑀕𑀼𑀫𑁆𑀩𑁄.

𑀓𑁆𑀯𑀘𑀻𑀢𑀺 𑀓𑀺𑀁? 𑀧𑀼𑀭𑀺𑀲𑁄.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀧𑀞𑀫𑀸𑀬𑁄𑀦𑀜𑁆𑀘 𑀓𑁆𑀯𑀘𑀺 𑀝𑁂 𑀳𑁄𑀢𑀺. 𑀩𑀸𑀮𑁂 𑀘 𑀧𑀡𑁆𑀟𑀺𑀢𑁂 𑀘 𑀲𑀦𑁆𑀥𑀸𑀯𑀺𑀢𑁆𑀯𑀸 𑀲𑀁𑀲𑀭𑀺𑀢𑁆𑀯𑀸 𑀤𑀼𑀓𑁆𑀔𑀲𑁆𑀲𑀦𑁆𑀢𑀁 𑀓𑀭𑀺𑀲𑁆𑀲𑀦𑁆𑀢𑀺 [𑀤𑀻. 𑀦𑀺. 𑁧.𑁧𑁬𑁮], 𑀓𑁆𑀯𑀘𑀺 𑀬𑁄𑀦𑀁 𑀧𑀓𑀢𑀺 𑀳𑁄𑀢𑀺, 𑀯𑀦𑁂 𑀯𑀸𑀴𑀫𑀺𑀕𑀸 𑀘𑁂𑀯, 𑀅𑀘𑁆𑀙𑀓𑁄𑀓𑀢𑀭𑀘𑁆𑀙𑀬𑁄, 𑀩𑀳𑀽𑀳𑀺 𑀧𑀭𑀺𑀧𑀦𑁆𑀣𑀬𑁄 [𑀚𑀸. 𑁨.𑁨𑁨.𑁨𑁫𑁫], 𑀓𑁆𑀬𑀲𑁆𑀲 𑀩𑁆𑀬𑀧𑀣𑀬𑁄 𑀅𑀲𑁆𑀲𑀼 𑀇𑀘𑁆𑀘𑀸𑀤𑀺.

𑁧𑁧𑁪. 𑀤𑀺𑀯𑀸𑀤𑀺𑀢𑁄 [𑀓. 𑁨𑁦𑁬; 𑀭𑀽. 𑁧𑁬𑁫].

𑀤𑀺𑀯𑀸𑀤𑀻𑀳𑀺 𑀲𑁆𑀫𑀺𑀁𑀦𑁄 𑀝𑀺 𑀳𑁄𑀢𑀺.

𑀤𑀺𑀯𑀺-𑀤𑁂𑀯𑀮𑁄𑀓𑁂𑀢𑁆𑀬𑀢𑁆𑀣𑁄.

𑀆𑀤𑀺𑀲𑀤𑁆𑀤𑁂𑀦 𑀅𑀲 𑀪𑀼𑀯𑀺, 𑀦𑀺𑀘𑁆𑀘𑀁 𑀯𑀸𑀕𑀫𑁄. 𑀅𑀬𑁆𑀬𑀲𑀤𑁆𑀤𑀫𑁆𑀳𑀸 𑀫𑀳𑀸𑀯𑀼𑀢𑁆𑀢𑀺𑀦𑀸 𑀆𑀮𑀧𑀦𑁂 𑀕, 𑀬𑁄𑀦𑀁 𑀝𑁄 𑀳𑁄𑀢𑀺 𑀯𑀸. 𑀪𑁄 𑀅𑀬𑁆𑀬𑁄 𑀅𑀬𑁆𑀬 𑀯𑀸, 𑀪𑁄𑀦𑁆𑀢𑁄 𑀅𑀬𑁆𑀬𑁄 𑀅𑀬𑁆𑀬𑀸 𑀯𑀸. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁.

𑀧𑀼𑀭𑀺𑀲𑀸𑀤𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀫𑀦𑁄𑀕𑀡𑀭𑀸𑀲𑀺

𑀫𑀦𑁄, 𑀫𑀦𑀸, 𑀪𑁄 𑀫𑀦, 𑀪𑁄 𑀫𑀦𑀸, 𑀪𑁄𑀦𑁆𑀢𑁄 𑀫𑀦𑀸.

𑁧𑁧𑁫. 𑀫𑀦𑀸𑀤𑀻𑀳𑀺 𑀲𑁆𑀫𑀺𑀁𑀲𑀁𑀦𑀸𑀲𑁆𑀫𑀸𑀦𑀁 𑀲𑀺𑀲𑁄𑀑𑀲𑀸𑀲𑀸 [𑀓. 𑁧𑁮𑁧-𑁨, 𑁧𑁮𑁪; 𑀭𑀽. 𑁯𑁫-𑁯𑁭; 𑀦𑀻. 𑁩𑁭𑁩-𑁪, 𑁩𑁭𑁬-𑁭].

𑀢𑁂𑀳𑀺 𑀲𑁆𑀫𑀺𑀁, 𑀲, 𑀅𑀁, 𑀦𑀸, 𑀲𑁆𑀫𑀸𑀦𑀁 𑀓𑀫𑁂𑀦 𑀲𑀺, 𑀲𑁄, 𑀑, 𑀲𑀸, 𑀲𑀸 𑀳𑁄𑀦𑁆𑀢𑀺 𑀯𑀸.

𑀫𑀦𑀁 ¶ , 𑀫𑀦𑁄, 𑀫𑀦𑁂, 𑀫𑀦𑁂𑀦, 𑀫𑀦𑀲𑀸, 𑀫𑀦𑁂𑀳𑀺, 𑀫𑀦𑁂𑀪𑀺, 𑀫𑀦𑀲𑁆𑀲, 𑀫𑀦𑀲𑁄, 𑀫𑀦𑀸𑀦𑀁, 𑀫𑀦𑀲𑁆𑀫𑀸, 𑀫𑀦𑀫𑁆𑀳𑀸, 𑀫𑀦𑀲𑀸, 𑀫𑀦𑀸, 𑀫𑀦𑁂𑀳𑀺, 𑀫𑀦𑁂𑀪𑀺, 𑀫𑀦𑀲𑁆𑀲, 𑀫𑀦𑀲𑁄, 𑀫𑀦𑀸𑀦𑀁, 𑀫𑀦𑀲𑁆𑀫𑀺𑀁, 𑀫𑀦𑀫𑁆𑀳𑀺, 𑀫𑀦𑀲𑀺, 𑀫𑀦𑁂, 𑀫𑀦𑁂𑀲𑀼.

𑀢𑀫𑁄, 𑀢𑀧𑁄, 𑀢𑁂𑀚𑁄, 𑀲𑀺𑀭𑁄, 𑀉𑀭𑁄, 𑀯𑀘𑁄, 𑀭𑀚𑁄, 𑀑𑀚𑁄, 𑀅𑀬𑁄, 𑀧𑀬𑁄, 𑀯𑀬𑁄, 𑀲𑀭𑁄, 𑀬𑀲𑁄, 𑀘𑁂𑀢𑁄, 𑀙𑀦𑁆𑀤𑁄, 𑀭𑀥𑀢𑀸, 𑀅𑀳𑁄 𑀇𑀘𑁆𑀘𑀸𑀤𑀺 𑀫𑀦𑁄𑀕𑀡𑁄.

𑀇𑀤𑀁 𑀫𑀦𑁄𑀕𑀡𑀮𑀓𑁆𑀔𑀡𑀁. 𑀓𑁆𑀭𑀺𑀬𑀸𑀓𑀫𑁆𑀫𑁂 𑀑𑀤𑀦𑁆𑀢𑁄, 𑀦𑀸𑀤𑀻𑀦𑀁 𑀲𑀸𑀤𑀺𑀢𑀸, 𑀲𑀫𑀸𑀲𑀢𑀤𑁆𑀥𑀺𑀢𑀫𑀚𑁆𑀛𑁂 𑀑𑀤𑀦𑁆𑀢𑁄 𑀘𑀸𑀢𑀺.

𑀬𑁄 𑀯𑁂 𑀤𑀲𑁆𑀲𑀦𑁆𑀢𑀺 𑀯𑀢𑁆𑀯𑀸𑀦, 𑀅𑀤𑀸𑀦𑁂 𑀓𑀼𑀭𑀼𑀢𑁂 𑀫𑀦𑁄 [𑀚𑀸. 𑁧.𑁧𑁫.𑁬𑁧], 𑀓𑀲𑁆𑀲𑀧𑀲𑁆𑀲 𑀯𑀘𑁄 𑀲𑀼𑀢𑁆𑀯𑀸, 𑀢𑀧𑁄 𑀇𑀥 𑀧𑀓𑁆𑀭𑀼𑀩𑁆𑀩𑀢𑀺 [𑀲𑀁. 𑀦𑀺. 𑁧.𑁨𑁦𑁪], 𑀘𑁂𑀢𑁄 𑀧𑀭𑀺𑀘𑁆𑀘 𑀚𑀸𑀦𑀸𑀢𑀺 [𑀤𑀻. 𑀦𑀺. 𑁧.𑁨𑁪𑁨], 𑀲𑀺𑀭𑁄 𑀢𑁂 𑀩𑀸𑀥𑀬𑀺𑀲𑁆𑀲𑀸𑀫𑀺 𑀇𑀘𑁆𑀘𑀸𑀤𑀺.

𑀫𑀦𑀲𑀸 𑀘𑁂 𑀧𑀲𑀦𑁆𑀦𑁂𑀦 [𑀥. 𑀧. 𑁨], 𑀯𑀺𑀧𑁆𑀧𑀲𑀦𑁆𑀦𑁂𑀦 𑀘𑁂𑀢𑀲𑀸 [𑀚𑀸. 𑁨.𑁨𑁨.𑁫𑁫𑁧], 𑀯𑀘𑀲𑀸 𑀫𑀦𑀲𑀸 𑀘𑁂𑀯, 𑀯𑀦𑁆𑀤𑀸 𑀫𑁂 𑀢𑁂 𑀢𑀣𑀸𑀕𑀢𑁂 [𑀧𑀭𑀺𑀢𑁆𑀢𑀧𑀸𑀴𑀺 𑀆𑀝𑀸𑀦𑀸𑀝𑀺𑀬𑀲𑀼𑀢𑁆𑀢]. 𑀏𑀓𑀽𑀦𑀢𑀺𑀁𑀲𑁄 𑀯𑀬𑀲𑀸 [𑀤𑀻. 𑀦𑀺. 𑁨.𑁨𑁧𑁪], 𑀢𑁂𑀚𑀲𑀸 𑀬𑀲𑀲𑀸 𑀚𑀮𑀁 [𑀯𑀺. 𑀯. 𑁮𑁫𑁭], 𑀢𑀧𑀲𑀸 𑀉𑀢𑁆𑀢𑀫𑁄 𑀲𑀢𑁆𑀢𑁄, 𑀖𑀢𑁂𑀦 𑀯𑀸 𑀪𑀼𑀜𑁆𑀚𑀲𑁆𑀲𑀼 𑀧𑀬𑀲𑀸 𑀯𑀸, 𑀯𑀦𑁆𑀤𑀸𑀫𑀺 𑀲𑀺𑀭𑀲𑀸 𑀧𑀸𑀤𑁂 [𑀚𑀸. 𑁨.𑁨𑁦.𑁬𑁮], 𑀬𑁂 𑀏𑀢𑀸 𑀉𑀧𑀲𑁂𑀯𑀦𑁆𑀢𑀺, 𑀙𑀦𑁆𑀤𑀲𑀸 𑀯𑀸 𑀥𑀦𑁂𑀦 𑀯𑀸 [𑀚𑀸. 𑁨.𑁨𑁧.𑁩𑁫𑁦], 𑀉𑀭𑀲𑀸 𑀧𑀦𑀼𑀤𑀺𑀲𑁆𑀲𑀸𑀫𑀺 [𑀚𑀸. 𑁨.𑁨𑁨.𑁧𑁮𑁩𑁩], 𑀅𑀬𑀲𑀸 𑀧𑀝𑀺𑀓𑀼𑀚𑁆𑀛𑀺𑀢𑁄 [𑀅. 𑀦𑀺. 𑁩.𑁩𑁬] 𑀇𑀘𑁆𑀘𑀸𑀤𑀺.

𑀦 𑀫𑀬𑁆𑀳𑀁 𑀫𑀦𑀲𑁄 𑀧𑀺𑀬𑁄 [𑀚𑀸. 𑁧.𑁧𑁦.𑁧𑁧], 𑀘𑁂𑀢𑀲𑁄 𑀧𑀭𑀺𑀯𑀺𑀢𑀓𑁆𑀓𑁄 𑀉𑀤𑀧𑀸𑀤𑀺 [𑀧𑀸𑀭𑀸. 𑁧𑁮], 𑀘𑁂𑀢𑀲𑁄 𑀲𑀫𑀦𑁆𑀦𑀸𑀳𑀸𑀭𑁄, 𑀲𑀸𑀥𑀼 𑀔𑀮𑀼 𑀧𑀬𑀲𑁄 𑀧𑀸𑀦𑀁, 𑀲𑀸𑀯𑀺𑀢𑁆𑀢𑀻 𑀙𑀦𑁆𑀤𑀲𑁄 𑀫𑀼𑀔𑀁 [𑀫. 𑀦𑀺. 𑁨.𑁪𑁦𑁦] 𑀇𑀘𑁆𑀘𑀸𑀤𑀺.

𑀲𑀸𑀥𑀼𑀓𑀁 ¶ 𑀫𑀦𑀲𑀺 𑀓𑀭𑁄𑀣 [𑀤𑀻. 𑀦𑀺. 𑁨.𑁩], 𑀏𑀢𑀫𑀢𑁆𑀣𑀁 𑀘𑁂𑀢𑀲𑀺 𑀲𑀦𑁆𑀦𑀺𑀥𑀸𑀬, 𑀲𑀺𑀭𑀲𑀺 𑀅𑀜𑁆𑀚𑀮𑀺𑀁 𑀓𑀢𑁆𑀯𑀸 [𑀅𑀧. 𑀣𑁂𑀭 𑁧.𑁪𑁧.𑁮𑁨], 𑀉𑀭𑀲𑀺𑀮𑁄𑀫𑁄, 𑀧𑀸𑀧𑀁 𑀅𑀓𑀸𑀲𑀺 𑀭𑀳𑀲𑀺 𑀇𑀘𑁆𑀘𑀸𑀤𑀺.

𑀫𑀦𑁄𑀥𑀸𑀢𑀼, 𑀫𑀦𑁄𑀫𑀬𑀁, 𑀢𑀫𑁄𑀔𑀦𑁆𑀥𑀁 𑀧𑀤𑀸𑀮𑀬𑀺, 𑀢𑀧𑁄𑀥𑀦𑁄, 𑀢𑁂𑀚𑁄𑀥𑀸𑀢𑀼, 𑀲𑀺𑀭𑁄𑀭𑀼𑀳𑀸 𑀓𑁂𑀲𑀸, 𑀲𑀭𑁄𑀭𑀼𑀳𑀁 𑀧𑀤𑀼𑀫𑀁, 𑀭𑀚𑁄𑀳𑀭𑀡𑀁 𑀯𑀢𑁆𑀣𑀁, 𑀑𑀚𑁄𑀳𑀭𑀡𑀸 𑀲𑀸𑀔𑀸, 𑀅𑀬𑁄𑀧𑀢𑁆𑀢𑁄, 𑀯𑀬𑁄𑀕𑀼𑀡𑀸 𑀅𑀦𑀼𑀧𑀼𑀩𑁆𑀩𑀁 𑀚𑀳𑀦𑁆𑀢𑀺, 𑀬𑀲𑁄𑀥𑀭𑀸 𑀤𑁂𑀯𑀻, 𑀘𑁂𑀢𑁄𑀬𑀼𑀢𑁆𑀢𑀸 𑀥𑀫𑁆𑀫𑀸, 𑀙𑀦𑁆𑀤𑁄𑀯𑀺𑀘𑀺𑀢𑀺𑀧𑀓𑀭𑀡𑀁, 𑀭𑀳𑁄𑀕𑀢𑁄 𑀘𑀺𑀦𑁆𑀢𑁂𑀲𑀺, 𑀅𑀳𑁄𑀭𑀢𑁆𑀢𑀸𑀦𑀫𑀘𑁆𑀘𑀬𑁂 [𑀲𑀁. 𑀦𑀺. 𑁧.𑁧𑁧𑁨] 𑀇𑀘𑁆𑀘𑀸𑀤𑀺.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀅𑀳𑀫𑁆𑀳𑀸 𑀲𑁆𑀫𑀺𑀁𑀦𑁄 𑀦𑀺 𑀘 𑀉 𑀘 𑀳𑁄𑀢𑀺, 𑀢𑀤𑀳𑀦𑀺, 𑀢𑀤𑀳𑀼. 𑀭𑀳𑀫𑁆𑀳𑀸 𑀲𑁆𑀫𑀺𑀁𑀦𑁄 𑀑 𑀳𑁄𑀢𑀺, 𑀫𑀸𑀢𑀼𑀕𑀸𑀫𑁂𑀦 𑀲𑀤𑁆𑀥𑀺𑀁 𑀏𑀓𑁄 𑀏𑀓𑀸𑀬 𑀭𑀳𑁄 𑀦𑀺𑀲𑀻𑀤𑀢𑀺 [𑀧𑀸𑀭𑀸. 𑁪𑁫𑁨], 𑀭𑀳𑁄 𑀢𑀺𑀝𑁆𑀞𑀢𑀺, 𑀭𑀳𑁄 𑀫𑀦𑁆𑀢𑁂𑀢𑀺.

𑀫𑀦𑁄𑀕𑀡𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀫𑀦𑀸𑀤𑀺𑀕𑀡𑀭𑀸𑀲𑀺

𑁧𑁧𑁬. 𑀓𑁄𑀥𑀸𑀤𑀻𑀳𑀺.

𑀏𑀢𑁂𑀳𑀺 𑀦𑀸𑀯𑀘𑀦𑀲𑁆𑀲 𑀲𑀸 𑀳𑁄𑀢𑀺 𑀯𑀸.

𑀓𑁄𑀥𑀲𑀸, 𑀓𑁄𑀥𑁂𑀦, 𑀅𑀢𑁆𑀣𑀲𑀸, 𑀅𑀢𑁆𑀣𑁂𑀦.

𑁧𑁧𑁭. 𑀦𑀸𑀲𑁆𑀲 𑀲𑀸 [𑀓. 𑁧𑁮𑁧; 𑀭𑀽. 𑁯𑁫; 𑀦𑀻. 𑁩𑁭𑁩].

𑀧𑀤𑀸𑀤𑀻𑀳𑀺 𑀦𑀸𑀯𑀘𑀦𑀲𑁆𑀲 𑀲𑀸 𑀳𑁄𑀢𑀺 𑀯𑀸.

𑀧𑀤𑀲𑀸, 𑀧𑀤𑁂𑀦, 𑀩𑀺𑀮𑀲𑀸, 𑀩𑀺𑀮𑁂𑀦.

𑁧𑁧𑁮. 𑀧𑀤𑀸𑀤𑀻𑀳𑀺 ¶ 𑀲𑀺.

𑀧𑀤𑀸𑀤𑀻𑀳𑀺 𑀲𑁆𑀫𑀺𑀁𑀦𑁄 𑀲𑀺 𑀳𑁄𑀢𑀺 𑀯𑀸.

𑀧𑀤𑀲𑀺, 𑀧𑀤𑁂, 𑀩𑀺𑀮𑀲𑀺, 𑀩𑀺𑀮𑁂.

𑀢𑀢𑁆𑀣 𑀓𑁄𑀥𑀸𑀤𑀺𑀓𑁄 𑀧𑀼𑀮𑁆𑀮𑀺𑀗𑁆𑀕𑁄, 𑀧𑀤𑀸𑀤𑀺𑀓𑁄 𑀦𑀧𑀼𑀁𑀲𑀓𑁄. 𑀢𑀢𑁆𑀣 𑀓𑁂𑀘𑀺 𑀲𑀤𑁆𑀤𑀸 𑀲𑀫𑀸𑀲, 𑀢𑀤𑁆𑀥𑀺𑀢𑀫𑀚𑁆𑀛𑁂 𑀑𑀤𑀦𑁆𑀢𑀸 𑀳𑁄𑀦𑁆𑀢𑀺 [𑀓. 𑁧𑁮𑁩; 𑀭𑀽. 𑁪𑁮; 𑀦𑀻. 𑁩𑁭𑁫], 𑀆𑀧𑁄𑀥𑀸𑀢𑀼, 𑀆𑀧𑁄𑀫𑀬𑀁, 𑀯𑀸𑀬𑁄𑀥𑀸𑀢𑀼, 𑀯𑀸𑀬𑁄𑀫𑀬𑀁, 𑀚𑀻𑀯 𑀢𑁆𑀯𑀁 𑀲𑀭𑀤𑁄𑀲𑀢𑀁 [𑀚𑀸. 𑁧.𑁨.𑁯], 𑀅𑀦𑀼𑀬𑀦𑁆𑀢𑀺 𑀤𑀺𑀲𑁄𑀤𑀺𑀲𑀁 [𑀤𑀻. 𑀦𑀺. 𑁩.𑁨𑁮𑁧] 𑀇𑀘𑁆𑀘𑀸𑀤𑀺.

𑀓𑁂𑀘𑀺 𑀦𑀸𑀲𑁆𑀲 𑀲𑀸𑀤𑁂𑀲𑀁 𑀮𑀪𑀦𑁆𑀢𑀺, 𑀓𑁄𑀥𑀲𑀸 𑀉𑀲𑀼𑀦𑀸 𑀯𑀺𑀚𑁆𑀛𑀺 [𑀚𑀸. 𑁨.𑁨𑁨.𑁩𑁫𑁨], 𑀤𑀴𑁆𑀳𑀁 𑀕𑀡𑁆𑀳𑀸𑀳𑀺 𑀣𑀸𑀫𑀲𑀸 [𑀚𑀸. 𑁧.𑁭.𑁩𑁦], 𑀧𑀤𑀲𑀸𑀯 𑀅𑀕𑀫𑀸𑀲𑀺, 𑀫𑀸𑀓𑀸𑀲𑀺 𑀫𑀼𑀔𑀲𑀸 𑀧𑀸𑀧𑀁, 𑀲𑀘𑁆𑀘𑁂𑀦 𑀤𑀦𑁆𑀢𑁄 𑀤𑀫𑀲𑀸 𑀉𑀧𑁂𑀢𑁄-𑀤𑀫𑀲𑀸𑀢𑀺 𑀇𑀦𑁆𑀤𑁆𑀭𑀺𑀬𑀤𑀫𑀦𑁂𑀦, 𑀲𑀼𑀘𑀺𑀁 𑀧𑀡𑀻𑀢𑀁 𑀭𑀲𑀲𑀸 𑀉𑀧𑁂𑀢𑀁 [𑀚𑀸. 𑁧.𑁭.𑁧𑁮], 𑀯𑁂𑀕𑀲𑀸 𑀕𑀦𑁆𑀢𑁆𑀯𑀸𑀦, 𑀆𑀬𑀼𑀲𑀸 𑀏𑀓𑀧𑀼𑀢𑁆𑀢𑀫𑀦𑀼𑀭𑀓𑁆𑀔𑁂 [𑀔𑀼. 𑀧𑀸. 𑁯.𑁭] 𑀇𑀘𑁆𑀘𑀸𑀤𑀺.

𑀓𑁂𑀘𑀺 𑀲𑁆𑀫𑀺𑀁𑀦𑁄 𑀲𑁆𑀬𑀸𑀤𑁂𑀲𑀁 𑀮𑀪𑀦𑁆𑀢𑀺, 𑀧𑀤𑀲𑀺, 𑀩𑀺𑀮𑀲𑀺 𑀇𑀘𑁆𑀘𑀸𑀤𑀺.

𑀓𑁂𑀳𑀺𑀘𑀺 𑀫𑀳𑀸𑀯𑀼𑀢𑁆𑀢𑀺𑀦𑀸 𑀦𑀸, 𑀲𑁆𑀫𑀸𑀦𑀁 𑀲𑁄 𑀳𑁄𑀢𑀺, 𑀅𑀢𑁆𑀣𑀲𑁄, 𑀅𑀓𑁆𑀔𑀭𑀲𑁄, 𑀲𑀼𑀢𑁆𑀢𑀲𑁄, 𑀩𑁆𑀬𑀜𑁆𑀚𑀦𑀲𑁄, 𑀳𑁂𑀢𑀼𑀲𑁄, 𑀬𑁄𑀦𑀺𑀲𑁄, 𑀉𑀧𑀸𑀬𑀲𑁄, 𑀞𑀸𑀦𑀲𑁄, 𑀤𑀻𑀖𑀲𑁄, 𑀑𑀭𑀲𑁄, 𑀩𑀳𑀼𑀲𑁄, 𑀧𑀼𑀣𑀼𑀲𑁄, 𑀫𑀢𑁆𑀢𑀲𑁄, 𑀪𑀸𑀕𑀲𑁄 𑀇𑀘𑁆𑀘𑀸𑀤𑀺.

‘‘𑀧𑀤𑀲𑁄 𑀥𑀫𑁆𑀫𑀁 𑀯𑀸𑀘𑁂𑀬𑁆𑀬 [𑀧𑀸𑀘𑀺. 𑁪𑁫], 𑀩𑀺𑀮𑀲𑁄 𑀯𑀺𑀪𑀚𑀺𑀢𑁆𑀯𑀸 𑀦𑀺𑀲𑀺𑀦𑁆𑀦𑁄 𑀅𑀲𑁆𑀲’’ [𑀤𑀻. 𑀦𑀺. 𑁨.𑁩𑁭𑁮] 𑀇𑀘𑁆𑀘𑀸𑀤𑀻𑀲𑀼 𑀧𑀦 𑀯𑀺𑀘𑁆𑀙𑀸𑀬𑀁 𑀲𑁄𑀧𑀘𑁆𑀘𑀬𑁄.

𑀬𑀤𑀸 𑀧𑀦 𑀲𑀫𑀸𑀲𑀦𑁆𑀢𑁂 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑁆𑀬𑀸𑀤𑀻𑀲𑀼 𑀯𑀺𑀪𑀢𑁆𑀢𑀻𑀲𑀼 𑀲𑀸𑀕𑀫𑁄 𑀳𑁄𑀢𑀺, 𑀢𑀤𑀸 𑀧𑀼𑀭𑀺𑀲𑀸𑀤𑀺𑀕𑀡𑁄𑀧𑀺 𑀳𑁄𑀢𑀺, 𑀩𑁆𑀬𑀸𑀲𑀢𑁆𑀢𑀫𑀦𑀲𑁄, 𑀅𑀩𑁆𑀬𑀕𑁆𑀕𑀫𑀦𑀲𑁄 [𑀅. 𑀦𑀺. 𑁩.𑁨𑁯], 𑀧𑀼𑀢𑁆𑀢𑁄 𑀚𑀸𑀢𑁄 𑀅𑀘𑁂𑀢𑀲𑁄 [𑀚𑀸. 𑁨.𑁨𑁨.𑁪], 𑀲𑀼𑀫𑁂𑀥𑀲𑁄 [𑀅. 𑀦𑀺. 𑁪.𑁬𑁨], 𑀪𑀽𑀭𑀺𑀫𑁂𑀥𑀲𑁄 [𑀲𑀼. 𑀦𑀺. 𑁧𑁧𑁩𑁭] 𑀇𑀘𑁆𑀘𑀸𑀤𑀺.

𑀇𑀢𑀺 𑀫𑀦𑀸𑀤𑀺𑀕𑀡𑀭𑀸𑀲𑀺.

𑀕𑀼𑀡𑀯𑀸𑀤𑀺𑀕𑀡𑀭𑀸𑀲𑀺

𑁧𑁧𑁯. 𑀦𑁆𑀢𑀼𑀲𑁆𑀲 [𑀓. 𑁧𑁨𑁪; 𑀭𑀽. 𑁯𑁮; 𑀦𑀻. 𑁨𑁯𑁯].

𑀲𑀺𑀫𑁆𑀳𑀺 ¶ 𑀦𑁆𑀢𑀼𑀲𑁆𑀲 𑀝𑀸 𑀳𑁄𑀢𑀺.

𑀕𑀼𑀡𑀯𑀸 𑀢𑀺𑀝𑁆𑀞𑀢𑀺.

𑁧𑁨𑁦. 𑀬𑁆𑀯𑀸𑀤𑁄 𑀦𑁆𑀢𑀼𑀲𑁆𑀲 [𑀓. 𑁯𑁨; 𑀭𑀽. 𑁧𑁦𑁦; 𑀦𑀻. 𑁨𑁪𑁯].

𑀬𑁄𑀆𑀤𑀻𑀲𑀼 𑀦𑁆𑀢𑀼𑀲𑁆𑀲 𑀅𑀢𑁆𑀢𑀁 𑀳𑁄𑀢𑀺.

𑀕𑀼𑀡𑀯𑀦𑁆𑀢𑀸 𑀢𑀺𑀝𑁆𑀞𑀦𑁆𑀢𑀺.

𑁧𑁨𑁧. 𑀦𑁆𑀢𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂 [𑀓. 𑁯𑁨; 𑀭𑀽. 𑁧𑁦𑁦; 𑀦𑀻. 𑁨𑁪𑁯].

𑀧𑀞𑀫𑁂 𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢, 𑀦𑁆𑀢𑀽𑀦𑀁 𑀦𑁆𑀢𑁄 𑀳𑁄𑀢𑀺.

𑀕𑀼𑀡𑀯𑀦𑁆𑀢𑁄 𑀢𑀺𑀝𑁆𑀞𑀦𑁆𑀢𑀺.

𑁧𑁨𑁨. 𑀝𑀝𑀸𑀅𑀁 𑀕𑁂 [𑀓. 𑁧𑁨𑁬; 𑀭𑀽. 𑁧𑁦𑁧; 𑀦𑀻. 𑁩𑁦𑁧-𑁨].

𑀕𑁂 𑀧𑀭𑁂 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢, 𑀦𑁆𑀢𑀽𑀦𑀁 𑀝, 𑀝𑀸, 𑀅𑀁 𑀳𑁄𑀦𑁆𑀢𑀺.

𑀪𑁄 𑀕𑀼𑀡𑀯, 𑀪𑁄 𑀕𑀼𑀡𑀯𑀸, 𑀪𑁄 𑀕𑀼𑀡𑀯𑀁, 𑀪𑁄𑀦𑁆𑀢𑁄 𑀕𑀼𑀡𑀯𑀦𑁆𑀢𑀸, 𑀪𑁄𑀦𑁆𑀢𑁄 𑀕𑀼𑀡𑀯𑀦𑁆𑀢𑁄, 𑀕𑀼𑀡𑀯𑀦𑁆𑀢𑀁, 𑀕𑀼𑀡𑀯𑀦𑁆𑀢𑁂, 𑀕𑀼𑀡𑀯𑀦𑁆𑀢𑁂𑀦.

𑁧𑁨𑁩. 𑀢𑁄𑀢𑀸𑀢𑀺𑀢𑀸 𑀲𑀲𑁆𑀫𑀸𑀲𑁆𑀫𑀺𑀁𑀦𑀸𑀲𑀼 [𑀓. 𑁧𑁨𑁭, 𑁧𑁮𑁭; 𑀭𑀽. 𑁧𑁦𑁨, 𑁧𑁦𑁮; 𑀦𑀻. 𑁩𑁦𑁩, 𑁩𑁮𑁬].

𑀲, 𑀲𑁆𑀫𑀸, 𑀲𑁆𑀫𑀺𑀁, 𑀦𑀸𑀲𑀼 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢, 𑀦𑁆𑀢𑀽𑀦𑀁 𑀓𑀫𑁂𑀦 𑀢𑁄, 𑀢𑀸,𑀢𑀺, 𑀢𑀸 𑀳𑁄𑀦𑁆𑀢𑀺 𑀯𑀸.

𑀕𑀼𑀡𑀯𑀢𑀸, 𑀕𑀼𑀡𑀯𑀦𑁆𑀢𑁂𑀳𑀺, 𑀕𑀼𑀡𑀯𑀦𑁆𑀢𑁂𑀪𑀺, 𑀕𑀼𑀡𑀯𑀦𑁆𑀢𑀲𑁆𑀲, 𑀕𑀼𑀡𑀯𑀢𑁄.

𑁧𑁨𑁪. 𑀦𑀁𑀫𑁆𑀳𑀺 ¶ 𑀢𑀁 𑀯𑀸 [𑀓. 𑁧𑁨𑁮; 𑀭𑀽. 𑁧𑁦𑁪; 𑀦𑀻. 𑁩𑁦𑁪].

𑀦𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢, 𑀦𑁆𑀢𑀽𑀦𑀁 𑀢𑀁 𑀳𑁄𑀢𑀺 𑀯𑀸.

𑀕𑀼𑀡𑀯𑀦𑁆𑀢𑀸𑀦𑀁, 𑀕𑀼𑀡𑀯𑀢𑀁, 𑀕𑀼𑀡𑀯𑀦𑁆𑀢𑀲𑁆𑀫𑀸, 𑀕𑀼𑀡𑀯𑀦𑁆𑀢𑀫𑁆𑀳𑀸, 𑀕𑀼𑀡𑀯𑀦𑁆𑀢𑀸, 𑀕𑀼𑀡𑀯𑀢𑀸, 𑀕𑀼𑀡𑀯𑀦𑁆𑀢𑁂𑀳𑀺, 𑀕𑀼𑀡𑀯𑀦𑁆𑀢𑁂𑀪𑀺, 𑀕𑀼𑀡𑀯𑀦𑁆𑀢𑀲𑁆𑀲, 𑀕𑀼𑀡𑀯𑀢𑁄, 𑀕𑀼𑀡𑀯𑀦𑁆𑀢𑀸𑀦𑀁, 𑀕𑀼𑀡𑀯𑀢𑀁, 𑀕𑀼𑀡𑀯𑀦𑁆𑀢𑀲𑁆𑀫𑀺𑀁, 𑀕𑀼𑀡𑀯𑀦𑁆𑀢𑀫𑁆𑀳𑀺, 𑀕𑀼𑀡𑀯𑀢𑀺, 𑀕𑀼𑀡𑀯𑀦𑁆𑀢𑁂, 𑀕𑀼𑀡𑀯𑀦𑁆𑀢𑁂𑀲𑀼.

𑀏𑀯𑀁 𑀪𑀕𑀯𑀸, 𑀲𑀻𑀮𑀯𑀸, 𑀧𑀜𑁆𑀜𑀯𑀸, 𑀩𑀮𑀯𑀸, 𑀥𑀦𑀯𑀸, 𑀯𑀡𑁆𑀡𑀯𑀸, 𑀪𑁄𑀕𑀯𑀸, 𑀲𑀼𑀢𑀯𑀸 𑀇𑀘𑁆𑀘𑀸𑀤𑀺. 𑀏𑀢𑁆𑀣 𑀘 𑀆𑀮𑀧𑀦𑁂 𑀪𑀕𑀯𑀸𑀢𑀺 𑀦𑀺𑀘𑁆𑀘𑀁 𑀤𑀻𑀖𑁄.

𑀲𑀩𑁆𑀩𑀸𑀯𑀸, 𑀲𑀩𑁆𑀩𑀸𑀯𑀦𑁆𑀢𑁄, 𑀲𑀩𑁆𑀩𑀸𑀯𑀦𑁆𑀢𑀁, 𑀲𑀩𑁆𑀩𑀸𑀯𑀦𑁆𑀢𑁂, 𑀲𑀩𑁆𑀩𑀸𑀯𑀦𑁆𑀢𑁂𑀦, 𑀲𑀩𑁆𑀩𑀸𑀯𑀢𑀸, 𑀲𑀩𑁆𑀩𑀸𑀯𑀦𑁆𑀢𑁂𑀳𑀺…𑀧𑁂… 𑀲𑀩𑁆𑀩𑀸𑀯𑀦𑁆𑀢𑁂𑀲𑀼.

𑀏𑀯𑀁 𑀬𑀸𑀯𑀸, 𑀬𑀸𑀯𑀦𑁆𑀢𑁄, 𑀢𑀸𑀯𑀸, 𑀢𑀸𑀯𑀦𑁆𑀢𑁄, 𑀏𑀢𑁆𑀢𑀸𑀯𑀸, 𑀏𑀢𑁆𑀢𑀸𑀯𑀦𑁆𑀢𑁄, 𑀓𑀺𑀁𑀯𑀸, 𑀓𑀺𑀁𑀯𑀦𑁆𑀢𑁄, 𑀓𑀺𑀢𑁆𑀢𑀸𑀯𑀸, 𑀓𑀺𑀢𑁆𑀢𑀸𑀯𑀦𑁆𑀢𑁄 𑀇𑀘𑁆𑀘𑀸𑀤𑀺. 𑀢𑀣𑀸 𑀪𑁄𑀚𑀦𑀁 𑀪𑀼𑀢𑁆𑀢𑀯𑀸, 𑀪𑀼𑀢𑁆𑀢𑀯𑀦𑁆𑀢𑁄, 𑀥𑀫𑁆𑀫𑀁 𑀩𑀼𑀤𑁆𑀥𑀯𑀸, 𑀩𑀼𑀤𑁆𑀥𑀯𑀦𑁆𑀢𑁄, 𑀓𑀫𑁆𑀫𑀁 𑀓𑀢𑀯𑀸, 𑀓𑀢𑀯𑀦𑁆𑀢𑁄 𑀇𑀘𑁆𑀘𑀸𑀤𑀺 𑀘.

𑀲𑀢𑀺𑀫𑀸, 𑀲𑀢𑀺𑀫𑀦𑁆𑀢𑀸, 𑀲𑀢𑀺𑀫𑀦𑁆𑀢𑁄, 𑀪𑁄 𑀲𑀢𑀺𑀫, 𑀪𑁄 𑀲𑀢𑀺𑀫𑀸, 𑀪𑁄 𑀲𑀢𑀺𑀫𑀁, 𑀪𑁄𑀦𑁆𑀢𑁄 𑀲𑀢𑀺𑀫𑀦𑁆𑀢𑀸, 𑀪𑁄𑀦𑁆𑀢𑁄 𑀲𑀢𑀺𑀫𑀦𑁆𑀢𑁄, 𑀲𑀢𑀺𑀫𑀦𑁆𑀢𑀁, 𑀲𑀢𑀺𑀫𑀦𑁆𑀢𑁂, 𑀲𑀢𑀺𑀫𑀦𑁆𑀢𑁂𑀦, 𑀲𑀢𑀺𑀫𑀢𑀸, 𑀲𑀢𑀺𑀫𑀦𑁆𑀢𑁂𑀳𑀺, 𑀲𑀢𑀺𑀫𑀦𑁆𑀢𑁂𑀪𑀺, 𑀲𑀢𑀺𑀫𑀦𑁆𑀢𑀲𑁆𑀲, 𑀲𑀢𑀺𑀫𑀢𑁄, 𑀲𑀢𑀺𑀫𑀦𑁆𑀢𑀸𑀦𑀁, 𑀲𑀢𑀺𑀫𑀢𑀁, 𑀲𑀢𑀺𑀫𑀦𑁆𑀢𑀲𑁆𑀫𑀸, 𑀲𑀢𑀺𑀫𑀦𑁆𑀢𑀫𑁆𑀳𑀸, 𑀲𑀢𑀺𑀫𑀦𑁆𑀢𑀸, 𑀲𑀢𑀺𑀫𑀢𑀸, 𑀲𑀢𑀺𑀫𑀦𑁆𑀢𑁂𑀳𑀺, 𑀲𑀢𑀺𑀫𑀦𑁆𑀢𑁂𑀪𑀺, 𑀲𑀢𑀺𑀫𑀦𑁆𑀢𑀲𑁆𑀲, 𑀲𑀢𑀺𑀫𑀢𑁄, 𑀲𑀢𑀺𑀫𑀦𑁆𑀢𑀸𑀦𑀁, 𑀲𑀢𑀺𑀫𑀢𑀁, 𑀲𑀢𑀺𑀫𑀦𑁆𑀢𑀲𑁆𑀫𑀺𑀁, 𑀲𑀢𑀺𑀫𑀦𑁆𑀢𑀫𑁆𑀳𑀺, 𑀲𑀢𑀺𑀫𑀢𑀺, 𑀲𑀢𑀺𑀫𑀦𑁆𑀢𑁂, 𑀲𑀢𑀺𑀫𑀦𑁆𑀢𑁂𑀲𑀼.

𑀏𑀯𑀁 𑀫𑀢𑀺𑀫𑀸, 𑀕𑀢𑀺𑀫𑀸, 𑀧𑀸𑀧𑀺𑀫𑀸, 𑀚𑀸𑀢𑀺𑀫𑀸, 𑀪𑀸𑀡𑀼𑀫𑀸, 𑀆𑀬𑀼𑀫𑀸, 𑀆𑀬𑀲𑁆𑀫𑀸, 𑀲𑀺𑀭𑀺𑀫𑀸, 𑀳𑀺𑀭𑀺𑀫𑀸, 𑀥𑀺𑀢𑀺𑀫𑀸, 𑀓𑀺𑀢𑁆𑀢𑀺𑀫𑀸, 𑀇𑀤𑁆𑀥𑀺𑀫𑀸, 𑀚𑀼𑀢𑀺𑀫𑀸 ¶ , 𑀫𑀼𑀢𑀺𑀫𑀸, 𑀣𑀼𑀢𑀺𑀫𑀸, 𑀩𑀼𑀤𑁆𑀥𑀺𑀫𑀸, 𑀘𑀓𑁆𑀔𑀼𑀫𑀸, 𑀩𑀦𑁆𑀥𑀼𑀫𑀸, 𑀕𑁄𑀫𑀸 𑀇𑀘𑁆𑀘𑀸𑀤𑀺.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑁧𑁨𑁫. 𑀳𑀺𑀫𑀯𑀢𑁄 𑀯𑀸 𑀑 [𑀓. 𑁯𑁪; 𑀭𑀽. 𑁧𑁦𑁫; 𑀦𑀻. 𑁨𑁫𑁨].

𑀲𑀺𑀫𑁆𑀳𑀺 𑀳𑀺𑀫𑀯𑀦𑁆𑀢𑀲𑀤𑁆𑀤𑀲𑁆𑀲 𑀑 𑀳𑁄𑀢𑀺 𑀯𑀸. ‘𑀕𑀲𑀻𑀦’𑀦𑁆𑀢𑀺 𑀮𑁄𑀧𑁄.

𑀳𑀺𑀫𑀯𑀦𑁆𑀢𑁄 𑀧𑀩𑁆𑀩𑀢𑁄 [𑀥. 𑀧. 𑁩𑁦𑁪], 𑀳𑀺𑀫𑀯𑀸 𑀧𑀩𑁆𑀩𑀢𑁄.

𑁧𑁨𑁬. 𑀦𑁆𑀢𑀲𑁆𑀲 𑀘 𑀝 𑀯𑀁𑀲𑁂 [𑀓. 𑁯𑁩; 𑀭𑀽. 𑁧𑁦𑁬; 𑀦𑀻. 𑁨𑁫𑁧].

𑀅𑀁, 𑀲𑁂𑀲𑀼 𑀦𑁆𑀢𑀲𑁆𑀲 𑀘 𑀦𑁆𑀢𑀼𑀲𑁆𑀲 𑀘 𑀲𑀩𑁆𑀩𑀲𑁆𑀲 𑀝 𑀳𑁄𑀢𑀺 𑀯𑀸.

‘‘𑀅𑀚𑁆𑀛𑁄𑀕𑀸𑀳𑁂𑀢𑁆𑀯𑀸 𑀳𑀺𑀫𑀯’’𑀦𑁆𑀢𑀺 [𑀅𑀧. 𑀣𑁂𑀭 𑁨.𑁪𑁭.𑁫𑁯] 𑀧𑀸𑀴𑀺. 𑀲𑀢𑀺𑀫𑀁, 𑀩𑀦𑁆𑀥𑀼𑀫𑀁, 𑀕𑀼𑀡𑀯𑀲𑁆𑀲, 𑀲𑀢𑀺𑀫𑀲𑁆𑀲, 𑀩𑀦𑁆𑀥𑀼𑀫𑀲𑁆𑀲.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀓𑁆𑀯𑀘𑀺 𑀲𑀺𑀫𑁆𑀳𑀺 𑀕𑁂 𑀘 𑀧𑀭𑁂 𑀦𑁆𑀢𑀼𑀲𑁆𑀲 𑀅𑀢𑁆𑀢𑀁 𑀳𑁄𑀢𑀺, ‘‘𑀅𑀢𑀼𑀮𑁄 𑀦𑀸𑀫 𑀦𑀸𑀫𑁂𑀦, 𑀧𑀜𑁆𑀜𑀯𑀦𑁆𑀢𑁄 𑀚𑀼𑀢𑀺𑀦𑁆𑀥𑀭𑁄’’𑀢𑀺 [𑀩𑀼. 𑀯𑀁. 𑁨𑁧.𑁧𑁦] 𑀘 ‘‘𑀕𑀢𑀺𑀫𑀦𑁆𑀢𑁄 𑀲𑀢𑀺𑀫𑀦𑁆𑀢𑁄, 𑀥𑀺𑀢𑀺𑀫𑀦𑁆𑀢𑁄 𑀘 𑀬𑁄 𑀇𑀲𑀻’’𑀢𑀺 [𑀣𑁂𑀭𑀕𑀸. 𑁧𑁦𑁫𑁨] 𑀘 ‘‘𑀘𑀓𑁆𑀔𑀼𑀫𑀦𑁆𑀢𑁄 𑀫𑀳𑀸𑀬𑀲𑁄’’𑀢𑀺 𑀘 ‘‘𑀢𑀼𑀬𑁆𑀳𑀁 𑀧𑀺𑀢𑀸 𑀫𑀳𑀸𑀯𑀻𑀭, 𑀧𑀜𑁆𑀜𑀯𑀦𑁆𑀢 𑀚𑀼𑀢𑀺𑀦𑁆𑀥𑀭𑀸’’𑀢𑀺 [𑀅𑀧. 𑀣𑁂𑀭𑀻 𑁨.𑁨.𑁩𑁮𑁯] 𑀘 𑀧𑀸𑀴𑀻.

𑀧𑀞𑀫𑀸𑀬𑁄𑀫𑁆𑀳𑀺 𑀓𑁆𑀯𑀘𑀺 𑀦𑁆𑀢𑀼𑀲𑁆𑀲 𑀝 𑀳𑁄𑀢𑀺, 𑀯𑀕𑁆𑀕𑀼𑀫𑀼𑀤𑀸𑀢𑀻𑀭𑀺𑀬𑀸 𑀧𑀦 𑀪𑀺𑀓𑁆𑀔𑀽 𑀯𑀡𑁆𑀡𑀯𑀸 𑀳𑁄𑀦𑁆𑀢𑀺 [𑀧𑀸𑀭𑀸. 𑁧𑁯𑁪], 𑀏𑀣 𑀢𑀼𑀫𑁆𑀳𑁂 𑀆𑀯𑀼𑀲𑁄 𑀲𑀻𑀮𑀯𑀸 𑀳𑁄𑀣 [𑀅. 𑀦𑀺. 𑁫.𑁧𑁧𑁪], 𑀘𑀓𑁆𑀔𑀼𑀫𑀸 𑀅𑀦𑁆𑀥𑀓𑀸 𑀳𑁄𑀦𑁆𑀢𑀺, 𑀬𑁂 𑀇𑀢𑁆𑀣𑀻𑀦𑀁 𑀯𑀲𑀁 𑀕𑀢𑀸 [𑀚𑀸. 𑀅𑀝𑁆𑀞. 𑁨.𑁩.𑁩𑁬], 𑀲𑀁𑀲𑀼𑀤𑁆𑀥𑀧𑀜𑁆𑀜𑀸 𑀓𑀼𑀲𑀮𑀸 𑀫𑀼𑀢𑀺𑀫𑀸 𑀪𑀯𑀦𑁆𑀢𑀺 [𑀲𑀼. 𑀦𑀺. 𑁮𑁮𑁭 (𑀲𑀁𑀲𑀼𑀤𑁆𑀥𑀧𑀜𑁆𑀜𑀸 𑀓𑀼𑀲𑀮𑀸 𑀫𑀼𑀢𑀻𑀫𑀸)].

𑀇𑀢𑀺 𑀕𑀼𑀡𑀯𑀸𑀤𑀺𑀕𑀡𑀭𑀸𑀲𑀺.

𑀕𑀘𑁆𑀙𑀦𑁆𑀢𑀸𑀤𑀺𑀕𑀡𑀭𑀸𑀲𑀺

𑁧𑁨𑁭. 𑀦𑁆𑀢𑀲𑁆𑀲𑀁 𑀲𑀺𑀫𑁆𑀳𑀺 [𑀓. 𑁧𑁮𑁬; 𑀭𑀽. 𑁧𑁦𑁭; 𑀦𑀻. 𑁩𑁮𑁨-𑁪; ‘𑀢𑀲𑁆𑀲𑀁’ (𑀩𑀳𑀽𑀲𑀼)].

𑀲𑀺𑀫𑁆𑀳𑀺 ¶ 𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺 𑀯𑀸. 𑀲𑀺𑀮𑁄𑀧𑁄.

𑀕𑀘𑁆𑀙𑀁, 𑀕𑀘𑁆𑀙𑀦𑁆𑀢𑁄, 𑀕𑀘𑁆𑀙𑀦𑁆𑀢𑀸, 𑀕𑀘𑁆𑀙𑀦𑁆𑀢𑁄, 𑀪𑁄 𑀕𑀘𑁆𑀙, 𑀪𑁄 𑀕𑀘𑁆𑀙𑀸, 𑀪𑁄 𑀕𑀘𑁆𑀙𑀁, 𑀪𑁄𑀦𑁆𑀢𑁄 𑀕𑀘𑁆𑀙𑀦𑁆𑀢𑀸, 𑀪𑁄𑀦𑁆𑀢𑁄 𑀕𑀘𑁆𑀙𑀦𑁆𑀢𑁄, 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀦𑁆𑀢𑁂, 𑀕𑀘𑁆𑀙𑀦𑁆𑀢𑁂𑀦, 𑀕𑀘𑁆𑀙𑀢𑀸, 𑀕𑀘𑁆𑀙𑀦𑁆𑀢𑁂𑀳𑀺, 𑀕𑀘𑁆𑀙𑀦𑁆𑀢𑁂𑀪𑀺, 𑀕𑀘𑁆𑀙𑀦𑁆𑀢𑀲𑁆𑀲, 𑀕𑀘𑁆𑀙𑀢𑁄, 𑀕𑀘𑁆𑀙𑀦𑁆𑀢𑀸𑀦𑀁, 𑀕𑀘𑁆𑀙𑀢𑀁, 𑀕𑀘𑁆𑀙𑀦𑁆𑀢𑀲𑁆𑀫𑀸, 𑀕𑀘𑁆𑀙𑀦𑁆𑀢𑀫𑁆𑀳𑀸, 𑀕𑀘𑁆𑀙𑀦𑁆𑀢𑀸, 𑀕𑀘𑁆𑀙𑀢𑀸, 𑀕𑀘𑁆𑀙𑀦𑁆𑀢𑁂𑀳𑀺, 𑀕𑀘𑁆𑀙𑀦𑁆𑀢𑁂𑀪𑀺, 𑀕𑀘𑁆𑀙𑀦𑁆𑀢𑀲𑁆𑀲, 𑀕𑀘𑁆𑀙𑀢𑁄, 𑀕𑀘𑁆𑀙𑀦𑁆𑀢𑀸𑀦𑀁, 𑀕𑀘𑁆𑀙𑀢𑀁, 𑀕𑀘𑁆𑀙𑀦𑁆𑀢𑀲𑁆𑀫𑀺𑀁, 𑀕𑀘𑁆𑀙𑀦𑁆𑀢𑀫𑁆𑀳𑀺, 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑁂, 𑀕𑀘𑁆𑀙𑀦𑁆𑀢𑁂𑀲𑀼.

𑀏𑀯𑀁 𑀓𑀭𑀁, 𑀓𑀼𑀩𑁆𑀩𑀁, 𑀘𑀭𑀁, 𑀘𑀯𑀁, 𑀚𑀬𑀁, 𑀚𑀳𑀁, 𑀚𑀸𑀦𑀁, 𑀚𑀺𑀭𑀁, 𑀤𑀤𑀁, 𑀤𑀳𑀁, 𑀚𑀼𑀳𑀁, 𑀲𑀼𑀡𑀁, 𑀧𑀘𑀁, 𑀲𑀭𑀁, 𑀪𑀼𑀜𑁆𑀚𑀁, 𑀫𑀼𑀜𑁆𑀘𑀁, 𑀲𑀬𑀁, 𑀲𑀭𑀁, 𑀳𑀭𑀁, 𑀢𑀺𑀝𑁆𑀞𑀁, 𑀪𑀯𑀺𑀲𑁆𑀲𑀁, 𑀓𑀭𑀺𑀲𑁆𑀲𑀁, 𑀕𑀫𑀺𑀲𑁆𑀲𑀁 𑀇𑀘𑁆𑀘𑀸𑀤𑀺.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

‘𑀦𑁆𑀢𑀲𑁆𑀲 𑀘 𑀝 𑀯𑀁𑀲𑁂’𑀢𑀺 𑀅𑀁, 𑀲𑁂𑀲𑀼 𑀦𑁆𑀢𑀲𑁆𑀲 𑀝𑀢𑁆𑀢𑀁, 𑀬𑀁 𑀬𑀜𑁆𑀳𑀺 𑀭𑀸𑀚 𑀪𑀚𑀢𑀺, 𑀲𑀦𑁆𑀢𑀁 𑀯𑀸 𑀬𑀤𑀺 𑀯𑀸 𑀅𑀲𑀁. 𑀲𑀻𑀮𑀯𑀦𑁆𑀢𑀁 𑀯𑀺𑀲𑀻𑀮𑀁 𑀯𑀸, 𑀯𑀲𑀁 𑀢𑀲𑁆𑀲𑁂𑀯 𑀕𑀘𑁆𑀙𑀢𑀺 [𑀚𑀸. 𑁧.𑁧𑁫.𑁧𑁮𑁧]. 𑀓𑀺𑀘𑁆𑀘𑀸𑀦𑀼𑀓𑁆𑀭𑀼𑀩𑁆𑀩𑀲𑁆𑀲 𑀓𑀭𑁂𑀬𑁆𑀬 𑀓𑀺𑀘𑁆𑀘𑀁 [𑀚𑀸. 𑁧.𑁨.𑁧𑁪𑁫] 𑁋 𑀅𑀦𑀼𑀓𑁆𑀭𑀼𑀩𑁆𑀩𑀲𑁆𑀲𑀸𑀢𑀺 𑀧𑀼𑀦 𑀓𑀭𑁄𑀦𑁆𑀢𑀲𑁆𑀲.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀧𑀞𑀫𑀸𑀬𑁄𑀫𑁆𑀳𑀺 𑀘 𑀲𑀯𑀺𑀪𑀢𑁆𑀢𑀺𑀲𑁆𑀲 𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺, 𑀅𑀧𑀺 𑀦𑀼 𑀢𑀼𑀫𑁆𑀳𑁂 𑀏𑀓𑀦𑁆𑀢𑀲𑀼𑀔𑀁 𑀮𑁄𑀓𑀁 𑀚𑀸𑀦𑀁 𑀧𑀲𑁆𑀲𑀁 𑀯𑀺𑀳𑀭𑀣 [𑀤𑀻. 𑀦𑀺. 𑁧.𑁪𑁨𑁫], 𑀓𑀲𑀁 𑀔𑁂𑀢𑁆𑀢𑀁 𑀩𑀻𑀚𑀁 𑀯𑀧𑀁, 𑀥𑀦𑀁 𑀯𑀺𑀦𑁆𑀤𑀦𑁆𑀢𑀺 𑀫𑀸𑀡𑀯𑀸 [𑀣𑁂𑀭𑀻𑀕𑀸. 𑁧𑁧𑁨], 𑀪𑀭𑀦𑁆𑀢𑀺 𑀫𑀸𑀢𑀸𑀧𑀺𑀢𑀭𑁄, 𑀧𑀼𑀩𑁆𑀩𑁂 𑀓𑀢𑀫𑀦𑀼𑀲𑁆𑀲𑀭𑀁 [𑀅. 𑀦𑀺. 𑁫.𑁩𑁯].

𑁧𑁨𑁮. 𑀫𑀳𑀦𑁆𑀢𑀸𑀭𑀳𑀦𑁆𑀢𑀸𑀦𑀁 𑀝𑀸 𑀯𑀸 [𑀦𑀻. 𑁩𑁮𑁭, 𑁭𑁧𑁨].

𑀲𑀺𑀫𑁆𑀳𑀺 𑀏𑀢𑁂𑀲𑀁 𑀦𑁆𑀢𑀲𑁆𑀲 𑀝𑀸 𑀳𑁄𑀢𑀺 𑀯𑀸.

𑀫𑀳𑀸 ¶ , 𑀫𑀳𑀁, 𑀫𑀳𑀦𑁆𑀢𑁄, 𑀫𑀳𑀦𑁆𑀢𑀸, 𑀫𑀳𑀦𑁆𑀢𑁄, 𑀪𑁄 𑀫𑀳, 𑀪𑁄 𑀫𑀳𑀸, 𑀪𑁄 𑀫𑀳𑀁, 𑀪𑁄𑀦𑁆𑀢𑁄 𑀫𑀳𑀦𑁆𑀢𑀸, 𑀪𑁄𑀦𑁆𑀢𑁄 𑀫𑀳𑀦𑁆𑀢𑁄, 𑀫𑀳𑀦𑁆𑀢𑀁.

‘𑀦𑁆𑀢𑀲𑁆𑀲 𑀘 𑀝 𑀯𑀁𑀲𑁂’𑀢𑀺 𑀅𑀁𑀫𑁆𑀳𑀺 𑀦𑁆𑀢𑀲𑁆𑀲 𑀝𑀢𑁆𑀢𑀁, ‘‘𑀲𑀼𑀫𑀳𑀁 𑀧𑀼𑀭𑀁, 𑀧𑀭𑀺𑀓𑁆𑀔𑀺𑀧𑀺𑀲𑁆𑀲’’𑀦𑁆𑀢𑀺 [𑀚𑀸. 𑁨.𑁨𑁨.𑁭𑁯𑁨] 𑀧𑀸𑀴𑀺-𑀲𑀼𑀝𑁆𑀞𑀼 𑀫𑀳𑀦𑁆𑀢𑀁 𑀩𑀸𑀭𑀸𑀡𑀲𑀺𑀧𑀼𑀭𑀦𑁆𑀢𑀺 𑀅𑀢𑁆𑀣𑁄. 𑀲𑁂𑀲𑀁 𑀕𑀘𑁆𑀙𑀦𑁆𑀢𑀲𑀫𑀁.

𑀅𑀭𑀳𑀸 𑀢𑀺𑀝𑁆𑀞𑀢𑀺. ‘𑀦𑁆𑀢𑀲𑁆𑀲𑀁 𑀲𑀺𑀫𑁆𑀳𑀻’𑀢𑀺 𑀲𑀺𑀫𑁆𑀳𑀺 𑀦𑁆𑀢𑀲𑁆𑀲 𑀅𑀁, 𑀅𑀭𑀳𑀁 𑀲𑀼𑀕𑀢𑁄 𑀮𑁄𑀓𑁂 [𑀲𑀁. 𑀦𑀺. 𑁧.𑁧𑁬𑁧], 𑀅𑀭𑀳𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 [𑀧𑀸𑀭𑀸. 𑁧], 𑀅𑀭𑀳𑀦𑁆𑀢𑀸, 𑀅𑀭𑀳𑀦𑁆𑀢𑁄, 𑀅𑀭𑀳𑀦𑁆𑀢𑀁, 𑀅𑀭𑀳𑀦𑁆𑀢𑁂, 𑀅𑀭𑀳𑀦𑁆𑀢𑁂𑀦, 𑀅𑀭𑀳𑀢𑀸, 𑀅𑀭𑀳𑀦𑁆𑀢𑁂𑀳𑀺, 𑀅𑀭𑀳𑀦𑁆𑀢𑁂𑀪𑀺, 𑀅𑀭𑀳𑀦𑁆𑀢𑀲𑁆𑀲, 𑀅𑀭𑀳𑀢𑁄, 𑀅𑀭𑀳𑀦𑁆𑀢𑀸𑀦𑀁, 𑀅𑀭𑀳𑀢𑀁 𑀇𑀘𑁆𑀘𑀸𑀤𑀺.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀩𑁆𑀭𑀳𑁆𑀫𑀦𑁆𑀢𑀲𑁆𑀲 𑀘 𑀦𑁆𑀢𑀲𑁆𑀲 𑀝𑀸 𑀳𑁄𑀢𑀺 𑀲𑀺𑀫𑁆𑀳𑀺, 𑀩𑁆𑀭𑀳𑀸, 𑀩𑁆𑀭𑀳𑀦𑁆𑀢𑁄, 𑀩𑁆𑀭𑀳𑀦𑁆𑀢𑀸, 𑀩𑁆𑀭𑀳𑀦𑁆𑀢𑁄, 𑀩𑁆𑀭𑀳𑀦𑁆𑀢𑀁, 𑀩𑁆𑀭𑀳𑀦𑁆𑀢𑁂 𑀇𑀘𑁆𑀘𑀸𑀤𑀺.

‘‘𑀲𑀸 𑀧𑀭𑀺𑀲𑀸 𑀫𑀳𑀸 𑀳𑁄𑀢𑀺, 𑀲𑀸 𑀲𑁂𑀦𑀸 𑀤𑀺𑀲𑁆𑀲𑀢𑁂 𑀫𑀳𑀸’’𑀢𑀺 [𑀚𑀸. 𑁨.𑁨𑁨.𑁭𑁭𑁧] 𑀘 ‘‘𑀫𑀳𑀸 𑀪𑀦𑁆𑀢𑁂 𑀪𑀽𑀫𑀺𑀘𑀸𑀮𑁄’’𑀢𑀺 [𑀅. 𑀦𑀺. 𑁮.𑁭𑁦] 𑀘 ‘‘𑀫𑀳𑀸 𑀢𑁂 𑀉𑀧𑀸𑀲𑀓 𑀧𑀭𑀺𑀘𑁆𑀘𑀸𑀕𑁄’’𑀢𑀺 [𑀚𑀸. 𑀅𑀝𑁆𑀞. 𑁪.𑁧𑁩.𑀅𑀓𑀺𑀢𑁆𑀢𑀺𑀚𑀸𑀢𑀓𑀯𑀡𑁆𑀡𑀦𑀸] 𑀘 ‘‘𑀫𑀳𑀸 𑀫𑁂 𑀪𑀬𑀫𑀸𑀕𑀢’’𑀦𑁆𑀢𑀺 𑀘 ‘‘𑀩𑀸𑀭𑀸𑀡𑀲𑀺𑀭𑀚𑁆𑀚𑀁 𑀦𑀸𑀫 𑀫𑀳𑀸’’𑀢𑀺 [𑀚𑀸. 𑀅𑀝𑁆𑀞. 𑁧.𑁧.𑀫𑀳𑀸𑀲𑀻𑀮𑀯𑀚𑀸𑀢𑀓𑀯𑀡𑁆𑀡𑀦𑀸] 𑀘 ‘‘𑀫𑀳𑀸𑀲𑁆𑀲 𑀳𑁄𑀦𑁆𑀢𑀺 𑀧𑀭𑀺𑀯𑀸𑀭𑀸 𑀩𑁆𑀭𑀸𑀳𑁆𑀫𑀡𑀕𑀳𑀧𑀢𑀺𑀓𑀸, 𑀫𑀳𑀸𑀲𑁆𑀲 𑀳𑁄𑀦𑁆𑀢𑀺 𑀧𑀭𑀺𑀯𑀸𑀭𑀸 𑀪𑀺𑀓𑁆𑀔𑀽 𑀪𑀺𑀓𑁆𑀔𑀼𑀦𑀺𑀬𑁄’’𑀢𑀺 [𑀤𑀻. 𑀦𑀺. 𑁩.𑁨𑁦𑁪] 𑀘 ‘‘𑀫𑀳𑀸 𑀯𑀳𑀦𑁆𑀢𑀺 𑀤𑀼𑀤𑀺𑀝𑁆𑀞𑀺𑀁, 𑀲𑀗𑁆𑀓𑀧𑁆𑀧𑀸 𑀭𑀸𑀕𑀦𑀺𑀲𑁆𑀲𑀺𑀢𑀸’’𑀢𑀺 𑀘 𑀧𑀸𑀴𑀻. 𑀅𑀢𑁆𑀭 𑀫𑀳𑀸𑀲𑀤𑁆𑀤𑁄 𑀦𑀺𑀧𑀸𑀢𑀧𑀝𑀺𑀭𑀽𑀧𑀓𑁄𑀧𑀺 𑀲𑀺𑀬𑀸.

𑁧𑁨𑁯. 𑀪𑀽𑀢𑁄.

𑀪𑀽𑀥𑀸𑀢𑀼𑀲𑀺𑀤𑁆𑀥𑀢𑁄 𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺 𑀲𑀺𑀫𑁆𑀳𑀺. 𑀲𑀼𑀤𑁆𑀥𑁂 𑀦𑀺𑀘𑁆𑀘𑀁, 𑀉𑀧𑀧𑀤𑁂 𑀅𑀦𑀺𑀘𑁆𑀘𑀁.

𑀪𑀯𑀁 ¶ 𑀢𑀺𑀝𑁆𑀞𑀢𑀺, 𑀲𑀫𑁆𑀧𑀢𑁆𑀢𑀺𑀁 𑀅𑀦𑀼𑀪𑀯𑀁, 𑀅𑀦𑀼𑀪𑀯𑀦𑁆𑀢𑁄, 𑀢𑀡𑁆𑀳𑀁 𑀅𑀪𑀺𑀪𑀯𑀁, 𑀅𑀪𑀺𑀪𑀯𑀦𑁆𑀢𑁄, 𑀤𑀼𑀓𑁆𑀔𑀁 𑀧𑀭𑀺𑀪𑀯𑀁, 𑀧𑀭𑀺𑀪𑀯𑀦𑁆𑀢𑁄 𑀢𑀺𑀝𑁆𑀞𑀢𑀺, 𑀪𑀯𑀦𑁆𑀢𑀸, 𑀪𑀯𑀦𑁆𑀢𑁄, 𑀳𑁂 𑀪𑀯𑀦𑁆𑀢, 𑀳𑁂 𑀪𑀯𑀦𑁆𑀢𑀸, 𑀳𑁂 𑀪𑀯𑀦𑁆𑀢𑁄, 𑀳𑁂 𑀪𑀯, 𑀳𑁂 𑀪𑀯𑀸, 𑀳𑁂 𑀪𑀯𑀁. ‘‘𑀓𑀘𑁆𑀘𑀺 𑀪𑀯𑀁 𑀅𑀪𑀺𑀭𑀫𑀲𑀺 𑀅𑀭𑀜𑁆𑀜𑁂’’𑀢𑀺 [𑀚𑀸. 𑁨.𑁧𑁮.𑁧𑁮] 𑀧𑀸𑀴𑀺.

𑀳𑁂 𑀪𑀯𑀦𑁆𑀢𑀸, 𑀳𑁂 𑀪𑀯𑀦𑁆𑀢𑁄, 𑀪𑀯𑀦𑁆𑀢𑀁, 𑀪𑀯𑀦𑁆𑀢𑁂, 𑀪𑀯𑀦𑁆𑀢𑁂𑀦, 𑀪𑀯𑀢𑀸, 𑀪𑀯𑀦𑁆𑀢𑁂𑀳𑀺, 𑀪𑀯𑀦𑁆𑀢𑁂𑀪𑀺, 𑀪𑀯𑀦𑁆𑀢𑀲𑁆𑀲, 𑀪𑀯𑀢𑁄, 𑀪𑀯𑀦𑁆𑀢𑀸𑀦𑀁, 𑀪𑀯𑀢𑀁, 𑀪𑀯𑀦𑁆𑀢𑀲𑁆𑀫𑀸, 𑀪𑀯𑀦𑁆𑀢𑀫𑁆𑀳𑀸, 𑀪𑀯𑀦𑁆𑀢𑀸, 𑀪𑀯𑀢𑀸, 𑀪𑀯𑀦𑁆𑀢𑁂𑀳𑀺, 𑀪𑀯𑀦𑁆𑀢𑁂𑀪𑀺, 𑀪𑀯𑀦𑁆𑀢𑀲𑁆𑀲, 𑀪𑀯𑀢𑁄, 𑀪𑀯𑀦𑁆𑀢𑀸𑀦𑀁, 𑀪𑀯𑀢𑀁, 𑀪𑀯𑀦𑁆𑀢𑀲𑁆𑀫𑀺𑀁, 𑀪𑀯𑀦𑁆𑀢𑀫𑁆𑀳𑀺, 𑀪𑀯𑀢𑀺, 𑀪𑀯𑀦𑁆𑀢𑁂, 𑀪𑀯𑀦𑁆𑀢𑁂𑀲𑀼.

𑁧𑁩𑁦. 𑀪𑀯𑀢𑁄 𑀯𑀸 𑀪𑁄𑀦𑁆𑀢𑁄 𑀕𑀬𑁄𑀦𑀸𑀲𑁂 [𑀓. 𑁨𑁪𑁩; 𑀭𑀽. 𑁮, 𑁧𑁧𑁦; 𑀦𑀻. 𑁪𑁮𑁪].

𑀕, 𑀬𑁄, 𑀦𑀸, 𑀲𑁂𑀲𑀼 𑀪𑀯𑀦𑁆𑀢𑀲𑁆𑀲 𑀪𑁄𑀦𑁆𑀢𑁄 𑀳𑁄𑀢𑀺 𑀯𑀸. 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀅𑀁, 𑀳𑀺, 𑀦𑀁, 𑀲𑁆𑀫𑀸𑀤𑀻𑀲𑀼 𑀘.

𑀪𑁄𑀦𑁆𑀢𑀸, 𑀪𑁄𑀦𑁆𑀢𑁄, 𑀳𑁂 𑀪𑁄𑀦𑁆𑀢, 𑀳𑁂 𑀪𑁄𑀦𑁆𑀢𑀸, 𑀳𑁂 𑀪𑁄𑀦𑁆𑀢𑁄, 𑀪𑁄𑀦𑁆𑀢𑀁, 𑀪𑁄𑀦𑁆𑀢𑁂, 𑀪𑁄𑀦𑁆𑀢𑁂𑀦, 𑀪𑁄𑀢𑀸, 𑀪𑁄𑀦𑁆𑀢𑁂𑀳𑀺, 𑀪𑁄𑀦𑁆𑀢𑁂𑀪𑀺, 𑀪𑁄𑀦𑁆𑀢𑀲𑁆𑀲, 𑀪𑁄𑀢𑁄, 𑀪𑁄𑀦𑁆𑀢𑀸𑀦𑀁, 𑀪𑁄𑀢𑀁, 𑀪𑁄𑀦𑁆𑀢𑀲𑁆𑀫𑀸, 𑀪𑁄𑀦𑁆𑀢𑀫𑁆𑀳𑀸, 𑀪𑁄𑀦𑁆𑀢𑀸, 𑀪𑁄𑀢𑀸, 𑀪𑁄𑀦𑁆𑀢𑁂𑀳𑀺, 𑀪𑁄𑀦𑁆𑀢𑁂𑀪𑀺, 𑀪𑁄𑀦𑁆𑀢𑀲𑁆𑀲, 𑀪𑁄𑀢𑁄, 𑀪𑁄𑀦𑁆𑀢𑀸𑀦𑀁, 𑀪𑁄𑀢𑀁, 𑀪𑁄𑀦𑁆𑀢𑀲𑁆𑀫𑀺𑀁, 𑀪𑁄𑀦𑁆𑀢𑀫𑁆𑀳𑀺, 𑀪𑁄𑀢𑀺, 𑀪𑁄𑀦𑁆𑀢𑁂, 𑀪𑁄𑀦𑁆𑀢𑁂𑀲𑀼.

𑀪𑁄, 𑀪𑀦𑁆𑀢𑁂𑀢𑀺 𑀤𑁆𑀯𑁂 𑀯𑀼𑀤𑁆𑀥𑀺𑀅𑀢𑁆𑀣𑁂 𑀲𑀺𑀤𑁆𑀥𑀸 𑀆𑀫𑀦𑁆𑀢𑀦𑀢𑁆𑀣𑁂 𑀦𑀺𑀧𑀸𑀢𑀸 𑀏𑀯, 𑀢𑁂𑀳𑀺 𑀧𑀭𑀁 𑀕, 𑀬𑁄𑀦𑀁 𑀮𑁄𑀧𑁄, 𑀇𑀢𑁄 𑀪𑁄 𑀲𑀼𑀕𑀢𑀺𑀁 𑀕𑀘𑁆𑀙 [𑀇𑀢𑀺𑀯𑀼. 𑁮𑁩], 𑀉𑀫𑁆𑀫𑀼𑀚𑁆𑀚𑀪𑁄 𑀧𑀼𑀣𑀼𑀲𑀺𑀮𑁂, 𑀓𑀼𑀢𑁄 𑀦𑀼 𑀆𑀕𑀘𑁆𑀙𑀣 𑀪𑁄 𑀢𑀬𑁄 𑀚𑀦𑀸 [𑀚𑀸. 𑁧.𑁯.𑁮𑁭], 𑀧𑀲𑁆𑀲𑀣 𑀪𑁄 𑀇𑀫𑀁 𑀓𑀼𑀮𑀧𑀼𑀢𑁆𑀢𑀁, 𑀏𑀳𑀺 𑀪𑀦𑁆𑀢𑁂 𑀔𑀫𑀸𑀧𑁂𑀳𑀺, 𑀲𑁄 𑀢𑁂 𑀪𑀺𑀓𑁆𑀔𑀽 𑀔𑀫𑀸𑀧𑁂𑀲𑀺 ‘‘𑀔𑀫𑀣 𑀪𑀦𑁆𑀢𑁂’’𑀢𑀺. 𑀢𑀣𑀸 𑀪𑀤𑁆𑀤𑀦𑁆𑀢𑁂, 𑀪𑀤𑁆𑀤𑀦𑁆𑀢𑀸𑀢𑀺 𑀤𑁆𑀯𑁂 ‘‘𑀢𑀼𑀬𑁆𑀳𑀁 𑀪𑀤𑁆𑀤𑀁 𑀳𑁄𑀢𑀼 ¶ , 𑀢𑀼𑀫𑁆𑀳𑀸𑀓𑀁 𑀪𑀤𑁆𑀤𑀁 𑀳𑁄𑀢𑀽’’𑀢𑀺 𑀅𑀢𑁆𑀣𑁂 𑀲𑀺𑀤𑁆𑀥𑀸 𑀆𑀫𑀦𑁆𑀢𑀦𑀦𑀺𑀧𑀸𑀢𑀸𑀯, ‘‘𑀪𑀤𑁆𑀤𑀦𑁆𑀢𑁂’’𑀢𑀺 𑀢𑁂 𑀪𑀺𑀓𑁆𑀔𑀽 𑀪𑀕𑀯𑀢𑁄 𑀧𑀘𑁆𑀘𑀲𑁆𑀲𑁄𑀲𑀼𑀁 [𑀲𑀁. 𑀦𑀺. 𑁧.𑁨𑁪𑁯], 𑀢𑀁 𑀯𑁄 𑀯𑀤𑀸𑀫𑀺 𑀪𑀤𑁆𑀤𑀦𑁆𑀢𑁂, 𑀬𑀸𑀯𑀦𑁆𑀢𑁂𑀢𑁆𑀣 𑀲𑀫𑀸𑀕𑀢𑀸 [𑀚𑀸. 𑁧.𑁭.𑁧𑁦𑁮]. 𑀪𑀤𑁆𑀤𑀦𑁆𑀢, 𑀪𑀤𑀦𑁆𑀢𑀲𑀤𑁆𑀤𑀸 𑀧𑀦 𑀧𑀼𑀭𑀺𑀲𑀸𑀤𑀺𑀕𑀡𑀺𑀓𑀸 𑀏𑀯.

𑀲𑀦𑁆𑀢𑀲𑀤𑁆𑀤𑁄 𑀧𑀦 𑀲𑀧𑁆𑀧𑀼𑀭𑀺𑀲𑁂 𑀯𑀺𑀚𑁆𑀚𑀫𑀸𑀦𑁂 𑀲𑀫𑀸𑀦𑁂 𑀘 𑀧𑀯𑀢𑁆𑀢𑁄 𑀇𑀥 𑀮𑀩𑁆𑀪𑀢𑀺. 𑀲𑀫𑁂𑀢𑀺 𑀅𑀲𑀢𑀸 𑀅𑀲𑀁 [𑀚𑀸. 𑁧.𑁨.𑁧𑁬]. 𑀲𑀁, 𑀲𑀦𑁆𑀢𑁄, 𑀲𑀦𑁆𑀢𑀸, 𑀲𑀦𑁆𑀢𑁄, 𑀪𑁄𑀲𑀦𑁆𑀢, 𑀪𑁄𑀲𑀦𑁆𑀢𑀸, 𑀪𑁄𑀲, 𑀪𑁄 𑀲𑀸, 𑀪𑁄 𑀲𑀁 𑀯𑀸, 𑀪𑁄𑀦𑁆𑀢𑁄 𑀲𑀦𑁆𑀢𑀸, 𑀪𑁄𑀦𑁆𑀢𑁄 𑀲𑀦𑁆𑀢𑁄. 𑀬𑀁 𑀬𑀜𑁆𑀳𑀺 𑀭𑀸𑀚 𑀪𑀚𑀢𑀺, 𑀲𑀦𑁆𑀢𑀁 𑀯𑀸 𑀬𑀤𑀺 𑀯𑀸 𑀅𑀲𑀁 [𑀚𑀸. 𑁧.𑁧𑁫.𑁧𑁮𑁦]. 𑀲𑀦𑁆𑀢𑁂, 𑀲𑀦𑁆𑀢𑁂𑀦, 𑀲𑀢𑀸.

𑁧𑁩𑁧. 𑀲𑀢𑁄 𑀲𑀩𑁆𑀩 𑀪𑁂 [𑀓. 𑁧𑁮𑁫; 𑀭𑀽. 𑁧𑁧𑁨; 𑀦𑀻. 𑁩𑁭𑁮].

𑀪𑁂 𑀧𑀭𑁂 𑀲𑀦𑁆𑀢𑀲𑁆𑀲 𑀲𑀩𑀆𑀤𑁂𑀲𑁄 𑀳𑁄𑀢𑀺 𑀯𑀸.

𑀲𑀦𑁆𑀢𑁂𑀳𑀺, 𑀲𑀦𑁆𑀢𑁂𑀪𑀺, 𑀲𑀩𑁆𑀪𑀺, 𑀲𑀦𑁆𑀢𑀲𑁆𑀲, 𑀲𑀢𑁄, 𑀲𑀦𑁆𑀢𑀸𑀦𑀁, 𑀲𑀢𑀁, 𑀲𑀦𑁆𑀢𑀲𑁆𑀫𑀸, 𑀲𑀦𑁆𑀢𑀫𑁆𑀳𑀸, 𑀲𑀦𑁆𑀢𑀸, 𑀲𑀢𑀸, 𑀲𑀦𑁆𑀢𑁂𑀳𑀺, 𑀲𑀦𑁆𑀢𑁂𑀪𑀺, 𑀲𑀩𑁆𑀪𑀺, 𑀲𑀦𑁆𑀢𑀲𑁆𑀲, 𑀲𑀢𑁄, 𑀲𑀦𑁆𑀢𑀸𑀦𑀁, 𑀲𑀢𑀁, 𑀲𑀦𑁆𑀢𑀲𑁆𑀫𑀺𑀁, 𑀲𑀦𑁆𑀢𑀫𑁆𑀳𑀺, 𑀲𑀢𑀺, 𑀲𑀦𑁆𑀢𑁂, 𑀲𑀦𑁆𑀢𑁂𑀲𑀼. 𑀲𑀦𑁆𑀢𑁄 𑀲𑀧𑁆𑀧𑀼𑀭𑀺𑀲𑀸 𑀮𑁄𑀓𑁂, 𑀤𑀽𑀭𑁂𑀲𑀦𑁆𑀢𑁄 𑀧𑀓𑀸𑀲𑁂𑀦𑁆𑀢𑀺 [𑀥. 𑀧. 𑁩𑁦𑁪], 𑀘𑀢𑁆𑀢𑀸𑀭𑁄 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁 [𑀅. 𑀦𑀺. 𑁪.𑁮𑁫], 𑀧𑀳𑀼𑀲𑀦𑁆𑀢𑁄 𑀦 𑀪𑀭𑀢𑀺 [𑀲𑀼. 𑀦𑀺. 𑁯𑁧].

𑀔𑁂𑀤𑁂 𑀦𑀺𑀭𑁄𑀥𑁂 𑀘 𑀧𑀯𑀢𑁆𑀢𑁄 𑀲𑀦𑁆𑀢𑁄 𑀧𑀼𑀭𑀺𑀲𑀸𑀤𑀺𑀕𑀡𑀸𑀤𑀺𑀓𑁄, 𑀤𑀻𑀖𑀁 𑀲𑀦𑁆𑀢𑀲𑁆𑀲 𑀬𑁄𑀚𑀦𑀁 [𑀥. 𑀧. 𑁬𑁧], 𑀲𑀦𑁆𑀢𑀸 𑀳𑁄𑀦𑁆𑀢𑀺 𑀲𑀫𑀺𑀢𑀸 𑀦𑀺𑀭𑀼𑀤𑁆𑀥𑀸 𑀇𑀘𑁆𑀘𑀸𑀤𑀺.

𑀇𑀢𑀺 𑀕𑀘𑁆𑀙𑀦𑁆𑀢𑀸𑀤𑀺𑀕𑀡𑀭𑀸𑀲𑀺.

𑀭𑀸𑀚𑀸𑀤𑀺𑀬𑀼𑀯𑀸𑀤𑀺𑀕𑀡𑀭𑀸𑀲𑀺

𑁧𑁩𑁨. 𑀭𑀸𑀚𑀸𑀤𑀺𑀬𑀼𑀯𑀸𑀤𑀻𑀳𑀸 [𑀓. 𑁧𑁮𑁯; 𑀭𑀽. 𑁧𑁧𑁩; 𑀦𑀻. 𑁩𑁯𑁦-𑁧].

𑀭𑀸𑀚𑀸𑀤𑀻𑀳𑀺 ¶ 𑀬𑀼𑀯𑀸𑀤𑀻𑀳𑀺 𑀘 𑀲𑀺𑀲𑁆𑀲 𑀆 𑀳𑁄𑀢𑀺.

𑀭𑀸𑀚𑀸 𑀕𑀘𑁆𑀙𑀢𑀺.

𑁧𑁩𑁩. 𑀬𑁄𑀦𑀫𑀸𑀦𑁄 [𑀓. 𑁧𑁯𑁦; 𑀭𑀽. 𑁧𑁧𑁪; 𑀦𑀻. 𑁩𑁯𑁨].

𑀭𑀸𑀚𑀸𑀤𑀻𑀳𑀺 𑀬𑀼𑀯𑀸𑀤𑀻𑀳𑀺 𑀘 𑀬𑁄𑀦𑀁 𑀆𑀦𑁄 𑀳𑁄𑀢𑀺 𑀯𑀸.

𑀭𑀸𑀚𑀸𑀦𑁄.

𑀯𑀸𑀢𑀺 𑀓𑀺𑀁? 𑀘𑀢𑀼𑀭𑁄 𑀘 𑀫𑀳𑀸𑀭𑀸𑀚𑀸.

𑀪𑁄 𑀭𑀸𑀚, 𑀪𑁄 𑀭𑀸𑀚𑀸, 𑀪𑁄𑀦𑁆𑀢𑁄 𑀭𑀸𑀚𑀸𑀦𑁄.

𑁧𑁩𑁪. 𑀯𑀁𑀫𑁆𑀳𑀸𑀦𑀗𑁆 [𑀓. 𑁧𑁮𑁮; 𑀭𑀽. 𑁧𑁧𑁫; 𑀦𑀻. 𑁩𑁯𑁩].

𑀭𑀸𑀚𑀸𑀤𑀻𑀦𑀁 𑀬𑀼𑀯𑀸𑀤𑀻𑀦𑀜𑁆𑀘 𑀆𑀦𑀗 𑀳𑁄𑀢𑀺 𑀯𑀸 𑀅𑀁𑀫𑁆𑀳𑀺.

𑀭𑀸𑀚𑀸𑀦𑀁, 𑀭𑀸𑀚𑀁, 𑀭𑀸𑀚𑀸𑀦𑁄, 𑀘𑀢𑀼𑀭𑁄 𑀘 𑀫𑀳𑀸𑀭𑀸𑀚𑁂 [𑀧𑁂. 𑀯. 𑁧𑁧].

𑁧𑁩𑁫. 𑀦𑀸𑀲𑁆𑀫𑀸𑀲𑀼 𑀭𑀜𑁆𑀜𑀸 [𑀓. 𑁧𑁩𑁭, 𑁨𑁭𑁦; 𑀭𑀽. 𑁧𑁧𑁬, 𑁧𑁨𑁦; 𑀦𑀻. 𑁩𑁧𑁬, 𑁫𑁪𑁨].

𑀦𑀸, 𑀲𑁆𑀫𑀸𑀲𑀼 𑀭𑀸𑀚𑀲𑁆𑀲 𑀭𑀜𑁆𑀜𑀸 𑀳𑁄𑀢𑀺 𑀯𑀸.

𑀭𑀜𑁆𑀜𑀸, 𑀭𑀸𑀚𑁂𑀦.

𑁧𑁩𑁬. 𑀭𑀸𑀚𑀲𑁆𑀲𑀺 𑀦𑀸𑀫𑁆𑀳𑀺 [𑀦𑀻. 𑁩𑁧𑁬].

𑀦𑀸𑀫𑁆𑀳𑀺 𑀭𑀸𑀚𑀲𑁆𑀲 𑀇 𑀳𑁄𑀢𑀺.

𑀭𑀸𑀚𑀺𑀦𑀸.

𑁧𑁩𑁭. 𑀲𑀼𑀦𑀁𑀳𑀺𑀲𑁆𑀯𑀼 [𑀓. 𑁧𑁬𑁯; 𑀭𑀽. 𑁧𑁧𑁭; 𑀦𑀻. 𑁩𑁫𑁭].

𑀲𑀼 ¶ , 𑀦𑀁, 𑀳𑀺𑀲𑀼 𑀭𑀸𑀚𑀲𑁆𑀲 𑀉𑀳𑁄𑀢𑀺 𑀯𑀸.

𑀭𑀸𑀚𑀽𑀳𑀺, 𑀭𑀸𑀚𑀽𑀪𑀺, 𑀭𑀸𑀚𑁂𑀳𑀺, 𑀭𑀸𑀚𑁂𑀪𑀺.

𑁧𑁩𑁮. 𑀭𑀜𑁆𑀜𑁄𑀭𑀜𑁆𑀜𑀲𑁆𑀲𑀭𑀸𑀚𑀺𑀦𑁄 𑀲𑁂 [𑀓. 𑁧𑁩𑁯; 𑀭𑀽. 𑁧𑁧𑁮; 𑀦𑀻. 𑁩𑁧𑁪].

𑀲𑁂𑀧𑀭𑁂 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀸𑀚𑀲𑁆𑀲 𑀭𑀜𑁆𑀜𑁄, 𑀭𑀜𑁆𑀜𑀲𑁆𑀲, 𑀭𑀸𑀚𑀺𑀦𑁄 𑀳𑁄𑀦𑁆𑀢𑀺 𑀯𑀸.

𑀭𑀜𑁆𑀜𑁄, 𑀭𑀜𑁆𑀜𑀲𑁆𑀲, 𑀭𑀸𑀚𑀺𑀦𑁄.

𑀯𑀸𑀢𑀺 𑀓𑀺𑀁? 𑀭𑀸𑀚𑀲𑁆𑀲.

𑀭𑀸𑀚𑀽𑀦𑀁, 𑀭𑀸𑀚𑀸𑀦𑀁.

𑁧𑁩𑁯. 𑀭𑀸𑀚𑀲𑁆𑀲 𑀭𑀜𑁆𑀜𑀁 [𑀓. 𑁧𑁩𑁬; 𑀭𑀽. 𑁧𑁧𑁯; 𑀦𑀻. 𑁩𑁧𑁫].

𑀦𑀁𑀫𑁆𑀳𑀺 𑀭𑀸𑀚𑀲𑁆𑀲 𑀭𑀜𑁆𑀜𑀁 𑀳𑁄𑀢𑀺 𑀯𑀸.

𑀭𑀜𑁆𑀜𑀁, 𑀭𑀸𑀚𑀲𑁆𑀫𑀸, 𑀭𑀸𑀚𑀫𑁆𑀳𑀸, 𑀭𑀜𑁆𑀜𑀸, 𑀭𑀸𑀚𑀽𑀳𑀺, 𑀭𑀸𑀚𑀽𑀪𑀺, 𑀭𑀸𑀚𑁂𑀳𑀺, 𑀭𑀸𑀚𑁂𑀪𑀺, 𑀭𑀜𑁆𑀜𑁄, 𑀭𑀜𑁆𑀜𑀲𑁆𑀲, 𑀭𑀸𑀚𑀺𑀦𑁄, 𑀭𑀸𑀚𑀲𑁆𑀲 𑀯𑀸, 𑀭𑀸𑀚𑀽𑀦𑀁, 𑀭𑀸𑀚𑀸𑀦𑀁, 𑀭𑀜𑁆𑀜𑀁.

𑁧𑁪𑁦. 𑀲𑁆𑀫𑀺𑀁𑀫𑁆𑀳𑀺 𑀭𑀜𑁆𑀜𑁂𑀭𑀸𑀚𑀺𑀦𑀺 [𑀓. 𑁧𑁩𑁮; 𑀭𑀽. 𑁧𑁨𑁧; 𑀦𑀻. 𑁩𑁧𑁭].

𑀲𑁆𑀫𑀺𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀸𑀚𑀲𑁆𑀲 𑀭𑀜𑁆𑀜𑁂, 𑀭𑀸𑀚𑀺𑀦𑀺 𑀳𑁄𑀦𑁆𑀢𑀺 𑀯𑀸.

𑀭𑀜𑁆𑀜𑁂, 𑀭𑀸𑀚𑀺𑀦𑀺, 𑀭𑀸𑀚𑀲𑁆𑀫𑀺𑀁, 𑀭𑀸𑀚𑀫𑁆𑀳𑀺, 𑀭𑀸𑀚𑀽𑀲𑀼, 𑀭𑀸𑀚𑁂𑀲𑀼.

𑁧𑁪𑁧. 𑀲𑀫𑀸𑀲𑁂 𑀯𑀸.

𑀲𑀫𑀸𑀲𑀝𑁆𑀞𑀸𑀦𑁂 𑀲𑀩𑁆𑀩𑁂 𑀢𑁂 𑀆𑀤𑁂𑀲𑀸 𑀯𑀺𑀓𑀧𑁆𑀧𑁂𑀦 𑀳𑁄𑀦𑁆𑀢𑀺.

𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸 [𑀤𑀻. 𑀦𑀺. 𑁨.𑁩𑁩𑁬], 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀦𑁄 [𑀅. 𑀦𑀺. 𑁩.𑁩𑁭], 𑀤𑁂𑀯𑀭𑀸𑀚𑀸𑀦𑀁, 𑀤𑁂𑀯𑀭𑀸𑀚𑀁, 𑀤𑁂𑀯𑀭𑀸𑀚𑀸𑀦𑁄, 𑀤𑁂𑀯𑀭𑀸𑀚𑁂, 𑀘𑀢𑁆𑀢𑀸𑀭𑁄 𑀘 𑀫𑀳𑀸𑀭𑀸𑀚𑁂 ¶ , 𑀫𑀡𑀺𑀫𑁆𑀳𑀺 𑀧𑀲𑁆𑀲 𑀦𑀺𑀫𑁆𑀫𑀺𑀢𑀁 [𑀚𑀸. 𑁨.𑁨𑁨.𑁧𑁩𑁯𑁪], 𑀓𑀸𑀲𑀺𑀭𑀜𑁆𑀜𑀸, 𑀓𑀸𑀲𑀺𑀭𑀸𑀚𑁂𑀦, 𑀤𑁂𑀯𑀭𑀸𑀚𑀽𑀳𑀺, 𑀤𑁂𑀯𑀭𑀸𑀚𑁂𑀳𑀺, 𑀓𑀸𑀲𑀺𑀭𑀜𑁆𑀜𑁄, 𑀓𑀸𑀲𑀺𑀭𑀸𑀚𑀲𑁆𑀲, 𑀤𑁂𑀯𑀭𑀸𑀚𑀽𑀦𑀁, 𑀤𑁂𑀯𑀭𑀸𑀚𑀸𑀦𑀁…𑀧𑁂… 𑀓𑀸𑀲𑀺𑀭𑀜𑁆𑀜𑁂, 𑀓𑀸𑀲𑀺𑀭𑀸𑀚𑁂, 𑀤𑁂𑀯𑀭𑀸𑀚𑀽𑀲𑀼, 𑀤𑁂𑀯𑀭𑀸𑀚𑁂𑀲𑀼.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀭𑀸𑀚𑀢𑁄 𑀬𑁄𑀦𑀁 𑀇𑀦𑁄 𑀳𑁄𑀢𑀺, ‘‘𑀲𑀫𑀦𑁆𑀢𑀧𑀸𑀲𑀸𑀤𑀺𑀓𑀸 𑀦𑀸𑀫, 𑀲𑁄𑀴𑀲𑀸𑀲𑀺𑀁𑀲𑀼 𑀭𑀸𑀚𑀺𑀦𑁄, 𑀏𑀓𑀽𑀦𑀢𑀺𑀁𑀲𑁂 𑀓𑀧𑁆𑀧𑀫𑁆𑀳𑀺, 𑀇𑀢𑁄 𑀲𑁄𑀴𑀲𑀭𑀸𑀚𑀺𑀦𑁄 [𑀅𑀧. 𑀣𑁂𑀭 𑁧.𑁧𑁨.𑁫𑁪-𑁫𑁫 (𑀏𑀓𑀽𑀦𑀢𑀺𑀁𑀲𑀓𑀧𑁆𑀧𑀫𑁆𑀳𑀺, 𑀇𑀢𑁄 𑀲𑁄𑀴𑀲𑀭𑀸𑀚𑀸𑀦𑁄)], 𑀓𑀼𑀲𑀭𑀸𑀚𑀁 𑀫𑀳𑀩𑁆𑀩𑀮𑀁 [𑀚𑀸. 𑁨.𑁨𑁦.𑁬𑁭], 𑀲𑀸𑀮𑀭𑀸𑀚𑀁𑀯 𑀧𑀼𑀧𑁆𑀨𑀺𑀢𑀁 [𑀅𑀧. 𑀣𑁂𑀭 𑁧.𑁪𑁨.𑁮𑁬], 𑀉𑀴𑀼𑀭𑀸𑀚𑀁𑀯 𑀲𑁄𑀪𑀺𑀢𑀁, 𑀘𑀢𑀼𑀭𑁄 𑀘 𑀫𑀳𑀸𑀭𑀸𑀚𑁂 [𑀧𑁂. 𑀯. 𑁧𑁧], 𑀬𑀼𑀥𑀜𑁆𑀘𑀬𑁄 𑀅𑀦𑀼𑀜𑁆𑀜𑀸𑀢𑁄, 𑀲𑀩𑁆𑀩𑀤𑀢𑁆𑀢𑁂𑀦 𑀭𑀸𑀚𑀺𑀦𑀸 [𑀚𑀸. 𑁧.𑁧𑁧.𑁮𑁧], 𑀢𑀤𑀸 𑀅𑀤𑀸𑀲𑀺 𑀫𑀁 𑀢𑀸𑀢𑁄, 𑀩𑀺𑀫𑁆𑀩𑀺𑀲𑀸𑀭𑀲𑁆𑀲 𑀭𑀸𑀚𑀺𑀦𑁄 [𑀅𑀧. 𑀣𑁂𑀭𑀻. 𑁨.𑁨.𑁩𑁨𑁬], 𑀦𑀺𑀓𑁆𑀔𑀫𑀦𑁆𑀢𑁂 𑀫𑀳𑀸𑀭𑀸𑀚𑁂, 𑀧𑀣𑀯𑀻 𑀲𑀫𑁆𑀧𑀓𑀫𑁆𑀧𑀣’’ 𑀇𑀘𑁆𑀘𑀸𑀤𑀻𑀦𑀺 𑀧𑀸𑀴𑀺𑀧𑀤𑀸𑀦𑀺.

𑀩𑁆𑀭𑀳𑁆𑀫𑀸, 𑀩𑁆𑀭𑀳𑁆𑀫𑀸𑀦𑁄, 𑀪𑁄 𑀩𑁆𑀭𑀳𑁆𑀫, 𑀪𑁄 𑀩𑁆𑀭𑀳𑁆𑀫𑀸. ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀕𑀲𑁆𑀲 𑀏𑀢𑁆𑀢𑀁, 𑀪𑁄 𑀩𑁆𑀭𑀳𑁆𑀫𑁂, 𑀪𑁄𑀦𑁆𑀢𑁄 𑀩𑁆𑀭𑀳𑁆𑀫𑀸𑀦𑁄, 𑀩𑁆𑀭𑀳𑁆𑀫𑀸𑀦𑀁, 𑀩𑁆𑀭𑀳𑁆𑀫𑀁, 𑀩𑁆𑀭𑀳𑁆𑀫𑀸𑀦𑁄.

𑁧𑁪𑁨. 𑀦𑀸𑀫𑁆𑀳𑀺 [𑀓. 𑁧𑁯𑁮; 𑀭𑀽. 𑁧𑁨𑁩; 𑀦𑀻. 𑁪𑁧𑁦].

𑀦𑀸𑀫𑁆𑀳𑀺 𑀩𑁆𑀭𑀳𑁆𑀫𑀲𑁆𑀲 𑀉𑀳𑁄𑀢𑀺 𑀯𑀸.

𑀩𑁆𑀭𑀳𑁆𑀫𑀼𑀦𑀸, 𑀩𑁆𑀭𑀳𑁆𑀫𑁂𑀦, 𑀩𑁆𑀭𑀳𑁆𑀫𑁂𑀳𑀺, 𑀩𑁆𑀭𑀳𑁆𑀫𑁂𑀪𑀺.

𑁧𑁪𑁩. 𑀩𑁆𑀭𑀳𑁆𑀫𑀲𑁆𑀲𑀼 𑀯𑀸 [𑀓. 𑁧𑁯𑁮; 𑀭𑀽. 𑁧𑁨𑁩; 𑀦𑀻. 𑁪𑁧𑁦].

𑀲, 𑀦𑀁𑀲𑀼 𑀩𑁆𑀭𑀳𑁆𑀫𑀲𑁆𑀲 𑀉 𑀳𑁄𑀢𑀺 𑀯𑀸.

𑁧𑁪𑁪. 𑀛𑀮𑀸 𑀲𑀲𑁆𑀲 𑀦𑁄 [𑀓. 𑁧𑁧𑁭; 𑀭𑀽. 𑁧𑁨𑁪; 𑀦𑀻. 𑁨𑁯𑁨].

𑀛, 𑀮𑀢𑁄 𑀲𑀲𑁆𑀲 𑀦𑁄 𑀳𑁄𑀢𑀺.

𑀩𑁆𑀭𑀳𑁆𑀫𑀼𑀦𑁄, 𑀩𑁆𑀭𑀳𑁆𑀫𑀲𑁆𑀲, 𑀩𑁆𑀭𑀳𑁆𑀫𑀽𑀦𑀁, 𑀩𑁆𑀭𑀳𑁆𑀫𑀸𑀦𑀁.

𑁧𑁪𑁫. 𑀲𑁆𑀫𑀸 ¶ 𑀦𑀸𑀯 𑀩𑁆𑀭𑀳𑁆𑀫𑀸 𑀘 [𑀓. 𑁨𑁭𑁦; 𑀭𑀽. 𑁧𑁨𑁦; 𑀦𑀻. 𑁫𑁪𑁨].

𑀅𑀢𑁆𑀢𑀸’𑀢𑀼𑀫𑁂𑀳𑀺 𑀘 𑀩𑁆𑀭𑀳𑁆𑀫𑀢𑁄 𑀘 𑀲𑁆𑀫𑀸𑀲𑁆𑀲 𑀦𑀸 𑀯𑀺𑀬 𑀭𑀽𑀧𑀁 𑀳𑁄𑀢𑀺.

𑀩𑁆𑀭𑀳𑁆𑀫𑀼𑀦𑀸, 𑀩𑁆𑀭𑀳𑁆𑀫𑀲𑁆𑀫𑀸, 𑀩𑁆𑀭𑀳𑁆𑀫𑀫𑁆𑀳𑀸, 𑀩𑁆𑀭𑀳𑁆𑀫𑀼𑀦𑁄, 𑀩𑁆𑀭𑀳𑁆𑀫𑀲𑁆𑀲, 𑀩𑁆𑀭𑀳𑁆𑀫𑀽𑀦𑀁, 𑀩𑁆𑀭𑀳𑁆𑀫𑀸𑀦𑀁. ‘𑀓𑀫𑁆𑀫𑀸𑀤𑀺𑀢𑁄’𑀢𑀺 𑀲𑀼𑀢𑁆𑀢𑁂𑀦 𑀲𑁆𑀫𑀺𑀁𑀦𑁄 𑀦𑀺 𑀳𑁄𑀢𑀺, 𑀩𑁆𑀭𑀳𑁆𑀫𑀲𑁆𑀫𑀺𑀁, 𑀩𑁆𑀭𑀳𑁆𑀫𑀫𑁆𑀳𑀺, 𑀩𑁆𑀭𑀳𑁆𑀫𑀦𑀺, 𑀩𑁆𑀭𑀳𑁆𑀫𑁂, 𑀩𑁆𑀭𑀳𑁆𑀫𑁂𑀲𑀼.

𑀅𑀢𑁆𑀢𑀸, 𑀅𑀢𑁆𑀢𑀸𑀦𑁄, 𑀪𑁄 𑀅𑀢𑁆𑀢, 𑀪𑁄 𑀅𑀢𑁆𑀢𑀸, 𑀪𑁄𑀦𑁆𑀢𑁄 𑀅𑀢𑁆𑀢𑀸𑀦𑁄, 𑀅𑀢𑁆𑀢𑀸𑀦𑀁, 𑀅𑀢𑁆𑀢𑀁, 𑀅𑀢𑁆𑀢𑀸𑀦𑁄. ‘𑀦𑀸𑀲𑁆𑀲𑁂𑀦𑁄’𑀢𑀺 𑀯𑀺𑀓𑀧𑁆𑀧𑁂𑀦 𑀦𑀸𑀲𑁆𑀲 𑀏𑀦𑀢𑁆𑀢𑀁, 𑀅𑀢𑁆𑀢𑀦𑀸, 𑀅𑀢𑁆𑀢𑁂𑀦.

𑁧𑁪𑁬. 𑀲𑀼𑀳𑀺𑀲𑁆𑀯𑀦𑀓 [𑀓. 𑁨𑁧𑁧; 𑀭𑀽. 𑁧𑁨𑁬; 𑀦𑀻. 𑁪𑁩𑁯;. 𑀲𑀼𑀳𑀺𑀲𑀼𑀦𑀓 (𑀩𑀳𑀽𑀲𑀼)].

𑀲𑀼, 𑀳𑀺𑀲𑀼 𑀅𑀢𑁆𑀢𑀸’𑀢𑀼𑀫𑀸𑀦𑀁 𑀅𑀦𑁆𑀢𑁄 𑀅𑀦𑀓 𑀳𑁄𑀢𑀺.

𑀅𑀢𑁆𑀢𑀦𑁂𑀳𑀺, 𑀅𑀢𑁆𑀢𑀦𑁂𑀪𑀺, 𑀅𑀢𑁆𑀢𑁂𑀳𑀺, 𑀅𑀢𑁆𑀢𑁂𑀪𑀺.

𑁧𑁪𑁭. 𑀦𑁄𑀢𑁆𑀢𑀸𑀢𑀼𑀫𑀸 [𑀓. 𑁨𑁧𑁩; 𑀭𑀽. 𑁧𑁨𑁭; 𑀦𑀻. 𑁪𑁪𑁦].

𑀅𑀢𑁆𑀢𑀸’𑀢𑀼𑀫𑀢𑁄 𑀲𑀲𑁆𑀲 𑀦𑁄 𑀳𑁄𑀢𑀺.

𑀅𑀢𑁆𑀢𑀦𑁄, 𑀅𑀢𑁆𑀢𑀲𑁆𑀲, 𑀅𑀢𑁆𑀢𑀸𑀦𑀁, 𑀅𑀢𑁆𑀢𑀲𑁆𑀫𑀸, 𑀅𑀢𑁆𑀢𑀫𑁆𑀳𑀸, 𑀅𑀢𑁆𑀢𑀸, 𑀅𑀢𑁆𑀢𑀦𑀸, 𑀅𑀢𑁆𑀢𑀦𑁂𑀳𑀺, 𑀅𑀢𑁆𑀢𑀦𑁂𑀪𑀺, 𑀅𑀢𑁆𑀢𑁂𑀳𑀺, 𑀅𑀢𑁆𑀢𑁂𑀪𑀺, 𑀅𑀢𑁆𑀢𑀦𑁄, 𑀅𑀢𑁆𑀢𑀲𑁆𑀲, 𑀅𑀢𑁆𑀢𑀸𑀦𑀁, 𑀅𑀢𑁆𑀢𑀲𑁆𑀫𑀺𑀁, 𑀅𑀢𑁆𑀢𑀫𑁆𑀳𑀺, 𑀅𑀢𑁆𑀢𑀦𑀺, 𑀅𑀢𑁆𑀢𑁂, 𑀅𑀢𑁆𑀢𑁂𑀲𑀼, 𑀅𑀢𑁆𑀢𑀦𑁂𑀲𑀼.

𑀲𑀫𑀸𑀲𑁂 𑀧𑀦 𑀧𑀼𑀭𑀺𑀲𑀸𑀤𑀺𑀭𑀽𑀧𑀁 𑀳𑁄𑀢𑀺, 𑀧𑀳𑀺𑀢𑁄 𑀅𑀢𑁆𑀢𑀸 𑀏𑀢𑁂𑀦𑀸𑀢𑀺 𑀧𑀳𑀺𑀢𑀢𑁆𑀢𑁄, 𑀧𑀳𑀺𑀢𑀢𑁆𑀢𑀸, 𑀧𑀳𑀺𑀢𑀢𑁆𑀢𑀁, 𑀧𑀳𑀺𑀢𑀢𑁆𑀢𑁂, 𑀧𑀳𑀺𑀢𑀢𑁆𑀢𑁂𑀦, 𑀧𑀳𑀺𑀢𑀢𑁆𑀢𑁂𑀳𑀺, 𑀧𑀳𑀺𑀢𑀢𑁆𑀢𑁂𑀪𑀺, 𑀧𑀳𑀺𑀢𑀢𑁆𑀢𑀲𑁆𑀲, 𑀧𑀳𑀺𑀢𑀢𑁆𑀢𑀸𑀦𑀁, 𑀧𑀳𑀺𑀢𑀢𑁆𑀢𑀲𑁆𑀫𑀸, 𑀧𑀳𑀺𑀢𑀢𑁆𑀢𑀫𑁆𑀳𑀸, 𑀧𑀳𑀺𑀢𑀢𑁆𑀢𑀸, 𑀧𑀳𑀺𑀢𑀢𑁆𑀢𑁂𑀳𑀺, 𑀧𑀳𑀺𑀢𑀢𑁆𑀢𑁂𑀪𑀺, 𑀧𑀳𑀺𑀢𑀢𑁆𑀢𑀲𑁆𑀲, 𑀧𑀳𑀺𑀢𑀢𑁆𑀢𑀸𑀦𑀁, 𑀧𑀳𑀺𑀢𑀢𑁆𑀢𑀲𑁆𑀫𑀺𑀁, 𑀧𑀳𑀺𑀢𑀢𑁆𑀢𑀫𑁆𑀳𑀺, 𑀧𑀳𑀺𑀢𑀢𑁆𑀢𑁂, 𑀧𑀳𑀺𑀢𑀢𑁆𑀢𑁂𑀲𑀼.

𑀆𑀢𑀼𑀫𑀸 ¶ , 𑀆𑀢𑀼𑀫𑀸𑀦𑁄, 𑀆𑀢𑀼𑀫𑀸𑀦𑀁, 𑀆𑀢𑀼𑀫𑀁, 𑀆𑀢𑀼𑀫𑀸𑀦𑁄, 𑀆𑀢𑀼𑀫𑀦𑀸, 𑀆𑀢𑀼𑀫𑁂𑀦, 𑀆𑀢𑀼𑀫𑀦𑁂𑀳𑀺, 𑀆𑀢𑀼𑀫𑀦𑁂𑀪𑀺, 𑀆𑀢𑀼𑀫𑀦𑁄, 𑀆𑀢𑀼𑀫𑀲𑁆𑀲, 𑀆𑀢𑀼𑀫𑀸𑀦𑀁 𑀇𑀘𑁆𑀘𑀸𑀤𑀺.

𑀲𑀔𑀸 𑀢𑀺𑀝𑁆𑀞𑀢𑀺.

𑁧𑁪𑁮. 𑀆𑀬𑁄 𑀦𑁄 𑀘 𑀲𑀔𑀸 [𑀓. 𑁧𑁯𑁧; 𑀭𑀽. 𑁧𑁩𑁦; 𑀦𑀻. 𑁩𑁯𑁪].

𑀲𑀔𑀢𑁄 𑀬𑁄𑀦𑀁 𑀆𑀬𑁄 𑀘 𑀦𑁄 𑀘 𑀳𑁄𑀦𑁆𑀢𑀺 𑀯𑀸 𑀆𑀦𑁄 𑀘.

𑀲𑀔𑀸𑀦𑁄, 𑀲𑀔𑀸𑀬𑁄.

𑁧𑁪𑁯. 𑀦𑁄𑀦𑀸𑀲𑁂𑀲𑁆𑀯𑀺 [𑀓. 𑁧𑁯𑁪; 𑀭𑀽. 𑁧𑁩𑁧; 𑀦𑀻. 𑁪𑁦𑁭].

𑀦𑁄, 𑀦𑀸, 𑀲𑁂𑀲𑀼 𑀲𑀔𑀦𑁆𑀢𑀲𑁆𑀲 𑀇 𑀳𑁄𑀢𑀺 𑀯𑀸.

𑀲𑀔𑀺𑀦𑁄.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀢𑁆𑀢𑀧𑀘𑁆𑀘𑀬𑀫𑁆𑀳𑀺 𑀇𑀢𑁆𑀢𑀁, ‘‘𑀲𑀔𑀺𑀢𑁆𑀢𑀁 𑀓𑀭𑁂𑀬𑁆𑀬, 𑀲𑀔𑀺𑀢𑁆𑀢𑀁 𑀦 𑀓𑀭𑁂𑀬𑁆𑀬𑀸’’𑀢𑀺 [𑀣𑁂𑀭𑀕𑀸. 𑁧𑁦𑁧𑁭 (𑀲𑀔𑀺𑀢𑀁)] 𑀧𑀸𑀴𑀻.

𑁧𑁫𑁦. 𑀬𑁄𑀲𑁆𑀯𑀁𑀳𑀺𑀲𑁆𑀫𑀸𑀦𑀁𑀲𑁆𑀯𑀸𑀭𑀗 [𑀓. 𑁧𑁯𑁫-𑁬; 𑀭𑀽. 𑁧𑁩𑁩-𑁪; 𑀦𑀻. 𑁪𑁦𑁮-𑁯; 𑀬𑁄𑀲𑁆𑀯𑀁𑀳𑀺𑀲𑀼𑀘𑀸𑀭𑀗 (𑀩𑀳𑀽𑀲𑀼)].

𑀬𑁄𑀲𑀼 𑀅𑀁, 𑀳𑀺, 𑀲𑁆𑀫𑀸, 𑀦𑀁𑀲𑀼 𑀲𑀔𑀦𑁆𑀢𑀲𑁆𑀲 𑀆𑀭𑀗 𑀳𑁄𑀢𑀺. ‘𑀝𑁄𑀝𑁂 𑀯𑀸’𑀢𑀺 𑀲𑀼𑀢𑁆𑀢𑁂𑀦 𑀆𑀭𑀸𑀤𑁂𑀲𑀢𑁄 𑀬𑁄𑀦𑀁 𑀓𑀫𑁂𑀦 𑀝𑁄, 𑀝𑁂 𑀳𑁄𑀦𑁆𑀢𑀺.

𑀲𑀔𑀸𑀭𑁄 𑀢𑀺𑀝𑁆𑀞𑀦𑁆𑀢𑀺. ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀕𑀲𑁆𑀲 𑀯𑀺𑀓𑀧𑁆𑀧𑁂𑀦 𑀏𑀢𑁆𑀢𑀁, 𑀪𑁄 𑀲𑀔, 𑀪𑁄 𑀲𑀔𑀸, 𑀪𑁄 𑀲𑀔𑁂, 𑀳𑀭𑁂 𑀲𑀔𑀸 𑀓𑀺𑀲𑁆𑀲 𑀫𑀁 𑀚𑀳𑀸𑀲𑀺 [𑀚𑀸. 𑁧.𑁬.𑁯𑁪].

‘‘𑀲𑀔𑀺, 𑀲𑀔𑀻𑀢𑀺 𑀤𑁆𑀯𑀬𑀁 𑀇𑀢𑁆𑀣𑀺𑀬𑀁 𑀲𑀺𑀤𑁆𑀥’’𑀦𑁆𑀢𑀺 𑀯𑀼𑀢𑁆𑀢𑀺𑀬𑀁 𑀯𑀼𑀢𑁆𑀢𑀁.

𑀪𑁄𑀦𑁆𑀢𑁄 ¶ 𑀲𑀔𑀸𑀦𑁄, 𑀪𑁄𑀦𑁆𑀢𑁄 𑀲𑀔𑀸𑀬𑁄, 𑀪𑁄𑀦𑁆𑀢𑁄 𑀲𑀔𑀺𑀦𑁄, 𑀪𑁄𑀦𑁆𑀢𑁄 𑀲𑀔𑀸𑀭𑁄, 𑀲𑀔𑀸𑀦𑀁, 𑀲𑀔𑀸𑀭𑀁, 𑀲𑀔𑀁, 𑀲𑀔𑀸𑀦𑁄, 𑀲𑀔𑀸𑀬𑁄, 𑀲𑀔𑀺𑀦𑁄, 𑀲𑀔𑀸𑀭𑁂, 𑀲𑀔𑀸𑀭𑁄, 𑀲𑀔𑀺𑀦𑀸, 𑀲𑀔𑀸𑀭𑁂𑀦, 𑀲𑀔𑁂𑀦, 𑀲𑀔𑀸𑀭𑁂𑀳𑀺, 𑀲𑀔𑀸𑀭𑁂𑀪𑀺, 𑀲𑀔𑁂𑀳𑀺, 𑀲𑀔𑁂𑀪𑀺, 𑀲𑀔𑀺𑀲𑁆𑀲, 𑀲𑀔𑀺𑀦𑁄, 𑀲𑀔𑀸𑀭𑀸𑀦𑀁, 𑀲𑀔𑀸𑀦𑀁.

𑁧𑁫𑁧. 𑀲𑁆𑀫𑀸𑀦𑀁𑀲𑀼 𑀯𑀸 [𑀓. 𑁧𑁯𑁪, 𑁧𑁭𑁦; 𑀭𑀽. 𑁧𑁨𑁦, 𑁧𑁩𑁧; 𑀦𑀻. 𑁪𑁦𑁭, 𑁫𑁪𑁨].

𑀲𑁆𑀫𑀸, 𑀦𑀁𑀲𑀼 𑀲𑀔𑀦𑁆𑀢𑀲𑁆𑀲 𑀇 𑀳𑁄𑀢𑀺 𑀯𑀸.

𑀲𑀔𑀻𑀦𑀁, 𑀲𑀔𑀺𑀲𑁆𑀫𑀸, 𑀲𑀔𑀺𑀫𑁆𑀳𑀸, 𑀲𑀔𑀸, 𑀲𑀔𑀺𑀦𑀸, 𑀲𑀔𑀸𑀭𑀲𑁆𑀫𑀸, 𑀲𑀔𑀸𑀭𑀫𑁆𑀳𑀸, 𑀲𑀔𑀸𑀭𑀸, 𑀲𑀔𑀸𑀭𑁂𑀳𑀺, 𑀲𑀔𑀸𑀭𑁂𑀪𑀺, 𑀲𑀔𑁂𑀳𑀺, 𑀲𑀔𑁂𑀪𑀺, 𑀲𑀔𑀺𑀲𑁆𑀲, 𑀲𑀔𑀺𑀦𑁄, 𑀲𑀔𑀸𑀭𑀸𑀦𑀁, 𑀲𑀔𑀸𑀦𑀁, 𑀲𑀔𑀻𑀦𑀁.

𑁧𑁫𑁨. 𑀝𑁂 𑀲𑁆𑀫𑀺𑀁𑀦𑁄 [𑀓. 𑁧𑁯𑁨; 𑀭𑀽. 𑁧𑁩𑁫].

𑀲𑀔𑀢𑁄 𑀲𑁆𑀫𑀺𑀁𑀦𑁄 𑀝𑁂 𑀳𑁄𑀢𑀺. 𑀦𑀺𑀘𑁆𑀘𑀢𑁆𑀣𑀫𑀺𑀤𑀁 𑀲𑀼𑀢𑁆𑀢𑀁.

𑀲𑀔𑁂, 𑀲𑀔𑀸𑀭𑁂𑀲𑀼, 𑀲𑀔𑁂𑀲𑀼. ‘‘𑀦𑁂𑀢𑀸𑀤𑀺𑀲𑀸 𑀲𑀔𑀸 𑀳𑁄𑀦𑁆𑀢𑀺, 𑀮𑀩𑁆𑀪𑀸 𑀫𑁂 𑀚𑀻𑀯𑀢𑁄 𑀲𑀔𑀸’’𑀢𑀺 [𑀚𑀸. 𑁧.𑁭.𑁯] 𑀧𑀸𑀴𑀺. 𑀧𑀼𑀭𑀺𑀲𑀸𑀤𑀺𑀦𑀬𑁂𑀦 𑀬𑁄𑀦𑀁 𑀯𑀺𑀥𑀺.

𑀲𑀫𑀸𑀲𑁂 𑀧𑀦 𑀲𑀩𑁆𑀩𑀁 𑀧𑀼𑀭𑀺𑀲𑀸𑀤𑀺𑀭𑀽𑀧𑀁 𑀮𑀩𑁆𑀪𑀢𑀺, ‘‘𑀲𑀩𑁆𑀩𑀫𑀺𑀢𑁆𑀢𑁄 𑀲𑀩𑁆𑀩𑀲𑀔𑁄, 𑀧𑀸𑀧𑀫𑀺𑀢𑁆𑀢𑁄 𑀧𑀸𑀧𑀲𑀔𑁄’’𑀢𑀺 [𑀤𑀻. 𑀦𑀺. 𑁩.𑁨𑁫𑁩] 𑀘 𑀧𑀸𑀴𑀺. 𑀧𑀸𑀧𑀲𑀔𑁄, 𑀧𑀸𑀧𑀲𑀔𑀸, 𑀧𑀸𑀧𑀲𑀔𑀁, 𑀧𑀸𑀧𑀲𑀔𑁂, 𑀧𑀸𑀧𑀲𑀔𑁂𑀦, 𑀧𑀸𑀧𑀲𑀔𑁂𑀳𑀺, 𑀧𑀸𑀧𑀲𑀔𑁂𑀪𑀺…𑀧𑁂… 𑀧𑀸𑀧𑀲𑀔𑀲𑁆𑀫𑀺𑀁, 𑀧𑀸𑀧𑀲𑀔𑀫𑁆𑀳𑀺, 𑀧𑀸𑀧𑀲𑀔𑁂, 𑀧𑀸𑀧𑀲𑀔𑁂𑀲𑀼.

𑀬𑀼𑀯𑀸 𑀕𑀘𑁆𑀙𑀢𑀺.

𑁧𑁫𑁩. 𑀬𑁄𑀦𑀁 ¶ 𑀦𑁄𑀦𑁂 𑀯𑀸 [𑀓. 𑁧𑁫𑁫, 𑁧𑁫𑁭; 𑀭𑀽. 𑁧𑁩𑁭, 𑁧𑁪𑁦; 𑀦𑀻. 𑁩𑁩𑁫, 𑁩𑁪𑁩].

𑀬𑀼𑀯, 𑀧𑀼𑀫𑀸𑀤𑀻𑀳𑀺 𑀧𑀞𑀫𑀸, 𑀤𑀼𑀢𑀺𑀬𑀸𑀬𑁄𑀦𑀁 𑀓𑀫𑁂𑀦 𑀦𑁄, 𑀦𑁂 𑀳𑁄𑀦𑁆𑀢𑀺 𑀯𑀸.

𑁧𑁫𑁪. 𑀦𑁄𑀦𑀸𑀦𑁂𑀲𑁆𑀯𑀸 [𑀓. 𑁧𑁫𑁭; 𑀭𑀽. 𑁧𑁪𑁦; 𑀦𑀻. 𑁩𑁪𑁩].

𑀦𑁄, 𑀦𑀸, 𑀦𑁂𑀲𑀼 𑀬𑀼𑀯𑀸𑀤𑀻𑀦𑀁 𑀅𑀦𑁆𑀢𑁄 𑀆 𑀳𑁄𑀢𑀺 𑀯𑀸.

𑀬𑀼𑀯𑀸𑀦𑁄, 𑀬𑀼𑀯𑀸𑀦𑀸, 𑀬𑀼𑀯𑀸, 𑀳𑁂 𑀬𑀼𑀯, 𑀳𑁂 𑀬𑀼𑀯𑀸, 𑀳𑁂 𑀬𑀼𑀯𑀸𑀦𑁄, 𑀳𑁂 𑀬𑀼𑀯𑀸 𑀯𑀸, 𑀬𑀼𑀯𑀸𑀦𑀁, 𑀬𑀼𑀯𑀁, 𑀬𑀼𑀯𑀸𑀦𑁂, 𑀬𑀼𑀯𑁂, 𑀬𑀼𑀯𑁂𑀦, 𑀬𑀼𑀯𑀸𑀦𑀸.

𑁧𑁫𑁫. 𑀬𑀼𑀯𑀸𑀤𑀻𑀦𑀁 𑀲𑀼𑀳𑀺𑀲𑁆𑀯𑀸𑀦𑀗 [𑀓. 𑁧𑁫𑁭; 𑀭𑀽. 𑁧𑁪𑁦; 𑀦𑀻. 𑁩𑁩𑁭-𑁯, 𑁩𑁪𑁩].

𑀬𑀼𑀯, 𑀧𑀼𑀫𑀸𑀤𑀻𑀦𑀁 𑀅𑀦𑁆𑀢𑁄 𑀆𑀦𑀗 𑀳𑁄𑀢𑀺 𑀯𑀸 𑀲𑀼, 𑀳𑀺𑀲𑀼.

𑀬𑀼𑀯𑀸𑀦𑁂𑀳𑀺, 𑀬𑀼𑀯𑁂𑀳𑀺, 𑀬𑀼𑀯𑀸𑀦𑁂𑀪𑀺, 𑀬𑀼𑀯𑁂𑀪𑀺, 𑀬𑀼𑀯𑀲𑁆𑀲.

𑁧𑁫𑁬. 𑀬𑀼𑀯𑀸 𑀲𑀲𑁆𑀲𑀺𑀦𑁄.

𑀬𑀼𑀯𑀢𑁄 𑀲𑀲𑁆𑀲 𑀇𑀦𑁄 𑀳𑁄𑀢𑀺 𑀯𑀸.

𑀬𑀼𑀯𑀺𑀦𑁄, 𑀬𑀼𑀯𑀸𑀦𑀁, 𑀬𑀼𑀯𑀲𑁆𑀫𑀸, 𑀬𑀼𑀯𑀫𑁆𑀳𑀸.

𑁧𑁫𑁭. 𑀲𑁆𑀫𑀸𑀲𑁆𑀫𑀺𑀁𑀦𑀁 𑀦𑀸𑀦𑁂 [𑀓. 𑁧𑁫𑁬-𑁭-𑁮; 𑀭𑀽. 𑁧𑁪𑁦-𑁨-𑁩].

𑀬𑀼𑀯, 𑀧𑀼𑀫𑀸𑀤𑀻𑀳𑀺 𑀲𑁆𑀫𑀸, 𑀲𑁆𑀫𑀺𑀁𑀦𑀁 𑀦𑀸, 𑀦𑁂 𑀳𑁄𑀦𑁆𑀢𑀺 𑀯𑀸. ‘𑀦𑁄𑀦𑀸𑀦𑁂𑀲𑁆𑀯𑀸’𑀢𑀺 𑀦𑀸𑀫𑁆𑀳𑀺 𑀆𑀢𑁆𑀢𑀁.

𑀬𑀼𑀯𑀸𑀦𑀸, 𑀬𑀼𑀯𑀸𑀦𑁂𑀳𑀺, 𑀬𑀼𑀯𑀸𑀦𑁂𑀪𑀺, 𑀬𑀼𑀯𑁂𑀳𑀺, 𑀬𑀼𑀯𑁂𑀪𑀺, 𑀬𑀼𑀯𑀲𑁆𑀲, 𑀬𑀼𑀯𑀺𑀦𑁄, 𑀬𑀼𑀯𑀸𑀦𑀁, 𑀬𑀼𑀯𑀲𑁆𑀫𑀺𑀁, 𑀬𑀼𑀯𑀫𑁆𑀳𑀺, 𑀬𑀼𑀯𑁂, 𑀬𑀼𑀯𑀸𑀦𑁂, 𑀬𑀼𑀯𑀸𑀦𑁂𑀲𑀼, 𑀬𑀼𑀯𑁂𑀲𑀼.

𑀭𑀽𑀧𑀲𑀺𑀤𑁆𑀥𑀺𑀬𑀁 𑀧𑀦 ‘‘𑀫𑀖𑀯, 𑀬𑀼𑀯𑀸𑀤𑀻𑀦𑀫𑀦𑁆𑀢𑀲𑁆𑀲 𑀆𑀦𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀽’’𑀢𑀺 [𑀭𑀽. 𑁧𑁪𑁦; 𑀦𑀻. 𑁩𑁪𑁩] 𑀯𑀼𑀢𑁆𑀢𑀁.

𑀧𑀼𑀫𑀸 ¶ , 𑀧𑀼𑀫𑀸𑀦𑁄, 𑀳𑁂 𑀧𑀼𑀫, 𑀳𑁂 𑀧𑀼𑀫𑀸.

𑁧𑁫𑁮. 𑀕𑀲𑁆𑀲𑀁 [𑀓. 𑁧𑁫𑁩; 𑀭𑀽. 𑁧𑁩𑁮; 𑀦𑀻. 𑁩𑁩𑁩].

𑀧𑀼𑀫𑀢𑁄 𑀕𑀲𑁆𑀲 𑀅𑀁 𑀳𑁄𑀢𑀺 𑀯𑀸.

𑀳𑁂 𑀧𑀼𑀫𑀁, 𑀳𑁂 𑀧𑀼𑀫𑀸𑀦𑁄, 𑀧𑀼𑀫𑀸𑀦𑀁, 𑀧𑀼𑀫𑀁, 𑀧𑀼𑀫𑀸𑀦𑁂, 𑀧𑀼𑀫𑁂.

𑁧𑁫𑁯. 𑀦𑀸𑀫𑁆𑀳𑀺 [𑀓. 𑁧𑁫𑁯; 𑀭𑀽. 𑁧𑁩𑁯; 𑀦𑀻. 𑁩𑁪𑁦].

𑀦𑀸𑀫𑁆𑀳𑀺 𑀧𑀼𑀫𑀦𑁆𑀢𑀲𑁆𑀲 𑀆 𑀳𑁄𑀢𑀺 𑀯𑀸.

𑀧𑀼𑀫𑀸𑀦𑀸, 𑀧𑀼𑀫𑁂𑀦.

𑁧𑁬𑁦. 𑀧𑀼𑀫𑀓𑀫𑁆𑀫𑀣𑀸𑀫𑀤𑁆𑀥𑀸𑀦𑀁 𑀯𑀸 𑀲𑀲𑁆𑀫𑀸𑀲𑀼 𑀘 [𑀓. 𑁧𑁫𑁭, 𑁧𑁫𑁯; 𑀭𑀽. 𑁧𑁩𑁯, 𑁧𑁪𑁦; 𑀦𑀻. 𑁩𑁩𑁮, 𑁧𑁪𑁦].

𑀦𑀸𑀫𑁆𑀳𑀺 𑀘 𑀲, 𑀲𑁆𑀫𑀸𑀲𑀼 𑀘 𑀧𑀼𑀫, 𑀓𑀫𑁆𑀫, 𑀣𑀸𑀫𑀤𑁆𑀥𑀸𑀦𑀁 𑀅𑀦𑁆𑀢𑁄 𑀉 𑀳𑁄𑀢𑀺 𑀯𑀸.

𑀧𑀼𑀫𑀼𑀦𑀸, 𑀧𑀼𑀫𑀸𑀦𑁂𑀳𑀺, 𑀧𑀼𑀫𑀸𑀦𑁂𑀪𑀺, 𑀧𑀼𑀫𑁂𑀳𑀺, 𑀧𑀼𑀫𑁂𑀪𑀺, 𑀧𑀼𑀫𑀲𑁆𑀲, 𑀧𑀼𑀫𑀼𑀦𑁄, 𑀧𑀼𑀫𑀸𑀦𑀁, 𑀧𑀼𑀫𑀲𑁆𑀫𑀸, 𑀧𑀼𑀫𑀫𑁆𑀳𑀸, 𑀧𑀼𑀫𑀸𑀦𑀸, 𑀧𑀼𑀫𑀼𑀦𑀸, 𑀧𑀼𑀫𑀸𑀦𑁂𑀳𑀺, 𑀧𑀼𑀫𑀸𑀦𑁂𑀪𑀺, 𑀧𑀼𑀫𑁂𑀳𑀺, 𑀧𑀼𑀫𑁂𑀪𑀺, 𑀧𑀼𑀫𑀼𑀦𑁄, 𑀧𑀼𑀫𑀲𑁆𑀲, 𑀧𑀼𑀫𑀸𑀦𑀁, 𑀧𑀼𑀫𑀲𑁆𑀫𑀺𑀁, 𑀧𑀼𑀫𑀫𑁆𑀳𑀺, 𑀧𑀼𑀫𑁂.

𑁧𑁬𑁧. 𑀧𑀼𑀫𑀸 [𑀓. 𑁧𑁫𑁬; 𑀭𑀽. 𑁧𑁪𑁨; 𑀦𑀻. 𑁩𑁩𑁬].

𑀧𑀼𑀫𑀢𑁄 𑀲𑁆𑀫𑀺𑀁𑀦𑁄 𑀦𑁂 𑀳𑁄𑀢𑀺 𑀯𑀸. ‘𑀦𑁄𑀦𑀸𑀦𑁂𑀲𑁆𑀯𑀸’𑀢𑀺 𑀧𑀼𑀫𑀦𑁆𑀢𑀲𑁆𑀲 𑀆𑀢𑁆𑀢𑀁.

𑀧𑀼𑀫𑀸𑀦𑁂.

𑁧𑁬𑁨. 𑀲𑀼𑀫𑁆𑀳𑀸 𑀘 [𑀓. 𑁧𑁫𑁮; 𑀭𑀽. 𑁧𑁪𑁩; 𑀦𑀻. 𑁩𑁩𑁯].

𑀲𑀼𑀫𑁆𑀳𑀺 𑀧𑀼𑀫𑀦𑁆𑀢𑀲𑁆𑀲 𑀆 𑀘 𑀳𑁄𑀢𑀺 𑀆𑀦𑁂 𑀘.

𑀧𑀼𑀫𑀸𑀦𑁂𑀲𑀼, 𑀧𑀼𑀫𑀸𑀲𑀼, 𑀧𑀼𑀫𑁂𑀲𑀼.

𑀲𑀺 ¶ , 𑀬𑁄𑀦𑀁 𑀧𑀼𑀭𑀺𑀲𑀸𑀤𑀺𑀯𑀺𑀥𑀺 𑀘 𑀳𑁄𑀢𑀺, ‘‘𑀬𑀣𑀸 𑀩𑀮𑀸𑀓𑀬𑁄𑀦𑀺𑀫𑁆𑀳𑀺, 𑀦 𑀯𑀺𑀚𑁆𑀚𑀢𑀺 𑀧𑀼𑀫𑁄 𑀲𑀤𑀸 [𑀅𑀧. 𑀣𑁂𑀭 𑁧.𑁧.𑁫𑁧𑁧], 𑀲𑁄𑀴𑀲𑀺𑀢𑁆𑀣𑀺𑀲𑀳𑀲𑁆𑀲𑀸𑀦𑀁, 𑀦 𑀯𑀺𑀚𑁆𑀚𑀢𑀺 𑀧𑀼𑀫𑁄 𑀢𑀤𑀸 [𑀘𑀭𑀺𑀬𑀸 𑁩.𑁪𑁯], 𑀇𑀢𑁆𑀣𑀻 𑀳𑀼𑀢𑁆𑀯𑀸 𑀲𑁆𑀯𑀚𑁆𑀚 𑀧𑀼𑀫𑁄𑀫𑁆𑀳𑀺 𑀤𑁂𑀯𑁄 [𑀤𑀻. 𑀦𑀺. 𑁨.𑁩𑁫𑁪], 𑀣𑀺𑀬𑁄 𑀢𑀲𑁆𑀲 𑀧𑀚𑀸𑀬𑀦𑁆𑀢𑀺, 𑀦 𑀧𑀼𑀫𑀸 𑀚𑀸𑀬𑀭𑁂 𑀓𑀼𑀮𑁂’’𑀢𑀺 [𑀚𑀸. 𑁧.𑁮.𑁫𑁪] 𑀧𑀸𑀴𑀻.

𑀫𑀖𑀯𑀲𑀤𑁆𑀤𑁄 𑀬𑀼𑀯𑀲𑀤𑁆𑀤𑀲𑀤𑀺𑀲𑁄𑀢𑀺 𑀭𑀽𑀧𑀲𑀺𑀤𑁆𑀥𑀺𑀬𑀁 [𑀭𑀽. 𑁬𑁬] 𑀯𑀼𑀢𑁆𑀢𑀁, 𑀕𑀼𑀡𑀯𑀸𑀤𑀺𑀕𑀡𑀺𑀓𑁄𑀢𑀺 𑀲𑀤𑁆𑀤𑀦𑀻𑀢𑀺𑀬𑀁 [𑀦𑀻. 𑀧𑀤. 𑁨𑁨𑁦] 𑀇𑀘𑁆𑀙𑀺𑀢𑁄. 𑀅𑀖𑀦𑁆𑀢𑀺 𑀤𑀼𑀓𑁆𑀔𑀁 𑀧𑀸𑀧𑀜𑁆𑀘 𑀯𑀼𑀘𑁆𑀘𑀢𑀺, 𑀦 𑀅𑀖𑀁 𑀫𑀖𑀁, 𑀲𑀼𑀔𑀁 𑀧𑀼𑀜𑁆𑀜𑀜𑁆𑀘, 𑀫𑀖𑁄 𑀇𑀢𑀺 𑀧𑀼𑀭𑀸𑀡𑀁 𑀦𑀸𑀫𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀫𑀖𑀯𑀸𑀢𑀺 [𑀲𑀁. 𑀦𑀺. 𑁧.𑁨𑁫𑁯] 𑀅𑀢𑁆𑀣𑁄 𑀧𑀸𑀴𑀺𑀬𑀁 𑀤𑀺𑀲𑁆𑀲𑀢𑀺.

𑀣𑀸𑀫𑀲𑀤𑁆𑀤𑁄 𑀧𑀼𑀭𑀺𑀲𑀸𑀤𑀺𑀕𑀡𑁄, 𑀣𑀸𑀫𑁂𑀦, 𑀣𑀸𑀫𑀼𑀦𑀸, 𑀣𑀸𑀫𑀲𑁆𑀲, 𑀣𑀸𑀫𑀼𑀦𑁄, 𑀣𑀸𑀫𑀲𑁆𑀫𑀸, 𑀣𑀸𑀫𑀫𑁆𑀳𑀸, 𑀣𑀸𑀫𑀸, 𑀣𑀸𑀫𑀼𑀦𑀸, 𑀣𑀸𑀫𑀲𑁆𑀲, 𑀣𑀸𑀫𑀼𑀦𑁄. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁.

𑀅𑀤𑁆𑀥𑀸 𑀯𑀼𑀘𑁆𑀘𑀢𑀺 𑀓𑀸𑀮𑁄. 𑀦𑀸𑀤𑁆𑀬𑁂𑀓𑀯𑀘𑀦𑁂𑀲𑀼-𑀤𑀻𑀖𑁂𑀦 𑀅𑀤𑁆𑀥𑀼𑀦𑀸, 𑀅𑀤𑁆𑀥𑀦𑀸, 𑀅𑀤𑁆𑀥𑁂𑀦, 𑀤𑀻𑀖𑀲𑁆𑀲 𑀅𑀤𑁆𑀥𑀼𑀦𑁄, 𑀅𑀤𑁆𑀥𑀼𑀲𑁆𑀲, 𑀅𑀤𑁆𑀥𑀲𑁆𑀲, 𑀅𑀤𑁆𑀥𑀼𑀦𑀸, 𑀅𑀤𑁆𑀥𑀼𑀫𑁆𑀳𑀸, 𑀅𑀤𑁆𑀥𑀼𑀲𑁆𑀫𑀸, 𑀅𑀤𑁆𑀥𑀸, 𑀅𑀤𑁆𑀥𑀫𑁆𑀳𑀸, 𑀅𑀤𑁆𑀥𑀲𑁆𑀫𑀸, 𑀅𑀤𑁆𑀥𑀼𑀦𑁄, 𑀅𑀤𑁆𑀥𑀼𑀲𑁆𑀲, 𑀅𑀤𑁆𑀥𑀲𑁆𑀲, 𑀅𑀤𑁆𑀥𑀦𑀺, 𑀅𑀤𑁆𑀥𑁂, 𑀅𑀤𑁆𑀥𑀫𑁆𑀳𑀺, 𑀅𑀤𑁆𑀥𑀲𑁆𑀫𑀺𑀦𑁆𑀢𑀺 𑀘𑀽𑀴𑀫𑁄𑀕𑁆𑀕𑀮𑁆𑀮𑀸𑀦𑁂 𑀆𑀕𑀢𑀁. 𑀲𑁂𑀲𑀁 𑀬𑀼𑀯𑀲𑀤𑀺𑀲𑀁.

𑀉𑀧𑀤𑁆𑀥𑀯𑀸𑀘𑀓𑁄 𑀅𑀤𑁆𑀥𑀲𑀤𑁆𑀤𑁄 𑀇𑀥 𑀦 𑀮𑀩𑁆𑀪𑀢𑀺, 𑀏𑀓𑀁𑀲𑀢𑁆𑀣𑀯𑀸𑀘𑀓𑁄 𑀘 𑀦𑀺𑀧𑀸𑀢𑁄 𑀏𑀯. ‘‘𑀅𑀤𑁆𑀥𑀸𑀦𑀫𑀕𑁆𑀕𑀧𑁆𑀧𑀝𑀺𑀧𑀦𑁆𑀦𑁄’’𑀢𑀺𑀆𑀤𑀻𑀲𑀼 𑀅𑀤𑁆𑀥𑀸𑀦𑀲𑀤𑁆𑀤𑁄 𑀧𑀦 𑀯𑀺𑀲𑀼𑀁 𑀲𑀺𑀤𑁆𑀥𑁄 𑀦𑀧𑀼𑀁𑀲𑀓𑀮𑀺𑀗𑁆𑀕𑁄𑀯.

𑀫𑀼𑀤𑁆𑀥𑀲𑀤𑁆𑀤𑁂 ‘‘𑀫𑀼𑀤𑁆𑀥𑀸 𑀢𑁂 𑀨𑀮𑀢𑀼 𑀲𑀢𑁆𑀢𑀥𑀸, 𑀫𑀼𑀤𑁆𑀥𑀸 𑀫𑁂 𑀨𑀮𑀢𑀼 𑀲𑀢𑁆𑀢𑀥𑀸’’ 𑀇𑀘𑁆𑀘𑀸𑀤𑀻𑀲𑀼 [𑀚𑀸. 𑁧.𑁧𑁬.𑁨𑁯𑁫; 𑀥. 𑀧. 𑀅𑀝𑁆𑀞. 𑁧.𑀢𑀺𑀲𑁆𑀲𑀢𑁆𑀣𑁂𑀭𑀯𑀢𑁆𑀣𑀼] 𑀲𑀺𑀭𑁄 𑀯𑀼𑀘𑁆𑀘𑀢𑀺, ‘‘𑀧𑀩𑁆𑀩𑀢𑀫𑀼𑀤𑁆𑀥𑀦𑀺𑀝𑁆𑀞𑀺𑀢𑁄’’ 𑀇𑀘𑁆𑀘𑀸𑀤𑀻𑀲𑀼 [𑀤𑀻. 𑀦𑀺. 𑁨.𑁭𑁦] 𑀫𑀢𑁆𑀣𑀓𑀁 𑀯𑀼𑀘𑁆𑀘𑀢𑀺, 𑀢𑀤𑀼𑀪𑀬𑀁 𑀇𑀥 𑀮𑀩𑁆𑀪𑀢𑀺, 𑀲𑁆𑀫𑀺𑀁𑀯𑀘𑀦𑁂 𑀫𑀼𑀤𑁆𑀥𑀦𑀻𑀢𑀺 𑀲𑀺𑀤𑁆𑀥𑀁, 𑀲𑁂𑀲𑀁 𑀬𑀼𑀯𑀲𑀫𑀁. 𑀩𑀸𑀮𑀯𑀸𑀘𑀓𑁄 𑀧𑀦 𑀧𑀼𑀭𑀺𑀲𑀦𑀬𑁄. 𑀳𑀢𑁆𑀣𑀫𑀼𑀝𑁆𑀞𑀺𑀯𑀸𑀘𑀓𑁄 𑀇𑀢𑁆𑀣𑀺𑀮𑀺𑀗𑁆𑀕𑁄.

𑀅𑀲𑁆𑀫𑀸 𑀯𑀼𑀘𑁆𑀘𑀢𑀺 𑀧𑀸𑀲𑀸𑀡𑁄, 𑀉𑀲𑁆𑀫𑀸 𑀯𑀼𑀘𑁆𑀘𑀢𑀺 𑀓𑀸𑀬𑀕𑁆𑀕𑀺, 𑀪𑀺𑀲𑁆𑀫𑀸 𑀯𑀼𑀘𑁆𑀘𑀢𑀺 𑀪𑀬𑀸𑀦𑀓𑁄 𑀫𑀳𑀸𑀓𑀸𑀬𑁄.

𑀢𑀢𑁆𑀣 ¶ 𑀅𑀲𑁆𑀫𑀲𑀤𑁆𑀤𑁂 ‘‘𑀢𑀁 𑀢𑁂 𑀧𑀜𑁆𑀜𑀸𑀬 𑀪𑀺𑀦𑁆𑀤𑀸𑀫𑀺, 𑀆𑀫𑀁 𑀧𑀓𑁆𑀓𑀁𑀯 𑀅𑀲𑁆𑀫𑀦𑀸 [𑀲𑀼. 𑀦𑀺. 𑁪𑁪𑁫], 𑀫𑀸 𑀢𑁆𑀯𑀁 𑀘𑀦𑁆𑀤𑁂 𑀔𑀮𑀺 𑀅𑀲𑁆𑀫𑀦𑀻’’𑀢𑀺 𑀧𑀸𑀴𑀻. 𑀲𑁂𑀲𑀁 𑀬𑀼𑀯𑀲𑀫𑀁. 𑀉𑀲𑁆𑀫𑀸, 𑀪𑀺𑀲𑁆𑀫𑀸𑀲𑀤𑁆𑀤𑀸𑀧𑀺 𑀬𑀼𑀯𑀲𑀤𑀺𑀲𑀸𑀢𑀺 𑀯𑀤𑀦𑁆𑀢𑀺.

𑀘𑀽𑀴𑀫𑁄𑀕𑁆𑀕𑀮𑁆𑀮𑀸𑀦𑁂 𑀫𑀼𑀤𑁆𑀥, 𑀕𑀸𑀡𑁆𑀟𑀻𑀯𑀥𑀦𑁆𑀯, 𑀅𑀡𑀺𑀫, 𑀮𑀖𑀺𑀫𑀸𑀤𑀬𑁄 𑀘 𑀅𑀲𑁆𑀫𑀲𑀤𑀺𑀲𑀸𑀢𑀺 𑀯𑀼𑀢𑁆𑀢𑀁.

𑀬𑀢𑁆𑀣 𑀲𑀼𑀢𑁆𑀢𑀯𑀺𑀥𑀸𑀦𑀁 𑀦 𑀤𑀺𑀲𑁆𑀲𑀢𑀺, 𑀢𑀢𑁆𑀣 𑀫𑀳𑀸𑀯𑀼𑀢𑁆𑀢𑀺𑀦𑀸 𑀯𑀸 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀯𑀸 𑀭𑀽𑀧𑀁 𑀯𑀺𑀥𑀺𑀬𑀢𑀺.

𑀇𑀢𑀺 𑀭𑀸𑀚𑀸𑀤𑀺𑀬𑀼𑀯𑀸𑀤𑀺𑀕𑀡𑀭𑀸𑀲𑀺.

𑀅𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀁 𑀦𑀺𑀝𑁆𑀞𑀺𑀢𑀁.

𑀆𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

‘𑀕𑀲𑀻𑀦’𑀦𑁆𑀢𑀺 𑀲𑀺𑀮𑁄𑀧𑁄, 𑀲𑀸 𑀢𑀺𑀝𑁆𑀞𑀢𑀺.

‘𑀏𑀓𑀯𑀘𑀦𑀬𑁄𑀲𑁆𑀯𑀖𑁄𑀦’𑀦𑁆𑀢𑀺 𑀬𑁄𑀲𑀼 𑀘 𑀏𑀓𑀯𑀘𑀦𑁂𑀲𑀼 𑀘 𑀭𑀲𑁆𑀲𑁄, ‘𑀅𑀢𑁄 𑀬𑁄𑀦’𑀫𑀺𑀘𑁆𑀘𑀸𑀤𑀺𑀦𑀸 𑀯𑀺𑀥𑀸𑀦𑀁, 𑀲𑀸 𑀢𑀺𑀝𑁆𑀞𑀦𑁆𑀢𑀺.

𑁧𑁬𑁩. 𑀲𑀸𑀲𑁆𑀲𑀁𑀲𑁂 𑀘𑀸𑀦𑀗.

𑀅𑀁, 𑀲𑁂𑀲𑀼 𑀕𑁂 𑀘 𑀲𑀸𑀲𑀤𑁆𑀤𑀲𑁆𑀲 𑀆𑀦𑀗 𑀳𑁄𑀢𑀺.

𑀪𑁄 𑀲𑀸𑀦, 𑀪𑁄𑀦𑁆𑀢𑁄 𑀲𑀸, 𑀲𑀁, 𑀲𑀸𑀦𑀁, 𑀲𑁂, 𑀲𑁂𑀦, 𑀲𑀸𑀳𑀺, 𑀲𑀸𑀪𑀺, 𑀲𑀲𑁆𑀲, 𑀲𑀸𑀦𑀲𑁆𑀲, 𑀲𑀸𑀦𑀁, 𑀲𑀲𑁆𑀫𑀸, 𑀲𑀫𑁆𑀳𑀸, 𑀲𑀸, 𑀲𑀸𑀳𑀺, 𑀲𑀸𑀪𑀺, 𑀲𑀲𑁆𑀲, 𑀲𑀸𑀦𑀲𑁆𑀲, 𑀲𑀸𑀦𑀁, 𑀲𑀲𑁆𑀫𑀺𑀁, 𑀲𑀫𑁆𑀳𑀺, 𑀲𑁂, 𑀲𑀸𑀲𑀼.

𑀅𑀣 𑀯𑀸 ‘𑀲𑀸𑀲𑁆𑀲𑀁𑀲𑁂 𑀘𑀸𑀦𑀗’𑀇𑀢𑀺 𑀲𑀼𑀢𑁆𑀢𑁂 𑀘𑀲𑀤𑁆𑀤𑁄 𑀅𑀯𑀼𑀢𑁆𑀢𑀲𑀫𑀼𑀘𑁆𑀘𑀬𑀢𑁆𑀣𑁄𑀧𑀺 𑀳𑁄𑀢𑀻𑀢𑀺𑀓𑀢𑁆𑀯𑀸 𑀲𑀺𑀢𑁄 𑀲𑁂𑀲𑀸𑀲𑀼 𑀯𑀺𑀪𑀢𑁆𑀢𑀻𑀲𑀼𑀧𑀺 𑀆𑀦𑀗 𑀳𑁄𑀢𑀺 𑀯𑀸, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀘 𑀆𑀦𑀸𑀤𑁂𑀲𑀢𑁄 𑀬𑁄𑀦𑀁 𑀑.

𑀲𑀸 ¶ 𑀕𑀘𑁆𑀙𑀢𑀺, 𑀲𑀸𑀦𑁄 𑀕𑀘𑁆𑀙𑀦𑁆𑀢𑀺, 𑀲𑀸 𑀯𑀸, 𑀳𑁂 𑀲, 𑀳𑁂 𑀲𑀸, 𑀳𑁂 𑀲𑀸𑀦, 𑀳𑁂 𑀲𑀸, 𑀳𑁂 𑀲𑀸𑀦𑁄, 𑀲𑀁, 𑀲𑀸𑀦𑀁, 𑀲𑁂, 𑀲𑀸𑀦𑁂 𑀇𑀘𑁆𑀘𑀸𑀤𑀺.

𑀲𑀤𑁆𑀤𑀦𑀻𑀢𑀺𑀭𑀽𑀧𑀁 𑀯𑀼𑀘𑁆𑀘𑀢𑁂 𑁋

𑀲𑀸 𑀢𑀺𑀝𑁆𑀞𑀢𑀺, 𑀲𑀸 𑀢𑀺𑀝𑁆𑀞𑀦𑁆𑀢𑀺, 𑀲𑀸𑀦𑁄 𑀢𑀺𑀝𑁆𑀞𑀦𑁆𑀢𑀺, 𑀪𑁄 𑀲𑀸, 𑀪𑁄𑀦𑁆𑀢𑁄 𑀲𑀸, 𑀲𑀸𑀦𑁄, 𑀲𑀸𑀦𑀁, 𑀲𑀸𑀦𑁂, 𑀲𑀸𑀦𑀸, 𑀲𑀸𑀦𑁂𑀳𑀺, 𑀲𑀸𑀦𑁂𑀪𑀺, 𑀲𑀸𑀲𑁆𑀲, 𑀲𑀸𑀦𑀁, 𑀲𑀸𑀦𑀸, 𑀲𑀸𑀦𑁂𑀳𑀺, 𑀲𑀸𑀦𑁂𑀪𑀺, 𑀲𑀸𑀲𑁆𑀲, 𑀲𑀸𑀦𑀁, 𑀲𑀸𑀦𑁂, 𑀲𑀸𑀦𑁂𑀲𑀽𑀢𑀺 [𑀦𑀻𑀢𑀺. 𑀧𑀤. 𑁨𑁧𑁧].

𑀯𑀢𑁆𑀢𑀳𑀸 𑀯𑀼𑀘𑁆𑀘𑀢𑀺 𑀲𑀢𑁆𑀢𑁄 [𑀲𑀓𑁆𑀓𑁄 (𑀅𑀫𑀭𑀓𑁄𑀲, 𑁧-𑁧𑁪𑁫 𑀕𑀸𑀣𑀸𑀬𑀁)].

𑁧𑁬𑁪. 𑀯𑀢𑁆𑀢𑀳𑀸 𑀲𑀦𑀁𑀦𑀁 𑀦𑁄𑀦𑀸𑀦𑀁.

𑀯𑀢𑁆𑀢𑀳𑀢𑁄 𑀲𑀲𑁆𑀲 𑀦𑁄 𑀳𑁄𑀢𑀺, 𑀦𑀁𑀯𑀘𑀦𑀲𑁆𑀲 𑀦𑀸𑀦𑀁 𑀳𑁄𑀢𑀺.

𑀯𑀢𑁆𑀢𑀳𑀸𑀦𑁄 𑀤𑁂𑀢𑀺, 𑀯𑀢𑁆𑀢𑀳𑀸𑀦𑀸𑀦𑀁 𑀤𑁂𑀢𑀺. 𑀲𑁂𑀲𑀁 𑀬𑀼𑀯𑀲𑀤𑁆𑀤𑀲𑀫𑀁.

𑀲𑀤𑁆𑀤𑀦𑀻𑀢𑀺𑀬𑀁 𑀧𑀦 𑀦𑀸, 𑀲𑁂𑀲𑀼 𑀯𑀢𑁆𑀢𑀳𑀺𑀦𑀸, 𑀯𑀢𑁆𑀢𑀳𑀺𑀦𑁄𑀢𑀺 [𑀦𑀻𑀢𑀺. 𑀧𑀤. 𑁨𑁧𑁯; (𑀢𑀢𑁆𑀣 𑀦𑀸𑀫𑁆𑀳𑀺 𑀯𑀢𑁆𑀢𑀳𑀸𑀦𑀸𑀢𑀺 𑀤𑀺𑀲𑁆𑀲𑀢𑀺)] 𑀯𑀼𑀢𑁆𑀢𑀁.

𑀤𑀴𑁆𑀳𑀥𑀫𑁆𑀫𑀸, 𑀤𑀴𑁆𑀳𑀥𑀫𑁆𑀫𑀸, 𑀤𑀴𑁆𑀳𑀥𑀫𑁆𑀫𑀸𑀦𑁄. ‘‘𑀲𑀺𑀓𑁆𑀔𑀺𑀢𑀸 𑀤𑀴𑁆𑀳𑀥𑀫𑁆𑀫𑀺𑀦𑁄’’𑀢𑀺𑀧𑀺 [𑀲𑀁. 𑀦𑀺. 𑁧.𑁨𑁦𑁯] 𑀧𑀸𑀴𑀺. 𑀪𑁄 𑀤𑀴𑁆𑀳𑀥𑀫𑁆𑀫𑀸, 𑀪𑁄𑀦𑁆𑀢𑁄 𑀤𑀴𑁆𑀳𑀥𑀫𑁆𑀫𑀸, 𑀤𑀴𑁆𑀳𑀥𑀫𑁆𑀫𑀸𑀦𑁄, 𑀤𑀴𑁆𑀳𑀥𑀫𑁆𑀫𑀺𑀦𑁄, 𑀤𑀴𑁆𑀳𑀥𑀫𑁆𑀫𑀸𑀦𑀁, 𑀤𑀴𑁆𑀳𑀥𑀫𑁆𑀫𑀸𑀦𑁂, 𑀤𑀴𑁆𑀳𑀥𑀫𑁆𑀫𑀺𑀦𑀸, 𑀤𑀴𑁆𑀳𑀥𑀫𑁆𑀫𑁂𑀳𑀺. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁. 𑀏𑀯𑀁 𑀧𑀘𑁆𑀘𑀓𑁆𑀔𑀥𑀫𑁆𑀫𑀸𑀢𑀺. 𑀯𑀺𑀯𑀝𑀘𑁆𑀙𑀤𑀲𑀤𑁆𑀤𑁂 𑀧𑀦 𑀦𑀸𑀫𑁆𑀳𑀺 𑀇𑀢𑁆𑀢𑀁 𑀦𑀢𑁆𑀣𑀺, 𑀲𑁂𑀲𑀁 𑀤𑀴𑁆𑀳𑀥𑀫𑁆𑀫𑀲𑀫𑀁. 𑀧𑀸𑀴𑀺𑀬𑀁 𑀧𑀦 ‘‘𑀤𑀴𑁆𑀳𑀥𑀫𑁆𑀫𑁄𑀢𑀺 𑀯𑀺𑀲𑁆𑀲𑀼𑀢𑁄’’𑀢𑀺 [𑀚𑀸. 𑁨.𑁨𑁨.𑁩𑁦𑁦] 𑀘 ‘‘𑀮𑁄𑀓𑁂 𑀯𑀺𑀯𑀝𑀘𑁆𑀙𑀤𑁄’’𑀢𑀺 [𑀤𑀻. 𑀦𑀺. 𑁧.𑁨𑁫𑁮] 𑀘 𑀤𑀺𑀝𑁆𑀞𑀢𑁆𑀢𑀸 𑀏𑀢𑁂 𑀲𑀤𑁆𑀤𑀸 𑀧𑀼𑀭𑀺𑀲𑀭𑀽𑀧𑀸 𑀅𑀓𑀸𑀭𑀦𑁆𑀢𑀸𑀧𑀺 𑀬𑀼𑀚𑁆𑀚𑀦𑁆𑀢𑀺.

𑀯𑀼𑀢𑁆𑀢𑀲𑀺𑀭𑀸 𑀯𑀼𑀘𑁆𑀘𑀢𑀺 𑀦𑀯𑀯𑁄𑀭𑁄𑀧𑀺𑀢𑀓𑁂𑀲𑁄, 𑀯𑀼𑀢𑁆𑀢𑀲𑀺𑀭𑀸 𑀩𑁆𑀭𑀸𑀳𑁆𑀫𑀡𑁄, 𑀯𑀼𑀢𑁆𑀢𑀲𑀺𑀭𑀸, 𑀯𑀼𑀢𑁆𑀢𑀲𑀺𑀭𑀸𑀦𑁄, 𑀯𑀼𑀢𑁆𑀢𑀲𑀺𑀭𑀸𑀦𑀁, 𑀯𑀼𑀢𑁆𑀢𑀲𑀺𑀭𑀸𑀦𑁂, 𑀯𑀼𑀢𑁆𑀢𑀲𑀺𑀭𑀸𑀦𑀸, ¶ 𑀯𑀼𑀢𑁆𑀢𑀲𑀺𑀭𑀸𑀦𑁂𑀳𑀺. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁. 𑀧𑀸𑀴𑀺𑀬𑀁 𑀧𑀦 ‘‘𑀓𑀸𑀧𑀝𑀺𑀓𑁄 𑀫𑀸𑀡𑀯𑁄 𑀯𑀼𑀢𑁆𑀢𑀲𑀺𑀭𑁄’’𑀢𑀺𑀧𑀺 [𑀫. 𑀦𑀺. 𑁨.𑁪𑁨𑁬] 𑀤𑀺𑀲𑁆𑀲𑀢𑀺.

𑀭𑀳𑀸 𑀯𑀼𑀘𑁆𑀘𑀢𑀺 𑀧𑀸𑀧𑀥𑀫𑁆𑀫𑁄. 𑀭𑀳𑀸, 𑀭𑀳𑀸, 𑀭𑀳𑀺𑀦𑁄, 𑀭𑀳𑀸𑀦𑀁, 𑀭𑀳𑀺𑀦𑁂, 𑀭𑀳𑀺𑀦𑀸, 𑀭𑀳𑀺𑀦𑁂𑀳𑀺, 𑀭𑀳𑀺𑀦𑁂𑀪𑀺, 𑀭𑀳𑀲𑁆𑀲, 𑀭𑀳𑀺𑀦𑁄, 𑀭𑀳𑀸𑀦𑀁…𑀧𑁂… 𑀭𑀳𑀸𑀦𑁂, 𑀭𑀳𑀸𑀦𑁂𑀲𑀽𑀢𑀺 [𑀦𑀻𑀢𑀺. 𑀧𑀤. 𑁨𑁧𑁭] 𑀲𑀩𑁆𑀩𑀁 𑀲𑀤𑁆𑀤𑀦𑀻𑀢𑀺𑀬𑀁 𑀯𑀼𑀢𑁆𑀢𑀁, 𑀇𑀥 𑀧𑀦 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀺𑀤𑁆𑀥𑀁.

𑀇𑀢𑀺 𑀆𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺.

𑀇𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

‘𑀕𑀲𑀻𑀦’𑀦𑁆𑀢𑀺 𑀮𑁄𑀧𑁄, 𑀫𑀼𑀦𑀺 𑀕𑀘𑁆𑀙𑀢𑀺.

𑁧𑁬𑁫. 𑀮𑁄𑀧𑁄 [𑀓. 𑁧𑁧𑁮; 𑀭𑀽. 𑁧𑁪𑁬; 𑀦𑀻. 𑁨𑁯𑁩].

𑀛, 𑀮𑀢𑁄 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺. ‘𑀬𑁄𑀮𑁄𑀧𑀦𑀻𑀲𑀼 𑀤𑀻𑀖𑁄’𑀢𑀺 𑀤𑀻𑀖𑁄.

𑀫𑀼𑀦𑀻 𑀕𑀘𑁆𑀙𑀦𑁆𑀢𑀺.

𑁧𑁬𑁬. 𑀬𑁄𑀲𑀼 𑀛𑀺𑀲𑁆𑀲 𑀧𑀼𑀫𑁂 [𑀓. 𑁯𑁬; 𑀭𑀽. 𑁧𑁪𑁮; 𑀦𑀻. 𑁨𑁫𑁯].

𑀧𑀼𑀮𑁆𑀮𑀺𑀗𑁆𑀕𑁂 𑀬𑁄𑀲𑀼 𑀛𑀲𑀜𑁆𑀜𑀲𑁆𑀲 𑀇-𑀓𑀸𑀭𑀲𑁆𑀲 𑀝 𑀳𑁄𑀢𑀺 𑀯𑀸.

𑀫𑀼𑀦𑀬𑁄 𑀕𑀘𑁆𑀙𑀦𑁆𑀢𑀺.

𑀛𑀺𑀲𑁆𑀲𑀸𑀢𑀺 𑀓𑀺𑀁? 𑀭𑀢𑁆𑀢𑀺𑀬𑁄, 𑀤𑀡𑁆𑀟𑀺𑀦𑁄.

𑀧𑀼𑀫𑁂𑀢𑀺 𑀓𑀺𑀁? 𑀅𑀝𑁆𑀞𑀻𑀦𑀺.

𑀪𑁄 𑀫𑀼𑀦𑀺, ‘𑀅𑀬𑀼𑀦𑀁 𑀯𑀸 𑀤𑀻𑀖𑁄’𑀢𑀺 𑀤𑀻𑀖𑁄, 𑀪𑁄 𑀫𑀼𑀦𑀻, 𑀪𑁄𑀦𑁆𑀢𑁄 𑀫𑀼𑀦𑀻, 𑀪𑁄𑀦𑁆𑀢𑁄 𑀫𑀼𑀦𑀬𑁄, 𑀫𑀼𑀦𑀺𑀁, 𑀫𑀼𑀦𑀻, 𑀫𑀼𑀦𑀬𑁄, 𑀫𑀼𑀦𑀺𑀦𑀸, 𑀫𑀼𑀦𑀻𑀳𑀺, 𑀫𑀼𑀦𑀻𑀪𑀺, 𑀫𑀼𑀦𑀺𑀲𑁆𑀲, 𑀫𑀼𑀦𑀺𑀦𑁄, 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀸, 𑀫𑀼𑀦𑀺𑀫𑁆𑀳𑀸.

𑁧𑁬𑁭. 𑀦𑀸 ¶ 𑀲𑁆𑀫𑀸𑀲𑁆𑀲 [𑀓. 𑁨𑁧𑁫; 𑀭𑀽. 𑁪𑁧; 𑀦𑀻. 𑁪𑁪𑁨].

𑀛, 𑀮𑀢𑁄 𑀲𑁆𑀫𑀸𑀲𑁆𑀲 𑀦𑀸 𑀳𑁄𑀢𑀺 𑀯𑀸.

𑀫𑀼𑀦𑀺𑀦𑀸, 𑀫𑀼𑀦𑀻𑀳𑀺, 𑀫𑀼𑀦𑀻𑀪𑀺, 𑀫𑀼𑀦𑀺𑀲𑁆𑀲, 𑀫𑀼𑀦𑀺𑀦𑁄, 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀺𑀁, 𑀫𑀼𑀦𑀺𑀫𑁆𑀳𑀺, 𑀫𑀼𑀦𑀻𑀲𑀼.

𑀇𑀲𑀺 𑀕𑀘𑁆𑀙𑀢𑀺, 𑀇𑀲𑀻, 𑀇𑀲𑀬𑁄, 𑀪𑁄 𑀇𑀲𑀺, 𑀪𑁄 𑀇𑀲𑀻, 𑀪𑁄𑀦𑁆𑀢𑁄 𑀇𑀲𑀻, 𑀪𑁄𑀦𑁆𑀢𑁄 𑀇𑀲𑀬𑁄 𑀇𑀘𑁆𑀘𑀸𑀤𑀺.

𑀅𑀕𑁆𑀕𑀺 𑀚𑀮𑀢𑀺, 𑀅𑀕𑁆𑀕𑀻, 𑀅𑀕𑁆𑀕𑀬𑁄, 𑀪𑁄 𑀅𑀕𑁆𑀕𑀺, 𑀪𑁄 𑀅𑀕𑁆𑀕𑀻, 𑀪𑁄𑀦𑁆𑀢𑁄 𑀅𑀕𑁆𑀕𑀻, 𑀪𑁄𑀦𑁆𑀢𑁄 𑀅𑀕𑁆𑀕𑀬𑁄 𑀇𑀘𑁆𑀘𑀸𑀤𑀺.

𑀏𑀯𑀁 𑀓𑀼𑀘𑁆𑀙𑀺, 𑀫𑀼𑀝𑁆𑀞𑀺, 𑀕𑀡𑁆𑀞𑀺, 𑀫𑀡𑀺, 𑀧𑀢𑀺, 𑀅𑀥𑀺𑀧𑀢𑀺, 𑀕𑀳𑀧𑀢𑀺, 𑀲𑁂𑀦𑀸𑀧𑀢𑀺, 𑀦𑀭𑀧𑀢𑀺, 𑀬𑀢𑀺, 𑀜𑀸𑀢𑀺, 𑀲𑀸𑀢𑀺, 𑀯𑀢𑁆𑀣𑀺, 𑀅𑀢𑀺𑀣𑀺, 𑀲𑀸𑀭𑀣𑀺, 𑀩𑁄𑀦𑁆𑀤𑀺, 𑀆𑀤𑀺, 𑀉𑀧𑀸𑀤𑀺, 𑀦𑀺𑀥𑀺, 𑀯𑀺𑀥𑀺, 𑀑𑀥𑀺, 𑀩𑁆𑀬𑀸𑀥𑀺, 𑀲𑀫𑀸𑀥𑀺, 𑀉𑀤𑀥𑀺, 𑀉𑀧𑀥𑀺, 𑀦𑀺𑀭𑀼𑀧𑀥𑀺, 𑀥𑀦𑀺, 𑀲𑁂𑀦𑀸𑀦𑀺, 𑀓𑀧𑀺, 𑀤𑀻𑀧𑀺, 𑀓𑀺𑀫𑀺, 𑀢𑀺𑀫𑀺, 𑀅𑀭𑀺, 𑀳𑀭𑀺, 𑀕𑀺𑀭𑀺, 𑀓𑀮𑀺, 𑀩𑀮𑀺, 𑀲𑀸𑀮𑀺, 𑀅𑀜𑁆𑀚𑀮𑀺, 𑀓𑀯𑀺, 𑀭𑀯𑀺, 𑀅𑀲𑀺, 𑀫𑀲𑀺, 𑀓𑁂𑀲𑀺, 𑀧𑁂𑀲𑀺, 𑀭𑀸𑀲𑀺, 𑀅𑀳𑀺, 𑀯𑀻𑀳𑀺𑀇𑀘𑁆𑀘𑀸𑀤𑀬𑁄.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀅𑀓𑀢𑀭𑀲𑁆𑀲𑁂𑀳𑀺𑀧𑀺 𑀓𑁂𑀳𑀺𑀘𑀺 𑀛𑀲𑀜𑁆𑀜𑁂𑀳𑀺 𑀬𑁄𑀦𑀁 𑀦𑁄 𑀳𑁄𑀢𑀺, ‘‘𑀙 𑀫𑀼𑀦𑀺𑀦𑁄 𑀅𑀕𑀸𑀭𑀫𑀼𑀦𑀺𑀦𑁄, 𑀅𑀦𑀕𑀸𑀭𑀫𑀼𑀦𑀺𑀦𑁄, 𑀲𑁂𑀔𑀫𑀼𑀦𑀺𑀦𑁄, 𑀅𑀲𑁂𑀔𑀫𑀼𑀦𑀺𑀦𑁄, 𑀧𑀘𑁆𑀘𑁂𑀓𑀫𑀼𑀦𑀺𑀦𑁄, 𑀫𑀼𑀦𑀺𑀫𑀼𑀦𑀺𑀦𑁄’’𑀢𑀺 [𑀫𑀳𑀸𑀦𑀺. 𑁧𑁪] 𑀘 ‘‘𑀜𑀸𑀡𑀼𑀧𑀧𑀦𑁆𑀦𑀸 𑀫𑀼𑀦𑀺𑀦𑁄 𑀯𑀤𑀦𑁆𑀢𑀻’’𑀢𑀺 𑀘 ‘‘𑀏𑀓𑀫𑁂𑀓𑀸𑀬 𑀇𑀢𑁆𑀣𑀺𑀬𑀸, 𑀅𑀝𑁆𑀞𑀝𑁆𑀞 𑀧𑀢𑀺𑀦𑁄 𑀲𑀺𑀬𑀼’’𑀦𑁆𑀢𑀺 𑀘 [𑀚𑀸. 𑁨.𑁨𑁧.𑁩𑁪𑁪] ‘‘𑀧𑀢𑀺𑀦𑁄 𑀓𑀺𑀭𑀫𑁆𑀳𑀸𑀓𑀁 𑀯𑀺𑀲𑀺𑀝𑁆𑀞𑀦𑀸𑀭𑀻𑀦’’ [𑀯𑀺. 𑀯. 𑁩𑁨𑁩] 𑀦𑁆𑀢𑀺 𑀘 ‘‘𑀳𑀁𑀲𑀸𑀥𑀺𑀧𑀢𑀺𑀦𑁄 𑀇𑀫𑁂’’𑀢𑀺 [𑀚𑀸. 𑁨.𑁨𑁧.𑁩𑁮] 𑀘 𑀲𑀼𑀢𑁆𑀢𑀧𑀤𑀸𑀦𑀺 𑀤𑀺𑀲𑁆𑀲𑀦𑁆𑀢𑀺.

𑀕𑀸𑀣𑀸𑀲𑀼 ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀫𑀼𑀦𑀺𑀢𑁄 𑀕𑀲𑁆𑀲 𑀏𑀢𑁆𑀢𑀜𑁆𑀘 𑀳𑁄𑀢𑀺, 𑀧𑁄𑀭𑁄𑀳𑀺𑀘𑁆𑀘𑁄 𑀢𑀯𑀁 𑀫𑀼𑀦𑁂 [𑀅𑀧. 𑀣𑁂𑀭 𑁧.𑁧.𑁫𑁪𑁦], 𑀥𑀫𑁆𑀫𑀤𑀲𑁆𑀲𑁄 𑀢𑀯𑀁 𑀫𑀼𑀦𑁂 [𑀅𑀧. 𑀣𑁂𑀭 𑁧.𑁧.𑁫𑁪𑁦], 𑀘𑀺𑀭𑀁 ¶ 𑀚𑀻𑀯 𑀫𑀳𑀸𑀯𑀻𑀭, 𑀓𑀧𑁆𑀧𑀁 𑀢𑀺𑀝𑁆𑀞 𑀫𑀳𑀸𑀫𑀼𑀦𑁂 [𑀅𑀧. 𑀣𑁂𑀭 𑁧.𑁨.𑁧𑁬𑁮], 𑀧𑀝𑀺𑀕𑁆𑀕𑀡𑁆𑀳 𑀫𑀳𑀸𑀫𑀼𑀦𑁂 [𑀅𑀧. 𑀣𑁂𑀭 𑁧.𑁪𑁧.𑁮𑁩]. 𑀢𑀼𑀬𑁆𑀳𑀢𑁆𑀣𑀸𑀬 𑀫𑀳𑀸𑀫𑀼𑀦𑁂𑀢𑀺 [𑀅𑀧. 𑀣𑁂𑀭 𑁧.𑁩.𑁩𑁪𑁫].

𑀢𑁂𑀳𑀺𑀬𑁂𑀯 𑀅𑀁𑀯𑀘𑀦𑀲𑁆𑀲 𑀦𑀜𑁆𑀘 𑀳𑁄𑀢𑀺, 𑀢𑀫𑀸𑀳𑀼 𑀏𑀓𑀁 𑀫𑀼𑀦𑀺𑀦𑀁 𑀘𑀭𑀦𑁆𑀢𑀁 [𑀲𑀼. 𑀦𑀺. 𑁨𑁧𑁦], 𑀫𑀼𑀦𑀺𑀦𑀁 𑀫𑁄𑀦𑀧𑀣𑁂𑀲𑀼 𑀲𑀺𑀓𑁆𑀔𑀫𑀸𑀦𑀁 [𑀚𑀸. 𑁧.𑁮.𑁪𑁪], 𑀧𑀺𑀢𑀭𑀁 𑀧𑀼𑀢𑁆𑀢𑀕𑀺𑀤𑁆𑀥𑀺𑀦𑀁 [𑀚𑀸. 𑁨.𑁨𑁨.𑁨𑁩𑁭𑁭], 𑀲𑀩𑁆𑀩𑀓𑀸𑀫𑀲𑀫𑀺𑀤𑁆𑀥𑀺𑀦𑀁 [𑀚𑀸. 𑁧.𑁧𑁩.𑁧𑁦𑁩].

𑀇𑀲𑀺𑀲𑀤𑁆𑀤𑁂 𑀧𑀦 𑁋

𑁧𑁬𑁮. 𑀝𑁂 𑀲𑀺𑀲𑁆𑀲𑀺𑀲𑀺𑀲𑁆𑀫𑀸 [𑀝𑁂 𑀲𑀺𑀲𑁆𑀲𑀲𑁆𑀫𑀸 (𑀫𑀽𑀮𑀧𑀸𑀞𑁂)].

𑀇𑀲𑀺𑀫𑁆𑀳𑀸 𑀲𑀺𑀲𑁆𑀲 𑀝𑁂 𑀳𑁄𑀢𑀺 𑀯𑀸.

𑀬𑁄 𑀦𑁄’𑀚𑁆𑀚 𑀯𑀺𑀦𑀬𑁂 𑀓𑀗𑁆𑀔𑀁, 𑀅𑀢𑁆𑀣𑀥𑀫𑁆𑀫𑀯𑀺𑀤𑀽 𑀇𑀲𑁂 [𑀚𑀸. 𑁨.𑁨𑁨.𑁧𑁧𑁬𑁪]. ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀕𑀲𑁆𑀲 𑀏𑀢𑁆𑀢𑀜𑁆𑀘 𑀳𑁄𑀢𑀺, 𑀦𑀺𑀲𑀻𑀤𑀸𑀳𑀺 𑀫𑀳𑀸𑀇𑀲𑁂 [𑀚𑀸. 𑁨.𑁨𑁦.𑁧𑁧𑁪], 𑀢𑁆𑀯𑀁 𑀦𑁄’𑀲𑀺 𑀲𑀭𑀡𑀁 𑀇𑀲𑁂 [𑀚𑀸. 𑁨.𑁨𑁨.𑁧𑁩𑁨𑁬], 𑀧𑀼𑀢𑁆𑀢𑁄 𑀉𑀧𑁆𑀧𑀚𑁆𑀚𑀢𑀁 𑀇𑀲𑁂 [𑀚𑀸. 𑁧.𑁧𑁪.𑁧𑁦𑁪].

𑁧𑁬𑁯. 𑀤𑀼𑀢𑀺𑀬𑀲𑁆𑀲 𑀬𑁄𑀲𑁆𑀲.

𑀇𑀲𑀺𑀫𑁆𑀳𑀸 𑀤𑀼𑀢𑀺𑀬𑀲𑁆𑀲 𑀬𑁄𑀲𑁆𑀲 𑀝𑁂 𑀳𑁄𑀢𑀺 𑀯𑀸.

𑀲𑀫𑀡𑁂 𑀩𑁆𑀭𑀸𑀳𑁆𑀫𑀡𑁂 𑀯𑀦𑁆𑀤𑁂, 𑀲𑀫𑁆𑀧𑀦𑁆𑀦𑀘𑀭𑀡𑁂 𑀇𑀲𑁂 [𑀚𑀸. 𑁧.𑁧𑁬.𑁩𑁧𑁪].

𑀲𑀫𑀸𑀲𑁂 𑀧𑀦 𑀫𑀳𑁂𑀲𑀺 𑀕𑀘𑁆𑀙𑀢𑀺, 𑀫𑀳𑁂𑀲𑀻 𑀕𑀘𑁆𑀙𑀦𑁆𑀢𑀺, 𑀫𑀳𑁂𑀲𑀬𑁄, 𑀫𑀳𑁂𑀲𑀺𑀦𑁄. 𑀅𑀁𑀯𑀘𑀦𑁂 𑀫𑀳𑁂𑀲𑀺𑀦𑀦𑁆𑀢𑀺 𑀲𑀺𑀚𑁆𑀛𑀢𑀺. ‘‘𑀲𑀗𑁆𑀕𑀸𑀬𑀺𑀁𑀲𑀼 𑀫𑀳𑁂𑀲𑀬𑁄 [𑀯𑀺. 𑀯. 𑀕𑀦𑁆𑀣𑀸𑀭𑀫𑁆𑀪𑀓𑀣𑀸 𑀧𑁂. 𑀯. 𑀕𑀦𑁆𑀣𑀸𑀭𑀫𑁆𑀪𑀓𑀣𑀸], 𑀯𑀸𑀦𑀫𑀼𑀢𑁆𑀢𑀸 𑀫𑀳𑁂𑀲𑀬𑁄’’𑀢𑀺 [𑀅𑀪𑀺𑀥𑀫𑁆𑀫𑀢𑁆𑀣𑀲𑀗𑁆𑀕𑀳𑁂 𑁧𑁧𑁩 𑀧𑀺𑀝𑁆𑀞𑁂] 𑀘 ‘‘𑀦 𑀢𑀁 𑀲𑀫𑁆𑀫𑀕𑁆𑀕𑀢𑀸 𑀬𑀜𑁆𑀜𑀁, 𑀉𑀧𑀬𑀦𑁆𑀢𑀺 𑀫𑀳𑁂𑀲𑀺𑀦𑁄, 𑀏𑀢𑀁 𑀲𑀫𑁆𑀫𑀕𑁆𑀕𑀢𑀸 𑀬𑀜𑁆𑀜𑀁, 𑀉𑀧𑀬𑀦𑁆𑀢𑀺 𑀫𑀳𑁂𑀲𑀺𑀦𑁄 [𑀲𑀁. 𑀦𑀺. 𑁧.𑁧𑁨𑁦], 𑀧𑀳𑀦𑁆𑀢𑀸 𑀫𑀳𑁂𑀲𑀺𑀦𑁄 𑀓𑀸𑀫𑁂, 𑀬𑁂𑀦 𑀢𑀺𑀡𑁆𑀡𑀸 𑀫𑀳𑁂𑀲𑀺𑀦𑁄’’𑀢𑀺 𑀘 ‘‘𑀫𑀳𑁂𑀲𑀺𑀁 𑀯𑀺𑀚𑀺𑀢𑀸𑀯𑀺𑀦’’𑀦𑁆𑀢𑀺 [𑀫. 𑀦𑀺. 𑁨.𑁪𑁫𑁯] 𑀘 ‘‘𑀲𑀗𑁆𑀖𑀜𑁆𑀘𑀸𑀧𑀺 𑀫𑀳𑁂𑀲𑀺𑀦𑀁, 𑀓𑀼𑀜𑁆𑀚𑀭𑀁𑀯 𑀫𑀳𑁂𑀲𑀺𑀦𑀁, 𑀉𑀧𑀕𑀦𑁆𑀢𑁆𑀯𑀸 𑀫𑀳𑁂𑀲𑀺𑀦𑀁 ¶ [𑀩𑀼. 𑀯𑀁. 𑁯.𑁧], 𑀔𑀺𑀧𑁆𑀧𑀁 𑀧𑀲𑁆𑀲 𑀫𑀳𑁂𑀲𑀺𑀦𑀁 [𑀚𑀸. 𑁨.𑁧𑁯.𑁭𑁦], 𑀓𑀢𑀓𑀺𑀘𑁆𑀘𑀁 𑀫𑀳𑁂𑀲𑀺𑀦’’𑀦𑁆𑀢𑀺 [𑀚𑀸. 𑁨.𑁧𑁯.𑁧𑁦𑁨] 𑀘 𑀲𑀼𑀢𑁆𑀢𑀧𑀤𑀸𑀦𑀺 𑀤𑀺𑀲𑁆𑀲𑀦𑁆𑀢𑀺.

𑀅𑀕𑁆𑀕𑀺𑀲𑀤𑁆𑀤𑁂 𑁋

𑁧𑁭𑁦. 𑀲𑀺𑀲𑁆𑀲𑀕𑁆𑀕𑀺𑀢𑁄 𑀦𑀺 [𑀓. 𑁯𑁫; 𑀭𑀽. 𑁧𑁪𑁫; 𑀦𑀻. 𑁨𑁫𑁪; ‘𑀲𑀺𑀲𑁆𑀲𑀸𑀕𑁆𑀕𑀺𑀢𑁄 𑀦𑀺’ (𑀩𑀳𑀽𑀲𑀼)].

𑀅𑀕𑁆𑀕𑀺𑀢𑁄 𑀲𑀺𑀲𑁆𑀲 𑀦𑀺 𑀳𑁄𑀢𑀺 𑀯𑀸.

𑀅𑀕𑁆𑀕𑀺 𑀚𑀮𑀢𑀺, 𑀅𑀕𑁆𑀕𑀺𑀦𑀺 𑀚𑀮𑀢𑀺, 𑀅𑀕𑁆𑀕𑀻 𑀚𑀮𑀦𑁆𑀢𑀺, 𑀅𑀕𑁆𑀕𑀬𑁄 𑀇𑀘𑁆𑀘𑀸𑀤𑀺.

𑀧𑀸𑀴𑀺𑀬𑀁 𑀧𑀦 ‘‘𑀅𑀕𑁆𑀕𑀺, 𑀕𑀺𑀦𑀺, 𑀅𑀕𑁆𑀕𑀺𑀦𑀻’’𑀢𑀺 𑀢𑀬𑁄 𑀅𑀕𑁆𑀕𑀺𑀧𑀭𑀺𑀬𑀸𑀬𑀸 𑀤𑀺𑀲𑁆𑀲𑀦𑁆𑀢𑀺 𑁋 ‘‘𑀭𑀸𑀕𑀕𑁆𑀕𑀺, 𑀤𑁄𑀲𑀕𑁆𑀕𑀺, 𑀫𑁄𑀳𑀕𑁆𑀕𑀻’’𑀢𑀺 [𑀅. 𑀦𑀺. 𑁭.𑁪𑁬] 𑀘 ‘‘𑀙𑀦𑁆𑀦𑀸 𑀓𑀼𑀝𑀺 𑀆𑀳𑀺𑀢𑁄 𑀕𑀺𑀦𑀺, 𑀯𑀺𑀯𑀝𑀸 𑀓𑀼𑀝𑀺 𑀦𑀺𑀩𑁆𑀩𑀼𑀢𑁄 𑀕𑀺𑀦𑀺 [𑀲𑀼. 𑀦𑀺. 𑁧𑁯], 𑀫𑀳𑀸𑀕𑀺𑀦𑀺 𑀲𑀫𑁆𑀧𑀚𑁆𑀚𑀮𑀺𑀢𑁄 [𑀣𑁂𑀭𑀕𑀸. 𑁭𑁦𑁨 (𑀣𑁄𑀓𑀁 𑀯𑀺𑀲𑀤𑀺𑀲𑀁)], 𑀬𑀲𑁆𑀫𑀸 𑀲𑁄 𑀚𑀸𑀬𑀢𑁂 𑀕𑀺𑀦𑀻’’𑀢𑀺 [𑀚𑀸. 𑁧.𑁧𑁦.𑁫𑁮] 𑀘 ‘‘𑀅𑀕𑁆𑀕𑀺𑀦𑀺𑀁 𑀲𑀫𑁆𑀧𑀚𑁆𑀚𑀮𑀺𑀢𑀁 𑀧𑀯𑀺𑀲𑀦𑁆𑀢𑀻’’𑀢𑀺 [𑀲𑀼. 𑀦𑀺. 𑁬𑁭𑁫] 𑀘. 𑀢𑁂𑀲𑀁 𑀯𑀺𑀲𑀼𑀁 𑀯𑀺𑀲𑀼𑀁 𑀭𑀽𑀧𑀫𑀸𑀮𑀸 𑀮𑀩𑁆𑀪𑀢𑀺.

𑀲𑁂𑀝𑁆𑀞𑀺, 𑀧𑀢𑀺, 𑀅𑀥𑀺𑀧𑀢𑀺, 𑀲𑁂𑀦𑀸𑀧𑀢𑀺, 𑀅𑀢𑀺𑀣𑀺, 𑀲𑀸𑀭𑀣𑀺𑀲𑀤𑁆𑀤𑁂𑀳𑀺 𑀘 𑀬𑁄𑀦𑀁 𑀦𑁄 𑀳𑁄𑀢𑀺, 𑀅𑀁𑀯𑀘𑀦𑀲𑁆𑀲 𑀦𑀁 𑀳𑁄𑀢𑀺 𑀯𑀸, 𑀲𑁂𑀝𑁆𑀞𑀺𑀦𑁄, 𑀲𑁂𑀝𑁆𑀞𑀺𑀦𑀁, 𑀧𑀢𑀺𑀦𑁄, 𑀧𑀢𑀺𑀦𑀁, 𑀅𑀥𑀺𑀧𑀢𑀺𑀦𑁄, 𑀅𑀥𑀺𑀧𑀢𑀺𑀦𑀁, 𑀲𑁂𑀦𑀸𑀧𑀢𑀺𑀦𑁄, 𑀲𑁂𑀦𑀸𑀧𑀢𑀺𑀦𑀁, 𑀅𑀢𑀺𑀣𑀺𑀦𑁄, 𑀅𑀢𑀺𑀣𑀺𑀦𑀁, 𑀲𑀸𑀭𑀣𑀺𑀦𑁄, 𑀲𑀸𑀭𑀣𑀺𑀦𑀦𑁆𑀢𑀺. 𑀕𑀳𑀧𑀢𑀬𑁄, 𑀚𑀸𑀦𑀺𑀧𑀢𑀬𑁄 𑀇𑀘𑁆𑀘𑀸𑀤𑀻𑀦𑀺 𑀦𑀺𑀘𑁆𑀘𑀭𑀽𑀧𑀸𑀦𑀺 𑀤𑀺𑀲𑁆𑀲𑀦𑁆𑀢𑀺.

𑀆𑀤𑀺𑀲𑀤𑁆𑀤𑁂 𑁋

‘𑀭𑀢𑁆𑀣𑁆𑀬𑀸𑀤𑀻𑀳𑀺 𑀝𑁄 𑀲𑁆𑀫𑀺𑀁𑀦𑁄’𑀢𑀺 𑀲𑁆𑀫𑀺𑀁𑀦𑁄 𑀝𑁄 𑀳𑁄𑀢𑀺, 𑀆𑀤𑀺𑀲𑁆𑀫𑀺𑀁, 𑀆𑀤𑀺𑀫𑁆𑀳𑀺, 𑀆𑀤𑁄, 𑀕𑀸𑀣𑀸𑀤𑁄, 𑀧𑀸𑀤𑀸𑀤𑁄. ‘‘𑀆𑀤𑀺𑀁, 𑀕𑀸𑀣𑀸𑀤𑀺𑀁, 𑀧𑀸𑀤𑀸𑀤𑀺𑀁’’ 𑀇𑀘𑁆𑀘𑀸𑀤𑀻𑀲𑀼 𑀧𑀦 𑀆𑀥𑀸𑀭𑀢𑁆𑀣𑁂 𑀤𑀼𑀢𑀺𑀬𑀸 𑀏𑀯 ‘‘𑀇𑀫𑀁 𑀭𑀢𑁆𑀢𑀺𑀁, 𑀇𑀫𑀁 𑀤𑀺𑀯𑀲𑀁, 𑀧𑀼𑀭𑀺𑀫𑀁 𑀤𑀺𑀲𑀁, 𑀧𑀘𑁆𑀙𑀺𑀫𑀁 𑀤𑀺𑀲𑀁, 𑀢𑀁 𑀔𑀡𑀁, 𑀢𑀁 𑀮𑀬𑀁, 𑀢𑀁 𑀫𑀼𑀳𑀼𑀢𑁆𑀢𑀁’’ 𑀇𑀘𑁆𑀘𑀸𑀤𑀻𑀲𑀼 𑀯𑀺𑀬.

𑀇𑀤𑀸𑀦𑀺 𑀲𑀫𑀸𑀲𑁂 𑀛𑀺𑀲𑁆𑀲 𑀝𑀸𑀤𑁂𑀲𑀸𑀪𑀸𑀯𑁄 𑀯𑀼𑀘𑁆𑀘𑀢𑀺.

𑁧𑁭𑁧. 𑀇𑀢𑁄𑀜𑁆𑀜𑀢𑁆𑀣𑁂 ¶ 𑀧𑀼𑀫𑁂.

𑀧𑀼𑀫𑁂 𑀅𑀜𑁆𑀜𑀧𑀤𑀢𑁆𑀣𑀲𑀫𑀸𑀲𑁂 𑀇-𑀓𑀸𑀭𑀫𑁆𑀳𑀸 𑀧𑀞𑀫𑀸, 𑀤𑀼𑀢𑀺𑀬𑀸𑀬𑁄𑀦𑀁 𑀓𑀫𑁂𑀦 𑀦𑁄, 𑀦𑁂 𑀳𑁄𑀦𑁆𑀢𑀺 𑀯𑀸. 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀉𑀢𑁆𑀢𑀭𑀧𑀤𑀢𑁆𑀣𑀲𑀫𑀸𑀲𑁂𑀧𑀺 𑀓𑁆𑀯𑀘𑀺 𑀬𑁄𑀦𑀁 𑀦𑁄, 𑀦𑁂 𑀳𑁄𑀦𑁆𑀢𑀺.

𑀧𑀞𑀫𑀸𑀬𑁄𑀫𑁆𑀳𑀺 𑁋

𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀦𑁄, 𑀲𑀫𑁆𑀫𑀸𑀤𑀺𑀝𑁆𑀞𑀺𑀦𑁄, 𑀫𑀼𑀝𑁆𑀞𑀲𑁆𑀲𑀢𑀺𑀦𑁄, 𑀉𑀧𑀝𑁆𑀞𑀺𑀢𑀲𑁆𑀲𑀢𑀺𑀦𑁄, 𑀅𑀲𑀸𑀭𑁂 𑀲𑀸𑀭𑀫𑀢𑀺𑀦𑁄 [𑀥. 𑀧. 𑁧𑁧], 𑀦𑀺𑀫𑁆𑀫𑀸𑀦𑀭𑀢𑀺𑀦𑁄 𑀤𑁂𑀯𑀸, 𑀬𑁂 𑀤𑁂𑀯𑀸 𑀯𑀲𑀯𑀢𑁆𑀢𑀺𑀦𑁄 [𑀲𑀁. 𑀦𑀺. 𑁧.𑁧𑁬𑁮], 𑀅𑀝𑁆𑀞𑁂𑀢𑁂 𑀘𑀓𑁆𑀓𑀯𑀢𑁆𑀢𑀺𑀦𑁄, 𑀥𑀫𑁆𑀫𑁂 𑀥𑀫𑁆𑀫𑀸𑀦𑀼𑀯𑀢𑁆𑀢𑀺𑀦𑁄 [𑀲𑀁. 𑀦𑀺. 𑁫.𑁩𑁪], 𑀲𑀕𑁆𑀕𑀁 𑀲𑀼𑀕𑀢𑀺𑀦𑁄 𑀬𑀦𑁆𑀢𑀺 [𑀥. 𑀧. 𑁧𑁨𑁬], 𑀢𑁄𑀫𑀭’𑀗𑁆𑀓𑀼𑀲𑀧𑀸𑀡𑀺𑀦𑁄 [𑀚𑀸. 𑁨.𑁨𑁨.𑁨𑁨𑁩], 𑀤𑀡𑁆𑀟𑀫𑀼𑀕𑁆𑀕𑀭𑀧𑀸𑀡𑀺𑀦𑁄, 𑀅𑀭𑀺𑀬𑀯𑀼𑀢𑁆𑀢𑀺𑀦𑁄, 𑀦𑀺𑀧𑀓𑀸 𑀲𑀦𑁆𑀢𑀯𑀼𑀢𑁆𑀢𑀺𑀦𑁄 𑀇𑀘𑁆𑀘𑀸𑀤𑀺.

𑀤𑀼𑀢𑀺𑀬𑀸𑀬𑁄𑀫𑁆𑀳𑀺 𑁋

𑀫𑀼𑀝𑁆𑀞𑀲𑁆𑀲𑀢𑀺𑀦𑁂, 𑀉𑀧𑀝𑁆𑀞𑀺𑀢𑀲𑁆𑀲𑀢𑀺𑀦𑁂, 𑀅𑀭𑀺𑀬𑀯𑀼𑀢𑁆𑀢𑀺𑀦𑁂, 𑀢𑁄𑀫𑀭’𑀗𑁆𑀓𑀼𑀲𑀧𑀸𑀡𑀺𑀦𑁂 [𑀚𑀸. 𑁨.𑁨𑁨.𑁧𑁯𑁦] 𑀇𑀘𑁆𑀘𑀸𑀤𑀺.

𑀯𑀸𑀢𑁆𑀯𑁂𑀯? 𑀫𑀺𑀘𑁆𑀙𑀸𑀤𑀺𑀝𑁆𑀞𑀻 𑀚𑀦𑀸 𑀕𑀘𑁆𑀙𑀦𑁆𑀢𑀺, 𑀫𑀺𑀘𑁆𑀙𑀸𑀤𑀺𑀝𑁆𑀞𑀻 𑀚𑀦𑁂 𑀧𑀲𑁆𑀲𑀢𑀺.

𑀕𑀭𑀽 𑀧𑀦 ‘‘𑀢𑁄𑀫𑀭’𑀗𑁆𑀓𑀼𑀲𑀧𑀸𑀡𑀬𑁄, 𑀅𑀢𑁆𑀣𑁂 𑀯𑀺𑀲𑀸𑀭𑀤𑀫𑀢𑀬𑁄’’𑀢𑀺 [𑀓. 𑁨𑁫𑁩] 𑀭𑀽𑀧𑀸𑀦𑀺 𑀇𑀥 𑀇𑀘𑁆𑀙𑀦𑁆𑀢𑀺.

𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑁄 𑀥𑀫𑁆𑀫𑀸, 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀬𑁄 𑀥𑀫𑁆𑀫𑁂.

𑀧𑀼𑀫𑁂𑀢𑀺 𑀓𑀺𑀁? 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀦𑀺𑀬𑁄 𑀇𑀢𑁆𑀣𑀺𑀬𑁄, 𑀫𑀺𑀘𑁆𑀙𑀸𑀤𑀺𑀝𑁆𑀞𑀻𑀦𑀺 𑀓𑀼𑀮𑀸𑀦𑀺.

𑁧𑁭𑁨. 𑀦𑁂 𑀲𑁆𑀫𑀺𑀁𑀦𑁄 𑀓𑁆𑀯𑀘𑀺 [𑀦𑀻. 𑁪𑁫𑁩].

𑀧𑀼𑀫𑁂 𑀅𑀜𑁆𑀜𑀢𑁆𑀣𑁂 𑀇𑀢𑁄 𑀲𑁆𑀫𑀺𑀁𑀦𑁄 𑀓𑁆𑀯𑀘𑀺 𑀦𑁂 𑀳𑁄𑀢𑀺.

𑀓𑀢𑀜𑁆𑀜𑀼𑀫𑁆𑀳𑀺 𑀘 𑀧𑁄𑀲𑀫𑁆𑀳𑀺, 𑀲𑀻𑀮𑀯𑀦𑁆𑀢𑁂 𑀅𑀭𑀺𑀬𑀯𑀼𑀢𑁆𑀢𑀺𑀦𑁂 [𑀚𑀸. 𑁧.𑁧𑁦.𑁭𑁮]. 𑀲𑀩𑁆𑀩𑀓𑀸𑀫𑀲𑀫𑀺𑀤𑁆𑀥𑀺𑀦𑁂 𑀓𑀼𑀮𑁂, 𑀙𑀢𑁆𑀢𑀧𑀸𑀡𑀺𑀦𑁂, 𑀤𑀡𑁆𑀟𑀧𑀸𑀡𑀺𑀦𑁂, 𑀢𑁄𑀫𑀭’𑀗𑁆𑀓𑀼𑀲𑀧𑀸𑀡𑀺𑀦𑁂 [𑀚𑀸. 𑁨.𑁨𑁨.𑁧𑁯𑁦] 𑀇𑀘𑁆𑀘𑀸𑀤𑀺.

𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 ¶ 𑀈𑀢𑁄𑀧𑀺 𑀲𑁆𑀫𑀺𑀁𑀦𑁄 𑀓𑁆𑀯𑀘𑀺 𑀦𑁂 𑀳𑁄𑀢𑀺, 𑀫𑀸𑀢𑀗𑁆𑀕𑀲𑁆𑀫𑀺𑀁 𑀬𑀲𑀲𑁆𑀲𑀺𑀦𑁂 [𑀚𑀸. 𑁨.𑁧𑁯.𑁯𑁬], 𑀤𑁂𑀯𑀯𑀡𑁆𑀡𑀺𑀦𑁂, 𑀩𑁆𑀭𑀳𑁆𑀫𑀯𑀡𑁆𑀡𑀺𑀦𑁂, 𑀅𑀭𑀳𑀦𑁆𑀢𑀫𑁆𑀳𑀺 𑀢𑀸𑀤𑀺𑀦𑁂 [𑀣𑁂𑀭𑀕𑀸. 𑁧𑁧𑁮𑁨] 𑀇𑀘𑁆𑀘𑀸𑀤𑀺.

𑀇𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀈𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

𑀈𑀓𑀸𑀭𑀦𑁆𑀢𑁂 ‘𑀲𑀺𑀫𑁆𑀳𑀺 𑀦𑀸’𑀦𑀧𑀼𑀁𑀲𑀓𑀲𑁆𑀲𑀸’𑀢𑀺 𑀲𑀼𑀢𑁆𑀢𑁂𑀦 𑀲𑀺𑀫𑁆𑀳𑀺 𑀭𑀲𑁆𑀲𑀢𑁆𑀢𑀁 𑀦𑀢𑁆𑀣𑀺, ‘𑀕𑁂 𑀯𑀸’𑀢𑀺 𑀕𑁂 𑀧𑀭𑁂 𑀯𑀺𑀓𑀧𑁆𑀧𑁂𑀦 𑀭𑀲𑁆𑀲𑁄, 𑀬𑁄𑀲𑀼 𑀘 𑀅𑀁, 𑀦𑀸, 𑀲, 𑀲𑁆𑀫𑀸, 𑀲𑁆𑀫𑀺𑀁 𑀲𑀼 𑀘 ‘𑀏𑀓𑀯𑀘𑀦𑀬𑁄𑀲𑁆𑀯𑀖𑁄𑀦’𑀦𑁆𑀢𑀺 𑀦𑀺𑀘𑁆𑀘𑀁 𑀭𑀲𑁆𑀲𑁄, 𑀤𑀡𑁆𑀟𑀻 𑀕𑀘𑁆𑀙𑀢𑀺. ‘𑀚𑀦𑁆𑀢𑀼 𑀳𑁂𑀢𑀼’ 𑀇𑀘𑁆𑀘𑀸𑀤𑀺𑀲𑀼𑀢𑁆𑀢𑁂𑀦 𑀯𑀺𑀓𑀧𑁆𑀧𑁂𑀦 𑀬𑁄𑀦𑀁 𑀮𑁄𑀧𑁄, 𑀤𑀡𑁆𑀟𑀻 𑀕𑀘𑁆𑀙𑀦𑁆𑀢𑀺.

𑀧𑀓𑁆𑀔𑁂 𑁋

𑁧𑁭𑁩. 𑀬𑁄𑀦𑀁 𑀦𑁄𑀦𑁂 𑀧𑀼𑀫𑁂 [𑀓. 𑁨𑁨𑁫; 𑀭𑀽. 𑁧𑁫𑁧; 𑀦𑀻. 𑁪𑁫𑁨, 𑁪𑁫𑁩].

𑀧𑀼𑀫𑁂 𑀛𑀲𑀜𑁆𑀜𑀫𑁆𑀳𑀸 𑀈-𑀓𑀸𑀭𑀢𑁄 𑀧𑀞𑀫𑀸, 𑀤𑀼𑀢𑀺𑀬𑀸𑀬𑁄𑀦𑀁 𑀓𑀫𑁂𑀦 𑀦𑁄, 𑀦𑁂 𑀳𑁄𑀦𑁆𑀢𑀺 𑀯𑀸.

𑀤𑀡𑁆𑀟𑀺𑀦𑁄 𑀕𑀘𑁆𑀙𑀦𑁆𑀢𑀺, 𑀪𑁄𑀤𑀡𑁆𑀟𑀺, 𑀪𑁄 𑀤𑀡𑁆𑀟𑀻, 𑀪𑁄𑀦𑁆𑀢𑁄 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀺𑀁.

𑁧𑁭𑁪. 𑀦𑀁 𑀛𑀻𑀢𑁄 [𑀓. 𑁨𑁨𑁪; 𑀭𑀽. 𑁧𑁫𑁩; 𑀦𑀻. 𑁪𑁫𑁧].

𑀧𑀼𑀫𑁂 𑀛𑀲𑀜𑁆𑀜𑀫𑁆𑀳𑀸 𑀈-𑀓𑀸𑀭𑀢𑁄 𑀅𑀁𑀯𑀘𑀦𑀲𑁆𑀲 𑀦𑀁 𑀳𑁄𑀢𑀺 𑀯𑀸.

𑀤𑀡𑁆𑀟𑀺𑀦𑀁.

𑁧𑁭𑁫. 𑀦𑁄 𑀯𑀸 [’𑀦𑁄’ (𑀩𑀳𑀽𑀲𑀼)].

𑀧𑀼𑀫𑁂 𑀛𑀻𑀢𑁄 𑀤𑀼𑀢𑀺𑀬𑀸𑀬𑁄𑀲𑁆𑀲 𑀦𑁄 𑀳𑁄𑀢𑀺 𑀯𑀸.

𑀤𑀡𑁆𑀟𑀻 ¶ , 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀺𑀦𑁂, 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀻𑀳𑀺, 𑀤𑀡𑁆𑀟𑀻𑀪𑀺, 𑀤𑀡𑁆𑀟𑀺𑀲𑁆𑀲, 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀻𑀦𑀁, 𑀤𑀡𑁆𑀟𑀺𑀲𑁆𑀫𑀸, 𑀤𑀡𑁆𑀟𑀺𑀫𑁆𑀳𑀸, 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀻𑀳𑀺, 𑀤𑀡𑁆𑀟𑀻𑀪𑀺, 𑀤𑀡𑁆𑀟𑀺𑀲𑁆𑀲, 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀻𑀦𑀁, 𑀤𑀡𑁆𑀟𑀺𑀲𑁆𑀫𑀺𑀁, 𑀤𑀡𑁆𑀟𑀺𑀫𑁆𑀳𑀺.

𑁧𑁭𑁬. 𑀲𑁆𑀫𑀺𑀁𑀦𑁄 𑀦𑀺𑀁 [𑀓. 𑁨𑁨𑁬; 𑀭𑀽. 𑁧𑁫𑁪; 𑀦𑀻. 𑁪𑁧𑁬].

𑀛𑀻𑀢𑁄 𑀲𑁆𑀫𑀺𑀁𑀦𑁄 𑀦𑀺 𑀳𑁄𑀢𑀺 𑀯𑀸.

𑀤𑀡𑁆𑀟𑀺𑀦𑀺.

‘𑀦𑁂 𑀲𑁆𑀫𑀺𑀁𑀦𑁄 𑀓𑁆𑀯𑀘𑀻’𑀢𑀺 𑀯𑀺𑀪𑀢𑁆𑀢𑀲𑀼𑀢𑁆𑀢𑁂𑀦 𑀲𑁆𑀫𑀺𑀁𑀦𑁄 𑀦𑁂 𑀘 𑀳𑁄𑀢𑀺, 𑀤𑀡𑁆𑀟𑀺𑀦𑁂, 𑀤𑀡𑁆𑀟𑀻𑀲𑀼.

𑀏𑀯𑀁 𑀘𑀓𑁆𑀓𑀻, 𑀧𑀓𑁆𑀔𑀻, 𑀲𑀼𑀔𑀻, 𑀲𑀺𑀔𑀻, 𑀘𑀸𑀕𑀻, 𑀪𑀸𑀕𑀻, 𑀪𑁄𑀕𑀻, 𑀬𑁄𑀕𑀻, 𑀲𑀗𑁆𑀖𑀻, 𑀯𑀸𑀘𑀻, 𑀥𑀚𑀻, 𑀪𑀚𑀻, 𑀓𑀼𑀝𑁆𑀞𑀻, 𑀭𑀝𑁆𑀞𑀻, 𑀤𑀸𑀞𑀻, 𑀜𑀸𑀡𑀻, 𑀧𑀸𑀡𑀻, 𑀕𑀡𑀻, 𑀕𑀼𑀡𑀻, 𑀘𑀫𑁆𑀫𑀻, 𑀥𑀫𑁆𑀫𑀻, 𑀲𑀻𑀖𑀬𑀸𑀬𑀻, 𑀧𑀸𑀧𑀓𑀸𑀭𑀻, 𑀩𑁆𑀭𑀳𑁆𑀫𑀘𑀸𑀭𑀻, 𑀫𑀸𑀬𑀸𑀯𑀻, 𑀫𑁂𑀥𑀸𑀯𑀻, 𑀪𑀼𑀢𑁆𑀢𑀸𑀯𑀻, 𑀪𑀬𑀤𑀲𑁆𑀲𑀸𑀯𑀻, 𑀬𑀲𑀲𑁆𑀲𑀻, 𑀢𑁂𑀚𑀲𑁆𑀲𑀻, 𑀙𑀢𑁆𑀢𑀻, 𑀧𑀢𑁆𑀢𑀻, 𑀤𑀦𑁆𑀢𑀻, 𑀫𑀦𑁆𑀢𑀻, 𑀲𑀢𑁆𑀢𑀼𑀖𑀸𑀢𑀻, 𑀲𑀻𑀳𑀦𑀸𑀤𑀻, 𑀲𑀸𑀫𑀻, 𑀧𑀺𑀬𑀧𑁆𑀧𑀲𑀁𑀲𑀻. 𑀅𑀢𑁆𑀣𑀤𑀲𑁆𑀲𑀻, 𑀥𑀫𑁆𑀫𑀤𑀲𑁆𑀲𑀻 𑀇𑀘𑁆𑀘𑀸𑀤𑀬𑁄. 𑀕𑀸𑀫𑀡𑀻, 𑀲𑁂𑀦𑀸𑀦𑀻, 𑀲𑀼𑀥𑀻 𑀇𑀘𑁆𑀘𑀸𑀤𑀻𑀲𑀼 𑀧𑀦 𑀲𑁆𑀫𑀺𑀁𑀦𑁄 𑀦𑀺𑀢𑁆𑀢𑀁 𑀦𑀢𑁆𑀣𑀺.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀬𑁄𑀲𑀼 𑀛𑀻-𑀓𑀸𑀭𑀲𑁆𑀲𑀧𑀺 𑀓𑁆𑀯𑀘𑀺 𑀝𑀢𑁆𑀢𑀁 𑀳𑁄𑀢𑀺,

‘‘𑀳𑀁𑀲𑀸 𑀓𑁄𑀜𑁆𑀘𑀸 𑀫𑀬𑀽𑀭𑀸 𑀘, 𑀳𑀢𑁆𑀣𑀬𑁄 𑀧𑀲𑀤𑀸 𑀫𑀺𑀕𑀸;

𑀲𑀩𑁆𑀩𑁂 𑀲𑀻𑀳𑀲𑁆𑀲 𑀪𑀸𑀬𑀦𑁆𑀢𑀺, 𑀦𑀢𑁆𑀣𑀺 𑀓𑀸𑀬𑀲𑁆𑀫𑀺𑀁 𑀢𑀼𑀮𑁆𑀬𑀢𑀸 [𑀚𑀸. 𑁧.𑁨.𑁧𑁦𑁩].

𑀧𑀼𑀭𑀺𑀲𑀸𑀮𑀽 𑀘 𑀳𑀢𑁆𑀣𑀬𑁄, 𑀲𑀜𑁆𑀜𑀢𑀸 𑀩𑁆𑀭𑀳𑁆𑀫𑀘𑀸𑀭𑀬𑁄 [𑀅. 𑀦𑀺. 𑁬.𑁩𑁭], 𑀅𑀧𑀘𑁂 𑀩𑁆𑀭𑀳𑁆𑀫𑀘𑀸𑀭𑀬𑁄’’𑀢𑀺 𑀤𑀺𑀲𑁆𑀲𑀦𑁆𑀢𑀺. 𑀢𑀢𑁆𑀣 ‘𑀳𑀢𑁆𑀣𑀬𑁄’𑀢𑀺 𑀳𑀢𑁆𑀣𑀺𑀦𑁄, ‘𑀧𑀼𑀭𑀺𑀲𑀸𑀮𑀽’𑀢𑀺 𑀧𑀼𑀭𑀺𑀲𑀮𑁄𑀮𑀸 𑀩𑀮𑀯𑀸𑀫𑀼𑀔𑀬𑀓𑁆𑀔𑀺𑀦𑀺𑀬𑁄, ‘𑀩𑁆𑀭𑀳𑁆𑀫𑀘𑀸𑀭𑀬𑁄’𑀢𑀺 𑀩𑁆𑀭𑀳𑁆𑀫𑀘𑀸𑀭𑀺𑀦𑁄, ‘𑀅𑀧𑀘𑁂’𑀢𑀺 𑀧𑀽𑀚𑁂𑀬𑁆𑀬.

𑀲𑀼𑀲𑁆𑀲𑀧𑀺 ¶ 𑀓𑁆𑀯𑀘𑀺 𑀦𑁂𑀲𑀼 𑀳𑁄𑀢𑀺, 𑀲𑀼𑀲𑀼𑀔𑀁 𑀯𑀢 𑀚𑀻𑀯𑀸𑀫, 𑀯𑁂𑀭𑀺𑀦𑁂𑀲𑀼 𑀅𑀯𑁂𑀭𑀺𑀦𑁄 [𑀥. 𑀧. 𑁧𑁯𑁭], 𑀯𑁂𑀭𑀺𑀦𑁂𑀲𑀼 𑀫𑀦𑀼𑀲𑁆𑀲𑁂𑀲𑀼, 𑀯𑀺𑀳𑀭𑀸𑀫 𑀅𑀯𑁂𑀭𑀺𑀦𑁄. 𑀢𑀢𑁆𑀣 ‘𑀯𑁂𑀭𑀺𑀦𑁂𑀲𑀽’𑀢𑀺 𑀯𑁂𑀭𑀻𑀘𑀺𑀢𑁆𑀢𑀯𑀦𑁆𑀢𑁂𑀲𑀼.

𑀲𑀫𑀸𑀲𑁂𑀧𑀺 𑀧𑀞𑀫𑀸𑀬𑁄𑀲𑁆𑀲 𑀦𑁄𑀢𑁆𑀢𑀁, 𑀤𑀼𑀢𑀺𑀬𑀸𑀬𑁄𑀲𑁆𑀲 𑀦𑁄𑀢𑁆𑀢𑀁 𑀦𑁂𑀢𑁆𑀢𑀜𑁆𑀘 𑀳𑁄𑀢𑀺. 𑀢𑀢𑁆𑀣 𑀤𑁆𑀯𑁂 𑀦𑁄𑀢𑁆𑀢𑀸𑀦𑀺 𑀧𑀸𑀓𑀝𑀸𑀦𑀺. 𑀦𑁂𑀢𑁆𑀢𑀁 𑀧𑀦 𑀯𑀼𑀘𑁆𑀘𑀢𑁂, ‘‘𑀅𑀲𑁆𑀲𑀫𑀡𑁂 𑀲𑀫𑀡𑀫𑀸𑀦𑀺𑀦𑁂 [𑀅. 𑀦𑀺. 𑁮.𑁧𑁦], 𑀦𑀭𑁂 𑀧𑀸𑀡𑀸𑀢𑀺𑀧𑀸𑀢𑀺𑀦𑁂 [𑀇𑀢𑀺𑀯𑀼. 𑁯𑁩], 𑀫𑀜𑁆𑀚𑀼𑀓𑁂 𑀧𑀺𑀬𑀪𑀸𑀡𑀺𑀦𑁂 [𑀚𑀸. 𑁨.𑁨𑁨.𑁧𑁭𑁨𑁧], 𑀫𑀸𑀮𑀥𑀸𑀭𑀺𑀦𑁂 [𑀚𑀸. 𑁨.𑁨𑁨.𑁧𑁭𑁨𑁭], 𑀓𑀸𑀲𑀺𑀓𑀼𑀢𑁆𑀢𑀫𑀥𑀸𑀭𑀺𑀦𑁂 [𑀚𑀸. 𑁨.𑁨𑁨.𑁧𑁯𑁫], 𑀯𑀡𑁆𑀡𑀯𑀦𑁆𑀢𑁂 𑀬𑀲𑀲𑁆𑀲𑀺𑀦𑁂 [𑀤𑀻. 𑀦𑀺. 𑁨.𑁨𑁮𑁨], 𑀘𑀸𑀧𑀳𑀢𑁆𑀣𑁂 𑀓𑀮𑀸𑀧𑀺𑀦𑁂, 𑀉𑀪𑁄 𑀪𑀲𑁆𑀲𑀭𑀯𑀡𑁆𑀡𑀺𑀦𑁂 [𑀚𑀸. 𑁨.𑁨𑁧.𑁧𑁧𑁧], 𑀩𑁆𑀭𑀸𑀳𑁆𑀫𑀡𑁂 𑀤𑁂𑀯𑀯𑀡𑁆𑀟𑀺𑀦𑁂, 𑀲𑀫𑀼𑀤𑁆𑀥𑀭𑀢𑀺 𑀧𑀸𑀡𑀺𑀦𑁂 [𑀅𑀧. 𑀣𑁂𑀭𑀻 𑁨.𑁩.𑁧𑁩𑁭], 𑀏𑀯𑀁 𑀚𑀭𑀸 𑀘 𑀫𑀘𑁆𑀘𑀼 𑀘, 𑀅𑀥𑀺𑀯𑀢𑁆𑀢𑀦𑁆𑀢𑀺 𑀧𑀸𑀡𑀺𑀦𑁂’’𑀢𑀺 [𑀲𑀁. 𑀦𑀺. 𑁧.𑁧𑁩𑁬] 𑀤𑀺𑀲𑁆𑀲𑀦𑁆𑀢𑀺. 𑀢𑀢𑁆𑀣 ‘𑀪𑀲𑁆𑀲𑀭𑀯𑀡𑁆𑀡𑀺𑀦𑁂’𑀢𑀺 𑀧𑀪𑀲𑁆𑀲𑀭𑀯𑀡𑁆𑀡𑀯𑀦𑁆𑀢𑁂. 𑀲𑁆𑀫𑀺𑀁𑀦𑁄 𑀦𑁂𑀢𑁆𑀢𑁂 𑀧𑀦 ‘‘𑀫𑀸𑀢𑀗𑁆𑀕𑀲𑁆𑀫𑀺𑀁 𑀬𑀲𑀲𑁆𑀲𑀺𑀦𑁂’’ 𑀇𑀘𑁆𑀘𑀸𑀤𑀻𑀦𑀺 [𑀚𑀸. 𑁨.𑁧𑁯.𑁯𑁬] 𑀧𑀼𑀩𑁆𑀩𑁂 𑀯𑀼𑀢𑁆𑀢𑀸𑀦𑁂𑀯.

𑀈𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀉𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

𑀪𑀺𑀓𑁆𑀔𑀸𑀤𑀺𑀕𑀡𑀭𑀸𑀲𑀺

‘𑀕𑀲𑀻𑀦’𑀦𑁆𑀢𑀺 𑀲𑀺𑀮𑁄𑀧𑁄, 𑀪𑀺𑀓𑁆𑀔𑀼. 𑀬𑁄𑀦𑀁 𑀮𑁄𑀧𑁂 𑀤𑀻𑀖𑁄, 𑀪𑀺𑀓𑁆𑀔𑀽.

𑀧𑀓𑁆𑀔𑁂 𑁋

𑁧𑁭𑁭. 𑀮𑀸 𑀬𑁄𑀦𑀁 𑀯𑁄 𑀧𑀼𑀫𑁂 [𑀓. 𑁧𑁧𑁯; 𑀭𑀽. 𑁧𑁫𑁫; 𑀦𑀻. 𑁨𑁯𑁪].

𑀧𑀼𑀫𑁂 𑀮𑀲𑀜𑁆𑀜𑁂𑀳𑀺 𑀉𑀯𑀡𑁆𑀡𑁂𑀳𑀺 𑀬𑁄𑀦𑀁 𑀯𑁄 𑀳𑁄𑀢𑀺 𑀯𑀸𑀢𑀺 𑀬𑁄𑀦𑀁 𑀯𑁄.

𑁧𑁭𑁮. 𑀯𑁂𑀯𑁄𑀲𑀼 ¶ 𑀮𑀼𑀲𑁆𑀲 [𑀓. 𑁯𑁭; 𑀭𑀽. 𑁧𑁫𑁬; 𑀦𑀻. 𑁨𑁬𑁦].

𑀧𑀼𑀫𑁂 𑀯𑁂, 𑀯𑁄𑀲𑀼 𑀧𑀭𑁂𑀲𑀼 𑀮𑀲𑀜𑁆𑀜𑀲𑁆𑀲 𑀉-𑀓𑀸𑀭𑀲𑁆𑀲 𑀝 𑀳𑁄𑀢𑀺.

𑀪𑀺𑀓𑁆𑀔𑀯𑁄.

𑀮𑀼𑀲𑁆𑀲𑀸𑀢𑀺 𑀓𑀺𑀁? 𑀲𑀬𑀫𑁆𑀪𑀼𑀯𑁄.

𑀪𑁄 𑀪𑀺𑀓𑁆𑀔𑀼, 𑀪𑁄 𑀪𑀺𑀓𑁆𑀔𑀽, 𑀪𑁄𑀦𑁆𑀢𑁄 𑀪𑀺𑀓𑁆𑀔𑀽.

𑁧𑁭𑁯. 𑀧𑀼𑀫𑀸𑀮𑀧𑀦𑁂 𑀯𑁂𑀯𑁄 [𑀓. 𑁧𑁧𑁬; 𑀭𑀽. 𑁧𑁫𑁭; 𑀦𑀻. 𑁨𑁯𑁧].

𑀧𑀼𑀫𑁂 𑀆𑀮𑀧𑀦𑁂 𑀮𑀲𑀜𑁆𑀜𑀫𑁆𑀳𑀸 𑀉-𑀓𑀸𑀭𑀢𑁄 𑀬𑁄𑀲𑁆𑀲 𑀯𑁂, 𑀯𑁄 𑀳𑁄𑀦𑁆𑀢𑀺 𑀯𑀸.

𑀪𑁄𑀦𑁆𑀢𑁄 𑀪𑀺𑀓𑁆𑀔𑀯𑁂, 𑀅𑀣 𑀔𑁄 𑀪𑀕𑀯𑀸 𑀪𑀺𑀓𑁆𑀔𑀽 𑀆𑀫𑀦𑁆𑀢𑁂𑀲𑀺 ‘‘𑀪𑀺𑀓𑁆𑀔𑀯𑁄’’𑀢𑀺 [𑀫. 𑀦𑀺. 𑁧.𑁧], 𑀤𑁂𑀯𑀓𑀸𑀬𑀸 𑀅𑀪𑀺𑀓𑁆𑀓𑀦𑁆𑀢𑀸, 𑀢𑁂 𑀯𑀺𑀚𑀸𑀦𑀸𑀣 𑀪𑀺𑀓𑁆𑀔𑀯𑁄 [𑀤𑀻. 𑀦𑀺. 𑁨.𑁩𑁩𑁪], 𑀪𑀺𑀓𑁆𑀔𑀼𑀁, 𑀪𑀺𑀓𑁆𑀔𑀽, 𑀪𑀺𑀓𑁆𑀔𑀯𑁄, 𑀪𑀺𑀓𑁆𑀔𑀼𑀦𑀸. ‘𑀲𑀼𑀦𑀁𑀳𑀺𑀲𑀽’𑀢𑀺 𑀤𑀻𑀖𑁄, 𑀪𑀺𑀓𑁆𑀔𑀽𑀳𑀺, 𑀪𑀺𑀓𑁆𑀔𑀽𑀪𑀺, 𑀪𑀺𑀓𑁆𑀔𑀼𑀲𑁆𑀲, 𑀪𑀺𑀓𑁆𑀔𑀼𑀦𑁄, 𑀪𑀺𑀓𑁆𑀔𑀽𑀦𑀁, 𑀪𑀺𑀓𑁆𑀔𑀼𑀲𑁆𑀫𑀸, 𑀪𑀺𑀓𑁆𑀔𑀼𑀫𑁆𑀳𑀸, 𑀪𑀺𑀓𑁆𑀔𑀼𑀦𑀸, 𑀪𑀺𑀓𑁆𑀔𑀽𑀳𑀺, 𑀪𑀺𑀓𑁆𑀔𑀽𑀪𑀺, 𑀪𑀺𑀓𑁆𑀔𑀼𑀲𑁆𑀲, 𑀪𑀺𑀓𑁆𑀔𑀼𑀦𑁄, 𑀪𑀺𑀓𑁆𑀔𑀽𑀦𑀁, 𑀪𑀺𑀓𑁆𑀔𑀼𑀲𑁆𑀫𑀺𑀁, 𑀪𑀺𑀓𑁆𑀔𑀼𑀫𑁆𑀳𑀺, 𑀪𑀺𑀓𑁆𑀔𑀽𑀲𑀼.

𑀏𑀯𑀁 𑀫𑀗𑁆𑀓𑀼, 𑀫𑀘𑁆𑀘𑀼, 𑀉𑀘𑁆𑀙𑀼, 𑀧𑀝𑀼, 𑀪𑀸𑀡𑀼, 𑀲𑁂𑀢𑀼, 𑀓𑁂𑀢𑀼, 𑀲𑀢𑁆𑀢𑀼, 𑀲𑀺𑀦𑁆𑀥𑀼, 𑀩𑀦𑁆𑀥𑀼, 𑀓𑀸𑀭𑀼, 𑀦𑁂𑀭𑀼, 𑀫𑁂𑀭𑀼, 𑀭𑀼𑀭𑀼, 𑀯𑁂𑀴𑀼 𑀇𑀘𑁆𑀘𑀸𑀤𑀬𑁄.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀳𑁂𑀢𑀼, 𑀚𑀦𑁆𑀢𑀼, 𑀓𑀼𑀭𑀼𑀲𑀤𑁆𑀤𑁂𑀲𑀼 ‘𑀚𑀦𑁆𑀢𑀼𑀳𑁂𑀢𑀼’ 𑀇𑀘𑁆𑀘𑀸𑀤𑀺𑀲𑀼𑀢𑁆𑀢𑁂𑀦 𑀯𑀺𑀓𑀧𑁆𑀧𑁂𑀦 𑀬𑁄𑀦𑀁 𑀮𑁄𑀧𑁄, 𑀳𑁂𑀢𑀼 𑀥𑀫𑁆𑀫𑁄, 𑀳𑁂𑀢𑀽 𑀥𑀫𑁆𑀫𑀸, 𑀅𑀢𑀻𑀢𑁂 𑀳𑁂𑀢𑀯𑁄 𑀧𑀜𑁆𑀘.

𑁧𑁮𑁦. 𑀬𑁄𑀫𑁆𑀳𑀺 𑀯𑀸 𑀓𑁆𑀯𑀘𑀺 [𑀓. 𑁯𑁭; 𑀭𑀽. 𑁧𑁫𑁬; 𑀦𑀻. 𑁨𑁬𑁦].

𑀬𑁄𑀲𑀼 𑀮𑀲𑀜𑁆𑀜𑀺𑀦𑁄 𑀉-𑀓𑀸𑀭𑀲𑁆𑀲 𑀓𑁆𑀯𑀘𑀺 𑀝 𑀳𑁄𑀢𑀺 𑀯𑀸.

𑀅𑀢𑀻𑀢𑁂 𑀳𑁂𑀢𑀬𑁄 𑀧𑀜𑁆𑀘.

𑀯𑀸𑀢𑀺 ¶ 𑀓𑀺𑀁? 𑀳𑁂𑀢𑀼𑀬𑁄.

𑀓𑁆𑀯𑀘𑀻𑀢𑀺 𑀓𑀺𑀁? 𑀪𑀺𑀓𑁆𑀔𑀯𑁄.

𑀪𑁄 𑀳𑁂𑀢𑀼, 𑀪𑁄 𑀳𑁂𑀢𑀽, 𑀪𑁄𑀦𑁆𑀢𑁄 𑀳𑁂𑀢𑀽, 𑀳𑁂𑀢𑀯𑁄, 𑀳𑁂𑀢𑀬𑁄, 𑀳𑁂𑀢𑀼𑀬𑁄 𑀯𑀸, 𑀳𑁂𑀢𑀼𑀁, 𑀳𑁂𑀢𑀽, 𑀳𑁂𑀢𑀯𑁄, 𑀳𑁂𑀢𑀬𑁄, 𑀳𑁂𑀢𑀼𑀬𑁄 𑀯𑀸. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑀚𑀦𑁆𑀢𑀼 𑀕𑀘𑁆𑀙𑀢𑀺, 𑀚𑀦𑁆𑀢𑀽, 𑀚𑀦𑁆𑀢𑀬𑁄, 𑀚𑀦𑁆𑀢𑀼𑀬𑁄 𑀯𑀸.

𑁧𑁮𑁧. 𑀚𑀦𑁆𑀢𑀸𑀤𑀺𑀢𑁄 𑀦𑁄 𑀘 [𑀓. 𑁧𑁧𑁯; 𑀭𑀽. 𑁧𑁫𑁫; 𑀦𑀻. 𑁨𑁯𑁪; ‘𑀚𑀦𑁆𑀢𑁆𑀯𑀸𑀤𑀺𑀢𑁄’ (𑀩𑀳𑀽𑀲𑀼)].

𑀧𑀼𑀫𑁂 𑀚𑀦𑁆𑀢𑀸𑀤𑀺𑀢𑁄 𑀬𑁄𑀦𑀁 𑀦𑁄 𑀘 𑀳𑁄𑀢𑀺 𑀯𑁄 𑀘.

𑀚𑀦𑁆𑀢𑀼𑀦𑁄, 𑀚𑀦𑁆𑀢𑀯𑁄, 𑀪𑁄𑀚𑀦𑁆𑀢𑀼, 𑀪𑁄𑀚𑀦𑁆𑀢𑀽, 𑀪𑁄𑀦𑁆𑀢𑁄 𑀚𑀦𑁆𑀢𑀽, 𑀚𑀦𑁆𑀢𑀬𑁄, 𑀚𑀦𑁆𑀢𑀼𑀬𑁄, 𑀚𑀦𑁆𑀢𑀼𑀦𑁄, 𑀚𑀦𑁆𑀢𑀯𑁄, 𑀚𑀦𑁆𑀢𑀼𑀁, 𑀚𑀦𑁆𑀢𑀽, 𑀚𑀦𑁆𑀢𑀬𑁄, 𑀚𑀦𑁆𑀢𑀼𑀬𑁄, 𑀚𑀦𑁆𑀢𑀼𑀦𑁄, 𑀚𑀦𑁆𑀢𑀯𑁄. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑀓𑀼𑀭𑀼, 𑀓𑀼𑀭𑀽, 𑀓𑀼𑀭𑀬𑁄, 𑀓𑀼𑀭𑀼𑀬𑁄, 𑀓𑀼𑀭𑀼𑀦𑁄, 𑀓𑀼𑀭𑀯𑁄𑀢𑀺 𑀲𑀩𑁆𑀩𑀁 𑀚𑀦𑁆𑀢𑀼𑀲𑀫𑀁.

‘‘𑀅𑀚𑁆𑀚𑁂𑀯 𑀢𑀁 𑀓𑀼𑀭𑀬𑁄 𑀧𑀸𑀧𑀬𑀸𑀢𑀼 [𑀚𑀸. 𑁨.𑁨𑁨.𑁧𑁬𑁩𑁨], 𑀦𑀦𑁆𑀤𑀦𑁆𑀢𑀺 𑀢𑀁 𑀓𑀼𑀭𑀬𑁄 𑀤𑀲𑁆𑀲𑀦𑁂𑀦 [𑀚𑀸. 𑁨.𑁨𑁨.𑁧𑁬𑁪𑁧], 𑀅𑀚𑁆𑀚𑁂𑀯 𑀢𑀁 𑀓𑀼𑀭𑀬𑁄 𑀧𑀸𑀧𑀬𑀸𑀫𑀻’’𑀢𑀺 [𑀚𑀸. 𑁨.𑁨𑁨.𑁧𑁬𑁩𑁪] 𑀤𑀺𑀲𑁆𑀲𑀦𑁆𑀢𑀺.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀮𑀢𑁄𑀧𑀺 𑀅𑀁𑀯𑀘𑀦𑀲𑁆𑀲 𑀓𑁆𑀯𑀘𑀺 𑀦𑀁 𑀳𑁄𑀢𑀺, ‘‘𑀓𑀺𑀫𑀢𑁆𑀣𑀺𑀦𑀁 𑀪𑀺𑀓𑁆𑀔𑀼𑀦𑀁 𑀆𑀳𑀼, 𑀪𑀺𑀓𑁆𑀔𑀼𑀦𑀫𑀸𑀳𑀼 𑀫𑀕𑁆𑀕𑀤𑁂𑀲𑀺𑀁, 𑀪𑀺𑀓𑁆𑀔𑀼𑀦𑀫𑀸𑀳𑀼 𑀫𑀕𑁆𑀕𑀚𑀻𑀯𑀺𑀁, 𑀩𑀼𑀤𑁆𑀥𑀁 𑀆𑀤𑀺𑀘𑁆𑀘𑀩𑀦𑁆𑀥𑀼𑀦’’𑀦𑁆𑀢𑀺 𑀤𑀺𑀲𑁆𑀲𑀦𑁆𑀢𑀺, 𑀢𑀣𑀸 ‘‘𑀭𑁄𑀕𑀦𑀺𑀟𑁆𑀟𑀁 𑀧𑀪𑀗𑁆𑀕𑀼𑀦𑀁, 𑀪𑁄𑀕𑀸𑀦𑀜𑁆𑀘 𑀧𑀪𑀗𑁆𑀕𑀼𑀦𑀁 [𑀥. 𑀧. 𑁧𑁩𑁯], 𑀯𑀺𑀜𑁆𑀜𑀸𑀡𑀜𑁆𑀘 𑀯𑀺𑀭𑀸𑀕𑀼𑀦’’𑀦𑁆𑀢𑀺 𑀘. 𑀢𑀢𑁆𑀣 ‘𑀓𑀺𑀫𑀢𑁆𑀣𑀺𑀦’𑀦𑁆𑀢𑀺 𑀓𑀺𑀁𑀲𑀪𑀸𑀯𑀁, ‘𑀫𑀕𑁆𑀕𑀤𑁂𑀲𑀺’𑀦𑁆𑀢𑀺 𑀫𑀕𑁆𑀕𑀁 𑀤𑁂𑀲𑁂𑀦𑁆𑀢𑀁, ‘𑀫𑀕𑁆𑀕𑀚𑀻𑀯𑀺’𑀦𑁆𑀢𑀺 𑀫𑀕𑁆𑀕𑁂 𑀚𑀻𑀯𑀦𑁆𑀢𑀁, ‘𑀭𑁄𑀕𑀦𑀺𑀟𑁆𑀟’𑀦𑁆𑀢𑀺 𑀭𑁄𑀕𑀸𑀦𑀁 𑀓𑀼𑀮𑀸𑀯𑀓𑀪𑀽𑀢𑀁, ‘𑀧𑀪𑀗𑁆𑀕𑀼𑀦’𑀦𑁆𑀢𑀺 𑀧𑀪𑀺𑀚𑁆𑀚𑀦𑀲𑀻𑀮𑀁, ‘𑀯𑀺𑀭𑀸𑀕𑀼𑀦’𑀦𑁆𑀢𑀺 𑀯𑀺𑀭𑀚𑁆𑀚𑀦𑀲𑀻𑀮𑀁. 𑀓𑀢𑁆𑀣𑀘𑀺 𑀧𑀞𑀫𑀦𑁆𑀢𑀫𑁆𑀧𑀺 𑀤𑀺𑀲𑁆𑀲𑀢𑀺, 𑀢𑀢𑁆𑀣 𑀦𑀸𑀕𑀫𑁄.

𑀇𑀢𑀺 𑀪𑀺𑀓𑁆𑀔𑀸𑀤𑀺𑀕𑀡𑀭𑀸𑀲𑀺.

𑀲𑀢𑁆𑀣𑀸𑀤𑀺𑀕𑀡𑀭𑀸𑀲𑀺

𑀲𑀢𑁆𑀣𑀸𑀤𑀺𑀭𑀸𑀲𑀺

𑁧𑁮𑁨. 𑀮𑁆𑀢𑀼𑀧𑀺𑀢𑀸𑀤𑀻𑀦𑀫𑀸 𑀲𑀺𑀫𑁆𑀳𑀺 [𑀓. 𑁨𑁯𑁯; 𑀭𑀽. 𑁧𑁫𑁮; 𑀦𑀻. 𑁪𑁧𑁧].

𑀲𑀺𑀫𑁆𑀳𑀺 ¶ 𑀧𑀭𑁂 𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸𑀦𑀁 𑀲𑀢𑁆𑀣𑀼, 𑀓𑀢𑁆𑀢𑀼𑀇𑀘𑁆𑀘𑀸𑀤𑀻𑀦𑀁 𑀧𑀺𑀢𑀸𑀤𑀻𑀦𑀜𑁆𑀘 𑀉-𑀓𑀸𑀭𑁄 𑀆 𑀳𑁄𑀢𑀺. ‘𑀕𑀲𑀻𑀦’𑀦𑁆𑀢𑀺 𑀮𑁄𑀧𑁄.

𑀲𑀢𑁆𑀣𑀸.

𑁧𑁮𑁩. 𑀮𑁆𑀢𑀼𑀧𑀺𑀢𑀸𑀤𑀻𑀦𑀫𑀲𑁂 [𑀓. 𑁨𑁦𑁦; 𑀭𑀽. 𑁧𑁫𑁯; 𑀦𑀻. 𑁪𑁧𑁨].

𑀲𑀫𑁆𑀳𑀸 𑀅𑀜𑁆𑀜𑀲𑁆𑀫𑀺𑀁 𑀯𑀺𑀪𑀢𑁆𑀢𑀺𑀕𑀡𑁂 𑀧𑀭𑁂 𑀮𑁆𑀢𑀼, 𑀧𑀺𑀢𑀸𑀤𑀻𑀦𑀁 𑀉-𑀓𑀸𑀭𑁄 𑀆𑀭𑀗 𑀳𑁄𑀢𑀺.

𑁧𑁮𑁪. 𑀆𑀭𑀗𑀲𑁆𑀫𑀸 [𑀓. 𑁨𑁦𑁫; 𑀭𑀽. 𑁧𑁬𑁦; 𑀦𑀻. 𑁪𑁨𑁧].

𑀆𑀭𑀗𑀢𑁄 𑀬𑁄𑀦𑀁 𑀝𑁄 𑀳𑁄𑀢𑀺.

𑀲𑀢𑁆𑀣𑀸𑀭𑁄.

𑁧𑁮𑁫. 𑀕𑁂 𑀅 𑀘 [𑀓. 𑁨𑁪𑁬; 𑀭𑀽. 𑁭𑁩; 𑀦𑀻. 𑁪𑁭𑁬, 𑁪𑁭𑁮-𑁯].

𑀕𑁂 𑀧𑀭𑁂 𑀮𑁆𑀢𑀼, 𑀧𑀺𑀢𑀸𑀤𑀻𑀦𑀁 𑀉-𑀓𑀸𑀭𑁄 𑀳𑁄𑀢𑀺 𑀅 𑀘 𑀆 𑀘. 𑀪𑁄𑀲𑀢𑁆𑀣, 𑀪𑁄 𑀲𑀢𑁆𑀣𑀸, 𑀪𑁄𑀦𑁆𑀢𑁄 𑀲𑀢𑁆𑀣𑀸𑀭𑁄, 𑀲𑀢𑁆𑀣𑀸𑀭𑀁.

𑁧𑁮𑁬. 𑀝𑁄𑀝𑁂 𑀯𑀸 [𑀓. 𑁨𑁦𑁫; 𑀭𑀽. 𑁨𑁬𑁦; 𑀦𑀻. 𑁪𑁨𑁧].

𑀆𑀭𑀗𑀢𑁄 𑀬𑁄𑀦𑀁 𑀓𑀫𑁂𑀦 𑀝𑁄, 𑀝𑁂 𑀳𑁄𑀦𑁆𑀢𑀺 𑀯𑀸. 𑀏𑀢𑁆𑀣 𑀘 𑀯𑀸𑀲𑀤𑁆𑀤𑁄 𑀲𑀔𑀲𑀤𑁆𑀤𑁂 𑀯𑀺𑀓𑀧𑁆𑀧𑀦𑀢𑁆𑀣𑁄 𑀢𑀢𑁆𑀣 𑀯𑀺𑀥𑁆𑀬𑀦𑁆𑀢𑀭𑀲𑀩𑁆𑀪𑀸𑀯𑀸. 𑀧𑀼𑀦 𑀝𑁄𑀕𑁆𑀕𑀳𑀡𑀁 𑀮𑀳𑀼𑀪𑀸𑀯𑀢𑁆𑀣𑀁.

𑀲𑀢𑁆𑀣𑀸𑀭𑁄, 𑀲𑀢𑁆𑀣𑀸𑀭𑁂.

𑁧𑁮𑁭. 𑀝𑀸 ¶ 𑀦𑀸𑀲𑁆𑀫𑀸𑀦𑀁 [𑀓. 𑁨𑁦𑁭, 𑁨𑁭𑁦; 𑀭𑀽. 𑁧𑁬𑁧, 𑁧𑁨𑁦; 𑀦𑀻. 𑁪𑁨, 𑁫𑁪𑁨].

𑀆𑀭𑀗𑀢𑁄 𑀦𑀸, 𑀲𑁆𑀫𑀸𑀦𑀁 𑀝𑀸 𑀳𑁄𑀢𑀺.

𑀲𑀢𑁆𑀣𑀸𑀭𑀸, 𑀲𑀢𑁆𑀣𑀸𑀭𑁂𑀳𑀺, 𑀲𑀢𑁆𑀣𑀸𑀭𑁂𑀪𑀺.

𑁧𑁮𑁮. 𑀮𑁄𑀧𑁄 [𑀓. 𑁨𑁦𑁩; 𑀭𑀽. 𑁧𑁬𑁨; 𑀦𑀻. 𑁪𑁧𑁮].

𑀮𑁆𑀢𑀼, 𑀧𑀺𑀢𑀸𑀤𑀻𑀳𑀺 𑀲𑀮𑁄𑀧𑁄 𑀳𑁄𑀢𑀺 𑀯𑀸.

𑀲𑀢𑁆𑀣𑀼, 𑀲𑀢𑁆𑀣𑀼𑀲𑁆𑀲, 𑀲𑀢𑁆𑀣𑀼𑀦𑁄.

𑁧𑁮𑁯. 𑀦𑀁𑀫𑁆𑀳𑀺 𑀯𑀸 [𑀓. 𑁨𑁦𑁧; 𑀭𑀽. 𑁧𑁬𑁩; 𑀦𑀻. 𑁪𑁧𑁬].

𑀦𑀁𑀫𑁆𑀳𑀺 𑀧𑀭𑁂 𑀮𑁆𑀢𑀼, 𑀧𑀺𑀢𑀸𑀤𑀻𑀦𑀁 𑀉-𑀓𑀸𑀭𑁄 𑀆𑀭𑀗 𑀳𑁄𑀢𑀺 𑀯𑀸. 𑀇𑀫𑁂𑀲𑀁 𑀫𑀳𑀸𑀦𑀸𑀫 𑀢𑀺𑀡𑁆𑀡𑀁 𑀲𑀢𑁆𑀣𑀸𑀭𑀸𑀦𑀁 𑀏𑀓𑀸 𑀦𑀺𑀝𑁆𑀞𑀸 𑀉𑀤𑀸𑀳𑀼 𑀧𑀼𑀣𑀼 𑀦𑀺𑀝𑁆𑀞𑀸𑀢𑀺 [𑀅. 𑀦𑀺. 𑁩.𑁧𑁨𑁭]. 𑀲𑀢𑁆𑀣𑀽𑀦𑀁.

𑁧𑁯𑁦. 𑀆 [𑀓. 𑁨𑁦𑁨; 𑀭𑀽. 𑁧𑁬𑁪; 𑀦𑀻. 𑁪𑁧𑁭].

𑀦𑀁𑀫𑁆𑀳𑀺 𑀧𑀭𑁂 𑀮𑁆𑀢𑀼, 𑀧𑀺𑀢𑀸𑀤𑀻𑀦𑀁 𑀉-𑀓𑀸𑀭𑁄 𑀆 𑀳𑁄𑀢𑀺 𑀯𑀸.

𑀲𑀢𑁆𑀣𑀸𑀦𑀁, 𑀲𑀢𑁆𑀣𑀸𑀭𑀸, 𑀲𑀢𑁆𑀣𑀸𑀭𑁂𑀳𑀺, 𑀲𑀢𑁆𑀣𑀸𑀭𑁂𑀪𑀺, 𑀲𑀢𑁆𑀣𑀼, 𑀲𑀢𑁆𑀣𑀼𑀲𑁆𑀲, 𑀲𑀢𑁆𑀣𑀼𑀦𑁄, 𑀲𑀢𑁆𑀣𑀽𑀦𑀁, 𑀲𑀢𑁆𑀣𑀸𑀭𑀸𑀦𑀁, 𑀲𑀢𑁆𑀣𑀸𑀦𑀁.

𑁧𑁯𑁧. 𑀝𑀺 𑀲𑁆𑀫𑀺𑀁𑀦𑁄 [𑀓. 𑁨𑁦𑁬; 𑀭𑀽. 𑁧𑁬𑁫; 𑀦𑀻. 𑁪𑁨𑁨].

𑀆𑀭𑀗𑀢𑁄 𑀲𑁆𑀫𑀺𑀁𑀦𑁄 𑀝𑀺 𑀳𑁄𑀢𑀺.

𑁧𑁯𑁨. 𑀭𑀲𑁆𑀲𑀸𑀭𑀗 [𑀓. 𑁨𑁦𑁮; 𑀭𑀽. 𑁧𑁬𑁬; 𑀦𑀻. 𑁪𑁨𑁪].

𑀲𑁆𑀫𑀺𑀁𑀫𑁆𑀳𑀺 𑀧𑀭𑁂 𑀆𑀭𑀗𑁆𑀓𑀢𑁄 𑀭𑀲𑁆𑀲𑁄 𑀳𑁄𑀢𑀺.

𑀲𑀢𑁆𑀣𑀭𑀺, 𑀲𑀢𑁆𑀣𑀸𑀭𑁂𑀲𑀼.

𑀩𑀳𑀼𑀮𑀸𑀥𑀺𑀓𑀸𑀭𑀸 ¶ 𑀦𑀸, 𑀲𑁆𑀫𑀸𑀲𑀼 𑀲𑀢𑁆𑀣𑀼𑀦𑀸𑀢𑀺 𑀘 𑀲𑀼𑀫𑁆𑀳𑀺 𑀲𑀢𑁆𑀣𑀽𑀲𑀽𑀢𑀺 𑀘 𑀲𑀺𑀤𑁆𑀥𑀁. ‘‘𑀥𑀫𑁆𑀫𑀭𑀸𑀚𑁂𑀦 𑀲𑀢𑁆𑀣𑀼𑀦𑀸, 𑀧𑀽𑀚𑀁 𑀮𑀩𑁆𑀪𑀢𑀺 𑀪𑀢𑁆𑀢𑀼𑀲𑀽’’𑀢𑀺 [𑀚𑀸. 𑁨.𑁨𑁨.𑁧𑁫𑁧𑁭] 𑀧𑀸𑀴𑀺. ‘𑀪𑀢𑁆𑀢𑀼𑀲𑀽’𑀢𑀺 𑀲𑀸𑀫𑀻𑀲𑀼, ‘𑀪𑀢𑁆𑀢𑀸𑀲𑀽’𑀢𑀺𑀧𑀺 𑀧𑀸𑀞𑁄.

‘𑀮𑁆𑀢𑀼𑀧𑀺𑀢𑀸𑀤𑀻𑀦𑀫𑀲𑁂’𑀢𑀺 𑀅𑀲𑁂𑀕𑁆𑀕𑀳𑀡𑁂𑀦 𑀢𑁄𑀫𑁆𑀳𑀺 𑀆𑀭𑀗 𑀳𑁄𑀢𑀺 [𑀦𑀻. 𑁪𑁧𑁪], ‘‘𑀲𑀢𑁆𑀣𑀸𑀭𑀢𑁄 𑀲𑀢𑁆𑀣𑀸𑀭𑀁 𑀕𑀘𑁆𑀙𑀦𑁆𑀢𑀺, 𑀲𑀢𑁆𑀣𑀸𑀭𑀢𑁄 𑀲𑀢𑁆𑀣𑀸𑀭𑀁 𑀖𑀝𑁂𑀦𑁆𑀢𑀻’’𑀢𑀺 [𑀫𑀳𑀸𑀦𑀺. 𑁨𑁭] 𑀧𑀸𑀴𑀺.

𑀏𑀯𑀁 𑀓𑀢𑁆𑀢𑀸, 𑀪𑀢𑁆𑀢𑀸, 𑀕𑀦𑁆𑀢𑀸, 𑀚𑁂𑀢𑀸, 𑀚𑀦𑁂𑀢𑀸, 𑀙𑁂𑀢𑁆𑀢𑀸, 𑀙𑁂𑀤𑀺𑀢𑀸, 𑀯𑀺𑀜𑁆𑀜𑀸𑀢𑀸, 𑀯𑀺𑀜𑁆𑀜𑀸𑀧𑁂𑀢𑀸, 𑀉𑀝𑁆𑀞𑀸𑀢𑀸, 𑀉𑀝𑁆𑀞𑀸𑀧𑁂𑀢𑀸, 𑀢𑀭𑀺𑀢𑀸, 𑀢𑀸𑀭𑁂𑀢𑀸, 𑀤𑀸𑀢𑀸, 𑀤𑀸𑀧𑁂𑀢𑀸, 𑀲𑀦𑁆𑀥𑀸𑀢𑀸, 𑀲𑀦𑁆𑀥𑀸𑀧𑁂𑀢𑀸, 𑀦𑁂𑀢𑀸, 𑀦𑁂𑀢𑁆𑀢𑀸, 𑀧𑁄𑀲𑁂𑀢𑀸, 𑀪𑁂𑀢𑁆𑀢𑀸, 𑀬𑀸𑀢𑀸, 𑀯𑀢𑁆𑀢𑀸, 𑀲𑁂𑀢𑀸, 𑀳𑀦𑁆𑀢𑀸, 𑀲𑀓𑀫𑀦𑁆𑀥𑀸𑀢𑀸, 𑀫𑀳𑀸𑀫𑀦𑁆𑀥𑀸𑀢𑀸 𑀇𑀘𑁆𑀘𑀸𑀤𑀬𑁄.

𑀯𑀺𑀲𑁂𑀲𑀯𑀺𑀥𑀸𑀦𑀫𑀼𑀘𑁆𑀘𑀢𑁂.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀬𑁄𑀦𑀁 𑀆 𑀳𑁄𑀢𑀺, 𑀅𑀯𑀺𑀢𑀓𑁆𑀓𑀺𑀢𑀸 𑀕𑀩𑁆𑀪𑀫𑀼𑀧𑀯𑀚𑀦𑁆𑀢𑀺 [𑀚𑀸. 𑁧.𑁧𑁩.𑁧𑁩𑁮 (𑀯𑀺𑀲𑀤𑀺𑀲𑀁)], 𑀢𑁂 𑀪𑀺𑀓𑁆𑀔𑀽 𑀩𑁆𑀭𑀽𑀳𑁂𑀢𑀸 𑀲𑀼𑀜𑁆𑀜𑀸𑀕𑀸𑀭𑀸𑀦𑀁.

𑀅𑀫𑀘𑁆𑀘𑀯𑀸𑀘𑀻𑀳𑀺 𑀓𑀢𑁆𑀢𑀼, 𑀔𑀢𑁆𑀢𑀼𑀲𑀤𑁆𑀤𑁂𑀳𑀺 𑀕𑀲𑁆𑀲 𑀏𑀢𑁆𑀢𑀁, 𑀉𑀝𑁆𑀞𑁂𑀳𑀺 𑀓𑀢𑁆𑀢𑁂 𑀢𑀭𑀫𑀸𑀦𑁄 [𑀚𑀸. 𑁨.𑁨𑁨.𑁧𑁬𑁯𑁦], 𑀦𑀢𑁆𑀣𑀺 𑀪𑁄 𑀔𑀢𑁆𑀢𑁂 𑀧𑀭𑁄𑀮𑁄𑀓𑁄 [𑀤𑀻. 𑀦𑀺. 𑁨.𑁪𑁦𑁮].

𑀕𑁂 𑀧𑀭𑁂 𑀆𑀭𑀗 𑀘 𑀳𑁄𑀢𑀺, 𑀧𑀼𑀘𑁆𑀙𑀸𑀫 𑀓𑀢𑁆𑀢𑀸𑀭 𑀅𑀦𑁄𑀫𑀧𑀜𑁆𑀜, ‘‘𑀓𑀢𑁆𑀢𑀸𑀭𑀁 𑀅𑀦𑁄𑀫𑀧𑀜𑁆𑀜’’𑀦𑁆𑀢𑀺𑀧𑀺 [𑀚𑀸. 𑁧.𑁧𑁦.𑁨𑁮] 𑀬𑀼𑀚𑁆𑀚𑀢𑀺.

𑀅𑀁𑀫𑁆𑀳𑀺 𑀧𑀭𑁂 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁄 𑀘 𑀳𑁄𑀢𑀺, 𑀅𑀦𑀼𑀓𑀫𑁆𑀧𑀓𑀁 𑀧𑀸𑀡𑀲𑀫𑀫𑁆𑀧𑀺 𑀪𑀢𑁆𑀢𑀼𑀁 𑀚𑀳𑀦𑁆𑀢𑀺 𑀇𑀢𑁆𑀣𑀺𑀬𑁄. ‘‘𑀲𑁄 𑀧𑀢𑀻𑀢𑁄 𑀧𑀫𑀼𑀢𑁆𑀢𑁂𑀦, 𑀪𑀢𑁆𑀢𑀼𑀦𑀸 𑀪𑀢𑁆𑀢𑀼𑀕𑀸𑀭𑀯𑁄’’𑀢𑀺 [𑀚𑀸. 𑁨.𑁨𑁧.𑁪𑁮] 𑀤𑀺𑀝𑁆𑀞𑀢𑁆𑀢𑀸 𑀓𑀢𑁆𑀢𑀼𑀦𑀸, 𑀕𑀦𑁆𑀢𑀼𑀦𑀸 𑀇𑀘𑁆𑀘𑀸𑀤𑀻𑀦𑀺𑀧𑀺 𑀬𑀼𑀚𑁆𑀚𑀦𑁆𑀢𑀺.

𑀦𑁂𑀢𑁆𑀢𑀼𑀫𑁆𑀳𑀸 ¶ 𑀲𑁆𑀫𑀺𑀁𑀦𑁄 𑀏𑀢𑁆𑀢𑀁 [𑀦𑀻. 𑁪𑁩𑁦], 𑀦𑁂𑀢𑁆𑀢𑁂 𑀉𑀚𑀼𑀁 𑀕𑀢𑁂 𑀲𑀢𑀺 [𑀚𑀸. 𑁧.𑁪.𑁧𑁩𑁩], 𑀏𑀢𑁂 𑀲𑀤𑁆𑀤𑀸 𑀢𑀻𑀲𑀼 𑀮𑀺𑀗𑁆𑀕𑁂𑀲𑀼 𑀲𑀫𑀸𑀦𑀭𑀽𑀧𑀸 𑀳𑁄𑀦𑁆𑀢𑀺, 𑀓𑀢𑁆𑀢𑀸 𑀇𑀢𑁆𑀣𑀻, 𑀓𑀢𑁆𑀢𑀸 𑀧𑀼𑀭𑀺𑀲𑁄, 𑀓𑀢𑁆𑀢𑀸 𑀓𑀼𑀮𑀁 𑀇𑀘𑁆𑀘𑀸𑀤𑀺.

𑀇𑀢𑀺 𑀲𑀢𑁆𑀣𑀸𑀤𑀺𑀭𑀸𑀲𑀺.

𑀧𑀺𑀢𑀸𑀤𑀺𑀭𑀸𑀲𑀺

𑀧𑀺𑀢𑀸 𑀕𑀘𑁆𑀙𑀢𑀺.

𑁧𑁯𑁩. 𑀧𑀺𑀢𑀸𑀤𑀻𑀦𑀫𑀦𑀢𑁆𑀢𑀸𑀤𑀻𑀦𑀁 [𑀓. 𑁨𑁦𑁯; 𑀭𑀽. 𑁧𑁬𑁮; 𑀦𑀻. 𑁪𑁨𑁫; ‘𑀧𑀺𑀢𑀸𑀤𑀻𑀦𑀫𑀦𑀢𑁆𑀯𑀸𑀤𑀻𑀦𑀁’ (𑀩𑀳𑀽𑀲𑀼)].

𑀦𑀢𑁆𑀢𑀸𑀤𑀺𑀯𑀚𑁆𑀚𑀺𑀢𑀸𑀦𑀁 𑀧𑀺𑀢𑀸𑀤𑀻𑀦𑀁 𑀆𑀭𑀗𑀓𑀢𑁄 𑀭𑀲𑁆𑀲𑁄 𑀳𑁄𑀢𑀺.

𑀧𑀺𑀢𑀭𑁄, 𑀪𑁄 𑀧𑀺𑀢, 𑀪𑁄 𑀧𑀺𑀢𑀸, 𑀪𑁄𑀦𑁆𑀢𑁄 𑀧𑀺𑀢𑀭𑁄. 𑀧𑀺𑀢𑀭𑀁, 𑀧𑀺𑀢𑀼𑀁 𑀯𑀸. ‘‘𑀫𑀸𑀢𑀼𑀁 𑀧𑀺𑀢𑀼𑀜𑁆𑀘 𑀯𑀦𑁆𑀤𑀺𑀢𑁆𑀯𑀸’’𑀢𑀺 [𑀚𑀸. 𑁨.𑁨𑁨.𑁧𑁮𑁫𑁯] 𑀤𑀺𑀲𑁆𑀲𑀢𑀺.

𑀧𑀺𑀢𑀭𑁄, 𑀧𑀺𑀢𑀭𑁂, 𑀧𑀺𑀢𑀭𑀸, 𑀧𑀺𑀢𑀼𑀦𑀸, 𑀧𑀺𑀢𑀭𑁂𑀳𑀺, 𑀧𑀺𑀢𑀭𑁂𑀪𑀺, 𑀧𑀺𑀢𑀽𑀳𑀺, 𑀧𑀺𑀢𑀽𑀪𑀺, 𑀧𑀺𑀢𑀼, 𑀧𑀺𑀢𑀼𑀲𑁆𑀲, 𑀧𑀺𑀢𑀼𑀦𑁄, 𑀧𑀺𑀢𑀽𑀦𑀁, 𑀧𑀺𑀢𑀭𑀸𑀦𑀁, 𑀧𑀺𑀢𑀭𑀸, 𑀧𑀺𑀢𑀼𑀦𑀸, 𑀧𑀺𑀢𑀭𑁂𑀳𑀺, 𑀧𑀺𑀢𑀭𑁂𑀪𑀺, 𑀧𑀺𑀢𑀽𑀳𑀺, 𑀧𑀺𑀢𑀽𑀪𑀺, 𑀧𑀺𑀢𑀼, 𑀧𑀺𑀢𑀼𑀲𑁆𑀲, 𑀧𑀺𑀢𑀼𑀦𑁄, 𑀧𑀺𑀢𑀽𑀦𑀁, 𑀧𑀺𑀢𑀭𑀸𑀦𑀁, 𑀧𑀺𑀢𑀸𑀦𑀁, 𑀧𑀺𑀢𑀼𑀲𑁆𑀫𑀺𑀁, 𑀧𑀺𑀢𑀼𑀫𑁆𑀳𑀺, 𑀧𑀺𑀢𑀭𑀺, 𑀧𑀺𑀢𑀭𑁂𑀲𑀼, 𑀧𑀺𑀢𑀽𑀲𑀼.

𑀅𑀦𑀡𑁄 𑀜𑀸𑀢𑀺𑀦𑀁 𑀳𑁄𑀢𑀺, 𑀤𑁂𑀯𑀸𑀦𑀁 𑀧𑀺𑀢𑀼𑀦𑀜𑁆𑀘 𑀲𑁄 [𑀚𑀸. 𑁨.𑁨𑁨.𑁧𑁨𑁬], 𑀫𑀸𑀢𑀸𑀧𑀺𑀢𑀽𑀦𑀁 𑀅𑀘𑁆𑀘𑀬𑁂𑀦, 𑀥𑀫𑁆𑀫𑀁 𑀘𑀭 𑀫𑀳𑀸𑀭𑀸𑀚, 𑀫𑀸𑀢𑀸𑀧𑀺𑀢𑀽𑀲𑀼 𑀔𑀢𑁆𑀢𑀺𑀬 [𑀚𑀸. 𑁨.𑁧𑁭.𑁩𑁯].

𑀏𑀯𑀁 𑀪𑀸𑀢𑀸, 𑀪𑀸𑀢𑀭𑁄, 𑀚𑀸𑀫𑀸𑀢𑀸, 𑀚𑀸𑀫𑀸𑀢𑀭𑁄𑀇𑀘𑁆𑀘𑀸𑀤𑀺.

𑀅𑀦𑀢𑁆𑀢𑀸𑀤𑀻𑀦𑀦𑁆𑀢𑀺 𑀓𑀺𑀁? 𑀦𑀢𑁆𑀢𑀸, 𑀦𑀢𑁆𑀢𑀸𑀭𑁄, 𑀦𑀢𑁆𑀢𑀸𑀭𑀁, 𑀦𑀢𑁆𑀢𑀸𑀭𑁄, 𑀦𑀢𑁆𑀢𑀸𑀭𑁂 𑀇𑀘𑁆𑀘𑀸𑀤𑀺. 𑀢𑀣𑀸 𑀧𑀦𑀢𑁆𑀢𑀼𑀲𑀤𑁆𑀤𑁄𑀧𑀺.

𑀫𑀸𑀢𑀼 ¶ , 𑀥𑀻𑀢𑀼, 𑀤𑀼𑀳𑀺𑀢𑀼𑀲𑀤𑁆𑀤𑀸 𑀧𑀦 𑀇𑀢𑁆𑀣𑀺𑀮𑀺𑀗𑁆𑀕𑀸 𑀏𑀯, 𑀫𑀸𑀢𑀸, 𑀫𑀸𑀢𑀭𑁄, 𑀪𑁄𑀢𑀺 𑀫𑀸𑀢, 𑀪𑁄𑀢𑀺 𑀫𑀸𑀢𑀸, 𑀪𑁄𑀢𑀺 𑀫𑀸𑀢𑁂 𑀯𑀸, ‘‘𑀅𑀘𑁆𑀙𑀭𑀺𑀬𑀁 𑀦𑀦𑁆𑀤𑀫𑀸𑀢𑁂, 𑀅𑀩𑁆𑀪𑀼𑀢𑀁 𑀦𑀦𑁆𑀤𑀫𑀸𑀢𑁂’’𑀢𑀺 [𑀅. 𑀦𑀺. 𑁭.𑁫𑁩] 𑀤𑀺𑀲𑁆𑀲𑀢𑀺. ‘𑀖𑀩𑁆𑀭𑀳𑁆𑀫𑀸𑀤𑀺𑀢𑁆𑀯𑁂’𑀢𑀺 𑀕𑀲𑁆𑀲 𑀏𑀢𑁆𑀢𑀁. 𑀪𑁄𑀢𑀺𑀬𑁄 𑀫𑀸𑀢𑀭𑁄, 𑀫𑀸𑀢𑀭𑀁, 𑀫𑀸𑀢𑀼𑀁, 𑀫𑀸𑀢𑀭𑁄, 𑀫𑀸𑀢𑀭𑁂, 𑀫𑀸𑀢𑀼𑀬𑀸, 𑀫𑀸𑀢𑀭𑀸, 𑀫𑀸𑀢𑀭𑁂𑀳𑀺, 𑀫𑀸𑀢𑀭𑁂𑀪𑀺, 𑀫𑀸𑀢𑀽𑀳𑀺, 𑀫𑀸𑀢𑀽𑀪𑀺, 𑀫𑀸𑀢𑀼, 𑀫𑀸𑀢𑀼𑀲𑁆𑀲, 𑀫𑀸𑀢𑀼𑀬𑀸. ‘‘𑀫𑀸𑀢𑀼𑀲𑁆𑀲 𑀲𑀭𑀢𑀺, 𑀧𑀺𑀢𑀼𑀲𑁆𑀲 𑀲𑀭𑀢𑀻’’𑀢𑀺 [𑀭𑀽. 𑁧𑁬𑁯; 𑀦𑀻. 𑁧𑁬𑁦 𑀧𑀺𑀝𑁆𑀞𑁂] 𑀲𑀢𑁆𑀣𑁂 𑀤𑀺𑀲𑁆𑀲𑀢𑀺. ‘‘𑀩𑀼𑀤𑁆𑀥𑀫𑀸𑀢𑀼𑀲𑁆𑀲 𑀲𑀓𑁆𑀓𑀸𑀭𑀁, 𑀓𑀭𑁄𑀢𑀼 𑀲𑀼𑀕𑀢𑁄𑀭𑀲𑁄’’𑀢𑀺 [𑀅𑀧. 𑀣𑁂𑀭𑀻. 𑁨.𑁨.𑁨𑁫𑁯] 𑀘 𑀤𑀺𑀲𑁆𑀲𑀢𑀺. 𑀫𑀸𑀢𑀽𑀦𑀁, 𑀫𑀸𑀢𑀸𑀦𑀁, 𑀫𑀸𑀢𑀭𑀸𑀦𑀁. 𑀧𑀜𑁆𑀘𑀫𑀻𑀭𑀽𑀧𑀁 𑀢𑀢𑀺𑀬𑀸𑀲𑀫𑀁. 𑀙𑀝𑁆𑀞𑀻𑀭𑀽𑀧𑀁 𑀘𑀢𑀼𑀢𑁆𑀣𑀻𑀲𑀫𑀁. 𑀫𑀸𑀢𑀼𑀲𑁆𑀫𑀺𑀁, 𑀫𑀸𑀢𑀼𑀫𑁆𑀳𑀺, 𑀫𑀸𑀢𑀭𑀺, 𑀫𑀸𑀢𑀼𑀬𑀸, 𑀫𑀸𑀢𑀼𑀬𑀁, 𑀫𑀸𑀢𑀭𑁂𑀲𑀼, 𑀫𑀸𑀢𑀽𑀲𑀼. 𑀏𑀯𑀁 𑀥𑀻𑀢𑀼, 𑀤𑀼𑀳𑀺𑀢𑀼𑀲𑀤𑁆𑀤𑀸.

𑀯𑀺𑀲𑁂𑀲𑀯𑀺𑀥𑀺𑀫𑁆𑀳𑀺 𑀕𑀸𑀣𑀸𑀲𑀼 𑀫𑀳𑀸𑀯𑀼𑀢𑁆𑀢𑀺𑀦𑀸 𑀫𑀸𑀢𑀼, 𑀧𑀺𑀢𑀼𑀲𑀤𑁆𑀤𑁂𑀳𑀺 𑀦𑀸𑀤𑀻𑀦𑀁 𑀧𑀜𑁆𑀘𑀦𑁆𑀦𑀁 𑀏𑀓𑀯𑀘𑀦𑀸𑀦𑀁 𑀬𑀸 𑀳𑁄𑀢𑀺, 𑀲𑁆𑀫𑀺𑀁𑀦𑁄 𑀧𑀦 𑀬𑀜𑁆𑀘 𑀳𑁄𑀢𑀺, 𑀅𑀦𑁆𑀢𑀮𑁄𑀧𑁄 𑀘. 𑀫𑀢𑁆𑀬𑀸 𑀓𑀢𑀁, 𑀫𑀢𑁆𑀬𑀸 𑀤𑁂𑀢𑀺, 𑀫𑀢𑁆𑀬𑀸 𑀅𑀧𑁂𑀢𑀺, 𑀫𑀢𑁆𑀬𑀸 𑀥𑀦𑀁, 𑀫𑀢𑁆𑀬𑀸 𑀞𑀺𑀢𑀁. 𑀫𑀢𑁆𑀬𑀁 𑀞𑀺𑀢𑀁. 𑀏𑀯𑀁 𑀧𑁂𑀢𑁆𑀬𑀸 𑀓𑀢𑀁𑀇𑀘𑁆𑀘𑀸𑀤𑀺, 𑀇𑀥 𑀯𑀼𑀤𑁆𑀥𑀺.

𑀅𑀦𑀼𑀜𑁆𑀜𑀸𑀢𑁄 𑀅𑀳𑀁 𑀫𑀢𑁆𑀬𑀸, 𑀲𑀜𑁆𑀘𑀢𑁆𑀢𑁄 𑀧𑀺𑀢𑀭𑀸 𑀅𑀳𑀁 [𑀚𑀸. 𑁨.𑁨𑁨.𑁨𑁯]. 𑀫𑀢𑁆𑀬𑀸 𑀘 𑀧𑁂𑀢𑁆𑀬𑀸 𑀘 𑀓𑀢𑀁 𑀲𑀼𑀲𑀸𑀥𑀼 [𑀚𑀸. 𑁨.𑁧𑁮.𑁬𑁧], 𑀅𑀳𑀜𑁆𑀳𑀺 𑀚𑀸𑀦𑀸𑀫𑀺 𑀚𑀦𑀺𑀦𑁆𑀤 𑀏𑀢𑀁, 𑀫𑀢𑁆𑀬𑀸 𑀘 𑀧𑁂𑀢𑁆𑀬𑀸 𑀘 [𑀚𑀸. 𑁨.𑁧𑁮.𑁫𑁯], 𑀲𑀩𑁆𑀩𑀁 𑀧𑀼𑀩𑁆𑀩𑁂𑀧𑀺 𑀯𑀼𑀢𑁆𑀢𑀫𑁂𑀯.

𑀲𑀢𑁆𑀣𑀼, 𑀧𑀺𑀢𑀸𑀤𑀻𑀦𑀁 𑀲𑀫𑀸𑀲𑁂 𑀯𑀺𑀥𑀸𑀦𑀁 𑀲𑀫𑀸𑀲𑀓𑀡𑁆𑀟𑁂 𑀆𑀕𑀫𑀺𑀲𑁆𑀲𑀢𑀺.

𑀇𑀢𑀺 𑀧𑀺𑀢𑀸𑀤𑀺𑀭𑀸𑀲𑀺.

𑀇𑀢𑀺 𑀲𑀢𑁆𑀣𑀸𑀤𑀺𑀕𑀡𑀭𑀸𑀲𑀺.

𑀉𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀊𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺

‘𑀕𑀲𑀻𑀦’𑀦𑁆𑀢𑀺 ¶ 𑀮𑁄𑀧𑁄, 𑀲𑀬𑀫𑁆𑀪𑀽 𑀕𑀘𑁆𑀙𑀢𑀺. ‘𑀮𑁄𑀧𑁄’𑀢𑀺 𑀬𑁄𑀦𑀁 𑀮𑁄𑀧𑁄, 𑀲𑀬𑀫𑁆𑀪𑀽 𑀕𑀘𑁆𑀙𑀦𑁆𑀢𑀺.

𑀧𑀓𑁆𑀔𑁂 𑁋

‘𑀚𑀦𑁆𑀢𑀸𑀤𑀺𑀢𑁄 𑀦𑁄 𑀘𑀸’𑀢𑀺 𑀬𑁄𑀦𑀁 𑀯𑁄, 𑀦𑁄, 𑀲𑀬𑀫𑁆𑀪𑀼𑀯𑁄, 𑀲𑀬𑀫𑁆𑀪𑀼𑀦𑁄.

‘𑀕𑁂 𑀯𑀸’𑀢𑀺 𑀕𑁂 𑀧𑀭𑁂 𑀯𑀺𑀓𑀧𑁆𑀧𑁂𑀦 𑀭𑀲𑁆𑀲𑁄, 𑀪𑁄 𑀲𑀬𑀫𑁆𑀪𑀼, 𑀪𑁄 𑀲𑀬𑀫𑁆𑀪𑀽, 𑀪𑁄𑀦𑁆𑀢𑁄 𑀲𑀬𑀫𑁆𑀪𑀽, 𑀲𑀬𑀫𑁆𑀪𑀼𑀯𑁄, 𑀲𑀬𑀫𑁆𑀪𑀼𑀦𑁄.

‘𑀏𑀓𑀯𑀘𑀦𑀬𑁄𑀲𑁆𑀯𑀖𑁄𑀦’𑀦𑁆𑀢𑀺 𑀅𑀫𑀸𑀤𑀻𑀲𑀼 𑀏𑀓𑀯𑀘𑀦𑁂𑀲𑀼 𑀦𑀺𑀘𑁆𑀘𑀁 𑀭𑀲𑁆𑀲𑁄, 𑀲𑀬𑀫𑁆𑀪𑀼𑀁, 𑀕𑀸𑀣𑀸𑀬𑀁 ‘𑀲𑀬𑀫𑁆𑀪𑀼𑀦’𑀦𑁆𑀢𑀺𑀧𑀺 𑀬𑀼𑀚𑁆𑀚𑀢𑀺.

𑀲𑀬𑀫𑁆𑀪𑀽, 𑀲𑀬𑀫𑁆𑀪𑀼𑀯𑁄, 𑀲𑀬𑀫𑁆𑀪𑀼𑀦𑁄. 𑀲𑀬𑀫𑁆𑀪𑀼𑀦𑀸, 𑀲𑀬𑀫𑁆𑀪𑀽𑀳𑀺, 𑀲𑀬𑀫𑁆𑀪𑀽𑀪𑀺, 𑀲𑀬𑀫𑁆𑀪𑀼𑀲𑁆𑀲, 𑀲𑀬𑀫𑁆𑀪𑀼𑀦𑁄, 𑀲𑀬𑀫𑁆𑀪𑀽𑀦𑀁. 𑀲𑀬𑀫𑁆𑀪𑀼𑀲𑁆𑀫𑀸, 𑀲𑀬𑀫𑁆𑀪𑀼𑀫𑁆𑀳𑀸, 𑀲𑀬𑀫𑁆𑀪𑀼𑀦𑀸, 𑀲𑀬𑀫𑁆𑀪𑀽𑀳𑀺, 𑀲𑀬𑀫𑁆𑀪𑀽𑀪𑀺, 𑀲𑀬𑀫𑁆𑀪𑀼𑀲𑁆𑀲, 𑀲𑀬𑀫𑁆𑀪𑀼𑀦𑁄, 𑀲𑀬𑀫𑁆𑀪𑀽𑀦𑀁. 𑀲𑀬𑀫𑁆𑀪𑀼𑀲𑁆𑀫𑀺𑀁, 𑀲𑀬𑀫𑁆𑀪𑀼𑀫𑁆𑀳𑀺, 𑀲𑀬𑀫𑁆𑀪𑀽𑀲𑀼.

𑀏𑀯𑀁 𑀅𑀪𑀺𑀪𑀽, 𑀧𑀭𑀸𑀪𑀺𑀪𑀽, 𑀯𑁂𑀲𑁆𑀲𑀪𑀽, 𑀕𑁄𑀢𑁆𑀭𑀪𑀽, 𑀯𑀢𑁆𑀭𑀪𑀽 𑀇𑀘𑁆𑀘𑀸𑀤𑀺. 𑀲𑁂𑀲𑁂𑀲𑀼 𑀧𑀦 𑀬𑁄𑀦𑀁 𑀦𑁄 𑀏𑀯 𑀮𑀩𑁆𑀪𑀢𑀺, 𑀘𑀺𑀢𑁆𑀢𑀲𑀳𑀪𑀼𑀦𑁄 𑀥𑀫𑁆𑀫𑀸 [𑀥. 𑀲. 𑀤𑀼𑀓𑀫𑀸𑀢𑀺𑀓𑀸 𑁬𑁧].

𑁧𑁯𑁪. 𑀓𑀽𑀢𑁄 [𑀓. 𑁧𑁧𑁯; 𑀭𑀽. 𑁧𑁫𑁫; 𑀦𑀻. 𑁨𑁯𑁪].

𑀧𑀼𑀫𑁂 𑀓𑀽𑀧𑀘𑁆𑀘𑀬𑀦𑁆𑀢𑁂𑀳𑀺 𑀬𑁄𑀦𑀁 𑀦𑁄 𑀳𑁄𑀢𑀺 𑀯𑀸.

𑀲𑀩𑁆𑀩𑀜𑁆𑀜𑀽, 𑀲𑀩𑁆𑀩𑀜𑁆𑀜𑀼𑀦𑁄. 𑀲𑁂𑀲𑀁 𑀲𑀼𑀯𑀺𑀜𑁆𑀜𑁂𑀬𑁆𑀬𑀁.

𑀯𑀺𑀜𑁆𑀜𑀽 ¶ , 𑀯𑀤𑀜𑁆𑀜𑀽, 𑀅𑀢𑁆𑀣𑀜𑁆𑀜𑀽, 𑀥𑀫𑁆𑀫𑀜𑁆𑀜𑀽, 𑀫𑀢𑁆𑀢𑀜𑁆𑀜𑀽, 𑀯𑀺𑀤𑀽. 𑀇𑀥 𑀓𑀽𑀲𑀤𑁆𑀤𑁂𑀦 𑀭𑀽𑀧𑀘𑁆𑀘𑀬𑀦𑁆𑀢𑀸𑀧𑀺 𑀕𑀬𑁆𑀳𑀦𑁆𑀢𑀺, 𑀯𑁂𑀤𑀕𑀽, 𑀧𑀸𑀭𑀕𑀽. 𑀢𑀣𑀸 𑀪𑀻𑀭𑀽, 𑀧𑀪𑀗𑁆𑀕𑀽, 𑀯𑀺𑀭𑀸𑀕𑀽𑀇𑀘𑁆𑀘𑀸𑀤𑀺 𑀘.

𑀊𑀓𑀸𑀭𑀦𑁆𑀢𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀑𑀓𑀸𑀭𑀦𑁆𑀢𑁄 𑀧𑀦 𑀕𑁄𑀲𑀤𑁆𑀤𑁄 𑀏𑀯, 𑀲𑁄 𑀧𑀼𑀩𑁆𑀩𑁂 𑀯𑀼𑀢𑁆𑀢𑁄𑀬𑁂𑀯.

𑀧𑀼𑀮𑁆𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀦𑀧𑀼𑀁𑀲𑀓𑀮𑀺𑀗𑁆𑀕𑀭𑀸𑀲𑀺

𑀅𑀓𑀸𑀭𑀦𑁆𑀢𑀦𑀧𑀼𑀁𑀲𑀓 𑀘𑀺𑀢𑁆𑀢𑀸𑀤𑀺𑀭𑀸𑀲𑀺

𑀅𑀣 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀤𑀻𑀧𑀺𑀬𑀢𑁂. 𑀢𑀁 𑀧𑀦 𑀧𑀜𑁆𑀘𑀯𑀺𑀥𑀁 𑀅𑀤𑀦𑁆𑀢𑀁, 𑀇𑀤𑀦𑁆𑀢𑀁 𑀈𑀤𑀦𑁆𑀢𑀁, 𑀉𑀤𑀦𑁆𑀢𑀁, 𑀊𑀤𑀦𑁆𑀢𑀦𑁆𑀢𑀺.

𑁧𑁯𑁫. 𑀅𑀁 𑀦𑀧𑀼𑀁𑀲𑀓𑁂 [𑀓. 𑁧𑁨𑁫; 𑀭𑀽. 𑁧𑁯𑁮; 𑀦𑀻. 𑁩𑁦𑁦].

𑀦𑀧𑀼𑀁𑀲𑀓𑁂 𑀅𑀢𑁄 𑀲𑀺𑀲𑁆𑀲 𑀅𑀁 𑀳𑁄𑀢𑀺.

𑀘𑀺𑀢𑁆𑀢𑀁.

𑁧𑁯𑁬. 𑀬𑁄𑀦𑀁 𑀦𑀺 [𑀓. 𑁨𑁧𑁮; 𑀭𑀽. 𑁧𑁯𑁬; 𑀦𑀻. 𑁪𑁪𑁫].

𑀦𑀧𑀼𑀁𑀲𑀓𑁂 𑀅𑀢𑁄 𑀬𑁄𑀦𑀁 𑀦𑀺 𑀳𑁄𑀢𑀺. ‘𑀬𑁄𑀮𑁄𑀧𑀦𑀻𑀲𑀽’𑀢𑀺 𑀦𑀺𑀫𑁆𑀳𑀺 𑀤𑀻𑀖𑁄.

𑀘𑀺𑀢𑁆𑀢𑀸𑀦𑀺.

𑁧𑁯𑁭. 𑀦𑀻𑀦𑀁 𑀯𑀸 [𑀓. 𑁧𑁦𑁭; 𑀭𑀽. 𑁬𑁯; 𑀦𑀻. 𑁨𑁭𑁫; ‘𑀦𑀻𑀦 𑀯𑀸’ (𑀩𑀳𑀽𑀲𑀼)].

𑀅𑀢𑁄 𑀦𑀻𑀦𑀁 𑀝𑀸, 𑀝𑁂 𑀳𑁄𑀦𑁆𑀢𑀺 𑀯𑀸.

𑀘𑀺𑀢𑁆𑀢𑀸, 𑀳𑁂 𑀘𑀺𑀢𑁆𑀢, 𑀳𑁂 𑀘𑀺𑀢𑁆𑀢𑀸, 𑀳𑁂 𑀘𑀺𑀢𑁆𑀢𑀸𑀦𑀺, 𑀳𑁂 𑀘𑀺𑀢𑁆𑀢𑀸 𑀯𑀸, 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀸𑀦𑀺, 𑀘𑀺𑀢𑁆𑀢𑁂, 𑀘𑀺𑀢𑁆𑀢𑁂𑀦. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁.

𑀏𑀯𑀁 ¶ 𑀤𑀓𑀁, 𑀉𑀤𑀓𑀁, 𑀲𑀼𑀔𑀁, 𑀤𑀼𑀓𑁆𑀔𑀁, 𑀫𑀼𑀔𑀁, 𑀅𑀗𑁆𑀕𑀁, 𑀮𑀺𑀗𑁆𑀕𑀁, 𑀲𑀺𑀗𑁆𑀕𑀁, 𑀅𑀖𑀁, 𑀲𑀘𑁆𑀘𑀁, 𑀦𑀘𑁆𑀘𑀁, 𑀭𑀚𑁆𑀚𑀁, 𑀧𑀚𑁆𑀚𑀁, 𑀅𑀫𑁆𑀩𑀼𑀚𑀁, 𑀥𑀜𑁆𑀜𑀁, 𑀣𑀜𑁆𑀜𑀁, 𑀅𑀭𑀜𑁆𑀜𑀁, 𑀧𑀼𑀜𑁆𑀜𑀁, 𑀓𑀺𑀮𑀺𑀝𑁆𑀞𑀁, 𑀧𑀺𑀝𑁆𑀞𑀁, 𑀪𑀡𑁆𑀟𑀁, 𑀢𑀼𑀡𑁆𑀟𑀁, 𑀜𑀸𑀡𑀁, 𑀢𑀸𑀡𑀁, 𑀮𑁂𑀡𑀁, 𑀓𑀭𑀡𑀁, 𑀘𑀭𑀡𑀁, 𑀙𑀢𑁆𑀢𑀁, 𑀔𑁂𑀢𑁆𑀢𑀁, 𑀦𑁂𑀢𑁆𑀢𑀁, 𑀅𑀫𑀢𑀁, 𑀲𑁄𑀢𑀁, 𑀧𑀻𑀞𑀁, 𑀯𑀢𑁆𑀣𑀁, 𑀧𑀤𑀁, 𑀕𑀤𑀁, 𑀆𑀯𑀼𑀥𑀁, 𑀓𑀸𑀦𑀦𑀁, 𑀖𑀸𑀦𑀁, 𑀛𑀸𑀦𑀁, 𑀤𑀸𑀦𑀁, 𑀥𑀦𑀁, 𑀯𑀦𑀁, 𑀧𑀸𑀧𑀁, 𑀤𑀼𑀫𑀁, 𑀳𑀤𑀬𑀁, 𑀘𑀻𑀭𑀁, 𑀘𑀻𑀯𑀭𑀁, 𑀓𑀼𑀮𑀁, 𑀫𑀽𑀮𑀁, 𑀩𑀮𑀁, 𑀫𑀗𑁆𑀕𑀮𑀁, 𑀪𑀺𑀲𑀁, 𑀲𑀻𑀲𑀁, 𑀮𑁄𑀳𑀁𑀇𑀘𑁆𑀘𑀸𑀤𑀬𑁄.

𑀇𑀢𑀺 𑀘𑀺𑀢𑁆𑀢𑀸𑀤𑀺𑀭𑀸𑀲𑀺.

𑀓𑀫𑁆𑀫𑀸𑀤𑀺𑀭𑀸𑀲𑀺

𑀓𑀫𑁆𑀫𑀲𑀤𑁆𑀤𑁂 𑁋

𑁧𑁯𑁮. 𑀦𑀸𑀲𑁆𑀲𑁂𑀦𑁄 [𑀓. 𑁧𑁦𑁩; 𑀭𑀽. 𑁭𑁯; 𑀦𑀻. 𑁨𑁭𑁧].

𑀓𑀫𑁆𑀫𑀸𑀤𑀻𑀳𑀺 𑀦𑀸𑀲𑁆𑀲 𑀏𑀦𑁄 𑀳𑁄𑀢𑀺 𑀯𑀸.

𑀓𑀫𑁆𑀫𑁂𑀦, 𑀓𑀫𑁆𑀫𑀦𑀸.

‘𑀧𑀼𑀫𑀓𑀫𑁆𑀫𑀣𑀸𑀫𑀤𑁆𑀥𑀸𑀦’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀦𑀸, 𑀲𑁆𑀫𑀸𑀲𑀼 𑀉𑀢𑁆𑀢𑀁, 𑀓𑀫𑁆𑀫𑀼𑀦𑀸, 𑀓𑀫𑁆𑀫𑀲𑁆𑀲, 𑀓𑀫𑁆𑀫𑀼𑀦𑁄, 𑀓𑀫𑁆𑀫𑀲𑁆𑀫𑀸, 𑀓𑀫𑁆𑀫𑀫𑁆𑀳𑀸, 𑀓𑀫𑁆𑀫𑀦𑀸, 𑀓𑀫𑁆𑀫𑀼𑀦𑀸, 𑀓𑀫𑁆𑀫𑀲𑁆𑀲, 𑀓𑀫𑁆𑀫𑀼𑀦𑁄.

𑁧𑁯𑁯. 𑀓𑀫𑁆𑀫𑀸𑀤𑀺𑀢𑁄 [𑀓. 𑁧𑁯𑁭; 𑀭𑀽. 𑁧𑁨𑁫; 𑀦𑀻. 𑁪𑁦𑁪].

𑀓𑀫𑁆𑀫𑀸𑀤𑀻𑀳𑀺 𑀲𑁆𑀫𑀺𑀁𑀦𑁄 𑀦𑀺 𑀳𑁄𑀢𑀺 𑀯𑀸.

𑀓𑀫𑁆𑀫𑀲𑁆𑀫𑀺𑀁, 𑀓𑀫𑁆𑀫𑀫𑁆𑀳𑀺, 𑀓𑀫𑁆𑀫𑀦𑀺, 𑀓𑀫𑁆𑀫𑁂. 𑀲𑁂𑀲𑀁 𑀘𑀺𑀢𑁆𑀢𑀲𑀫𑀁.

𑀓𑀫𑁆𑀫 𑀘𑀫𑁆𑀫 𑀖𑀫𑁆𑀫 𑀅𑀲𑁆𑀫 𑀯𑁂𑀲𑁆𑀫 𑀅𑀤𑁆𑀥 𑀫𑀼𑀤𑁆𑀥 𑀅𑀳 𑀩𑁆𑀭𑀳𑁆𑀫 𑀅𑀢𑁆𑀢𑀆𑀢𑀼𑀫𑀸 𑀓𑀫𑁆𑀫𑀸𑀤𑀺. 𑀓𑀫𑁆𑀫𑀦𑀺, 𑀘𑀫𑁆𑀫𑀦𑀺. ‘‘𑀓𑀺𑀁 𑀙𑀦𑁆𑀤𑁄 𑀓𑀺𑀫𑀥𑀺𑀧𑁆𑀧𑀸𑀬𑁄, 𑀏𑀓𑁄 𑀲𑀫𑁆𑀫𑀲𑀺 𑀖𑀫𑁆𑀫𑀦𑀻’’𑀢𑀺 [𑀚𑀸. 𑁧.𑁧𑁬.𑁧] 𑀘 ‘‘𑀓𑀺𑀁 𑀧𑀢𑁆𑀣𑀬𑀁 𑀫𑀳𑀸𑀩𑁆𑀭𑀳𑁆𑀫𑁂, 𑀏𑀓𑁄 𑀲𑀫𑁆𑀫𑀲𑀺 𑀖𑀫𑁆𑀫𑀦𑀻’’𑀢𑀺 [𑀚𑀸. 𑁧.𑁧𑁩.𑁮𑁩] 𑀘 ‘‘𑀫𑀸 𑀢𑁆𑀯𑀁 𑀘𑀦𑁆𑀤𑁂 𑀔𑀮𑀺 𑀅𑀲𑁆𑀫𑀦𑀻’’𑀢𑀺 𑀘 ‘‘𑀢𑀫𑀤𑁆𑀤𑀲 𑀫𑀳𑀸𑀩𑁆𑀭𑀳𑁆𑀫𑀸, 𑀦𑀺𑀲𑀺𑀦𑁆𑀦𑀁 𑀲𑀫𑁆𑀳𑀺 𑀯𑁂𑀲𑁆𑀫𑀦𑀻’’𑀢𑀺 𑀘 𑀤𑀺𑀲𑁆𑀲𑀦𑁆𑀢𑀺. 𑀅𑀤𑁆𑀥𑀦𑀺 ¶ , 𑀫𑀼𑀤𑁆𑀥𑀦𑀺, 𑀅𑀳𑀦𑀺, 𑀩𑁆𑀭𑀳𑁆𑀫𑀦𑀺, 𑀅𑀢𑁆𑀢𑀦𑀺, 𑀆𑀢𑀼𑀫𑀦𑀺, 𑀲𑀩𑁆𑀩𑀫𑁂𑀢𑀁 𑀧𑀼𑀩𑁆𑀩𑁂𑀧𑀺 𑀯𑀼𑀢𑁆𑀢𑀫𑁂𑀯 𑀘. 𑀢𑀢𑁆𑀣 ‘𑀲𑀫𑁆𑀫𑀲𑀻’𑀢𑀺 𑀅𑀘𑁆𑀙𑀲𑀺, ‘𑀖𑀫𑁆𑀫𑀦𑀻’𑀢𑀺 𑀕𑀺𑀫𑁆𑀳𑀓𑀸𑀮𑁂 𑀆𑀢𑀧𑁂 𑀯𑀸, ‘𑀅𑀲𑁆𑀫𑀦𑀻’𑀢𑀺 𑀧𑀸𑀲𑀸𑀡𑁂, ‘𑀯𑁂𑀲𑁆𑀫𑀦𑀻’𑀢𑀺 𑀖𑀭𑁂.

𑀇𑀢𑀺 𑀓𑀫𑁆𑀫𑀸𑀤𑀺𑀭𑀸𑀲𑀺.

𑁨𑁦𑁦. 𑀅𑀁 𑀦𑀧𑀼𑀁𑀲𑀓𑁂 [𑀓. 𑁧𑁨𑁫; 𑀭𑀽. 𑁧𑁯𑁮; 𑀦𑀻. 𑁩𑁦𑁦; ‘𑀅𑀁𑀗𑀁 𑀦𑀧𑀼𑀁𑀲𑀓𑁂’ (𑀩𑀳𑀽𑀲𑀼)?].

𑀦𑀧𑀼𑀁𑀲𑀓𑁂 𑀲𑀺𑀫𑁆𑀳𑀺 𑀦𑁆𑀢𑀼𑀲𑁆𑀲 𑀅𑀁 𑀳𑁄𑀢𑀺 𑀯𑀸. 𑀲𑀺𑀮𑁄𑀧𑁄.

𑀕𑀼𑀡𑀯𑀁 𑀓𑀼𑀮𑀁.

𑀧𑀓𑁆𑀔𑁂 𑁋

𑀲𑀺𑀫𑁆𑀳𑀺 𑀫𑀳𑀸𑀯𑀼𑀢𑁆𑀢𑀺𑀦𑀸 𑀦𑁆𑀢𑀼𑀲𑁆𑀲 𑀅𑀦𑁆𑀢𑁄 𑀅 𑀳𑁄𑀢𑀺, 𑀢𑀢𑁄 𑀲𑀺𑀲𑁆𑀲 𑀅𑀁 𑀳𑁄𑀢𑀺, 𑀕𑀼𑀡𑀯𑀦𑁆𑀢𑀁 𑀓𑀼𑀮𑀁.

‘𑀬𑁆𑀯𑀸𑀤𑁄 𑀦𑁆𑀢𑀼𑀲𑁆𑀲𑀸’𑀢𑀺 𑀬𑁆𑀯𑀸𑀤𑀻𑀲𑀼 𑀦𑁆𑀢𑀼𑀲𑁆𑀲𑀦𑁆𑀢𑀲𑁆𑀲 𑀅𑀢𑁆𑀢𑀁, 𑀕𑀼𑀡𑀯𑀦𑁆𑀢𑀸𑀦𑀺, 𑀕𑀼𑀡𑀯𑀦𑁆𑀢𑀸, 𑀳𑁂 𑀕𑀼𑀡𑀯, 𑀳𑁂 𑀕𑀼𑀡𑀯𑀸, 𑀳𑁂 𑀕𑀼𑀡𑀯𑀦𑁆𑀢𑀸𑀦𑀺, 𑀳𑁂 𑀕𑀼𑀡𑀯𑀦𑁆𑀢𑀸, 𑀕𑀼𑀡𑀯𑀁, 𑀕𑀼𑀡𑀯𑀦𑁆𑀢𑀁, 𑀕𑀼𑀡𑀯𑀦𑁆𑀢𑀸𑀦𑀺, 𑀕𑀼𑀡𑀯𑀦𑁆𑀢𑁂, 𑀕𑀼𑀡𑀯𑀦𑁆𑀢𑁂𑀦, 𑀕𑀼𑀡𑀯𑀢𑀸 𑀓𑀼𑀮𑁂𑀦. 𑀲𑀩𑁆𑀩𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀲𑀢𑀺𑀫𑀁 𑀓𑀼𑀮𑀁, 𑀲𑀢𑀺𑀫𑀦𑁆𑀢𑀁 𑀓𑀼𑀮𑀁 𑀇𑀘𑁆𑀘𑀸𑀤𑀺.

𑀕𑀘𑁆𑀙𑀁 𑀓𑀼𑀮𑀁, 𑀕𑀘𑁆𑀙𑀦𑁆𑀢𑀁 𑀓𑀼𑀮𑀁, 𑀕𑀘𑁆𑀙𑀦𑁆𑀢𑀸𑀦𑀺 𑀓𑀼𑀮𑀸𑀦𑀺 𑀇𑀘𑁆𑀘𑀸𑀤𑀺.

𑀇𑀢𑀺 𑀅𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺.

𑀇𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺

𑀅𑀝𑁆𑀞𑀺 𑀢𑀺𑀝𑁆𑀞𑀢𑀺, 𑀅𑀝𑁆𑀞𑀻 𑀢𑀺𑀝𑁆𑀞𑀦𑁆𑀢𑀺.

𑁨𑁦𑁧. 𑀛𑀮𑀸 𑀯𑀸 [𑀓. 𑁨𑁧𑁭; 𑀭𑀽. 𑁧𑁯𑁯; 𑀦𑀻. 𑁪𑁪𑁪].

𑀦𑀧𑀼𑀁𑀲𑀓𑁂 𑀛, 𑀮𑀢𑁄 𑀬𑁄𑀦𑀁 𑀦𑀺 𑀳𑁄𑀢𑀺 𑀯𑀸. ‘𑀬𑁄𑀮𑁄𑀧𑀦𑀻𑀲𑀽’𑀢𑀺 𑀤𑀻𑀖𑁄.

𑀅𑀝𑁆𑀞𑀻𑀦𑀺 ¶ , 𑀳𑁂 𑀅𑀝𑁆𑀞𑀺, 𑀳𑁂 𑀅𑀝𑁆𑀞𑀻, 𑀳𑁂 𑀅𑀝𑁆𑀞𑀻𑀦𑀺, 𑀳𑁂 𑀅𑀝𑁆𑀞𑀻 𑀯𑀸, 𑀅𑀝𑁆𑀞𑀺𑀁, 𑀅𑀝𑁆𑀞𑀺𑀦𑀁, 𑀅𑀝𑁆𑀞𑀻𑀦𑀺, 𑀅𑀝𑁆𑀞𑀻, 𑀅𑀝𑁆𑀞𑀺𑀦𑀸, 𑀅𑀝𑁆𑀞𑀻𑀳𑀺, 𑀅𑀝𑁆𑀞𑀻𑀪𑀺. 𑀲𑁂𑀲𑀁 𑀫𑀼𑀦𑀺𑀲𑀫𑀁.

𑀲𑀫𑀸𑀲𑁂𑀧𑀺 𑀲𑀫𑁆𑀫𑀸𑀤𑀺𑀝𑁆𑀞𑀺 𑀓𑀼𑀮𑀁, 𑀲𑀫𑁆𑀫𑀸𑀤𑀺𑀝𑁆𑀞𑀻𑀦𑀺 𑀓𑀼𑀮𑀸𑀦𑀺 𑀇𑀘𑁆𑀘𑀸𑀤𑀺, 𑀬𑁄𑀦𑀁 𑀦𑁄, 𑀦𑁂 𑀦𑀢𑁆𑀣𑀺.

𑀲𑁆𑀫𑀺𑀁𑀫𑁆𑀳𑀺 𑀲𑀫𑁆𑀫𑀸𑀤𑀺𑀝𑁆𑀞𑀺𑀲𑁆𑀫𑀺𑀁, 𑀲𑀫𑁆𑀫𑀸𑀤𑀺𑀝𑁆𑀞𑀺𑀫𑁆𑀳𑀺, 𑀲𑀫𑁆𑀫𑀸𑀤𑀺𑀝𑁆𑀞𑀺𑀦𑀺, 𑀲𑀫𑁆𑀫𑀸𑀤𑀺𑀝𑁆𑀞𑀺𑀦𑁂 𑀓𑀼𑀮𑁂, 𑀅𑀭𑀺𑀬𑀯𑀼𑀢𑁆𑀢𑀺𑀦𑁂 𑀓𑀼𑀮𑁂 𑀇𑀢𑀺 𑀯𑀢𑁆𑀢𑀩𑁆𑀩𑀁.

𑀏𑀯𑀁 𑀅𑀓𑁆𑀔𑀺, 𑀅𑀘𑁆𑀙𑀺, 𑀲𑀢𑁆𑀣𑀺, 𑀤𑀥𑀺, 𑀯𑀸𑀭𑀺 𑀇𑀘𑁆𑀘𑀸𑀤𑀬𑁄.

𑀇𑀢𑀺 𑀇𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺.

𑀈𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺

𑀈𑀓𑀸𑀭𑀦𑁆𑀢𑁂 ‘𑀏𑀓𑀯𑀘𑀦𑀬𑁄𑀲𑁆𑀯𑀖𑁄𑀦’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀲𑀺𑀫𑁆𑀳𑀺 𑀭𑀲𑁆𑀲𑁄, 𑀤𑀡𑁆𑀟𑀺 𑀓𑀼𑀮𑀁, 𑀤𑀡𑁆𑀟𑀻𑀦𑀺 𑀓𑀼𑀮𑀸𑀦𑀺, 𑀬𑁄𑀦𑀁 𑀮𑁄𑀧𑁂 𑀤𑀡𑁆𑀟𑀻.

‘𑀕𑁂 𑀯𑀸’𑀢𑀺 𑀭𑀲𑁆𑀲𑁄, 𑀳𑁂 𑀤𑀡𑁆𑀟𑀺, 𑀳𑁂 𑀤𑀡𑁆𑀟𑀻 𑀯𑀸, 𑀳𑁂 𑀤𑀡𑁆𑀟𑀻𑀦𑀺, 𑀳𑁂 𑀤𑀡𑁆𑀟𑀻, 𑀤𑀡𑁆𑀟𑀺𑀁, 𑀤𑀡𑁆𑀟𑀺𑀦𑀁, 𑀤𑀡𑁆𑀟𑀻𑀦𑀺, 𑀤𑀡𑁆𑀟𑀻, 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀻𑀳𑀺, 𑀤𑀡𑁆𑀟𑀻𑀪𑀺. 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀲𑀫𑀸𑀲𑁂𑀧𑀺 𑀲𑀻𑀖𑀬𑀸𑀬𑀺 𑀘𑀺𑀢𑁆𑀢𑀁, 𑀲𑀻𑀖𑀬𑀸𑀬𑀻𑀦𑀺, 𑀲𑀻𑀖𑀬𑀸𑀬𑀻, 𑀳𑁂 𑀲𑀻𑀖𑀬𑀸𑀬𑀺, 𑀳𑁂 𑀲𑀻𑀖𑀬𑀸𑀬𑀻 𑀯𑀸, 𑀳𑁂 𑀲𑀻𑀖𑀬𑀸𑀬𑀻𑀦𑀺, 𑀳𑁂 𑀲𑀻𑀖𑀬𑀸𑀬𑀻, 𑀲𑀻𑀖𑀬𑀸𑀬𑀺𑀁, 𑀲𑀻𑀖𑀬𑀸𑀬𑀺𑀦𑀁, 𑀲𑀻𑀖𑀬𑀸𑀬𑀻𑀦𑀺 𑀇𑀘𑁆𑀘𑀸𑀤𑀺.

𑀏𑀯𑀁 𑀲𑀼𑀔𑀓𑀸𑀭𑀺 𑀤𑀸𑀦𑀁, 𑀘𑀓𑁆𑀓𑀻, 𑀧𑀓𑁆𑀔𑀻, 𑀲𑀼𑀔𑀻, 𑀲𑀺𑀔𑀻 𑀇𑀘𑁆𑀘𑀸𑀤𑀬𑁄 𑀓𑀼𑀮𑀲𑀫𑁆𑀩𑀦𑁆𑀥𑀺𑀦𑁄 𑀘 𑀯𑁂𑀤𑀺𑀢𑀩𑁆𑀩𑀸.

𑀇𑀢𑀺 𑀈𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺.

𑀉𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺

𑀆𑀬𑀼 ¶ 𑀢𑀺𑀝𑁆𑀞𑀢𑀺, ‘𑀛𑀮𑀸 𑀯𑀸’𑀢𑀺 𑀬𑁄𑀦𑀁 𑀦𑀺𑀢𑁆𑀢𑁂 𑀮𑁄𑀧𑁂 𑀘 𑀤𑀻𑀖𑁄, 𑀆𑀬𑀽𑀦𑀺, 𑀆𑀬𑀽, 𑀳𑁂 𑀆𑀬𑀼, 𑀳𑁂 𑀆𑀬𑀽, 𑀳𑁂 𑀆𑀬𑀽𑀦𑀺, 𑀳𑁂 𑀆𑀬𑀽, 𑀆𑀬𑀼𑀁, 𑀆𑀬𑀼𑀦𑀁, 𑀆𑀬𑀽𑀦𑀺, 𑀆𑀬𑀽. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑀆𑀬𑀼𑀲𑀤𑁆𑀤𑁄 𑀧𑀼𑀮𑁆𑀮𑀺𑀗𑁆𑀕𑁂𑀧𑀺 𑀯𑀢𑁆𑀢𑀢𑀺, ‘‘𑀧𑀼𑀦𑀭𑀸𑀬𑀼 𑀘 𑀫𑁂 𑀮𑀤𑁆𑀥𑁄 [𑀤𑀻. 𑀦𑀺. 𑁨.𑁩𑁬𑁯], 𑀆𑀬𑀼𑀜𑁆𑀘 𑀯𑁄 𑀓𑀻𑀯𑀢𑀓𑁄 𑀦𑀼 𑀲𑀫𑁆𑀫 [𑀚𑀸. 𑁧.𑁧𑁫.𑁨𑁦𑁫], 𑀆𑀬𑀼 𑀦𑀼 𑀔𑀻𑀡𑁄 𑀫𑀭𑀡𑀜𑁆𑀘 𑀲𑀦𑁆𑀢𑀺𑀓𑁂, 𑀦 𑀘𑀸𑀬𑀼 𑀔𑀻𑀡𑁄 𑀫𑀭𑀡𑀜𑁆𑀘 𑀤𑀽𑀭𑁂’’𑀢𑀺 𑀧𑀸𑀴𑀺𑀧𑀤𑀸𑀦𑀺.

𑀏𑀯𑀁 𑀘𑀓𑁆𑀔𑀼, 𑀳𑀺𑀗𑁆𑀕𑀼, 𑀲𑀺𑀕𑁆𑀕𑀼, 𑀚𑀢𑀼, 𑀯𑀢𑁆𑀣𑀼, 𑀫𑀢𑁆𑀣𑀼, 𑀫𑀥𑀼, 𑀥𑀦𑀼, 𑀢𑀺𑀧𑀼, 𑀤𑀸𑀭𑀼, 𑀯𑀲𑀼, 𑀅𑀲𑁆𑀲𑀼 𑀇𑀘𑁆𑀘𑀸𑀤𑀬𑁄.

𑁨𑁦𑁨. 𑀅𑀫𑁆𑀩𑀸𑀤𑀻𑀳𑀺 [𑀓. 𑁨𑁧𑁭; 𑀭𑀽. 𑁧𑁯𑁯; 𑀦𑀻. 𑁪𑁪𑁪; ‘𑀅𑀫𑁆𑀩𑀸𑀤𑀻𑀳𑀺’ (𑀩𑀳𑀽𑀲𑀼)].

𑀅𑀫𑁆𑀩𑀼, 𑀧𑀁𑀲𑀼𑀇𑀘𑁆𑀘𑀸𑀤𑀻𑀳𑀺 𑀲𑁆𑀫𑀺𑀁𑀦𑁄 𑀦𑀺 𑀳𑁄𑀢𑀺 𑀯𑀸.

𑀨𑀮𑀁 𑀧𑀢𑀢𑀺 𑀅𑀫𑁆𑀩𑀼𑀦𑀺, 𑀧𑀼𑀧𑁆𑀨𑀁 𑀬𑀣𑀸 𑀧𑀁𑀲𑀼𑀦𑀺 𑀆𑀢𑀧𑁂 𑀕𑀢𑀁. 𑀲𑁂𑀲𑀁 𑀆𑀬𑀼𑀲𑀫𑀁. 𑀘𑀺𑀢𑁆𑀭𑀕𑀼, 𑀯𑀳𑀕𑀼, 𑀤𑀺𑀕𑀼 𑀇𑀘𑁆𑀘𑀸𑀤𑀬𑁄𑀧𑀺 𑀉𑀓𑀸𑀭𑀦𑁆𑀢𑀧𑀓𑀢𑀺𑀓𑀸 𑀏𑀯𑀸𑀢𑀺.

𑀇𑀢𑀺 𑀉𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺.

𑀊𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺

𑀲𑀺𑀫𑁆𑀳𑀺 𑀭𑀲𑁆𑀲𑁄, 𑀕𑁄𑀢𑁆𑀭𑀪𑀼 𑀜𑀸𑀡𑀁, 𑀕𑁄𑀢𑁆𑀭𑀪𑀽𑀦𑀺, 𑀕𑁄𑀢𑁆𑀭𑀪𑀽, 𑀳𑁂 𑀕𑁄𑀢𑁆𑀭𑀪𑀼, 𑀳𑁂 𑀕𑁄𑀢𑁆𑀭𑀪𑀽, 𑀳𑁂 𑀕𑁄𑀢𑁆𑀭𑀪𑀽𑀦𑀺, 𑀳𑁂𑀕𑁄𑀢𑁆𑀭𑀪𑀽, 𑀕𑁄𑀢𑁆𑀭𑀪𑀼𑀁, 𑀕𑁄𑀢𑁆𑀭𑀪𑀼𑀦𑀁, 𑀕𑁄𑀢𑁆𑀭𑀪𑀽𑀦𑀺, 𑀕𑁄𑀢𑁆𑀭𑀪𑀽. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁. 𑀏𑀯𑀁 𑀲𑀬𑀫𑁆𑀪𑀼 𑀜𑀸𑀡𑀁, 𑀅𑀪𑀺𑀪𑀼 𑀛𑀸𑀦𑀁 𑀇𑀘𑁆𑀘𑀸𑀤𑀺.

𑀇𑀢𑀺 𑀊𑀓𑀸𑀭𑀦𑁆𑀢𑀦𑀧𑀼𑀁𑀲𑀓𑀭𑀸𑀲𑀺.

𑀦𑀧𑀼𑀁𑀲𑀓𑀮𑀺𑀗𑁆𑀕𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀲𑀩𑁆𑀩𑀸𑀤𑀺𑀭𑀸𑀲𑀺

𑀅𑀣 ¶ 𑀲𑀩𑁆𑀩𑀦𑀸𑀫𑀸𑀦𑀺 𑀤𑀻𑀧𑀺𑀬𑀦𑁆𑀢𑁂.

𑀲𑀩𑁆𑀩, 𑀓𑀢𑀭, 𑀓𑀢𑀫, 𑀉𑀪𑀬, 𑀇𑀢𑀭, 𑀅𑀜𑁆𑀜, 𑀅𑀜𑁆𑀜𑀢𑀭, 𑀅𑀜𑁆𑀜𑀢𑀫, 𑀧𑀼𑀩𑁆𑀩, 𑀧𑀭, 𑀅𑀧𑀭, 𑀤𑀓𑁆𑀔𑀺𑀡, 𑀉𑀢𑁆𑀢𑀭, 𑀅𑀥𑀭, 𑀬, 𑀢, 𑀢𑁆𑀬, 𑀏𑀢, 𑀇𑀫, 𑀅𑀫𑀼, 𑀓𑀺𑀁, 𑀏𑀓, 𑀉𑀪, 𑀤𑁆𑀯𑀺,𑀢𑀺, 𑀘𑀢𑀼, 𑀢𑀼𑀫𑁆𑀳, 𑀅𑀫𑁆𑀳 𑀇𑀫𑀸𑀦𑀺 𑀅𑀝𑁆𑀞𑀯𑀻𑀲𑀢𑀺 𑀲𑀩𑁆𑀩𑀦𑀸𑀫𑀸𑀦𑀺 𑀦𑀸𑀫. 𑀲𑀩𑁆𑀩𑁂𑀲𑀁 𑀮𑀺𑀗𑁆𑀕𑀢𑁆𑀣𑀸𑀦𑀁 𑀲𑀸𑀥𑀸𑀭𑀡𑀸𑀦𑀺 𑀦𑀸𑀫𑀸𑀦𑀺 𑀲𑀩𑁆𑀩𑀦𑀸𑀫𑀸𑀦𑀺.

𑀢𑀢𑁆𑀣 𑀲𑀩𑁆𑀩𑀲𑀤𑁆𑀤𑁄 𑀲𑀓𑀮𑀢𑁆𑀣𑁄.

𑀓𑀢𑀭, 𑀓𑀢𑀫𑀲𑀤𑁆𑀤𑀸 𑀧𑀼𑀘𑁆𑀙𑀦𑀢𑁆𑀣𑀸.

𑀉𑀪𑀬𑀲𑀤𑁆𑀤𑁄 𑀤𑁆𑀯𑀺𑀦𑁆𑀦𑀁 𑀅𑀯𑀬𑀯𑀸𑀦𑀁 𑀲𑀫𑀼𑀤𑀸𑀬𑀢𑁆𑀣𑁄.

𑀇𑀢𑀭𑀲𑀤𑁆𑀤𑁄 𑀏𑀓𑀢𑁄 𑀯𑀼𑀢𑁆𑀢𑀲𑁆𑀲 𑀧𑀝𑀺𑀬𑁄𑀕𑀻𑀯𑀘𑀦𑁄.

𑀅𑀜𑁆𑀜𑀲𑀤𑁆𑀤𑁄 𑀬𑀣𑀸𑀥𑀺𑀕𑀢𑀫𑁆𑀳𑀸 𑀅𑀧𑀭𑀯𑀘𑀦𑁄.

𑀅𑀜𑁆𑀜𑀢𑀭, 𑀅𑀜𑁆𑀜𑀢𑀫𑀲𑀤𑁆𑀤𑀸 𑀅𑀦𑀺𑀬𑀫𑀢𑁆𑀣𑀸.

𑀧𑀼𑀩𑁆𑀩𑀸𑀤𑀬𑁄 𑀲𑀤𑁆𑀤𑀸 𑀤𑀺𑀲𑀸, 𑀓𑀸𑀮𑀸𑀤𑀺𑀯𑀯𑀢𑁆𑀣𑀸𑀦𑀯𑀘𑀦𑀸.

𑀬𑀲𑀤𑁆𑀤𑁄 𑀅𑀦𑀺𑀬𑀫𑀢𑁆𑀣𑀯𑀘𑀦𑁄.

𑀢, 𑀢𑁆𑀬𑀲𑀤𑁆𑀤𑀸 𑀧𑀭𑀫𑁆𑀫𑀼𑀔𑁂 𑀤𑀽𑀭𑀯𑀘𑀦𑀸.

𑀏𑀢𑀲𑀤𑁆𑀤𑁄 𑀧𑀭𑀫𑁆𑀫𑀼𑀔𑁂 𑀲𑀫𑀻𑀧𑀯𑀘𑀦𑁄, 𑀲𑀫𑁆𑀫𑀼𑀔𑁂 𑀤𑀽𑀭𑀯𑀘𑀦𑁄. 𑀅𑀝𑁆𑀞𑀓𑀣𑀸𑀬𑀁 𑀧𑀦 ‘‘𑀏𑀢𑁂𑀢𑀺 𑀘𑀓𑁆𑀔𑀼𑀧𑀣𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀤𑀽𑀭𑀕𑀢𑁂 𑀲𑀦𑁆𑀥𑀸𑀬𑀸𑀳𑀸’’𑀢𑀺 [𑀚𑀸. 𑀅𑀝𑁆𑀞 𑁪.𑁧𑁫.𑁧𑁦𑁪] 𑀯𑀼𑀢𑁆𑀢𑀁, 𑀢𑀲𑁆𑀫𑀸 𑀢𑀲𑀤𑁆𑀤𑀢𑁆𑀣𑁂𑀧𑀺 𑀯𑀢𑁆𑀢𑀢𑀺.

𑀇𑀫𑀲𑀤𑁆𑀤𑁄 𑀲𑀫𑁆𑀫𑀼𑀔𑁂 𑀲𑀫𑀻𑀧𑀯𑀘𑀦𑁄.

𑀅𑀫𑀼𑀲𑀤𑁆𑀤𑁄 𑀤𑀽𑀭𑀯𑀘𑀦𑁄. 𑀲𑀫𑀻𑀧, 𑀤𑀽𑀭𑀢𑀸 𑀘 𑀧𑀭𑀺𑀓𑀧𑁆𑀧𑀩𑀼𑀤𑁆𑀥𑀺𑀯𑀲𑁂𑀦𑀸𑀧𑀺 𑀳𑁄𑀢𑀺.

𑀓𑀺𑀁𑀲𑀤𑁆𑀤𑁄 𑀧𑀼𑀘𑁆𑀙𑀦𑀢𑁆𑀣𑁄.

𑀏𑀓𑀲𑀤𑁆𑀤𑁄 𑀲𑀗𑁆𑀔𑁆𑀬𑀢𑁆𑀣𑁄 𑀅𑀜𑁆𑀜𑀢𑁆𑀣𑁄 𑀘.

𑀉𑀪𑀲𑀤𑁆𑀤𑁄 ¶ 𑀤𑁆𑀯𑀺𑀲𑀤𑁆𑀤𑀧𑀭𑀺𑀬𑀸𑀬𑁄.

𑀢𑀢𑁆𑀣 𑀢𑁆𑀬𑀲𑀤𑁆𑀤𑁄𑀧𑀺 𑀩𑀳𑀼𑀮𑀁 𑀤𑀺𑀲𑁆𑀲𑀢𑀺. 𑀔𑀺𑀟𑁆𑀟𑀸 𑀧𑀡𑀺𑀳𑀺𑀢𑀸 𑀢𑁆𑀬𑀸𑀲𑀼, 𑀭𑀢𑀺 𑀢𑁆𑀬𑀸𑀲𑀼 𑀧𑀢𑀺𑀝𑁆𑀞𑀺𑀢𑀸, 𑀩𑀻𑀚𑀸𑀦𑀺 𑀢𑁆𑀬𑀸𑀲𑀼 𑀭𑀼𑀳𑀦𑁆𑀢𑀺 [𑀚𑀸. 𑁨.𑁨𑁧.𑁧𑁨𑁦], 𑀓𑀣𑀁 𑀦𑀼 𑀯𑀺𑀲𑁆𑀲𑀲𑁂 𑀢𑁆𑀬𑀫𑁆𑀳𑀺 [𑀚𑀸. 𑁧.𑁧𑁬.𑁨𑁮𑁮], 𑀅𑀣 𑀯𑀺𑀲𑁆𑀲𑀲𑀢𑁂 𑀢𑁆𑀬𑀫𑁆𑀳𑀺𑀇𑀘𑁆𑀘𑀸𑀤𑀺 [𑀚𑀸. 𑁨.𑁨𑁨.𑁧𑁪𑁭𑁪].

‘𑀇𑀢𑁆𑀣𑀺𑀬𑀫𑀢𑁆𑀯𑀸’𑀢𑀺 𑀆𑀧𑀘𑁆𑀘𑀬𑁄, 𑀖𑀲𑀜𑁆𑀜𑁄, 𑀲𑀺𑀮𑁄𑀧𑁄, 𑀲𑀩𑁆𑀩𑀸 𑀇𑀢𑁆𑀣𑀻, 𑀲𑀩𑁆𑀩𑀸, 𑀲𑀩𑁆𑀩𑀸𑀬𑁄, 𑀳𑁂 𑀲𑀩𑁆𑀩𑁂, 𑀳𑁂 𑀲𑀩𑁆𑀩𑀸, 𑀳𑁂 𑀲𑀩𑁆𑀩𑀸𑀬𑁄, 𑀲𑀩𑁆𑀩𑀁, 𑀲𑀩𑁆𑀩𑀸, 𑀲𑀩𑁆𑀩𑀸𑀬𑁄, 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀳𑀺, 𑀲𑀩𑁆𑀩𑀸𑀪𑀺, 𑀲𑀩𑁆𑀩𑀸𑀬.

𑁨𑁦𑁩. 𑀖𑀧𑀸𑀲𑀲𑁆𑀲 𑀲𑁆𑀲𑀸 𑀯𑀸 [𑀓. 𑁧𑁭𑁯, 𑁬𑁨; 𑀭𑀽. 𑁨𑁦𑁪, 𑁨𑁦𑁬; 𑀦𑀻. 𑁩𑁬𑁫, 𑁨𑁦𑁯].

𑀖, 𑀧𑀲𑀜𑁆𑀜𑁂𑀳𑀺 𑀲𑀩𑁆𑀩𑀦𑀸𑀫𑁂𑀳𑀺 𑀲𑀲𑁆𑀲 𑀲𑁆𑀲𑀸 𑀳𑁄𑀢𑀺 𑀯𑀸.

𑁨𑁦𑁪. 𑀖𑁄𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑀁𑀢𑀺𑀁𑀲𑀼 [𑀓. 𑁬𑁬; 𑀭𑀽. 𑁨𑁦𑁫; 𑀦𑀻. 𑁨𑁧𑁩].

𑀲𑁆𑀲𑀫𑀸𑀤𑀻𑀲𑀼 𑀖𑁄 𑀭𑀲𑁆𑀲𑁄 𑀳𑁄𑀢𑀺.

𑀲𑀩𑁆𑀩𑀲𑁆𑀲𑀸.

𑁨𑁦𑁫. 𑀲𑀁𑀲𑀸𑀦𑀁 [𑀓. 𑁧𑁬𑁮; 𑀭𑀽. 𑁨𑁦𑁩; 𑀦𑀻. 𑁩𑁫𑁩, 𑁩𑁬𑁮].

𑀲𑀩𑁆𑀩𑀸𑀤𑀻𑀳𑀺 𑀦𑀁𑀯𑀘𑀦𑀲𑁆𑀲 𑀲𑀁, 𑀲𑀸𑀦𑀁 𑀳𑁄𑀦𑁆𑀢𑀺.

𑀲𑀩𑁆𑀩𑀸𑀲𑀁, 𑀲𑀩𑁆𑀩𑀸𑀲𑀸𑀦𑀁, 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀳𑀺, 𑀲𑀩𑁆𑀩𑀸𑀪𑀺, 𑀲𑀩𑁆𑀩𑀸𑀬, 𑀲𑀩𑁆𑀩𑀲𑁆𑀲𑀸, 𑀲𑀩𑁆𑀩𑀸𑀲𑀁, 𑀲𑀩𑁆𑀩𑀸𑀲𑀸𑀦𑀁, 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀬𑀁.

𑁨𑁦𑁬. 𑀲𑁆𑀫𑀺𑀁𑀦𑁄 𑀲𑁆𑀲𑀁 [𑀓. 𑁧𑁭𑁯, 𑁬𑁨; 𑀭𑀽. 𑁨𑁦𑁪, 𑁨𑁦𑁬; 𑀦𑀻. 𑁩𑁬𑁫, 𑁨𑁦𑁯].

𑀲𑀩𑁆𑀩𑀸𑀤𑀻𑀳𑀺 𑀲𑁆𑀫𑀺𑀁𑀦𑁄 𑀲𑁆𑀲𑀁 𑀳𑁄𑀢𑀺 𑀯𑀸.

𑀲𑀩𑁆𑀩𑀲𑁆𑀲𑀁, 𑀲𑀩𑁆𑀩𑀸𑀲𑀼.

𑀲𑀤𑁆𑀤𑀦𑀻𑀢𑀺𑀬𑀁 ¶ 𑀦𑀸, 𑀲𑁆𑀫𑀸, 𑀲𑁆𑀫𑀺𑀁𑀦𑀫𑁆𑀧𑀺 𑀲𑁆𑀲𑀸𑀤𑁂𑀲𑁄 𑀯𑀼𑀢𑁆𑀢𑁄 [𑀦𑀻. 𑁩𑁬𑁬]. ‘‘𑀢𑀲𑁆𑀲𑀸 𑀓𑀼𑀫𑀸𑀭𑀺𑀓𑀸𑀬 𑀲𑀤𑁆𑀥𑀺𑀁 [𑀧𑀸𑀭𑀸. 𑁪𑁪𑁩], 𑀓𑀲𑁆𑀲𑀸𑀳𑀁 𑀓𑁂𑀦 𑀳𑀸𑀬𑀸𑀫𑀻’’𑀢𑀺 [𑀧𑀸𑀭𑀸. 𑁨𑁯𑁦] 𑀧𑀸𑀴𑀺. 𑀇𑀥 𑀧𑀦 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀲𑀸𑀥𑀺𑀬𑀢𑀺. 𑀲𑀩𑁆𑀩𑀲𑁆𑀲𑀸 𑀓𑀢𑀁, 𑀲𑀩𑁆𑀩𑀲𑁆𑀲𑀸 𑀅𑀧𑁂𑀢𑀺, 𑀲𑀩𑁆𑀩𑀲𑁆𑀲𑀸 𑀞𑀺𑀢𑀁.

𑀲𑀩𑁆𑀩𑁄 𑀧𑀼𑀭𑀺𑀲𑁄.

𑁨𑁦𑁭. 𑀬𑁄𑀦𑀫𑁂𑀝 [𑀓. 𑁧𑁬𑁪; 𑀭𑀽. 𑁨𑁦𑁦; 𑀦𑀻. 𑁩𑁪𑁭].

𑀅𑀓𑀸𑀭𑀦𑁆𑀢𑁂𑀳𑀺 𑀲𑀩𑁆𑀩𑀸𑀤𑀻𑀳𑀺 𑀬𑁄𑀦𑀁 𑀏𑀝 𑀳𑁄𑀢𑀺.

𑀲𑀩𑁆𑀩𑁂 𑀧𑀼𑀭𑀺𑀲𑀸.

𑀅𑀢𑁄𑀢𑁆𑀯𑁂𑀯? 𑀲𑀩𑁆𑀩𑀸 𑀇𑀢𑁆𑀣𑀺𑀬𑁄, 𑀅𑀫𑀽 𑀧𑀼𑀭𑀺𑀲𑀸.

𑀳𑁂 𑀲𑀩𑁆𑀩, 𑀳𑁂 𑀲𑀩𑁆𑀩𑀸, 𑀳𑁂 𑀲𑀩𑁆𑀩𑁂, 𑀲𑀩𑁆𑀩𑀁, 𑀲𑀩𑁆𑀩𑁂, 𑀲𑀩𑁆𑀩𑁂𑀦.

𑁨𑁦𑁮. 𑀲𑀩𑁆𑀩𑀸𑀤𑀻𑀦𑀁 𑀦𑀁𑀫𑁆𑀳𑀺 𑀘 [𑀓. 𑁧𑁦𑁨; 𑀭𑀽. 𑁨𑁦𑁨; 𑀦𑀻. 𑁨𑁭𑁦].

𑀦𑀁𑀫𑁆𑀳𑀺 𑀘 𑀲𑀼, 𑀳𑀺𑀲𑀼 𑀘 𑀲𑀩𑁆𑀩𑀸𑀤𑀻𑀦𑀁 𑀅𑀲𑁆𑀲 𑀏 𑀳𑁄𑀢𑀺.

𑀲𑀩𑁆𑀩𑁂𑀳𑀺, 𑀲𑀩𑁆𑀩𑁂𑀪𑀺, 𑀲𑀩𑁆𑀩𑀲𑁆𑀲, 𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀸𑀦𑀁, 𑀲𑀩𑁆𑀩𑀲𑁆𑀫𑀸, 𑀲𑀩𑁆𑀩𑀫𑁆𑀳𑀸, 𑀲𑀩𑁆𑀩𑁂𑀳𑀺, 𑀲𑀩𑁆𑀩𑁂𑀪𑀺, 𑀲𑀩𑁆𑀩𑀲𑁆𑀲, 𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀸𑀦𑀁, 𑀲𑀩𑁆𑀩𑀲𑁆𑀫𑀺𑀁, 𑀲𑀩𑁆𑀩𑀫𑁆𑀳𑀺, 𑀲𑀩𑁆𑀩𑁂𑀲𑀼.

𑀘𑀽𑀴𑀦𑀺𑀭𑀼𑀢𑁆𑀢𑀺𑀬𑀁 𑀧𑀦 𑀲𑁆𑀫𑀸, 𑀲𑁆𑀫𑀺𑀁𑀦𑀁 𑀆, 𑀏𑀢𑁆𑀢𑀁 𑀯𑀼𑀢𑁆𑀢𑀁, 𑀲𑀩𑁆𑀩𑀸 𑀅𑀧𑁂𑀢𑀺, 𑀲𑀩𑁆𑀩𑁂 𑀧𑀢𑀺𑀝𑁆𑀞𑀺𑀢𑀦𑁆𑀢𑀺. ‘‘𑀲𑀩𑁆𑀩𑀸 𑀘 𑀲𑀯𑀢𑀺, 𑀲𑀩𑁆𑀩𑀣𑀸 𑀲𑀯𑀢𑀻’’𑀢𑀺 𑀘 ‘‘𑀢𑁆𑀬𑀸𑀳𑀁 𑀫𑀦𑁆𑀢𑁂 𑀧𑀭𑀢𑁆𑀣𑀤𑁆𑀥𑁄’’𑀢𑀺 [𑀚𑀸. 𑁨.𑁨𑁨.𑁮𑁩𑁫] 𑀘 𑀧𑀸𑀴𑀻. 𑀢𑀢𑁆𑀣 ‘𑀢𑁆𑀬𑀸𑀳’𑀦𑁆𑀢𑀺 𑀢𑁂+𑀅𑀳𑀁, 𑀢𑀲𑁆𑀫𑀺𑀁 𑀫𑀦𑁆𑀢𑁂𑀢𑀺 𑀅𑀢𑁆𑀣𑁄.

𑀲𑀩𑁆𑀩𑀦𑀸𑀫𑁂𑀳𑀺 𑀘𑀢𑀼𑀢𑁆𑀣𑀺𑀬𑀸 𑀆𑀬𑀸𑀤𑁂𑀲𑁄𑀧𑀺 𑀤𑀺𑀲𑁆𑀲𑀢𑀺, ‘‘𑀬𑀸𑀬 𑀦𑁄 𑀅𑀦𑀼𑀓𑀫𑁆𑀧𑀸𑀬, 𑀅𑀫𑁆𑀳𑁂 𑀧𑀩𑁆𑀩𑀸𑀚𑀬𑀻 𑀫𑀼𑀦𑀺. 𑀲𑁄 𑀦𑁄 𑀅𑀢𑁆𑀣𑁄 ¶ 𑀅𑀦𑀼𑀧𑁆𑀧𑀢𑁆𑀢𑁄’’𑀢𑀺 [𑀣𑁂𑀭𑀕𑀸. 𑁧𑁭𑁬] 𑀘 ‘‘𑀬𑀸𑀬𑁂𑀯 𑀔𑁄 𑀧𑀦𑀢𑁆𑀣𑀸𑀬 𑀆𑀕𑀘𑁆𑀙𑁂𑀬𑁆𑀬𑀸𑀣, 𑀢𑀫𑁂𑀯 𑀅𑀢𑁆𑀣𑀁 𑀲𑀸𑀥𑀼𑀓𑀁 𑀫𑀦𑀲𑀺 𑀓𑀭𑁂𑀬𑁆𑀬𑀸𑀣𑀸’’𑀢𑀺 𑀘 [𑀤𑀻. 𑀦𑀺. 𑁧.𑁨𑁬𑁩] ‘‘𑀦𑁂𑀯 𑀫𑀬𑁆𑀳𑀁 𑀅𑀬𑀁 𑀦𑀸𑀕𑁄, 𑀅𑀮𑀁 𑀤𑀼𑀓𑁆𑀔𑀸𑀬 𑀓𑀸𑀬𑀘𑀻’’𑀢𑀺 [𑀚𑀸. 𑁨.𑁨𑁨.𑁮𑁭𑁦] 𑀘 𑀧𑀸𑀴𑀻.

𑀲𑀩𑁆𑀩𑀁 𑀘𑀺𑀢𑁆𑀢𑀁.

𑁨𑁦𑁯. 𑀲𑀩𑁆𑀩𑀸𑀤𑀻𑀳𑀺.

𑀲𑀩𑁆𑀩𑀸𑀤𑀻𑀳𑀺 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺.

𑀲𑀩𑁆𑀩𑀸𑀦𑀺, 𑀲𑀩𑁆𑀩𑀁, 𑀲𑀩𑁆𑀩𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀩𑀳𑀼𑀮𑀸𑀥𑀺𑀓𑀸𑀭𑀸 𑀓𑁆𑀯𑀘𑀺 𑀦𑀺𑀲𑁆𑀲 𑀝𑀸, 𑀝𑁂𑀧𑀺 𑀳𑁄𑀦𑁆𑀢𑀺. 𑀧𑀸𑀴𑀺𑀬𑀁 𑀧𑀦 𑀦𑀺𑀲𑁆𑀲 𑀝𑀸, 𑀝𑁂𑀧𑀺 𑀤𑀺𑀲𑁆𑀲𑀦𑁆𑀢𑀺- ‘‘𑀬𑀸 𑀧𑀼𑀩𑁆𑀩𑁂 𑀩𑁄𑀥𑀺𑀲𑀢𑁆𑀢𑀸𑀦𑀁, 𑀧𑀮𑁆𑀮𑀗𑁆𑀓𑀯𑀭𑀫𑀸𑀪𑀼𑀚𑁂. 𑀦𑀺𑀫𑀺𑀢𑁆𑀢𑀸𑀦𑀺 𑀧𑀤𑀺𑀲𑁆𑀲𑀦𑁆𑀢𑀺, 𑀢𑀸𑀦𑀺 𑀅𑀚𑁆𑀚 𑀧𑀤𑀺𑀲𑁆𑀲𑀭𑁂 [𑀩𑀼. 𑀯𑀁. 𑁨.𑁮𑁨]. 𑀓𑀺𑀁 𑀫𑀸𑀡𑀯𑀲𑁆𑀲 𑀭𑀢𑀦𑀸𑀦𑀺 𑀅𑀢𑁆𑀣𑀺, 𑀬𑁂 𑀢𑀁 𑀚𑀺𑀦𑀦𑁆𑀢𑁄 𑀳𑀭𑁂 𑀅𑀓𑁆𑀔𑀥𑀼𑀢𑁆𑀢𑁄’’𑀢𑀺 [𑀚𑀸. 𑁨.𑁨𑁨.𑁧𑁩𑁯𑁦]. 𑀏𑀯𑀁 𑀓𑀢𑀭, 𑀓𑀢𑀫𑀲𑀤𑁆𑀤𑀸𑀧𑀺 𑀜𑁂𑀬𑁆𑀬𑀸.

𑀉𑀪𑀬𑀲𑀤𑁆𑀤𑁂 𑀇𑀢𑁆𑀣𑀺, 𑀧𑀼𑀫𑁂𑀲𑀼 𑀉𑀪𑀬𑀸, 𑀉𑀪𑀬𑁄𑀢𑀺 𑀧𑀞𑀫𑁂𑀓𑀯𑀘𑀦𑀭𑀽𑀧𑀁 𑀅𑀧𑁆𑀧𑀲𑀺𑀤𑁆𑀥𑀁. 𑀫𑀳𑀸𑀯𑀼𑀢𑁆𑀢𑀺𑀦𑀸 𑀬𑁄𑀦𑀁 𑀝𑁄 𑀯𑀸 𑀳𑁄𑀢𑀺, 𑀉𑀪𑀬𑁄 𑀇𑀢𑁆𑀣𑀺𑀬𑁄, 𑀉𑀪𑀬𑀁 𑀇𑀢𑁆𑀣𑀺𑀁, 𑀉𑀪𑀬𑁄 𑀇𑀢𑁆𑀣𑀺𑀬𑁄, 𑀉𑀪𑀬𑀸𑀬, 𑀉𑀪𑀬𑀸𑀳𑀺, 𑀉𑀪𑀬𑀸𑀪𑀺. 𑀲𑁂𑀲𑀁 𑀲𑀩𑁆𑀩𑀲𑀫𑀁.

𑀉𑀪𑀬𑁄 𑀧𑀼𑀭𑀺𑀲𑀸, 𑀉𑀪𑀬𑁂 𑀧𑀼𑀭𑀺𑀲𑀸, 𑀉𑀪𑀬𑀁, 𑀉𑀪𑀬𑁄, 𑀉𑀪𑀬𑁂, 𑀉𑀪𑀬𑁂𑀦, 𑀉𑀪𑀬𑁂𑀳𑀺, 𑀉𑀪𑀬𑁂𑀪𑀺, 𑀉𑀪𑀬𑀲𑁆𑀲, 𑀉𑀪𑀬𑁂𑀲𑀁, 𑀉𑀪𑀬𑁂𑀲𑀸𑀦𑀁. 𑀲𑀩𑁆𑀩𑀲𑀫𑀁.

𑀉𑀪𑀬𑀁 𑀓𑀼𑀮𑀁 𑀢𑀺𑀝𑁆𑀞𑀢𑀺, 𑀉𑀪𑀬𑀸𑀦𑀺, 𑀉𑀪𑀬𑀁, 𑀉𑀪𑀬𑀸𑀦𑀺. 𑀲𑀩𑁆𑀩𑀲𑀫𑀁. ‘‘𑀏𑀓𑀭𑀢𑁆𑀢𑁂𑀦 𑀉𑀪𑀬𑁄, 𑀢𑀼𑀯𑀜𑁆𑀘 𑀥𑀦𑀼𑀲𑁂𑀔 𑀘 [𑀚𑀸. 𑁧.𑁧𑁬.𑁨𑁩𑁯], 𑀢𑁄𑀤𑁂𑀬𑁆𑀬, 𑀓𑀧𑁆𑀧𑀸 𑀉𑀪𑀬𑁄, 𑀇𑀥𑁂𑀓𑀭𑀢𑁆𑀢𑀺𑀁 𑀉𑀪𑀬𑁄 𑀯𑀲𑁂𑀫, 𑀉𑀪𑀬𑁂 𑀤𑁂𑀯𑀫𑀦𑀼𑀲𑁆𑀲𑀸, 𑀉𑀪𑀬𑁂 𑀯𑀲𑀸𑀫𑀲𑁂’’𑀢𑀺 𑀧𑀸𑀴𑀺.

𑁨𑁧𑁦. 𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑁂𑀲𑀺𑀢𑀭𑁂𑀓𑀜𑁆𑀜𑁂𑀢𑀺𑀫𑀸𑀦𑀫𑀺 [𑀓. 𑁬𑁩; 𑀭𑀽. 𑁨𑁧𑁭; 𑀦𑀻. 𑁨𑁧𑁦; ‘𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑁂𑀲𑁆𑀯𑀺𑀢𑀭𑁂𑀓𑀜𑁆𑀜𑁂𑀪𑀺𑀫𑀸𑀦𑀫𑀺’ (𑀩𑀳𑀽𑀲𑀼)].

𑀲𑁆𑀲𑀫𑀸𑀤𑀻𑀲𑀼 ¶ 𑀇𑀢𑀭𑀸, 𑀏𑀓𑀸, 𑀅𑀜𑁆𑀜𑀸, 𑀏𑀢𑀸, 𑀇𑀫𑀸𑀲𑀤𑁆𑀤𑀸𑀦𑀁 𑀇 𑀳𑁄𑀢𑀺.

𑀇𑀢𑀭𑀺𑀲𑁆𑀲𑀸 𑀓𑀢𑀁, 𑀇𑀢𑀭𑀺𑀲𑁆𑀲𑀸 𑀤𑁂𑀢𑀺, 𑀇𑀢𑀭𑀺𑀲𑁆𑀲𑀸 𑀅𑀧𑁂𑀢𑀺, 𑀇𑀢𑀭𑀺𑀲𑁆𑀲𑀸 𑀥𑀦𑀁, 𑀇𑀢𑀭𑀺𑀲𑁆𑀲𑀸, 𑀇𑀢𑀭𑀺𑀲𑁆𑀲𑀁 𑀞𑀺𑀢𑀁. 𑀲𑁂𑀲𑀁 𑀲𑀩𑁆𑀩𑀲𑀫𑀁.

𑀅𑀜𑁆𑀜𑀸, 𑀅𑀜𑁆𑀜𑀸, 𑀅𑀜𑁆𑀜𑀸𑀬𑁄, 𑀅𑀜𑁆𑀜𑀁, 𑀅𑀜𑁆𑀜𑀸, 𑀅𑀜𑁆𑀜𑀸𑀬𑁄, 𑀅𑀜𑁆𑀜𑀸𑀬, 𑀅𑀜𑁆𑀜𑀺𑀲𑁆𑀲𑀸, 𑀅𑀜𑁆𑀜𑀸𑀳𑀺, 𑀅𑀜𑁆𑀜𑀸𑀪𑀺, 𑀅𑀜𑁆𑀜𑀸𑀬, 𑀅𑀜𑁆𑀜𑀺𑀲𑁆𑀲𑀸, 𑀅𑀜𑁆𑀜𑀸𑀲𑀁, 𑀅𑀜𑁆𑀜𑀸𑀲𑀸𑀦𑀁, 𑀅𑀜𑁆𑀜𑀺𑀲𑁆𑀲𑀸, 𑀅𑀜𑁆𑀜𑀸𑀳𑀺, 𑀅𑀜𑁆𑀜𑀸𑀪𑀺, 𑀅𑀜𑁆𑀜𑀸𑀬, 𑀅𑀜𑁆𑀜𑀺𑀲𑁆𑀲𑀸, 𑀅𑀜𑁆𑀜𑀸𑀲𑀁, 𑀅𑀜𑁆𑀜𑀸𑀲𑀸𑀦𑀁, 𑀅𑀜𑁆𑀜𑀸𑀬, 𑀅𑀜𑁆𑀜𑀺𑀲𑁆𑀲𑀸, 𑀅𑀜𑁆𑀜𑀸𑀬𑀁, 𑀅𑀜𑁆𑀜𑀺𑀲𑁆𑀲𑀁, 𑀅𑀜𑁆𑀜𑀸𑀲𑀼. 𑀲𑁂𑀲𑀮𑀺𑀗𑁆𑀕𑁂𑀲𑀼 𑀲𑀩𑁆𑀩𑀲𑀫𑀁.

‘‘𑀅𑀜𑁆𑀜𑀢𑀭𑀺𑀲𑁆𑀲𑀸 𑀇𑀢𑁆𑀣𑀺𑀬𑀸 𑀧𑀝𑀺𑀩𑀤𑁆𑀥𑀘𑀺𑀢𑁆𑀢𑁄 𑀳𑁄𑀢𑀻’’𑀢𑀺 [𑀧𑀸𑀭𑀸. 𑁭𑁩] 𑀧𑀸𑀴𑀺, 𑀇𑀥 𑀲𑀼𑀢𑁆𑀢𑀯𑀺𑀪𑀢𑁆𑀢𑁂𑀦 𑀲𑀺𑀚𑁆𑀛𑀢𑀺. 𑀲𑁂𑀲𑀁 𑀅𑀜𑁆𑀜𑀢𑀭, 𑀅𑀜𑁆𑀜𑀢𑀫𑁂𑀲𑀼 𑀲𑀩𑁆𑀩𑀲𑀫𑀁.

𑀇𑀢𑀺 𑀲𑀩𑁆𑀩𑀸𑀤𑀺𑀅𑀝𑁆𑀞𑀓𑀭𑀸𑀲𑀺.

𑀧𑀼𑀩𑁆𑀩𑀸 𑀇𑀢𑁆𑀣𑀻, 𑀧𑀼𑀩𑁆𑀩𑀸, 𑀧𑀼𑀩𑁆𑀩𑀸𑀬𑁄, 𑀧𑀼𑀩𑁆𑀩𑀁, 𑀧𑀼𑀩𑁆𑀩𑀸, 𑀧𑀼𑀩𑁆𑀩𑀸𑀬𑁄, 𑀧𑀼𑀩𑁆𑀩𑀸𑀬, 𑀧𑀼𑀩𑁆𑀩𑀲𑁆𑀲𑀸, 𑀧𑀼𑀩𑁆𑀩𑀸𑀳𑀺, 𑀧𑀼𑀩𑁆𑀩𑀸𑀪𑀺, 𑀧𑀼𑀩𑁆𑀩𑀸𑀬, 𑀧𑀼𑀩𑁆𑀩𑀲𑁆𑀲𑀸, 𑀧𑀼𑀩𑁆𑀩𑀸𑀲𑀁, 𑀧𑀼𑀩𑁆𑀩𑀸𑀲𑀸𑀦𑀁, 𑀲𑀢𑁆𑀢𑀫𑀺𑀬𑀁 𑀧𑀼𑀩𑁆𑀩𑀸𑀬, 𑀧𑀼𑀩𑁆𑀩𑀲𑁆𑀲𑀸, 𑀧𑀼𑀩𑁆𑀩𑀸𑀬𑀁, 𑀧𑀼𑀩𑁆𑀩𑀲𑁆𑀲𑀁, 𑀧𑀼𑀩𑁆𑀩𑀸𑀲𑀼.

𑁨𑁧𑁧. 𑀧𑀼𑀩𑁆𑀩𑀸𑀤𑀻𑀳𑀺 𑀙𑀳𑀺 [𑀓. 𑁧𑁬𑁪; 𑀭𑀽. 𑁨𑁦𑁦; 𑀦𑀻. 𑁩𑁪𑁭; 𑀘𑀁. 𑁨.𑁧.𑁧𑁫; 𑀧𑀸. 𑁧.𑁧.𑁩𑁪].

𑀢𑁂𑀳𑀺 𑀙𑀳𑀺 𑀬𑁄𑀦𑀁 𑀏𑀝 𑀳𑁄𑀢𑀺 𑀯𑀸.

𑀧𑀼𑀩𑁆𑀩𑁂, 𑀧𑀼𑀩𑁆𑀩𑀸, 𑀧𑀭𑁂, 𑀧𑀭𑀸, 𑀅𑀧𑀭𑁂, 𑀅𑀧𑀭𑀸, 𑀤𑀓𑁆𑀔𑀺𑀡𑁂, 𑀤𑀓𑁆𑀔𑀺𑀡𑀸, 𑀉𑀢𑁆𑀢𑀭𑁂, 𑀉𑀢𑁆𑀢𑀭𑀸, 𑀅𑀥𑀭𑁂, 𑀅𑀥𑀭𑀸. 𑀢𑀢𑁆𑀣 ‘𑀧𑀼𑀩𑁆𑀩𑁂 𑀧𑀼𑀩𑁆𑀩𑀸’𑀢𑀺 𑀧𑀼𑀭𑀢𑁆𑀣𑀺𑀫𑀤𑀺𑀲𑀸𑀪𑀸𑀕𑀸, 𑀢𑀢𑁆𑀭𑀝𑁆𑀞𑀓𑀸 𑀯𑀸 𑀅𑀢𑁆𑀣𑀸, 𑀧𑀼𑀭𑀸𑀢𑀦𑀸 𑀯𑀸 𑀲𑀢𑁆𑀢𑀸 𑀲𑀗𑁆𑀔𑀸𑀭𑀸 𑀘. ‘‘𑀧𑀼𑀩𑁆𑀩𑀩𑀼𑀤𑁆𑀥𑀸, 𑀧𑀼𑀩𑁆𑀩𑀤𑁂𑀯𑀸, 𑀧𑀼𑀩𑁆𑀩𑀸𑀘𑀭𑀺𑀬𑀸’’𑀢𑀺𑀆𑀤𑀻𑀲𑀼 ‘‘𑀧𑀼𑀩𑁆𑀩𑁂 𑀩𑀼𑀤𑁆𑀥𑀸 ¶ 𑀧𑀼𑀩𑁆𑀩𑀩𑀼𑀤𑁆𑀥𑀸, 𑀧𑀼𑀩𑁆𑀩𑀸 𑀩𑀼𑀤𑁆𑀥𑀸 𑀯𑀸 𑀧𑀼𑀩𑁆𑀩𑀩𑀼𑀤𑁆𑀥𑀸’’𑀢𑀺𑀆𑀤𑀺𑀦𑀸 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀏𑀯𑀁 𑀲𑁂𑀲𑁂𑀲𑀼.

𑀧𑀼𑀩𑁆𑀩𑁂𑀲𑀁, 𑀧𑀼𑀩𑁆𑀩𑁂𑀲𑀸𑀦𑀁, 𑀧𑀭𑁂𑀲𑀁, 𑀧𑀭𑁂𑀲𑀸𑀦𑀁, 𑀅𑀧𑀭𑁂𑀲𑀁, 𑀅𑀧𑀭𑁂𑀲𑀸𑀦𑀁, 𑀤𑀓𑁆𑀔𑀺𑀡𑁂𑀲𑀁, 𑀤𑀓𑁆𑀔𑀺𑀡𑁂𑀲𑀸𑀦𑀁, 𑀉𑀢𑁆𑀢𑀭𑁂𑀲𑀁, 𑀉𑀢𑁆𑀢𑀭𑁂𑀲𑀸𑀦𑀁, 𑀅𑀥𑀭𑁂𑀲𑀁, 𑀅𑀥𑀭𑁂𑀲𑀸𑀦𑀁. 𑀲𑁂𑀲𑀁 𑀜𑁂𑀬𑁆𑀬𑀁.

𑀧𑀼𑀩𑁆𑀩𑀸𑀤𑀻𑀳𑀻𑀢𑀺 𑀓𑀺𑀁? 𑀲𑀩𑁆𑀩𑁂.

𑀙𑀳𑀻𑀢𑀺 𑀓𑀺𑀁? 𑀬𑁂, 𑀢𑁂.

𑁨𑁧𑁨. 𑀦𑀸𑀜𑁆𑀜𑀜𑁆𑀘 𑀦𑀸𑀫𑀧𑁆𑀧𑀥𑀸𑀦𑀸 [𑀘𑀁. 𑁨.𑁧.𑁧𑁦; 𑀧𑀸. 𑁧.𑁧.𑁨𑁭-𑁨𑁯].

𑀲𑀼𑀤𑁆𑀥𑀦𑀸𑀫𑀪𑀽𑀢𑀸 𑀘 𑀲𑀫𑀸𑀲𑁂 𑀅𑀧𑁆𑀧𑀥𑀸𑀦𑀪𑀽𑀢𑀸 𑀘 𑀲𑀩𑁆𑀩𑀸𑀤𑀺𑀢𑁄 𑀧𑀼𑀩𑁆𑀩𑁂 𑀯𑀼𑀢𑁆𑀢𑀁 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀅𑀜𑁆𑀜𑀜𑁆𑀘 𑀉𑀧𑀭𑀺 𑀯𑀼𑀘𑁆𑀘𑀫𑀸𑀦𑀁 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦 𑀳𑁄𑀢𑀺. 𑀢𑀢𑁆𑀣 𑀲𑀼𑀤𑁆𑀥𑀦𑀸𑀫𑀪𑀽𑀢𑀁 𑀲𑀩𑁆𑀩𑀸𑀤𑀺𑀦𑀸𑀫 𑀦 𑀚𑀸𑀦𑀸𑀢𑀻𑀢𑀺 𑀅𑀢𑁆𑀣𑁂𑀦 𑀩𑀸𑀮𑀯𑀸𑀘𑀓𑁄 𑀅𑀜𑁆𑀜𑀲𑀤𑁆𑀤𑁄, 𑀆𑀚𑀸𑀦𑀸𑀢𑀻𑀢𑀺 𑀅𑀢𑁆𑀣𑁂𑀦 𑀫𑀚𑁆𑀛𑁂𑀫𑀕𑁆𑀕𑀨𑀮𑀜𑀸𑀡𑀯𑀸𑀘𑀓𑁄 𑀅𑀜𑁆𑀜𑀲𑀤𑁆𑀤𑁄, 𑀅𑀭𑀳𑀢𑁆𑀢𑀨𑀮𑀜𑀸𑀡𑀯𑀸𑀘𑀓𑁄 𑀅𑀜𑁆𑀜𑀲𑀤𑁆𑀤𑁄, ‘𑀧𑀼𑀩𑁆𑀩𑁄 𑀮𑁄𑀳𑀺𑀢’𑀦𑁆𑀢𑀺𑀆𑀤𑀻𑀲𑀼 𑀧𑀼𑀩𑁆𑀩𑀲𑀤𑁆𑀤𑁄, 𑀅𑀢𑀺𑀭𑁂𑀓𑀧𑀭𑀫𑀸𑀤𑀺𑀯𑀸𑀘𑀓𑁄 𑀧𑀭𑀲𑀤𑁆𑀤𑁄, 𑀤𑀺𑀲𑀸𑀓𑀸𑀮𑀸𑀤𑀺𑀢𑁄 𑀅𑀜𑁆𑀜𑁂𑀲𑀼 𑀅𑀢𑁆𑀣𑁂𑀲𑀼 𑀧𑀯𑀢𑁆𑀢𑀸 𑀤𑀓𑁆𑀔𑀺𑀡𑀼’𑀢𑁆𑀢𑀭𑀲𑀤𑁆𑀤𑀸 𑀘 𑀲𑀗𑁆𑀔𑁆𑀬𑀢𑁆𑀣𑀯𑀸𑀘𑀺𑀢𑁄 𑀅𑀜𑁆𑀜𑁄 𑀏𑀓𑀲𑀤𑁆𑀤𑁄 𑀘𑀸𑀢𑀺 𑀲𑀩𑁆𑀩𑀫𑁂𑀢𑀁 𑀲𑀼𑀤𑁆𑀥𑀦𑀸𑀫𑀁 𑀦𑀸𑀫, 𑀢𑀢𑁄 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦𑀢𑁆𑀣𑀺.

𑀅𑀧𑁆𑀧𑀥𑀸𑀦𑁂 𑀤𑀺𑀝𑁆𑀞𑀧𑀼𑀩𑁆𑀩, 𑀕𑀢𑀧𑀼𑀩𑁆𑀩, 𑀧𑀺𑀬𑀧𑀼𑀩𑁆𑀩 𑀇𑀘𑁆𑀘𑀸𑀤𑀺. 𑀢𑀢𑁆𑀣 𑀧𑀼𑀩𑁆𑀩𑁂 𑀤𑀺𑀝𑁆𑀞𑁄 𑀤𑀺𑀝𑁆𑀞𑀧𑀼𑀩𑁆𑀩𑁄 𑀩𑀼𑀤𑁆𑀥𑁄 𑀧𑀼𑀭𑀺𑀲𑁂𑀦. 𑀧𑀼𑀩𑁆𑀩𑁂 𑀤𑀺𑀝𑁆𑀞𑁄 𑀬𑁂𑀦𑀸𑀢𑀺 𑀯𑀸 𑀤𑀺𑀝𑁆𑀞𑀧𑀼𑀩𑁆𑀩𑁄 𑀧𑀼𑀭𑀺𑀲𑁄 𑀩𑀼𑀤𑁆𑀥𑀁. 𑀏𑀯𑀁 𑀕𑀢𑀧𑀼𑀩𑁆𑀩𑁄 𑀫𑀕𑁆𑀕𑁄 𑀧𑀼𑀭𑀺𑀲𑁂𑀦, 𑀕𑀢𑀧𑀼𑀩𑁆𑀩𑁄 𑀯𑀸 𑀧𑀼𑀭𑀺𑀲𑁄 𑀫𑀕𑁆𑀕𑀁. 𑀧𑀺𑀬𑀸 𑀯𑀼𑀘𑁆𑀘𑀢𑀺 𑀪𑀭𑀺𑀬𑀸, 𑀧𑀺𑀬𑀸 𑀧𑀼𑀩𑁆𑀩𑀸 𑀧𑀼𑀭𑀸𑀡𑀸 𑀏𑀢𑀲𑁆𑀲𑀸𑀢𑀺 𑀧𑀺𑀬𑀧𑀼𑀩𑁆𑀩𑁄, 𑀧𑀺𑀬𑁄 𑀯𑀼𑀘𑁆𑀘𑀢𑀺 𑀧𑀢𑀺, 𑀧𑀺𑀬𑁄 𑀧𑀼𑀩𑁆𑀩𑁄 𑀬𑀲𑁆𑀲𑀸𑀢𑀺 𑀧𑀺𑀬𑀧𑀼𑀩𑁆𑀩𑀸. 𑀏𑀢𑁂𑀳𑀺 𑀘 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦𑀢𑁆𑀣𑀺.

𑁨𑁧𑁩. 𑀢𑀢𑀺𑀬𑀢𑁆𑀣𑀬𑁄𑀕𑁂 [𑀦𑀻. 𑁩𑁫𑁦; 𑀘𑀁. 𑁨.𑁧.𑁧𑁧; 𑀧𑀸. 𑁧.𑁧.𑁩𑁦].

𑀢𑀢𑀺𑀬𑀢𑁆𑀣𑁂𑀦 ¶ 𑀧𑀤𑁂𑀦 𑀬𑁄𑀕𑁂 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦𑀢𑁆𑀣𑀺.

𑀫𑀸𑀲𑁂𑀦 𑀧𑀼𑀩𑁆𑀩𑀸𑀦𑀁 𑀫𑀸𑀲𑀧𑀼𑀩𑁆𑀩𑀸𑀦𑀁.

𑁨𑁧𑁪. 𑀘𑀢𑁆𑀣𑀲𑀫𑀸𑀲𑁂 [𑀓. 𑁧𑁬𑁬; 𑀭𑀽. 𑁨𑁦𑁯; 𑀦𑀻. 𑁩𑁪𑁯; 𑀘𑀁. 𑁨.𑁧.𑁧𑁧; 𑀧𑀸. 𑁧.𑁧.𑁩𑁧].

𑀘𑀢𑁆𑀣𑀲𑀫𑀸𑀲𑁄 𑀯𑀼𑀘𑁆𑀘𑀢𑀺 𑀤𑁆𑀯𑀦𑁆𑀤𑀲𑀫𑀸𑀲𑁄, 𑀢𑀲𑁆𑀫𑀺𑀁 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦𑀢𑁆𑀣𑀺.

𑀤𑀓𑁆𑀔𑀺𑀡𑀸 𑀘 𑀉𑀢𑁆𑀢𑀭𑀸 𑀘 𑀧𑀼𑀩𑁆𑀩𑀸 𑀘 𑀤𑀓𑁆𑀔𑀺𑀡𑀼𑀢𑁆𑀢𑀭𑀧𑀼𑀩𑁆𑀩𑀸, 𑀤𑀓𑁆𑀔𑀺𑀡𑀼𑀢𑁆𑀢𑀭𑀧𑀼𑀩𑁆𑀩𑀸𑀦𑀁.

𑀘𑀢𑁆𑀣𑁂𑀢𑀺 𑀓𑀺𑀁? 𑀤𑀓𑁆𑀔𑀺𑀡𑀲𑁆𑀲𑀸 𑀘 𑀧𑀼𑀩𑁆𑀩𑀲𑁆𑀲𑀸 𑀘 𑀬𑀸 𑀅𑀦𑁆𑀢𑀭𑀤𑀺𑀲𑀸𑀢𑀺 𑀤𑀓𑁆𑀔𑀺𑀡𑀧𑀼𑀩𑁆𑀩𑀸, 𑀤𑀓𑁆𑀔𑀺𑀡𑀸 𑀘 𑀲𑀸 𑀧𑀼𑀩𑁆𑀩𑀸 𑀘𑀸𑀢𑀺 𑀤𑀓𑁆𑀔𑀺𑀡𑀧𑀼𑀩𑁆𑀩𑀸, 𑀤𑀓𑁆𑀔𑀺𑀡𑀧𑀼𑀩𑁆𑀩𑀲𑁆𑀲𑀸, 𑀤𑀓𑁆𑀔𑀺𑀡𑀧𑀼𑀩𑁆𑀩𑀲𑁆𑀲𑀁.

𑁨𑁧𑁫. 𑀯𑁂𑀝 [𑀓. 𑁧𑁬𑁫; 𑀭𑀽. 𑁨𑁦𑁮; 𑀦𑀻. 𑁩𑁪𑁮; 𑀘𑀁. 𑁨.𑁧.𑁧𑁩; 𑀧𑀸. 𑁧.𑁧.𑁩𑁨].

𑀘𑀢𑁆𑀣𑀲𑀫𑀸𑀲𑁂 𑀬𑁄𑀦𑀁 𑀏𑀝 𑀳𑁄𑀢𑀺 𑀯𑀸.

𑀓𑀢𑀭𑀓𑀢𑀫𑁂, 𑀓𑀢𑀭𑀓𑀢𑀫𑀸, 𑀇𑀢𑀭𑀺𑀢𑀭𑁂, 𑀇𑀢𑀭𑀺𑀢𑀭𑀸, 𑀅𑀜𑁆𑀜𑀫𑀜𑁆𑀜𑁂, 𑀅𑀜𑁆𑀜𑀫𑀜𑁆𑀜𑀸, 𑀧𑀼𑀩𑁆𑀩𑀧𑀭𑁂, 𑀧𑀼𑀩𑁆𑀩𑀧𑀭𑀸, 𑀧𑀼𑀩𑁆𑀩𑀸𑀧𑀭𑁂, 𑀧𑀼𑀩𑁆𑀩𑀸𑀧𑀭𑀸 𑀇𑀘𑁆𑀘𑀸𑀤𑀺.

𑀇𑀫𑁂𑀲𑀼 𑀧𑀼𑀩𑁆𑀩𑀸𑀤𑀻𑀲𑀼 𑀲𑁆𑀫𑀸, 𑀲𑁆𑀫𑀺𑀁𑀦𑀁 𑀆, 𑀏𑀢𑁆𑀢𑀁 𑀳𑁄𑀢𑀺, 𑀧𑀼𑀩𑁆𑀩𑀸, 𑀧𑀼𑀩𑁆𑀩𑁂, 𑀧𑀭𑀸, 𑀧𑀭𑁂, 𑀅𑀧𑀭𑀸, 𑀅𑀧𑀭𑁂, 𑀤𑀓𑁆𑀔𑀺𑀡𑀸, 𑀤𑀓𑁆𑀔𑀺𑀡𑁂, 𑀉𑀢𑁆𑀢𑀭𑀸, 𑀉𑀢𑁆𑀢𑀭𑁂, 𑀅𑀥𑀭𑀸, 𑀅𑀥𑀭𑁂.

𑀇𑀢𑀺 𑀧𑀼𑀩𑁆𑀩𑀸𑀤𑀺𑀙𑀓𑁆𑀓𑀭𑀸𑀲𑀺.

𑀬𑀸 𑀇𑀢𑁆𑀣𑀻, 𑀬𑀸, 𑀬𑀸𑀬𑁄, 𑀬𑀁, 𑀬𑀸, 𑀬𑀸𑀬𑁄, 𑀬𑀸𑀬, 𑀬𑀲𑁆𑀲𑀸, 𑀬𑀸𑀳𑀺, 𑀬𑀸𑀪𑀺, 𑀬𑀸𑀬, 𑀬𑀲𑁆𑀲𑀸, 𑀬𑀸𑀲𑀁, 𑀬𑀸𑀲𑀸𑀦𑀁, 𑀬𑀸𑀬 ¶ , 𑀬𑀲𑁆𑀲𑀸, 𑀬𑀸𑀳𑀺, 𑀬𑀸𑀪𑀺, 𑀬𑀸𑀬, 𑀬𑀲𑁆𑀲𑀸, 𑀬𑀸𑀲𑀁, 𑀬𑀸𑀲𑀸𑀦𑀁, 𑀬𑀸𑀬, 𑀬𑀲𑁆𑀲𑀸, 𑀬𑀸𑀬𑀁, 𑀬𑀲𑁆𑀲𑀁, 𑀬𑀸𑀲𑀼.

𑀬𑁄 𑀧𑀼𑀭𑀺𑀲𑁄, 𑀬𑁂, 𑀬𑀁, 𑀬𑁂, 𑀬𑁂𑀦, 𑀬𑁂𑀳𑀺, 𑀬𑁂𑀪𑀺, 𑀬𑀲𑁆𑀲, 𑀬𑁂𑀲𑀁, 𑀬𑁂𑀲𑀸𑀦𑀁, 𑀬𑀲𑁆𑀫𑀸, 𑀬𑀫𑁆𑀳𑀸, 𑀬𑁂𑀳𑀺, 𑀬𑁂𑀪𑀺, 𑀬𑀲𑁆𑀲, 𑀬𑁂𑀲𑀁, 𑀬𑁂𑀲𑀸𑀦𑀁, 𑀬𑀲𑁆𑀫𑀺𑀁, 𑀬𑀫𑁆𑀳𑀺, 𑀬𑁂𑀲𑀼.

𑀬𑀁 𑀘𑀺𑀢𑁆𑀢𑀁, 𑀬𑀸𑀦𑀺 𑀘𑀺𑀢𑁆𑀢𑀸𑀦𑀺, 𑀬𑀁, 𑀬𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑁨𑁧𑁬. 𑀢𑁆𑀬𑀢𑁂𑀢𑀸𑀦𑀁 𑀢𑀲𑁆𑀲 𑀲𑁄 [𑀓. 𑁧𑁭𑁪; 𑀭𑀽. 𑁨𑁧𑁧; 𑀦𑀻. 𑁩𑁬𑁦].

𑀅𑀦𑀧𑀼𑀁𑀲𑀓𑀸𑀦𑀁𑀢𑁆𑀬, 𑀢, 𑀏𑀢𑀲𑀤𑁆𑀤𑀸𑀦𑀁 𑀢𑀩𑁆𑀬𑀜𑁆𑀚𑀦𑀲𑁆𑀲 𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺. 𑀲𑀺𑀮𑁄𑀧𑁄.

𑀲𑀸 𑀇𑀢𑁆𑀣𑀻, 𑀢𑀸, 𑀢𑀸𑀬𑁄, 𑀇𑀢𑁆𑀣𑀺𑀬𑁄, 𑀢𑀁, 𑀢𑀸, 𑀢𑀸𑀬𑁄, 𑀢𑀸𑀬.

𑁨𑁧𑁭. 𑀲𑁆𑀲𑀸 𑀯𑀸 𑀢𑁂𑀢𑀺𑀫𑀸𑀫𑀽𑀳𑀺 [𑀓. 𑁧𑁭𑁯, 𑁬𑁨; 𑀭𑀽. 𑁨𑁦𑁪, 𑁨𑁦𑁬; 𑀦𑀻. 𑁩𑁬𑁫-𑁬, 𑁨𑁦𑁯].

𑀖, 𑀧𑀲𑀜𑁆𑀜𑁂𑀳𑀺 𑀢𑀸, 𑀏𑀢𑀸, 𑀇𑀫𑀸, 𑀅𑀫𑀼𑀲𑀤𑁆𑀤𑁂𑀳𑀺 𑀦𑀸𑀤𑀻𑀦𑀁 𑀧𑀜𑁆𑀘𑀦𑁆𑀦𑀁 𑀏𑀓𑀯𑀘𑀦𑀸𑀦𑀁 𑀲𑁆𑀲𑀸 𑀳𑁄𑀢𑀺 𑀯𑀸. 𑀭𑀲𑁆𑀲𑁄.

𑀢𑀲𑁆𑀲𑀸 𑀓𑀢𑀁, 𑀢𑀸𑀳𑀺, 𑀢𑀸𑀪𑀺, 𑀢𑀸𑀬, 𑀢𑀲𑁆𑀲𑀸.

𑁨𑁧𑁮. 𑀢𑀸𑀲𑁆𑀲𑀺 𑀯𑀸 [𑀓. 𑁬𑁪; 𑀭𑀽. 𑁨𑁧𑁬; 𑀦𑀻. 𑁨𑁧𑁧].

𑀲𑁆𑀲𑀁, 𑀲𑁆𑀲𑀸, 𑀲𑁆𑀲𑀸𑀬𑁂𑀲𑀼 𑀖𑀲𑀜𑁆𑀜𑀲𑁆𑀲 𑀢𑀸𑀲𑀤𑁆𑀤𑀲𑁆𑀲 𑀇 𑀳𑁄𑀢𑀺 𑀯𑀸.

𑀢𑀺𑀲𑁆𑀲𑀸.

𑁨𑁧𑁯. 𑀢𑁂𑀢𑀺𑀫𑀸𑀢𑁄 ¶ 𑀲𑀲𑁆𑀲 𑀲𑁆𑀲𑀸𑀬 [𑀓. 𑁬𑁫; 𑀭𑀽. 𑁨𑁧𑁫; 𑀦𑀻. 𑁨𑁧𑁨].

𑀢𑀸, 𑀏𑀢𑀸, 𑀇𑀫𑀸𑀳𑀺 𑀲𑀲𑁆𑀲 𑀲𑁆𑀲𑀸𑀬𑀸𑀤𑁂𑀲𑁄 𑀳𑁄𑀢𑀺 𑀯𑀸.

𑀢𑀲𑁆𑀲𑀸𑀬, 𑀢𑀺𑀲𑁆𑀲𑀸𑀬, 𑀢𑀸𑀲𑀁, 𑀢𑀸𑀲𑀸𑀦𑀁, 𑀢𑀸𑀬, 𑀢𑀲𑁆𑀲𑀸, 𑀢𑀲𑁆𑀲𑀸𑀬, 𑀢𑀺𑀲𑁆𑀲𑀸𑀬, 𑀢𑀸𑀲𑀁, 𑀢𑀸𑀲𑀸𑀦𑀁, 𑀢𑀸𑀬, 𑀢𑀸𑀬𑀁, 𑀢𑀲𑁆𑀲𑀸, 𑀢𑀲𑁆𑀲𑀁, 𑀢𑀺𑀲𑁆𑀲𑀸, 𑀢𑀺𑀲𑁆𑀲𑀁, 𑀢𑀸𑀲𑀼.

𑀲𑁄 𑀧𑀼𑀭𑀺𑀲𑁄, 𑀢𑁂 𑀧𑀼𑀭𑀺𑀲𑀸, 𑀢𑀁, 𑀢𑁂, 𑀢𑁂𑀦, 𑀢𑁂𑀳𑀺, 𑀢𑁂𑀪𑀺, 𑀢𑀲𑁆𑀲, 𑀢𑁂𑀲𑀁, 𑀢𑁂𑀲𑀸𑀦𑀁, 𑀢𑀲𑁆𑀫𑀺𑀁, 𑀢𑀫𑁆𑀳𑀺, 𑀢𑁂𑀲𑀼.

𑀢𑀁 𑀘𑀺𑀢𑁆𑀢𑀁, 𑀢𑀸𑀦𑀺 𑀘𑀺𑀢𑁆𑀢𑀸𑀦𑀺, 𑀢𑀁, 𑀢𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑁨𑁨𑁦. 𑀢𑀲𑁆𑀲 𑀦𑁄 𑀲𑀩𑁆𑀩𑀸𑀲𑀼 [𑀓. 𑁧𑁭𑁫; 𑀭𑀽. 𑁨𑁧𑁨; 𑀦𑀻. 𑁩𑁬𑁧].

𑀬𑁆𑀯𑀸𑀤𑀻𑀲𑀼 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀢𑀲𑁆𑀲 𑀦𑁄 𑀳𑁄𑀢𑀺.

𑀦𑁂 𑀧𑀼𑀭𑀺𑀲𑀸, 𑀦𑀁, 𑀦𑁂, 𑀦𑁂𑀳𑀺, 𑀦𑁂𑀪𑀺, 𑀦𑁂𑀲𑀁, 𑀦𑁂𑀲𑀸𑀦𑀁, 𑀦𑁂𑀳𑀺, 𑀦𑁂𑀪𑀺, 𑀦𑁂𑀲𑀁, 𑀦𑁂𑀲𑀸𑀦𑀁, 𑀦𑀫𑁆𑀳𑀺, 𑀦𑁂𑀲𑀼.

𑀏𑀢𑁆𑀣 𑀘 ‘𑀲𑀩𑁆𑀩𑀸𑀲𑀽’𑀢𑀺 𑀯𑀼𑀢𑁆𑀢𑁂𑀧𑀺 𑀬𑀸 𑀬𑀸 𑀯𑀺𑀪𑀢𑁆𑀢𑀺 𑀮𑀩𑁆𑀪𑀢𑀺, 𑀢𑀁 𑀢𑀁 𑀜𑀢𑁆𑀯𑀸 𑀬𑁄𑀚𑁂𑀢𑀩𑁆𑀩𑀸.

𑀦𑀁 𑀘𑀺𑀢𑁆𑀢𑀁, 𑀦𑁂𑀳𑀺, 𑀦𑁂𑀪𑀺. 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑁨𑁨𑁧. 𑀝 𑀲𑀲𑁆𑀫𑀸𑀲𑁆𑀫𑀺𑀁𑀲𑁆𑀲𑀸𑀬𑀲𑁆𑀲𑀁𑀲𑁆𑀲𑀸𑀲𑀁𑀫𑁆𑀳𑀸𑀫𑁆𑀳𑀺𑀲𑁆𑀯𑀺𑀫𑀲𑁆𑀲 𑀘 [𑀓. 𑁧𑁭𑁬; 𑀭𑀽. 𑁨𑁧𑁩; 𑀦𑀻. 𑁩𑁬𑁨].

𑀲𑀸𑀤𑀻𑀲𑀼 𑀢𑀲𑁆𑀲 𑀘 𑀇𑀫𑀲𑁆𑀲 𑀘 𑀝 𑀳𑁄𑀢𑀺 𑀯𑀸.

𑀅𑀲𑁆𑀲𑀸 𑀇𑀢𑁆𑀣𑀺𑀬𑀸 𑀓𑀢𑀁, 𑀅𑀲𑁆𑀲𑀸, 𑀅𑀲𑁆𑀲𑀸𑀬 𑀤𑁂𑀢𑀺. 𑀲𑀁𑀫𑁆𑀳𑀺 𑀤𑀻𑀖𑁄 [𑀦𑀻. 𑁩𑁬𑁮] 𑁋 𑀆𑀲𑀁 𑀇𑀢𑁆𑀣𑀻𑀦𑀁, 𑀦𑀸𑀲𑀁 𑀓𑀼𑀚𑁆𑀛𑀦𑁆𑀢𑀺 𑀧𑀡𑁆𑀟𑀺𑀢𑀸 [𑀚𑀸. 𑁧.𑁧.𑁬𑁫], 𑀅𑀲𑁆𑀲𑀸 𑀅𑀧𑁂𑀢𑀺, 𑀅𑀲𑁆𑀲𑀸, 𑀅𑀲𑁆𑀲𑀸𑀬 𑀥𑀦𑀁, 𑀆𑀲𑀁 𑀥𑀦𑀁, ‘‘𑀅𑀪𑀺𑀓𑁆𑀓𑀫𑁄 𑀲𑀸𑀦𑀁 𑀧𑀜𑁆𑀜𑀸𑀬𑀢𑀺, 𑀦𑁄 𑀧𑀝𑀺𑀓𑁆𑀓𑀫𑁄’’𑀢𑀺 [𑀲𑀁. 𑀦𑀺. 𑁫.𑁧𑁯𑁬] 𑀏𑀢𑁆𑀣 ‘𑀲𑀸𑀦’𑀦𑁆𑀢𑀺 𑀯𑁂𑀤𑀦𑀸𑀦𑀁, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀢𑀲𑁆𑀲 𑀲𑀢𑁆𑀢𑀁. 𑀅𑀲𑁆𑀲𑀸, 𑀅𑀲𑁆𑀲𑀁 𑀞𑀺𑀢𑀁.

𑀅𑀲𑁆𑀲 ¶ 𑀧𑀼𑀭𑀺𑀲𑀲𑁆𑀲, 𑀆𑀲𑀁 𑀧𑀼𑀭𑀺𑀲𑀸𑀦𑀁. 𑀦𑁂𑀯𑀸𑀲𑀁 𑀓𑁂𑀲𑀸 𑀤𑀺𑀲𑁆𑀲𑀦𑁆𑀢𑀺, 𑀳𑀢𑁆𑀣𑀧𑀸𑀤𑀸 𑀘 𑀚𑀸𑀮𑀺𑀦𑁄 [𑀚𑀸. 𑁨.𑁨𑁨.𑁨𑁨𑁨𑁧]. 𑀅𑀲𑁆𑀫𑀸, 𑀅𑀫𑁆𑀳𑀸, 𑀅𑀲𑁆𑀲, 𑀆𑀲𑀁, 𑀅𑀲𑁆𑀫𑀺𑀁, 𑀅𑀫𑁆𑀳𑀺.

𑀅𑀲𑁆𑀲 𑀘𑀺𑀢𑁆𑀢𑀲𑁆𑀲. 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀏𑀲𑀸 𑀇𑀢𑁆𑀣𑀻, 𑀏𑀢𑀸, 𑀏𑀢𑀸𑀬𑁄, 𑀏𑀢𑀁, 𑀏𑀢𑀸, 𑀏𑀢𑀸𑀬𑁄, 𑀏𑀢𑀸𑀬, 𑀏𑀢𑀲𑁆𑀲𑀸, 𑀏𑀢𑀺𑀲𑁆𑀲𑀸 𑀓𑀢𑀁.

𑀏𑀲𑁄 𑀧𑀼𑀭𑀺𑀲𑁄, 𑀏𑀢𑁂, 𑀏𑀢𑀁, 𑀏𑀢𑁂, 𑀏𑀢𑁂𑀦.

𑀏𑀢𑀁 𑀘𑀺𑀢𑁆𑀢𑀁, 𑀏𑀢𑀸𑀦𑀺, 𑀏𑀢𑀁, 𑀏𑀢𑀸𑀦𑀺, 𑀏𑀢𑁂𑀦. 𑀲𑀩𑁆𑀩𑀁 𑀢𑀲𑀤𑁆𑀤𑀲𑀫𑀁 𑀞𑀧𑁂𑀢𑁆𑀯𑀸 𑀦𑀢𑁆𑀢𑀁, 𑀝𑀢𑁆𑀢𑀜𑁆𑀘.

𑁨𑁨𑁨. 𑀲𑀺𑀫𑁆𑀳𑀸𑀦𑀧𑀼𑀁𑀲𑀓𑀲𑁆𑀲𑀸𑀬𑀁 [𑀓. 𑁧𑁭𑁨; 𑀭𑀽. 𑁨𑁧𑁮; 𑀦𑀻. 𑁩𑁦𑁬-𑁭; ‘𑀲𑀺𑀫𑁆𑀳…’ (𑀩𑀳𑀽𑀲𑀼)].

𑀲𑀺𑀫𑁆𑀳𑀺 𑀦𑀧𑀼𑀁𑀲𑀓𑀢𑁄 𑀅𑀜𑁆𑀜𑀲𑁆𑀲 𑀇𑀫𑀲𑁆𑀲 𑀅𑀬𑀁 𑀳𑁄𑀢𑀺. 𑀲𑀺𑀮𑁄𑀧𑁄.

𑀅𑀬𑀁 𑀇𑀢𑁆𑀣𑀻, 𑀇𑀫𑀸, 𑀇𑀫𑀸𑀬𑁄, 𑀇𑀫𑀁, 𑀇𑀫𑀸, 𑀇𑀫𑀸𑀬𑁄, 𑀇𑀫𑀸𑀬, 𑀇𑀫𑀲𑁆𑀲𑀸, 𑀇𑀫𑀺𑀲𑁆𑀲𑀸, 𑀇𑀫𑀸𑀳𑀺, 𑀇𑀫𑀸𑀪𑀺, 𑀇𑀫𑀸𑀬, 𑀇𑀫𑀲𑁆𑀲𑀸, 𑀇𑀫𑀲𑁆𑀲𑀸𑀬, 𑀇𑀫𑀺𑀲𑁆𑀲𑀸, 𑀇𑀫𑀺𑀲𑁆𑀲𑀸𑀬, 𑀇𑀫𑀺𑀲𑁆𑀲𑀁, 𑀅𑀲𑁆𑀲𑀸, 𑀅𑀲𑁆𑀲𑀸𑀬, 𑀇𑀫𑀸𑀲𑀁, 𑀇𑀫𑀸𑀲𑀸𑀦𑀁, 𑀆𑀲𑀁. 𑀧𑀜𑁆𑀘𑀫𑀻𑀭𑀽𑀧𑀁 𑀢𑀢𑀺𑀬𑀸𑀲𑀫𑀁, 𑀙𑀝𑁆𑀞𑀻𑀭𑀽𑀧𑀁 𑀘𑀢𑀼𑀢𑁆𑀣𑀻𑀲𑀫𑀁. 𑀇𑀫𑀸𑀬, 𑀇𑀫𑀸𑀬𑀁, 𑀇𑀫𑀲𑁆𑀲𑀸, 𑀇𑀫𑀲𑁆𑀲𑀸𑀬, 𑀇𑀫𑀲𑁆𑀲𑀁, 𑀇𑀫𑀺𑀲𑁆𑀲𑀸, 𑀇𑀫𑀺𑀲𑁆𑀲𑀸𑀬, 𑀇𑀫𑀺𑀲𑁆𑀲𑀁, 𑀅𑀲𑁆𑀲𑀸, 𑀅𑀲𑁆𑀲𑀁, 𑀇𑀫𑀸𑀲𑀼.

𑀅𑀬𑀁 𑀧𑀼𑀭𑀺𑀲𑁄, 𑀇𑀫𑁂, 𑀇𑀫𑀁, 𑀇𑀫𑁂.

𑁨𑁨𑁩. 𑀦𑀸𑀫𑁆𑀳𑀺𑀦𑀺𑀫𑀺 [𑀓. 𑁧𑁭𑁧; 𑀭𑀽. 𑁨𑁧𑁯; 𑀦𑀻. 𑁩𑁫𑁭; ‘𑀦𑀸𑀫𑁆𑀳𑀦𑀺𑀫𑁆𑀳𑀺’ (𑀩𑀳𑀽𑀲𑀼)].

𑀦𑀸𑀫𑁆𑀳𑀺 𑀅𑀦𑀺𑀢𑁆𑀣𑀺𑀮𑀺𑀗𑁆𑀕𑁂 𑀇𑀫𑀲𑁆𑀲 𑀅𑀦, 𑀇𑀫𑀺𑀆𑀤𑁂𑀲𑀸 𑀳𑁄𑀦𑁆𑀢𑀺.

𑀇𑀫𑀺𑀦𑀸, 𑀅𑀦𑁂𑀦, 𑀇𑀫𑁂𑀳𑀺, 𑀇𑀫𑁂𑀪𑀺.

𑁨𑁨𑁪. 𑀇𑀫𑀲𑁆𑀲𑀸𑀦𑀺𑀢𑁆𑀣𑀺𑀬𑀁 𑀝𑁂 [𑀓. 𑁧𑁭𑁦; 𑀭𑀽. 𑁨𑁨𑁦; 𑀦𑀻. 𑁩𑁫𑁬].

𑀅𑀦𑀺𑀢𑁆𑀣𑀺𑀮𑀺𑀗𑁆𑀕𑁂 ¶ 𑀇𑀫𑀲𑁆𑀲 𑀝𑁂 𑀳𑁄𑀢𑀺 𑀯𑀸 𑀲𑀼, 𑀦𑀁, 𑀳𑀺𑀲𑀼.

𑀏𑀳𑀺, 𑀏𑀪𑀺, 𑀇𑀫𑀲𑁆𑀲, 𑀅𑀲𑁆𑀲, 𑀇𑀫𑁂𑀲𑀁, 𑀇𑀫𑁂𑀲𑀸𑀦𑀁, 𑀏𑀲𑀁, 𑀏𑀲𑀸𑀦𑀁, 𑀇𑀫𑀲𑁆𑀫𑀸, 𑀇𑀫𑀫𑁆𑀳𑀸, 𑀅𑀲𑁆𑀫𑀸, 𑀅𑀫𑁆𑀳𑀸, 𑀇𑀫𑁂𑀳𑀺, 𑀇𑀫𑁂𑀪𑀺, 𑀏𑀳𑀺, 𑀏𑀪𑀺, 𑀇𑀫𑀲𑁆𑀲, 𑀅𑀲𑁆𑀲, 𑀇𑀫𑁂𑀲𑀁, 𑀇𑀫𑁂𑀲𑀸𑀦𑀁, 𑀏𑀲𑀁, 𑀏𑀲𑀸𑀦𑀁, 𑀇𑀫𑀲𑁆𑀫𑀺𑀁, 𑀇𑀫𑀫𑁆𑀳𑀺, 𑀅𑀲𑁆𑀫𑀺𑀁, 𑀅𑀫𑁆𑀳𑀺, 𑀇𑀫𑁂𑀲𑀼, 𑀏𑀲𑀼.

‘‘𑀅𑀦𑀫𑁆𑀳𑀺 𑀪𑀤𑁆𑀤𑁂 𑀲𑀼𑀲𑁄𑀡𑁂, 𑀓𑀺𑀦𑁆𑀦𑀼 𑀚𑀕𑁆𑀖𑀲𑀺 𑀲𑁄𑀪𑀦𑁂’’𑀢𑀺 [𑀚𑀸. 𑁧.𑁫.𑁧𑁩𑁦 (𑀅𑀦𑀫𑁆𑀳𑀺 𑀓𑀸𑀮𑁂 𑀲𑀼𑀲𑁄𑀡𑀺)] 𑀧𑀸𑀴𑀺- ‘𑀅𑀦𑀫𑁆𑀳𑀻’𑀢𑀺 𑀇𑀫𑀲𑁆𑀫𑀺𑀁 𑀞𑀸𑀦𑁂, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑁆𑀫𑀺𑀁𑀫𑁆𑀳𑀺 𑀅𑀦𑀸𑀤𑁂𑀲𑁄.

𑀇𑀫𑀁 𑀘𑀺𑀢𑁆𑀢𑀁.

𑁨𑁨𑁫. 𑀇𑀫𑀲𑁆𑀲𑀺𑀤𑀁 𑀯𑀸 [𑀓. 𑁧𑁨𑁯; 𑀭𑀽. 𑁨𑁨𑁨; 𑀦𑀻. 𑁩𑁦𑁫].

𑀦𑀧𑀼𑀁𑀲𑀓𑁂 𑀅𑀁, 𑀲𑀺𑀲𑀼 𑀇𑀫𑀲𑁆𑀲 𑀢𑁂𑀳𑀺 𑀅𑀁, 𑀲𑀻𑀳𑀺 𑀲𑀳 𑀇𑀤𑀁 𑀳𑁄𑀢𑀺 𑀯𑀸.

𑀇𑀤𑀁 𑀘𑀺𑀢𑁆𑀢𑀁, 𑀇𑀫𑀸𑀦𑀺 𑀘𑀺𑀢𑁆𑀢𑀸𑀦𑀺, 𑀇𑀫𑀁, 𑀇𑀤𑀁, 𑀇𑀫𑀸𑀦𑀺, 𑀇𑀫𑀺𑀦𑀸, 𑀅𑀦𑁂𑀦. 𑀲𑀩𑁆𑀩𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀇𑀥 𑀫𑀺𑀲𑁆𑀲𑀓𑀭𑀽𑀧𑀁 𑀯𑀼𑀘𑁆𑀘𑀢𑀺 𑁋

𑀬𑀸, 𑀲𑀸 𑀇𑀢𑁆𑀣𑀻, 𑀬𑀸, 𑀢𑀸 𑀇𑀢𑁆𑀣𑀺𑀬𑁄, 𑀬𑀁, 𑀢𑀁 𑀇𑀢𑁆𑀣𑀺𑀁, 𑀬𑀸, 𑀏𑀲𑀸 𑀇𑀢𑁆𑀣𑀻, 𑀬𑀸, 𑀏𑀢𑀸 𑀇𑀢𑁆𑀣𑀺𑀬𑁄, 𑀬𑀁, 𑀏𑀢𑀁 𑀇𑀢𑁆𑀣𑀺𑀁, 𑀬𑀸, 𑀅𑀬𑀁 𑀇𑀢𑁆𑀣𑀻, 𑀬𑀸, 𑀇𑀫𑀸 𑀇𑀢𑁆𑀣𑀺𑀬𑁄, 𑀬𑀁, 𑀇𑀫𑀁 𑀇𑀢𑁆𑀣𑀺𑀁, 𑀬𑁄, 𑀲𑁄 𑀧𑀼𑀭𑀺𑀲𑁄, 𑀬𑁂, 𑀢𑁂 𑀧𑀼𑀭𑀺𑀲𑀸𑀇𑀘𑁆𑀘𑀸𑀤𑀬𑁄.

‘‘𑀲 𑀔𑁄 𑀲𑁄 𑀓𑀼𑀫𑀸𑀭𑁄 𑀯𑀼𑀤𑁆𑀥𑀺𑀫𑀦𑁆𑀯𑀸𑀬𑀸’’𑀢𑀺 𑀏𑀢𑁆𑀣 𑀲𑁄 𑀲𑁄 𑀓𑀼𑀫𑀸𑀭𑁄𑀢𑀺, ‘𑀏𑀲𑁂 𑀲𑁂 𑀏𑀓𑁂 𑀏𑀓𑀢𑁆𑀣𑁂’𑀢𑀺 𑀏𑀢𑁆𑀣 𑀏𑀲𑁄 𑀲𑁄 𑀏𑀓𑁄 𑀏𑀓𑀢𑁆𑀣𑁄𑀢𑀺 𑀯𑀢𑁆𑀢𑀩𑁆𑀩𑀁. 𑀢𑀢𑁆𑀣 𑀧𑀼𑀩𑁆𑀩𑀁 𑀧𑀼𑀩𑁆𑀩𑀁 𑀅𑀢𑁆𑀣𑀧𑀤𑀁, 𑀧𑀭𑀁 𑀧𑀭𑀁 𑀩𑁆𑀬𑀜𑁆𑀚𑀦𑀫𑀢𑁆𑀢𑀁. ‘‘𑀅𑀬𑀁 𑀲𑁄 𑀲𑀸𑀭𑀣𑀺 𑀏𑀢𑀻’’𑀢𑀺 [𑀚𑀸. 𑁨.𑁨𑁨.𑁫𑁧] 𑀏𑀢𑁆𑀣 𑀧𑀦 𑀤𑁆𑀯𑁂𑀧𑀺 𑀯𑀺𑀲𑀼𑀁 ¶ 𑀯𑀺𑀲𑀼𑀁 𑀅𑀢𑁆𑀣𑀧𑀤𑀸𑀦𑀺 𑀏𑀯𑀸𑀢𑀺. 𑀬𑀁, 𑀢𑀁, 𑀇𑀤𑀦𑁆𑀢𑀺 𑀇𑀫𑁂 𑀲𑀤𑁆𑀤𑀸 𑀦𑀺𑀧𑀸𑀢𑀭𑀽𑀧𑀸𑀧𑀺 𑀳𑀼𑀢𑁆𑀯𑀸 𑀧𑀸𑀴𑀺𑀯𑀸𑀓𑁆𑀬𑁂𑀲𑀼 𑀲𑀜𑁆𑀘𑀭𑀦𑁆𑀢𑀺 𑀲𑀩𑁆𑀩𑀮𑀺𑀗𑁆𑀕𑀯𑀺𑀪𑀢𑁆𑀢𑀻𑀲𑀼 𑀅𑀪𑀺𑀦𑁆𑀦𑀭𑀽𑀧𑀸𑀢𑀺.

𑁨𑁨𑁬. 𑀇𑀫𑁂𑀢𑀸𑀦𑀫𑁂𑀦𑀸𑀦𑁆𑀯𑀸𑀤𑁂𑀲𑁂 𑀤𑀼𑀢𑀺𑀬𑀸𑀬𑀁 [𑀦𑀻. 𑁩𑁭𑁫-𑁬 𑀧𑀺𑀝𑁆𑀞𑁂; 𑀧𑀸. 𑁨.𑁪.𑁩𑁪].

𑀅𑀦𑁆𑀯𑀸𑀤𑁂𑀲𑁄 𑀯𑀼𑀘𑁆𑀘𑀢𑀺 𑀅𑀦𑀼𑀓𑀣𑀦𑀁, 𑀧𑀼𑀦𑀓𑀣𑀦𑀁, 𑀅𑀦𑁆𑀯𑀸𑀤𑁂𑀲𑀞𑀸𑀦𑁂 𑀇𑀫, 𑀏𑀢𑀸𑀦𑀁 𑀏𑀦𑀸𑀤𑁂𑀲𑁄 𑀳𑁄𑀢𑀺 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀻𑀲𑀼.

𑀇𑀫𑀁 𑀪𑀺𑀓𑁆𑀔𑀼𑀁 𑀯𑀺𑀦𑀬𑀁 𑀅𑀚𑁆𑀛𑀸𑀧𑁂𑀳𑀺, 𑀅𑀣𑁄 𑀏𑀦𑀁 𑀪𑀺𑀓𑁆𑀔𑀼𑀁 𑀥𑀫𑁆𑀫𑀁 𑀅𑀚𑁆𑀛𑀸𑀧𑁂𑀳𑀺, 𑀇𑀫𑁂 𑀪𑀺𑀓𑁆𑀔𑀽 𑀯𑀺𑀦𑀬𑀁 𑀅𑀚𑁆𑀛𑀸𑀧𑁂𑀳𑀺, 𑀅𑀣𑁄 𑀏𑀦𑁂 𑀪𑀺𑀓𑁆𑀔𑀽 𑀥𑀫𑁆𑀫𑀁 𑀅𑀚𑁆𑀛𑀸𑀧𑁂𑀳𑀺, 𑀏𑀢𑀁 𑀪𑀺𑀓𑁆𑀔𑀼𑀁 𑀯𑀺𑀦𑀬𑀁 𑀅𑀚𑁆𑀛𑀸𑀧𑁂𑀳𑀺𑀇𑀘𑁆𑀘𑀸𑀤𑀺𑀦𑀸 𑀯𑀢𑁆𑀢𑀩𑁆𑀩𑀁. 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀦𑀺𑀭𑀬𑀧𑀸𑀮𑀸 [𑀅. 𑀦𑀺. 𑁩.𑁩𑁬], 𑀬𑀢𑁆𑀯𑀸𑀥𑀺𑀓𑀭𑀡𑀫𑁂𑀦𑀁 𑀪𑀺𑀓𑁆𑀔𑀼𑀁 𑀇𑀘𑁆𑀘𑀸𑀤𑀻𑀲𑀼𑀧𑀺 [𑀤𑀻. 𑀦𑀺. 𑁧.𑁨𑁧𑁩] 𑀅𑀦𑀼𑀓𑀣𑀦𑀫𑁂𑀯.

𑁨𑁨𑁭. 𑀫𑀲𑁆𑀲𑀸𑀫𑀼𑀲𑁆𑀲 [𑀓. 𑁧𑁭𑁩; 𑀭𑀽. 𑁨𑁨𑁩; 𑀦𑀻. 𑁩𑁫𑁯].

𑀲𑀺𑀫𑁆𑀳𑀺 𑀅𑀦𑀧𑀼𑀁𑀲𑀓𑀲𑁆𑀲 𑀅𑀫𑀼𑀲𑁆𑀲 𑀫𑀲𑁆𑀲 𑀲𑁄 𑀳𑁄𑀢𑀺.

𑀅𑀲𑀼 𑀇𑀢𑁆𑀣𑀻, 𑀅𑀫𑀼 𑀯𑀸, 𑀅𑀫𑀽, 𑀅𑀫𑀼𑀬𑁄, 𑀅𑀫𑀼𑀁, 𑀅𑀫𑀽, 𑀅𑀫𑀼𑀬𑁄, 𑀅𑀫𑀼𑀬𑀸, 𑀅𑀫𑀼𑀲𑁆𑀲𑀸, 𑀅𑀫𑀽𑀳𑀺, 𑀅𑀫𑀽𑀪𑀺, 𑀅𑀫𑀼𑀬𑀸, 𑀅𑀫𑀼𑀲𑁆𑀲𑀸, 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁, 𑀅𑀫𑀼𑀬𑀸, 𑀅𑀫𑀼𑀲𑁆𑀲𑀸, 𑀅𑀫𑀽𑀳𑀺, 𑀅𑀫𑀽𑀪𑀺, 𑀅𑀫𑀼𑀬𑀸, 𑀅𑀫𑀼𑀲𑁆𑀲𑀸, 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁, 𑀅𑀫𑀼𑀬𑀸, 𑀅𑀫𑀼𑀬𑀁, 𑀅𑀫𑀼𑀲𑁆𑀲𑀸, 𑀅𑀫𑀼𑀲𑁆𑀲𑀁, 𑀅𑀫𑀽𑀲𑀼.

𑀅𑀲𑀼 𑀧𑀼𑀭𑀺𑀲𑁄, 𑀅𑀫𑀼 𑀯𑀸.

𑁨𑁨𑁮. 𑀮𑁄𑀧𑁄𑀫𑀼𑀲𑁆𑀫𑀸 [𑀓. 𑁧𑁧𑁮; 𑀭𑀽. 𑁧𑁪𑁬; 𑀦𑀻. 𑁨𑁯𑁩].

𑀅𑀫𑀼𑀢𑁄 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺. 𑀯𑁄, 𑀦𑁄𑀧𑀯𑀸𑀤𑁄𑀬𑀁 [𑀓. 𑁧𑁧𑁯; 𑀭𑀽. 𑁧𑁫𑁫; 𑀦𑀻. 𑁨𑁯𑁪].

𑀅𑀫𑀽 ¶ , 𑀅𑀫𑀼𑀁, 𑀅𑀫𑀽, 𑀅𑀫𑀼𑀦𑀸, 𑀅𑀫𑀽𑀳𑀺, 𑀅𑀫𑀽𑀪𑀺.

𑁨𑁨𑁯. 𑀦 𑀦𑁄 𑀲𑀲𑁆𑀲.

𑀅𑀫𑀼𑀢𑁄 𑀲𑀲𑁆𑀲 𑀦𑁄 𑀦 𑀳𑁄𑀢𑀺.

𑀅𑀫𑀼𑀲𑁆𑀲.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀫𑁆𑀳𑀺 𑀫𑀼𑀲𑁆𑀲 𑀤𑀼𑀢𑁆𑀢𑀁, 𑀅𑀤𑀼𑀲𑁆𑀲. 𑀧𑀸𑀴𑀺𑀬𑀁 ‘‘𑀤𑀼𑀲𑁆𑀲 𑀫𑁂 𑀔𑁂𑀢𑁆𑀢𑀧𑀸𑀮𑀲𑁆𑀲, 𑀭𑀢𑁆𑀢𑀺𑀁 𑀪𑀢𑁆𑀢𑀁 𑀅𑀧𑀸𑀪𑀢’’𑀦𑁆𑀢𑀺 [𑀚𑀸. 𑁧.𑁪.𑁬𑁨] 𑀏𑀢𑁆𑀣 𑀕𑀸𑀣𑀸𑀯𑀲𑁂𑀦 𑀅-𑀓𑀸𑀭𑀮𑁄𑀧𑁄. 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁, 𑀅𑀫𑀼𑀲𑁆𑀫𑀸, 𑀅𑀫𑀼𑀫𑁆𑀳𑀸, 𑀅𑀫𑀽𑀳𑀺, 𑀅𑀫𑀽𑀪𑀺, 𑀅𑀫𑀼𑀲𑁆𑀲, 𑀅𑀤𑀼𑀲𑁆𑀲, 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁, 𑀅𑀫𑀼𑀲𑁆𑀫𑀺𑀁, 𑀅𑀫𑀼𑀫𑁆𑀳𑀺, 𑀅𑀫𑀽𑀲𑀼.

𑁨𑁩𑁦. 𑀅𑀫𑀼𑀲𑁆𑀲𑀸𑀤𑀼𑀁 [𑀓. 𑁧𑁩𑁦; 𑀭𑀽. 𑁨𑁨𑁫; 𑀦𑀻. 𑁩𑁦𑁮].

𑀦𑀧𑀼𑀁𑀲𑀓𑁂 𑀅𑀁, 𑀲𑀺𑀲𑀼 𑀅𑀫𑀼𑀲𑁆𑀲 𑀢𑁂𑀳𑀺 𑀲𑀳 𑀅𑀤𑀼𑀁 𑀳𑁄𑀢𑀺 𑀯𑀸.

𑀅𑀫𑀼𑀁 𑀘𑀺𑀢𑁆𑀢𑀁, 𑀅𑀤𑀼𑀁 𑀘𑀺𑀢𑁆𑀢𑀁, 𑀅𑀫𑀽𑀦𑀺, 𑀅𑀫𑀼𑀁, 𑀅𑀤𑀼𑀁, 𑀅𑀫𑀽𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁. ‘𑀲𑀓𑀢𑁆𑀣𑁂’𑀢𑀺 𑀲𑀼𑀢𑁆𑀢𑁂𑀦 𑀓𑀧𑀘𑁆𑀘𑀬𑁂 𑀓𑀢𑁂 𑀲𑀩𑁆𑀩𑀸𑀤𑀺𑀭𑀽𑀧𑀁 𑀦𑀢𑁆𑀣𑀺. 𑀅𑀫𑀼𑀓𑀸 𑀓𑀜𑁆𑀜𑀸, 𑀅𑀫𑀼𑀓𑀸, 𑀅𑀫𑀼𑀓𑀸𑀬𑁄. 𑀅𑀫𑀼𑀓𑁄 𑀧𑀼𑀭𑀺𑀲𑁄, 𑀅𑀫𑀼𑀓𑀸 𑀧𑀼𑀭𑀺𑀲𑀸. 𑀅𑀫𑀼𑀓𑀁 𑀘𑀺𑀢𑁆𑀢𑀁, 𑀅𑀫𑀼𑀓𑀸𑀦𑀺 𑀘𑀺𑀢𑁆𑀢𑀸𑀦𑀺 𑀇𑀘𑁆𑀘𑀸𑀤𑀺.

𑁨𑁩𑁧. 𑀓𑁂 𑀯𑀸.

𑀓𑁂 𑀧𑀭𑁂 𑀅𑀫𑀼𑀲𑁆𑀲 𑀫𑀲𑁆𑀲 𑀲𑁄 𑀳𑁄𑀢𑀺 𑀯𑀸.

𑀅𑀲𑀼𑀓𑀸 𑀇𑀢𑁆𑀣𑀻, 𑀅𑀲𑀼𑀓𑀸, 𑀅𑀲𑀼𑀓𑀸𑀬𑁄. 𑀅𑀲𑀼𑀓𑁄 𑀧𑀼𑀭𑀺𑀲𑁄, 𑀅𑀲𑀼𑀓𑀸 𑀧𑀼𑀭𑀺𑀲𑀸. 𑀅𑀲𑀼𑀓𑀁 𑀓𑀼𑀮𑀁, 𑀅𑀲𑀼𑀓𑀸𑀦𑀺 𑀓𑀼𑀮𑀸𑀦𑀺. 𑀲𑀩𑁆𑀩𑀁 𑀓𑀜𑁆𑀜𑀸, 𑀧𑀼𑀭𑀺𑀲, 𑀘𑀺𑀢𑁆𑀢𑀲𑀫𑀁.

‘𑀇𑀢𑁆𑀣𑀺𑀬𑀫𑀢𑁆𑀯𑀸’𑀢𑀺 𑀏𑀢𑁆𑀣 ‘𑀇𑀢𑁆𑀣𑀺𑀬𑀁 𑀆’𑀢𑀺 𑀯𑀺𑀪𑀢𑁆𑀢𑀲𑀼𑀢𑁆𑀢𑁂𑀦 𑀓𑀺𑀁𑀲𑀤𑁆𑀤𑀢𑁄 𑀇𑀢𑁆𑀣𑀺𑀬𑀁 𑀆𑀧𑀘𑁆𑀘𑀬𑁄.

𑁨𑁩𑁨. 𑀓𑀺𑀁𑀲𑁆𑀲 𑀓𑁄 [𑀓. 𑁨𑁨𑁭-𑁯; 𑀭𑀽. 𑁨𑁭𑁦, 𑁨𑁨𑁬; 𑀦𑀻. 𑁪𑁫𑁬-𑁭-𑁮? ‘𑀓𑀺𑀲𑁆𑀲 𑀓𑁄 𑀲𑀩𑁆𑀩𑀸𑀲𑀼’ (𑀩𑀳𑀽𑀲𑀼)].

𑀲𑀩𑁆𑀩𑁂𑀲𑀼 ¶ 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑁂𑀲𑀼 𑀓𑀺𑀁𑀲𑁆𑀲 𑀓𑁄 𑀳𑁄𑀢𑀺.

𑀓𑀸 𑀇𑀢𑁆𑀣𑀻, 𑀓𑀸, 𑀓𑀸𑀬𑁄, 𑀓𑀁, 𑀓𑀸, 𑀓𑀸𑀬𑁄, 𑀓𑀸𑀬, 𑀓𑀲𑁆𑀲𑀸 𑀇𑀘𑁆𑀘𑀸𑀤𑀺 𑀲𑀩𑁆𑀩𑀲𑀫𑀁. 𑀓𑁄 𑀧𑀼𑀭𑀺𑀲𑁄, 𑀓𑁂 𑀧𑀼𑀭𑀺𑀲𑀸, 𑀓𑀁, 𑀓𑁂, 𑀓𑁂𑀦, 𑀓𑁂𑀳𑀺, 𑀓𑁂𑀪𑀺, 𑀓𑀲𑁆𑀲.

𑁨𑁩𑁩. 𑀓𑀺 𑀲𑀲𑁆𑀫𑀺𑀁𑀲𑀼 𑀯𑀸𑀦𑀺𑀢𑁆𑀣𑀺𑀬𑀁.

𑀅𑀦𑀺𑀢𑁆𑀣𑀺𑀮𑀺𑀗𑁆𑀕𑁂 𑀲, 𑀲𑁆𑀫𑀺𑀁𑀲𑀼 𑀓𑀺𑀁𑀲𑀤𑁆𑀤𑀲𑁆𑀲 𑀓𑀺 𑀳𑁄𑀢𑀺 𑀯𑀸.

𑀓𑀺𑀲𑁆𑀲, 𑀓𑁂𑀲𑀁, 𑀓𑁂𑀲𑀸𑀦𑀁, 𑀓𑀲𑁆𑀫𑀸, 𑀓𑀫𑁆𑀳𑀸, 𑀓𑁂𑀳𑀺, 𑀓𑁂𑀪𑀺, 𑀓𑀲𑁆𑀲, 𑀓𑀺𑀲𑁆𑀲, 𑀓𑁂𑀲𑀁, 𑀓𑁂𑀲𑀸𑀦𑀁, 𑀓𑀲𑁆𑀫𑀺𑀁, 𑀓𑀫𑁆𑀳𑀺, 𑀓𑀺𑀲𑁆𑀫𑀺𑀁, 𑀓𑀺𑀫𑁆𑀳𑀺, 𑀓𑁂𑀲𑀼.

𑁨𑁩𑁪. 𑀓𑀺𑀫𑀁𑀲𑀺𑀲𑀼 𑀦𑀧𑀼𑀁𑀲𑀓𑁂 [‘𑀓𑀺𑀫𑀁𑀲𑀺𑀲𑀼 𑀲𑀳 𑀦𑀧𑀼𑀁𑀲𑀓𑁂’ (𑀩𑀳𑀽𑀲𑀼)].

𑀦𑀧𑀼𑀁𑀲𑀓𑁂 𑀅𑀁, 𑀲𑀺𑀲𑀼 𑀓𑀺𑀁𑀲𑀤𑁆𑀤𑀲𑁆𑀲 𑀢𑁂𑀳𑀺 𑀅𑀁𑀲𑀻𑀳𑀺 𑀲𑀳 𑀓𑀺𑀁 𑀳𑁄𑀢𑀺.

𑀓𑀺𑀁 𑀘𑀺𑀢𑁆𑀢𑀁, 𑀓𑀸𑀦𑀺, 𑀓𑀺𑀁, 𑀓𑀁 𑀯𑀸, 𑀓𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁. 𑀇𑀤𑀁 𑀧𑀼𑀘𑁆𑀙𑀦𑀢𑁆𑀣𑀲𑁆𑀲 𑀲𑀼𑀤𑁆𑀥𑀓𑀺𑀁𑀲𑀤𑁆𑀤𑀲𑁆𑀲 𑀭𑀽𑀧𑀁.

‘𑀘𑀺’𑀇𑀢𑀺𑀦𑀺𑀧𑀸𑀢𑁂𑀦 𑀬𑀼𑀢𑁆𑀢𑁂 𑀧𑀦 𑀏𑀓𑀘𑁆𑀘𑀢𑁆𑀣𑀁 𑀯𑀸 𑀅𑀧𑁆𑀧𑀢𑁆𑀣𑀁 𑀯𑀸 𑀯𑀤𑀢𑀺. 𑀓𑀸𑀘𑀺 𑀇𑀢𑁆𑀣𑀻, 𑀓𑀸𑀘𑀺 𑀇𑀢𑁆𑀣𑀺𑀬𑁄, 𑀓𑀺𑀜𑁆𑀘𑀺 𑀇𑀢𑁆𑀣𑀺𑀁, 𑀓𑀸𑀘𑀺, 𑀓𑀸𑀬𑀘𑀺, 𑀓𑀸𑀳𑀺𑀘𑀺, 𑀓𑀸𑀬𑀘𑀺, 𑀓𑀲𑁆𑀲𑀸𑀘𑀺, 𑀓𑀸𑀲𑀜𑁆𑀘𑀺, 𑀓𑀼𑀢𑁄𑀘𑀺, 𑀓𑀸𑀳𑀺𑀘𑀺. 𑀲𑀢𑁆𑀢𑀫𑀺𑀬𑀁 - 𑀓𑀸𑀬𑀘𑀺, 𑀓𑀢𑁆𑀣𑀘𑀺, 𑀓𑀸𑀲𑀼𑀘𑀺.

𑀓𑁄𑀘𑀺 𑀧𑀼𑀭𑀺𑀲𑁄, 𑀓𑁂𑀘𑀺, 𑀓𑀺𑀜𑁆𑀘𑀺, 𑀓𑁂𑀘𑀺, 𑀓𑁂𑀦𑀘𑀺, 𑀓𑁂𑀳𑀺𑀘𑀺, 𑀓𑀲𑁆𑀲𑀘𑀺, 𑀓𑁂𑀲𑀜𑁆𑀘𑀺, 𑀓𑀺𑀲𑁆𑀫𑀺𑀜𑁆𑀘𑀺, 𑀓𑀺𑀫𑁆𑀳𑀺𑀘𑀺, 𑀓𑀢𑁆𑀣𑀘𑀺, 𑀓𑁂𑀲𑀼𑀘𑀺.

𑀓𑀺𑀜𑁆𑀘𑀺 𑀓𑀼𑀮𑀁, 𑀓𑀸𑀦𑀺𑀘𑀺 𑀓𑀼𑀮𑀸𑀦𑀺, 𑀓𑀺𑀜𑁆𑀘𑀺, 𑀓𑀸𑀦𑀺𑀘𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀧𑀼𑀦 ¶ 𑀬𑀲𑀤𑁆𑀤𑁂𑀦 𑀬𑀼𑀢𑁆𑀢𑁂 𑀲𑀓𑀮𑀢𑁆𑀣𑀁 𑀯𑀤𑀢𑀺. 𑀬𑀸 𑀓𑀸𑀘𑀺 𑀇𑀢𑁆𑀣𑀻, 𑀬𑀸𑀓𑀸𑀘𑀺 𑀇𑀢𑁆𑀣𑀺𑀬𑁄.

𑀬𑁄 𑀓𑁄𑀘𑀺 𑀧𑀼𑀭𑀺𑀲𑁄, 𑀬𑁂 𑀓𑁂𑀘𑀺, 𑀬𑀁 𑀓𑀺𑀜𑁆𑀘𑀺, 𑀬𑁂 𑀓𑁂𑀘𑀺 𑀬𑁂𑀦 𑀓𑁂𑀦𑀘𑀺, 𑀬𑁂𑀳𑀺 𑀓𑁂𑀳𑀺𑀘𑀺, 𑀬𑀲𑁆𑀲 𑀓𑀲𑁆𑀲𑀘𑀺, 𑀬𑁂𑀲𑀁 𑀓𑁂𑀲𑀜𑁆𑀘𑀺 𑀬𑀢𑁄 𑀓𑀼𑀢𑁄𑀘𑀺, 𑀬𑁂𑀳𑀺 𑀓𑁂𑀳𑀺𑀘𑀺, 𑀬𑀲𑁆𑀲 𑀓𑀲𑁆𑀲𑀘𑀺, 𑀬𑁂𑀲𑀁𑀓𑁂𑀲𑀜𑁆𑀘𑀺, 𑀬𑀲𑁆𑀫𑀺𑀁 𑀓𑀺𑀲𑁆𑀫𑀺𑀜𑁆𑀘𑀺, 𑀬𑀫𑁆𑀳𑀺 𑀓𑀺𑀫𑁆𑀳𑀺𑀘𑀺, 𑀬𑀢𑁆𑀣 𑀓𑀢𑁆𑀣𑀘𑀺, 𑀬𑁂𑀲𑀼 𑀓𑁂𑀲𑀼𑀘𑀺.

𑀬𑀁 𑀓𑀺𑀜𑁆𑀘𑀺𑀘𑀺𑀢𑁆𑀢𑀁, 𑀬𑀸𑀦𑀺 𑀓𑀸𑀦𑀺𑀘𑀺, 𑀬𑀁 𑀓𑀺𑀜𑁆𑀘𑀺, 𑀬𑀸𑀦𑀺 𑀓𑀸𑀦𑀺𑀘𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀲𑀗𑁆𑀔𑁆𑀬𑀸𑀭𑀸𑀲𑀺

𑀏𑀓𑀲𑀤𑁆𑀤𑁄 𑀲𑀗𑁆𑀔𑁆𑀬𑀢𑁆𑀣𑁂 𑀧𑀯𑀢𑁆𑀢𑁄 𑀏𑀓𑀯𑀘𑀦𑀦𑁆𑀢𑁄𑀯, 𑀅𑀜𑁆𑀜𑀢𑁆𑀣𑁂 𑀧𑀯𑀢𑁆𑀢𑁄 𑀏𑀓𑀩𑀳𑀼𑀯𑀘𑀦𑀦𑁆𑀢𑁄.

𑀢𑀢𑁆𑀣 𑀲𑀗𑁆𑀔𑁆𑀬𑀢𑁆𑀣𑁂 𑁋 𑀏𑀓𑀸 𑀇𑀢𑁆𑀣𑀻, 𑀏𑀓𑀁, 𑀏𑀓𑀸𑀬, 𑀏𑀓𑀺𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀧𑀼𑀦𑁆𑀦𑀧𑀼𑀁𑀲𑀓𑁂𑀲𑀼 𑀏𑀓𑀯𑀘𑀦𑁂𑀲𑀼 𑀧𑀼𑀭𑀺𑀲, 𑀘𑀺𑀢𑁆𑀢𑀭𑀽𑀧𑀫𑁂𑀯.

𑀅𑀜𑁆𑀜𑀢𑁆𑀣𑁂 𑁋 𑀏𑀓𑀸 𑀇𑀢𑁆𑀣𑀻, 𑀏𑀓𑀸 𑀇𑀢𑁆𑀣𑀺𑀬𑁄, 𑀏𑀓𑀁, 𑀏𑀓𑀸, 𑀏𑀓𑀸𑀬, 𑀏𑀓𑀺𑀲𑁆𑀲𑀸, 𑀏𑀓𑀸𑀳𑀺, 𑀏𑀓𑀸𑀪𑀺 𑀇𑀘𑁆𑀘𑀸𑀤𑀺.

𑀏𑀓𑁄 𑀧𑀼𑀭𑀺𑀲𑁄, 𑀏𑀓𑁂, 𑀏𑀓𑀁, 𑀏𑀓𑁂, 𑀏𑀓𑁂𑀦, 𑀏𑀓𑁂𑀳𑀺, 𑀏𑀓𑁂𑀪𑀺, 𑀏𑀓𑀲𑁆𑀲, 𑀏𑀓𑁂𑀲𑀁, 𑀏𑀓𑁂𑀲𑀸𑀦𑀁. 𑀧𑀼𑀮𑁆𑀮𑀺𑀗𑁆𑀕 𑀲𑀩𑁆𑀩𑀲𑀫𑀁.

𑀏𑀓𑀁 𑀓𑀼𑀮𑀁, 𑀏𑀓𑀸𑀦𑀺 𑀓𑀼𑀮𑀸𑀦𑀺, 𑀏𑀓𑀁 𑀓𑀼𑀮𑀁, 𑀏𑀓𑀸𑀦𑀺 𑀓𑀼𑀮𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀓𑀧𑀘𑁆𑀘𑀬𑁂 𑀧𑀭𑁂 𑀲𑀩𑁆𑀩𑀸𑀤𑀺𑀭𑀽𑀧𑀁 𑀦𑀢𑁆𑀣𑀺.

‘‘𑀏𑀓𑀺𑀓𑀸 𑀲𑀬𑀦𑁂 𑀲𑁂𑀢𑀼, 𑀬𑀸 𑀢𑁂 𑀅𑀫𑁆𑀩𑁂 𑀅𑀯𑀸𑀳𑀭𑀺 [𑀚𑀸. 𑁧.𑁪.𑁧𑁭𑁫]. 𑀏𑀓𑀸𑀓𑀺𑀦𑀻 𑀕𑀳𑀝𑁆𑀞𑀸𑀳𑀁, 𑀫𑀸𑀢𑀼𑀬𑀸 𑀧𑀭𑀺𑀘𑁄𑀤𑀺𑀢𑀸’’𑀢𑀺 [𑀅𑀧. 𑀣𑁂𑀭𑀻 𑁨.𑁩.𑁧𑁮𑁮] 𑀧𑀸𑀴𑀺, 𑀏𑀓𑀓𑁄 𑀧𑀼𑀭𑀺𑀲𑁄, 𑀏𑀓𑀓𑀁, 𑀏𑀓𑀓𑁂𑀦. 𑀏𑀓𑀓𑀁 𑀓𑀼𑀮𑀁 𑀇𑀘𑁆𑀘𑀸𑀤𑀺 𑀏𑀓𑀯𑀘𑀦𑀦𑁆𑀢𑀫𑁂𑀯, 𑀏𑀓𑀓𑀸𑀦𑀁 𑀩𑀳𑀼𑀢𑁆𑀢𑁂 𑀯𑀢𑁆𑀢𑀩𑁆𑀩𑁂 𑀤𑁆𑀯𑁂 𑀏𑀓𑀓𑀸, 𑀤𑁆𑀯𑁂 𑀏𑀓𑀓𑁂 ¶ , 𑀤𑁆𑀯𑀻𑀳𑀺 𑀏𑀓𑀓𑁂𑀳𑀻𑀢𑀺 𑀮𑀩𑁆𑀪𑀢𑀺. ‘‘𑀧𑀜𑁆𑀘𑀸𑀮𑁄 𑀘 𑀯𑀺𑀤𑁂𑀳𑁄 𑀘, 𑀉𑀪𑁄 𑀏𑀓𑀸 𑀪𑀯𑀦𑁆𑀢𑀼 𑀢𑁂’’𑀢𑀺 𑀧𑀸𑀴𑀺. 𑀇𑀫𑀺𑀦𑀸 𑀦𑀬𑁂𑀦 𑀩𑀳𑀼𑀯𑀘𑀦𑀫𑁆𑀧𑀺 𑀮𑀩𑁆𑀪𑀢𑀺. ‘𑀏𑀓𑀸’𑀢𑀺 𑀫𑀺𑀲𑁆𑀲𑀓𑀸.

𑀧𑀝𑀺𑀲𑁂𑀥𑀬𑀼𑀢𑁆𑀢𑁂 𑀧𑀦 𑀅𑀦𑁂𑀓𑀸 𑀇𑀢𑁆𑀣𑀺𑀬𑁄, 𑀅𑀦𑁂𑀓𑀸𑀲𑀁 𑀇𑀢𑁆𑀣𑀻𑀦𑀁. 𑀅𑀦𑁂𑀓𑁂 𑀧𑀼𑀭𑀺𑀲𑀸, 𑀅𑀦𑁂𑀓𑁂𑀲𑀁 𑀧𑀼𑀭𑀺𑀲𑀸𑀦𑀁. 𑀅𑀦𑁂𑀓𑀸𑀦𑀺 𑀓𑀼𑀮𑀸𑀦𑀺, 𑀅𑀦𑁂𑀓𑁂𑀲𑀁 𑀓𑀼𑀮𑀸𑀦𑀁. 𑀧𑀸𑀴𑀺𑀬𑀁 𑀧𑀦 ‘‘𑀦𑁂𑀓𑀸𑀦𑀺 𑀥𑀜𑁆𑀜𑀕𑀡𑀸𑀦𑀺, 𑀦𑁂𑀓𑀸𑀦𑀺 𑀔𑁂𑀢𑁆𑀢𑀕𑀡𑀸𑀦𑀺, 𑀦𑁂𑀓𑀸𑀦𑀁 𑀥𑀜𑁆𑀜𑀕𑀡𑀸𑀦𑀁, 𑀦𑁂𑀓𑀸𑀦𑀁 𑀔𑁂𑀢𑁆𑀢𑀕𑀡𑀸𑀦’’𑀦𑁆𑀢𑀺𑀧𑀺 𑀅𑀢𑁆𑀣𑀺.

𑀏𑀓𑀘𑁆𑀘, 𑀏𑀓𑀘𑁆𑀘𑀺𑀬, 𑀓𑀢𑀺, 𑀩𑀳𑀼𑀲𑀤𑁆𑀤𑀸𑀧𑀺 𑀇𑀥 𑀯𑀢𑁆𑀢𑀩𑁆𑀩𑀸. 𑀏𑀓𑀘𑁆𑀘𑀸 𑀇𑀢𑁆𑀣𑀻, 𑀏𑀓𑀘𑁆𑀘𑀸, 𑀏𑀓𑀘𑁆𑀘𑀸𑀬𑁄𑀢𑀺 𑀲𑀩𑁆𑀩𑀁 𑀓𑀜𑁆𑀜𑀸𑀲𑀫𑀁.

𑀏𑀓𑀘𑁆𑀘𑁄 𑀧𑀼𑀭𑀺𑀲𑁄.

𑁧𑁩𑁫. 𑀏𑀓𑀘𑁆𑀘𑀸𑀤𑀻𑀳𑁆𑀬𑀢𑁄 [‘𑀏𑀓𑀘𑁆𑀘𑀸𑀤𑀻𑀳𑀢𑁄’ (𑀩𑀳𑀽𑀲𑀼)].

𑀅𑀓𑀸𑀭𑀦𑁆𑀢𑁂𑀳𑀺 𑀏𑀓𑀘𑁆𑀘𑀸𑀤𑀻𑀳𑀺 𑀬𑁄𑀦𑀁 𑀝𑁂 𑀳𑁄𑀢𑀺.

𑀏𑀓𑀘𑁆𑀘𑁂 𑀧𑀼𑀭𑀺𑀲𑀸, 𑀏𑀓𑀘𑁆𑀘𑁂 𑀧𑀼𑀭𑀺𑀲𑁂. 𑀲𑁂𑀲𑀁 𑀧𑀼𑀭𑀺𑀲𑀲𑀫𑀁. 𑀆𑀤𑀺𑀲𑀤𑁆𑀤𑁂𑀦 𑀅𑀧𑁆𑀧𑁂𑀓𑀘𑁆𑀘, 𑀏𑀓𑀢𑀺𑀬, 𑀉𑀪𑀸𑀤𑀬𑁄 𑀲𑀗𑁆𑀕𑀬𑁆𑀳𑀦𑁆𑀢𑀺. 𑀅𑀧𑁆𑀧𑁂𑀓𑀘𑁆𑀘𑁂 𑀧𑀼𑀭𑀺𑀲𑀸, 𑀏𑀓𑀢𑀺𑀬𑁂 𑀧𑀼𑀭𑀺𑀲𑀸, 𑀉𑀪𑁂 𑀧𑀼𑀭𑀺𑀲𑀸.

𑀏𑀓𑀘𑁆𑀘𑀁 𑀘𑀺𑀢𑁆𑀢𑀁.

𑁨𑁩𑁬. 𑀦 𑀦𑀺𑀲𑁆𑀲 𑀝𑀸.

𑀏𑀓𑀘𑁆𑀘𑀸𑀤𑀻𑀳𑀺 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺.

𑀏𑀓𑀘𑁆𑀘𑀸𑀦𑀺 𑀘𑀺𑀢𑁆𑀢𑀸𑀦𑀺. 𑀲𑁂𑀲𑀁 𑀘𑀺𑀢𑁆𑀢𑀲𑀫𑀁.

𑀏𑀓𑀘𑁆𑀘𑀺𑀬, 𑀏𑀓𑀘𑁆𑀘𑁂𑀬𑁆𑀬, 𑀏𑀓𑀢𑀺𑀬𑀲𑀤𑁆𑀤𑀸 𑀓𑀜𑁆𑀜𑀸, 𑀧𑀼𑀭𑀺𑀲, 𑀘𑀺𑀢𑁆𑀢𑀦𑀬𑀸. ‘‘𑀇𑀢𑁆𑀣𑀻𑀧𑀺 𑀳𑀺 𑀏𑀓𑀘𑁆𑀘𑀺𑀬𑀸, 𑀲𑁂𑀬𑁆𑀬𑀸 𑀧𑁄𑀲 𑀚𑀦𑀸𑀥𑀺𑀧 [𑀲𑀁. 𑀦𑀺. 𑁧.𑁧𑁨𑁭]. 𑀲𑀘𑁆𑀘𑀁 𑀓𑀺𑀭𑁂𑀯𑀫𑀸𑀳𑀁𑀲𑀼, 𑀦𑀭𑀸 𑀏𑀓𑀘𑁆𑀘𑀺𑀬𑀸 𑀇𑀥. 𑀓𑀝𑁆𑀞𑀁 𑀦𑀺𑀧𑁆𑀮𑀯𑀺𑀢𑀁 𑀲𑁂𑀬𑁆𑀬𑁄, 𑀦 𑀢𑁆𑀯𑁂𑀯𑁂𑀓𑀘𑁆𑀘𑀺𑀬𑁄 ¶ 𑀦𑀭𑁄’’𑀢𑀺 [𑀚𑀸. 𑁧.𑁧.𑁭𑁩] 𑀘 ‘‘𑀧𑀭𑀺𑀯𑀸𑀭𑀺𑀢𑀸 𑀫𑀼𑀜𑁆𑀘𑀭𑁂 𑀏𑀓𑀘𑁆𑀘𑁂𑀬𑁆𑀬𑀸’’𑀢𑀺 𑀘 ‘‘𑀦 𑀯𑀺𑀲𑁆𑀲𑀲𑁂 𑀏𑀓𑀢𑀺𑀬𑁂𑀲𑀽’’𑀢𑀺 𑀘 𑀧𑀸𑀴𑀻 𑁋 𑀢𑀢𑁆𑀣 ‘𑀦𑀺𑀧𑁆𑀮𑀯𑀺𑀢’𑀦𑁆𑀢𑀺 𑀉𑀤𑀓𑀢𑁄 𑀉𑀩𑁆𑀪𑀢𑀁.

𑀓𑀢𑀺𑀲𑀤𑁆𑀤𑁄 𑀩𑀳𑀼𑀯𑀘𑀦𑀦𑁆𑀢𑁄𑀯.

𑁨𑁩𑁭. 𑀝𑀺𑀓𑀢𑀺𑀫𑁆𑀳𑀸 [𑀭𑀽. 𑁧𑁨𑁦 𑀧𑀺𑀝𑁆𑀞𑁂].

𑀓𑀢𑀺𑀫𑁆𑀳𑀸 𑀬𑁄𑀦𑀁 𑀝𑀺 𑀳𑁄𑀢𑀺.

𑀓𑀢𑀺 𑀇𑀢𑁆𑀣𑀺𑀬𑁄, 𑀓𑀢𑀺 𑀧𑀼𑀭𑀺𑀲𑀸, 𑀓𑀢𑀺 𑀧𑀼𑀭𑀺𑀲𑁂, 𑀓𑀢𑀺 𑀘𑀺𑀢𑁆𑀢𑀸𑀦𑀺. 𑀓𑀢𑀺𑀳𑀺 𑀇𑀢𑁆𑀣𑀻𑀳𑀺, 𑀓𑀢𑀺𑀳𑀺 𑀧𑀼𑀭𑀺𑀲𑁂𑀳𑀺, 𑀓𑀢𑀺𑀳𑀺 𑀘𑀺𑀢𑁆𑀢𑁂𑀳𑀺.

𑁨𑁩𑁮. 𑀩𑀳𑀼𑀓𑀢𑀻𑀦𑀁 [‘𑀩𑀳𑀼 𑀓𑀢𑀺𑀦𑁆𑀦𑀁’ (𑀩𑀳𑀽𑀲𑀼)].

𑀦𑀁𑀫𑁆𑀳𑀺 𑀩𑀳𑀼, 𑀓𑀢𑀻𑀦𑀁 𑀅𑀦𑁆𑀢𑁂 𑀦𑀼𑀓 𑀳𑁄𑀢𑀺.

𑀓𑀢𑀺𑀦𑁆𑀦𑀁 𑀇𑀢𑁆𑀣𑀻𑀦𑀁, 𑀓𑀢𑀺𑀦𑁆𑀦𑀁 𑀧𑀼𑀭𑀺𑀲𑀸𑀦𑀁, 𑀓𑀢𑀺𑀦𑁆𑀦𑀁 𑀘𑀺𑀢𑁆𑀢𑀸𑀦𑀁, 𑀅𑀬𑀁 𑀦𑀸𑀕𑀫𑁄 𑀩𑀳𑀼𑀮𑀁 𑀦 𑀳𑁄𑀢𑀺, ‘𑀓𑀢𑀺𑀦𑀁 𑀢𑀺𑀣𑀻𑀦𑀁 𑀧𑀽𑀭𑀡𑀻 𑀓𑀢𑀺𑀫𑀻’𑀢𑀺 𑀘 𑀤𑀺𑀲𑁆𑀲𑀢𑀺. ‘‘𑀩𑀳𑀽𑀦𑀁 𑀯𑀲𑁆𑀲𑀲𑀢𑀸𑀦𑀁, 𑀩𑀳𑀽𑀦𑀁 𑀯𑀲𑁆𑀲𑀲𑀳𑀲𑁆𑀲𑀸𑀦’’𑀦𑁆𑀢𑀺 𑀘 ‘‘𑀩𑀳𑀽𑀦𑀁 𑀓𑀼𑀲𑀮𑀥𑀫𑁆𑀫𑀸𑀦𑀁, 𑀩𑀳𑀽𑀦𑀁 𑀅𑀓𑀼𑀲𑀮𑀥𑀫𑁆𑀫𑀸𑀦’’𑀦𑁆𑀢𑀺 𑀘 ‘‘𑀩𑀳𑀽𑀦𑀁 𑀯𑀢 𑀅𑀢𑁆𑀣𑀸𑀬, 𑀉𑀧𑁆𑀧𑀚𑁆𑀚𑀺𑀁𑀲𑀼 𑀢𑀣𑀸𑀕𑀢𑀸’’𑀢𑀺 [𑀯𑀺. 𑀯. 𑁮𑁦𑁭] 𑀘 𑀧𑀸𑀴𑀻.

𑀓𑀢𑀺𑀲𑀼 𑀇𑀢𑁆𑀣𑀻𑀲𑀼, 𑀓𑀢𑀺𑀲𑀼 𑀧𑀼𑀭𑀺𑀲𑁂𑀲𑀼, 𑀓𑀢𑀺𑀲𑀼 𑀘𑀺𑀢𑁆𑀢𑁂𑀲𑀼.

𑀩𑀳𑀼𑀲𑀤𑁆𑀤𑁂 𑀤𑁆𑀯𑀻𑀲𑀼 𑀦𑀁𑀯𑀘𑀦𑁂𑀲𑀼 𑀩𑀳𑀼𑀦𑁆𑀦𑀁, 𑀩𑀳𑀼𑀦𑁆𑀦𑀦𑁆𑀢𑀺 𑀯𑀢𑁆𑀢𑀩𑁆𑀩𑀁. 𑀲𑁂𑀲𑀁 𑀥𑁂𑀦𑀼, 𑀪𑀺𑀓𑁆𑀔𑀼, 𑀆𑀬𑀼𑀲𑀤𑀺𑀲𑀁.

𑀓𑀧𑀘𑁆𑀘𑀬𑁂 𑀓𑀜𑁆𑀜𑀸, 𑀧𑀼𑀭𑀺𑀲, 𑀘𑀺𑀢𑁆𑀢𑀲𑀤𑀺𑀲𑀁, 𑀩𑀳𑀽 𑀇𑀢𑁆𑀣𑀺𑀬𑁄, 𑀩𑀳𑀼𑀓𑀸 𑀇𑀢𑁆𑀣𑀺𑀬𑁄. 𑀩𑀳𑀽 𑀧𑀼𑀭𑀺𑀲𑀸, 𑀩𑀳𑀯𑁄 𑀧𑀼𑀭𑀺𑀲𑀸, 𑀩𑀳𑀼𑀓𑀸 𑀧𑀼𑀭𑀺𑀲𑀸. 𑀩𑀳𑀽𑀦𑀺 𑀘𑀺𑀢𑁆𑀢𑀸𑀦𑀺, 𑀩𑀳𑀼𑀓𑀸𑀦𑀺 𑀘𑀺𑀢𑁆𑀢𑀸𑀦𑀺 𑀇𑀘𑁆𑀘𑀸𑀤𑀺𑀦𑀸 𑀯𑀢𑁆𑀢𑀩𑁆𑀩𑀁. 𑀩𑀳𑀽𑀦𑀁 ¶ 𑀲𑀫𑀼𑀤𑀸𑀬𑀸𑀧𑁂𑀓𑁆𑀔𑀦𑁂 𑀲𑀢𑀺 𑀏𑀓𑀯𑀘𑀦𑀫𑁆𑀧𑀺 𑀮𑀩𑁆𑀪𑀢𑀺, ‘‘𑀩𑀳𑀼𑀚𑀦𑀲𑁆𑀲 𑀅𑀢𑁆𑀣𑀸𑀬 𑀩𑀳𑀼𑀚𑀦𑀲𑁆𑀲 𑀳𑀺𑀢𑀸𑀬, 𑀩𑀳𑀼𑀦𑁄 𑀚𑀦𑀲𑁆𑀲 𑀅𑀢𑁆𑀣𑀸𑀬 𑀳𑀺𑀢𑀸𑀬𑀸’’𑀢𑀺 [𑀅. 𑀦𑀺. 𑁧.𑁧𑁪𑁧] 𑀧𑀸𑀴𑀺.

𑀉𑀪𑀲𑀤𑁆𑀤𑁄 𑀩𑀳𑀼𑀯𑀘𑀦𑀦𑁆𑀢𑁄𑀯, ‘𑀉𑀪𑀕𑁄𑀳𑀺 𑀝𑁄’𑀢𑀺 𑀬𑁄𑀦𑀁 𑀝𑁄, 𑀉𑀪𑁄 𑀇𑀢𑁆𑀣𑀺𑀬𑁄, 𑀧𑀼𑀭𑀺𑀲𑀸, 𑀓𑀼𑀮𑀸𑀦𑀺 𑀕𑀘𑁆𑀙𑀦𑁆𑀢𑀺, 𑀉𑀪𑁄 𑀇𑀢𑁆𑀣𑀺𑀬𑁄, 𑀧𑀼𑀭𑀺𑀲𑀸, 𑀓𑀼𑀮𑀸𑀦𑀺 𑀧𑀲𑁆𑀲𑀢𑀺.

𑁨𑁩𑁯. 𑀲𑀼𑀳𑀺𑀲𑀼𑀪𑀲𑁆𑀲𑁄 [𑀦𑀻. 𑁩𑁧𑁩 (𑀭𑀽. 𑁧𑁦𑁯 𑀧𑀺𑀝𑁆𑀞𑁂)].

𑀲𑀼, 𑀳𑀺𑀲𑀼 𑀉𑀪𑀲𑁆𑀲 𑀅𑀦𑁆𑀢𑁄 𑀑 𑀳𑁄𑀢𑀺.

𑀉𑀪𑁄𑀳𑀺, 𑀉𑀪𑁄𑀲𑀼.

𑁨𑁪𑁦. 𑀉𑀪𑀺𑀦𑁆𑀦𑀁 [𑀓. 𑁮𑁬; 𑀦𑀻𑀭𑀽. 𑁨𑁨𑁭; 𑀦𑀻. 𑁩𑁪𑁧].

𑀉𑀪𑀫𑁆𑀳𑀸 𑀦𑀁𑀯𑀘𑀦𑀲𑁆𑀲 𑀇𑀦𑁆𑀦𑀁 𑀳𑁄𑀢𑀺.

𑀉𑀪𑀺𑀦𑁆𑀦𑀁. 𑀲𑀩𑁆𑀩𑀢𑁆𑀣 𑀇𑀢𑁆𑀣𑀺, 𑀧𑀼𑀭𑀺𑀲, 𑀓𑀼𑀮𑁂𑀳𑀺 𑀬𑁄𑀚𑁂𑀢𑀩𑁆𑀩𑀁.

𑁨𑁪𑁧. 𑀬𑁄𑀫𑁆𑀳𑀺 𑀤𑁆𑀯𑀺𑀦𑁆𑀦𑀁 𑀤𑀼𑀯𑁂𑀤𑁆𑀯𑁂 [𑀓. 𑁧𑁩𑁨; 𑀭𑀽. 𑁨𑁨𑁮; 𑀦𑀺. 𑁩𑁧𑁦].

𑀬𑁄𑀲𑀼 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑁆𑀯𑀺𑀲𑁆𑀲 𑀤𑀼𑀯𑁂, 𑀤𑁆𑀯𑁂 𑀳𑁄𑀦𑁆𑀢𑀺. ‘𑀤𑁆𑀯𑀺𑀦𑁆𑀦’𑀦𑁆𑀢𑀺 𑀯𑀘𑀦𑀁 𑀤𑁆𑀯𑀺𑀲𑁆𑀲 𑀩𑀳𑀼𑀯𑀘𑀦𑀦𑁆𑀢𑀦𑀺𑀬𑀫𑀢𑁆𑀣𑀁.

𑀤𑁆𑀯𑁂 𑀇𑀢𑁆𑀣𑀺𑀬𑁄, 𑀤𑁆𑀯𑁂 𑀧𑀼𑀭𑀺𑀲𑀸, 𑀤𑁆𑀯𑁂 𑀧𑀼𑀭𑀺𑀲𑁂, 𑀤𑁆𑀯𑁂 𑀘𑀺𑀢𑁆𑀢𑀸𑀦𑀺, 𑀤𑀼𑀯𑁂 𑀇𑀢𑁆𑀣𑀺𑀬𑁄, 𑀤𑀼𑀯𑁂 𑀧𑀼𑀭𑀺𑀲𑀸, 𑀤𑀼𑀯𑁂 𑀧𑀼𑀭𑀺𑀲𑁂, 𑀤𑀼𑀯𑁂 𑀘𑀺𑀢𑁆𑀢𑀸𑀦𑀺, 𑀤𑁆𑀯𑀻𑀳𑀺, 𑀤𑁆𑀯𑀻𑀪𑀺.

𑁨𑁪𑁨. 𑀦𑀁𑀫𑁆𑀳𑀺 𑀦𑀼𑀓 𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁 [𑀓. 𑁬𑁭; 𑀦𑀻. 𑁨𑁨𑁯; 𑀦𑀻. 𑁨𑁧𑁪].

𑀦𑀁𑀫𑁆𑀳𑀺 ¶ 𑀧𑀭𑁂 𑀤𑁆𑀯𑀸𑀤𑀻𑀦𑀁 𑀅𑀝𑁆𑀞𑀸𑀭𑀲𑀦𑁆𑀢𑀸𑀦𑀁 𑀲𑀢𑁆𑀢𑀭𑀲𑀦𑁆𑀦𑀁 𑀲𑀗𑁆𑀔𑁆𑀬𑀸𑀦𑀁 𑀅𑀦𑁆𑀢𑁂 𑀦𑀼𑀓 𑀳𑁄𑀢𑀺. 𑀉-𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄. 𑀓𑀸𑀦𑀼𑀩𑀦𑁆𑀥𑀁 𑀤𑀺𑀲𑁆𑀯𑀸 𑀅𑀦𑁆𑀢𑁂𑀢𑀺 𑀜𑀸𑀬𑀢𑀺.

𑀤𑁆𑀯𑀺𑀦𑁆𑀦𑀁.

𑁨𑁪𑁩. 𑀤𑀼𑀯𑀺𑀦𑁆𑀦𑀁 𑀦𑀁𑀫𑁆𑀳𑀺 [𑀓. 𑁧𑁩𑁨; 𑀭𑀽. 𑁨𑁨𑁮; 𑀦𑀻. 𑁨𑁪𑁪].

𑀦𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑁆𑀯𑀺𑀲𑁆𑀲 𑀤𑀼𑀯𑀺𑀦𑁆𑀦𑀁 𑀳𑁄𑀢𑀺 𑀯𑀸.

𑀤𑀼𑀯𑀺𑀦𑁆𑀦𑀁, 𑀤𑁆𑀯𑀻𑀳𑀺, 𑀤𑁆𑀯𑀻𑀪𑀺, 𑀤𑁆𑀯𑀺𑀦𑁆𑀦𑀁, 𑀤𑀼𑀯𑀺𑀦𑁆𑀦𑀁, 𑀤𑁆𑀯𑀻𑀲𑀼. 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀼𑀫𑁆𑀳𑀺 𑀤𑀼𑀯𑁂 𑀳𑁄𑀢𑀺, 𑀦𑀸𑀕𑀲𑁆𑀲 𑀤𑀼𑀯𑁂𑀲𑀼 𑀤𑀦𑁆𑀢𑁂𑀲𑀼 𑀦𑀺𑀫𑁆𑀫𑀺𑀢𑀸 [𑀯𑀺. 𑀯. 𑁭𑁦𑁬], 𑀘𑀓𑁆𑀓𑀸𑀦𑀺 𑀧𑀸𑀤𑁂𑀲𑀼 𑀤𑀼𑀯𑁂𑀲𑀼 𑀯𑀺𑀦𑁆𑀤𑀢𑀺 [𑀤𑀻. 𑀦𑀺. 𑁩.𑁨𑁦𑁫]. 𑀏𑀯𑀜𑁆𑀘 𑀲𑀢𑀺 𑀤𑀼𑀯𑁂𑀳𑀺, 𑀤𑀼𑀯𑁂𑀪𑀻𑀢𑀺𑀧𑀺 𑀲𑀺𑀤𑁆𑀥𑀫𑁂𑀯 𑀳𑁄𑀢𑀺, 𑀅𑀬𑀁 𑀤𑁆𑀯𑀺𑀲𑀤𑁆𑀤𑁄 𑀉𑀪𑀲𑀤𑁆𑀤𑁄 𑀯𑀺𑀬 𑀅𑀮𑀺𑀗𑁆𑀕𑁄.

𑁨𑁪𑁪. 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 [𑀓. 𑁧𑁩𑁩; 𑀭𑀽. 𑁨𑁩𑁦; 𑀦𑀻. 𑁩𑁧𑁧].

𑀇𑀢𑁆𑀣𑀺𑀬𑀁 𑀬𑁄𑀲𑀼 𑀲𑀯𑀺𑀪𑀢𑁆𑀢𑀻𑀦𑀦𑁆𑀢𑀺, 𑀘𑀢𑀼𑀦𑁆𑀦𑀁 𑀢𑀺𑀲𑁆𑀲𑁄, 𑀘𑀢𑀲𑁆𑀲𑁄 𑀳𑁄𑀦𑁆𑀢𑀺.

𑀢𑀺𑀲𑁆𑀲𑁄 𑀇𑀢𑁆𑀣𑀺𑀬𑁄, 𑀘𑀢𑀲𑁆𑀲𑁄 𑀇𑀢𑁆𑀣𑀺𑀬𑁄.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀳𑀺𑀲𑀼 𑀘 𑀢𑀺𑀲𑁆𑀲, 𑀘𑀢𑀲𑁆𑀲𑀸 𑀳𑁄𑀦𑁆𑀢𑀺, ‘‘𑀢𑀺𑀲𑁆𑀲𑁂𑀳𑀺 𑀘𑀢𑀲𑁆𑀲𑁂𑀳𑀺 𑀧𑀭𑀺𑀲𑀸𑀳𑀺, 𑀘𑀢𑀲𑁆𑀲𑁂𑀳𑀺 𑀲𑀳𑀺𑀢𑁄 𑀮𑁄𑀓𑀦𑀸𑀬𑀓𑁄’’𑀢𑀺 𑀧𑀸𑀴𑀻. 𑀢𑀻𑀳𑀺, 𑀢𑀻𑀪𑀺 𑀇𑀢𑁆𑀣𑀻𑀳𑀺, 𑀘𑀢𑀽𑀳𑀺, 𑀘𑀢𑀽𑀪𑀺, 𑀘𑀢𑀼𑀩𑁆𑀪𑀺 𑀇𑀢𑁆𑀣𑀻𑀳𑀺.

𑁨𑁪𑁫. 𑀦𑀁𑀫𑁆𑀳𑀺 𑀢𑀺𑀘𑀢𑀼𑀦𑁆𑀦𑀫𑀺𑀢𑁆𑀣𑀺𑀬𑀁 𑀢𑀺𑀲𑁆𑀲𑀘𑀢𑀲𑁆𑀲𑀸 [𑀤𑀻. 𑀦𑀺. 𑁩.𑁨𑁦𑁫].

𑀇𑀢𑁆𑀣𑀺𑀬𑀁 𑀦𑀁𑀫𑁆𑀳𑀺𑀢𑀺, 𑀘𑀢𑀼𑀦𑁆𑀦𑀁 𑀢𑀺𑀲𑁆𑀲, 𑀘𑀢𑀲𑁆𑀲𑀸 𑀳𑁄𑀦𑁆𑀢𑀺.

𑀢𑀺𑀲𑁆𑀲𑀦𑁆𑀦𑀁 ¶ 𑀇𑀢𑁆𑀣𑀻𑀦𑀁, 𑀘𑀢𑀲𑁆𑀲𑀦𑁆𑀦𑀁 𑀇𑀢𑁆𑀣𑀻𑀦𑀁, 𑀢𑀺𑀡𑁆𑀡𑀁 𑀇𑀢𑁆𑀣𑀻𑀦𑀁, 𑀘𑀢𑀼𑀦𑁆𑀦𑀁 𑀇𑀢𑁆𑀣𑀻𑀦𑀁, 𑀲𑀫𑀡𑁄 𑀕𑁄𑀢𑀫𑁄 𑀘𑀢𑀼𑀦𑁆𑀦𑀁 𑀧𑀭𑀺𑀲𑀸𑀦𑀁 𑀲𑀓𑁆𑀓𑀢𑁄 𑀳𑁄𑀢𑀺, 𑀘𑀢𑀼𑀦𑁆𑀦𑀁 𑀧𑀭𑀺𑀲𑀸𑀦𑀁 𑀧𑀺𑀬𑁄 𑀳𑁄𑀢𑀺 𑀫𑀦𑀸𑀧𑁄𑀢𑀺 [𑀤𑀻. 𑀦𑀺. 𑁧.𑁩𑁦𑁪], 𑀢𑀺𑀲𑁆𑀲𑁂𑀳𑀺, 𑀘𑀢𑀲𑁆𑀲𑁂𑀳𑀺, 𑀢𑀻𑀳𑀺, 𑀢𑀻𑀪𑀺, 𑀘𑀢𑀽𑀳𑀺, 𑀘𑀢𑀽𑀪𑀺, 𑀘𑀢𑀼𑀩𑁆𑀪𑀺, 𑀢𑀺𑀲𑁆𑀲𑀦𑁆𑀦𑀁, 𑀘𑀢𑀲𑁆𑀲𑀦𑁆𑀦𑀁, 𑀢𑀺𑀡𑁆𑀡𑀁, 𑀘𑀢𑀼𑀦𑁆𑀦𑀁, 𑀢𑀻𑀲𑀼, 𑀘𑀢𑀽𑀲𑀼.

𑀧𑀸𑀴𑀺𑀬𑀁 ‘‘𑀘𑀢𑀲𑁆𑀲𑁂𑀳𑀻’’𑀢𑀺 𑀤𑀺𑀝𑁆𑀞𑀢𑁆𑀢𑀸 𑀢𑀺𑀲𑁆𑀲𑁂𑀲𑀼, 𑀘𑀢𑀲𑁆𑀲𑁂𑀲𑀽𑀢𑀺𑀧𑀺 𑀤𑀺𑀝𑁆𑀞𑀫𑁂𑀯 𑀳𑁄𑀢𑀺.

𑁨𑁪𑁬. 𑀧𑀼𑀫𑁂 𑀢𑀬𑁄 𑀘𑀢𑁆𑀢𑀸𑀭𑁄 [𑀓. 𑁧𑁩𑁩; 𑀭𑀽. 𑁨𑁩𑁦; 𑀦𑀻. 𑁩𑁧𑁧].

𑀧𑀼𑀮𑁆𑀮𑀺𑀗𑁆𑀕𑁂 𑀬𑁄𑀲𑀼 𑀲𑀯𑀺𑀪𑀢𑁆𑀢𑀻𑀦𑀦𑁆𑀢𑀺, 𑀘𑀢𑀼𑀦𑁆𑀦𑀁 𑀢𑀬𑁄, 𑀘𑀢𑁆𑀢𑀸𑀭𑁄 𑀳𑁄𑀦𑁆𑀢𑀺.

𑀢𑀬𑁄 𑀧𑀼𑀭𑀺𑀲𑀸, 𑀢𑀬𑁄 𑀧𑀼𑀭𑀺𑀲𑁂, 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑀸, 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑁂.

𑁨𑁪𑁭. 𑀘𑀢𑀼𑀭𑁄 𑀘𑀢𑀼𑀲𑁆𑀲 [𑀓. 𑁭𑁮, 𑁨𑁦𑁫, 𑁩𑁧; 𑀭𑀽. 𑁧𑁬𑁦; 𑀦𑀻. 𑁨𑁩𑁪; ‘𑀘𑀢𑀼𑀭𑁄 𑀯𑀸 𑀘𑀢𑀼𑀲𑁆𑀲’ (𑀩𑀳𑀽𑀲𑀼)].

𑀧𑀼𑀫𑁂 𑀲𑀯𑀺𑀪𑀢𑁆𑀢𑀺𑀲𑁆𑀲 𑀘𑀢𑀼𑀲𑀤𑁆𑀤𑀲𑁆𑀲 𑀘𑀢𑀼𑀭𑁄 𑀳𑁄𑀢𑀺.

𑀘𑀢𑀼𑀭𑁄 𑀧𑀼𑀭𑀺𑀲𑀸, 𑀘𑀢𑀼𑀭𑁄 𑀧𑀼𑀭𑀺𑀲𑁂. 𑀓𑀣𑀁 𑀘𑀢𑀼𑀭𑁄 𑀦𑀺𑀫𑀺𑀢𑁆𑀢𑁂 𑀦𑀸𑀤𑀲𑁆𑀲𑀺𑀁, 𑀘𑀢𑀼𑀭𑁄 𑀨𑀮𑀫𑀼𑀢𑁆𑀢𑀫𑁂𑀢𑀺? ‘‘𑀮𑀺𑀗𑁆𑀕𑀯𑀺𑀧𑀮𑁆𑀮𑀸𑀲𑀸’’𑀢𑀺 𑀯𑀼𑀢𑁆𑀢𑀺𑀬𑀁 𑀯𑀼𑀢𑁆𑀢𑀁, 𑀢𑀻𑀳𑀺, 𑀢𑀻𑀪𑀺, 𑀘𑀢𑀽𑀳𑀺, 𑀘𑀢𑀽𑀪𑀺, 𑀘𑀢𑀼𑀩𑁆𑀪𑀺.

𑁨𑁪𑁮. 𑀇𑀡𑁆𑀡𑀁𑀇𑀡𑁆𑀡𑀦𑁆𑀦𑀁 𑀢𑀺𑀢𑁄 𑀛𑀸 [𑀓. 𑁮𑁭; 𑀭𑀽. 𑁨𑁩𑁧; 𑀦𑀻. 𑁨𑁪𑁩; ‘𑀡𑁆𑀡𑀁𑀡𑁆𑀡𑀦𑁆𑀦𑀁𑀢𑀺𑀓𑁄 𑀛𑀸’ (𑀩𑀳𑀽𑀲𑀼)].

𑀛𑀲𑀜𑁆𑀜𑀫𑁆𑀳𑀸 𑀢𑀺𑀫𑁆𑀳𑀸 𑀦𑀁𑀯𑀘𑀦𑀲𑁆𑀲 𑀇𑀡𑁆𑀡𑀁, 𑀇𑀡𑁆𑀡𑀦𑁆𑀦𑀁 𑀳𑁄𑀦𑁆𑀢𑀺.

𑀢𑀺𑀡𑁆𑀡𑀁, 𑀢𑀺𑀡𑁆𑀡𑀦𑁆𑀦𑀁, 𑀘𑀢𑀼𑀦𑁆𑀦𑀁, 𑀢𑀻𑀳𑀺, 𑀢𑀻𑀪𑀺, 𑀘𑀢𑀽𑀳𑀺, 𑀘𑀢𑀽𑀪𑀺, 𑀘𑀢𑀼𑀩𑁆𑀪𑀺, 𑀢𑀺𑀡𑁆𑀡𑀁, 𑀢𑀺𑀡𑁆𑀡𑀦𑁆𑀦𑀁, 𑀘𑀢𑀼𑀦𑁆𑀦𑀁, 𑀢𑀻𑀲𑀼, 𑀘𑀢𑀽𑀲𑀼.

𑁨𑁪𑁯. 𑀢𑀻𑀡𑀺𑀘𑀢𑁆𑀢𑀸𑀭𑀺 𑀦𑀧𑀼𑀁𑀲𑀓𑁂 [𑀓. 𑁧𑁩𑁩; 𑀭𑀽. 𑁨𑁩𑁦; 𑀦𑀻. 𑁩𑁧𑁧].

𑀦𑀧𑀼𑀁𑀲𑀓𑁂 ¶ 𑀬𑁄𑀲𑀼 𑀲𑀯𑀺𑀪𑀢𑁆𑀢𑀻𑀦𑀦𑁆𑀢𑀺, 𑀘𑀢𑀼𑀦𑁆𑀦𑀁 𑀢𑀻𑀡𑀺, 𑀘𑀢𑁆𑀢𑀸𑀭𑀺 𑀳𑁄𑀦𑁆𑀢𑀺.

𑀢𑀻𑀡𑀺 𑀘𑀺𑀢𑁆𑀢𑀸𑀦𑀺, 𑀘𑀢𑁆𑀢𑀸𑀭𑀺 𑀘𑀺𑀢𑁆𑀢𑀸𑀦𑀺. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀯𑀘𑀦𑀲𑀺𑀮𑀺𑀝𑁆𑀞𑀢𑁆𑀢𑁂 𑀧𑀦 𑀲𑀢𑀺 𑀯𑀺𑀲𑀤𑀺𑀲𑀮𑀺𑀗𑁆𑀕𑀯𑀘𑀦𑀸𑀦𑀫𑁆𑀧𑀺 𑀧𑀤𑀸𑀦𑀁 𑀅𑀜𑁆𑀜𑀫𑀜𑁆𑀜𑀲𑀁𑀬𑁄𑀕𑁄 𑀳𑁄𑀢𑀺, 𑀘𑀢𑁆𑀢𑀸𑀭𑁄 𑀲𑀢𑀺𑀧𑀝𑁆𑀞𑀸𑀦𑀸 [𑀤𑀻. 𑀦𑀺. 𑁩.𑁧𑁪𑁫], 𑀘𑀢𑁆𑀢𑀸𑀭𑁄 𑀲𑀫𑁆𑀫𑀧𑁆𑀧𑀥𑀸𑀦𑀸 [𑀤𑀻. 𑀦𑀺. 𑁩.𑁧𑁪𑁫], 𑀢𑀬𑁄𑀫𑀳𑀸𑀪𑀽𑀢𑀸, 𑀢𑀬𑁄 𑀫𑀳𑀸𑀪𑀽𑀢𑁂 [𑀧𑀝𑁆𑀞𑀸. 𑁧.𑁧.𑁫𑁮], 𑀲𑀩𑁆𑀩𑁂 𑀫𑀸𑀮𑀸 𑀉𑀧𑁂𑀦𑁆𑀢𑀺 𑀫𑀁 [𑀥𑀼. 𑁩.𑁬], 𑀲𑀩𑁆𑀩𑁂 𑀓𑀜𑁆𑀜𑀸 𑀉𑀧𑁂𑀦𑁆𑀢𑀺 𑀫𑀁 [𑀥𑀼. 𑁩.𑁬], 𑀲𑀩𑁆𑀩𑁂 𑀭𑀢𑀦𑀸 𑀉𑀧𑁂𑀦𑁆𑀢𑀺 𑀫𑀁 [𑀥𑀼. 𑁩.𑁬], 𑀲𑀩𑁆𑀩𑁂 𑀬𑀸𑀦𑀸 𑀉𑀧𑁂𑀦𑁆𑀢𑀺 𑀫𑀁 [𑀥𑀼. 𑁩.𑁬], 𑀅𑀯𑀺𑀚𑁆𑀚𑀸𑀬 𑀲𑀢𑀺 𑀲𑀗𑁆𑀔𑀸𑀭𑀸 𑀳𑁄𑀦𑁆𑀢𑀺, 𑀲𑀗𑁆𑀔𑀸𑀭𑁂𑀲𑀼 𑀲𑀢𑀺 𑀯𑀺𑀜𑁆𑀜𑀸𑀡𑀁 𑀳𑁄𑀢𑀺 [𑀲𑀁. 𑀦𑀺. 𑁨.𑁫𑁦] 𑀇𑀘𑁆𑀘𑀸𑀤𑀺.

𑀕𑀸𑀣𑀸𑀲𑀼 𑀯𑀺𑀧𑀮𑁆𑀮𑀸𑀲𑀸𑀧𑀺 𑀩𑀳𑀼𑀮𑀁 𑀤𑀺𑀲𑁆𑀲𑀦𑁆𑀢𑀺, 𑀅𑀜𑁆𑀜𑁂 𑀥𑀫𑁆𑀫𑀸𑀦𑀺 𑀤𑁂𑀲𑁂𑀦𑁆𑀢𑀺, 𑀏𑀯𑀁 𑀥𑀫𑁆𑀫𑀸𑀦𑀺 𑀲𑀼𑀢𑁆𑀯𑀸𑀦, 𑀲𑀢𑀜𑁆𑀘 𑀥𑀫𑁆𑀫𑀸𑀦𑀺 𑀲𑀼𑀓𑀺𑀢𑁆𑀢𑀺𑀢𑀸𑀦𑀺 𑀲𑀼𑀢𑁆𑀯𑀸, 𑀅𑀢𑁆𑀣𑀸𑀦𑀺 𑀘𑀺𑀦𑁆𑀢𑀬𑀺𑀢𑁆𑀯𑀸𑀦, 𑀉𑀢𑁆𑀢𑀫𑀢𑁆𑀣𑀸𑀦𑀺 𑀢𑀬𑀺 𑀮𑀪𑀺𑀫𑁆𑀳𑀸, 𑀓𑀺𑀁 𑀢𑁆𑀯𑀁 𑀅𑀢𑁆𑀣𑀸𑀦𑀺 𑀚𑀸𑀦𑀸𑀲𑀺, 𑀇𑀘𑁆𑀙𑁂𑀬𑁆𑀬𑀸𑀫𑀺 𑀪𑀦𑁆𑀢𑁂 𑀲𑀢𑁆𑀢𑀧𑀼𑀢𑁆𑀢𑀸𑀦𑀺, 𑀲𑀺𑀯𑀺𑀧𑀼𑀢𑁆𑀢𑀸𑀦𑀺 𑀅𑀯𑁆𑀳𑀬 [𑀚𑀸. 𑁨.𑁨𑁨.𑁨𑁨𑁩𑁫], 𑀧𑀼𑀢𑁆𑀢𑀤𑀸𑀭𑀸𑀦𑀺 𑀧𑁄𑀲𑁂𑀦𑁆𑀢𑀺, 𑀩𑀮𑀻𑀩𑀤𑁆𑀤𑀸𑀦𑀺 𑀲𑁄𑀴𑀲 𑀇𑀘𑁆𑀘𑀸𑀤𑀺.

𑀇𑀥 𑀲𑁂𑀲𑀲𑀗𑁆𑀔𑁆𑀬𑀸𑀦𑀸𑀫𑀸𑀦𑀺 𑀤𑀻𑀧𑀺𑀬𑀦𑁆𑀢𑁂.

𑁨𑁫𑁦. 𑀝 𑀧𑀜𑁆𑀘𑀸𑀤𑀻𑀳𑀺 𑀘𑀼𑀤𑁆𑀤𑀲𑀳𑀺 [𑀓. 𑁧𑁩𑁪; 𑀭𑀽. 𑁨𑁫𑁧; 𑀦𑀻. 𑁨𑁪𑁭].

𑀧𑀜𑁆𑀘𑀸𑀤𑀻𑀳𑀺 𑀅𑀝𑁆𑀞𑀸𑀭𑀲𑀦𑁆𑀢𑁂𑀳𑀺 𑀲𑀗𑁆𑀔𑁆𑀬𑀸𑀲𑀤𑁆𑀤𑁂𑀳𑀺 𑀬𑁄𑀦𑀁 𑀝 𑀳𑁄𑀢𑀺.

𑀧𑀜𑁆𑀘 𑀇𑀢𑁆𑀣𑀺𑀬𑁄, 𑀧𑀜𑁆𑀘 𑀧𑀼𑀭𑀺𑀲𑀸, 𑀧𑀼𑀭𑀺𑀲𑁂, 𑀧𑀜𑁆𑀘 𑀘𑀺𑀢𑁆𑀢𑀸𑀦𑀺, 𑀙 𑀇𑀢𑁆𑀣𑀺𑀬𑁄.

𑀴𑀸𑀕𑀫𑁂 ¶ 𑀧𑀦 ‘‘𑀇𑀢𑁆𑀣𑀺𑀪𑀸𑀯𑀸 𑀦 𑀫𑀼𑀘𑁆𑀘𑀺𑀲𑁆𑀲𑀁, 𑀙𑀴𑀸𑀦𑀺 𑀕𑀢𑀺𑀬𑁄 𑀇𑀫𑀸’’𑀢𑀺 𑀧𑀸𑀴𑀺.

𑀙 𑀧𑀼𑀭𑀺𑀲𑀸, 𑀙 𑀧𑀼𑀭𑀺𑀲𑁂, 𑀙 𑀘𑀺𑀢𑁆𑀢𑀸𑀦𑀺. 𑀏𑀯𑀁 𑀲𑀢𑁆𑀢, 𑀅𑀝𑁆𑀞, 𑀦𑀯, 𑀤𑀲, 𑀏𑀓𑀸𑀤𑀲…𑀧𑁂… 𑀅𑀝𑁆𑀞𑀸𑀭𑀲.

𑁨𑁫𑁧. 𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦𑀫 [𑀓. 𑁯𑁦; 𑀭𑀽. 𑁨𑁫𑁨; 𑀦𑀻. 𑁨𑁪𑁭].

𑀲𑀼, 𑀦𑀁, 𑀳𑀺𑀲𑀼 𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦𑀁 𑀅𑀲𑁆𑀲 𑀅𑀢𑁆𑀢𑀫𑁂𑀯 𑀳𑁄𑀢𑀺, 𑀦 𑀏𑀢𑁆𑀢𑀁 𑀯𑀸 𑀤𑀻𑀖𑀢𑁆𑀢𑀁 𑀯𑀸 𑀳𑁄𑀢𑀺.

𑀧𑀜𑁆𑀘𑀳𑀺, 𑀧𑀜𑁆𑀘𑀦𑁆𑀦𑀁, 𑀧𑀜𑁆𑀘𑀲𑀼, 𑀙𑀳𑀺, 𑀙𑀦𑁆𑀦𑀁, 𑀙𑀲𑀼, 𑀲𑀢𑁆𑀢𑀳𑀺, 𑀲𑀢𑁆𑀢𑀦𑁆𑀦𑀁, 𑀲𑀢𑁆𑀢𑀲𑀼, 𑀅𑀝𑁆𑀞𑀳𑀺, 𑀅𑀝𑁆𑀞𑀦𑁆𑀦𑀁, 𑀅𑀝𑁆𑀞𑀲𑀼, 𑀦𑀯𑀳𑀺, 𑀦𑀯𑀦𑁆𑀦𑀁, 𑀦𑀯𑀲𑀼, 𑀤𑀲𑀳𑀺, 𑀤𑀲𑀦𑁆𑀦𑀁, 𑀤𑀲𑀲𑀼, 𑀏𑀓𑀸𑀤𑀲𑀳𑀺, 𑀏𑀓𑀸𑀤𑀲𑀦𑁆𑀦𑀁, 𑀏𑀓𑀸𑀤𑀲𑀲𑀼…𑀧𑁂… 𑀅𑀝𑁆𑀞𑀸𑀭𑀲𑀳𑀺, 𑀅𑀝𑁆𑀞𑀸𑀭𑀲𑀦𑁆𑀦𑀁, 𑀅𑀝𑁆𑀞𑀸𑀭𑀲𑀲𑀼.

𑀏𑀢𑁂 𑀲𑀩𑁆𑀩𑁂 𑀅𑀮𑀺𑀗𑁆𑀕𑀸 𑀩𑀳𑀼𑀯𑀘𑀦𑀦𑁆𑀢𑀸 𑀏𑀯.

‘𑀇𑀢𑁆𑀣𑀺𑀬𑀫𑀢𑁆𑀯𑀸’𑀢𑀺 𑀯𑀻𑀲, 𑀢𑀺𑀁𑀲, 𑀘𑀢𑁆𑀢𑀸𑀮𑀻𑀲, 𑀧𑀜𑁆𑀜𑀸𑀲𑁂𑀳𑀺 𑀆𑀧𑀘𑁆𑀘𑀬𑁄, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀲𑀺𑀫𑁆𑀳𑀺 𑀭𑀲𑁆𑀲𑁄 𑀲𑀺𑀮𑁄𑀧𑁄 𑀘, ‘𑀦𑀺𑀕𑁆𑀕𑀳𑀻𑀢’𑀦𑁆𑀢𑀺 𑀯𑀺𑀓𑀧𑁆𑀧𑁂𑀦 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀯𑀺𑀓𑀧𑁆𑀧𑁂𑀦 𑀅𑀁𑀮𑁄𑀧𑁄, 𑀦𑀸𑀤𑀻𑀦𑀁 𑀏𑀓𑀯𑀘𑀦𑀸𑀦𑀁 𑀬𑀸𑀤𑁂𑀲𑁄, 𑀯𑀻𑀲 𑀇𑀢𑁆𑀣𑀺𑀬𑁄, 𑀯𑀻𑀲𑀁 𑀇𑀢𑁆𑀣𑀺𑀬𑁄, 𑀯𑀻𑀲 𑀧𑀼𑀭𑀺𑀲𑀸, 𑀯𑀻𑀲𑀁 𑀧𑀼𑀭𑀺𑀲𑀸, 𑀯𑀻𑀲 𑀧𑀼𑀭𑀺𑀲𑁂, 𑀯𑀻𑀲𑀁 𑀧𑀼𑀭𑀺𑀲𑁂, 𑀯𑀻𑀲 𑀘𑀺𑀢𑁆𑀢𑀸𑀦𑀺, 𑀯𑀻𑀲𑀁 𑀘𑀺𑀢𑁆𑀢𑀸𑀦𑀺, 𑀯𑀻𑀲𑀸𑀬 𑀇𑀢𑁆𑀣𑀻𑀳𑀺 𑀓𑀫𑁆𑀫𑀁 𑀓𑀢𑀁, 𑀯𑀻𑀲𑀸𑀬 𑀧𑀼𑀭𑀺𑀲𑁂𑀳𑀺 𑀓𑀫𑁆𑀫𑀁 𑀓𑀢𑀁, 𑀯𑀻𑀲𑀸𑀬 𑀓𑀼𑀮𑁂𑀳𑀺 𑀓𑀫𑁆𑀫𑀁 𑀓𑀢𑀁, 𑀯𑀻𑀲𑀸𑀬 𑀇𑀢𑁆𑀣𑀻𑀦𑀁, 𑀧𑀼𑀭𑀺𑀲𑀸𑀦𑀁, 𑀓𑀼𑀮𑀸𑀦𑀁, 𑀲𑀢𑁆𑀢𑀫𑀺𑀬𑀁 𑀯𑀻𑀲𑀸𑀬 𑀇𑀢𑁆𑀣𑀻𑀲𑀼, 𑀧𑀼𑀭𑀺𑀲𑁂𑀲𑀼, 𑀓𑀼𑀮𑁂𑀲𑀼.

𑀢𑀺𑀧𑀘𑁆𑀘𑀬𑁂 𑀯𑀻𑀲𑀢𑀺, 𑀢𑀺𑀁𑀲𑀢𑀺𑀲𑀤𑁆𑀤𑀸𑀧𑀺 𑀲𑀝𑁆𑀞𑀺, 𑀲𑀢𑁆𑀢𑀢𑀺, 𑀅𑀲𑀻𑀢𑀺, 𑀦𑀯𑀼𑀢𑀺𑀲𑀤𑁆𑀤𑀸 𑀯𑀺𑀬 𑀦𑀺𑀘𑁆𑀘𑀁 𑀇𑀢𑁆𑀣𑀺 𑀮𑀺𑀗𑁆𑀕𑁂𑀓𑀯𑀘𑀦𑀦𑁆𑀢𑀸 𑀏𑀯, 𑀲𑀺, 𑀅𑀁𑀮𑁄𑀧𑁄, 𑀯𑀻𑀲𑀢𑀺 𑀇𑀢𑁆𑀣𑀺𑀬𑁄, 𑀯𑀻𑀲𑀢𑀺 𑀧𑀼𑀭𑀺𑀲𑀸, 𑀧𑀼𑀭𑀺𑀲𑁂, 𑀯𑀻𑀲𑀢𑀺 𑀓𑀼𑀮𑀸𑀦𑀺, 𑀯𑀻𑀲𑀢𑀺𑀬𑀸 𑀇𑀢𑁆𑀣𑀻𑀳𑀺, 𑀇𑀢𑁆𑀣𑀻𑀦𑀁, 𑀧𑀼𑀭𑀺𑀲𑁂𑀳𑀺, 𑀧𑀼𑀭𑀺𑀲𑀸𑀦𑀁, 𑀓𑀼𑀮𑁂𑀳𑀺, 𑀓𑀼𑀮𑀸𑀦𑀁 ¶ , 𑀯𑀻𑀲𑀢𑀺𑀬𑀸, 𑀯𑀻𑀲𑀢𑀺𑀬𑀁 𑀇𑀢𑁆𑀣𑀺, 𑀧𑀼𑀭𑀺𑀲, 𑀓𑀼𑀮𑁂𑀲𑀼, 𑀏𑀯𑀁 𑀬𑀸𑀯𑀦𑀯𑀼𑀢𑀺𑀬𑀸 𑀯𑁂𑀤𑀺𑀢𑀩𑁆𑀩𑀸. 𑀯𑀕𑁆𑀕𑀪𑁂𑀤𑁂 𑀧𑀦 𑀲𑀢𑀺 𑀩𑀳𑀼𑀯𑀘𑀦𑀫𑁆𑀧𑀺 𑀯𑀺𑀓𑀧𑁆𑀧𑁂𑀦 𑀤𑀺𑀲𑁆𑀲𑀢𑀺, 𑀤𑁆𑀯𑁂 𑀯𑀻𑀲𑀢𑀺𑀬𑁄 𑀇𑀘𑁆𑀘𑀸𑀤𑀺.

𑀲𑀢𑀁, 𑀲𑀳𑀲𑁆𑀲𑀁, 𑀤𑀲𑀲𑀳𑀲𑁆𑀲𑀁, 𑀲𑀢𑀲𑀳𑀲𑁆𑀲𑀁, 𑀤𑀲𑀲𑀢𑀲𑀳𑀲𑁆𑀲𑀦𑁆𑀢𑀺 𑀇𑀫𑁂 𑀦𑀧𑀼𑀁𑀲𑀓𑀮𑀺𑀗𑁆𑀕𑀸𑀬𑁂𑀯. 𑀲𑀗𑁆𑀔𑁆𑀬𑁂𑀬𑁆𑀬𑀧𑀥𑀸𑀦𑁂 𑀧𑀦 𑀇𑀢𑁆𑀣𑀺𑀮𑀺𑀗𑁆𑀕𑁂 𑀯𑀢𑁆𑀢𑀩𑁆𑀩𑁂 𑀲𑀳𑀲𑁆𑀲𑀻, 𑀤𑀲𑀲𑀳𑀲𑁆𑀲𑀻, 𑀲𑀢𑀲𑀳𑀲𑁆𑀲𑀻𑀢𑀺 𑀇𑀢𑁆𑀣𑀺𑀮𑀺𑀗𑁆𑀕𑀁 𑀪𑀯𑀢𑀺. 𑀯𑀕𑁆𑀕𑀪𑁂𑀤𑁂 𑀧𑀦 𑀤𑁆𑀯𑁂 𑀲𑀢𑀸𑀦𑀺, 𑀢𑀻𑀡𑀺 𑀲𑀢𑀸𑀦𑀺, 𑀤𑁆𑀯𑁂 𑀲𑀳𑀲𑁆𑀲𑀸𑀦𑀺, 𑀢𑀻𑀡𑀺 𑀲𑀳𑀲𑁆𑀲𑀸𑀦𑀺 𑀇𑀘𑁆𑀘𑀸𑀤𑀻𑀦𑀺 𑀪𑀯𑀦𑁆𑀢𑀺. 𑀓𑁄𑀝𑀺, 𑀧𑀓𑁄𑀝𑀺, 𑀓𑁄𑀝𑀺𑀧𑀓𑁄𑀝𑀺, 𑀅𑀓𑁆𑀔𑁄𑀪𑀺𑀡𑀻𑀲𑀤𑁆𑀤𑀸 𑀇𑀢𑁆𑀣𑀺𑀮𑀺𑀗𑁆𑀕𑀸 𑀏𑀯. 𑀲𑁂𑀲𑀁 𑀲𑀩𑁆𑀩𑀁 𑀬𑀸𑀯𑀅𑀲𑀗𑁆𑀔𑁆𑀬𑁂𑀬𑁆𑀬𑀸 𑀦𑀧𑀼𑀁𑀲𑀓𑀫𑁂𑀯.

𑀲𑀳𑀲𑁆𑀲𑀁 𑀓𑀸𑀲𑀺 𑀦𑀸𑀫, 𑀤𑀲𑀲𑀳𑀲𑁆𑀲𑀁 𑀦𑀳𑀼𑀢𑀁 𑀦𑀸𑀫, 𑀲𑀢𑀲𑀳𑀲𑁆𑀲𑀁 𑀮𑀓𑁆𑀔𑀁 𑀦𑀸𑀫.

𑀤𑀼𑀯𑀺𑀥𑀁 𑀧𑀥𑀸𑀦𑀁 𑀲𑀗𑁆𑀔𑁆𑀬𑀸𑀧𑀥𑀸𑀦𑀁, 𑀲𑀗𑁆𑀔𑁆𑀬𑁂𑀬𑁆𑀬𑀧𑀥𑀸𑀦𑀜𑁆𑀘. 𑀧𑀼𑀭𑀺𑀲𑀸𑀦𑀁 𑀯𑀻𑀲𑀢𑀺 𑀳𑁄𑀢𑀺, 𑀧𑀼𑀭𑀺𑀲𑀸𑀦𑀁 𑀦𑀯𑀼𑀢𑀺 𑀳𑁄𑀢𑀺, 𑀧𑀼𑀭𑀺𑀲𑀸𑀦𑀁 𑀲𑀢𑀁 𑀳𑁄𑀢𑀺, 𑀲𑀳𑀲𑁆𑀲𑀁 𑀳𑁄𑀢𑀺 𑀇𑀘𑁆𑀘𑀸𑀤𑀺 𑀲𑀗𑁆𑀔𑁆𑀬𑀸𑀧𑀥𑀸𑀦𑀁 𑀦𑀸𑀫, 𑀯𑀻𑀲𑀢𑀺 𑀧𑀼𑀭𑀺𑀲𑀸, 𑀦𑀯𑀼𑀢𑀺 𑀧𑀼𑀭𑀺𑀲𑀸, 𑀲𑀢𑀁 𑀧𑀼𑀭𑀺𑀲𑀸, 𑀲𑀳𑀲𑁆𑀲𑀁 𑀧𑀼𑀭𑀺𑀲𑀸 𑀇𑀘𑁆𑀘𑀸𑀤𑀺 𑀲𑀗𑁆𑀔𑁆𑀬𑁂𑀬𑁆𑀬𑀧𑀥𑀸𑀦𑀁 𑀦𑀸𑀫.

𑀏𑀢𑁆𑀣𑀧𑀺 𑀯𑀻𑀲𑀢𑀺𑀲𑀤𑁆𑀤𑁄 𑀇𑀢𑁆𑀣𑀺𑀮𑀺𑀗𑁆𑀕𑁂𑀓𑀯𑀘𑀦𑁄 𑀏𑀯. 𑀲𑀢, 𑀲𑀳𑀲𑁆𑀲𑀲𑀤𑁆𑀤𑀸 𑀦𑀧𑀼𑀁𑀲𑀓𑁂𑀓𑀯𑀘𑀦𑀸 𑀏𑀯. 𑀲𑀗𑁆𑀔𑁆𑀬𑀸𑀲𑀤𑁆𑀤𑀸𑀦𑀁 𑀧𑀦 𑀧𑀤𑀯𑀺𑀥𑀸𑀦𑀜𑁆𑀘 𑀕𑀼𑀡𑀯𑀺𑀥𑀸𑀦𑀜𑁆𑀘 𑀲𑀫𑀸𑀲𑀓𑀡𑁆𑀟𑁂 𑀆𑀕𑀫𑀺𑀲𑁆𑀲𑀢𑀺.

𑀲𑀗𑁆𑀔𑁆𑀬𑀸𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑁨𑁫𑁨. 𑀲𑀺𑀫𑁆𑀳𑀸𑀳𑀁 [𑀓. 𑁧𑁪𑁯; 𑀭𑀽. 𑁨𑁩𑁨; 𑀦𑀻. 𑁩𑁧𑁯; ‘𑀲𑀺𑀫𑁆𑀳𑀳𑀁’ (𑀩𑀳𑀽𑀲𑀼)].

𑀲𑀺𑀫𑁆𑀳𑀺 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀫𑁆𑀳𑀲𑁆𑀲 𑀅𑀳𑀁 𑀳𑁄𑀢𑀺.

𑀅𑀳𑀁 𑀕𑀘𑁆𑀙𑀸𑀫𑀺.

𑁨𑁫𑁩. 𑀫𑀬𑀫𑀲𑁆𑀫𑀸𑀫𑁆𑀳𑀲𑁆𑀲 [𑀓. 𑁧𑁨𑁧; 𑀭𑀽. 𑁨𑁩𑁩; 𑀦𑀻. 𑁨𑁯𑁬].

𑀬𑁄𑀲𑀼 ¶ 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀫𑁆𑀳𑀲𑁆𑀲 𑀓𑀫𑁂𑀦 𑀫𑀬𑀁, 𑀅𑀲𑁆𑀫𑀸 𑀳𑁄𑀦𑁆𑀢𑀺 𑀯𑀸.

𑀫𑀬𑀁 𑀕𑀘𑁆𑀙𑀸𑀫, 𑀅𑀲𑁆𑀫𑁂 𑀧𑀲𑁆𑀲𑀸𑀫𑀺.

𑀧𑀓𑁆𑀔𑁂 𑁋

‘𑀬𑁄𑀦𑀫𑁂𑀝’ 𑀇𑀢𑀺 𑀯𑀺𑀥𑀺, 𑀅𑀫𑁆𑀳𑁂 𑀕𑀘𑁆𑀙𑀸𑀫.

𑁨𑁫𑁪. 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁𑀢𑁆𑀯𑀁𑀫𑁆𑀳𑀺 𑀘 [𑀓. 𑁧𑁪𑁬; 𑀭𑀽. 𑁨𑁩𑁬; 𑀦𑀻. 𑁩𑁨𑁪; ‘𑀢𑀼𑀫𑁆𑀳𑀲𑁆𑀲 𑀢𑀼𑀯𑀁𑀢𑁆𑀯𑀫𑀫𑁆𑀳𑀺𑀘’ (𑀩𑀳𑀽𑀲𑀼)].

𑀲𑀺𑀫𑁆𑀳𑀺 𑀘 𑀅𑀁𑀫𑁆𑀳𑀺 𑀘 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁, 𑀢𑁆𑀯𑀁 𑀳𑁄𑀦𑁆𑀢𑀺.

𑀢𑀼𑀯𑀁 𑀩𑀼𑀤𑁆𑀥𑁄 𑀢𑀼𑀯𑀁 𑀲𑀢𑁆𑀣𑀸, 𑀢𑀼𑀯𑀁 𑀫𑀸𑀭𑀸𑀪𑀺𑀪𑀽 𑀫𑀼𑀦𑀺 [𑀣𑁂𑀭𑀕𑀸. 𑁮𑁩𑁯], 𑀢𑁆𑀯𑀁 𑀦𑁄 𑀲𑀢𑁆𑀣𑀸 𑀅𑀦𑀼𑀢𑁆𑀢𑀭𑁄, 𑀢𑀼𑀫𑁆𑀳𑁂 𑀕𑀘𑁆𑀙𑀣, 𑀢𑀼𑀯𑀁 𑀧𑀲𑁆𑀲𑀢𑀺, 𑀢𑁆𑀯𑀁 𑀧𑀲𑁆𑀲𑀢𑀺.

𑁨𑁫𑁫. 𑀅𑀁𑀫𑁆𑀳𑀺 𑀢𑀁 𑀫𑀁 𑀢𑀯𑀁 𑀫𑀫𑀁 [𑀓. 𑁧𑁪𑁩-𑁪; 𑀭𑀽. 𑁨𑁩𑁪-𑁫; 𑀦𑀻. 𑁩𑁨𑁨].

𑀅𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀢𑀁, 𑀫𑀁, 𑀢𑀯𑀁, 𑀫𑀫𑀁 𑀳𑁄𑀦𑁆𑀢𑀺.

𑀫𑀁 𑀧𑀲𑁆𑀲𑀢𑀺, 𑀫𑀫𑀁 𑀧𑀲𑁆𑀲𑀢𑀺, 𑀢𑀁 𑀧𑀲𑁆𑀲𑀢𑀺, 𑀢𑀯𑀁 𑀧𑀲𑁆𑀲𑀢𑀺, 𑀅𑀫𑁆𑀳𑁂 𑀧𑀲𑁆𑀲𑀢𑀺, 𑀢𑀼𑀫𑁆𑀳𑁂 𑀧𑀲𑁆𑀲𑀢𑀺.

𑁨𑁫𑁬. 𑀤𑀼𑀢𑀺𑀬𑀸𑀬𑁄𑀫𑁆𑀳𑀺 𑀯𑀸 [𑀓. 𑁧𑁬𑁨; 𑀭𑀽. 𑁨𑁩𑁭; 𑀦𑀻. 𑁩𑁪𑁫; ‘𑀤𑀼𑀢𑀺𑀬𑁂 𑀬𑁄𑀫𑁆𑀳𑀺 𑀯𑀸’ (𑀩𑀳𑀽𑀲𑀼)].

𑀤𑀼𑀢𑀺𑀬𑀸𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀗𑀸𑀦𑀼𑀩𑀦𑁆𑀥𑀸 𑀅𑀁, 𑀆𑀓𑀁𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.

𑀅𑀫𑁆𑀳𑀁, 𑀅𑀫𑁆𑀳𑀸𑀓𑀁 𑀧𑀲𑁆𑀲𑀢𑀺, 𑀢𑀼𑀫𑁆𑀳𑀁, 𑀢𑀼𑀫𑁆𑀳𑀸𑀓𑀁 𑀧𑀲𑁆𑀲𑀢𑀺.

𑁨𑁫𑁭. 𑀦𑀸𑀲𑁆𑀫𑀸𑀲𑀼 𑀢𑀬𑀸𑀫𑀬𑀸 [𑀓. 𑁧𑁪𑁫, 𑁨𑁭𑁦; 𑀭𑀽. 𑁨𑁩𑁮, 𑁧𑁨𑁦; 𑀦𑀻. 𑁩𑁨𑁩, 𑁫𑁪𑁨].

𑀦𑀸 ¶ , 𑀲𑁆𑀫𑀸𑀲𑀼 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀢𑀬𑀸, 𑀫𑀬𑀸 𑀳𑁄𑀦𑁆𑀢𑀺.

𑀫𑀬𑀸 𑀓𑀢𑀁, 𑀢𑀬𑀸 𑀓𑀢𑀁, 𑀫𑀬𑀸 𑀅𑀧𑁂𑀢𑀺, 𑀢𑀬𑀸 𑀅𑀧𑁂𑀢𑀺.

𑁨𑁫𑁮. 𑀢𑀬𑀸𑀢𑀬𑀻𑀦𑀁 𑀢𑁆𑀯 𑀯𑀸 𑀢𑀲𑁆𑀲 [𑀓. 𑁨𑁧𑁦; 𑀭𑀽. 𑁨𑁩𑁯; 𑀦𑀻. 𑁪𑁩𑁫].

𑀢𑀬𑀸, 𑀢𑀬𑀻𑀦𑀁 𑀢𑀲𑁆𑀲 𑀢𑁆𑀯 𑀳𑁄𑀢𑀺 𑀯𑀸.

𑀢𑁆𑀯𑀬𑀸 𑀓𑀢𑀁, 𑀢𑁆𑀯𑀬𑀸 𑀅𑀧𑁂𑀢𑀺, 𑀅𑀫𑁆𑀳𑁂𑀳𑀺 𑀓𑀢𑀁, 𑀢𑀼𑀫𑁆𑀳𑁂𑀳𑀺 𑀓𑀢𑀁.

𑁨𑁫𑁯. 𑀢𑀯𑀫𑀫𑀢𑀼𑀬𑁆𑀳𑀁𑀫𑀬𑁆𑀳𑀁 𑀲𑁂 [𑀓. 𑁧𑁪𑁧-𑁨; 𑀭𑀽. 𑁨𑁪𑁧-𑁨; 𑀦𑀻. 𑁩𑁨𑁧].

𑀲𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀢𑀯𑀸𑀤𑀬𑁄 𑀳𑁄𑀦𑁆𑀢𑀺.

𑀫𑀫 𑀤𑀻𑀬𑀢𑁂, 𑀫𑀬𑁆𑀳𑀁 𑀤𑀻𑀬𑀢𑁂, 𑀢𑀯 𑀤𑀻𑀬𑀢𑁂, 𑀢𑀼𑀬𑁆𑀳𑀁 𑀤𑀻𑀬𑀢𑁂.

𑁨𑁬𑁦. 𑀦𑀁𑀲𑁂𑀲𑁆𑀯𑀲𑁆𑀫𑀸𑀓𑀁𑀫𑀫𑀁 [𑀦𑀻. 𑁪𑁩𑁮].

𑀦𑀁, 𑀲𑁂𑀲𑀼 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀫𑁆𑀳𑀲𑁆𑀲 𑀓𑀫𑁂𑀦 𑀅𑀲𑁆𑀫𑀸𑀓𑀁, 𑀫𑀫𑀁 𑀳𑁄𑀦𑁆𑀢𑀺.

𑀫𑀫𑀁 𑀤𑀻𑀬𑀢𑁂, 𑀅𑀲𑁆𑀫𑀸𑀓𑀁 𑀤𑀻𑀬𑀢𑁂.

𑁨𑁬𑁧. 𑀗𑀁𑀗𑀸𑀓𑀁 𑀦𑀁𑀫𑁆𑀳𑀺 [𑀓. 𑁧𑁬𑁧; 𑀭𑀽. 𑁨𑁪𑁪; 𑀦𑀻. 𑁩𑁪𑁪].

𑀦𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀗𑀸𑀦𑀼𑀩𑀦𑁆𑀥𑀸 𑀅𑀁, 𑀆𑀓𑀁𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.

𑀅𑀫𑁆𑀳𑀁 𑀤𑀻𑀬𑀢𑁂, 𑀅𑀫𑁆𑀳𑀸𑀓𑀁 𑀤𑀻𑀬𑀢𑁂, 𑀢𑀼𑀫𑁆𑀳𑀁 𑀤𑀻𑀬𑀢𑁂, 𑀢𑀼𑀫𑁆𑀳𑀸𑀓𑀁 𑀤𑀻𑀬𑀢𑁂. 𑀧𑀜𑁆𑀘𑀫𑀺𑀬𑀁 𑀫𑀬𑀸, 𑀢𑀬𑀸, 𑀢𑁆𑀯𑀬𑀸, 𑀧𑀼𑀩𑁆𑀩𑁂 𑀯𑀼𑀢𑁆𑀢𑀸𑀯.

𑁨𑁬𑁨. 𑀲𑁆𑀫𑀸𑀫𑁆𑀳𑀺 𑀢𑁆𑀯𑀫𑁆𑀳𑀸.

𑀲𑁆𑀫𑀸𑀫𑁆𑀳𑀺 ¶ 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀼𑀫𑁆𑀳𑀲𑁆𑀲 𑀢𑁆𑀯𑀫𑁆𑀳𑀸 𑀳𑁄𑀢𑀺.

𑀢𑁆𑀯𑀫𑁆𑀳𑀸 𑀅𑀧𑁂𑀢𑀺, 𑀅𑀫𑁆𑀳𑁂𑀳𑀺, 𑀢𑀼𑀫𑁆𑀳𑁂𑀳𑀺, 𑀫𑀫, 𑀫𑀫𑀁, 𑀫𑀬𑁆𑀳𑀁, 𑀢𑀯, 𑀢𑀼𑀬𑁆𑀳𑀁, 𑀅𑀫𑁆𑀳𑀁, 𑀅𑀫𑁆𑀳𑀸𑀓𑀁, 𑀅𑀲𑁆𑀫𑀸𑀓𑀁, 𑀢𑀼𑀫𑁆𑀳𑀁, 𑀢𑀼𑀫𑁆𑀳𑀸𑀓𑀁.

𑁨𑁬𑁩. 𑀲𑁆𑀫𑀺𑀁𑀫𑁆𑀳𑀺 𑀢𑀼𑀫𑁆𑀳𑀫𑁆𑀳𑀸𑀦𑀁 𑀢𑀬𑀺𑀫𑀬𑀺 [𑀓. 𑁧𑁩𑁯; 𑀭𑀽. 𑁨𑁪𑁫; 𑀦𑀻. 𑁩𑁧𑁮].

𑀲𑁆𑀫𑀺𑀁𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀢𑀬𑀺, 𑀫𑀬𑀺 𑀳𑁄𑀦𑁆𑀢𑀺.

𑀢𑀬𑀺, 𑀫𑀬𑀺, 𑀢𑁆𑀯𑀢𑁆𑀢𑁂 𑀢𑁆𑀯𑀬𑀺, 𑀅𑀫𑁆𑀳𑁂𑀲𑀼, 𑀢𑀼𑀫𑁆𑀳𑁂𑀲𑀼.

𑁨𑁬𑁪. 𑀲𑀼𑀫𑁆𑀳𑀸𑀫𑁆𑀳𑀲𑁆𑀲𑀸𑀲𑁆𑀫𑀸 [𑀦𑀻. 𑁪𑁩𑁮].

𑀲𑀼𑀫𑁆𑀳𑀺 𑀅𑀫𑁆𑀳𑀲𑁆𑀲 𑀅𑀲𑁆𑀫𑀸 𑀳𑁄𑀢𑀺.

𑀅𑀲𑁆𑀫𑀸𑀲𑀼.

𑀫𑀳𑀸𑀯𑀼𑀢𑁆𑀢𑀺𑀦𑀸 𑀬𑁄, 𑀳𑀺𑀲𑀼 𑀅𑀫𑁆𑀳𑀲𑁆𑀲 𑀅𑀲𑁆𑀫𑀸𑀤𑁂𑀲𑁄, 𑀬𑁄𑀦𑀁 𑀏𑀢𑁆𑀢𑀜𑁆𑀘, 𑀅𑀲𑁆𑀫𑀸 𑀕𑀘𑁆𑀙𑀸𑀫, 𑀅𑀲𑁆𑀫𑁂 𑀧𑀲𑁆𑀲𑀢𑀺, 𑀅𑀲𑁆𑀫𑀸𑀳𑀺 𑀓𑀢𑀁, 𑀅𑀲𑁆𑀫𑀸𑀓𑀁 𑀤𑀻𑀬𑀢𑁂, 𑀅𑀲𑁆𑀫𑀸𑀳𑀺 𑀅𑀧𑁂𑀢𑀺, 𑀅𑀲𑁆𑀫𑀸𑀓𑀁 𑀥𑀦𑀁, 𑀅𑀲𑁆𑀫𑀸𑀲𑀼 𑀞𑀺𑀢𑀁. ‘‘𑀅𑀲𑁆𑀫𑀸𑀪𑀺𑀚𑀧𑁆𑀧𑀦𑁆𑀢𑀺 𑀚𑀦𑀸 𑀅𑀦𑁂𑀓𑀸’’𑀢𑀺 [𑀚𑀸. 𑁧.𑁭.𑁬𑁮] 𑀧𑀸𑀴𑀺-𑀅𑀲𑁆𑀫𑁂 𑀅𑀪𑀺𑀚𑀧𑁆𑀧𑀦𑁆𑀢𑀺 𑀧𑀢𑁆𑀣𑁂𑀦𑁆𑀢𑀻𑀢𑀺 𑀅𑀢𑁆𑀣𑁄. ‘‘𑀅𑀲𑁆𑀫𑀸𑀪𑀺 𑀧𑀭𑀺𑀘𑀺𑀡𑁆𑀡𑁄𑀲𑀺, 𑀫𑁂𑀢𑁆𑀢𑀘𑀺𑀢𑁆𑀢𑀸 𑀳𑀺 𑀦𑀸𑀬𑀓𑀸’’𑀢𑀺 [𑀅𑀧. 𑀣𑁂𑀭𑀻 𑁨.𑁨.𑁨𑁩𑁦] 𑀣𑁂𑀭𑀻𑀧𑀸𑀴𑀺 𑁋 ‘𑀧𑀭𑀺𑀘𑀺𑀡𑁆𑀡𑁄’𑀢𑀺 𑀧𑀭𑀺𑀘𑀸𑀭𑀺𑀢𑁄.

𑀘𑀢𑀼𑀢𑁆𑀣𑀺𑀬𑀁 𑀅𑀲𑁆𑀫𑀸𑀓𑀁 𑀅𑀥𑀺𑀧𑀦𑁆𑀦𑀸𑀦𑀁, 𑀔𑀫𑀲𑁆𑀲𑀼 𑀭𑀸𑀚𑀓𑀼𑀜𑁆𑀚𑀭 [𑀚𑀸. 𑁨.𑁨𑁧.𑁧𑁮𑁧] 𑁋 ‘𑀅𑀥𑀺𑀧𑀦𑁆𑀦𑀸𑀦’𑀦𑁆𑀢𑀺 𑀤𑀼𑀓𑁆𑀔𑀸𑀪𑀺𑀪𑀽𑀢𑀸𑀦𑀁.

𑀙𑀝𑁆𑀞𑀺𑀬𑀁 𑀏𑀲𑀲𑁆𑀫𑀸𑀓𑀁 𑀓𑀼𑀮𑁂 𑀥𑀫𑁆𑀫𑁄 [𑀚𑀸. 𑁧.𑁪.𑁧𑁪𑁭], 𑀏𑀲𑀸 𑀅𑀲𑁆𑀫𑀸𑀓𑀁 𑀥𑀫𑁆𑀫𑀢𑀸.

𑀲𑀢𑁆𑀢𑀫𑀺𑀬𑀁 𑀬𑀁 𑀓𑀺𑀘𑁆𑀘𑀁 𑀧𑀭𑀫𑁂 𑀫𑀺𑀢𑁆𑀢𑁂, 𑀓𑀢𑀫𑀲𑁆𑀫𑀸𑀲𑀼 𑀢𑀁 𑀢𑀬𑀸. 𑀧𑀢𑁆𑀢𑀸 𑀦𑀺𑀲𑁆𑀲𑀁𑀲𑀬𑀁 𑀢𑁆𑀯𑀫𑁆𑀳𑀸, 𑀪𑀢𑁆𑀢𑀺𑀭𑀲𑁆𑀫𑀸𑀲𑀼 𑀬𑀸 𑀢𑀯 [𑀚𑀸. 𑁨.𑁨𑁧.𑁮𑁧] 𑁋 𑀢𑀢𑁆𑀣 ‘𑀬𑀁 ¶ 𑀓𑀺𑀘𑁆𑀘’𑀦𑁆𑀢𑀺 𑀬𑀁 𑀓𑀫𑁆𑀫𑀁 𑀓𑀢𑁆𑀢𑀩𑁆𑀩𑀁, 𑀢𑀯 𑀅𑀲𑁆𑀫𑀸𑀲𑀼 𑀬𑀸 𑀪𑀢𑁆𑀢𑀺, 𑀢𑀸𑀬 𑀫𑀬𑀁 𑀢𑁆𑀯𑀫𑁆𑀳𑀸 𑀦𑀺𑀲𑁆𑀲𑀁𑀲𑀬𑀢𑀁 𑀧𑀢𑁆𑀢𑀸𑀢𑀺 𑀅𑀢𑁆𑀣𑁄.

𑁨𑁬𑁫. 𑀅𑀧𑀸𑀤𑀸𑀤𑁄 𑀧𑀤𑀢𑁂𑀓𑀯𑀸𑀓𑁆𑀬𑁂 [𑀘𑀁. 𑁬.𑁩.𑁧𑁫; 𑀧𑀸. 𑁮.𑁧.𑁧𑁭, 𑁧𑁮].

𑀅𑀧𑀸𑀤𑀸𑀤𑀺𑀫𑁆𑀳𑀺 𑀧𑀯𑀢𑁆𑀢𑀸𑀦𑀁 𑀧𑀤𑀢𑁄 𑀧𑀭𑁂𑀲𑀁 𑀏𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀯𑀺𑀥𑀺 𑀳𑁄𑀢𑀺. 𑀅𑀥𑀺𑀓𑀸𑀭𑀲𑀼𑀢𑁆𑀢𑀫𑀺𑀤𑀁.

𑁨𑁬𑁬. 𑀬𑁄𑀦𑀁𑀳𑀺𑀲𑁆𑀯𑀧𑀜𑁆𑀘𑀫𑁆𑀬𑀸 𑀯𑁄𑀦𑁄 [𑀓. 𑁧𑁪𑁭, 𑁧𑁫𑁧; 𑀭𑀽. 𑁨𑁪𑁬, 𑁨𑁫𑁦; 𑀦𑀻. 𑁩𑁨𑁫, 𑁩𑁨𑁯, 𑁩𑁩𑁦].

𑀧𑀜𑁆𑀘𑀫𑀻𑀯𑀚𑁆𑀚𑀺𑀢𑁂𑀲𑀼 𑀬𑁄, 𑀦𑀁, 𑀳𑀺𑀲𑀼 𑀧𑀭𑁂𑀲𑀼 𑀅𑀧𑀸𑀤𑀸𑀤𑁄𑀧𑀯𑀢𑁆𑀢𑀸𑀦𑀁 𑀧𑀤𑀢𑁄 𑀧𑀭𑁂𑀲𑀁 𑀏𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀲𑀤𑁆𑀤𑀸𑀦𑀁 𑀯𑁄, 𑀦𑁄 𑀳𑁄𑀦𑁆𑀢𑀺 𑀯𑀸.

𑀕𑀘𑁆𑀙𑀣 𑀯𑁄, 𑀕𑀘𑁆𑀙𑀣 𑀢𑀼𑀫𑁆𑀳𑁂, 𑀕𑀘𑁆𑀙𑀸𑀫 𑀦𑁄, 𑀕𑀘𑁆𑀙𑀸𑀫 𑀅𑀫𑁆𑀳𑁂, 𑀧𑀲𑁆𑀲𑁂𑀬𑁆𑀬 𑀯𑁄, 𑀧𑀲𑁆𑀲𑁂𑀬𑁆𑀬 𑀢𑀼𑀫𑁆𑀳𑁂, 𑀧𑀲𑁆𑀲𑁂𑀬𑁆𑀬 𑀦𑁄, 𑀧𑀲𑁆𑀲𑁂𑀬𑁆𑀬 𑀅𑀫𑁆𑀳𑁂, 𑀤𑀻𑀬𑀢𑁂 𑀯𑁄, 𑀤𑀻𑀬𑀢𑁂 𑀢𑀼𑀫𑁆𑀳𑀸𑀓𑀁, 𑀤𑀻𑀬𑀢𑁂 𑀦𑁄, 𑀤𑀻𑀬𑀢𑁂 𑀅𑀫𑁆𑀳𑀸𑀓𑀁, 𑀥𑀦𑀁 𑀯𑁄, 𑀥𑀦𑀁 𑀢𑀼𑀫𑁆𑀳𑀸𑀓𑀁, 𑀥𑀦𑀁 𑀦𑁄, 𑀥𑀦𑀁 𑀅𑀫𑁆𑀳𑀸𑀓𑀁, 𑀓𑀢𑀁 𑀯𑁄 𑀧𑀼𑀜𑁆𑀜𑀁, 𑀓𑀢𑀁 𑀢𑀼𑀫𑁆𑀳𑁂𑀳𑀺 𑀧𑀼𑀜𑁆𑀜𑀁, 𑀓𑀢𑀁 𑀦𑁄 𑀧𑀼𑀜𑁆𑀜𑀁, 𑀓𑀢𑀁 𑀅𑀫𑁆𑀳𑁂𑀳𑀺 𑀧𑀼𑀜𑁆𑀜𑀁.

𑀅𑀧𑀜𑁆𑀘𑀫𑁆𑀬𑀸𑀢𑀺 𑀓𑀺𑀁? 𑀦𑀺𑀲𑁆𑀲𑀝𑀁 𑀢𑀼𑀫𑁆𑀳𑁂𑀳𑀺, 𑀦𑀺𑀲𑁆𑀲𑀝𑀁 𑀅𑀫𑁆𑀳𑁂𑀳𑀺.

𑀅𑀧𑀸𑀤𑀸𑀤𑁄𑀢𑁆𑀯𑁂𑀯? 𑀩𑀮𑀜𑁆𑀘 𑀪𑀺𑀓𑁆𑀔𑀽𑀦𑀫𑀦𑀼𑀧𑁆𑀧𑀤𑀺𑀦𑁆𑀦𑀁, 𑀢𑀼𑀫𑁆𑀳𑁂𑀳𑀺 𑀧𑀼𑀜𑁆𑀜𑀁 𑀧𑀲𑀼𑀢𑀁 𑀅𑀦𑀧𑁆𑀧𑀓𑀁 [𑀔𑀼. 𑀧𑀸. 𑁭.𑁧𑁨].

𑀧𑀤𑀢𑁄𑀢𑁆𑀯𑁂𑀯? 𑀢𑀼𑀫𑁆𑀳𑁂 𑀕𑀘𑁆𑀙𑀣, 𑀅𑀫𑁆𑀳𑁂 𑀕𑀘𑁆𑀙𑀸𑀫.

𑀏𑀓𑀯𑀸𑀓𑁆𑀬𑁂𑀢𑁆𑀯𑁂𑀯? 𑀤𑁂𑀯𑀤𑀢𑁆𑀢𑁄 𑀢𑀺𑀝𑁆𑀞𑀢𑀺 𑀕𑀸𑀫𑁂, 𑀢𑀼𑀫𑁆𑀳𑁂 𑀢𑀺𑀝𑁆𑀞𑀣 𑀦𑀕𑀭𑁂.

𑀲𑀯𑀺𑀪𑀢𑁆𑀢𑀻𑀦𑀦𑁆𑀢𑁆𑀯𑁂𑀯? 𑀅𑀭𑀳𑀢𑀺 𑀥𑀫𑁆𑀫𑁄 𑀢𑀼𑀫𑁆𑀳𑀸𑀤𑀺𑀲𑀸𑀦𑀁.

𑁨𑁬𑁭. 𑀢𑁂𑀫𑁂 𑀦𑀸𑀲𑁂 [𑀓. 𑁧𑁪𑁮, 𑁧𑁫𑁦; 𑀭𑀽. 𑁨𑁪𑁭, 𑁨𑁪𑁯; 𑀦𑀻. 𑁩𑁨𑁬, 𑁩𑁨𑁮; 𑀘𑀁. 𑁬.𑁩.𑁧𑁭; 𑀧𑀸. 𑁮.𑁧.𑁨𑁧].

𑀦𑀸 ¶ , 𑀲𑁂𑀲𑀼 𑀢𑀸𑀤𑀺𑀲𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳, 𑀅𑀫𑁆𑀳𑀲𑀤𑁆𑀤𑀸𑀦𑀁 𑀢𑁂, 𑀫𑁂 𑀳𑁄𑀦𑁆𑀢𑀺 𑀯𑀸.

𑀓𑀢𑀁 𑀢𑁂 𑀧𑀼𑀜𑁆𑀜𑀁, 𑀓𑀢𑀁 𑀢𑀬𑀸 𑀧𑀼𑀜𑁆𑀜𑀁, 𑀓𑀢𑀁 𑀫𑁂 𑀧𑀼𑀜𑁆𑀜𑀁, 𑀓𑀢𑀁 𑀫𑀬𑀸 𑀧𑀼𑀜𑁆𑀜𑀁, 𑀤𑀺𑀦𑁆𑀦𑀁 𑀢𑁂 𑀯𑀢𑁆𑀣𑀁, 𑀤𑀺𑀦𑁆𑀦𑀁 𑀢𑀼𑀬𑁆𑀳𑀁 𑀯𑀢𑁆𑀣𑀁, 𑀤𑀺𑀦𑁆𑀦𑀁 𑀫𑁂 𑀯𑀢𑁆𑀣𑀁, 𑀤𑀺𑀦𑁆𑀦𑀁 𑀫𑀬𑁆𑀳𑀁 𑀯𑀢𑁆𑀣𑀁, 𑀇𑀤𑀁 𑀢𑁂 𑀭𑀝𑁆𑀞𑀁, 𑀇𑀤𑀁 𑀢𑀯 𑀭𑀝𑁆𑀞𑀁, 𑀇𑀤𑀁 𑀫𑁂 𑀭𑀝𑁆𑀞𑀁, 𑀇𑀤𑀁 𑀫𑀫 𑀭𑀝𑁆𑀞𑀁.

𑁨𑁬𑁮. 𑀅𑀦𑁆𑀯𑀸𑀤𑁂𑀲𑁂 [𑀘𑀁. 𑁬.𑁩.𑁨𑁦; 𑀧𑀸. 𑁮.𑁧.𑁨𑁩].

𑀅𑀦𑁆𑀯𑀸𑀤𑁂𑀲𑀝𑁆𑀞𑀸𑀦𑁂 𑀢𑀼𑀫𑁆𑀳𑀸’𑀫𑁆𑀳𑀲𑀤𑁆𑀤𑀸𑀦𑀁 𑀯𑁄, 𑀦𑁄, 𑀢𑁂, 𑀫𑁂𑀆𑀤𑁂𑀲𑀸 𑀦𑀺𑀘𑁆𑀘𑀁 𑀪𑀯𑀦𑁆𑀢𑀺 𑀧𑀼𑀦𑀩𑁆𑀩𑀺𑀥𑀸𑀦𑀸.

𑀕𑀸𑀫𑁄 𑀢𑀼𑀫𑁆𑀳𑀸𑀓𑀁 𑀧𑀭𑀺𑀕𑁆𑀕𑀳𑁄, 𑀅𑀣𑁄 𑀦𑀕𑀭𑀫𑁆𑀧𑀺 𑀯𑁄 𑀧𑀭𑀺𑀕𑁆𑀕𑀳𑁄. 𑀏𑀯𑀁 𑀲𑁂𑀲𑁂𑀲𑀼.

𑁨𑁬𑁯. 𑀲𑀧𑀼𑀩𑁆𑀩𑀸 𑀧𑀞𑀫𑀦𑁆𑀢𑀸 𑀯𑀸 [‘𑀲𑀁𑀧𑀼𑀩𑁆𑀩𑀸 𑀧𑀞𑀫𑀦𑁆𑀣𑀸 𑀯𑀸’ (𑀫𑀽𑀮𑀧𑀸𑀞𑁂) 𑀘𑀁. 𑁬.𑁧.𑁨𑁧; 𑀧𑀸. 𑁮.𑁧.𑁨𑁬].

𑀲𑀁𑀯𑀺𑀚𑁆𑀚𑀢𑀺 𑀧𑀼𑀩𑁆𑀩𑀧𑀤𑀁 𑀅𑀲𑁆𑀲𑀸𑀢𑀺 𑀲𑀧𑀼𑀩𑁆𑀩𑀁, 𑀲𑀧𑀼𑀩𑁆𑀩𑀸 𑀧𑀞𑀫𑀦𑁆𑀢𑀧𑀤𑀫𑁆𑀳𑀸 𑀧𑀭𑁂𑀲𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀫𑁆𑀳𑀸’𑀫𑁆𑀳𑀲𑀤𑁆𑀤𑀸𑀦𑀁 𑀯𑁄, 𑀦𑁄, 𑀢𑁂, 𑀫𑁂𑀆𑀤𑁂𑀲𑀸 𑀯𑀺𑀓𑀧𑁆𑀧𑁂𑀦 𑀳𑁄𑀦𑁆𑀢𑀺 𑀅𑀦𑁆𑀯𑀸𑀤𑁂𑀲𑀝𑁆𑀞𑀸𑀦𑁂𑀧𑀺.

𑀕𑀸𑀫𑁂 𑀧𑀝𑁄 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑀁 𑀯𑁄, 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑀁 𑀢𑀼𑀫𑁆𑀳𑀸𑀓𑀁 𑀯𑀸. 𑀏𑀯𑀁 𑀲𑁂𑀲𑁂𑀲𑀼.

𑁨𑁭𑁦. 𑀦 𑀘𑀯𑀸𑀳𑀸𑀳𑁂𑀯𑀬𑁄𑀕𑁂 [𑀘𑀁. 𑁬.𑁩.𑁨𑁨; 𑀧𑀸. 𑁮.𑁧.𑁨𑁪].

𑀘, 𑀯𑀸, 𑀳, 𑀅𑀳, 𑀏𑀯𑀲𑀤𑁆𑀤𑁂𑀳𑀺 𑀬𑁄𑀕𑁂 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀯𑁄, 𑀦𑁄, 𑀢𑁂, 𑀫𑁂𑀆𑀤𑁂𑀲𑀸 𑀦 𑀳𑁄𑀦𑁆𑀢𑀺.

𑀕𑀸𑀫𑁄 ¶ 𑀢𑀯 𑀘 𑀫𑀫 𑀘 𑀧𑀭𑀺𑀕𑁆𑀕𑀳𑁄, 𑀕𑀸𑀫𑁄 𑀢𑀯 𑀯𑀸 𑀫𑀫 𑀯𑀸 𑀧𑀭𑀺𑀕𑁆𑀕𑀳𑁄 𑀇𑀘𑁆𑀘𑀸𑀤𑀺.

𑀘𑀸𑀤𑀺𑀬𑁄𑀕𑁂𑀢𑀺 𑀓𑀺𑀁? 𑀕𑀸𑀫𑁄 𑀘 𑀢𑁂 𑀧𑀭𑀺𑀕𑁆𑀕𑀳𑁄, 𑀦𑀕𑀭𑀜𑁆𑀘 𑀫𑁂 𑀧𑀭𑀺𑀕𑁆𑀕𑀳𑁄.

𑁨𑁭𑁧. 𑀤𑀲𑁆𑀲𑀦𑀢𑁆𑀣𑁂𑀦𑀸𑀮𑁄𑀘𑀦𑁂 [𑀘𑀁. 𑁬.𑁩.𑁨𑁩; 𑀧𑀸. 𑁮.𑁧.𑁨𑁫].

𑀆𑀮𑁄𑀘𑀦𑀁 𑀑𑀮𑁄𑀓𑀦𑀁, 𑀆𑀮𑁄𑀘𑀦𑀢𑁄 𑀅𑀜𑁆𑀜𑀲𑁆𑀫𑀺𑀁 𑀤𑀲𑁆𑀲𑀦𑀢𑁆𑀣𑁂 𑀧𑀬𑀼𑀚𑁆𑀚𑀫𑀸𑀦𑁂 𑀢𑀼𑀫𑁆𑀳𑀸’𑀫𑁆𑀳𑀸𑀦𑀁 𑀯𑁄, 𑀦𑁄, 𑀢𑁂, 𑀫𑁂𑀆𑀤𑁂𑀲𑀸 𑀦 𑀳𑁄𑀦𑁆𑀢𑀺.

𑀕𑀸𑀫𑁄 𑀢𑀼𑀫𑁆𑀳𑁂 𑀉𑀤𑁆𑀤𑀺𑀲𑁆𑀲 𑀆𑀕𑀢𑁄, 𑀕𑀸𑀫𑁄 𑀅𑀫𑁆𑀳𑁂 𑀉𑀤𑁆𑀤𑀺𑀲𑁆𑀲 𑀆𑀕𑀢𑁄 𑁋 ‘𑀕𑀸𑀫𑁄’𑀢𑀺 𑀕𑀸𑀫𑀯𑀸𑀲𑀻 𑀫𑀳𑀸𑀚𑀦𑁄.

𑀅𑀦𑀸𑀮𑁄𑀘𑀦𑁂𑀢𑀺 𑀓𑀺𑀁? 𑀕𑀸𑀫𑁄 𑀯𑁄 𑀧𑀲𑁆𑀲𑀢𑀺, 𑀕𑀸𑀫𑁄 𑀦𑁄 𑀧𑀲𑁆𑀲𑀢𑀺.

𑁨𑁭𑁨. 𑀆𑀫𑀦𑁆𑀢𑀦𑀧𑀼𑀩𑁆𑀩𑀁 𑀅𑀲𑀦𑁆𑀢𑀁𑀯 [‘𑀆𑀫𑀦𑁆𑀢𑀡𑀁 𑀧𑀼𑀩𑁆𑀩𑀫𑀲𑀦𑁆𑀢𑀁𑀯’ (𑀩𑀳𑀽𑀲𑀼) 𑀘𑀁. 𑁬.𑁩.𑁨𑁪; 𑀧𑀸. 𑁮.𑁧.𑁭𑁨].

𑀆𑀫𑀦𑁆𑀢𑀦𑀪𑀽𑀢𑀁 𑀧𑀼𑀩𑁆𑀩𑀧𑀤𑀁 𑀅𑀲𑀦𑁆𑀢𑀁 𑀯𑀺𑀬 𑀳𑁄𑀢𑀺, 𑀧𑀤𑀢𑁄𑀢𑀺 𑀲𑀗𑁆𑀔𑁆𑀬𑀁 𑀦 𑀕𑀘𑁆𑀙𑀢𑀺.

𑀤𑁂𑀯𑀤𑀢𑁆𑀢! 𑀢𑀯 𑀧𑀭𑀺𑀕𑁆𑀕𑀳𑁄.

𑁨𑁭𑁩. 𑀦 𑀲𑀸𑀫𑀜𑁆𑀜𑀯𑀘𑀦𑀫𑁂𑀓𑀢𑁆𑀣𑁂 [𑀘𑀁. 𑁬.𑁩.𑁨𑁫; 𑀧𑀸. 𑁮.𑁧.𑁭𑁩].

𑀢𑀼𑀮𑁆𑀬𑀸𑀥𑀺𑀓𑀭𑀡𑀪𑀽𑀢𑁂 𑀧𑀤𑁂 𑀲𑀢𑀺 𑀧𑀼𑀩𑁆𑀩𑀁 𑀲𑀸𑀫𑀜𑁆𑀜𑀯𑀘𑀦𑀪𑀽𑀢𑀁 𑀆𑀫𑀦𑁆𑀢𑀦𑀧𑀤𑀁 𑀅𑀲𑀦𑁆𑀢𑀁 𑀯𑀺𑀬 𑀦 𑀳𑁄𑀢𑀺, 𑀧𑀤𑀢𑁄𑀢𑀺 𑀲𑀗𑁆𑀔𑁆𑀬𑀁 𑀕𑀘𑁆𑀙𑀢𑀺.

𑀫𑀸𑀡𑀯𑀓 𑀚𑀝𑀺𑀮! 𑀢𑁂 𑀧𑀭𑀺𑀕𑁆𑀕𑀳𑁄.

𑀲𑀸𑀫𑀜𑁆𑀜𑀯𑀘𑀦𑀦𑁆𑀢𑀺 ¶ 𑀓𑀺𑀁? 𑀫𑀸𑀡𑀯𑀓 𑀤𑁂𑀯𑀤𑀢𑁆𑀢! 𑀢𑀼𑀬𑁆𑀳𑀁 𑀧𑀭𑀺𑀕𑁆𑀕𑀳𑁄.

𑀏𑀓𑀢𑁆𑀣𑁂𑀢𑀺 𑀓𑀺𑀁? 𑀤𑁂𑀯𑀤𑀢𑁆𑀢! 𑀬𑀜𑁆𑀜𑀤𑀢𑁆𑀢! 𑀢𑀼𑀫𑁆𑀳𑀸𑀓𑀁 𑀧𑀭𑀺𑀕𑁆𑀕𑀳𑁄.

𑁨𑁭𑁪. 𑀩𑀳𑀽𑀲𑀼 𑀯𑀸 [𑀘𑀁. 𑁬.𑁩.𑁨𑁬; 𑀧𑀸. 𑁮.𑁧.𑁭𑁪].

𑀩𑀳𑀽𑀲𑀼 𑀚𑀦𑁂𑀲𑀼 𑀧𑀯𑀢𑁆𑀢𑀫𑀸𑀦𑀁 𑀲𑀸𑀫𑀜𑁆𑀜𑀯𑀘𑀦𑀪𑀽𑀢𑀫𑁆𑀧𑀺 𑀆𑀫𑀦𑁆𑀢𑀦𑀧𑀤𑀁 𑀏𑀓𑀢𑁆𑀣𑁂 𑀧𑀤𑁂 𑀲𑀢𑀺 𑀅𑀲𑀦𑁆𑀢𑀁 𑀯𑀺𑀬 𑀦 𑀳𑁄𑀢𑀺 𑀯𑀸.

𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀯𑁄 𑀧𑀭𑀺𑀕𑁆𑀕𑀳𑁄, 𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀢𑀼𑀫𑁆𑀳𑀸𑀓𑀁 𑀧𑀭𑀺𑀕𑁆𑀕𑀳𑁄.

𑀲𑀩𑁆𑀩𑀸𑀤𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀦𑁆𑀢𑀭𑀸𑀲𑀺

𑀅𑀣 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀸 𑀤𑀻𑀧𑀺𑀬𑀦𑁆𑀢𑁂.

𑀯𑀺𑀪𑀢𑁆𑀬𑀢𑁆𑀣𑀸𑀦𑀁 𑀚𑁄𑀢𑀓𑀢𑁆𑀢𑀸 𑀯𑀺𑀪𑀢𑁆𑀢𑀺𑀝𑁆𑀞𑀸𑀦𑁂 𑀞𑀺𑀢𑀸 𑀧𑀘𑁆𑀘𑀬𑀸 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀸.

𑁨𑁭𑁫. 𑀢𑁄 𑀧𑀜𑁆𑀘𑀫𑁆𑀬𑀸 [𑀓. 𑁨𑁪𑁮; 𑀭𑀽. 𑁨𑁬𑁦; 𑀦𑀻. 𑁪𑁯𑁩; 𑀘𑀁. 𑁪.𑁩.𑁬; 𑀧𑀸. 𑁫.𑁪.𑁪𑁫].

𑀧𑀜𑁆𑀘𑀫𑀺𑀬𑀸 𑀯𑀺𑀪𑀢𑁆𑀢𑀺𑀬𑀸 𑀅𑀢𑁆𑀣𑁂 𑀢𑁄𑀧𑀘𑁆𑀘𑀬𑁄 𑀳𑁄𑀢𑀺.

𑀢𑁄𑀫𑁆𑀳𑀺 𑀤𑀻𑀖𑀸𑀦𑀁 𑀭𑀲𑁆𑀲𑁄, 𑀓𑀜𑁆𑀜𑀢𑁄, 𑀭𑀢𑁆𑀢𑀺𑀢𑁄, 𑀇𑀢𑁆𑀣𑀺𑀢𑁄, 𑀥𑁂𑀦𑀼𑀢𑁄. 𑀫𑀳𑀸𑀯𑀼𑀢𑁆𑀢𑀺𑀦𑀸 𑀢𑁄𑀫𑁆𑀳𑀺 𑀫𑀸𑀢𑀸𑀧𑀺𑀢𑀽𑀦𑀁 𑀇𑀢𑁆𑀢𑀁, 𑀫𑀸𑀢𑀺𑀢𑁄, 𑀧𑀺𑀢𑀺𑀢𑁄, 𑀯𑀥𑀼𑀢𑁄, 𑀧𑀼𑀭𑀺𑀲𑀢𑁄, 𑀫𑀼𑀦𑀺𑀢𑁄, 𑀤𑀡𑁆𑀟𑀺𑀢𑁄 ¶ , 𑀪𑀺𑀓𑁆𑀔𑀼𑀢𑁄, 𑀲𑀢𑁆𑀣𑀸𑀭𑀢𑁄, 𑀓𑀢𑁆𑀢𑀼𑀢𑁄, 𑀕𑁄𑀢𑁆𑀭𑀪𑀼𑀢𑁄, 𑀲𑀩𑁆𑀩𑀢𑁄, 𑀬𑀢𑁄, 𑀢𑀢𑁄.

𑀇𑀫, 𑀏𑀢, 𑀓𑀺𑀁𑀲𑀤𑁆𑀤𑁂𑀳𑀺 𑀢𑁄.

𑁨𑁭𑁬. 𑀇𑀢𑁄𑀢𑁂𑀢𑁆𑀢𑁄𑀓𑀼𑀢𑁄 [‘𑀇𑀢𑁄 𑀢𑁂𑀢𑁆𑀢𑁄 𑀓𑀢𑁄’ (𑀩𑀳𑀽𑀲𑀼) 𑀘𑀁. 𑁪.𑁩.𑁮; 𑀧𑀸. 𑁭.𑁨.𑁧𑁦𑁪].

𑀇𑀢𑁄, 𑀅𑀢𑁄, 𑀏𑀢𑁆𑀢𑁄, 𑀓𑀼𑀢𑁄𑀢𑀺 𑀏𑀢𑁂 𑀲𑀤𑁆𑀤𑀸 𑀢𑁄𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂.

𑀇𑀫𑀫𑁆𑀳𑀸 𑀇𑀫𑁂𑀳𑀻𑀢𑀺 𑀯𑀸 𑀇𑀢𑁄, 𑀏𑀢𑀲𑁆𑀫𑀸 𑀏𑀢𑁂𑀳𑀻𑀢𑀺 𑀯𑀸 𑀅𑀢𑁄, 𑀏𑀢𑁆𑀢𑁄, 𑀓𑀲𑁆𑀫𑀸 𑀓𑁂𑀳𑀻𑀢𑀺 𑀯𑀸 𑀓𑀼𑀢𑁄. 𑀏𑀢𑁆𑀣 𑀘 𑀇𑀫𑀫𑁆𑀳𑀸, 𑀇𑀫𑁂𑀳𑀻𑀢𑀺𑀆𑀤𑀺𑀓𑀁 𑀅𑀢𑁆𑀣𑀯𑀸𑀓𑁆𑀬𑀁 𑀤𑀺𑀲𑁆𑀯𑀸 𑀧𑀓𑀢𑀺𑀮𑀺𑀗𑁆𑀕𑀁 𑀯𑁂𑀤𑀺𑀢𑀩𑁆𑀩𑀁. 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀇𑀫𑀲𑁆𑀲 𑀇𑀢𑁆𑀢𑀁, 𑀏𑀢𑀲𑁆𑀲 𑀅𑀢𑁆𑀢𑀁 𑀏𑀢𑁆𑀢𑀜𑁆𑀘, ‘𑀲𑀭𑀫𑁆𑀳𑀸 𑀤𑁆𑀯𑁂’𑀢𑀺 𑀏𑀲𑀭𑀫𑁆𑀳𑀸 𑀤𑁆𑀯𑀺𑀢𑁆𑀢𑀁, 𑀓𑀺𑀁𑀲𑀤𑁆𑀤𑀲𑁆𑀲 𑀓𑀼𑀢𑁆𑀢𑀁. 𑀏𑀲 𑀦𑀬𑁄 𑀲𑁂𑀲𑁂𑀲𑀼 𑀦𑀺𑀧𑀸𑀢𑀦𑁂𑀲𑀼.

𑁨𑁭𑁭. 𑀅𑀪𑁆𑀬𑀸𑀤𑀻𑀳𑀺 [𑀧𑀸. 𑁫.𑁩.𑁯].

𑀅𑀪𑀺𑀆𑀤𑀻𑀳𑀺 𑀢𑁄 𑀳𑁄𑀢𑀺, 𑀧𑀼𑀦𑀩𑁆𑀩𑀺𑀥𑀸𑀦𑀸’𑀧𑀜𑁆𑀘𑀫𑁆𑀬𑀢𑁆𑀣𑁂𑀧𑀻𑀢𑀺𑀧𑀺 𑀲𑀺𑀤𑁆𑀥𑀁.

𑀅𑀪𑀺𑀢𑁄 𑀕𑀸𑀫𑀁 𑀕𑀸𑀫𑀲𑁆𑀲 𑀅𑀪𑀺𑀫𑀼𑀔𑁂𑀢𑀺 𑀅𑀢𑁆𑀣𑁄.

𑀧𑀭𑀺𑀢𑁄 𑀕𑀸𑀫𑀁 𑀕𑀸𑀫𑀲𑁆𑀲 𑀲𑀫𑀦𑁆𑀢𑀢𑁄𑀢𑀺 𑀅𑀢𑁆𑀣𑁄.

𑀉𑀪𑀢𑁄 𑀕𑀸𑀫𑀁 𑀕𑀸𑀫𑀲𑁆𑀲 𑀉𑀪𑁄𑀲𑀼 𑀧𑀲𑁆𑀲𑁂𑀲𑀽𑀢𑀺 𑀅𑀢𑁆𑀣𑁄.

𑀧𑀘𑁆𑀙𑀢𑁄, 𑀳𑁂𑀝𑁆𑀞𑀢𑁄, 𑀉𑀧𑀭𑀺𑀢𑁄.

𑁨𑁭𑁮. 𑀆𑀤𑁆𑀬𑀸𑀤𑀻𑀳𑀺 [𑀘𑀁. 𑁪.𑁩.𑁯; 𑀧𑀸. 𑁫.𑁪.𑁪𑁪].

𑀆𑀤𑀺𑀧𑀪𑀼𑀢𑀻𑀳𑀺 𑀅𑀧𑀜𑁆𑀘𑀫𑁆𑀬𑀢𑁆𑀣𑁂𑀧𑀺 𑀢𑁄 𑀳𑁄𑀢𑀺.

𑀆𑀤𑀺𑀢𑁄 ¶ , 𑀫𑀚𑁆𑀛𑀢𑁄, 𑀧𑀼𑀭𑀢𑁄, 𑀧𑀲𑁆𑀲𑀢𑁄, 𑀧𑀺𑀝𑁆𑀞𑀺𑀢𑁄, 𑀑𑀭𑀢𑁄, 𑀧𑀭𑀢𑁄, 𑀧𑀘𑁆𑀙𑀢𑁄, 𑀧𑀼𑀭𑀢𑁆𑀣𑀺𑀫𑀢𑁄, 𑀤𑀓𑁆𑀔𑀺𑀡𑀢𑁄𑀇𑀘𑁆𑀘𑀸𑀤𑀻𑀲𑀼 𑀩𑀳𑀼𑀮𑀁 𑀲𑀢𑁆𑀢𑀫𑁆𑀬𑀢𑁆𑀣𑁂 𑀤𑀺𑀲𑁆𑀲𑀢𑀺.

𑀢𑀣𑀸 𑀢𑀢𑀺𑀬𑀢𑁆𑀣𑁂𑀧𑀺 𑀭𑀽𑀧𑀁 𑀅𑀢𑁆𑀢𑀢𑁄 𑀲𑀫𑀦𑀼𑀧𑀲𑁆𑀲𑀢𑀺 [𑀲𑀁. 𑀦𑀺. 𑁩.𑁪𑁪], 𑀧𑀜𑁆𑀘𑀓𑁆𑀔𑀦𑁆𑀥𑁂 𑀅𑀦𑀺𑀘𑁆𑀘𑀢𑁄 𑀯𑀺𑀧𑀲𑁆𑀲𑀢𑀺 𑀇𑀘𑁆𑀘𑀸𑀤𑀺.

𑀬𑀢𑁄𑀦𑀺𑀤𑀸𑀦𑀁 [𑀲𑀼. 𑀦𑀺. 𑁨𑁭𑁫], 𑀬𑀢𑁆𑀯𑀸𑀥𑀺𑀓𑀭𑀡𑀁, 𑀬𑀢𑁄𑀤𑀓𑀁 𑀢𑀤𑀸𑀤𑀺𑀢𑁆𑀢𑀫𑀺𑀘𑁆𑀘𑀸𑀤𑀻𑀲𑀼 [𑀚𑀸. 𑁧.𑁯.𑁫𑁮] 𑀧𑀞𑀫𑀢𑁆𑀣𑁂 𑀇𑀘𑁆𑀙𑀦𑁆𑀢𑀺.

𑀇𑀢𑁄 𑀏𑀳𑀺, 𑀇𑀢𑁄 𑀩𑀮𑀸𑀓𑁂 𑀆𑀕𑀘𑁆𑀙, 𑀘𑀡𑁆𑀟𑁄 𑀫𑁂 𑀯𑀸𑀬𑀲𑁄 𑀲𑀔𑀸 𑀇𑀘𑁆𑀘𑀸𑀤𑀻𑀲𑀼 𑀤𑀼𑀢𑀺𑀬𑀢𑁆𑀣𑁂.

𑀧𑀭𑀢𑁄𑀖𑁄𑀲𑁄, 𑀦𑀸𑀤𑀺𑀝𑁆𑀞𑀸 𑀧𑀭𑀢𑁄 𑀤𑁄𑀲𑀁 𑀇𑀘𑁆𑀘𑀸𑀤𑀻𑀲𑀼 𑀙𑀝𑁆𑀞𑁆𑀬𑀢𑁆𑀣𑁂.

𑁨𑁭𑁯. 𑀲𑀩𑁆𑀩𑀸𑀤𑀺𑀢𑁄 𑀲𑀢𑁆𑀢𑀫𑁆𑀬𑀸 𑀢𑁆𑀭𑀢𑁆𑀣𑀸 [𑀓. 𑁨𑁪𑁯; 𑀭𑀽. 𑁨𑁬𑁬; 𑀦𑀻. 𑁪𑁯𑁪; 𑀘𑀁. 𑁪.𑁧.𑁧𑁦; 𑀧𑀸. 𑁫.𑁩.𑁧𑁦].

𑀲𑀩𑁆𑀩𑀸𑀤𑀺𑀦𑀸𑀫𑀓𑁂𑀳𑀺 𑀲𑀩𑁆𑀩𑀦𑀸𑀫𑁂𑀳𑀺 𑀲𑀢𑁆𑀢𑀫𑀺𑀬𑀸 𑀅𑀢𑁆𑀣𑁂 𑀢𑁆𑀭, 𑀢𑁆𑀣𑀸 𑀳𑁄𑀦𑁆𑀢𑀺.

𑀲𑀩𑁆𑀩𑀲𑁆𑀫𑀺𑀁 𑀲𑀩𑁆𑀩𑁂𑀲𑀽𑀢𑀺 𑀯𑀸 𑀲𑀩𑁆𑀩𑀢𑁆𑀭, 𑀲𑀩𑁆𑀩𑀢𑁆𑀣, 𑀲𑀩𑁆𑀩𑀲𑁆𑀲𑀁 𑀲𑀩𑁆𑀩𑀸𑀲𑀼 𑀯𑀸𑀢𑀺𑀧𑀺. 𑀏𑀯𑀁 𑀓𑀢𑀭𑀢𑁆𑀭, 𑀓𑀢𑀭𑀢𑁆𑀣, 𑀅𑀜𑁆𑀜𑀢𑁆𑀭, 𑀅𑀜𑁆𑀜𑀢𑁆𑀣 𑀇𑀘𑁆𑀘𑀸𑀤𑀺.

𑀬𑀢𑁆𑀭, 𑀬𑀢𑁆𑀣, 𑀢𑀢𑁆𑀭, 𑀢𑀢𑁆𑀣.

𑁨𑁮𑁦. 𑀓𑀢𑁆𑀣𑁂𑀢𑁆𑀣𑀓𑀼𑀢𑁆𑀭𑀸𑀢𑁆𑀭𑀓𑁆𑀯𑁂𑀳𑀺𑀥 [𑀓. 𑁨𑁫𑁧; 𑀭𑀽. 𑁨𑁬𑁯; 𑀦𑀻. 𑁪𑁯𑁯; 𑀘𑀁. 𑁪.𑁧.𑁧𑁧; 𑀧𑀸. 𑁫.𑁩.𑁧𑁧, 𑁧𑁨].

𑀓𑀢𑁆𑀣, 𑀏𑀢𑁆𑀣, 𑀓𑀼𑀢𑁆𑀭, 𑀅𑀢𑁆𑀭, 𑀢𑁆𑀯, 𑀇𑀳, 𑀇𑀥𑀸𑀢𑀺 𑀏𑀢𑁂 𑀲𑀤𑁆𑀤𑀸𑀢𑁆𑀣, 𑀢𑁆𑀭,𑀯 𑀳, 𑀥𑀸𑀧𑀘𑁆𑀘𑀬𑀦𑁆𑀢𑀸 𑀲𑀢𑁆𑀢𑀫𑁆𑀬𑀢𑁆𑀣𑁂 𑀲𑀺𑀚𑁆𑀛𑀦𑁆𑀢𑀺.

𑀓𑀲𑁆𑀫𑀺𑀁 𑀓𑁂𑀲𑀽𑀢𑀺 𑀯𑀸 𑀓𑀢𑁆𑀣, 𑀓𑀼𑀢𑁆𑀭, 𑀓𑁆𑀯. ‘𑀓𑀼𑀯’𑀦𑁆𑀢𑀺𑀧𑀺 𑀲𑀺𑀚𑁆𑀛𑀢𑀺, ‘‘𑀓𑀼𑀯𑀁 𑀲𑀢𑁆𑀢𑀲𑁆𑀲 𑀓𑀸𑀭𑀓𑁄, 𑀓𑀼𑀯𑀁 𑀲𑀢𑁆𑀢𑁄 𑀲𑀫𑀼𑀧𑁆𑀧𑀦𑁆𑀦𑁄 [𑀲𑀁. 𑀦𑀺. 𑁧.𑁧𑁭𑁧], 𑀓𑀼𑀯𑀁 𑀅𑀲𑀺𑀲𑁆𑀲𑀁, 𑀓𑀼𑀯𑀁 𑀔𑀸𑀤𑀺𑀲𑁆𑀲’’𑀦𑁆𑀢𑀺 𑀧𑀸𑀴𑀺.

𑀏𑀢𑀲𑁆𑀫𑀺𑀁 ¶ 𑀏𑀢𑁂𑀲𑀽𑀢𑀺 𑀯𑀸 𑀏𑀢𑁆𑀣, 𑀅𑀢𑁆𑀭, 𑀇𑀫𑀲𑁆𑀫𑀺𑀁 𑀇𑀫𑁂𑀲𑀽𑀢𑀺 𑀯𑀸 𑀇𑀳, 𑀇𑀥.

𑁨𑁮𑁧. 𑀥𑀺 𑀲𑀩𑁆𑀩𑀸 𑀯𑀸 [𑀓. 𑁨𑁫𑁦; 𑀭𑀽. 𑁨𑁬𑁮; 𑀦𑀻. 𑁫𑁦𑁨].

𑀲𑀩𑁆𑀩𑀲𑀤𑁆𑀤𑀫𑁆𑀳𑀸 𑀲𑀢𑁆𑀢𑀫𑁆𑀬𑀢𑁆𑀣𑁂 𑀥𑀺 𑀳𑁄𑀢𑀺 𑀯𑀸.

𑀦𑀫𑁄 𑀢𑁂 𑀩𑀼𑀤𑁆𑀥 𑀯𑀻𑀭’𑀢𑁆𑀣𑀼, 𑀯𑀺𑀧𑁆𑀧𑀫𑀼𑀢𑁆𑀢𑁄𑀲𑀺 𑀲𑀩𑁆𑀩𑀥𑀺 [𑀲𑀁. 𑀦𑀺. 𑁧.𑁯𑁦].

𑁨𑁮𑁨. 𑀬𑀸 𑀳𑀺𑀁 [𑀓. 𑁨𑁫𑁫; 𑀭𑀽. 𑁨𑁭𑁫; 𑀦𑀻. 𑁫𑁦𑁪].

𑀬𑀫𑁆𑀳𑀸 𑀲𑀢𑁆𑀢𑀫𑁆𑀬𑀢𑁆𑀣𑁂 𑀳𑀺𑀁 𑀳𑁄𑀢𑀺.

𑀬𑀳𑀺𑀁.

𑁨𑁮𑁩. 𑀢𑀸 𑀳𑀜𑁆𑀘 [𑀓. 𑁨𑁫𑁩; 𑀭𑀽. 𑁨𑁭𑁩; 𑀦𑀻. 𑁫𑁦𑁧].

𑀢𑀫𑁆𑀳𑀸 𑀲𑀢𑁆𑀢𑀫𑁆𑀬𑀢𑁆𑀣𑁂 𑀳𑀺𑀁 𑀳𑁄𑀢𑀺 𑀳𑀜𑁆𑀘.

𑀢𑀳𑀺𑀁, 𑀢𑀳𑀁. 𑀤𑀼𑀢𑀺𑀬𑀢𑁆𑀣𑁂𑀧𑀺 𑀤𑀺𑀲𑁆𑀲𑀢𑀺 ‘‘𑀢𑀳𑀁 𑀢𑀳𑀁 𑀑𑀮𑁄𑀓𑁂𑀦𑁆𑀢𑁄 𑀕𑀘𑁆𑀙𑀢𑀻’’𑀢𑀺.

𑁨𑁮𑁪. 𑀓𑀺𑀁𑀲𑁆𑀲 𑀓𑀼𑀓𑀜𑁆𑀘 [𑀓. 𑁨𑁫𑁧, 𑁨𑁨𑁭-𑁮-𑁯; 𑀭𑀽. 𑁨𑁨𑁬, 𑁨𑁭𑁦-𑁧-𑁨; 𑀦𑀻. 𑁫𑁦𑁦, 𑁪𑁫𑁬-𑁭, 𑁪𑁬𑁦].

𑀓𑀺𑀁𑀫𑁆𑀳𑀸 𑀲𑀢𑁆𑀢𑀫𑁆𑀬𑀢𑁆𑀣𑁂 𑀳𑀺𑀁, 𑀢𑀁 𑀳𑁄𑀢𑀺. 𑀓𑀺𑀁𑀲𑁆𑀲 𑀓𑀼𑀢𑁆𑀢𑀁 𑀓𑀢𑁆𑀢𑀜𑁆𑀘 𑀳𑁄𑀢𑀺.

𑀓𑀼𑀳𑀺𑀁 𑀕𑀘𑁆𑀙𑀢𑀺, 𑀓𑀼𑀳𑀁 𑀕𑀘𑁆𑀙𑀢𑀺. 𑀓𑀳𑀁 𑀏𑀓𑀧𑀼𑀢𑁆𑀢𑀓 𑀓𑀳𑀁 𑀏𑀓𑀧𑀼𑀢𑁆𑀢𑀓 [𑀲𑀁. 𑀦𑀺. 𑁨.𑁬𑁩]. 𑀓𑀼𑀳𑀺𑀜𑁆𑀘𑀺, 𑀓𑀼𑀳𑀺𑀜𑁆𑀘𑀦𑀦𑁆𑀢𑀺 𑀤𑁆𑀯𑁂 𑀘𑀺, 𑀘𑀦-𑀦𑀺𑀧𑀸𑀢𑀦𑁆𑀢𑀸 𑀲𑀺𑀚𑁆𑀛𑀦𑁆𑀢𑀺.

𑀇𑀢𑀺 𑀲𑀸𑀫𑀜𑁆𑀜𑀲𑀢𑁆𑀢𑀫𑁆𑀬𑀦𑁆𑀢𑀭𑀸𑀲𑀺.

𑀓𑀸𑀮𑀲𑀢𑁆𑀢𑀫𑁆𑀬𑀦𑁆𑀢𑀁 ¶ 𑀯𑀼𑀘𑁆𑀘𑀢𑁂.

𑁨𑁮𑁫. 𑀲𑀩𑁆𑀩𑁂𑀓𑀜𑁆𑀜𑀬𑀢𑁂𑀳𑀺 𑀓𑀸𑀮𑁂𑀤𑀸 [𑀓. 𑁨𑁫𑁭; 𑀭𑀽. 𑁨𑁭𑁬; 𑀦𑀻. 𑁫𑁦𑁫].

𑀲𑀩𑁆𑀩, 𑀏𑀓, 𑀅𑀜𑁆𑀜, 𑀬, 𑀢𑀲𑀤𑁆𑀤𑁂𑀳𑀺 𑀓𑀸𑀮𑁂 𑀤𑀸 𑀳𑁄𑀢𑀺.

𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀩𑁆𑀩𑀤𑀸, 𑀏𑀓𑀲𑁆𑀫𑀺𑀁 𑀓𑀸𑀮𑁂 𑀏𑀓𑀤𑀸, 𑀅𑀜𑁆𑀜𑀲𑁆𑀫𑀺𑀁 𑀓𑀸𑀮𑁂 𑀅𑀜𑁆𑀜𑀤𑀸, 𑀬𑀲𑁆𑀫𑀺𑀁 𑀓𑀸𑀮𑁂 𑀬𑀤𑀸, 𑀢𑀲𑁆𑀫𑀺𑀁 𑀓𑀸𑀮𑁂 𑀢𑀤𑀸.

𑁨𑁮𑁬. 𑀓𑀤𑀸𑀓𑀼𑀤𑀸𑀲𑀤𑀸𑀅𑀥𑀼𑀦𑁂𑀤𑀸𑀦𑀺 [𑀓. 𑁨𑁫𑁭-𑁮-𑁯; 𑀭𑀽. 𑁨𑁭𑁬-𑁮-𑁯; 𑀦𑀻. 𑁫𑁦𑁫-𑁬-𑁭].

𑀏𑀢𑁂𑀧𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀓𑀸𑀮𑁂 𑀤𑀸, 𑀥𑀼𑀦𑀸, 𑀤𑀸𑀦𑀺𑀧𑀘𑁆𑀘𑀬𑀦𑁆𑀢𑀸 𑀲𑀺𑀚𑁆𑀛𑀦𑁆𑀢𑀺.

𑀓𑀺𑀁𑀲𑁆𑀫𑀺𑀁 𑀓𑀸𑀮𑁂 𑀓𑀤𑀸, 𑀓𑀼𑀤𑀸, 𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀤𑀸, 𑀇𑀫𑀲𑁆𑀫𑀺𑀁 𑀓𑀸𑀮𑁂 𑀅𑀥𑀼𑀦𑀸, 𑀇𑀤𑀸𑀦𑀺.

𑁨𑁮𑁭. 𑀅𑀚𑁆𑀚𑀲𑀚𑁆𑀚𑀼𑀧𑀭𑀚𑁆𑀚𑁂𑀢𑀭𑀳𑀺𑀓𑀭𑀳𑀸 [𑀓. 𑁨𑁫𑁯; 𑀭𑀽. 𑁨𑁭𑁯, 𑁪𑁨𑁩; 𑀦𑀻. 𑁫𑁦𑁭].

𑀏𑀢𑁂𑀧𑀺 𑀓𑀸𑀮𑁂 𑀚𑁆𑀚, 𑀚𑁆𑀚𑀼, 𑀭𑀳𑀺, 𑀭𑀳 𑀧𑀘𑁆𑀘𑀬𑀦𑁆𑀢𑀸 𑀲𑀺𑀚𑁆𑀛𑀦𑁆𑀢𑀺.

𑀇𑀫𑀲𑁆𑀫𑀺𑀁 𑀓𑀸𑀮𑁂 𑀅𑀚𑁆𑀚, 𑀇𑀫𑀲𑁆𑀫𑀺𑀁 𑀤𑀺𑀯𑀲𑁂𑀢𑁆𑀬𑀢𑁆𑀣𑁄.

𑀲𑀫𑀸𑀦𑁂 𑀓𑀸𑀮𑁂 𑀲𑀚𑁆𑀚𑀼-‘𑀲𑀫𑀸𑀦𑁂’𑀢𑀺 𑀯𑀺𑀚𑁆𑀚𑀫𑀸𑀦𑁂. 𑀦 𑀳𑀺 𑀧𑀸𑀧𑀁 𑀓𑀢𑀁 𑀓𑀫𑁆𑀫𑀁, 𑀲𑀚𑁆𑀚𑀼 𑀔𑀻𑀭𑀁𑀯 𑀫𑀼𑀘𑁆𑀘𑀢𑀺 [𑀥. 𑀧. 𑁭𑁧], 𑀲𑀚𑁆𑀚𑀼𑀓𑀁 𑀧𑀸𑀳𑁂𑀲𑀺 𑁋 𑀢𑀢𑁆𑀣 ‘𑀲𑀚𑁆𑀚𑀽’𑀢𑀺 𑀢𑀲𑁆𑀫𑀺𑀁 𑀤𑀺𑀯𑀲𑁂.

𑀅𑀧𑀭𑀲𑁆𑀫𑀺𑀁 𑀓𑀸𑀮𑁂 𑀅𑀧𑀭𑀚𑁆𑀚𑀼, 𑀧𑀼𑀦𑀤𑀺𑀯𑀲𑁂𑀢𑀺 𑀅𑀢𑁆𑀣𑁄.

𑀇𑀫𑀲𑁆𑀫𑀺𑀁 𑀓𑀸𑀮𑁂 𑀏𑀢𑀭𑀳𑀺, 𑀓𑀺𑀁𑀲𑁆𑀫𑀺𑀁 𑀓𑀸𑀮𑁂 𑀓𑀭𑀳. 𑀓𑀼𑀢𑁄𑀘𑀺, 𑀓𑁆𑀯𑀘𑀺, 𑀓𑀢𑁆𑀣𑀘𑀺, 𑀓𑀼𑀳𑀺𑀜𑁆𑀘𑀺, 𑀓𑀤𑀸𑀘𑀺, 𑀓𑀭𑀳𑀘𑀺𑀲𑀤𑁆𑀤𑀸 𑀧𑀦 𑀘𑀺-𑀦𑀺𑀧𑀸𑀢𑀦𑁆𑀢𑀸 𑀳𑁄𑀦𑁆𑀢𑀺, 𑀢𑀣𑀸 𑀬𑀢𑁄 𑀓𑀼𑀢𑁄𑀘𑀺, 𑀬𑀢𑁆𑀣 𑀓𑀢𑁆𑀣𑀘𑀺, 𑀬𑀤𑀸 𑀓𑀤𑀸𑀘𑀻𑀢𑀺. 𑀓𑀺𑀜𑁆𑀘𑀦𑀁, 𑀓𑀼𑀳𑀺𑀜𑁆𑀘𑀦𑀁, 𑀓𑀼𑀤𑀸𑀘𑀦𑀦𑁆𑀢𑀺 𑀘𑀦-𑀦𑀺𑀧𑀸𑀢𑀦𑁆𑀢𑀸𑀢𑀺.

𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀦𑁆𑀢𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀅𑀩𑁆𑀬𑀬𑀧𑀤𑀸𑀦𑀺

𑀉𑀧𑀲𑀕𑁆𑀕𑀧𑀤𑀭𑀸𑀲𑀺

𑀅𑀣 ¶ 𑀅𑀩𑁆𑀬𑀬𑀧𑀤𑀸𑀦𑀺 𑀤𑀻𑀧𑀺𑀬𑀦𑁆𑀢𑁂.

𑀙𑀩𑁆𑀩𑀺𑀥𑀸𑀦𑀺 𑀅𑀩𑁆𑀬𑀬𑀧𑀤𑀸𑀦𑀺 𑀉𑀧𑀲𑀕𑁆𑀕𑀧𑀤𑀁, 𑀦𑀺𑀧𑀸𑀢𑀧𑀤𑀁, 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀦𑁆𑀢𑀧𑀤𑀁, 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀧𑀤𑀁, 𑀅𑀩𑁆𑀬𑀬𑀢𑀤𑁆𑀥𑀺𑀢𑀧𑀤𑀁, 𑀢𑁆𑀯𑀸𑀤𑀺𑀧𑀘𑁆𑀘𑀬𑀦𑁆𑀢𑀧𑀤𑀦𑁆𑀢𑀺. 𑀩𑁆𑀬𑀬𑁄 𑀯𑀼𑀘𑁆𑀘𑀢𑀺 𑀯𑀺𑀓𑀸𑀭𑁄, 𑀦𑀸𑀦𑀸𑀮𑀺𑀗𑁆𑀕𑀯𑀺𑀪𑀢𑁆𑀢𑀺𑀯𑀘𑀦𑁂𑀳𑀺 𑀦𑀢𑁆𑀣𑀺 𑀭𑀽𑀧𑀩𑁆𑀬𑀬𑁄 𑀏𑀢𑁂𑀲𑀦𑁆𑀢𑀺 𑀅𑀩𑁆𑀬𑀬𑀸, 𑀅𑀲𑀗𑁆𑀔𑁆𑀬𑀸𑀢𑀺 𑀘 𑀯𑀼𑀘𑁆𑀘𑀦𑁆𑀢𑀺.

𑀢𑀢𑁆𑀣 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀦𑁆𑀢𑀧𑀤𑀢𑁄 𑀧𑀼𑀦 𑀯𑀺𑀪𑀢𑁆𑀢𑀼𑀧𑁆𑀧𑀢𑁆𑀢𑀺 𑀦𑀸𑀫 𑀦𑀢𑁆𑀣𑀺. 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀫𑁆𑀳𑀺 𑀯𑀺𑀪𑀢𑁆𑀢𑀻𑀦𑀁 𑀯𑀺𑀥𑀺 𑀲𑀫𑀸𑀲𑀓𑀡𑁆𑀟𑁂 𑀯𑀓𑁆𑀔𑀢𑀺, 𑀢𑀲𑁆𑀫𑀸 𑀢𑀸𑀦𑀺 𑀤𑁆𑀯𑁂 𑀞𑀧𑁂𑀢𑁆𑀯𑀸 𑀲𑁂𑀲𑀸𑀦𑀺 𑀘𑀢𑁆𑀢𑀸𑀭𑀺 𑀇𑀥 𑀯𑀼𑀘𑁆𑀘𑀦𑁆𑀢𑁂.

𑁨𑁮𑁮. 𑀅𑀲𑀗𑁆𑀔𑁆𑀬𑁂𑀳𑀺 𑀲𑀩𑁆𑀩𑀸𑀲𑀁 [𑀘𑀁. 𑁨.𑁧.𑁩𑁮; 𑀧𑀸. 𑁨.𑁪.𑁮𑁨].

𑀅𑀲𑀗𑁆𑀔𑁆𑀬𑁂𑀳𑀺 𑀧𑀤𑁂𑀳𑀺 𑀬𑀣𑀸𑀭𑀳𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺, 𑀓𑁂𑀳𑀺𑀘𑀺 𑀧𑀤𑁂𑀳𑀺 𑀧𑀞𑀫𑀸𑀬 𑀮𑁄𑀧𑁄, 𑀓𑁂𑀳𑀺𑀘𑀺 𑀧𑀤𑁂𑀳𑀺 𑀤𑀼𑀢𑀺𑀬𑀸𑀬 𑀮𑁄𑀧𑁄…𑀧𑁂… 𑀓𑁂𑀳𑀺𑀘𑀺 𑀲𑀢𑁆𑀢𑀫𑀺𑀬𑀸, 𑀓𑁂𑀳𑀺𑀘𑀺 𑀤𑁆𑀯𑀺𑀦𑁆𑀦𑀁, 𑀓𑁂𑀳𑀺𑀘𑀺 𑀢𑀺𑀲𑁆𑀲𑀦𑁆𑀦𑀁…𑀧𑁂… 𑀓𑁂𑀳𑀺𑀘𑀺 𑀲𑀢𑁆𑀢𑀦𑁆𑀦𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀢𑀢𑁆𑀣 𑀆𑀯𑀼𑀲𑁄, 𑀪𑁄, 𑀪𑀦𑁆𑀢𑁂𑀇𑀘𑁆𑀘𑀸𑀤𑀻𑀳𑀺 𑀆𑀫𑀦𑁆𑀢𑀦𑀦𑀺𑀧𑀸𑀢𑁂𑀳𑀺 𑀅𑀢𑁆𑀣𑀺, 𑀦𑀢𑁆𑀣𑀺, 𑀲𑀓𑁆𑀓𑀸, 𑀮𑀩𑁆𑀪𑀸, 𑀲𑀺𑀬𑀸, 𑀲𑀺𑀬𑀼𑀁, 𑀲𑀸𑀥𑀼, 𑀢𑀼𑀡𑁆𑀳𑀻𑀇𑀘𑁆𑀘𑀸𑀤𑀻𑀳𑀺 𑀘 𑀧𑀞𑀫𑀸𑀬 𑀮𑁄𑀧𑁄.

𑀘𑀺𑀭𑀁, 𑀘𑀺𑀭𑀲𑁆𑀲𑀁, 𑀦𑀺𑀘𑁆𑀘𑀁, 𑀲𑀢𑀢𑀁, 𑀅𑀪𑀺𑀡𑁆𑀳𑀁, 𑀅𑀪𑀺𑀓𑁆𑀔𑀡𑀁, 𑀫𑀼𑀳𑀼𑀢𑁆𑀢𑀁 𑀇𑀘𑁆𑀘𑀸𑀤𑀻𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑀮𑀓𑁆𑀔𑀡𑁂 𑀤𑀼𑀢𑀺𑀬𑀸𑀬.

𑀬𑀣𑀸, 𑀢𑀣𑀸, 𑀲𑀩𑁆𑀩𑀣𑀸, 𑀲𑀩𑁆𑀩𑀲𑁄, 𑀫𑀼𑀲𑀸, 𑀫𑀺𑀘𑁆𑀙𑀸𑀇𑀘𑁆𑀘𑀸𑀤𑀻𑀳𑀺 𑀢𑀢𑀺𑀬𑀸𑀬.

𑀓𑀸𑀢𑀼𑀁, 𑀓𑀸𑀢𑀯𑁂 𑀇𑀘𑁆𑀘𑀸𑀤𑀻𑀳𑀺 𑀘𑀢𑀼𑀢𑁆𑀣𑀺𑀬𑀸.

𑀲𑀫𑀦𑁆𑀢𑀸 ¶ , 𑀲𑀫𑀦𑁆𑀢𑀢𑁄, 𑀤𑀻𑀖𑀲𑁄, 𑀑𑀭𑀲𑁄𑀇𑀘𑁆𑀘𑀸𑀤𑀻𑀳𑀺 𑀧𑀜𑁆𑀘𑀫𑀺𑀬𑀸.

𑀧𑀼𑀭𑁂, 𑀧𑀼𑀭𑀸, 𑀧𑀘𑁆𑀙𑀸, 𑀉𑀤𑁆𑀥𑀁, 𑀉𑀧𑀭𑀺, 𑀅𑀥𑁄, 𑀳𑁂𑀝𑁆𑀞𑀸, 𑀅𑀦𑁆𑀢𑀭𑀸, 𑀅𑀦𑁆𑀢𑁄, 𑀭𑀳𑁄, 𑀆𑀯𑀺, 𑀳𑀺𑀬𑁆𑀬𑁄, 𑀲𑀼𑀯𑁂𑀇𑀘𑁆𑀘𑀸𑀤𑀻𑀳𑀺 𑀲𑀢𑁆𑀢𑀫𑀺𑀬𑀸 𑀮𑁄𑀧𑁄.

𑀦𑀫𑁄𑀲𑀤𑁆𑀤𑀫𑁆𑀳𑀸 ‘‘𑀦𑀫𑁄 𑀢𑁂 𑀩𑀼𑀤𑁆𑀥 𑀯𑀻𑀭’𑀢𑁆𑀣𑀽’’𑀢𑀺 𑀏𑀢𑁆𑀣 𑀧𑀞𑀫𑀸𑀬. ‘‘𑀦𑀫𑁄 𑀓𑀭𑁄𑀳𑀺 𑀦𑀸𑀕𑀲𑁆𑀲𑀸’’𑀢𑀺 𑀏𑀢𑁆𑀣 𑀤𑀼𑀢𑀺𑀬𑀸𑀬.

𑀲𑀬𑀁𑀲𑀤𑁆𑀤𑀫𑁆𑀳𑀸 ‘‘𑀓𑀼𑀲𑀽𑀮𑁄 𑀲𑀬𑀫𑁂𑀯 𑀪𑀺𑀚𑁆𑀚𑀢𑁂’’𑀢𑀺 𑀏𑀢𑁆𑀣 𑀧𑀞𑀫𑀸𑀬. ‘‘𑀲𑀬𑀁 𑀓𑀢𑀁 𑀲𑀼𑀔𑀤𑀼𑀓𑁆𑀔’’𑀦𑁆𑀢𑀺 [𑀤𑀻. 𑀦𑀺. 𑁩.𑁧𑁯𑁧, 𑁧𑁯𑁩] 𑀏𑀢𑁆𑀣 𑀢𑀢𑀺𑀬𑀸𑀬, 𑀇𑀘𑁆𑀘𑀸𑀤𑀺𑀦𑀸 𑀬𑀣𑀸𑀭𑀳𑀯𑀺𑀪𑀸𑀕𑁄 𑀯𑁂𑀤𑀺𑀢𑀩𑁆𑀩𑁄.

𑀇𑀢𑀺, 𑀏𑀯𑀁𑀲𑀤𑁆𑀤𑁂𑀳𑀺 𑀧𑀬𑁄𑀕𑀸𑀦𑀼𑀭𑀽𑀧𑀁 𑀲𑀢𑁆𑀢𑀦𑁆𑀦𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑀁 𑀇𑀘𑁆𑀙𑀦𑁆𑀢𑀺.

𑀉𑀧𑀲𑀕𑁆𑀕𑁂𑀳𑀺𑀧𑀺 𑀅𑀢𑁆𑀣𑀸𑀦𑀼𑀭𑀽𑀧𑀁 𑀢𑀁𑀢𑀁𑀯𑀺𑀪𑀢𑁆𑀢𑀺𑀮𑁄𑀧𑁄.

𑀭𑀽𑀧𑀲𑀺𑀤𑁆𑀥𑀺𑀬𑀁 𑀧𑀦 ‘‘𑀢𑁂𑀳𑀺 𑀧𑀞𑀫𑁂𑀓𑀯𑀘𑀦𑀫𑁂𑀯 𑀪𑀯𑀢𑀻’’𑀢𑀺 [𑀭𑀽. 𑁧𑁩𑁧 (𑀧𑀺𑀝𑁆𑀞𑁂)] 𑀯𑀼𑀢𑁆𑀢𑀁.

𑀢𑀢𑁆𑀣 ‘‘𑀅𑀪𑀺𑀓𑁆𑀓𑀫𑀢𑀺, 𑀅𑀪𑀺𑀥𑀫𑁆𑀫𑁄’’ 𑀇𑀘𑁆𑀘𑀸𑀤𑀻𑀲𑀼 𑀥𑀸𑀢𑀼𑀮𑀺𑀗𑁆𑀕𑀸𑀦𑀺 𑀉𑀧𑁂𑀘𑁆𑀘 𑀢𑁂𑀲𑀁 𑀅𑀢𑁆𑀣𑀁 𑀦𑀸𑀦𑀸𑀧𑁆𑀧𑀓𑀸𑀭𑀁 𑀓𑀭𑁄𑀦𑁆𑀢𑀸 𑀲𑀚𑁆𑀚𑀦𑁆𑀢𑀺 𑀲𑀗𑁆𑀔𑀭𑁄𑀦𑁆𑀢𑀻𑀢𑀺 𑀉𑀧𑀲𑀕𑁆𑀕𑀸. 𑀢𑁂 𑀳𑀺 𑀓𑁆𑀯𑀘𑀺 𑀢𑀤𑀢𑁆𑀣𑀁 𑀯𑀺𑀲𑀺𑀝𑁆𑀞𑀁 𑀓𑀭𑁄𑀦𑁆𑀢𑀺 ‘‘𑀚𑀸𑀦𑀸𑀢𑀺, 𑀧𑀚𑀸𑀦𑀸𑀢𑀺, 𑀲𑀜𑁆𑀚𑀸𑀦𑀸𑀢𑀺, 𑀅𑀯𑀚𑀸𑀦𑀸𑀢𑀺, 𑀅𑀪𑀺𑀚𑀸𑀦𑀸𑀢𑀺, 𑀧𑀭𑀺𑀚𑀸𑀦𑀸𑀢𑀺, 𑀲𑀼𑀲𑀻𑀮𑁄, 𑀤𑀼𑀲𑁆𑀲𑀻𑀮𑁄, 𑀲𑀼𑀯𑀡𑁆𑀡𑁄, 𑀤𑀼𑀩𑁆𑀩𑀡𑁆𑀡𑁄, 𑀲𑀼𑀭𑀸𑀚𑀸, 𑀤𑀼𑀭𑀸𑀚𑀸’’ 𑀇𑀘𑁆𑀘𑀸𑀤𑀻𑀲𑀼.

𑀓𑁆𑀯𑀘𑀺 𑀢𑀤𑀢𑁆𑀣𑀁 𑀦𑀸𑀦𑀸𑀧𑁆𑀧𑀓𑀸𑀭𑀁 𑀓𑀢𑁆𑀯𑀸 𑀯𑀺𑀪𑀚𑁆𑀚𑀦𑁆𑀢𑀺 ‘‘𑀕𑀘𑁆𑀙𑀢𑀺, 𑀆𑀕𑀘𑁆𑀙𑀢𑀺, 𑀉𑀕𑁆𑀕𑀘𑁆𑀙𑀢𑀺, 𑀑𑀕𑀘𑁆𑀙𑀢𑀺’’𑀇𑀘𑁆𑀘𑀸𑀤𑀻𑀲𑀼.

𑀓𑁆𑀯𑀘𑀺 𑀢𑀤𑀢𑁆𑀣𑀁 𑀩𑀸𑀥𑁂𑀢𑁆𑀯𑀸 𑀢𑀧𑁆𑀧𑀝𑀺𑀯𑀺𑀭𑀼𑀤𑁆𑀥𑁂 𑀯𑀸 𑀢𑀤𑀜𑁆𑀜𑀲𑁆𑀫𑀺𑀁 𑀯𑀸 𑀅𑀢𑁆𑀣𑁂 𑀢𑀸𑀦𑀺 𑀬𑁄𑀚𑁂𑀦𑁆𑀢𑀺.

𑀢𑀢𑁆𑀣 ¶ 𑀢𑀧𑁆𑀧𑀝𑀺𑀯𑀺𑀭𑀼𑀤𑁆𑀥𑁂 𑁋

𑀚𑁂𑀢𑀺, 𑀧𑀭𑀸𑀚𑁂𑀢𑀺, 𑀑𑀫𑀼𑀜𑁆𑀘𑀢𑀺, 𑀧𑀝𑀺𑀫𑀼𑀜𑁆𑀘𑀢𑀺, 𑀕𑀺𑀮𑀢𑀺, 𑀉𑀕𑁆𑀕𑀺𑀮𑀢𑀺, 𑀦𑀺𑀫𑁆𑀫𑀼𑀚𑁆𑀚𑀢𑀺, 𑀉𑀫𑁆𑀫𑀼𑀚𑁆𑀚𑀢𑀺, 𑀥𑀫𑁆𑀫𑁄, 𑀉𑀤𑁆𑀥𑀫𑁆𑀫𑁄𑀇𑀘𑁆𑀘𑀸𑀤𑀺.

𑀢𑀤𑀜𑁆𑀜𑀲𑁆𑀫𑀺𑀁 𑁋

𑀤𑀤𑀸𑀢𑀺, 𑀆𑀤𑀤𑀸𑀢𑀺, 𑀤𑀥𑀸𑀢𑀺, 𑀯𑀺𑀥𑁂𑀢𑀺, 𑀧𑀺𑀥𑁂𑀢𑀺, 𑀦𑀺𑀥𑁂𑀢𑀺, 𑀲𑀦𑁆𑀥𑀺𑀬𑀢𑀺, 𑀲𑀤𑁆𑀤𑀳𑀢𑀺, 𑀅𑀪𑀺𑀥𑀸𑀢𑀺𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 𑀧𑀦 𑀧𑀤𑀲𑁄𑀪𑀡𑀁 𑀓𑀢𑁆𑀯𑀸 𑀢𑀤𑀢𑁆𑀣𑀁 𑀅𑀦𑀼𑀯𑀢𑁆𑀢𑀦𑁆𑀢𑀺, ‘‘𑀯𑀺𑀚𑁆𑀚𑀢𑀺, 𑀲𑀁𑀯𑀺𑀚𑁆𑀚𑀢𑀺, 𑀮𑀪𑀢𑀺, 𑀧𑀝𑀺𑀮𑀪𑀢𑀺’’ 𑀇𑀘𑁆𑀘𑀸𑀤𑀺.

𑀢𑁂 𑀯𑀻𑀲𑀢𑀺 𑀳𑁄𑀦𑁆𑀢𑀺-𑀧, 𑀆, 𑀉, 𑀑, 𑀤𑀼, 𑀦𑀺, 𑀯𑀺, 𑀲𑀼, 𑀲𑀁, 𑀅𑀢𑀺, 𑀅𑀥𑀺, 𑀅𑀦𑀼, 𑀅𑀧, 𑀅𑀧𑀺, 𑀅𑀪𑀺, 𑀅𑀯, 𑀉𑀧, 𑀧𑀢𑀺, 𑀧𑀭𑀸, 𑀧𑀭𑀺.

𑀓𑀘𑁆𑀘𑀸𑀬𑀦𑁂 𑀧𑀦 𑀑𑀲𑀤𑁆𑀤𑁄 𑀅𑀯𑀓𑀸𑀭𑀺𑀬𑀫𑀢𑁆𑀢𑀦𑁆𑀢𑀺 𑀢𑀁 𑀅𑀕𑁆𑀕𑀳𑁂𑀢𑁆𑀯𑀸 𑀦𑀻𑀲𑀤𑁆𑀤𑀁 𑀕𑀡𑁆𑀳𑀸𑀢𑀺, 𑀇𑀥 𑀧𑀦 𑀦𑀻𑀲𑀤𑁆𑀤𑁄 𑀦𑀺𑀲𑁆𑀲 𑀤𑀻𑀖𑀫𑀢𑁆𑀢𑀦𑁆𑀢𑀺 𑀢𑀁 𑀅𑀕𑁆𑀕𑀳𑁂𑀢𑁆𑀯𑀸 𑀑𑀲𑀤𑁆𑀤𑀁 𑀕𑀡𑁆𑀳𑀸𑀢𑀺.

𑀢𑀢𑁆𑀣 𑀧 𑁋

𑀧𑀓𑀸𑀭𑀢𑁆𑀣𑁂-𑀧𑀜𑁆𑀜𑀸. 𑀆𑀤𑀺𑀓𑀫𑁆𑀫𑁂-𑀯𑀺𑀧𑁆𑀧𑀓𑀢𑀁. 𑀧𑀥𑀸𑀦𑁂-𑀧𑀡𑀻𑀢𑀁. 𑀇𑀲𑁆𑀲𑀭𑀺𑀬𑁂-𑀧𑀪𑀽. 𑀅𑀦𑁆𑀢𑁄𑀪𑀸𑀯𑁂-𑀧𑀓𑁆𑀔𑀺𑀢𑁆𑀢𑀁, 𑀧𑀲𑁆𑀲𑀸𑀲𑁄. 𑀯𑀺𑀬𑁄𑀕𑁂-𑀧𑀯𑀸𑀲𑁄. 𑀢𑀧𑁆𑀧𑀭𑁂-𑀧𑀸𑀘𑀭𑀺𑀬𑁄. 𑀢𑀤𑀦𑀼𑀩𑀦𑁆𑀥𑁂-𑀧𑀼𑀢𑁆𑀢𑁄, 𑀧𑀧𑀼𑀢𑁆𑀢𑁄, 𑀦𑀢𑁆𑀢𑀸, 𑀧𑀦𑀢𑁆𑀢𑀸. 𑀪𑀼𑀲𑀢𑁆𑀣𑁂-𑀧𑀯𑀟𑁆𑀠𑁄. 𑀲𑀫𑁆𑀪𑀯𑁂-𑀧𑀪𑀯𑀢𑀺. 𑀢𑀺𑀢𑁆𑀢𑀺𑀬𑀁-𑀧𑀳𑀼𑀢𑀁 𑀅𑀦𑁆𑀦𑀁. 𑀅𑀦𑀸𑀯𑀺𑀮𑁂-𑀧𑀲𑀦𑁆𑀦𑁄. 𑀧𑀢𑁆𑀣𑀦𑀸𑀬𑀁-𑀧𑀡𑀺𑀥𑀸𑀦𑀁.

𑀆 𑁋

𑀅𑀪𑀺𑀫𑀼𑀔𑁂-𑀆𑀕𑀘𑁆𑀙𑀢𑀺. 𑀉𑀤𑁆𑀥𑀁𑀓𑀫𑁆𑀫𑁂-𑀆𑀭𑁄𑀳𑀢𑀺. 𑀫𑀭𑀺𑀬𑀸𑀤𑀸𑀬𑀁-𑀆𑀧𑀩𑁆𑀩𑀢𑀸 𑀔𑁂𑀢𑁆𑀢𑀁. 𑀅𑀪𑀺𑀯𑀺𑀥𑀺𑀫𑁆𑀳𑀺-𑀆𑀩𑁆𑀭𑀳𑁆𑀫𑀮𑁄𑀓𑀸 𑀓𑀺𑀢𑁆𑀢𑀺𑀲𑀤𑁆𑀤𑁄. 𑀧𑀢𑁆𑀢𑀺𑀬𑀁-𑀆𑀧𑀦𑁆𑀦𑁄. 𑀇𑀘𑁆𑀙𑀸𑀬𑀁-𑀆𑀓𑀗𑁆𑀔𑀸. 𑀧𑀭𑀺𑀲𑁆𑀲𑀚𑀦𑁂-𑀆𑀮𑀺𑀗𑁆𑀕𑀢𑀺. 𑀆𑀤𑀺𑀓𑀫𑁆𑀫𑁂-𑀆𑀭𑀫𑁆𑀪𑁄. 𑀕𑀳𑀡𑁂-𑀆𑀤𑀻𑀬𑀢𑀺. 𑀦𑀺𑀯𑀸𑀲𑁂-𑀆𑀯𑀲𑀣𑁄. 𑀲𑀫𑀻𑀧𑁂-𑀆𑀲𑀦𑁆𑀦𑀁. 𑀅𑀯𑁆𑀳𑀸𑀦𑁂-𑀆𑀫𑀦𑁆𑀢𑀦𑀁.

𑀉 𑁋

𑀉𑀕𑁆𑀕𑀢𑁂-𑀉𑀕𑁆𑀕𑀘𑁆𑀙𑀢𑀺 ¶ . 𑀉𑀤𑁆𑀥𑀁𑀓𑀫𑁆𑀫𑁂-𑀉𑀝𑁆𑀞𑀸𑀢𑀺. 𑀧𑀥𑀸𑀦𑁂-𑀉𑀢𑁆𑀢𑀭𑁄. 𑀯𑀺𑀬𑁄𑀕𑁂-𑀉𑀧𑀯𑀸𑀲𑁄. 𑀲𑀫𑁆𑀪𑀯𑁂-𑀉𑀩𑁆𑀪𑀽𑀢𑁄. 𑀅𑀢𑁆𑀣𑀮𑀸𑀪𑁂-𑀭𑀽𑀧𑀲𑁆𑀲 𑀉𑀧𑁆𑀧𑀸𑀤𑁄. 𑀲𑀢𑁆𑀢𑀺𑀬𑀁-𑀉𑀲𑁆𑀲𑀳𑀢𑀺 𑀕𑀦𑁆𑀢𑀼𑀁. 𑀲𑀭𑀽𑀧𑀔𑁆𑀬𑀸𑀦𑁂-𑀉𑀤𑁆𑀤𑁂𑀲𑁄.

𑀑 𑁋

𑀅𑀦𑁆𑀢𑁄𑀪𑀸𑀯𑁂-𑀑𑀘𑀭𑀓𑁄, 𑀑𑀭𑁄𑀥𑁄. 𑀅𑀥𑁄𑀓𑀫𑁆𑀫𑁂-𑀑𑀓𑁆𑀔𑀺𑀢𑁆𑀢𑁄. 𑀦𑀺𑀕𑁆𑀕𑀳𑁂-𑀑𑀯𑀸𑀤𑁄. 𑀅𑀦𑁆𑀢𑀭𑁂, 𑀤𑁂𑀲𑁂 𑀘-𑀑𑀓𑀸𑀲𑁄. 𑀧𑀸𑀢𑀼𑀪𑀸𑀯𑁂-𑀑𑀧𑀧𑀸𑀢𑀺𑀓𑁄. 𑀬𑁂𑀲𑀼 𑀅𑀢𑁆𑀣𑁂𑀲𑀼 𑀅𑀯𑀲𑀤𑁆𑀤𑁄 𑀯𑀢𑁆𑀢𑀢𑀺, 𑀢𑁂𑀲𑀼𑀧𑀺 𑀑𑀲𑀤𑁆𑀤𑁄 𑀯𑀢𑁆𑀢𑀢𑀺.

𑀤𑀼 𑁋

𑀅𑀲𑁄𑀪𑀡𑁂-𑀤𑀼𑀕𑁆𑀕𑀦𑁆𑀥𑁄. 𑀅𑀪𑀸𑀯𑁂-𑀤𑀼𑀩𑁆𑀪𑀺𑀓𑁆𑀔𑀁, 𑀤𑀼𑀲𑁆𑀲𑀻𑀮𑁄, 𑀤𑀼𑀧𑁆𑀧𑀜𑁆𑀜𑁄. 𑀓𑀼𑀘𑁆𑀙𑀺𑀢𑁂-𑀤𑀼𑀓𑁆𑀓𑀝𑀁. 𑀅𑀲𑀫𑀺𑀤𑁆𑀥𑀺𑀬𑀁-𑀤𑀼𑀲𑀲𑁆𑀲𑀁. 𑀓𑀺𑀘𑁆𑀙𑁂-𑀤𑀼𑀓𑁆𑀓𑀭𑀁. 𑀯𑀺𑀭𑀽𑀧𑁂-𑀤𑀼𑀩𑁆𑀩𑀡𑁆𑀡𑁄, 𑀤𑀼𑀫𑁆𑀫𑀼𑀔𑁄.

𑀦𑀺 𑁋

𑀦𑀺𑀲𑁆𑀲𑁂𑀲𑁂-𑀦𑀺𑀭𑀼𑀢𑁆𑀢𑀺. 𑀦𑀺𑀕𑁆𑀕𑀢𑁂-𑀦𑀺𑀬𑁆𑀬𑀸𑀦𑀁. 𑀦𑀻𑀳𑀭𑀡𑁂-𑀦𑀺𑀤𑁆𑀥𑀸𑀭𑀡𑀁. 𑀅𑀦𑁆𑀢𑁄𑀧𑀯𑁂𑀲𑀦𑁂-𑀦𑀺𑀔𑀸𑀢𑁄. 𑀅𑀪𑀸𑀯𑁂-𑀦𑀺𑀫𑁆𑀫𑀓𑁆𑀔𑀺𑀓𑀁. 𑀦𑀺𑀲𑁂𑀥𑁂-𑀦𑀺𑀯𑀸𑀭𑁂𑀢𑀺. 𑀦𑀺𑀓𑁆𑀔𑀦𑁆𑀢𑁂-𑀦𑀺𑀩𑁆𑀩𑀸𑀦𑀁. 𑀧𑀸𑀢𑀼𑀪𑀸𑀯𑁂-𑀦𑀺𑀫𑁆𑀫𑀺𑀢𑀁. 𑀅𑀯𑀥𑀸𑀭𑀡𑁂-𑀯𑀺𑀦𑀺𑀘𑁆𑀙𑀬𑁄. 𑀯𑀺𑀪𑀚𑁆𑀚𑀦𑁂-𑀦𑀺𑀤𑁆𑀤𑁂𑀲𑁄. 𑀉𑀧𑀫𑀸𑀬𑀁-𑀦𑀺𑀤𑀲𑁆𑀲𑀦𑀁. 𑀉𑀧𑀥𑀸𑀭𑀡𑁂-𑀦𑀺𑀲𑀸𑀫𑁂𑀢𑀺. 𑀅𑀯𑀲𑀸𑀦𑁂-𑀦𑀺𑀝𑁆𑀞𑀺𑀢𑀁. 𑀙𑁂𑀓𑁂-𑀦𑀺𑀧𑀼𑀡𑁄.

𑀯𑀺 𑁋

𑀯𑀺𑀲𑁂𑀲𑁂-𑀯𑀺𑀧𑀲𑁆𑀲𑀢𑀺. 𑀯𑀺𑀯𑀺𑀥𑁂-𑀯𑀺𑀘𑀺𑀢𑁆𑀢𑀁. 𑀯𑀺𑀭𑀼𑀤𑁆𑀥𑁂-𑀯𑀺𑀯𑀸𑀤𑁄. 𑀯𑀺𑀕𑀢𑁂-𑀯𑀺𑀫𑀮𑁄. 𑀯𑀺𑀬𑁄𑀕𑁂-𑀯𑀺𑀧𑁆𑀧𑀬𑀼𑀢𑁆𑀢𑁄. 𑀯𑀺𑀭𑀽𑀧𑁂-𑀯𑀺𑀧𑁆𑀧𑀝𑀺𑀲𑀸𑀭𑁄.

𑀲𑀼 𑁋

𑀲𑁄𑀪𑀡𑁂-𑀲𑀼𑀕𑁆𑀕𑀢𑀺 ¶ . 𑀲𑀼𑀦𑁆𑀤𑀭𑁂-𑀲𑀼𑀫𑀦𑁄. 𑀲𑀫𑁆𑀫𑀸𑀲𑀤𑁆𑀤𑀢𑁆𑀣𑁂-𑀲𑀼𑀕𑀢𑁄. 𑀲𑀫𑀺𑀤𑁆𑀥𑀺𑀬𑀁-𑀲𑀼𑀪𑀺𑀓𑁆𑀔𑀁. 𑀲𑀼𑀔𑀢𑁆𑀣𑁂-𑀲𑀼𑀓𑀭𑁄.

𑀲𑀁 𑁋

𑀲𑀫𑁄𑀥𑀸𑀦𑁂-𑀲𑀦𑁆𑀥𑀺. 𑀲𑀫𑁆𑀫𑀸, 𑀲𑀫𑀢𑁆𑀣𑁂𑀲𑀼-𑀲𑀫𑀸𑀥𑀺, 𑀲𑀫𑁆𑀧𑀬𑀼𑀢𑁆𑀢𑁄. 𑀲𑀫𑀦𑁆𑀢𑀪𑀸𑀯𑁂-𑀲𑀁𑀓𑀺𑀡𑁆𑀡𑁄. 𑀲𑀗𑁆𑀕𑀢𑁂-𑀲𑀫𑀸𑀕𑀫𑁄, 𑀲𑀗𑁆𑀔𑁂𑀧𑁂-𑀲𑀫𑀸𑀲𑁄. 𑀪𑀼𑀲𑀢𑁆𑀣𑁂-𑀲𑀸𑀭𑀢𑁆𑀢𑁄. 𑀲𑀳𑀢𑁆𑀣𑁂-𑀲𑀁𑀯𑀸𑀲𑁄, 𑀲𑀫𑁆𑀪𑁄𑀕𑁄. 𑀅𑀧𑁆𑀧𑀢𑁆𑀣𑁂-𑀲𑀫𑀕𑁆𑀖𑁄. 𑀧𑀪𑀯𑁂-𑀲𑀫𑁆𑀪𑀯𑁄. 𑀅𑀪𑀺𑀫𑀼𑀔𑁂-𑀲𑀫𑁆𑀫𑀼𑀔𑀁. 𑀲𑀗𑁆𑀕𑀳𑁂-𑀲𑀗𑁆𑀕𑀬𑁆𑀳𑀢𑀺. 𑀧𑀺𑀤𑀳𑀦𑁂-𑀲𑀁𑀯𑀼𑀢𑁄. 𑀧𑀼𑀦𑀧𑁆𑀧𑀼𑀦𑀓𑀫𑁆𑀫𑁂-𑀲𑀦𑁆𑀥𑀸𑀯𑀢𑀺, 𑀲𑀁𑀲𑀭𑀢𑀺. 𑀲𑀫𑀺𑀤𑁆𑀥𑀺𑀬𑀁-𑀲𑀫𑁆𑀧𑀦𑁆𑀦𑁄.

𑀅𑀢𑀺 𑁋

𑀅𑀢𑀺𑀓𑁆𑀓𑀫𑁂-𑀅𑀢𑀺𑀭𑁄𑀘𑀢𑀺, 𑀅𑀘𑁆𑀘𑀬𑁄, 𑀅𑀢𑀻𑀢𑁄. 𑀅𑀢𑀺𑀓𑁆𑀓𑀦𑁆𑀢𑁂-𑀅𑀘𑁆𑀘𑀦𑁆𑀢𑀁. 𑀅𑀢𑀺𑀲𑁆𑀲𑀬𑁂-𑀅𑀢𑀺𑀓𑀼𑀲𑀮𑁄. 𑀪𑀼𑀲𑀢𑁆𑀣𑁂-𑀅𑀢𑀺𑀓𑁄𑀥𑁄. 𑀅𑀦𑁆𑀢𑁄𑀓𑀫𑁆𑀫𑁂-𑀫𑀜𑁆𑀘𑀁 𑀯𑀸 𑀧𑀻𑀞𑀁 𑀯𑀸 𑀅𑀢𑀺𑀳𑀭𑀺𑀢𑁆𑀯𑀸 𑀞𑀧𑁂𑀢𑀺.

𑀅𑀥𑀺 𑁋

𑀅𑀥𑀺𑀓𑁂-𑀅𑀥𑀺𑀲𑀻𑀮𑀁. 𑀇𑀲𑁆𑀲𑀭𑁂-𑀅𑀥𑀺𑀧𑀢𑀺, 𑀅𑀥𑀺𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸. 𑀉𑀧𑀭𑀺𑀪𑀸𑀯𑁂-𑀅𑀥𑀺𑀲𑁂𑀢𑀺. 𑀧𑀭𑀺𑀪𑀯𑀦𑁂-𑀅𑀥𑀺𑀪𑀽𑀢𑁄. 𑀅𑀚𑁆𑀛𑀸𑀬𑀦𑁂-𑀅𑀚𑁆𑀛𑁂𑀢𑀺, 𑀩𑁆𑀬𑀸𑀓𑀭𑀡𑀫𑀥𑀻𑀢𑁂. 𑀅𑀥𑀺𑀝𑁆𑀞𑀸𑀦𑁂-𑀦𑀯𑀓𑀫𑁆𑀫𑀁 𑀅𑀥𑀺𑀝𑁆𑀞𑀸𑀢𑀺, 𑀘𑀻𑀯𑀭𑀁 𑀅𑀥𑀺𑀝𑁆𑀞𑀸𑀢𑀺, 𑀇𑀤𑁆𑀥𑀺𑀯𑀺𑀓𑀼𑀩𑁆𑀩𑀦𑀁 𑀅𑀥𑀺𑀝𑁆𑀞𑀸𑀢𑀺. 𑀦𑀺𑀘𑁆𑀙𑀬𑁂-𑀅𑀥𑀺𑀫𑀼𑀘𑁆𑀘𑀢𑀺. 𑀧𑀸𑀧𑀼𑀡𑀦𑁂-𑀪𑁄𑀕𑀓𑁆𑀔𑀦𑁆𑀥𑀁 𑀅𑀥𑀺𑀕𑀘𑁆𑀙𑀢𑀺, 𑀅𑀫𑀢𑀁 𑀅𑀥𑀺𑀕𑀘𑁆𑀙𑀢𑀺.

𑀅𑀦𑀼 𑁋

𑀅𑀦𑀼𑀕𑀢𑁂-𑀅𑀦𑁆𑀯𑁂𑀢𑀺. 𑀅𑀦𑀼𑀧𑁆𑀧𑀘𑁆𑀙𑀺𑀦𑁆𑀦𑁂-𑀅𑀦𑀼𑀲𑀬𑁄. 𑀧𑀘𑁆𑀙𑀸𑀲𑀤𑁆𑀤𑀢𑁆𑀣𑁂-𑀅𑀦𑀼𑀭𑀣𑀁. 𑀧𑀼𑀦𑀧𑁆𑀧𑀼𑀦𑀪𑀸𑀯𑁂-𑀅𑀦𑁆𑀯𑀟𑁆𑀠𑀫𑀸𑀲𑀁, 𑀅𑀦𑀼𑀲𑀁𑀯𑀘𑁆𑀙𑀭𑀁. 𑀬𑁄𑀕𑁆𑀬𑀪𑀸𑀯𑁂-𑀅𑀦𑀼𑀭𑀽𑀧𑀁 ¶ .𑀓𑀦𑀺𑀝𑁆𑀞𑀪𑀸𑀯𑁂-𑀅𑀦𑀼𑀩𑀼𑀤𑁆𑀥𑁄, 𑀅𑀦𑀼𑀣𑁂𑀭𑁄. 𑀲𑁂𑀲𑀁 𑀓𑀸𑀭𑀓𑀓𑀡𑁆𑀟𑁂 𑀯𑀓𑁆𑀔𑀢𑀺.

𑀅𑀧 𑁋

𑀅𑀧𑀕𑀢𑁂-𑀅𑀧𑁂𑀢𑀺, 𑀅𑀧𑀸𑀬𑁄. 𑀕𑀭𑀳𑁂-𑀅𑀧𑀕𑀩𑁆𑀪𑁄, 𑀅𑀧𑀲𑀤𑁆𑀤𑁄. 𑀯𑀚𑁆𑀚𑀦𑁂-𑀅𑀧𑀲𑀸𑀮𑀸𑀬 𑀆𑀬𑀦𑁆𑀢𑀺. 𑀧𑀽𑀚𑀸𑀬𑀁-𑀯𑀼𑀟𑁆𑀠-𑀫𑀧𑀘𑀸𑀬𑀦𑁆𑀢𑀺. 𑀧𑀤𑀼𑀲𑁆𑀲𑀦𑁂-𑀅𑀧𑀭𑀚𑁆𑀛𑀢𑀺.

𑀅𑀧𑀺 𑁋

𑀲𑀫𑁆𑀪𑀸𑀯𑀦𑁂-𑀅𑀧𑀺𑀧𑀩𑁆𑀩𑀢𑀁 𑀪𑀺𑀦𑁆𑀤𑁂𑀬𑁆𑀬, 𑀫𑁂𑀭𑀼𑀫𑁆𑀧𑀺 𑀯𑀺𑀦𑀺𑀯𑀺𑀚𑁆𑀛𑁂𑀬𑁆𑀬. 𑀅𑀧𑁂𑀓𑁆𑀔𑀸𑀬𑀁-𑀅𑀬𑀫𑁆𑀧𑀺 𑀥𑀫𑁆𑀫𑁄 𑀅𑀦𑀺𑀬𑀢𑁄. 𑀲𑀫𑀼𑀘𑁆𑀘𑀬𑁂-𑀇𑀢𑀺𑀧𑀺 𑀅𑀭𑀳𑀁, 𑀙𑀯𑀺𑀫𑁆𑀧𑀺 𑀤𑀳𑀢𑀺, 𑀘𑀫𑁆𑀫𑀫𑁆𑀧𑀺 𑀤𑀳𑀢𑀺, 𑀫𑀁𑀲𑀫𑁆𑀧𑀺 𑀤𑀳𑀢𑀺. 𑀕𑀭𑀳𑀸𑀬𑀁-𑀅𑀧𑀺 𑀅𑀫𑁆𑀳𑀸𑀓𑀁 𑀧𑀡𑁆𑀟𑀺𑀢𑀓. 𑀧𑀼𑀘𑁆𑀙𑀸𑀬𑀁-𑀅𑀧𑀺 𑀪𑀦𑁆𑀢𑁂 𑀪𑀺𑀓𑁆𑀔𑀁 𑀮𑀪𑀺𑀢𑁆𑀣, 𑀅𑀧𑀺 𑀦𑀼 𑀢𑀼𑀫𑁆𑀳𑁂 𑀲𑁄𑀢𑀼𑀓𑀸𑀫𑀸𑀢𑁆𑀣.

𑀅𑀪𑀺 𑁋

𑀅𑀪𑀺𑀫𑀼𑀔𑁂-𑀅𑀪𑀺𑀓𑁆𑀓𑀦𑁆𑀢𑁄. 𑀯𑀺𑀲𑀺𑀝𑁆𑀞𑁂-𑀅𑀪𑀺𑀜𑁆𑀜𑀸. 𑀅𑀥𑀺𑀓𑁂-𑀅𑀪𑀺𑀥𑀫𑁆𑀫𑁄. 𑀉𑀤𑁆𑀥𑀁𑀓𑀫𑁆𑀫𑁂-𑀅𑀪𑀺𑀭𑀽𑀳𑀢𑀺. 𑀓𑀼𑀮𑁂-𑀅𑀪𑀺𑀚𑀸𑀢𑁄. 𑀲𑀸𑀭𑀼𑀧𑁆𑀧𑁂-𑀅𑀪𑀺𑀭𑀽𑀧𑁄. 𑀯𑀦𑁆𑀤𑀦𑁂-𑀅𑀪𑀺𑀯𑀸𑀤𑁂𑀢𑀺. 𑀲𑁂𑀲𑀁 𑀓𑀸𑀭𑀓𑀓𑀡𑁆𑀟𑁂 𑀯𑀓𑁆𑀔𑀢𑀺.

𑀅𑀯 𑁋

𑀅𑀥𑁄𑀪𑀸𑀕𑁂-𑀅𑀯𑀓𑁆𑀔𑀺𑀢𑁆𑀢𑁄. 𑀯𑀺𑀬𑁄𑀕𑁂-𑀅𑀯𑀓𑁄𑀓𑀺𑀮𑀁 𑀯𑀦𑀁. 𑀧𑀭𑀺𑀪𑀯𑁂-𑀅𑀯𑀚𑀸𑀦𑀸𑀢𑀺. 𑀚𑀸𑀦𑀦𑁂-𑀅𑀯𑀕𑀘𑁆𑀙𑀢𑀺. 𑀲𑀼𑀤𑁆𑀥𑀺𑀬𑀁-𑀯𑁄𑀤𑀸𑀬𑀢𑀺, 𑀯𑁄𑀤𑀸𑀦𑀁. 𑀦𑀺𑀘𑁆𑀙𑀬𑁂-𑀅𑀯𑀥𑀸𑀭𑀡𑀁. 𑀤𑁂𑀲𑁂-𑀅𑀯𑀓𑀸𑀲𑁄. 𑀣𑁂𑀬𑁆𑀬𑁂-𑀅𑀯𑀳𑀸𑀭𑁄.

𑀉𑀧 𑁋

𑀉𑀧𑀕𑀫𑁂-𑀉𑀧𑀦𑀺𑀲𑀻𑀤𑀢𑀺. 𑀲𑀫𑀻𑀧𑁂-𑀉𑀧𑀘𑀸𑀭𑁄, 𑀉𑀧𑀦𑀕𑀭𑀁. 𑀉𑀧𑀧𑀢𑁆𑀢𑀺𑀬𑀁-𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀢𑀺. 𑀲𑀤𑀺𑀲𑁂-𑀉𑀧𑀫𑀸𑀡𑀁, 𑀉𑀧𑀫𑁂𑀬𑁆𑀬𑀁. 𑀅𑀥𑀺𑀓𑁂-𑀉𑀧𑀔𑀸𑀭𑀺𑀬𑀁 𑀤𑁄𑀡𑁄. 𑀉𑀧𑀭𑀺𑀪𑀸𑀯𑁂 𑁋 𑀉𑀧𑀲𑀫𑁆𑀧𑀦𑁆𑀦𑁄 ¶ , 𑀉𑀧𑀘𑀬𑁄. 𑀅𑀦𑀲𑀦𑁂-𑀉𑀧𑀯𑀸𑀲𑁄. 𑀤𑁄𑀲𑀓𑁆𑀔𑀸𑀦𑁂-𑀧𑀭𑀁 𑀉𑀧𑀯𑀤𑀢𑀺. 𑀲𑀜𑁆𑀜𑀸𑀬𑀁-𑀉𑀧𑀥𑀸, 𑀉𑀧𑀲𑀕𑁆𑀕𑁄. 𑀧𑀼𑀩𑁆𑀩𑀓𑀫𑁆𑀫𑁂-𑀉𑀧𑀓𑁆𑀓𑀫𑁄, 𑀉𑀧𑀳𑀸𑀭𑁄. 𑀧𑀽𑀚𑀸𑀬𑀁-𑀩𑀼𑀤𑁆𑀥𑀁 𑀉𑀧𑀝𑁆𑀞𑀸𑀢𑀺. 𑀕𑀬𑁆𑀳𑀸𑀓𑀸𑀭𑁂-𑀧𑀘𑁆𑀘𑀼𑀧𑀝𑁆𑀞𑀸𑀦𑀁. 𑀪𑀼𑀲𑀢𑁆𑀣𑁂-𑀉𑀧𑀸𑀤𑀸𑀦𑀁, 𑀉𑀧𑀸𑀬𑀸𑀲𑁄, 𑀉𑀧𑀦𑀺𑀲𑁆𑀲𑀬𑁄.

𑀧𑀢𑀺 𑁋

𑀧𑀢𑀺𑀕𑀢𑁂-𑀧𑀘𑁆𑀘𑀓𑁆𑀔𑀁. 𑀧𑀝𑀺𑀮𑁄𑀫𑁂-𑀧𑀝𑀺𑀲𑁄𑀢𑀁. 𑀧𑀝𑀺𑀬𑁄𑀕𑀺𑀫𑁆𑀳𑀺-𑀧𑀝𑀺𑀧𑀼𑀕𑁆𑀕𑀮𑁄. 𑀦𑀺𑀲𑁂𑀥𑁂-𑀧𑀝𑀺𑀲𑁂𑀥𑁄. 𑀦𑀺𑀯𑀢𑁆𑀢𑁂-𑀧𑀝𑀺𑀓𑁆𑀓𑀫𑀢𑀺. 𑀲𑀤𑀺𑀲𑁂-𑀧𑀝𑀺𑀭𑀽𑀧𑀓𑀁. 𑀧𑀝𑀺𑀓𑀫𑁆𑀫𑁂-𑀭𑁄𑀕𑀲𑁆𑀲 𑀧𑀝𑀺𑀓𑀸𑀭𑁄. 𑀆𑀤𑀸𑀦𑁂-𑀧𑀝𑀺𑀕𑁆𑀕𑀡𑁆𑀳𑀸𑀢𑀺. 𑀧𑀝𑀺𑀩𑁄𑀥𑁂-𑀧𑀝𑀺𑀯𑁂𑀥𑁄. 𑀧𑀝𑀺𑀘𑁆𑀘𑁂-𑀧𑀘𑁆𑀘𑀬𑁄. 𑀲𑁂𑀲𑀁 𑀓𑀸𑀭𑀓𑀓𑀡𑁆𑀟𑁂 𑀯𑀓𑁆𑀔𑀢𑀺.

𑀧𑀭𑀸 𑁋

𑀧𑀭𑀺𑀳𑀸𑀦𑀺𑀬𑀁-𑀧𑀭𑀸𑀪𑀯𑁄. 𑀧𑀭𑀸𑀚𑀬𑁂-𑀧𑀭𑀸𑀚𑀺𑀢𑁄. 𑀕𑀢𑀺𑀬𑀁-𑀧𑀭𑀸𑀬𑀦𑀁. 𑀯𑀺𑀓𑁆𑀓𑀫𑁂-𑀧𑀭𑀓𑁆𑀓𑀫𑁄. 𑀆𑀫𑀲𑀦𑁂-𑀧𑀭𑀸𑀫𑀲𑀦𑀁.

𑀧𑀭𑀺 𑁋

𑀲𑀫𑀦𑁆𑀢𑀪𑀸𑀯𑁂-𑀧𑀭𑀺𑀯𑀼𑀢𑁄, 𑀧𑀭𑀺𑀓𑁆𑀔𑀺𑀢𑁆𑀢𑁄, 𑀧𑀭𑀺𑀓𑁆𑀔𑀸𑀭𑁄. 𑀧𑀭𑀺𑀘𑁆𑀙𑁂𑀤𑁂-𑀧𑀭𑀺𑀜𑁆𑀜𑁂𑀬𑁆𑀬𑀁, 𑀧𑀭𑀺𑀚𑀸𑀦𑀸𑀢𑀺. 𑀯𑀚𑁆𑀚𑀦𑁂-𑀧𑀭𑀺𑀳𑀭𑀢𑀺. 𑀧𑀭𑀺𑀳𑀸𑀭𑁄. 𑀆𑀮𑀺𑀗𑁆𑀕𑀦𑁂-𑀧𑀭𑀺𑀲𑁆𑀲𑀚𑀢𑀺. 𑀦𑀺𑀯𑀸𑀲𑀦𑁂-𑀯𑀢𑁆𑀣𑀁 𑀧𑀭𑀺𑀤𑀳𑀢𑀺. 𑀧𑀽𑀚𑀸𑀬𑀁-𑀧𑀸𑀭𑀺𑀘𑀭𑀺𑀬𑀸. 𑀪𑁄𑀚𑀦𑁂-𑀧𑀭𑀺𑀯𑀺𑀲𑀢𑀺. 𑀅𑀪𑀺𑀪𑀯𑁂-𑀧𑀭𑀺𑀪𑀯𑀢𑀺. 𑀤𑁄𑀲𑀓𑁆𑀔𑀸𑀦𑁂-𑀧𑀭𑀺𑀪𑀸𑀲𑀢𑀺. 𑀲𑁂𑀲𑀁 𑀓𑀸𑀭𑀓𑀓𑀡𑁆𑀟𑁂 𑀯𑀓𑁆𑀔𑀢𑀺.

𑀦𑀻𑀲𑀤𑁆𑀤𑁄 𑀧𑀦 𑀦𑀻𑀳𑀭𑀡, 𑀦𑀻𑀯𑀭𑀡𑀸𑀤𑀻𑀲𑀼 𑀯𑀢𑁆𑀢𑀢𑀺, 𑀦𑀻𑀳𑀭𑀡𑀁, 𑀦𑀻𑀯𑀭𑀡𑀁𑀇𑀘𑁆𑀘𑀸𑀤𑀺.

𑀇𑀢𑀺 𑀉𑀧𑀲𑀕𑁆𑀕𑀧𑀤𑀭𑀸𑀲𑀺.

𑀦𑀺𑀧𑀸𑀢𑀧𑀤𑀭𑀸𑀲𑀺

𑀦𑀺𑀘𑁆𑀘𑀁 ¶ 𑀏𑀓𑀭𑀽𑀧𑁂𑀦 𑀯𑀸𑀓𑁆𑀬𑀧𑀣𑁂 𑀧𑀢𑀦𑁆𑀢𑀻𑀢𑀺 𑀦𑀺𑀧𑀸𑀢𑀸. 𑀧𑀤𑀸𑀦𑀁 𑀆𑀤𑀺, 𑀫𑀚𑁆𑀛𑀸’𑀯𑀲𑀸𑀦𑁂𑀲𑀼 𑀦𑀺𑀧𑀢𑀦𑁆𑀢𑀻𑀢𑀺 𑀦𑀺𑀧𑀸𑀢𑀸𑀢𑀺𑀧𑀺 𑀯𑀤𑀦𑁆𑀢𑀺.

𑀅𑀲𑀢𑁆𑀯𑀯𑀸𑀘𑀓𑀸 𑀘𑀸𑀤𑀺𑀲𑀤𑁆𑀤𑀸 𑀦𑀺𑀧𑀸𑀢𑀸 𑀦𑀸𑀫. 𑀢𑁂 𑀧𑀦 𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀸, 𑀅𑀬𑀼𑀢𑁆𑀢𑀸 𑀘𑀸𑀢𑀺 𑀤𑀼𑀯𑀺𑀥𑀸 𑀳𑁄𑀦𑁆𑀢𑀺. 𑀢𑀢𑁆𑀣 𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀸 𑀧𑀼𑀩𑁆𑀩𑁂 𑀤𑀲𑁆𑀲𑀺𑀢𑀸 𑀏𑀯. 𑀘𑀸𑀤𑀬𑁄 𑀅𑀬𑀼𑀢𑁆𑀢𑀸 𑀦𑀸𑀫. 𑀢𑁂 𑀧𑀦 𑀅𑀦𑁂𑀓𑀲𑀢𑀧𑁆𑀧𑀪𑁂𑀤𑀸 𑀳𑁄𑀦𑁆𑀢𑀺. 𑀦𑀺𑀖𑀡𑁆𑀝𑀼𑀲𑀢𑁆𑀣𑁂𑀲𑀼 𑀕𑀳𑁂𑀢𑀩𑁆𑀩𑀸𑀢𑀺.

𑀅𑀩𑁆𑀬𑀬𑀢𑀤𑁆𑀥𑀺𑀢𑀧𑀘𑁆𑀘𑀬𑀧𑀤𑀭𑀸𑀲𑀺

𑀅𑀩𑁆𑀬𑀬𑀢𑀤𑁆𑀥𑀺𑀢𑀧𑀘𑁆𑀘𑀬𑀦𑁆𑀢𑀸 𑀦𑀸𑀫 𑀬𑀣𑀸, 𑀢𑀣𑀸, 𑀏𑀓𑀥𑀸, 𑀏𑀓𑀚𑁆𑀛𑀁, 𑀲𑀩𑁆𑀩𑀲𑁄, 𑀓𑀣𑀁, 𑀇𑀢𑁆𑀣𑀁 𑀇𑀘𑁆𑀘𑀸𑀤𑀬𑁄. 𑀢𑁂𑀳𑀺 𑀢𑀢𑀺𑀬𑀸𑀮𑁄𑀧𑁄.

𑀢𑁆𑀯𑀸𑀤𑀺𑀧𑀘𑁆𑀘𑀬𑀦𑁆𑀢𑀧𑀤𑀭𑀸𑀲𑀺

𑀢𑁆𑀯𑀸𑀤𑀺𑀧𑀘𑁆𑀘𑀬𑀦𑁆𑀢𑀸 𑀦𑀸𑀫 𑀓𑀢𑁆𑀯𑀸, 𑀓𑀢𑁆𑀯𑀸𑀦, 𑀓𑀸𑀢𑀼𑀦, 𑀓𑀸𑀢𑀼𑀁, 𑀓𑀸𑀢𑀯𑁂, 𑀤𑀓𑁆𑀔𑀺𑀢𑀸𑀬𑁂, 𑀳𑁂𑀢𑀼𑀬𑁂, 𑀆𑀤𑀸𑀬, 𑀉𑀧𑀸𑀤𑀸𑀬, 𑀯𑀺𑀘𑁂𑀬𑁆𑀬, 𑀯𑀺𑀦𑁂𑀬𑁆𑀬, 𑀲𑀓𑁆𑀓𑀘𑁆𑀘, 𑀆𑀳𑀘𑁆𑀘, 𑀉𑀧𑀲𑀫𑁆𑀧𑀚𑁆𑀚, 𑀲𑀫𑁂𑀘𑁆𑀘, 𑀅𑀯𑁂𑀘𑁆𑀘, 𑀧𑀝𑀺𑀘𑁆𑀘, 𑀅𑀢𑀺𑀘𑁆𑀘, 𑀆𑀕𑀫𑁆𑀫, 𑀆𑀭𑀩𑁆𑀪𑀇𑀘𑁆𑀘𑀸𑀤𑀬𑁄. 𑀢𑁂𑀲𑀼 𑀢𑁆𑀯𑀸, 𑀢𑁆𑀯𑀸𑀦𑀦𑁆𑀢𑁂𑀳𑀺 𑀧𑀞𑀫𑀸𑀮𑁄𑀧𑁄. 𑀢𑀼𑀁, 𑀢𑀯𑁂, 𑀢𑀸𑀬𑁂, 𑀢𑀼𑀬𑁂𑀧𑀘𑁆𑀘𑀬𑀦𑁆𑀢𑁂𑀳𑀺 𑀘𑀢𑀼𑀢𑁆𑀣𑀻𑀮𑁄𑀧𑁄𑀢𑀺.

𑀥𑀸𑀢𑀯𑁄 𑀧𑀘𑁆𑀘𑀬𑀸 𑀘𑁂𑀯, 𑀉𑀧𑀲𑀕𑁆𑀕𑀦𑀺𑀧𑀸𑀢𑀓𑀸.

𑀅𑀦𑁂𑀓𑀢𑁆𑀣𑀸𑀯 𑀢𑁂 𑀧𑀝𑀺-𑀲𑀫𑁆𑀪𑀺𑀤𑀸 𑀜𑀸𑀡𑀕𑁄𑀘𑀭𑀸.

𑀇𑀢𑀺 𑀦𑀺𑀭𑀼𑀢𑁆𑀢𑀺𑀤𑀻𑀧𑀦𑀺𑀬𑀸 𑀦𑀸𑀫 𑀫𑁄𑀕𑁆𑀕𑀮𑁆𑀮𑀸𑀦𑀤𑀻𑀧𑀦𑀺𑀬𑀸

𑀦𑀸𑀫𑀓𑀡𑁆𑀟𑁄 𑀦𑀺𑀝𑁆𑀞𑀺𑀢𑁄.

𑁩. 𑀓𑀸𑀭𑀓𑀓𑀡𑁆𑀟

𑀧𑀞𑀫𑀸𑀯𑀺𑀪𑀢𑁆𑀢𑀺𑀭𑀸𑀲𑀺

𑀅𑀣 𑀦𑀸𑀫𑀯𑀺𑀪𑀢𑁆𑀢𑀻𑀦𑀁 𑀅𑀢𑁆𑀣𑀪𑁂𑀤𑀸 𑀯𑀼𑀘𑁆𑀘𑀦𑁆𑀢𑁂.

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀧𑀞𑀫𑀸?

𑁨𑁮𑁯. 𑀧𑀞𑀫𑀢𑁆𑀣𑀫𑀢𑁆𑀢𑁂 [𑀘𑀁. 𑁨.𑁧.𑁯𑁩; 𑀧𑀸. 𑁨.𑁩.𑁪𑁬].

𑀦𑀸𑀫𑀲𑁆𑀲 𑀅𑀪𑀺𑀥𑁂𑀬𑁆𑀬𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀭𑀼𑀓𑁆𑀔𑁄, 𑀫𑀸𑀮𑀸, 𑀥𑀦𑀁.

𑀏𑀢𑁆𑀣 𑀘 𑀫𑀢𑁆𑀢𑀲𑀤𑁆𑀤𑁂𑀦 𑀓𑀢𑁆𑀢𑀼, 𑀓𑀫𑁆𑀫𑀸𑀤𑀺𑀓𑁂 𑀯𑀺𑀪𑀢𑁆𑀬𑀢𑁆𑀣𑁂 𑀦𑀺𑀯𑀢𑁆𑀢𑁂𑀢𑀺. 𑀢𑀲𑁆𑀫𑀸 𑀅𑀢𑁆𑀣𑀫𑀢𑁆𑀢𑀦𑁆𑀢𑀺 𑀮𑀺𑀗𑁆𑀕𑀢𑁆𑀣𑁄𑀬𑁂𑀯 𑀯𑀼𑀘𑁆𑀘𑀢𑀺.

𑀢𑀢𑁆𑀣 𑀅𑀦𑀼𑀘𑁆𑀘𑀸𑀭𑀺𑀢𑁂 𑀲𑀢𑀺 𑀲𑀼𑀡𑀦𑁆𑀢𑀲𑁆𑀲 𑀅𑀯𑀺𑀤𑀺𑀢𑁄 𑀅𑀢𑁆𑀣𑁄 𑀮𑀻𑀦𑀢𑁆𑀣𑁄 𑀦𑀸𑀫. 𑀢𑀁 𑀮𑀻𑀦𑀫𑀢𑁆𑀣𑀁 𑀕𑀫𑁂𑀢𑀺 𑀩𑁄𑀥𑁂𑀢𑀻𑀢𑀺 𑀮𑀺𑀗𑁆𑀕𑀁, 𑀉𑀘𑁆𑀘𑀸𑀭𑀺𑀢𑀧𑀤𑀁.

𑀢𑀁 𑀧𑀦 𑀧𑀓𑀢𑀺𑀮𑀺𑀗𑁆𑀕𑀁, 𑀦𑀺𑀧𑁆𑀨𑀦𑁆𑀦𑀮𑀺𑀗𑁆𑀕𑀦𑁆𑀢𑀺 𑀤𑀼𑀯𑀺𑀥𑀁. 𑀢𑀢𑁆𑀣 𑀯𑀺𑀪𑀢𑁆𑀢𑀺𑀭𑀳𑀺𑀢𑀁 𑀧𑀓𑀢𑀺𑀮𑀺𑀗𑁆𑀕𑀁 𑀇𑀥𑀸𑀥𑀺𑀧𑁆𑀧𑁂𑀢𑀁 𑀮𑀺𑀗𑁆𑀕, 𑀯𑀺𑀪𑀢𑁆𑀢𑀻𑀦𑀁 𑀯𑀺𑀲𑀼𑀁 𑀯𑀺𑀲𑀼𑀁 𑀯𑀺𑀪𑀸𑀕𑀝𑁆𑀞𑀸𑀦𑀢𑁆𑀢𑀸.

𑀮𑀻𑀦𑀁 𑀅𑀗𑁆𑀕𑀦𑁆𑀢𑀺 𑀮𑀺𑀗𑁆𑀕𑀁. 𑀢𑀢𑁆𑀣 ‘𑀮𑀻𑀦’𑀦𑁆𑀢𑀺 𑀅𑀧𑀸𑀓𑀝𑀁. ‘𑀅𑀗𑁆𑀕’𑀦𑁆𑀢𑀺 𑀅𑀯𑀬𑀯𑁄. 𑀮𑀺𑀗𑁆𑀕𑀁, 𑀦𑀸𑀫𑀁, 𑀧𑀸𑀝𑀺𑀧𑀤𑀺𑀓𑀦𑁆𑀢𑀺 𑀅𑀢𑁆𑀣𑀢𑁄 𑀏𑀓𑀁.

𑀮𑀺𑀗𑁆𑀕𑀲𑁆𑀲 𑀅𑀢𑁆𑀣𑁄 𑀧𑀭𑀫𑀢𑁆𑀣𑁄, 𑀧𑀜𑁆𑀜𑀢𑁆𑀢𑀺𑀅𑀢𑁆𑀣𑁄𑀢𑀺 𑀤𑀼𑀯𑀺𑀥𑁄. 𑀢𑀣𑀸 𑀯𑀺𑀲𑁂𑀲𑀦𑀢𑁆𑀣𑁄, 𑀯𑀺𑀲𑁂𑀲𑁆𑀬𑀢𑁆𑀣𑁄𑀢𑀺.

𑀢𑀢𑁆𑀣 𑀯𑀺𑀲𑁂𑀲𑀦𑀢𑁆𑀣𑁄 𑀦𑀸𑀫 𑀲𑀓𑀢𑁆𑀣𑁄, 𑀢𑀲𑁆𑀲 𑀢𑀲𑁆𑀲 𑀲𑀤𑁆𑀤𑀲𑁆𑀲 𑀧𑀝𑀺𑀦𑀺𑀬𑀢𑁄 𑀧𑀸𑀝𑀺𑀧𑀼𑀕𑁆𑀕𑀮𑀺𑀓𑀢𑁆𑀣𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀲𑁄𑀬𑁂𑀯 𑀢𑀲𑁆𑀫𑀺𑀁 𑀢𑀲𑁆𑀫𑀺𑀁 𑀅𑀢𑁆𑀣𑁂 𑀆𑀤𑀺𑀫𑁆𑀳𑀺 𑀲𑀤𑁆𑀤𑀼𑀧𑁆𑀧𑀢𑁆𑀢𑀺𑀬𑀸 𑀘𑀺𑀭𑀓𑀸𑀮𑀜𑁆𑀘 𑀲𑀤𑁆𑀤𑀧𑀯𑀢𑁆𑀢𑀺𑀬𑀸 𑀦𑀺𑀩𑀤𑁆𑀥𑀓𑀸𑀭𑀡𑀢𑁆𑀢𑀸 𑀦𑀺𑀫𑀺𑀢𑁆𑀢𑀢𑁆𑀣𑁄𑀢𑀺 𑀘 𑀯𑀼𑀘𑁆𑀘𑀢𑀺 ¶ . 𑀲𑁄 𑀲𑀼𑀢𑀺, 𑀚𑀸𑀢𑀺, 𑀕𑀼𑀡, 𑀤𑀩𑁆𑀩, 𑀓𑁆𑀭𑀺𑀬𑀸, 𑀦𑀸𑀫, 𑀲𑀫𑁆𑀩𑀦𑁆𑀥𑀯𑀲𑁂𑀦 𑀲𑀢𑁆𑀢𑀯𑀺𑀥𑁄 𑀳𑁄𑀢𑀺.

𑀯𑀺𑀲𑁂𑀲𑁆𑀬𑀢𑁆𑀣𑁄 𑀦𑀸𑀫 𑀲𑀸𑀫𑀜𑁆𑀜𑀢𑁆𑀣𑁄, 𑀩𑀳𑀼𑀦𑀺𑀫𑀺𑀢𑁆𑀢𑀸𑀦𑀁 𑀲𑀸𑀥𑀸𑀭𑀡𑀢𑁆𑀣𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺, 𑀲𑁄𑀬𑁂𑀯 𑀢𑀁𑀢𑀁𑀦𑀺𑀫𑀺𑀢𑁆𑀢𑀬𑁄𑀕𑀸 𑀦𑁂𑀫𑀺𑀢𑁆𑀢𑀓𑀢𑁆𑀣𑁄𑀢𑀺 𑀘 𑀯𑀼𑀘𑁆𑀘𑀢𑀺, 𑀲𑁄 𑀚𑀸𑀢𑀺, 𑀕𑀼𑀡, 𑀤𑀩𑁆𑀩, 𑀓𑁆𑀭𑀺𑀬𑀸, 𑀦𑀸𑀫𑀯𑀲𑁂𑀦 𑀧𑀜𑁆𑀘𑀯𑀺𑀥𑁄. 𑀕𑁄, 𑀲𑀼𑀓𑁆𑀓𑁄, 𑀤𑀡𑁆𑀟𑀻, 𑀧𑀸𑀘𑀓𑁄, 𑀢𑀺𑀲𑁆𑀲𑁄𑀢𑀺.

𑀢𑀢𑁆𑀣 𑀕𑁄𑀲𑀤𑁆𑀤𑁄 𑀬𑀤𑀸 𑀚𑀸𑀢𑀺𑀫𑀢𑁆𑀢𑀁 𑀯𑀤𑀢𑀺 𑀕𑁄 𑀚𑀸𑀢𑀻𑀢𑀺, 𑀢𑀤𑀸 𑀲𑀼𑀢𑀺 𑀯𑀺𑀲𑁂𑀲𑀦𑀁. 𑀬𑀤𑀸 𑀤𑀩𑁆𑀩𑀁 𑀯𑀤𑀢𑀺 𑀕𑁄 𑀕𑀘𑁆𑀙𑀢𑀻𑀢𑀺, 𑀢𑀤𑀸 𑀲𑀼𑀢𑀺 𑀘 𑀚𑀸𑀢𑀺 𑀘 𑀯𑀺𑀲𑁂𑀲𑀦𑀁.

𑀲𑀼𑀓𑁆𑀓𑀲𑀤𑁆𑀤𑁄 𑀬𑀤𑀸 𑀕𑀼𑀡𑀫𑀢𑁆𑀢𑀁 𑀯𑀤𑀢𑀺 𑀲𑀼𑀓𑁆𑀓𑁄 𑀕𑀼𑀡𑁄𑀢𑀺, 𑀢𑀤𑀸 𑀲𑀼𑀢𑀺 𑀯𑀺𑀲𑁂𑀲𑀦𑀁. 𑀬𑀤𑀸 𑀕𑀼𑀡𑀯𑀺𑀲𑁂𑀲𑀁 𑀯𑀤𑀢𑀺 𑀕𑁄𑀲𑁆𑀲 𑀲𑀼𑀓𑁆𑀓𑁄𑀢𑀺, 𑀢𑀤𑀸 𑀲𑀼𑀢𑀺 𑀘 𑀕𑀼𑀡𑀚𑀸𑀢𑀺 𑀘 𑀯𑀺𑀲𑁂𑀲𑀦𑀁. 𑀬𑀤𑀸 𑀕𑀼𑀡𑀯𑀦𑁆𑀢𑀁 𑀤𑀩𑁆𑀩𑀁 𑀯𑀤𑀢𑀺 𑀲𑀼𑀓𑁆𑀓𑁄 𑀕𑁄𑀢𑀺, 𑀢𑀤𑀸 𑀲𑀼𑀢𑀺 𑀘 𑀕𑀼𑀡𑀚𑀸𑀢𑀺 𑀘 𑀕𑀼𑀡𑀯𑀺𑀲𑁂𑀲𑁄 𑀘 𑀲𑀫𑁆𑀩𑀦𑁆𑀥𑁄 𑀘 𑀯𑀺𑀲𑁂𑀲𑀦𑀁.

𑀤𑀡𑁆𑀟𑀻𑀲𑀤𑁆𑀤𑁄 𑀬𑀤𑀸 𑀚𑀸𑀢𑀺𑀫𑀢𑁆𑀢𑀁 𑀯𑀤𑀢𑀺 𑀤𑀡𑁆𑀟𑀻 𑀚𑀸𑀢𑀻𑀢𑀺, 𑀢𑀤𑀸 𑀲𑀼𑀢𑀺 𑀘 𑀤𑀩𑁆𑀩𑀜𑁆𑀘 𑀯𑀺𑀲𑁂𑀲𑀦𑀁. 𑀬𑀤𑀸 𑀤𑀩𑁆𑀩𑀯𑀦𑁆𑀢𑀁 𑀤𑀩𑁆𑀩𑀁 𑀯𑀤𑀢𑀺 𑀤𑀡𑁆𑀟𑀻 𑀧𑀼𑀭𑀺𑀲𑁄𑀢𑀺, 𑀢𑀤𑀸 𑀲𑀼𑀢𑀺 𑀘 𑀤𑀩𑁆𑀩𑀜𑁆𑀘 𑀚𑀸𑀢𑀺 𑀘 𑀲𑀫𑁆𑀩𑀦𑁆𑀥𑁄 𑀘 𑀯𑀺𑀲𑁂𑀲𑀦𑀁.

𑀧𑀸𑀘𑀓𑀲𑀤𑁆𑀤𑁄 𑀬𑀤𑀸 𑀚𑀸𑀢𑀺𑀫𑀢𑁆𑀢𑀁 𑀯𑀤𑀢𑀺 𑀧𑀸𑀘𑀓𑁄 𑀚𑀸𑀢𑀻𑀢𑀺, 𑀢𑀤𑀸 𑀲𑀼𑀢𑀺 𑀘 𑀓𑁆𑀭𑀺𑀬𑀸 𑀘 𑀯𑀺𑀲𑁂𑀲𑀦𑀁. 𑀬𑀤𑀸 𑀓𑁆𑀭𑀺𑀬𑀸𑀦𑀺𑀧𑁆𑀨𑀸𑀤𑀓𑀁 𑀤𑀩𑁆𑀩𑀁 𑀯𑀤𑀢𑀺 𑀧𑀸𑀘𑀓𑁄 𑀧𑀼𑀭𑀺𑀲𑁄𑀢𑀺, 𑀢𑀤𑀸 𑀲𑀼𑀢𑀺 𑀘 𑀓𑁆𑀭𑀺𑀬𑀸 𑀘 𑀚𑀸𑀢𑀺 𑀘 𑀓𑁆𑀭𑀺𑀬𑀸𑀓𑀸𑀭𑀓𑀲𑀫𑁆𑀩𑀦𑁆𑀥𑁄 𑀘 𑀯𑀺𑀲𑁂𑀲𑀦𑀁.

𑀢𑀺𑀲𑁆𑀲𑀲𑀤𑁆𑀤𑁄 𑀬𑀤𑀸 𑀦𑀸𑀫𑀫𑀢𑁆𑀢𑀁 𑀯𑀤𑀢𑀺 𑀢𑀺𑀲𑁆𑀲𑁄 𑀦𑀸𑀫𑀦𑁆𑀢𑀺, 𑀢𑀤𑀸 𑀲𑀼𑀢𑀺 𑀯𑀺𑀲𑁂𑀲𑀦𑀁. 𑀬𑀤𑀸 𑀦𑀸𑀫𑀯𑀦𑁆𑀢𑀁 𑀤𑀩𑁆𑀩𑀁 𑀯𑀤𑀢𑀺, 𑀢𑀺𑀲𑁆𑀲𑁄 𑀪𑀺𑀓𑁆𑀔𑀽𑀢𑀺, 𑀢𑀤𑀸 𑀲𑀼𑀢𑀺 𑀘 𑀦𑀸𑀫𑀚𑀸𑀢𑀺 𑀘 𑀲𑀫𑁆𑀩𑀦𑁆𑀥𑁄 𑀘 𑀯𑀺𑀲𑁂𑀲𑀦𑀁.

𑀲𑀩𑁆𑀩𑀢𑁆𑀣 𑀬𑀁 𑀬𑀁 𑀯𑀤𑀢𑀻𑀢𑀺 𑀯𑀼𑀢𑁆𑀢𑀁, 𑀢𑀁 𑀢𑀁 𑀯𑀺𑀲𑁂𑀲𑁆𑀬𑀦𑁆𑀢𑀺 𑀘 𑀤𑀩𑁆𑀩𑀦𑁆𑀢𑀺 𑀘 𑀯𑁂𑀤𑀺𑀢𑀩𑁆𑀩𑀁. 𑀏𑀢𑁆𑀣 𑀘 𑀲𑀼𑀢𑀺 𑀦𑀸𑀫 𑀲𑀤𑁆𑀤𑀲𑀪𑀸𑀯𑀸 𑀏𑀯 𑀳𑁄𑀢𑀺, 𑀲𑀤𑁆𑀤𑀧𑀓𑁆𑀔𑀺𑀓𑀸 ¶ 𑀏𑀯. 𑀲𑀩𑁆𑀩𑁄 𑀲𑀤𑁆𑀤𑁄 𑀧𑀞𑀫𑀁 𑀲𑀢𑁆𑀢𑀸𑀪𑀺𑀥𑀸𑀬𑀓𑁄𑀢𑀺 𑀘 𑀜𑀸𑀲𑁂 𑀯𑀼𑀢𑁆𑀢𑀁. 𑀢𑀲𑁆𑀫𑀸 𑀲𑀩𑁆𑀩𑀢𑁆𑀣 𑀲𑀼𑀢𑀺𑀝𑁆𑀞𑀸𑀦𑁂 𑀲𑀢𑁆𑀢𑀸 𑀏𑀯 𑀬𑀼𑀢𑁆𑀢𑀸 𑀯𑀢𑁆𑀢𑀼𑀦𑁆𑀢𑀺. 𑀲𑀢𑁆𑀢𑀸𑀢𑀺 𑀘 𑀢𑀲𑁆𑀲 𑀢𑀲𑁆𑀲 𑀅𑀢𑁆𑀣𑀲𑁆𑀲 𑀯𑁄𑀳𑀸𑀭𑀫𑀢𑁆𑀢𑁂𑀦𑀧𑀺 𑀮𑁄𑀓𑁂 𑀯𑀺𑀚𑁆𑀚𑀫𑀸𑀦𑀢𑀸 𑀯𑀼𑀘𑁆𑀘𑀢𑀺, 𑀢𑀁 𑀢𑀁 𑀲𑀤𑁆𑀤𑀁 𑀲𑀼𑀡𑀦𑁆𑀢𑀲𑁆𑀲 𑀘 𑀜𑀸𑀡𑀁 𑀢𑀁𑀢𑀤𑀢𑁆𑀣𑀲𑁆𑀲 𑀅𑀢𑁆𑀣𑀺𑀢𑀸𑀫𑀢𑁆𑀢𑀁 𑀲𑀩𑁆𑀩𑀧𑀞𑀫𑀁 𑀚𑀸𑀦𑀸𑀢𑀺, 𑀢𑀢𑁄 𑀧𑀭𑀁 𑀚𑀸𑀢𑀺𑀲𑀤𑁆𑀤𑁂 𑀚𑀸𑀢𑀺𑀁 𑀚𑀸𑀦𑀸𑀢𑀺. 𑀕𑀼𑀡𑀲𑀤𑁆𑀤𑁂 𑀕𑀼𑀡𑀦𑁆𑀢𑀺 𑀏𑀯𑀫𑀸𑀤𑀺 𑀲𑀩𑁆𑀩𑀁 𑀯𑀢𑁆𑀢𑀩𑁆𑀩𑀁. 𑀮𑀺𑀗𑁆𑀕, 𑀲𑀗𑁆𑀔𑁆𑀬𑀸, 𑀧𑀭𑀺𑀫𑀸𑀡𑀸𑀦𑀺𑀧𑀺 𑀯𑀺𑀲𑁂𑀲𑀦𑀢𑁆𑀣𑁂 𑀲𑀗𑁆𑀕𑀬𑁆𑀳𑀦𑁆𑀢𑀺.

𑀢𑀢𑁆𑀣 𑀮𑀺𑀗𑁆𑀕𑀁 𑀦𑀸𑀫 𑀬𑁂 𑀇𑀢𑁆𑀣𑀺, 𑀧𑀼𑀭𑀺𑀲𑀸𑀦𑀁 𑀮𑀺𑀗𑁆𑀕, 𑀦𑀺𑀫𑀺𑀢𑁆𑀢, 𑀓𑀼𑀢𑁆𑀢𑀸’𑀓𑀧𑁆𑀧𑀸 𑀦𑀸𑀫 𑀅𑀪𑀺𑀥𑀫𑁆𑀫𑁂 𑀯𑀼𑀢𑁆𑀢𑀸, 𑀬𑁂 𑀘 𑀦𑀧𑀼𑀁𑀲𑀓𑀸𑀦𑀁 𑀮𑀺𑀗𑁆𑀕, 𑀦𑀺𑀫𑀺𑀢𑁆𑀢, 𑀓𑀼𑀢𑁆𑀢𑀸’𑀓𑀧𑁆𑀧𑀸 𑀦𑀸𑀫 𑀅𑀯𑀼𑀢𑁆𑀢𑀲𑀺𑀤𑁆𑀥𑀸, 𑀬𑁂 𑀘 𑀲𑀤𑁆𑀤𑁂𑀲𑀼 𑀘𑁂𑀯 𑀅𑀢𑁆𑀣𑁂𑀲𑀼 𑀘 𑀯𑀺𑀲𑀤𑀸’𑀯𑀺𑀲𑀤𑀸𑀓𑀸𑀭, 𑀫𑀚𑁆𑀛𑀺𑀫𑀸𑀓𑀸𑀭𑀸 𑀲𑀦𑁆𑀤𑀺𑀲𑁆𑀲𑀦𑁆𑀢𑀺, 𑀲𑀩𑁆𑀩𑀫𑁂𑀢𑀁 𑀮𑀺𑀗𑁆𑀕𑀁 𑀦𑀸𑀫.

𑀏𑀯𑀁 𑀯𑀺𑀲𑁂𑀲𑀦, 𑀯𑀺𑀲𑁂𑀲𑁆𑀬𑀯𑀲𑁂𑀦 𑀤𑀼𑀯𑀺𑀥𑁄 𑀅𑀢𑁆𑀣𑁄 𑀧𑀼𑀩𑁆𑀩𑁂 𑀯𑀼𑀢𑁆𑀢𑀲𑁆𑀲 𑀲𑀤𑁆𑀤𑀮𑀺𑀗𑁆𑀕𑀲𑁆𑀲 𑀅𑀢𑁆𑀣𑁄 𑀦𑀸𑀫, 𑀲𑁄 𑀲𑀮𑀺𑀗𑁆𑀕𑁄, 𑀲𑀲𑀗𑁆𑀔𑁆𑀬𑁄, 𑀲𑀧𑀭𑀺𑀫𑀸𑀡𑁄 𑀘𑀸𑀢𑀺 𑀢𑀺𑀯𑀺𑀥𑁄 𑀳𑁄𑀢𑀺.

𑀢𑀢𑁆𑀣 𑀲𑀮𑀺𑀗𑁆𑀕𑁄 𑀬𑀣𑀸? 𑀲𑀜𑁆𑀜𑀸, 𑀨𑀲𑁆𑀲𑁄, 𑀘𑀺𑀢𑁆𑀢𑀁. 𑀓𑀜𑁆𑀜𑀸, 𑀧𑀼𑀭𑀺𑀲𑁄, 𑀓𑀼𑀮𑀁. 𑀫𑀸𑀮𑀸, 𑀭𑀼𑀓𑁆𑀔𑁄, 𑀥𑀦𑀦𑁆𑀢𑀺.

𑀲𑀲𑀗𑁆𑀔𑁆𑀬𑁄 𑀬𑀣𑀸? 𑀏𑀓𑁄, 𑀤𑁆𑀯𑁂, 𑀢𑀬𑁄, 𑀩𑀳𑀽 𑀇𑀘𑁆𑀘𑀸𑀤𑀺.

𑀲𑀧𑀭𑀺𑀫𑀸𑀡𑁄 𑀬𑀣𑀸? 𑀯𑀺𑀤𑀢𑁆𑀣𑀺, 𑀳𑀢𑁆𑀣𑁄, 𑀤𑁄𑀡𑁄, 𑀆𑀴𑁆𑀳𑀓𑀁 𑀇𑀘𑁆𑀘𑀸𑀤𑀺.

𑀅𑀧𑀺 𑀘 𑀲𑀼𑀤𑁆𑀥𑁄, 𑀲𑀁𑀲𑀝𑁆𑀞𑁄𑀢𑀺 𑀤𑀼𑀯𑀺𑀥𑁄 𑀮𑀺𑀗𑁆𑀕𑀢𑁆𑀣𑁄. 𑀢𑀢𑁆𑀣 𑀓𑀫𑁆𑀫𑀸𑀤𑀺𑀲𑀁𑀲𑀕𑁆𑀕𑀭𑀳𑀺𑀢𑁄 𑀲𑀼𑀤𑁆𑀥𑁄 𑀦𑀸𑀫. 𑀲𑁄 𑀲𑀮𑀺𑀗𑁆𑀕𑁄, 𑀲𑀲𑀗𑁆𑀔𑁆𑀬𑁄, 𑀲𑀧𑀭𑀺𑀫𑀸𑀡𑁄, 𑀉𑀧𑀲𑀕𑁆𑀕𑀢𑁆𑀣𑁄, 𑀦𑀺𑀧𑀸𑀢𑀢𑁆𑀣𑁄, 𑀧𑀸𑀝𑀺-𑀧𑀤𑀺𑀓𑀢𑁆𑀣𑁄𑀢𑀺 𑀙𑀩𑁆𑀩𑀺𑀥𑁄. 𑀅𑀢𑁆𑀣𑀺, 𑀲𑀓𑁆𑀓𑀸, 𑀮𑀩𑁆𑀪𑀸𑀇𑀘𑁆𑀘𑀸𑀤𑀺 𑀇𑀥 𑀧𑀸𑀝𑀺𑀧𑀤𑀺𑀓𑀁 𑀦𑀸𑀫. 𑀢𑀼𑀦, 𑀢𑁆𑀯𑀸𑀦, 𑀢𑁆𑀯𑀸, 𑀢𑀯𑁂, 𑀢𑀼𑀁, 𑀔𑀢𑁆𑀢𑀼𑀁𑀧𑀘𑁆𑀘𑀬𑀦𑁆𑀢𑀸𑀧𑀺 𑀦𑀺𑀧𑀸𑀢𑁂𑀲𑀼 𑀕𑀬𑁆𑀳𑀦𑁆𑀢𑀺.

𑀲𑀁𑀲𑀝𑁆𑀞𑁄 ¶ 𑀯𑀼𑀢𑁆𑀢𑀲𑀁𑀲𑀝𑁆𑀞𑁄, 𑀅𑀯𑀼𑀢𑁆𑀢𑀲𑀁𑀲𑀝𑁆𑀞𑁄𑀢𑀺 𑀤𑀼𑀯𑀺𑀥𑁄. 𑀢𑀢𑁆𑀣 𑀯𑀼𑀢𑁆𑀢𑀲𑀁𑀲𑀝𑁆𑀞𑁄 𑀘𑀢𑀼𑀩𑁆𑀩𑀺𑀥𑁄 𑀲𑀫𑀸𑀲𑁂𑀦 𑀯𑀼𑀢𑁆𑀢𑀲𑀁𑀲𑀝𑁆𑀞𑁄, 𑀢𑀤𑁆𑀥𑀺𑀢𑁂𑀦, 𑀆𑀔𑁆𑀬𑀸𑀢𑁂𑀦, 𑀓𑀺𑀢𑁂𑀦𑀸𑀢𑀺. 𑀢𑀢𑁆𑀣 𑀲𑀫𑀸𑀲𑁂𑀦 𑀯𑀼𑀢𑁆𑀢𑁄 𑀙𑀓𑀸𑀭𑀓𑀲𑀫𑁆𑀩𑀦𑁆𑀥𑀯𑀲𑁂𑀦 𑀲𑀢𑁆𑀢𑀯𑀺𑀥𑁄, 𑀪𑀸𑀯𑁂𑀦 𑀲𑀤𑁆𑀥𑀺𑀁 𑀅𑀝𑁆𑀞𑀯𑀺𑀥𑁄 𑀯𑀸, 𑀢𑀣𑀸 𑀢𑀤𑁆𑀥𑀺𑀢𑁂𑀦 𑀯𑀼𑀢𑁆𑀢𑁄. 𑀆𑀔𑁆𑀬𑀸𑀢𑁂𑀦 𑀯𑀼𑀢𑁆𑀢𑁄 𑀓𑀢𑁆𑀢𑀼, 𑀓𑀫𑁆𑀫, 𑀪𑀸𑀯𑀯𑀲𑁂𑀦 𑀢𑀺𑀯𑀺𑀥𑁄. 𑀓𑀺𑀢𑁂𑀦 𑀯𑀼𑀢𑁆𑀢𑁄 𑀙𑀓𑀸𑀭𑀓, 𑀪𑀸𑀯𑀯𑀲𑁂𑀦 𑀲𑀢𑁆𑀢𑀯𑀺𑀥𑁄. 𑀲𑀩𑁆𑀩𑁄 𑀲𑀼𑀤𑁆𑀥𑁄 𑀘𑁂𑀯 𑀯𑀼𑀢𑁆𑀢𑀲𑀁𑀲𑀝𑁆𑀞𑁄 𑀘 𑀧𑀞𑀫𑀸𑀬 𑀯𑀺𑀲𑀬𑁄.

𑀅𑀯𑀼𑀢𑁆𑀢𑀲𑀁𑀲𑀝𑁆𑀞𑁄𑀧𑀺 𑀓𑀢𑁆𑀢𑀼𑀲𑀁𑀲𑀝𑁆𑀞𑁄, 𑀓𑀫𑁆𑀫𑀲𑀁𑀲𑀝𑁆𑀞𑁄𑀢𑀺𑀆𑀤𑀺𑀦𑀸 𑀅𑀦𑁂𑀓𑀯𑀺𑀥𑁄. 𑀲𑁄 𑀤𑀼𑀢𑀺𑀬𑀸𑀤𑀻𑀦𑀁 𑀏𑀯 𑀯𑀺𑀲𑀬𑁄𑀢𑀺. 𑀏𑀢𑁆𑀣 𑀘 𑀯𑀺𑀪𑀢𑁆𑀢𑀺𑀬𑀸 𑀯𑀺𑀦𑀸 𑀓𑁂𑀯𑀮𑁄 𑀲𑀤𑁆𑀤𑁄 𑀧𑀬𑁄𑀕𑀁 𑀦𑀸𑀭𑀳𑀢𑀻𑀢𑀺 𑀓𑀢𑁆𑀯𑀸 𑀧𑀬𑁄𑀕𑀸𑀭𑀳𑀢𑁆𑀣𑀫𑁂𑀯 𑀙𑀩𑁆𑀩𑀺𑀥𑁂 𑀲𑀼𑀤𑁆𑀥𑁂 𑀘𑀢𑀼𑀩𑁆𑀩𑀺𑀥𑁂 𑀘 𑀯𑀼𑀢𑁆𑀢𑀲𑀁𑀲𑀝𑁆𑀞𑁂 𑀧𑀞𑀫𑀸 𑀧𑀬𑀼𑀚𑁆𑀚𑀢𑀺, 𑀦 𑀅𑀢𑁆𑀣𑀚𑁄𑀢𑀦𑀢𑁆𑀣𑀁.

𑀓𑁂𑀦𑀘𑀺 𑀯𑀸𑀘𑀓𑁂𑀦 𑀅𑀯𑀼𑀢𑁆𑀢𑀸𑀦𑀺 𑀧𑀦 𑀓𑀫𑁆𑀫𑀸𑀤𑀻𑀦𑀺 𑀯𑀺𑀪𑀢𑁆𑀢𑀻𑀳𑀺 𑀯𑀺𑀦𑀸 𑀯𑀺𑀤𑀺𑀢𑀸𑀦𑀺 𑀦 𑀳𑁄𑀦𑁆𑀢𑀻𑀢𑀺𑀓𑀢𑁆𑀯𑀸 𑀅𑀢𑁆𑀣𑀚𑁄𑀢𑀦𑀢𑁆𑀣𑀫𑁆𑀧𑀺 𑀓𑀫𑁆𑀫𑀸𑀤𑀻𑀲𑀼 𑀤𑀼𑀢𑀺𑀬𑀸𑀤𑀬𑁄 𑀧𑀬𑀼𑀚𑁆𑀚𑀦𑁆𑀢𑀺. 𑀢𑀲𑁆𑀫𑀸 𑀅𑀢𑁆𑀣𑀫𑀢𑁆𑀢𑁂𑀢𑀺 𑀇𑀥 𑀤𑁂𑀲𑀦𑁆𑀢𑀭𑀸𑀯𑀘𑁆𑀙𑁂𑀤𑀓𑁂 𑀯𑀺𑀲𑀬𑀫𑀢𑁆𑀢𑁂 𑀪𑀼𑀫𑁆𑀫𑀁. 𑀓𑀫𑁆𑀫𑁂 𑀤𑀼𑀢𑀺𑀬𑀸𑀇𑀘𑁆𑀘𑀸𑀤𑀻𑀲𑀼 𑀧𑀦 𑀦𑀺𑀧𑁆𑀨𑀸𑀤𑁂𑀢𑀩𑁆𑀩𑁂 𑀧𑀬𑁄𑀚𑀦𑁂 𑀪𑀼𑀫𑁆𑀫𑀦𑁆𑀢𑀺 𑀏𑀯𑀁 𑀤𑁆𑀯𑀺𑀦𑁆𑀦𑀁 𑀪𑀼𑀫𑁆𑀫𑀸𑀦𑀁 𑀦𑀸𑀦𑀢𑁆𑀢𑀁 𑀯𑁂𑀤𑀺𑀢𑀩𑁆𑀩𑀦𑁆𑀢𑀺.

𑁨𑁯𑁦. 𑀆𑀫𑀦𑁆𑀢𑀦𑁂 [𑀓. 𑁨𑁮𑁫; 𑀭𑀽. 𑁭𑁦; 𑀦𑀻. 𑁫𑁭𑁮; 𑀘𑀁. 𑁨.𑁧.𑁯𑁪; 𑀧𑀸. 𑁨.𑁩.𑁪𑁭; 𑀆𑀫𑀦𑁆𑀢𑀡𑁂 (𑀩𑀳𑀽𑀲𑀼)].

𑀧𑀕𑁂𑀯 𑀲𑀺𑀤𑁆𑀥𑀲𑁆𑀲 𑀯𑀢𑁆𑀣𑀼𑀦𑁄 𑀦𑀸𑀫𑁂𑀦 𑀯𑀸 𑀦𑀺𑀧𑀸𑀢𑁂𑀦 𑀯𑀸 𑀅𑀢𑁆𑀢𑀦𑁄 𑀅𑀪𑀺𑀫𑀼𑀔𑀻𑀓𑀭𑀡𑀁 𑀆𑀫𑀦𑁆𑀢𑀦𑀁 𑀦𑀸𑀫. 𑀅𑀥𑀺𑀓𑀸𑀫𑀦𑁆𑀢𑀦𑁂 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸 𑀳𑁄𑀢𑀺. 𑀏𑀢𑁆𑀣 𑀘 𑀆𑀫𑀦𑁆𑀢𑀦𑀧𑀤𑀁 𑀦𑀸𑀫 𑀓𑁆𑀭𑀺𑀬𑀸𑀧𑁂𑀓𑁆𑀔𑀁 𑀦 𑀳𑁄𑀢𑀺, 𑀢𑀲𑁆𑀫𑀸 𑀓𑀸𑀭𑀓𑀲𑀜𑁆𑀜𑀁 𑀦 𑀮𑀪𑀢𑀺.

𑀢𑀁 𑀧𑀦 𑀤𑀼𑀯𑀺𑀥𑀁 𑀲𑀸𑀤𑀭𑀸’𑀦𑀸𑀤𑀭𑀯𑀲𑁂𑀦. 𑀏𑀳𑀺 𑀲𑀫𑁆𑀫, 𑀏𑀳𑀺 𑀚𑁂𑀢𑀺.

𑀢𑀣𑀸 ¶ 𑀲𑀚𑀻𑀯, 𑀦𑀺𑀚𑁆𑀚𑀻𑀯𑀯𑀲𑁂𑀦, 𑀪𑁄 𑀧𑀼𑀭𑀺𑀲, 𑀯𑀤𑁂𑀳𑀺 𑀪𑁄 𑀲𑀗𑁆𑀔, 𑀯𑀤𑁂𑀳𑀺 𑀪𑁄 𑀲𑀗𑁆𑀔 [𑀤𑀻. 𑀦𑀺. 𑁨.𑁪𑁨𑁬]. 𑀉𑀫𑁆𑀫𑀼𑀚𑁆𑀚 𑀪𑁄 𑀧𑀼𑀣𑀼𑀲𑀺𑀮𑁂, 𑀉𑀫𑁆𑀫𑀼𑀚𑁆𑀚 𑀪𑁄 𑀧𑀼𑀣𑀼𑀲𑀺𑀮𑁂𑀢𑀺 [𑀲𑀁. 𑀦𑀺. 𑁪.𑁩𑁫𑁮].

𑀢𑀣𑀸 𑀧𑀘𑁆𑀘𑀓𑁆𑀔𑀸’𑀧𑀘𑁆𑀘𑀓𑁆𑀔𑀯𑀲𑁂𑀦, 𑀪𑁄 𑀧𑀼𑀭𑀺𑀲, 𑀓𑀳𑀁 𑀏𑀓𑀧𑀼𑀢𑁆𑀢𑀓, 𑀓𑀳𑀁 𑀏𑀓𑀧𑀼𑀢𑁆𑀢𑀓𑀸𑀢𑀺 [𑀲𑀁. 𑀦𑀺. 𑁨.𑁬𑁩; 𑀥. 𑀧. 𑀅𑀝𑁆𑀞. 𑁧.𑁨].

𑀢𑀣𑀸 𑀦𑀺𑀬𑀫𑀸’𑀦𑀺𑀬𑀫𑀯𑀲𑁂𑀦, 𑀪𑁄 𑀧𑀼𑀭𑀺𑀲, 𑀅𑀘𑁆𑀙𑀭𑀺𑀬𑀁 𑀯𑀢 𑀪𑁄 𑀅𑀩𑁆𑀪𑀼𑀢𑀁 𑀯𑀢 𑀪𑁄 [𑀤𑀻. 𑀦𑀺. 𑁨.𑁧𑁯𑁨]. 𑀬𑀢𑁆𑀭 𑀳𑀺 𑀦𑀸𑀫 𑀲𑀜𑁆𑀜𑀻 𑀲𑀫𑀸𑀦𑁄𑀢𑀺𑀆𑀤𑀺 [𑀤𑀻. 𑀦𑀺. 𑁨.𑁧𑁯𑁨]. 𑀇𑀤𑀁 𑀆𑀫𑀦𑁆𑀢𑀦𑀁 𑀦𑀸𑀫 𑀧𑀕𑁂𑀯 𑀲𑀺𑀤𑁆𑀥𑁂 𑀏𑀯 𑀳𑁄𑀢𑀺, 𑀦 𑀯𑀺𑀥𑀸𑀢𑀩𑁆𑀩𑁂, 𑀦 𑀳𑀺 𑀧𑀕𑁂𑀯 𑀭𑀸𑀚𑀪𑀸𑀯𑀁 𑀯𑀸 𑀪𑀺𑀓𑁆𑀔𑀼𑀪𑀸𑀯𑀁 𑀯𑀸 𑀅𑀧𑁆𑀧𑀢𑁆𑀢𑀁 𑀚𑀦𑀁 ‘‘𑀪𑁄 𑀭𑀸𑀚𑀸’’𑀢𑀺 𑀯𑀸 ‘‘𑀪𑁄 𑀪𑀺𑀓𑁆𑀔𑀽’’𑀢𑀺 𑀯𑀸 𑀆𑀫𑀦𑁆𑀢𑁂𑀦𑁆𑀢𑀻𑀢𑀺.

𑀧𑀞𑀫𑀸𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀤𑀼𑀢𑀺𑀬𑀸?

𑁨𑁯𑁧. 𑀓𑀫𑁆𑀫𑁂 𑀤𑀼𑀢𑀺𑀬𑀸 [𑀓. 𑁨𑁯𑁭; 𑀭𑀽. 𑁨𑁮𑁪; 𑀦𑀻. 𑁫𑁮𑁦; 𑀘𑀁. 𑁨.𑁧.𑁪𑁩; 𑀧𑀸. 𑁧.𑁪.𑁪𑁯-𑁫𑁧].

𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸 𑀳𑁄𑀢𑀺. 𑀓𑀭𑀺𑀬𑀢𑁂𑀢𑀺 𑀓𑀫𑁆𑀫𑀁, 𑀢𑀁 𑀦𑀺𑀩𑁆𑀩𑀢𑁆𑀢𑀺𑀓𑀫𑁆𑀫𑀁, 𑀯𑀺𑀓𑀢𑀺𑀓𑀫𑁆𑀫𑀁, 𑀧𑀢𑁆𑀢𑀺𑀓𑀫𑁆𑀫𑀦𑁆𑀢𑀺 𑀢𑀺𑀯𑀺𑀥𑀁 𑀳𑁄𑀢𑀺.

𑀢𑀢𑁆𑀣 𑀦𑀺𑀩𑁆𑀩𑀢𑁆𑀢𑀺𑀓𑀫𑁆𑀫𑀁 𑀬𑀣𑀸? 𑀇𑀤𑁆𑀥𑀺𑀫𑀸 𑀳𑀢𑁆𑀣𑀺𑀯𑀡𑁆𑀡𑀁 𑀫𑀸𑀧𑁂𑀢𑀺, 𑀭𑀸𑀚𑀸 𑀦𑀕𑀭𑀁 𑀫𑀸𑀧𑁂𑀢𑀺, 𑀫𑀸𑀢𑀸 𑀧𑀼𑀢𑁆𑀢𑀁 𑀯𑀺𑀚𑀸𑀬𑀢𑀺, 𑀩𑀻𑀚𑀁 𑀭𑀼𑀓𑁆𑀔𑀁 𑀚𑀦𑁂𑀢𑀺, 𑀓𑀫𑁆𑀫𑀁 𑀯𑀺𑀧𑀸𑀓𑀁 𑀚𑀦𑁂𑀢𑀺, 𑀆𑀳𑀸𑀭𑁄 𑀩𑀮𑀁 𑀚𑀦𑁂𑀢𑀺, 𑀚𑀦𑁄 𑀧𑀼𑀜𑁆𑀜𑀁 𑀓𑀭𑁄𑀢𑀺, 𑀧𑀸𑀧𑀁 𑀓𑀭𑁄𑀢𑀺, 𑀩𑀼𑀤𑁆𑀥𑁄 𑀥𑀫𑁆𑀫𑀁 𑀤𑁂𑀲𑁂𑀲𑀺, 𑀯𑀺𑀦𑀬𑀁 𑀧𑀜𑁆𑀜𑀧𑁂𑀲𑀺, 𑀪𑀺𑀓𑁆𑀔𑀼 𑀛𑀸𑀦𑀁 𑀉𑀧𑁆𑀧𑀸𑀤𑁂𑀢𑀺, 𑀫𑀕𑁆𑀕𑀁 𑀉𑀧𑁆𑀧𑀸𑀤𑁂𑀢𑀺 𑀇𑀘𑁆𑀘𑀸𑀤𑀺.

𑀯𑀺𑀓𑀢𑀺𑀓𑀫𑁆𑀫𑀁 ¶ 𑀬𑀣𑀸? 𑀕𑁂𑀳𑀁 𑀓𑀭𑁄𑀢𑀺, 𑀭𑀣𑀁 𑀓𑀭𑁄𑀢𑀺, 𑀖𑀝𑀁 𑀓𑀭𑁄𑀢𑀺, 𑀧𑀝𑀁 𑀯𑀸𑀬𑀢𑀺, 𑀑𑀤𑀦𑀁 𑀧𑀘𑀢𑀺, 𑀪𑀢𑁆𑀢𑀁 𑀧𑀘𑀢𑀺, 𑀓𑀝𑁆𑀞𑀁 𑀅𑀗𑁆𑀕𑀸𑀭𑀁 𑀓𑀭𑁄𑀢𑀺, 𑀲𑀼𑀯𑀡𑁆𑀡𑀁 𑀓𑀝𑀓𑀁 𑀓𑀭𑁄𑀢𑀺, 𑀕𑁂𑀳𑀁 𑀛𑀸𑀧𑁂𑀢𑀺, 𑀭𑀼𑀓𑁆𑀔𑀁 𑀙𑀺𑀦𑁆𑀤𑀢𑀺, 𑀧𑀸𑀓𑀸𑀭𑀁 𑀪𑀺𑀦𑁆𑀤𑀢𑀺, 𑀯𑀺𑀳𑀬𑁄 𑀮𑀼𑀦𑀸𑀢𑀺, 𑀧𑀸𑀡𑀁 𑀳𑀦𑀢𑀺, 𑀪𑀢𑁆𑀢𑀁 𑀪𑀼𑀜𑁆𑀚𑀢𑀺 𑀇𑀘𑁆𑀘𑀸𑀤𑀺.

𑀧𑀢𑁆𑀢𑀺𑀓𑀫𑁆𑀫𑀁 𑀬𑀣𑀸? 𑀕𑀸𑀫𑀁 𑀕𑀘𑁆𑀙𑀢𑀺, 𑀕𑁂𑀳𑀁 𑀧𑀯𑀺𑀲𑀢𑀺, 𑀭𑀼𑀓𑁆𑀔𑀁 𑀆𑀭𑁄𑀳𑀢𑀺, 𑀦𑀤𑀺𑀁 𑀢𑀭𑀢𑀺, 𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺, 𑀥𑀫𑁆𑀫𑀁 𑀲𑀼𑀡𑀸𑀢𑀺, 𑀩𑀼𑀤𑁆𑀥𑀁 𑀯𑀦𑁆𑀤𑀢𑀺 𑀧𑀬𑀺𑀭𑀼𑀧𑀸𑀲𑀢𑀺 𑀇𑀘𑁆𑀘𑀸𑀤𑀺.

𑀧𑀓𑀢𑀺𑀓𑀫𑁆𑀫𑀁, 𑀯𑀺𑀓𑀢𑀺𑀓𑀫𑁆𑀫𑀦𑁆𑀢𑀺 𑀤𑀼𑀯𑀺𑀥𑀁. 𑀲𑀼𑀯𑀡𑁆𑀡𑀁 𑀓𑀝𑀓𑀁 𑀓𑀭𑁄𑀢𑀺, 𑀓𑀝𑁆𑀞𑀁 𑀅𑀗𑁆𑀕𑀸𑀭𑀁 𑀓𑀭𑁄𑀢𑀺, 𑀧𑀼𑀭𑀺𑀲𑀁 𑀞𑀺𑀢𑀁 𑀧𑀲𑁆𑀲𑀢𑀺, 𑀧𑀼𑀭𑀺𑀲𑀁 𑀕𑀘𑁆𑀙𑀦𑁆𑀢𑀁 𑀧𑀲𑁆𑀲𑀢𑀺, 𑀪𑀺𑀓𑁆𑀔𑀼𑀁 𑀧𑀲𑁆𑀲𑀢𑀺 𑀲𑀢𑀁, 𑀲𑀫𑁆𑀧𑀚𑀸𑀦𑀁, 𑀅𑀪𑀺𑀓𑁆𑀓𑀫𑀦𑁆𑀢𑀁, 𑀧𑀝𑀺𑀓𑁆𑀓𑀫𑀦𑁆𑀢𑀁, 𑀆𑀮𑁄𑀓𑁂𑀦𑁆𑀢𑀁, 𑀯𑀺𑀮𑁄𑀓𑁂𑀦𑁆𑀢𑀁, 𑀲𑀫𑀺𑀜𑁆𑀚𑁂𑀦𑁆𑀢𑀁, 𑀧𑀲𑀸𑀭𑁂𑀦𑁆𑀢𑀁.

𑀏𑀢𑁆𑀣 ‘𑀧𑀼𑀭𑀺𑀲𑀁, 𑀪𑀺𑀓𑁆𑀔𑀼’𑀦𑁆𑀢𑀺 𑀧𑀓𑀢𑀺𑀓𑀫𑁆𑀫𑀁, ‘𑀞𑀺𑀢𑀁, 𑀲𑀢𑀁’𑀇𑀘𑁆𑀘𑀸𑀤𑀻𑀦𑀺 𑀯𑀺𑀓𑀢𑀺𑀓𑀫𑁆𑀫𑀸𑀦𑀺.

𑀥𑀸𑀢𑀼𑀓𑀫𑁆𑀫𑀁, 𑀓𑀸𑀭𑀺𑀢𑀓𑀫𑁆𑀫𑀦𑁆𑀢𑀺 𑀤𑀼𑀯𑀺𑀥𑀁. 𑀕𑀸𑀫𑀁 𑀕𑀘𑁆𑀙𑀢𑀺, 𑀧𑀼𑀭𑀺𑀲𑀁 𑀕𑀸𑀫𑀁 𑀕𑀫𑁂𑀢𑀺.

𑀥𑀸𑀢𑀼𑀓𑀫𑁆𑀫𑀜𑁆𑀘 𑀤𑁆𑀯𑀺𑀓𑀫𑁆𑀫𑀺𑀓𑀥𑀸𑀢𑀽𑀦𑀁 𑀤𑀼𑀯𑀺𑀥𑀁 𑀧𑀥𑀸𑀦𑀓𑀫𑁆𑀫𑀁, 𑀅𑀧𑁆𑀧𑀥𑀸𑀦𑀓𑀫𑁆𑀫𑀦𑁆𑀢𑀺. 𑀅𑀚𑀧𑀸𑀮𑁄 𑀅𑀚𑀁 𑀕𑀸𑀫𑀁 𑀦𑁂𑀢𑀺, 𑀧𑀼𑀭𑀺𑀲𑁄 𑀪𑀸𑀭𑀁 𑀕𑀸𑀫𑀁 𑀯𑀳𑀢𑀺, 𑀳𑀭𑀢𑀺, 𑀕𑀸𑀫𑀁 𑀲𑀸𑀔𑀁 𑀓𑀟𑁆𑀠𑀢𑀺, 𑀕𑀸𑀯𑀺𑀁 𑀔𑀻𑀭𑀁 𑀤𑁄𑀳𑀢𑀺, 𑀩𑁆𑀭𑀸𑀳𑁆𑀫𑀡𑀁 𑀓𑀫𑁆𑀩𑀮𑀁 𑀬𑀸𑀘𑀢𑀺, 𑀩𑁆𑀭𑀸𑀳𑁆𑀫𑀡𑀁 𑀪𑀢𑁆𑀢𑀁 𑀪𑀺𑀓𑁆𑀔𑀢𑀺, 𑀕𑀸𑀯𑀺𑀬𑁄 𑀯𑀚𑀁 𑀅𑀯𑀭𑀼𑀦𑁆𑀥𑀢𑀺, 𑀪𑀕𑀯𑀦𑁆𑀢𑀁 𑀧𑀜𑁆𑀳𑀁 𑀧𑀼𑀘𑁆𑀙𑀢𑀺, 𑀭𑀼𑀓𑁆𑀔𑀁 𑀨𑀮𑀸𑀦𑀺 𑀑𑀘𑀺𑀦𑀸𑀢𑀺, 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀩𑁆𑀭𑀯𑀻𑀢𑀺, 𑀪𑀕𑀯𑀸 𑀪𑀺𑀓𑁆𑀔𑀽 𑀏𑀢𑀤𑀯𑁄𑀘 [𑀉𑀤𑀸. 𑁨𑁩 (𑀣𑁄𑀓𑀁 𑀯𑀺𑀲𑀤𑀺𑀲𑀁)], 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀅𑀦𑀼𑀲𑀸𑀲𑀢𑀺 𑀇𑀘𑁆𑀘𑀸𑀤𑀺.

𑀏𑀢𑁆𑀣 𑀘 ‘𑀅𑀚𑀁, 𑀔𑀻𑀭𑀁’ 𑀇𑀘𑁆𑀘𑀸𑀤𑀺 𑀧𑀥𑀸𑀦𑀓𑀫𑁆𑀫𑀁 𑀦𑀸𑀫 𑀓𑀢𑁆𑀢𑀸𑀭𑀸 𑀧𑀭𑀺𑀕𑁆𑀕𑀳𑁂𑀢𑀼𑀁 𑀇𑀝𑁆𑀞𑀢𑀭𑀢𑁆𑀢𑀸. ‘𑀕𑀸𑀫𑀁, 𑀕𑀸𑀯𑀺𑀁’𑀇𑀘𑁆𑀘𑀸𑀤𑀺 𑀅𑀧𑁆𑀧𑀥𑀸𑀦𑀓𑀫𑁆𑀫𑀁 𑀦𑀸𑀫 𑀢𑀣𑀸 𑀅𑀦𑀺𑀝𑁆𑀞𑀢𑀭𑀢𑁆𑀢𑀸.

𑀢𑀢𑁆𑀣 ¶ 𑀧𑀥𑀸𑀦𑀓𑀫𑁆𑀫𑀁 𑀓𑀣𑀺𑀦𑀓𑀫𑁆𑀫𑀁 𑀦𑀸𑀫, 𑀓𑀫𑁆𑀫𑀪𑀸𑀯𑁂 𑀣𑀺𑀭𑀓𑀫𑁆𑀫𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀅𑀧𑁆𑀧𑀥𑀸𑀦𑀓𑀫𑁆𑀫𑀁 𑀅𑀓𑀣𑀺𑀦𑀓𑀫𑁆𑀫𑀁 𑀦𑀸𑀫, 𑀅𑀣𑀺𑀭𑀓𑀫𑁆𑀫𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀢𑀜𑁆𑀳𑀺 𑀓𑀤𑀸𑀘𑀺 𑀲𑀫𑁆𑀧𑀤𑀸𑀦𑀁 𑀳𑁄𑀢𑀺, 𑀓𑀤𑀸𑀘𑀺 𑀅𑀧𑀸𑀤𑀸𑀦𑀁, 𑀓𑀤𑀸𑀘𑀺 𑀲𑀸𑀫𑀺, 𑀓𑀤𑀸𑀘𑀺 𑀑𑀓𑀸𑀲𑁄. 𑀬𑀣𑀸 𑁋 𑀲𑁄 𑀫𑀁 𑀤𑀓𑀸𑀬 𑀦𑁂𑀢𑀺, 𑀕𑀸𑀯𑀺𑀢𑁄 𑀔𑀻𑀭𑀁 𑀤𑁄𑀳𑀢𑀺, 𑀕𑀸𑀯𑀺𑀬𑀸 𑀔𑀻𑀭𑀁 𑀤𑁄𑀳𑀳𑀺, 𑀕𑀸𑀯𑀺𑀬𑀁 𑀔𑀻𑀭𑀁 𑀤𑁄𑀳𑀢𑀺 𑀇𑀘𑁆𑀘𑀸𑀤𑀺.

𑀓𑀫𑁆𑀫𑁂 𑀤𑀼𑀢𑀺𑀬𑀸𑀢𑀺 𑀯𑀢𑁆𑀢𑀢𑁂.

𑁨𑁯𑁨. 𑀕𑀢𑀺𑀩𑁄𑀥𑀸𑀳𑀸𑀭𑀲𑀤𑁆𑀤𑀢𑁆𑀣𑀸 𑀓𑀫𑁆𑀫𑀓 𑀪𑀚𑁆𑀚𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 [𑀓. 𑁩𑁦𑁦; 𑀭𑀽. 𑁨𑁮𑁬; 𑀦𑀻. 𑁫𑁮𑁭; 𑀘𑀁. 𑁨.𑁧.𑁪𑁪; 𑀧𑀸. 𑁧.𑁪.𑁫𑁨].

𑀦𑀺𑀘𑁆𑀘𑀯𑀺𑀥𑀺𑀲𑀼𑀢𑁆𑀢𑀫𑀺𑀤𑀁. 𑀕𑀫𑀦𑀢𑁆𑀣𑀸𑀦𑀁 𑀩𑁄𑀥𑀦𑀢𑁆𑀣𑀸𑀦𑀁 𑀆𑀳𑀸𑀭𑀢𑁆𑀣𑀸𑀦𑀁 𑀲𑀤𑁆𑀤𑀢𑁆𑀣𑀸𑀦𑀁 𑀅𑀓𑀫𑁆𑀫𑀓𑀸𑀦𑀁 𑀪𑀚𑁆𑀚𑀸𑀤𑀻𑀦𑀜𑁆𑀘 𑀥𑀸𑀢𑀽𑀦𑀁 𑀧𑀬𑁄𑀚𑁆𑀚𑁂 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸 𑀳𑁄𑀢𑀺. 𑀏𑀢𑁆𑀣 𑀘 𑀧𑀬𑁄𑀚𑁆𑀚𑀓𑀫𑁆𑀫𑀁 𑀦𑀸𑀫 𑀓𑀸𑀭𑀺𑀢𑀓𑀫𑁆𑀫𑀁 𑀯𑀼𑀘𑁆𑀘𑀢𑀺.

𑀧𑀼𑀭𑀺𑀲𑁄 𑀧𑀼𑀭𑀺𑀲𑀁 𑀕𑀸𑀫𑀁 𑀕𑀫𑀬𑀢𑀺, 𑀲𑀸𑀫𑀺𑀓𑁄 𑀅𑀚𑀧𑀸𑀮𑀁 𑀅𑀚𑀁 𑀕𑀸𑀫𑀁 𑀦𑀬𑀸𑀧𑁂𑀢𑀺, 𑀆𑀘𑀭𑀺𑀬𑁄 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀩𑁄𑀥𑁂𑀢𑀺, 𑀧𑀼𑀭𑀺𑀲𑁄 𑀧𑀼𑀭𑀺𑀲𑀁 𑀪𑀢𑁆𑀢𑀁 𑀪𑁄𑀚𑁂𑀢𑀺, 𑀆𑀘𑀭𑀺𑀬𑁄 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀧𑀸𑀞𑁂𑀢𑀺, 𑀧𑀼𑀭𑀺𑀲𑁄 𑀧𑀼𑀭𑀺𑀲𑀁 𑀲𑀬𑀸𑀧𑁂𑀢𑀺, 𑀅𑀘𑁆𑀙𑀸𑀧𑁂𑀢𑀺, 𑀉𑀝𑁆𑀞𑀸𑀧𑁂𑀢𑀺, 𑀧𑀼𑀭𑀺𑀲𑁄 𑀧𑀼𑀭𑀺𑀲𑀁 𑀥𑀜𑁆𑀜𑀁 𑀪𑀚𑁆𑀚𑀸𑀧𑁂𑀢𑀺, 𑀓𑁄𑀝𑁆𑀝𑀸𑀧𑁂𑀢𑀺, 𑀉𑀤𑁆𑀥𑀭𑀸𑀧𑁂𑀢𑀺.

𑀏𑀢𑁂𑀲𑀫𑀻𑀢𑀺 𑀓𑀺𑀁? 𑀧𑀼𑀭𑀺𑀲𑁄 𑀧𑀼𑀭𑀺𑀲𑁂𑀦 𑀑𑀤𑀦𑀁 𑀧𑀸𑀘𑁂𑀢𑀺.

𑀏𑀢𑁆𑀣 𑀘 𑀕𑀫𑀦𑀢𑁆𑀣𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀢𑀢𑀺𑀬𑀸𑀧𑀺 𑀭𑀽𑀧𑀲𑀺𑀤𑁆𑀥𑀺𑀬𑀁 [𑁧𑁪𑁧 𑀧𑀺𑀝𑁆𑀞𑁂] 𑀲𑀤𑁆𑀤𑀦𑀻𑀢𑀺𑀬𑀜𑁆𑀘 [𑀲𑀼𑀢𑁆𑀢-𑁧𑁪𑁮 𑀧𑀺𑀝𑁆𑀞𑁂] 𑀯𑀼𑀢𑁆𑀢𑀸. 𑀲𑀤𑁆𑀤𑀦𑀻𑀢𑀺𑀬𑀁 𑀢𑀢𑀺𑀬𑀸𑀧𑀬𑁄𑀕𑁂𑀧𑀺 𑀓𑀫𑁆𑀫𑀢𑁆𑀣𑀫𑁂𑀯 𑀇𑀘𑁆𑀙𑀢𑀺. 𑀜𑀸𑀲𑀸𑀤𑀻𑀲𑀼 𑀓𑀢𑁆𑀯𑀢𑁆𑀣𑀁 𑀇𑀘𑁆𑀙𑀦𑁆𑀢𑀺.

𑀬𑀤𑀸 ¶ 𑀧𑀦 𑀧𑀞𑀫𑀁 𑀧𑀬𑁄𑀚𑀓𑀁 𑀅𑀜𑁆𑀜𑁄 𑀤𑀼𑀢𑀺𑀬𑁄 𑀧𑀬𑁄𑀚𑁂𑀢𑀺, 𑀢𑀤𑀸 𑀧𑀞𑀫𑁄 𑀧𑀬𑁄𑀚𑁆𑀚𑁄 𑀦𑀸𑀫. 𑀢𑀲𑁆𑀫𑀺𑀁 𑀢𑀢𑀺𑀬𑀸𑀏𑀯𑀸𑀢𑀺 𑀯𑀼𑀢𑁆𑀢𑀺𑀬𑀁 𑀯𑀼𑀢𑁆𑀢𑀁. 𑀅𑀢𑁆𑀢𑀦𑀸 𑀯𑀺𑀧𑁆𑀧𑀓𑀢𑀁 𑀓𑀼𑀝𑀺𑀁 𑀧𑀭𑁂𑀳𑀺 𑀧𑀭𑀺𑀬𑁄𑀲𑀸𑀧𑁂𑀢𑀺 [𑀧𑀸𑀭𑀸. 𑁩𑁬𑁩].

𑁨𑁯𑁩. 𑀳𑀭𑀸𑀤𑀻𑀦𑀁 𑀯𑀸 [𑀓. 𑁩𑁦𑁦; 𑀭𑀽. 𑁨𑁮𑁬; 𑀦𑀻. 𑁫𑁮𑁭; 𑀘𑀁. 𑁨.𑁧.𑁪𑁫; 𑀧𑀸. 𑁧.𑁪.𑁫𑁩].

𑀳𑀭𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀫𑁆𑀫𑀦𑀺 𑀯𑀺𑀓𑀧𑁆𑀧𑁂𑀦 𑀤𑀼𑀢𑀺𑀬𑀸 𑀳𑁄𑀢𑀺.

𑀲𑀸𑀫𑀺𑀓𑁄 𑀧𑀼𑀭𑀺𑀲𑀁 𑀪𑀸𑀭𑀁 𑀳𑀸𑀭𑁂𑀢𑀺 𑀧𑀼𑀭𑀺𑀲𑁂𑀦 𑀯𑀸, 𑀧𑀼𑀭𑀺𑀲𑀁 𑀆𑀳𑀸𑀭𑀁 𑀅𑀚𑁆𑀛𑁄𑀳𑀸𑀭𑁂𑀢𑀺 𑀧𑀼𑀭𑀺𑀲𑁂𑀦 𑀯𑀸, 𑀧𑀼𑀭𑀺𑀲𑀁 𑀓𑀫𑁆𑀫𑀁 𑀓𑀸𑀭𑁂𑀢𑀺 𑀧𑀼𑀭𑀺𑀲𑁂𑀦 𑀯𑀸, 𑀭𑀸𑀚𑀸 𑀧𑀼𑀭𑀺𑀲𑀁 𑀅𑀢𑁆𑀢𑀸𑀦𑀁 𑀤𑀲𑁆𑀲𑁂𑀢𑀺 𑀧𑀼𑀭𑀺𑀲𑁂𑀦 𑀯𑀸, 𑀧𑀼𑀭𑀺𑀲𑀁 𑀩𑀼𑀤𑁆𑀥𑀁 𑀯𑀦𑁆𑀤𑀸𑀧𑁂𑀢𑀺 𑀧𑀼𑀭𑀺𑀲𑁂𑀦 𑀯𑀸.

𑁧𑁯𑁪. 𑀦 𑀔𑀸𑀤𑀸𑀤𑀻𑀦𑀁 [𑀓. 𑁩𑁦𑁦; 𑀭𑀽. 𑁨𑁮𑁬; 𑀦𑀻. 𑁫𑁮𑁭; 𑀘𑀁. 𑁨.𑁧.𑁪𑁭; 𑀧𑀸. 𑁧.𑁪.𑁫𑁭].

𑀔𑀸𑀤𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀫𑁆𑀫𑀦𑀺 𑀦 𑀤𑀼𑀢𑀺𑀬𑀸 𑀳𑁄𑀢𑀺.

𑀲𑀸𑀫𑀺𑀓𑁄 𑀧𑀼𑀭𑀺𑀲𑁂𑀦 𑀔𑀚𑁆𑀚𑀁 𑀔𑀸𑀤𑀸𑀧𑁂𑀢𑀺, 𑀅𑀤-𑀪𑀓𑁆𑀔𑀦𑁂, 𑀪𑀢𑁆𑀢𑀁 𑀆𑀤𑁂𑀢𑀺, 𑀲𑀸𑀫𑀺𑀓𑁄 𑀤𑀸𑀲𑁂𑀦 𑀧𑀼𑀭𑀺𑀲𑀁 𑀅𑀯𑁆𑀳𑀸𑀧𑁂𑀢𑀺, 𑀲𑀤𑁆𑀤𑀸𑀬𑀸𑀧𑁂𑀢𑀺, 𑀓𑀦𑁆𑀤𑀬𑀢𑀺, 𑀦𑀸𑀤𑀬𑀢𑀺. 𑀏𑀢𑁆𑀣 𑀘 ‘𑀲𑀤𑁆𑀤𑀸𑀬𑀸𑀧𑁂𑀢𑀻’𑀢𑀺 𑀲𑀤𑁆𑀤𑀁 𑀓𑀸𑀭𑀸𑀧𑁂𑀢𑀺, 𑀦𑀸𑀫𑀥𑀸𑀢𑀼 𑀘𑁂𑀲𑀸. 𑀓𑀦𑁆𑀤, 𑀦𑀤𑀸𑀧𑀺 𑀲𑀤𑁆𑀤𑀢𑁆𑀣𑀸𑀬𑁂𑀯.

𑁨𑁯𑁫. 𑀯𑀳𑀺𑀲𑁆𑀲𑀸𑀦𑀺𑀬𑀦𑁆𑀢𑀼𑀓𑁂 [𑀓. 𑁩𑁦𑁦; 𑀭𑀽. 𑁨𑁮𑁬; 𑀦𑀻. 𑁫𑁮𑁭; 𑀘𑀁. 𑁨.𑁧.𑁪𑁮; 𑀧𑀸. 𑁧.𑁪.𑁫𑁨].

𑀯𑀳𑀺𑀲𑁆𑀲𑀸𑀢𑀺 𑀥𑀸𑀢𑀼𑀦𑀺𑀤𑁆𑀤𑁂𑀲𑁄 𑀇-𑀓𑀸𑀭𑁄, 𑀦𑀺𑀬𑀸𑀫𑁂𑀢𑀺 𑀧𑀬𑁄𑀚𑁂𑀢𑀻𑀢𑀺 𑀦𑀺𑀬𑀦𑁆𑀢𑀸, 𑀦𑀢𑁆𑀣𑀺 𑀦𑀺𑀬𑀦𑁆𑀢𑀸 𑀏𑀢𑀲𑁆𑀲𑀸𑀢𑀺 𑀅𑀦𑀺𑀬𑀦𑁆𑀢𑀼𑀓𑁄. 𑀬𑀲𑁆𑀲 𑀅𑀜𑁆𑀜𑁂𑀦 𑀧𑀬𑁄𑀚𑀓𑁂𑀦 𑀓𑀺𑀘𑁆𑀘𑀁 𑀦𑀢𑁆𑀣𑀺, 𑀲𑀬𑀫𑁂𑀯 𑀜𑀢𑁆𑀯𑀸 𑀯𑀳𑀢𑀺, 𑀲𑁄 𑀅𑀦𑀺𑀬𑀦𑁆𑀢𑀼𑀓𑁄 𑀦𑀸𑀫, 𑀯𑀳𑀥𑀸𑀢𑀼𑀲𑁆𑀲 𑀢𑀸𑀤𑀺𑀲𑁂 𑀅𑀦𑀺𑀬𑀦𑁆𑀢𑀼𑀓𑁂 𑀧𑀬𑁄𑀚𑁆𑀚𑁂 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸 𑀦 𑀳𑁄𑀢𑀺.

𑀲𑀸𑀫𑀺𑀓𑁄 ¶ 𑀤𑀸𑀲𑁂𑀦 𑀪𑀸𑀭𑀁 𑀯𑀸𑀳𑁂𑀢𑀺.

𑀅𑀦𑀺𑀬𑀦𑁆𑀢𑀼𑀓𑁂𑀢𑀺 𑀓𑀺𑀁? 𑀩𑀮𑀻𑀩𑀤𑁆𑀤𑁂 𑀪𑀸𑀭𑀁 𑀯𑀸𑀳𑁂𑀢𑀺.

𑁨𑁯𑁬. 𑀪𑀓𑁆𑀔𑀺𑀲𑁆𑀲𑀸𑀳𑀺𑀁𑀲𑀸𑀬𑀁 [𑀓. 𑁩𑁦𑁦; 𑀭𑀽. 𑁨𑁮𑁬; 𑀦𑀻. 𑁫𑁮𑁭; 𑀘𑀁. 𑁨.𑁧.𑁪𑁯; 𑀧𑀸. 𑁧.𑁪.𑁫].

𑀪𑀓𑁆𑀔𑀺𑀢𑀼𑀁 𑀇𑀘𑁆𑀙𑀦𑁆𑀢𑀲𑁆𑀲 𑀪𑀓𑁆𑀔𑀸𑀧𑀦𑀁 𑀳𑀺𑀁𑀲𑀸 𑀦𑀸𑀫 𑀦 𑀳𑁄𑀢𑀺, 𑀅𑀦𑀺𑀘𑁆𑀙𑀦𑁆𑀢𑀲𑁆𑀲 𑀪𑀓𑁆𑀔𑀸𑀧𑀦𑀁 𑀳𑀺𑀁𑀲𑀸 𑀦𑀸𑀫, 𑀪𑀓𑁆𑀔𑀥𑀸𑀢𑀼𑀲𑁆𑀲 𑀧𑀬𑁄𑀚𑁆𑀚𑁂 𑀓𑀫𑁆𑀫𑀦𑀺 𑀅𑀳𑀺𑀁𑀲𑀸𑀯𑀺𑀲𑀬𑁂 𑀤𑀼𑀢𑀺𑀬𑀸 𑀦 𑀳𑁄𑀢𑀺.

𑀲𑀸𑀫𑀺𑀓𑁄 𑀧𑀼𑀭𑀺𑀲𑁂𑀦 𑀫𑁄𑀤𑀓𑁂 𑀪𑀓𑁆𑀔𑀸𑀧𑁂𑀢𑀺.

𑀅𑀳𑀺𑀁𑀲𑀸𑀬𑀦𑁆𑀢𑀺 𑀓𑀺𑀁? 𑀩𑀮𑀻𑀩𑀤𑁆𑀤𑁂 𑀲𑀲𑁆𑀲𑀁 𑀪𑀓𑁆𑀔𑀸𑀧𑁂𑀢𑀺. 𑀏𑀢𑁆𑀣 ‘𑀲𑀲𑁆𑀲’𑀦𑁆𑀢𑀺 𑀣𑀽𑀮𑀢𑀭𑀁 𑀲𑀲𑁆𑀲𑀦𑁆𑀢𑀺 𑀯𑀤𑀦𑁆𑀢𑀺.

𑀧𑀸𑀴𑀺𑀬𑀁 ‘‘𑀲𑀩𑁆𑀩𑁂𑀲𑀁 𑀯𑀺𑀜𑁆𑀜𑀸𑀧𑁂𑀢𑁆𑀯𑀸𑀦 [𑀅𑀧. 𑀣𑁂𑀭 𑁧.𑁧.𑁪𑁩𑁮], 𑀢𑁄𑀲𑁂𑀦𑁆𑀢𑀺 𑀲𑀩𑁆𑀩𑀧𑀸𑀡𑀺𑀦𑀁 [𑀅𑀧. 𑀣𑁂𑀭 𑁧.𑁧.𑁩𑁦𑁦]. 𑀣𑁂𑀭𑀲𑁆𑀲 𑀧𑀢𑁆𑀢𑁄 𑀤𑀼𑀢𑀺𑀬𑀲𑁆𑀲 𑀕𑀸𑀳𑁂𑀢𑀩𑁆𑀩𑁄’’ 𑀇𑀘𑁆𑀘𑀸𑀤𑀺𑀦𑀸 [𑀧𑀸𑀭𑀸. 𑁬𑁧𑁫] 𑀧𑀬𑁄𑀚𑁆𑀚𑁂 𑀙𑀝𑁆𑀞𑀻𑀧𑀺 𑀤𑀺𑀲𑁆𑀲𑀢𑀺.

𑁨𑁯𑁭. 𑀛𑀸𑀤𑀻𑀳𑀺 𑀬𑀼𑀢𑁆𑀢𑀸 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁦; 𑀧𑀸. 𑁨.𑁩.𑁨].

𑀥𑀻𑀇𑀘𑁆𑀘𑀸𑀤𑀻𑀳𑀺 𑀦𑀺𑀧𑀸𑀢𑁄𑀧𑀲𑀕𑁆𑀕𑁂𑀳𑀺 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀥𑀻 𑀩𑁆𑀭𑀸𑀳𑁆𑀫𑀡𑀲𑁆𑀲 𑀳𑀦𑁆𑀢𑀸𑀭𑀁 [𑀥. 𑀧. 𑁩𑁮𑁯], 𑀥𑀻𑀭𑀢𑁆𑀣𑀼’𑀫𑀁 𑀧𑀽𑀢𑀺𑀓𑀸𑀬𑀁 [𑀚𑀸. 𑁧.𑁩.𑁧𑁨𑁯], 𑀥𑀻𑀭𑀢𑁆𑀣𑀼 𑀢𑀁 𑀥𑀦𑀮𑀸𑀪𑀁 [𑀚𑀸. 𑁧.𑁪.𑁩𑁬], 𑀥𑀻𑀭𑀢𑁆𑀣𑀼 𑀩𑀳𑀼𑀓𑁂 𑀓𑀸𑀫𑁂. 𑀢𑀢𑀺𑀬𑀸𑀧𑀺 𑀤𑀺𑀲𑁆𑀲𑀢𑀺, 𑀥𑀻𑀭𑀢𑁆𑀣𑀼 𑀚𑀻𑀯𑀺𑀢𑁂𑀦 𑀫𑁂 [𑀚𑀸. 𑁨.𑁧𑁭.𑁧𑁩𑁫]. 𑀅𑀦𑁆𑀢𑀭𑀸 𑀘 𑀭𑀸𑀚𑀕𑀳𑀁 𑀅𑀦𑁆𑀢𑀭𑀸 𑀘 𑀦𑀸𑀴𑀦𑁆𑀤𑀁 [𑀤𑀻. 𑀦𑀺. 𑁧.𑁧], 𑀅𑀪𑀺𑀢𑁄 𑀕𑀸𑀫𑀁 𑀯𑀲𑀢𑀺, 𑀧𑀭𑀺𑀢𑁄𑀕𑀸𑀫𑀁 𑀯𑀲𑀢𑀺, 𑀦𑀤𑀺𑀁 𑀦𑁂𑀭𑀜𑁆𑀚𑀭𑀁 𑀧𑀢𑀺 [𑀲𑀼. 𑀦𑀺. 𑁪𑁨𑁭], 𑀏𑀢𑁂𑀲𑀼 𑀙𑀝𑁆𑀞𑁆𑀬𑀢𑁆𑀣𑁂 𑀤𑀼𑀢𑀺𑀬𑀸.

𑀢𑀣𑀸 ¶ 𑀧𑀝𑀺𑀪𑀸𑀢𑀺 𑀫𑀁 𑀪𑀕𑀯𑀸 [𑀉𑀤𑀸. 𑁪𑁫; 𑀲𑀁. 𑀦𑀺. 𑁧.𑁨𑁧𑁭], 𑀅𑀧𑀺𑀲𑁆𑀲𑀼 𑀫𑀁 𑀢𑀺𑀲𑁆𑀲𑁄 𑀉𑀧𑀫𑀸𑀬𑁄 𑀧𑀝𑀺𑀪𑀁𑀲𑀼 [𑀫. 𑀦𑀺. 𑁧.𑁩𑁭𑁪], 𑀧𑀝𑀺𑀪𑀸𑀢𑀼 𑀢𑀁 𑀪𑀺𑀓𑁆𑀔𑀼 𑀥𑀫𑁆𑀫𑁄 𑀪𑀸𑀲𑀺𑀢𑀼𑀁 [𑀫𑀳𑀸𑀯. 𑁨𑁫𑁮]. 𑀧𑀝𑀺𑀪𑀦𑁆𑀢𑀼 𑀢𑀁 𑀘𑀼𑀦𑁆𑀤 𑀩𑁄𑀚𑁆𑀛𑀗𑁆𑀕𑀸 [𑀲𑀁. 𑀦𑀺. 𑁩.𑁭𑁯] 𑁋 ‘𑀫’𑀦𑁆𑀢𑀺 𑀫𑀫, ‘𑀢’𑀦𑁆𑀢𑀺 𑀢𑀯, 𑀲𑀫𑁆𑀧𑀤𑀸𑀦𑀢𑁆𑀣𑁂 𑀤𑀼𑀢𑀺𑀬𑀸. ‘𑀫’𑀦𑁆𑀢𑀺 𑀫𑀫𑀜𑀸𑀡𑁂, ‘𑀢’𑀦𑁆𑀢𑀺 𑀢𑀯𑀜𑀸𑀡𑁂𑀢𑀺𑀧𑀺 𑀯𑀡𑁆𑀡𑁂𑀲𑀼𑀁. 𑀦 𑀉𑀧𑀸𑀬𑀫𑀦𑁆𑀢𑀭𑁂𑀦 𑀅𑀢𑁆𑀣𑀲𑁆𑀲 𑀲𑀺𑀤𑁆𑀥𑀺, 𑀦𑀢𑁆𑀣𑀺 𑀲𑀫𑀸𑀤𑀸𑀦𑀫𑀦𑁆𑀢𑀭𑁂𑀦 𑀲𑀺𑀓𑁆𑀔𑀸𑀧𑀝𑀺𑀮𑀸𑀪𑁄, 𑀦𑁂𑀯𑀺𑀥 𑀦 𑀳𑀼𑀭𑀁 𑀦 𑀉𑀪𑀬𑀫𑀦𑁆𑀢𑀭𑁂𑀦, 𑀏𑀲𑁂𑀯𑀦𑁆𑀢𑁄 𑀤𑀼𑀓𑁆𑀔𑀲𑁆𑀲 [𑀫. 𑀦𑀺. 𑁩.𑁩𑁯𑁩; 𑀉𑀤𑀸. 𑁭𑁪]. 𑀢𑀢𑁆𑀣 ‘𑀅𑀦𑁆𑀢𑀭𑁂𑀦𑀸’𑀢𑀺 𑀦𑀺𑀧𑀸𑀢𑀧𑀤𑀫𑁂𑀢𑀁, 𑀯𑀚𑁆𑀚𑁂𑀢𑁆𑀯𑀸𑀢𑁆𑀬𑀢𑁆𑀣𑁄. 𑀧𑀼𑀩𑁆𑀩𑁂𑀦 𑀕𑀸𑀫𑀁, 𑀤𑀓𑁆𑀔𑀺𑀡𑁂𑀦 𑀕𑀸𑀫𑀁, 𑀉𑀢𑁆𑀢𑀭𑁂𑀦 𑀕𑀸𑀫𑀁, 𑀕𑀸𑀫𑀲𑁆𑀲 𑀧𑀼𑀩𑁆𑀩𑁂𑀢𑀺 𑀅𑀢𑁆𑀣𑁄.

𑀉𑀧𑀲𑀕𑁆𑀕𑀧𑀼𑀩𑁆𑀩𑀸𑀦𑀁 𑀅𑀓𑀫𑁆𑀫𑀓𑀥𑀸𑀢𑀽𑀦𑀁 𑀧𑀬𑁄𑀕𑁂 𑀆𑀥𑀸𑀭𑁂 𑀤𑀼𑀢𑀺𑀬𑀸, 𑀧𑀣𑀯𑀺𑀁 𑀅𑀥𑀺𑀲𑁂𑀲𑁆𑀲𑀢𑀺, 𑀕𑀸𑀫𑀁 𑀅𑀥𑀺𑀢𑀺𑀝𑁆𑀞𑀢𑀺, 𑀭𑀼𑀓𑁆𑀔𑀁 𑀅𑀚𑁆𑀛𑀸𑀯𑀲𑀢𑀺, 𑀫𑀜𑁆𑀘𑀁 𑀯𑀸 𑀧𑀻𑀞𑀁 𑀯𑀸 𑀅𑀪𑀺𑀦𑀺𑀲𑀻𑀤𑁂𑀬𑁆𑀬 𑀯𑀸 𑀅𑀪𑀺𑀦𑀺𑀧𑀚𑁆𑀚𑁂𑀬𑁆𑀬 𑀯𑀸 [𑀧𑀸𑀘𑀺. 𑁧𑁩𑁦], 𑀕𑀸𑀫𑀁 𑀉𑀧𑀯𑀲𑀢𑀺, 𑀕𑀸𑀫𑀁 𑀅𑀦𑀼𑀯𑀲𑀢𑀺, 𑀧𑀩𑁆𑀩𑀢𑀁 𑀅𑀥𑀺𑀯𑀲𑀢𑀺, 𑀖𑀭𑀁 𑀆𑀯𑀲𑀢𑀺, 𑀅𑀕𑀸𑀭𑀁 𑀅𑀚𑁆𑀛𑀸𑀯𑀲𑀢𑀺 [𑀤𑀻. 𑀦𑀺. 𑁧.𑁨𑁫𑁮; 𑀧𑀸𑀭𑀸. 𑁫𑁧𑁯], 𑀉𑀧𑁄𑀲𑀣𑀁 𑀉𑀧𑀯𑀲𑀢𑀺, 𑀓𑀸𑀫𑀸𑀯𑀘𑀭𑀁 𑀉𑀧𑀧𑀚𑁆𑀚𑀢𑀺, 𑀭𑀽𑀧𑀸𑀯𑀘𑀭𑀁 𑀉𑀧𑀧𑀚𑁆𑀚𑀢𑀺, 𑀅𑀭𑀽𑀧𑀸𑀯𑀘𑀭𑀁 𑀉𑀧𑀧𑀚𑁆𑀚𑀢𑀺, 𑀲𑀓𑁆𑀓𑀲𑁆𑀲 𑀲𑀳𑀩𑁆𑀬𑀢𑀁 𑀉𑀧𑀧𑀚𑁆𑀚𑀢𑀺, 𑀦𑀺𑀧𑀦𑁆𑀦𑀁 𑀯𑀸 𑀉𑀧𑀦𑀺𑀧𑀚𑁆𑀚𑁂𑀬𑁆𑀬 [𑀤𑀻. 𑀦𑀺. 𑁩.𑁨𑁮𑁨], 𑀦𑀺𑀲𑀺𑀦𑁆𑀦𑀁 𑀯𑀸 𑀉𑀧𑀦𑀺𑀲𑀻𑀤𑁂𑀬𑁆𑀬 [𑀤𑀻. 𑀦𑀺. 𑁩.𑁨𑁮𑁨], 𑀞𑀺𑀢𑀁 𑀯𑀸 𑀉𑀧𑀢𑀺𑀝𑁆𑀞𑁂𑀬𑁆𑀬 [𑀤𑀻. 𑀦𑀺. 𑁩.𑁨𑁮𑁨] 𑀇𑀘𑁆𑀘𑀸𑀤𑀺.

𑀢𑀧𑁆𑀧𑀸𑀦, 𑀘𑀸𑀭𑁂𑀧𑀺 𑀤𑀼𑀢𑀺𑀬𑀸, 𑀦𑀤𑀺𑀁 𑀧𑀺𑀯𑀢𑀺, 𑀲𑀫𑀼𑀤𑁆𑀤𑀁 𑀧𑀺𑀯𑀢𑀺, 𑀕𑀸𑀫𑀁 𑀘𑀭𑀢𑀺, 𑀅𑀭𑀜𑁆𑀜𑀁 𑀘𑀭𑀢𑀺, 𑀦𑀤𑀺𑀬𑀁, 𑀕𑀸𑀫𑁂𑀢𑀺 𑀅𑀢𑁆𑀣𑁄.

𑀓𑀸𑀮, 𑀤𑀺𑀲𑀸𑀲𑀼𑀧𑀺 𑀆𑀥𑀸𑀭𑁂 𑀏𑀯 𑀤𑀼𑀢𑀺𑀬𑀸, 𑀢𑀁 𑀔𑀡𑀁, 𑀢𑀁 𑀫𑀼𑀳𑀼𑀢𑁆𑀢𑀁, 𑀢𑀁 𑀓𑀸𑀮𑀁, 𑀏𑀓𑀫𑀦𑁆𑀢𑀁 [𑀔𑀼. 𑀧𑀸. 𑁫.𑁧], 𑀏𑀓𑀁 𑀲𑀫𑀬𑀁 [𑀔𑀼. 𑀧𑀸. 𑁫.𑁧; 𑀤𑀻. 𑀦𑀺. 𑁧.𑁧], 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 [𑀧𑀸𑀭𑀸. 𑁧𑁬], 𑀲𑀸𑀬𑀦𑁆𑀳𑀲𑀫𑀬𑀁, 𑀢𑀁 𑀤𑀺𑀯𑀲𑀁, 𑀇𑀫𑀁 𑀭𑀢𑁆𑀢𑀺𑀁 [𑀤𑀻. 𑀦𑀺. 𑁩.𑁨𑁮𑁫], 𑀤𑀼𑀢𑀺𑀬𑀫𑁆𑀧𑀺, 𑀢𑀢𑀺𑀬𑀫𑁆𑀧𑀺, 𑀘𑀢𑀼𑀢𑁆𑀣𑀁 𑀯𑀸 𑀧𑀜𑁆𑀘𑀫𑀁 𑀯𑀸 𑀅𑀧𑁆𑀧𑁂𑀢𑀺, 𑀢𑀢𑁄 𑀧𑀼𑀩𑁆𑀩𑀁, 𑀢𑀢𑁄 𑀧𑀭𑀁, 𑀧𑀼𑀭𑀺𑀫𑀁 𑀤𑀺𑀲𑀁 [𑀤𑀻. 𑀦𑀺. 𑁨.𑁩𑁩𑁬], 𑀤𑀓𑁆𑀔𑀺𑀡𑀁 𑀤𑀺𑀲𑀁 [𑀤𑀻. 𑀦𑀺. 𑁨.𑁩𑁩𑁬], 𑀧𑀘𑁆𑀙𑀺𑀫𑀁 𑀤𑀺𑀲𑀁 [𑀤𑀻. 𑀦𑀺. 𑁨.𑁩𑁩𑁬], 𑀉𑀢𑁆𑀢𑀭𑀁 𑀤𑀺𑀲𑀁 [𑀤𑀻. 𑀦𑀺. 𑁨.𑁩𑁩𑁬], 𑀇𑀫𑀸 𑀤𑀲 ¶ 𑀤𑀺𑀲𑀸𑀬𑁄, 𑀓𑀢𑀫𑀁 𑀤𑀺𑀲𑀁 𑀢𑀺𑀝𑁆𑀞𑀢𑀺 𑀦𑀸𑀕𑀭𑀸𑀚𑀸 [𑀚𑀸. 𑁧.𑁧𑁬.𑁧𑁦𑁪], 𑀇𑀫𑀸𑀲𑀼 𑀤𑀺𑀲𑀸𑀲𑀼 𑀓𑀢𑀫𑀸𑀬 𑀤𑀺𑀲𑀸𑀬 𑀢𑀺𑀝𑁆𑀞𑀢𑀺 𑀙𑀤𑁆𑀤𑀦𑁆𑀢𑀦𑀸𑀕𑀭𑀸𑀚𑀸𑀢𑀺 𑀅𑀢𑁆𑀣𑁄𑀇𑀘𑁆𑀘𑀸𑀤𑀺.

𑁨𑁯𑁮. 𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀽𑀢𑀯𑀺𑀘𑁆𑀙𑀸𑀲𑁆𑀯𑀪𑀺𑀦𑀸 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁪; 𑀧𑀸. 𑁧.𑁪.𑁯𑁦, 𑁯𑁧; 𑁨.𑁩.𑁮].

𑀮𑀓𑁆𑀔𑀡𑀸𑀤𑀻𑀲𑀼 𑀅𑀢𑁆𑀣𑁂𑀲𑀼 𑀧𑀯𑀢𑁆𑀢𑁂𑀦 𑀅𑀪𑀺𑀦𑀸 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀮𑀓𑁆𑀔𑀻𑀬𑀢𑀺 𑀮𑀓𑁆𑀔𑀺𑀢𑀩𑁆𑀩𑀁 𑀅𑀦𑁂𑀦𑀸𑀢𑀺 𑀮𑀓𑁆𑀔𑀡𑀁. 𑀅𑀬𑀁 𑀧𑀓𑀸𑀭𑁄 𑀇𑀢𑁆𑀣𑀁, 𑀈𑀤𑀺𑀲𑁄 𑀯𑀺𑀲𑁂𑀲𑁄𑀢𑀺 𑀅𑀢𑁆𑀣𑁄. 𑀇𑀢𑁆𑀣𑀁 𑀪𑀽𑀢𑁄 𑀧𑀢𑁆𑀢𑁄𑀢𑀺 𑀇𑀢𑁆𑀣𑀫𑁆𑀪𑀽𑀢𑁄. 𑀪𑀺𑀦𑁆𑀦𑁂 𑀅𑀢𑁆𑀣𑁂 𑀩𑁆𑀬𑀸𑀧𑀺𑀢𑀼𑀁 𑀇𑀘𑁆𑀙𑀸 𑀯𑀺𑀘𑁆𑀙𑀸.

𑀢𑀢𑁆𑀣 𑀮𑀓𑁆𑀔𑀡𑁂 𑁋

𑀭𑀼𑀓𑁆𑀔𑀫𑀪𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀭𑀼𑀓𑁆𑀔𑀁 𑀅𑀪𑀺 𑀩𑁆𑀬𑀸𑀧𑁂𑀢𑁆𑀯𑀸 𑀯𑀺𑀚𑁆𑀚𑁄𑀢𑀢𑁂𑀢𑀺 𑀅𑀢𑁆𑀣𑁄, 𑀯𑀺𑀚𑁆𑀚𑁄𑀪𑀸𑀲𑁂𑀦 𑀩𑁆𑀬𑀸𑀧𑀺𑀢𑁄 𑀭𑀼𑀓𑁆𑀔𑁄 𑀯𑀺𑀚𑁆𑀚𑀼𑀧𑁆𑀧𑀸𑀤𑀲𑁆𑀲 𑀮𑀓𑁆𑀔𑀡𑀁 𑀲𑀜𑁆𑀜𑀸𑀡𑀁 𑀳𑁄𑀢𑀺.

𑀇𑀢𑁆𑀣𑀫𑁆𑀪𑀽𑀢𑁂 𑁋

𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀫𑀪𑀺, 𑀫𑀸𑀢𑀭𑀁 𑀅𑀪𑀺 𑀯𑀺𑀲𑀺𑀝𑁆𑀞𑀁 𑀓𑀢𑁆𑀯𑀸 𑀲𑀸𑀥𑀽𑀢𑀺 𑀅𑀢𑁆𑀣𑁄, 𑀤𑁂𑀯𑀤𑀢𑁆𑀢𑁄 𑀲𑀓𑁆𑀓𑀘𑁆𑀘𑀁 𑀫𑀸𑀢𑀼𑀧𑀝𑁆𑀞𑀸𑀦𑁂 𑀅𑀕𑁆𑀕𑀧𑀼𑀭𑀺𑀲𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀢𑀁 𑀔𑁄 𑀧𑀦 𑀪𑀯𑀦𑁆𑀢𑀁 𑀕𑁄𑀢𑀫𑀁 𑀏𑀯𑀁 𑀓𑀮𑁆𑀬𑀸𑀡𑁄 𑀓𑀺𑀢𑁆𑀢𑀺𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀢𑁄 [𑀧𑀸𑀭𑀸. 𑁧]. 𑀏𑀢𑁆𑀣 𑀘 ‘𑀅𑀩𑁆𑀪𑀼𑀕𑁆𑀕𑀢𑁄’𑀢𑀺 𑀅𑀪𑀺 𑀯𑀺𑀲𑀺𑀝𑁆𑀞𑀁 𑀓𑀢𑁆𑀯𑀸 𑀉𑀕𑁆𑀕𑀢𑁄𑀢𑀺 𑀅𑀢𑁆𑀣𑁄, 𑀅𑀬𑀁 𑀓𑀺𑀢𑁆𑀢𑀺𑀲𑀤𑁆𑀤𑁄 𑀪𑁄𑀢𑁄 𑀕𑁄𑀢𑀫𑀲𑁆𑀲 𑀲𑀓𑀮𑀮𑁄𑀓𑀕𑁆𑀕𑀪𑀸𑀯𑀁 𑀧𑀓𑀸𑀲𑁂𑀢𑁆𑀯𑀸 𑀉𑀕𑁆𑀕𑀢𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺, 𑀓𑀺𑀢𑁆𑀢𑀺𑀲𑀤𑁆𑀤𑀲𑀫𑁆𑀩𑀦𑁆𑀥𑁂 𑀧𑀦 𑀢𑀲𑁆𑀲 𑀔𑁄 𑀧𑀦 𑀪𑁄𑀢𑁄 𑀕𑁄𑀢𑀫𑀲𑁆𑀲𑀸𑀢𑀺 𑀅𑀢𑁆𑀣𑁄.

𑀯𑀺𑀘𑁆𑀙𑀸𑀬𑀁 𑁋

𑀭𑀼𑀓𑁆𑀔𑀁 ¶ 𑀭𑀼𑀓𑁆𑀔𑀁 𑀅𑀪𑀺 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄, 𑀩𑁆𑀬𑀸𑀧𑁂𑀢𑁆𑀯𑀸 𑀯𑀺𑀚𑁆𑀚𑁄𑀢𑀢𑁂𑀢𑁆𑀬𑀢𑁆𑀣𑁄.

𑀏𑀢𑁆𑀣 𑀘 𑀮𑀓𑁆𑀔𑀡𑀸𑀤𑀺𑀅𑀢𑁆𑀣𑀸 𑀅𑀪𑀺𑀲𑀤𑁆𑀤𑁂𑀦 𑀚𑁄𑀢𑀦𑀻𑀬𑀸 𑀧𑀺𑀡𑁆𑀟𑀢𑁆𑀣𑀸 𑀏𑀯, 𑀦 𑀯𑀘𑀦𑀻𑀬𑀢𑁆𑀣𑀸, 𑀩𑁆𑀬𑀸𑀧𑀦𑀸𑀤𑀺𑀅𑀢𑁆𑀣𑀸 𑀏𑀯 𑀯𑀘𑀦𑀻𑀬𑀢𑁆𑀣𑀸𑀢𑀺.

𑁨𑁯𑁯. 𑀧𑀢𑀺𑀧𑀭𑀻𑀳𑀺 𑀪𑀸𑀕𑁂 𑀘 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁫; 𑀧𑀸. 𑁧.𑁪.𑁯𑁦].

𑀮𑀓𑁆𑀔𑀡𑀺’𑀢𑁆𑀣𑀫𑁆𑀪𑀽𑀢, 𑀯𑀺𑀘𑁆𑀙𑀸𑀲𑀼 𑀘 𑀪𑀸𑀕𑁂 𑀘 𑀧𑀯𑀢𑁆𑀢𑁂𑀳𑀺 𑀧𑀢𑀺, 𑀧𑀭𑀻𑀳𑀺 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀮𑀓𑁆𑀔𑀡𑁂 𑁋

𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀭𑀼𑀓𑁆𑀔𑀁 𑀧𑀭𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼. 𑀢𑀢𑁆𑀣 ‘𑀧𑀢𑀻’𑀢𑀺 𑀧𑀝𑀺𑀘𑁆𑀘, ‘𑀧𑀭𑀻’𑀢𑀺 𑀨𑀭𑀺𑀢𑁆𑀯𑀸.

𑀇𑀢𑁆𑀣𑀫𑁆𑀪𑀽𑀢𑁂 𑁋

𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀁 𑀧𑀢𑀺, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀁 𑀧𑀭𑀺.

𑀯𑀺𑀘𑁆𑀙𑀸𑀬𑀁 𑁋

𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀧𑀭𑀺 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄.

𑀪𑀸𑀕𑁂 𑁋

𑀢𑀁 𑀤𑀻𑀬𑀢𑀼, 𑀬𑀤𑁂𑀢𑁆𑀣 𑀫𑀁 𑀧𑀢𑀺 𑀲𑀺𑀬𑀸, 𑀢𑀁 𑀤𑀻𑀬𑀢𑀼, 𑀬𑀤𑁂𑀢𑁆𑀣 𑀫𑀁 𑀧𑀭𑀺 𑀲𑀺𑀬𑀸. 𑀢𑀢𑁆𑀣 ‘𑀧𑀢𑀻’𑀢𑀺 𑀧𑀝𑀺𑀘𑁆𑀘, ‘𑀧𑀭𑀻’𑀢𑀺 𑀧𑀭𑀺𑀘𑁆𑀘, 𑀉𑀤𑁆𑀤𑀺𑀲𑁆𑀲𑀸𑀢𑀺 𑀅𑀢𑁆𑀣𑁄, ‘𑀞𑀧𑀺𑀢’𑀦𑁆𑀢𑀺 𑀧𑀸𑀞𑀲𑁂𑀲𑁄. 𑀏𑀢𑁆𑀣 𑀫𑀁 𑀉𑀤𑁆𑀤𑀺𑀲𑁆𑀲 𑀬𑀁 ¶ 𑀯𑀢𑁆𑀣𑀼 𑀞𑀧𑀺𑀢𑀁 𑀲𑀺𑀬𑀸, 𑀢𑀁 𑀫𑁂 𑀤𑀻𑀬𑀢𑀽𑀢𑁆𑀬𑀢𑁆𑀣𑁄, 𑀏𑀢𑁂𑀲𑀼 𑀩𑀳𑀽𑀲𑀼 𑀪𑀸𑀕𑁂𑀲𑀼 𑀬𑁄 𑀫𑀫 𑀪𑀸𑀕𑁄, 𑀲𑁄 𑀫𑀬𑁆𑀳𑀁 𑀤𑀻𑀬𑀢𑀽𑀢𑀺 𑀯𑀼𑀢𑁆𑀢𑀁 𑀳𑁄𑀢𑀻𑀢𑀺.

𑁩𑁦𑁦. 𑀅𑀦𑀼𑀦𑀸 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁬; 𑀧𑀸. 𑁧.𑁪.𑁮𑁪, 𑁯𑁦].

𑀮𑀓𑁆𑀔𑀡𑀺’𑀢𑁆𑀣𑀫𑁆𑀪𑀽𑀢, 𑀯𑀺𑀘𑁆𑀙𑀸𑀲𑀼 𑀘 𑀪𑀸𑀕𑁂 𑀘 𑀧𑀯𑀢𑁆𑀢𑁂𑀦 𑀅𑀦𑀼𑀦𑀸 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀮𑀓𑁆𑀔𑀡𑁂 𑁋

𑀭𑀼𑀓𑁆𑀔𑀁 𑀅𑀦𑀼 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀭𑀼𑀓𑁆𑀔𑀁 𑀅𑀦𑀼 𑀨𑀭𑀺𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺, 𑀲𑀫𑁆𑀩𑀼𑀤𑁆𑀥𑀫𑀦𑀼𑀧𑀩𑁆𑀩𑀚𑀼𑀁 [𑀩𑀼. 𑀯𑀁. 𑁨𑁧.𑁫], ‘𑀲𑀫𑁆𑀩𑀼𑀤𑁆𑀥’𑀦𑁆𑀢𑀺 𑀩𑁄𑀥𑀺𑀲𑀢𑁆𑀢𑀁, 𑀅𑀦𑀼 𑀕𑀦𑁆𑀢𑁆𑀯𑀸 𑀧𑀩𑁆𑀩𑀚𑀺𑀁𑀲𑀽𑀢𑀺 𑀅𑀢𑁆𑀣𑁄, 𑀯𑀺𑀧𑀲𑁆𑀲𑀺𑀩𑁄𑀥𑀺𑀲𑀢𑁆𑀢𑁂 𑀧𑀩𑁆𑀩𑀚𑀺𑀢𑁂 𑀲𑀢𑀺 𑀢𑀸𑀦𑀺𑀧𑀺 𑀘𑀢𑀼𑀭𑀸𑀲𑀻𑀢𑀺𑀓𑀼𑀮𑀧𑀼𑀢𑁆𑀢𑀲𑀳𑀲𑁆𑀲𑀸𑀦𑀺 𑀧𑀩𑁆𑀩𑀚𑀺𑀁𑀲𑀽𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀲𑀘𑁆𑀘𑀓𑁆𑀭𑀺𑀬𑀫𑀦𑀼 𑀯𑀼𑀝𑁆𑀞𑀺 𑀧𑀸𑀯𑀲𑁆𑀲𑀺, ‘𑀅𑀦𑀽’𑀢𑀺 𑀅𑀦𑁆𑀯𑀸𑀬, 𑀧𑀝𑀺𑀘𑁆𑀘𑀸𑀢𑀺 𑀅𑀢𑁆𑀣𑁄, 𑀲𑀘𑁆𑀘𑀓𑁆𑀭𑀺𑀬𑀸𑀬 𑀲𑀢𑀺 𑀲𑀘𑁆𑀘𑀓𑁆𑀭𑀺𑀬𑀳𑁂𑀢𑀼 𑀤𑁂𑀯𑁄 𑀧𑀸𑀯𑀲𑁆𑀲𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. ‘‘𑀳𑁂𑀢𑀼 𑀘 𑀮𑀓𑁆𑀔𑀡𑀁 𑀪𑀯𑀢𑀻’’𑀢𑀺 𑀯𑀼𑀢𑁆𑀢𑀺𑀬𑀁 𑀯𑀼𑀢𑁆𑀢𑀁. 𑀲𑀘𑁆𑀘𑀓𑁆𑀭𑀺𑀬𑀸𑀬 𑀲𑀳𑁂𑀯𑀸𑀢𑀺𑀧𑀺 𑀬𑀼𑀚𑁆𑀚𑀢𑀺. ‘‘𑀲𑀳 𑀲𑀘𑁆𑀘𑁂 𑀓𑀢𑁂 𑀫𑀬𑁆𑀳’’𑀦𑁆𑀢𑀺 [𑀘𑀭𑀺𑀬𑀸. 𑁩.𑁮𑁨] 𑀳𑀺 𑀯𑀼𑀢𑁆𑀢𑀁.

𑀇𑀢𑁆𑀣𑀫𑁆𑀪𑀽𑀢𑁂 𑁋

𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀫𑀦𑀼. 𑀢𑀢𑁆𑀣 ‘𑀅𑀦𑀽’𑀢𑀺 𑀅𑀦𑁆𑀯𑀸𑀬 𑀧𑀝𑀺𑀘𑁆𑀘.

𑀯𑀺𑀘𑁆𑀙𑀸𑀬𑀁 𑁋

𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀅𑀦𑀼 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄. 𑀢𑀢𑁆𑀣 ‘𑀅𑀦𑀽’𑀢𑀺 𑀅𑀦𑀼 𑀨𑀭𑀺𑀢𑁆𑀯𑀸.

𑀪𑀸𑀕𑁂 𑁋

𑀬𑀤𑁂𑀢𑁆𑀣 ¶ 𑀫𑀁 𑀅𑀦𑀼 𑀲𑀺𑀬𑀸, 𑀢𑀁 𑀤𑀻𑀬𑀢𑀼. 𑀢𑀢𑁆𑀣 ‘𑀅𑀦𑀽’𑀢𑀺 𑀅𑀦𑁆𑀯𑀸𑀬. 𑀲𑁂𑀲𑀁 𑀯𑀼𑀢𑁆𑀢𑀦𑀬𑀫𑁂𑀯.

𑁩𑁦𑁧. 𑀲𑀳𑀢𑁆𑀣𑁂 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁭; 𑀧𑀸. 𑁧.𑁪.𑁮𑁫].

𑀲𑀳𑀢𑁆𑀣𑁂 𑀅𑀦𑀼𑀦𑀸 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀧𑀩𑁆𑀩𑀢𑀁 𑀅𑀦𑀼 𑀢𑀺𑀝𑁆𑀞𑀢𑀺 [𑀧𑀩𑁆𑀩𑀢𑀫𑀦𑀼𑀲𑁂𑀦𑀸 𑀢𑀺𑀝𑁆𑀞𑀢𑀺 (𑀫𑁄𑀕𑁆𑀕𑀮𑁆𑀮𑀸𑀦𑀯𑀼𑀢𑁆𑀢𑀺𑀬𑀁)]. 𑀦𑀤𑀺𑀁 𑀅𑀦𑁆𑀯𑀸𑀯𑀲𑀺𑀢𑀸 𑀩𑀸𑀭𑀸𑀡𑀲𑀻. ‘𑀅𑀦𑀽’𑀢𑀺 𑀅𑀦𑀼𑀕𑀦𑁆𑀢𑁆𑀯𑀸, 𑀦𑀤𑀺𑀬𑀸 𑀲𑀳 𑀆𑀩𑀤𑁆𑀥𑀸 𑀢𑀺𑀝𑁆𑀞𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑁩𑁦𑁨. 𑀳𑀻𑀦𑁂 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁮; 𑀧𑀸. 𑁧.𑁪.𑁮𑁬].

𑀳𑀻𑀦𑁂 𑀧𑀯𑀢𑁆𑀢𑁂𑀦 𑀅𑀦𑀼𑀦𑀸 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀅𑀦𑀼 𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄, 𑀅𑀦𑀼𑀕𑀢𑀸 𑀧𑀘𑁆𑀙𑀢𑁄 𑀕𑀢𑀸𑀢𑀺 𑀅𑀢𑁆𑀣𑁄, 𑀲𑀩𑁆𑀩𑁂 𑀧𑀜𑁆𑀜𑀯𑀦𑁆𑀢𑁄 𑀲𑀸𑀭𑀺𑀧𑀼𑀢𑁆𑀢𑀢𑁄 𑀳𑀻𑀦𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑁩𑁦𑁩. 𑀉𑀧𑁂𑀦 [𑀓. 𑁨𑁯𑁯; 𑀭𑀽. 𑁨𑁮𑁮; 𑀦𑀻. 𑁫𑁮𑁨, 𑁫𑁮𑁬; 𑀘𑀁. 𑁨.𑁧.𑁫𑁯; 𑀧𑀸. 𑁧.𑁪.𑁮𑁭].

𑀳𑀻𑀦𑁂 𑀉𑀧𑁂𑀦 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺.

𑀉𑀧 𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄, 𑀉𑀧𑁂𑀘𑁆𑀘 𑀕𑀢𑀸 𑀲𑀫𑀻𑀧𑁂 𑀕𑀢𑀸𑀢𑀺 𑀅𑀢𑁆𑀣𑁄, 𑀳𑀻𑀦𑀸𑀢𑁆𑀯𑁂𑀯 𑀯𑀼𑀢𑁆𑀢𑀁 𑀳𑁄𑀢𑀺.

𑀏𑀢𑁆𑀣 𑀘 𑀅𑀪𑀺𑀇𑀘𑁆𑀘𑀸𑀤𑀬𑁄 𑀓𑀫𑁆𑀫𑀧𑁆𑀧𑀯𑀘𑀦𑀻𑀬𑀸𑀢𑀺 𑀲𑀤𑁆𑀤𑀲𑀢𑁆𑀣𑁂𑀲𑀼 𑀯𑀼𑀢𑁆𑀢𑀸. 𑀢𑀢𑁆𑀣 𑀧𑀓𑀸𑀭𑁂𑀦 𑀯𑀼𑀘𑁆𑀘𑀢𑀻𑀢𑀺 𑀧𑀯𑀘𑀦𑀻𑀬𑀁, 𑀧𑀓𑀸𑀭𑁄 𑀘 𑀮𑀓𑁆𑀔𑀡𑀺’𑀢𑁆𑀣𑀫𑁆𑀪𑀽𑀢, 𑀯𑀺𑀘𑁆𑀙𑀸𑀤𑀺𑀓𑁄 𑀧𑀺𑀡𑁆𑀟𑀢𑁆𑀣𑁄 𑀯𑀼𑀘𑁆𑀘𑀢𑀺, 𑀓𑀫𑁆𑀫𑀦𑁆𑀢𑀺 𑀩𑁆𑀬𑀸𑀧𑀦𑀸𑀤𑀺𑀓𑁆𑀭𑀺𑀬𑀸, 𑀓𑀫𑁆𑀫𑀁 𑀧𑀯𑀘𑀦𑀻𑀬𑀁 𑀬𑁂𑀳𑀺 𑀢𑁂 𑀓𑀫𑁆𑀫𑀧𑁆𑀧𑀯𑀘𑀦𑀻𑀬𑀸.

𑀢𑀢𑁆𑀣 ¶ 𑀩𑁆𑀬𑀸𑀧𑀦𑀸𑀤𑀺𑀓𑁆𑀭𑀺𑀬𑀸𑀯𑀺𑀲𑁂𑀲𑀯𑀸𑀘𑀻𑀳𑀺 𑀉𑀧𑀲𑀕𑁆𑀕𑁂𑀳𑀺 𑀲𑀫𑁆𑀩𑀦𑁆𑀥𑁂𑀲𑀢𑀺 𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸 𑀳𑁄𑀢𑀺, 𑀅𑀲𑀫𑁆𑀩𑀦𑁆𑀥𑁂 𑀧𑀦 𑀆𑀥𑀸𑀭, 𑀲𑀸𑀫𑁆𑀬𑀸𑀤𑀺𑀅𑀢𑁆𑀣𑁂𑀲𑀼 𑀳𑁄𑀢𑀺, 𑀮𑀓𑁆𑀔𑀡𑀸𑀤𑀬𑁄 𑀧𑀦 𑀲𑀸𑀫𑀢𑁆𑀣𑀺𑀬𑀲𑀺𑀤𑁆𑀥𑀸 𑀧𑀺𑀡𑁆𑀟𑀢𑁆𑀣𑀸 𑀏𑀯𑀸𑀢𑀺.

𑁩𑁦𑁪. 𑀓𑀸𑀮𑀤𑁆𑀥𑀸𑀦𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂 [𑀓. 𑁨𑁯𑁮; 𑀭𑀽. 𑁨𑁮𑁭; 𑀦𑀻. 𑁫𑁮𑁧; 𑀧𑀸. 𑁨.𑁩.𑁫]

𑀓𑀸𑀮𑀲𑁆𑀲 𑀯𑀸 𑀅𑀤𑁆𑀥𑀼𑀦𑁄 𑀯𑀸 𑀤𑀩𑁆𑀩, 𑀕𑀼𑀡, 𑀓𑁆𑀭𑀺𑀬𑀸𑀳𑀺 𑀅𑀘𑁆𑀘𑀦𑁆𑀢𑀁 𑀦𑀺𑀭𑀦𑁆𑀢𑀭𑀁 𑀲𑀁𑀬𑁄𑀕𑁂 𑀓𑀸𑀮’𑀤𑁆𑀥𑀸𑀦𑀯𑀸𑀘𑀻𑀳𑀺 𑀮𑀺𑀗𑁆𑀕𑁂𑀳𑀺 𑀧𑀭𑀁 𑀤𑀼𑀢𑀺𑀬𑀸 𑀳𑁄𑀢𑀺.

𑀓𑀸𑀮𑁂 𑁋

𑀲𑀢𑁆𑀢𑀸𑀳𑀁 𑀕𑀯𑀧𑀸𑀦𑀁, 𑀫𑀸𑀲𑀁 𑀫𑀁𑀲𑁄𑀤𑀦𑀁, 𑀲𑀭𑀤𑀁 𑀭𑀫𑀡𑀻𑀬𑀸 𑀦𑀤𑀻, 𑀲𑀩𑁆𑀩𑀓𑀸𑀮𑀁 𑀭𑀫𑀡𑀻𑀬𑀁 𑀦𑀦𑁆𑀤𑀦𑀁, 𑀫𑀸𑀲𑀁 𑀲𑀚𑁆𑀛𑀸𑀬𑀢𑀺, 𑀯𑀲𑁆𑀲𑀲𑀢𑀁 𑀚𑀻𑀯𑀢𑀺, 𑀢𑀬𑁄 𑀫𑀸𑀲𑁂 𑀅𑀪𑀺𑀥𑀫𑁆𑀫𑀁 𑀤𑁂𑀲𑁂𑀢𑀺.

𑀅𑀤𑁆𑀥𑀸𑀦𑁂 𑁋

𑀬𑁄𑀚𑀦𑀁 𑀯𑀦𑀭𑀸𑀚𑀺, 𑀬𑁄𑀚𑀦𑀁 𑀤𑀻𑀖𑁄 𑀧𑀩𑁆𑀩𑀢𑁄, 𑀓𑁄𑀲𑀁 𑀲𑀚𑁆𑀛𑀸𑀬𑀢𑀺.

𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂𑀢𑀺 𑀓𑀺𑀁? 𑀫𑀸𑀲𑁂 𑀫𑀸𑀲𑁂 𑀪𑀼𑀜𑁆𑀚𑀢𑀺, 𑀬𑁄𑀚𑀦𑁂 𑀬𑁄𑀚𑀦𑁂 𑀯𑀺𑀳𑀸𑀭𑁄.

𑀏𑀢𑁆𑀣 𑀘 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑀫𑁆𑀧𑀺 𑀓𑀢𑁆𑀢𑀸𑀭𑀸 𑀲𑀸𑀥𑁂𑀢𑀩𑁆𑀩𑀢𑁆𑀢𑀸 𑀓𑀫𑁆𑀫𑀕𑀢𑀺𑀓𑀁 𑀳𑁄𑀢𑀺, 𑀢𑀲𑁆𑀫𑀸 𑀢𑀫𑁆𑀧𑀺 ‘𑀓𑀫𑁆𑀫𑁂 𑀤𑀼𑀢𑀺𑀬𑀸’𑀢𑀺 𑀏𑀢𑁆𑀣 𑀓𑀫𑁆𑀫𑀲𑀤𑁆𑀤𑁂𑀦 𑀕𑀬𑁆𑀳𑀢𑀺.

𑀲𑀼𑀔𑀁 𑀲𑁂𑀢𑀺, 𑀤𑀼𑀓𑁆𑀔𑀁 𑀲𑁂𑀢𑀺, 𑀲𑀻𑀖𑀁 𑀕𑀘𑁆𑀙𑀢𑀺, 𑀔𑀺𑀧𑁆𑀧𑀁 𑀕𑀘𑁆𑀙𑀢𑀺, 𑀤𑀦𑁆𑀥𑀁 𑀕𑀘𑁆𑀙𑀢𑀺, 𑀫𑀼𑀤𑀼𑀁 𑀧𑀘𑀢𑀺, 𑀕𑀭𑀼𑀁 𑀏𑀲𑁆𑀲𑀢𑀺, 𑀮𑀳𑀼𑀁 𑀏𑀲𑁆𑀲𑀢𑀺, 𑀲𑀦𑁆𑀦𑀺𑀥𑀺𑀓𑀸𑀭𑀓𑀁 𑀪𑀼𑀜𑁆𑀚𑀢𑀺, 𑀲𑀫𑁆𑀧𑀭𑀺𑀯𑀢𑁆𑀢𑀓𑀁 𑀑𑀢𑀸𑀧𑁂𑀢𑀺, 𑀓𑀸𑀬𑀧𑁆𑀧𑀘𑀸𑀮𑀓𑀁 𑀕𑀘𑁆𑀙𑀢𑀺 [𑀧𑀸𑀘𑀺. 𑁫𑁯𑁦], 𑀳𑀢𑁆𑀣𑀧𑁆𑀧𑀘𑀸𑀮𑀓𑀁 ¶ 𑀕𑀘𑁆𑀙𑀢𑀺, 𑀲𑀻𑀲𑀧𑁆𑀧𑀘𑀸𑀮𑀓𑀁 𑀕𑀘𑁆𑀙𑀢𑀺 [𑀧𑀸𑀘𑀺. 𑁫𑁯𑁪-𑁫𑁯𑁫], 𑀲𑀼𑀭𑀼𑀲𑀼𑀭𑀼𑀓𑀸𑀭𑀓𑀁 𑀪𑀼𑀜𑁆𑀚𑀢𑀺 [𑀧𑀸𑀘𑀺. 𑁬𑁨𑁭], 𑀅𑀯𑀕𑀡𑁆𑀟𑀓𑀸𑀭𑀓𑀁 𑀪𑀼𑀜𑁆𑀚𑀢𑀺 [𑀧𑀸𑀘𑀺. 𑁬𑁨𑁨], 𑀧𑀺𑀡𑁆𑀟𑀼𑀓𑁆𑀔𑁂𑀧𑀓𑀁 𑀪𑀼𑀜𑁆𑀚𑀢𑀺 [𑀧𑀸𑀘𑀺. 𑁬𑁨𑁦], 𑀳𑀢𑁆𑀣𑀦𑀺𑀤𑁆𑀥𑀼𑀦𑀓𑀁 𑀪𑀼𑀜𑁆𑀚𑀢𑀺 [𑀧𑀸𑀘𑀺. 𑁬𑁨𑁩], 𑀳𑀢𑁆𑀣𑀦𑀺𑀮𑁆𑀮𑁂𑀳𑀓𑀁 𑀪𑀼𑀜𑁆𑀚𑀢𑀺 [𑀧𑀸𑀘𑀺. 𑁬𑁨𑁮], 𑀘𑀦𑁆𑀤𑀺𑀫𑀲𑀽𑀭𑀺𑀬𑀸 𑀲𑀫𑀁 𑀧𑀭𑀺𑀬𑀸𑀬𑀦𑁆𑀢𑀺, 𑀯𑀺𑀲𑀫𑀁 𑀧𑀭𑀺𑀬𑀸𑀬𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀢𑀢𑀺𑀬𑀸𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀢𑀢𑀺𑀬𑀸?

𑁩𑁦𑁫. 𑀓𑀢𑁆𑀢𑀼𑀓𑀭𑀡𑁂𑀲𑀼 𑀢𑀢𑀺𑀬𑀸 [𑀓. 𑁨𑁮𑁬, 𑁨𑁮𑁮; 𑀭𑀽. 𑁨𑁯𑁧, 𑁨𑁯𑁩; 𑀦𑀻. 𑁫𑁯𑁧, 𑁫𑁯𑁪; 𑀘𑀁. 𑁨.𑁧.𑁬𑁨-𑁩; 𑀧𑀸. 𑁨.𑁩.𑁧𑁮].

𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀢𑀢𑀺𑀬𑀸 𑀳𑁄𑀢𑀺. 𑀓𑀢𑁆𑀢𑀸𑀢𑀺 𑀘 𑀓𑀸𑀭𑀓𑁄𑀢𑀺 𑀘 𑀅𑀢𑁆𑀣𑀢𑁄 𑀏𑀓𑀁 ‘‘𑀓𑀭𑁄𑀢𑀻𑀢𑀺 𑀓𑀢𑁆𑀢𑀸, 𑀓𑀭𑁄𑀢𑀻𑀢𑀺 𑀓𑀸𑀭𑀓𑁄’’𑀢𑀺, 𑀢𑀲𑁆𑀫𑀸 ‘‘𑀓𑀢𑁆𑀢𑀼𑀓𑀸𑀭𑀓𑁄’’𑀢𑀺 𑀯𑀼𑀢𑁆𑀢𑁂 𑀤𑁆𑀯𑀺𑀦𑁆𑀦𑀁 𑀧𑀭𑀺𑀬𑀸𑀬𑀲𑀤𑁆𑀤𑀸𑀦𑀁 𑀯𑀲𑁂𑀦 𑀅𑀬𑀫𑁂𑀯 𑀓𑁆𑀭𑀺𑀬𑀁 𑀏𑀓𑀦𑁆𑀢𑀁 𑀓𑀭𑁄𑀢𑀺, 𑀲𑀸𑀫𑀻 𑀳𑀼𑀢𑁆𑀯𑀸 𑀓𑀭𑁄𑀢𑀺, 𑀅𑀢𑁆𑀢𑀧𑁆𑀧𑀥𑀸𑀦𑁄 𑀳𑀼𑀢𑁆𑀯𑀸 𑀓𑀭𑁄𑀢𑀻𑀢𑀺 𑀯𑀺𑀜𑁆𑀜𑀸𑀬𑀢𑀺, 𑀢𑀢𑁄 𑀓𑁆𑀭𑀺𑀬𑀸 𑀦𑀸𑀫 𑀓𑀢𑁆𑀢𑀼𑀦𑁄 𑀏𑀯 𑀩𑁆𑀬𑀸𑀧𑀸𑀭𑁄, 𑀦 𑀅𑀜𑁆𑀜𑁂𑀲𑀦𑁆𑀢𑀺 𑀘, 𑀅𑀜𑁆𑀜𑁂 𑀧𑀦 𑀓𑁆𑀭𑀺𑀬𑀸𑀲𑀸𑀥𑀦𑁂 𑀓𑀢𑁆𑀢𑀼𑀦𑁄 𑀉𑀧𑀓𑀸𑀭𑀓𑀢𑁆𑀢𑀸 𑀓𑀸𑀭𑀓𑀸 𑀦𑀸𑀫𑀸𑀢𑀺 𑀘, 𑀢𑀣𑀸 𑀅𑀦𑀼𑀧𑀓𑀸𑀭𑀓𑀢𑁆𑀢𑀸 𑀅𑀓𑀸𑀭𑀓𑀸 𑀦𑀸𑀫𑀸𑀢𑀺 𑀘 𑀯𑀺𑀜𑁆𑀜𑀸𑀬𑀦𑁆𑀢𑀻𑀢𑀺.

𑀢𑀢𑁆𑀣 𑀓𑀢𑁆𑀢𑀸 𑀢𑀺𑀯𑀺𑀥𑁄 𑀲𑀬𑀁𑀓𑀢𑁆𑀢𑀸, 𑀧𑀬𑁄𑀚𑀓𑀓𑀢𑁆𑀢𑀸, 𑀓𑀫𑁆𑀫𑀓𑀢𑁆𑀢𑀸𑀢𑀺.

𑀢𑀢𑁆𑀣 𑀥𑀸𑀢𑁆𑀯𑀢𑁆𑀣𑀁 𑀲𑀬𑀁 𑀓𑀭𑁄𑀦𑁆𑀢𑁄 𑀲𑀬𑀁𑀓𑀢𑁆𑀢𑀸 𑀦𑀸𑀫, 𑀧𑀼𑀭𑀺𑀲𑁄 𑀓𑀫𑁆𑀫𑀁 𑀓𑀭𑁄𑀢𑀺.

𑀧𑀭𑀁 ¶ 𑀦𑀺𑀬𑁄𑀚𑁂𑀦𑁆𑀢𑁄 𑀧𑀬𑁄𑀚𑀓𑀓𑀢𑁆𑀢𑀸 𑀦𑀸𑀫, 𑀧𑀼𑀭𑀺𑀲𑁄 𑀤𑀸𑀲𑀁 𑀓𑀫𑁆𑀫𑀁 𑀓𑀸𑀭𑁂𑀢𑀺.

𑀓𑀫𑁆𑀫𑀓𑀢𑁆𑀢𑀸 𑀦𑀸𑀫 𑀧𑀬𑁄𑀚𑁆𑀚𑀓𑀓𑀢𑁆𑀢𑀸𑀧𑀺 𑀯𑀼𑀘𑁆𑀘𑀢𑀺, 𑀧𑀼𑀭𑀺𑀲𑁄 𑀤𑀸𑀲𑁂𑀦 𑀓𑀫𑁆𑀫𑀁 𑀓𑀸𑀭𑁂𑀢𑀺 𑀤𑀸𑀲𑀲𑁆𑀲 𑀯𑀸, 𑀬𑁄 𑀘 𑀅𑀜𑁆𑀜𑁂𑀦 𑀓𑀢𑀁 𑀧𑀬𑁄𑀕𑀁 𑀧𑀝𑀺𑀘𑁆𑀘 𑀓𑀫𑁆𑀫𑀪𑀽𑀢𑁄𑀧𑀺 𑀲𑀼𑀓𑀭𑀢𑁆𑀢𑀸 𑀯𑀸 𑀓𑀫𑁆𑀫𑀪𑀸𑀯𑁂𑀦 𑀅𑀯𑀢𑁆𑀢𑀼𑀓𑀸𑀫𑀢𑀸𑀬 𑀯𑀸 𑀅𑀚𑀸𑀦𑀦𑀢𑀸𑀬 𑀯𑀸 𑀯𑀜𑁆𑀘𑁂𑀢𑀼𑀓𑀸𑀫𑀢𑀸𑀬 𑀯𑀸 𑀓𑀢𑁆𑀢𑀼𑀪𑀸𑀯𑁂𑀦 𑀯𑁄𑀳𑀭𑀻𑀬𑀢𑀺, 𑀲𑁄 𑀓𑀫𑁆𑀫𑀓𑀢𑁆𑀢𑀸 𑀦𑀸𑀫, 𑀓𑀼𑀲𑀽𑀮𑁄 𑀲𑀬𑀫𑁂𑀯 𑀪𑀺𑀚𑁆𑀚𑀢𑀺, 𑀖𑀝𑁄 𑀲𑀬𑀫𑁂𑀯 𑀪𑀺𑀚𑁆𑀚𑀢𑀺. 𑀅𑀧𑀺𑀘 𑀲𑀼𑀓𑀭𑁄 𑀯𑀸 𑀳𑁄𑀢𑀼 𑀤𑀼𑀓𑁆𑀓𑀭𑁄 𑀯𑀸, 𑀬𑁄 𑀓𑀫𑁆𑀫𑀭𑀽𑀧𑀓𑁆𑀭𑀺𑀬𑀸𑀧𑀤𑁂 𑀧𑀞𑀫𑀦𑁆𑀢𑁄 𑀓𑀢𑁆𑀢𑀸, 𑀲𑁄 𑀓𑀫𑁆𑀫𑀓𑀢𑁆𑀢𑀸𑀢𑀺 𑀯𑀼𑀘𑁆𑀘𑀢𑀺. 𑀲𑀤𑁆𑀤𑀭𑀽𑀧𑁂𑀦 𑀓𑀫𑁆𑀫𑀜𑁆𑀘 𑀢𑀁 𑀅𑀢𑁆𑀣𑀭𑀽𑀧𑁂𑀦 𑀓𑀢𑁆𑀢𑀸 𑀘𑀸𑀢𑀺 𑀓𑀫𑁆𑀫𑀓𑀢𑁆𑀢𑀸, 𑀓𑀼𑀲𑀽𑀮𑁄 𑀪𑀺𑀚𑁆𑀚𑀢𑀺, 𑀖𑀝𑁄 𑀪𑀺𑀚𑁆𑀚𑀢𑀺, 𑀧𑀘𑁆𑀘𑀢𑀺 𑀫𑀼𑀦𑀺𑀦𑁄 𑀪𑀢𑁆𑀢𑀁, 𑀣𑁄𑀓𑀁 𑀣𑁄𑀓𑀁 𑀖𑀭𑁂 𑀖𑀭𑁂 𑀇𑀘𑁆𑀘𑀸𑀤𑀺.

𑀏𑀢𑁆𑀣 𑀘 𑀲𑀤𑁆𑀤𑀢𑁆𑀣𑁄 𑀤𑀼𑀯𑀺𑀥𑁄 𑀧𑀭𑀫𑀢𑁆𑀣𑁄, 𑀧𑀜𑁆𑀜𑀢𑁆𑀢𑀢𑁆𑀣𑁄𑀢𑀺. 𑀢𑀢𑁆𑀣 𑀧𑀭𑀫𑀢𑁆𑀣𑁄 𑀏𑀓𑀦𑁆𑀢𑁂𑀦 𑀯𑀺𑀚𑁆𑀚𑀫𑀸𑀦𑁄𑀬𑁂𑀯. 𑀧𑀜𑁆𑀜𑀢𑁆𑀢𑀢𑁆𑀣𑁄 𑀧𑀦 𑀓𑁄𑀘𑀺 𑀯𑀺𑀚𑁆𑀚𑀫𑀸𑀦𑁄𑀢𑀺 𑀲𑀫𑁆𑀫𑀢𑁄. 𑀬𑀣𑀸? 𑀭𑀸𑀚𑀧𑀼𑀢𑁆𑀢𑁄, 𑀕𑁄𑀯𑀺𑀲𑀸𑀡𑀁, 𑀘𑀫𑁆𑀧𑀓𑀧𑀼𑀧𑁆𑀨𑀦𑁆𑀢𑀺. 𑀓𑁄𑀘𑀺 𑀅𑀯𑀺𑀚𑁆𑀚𑀫𑀸𑀦𑁄𑀢𑀺 𑀲𑀫𑁆𑀫𑀢𑁄. 𑀬𑀣𑀸? 𑀯𑀜𑁆𑀛𑀸𑀧𑀼𑀢𑁆𑀢𑁄, 𑀲𑀲𑀯𑀺𑀲𑀸𑀡𑀁, 𑀉𑀤𑀼𑀫𑁆𑀩𑀭𑀧𑀼𑀧𑁆𑀨𑀦𑁆𑀢𑀺. 𑀲𑀤𑁆𑀤𑁄 𑀘 𑀦𑀸𑀫 𑀯𑀢𑁆𑀢𑀺𑀘𑁆𑀙𑀸𑀧𑀝𑀺𑀩𑀤𑁆𑀥𑀯𑀼𑀢𑁆𑀢𑀻 𑀳𑁄𑀢𑀺, 𑀯𑀢𑁆𑀢𑀫𑀸𑀦𑁄 𑀘 𑀲𑀤𑁆𑀤𑁄 𑀅𑀢𑁆𑀣𑀁 𑀦 𑀤𑀻𑀧𑁂𑀢𑀻𑀢𑀺 𑀦𑀢𑁆𑀣𑀺, 𑀲𑀗𑁆𑀓𑁂𑀢𑁂 𑀲𑀢𑀺 𑀲𑀼𑀡𑀦𑁆𑀢𑀲𑁆𑀲 𑀅𑀢𑁆𑀣𑀯𑀺𑀲𑀬𑀁 𑀩𑀼𑀤𑁆𑀥𑀺𑀁 𑀦 𑀚𑀦𑁂𑀢𑀻𑀢𑀺 𑀦𑀢𑁆𑀣𑀻𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀇𑀢𑀺 𑀅𑀯𑀺𑀚𑁆𑀚𑀫𑀸𑀦𑀲𑀫𑁆𑀫𑀢𑁄𑀧𑀺 𑀅𑀢𑁆𑀣𑁄 𑀲𑀤𑁆𑀤𑀩𑀼𑀤𑁆𑀥𑀻𑀦𑀁 𑀯𑀺𑀲𑀬𑀪𑀸𑀯𑁂𑀦 𑀯𑀺𑀚𑁆𑀚𑀫𑀸𑀦𑁄 𑀏𑀯 𑀳𑁄𑀢𑀺. 𑀇𑀢𑀭𑀣𑀸 ‘𑀯𑀜𑁆𑀛𑀸𑀧𑀼𑀢𑁆𑀢𑁄’𑀢𑀺 𑀧𑀤𑀁 𑀲𑀼𑀡𑀦𑁆𑀢𑀲𑁆𑀲 𑀢𑀤𑀢𑁆𑀣𑀯𑀺𑀲𑀬𑀁 𑀘𑀺𑀢𑁆𑀢𑀁 𑀦𑀸𑀫 𑀦 𑀧𑀯𑀢𑁆𑀢𑁂𑀬𑁆𑀬𑀸𑀢𑀺, 𑀲𑀤𑁆𑀤𑀩𑀼𑀤𑁆𑀥𑀻𑀦𑀜𑁆𑀘 𑀯𑀺𑀲𑀬𑀪𑀸𑀯𑁂𑀦 𑀯𑀺𑀚𑁆𑀚𑀫𑀸𑀦𑁄 𑀦𑀸𑀫 𑀅𑀢𑁆𑀣𑁄 𑀲𑀤𑁆𑀤𑀦𑀸𑀦𑀸𑀢𑁆𑀢𑁂 𑀩𑀼𑀤𑁆𑀥𑀺𑀦𑀸𑀦𑀸𑀢𑁆𑀢𑁂 𑀘 𑀲𑀢𑀺 𑀦𑀸𑀦𑀸 𑀳𑁄𑀢𑀺, 𑀯𑀺𑀲𑀼𑀁 𑀯𑀺𑀲𑀼𑀁 𑀯𑀺𑀚𑁆𑀚𑀫𑀸𑀦𑁄 𑀦𑀸𑀫 𑀳𑁄𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀏𑀯𑀁 𑀲𑀤𑁆𑀤𑀩𑀼𑀤𑁆𑀥𑀺𑀯𑀺𑀲𑀬𑀪𑀸𑀯𑁂𑀦 𑀯𑀺𑀚𑁆𑀚𑀫𑀸𑀦𑀜𑁆𑀘 𑀦𑀸𑀦𑀸𑀪𑀽𑀢𑀜𑁆𑀘 𑀅𑀢𑁆𑀣𑀁 𑀧𑀝𑀺𑀘𑁆𑀘 𑀓𑀸𑀭𑀓𑀦𑀸𑀦𑀸𑀢𑁆𑀢𑀁 𑀓𑁆𑀭𑀺𑀬𑀸𑀓𑀸𑀭𑀓𑀦𑀸𑀦𑀸𑀢𑁆𑀢𑀜𑁆𑀘 𑀳𑁄𑀢𑀺 ¶ , 𑀦 𑀧𑀦 𑀲𑀪𑀸𑀯𑀢𑁄 𑀯𑀺𑀚𑁆𑀚𑀫𑀸𑀦𑀫𑁂𑀯 𑀦𑀸𑀦𑀸𑀪𑀽𑀢𑀫𑁂𑀯 𑀘 𑀅𑀢𑁆𑀣𑀦𑁆𑀢𑀺 𑀦𑀺𑀝𑁆𑀞𑀫𑁂𑀢𑁆𑀣 𑀕𑀦𑁆𑀢𑀩𑁆𑀩𑀁. 𑀢𑀲𑁆𑀫𑀸 ‘‘𑀲𑀁𑀬𑁄𑀕𑁄 𑀚𑀸𑀬𑀢𑁂’’ 𑀇𑀘𑁆𑀘𑀸𑀤𑀻𑀲𑀼 𑀲𑀤𑁆𑀤𑀩𑀼𑀤𑁆𑀥𑀻𑀦𑀁 𑀦𑀸𑀦𑀸𑀢𑁆𑀢𑀲𑀺𑀤𑁆𑀥𑁂𑀦 𑀅𑀢𑁆𑀣𑀦𑀸𑀦𑀸𑀢𑁆𑀢𑁂𑀦 𑀤𑁆𑀯𑀺𑀦𑁆𑀦𑀁 𑀲𑀤𑁆𑀤𑀸𑀦𑀁 𑀤𑁆𑀯𑀺𑀦𑁆𑀦𑀁 𑀅𑀢𑁆𑀣𑀸𑀦𑀜𑁆𑀘 𑀓𑁆𑀭𑀺𑀬𑀸𑀓𑀸𑀭𑀓𑀢𑀸𑀲𑀺𑀤𑁆𑀥𑀺 𑀯𑁂𑀤𑀺𑀢𑀩𑁆𑀩𑀸𑀢𑀺.

𑀓𑀬𑀺𑀭𑀢𑁂 𑀅𑀦𑁂𑀦𑀸𑀢𑀺 𑀓𑀭𑀡𑀁, 𑀓𑁆𑀭𑀺𑀬𑀸𑀲𑀸𑀥𑀦𑁂 𑀓𑀢𑁆𑀢𑀼𑀦𑁄 𑀲𑀳𑀓𑀸𑀭𑀻𑀓𑀸𑀭𑀡𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀢𑀁 𑀤𑀼𑀯𑀺𑀥𑀁 𑀅𑀚𑁆𑀛𑀢𑁆𑀢𑀺𑀓𑀓𑀭𑀡𑀁, 𑀩𑀸𑀳𑀺𑀭𑀓𑀭𑀡𑀦𑁆𑀢𑀺.

𑀢𑀢𑁆𑀣 𑀓𑀢𑁆𑀢𑀼𑀦𑁄 𑀅𑀗𑁆𑀕𑀪𑀽𑀢𑀁 𑀓𑀭𑀡𑀁 𑀅𑀚𑁆𑀛𑀢𑁆𑀢𑀺𑀓𑀁 𑀦𑀸𑀫, 𑀧𑀼𑀭𑀺𑀲𑁄 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀚𑀸𑀦𑀸𑀢𑀺, 𑀳𑀢𑁆𑀣𑁂𑀦 𑀓𑀫𑁆𑀫𑀁 𑀓𑀭𑁄𑀢𑀺, 𑀧𑀸𑀤𑁂𑀦 𑀫𑀕𑁆𑀕𑀁 𑀕𑀘𑁆𑀙𑀢𑀺, 𑀭𑀼𑀓𑁆𑀔𑁄 𑀨𑀮𑀪𑀸𑀭𑁂𑀦 𑀑𑀡𑀫𑀢𑀺.

𑀓𑀢𑁆𑀢𑀼𑀦𑁄 𑀩𑀳𑀺𑀪𑀽𑀢𑀁 𑀩𑀸𑀳𑀺𑀭𑀁 𑀦𑀸𑀫, 𑀧𑀼𑀭𑀺𑀲𑁄 𑀬𑀸𑀦𑁂𑀦 𑀕𑀘𑁆𑀙𑀢𑀺, 𑀨𑀭𑀲𑀼𑀦𑀸 [𑀧𑀭𑀲𑀼𑀦𑀸 (𑀲𑀓𑁆𑀓𑀢𑀕𑀦𑁆𑀣𑁂𑀲𑀼)] 𑀙𑀺𑀦𑁆𑀤𑀢𑀺, 𑀭𑀼𑀓𑁆𑀔𑁄 𑀯𑀸𑀢𑁂𑀦 𑀑𑀡𑀫𑀢𑀺.

𑁩𑁦𑁬. 𑀲𑀳𑀢𑁆𑀣𑁂𑀦 [𑀓. 𑁨𑁮𑁭; 𑀭𑀽. 𑁨𑁯𑁬; 𑀦𑀻. 𑁫𑁯𑁨; 𑀘𑀁. 𑁨.𑁧.𑁬𑁫; 𑀧𑀸. 𑁨.𑁩.𑁧𑁯].

𑀲𑀳𑀲𑀤𑁆𑀤𑀲𑁆𑀲 𑀅𑀢𑁆𑀣𑁄 𑀬𑀲𑁆𑀲 𑀲𑁄𑀢𑀺 𑀲𑀳𑀢𑁆𑀣𑁄, 𑀲𑀳𑀢𑁆𑀣𑁂𑀦 𑀲𑀤𑁆𑀤𑁂𑀦 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀢𑀢𑀺𑀬𑀸 𑀳𑁄𑀢𑀺. 𑀲𑀳𑀲𑀤𑁆𑀤𑀲𑁆𑀲 𑀅𑀢𑁆𑀣𑁄 𑀦𑀸𑀫 𑀲𑀫𑀯𑀸𑀬𑀢𑁆𑀣𑁄.

𑀲𑁄 𑀢𑀺𑀯𑀺𑀥𑁄 𑀤𑀩𑁆𑀩𑀲𑀫𑀯𑀸𑀬𑁄, 𑀕𑀼𑀡𑀲𑀫𑀯𑀸𑀬𑁄, 𑀓𑁆𑀭𑀺𑀬𑀸𑀲𑀫𑀯𑀸𑀬𑁄𑀢𑀺. 𑀧𑀼𑀢𑁆𑀢𑁂𑀦 𑀲𑀳 𑀥𑀦𑀯𑀸 𑀧𑀺𑀢𑀸, 𑀧𑀼𑀢𑁆𑀢𑁂𑀦 𑀲𑀳 𑀣𑀽𑀮𑁄 𑀧𑀺𑀢𑀸, 𑀧𑀼𑀢𑁆𑀢𑁂𑀦 𑀲𑀳 𑀆𑀕𑀢𑁄 𑀧𑀺𑀢𑀸. 𑀲𑀳, 𑀲𑀤𑁆𑀥𑀺𑀁, 𑀲𑀫𑀁, 𑀦𑀸𑀦𑀸, 𑀯𑀺𑀦𑀸𑀇𑀘𑁆𑀘𑀸𑀤𑀺𑀓𑁄 𑀲𑀳𑀢𑁆𑀣𑀲𑀤𑁆𑀤𑁄 𑀦𑀸𑀫.

𑀦𑀺𑀲𑀻𑀤𑀺 𑀪𑀕𑀯𑀸 𑀲𑀤𑁆𑀥𑀺𑀁 𑀪𑀺𑀓𑁆𑀔𑀼𑀲𑀗𑁆𑀖𑁂𑀦 [𑀫𑀳𑀸𑀯. 𑁫𑁯], 𑀲𑀳𑀲𑁆𑀲𑁂𑀦 𑀲𑀫𑀁 𑀫𑀺𑀢𑀸 [𑀲𑀁. 𑀦𑀺. 𑁧.𑁩𑁨], 𑀧𑀺𑀬𑁂𑀳𑀺 𑀦𑀸𑀦𑀸𑀪𑀸𑀯𑁄 𑀯𑀺𑀦𑀸𑀪𑀸𑀯𑁄 [𑀤𑀻. 𑀦𑀺. 𑁨.𑁧𑁮𑁩, 𑁨𑁦𑁭], 𑀲𑀗𑁆𑀖𑁄 𑀲𑀳 𑀯𑀸 𑀕𑀕𑁆𑀕𑁂𑀦 𑀯𑀺𑀦𑀸 𑀯𑀸 𑀕𑀕𑁆𑀕𑁂𑀦 𑀉𑀧𑁄𑀲𑀣𑀁 𑀓𑀭𑁂𑀬𑁆𑀬 [𑀫𑀳𑀸𑀯. 𑁧𑁬𑁭].

𑁩𑁦𑁭. 𑀮𑀓𑁆𑀔𑀡𑁂 [𑀭𑀽. 𑁧𑁪𑁭 𑀧𑀺𑀝𑁆𑀞𑁂; 𑀦𑀻. 𑁫𑁯𑁮; 𑀘𑀁. 𑁨.𑁧.𑁬𑁬; 𑀧𑀸. 𑁨.𑁩.𑁨𑁧].

𑀮𑀓𑁆𑀔𑀡𑀁 ¶ 𑀯𑀼𑀘𑁆𑀘𑀢𑀺 𑀇𑀢𑁆𑀣𑀫𑁆𑀪𑀽𑀢𑀮𑀓𑁆𑀔𑀡𑀁, 𑀢𑀲𑁆𑀫𑀺𑀁 𑀢𑀢𑀺𑀬𑀸 𑀳𑁄𑀢𑀺.

𑀅𑀲𑁆𑀲𑀼𑀧𑀼𑀡𑁆𑀡𑁂𑀳𑀺 𑀦𑁂𑀢𑁆𑀢𑁂𑀳𑀺, 𑀧𑀺𑀢𑀭𑀁 𑀲𑁄 𑀉𑀤𑀺𑀓𑁆𑀔𑀢𑀺 [𑀚𑀸. 𑁨.𑁨𑁨.𑁨𑁧𑁨𑁩]. 𑀩𑁆𑀭𑀳𑁆𑀫𑀪𑀽𑀢𑁂𑀦 𑀅𑀢𑁆𑀢𑀦𑀸 𑀯𑀺𑀳𑀭𑀢𑀺 [𑀅. 𑀦𑀺. 𑁩.𑁬𑁭], 𑀅𑀲𑀫𑁆𑀪𑀺𑀦𑁆𑀦𑁂𑀦 𑀯𑀺𑀮𑁂𑀧𑀦𑁂𑀦 𑀭𑀸𑀚𑀸𑀦𑀫𑀤𑀓𑁆𑀔𑀺, 𑀢𑀺𑀤𑀡𑁆𑀟𑀓𑁂𑀦 𑀧𑀭𑀺𑀩𑁆𑀩𑀸𑀚𑀓𑀫𑀤𑀓𑁆𑀔𑀺, 𑀊𑀦𑀧𑀜𑁆𑀘𑀩𑀦𑁆𑀥𑀦𑁂𑀦 𑀧𑀢𑁆𑀢𑁂𑀦 𑀅𑀜𑁆𑀜𑀁 𑀧𑀢𑁆𑀢𑀁 𑀘𑁂𑀢𑀸𑀧𑁂𑀢𑀺 [𑀧𑀸𑀭𑀸. 𑁬𑁧𑁨 (𑀣𑁄𑀓𑀁 𑀯𑀺𑀲𑀤𑀺𑀲𑀁)], 𑀪𑀺𑀓𑁆𑀔𑀼 𑀧𑀸𑀲𑀸𑀤𑀺𑀓𑁂𑀦 𑀅𑀪𑀺𑀓𑁆𑀓𑀦𑁆𑀢𑁂𑀦 𑀧𑀝𑀺𑀓𑁆𑀓𑀦𑁆𑀢𑁂𑀦 𑀆𑀮𑁄𑀓𑀺𑀢𑁂𑀦 𑀯𑀺𑀮𑁄𑀓𑀺𑀢𑁂𑀦 𑀲𑀫𑀺𑀜𑁆𑀚𑀺𑀢𑁂𑀦 𑀧𑀲𑀸𑀭𑀺𑀢𑁂𑀦 𑀕𑀸𑀫𑀁 𑀧𑀺𑀡𑁆𑀟𑀸𑀬 𑀧𑀸𑀯𑀺𑀲𑀺, 𑀲𑀸 𑀓𑀸𑀴𑀻 𑀤𑀸𑀲𑀻 𑀪𑀺𑀦𑁆𑀦𑁂𑀦 𑀲𑀻𑀲𑁂𑀦 𑀮𑁄𑀳𑀺𑀢𑁂𑀦 𑀕𑀮𑀦𑁆𑀢𑁂𑀦 𑀧𑀢𑀺𑀯𑀺𑀲𑁆𑀲𑀓𑀸𑀦𑀁 𑀉𑀚𑁆𑀛𑀸𑀧𑁂𑀲𑀺 [𑀫. 𑀦𑀺. 𑁧.𑁨𑁨𑁬], 𑀉𑀓𑁆𑀔𑀺𑀢𑁆𑀢𑀓𑀸𑀬 𑀅𑀦𑁆𑀢𑀭𑀖𑀭𑁂 𑀕𑀘𑁆𑀙𑀦𑁆𑀢𑀺 [𑀧𑀸𑀘𑀺. 𑁫𑁮𑁪], 𑀧𑀮𑁆𑀮𑀢𑁆𑀣𑀺𑀓𑀸𑀬 𑀅𑀦𑁆𑀢𑀭𑀖𑀭𑁂 𑀦𑀺𑀲𑀻𑀤𑀦𑁆𑀢𑀺 [𑀧𑀸𑀘𑀺. 𑁫𑁯𑁯].

𑀅𑀗𑁆𑀕𑀯𑀺𑀓𑀸𑀭𑁄𑀧𑀺 𑀇𑀥 𑀲𑀗𑁆𑀕𑀬𑁆𑀳𑀢𑀺 [𑀓. 𑁨𑁯𑁧; 𑀭𑀽. 𑁨𑁯𑁯; 𑀦𑀻. 𑁬𑁦𑁩], 𑀅𑀓𑁆𑀔𑀺𑀦𑀸 𑀓𑀸𑀡𑀁 𑀧𑀲𑁆𑀲𑀢𑀺, ‘𑀅𑀓𑁆𑀔𑀻’𑀢𑀺 𑀇𑀤𑀁 ‘𑀓𑀸𑀡’𑀦𑁆𑀢𑀺 𑀧𑀤𑁂 𑀯𑀺𑀲𑁂𑀲𑀦𑀁, 𑀯𑀺𑀓𑀮𑁂𑀦 𑀘𑀓𑁆𑀔𑀼𑀅𑀗𑁆𑀕𑁂𑀦 𑀲𑁄 𑀓𑀸𑀡𑁄 𑀦𑀸𑀫 𑀳𑁄𑀢𑀺. 𑀳𑀢𑁆𑀣𑁂𑀦 𑀓𑀼𑀡𑀺𑀁 𑀧𑀲𑁆𑀲𑀢𑀺, 𑀧𑀸𑀤𑁂𑀦 𑀔𑀜𑁆𑀚𑀁 𑀧𑀲𑁆𑀲𑀢𑀺.

𑁩𑁦𑁮. 𑀳𑁂𑀢𑀼𑀫𑁆𑀳𑀺 [𑀓. 𑁨𑁮𑁯; 𑀭𑀽. 𑁨𑁯𑁭; 𑀦𑀻. 𑁬𑁦𑁧].

𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀺 𑀨𑀮𑀁 𑀏𑀢𑁂𑀦𑀸𑀢𑀺 𑀳𑁂𑀢𑀼, 𑀢𑀲𑁆𑀫𑀺𑀁 𑀢𑀢𑀺𑀬𑀸 𑀳𑁄𑀢𑀺.

𑀅𑀦𑁆𑀦𑁂𑀦 𑀯𑀲𑀢𑀺, 𑀯𑀺𑀚𑁆𑀚𑀸𑀬 𑀲𑀸𑀥𑀼, 𑀓𑀫𑁆𑀫𑀼𑀦𑀸 𑀯𑀢𑁆𑀢𑀢𑀺 𑀮𑁄𑀓𑁄, 𑀓𑀫𑁆𑀫𑀼𑀦𑀸 𑀯𑀢𑁆𑀢𑀢𑀺 𑀧𑀚𑀸 [𑀫. 𑀦𑀺. 𑁨.𑁪𑁬𑁦; 𑀲𑀼. 𑀦𑀺. 𑁬𑁫𑁯 (𑀯𑀢𑁆𑀢𑀢𑀻 𑀧𑀚𑀸)]. 𑀓𑀫𑁆𑀫𑀼𑀦𑀸 𑀯𑀲𑀮𑁄 𑀳𑁄𑀢𑀺, 𑀓𑀫𑁆𑀫𑀼𑀦𑀸 𑀳𑁄𑀢𑀺 𑀩𑁆𑀭𑀸𑀳𑁆𑀫𑀡𑁄 [𑀲𑀼. 𑀦𑀺. 𑁧𑁩𑁬]. 𑀓𑁂𑀦𑀝𑁆𑀞𑁂𑀦 [𑀥. 𑀲. 𑀅𑀝𑁆𑀞. 𑀦𑀺𑀤𑀸𑀦𑀓𑀣𑀸], 𑀓𑁂𑀦 𑀦𑀺𑀫𑀺𑀢𑁆𑀢𑁂𑀦, 𑀓𑁂𑀦 𑀯𑀡𑁆𑀡𑁂𑀦 ¶ [𑀲𑀁. 𑀦𑀺. 𑁧.𑁨𑁩𑁪] 𑀓𑁂𑀦 𑀧𑀘𑁆𑀘𑀬𑁂𑀦, 𑀓𑁂𑀦 𑀳𑁂𑀢𑀼𑀦𑀸 [𑀚𑀸. 𑁨.𑁨𑁨.𑁨𑁦𑁯𑁭], 𑀓𑁂𑀦 𑀓𑀸𑀭𑀡𑁂𑀦 [𑀚𑀸. 𑀅𑀝𑁆𑀞. 𑁪.𑁧𑁫 𑀫𑀸𑀢𑀗𑁆𑀕𑀚𑀸𑀢𑀓𑀯𑀡𑁆𑀡𑀦𑀸] 𑀇𑀘𑁆𑀘𑀸𑀤𑀺.

𑀏𑀢𑁆𑀣 𑀘 𑀓𑀭𑀡𑀁 𑀢𑀺𑀯𑀺𑀥𑀁 𑀓𑁆𑀭𑀺𑀬𑀸𑀲𑀸𑀥𑀓𑀓𑀭𑀡𑀁, 𑀯𑀺𑀲𑁂𑀲𑀦𑀓𑀭𑀡𑀁, 𑀦𑀸𑀦𑀸𑀢𑁆𑀢𑀓𑀭𑀡𑀦𑁆𑀢𑀺.

𑀢𑀢𑁆𑀣 𑀓𑁆𑀭𑀺𑀬𑀸𑀲𑀸𑀥𑀓𑀁 𑀧𑀼𑀩𑁆𑀩𑁂 𑀯𑀼𑀢𑁆𑀢𑀫𑁂𑀯.

𑀯𑀺𑀲𑁂𑀲𑀦𑀓𑀭𑀡𑀁 𑀬𑀣𑀸? 𑀆𑀤𑀺𑀘𑁆𑀘𑁄 𑀦𑀸𑀫 𑀕𑁄𑀢𑁆𑀢𑁂𑀦, 𑀲𑀸𑀓𑀺𑀬𑁄 𑀦𑀸𑀫 𑀚𑀸𑀢𑀺𑀬𑀸 [𑀲𑀼. 𑀦𑀺. 𑁪𑁨𑁫]. 𑀕𑁄𑀢𑁆𑀢𑁂𑀦 𑀕𑁄𑀢𑀫𑁄 𑀦𑀸𑀣𑁄 [𑀅𑀧. 𑀣𑁂𑀭 𑁧.𑁧.𑁨𑁫𑁩 (𑀯𑀺𑀲𑀤𑀺𑀲𑀁)], 𑀲𑀸𑀭𑀺𑀧𑀼𑀢𑁆𑀢𑁄𑀢𑀺 𑀦𑀸𑀫𑁂𑀦 [𑀅𑀧. 𑀣𑁂𑀭 𑁧.𑁧.𑁨𑁫𑁧], 𑀯𑀺𑀲𑁆𑀲𑀼𑀢𑁄 𑀧𑀜𑁆𑀜𑀯𑀸 𑀘 𑀲𑁄, 𑀚𑀸𑀢𑀺𑀬𑀸 𑀔𑀢𑁆𑀢𑀺𑀬𑁄 𑀩𑀼𑀤𑁆𑀥𑁄 [𑀤𑀻. 𑀦𑀺. 𑁨.𑁯𑁨], 𑀚𑀸𑀢𑀺𑀬𑀸 𑀲𑀢𑁆𑀢𑀯𑀲𑁆𑀲𑀺𑀓𑁄 [𑀫𑀺. 𑀧. 𑁬.𑁪.𑁮], 𑀲𑀺𑀧𑁆𑀧𑁂𑀦 𑀦𑀴𑀓𑀸𑀭𑁄 𑀲𑁄, 𑀏𑀓𑀽𑀦𑀢𑀺𑀁𑀲𑁄 𑀯𑀬𑀲𑀸 [𑀤𑀻. 𑀦𑀺. 𑁨.𑁨𑁧𑁪], 𑀯𑀺𑀚𑁆𑀚𑀸𑀬 𑀲𑀸𑀥𑀼, 𑀢𑀧𑀲𑀸 𑀉𑀢𑁆𑀢𑀫𑁄, 𑀲𑀼𑀯𑀡𑁆𑀡𑁂𑀦 𑀅𑀪𑀺𑀭𑀽𑀧𑁄, 𑀧𑀓𑀢𑀺𑀬𑀸 𑀅𑀪𑀺𑀭𑀽𑀧𑁄, 𑀧𑀓𑀢𑀺𑀬𑀸 𑀪𑀤𑁆𑀤𑀓𑁄, 𑀬𑁂𑀪𑀼𑀬𑁆𑀬𑁂𑀦 𑀫𑀢𑁆𑀢𑀺𑀓𑀸 [𑀧𑀸𑀘𑀺. 𑁮𑁬], 𑀥𑀫𑁆𑀫𑁂𑀦 𑀲𑀫𑁂𑀦 𑀭𑀚𑁆𑀚𑀁 𑀓𑀸𑀭𑁂𑀢𑀺, 𑀲𑀫𑁂𑀦 𑀥𑀸𑀯𑀢𑀺, 𑀯𑀺𑀲𑀫𑁂𑀦 𑀥𑀸𑀯𑀢𑀺, 𑀲𑀼𑀔𑁂𑀦 𑀲𑀼𑀔𑀺𑀢𑁄 𑀳𑁄𑀫𑀺, 𑀧𑀸𑀫𑁄𑀚𑁆𑀚𑁂𑀦 𑀧𑀫𑀼𑀤𑀺𑀢𑁄 [𑀩𑀼. 𑀯𑀁. 𑁨.𑁭𑁮]. 𑀤𑁆𑀯𑀺𑀤𑁄𑀡𑁂𑀦 𑀥𑀜𑁆𑀜𑀁 𑀓𑀺𑀡𑀸𑀢𑀺, 𑀲𑀳𑀲𑁆𑀲𑁂𑀦 𑀅𑀲𑁆𑀲𑁂 𑀯𑀺𑀓𑁆𑀓𑀺𑀡𑀸𑀢𑀺, 𑀅𑀢𑁆𑀢𑀦𑀸𑀯 𑀅𑀢𑁆𑀢𑀸𑀦𑀁 𑀲𑀫𑁆𑀫𑀦𑁆𑀦𑀢𑀺 [𑀧𑀸𑀭𑀸. 𑀅𑀝𑁆𑀞. 𑁧.𑀧𑀞𑀫𑀫𑀳𑀸𑀲𑀗𑁆𑀕𑀻𑀢𑀺𑀓𑀣𑀸 (𑀲𑀫𑁆𑀫𑀦𑁆𑀦𑀺)] 𑀇𑀘𑁆𑀘𑀸𑀤𑀺.

𑀦𑀸𑀦𑀸𑀢𑁆𑀢𑀓𑀭𑀡𑀁 𑀬𑀣𑀸? 𑀓𑀺𑀁 𑀫𑁂 𑀏𑀓𑁂𑀦 𑀢𑀺𑀡𑁆𑀡𑁂𑀦, 𑀧𑀼𑀭𑀺𑀲𑁂𑀦 𑀣𑀸𑀫𑀤𑀲𑁆𑀲𑀺𑀦𑀸 [𑀩𑀼. 𑀯𑀁. 𑁨.𑁫𑁬]. 𑀓𑀺𑀁 𑀢𑁂 𑀚𑀝𑀸𑀳𑀺 𑀤𑀼𑀫𑁆𑀫𑁂𑀥, 𑀓𑀺𑀁 𑀢𑁂 𑀅𑀚𑀺𑀦𑀲𑀸𑀝𑀺𑀬𑀸 [𑀥. 𑀧. 𑁩𑁯𑁪]. 𑀅𑀮𑀁 𑀢𑁂 𑀇𑀥 𑀯𑀸𑀲𑁂𑀦 [𑀧𑀸𑀭𑀸. 𑁪𑁩𑁬], 𑀅𑀮𑀁 𑀫𑁂 𑀩𑀼𑀤𑁆𑀥𑁂𑀦 [𑀧𑀸𑀭𑀸. 𑁫𑁨], 𑀓𑀺𑀦𑁆𑀦𑀼𑀫𑁂𑀩𑀼𑀤𑁆𑀥𑁂𑀦 [𑀧𑀸𑀭𑀸. 𑁫𑁨], 𑀦 𑀫𑀫𑀢𑁆𑀣𑁄 𑀩𑀼𑀤𑁆𑀥𑁂𑀦 [𑀧𑀸𑀭𑀸. 𑁫𑁨], 𑀫𑀡𑀺𑀦𑀸 𑀫𑁂 𑀅𑀢𑁆𑀣𑁄 [𑀧𑀸𑀭𑀸. 𑁩𑁪𑁪], 𑀯𑀤𑁂𑀬𑁆𑀬𑀸𑀣 𑀪𑀦𑁆𑀢𑁂 𑀬𑁂𑀦𑀢𑁆𑀣𑁄, 𑀧𑀸𑀦𑀻𑀬𑁂𑀦 [𑀧𑀸𑀡𑀺𑀬𑁂𑀦 (𑀫𑀽.)] 𑀅𑀢𑁆𑀣𑁄, 𑀫𑀽𑀮𑁂𑀳𑀺 𑀪𑁂𑀲𑀚𑁆𑀚𑁂𑀳𑀺 𑀅𑀢𑁆𑀣𑁄 [𑀫𑀳𑀸𑀯. 𑁨𑁬𑁩], 𑀲𑁂𑀬𑁆𑀬𑁂𑀦 𑀅𑀢𑁆𑀣𑀺𑀓𑁄, 𑀫𑀳𑀕𑁆𑀖𑁂𑀦 ¶ 𑀅𑀢𑁆𑀣𑀺𑀓𑁄, 𑀫𑀸𑀲𑁂𑀦 𑀧𑀼𑀩𑁆𑀩𑁄, 𑀧𑀺𑀢𑀭𑀸 𑀲𑀤𑀺𑀲𑁄, 𑀫𑀸𑀢𑀭𑀸 𑀲𑀫𑁄, 𑀓𑀳𑀸𑀧𑀡𑁂𑀦 𑀊𑀦𑁄, 𑀥𑀦𑁂𑀦 𑀯𑀺𑀓𑀮𑁄, 𑀅𑀲𑀺𑀦𑀸 𑀓𑀮𑀳𑁄, 𑀯𑀸𑀘𑀸𑀬 𑀓𑀮𑀳𑁄, 𑀆𑀘𑀸𑀭𑁂𑀦 𑀦𑀺𑀧𑀼𑀡𑁄, 𑀯𑀸𑀘𑀸𑀬 𑀦𑀺𑀧𑀼𑀡𑁄, 𑀕𑀼𑀴𑁂𑀦 𑀫𑀺𑀲𑁆𑀲𑀓𑁄, 𑀢𑀺𑀮𑁂𑀦 𑀫𑀺𑀲𑁆𑀲𑀓𑁄, 𑀯𑀸𑀘𑀸𑀬 𑀲𑀔𑀺𑀮𑁄 𑀇𑀘𑁆𑀘𑀸𑀤𑀺.

𑀢𑀣𑀸 𑀓𑀫𑁆𑀫𑀸’𑀯𑀥𑀺, 𑀆𑀥𑀸𑀭’𑀘𑁆𑀘𑀦𑁆𑀢𑀲𑀁𑀬𑁄𑀕, 𑀓𑁆𑀭𑀺𑀬𑀸𑀧𑀯𑀕𑁆𑀕𑀸𑀧𑀺 𑀦𑀸𑀦𑀸𑀢𑁆𑀢𑀓𑀭𑀡𑁂 𑀲𑀗𑁆𑀕𑀬𑁆𑀳𑀦𑁆𑀢𑀺.

𑀓𑀫𑁆𑀫𑁂 𑀢𑀸𑀯 𑁋

𑀢𑀺𑀮𑁂𑀳𑀺 𑀔𑁂𑀢𑁆𑀢𑁂 𑀯𑀧𑁆𑀧𑀢𑀺, 𑀢𑀦𑁆𑀢𑀯𑀸𑀬𑁂𑀳𑀺 𑀘𑀻𑀯𑀭𑀁 𑀯𑀸𑀬𑀸𑀧𑁂𑀢𑀺, 𑀲𑀼𑀦𑀔𑁂𑀳𑀺 𑀔𑀸𑀤𑀸𑀧𑁂𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀅𑀯𑀥𑀺𑀫𑁆𑀳𑀺 𑁋

𑀲𑀼𑀫𑀼𑀢𑁆𑀢𑀸 𑀫𑀬𑀁 𑀢𑁂𑀦 𑀫𑀳𑀸𑀲𑀫𑀡𑁂𑀦 [𑀘𑀽𑀴𑀯. 𑁪𑁩𑁭], 𑀫𑀼𑀢𑁆𑀢𑁄𑀫𑁆𑀳𑀺 𑀓𑀸𑀲𑀺𑀭𑀸𑀚𑁂𑀦, 𑀘𑀓𑁆𑀔𑀼 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀦𑀺𑀬𑁂𑀦 𑀯𑀸 [𑀲𑀁. 𑀦𑀺. 𑁪.𑁮𑁫], 𑀑𑀢𑁆𑀢𑀧𑁆𑀧𑀢𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑁂𑀦 [𑀅. 𑀦𑀺. 𑁫.𑁨], 𑀳𑀺𑀭𑀻𑀬𑀢𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑁂𑀦 [𑀅. 𑀦𑀺. 𑁫.𑁨], 𑀚𑀺𑀕𑀼𑀘𑁆𑀙𑀢𑀺 𑀲𑀓𑁂𑀦 𑀓𑀸𑀬𑁂𑀦, 𑀧𑀣𑀩𑁆𑀬𑀸 𑀏𑀓𑀭𑀚𑁆𑀚𑁂𑀦, 𑀲𑀕𑁆𑀕𑀲𑁆𑀲 𑀕𑀫𑀦𑁂𑀦 𑀯𑀸. 𑀲𑀩𑁆𑀩𑀮𑁄𑀓𑀸𑀥𑀺𑀧𑀘𑁆𑀘𑁂𑀦, 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀯𑀭𑀁 [𑀥. 𑀧. 𑁧𑁭𑁮] 𑀇𑀘𑁆𑀘𑀸𑀤𑀺.

𑀆𑀥𑀸𑀭𑁂 𑁋

𑀢𑁂𑀦 𑀔𑀡𑁂𑀦 𑀢𑁂𑀦 𑀮𑀬𑁂𑀦 𑀢𑁂𑀦 𑀫𑀼𑀳𑀼𑀢𑁆𑀢𑁂𑀦 [𑀫𑀳𑀸𑀯. 𑁧𑁭], 𑀢𑁂𑀦 𑀲𑀫𑀬𑁂𑀦 [𑀧𑀸𑀭𑀸. 𑁧], 𑀓𑀸𑀮𑁂𑀦 𑀥𑀫𑁆𑀫𑀲𑁆𑀲𑀯𑀦𑀁 [𑀔𑀼. 𑀧𑀸. 𑁫.𑁯]. 𑀲𑁄 𑀯𑁄 𑀫𑀫𑀘𑁆𑀘𑀬𑁂𑀦 𑀲𑀢𑁆𑀣𑀸 [𑀤𑀻. 𑀦𑀺. 𑁨.𑁨𑁧𑁬], 𑀢𑀺𑀡𑁆𑀡𑀁 𑀫𑀸𑀲𑀸𑀦𑀁 𑀅𑀘𑁆𑀘𑀬𑁂𑀦 [𑀤𑀻. 𑀦𑀺. 𑁨.𑁧𑁬𑁮; 𑀉𑀤𑀸. 𑁫𑁧], 𑀧𑀼𑀩𑁆𑀩𑁂𑀦 𑀕𑀸𑀫𑀁, 𑀤𑀓𑁆𑀔𑀺𑀡𑁂𑀦 𑀕𑀸𑀫𑀁, 𑀧𑀼𑀭𑀢𑁆𑀣𑀺𑀫𑁂𑀦 𑀥𑀢𑀭𑀝𑁆𑀞𑁄, 𑀤𑀓𑁆𑀔𑀺𑀡𑁂𑀦 𑀯𑀺𑀭𑀽𑀴𑁆𑀳𑀓𑁄 𑀧𑀘𑁆𑀙𑀺𑀫𑁂𑀦 𑀯𑀺𑀭𑀽𑀧𑀓𑁆𑀔𑁄 [𑀤𑀻. 𑀦𑀺. 𑁨.𑁩𑁩𑁬], 𑀬𑁂𑀦 𑀪𑀕𑀯𑀸 𑀢𑁂𑀦𑀼𑀧𑀲𑀗𑁆𑀓𑀫𑀺 [𑀔𑀼. 𑀧𑀸. 𑁫.𑁧] 𑀇𑀘𑁆𑀘𑀸𑀤𑀺.

𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑁋

𑀫𑀸𑀲𑁂𑀦 𑀪𑀼𑀜𑁆𑀚𑀢𑀺, 𑀬𑁄𑀚𑀦𑁂𑀦 𑀥𑀸𑀯𑀢𑀺 𑀇𑀘𑁆𑀘𑀸𑀤𑀺.

𑀓𑁆𑀭𑀺𑀬𑀸𑀧𑀯𑀕𑁆𑀕𑁄 ¶ 𑀦𑀸𑀫 𑀓𑁆𑀭𑀺𑀬𑀸𑀬 𑀲𑀻𑀖𑀢𑀭𑀁 𑀦𑀺𑀝𑁆𑀞𑀸𑀧𑀦𑀁, 𑀢𑀲𑁆𑀫𑀺𑀁 𑀚𑁄𑀢𑁂𑀢𑀩𑁆𑀩𑁂 𑀢𑀢𑀺𑀬𑀸, 𑀏𑀓𑀸𑀳𑁂𑀦𑁂𑀯 𑀩𑀸𑀭𑀸𑀡𑀲𑀺𑀁 𑀧𑀸𑀧𑀼𑀡𑀺, 𑀢𑀻𑀳𑀺 𑀫𑀸𑀲𑁂𑀳𑀺 𑀅𑀪𑀺𑀥𑀫𑁆𑀫𑀁 𑀤𑁂𑀲𑁂𑀲𑀺, 𑀦𑀯𑀳𑀺 𑀫𑀸𑀲𑁂𑀳𑀺 𑀯𑀺𑀳𑀸𑀭𑀁 𑀦𑀺𑀝𑁆𑀞𑀸𑀧𑁂𑀲𑀺, 𑀕𑀫𑀦𑀫𑀢𑁆𑀢𑁂𑀦 𑀮𑀪𑀢𑀺, 𑀑𑀝𑁆𑀞𑀧𑀳𑀝𑀫𑀢𑁆𑀢𑁂𑀦 𑀧𑀕𑀼𑀡𑀁 𑀅𑀓𑀸𑀲𑀺.

𑀢𑀢𑀺𑀬𑀸𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀘𑀢𑀼𑀢𑁆𑀣𑀻?

𑁩𑁦𑁯. 𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻 [𑀓. 𑁨𑁯𑁩; 𑀭𑀽. 𑁩𑁦𑁧; 𑀦𑀻. 𑁬𑁦𑁫; 𑀘𑀢𑀼𑀢𑁆𑀣𑀻 𑀲𑀫𑁆𑀧𑀤𑀸𑀦𑁂 (𑀩𑀳𑀽𑀲𑀼), 𑀘𑀁. 𑁨.𑁧.𑁭𑁩; 𑀧𑀸. 𑁨.𑁩.𑁧𑁩].

𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻 𑀳𑁄𑀢𑀺. 𑀲𑀫𑁆𑀫𑀸 𑀧𑀤𑀻𑀬𑀢𑁂 𑀅𑀲𑁆𑀲𑀸𑀢𑀺 𑀲𑀫𑁆𑀧𑀤𑀸𑀦𑀁, 𑀲𑀫𑁆𑀧𑀝𑀺𑀘𑁆𑀙𑀓𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀢𑀁 𑀯𑀢𑁆𑀣𑀼𑀲𑀫𑁆𑀧𑀝𑀺𑀘𑁆𑀙𑀓𑀁, 𑀓𑁆𑀭𑀺𑀬𑀸𑀲𑀫𑁆𑀧𑀝𑀺𑀘𑁆𑀙𑀓𑀦𑁆𑀢𑀺 𑀤𑀼𑀯𑀺𑀥𑀁. 𑀪𑀺𑀓𑁆𑀔𑀼𑀲𑁆𑀲 𑀘𑀻𑀯𑀭𑀁 𑀤𑁂𑀢𑀺, 𑀩𑀼𑀤𑁆𑀥𑀲𑁆𑀲 𑀲𑀺𑀮𑀸𑀖𑀢𑁂.

𑀧𑀼𑀦 𑀅𑀦𑀺𑀭𑀸𑀓𑀭𑀡𑀁, 𑀅𑀦𑀼𑀫𑀢𑀺, 𑀆𑀭𑀸𑀥𑀦𑀦𑁆𑀢𑀺 𑀢𑀺𑀯𑀺𑀥𑀁 𑀳𑁄𑀢𑀺. 𑀢𑀢𑁆𑀣 𑀦 𑀦𑀺𑀭𑀸𑀓𑀭𑁄𑀢𑀺 𑀦 𑀦𑀺𑀯𑀸𑀭𑁂𑀢𑀻𑀢𑀺 𑀅𑀦𑀺𑀭𑀸𑀓𑀭𑀡𑀁, 𑀤𑀺𑀬𑁆𑀬𑀫𑀸𑀦𑀁 𑀦 𑀧𑀝𑀺𑀓𑁆𑀔𑀺𑀧𑀢𑀻𑀢𑀺 𑀅𑀢𑁆𑀣𑁄. 𑀅𑀲𑀢𑀺 𑀳𑀺 𑀧𑀝𑀺𑀓𑁆𑀔𑀺𑀧𑀦𑁂 𑀲𑀫𑁆𑀧𑀝𑀺𑀘𑁆𑀙𑀦𑀁 𑀦𑀸𑀫 𑀳𑁄𑀢𑀻𑀢𑀺. 𑀓𑀸𑀬𑀘𑀺𑀢𑁆𑀢𑁂𑀳𑀺 𑀲𑀫𑁆𑀧𑀝𑀺𑀘𑁆𑀙𑀦𑀸𑀓𑀸𑀭𑀁 𑀤𑀲𑁆𑀲𑁂𑀢𑁆𑀯𑀸 𑀧𑀝𑀺𑀕𑁆𑀕𑀡𑁆𑀳𑀦𑁆𑀢𑀁 𑀲𑀫𑁆𑀧𑀤𑀸𑀦𑀁 𑀅𑀦𑀼𑀫𑀢𑀺 𑀦𑀸𑀫. 𑀯𑀺𑀯𑀺𑀥𑁂𑀳𑀺 𑀆𑀬𑀸𑀘𑀦𑀯𑀘𑀦𑁂𑀳𑀺 𑀧𑀭𑀲𑁆𑀲 𑀘𑀺𑀢𑁆𑀢𑀁 𑀆𑀭𑀸𑀥𑁂𑀢𑁆𑀯𑀸 𑀲𑀫𑁆𑀧𑀝𑀺𑀘𑁆𑀙𑀦𑁆𑀢𑀁 𑀆𑀭𑀸𑀥𑀦𑀁 𑀦𑀸𑀫. 𑀩𑁄𑀥𑀺𑀭𑀼𑀓𑁆𑀔𑀲𑁆𑀲 𑀚𑀮𑀁 𑀤𑁂𑀢𑀺, 𑀪𑀺𑀓𑁆𑀔𑀼𑀲𑁆𑀲 𑀅𑀦𑁆𑀦𑀁 𑀤𑁂𑀢𑀺, 𑀬𑀸𑀘𑀓𑀲𑁆𑀲 𑀅𑀦𑁆𑀦𑀁 𑀤𑁂𑀢𑀺.

𑀓𑁆𑀭𑀺𑀬𑀸𑀲𑀫𑁆𑀧𑀝𑀺𑀘𑁆𑀙𑀓𑀁 𑀦𑀸𑀦𑀸𑀓𑁆𑀭𑀺𑀬𑀸𑀯𑀲𑁂𑀦 𑀩𑀳𑀼𑀯𑀺𑀥𑀁.

𑀢𑀢𑁆𑀣 ¶ 𑀭𑁄𑀘𑀦𑀓𑁆𑀭𑀺𑀬𑀸𑀬𑁄𑀕𑁂 𑁋

𑀢𑀜𑁆𑀘 𑀅𑀫𑁆𑀳𑀸𑀓𑀁 𑀭𑀼𑀘𑁆𑀘𑀢𑀺 𑀘𑁂𑀯 𑀔𑀫𑀢𑀺 𑀘 [𑀫. 𑀦𑀺. 𑁧.𑁧𑁭𑁯; 𑀫. 𑀦𑀺. 𑁨.𑁪𑁩𑁫], 𑀧𑀩𑁆𑀩𑀚𑁆𑀚𑀸 𑀫𑀫 𑀭𑀼𑀘𑁆𑀘𑀢𑀺 [𑀚𑀸. 𑁨.𑁨𑁨.𑁪𑁩], 𑀓𑀲𑁆𑀲 𑀲𑀸𑀤𑀼𑀁 𑀦 𑀭𑀼𑀘𑁆𑀘𑀢𑀺, 𑀦 𑀫𑁂 𑀭𑀼𑀘𑁆𑀘𑀢𑀺 𑀪𑀤𑁆𑀤𑀦𑁆𑀢𑁂, 𑀉𑀮𑀽𑀓𑀲𑁆𑀲𑀸𑀪𑀺𑀲𑁂𑀘𑀦𑀁 [𑀚𑀸. 𑁧.𑁩.𑁬𑁦]. 𑀕𑀫𑀦𑀁 𑀫𑀬𑁆𑀳𑀁 𑀭𑀼𑀘𑁆𑀘𑀢𑀺, 𑀫𑀸𑀬𑀲𑁆𑀫𑀦𑁆𑀢𑀸𑀦𑀫𑁆𑀧𑀺 𑀲𑀗𑁆𑀖𑀪𑁂𑀤𑁄 𑀭𑀼𑀘𑁆𑀘𑀺𑀢𑁆𑀣 [𑀧𑀸𑀭𑀸. 𑁪𑁧𑁮], 𑀬𑀲𑁆𑀲𑀸𑀬𑀲𑁆𑀫𑀢𑁄 𑀦 𑀔𑀫𑀢𑀺, 𑀔𑀫𑀢𑀺 𑀲𑀗𑁆𑀖𑀲𑁆𑀲 [𑀧𑀸𑀭𑀸. 𑁪𑁩𑁮], 𑀪𑀢𑁆𑀢𑀁 𑀫𑀬𑁆𑀳𑀁 𑀙𑀸𑀤𑁂𑀢𑀺, 𑀪𑀢𑁆𑀢𑀫𑀲𑁆𑀲 𑀦𑀘𑁆𑀙𑀸𑀤𑁂𑀢𑀺 [𑀘𑀽𑀴𑀯. 𑁨𑁮𑁨], 𑀢𑁂𑀲𑀁 𑀪𑀺𑀓𑁆𑀔𑀽𑀦𑀁 𑀮𑀽𑀔𑀸𑀦𑀺 𑀪𑁄𑀚𑀦𑀸𑀦𑀺 𑀦𑀘𑁆𑀙𑀸𑀤𑁂𑀦𑁆𑀢𑀺 [𑀫𑀳𑀸𑀯. 𑁨𑁬𑁧 (𑀣𑁄𑀓𑀁 𑀯𑀺𑀲𑀤𑀺𑀲𑀁)]. 𑀢𑀢𑁆𑀣 ‘𑀙𑀸𑀤𑁂𑀢𑀻’𑀢𑀺 𑀇𑀘𑁆𑀙𑀁 𑀉𑀧𑁆𑀧𑀸𑀤𑁂𑀢𑀻𑀢𑀺 𑀅𑀢𑁆𑀣𑁄.

𑀥𑀸𑀭𑀡𑀧𑁆𑀧𑀬𑁄𑀕𑁂 𑁋

𑀙𑀢𑁆𑀢𑀕𑁆𑀕𑀸𑀳𑁄 𑀭𑀜𑁆𑀜𑁄 𑀙𑀢𑁆𑀢𑀁 𑀥𑀸𑀭𑁂𑀢𑀺, 𑀲𑀫𑁆𑀧𑀢𑀺𑀚𑀸𑀢𑀲𑁆𑀲 𑀩𑁄𑀥𑀺𑀲𑀢𑁆𑀢𑀲𑁆𑀲 𑀤𑁂𑀯𑀸 𑀙𑀢𑁆𑀢𑀁 𑀥𑀸𑀭𑀬𑀺𑀁𑀲𑀼.

𑀩𑀼𑀤𑁆𑀥𑀲𑁆𑀲 𑀲𑀺𑀮𑀸𑀖𑀢𑁂, 𑀣𑁄𑀫𑁂𑀢𑀻𑀢𑀺 𑀅𑀢𑁆𑀣𑁄, 𑀢𑀼𑀬𑁆𑀳𑀁 𑀳𑀦𑀼𑀢𑁂, 𑀢𑀼𑀡𑁆𑀳𑀺𑀪𑀸𑀯𑁂𑀦 𑀯𑀜𑁆𑀘𑁂𑀢𑀻𑀢𑀺 𑀅𑀢𑁆𑀣𑁄, 𑀪𑀺𑀓𑁆𑀔𑀼𑀦𑀻 𑀪𑀺𑀓𑁆𑀔𑀼𑀲𑁆𑀲 𑀪𑀼𑀜𑁆𑀚𑀫𑀸𑀦𑀲𑁆𑀲 𑀧𑀸𑀦𑀻𑀬𑁂𑀦 𑀯𑀸 𑀯𑀺𑀥𑀽𑀧𑀦𑁂𑀦 𑀯𑀸 𑀉𑀧𑀝𑁆𑀞𑀸𑀢𑀺 [𑀧𑀸𑀘𑀺. 𑁮𑁧𑁬 (𑀯𑀺𑀲𑀤𑀺𑀲𑀁)]. 𑀤𑀼𑀢𑀺𑀬𑀸𑀧𑀺 𑀳𑁄𑀢𑀺, 𑀭𑀜𑁆𑀜𑁄 𑀉𑀧𑀝𑁆𑀞𑀸𑀢𑀺, 𑀭𑀸𑀚𑀸𑀦𑀁 𑀉𑀧𑀝𑁆𑀞𑀸𑀢𑀺, 𑀅𑀳𑀁 𑀪𑁄𑀢𑀺𑀁 𑀉𑀧𑀝𑁆𑀞𑀺𑀲𑁆𑀲𑀁 [𑀚𑀸. 𑁨.𑁨𑁨.𑁧𑁯𑁩𑁪], 𑀅𑀳𑀁 𑀢𑀁 𑀉𑀧𑀝𑁆𑀞𑀺𑀲𑁆𑀲𑀸𑀫𑀺, 𑀫𑀸𑀢𑀸𑀧𑀺𑀢𑀼𑀉𑀧𑀝𑁆𑀞𑀸𑀦𑀁 [𑀔𑀼. 𑀧𑀸. 𑁫.𑁬], 𑀢𑀼𑀬𑁆𑀳𑀁 𑀲𑀧𑀢𑁂, 𑀲𑀧𑀲𑁆𑀲𑀼 𑀫𑁂 𑀯𑁂𑀧𑀘𑀺𑀢𑁆𑀢𑀺 [𑀲𑀁. 𑀦𑀺. 𑁧.𑁨𑁫𑁩], 𑀲𑀧𑀣𑀫𑁆𑀧𑀺 𑀢𑁂 𑀲𑀫𑁆𑀫 𑀅𑀳𑀁 𑀓𑀭𑁄𑀫𑀺 [𑀚𑀸. 𑁨.𑁨𑁧.𑁪𑁦𑁭], 𑀢𑀯 𑀫𑀬𑀺 𑀲𑀤𑁆𑀤𑀳𑀦𑀢𑁆𑀣𑀁 𑀲𑀘𑁆𑀘𑀁 𑀓𑀭𑁄𑀫𑀻𑀢𑀺 𑀅𑀢𑁆𑀣𑁄, 𑀭𑀜𑁆𑀜𑁄 𑀲𑀢𑀁 𑀥𑀸𑀭𑁂𑀢𑀺, 𑀇𑀥 𑀓𑀼𑀮𑀧𑀼𑀢𑁆𑀢𑁄 𑀦 𑀓𑀲𑁆𑀲𑀘𑀺 𑀓𑀺𑀜𑁆𑀘𑀺 𑀥𑀸𑀭𑁂𑀢𑀺 [𑀅. 𑀦𑀺. 𑁪.𑁬𑁨], 𑀢𑀲𑁆𑀲 𑀭𑀜𑁆𑀜𑁄 𑀫𑀬𑀁 𑀦𑀸𑀕𑀁 𑀥𑀸𑀭𑀬𑀸𑀫. 𑀢𑀢𑁆𑀣 ‘𑀭𑀜𑁆𑀜𑁄 𑀲𑀢𑀁 𑀥𑀸𑀭𑁂𑀢𑀻’𑀢𑀺 𑀲𑀢𑀁 𑀩𑀮𑀺𑀥𑀦𑀁 𑀯𑀸 𑀤𑀡𑁆𑀟𑀥𑀦𑀁 𑀯𑀸 𑀦𑀺𑀤𑁂𑀢𑀻𑀢𑀺 [𑀦𑀺𑀥𑁂𑀢𑀻𑀢𑀺, 𑀦𑀺𑀥𑁂𑀫 (𑀓𑁂𑀘𑀺)] 𑀅𑀢𑁆𑀣𑁄, ‘‘𑀇𑀡𑀁 𑀓𑀢𑁆𑀯𑀸 𑀕𑀡𑁆𑀳𑀸𑀢𑀻’’𑀢𑀺 𑀘 𑀯𑀤𑀦𑁆𑀢𑀺. ‘𑀥𑀸𑀭𑀬𑀸𑀫𑀸’𑀢𑀺 𑀧𑀼𑀦 𑀦𑀺𑀤𑁂𑀫 [𑀦𑀺𑀥𑁂𑀢𑀻𑀢𑀺, 𑀦𑀺𑀥𑁂𑀫 (𑀓𑁂𑀘𑀺)], 𑀢𑀼𑀬𑁆𑀳𑀁 𑀲𑀤𑁆𑀤𑀳𑀢𑀺, 𑀫𑀬𑁆𑀳𑀁 𑀲𑀤𑁆𑀤𑀳𑀢𑀺, 𑀲𑀤𑁆𑀤𑀳𑀸𑀲𑀺 𑀲𑀺𑀗𑁆𑀕𑀸𑀮𑀲𑁆𑀲, 𑀲𑀼𑀭𑀸𑀧𑀻𑀢𑀲𑁆𑀲 𑀩𑁆𑀭𑀸𑀳𑁆𑀫𑀡 [𑀚𑀸. 𑁧.𑁧.𑁧𑁧𑁩].

𑀤𑁂𑀯𑀸𑀧𑀺 ¶ 𑀢𑁂 𑀧𑀺𑀳𑀬𑀦𑁆𑀢𑀺 𑀢𑀸𑀤𑀺𑀦𑁄 [𑀥. 𑀧. 𑁯𑁪 (𑀢𑀲𑁆𑀲 𑀧𑀺𑀳𑀬𑀦𑁆𑀢𑀺)], 𑀤𑁂𑀯𑀸𑀧𑀺 𑀢𑁂𑀲𑀁 𑀧𑀺𑀳𑀬𑀦𑁆𑀢𑀺, 𑀲𑀫𑁆𑀩𑀼𑀤𑁆𑀥𑀸𑀦𑀁 𑀲𑀢𑀻𑀫𑀢𑀁 [𑀥. 𑀧. 𑁧𑁮𑁧], ‘𑀧𑀺𑀳𑀬𑀦𑁆𑀢𑀻’𑀢𑀺 𑀧𑀼𑀦𑀧𑁆𑀧𑀼𑀦𑀁 𑀤𑀝𑁆𑀞𑀼𑀁 𑀧𑀢𑁆𑀣𑁂𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀤𑀼𑀢𑀺𑀬𑀸𑀧𑀺 𑀳𑁄𑀢𑀺, 𑀲𑀘𑁂 𑀫𑀁 𑀧𑀺𑀳𑀬𑀲𑀺, 𑀥𑀦𑀁 𑀧𑀺𑀳𑁂𑀢𑀺, 𑀳𑀺𑀭𑀜𑁆𑀜𑀁 𑀧𑀺𑀳𑁂𑀢𑀺, 𑀲𑀼𑀯𑀡𑁆𑀡𑀁 𑀧𑀺𑀳𑁂𑀢𑀺. 𑀢𑀢𑀺𑀬𑀸𑀧𑀺 𑀤𑀺𑀲𑁆𑀲𑀢𑀺, 𑀭𑀽𑀧𑁂𑀦 𑀧𑀺𑀳𑁂𑀢𑀺, 𑀲𑀤𑁆𑀤𑁂𑀦 𑀧𑀺𑀳𑁂𑀢𑀺 𑀇𑀘𑁆𑀘𑀸𑀤𑀺.

𑀢𑀲𑁆𑀲 𑀓𑀼𑀚𑁆𑀛 𑀫𑀳𑀸𑀯𑀻𑀭 [𑀚𑀸. 𑁧.𑁪.𑁪𑁯], 𑀫𑀸 𑀫𑁂 𑀓𑀼𑀚𑁆𑀛 𑀭𑀣𑁂𑀲𑀪 [𑀚𑀸. 𑁨.𑁨𑁨.𑁧𑁬𑁯𑁬 (𑀓𑀼𑀚𑁆𑀛𑀺)], 𑀬𑀤𑀺𑀳𑀁 𑀢𑀲𑁆𑀲 𑀓𑀼𑀧𑁆𑀧𑁂𑀬𑁆𑀬𑀁, 𑀫𑀸𑀢𑀼 𑀓𑀼𑀧𑁆𑀧𑀢𑀺, 𑀧𑀺𑀢𑀼 𑀓𑀼𑀧𑁆𑀧𑀢𑀺, 𑀬𑁄 𑀅𑀧𑁆𑀧𑀤𑀼𑀝𑁆𑀞𑀲𑁆𑀲 𑀦𑀭𑀲𑁆𑀲 𑀤𑀼𑀲𑁆𑀲𑀢𑀺 [𑀥. 𑀧. 𑁧𑁨𑁫; 𑀲𑀼. 𑀦𑀺. 𑁬𑁬𑁭; 𑀚𑀸. 𑁧.𑁫.𑁯𑁪], 𑀤𑀼𑀳𑀬𑀢𑀺 𑀤𑀺𑀲𑀸𑀦𑀁 𑀫𑁂𑀖𑁄, 𑀧𑀽𑀭𑁂𑀢𑀺 𑀯𑀺𑀦𑀸𑀲𑁂𑀢𑀺 𑀯𑀸𑀢𑀺 𑀅𑀢𑁆𑀣𑁄, 𑀅𑀓𑀸𑀮𑁂 𑀯𑀲𑁆𑀲𑀦𑁆𑀢𑁄 𑀳𑀺 𑀯𑀺𑀦𑀸𑀲𑁂𑀢𑀺 𑀦𑀸𑀫, 𑀬𑁄 𑀫𑀺𑀢𑁆𑀢𑀸𑀦𑀁 𑀦 𑀤𑀼𑀩𑁆𑀪𑀢𑀺 [𑀚𑀸. 𑁨.𑁨𑁨.𑁧𑁯], 𑀅𑀤𑀼𑀝𑁆𑀞𑀲𑁆𑀲 𑀢𑀼𑀯𑀁 𑀤𑀼𑀩𑁆𑀪𑀺 [𑀚𑀸. 𑁧.𑁧𑁬.𑁨𑁯𑁫], 𑀫𑀺𑀢𑁆𑀢𑀸𑀦𑀁 𑀦 𑀤𑀼𑀩𑁆𑀪𑁂𑀬𑁆𑀬, 𑀢𑀺𑀢𑁆𑀣𑀺𑀬𑀸 𑀇𑀲𑁆𑀲𑀦𑁆𑀢𑀺 𑀲𑀫𑀡𑀸𑀦𑀁, 𑀉𑀲𑁆𑀲𑀽𑀬𑀦𑁆𑀢𑀺 𑀤𑀼𑀚𑁆𑀚𑀦𑀸 𑀕𑀼𑀡𑀯𑀦𑁆𑀢𑀸𑀦𑀁, 𑀧𑀢𑀺𑀯𑀺𑀲𑁆𑀲𑀓𑀸𑀦𑀁 𑀉𑀚𑁆𑀛𑀸𑀧𑁂𑀲𑀺 [𑀫. 𑀦𑀺. 𑁧.𑁨𑁨𑁬 (𑀉𑀚𑁆𑀛𑀸𑀧𑁂𑀲𑀺)], 𑀫𑀸 𑀢𑀼𑀫𑁆𑀳𑁂 𑀢𑀲𑁆𑀲 𑀉𑀚𑁆𑀛𑀸𑀬𑀺𑀢𑁆𑀣 [𑀉𑀤𑀸. 𑁨𑁬 (𑀯𑀺𑀲𑀤𑀺𑀲𑀁)], 𑀫𑀳𑀸𑀭𑀸𑀚𑀸𑀦𑀁 𑀉𑀚𑁆𑀛𑀸𑀧𑁂𑀢𑀩𑁆𑀩𑀁 𑀯𑀺𑀭𑀯𑀺𑀢𑀩𑁆𑀩𑀁 𑀯𑀺𑀓𑁆𑀓𑀦𑁆𑀤𑀺𑀢𑀩𑁆𑀩𑀁, 𑀓𑁆𑀬𑀸𑀳𑀁 𑀅𑀬𑁆𑀬𑀸𑀦𑀁 𑀅𑀧𑀭𑀚𑁆𑀛𑀸𑀫𑀺 [𑀧𑀸𑀭𑀸. 𑁩𑁮𑁩] 𑀅𑀬𑁆𑀬𑁂 𑀯𑀸, 𑀭𑀜𑁆𑀜𑁄 𑀅𑀧𑀭𑀚𑁆𑀛𑀢𑀺 𑀭𑀸𑀚𑀸𑀦𑀁 𑀯𑀸, 𑀆𑀭𑀸𑀥𑁄 𑀫𑁂 𑀭𑀸𑀚𑀸 𑀳𑁄𑀢𑀺.

𑀧𑀢𑀺, 𑀆𑀧𑀼𑀩𑁆𑀩𑀲𑁆𑀲 𑀲𑀼-𑀥𑀸𑀢𑀼𑀲𑁆𑀲 𑀅𑀦𑀼, 𑀧𑀢𑀺𑀧𑀼𑀩𑁆𑀩𑀲𑁆𑀲 𑀘 𑀕𑀻-𑀥𑀸𑀢𑀼𑀲𑁆𑀲 𑀬𑁄𑀕𑁂 𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻. 𑀢𑀢𑁆𑀭 𑀔𑁄 𑀪𑀕𑀯𑀸 𑀪𑀺𑀓𑁆𑀔𑀽 𑀆𑀫𑀦𑁆𑀢𑁂𑀲𑀺 ‘‘𑀪𑀺𑀓𑁆𑀔𑀯𑁄’’𑀢𑀺, ‘‘𑀪𑀤𑁆𑀤𑀦𑁆𑀢𑁂’’𑀢𑀺 𑀢𑁂 𑀪𑀺𑀓𑁆𑀔𑀽 𑀪𑀕𑀯𑀢𑁄 𑀧𑀘𑁆𑀘𑀲𑁆𑀲𑁄𑀲𑀼𑀁 [𑀅. 𑀦𑀺. 𑁧.𑁧]. 𑀏𑀢𑁆𑀣 𑀘 𑀧𑀼𑀩𑁆𑀩𑀯𑀸𑀓𑁆𑀬𑁂 𑀆𑀫𑀦𑁆𑀢𑀦𑀓𑁆𑀭𑀺𑀬𑀸𑀬 𑀓𑀢𑁆𑀢𑀸 𑀪𑀕𑀯𑀸, 𑀲𑁄 𑀧𑀭𑀯𑀸𑀓𑁆𑀬𑁂 𑀧𑀘𑁆𑀘𑀸𑀲𑀼𑀬𑁄𑀕𑁂 𑀲𑀫𑁆𑀧𑀤𑀸𑀦𑀁 𑀳𑁄𑀢𑀺, ‘𑀧𑀘𑁆𑀘𑀲𑁆𑀲𑁄𑀲𑀼’𑀦𑁆𑀢𑀺 𑀪𑀤𑁆𑀤𑀦𑁆𑀢𑁂𑀢𑀺 𑀧𑀝𑀺𑀯𑀘𑀦𑀁 𑀅𑀤𑀁𑀲𑀽𑀢𑀺 𑀅𑀢𑁆𑀣𑁄. 𑀪𑀺𑀓𑁆𑀔𑀽 𑀩𑀼𑀤𑁆𑀥𑀲𑁆𑀲 𑀆𑀲𑀼𑀡𑀦𑁆𑀢𑀺, 𑀭𑀸𑀚𑀸 𑀩𑀺𑀫𑁆𑀩𑀺𑀲𑀸𑀭𑁄 𑀧𑀺𑀮𑀺𑀦𑁆𑀤𑀯𑀘𑁆𑀙𑀢𑁆𑀣𑁂𑀭𑀲𑁆𑀲 𑀆𑀭𑀸𑀫𑀺𑀓𑀁 𑀧𑀝𑀺𑀲𑁆𑀲𑀼𑀢𑁆𑀯𑀸 [𑀫𑀳𑀸𑀯. 𑁨𑁭𑁦], 𑀅𑀫𑀘𑁆𑀘𑁄 𑀭𑀜𑁆𑀜𑁄 𑀩𑀺𑀫𑁆𑀩𑀺𑀲𑀸𑀭𑀲𑁆𑀲 𑀧𑀝𑀺𑀲𑁆𑀲𑀼𑀢𑁆𑀯𑀸 [𑀫𑀳𑀸𑀯. 𑁨𑁭𑁦], 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸𑀢𑀺 𑀅𑀢𑁆𑀣𑁄, 𑀪𑀺𑀓𑁆𑀔𑀼 𑀚𑀦𑀁 𑀥𑀫𑁆𑀫𑀁 𑀲𑀸𑀯𑁂𑀢𑀺 ¶ , 𑀚𑀦𑁄 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀅𑀦𑀼𑀕𑀺𑀡𑀸𑀢𑀺 𑀧𑀝𑀺𑀕𑀺𑀡𑀸𑀢𑀺, 𑀲𑀸𑀥𑀼𑀓𑀸𑀭𑀁 𑀤𑁂𑀢𑀻𑀢𑀺 𑀅𑀢𑁆𑀣𑁄.

𑀆𑀭𑁄𑀘𑀦𑀢𑁆𑀣𑀬𑁄𑀕𑁂 𑁋

𑀆𑀭𑁄𑀘𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂 [𑀫. 𑀦𑀺. 𑁧.𑁪𑁧𑁬], 𑀧𑀝𑀺𑀯𑁂𑀤𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂 [𑀫. 𑀦𑀺. 𑁧.𑁪𑁧𑁬], 𑀆𑀫𑀦𑁆𑀢𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂 [𑀤𑀻. 𑀦𑀺. 𑁨.𑁨𑁧𑁮 (𑀯𑀺𑀲𑀤𑀺𑀲𑀁)], 𑀥𑀫𑁆𑀫𑀁 𑀯𑁄 𑀤𑁂𑀲𑁂𑀲𑁆𑀲𑀸𑀫𑀺 [𑀫. 𑀦𑀺. 𑁩.𑁧𑁦𑁫], 𑀪𑀺𑀓𑁆𑀔𑀽𑀦𑀁 𑀥𑀫𑁆𑀫𑀁 𑀤𑁂𑀲𑁂𑀢𑀺, 𑀬𑀣𑀸 𑀦𑁄 𑀪𑀕𑀯𑀸 𑀩𑁆𑀬𑀸𑀓𑀭𑁂𑀬𑁆𑀬, 𑀦𑀺𑀭𑀼𑀢𑁆𑀢𑀺𑀁 𑀢𑁂 𑀧𑀯𑀓𑁆𑀔𑀸𑀫𑀺, 𑀅𑀳𑀁 𑀢𑁂 𑀆𑀘𑀺𑀓𑁆𑀔𑀺𑀲𑁆𑀲𑀸𑀫𑀺, 𑀅𑀳𑀁 𑀢𑁂 𑀓𑀺𑀢𑁆𑀢𑀬𑀺𑀲𑁆𑀲𑀸𑀫𑀺, 𑀪𑀺𑀓𑁆𑀔𑀽𑀦𑀁 𑀏𑀢𑀤𑀯𑁄𑀘.

𑁩𑁧𑁦. 𑀢𑀤𑀢𑁆𑀣𑁂 [𑀓. 𑁨𑁭𑁭; 𑀭𑀽. 𑁩𑁦𑁩; 𑀦𑀻. 𑁫𑁫𑁪].

𑀢𑀲𑁆𑀲𑀸 𑀢𑀲𑁆𑀲𑀸 𑀓𑁆𑀭𑀺𑀬𑀸𑀬 𑀅𑀢𑁆𑀣𑁄𑀢𑀺 𑀢𑀤𑀢𑁆𑀣𑁄, 𑀢𑀤𑀢𑁆𑀣𑁂 𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻 𑀳𑁄𑀢𑀺.

𑁩𑁧𑁧. 𑀲𑀲𑁆𑀲𑀸𑀬 𑀘𑀢𑀼𑀢𑁆𑀣𑀺𑀬𑀸 [𑀓. 𑁧𑁦𑁯; 𑀭𑀽. 𑁩𑁦𑁪; 𑀦𑀻. 𑁨𑁭𑁯-𑁮𑁦].

𑀅𑀓𑀸𑀭𑀦𑁆𑀢𑀢𑁄 𑀘𑀢𑀼𑀢𑁆𑀣𑀻𑀪𑀽𑀢𑀲𑁆𑀲 𑀲𑀲𑁆𑀲 𑀆𑀬𑁄 𑀳𑁄𑀢𑀺 𑀯𑀸.

𑀯𑀺𑀦𑀬𑁄 𑀲𑀁𑀯𑀭𑀢𑁆𑀣𑀸𑀬, 𑀲𑀁𑀯𑀭𑁄 𑀅𑀯𑀺𑀧𑁆𑀧𑀝𑀺𑀲𑀸𑀭𑀢𑁆𑀣𑀸𑀬, 𑀅𑀯𑀺𑀧𑁆𑀧𑀝𑀺𑀲𑀸𑀭𑁄 𑀧𑀸𑀫𑀼𑀚𑁆𑀚𑀢𑁆𑀣𑀸𑀬, 𑀧𑀸𑀫𑀼𑀚𑁆𑀚𑀁 𑀧𑀻𑀢𑀢𑁆𑀣𑀸𑀬, 𑀧𑀻𑀢𑀺 𑀧𑀲𑁆𑀲𑀤𑁆𑀥𑀢𑁆𑀣𑀸𑀬, 𑀧𑀲𑁆𑀲𑀤𑁆𑀥𑀺 𑀲𑀼𑀔𑀢𑁆𑀣𑀸𑀬, 𑀲𑀼𑀔𑀁 𑀲𑀫𑀸𑀥𑀢𑁆𑀣𑀸𑀬, 𑀲𑀫𑀸𑀥𑀺 𑀬𑀣𑀸𑀪𑀽𑀢𑀜𑀸𑀡𑀤𑀲𑁆𑀲𑀦𑀢𑁆𑀣𑀸𑀬, 𑀬𑀣𑀸𑀪𑀽𑀢𑀜𑀸𑀡𑀤𑀲𑁆𑀲𑀦𑀁 𑀦𑀺𑀩𑁆𑀩𑀺𑀤𑀢𑁆𑀣𑀸𑀬, 𑀦𑀺𑀩𑁆𑀩𑀺𑀤𑀸 𑀯𑀺𑀭𑀸𑀕𑀢𑁆𑀣𑀸𑀬, 𑀯𑀺𑀭𑀸𑀕𑁄 𑀯𑀺𑀫𑀼𑀢𑁆𑀢𑀢𑁆𑀣𑀸𑀬, 𑀯𑀺𑀫𑀼𑀢𑁆𑀢𑀺 𑀯𑀺𑀫𑀼𑀢𑁆𑀢𑀺𑀜𑀸𑀡𑀤𑀲𑁆𑀲𑀦𑀢𑁆𑀣𑀸𑀬, 𑀯𑀺𑀫𑀼𑀢𑁆𑀢𑀺𑀜𑀸𑀡𑀤𑀲𑁆𑀲𑀦𑀁 𑀅𑀦𑀼𑀧𑀸𑀤𑀸𑀧𑀭𑀺𑀦𑀺𑀩𑁆𑀩𑀸𑀦𑀢𑁆𑀣𑀸𑀬 [𑀧𑀭𑀺. 𑁩𑁬𑁬], 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 [𑀫. 𑀦𑀺. 𑁧.𑁫𑁦], 𑀅𑀮𑀁 𑀓𑀼𑀓𑁆𑀓𑀼𑀘𑁆𑀘𑀸𑀬 [𑀧𑀸𑀭𑀸. 𑁩𑁮], 𑀅𑀮𑀁 𑀲𑀫𑁆𑀫𑁄𑀳𑀸𑀬, 𑀧𑀸𑀓𑀸𑀬 𑀯𑀚𑀢𑀺, 𑀬𑀼𑀤𑁆𑀥𑀸𑀬 𑀕𑀘𑁆𑀙𑀢𑀺, 𑀕𑀸𑀫𑀁 𑀧𑀺𑀡𑁆𑀟𑀸𑀬 𑀧𑀸𑀯𑀺𑀲𑀺𑀁 [𑀧𑀸𑀘𑀺. 𑁯𑁦𑁨].

𑀢𑀼𑀫𑀢𑁆𑀣𑁄𑀧𑀺 ¶ 𑀢𑀤𑀢𑁆𑀣𑁂 𑀲𑀗𑁆𑀕𑀬𑁆𑀳𑀢𑀺, 𑀅𑀮𑀁 𑀫𑀺𑀢𑁆𑀢𑁂 𑀲𑀼𑀔𑀸𑀧𑁂𑀢𑀼𑀁, 𑀅𑀫𑀺𑀢𑁆𑀢𑀸𑀦𑀁 𑀤𑀼𑀔𑀸𑀬 𑀘 [𑀚𑀸. 𑁨.𑁧𑁭.𑁧𑁩]. 𑀮𑁄𑀓𑀸𑀦𑀼𑀓𑀫𑁆𑀧𑀸𑀬 𑀩𑀼𑀤𑁆𑀥𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀢𑀺, 𑀅𑀮𑀁 𑀨𑀸𑀲𑀼𑀯𑀺𑀳𑀸𑀭𑀸𑀬, 𑀅𑀪𑀺𑀜𑁆𑀜𑀸𑀬 𑀲𑀫𑁆𑀩𑁄𑀥𑀸𑀬 𑀦𑀺𑀩𑁆𑀩𑀸𑀦𑀸𑀬 𑀲𑀁𑀯𑀢𑁆𑀢𑀢𑀺 [𑀫𑀳𑀸𑀯. 𑁧𑁩].

𑀅𑀮𑀫𑀢𑁆𑀣𑀬𑁄𑀕𑁂 𑁋

𑀅𑀮𑀁 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀅𑀭𑀳𑀢𑀺 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀅𑀮𑀁 𑀢𑁂 𑀇𑀥 𑀯𑀸𑀲𑁂𑀦 [𑀧𑀸𑀭𑀸. 𑁪𑁩𑁬], 𑀅𑀮𑀁 𑀢𑁂 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑁂𑀦, 𑀓𑀺𑀁 𑀫𑁂 𑀏𑀓𑁂𑀦 𑀢𑀺𑀡𑁆𑀡𑁂𑀦 [𑀩𑀼. 𑀯𑀁. 𑁨.𑁫𑁬], 𑀓𑀺𑀁 𑀢𑁂 𑀚𑀝𑀸𑀳𑀺 𑀤𑀼𑀫𑁆𑀫𑁂𑀥, 𑀓𑀺𑀁 𑀢𑁂 𑀅𑀚𑀺𑀦𑀲𑀸𑀝𑀺𑀬𑀸 [𑀥. 𑀧. 𑁩𑁯𑁪].

𑀫𑀜𑁆𑀜𑀦𑀸𑀧𑀬𑁄𑀕𑁂 𑀅𑀦𑀸𑀤𑀭𑁂 𑀅𑀧𑀸𑀡𑀺𑀲𑁆𑀫𑀺𑀫𑁂𑀯 𑀘𑀢𑀼𑀢𑁆𑀣𑀻, 𑀓𑀝𑁆𑀞𑀲𑁆𑀲 𑀢𑀼𑀯𑀁 𑀫𑀜𑁆𑀜𑁂, 𑀓𑀮𑀺𑀗𑁆𑀕𑀭𑀲𑁆𑀲 [𑀓𑀴𑀺𑀗𑁆𑀕𑀭𑀲𑁆𑀲, 𑀓𑀴𑀗𑁆𑀕𑀭𑀲𑁆𑀲 (𑀓.)] 𑀢𑀼𑀯𑀁 𑀫𑀜𑁆𑀜𑁂, 𑀚𑀻𑀯𑀺𑀢𑀁 𑀢𑀺𑀡𑀸𑀬𑀧𑀺 𑀦 𑀫𑀜𑁆𑀜𑀢𑀺.

𑀅𑀦𑀸𑀤𑀭𑁂𑀢𑀺 𑀓𑀺𑀁? 𑀲𑀼𑀯𑀡𑁆𑀡𑀁 𑀢𑀁 𑀫𑀜𑁆𑀜𑁂.

𑀅𑀧𑀸𑀡𑀺𑀲𑁆𑀫𑀺𑀦𑁆𑀢𑀺 𑀓𑀺𑀁? 𑀕𑀤𑁆𑀭𑀪𑀁 𑀢𑀼𑀯𑀁 𑀫𑀜𑁆𑀜𑁂.

𑀕𑀢𑁆𑀬𑀢𑁆𑀣𑀸𑀦𑀁 𑀦𑀬𑀦𑀢𑁆𑀣𑀸𑀦𑀜𑁆𑀘 𑀥𑀸𑀢𑀽𑀦𑀁 𑀓𑀫𑁆𑀫𑀦𑀺 𑀘𑀢𑀼𑀢𑁆𑀣𑀻, 𑀅𑀧𑁆𑀧𑁄 𑀲𑀕𑁆𑀕𑀸𑀬 𑀕𑀘𑁆𑀙𑀢𑀺 [𑀥. 𑀧. 𑁧𑁭𑁪], 𑀬𑁄 𑀫𑀁 𑀤𑀓𑀸𑀬 𑀦𑁂𑀢𑀺 [𑀚𑀸. 𑁧.𑁬.𑁯𑁭], 𑀦𑀺𑀭𑀬𑀸𑀬𑀼𑀧𑀓𑀟𑁆𑀠𑀢𑀺 [𑀥. 𑀧. 𑁩𑁧𑁧], 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑁂𑀬𑁆𑀬 [𑀘𑀽𑀴𑀯. 𑁧𑁧𑁧].

𑀆𑀲𑀻𑀲𑀦𑀓𑁆𑀭𑀺𑀬𑀸𑀬𑁄𑀕𑁂 𑁋

𑀆𑀬𑀼 𑀪𑀯𑀢𑁄 𑀳𑁄𑀢𑀼, 𑀪𑀤𑁆𑀤𑀁 𑀢𑁂 𑀳𑁄𑀢𑀼, 𑀪𑀤𑁆𑀤𑀫𑀢𑁆𑀣𑀼 𑀢𑁂 [𑀚𑀸. 𑁧.𑁮.𑁧𑁫; 𑀚𑀸. 𑁨.𑁧𑁭.𑁧], 𑀓𑀼𑀲𑀮𑀁 𑀢𑁂 𑀳𑁄𑀢𑀼, 𑀅𑀦𑀸𑀫𑀬𑀁 𑀢𑁂 𑀳𑁄𑀢𑀼, 𑀲𑀼𑀔𑀁 𑀢𑁂 𑀳𑁄𑀢𑀼, 𑀅𑀢𑁆𑀣𑀁 𑀢𑁂 𑀳𑁄𑀢𑀼, 𑀳𑀺𑀢𑀁 𑀢𑁂 𑀳𑁄𑀢𑀼, 𑀓𑀮𑁆𑀬𑀸𑀡𑀁 𑀢𑁂 𑀳𑁄𑀢𑀼, 𑀲𑁆𑀯𑀸𑀕𑀢𑀁 𑀢𑁂 𑀳𑁄𑀢𑀼, 𑀲𑁄𑀢𑁆𑀣𑀺 𑀢𑁂 𑀳𑁄𑀢𑀼 𑀲𑁄𑀢𑁆𑀣𑀺 𑀕𑀩𑁆𑀪𑀲𑁆𑀲 [𑀫. 𑀦𑀺. 𑁨.𑁩𑁫𑁧], 𑀫𑀗𑁆𑀕𑀮𑀁 𑀢𑁂 𑀳𑁄𑀢𑀼.

𑀲𑀫𑁆𑀫𑀼𑀢𑀺𑀬𑁄𑀕𑁂 ¶ 𑀓𑀫𑁆𑀫𑀢𑁆𑀣𑁂 [𑀙𑀝𑁆𑀞𑀻], 𑀇𑀢𑁆𑀣𑀦𑁆𑀦𑀸𑀫𑀲𑁆𑀲 𑀪𑀺𑀓𑁆𑀔𑀼𑀦𑁄 𑀭𑀽𑀧𑀺𑀬𑀙𑀟𑁆𑀟𑀓𑀲𑁆𑀲 𑀲𑀫𑁆𑀫𑀼𑀢𑀺 [𑀧𑀸𑀭𑀸. 𑁫𑁯𑁦], 𑀧𑀢𑁆𑀢𑀕𑀸𑀳𑀸𑀧𑀓𑀲𑁆𑀲 𑀲𑀫𑁆𑀫𑀼𑀢𑀺𑀇𑀘𑁆𑀘𑀸𑀤𑀺 [𑀧𑀸𑀭𑀸. 𑁬𑁧𑁪].

𑀆𑀯𑀺𑀓𑀭𑀡𑀸𑀤𑀺𑀬𑁄𑀕𑁂 𑁋

𑀢𑀼𑀬𑁆𑀳𑀜𑁆𑀘𑀲𑁆𑀲 𑀆𑀯𑀺 𑀓𑀭𑁄𑀫𑀺, 𑀢𑀲𑁆𑀲 𑀫𑁂 𑀲𑀓𑁆𑀓𑁄 𑀧𑀸𑀢𑀼𑀭𑀳𑁄𑀲𑀺, 𑀢𑀲𑁆𑀲 𑀧𑀳𑀺𑀡𑁂𑀬𑁆𑀬, 𑀪𑀺𑀓𑁆𑀔𑀽𑀦𑀁 𑀤𑀽𑀢𑀁 𑀧𑀸𑀳𑁂𑀲𑀺, 𑀓𑀧𑁆𑀧𑀢𑀺 𑀪𑀺𑀓𑁆𑀔𑀽𑀦𑀁 𑀆𑀬𑁄𑀕𑁄, 𑀯𑀝𑁆𑀝𑀢𑀺 𑀪𑀺𑀓𑁆𑀔𑀽𑀦𑀁 𑀆𑀬𑁄𑀕𑁄, 𑀧𑀢𑁆𑀣𑁄𑀤𑀦𑁄 𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀦𑀧𑁆𑀧𑀳𑁄𑀢𑀺, 𑀏𑀓𑀲𑁆𑀲 𑀧𑀳𑁄𑀢𑀺, 𑀏𑀓𑀲𑁆𑀲 𑀧𑀭𑀺𑀬𑀢𑁆𑀢𑁄, 𑀉𑀧𑀫𑀁 𑀢𑁂 𑀓𑀭𑀺𑀲𑁆𑀲𑀸𑀫𑀺 [𑀫. 𑀦𑀺. 𑁧.𑁨𑁫𑁮; 𑀚𑀸. 𑁨.𑁧𑁯.𑁨𑁪], 𑀅𑀜𑁆𑀚𑀮𑀺𑀁 𑀢𑁂 𑀧𑀕𑁆𑀕𑀡𑁆𑀳𑀸𑀫𑀺 [𑀚𑀸. 𑁨.𑁨𑁨.𑁩𑁨𑁭], 𑀢𑀣𑀸𑀕𑀢𑀲𑁆𑀲 𑀨𑀸𑀲𑀼 𑀳𑁄𑀢𑀺, 𑀆𑀯𑀺𑀓𑀢𑀸 𑀳𑀺𑀲𑁆𑀲 𑀨𑀸𑀲𑀼 [𑀫𑀳𑀸𑀯. 𑁧𑁩𑁪], 𑀮𑁄𑀓𑀲𑁆𑀲 𑀅𑀢𑁆𑀣𑁄, 𑀮𑁄𑀓𑀲𑁆𑀲 𑀳𑀺𑀢𑀁, 𑀫𑀡𑀺𑀦𑀸 𑀫𑁂 𑀅𑀢𑁆𑀣𑁄 [𑀧𑀸𑀭𑀸. 𑁩𑁪𑁪], 𑀦 𑀫𑀫𑀢𑁆𑀣𑁄 𑀩𑀼𑀤𑁆𑀥𑁂𑀦 [𑀧𑀸𑀭𑀸. 𑁫𑁨], 𑀦𑀫𑀢𑁆𑀣𑀼 𑀩𑀼𑀤𑁆𑀥𑀸𑀦𑀁 𑀦𑀫𑀢𑁆𑀣𑀼 𑀩𑁄𑀥𑀺𑀬𑀸 [𑀚𑀸. 𑁧.𑁨.𑁧𑁭], 𑀯𑀺𑀧𑀲𑁆𑀲𑀺𑀲𑁆𑀲 𑀘 𑀦𑀫𑀢𑁆𑀣𑀼 [𑀤𑀻. 𑀦𑀺. 𑁩.𑁨𑁭𑁭], 𑀦𑀫𑁄 𑀓𑀭𑁄𑀳𑀺 𑀦𑀸𑀕𑀲𑁆𑀲 [𑀫. 𑀦𑀺. 𑁧.𑁨𑁪𑁯], 𑀦𑀫𑁄 𑀢𑁂 𑀧𑀼𑀭𑀺𑀲𑀸𑀚𑀜𑁆𑀜, 𑀦𑀫𑁄 𑀢𑁂 𑀧𑀼𑀭𑀺𑀲𑀼𑀢𑁆𑀢𑀫 [𑀅𑀧. 𑀣𑁂𑀭 𑁧.𑁨.𑁧𑁨𑁯]. 𑀲𑁄𑀢𑁆𑀣𑀺 𑀧𑀚𑀸𑀦𑀁 [𑀤𑀻. 𑀦𑀺. 𑁧.𑁨𑁭𑁪], 𑀲𑀼𑀯𑀢𑁆𑀣𑀺 𑀧𑀚𑀸𑀦𑀁 𑀇𑀘𑁆𑀘𑀸𑀤𑀺.

𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀧𑀜𑁆𑀘𑀫𑀻?

𑁩𑁧𑁨. 𑀧𑀜𑁆𑀘𑀫𑁆𑀬𑀸𑀯𑀥𑀺𑀲𑁆𑀫𑀺𑀁 [𑀓. 𑁨𑁯𑁫; 𑀭𑀽. 𑁩𑁦𑁭; 𑀦𑀻. 𑁬𑁦𑁭; 𑀘𑀁. 𑁨.𑁧.𑁮𑁧; 𑀧𑀸. 𑁨.𑁩.𑁨𑁮; 𑁧.𑁪.𑁨𑁪].

𑀅𑀯𑀥𑀺𑀬𑀢𑀺 𑀯𑀯𑀢𑁆𑀣𑀺𑀬𑀢𑀺 𑀧𑀤𑀢𑁆𑀣𑁄 𑀏𑀢𑀲𑁆𑀫𑀸𑀢𑀺 𑀅𑀯𑀥𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻 𑀳𑁄𑀢𑀺, 𑀅𑀯𑀥𑀻𑀢𑀺 𑀘 𑀅𑀧𑀸𑀤𑀸𑀦𑀁 𑀯𑀼𑀘𑁆𑀘𑀢𑀺.

𑀅𑀧𑀦𑁂𑀢𑁆𑀯𑀸 𑀇𑀢𑁄 𑀅𑀜𑁆𑀜𑀁 𑀆𑀤𑀤𑀸𑀢𑀺 𑀕𑀡𑁆𑀳𑀸𑀢𑀻𑀢𑀺 𑀅𑀧𑀸𑀤𑀸𑀦𑀁. 𑀢𑀁 𑀢𑀺𑀯𑀺𑀥𑀁 𑀦𑀺𑀤𑁆𑀤𑀺𑀝𑁆𑀞𑀯𑀺𑀲𑀬𑀁, 𑀉𑀧𑁆𑀧𑀸𑀝𑀯𑀺𑀲𑀬𑀁, 𑀅𑀦𑀼𑀫𑁂𑀬𑁆𑀬𑀯𑀺𑀲𑀬𑀦𑁆𑀢𑀺.

𑀢𑀢𑁆𑀣 ¶ 𑀬𑀲𑁆𑀫𑀺𑀁 𑀅𑀧𑀸𑀤𑀸𑀦𑀯𑀺𑀲𑀬𑀪𑀽𑀢𑁄 𑀓𑁆𑀭𑀺𑀬𑀸𑀯𑀺𑀲𑁂𑀲𑁄 𑀲𑀭𑀽𑀧𑀢𑁄 𑀦𑀺𑀤𑁆𑀤𑀺𑀝𑁆𑀞𑁄 𑀳𑁄𑀢𑀺, 𑀢𑀁 𑀦𑀺𑀤𑁆𑀤𑀺𑀝𑁆𑀞𑀯𑀺𑀲𑀬𑀁. 𑀬𑀣𑀸? 𑀕𑀸𑀫𑀸 𑀅𑀧𑁂𑀦𑁆𑀢𑀺 𑀫𑀼𑀦𑀬𑁄, 𑀦𑀕𑀭𑀸 𑀦𑀺𑀕𑁆𑀕𑀢𑁄 𑀭𑀸𑀚𑀸.

𑀬𑀲𑁆𑀫𑀺𑀁 𑀧𑀦 𑀲𑁄 𑀧𑀸𑀞𑀲𑁂𑀲𑀁 𑀓𑀢𑁆𑀯𑀸 𑀅𑀚𑁆𑀛𑀸𑀳𑀭𑀺𑀢𑀩𑁆𑀩𑁄 𑀳𑁄𑀢𑀺, 𑀢𑀁 𑀉𑀧𑁆𑀧𑀸𑀝𑀯𑀺𑀲𑀬𑀁. 𑀬𑀣𑀸? 𑀯𑀮𑀸𑀳𑀓𑀸 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀅𑀕𑀸𑀭𑀲𑁆𑀫𑀸 𑀅𑀦𑀕𑀸𑀭𑀺𑀬𑀁 𑀧𑀩𑁆𑀩𑀚𑀺𑀢𑁄𑀢𑀺 [𑀫𑀳𑀸𑀯. 𑁩𑁦]. 𑀏𑀢𑁆𑀣 𑀳𑀺 ‘𑀦𑀺𑀓𑁆𑀔𑀫𑀺𑀢𑁆𑀯𑀸’𑀢𑀺 𑀧𑀤𑀁 𑀅𑀚𑁆𑀛𑀸𑀳𑀭𑀺𑀢𑀩𑁆𑀩𑀁.

𑀬𑀲𑁆𑀫𑀺𑀁 𑀧𑀦 𑀲𑁄 𑀦𑀺𑀤𑁆𑀤𑀺𑀝𑁆𑀞𑁄 𑀘 𑀦 𑀳𑁄𑀢𑀺, 𑀅𑀚𑁆𑀛𑀸𑀳𑀭𑀺𑀢𑀼𑀜𑁆𑀘 𑀦 𑀲𑀓𑁆𑀓𑀸, 𑀅𑀣 𑀔𑁄 𑀅𑀢𑁆𑀣𑀢𑁄 𑀅𑀦𑀼𑀫𑀸𑀦𑀯𑀲𑁂𑀦 𑀲𑁄 𑀯𑀺𑀜𑁆𑀜𑁂𑀬𑁆𑀬𑁄 𑀳𑁄𑀢𑀺, 𑀢𑀁 𑀅𑀦𑀼𑀫𑁂𑀬𑁆𑀬𑀯𑀺𑀲𑀬𑀁. 𑀬𑀣𑀸? 𑀫𑀸𑀣𑀼𑀭𑀸 𑀧𑀸𑀝𑀮𑀺𑀧𑀼𑀢𑁆𑀢𑀓𑁂𑀳𑀺 𑀅𑀪𑀺𑀭𑀽𑀧𑀢𑀭𑀸, 𑀲𑀻𑀮𑀫𑁂𑀯 𑀲𑀼𑀢𑀸 𑀲𑁂𑀬𑁆𑀬𑁄 [𑀚𑀸. 𑁧.𑁫.𑁬𑁫], 𑀫𑀬𑀸 𑀪𑀺𑀬𑁆𑀬𑁄 𑀦 𑀯𑀺𑀚𑁆𑀚𑀢𑀺, 𑀅𑀕𑁆𑀕𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲, 𑀚𑁂𑀝𑁆𑀞𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲, 𑀲𑁂𑀝𑁆𑀞𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲 𑀇𑀘𑁆𑀘𑀸𑀤𑀺 [𑀫. 𑀦𑀺. 𑁩.𑁨𑁦𑁭]. 𑀓𑁆𑀭𑀺𑀬𑀁 𑀯𑀺𑀦𑀸 𑀓𑀸𑀭𑀓𑀁 𑀦𑀸𑀫 𑀦 𑀲𑀺𑀚𑁆𑀛𑀢𑀻𑀢𑀺𑀓𑀢𑁆𑀯𑀸 𑀉𑀓𑁆𑀓𑀁𑀲𑀦𑀓𑁆𑀭𑀺𑀬𑀸 𑀏𑀢𑁆𑀣 𑀅𑀦𑀼𑀫𑁂𑀢𑀩𑁆𑀩𑀸 𑀳𑁄𑀢𑀺. 𑀏𑀯𑀁 𑀓𑁆𑀭𑀺𑀬𑀸𑀧𑀤𑀭𑀳𑀺𑀢𑁂𑀲𑀼 𑀤𑀽𑀭𑀬𑁄𑀕𑀸𑀤𑀻𑀲𑀼𑀧𑀺 𑀅𑀯𑀺𑀦𑀸𑀪𑀸𑀯𑀺𑀓𑁆𑀭𑀺𑀬𑀸𑀦𑀼𑀫𑀸𑀦𑀁 𑀯𑁂𑀤𑀺𑀢𑀩𑁆𑀩𑀁.

𑀧𑀼𑀦 𑀘𑀮𑀸’𑀘𑀮𑀯𑀲𑁂𑀦 𑀤𑀼𑀯𑀺𑀥𑀁.

𑀘𑀮𑀁 𑀬𑀣𑀸? 𑀧𑀼𑀭𑀺𑀲𑁄 𑀥𑀸𑀯𑀢𑀸 𑀅𑀲𑁆𑀲𑀸 𑀧𑀢𑀢𑀺, 𑀤𑁆𑀯𑁂 𑀫𑁂𑀡𑁆𑀟𑀸 𑀬𑀼𑀚𑁆𑀛𑀺𑀢𑁆𑀯𑀸 𑀅𑀜𑁆𑀜𑀫𑀜𑁆𑀜𑀢𑁄 𑀅𑀧𑀲𑀓𑁆𑀓𑀦𑁆𑀢𑀺. 𑀏𑀢𑁆𑀣 𑀘 𑀬𑀤𑀺 𑀘𑀮𑀁 𑀲𑀺𑀬𑀸, 𑀓𑀣𑀁 𑀅𑀯𑀥𑀺 𑀦𑀸𑀫 𑀪𑀯𑁂𑀬𑁆𑀬. 𑀅𑀘𑁆𑀘𑀼𑀢𑀺𑀮𑀓𑁆𑀔𑀡𑁄 𑀳𑀺 𑀅𑀯𑀥𑀻𑀢𑀺? 𑀯𑀼𑀘𑁆𑀘𑀢𑁂-𑀤𑁆𑀯𑁂 𑀫𑁂𑀡𑁆𑀟𑀸 𑀲𑀓𑀲𑀓𑀓𑁆𑀭𑀺𑀬𑀸𑀬 𑀘𑀮𑀦𑁆𑀢𑀺, 𑀇𑀢𑀭𑀻𑀢𑀭𑀓𑁆𑀭𑀺𑀬𑀸𑀬 𑀅𑀯𑀥𑀻 𑀳𑁄𑀦𑁆𑀢𑀻𑀢𑀺 𑀦𑀢𑁆𑀣𑀺 𑀏𑀢𑁆𑀣 𑀅𑀯𑀥𑀺𑀮𑀓𑁆𑀔𑀡𑀯𑀺𑀭𑁄𑀥𑁄𑀢𑀺.

𑀅𑀘𑀮𑀁 𑀬𑀣𑀸? 𑀕𑀸𑀫𑀸 𑀅𑀧𑁂𑀦𑁆𑀢𑀺 𑀫𑀼𑀦𑀬𑁄, 𑀦𑀕𑀭𑀸 𑀦𑀺𑀕𑁆𑀕𑀢𑁄 𑀭𑀸𑀚𑀸.

𑀧𑀼𑀦 𑀓𑀸𑀬𑀲𑀁𑀲𑀕𑁆𑀕𑀧𑀼𑀩𑁆𑀩𑀓𑀁, 𑀘𑀺𑀢𑁆𑀢𑀲𑀁𑀲𑀕𑁆𑀕𑀧𑀼𑀩𑁆𑀩𑀓𑀦𑁆𑀢𑀺 𑀤𑀼𑀯𑀺𑀥𑀁 𑀳𑁄𑀢𑀺, 𑀕𑀸𑀫𑀸 𑀅𑀧𑁂𑀦𑁆𑀢𑀺 𑀫𑀼𑀦𑀬𑁄, 𑀘𑁄𑀭𑀸 𑀪𑀬𑀁 𑀚𑀸𑀬𑀢𑁂. 𑀏𑀢𑁆𑀣 𑀘 ‘‘𑀓𑀺𑀁𑀯 ¶ 𑀤𑀽𑀭𑁄 𑀇𑀢𑁄 𑀕𑀸𑀫𑁄, 𑀇𑀢𑁄 𑀲𑀸 𑀤𑀓𑁆𑀔𑀺𑀡𑀸 𑀤𑀺𑀲𑀸 [𑀤𑀻. 𑀦𑀺. 𑁩.𑁨𑁭𑁯]. 𑀇𑀢𑁄 𑀏𑀓𑀦𑀯𑀼𑀢𑀺𑀓𑀧𑁆𑀧𑁂’’𑀢𑀺 [𑀤𑀻. 𑀦𑀺. 𑁨.𑁪] 𑀆𑀤𑀻𑀲𑀼 𑀯𑀤𑀦𑁆𑀢𑀲𑁆𑀲 𑀘𑀺𑀢𑁆𑀢𑀲𑀁𑀲𑀕𑁆𑀕𑀧𑀼𑀩𑁆𑀩𑀓𑀫𑁆𑀧𑀺 𑀯𑁂𑀤𑀺𑀢𑀩𑁆𑀩𑀁. ‘‘𑀦 𑀫𑀸𑀢𑀸 𑀧𑀼𑀢𑁆𑀢𑀢𑁄 𑀪𑀸𑀬𑀢𑀺, 𑀦 𑀘 𑀧𑀼𑀢𑁆𑀢𑁄 𑀫𑀸𑀢𑀺𑀢𑁄 𑀪𑀸𑀬𑀢𑀺, 𑀪𑀬𑀸 𑀪𑀻𑀢𑁄 𑀦 𑀪𑀸𑀲𑀲𑀻’’𑀢𑀺 [𑀚𑀸. 𑁨.𑁨𑁧.𑁧𑁩𑁮] 𑀧𑀸𑀴𑀺. 𑀅𑀢𑁆𑀣𑀺 𑀢𑁂 𑀇𑀢𑁄 𑀪𑀬𑀁 [𑀫. 𑀦𑀺. 𑁨.𑁩𑁫𑁦], 𑀦𑀢𑁆𑀣𑀺 𑀢𑁂 𑀇𑀢𑁄 𑀪𑀬𑀁, 𑀬𑀢𑁄 𑀔𑁂𑀫𑀁 𑀢𑀢𑁄 𑀪𑀬𑀁 [𑀚𑀸. 𑁧.𑁯.𑁫𑁮], 𑀘𑁄𑀭𑀸 𑀪𑀸𑀬𑀢𑀺, 𑀘𑁄𑀭𑀸 𑀪𑀻𑀢𑁄. 𑀙𑀝𑁆𑀞𑀻 𑀘, 𑀘𑁄𑀭𑀲𑁆𑀲 𑀪𑀸𑀬𑀢𑀺, 𑀘𑁄𑀭𑀲𑁆𑀲 𑀪𑀻𑀢𑁄. 𑀤𑀼𑀢𑀺𑀬𑀸 𑀘, ‘‘𑀓𑀣𑀁 𑀧𑀭𑀮𑁄𑀓𑀁 𑀦 𑀪𑀸𑀬𑁂𑀬𑁆𑀬, 𑀏𑀯𑀁 𑀧𑀭𑀮𑁄𑀓𑀁 𑀦 𑀪𑀸𑀬𑁂𑀬𑁆𑀬, 𑀪𑀸𑀬𑀲𑀺 𑀫𑀁 𑀲𑀫𑀡 [𑀲𑀼. 𑀦𑀺. 𑀲𑀽𑀘𑀺𑀮𑁄𑀫𑀲𑀼𑀢𑁆𑀢], 𑀦𑀸𑀳𑀁 𑀢𑀁 𑀪𑀸𑀬𑀸𑀫𑀺 [𑀲𑀼. 𑀦𑀺. 𑀲𑀽𑀘𑀺𑀮𑁄𑀫𑀲𑀼𑀢𑁆𑀢], 𑀪𑀸𑀬𑀺𑀢𑀩𑁆𑀩𑀁 𑀦 𑀪𑀸𑀬𑀢𑀺, 𑀦𑀸𑀳𑀁 𑀪𑀸𑀬𑀸𑀫𑀺 𑀪𑁄𑀕𑀺𑀦𑀁 [𑀚𑀸. 𑁨.𑁨𑁨.𑁮𑁩𑁫], 𑀦 𑀫𑀁 𑀫𑀺𑀕𑀸 𑀉𑀢𑁆𑀢𑀲𑀦𑁆𑀢𑀻’’𑀢𑀺 [𑀚𑀸. 𑁨.𑁨𑁨.𑁩𑁦𑁭] 𑀧𑀸𑀴𑀺𑀧𑀤𑀸𑀦𑀺 𑀤𑀺𑀲𑁆𑀲𑀦𑁆𑀢𑀺. 𑀢𑀢𑁆𑀣 ‘‘𑀪𑁄𑀕𑀺𑀦’𑀦𑁆𑀢𑀺 𑀦𑀸𑀕𑀁, 𑀘𑁄𑀭𑀸 𑀢𑀲𑀢𑀺 𑀉𑀢𑁆𑀢𑀲𑀢𑀺 𑀘𑁄𑀭𑀲𑁆𑀲 𑀯𑀸, 𑀲𑀩𑁆𑀩𑁂 𑀢𑀲𑀦𑁆𑀢𑀺 𑀤𑀡𑁆𑀟𑀲𑁆𑀲 [𑀥. 𑀧. 𑁧𑁨𑁯], 𑀧𑀸𑀧𑀢𑁄 𑀑𑀢𑁆𑀢𑀧𑁆𑀧𑀢𑀺 𑀚𑀺𑀕𑀼𑀘𑁆𑀙𑀢𑀺 𑀳𑀭𑀸𑀬𑀢𑀺 𑀧𑀸𑀧𑁂𑀦 𑀯𑀸.

𑀬𑀢𑁄 𑀓𑀺𑀜𑁆𑀘𑀺 𑀲𑀺𑀧𑁆𑀧𑀁 𑀯𑀸 𑀯𑀺𑀚𑁆𑀚𑀁 𑀯𑀸 𑀥𑀫𑁆𑀫𑀁 𑀯𑀸 𑀕𑀡𑁆𑀳𑀸𑀢𑀺, 𑀢𑀲𑁆𑀫𑀺𑀁 𑀅𑀓𑁆𑀔𑀸𑀢𑀭𑀺 𑀧𑀜𑁆𑀘𑀫𑀻, 𑀉𑀧𑀚𑁆𑀛𑀸𑀬𑀸 𑀅𑀥𑀻𑀢𑁂, 𑀉𑀧𑀚𑁆𑀛𑀸𑀬𑀸 𑀲𑀺𑀧𑁆𑀧𑀁 𑀕𑀡𑁆𑀳𑀸𑀢𑀺, 𑀤𑁆𑀯𑀸𑀲𑀻𑀢𑀺 𑀩𑀼𑀤𑁆𑀥𑀢𑁄 𑀕𑀡𑁆𑀳𑀺𑀁, 𑀤𑁆𑀯𑁂 𑀲𑀳𑀲𑁆𑀲𑀸𑀦𑀺 𑀪𑀺𑀓𑁆𑀔𑀼𑀢𑁄. 𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺, 𑀬𑁂𑀫𑁂 𑀥𑀫𑁆𑀫𑀸 𑀧𑀯𑀢𑁆𑀢𑀺𑀦𑁄 [𑀣𑁂𑀭𑀕𑀸. 𑁧𑁦𑁨𑁭].

𑀬𑀢𑁄 𑀲𑀼𑀡𑀸𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻, 𑀙𑀝𑁆𑀞𑀻 𑀘, 𑀇𑀢𑁄 𑀲𑀼𑀢𑁆𑀯𑀸, 𑀇𑀫𑀲𑁆𑀲 𑀲𑀼𑀢𑁆𑀯𑀸 𑀯𑀸, 𑀬𑀫𑁆𑀳𑀸 𑀥𑀫𑁆𑀫𑀁 𑀯𑀺𑀚𑀸𑀦𑁂𑀬𑁆𑀬, 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀤𑁂𑀲𑀺𑀢𑀁 [𑀥. 𑀧. 𑁩𑁯𑁨].

𑀬𑀢𑁄 𑀮𑀪𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻, 𑀲𑀗𑁆𑀖𑀢𑁄 𑀮𑀪𑀢𑀺, 𑀕𑀡𑀢𑁄 𑀮𑀪𑀢𑀺.

𑀬𑀢𑁄 𑀧𑀭𑀸𑀚𑀬𑀢𑀺, 𑀬𑀢𑁄 𑀧𑀪𑀯𑀢𑀺, 𑀬𑀢𑁄 𑀚𑀸𑀬𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻, 𑀩𑀼𑀤𑁆𑀥𑀲𑁆𑀫𑀸 𑀧𑀭𑀸𑀚𑀬𑀦𑁆𑀢𑀺 𑀅𑀜𑁆𑀜𑀢𑀺𑀢𑁆𑀣𑀺𑀬𑀸, 𑀧𑀸𑀴𑀺𑀬𑀁 𑀧𑀦 𑀧𑀭𑀸𑀚𑀺𑀬𑁄𑀕𑁂 𑀅𑀧𑀸𑀤𑀸𑀦𑀁 𑀧𑀸𑀞𑀲𑁂𑀲𑀯𑀲𑁂𑀦 𑀮𑀩𑁆𑀪𑀢𑀺, 𑀢𑀲𑁆𑀫𑀺𑀁 𑀔𑁄 ¶ 𑀧𑀦 𑀲𑀗𑁆𑀕𑀸𑀫𑁂 𑀤𑁂𑀯𑀸 𑀚𑀺𑀦𑀺𑀁𑀲𑀼, 𑀅𑀲𑀼𑀭𑀸 𑀧𑀭𑀸𑀚𑀺𑀦𑀺𑀁𑀲𑀼. 𑀏𑀢𑁆𑀣 𑀤𑁂𑀯𑁂𑀳𑀺 𑀧𑀭𑀸𑀚𑀺𑀦𑀺𑀁𑀲𑀽𑀢𑀺 𑀧𑀸𑀞𑀲𑁂𑀲𑁄. ‘‘𑀫𑀬𑀁 𑀚𑀺𑀢𑀸𑀫𑁆𑀳𑀸 𑀅𑀫𑁆𑀩𑀓𑀸𑀬. 𑀳𑀺𑀫𑀯𑀦𑁆𑀢𑀸 𑀧𑀪𑀯𑀦𑁆𑀢𑀺 𑀧𑀜𑁆𑀘 𑀫𑀳𑀸𑀦𑀤𑀺𑀬𑁄 [𑀅. 𑀦𑀺. 𑀅𑀝𑁆𑀞. 𑁩.𑁮.𑁧𑁯], 𑀅𑀬𑀁 𑀪𑀸𑀕𑀻𑀭𑀣𑀻 𑀕𑀗𑁆𑀕𑀸, 𑀳𑀺𑀫𑀯𑀦𑁆𑀢𑀸 𑀧𑀪𑀸𑀯𑀺𑀢𑀸’’𑀢𑀺 𑀧𑀸𑀴𑀺 [𑀅𑀧. 𑀣𑁂𑀭 𑁧.𑁧.𑁨𑁫𑁫], 𑀘𑁄𑀭𑀸 𑀪𑀬𑀁 𑀚𑀸𑀬𑀢𑁂, 𑀓𑀸𑀫𑀢𑁄 𑀚𑀸𑀬𑀢𑁂 𑀪𑀬𑀁 [𑀥. 𑀧. 𑁨𑁧𑁫], 𑀚𑀸𑀢𑀁 𑀲𑀭𑀡𑀢𑁄 𑀪𑀬𑀁 [𑀚𑀸. 𑁧.𑁧.𑁩𑁬; 𑁧.𑁨.𑁧𑁩; 𑁧.𑁯.𑁫𑁬, 𑁫𑁭, 𑁫𑁯], 𑀬𑀁𑀓𑀺𑀜𑁆𑀘𑀺 𑀪𑀬𑀁 𑀯𑀸 𑀯𑁂𑀭𑀁 𑀯𑀸 𑀉𑀧𑀤𑁆𑀤𑀯𑁄 𑀯𑀸 𑀉𑀧𑀲𑀕𑁆𑀕𑁄 𑀯𑀸 𑀚𑀸𑀬𑀢𑀺, 𑀲𑀩𑁆𑀩𑀁 𑀢𑀁 𑀩𑀸𑀮𑀢𑁄 𑀚𑀸𑀬𑀢𑀺, 𑀦𑁄 𑀧𑀡𑁆𑀟𑀺𑀢𑀢𑁄, 𑀓𑀸𑀫𑀢𑁄 𑀚𑀸𑀬𑀢𑀻 𑀲𑁄𑀓𑁄 [𑀥. 𑀧. 𑁨𑁧𑁪], 𑀉𑀪𑀢𑁄 𑀲𑀼𑀚𑀸𑀢𑁄 𑀧𑀼𑀢𑁆𑀢𑁄 [𑀤𑀻. 𑀦𑀺. 𑁧.𑁩𑁧𑁧], 𑀉𑀭𑀲𑁆𑀫𑀸 𑀚𑀸𑀢𑁄, 𑀉𑀭𑁂 𑀚𑀸𑀢𑁄 𑀯𑀸, 𑀘𑀻𑀯𑀭𑀁 𑀉𑀧𑁆𑀧𑀚𑁆𑀚𑁂𑀬𑁆𑀬 𑀲𑀗𑁆𑀖𑀢𑁄 𑀯𑀸 𑀕𑀡𑀢𑁄 𑀯𑀸 𑀜𑀸𑀢𑀺𑀫𑀺𑀢𑁆𑀢𑀢𑁄 𑀯𑀸 [𑀧𑀸𑀭𑀸. 𑁫𑁦𑁦 (𑀣𑁄𑀓𑀁 𑀯𑀺𑀲𑀤𑀺𑀲𑀁)].

𑀅𑀜𑁆𑀜𑀢𑁆𑀣𑀸𑀦𑀁 𑀬𑁄𑀕𑁂 𑀧𑀜𑁆𑀘𑀫𑀻, 𑀢𑀢𑁄 𑀅𑀜𑁆𑀜𑀁, 𑀢𑀢𑁄 𑀧𑀭𑀁 [𑀫𑀳𑀸𑀯. 𑁩𑁪𑁬], 𑀢𑀢𑁄 𑀅𑀧𑀭𑁂𑀦 𑀲𑀫𑀬𑁂𑀦 [𑀧𑀸𑀭𑀸. 𑁧𑁯𑁫].

𑀉𑀧𑀲𑀕𑁆𑀕𑀸𑀦𑀁 𑀬𑁄𑀕𑁂 𑀧𑀦 𑁋

𑁩𑁧𑁩. 𑀅𑀧𑀧𑀭𑀻𑀳𑀺 𑀯𑀚𑁆𑀚𑀦𑁂 [𑀓. 𑁨𑁭𑁨; 𑀭𑀽. 𑁩𑁦𑁯; 𑀦𑀻. 𑁫𑁫𑁮, 𑁫𑁬𑁮; 𑀘𑀁. 𑁨.𑁧.𑁮𑁨; 𑀧𑀸. 𑁧.𑁪.𑁮𑁮; 𑁨.𑁩.𑁧𑁦].

𑀯𑀚𑁆𑀚𑀦𑁂 𑀧𑀯𑀢𑁆𑀢𑁂𑀳𑀺 𑀅𑀧, 𑀧𑀭𑀻𑀳𑀺 𑀬𑁄𑀕𑁂 𑀧𑀜𑁆𑀘𑀫𑀻 𑀳𑁄𑀢𑀺.

𑀅𑀧𑀧𑀩𑁆𑀩𑀢𑀸 𑀯𑀲𑁆𑀲𑀢𑀺 𑀤𑁂𑀯𑁄, 𑀧𑀭𑀺𑀧𑀩𑁆𑀩𑀢𑀸 𑀯𑀲𑁆𑀲𑀢𑀺 𑀤𑁂𑀯𑁄, 𑀅𑀧𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀧𑀭𑀺𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀧𑀩𑁆𑀩𑀢𑀁 𑀲𑀸𑀮𑀁 𑀯𑀚𑁆𑀚𑁂𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀓𑀘𑁆𑀘𑀸𑀬𑀦𑁂 𑀧𑀦 ‘‘𑀉𑀧𑀭𑀺𑀧𑀩𑁆𑀩𑀢𑀸 𑀤𑁂𑀯𑁄 𑀯𑀲𑁆𑀲𑀢𑀻’’𑀢𑀺 𑀧𑀸𑀞𑁄 [𑀧𑁄𑀭𑀸𑀡𑀧𑀸𑀞𑁄], 𑀧𑀭𑀺𑀧𑀩𑁆𑀩𑀢𑀸𑀢𑀺 𑀬𑀼𑀢𑁆𑀢𑁄. 𑀉𑀧𑀭𑀺𑀬𑁄𑀕𑁂 𑀧𑀦 𑀲𑀢𑁆𑀢𑀫𑀻𑀬𑁂𑀯 𑀤𑀺𑀲𑁆𑀲𑀢𑀺 𑁋 ‘‘𑀢𑀲𑁆𑀫𑀺𑀁 𑀉𑀧𑀭𑀺𑀧𑀩𑁆𑀩𑀢𑁂 [𑀫. 𑀦𑀺. 𑁩.𑁨𑁧𑁬; 𑀚𑀸. 𑁧.𑁮.𑁧𑁬], 𑀉𑀧𑀭𑀺𑀧𑀸𑀲𑀸𑀤𑁂 [𑀤𑀻. 𑀦𑀺. 𑁨.𑁪𑁦𑁮], 𑀉𑀧𑀭𑀺𑀯𑁂𑀳𑀸𑀲𑁂, 𑀉𑀧𑀭𑀺𑀯𑁂𑀳𑀸𑀲𑀓𑀼𑀝𑀺𑀬𑀸’’𑀢𑀺, [𑀧𑀸𑀘𑀺. 𑁧𑁩𑁦] 𑀢𑀢𑁆𑀣 𑀧𑀩𑁆𑀩𑀢𑀲𑁆𑀲 𑀉𑀧𑀭𑀺 𑀉𑀧𑀭𑀺𑀧𑀩𑁆𑀩𑀢𑀦𑁆𑀢𑀺 𑀅𑀢𑁆𑀣𑁄.

𑁩𑁧𑁪. 𑀧𑀝𑀺𑀦𑀺𑀥𑀺𑀧𑀝𑀺𑀤𑀸𑀦𑁂𑀲𑀼 𑀧𑀢𑀺𑀦𑀸 [𑀓. 𑁨𑁭𑁨; 𑀭𑀽. 𑁩𑁦𑁯; 𑀦𑀻. 𑁫𑁫𑁮, 𑁫𑁬𑁮; 𑀘𑀁. 𑁨.𑁧.𑁮𑁩; 𑀧𑀸. 𑁨.𑁩.𑁧𑁧; 𑁧.𑁪.𑁯.𑁨].

𑀧𑀝𑀺𑀦𑀺𑀥𑀺 ¶ 𑀦𑀸𑀫 𑀧𑀝𑀺𑀩𑀺𑀫𑁆𑀩𑀝𑁆𑀞𑀧𑀦𑀁, 𑀧𑀝𑀺𑀤𑀸𑀦𑀁 𑀦𑀸𑀫 𑀧𑀝𑀺𑀪𑀡𑁆𑀟𑀤𑀸𑀦𑀁 𑀢𑁂𑀲𑀼 𑀧𑀯𑀢𑁆𑀢𑁂𑀦 𑀧𑀢𑀺𑀦𑀸 𑀬𑁄𑀕𑁂 𑀧𑀜𑁆𑀘𑀫𑀻 𑀳𑁄𑀢𑀺.

𑀩𑀼𑀤𑁆𑀥𑀲𑁆𑀫𑀸 𑀧𑀢𑀺 𑀲𑀸𑀭𑀺𑀧𑀼𑀢𑁆𑀢𑁄 𑀥𑀫𑁆𑀫𑀁 𑀤𑁂𑀲𑁂𑀢𑀺, 𑀢𑁂𑀮𑀲𑁆𑀫𑀸 𑀧𑀢𑀺 𑀖𑀢𑀁 𑀤𑁂𑀢𑀺.

𑁩𑁧𑁫. 𑀭𑀺𑀢𑁂 𑀤𑀼𑀢𑀺𑀬𑀸 𑀘 [𑀓. 𑁨𑁭𑁨; 𑀭𑀽. 𑁩𑁦𑁯; 𑀦𑀻. 𑁫𑁫𑁮, 𑁫𑁬𑁮; 𑀘𑀁. 𑁨.𑁧.𑁮𑁪; 𑀧𑀸. 𑁨.𑁩.𑁨𑁯].

𑀭𑀺𑀢𑁂𑀲𑀤𑁆𑀤𑁂𑀦 𑀬𑁄𑀕𑁂 𑀧𑀜𑁆𑀘𑀫𑀻 𑀳𑁄𑀢𑀺 𑀤𑀼𑀢𑀺𑀬𑀸 𑀘.

𑀭𑀺𑀢𑁂 𑀲𑀤𑁆𑀥𑀫𑁆𑀫𑀸, 𑀭𑀺𑀢𑁂 𑀲𑀤𑁆𑀥𑀫𑁆𑀫𑀁.

𑁩𑁧𑁬. 𑀯𑀺𑀦𑀸𑀜𑁆𑀜𑀢𑁆𑀭𑁂𑀳𑀺 𑀢𑀢𑀺𑀬𑀸 𑀘 [𑀓. 𑁨𑁭𑁨; 𑀭𑀽. 𑁩𑁦𑁯; 𑀦𑀻. 𑁫𑁫𑁮, 𑁫𑁬𑁮; 𑀘𑀁. 𑁨.𑁧.𑁮𑁫; 𑀧𑀸. 𑁨.𑁩.𑁩𑁨; ‘𑀯𑀺𑀦𑀸𑀜𑁆𑀜𑀢𑁆𑀭 𑀢𑀢𑀺𑀬𑀸𑀘’ (𑀩𑀳𑀽𑀲𑀼)].

𑀯𑀚𑁆𑀚𑀦𑁂 𑀧𑀯𑀢𑁆𑀢𑁂𑀳𑀺 𑀯𑀺𑀦𑀸, 𑀅𑀜𑁆𑀜𑀢𑁆𑀭𑀲𑀤𑁆𑀤𑁂𑀳𑀺 𑀬𑁄𑀕𑁂 𑀧𑀜𑁆𑀘𑀫𑀻, 𑀤𑀼𑀢𑀺𑀬𑀸, 𑀢𑀢𑀺𑀬𑀸 𑀘 𑀳𑁄𑀦𑁆𑀢𑀺.

𑀯𑀺𑀦𑀸 𑀲𑀤𑁆𑀥𑀫𑁆𑀫𑀸, 𑀯𑀺𑀦𑀸 𑀲𑀤𑁆𑀥𑀫𑁆𑀫𑀁, 𑀯𑀺𑀦𑀸 𑀲𑀤𑁆𑀥𑀫𑁆𑀫𑁂𑀦, 𑀅𑀜𑁆𑀜𑀢𑁆𑀭 𑀲𑀤𑁆𑀥𑀫𑁆𑀫𑀸, 𑀅𑀜𑁆𑀜𑀢𑁆𑀭 𑀲𑀤𑁆𑀥𑀫𑁆𑀫𑀁, 𑀅𑀜𑁆𑀜𑀢𑁆𑀭 𑀲𑀤𑁆𑀥𑀫𑁆𑀫𑁂𑀦.

𑁩𑁧𑁭. 𑀧𑀼𑀣𑀼𑀦𑀸𑀦𑀸𑀳𑀺 𑀘 [𑀓. 𑁨𑁭𑁨; 𑀭𑀽. 𑁩𑁦𑁯; 𑀦𑀻. 𑁫𑁫𑁮, 𑁫𑁬𑁮; 𑀘𑀁. 𑁨.𑁧.𑁮𑁬; 𑀧𑀸. 𑁨.𑁩.𑁩𑁨; ‘𑀧𑀼𑀣𑀦𑀸𑀦𑀸𑀳𑀺 𑀘’ (𑀩𑀳𑀽𑀲𑀼)].

𑀯𑀚𑁆𑀚𑀦𑁂 𑀧𑀯𑀢𑁆𑀢𑁂𑀳𑀺 𑀧𑀼𑀣𑀼, 𑀦𑀸𑀦𑀸𑀲𑀤𑁆𑀤𑁂𑀳𑀺 𑀘 𑀬𑁄𑀕𑁂 𑀧𑀜𑁆𑀘𑀫𑀻, 𑀢𑀢𑀺𑀬𑀸 𑀘 𑀳𑁄𑀦𑁆𑀢𑀺.

𑀧𑀼𑀣𑀕𑁂𑀯 𑀚𑀦𑀲𑁆𑀫𑀸, 𑀧𑀼𑀣𑀕𑁂𑀯 𑀚𑀦𑁂𑀦, 𑀦𑀸𑀦𑀸 𑀲𑀤𑁆𑀥𑀫𑁆𑀫𑀸, 𑀦𑀸𑀦𑀸 𑀲𑀤𑁆𑀥𑀫𑁆𑀫𑁂𑀦, 𑀧𑀺𑀬𑁂𑀳𑀺 𑀫𑀦𑀸𑀧𑁂𑀳𑀺 𑀦𑀸𑀦𑀸𑀪𑀸𑀯𑁄 𑀯𑀺𑀦𑀸𑀪𑀸𑀯𑁄 [𑀤𑀻. 𑀦𑀺. 𑁨.𑁧𑁮𑁩; 𑀘𑀽𑀴𑀯. 𑁪𑁩𑁭]. ‘‘𑀢𑁂 𑀪𑀺𑀓𑁆𑀔𑀽 𑀦𑀸𑀦𑀸𑀓𑀼𑀮𑀸 𑀧𑀩𑁆𑀩𑀚𑀺𑀢𑀸’’𑀢𑀺 𑀏𑀢𑁆𑀣 𑀧𑀦 𑀦𑀸𑀦𑀸𑀧𑁆𑀧𑀓𑀸𑀭𑀢𑁆𑀣𑁄 𑀦𑀸𑀦𑀸𑀲𑀤𑁆𑀤𑁄, 𑀦 𑀯𑀚𑁆𑀚𑀦𑀢𑁆𑀣𑁄, 𑀏𑀢𑁆𑀣 𑀘 𑀯𑀚𑁆𑀚𑀦𑀢𑁆𑀣𑁄 𑀦𑀸𑀫 𑀯𑀺𑀬𑁄𑀕𑀢𑁆𑀣𑁄 𑀅𑀲𑀫𑁆𑀫𑀺𑀲𑁆𑀲𑀢𑁆𑀣𑁄.

𑀫𑀭𑀺𑀬𑀸𑀤𑀸’𑀪𑀺𑀯𑀺𑀥𑀻𑀲𑀼 ¶ 𑀧𑀯𑀢𑁆𑀢𑁂𑀳𑀺 𑀆𑀲𑀤𑁆𑀤, 𑀬𑀸𑀯𑀲𑀤𑁆𑀤𑁂𑀳𑀺 𑀬𑁄𑀕𑁂𑀧𑀺 𑀧𑀜𑁆𑀘𑀫𑀻, 𑀤𑀼𑀢𑀺𑀬𑀸 𑀘.

𑀢𑀢𑁆𑀣 𑀬𑀲𑁆𑀲 𑀅𑀯𑀥𑀺𑀦𑁄 𑀲𑀫𑁆𑀩𑀦𑁆𑀥𑀺𑀦𑀻 𑀓𑁆𑀭𑀺𑀬𑀸, 𑀢𑀁 𑀩𑀳𑀺𑀓𑀢𑁆𑀯𑀸 𑀧𑀯𑀢𑁆𑀢𑀢𑀺, 𑀲𑁄 𑀫𑀭𑀺𑀬𑀸𑀤𑁄. 𑀬𑀣𑀸? 𑀆𑀧𑀩𑁆𑀩𑀢𑀸 𑀔𑁂𑀢𑁆𑀢𑀁 𑀢𑀺𑀝𑁆𑀞𑀢𑀺 𑀆𑀧𑀩𑁆𑀩𑀢𑀁 𑀯𑀸, 𑀬𑀸𑀯𑀧𑀩𑁆𑀩𑀢𑀸 𑀔𑁂𑀢𑁆𑀢𑀁 𑀢𑀺𑀝𑁆𑀞𑀢𑀺 𑀬𑀸𑀯𑀧𑀩𑁆𑀩𑀢𑀁 𑀯𑀸.

𑀬𑀲𑁆𑀲 𑀲𑀫𑁆𑀩𑀦𑁆𑀥𑀺𑀦𑀻 𑀓𑁆𑀭𑀺𑀬𑀸, 𑀢𑀁 𑀅𑀦𑁆𑀢𑁄𑀓𑀢𑁆𑀯𑀸 𑀩𑁆𑀬𑀸𑀧𑁂𑀢𑁆𑀯𑀸 𑀧𑀯𑀢𑁆𑀢𑀢𑀺, 𑀲𑁄 𑀅𑀪𑀺𑀯𑀺𑀥𑀺. 𑀬𑀣𑀸? 𑀆𑀪𑀯𑀕𑁆𑀕𑀸 𑀪𑀕𑀯𑀢𑁄 𑀓𑀺𑀢𑁆𑀢𑀺𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀢𑁄 𑀆𑀪𑀯𑀕𑁆𑀕𑀁 𑀯𑀸, 𑀪𑀯𑀢𑁄 𑀆𑀪𑀯𑀕𑁆𑀕𑀁 𑀥𑀫𑁆𑀫𑀢𑁄 𑀆𑀕𑁄𑀢𑁆𑀭𑀪𑀼𑀁 𑀲𑀯𑀦𑁆𑀢𑀻𑀢𑀺 𑀆𑀲𑀯𑀸, 𑀬𑀸𑀯𑀪𑀯𑀕𑁆𑀕𑀸 𑀬𑀸𑀯𑀪𑀯𑀕𑁆𑀕𑀁 𑀯𑀸, 𑀢𑀸𑀯𑀤𑁂𑀯 𑀬𑀸𑀯𑀩𑁆𑀭𑀳𑁆𑀫𑀮𑁄𑀓𑀸 𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀢𑁄.

𑀆𑀭𑀩𑁆𑀪𑁂, 𑀲𑀳𑀢𑁆𑀣𑁂 𑀘 𑀧𑀜𑁆𑀘𑀫𑀻, 𑀬𑀢𑁄𑀳𑀁 𑀪𑀕𑀺𑀦𑀺 𑀅𑀭𑀺𑀬𑀸𑀬 𑀚𑀸𑀢𑀺𑀬𑀸 𑀚𑀸𑀢𑁄 [𑀫. 𑀦𑀺. 𑁨.𑁩𑁫𑁧], 𑀬𑀢𑁄 𑀧𑀝𑁆𑀞𑀸𑀬𑀸𑀢𑀺 𑀅𑀢𑁆𑀣𑁄. 𑀬𑀢𑁄 𑀲𑀭𑀸𑀫𑀺 𑀅𑀢𑁆𑀢𑀸𑀦𑀁, 𑀬𑀢𑁄 𑀧𑀢𑁆𑀢𑁄𑀲𑁆𑀫𑀺 𑀯𑀺𑀜𑁆𑀜𑀼𑀢𑀁 [𑀚𑀸. 𑁨.𑁨𑁨.𑁩𑁦𑁭]. 𑀬𑀢𑁄 𑀧𑀝𑁆𑀞𑀸𑀬, 𑀬𑀢𑁄 𑀧𑀪𑀼𑀢𑀺.

𑀲𑀳𑀢𑁆𑀣𑁂 𑁋

𑀲𑀳 𑀲𑀩𑁆𑀩𑀜𑁆𑀜𑀼𑀢𑀜𑁆𑀜𑀸𑀡𑀧𑁆𑀧𑀝𑀺𑀮𑀸𑀪𑀸, 𑀲𑀳 𑀧𑀭𑀺𑀦𑀺𑀩𑁆𑀩𑀸𑀦𑀸 [𑀤𑀻. 𑀦𑀺. 𑁨.𑁨𑁨𑁦], 𑀲𑀳 𑀤𑀲𑁆𑀲𑀦𑀼𑀧𑁆𑀧𑀸𑀤𑀸.

‘‘𑀉𑀧𑁆𑀧𑀸𑀤𑀸 𑀯𑀸 𑀢𑀣𑀸𑀕𑀢𑀸𑀦𑀁 𑀅𑀦𑀼𑀧𑁆𑀧𑀸𑀤𑀸 𑀯𑀸 𑀢𑀣𑀸𑀕𑀢𑀸𑀦’’𑀦𑁆𑀢𑀺 [𑀲𑀁. 𑀦𑀺. 𑁨.𑁨𑁦], 𑀏𑀢𑁆𑀣 𑀪𑀸𑀯𑀮𑀓𑁆𑀔𑀡𑁂 𑀧𑀜𑁆𑀘𑀫𑀻.

‘‘𑀲𑀳𑀢𑁆𑀣𑀸 𑀤𑀸𑀦𑀁 𑀤𑁂𑀢𑀺, 𑀲𑀳𑀢𑁆𑀣𑀸 𑀧𑀝𑀺𑀕𑁆𑀕𑀡𑁆𑀳𑀸𑀢𑀻’’𑀢𑀺 𑀏𑀢𑁆𑀣 𑀓𑀭𑀡𑁂.

‘‘𑀅𑀚𑁆𑀚𑀢𑀕𑁆𑀕𑁂 𑀧𑀸𑀡𑀼𑀧𑁂𑀢𑀁 [𑀤𑀻. 𑀦𑀺. 𑁧.𑁨𑁫𑁦], 𑀢𑀤𑀕𑁆𑀕𑁂 𑀔𑁄 𑀯𑀸𑀲𑁂𑀝𑁆𑀞’’𑀇𑀘𑁆𑀘𑀸𑀤𑀻𑀲𑀼 [𑀤𑀻. 𑀦𑀺. 𑁩.𑁧𑁩𑁦], 𑀆𑀭𑀩𑁆𑀪𑁂 𑀲𑀢𑁆𑀢𑀫𑀻.

‘‘𑀬𑀢𑁆𑀯𑀸𑀥𑀺𑀓𑀭𑀡𑀁 ¶ [𑀤𑀻. 𑀦𑀺. 𑁧.𑁨𑁧𑁩], 𑀬𑀢𑁄𑀦𑀺𑀤𑀸𑀦𑀁 [𑀲𑀼. 𑀦𑀺. 𑁨𑁭𑁫], 𑀢𑀢𑁄𑀦𑀺𑀤𑀸𑀦𑀁’’ 𑀇𑀘𑁆𑀘𑀸𑀤𑀻𑀲𑀼 [𑀫. 𑀦𑀺. 𑁧.𑁨𑁩𑁮] 𑀯𑀸𑀓𑁆𑀬𑁂 𑀇𑀘𑁆𑀙𑀺𑀢𑁂 𑀲𑀢𑀺 𑀳𑁂𑀢𑁆𑀯𑀢𑁆𑀣𑁂 𑀧𑀜𑁆𑀘𑀫𑀻, 𑀲𑀫𑀸𑀲𑁂 𑀇𑀘𑁆𑀙𑀺𑀢𑁂 𑀲𑀢𑀺 𑀅𑀢𑁆𑀣𑀫𑀢𑁆𑀢𑁂 𑀧𑀜𑁆𑀘𑀫𑀻.

𑀤𑁆𑀯𑀺𑀦𑁆𑀦𑀁 𑀓𑀸𑀭𑀓𑀸𑀦𑀁 𑀓𑁆𑀭𑀺𑀬𑀸𑀦𑀜𑁆𑀘 𑀫𑀚𑁆𑀛𑁂 𑀧𑀯𑀢𑁆𑀢𑀓𑀸𑀮𑀤𑁆𑀥𑀸𑀦𑀯𑀸𑀘𑀻𑀳𑀺 𑀧𑀜𑁆𑀘𑀫𑀻, 𑀮𑀼𑀤𑁆𑀤𑀓𑁄 𑀧𑀓𑁆𑀔𑀲𑁆𑀫𑀸 𑀫𑀺𑀕𑀁 𑀯𑀺𑀚𑁆𑀛𑀢𑀺, 𑀓𑁄𑀲𑀸 𑀓𑀼𑀜𑁆𑀚𑀭𑀁 𑀯𑀺𑀚𑁆𑀛𑀢𑀺. 𑀏𑀢𑁆𑀣 𑀘 𑀮𑀼𑀤𑁆𑀤𑀓𑁄 𑀲𑀓𑀺𑀁 𑀫𑀺𑀕𑀁 𑀯𑀺𑀚𑁆𑀛𑀺𑀢𑁆𑀯𑀸 𑀧𑀓𑁆𑀔𑀩𑁆𑀪𑀦𑁆𑀢𑀭𑀫𑁆𑀳𑀺 𑀦 𑀯𑀺𑀚𑁆𑀛𑀺, 𑀧𑀓𑁆𑀔𑁂 𑀧𑀭𑀺𑀧𑀼𑀡𑁆𑀡𑁂 𑀧𑀼𑀦 𑀯𑀺𑀚𑁆𑀛𑀢𑀺, 𑀧𑀓𑁆𑀔𑀲𑀤𑁆𑀤𑁄 𑀤𑁆𑀯𑀺𑀦𑁆𑀦𑀁 𑀯𑀺𑀚𑁆𑀛𑀦𑀯𑀸𑀭𑀸𑀦𑀁 𑀫𑀚𑁆𑀛𑁂 𑀓𑀸𑀮𑀯𑀸𑀘𑀻 𑀳𑁄𑀢𑀺, 𑀤𑁆𑀯𑁂𑀧𑀺 𑀯𑀺𑀚𑁆𑀛𑀦𑀓𑁆𑀭𑀺𑀬𑀸 𑀓𑀸𑀭𑀓𑁂𑀳𑀺 𑀲𑀳𑁂𑀯 𑀲𑀺𑀚𑁆𑀛𑀦𑁆𑀢𑀻𑀢𑀺 𑀓𑀸𑀭𑀓𑀸𑀦𑀜𑁆𑀘 𑀫𑀚𑁆𑀛𑁂𑀢𑀺 𑀯𑀼𑀘𑁆𑀘𑀢𑀺. 𑀯𑀼𑀢𑁆𑀢𑀺𑀬𑀁 𑀧𑀦 ‘‘𑀅𑀚𑁆𑀚 𑀪𑀼𑀢𑁆𑀯𑀸 𑀤𑁂𑀯𑀤𑀢𑁆𑀢𑁄 𑀤𑁆𑀯𑀺𑀳𑁂 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀤𑁆𑀯𑀺𑀳𑀸 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀅𑀢𑁆𑀭𑀝𑁆𑀞𑁄’𑀬𑀫𑀺𑀲𑁆𑀲𑀸𑀲𑁄 𑀓𑁄𑀲𑁂 𑀮𑀓𑁆𑀔𑀁 𑀯𑀺𑀚𑁆𑀛𑀢𑀺, 𑀓𑁄𑀲𑀸 𑀮𑀓𑁆𑀔𑀁 𑀯𑀺𑀚𑁆𑀛𑀢𑀻’’𑀢𑀺 [𑀫𑁄𑀕. 𑁭𑁯] 𑀏𑀯𑀁 𑀲𑀢𑁆𑀢𑀫𑀻𑀯𑀲𑁂𑀦 𑀧𑀭𑀺𑀧𑀼𑀡𑁆𑀡𑀯𑀸𑀓𑁆𑀬𑀫𑁆𑀧𑀺 𑀯𑀼𑀢𑁆𑀢𑀁. 𑀧𑀸𑀴𑀺𑀬𑀁 ‘‘𑀅𑀦𑀸𑀧𑀢𑁆𑀢𑀺 𑀙𑀩𑁆𑀩𑀲𑁆𑀲𑀸 𑀓𑀭𑁄𑀢𑀺 [𑀧𑀸𑀭𑀸. 𑁫𑁬𑁪], 𑀅𑀢𑀺𑀭𑁂𑀓𑀙𑀩𑁆𑀩𑀲𑁆𑀲𑀸 𑀓𑀭𑁄𑀢𑀻’’𑀢𑀺 [𑀧𑀸𑀭𑀸. 𑁫𑁬𑁪], ‘‘𑀙𑀩𑁆𑀩𑀲𑁆𑀲𑀸𑀦𑀻’’𑀢𑀺𑀧𑀺 𑀧𑀸𑀞𑁄.

𑀭𑀓𑁆𑀔𑀦𑀢𑁆𑀣𑀸𑀦𑀁 𑀬𑁄𑀕𑁂 𑁋

𑀬𑀜𑁆𑀘 𑀯𑀢𑁆𑀣𑀼𑀁 𑀕𑀼𑀢𑁆𑀢𑀁 𑀇𑀘𑁆𑀙𑀺𑀬𑀢𑁂, 𑀬𑀢𑁄 𑀘 𑀕𑀼𑀢𑁆𑀢𑀁 𑀇𑀘𑁆𑀙𑀺𑀬𑀢𑁂, 𑀢𑀢𑁆𑀣 𑀧𑀜𑁆𑀘𑀫𑀻, 𑀬𑀯𑁂𑀳𑀺 𑀕𑀸𑀯𑁄 𑀭𑀓𑁆𑀔𑀢𑀺 𑀯𑀸𑀭𑁂𑀢𑀺, 𑀢𑀡𑁆𑀟𑀼𑀮𑀸 𑀓𑀸𑀓𑁂 𑀭𑀓𑁆𑀔𑀢𑀺 𑀯𑀸𑀭𑁂𑀢𑀺, 𑀢𑀁 𑀫𑀁 𑀧𑀼𑀜𑁆𑀜𑀸 𑀦𑀺𑀯𑀸𑀭𑁂𑀲𑀺, 𑀧𑀸𑀧𑀸 𑀘𑀺𑀢𑁆𑀢𑀁 𑀦𑀺𑀯𑀸𑀭𑀬𑁂 [𑀥. 𑀧. 𑁧𑁧𑁬], 𑀦 𑀦𑀁 𑀚𑀸𑀢𑀺 𑀦𑀺𑀯𑀸𑀭𑁂𑀢𑀺, 𑀤𑀼𑀕𑁆𑀕𑀢𑁆𑀬𑀸 𑀕𑀭𑀳𑀸𑀬 𑀯𑀸 [𑀲𑀼. 𑀦𑀺. 𑁧𑁪𑁧 (𑀦 𑀦𑁂)]. 𑀭𑀸𑀚𑀢𑁄 𑀯𑀸 𑀘𑁄𑀭𑀢𑁄 𑀯𑀸 𑀆𑀭𑀓𑁆𑀔𑀁 𑀕𑀡𑁆𑀳𑀦𑁆𑀢𑀼.

𑀅𑀦𑁆𑀢𑀭𑀥𑀸𑀦𑀢𑁆𑀣𑀬𑁄𑀕𑁂 𑁋

𑀬𑀲𑁆𑀲 𑀅𑀤𑀲𑁆𑀲𑀦𑀁 𑀇𑀘𑁆𑀙𑀺𑀬𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻, 𑀉𑀧𑀚𑁆𑀛𑀸𑀬𑀸 𑀅𑀦𑁆𑀢𑀭𑀥𑀸𑀬𑀢𑀺 𑀲𑀺𑀲𑁆𑀲𑁄, 𑀦𑀺𑀮𑀻𑀬𑀢𑀻𑀢𑀺 𑀅𑀢𑁆𑀣𑁄. 𑀧𑀸𑀴𑀺𑀬𑀁 𑀧𑀦 𑀬𑀲𑁆𑀲 𑀅𑀤𑀲𑁆𑀲𑀦𑀁 𑀇𑀘𑁆𑀙𑀺𑀬𑀢𑀺, 𑀢𑀲𑁆𑀫𑀺𑀁 𑀙𑀝𑁆𑀞𑀻 𑀏𑀯- ‘‘𑀅𑀦𑁆𑀢𑀭𑀥𑀸𑀬𑀺𑀲𑁆𑀲𑀸𑀫𑀺 𑀲𑀫𑀡𑀲𑁆𑀲 ¶ 𑀕𑁄𑀢𑀫𑀲𑁆𑀲, 𑀅𑀦𑁆𑀢𑀭𑀥𑀸𑀬𑀺𑀲𑁆𑀲𑀸𑀫𑀺 𑀲𑀫𑀡𑀲𑁆𑀲 𑀕𑁄𑀢𑀫𑀲𑁆𑀲𑀸’’𑀢𑀺. ‘‘𑀦 𑀲𑀓𑁆𑀔𑀺 𑀫𑁂 𑀅𑀦𑁆𑀢𑀭𑀥𑀸𑀬𑀺𑀢𑀼’’𑀦𑁆𑀢𑀺 𑀧𑀸𑀴𑀺, ‘𑀅𑀦𑁆𑀢𑀭𑀥𑀸𑀬𑀺𑀲𑁆𑀲𑀸𑀫𑀻’𑀢𑀺 𑀅𑀦𑁆𑀢𑀭𑀺𑀢𑁂 𑀅𑀘𑀓𑁆𑀔𑀼𑀯𑀺𑀲𑀬𑁂 𑀞𑀸𑀦𑁂 𑀅𑀢𑁆𑀢𑀸𑀦𑀁 𑀞𑀧𑁂𑀲𑁆𑀲𑀸𑀫𑀻𑀢𑁆𑀬𑀢𑁆𑀣𑁄, 𑀦𑀺𑀮𑀻𑀬𑀺𑀲𑁆𑀲𑀸𑀫𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀬𑀲𑁆𑀫𑀺𑀁 𑀞𑀸𑀦𑁂 𑀅𑀦𑁆𑀢𑀭𑀥𑀸𑀬𑀢𑀺, 𑀢𑀲𑁆𑀫𑀺𑀁 𑀲𑀢𑁆𑀢𑀫𑀻 𑀏𑀯 𑀤𑀺𑀲𑁆𑀲𑀢𑀺, 𑀅𑀢𑀺𑀔𑀺𑀧𑁆𑀧𑀁 𑀮𑁄𑀓𑁂 𑀘𑀓𑁆𑀔𑀼 𑀅𑀦𑁆𑀢𑀭𑀥𑀸𑀬𑀺𑀲𑁆𑀲𑀢𑀺 [𑀤𑀻. 𑀦𑀺. 𑁨.𑁨𑁨𑁪 (𑀯𑀺𑀲𑀤𑀺𑀲𑀁)], 𑀚𑁂𑀢𑀯𑀦𑁂 𑀅𑀦𑁆𑀢𑀭𑀥𑀸𑀬𑀺𑀢𑁆𑀯𑀸, 𑀩𑁆𑀭𑀳𑁆𑀫𑀮𑁄𑀓𑁂 𑀅𑀦𑁆𑀢𑀭𑀥𑀸𑀬𑀺𑀢𑁆𑀯𑀸, 𑀫𑀤𑁆𑀤𑀓𑀼𑀘𑁆𑀙𑀺𑀲𑁆𑀫𑀺𑀁 𑀅𑀦𑁆𑀢𑀭𑀥𑀸𑀬𑀺𑀢𑁆𑀯𑀸, 𑀢𑀢𑁆𑀣𑁂𑀯𑀦𑁆𑀢𑀭𑀥𑀸𑀬𑀻 [𑀲𑀁. 𑀦𑀺. 𑁧.𑁧] 𑀇𑀘𑁆𑀘𑀸𑀤𑀺. ‘‘𑀪𑀕𑀯𑀢𑁄 𑀧𑀼𑀭𑀢𑁄 𑀅𑀦𑁆𑀢𑀭𑀥𑀸𑀬𑀺𑀢𑁆𑀯𑀸’’𑀢𑀺 𑀏𑀢𑁆𑀣𑀧𑀺 𑀢𑁄𑀲𑀤𑁆𑀤𑁄 𑀲𑀢𑁆𑀢𑀫𑁆𑀬𑀢𑁆𑀣𑁂 𑀏𑀯. ‘‘𑀲𑀓𑁆𑀓𑁄 𑀦𑀺𑀫𑀺𑀲𑁆𑀲 𑀭𑀜𑁆𑀜𑁄 𑀲𑀫𑁆𑀫𑀼𑀔𑁂 𑀅𑀦𑁆𑀢𑀭𑀳𑀺𑀢𑁄’’𑀢𑀺 𑀧𑀸𑀴𑀺. ‘𑀥𑀚𑀢𑀯𑀦𑁂 𑀅𑀦𑁆𑀢𑀭𑀥𑀸𑀬𑀺𑀢𑁆𑀯𑀸’𑀢𑀺 𑀚𑁂𑀢𑀯𑀦𑁂 𑀅𑀜𑁆𑀜𑁂𑀲𑀁 𑀅𑀤𑀲𑁆𑀲𑀦𑀁 𑀓𑀢𑁆𑀯𑀸, 𑀅𑀜𑁆𑀜𑁂𑀲𑀁 𑀅𑀘𑀓𑁆𑀔𑀼𑀯𑀺𑀲𑀬𑀁 𑀓𑀢𑁆𑀯𑀸𑀢𑀺 𑀅𑀢𑁆𑀣𑁄. ‘‘𑀅𑀦𑁆𑀥𑀓𑀸𑀭𑁄 𑀅𑀦𑁆𑀢𑀭𑀥𑀸𑀬𑀢𑀺, 𑀆𑀮𑁄𑀓𑁄 𑀅𑀦𑁆𑀢𑀭𑀥𑀸𑀬𑀢𑀺, 𑀲𑀤𑁆𑀥𑀫𑁆𑀫𑁄 𑀅𑀦𑁆𑀢𑀭𑀥𑀸𑀬𑀢𑀺, 𑀲𑀸𑀲𑀦𑀁 𑀅𑀦𑁆𑀢𑀭𑀥𑀸𑀬𑀢𑀺’’ 𑀇𑀘𑁆𑀘𑀸𑀤𑀻𑀲𑀼 𑀧𑀦 𑀙𑀝𑁆𑀞𑀻, 𑀲𑀢𑁆𑀢𑀫𑀺𑀬𑁄 𑀬𑀣𑀸𑀲𑀫𑁆𑀪𑀯𑀁 𑀯𑁂𑀤𑀺𑀢𑀩𑁆𑀩𑀸.

𑀤𑀽𑀭𑀢𑁆𑀣𑀬𑁄𑀕𑁂 𑁋

𑀓𑀺𑀁𑀯 𑀤𑀽𑀭𑁄 𑀇𑀢𑁄 𑀕𑀸𑀫𑁄, 𑀓𑀘𑁆𑀘𑀺 𑀆𑀭𑀸 𑀧𑀫𑀸𑀤𑀫𑁆𑀳𑀸 [𑀲𑀼. 𑀦𑀺. 𑁧𑁫𑁬], 𑀅𑀣𑁄 𑀆𑀭𑀸 𑀧𑀫𑀸𑀤𑀫𑁆𑀳𑀸 [𑀲𑀼. 𑀦𑀺. 𑁧𑁫𑁭], 𑀕𑀸𑀫𑀢𑁄 𑀅𑀯𑀺𑀤𑀽𑀭𑁂, 𑀆𑀭𑀓𑀸 𑀢𑁂 𑀫𑁄𑀖𑀧𑀼𑀭𑀺𑀲𑀸 𑀇𑀫𑀲𑁆𑀫𑀸 𑀥𑀫𑁆𑀫𑀯𑀺𑀦𑀬𑀸, 𑀆𑀭𑀓𑀸 𑀢𑁂𑀳𑀺 𑀪𑀕𑀯𑀸, 𑀓𑀺𑀮𑁂𑀲𑁂𑀳𑀺 𑀆𑀭𑀓𑀸𑀢𑀺 𑀅𑀭𑀳𑀁, 𑀆𑀭𑀸 𑀲𑁄 𑀆𑀲𑀯𑀓𑁆𑀔𑀬𑀸 [𑀥. 𑀧. 𑁨𑁫𑁩]. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘 𑀙𑀝𑁆𑀞𑀻 𑀘, 𑀆𑀭𑀓𑀸 𑀇𑀫𑀁 𑀥𑀫𑁆𑀫𑀯𑀺𑀦𑀬𑀁 𑀇𑀫𑀺𑀦𑀸 𑀥𑀫𑁆𑀫𑀯𑀺𑀦𑀬𑁂𑀦 𑀯𑀸, 𑀆𑀭𑀓𑀸 𑀫𑀦𑁆𑀤𑀩𑀼𑀤𑁆𑀥𑀻𑀦𑀁 [𑀯𑀺𑀲𑀼𑀤𑁆𑀥𑀺 𑀝𑀻. 𑁧.𑁧𑁩𑁦].

𑀤𑀽𑀭𑀢𑁆𑀣𑁂 𑁋

𑀤𑀽𑀭𑀢𑁄𑀯 𑀦𑀫𑀲𑁆𑀲𑀦𑁆𑀢𑀺, 𑀅𑀤𑁆𑀤𑀲𑀸 𑀔𑁄 𑀪𑀕𑀯𑀦𑁆𑀢𑀁 𑀤𑀽𑀭𑀢𑁄𑀯 𑀆𑀕𑀘𑁆𑀙𑀦𑁆𑀢𑀁 [𑀤𑀻. 𑀦𑀺. 𑁧.𑁪𑁦𑁯], 𑀓𑀺𑀦𑁆𑀦𑀼 𑀢𑀺𑀝𑁆𑀞𑀣 𑀆𑀭𑀓𑀸, 𑀢𑀲𑁆𑀫𑀸 𑀢𑀺𑀝𑁆𑀞𑀸𑀫 𑀆𑀭𑀓𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘, 𑀤𑀽𑀭𑀁 𑀕𑀸𑀫𑀁 𑀆𑀕𑀢𑁄, 𑀤𑀽𑀭𑁂𑀦 𑀕𑀸𑀫𑁂𑀦 𑀆𑀕𑀢𑁄 ¶ , 𑀤𑀽𑀭𑀸 𑀕𑀸𑀫𑀸 𑀆𑀕𑀢𑁄 𑀇𑀘𑁆𑀘𑁂𑀯𑀢𑁆𑀣𑁄, 𑀤𑀽𑀭𑀁 𑀕𑀸𑀫𑁂𑀦 𑀯𑀸.

𑀅𑀦𑁆𑀢𑀺𑀓𑀢𑁆𑀣𑀬𑁄𑀕𑁂 𑁋

𑀅𑀦𑁆𑀢𑀺𑀓𑀁 𑀕𑀸𑀫𑀸, 𑀆𑀲𑀦𑁆𑀦𑀁 𑀕𑀸𑀫𑀸, 𑀲𑀫𑀻𑀧𑀁 𑀕𑀸𑀫𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘 𑀙𑀝𑁆𑀞𑀻 𑀘, 𑀅𑀦𑁆𑀢𑀺𑀓𑀁 𑀕𑀸𑀫𑀁, 𑀅𑀦𑁆𑀢𑀺𑀓𑀁 𑀕𑀸𑀫𑁂𑀦, 𑀅𑀦𑁆𑀢𑀺𑀓𑀁 𑀕𑀸𑀫𑀲𑁆𑀲.

𑀓𑀸𑀮𑀤𑁆𑀥𑀸𑀦𑀁 𑀧𑀭𑀺𑀫𑀸𑀡𑀯𑀘𑀦𑁂 𑁋

𑀇𑀢𑁄 𑀫𑀣𑀼𑀭𑀸𑀬 𑀘𑀢𑀽𑀲𑀼 𑀬𑁄𑀚𑀦𑁂𑀲𑀼 𑀲𑀗𑁆𑀓𑀲𑁆𑀲𑀁, 𑀭𑀸𑀚𑀕𑀳𑀢𑁄 𑀧𑀜𑁆𑀘𑀘𑀢𑁆𑀢𑀸𑀮𑀻𑀲𑀬𑁄𑀚𑀦𑁂 𑀲𑀸𑀯𑀢𑁆𑀣𑀺, 𑀇𑀢𑁄 𑀏𑀓𑀦𑀯𑀼𑀢𑀺𑀓𑀧𑁆𑀧𑁂 [𑀤𑀻. 𑀦𑀺. 𑁨.𑁪], 𑀇𑀢𑁄 𑀏𑀓𑀢𑀺𑀁𑀲𑁂 𑀓𑀧𑁆𑀧𑁂 [𑀤𑀻. 𑀦𑀺. 𑁨.𑁪], 𑀇𑀢𑁄 𑀲𑀢𑁆𑀢𑀫𑁂 𑀤𑀺𑀯𑀲𑁂, 𑀇𑀢𑁄 𑀢𑀺𑀡𑁆𑀡𑀁 𑀫𑀸𑀲𑀸𑀦𑀁 𑀅𑀘𑁆𑀘𑀬𑁂𑀦 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀸𑀫𑀺 [𑀤𑀻. 𑀦𑀺. 𑁨.𑁧𑁬𑁮; 𑀉𑀤𑀸. 𑁫𑁧] 𑀇𑀘𑁆𑀘𑀸𑀤𑀺.

𑀧𑀫𑀸𑀡𑀢𑁆𑀣𑁂 𑁋

𑀆𑀬𑀸𑀫𑀢𑁄 𑀘 𑀯𑀺𑀢𑁆𑀣𑀸𑀭𑀢𑁄 𑀘 𑀬𑁄𑀚𑀦𑀁, 𑀧𑀭𑀺𑀓𑁆𑀔𑁂𑀧𑀢𑁄 𑀦𑀯𑀬𑁄𑀚𑀦𑀲𑀢𑀧𑀭𑀺𑀫𑀸𑀡𑁄 𑀫𑀚𑁆𑀛𑀺𑀫𑀤𑁂𑀲𑁄 𑀧𑀭𑀺𑀓𑁆𑀔𑁂𑀧𑁂𑀦 𑀯𑀸, 𑀤𑀻𑀖𑀲𑁄 𑀦𑀯𑀯𑀺𑀤𑀢𑁆𑀣𑀺𑀬𑁄 [𑀧𑀸𑀘𑀺. 𑁫𑁪𑁮], 𑀬𑁄𑀚𑀦𑀁 𑀆𑀬𑀸𑀫𑁂𑀦 𑀬𑁄𑀚𑀦𑀁 𑀯𑀺𑀢𑁆𑀣𑀸𑀭𑁂𑀦 𑀬𑁄𑀚𑀦𑀁 𑀉𑀩𑁆𑀩𑁂𑀥𑁂𑀦 𑀲𑀸𑀲𑀧𑀭𑀸𑀲𑀺 [𑀲𑀁. 𑀦𑀺. 𑁨.𑁧𑁨𑁯] 𑀇𑀘𑁆𑀘𑀸𑀤𑀺.

𑀢𑁆𑀯𑀸𑀮𑁄𑀧𑁂𑀧𑀺 𑀧𑀜𑁆𑀘𑀫𑀻. 𑀏𑀢𑁆𑀣 𑀘 𑀢𑁆𑀯𑀸𑀮𑁄𑀧𑁄 𑀦𑀸𑀫 𑀧𑀭𑀺𑀧𑀼𑀡𑁆𑀡𑀯𑀸𑀓𑁆𑀬𑁂 𑀮𑀤𑁆𑀥𑀩𑁆𑀩𑀲𑁆𑀲 𑀢𑁆𑀯𑀸𑀦𑁆𑀢𑀧𑀤𑀲𑁆𑀲 𑀅𑀧𑀭𑀺𑀧𑀼𑀡𑁆𑀡𑀯𑀸𑀓𑁆𑀬𑁂 𑀦𑀢𑁆𑀣𑀺 𑀪𑀸𑀯𑁄, 𑀬𑀜𑁆𑀘 𑀧𑀤𑀁 𑀢𑁆𑀯𑀸𑀦𑁆𑀢𑀧𑀤𑁂 𑀲𑀢𑀺 𑀓𑀫𑁆𑀫𑀁 𑀯𑀸 𑀳𑁄𑀢𑀺 𑀅𑀥𑀺𑀓𑀭𑀡𑀁 𑀯𑀸. 𑀢𑀁 𑀢𑁆𑀯𑀸𑀦𑁆𑀢𑀧𑀤𑁂 𑀅𑀲𑀢𑀺 𑀧𑀤𑀦𑁆𑀢𑀭𑁂 𑀅𑀯𑀥𑀺 𑀳𑁄𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻, 𑀧𑀸𑀲𑀸𑀤𑀸 𑀯𑀸 𑀧𑀸𑀲𑀸𑀤𑀁 𑀲𑀗𑁆𑀓𑀫𑁂𑀬𑁆𑀬 [𑀲𑀁. 𑀦𑀺. 𑁧.𑁧𑁩𑁨], 𑀳𑀢𑁆𑀣𑀺𑀓𑁆𑀔𑀦𑁆𑀥𑀸 𑀯𑀸 𑀳𑀢𑁆𑀣𑀺𑀓𑁆𑀔𑀦𑁆𑀥𑀁 𑀲𑀗𑁆𑀓𑀫𑁂𑀬𑁆𑀬 [𑀲𑀁. 𑀦𑀺. 𑁧.𑁧𑁩𑁨] 𑀇𑀘𑁆𑀘𑀸𑀤𑀺. 𑀏𑀢𑁆𑀣 𑀘 𑀧𑀞𑀫𑀁 𑀏𑀓𑀁 𑀧𑀸𑀲𑀸𑀤𑀁 𑀅𑀪𑀺𑀭𑀽𑀳𑀺𑀢𑁆𑀯𑀸 𑀧𑀼𑀦 𑀅𑀜𑁆𑀜𑀁 𑀧𑀸𑀲𑀸𑀤𑀁 𑀲𑀗𑁆𑀓𑀫𑁂𑀬𑁆𑀬𑀸𑀢𑀺 𑀯𑀸 𑀧𑀞𑀫𑀁 𑀏𑀓𑀲𑁆𑀫𑀺𑀁 𑀧𑀸𑀲𑀸𑀤𑁂 𑀦𑀺𑀲𑀻𑀤𑀺𑀢𑁆𑀯𑀸 𑀧𑀼𑀦 𑀅𑀜𑁆𑀜𑀁 𑀧𑀸𑀲𑀸𑀤𑀁 𑀲𑀗𑁆𑀓𑀫𑁂𑀬𑁆𑀬𑀸𑀢𑀺 𑀯𑀸 𑀏𑀯𑀁 𑀧𑀭𑀺𑀧𑀼𑀡𑁆𑀡𑀯𑀸𑀓𑁆𑀬𑀁 𑀯𑁂𑀤𑀺𑀢𑀩𑁆𑀩𑀁. ‘‘𑀅𑀦𑁆𑀥𑀓𑀸𑀭𑀸 𑀯𑀸 𑀅𑀦𑁆𑀥𑀓𑀸𑀭𑀁 𑀕𑀘𑁆𑀙𑁂𑀬𑁆𑀬, 𑀢𑀫𑀸 𑀯𑀸 ¶ 𑀢𑀫𑀁 𑀕𑀘𑁆𑀙𑁂𑀬𑁆𑀬𑀸’’𑀢𑀺 [𑀲𑀁. 𑀦𑀺. 𑁧.𑁧𑁩𑁨] 𑀧𑀸𑀴𑀺. 𑀢𑀣𑀸 𑀭𑀝𑁆𑀞𑀸 𑀭𑀝𑁆𑀞𑀁 𑀯𑀺𑀘𑀭𑀢𑀺, 𑀕𑀸𑀫𑀸 𑀕𑀸𑀫𑀁 𑀯𑀺𑀘𑀭𑀢𑀺, 𑀯𑀦𑀸 𑀯𑀦𑀁 𑀯𑀺𑀘𑀭𑀢𑀺, 𑀯𑀺𑀳𑀸𑀭𑀢𑁄 𑀯𑀺𑀳𑀸𑀭𑀁 𑀕𑀘𑁆𑀙𑀢𑀺, 𑀧𑀭𑀺𑀯𑁂𑀡𑀢𑁄 𑀧𑀭𑀺𑀯𑁂𑀡𑀁 𑀕𑀘𑁆𑀙𑀢𑀺, 𑀪𑀯𑀢𑁄 𑀪𑀯𑀁 𑀕𑀘𑁆𑀙𑀢𑀺, 𑀓𑀼𑀮𑀢𑁄 𑀓𑀼𑀮𑀁 𑀕𑀘𑁆𑀙𑀢𑀺 𑀇𑀘𑁆𑀘𑀸𑀤𑀺. 𑀢𑀣𑀸 𑀯𑀺𑀦𑀬𑀸 𑀯𑀺𑀦𑀬𑀁 𑀧𑀼𑀘𑁆𑀙𑀢𑀺, 𑀅𑀪𑀺𑀥𑀫𑁆𑀫𑀸 𑀅𑀪𑀺𑀥𑀫𑁆𑀫𑀁 𑀧𑀼𑀘𑁆𑀙𑀢𑀺, 𑀯𑀺𑀦𑀬𑀸 𑀯𑀺𑀦𑀬𑀁 𑀓𑀣𑁂𑀢𑀺, 𑀅𑀪𑀺𑀥𑀫𑁆𑀫𑀸 𑀅𑀪𑀺𑀥𑀫𑁆𑀫𑀁 𑀓𑀣𑁂𑀢𑀺. 𑀏𑀢𑁆𑀣𑀧𑀺 𑀧𑀞𑀫𑀁 𑀏𑀓𑀁 𑀯𑀺𑀦𑀬𑀯𑀘𑀦𑀁 𑀧𑀼𑀘𑁆𑀙𑀺𑀢𑁆𑀯𑀸 𑀯𑀸 𑀏𑀓𑀲𑁆𑀫𑀺𑀁 𑀯𑀺𑀦𑀬𑀯𑀘𑀦𑁂 𑀞𑀢𑁆𑀯𑀸 𑀯𑀸 𑀧𑀼𑀦 𑀅𑀜𑁆𑀜𑀁 𑀯𑀺𑀦𑀬𑀯𑀘𑀦𑀁 𑀧𑀼𑀘𑁆𑀙𑀢𑀻𑀢𑀺 𑀧𑀭𑀺𑀧𑀼𑀡𑁆𑀡𑀯𑀸𑀓𑁆𑀬𑀁 𑀯𑁂𑀤𑀺𑀢𑀩𑁆𑀩𑀁. 𑀯𑀼𑀢𑁆𑀢𑀺𑀬𑀁 𑀧𑀦 ‘‘𑀧𑀸𑀲𑀸𑀤𑀁 𑀆𑀭𑀼𑀬𑁆𑀳 𑀧𑁂𑀓𑁆𑀔𑀢𑀺, 𑀧𑀸𑀲𑀸𑀤𑀸 𑀧𑁂𑀓𑁆𑀔𑀢𑀺, 𑀆𑀲𑀦𑁂 𑀧𑀯𑀺𑀲𑀺𑀢𑁆𑀯𑀸 𑀧𑁂𑀓𑁆𑀔𑀢𑀺, 𑀆𑀲𑀦𑀸 𑀧𑁂𑀓𑁆𑀔𑀢𑀻’’𑀢𑀺 𑀯𑀼𑀢𑁆𑀢𑀁.

𑀤𑀺𑀲𑀢𑁆𑀣𑀬𑁄𑀕𑁂 𑀤𑀺𑀲𑀢𑁆𑀣𑁂 𑀘 𑀧𑀜𑁆𑀘𑀫𑀻, 𑀇𑀢𑁄 𑀲𑀸 𑀧𑀼𑀭𑀺𑀫𑀸 𑀤𑀺𑀲𑀸 [𑀤𑀻. 𑀦𑀺. 𑁩.𑁨𑁭𑁮], 𑀇𑀢𑁄 𑀲𑀸 𑀤𑀓𑁆𑀔𑀺𑀡𑀸 𑀤𑀺𑀲𑀸 [𑀤𑀻. 𑀦𑀺. 𑁩.𑁨𑁭𑁮], 𑀅𑀯𑀻𑀘𑀺𑀢𑁄 𑀉𑀧𑀭𑀺, 𑀉𑀤𑁆𑀥𑀁 𑀧𑀸𑀤𑀢𑀮𑀸, 𑀅𑀥𑁄 𑀓𑁂𑀲𑀫𑀢𑁆𑀣𑀓𑀸 [𑀤𑀻. 𑀦𑀺. 𑁨.𑁩𑁭𑁭; 𑀫. 𑀦𑀺. 𑁧.𑁧𑁧𑁦].

𑀤𑀺𑀲𑀢𑁆𑀣𑁂 𑁋

𑀧𑀼𑀭𑀺𑀫𑀢𑁄 𑀕𑀸𑀫𑀲𑁆𑀲, 𑀤𑀓𑁆𑀔𑀺𑀡𑀢𑁄 𑀕𑀸𑀫𑀲𑁆𑀲, 𑀉𑀧𑀭𑀺𑀢𑁄 𑀧𑀩𑁆𑀩𑀢𑀲𑁆𑀲, 𑀳𑁂𑀝𑁆𑀞𑀢𑁄 𑀧𑀸𑀲𑀸𑀤𑀲𑁆𑀲, 𑀧𑀼𑀭𑀢𑁆𑀣𑀺𑀫𑀢𑁄, 𑀤𑀓𑁆𑀔𑀺𑀡𑀢𑁄, 𑀬𑀢𑁄 𑀔𑁂𑀫𑀁, 𑀢𑀢𑁄 𑀪𑀬𑀁 [𑀚𑀸. 𑁧.𑁯.𑁫𑁮], 𑀬𑀢𑁄 𑀬𑀢𑁄 𑀲𑀫𑁆𑀫𑀲𑀢𑀺, 𑀔𑀦𑁆𑀥𑀸𑀦𑀁 𑀉𑀤𑀬𑀩𑁆𑀩𑀬𑀁 [𑀥. 𑀧. 𑁩𑁭𑁪] 𑀇𑀘𑁆𑀘𑀸𑀤𑀺.

𑀧𑀼𑀩𑁆𑀩𑀸𑀤𑀺𑀬𑁄𑀕𑁂𑀧𑀺 𑀧𑀜𑁆𑀘𑀫𑀻, 𑀧𑀼𑀩𑁆𑀩𑁂𑀯 𑀫𑁂 𑀲𑀫𑁆𑀩𑁄𑀥𑀸 [𑀅. 𑀦𑀺. 𑁩.𑁧𑁦𑁪], 𑀇𑀢𑁄 𑀧𑀼𑀩𑁆𑀩𑁂, 𑀢𑀢𑁄 𑀧𑀼𑀩𑁆𑀩𑁂, 𑀇𑀢𑁄 𑀧𑀭𑀸 𑀧𑀘𑁆𑀘𑀦𑁆𑀢𑀺𑀫𑀸 𑀚𑀦𑀧𑀤𑀸 [𑀫𑀳𑀸𑀯. 𑁨𑁫𑁯], 𑀢𑀢𑁄 𑀧𑀼𑀭𑁂, 𑀢𑀢𑁄 𑀧𑀘𑁆𑀙𑀸, 𑀢𑀢𑁄 𑀉𑀢𑁆𑀢𑀭𑀺 [𑀧𑀸𑀭𑀸. 𑁪𑁯𑁯] 𑀇𑀘𑁆𑀘𑀸𑀤𑀺.

𑀯𑀺𑀪𑀢𑁆𑀢𑀢𑁆𑀣𑁂 𑀘 𑀧𑀜𑁆𑀘𑀫𑀻 𑀙𑀝𑁆𑀞𑀻 𑀘. 𑀯𑀺𑀪𑀢𑁆𑀢𑀺 𑀦𑀸𑀫 𑀧𑀕𑁂𑀯 𑀯𑀺𑀲𑀼𑀁𑀪𑀽𑀢𑀲𑁆𑀲 𑀅𑀢𑁆𑀣𑀲𑁆𑀲 𑀓𑁂𑀦𑀘𑀺 𑀅𑀥𑀺𑀓𑁂𑀦 𑀯𑀸 𑀳𑀻𑀦𑁂𑀦 𑀯𑀸 𑀪𑀸𑀕𑁂𑀦 𑀢𑀤𑀜𑁆𑀜𑀢𑁄 𑀧𑀼𑀣𑀓𑁆𑀓𑀭𑀡𑀁, 𑀫𑀸𑀣𑀼𑀭𑀸 𑀧𑀸𑀝𑀮𑀺𑀧𑀼𑀢𑁆𑀢𑀓𑁂𑀳𑀺 𑀅𑀪𑀺𑀭𑀽𑀧𑀢𑀭𑀸, 𑀬𑀢𑁄 𑀧𑀡𑀻𑀢𑀢𑀭𑁄 𑀯𑀸 𑀯𑀺𑀲𑀺𑀝𑁆𑀞𑀢𑀭𑁄 𑀯𑀸 𑀦𑀢𑁆𑀣𑀺, 𑀅𑀢𑁆𑀢𑀤𑀦𑁆𑀢𑁄 𑀢𑀢𑁄 𑀯𑀭𑀁 [𑀥. 𑀧. 𑁩𑁨𑁨], 𑀙𑀦𑁆𑀦𑀯𑀼𑀢𑀻𑀦𑀁 𑀧𑀸𑀲𑀡𑁆𑀟𑀸𑀦𑀁 𑀧𑀯𑀭𑀁 𑀬𑀤𑀺𑀤𑀁 𑀲𑀼𑀕𑀢𑀯𑀺𑀦𑀬𑁄 ¶ , 𑀲𑀤𑁂𑀯𑀓𑀲𑁆𑀲 𑀮𑁄𑀓𑀲𑁆𑀲, 𑀲𑀢𑁆𑀣𑀸 𑀮𑁄𑀓𑁂 𑀅𑀦𑀼𑀢𑁆𑀢𑀭𑁄, 𑀅𑀕𑁆𑀕𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲 [𑀫. 𑀦𑀺. 𑁩.𑁨𑁦𑁭], 𑀚𑁂𑀝𑁆𑀞𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲 [𑀫. 𑀦𑀺. 𑁩.𑁨𑁦𑁭], 𑀲𑁂𑀝𑁆𑀞𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲 [𑀫. 𑀦𑀺. 𑁩.𑁨𑁦𑁭], 𑀧𑀜𑁆𑀜𑀯𑀦𑁆𑀢𑀸 𑀦𑀸𑀫 𑀲𑀸𑀭𑀺𑀧𑀼𑀢𑁆𑀢𑀢𑁄 𑀳𑀻𑀦𑀸 𑀲𑀸𑀭𑀺𑀧𑀼𑀢𑁆𑀢𑀲𑁆𑀲 𑀯𑀸, 𑀢𑀢𑁄 𑀅𑀥𑀺𑀓𑀁 𑀯𑀸 𑀊𑀦𑀁 𑀯𑀸 𑀦 𑀯𑀝𑁆𑀝𑀢𑀺 𑀇𑀘𑁆𑀘𑀸𑀤𑀺.

𑀯𑀺𑀭𑀫𑀡𑀢𑁆𑀣𑀬𑁄𑀕𑁂 𑁋

𑀆𑀭𑀢𑀻 𑀯𑀺𑀭𑀢𑀻 𑀧𑀸𑀧𑀸 [𑀔𑀼. 𑀧𑀸. 𑁫.𑁮], 𑀧𑀸𑀡𑀸𑀢𑀺𑀧𑀸𑀢𑀸 𑀯𑁂𑀭𑀫𑀡𑀺 [𑀔𑀼. 𑀧𑀸. 𑁨.𑁧] 𑀇𑀘𑁆𑀘𑀸𑀤𑀺.

𑀲𑀼𑀤𑁆𑀥𑀢𑁆𑀣𑀬𑁄𑀕𑁂 𑁋

𑀮𑁄𑀪𑀦𑀻𑀬𑁂𑀳𑀺 𑀥𑀫𑁆𑀫𑁂𑀳𑀺 𑀲𑀼𑀤𑁆𑀥𑁄 𑀇𑀘𑁆𑀘𑀸𑀤𑀺.

𑀫𑁄𑀘𑀦𑀢𑁆𑀣𑀬𑁄𑀕𑁂 𑀧𑀜𑁆𑀘𑀫𑀻 𑀢𑀢𑀺𑀬𑀸 𑀘, 𑀲𑁄 𑀧𑀭𑀺𑀫𑀼𑀘𑁆𑀘𑀢𑀺 𑀚𑀸𑀢𑀺𑀬𑀸 𑀚𑀭𑀸𑀬 𑀫𑀭𑀡𑁂𑀦 𑀲𑁄𑀓𑁂𑀳𑀺 𑀧𑀭𑀺𑀤𑁂𑀯𑁂𑀳𑀺 𑀤𑀼𑀓𑁆𑀔𑁂𑀳𑀺 𑀤𑁄𑀫𑀦𑀲𑁆𑀲𑁂𑀳𑀺 𑀉𑀧𑀸𑀬𑀸𑀲𑁂𑀳𑀺, 𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺 [𑀲𑀁. 𑀦𑀺. 𑁩.𑁨𑁯], 𑀫𑁄𑀓𑁆𑀔𑀦𑁆𑀢𑀺 𑀫𑀸𑀭𑀩𑀦𑁆𑀥𑀦𑀸 [𑀥. 𑀧. 𑁩𑁭], 𑀦 𑀢𑁂 𑀫𑀼𑀘𑁆𑀘𑀦𑁆𑀢𑀺 𑀫𑀘𑁆𑀘𑀼𑀦𑀸 𑀇𑀘𑁆𑀘𑀸𑀤𑀺, 𑀲𑀩𑁆𑀩𑀢𑁆𑀣 𑀅𑀯𑀥𑀺𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄.

𑀳𑁂𑀢𑁆𑀯𑀢𑁆𑀣𑁂 𑁋

𑀓𑀲𑁆𑀫𑀸 𑀳𑁂𑀢𑀼𑀦𑀸, 𑀓𑁂𑀦 𑀳𑁂𑀢𑀼𑀦𑀸, 𑀓𑀲𑁆𑀫𑀸 𑀦𑀼 𑀢𑀼𑀫𑁆𑀳𑀁 𑀓𑀼𑀮𑁂 𑀤𑀳𑀭𑀸 𑀦 𑀫𑀺𑀬𑁆𑀬𑀭𑁂 [𑀚𑀸. 𑁧.𑁧𑁦.𑁯𑁨 (𑀫𑀻𑀬𑀭𑁂)], 𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂 [𑀲𑀁. 𑀦𑀺. 𑁨.𑁧𑁫𑁭]. 𑀤𑀼𑀢𑀺𑀬𑀸 𑀢𑀢𑀺𑀬𑀸 𑀙𑀝𑁆𑀞𑀻 𑀘, 𑀓𑀺𑀁𑀓𑀸𑀭𑀡𑀁 [𑀚𑀸. 𑀅𑀝𑁆𑀞. 𑁬.𑁨𑁨.𑀉𑀫𑀗𑁆𑀕𑀚𑀸𑀢𑀓𑀯𑀡𑁆𑀡𑀦𑀸], 𑀬𑀢𑁆𑀯𑀸𑀥𑀺𑀓𑀭𑀡𑀁 [𑀤𑀻. 𑀦𑀺. 𑁧.𑁨𑁧𑁩], 𑀬𑀢𑁄𑀦𑀺𑀤𑀸𑀦𑀁 [𑀲𑀼. 𑀦𑀺. 𑁨𑁭𑁫], 𑀢𑀢𑁄𑀦𑀺𑀤𑀸𑀦𑀁 [𑀫. 𑀦𑀺. 𑁧.𑁨𑁩𑁮], 𑀓𑁂𑀦 𑀓𑀸𑀭𑀡𑁂𑀦 [𑀚𑀸. 𑀅𑀝𑁆𑀞. 𑁪.𑁨𑁦.𑀫𑀸𑀢𑀗𑁆𑀕𑀚𑀸𑀢𑀓𑀯𑀡𑁆𑀡𑀦𑀸], 𑀢𑀁 𑀓𑀺𑀲𑁆𑀲𑀳𑁂𑀢𑀼 [𑀫. 𑀦𑀺. 𑁧.𑁨], 𑀓𑀺𑀲𑁆𑀲 𑀢𑀼𑀫𑁆𑀳𑁂 𑀓𑀺𑀮𑀫𑀣 𑀇𑀘𑁆𑀘𑀸𑀤𑀺.

𑀯𑀺𑀯𑁂𑀘𑀦𑀢𑁆𑀣𑀬𑁄𑀕𑁂 𑁋

𑀯𑀺𑀯𑀺𑀘𑁆𑀘𑁂𑀯 𑀓𑀸𑀫𑁂𑀳𑀺 𑀯𑀺𑀯𑀺𑀘𑁆𑀘 𑀅𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀺 [𑀤𑀻. 𑀦𑀺. 𑁧.𑁨𑁨𑁬], 𑀯𑀺𑀯𑀺𑀢𑁆𑀢𑁄 𑀧𑀸𑀧𑀓𑀸 𑀥𑀫𑁆𑀫𑀸.

𑀩𑀦𑁆𑀥𑀦𑀢𑁆𑀣𑀬𑁄𑀕𑁂 ¶ 𑁋

𑁩𑁧𑁮. 𑀧𑀜𑁆𑀘𑀫𑀻𑀡𑁂 𑀯𑀸 [𑀓. 𑁨𑁯𑁬; 𑀭𑀽. 𑁩𑁧𑁪; 𑀦𑀻. 𑁬𑁦𑁮; 𑀘𑀁. 𑁨.𑁧.𑁬𑁯; 𑀧𑀸. 𑁨.𑁩.𑁨𑁪].

𑀇𑀡𑀪𑀽𑀢𑁂 𑀳𑁂𑀢𑀼𑀫𑁆𑀳𑀺 𑀧𑀜𑁆𑀘𑀫𑀻 𑀳𑁄𑀢𑀺 𑀯𑀸.

𑀲𑀢𑀲𑁆𑀫𑀸 𑀩𑀦𑁆𑀥𑁄 𑀦𑀭𑁄 𑀲𑀢𑁂𑀦 𑀯𑀸.

𑁩𑁧𑁯. 𑀕𑀼𑀡𑁂 [𑀘𑀁. 𑁨.𑁧.𑁭𑁦; 𑀧𑀸. 𑁨.𑁩.𑁨𑁫].

𑀅𑀚𑁆𑀛𑀢𑁆𑀢𑀪𑀽𑀢𑁄 𑀳𑁂𑀢𑀼 𑀕𑀼𑀡𑁄 𑀦𑀸𑀫, 𑀅𑀕𑀼𑀡𑁄𑀧𑀺 𑀇𑀥 𑀕𑀼𑀡𑁄𑀢𑁆𑀯𑁂𑀯 𑀯𑀼𑀘𑁆𑀘𑀢𑀺, 𑀢𑀲𑁆𑀫𑀺𑀁 𑀧𑀜𑁆𑀘𑀫𑀻 𑀳𑁄𑀢𑀺 𑀯𑀸.

𑀚𑀴𑀢𑁆𑀢𑀸 𑀩𑀦𑁆𑀥𑁄 𑀦𑀭𑁄 𑀚𑀴𑀢𑁆𑀢𑁂𑀦 𑀯𑀸, 𑀅𑀢𑁆𑀢𑀦𑁄 𑀩𑀸𑀮𑀢𑁆𑀢𑀸𑀬𑁂𑀯 𑀩𑀦𑁆𑀥𑁄𑀢𑀺 𑀅𑀢𑁆𑀣𑁄, 𑀧𑀜𑁆𑀜𑀸𑀬 𑀩𑀦𑁆𑀥𑀦𑀸 𑀫𑀼𑀢𑁆𑀢𑁄, 𑀯𑀸𑀘𑀸𑀬 𑀫𑀭𑀢𑀺, 𑀯𑀸𑀘𑀸𑀬 𑀫𑀼𑀘𑁆𑀘𑀢𑀺, 𑀯𑀸𑀘𑀸𑀬 𑀧𑀺𑀬𑁄 𑀳𑁄𑀢𑀺, 𑀯𑀸𑀘𑀸𑀬 𑀤𑁂𑀲𑁆𑀲𑁄, 𑀇𑀲𑁆𑀲𑀭𑀺𑀬𑀸 𑀚𑀦𑀁 𑀭𑀓𑁆𑀔𑀢𑀺 𑀭𑀸𑀚𑀸 𑀇𑀲𑁆𑀲𑀭𑀺𑀬𑁂𑀦 𑀯𑀸, 𑀲𑀻𑀮𑀢𑁄 𑀦𑀁 𑀧𑀲𑀁𑀲𑀦𑁆𑀢𑀺 [𑀅. 𑀦𑀺. 𑁪.𑁬] 𑀲𑀻𑀮𑁂𑀦 𑀯𑀸, 𑀳𑀼𑀢𑁆𑀯𑀸 𑀅𑀪𑀸𑀯𑀢𑁄 𑀅𑀦𑀺𑀘𑁆𑀘𑀸, 𑀉𑀤𑀬𑀩𑁆𑀩𑀬𑀧𑀻𑀴𑀦𑀢𑁄 𑀤𑀼𑀓𑁆𑀔𑀸, 𑀅𑀯𑀺𑀚𑁆𑀚𑀸𑀦𑀺𑀭𑁄𑀥𑀸 𑀲𑀗𑁆𑀔𑀸𑀭𑀦𑀺𑀭𑁄𑀥𑁄 [𑀉𑀤𑀸. 𑁨], 𑀲𑀗𑁆𑀔𑀸𑀭𑀦𑀺𑀭𑁄𑀥𑀸 𑀯𑀺𑀜𑁆𑀜𑀸𑀡𑀦𑀺𑀭𑁄𑀥𑁄 [𑀉𑀤𑀸. 𑁨], 𑀘𑀢𑀼𑀦𑁆𑀦𑀁 𑀅𑀭𑀺𑀬𑀲𑀘𑁆𑀘𑀸𑀦𑀁 𑀅𑀦𑀜𑁆𑀜𑀸 𑀅𑀧𑁆𑀧𑀝𑀺𑀯𑁂𑀥𑀸 𑀤𑀻𑀖𑀫𑀤𑁆𑀥𑀸𑀦𑀁 𑀲𑀁𑀲𑀭𑀦𑁆𑀢𑀺 [𑀤𑀻. 𑀦𑀺. 𑁨.𑁧𑁮𑁬 (𑀯𑀺𑀲𑀤𑀺𑀲𑀁)] 𑀇𑀘𑁆𑀘𑀸𑀤𑀺.

𑀧𑀜𑁆𑀳𑀸, 𑀓𑀣𑀦𑁂𑀲𑀼𑀧𑀺 𑀧𑀜𑁆𑀘𑀫𑀻, 𑀓𑀼𑀢𑁄 𑀪𑀯𑀁, 𑀅𑀳𑀁 𑀧𑀸𑀝𑀮𑀺𑀧𑀼𑀢𑁆𑀢𑀢𑁄 𑀇𑀘𑁆𑀘𑀸𑀤𑀺.

𑀣𑁄𑀓𑀢𑁆𑀣𑁂𑀧𑀺 𑀅𑀲𑀢𑁆𑀯𑀯𑀘𑀦𑁂 𑀧𑀜𑁆𑀘𑀫𑀻, 𑀲𑀢𑁆𑀯𑀁 𑀯𑀼𑀘𑁆𑀘𑀢𑀺 𑀤𑀩𑁆𑀩𑀁, 𑀣𑁄𑀓𑀸 𑀫𑀼𑀘𑁆𑀘𑀢𑀺 𑀣𑁄𑀓𑁂𑀦 𑀯𑀸, 𑀫𑀼𑀘𑁆𑀘𑀦𑀫𑀢𑁆𑀢𑀁 𑀳𑁄𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺 ‘‘𑀦𑀤𑀺𑀁 𑀢𑀭𑀦𑁆𑀢𑁄 𑀫𑀦𑀁 𑀯𑀼𑀴𑁆𑀳𑁄’’𑀢𑀺 [𑀫𑀳𑀸𑀯. 𑁧𑁪𑁮] 𑀏𑀢𑁆𑀣 𑀯𑀺𑀬. 𑀅𑀧𑁆𑀧𑀫𑀢𑁆𑀢𑀓𑀸 𑀫𑀼𑀘𑁆𑀘𑀢𑀺 𑀅𑀧𑁆𑀧𑀫𑀢𑁆𑀢𑀓𑁂𑀦 𑀯𑀸, 𑀓𑀺𑀘𑁆𑀙𑀸 𑀫𑀼𑀘𑁆𑀘𑀢𑀺 𑀓𑀺𑀘𑁆𑀙𑁂𑀦 𑀯𑀸, 𑀓𑀺𑀘𑁆𑀙𑀸 𑀮𑀤𑁆𑀥𑁄 𑀧𑀺𑀬𑁄 𑀧𑀼𑀢𑁆𑀢𑁄 [𑀚𑀸. 𑁨.𑁨𑁨.𑁩𑁫𑁩], 𑀓𑀺𑀘𑁆𑀙𑀸 𑀫𑀼𑀢𑁆𑀢𑀸’𑀫𑁆𑀳 𑀤𑀼𑀓𑁆𑀔𑀲𑁆𑀫𑀸, 𑀬𑀸𑀫 𑀤𑀸𑀦𑀺 𑀫𑀳𑁄𑀲𑀥 [𑀚𑀸. 𑁨.𑁨𑁨.𑁭𑁦𑁦].

𑀅𑀲𑀢𑁆𑀯𑀯𑀘𑀦𑁂𑀢𑀺 ¶ 𑀓𑀺𑀁? 𑀧𑀘𑁆𑀘𑀢𑀺 𑀫𑀼𑀦𑀺𑀦𑁄 𑀪𑀢𑁆𑀢𑀁, 𑀣𑁄𑀓𑀁 𑀣𑁄𑀓𑀁 𑀖𑀭𑁂 𑀖𑀭𑁂𑀢𑀺 [𑀣𑁂𑀭𑀕𑀸. 𑁨𑁪𑁮 (𑀓𑀼𑀮𑁂 𑀓𑀼𑀮𑁂)].

‘‘𑀅𑀦𑀼𑀧𑀼𑀩𑁆𑀩𑁂𑀦 𑀫𑁂𑀥𑀸𑀯𑀻, 𑀣𑁄𑀓𑀁 𑀣𑁄𑀓𑀁 𑀔𑀡𑁂 𑀔𑀡𑁂 [𑀥. 𑀧. 𑁨𑁩𑁯]’’ 𑀇𑀘𑁆𑀘𑀸𑀤𑀻𑀲𑀼 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑁂 𑀤𑀼𑀢𑀺𑀬𑀸.

𑀅𑀓𑀢𑁆𑀢𑀭𑀺𑀧𑀺 𑀧𑀜𑁆𑀘𑀫𑀻, 𑀢𑀲𑁆𑀲 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑀉𑀧𑀘𑀺𑀢𑀢𑁆𑀢𑀸 𑀉𑀲𑁆𑀲𑀦𑁆𑀦𑀢𑁆𑀢𑀸 𑀯𑀺𑀧𑀼𑀮𑀢𑁆𑀢𑀸 𑀢𑀣𑀸𑀕𑀢𑁄 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀧𑀸𑀤𑁄 𑀳𑁄𑀢𑀺 [𑀤𑀻. 𑀦𑀺. 𑁩.𑁨𑁦𑁧]. 𑀏𑀢𑁆𑀣 𑀘 ‘𑀅𑀓𑀢𑁆𑀢𑀭𑀻’𑀢𑀺 𑀅𑀓𑀸𑀭𑀓𑁂 𑀜𑀸𑀧𑀓𑀳𑁂𑀢𑀼𑀫𑁆𑀳𑀻𑀢𑀺 𑀯𑀤𑀦𑁆𑀢𑀺. 𑀜𑀸𑀲𑁂 𑀧𑀦 ‘‘𑀅𑀓𑀢𑁆𑀢𑀭𑀻𑀢𑀺 𑀳𑁂𑀢𑁆𑀯𑀢𑁆𑀣𑁂 𑀲𑀗𑁆𑀕𑀡𑁆𑀳𑀸𑀢𑀺. 𑀬𑀢𑁆𑀣 𑀳𑀺 𑀓𑀢𑁆𑀢𑀼𑀩𑀼𑀤𑁆𑀥𑀺 𑀲𑀜𑁆𑀚𑀸𑀬𑀢𑁂, 𑀲𑁄𑀯 𑀓𑀢𑁆𑀢𑀸 𑀦 𑀳𑁄𑀢𑀻𑀢𑀺 𑀯𑀢𑁆𑀢𑀼𑀁 𑀲𑀓𑁆𑀓𑀸’’𑀢𑀺 𑀯𑀼𑀢𑁆𑀢𑀁. 𑀏𑀢𑁂𑀦 𑀓𑀢𑁆𑀢𑀼𑀲𑀤𑀺𑀲𑁄 𑀚𑀦𑀓𑀳𑁂𑀢𑀼 𑀅𑀓𑀢𑁆𑀢𑀸 𑀦𑀸𑀫𑀸𑀢𑀺 𑀤𑀻𑀧𑁂𑀢𑀺, 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸𑀇𑀘𑁆𑀘𑀸𑀤𑀺 𑀘 𑀚𑀦𑀓𑀳𑁂𑀢𑀼 𑀏𑀯𑀸𑀢𑀺.

𑀪𑀺𑀬𑁆𑀬𑀢𑁆𑀣𑀬𑁄𑀕𑁂 𑁋

𑀬𑁄𑀥 𑀲𑀻𑀢𑀜𑁆𑀘 𑀉𑀡𑁆𑀳𑀜𑁆𑀘, 𑀢𑀺𑀡𑀸 𑀪𑀺𑀬𑁆𑀬𑁄 𑀦 𑀫𑀜𑁆𑀜𑀢𑀺 [𑀤𑀻. 𑀦𑀺. 𑁩.𑁨𑁫𑁩], 𑀲𑀼𑀔𑀸 𑀪𑀺𑀬𑁆𑀬𑁄 𑀲𑁄𑀫𑀦𑀲𑁆𑀲𑀁 [𑀤𑀻. 𑀦𑀺. 𑁨.𑁨𑁮𑁭], 𑀔𑀦𑁆𑀢𑁆𑀬𑀸 𑀪𑀺𑀬𑁆𑀬𑁄 𑀦 𑀯𑀺𑀚𑁆𑀚𑀢𑀺 [𑀲𑀁. 𑀦𑀺. 𑁧.𑁨𑁫𑁦], 𑀫𑀬𑀸 𑀪𑀺𑀬𑁆𑀬𑁄 𑀦 𑀯𑀺𑀚𑁆𑀚𑀢𑀺, 𑀲𑁄𑀢𑀼𑀓𑀸𑀫𑀸𑀢𑁆𑀣 𑀢𑀼𑀫𑁆𑀳𑁂 𑀪𑀺𑀓𑁆𑀔𑀯𑁂 𑀪𑀺𑀬𑁆𑀬𑁄𑀲𑁄𑀫𑀢𑁆𑀢𑀸𑀬 𑀧𑀼𑀩𑁆𑀩𑁂𑀦𑀺𑀯𑀸𑀲𑀓𑀣𑀁, 𑀅𑀢𑁆𑀢𑀫𑀦𑁄 𑀢𑁆𑀯𑀁 𑀳𑁄𑀳𑀺 𑀧𑀭𑀁 𑀯𑀺𑀬 𑀫𑀢𑁆𑀢𑀸𑀬, 𑀅𑀳𑀫𑁆𑀧𑀺 𑀅𑀢𑁆𑀢𑀫𑀦𑁄 𑀳𑁄𑀫𑀺 𑀧𑀭𑀁 𑀯𑀺𑀬 𑀫𑀢𑁆𑀢𑀸𑀬.

𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀙𑀝𑁆𑀞𑀻𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀙𑀝𑁆𑀞𑀻?

𑁩𑁨𑁦. 𑀙𑀝𑁆𑀞𑀻 𑀲𑀫𑁆𑀩𑀦𑁆𑀥𑁂 [𑀓. 𑁩𑁦𑁧; 𑀭𑀽. 𑁩𑁧𑁫; 𑀦𑀻. 𑁬𑁦𑁯; 𑀘𑀁. 𑁨.𑁧.𑁯𑁫; 𑀧𑀸. 𑁨.𑁩.𑁫𑁦].

𑀤𑁆𑀯𑀺𑀦𑁆𑀦𑀁 𑀲𑀫𑁆𑀩𑀦𑁆𑀥𑀻𑀦𑀁 𑀓𑁂𑀦𑀘𑀺 𑀧𑀓𑀸𑀭𑁂𑀦 𑀆𑀬𑀢𑁆𑀢𑀪𑀸𑀯𑁄 𑀲𑀫𑁆𑀩𑀦𑁆𑀥𑁄 𑀦𑀸𑀫, 𑀲𑀫𑁆𑀩𑀦𑁆𑀥𑁂 𑀚𑁄𑀢𑁂𑀢𑀩𑁆𑀩𑁂 𑀯𑀺𑀲𑁂𑀲𑀦𑀲𑀫𑁆𑀩𑀦𑁆𑀥𑀺𑀫𑁆𑀳𑀺 𑀙𑀝𑁆𑀞𑀻 𑀳𑁄𑀢𑀺.

𑀢𑀢𑁆𑀣 ¶ 𑀓𑁆𑀭𑀺𑀬𑀸𑀓𑀸𑀭𑀓𑀲𑀜𑁆𑀚𑀸𑀢𑁄 𑀅𑀲𑁆𑀲𑁂𑀤𑀫𑁆𑀪𑀸𑀯𑀳𑁂𑀢𑀼𑀓𑁄 𑀲𑀫𑁆𑀩𑀦𑁆𑀥𑁄 𑀦𑀸𑀫𑀸𑀢𑀺 𑀯𑀼𑀢𑁆𑀢𑀁. 𑀢𑀢𑁆𑀣 𑀤𑁆𑀯𑁂 𑀲𑀫𑁆𑀩𑀦𑁆𑀥𑀺𑀦𑁄 𑀅𑀜𑁆𑀜𑀫𑀜𑁆𑀜𑀁 𑀢𑀁𑀢𑀁𑀓𑁆𑀭𑀺𑀬𑀁 𑀓𑀭𑁄𑀦𑁆𑀢𑀺, 𑀢𑀁 𑀤𑀺𑀲𑁆𑀯𑀸 ‘‘𑀇𑀫𑁂 𑀅𑀜𑁆𑀜𑀫𑀜𑁆𑀜𑀲𑀫𑁆𑀩𑀦𑁆𑀥𑀺𑀦𑁄’’𑀢𑀺 𑀚𑀸𑀦𑀦𑁆𑀢𑀲𑁆𑀲 𑀤𑁆𑀯𑀺𑀦𑁆𑀦𑀁 𑀓𑀸𑀭𑀓𑀸𑀦𑀁 𑀤𑁆𑀯𑀺𑀦𑁆𑀦𑀁 𑀓𑁆𑀭𑀺𑀬𑀸𑀦𑀜𑁆𑀘 𑀲𑀁𑀬𑁄𑀕𑀁 𑀦𑀺𑀲𑁆𑀲𑀸𑀬 𑀲𑀫𑁆𑀩𑀦𑁆𑀥𑁄𑀧𑀺 𑀯𑀺𑀤𑀺𑀢𑁄 𑀳𑁄𑀢𑀺, 𑀏𑀯𑀁 𑀲𑀫𑁆𑀩𑀦𑁆𑀥𑁄 𑀓𑁆𑀭𑀺𑀬𑀸𑀓𑀸𑀭𑀓𑀲𑀜𑁆𑀚𑀸𑀢𑁄, ‘𑀇𑀫𑀲𑁆𑀲 𑀅𑀬’𑀦𑁆𑀢𑀺 𑀏𑀯𑀁 𑀧𑀯𑀢𑁆𑀢𑀩𑀼𑀤𑁆𑀥𑀺𑀬𑀸 𑀳𑁂𑀢𑀼𑀪𑀽𑀢𑀢𑁆𑀢𑀸 𑀅𑀲𑁆𑀲𑁂𑀤𑀫𑁆𑀪𑀸𑀯𑀳𑁂𑀢𑀼𑀓𑁄 𑀘.

𑀢𑀢𑁆𑀣 𑀲𑀫𑁆𑀩𑀦𑁆𑀥𑁄 𑀢𑀺𑀯𑀺𑀥𑁄 𑀲𑀸𑀫𑀺𑀲𑀫𑁆𑀩𑀦𑁆𑀥𑁄, 𑀦𑀸𑀦𑀸𑀢𑁆𑀢𑀲𑀫𑁆𑀩𑀦𑁆𑀥𑁄, 𑀓𑁆𑀭𑀺𑀬𑀸𑀓𑀸𑀭𑀓𑀲𑀫𑁆𑀩𑀦𑁆𑀥𑁄𑀢𑀺.

𑀢𑀢𑁆𑀣 ‘𑀲𑀸𑀫𑀻’𑀢𑀺 𑀬𑀲𑁆𑀲 𑀓𑀲𑁆𑀲𑀘𑀺 𑀯𑀺𑀲𑁂𑀲𑀦𑀲𑀫𑁆𑀩𑀦𑁆𑀥𑀺𑀦𑁄 𑀦𑀸𑀫𑀁, 𑀢𑀲𑁆𑀫𑀸 𑀯𑀺𑀲𑁂𑀲𑁆𑀬𑀧𑀤𑀢𑁆𑀣𑀲𑁆𑀲 𑀢𑀁𑀢𑀁𑀯𑀺𑀲𑁂𑀲𑀦𑀪𑀸𑀯𑁂𑀦 𑀲𑀫𑁆𑀩𑀦𑁆𑀥𑁄 𑀲𑀸𑀫𑀺𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀲𑁄 𑀯𑀺𑀲𑁂𑀲𑁆𑀬𑀧𑀤𑀢𑁆𑀣𑀪𑁂𑀤𑁂𑀦 𑀅𑀦𑁂𑀓𑀯𑀺𑀥𑁄.

𑀢𑀢𑁆𑀣 𑀢𑀲𑁆𑀲 𑀫𑀸𑀢𑀸, 𑀢𑀲𑁆𑀲 𑀧𑀺𑀢𑀸𑀇𑀘𑁆𑀘𑀸𑀤𑀺 𑀚𑀦𑀓𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀢𑀲𑁆𑀲𑀸 𑀧𑀼𑀢𑁆𑀢𑁄, 𑀢𑀲𑁆𑀲𑀸 𑀥𑀻𑀢𑀸 𑀇𑀘𑁆𑀘𑀸𑀤𑀺 𑀚𑀜𑁆𑀜𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀢𑀲𑁆𑀲 𑀪𑀸𑀢𑀸, 𑀢𑀲𑁆𑀲 𑀪𑀕𑀺𑀦𑀻 𑀇𑀘𑁆𑀘𑀸𑀤𑀺 𑀓𑀼𑀮𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀲𑀓𑁆𑀓𑁄 𑀤𑁂𑀯𑀸𑀦𑀫𑀺𑀦𑁆𑀤𑁄 [𑀲𑀁. 𑀦𑀺. 𑁧.𑁨𑁪𑁮] 𑀇𑀘𑁆𑀘𑀸𑀤𑀺 𑀲𑀸𑀫𑀺𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀧𑀳𑀽𑀢𑀁 𑀫𑁂 𑀥𑀦𑀁 𑀲𑀓𑁆𑀓 [𑀚𑀸. 𑁧.𑁧𑁫.𑁭𑁨], 𑀪𑀺𑀓𑁆𑀔𑀼𑀲𑁆𑀲 𑀧𑀢𑁆𑀢𑀘𑀻𑀯𑀭𑀁 𑀇𑀘𑁆𑀘𑀸𑀤𑀺 𑀲𑀁𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀅𑀫𑁆𑀩𑀯𑀦𑀲𑁆𑀲 𑀅𑀯𑀺𑀤𑀽𑀭𑁂, 𑀦𑀺𑀩𑁆𑀩𑀸𑀦𑀲𑁆𑀲𑁂𑀯 𑀲𑀦𑁆𑀢𑀺𑀓𑁂 [𑀥. 𑀧. 𑁩𑁨] 𑀇𑀘𑁆𑀘𑀸𑀤𑀺 𑀲𑀫𑀻𑀧𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀲𑀼𑀯𑀡𑁆𑀡𑀲𑁆𑀲 𑀭𑀸𑀲𑀺, 𑀪𑀺𑀓𑁆𑀔𑀽𑀦𑀁 𑀲𑀫𑀽𑀳𑁄 𑀇𑀘𑁆𑀘𑀸𑀤𑀺 𑀲𑀫𑀽𑀳𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀫𑀦𑀼𑀲𑁆𑀲𑀲𑁆𑀲𑁂𑀯 𑀢𑁂 𑀲𑀻𑀲𑀁 [𑀚𑀸. 𑁧.𑁪.𑁮𑁧], 𑀭𑀼𑀓𑁆𑀔𑀲𑁆𑀲 𑀲𑀸𑀔𑀸 𑀇𑀘𑁆𑀘𑀸𑀤𑀺 𑀅𑀯𑀬𑀯𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀲𑀼𑀯𑀡𑁆𑀡𑀲𑁆𑀲 ¶ 𑀪𑀸𑀚𑀦𑀁, 𑀅𑀮𑀸𑀩𑀼𑀲𑁆𑀲 𑀓𑀝𑀸𑀳𑀁, 𑀪𑀝𑁆𑀞𑀥𑀜𑁆𑀜𑀸𑀦𑀁 𑀲𑀢𑁆𑀢𑀼 𑀇𑀘𑁆𑀘𑀸𑀤𑀺 𑀯𑀺𑀓𑀸𑀭𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀬𑀯𑀲𑁆𑀲 𑀅𑀗𑁆𑀓𑀼𑀭𑁄, 𑀫𑁂𑀖𑀲𑁆𑀲 𑀲𑀤𑁆𑀤𑁄, 𑀧𑀼𑀧𑁆𑀨𑀸𑀦𑀁 𑀕𑀦𑁆𑀥𑁄, 𑀨𑀮𑀸𑀦𑀁 𑀭𑀲𑁄, 𑀅𑀕𑁆𑀕𑀺𑀲𑁆𑀲 𑀥𑀽𑀫𑁄 𑀇𑀘𑁆𑀘𑀸𑀤𑀺 𑀓𑀸𑀭𑀺𑀬𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀔𑀦𑁆𑀥𑀸𑀦𑀁 𑀚𑀸𑀢𑀺, 𑀔𑀦𑁆𑀥𑀸𑀦𑀁 𑀚𑀭𑀸, 𑀔𑀦𑁆𑀥𑀸𑀦𑀁 𑀪𑁂𑀤𑁄 [𑀲𑀁. 𑀦𑀺. 𑁨.𑁧] 𑀇𑀘𑁆𑀘𑀸𑀤𑀺 𑀅𑀯𑀢𑁆𑀣𑀸𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀲𑀼𑀯𑀡𑁆𑀡𑀲𑁆𑀲 𑀯𑀡𑁆𑀡𑁄, 𑀯𑀡𑁆𑀡𑁄 𑀦 𑀔𑀻𑀬𑁆𑀬𑁂𑀣 𑀢𑀣𑀸𑀕𑀢𑀲𑁆𑀲 [𑀤𑀻. 𑀦𑀺. 𑀅𑀝𑁆𑀞. 𑁧.𑁩𑁦𑁪], 𑀩𑀼𑀤𑁆𑀥𑀲𑁆𑀲 𑀓𑀺𑀢𑁆𑀢𑀺𑀲𑀤𑁆𑀤𑁄, 𑀲𑀺𑀧𑁆𑀧𑀺𑀓𑀸𑀦𑀁 𑀲𑀢𑀁 𑀦𑀢𑁆𑀣𑀺 [𑀚𑀸. 𑁧.𑁧.𑁧𑁧𑁩], 𑀢𑀺𑀮𑀸𑀦𑀁 𑀫𑀼𑀝𑁆𑀞𑀺 𑀇𑀘𑁆𑀘𑀸𑀤𑀺 𑀕𑀼𑀡𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀧𑀸𑀤𑀲𑁆𑀲 𑀉𑀓𑁆𑀔𑀺𑀧𑀦𑀁, 𑀳𑀢𑁆𑀣𑀲𑁆𑀲 𑀲𑀫𑀺𑀜𑁆𑀚𑀦𑀁, 𑀥𑀸𑀢𑀽𑀦𑀁 𑀕𑀫𑀦𑀁 𑀞𑀸𑀦𑀁 𑀇𑀘𑁆𑀘𑀸𑀤𑀺 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑁄 𑀦𑀸𑀫.

𑀘𑀸𑀢𑀼𑀫𑀳𑀸𑀭𑀸𑀚𑀺𑀓𑀸𑀦𑀁 𑀞𑀸𑀦𑀁 𑀇𑀘𑁆𑀘𑀸𑀤𑀺 𑀞𑀸𑀦𑀲𑀫𑁆𑀩𑀦𑁆𑀥𑁄 𑀦𑀸𑀫. 𑀏𑀯𑀫𑀸𑀤𑀺𑀦𑀸 𑀦𑀬𑁂𑀦 𑀲𑀸𑀫𑀺𑀲𑀫𑁆𑀩𑀦𑁆𑀥𑁄 𑀅𑀦𑁂𑀓𑀲𑀳𑀲𑁆𑀲𑀧𑁆𑀧𑀪𑁂𑀤𑁄, 𑀲𑁄 𑀘 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑀸𑀪𑀸𑀯𑀸 𑀓𑀸𑀭𑀓𑁄 𑀦𑀸𑀫 𑀦 𑀳𑁄𑀢𑀺. 𑀬𑀤𑀺 𑀏𑀯𑀁 ‘‘𑀧𑀸𑀤𑀲𑁆𑀲 𑀉𑀓𑁆𑀔𑀺𑀧𑀦𑀁’’ 𑀇𑀘𑁆𑀘𑀸𑀤𑀺 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑁄 𑀦𑀸𑀫𑀸𑀢𑀺 𑀇𑀤𑀁 𑀦 𑀬𑀼𑀚𑁆𑀚𑀢𑀻𑀢𑀺? 𑀯𑀼𑀘𑁆𑀘𑀢𑁂 𑁋 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑀸𑀪𑀸𑀯𑀸𑀢𑀺 𑀇𑀤𑀁 𑀲𑀸𑀥𑀓𑀪𑀸𑀯𑁂𑀦 𑀲𑀫𑁆𑀩𑀦𑁆𑀥𑀸𑀪𑀸𑀯𑀁 𑀲𑀦𑁆𑀥𑀸𑀬 𑀯𑀼𑀢𑁆𑀢𑀁, 𑀲𑀺𑀤𑁆𑀥𑀸𑀬 𑀧𑀦 𑀓𑁆𑀭𑀺𑀬𑀸𑀬 𑀲𑀫𑁆𑀩𑀦𑁆𑀥𑀁 𑀲𑀦𑁆𑀥𑀸𑀬 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑁄 𑀦𑀸𑀫 𑀯𑀼𑀢𑁆𑀢𑁄𑀢𑀺.

𑀦𑀸𑀦𑀸𑀢𑁆𑀢𑀲𑀫𑁆𑀩𑀦𑁆𑀥𑁂 𑀧𑀦 𑀦𑀸𑀦𑀸𑀅𑀢𑁆𑀣𑁂𑀲𑀼 𑀙𑀝𑁆𑀞𑀻 𑀳𑁄𑀢𑀺. 𑀢𑀢𑁆𑀣 𑀡𑀻, 𑀆𑀯𑀻𑀧𑀘𑁆𑀘𑀬𑀸𑀦𑀁 𑀓𑀫𑁆𑀫𑁂 𑀦𑀺𑀘𑁆𑀘𑀁 𑀙𑀝𑁆𑀞𑀻, 𑀛𑀸𑀦𑀲𑁆𑀲 𑀮𑀸𑀪𑀻, 𑀘𑀻𑀯𑀭𑀲𑁆𑀲 𑀮𑀸𑀪𑀻, 𑀥𑀦𑀲𑁆𑀲 𑀮𑀸𑀪𑀻, 𑀆𑀤𑀻𑀦𑀯𑀲𑁆𑀲 𑀤𑀲𑁆𑀲𑀸𑀯𑀻, 𑀅𑀢𑁆𑀣𑀺 𑀭𑀽𑀧𑀸𑀦𑀁 𑀤𑀲𑁆𑀲𑀸𑀯𑀻, 𑀅𑀢𑁆𑀣𑀺 𑀲𑀫𑀯𑀺𑀲𑀫𑀲𑁆𑀲 𑀤𑀲𑁆𑀲𑀸𑀯𑀻, 𑀅𑀢𑁆𑀣𑀺 𑀢𑀸𑀭𑀓𑀭𑀽𑀧𑀸𑀦𑀁 𑀤𑀲𑁆𑀲𑀸𑀯𑀻, 𑀅𑀢𑁆𑀣𑀺 𑀘𑀦𑁆𑀤𑀺𑀫𑀲𑀽𑀭𑀺𑀬𑀸𑀦𑀁 𑀤𑀲𑁆𑀲𑀸𑀯𑀻.

𑀢𑀼, 𑀅𑀓, 𑀅𑀦, 𑀡𑀧𑀘𑁆𑀘𑀬𑀸𑀦𑀁 𑀬𑁄𑀕𑁂 𑀓𑁆𑀯𑀘𑀺 𑀓𑀫𑁆𑀫𑀢𑁆𑀣𑁂 𑀙𑀝𑁆𑀞𑀻.

𑀢𑀼𑀧𑀘𑁆𑀘𑀬𑁂 𑀢𑀸𑀯 𑁋

𑀢𑀲𑁆𑀲 ¶ 𑀪𑀯𑀦𑁆𑀢𑀺 𑀯𑀢𑁆𑀢𑀸𑀭𑁄 [𑀫. 𑀦𑀺. 𑁨.𑁧𑁭𑁩], 𑀲𑀳𑀲𑀸 𑀓𑀫𑁆𑀫𑀲𑁆𑀲 𑀓𑀢𑁆𑀢𑀸𑀭𑁄, 𑀅𑀫𑀢𑀲𑁆𑀲 𑀤𑀸𑀢𑀸 [𑀫. 𑀦𑀺. 𑁧.𑁨𑁦𑁩], 𑀪𑀺𑀦𑁆𑀦𑀸𑀦𑀁 𑀲𑀦𑁆𑀥𑀸𑀢𑀸 [𑀤𑀻. 𑀦𑀺. 𑁧.𑁯, 𑁧𑁬𑁪], 𑀲𑀳𑀺𑀢𑀸𑀦𑀁 𑀯𑀸 𑀅𑀦𑀼𑀧𑁆𑀧𑀤𑀸𑀢𑀸 [𑀤𑀻. 𑀦𑀺. 𑁧.𑁯, 𑁧𑁬𑁪] 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀻𑀢𑀺 𑀓𑀺𑀁? 𑀕𑀫𑁆𑀪𑀻𑀭𑀜𑁆𑀘 𑀓𑀣𑀁 𑀓𑀢𑁆𑀢𑀸 [𑀅. 𑀦𑀺. 𑁭.𑁩𑁭], 𑀕𑀸𑀥𑀁 𑀓𑀢𑁆𑀢𑀸 𑀦𑁄𑀯𑀲𑀺𑀢𑀸 [𑀅. 𑀦𑀺. 𑁪.𑁧𑁦𑁭], 𑀓𑀸𑀮𑁂𑀦 𑀥𑀫𑁆𑀫𑀻𑀓𑀣𑀁 𑀪𑀸𑀲𑀺𑀢𑀸, 𑀲𑀭𑀲𑀺 𑀢𑁆𑀯𑀁 𑀏𑀯𑀭𑀽𑀧𑀁 𑀯𑀸𑀘𑀁 𑀪𑀸𑀲𑀺𑀢𑀸, 𑀧𑀭𑁂𑀲𑀁 𑀧𑀼𑀜𑁆𑀜𑀁 𑀅𑀦𑀼𑀫𑁄𑀤𑁂𑀢𑀸, 𑀩𑀼𑀚𑁆𑀛𑀺𑀢𑀸 𑀲𑀘𑁆𑀘𑀸𑀦𑀺 [𑀫𑀳𑀸𑀦𑀺. 𑁧𑁯𑁨] 𑀇𑀘𑁆𑀘𑀸𑀤𑀺.

𑀅𑀓𑀧𑀘𑁆𑀘𑀬𑁂 𑁋

𑀓𑀫𑁆𑀫𑀲𑁆𑀲 𑀓𑀸𑀭𑀓𑁄 𑀦𑀢𑁆𑀣𑀺, 𑀯𑀺𑀧𑀸𑀓𑀲𑁆𑀲 𑀘 𑀯𑁂𑀤𑀓𑁄 [𑀯𑀺𑀲𑀼𑀤𑁆𑀥𑀺 𑁨.𑁬𑁮𑁯], 𑀅𑀯𑀺𑀲𑀁𑀯𑀸𑀤𑀓𑁄 𑀮𑁄𑀓𑀲𑁆𑀲 [𑀤𑀻. 𑀦𑀺. 𑁧.𑁯] 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀻𑀢𑀺 𑀓𑀺𑀁? 𑀫𑀳𑀢𑀺𑀁 𑀫𑀳𑀺𑀁 𑀅𑀦𑀼𑀲𑀸𑀲𑀓𑁄, 𑀚𑀦𑀁 𑀅𑀳𑁂𑀞𑀓𑁄, 𑀓𑀝𑀁 𑀓𑀸𑀭𑀓𑁄, 𑀧𑀲𑀯𑁄 𑀖𑀸𑀢𑀓𑁄 𑀇𑀘𑁆𑀘𑀸𑀤𑀺.

𑀅𑀦𑀧𑀘𑁆𑀘𑀬𑁂 𑁋

𑀧𑀸𑀧𑀲𑁆𑀲 𑀅𑀓𑀭𑀡𑀁 𑀲𑀼𑀔𑀁 [𑀥. 𑀧. 𑁬𑁧], 𑀪𑀸𑀭𑀲𑁆𑀲 𑀉𑀓𑁆𑀔𑀺𑀧𑀦𑀁, 𑀳𑀢𑁆𑀣𑀲𑁆𑀲 𑀕𑀳𑀡𑀁, 𑀳𑀢𑁆𑀣𑀲𑁆𑀲 𑀧𑀭𑀸𑀫𑀲𑀦𑀁, 𑀅𑀜𑁆𑀜𑀢𑀭𑀲𑁆𑀲 𑀅𑀗𑁆𑀕𑀲𑁆𑀲 𑀧𑀭𑀸𑀫𑀲𑀦𑀁 [𑀧𑀸𑀭𑀸. 𑁨𑁭𑁦] 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀻𑀢𑀺 𑀓𑀺𑀁? 𑀪𑀕𑀯𑀦𑁆𑀢𑀁 𑀤𑀲𑁆𑀲𑀦𑀸𑀬 [𑀉𑀤𑀸. 𑁨𑁩] 𑀇𑀘𑁆𑀘𑀸𑀤𑀺.

𑀡𑀧𑀘𑁆𑀘𑀬𑁂 𑁋

𑀅𑀘𑁆𑀙𑀭𑀺𑀬𑁄 𑀅𑀭𑀚𑀓𑁂𑀦 𑀯𑀢𑁆𑀣𑀸𑀦𑀁 𑀭𑀸𑀕𑁄, 𑀅𑀕𑁄𑀧𑀸𑀮𑀓𑁂𑀦 𑀕𑀸𑀯𑀻𑀦𑀁 𑀤𑁄𑀳𑁄, 𑀅𑀧𑁆𑀧𑀧𑀼𑀜𑁆𑀜𑁂𑀦 𑀮𑀸𑀪𑀸𑀦𑀁 𑀮𑀸𑀪𑁄, 𑀳𑀢𑁆𑀣𑀲𑁆𑀲 𑀕𑀸𑀳𑁄, 𑀧𑀢𑁆𑀢𑀲𑁆𑀲 𑀧𑀝𑀺𑀕𑁆𑀕𑀸𑀳𑁄 𑀇𑀘𑁆𑀘𑀸𑀤𑀺.

𑀢𑁆𑀯𑀸𑀧𑀘𑁆𑀘𑀬𑁂𑀧𑀺 ¶ 𑀓𑁆𑀯𑀘𑀺 𑀓𑀫𑁆𑀫𑀦𑀺 𑀙𑀝𑁆𑀞𑀻, 𑀅𑀮𑀚𑁆𑀚𑀻𑀦𑀁 𑀦𑀺𑀲𑁆𑀲𑀸𑀬, 𑀆𑀬𑀲𑁆𑀫𑀢𑁄 𑀦𑀺𑀲𑁆𑀲𑀸𑀬 𑀯𑀘𑁆𑀙𑀸𑀫𑀺, 𑀘𑀢𑀼𑀦𑁆𑀦𑀁 𑀫𑀳𑀸𑀪𑀽𑀢𑀸𑀦𑀁 𑀉𑀧𑀸𑀤𑀸𑀬 𑀧𑀲𑀸𑀤𑁄 [𑀥. 𑀲. 𑁫𑁯𑁬-𑁫𑁯𑁯 (𑀉𑀧𑀸𑀤𑀸𑀬)] 𑀇𑀘𑁆𑀘𑀸𑀤𑀺.

𑀓𑀢𑁆𑀢𑀭𑀺 𑀢, 𑀢𑀯𑀦𑁆𑀢𑀼, 𑀢𑀸𑀯𑀻, 𑀫𑀸𑀦’𑀦𑁆𑀢𑀸𑀦𑀁 𑀬𑁄𑀕𑁂 𑀧𑀦 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸 𑀏𑀯, 𑀲𑀼𑀔𑀓𑀸𑀫𑁄 𑀯𑀺𑀳𑀸𑀭𑀁 𑀓𑀢𑁄, 𑀕𑀸𑀫𑀁 𑀕𑀢𑁄, 𑀑𑀤𑀦𑀁 𑀪𑀼𑀢𑁆𑀢𑀯𑀸 𑀪𑀼𑀢𑁆𑀢𑀸𑀯𑀻, 𑀓𑀫𑁆𑀫𑀁 𑀓𑀼𑀭𑀼𑀫𑀸𑀦𑁄, 𑀓𑀫𑁆𑀫𑀁 𑀓𑀭𑁄𑀦𑁆𑀢𑁄 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 𑀙𑀝𑁆𑀞𑀻𑀧𑀺 𑀤𑀺𑀲𑁆𑀲𑀢𑀺, 𑀥𑀫𑁆𑀫𑀲𑁆𑀲 𑀕𑀼𑀢𑁆𑀢𑁄 𑀫𑁂𑀥𑀸𑀯𑀻 [𑀥. 𑀧. 𑁨𑁫𑁭] 𑀇𑀘𑁆𑀘𑀸𑀤𑀺.

𑀲𑀭, 𑀇𑀲𑀼, 𑀘𑀺𑀦𑁆𑀢, 𑀇𑀲, 𑀤𑀬𑀥𑀸𑀢𑀽𑀦𑀁 𑀓𑀫𑁆𑀫𑀦𑀺 𑀙𑀝𑁆𑀞𑀻 𑀯𑀸, 𑀫𑀸𑀢𑀼𑀲𑁆𑀲 𑀲𑀭𑀢𑀺, 𑀫𑀸𑀢𑀭𑀁 𑀲𑀭𑀢𑀺, 𑀧𑀺𑀢𑀼𑀲𑁆𑀲 𑀲𑀭𑀢𑀺, 𑀧𑀺𑀢𑀭𑀁 𑀲𑀭𑀢𑀺, 𑀦 𑀭𑀚𑁆𑀚𑀲𑁆𑀲 𑀲𑀭𑀺𑀲𑁆𑀲𑀲𑀺 [𑀚𑀸. 𑁨.𑁨𑁨.𑁧𑁭𑁨𑁧], 𑀦 𑀢𑁂𑀲𑀁 𑀓𑁄𑀘𑀺 𑀲𑀭𑀢𑀺, 𑀲𑀢𑁆𑀢𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑀸 [𑀔𑀼. 𑀧𑀸. 𑁭.𑁨], 𑀆𑀧𑀢𑁆𑀢𑀺𑀧𑀭𑀺𑀬𑀦𑁆𑀢𑀁 𑀦𑀲𑁆𑀲𑀭𑀢𑀺, 𑀭𑀢𑁆𑀢𑀺𑀧𑀭𑀺𑀬𑀦𑁆𑀢𑀁 𑀦𑀲𑁆𑀲𑀭𑀢𑀺 [𑀘𑀽𑀴𑀯. 𑁧𑁫𑁭], 𑀧𑀼𑀢𑁆𑀢𑀲𑁆𑀲 𑀇𑀘𑁆𑀙𑀢𑀺 𑀧𑀼𑀢𑁆𑀢𑀁 𑀯𑀸, 𑀫𑀸𑀢𑀼𑀲𑁆𑀲 𑀘𑀺𑀦𑁆𑀢𑁂𑀢𑀺 𑀫𑀸𑀢𑀭𑀁 𑀯𑀸, 𑀣𑁂𑀭𑀲𑁆𑀲 𑀅𑀚𑁆𑀛𑁂𑀲𑀢𑀺 𑀣𑁂𑀭𑀁 𑀯𑀸, 𑀢𑁂𑀮𑀲𑁆𑀲 𑀤𑀬𑀢𑀺 𑀢𑁂𑀮𑀁 𑀯𑀸, 𑀭𑀓𑁆𑀔𑀢𑀻𑀢𑀺 𑀅𑀢𑁆𑀣𑁄.

𑀓𑀭𑀥𑀸𑀢𑀼𑀲𑁆𑀲 𑀅𑀪𑀺𑀲𑀗𑁆𑀔𑀭𑀡𑀢𑁆𑀣𑀯𑀸𑀘𑀺𑀦𑁄 𑀓𑀫𑁆𑀫𑁂 𑀙𑀝𑁆𑀞𑀻, 𑀉𑀤𑀓𑀲𑁆𑀲 𑀧𑀝𑀺𑀓𑀼𑀭𑀼𑀢𑁂 𑀉𑀤𑀓𑀁 𑀯𑀸, 𑀓𑀡𑁆𑀟𑀲𑁆𑀲 𑀧𑀝𑀺𑀓𑀼𑀭𑀼𑀢𑁂 𑀓𑀡𑁆𑀟𑀁 𑀯𑀸 𑀇𑀘𑁆𑀘𑀸𑀤𑀺.

𑀢𑀧𑀘𑁆𑀘𑀬𑁂 𑀧𑀽𑀚𑀦𑀢𑁆𑀣𑀸𑀤𑀺𑀥𑀸𑀢𑀽𑀦𑀁 𑀓𑀢𑁆𑀢𑀭𑀺 𑀙𑀝𑁆𑀞𑀻 𑀯𑀸, 𑀭𑀜𑁆𑀜𑁄 𑀲𑀫𑁆𑀫𑀢𑁄 𑀭𑀜𑁆𑀜𑀸 𑀯𑀸, 𑀕𑀸𑀫𑀲𑁆𑀲 𑀧𑀽𑀚𑀺𑀢𑁄 𑀕𑀸𑀫𑁂𑀦 𑀯𑀸, 𑀭𑀜𑁆𑀜𑁄 𑀲𑀓𑁆𑀓𑀢𑁄 𑀭𑀜𑁆𑀜𑀸 𑀯𑀸, 𑀭𑀜𑁆𑀜𑁄 𑀅𑀧𑀘𑀺𑀢𑁄 𑀭𑀜𑁆𑀜𑀸 𑀯𑀸, 𑀭𑀜𑁆𑀜𑁄 𑀫𑀸𑀦𑀺𑀢𑁄 [𑀤𑀻. 𑀦𑀺. 𑁧.𑁩𑁦𑁩] 𑀭𑀜𑁆𑀜𑀸 𑀯𑀸, 𑀢𑀣𑀸 𑀲𑀼𑀧𑁆𑀧𑀝𑀺𑀯𑀺𑀤𑁆𑀥𑀸 𑀩𑀼𑀤𑁆𑀥𑀸𑀦𑀁 𑀥𑀫𑁆𑀫𑀥𑀸𑀢𑀼, 𑀅𑀫𑀢𑀁 𑀢𑁂𑀲𑀁 𑀧𑀭𑀺𑀪𑀼𑀢𑁆𑀢𑀁, 𑀬𑁂𑀲𑀁 𑀓𑀸𑀬𑀕𑀢𑀸𑀲𑀢𑀺 𑀧𑀭𑀺𑀪𑀼𑀢𑁆𑀢𑀸 [𑀅. 𑀦𑀺. 𑁧.𑁬𑁦𑁩], 𑀅𑀫𑀢𑀁 𑀢𑁂𑀲𑀁 𑀯𑀺𑀭𑀤𑁆𑀥𑀁, 𑀬𑁂𑀲𑀁 𑀓𑀸𑀬𑀕𑀢𑀸𑀲𑀢𑀺 𑀯𑀺𑀭𑀤𑁆𑀥𑀸 [𑀅. 𑀦𑀺. 𑁧.𑁬𑁦𑁩].

𑀢𑀺𑀧𑀘𑁆𑀘𑀬𑁂𑀧𑀺 ¶ 𑀓𑁆𑀯𑀘𑀺 𑀓𑀢𑁆𑀢𑀭𑀺 𑀙𑀝𑁆𑀞𑀻 𑀯𑀸, 𑀲𑁄𑀪𑀡𑀸 𑀓𑀘𑁆𑀘𑀸𑀬𑀦𑀲𑁆𑀲 𑀧𑀓𑀢𑀺 𑀓𑀘𑁆𑀘𑀸𑀬𑀦𑁂𑀦 𑀯𑀸, 𑀲𑁄𑀪𑀡𑀸 𑀩𑀼𑀤𑁆𑀥𑀖𑁄𑀲𑀲𑁆𑀲 𑀧𑀓𑀢𑀺 𑀩𑀼𑀤𑁆𑀥𑀖𑁄𑀲𑁂𑀦 𑀯𑀸 𑀇𑀘𑁆𑀘𑀸𑀤𑀺.

𑀧𑀽𑀚𑀦𑀢𑁆𑀣𑀸𑀦𑀁 𑀧𑀽𑀭𑀡𑀢𑁆𑀣𑀸𑀦𑀜𑁆𑀘 𑀓𑀭𑀡𑁂 𑀙𑀝𑁆𑀞𑀻, 𑀧𑀼𑀧𑁆𑀨𑀲𑁆𑀲 𑀩𑀼𑀤𑁆𑀥𑀁 𑀧𑀽𑀚𑁂𑀢𑀺 𑀧𑀼𑀧𑁆𑀨𑁂𑀦 𑀯𑀸, 𑀖𑀢𑀲𑁆𑀲 𑀅𑀕𑁆𑀕𑀺𑀁 𑀚𑀼𑀳𑁄𑀢𑀺 𑀖𑀢𑁂𑀦 𑀯𑀸, 𑀧𑀢𑁆𑀢𑀁 𑀉𑀤𑀓𑀲𑁆𑀲 𑀧𑀽𑀭𑁂𑀢𑁆𑀯𑀸, 𑀧𑀽𑀭𑀁 𑀦𑀸𑀦𑀸𑀧𑁆𑀧𑀓𑀸𑀭𑀲𑁆𑀲 𑀅𑀲𑀼𑀘𑀺𑀦𑁄 [𑀤𑀻. 𑀦𑀺. 𑁨.𑁩𑁭𑁭], 𑀩𑀸𑀮𑁄 𑀧𑀽𑀭𑀢𑀺 𑀧𑀸𑀧𑀲𑁆𑀲 [𑀥. 𑀧. 𑁧𑁨𑁧], 𑀥𑀻𑀭𑁄 𑀧𑀽𑀭𑀢𑀺 𑀧𑀼𑀜𑁆𑀜𑀲𑁆𑀲 [𑀥. 𑀧. 𑁧𑁨𑁧] 𑀧𑀽𑀭𑀢𑀺 𑀥𑀜𑁆𑀜𑀸𑀦𑀁 𑀯𑀸 𑀫𑀼𑀕𑁆𑀕𑀸𑀦𑀁 𑀯𑀸 𑀫𑀸𑀲𑀸𑀦𑀁 𑀯𑀸 𑀇𑀘𑁆𑀘𑀸𑀤𑀺. 𑀢𑀢𑀺𑀬𑀸 𑀯𑀸, 𑀔𑁂𑀫𑀸 𑀦𑀸𑀫 𑀧𑁄𑀓𑁆𑀔𑀭𑀡𑀻, 𑀧𑀼𑀡𑁆𑀡𑀸 𑀳𑀁𑀲𑁂𑀳𑀺 𑀢𑀺𑀝𑁆𑀞𑀢𑀺.

𑀢𑀩𑁆𑀩, 𑀭𑀼𑀚𑀸𑀤𑀺𑀬𑁄𑀕𑁂 𑀧𑀦 𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻 𑀏𑀯, 𑀬𑀓𑁆𑀔𑀲𑁂𑀦𑀸𑀧𑀢𑀻𑀦𑀁 𑀉𑀚𑁆𑀛𑀸𑀧𑁂𑀢𑀩𑁆𑀩𑀁 𑀯𑀺𑀓𑁆𑀓𑀦𑁆𑀤𑀺𑀢𑀩𑁆𑀩𑀁 𑀯𑀺𑀭𑀯𑀺𑀢𑀩𑁆𑀩𑀁 [𑀤𑀻. 𑀦𑀺. 𑁩.𑁨𑁮𑁩 (𑀯𑀺𑀲𑀤𑀺𑀲𑀁)], 𑀤𑁂𑀯𑀤𑀢𑁆𑀢𑀲𑁆𑀲 𑀭𑀼𑀚𑁆𑀚𑀢𑀺, 𑀭𑀚𑀓𑀲𑁆𑀲 𑀯𑀢𑁆𑀣𑀁 𑀤𑀤𑀸𑀢𑀺 𑀇𑀘𑁆𑀘𑀸𑀤𑀺.

𑀪𑀬𑀢𑁆𑀣𑀸𑀤𑀻𑀦𑀁 𑀅𑀧𑀸𑀤𑀸𑀦𑁂 𑀩𑀳𑀼𑀮𑀁 𑀙𑀝𑁆𑀞𑀻, 𑀓𑀺𑀁 𑀦𑀼 𑀔𑁄 𑀅𑀳𑀁 𑀢𑀲𑁆𑀲 𑀲𑀼𑀔𑀲𑁆𑀲 𑀪𑀸𑀬𑀸𑀫𑀺, 𑀲𑀩𑁆𑀩𑁂 𑀢𑀲𑀦𑁆𑀢𑀺 𑀤𑀡𑁆𑀟𑀲𑁆𑀲, 𑀲𑀩𑁆𑀩𑁂 𑀪𑀸𑀬𑀦𑁆𑀢𑀺 𑀫𑀘𑁆𑀘𑀼𑀦𑁄 [𑀥. 𑀧. 𑁧𑁨𑁯], 𑀪𑀻𑀢𑁄 𑀘𑀢𑀼𑀦𑁆𑀦𑀁 𑀆𑀲𑀻𑀯𑀺𑀲𑀸𑀦𑀁 [𑀲𑀁. 𑀦𑀺. 𑁪.𑁨𑁩𑁮], 𑀫𑀸 𑀪𑀺𑀓𑁆𑀔𑀯𑁂 𑀧𑀼𑀜𑁆𑀜𑀸𑀦𑀁 𑀪𑀸𑀬𑀺𑀢𑁆𑀣 [𑀉𑀤𑀸. 𑁨𑁨], 𑀲𑀗𑁆𑀔𑀸𑀢𑀼𑀁 𑀦𑁄𑀧𑀺 𑀲𑀓𑁆𑀓𑁄𑀫𑀺, 𑀫𑀼𑀲𑀸𑀯𑀸𑀤𑀲𑁆𑀲 𑀑𑀢𑁆𑀢𑀧𑀁 [𑀲𑀁. 𑀦𑀺. 𑁧.𑁧𑁮𑁪] 𑀇𑀘𑁆𑀘𑀸𑀤𑀺. 𑀢𑀢𑁆𑀣 ‘𑀑𑀢𑁆𑀢𑀧’𑀦𑁆𑀢𑀺 𑀑𑀢𑁆𑀢𑀧𑁆𑀧𑀦𑁆𑀢𑁄. 𑀢𑀣𑀸 𑀅𑀕𑁆𑀕𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲, 𑀚𑁂𑀝𑁆𑀞𑁄𑀳𑀫𑀲𑁆𑀫𑀺 𑀮𑁄𑀓𑀲𑁆𑀲 [𑀫. 𑀦𑀺. 𑁩.𑁨𑁦𑁭] 𑀇𑀘𑁆𑀘𑀸𑀤𑀺 𑀘.

𑀓𑀼𑀲𑀮, 𑀓𑁄𑀯𑀺𑀤, 𑀧𑀲𑀸𑀤𑀢𑁆𑀣𑀸𑀦𑀁 𑀆𑀥𑀸𑀭𑁂 𑀙𑀝𑁆𑀞𑀻, 𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑀲𑁆𑀲 [𑀚𑀸. 𑁨.𑁨𑁨.𑁯𑁪], 𑀓𑀼𑀲𑀮𑁄 𑀢𑁆𑀯𑀁 𑀭𑀣𑀲𑁆𑀲 𑀅𑀗𑁆𑀕𑀧𑀘𑁆𑀘𑀗𑁆𑀕𑀸𑀦𑀁 [𑀫. 𑀦𑀺. 𑁨.𑁮𑁭], 𑀅𑀫𑀘𑁆𑀘𑁂 𑀢𑀸𑀢 𑀚𑀸𑀦𑀸𑀳𑀺, 𑀥𑀻𑀭𑁂 𑀅𑀢𑁆𑀣𑀲𑁆𑀲 𑀓𑁄𑀯𑀺𑀤𑁂 [𑀚𑀸. 𑁧.𑁧𑁭.𑁧𑁩], 𑀦𑀭𑀸 𑀥𑀫𑁆𑀫𑀲𑁆𑀲 𑀓𑁄𑀯𑀺𑀤𑀸 [𑀚𑀸. 𑁧.𑁧.𑁩𑁭], 𑀫𑀕𑁆𑀕𑀸𑀫𑀕𑁆𑀕𑀲𑁆𑀲 𑀓𑁄𑀯𑀺𑀤𑀸, ‘‘𑀓𑁂𑀘𑀺 𑀇𑀤𑁆𑀥𑀻𑀲𑀼 𑀓𑁄𑀯𑀺𑀤𑀸’’𑀢𑀺𑀧𑀺 𑀅𑀢𑁆𑀣𑀺, 𑀲𑀦𑁆𑀢𑀺 𑀬𑀓𑁆𑀔𑀸 𑀩𑀼𑀤𑁆𑀥𑀲𑁆𑀲 𑀧𑀲𑀦𑁆𑀦𑀸 [𑀤𑀻. 𑀦𑀺. 𑁩.𑁨𑁭𑁬 (𑀯𑀺𑀲𑀤𑀺𑀲𑀁)], 𑀥𑀫𑁆𑀫𑀲𑁆𑀲 𑀧𑀲𑀦𑁆𑀦𑀸, 𑀲𑀗𑁆𑀖𑀲𑁆𑀲 𑀧𑀲𑀦𑁆𑀦𑀸, 𑀩𑀼𑀤𑁆𑀥𑁂 𑀧𑀲𑀦𑁆𑀦𑀸, 𑀥𑀫𑁆𑀫𑁂 𑀧𑀲𑀦𑁆𑀦𑀸, 𑀲𑀗𑁆𑀖𑁂 𑀧𑀲𑀦𑁆𑀦𑀸 𑀯𑀸. 𑀢𑀣𑀸 ¶ 𑀘𑁂𑀢𑁄𑀧𑀭𑀺𑀬𑀜𑀸𑀡𑀲𑁆𑀲, 𑀯𑀲𑀻 𑀳𑁄𑀫𑀺 𑀫𑀳𑀸𑀫𑀼𑀦𑀺. 𑀛𑀸𑀦𑀲𑁆𑀲 𑀯𑀲𑀺𑀫𑁆𑀳𑀺 𑀇𑀘𑁆𑀘𑀸𑀤𑀺.

𑁩𑁨𑁧. 𑀙𑀝𑁆𑀞𑀻 𑀳𑁂𑀢𑁆𑀯𑀢𑁆𑀣𑁂𑀳𑀺 [𑀭𑀽. 𑁧𑁬𑁩 𑀧𑀺𑀝𑁆𑀞𑁂; 𑀦𑀻. 𑁬𑁫𑁦; 𑀘𑀁. 𑁨.𑁧.𑁭𑁧; 𑀧𑀸. 𑁨.𑁩.𑁨𑁬].

𑀳𑁂𑀢𑁆𑀯𑀢𑁆𑀣𑁂𑀳𑀺 𑀬𑁄𑀕𑁂 𑀳𑁂𑀢𑀼𑀫𑁆𑀳𑀺 𑀙𑀝𑁆𑀞𑀻 𑀳𑁄𑀢𑀺.

𑀢𑀁 𑀓𑀺𑀲𑁆𑀲 𑀳𑁂𑀢𑀼 [𑀫. 𑀦𑀺. 𑁧.𑁨; 𑀘𑀁. 𑁨.𑁧.𑁯𑁬; 𑀧𑀸. 𑁨.𑁩.𑁭𑁨], 𑀅𑀗𑁆𑀕𑀯𑀭𑀲𑁆𑀲 𑀳𑁂𑀢𑀼, 𑀉𑀤𑀭𑀲𑁆𑀲 𑀳𑁂𑀢𑀼, 𑀉𑀤𑀭𑀲𑁆𑀲 𑀓𑀸𑀭𑀡𑀸 [𑀧𑀸𑀭𑀸. 𑁨𑁨𑁮] 𑀇𑀘𑁆𑀘𑀸𑀤𑀺.

𑁩𑁨𑁨. 𑀢𑀼𑀮𑁆𑀬𑀢𑁆𑀣𑁂𑀦 𑀯𑀸 𑀢𑀢𑀺𑀬𑀸 [𑀦𑀻. 𑁬𑁩𑁮].

𑀢𑀼𑀮𑁆𑀬𑀢𑁆𑀣𑁂𑀦 𑀬𑁄𑀕𑁂 𑀙𑀝𑁆𑀞𑀻 𑀳𑁄𑀢𑀺 𑀢𑀢𑀺𑀬𑀸 𑀯𑀸.

𑀢𑀼𑀮𑁆𑀬𑁄 𑀧𑀺𑀢𑀼 𑀧𑀺𑀢𑀭𑀸 𑀯𑀸, 𑀲𑀤𑀺𑀲𑁄 𑀧𑀺𑀢𑀼 𑀧𑀺𑀢𑀭𑀸 𑀯𑀸. 𑀇𑀢𑀺 𑀦𑀸𑀦𑀸𑀢𑁆𑀢𑀲𑀫𑁆𑀩𑀦𑁆𑀥𑁄.

𑀓𑁆𑀭𑀺𑀬𑀸𑀓𑀸𑀭𑀓𑀲𑀫𑁆𑀩𑀦𑁆𑀥𑁄 𑀦𑀸𑀫 𑀓𑀸𑀭𑀓𑀸𑀦𑀁 𑀓𑁆𑀭𑀺𑀬𑀸𑀬 𑀲𑀳 𑀲𑀸𑀥𑀓, 𑀲𑀸𑀥𑁆𑀬𑀪𑀸𑀯𑁂𑀦 𑀅𑀜𑁆𑀜𑀫𑀜𑁆𑀜𑀸𑀧𑁂𑀓𑁆𑀔𑀢𑀸 𑀅𑀯𑀺𑀦𑀸𑀪𑀸𑀯𑀺𑀢𑀸 𑀯𑀼𑀘𑁆𑀘𑀢𑀺, 𑀦 𑀳𑀺 𑀓𑁆𑀭𑀺𑀬𑀁 𑀯𑀺𑀦𑀸 𑀓𑀸𑀭𑀓𑀁 𑀦𑀸𑀫 𑀲𑀺𑀚𑁆𑀛𑀢𑀺, 𑀦 𑀘 𑀓𑀸𑀭𑀓𑀁 𑀯𑀺𑀦𑀸 𑀓𑁆𑀭𑀺𑀬𑀸 𑀦𑀸𑀫 𑀲𑀺𑀚𑁆𑀛𑀢𑀻𑀢𑀺, 𑀲𑀸 𑀧𑀦 𑀙𑀝𑁆𑀞𑀻𑀯𑀺𑀲𑀬𑁄 𑀦 𑀳𑁄𑀢𑀻𑀢𑀺.

𑀙𑀝𑁆𑀞𑀻𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺𑀭𑀸𑀲𑀺

𑀓𑀲𑁆𑀫𑀺𑀁 𑀅𑀢𑁆𑀣𑁂 𑀲𑀢𑁆𑀢𑀫𑀻?

𑁩𑁨𑁩. 𑀲𑀢𑁆𑀢𑀫𑁆𑀬𑀸𑀥𑀸𑀭𑁂 [𑀓. 𑁩𑁦𑁨; 𑀭𑀽. 𑁩𑁧𑁩; 𑀦𑀻. 𑁬𑁩𑁦; 𑀘𑀁. 𑁨.𑁧.𑁮𑁮; 𑀧𑀸. 𑁧.𑁩.𑁪𑁫].

𑀆𑀥𑀸𑀭𑁄, 𑀑𑀓𑀸𑀲𑁄, 𑀅𑀥𑀺𑀓𑀭𑀡𑀦𑁆𑀢𑀺 𑀅𑀢𑁆𑀣𑀢𑁄 𑀏𑀓𑀁, 𑀆𑀥𑀸𑀭𑀢𑁆𑀣𑁂 𑀲𑀢𑁆𑀢𑀫𑀻 𑀳𑁄𑀢𑀺. 𑀓𑀢𑁆𑀢𑀼𑀓𑀫𑁆𑀫𑀝𑁆𑀞𑀁 𑀓𑁆𑀭𑀺𑀬𑀁 𑀪𑀼𑀲𑁄 𑀥𑀸𑀭𑁂𑀢𑀻𑀢𑀺 𑀆𑀥𑀸𑀭𑁄.

𑀓𑀝𑁂 ¶ 𑀦𑀺𑀲𑀻𑀤𑀢𑀺 𑀧𑀼𑀭𑀺𑀲𑁄, 𑀣𑀸𑀮𑀺𑀬𑀁 𑀑𑀤𑀦𑀁 𑀧𑀘𑀢𑀺. 𑀢𑀢𑁆𑀣 𑀓𑀝𑁄 𑀓𑀢𑁆𑀢𑀼𑀪𑀽𑀢𑁂 𑀧𑀼𑀭𑀺𑀲𑁂 𑀞𑀺𑀢𑀁 𑀦𑀺𑀲𑀻𑀤𑀦𑀓𑁆𑀭𑀺𑀬𑀁 𑀥𑀸𑀭𑁂𑀢𑀺, 𑀣𑀸𑀮𑀻 𑀓𑀫𑁆𑀫𑀪𑀽𑀢𑁂 𑀢𑀡𑁆𑀟𑀼𑀮𑁂 𑀞𑀺𑀢𑀁 𑀧𑀘𑀦𑀓𑁆𑀭𑀺𑀬𑀁 𑀥𑀸𑀭𑁂𑀢𑀺.

𑀲𑁄 𑀘𑀢𑀼𑀩𑁆𑀩𑀺𑀥𑁄 𑀩𑁆𑀬𑀸𑀧𑀺𑀓𑀸𑀥𑀸𑀭𑁄, 𑀑𑀧𑀲𑀺𑀮𑁂𑀲𑀺𑀓𑀸𑀥𑀸𑀭𑁄, 𑀲𑀸𑀫𑀻𑀧𑀺𑀓𑀸𑀥𑀸𑀭𑁄, 𑀯𑁂𑀲𑀬𑀺𑀓𑀸𑀥𑀸𑀭𑁄𑀢𑀺.

𑀢𑀢𑁆𑀣 𑀬𑀲𑁆𑀫𑀺𑀁 𑀆𑀥𑁂𑀬𑁆𑀬𑀯𑀢𑁆𑀣𑀼 𑀲𑀓𑀮𑁂 𑀯𑀸 𑀏𑀓𑀤𑁂𑀲𑁂 𑀯𑀸 𑀩𑁆𑀬𑀸𑀧𑁂𑀢𑁆𑀯𑀸 𑀢𑀺𑀝𑁆𑀞𑀢𑀺, 𑀲𑁄 𑀩𑁆𑀬𑀸𑀧𑀺𑀓𑁄. 𑀬𑀣𑀸? 𑀢𑀺𑀮𑁂𑀲𑀼 𑀢𑁂𑀮𑀁 𑀢𑀺𑀝𑁆𑀞𑀢𑀺, 𑀉𑀘𑁆𑀙𑀽𑀲𑀼 𑀭𑀲𑁄 𑀢𑀺𑀝𑁆𑀞𑀢𑀺, 𑀚𑀮𑁂𑀲𑀼 𑀔𑀻𑀭𑀁 𑀢𑀺𑀝𑁆𑀞𑀢𑀺, 𑀤𑀥𑀺𑀫𑁆𑀳𑀺 𑀲𑀧𑁆𑀧𑀺 𑀢𑀺𑀝𑁆𑀞𑀢𑀻𑀢𑀺.

𑀬𑀲𑁆𑀫𑀺𑀁 𑀆𑀥𑁂𑀬𑁆𑀬𑀯𑀢𑁆𑀣𑀼 𑀅𑀮𑁆𑀮𑀻𑀬𑀺𑀢𑁆𑀯𑀸 𑀯𑀸 𑀢𑀺𑀝𑁆𑀞𑀢𑀺, 𑀅𑀥𑀺𑀝𑁆𑀞𑀺𑀢𑀫𑀢𑁆𑀢𑀁 𑀳𑀼𑀢𑁆𑀯𑀸 𑀯𑀸 𑀢𑀺𑀝𑁆𑀞𑀢𑀺, 𑀲𑁄 𑀑𑀧𑀲𑀺𑀮𑁂𑀲𑀺𑀓𑁄. 𑀬𑀣𑀸? 𑀉𑀓𑁆𑀔𑀮𑀺𑀬𑀁 𑀆𑀘𑀸𑀫𑁄 𑀢𑀺𑀝𑁆𑀞𑀢𑀺, 𑀖𑀝𑁂𑀲𑀼 𑀉𑀤𑀓𑀁 𑀢𑀺𑀝𑁆𑀞𑀢𑀺, 𑀆𑀲𑀦𑁂 𑀦𑀺𑀲𑀻𑀤𑀢𑀺 𑀪𑀺𑀓𑁆𑀔𑀼, 𑀧𑀭𑀺𑀬𑀗𑁆𑀓𑁂 𑀭𑀸𑀚𑀸 𑀲𑁂𑀢𑀺.

𑀬𑁄 𑀧𑀦 𑀅𑀢𑁆𑀣𑁄 𑀆𑀥𑁂𑀬𑁆𑀬𑀲𑁆𑀲 𑀅𑀯𑀢𑁆𑀣𑀼𑀪𑀽𑀢𑁄𑀧𑀺 𑀢𑀤𑀸𑀬𑀢𑁆𑀢𑀯𑀼𑀢𑁆𑀢𑀺𑀤𑀻𑀧𑀦𑀢𑁆𑀣𑀁 𑀆𑀥𑀸𑀭𑀪𑀸𑀯𑁂𑀦 𑀯𑁄𑀳𑀭𑀺𑀬𑀢𑀺, 𑀲𑁄 𑀲𑀸𑀫𑀻𑀧𑀺𑀓𑁄 𑀦𑀸𑀫. 𑀬𑀣𑀸? 𑀕𑀗𑁆𑀕𑀸𑀬𑀁 𑀖𑁄𑀲𑁄 𑀢𑀺𑀝𑁆𑀞𑀢𑀺, 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺 𑀪𑀕𑀯𑀸𑀢𑀺 [𑀅. 𑀦𑀺. 𑁧.𑁧].

𑀬𑁄 𑀘 𑀅𑀢𑁆𑀣𑁄 𑀅𑀢𑁆𑀢𑀦𑀸 𑀯𑀺𑀦𑀸 𑀆𑀥𑁂𑀬𑁆𑀬𑀲𑁆𑀲 𑀅𑀜𑁆𑀜𑀢𑁆𑀣𑀢𑁆𑀢𑀁 𑀓𑁆𑀭𑀺𑀬𑀁 𑀲𑀫𑁆𑀧𑀸𑀤𑁂𑀢𑀼𑀁 𑀅𑀲𑀓𑁆𑀓𑀼𑀡𑁂𑀬𑁆𑀬𑀢𑁆𑀢𑀸 𑀆𑀥𑀸𑀭𑀪𑀸𑀯𑁂𑀦 𑀯𑁄𑀳𑀭𑀺𑀬𑀢𑀺, 𑀬𑁄 𑀘 𑀆𑀥𑁂𑀬𑁆𑀬𑀲𑁆𑀲 𑀅𑀦𑀜𑁆𑀜𑀸𑀪𑀺𑀫𑀼𑀔𑀪𑀸𑀯𑀤𑀻𑀧𑀦𑀢𑁆𑀣𑀁 𑀆𑀥𑀸𑀭𑀪𑀸𑀯𑁂𑀦 𑀯𑁄𑀳𑀭𑀺𑀬𑀢𑀺, 𑀲𑁄 𑀯𑁂𑀲𑀬𑀺𑀓𑁄 𑀦𑀸𑀫. 𑀬𑀣𑀸? 𑀆𑀓𑀸𑀲𑁂 𑀲𑀓𑀼𑀡𑀸 𑀧𑀓𑁆𑀔𑀦𑁆𑀢𑀺, 𑀪𑀽𑀫𑀻𑀲𑀼 𑀫𑀦𑀼𑀲𑁆𑀲𑀸 𑀘𑀭𑀦𑁆𑀢𑀺 ¶ , 𑀉𑀤𑀓𑁂 𑀫𑀘𑁆𑀙𑀸 𑀘𑀭𑀦𑁆𑀢𑀺, 𑀪𑀕𑀯𑀦𑁆𑀢𑀁 𑀧𑀸𑀤𑁂𑀲𑀼 𑀯𑀦𑁆𑀤𑀢𑀺, 𑀧𑀸𑀤𑁂𑀲𑀼 𑀧𑀢𑀺𑀢𑁆𑀯𑀸 𑀭𑁄𑀤𑀢𑀺, 𑀧𑀸𑀧𑀲𑁆𑀫𑀺𑀁 𑀭𑀫𑀢𑀻 𑀫𑀦𑁄 [𑀥. 𑀧. 𑁧𑁧𑁬], 𑀧𑀲𑀦𑁆𑀦𑁄 𑀩𑀼𑀤𑁆𑀥𑀲𑀸𑀲𑀦𑁂𑀢𑀺 [𑀥. 𑀧. 𑁩𑁬𑁮].

𑁩𑁨𑁪. 𑀦𑀺𑀫𑀺𑀢𑁆𑀢𑁂 [𑀓. 𑁩𑁧𑁦; 𑀭𑀽. 𑁩𑁨𑁪; 𑀦𑀻. 𑁬𑁪𑁧; 𑀘𑀁. 𑁨.𑁧.𑁮𑁯; 𑀧𑀸. 𑁨.𑁩.𑁩𑁬].

𑀦𑀺𑀫𑀺𑀦𑀦𑁆𑀢𑀺 𑀲𑀜𑁆𑀚𑀸𑀦𑀦𑁆𑀢𑀺 𑀏𑀢𑁂𑀦𑀸𑀢𑀺 𑀦𑀺𑀫𑀺𑀢𑁆𑀢𑀁, 𑀦𑁂𑀫𑀺𑀢𑁆𑀢𑀓𑀲𑀳𑀪𑀸𑀯𑀺𑀦𑁄 𑀲𑀜𑁆𑀜𑀸𑀡𑀓𑀸𑀭𑀡𑀲𑁆𑀲𑁂𑀢𑀁 𑀦𑀸𑀫𑀁, 𑀢𑀲𑁆𑀫𑀺𑀁 𑀦𑀺𑀫𑀺𑀢𑁆𑀢𑁂 𑀲𑀢𑁆𑀢𑀫𑀻 𑀳𑁄𑀢𑀺.

𑀤𑀻𑀧𑀺 𑀘𑀫𑁆𑀫𑁂𑀲𑀼 𑀳𑀜𑁆𑀜𑀢𑁂, 𑀓𑀼𑀜𑁆𑀚𑀭𑁄 𑀤𑀦𑁆𑀢𑁂𑀲𑀼 𑀳𑀜𑁆𑀜𑀢𑁂, 𑀫𑀼𑀲𑀸𑀯𑀸𑀤𑁂 𑀧𑀸𑀘𑀺𑀢𑁆𑀢𑀺𑀬𑀁 [𑀧𑀸𑀘𑀺. 𑁨], 𑀑𑀫𑀲𑀯𑀸𑀤𑁂 𑀧𑀸𑀘𑀺𑀢𑁆𑀢𑀺𑀬𑀁 [𑀧𑀸𑀘𑀺. 𑁧𑁪] 𑀇𑀘𑁆𑀘𑀸𑀤𑀺.

𑁩𑁨𑁫. 𑀬𑀫𑁆𑀪𑀸𑀯𑁄 𑀪𑀸𑀯𑀮𑀓𑁆𑀔𑀡𑀁 [𑀓. 𑁩𑁧𑁩; 𑀭𑀽. 𑁩𑁨𑁭; 𑀦𑀻. 𑁬𑁪𑁪; 𑀘𑀁. 𑁨.𑁧.𑁯𑁦; 𑀧𑀸. 𑁨.𑁩.𑁩𑁭; ‘𑀬𑀩𑁆𑀪𑀸 𑀯𑁄’ (𑀩𑀳𑀽𑀲𑀼)].

𑀬𑀸𑀤𑀺𑀲𑁄 𑀪𑀸𑀯𑁄 𑀬𑀫𑁆𑀪𑀸𑀯𑁄, 𑀮𑀓𑁆𑀔𑀺𑀬𑀢𑀺 𑀏𑀢𑁂𑀦𑀸𑀢𑀺 𑀮𑀓𑁆𑀔𑀡𑀁, 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀸𑀯𑀮𑀓𑁆𑀔𑀡𑀁, 𑀬𑀫𑁆𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀳𑁄𑀢𑀺, 𑀢𑀲𑁆𑀫𑀺𑀁 𑀪𑀸𑀯𑁂 𑀕𑀫𑁆𑀬𑀫𑀸𑀦𑁂 𑀲𑀢𑁆𑀢𑀫𑀻 𑀳𑁄𑀢𑀺, 𑀙𑀝𑁆𑀞𑀻𑀧𑀺 𑀤𑀺𑀲𑁆𑀲𑀢𑀺.

𑀅𑀘𑀺𑀭𑀧𑀓𑁆𑀓𑀦𑁆𑀢𑀲𑁆𑀲 𑀲𑀸𑀭𑀺𑀧𑀼𑀢𑁆𑀢𑀲𑁆𑀲 𑀩𑁆𑀭𑀸𑀳𑁆𑀫𑀡𑁄 𑀓𑀸𑀮𑀫𑀓𑀸𑀲𑀺 [𑀫. 𑀦𑀺. 𑁨.𑁪𑁫𑁨 (𑀯𑀺𑀲𑀤𑀺𑀲𑀁)], 𑀅𑀧𑁆𑀧𑀫𑀢𑁆𑀢𑀲𑁆𑀲 𑀢𑁂 𑀯𑀺𑀳𑀭𑀢𑁄 𑀇𑀢𑁆𑀣𑀸𑀕𑀸𑀭𑁄𑀧𑀺 𑀢𑁂 𑀅𑀧𑁆𑀧𑀫𑀢𑁆𑀢𑁄 𑀯𑀺𑀳𑀭𑀺𑀲𑁆𑀲𑀢𑀺 [𑀲𑀁. 𑀦𑀺. 𑁧.𑁧𑁨𑁯 (𑀯𑀺𑀲𑀤𑀺𑀲𑀁)] 𑀇𑀘𑁆𑀘𑀸𑀤𑀺.

𑀇𑀫𑀲𑁆𑀫𑀺𑀁 𑀲𑀢𑀺 𑀇𑀤𑀁 𑀳𑁄𑀢𑀺, 𑀇𑀫𑀲𑁆𑀫𑀺𑀁 𑀅𑀲𑀢𑀺 𑀇𑀤𑀁 𑀦 𑀳𑁄𑀢𑀺 [𑀲𑀁. 𑀦𑀺. 𑁨.𑁨𑁧], 𑀅𑀘𑀺𑀭𑀧𑀓𑁆𑀓𑀦𑁆𑀢𑁂 𑀪𑀕𑀯𑀢𑀺 𑀩𑁆𑀭𑀸𑀳𑁆𑀫𑀡𑁄 𑀓𑀸𑀮𑀫𑀓𑀸𑀲𑀺, 𑀲𑀩𑁆𑀩𑁂 𑀫𑀕𑁆𑀕𑀸 𑀯𑀺𑀯𑀚𑁆𑀚𑀦𑁆𑀢𑀺, 𑀕𑀘𑁆𑀙𑀦𑁆𑀢𑁂 𑀮𑁄𑀓𑀦𑀸𑀬𑀓𑁂 [𑀫. 𑀦𑀺. 𑀅𑀝𑁆𑀞. 𑁨.𑁨𑁨]. 𑀕𑀸𑀯𑀻𑀲𑀼 𑀤𑀼𑀬𑁆𑀳𑀫𑀸𑀦𑀸𑀲𑀼 𑀕𑀢𑁄, 𑀕𑀸𑀯𑀻𑀲𑀼 𑀤𑀼𑀤𑁆𑀥𑀸𑀲𑀼 𑀆𑀕𑀢𑁄 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 ¶ 𑀧𑀞𑀫𑀸𑀧𑀺 𑀩𑀳𑀼𑀮𑀁 𑀤𑀺𑀲𑁆𑀲𑀢𑀺, 𑀕𑀘𑁆𑀙𑀦𑁆𑀢𑁄 𑀲𑁄 𑀪𑀸𑀭𑀤𑁆𑀯𑀸𑀚𑁄, 𑀅𑀤𑁆𑀤𑀲𑀸 𑀅𑀘𑁆𑀘𑀼𑀢𑀁 𑀇𑀲𑀺𑀁 [𑀚𑀸. 𑁨.𑁨𑁨.𑁨𑁦𑁦𑁭 (𑀅𑀤𑁆𑀤𑀲𑁆𑀲)]. 𑀬𑀸𑀬𑀫𑀸𑀦𑁄 𑀫𑀳𑀸𑀭𑀸𑀚𑀸, 𑀅𑀤𑁆𑀤𑀸 𑀲𑀻𑀤𑀦𑁆𑀢𑀭𑁂 𑀦𑀕𑁂 [𑀚𑀸. 𑁨.𑁨𑁨.𑁫𑁬𑁬] 𑀇𑀘𑁆𑀘𑀸𑀤𑀺.

𑀧𑀼𑀩𑁆𑀩𑀡𑁆𑀳𑀲𑀫𑀬𑁂 𑀕𑀢𑁄, 𑀲𑀸𑀬𑀦𑁆𑀳𑀲𑀫𑀬𑁂 𑀆𑀕𑀢𑁄 𑀇𑀘𑁆𑀘𑀸𑀤𑀺 𑀯𑁂𑀲𑀬𑀺𑀓𑀸𑀥𑀸𑀭𑁄 𑀏𑀯.

𑀢𑀣𑀸 𑀅𑀓𑀸𑀮𑁂 𑀯𑀲𑁆𑀲𑀢𑀻 𑀢𑀲𑁆𑀲, 𑀓𑀸𑀮𑁂 𑀢𑀲𑁆𑀲 𑀦 𑀯𑀲𑁆𑀲𑀢𑀺 [𑀚𑀸. 𑁧.𑁨.𑁮𑁮; 𑁧.𑁮.𑁪𑁮]. 𑀇𑀢𑁄 𑀲𑀢𑀲𑀳𑀲𑁆𑀲𑀫𑁆𑀳𑀺, 𑀓𑀧𑁆𑀧𑁂 𑀉𑀧𑁆𑀧𑀚𑁆𑀚𑀺 𑀦𑀸𑀬𑀓𑁄 [𑀅𑀧. 𑀣𑁂𑀭 𑁨.𑁫𑁪.𑁨𑁮] 𑀇𑀘𑁆𑀘𑀸𑀤𑀺.

𑁩𑁨𑁬. 𑀙𑀝𑁆𑀞𑀻 𑀘𑀸𑀦𑀸𑀤𑀭𑁂 [𑀓. 𑁩𑁦𑁫; 𑀭𑀽. 𑁩𑁨𑁩; 𑀦𑀻. 𑁬𑁩𑁩; 𑀘𑀁. 𑁨.𑁧.𑁯𑁧; 𑀧𑀸. 𑁨.𑁩.𑁩𑁮].

‘𑀅𑀦𑀸𑀤𑀭𑁄’𑀢𑀺 𑀤𑁆𑀯𑀺𑀦𑁆𑀦𑀁 𑀮𑀓𑁆𑀔𑀡, 𑀮𑀓𑁆𑀔𑀺𑀢𑀩𑁆𑀩𑀓𑁆𑀭𑀺𑀬𑀸𑀦𑀁 𑀏𑀓𑀧𑁆𑀧𑀳𑀸𑀭𑁂𑀦 𑀧𑀯𑀢𑁆𑀢𑀺𑀬𑀸 𑀅𑀥𑀺𑀯𑀘𑀦𑀁, 𑀅𑀦𑀸𑀤𑀭𑀪𑀽𑀢𑁂 𑀪𑀸𑀯𑀮𑀓𑁆𑀔𑀡𑁂 𑀕𑀫𑁆𑀬𑀫𑀸𑀦𑁂 𑀲𑀢𑁆𑀢𑀫𑀻 𑀙𑀝𑁆𑀞𑀻 𑀘 𑀳𑁄𑀢𑀺.

𑀫𑀘𑁆𑀘𑀼 𑀕𑀘𑁆𑀙𑀢𑀺 𑀆𑀤𑀸𑀬, 𑀧𑁂𑀓𑁆𑀔𑀫𑀸𑀦𑁂 𑀫𑀳𑀸𑀚𑀦𑁂. 𑀆𑀓𑁄𑀝𑀬𑀦𑁆𑀢𑁄 𑀲𑁄 𑀦𑁂𑀢𑀺, 𑀲𑀺𑀯𑀺𑀭𑀸𑀚𑀲𑁆𑀲 𑀧𑁂𑀓𑁆𑀔𑀢𑁄 [𑀚𑀸. 𑁨.𑁨𑁨.𑁨𑁧𑁨𑁨 (𑀢𑁂𑀦𑁂𑀢𑀺)]. 𑀅𑀓𑀸𑀫𑀓𑀸𑀦𑀁 𑀫𑀸𑀢𑀸𑀧𑀺𑀢𑀽𑀦𑀁 𑀭𑀼𑀤𑀦𑁆𑀢𑀸𑀦𑀁 𑀧𑀩𑁆𑀩𑀚𑀺, 𑀅𑀦𑀕𑀸𑀭𑀺𑀬𑀼𑀧𑁂𑀢𑀲𑁆𑀲, 𑀯𑀺𑀧𑁆𑀧𑀫𑀼𑀢𑁆𑀢𑀲𑁆𑀲 𑀢𑁂 𑀲𑀢𑁄. 𑀲𑀫𑀡𑀲𑁆𑀲 𑀦 𑀢𑀁 𑀲𑀸𑀥𑀼, 𑀬𑀤𑀜𑁆𑀜𑀫𑀦𑀼𑀲𑁄𑀘𑀢𑀺 [𑀚𑀸. 𑁧.𑁭.𑁧𑁦𑁭 (𑀬𑀁 𑀧𑁂𑀢𑀫𑀦𑀼𑀲𑁄𑀘𑀲𑀺)].

𑁩𑁨𑁭. 𑀬𑀢𑁄 𑀦𑀺𑀤𑁆𑀥𑀸𑀭𑀡𑀁 [𑀓. 𑁩𑁦𑁪; 𑀭𑀽. 𑁩𑁨𑁨; 𑀦𑀻. 𑁬𑁩𑁨; 𑀘𑀁. 𑁨.𑁧.𑁯𑁨; 𑀧𑀸. 𑁨.𑁩.𑁪𑁧].

𑀚𑀸𑀢𑀺, 𑀕𑀼𑀡, 𑀓𑁆𑀭𑀺𑀬𑀸, 𑀦𑀸𑀫𑁂𑀳𑀺 𑀲𑀫𑀼𑀤𑀸𑀬𑀢𑁄 𑀏𑀓𑀤𑁂𑀲𑀲𑁆𑀲 𑀧𑀼𑀣𑀓𑁆𑀓𑀭𑀡𑀁 𑀦𑀺𑀤𑁆𑀥𑀸𑀭𑀡𑀁, 𑀬𑀢𑁄 𑀢𑀁 𑀦𑀺𑀤𑁆𑀥𑀸𑀭𑀡𑀁 𑀚𑀸𑀬𑀢𑀺, 𑀢𑀲𑁆𑀫𑀺𑀁 𑀲𑀫𑀼𑀤𑀸𑀬𑁂 𑀙𑀝𑁆𑀞𑀻, 𑀲𑀢𑁆𑀢𑀫𑀺𑀬𑁄 𑀳𑁄𑀦𑁆𑀢𑀺.

𑀚𑀸𑀢𑀺𑀬𑀁 ¶ 𑀢𑀸𑀯 𑁋

𑀫𑀦𑀼𑀲𑁆𑀲𑀸𑀦𑀁 𑀔𑀢𑁆𑀢𑀺𑀬𑁄 𑀲𑀽𑀭𑀢𑀫𑁄, 𑀫𑀦𑀼𑀲𑁆𑀲𑁂𑀲𑀼 𑀔𑀢𑁆𑀢𑀺𑀬𑁄 𑀲𑀽𑀭𑀢𑀫𑁄.

𑀕𑀼𑀡𑁂 𑁋

𑀓𑀡𑁆𑀳𑀸 𑀕𑀸𑀯𑀻𑀦𑀁 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀓𑀡𑁆𑀳𑀸𑀕𑀸𑀯𑀻𑀲𑀼 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸.

𑀓𑁆𑀭𑀺𑀬𑀸𑀬𑀁 𑁋

𑀅𑀤𑁆𑀥𑀺𑀓𑀸𑀦𑀁 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄, 𑀅𑀤𑁆𑀥𑀺𑀓𑁂𑀲𑀼 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄.

𑀦𑀸𑀫𑁂 𑁋

𑀆𑀬𑀲𑁆𑀫𑀸 𑀆𑀦𑀦𑁆𑀤𑁄 𑀅𑀭𑀳𑀢𑀁 𑀅𑀜𑁆𑀜𑀢𑀭𑁄, 𑀅𑀭𑀳𑀦𑁆𑀢𑁂𑀲𑀼 𑀅𑀜𑁆𑀜𑀢𑀭𑁄 𑀇𑀘𑁆𑀘𑀸𑀤𑀺.

𑀇𑀥 𑀦𑀸𑀦𑀸𑀢𑁆𑀢𑀲𑀢𑁆𑀢𑀫𑀻 𑀯𑀼𑀘𑁆𑀘𑀢𑁂.

𑀓𑀫𑁆𑀫𑀢𑁆𑀣𑁂 𑀲𑀢𑁆𑀢𑀫𑀻, 𑀪𑀺𑀓𑁆𑀔𑀽𑀲𑀼 𑀅𑀪𑀺𑀯𑀸𑀤𑁂𑀦𑁆𑀢𑀺 [𑀧𑀸𑀭𑀸. 𑁫𑁧𑁭], 𑀧𑀼𑀢𑁆𑀢𑀁 𑀫𑀼𑀤𑁆𑀥𑀦𑀺 𑀘𑀼𑀫𑁆𑀩𑀺𑀢𑁆𑀯𑀸, 𑀧𑀼𑀭𑀺𑀲𑀁 𑀦𑀸𑀦𑀸𑀩𑀸𑀳𑀸𑀲𑀼 𑀕𑀳𑁂𑀢𑁆𑀯𑀸 [𑀲𑀁. 𑀦𑀺. 𑁨.𑁬𑁩] 𑀇𑀘𑁆𑀘𑀸𑀤𑀺.

𑀅𑀣 𑀯𑀸 ‘𑀫𑀼𑀤𑁆𑀥𑀦𑀺, 𑀩𑀸𑀳𑀸𑀲𑀽’𑀢𑀺 𑀆𑀥𑀸𑀭𑁂 𑀏𑀯 𑀪𑀼𑀫𑁆𑀫𑀁. 𑀬𑀣𑀸? 𑀭𑀼𑀓𑁆𑀔𑀁 𑀫𑀽𑀮𑁂 𑀙𑀺𑀦𑁆𑀤𑀢𑀺, 𑀭𑀼𑀓𑁆𑀔𑀁 𑀔𑀦𑁆𑀥𑁂 𑀙𑀺𑀦𑁆𑀤𑀢𑀺, 𑀧𑀼𑀭𑀺𑀲𑀁 𑀲𑀻𑀲𑁂 𑀧𑀳𑀭𑀢𑀺, 𑀪𑀕𑀯𑀦𑁆𑀢𑀁 𑀧𑀸𑀤𑁂𑀲𑀼 𑀯𑀦𑁆𑀤𑀢𑀺.

𑀓𑀭𑀡𑁂 𑀘 𑀲𑀢𑁆𑀢𑀫𑀻, 𑀳𑀢𑁆𑀣𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺 [𑀫𑀳𑀸𑀯. 𑁧𑁧𑁯], 𑀧𑀢𑁆𑀢𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺, 𑀧𑀣𑁂𑀲𑀼 𑀕𑀘𑁆𑀙𑀦𑁆𑀢𑀺, 𑀲𑁄𑀧𑀺 𑀫𑀁 𑀅𑀦𑀼𑀲𑀸𑀲𑁂𑀬𑁆𑀬, 𑀲𑀫𑁆𑀧𑀝𑀺𑀘𑁆𑀙𑀸𑀫𑀺 𑀫𑀢𑁆𑀣𑀓𑁂 [𑀫𑀺. 𑀧. 𑁬.𑁪.𑁮].

𑀲𑀫𑁆𑀧𑀤𑀸𑀦𑁂 𑀘 𑀲𑀢𑁆𑀢𑀫𑀻, 𑀲𑀗𑁆𑀖𑁂 𑀤𑀺𑀦𑁆𑀦𑁂 𑀫𑀳𑀧𑁆𑀨𑀮𑀁, 𑀲𑀗𑁆𑀖𑁂 𑀕𑁄𑀢𑀫𑀻 𑀤𑀤𑁂𑀬𑁆𑀬𑀸𑀲𑀺, 𑀲𑀗𑁆𑀖𑁂 𑀤𑀺𑀦𑁆𑀦𑁂 𑀅𑀳𑀜𑁆𑀘𑁂𑀯 𑀧𑀽𑀚𑀺𑀢𑁄 𑀪𑀯𑀺𑀲𑁆𑀲𑀸𑀫𑀺 ¶ [𑀫. 𑀦𑀺. 𑁩.𑁩𑁭𑁬], 𑀯𑀺𑀘𑁂𑀬𑁆𑀬 𑀤𑀸𑀦𑀁 𑀤𑀸𑀢𑀩𑁆𑀩𑀁, 𑀬𑀢𑁆𑀣 𑀤𑀺𑀦𑁆𑀦𑀁 𑀫𑀳𑀧𑁆𑀨𑀮𑀁 [𑀧𑁂. 𑀯. 𑁩𑁨𑁯]. 𑀏𑀢𑁂𑀲𑀼 𑀧𑀦 𑀯𑀺𑀲𑀬𑀲𑀢𑁆𑀢𑀫𑀻𑀧𑀺 𑀬𑀼𑀚𑁆𑀚𑀢𑀺.

𑀅𑀧𑀸𑀤𑀸𑀦𑁂 𑀘 𑀲𑀢𑁆𑀢𑀫𑀻, 𑀕𑀤𑀮𑀻𑀲𑀼 𑀕𑀚𑁂 𑀭𑀓𑁆𑀔𑀦𑁆𑀢𑀺𑀇𑀘𑁆𑀘𑀸𑀤𑀺.

𑀲𑀸𑀫𑀺𑀲𑁆𑀲𑀭𑀸𑀤𑀺𑀬𑁄𑀕𑁂 𑀧𑀦 𑀙𑀝𑁆𑀞𑀻 𑀲𑀢𑁆𑀢𑀫𑀻 𑀘 𑀳𑁄𑀢𑀺, 𑀕𑀼𑀦𑁆𑀦𑀁 𑀲𑀸𑀫𑀺, 𑀕𑁄𑀲𑀼 𑀲𑀸𑀫𑀺, 𑀕𑀼𑀦𑁆𑀦𑀁 𑀇𑀲𑁆𑀲𑀭𑁄, 𑀕𑁄𑀲𑀼 𑀇𑀲𑁆𑀲𑀭𑁄, 𑀕𑀼𑀦𑁆𑀦𑀁 𑀅𑀥𑀺𑀧𑀢𑀺, 𑀕𑁄𑀲𑀼 𑀅𑀥𑀺𑀧𑀢𑀺, 𑀕𑀼𑀦𑁆𑀦𑀁 𑀤𑀸𑀬𑀸𑀤𑁄, 𑀕𑁄𑀲𑀼 𑀤𑀸𑀬𑀸𑀤𑁄, 𑀕𑀼𑀦𑁆𑀦𑀁 𑀲𑀓𑁆𑀔𑀺, 𑀕𑁄𑀲𑀼 𑀲𑀓𑁆𑀔𑀺, 𑀕𑀼𑀦𑁆𑀦𑀁 𑀧𑀢𑀺𑀪𑀽, 𑀕𑁄𑀲𑀼 𑀧𑀢𑀺𑀪𑀽, 𑀕𑀼𑀦𑁆𑀦𑀁 𑀧𑀲𑀼𑀢𑁄, 𑀕𑁄𑀲𑀼 𑀧𑀲𑀼𑀢𑁄, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑀲𑁆𑀲, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑁂𑀢𑀺, 𑀏𑀢𑁂𑀲𑀼 𑀧𑀦 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀯𑀺𑀲𑀬𑀸𑀥𑀸𑀭𑁂 𑀲𑀢𑁆𑀢𑀫𑀻. 𑀜𑀸𑀡𑀲𑁆𑀫𑀺𑀁 𑀧𑀲𑀦𑁆𑀦𑁄, 𑀜𑀸𑀡𑀲𑁆𑀫𑀺𑀁 𑀉𑀲𑁆𑀲𑀼𑀓𑁆𑀓𑁄𑀢𑀺 𑀯𑀺𑀲𑀬𑀸𑀥𑀸𑀭𑁂 𑀲𑀢𑁆𑀢𑀫𑀻. 𑀜𑀸𑀡𑁂𑀦 𑀧𑀲𑀦𑁆𑀦𑁄, 𑀜𑀸𑀡𑁂𑀦 𑀉𑀲𑁆𑀲𑀼𑀓𑁆𑀓𑁄𑀢𑀺 𑀓𑀭𑀡𑁂 𑀢𑀢𑀺𑀬𑀸.

𑁩𑁨𑁮. 𑀲𑀢𑁆𑀢𑀫𑁆𑀬𑀸𑀥𑀺𑀓𑁆𑀬𑁂 [𑀓. 𑁩𑁧𑁪; 𑀭𑀽. 𑁩𑁨𑁮; 𑀦𑀻. 𑁬𑁪𑁫; 𑀘𑀁. 𑁨.𑁧.𑁬𑁦; 𑀧𑀸. 𑁨.𑁩.𑁯; 𑁧.𑁪.𑁮𑁭].

𑀅𑀥𑀺𑀓𑀪𑀸𑀯𑀢𑁆𑀣𑁂 𑀉𑀧𑁂𑀦 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺.

𑀉𑀧 𑀔𑀸𑀭𑀺𑀬𑀁 𑀤𑁄𑀡𑁄, 𑀉𑀧 𑀦𑀺𑀓𑁆𑀔𑁂 𑀓𑀳𑀸𑀧𑀡𑀁, 𑀅𑀢𑀺𑀭𑁂𑀓𑀤𑁄𑀡𑀸 𑀔𑀸𑀭𑀻, 𑀅𑀢𑀺𑀭𑁂𑀓𑀓𑀳𑀸𑀧𑀡𑀁 𑀦𑀺𑀓𑁆𑀔𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑁩𑁨𑁯. 𑀲𑀸𑀫𑀺𑀢𑁆𑀢𑁂𑀥𑀺𑀦𑀸 [𑀘𑀁. 𑁨.𑁧.𑁬𑁧; 𑀧𑀸. 𑁨.𑁩.𑁯; 𑁧.𑁪.𑁯𑁭].

𑀲𑀸𑀫𑀺𑀪𑀸𑀯𑀢𑁆𑀣𑁂 𑀅𑀥𑀺𑀦𑀸 𑀬𑀼𑀢𑁆𑀢𑀸 𑀮𑀺𑀗𑁆𑀕𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺.

𑀅𑀥𑀺 𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸, 𑀅𑀥𑀺 𑀧𑀜𑁆𑀘𑀸𑀮𑁂𑀲𑀼 𑀩𑁆𑀭𑀳𑁆𑀫𑀤𑀢𑁆𑀢𑁄, 𑀅𑀥𑀺 𑀤𑁂𑀯𑁂𑀲𑀼 𑀩𑀼𑀤𑁆𑀥𑁄. 𑀢𑀢𑁆𑀣 ‘𑀅𑀥𑀺 𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸’𑀢𑀺 𑀩𑁆𑀭𑀳𑁆𑀫𑀤𑀢𑁆𑀢𑀺𑀲𑁆𑀲𑀭𑀸 𑀧𑀜𑁆𑀘𑀸𑀮𑀭𑀝𑁆𑀞𑀯𑀸𑀲𑀺𑀦𑁄𑀢𑀺 𑀯𑀤𑀦𑁆𑀢𑀺, ‘𑀧𑀜𑁆𑀘𑀸𑀮𑀸’𑀢𑀺 𑀯𑀸 𑀚𑀦𑀧𑀤𑀦𑀸𑀫𑀢𑁆𑀢𑀸 𑀩𑀳𑀼𑀯𑀘𑀦𑀁, 𑀓𑀤𑀸𑀘𑀺 𑀧𑀜𑁆𑀘𑀸𑀮𑀭𑀸𑀚𑀸 𑀩𑁆𑀭𑀳𑁆𑀫𑀤𑀢𑁆𑀢𑁂 𑀓𑀸𑀲𑀺𑀭𑀜𑁆𑀜𑁂 𑀇𑀲𑁆𑀲𑀭𑁄, 𑀓𑀤𑀸𑀘𑀺 𑀩𑁆𑀭𑀳𑁆𑀫𑀤𑀢𑁆𑀢𑁄 𑀧𑀜𑁆𑀘𑀸𑀮𑀭𑀜𑁆𑀜𑁂 𑀇𑀲𑁆𑀲𑀭𑁄𑀢𑀺 𑀅𑀢𑁆𑀣𑁄.

𑁩𑁩𑁦. 𑀲𑀩𑁆𑀩𑀸𑀤𑀺𑀢𑁄 ¶ 𑀲𑀩𑁆𑀩𑀸 [𑀘𑀁. 𑁨.𑁧.𑁭𑁨; 𑀧𑀸. 𑁨.𑁩.𑁨𑁭].

𑀳𑁂𑀢𑁆𑀯𑀢𑁆𑀣𑁂𑀳𑀺 𑀬𑁄𑀕𑁂 𑀲𑀩𑁆𑀩𑀸𑀤𑀻𑀳𑀺 𑀲𑀩𑁆𑀩𑀦𑀸𑀫𑁂𑀳𑀺 𑀳𑁂𑀢𑁆𑀯𑀢𑁆𑀣𑁂 𑀲𑀩𑁆𑀩𑀸 𑀯𑀺𑀪𑀢𑁆𑀢𑀺𑀬𑁄 𑀳𑁄𑀦𑁆𑀢𑀺.

𑀓𑀺𑀁 𑀓𑀸𑀭𑀡𑀁, 𑀓𑁂𑀦 𑀓𑀸𑀭𑀡𑁂𑀦 [𑀚𑀸. 𑀅𑀝𑁆𑀞. 𑁪.𑁧𑁫 𑀫𑀸𑀢𑀗𑁆𑀕𑀚𑀸𑀢𑀓𑀯𑀡𑁆𑀡𑀦𑀸], 𑀓𑀺𑀁 𑀦𑀺𑀫𑀺𑀢𑁆𑀢𑀁, 𑀓𑁂𑀦 𑀦𑀺𑀫𑀺𑀢𑁆𑀢𑁂𑀦, 𑀓𑀺𑀁 𑀧𑀬𑁄𑀚𑀦𑀁, 𑀓𑁂𑀦 𑀧𑀬𑁄𑀚𑀦𑁂𑀦, 𑀓𑁂𑀦𑀝𑁆𑀞𑁂𑀦 [𑀥. 𑀲. 𑀅𑀝𑁆𑀞. 𑀦𑀺𑀤𑀸𑀦𑀓𑀣𑀸], 𑀓𑁂𑀦 𑀯𑀡𑁆𑀡𑁂𑀦 [𑀲𑀁. 𑀦𑀺. 𑁧.𑁨𑁩𑁪], 𑀓𑀺𑀫𑀢𑁆𑀣𑀁, 𑀓𑀼𑀢𑁄 𑀦𑀺𑀤𑀸𑀦𑀁 [𑀧𑀸𑀭𑀸. 𑁪𑁨], 𑀓𑀺𑀲𑁆𑀲 𑀳𑁂𑀢𑀼 [𑀧𑀸𑀭𑀸. 𑁩𑁯], 𑀓𑀲𑁆𑀫𑀺𑀁 𑀦𑀺𑀤𑀸𑀦𑁂, 𑀏𑀢𑀲𑁆𑀫𑀺𑀁 𑀦𑀺𑀤𑀸𑀦𑁂 [𑀧𑀸𑀭𑀸. 𑁪𑁨], 𑀏𑀢𑀲𑁆𑀫𑀺𑀁 𑀧𑀓𑀭𑀡𑁂 [𑀧𑀸𑀭𑀸. 𑁪𑁨] 𑀇𑀘𑁆𑀘𑀸𑀤𑀺.

𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺𑀭𑀸𑀲𑀺 𑀦𑀺𑀝𑁆𑀞𑀺𑀢𑁄.

𑀇𑀢𑀺 𑀦𑀺𑀭𑀼𑀢𑁆𑀢𑀺𑀤𑀻𑀧𑀦𑀺𑀬𑀸 𑀦𑀸𑀫 𑀫𑁄𑀕𑁆𑀕𑀮𑁆𑀮𑀸𑀦𑀤𑀻𑀧𑀦𑀺𑀬𑀸

𑀓𑀸𑀭𑀓𑀓𑀡𑁆𑀟𑁄 𑀦𑀺𑀝𑁆𑀞𑀺𑀢𑁄.

𑁪. 𑀲𑀫𑀸𑀲𑀓𑀡𑁆𑀟

𑀅𑀣 ¶ 𑀬𑀼𑀢𑁆𑀢𑀢𑁆𑀣𑀸𑀦𑀁 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀸𑀦𑀁 𑀏𑀓𑀢𑁆𑀣𑀻𑀪𑀸𑀯𑁄 𑀯𑀼𑀘𑁆𑀘𑀢𑁂. 𑀏𑀓𑀢𑁆𑀣𑀻𑀪𑀸𑀯𑁄𑀢𑀺 𑀘 𑀇𑀥 𑀲𑀫𑀸𑀲𑁄 𑀯𑀼𑀘𑁆𑀘𑀢𑀺. 𑀲𑁄 𑀘 𑀲𑀫𑀸𑀲𑁄 𑀙𑀩𑁆𑀩𑀺𑀥𑁄 𑀅𑀩𑁆𑀬𑀬𑀻𑀪𑀸𑀯𑁄, 𑀢𑀧𑁆𑀧𑀼𑀭𑀺𑀲𑁄, 𑀓𑀫𑁆𑀫𑀥𑀸𑀭𑀬𑁄, 𑀤𑀺𑀕𑀼, 𑀩𑀳𑀼𑀩𑁆𑀩𑀻𑀳𑀺, 𑀤𑁆𑀯𑀦𑁆𑀤𑁄𑀢𑀺.

𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲

𑀢𑀢𑁆𑀣 𑀅𑀩𑁆𑀬𑀬𑀻𑀪𑀸𑀯𑁄 𑀧𑀞𑀫𑀁 𑀯𑀼𑀘𑁆𑀘𑀢𑁂. 𑀩𑁆𑀬𑀬𑁄 𑀯𑀼𑀘𑁆𑀘𑀢𑀺 𑀯𑀺𑀓𑀸𑀭𑁄, 𑀦𑀢𑁆𑀣𑀺 𑀩𑁆𑀬𑀬𑁄 𑀏𑀢𑀲𑁆𑀲𑀸𑀢𑀺 𑀅𑀩𑁆𑀬𑀬𑁄, 𑀅𑀩𑁆𑀬𑀬𑁄 𑀳𑀼𑀢𑁆𑀯𑀸 𑀪𑀯𑀢𑀻𑀢𑀺 𑀅𑀩𑁆𑀬𑀬𑀻𑀪𑀸𑀯𑁄, 𑀦𑀸𑀦𑀸𑀮𑀺𑀗𑁆𑀕, 𑀯𑀺𑀪𑀢𑁆𑀢𑀺, 𑀯𑀘𑀦𑁂𑀲𑀼 𑀭𑀽𑀧𑀯𑀺𑀓𑀸𑀭𑀭𑀳𑀺𑀢𑁄 𑀳𑀼𑀢𑁆𑀯𑀸 𑀪𑀯𑀢𑀻𑀢𑀺 𑀅𑀢𑁆𑀣𑁄, 𑀲𑀩𑁆𑀩𑀮𑀺𑀗𑁆𑀕,-𑀯𑀺𑀪𑀢𑁆𑀢𑀺, 𑀯𑀘𑀦𑁂𑀲𑀼𑀧𑀺 𑀬𑁂𑀪𑀼𑀬𑁆𑀬𑁂𑀦 𑀏𑀓𑀭𑀽𑀧𑁂𑀦 𑀧𑀯𑀢𑁆𑀢𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺.

𑀅𑀩𑁆𑀬𑀬𑀦𑁆𑀢𑀺 𑀯𑀸 𑀉𑀧𑀲𑀕𑁆𑀕𑀦𑀺𑀧𑀸𑀢𑀸𑀦𑀁 𑀏𑀯 𑀦𑀸𑀫𑀁, 𑀅𑀬𑀁 𑀧𑀦 𑀧𑀓𑀢𑀺 𑀅𑀩𑁆𑀬𑀬𑀁 𑀦 𑀳𑁄𑀢𑀺, 𑀅𑀲𑀗𑁆𑀔𑁆𑀬𑁂𑀳𑀺 𑀲𑀳 𑀏𑀓𑀢𑁆𑀣𑀢𑀸𑀯𑀲𑁂𑀦 𑀅𑀩𑁆𑀬𑀬𑀁 𑀳𑁄𑀢𑀺, 𑀇𑀢𑀺 𑀅𑀦𑀩𑁆𑀬𑀬𑀫𑁆𑀧𑀺 𑀅𑀩𑁆𑀬𑀬𑀁 𑀪𑀯𑀢𑀻𑀢𑀺 𑀅𑀩𑁆𑀬𑀬𑀻𑀪𑀸𑀯𑁄.

𑁩𑁩𑁧. 𑀲𑁆𑀬𑀸𑀤𑀺𑀲𑁆𑀬𑀸𑀤𑀺𑀦𑁂𑀓𑀢𑁆𑀣𑀁 [𑀓. 𑁩𑁧𑁬; 𑀭𑀽. 𑁩𑁩𑁧; 𑀦𑀻. 𑁬𑁭𑁫; 𑀘𑀁. 𑁨.𑁨.𑁧; 𑀧𑀸. 𑁨.𑁧.𑁪].

𑀅𑀥𑀺𑀓𑀸𑀭𑀲𑀼𑀢𑁆𑀢𑀫𑀺𑀤𑀁. 𑀲𑁆𑀬𑀸𑀤𑀺 𑀯𑀼𑀘𑁆𑀘𑀢𑀺 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁, ‘𑀲𑁆𑀬𑀸𑀤𑀺𑀦𑀸’𑀢𑀺 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑁂𑀦, 𑀏𑀓𑁄 𑀅𑀢𑁆𑀣𑁄 𑀬𑀲𑁆𑀲 𑀢𑀁 𑀏𑀓𑀢𑁆𑀣𑀁, 𑀲𑁆𑀬𑀸𑀤𑀺𑀧𑀤𑀁 𑀲𑁆𑀬𑀸𑀤𑀺𑀧𑀤𑁂𑀦 𑀲𑀳 𑀏𑀓𑀢𑁆𑀣𑀁 𑀳𑁄𑀢𑀻𑀢𑀺 𑀅𑀢𑁆𑀣𑁄.

𑀏𑀢𑁆𑀣 𑀘 ‘𑀲𑁆𑀬𑀸𑀤𑀻’𑀢𑀺 𑀯𑀘𑀦𑁂𑀦 𑀉𑀧𑀲𑀕𑁆𑀕, 𑀦𑀺𑀧𑀸𑀢𑁂𑀳𑀺 𑀲𑀤𑁆𑀥𑀺𑀁 𑀲𑀩𑁆𑀩𑀸𑀦𑀺 𑀦𑀸𑀫𑀺𑀓𑀧𑀤𑀸𑀦𑀺 𑀦𑀸𑀫𑀧𑀝𑀺𑀭𑀽𑀧𑀓𑀸𑀦𑀺 𑀘 𑀲𑀗𑁆𑀕𑀡𑁆𑀳𑀸𑀢𑀺, 𑀢𑁆𑀬𑀸𑀤𑁆𑀬𑀦𑁆𑀢𑀧𑀤𑀸𑀦𑀺 𑀦𑀺𑀯𑀢𑁆𑀢𑁂𑀢𑀺.

𑀢𑀢𑁆𑀣 ¶ 𑀦𑀸𑀫𑀧𑀝𑀺𑀭𑀽𑀧𑀓𑀸𑀦𑀺 𑀦𑀸𑀫 ‘𑀬𑁂𑀯𑀸𑀯𑀦𑀓𑀥𑀫𑁆𑀫𑀸’ 𑀇𑀘𑁆𑀘𑀸𑀤𑀻𑀦𑀺. 𑀢𑀣𑀸 𑀲𑀜𑁆𑀜𑀸𑀲𑀤𑁆𑀤𑀪𑀸𑀯𑀁 𑀧𑀢𑁆𑀢𑀸𑀦𑀺 ‘‘𑀅𑀢𑁆𑀣𑀺𑀧𑀘𑁆𑀘𑀬𑁄, 𑀦𑀢𑁆𑀣𑀺𑀧𑀘𑁆𑀘𑀬𑁄, 𑀅𑀢𑁆𑀣𑀺𑀔𑀻𑀭𑀸 𑀩𑁆𑀭𑀸𑀳𑁆𑀫𑀡𑀻, 𑀅𑀜𑁆𑀜𑀸𑀲𑀺𑀓𑁄𑀡𑁆𑀟𑀜𑁆𑀜𑁄, 𑀫𑀓𑁆𑀔𑀮𑀺𑀕𑁄𑀲𑀸𑀮𑁄’’ 𑀇𑀘𑁆𑀘𑀸𑀤𑀻𑀲𑀼 ‘𑀅𑀢𑁆𑀣𑀺’ 𑀇𑀘𑁆𑀘𑀸𑀤𑀻𑀦𑀺.

‘𑀏𑀓𑀢𑁆𑀣’𑀦𑁆𑀢𑀺 𑀏𑀢𑁂𑀦 𑀤𑁆𑀯𑀦𑁆𑀤𑀲𑀫𑀸𑀲𑁂𑀧𑀺 𑀧𑀤𑀸𑀦𑀁 𑀏𑀓𑀓𑀢𑁆𑀢𑀼, 𑀏𑀓𑀓𑀫𑁆𑀫𑀸𑀤𑀺𑀪𑀸𑀯𑁂𑀦 𑀏𑀓𑀢𑁆𑀣𑀻𑀪𑀸𑀯𑁄 𑀯𑀼𑀢𑁆𑀢𑁄 𑀳𑁄𑀢𑀻𑀢𑀺.

𑁩𑁩𑁨. 𑀅𑀲𑀗𑁆𑀔𑁆𑀬𑀁 𑀯𑀺𑀪𑀢𑁆𑀢𑀺𑀲𑀫𑁆𑀧𑀢𑁆𑀢𑀺𑀲𑀫𑀻𑀧𑀲𑀸𑀓𑀮𑁆𑀬𑀸𑀪𑀸𑀯𑀬𑀣𑀸𑀧𑀘𑁆𑀙𑀸𑀬𑀼𑀕𑀧𑀤𑀢𑁆𑀣𑁂 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁨; 𑀧𑀸. 𑁨.𑁧.𑁬].

‘𑀅𑀲𑀗𑁆𑀔𑁆𑀬’𑀦𑁆𑀢𑀺 𑀉𑀧𑀲𑀕𑁆𑀕𑀧𑀤𑀁 𑀦𑀺𑀧𑀸𑀢𑀧𑀤𑀜𑁆𑀘 𑀯𑀼𑀘𑁆𑀘𑀢𑀺. 𑀢𑀁 𑀤𑁆𑀯𑀬𑀫𑁆𑀧𑀺 𑀳𑀺 𑀏𑀓𑀢𑁆𑀢, 𑀩𑀳𑀼𑀢𑁆𑀢𑀲𑀗𑁆𑀔𑁆𑀬𑀁 𑀧𑀝𑀺𑀘𑁆𑀘 𑀭𑀽𑀧𑀯𑀺𑀓𑀸𑀭𑀭𑀳𑀺𑀢𑀢𑁆𑀢𑀸 ‘𑀅𑀲𑀗𑁆𑀔𑁆𑀬’𑀦𑁆𑀢𑀺 𑀯𑀼𑀘𑁆𑀘𑀢𑀺. 𑀯𑀺𑀪𑀢𑁆𑀬𑀢𑁆𑀣𑁂, 𑀲𑀫𑁆𑀧𑀢𑁆𑀬𑀢𑁆𑀣𑁂, 𑀲𑀫𑀻𑀧𑀢𑁆𑀣𑁂, 𑀲𑀸𑀓𑀮𑁆𑀬𑀢𑁆𑀣𑁂, 𑀅𑀪𑀸𑀯𑀢𑁆𑀣𑁂, 𑀬𑀣𑀸𑀢𑁆𑀣𑁂, 𑀧𑀘𑁆𑀙𑀸𑀢𑁆𑀣𑁂, 𑀬𑀼𑀕𑀧𑀤𑀢𑁆𑀣𑁂 𑀧𑀯𑀢𑁆𑀢𑀁 𑀅𑀲𑀗𑁆𑀔𑁆𑀬𑀁 𑀦𑀸𑀫 𑀲𑁆𑀬𑀸𑀤𑀺𑀧𑀤𑀁 𑀅𑀜𑁆𑀜𑁂𑀦 𑀲𑁆𑀬𑀸𑀤𑀺𑀧𑀤𑁂𑀦 𑀲𑀳 𑀏𑀓𑀢𑁆𑀣𑀁 𑀳𑁄𑀢𑀺. 𑀅𑀬𑀜𑁆𑀘 𑀲𑀫𑀸𑀲𑁄 𑀅𑀦𑁆𑀯𑀢𑁆𑀣𑀯𑀲𑁂𑀦 ‘𑀅𑀲𑀗𑁆𑀔𑁆𑀬𑁄’𑀢𑀺 𑀘 ‘𑀅𑀩𑁆𑀬𑀬𑀻𑀪𑀸𑀯𑁄’𑀢𑀺 𑀘 𑀯𑀼𑀘𑁆𑀘𑀢𑀺.

𑀯𑀺𑀪𑀢𑁆𑀬𑀢𑁆𑀣𑁂 𑀢𑀸𑀯 𑁋

𑀅𑀥𑀺𑀢𑁆𑀣𑀺. 𑀏𑀢𑁆𑀣 𑀘 𑀅𑀥𑀺𑀢𑁄 𑀲𑀺, 𑀢𑀲𑁆𑀲 ‘𑀅𑀲𑀗𑁆𑀔𑁆𑀬𑁂𑀳𑀺 𑀲𑀩𑁆𑀩𑀸𑀲’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀮𑁄𑀧𑁄, 𑀇𑀢𑁆𑀣𑀺𑀢𑁄 𑀲𑀼, ‘𑀅𑀥𑀺 𑀇𑀢𑁆𑀣𑀻𑀲𑀽’𑀢𑀺 𑀯𑀸𑀓𑁆𑀬𑀁, 𑀢𑀲𑁆𑀲 𑀘 𑀅𑀢𑁆𑀣𑀁 𑀓𑀣𑁂𑀦𑁆𑀢𑁂𑀦 𑀦𑀺𑀘𑁆𑀘𑀲𑀫𑀸𑀲𑀢𑁆𑀢𑀸 𑀅𑀜𑁆𑀜𑀧𑀤𑁂𑀦 𑀯𑀺𑀕𑁆𑀕𑀳𑁄 𑀓𑀸𑀢𑀩𑁆𑀩𑁄 ‘‘𑀇𑀢𑁆𑀣𑀻𑀲𑀼 𑀧𑀯𑀢𑁆𑀢𑀸 𑀓𑀣𑀸’’𑀢𑀺 𑀯𑀸 ‘‘𑀇𑀢𑁆𑀣𑀻𑀲𑀼 𑀧𑀯𑀢𑁆𑀢𑁄 𑀯𑀘𑀦𑀧𑀣𑁄’’𑀢𑀺 𑀯𑀸 ‘‘𑀇𑀢𑁆𑀣𑀻𑀲𑀼 𑀧𑀯𑀢𑁆𑀢𑀁 𑀯𑀘𑀦’’𑀦𑁆𑀢𑀺 𑀯𑀸, 𑀢𑀢𑁄 𑀧𑀼𑀭𑀺𑀫𑀲𑀼𑀢𑁆𑀢𑁂𑀦 𑀏𑀓𑀢𑁆𑀣𑀲𑀜𑁆𑀜𑀸, 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀅𑀲𑀗𑁆𑀔𑁆𑀬𑁂𑀓𑀢𑁆𑀣𑀲𑀜𑁆𑀜𑀸 𑀘 𑀓𑀭𑀺𑀬𑀢𑁂, 𑀏𑀓𑀢𑁆𑀣𑀲𑀜𑁆𑀜𑀸𑀬 𑀧𑀦 𑀓𑀢𑀸𑀬 𑀯𑀸𑀓𑁆𑀬𑀢𑁆𑀣𑀸𑀬 𑀧𑀬𑀼𑀢𑁆𑀢𑀸𑀦𑀁 𑀯𑀺𑀪𑀢𑁆𑀢𑀻𑀦𑀁 𑀅𑀢𑁆𑀣𑁄 𑀏𑀓𑀢𑁆𑀣𑀧𑀤𑁂𑀦 𑀯𑀼𑀢𑁆𑀢𑁄 𑀳𑁄𑀢𑀺, 𑀢𑀤𑀸 𑀯𑀺𑀪𑀢𑁆𑀢𑀺𑀬𑁄 𑀯𑀼𑀢𑁆𑀢𑀢𑁆𑀣𑀸 𑀦𑀸𑀫.

𑀇𑀤𑀸𑀦𑀺 ¶ 𑀯𑀼𑀢𑁆𑀢𑀢𑁆𑀣𑀸𑀦𑀁 𑀅𑀧𑁆𑀧𑀬𑁄𑀕𑀸𑀭𑀳𑀢𑁆𑀢𑀸 𑀮𑁄𑀧𑀯𑀺𑀥𑀸𑀦𑀫𑀸𑀳.

𑁩𑁩𑁩. 𑀏𑀓𑀢𑁆𑀣𑀢𑀸𑀬𑀁 [𑀓. 𑁩𑁧𑁬; 𑀭𑀽. 𑁩𑁩𑁧; 𑀦𑀻. 𑁬𑁭𑁫; 𑀘𑀁. 𑁨.𑁧.𑁩𑁯; 𑀧𑀸. 𑁨.𑁪.𑁭𑁧; 𑁧.𑁨.𑁪𑁫, 𑁪𑁬].

𑀏𑀓𑁄 𑀅𑀢𑁆𑀣𑁄 𑀬𑁂𑀲𑀁 𑀢𑀸𑀦𑀺 𑀏𑀓𑀢𑁆𑀣𑀸𑀦𑀺, ‘𑀅𑀢𑁆𑀣𑁄’𑀢𑀺 𑀘𑁂𑀢𑁆𑀣 𑀧𑀤𑀦𑁆𑀢𑀭𑁂 𑀓𑀢𑁆𑀢𑀼, 𑀓𑀫𑁆𑀫𑀸𑀤𑀺𑀪𑀸𑀯𑁂𑀦 𑀯𑀺𑀥𑁂𑀬𑁆𑀬𑁄 𑀧𑀥𑀸𑀦𑀢𑁆𑀣𑁄 𑀏𑀯 𑀯𑁂𑀤𑀺𑀢𑀩𑁆𑀩𑁄. 𑀢𑀣𑀸 𑀳𑀺 ‘𑀭𑀸𑀚𑀧𑀼𑀢𑁆𑀢𑁄’𑀢𑀺 𑀏𑀢𑁆𑀣 𑀧𑀼𑀢𑁆𑀢𑀲𑀤𑁆𑀤𑀢𑁆𑀣𑁄 𑀏𑀯 𑀢𑀣𑀸𑀯𑀺𑀥𑁂𑀬𑁆𑀬𑁄 𑀳𑁄𑀢𑀺, 𑀦 𑀭𑀸𑀚𑀲𑀤𑁆𑀤𑀢𑁆𑀣𑁄, 𑀲𑀩𑁆𑀩𑀜𑁆𑀘 𑀯𑀘𑀦𑀯𑀸𑀓𑁆𑀬𑀁 𑀦𑀸𑀫 𑀯𑀺𑀥𑁂𑀬𑁆𑀬𑀢𑁆𑀣𑁂𑀳𑀺 𑀏𑀯 𑀲𑀺𑀚𑁆𑀛𑀢𑀺, 𑀦𑁄 𑀅𑀜𑁆𑀜𑀣𑀸, 𑀬𑀲𑁆𑀫𑀸 𑀘 ‘𑀭𑀸𑀚𑀧𑀼𑀢𑁆𑀢𑁄’𑀢𑀺 𑀏𑀢𑀁 𑀧𑀼𑀢𑁆𑀢𑀲𑀤𑁆𑀤𑀢𑁆𑀣𑀲𑁆𑀲𑁂𑀯 𑀦𑀸𑀫𑀁 𑀳𑁄𑀢𑀺, 𑀦 𑀭𑀸𑀚𑀲𑀤𑁆𑀤𑀢𑁆𑀣𑀲𑁆𑀲, 𑀢𑀲𑁆𑀫𑀸 𑀏𑀓𑁄 𑀧𑀥𑀸𑀦𑀪𑀽𑀢𑁄 𑀧𑀼𑀢𑁆𑀢𑀲𑀤𑁆𑀤𑀢𑁆𑀣𑁄 𑀏𑀯 𑀢𑁂𑀲𑀁 𑀤𑁆𑀯𑀺𑀦𑁆𑀦𑀁 𑀲𑀤𑁆𑀤𑀸𑀦𑀁 𑀅𑀢𑁆𑀣𑁄 𑀦𑀸𑀫 𑀳𑁄𑀢𑀺, 𑀦 𑀭𑀸𑀚𑀲𑀤𑁆𑀤𑀢𑁆𑀣𑁄𑀢𑀺, 𑀏𑀓𑀢𑁆𑀣𑀸𑀦𑀁 𑀪𑀸𑀯𑁄 𑀏𑀓𑀢𑁆𑀣𑀢𑀸, 𑀏𑀓𑀢𑁆𑀣𑀻𑀪𑀸𑀯𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀲𑁄 𑀢𑀺𑀯𑀺𑀥𑁄 𑀲𑀫𑀸𑀲𑁄, 𑀢𑀤𑁆𑀥𑀺𑀢𑁄, 𑀥𑀸𑀢𑀼𑀧𑀘𑁆𑀘𑀬𑀦𑁆𑀢𑁄 𑀘𑀸𑀢𑀺. 𑀢𑀺𑀲𑁆𑀲𑀁 𑀢𑀺𑀯𑀺𑀥𑀸𑀬𑀁 𑀏𑀓𑀢𑁆𑀣𑀢𑀸𑀬𑀁 𑀲𑀩𑁆𑀩𑀸𑀲𑀁 𑀯𑀼𑀢𑁆𑀢𑀢𑁆𑀣𑀸𑀦𑀁 𑀲𑁆𑀬𑀸𑀤𑀺𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀻𑀢𑀺 𑀇𑀫𑀺𑀦𑀸 𑀲𑀼𑀲𑁆𑀲 𑀮𑁄𑀧𑁄. 𑀩𑀳𑀼𑀮𑀸𑀥𑀺𑀓𑀸𑀭𑀢𑁆𑀢𑀸 𑀧𑀦 𑀅𑀮𑀼𑀢𑁆𑀢𑀲𑀫𑀸𑀲𑁄𑀧𑀺 𑀤𑀺𑀲𑁆𑀲𑀢𑀺.

𑁩𑁩𑁪. 𑀢𑀁 𑀦𑀧𑀼𑀁𑀲𑀓𑀁 [𑀓. 𑁩𑁨𑁦; 𑀭𑀽. 𑁩𑁩𑁫; 𑀦𑀻. 𑁬𑁯𑁮; 𑀘𑀁. 𑁨.𑁨.𑁧𑁫; 𑀧𑀸. 𑁨.𑁪.𑁧𑁮].

𑀢𑀁 𑀅𑀲𑀗𑁆𑀔𑁆𑀬𑀁 𑀦𑀸𑀫 𑀏𑀓𑀢𑁆𑀣𑀁 𑀦𑀧𑀼𑀁𑀲𑀓𑀁 𑀳𑁄𑀢𑀻𑀢𑀺 𑀇𑀫𑀺𑀦𑀸 𑀅𑀥𑀺𑀢𑁆𑀣𑀻𑀲𑀤𑁆𑀤𑀲𑁆𑀲 𑀦𑀧𑀼𑀁𑀲𑀓𑀪𑀸𑀯𑀁 𑀓𑀢𑁆𑀯𑀸 𑀢𑀢𑁄 𑀲𑁆𑀬𑀸𑀤𑁆𑀬𑀼𑀧𑁆𑀧𑀢𑁆𑀢𑀺.

𑁩𑁩𑁫. 𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄 [𑀓. 𑁩𑁪𑁨; 𑀭𑀽. 𑁩𑁩𑁭; 𑀦𑀻. 𑁭𑁩𑁪; 𑀘𑀁. 𑁨.𑁨.𑁮𑁪; 𑀧𑀸. 𑁧.𑁨.𑁪𑁭].

𑀦𑀧𑀼𑀁𑀲𑀓𑀲𑁆𑀲 𑀏𑀓𑀢𑁆𑀣𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺 𑀲𑁆𑀬𑀸𑀤𑀻𑀲𑀼 𑀯𑀺𑀪𑀢𑁆𑀢𑀻𑀲𑀽𑀢𑀺 𑀇𑀫𑀺𑀦𑀸 𑀈𑀓𑀸𑀭𑀲𑁆𑀲 𑀭𑀲𑁆𑀲𑁄.

𑁩𑁩𑁬. 𑀧𑀼𑀩𑁆𑀩𑀲𑁆𑀫𑀸𑀫𑀸𑀤𑀺𑀢𑁄 [𑀓. 𑁩𑁪𑁩; 𑀭𑀽. 𑁩𑁩𑁮; 𑀦𑀻. 𑁩𑁭𑁫; 𑀘𑀁. 𑁨.𑁧.𑁪𑁦; 𑀧𑀸. 𑁧.𑁧.𑁪𑁧].

𑀧𑀼𑀩𑁆𑀩𑀅𑀫𑀸𑀤𑀺 ¶ 𑀦𑀸𑀫 𑀧𑀼𑀩𑁆𑀩𑀧𑀤𑀢𑁆𑀣𑀧𑀥𑀸𑀦𑀪𑀽𑀢𑁄 𑀅𑀲𑀗𑁆𑀔𑁆𑀬𑀲𑀫𑀸𑀲𑁄 𑀯𑀼𑀘𑁆𑀘𑀢𑀺, 𑀢𑀢𑁄 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺, 𑀆𑀤𑀺𑀲𑀤𑁆𑀤𑁂𑀦 𑀘𑁂𑀢𑁆𑀣 𑀧𑀞𑀫𑀸𑀯𑀺𑀪𑀢𑁆𑀢𑀺𑀧𑀺 𑀕𑀬𑁆𑀳𑀢𑀺. 𑀅𑀣 𑀯𑀸 𑀅𑀫𑀸𑀤𑀺 𑀯𑀼𑀘𑁆𑀘𑀢𑀺 𑀢𑀧𑁆𑀧𑀼𑀭𑀺𑀲𑁄, 𑀢𑀢𑁄 𑀧𑀼𑀩𑁆𑀩𑀁 𑀦𑀸𑀫 𑀅𑀲𑀗𑁆𑀔𑁆𑀬𑀲𑀫𑀸𑀲𑁄, 𑀇𑀢𑀺 𑀅𑀫𑀸𑀤𑀺𑀢𑁄 𑀧𑀼𑀩𑁆𑀩𑀪𑀽𑀢𑀸 𑀅𑀲𑀗𑁆𑀔𑁆𑀬𑁂𑀓𑀢𑁆𑀣𑀸 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀻𑀢𑀺 𑀇𑀫𑀺𑀦𑀸 𑀅𑀥𑀺𑀢𑁆𑀣𑀺𑀲𑀤𑁆𑀤𑀢𑁄 𑀲𑀩𑁆𑀩𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄.

𑀅𑀥𑀺𑀢𑁆𑀣𑀺 𑀢𑀺𑀝𑁆𑀞𑀢𑀺, 𑀇𑀢𑁆𑀣𑀻𑀲𑀼 𑀧𑀯𑀢𑁆𑀢𑀸 𑀓𑀣𑀸 𑀢𑀺𑀝𑁆𑀞𑀢𑀻𑀢𑀺 𑀅𑀢𑁆𑀣𑁄. 𑀅𑀥𑀺𑀢𑁆𑀣𑀺 𑀢𑀺𑀝𑁆𑀞𑀦𑁆𑀢𑀺, 𑀇𑀢𑁆𑀣𑀻𑀲𑀼 𑀧𑀯𑀢𑁆𑀢𑀸 𑀓𑀣𑀸𑀬𑁄 𑀢𑀺𑀝𑁆𑀞𑀦𑁆𑀢𑀻𑀢𑀺 𑀅𑀢𑁆𑀣𑁄. 𑀏𑀲 𑀦𑀬𑁄 𑀲𑁂𑀲𑀯𑀺𑀪𑀢𑁆𑀢𑀻𑀲𑀼 𑀲𑁂𑀲𑀯𑀘𑀦𑁂𑀲𑀼 𑀲𑁂𑀲𑀮𑀺𑀗𑁆𑀕𑁂𑀲𑀼 𑀘. 𑀏𑀯𑀁 𑀲𑀩𑁆𑀩𑀮𑀺𑀗𑁆𑀕𑁂𑀲𑀼 𑀲𑀩𑁆𑀩𑀯𑀺𑀪𑀢𑁆𑀢𑀻𑀲𑀼 𑀲𑀩𑁆𑀩𑀯𑀘𑀦𑁂𑀲𑀼 𑀘 𑀏𑀓𑁂𑀦𑁂𑀯 𑀭𑀽𑀧𑁂𑀦 𑀢𑀺𑀝𑁆𑀞𑀢𑀺, 𑀢𑀲𑁆𑀫𑀸 𑀅𑀬𑀁 𑀲𑀫𑀸𑀲𑁄 𑀭𑀽𑀧𑀯𑀺𑀓𑀸𑀭𑀭𑀳𑀺𑀢𑀢𑁆𑀢𑀸 ‘𑀅𑀩𑁆𑀬𑀬𑀻𑀪𑀸𑀯𑁄’𑀢𑀺 𑀯𑀼𑀘𑁆𑀘𑀢𑀺.

𑀏𑀢𑁆𑀣 𑀘 𑀯𑀺𑀪𑀢𑁆𑀬𑀢𑁆𑀣𑁄 𑀦𑀸𑀫 ‘‘𑀅𑀥𑀺𑀢𑁆𑀣𑀺, 𑀩𑀳𑀺𑀕𑀸𑀫𑀁, 𑀉𑀧𑀭𑀺𑀕𑀗𑁆𑀕’’ 𑀫𑀺𑀘𑁆𑀘𑀸𑀤𑀻𑀲𑀼 𑀲𑀫𑁆𑀧𑀢𑁆𑀬𑀸𑀤𑀻𑀳𑀺 𑀯𑀺𑀲𑁂𑀲𑀢𑁆𑀣𑁂𑀳𑀺 𑀭𑀳𑀺𑀢𑁄 𑀓𑁂𑀯𑀮𑁄 𑀯𑀺𑀪𑀢𑁆𑀢𑀻𑀦𑀁 𑀅𑀢𑁆𑀣𑁄 𑀯𑀼𑀘𑁆𑀘𑀢𑀺. 𑀯𑀺𑀕𑁆𑀕𑀳𑁂 𑀧𑀦 ‘‘𑀓𑀣𑀸, 𑀧𑀯𑀢𑁆𑀢𑀸’’ 𑀇𑀘𑁆𑀘𑀸𑀤𑀻𑀦𑀺 𑀲𑀫𑀸𑀲𑀲𑀸𑀫𑀢𑁆𑀣𑀺𑀬𑁂𑀦 𑀯𑀺𑀤𑀺𑀢𑀸𑀦𑀺 𑀅𑀢𑁆𑀣𑀧𑀤𑀸𑀦𑀺 𑀦𑀸𑀫, 𑀅𑀥𑀺𑀲𑀤𑁆𑀤𑀲𑁆𑀲 𑀅𑀢𑁆𑀣𑀧𑀤𑀸𑀦𑀻𑀢𑀺𑀧𑀺 𑀯𑀤𑀦𑁆𑀢𑀺. 𑀏𑀯𑀁 𑀅𑀥𑀺𑀓𑀼𑀫𑀸𑀭𑀺, 𑀅𑀥𑀺𑀯𑀥𑀼, 𑀅𑀥𑀺𑀚𑀫𑁆𑀩𑀼𑀇𑀘𑁆𑀘𑀸𑀤𑀺.

𑀅𑀢𑁆𑀢𑀦𑀺 𑀧𑀯𑀢𑁆𑀢𑁄 𑀥𑀫𑁆𑀫𑁄, 𑀧𑀯𑀢𑁆𑀢𑀸 𑀯𑀸𑀥𑀫𑁆𑀫𑀸𑀢𑀺 𑀅𑀢𑁆𑀣𑁂 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁂 𑀓𑀢𑁂 𑀅𑀥𑀺𑀅𑀢𑁆𑀢𑀲𑀤𑁆𑀤𑀲𑁆𑀲 𑀦𑀧𑀼𑀁𑀲𑀓𑀪𑀸𑀯𑀁 𑀓𑀢𑁆𑀯𑀸 𑀢𑀢𑁄 𑀲𑁆𑀬𑀸𑀤𑁆𑀬𑀼𑀧𑁆𑀧𑀢𑁆𑀢𑀺, ‘𑀧𑀼𑀩𑁆𑀩𑀲𑁆𑀫𑀸𑀫𑀸𑀤𑀺𑀢𑁄’𑀢𑀺 𑀲𑁆𑀬𑀸𑀤𑀻𑀦𑀁 𑀮𑁄𑀧𑁂 𑀲𑀫𑁆𑀧𑀢𑁆𑀢𑁂 𑁋

𑁩𑁩𑁭. 𑀦𑀸𑀢𑁄𑀫𑀧𑀜𑁆𑀘𑀫𑀺𑀬𑀸 [𑀓. 𑁩𑁪𑁧; 𑀭𑀽. 𑁩𑁩𑁬; 𑀦𑀻. 𑁭𑁩𑁩; 𑀘𑀁. 𑁨.𑁧.𑁪𑁧; 𑀧𑀸. 𑁨.𑁪.𑁮𑁩; 𑀫𑀼. 𑁪.𑁩.𑁩𑁭𑁪].

𑀅𑀓𑀸𑀭𑀦𑁆𑀢𑀫𑁆𑀳𑀸 ¶ 𑀅𑀲𑀗𑁆𑀔𑁆𑀬𑁂𑀓𑀢𑁆𑀣𑀸 𑀧𑀭𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀦 𑀳𑁄𑀢𑀺, 𑀧𑀜𑁆𑀘𑀫𑀻𑀯𑀚𑁆𑀚𑀺𑀢𑀸𑀦𑀁 𑀯𑀺𑀪𑀢𑁆𑀢𑀻𑀦𑀁 𑀅𑀁 𑀳𑁄𑀢𑀺.

𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁄 𑀚𑀸𑀬𑀢𑀺, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀸 𑀚𑀸𑀬𑀦𑁆𑀢𑀺, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀁 𑀧𑀲𑁆𑀲𑀢𑀺, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁂 𑀧𑀲𑁆𑀲𑀦𑁆𑀢𑀺.

𑀅𑀧𑀜𑁆𑀘𑀫𑀺𑀬𑀸𑀢𑀺 𑀓𑀺𑀁? 𑀅𑀚𑁆𑀛𑀢𑁆𑀢𑀸 𑀅𑀧𑁂𑀢𑀺, 𑀅𑀚𑁆𑀛𑀢𑁆𑀢𑁂𑀳𑀺 𑀅𑀧𑁂𑀢𑀺.

𑁩𑁩𑁮. 𑀯𑀸 𑀢𑀢𑀺𑀬𑀸𑀲𑀢𑁆𑀢𑀫𑀻𑀦𑀁 [𑀓. 𑁩𑁪𑁧; 𑀭𑀽. 𑁩𑁩𑁬; 𑀦𑀻. 𑁭𑁩𑁩; 𑀘𑀁. 𑁨.𑁧.𑁪𑁨; 𑀧𑀸. 𑁨.𑁪.𑁮𑁪; 𑀫𑀼. 𑁪.𑁩.𑁩𑁭𑁫].

𑀅𑀓𑀸𑀭𑀦𑁆𑀢𑀫𑁆𑀳𑀸 𑀅𑀲𑀗𑁆𑀔𑁆𑀬𑁂𑀓𑀢𑁆𑀣𑀸 𑀧𑀭𑀁 𑀢𑀢𑀺𑀬𑀸, 𑀲𑀢𑁆𑀢𑀫𑀻𑀦𑀁 𑀯𑀺𑀓𑀧𑁆𑀧𑁂𑀦 𑀅𑀁 𑀳𑁄𑀢𑀺.

𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁂𑀦 𑀯𑀢𑁆𑀢𑀢𑀺 𑀅𑀚𑁆𑀛𑀢𑁆𑀢𑁂𑀦 𑀯𑀸, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁂𑀳𑀺 𑀯𑀢𑁆𑀢𑀢𑀺 𑀅𑀚𑁆𑀛𑀢𑁆𑀢𑁂𑀳𑀺 𑀯𑀸, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀲𑁆𑀲 𑀤𑁂𑀢𑀺, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀸𑀦𑀁 𑀤𑁂𑀢𑀺, 𑀅𑀚𑁆𑀛𑀢𑁆𑀢𑀸 𑀥𑀫𑁆𑀫𑀸 𑀅𑀧𑁂𑀢𑀺, 𑀅𑀚𑁆𑀛𑀢𑁆𑀢𑁂𑀳𑀺 𑀥𑀫𑁆𑀫𑁂𑀳𑀺 𑀅𑀧𑁂𑀢𑀺, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀲𑁆𑀲 𑀲𑀦𑁆𑀢𑀓𑀁, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀸𑀦𑀁 𑀲𑀦𑁆𑀢𑀓𑀁, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁂 𑀢𑀺𑀝𑁆𑀞𑀢𑀺 𑀅𑀚𑁆𑀛𑀢𑁆𑀢𑁂 𑀯𑀸, 𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁂𑀲𑀼 𑀢𑀺𑀝𑁆𑀞𑀢𑀺 𑀅𑀚𑁆𑀛𑀢𑁆𑀢𑁂𑀲𑀼 𑀯𑀸. 𑀏𑀢𑁆𑀣 𑀘 ‘𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑁄’𑀢𑀺 𑀅𑀚𑁆𑀛𑀢𑁆𑀢𑀪𑀽𑀢𑁄 𑀥𑀫𑁆𑀫𑁄, ‘𑀅𑀚𑁆𑀛𑀢𑁆𑀢𑀁 𑀥𑀫𑁆𑀫𑀸’𑀢𑀺 𑀅𑀚𑁆𑀛𑀢𑁆𑀢𑀪𑀽𑀢𑀸 𑀥𑀫𑁆𑀫𑀸 𑀇𑀘𑁆𑀘𑀸𑀤𑀺𑀦𑀸 𑀅𑀢𑁆𑀣𑁄 𑀯𑁂𑀤𑀺𑀢𑀩𑁆𑀩𑁄. 𑀅𑀢𑁆𑀢𑀸𑀦𑀁 𑀅𑀥𑀺𑀓𑀺𑀘𑁆𑀘 𑀧𑀯𑀢𑁆𑀢𑁄 𑀧𑀯𑀢𑁆𑀢𑀸𑀢𑀺 𑀯𑀸 𑀯𑀼𑀢𑁆𑀢𑁂𑀧𑀺 𑀅𑀢𑁆𑀢𑀲𑁆𑀲 𑀆𑀥𑀸𑀭𑀪𑀸𑀯𑁄 𑀲𑀺𑀚𑁆𑀛𑀢𑀺𑀬𑁂𑀯. 𑀏𑀯𑀁 𑀅𑀥𑀺𑀘𑀺𑀢𑁆𑀢𑀁, 𑀅𑀢𑁆𑀢𑀦𑀺 𑀯𑀺𑀲𑀼𑀁 𑀯𑀺𑀲𑀼𑀁 𑀧𑀯𑀢𑁆𑀢𑀁 𑀧𑀯𑀢𑁆𑀢𑀸𑀦𑀺 𑀯𑀸 𑀧𑀘𑁆𑀘𑀢𑁆𑀢𑀁. 𑀏𑀢𑁆𑀣 𑀘 ‘‘𑀅𑀚𑁆𑀛𑀢𑁆𑀢𑀁 𑀅𑀪𑀺𑀦𑀺𑀯𑀺𑀲𑀺𑀢𑁆𑀯𑀸 𑀅𑀚𑁆𑀛𑀢𑁆𑀢𑀁 𑀯𑀼𑀝𑁆𑀞𑀸𑀢𑀺, 𑀩𑀳𑀺𑀤𑁆𑀥𑀸 𑀅𑀪𑀺𑀦𑀺𑀯𑀺𑀲𑀺𑀢𑁆𑀯𑀸 𑀅𑀚𑁆𑀛𑀢𑁆𑀢𑀁 𑀯𑀼𑀝𑁆𑀞𑀸𑀢𑀻’’𑀢𑀺 [𑀥. 𑀲. 𑀅𑀝𑁆𑀞. 𑁩𑁫𑁦; 𑀲𑀁. 𑀦𑀺. 𑀅𑀝𑁆𑀞. 𑁨.𑁨.𑁩𑁨] 𑀧𑀸𑀞𑁄 𑀅𑀢𑁆𑀣𑀺, 𑀢𑀲𑁆𑀫𑀸 𑀧𑀜𑁆𑀘𑀫𑀺𑀬𑀸 𑀅𑀁𑀪𑀸𑀯𑀯𑀚𑁆𑀚𑀦𑀁 𑀅𑀧𑁆𑀧𑀓𑀢𑁆𑀢𑀸𑀢𑀺 𑀤𑀝𑁆𑀞𑀩𑁆𑀩𑀁. ‘‘𑀅𑀚𑁆𑀛𑀢𑁆𑀢𑀸 𑀥𑀫𑁆𑀫𑀸, 𑀩𑀳𑀺𑀤𑁆𑀥𑀸 ¶ 𑀥𑀫𑁆𑀫𑀸’’𑀢𑀺 [𑀥. 𑀲. 𑀢𑀺𑀓𑀫𑀸𑀢𑀺𑀓𑀸 𑁨𑁦] 𑀧𑀸𑀞𑁄 𑀅𑀢𑁆𑀣𑀺, 𑀢𑀲𑁆𑀫𑀸 𑀧𑀞𑀫𑀸𑀤𑀻𑀦𑀫𑁆𑀧𑀺 𑀯𑀺𑀓𑀧𑁆𑀧𑁄 𑀮𑀩𑁆𑀪𑀢𑀻𑀢𑀺.

𑀲𑀫𑁆𑀧𑀢𑁆𑀢𑀺𑀅𑀢𑁆𑀣𑁂 𑁋

𑀲𑀫𑁆𑀧𑀦𑁆𑀦𑀁 𑀩𑁆𑀭𑀳𑁆𑀫𑀁 𑀲𑀩𑁆𑀭𑀳𑁆𑀫𑀁, ‘𑀩𑁆𑀭𑀳𑁆𑀫’𑀦𑁆𑀢𑀺 𑀯𑁂𑀤𑁄 𑀯𑀼𑀘𑁆𑀘𑀢𑀺. 𑀏𑀢𑁆𑀣 𑀘 ‘𑀅𑀓𑀸𑀮𑁂 𑀲𑀓𑀢𑁆𑀣𑀲𑁆𑀲𑀸’𑀢𑀺 𑀲𑀼𑀢𑁆𑀢𑁂𑀦 𑀲𑀳𑀲𑀤𑁆𑀤𑀲𑁆𑀲 𑀲𑀸𑀤𑁂𑀲𑁄, 𑀪𑀺𑀓𑁆𑀔𑀸𑀦𑀁 𑀲𑀫𑀺𑀤𑁆𑀥𑀺 𑀲𑀼𑀪𑀺𑀓𑁆𑀔𑀁, ‘𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄’𑀢𑀺 𑀲𑀼𑀢𑁆𑀢𑁂𑀦 𑀓𑀢𑀦𑀧𑀼𑀁𑀲𑀓𑀲𑁆𑀲 𑀭𑀲𑁆𑀲𑀢𑁆𑀢𑀁.

𑀲𑀫𑀻𑀧𑁂 𑁋

𑀦𑀕𑀭𑀲𑁆𑀲 𑀲𑀫𑀻𑀧𑀁 𑀉𑀧𑀦𑀕𑀭𑀁, 𑀓𑀼𑀫𑁆𑀪𑀲𑁆𑀲 𑀲𑀫𑀻𑀧𑀁 𑀉𑀧𑀓𑀼𑀫𑁆𑀪𑀁, 𑀫𑀡𑀺𑀓𑀸𑀬 𑀲𑀫𑀻𑀧𑀁 𑀉𑀧𑀫𑀡𑀺𑀓𑀁, 𑀯𑀥𑀼𑀬𑀸 𑀲𑀫𑀻𑀧𑀁 𑀉𑀧𑀯𑀥𑀼, 𑀕𑀼𑀦𑁆𑀦𑀁 𑀲𑀫𑀻𑀧𑀁 𑀉𑀧𑀕𑀼, ‘𑀕𑁄𑀲𑁆𑀲𑀽’𑀢𑀺 𑀲𑀼𑀢𑁆𑀢𑁂𑀦 𑀑𑀲𑁆𑀲 𑀉𑀢𑁆𑀢𑀁.

𑀲𑀸𑀓𑀮𑁆𑀬𑁂 𑁋

𑀢𑀺𑀡𑁂𑀦 𑀲𑀳 𑀲𑀓𑀮𑀁 𑀲𑀢𑀺𑀡𑀁, 𑀢𑀺𑀡𑁂𑀦 𑀲𑀤𑁆𑀥𑀺𑀁 𑀲𑀓𑀮𑀁 𑀯𑀢𑁆𑀣𑀼𑀁 𑀅𑀚𑁆𑀛𑁄𑀳𑀭𑀢𑀻𑀢𑀺 𑀅𑀢𑁆𑀣𑁄. 𑀲𑀳𑀲𑀤𑁆𑀤𑀲𑁆𑀲 𑀲𑀸𑀤𑁂𑀲𑁄.

𑀅𑀪𑀸𑀯𑁂 𑁋

𑀫𑀓𑁆𑀔𑀺𑀓𑀸𑀦𑀁 𑀅𑀪𑀸𑀯𑁄 𑀦𑀺𑀫𑁆𑀫𑀓𑁆𑀔𑀺𑀓𑀁, 𑀤𑀭𑀣𑀸𑀦𑀁 𑀅𑀪𑀸𑀯𑁄 𑀦𑀺𑀤𑁆𑀤𑀭𑀣𑀁, 𑀪𑀺𑀓𑁆𑀔𑀸𑀦𑀁 𑀅𑀪𑀸𑀯𑁄 𑀤𑀼𑀩𑁆𑀪𑀺𑀓𑁆𑀔𑀁, 𑀅𑀪𑀸𑀯𑀢𑁆𑀣𑁄𑀧𑀺 𑀤𑀼𑀲𑀤𑁆𑀤𑁄 𑀅𑀢𑁆𑀣𑀺. 𑀬𑀣𑀸? 𑀤𑀼𑀲𑁆𑀲𑀻𑀮𑁄 𑀤𑀼𑀧𑁆𑀧𑀜𑁆𑀜𑁄𑀢𑀺. 𑀏𑀢𑁆𑀣 𑀘 ‘𑀲𑀫𑁆𑀧𑀦𑁆𑀦𑀁 𑀩𑁆𑀭𑀳𑁆𑀫’𑀦𑁆𑀢𑀺𑀆𑀤𑀺𑀦𑀸 𑀲𑀤𑁆𑀤𑀩𑁆𑀬𑀸𑀓𑀭𑀡𑁂𑀲𑀼 𑀅𑀢𑁆𑀣𑀯𑀘𑀦𑀁 𑀲𑀤𑁆𑀤𑀢𑁆𑀣𑀯𑀺𑀪𑀸𑀯𑀦𑀫𑀢𑁆𑀢𑀁. 𑀲𑀼𑀢𑁆𑀢𑀦𑁆𑀢𑁂𑀲𑀼 𑀧𑀦 𑀇𑀫𑁂𑀲𑀁 𑀧𑀤𑀸𑀦𑀁 𑀬𑀼𑀢𑁆𑀢𑀁 𑀅𑀪𑀺𑀥𑁂𑀬𑁆𑀬𑀢𑁆𑀣𑀁 𑀜𑀢𑁆𑀯𑀸 𑀢𑀤𑀦𑀼𑀭𑀽𑀧𑀁 𑀅𑀢𑁆𑀣𑀯𑀘𑀦𑀫𑁆𑀧𑀺 𑀯𑁂𑀤𑀺𑀢𑀩𑁆𑀩𑀁.

𑀬𑀣𑀸𑀲𑀤𑁆𑀤𑀢𑁆𑀣𑁂 𑁋

𑀭𑀽𑀧𑀲𑁆𑀲 𑀲𑀪𑀸𑀯𑀲𑁆𑀲 𑀬𑁄𑀕𑁆𑀬𑀁 𑀅𑀦𑀼𑀭𑀽𑀧𑀁, 𑀅𑀢𑁆𑀢𑀸𑀦𑀁 𑀅𑀢𑁆𑀢𑀸𑀦𑀁 𑀧𑀝𑀺𑀘𑁆𑀘 𑀧𑀯𑀢𑁆𑀢𑀁 𑀧𑀘𑁆𑀘𑀢𑁆𑀢𑀁, 𑀅𑀟𑁆𑀠𑀫𑀸𑀲𑀁 𑀅𑀟𑁆𑀠𑀫𑀸𑀲𑀁 𑀅𑀦𑀼𑀕𑀢𑀁 𑀅𑀦𑁆𑀯𑀟𑁆𑀠𑀫𑀸𑀲𑀁, 𑀖𑀭𑀁 𑀖𑀭𑀁 𑀅𑀦𑀼𑀕𑀢𑀁 𑀅𑀦𑀼𑀖𑀭𑀁, 𑀯𑀲𑁆𑀲𑀁 𑀯𑀲𑁆𑀲𑀁 𑀅𑀦𑀼𑀕𑀢𑀁 𑀅𑀦𑀼𑀯𑀲𑁆𑀲𑀁, 𑀚𑁂𑀝𑁆𑀞𑀸𑀦𑀁 ¶ 𑀅𑀦𑀼𑀧𑀼𑀩𑁆𑀩𑀁 𑀅𑀦𑀼𑀚𑁂𑀝𑁆𑀞𑀁, 𑀲𑀢𑁆𑀢𑀺𑀬𑀸 𑀅𑀦𑀼𑀭𑀽𑀧𑀁 𑀬𑀣𑀸𑀲𑀢𑁆𑀢𑀺, 𑀩𑀮𑀲𑁆𑀲 𑀅𑀦𑀼𑀭𑀽𑀧𑀁 𑀬𑀣𑀸𑀩𑀮𑀁, 𑀓𑀫𑀲𑁆𑀲 𑀅𑀦𑀼𑀭𑀽𑀧𑀁 𑀬𑀣𑀸𑀓𑁆𑀓𑀫𑀁. 𑀏𑀯𑀁 𑀬𑀣𑀸𑀲𑀗𑁆𑀔𑁆𑀬𑀁, 𑀬𑀣𑀸𑀮𑀸𑀪𑀁. 𑀲𑁄𑀢𑀲𑁆𑀲 𑀧𑀝𑀺𑀮𑁄𑀫𑀁 𑀧𑀝𑀺𑀲𑁄𑀢𑀁, 𑀧𑀝𑀺𑀯𑀸𑀢𑀁, 𑀧𑀝𑀺𑀲𑀤𑁆𑀤𑀁.

𑀧𑀘𑁆𑀙𑀸𑀧𑀤𑀢𑁆𑀣𑁂 𑁋

𑀭𑀣𑀲𑁆𑀲 𑀧𑀘𑁆𑀙𑀸 𑀅𑀦𑀼𑀭𑀣𑀁.

𑀬𑀼𑀕𑀪𑀽𑀢𑁄 𑀧𑀤𑀢𑁆𑀣𑁄 𑀬𑀼𑀕𑀧𑀤𑀢𑁆𑀣𑁄, 𑀲𑀳𑀪𑀸𑀯𑀻𑀅𑀢𑁆𑀣𑀤𑁆𑀯𑀬𑀲𑁆𑀲𑁂𑀢𑀁 𑀦𑀸𑀫𑀁. 𑀢𑀢𑁆𑀣 𑀅𑀲𑀦𑀺𑀨𑀮𑁂𑀦 𑀲𑀳 𑀧𑀯𑀢𑁆𑀢𑀁 𑀘𑀓𑁆𑀓𑀁 𑀲𑀘𑀓𑁆𑀓𑀁, 𑀕𑀤𑀸𑀯𑀼𑀥𑁂𑀦 𑀬𑀼𑀕𑀴𑀧𑀯𑀢𑁆𑀢𑀁 𑀯𑀸𑀲𑀼𑀤𑁂𑀯𑀲𑁆𑀲 𑀘𑀓𑁆𑀓𑀸𑀯𑀼𑀥𑀦𑁆𑀢𑀺𑀧𑀺 𑀯𑀤𑀦𑁆𑀢𑀺 [𑀬𑀼𑀕𑀧𑀤𑀢𑁆𑀣𑁂 𑀲𑀘𑀓𑁆𑀓𑀁 𑀦𑀺𑀥𑁂𑀳𑀺, (𑀫𑁄𑀕𑁆𑀕𑀮𑁆𑀮𑀸𑀦𑀯𑀼𑀢𑁆𑀢𑀺𑀬𑀁). 𑀘𑀓𑁆𑀓𑁂𑀦 𑀬𑀼𑀕𑀧𑀢 𑀥𑁂𑀳𑀺 𑀲𑀘𑀓𑁆𑀓𑀁, (𑀫𑀼𑀕𑁆𑀥𑀩𑁄𑀥𑀯𑀼𑀢𑁆𑀢𑀺𑀬𑀁). 𑀳𑁂 𑀩𑀺𑀲𑀡𑀼! 𑀘𑀓𑁆𑀓𑁂𑀦 𑀲𑀳 𑀬𑀼𑀕𑀧𑀤𑁂𑀓𑀓𑀸𑀮𑁂 𑀕𑀤𑀁 𑀥𑀸𑀭𑀬. (𑀫𑀼𑀕𑁆𑀥𑀩𑁄𑀥𑀝𑀻𑀓𑀸𑀬𑀁 𑁨𑁨𑁬 𑀧𑀺𑀝𑁆𑀞𑁂)], 𑀲𑀳𑀲𑁆𑀲 𑀲𑀢𑁆𑀢𑀁.

𑁩𑁩𑁯. 𑀬𑀣𑀸 𑀦𑀢𑀼𑀮𑁆𑀬𑁂 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁩; 𑀧𑀸. 𑁨.𑁧.𑁭].

𑀢𑀼𑀮𑁆𑀬𑀢𑁄 𑀅𑀜𑁆𑀜𑀲𑁆𑀫𑀺𑀁 𑀅𑀢𑁆𑀣𑁂 𑀧𑀯𑀢𑁆𑀢𑁄 𑀬𑀣𑀸𑀲𑀤𑁆𑀤𑁄 𑀲𑁆𑀬𑀸𑀤𑀺𑀦𑀸 𑀲𑀳 𑀏𑀓𑀢𑁆𑀣𑁄 𑀳𑁄𑀢𑀺 [𑀫𑁄𑀕𑁆𑀕𑀮𑁆𑀮𑀸𑀦𑁂 𑀅𑀜𑁆𑀜𑀣𑀸𑀯𑀼𑀢𑁆𑀢𑀺 𑀤𑀲𑁆𑀲𑀺𑀢𑀸].

𑀬𑀣𑀸𑀲𑀢𑁆𑀢𑀺, 𑀬𑀣𑀸𑀩𑀮𑀁, 𑀬𑀣𑀸𑀓𑁆𑀓𑀫𑀁, 𑀬𑁂 𑀬𑁂 𑀯𑀼𑀟𑁆𑀠𑀸 𑀬𑀣𑀸𑀯𑀼𑀟𑁆𑀠𑀁, 𑀯𑀼𑀟𑁆𑀠𑀸𑀦𑀁 𑀧𑀝𑀺𑀧𑀸𑀝𑀺 𑀯𑀸 𑀬𑀣𑀸𑀯𑀼𑀟𑁆𑀠𑀁.

𑀦𑀢𑀼𑀮𑁆𑀬𑁂𑀢𑀺 𑀓𑀺𑀁? 𑀬𑀣𑀸 𑀤𑁂𑀯𑀤𑀢𑁆𑀢𑁄, 𑀢𑀣𑀸 𑀬𑀜𑁆𑀜𑀤𑀢𑁆𑀢𑁄.

𑁩𑁪𑁦. 𑀬𑀸𑀯𑀸𑀯𑀥𑀸𑀭𑀡𑁂 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁪; 𑀧𑀸. 𑁨.𑁧.𑁮].

𑀅𑀯𑀥𑀸𑀭𑀡𑀁 𑀯𑀼𑀘𑁆𑀘𑀢𑀺 𑀧𑀭𑀺𑀘𑁆𑀙𑀺𑀦𑁆𑀤𑀦𑀁, 𑀅𑀯𑀥𑀸𑀭𑀡𑁂 𑀧𑀯𑀢𑁆𑀢𑁄 𑀬𑀸𑀯𑀲𑀤𑁆𑀤𑁄 𑀲𑁆𑀬𑀸𑀤𑀺𑀦𑀸 𑀲𑀳 𑀏𑀓𑀢𑁆𑀣𑁄 𑀪𑀯𑀢𑀺.

𑀬𑀢𑁆𑀢𑀓𑀁 ¶ 𑀅𑀢𑁆𑀣𑁄 𑀯𑀢𑁆𑀢𑀢𑀻𑀢𑀺 𑀬𑀸𑀯𑀤𑀢𑁆𑀣𑀁, 𑀤𑀸𑀕𑀫𑁄. 𑀬𑀢𑁆𑀢𑀓𑀁 𑀚𑀻𑀯𑁄 𑀯𑀢𑁆𑀢𑀢𑀻𑀢𑀺 𑀬𑀸𑀯𑀚𑀻𑀯𑀁, 𑀬𑀢𑁆𑀢𑀓𑀁 𑀆𑀬𑀼 𑀯𑀢𑁆𑀢𑀢𑀻𑀢𑀺 𑀬𑀸𑀯𑀢𑀸𑀬𑀼𑀓𑀁, 𑀢𑀓𑀸𑀭, 𑀓𑀓𑀸𑀭𑀸 𑀆𑀕𑀫𑀸.

𑁩𑁪𑁧. 𑀧𑀭𑀸𑀧𑀸𑀩𑀳𑀺𑀢𑀺𑀭𑁄𑀧𑀼𑀭𑁂𑀧𑀘𑁆𑀙𑀸 𑀯𑀸 𑀧𑀜𑁆𑀘𑀫𑁆𑀬𑀸 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁭; 𑀧𑀸. 𑁨.𑁧.𑁧𑁨, 𑁧𑁩; ‘𑀧𑀬𑁆𑀬𑀧𑀸…’ (𑀩𑀳𑀽𑀲𑀼)].

𑀧𑀭𑀺, 𑀅𑀧, 𑀆𑀇𑀘𑁆𑀘𑀸𑀤𑀬𑁄 𑀲𑀤𑁆𑀤𑀸 𑀧𑀜𑁆𑀘𑀫𑁆𑀬𑀦𑁆𑀢𑁂𑀦 𑀲𑁆𑀬𑀸𑀤𑀺𑀦𑀸 𑀲𑀳 𑀏𑀓𑀢𑁆𑀣𑀸 𑀪𑀯𑀦𑁆𑀢𑀺 𑀯𑀸.

𑀧𑀩𑁆𑀩𑀢𑀢𑁄 𑀧𑀭𑀺 𑀲𑀫𑀦𑁆𑀢𑀸 𑀯𑀲𑁆𑀲𑀻𑀢𑀺 𑀤𑁂𑀯𑁄 𑀧𑀭𑀺𑀧𑀩𑁆𑀩𑀢𑀁 𑀧𑀭𑀺𑀧𑀩𑁆𑀩𑀢𑀸 𑀯𑀸, 𑀧𑀩𑁆𑀩𑀢𑀁 𑀯𑀚𑁆𑀚𑁂𑀢𑁆𑀯𑀸 𑀯𑀲𑁆𑀲𑀻𑀢𑀺 𑀅𑀢𑁆𑀣𑁄. 𑀧𑀩𑁆𑀩𑀢𑀢𑁄 𑀩𑀳𑀺𑀤𑁆𑀥𑀸 𑀅𑀧𑀧𑀩𑁆𑀩𑀢𑀁 𑀅𑀧𑀧𑀩𑁆𑀩𑀢𑀸 𑀯𑀸, 𑀧𑀸𑀝𑀮𑀺𑀧𑀼𑀢𑁆𑀢𑀢𑁄 𑀩𑀳𑀺𑀤𑁆𑀥𑀸 𑀯𑀲𑁆𑀲𑀻𑀢𑀺 𑀤𑁂𑀯𑁄 𑀆𑀧𑀸𑀝𑀮𑀺𑀧𑀼𑀢𑁆𑀢𑀁 𑀆𑀧𑀸𑀝𑀮𑀺𑀧𑀼𑀢𑁆𑀢𑀸 𑀯𑀸, 𑀆𑀓𑀼𑀫𑀸𑀭𑁂𑀳𑀺 𑀓𑀘𑁆𑀘𑀸𑀬𑀦𑀲𑁆𑀲 𑀬𑀲𑁄 𑀯𑀢𑁆𑀢𑀢𑀻𑀢𑀺 𑀆𑀓𑀼𑀫𑀸𑀭𑀁 𑀆𑀓𑀼𑀫𑀸𑀭𑀸 𑀯𑀸, 𑀆𑀪𑀯𑀕𑁆𑀕𑀸 𑀪𑀕𑀯𑀢𑁄 𑀬𑀲𑁄 𑀯𑀢𑁆𑀢𑀢𑀻𑀢𑀺 𑀆𑀪𑀯𑀕𑁆𑀕𑀁 𑀆𑀪𑀯𑀕𑁆𑀕𑀸 𑀯𑀸, 𑀆𑀧𑀸𑀡𑀓𑁄𑀝𑀺𑀬𑀸 𑀲𑀭𑀡𑀕𑀫𑀦𑀁 𑀯𑀢𑁆𑀢𑀢𑀻𑀢𑀺 𑀆𑀧𑀸𑀡𑀓𑁄𑀝𑀺𑀓𑀁, 𑀓𑀸𑀕𑀫𑁄. 𑀕𑀸𑀫𑀢𑁄 𑀩𑀳𑀺 𑀩𑀳𑀺𑀕𑀸𑀫𑀁 𑀩𑀳𑀺𑀕𑀸𑀫𑀸 𑀯𑀸, 𑀏𑀯𑀁 𑀩𑀳𑀺𑀦𑀕𑀭𑀁, 𑀩𑀳𑀺𑀮𑁂𑀡𑀁, 𑀧𑀩𑁆𑀩𑀢𑀢𑁄 𑀢𑀺𑀭𑁄 𑀢𑀺𑀭𑁄𑀧𑀩𑁆𑀩𑀢𑀁 𑀢𑀺𑀭𑁄𑀧𑀩𑁆𑀩𑀢𑀸 𑀯𑀸, 𑀏𑀯𑀁 𑀢𑀺𑀭𑁄𑀧𑀸𑀓𑀸𑀭𑀁, 𑀢𑀺𑀭𑁄𑀓𑀼𑀝𑁆𑀝𑀁. 𑀏𑀢𑁆𑀣 𑀘 ‘𑀢𑀺𑀭𑁄’𑀢𑀺 𑀧𑀭𑀪𑀸𑀕𑁄 𑀯𑀼𑀘𑁆𑀘𑀢𑀺. 𑀪𑀢𑁆𑀢𑀫𑁆𑀳𑀸 𑀧𑀼𑀭𑁂 𑀧𑀼𑀭𑁂𑀪𑀢𑁆𑀢𑀁 𑀧𑀼𑀭𑁂𑀪𑀢𑁆𑀢𑀸 𑀯𑀸, 𑀅𑀭𑀼𑀡𑀫𑁆𑀳𑀸 𑀧𑀼𑀭𑁂 𑀧𑀼𑀭𑀸𑀭𑀼𑀡𑀁 𑀧𑀼𑀭𑀸𑀭𑀼𑀡𑀸 𑀯𑀸, 𑀪𑀢𑁆𑀢𑀲𑁆𑀲 𑀧𑀘𑁆𑀙𑀸 𑀧𑀘𑁆𑀙𑀸𑀪𑀢𑁆𑀢𑀁 𑀧𑀘𑁆𑀙𑀸𑀪𑀢𑁆𑀢𑀸 𑀯𑀸.

𑁩𑁪𑁨. 𑀲𑀫𑀻𑀧𑀸𑀬𑀸𑀫𑁂𑀲𑁆𑀯𑀦𑀼 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁯; 𑀧𑀸. 𑁨.𑁧.𑁧𑁫, 𑁧𑁬].

𑀲𑀫𑀻𑀧𑁂 𑀆𑀬𑀸𑀫𑁂 𑀘 𑀧𑀯𑀢𑁆𑀢𑁄 𑀅𑀦𑀼𑀲𑀤𑁆𑀤𑁄 𑀲𑁆𑀬𑀸𑀤𑀺𑀦𑀸 𑀲𑀳 𑀏𑀓𑀢𑁆𑀣𑁄 𑀪𑀯𑀢𑀺 𑀯𑀸.

𑀯𑀦𑀲𑁆𑀲 𑀲𑀫𑀻𑀧𑀁 𑀅𑀦𑀼𑀯𑀦𑀁, 𑀅𑀲𑀦𑀺 𑀅𑀦𑀼𑀯𑀦𑀁 𑀕𑀢𑀸, 𑀕𑀗𑁆𑀕𑀁 𑀅𑀦𑀼𑀬𑀸𑀢𑀸 𑀅𑀦𑀼𑀕𑀗𑁆𑀕𑀁, 𑀩𑀸𑀭𑀸𑀡𑀲𑀻.

𑁩𑁪𑁩. 𑀑𑀭𑁄 ¶ 𑀧𑀭𑀺 𑀧𑀝𑀺 𑀧𑀸𑀭𑁂 𑀫𑀚𑁆𑀛𑁂 𑀳𑁂𑀝𑁆𑀞𑀼𑀤𑁆𑀥𑀸𑀥𑁄𑀦𑁆𑀢𑁄 𑀯𑀸 𑀙𑀝𑁆𑀞𑀺𑀬𑀸 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁬; 𑀘𑀁. 𑁨.𑁨.𑁧𑁧; 𑀧𑀸. 𑁨.𑁧.𑁧𑁮; ‘𑀑𑀭𑁂𑀧𑀭𑀺…’ (𑀩𑀳𑀽𑀲𑀼)].

𑀑𑀭𑀸𑀤𑀬𑁄 𑀲𑀤𑁆𑀤𑀸 𑀙𑀝𑁆𑀞𑀻𑀬𑀦𑁆𑀢𑁂𑀦 𑀲𑁆𑀬𑀸𑀤𑀺𑀦𑀸 𑀲𑀳 𑀏𑀓𑀢𑁆𑀣𑀸 𑀪𑀯𑀦𑁆𑀢𑀺 𑀯𑀸.

𑀏𑀢𑁆𑀣 𑀘 𑀑𑀭𑁂, 𑀧𑀸𑀭𑁂, 𑀫𑀚𑁆𑀛𑁂𑀲𑀤𑁆𑀤𑁂𑀲𑀼 ‘𑀢𑀤𑀫𑀺𑀦𑀸𑀤𑀻𑀦𑀻’𑀢𑀺 𑀲𑀼𑀢𑁆𑀢𑁂𑀦 𑀏𑀓𑀸𑀭𑁄, 𑀕𑀗𑁆𑀕𑀸𑀬 𑀑𑀭𑀁 𑀑𑀭𑁂𑀕𑀗𑁆𑀕𑀁, 𑀲𑀺𑀔𑀭𑀲𑁆𑀲 𑀉𑀧𑀭𑀺 𑀉𑀧𑀭𑀺𑀲𑀺𑀔𑀭𑀁. 𑀏𑀯𑀁 𑀉𑀧𑀭𑀺𑀧𑀸𑀲𑀸𑀤𑀁, 𑀉𑀧𑀭𑀺𑀫𑀜𑁆𑀘𑀁, 𑀉𑀧𑀭𑀺𑀧𑀩𑁆𑀩𑀢𑀁, 𑀲𑁄𑀢𑀲𑁆𑀲 𑀧𑀝𑀺𑀮𑁄𑀫𑀁 𑀧𑀝𑀺𑀲𑁄𑀢𑀁. 𑀏𑀯𑀁 𑀧𑀝𑀺𑀯𑀸𑀢𑀁, 𑀬𑀫𑀼𑀦𑀸𑀬 𑀧𑀸𑀭𑀁 𑀧𑀸𑀭𑁂𑀬𑀫𑀼𑀦𑀁, 𑀕𑀗𑁆𑀕𑀸𑀬 𑀫𑀚𑁆𑀛𑀁 𑀫𑀚𑁆𑀛𑁂𑀕𑀗𑁆𑀕𑀁, 𑀧𑀸𑀲𑀸𑀤𑀲𑁆𑀲 𑀳𑁂𑀝𑁆𑀞𑀸 𑀳𑁂𑀝𑁆𑀞𑀸𑀧𑀸𑀲𑀸𑀤𑀁, 𑀳𑁂𑀝𑁆𑀞𑀸𑀫𑀜𑁆𑀘𑀁, 𑀕𑀗𑁆𑀕𑀸𑀬 𑀉𑀤𑁆𑀥𑀁 𑀉𑀤𑁆𑀥𑀁𑀕𑀗𑁆𑀕𑀁, 𑀕𑀗𑁆𑀕𑀸𑀬 𑀅𑀥𑁄 𑀅𑀥𑁄𑀕𑀗𑁆𑀕𑀁, 𑀧𑀸𑀲𑀸𑀤𑀲𑁆𑀲 𑀅𑀦𑁆𑀢𑁄 𑀅𑀦𑁆𑀢𑁄𑀧𑀸𑀲𑀸𑀤𑀁. 𑀏𑀯𑀁 𑀅𑀦𑁆𑀢𑁄𑀕𑀸𑀫𑀁, 𑀅𑀦𑁆𑀢𑁄𑀦𑀕𑀭𑀁, 𑀅𑀦𑁆𑀢𑁄𑀯𑀲𑁆𑀲𑀁.

𑀯𑀸𑀢𑀺 𑀓𑀺𑀁? 𑀕𑀗𑁆𑀕𑀸𑀑𑀭𑀁, 𑀫𑀚𑁆𑀛𑁂𑀲𑀫𑀼𑀤𑁆𑀤𑀲𑁆𑀫𑀺𑀁 𑀇𑀘𑁆𑀘𑀸𑀤𑀺.

𑁩𑁪𑁪. 𑀢𑀺𑀝𑁆𑀞𑀕𑁆𑀯𑀸𑀤𑀻𑀦𑀺 [𑀓. 𑁩𑁧𑁯; 𑀭𑀽. 𑁩𑁩𑁦; 𑀦𑀻. 𑁬𑁯𑁭; 𑀘𑀁. 𑁨.𑁨.𑁧𑁦; 𑀧𑀸. 𑁨.𑁧.𑁧𑁭].

𑀢𑀺𑀝𑁆𑀞𑀕𑀼𑀇𑀘𑁆𑀘𑀸𑀤𑀻𑀦𑀺 𑀅𑀲𑀗𑁆𑀔𑁆𑀬𑁂𑀓𑀢𑁆𑀣𑁂 𑀲𑀺𑀚𑁆𑀛𑀦𑁆𑀢𑀺.

𑀢𑀺𑀝𑁆𑀞𑀦𑁆𑀢𑀺 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂 𑀢𑀺𑀝𑁆𑀞𑀕𑀼, 𑀯𑀳𑀦𑁆𑀢𑀺 𑀕𑀸𑀯𑁄𑀬𑀲𑁆𑀫𑀺𑀁 𑀓𑀸𑀮𑁂 𑀯𑀳𑀕𑀼, ‘𑀕𑁄𑀲𑁆𑀲𑀽’𑀢𑀺 𑀲𑀼𑀢𑁆𑀢𑁂𑀦 𑀑𑀲𑁆𑀲 𑀉𑀢𑁆𑀢𑀁. 𑀆𑀬𑀢𑀺𑀁 𑀬𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀆𑀬𑀢𑀺𑀬𑀯𑁄, 𑀔𑀮𑁂 𑀬𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀔𑀮𑁂𑀬𑀯𑀁. 𑀧𑀼𑀩𑁆𑀩𑀧𑀤𑁂 𑀯𑀺𑀪𑀢𑁆𑀢𑀺𑀅𑀮𑁄𑀧𑁄. 𑀮𑀼𑀦𑀸 𑀬𑀯𑀸 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀮𑀼𑀦𑀬𑀯𑀁, 𑀏𑀢𑁆𑀣 ‘𑀮𑀼𑀦𑀸’𑀢𑀺 𑀮𑀸𑀯𑀺𑀢𑀸, 𑀮𑀼𑀬𑀫𑀸𑀦𑀸 𑀬𑀯𑀸 𑀬𑀲𑁆𑀫𑀺𑀦𑁆𑀢𑀺 𑀮𑀼𑀬𑀫𑀸𑀦𑀬𑀯𑀁 𑀇𑀘𑁆𑀘𑀸𑀤𑀺.

𑀢𑀣𑀸 𑀧𑀸𑀢𑁄 𑀦𑀳𑀸𑀦𑀁 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀧𑀸𑀢𑀦𑀳𑀸𑀦𑀁. 𑀏𑀯𑀁 𑀲𑀸𑀬𑀦𑀳𑀸𑀦𑀁, 𑀧𑀸𑀢𑁄 𑀓𑀫𑁆𑀫𑀓𑀭𑀡𑀓𑀸𑀮𑁄 𑀬𑀲𑁆𑀫𑀺𑀦𑁆𑀢𑀺 ¶ 𑀧𑀸𑀢𑀓𑀸𑀮𑀁. 𑀏𑀯𑀁 𑀲𑀸𑀬𑀓𑀸𑀮𑀁, 𑀧𑀸𑀢𑁄 𑀯𑀲𑁆𑀲𑀢𑀺 𑀫𑁂𑀖𑁄 𑀬𑀲𑁆𑀫𑀺𑀦𑁆𑀢𑀺 𑀧𑀸𑀢𑀫𑁂𑀖𑀁. 𑀏𑀯𑀁 𑀲𑀸𑀬𑀫𑁂𑀖𑀁, 𑀧𑀸𑀢𑁄 𑀕𑀦𑁆𑀢𑀩𑁆𑀩𑁄 𑀫𑀕𑁆𑀕𑁄 𑀬𑀲𑁆𑀫𑀺𑀦𑁆𑀢𑀺 𑀧𑀸𑀢𑀫𑀕𑁆𑀕𑀁. 𑀏𑀯𑀁 𑀲𑀸𑀬𑀫𑀕𑁆𑀕𑀁 𑀇𑀘𑁆𑀘𑀸𑀤𑀺. 𑀫𑀳𑀸𑀯𑀼𑀢𑁆𑀢𑀺𑀦𑀸 𑀧𑀸𑀢𑁄𑀲𑀤𑁆𑀤𑀲𑁆𑀲 𑀧𑀸𑀢𑀢𑁆𑀢𑀁. 𑀏𑀢𑁆𑀣 𑀘 ‘𑀢𑀺𑀝𑁆𑀞𑀕𑀼’ 𑀇𑀘𑁆𑀘𑀸𑀤𑀻𑀦𑀺 𑀯𑀺𑀕𑁆𑀕𑀳𑀢𑁆𑀣𑀯𑀲𑁂𑀦 𑀅𑀜𑁆𑀜𑀧𑀤𑀢𑁆𑀣𑁂 𑀲𑀺𑀤𑁆𑀥𑀸𑀦𑀺 𑀯𑀺𑀬 𑀤𑀺𑀲𑁆𑀲𑀦𑁆𑀢𑀺, 𑀅𑀜𑁆𑀜𑀧𑀤𑀲𑁆𑀲 𑀧𑀦 𑀮𑀺𑀗𑁆𑀕𑀸𑀤𑀻𑀦𑀁 𑀯𑀲𑁂𑀦 𑀢𑁂𑀲𑀁 𑀭𑀽𑀧𑀯𑀺𑀓𑀸𑀭𑁄 𑀦𑀸𑀫 𑀦𑀢𑁆𑀣𑀺, 𑀢𑀲𑁆𑀫𑀸 𑀅𑀩𑁆𑀬𑀬𑀭𑀽𑀧𑀢𑁆𑀢𑀸 𑀇𑀥 𑀕𑀳𑀺𑀢𑀸𑀦𑀺, 𑀲𑀩𑁆𑀩𑀜𑁆𑀘𑁂𑀢𑀁 𑀅𑀲𑀗𑁆𑀔𑁆𑀬𑀲𑀫𑀸𑀲𑀧𑀤𑀁 𑀦𑀸𑀫 𑀦𑀧𑀼𑀁𑀲𑀓𑀁 𑀏𑀯 𑀳𑁄𑀢𑀺, 𑀭𑀲𑁆𑀲𑀦𑁆𑀢𑀫𑁂𑀯 𑀳𑁄𑀢𑀺. 𑀲𑀩𑁆𑀩𑀯𑀺𑀪𑀢𑁆𑀢𑀻𑀦𑀜𑁆𑀘 𑀅𑀓𑀸𑀭𑀦𑁆𑀢𑀫𑁆𑀳𑀸 𑀩𑀳𑀼𑀮𑀁 𑀅𑀁 𑀳𑁄𑀢𑀺, 𑀇𑀓𑀸𑀭𑀼𑀓𑀸𑀭𑀦𑁆𑀢𑁂𑀳𑀺 𑀮𑁄𑀧𑁄 𑀳𑁄𑀢𑀺.

𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑁄 𑀦𑀺𑀝𑁆𑀞𑀺𑀢𑁄.

𑀢𑀧𑁆𑀧𑀼𑀭𑀺𑀲𑀲𑀫𑀸𑀲

𑀤𑀼𑀢𑀺𑀬𑀸𑀢𑀧𑁆𑀧𑀼𑀭𑀺𑀲

𑀅𑀣 𑀅𑀫𑀸𑀤𑀺𑀲𑀫𑀸𑀲𑁄 𑀯𑀼𑀘𑁆𑀘𑀢𑁂, 𑀲𑁄 𑀢𑀧𑁆𑀧𑀼𑀭𑀺𑀲𑁄𑀢𑀺 𑀘 𑀯𑀼𑀘𑁆𑀘𑀢𑀺. 𑀢𑀲𑁆𑀲 𑀧𑀼𑀭𑀺𑀲𑁄 𑀢𑀧𑁆𑀧𑀼𑀭𑀺𑀲𑁄, 𑀢𑀧𑁆𑀧𑀼𑀭𑀺𑀲𑀲𑀤𑁆𑀤𑁂𑀦 𑀲𑀤𑀺𑀲𑀢𑁆𑀢𑀸 𑀅𑀬𑀁 𑀲𑀫𑀸𑀲𑁄 𑀢𑀧𑁆𑀧𑀼𑀭𑀺𑀲𑁄𑀢𑀺 𑀯𑀼𑀘𑁆𑀘𑀢𑀺. 𑀬𑀣𑀸 𑀳𑀺 𑀢𑀧𑁆𑀧𑀼𑀭𑀺𑀲𑀲𑀤𑁆𑀤𑁄 𑀯𑀺𑀲𑁂𑀲𑀦𑀧𑀤𑀢𑁆𑀣𑀁 𑀚𑀳𑀺𑀢𑁆𑀯𑀸 𑀯𑀺𑀲𑁂𑀲𑁆𑀬𑀧𑀤𑀢𑁆𑀣𑁂 𑀢𑀺𑀝𑁆𑀞𑀢𑀺, 𑀏𑀯𑀁 𑀅𑀬𑀁 𑀲𑀫𑀸𑀲𑁄𑀧𑀻𑀢𑀺.

𑁩𑁪𑁫. 𑀅𑀫𑀸𑀤𑀺 [𑀓. 𑁩𑁨𑁭; 𑀭𑀽. 𑁩𑁫𑁧; 𑀦𑀻. 𑁭𑁦𑁪; 𑀘𑀁. 𑁨.𑁨.𑁧𑁬].

𑀅𑀫𑀸𑀤𑀺𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁 𑀧𑀞𑀫𑀦𑁆𑀢𑁂𑀦 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑁂𑀦 𑀲𑀳 𑀏𑀓𑀢𑁆𑀣𑀁 𑀪𑀯𑀢𑀺, 𑀅𑀬𑀜𑁆𑀘 𑀲𑀫𑀸𑀲𑁄 𑀅𑀦𑁆𑀯𑀢𑁆𑀣𑀯𑀲𑁂𑀦 ‘‘𑀅𑀫𑀸𑀤𑀺𑀲𑀫𑀸𑀲𑁄’’𑀢𑀺 𑀘 ‘‘𑀢𑀧𑁆𑀧𑀼𑀭𑀺𑀲𑀲𑀫𑀸𑀲𑁄’’𑀢𑀺 𑀘 𑀯𑀼𑀘𑁆𑀘𑀢𑀺. 𑀇𑀫𑀺𑀦𑀸 𑀅𑀫𑀸𑀤𑀺𑀲𑀳𑀺𑀢𑀲𑁆𑀲 𑀯𑀸𑀓𑁆𑀬𑀲𑁆𑀲 𑀅𑀫𑀸𑀤𑁂𑀓𑀢𑁆𑀣𑀲𑀜𑁆𑀜𑀁 𑀓𑀢𑁆𑀯𑀸 𑀯𑀼𑀢𑁆𑀢𑀢𑁆𑀣𑀸𑀦𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄, 𑀢𑀢𑁄 𑀏𑀓𑀢𑁆𑀣𑀧𑀤𑀦𑁆𑀢𑁂 𑀲𑁆𑀬𑀸𑀤𑁆𑀬𑀼𑀧𑁆𑀧𑀢𑁆𑀢𑀺 𑀳𑁄𑀢𑀺.

𑀲𑁄 ¶ 𑀧𑀦 𑀲𑀫𑀸𑀲𑁄 𑀤𑀼𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄, 𑀢𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄, 𑀘𑀢𑀼𑀢𑁆𑀣𑀻𑀢𑀧𑁆𑀧𑀼𑀭𑀺𑀲𑁄, 𑀧𑀜𑁆𑀘𑀫𑀻𑀢𑀧𑁆𑀧𑀼𑀭𑀺𑀲𑁄, 𑀙𑀝𑁆𑀞𑀻𑀢𑀧𑁆𑀧𑀼𑀭𑀺𑀲𑁄, 𑀲𑀢𑁆𑀢𑀫𑀻𑀢𑀧𑁆𑀧𑀼𑀭𑀺𑀲𑁄𑀢𑀺 𑀙𑀩𑁆𑀩𑀺𑀥𑁄. 𑀏𑀓𑀫𑁂𑀓𑀲𑁆𑀫𑀺𑀜𑁆𑀘𑁂𑀢𑁆𑀣 ‘‘𑀦𑀺𑀘𑁆𑀘𑀲𑀫𑀸𑀲𑁄, 𑀅𑀦𑀺𑀘𑁆𑀘𑀲𑀫𑀸𑀲𑁄’’𑀢𑀺 𑀘 ‘‘𑀮𑀼𑀢𑁆𑀢𑀲𑀫𑀸𑀲𑁄, 𑀅𑀮𑀼𑀢𑁆𑀢𑀲𑀫𑀸𑀲𑁄’’𑀢𑀺 𑀘 𑀤𑀼𑀯𑀺𑀥𑁄.

𑀢𑀢𑁆𑀣 𑀤𑀼𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄 𑀓𑀢𑁆𑀢𑀼𑀯𑀸𑀘𑀓𑁂𑀲𑀼 𑀕𑀢, 𑀦𑀺𑀲𑁆𑀲𑀺𑀢,-𑀅𑀢𑀻𑀢, 𑀅𑀢𑀺𑀓𑁆𑀓𑀦𑁆𑀢, 𑀧𑀢𑁆𑀢, 𑀆𑀧𑀦𑁆𑀦𑀇𑀘𑁆𑀘𑀸𑀤𑀻𑀲𑀼 𑀧𑀭𑁂𑀲𑀼 𑀳𑁄𑀢𑀺.

𑀕𑀸𑀫𑀁 𑀕𑀢𑁄𑀢𑀺 𑀕𑀸𑀫𑀕𑀢𑁄 𑀕𑀸𑀫𑀁 𑀕𑀢𑁄 𑀯𑀸. 𑀏𑀯𑀁 𑀅𑀭𑀜𑁆𑀜𑀕𑀢𑁄, 𑀪𑀽𑀫𑀺𑀕𑀢𑁄, 𑀭𑀸𑀚𑀸𑀦𑀁 𑀦𑀺𑀲𑁆𑀲𑀺𑀢𑁄𑀢𑀺 𑀭𑀸𑀚𑀦𑀺𑀲𑁆𑀲𑀺𑀢𑁄. 𑀏𑀯𑀁 𑀅𑀢𑁆𑀣𑀦𑀺𑀲𑁆𑀲𑀺𑀢𑁄, 𑀥𑀫𑁆𑀫𑀦𑀺𑀲𑁆𑀲𑀺𑀢𑁄. 𑀪𑀯𑀁 𑀅𑀢𑀻𑀢𑁄 𑀪𑀯𑀸𑀢𑀻𑀢𑁄. 𑀏𑀯𑀁 𑀪𑀬𑀸𑀢𑀻𑀢𑁄, 𑀓𑀸𑀮𑀸𑀢𑀻𑀢𑁄, 𑀔𑀡𑀸𑀢𑀻𑀢𑁄, 𑀧𑀫𑀸𑀡𑀁 𑀅𑀢𑀺𑀓𑁆𑀓𑀦𑁆𑀢𑁄𑀢𑀺 𑀧𑀫𑀸𑀡𑀸𑀢𑀺𑀓𑁆𑀓𑀦𑁆𑀢𑁄, 𑀲𑀼𑀔𑀁 𑀧𑀢𑁆𑀢𑁄𑀢𑀺 𑀲𑀼𑀔𑀧𑁆𑀧𑀢𑁆𑀢𑁄. 𑀏𑀯𑀁 𑀤𑀼𑀓𑁆𑀔𑀧𑁆𑀧𑀢𑁆𑀢𑁄, 𑀲𑁄𑀢𑀁 𑀆𑀧𑀦𑁆𑀦𑁄𑀢𑀺 𑀲𑁄𑀢𑀸𑀧𑀦𑁆𑀦𑁄. 𑀏𑀯𑀁 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑁄, 𑀅𑀤𑁆𑀥𑀸𑀦𑀫𑀕𑁆𑀕𑀁 𑀧𑀝𑀺𑀧𑀦𑁆𑀦𑁄𑀢𑀺 𑀅𑀤𑁆𑀥𑀸𑀦𑀫𑀕𑁆𑀕𑀧𑁆𑀧𑀝𑀺𑀧𑀦𑁆𑀦𑁄, 𑀭𑀼𑀓𑁆𑀔𑀁 𑀆𑀭𑀽𑀴𑁆𑀳𑁄𑀢𑀺 𑀭𑀼𑀓𑁆𑀔𑀸𑀭𑀽𑀴𑁆𑀳𑁄, 𑀭𑀣𑀸𑀭𑀽𑀴𑁆𑀳𑁄, 𑀑𑀖𑀁 𑀢𑀺𑀡𑁆𑀡𑁄𑀢𑀺 𑀑𑀖𑀢𑀺𑀡𑁆𑀡𑁄 𑀑𑀖𑀁 𑀢𑀺𑀡𑁆𑀡𑁄 𑀯𑀸 𑀇𑀘𑁆𑀘𑀸𑀤𑀺.

𑀓𑀫𑁆𑀫𑀼𑀧𑀧𑀤𑀯𑀺𑀳𑀺𑀢𑁂𑀳𑀺 𑀓𑀺𑀢𑀦𑁆𑀢𑀧𑀤𑁂𑀳𑀺 𑀧𑀦 𑀦𑀺𑀘𑁆𑀘𑀲𑀫𑀸𑀲𑁄𑀬𑁂𑀯, 𑀓𑀼𑀫𑁆𑀪𑀁 𑀓𑀭𑁄𑀢𑀻𑀢𑀺 𑀓𑀼𑀫𑁆𑀪𑀓𑀸𑀭𑁄, 𑀭𑀣𑀓𑀸𑀭𑁄, 𑀧𑀢𑁆𑀢𑀁 𑀕𑀡𑁆𑀳𑀸𑀢𑀻𑀢𑀺 𑀧𑀢𑁆𑀢𑀕𑁆𑀕𑀸𑀳𑁄, 𑀅𑀢𑁆𑀣𑀁 𑀓𑀸𑀫𑁂𑀢𑀻𑀢𑀺 𑀅𑀢𑁆𑀣𑀓𑀸𑀫𑁄, 𑀥𑀫𑁆𑀫𑀓𑀸𑀫𑁄, 𑀯𑀺𑀦𑀬𑀁 𑀥𑀸𑀭𑁂𑀢𑀻𑀢𑀺 𑀯𑀺𑀦𑀬𑀥𑀭𑁄, 𑀥𑀫𑁆𑀫𑀥𑀭𑁄, 𑀩𑁆𑀭𑀳𑁆𑀫𑀁 𑀘𑀭𑀢𑀺 𑀲𑀻𑀮𑁂𑀦𑀸𑀢𑀺 𑀩𑁆𑀭𑀳𑁆𑀫𑀘𑀸𑀭𑀻, 𑀪𑀯𑀧𑀸𑀭𑀁 𑀕𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 𑀪𑀯𑀧𑀸𑀭𑀕𑀽, 𑀲𑀩𑁆𑀩𑀁 𑀚𑀸𑀦𑀸𑀢𑀻𑀢𑀺 𑀲𑀩𑁆𑀩𑀜𑁆𑀜𑀽, 𑀅𑀢𑁆𑀣𑀜𑁆𑀜𑀽, 𑀥𑀫𑁆𑀫𑀜𑁆𑀜𑀽𑀇𑀘𑁆𑀘𑀸𑀤𑀺.

𑀩𑀳𑀼𑀮𑀸𑀥𑀺𑀓𑀸𑀭𑀢𑁆𑀢𑀸 𑀢, 𑀢𑀯𑀦𑁆𑀢𑀼, 𑀢𑀸𑀯𑀻, 𑀅𑀦𑁆𑀢, 𑀫𑀸𑀦, 𑀢𑀼𑀦, 𑀢𑁆𑀯𑀸𑀦, 𑀢𑁆𑀯𑀸, 𑀢𑀼𑀁, 𑀢𑀯𑁂𑀧𑀘𑁆𑀘𑀬𑀦𑁆𑀢𑁂𑀲𑀼 𑀧𑀭𑁂𑀲𑀼 𑀲𑀫𑀸𑀲𑁄 𑀦 𑀳𑁄𑀢𑀺, 𑀯𑀲𑁆𑀲𑀁 𑀯𑀼𑀢𑁆𑀣𑁄, 𑀑𑀤𑀦𑀁 𑀪𑀼𑀢𑁆𑀢𑁄, 𑀑𑀤𑀦𑀁 𑀪𑀼𑀢𑁆𑀢𑀯𑀸, 𑀑𑀤𑀦𑀁 𑀪𑀼𑀢𑁆𑀢𑀸𑀯𑀻, 𑀥𑀫𑁆𑀫𑀁 𑀲𑀼𑀡𑀦𑁆𑀢𑁄, 𑀥𑀫𑁆𑀫𑀁 𑀲𑀼𑀡𑀫𑀸𑀦𑁄 ¶ 𑀥𑀫𑁆𑀫𑀁 𑀲𑁄𑀢𑀼𑀦, 𑀥𑀫𑁆𑀫𑀁 𑀲𑀼𑀢𑁆𑀯𑀸𑀦, 𑀥𑀫𑁆𑀫𑀁 𑀲𑀼𑀢𑁆𑀯𑀸, 𑀥𑀫𑁆𑀫𑀁 𑀲𑁄𑀢𑀼𑀁, 𑀥𑀫𑁆𑀫𑀁 𑀲𑁄𑀢𑀯𑁂.

𑀇𑀢𑀺 𑀤𑀼𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄.

𑀢𑀢𑀺𑀬𑀸𑀢𑀧𑁆𑀧𑀼𑀭𑀺𑀲

𑀢𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄 𑀓𑀫𑁆𑀫𑀯𑀸𑀘𑀓𑁂𑀲𑀼 𑀓𑀺𑀢𑀦𑁆𑀢𑁂𑀲𑀼 𑀘 𑀲𑀫𑁆𑀧𑀦𑁆𑀦, 𑀲𑀳𑀕𑀢𑀸𑀤𑀻𑀲𑀼 𑀘 𑀧𑀼𑀩𑁆𑀩, 𑀲𑀤𑀺𑀲, 𑀲𑀫, 𑀊𑀦𑀢𑁆𑀣, 𑀓𑀮𑀳, 𑀦𑀺𑀧𑀼𑀡,-𑀫𑀺𑀲𑁆𑀲𑀓, 𑀲𑀔𑀺𑀮𑀸𑀤𑀻𑀲𑀼 𑀘 𑀧𑀭𑁂𑀲𑀼 𑀳𑁄𑀢𑀺.

𑀩𑀼𑀤𑁆𑀥𑁂𑀦 𑀪𑀸𑀲𑀺𑀢𑁄 𑀩𑀼𑀤𑁆𑀥𑀪𑀸𑀲𑀺𑀢𑁄. 𑀏𑀯𑀁 𑀩𑀼𑀤𑁆𑀥𑀤𑁂𑀲𑀺𑀢𑁄, 𑀩𑀼𑀤𑁆𑀥𑀧𑀜𑁆𑀜𑀢𑁆𑀢𑁄, 𑀩𑀼𑀤𑁆𑀥𑀭𑀓𑁆𑀔𑀺𑀢𑁄, 𑀲𑀢𑁆𑀣𑀸𑀭𑀸 𑀯𑀡𑁆𑀡𑀺𑀢𑁄 𑀲𑀢𑁆𑀣𑀼𑀯𑀡𑁆𑀡𑀺𑀢𑁄, 𑀯𑀺𑀜𑁆𑀜𑀽𑀳𑀺 𑀕𑀭𑀳𑀺𑀢𑁄 𑀯𑀺𑀜𑁆𑀜𑀼𑀕𑀭𑀳𑀺𑀢𑁄, 𑀯𑀺𑀜𑁆𑀜𑀼𑀧𑀲𑀢𑁆𑀣𑁄, 𑀇𑀲𑁆𑀲𑀭𑁂𑀦 𑀓𑀢𑀁 𑀇𑀲𑁆𑀲𑀭𑀓𑀢𑀁, 𑀅𑀢𑁆𑀢𑀦𑀸 𑀓𑀢𑀁 𑀲𑀬𑀁𑀓𑀢𑀁, 𑀧𑀭𑁂𑀳𑀺 𑀓𑀢𑀁 𑀧𑀭𑀁𑀓𑀢𑀁, 𑀩𑀺𑀦𑁆𑀤𑀸𑀕𑀫𑁄. 𑀲𑀼𑀓𑁂𑀳𑀺 𑀆𑀳𑀝𑀁 𑀲𑀼𑀓𑀸𑀳𑀝𑀁, 𑀭𑀜𑁆𑀜𑀸 𑀳𑀢𑁄 𑀭𑀸𑀚𑀳𑀢𑁄, 𑀭𑁄𑀕𑁂𑀦 𑀧𑀻𑀴𑀺𑀢𑁄 𑀭𑁄𑀕𑀧𑀻𑀴𑀺𑀢𑁄, 𑀅𑀕𑁆𑀕𑀺𑀦𑀸 𑀤𑀟𑁆𑀠𑁄 𑀅𑀕𑁆𑀕𑀺𑀤𑀟𑁆𑀠𑁄, 𑀲𑀧𑁆𑀧𑁂𑀦 𑀤𑀝𑁆𑀞𑁄 𑀲𑀧𑁆𑀧𑀤𑀝𑁆𑀞𑁄, 𑀲𑀮𑁆𑀮𑁂𑀦 𑀯𑀺𑀤𑁆𑀥𑁄 𑀲𑀮𑁆𑀮𑀯𑀺𑀤𑁆𑀥𑁄, 𑀇𑀘𑁆𑀙𑀸𑀬 𑀅𑀧𑀓𑀢𑁄 𑀅𑀪𑀺𑀪𑀽𑀢𑁄 𑀇𑀘𑁆𑀙𑀸𑀧𑀓𑀢𑁄.

𑀲𑀻𑀮𑁂𑀦 𑀲𑀫𑁆𑀧𑀦𑁆𑀦𑁄 𑀲𑀻𑀮𑀲𑀫𑁆𑀧𑀦𑁆𑀦𑁄. 𑀏𑀯𑀁 𑀲𑀼𑀔𑀲𑀳𑀕𑀢𑀁, 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀁, 𑀫𑀺𑀢𑁆𑀢𑀲𑀁𑀲𑀕𑁆𑀕𑁄, 𑀧𑀺𑀬𑀲𑀫𑁆𑀧𑀬𑁄𑀕𑁄, 𑀧𑀺𑀬𑀯𑀺𑀧𑁆𑀧𑀬𑁄𑀕𑁄, 𑀚𑀸𑀢𑀺𑀬𑀸 𑀅𑀦𑁆𑀥𑁄 𑀚𑀘𑁆𑀘𑀦𑁆𑀥𑁄, 𑀕𑀼𑀡𑀳𑀻𑀦𑁄, 𑀕𑀼𑀡𑀯𑀼𑀟𑁆𑀠𑁄, 𑀘𑀢𑀼𑀯𑀕𑁆𑀕𑁂𑀦 𑀲𑀗𑁆𑀖𑁂𑀦 𑀓𑀭𑀡𑀻𑀬𑀁 𑀓𑀫𑁆𑀫𑀁 𑀘𑀢𑀼𑀯𑀕𑁆𑀕𑀓𑀭𑀡𑀻𑀬𑀁. 𑀏𑀯𑀁 𑀧𑀜𑁆𑀘𑀯𑀕𑁆𑀕𑀓𑀭𑀡𑀻𑀬𑀁, 𑀓𑀸𑀓𑁂𑀳𑀺 𑀧𑁂𑀬𑁆𑀬𑀸 𑀓𑀸𑀓𑀧𑁂𑀬𑁆𑀬𑀸, 𑀦𑀤𑀻.

𑀏𑀓𑀓𑁆𑀔𑀭𑁂𑀲𑀼 𑀧𑀭𑀧𑀤𑁂𑀲𑀼 𑀦𑀺𑀘𑁆𑀘𑀲𑀫𑀸𑀲𑁄, 𑀉𑀭𑁂𑀦 𑀕𑀘𑁆𑀙𑀢𑀻𑀢𑀺 𑀉𑀭𑀕𑁄, 𑀧𑀸𑀤𑁂𑀦 𑀧𑀺𑀯𑀢𑀻𑀢𑀺 𑀧𑀸𑀤𑀧𑁄 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 𑀫𑀚𑁆𑀛𑁂𑀧𑀤𑀮𑁄𑀧𑁄, 𑀕𑀼𑀴𑁂𑀦 𑀲𑀁𑀲𑀝𑁆𑀞𑁄 𑀑𑀤𑀦𑁄 𑀕𑀼𑀴𑁄𑀤𑀦𑁄. 𑀏𑀯𑀁 𑀔𑀻𑀭𑁄𑀤𑀦𑁄, 𑀅𑀲𑁆𑀲𑁂𑀦 𑀬𑀼𑀢𑁆𑀢𑁄 𑀭𑀣𑁄 𑀅𑀲𑁆𑀲𑀭𑀣𑁄. 𑀏𑀯𑀁 𑀆𑀚𑀜𑁆𑀜𑀭𑀣𑁄, 𑀫𑀕𑁆𑀕𑁂𑀦 𑀲𑀫𑁆𑀧𑀬𑀼𑀢𑁆𑀢𑀁 𑀘𑀺𑀢𑁆𑀢𑀁 𑀫𑀕𑁆𑀕𑀘𑀺𑀢𑁆𑀢𑀁 ¶ , 𑀚𑀫𑁆𑀩𑀼𑀬𑀸 𑀧𑀜𑁆𑀜𑀸𑀢𑁄 𑀤𑀻𑀧𑁄 𑀚𑀫𑁆𑀩𑀼𑀤𑀻𑀧𑁄, 𑀏𑀓𑁂𑀦 𑀅𑀥𑀺𑀓𑀸 𑀤𑀲 𑀏𑀓𑀸𑀤𑀲 𑀇𑀘𑁆𑀘𑀸𑀤𑀺.

𑀧𑀼𑀩𑁆𑀩𑀸𑀤𑀻𑀲𑀼 𑁋 𑀫𑀸𑀲𑁂𑀦 𑀧𑀼𑀩𑁆𑀩𑁄 𑀫𑀸𑀲𑀧𑀼𑀩𑁆𑀩𑁄, 𑀫𑀸𑀢𑀭𑀸 𑀲𑀤𑀺𑀲𑁄 𑀫𑀸𑀢𑀼𑀲𑀤𑀺𑀲𑁄. 𑀏𑀯𑀁 𑀫𑀸𑀢𑀼𑀲𑀫𑁄, 𑀧𑀺𑀢𑀼𑀲𑀫𑁄, 𑀏𑀓𑁂𑀦 𑀊𑀦𑀸 𑀯𑀻𑀲𑀢𑀺 𑀏𑀓𑀽𑀦𑀯𑀻𑀲𑀢𑀺, 𑀲𑀻𑀮𑁂𑀦 𑀯𑀺𑀓𑀮𑁄 𑀲𑀻𑀮𑀯𑀺𑀓𑀮𑁄, 𑀅𑀲𑀺𑀦𑀸 𑀓𑀮𑀳𑁄 𑀅𑀲𑀺𑀓𑀮𑀳𑁄, 𑀯𑀸𑀘𑀸𑀬 𑀦𑀺𑀧𑀼𑀡𑁄 𑀯𑀸𑀘𑀸𑀦𑀺𑀧𑀼𑀡𑁄. 𑀏𑀯𑀁 𑀬𑀸𑀯𑀓𑀸𑀮𑀺𑀓𑀲𑀫𑁆𑀫𑀺𑀲𑁆𑀲𑀁, 𑀯𑀸𑀘𑀸𑀲𑀔𑀺𑀮𑁄, 𑀲𑀢𑁆𑀣𑀸𑀭𑀸 𑀲𑀤𑀺𑀲𑁄 𑀲𑀢𑁆𑀣𑀼𑀓𑀧𑁆𑀧𑁄, 𑀧𑀼𑀜𑁆𑀜𑁂𑀦 𑀅𑀢𑁆𑀣𑁄 𑀧𑀼𑀜𑁆𑀜𑀢𑁆𑀣𑁄, 𑀧𑀼𑀜𑁆𑀜𑁂𑀦 𑀅𑀢𑁆𑀣𑀺𑀓𑁄 𑀧𑀼𑀜𑁆𑀜𑀢𑁆𑀣𑀺𑀓𑁄. 𑀏𑀯𑀁 𑀲𑁂𑀬𑁆𑀬𑀢𑁆𑀣𑀺𑀓𑁄, 𑀫𑀳𑀕𑁆𑀖𑀢𑁆𑀣𑀺𑀓𑁄, 𑀕𑀼𑀡𑁂𑀦 𑀅𑀥𑀺𑀓𑁄 𑀕𑀼𑀡𑀸𑀥𑀺𑀓𑁄 𑀇𑀘𑁆𑀘𑀸𑀤𑀺.

𑀩𑀳𑀼𑀮𑀸𑀥𑀺𑀓𑀸𑀭𑀸 𑀓𑁆𑀯𑀘𑀺 𑀲𑀫𑀸𑀲𑁄 𑀦 𑀳𑁄𑀢𑀺, 𑀨𑀭𑀲𑀼𑀦𑀸 𑀙𑀺𑀦𑁆𑀦𑀁, 𑀓𑀸𑀓𑁂𑀳𑀺 𑀧𑀸𑀢𑀩𑁆𑀩𑀸, 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸, 𑀪𑀸𑀯𑀦𑀸𑀬 𑀧𑀳𑀸𑀢𑀩𑁆𑀩𑀸 𑀥𑀫𑁆𑀫𑀸 𑀇𑀘𑁆𑀘𑀸𑀤𑀺.

𑀇𑀢𑀺 𑀢𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄.

𑀘𑀢𑀼𑀢𑁆𑀣𑀻𑀢𑀧𑁆𑀧𑀼𑀭𑀺𑀲

𑀘𑀢𑀼𑀢𑁆𑀣𑀻𑀢𑀧𑁆𑀧𑀼𑀭𑀺𑀲𑁄 𑀢𑀤𑀢𑁆𑀣𑁂 𑀯𑀸 𑀅𑀢𑁆𑀣, 𑀳𑀺𑀢, 𑀤𑁂𑀬𑁆𑀬𑀸𑀤𑀻𑀲𑀼 𑀯𑀸 𑀧𑀭𑁂𑀲𑀼 𑀳𑁄𑀢𑀺.

𑀓𑀣𑀺𑀦𑀲𑁆𑀲 𑀤𑀼𑀲𑁆𑀲𑀁 𑀓𑀣𑀺𑀦𑀤𑀼𑀲𑁆𑀲𑀁, 𑀓𑀣𑀺𑀦𑀢𑁆𑀣𑀸𑀬 𑀆𑀪𑀝𑀁 𑀤𑀼𑀲𑁆𑀲𑀦𑁆𑀢𑀺 𑀅𑀢𑁆𑀣𑁄. 𑀏𑀯𑀁 𑀓𑀣𑀺𑀦𑀘𑀻𑀯𑀭𑀁, 𑀓𑀣𑀺𑀦𑀸𑀬 𑀤𑀼𑀲𑁆𑀲𑀁, 𑀓𑀣𑀺𑀦𑀸𑀬 𑀘𑀻𑀯𑀭𑀦𑁆𑀢𑀺𑀧𑀺 𑀬𑀼𑀚𑁆𑀚𑀢𑀺, 𑀓𑀣𑀺𑀦𑀢𑁆𑀣𑀸𑀭𑀸𑀬𑀸𑀢𑀺 𑀅𑀢𑁆𑀣𑁄. 𑀘𑀻𑀯𑀭𑀸𑀬 𑀤𑀼𑀲𑁆𑀲𑀁 𑀘𑀻𑀯𑀭𑀤𑀼𑀲𑁆𑀲𑀁. 𑀏𑀯𑀁 𑀘𑀻𑀯𑀭𑀫𑀽𑀮𑀁 [𑀘𑀻𑀯𑀭𑀫𑀽𑀮𑁆𑀬𑀁 (𑀭𑀽. 𑀦𑀻.)], 𑀲𑀗𑁆𑀖𑀲𑁆𑀲 𑀆𑀪𑀝𑀁 𑀪𑀢𑁆𑀢𑀁 𑀲𑀗𑁆𑀖𑀪𑀢𑁆𑀢𑀁, 𑀲𑀗𑁆𑀖𑀢𑁆𑀣𑀸𑀬 𑀯𑀸 𑀧𑀝𑀺𑀬𑀢𑁆𑀢𑀁 𑀪𑀢𑁆𑀢𑀁 𑀲𑀗𑁆𑀖𑀪𑀢𑁆𑀢𑀁. 𑀏𑀯𑀁 𑀆𑀕𑀦𑁆𑀢𑀼𑀓𑀪𑀢𑁆𑀢𑀁, 𑀕𑀫𑀺𑀓𑀪𑀢𑁆𑀢𑀁, 𑀕𑀺𑀮𑀸𑀦𑀪𑀢𑁆𑀢𑀁.

𑀲𑀗𑁆𑀖𑀲𑁆𑀲 ¶ 𑀅𑀢𑁆𑀣𑁄 𑀲𑀗𑁆𑀖𑀢𑁆𑀣𑁄, 𑀮𑁄𑀓𑀲𑁆𑀲 𑀳𑀺𑀢𑁄 𑀮𑁄𑀓𑀳𑀺𑀢𑁄, 𑀩𑀼𑀤𑁆𑀥𑀲𑁆𑀲 𑀤𑁂𑀬𑁆𑀬𑀁 𑀩𑀼𑀤𑁆𑀥𑀤𑁂𑀬𑁆𑀬𑀁, 𑀩𑀼𑀤𑁆𑀥𑀲𑁆𑀲 𑀧𑀡𑀸𑀫𑁄 𑀩𑀼𑀤𑁆𑀥𑀧𑁆𑀧𑀡𑀸𑀫𑁄. 𑀏𑀯𑀁 𑀩𑀼𑀤𑁆𑀥𑀣𑁄𑀫𑀦𑀸, 𑀩𑀼𑀤𑁆𑀥𑀼𑀧𑀝𑁆𑀞𑀸𑀦𑀁, 𑀲𑀼𑀢𑁆𑀢𑀲𑁆𑀲 𑀅𑀦𑀼𑀮𑁄𑀫𑀁 𑀲𑀼𑀢𑁆𑀢𑀸𑀦𑀼𑀮𑁄𑀫𑀁. 𑀏𑀯𑀁 𑀲𑀼𑀢𑁆𑀢𑀸𑀦𑀼𑀭𑀽𑀧𑀁, 𑀲𑀼𑀢𑁆𑀢𑀸𑀦𑀼𑀓𑀽𑀮𑀁, 𑀲𑀼𑀢𑁆𑀢𑀸𑀦𑀼𑀕𑀼𑀡𑀁, 𑀞𑀸𑀦𑀲𑁆𑀲 𑀅𑀭𑀳𑀁 𑀞𑀸𑀦𑀸𑀭𑀳𑀁, 𑀭𑀜𑁆𑀜𑁄 𑀅𑀭𑀳𑀁 𑀭𑀸𑀚𑀸𑀭𑀳𑀁. 𑀏𑀯𑀁 𑀭𑀸𑀚𑀕𑁆𑀖𑀁, 𑀭𑀸𑀚𑀤𑁂𑀬𑁆𑀬𑀁, 𑀓𑀢𑁆𑀢𑀼𑀁 𑀓𑀸𑀫𑁂𑀢𑀻𑀢𑀺 𑀓𑀢𑁆𑀢𑀼𑀓𑀸𑀫𑁄. 𑀏𑀯𑀁 𑀕𑀦𑁆𑀢𑀼𑀓𑀸𑀫𑁄, 𑀓𑀣𑁂𑀢𑀼𑀓𑀸𑀫𑁄, 𑀤𑀝𑁆𑀞𑀼𑀓𑀸𑀫𑁄, 𑀲𑁄𑀢𑀼𑀓𑀸𑀫𑁄. 𑀏𑀢𑁆𑀣 𑀘 𑀢𑀼𑀫𑀦𑁆𑀢𑀲𑁆𑀲 𑀅𑀲𑀗𑁆𑀔𑁆𑀬𑀢𑁆𑀢𑀸 ‘𑀅𑀲𑀗𑁆𑀔𑁆𑀬𑁂𑀳𑀺 𑀲𑀩𑁆𑀩𑀸𑀲’𑀦𑁆𑀢𑀺 𑀢𑀢𑁄 𑀦𑀺𑀘𑁆𑀘𑀁 𑀘𑀢𑀼𑀢𑁆𑀣𑀻𑀮𑁄𑀧𑁄 𑀳𑁄𑀢𑀺, 𑀲𑀫𑀸𑀲𑁂 𑀓𑀢𑁂 𑀦𑀺𑀘𑁆𑀘𑀁 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀘. ‘‘𑀲𑀗𑁆𑀖𑀲𑁆𑀲 𑀤𑀸𑀢𑀩𑁆𑀩𑀁, 𑀲𑀗𑁆𑀖𑀲𑁆𑀲 𑀤𑀸𑀢𑀼𑀁’’ 𑀇𑀘𑁆𑀘𑀸𑀤𑀻𑀲𑀼 𑀲𑀫𑀸𑀲𑁄 𑀦 𑀳𑁄𑀢𑀺.

𑀇𑀢𑀺 𑀘𑀢𑀼𑀢𑁆𑀣𑀻𑀢𑀧𑁆𑀧𑀼𑀭𑀺𑀲𑁄.

𑀧𑀜𑁆𑀘𑀫𑀻𑀢𑀧𑁆𑀧𑀼𑀭𑀺𑀲

𑀧𑀜𑁆𑀘𑀫𑀻𑀢𑀧𑁆𑀧𑀼𑀭𑀺𑀲𑁄 𑀅𑀧𑀕𑀫𑀦, 𑀪𑀬, 𑀯𑀺𑀭𑀢𑀺, 𑀫𑁄𑀘𑀦𑀸𑀤𑀺𑀅𑀢𑁆𑀣𑁂𑀲𑀼 𑀧𑀭𑁂𑀲𑀼 𑀳𑁄𑀢𑀺.

𑀫𑁂𑀣𑀼𑀦𑀸 𑀅𑀧𑁂𑀢𑁄𑀢𑀺 𑀫𑁂𑀣𑀼𑀦𑀸𑀧𑁂𑀢𑁄, 𑀧𑀮𑀸𑀲𑀢𑁄 𑀅𑀧𑀕𑀢𑁄𑀢𑀺 𑀧𑀮𑀸𑀲𑀸𑀧𑀕𑀢𑁄, 𑀦𑀕𑀭𑀫𑁆𑀳𑀸 𑀦𑀺𑀕𑁆𑀕𑀢𑁄𑀢𑀺 𑀦𑀕𑀭𑀦𑀺𑀕𑁆𑀕𑀢𑁄, 𑀧𑀺𑀡𑁆𑀟𑀧𑀸𑀢𑀢𑁄 𑀧𑀝𑀺𑀓𑁆𑀓𑀦𑁆𑀢𑁄𑀢𑀺 𑀧𑀺𑀡𑁆𑀟𑀧𑀸𑀢𑀧𑁆𑀧𑀝𑀺𑀓𑁆𑀓𑀦𑁆𑀢𑁄. 𑀏𑀯𑀁 𑀕𑀸𑀫𑀦𑀺𑀓𑁆𑀔𑀦𑁆𑀢𑁄, 𑀭𑀼𑀓𑁆𑀔𑀧𑀢𑀺𑀢𑁄, 𑀲𑀸𑀲𑀦𑀫𑁆𑀳𑀸 𑀘𑀼𑀢𑁄𑀢𑀺 𑀲𑀸𑀲𑀦𑀘𑀼𑀢𑁄, 𑀆𑀧𑀢𑁆𑀢𑀺𑀬𑀸 𑀯𑀼𑀝𑁆𑀞𑀸𑀦𑀁 𑀆𑀧𑀢𑁆𑀢𑀺𑀯𑀼𑀝𑁆𑀞𑀸𑀦𑀁, 𑀉𑀤𑀓𑀢𑁄 𑀉𑀕𑁆𑀕𑀢𑁄 𑀉𑀤𑀓𑀼𑀕𑁆𑀕𑀢𑁄, 𑀪𑀯𑀢𑁄 𑀦𑀺𑀲𑁆𑀲𑀝𑁄 𑀪𑀯𑀦𑀺𑀲𑁆𑀲𑀝𑁄, 𑀔𑀦𑁆𑀥𑀲𑀗𑁆𑀕𑀳𑀢𑁄 𑀦𑀺𑀲𑁆𑀲𑀝𑀦𑁆𑀢𑀺 𑀔𑀦𑁆𑀥𑀲𑀗𑁆𑀕𑀳𑀦𑀺𑀲𑁆𑀲𑀝𑀁, 𑀘𑁄𑀭𑀫𑁆𑀳𑀸 𑀪𑀻𑀢𑁄𑀢𑀺 𑀘𑁄𑀭𑀪𑀻𑀢𑁄, 𑀧𑀸𑀧𑀢𑁄 𑀪𑀸𑀬𑀢𑀺 𑀲𑀻𑀮𑁂𑀦𑀸𑀢𑀺 𑀧𑀸𑀧𑀪𑀻𑀭𑀼𑀓𑁄, 𑀧𑀸𑀧𑀢𑁄 𑀚𑀺𑀕𑀼𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 𑀧𑀸𑀧𑀚𑀺𑀕𑀼𑀘𑁆𑀙𑀻, 𑀯𑀝𑁆𑀝𑀢𑁄 𑀦𑀺𑀩𑁆𑀩𑀺𑀦𑁆𑀤𑀢𑀻𑀢𑀺 𑀯𑀝𑁆𑀝𑀦𑀺𑀩𑁆𑀩𑀺𑀦𑁆𑀦𑁄, 𑀓𑀸𑀬𑀤𑀼𑀘𑁆𑀘𑀭𑀺𑀢𑀢𑁄 𑀯𑀺𑀭𑀢𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑀯𑀺𑀭𑀢𑀺. 𑀏𑀯𑀁 𑀯𑀘𑀻𑀤𑀼𑀘𑁆𑀘𑀭𑀺𑀢𑀯𑀺𑀭𑀢𑀺, 𑀩𑀦𑁆𑀥𑀦𑀸 𑀫𑀼𑀢𑁆𑀢𑁄 𑀩𑀦𑁆𑀥𑀦𑀫𑀼𑀢𑁆𑀢𑁄. 𑀏𑀯𑀁 𑀩𑀦𑁆𑀥𑀦𑀫𑁄𑀓𑁆𑀔𑁄, 𑀓𑀫𑁆𑀫𑀢𑁄 𑀲𑀫𑀼𑀝𑁆𑀞𑀺𑀢𑀁 𑀓𑀫𑁆𑀫𑀲𑀫𑀼𑀝𑁆𑀞𑀺𑀢𑀁 ¶ . 𑀏𑀯𑀁 𑀓𑀫𑁆𑀫𑀚𑀸𑀢𑀁, 𑀓𑀫𑁆𑀫𑀲𑀫𑁆𑀪𑀽𑀢𑀁, 𑀓𑀫𑁆𑀫𑀦𑀺𑀩𑁆𑀩𑀢𑁆𑀢𑀁, 𑀮𑁄𑀓𑀢𑁄 𑀅𑀕𑁆𑀕𑁄 𑀮𑁄𑀓𑀕𑁆𑀕𑁄. 𑀏𑀯𑀁 𑀮𑁄𑀓𑀚𑁂𑀝𑁆𑀞𑁄, 𑀮𑁄𑀓𑀼𑀢𑁆𑀢𑀫𑁄, 𑀲𑀩𑁆𑀩𑁂𑀳𑀺 𑀚𑁂𑀝𑁆𑀞𑁄 𑀲𑀩𑁆𑀩𑀚𑁂𑀝𑁆𑀞𑁄, 𑀲𑀩𑁆𑀩𑁂𑀳𑀺 𑀓𑀦𑀺𑀝𑁆𑀞𑁄 𑀲𑀩𑁆𑀩𑀓𑀦𑀺𑀝𑁆𑀞𑁄. 𑀏𑀯𑀁 𑀲𑀩𑁆𑀩𑀳𑀻𑀦𑁄, 𑀲𑀩𑁆𑀩𑀧𑀘𑁆𑀙𑀺𑀫𑁄, 𑀉𑀓𑁆𑀓𑀝𑁆𑀞𑀢𑁄 𑀉𑀓𑁆𑀓𑀝𑁆𑀞𑁄𑀢𑀺 𑀉𑀓𑁆𑀓𑀝𑁆𑀞𑀼𑀓𑁆𑀓𑀝𑁆𑀞𑁄, 𑀑𑀫𑀓𑀢𑁄 𑀑𑀫𑀓𑁄𑀢𑀺 𑀑𑀫𑀓𑁄𑀫𑀓𑁄.

𑀓𑁆𑀯𑀘𑀺 𑀦𑀺𑀘𑁆𑀘𑀲𑀫𑀸𑀲𑁄 𑀳𑁄𑀢𑀺, 𑀫𑀸𑀢𑀺𑀢𑁄 𑀚𑀸𑀢𑁄 𑀫𑀸𑀢𑀼𑀚𑁄. 𑀏𑀯𑀁 𑀧𑀺𑀢𑀼𑀚𑁄, 𑀓𑀫𑁆𑀫𑀚𑀁, 𑀘𑀺𑀢𑁆𑀢𑀚𑀁, 𑀉𑀢𑀼𑀚𑀁 𑀇𑀘𑁆𑀘𑀸𑀤𑀺.

𑀇𑀢𑀺 𑀧𑀜𑁆𑀘𑀫𑀻𑀢𑀧𑁆𑀧𑀼𑀭𑀺𑀲𑁄.

𑀙𑀝𑁆𑀞𑀻𑀢𑀧𑁆𑀧𑀼𑀭𑀺𑀲

𑀭𑀜𑁆𑀜𑁄 𑀧𑀼𑀢𑁆𑀢𑁄 𑀭𑀸𑀚𑀧𑀼𑀢𑁆𑀢𑁄. 𑀏𑀯𑀁 𑀭𑀸𑀚𑀧𑀼𑀭𑀺𑀲𑁄, 𑀩𑀼𑀤𑁆𑀥𑀲𑀸𑀯𑀓𑁄, 𑀲𑀫𑀼𑀤𑁆𑀤𑀖𑁄𑀲𑁄, 𑀥𑀜𑁆𑀜𑀸𑀦𑀁 𑀭𑀸𑀲𑀺 𑀥𑀜𑁆𑀜𑀭𑀸𑀲𑀺, 𑀫𑀢𑁆𑀢𑀺𑀓𑀸𑀬 𑀧𑀢𑁆𑀢𑁄𑀢𑀺 𑀫𑀢𑁆𑀢𑀺𑀓𑀸𑀧𑀢𑁆𑀢𑁄, 𑀯𑀺𑀓𑀸𑀭𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀫𑀢𑁆𑀢𑀺𑀓𑀸𑀫𑀬𑀧𑀢𑁆𑀢𑁄𑀢𑀺 𑀅𑀢𑁆𑀣𑁄. 𑀏𑀯𑀁 𑀲𑀼𑀯𑀡𑁆𑀡𑀓𑀝𑀸𑀳𑀁, 𑀲𑀼𑀯𑀡𑁆𑀡𑀪𑀸𑀚𑀦𑀁, 𑀧𑀸𑀦𑀻𑀬𑀲𑁆𑀲 𑀣𑀸𑀮𑀓𑀁 𑀧𑀸𑀦𑀻𑀬𑀣𑀸𑀮𑀓𑀁.

𑀲𑀫𑀸𑀲𑀫𑀚𑁆𑀛𑁂 𑀈, 𑀊𑀦𑀁 𑀩𑀳𑀼𑀮𑀁 𑀭𑀲𑁆𑀲𑀢𑁆𑀢𑀁, 𑀤𑀡𑁆𑀟𑀺𑀦𑁄 𑀓𑀼𑀮𑀁 𑀤𑀡𑁆𑀟𑀺𑀓𑀼𑀮𑀁, 𑀳𑀢𑁆𑀣𑀺𑀧𑀤𑀁, 𑀇𑀢𑁆𑀣𑀺𑀭𑀽𑀧𑀁, 𑀦𑀤𑀺𑀓𑀽𑀮𑀁, 𑀦𑀤𑀺𑀢𑀻𑀭𑀁, 𑀪𑀺𑀓𑁆𑀔𑀼𑀦𑀻𑀦𑀁 𑀲𑀗𑁆𑀖𑁄 𑀪𑀺𑀓𑁆𑀔𑀼𑀦𑀺𑀲𑀗𑁆𑀖𑁄, 𑀚𑀫𑁆𑀩𑀼𑀬𑀸 𑀲𑀸𑀔𑀸 𑀚𑀫𑁆𑀩𑀼𑀲𑀸𑀔𑀸 𑀇𑀘𑁆𑀘𑀸𑀤𑀺.

𑀅𑀦𑁆𑀢, 𑀫𑀸𑀦, 𑀦𑀺𑀤𑁆𑀥𑀸𑀭𑀡𑀺𑀬, 𑀧𑀽𑀭𑀡, 𑀪𑀸𑀯, 𑀲𑀼𑀳𑀺𑀢𑀢𑁆𑀣𑁂𑀳𑀺 𑀲𑀫𑀸𑀲𑁄 𑀦 𑀳𑁄𑀢𑀺, 𑀫𑀫𑀁 𑀅𑀦𑀼𑀓𑀼𑀩𑁆𑀩𑀦𑁆𑀢𑁄, 𑀫𑀫𑀁 𑀅𑀦𑀼𑀓𑀼𑀭𑀼𑀫𑀸𑀦𑁄, 𑀕𑀼𑀦𑁆𑀦𑀁 𑀓𑀡𑁆𑀳𑀸 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸. 𑀯𑀺𑀪𑀢𑁆𑀢𑀸𑀯𑀥𑀺𑀙𑀝𑁆𑀞𑀺𑀬𑀸 𑀧𑀦 𑀳𑁄𑀢𑀺𑀬𑁂𑀯, 𑀦𑀭𑀸𑀦𑀁 𑀉𑀢𑁆𑀢𑀫𑁄 𑀦𑀭𑀼𑀢𑁆𑀢𑀫𑁄, 𑀦𑀭𑀲𑁂𑀝𑁆𑀞𑁄, 𑀦𑀭𑀯𑀭𑁄, 𑀕𑀡𑀸𑀦𑀁 𑀉𑀢𑁆𑀢𑀫𑁄 𑀕𑀡𑀼𑀢𑁆𑀢𑀫𑁄, 𑀤𑁆𑀯𑀺𑀧𑀤𑀸𑀦𑀁 𑀉𑀢𑁆𑀢𑀫𑁄 𑀤𑁆𑀯𑀺𑀧𑀤𑀼𑀢𑁆𑀢𑀫𑁄 𑀇𑀘𑁆𑀘𑀸𑀤𑀺. 𑀲𑀺𑀲𑁆𑀲𑀸𑀦𑀁 𑀧𑀜𑁆𑀘𑀫𑁄 𑀲𑀺𑀲𑁆𑀲𑁄, 𑀓𑀧𑁆𑀧𑀲𑁆𑀲 𑀢𑀢𑀺𑀬𑁄 𑀪𑀸𑀕𑁄, 𑀧𑀓𑁆𑀔𑀲𑁆𑀲 𑀅𑀝𑁆𑀞𑀫𑀻, 𑀧𑀝𑀲𑁆𑀲 𑀲𑀼𑀓𑁆𑀓𑀢𑀸, 𑀭𑀽𑀧𑀲𑁆𑀲 𑀮𑀳𑀼𑀢𑀸, 𑀭𑀽𑀧𑀲𑁆𑀲 ¶ 𑀫𑀼𑀤𑀼𑀢𑀸, 𑀭𑀽𑀧𑀲𑁆𑀲 𑀓𑀫𑁆𑀫𑀜𑁆𑀜𑀢𑀸. 𑀓𑁆𑀯𑀘𑀺 𑀳𑁄𑀢𑀺, 𑀓𑀸𑀬𑀮𑀳𑀼𑀢𑀸, 𑀘𑀺𑀢𑁆𑀢𑀮𑀳𑀼𑀢𑀸, 𑀩𑀼𑀤𑁆𑀥𑀲𑀼𑀩𑀼𑀤𑁆𑀥𑀢𑀸. 𑀥𑀫𑁆𑀫𑀲𑀼𑀥𑀫𑁆𑀫𑀢𑀸, 𑀨𑀮𑀸𑀦𑀁 𑀲𑀼𑀳𑀺𑀢𑁄, 𑀨𑀮𑀸𑀦𑀁 𑀢𑀺𑀢𑁆𑀢𑁄, 𑀨𑀮𑀸𑀦𑀁 𑀅𑀲𑀺𑀢𑁄, 𑀓𑀭𑀡𑀢𑁆𑀣𑁂 𑀙𑀝𑁆𑀞𑀻.

‘‘𑀪𑀝𑁄 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀤𑁂𑀯𑀤𑀢𑁆𑀢𑀲𑁆𑀲𑀸’’𑀢𑀺 𑀏𑀢𑁆𑀣 ‘𑀭𑀸𑀚𑀧𑀼𑀢𑁆𑀢𑁄’𑀢𑀺 𑀦 𑀳𑁄𑀢𑀺 𑀅𑀜𑁆𑀜𑀫𑀜𑁆𑀜𑀸𑀦𑀧𑁂𑀓𑁆𑀔𑀢𑁆𑀢𑀸. ‘‘𑀤𑁂𑀯𑀤𑀢𑁆𑀢𑀲𑁆𑀲 𑀓𑀡𑁆𑀳𑀸 𑀤𑀦𑁆𑀢𑀸’’𑀢𑀺 𑀏𑀢𑁆𑀣 ‘𑀤𑁂𑀯𑀤𑀢𑁆𑀢𑀓𑀡𑁆𑀳𑀤𑀦𑁆𑀢𑀸’𑀢𑀺 𑀦 𑀳𑁄𑀢𑀺 𑀅𑀜𑁆𑀜𑀲𑀸𑀧𑁂𑀓𑁆𑀔𑀢𑁆𑀢𑀸 [𑀦𑀻. 𑁬𑁯𑁦]. 𑀅𑀜𑁆𑀜𑀲𑀸𑀧𑁂𑀓𑁆𑀔𑀢𑁆𑀢𑁂𑀧𑀺 𑀦𑀺𑀘𑁆𑀘𑀁 𑀲𑀫𑁆𑀩𑀦𑁆𑀥𑀻𑀧𑁂𑀓𑁆𑀔𑀲𑀤𑁆𑀤𑀸𑀦𑀁 𑀲𑀫𑀸𑀲𑁄 𑀳𑁄𑀢𑀺 𑀯𑀸𑀓𑁆𑀬𑁂 𑀯𑀺𑀬 𑀲𑀫𑀸𑀲𑁂𑀧𑀺 𑀲𑀫𑁆𑀩𑀦𑁆𑀥𑀲𑁆𑀲 𑀯𑀺𑀤𑀺𑀢𑀢𑁆𑀢𑀸. 𑀯𑀼𑀢𑁆𑀢𑀜𑁆𑀘 ‘‘𑀲𑀢𑀺𑀧𑀺 𑀲𑀸𑀧𑁂𑀓𑁆𑀔𑀢𑁆𑀢𑁂 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄 𑀳𑁄𑀢𑀻’’𑀢𑀺 [𑀓. 𑁩𑁨𑁮; 𑀭𑀽. 𑁩𑁫𑁨; 𑀦𑀻. 𑁬𑁯𑁧], 𑀤𑁂𑀯𑀤𑀢𑁆𑀢𑀕𑀼𑀭𑀼𑀓𑀼𑀮𑀁, 𑀭𑀸𑀚𑀤𑀸𑀲𑀻𑀧𑀼𑀢𑁆𑀢𑁄, 𑀤𑁂𑀯𑀤𑀸𑀲𑀻𑀧𑀼𑀢𑁆𑀢𑁄 𑀇𑀘𑁆𑀘𑀸𑀤𑀺. 𑀢𑀢𑁆𑀣 𑀤𑁂𑀯𑀤𑀢𑁆𑀢𑀲𑁆𑀲 𑀕𑀼𑀭𑀼 𑀤𑁂𑀯𑀤𑀢𑁆𑀢𑀕𑀼𑀭𑀼, 𑀢𑀲𑁆𑀲 𑀓𑀼𑀮𑀁 𑀤𑁂𑀯𑀤𑀢𑁆𑀢𑀕𑀼𑀭𑀼𑀓𑀼𑀮𑀦𑁆𑀢𑀺 𑀯𑀺𑀕𑁆𑀕𑀳𑁄. 𑀕𑀼𑀭𑀼𑀦𑁄 𑀓𑀼𑀮𑀁 𑀕𑀼𑀭𑀼𑀓𑀼𑀮𑀁, 𑀤𑁂𑀯𑀤𑀢𑁆𑀢𑀲𑁆𑀲 𑀕𑀼𑀭𑀼𑀓𑀼𑀮𑀁 𑀤𑁂𑀯𑀤𑀢𑁆𑀢𑀕𑀼𑀭𑀼𑀓𑀼𑀮𑀦𑁆𑀢𑀺𑀧𑀺 𑀯𑀤𑀦𑁆𑀢𑀺. ‘‘𑀭𑀜𑁆𑀜𑁄 𑀫𑀸𑀕𑀥𑀲𑁆𑀲 𑀩𑀺𑀫𑁆𑀩𑀺𑀲𑀸𑀭𑀲𑁆𑀲 𑀧𑀼𑀢𑁆𑀢𑁄’’𑀢𑀺 𑀏𑀢𑁆𑀣𑀧𑀺 𑀅𑀜𑁆𑀜𑀲𑀸𑀧𑁂𑀓𑁆𑀔𑀢𑁆𑀢𑀸 ‘𑀩𑀺𑀫𑁆𑀩𑀺𑀲𑀸𑀭𑀧𑀼𑀢𑁆𑀢𑁄’𑀢𑀺 𑀦 𑀳𑁄𑀢𑀺, 𑀭𑀜𑁆𑀜𑁄 𑀕𑁄 𑀘 𑀅𑀲𑁆𑀲𑁄 𑀘 𑀧𑀼𑀭𑀺𑀲𑁄 𑀘𑀸𑀢𑀺 𑀅𑀢𑁆𑀣𑁂 ‘𑀭𑀸𑀚𑀕𑀯𑀲𑁆𑀲𑀧𑀼𑀭𑀺𑀲𑀸’𑀢𑀺 𑀳𑁄𑀢𑀺 𑀤𑁆𑀯𑀦𑁆𑀤𑀢𑁄 𑀧𑀼𑀩𑁆𑀩𑀧𑀤𑀲𑁆𑀲 𑀤𑁆𑀯𑀦𑁆𑀤𑀧𑀤𑁂𑀳𑀺𑀧𑀺 𑀧𑀘𑁆𑀘𑁂𑀓𑀁 𑀲𑀫𑁆𑀩𑀦𑁆𑀥𑀲𑁆𑀲 𑀯𑀺𑀤𑀺𑀢𑀢𑁆𑀢𑀸. 𑀢𑀣𑀸 𑀤𑁆𑀯𑀦𑁆𑀤𑀢𑁄 𑀧𑀭𑀧𑀤𑀲𑁆𑀲𑀧𑀺, 𑀦𑀭𑀸𑀦𑀜𑁆𑀘 𑀤𑁂𑀯𑀸𑀦𑀜𑁆𑀘 𑀲𑀸𑀭𑀣𑀺 𑀦𑀭𑀤𑁂𑀯𑀲𑀸𑀭𑀣𑀺.

𑀇𑀢𑀺 𑀙𑀝𑁆𑀞𑀻𑀢𑀧𑁆𑀧𑀼𑀭𑀺𑀲𑁄.

𑀲𑀢𑁆𑀢𑀫𑀻𑀢𑀧𑁆𑀧𑀼𑀭𑀺𑀲

𑀲𑀢𑁆𑀢𑀫𑀻𑀢𑀧𑁆𑀧𑀼𑀭𑀺𑀲𑁂 𑀭𑀽𑀧𑁂 𑀲𑀜𑁆𑀜𑀸 𑀭𑀽𑀧𑀲𑀜𑁆𑀜𑀸. 𑀏𑀢𑁆𑀣 𑀘 𑀓𑀸𑀭𑀓𑀸𑀦𑀁 𑀓𑁆𑀭𑀺𑀬𑀸𑀲𑀸𑀥𑀦𑀮𑀓𑁆𑀔𑀡𑀢𑁆𑀢𑀸 𑀓𑁆𑀭𑀺𑀬𑀸𑀧𑀤𑁂𑀳𑁂𑀯 𑀲𑀫𑁆𑀩𑀦𑁆𑀥𑁄 𑀳𑁄𑀢𑀺, 𑀢𑀲𑁆𑀫𑀸 𑀅𑀓𑁆𑀭𑀺𑀬𑀯𑀸𑀘𑀓𑁂𑀦 𑀧𑀭𑀧𑀤𑁂𑀦 𑀲𑀤𑁆𑀥𑀺𑀁 𑀲𑀫𑀸𑀲𑁂 𑀚𑀸𑀢𑁂 𑀫𑀚𑁆𑀛𑁂 𑀅𑀦𑀼𑀭𑀽𑀧𑀁 𑀓𑁆𑀭𑀺𑀬𑀸𑀧𑀤𑀁 𑀯𑀺𑀜𑁆𑀜𑀸𑀬𑀢𑀺, 𑀬𑀣𑀸 ¶ ‘𑀅𑀲𑁆𑀲𑁂𑀦 𑀬𑀼𑀢𑁆𑀢𑁄 𑀭𑀣𑁄 𑀅𑀲𑁆𑀲𑀭𑀣𑁄’ 𑀇𑀢𑀺 ‘𑀭𑀽𑀧𑁂 𑀲𑀜𑁆𑀜𑀸’𑀢𑀺 𑀭𑀽𑀧𑁂 𑀉𑀧𑁆𑀧𑀦𑁆𑀦𑀸 𑀲𑀜𑁆𑀜𑀸𑀢𑀺 𑀅𑀢𑁆𑀣𑁄. 𑀘𑀓𑁆𑀔𑀼𑀲𑁆𑀫𑀺𑀁 𑀯𑀺𑀜𑁆𑀜𑀸𑀡𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁, 𑀥𑀫𑁆𑀫𑁂 𑀭𑀢𑁄 𑀥𑀫𑁆𑀫𑀭𑀢𑁄. 𑀏𑀯𑀁 𑀥𑀫𑁆𑀫𑀭𑀼𑀘𑀺, 𑀥𑀫𑁆𑀫𑀕𑀸𑀭𑀯𑁄, 𑀤𑀸𑀦𑁂 𑀅𑀚𑁆𑀛𑀸𑀲𑀬𑁄 𑀤𑀸𑀦𑀚𑁆𑀛𑀸𑀲𑀬𑁄. 𑀏𑀯𑀁 𑀤𑀸𑀦𑀸𑀥𑀺𑀫𑀼𑀢𑁆𑀢𑀺, 𑀯𑀝𑁆𑀝𑁂 𑀪𑀬𑀁 𑀯𑀝𑁆𑀝𑀪𑀬𑀁, 𑀯𑀝𑁆𑀝𑀤𑀼𑀓𑁆𑀔𑀁, 𑀕𑀸𑀫𑁂 𑀲𑀽𑀓𑀭𑁄 𑀕𑀸𑀫𑀲𑀽𑀓𑀭𑁄, 𑀯𑀦𑀫𑀳𑀺𑀁𑀲𑁄, 𑀲𑀫𑀼𑀤𑁆𑀤𑀫𑀘𑁆𑀙𑁄, 𑀇𑀢𑁆𑀣𑀻𑀲𑀼 𑀥𑀼𑀢𑁆𑀢𑁄 𑀇𑀢𑁆𑀣𑀺𑀥𑀼𑀢𑁆𑀢𑁄, 𑀇𑀢𑁆𑀣𑀺𑀲𑁄𑀡𑁆𑀟𑁄.

𑀉𑀧𑀧𑀤𑀓𑀺𑀢𑀦𑁆𑀢𑁂𑀲𑀼 𑀦𑀺𑀘𑁆𑀘𑀲𑀫𑀸𑀲𑁄 [𑀦𑀻. 𑁬𑁮𑁨], 𑀯𑀦𑁂 𑀘𑀭𑀢𑀻𑀢𑀺 𑀯𑀦𑀘𑀭𑁄, 𑀓𑀸𑀫𑀸𑀯𑀘𑀭𑁄, 𑀓𑀼𑀘𑁆𑀙𑀺𑀫𑁆𑀳𑀺 𑀲𑀬𑀢𑀻𑀢𑀺 𑀓𑀼𑀘𑁆𑀙𑀺𑀲𑁆𑀲𑀬𑁄, 𑀕𑀩𑁆𑀪𑁂 𑀲𑁂𑀢𑀻𑀢𑀺 𑀕𑀩𑁆𑀪𑀲𑁂𑀬𑁆𑀬𑁄, 𑀣𑀮𑁂 𑀢𑀺𑀝𑁆𑀞𑀢𑀻𑀢𑀺 𑀣𑀮𑀝𑁆𑀞𑁄, 𑀚𑀮𑀝𑁆𑀞𑁄, 𑀧𑀩𑁆𑀩𑀢𑀝𑁆𑀞𑁄, 𑀧𑀗𑁆𑀓𑁂 𑀚𑀸𑀢𑀁 𑀧𑀗𑁆𑀓𑀚𑀁. 𑀏𑀯𑀁 𑀅𑀢𑁆𑀭𑀚𑁄, 𑀔𑁂𑀢𑁆𑀭𑀚𑁄 𑀇𑀘𑁆𑀘𑀸𑀤𑀺. 𑀇𑀥 𑀦 𑀳𑁄𑀢𑀺 [𑀦𑀻. 𑁬𑁮𑁧], 𑀪𑁄𑀚𑀦𑁂 𑀫𑀢𑁆𑀢𑀜𑁆𑀜𑀼𑀢𑀸, 𑀇𑀦𑁆𑀤𑁆𑀭𑀺𑀬𑁂𑀲𑀼 𑀕𑀼𑀢𑁆𑀢𑀤𑁆𑀯𑀸𑀭𑁄, 𑀆𑀲𑀦𑁂 𑀦𑀺𑀲𑀺𑀦𑁆𑀦𑁄, 𑀆𑀲𑀦𑁂 𑀦𑀺𑀲𑀻𑀤𑀺𑀢𑀩𑁆𑀩𑀁.

𑀇𑀢𑀺 𑀲𑀢𑁆𑀢𑀫𑀻𑀢𑀧𑁆𑀧𑀼𑀭𑀺𑀲𑁄.

𑀮𑀼𑀢𑁆𑀢𑀢𑀧𑁆𑀧𑀼𑀭𑀺𑀲

𑀢𑀧𑁆𑀧𑀼𑀭𑀺𑀲𑀧𑀤𑀸𑀦𑀁 𑀫𑀳𑀸𑀯𑀼𑀢𑁆𑀢𑀺𑀲𑀼𑀢𑁆𑀢𑁂𑀦 𑀓𑁆𑀯𑀘𑀺 𑀯𑀺𑀧𑀮𑁆𑀮𑀸𑀲𑁄.

𑀉𑀧𑀭𑀺𑀕𑀗𑁆𑀕𑀸, 𑀳𑁂𑀝𑁆𑀞𑀸𑀦𑀤𑀻, 𑀅𑀦𑁆𑀢𑁄𑀯𑀺𑀳𑀸𑀭𑁄, 𑀅𑀦𑁆𑀢𑁄𑀲𑀫𑀸𑀧𑀢𑁆𑀢𑀺, 𑀳𑀁𑀲𑀸𑀦𑀁 𑀭𑀸𑀚𑀸 𑀭𑀸𑀚𑀳𑀁𑀲𑁄 𑀳𑀁𑀲𑀭𑀸𑀚𑀸 𑀯𑀸, 𑀫𑀸𑀲𑀲𑁆𑀲 𑀅𑀟𑁆𑀠𑀁 𑀅𑀟𑁆𑀠𑀫𑀸𑀲𑀁, 𑀓𑀳𑀸𑀧𑀡𑀲𑁆𑀲 𑀅𑀟𑁆𑀠𑀁 𑀅𑀟𑁆𑀠𑀓𑀳𑀸𑀧𑀡𑀁, 𑀅𑀟𑁆𑀠𑀫𑀸𑀲𑀁, 𑀭𑀢𑁆𑀢𑀺𑀬𑀸 𑀅𑀟𑁆𑀠𑀁 𑀅𑀟𑁆𑀠𑀭𑀢𑁆𑀢𑀁. 𑀏𑀯𑀁 𑀧𑀼𑀩𑁆𑀩𑀭𑀢𑁆𑀢𑀁, 𑀧𑀭𑀭𑀢𑁆𑀢𑀁, 𑀇𑀲𑁆𑀲 𑀅𑀢𑁆𑀢𑀁. 𑀓𑀸𑀬𑀲𑁆𑀲 𑀧𑀼𑀩𑁆𑀩𑀪𑀸𑀕𑁄 𑀧𑀼𑀩𑁆𑀩𑀓𑀸𑀬𑁄, 𑀧𑀭𑀓𑀸𑀬𑁄, 𑀅𑀳𑀲𑁆𑀲 𑀧𑀼𑀩𑁆𑀩𑁄 𑀧𑀼𑀩𑁆𑀩𑀡𑁆𑀳𑁄, 𑀫𑀚𑁆𑀛𑀡𑁆𑀳𑁄, 𑀲𑀸𑀬𑀦𑁆𑀳𑁄, 𑀧𑀼𑀩𑁆𑀩𑁂𑀤𑀺𑀝𑁆𑀞𑁄 𑀤𑀺𑀝𑁆𑀞𑀧𑀼𑀩𑁆𑀩𑁄, 𑀢𑀣𑀸𑀕𑀢𑀁 𑀤𑀺𑀝𑁆𑀞𑀧𑀼𑀩𑁆𑀩𑁄 𑀣𑁂𑀭𑁄, 𑀢𑀣𑀸𑀕𑀢𑁄 𑀤𑀺𑀝𑁆𑀞𑀧𑀼𑀩𑁆𑀩𑁄 𑀣𑁂𑀭𑁂𑀦 𑀇𑀘𑁆𑀘𑀸𑀤𑀺.

𑀇𑀢𑀺 𑀮𑀼𑀢𑁆𑀢𑀢𑀧𑁆𑀧𑀼𑀭𑀺𑀲𑁄.

𑀅𑀮𑀼𑀢𑁆𑀢𑀢𑀧𑁆𑀧𑀼𑀭𑀺𑀲

𑀇𑀤𑀸𑀦𑀺 ¶ 𑀅𑀮𑀼𑀢𑁆𑀢𑀢𑀧𑁆𑀧𑀼𑀭𑀺𑀲𑀸 𑀯𑀼𑀘𑁆𑀘𑀦𑁆𑀢𑁂.

𑀤𑀻𑀧𑀗𑁆𑀓𑀭𑁄, 𑀧𑀪𑀗𑁆𑀓𑀭𑁄, 𑀅𑀫𑀢𑀦𑁆𑀤𑀤𑁄, 𑀧𑀼𑀭𑀺𑀦𑁆𑀤𑀤𑁄, 𑀯𑁂𑀲𑁆𑀲𑀦𑁆𑀢𑀭𑁄, 𑀅𑀢𑁆𑀢𑀦𑁆𑀢𑀧𑁄, 𑀧𑀭𑀦𑁆𑀢𑀧𑁄, 𑀭𑀡𑀜𑁆𑀚𑀳𑁄, 𑀚𑀼𑀢𑀺𑀦𑁆𑀥𑀭𑁄, 𑀯𑀺𑀚𑁆𑀚𑀦𑁆𑀥𑀭𑁄, 𑀤𑀲𑁆𑀲𑀦𑁂𑀦𑀧𑀳𑀸𑀢𑀩𑁆𑀩𑀥𑀫𑁆𑀫𑁄, 𑀓𑀼𑀢𑁄𑀚𑁄, 𑀢𑀢𑁄𑀚𑁄, 𑀇𑀢𑁄𑀚𑁄, 𑀪𑀬𑀢𑁄 𑀉𑀧𑀝𑁆𑀞𑀸𑀦𑀁 𑀪𑀬𑀢𑀼𑀧𑀝𑁆𑀞𑀸𑀦𑀁, 𑀓𑀝𑀢𑁆𑀢𑀸𑀓𑀫𑁆𑀫𑀁, 𑀓𑀝𑀢𑁆𑀢𑀸𑀭𑀽𑀧𑀁, 𑀧𑀭𑀲𑁆𑀲𑀧𑀤𑀁, 𑀅𑀢𑁆𑀢𑀦𑁄𑀧𑀤𑀁, 𑀤𑁂𑀯𑀸𑀦𑀫𑀺𑀦𑁆𑀤𑁄, 𑀤𑁂𑀯𑀸𑀦𑀁𑀧𑀺𑀬𑀢𑀺𑀲𑁆𑀲𑁄, 𑀕𑀯𑀫𑁆𑀧𑀢𑀺𑀢𑁆𑀣𑁂𑀭𑁄, 𑀧𑀼𑀩𑁆𑀩𑁂𑀦𑀺𑀯𑀸𑀲𑁄, 𑀫𑀚𑁆𑀛𑁂𑀓𑀮𑁆𑀬𑀸𑀡𑀁, 𑀤𑀽𑀭𑁂𑀭𑀽𑀧𑀁, 𑀲𑀦𑁆𑀢𑀺𑀓𑁂𑀭𑀽𑀧𑀁, 𑀤𑀽𑀭𑁂𑀦𑀺𑀤𑀸𑀦𑀁, 𑀲𑀦𑁆𑀢𑀺𑀓𑁂𑀦𑀺𑀤𑀸𑀦𑀁, 𑀅𑀦𑁆𑀢𑁂𑀯𑀸𑀲𑀺𑀓𑁄, 𑀚𑀦𑁂𑀲𑀼𑀢𑁄, 𑀓𑀸𑀫𑁂𑀲𑀼𑀫𑀺𑀘𑁆𑀙𑀸𑀘𑀸𑀭𑁄 𑀇𑀘𑁆𑀘𑀸𑀤𑀺 [𑀓. 𑁩𑁨𑁭; 𑀭𑀽. 𑁩𑁫𑁧; 𑀦𑀻. 𑁬𑁮𑁬].

𑀇𑀢𑀺 𑀅𑀮𑀼𑀢𑁆𑀢𑀢𑀧𑁆𑀧𑀼𑀭𑀺𑀲𑁄.

𑀲𑀩𑁆𑀩𑁄 𑀘𑀸𑀬𑀁 𑀅𑀫𑀸𑀤𑀺𑀢𑀧𑁆𑀧𑀼𑀭𑀺𑀲𑁄 𑀅𑀪𑀺𑀥𑁂𑀬𑁆𑀬𑀯𑀘𑀦𑁄 𑀧𑀭𑀧𑀤𑀮𑀺𑀗𑁆𑀕𑁄 𑀘.

𑀅𑀫𑀸𑀤𑀺𑀢𑀧𑁆𑀧𑀼𑀭𑀺𑀲𑁄 𑀦𑀺𑀝𑁆𑀞𑀺𑀢𑁄.

𑀓𑀫𑁆𑀫𑀥𑀸𑀭𑀬𑀲𑀫𑀸𑀲

𑀅𑀣 𑀓𑀫𑁆𑀫𑀥𑀸𑀭𑀬𑀲𑀜𑁆𑀜𑀺𑀢𑁄 𑀧𑀞𑀫𑀸𑀢𑀧𑁆𑀧𑀼𑀭𑀺𑀲𑁄 𑀯𑀼𑀘𑁆𑀘𑀢𑁂.

𑀓𑀫𑁆𑀫𑀫𑀺𑀯 𑀤𑁆𑀯𑀬𑀁 𑀥𑀸𑀭𑁂𑀢𑀻𑀢𑀺 𑀓𑀫𑁆𑀫𑀥𑀸𑀭𑀬𑁄. 𑀬𑀣𑀸 𑀓𑀫𑁆𑀫𑀁 𑀓𑁆𑀭𑀺𑀬𑀜𑁆𑀘 𑀧𑀬𑁄𑀚𑀦𑀜𑁆𑀘 𑀤𑁆𑀯𑀬𑀁 𑀥𑀸𑀭𑁂𑀢𑀺 𑀓𑀫𑁆𑀫𑁂 𑀲𑀢𑀺 𑀢𑀲𑁆𑀲 𑀤𑁆𑀯𑀬𑀲𑁆𑀲 𑀲𑀫𑁆𑀪𑀯𑀢𑁄, 𑀢𑀣𑀸 𑀅𑀬𑀁 𑀲𑀫𑀸𑀲𑁄 𑀏𑀓𑀲𑁆𑀲 𑀅𑀢𑁆𑀣𑀲𑁆𑀲 𑀤𑁆𑀯𑁂 𑀦𑀸𑀫𑀸𑀦𑀺 𑀥𑀸𑀭𑁂𑀢𑀺 𑀇𑀫𑀲𑁆𑀫𑀺𑀁 𑀲𑀫𑀸𑀲𑁂 𑀲𑀢𑀺 𑀏𑀓𑀢𑁆𑀣𑀚𑁄𑀢𑀓𑀲𑁆𑀲 𑀦𑀸𑀫𑀤𑁆𑀯𑀬𑀲𑁆𑀲 𑀲𑀫𑁆𑀪𑀯𑀢𑁄𑀢𑀺 [𑀓. 𑁩𑁨𑁪; 𑀭𑀽. 𑁩𑁩𑁯; 𑀦𑀻. 𑁭𑁦𑁨].

𑀅𑀧𑀺 𑀘 𑀓𑀢𑁆𑀢𑀩𑁆𑀩𑀦𑁆𑀢𑀺 𑀓𑀫𑁆𑀫𑀁, 𑀥𑀸𑀭𑁂𑀢𑀩𑁆𑀩𑀦𑁆𑀢𑀺 𑀥𑀸𑀭𑀺𑀬𑀁, 𑀓𑀫𑁆𑀫𑀜𑁆𑀘 𑀢𑀁 𑀥𑀸𑀭𑀺𑀬𑀜𑁆𑀘𑀸𑀢𑀺 𑀓𑀫𑁆𑀫𑀥𑀸𑀭𑀺𑀬𑀁, 𑀬𑀁𑀓𑀺𑀜𑁆𑀘𑀺 𑀳𑀺𑀢𑀓𑀫𑁆𑀫𑀁, 𑀓𑀫𑁆𑀫𑀥𑀸𑀭𑀺𑀬𑀲𑀤𑁆𑀤𑀲𑀤𑀺𑀲𑀢𑁆𑀢𑀸 ¶ 𑀲𑀩𑁆𑀩𑁄 𑀘𑀸𑀬𑀁 𑀲𑀫𑀸𑀲𑁄 𑀓𑀫𑁆𑀫𑀥𑀸𑀭𑀬𑁄𑀢𑀺 𑀯𑀼𑀘𑁆𑀘𑀢𑀺 𑀇𑀲𑁆𑀲 𑀅𑀢𑁆𑀢𑀁 𑀓𑀢𑁆𑀯𑀸. 𑀬𑀣𑀸 𑀳𑀺 𑀓𑀫𑁆𑀫𑀥𑀸𑀭𑀺𑀬𑀲𑀤𑁆𑀤𑁄 𑀏𑀓𑀲𑁆𑀲 𑀅𑀢𑁆𑀣𑀲𑁆𑀲 𑀤𑁆𑀯𑁂 𑀦𑀸𑀫𑀸𑀦𑀺 𑀥𑀸𑀭𑁂𑀢𑀺, 𑀢𑀣𑀸 𑀅𑀬𑀁 𑀲𑀫𑀸𑀲𑁄𑀧𑀻𑀢𑀺. 𑀲𑁄 𑀏𑀯 𑀉𑀢𑁆𑀢𑀭𑀧𑀤𑀢𑁆𑀣𑀧𑀥𑀸𑀦𑀢𑀸𑀲𑀗𑁆𑀔𑀸𑀢𑁂𑀦 𑀢𑀧𑁆𑀧𑀼𑀭𑀺𑀲𑀮𑀓𑁆𑀔𑀡𑁂𑀦 𑀬𑀼𑀢𑁆𑀢𑀢𑁆𑀢𑀸 ‘𑀢𑀧𑁆𑀧𑀼𑀭𑀺𑀲𑁄’𑀢𑀺 𑀘 𑀯𑀼𑀘𑁆𑀘𑀢𑀺. 𑀪𑀺𑀦𑁆𑀦𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀧𑀤𑀸𑀦𑀁 𑀯𑀺𑀲𑁂𑀲𑀦𑀯𑀺𑀲𑁂𑀲𑀺𑀢𑀩𑁆𑀩𑀪𑀸𑀯𑁂𑀦 𑀏𑀓𑀲𑁆𑀫𑀺𑀁 𑀅𑀢𑁆𑀣𑁂 𑀧𑀯𑀢𑁆𑀢𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑀢𑀸 𑀦𑀸𑀫, 𑀢𑁂𑀦 𑀢𑀼𑀮𑁆𑀬𑀸𑀥𑀺𑀓𑀭𑀡𑀮𑀓𑁆𑀔𑀡𑁂𑀦 𑀬𑀼𑀢𑁆𑀢𑀢𑁆𑀢𑀸 ‘𑀢𑀼𑀮𑁆𑀬𑀸𑀥𑀺𑀓𑀭𑀡𑀲𑀫𑀸𑀲𑁄’𑀢𑀺 𑀘 𑀯𑀼𑀘𑁆𑀘𑀢𑀺. 𑀲𑁄 𑀏𑀯 𑀘 𑀯𑀺𑀲𑁂𑀲𑀦𑀧𑀤𑀯𑀲𑁂𑀦 𑀕𑀼𑀡𑀯𑀺𑀲𑁂𑀲𑀤𑀻𑀧𑀦𑀢𑁆𑀢𑀸 ‘𑀯𑀺𑀲𑁂𑀲𑀦𑀲𑀫𑀸𑀲𑁄’𑀢𑀺 𑀘 𑀯𑀼𑀘𑁆𑀘𑀢𑀺. 𑀢𑀲𑁆𑀫𑀺𑀁 𑀯𑀺𑀲𑁂𑀲𑀦𑀲𑀫𑀸𑀲𑁂 𑁋

𑁩𑁪𑁬. 𑀯𑀺𑀲𑁂𑀲𑀦𑀫𑁂𑀓𑀢𑁆𑀣𑁂𑀦 [𑀓. 𑁩𑁨𑁪; 𑀭𑀽. 𑁩𑁩𑁯; 𑀦𑀻. 𑁭𑁦𑁨; 𑀘𑀁. 𑁨.𑁨.𑁧𑁮; 𑀧𑀸. 𑁨.𑁧.𑁫𑁭].

𑀯𑀺𑀲𑁂𑀲𑀦𑀪𑀽𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁 𑀏𑀓𑀢𑁆𑀣𑁂𑀦 𑀯𑀺𑀲𑁂𑀲𑁆𑀬𑀪𑀽𑀢𑁂𑀦 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑁂𑀦 𑀲𑀤𑁆𑀥𑀺𑀁 𑀏𑀓𑀢𑁆𑀣𑀁 𑀳𑁄𑀢𑀺.

𑀏𑀢𑁆𑀣 𑀘 𑀯𑀺𑀲𑁂𑀲𑀻𑀬𑀢𑀺 𑀤𑀩𑁆𑀩𑀁 𑀯𑀺𑀲𑀺𑀝𑁆𑀞𑀁 𑀓𑀭𑀻𑀬𑀢𑀺 𑀏𑀢𑁂𑀦𑀸𑀢𑀺 𑀯𑀺𑀲𑁂𑀲𑀦𑀁. 𑀏𑀓𑁄 𑀅𑀢𑁆𑀣𑁄 𑀬𑀲𑁆𑀲𑀸𑀢𑀺 𑀏𑀓𑀢𑁆𑀣𑀁, ‘𑀏𑀓𑁄’𑀢𑀺 𑀲𑀫𑀸𑀦𑁄, ‘𑀅𑀢𑁆𑀣𑁄’𑀢𑀺 𑀅𑀪𑀺𑀥𑁂𑀬𑁆𑀬𑀢𑁆𑀣𑁄, 𑀦𑁂𑀫𑀺𑀢𑁆𑀢𑀓𑀢𑁆𑀣𑁄, 𑀲𑁄𑀬𑁂𑀯 𑀤𑁆𑀯𑀺𑀦𑁆𑀦𑀁 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀸𑀦𑀁 𑀅𑀥𑀺𑀝𑁆𑀞𑀸𑀦𑀝𑁆𑀞𑁂𑀦 ‘𑀅𑀥𑀺𑀓𑀭𑀡’𑀦𑁆𑀢𑀺 𑀘 𑀯𑀼𑀘𑁆𑀘𑀢𑀺. 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀸𑀦𑀜𑁆𑀘 𑀅𑀥𑀺𑀝𑁆𑀞𑀸𑀦𑀢𑁆𑀢𑁂 𑀲𑀢𑀺 𑀧𑀤𑀸𑀦𑀫𑁆𑀧𑀺 𑀅𑀥𑀺𑀝𑁆𑀞𑀸𑀦𑀢𑀸 𑀲𑀺𑀤𑁆𑀥𑀸 𑀳𑁄𑀢𑀺. 𑀇𑀢𑀺 𑀏𑀓𑀢𑁆𑀣𑀦𑁆𑀢𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑀁, 𑀲𑀫𑀸𑀦𑀸𑀥𑀺𑀓𑀭𑀡𑀦𑁆𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺, 𑀢𑁂𑀦 𑀏𑀓𑀢𑁆𑀣𑁂𑀦. ‘𑀏𑀓𑀢𑁆𑀣𑀁 𑀳𑁄𑀢𑀻’𑀢𑀺 𑀏𑀓𑀢𑁆𑀣𑀻𑀪𑀽𑀢𑀁 𑀳𑁄𑀢𑀻𑀢𑀺 𑀅𑀢𑁆𑀣𑁄.

𑀲𑁄 𑀘 𑀲𑀫𑀸𑀲𑁄 𑀦𑀯𑀯𑀺𑀥𑁄 𑀯𑀺𑀲𑁂𑀲𑀦𑀧𑀼𑀩𑁆𑀩𑀧𑀤𑁄, 𑀯𑀺𑀲𑁂𑀲𑀦𑀼𑀢𑁆𑀢𑀭𑀧𑀤𑁄, 𑀯𑀺𑀲𑁂𑀲𑀦𑁄𑀪𑀬𑀧𑀤𑁄, 𑀉𑀧𑀫𑀸𑀦𑀼𑀢𑁆𑀢𑀭𑀧𑀤𑁄, 𑀲𑀫𑁆𑀪𑀸𑀯𑀦𑀸𑀧𑀼𑀩𑁆𑀩𑀧𑀤𑁄, 𑀅𑀯𑀥𑀸𑀭𑀡𑀧𑀼𑀩𑁆𑀩𑀧𑀤𑁄, 𑀦𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁄, 𑀓𑀼𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁄, 𑀧𑀸𑀤𑀺𑀧𑀼𑀩𑁆𑀩𑀧𑀤𑁄 𑀘𑀸𑀢𑀺.

𑀢𑀢𑁆𑀣 ¶ 𑀯𑀺𑀲𑁂𑀲𑀦𑀧𑀼𑀩𑁆𑀩𑀧𑀤𑁄 𑀬𑀣𑀸? 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀸𑀦𑀤𑀻, 𑀫𑀳𑀩𑁆𑀪𑀬𑀁. 𑀏𑀢𑁆𑀣 𑀘 ‘‘𑀲𑀸 𑀲𑁂𑀦𑀸 𑀤𑀺𑀲𑁆𑀲𑀢𑁂 𑀫𑀳𑀸 [𑀚𑀸. 𑁨.𑁨𑁨.𑁭𑁭𑁧], 𑀩𑀸𑀭𑀸𑀡𑀲𑀺𑀭𑀚𑁆𑀚𑀁 𑀦𑀸𑀫 𑀫𑀳𑀸’’𑀢𑀺 [𑀚𑀸. 𑀅𑀝𑁆𑀞. 𑁧.𑁧.𑀫𑀳𑀸𑀲𑀻𑀮𑀯𑀚𑀸𑀢𑀓𑀯𑀡𑁆𑀡𑀦𑀸] 𑀧𑀸𑀴𑀺 𑀤𑀺𑀲𑁆𑀲𑀢𑀺. 𑀢𑀲𑁆𑀫𑀸 𑀲𑀫𑀸𑀲𑁂𑀧𑀺 𑀢𑀺𑀮𑀺𑀗𑁆𑀕𑁂 𑀦𑀺𑀧𑀸𑀢𑀭𑀽𑀧𑁄 𑀫𑀳𑀸𑀲𑀤𑁆𑀤𑁄 𑀬𑀼𑀚𑁆𑀚𑀢𑀺. 𑀫𑀳𑀸 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀸 𑀘 𑀲𑀸 𑀦𑀤𑀻 𑀘𑀸𑀢𑀺 𑀫𑀳𑀸𑀦𑀤𑀻, 𑀫𑀳𑀸 𑀘 𑀢𑀁 𑀪𑀬𑀜𑁆𑀘𑀸𑀢𑀺 𑀫𑀳𑀩𑁆𑀪𑀬𑀁, 𑀤𑁆𑀯𑀺𑀢𑁆𑀢𑀁 𑀲𑀁𑀬𑁄𑀕𑁂 𑀘 𑀭𑀲𑁆𑀲𑀢𑁆𑀢𑀁. 𑀫𑀳𑀸𑀲𑀤𑁆𑀤𑀯𑁂𑀯𑀘𑀦𑁂𑀦 𑀫𑀳𑀦𑁆𑀢𑀲𑀤𑁆𑀤𑁂𑀦𑀧𑀺 𑀯𑀸𑀓𑁆𑀬𑀁 𑀤𑀲𑁆𑀲𑁂𑀢𑀼𑀁 𑀬𑀼𑀚𑁆𑀚𑀢𑀺, 𑀫𑀳𑀦𑁆𑀢𑁄 𑀧𑀼𑀭𑀺𑀲𑁄 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀦𑁆𑀢𑀻 𑀦𑀤𑀻 𑀫𑀳𑀸𑀦𑀤𑀻, 𑀫𑀳𑀦𑁆𑀢𑀁 𑀪𑀬𑀁 𑀫𑀳𑀩𑁆𑀪𑀬𑀦𑁆𑀢𑀺. 𑀘, 𑀢𑀲𑀤𑁆𑀤𑁂𑀳𑀺 𑀘 𑀲𑀤𑁆𑀥𑀺𑀁 𑀧𑀭𑀺𑀧𑀼𑀡𑁆𑀡𑀁 𑀓𑀢𑁆𑀯𑀸 𑀤𑀲𑁆𑀲𑁂𑀢𑀼𑀁 𑀬𑀼𑀚𑁆𑀚𑀢𑀺, 𑀫𑀳𑀦𑁆𑀢𑁄 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀦𑁆𑀢𑀻 𑀘 𑀲𑀸 𑀦𑀤𑀻 𑀘𑀸𑀢𑀺 𑀫𑀳𑀸𑀦𑀤𑀻, 𑀫𑀳𑀦𑁆𑀢𑀜𑁆𑀘 𑀢𑀁 𑀪𑀬𑀜𑁆𑀘𑀸𑀢𑀺 𑀫𑀳𑀩𑁆𑀪𑀬𑀦𑁆𑀢𑀺. 𑀫𑀳𑀦𑁆𑀢𑀲𑀤𑁆𑀤𑁄 𑀯𑀸 𑀫𑀳𑀸 𑀳𑁄𑀢𑀺, ‘𑀝 𑀦𑁆𑀢𑀦𑁆𑀢𑀽𑀦’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀦𑁆𑀢𑀲𑁆𑀲 𑀲𑀩𑁆𑀩𑀲𑁆𑀲 𑀅𑀢𑁆𑀢𑀁, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀤𑀻𑀖𑁄 𑀘.

𑀏𑀢𑁆𑀣 𑀘 𑀤𑁆𑀯𑀻𑀳𑀺 𑀘𑀲𑀤𑁆𑀤𑁂𑀳𑀺 𑀤𑁆𑀯𑀺𑀦𑁆𑀦𑀁 𑀧𑀤𑀸𑀦𑀁 𑀲𑀓𑀢𑁆𑀣𑀦𑀸𑀦𑀸𑀢𑁆𑀢𑀁 𑀤𑀻𑀧𑁂𑀢𑀺. 𑀢𑀁𑀲𑀤𑁆𑀤𑁂𑀦 𑀲𑀓𑀢𑁆𑀣𑀦𑀸𑀦𑀸𑀢𑁆𑀢𑁂𑀧𑀺 𑀲𑀓𑀢𑁆𑀣𑀸𑀦𑀁 𑀅𑀥𑀺𑀓𑀭𑀡𑀪𑀽𑀢𑀲𑁆𑀲 𑀤𑀩𑁆𑀩𑀢𑁆𑀣𑀲𑁆𑀲 𑀏𑀓𑀢𑁆𑀢𑀁 𑀤𑀻𑀧𑁂𑀢𑀺. 𑀇𑀫𑀲𑁆𑀫𑀺𑀁 𑀩𑁆𑀬𑀸𑀓𑀭𑀡𑁂 𑀯𑀺𑀲𑀼𑀁 𑀭𑀽𑀧𑀯𑀺𑀥𑀸𑀦𑀓𑀺𑀘𑁆𑀘𑀁 𑀦𑀸𑀫 𑀦𑀢𑁆𑀣𑀺, 𑀢𑀁𑀢𑀁𑀲𑀼𑀢𑁆𑀢𑀯𑀺𑀥𑀸𑀦𑀜𑁆𑀘 𑀢𑀤𑀦𑀼𑀭𑀽𑀧𑀁 𑀤𑀲𑁆𑀲𑀺𑀢𑀯𑀺𑀕𑁆𑀕𑀳𑀯𑀸𑀓𑁆𑀬𑀜𑁆𑀘 𑀤𑀺𑀲𑁆𑀯𑀸 𑀢𑀲𑁆𑀲 𑀢𑀲𑁆𑀲 𑀲𑀺𑀤𑁆𑀥𑀧𑀤𑀲𑁆𑀲 𑀅𑀢𑁆𑀣𑀩𑁆𑀬𑀜𑁆𑀚𑀦𑀯𑀺𑀦𑀺𑀘𑁆𑀙𑀬𑁂 𑀜𑀸𑀢𑁂 𑀭𑀽𑀧𑀯𑀺𑀥𑀸𑀦𑀓𑀺𑀘𑁆𑀘𑀁 𑀲𑀺𑀤𑁆𑀥𑀁 𑀳𑁄𑀢𑀺, 𑀲𑀦𑁆𑀢𑁄 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀲𑀧𑁆𑀧𑀼𑀭𑀺𑀲𑁄, 𑀲𑁂𑀢𑀳𑀢𑁆𑀣𑀻, 𑀦𑀻𑀮𑀼𑀧𑁆𑀧𑀮𑀁, 𑀮𑁄𑀳𑀺𑀢𑀘𑀦𑁆𑀤𑀦𑀁.

𑀯𑀺𑀲𑀤𑀺𑀲𑀮𑀺𑀗𑁆𑀕, 𑀯𑀘𑀦𑀸𑀧𑀺 𑀲𑀤𑁆𑀤𑀸 𑀏𑀓𑀢𑁆𑀣𑀸 𑀳𑁄𑀦𑁆𑀢𑀺, 𑀯𑀺𑀦𑀬𑁄 𑀘 𑀲𑁄 𑀧𑀭𑀺𑀬𑀢𑁆𑀢𑀺 𑀘𑀸𑀢𑀺 𑀯𑀺𑀦𑀬𑀧𑀭𑀺𑀬𑀢𑁆𑀢𑀺, 𑀯𑀺𑀦𑀬𑁄 𑀘 𑀲𑁄 𑀧𑀺𑀝𑀓𑀜𑁆𑀘𑀸𑀢𑀺 𑀯𑀺𑀦𑀬𑀧𑀺𑀝𑀓𑀁, 𑀅𑀯𑀺𑀚𑁆𑀚𑀸 𑀘 𑀲𑀸 𑀧𑀘𑁆𑀘𑀬𑁄 𑀘𑀸𑀢𑀺 𑀅𑀯𑀺𑀚𑁆𑀚𑀸𑀧𑀘𑁆𑀘𑀬𑁄, 𑀅𑀯𑀺𑀚𑁆𑀚𑀸 𑀘 𑀲𑀸 𑀦𑀻𑀯𑀭𑀡𑀜𑁆𑀘𑀸𑀢𑀺 𑀅𑀯𑀺𑀚𑁆𑀚𑀸𑀦𑀻𑀯𑀭𑀡𑀁. 𑀏𑀯𑀁 𑀇𑀢𑁆𑀣𑀺𑀭𑀢𑀦𑀁, 𑀲𑀻𑀮𑀜𑁆𑀘 𑀢𑀁 𑀕𑀼𑀡𑁄 𑀘𑀸𑀢𑀺 𑀲𑀻𑀮𑀕𑀼𑀡𑁄, 𑀲𑀻𑀮𑀜𑁆𑀘 𑀢𑀁 𑀧𑀢𑀺𑀝𑁆𑀞𑀸 𑀘𑀸𑀢𑀺 𑀲𑀻𑀮𑀧𑀢𑀺𑀝𑁆𑀞𑀸 𑀇𑀘𑁆𑀘𑀸𑀤𑀺.

𑀢𑀣𑀸 ¶ 𑀯𑀻𑀲𑀢𑀺 𑀘 𑀲𑀸 𑀧𑀼𑀭𑀺𑀲𑀸 𑀘𑀸𑀢𑀺 𑀯𑀻𑀲𑀢𑀺𑀧𑀼𑀭𑀺𑀲𑀸, 𑀲𑀢𑀜𑁆𑀘 𑀢𑀁 𑀧𑀼𑀭𑀺𑀲𑀸 𑀘𑀸𑀢𑀺 𑀲𑀢𑀧𑀼𑀭𑀺𑀲𑀸, 𑀲𑀗𑁆𑀔𑀸𑀭𑀸 𑀘 𑀢𑁂 𑀧𑀘𑁆𑀘𑀬𑁄 𑀘𑀸𑀢𑀺 𑀲𑀗𑁆𑀔𑀸𑀭𑀧𑀘𑁆𑀘𑀬𑁄, 𑀅𑀗𑁆𑀕𑀸 𑀘 𑀢𑁂 𑀚𑀦𑀧𑀤𑀜𑁆𑀘𑀸𑀢𑀺 𑀅𑀗𑁆𑀕𑀚𑀦𑀧𑀤𑀁, 𑀫𑀕𑀥𑀸 𑀘 𑀢𑁂 𑀭𑀝𑁆𑀞𑀜𑁆𑀘𑀸𑀢𑀺 𑀫𑀕𑀥𑀭𑀝𑁆𑀞𑀁. 𑀏𑀯𑀁 𑀓𑀸𑀲𑀺𑀭𑀝𑁆𑀞𑀁 𑀇𑀘𑁆𑀘𑀸𑀤𑀺.

𑀇𑀥 𑀦 𑀳𑁄𑀢𑀺 [𑀭𑀽. 𑁩𑁪𑁧; 𑀦𑀻. 𑁬𑁮𑁧], 𑀧𑀼𑀡𑁆𑀡𑁄 𑀫𑀦𑁆𑀢𑀸𑀦𑀻𑀧𑀼𑀢𑁆𑀢𑁄, 𑀘𑀺𑀢𑁆𑀢𑁄 𑀕𑀳𑀧𑀢𑀺, 𑀲𑀓𑁆𑀓𑁄 𑀤𑁂𑀯𑀭𑀸𑀚𑀸, 𑀩𑁆𑀭𑀳𑁆𑀫𑀸 𑀲𑀳𑀫𑁆𑀧𑀢𑀺 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 𑀦𑀺𑀘𑁆𑀘𑀲𑀫𑀸𑀲𑁄, 𑀓𑀡𑁆𑀳𑀲𑀧𑁆𑀧𑁄, 𑀮𑁄𑀳𑀺𑀢𑀫𑀸𑀮𑀁 𑀇𑀘𑁆𑀘𑀸𑀤𑀺.

𑀯𑀺𑀲𑁂𑀲𑀦𑀼𑀢𑁆𑀢𑀭𑀧𑀤𑁄 𑀬𑀣𑀸? 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁄, 𑀩𑀼𑀤𑁆𑀥𑀖𑁄𑀲𑀸𑀘𑀭𑀺𑀬𑁄, 𑀆𑀘𑀭𑀺𑀬𑀕𑀼𑀢𑁆𑀢𑀺𑀮𑁄 𑀯𑀸, 𑀫𑀳𑁄𑀲𑀥𑀧𑀡𑁆𑀟𑀺𑀢𑁄, 𑀧𑀼𑀭𑀺𑀲𑀼𑀢𑁆𑀢𑀫𑁄, 𑀧𑀼𑀭𑀺𑀲𑀯𑀭𑁄, 𑀧𑀼𑀭𑀺𑀲𑀯𑀺𑀲𑁂𑀲𑁄 𑀇𑀘𑁆𑀘𑀸𑀤𑀺.

𑀯𑀺𑀲𑁂𑀲𑀦𑁄𑀪𑀬𑀧𑀤𑁄 𑀬𑀣𑀸? 𑀙𑀺𑀦𑁆𑀦𑀜𑁆𑀘 𑀢𑀁 𑀧𑀭𑀽𑀴𑁆𑀳𑀜𑁆𑀘𑀸𑀢𑀺 𑀙𑀺𑀦𑁆𑀦𑀧𑀭𑀽𑀴𑁆𑀳𑀁, 𑀲𑀻𑀢𑀜𑁆𑀘 𑀢𑀁 𑀉𑀡𑁆𑀳𑀜𑁆𑀘𑀸𑀢𑀺 𑀲𑀻𑀢𑀼𑀡𑁆𑀳𑀁, 𑀔𑀜𑁆𑀚𑁄 𑀘 𑀲𑁄 𑀔𑀼𑀚𑁆𑀚𑁄 𑀘𑀸𑀢𑀺 𑀔𑀜𑁆𑀚𑀔𑀼𑀚𑁆𑀚𑁄. 𑀏𑀯𑀁 𑀅𑀦𑁆𑀥𑀩𑀥𑀺𑀭𑁄, 𑀓𑀢𑀜𑁆𑀘 𑀢𑀁 𑀅𑀓𑀢𑀜𑁆𑀘𑀸𑀢𑀺 𑀓𑀢𑀸𑀓𑀢𑀁, 𑀙𑀺𑀤𑁆𑀤𑀸𑀯𑀙𑀺𑀤𑁆𑀤𑀁, 𑀙𑀺𑀦𑁆𑀦𑀪𑀺𑀦𑁆𑀦𑀁, 𑀲𑀺𑀢𑁆𑀢𑀜𑁆𑀘 𑀢𑀁 𑀲𑀫𑁆𑀫𑀝𑁆𑀞𑀜𑁆𑀘𑀸𑀢𑀺 𑀲𑀺𑀢𑁆𑀢𑀲𑀫𑁆𑀫𑀝𑁆𑀞𑀁, 𑀲𑀦𑁆𑀢𑀲𑁆𑀲 𑀪𑀸𑀯𑁄 𑀲𑀘𑁆𑀘𑀁, 𑀅𑀔𑁂𑀫𑀝𑁆𑀞𑁂𑀦 𑀤𑀼𑀓𑁆𑀔𑀜𑁆𑀘 𑀢𑀁 𑀅𑀯𑀺𑀧𑀭𑀻𑀢𑀝𑁆𑀞𑁂𑀦 𑀲𑀘𑁆𑀘𑀜𑁆𑀘𑀸𑀢𑀺 𑀤𑀼𑀓𑁆𑀔𑀲𑀘𑁆𑀘𑀁 𑀇𑀘𑁆𑀘𑀸𑀤𑀺.

𑀉𑀧𑀫𑀸𑀦𑀼𑀢𑁆𑀢𑀭𑀧𑀤𑁄 𑀬𑀣𑀸? 𑀲𑀻𑀳𑁄 𑀯𑀺𑀬𑀸𑀢𑀺 𑀲𑀻𑀳𑁄, 𑀫𑀼𑀦𑀺 𑀘 𑀲𑁄 𑀲𑀻𑀳𑁄 𑀘𑀸𑀢𑀺 𑀫𑀼𑀦𑀺𑀲𑀻𑀳𑁄. 𑀏𑀯𑀁 𑀫𑀼𑀦𑀺𑀧𑀼𑀗𑁆𑀕𑀯𑁄, 𑀩𑀼𑀤𑁆𑀥𑀦𑀸𑀕𑁄, 𑀩𑀼𑀤𑁆𑀥𑀸𑀤𑀺𑀘𑁆𑀘𑁄, 𑀭𑀁𑀲𑀺 𑀯𑀺𑀬𑀸𑀢𑀺 𑀭𑀁𑀲𑀺, 𑀲𑀤𑁆𑀥𑀫𑁆𑀫𑁄 𑀘 𑀲𑁄 𑀭𑀁𑀲𑀺 𑀘𑀸𑀢𑀺 𑀲𑀤𑁆𑀥𑀫𑁆𑀫𑀭𑀁𑀲𑀺. 𑀏𑀯𑀁 𑀯𑀺𑀦𑀬𑀲𑀸𑀕𑀭𑁄, 𑀲𑀫𑀡𑀧𑀤𑀼𑀫𑁄, 𑀲𑀫𑀡𑀧𑀼𑀡𑁆𑀟𑀭𑀻𑀓𑁄 𑀇𑀘𑁆𑀘𑀸𑀤𑀺.

𑀲𑀫𑁆𑀪𑀸𑀯𑀦𑀸𑀧𑀼𑀩𑁆𑀩𑀧𑀤𑁄 𑀬𑀣𑀸? 𑀳𑁂𑀢𑀼 𑀳𑀼𑀢𑁆𑀯𑀸 𑀧𑀘𑁆𑀘𑀬𑁄 𑀳𑁂𑀢𑀼𑀧𑀘𑁆𑀘𑀬𑁄. 𑀏𑀯𑀁 𑀆𑀭𑀫𑁆𑀫𑀡𑀧𑀘𑁆𑀘𑀬𑁄, 𑀫𑀦𑀼𑀲𑁆𑀲𑀪𑀽𑀢𑁄, 𑀤𑁂𑀯𑀪𑀽𑀢𑁄, 𑀥𑀫𑁆𑀫𑁄 𑀇𑀢𑀺 𑀲𑀗𑁆𑀔𑀸𑀢𑁄 𑀥𑀫𑁆𑀫𑀲𑀗𑁆𑀔𑀸𑀢𑁄, 𑀥𑀫𑁆𑀫𑀲𑀫𑁆𑀫𑀢𑁄, 𑀥𑀫𑁆𑀫𑀲𑀜𑁆𑀜𑀺𑀢𑁄 ¶ , 𑀥𑀫𑁆𑀫𑀮𑀓𑁆𑀔𑀺𑀢𑁄, 𑀏𑀯 𑀇𑀢𑀺 𑀲𑀗𑁆𑀔𑀸𑀢𑁄 𑀲𑀤𑁆𑀤𑁄 𑀏𑀯𑀲𑀤𑁆𑀤𑁄. 𑀏𑀯𑀁 𑀘𑀲𑀤𑁆𑀤𑁄, 𑀯𑀸𑀲𑀤𑁆𑀤𑁄, 𑀅𑀭𑀺𑀬𑀪𑀽𑀢𑁄 𑀲𑀗𑁆𑀖𑁄 𑀅𑀭𑀺𑀬𑀲𑀗𑁆𑀖𑁄. 𑀏𑀯𑀁 𑀩𑀼𑀤𑁆𑀥𑀫𑀼𑀦𑀺, 𑀧𑀘𑁆𑀘𑁂𑀓𑀫𑀼𑀦𑀺 𑀇𑀘𑁆𑀘𑀸𑀤𑀺. 𑀏𑀢𑁆𑀣 𑀘 𑀲𑀫𑁆𑀪𑀸𑀯𑀦𑀸 𑀦𑀸𑀫 𑀲𑀸𑀫𑀜𑁆𑀜𑀪𑀽𑀢𑀲𑁆𑀲 𑀉𑀢𑁆𑀢𑀭𑀧𑀤𑀢𑁆𑀣𑀲𑁆𑀲 𑀤𑀴𑁆𑀳𑀁 𑀓𑀢𑁆𑀯𑀸 𑀣𑁄𑀫𑀦𑀸 𑀲𑀭𑀽𑀧𑀯𑀺𑀲𑁂𑀲𑀤𑀻𑀧𑀦𑀸, 𑀦 𑀕𑀼𑀡𑀫𑀢𑁆𑀢𑀤𑀻𑀧𑀦𑀸𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀕𑀭𑀽 𑀧𑀦 ‘‘𑀥𑀫𑁆𑀫𑁄 𑀇𑀢𑀺 𑀩𑀼𑀤𑁆𑀥𑀺 𑀥𑀫𑁆𑀫𑀩𑀼𑀤𑁆𑀥𑀺. 𑀏𑀯𑀁 𑀥𑀫𑁆𑀫𑀲𑀜𑁆𑀜𑀸, 𑀅𑀦𑀺𑀘𑁆𑀘𑀲𑀜𑁆𑀜𑀸, 𑀥𑀸𑀢𑀼𑀲𑀜𑁆𑀜𑀸, 𑀫𑀸𑀢𑀼𑀲𑀜𑁆𑀜𑀸, 𑀧𑀸𑀡𑀲𑀜𑁆𑀜𑀺𑀢𑀸, 𑀅𑀢𑁆𑀢𑀤𑀺𑀝𑁆𑀞𑀺’’ 𑀇𑀘𑁆𑀘𑀸𑀤𑀻𑀦𑀺𑀧𑀺 𑀏𑀢𑁆𑀣 𑀆𑀳𑀭𑀦𑁆𑀢𑀺, 𑀇𑀫𑀸𑀦𑀺 𑀧𑀦 ‘‘𑀲𑀭𑀡𑀁 𑀇𑀢𑀺 𑀕𑀢𑁄 𑀉𑀧𑀕𑀢𑁄 𑀲𑀭𑀡𑀗𑁆𑀕𑀢𑁄’’𑀢𑀺 𑀧𑀤𑀁 𑀯𑀺𑀬 𑀇𑀢𑀺𑀮𑀼𑀢𑁆𑀢𑀸𑀦𑀺 𑀧𑀞𑀫𑀸𑀢𑀧𑁆𑀧𑀼𑀭𑀺𑀲𑀧𑀤𑀸𑀦𑀺 𑀦𑀸𑀫 𑀬𑀼𑀚𑁆𑀚𑀦𑁆𑀢𑀻𑀢𑀺 [𑀭𑀽. 𑁩𑁪𑁩; 𑀦𑀻. 𑁭𑁦𑁨].

𑀅𑀯𑀥𑀸𑀭𑀡𑀧𑀼𑀩𑁆𑀩𑀧𑀤𑁄 𑀬𑀣𑀸? 𑀕𑀼𑀡𑁄 𑀏𑀯 𑀥𑀦𑀁 𑀦 𑀫𑀡𑀺𑀲𑀼𑀯𑀡𑁆𑀡𑀸𑀤𑀻𑀢𑀺 𑀕𑀼𑀡𑀥𑀦𑀁. 𑀏𑀯𑀁 𑀲𑀤𑁆𑀥𑀸𑀥𑀦𑀁, 𑀲𑀻𑀮𑀥𑀦𑀁, 𑀘𑀓𑁆𑀔𑀼 𑀏𑀯 𑀤𑁆𑀯𑀸𑀭𑀁 𑀦 𑀕𑀸𑀫𑀤𑁆𑀯𑀸𑀭𑀸𑀤𑀻𑀢𑀺 𑀘𑀓𑁆𑀔𑀼𑀤𑁆𑀯𑀸𑀭𑀁. 𑀏𑀯𑀁 𑀘𑀓𑁆𑀔𑀼𑀯𑀢𑁆𑀣𑀼, 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀘𑀓𑁆𑀔𑀸𑀬𑀢𑀦𑀁, 𑀘𑀓𑁆𑀔𑀼𑀥𑀸𑀢𑀼, 𑀔𑀦𑁆𑀥𑀸 𑀏𑀯 𑀪𑀸𑀭𑀸 𑀔𑀦𑁆𑀥𑀪𑀸𑀭𑀸. 𑀏𑀢𑁆𑀣 𑀘 𑀬𑀤𑀺 𑀪𑀭𑀺𑀢𑀩𑁆𑀩𑀝𑁆𑀞𑁂𑀦 𑀪𑀸𑀭𑀸 𑀦𑀸𑀫 𑀲𑀺𑀬𑀼𑀁, 𑀧𑀜𑁆𑀘𑀓𑁆𑀔𑀦𑁆𑀥𑀸 𑀏𑀯 𑀪𑀸𑀭𑀸 𑀦𑀸𑀫 𑀲𑀺𑀬𑀼𑀁, 𑀦 𑀲𑀻𑀲𑀪𑀸𑀭, 𑀅𑀁𑀲𑀪𑀸𑀭𑀸𑀤𑀬𑁄. 𑀔𑀦𑁆𑀥𑀸 𑀳𑀺 𑀦𑀺𑀘𑁆𑀘𑀪𑀸𑀭𑀸 𑀳𑁄𑀦𑁆𑀢𑀺, 𑀇𑀢𑀭𑁂 𑀢𑀸𑀯𑀓𑀸𑀮𑀺𑀓𑀸, 𑀔𑀦𑁆𑀥𑀫𑀽𑀮𑀺𑀓𑀸 𑀘𑀸𑀢𑀺. 𑀏𑀯𑀁 𑀅𑀢𑀺𑀲𑀬𑀢𑁆𑀣𑀲𑀫𑁆𑀪𑀸𑀯𑀦𑀢𑁆𑀣𑀁 𑀔𑀦𑁆𑀥𑀸 𑀏𑀯 𑀪𑀸𑀭𑀸𑀢𑀺 𑀅𑀯𑀥𑀸𑀭𑀡𑀯𑀸𑀓𑁆𑀬𑀁 𑀧𑀬𑀼𑀚𑁆𑀚𑀢𑀺, 𑀦 𑀲𑀻𑀲𑀪𑀸𑀭𑀸𑀤𑀻𑀦𑀁 𑀲𑀩𑁆𑀩𑀲𑁄 𑀪𑀸𑀭𑀪𑀸𑀯𑀧𑀝𑀺𑀓𑁆𑀔𑀺𑀧𑀦𑀢𑁆𑀣𑀦𑁆𑀢𑀺. 𑀏𑀯𑀁 𑀲𑀩𑁆𑀩𑀢𑁆𑀣, 𑀅𑀯𑀺𑀚𑁆𑀚𑀸 𑀏𑀯 𑀫𑀮𑀁 𑀦 𑀓𑀁𑀲𑀫𑀮𑀸𑀤𑀺𑀓𑀦𑁆𑀢𑀺 𑀅𑀯𑀺𑀚𑁆𑀚𑀸𑀫𑀮𑀁, 𑀅𑀯𑀺𑀚𑁆𑀚𑀸 𑀏𑀯 𑀆𑀲𑀯𑁄 𑀦 𑀫𑀥𑁆𑀯𑀸𑀲𑀯𑀸𑀤𑀺𑀓𑁄𑀢𑀺 𑀅𑀯𑀺𑀚𑁆𑀚𑀸𑀲𑀯𑁄. 𑀏𑀯𑀁 𑀢𑀡𑁆𑀳𑀸𑀲𑀮𑁆𑀮𑀁, 𑀧𑀜𑁆𑀜𑀸𑀲𑀢𑁆𑀣𑀁, 𑀧𑀜𑁆𑀜𑀸𑀮𑁄𑀓𑁄, 𑀧𑀜𑁆𑀜𑀸𑀧𑀚𑁆𑀚𑁄𑀢𑁄, 𑀭𑀸𑀕𑀕𑁆𑀕𑀺, 𑀤𑁄𑀲𑀕𑁆𑀕𑀺, 𑀫𑁄𑀳𑀕𑁆𑀕𑀺 𑀇𑀘𑁆𑀘𑀸𑀤𑀺. 𑀕𑀭𑀽 𑀧𑀦 ‘‘𑀥𑀦𑀁 𑀯𑀺𑀬𑀸𑀢𑀺 𑀥𑀦𑀁, 𑀲𑀤𑁆𑀥𑀸 𑀏𑀯 𑀅𑀭𑀺𑀬𑀸𑀦𑀁 𑀥𑀦𑀁 𑀲𑀤𑁆𑀥𑀸𑀥𑀦𑀁, 𑀲𑀢𑁆𑀣𑀁 𑀯𑀺𑀬𑀸𑀢𑀺 𑀲𑀢𑁆𑀣𑀁, 𑀧𑀜𑁆𑀜𑀸 𑀏𑀯 𑀲𑀢𑁆𑀣𑀁 𑀧𑀜𑁆𑀜𑀸𑀲𑀢𑁆𑀣’’𑀦𑁆𑀢𑀺 𑀬𑁄𑀚𑁂𑀦𑁆𑀢𑀺, 𑀏𑀯𑀁 𑀲𑀢𑀺 𑀅𑀢𑀺𑀲𑀬𑀲𑀫𑁆𑀪𑀸𑀯𑀦𑀢𑁆𑀣𑁄 𑀦 𑀲𑀺𑀚𑁆𑀛𑀢𑀺 [𑀭𑀽. 𑁩𑁪𑁩; 𑀦𑀻. 𑁭𑁦𑁨].

𑁩𑁪𑁭. 𑀦𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁂 𑀦𑀉 [𑀓. 𑁩𑁨𑁬; 𑀭𑀽. 𑁩𑁪𑁧; 𑀦𑀻. 𑁭𑁦𑁭].

𑀜𑀸𑀦𑀼𑀩𑀦𑁆𑀥𑁄 ¶ 𑀧𑀝𑀺𑀲𑁂𑀥𑀫𑁆𑀳𑀸 𑀅𑀜𑁆𑀜𑀦𑀓𑀸𑀭 𑀦𑀺𑀯𑀢𑁆𑀢𑀦𑀢𑁆𑀣𑁄, 𑀦𑀉𑀇𑀘𑁆𑀘𑁂𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀅𑀜𑁆𑀜𑁂𑀦 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳 𑀏𑀓𑀢𑁆𑀣𑀁 𑀳𑁄𑀢𑀺. 𑀇𑀫𑀺𑀦𑀸 𑀦𑀜𑁂 𑀓𑀢𑁆𑀣𑀲𑀜𑁆𑀜𑀁 𑀓𑀢𑁆𑀯𑀸 𑁋

𑁩𑁪𑁮. 𑀝 𑀦𑀉𑀲𑁆𑀲 [𑀓. 𑁩𑁩𑁩; 𑀭𑀽. 𑁩𑁪𑁪; 𑀦𑀻. 𑁭𑁧𑁭; 𑀘𑀁. 𑁨.𑁨.𑁨𑁦; 𑀧𑀸. 𑁨.𑁨.𑁬; ‘‘𑀦𑀉’’ (𑀩𑀳𑀽𑀲𑀼)].

𑀉𑀢𑁆𑀢𑀭𑀧𑀤𑁂 𑀧𑀭𑁂 𑀦𑀉𑀇𑀘𑁆𑀘𑁂𑀢𑀲𑁆𑀲 𑀝𑀸𑀦𑀼𑀩𑀦𑁆𑀥𑁄 𑀅 𑀳𑁄𑀢𑀻𑀢𑀺 𑀦𑀲𑁆𑀲 𑀅𑀢𑁆𑀢𑀁.

𑀦 𑀩𑁆𑀭𑀸𑀳𑁆𑀫𑀡𑁄 𑀅𑀩𑁆𑀭𑀸𑀳𑁆𑀫𑀡𑁄. 𑀏𑀢𑁆𑀣 𑀲𑀺𑀬𑀸 𑁋 𑀓𑀺𑀁 𑀯𑀺𑀚𑁆𑀚𑀫𑀸𑀦𑀲𑁆𑀲 𑀯𑀸𑀬𑀁 𑀦𑀺𑀲𑁂𑀥𑁄, 𑀉𑀤𑀸𑀳𑀼 𑀅𑀯𑀺𑀚𑁆𑀚𑀫𑀸𑀦𑀲𑁆𑀲 𑀯𑀸𑀢𑀺, 𑀓𑀺𑀜𑁆𑀘𑁂𑀢𑁆𑀣 𑁋 𑀬𑀤𑀺 𑀯𑀺𑀚𑁆𑀚𑀫𑀸𑀦𑀲𑁆𑀲 𑀦𑀺𑀲𑁂𑀥𑁄, 𑀏𑀯𑀁 𑀲𑀢𑀺 𑀮𑁄𑀓𑁂 𑀯𑀺𑀚𑁆𑀚𑀫𑀸𑀦𑀸 𑀲𑀩𑁆𑀩𑁂 𑀩𑁆𑀭𑀸𑀳𑁆𑀫𑀡𑀸 𑀅𑀩𑁆𑀭𑀸𑀳𑁆𑀫𑀡𑀸 𑀦𑀸𑀫 𑀪𑀯𑁂𑀬𑁆𑀬𑀼𑀁. 𑀢𑀲𑁆𑀫𑀸 ‘‘𑀇𑀥 𑀚𑀦𑁄 𑀦 𑀩𑁆𑀭𑀸𑀳𑁆𑀫𑀡𑁄, 𑀢𑀢𑁆𑀣 𑀚𑀦𑁄 𑀦 𑀩𑁆𑀭𑀸𑀳𑁆𑀫𑀡𑁄’’𑀢𑀺𑀆𑀤𑀺𑀦𑀸 𑀤𑁂𑀲𑀸𑀤𑀺𑀦𑀺𑀬𑀫𑀁 𑀯𑀺𑀦𑀸 𑀮𑁄𑀓𑁂 𑀯𑀺𑀚𑁆𑀚𑀫𑀸𑀦𑀲𑁆𑀲 𑀩𑁆𑀭𑀸𑀳𑁆𑀫𑀡𑀲𑁆𑀲 𑀦𑀺𑀲𑁂𑀥𑁄 𑀦 𑀬𑀼𑀚𑁆𑀚𑀢𑀺, 𑀅𑀣 𑀮𑁄𑀓𑁂 𑀅𑀯𑀺𑀚𑁆𑀚𑀫𑀸𑀦𑀲𑁆𑀲 𑀦𑀺𑀲𑁂𑀥𑁄, 𑀏𑀯𑀜𑁆𑀘 𑀲𑀢𑀺 𑀓𑀺𑀁 𑀅𑀯𑀺𑀚𑁆𑀚𑀫𑀸𑀦𑀲𑁆𑀲 𑀦𑀺𑀲𑁂𑀥𑁂𑀦 𑀦𑀺𑀲𑁂𑀥𑀦𑀻𑀬𑀲𑁆𑀲𑁂𑀯 𑀅𑀯𑀺𑀚𑁆𑀚𑀫𑀸𑀦𑀢𑁆𑀢𑀸𑀢𑀺? 𑀯𑀼𑀘𑁆𑀘𑀢𑁂 𑁋 𑀢𑀁𑀲𑀤𑀺𑀲𑀸𑀤𑀺𑀅𑀢𑁆𑀣𑁂𑀲𑀼 𑀢𑀩𑁆𑀩𑁄𑀳𑀸𑀭𑀲𑁆𑀲𑁂𑀯𑀸𑀬𑀁 𑀦𑀺𑀲𑁂𑀥𑁄. 𑀢𑀣𑀸 𑀳𑀺 𑀩𑁆𑀭𑀸𑀳𑁆𑀫𑀡𑀲𑀤𑀺𑀲𑁂 𑀅𑀩𑁆𑀭𑀸𑀳𑁆𑀫𑀡𑁂 𑀓𑁂𑀲𑀜𑁆𑀘𑀺 𑀩𑁆𑀭𑀸𑀳𑁆𑀫𑀡𑀲𑀜𑁆𑀜𑀸 𑀲𑀡𑁆𑀞𑀸𑀢𑀺, 𑀲𑀜𑁆𑀜𑀸𑀦𑀼𑀭𑀽𑀧𑀜𑁆𑀘 𑀩𑁆𑀭𑀸𑀳𑁆𑀫𑀡𑀯𑁄𑀳𑀸𑀭𑁄 𑀢𑀲𑁆𑀫𑀺𑀁 𑀧𑀯𑀢𑁆𑀢𑀢𑀺, 𑀏𑀯𑀁 𑀧𑀯𑀢𑁆𑀢𑀲𑁆𑀲 𑀅𑀩𑁆𑀭𑀸𑀳𑁆𑀫𑀡𑁂 𑀩𑁆𑀭𑀸𑀳𑁆𑀫𑀡𑀯𑁄𑀳𑀸𑀭𑀲𑁆𑀲 𑀅𑀬𑀁 𑀧𑀝𑀺𑀲𑁂𑀥𑁄 𑀳𑁄𑀢𑀺. 𑀬𑀣𑀸 𑀢𑀁? 𑀮𑁄𑀓𑀲𑁆𑀫𑀺𑀁 𑀩𑀸𑀮𑀚𑀦𑀸𑀦𑀁 𑀫𑀺𑀘𑁆𑀙𑀸𑀲𑀜𑁆𑀜𑀸𑀯𑀲𑁂𑀦 𑀫𑀺𑀘𑁆𑀙𑀸𑀯𑁄𑀳𑀸𑀭𑁄 𑀧𑀯𑀢𑁆𑀢𑀢𑀺𑀬𑁂𑀯 ‘‘𑀭𑀽𑀧𑀁 𑀅𑀢𑁆𑀢𑀸, 𑀯𑁂𑀤𑀦𑀸 𑀅𑀢𑁆𑀢𑀸’’ 𑀇𑀘𑁆𑀘𑀸𑀤𑀺, 𑀢𑁂𑀲𑀁 𑀢𑀲𑁆𑀲 𑀫𑀺𑀘𑁆𑀙𑀸𑀪𑀸𑀯𑀔𑁆𑀬𑀸𑀧𑀦𑀢𑁆𑀣𑀁 𑀧𑀝𑀺𑀲𑁂𑀥𑁄 𑀬𑁄𑀚𑀺𑀬𑀢𑀺 ‘‘𑀭𑀽𑀧𑀁 𑀅𑀦𑀢𑁆𑀢𑀸, 𑀯𑁂𑀤𑀦𑀸 𑀅𑀦𑀢𑁆𑀢𑀸’’ [𑀫𑀳𑀸𑀯. 𑁨𑁦] 𑀇𑀘𑁆𑀘𑀸𑀤𑀺. 𑀏𑀢𑁆𑀢𑀸𑀯𑀢𑀸 𑀲𑀼𑀤𑁆𑀥𑀩𑁆𑀭𑀸𑀳𑁆𑀫𑀡𑀲𑀤𑁆𑀤𑀲𑁆𑀲𑀧𑀺 𑀫𑀺𑀘𑁆𑀙𑀸𑀯𑀲𑁂𑀦 𑀢𑀁𑀲𑀤𑀺𑀲𑁂 𑀅𑀢𑁆𑀣𑁂 𑀧𑀯𑀢𑁆𑀢𑀺𑀲𑀫𑁆𑀪𑀯𑁄 𑀲𑀺𑀤𑁆𑀥𑁄 𑀳𑁄𑀢𑀺, 𑀦𑀓𑀸𑀭𑀲𑁆𑀲 ¶ 𑀘 𑀢𑀤𑀢𑁆𑀣𑀚𑁄𑀢𑀓𑀫𑀢𑁆𑀢𑀢𑀸 𑀲𑀺𑀤𑁆𑀥𑀸 𑀳𑁄𑀢𑀺, 𑀏𑀯𑀜𑁆𑀘 𑀲𑀢𑀺 𑀉𑀢𑁆𑀢𑀭𑀧𑀤𑀢𑁆𑀣𑀧𑀥𑀸𑀦𑀢𑀸𑀲𑀗𑁆𑀔𑀸𑀢𑀁 𑀢𑀧𑁆𑀧𑀼𑀭𑀺𑀲𑀮𑀓𑁆𑀔𑀡𑀫𑁆𑀧𑀺 𑀇𑀥 𑀦 𑀯𑀺𑀭𑀼𑀚𑁆𑀛𑀢𑀺, 𑀢𑀲𑁆𑀫𑀸 𑀅𑀩𑁆𑀭𑀸𑀳𑁆𑀫𑀡𑁄𑀢𑀺 𑀩𑁆𑀭𑀸𑀳𑁆𑀫𑀡𑀲𑀤𑀺𑀲𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀏𑀲 𑀦𑀬𑁄 𑀢𑀤𑀜𑁆𑀜, 𑀢𑀩𑁆𑀩𑀺𑀭𑀼𑀤𑁆𑀥, 𑀢𑀤𑀪𑀸𑀯𑀢𑁆𑀣𑀸𑀤𑀻𑀲𑀼.

𑀢𑀢𑁆𑀣 𑀢𑀤𑀜𑁆𑀜𑀢𑁆𑀣𑁂 𑁋

𑀲𑀗𑁆𑀔𑀢𑀸 𑀥𑀫𑁆𑀫𑀸 𑀅𑀲𑀗𑁆𑀔𑀢𑀸 𑀥𑀫𑁆𑀫𑀸 [𑀥. 𑀲. 𑀤𑀼𑀓𑀫𑀸𑀢𑀺𑀓𑀸 𑁮]. 𑀏𑀢𑁆𑀣 𑀘 𑀦 𑀲𑀗𑁆𑀔𑀢𑀸 𑀅𑀲𑀗𑁆𑀔𑀢𑀸, 𑀲𑀗𑁆𑀔𑀢𑀥𑀫𑁆𑀫𑁂𑀳𑀺 𑀅𑀜𑁆𑀜𑁂 𑀥𑀫𑁆𑀫𑀸𑀢𑀺 𑀅𑀢𑁆𑀣𑁄.

𑀢𑀩𑁆𑀩𑀺𑀭𑀼𑀤𑁆𑀥𑁂 𑁋

𑀅𑀓𑀼𑀲𑀮𑁄, 𑀓𑀼𑀲𑀮𑀧𑀝𑀺𑀧𑀓𑁆𑀔𑁄 𑀥𑀫𑁆𑀫𑁄𑀢𑀺 𑀅𑀢𑁆𑀣𑁄.

𑀢𑀤𑀪𑀸𑀯𑁂 𑁋

𑀦 𑀓𑀢𑁆𑀯𑀸 𑀅𑀓𑀢𑁆𑀯𑀸, 𑀓𑀭𑀡𑁂𑀦 𑀲𑀩𑁆𑀩𑀲𑁄 𑀯𑀺𑀦𑀸𑀢𑀺 𑀅𑀢𑁆𑀣𑁄.

𑀤𑀼𑀯𑀺𑀥𑁄 𑀧𑀝𑀺𑀲𑁂𑀥𑁄 𑀧𑀲𑀚𑁆𑀚𑀧𑀝𑀺𑀲𑁂𑀥𑁄, 𑀧𑀬𑀺𑀭𑀼𑀤𑀸𑀲𑀧𑀝𑀺𑀲𑁂𑀥𑁄 𑀘𑀸𑀢𑀺.

𑀢𑀢𑁆𑀣 𑀅𑀢𑁆𑀢𑀦𑀸 𑀬𑀼𑀢𑁆𑀢𑀧𑀤𑀢𑁆𑀣𑀁 𑀧𑀲𑀚𑁆𑀚 𑀮𑀕𑁆𑀕𑁂𑀢𑁆𑀯𑀸 𑀧𑀝𑀺𑀲𑁂𑀥𑁂𑀢𑀻𑀢𑀺 𑀧𑀲𑀚𑁆𑀚𑀧𑀝𑀺𑀲𑁂𑀥𑁄, 𑀢𑀤𑀪𑀸𑀯𑀫𑀢𑁆𑀢𑀚𑁄𑀢𑀓𑁄 𑀦𑀓𑀸𑀭𑁄, 𑀓𑁆𑀭𑀺𑀬𑀸𑀫𑀢𑁆𑀢𑀦𑀺𑀲𑁂𑀥𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀅𑀓𑀢𑁆𑀯𑀸, 𑀅𑀓𑀸𑀢𑀼𑀁, 𑀅𑀓𑀭𑁄𑀦𑁆𑀢𑁄, 𑀦 𑀓𑀭𑁄𑀢𑀺, 𑀦 𑀓𑀸𑀢𑀩𑁆𑀩𑀁 𑀇𑀘𑁆𑀘𑀸𑀤𑀺.

𑀧𑀲𑀚𑁆𑀚𑀫𑀢𑁆𑀢𑁂 𑀅𑀝𑁆𑀞𑀢𑁆𑀯𑀸 𑀢𑀁𑀲𑀤𑀺𑀲𑀸𑀤𑀺𑀓𑁂 𑀧𑀭𑀺𑀢𑁄𑀪𑀸𑀕𑁂 𑀉𑀕𑁆𑀕𑀬𑁆𑀳 𑀦𑀺𑀲𑁂𑀥𑁂𑀢𑀩𑁆𑀩𑀁 𑀅𑀢𑁆𑀣𑀁 𑀅𑀲𑀢𑀺 𑀔𑀺𑀧𑀢𑀺 𑀙𑀟𑁆𑀟𑁂𑀢𑀻𑀢𑀺 𑀧𑀬𑀺𑀭𑀼𑀤𑀸𑀲𑁄, 𑀢𑀁𑀲𑀤𑀺𑀲𑀸𑀤𑀺𑀚𑁄𑀢𑀓𑁄, 𑀤𑀩𑁆𑀩𑀦𑀺𑀲𑁂𑀥𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀅𑀩𑁆𑀭𑀸𑀳𑁆𑀫𑀡𑁄 𑀇𑀘𑁆𑀘𑀸𑀤𑀺. 𑀏𑀯𑀁 𑀅𑀲𑀫𑀡𑁄, 𑀅𑀲𑀓𑁆𑀬𑀧𑀼𑀢𑁆𑀢𑀺𑀬𑁄, 𑀅𑀫𑀺𑀢𑁆𑀢𑁄, 𑀫𑀺𑀢𑁆𑀢𑀥𑀫𑁆𑀫𑀯𑀺𑀥𑀼𑀭𑁄𑀢𑀺 𑀅𑀢𑁆𑀣𑁄.

𑁩𑁪𑁯. 𑀅𑀦 𑀲𑀭𑁂 [𑀓. 𑁩𑁩𑁪; 𑀭𑀽. 𑁩𑁪𑁫; 𑀦𑀻. 𑁭𑁧𑁮; 𑀘𑀁. 𑁫.𑁨.𑁧𑁧𑁯; 𑀧𑀸. 𑁬.𑁩.𑁧𑁦𑁫].

𑀲𑀭𑁂 𑀧𑀭𑁂 𑀦𑀉𑀇𑀘𑁆𑀘𑁂𑀢𑀲𑁆𑀲 𑀅𑀦 𑀳𑁄𑀢𑀺.

𑀦 ¶ 𑀅𑀭𑀺𑀬𑁄 𑀅𑀦𑀭𑀺𑀬𑁄, 𑀅𑀭𑀺𑀬𑀥𑀫𑁆𑀫𑀯𑀺𑀫𑀼𑀔𑁄𑀢𑀺 𑀅𑀢𑁆𑀣𑁄. 𑀦 𑀆𑀯𑀸𑀲𑁄 𑀅𑀦𑀸𑀯𑀸𑀲𑁄, 𑀦 𑀇𑀲𑁆𑀲𑀭𑁄 𑀅𑀦𑀺𑀲𑁆𑀲𑀭𑁄. 𑀦 𑀈𑀢𑀺 𑀅𑀦𑀻𑀢𑀺, ‘𑀈𑀢𑀻’𑀢𑀺 𑀉𑀧𑀤𑁆𑀤𑀯𑁄, 𑀦 𑀬𑀼𑀢𑁆𑀢𑁄 𑀉𑀧𑀸𑀬𑁄 𑀅𑀦𑀼𑀧𑀸𑀬𑁄, 𑀦 𑀊𑀫𑀺 𑀅𑀦𑀽𑀫𑀺, 𑀦 𑀬𑀼𑀢𑁆𑀢𑀸 𑀏𑀲𑀦𑀸 𑀅𑀦𑁂𑀲𑀦𑀸, 𑀦 𑀬𑀼𑀢𑁆𑀢𑁄 𑀑𑀓𑀸𑀲𑁄 𑀅𑀦𑁄𑀓𑀸𑀲𑁄, 𑀦 𑀅𑀢𑀺𑀓𑁆𑀓𑀫𑁆𑀫 𑀅𑀦𑀢𑀺𑀓𑁆𑀓𑀫𑁆𑀫, 𑀅𑀦𑀸𑀤𑀸𑀬, 𑀅𑀦𑁄𑀮𑁄𑀓𑁂𑀢𑁆𑀯𑀸 𑀇𑀘𑁆𑀘𑀸𑀤𑀺.

𑀩𑀳𑀼𑀮𑀸𑀥𑀺𑀓𑀸𑀭𑀸 𑀅𑀬𑀼𑀢𑁆𑀢𑀢𑁆𑀣𑀸𑀦𑀫𑁆𑀧𑀺 𑀲𑀫𑀸𑀲𑁄 𑀳𑁄𑀢𑀺 [𑀓. 𑁩𑁩𑁬; 𑀭𑀽. 𑁩𑁪𑁭; 𑀦𑀻. 𑁬𑁮𑁯], 𑀧𑀼𑀦 𑀦 𑀕𑀸𑀬𑀺𑀢𑀩𑁆𑀩𑀸𑀢𑀺 𑀅𑀧𑀼𑀦𑀕𑁂𑀬𑁆𑀬𑀸, 𑀕𑀸𑀣𑀸, 𑀘𑀦𑁆𑀤𑀁 𑀦 𑀉𑀮𑁆𑀮𑁄𑀓𑁂𑀦𑁆𑀢𑀻𑀢𑀺 𑀅𑀘𑀦𑁆𑀤𑀫𑀼𑀮𑁆𑀮𑁄𑀓𑀺𑀓𑀸𑀦𑀺, 𑀫𑀼𑀔𑀸𑀦𑀺, 𑀲𑀽𑀭𑀺𑀬𑀁 𑀦 𑀧𑀲𑁆𑀲𑀦𑁆𑀢𑀻𑀢𑀺 𑀅𑀲𑀽𑀭𑀺𑀬𑀧𑀲𑁆𑀲𑀸, 𑀭𑀸𑀚𑀓𑀜𑁆𑀜𑀸, 𑀲𑀤𑁆𑀥𑀁 𑀦 𑀪𑀼𑀜𑁆𑀚𑀢𑀺 𑀲𑀻𑀮𑁂𑀦𑀸𑀢𑀺 𑀅𑀲𑀤𑁆𑀥𑀪𑁄𑀚𑀻. 𑀏𑀯𑀁 𑀅𑀮𑀯𑀡𑀪𑁄𑀚𑀻, 𑀅𑀢𑁆𑀣𑀁 𑀦 𑀓𑀸𑀫𑁂𑀦𑁆𑀢𑀻𑀢𑀺 𑀅𑀦𑀢𑁆𑀣𑀓𑀸𑀫𑀸. 𑀏𑀯𑀁 𑀅𑀳𑀺𑀢𑀓𑀸𑀫𑀸, 𑀑𑀓𑀸𑀲𑀁 𑀦 𑀓𑀸𑀭𑁂𑀲𑀻𑀢𑀺 𑀅𑀦𑁄𑀓𑀸𑀲𑀁𑀓𑀸𑀭𑁂𑀢𑁆𑀯𑀸. 𑀏𑀯𑀁 𑀅𑀦𑀺𑀫𑀺𑀢𑁆𑀢𑀁𑀓𑀢𑁆𑀯𑀸, 𑀫𑀽𑀮𑀫𑀽𑀮𑀁 𑀦 𑀕𑀘𑁆𑀙𑀢𑀻𑀢𑀺 𑀅𑀫𑀽𑀮𑀫𑀽𑀮𑀁𑀕𑀦𑁆𑀢𑁆𑀯𑀸 𑀇𑀘𑁆𑀘𑀸𑀤𑀺.

‘‘𑀧𑀼𑀦 𑀕𑀸𑀬𑀺𑀢𑀩𑁆𑀩𑀸𑀢𑀺 𑀧𑀼𑀦𑀕𑁂𑀬𑁆𑀬𑀸, 𑀦 𑀧𑀼𑀦𑀕𑁂𑀬𑁆𑀬𑀸 𑀅𑀧𑀼𑀦𑀕𑁂𑀬𑁆𑀬𑀸. 𑀅𑀢𑁆𑀣𑀁 𑀓𑀸𑀫𑁂𑀦𑁆𑀢𑀻𑀢𑀺 𑀅𑀢𑁆𑀣𑀓𑀸𑀫𑀸, 𑀦 𑀅𑀢𑁆𑀣𑀓𑀸𑀫𑀸 𑀅𑀦𑀢𑁆𑀣𑀓𑀸𑀫𑀸. 𑀅𑀣 𑀯𑀸 𑀦 𑀅𑀢𑁆𑀣𑁄 𑀅𑀦𑀢𑁆𑀣𑁄, 𑀅𑀦𑀢𑁆𑀣𑀁 𑀓𑀸𑀫𑁂𑀦𑁆𑀢𑀻𑀢𑀺 𑀅𑀦𑀢𑁆𑀣𑀓𑀸𑀫𑀸’’ 𑀇𑀘𑁆𑀘𑀸𑀤𑀺𑀦𑀸 𑀯𑀸𑀓𑁆𑀬𑁂 𑀬𑁄𑀚𑀺𑀢𑁂 𑀧𑀦 𑀬𑀼𑀢𑁆𑀢𑀲𑀫𑀸𑀲𑀸 𑀳𑁄𑀦𑁆𑀢𑀺. 𑀕𑀭𑀽 𑀧𑀦 ‘‘𑀅𑀢𑁆𑀣𑀁 𑀦 𑀓𑀸𑀫𑁂𑀦𑁆𑀢𑀺 𑀅𑀦𑀢𑁆𑀣𑀫𑁂𑀯 𑀓𑀸𑀫𑁂𑀦𑁆𑀢𑀻𑀢𑀺 𑀅𑀦𑀢𑁆𑀣𑀓𑀸𑀫𑀸, 𑀳𑀺𑀢𑀁 𑀦 𑀓𑀸𑀫𑁂𑀦𑁆𑀢𑀺 𑀅𑀳𑀺𑀢𑀫𑁂𑀯 𑀓𑀸𑀫𑁂𑀦𑁆𑀢𑀻𑀢𑀺 𑀅𑀳𑀺𑀢𑀓𑀸𑀫𑀸, 𑀨𑀸𑀲𑀼𑀁 𑀦 𑀓𑀸𑀫𑁂𑀦𑁆𑀢𑀺 𑀅𑀨𑀸𑀲𑀼𑀫𑁂𑀯 𑀓𑀸𑀫𑁂𑀦𑁆𑀢𑀻𑀢𑀺 𑀅𑀨𑀸𑀲𑀼𑀓𑀸𑀫𑀸’’𑀢𑀺 𑀬𑁄𑀚𑁂𑀲𑀼𑀁, 𑀤𑁆𑀯𑀸𑀥𑀺𑀧𑁆𑀧𑀸𑀬𑀧𑀤𑀁 𑀦𑀸𑀫𑁂𑀢𑀁.

𑀓𑀼𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁂 𑀦𑀺𑀘𑁆𑀘𑀲𑀫𑀸𑀲𑀢𑁆𑀢𑀸 𑀅𑀜𑁆𑀜𑀧𑀤𑁂𑀦 𑀯𑀺𑀕𑁆𑀕𑀳𑁄, 𑀔𑀼𑀤𑁆𑀤𑀓𑀸 𑀦𑀤𑀻 𑀓𑀼𑀦𑁆𑀦𑀤𑀻, 𑀔𑀼𑀤𑁆𑀤𑀓𑁄 𑀲𑁄𑀫𑁆𑀪𑁄 𑀓𑀼𑀲𑁄𑀫𑁆𑀪𑁄, 𑀔𑀼𑀤𑁆𑀤𑀓𑀁 𑀯𑀦𑀁 𑀓𑀼𑀩𑁆𑀩𑀦𑀁.

𑁩𑁫𑁦. 𑀲𑀭𑁂 𑀓𑀤 𑀓𑀼𑀲𑁆𑀲𑀼𑀢𑁆𑀢𑀭𑀢𑁆𑀣𑁂 [𑀓. 𑁩𑁩𑁫; 𑀭𑀽. 𑁩𑁪𑁬; 𑀦𑀻. 𑁭𑁧𑁯].

𑀲𑀭𑀸𑀤𑀺𑀓𑁂 ¶ 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀉𑀢𑁆𑀢𑀭𑀧𑀤𑀢𑁆𑀣𑁂 𑀯𑀢𑁆𑀢𑀫𑀸𑀦𑀲𑁆𑀲 𑀓𑀼𑀦𑀺𑀧𑀸𑀢𑀲𑁆𑀲 𑀓𑀤𑀺 𑀳𑁄𑀢𑀺.

𑀓𑀼𑀘𑁆𑀙𑀺𑀢𑀁 𑀅𑀦𑁆𑀦𑀁 𑀓𑀤𑀦𑁆𑀦𑀁, 𑀓𑀼𑀘𑁆𑀙𑀺𑀢𑀁 𑀅𑀲𑀦𑀁 𑀓𑀤𑀲𑀦𑀁, 𑀓𑀼𑀘𑁆𑀙𑀺𑀢𑁄 𑀅𑀭𑀺𑀬𑁄 𑀓𑀤𑀭𑀺𑀬𑁄, 𑀫𑀘𑁆𑀙𑀭𑀻.

𑀲𑀭𑁂𑀢𑀺 𑀓𑀺𑀁? 𑀓𑀼𑀧𑀼𑀢𑁆𑀢𑀸, 𑀓𑀼𑀤𑀸𑀭𑀸, 𑀓𑀼𑀤𑀸𑀲𑀸.

𑀉𑀢𑁆𑀢𑀭𑀢𑁆𑀣𑁂𑀢𑀺 𑀓𑀺𑀁? 𑀓𑀼𑀘𑁆𑀙𑀺𑀢𑁄 𑀑𑀝𑁆𑀞𑁄 𑀬𑀲𑁆𑀲𑀸𑀢𑀺 𑀓𑀼𑀑𑀝𑁆𑀞𑁄.

𑁩𑁫𑁧. 𑀓𑀸𑀧𑁆𑀧𑀢𑁆𑀣𑁂 [𑀓. 𑁩𑁩𑁬; 𑀭𑀽. 𑁩𑁪𑁭; 𑀦𑀻. 𑁭𑁨𑁦].

𑀉𑀢𑁆𑀢𑀭𑀧𑀤𑁂 𑀧𑀭𑁂 𑀉𑀢𑁆𑀢𑀭𑀧𑀤𑀢𑁆𑀣𑁂 𑀞𑀺𑀢𑀲𑁆𑀲 𑀅𑀧𑁆𑀧𑀢𑁆𑀣𑁂 𑀯𑀢𑁆𑀢𑀫𑀸𑀦𑀲𑁆𑀲 𑀓𑀼𑀦𑀺𑀧𑀸𑀢𑀲𑁆𑀲 𑀓𑀸 𑀳𑁄𑀢𑀺 𑀯𑀸.

𑀅𑀧𑁆𑀧𑀓𑀁 𑀮𑀯𑀡𑀁 𑀓𑀸𑀮𑀯𑀡𑀁. 𑀏𑀯𑀁 𑀓𑀸𑀧𑀼𑀧𑁆𑀨𑀁.

𑀧𑀸𑀤𑀺𑀧𑀼𑀩𑁆𑀩𑀧𑀤𑁄 𑀘 𑀦𑀺𑀘𑁆𑀘𑀲𑀫𑀸𑀲𑁄𑀯, 𑀧𑀓𑀝𑁆𑀞𑀁 𑀯𑀘𑀦𑀁 𑀧𑀸𑀯𑀘𑀦𑀁, 𑀤𑀻𑀖𑀢𑁆𑀢𑀁, 𑀧𑀓𑀝𑁆𑀞𑀁 𑀳𑀼𑀢𑁆𑀯𑀸 𑀦𑀻𑀢𑀁 𑀧𑀡𑀻𑀢𑀁, 𑀧𑀫𑀼𑀔𑀁 𑀳𑀼𑀢𑁆𑀯𑀸 𑀥𑀸𑀦𑀁 𑀧𑀥𑀸𑀦𑀁. 𑀏𑀯𑀁 𑀧𑀝𑁆𑀞𑀸𑀦𑀁, 𑀯𑀺𑀯𑀺𑀥𑀸 𑀫𑀢𑀺 𑀯𑀺𑀫𑀢𑀺, 𑀅𑀥𑀺𑀓𑁄 𑀤𑁂𑀯𑁄 𑀅𑀥𑀺𑀤𑁂𑀯𑁄, 𑀅𑀢𑀺𑀭𑁂𑀓𑁄 𑀯𑀺𑀲𑁂𑀲𑁄 𑀯𑀸 𑀥𑀫𑁆𑀫𑁄 𑀅𑀪𑀺𑀥𑀫𑁆𑀫𑁄, 𑀲𑀼𑀦𑁆𑀤𑀭𑁄 𑀕𑀦𑁆𑀥𑁄 𑀲𑀼𑀕𑀦𑁆𑀥𑁄, 𑀓𑀼𑀘𑁆𑀙𑀺𑀢𑁄 𑀕𑀦𑁆𑀥𑁄 𑀤𑀼𑀕𑁆𑀕𑀦𑁆𑀥𑁄. 𑀲𑁄𑀪𑀡𑀁 𑀓𑀢𑀁 𑀲𑀼𑀓𑀢𑀁, 𑀓𑀼𑀘𑁆𑀙𑀺𑀢𑀁 𑀓𑀢𑀁 𑀤𑀼𑀓𑁆𑀓𑀝𑀁, 𑀯𑀺𑀧𑀭𑀻𑀢𑁄 𑀧𑀣𑁄 𑀉𑀧𑁆𑀧𑀣𑁄. 𑀏𑀯𑀁 𑀉𑀫𑁆𑀫𑀕𑁆𑀕𑁄, 𑀉𑀤𑁆𑀥𑀫𑁆𑀫𑁄, 𑀉𑀩𑁆𑀩𑀺𑀦𑀬𑁄𑀇𑀘𑁆𑀘𑀸𑀤𑀺.

𑀅𑀬𑀫𑁆𑀧𑀺 𑀓𑀫𑁆𑀫𑀥𑀸𑀭𑀬𑀲𑀫𑀸𑀲𑁄 𑀅𑀪𑀺𑀥𑁂𑀬𑁆𑀬𑀯𑀘𑀦𑁄 𑀧𑀭𑀧𑀤𑀮𑀺𑀗𑁆𑀕𑁄 𑀘.

𑀓𑀫𑁆𑀫𑀥𑀸𑀭𑀬𑀲𑀫𑀸𑀲𑁄 𑀦𑀺𑀝𑁆𑀞𑀺𑀢𑁄.

𑀤𑀺𑀕𑀼𑀲𑀫𑀸𑀲

𑀅𑀣 ¶ 𑀤𑀺𑀕𑀼𑀲𑀗𑁆𑀔𑀸𑀢𑁄 𑀧𑀞𑀫𑀸𑀢𑀧𑁆𑀧𑀼𑀭𑀺𑀲𑁄 𑀯𑀼𑀘𑁆𑀘𑀢𑁂.

𑀤𑁆𑀯𑁂 𑀕𑀸𑀯𑁄 𑀤𑀺𑀕𑀼, 𑀲𑀗𑁆𑀔𑁆𑀬𑀸𑀧𑀼𑀩𑁆𑀩𑀢𑁆𑀢𑁂𑀦 𑀦𑀧𑀼𑀁𑀲𑀓𑁂𑀓𑀢𑁆𑀢𑁂𑀦 𑀘 𑀤𑀺𑀕𑀼𑀲𑀤𑁆𑀤𑀲𑀤𑀺𑀲𑀢𑁆𑀢𑀸 𑀲𑀩𑁆𑀩𑁄 𑀘𑀸𑀬𑀁 𑀲𑀫𑀸𑀲𑁄 𑀤𑀺𑀕𑀽𑀢𑀺 𑀯𑀼𑀘𑁆𑀘𑀢𑀺.

𑁩𑁫𑁨. 𑀲𑀗𑁆𑀔𑁆𑀬𑀸𑀤𑀺 [𑀓. 𑁩𑁨𑁧; 𑀭𑀽. 𑁩𑁪𑁯; 𑀦𑀻. 𑁬𑁯𑁯].

𑀲𑀫𑀸𑀳𑀸𑀭𑁂𑀓𑀢𑁆𑀣𑁂 𑀲𑀗𑁆𑀔𑁆𑀬𑀸𑀧𑀼𑀩𑁆𑀩𑀓𑀁 𑀏𑀓𑀢𑁆𑀣𑀁 𑀦𑀧𑀼𑀁𑀲𑀓𑀁 𑀳𑁄𑀢𑀺, 𑀲𑀫𑀸𑀳𑀸𑀭𑀯𑀘𑀦𑁂𑀦𑁂𑀯 𑀏𑀓𑀢𑁆𑀢𑀜𑁆𑀘 𑀲𑀺𑀤𑁆𑀥𑀁.

𑀤𑁆𑀯𑁂 𑀕𑀸𑀯𑁄 𑀤𑀺𑀕𑀼, ‘𑀕𑁄𑀲𑁆𑀲𑀽’𑀢𑀺 𑀲𑀼𑀢𑁆𑀢𑁂𑀦 𑀑𑀲𑁆𑀲 𑀉𑀢𑁆𑀢𑀁, 𑀢𑀬𑁄 𑀮𑁄𑀓𑀸 𑀢𑀺𑀮𑁄𑀓𑀁, 𑀢𑀬𑁄 𑀮𑁄𑀓𑀸 𑀜𑀸𑀡𑀲𑁆𑀫𑀺𑀁 𑀲𑀫𑀸𑀳𑀝𑀸 𑀲𑀫𑁆𑀧𑀺𑀡𑁆𑀟𑀺𑀢𑀸𑀢𑀺 𑀢𑀺𑀮𑁄𑀓𑀁, 𑀢𑀺𑀡𑁆𑀡𑀁 𑀮𑁄𑀓𑀸𑀦𑀁 𑀲𑀫𑀸𑀳𑀸𑀭𑁄𑀢𑀺 𑀢𑀺𑀮𑁄𑀓𑀁, 𑀢𑀬𑁄 𑀘 𑀢𑁂 𑀮𑁄𑀓𑀸 𑀘𑀸𑀢𑀺 𑀢𑀺𑀮𑁄𑀓𑀁. 𑀏𑀯𑀁 𑀢𑀺𑀪𑀯𑀁, 𑀢𑀺𑀧𑀼𑀭𑀺𑀲𑀁, 𑀢𑀻𑀡𑀺 𑀫𑀮𑀸𑀦𑀺 𑀢𑀺𑀫𑀮𑀁, 𑀢𑀺𑀭𑀢𑀦𑀁, 𑀢𑀺𑀲𑁆𑀲𑁄 𑀲𑀜𑁆𑀜𑀸𑀬𑁄𑀢𑀺𑀲𑀜𑁆𑀜𑀁, ‘𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄’𑀢𑀺 𑀭𑀲𑁆𑀲𑀢𑁆𑀢𑀁. 𑀘𑀢𑁆𑀢𑀸𑀭𑁄 𑀧𑀣𑀸 𑀘𑀢𑀼𑀧𑁆𑀧𑀣𑀁, 𑀘𑀢𑁆𑀢𑀸𑀭𑀺 𑀲𑀘𑁆𑀘𑀸𑀦𑀺 𑀘𑀢𑀼𑀲𑀘𑁆𑀘𑀁, 𑀘𑀢𑀲𑁆𑀲𑁄 𑀤𑀺𑀲𑀸 𑀘𑀢𑀼𑀤𑁆𑀤𑀺𑀲𑀁. 𑀏𑀯𑀁 𑀧𑀜𑁆𑀘𑀲𑀺𑀓𑁆𑀔𑀸𑀧𑀤𑀁, 𑀲𑀴𑀸𑀬𑀢𑀦𑀁, 𑀲𑀢𑁆𑀢𑀸𑀳𑀁, 𑀅𑀝𑁆𑀞𑀧𑀤𑀁, 𑀦𑀯𑀮𑁄𑀓𑀼𑀢𑁆𑀢𑀭𑀁, 𑀤𑀲𑀲𑀺𑀓𑁆𑀔𑀸𑀧𑀤𑀁, 𑀲𑀢𑀬𑁄𑀚𑀦𑀁, 𑀲𑀳𑀲𑁆𑀲𑀬𑁄𑀚𑀦𑀁 𑀇𑀘𑁆𑀘𑀸𑀤𑀺.

𑀇𑀫𑀲𑁆𑀫𑀺𑀁 𑀲𑀫𑀸𑀳𑀸𑀭𑀤𑀺𑀕𑀼𑀫𑁆𑀳𑀺 𑀲𑀩𑁆𑀩𑀁 𑀦𑀧𑀼𑀁𑀲𑀓𑀫𑁂𑀯 𑀭𑀲𑁆𑀲𑀦𑁆𑀢𑀫𑁂𑀯 𑀏𑀓𑀯𑀘𑀦𑀦𑁆𑀢𑀫𑁂𑀯 𑀘𑀸𑀢𑀺.

𑀅𑀲𑀫𑀸𑀳𑀸𑀭𑀤𑀺𑀕𑀼 [𑀭𑀽. 𑁩𑁫𑁦 𑀦𑀻. 𑁭𑁦𑁩] 𑀬𑀣𑀸? 𑀏𑀓𑁄 𑀧𑀼𑀕𑁆𑀕𑀮𑁄 𑀏𑀓𑀧𑀼𑀕𑁆𑀕𑀮𑁄, 𑀢𑀬𑁄 𑀪𑀯𑀸 𑀢𑀺𑀪𑀯𑀸, 𑀘𑀢𑀲𑁆𑀲𑁄 𑀤𑀺𑀲𑀸 𑀘𑀢𑀼𑀤𑁆𑀤𑀺𑀲𑀸 𑀇𑀘𑁆𑀘𑀸𑀤𑀺.

𑀲𑀗𑁆𑀔𑁆𑀬𑀸𑀞𑀸𑀦𑁂 𑀧𑀦 [𑀓. 𑁩𑁯𑁨; 𑀭𑀽. 𑁪𑁧𑁮; 𑀦𑀻. 𑁮𑁩𑁧] 𑀤𑁆𑀯𑁂 𑀲𑀢𑀸𑀦𑀺 𑀤𑁆𑀯𑀺𑀲𑀢𑀁. 𑀏𑀯𑀁 𑀢𑀺𑀲𑀢𑀁, 𑀘𑀢𑀼𑀲𑀢𑀁, 𑀧𑀜𑁆𑀘𑀲𑀢𑀁, 𑀙𑀲𑀢𑀁, 𑀲𑀢𑁆𑀢𑀲𑀢𑀁, 𑀅𑀝𑁆𑀞𑀲𑀢𑀁, 𑀦𑀯𑀲𑀢𑀁, 𑀤𑀲𑀲𑀢𑀁, 𑀤𑁆𑀯𑀺𑀲𑀳𑀲𑁆𑀲𑀁, 𑀢𑀺𑀲𑀳𑀲𑁆𑀲𑀁, 𑀘𑀢𑀼𑀲𑀳𑀲𑁆𑀲𑀁, 𑀧𑀜𑁆𑀘𑀲𑀳𑀲𑁆𑀲𑀁, 𑀤𑀲𑀲𑀳𑀲𑁆𑀲𑀁.

𑀤𑁆𑀯𑁂 ¶ 𑀲𑀢𑀲𑀳𑀲𑁆𑀲𑀸𑀦𑀺 𑀤𑁆𑀯𑀺𑀲𑀢𑀲𑀳𑀲𑁆𑀲𑀁. 𑀏𑀯𑀁 ‘‘𑀢𑀺𑀲𑀢𑀲𑀳𑀲𑁆𑀲𑀁, 𑀘𑀢𑀼𑀲𑀢𑀲𑀳𑀲𑁆𑀲𑀁, 𑀧𑀜𑁆𑀘𑀲𑀢𑀲𑀳𑀲𑁆𑀲’’𑀦𑁆𑀢𑀺 𑀯𑀸 ‘‘𑀤𑁆𑀯𑀺𑀲𑀢𑀸𑀦𑀺, 𑀤𑁆𑀯𑁂 𑀲𑀢𑀸𑀦𑀺, 𑀢𑀺𑀲𑀢𑀸𑀦𑀺, 𑀢𑀻𑀡𑀺 𑀲𑀢𑀸𑀦𑀺, 𑀘𑀢𑀼𑀲𑀢𑀸𑀦𑀺, 𑀘𑀢𑁆𑀢𑀸𑀭𑀺 𑀲𑀢𑀸𑀦𑀺, 𑀤𑁆𑀯𑀺𑀲𑀳𑀲𑁆𑀲𑀸𑀦𑀺, 𑀤𑁆𑀯𑁂 𑀲𑀳𑀲𑁆𑀲𑀸𑀦𑀺, 𑀢𑀺𑀲𑀳𑀲𑁆𑀲𑀸𑀦𑀺, 𑀢𑀻𑀡𑀺 𑀲𑀳𑀲𑁆𑀲𑀸𑀦𑀺, 𑀤𑁆𑀯𑀺𑀲𑀢𑀲𑀳𑀲𑁆𑀲𑀸𑀦𑀺, 𑀤𑁆𑀯𑁂 𑀲𑀢𑀲𑀳𑀲𑁆𑀲𑀸𑀦𑀻’’𑀢𑀺 𑀯𑀸 𑀏𑀯𑀁 𑀯𑀘𑀦𑀤𑁆𑀯𑀬𑀜𑁆𑀘 𑀯𑀸𑀓𑁆𑀬𑀜𑁆𑀘 𑀯𑁂𑀤𑀺𑀢𑀩𑁆𑀩𑀁. 𑀏𑀯𑀁 𑀲𑀢𑀲𑀳𑀲𑁆𑀲𑁂𑀧𑀻𑀢𑀺.

𑀏𑀢𑁆𑀣 𑀲𑀺𑀬𑀸 𑁋 𑀤𑀺𑀕𑀼 𑀦𑀸𑀫 𑀲𑀗𑁆𑀔𑁆𑀬𑀸𑀧𑀼𑀩𑁆𑀩𑀫𑁂𑀯 𑀲𑀺𑀬𑀸, 𑀇𑀫𑁂𑀲𑀼 𑀘 𑀲𑀩𑁆𑀩𑀁 𑀲𑀗𑁆𑀔𑁆𑀬𑀸𑀧𑀤𑀫𑁂𑀯 𑀳𑁄𑀢𑀻𑀢𑀺? 𑀤𑀺𑀕𑀼𑀫𑁆𑀳𑀺 𑀧𑀼𑀩𑁆𑀩𑀁 𑀲𑀗𑁆𑀔𑁆𑀬𑀸𑀧𑀤𑀫𑁂𑀯 𑀲𑀺𑀬𑀸, 𑀧𑀭𑀧𑀤𑀁 𑀧𑀦 𑀲𑀗𑁆𑀔𑁆𑀬𑀸𑀧𑀤𑀫𑁆𑀧𑀺 𑀅𑀜𑁆𑀜𑀫𑁆𑀧𑀺 𑀬𑀼𑀚𑁆𑀚𑀢𑀻𑀢𑀺.

𑀤𑀺𑀕𑀼𑀲𑀫𑀸𑀲𑁄 𑀦𑀺𑀝𑁆𑀞𑀺𑀢𑁄.

𑀩𑀳𑀼𑀩𑁆𑀩𑀻𑀳𑀺𑀲𑀫𑀸𑀲

𑀅𑀣 𑀩𑀳𑀼𑀩𑁆𑀩𑀻𑀳𑀺𑀲𑀫𑀸𑀲𑁄 𑀯𑀼𑀘𑁆𑀘𑀢𑁂.

𑀩𑀳𑀯𑁄 𑀯𑀻𑀳𑀬𑁄 𑀬𑀲𑁆𑀫𑀺𑀁 𑀤𑁂𑀲𑁂 𑀲𑁄𑀬𑀁 𑀩𑀳𑀼𑀩𑁆𑀩𑀻𑀳𑀺, 𑀢𑀸𑀤𑀺𑀲𑁄 𑀕𑀸𑀫𑁄 𑀯𑀸 𑀤𑁂𑀲𑁄 𑀯𑀸 𑀚𑀦𑀧𑀤𑁄 𑀯𑀸, 𑀩𑀳𑀼𑀩𑁆𑀩𑀻𑀳𑀺𑀲𑀤𑁆𑀤𑀲𑀤𑀺𑀲𑀢𑁆𑀢𑀸 𑀲𑀩𑁆𑀩𑁄 𑀘𑀸𑀬𑀁 𑀲𑀫𑀸𑀲𑁄 𑀩𑀳𑀼𑀩𑁆𑀩𑀻𑀳𑀻𑀢𑀺 𑀯𑀼𑀘𑁆𑀘𑀢𑀺. 𑀬𑀣𑀸 𑀳𑀺 𑀩𑀳𑀼𑀩𑁆𑀩𑀻𑀳𑀺𑀲𑀤𑁆𑀤𑁄 𑀲𑀫𑀸𑀲𑀧𑀤𑀢𑁆𑀣𑁂 𑀅𑀢𑀺𑀓𑁆𑀓𑀫𑁆𑀫 𑀕𑀸𑀫, 𑀤𑁂𑀲, 𑀚𑀦𑀧𑀤𑀇𑀘𑁆𑀘𑀸𑀤𑀻𑀦𑀁 𑀅𑀜𑁆𑀜𑁂𑀲𑀁 𑀧𑀤𑀸𑀦𑀁 𑀅𑀢𑁆𑀣𑁂𑀲𑀼 𑀢𑀺𑀝𑁆𑀞𑀢𑀺, 𑀢𑀣𑀸 𑀅𑀬𑀁 𑀲𑀫𑀸𑀲𑁄𑀧𑀺. 𑀅𑀜𑁆𑀜𑀧𑀤𑀢𑁆𑀣𑀧𑀥𑀸𑀦𑁄 𑀳𑀺 𑀩𑀳𑀼𑀩𑁆𑀩𑀻𑀳𑀺𑀲𑀫𑀸𑀲𑁄.

𑀲𑁄 𑀲𑀗𑁆𑀔𑁂𑀧𑁂𑀦 𑀤𑀼𑀯𑀺𑀥𑁄 𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄, 𑀅𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄 𑀘𑀸𑀢𑀺.

𑀢𑀢𑁆𑀣 ‘𑀕𑀼𑀡𑁄’𑀢𑀺 𑀅𑀧𑁆𑀧𑀥𑀸𑀦𑀪𑀽𑀢𑁄 𑀲𑀫𑀸𑀲𑀧𑀤𑀸𑀦𑀁 𑀅𑀢𑁆𑀣𑁄, 𑀲𑁄 𑀅𑀜𑁆𑀜𑀧𑀤𑀢𑁆𑀣𑀲𑁆𑀲 𑀯𑀺𑀲𑁂𑀲𑀦𑀪𑀽𑀢𑀢𑁆𑀢𑀸 𑀢𑀲𑁆𑀲 𑀅𑀜𑁆𑀜𑀧𑀤𑀢𑁆𑀣𑀲𑁆𑀲 𑀕𑀼𑀡𑁄𑀢𑀺 ¶ 𑀅𑀢𑁆𑀣𑁂𑀦 𑀢𑀕𑁆𑀕𑀼𑀡𑁄𑀢𑀺 𑀯𑀼𑀘𑁆𑀘𑀢𑀺, 𑀯𑀺𑀜𑁆𑀜𑀸𑀢𑀩𑁆𑀩𑁄𑀢𑀺 𑀯𑀺𑀜𑁆𑀜𑀸𑀡𑁄, 𑀅𑀜𑁆𑀜𑀧𑀤𑀢𑁆𑀣𑁄, 𑀢𑀕𑁆𑀕𑀼𑀡𑀁 𑀅𑀫𑀼𑀜𑁆𑀘𑀺𑀢𑁆𑀯𑀸 𑀢𑀕𑁆𑀕𑀼𑀡𑁂𑀦 𑀲𑀳𑁂𑀯 𑀯𑀺𑀜𑁆𑀜𑀸𑀡𑁄 𑀅𑀜𑁆𑀜𑀧𑀤𑀢𑁆𑀣𑁄 𑀬𑀲𑁆𑀫𑀺𑀦𑁆𑀢𑀺 𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄, 𑀦 𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄 𑀅𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄, 𑀬𑀢𑁆𑀣 𑀲𑀫𑀸𑀲𑀧𑀤𑀢𑁆𑀣𑁄 𑀅𑀯𑀬𑀯𑀪𑀸𑀯𑁂𑀦 𑀯𑀸 𑀲𑀳𑀯𑀺𑀥𑁂𑀬𑁆𑀬𑀪𑀸𑀯𑁂𑀦 𑀯𑀸 𑀅𑀜𑁆𑀜𑀧𑀤𑀢𑁆𑀣𑁂 𑀅𑀦𑁆𑀢𑁄𑀕𑀥𑁄 𑀳𑁄𑀢𑀺, 𑀲𑁄 𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄. 𑀬𑀣𑀸? 𑀙𑀺𑀦𑁆𑀦𑀳𑀢𑁆𑀣𑁄 𑀧𑀼𑀭𑀺𑀲𑁄, 𑀩𑀼𑀤𑁆𑀥𑀧𑁆𑀧𑀫𑀼𑀔𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀪𑀢𑁆𑀢𑀁 𑀤𑁂𑀢𑀺, 𑀲𑀧𑀼𑀢𑁆𑀢𑀤𑀸𑀭𑁄 𑀆𑀕𑀢𑁄, 𑀧𑀸𑀤𑀬𑁄 𑀉𑀧𑀲𑀕𑁆𑀕𑀸 𑀦𑀸𑀫𑀸𑀢𑀺.

𑀏𑀢𑁆𑀣 𑀘 ‘𑀩𑀼𑀤𑁆𑀥𑀧𑁆𑀧𑀫𑀼𑀔𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀪𑀢𑁆𑀢𑀁 𑀤𑁂𑀢𑀻’𑀢𑀺 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀘 𑀪𑀢𑁆𑀢𑀁 𑀤𑁂𑀢𑀺, 𑀧𑀫𑀼𑀔𑀪𑀽𑀢𑀲𑁆𑀲 𑀩𑀼𑀤𑁆𑀥𑀲𑁆𑀲 𑀘 𑀪𑀢𑁆𑀢𑀁 𑀤𑁂𑀢𑀻𑀢𑀺 𑀅𑀢𑁆𑀣𑁄. ‘𑀲𑀧𑀼𑀢𑁆𑀢𑀤𑀸𑀭𑁄 𑀆𑀕𑀢𑁄’𑀢𑀺 𑀧𑀼𑀢𑁆𑀢𑀤𑀸𑀭𑀸 𑀘 𑀆𑀕𑀢𑀸, 𑀧𑀼𑀭𑀺𑀲𑁄 𑀘 𑀆𑀕𑀢𑁄𑀢𑀺 𑀅𑀢𑁆𑀣𑁄. ‘𑀧𑀸𑀤𑀬𑁄 𑀉𑀧𑀲𑀕𑁆𑀕𑀸 𑀦𑀸𑀫𑀸’𑀢𑀺 𑀧-𑀓𑀸𑀭𑁄 𑀘 𑀉𑀧𑀲𑀕𑁆𑀕𑁄 𑀦𑀸𑀫, 𑀧𑀭𑀸𑀤𑀬𑁄 𑀘 𑀉𑀧𑀲𑀕𑁆𑀕𑀸 𑀦𑀸𑀫𑀸𑀢𑀺 𑀅𑀢𑁆𑀣𑁄. 𑀏𑀯𑀁 𑀬𑁄𑀚𑀦𑀸𑀭𑀳𑀢𑀸 𑀅𑀜𑁆𑀜𑀧𑀤𑀢𑁆𑀣𑁂𑀦 𑀲𑀳 𑀲𑀫𑀸𑀲𑀧𑀤𑀢𑁆𑀣𑀲𑁆𑀲 𑀯𑀺𑀥𑁂𑀬𑁆𑀬𑀢𑀸 𑀦𑀸𑀫𑀸𑀢𑀺.

𑀅𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄 𑀬𑀣𑀸? 𑀤𑀺𑀦𑁆𑀦𑀲𑀼𑀗𑁆𑀓𑁄 𑀭𑀸𑀚𑀸 𑀤𑀸𑀦𑀁 𑀤𑁂𑀢𑀺, 𑀧𑀩𑁆𑀩𑀢𑀸𑀤𑀻𑀦𑀺 𑀔𑁂𑀢𑁆𑀢𑀸𑀦𑀺 𑀓𑀲𑁆𑀲𑀢𑀺 𑀇𑀘𑁆𑀘𑀸𑀤𑀺. 𑀇𑀫𑁂𑀲𑀼 𑀧𑀦 𑀲𑀫𑀸𑀲𑀧𑀤𑀢𑁆𑀣𑁄 𑀅𑀯𑀺𑀥𑁂𑀬𑁆𑀬𑁄, 𑀅𑀜𑁆𑀜𑀧𑀤𑀢𑁆𑀣𑁄 𑀏𑀯 𑀯𑀺𑀥𑁂𑀬𑁆𑀬𑁄.

𑀧𑀞𑀫𑀸𑀩𑀳𑀼𑀩𑁆𑀩𑀻𑀳𑀺

𑀧𑀞𑀫𑀸𑀩𑀳𑀼𑀩𑁆𑀩𑀻𑀳𑀺, 𑀤𑀼𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺, 𑀢𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺, 𑀘𑀢𑀼𑀢𑁆𑀣𑀻𑀩𑀳𑀼𑀩𑁆𑀩𑀻𑀳𑀺, 𑀧𑀜𑁆𑀘𑀫𑀻𑀩𑀳𑀼𑀩𑁆𑀩𑀻𑀳𑀺, 𑀙𑀝𑁆𑀞𑀻𑀩𑀳𑀼𑀩𑁆𑀩𑀻𑀳𑀺, 𑀲𑀢𑁆𑀢𑀫𑀻𑀩𑀳𑀼𑀩𑁆𑀩𑀻𑀳𑀺 𑀘𑀸𑀢𑀺 𑀲𑀢𑁆𑀢𑀯𑀺𑀥𑁄.

𑀢𑀢𑁆𑀣 𑀧𑀞𑀫𑀸𑀩𑀳𑀼𑀩𑁆𑀩𑀻𑀳𑀺 𑀲𑀳𑀧𑀼𑀩𑁆𑀩𑀧𑀤, 𑀉𑀧𑀫𑀸𑀦𑀧𑀼𑀩𑁆𑀩𑀧𑀤, 𑀲𑀗𑁆𑀔𑁆𑀬𑁄𑀪𑀬𑀧𑀤, 𑀤𑀺𑀲𑀦𑁆𑀢𑀭𑀸𑀴𑀢𑁆𑀣, 𑀩𑁆𑀬𑀢𑀺𑀳𑀸𑀭𑀮𑀓𑁆𑀔𑀡𑀯𑀲𑁂𑀦 𑀧𑀜𑁆𑀘𑀯𑀺𑀥𑁄.

𑀢𑀢𑁆𑀣 𑁋

𑁩𑁫𑁩. 𑀯𑀸𑀦𑁂𑀓𑀫𑀜𑁆𑀜𑀢𑁆𑀣𑁂 [𑀓. 𑁩𑁨𑁮; 𑀭𑀽. 𑁩𑁫𑁨; 𑀦𑀻. 𑁭𑁦𑁮].

𑀅𑀦𑁂𑀓𑀁 ¶ 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁 𑀅𑀜𑁆𑀜𑀧𑀤𑀲𑁆𑀲 𑀅𑀢𑁆𑀣𑁂 𑀯𑀺𑀓𑀧𑁆𑀧𑁂𑀦 𑀏𑀓𑀢𑁆𑀣𑀁 𑀳𑁄𑀢𑀺.

𑀲𑀳 𑀯𑀺𑀢𑀓𑁆𑀓𑁂𑀦𑀸𑀢𑀺 𑀲𑀯𑀺𑀢𑀓𑁆𑀓𑁄, 𑀯𑀺𑀢𑀓𑁆𑀓𑁂𑀦 𑀲𑀳 𑀬𑁄 𑀯𑀢𑁆𑀢𑀢𑀻𑀢𑀺 𑀯𑀸 𑀲𑀯𑀺𑀢𑀓𑁆𑀓𑁄, 𑀲𑀫𑀸𑀥𑀺.

𑀏𑀢𑁆𑀣 𑀘 ‘𑀲𑀳 𑀯𑀺𑀢𑀓𑁆𑀓𑁂𑀦𑀸’𑀢𑀺 𑀏𑀢𑁆𑀣 𑀧𑀞𑀫𑀸𑀯𑀺𑀪𑀢𑁆𑀢𑀺𑀬𑀸 𑀅𑀢𑁆𑀣𑀪𑀽𑀢𑁄 𑀅𑀜𑁆𑀜𑀧𑀤𑀢𑁆𑀣𑁄 𑀯𑀸𑀓𑁆𑀬𑀲𑀸𑀫𑀢𑁆𑀣𑀺𑀬𑁂𑀦 𑀲𑀺𑀚𑁆𑀛𑀢𑀺. 𑀦 𑀳𑀺 𑀓𑁆𑀭𑀺𑀬𑀸𑀓𑀸𑀭𑀓𑀭𑀳𑀺𑀢𑀁 𑀯𑀸𑀓𑁆𑀬𑀁 𑀦𑀸𑀫 𑀲𑀫𑁆𑀪𑀯𑀢𑀺, 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀲𑀳𑀧𑀤, 𑀯𑀺𑀢𑀓𑁆𑀓𑀧𑀤𑀸𑀦𑀁 𑀲𑀫𑀸𑀥𑀺𑀲𑀗𑁆𑀔𑀸𑀢𑁂𑀦 𑀅𑀜𑁆𑀜𑀧𑀤𑀢𑁆𑀣𑁂𑀦 𑀏𑀓𑀢𑁆𑀣𑀻𑀪𑀸𑀯𑁄 𑀳𑁄𑀢𑀺, 𑀏𑀓𑀢𑁆𑀣𑀻𑀪𑀸𑀯𑁂 𑀘 𑀳𑁄𑀦𑁆𑀢𑁂 𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀅𑀜𑁆𑀜𑀧𑀤𑀸𑀦𑀁 𑀯𑀺𑀪𑀢𑁆𑀢𑀻𑀦𑀜𑁆𑀘 𑀲𑀩𑁆𑀩𑁂 𑀅𑀢𑁆𑀣𑀸 𑀏𑀓𑀢𑁆𑀣𑀪𑀽𑀢𑁂𑀦 𑀲𑀫𑀸𑀲𑁂𑀦 𑀯𑀼𑀢𑁆𑀢𑀸 𑀦𑀸𑀫 𑀳𑁄𑀦𑁆𑀢𑀺, 𑀅𑀜𑁆𑀜𑀧𑀤𑀸𑀦𑀺 𑀘 𑀯𑀺𑀪𑀢𑁆𑀢𑀺𑀬𑁄 𑀘 𑀯𑀼𑀢𑁆𑀢𑀢𑁆𑀣𑀸 𑀦𑀸𑀫, 𑀯𑀼𑀢𑁆𑀢𑀢𑁆𑀣𑀸𑀦𑀜𑁆𑀘 𑀅𑀢𑁆𑀣𑀭𑀳𑀺𑀢𑀢𑁆𑀢𑀸 𑀧𑀬𑁄𑀕𑀓𑀺𑀘𑁆𑀘𑀁 𑀦𑀢𑁆𑀣𑀺, 𑀢𑀲𑁆𑀫𑀸 ‘𑀏𑀓𑀢𑁆𑀣𑀢𑀸𑀬’𑀦𑁆𑀢𑀺 𑀲𑀼𑀢𑁆𑀢𑁂𑀦 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄, 𑀏𑀯𑀁 𑀲𑀩𑁆𑀩𑀲𑀫𑀸𑀲𑁂𑀲𑀼 𑀯𑀸𑀓𑁆𑀬𑁂𑀤𑀺𑀲𑁆𑀲𑀫𑀸𑀦𑀸𑀦𑀁 𑀬, 𑀢, 𑀏𑀢, 𑀇𑀫, 𑀇𑀢𑀺, 𑀏𑀯, 𑀇𑀯, 𑀯𑀺𑀬, 𑀘, 𑀯𑀸𑀇𑀘𑁆𑀘𑀸𑀤𑀻𑀦𑀁 𑀅𑀜𑁆𑀜𑀧𑀤𑀸𑀦𑀁 𑀫𑀳𑀸𑀯𑀼𑀢𑁆𑀢𑀺𑀲𑀼𑀢𑁆𑀢𑁂𑀦 𑀮𑁄𑀧𑁄, 𑀯𑀺𑀪𑀢𑁆𑀢𑀻𑀦𑀜𑁆𑀘 𑀮𑁄𑀧𑁂 𑀲𑀢𑀺 𑀲𑀭𑀦𑁆𑀢𑀸𑀦𑀁 𑀩𑁆𑀬𑀜𑁆𑀚𑀦𑀦𑁆𑀢𑀸𑀦𑀜𑁆𑀘 𑀲𑀫𑀸𑀲𑀧𑀤𑀸𑀦𑀁 𑀲𑀬𑀫𑁂𑀯 𑀧𑀓𑀢𑀺𑀪𑀸𑀯𑁄, 𑀇𑀥 𑀧𑀦 ‘𑀲𑀳𑀲𑁆𑀲 𑀲𑁄𑀜𑁆𑀜𑀢𑁆𑀣𑁂’𑀢𑀺 𑀲𑀼𑀢𑁆𑀢𑁂𑀦 𑀲𑀳𑀲𑀤𑁆𑀤𑀲𑁆𑀲 𑀲𑀢𑁆𑀢𑀁, 𑀢𑀢𑁄 𑀲𑁆𑀬𑀸𑀤𑁆𑀬𑀼𑀧𑁆𑀧𑀢𑁆𑀢𑀺, 𑀲𑀯𑀺𑀢𑀓𑁆𑀓𑁄 𑀲𑀫𑀸𑀥𑀺, 𑀲𑀯𑀺𑀢𑀓𑁆𑀓𑀸 𑀲𑀫𑀸𑀥𑀬𑁄, 𑀲𑀯𑀺𑀢𑀓𑁆𑀓𑀸 𑀧𑀜𑁆𑀜𑀸, 𑀲𑀯𑀺𑀢𑀓𑁆𑀓𑀸 𑀧𑀜𑁆𑀜𑀸𑀬𑁄, 𑀲𑀯𑀺𑀢𑀓𑁆𑀓𑀁 𑀛𑀸𑀦𑀁, 𑀲𑀯𑀺𑀢𑀓𑁆𑀓𑀸𑀦𑀺 𑀛𑀸𑀦𑀸𑀦𑀺 𑀇𑀘𑁆𑀘𑀸𑀤𑀺𑀦𑀸 𑀲𑀩𑁆𑀩𑀮𑀺𑀗𑁆𑀕, 𑀯𑀺𑀪𑀢𑁆𑀢𑀺, 𑀯𑀘𑀦𑁂𑀳𑀺 𑀬𑁄𑀚𑁂𑀢𑁆𑀯𑀸 𑀧𑀬𑁄𑀕𑀲𑀺𑀤𑁆𑀥𑀺 𑀯𑁂𑀤𑀺𑀢𑀩𑁆𑀩𑀸.

𑀉𑀧𑀫𑀸𑀦𑀧𑀼𑀩𑁆𑀩𑀧𑀤𑁄 𑀬𑀣𑀸? 𑀓𑀸𑀬𑀩𑁆𑀬𑀸𑀫𑀸𑀦𑀁 𑀲𑀫𑀧𑀫𑀸𑀡𑀢𑁆𑀢𑀸 𑀦𑀺𑀕𑁆𑀭𑁄𑀥𑁄 𑀇𑀯 𑀧𑀭𑀺𑀫𑀡𑁆𑀟𑀮𑁄 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄, 𑀦𑀺𑀕𑁆𑀭𑁄𑀥𑁄 𑀇𑀯 𑀯𑀸 𑀧𑀭𑀺𑀫𑀡𑁆𑀟𑀮𑁄 𑀬𑁄 𑀳𑁄𑀢𑀻𑀢𑀺 𑀲𑁄 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄, 𑀭𑀸𑀚𑀓𑀼𑀫𑀸𑀭𑁄, 𑀲𑀗𑁆𑀔𑁄 𑀇𑀯 𑀧𑀡𑁆𑀟𑀭𑁄 𑀲𑀗𑁆𑀔𑀧𑀡𑁆𑀟𑀭𑁄, 𑀓𑀸𑀓𑁄 ¶ 𑀇𑀯 𑀲𑀽𑀭𑁄 𑀓𑀸𑀓𑀲𑀽𑀭𑁄, 𑀲𑀢𑁆𑀢𑀸𑀦𑀁 𑀧𑀜𑁆𑀜𑀸𑀘𑀓𑁆𑀔𑀼𑀧𑀝𑀺𑀮𑀸𑀪𑀓𑀭𑀡𑁂𑀦 𑀢𑁂𑀲𑀁 𑀘𑀓𑁆𑀔𑀼 𑀯𑀺𑀬 𑀪𑀽𑀢𑁄𑀢𑀺 𑀘𑀓𑁆𑀔𑀼𑀪𑀽𑀢𑁄, 𑀮𑁄𑀓𑀼𑀢𑁆𑀢𑀭𑀥𑀫𑁆𑀫𑀧𑀝𑀺𑀮𑀸𑀪𑀓𑀭𑀡𑁂𑀦 𑀢𑁂𑀲𑀁 𑀥𑀫𑁆𑀫𑁄 𑀯𑀺𑀬 𑀪𑀽𑀢𑁄𑀢𑀺 𑀥𑀫𑁆𑀫𑀪𑀽𑀢𑁄, 𑀦𑀺𑀘𑁆𑀘𑀲𑁄𑀫𑁆𑀫𑀳𑀤𑀬𑀢𑀸𑀬 𑀩𑁆𑀭𑀳𑁆𑀫𑀸 𑀯𑀺𑀬 𑀪𑀽𑀢𑁄𑀢𑀺 𑀩𑁆𑀭𑀳𑁆𑀫𑀪𑀽𑀢𑁄, 𑀅𑀦𑁆𑀥𑁄 𑀯𑀺𑀬 𑀪𑀽𑀢𑁄 𑀅𑀬𑀦𑁆𑀢𑀺 𑀅𑀦𑁆𑀥𑀪𑀽𑀢𑁄 𑀇𑀘𑁆𑀘𑀸𑀤𑀺.

𑀲𑀗𑁆𑀔𑁆𑀬𑁄𑀪𑀬𑀧𑀤𑁄 𑀬𑀣𑀸? 𑀤𑁆𑀯𑁂 𑀯𑀸 𑀢𑀬𑁄 𑀯𑀸 𑀧𑀢𑁆𑀢𑀸 𑀤𑁆𑀯𑀺𑀢𑁆𑀢𑀺𑀧𑁆𑀧𑀢𑁆𑀢𑀸, 𑀇𑀥 𑀯𑀸𑀲𑀤𑁆𑀤𑀸𑀬𑁂𑀯 𑀅𑀜𑁆𑀜𑀧𑀤𑀸𑀦𑀺 𑀦𑀸𑀫, 𑀅𑀦𑀺𑀬𑀫𑀪𑀽𑀢𑁄 𑀢𑁂𑀲𑀁 𑀅𑀢𑁆𑀣𑁄 𑀅𑀜𑁆𑀜𑀧𑀤𑀢𑁆𑀣𑁄 𑀦𑀸𑀫. 𑀤𑁆𑀯𑀻𑀳𑀁 𑀯𑀸 𑀢𑀻𑀳𑀁 𑀯𑀸 𑀤𑁆𑀯𑀻𑀳𑀢𑀻𑀳𑀁, 𑀙 𑀯𑀸 𑀧𑀜𑁆𑀘 𑀯𑀸 𑀯𑀸𑀘𑀸 𑀙𑀧𑁆𑀧𑀜𑁆𑀘𑀯𑀸𑀘𑀸. 𑀏𑀯𑀁 𑀲𑀢𑁆𑀢𑀝𑁆𑀞𑀫𑀸𑀲𑀸, 𑀏𑀓𑀬𑁄𑀚𑀦𑀤𑁆𑀯𑀺𑀬𑁄𑀚𑀦𑀸𑀦𑀺 𑀇𑀘𑁆𑀘𑀸𑀤𑀺.

𑀤𑀺𑀲𑀦𑁆𑀢𑀭𑀸𑀴𑀢𑁆𑀣𑁄 𑀬𑀣𑀸? 𑀤𑀓𑁆𑀔𑀺𑀡𑀲𑁆𑀲𑀸 𑀘 𑀧𑀼𑀩𑁆𑀩𑀲𑁆𑀲𑀸 𑀘 𑀬𑀤𑀦𑁆𑀢𑀭𑀸𑀴𑀁 𑀳𑁄𑀢𑀺 𑀲𑀸 𑀤𑀓𑁆𑀔𑀺𑀡𑀧𑀼𑀩𑁆𑀩𑀸. 𑀏𑀯𑀁 𑀧𑀼𑀩𑁆𑀩𑀼𑀢𑁆𑀢𑀭𑀸, 𑀧𑀘𑁆𑀙𑀺𑀫𑀼𑀢𑁆𑀢𑀭𑀸, 𑀅𑀧𑀭𑀤𑀓𑁆𑀔𑀺𑀡𑀸, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀧𑀼𑀩𑁆𑀩𑀧𑀤𑁂 𑀭𑀲𑁆𑀲𑀢𑁆𑀢𑀁. 𑀤𑀓𑁆𑀔𑀺𑀡𑀸 𑀘 𑀲𑀸 𑀧𑀼𑀩𑁆𑀩𑀸 𑀘𑀸𑀢𑀺 𑀤𑀓𑁆𑀔𑀺𑀡𑀧𑀼𑀩𑁆𑀩𑀸 𑀇𑀘𑁆𑀘𑀸𑀤𑀺𑀦𑀸 𑀓𑀫𑁆𑀫𑀥𑀸𑀭𑀬𑁄𑀧𑀺 𑀬𑀼𑀚𑁆𑀚𑀢𑀺.

𑀩𑁆𑀬𑀢𑀺𑀳𑀸𑀭𑀮𑀓𑁆𑀔𑀡𑁂 [𑀓. 𑁩𑁨𑁮; 𑀭𑀽. 𑁩𑁫𑁨; 𑀦𑀻. 𑁭𑁦𑁮] 𑁋

𑁩𑁫𑁪. 𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀲𑀭𑀽𑀧𑀁.

𑀲𑀢𑁆𑀢𑀫𑁆𑀬𑀦𑁆𑀢𑀁 𑀢𑀢𑀺𑀬𑀦𑁆𑀢𑀜𑁆𑀘 𑀲𑀫𑀸𑀦𑀭𑀽𑀧𑀁 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁 𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀅𑀜𑁆𑀜𑀧𑀤𑀢𑁆𑀣𑁂 𑀏𑀓𑀢𑁆𑀣𑀁 𑀳𑁄𑀢𑀺 𑀯𑀸.

𑁩𑁫𑁫. 𑀗𑀺 𑀯𑀻𑀢𑀺𑀳𑀸𑀭𑁂 [𑀓. 𑁪𑁦𑁪; 𑀭𑀽. 𑁩𑁭𑁦].

𑀅𑀜𑁆𑀜𑀧𑀤𑀢𑁆𑀣𑀯𑀺𑀲𑀬𑁂 𑀓𑁆𑀭𑀺𑀬𑀸𑀩𑁆𑀬𑀢𑀺𑀳𑀸𑀭𑁂 𑀕𑀫𑁆𑀬𑀫𑀸𑀦𑁂 𑀧𑀤𑀦𑁆𑀢𑁂 𑀗𑀸𑀦𑀼𑀩𑀦𑁆𑀥𑁄 𑀇𑀧𑀘𑁆𑀘𑀬𑁄 𑀳𑁄𑀢𑀺, 𑀏𑀢𑁆𑀣 𑀇𑀓𑀸𑀭𑁄 𑀭𑀲𑁆𑀲𑁄 𑀏𑀯.

𑁩𑁫𑁬. 𑀗𑀺 𑀲𑁆𑀫𑀺𑀁𑀘 [𑀓. 𑁪𑁦𑁩; 𑀭𑀽. 𑁩𑁫𑁪].

𑀯𑀺𑀧𑀘𑁆𑀘𑀬𑀦𑁆𑀢𑁂 ¶ 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀧𑀼𑀩𑁆𑀩𑀧𑀤𑀦𑁆𑀢𑀲𑁆𑀲 𑀆𑀢𑁆𑀢𑀁 𑀳𑁄𑀢𑀺.

𑀓𑁂𑀲𑁂𑀲𑀼 𑀘 𑀓𑁂𑀲𑁂𑀲𑀼 𑀘 𑀕𑀳𑁂𑀢𑁆𑀯𑀸 𑀇𑀤𑀁 𑀬𑀼𑀤𑁆𑀥𑀁 𑀧𑀯𑀢𑁆𑀢𑀢𑀻𑀢𑀺 𑀓𑁂𑀲𑀸𑀓𑁂𑀲𑀺, 𑀤𑀡𑁆𑀟𑁂𑀳𑀺 𑀘 𑀤𑀡𑁆𑀟𑁂𑀳𑀺 𑀘 𑀧𑀳𑀭𑀺𑀢𑁆𑀯𑀸 𑀇𑀤𑀁 𑀬𑀼𑀤𑁆𑀥𑀁 𑀧𑀯𑀢𑁆𑀢𑀢𑀻𑀢𑀺 𑀤𑀡𑁆𑀟𑀸𑀤𑀡𑁆𑀟𑀺. 𑀏𑀯𑀁 𑀫𑀼𑀝𑁆𑀞𑀸𑀫𑀼𑀝𑁆𑀞𑀺, 𑀫𑀼𑀲𑀮𑀸𑀫𑀼𑀲𑀮𑀺.

𑀇𑀢𑀺 𑀧𑀞𑀫𑀸𑀩𑀳𑀼𑀩𑁆𑀩𑀻𑀳𑀺.

𑀤𑀼𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺

𑀆𑀕𑀢𑀸 𑀲𑀫𑀡𑀸 𑀇𑀫𑀁 𑀲𑀗𑁆𑀖𑀸𑀭𑀸𑀫𑀁 𑀲𑁄𑀬𑀁 𑀆𑀕𑀢𑀲𑀫𑀡𑁄, 𑀲𑀗𑁆𑀖𑀸𑀭𑀸𑀫𑁄. 𑀏𑀢𑁆𑀣 𑀘 𑀲𑀫𑀸𑀲𑀧𑀤𑀲𑁆𑀲 𑀅𑀢𑁆𑀣𑁄 𑀤𑀼𑀯𑀺𑀥𑁄 𑀯𑀸𑀘𑁆𑀘𑀢𑁆𑀣𑁄, 𑀅𑀪𑀺𑀥𑁂𑀬𑁆𑀬𑀢𑁆𑀣𑁄 𑀘𑀸𑀢𑀺.

𑀢𑀢𑁆𑀣 𑀲𑀗𑁆𑀖𑀸𑀭𑀸𑀫𑀲𑁆𑀲 𑀲𑀫𑀡𑁂𑀳𑀺 𑀧𑀢𑁆𑀢𑀩𑁆𑀩𑀪𑀸𑀯𑀲𑀗𑁆𑀔𑀸𑀢𑀸 𑀓𑀫𑁆𑀫𑀲𑀢𑁆𑀢𑀺 𑀯𑀸𑀘𑁆𑀘𑀢𑁆𑀣𑁄 𑀦𑀸𑀫, 𑀲𑀢𑁆𑀢𑀺𑀫𑀦𑁆𑀢𑀪𑀽𑀢𑁄 𑀲𑀗𑁆𑀖𑀸𑀭𑀸𑀫𑁄 𑀅𑀪𑀺𑀥𑁂𑀬𑁆𑀬𑀢𑁆𑀣𑁄 𑀦𑀸𑀫.

𑀢𑀢𑁆𑀣 𑀆𑀕𑀢𑀲𑀫𑀡𑀲𑀤𑁆𑀤𑁄 𑀯𑀸𑀘𑁆𑀘𑀢𑁆𑀣𑀫𑁂𑀯 𑀉𑀚𑀼𑀁 𑀯𑀤𑀢𑀺, 𑀦 𑀅𑀪𑀺𑀥𑁂𑀬𑁆𑀬𑀢𑁆𑀣𑀁, 𑀆𑀕𑀢𑀲𑀫𑀡𑁄𑀢𑀺 𑀲𑀼𑀢𑁆𑀯𑀸 𑀲𑀫𑀡𑁂𑀳𑀺 𑀧𑀢𑁆𑀢𑀩𑁆𑀩𑀪𑀸𑀯𑀫𑀢𑁆𑀢𑀁 𑀚𑀸𑀦𑀸𑀢𑀺, 𑀲𑀗𑁆𑀖𑀸𑀭𑀸𑀫𑀤𑀩𑁆𑀩𑀁 𑀦 𑀚𑀸𑀦𑀸𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺, 𑀢𑀲𑁆𑀫𑀸 𑀢𑀲𑁆𑀲𑀁 𑀅𑀪𑀺𑀥𑁂𑀬𑁆𑀬𑀢𑁆𑀣𑁄 𑀅𑀜𑁆𑀜𑁂𑀦 𑀲𑀗𑁆𑀖𑀸𑀭𑀸𑀫𑀲𑀤𑁆𑀤𑁂𑀦 𑀆𑀘𑀺𑀓𑁆𑀔𑀺𑀬𑀢𑀺, 𑀯𑀸𑀘𑁆𑀘𑀢𑁆𑀣𑀲𑁆𑀲 𑀧𑀦 𑀢𑁂𑀦 𑀉𑀚𑀼𑀁 𑀯𑀼𑀢𑁆𑀢𑀢𑁆𑀢𑀸 𑀧𑀼𑀦 𑀯𑀢𑁆𑀢𑀩𑁆𑀩𑀸𑀪𑀸𑀯𑀢𑁄 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺𑀬𑀸 𑀆𑀘𑀺𑀓𑁆𑀔𑀦𑀓𑀺𑀘𑁆𑀘𑀁 𑀦𑀢𑁆𑀣𑀺, 𑀢𑀲𑁆𑀫𑀸 𑀲𑀗𑁆𑀖𑀸𑀭𑀸𑀫𑀧𑀤𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺𑀲𑀫𑁆𑀪𑀯𑁄 𑀦𑀢𑁆𑀣𑀺, 𑀮𑀺𑀗𑁆𑀕𑀢𑁆𑀣𑀫𑀢𑁆𑀢𑀯𑀺𑀲𑀬𑀸 𑀧𑀞𑀫𑀸𑀯𑀺𑀪𑀢𑁆𑀢𑀺 𑀏𑀯 𑀧𑀯𑀢𑁆𑀢𑀢𑀺, 𑀧𑀼𑀦 𑀧𑀤𑀦𑁆𑀢𑀭𑀲𑀫𑁆𑀩𑀦𑁆𑀥𑁂 𑀲𑀢𑀺 ‘‘𑀲𑀗𑁆𑀖𑀸𑀭𑀸𑀫𑀁 𑀧𑀲𑁆𑀲𑀢𑀺 𑀆𑀕𑀢𑀲𑀫𑀡𑀁, 𑀲𑀗𑁆𑀖𑀸𑀭𑀸𑀫𑁂𑀦 𑀕𑀸𑀫𑁄 𑀲𑁄𑀪𑀢𑀺 𑀆𑀕𑀢𑀲𑀫𑀡𑁂𑀦, 𑀲𑀗𑁆𑀖𑀸𑀭𑀸𑀫𑀲𑁆𑀲 𑀧𑀽𑀚𑁂𑀢𑀺 𑀆𑀕𑀢𑀲𑀫𑀡𑀲𑁆𑀲𑀸’’𑀢𑀺𑀆𑀤𑀺𑀦𑀸 𑀢𑀢𑁄 𑀲𑀩𑁆𑀩𑀸 𑀯𑀺𑀪𑀢𑁆𑀢𑀺𑀬𑁄 ¶ 𑀧𑀯𑀢𑁆𑀢𑀦𑁆𑀢𑀺. 𑀏𑀲 𑀦𑀬𑁄 𑀲𑀩𑁆𑀩𑁂𑀲𑀼 𑀯𑀸𑀘𑀓𑀧𑀤𑁂𑀲𑀼 𑀦𑁂𑀢𑀩𑁆𑀩𑁄𑀢𑀺.

𑀆𑀕𑀢𑀲𑀫𑀡𑀸 𑀲𑀸𑀯𑀢𑁆𑀣𑀺, 𑀆𑀕𑀢𑀲𑀫𑀡𑀁 𑀚𑁂𑀢𑀯𑀦𑀁, 𑀆𑀕𑀘𑁆𑀙𑀦𑁆𑀢𑀺 𑀲𑀫𑀡𑀸 𑀇𑀫𑀦𑁆𑀢𑀺 𑀯𑀸 𑀆𑀕𑀢𑀲𑀫𑀡𑁄, 𑀯𑀺𑀳𑀸𑀭𑁄. 𑀆𑀭𑀽𑀴𑁆𑀳𑀸 𑀯𑀸𑀦𑀭𑀸 𑀇𑀫𑀁 𑀭𑀼𑀓𑁆𑀔𑀦𑁆𑀢𑀺 𑀆𑀭𑀽𑀴𑁆𑀳𑀯𑀸𑀦𑀭𑁄, 𑀭𑀼𑀓𑁆𑀔𑁄. 𑀲𑀫𑁆𑀧𑀢𑁆𑀢𑀸 𑀕𑀸𑀫𑀺𑀓𑀸 𑀬𑀁 𑀕𑀸𑀫𑀦𑁆𑀢𑀺 𑀲𑀫𑁆𑀧𑀢𑁆𑀢𑀕𑀸𑀫𑀺𑀓𑁄. 𑀏𑀯𑀁 𑀧𑀯𑀺𑀝𑁆𑀞𑀕𑀸𑀫𑀺𑀓𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀤𑀼𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺.

𑀢𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺

𑀚𑀺𑀢𑀸𑀦𑀺 𑀇𑀦𑁆𑀤𑁆𑀭𑀺𑀬𑀸𑀦𑀺 𑀬𑁂𑀦𑀸𑀢𑀺 𑀚𑀺𑀢𑀺𑀦𑁆𑀤𑁆𑀭𑀺𑀬𑁄, 𑀲𑀫𑀡𑁄. 𑀤𑀺𑀝𑁆𑀞𑁄 𑀘𑀢𑀼𑀲𑀘𑁆𑀘𑀥𑀫𑁆𑀫𑁄 𑀬𑁂𑀦𑀸𑀢𑀺 𑀤𑀺𑀝𑁆𑀞𑀥𑀫𑁆𑀫𑁄. 𑀏𑀯𑀁 𑀧𑀢𑁆𑀢𑀥𑀫𑁆𑀫𑁄, 𑀯𑀺𑀤𑀺𑀢𑀥𑀫𑁆𑀫𑁄, 𑀧𑀭𑀺𑀬𑁄𑀕𑀸𑀴𑁆𑀳𑀥𑀫𑁆𑀫𑁄, 𑀓𑀢𑀸𑀦𑀺 𑀘𑀢𑀼𑀫𑀕𑁆𑀕𑀓𑀺𑀘𑁆𑀘𑀸𑀦𑀺 𑀬𑁂𑀦𑀸𑀢𑀺 𑀓𑀢𑀓𑀺𑀘𑁆𑀘𑁄, 𑀩𑀳𑀼𑀯𑀘𑀦𑁂 𑀲𑀢𑀺 𑀓𑀢𑀸𑀦𑀺 𑀓𑀺𑀘𑁆𑀘𑀸𑀦𑀺 𑀬𑁂𑀳𑀺 𑀢𑁂 𑀓𑀢𑀓𑀺𑀘𑁆𑀘𑀸, 𑀅𑀭𑀳𑀦𑁆𑀢𑁄. 𑀥𑀫𑁆𑀫𑁂𑀦 𑀅𑀥𑀺𑀕𑀢𑀸 𑀪𑁄𑀕𑀸 𑀬𑁂𑀦𑀸𑀢𑀺 𑀥𑀫𑁆𑀫𑀸𑀥𑀺𑀕𑀢𑀪𑁄𑀕𑁄, 𑀧𑀼𑀭𑀺𑀲𑁄. 𑀏𑀯𑀁 𑀅𑀥𑀫𑁆𑀫𑀸𑀥𑀺𑀕𑀢𑀪𑁄𑀕𑁄. 𑀏𑀯𑀁 𑀓𑀢𑁆𑀢𑀭𑀺. 𑀓𑀭𑀡𑁂 𑀧𑀦 𑀙𑀺𑀦𑁆𑀦𑁄 𑀭𑀼𑀓𑁆𑀔𑁄 𑀬𑁂𑀦𑀸𑀢𑀺 𑀙𑀺𑀦𑁆𑀦𑀭𑀼𑀓𑁆𑀔𑁄, 𑀨𑀭𑀲𑀼 𑀇𑀘𑁆𑀘𑀸𑀤𑀺.

𑀇𑀢𑀺 𑀢𑀢𑀺𑀬𑀸𑀩𑀳𑀼𑀩𑁆𑀩𑀻𑀳𑀺.

𑀘𑀢𑀼𑀢𑁆𑀣𑀻𑀩𑀳𑀼𑀩𑁆𑀩𑀻𑀳𑀺

𑀤𑀺𑀦𑁆𑀦𑁄 𑀲𑀼𑀗𑁆𑀓𑁄 𑀬𑀲𑁆𑀲 𑀭𑀜𑁆𑀜𑁄 𑀲𑁄𑀬𑀁 𑀤𑀺𑀦𑁆𑀦𑀲𑀼𑀗𑁆𑀓𑁄, 𑀉𑀧𑀦𑀻𑀢𑀁 𑀪𑁄𑀚𑀦𑀁 𑀬𑀲𑁆𑀲𑀸𑀢𑀺 𑀉𑀧𑀦𑀻𑀢𑀪𑁄𑀚𑀦𑁄, 𑀦𑀢𑁆𑀣𑀺 𑀢𑀼𑀮𑁄 𑀏𑀢𑀲𑁆𑀲𑀸𑀢𑀺 𑀅𑀢𑀼𑀮𑁄, ‘𑀝 𑀦𑀜𑁆𑀲𑁆𑀲𑀸’𑀢𑀺 𑀦-𑀓𑀸𑀭𑀲𑁆𑀲 𑀝𑀢𑁆𑀢𑀁, 𑀦𑀢𑁆𑀣𑀺 𑀧𑀝𑀺𑀧𑀼𑀕𑁆𑀕𑀮𑁄 𑀬𑀲𑁆𑀲𑀸𑀢𑀺 𑀅𑀧𑁆𑀧𑀝𑀺𑀧𑀼𑀕𑁆𑀕𑀮𑁄, 𑀦𑀢𑁆𑀣𑀺 𑀲𑀻𑀮𑀁 𑀅𑀲𑁆𑀲𑀸𑀢𑀺 𑀤𑀼𑀲𑁆𑀲𑀻𑀮𑁄, 𑀦𑀢𑁆𑀣𑀺 𑀧𑀝𑀺𑀲𑀦𑁆𑀥𑀺𑀧𑀜𑁆𑀜𑀸 𑀅𑀲𑁆𑀲𑀸𑀢𑀺 𑀤𑀼𑀧𑁆𑀧𑀜𑁆𑀜𑁄, ‘𑀖𑀧𑀲𑁆𑀲𑀦𑁆𑀢𑀲𑁆𑀲𑀸𑀧𑁆𑀧𑀥𑀸𑀦𑀲𑁆𑀲𑀸’𑀢𑀺 𑀲𑀼𑀢𑁆𑀢𑁂𑀦 𑀖𑀲𑀜𑁆𑀜𑀲𑁆𑀲 𑀆𑀲𑁆𑀲 ¶ 𑀭𑀲𑁆𑀲𑀢𑁆𑀢𑀁. 𑀦𑀢𑁆𑀣𑀺 𑀲𑀻𑀮𑀁 𑀅𑀲𑁆𑀲𑀸𑀢𑀺 𑀦𑀺𑀲𑁆𑀲𑀻𑀮𑁄, 𑀦𑀺𑀧𑁆𑀧𑀜𑁆𑀜𑁄, 𑀅𑀧𑀜𑁆𑀜𑁄, 𑀯𑀺𑀭𑀽𑀧𑀁 𑀫𑀼𑀔𑀁 𑀅𑀲𑁆𑀲𑀸𑀢𑀺 𑀤𑀼𑀫𑁆𑀫𑀼𑀔𑁄. 𑀏𑀯𑀁 𑀤𑀼𑀫𑁆𑀫𑀦𑁄, 𑀤𑀼𑀩𑁆𑀩𑀡𑁆𑀡𑁄, 𑀦𑀢𑁆𑀣𑀺 𑀅𑀢𑁆𑀢𑀦𑁄 𑀉𑀢𑁆𑀢𑀭𑁄 𑀅𑀥𑀺𑀓𑁄 𑀬𑀲𑁆𑀲𑀸𑀢𑀺 𑀅𑀦𑀼𑀢𑁆𑀢𑀭𑁄, ‘𑀅𑀦 𑀲𑀭𑁂’𑀢𑀺 𑀲𑀼𑀢𑁆𑀢𑁂𑀦 𑀦𑀲𑁆𑀲 𑀅𑀦.

𑀇𑀥 𑀩𑀸𑀳𑀺𑀭𑀢𑁆𑀣𑀩𑀳𑀼𑀩𑁆𑀩𑀻𑀳𑀺 𑀦𑀸𑀫 𑀯𑀼𑀘𑁆𑀘𑀢𑀺, 𑀲𑀢𑁆𑀢𑀸𑀳𑀁 𑀧𑀭𑀺𑀦𑀺𑀩𑁆𑀩𑀼𑀢𑀲𑁆𑀲 𑀅𑀲𑁆𑀲𑀸𑀢𑀺 𑀲𑀢𑁆𑀢𑀸𑀳𑀧𑀭𑀺𑀦𑀺𑀩𑁆𑀩𑀼𑀢𑁄, 𑀅𑀘𑀺𑀭𑀁 𑀧𑀭𑀺𑀦𑀺𑀩𑁆𑀩𑀼𑀢𑀲𑁆𑀲 𑀅𑀲𑁆𑀲𑀸𑀢𑀺 𑀅𑀘𑀺𑀭𑀧𑀭𑀺𑀦𑀺𑀩𑁆𑀩𑀼𑀢𑁄, 𑀫𑀸𑀲𑁄 𑀚𑀸𑀢𑀲𑁆𑀲 𑀅𑀲𑁆𑀲𑀸𑀢𑀺 𑀫𑀸𑀲𑀚𑀸𑀢𑁄, 𑀤𑁆𑀯𑁂𑀫𑀸𑀲𑀚𑀸𑀢𑁄, 𑀏𑀓𑁄 𑀫𑀸𑀲𑁄 𑀅𑀪𑀺𑀲𑀺𑀢𑁆𑀢𑀲𑁆𑀲 𑀅𑀲𑁆𑀲 𑀭𑀜𑁆𑀜𑁄𑀢𑀺 𑀏𑀓𑀫𑀸𑀲𑀸𑀪𑀺𑀲𑀺𑀢𑁆𑀢𑁄, 𑀏𑀓𑀸𑀳𑀁 𑀫𑀢𑀲𑁆𑀲 𑀅𑀲𑁆𑀲𑀸𑀢𑀺 𑀏𑀓𑀸𑀳𑀫𑀢𑀁. 𑀏𑀯𑀁 𑀤𑁆𑀯𑀻𑀳𑀫𑀢𑀁, 𑀢𑀻𑀳𑀫𑀢𑀁, 𑀏𑀓𑀸𑀳𑀁 𑀧𑀝𑀺𑀘𑁆𑀙𑀦𑁆𑀦𑀸𑀬 𑀅𑀲𑁆𑀲𑀸𑀢𑀺 𑀏𑀓𑀸𑀳𑀧𑁆𑀧𑀝𑀺𑀘𑁆𑀙𑀦𑁆𑀦𑀸. 𑀏𑀯𑀁 𑀤𑁆𑀯𑀻𑀳𑀧𑁆𑀧𑀝𑀺𑀘𑁆𑀙𑀦𑁆𑀦𑀸, 𑀆𑀧𑀢𑁆𑀢𑀺. 𑀬𑁄𑀚𑀦𑀁 𑀕𑀢𑀲𑁆𑀲 𑀅𑀲𑁆𑀲𑀸𑀢𑀺 𑀬𑁄𑀚𑀦𑀕𑀢𑁄, 𑀤𑁆𑀯𑀺𑀬𑁄𑀚𑀦𑀕𑀢𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀘𑀢𑀼𑀢𑁆𑀣𑀻𑀩𑀳𑀼𑀩𑁆𑀩𑀻𑀳𑀺.

𑀧𑀜𑁆𑀘𑀫𑀻𑀩𑀳𑀼𑀩𑁆𑀩𑀻𑀳𑀺

𑀦𑀺𑀕𑁆𑀕𑀢𑀸 𑀚𑀦𑀸 𑀅𑀲𑁆𑀫𑀸 𑀕𑀸𑀫𑀸𑀢𑀺 𑀦𑀺𑀕𑁆𑀕𑀢𑀚𑀦𑁄, 𑀅𑀧𑀕𑀢𑀁 𑀓𑀸𑀴𑀓𑀁 𑀇𑀢𑁄𑀢𑀺 𑀅𑀧𑀕𑀢𑀓𑀸𑀴𑀓𑁄, 𑀧𑀝𑁄. 𑀅𑀧𑀕𑀢𑀓𑀸𑀴𑀓𑀁, 𑀯𑀢𑁆𑀣𑀁. 𑀅𑀧𑁂𑀢𑀁 𑀯𑀺𑀜𑁆𑀜𑀸𑀡𑀁 𑀬𑀫𑁆𑀳𑀸𑀢𑀺 𑀅𑀧𑁂𑀢𑀯𑀺𑀜𑁆𑀜𑀸𑀡𑀁, 𑀫𑀢𑀲𑀭𑀻𑀭𑀁 𑀇𑀘𑁆𑀘𑀸𑀤𑀺.

𑀇𑀢𑀺 𑀧𑀜𑁆𑀘𑀫𑀻𑀩𑀳𑀼𑀩𑁆𑀩𑀻𑀳𑀺.

𑀙𑀝𑁆𑀞𑀻𑀩𑀳𑀼𑀩𑁆𑀩𑀻𑀳𑀺

𑀙𑀺𑀦𑁆𑀦𑁄 𑀳𑀢𑁆𑀣𑁄 𑀬𑀲𑁆𑀲 𑀲𑁄𑀢𑀺 𑀙𑀺𑀦𑁆𑀦𑀳𑀢𑁆𑀣𑁄, 𑀳𑀢𑁆𑀣𑀘𑁆𑀙𑀺𑀦𑁆𑀦𑁄, 𑀚𑀸𑀢𑁄 𑀙𑀦𑁆𑀤𑁄 𑀬𑀲𑁆𑀲𑀸𑀢𑀺 𑀚𑀸𑀢𑀙𑀦𑁆𑀤𑁄, 𑀙𑀦𑁆𑀤𑀚𑀸𑀢𑁄, 𑀲𑀜𑁆𑀚𑀸𑀢𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀁 𑀬𑀲𑁆𑀲𑀸𑀢𑀺 𑀲𑀜𑁆𑀚𑀸𑀢𑀧𑀻𑀢𑀺𑀲𑁄𑀫𑀦𑀲𑁆𑀲𑁄, 𑀧𑀻𑀢𑀺𑀲𑁄𑀫𑀦𑀲𑁆𑀲𑀲𑀜𑁆𑀚𑀸𑀢𑁄, 𑀯𑀺𑀲𑀼𑀤𑁆𑀥𑀁 𑀲𑀻𑀮𑀁 𑀬𑀲𑁆𑀲𑀸𑀢𑀺 𑀯𑀺𑀲𑀼𑀤𑁆𑀥𑀲𑀻𑀮𑁄 ¶ , 𑀲𑀻𑀮𑀯𑀺𑀲𑀼𑀤𑁆𑀥𑁄, 𑀫𑀳𑀦𑁆𑀢𑁄 𑀓𑀸𑀬𑁄 𑀬𑀲𑁆𑀲𑀸𑀢𑀺 𑀫𑀳𑀸𑀓𑀸𑀬𑁄.

𑀇𑀥 𑀉𑀧𑀫𑀸𑀦𑀧𑀼𑀩𑁆𑀩𑀧𑀤𑁄 𑀦𑀸𑀫 𑀯𑀼𑀘𑁆𑀘𑀢𑀺, 𑀲𑀼𑀯𑀡𑁆𑀡𑀲𑁆𑀲 𑀯𑀺𑀬 𑀯𑀡𑁆𑀡𑁄 𑀬𑀲𑁆𑀲𑀸𑀢𑀺 𑀲𑀼𑀯𑀡𑁆𑀡𑀯𑀡𑁆𑀡𑁄, 𑀩𑁆𑀭𑀳𑁆𑀫𑀼𑀦𑁄 𑀯𑀺𑀬 𑀲𑀭𑁄 𑀬𑀲𑁆𑀲𑀸𑀢𑀺 𑀩𑁆𑀭𑀳𑁆𑀫𑀲𑁆𑀲𑀭𑁄, 𑀦𑀸𑀕𑀲𑁆𑀲 𑀯𑀺𑀬 𑀕𑀢𑀺 𑀅𑀲𑁆𑀲𑀸𑀢𑀺 𑀦𑀸𑀕𑀕𑀢𑀺. 𑀏𑀯𑀁 𑀲𑀻𑀳𑀕𑀢𑀺, 𑀦𑀸𑀕𑀯𑀺𑀓𑁆𑀓𑀫𑁄, 𑀲𑀻𑀳𑀯𑀺𑀓𑁆𑀓𑀫𑁄, 𑀲𑀻𑀳𑀲𑁆𑀲 𑀯𑀺𑀬 𑀳𑀦𑀼 𑀅𑀲𑁆𑀲𑀸𑀢𑀺 𑀲𑀻𑀳𑀳𑀦𑀼, 𑀏𑀡𑀺𑀲𑁆𑀲 𑀯𑀺𑀬 𑀚𑀗𑁆𑀖𑀸 𑀬𑀲𑁆𑀲𑀸𑀢𑀺 𑀏𑀡𑀺𑀚𑀗𑁆𑀖𑁄, 𑀉𑀲𑀪𑀲𑁆𑀲 𑀯𑀺𑀬 𑀅𑀲𑁆𑀲 𑀔𑀦𑁆𑀥𑁄𑀢𑀺 𑀉𑀲𑀪𑀓𑁆𑀔𑀦𑁆𑀥𑁄 𑀇𑀘𑁆𑀘𑀸𑀤𑀺.

𑀭𑀽𑀧𑀁 𑀯𑀼𑀘𑁆𑀘𑀢𑀺 𑀲𑀪𑀸𑀯𑁄, 𑀬𑀸𑀤𑀺𑀲𑀁 𑀭𑀽𑀧𑀁 𑀅𑀲𑁆𑀲𑀸𑀢𑀺 𑀬𑀣𑀸𑀭𑀽𑀧𑀁. 𑀏𑀯𑀁 𑀢𑀣𑀸𑀭𑀽𑀧𑀁, 𑀏𑀯𑀁 𑀭𑀽𑀧𑀁 𑀅𑀲𑁆𑀲𑀸𑀢𑀺 𑀏𑀯𑀭𑀽𑀧𑀁, 𑀩𑀺𑀦𑁆𑀤𑀼𑀮𑁄𑀧𑁄. 𑀏𑀯𑀁 𑀆𑀤𑀺 𑀅𑀲𑁆𑀲𑀸𑀢𑀺 𑀏𑀯𑀫𑀸𑀤𑀺. 𑀢𑀣𑀸 𑀇𑀘𑁆𑀘𑀸𑀤𑀺, 𑀇𑀘𑁆𑀘𑁂𑀯𑀫𑀸𑀤𑀺, 𑀈𑀤𑀺𑀲𑀁 𑀦𑀸𑀫𑀁 𑀬𑀲𑁆𑀲𑀸𑀢𑀺 𑀇𑀢𑁆𑀣𑀦𑁆𑀦𑀸𑀫𑁄, 𑀏𑀯𑀁𑀦𑀸𑀫𑁄, 𑀓𑀻𑀤𑀺𑀲𑀁 𑀦𑀸𑀫𑀁 𑀬𑀲𑁆𑀲𑀸𑀢𑀺 𑀓𑀺𑀦𑁆𑀦𑀸𑀫𑁄, ‘𑀓𑁄𑀦𑀸𑀫𑁄’𑀢𑀺 𑀏𑀢𑁆𑀣 𑀫𑀳𑀸𑀯𑀼𑀢𑁆𑀢𑀺𑀦𑀸 𑀓𑀺𑀁𑀲𑀤𑁆𑀤𑀲𑁆𑀲 𑀓𑁄𑀢𑁆𑀢𑀁.

𑀓𑁄 𑀲𑀫𑀼𑀤𑀬𑁄 𑀬𑀲𑁆𑀲 𑀥𑀫𑁆𑀫𑀲𑁆𑀲𑀸𑀢𑀺 𑀓𑀺𑀁𑀲𑀫𑀼𑀤𑀬𑁄, 𑀓𑀸 𑀚𑀸𑀢𑀺 𑀬𑀲𑁆𑀲𑀸𑀢𑀺 𑀓𑀺𑀁𑀚𑀸𑀢𑀺𑀓𑁄, 𑀓𑀺𑀁𑀦𑀺𑀤𑀸𑀦𑀁 𑀬𑀲𑁆𑀲𑀸𑀢𑀺 𑀓𑀺𑀁𑀦𑀺𑀤𑀸𑀦𑁄, 𑀓𑀢𑀺 𑀯𑀲𑁆𑀲𑀸𑀦𑀺 𑀬𑀲𑁆𑀲𑀸𑀢𑀺 𑀓𑀢𑀺𑀯𑀲𑁆𑀲𑁄, 𑀓𑁄 𑀅𑀢𑁆𑀣𑁄 𑀅𑀲𑁆𑀲𑀸𑀢𑀺 𑀓𑀺𑀫𑀢𑁆𑀣𑀁, 𑀯𑀘𑀦𑀁. ‘𑀓𑁆𑀯𑀢𑁆𑀣𑁄’𑀢𑀺 𑀫𑀳𑀸𑀯𑀼𑀢𑁆𑀢𑀺𑀦𑀸 𑀓𑀺𑀁𑀲𑀤𑁆𑀤𑀲𑁆𑀲 𑀓𑁄𑀢𑁆𑀢𑀁, 𑀬𑀸𑀤𑀺𑀲𑁄 𑀅𑀢𑁆𑀣𑁄 𑀅𑀲𑁆𑀲𑀸𑀢𑀺 𑀬𑀤𑀢𑁆𑀣𑁄, 𑀢𑀸𑀤𑀺𑀲𑁄 𑀅𑀢𑁆𑀣𑁄 𑀅𑀲𑁆𑀲𑀸𑀢𑀺 𑀢𑀤𑀢𑁆𑀣𑁄, 𑀏𑀤𑀺𑀲𑁄 𑀅𑀢𑁆𑀣𑁄 𑀬𑀲𑁆𑀲 𑀯𑀺𑀦𑀬𑀲𑁆𑀲𑀸𑀢𑀺 𑀏𑀢𑀤𑀢𑁆𑀣𑁄, 𑀯𑀺𑀦𑀬𑁄. 𑀏𑀢𑀤𑀢𑁆𑀣𑀸, 𑀯𑀺𑀦𑀬𑀓𑀣𑀸. 𑀏𑀢𑀤𑀢𑁆𑀣𑀁, 𑀲𑁄𑀢𑀸𑀯𑀥𑀸𑀦𑀁 𑀇𑀘𑁆𑀘𑀸𑀤𑀺.

𑀇𑀢𑀺 𑀙𑀝𑁆𑀞𑀻𑀩𑀳𑀼𑀩𑁆𑀩𑀻𑀳𑀺.

𑀲𑀢𑁆𑀢𑀫𑀻𑀩𑀳𑀼𑀩𑁆𑀩𑀻𑀳𑀺

𑀲𑀫𑁆𑀧𑀦𑁆𑀦𑀸𑀦𑀺 𑀲𑀲𑁆𑀲𑀸𑀦𑀺 𑀬𑀲𑁆𑀫𑀺𑀁 𑀚𑀦𑀧𑀤𑁂 𑀲𑁄𑀬𑀁 𑀲𑀫𑁆𑀧𑀦𑁆𑀦𑀲𑀲𑁆𑀲𑁄, 𑀲𑀼𑀮𑀪𑀸 𑀪𑀺𑀓𑁆𑀔𑀸 𑀬𑀲𑁆𑀫𑀺𑀁 𑀚𑀦𑀧𑀤𑁂 𑀲𑁄𑀬𑀁 𑀲𑀼𑀪𑀺𑀓𑁆𑀔𑁄 ¶ , 𑀤𑀼𑀮𑁆𑀮𑀪𑀸 𑀪𑀺𑀓𑁆𑀔𑀸 𑀬𑀲𑁆𑀫𑀺𑀦𑁆𑀢𑀺 𑀤𑀼𑀩𑁆𑀪𑀺𑀓𑁆𑀔𑁄, 𑀩𑀳𑀯𑁄 𑀕𑀸𑀫𑀸 𑀅𑀲𑁆𑀫𑀺𑀁 𑀚𑀦𑀧𑀤𑁂𑀢𑀺 𑀩𑀳𑀼𑀕𑀸𑀫𑁄. 𑀏𑀯𑀁 𑀩𑀳𑀼𑀚𑀦𑁄, 𑀕𑀸𑀫𑁄. 𑀦𑀢𑁆𑀣𑀺 𑀕𑀸𑀫𑀔𑁂𑀢𑁆𑀢𑀁 𑀬𑀲𑁆𑀫𑀺𑀁 𑀅𑀭𑀜𑁆𑀜𑁂 𑀢𑀬𑀺𑀤𑀁 𑀅𑀕𑀸𑀫𑀓𑀁, 𑀲𑀫𑀸𑀲𑀦𑁆𑀢𑁂 𑀓𑁄. 𑀲𑀁𑀯𑀺𑀚𑁆𑀚𑀦𑁆𑀢𑀺 𑀫𑀦𑀼𑀲𑁆𑀲𑀸 𑀬𑀲𑁆𑀫𑀺𑀁 𑀕𑀸𑀫𑁂 𑀲𑀫𑀦𑀼𑀲𑁆𑀲𑁄, 𑀦 𑀯𑀺𑀚𑁆𑀚𑀦𑁆𑀢𑀺 𑀫𑀦𑀼𑀲𑁆𑀲𑀸 𑀬𑀲𑁆𑀫𑀺𑀁 𑀕𑀸𑀫𑁂 𑀅𑀫𑀦𑀼𑀲𑁆𑀲𑁄 𑀇𑀘𑁆𑀘𑀸𑀤𑀺.

𑀇𑀢𑀺 𑀲𑀢𑁆𑀢𑀫𑀻𑀩𑀳𑀼𑀩𑁆𑀩𑀻𑀳𑀺.

𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺

𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺 𑀦𑀸𑀫 𑀯𑀼𑀘𑁆𑀘𑀢𑀺, 𑀏𑀓𑀭𑀢𑁆𑀢𑀺𑀁 𑀯𑀸𑀲𑁄 𑀅𑀲𑁆𑀲𑀸𑀢𑀺 𑀏𑀓𑀭𑀢𑁆𑀢𑀺𑀯𑀸𑀲𑁄, 𑀲𑀫𑀸𑀦𑁂𑀦 𑀚𑀦𑁂𑀦 𑀲𑀤𑁆𑀥𑀺𑀁 𑀯𑀸𑀲𑁄 𑀅𑀲𑁆𑀲𑀸𑀢𑀺 𑀲𑀫𑀸𑀦𑀯𑀸𑀲𑁄, 𑀉𑀪𑀢𑁄 𑀓𑀫𑁆𑀫𑀢𑁄 𑀉𑀧𑁆𑀧𑀦𑁆𑀦𑀁 𑀩𑁆𑀬𑀜𑁆𑀚𑀦𑀤𑁆𑀯𑀬𑀁 𑀅𑀲𑁆𑀲𑀸𑀢𑀺 𑀉𑀪𑀢𑁄𑀩𑁆𑀬𑀜𑁆𑀚𑀦𑁄, 𑀅𑀮𑀼𑀢𑁆𑀢𑀲𑀫𑀸𑀲𑁄. 𑀏𑀯𑀁 𑀓𑀡𑁆𑀞𑀲𑁆𑀫𑀺𑀁 𑀓𑀸𑀴𑁄 𑀅𑀲𑁆𑀲𑀸𑀢𑀺 𑀓𑀡𑁆𑀞𑁂𑀓𑀸𑀴𑁄, 𑀉𑀭𑀲𑁆𑀫𑀺𑀁 𑀮𑁄𑀫𑀸𑀦𑀺 𑀅𑀲𑁆𑀲𑀸𑀢𑀺 𑀉𑀭𑀲𑀺𑀮𑁄𑀫𑁄, 𑀬𑀲𑁆𑀲 𑀳𑀢𑁆𑀣𑁂 𑀧𑀢𑁆𑀢𑁄 𑀅𑀢𑁆𑀣𑀻𑀢𑀺 𑀧𑀢𑁆𑀢𑀳𑀢𑁆𑀣𑁄. 𑀏𑀯𑀁 𑀅𑀲𑀺𑀳𑀢𑁆𑀣𑁄, 𑀤𑀡𑁆𑀟𑀳𑀢𑁆𑀣𑁄, 𑀙𑀢𑁆𑀢𑀁 𑀧𑀸𑀡𑀺𑀫𑁆𑀳𑀺 𑀅𑀲𑁆𑀲𑀸𑀢𑀺 𑀙𑀢𑁆𑀢𑀧𑀸𑀡𑀺. 𑀏𑀯𑀁 𑀲𑀢𑁆𑀣𑀧𑀸𑀡𑀺, 𑀤𑀡𑁆𑀟𑀧𑀸𑀡𑀺, 𑀯𑀚𑀺𑀭𑀧𑀸𑀡𑀺, 𑀤𑀸𑀦𑁂 𑀅𑀚𑁆𑀛𑀸𑀲𑀬𑁄 𑀅𑀲𑁆𑀲𑀸𑀢𑀺 𑀤𑀸𑀦𑀚𑁆𑀛𑀸𑀲𑀬𑁄, 𑀤𑀸𑀦𑀸𑀥𑀺𑀫𑀼𑀢𑁆𑀢𑀺𑀓𑁄, 𑀩𑀼𑀤𑁆𑀥𑁂𑀲𑀼 𑀪𑀢𑁆𑀢𑀺 𑀅𑀲𑁆𑀲𑀸𑀢𑀺 𑀩𑀼𑀤𑁆𑀥𑀪𑀢𑁆𑀢𑀺𑀓𑁄, 𑀩𑀼𑀤𑁆𑀥𑁂 𑀕𑀸𑀭𑀯𑁄 𑀅𑀲𑁆𑀲𑀸𑀢𑀺 𑀩𑀼𑀤𑁆𑀥𑀕𑀸𑀭𑀯𑁄, 𑀥𑀫𑁆𑀫𑀕𑀸𑀭𑀯𑁄 𑀇𑀘𑁆𑀘𑀸𑀤𑀺.

𑀢𑀺𑀧𑀤𑀩𑀳𑀼𑀩𑁆𑀩𑀻𑀳𑀺

𑀢𑀺𑀧𑀤𑀩𑀳𑀼𑀩𑁆𑀩𑀻𑀳𑀺 𑀦𑀸𑀫 𑀯𑀼𑀘𑁆𑀘𑀢𑀺, 𑀧𑀭𑀓𑁆𑀓𑀫𑁂𑀦 𑀅𑀥𑀺𑀕𑀢𑀸 𑀲𑀫𑁆𑀧𑀤𑀸 𑀬𑁂𑀳𑀺 𑀢𑁂 𑀧𑀭𑀓𑁆𑀓𑀫𑀸𑀥𑀺𑀕𑀢𑀲𑀫𑁆𑀧𑀤𑀸, 𑀥𑀫𑁆𑀫𑁂𑀦 𑀅𑀥𑀺𑀕𑀢𑀸 𑀪𑁄𑀕𑀸 𑀬𑁂𑀳𑀺 𑀢𑁂 𑀥𑀫𑁆𑀫𑀸𑀥𑀺𑀕𑀢𑀪𑁄𑀕𑀸, 𑀑𑀡𑀻𑀢𑁄 𑀧𑀢𑁆𑀢𑀫𑁆𑀳𑀸 𑀧𑀸𑀡𑀺 𑀬𑁂𑀦 𑀲𑁄 𑀑𑀡𑀻𑀢𑀧𑀢𑁆𑀢𑀧𑀸𑀡𑀺, 𑀲𑀻𑀳𑀲𑁆𑀲 𑀧𑀼𑀩𑁆𑀩𑀤𑁆𑀥𑀁 𑀯𑀺𑀬 𑀓𑀸𑀬𑁄 𑀅𑀲𑁆𑀲𑀸𑀢𑀺 𑀲𑀻𑀳𑀧𑀼𑀩𑁆𑀩𑀤𑁆𑀥𑀓𑀸𑀬𑁄, 𑀫𑀢𑁆𑀢𑀸 𑀩𑀳𑀯𑁄 𑀫𑀸𑀢𑀗𑁆𑀕𑀸 𑀬𑀲𑁆𑀫𑀺𑀁 𑀯𑀦𑁂𑀢𑀺 𑀫𑀢𑁆𑀢𑀩𑀳𑀼𑀫𑀸𑀢𑀗𑁆𑀕𑀁 𑀇𑀘𑁆𑀘𑀸𑀤𑀺.

𑀩𑀳𑀼𑀩𑁆𑀩𑀻𑀳𑀺𑀲𑀫𑀸𑀲𑁄 𑀦𑀺𑀝𑁆𑀞𑀺𑀢𑁄.

𑀤𑁆𑀯𑀦𑁆𑀤𑀲𑀫𑀸𑀲

𑀅𑀣 ¶ 𑀤𑁆𑀯𑀦𑁆𑀤𑀲𑀫𑀸𑀲𑁄 𑀤𑀻𑀧𑀺𑀬𑀢𑁂.

𑀤𑁆𑀯𑁂 𑀘 𑀤𑁆𑀯𑁂 𑀘 𑀧𑀤𑀸𑀦𑀺 𑀤𑁆𑀯𑀦𑁆𑀤𑀸, 𑀤𑁆𑀯𑁂 𑀘 𑀤𑁆𑀯𑁂 𑀘 𑀅𑀢𑁆𑀣𑀸 𑀯𑀸 𑀤𑁆𑀯𑀦𑁆𑀤𑀸, 𑀫𑀳𑀸𑀯𑀼𑀢𑁆𑀢𑀺𑀦𑀸 𑀤𑁆𑀯𑀺𑀦𑁆𑀦𑀁 𑀤𑁆𑀯𑀺𑀲𑀤𑁆𑀤𑀸𑀦𑀁 𑀤𑁆𑀯𑀦𑁆𑀤𑀸𑀤𑁂𑀲𑁄. 𑀤𑁆𑀯𑀦𑁆𑀤𑀲𑀤𑁆𑀤𑀲𑀤𑀺𑀲𑀢𑁆𑀢𑀸 𑀲𑀩𑁆𑀩𑁄 𑀘𑀸𑀬𑀁 𑀲𑀫𑀸𑀲𑁄 𑀤𑁆𑀯𑀦𑁆𑀤𑁄𑀢𑀺 𑀯𑀼𑀘𑁆𑀘𑀢𑀺.

𑀅𑀣 𑀯𑀸 𑀤𑁆𑀯𑁂 𑀅𑀯𑀬𑀯𑀸 𑀅𑀦𑁆𑀤𑀺𑀬𑀦𑁆𑀢𑀺 𑀩𑀦𑁆𑀥𑀺𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀤𑁆𑀯𑀦𑁆𑀤𑁄, 𑀬𑀼𑀕𑀴𑀲𑁆𑀲𑁂𑀢𑀁 𑀦𑀸𑀫𑀁 ‘‘𑀧𑀸𑀤𑀤𑁆𑀯𑀦𑁆𑀤𑀁 𑀫𑀼𑀦𑀺𑀦𑁆𑀤𑀲𑁆𑀲, 𑀯𑀦𑁆𑀤𑀸𑀫𑀺 𑀲𑀺𑀭𑀲𑀸𑀫𑀳’’𑀦𑁆𑀢𑀺 𑀏𑀢𑁆𑀣 𑀯𑀺𑀬, 𑀇𑀥 𑀧𑀦 𑀧𑀤𑀬𑀼𑀕𑀴𑀁 𑀅𑀢𑁆𑀣𑀬𑀼𑀕𑀴𑀜𑁆𑀘 𑀕𑀬𑁆𑀳𑀢𑀺. 𑀉𑀪𑀬𑀧𑀤𑀢𑁆𑀣𑀧𑀥𑀸𑀦𑁄 𑀳𑀺 𑀤𑁆𑀯𑀦𑁆𑀤𑁄.

𑀏𑀢𑁆𑀣 𑀲𑀺𑀬𑀸 𑁋 𑀬𑀤𑀺 𑀉𑀪𑀬𑀧𑀤𑀢𑁆𑀣𑀧𑁆𑀧𑀥𑀸𑀦𑁄 𑀤𑁆𑀯𑀦𑁆𑀤𑁄, 𑀏𑀯𑀜𑁆𑀘 𑀲𑀢𑀺 𑀤𑁆𑀯𑀦𑁆𑀤𑁂 𑀓𑀣𑀁 𑀏𑀓𑀢𑁆𑀣𑀻𑀪𑀸𑀯𑀮𑀓𑁆𑀔𑀡𑀁 𑀲𑀺𑀬𑀸𑀢𑀺? 𑀯𑀼𑀘𑁆𑀘𑀢𑁂 𑁋 𑀅𑀪𑀺𑀦𑁆𑀦𑀯𑀺𑀥𑁂𑀬𑁆𑀬𑀢𑁆𑀣𑀢𑁆𑀢𑀸. 𑀯𑀘𑀦𑀧𑀣𑀜𑁆𑀳𑀺 𑀧𑀢𑁆𑀯𑀸 𑀓𑀢𑁆𑀢𑀼𑀪𑀸𑀯𑀓𑀫𑁆𑀫𑀪𑀸𑀯𑀸𑀤𑀺𑀓𑁄 𑀯𑀺𑀥𑁂𑀬𑁆𑀬𑀢𑁆𑀣𑁄 𑀏𑀯 𑀧𑀤𑀸𑀦𑀁 𑀅𑀘𑁆𑀘𑀦𑁆𑀢𑀧𑁆𑀧𑀥𑀸𑀦𑀢𑁆𑀣𑁄 𑀳𑁄𑀢𑀺 𑀯𑀘𑀦𑀯𑀸𑀓𑁆𑀬𑀲𑀫𑁆𑀧𑀢𑁆𑀢𑀺𑀬𑀸 𑀧𑀥𑀸𑀦𑀗𑁆𑀕𑀢𑁆𑀢𑀸, 𑀲𑁄 𑀘 𑀯𑀺𑀥𑁂𑀬𑁆𑀬𑀢𑁆𑀣𑁄 𑀤𑁆𑀯𑀦𑁆𑀤𑁂𑀧𑀺 𑀅𑀪𑀺𑀦𑁆𑀦𑁄 𑀏𑀯 𑀳𑁄𑀢𑀺. 𑀢𑀣𑀸 𑀳𑀺 ‘‘𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸 𑀕𑀘𑁆𑀙𑀦𑁆𑀢𑀺, 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑁂 𑀧𑀲𑁆𑀲𑀢𑀺’’ 𑀇𑀘𑁆𑀘𑀸𑀤𑀻𑀲𑀼 𑀤𑁆𑀯𑁂 𑀅𑀢𑁆𑀣𑀸 𑀏𑀓𑀯𑀺𑀪𑀢𑁆𑀢𑀺𑀬𑀸 𑀯𑀺𑀲𑀬𑀸 𑀳𑀼𑀢𑁆𑀯𑀸 𑀏𑀓𑀓𑀢𑁆𑀢𑀼, 𑀏𑀓𑀓𑀫𑁆𑀫𑀸𑀤𑀺𑀪𑀸𑀯𑁂𑀦 𑀏𑀓𑀢𑁆𑀢𑀁 𑀕𑀘𑁆𑀙𑀦𑁆𑀢𑀺, 𑀏𑀯𑀁 𑀤𑁆𑀯𑀦𑁆𑀤𑁂𑀧𑀺 𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀩𑀳𑀼𑀦𑁆𑀦𑀁 𑀯𑀸 𑀧𑀤𑀸𑀦𑀁 𑀏𑀓𑀢𑁆𑀣𑀻𑀪𑀸𑀯𑀮𑀓𑁆𑀔𑀡𑀁 𑀮𑀩𑁆𑀪𑀢𑀺𑀬𑁂𑀯𑀸𑀢𑀺.

𑁩𑁫𑁭. 𑀘𑀢𑁆𑀣𑁂 [𑀓. 𑁩𑁨𑁯; 𑀭𑀽. 𑁩𑁫𑁭; 𑀦𑀻. 𑁭𑁦𑁯].

𑀅𑀦𑁂𑀓𑀁 𑀲𑁆𑀬𑀸𑀤𑁆𑀬𑀦𑁆𑀢𑀧𑀤𑀁 𑀘𑀲𑀤𑁆𑀤𑀲𑁆𑀲 𑀅𑀢𑁆𑀣𑁂 𑀏𑀓𑀢𑁆𑀣𑀁 𑀳𑁄𑀢𑀺 𑀯𑀸.

𑀏𑀢𑁆𑀣 𑀘 𑀲𑀫𑀼𑀘𑁆𑀘𑀬𑁄, 𑀅𑀦𑁆𑀯𑀸𑀘𑀬𑁄, 𑀇𑀢𑀭𑀻𑀢𑀭𑀬𑁄𑀕𑁄, 𑀲𑀫𑀸𑀳𑀸𑀭𑁄𑀢𑀺 𑀘𑀢𑁆𑀢𑀸𑀭𑁄 𑀘𑀲𑀤𑁆𑀤𑀢𑁆𑀣𑀸 𑀳𑁄𑀦𑁆𑀢𑀺.

𑀢𑀢𑁆𑀣 𑀲𑀫𑀼𑀘𑁆𑀘𑀬𑁄 𑀬𑀣𑀸? 𑀘𑀻𑀯𑀭𑀜𑁆𑀘 𑀧𑀺𑀡𑁆𑀟𑀧𑀸𑀢𑀜𑁆𑀘 𑀲𑁂𑀦𑀸𑀲𑀦𑀜𑁆𑀘 𑀤𑁂𑀢𑀻𑀢𑀺. 𑀅𑀦𑁆𑀯𑀸𑀘𑀬𑁄 𑀬𑀣𑀸? 𑀤𑀸𑀦𑀜𑁆𑀘 𑀤𑁂𑀢𑀺, 𑀲𑀻𑀮𑀜𑁆𑀘 𑀭𑀓𑁆𑀔𑀢𑀻𑀢𑀺. 𑀇𑀫𑁂 ¶ 𑀤𑁆𑀯𑁂 𑀘𑀲𑀤𑁆𑀤𑀢𑁆𑀣𑀸 𑀯𑀸𑀓𑁆𑀬𑀤𑁆𑀯𑀦𑁆𑀤𑁂 𑀏𑀯 𑀮𑀩𑁆𑀪𑀦𑁆𑀢𑀺, 𑀦 𑀲𑀫𑀸𑀲𑀤𑁆𑀯𑀦𑁆𑀤𑁂 𑀧𑀤𑀸𑀦𑀁 𑀅𑀜𑁆𑀜𑀫𑀜𑁆𑀜𑀁 𑀦𑀺𑀭𑀧𑁂𑀓𑁆𑀔𑀢𑁆𑀢𑀸𑀢𑀺 𑀯𑀤𑀦𑁆𑀢𑀺. 𑀢𑀁 𑀅𑀦𑁆𑀯𑀸𑀘𑀬𑁂 𑀬𑀼𑀚𑁆𑀚𑀢𑀺 𑀦𑀸𑀦𑀸𑀓𑁆𑀭𑀺𑀬𑀸𑀧𑁂𑀓𑁆𑀔𑀢𑁆𑀢𑀸, 𑀲𑀫𑀼𑀘𑁆𑀘𑀬𑁂 𑀧𑀦 ‘‘𑀘𑀻𑀯𑀭𑀜𑁆𑀘 𑀧𑀺𑀡𑁆𑀟𑀧𑀸𑀢𑀜𑁆𑀘 𑀲𑁂𑀦𑀸𑀲𑀦𑀜𑁆𑀘 𑀤𑁂𑀢𑀻’’𑀢𑀺 𑀯𑀸 ‘‘𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀸𑀦𑀺 𑀤𑁂𑀢𑀻’’𑀢𑀺 𑀯𑀸 𑀏𑀯𑀁 𑀤𑁆𑀯𑀺𑀥𑀸𑀧𑀺 𑀬𑁄𑀚𑁂𑀢𑀼𑀁 𑀬𑀼𑀚𑁆𑀚𑀢𑀺𑀬𑁂𑀯 ‘‘𑀮𑀸𑀪𑀻 𑀳𑁄𑀢𑀺 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀸𑀦’’𑀦𑁆𑀢𑀺 [𑀫. 𑀦𑀺. 𑁧.𑁬𑁫] 𑀧𑀸𑀴𑀺𑀤𑀲𑁆𑀲𑀦𑀢𑁄. 𑀅𑀦𑁆𑀯𑀸𑀘𑀬𑁄𑀧𑀺 𑀯𑀸 𑀲𑀫𑀸𑀲𑀤𑁆𑀯𑀦𑁆𑀤𑁂 𑀦𑁄 𑀦 𑀮𑀩𑁆𑀪𑀢𑀺 ‘‘𑀫𑀸𑀮𑀸𑀕𑀦𑁆𑀥𑀯𑀺𑀮𑁂𑀧𑀦𑀥𑀸𑀭𑀡𑀫𑀡𑁆𑀟𑀦𑀯𑀺𑀪𑀽𑀲𑀦𑀝𑁆𑀞𑀸𑀦𑀸’’𑀢𑀺 [𑀤𑀻. 𑀦𑀺. 𑁧.𑁧𑁦] 𑀧𑀸𑀴𑀺𑀤𑀲𑁆𑀲𑀦𑀢𑁄. 𑀏𑀯𑀁 𑀧𑀦 𑀬𑀼𑀚𑁆𑀚𑁂𑀬𑁆𑀬 𑁋 𑀘𑀲𑀤𑁆𑀤𑀢𑁆𑀣𑁄 𑀏𑀓𑀓𑁆𑀭𑀺𑀬, 𑀦𑀸𑀦𑀸𑀓𑁆𑀭𑀺𑀬𑀸𑀧𑁂𑀓𑁆𑀔𑀦𑀪𑁂𑀤𑁂𑀦 𑀤𑀼𑀯𑀺𑀥𑁄 𑀳𑁄𑀢𑀺 𑀲𑀫𑀼𑀘𑁆𑀘𑀬𑁄, 𑀅𑀦𑁆𑀯𑀸𑀘𑀬𑁄 𑀘𑀸𑀢𑀺, 𑀢𑁂𑀲𑀼 𑀘 𑀏𑀓𑁂𑀓𑁄 𑀅𑀯𑀬𑀯𑀧𑁆𑀧𑀥𑀸𑀦, 𑀲𑀫𑀼𑀤𑀸𑀬𑀧𑁆𑀧𑀥𑀸𑀦𑀪𑁂𑀤𑁂𑀦 𑀤𑀼𑀯𑀺𑀥𑁄 𑀳𑁄𑀢𑀺 𑀇𑀢𑀭𑀻𑀢𑀭𑀬𑁄𑀕𑁄, 𑀲𑀫𑀸𑀳𑀸𑀭𑁄 𑀘𑀸𑀢𑀺. 𑀢𑀢𑁆𑀣 𑀇𑀢𑀭𑀻𑀢𑀭𑀬𑁄𑀕𑁂 𑀅𑀯𑀬𑀯𑀧𑁆𑀧𑀥𑀸𑀦𑀢𑁆𑀢𑀸 𑀲𑀩𑁆𑀩𑀯𑀺𑀪𑀢𑁆𑀢𑀻𑀲𑀼 𑀩𑀳𑀼𑀯𑀘𑀦𑀫𑁂𑀯 𑀬𑀼𑀚𑁆𑀚𑀢𑀺.

𑀤𑁆𑀯𑀦𑁆𑀤𑁂 𑀧𑀡𑀻𑀢𑀢𑀭𑀁 𑀧𑀼𑀩𑁆𑀩𑁂 𑀦𑀺𑀧𑀢𑀢𑀺. 𑀲𑀸𑀭𑀺𑀧𑀼𑀢𑁆𑀢𑁄 𑀘 𑀫𑁄𑀕𑁆𑀕𑀮𑁆𑀮𑀸𑀦𑁄 𑀘 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸, 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑁂, 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑁂𑀳𑀺 𑀇𑀘𑁆𑀘𑀸𑀤𑀺. 𑀏𑀯𑀁 𑀲𑀫𑀡𑀩𑁆𑀭𑀸𑀳𑁆𑀫𑀡𑀸, 𑀩𑁆𑀭𑀸𑀳𑁆𑀫𑀡𑀕𑀳𑀧𑀢𑀺𑀓𑀸, 𑀔𑀢𑁆𑀢𑀺𑀬𑀩𑁆𑀭𑀸𑀳𑁆𑀫𑀡𑀸, 𑀤𑁂𑀯𑀫𑀦𑀼𑀲𑁆𑀲𑀸, 𑀘𑀦𑁆𑀤𑀺𑀫𑀲𑀽𑀭𑀺𑀬𑀸.

𑀅𑀧𑁆𑀧𑀓𑁆𑀔𑀭, 𑀩𑀳𑁆𑀯𑀓𑁆𑀔𑀭𑁂𑀲𑀼 𑀅𑀧𑁆𑀧𑀓𑁆𑀔𑀭𑀁 𑀓𑁆𑀯𑀘𑀺 𑀧𑀼𑀩𑁆𑀩𑀁 𑀳𑁄𑀢𑀺, 𑀕𑀸𑀫𑀦𑀺𑀕𑀫𑀸, 𑀕𑀸𑀫𑀚𑀦𑀧𑀤𑀸 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀺 𑀇𑀯𑀡𑁆𑀡𑀼’𑀯𑀡𑁆𑀡𑀦𑁆𑀢𑀸 𑀧𑀼𑀩𑁆𑀩𑁂 𑀳𑁄𑀦𑁆𑀢𑀺, 𑀅𑀕𑁆𑀕𑀺 𑀘 𑀥𑀽𑀫𑁄 𑀘 𑀅𑀕𑁆𑀕𑀺𑀥𑀽𑀫𑀸, 𑀭𑀢𑁆𑀢𑀺𑀤𑀺𑀯𑀸, 𑀥𑀸𑀢𑀼𑀮𑀺𑀗𑁆𑀕𑀸𑀦𑀺.

𑀅𑀯𑀡𑁆𑀡𑀦𑁆𑀢𑁂𑀲𑀼 𑀲𑀭𑀸𑀤𑀺𑀧𑀤𑀁 𑀧𑀼𑀩𑁆𑀩𑀁 𑀳𑁄𑀢𑀺, 𑀅𑀢𑁆𑀣𑁄 𑀘 𑀥𑀫𑁆𑀫𑁄 𑀘 𑀅𑀢𑁆𑀣𑀥𑀫𑁆𑀫𑀸, 𑀥𑀫𑁆𑀫𑀢𑁆𑀣𑀸 𑀯𑀸 𑀇𑀘𑁆𑀘𑀸𑀤𑀺.

𑀅𑀬𑀜𑁆𑀘 ¶ 𑀦𑀺𑀬𑀫𑁄 𑀤𑁆𑀯𑀺𑀧𑀤𑀤𑁆𑀯𑀦𑁆𑀤𑁂𑀲𑀼 𑀬𑁂𑀪𑀼𑀬𑁆𑀬𑁂𑀦 𑀮𑀩𑁆𑀪𑀢𑀺, 𑀩𑀳𑀼𑀧𑀤𑀤𑁆𑀯𑀦𑁆𑀤𑁂𑀲𑀼 𑀦 𑀮𑀩𑁆𑀪𑀢𑀺.

𑀲𑀫𑀸𑀳𑀸𑀭𑀤𑁆𑀯𑀦𑁆𑀤𑁂 𑁋

𑁩𑁫𑁮. 𑀲𑀫𑀸𑀳𑀸𑀭𑁂 𑀦𑀧𑀼𑀁𑀲𑀓𑀁 [𑀓. 𑁩𑁨𑁨; 𑀭𑀽. 𑁩𑁫𑁯; 𑀦𑀻. 𑁭𑁦𑁦].

𑀘𑀢𑁆𑀣𑁂 𑀲𑀫𑀸𑀳𑀸𑀭𑁂 𑀏𑀓𑀢𑁆𑀣𑀧𑀤𑀁 𑀦𑀧𑀼𑀁𑀲𑀓𑀁 𑀳𑁄𑀢𑀺, 𑀏𑀓𑀯𑀘𑀦𑀦𑁆𑀢𑀢𑁆𑀢𑀁 𑀧𑀦 𑀲𑀫𑀸𑀳𑀸𑀭𑀯𑀘𑀦𑁂𑀦𑁂𑀯 𑀲𑀺𑀤𑁆𑀥𑀁, 𑀅𑀬𑀜𑁆𑀘 𑀲𑀫𑀸𑀳𑀸𑀭𑁄 𑀧𑀸𑀡𑁆𑀬𑀗𑁆𑀕𑀸𑀤𑀻𑀦𑀁 𑀤𑁆𑀯𑀦𑁆𑀤𑁂𑀲𑀼 𑀦𑀺𑀘𑁆𑀘𑀁 𑀮𑀩𑁆𑀪𑀢𑀺, 𑀭𑀼𑀓𑁆𑀔𑀢𑀺𑀡𑀸𑀤𑀻𑀦𑀁 𑀤𑁆𑀯𑀦𑁆𑀤𑁂𑀲𑀼 𑀯𑀺𑀓𑀧𑁆𑀧𑁂𑀦 𑀮𑀩𑁆𑀪𑀢𑀺.

𑀢𑀢𑁆𑀣 𑀦𑀺𑀘𑁆𑀘𑀮𑀤𑁆𑀥𑁂𑀲𑀼 𑀢𑀸𑀯 𑀧𑀸𑀡𑁆𑀬𑀗𑁆𑀕𑀤𑁆𑀯𑀦𑁆𑀤𑁂 𑁋

𑀘𑀓𑁆𑀔𑀼 𑀘 𑀲𑁄𑀢𑀜𑁆𑀘 𑀘𑀓𑁆𑀔𑀼𑀲𑁄𑀢𑀁, 𑀫𑀼𑀔𑀜𑁆𑀘 𑀦𑀸𑀲𑀺𑀓𑀸 𑀘 𑀫𑀼𑀔𑀦𑀸𑀲𑀺𑀓𑀁, ‘𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄’𑀢𑀺 𑀭𑀲𑁆𑀲𑀢𑁆𑀢𑀁. 𑀳𑀦𑀼 𑀘 𑀕𑀻𑀯𑀸 𑀘 𑀳𑀦𑀼𑀕𑀻𑀯𑀁. 𑀏𑀯𑀁 𑀓𑀡𑁆𑀡𑀦𑀸𑀲𑀁, 𑀙𑀯𑀺 𑀘 𑀫𑀁𑀲𑀜𑁆𑀘 𑀮𑁄𑀳𑀺𑀢𑀜𑁆𑀘 𑀙𑀯𑀺𑀫𑀁𑀲𑀮𑁄𑀳𑀺𑀢𑀁, 𑀦𑀸𑀫𑀜𑁆𑀘 𑀭𑀽𑀧𑀜𑁆𑀘 𑀦𑀸𑀫𑀭𑀽𑀧𑀁, 𑀚𑀭𑀸 𑀘 𑀫𑀭𑀡𑀜𑁆𑀘 𑀚𑀭𑀸𑀫𑀭𑀡𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀓𑁆𑀯𑀘𑀺 𑀯𑀺𑀓𑀧𑁆𑀧𑀭𑀽𑀧𑀫𑁆𑀧𑀺 𑀤𑀺𑀲𑁆𑀲𑀢𑀺, 𑀳𑀢𑁆𑀣𑀸 𑀘 𑀧𑀸𑀤𑀸 𑀘 𑀳𑀢𑁆𑀣𑀧𑀸𑀤𑀁, 𑀳𑀢𑁆𑀣𑀧𑀸𑀤𑀸 𑀯𑀸 𑀇𑀘𑁆𑀘𑀸𑀤𑀺.

𑀢𑀽𑀭𑀺𑀬𑀗𑁆𑀕𑀤𑁆𑀯𑀦𑁆𑀤𑁂 𑁋

𑀦𑀘𑁆𑀘𑀜𑁆𑀘 𑀕𑀻𑀢𑀜𑁆𑀘 𑀯𑀸𑀤𑀺𑀢𑀜𑁆𑀘 𑀦𑀘𑁆𑀘𑀕𑀻𑀢𑀯𑀸𑀤𑀺𑀢𑀁. 𑀏𑀯𑀁 𑀲𑀫𑁆𑀫𑀢𑀸𑀴𑀁, ‘𑀲𑀫𑁆𑀫’𑀦𑁆𑀢𑀺 𑀓𑀁𑀲𑀢𑀸𑀴𑀁, ‘𑀢𑀸𑀴’𑀦𑁆𑀢𑀺 𑀳𑀢𑁆𑀣𑀢𑀸𑀴𑀁, 𑀲𑀗𑁆𑀔𑁄 𑀘 𑀧𑀡𑀯𑁄 𑀘 𑀟𑀺𑀡𑁆𑀟𑀺𑀫𑁄 𑀘 𑀲𑀗𑁆𑀔𑀧𑀡𑀯𑀟𑀺𑀡𑁆𑀟𑀺𑀫𑀁 𑀇𑀘𑁆𑀘𑀸𑀤𑀺.

𑀬𑁄𑀕𑁆𑀕𑀗𑁆𑀕𑀤𑁆𑀯𑀦𑁆𑀤𑁂 𑁋

𑀨𑀸𑀮𑁄 𑀘 𑀧𑀸𑀘𑀦𑀜𑁆𑀘 𑀨𑀸𑀮𑀧𑀸𑀘𑀦𑀁, 𑀬𑀼𑀕𑀜𑁆𑀘 𑀦𑀗𑁆𑀕𑀮𑀜𑁆𑀘 𑀬𑀼𑀕𑀦𑀗𑁆𑀕𑀮𑀁 𑀇𑀘𑁆𑀘𑀸𑀤𑀺.

𑀲𑁂𑀦𑀗𑁆𑀕𑀤𑁆𑀯𑀦𑁆𑀤𑁂 𑁋

𑀳𑀢𑁆𑀣𑀺𑀦𑁄 ¶ 𑀘 𑀅𑀲𑁆𑀲𑀸 𑀘 𑀳𑀢𑁆𑀣𑀺𑀅𑀲𑁆𑀲𑀁. 𑀏𑀯𑀁 𑀭𑀣𑀧𑀢𑁆𑀢𑀺𑀓𑀁, 𑀅𑀲𑀺 𑀘 𑀘𑀫𑁆𑀫𑀜𑁆𑀘 𑀅𑀲𑀺𑀘𑀫𑁆𑀫𑀁. ‘𑀘𑀫𑁆𑀫’𑀦𑁆𑀢𑀺 𑀲𑀭𑀧𑀭𑀺𑀢𑁆𑀢𑀸𑀡𑀨𑀮𑀓𑀁, 𑀥𑀦𑀼 𑀘 𑀓𑀮𑀸𑀧𑁄 𑀘 𑀥𑀦𑀼𑀓𑀮𑀸𑀧𑀁 𑀇𑀘𑁆𑀘𑀸𑀤𑀺.

𑀔𑀼𑀤𑁆𑀤𑀓𑀧𑀸𑀡𑀤𑁆𑀯𑀦𑁆𑀤𑁂 𑁋

𑀟𑀁𑀲𑀸 𑀘 𑀫𑀓𑀲𑀸 𑀘 𑀟𑀁𑀲𑀫𑀓𑀲𑀁. 𑀏𑀯𑀁 𑀓𑀼𑀦𑁆𑀣𑀓𑀺𑀧𑀺𑀮𑁆𑀮𑀺𑀓𑀁 [𑀲𑀼. 𑀦𑀺. 𑁬𑁦𑁭], 𑀓𑀻𑀝𑀧𑀝𑀗𑁆𑀕𑀁 𑀇𑀘𑁆𑀘𑀸𑀤𑀺.

𑀦𑀺𑀘𑁆𑀘𑀯𑁂𑀭𑀺𑀤𑁆𑀯𑀦𑁆𑀤𑁂 𑁋

𑀅𑀳𑀺 𑀘 𑀦𑀓𑀼𑀮𑁄 𑀘 𑀅𑀳𑀺𑀦𑀓𑀼𑀮𑀁, 𑀩𑀺𑀴𑀸𑀭𑁄 𑀘 𑀫𑀽𑀲𑀺𑀓𑀸 𑀘 𑀩𑀺𑀴𑀸𑀭𑀫𑀽𑀲𑀺𑀓𑀁, 𑀭𑀲𑁆𑀲𑀢𑁆𑀢𑀁. 𑀓𑀸𑀓𑁄𑀮𑀽𑀓𑀁, 𑀲𑀧𑁆𑀧𑀫𑀡𑁆𑀟𑀽𑀓𑀁, 𑀦𑀸𑀕𑀲𑀼𑀧𑀡𑁆𑀡𑀁 𑀇𑀘𑁆𑀘𑀸𑀤𑀺.

𑀲𑀪𑀸𑀕𑀤𑁆𑀯𑀦𑁆𑀤𑁂 𑁋

𑀲𑀻𑀮𑀜𑁆𑀘 𑀧𑀜𑁆𑀜𑀸𑀡𑀜𑁆𑀘 𑀲𑀻𑀮𑀧𑀜𑁆𑀜𑀸𑀡𑀁, 𑀲𑀫𑀣𑁄 𑀘 𑀯𑀺𑀧𑀲𑁆𑀲𑀦𑀸 𑀘 𑀲𑀫𑀣𑀯𑀺𑀧𑀲𑁆𑀲𑀦𑀁, 𑀯𑀺𑀚𑁆𑀚𑀸 𑀘 𑀘𑀭𑀡𑀜𑁆𑀘 𑀯𑀺𑀚𑁆𑀚𑀸𑀘𑀭𑀡𑀁. 𑀏𑀯𑀁 𑀲𑀢𑀺𑀲𑀫𑁆𑀧𑀚𑀜𑁆𑀜𑀁, 𑀳𑀺𑀭𑀺𑀑𑀢𑁆𑀢𑀧𑁆𑀧𑀁, 𑀉𑀤𑁆𑀥𑀘𑁆𑀘𑀓𑀼𑀓𑁆𑀓𑀼𑀘𑁆𑀘𑀁, 𑀣𑀺𑀦𑀫𑀺𑀤𑁆𑀥𑀁 𑀇𑀘𑁆𑀘𑀸𑀤𑀺.

𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀤𑁆𑀯𑀦𑁆𑀤𑁂 𑁋

𑀓𑀼𑀲𑀮𑀸𑀓𑀼𑀲𑀮𑀁, 𑀲𑀸𑀯𑀚𑁆𑀚𑀸𑀦𑀯𑀚𑁆𑀚𑀁, 𑀓𑀡𑁆𑀳𑀲𑀼𑀓𑁆𑀓𑀁, 𑀳𑀻𑀦𑀧𑀡𑀻𑀢𑀁, 𑀙𑁂𑀓𑀩𑀸𑀮𑀁 𑀇𑀘𑁆𑀘𑀸𑀤𑀺.

𑀏𑀓𑀲𑀗𑁆𑀕𑀻𑀢𑀺𑀤𑁆𑀯𑀦𑁆𑀤𑁂 𑁋

𑀤𑀻𑀖𑁄 𑀘 𑀫𑀚𑁆𑀛𑀺𑀫𑁄 𑀘 𑀤𑀻𑀖𑀫𑀚𑁆𑀛𑀺𑀫𑀁, 𑀅𑀗𑁆𑀕𑀼𑀢𑁆𑀢𑀭𑀲𑀁𑀬𑀼𑀢𑁆𑀢𑀓𑀁, 𑀔𑀦𑁆𑀥𑀓𑀯𑀺𑀪𑀗𑁆𑀕𑀁 𑀇𑀘𑁆𑀘𑀸𑀤𑀺.

𑀲𑀗𑁆𑀔𑁆𑀬𑀸𑀧𑀭𑀺𑀫𑀸𑀡𑀤𑁆𑀯𑀦𑁆𑀤𑁂 𑁋

𑀏𑀓𑀓𑀤𑀼𑀓𑀁, 𑀤𑀼𑀓𑀢𑀺𑀓𑀁, 𑀢𑀺𑀓𑀘𑀢𑀼𑀓𑁆𑀓𑀁, 𑀘𑀢𑀼𑀓𑁆𑀓𑀧𑀜𑁆𑀘𑀓𑀁 𑀇𑀘𑁆𑀘𑀸𑀤𑀺.

𑀧𑀘𑀦𑀘𑀡𑁆𑀟𑀸𑀮𑀤𑁆𑀯𑀦𑁆𑀤𑁂 𑁋

𑀑𑀭𑀩𑁆𑀪𑀺𑀓𑀸 ¶ 𑀘 𑀲𑀽𑀓𑀭𑀺𑀓𑀸 𑀘 𑀑𑀭𑀩𑁆𑀪𑀺𑀓𑀲𑀽𑀓𑀭𑀺𑀓𑀁. 𑀏𑀯𑀁 𑀲𑀸𑀓𑀼𑀡𑀺𑀓𑀫𑀸𑀕𑀯𑀺𑀓𑀁, 𑀲𑀧𑀸𑀓𑀘𑀡𑁆𑀟𑀸𑀮𑀁, 𑀯𑁂𑀦𑀭𑀣𑀓𑀸𑀭𑀁, 𑀧𑀼𑀓𑁆𑀓𑀼𑀲𑀙𑀯𑀟𑀸𑀳𑀓𑀁 𑀇𑀘𑁆𑀘𑀸𑀤𑀺.

𑀮𑀺𑀗𑁆𑀕𑀯𑀺𑀲𑀪𑀸𑀕𑀤𑁆𑀯𑀦𑁆𑀤𑁂 𑁋

𑀇𑀢𑁆𑀣𑀺𑀧𑀼𑀫𑀁, 𑀤𑀸𑀲𑀺𑀤𑀸𑀲𑀁 𑀇𑀘𑁆𑀘𑀸𑀤𑀺.

𑀤𑀺𑀲𑀸𑀤𑁆𑀯𑀦𑁆𑀤𑁂 𑁋

𑀧𑀼𑀩𑁆𑀩𑀸 𑀘 𑀅𑀧𑀭𑀸 𑀘 𑀧𑀼𑀩𑁆𑀩𑀸𑀧𑀭𑀁. 𑀏𑀯𑀁 𑀤𑀓𑁆𑀔𑀺𑀡𑀼𑀢𑁆𑀢𑀭𑀁, 𑀧𑀼𑀩𑁆𑀩𑀤𑀓𑁆𑀔𑀺𑀡𑀁, 𑀧𑀼𑀩𑁆𑀩𑀼𑀢𑁆𑀢𑀭𑀁, 𑀅𑀧𑀭𑀤𑀓𑁆𑀔𑀺𑀡𑀁, 𑀅𑀧𑀭𑀼𑀢𑁆𑀢𑀭𑀁.

𑀦𑀤𑀻𑀤𑁆𑀯𑀦𑁆𑀤𑁂 𑁋

𑀕𑀗𑁆𑀕𑀸𑀬𑀫𑀼𑀦𑀁, 𑀫𑀳𑀺𑀲𑀭𑀪𑀼, 𑀲𑀩𑁆𑀩𑀢𑁆𑀣 𑀦𑀧𑀼𑀁𑀲𑀓𑀢𑁆𑀢𑀸 𑀅𑀦𑁆𑀢𑁂 𑀤𑀻𑀖𑀸𑀦𑀁 𑀭𑀲𑁆𑀲𑀢𑁆𑀢𑀁 𑀲𑀢𑁆𑀢𑀲𑀼 𑀯𑀺𑀪𑀢𑁆𑀢𑀻𑀲𑀼 𑀏𑀓𑀯𑀘𑀦𑀦𑁆𑀢𑀜𑁆𑀘.

𑀇𑀢𑀺 𑀦𑀺𑀘𑁆𑀘𑀲𑀫𑀸𑀳𑀸𑀭𑀭𑀸𑀲𑀺.

𑀯𑀺𑀓𑀧𑁆𑀧𑀮𑀤𑁆𑀥𑁂𑀲𑀼 [𑀓. 𑁩𑁨𑁩; 𑀭𑀽. 𑁩𑁬𑁦; 𑀦𑀻. 𑁭𑁦𑁧] 𑀢𑀺𑀡𑀯𑀺𑀲𑁂𑀲𑀤𑁆𑀯𑀦𑁆𑀤𑁂 𑁋

𑀉𑀲𑀻𑀭𑀸𑀦𑀺 𑀘 𑀩𑀻𑀭𑀡𑀸𑀦𑀺 𑀘 𑀉𑀲𑀻𑀭𑀩𑀻𑀭𑀡𑀁, 𑀉𑀲𑀻𑀭𑀩𑀻𑀭𑀡𑀸. 𑀏𑀯𑀁 𑀫𑀼𑀜𑁆𑀚𑀧𑀩𑁆𑀩𑀚𑀁, 𑀫𑀼𑀜𑁆𑀚𑀧𑀩𑁆𑀩𑀚𑀸, 𑀓𑀸𑀲𑀓𑀼𑀲𑀁, 𑀓𑀸𑀲𑀓𑀼𑀲𑀸.

𑀭𑀼𑀓𑁆𑀔𑀯𑀺𑀲𑁂𑀲𑀤𑁆𑀯𑀦𑁆𑀤𑁂 𑁋

𑀔𑀤𑀺𑀭𑁄 𑀘 𑀧𑀮𑀸𑀲𑁄 𑀘 𑀔𑀤𑀺𑀭𑀧𑀮𑀸𑀲𑀁, 𑀔𑀤𑀺𑀭𑀧𑀮𑀸𑀲𑀸, 𑀥𑀯𑁄 𑀘 𑀅𑀲𑁆𑀲𑀓𑀡𑁆𑀡𑁄 𑀘 𑀥𑀯𑀲𑁆𑀲𑀓𑀡𑁆𑀡𑀁, 𑀥𑀯𑀲𑁆𑀲𑀓𑀡𑁆𑀡𑀸, 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀁, 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀸, 𑀅𑀲𑁆𑀲𑀢𑁆𑀣𑀓𑀧𑀻𑀢𑀦𑀁 [𑀓𑀧𑀺𑀢𑁆𑀣𑀦𑀁 (𑀓𑀢𑁆𑀣𑀘𑀺)], 𑀅𑀲𑁆𑀲𑀢𑁆𑀣𑀓𑀧𑀻𑀢𑀦𑀸, 𑀲𑀸𑀓𑀲𑀸𑀮𑀁, 𑀲𑀸𑀓𑀲𑀸𑀮𑀸.

𑀧𑀲𑀼𑀯𑀺𑀲𑁂𑀲𑀤𑁆𑀯𑀦𑁆𑀤𑁂 𑁋

𑀕𑀚𑀸 ¶ 𑀘 𑀕𑀯𑀚𑀸 𑀘 𑀕𑀚𑀕𑀯𑀚𑀁, 𑀕𑀚𑀕𑀯𑀚𑀸, 𑀕𑁄𑀫𑀳𑀺𑀲𑀁, 𑀕𑁄𑀫𑀳𑀺𑀲𑀸, 𑀏𑀡𑁂𑀬𑁆𑀬𑀯𑀭𑀸𑀳𑀁, 𑀏𑀡𑁂𑀬𑁆𑀬𑀯𑀭𑀸𑀳𑀸, 𑀅𑀚𑁂𑀴𑀓𑀁, 𑀅𑀚𑁂𑀴𑀓𑀸, 𑀓𑀼𑀓𑁆𑀓𑀼𑀝𑀲𑀽𑀓𑀭𑀁, 𑀓𑀼𑀓𑁆𑀓𑀼𑀝𑀲𑀽𑀓𑀭𑀸, 𑀳𑀢𑁆𑀣𑀺𑀕𑀯𑀲𑁆𑀲𑀯𑀴𑀯𑀁, 𑀳𑀢𑁆𑀣𑀺𑀕𑀯𑀲𑁆𑀲𑀯𑀴𑀯𑀸.

𑀲𑀓𑀼𑀡𑀯𑀺𑀲𑁂𑀲𑀤𑁆𑀯𑀦𑁆𑀤𑁂 𑁋

𑀳𑀁𑀲𑀩𑀺𑀮𑀯𑀁, 𑀳𑀁𑀲𑀩𑀺𑀮𑀯𑀸, 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀁, 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀸, 𑀩𑀓𑀩𑀮𑀸𑀓𑀁, 𑀩𑀓𑀩𑀮𑀸𑀓𑀸.

𑀥𑀦𑀤𑁆𑀯𑀦𑁆𑀤𑁂 𑁋

𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀁, 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀸, 𑀫𑀡𑀺 𑀘 𑀲𑀗𑁆𑀔𑁄 𑀘 𑀫𑀼𑀢𑁆𑀢𑀸 𑀘 𑀯𑁂𑀴𑀼𑀭𑀺𑀬𑀜𑁆𑀘 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀯𑁂𑀴𑀼𑀭𑀺𑀬𑀁, 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀯𑁂𑀴𑀼𑀭𑀺𑀬𑀸, 𑀚𑀸𑀢𑀭𑀽𑀧𑀭𑀚𑀢𑀁, 𑀚𑀸𑀢𑀭𑀽𑀧𑀭𑀚𑀢𑀸.

𑀥𑀜𑁆𑀜𑀤𑁆𑀯𑀦𑁆𑀤𑁂 𑁋

𑀲𑀸𑀮𑀺𑀬𑀯𑀁, 𑀲𑀸𑀮𑀺𑀬𑀯𑀸, 𑀢𑀺𑀮𑀫𑀼𑀕𑁆𑀕𑀫𑀸𑀲𑀁, 𑀢𑀺𑀮𑀫𑀼𑀕𑁆𑀕𑀫𑀸𑀲𑀸, 𑀦𑀺𑀧𑁆𑀨𑀸𑀯𑀓𑀼𑀮𑀢𑁆𑀣𑀁, 𑀦𑀺𑀧𑁆𑀨𑀸𑀯𑀓𑀼𑀮𑀢𑁆𑀣𑀸.

𑀩𑁆𑀬𑀜𑁆𑀚𑀦𑀸𑀦𑀁 𑀤𑁆𑀯𑀦𑁆𑀤𑁂 𑁋

𑀫𑀘𑁆𑀙𑀫𑀁𑀲𑀁, 𑀫𑀘𑁆𑀙𑀫𑀁𑀲𑀸, 𑀲𑀸𑀓𑀲𑀽𑀧𑀁, 𑀲𑀸𑀓𑀲𑀽𑀧𑀸, 𑀕𑀩𑁆𑀬𑀫𑀸𑀳𑀺𑀲𑀁, 𑀕𑀩𑁆𑀬𑀫𑀸𑀳𑀺𑀲𑀸, 𑀏𑀡𑁂𑀬𑁆𑀬𑀯𑀸𑀭𑀸𑀳𑀁, 𑀏𑀡𑁂𑀬𑁆𑀬𑀯𑀸𑀭𑀸𑀳𑀸, 𑀫𑀺𑀕𑀫𑀸𑀬𑀽𑀭𑀁, 𑀫𑀺𑀕𑀫𑀸𑀬𑀽𑀭𑀸.

𑀚𑀦𑀧𑀤𑀤𑁆𑀯𑀦𑁆𑀤𑁂 𑁋

𑀓𑀸𑀲𑀺𑀓𑁄𑀲𑀮𑀁, 𑀓𑀸𑀲𑀺𑀓𑁄𑀲𑀮𑀸, 𑀯𑀚𑁆𑀚𑀺𑀫𑀮𑁆𑀮𑀁, 𑀯𑀚𑁆𑀚𑀺𑀫𑀮𑁆𑀮𑀸, 𑀘𑁂𑀢𑀯𑀁𑀲𑀁, 𑀘𑁂𑀢𑀯𑀁𑀲𑀸, 𑀫𑀚𑁆𑀛𑀜𑁆𑀘 𑀲𑀽𑀭𑀲𑁂𑀦𑀜𑁆𑀘 𑀫𑀚𑁆𑀛𑀲𑀽𑀭𑀲𑁂𑀦𑀁, 𑀫𑀚𑁆𑀛𑀲𑀽𑀭𑀲𑁂𑀦𑀸, 𑀓𑀼𑀭𑀼𑀧𑀜𑁆𑀘𑀸𑀮𑀁, 𑀓𑀼𑀭𑀼𑀧𑀜𑁆𑀘𑀸𑀮𑀸.

𑀇𑀢𑀺 𑀯𑀺𑀓𑀧𑁆𑀧𑀲𑀫𑀸𑀳𑀸𑀭𑀭𑀸𑀲𑀺.

𑀤𑁆𑀯𑀦𑁆𑀤𑀲𑀫𑀸𑀲𑁄 𑀦𑀺𑀝𑁆𑀞𑀺𑀢𑁄.

𑀯𑀺𑀲𑁂𑀲𑀯𑀺𑀥𑀸𑀦

𑀇𑀤𑀸𑀦𑀺 ¶ 𑀧𑀼𑀩𑁆𑀩𑁂 𑀯𑀼𑀢𑁆𑀢𑀸𑀦𑀺 𑀅𑀯𑀼𑀢𑁆𑀢𑀸𑀦𑀺 𑀘 𑀙𑀲𑀼 𑀲𑀫𑀸𑀲𑁂𑀲𑀼 𑀯𑀺𑀲𑁂𑀲𑀯𑀺𑀥𑀸𑀦𑀸𑀦𑀺 𑀯𑀼𑀘𑁆𑀘𑀦𑁆𑀢𑁂.

𑀦𑀧𑀼𑀁𑀲𑀓𑁂𑀓𑀢𑁆𑀢𑀁, 𑀲𑀫𑀸𑀲𑀦𑁆𑀢𑀭𑀲𑁆𑀲𑁄, 𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑁄, 𑀲𑀫𑀸𑀲𑀦𑁆𑀢𑁂 𑀓, 𑀲𑀫𑀸𑀲𑀦𑁆𑀢𑁂 𑀅, 𑀦𑀸𑀦𑀸𑀤𑁂𑀲𑁄, 𑀅𑀩𑁆𑀬𑀬𑁄, 𑀲𑀗𑁆𑀔𑁆𑀬𑀸.

𑀦𑀧𑀼𑀁𑀲𑀓𑁂𑀓𑀢𑁆𑀢𑀭𑀸𑀲𑀺

𑀢𑀢𑁆𑀣 𑀲𑀩𑁆𑀩𑁄 𑀅𑀩𑁆𑀬𑀬𑀻𑀪𑀸𑀯𑁄 𑀦𑀧𑀼𑀁𑀲𑀓𑀮𑀺𑀗𑁆𑀕𑁄 𑀏𑀯, 𑀲𑀫𑀸𑀳𑀸𑀭𑀪𑀽𑀢𑀸 𑀤𑀺𑀕𑀼, 𑀤𑁆𑀯𑀦𑁆𑀤𑀸 𑀦𑀧𑀼𑀁𑀲𑀓𑀸 𑀘 𑀏𑀓𑀢𑁆𑀢𑀲𑀗𑁆𑀔𑁆𑀬𑀸 𑀘.

𑁩𑁫𑁯. 𑀓𑁆𑀯𑀘𑁂𑀓𑀢𑁆𑀢𑀜𑁆𑀘 𑀙𑀝𑁆𑀞𑀺𑀬𑀸 [𑀓. 𑁩𑁨𑁭; 𑀭𑀽. 𑁩𑁫𑁧; 𑀦𑀻. 𑁭𑁦𑁪; 𑀘𑀁. 𑁨.𑁨.𑁬𑁯-𑁭𑁩; 𑀧𑀸. 𑁨.𑁪.𑁨𑁨-𑁨𑁫].

𑀙𑀝𑁆𑀞𑀻𑀲𑀫𑀸𑀲𑁂 𑀓𑁆𑀯𑀘𑀺 𑀦𑀧𑀼𑀁𑀲𑀓𑀢𑁆𑀢𑀁 𑀏𑀓𑀢𑁆𑀢𑀜𑁆𑀘 𑀳𑁄𑀢𑀺.

𑀙𑀸𑀬𑀸, 𑀲𑀪𑀸𑀲𑁆𑀯𑁂𑀯𑀸𑀬𑀁 𑀯𑀺𑀥𑀺, 𑀲𑀮𑀪𑀸𑀦𑀁 𑀙𑀸𑀬𑀸 𑀲𑀮𑀪𑀘𑁆𑀙𑀸𑀬𑀁 […𑀲𑀪𑀘𑁆𑀙𑀸𑀬𑀁 (𑀫𑀽𑀮𑀧𑀸𑀞𑁂)]. 𑀏𑀯𑀁 𑀲𑀓𑀝𑀘𑁆𑀙𑀸𑀬𑀁, 𑀖𑀭𑀘𑁆𑀙𑀸𑀬𑀁. 𑀇𑀥 𑀦 𑀳𑁄𑀢𑀺, 𑀭𑀼𑀓𑁆𑀔𑀘𑁆𑀙𑀸𑀬𑀸, 𑀧𑀩𑁆𑀩𑀢𑀘𑁆𑀙𑀸𑀬𑀸. 𑀲𑀪𑀸𑀲𑀤𑁆𑀤𑁂 𑀅𑀫𑀦𑀼𑀲𑁆𑀲𑀲𑀪𑀸𑀲𑁆𑀯𑁂𑀯𑀸𑀬𑀁 𑀯𑀺𑀥𑀺, 𑀩𑁆𑀭𑀳𑁆𑀫𑀽𑀦𑀁 𑀲𑀪𑀸 𑀩𑁆𑀭𑀳𑁆𑀫𑀲𑀪𑀁. 𑀏𑀯𑀁 𑀤𑁂𑀯𑀲𑀪𑀁, 𑀇𑀦𑁆𑀤𑀲𑀪𑀁, 𑀬𑀓𑁆𑀔𑀲𑀪𑀁, 𑀭𑀓𑁆𑀔𑀲𑀲𑀢𑀁. 𑀫𑀦𑀼𑀲𑁆𑀲𑀲𑀪𑀸𑀲𑀼 𑀦𑀢𑁆𑀣𑀺, 𑀔𑀢𑁆𑀢𑀺𑀬𑀲𑀪𑀸, 𑀭𑀸𑀚𑀲𑀪𑀸 𑀇𑀘𑁆𑀘𑀸𑀤𑀺.

𑀓𑁆𑀯𑀘𑀻𑀢𑀺 𑀓𑀺𑀁? 𑀭𑀸𑀚𑀧𑀭𑀺𑀲𑀸.

𑀇𑀢𑀺 𑀦𑀧𑀼𑀁𑀲𑀓𑁂𑀓𑀢𑁆𑀢𑀭𑀸𑀲𑀺.

𑀲𑀫𑀸𑀲𑀦𑁆𑀢𑀭𑀲𑁆𑀲𑀭𑀸𑀲𑀺

‘𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄’𑀢𑀺 𑀲𑀼𑀢𑁆𑀢𑁂𑀦 𑀅𑀩𑁆𑀬𑀬𑀻𑀪𑀸𑀯, 𑀲𑀫𑀸𑀳𑀸𑀭𑀤𑀺𑀕𑀼, 𑀤𑁆𑀯𑀦𑁆𑀤𑀸𑀦𑀁 𑀓𑀲𑁆𑀲𑀘𑀺 𑀢𑀧𑁆𑀧𑀼𑀭𑀺𑀲𑀲𑁆𑀲 𑀘 𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄.

𑀅𑀩𑁆𑀬𑀬𑀻𑀪𑀸𑀯𑁂 𑁋

𑀉𑀧𑀫𑀡𑀺𑀓𑀁 ¶ 𑀅𑀥𑀺𑀢𑁆𑀣𑀺, 𑀉𑀧𑀯𑀥𑀼.

𑀲𑀫𑀸𑀳𑀸𑀭𑀤𑀺𑀕𑀼𑀫𑁆𑀳𑀺 𑁋

𑀘𑀢𑀼𑀤𑁆𑀤𑀺𑀲𑀁, 𑀤𑀲𑀺𑀢𑁆𑀣𑀺, 𑀤𑀲𑀯𑀥𑀼.

𑀲𑀫𑀸𑀳𑀸𑀭𑀤𑁆𑀯𑀦𑁆𑀤𑁂 𑁋

𑀫𑀼𑀔𑀦𑀸𑀲𑀺𑀓𑀁, 𑀳𑀦𑀼𑀕𑀻𑀯𑀁.

𑀢𑀧𑁆𑀧𑀼𑀭𑀺𑀲𑁂 𑁋

𑀲𑀮𑀪𑀘𑁆𑀙𑀸𑀬𑀁, 𑀩𑁆𑀭𑀳𑁆𑀫𑀲𑀪𑀁.

𑁩𑁬𑁦. 𑀖𑀧𑀲𑁆𑀲𑀦𑁆𑀢𑀲𑁆𑀲𑀸𑀧𑁆𑀧𑀥𑀸𑀦𑀲𑁆𑀲 [𑀓. 𑁪𑁦𑁩; 𑀭𑀽. 𑁩𑁫𑁪; 𑀦𑀻. 𑁮𑁫𑁮; 𑀘𑀁. 𑁨.𑁨.𑁮𑁬; 𑀧𑀸. 𑁧.𑁨.𑁪𑁮].

𑀲𑁆𑀬𑀸𑀤𑀻𑀲𑀼 𑀅𑀦𑁆𑀢𑀪𑀽𑀢𑀲𑁆𑀲 𑀅𑀧𑁆𑀧𑀥𑀸𑀦𑀪𑀽𑀢𑀲𑁆𑀲 𑀘 𑀖𑀧𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺.

𑀩𑀳𑀼𑀩𑁆𑀩𑀻𑀳𑀺𑀫𑁆𑀳𑀺 𑁋

𑀩𑀳𑀼𑀓𑀜𑁆𑀜𑁄, 𑀧𑁄𑀲𑁄, 𑀩𑀳𑀼𑀇𑀢𑁆𑀣𑀺, 𑀓𑀼𑀮𑀁, 𑀩𑀳𑀼𑀯𑀥𑀼, 𑀓𑀼𑀮𑀁.

𑀅𑀩𑁆𑀬𑀬𑀻𑀪𑀸𑀯𑁂 𑁋

𑀉𑀧𑀫𑀡𑀺𑀓𑀁, 𑀅𑀥𑀺𑀢𑁆𑀣𑀺, 𑀉𑀧𑀯𑀥𑀼.

𑀅𑀦𑁆𑀢𑀲𑁆𑀲𑀸𑀢𑀺 𑀓𑀺𑀁? 𑀲𑀤𑁆𑀥𑀸𑀥𑀦𑁄, 𑀧𑀼𑀭𑀺𑀲𑁄.

𑀅𑀧𑁆𑀧𑀥𑀸𑀦𑀲𑁆𑀲𑀸𑀢𑀺 𑀓𑀺𑀁? 𑀭𑀸𑀚𑀓𑀜𑁆𑀜𑀸, 𑀭𑀸𑀚𑀓𑀼𑀫𑀸𑀭𑀻, 𑀩𑁆𑀭𑀳𑁆𑀫𑀩𑀦𑁆𑀥𑀽.

𑁩𑁬𑁧. 𑀕𑁄𑀲𑁆𑀲𑀼 [𑀓. 𑁩𑁪𑁨; 𑀭𑀽. 𑁩𑁩𑁭; 𑀦𑀻. 𑁭𑁨𑁨; 𑀘𑀁. 𑁨.𑁨.𑁮𑁫; 𑀧𑀸. 𑁧.𑁨.𑁪𑁮].

𑀲𑁆𑀬𑀸𑀤𑀻𑀲𑀼 𑀅𑀦𑁆𑀢𑀪𑀽𑀢𑀲𑁆𑀲 𑀅𑀧𑁆𑀧𑀥𑀸𑀦𑀪𑀽𑀢𑀲𑁆𑀲 𑀘 𑀕𑁄𑀲𑁆𑀲 𑀉 𑀳𑁄𑀢𑀺.

𑀢𑀺𑀝𑁆𑀞𑀕𑀼 ¶ 𑀘𑀺𑀢𑁆𑀢𑀕𑀼.

𑀅𑀧𑁆𑀧𑀥𑀸𑀦𑀲𑁆𑀲𑀸𑀢𑀺 𑀓𑀺𑀁? 𑀭𑀸𑀚𑀕𑀯𑁄.

𑀅𑀦𑁆𑀢𑀲𑁆𑀲𑀸𑀢𑀺 𑀓𑀺𑀁? 𑀕𑁄𑀓𑀼𑀮𑀁.

𑀇𑀢𑀺 𑀲𑀫𑀸𑀲𑀦𑁆𑀢𑀭𑀲𑁆𑀲𑀭𑀸𑀲𑀺.

𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑀭𑀸𑀲𑀺

𑁩𑁬𑁨. 𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑀸𑀯𑁂𑀓𑀢𑁆𑀣𑁂 [𑀓. 𑁩𑁩𑁧; 𑀭𑀽. 𑁩𑁫𑁩; 𑀦𑀻. 𑁭𑁧𑁪; 𑀘𑀁. 𑁫.𑁨.𑁨𑁯; 𑀧𑀸. 𑁬.𑁩.𑁩𑁪].

‘𑀏𑀓𑀢𑁆𑀣𑁂’𑀢𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂, 𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑁂 𑀏𑀓𑀢𑁆𑀣𑁂 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀓𑀤𑀸𑀘𑀺 𑀪𑀸𑀲𑀺𑀢𑀧𑀼𑀫𑁄 𑀇𑀢𑁆𑀣𑀺𑀮𑀺𑀗𑁆𑀕𑀲𑀤𑁆𑀤𑁄 𑀧𑀼𑀫𑀸 𑀇𑀯 𑀳𑁄𑀢𑀺. 𑀘𑀢𑀼𑀭𑀗𑁆𑀕𑀫𑀺𑀤𑀁 𑀯𑀺𑀥𑀸𑀦𑀁, 𑀧𑀼𑀩𑁆𑀩𑀧𑀤𑀁 𑀇𑀢𑁆𑀣𑀺𑀮𑀺𑀗𑁆𑀕𑀜𑁆𑀘 𑀪𑀸𑀲𑀺𑀢𑀧𑀼𑀫𑀜𑁆𑀘 𑀲𑀺𑀬𑀸, 𑀧𑀭𑀧𑀤𑀁 𑀦𑀺𑀬𑀢𑀺𑀢𑁆𑀣𑀺𑀮𑀺𑀗𑁆𑀕𑀜𑁆𑀘 𑀧𑀼𑀩𑁆𑀩𑀧𑀤𑁂𑀦 𑀏𑀓𑀢𑁆𑀣𑀜𑁆𑀘 𑀲𑀺𑀬𑀸𑀢𑀺.

𑀤𑀻𑀖𑀸 𑀚𑀗𑁆𑀖𑀸 𑀬𑀲𑁆𑀲 𑀲𑁄 𑀤𑀻𑀖𑀚𑀗𑁆𑀖𑁄, 𑀧𑀼𑀭𑀺𑀲𑁄, 𑀤𑀻𑀖𑀚𑀗𑁆𑀖𑀸, 𑀇𑀢𑁆𑀣𑀻, 𑀤𑀻𑀖𑀚𑀗𑁆𑀖𑀁, 𑀓𑀼𑀮𑀁.

𑀏𑀢𑁆𑀣 𑀘 𑀬𑁂 𑀲𑀤𑁆𑀤𑀸 𑀓𑀢𑁆𑀣𑀘𑀺 𑀧𑀼𑀮𑁆𑀮𑀺𑀗𑁆𑀕𑀭𑀽𑀧𑀸 𑀳𑁄𑀦𑁆𑀢𑀺, 𑀓𑀢𑁆𑀣𑀘𑀺 𑀇𑀢𑁆𑀣𑀺𑀧𑀘𑁆𑀘𑀬𑀬𑀼𑀢𑁆𑀢𑀸 𑀇𑀢𑁆𑀣𑀺𑀮𑀺𑀗𑁆𑀕𑀭𑀽𑀧𑀸, 𑀢𑁂 𑀪𑀸𑀲𑀺𑀢𑀧𑀼𑀫𑀸 𑀦𑀸𑀫. 𑀤𑀻𑀖𑁄 𑀫𑀕𑁆𑀕𑁄, 𑀤𑀻𑀖𑀸 𑀭𑀢𑁆𑀢𑀺, 𑀕𑀢𑁄 𑀧𑀼𑀭𑀺𑀲𑁄, 𑀕𑀢𑀸 𑀇𑀢𑁆𑀣𑀻, 𑀓𑀼𑀫𑀸𑀭𑁄, 𑀓𑀼𑀫𑀸𑀭𑀻, 𑀩𑁆𑀭𑀸𑀳𑁆𑀫𑀡𑁄, 𑀩𑁆𑀭𑀸𑀳𑁆𑀫𑀡𑀻 𑀇𑀘𑁆𑀘𑀸𑀤𑀺.

𑀬𑁂 𑀧𑀦 𑀇𑀢𑁆𑀣𑀺𑀧𑀘𑁆𑀘𑀬𑀬𑀼𑀢𑁆𑀢𑀸 𑀦𑀺𑀘𑁆𑀘𑀁 𑀇𑀢𑁆𑀣𑀺𑀮𑀺𑀗𑁆𑀕𑀭𑀽𑀧𑀸 𑀳𑁄𑀦𑁆𑀢𑀺, 𑀢𑁂 𑀪𑀸𑀲𑀺𑀢𑀧𑀼𑀫𑀸 𑀦𑀸𑀫 𑀦 𑀳𑁄𑀦𑁆𑀢𑀺, 𑀓𑀜𑁆𑀜𑀸, 𑀧𑀜𑁆𑀜𑀸, 𑀲𑀤𑁆𑀥𑀸, 𑀦𑀤𑀻, 𑀇𑀢𑁆𑀣𑀻, 𑀧𑀣𑀯𑀻 𑀇𑀘𑁆𑀘𑀸𑀤𑀺. 𑀢𑀣𑀸 𑀲𑀪𑀸𑀯𑀇𑀢𑁆𑀣𑀺𑀮𑀺𑀗𑁆𑀕𑀸𑀧𑀺 𑀦𑀺𑀬𑀢𑀧𑀼𑀦𑁆𑀦𑀧𑀼𑀁𑀲𑀓𑀮𑀺𑀗𑁆𑀕𑀸𑀧𑀺 𑀪𑀸𑀲𑀺𑀢𑀧𑀼𑀫𑀸 𑀦 𑀳𑁄𑀦𑁆𑀢𑀺, 𑀤𑁂𑀯𑀢𑀸, 𑀭𑀢𑁆𑀢𑀺, 𑀥𑁂𑀦𑀼, 𑀯𑀥𑀽, 𑀲𑀓𑁆𑀓𑁄, 𑀤𑁂𑀯𑁄, 𑀩𑁆𑀭𑀳𑁆𑀫𑀸, 𑀭𑀢𑀦𑀁, 𑀲𑀭𑀡𑀁 𑀇𑀘𑁆𑀘𑀸𑀤𑀺.

𑀇𑀥 𑀧𑀦 𑀤𑀻𑀖𑀲𑀤𑁆𑀤𑁄 ‘‘𑀤𑀻𑀖𑁄 𑀩𑀸𑀮𑀸𑀦 𑀲𑀁𑀲𑀸𑀭𑁄’’𑀢𑀺 [𑀥. 𑀧. 𑁬𑁦] 𑀆𑀤𑀻𑀲𑀼 𑀪𑀸𑀲𑀺𑀢𑀧𑀼𑀫𑁄, 𑀲𑁄 𑀯𑀺𑀲𑁂𑀲𑁆𑀬𑀮𑀺𑀗𑁆𑀕𑀸𑀦𑀼𑀕𑀢𑀯𑀲𑁂𑀦 𑀇𑀥 𑀇𑀢𑁆𑀣𑀺𑀧𑀘𑁆𑀘𑀬𑀬𑀼𑀢𑁆𑀢𑁄 ¶ 𑀇𑀢𑁆𑀣𑀺𑀮𑀺𑀗𑁆𑀕𑀲𑀤𑁆𑀤𑁄 𑀦𑀸𑀫. 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑁂 𑀓𑀢𑁂 𑀢𑀢𑁆𑀣 𑀆𑀧𑀘𑁆𑀘𑀬𑁄 𑀅𑀦𑁆𑀢𑀭𑀥𑀸𑀬𑀢𑀺, ‘𑀖𑀧𑀲𑁆𑀲𑀦𑁆𑀢𑀲𑁆𑀲𑀸𑀧𑁆𑀧𑀥𑀸𑀦𑀲𑁆𑀲𑀸’𑀢𑀺 𑀲𑀼𑀢𑁆𑀢𑁂𑀦 𑀲𑀫𑀸𑀲𑀦𑁆𑀢𑀲𑁆𑀲 𑀆𑀓𑀸𑀭𑀲𑁆𑀲 𑀭𑀲𑁆𑀲𑀢𑁆𑀢𑀁, 𑀓𑀼𑀫𑀸𑀭𑀻 𑀪𑀭𑀺𑀬𑀸 𑀬𑀲𑁆𑀲 𑀲𑁄 𑀓𑀼𑀫𑀸𑀭𑀪𑀭𑀺𑀬𑁄, 𑀈𑀧𑀘𑁆𑀘𑀬𑀦𑀺𑀯𑀢𑁆𑀢𑀺. 𑀬𑀼𑀯𑀢𑀺 𑀚𑀸𑀬𑀸 𑀬𑀲𑁆𑀲 𑀲𑁄 𑀬𑀼𑀯𑀚𑀸𑀬𑁄, 𑀢𑀺𑀧𑀘𑁆𑀘𑀬𑀦𑀺𑀯𑀢𑁆𑀢𑀺. 𑀩𑁆𑀭𑀳𑁆𑀫𑀩𑀦𑁆𑀥𑀽 𑀪𑀭𑀺𑀬𑀸 𑀬𑀲𑁆𑀲 𑀲𑁄 𑀩𑁆𑀭𑀳𑁆𑀫𑀩𑀦𑁆𑀥𑀼𑀪𑀭𑀺𑀬𑁄, 𑀊𑀧𑀘𑁆𑀘𑀬𑀦𑀺𑀯𑀢𑁆𑀢𑀺.

𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀓𑀼𑀫𑀸𑀭𑀻 𑀭𑀢𑀦𑀁 𑀬𑀲𑁆𑀲 𑀲𑁄 𑀓𑀼𑀫𑀸𑀭𑀻𑀭𑀢𑀦𑁄, 𑀧𑀼𑀭𑀺𑀲𑁄, 𑀇𑀥 𑀧𑀭𑀧𑀤𑀁 𑀇𑀢𑁆𑀣𑀺𑀮𑀺𑀗𑁆𑀕𑀁 𑀦 𑀳𑁄𑀢𑀺, 𑀢𑀲𑁆𑀫𑀸 𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑁄 𑀦 𑀓𑀸𑀢𑀩𑁆𑀩𑁄, 𑀬𑀤𑀺 𑀓𑀭𑁂𑀬𑁆𑀬, 𑀓𑀼𑀫𑀸𑀭𑁄 𑀭𑀢𑀦𑀁 𑀬𑀲𑁆𑀲 𑀓𑀼𑀫𑀸𑀭𑀭𑀢𑀦𑁄𑀢𑀺 𑀏𑀯𑀁 𑀅𑀦𑀺𑀝𑁆𑀞𑀢𑁆𑀣𑁄 𑀪𑀯𑁂𑀬𑁆𑀬.

𑀏𑀓𑀢𑁆𑀣𑁂𑀢𑀺 𑀓𑀺𑀁? 𑀓𑀼𑀫𑀸𑀭𑀻𑀲𑀼 𑀪𑀢𑁆𑀢𑀺 𑀬𑀲𑁆𑀲 𑀲𑁄 𑀓𑀼𑀫𑀸𑀭𑀻𑀪𑀢𑁆𑀢𑀺𑀓𑁄. 𑀏𑀯𑀁 𑀲𑀫𑀡𑀻𑀪𑀢𑁆𑀢𑀺𑀓𑁄, 𑀩𑁆𑀭𑀸𑀳𑁆𑀫𑀡𑀻𑀪𑀢𑁆𑀢𑀺𑀓𑁄, 𑀲𑀫𑀸𑀲𑀦𑁆𑀢𑁂 𑀓𑁄, 𑀇𑀥 𑀧𑀭𑀧𑀤𑀁 𑀧𑀼𑀩𑁆𑀩𑀧𑀤𑁂𑀦 𑀏𑀓𑀢𑁆𑀣𑀁 𑀦 𑀳𑁄𑀢𑀺, 𑀢𑀲𑁆𑀫𑀸 𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑁄 𑀦 𑀓𑀸𑀢𑀩𑁆𑀩𑁄, 𑀬𑀤𑀺 𑀓𑀭𑁂𑀬𑁆𑀬, 𑀓𑀼𑀫𑀸𑀭𑁂𑀲𑀼 𑀪𑀢𑁆𑀢𑀺 𑀬𑀲𑁆𑀲 𑀲𑁄 𑀓𑀼𑀫𑀸𑀭𑀪𑀢𑁆𑀢𑀺𑀓𑁄𑀢𑀺 𑀏𑀯𑀁 𑀅𑀦𑀺𑀝𑁆𑀞𑀢𑁆𑀣𑁄 𑀪𑀯𑁂𑀬𑁆𑀬.

𑀇𑀢𑁆𑀣𑀻𑀢𑀺 𑀓𑀺𑀁? 𑀤𑀝𑁆𑀞𑀩𑁆𑀩𑀝𑁆𑀞𑁂𑀦 𑀤𑀺𑀝𑁆𑀞𑀺, 𑀕𑀸𑀫𑀡𑀺𑀓𑀼𑀮𑀁 𑀤𑀺𑀝𑁆𑀞𑀺 𑀬𑁂𑀦 𑀲𑁄 𑀕𑀸𑀫𑀡𑀺𑀤𑀺𑀝𑁆𑀞𑀺, 𑀇𑀥 𑀕𑀸𑀫𑀡𑀺𑀲𑀤𑁆𑀤𑁄 𑀪𑀸𑀲𑀺𑀢𑀧𑀼𑀫𑁄 𑀳𑁄𑀢𑀺, 𑀇𑀥 𑀧𑀦 𑀓𑀼𑀮𑀯𑀸𑀘𑀓𑀢𑁆𑀢𑀸 𑀦𑀧𑀼𑀁𑀲𑀓𑀮𑀺𑀗𑁆𑀕𑁂 𑀢𑀺𑀝𑁆𑀞𑀢𑀺, 𑀇𑀢𑁆𑀣𑀺𑀧𑀘𑁆𑀘𑀬𑁄 𑀦𑀢𑁆𑀣𑀺, 𑀢𑀲𑁆𑀫𑀸 𑀧𑀼𑀫𑁆𑀪𑀸𑀯𑀸𑀢𑀺𑀤𑁂𑀲𑀓𑀺𑀘𑁆𑀘𑀁 𑀦𑀢𑁆𑀣𑀺.

𑀪𑀸𑀲𑀺𑀢𑀧𑀼𑀫𑁄𑀢𑀺 𑀓𑀺𑀁? 𑀲𑀤𑁆𑀥𑀸 𑀧𑀓𑀢𑀺 𑀬𑀲𑁆𑀲 𑀲𑁄 𑀲𑀤𑁆𑀥𑀸𑀧𑀓𑀢𑀺𑀓𑁄. 𑀏𑀯𑀁 𑀧𑀜𑁆𑀜𑀸𑀧𑀓𑀢𑀺𑀓𑁄, 𑀇𑀥 𑀧𑀼𑀩𑁆𑀩𑀧𑀤𑀁 𑀦𑀺𑀬𑀢𑀺𑀢𑁆𑀣𑀺𑀮𑀺𑀗𑁆𑀕𑀢𑁆𑀢𑀸 𑀪𑀸𑀲𑀺𑀢𑀧𑀼𑀫𑀁 𑀦 𑀳𑁄𑀢𑀻𑀢𑀺. 𑀲𑀤𑁆𑀥𑀸𑀥𑀦𑁄, 𑀧𑀜𑁆𑀜𑀸𑀥𑀦𑁄, 𑀲𑀤𑁆𑀥𑀸𑀥𑀼𑀭𑁄 𑀧𑀜𑁆𑀜𑀸𑀥𑀼𑀭𑁄 𑀇𑀘𑁆𑀘𑀢𑁆𑀭 𑀤𑀼𑀯𑀗𑁆𑀕𑀯𑁂𑀓𑀮𑁆𑀮𑀁 𑀳𑁄𑀢𑀺.

𑀓𑀫𑁆𑀫𑀥𑀸𑀭𑀬𑀫𑁆𑀳𑀺 [𑀓. 𑁩𑁩𑁨; 𑀭𑀽. 𑁩𑁪𑁩; 𑀦𑀻. 𑁭𑁧𑁬] 𑀧𑀦 ‘𑀏𑀓𑀢𑁆𑀣𑁂’𑀢𑀺 𑀧𑀤𑀁 𑀯𑀺𑀲𑀼𑀁 𑀏𑀓𑀁 𑀅𑀗𑁆𑀕𑀁 𑀦 𑀳𑁄𑀢𑀺 𑀅𑀦𑁂𑀓𑀢𑁆𑀣𑀲𑁆𑀲 𑀇𑀥 𑀅𑀲𑀫𑁆𑀪𑀯𑀢𑁄. 𑀤𑀻𑀖𑀸 𑀘 𑀲𑀸 𑀚𑀗𑁆𑀖𑀸 𑀘𑀸𑀢𑀺 ¶ 𑀤𑀻𑀖𑀚𑀗𑁆𑀖𑀸, 𑀓𑀼𑀫𑀸𑀭𑀻 𑀘 𑀲𑀸 𑀪𑀭𑀺𑀬𑀸 𑀘𑀸𑀢𑀺 𑀓𑀼𑀫𑀸𑀭𑀪𑀭𑀺𑀬𑀸. 𑀏𑀯𑀁 𑀔𑀢𑁆𑀢𑀺𑀬𑀓𑀜𑁆𑀜𑀸, 𑀩𑁆𑀭𑀸𑀳𑁆𑀫𑀡𑀓𑀜𑁆𑀜𑀸, 𑀬𑀼𑀯𑀢𑀺 𑀘 𑀲𑀸 𑀪𑀭𑀺𑀬𑀸 𑀘𑀸𑀢𑀺 𑀬𑀼𑀯𑀪𑀭𑀺𑀬𑀸, 𑀩𑁆𑀭𑀳𑁆𑀫𑀩𑀦𑁆𑀥𑀽 𑀘 𑀲𑀸 𑀪𑀭𑀺𑀬𑀸 𑀘𑀸𑀢𑀺 𑀩𑁆𑀭𑀳𑁆𑀫𑀩𑀦𑁆𑀥𑀼𑀪𑀭𑀺𑀬𑀸.

𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀓𑀼𑀫𑀸𑀭𑀻 𑀘 𑀲𑀸 𑀭𑀢𑀦𑀜𑁆𑀘𑀸𑀢𑀺 𑀓𑀼𑀫𑀸𑀭𑀻𑀭𑀢𑀦𑀁. 𑀏𑀯𑀁 𑀲𑀫𑀡𑀻𑀧𑀤𑀼𑀫𑀁.

𑀇𑀢𑁆𑀣𑀻𑀢𑀺 𑀓𑀺𑀁? 𑀕𑀸𑀫𑀡𑀺𑀓𑀼𑀮𑀜𑁆𑀘 𑀢𑀁 𑀤𑀺𑀝𑁆𑀞𑀺 𑀘𑀸𑀢𑀺 𑀕𑀸𑀫𑀡𑀺𑀤𑀺𑀝𑁆𑀞𑀺.

𑀪𑀸𑀲𑀺𑀢𑀧𑀼𑀫𑁄𑀢𑀺 𑀓𑀺𑀁? 𑀲𑀤𑁆𑀥𑀸𑀧𑀓𑀢𑀺, 𑀕𑀗𑁆𑀕𑀸𑀦𑀤𑀻, 𑀢𑀡𑁆𑀳𑀸𑀦𑀤𑀻, 𑀧𑀣𑀯𑀻𑀥𑀸𑀢𑀼.

𑀲𑀜𑁆𑀜𑀸𑀲𑀤𑁆𑀤𑁂𑀲𑀼 𑀧𑀦 𑀘𑀢𑀼𑀭𑀗𑁆𑀕𑀬𑀼𑀢𑁆𑀢𑁂𑀧𑀺 𑀯𑀺𑀥𑀸𑀦𑀁 𑀦 𑀳𑁄𑀢𑀺, 𑀦𑀦𑁆𑀤𑀸𑀤𑁂𑀯𑀻, 𑀦𑀦𑁆𑀤𑀸𑀧𑁄𑀓𑁆𑀔𑀭𑀡𑀻, 𑀓𑀸𑀬𑀕𑀢𑀸𑀲𑀢𑀺, 𑀧𑀞𑀫𑀸𑀯𑀺𑀪𑀢𑁆𑀢𑀺, 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺, 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺, 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀇𑀘𑁆𑀘𑀸𑀤𑀺.

𑁩𑁬𑁩. 𑀓𑁆𑀯𑀘𑀺 𑀧𑀘𑁆𑀘𑀬𑁂 [𑀓. 𑁩𑁩𑁨; 𑀭𑀽. 𑁩𑁪𑁩; 𑀦𑀻. 𑁭𑁧𑁬; 𑀘𑀁. 𑁫.𑁨.𑁩𑁧; 𑀧𑀸. 𑁬.𑁩.𑁩𑁫].

𑀧𑀘𑁆𑀘𑀬𑁂 𑀧𑀭𑁂 𑀓𑀤𑀸𑀘𑀺 𑀪𑀸𑀲𑀺𑀢𑀧𑀼𑀫𑁄 𑀇𑀢𑁆𑀣𑀺𑀮𑀺𑀗𑁆𑀕𑀲𑀤𑁆𑀤𑁄 𑀓𑁆𑀯𑀘𑀺 𑀧𑀼𑀫𑀸𑀯 𑀳𑁄𑀢𑀺.

𑀩𑁆𑀬𑀢𑁆𑀢𑀢𑀭𑀸, 𑀩𑁆𑀬𑀢𑁆𑀢𑀢𑀫𑀸, 𑀏𑀢𑁆𑀣 𑀘 𑀩𑁆𑀬𑀢𑁆𑀢𑀸𑀦𑀁 𑀇𑀢𑁆𑀣𑀻𑀦𑀁 𑀅𑀢𑀺𑀲𑀬𑁂𑀦 𑀩𑁆𑀬𑀢𑁆𑀢𑀸𑀢𑀺 𑀩𑁆𑀬𑀢𑁆𑀢𑀢𑀭𑀸, 𑀩𑁆𑀬𑀢𑁆𑀢𑀢𑀫𑀸𑀢𑀺 𑀅𑀢𑁆𑀣𑁄. 𑀏𑀯𑀁 𑀧𑀡𑁆𑀟𑀺𑀢𑀢𑀭𑀸, 𑀧𑀡𑁆𑀟𑀺𑀢𑀢𑀫𑀸 𑀇𑀘𑁆𑀘𑀸𑀤𑀺.

𑁩𑁬𑁪. 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂 [𑀓. 𑁩𑁩𑁧; 𑀭𑀽. 𑁩𑁫𑁩; 𑀦𑀻. 𑁭𑁧𑁪; 𑀘𑀁. 𑁫.𑁨.𑁪𑁧; 𑀧𑀸. 𑁬.𑁩.𑁩𑁫].

𑀯𑀼𑀢𑁆𑀢𑀺𑀫𑀢𑁆𑀢𑁂 𑀞𑀸𑀦𑁂 𑀲𑀩𑁆𑀩𑀸𑀤𑀺𑀦𑀸𑀫𑀓