𑀅𑀜𑁆𑀜 > 𑀩𑀼𑀤𑁆𑀥-𑀯𑀦𑁆𑀤𑀦𑀸 𑀕𑀦𑁆𑀣-𑀲𑀗𑁆𑀕𑀳𑁄

MMR Vol 0

Misc. Paragraph

𑀫𑀳𑀸𑀧𑀡𑀸𑀫𑀧𑀸𑀞

(𑀩𑀼𑀤𑁆𑀥𑀯𑀦𑁆𑀤𑀦𑀸)

𑀢𑀺𑀕𑀼𑀫𑁆𑀩𑀘𑁂𑀢𑀺𑀬 𑀣𑁄𑀫𑀦𑀸

𑀯𑀸𑀲𑀫𑀸𑀮𑀺𑀦𑀻𑀓𑁆𑀬

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀳𑁂𑀴𑀸𑀢-𑀓𑁆𑀓𑀸𑀭𑁄 𑀲𑁄; 𑀚𑀦𑁆𑀢𑀽𑀦𑀁, 𑀦𑁄 𑀫𑀸 𑀦𑀼;

𑀲𑁄 𑀮𑁄𑀓𑀦𑁆𑀥𑀁, 𑀳𑀦𑁆𑀢𑁆𑀯𑀸 𑀦𑀓𑁆𑀓𑁄;

𑀚𑁂𑀦𑁄 𑀚𑀺𑀦𑀫𑀽𑀮𑁂, 𑀤𑀺𑀲𑁆𑀯𑀸 𑀚𑀦𑀓𑀸𑀬𑀁;

𑀲𑀁𑀲𑀸𑀭𑀦𑀺𑀫𑀼𑀕𑁆𑀕𑀁, 𑀲𑀩𑁆𑀩𑀜𑁆𑀜𑀼𑀢 𑀫𑀺𑀘𑁆𑀙𑀁.

𑀳𑀺𑀢𑁆𑀯𑀸 𑀓𑀭𑀼𑀧𑁂𑀢𑀁, 𑀫𑁄𑀓𑁆𑀔𑀁 𑀧𑀡𑀺𑀥𑀸𑀦𑀁;

𑀯𑀢𑁆𑀢𑁂𑀲𑀺 𑀤𑀬𑀸𑀡𑀸, 𑀬𑁄 𑀢𑀁 𑀫𑀼𑀦𑀺 𑀯𑀦𑁆𑀤𑁂.

𑀲𑀼𑀢𑀸𑀬𑀼𑀪𑀭𑀺𑀬𑀸 𑀫𑁂, 𑀥𑀦𑀗𑁆𑀕𑀫𑀧𑀺 𑀘𑀚𑁆𑀚𑀁.

𑀘𑀺𑀦𑀁 𑀩𑀼𑀥𑀺𑀦𑀺𑀤𑀸𑀦𑁂, 𑀅𑀕𑀸 𑀫𑀼𑀦𑀺𑀬𑀁 𑀫𑁂𑀢𑀁.

𑀲𑁄 𑀲𑀲𑀚𑀸𑀢𑀺𑀬 𑀤𑁂𑀳𑀁, 𑀘𑀚𑁆𑀚𑀺𑀬 𑀤𑀸𑀦𑀯𑀭𑀜𑁆𑀘;

𑀦𑀸𑀕𑀼𑀲𑀪𑁄 𑀯𑀭𑀲𑀻𑀮𑀁, 𑀧𑀽𑀭𑀬𑀺 𑀲𑀫𑁆𑀧𑀭𑀺𑀘𑀸𑀕𑁄.

𑀦𑁂𑀓𑁆𑀔𑀫𑁆𑀫𑀕𑁆𑀕𑀁 𑀭𑀸𑀚𑀸 𑀳𑀼𑀢𑁆𑀯𑀸, 𑀲𑁂𑀦𑀩𑁆𑀩𑀺𑀤𑁆𑀯𑀸 𑀧𑀜𑁆𑀜𑀸𑀲𑁂𑀝𑁆𑀞𑀁;

𑀯𑁂𑀤𑁂𑀳𑀺𑀦𑁆𑀤𑁄 𑀯𑀻𑀭𑀼𑀓𑁆𑀓𑀁𑀲𑀁, 𑀔𑀦𑁆𑀢𑀻𑀯𑀸𑀤𑀻 𑀔𑀦𑁆𑀢𑀻𑀲𑁂𑀝𑁆𑀞𑀁.

𑀲𑁄 𑀲𑀼𑀢𑀲𑁄𑀫𑁄 𑀢𑀣𑀕𑀁, 𑀢𑁂𑀫𑀺𑀬 𑀥𑀺𑀝𑁆𑀞𑀸𑀦𑀯𑀭𑀁;

𑀏𑀓𑀪𑀼𑀕𑁄 𑀫𑁂𑀢𑁆𑀢𑀯𑀭𑀁, 𑀮𑁄𑀫𑀳𑀲𑁄𑀧𑁂𑀓𑁆𑀔𑀢𑀭𑀁.

𑀧𑀸𑀭𑀫𑀻 ¶ 𑀢𑀺𑀤𑀼𑀓𑁆𑀓𑀭𑀸𑀯, 𑀧𑀽𑀭𑀺𑀬𑀸𑀦 𑀲𑁂𑀝𑁆𑀞𑀩𑁄𑀥𑀺;

𑀧𑀸𑀧𑀼𑀡𑀺𑀢𑁆𑀣 𑀬𑁄 𑀅𑀦𑀦𑁆𑀢-𑀥𑀫𑁆𑀫𑀲𑀸𑀭𑀤𑀁 𑀦𑀫𑀸𑀫𑀺.

𑀧𑀳𑀸𑀬 𑀘𑀓𑁆𑀓𑀯𑀢𑁆𑀢𑀺𑀓𑀁, 𑀓𑀭𑁄𑀧𑀦𑀻𑀢 𑀫𑀤𑁆𑀤𑀺𑀬𑀁;

𑀪𑀼𑀲𑀺𑀥𑀭𑁂 𑀲𑀲𑁂𑀦𑀓𑀁, 𑀅𑀚𑁂𑀦𑀺 𑀧𑀸𑀧𑀺𑀫𑀁 𑀦𑀫𑁂.

𑀅𑀣𑀼𑀢𑁆𑀢𑀭𑀁 𑀚𑀬𑀸𑀓𑀭𑀁, 𑀩𑀳𑀽𑀧𑀓𑀸𑀭𑀢𑀁 𑀚𑀺𑀦𑁄;

𑀧𑀝𑀺𑀘𑁆𑀘 𑀦𑀺𑀫𑁆𑀫𑀺𑀲𑀓𑁆𑀔𑀺𑀪𑀺, 𑀉𑀤𑀺𑀓𑁆𑀔𑀢𑁂 𑀦𑀫𑀸𑀫𑀺 𑀢𑀁.

𑀘𑀗𑁆𑀓𑀫𑁂 𑀫𑀭𑀼𑀯𑀺𑀫𑀢𑀺 𑀬𑁄, 𑀙𑀺𑀦𑁆𑀤𑀬𑀁 𑀓𑀫𑀺 𑀭𑀢𑀦𑀺𑀬𑁂;

𑀇𑀤𑁆𑀥𑀺𑀧𑀸𑀝𑀺𑀳𑀺𑀭𑀡𑀓𑀭𑁄, 𑀘𑀓𑁆𑀔𑀼𑀫𑀁 𑀢𑀫𑀪𑀺𑀧𑀡𑀫𑁂.

𑀅𑀣 𑀭𑀢𑀦𑀖𑀭𑁂 𑀩𑀼𑀤𑁆𑀥𑁄, 𑀙𑀤𑀺𑀥𑀺𑀢𑀺 𑀚𑀦𑀬𑀁 𑀲𑀗𑁆𑀔𑁆𑀬𑀁;

𑀲𑀻𑀫𑀻𑀲𑀸 𑀢𑀫𑀪𑀺𑀥𑀫𑁆𑀫𑀁 𑀬𑁄, 𑀲𑀼𑀭𑀦𑀭𑀫𑀳𑀺𑀢𑀁 𑀯𑀦𑁆𑀤𑁂.

𑀦𑀺𑀕𑁆𑀭𑁄𑀥𑀦𑁆𑀢𑀺𑀓 𑀦𑀼𑀩𑁆𑀪𑀯𑀻 𑀲𑀼𑀔𑀁, 𑀥𑀫𑁆𑀫𑀁 𑀬𑁄 𑀯𑀺𑀘𑀺𑀦𑀁 𑀦𑀥𑀻𑀯𑀭𑁄;

𑀓𑀺𑀘𑁆𑀙𑀸𑀮𑀤𑁆𑀥 𑀫𑀦𑀜𑁆𑀜𑀩𑁄𑀥𑀺𑀬𑀁, 𑀯𑀦𑁆𑀤𑁂 𑀢𑀁 𑀲𑀼𑀕𑀢𑀁 𑀦𑀺𑀕𑁆𑀭𑁄𑀘𑀭𑀁.

𑀲𑀩𑁆𑀪𑁄𑀕𑁂𑀳𑀺 𑀣 𑀫𑀼𑀘𑀮𑀺𑀦𑁆𑀤𑁂𑀦,

𑀦𑀸𑀕𑀺𑀦𑁆𑀤𑁂𑀦 𑀭𑀳𑀲𑀺 𑀧𑀸𑀯𑀼𑀢𑁆𑀢𑁄;

𑀲𑁄𑀔𑁆𑀬𑀁 𑀬𑁄 𑀦𑀼𑀪𑀯𑀺 𑀯𑀺𑀫𑀼𑀢𑁆𑀢𑀺𑀁𑀢𑀁,

𑀯𑀦𑁆𑀤𑁂 𑀫𑀸𑀭𑀸𑀚𑀺 𑀅𑀢𑀼𑀮𑀧𑁆𑀧𑀜𑁆𑀜𑁄.

𑀓𑁂𑀬𑁆𑀬𑀁 𑀓𑁂𑀬𑁆𑀬𑀁 𑀅𑀪𑀺𑀚𑀬𑀓𑁂𑀢𑀼𑀁,

𑀚𑁂𑀬𑁆𑀬𑀁 𑀚𑁂𑀬𑁆𑀬𑀁 𑀯𑀭𑀚𑀬𑀧𑀸𑀦𑀁;

𑀧𑁂𑀬𑁆𑀬𑀁 𑀧𑁂𑀬𑁆𑀬𑀁 𑀲𑀼𑀯𑀺𑀘𑀺 𑀦𑀫𑁂 𑀢𑀁,

𑀦𑁂𑀬𑁆𑀬𑀁 𑀦𑁂𑀬𑁆𑀬𑀁 𑀲𑀫𑀢𑀫𑀼𑀧𑁂𑀓𑁆𑀔𑀺𑀁.

𑀲𑀢𑁆𑀢 𑀘 𑀲𑀢𑁆𑀢𑀸𑀳𑁂 𑀯𑀺𑀚𑀺𑀢𑀸𑀯𑀻,

𑀔𑁂𑀧𑀺𑀬 𑀦𑀺𑀕𑁆𑀭𑁄𑀥𑀁 𑀧𑀼𑀦 𑀕𑀦𑁆𑀢𑁆𑀯𑀸;

𑀥𑀫𑁆𑀫𑀲𑀼𑀤𑀼𑀤𑁆𑀤𑀲𑁆𑀬𑀁 𑀧𑀢𑀺 𑀚𑀸𑀢𑁄,

𑀥𑀫𑁆𑀫𑀓𑀣𑀸 𑀧𑁆𑀧𑁄𑀲𑀼𑀓𑁆𑀓 𑀯𑀺𑀢𑀓𑁆𑀓𑁄.

𑀫𑀭𑀼𑀕𑀡𑁂𑀳𑀺 ¶ 𑀩𑁆𑀭𑀳𑁆𑀫𑀼𑀦𑀸 𑀲𑀫𑀁,

𑀕𑀦𑁆𑀢𑁆𑀯𑀸 𑀇𑀲𑀺𑀧𑁆𑀧𑀸𑀢𑀓𑁆𑀓𑀸𑀦𑀦𑀜𑁆𑀘,

𑀲𑀢𑁆𑀣𑀸 𑀫𑀺𑀕𑀤𑁆𑀤𑀸𑀬𑀁 𑀤𑁂𑀲𑀬𑀺𑀢𑁆𑀣;

𑀲𑀘𑁆𑀘𑀧𑁆𑀧𑀓𑀸𑀭𑀁 𑀬𑁄 𑀥𑀫𑁆𑀫𑀘𑀓𑁆𑀓-

𑀲𑀼𑀢𑁆𑀢𑀁 𑀦𑀫𑁂 𑀙𑀩𑁆𑀩𑀻𑀥𑀁𑀲𑀼 𑀢𑀸𑀯.

𑀭𑀜𑁆𑀜𑁄 𑀫𑀕𑀥𑀲𑁆𑀲 𑀓𑀢𑀧𑁆𑀧𑀝𑀺𑀜𑁆𑀜𑁄,

𑀕𑀦𑁆𑀢𑁆𑀯𑀸𑀦𑀣 𑀭𑀸𑀚𑀕𑀳𑀁 𑀯𑀺𑀦𑁂𑀢𑀺;

𑀲𑀢𑁆𑀢𑁂 𑀫𑀮𑀭𑁄𑀕𑀬𑀼𑀢𑁂 𑀕𑀤𑀕𑁆𑀕𑀁,

𑀧𑀸𑀬𑁂𑀢𑀼𑀦 𑀢𑀁 𑀧𑀡𑀫𑁂 𑀪𑀺𑀲𑀓𑁆𑀓𑀁.

𑀲𑀓𑁆𑀬𑀸𑀥𑀺𑀯𑀸𑀲𑁂 𑀓𑀧𑀺𑀮𑁂 𑀲𑀜𑁆𑀜𑀢𑀺𑀁,

𑀫𑀸𑀦𑀤𑁆𑀥𑀚𑀁 𑀪𑀺𑀦𑁆𑀤𑀺𑀬 𑀫𑀺𑀤𑁆𑀥𑀺𑀯𑀸𑀢𑀸;

𑀥𑀫𑁆𑀫𑀸𑀫𑀢𑀁 𑀧𑀸𑀬𑀺 𑀧𑀺𑀢𑀼𑀧𑁆𑀧𑀪𑀼𑀢𑀺,

𑀯𑀦𑁆𑀤𑀸𑀫𑀺 𑀲𑀓𑁆𑀬𑀺𑀦𑁆𑀤 𑀫𑀦𑁄𑀫𑀤𑀲𑁆𑀲𑀺𑀁.

𑀅𑀦𑀸𑀣𑀧𑀺𑀡𑁆𑀟𑁄𑀢𑀺 𑀯𑁆𑀳𑀬𑁂𑀦 𑀦𑀦𑁆𑀢-

𑀤𑁆𑀥𑀦𑀁 𑀘𑀚𑀺𑀢𑁆𑀯𑀸 𑀲𑀼𑀓𑀢𑁂 𑀯𑀺𑀳𑀸𑀭𑁂;

𑀯𑀺𑀳𑀸𑀲𑀺 𑀪𑀺𑀬𑁆𑀬𑁄 𑀚𑀦𑀢𑀸 𑀳𑀺𑀢𑀢𑁆𑀣𑀁,

𑀲𑀼𑀥𑀫𑁆𑀫𑀪𑁂𑀭𑀺𑀁 𑀯𑀤𑀬𑀁 𑀪𑀺𑀯𑀦𑁆𑀤𑁂.

𑀉𑀧𑁂𑀢𑀧𑀼𑀜𑁆𑀜𑀁 𑀯𑀭𑀮𑀓𑁆𑀔𑀡𑁄𑀓𑀁-

𑀡𑁄𑀓𑀁 𑀯𑀺𑀲𑀼𑀤𑁆𑀥𑀁 𑀚𑀮𑀺𑀢𑀧𑁆𑀧𑀤𑀻𑀫𑀁;

𑀤𑀻𑀧𑀁 𑀧𑀚𑀸𑀦𑀁 𑀅𑀦𑀺𑀖𑀁 𑀦𑀯𑀚𑁆𑀚𑀁-

𑀫𑁆𑀩𑀼𑀚 𑀫𑀼𑀤𑁆𑀥𑀢𑀦𑁆𑀥𑀢𑀫𑁄 𑀲𑀼𑀢𑀧𑁄;

𑀇𑀦𑁆𑀤𑀼 𑀯𑀺𑀬𑀫𑁆𑀩𑀭𑀫𑀚𑁆𑀛𑀢𑀮𑁂 𑀬𑁄,

𑀭𑀸𑀚𑀢𑀺 𑀢𑀸𑀭𑀕𑀡𑁂𑀦 𑀫𑀼𑀦𑀺𑀦𑁆𑀤𑁄;

𑀅𑀭𑀺𑀬𑀕𑀡𑀧𑁆𑀧𑀭𑀺𑀢𑁄 𑀢𑀺𑀪𑀯𑁂 𑀢𑀁,

𑀫𑀽𑀮𑀸𑀫𑀽𑀮𑀸 ¶ 𑀢𑀺𑀁𑀲𑀢𑀺𑀧𑀸𑀭𑀫𑀺𑀬𑁄,

𑀲𑀸𑀔𑀸𑀲𑀸𑀔𑀸 𑀫𑀚𑁆𑀛𑀺𑀫𑀚𑁆𑀛𑀸𑀦𑀓𑀸𑀬𑀸;

𑀧𑀢𑁆𑀢𑀸𑀧𑀢𑁆𑀢𑀸 𑀩𑀼𑀤𑁆𑀥𑀘𑀓𑁆𑀔𑀼𑀦𑀺 𑀬𑀲𑁆𑀲,

𑀧𑀼𑀧𑁆𑀨𑀸𑀧𑀼𑀧𑁆𑀨𑀸 𑀓𑀸𑀭𑀼𑀡𑀸 𑀫𑀕𑁆𑀕𑀔𑀦𑁆𑀥𑁄.

𑀲𑀸𑀭𑀸𑀲𑀸𑀭𑀸 𑀬𑀫𑀓𑀸 𑀨𑁂𑀕𑁆𑀕𑀼𑀪𑀺𑀜𑁆𑀜𑀸,

𑀲𑀩𑁆𑀩𑀸𑀮𑀫𑁆𑀩𑀗𑁆𑀓𑀼𑀭𑀓𑀁 𑀲𑀻𑀮𑀯𑀡𑁆𑀝𑀁;

𑀲𑁂𑀲𑀸𑀥𑀫𑁆𑀫𑀸 𑀫𑀥𑀼𑀧𑀓𑁆𑀓𑀧𑁆𑀨𑀮𑀸𑀦𑀺,

𑀭𑀁𑀲𑀻𑀙𑀮𑁆𑀮𑀻 𑀲𑀼𑀢𑀘𑀸 𑀮𑀓𑁆𑀔𑀡𑀸𑀦𑀺.

𑀙𑀸𑀬𑀼𑀧𑀕𑀸 𑀲𑀼𑀁 𑀧𑀼𑀣𑀼𑀦𑀭𑀤𑁂𑀯𑀸,

𑀧𑀢𑁆𑀣𑀢𑀦𑀦𑁆𑀢𑀜𑁆𑀘 𑀓𑀼𑀲𑀮𑀩𑀻𑀚𑀁,

𑀫𑀸𑀭𑀢𑀺𑀢𑁆𑀣𑀺𑀬𑀭𑀺𑀧𑀼𑀁 𑀢𑀫𑀜𑁆𑀘 𑀬𑁄,

𑀲𑀻𑀮𑀦𑀻𑀯𑀭𑀡 𑀤𑁆𑀯𑀸𑀭𑀓𑁄𑀝𑁆𑀞𑀓𑀁,

𑀤𑁆𑀯𑀸𑀭𑀧𑀸𑀮𑀲𑀼𑀬𑀢𑀁 𑀲𑀢𑀺𑀝𑀸𑀮𑀁,

𑀜𑀸𑀡𑀘𑀘𑁆𑀘𑀭 𑀲𑀺𑀖𑀸𑀝𑀧𑀤𑀺𑀤𑁆𑀥𑀺𑀁;

𑀥𑀫𑁆𑀫𑀫𑀕𑁆𑀕𑀓𑀼𑀝𑀺𑀲𑀸𑀮 𑀲𑀳𑀺𑀢𑁆𑀢𑀁,

𑀲𑀼𑀢𑀁 𑀲𑀼𑀢𑀁 𑀲𑀩𑁆𑀩𑀥𑀺 𑀲𑀚𑁆𑀚𑀦𑀁𑀚𑀦𑀁,

𑀫𑀺𑀢𑀁 𑀫𑀺𑀢𑀁 𑀦𑀦𑁆𑀢𑀕𑀼𑀡𑀸𑀮𑀬𑀁 𑀮𑀬𑀁;

𑀳𑀼𑀢𑀁 𑀳𑀼𑀢𑀁 𑀚𑀦𑁆𑀢𑀼𑀦𑀫𑀸𑀦𑀫𑀁 𑀦𑀫𑀁,

𑀪𑀯𑁂 𑀪𑀯𑁂 𑀢𑁂𑀪𑀯𑀫𑀗𑁆𑀕𑀮𑀁 𑀕𑀮𑀁.

𑀮𑁄𑀓𑀸𑀪𑀺𑀭𑀸𑀫𑀁 𑀭𑀫𑀡𑁂𑀬𑁆𑀬𑀯𑁂𑀤𑀼𑀭𑀁,

𑀮𑁄𑀓𑀦𑁆𑀢𑀕𑀼𑀁 𑀅𑀦𑁆𑀢𑀼𑀪𑀬𑀸𑀦𑀼𑀧𑀸𑀕𑀢𑀁;

𑀮𑁄𑀓𑀤𑁆𑀥𑀚𑀁 𑀫𑀸𑀦𑀥𑀚𑀧𑁆𑀧𑀳𑀸𑀭𑀓𑀁,

𑀮𑁄𑀓𑀕𑁆𑀕𑀭𑀼𑀁 𑀅𑀕𑁆𑀕𑀭𑀼 𑀧𑀘𑁆𑀘𑀬𑁂 𑀦𑀫𑁂.

𑀫𑀓𑀼𑀝𑀕𑁆𑀕𑀨𑀮𑀁 ¶ 𑀦𑀬𑀦𑀜𑁆𑀘𑀦𑀺𑀓𑀁,

𑀲𑀯𑀦𑀩𑁆𑀪𑀼𑀲𑀦𑀁 𑀯𑀤𑀦𑀩𑁆𑀪𑀼𑀲𑀦𑀁;

𑀕𑀮𑀫𑀡𑁆𑀟𑀦𑀫𑀺𑀤𑁆𑀥𑀺 𑀫𑀦𑀜𑁆𑀜𑀼𑀭𑀲𑀁,

𑀓𑀺𑀭𑀺𑀬𑀜𑁆𑀜𑀼𑀤𑀭𑀁 𑀤𑁆𑀯𑀺𑀔𑀡𑀜𑁆𑀜𑀼𑀓𑀭𑀁.

𑀓𑀝𑀺𑀯𑀺𑀪𑀽𑀲𑀦 𑀫𑀚𑁆𑀛𑀺𑀫𑀜𑁆𑀜𑀡𑀓𑀁,

𑀧𑀝𑀔𑀺𑀮𑀜𑁆𑀜𑀼𑀦𑀺𑀯𑀢𑁆𑀣 𑀫𑀦𑀼𑀢𑁆𑀢𑀭𑀁,

𑀫𑀼𑀦𑀺𑀫𑀭𑀼𑀢𑁆𑀢𑀫 𑀫𑁂𑀓 𑀫𑀳𑀁 𑀦𑀫𑁂.

𑀲𑀢𑀺𑀯𑀭 𑀲𑀼𑀘𑀓𑀁 𑀇𑀩𑁆𑀪𑀕𑁆𑀕𑀧𑀜𑁆𑀜𑀁,

𑀲𑀼𑀯𑀻𑀭𑀺𑀬𑀯𑀲𑀼𑀯𑀸𑀳𑀁 𑀧𑀻𑀢𑀺𑀲𑁂𑀮𑀁;

𑀕𑀳𑀧𑀢𑀺𑀲𑀫𑀣𑀕𑁆𑀕𑀁 𑀣𑀻𑀧𑀲𑀤𑁆𑀥𑀺𑀁,

𑀅𑀲𑀡𑀺𑀬𑀲𑀼𑀦𑀼𑀧𑁂𑀓𑁆𑀔𑀁 𑀲𑀢𑁆𑀢𑀪𑁄𑀕𑀁.

𑀘𑀢𑀼𑀤𑀺𑀲𑀺𑀓𑀺𑀤𑁆𑀥𑀺𑀧𑁆𑀧𑀤 𑀫𑀲𑀳𑀸𑀬𑀁,

𑀲𑀼𑀧𑀭𑀺𑀯𑀼𑀢𑀁 𑀔𑀢𑁆𑀢𑀺𑀬𑀯𑀺𑀭𑀚𑀸𑀦𑀁;

𑀤𑀲𑀩𑀮𑀘𑀓𑁆𑀓𑀸𑀥𑀺𑀧𑀢𑀺 𑀪𑀺𑀯𑀦𑁆𑀤𑁂.

𑀲𑀫𑀸𑀥𑀺𑀩𑁆𑀩𑀳𑀺𑀤𑁆𑀥𑀁 𑀲𑀢𑀺𑀘𑁆𑀙𑀝𑁆𑀞𑀲𑁂𑀮𑀁,

𑀯𑀺𑀭𑀧𑁆𑀧𑀜𑁆𑀘𑀫𑀸 𑀚𑀻𑀯𑀫𑀚𑁆𑀛𑀁 𑀲𑀼𑀓𑀫𑁆𑀫-

𑀢𑁆𑀢𑀢𑀺𑀬𑀁 𑀲𑀼𑀯𑀸𑀘𑀸𑀤𑀼𑀢𑀺𑀬𑀁 𑀪𑀺𑀲𑁂𑀝𑁆𑀞𑀁,

𑀲𑀫𑀸𑀢𑀓𑁆𑀓𑀧𑀼𑀩𑁆𑀩𑀜𑁆𑀘 𑀲𑀢𑁆𑀢𑀧𑁆𑀧𑀯𑀸𑀭𑀁.

𑀯𑀺𑀯𑀺𑀥𑀜𑀸𑀡𑀧𑀪𑀼𑀢𑀺𑀩𑁆𑀩𑀲𑀸𑀓𑀭𑀁,

𑀩𑀳𑀼𑀫𑀳𑀺𑀤𑁆𑀥𑀺𑀓 𑀫𑀭𑀽𑀦 𑀫𑀸𑀲𑀬𑀁;

𑀥𑀼𑀁𑀯𑀧𑀪𑀸𑀚𑀮𑀺𑀢𑀭𑀸𑀫𑀡𑁂𑀬𑁆𑀬𑀓𑀁,

𑀲𑀻𑀮𑀚𑁆𑀚𑀮𑀁 𑀭𑀢𑀦𑀥𑀫𑁆𑀫 𑀫𑀸𑀓𑀭𑀁,

𑀪𑀺𑀜𑁆𑀜𑀸𑀯𑀺𑀘𑀺𑀁 𑀲𑀢𑀺𑀓𑀼𑀮𑀝𑁆𑀞𑀺 𑀕𑀫𑁆𑀪𑀺𑀭𑀁;

𑀯𑀺𑀢𑁆𑀣𑀺𑀡𑁆𑀡𑀜𑀸𑀡 𑀫𑀭𑀺𑀬𑁄𑀤𑀚𑀸𑀲𑀬𑀁,

𑀅𑀝𑁆𑀞𑀫𑁆𑀩𑀻𑀥𑀘𑁆𑀙𑀭𑀺𑀬𑀓𑀁 𑀅𑀲𑀦𑁆𑀤𑀦𑀁.

𑀤𑀼𑀭𑀼𑀧𑀕𑁆𑀕𑀫𑀁 𑀅𑀘𑀺𑀢𑀲𑀫𑁆𑀪𑀭𑀺𑀦𑀁;

𑀧𑀼𑀣𑀼𑀧𑁄𑀢𑀧𑀼𑀜𑁆𑀜𑀯𑀢𑀫𑁂𑀯 𑀦𑀫𑁂,

𑀤𑁆𑀯𑀻𑀧𑀤𑀼𑀢𑁆𑀢𑀫𑀡𑁆𑀡𑀯 𑀦𑀤𑀺𑀦𑁆𑀤𑀯𑀭𑀁.

𑀅𑀪𑀺𑀦𑀺𑀳𑀭𑀥𑀦𑀼𑀁 ¶ 𑀕𑀼𑀡𑀧𑀸𑀭𑀫𑀺𑀁,

𑀬𑁄 𑀧𑀸𑀯𑁂𑀥𑁂𑀲𑀺𑀁 𑀅𑀕𑁆𑀕𑀫𑀕𑁆𑀕𑀜𑁆𑀘 𑀢𑀽𑀡𑀺𑀁,

𑀥𑀫𑁆𑀫𑀸𑀮𑀗𑁆𑀓𑀸𑀭𑀩𑁆𑀩𑀫𑁆𑀫 𑀫𑁂𑀓𑀩𑁆𑀩𑀮𑀁 𑀢𑀁;

𑀦𑁂𑀢𑁆𑀢𑀺𑀁𑀲𑀸𑀦𑀦𑁆𑀢𑀜𑀸𑀡 𑀕𑀻𑀭𑁂𑀮𑁆𑀮𑀺𑀫𑀦𑁆𑀢𑀁,

𑀲𑀩𑁆𑀩𑀜𑁆𑀜𑀼𑀲𑁆𑀲𑀸𑀲𑀁 𑀇𑀤𑁆𑀥𑀺𑀤𑀡𑁆𑀟𑀁 𑀦𑀫𑀸𑀫𑀺.

𑀯𑀭𑀢𑀧𑀯𑀼𑀝𑁆𑀞𑀺 𑀲𑀼𑀩𑀻𑀚𑀓𑀲𑀤𑁆𑀥𑀸,

𑀫𑀢𑀺𑀬𑀼𑀕𑀦𑀗𑁆𑀕𑀮 𑀳𑀻𑀭𑀼𑀢𑀧𑀻𑀲𑀸;

𑀲𑀼𑀲𑀫𑀣𑀭𑀚𑁆𑀚𑀼 𑀲𑀢𑀺𑀤𑁆𑀯𑀺𑀚𑀢𑀼𑀢𑁆𑀢𑀁,

𑀯𑀻𑀭𑀺𑀬𑀤𑀼𑀭𑀸𑀯𑀳 𑀲𑀘𑁆𑀘𑀦𑀺𑀤𑀸𑀦𑀁.

𑀯𑀢𑀺𑀲𑀁𑀯𑀭𑀁 𑀲𑁄𑀭𑀢𑀫𑁄𑀘𑀦𑀜𑁆𑀘𑀁,

𑀲𑀭𑀡𑀸 𑀦𑀺𑀯𑀢𑁆𑀢𑀩𑁆𑀩𑀳𑀦𑀢𑁆𑀣𑀁 𑀬𑀲𑁆𑀲;

𑀅𑀫𑀢𑀧𑁆𑀨𑀮𑀁 𑀦𑁂𑀓𑀭𑀲𑁂𑀳𑀼𑀧𑁂𑀢𑀁,

𑀲𑀼𑀕𑀢𑀁 𑀫𑀳𑀸𑀓𑀲𑁆𑀲𑀓 𑀫𑀸𑀪𑀺𑀯𑀦𑁆𑀤𑁂.

𑀤𑁂𑀯𑀕𑁆𑀕𑁄 𑀢𑀺𑀤𑀲𑀧𑀼𑀭𑁂 𑀯𑀭𑀸𑀲𑀦𑁂 𑀬𑁄,

𑀤𑁂𑀯𑀸𑀦𑀁 𑀚𑀦𑀺𑀓𑀧𑀪𑀼𑀢𑀺𑀦𑀁 𑀪𑀺𑀥𑀫𑁆𑀫𑀁;

𑀩𑀸𑀮𑀓𑁆𑀓𑁄𑀯 𑀮𑀴𑀬𑀫𑀸𑀘𑀮𑁂 𑀢𑀺𑀫𑀸𑀲𑀁,

𑀤𑁂𑀲𑁂𑀲𑁆𑀬𑀸 𑀧𑀭𑀯𑀺𑀲𑀬𑀁 𑀦𑀫𑁂 𑀅𑀚𑁂𑀬𑁆𑀬𑁄.

𑀫𑀳𑀸𑀬𑀲𑁄 𑀯𑀺𑀯𑀺𑀥𑀲𑀼𑀪𑀧𑁆𑀧𑀓𑀸𑀲𑀓𑀁,

𑀓𑀼𑀭𑀽𑀲𑀼 𑀬𑁄 𑀅𑀫𑀺𑀢𑀕𑀼𑀡𑁄 𑀢𑀫𑁄𑀦𑀼𑀤𑁄;

𑀧𑀭𑀧𑁆𑀧𑀯𑀸𑀤𑀳𑀭𑀺 𑀲𑀼𑀪𑀸𑀦𑀼𑀬𑁄𑀕𑀺𑀦𑀁,

𑀦𑀫𑀸𑀫𑀺 𑀢𑀁 𑀓𑀣𑀬𑀺 𑀲𑀢𑀺𑀧𑁆𑀧𑀞𑀸𑀦𑀓𑀁.

𑀲𑀫𑀣𑀓𑀧𑀮𑀺𑀓𑁄 𑀲𑀲𑁆𑀦𑁂𑀳𑀲𑀫𑁆𑀫𑀸𑀲𑀢𑀺,

𑀧𑀭𑀫𑀫𑀢𑀺𑀕𑀺𑀦𑀻 𑀲𑀯𑀝𑁆𑀝𑀺𑀧𑀭𑀓𑁆𑀓𑀫𑁄;

𑀲𑀓𑀮𑀚𑀼𑀢𑀺𑀓𑀭𑁄 𑀲𑀼𑀥𑀫𑁆𑀫𑀧𑀤𑀻𑀧𑀓𑁄,

𑀇𑀫 𑀫𑀼𑀧𑀚𑀮𑀺𑀢𑁄 𑀚𑀺𑀦𑁂𑀦 𑀦𑀫𑀸𑀫𑀳𑀁.

𑀫𑀳𑀺𑀢 𑀳𑀺𑀢𑀫𑀦𑀁 𑀫𑀦𑀳𑀺𑀢𑀫𑀳𑀺𑀢𑀁;

𑀲𑀼𑀚𑀦 𑀚𑀦𑀕𑀼𑀡𑀁 𑀕𑀼𑀡𑀚𑀦𑀲𑀼𑀚𑀦𑀁.

𑀲𑀻𑀮𑀕𑁆𑀕𑀤𑀡𑁆𑀟𑀯𑀺𑀘𑀺𑀢𑀁 ¶ 𑀲𑀼𑀲𑀫𑀸𑀥𑀺𑀧𑀢𑁆𑀢𑀁,

𑀲𑁄𑀪𑀸𑀲𑀫𑀼𑀚𑁆𑀚𑀮 𑀫𑀦𑀦𑁆𑀢𑀕 𑀜𑀸𑀡𑀲𑀻𑀔𑀁;

𑀲𑀤𑁆𑀥𑀫𑁆𑀫𑀲𑁂𑀝𑁆𑀞𑀭𑀢𑀦𑀜𑁆𑀘 𑀢𑀺𑀮𑁄𑀓𑀓𑁂𑀢𑀼𑀁,

𑀯𑀦𑁆𑀤𑀸𑀫𑀺 𑀮𑁄𑀘𑀦𑀪𑀺𑀲𑁂𑀓 𑀲𑀼𑀲𑁄𑀪𑀬𑀼𑀢𑁆𑀢𑀁.

𑀯𑀺𑀚𑀬𑀚𑀬 𑀫𑀚𑀬𑀯𑀺𑀚𑀬 𑀫𑀢𑀼𑀮𑀺𑀢𑀁;

𑀉𑀚𑀼𑀓 𑀫𑀬𑀦𑀫𑀕𑁆𑀕𑁂 𑀫𑁄𑀓𑁆𑀔𑀤𑁂𑀲𑀁 𑀦𑀺𑀬𑀸𑀲𑀺,

𑀯𑀭𑀭𑀣𑀓𑀼𑀚𑀭𑁂𑀦 𑀘𑀫𑁆𑀫𑀘𑀓𑁆𑀓𑁂𑀦 𑀲𑀢𑁆𑀣𑀸;

𑀳𑀺𑀭𑀺𑀢𑀧𑀤𑀼𑀓𑀧𑀸𑀮𑀫𑁆𑀩𑁂𑀦 𑀥𑀫𑁆𑀫𑀲𑁆𑀲𑀼𑀢𑁂𑀦,

𑀲𑀢𑀺𑀦𑀺𑀯𑀭𑀬𑀼𑀢𑁂𑀦 𑀧𑁆𑀧𑀸𑀝𑀺𑀳𑀺𑀭𑀤𑁆𑀥𑀚𑁂𑀦.

𑀅𑀯𑀺𑀳𑀦𑀦𑀓𑁆𑀔𑀺𑀦𑀸 𑀲𑀼𑀬𑀫 𑀦𑁂𑀫𑀼𑀧𑀓𑁆𑀔𑀭𑀸,

𑀉𑀤𑀭𑀺𑀬𑀫𑀩𑁆𑀪𑀺𑀦𑀸 𑀧𑀭𑀺𑀧𑀼𑀭𑀗𑁆𑀕𑀲𑀘𑁆𑀘𑀺𑀦𑀸;

𑀓𑀼𑀲𑀮𑀯𑀺𑀪𑀽𑀲𑀺𑀦𑀸 𑀦𑀺𑀫𑀤𑀓𑀼𑀧𑁆𑀧𑀭𑁂𑀦 𑀬𑁄,

𑀅𑀔𑀭𑀦𑀢𑁂𑀲𑀺𑀦𑀸 𑀕𑀼𑀧𑀺𑀢𑀲𑀺𑀮𑀦𑀦𑁆𑀤𑀦𑀸.

𑀅𑀦𑀼𑀲𑀦𑀼𑀖𑀸𑀢𑀺𑀦𑀸 𑀫𑀢𑀺𑀧𑀼𑀭𑁂𑀚𑀯𑁂𑀦 𑀓𑀸𑀮-

𑀜𑁆𑀜𑀼𑀢𑀫𑀢𑀺𑀲𑀸𑀭𑀺𑀓𑁂 𑀦 𑀘 𑀯𑀺𑀲𑀸𑀭𑀤𑀢𑁆𑀣𑀺𑀤𑀡𑁆𑀟𑀸;

𑀲𑀢𑀺𑀢𑀼𑀤 𑀥𑀻𑀢𑀺𑀭𑀲𑁆𑀫𑀺 𑀫𑀦𑀤𑀫𑁆𑀫𑀲𑀺𑀦𑁆𑀥𑀯𑁂𑀦,

𑀯𑀺𑀦𑀬𑀕𑀡𑁂 𑀦𑀫𑀸𑀫𑀺 𑀢 𑀫𑀢𑀼𑀮𑁆𑀬𑀲𑀢𑁆𑀣𑀯𑀸𑀳𑀁.

𑀬𑀫𑀓𑁆𑀓𑀕𑁆𑀕𑀺𑀚𑀸𑀮𑀁 𑀧𑀭𑀯𑀺𑀲𑀬 𑀫𑀘𑁆𑀙𑁂𑀭𑀲𑀳𑀺𑀢𑀁,

𑀤𑀼𑀤𑀺𑀝𑁆𑀞𑀦𑁆𑀥𑀼𑀩𑁆𑀩𑀸𑀳𑀁 𑀬𑀼𑀕𑀕𑀳𑀡𑀢𑀺𑀢𑁆𑀣𑀻𑀦 𑀫𑀓𑀭𑀻;

𑀩𑀳𑀽𑀦𑀁 𑀫𑀚𑁆𑀛𑁂 𑀬𑁄 𑀭𑀢𑀦𑀓𑀫𑀦𑁂 𑀧𑀸𑀝𑀺𑀳𑀭𑀺𑀬𑀁,

𑀚𑀬𑀓𑁆𑀓𑁂𑀢𑀼𑀲𑁆𑀲𑀸𑀧𑀺 𑀢 𑀫𑀪𑀺𑀦𑀫𑀺 𑀓𑀡𑁆𑀝𑀫𑁆𑀩𑀲𑀫𑀺𑀧𑁂.

𑀦𑀔𑀚𑀼𑀢𑀺𑀭𑀚𑀁 𑀘𑀓𑁆𑀓𑀗𑁆𑀕𑁄𑀧𑁂𑀢 𑀧𑀸𑀤𑀯𑀭𑀫𑁆𑀩𑀼𑀚𑀁,

𑀲𑀼𑀪𑀲𑀺𑀭𑀺𑀫𑀢𑁄 𑀭𑀁𑀲𑀺𑀚𑀸𑀮𑀗𑁆𑀕𑀼𑀮𑀺𑀤𑀲𑀲𑀁𑀲𑀼𑀪𑀺𑀁;

𑀧𑀯𑀭𑀲𑀺𑀭𑀲𑀸 𑀤𑁂𑀯𑀸𑀤𑁂𑀯𑀸 𑀲𑀤𑀸 𑀦 𑀧𑀺𑀮𑀦𑁆𑀥𑀬𑀼𑀁,

𑀢 𑀫𑀢𑀺𑀯 𑀫𑀦𑁄𑀭𑀫𑁆𑀫𑀁 𑀢𑀺𑀢𑁆𑀢𑀻𑀓𑀭𑀸 𑀦𑀫𑀺 𑀬𑀲𑁆𑀲 𑀓𑁂.

𑀩𑀼𑀤𑁆𑀥𑁄𑀧𑁆𑀬𑁂𑀓𑁄 ¶ 𑀦𑀺𑀥𑀦𑀕𑀼𑀡𑀺𑀦𑁄 𑀯𑀡𑁆𑀡𑀬𑁂 𑀬𑀸𑀯𑀚𑀻𑀯𑀁,

𑀓𑀸𑀫𑀁 𑀅𑀜𑁆𑀜𑀁 𑀓𑀣𑀫𑀪𑀡 𑀫𑀸𑀲𑀼𑀁 𑀔𑀺𑀬𑁂𑀣𑀸 𑀬𑀼𑀓𑀧𑁆𑀧𑁄;

𑀦 𑀢𑁆𑀯𑁂𑀯𑀸 𑀬𑀁 𑀔𑀬 𑀫𑀼𑀧𑀯𑀚𑁆𑀚𑁂 𑀬𑀲𑁆𑀲 𑀯𑀡𑁆𑀡𑁄 𑀅𑀦𑀦𑁆𑀢𑁄,

𑀢𑀁 𑀲𑀩𑁆𑀩𑀜𑁆𑀜𑀼𑀁 𑀲𑀓𑀮𑀭𑀺𑀭𑀻 𑀦𑁂𑀓𑀦𑀸𑀣𑀁 𑀦𑀫𑀸𑀫𑀺.

𑀧𑀸𑀤𑀺𑀤𑀻𑀧𑀸𑀤𑀁 𑀤𑁆𑀯𑀺𑀦𑀬𑀦𑀤𑀺𑀚𑀁 𑀥𑀫𑁆𑀫𑀓𑀸𑀬𑀁 𑀥𑀺𑀲𑁄𑀡𑁆𑀟𑀁,

𑀪𑀸𑀡𑀻𑀲𑁄𑀡𑁆𑀟𑀕𑁆𑀕𑀁 𑀲𑀭𑀡𑀲𑀺𑀭𑀲𑀺𑀁 𑀫𑀕𑁆𑀕𑀸𑀯𑀸𑀮𑀁 𑀲𑀼𑀪𑀗𑁆𑀕𑀁;

𑀲𑀻𑀮𑀸𑀮𑀗𑁆𑀓𑀸𑀭𑀁 𑀯𑀺𑀫𑀮𑀺𑀪𑀯𑀼 𑀢𑀁 𑀲𑀢𑁆𑀢𑀢𑀺𑀝𑁆𑀞𑀺𑀥𑀺𑀤𑀩𑁆𑀩𑀁,

𑀦𑀸𑀣𑁂𑀪𑀺𑀦𑁆𑀤𑀕𑁆𑀕𑀁 𑀨𑀮𑀓𑀭𑀺𑀡𑀼𑀓𑀁 𑀫𑁄𑀓𑁆𑀔𑀪𑁄𑀚𑀁 𑀦𑀫𑀸𑀫𑀺.

𑀫𑀮𑀸𑀮𑁄𑀴𑀼𑀮𑁆𑀮𑁄𑀮𑀁 𑀅𑀢𑀺𑀪𑀬𑀚𑀦𑀁 𑀤𑀼𑀕𑁆𑀕𑀲𑀁𑀲𑀸𑀭𑀲𑀺𑀦𑁆𑀤𑀼𑀁,

𑀨𑀺𑀬𑀩𑁆𑀪𑀸𑀦𑀺𑀕𑁆𑀕𑀸𑀳𑁄 𑀲𑀺𑀯𑀢𑀝𑀫𑀼𑀔𑁄 𑀦𑀸𑀯𑀺 𑀓𑀚𑁆𑀚𑁂𑀝𑁆𑀞𑀦𑀸𑀣𑁄;

𑀧𑀤𑀧𑁆𑀧𑀸𑀭𑀓𑁆𑀓𑀸𑀫𑀁 𑀩𑀳𑀼𑀚𑀦𑀕𑀡𑀁 𑀏𑀓𑀫𑀕𑁆𑀕𑀢𑁆𑀢𑀭𑀫𑁆𑀳𑀺,

𑀲𑀫𑀸𑀭𑁄𑀧𑁂𑀢𑁆𑀯𑀸 𑀫𑀢𑁆𑀢𑀭𑀺 𑀢 𑀫𑀢𑀼𑀮𑀲𑀸𑀤𑀭𑀜𑁆𑀘𑀸 𑀪𑀺𑀯𑀦𑁆𑀤𑁂.

𑀩𑁆𑀬𑀸𑀫𑀁𑀲𑀼𑀕𑁆𑀖𑀦𑀥𑀸𑀭 𑀫𑀓𑁆𑀓𑀼𑀴𑀼𑀲𑀢𑀩𑁆𑀪𑀸𑀡𑀼𑀚𑁆𑀚𑀮𑀦𑁆𑀢𑀢𑁆𑀢𑀦𑀁,

𑀉𑀓𑁆𑀓𑀁𑀲𑀚𑁆𑀚𑀼𑀢𑀺 𑀓𑁂𑀢𑀼𑀫𑀸𑀮𑀯𑀺𑀘𑀺𑀢𑀁 𑀲𑀤𑁆𑀥𑀫𑁆𑀫𑀚𑁄𑀢𑀺𑀦𑁆𑀥𑀭𑀁;

𑀩𑀼𑀦𑁆𑀤𑀺𑀦𑁆𑀦𑀺𑀕𑁆𑀕𑀢𑀧𑀚𑁆𑀚𑀮𑀦𑁆𑀢 𑀤𑀺𑀥𑀺𑀢𑀺𑀁 𑀅𑀚𑁆𑀚𑀢𑁆𑀣𑀦𑀸 𑀬𑀸𑀯 𑀘,

𑀯𑀦𑁆𑀤𑁂𑀢𑀁 𑀫𑀼𑀦𑀺 𑀲𑀓𑁆𑀬𑀧𑀼𑀗𑁆𑀕𑀯 𑀫𑀳𑀁 𑀧𑀼𑀡𑁆𑀡𑀺𑀦𑁆𑀤𑀼𑀯𑀢𑁆𑀢𑀫𑁆𑀧𑀺 𑀘.

𑀲𑀢𑁆𑀢𑀫𑀁𑀢𑀫𑀁 𑀯𑀺𑀦𑀸𑀲𑀓𑀁𑀲𑀓𑀁 𑀤𑀤𑀁 𑀯𑀺𑀦𑁂𑀬𑁆𑀬𑀓𑀸𑀦𑀫𑁂𑀯,

𑀪𑀸𑀯𑀦𑀁𑀯𑀦𑀁 𑀥𑀼𑀮𑀻𑀓𑀭𑀁 𑀓𑀭𑀁 𑀢𑀺𑀤𑀼𑀓𑁆𑀓𑀭𑀁 𑀧𑀚𑀸𑀪𑀺𑀪𑀼𑀜𑁆𑀚;

𑀕𑀸𑀭𑀯𑀁𑀭𑀯𑀁 𑀫𑀦𑁄𑀳𑀭𑀁𑀳𑀭𑀁 𑀦𑀭𑀸𑀦𑀭𑀸𑀦𑀬𑀁 𑀦𑀫𑀸𑀫𑀺,

𑀲𑀸𑀤𑀭𑀁𑀤𑀭𑀁 𑀯𑀺𑀦𑁄𑀤𑀓𑀁𑀤𑀓𑀁 𑀧𑀯𑀲𑁆𑀲𑀓𑀁 𑀧𑀚𑀸𑀦𑀫𑀺𑀯.

𑀩𑀼𑀤𑁆𑀥𑁄 𑀦𑀺𑀕𑁆𑀭𑁄𑀥𑀩𑀺𑀫𑁆𑀩𑁄 𑀫𑀼𑀤𑀼𑀓𑀭𑀘𑀭𑀡𑁄 𑀩𑁆𑀭𑀳𑁆𑀫𑀖𑁄𑀲𑁂𑀡𑀺𑀚𑀗𑁆𑀖𑁄,

𑀓𑁄𑀲𑀘𑁆𑀙𑀸𑀤𑀗𑁆𑀕𑀚𑀸𑀢𑁄 𑀧𑀼𑀦𑀭𑀧𑀺 𑀲𑀼𑀕𑀢𑁄 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀧𑀸𑀤𑁄;

𑀫𑀼𑀤𑁄𑀤𑀸𑀢𑀼𑀡𑁆𑀡𑀮𑁄𑀫𑁄 𑀅𑀣𑀫𑀧𑀺 𑀲𑀼𑀕𑀢𑁄 𑀩𑁆𑀭𑀳𑁆𑀫𑀼𑀚𑀼𑀕𑁆𑀕𑀢𑁆𑀢𑀪𑀸𑀯𑁄,

𑀦𑀻𑀮𑀓𑁆𑀔𑀻 𑀤𑀻𑀖𑀧𑀡𑁆𑀳𑀻 𑀲𑀼𑀔𑀼𑀫𑀫𑀮𑀙𑀯𑀻 𑀣𑁄𑀫𑁆𑀬𑀭𑀲𑁆𑀲𑀕𑁆𑀕𑀲𑀕𑁆𑀕𑀻.

𑀘𑀢𑁆𑀢𑀸𑀮𑀻𑀲𑀕𑁆𑀕𑀤𑀦𑁆𑀢𑁄 𑀲𑀫𑀓𑀮𑀧𑀦𑀚𑁄 𑀅𑀦𑁆𑀢𑀭𑀁𑀲𑀧𑁆𑀧𑀧𑀻𑀡𑁄,

𑀘𑀓𑁆𑀓𑁂𑀦𑀗𑁆𑀓𑀻𑀢𑀧𑀸𑀤𑁄 𑀅𑀯𑀺𑀭𑀴𑀤𑀲𑀦𑁄 𑀫𑀸𑀭𑀚𑀼𑀲𑁆𑀲𑀗𑁆𑀔𑀧𑀸𑀤𑁄;

𑀢𑀺𑀝𑁆𑀞𑀦𑁆𑀢𑁄𑀦𑁄𑀫𑁂𑀦𑁆𑀢𑁄 𑀪𑀬𑀓𑀭𑀫𑀼𑀤𑀼𑀦𑀸 𑀚𑀡𑁆𑀡𑀼𑀓𑀸𑀦𑀸 𑀫𑀲𑀦𑁆𑀢𑁄,

𑀯𑀝𑁆𑀝𑀓𑁆𑀔𑀦𑁆𑀥𑁄 𑀚𑀺𑀦𑁄 𑀕𑁄𑀢𑀭𑀼𑀡𑀧𑀔𑀼𑀫𑀓𑁄 𑀲𑀻𑀳𑀧𑀼𑀩𑁆𑀩𑀟𑁆𑀠𑀼𑀓𑀸𑀬𑁄.

𑀲𑀢𑁆𑀢𑀧𑁆𑀧𑀻𑀡𑁄 𑀘 𑀤𑀻𑀖𑀗𑁆𑀕𑀼𑀮𑀁 𑀫𑀣 𑀲𑀼𑀕𑀢𑁄 𑀮𑁄𑀫𑀓𑀽𑀧𑁂𑀓𑀮𑁄𑀫𑁄,

𑀲𑀫𑁆𑀧𑀦𑁆𑀦𑁄𑀤𑀸𑀢𑀤𑀸𑀞𑁄 𑀓𑀦𑀓𑀲𑀫𑀢𑀘𑁄 𑀦𑀻𑀮𑀫𑀼𑀤𑁆𑀥𑀕𑁆𑀕𑀮𑁄𑀫𑁄;

𑀲𑀫𑁆𑀩𑀼𑀤𑁆𑀥𑁄 𑀣𑀽𑀮𑀚𑀺𑀯𑁆𑀳𑁄 𑀅𑀣 𑀲𑀻𑀳𑀳𑀦𑀼𑀓𑁄 𑀚𑀸𑀮𑀺𑀓𑀧𑁆𑀧𑀸𑀤𑀳𑀢𑁆𑀣𑁄,

𑀦𑀸𑀣𑁄 𑀉𑀡𑁆𑀳𑀻𑀲𑀲𑀻𑀲𑁄 𑀇𑀢𑀺 𑀕𑀼𑀡𑀲𑀳𑀺𑀢𑀁 𑀢𑀁 𑀫𑀳𑁂𑀲𑀺𑀁 𑀦𑀫𑀸𑀫𑀺.

𑀯𑀝𑁆𑀝𑀘𑀺𑀢𑀸𑀦𑀼𑀧𑀼𑀩𑁆𑀩𑀓𑀲𑀼𑀪𑀗𑁆𑀕𑀼𑀮𑀻 ¶ 𑀭𑀼𑀳𑀺𑀭𑀫𑀝𑁆𑀞𑀢𑀼𑀗𑁆𑀕𑀦𑀔𑀓𑁄,

𑀦𑀺𑀕𑁆𑀕𑀼𑀴𑀕𑁄𑀧𑁆𑀨𑀓𑁄 𑀲𑀫𑀧𑀤𑁄 𑀲𑀻𑀳𑁄𑀲𑀪𑀺𑀪 𑀳𑀁𑀲𑀲𑀦𑁆𑀦𑀺𑀪𑀓𑀫𑁄;

𑀤𑀓𑁆𑀔𑀺𑀡𑀢𑀸𑀯𑀢𑀓𑁆𑀓𑀫𑀺 𑀲𑀫𑀦𑁆𑀢𑀫𑀡𑁆𑀟𑀮 𑀦𑀺𑀕𑀡𑁆𑀞𑀺 𑀚𑀸𑀡𑀼𑀲𑀼𑀪𑀓𑁄,

𑀩𑁆𑀬𑀜𑁆𑀚𑀦𑀧𑀼𑀡𑁆𑀡𑀧𑁄𑀲𑀢𑀦𑀼 𑀦𑀸𑀪𑀺𑀕𑀫𑁆𑀪𑀻𑀭 𑀅𑀙𑀺𑀤𑁆𑀤𑀤𑀓𑁆𑀔𑀺𑀡𑀯𑀝𑁄.

𑀤𑁆𑀯𑀺𑀭𑀤𑀓𑀭𑀧𑁆𑀧𑀓𑀸𑀲𑀼𑀭𑀼𑀪𑀼𑀚𑁄 𑀲𑀼𑀯𑀺𑀩𑁆𑀪𑀚𑀦𑀼𑀧𑀼𑀩𑁆𑀩𑀫𑀝𑁆𑀞𑀅𑀦𑀼𑀦𑀸-

𑀦𑀼𑀦𑀅𑀮𑀺𑀦𑀸𑀦𑀼𑀧𑀼𑀩𑁆𑀩𑀭𑀼𑀘𑀺𑀭 𑀢𑁆𑀢𑀺𑀮𑀸𑀤𑀺𑀭𑀳𑀺𑀢𑀩𑁆𑀩𑀺𑀲𑀼𑀤𑁆𑀥𑀢𑀦𑀼𑀓𑁄;

𑀤𑀲𑀲𑀢𑀓𑁄𑀝𑀺 𑀳𑀢𑁆𑀣𑀺𑀩𑀮𑀥𑀸𑀭𑀡𑁄 𑀓𑀦𑀓𑀢𑀼𑀗𑁆𑀕𑀦𑀸𑀲𑀺𑀓𑀲𑀼𑀪𑁄,

𑀲𑀼𑀭𑀼𑀳𑀺𑀭𑀤𑀦𑁆𑀢𑀫𑀁𑀲𑀣 𑀲𑀼𑀘𑀺𑀲𑀺𑀦𑀺𑀤𑁆𑀥𑀤𑀲𑀦𑁄 𑀣 𑀮𑁄𑀓𑀲𑀭𑀡𑁄.

𑀲𑀼𑀤𑁆𑀥𑀧𑀲𑀸𑀤𑀺𑀦𑁆𑀤𑁆𑀭𑀺 𑀘 𑀯𑀝𑁆𑀝𑀢𑀭𑀤𑀸𑀞𑁄 𑀭𑀼𑀳𑀺𑀭𑁄𑀝𑁆𑀞 𑀘 𑀲𑀼𑀭𑀦𑀭𑀦𑀸𑀣𑁄,

𑀆𑀬𑀢𑀲𑁄𑀪𑀩𑁆𑀩𑀤𑀦𑁄 𑀣 𑀫𑀼𑀦𑀺 𑀕𑀫𑁆𑀪𑀻𑀭𑀼𑀚𑀼𑀓𑀸𑀬𑀢𑀲𑀼𑀭𑀼𑀘𑀺𑀭𑀮𑁂𑀔𑁄;

𑀩𑁆𑀬𑀸𑀫𑀧𑀪𑀸𑀫𑀡𑁆𑀟𑀮𑀩𑀼𑀦𑁆𑀤𑀺 𑀲𑀼𑀧𑀼𑀭𑀕𑁆𑀕𑀡𑁆𑀡𑀺 𑀘 𑀆𑀬𑀢𑀯𑀺𑀲𑀝𑀲𑀼𑀪𑀓𑁆𑀔𑀻,

𑀧𑀜𑁆𑀘𑀧𑀲𑀸𑀤𑀓𑁆𑀔𑀺 𑀘 𑀓𑀼𑀜𑁆𑀘𑀺𑀓𑀲𑀼𑀪𑀕𑁆𑀕𑀧𑀔𑀼𑀫𑁄 𑀫𑀼𑀤𑀼𑀢𑀦𑀼𑀭𑀼𑀡𑀚𑀺𑀯𑁆𑀳𑁄.

𑀲𑁄𑀫𑁆𑀫𑀲𑀺𑀦𑀺𑀤𑁆𑀥 𑀢𑁆𑀬𑀼𑀚𑁆𑀚𑀮𑀓𑁄𑀫𑀮 𑀯𑀭𑀼𑀡𑀯𑀺𑀫𑀮𑀢𑀦𑀼 𑀘 𑀅𑀫𑀺𑀢𑀕𑀼𑀡𑁄,

𑀓𑁄𑀫𑀮 𑀤𑀓𑁆𑀔𑀺𑀡𑀸𑀯𑀝 𑀅𑀜𑁆𑀚𑀦𑀪𑀺𑀤𑀲𑀭𑀺𑀲𑀦𑀺𑀮𑀓 𑀫𑀼𑀤𑀼𑀢𑀦𑀼𑀭𑀼𑀳𑁄;

𑀤𑀓𑁆𑀔𑀺𑀡𑀯𑀝𑁆𑀝𑀓𑁄𑀫𑀮 𑀲𑀡𑀼𑀲𑀫𑀲𑀼𑀦𑀺𑀮 𑀅𑀮𑀼𑀮𑀺𑀢 𑀲𑀺𑀭𑀭𑀼𑀳𑀺 𑀚𑀺𑀦𑁄,

𑀲𑁄𑀪𑀡𑀲𑀡𑁆𑀞𑀸𑀦𑁄 𑀣 𑀲𑀺𑀦𑀺𑀤𑁆𑀥𑀲𑀺𑀭𑀭𑀼𑀳𑀺 𑀘 𑀲𑀼𑀧𑀘𑀺𑀢𑀲𑀢𑀓𑀼𑀲𑀮 𑀚𑁄.

𑀦𑀺𑀕𑁆𑀕𑀼𑀴𑁄𑀦𑀺𑀕𑁆𑀕𑀦𑁆𑀢𑀺𑀘𑁆𑀙𑀢𑁆𑀢𑀲𑁆𑀲𑀭𑀺𑀲𑀅𑀢𑀺𑀲𑀼𑀪𑀕𑀲𑀺𑀭 𑀘𑀸𑀬𑀢𑀸𑀭𑀼𑀘𑀺 𑀓𑀡𑁆𑀡𑀓𑁄,

𑀲𑁄𑀲𑀡𑁆𑀞𑀸𑀦𑀲𑁆𑀲𑀡𑁆𑀳𑀸𑀳𑀸𑀭𑀸𑀦𑀼𑀓𑀫𑀧𑀳𑀼𑀢𑀪𑀫𑀼𑀣 𑀲𑀼𑀆𑀬𑀢𑀩𑁆𑀪𑀫𑀼𑀓𑁄 𑀘 𑀲𑁄;

𑀲𑀼𑀕𑁆𑀕𑀦𑁆𑀥𑀕𑁆𑀕𑀢𑁆𑀢𑁄 𑀫𑀼𑀤𑁆𑀥𑀺𑀘𑀸𑀣 𑀯𑀤𑀦𑀺 𑀘 𑀧𑀼𑀣𑀼𑀮𑀓𑀦𑀮𑀸𑀝 𑀆𑀬𑀢𑀲𑁄𑀪𑀡𑁄,

𑀅𑀲𑁆𑀲𑀸𑀲𑀧𑁆𑀧𑀲𑁆𑀲𑀸𑀲𑀸𑀢𑀺𑀲𑁆𑀲𑀡𑀼 𑀥𑀭𑀫𑀲𑀫𑀲𑀫 𑀦𑀫𑀺 𑀓𑁂𑀢𑀼𑀫𑀸𑀮𑀯𑀺𑀘𑀺𑀢𑁆𑀢𑀓𑀁.

𑀩𑀼𑀤𑁆𑀥𑀼𑀧𑁆𑀧𑀸𑀤𑁄 𑀓𑀺𑀫𑀗𑁆𑀕𑀁 𑀅𑀢𑀺𑀤𑀼𑀮𑀪𑀢𑀭𑀁 𑀖𑁄𑀲𑀫𑀢𑁆𑀢𑀫𑁆𑀧𑀺 𑀮𑁄𑀓𑁂,

𑀢𑀲𑁆𑀫𑀸 𑀦𑀸𑀦𑀧𑁆𑀧𑀓𑀸𑀭𑀁 𑀲𑀧𑀭𑀳𑀺𑀢𑀲𑀼𑀔𑀁 𑀯𑀺𑀤𑁆𑀥𑀲𑀽 𑀧𑀢𑁆𑀣𑀬𑀦𑁆𑀢𑀸;

𑀬𑀸𑀢𑀺𑀝𑁆𑀞𑀢𑁆𑀣𑀸𑀯 𑀳𑀁 𑀢𑀁 𑀲𑀼𑀭𑀦𑀭𑀲𑀭𑀡𑀁 𑀅𑀦𑁆𑀢𑀭𑀸𑀬𑀧𑁆𑀧𑀳𑀸𑀦𑀁,

𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑁂𑀓𑀪𑀽𑀢𑀁 𑀲𑀼𑀕𑀢𑀫𑀯𑀺𑀭𑀢𑀁 𑀲𑀸𑀥𑀼 𑀯𑀦𑁆𑀤𑀦𑁆𑀢𑀼 𑀲𑀦𑁆𑀢𑁄.

𑀔𑁂𑀢𑁆𑀢𑀯𑀭𑀗𑁆𑀕𑀢𑀢𑁆𑀣𑀼𑀢𑀺𑀧𑀼𑀭𑁂 𑀚𑀯𑀧𑀡𑀫 𑀢𑁂𑀚𑀲𑀸 𑀇𑀥 𑀪𑀯𑁂,

𑀭𑁄𑀕𑀪𑀬𑀸𑀤𑁆𑀬𑀼𑀧𑀤𑁆𑀤𑀯𑀳𑀢𑁄 𑀅𑀦𑀼𑀦𑀲𑀼𑀔 𑀪𑁄𑀕𑀧𑀼𑀜𑁆𑀜𑀫𑀢𑀺𑀓𑁄;

𑀤𑁂𑀯𑀫𑀦𑀼𑀲𑁆𑀲𑀪𑁄𑀕𑀧𑀯𑀭𑀁 𑀧𑀭𑀢𑁆𑀣𑀦𑀼𑀪𑀸𑀯𑀜𑁆𑀘 𑀅𑀦𑁆𑀢𑀺𑀫𑀪𑀯𑁂,

𑀅𑀜𑁆𑀜𑀢𑀭𑁄 𑀢𑀺𑀩𑁄𑀥𑀺𑀧𑀯𑀭𑁂 𑀪𑀯𑀺𑀲𑁆𑀲𑀢𑀺 𑀬𑀣𑀸𑀲𑀬𑀁 𑀓𑀢𑀦𑀢𑁄.

𑀧𑀼𑀜𑁆𑀜𑁂𑀦𑀸𑀦𑁂𑀦 ¶ 𑀲𑁄𑀳𑀁 𑀦𑀺𑀧𑀼𑀡𑀚𑀯𑀫𑀢𑀺 𑀧𑁂𑀫𑀯𑀸𑀘𑁄 𑀲𑀔𑀻𑀮𑁄,

𑀲𑀤𑁆𑀥𑁄 𑀓𑀮𑁆𑀬𑀸𑀡𑀫𑀺𑀢𑁆𑀢𑁄𑀢𑀺𑀲𑀭𑀡𑀕𑀫𑀦𑁄 𑀲𑀻𑀮𑀯𑀸 𑀘𑀸𑀕𑀬𑁄𑀕𑁄;

𑀳𑀺𑀭𑁄𑀢𑁆𑀢𑀧𑁆𑀧𑀻 𑀲𑀼𑀤𑀓𑁆𑀔𑁄 𑀅𑀯𑀺𑀢𑀲𑀼𑀘𑀭𑀺𑀢𑁄 𑀥𑀺𑀢𑀺𑀫𑀸 𑀲𑀘𑁆𑀘𑀪𑀸𑀡𑀻,

𑀩𑀸𑀳𑀼𑀲𑁆𑀲𑀘𑁆𑀘𑀺 𑀯𑀺𑀪𑀸𑀕𑀺 𑀲𑀧𑀭𑀳𑀺𑀢𑀓𑀭𑁄 𑀯𑀕𑁆𑀕𑀼𑀭𑀸𑀯𑁄 𑀪𑀺𑀭𑀼𑀧𑁄.

𑀤𑀻𑀖𑀚𑁆𑀚𑀻𑀯𑀺 𑀦𑀺𑀭𑁄𑀕𑁄 𑀲𑀼𑀘𑀺𑀓𑀼𑀮𑀧𑀲𑁆𑀲𑀼𑀢𑁄 𑀥𑀫𑁆𑀫𑀭𑀢𑁆𑀢𑁄 𑀯𑀺𑀭𑀢𑁆𑀢𑁄,

𑀦𑀺𑀘𑁆𑀘𑀸𑀧𑀮𑁆𑀬𑁄 𑀓𑀢𑀜𑁆𑀜𑀼 𑀅𑀢𑀺𑀫𑀼𑀤𑀼𑀚𑀼𑀫𑀦𑁄 𑀲𑀸𑀥𑀼𑀪𑀸𑀯𑀸𑀤𑀺𑀯𑀺𑀜𑁆𑀜𑀽;

𑀥𑀫𑁆𑀫𑀸𑀚𑀻𑀯𑁄 𑀪𑀯𑁂𑀬𑁆𑀬𑀁 𑀩𑀳𑀼𑀓𑀼𑀲𑀮𑀭𑀢𑁄 𑀅𑀧𑁆𑀧𑀓𑁄𑀥𑁄 𑀅𑀮𑀼𑀤𑁆𑀥𑁄,

𑀏𑀯𑀜𑁆𑀘𑀜𑁆𑀜𑀁 𑀓𑀭𑁂𑀬𑁆𑀬𑀁 𑀧𑀡𑀺𑀥𑀺 𑀘𑀭𑀺𑀫𑀓𑁂 𑀫𑁄𑀓𑁆𑀔𑀦𑀺𑀩𑁆𑀩𑀸𑀦𑀪𑀸𑀕𑀻.

(𑁧) 𑀫𑀳𑀸𑀓𑀣𑀁 𑀩𑀼𑀤𑁆𑀥𑀖𑁄𑀲𑁄, 𑀢𑀦𑀼𑀫𑁂𑀯 𑀓𑀭𑀁𑀅𑀧𑀺;

𑀘𑀚𑀁 𑀳𑁂𑀬𑁆𑀬𑀸 𑀤𑀺𑀬𑀸 𑀤𑁂𑀬𑁆𑀬𑀁, 𑀅𑀓𑀭𑀺𑀢𑁆𑀣 𑀬𑀣𑀸 𑀢𑀣𑀸.

(𑁨) 𑀫𑀳𑀸𑀧𑀡𑀸𑀫𑀧𑁄𑀭𑀸𑀡𑀁, 𑀓𑀺𑀜𑁆𑀘𑀺 𑀏𑀯 𑀧𑀼𑀦𑀧𑁆𑀧𑀼𑀦𑀁;

𑀓𑀸𑀫𑁄𑀓𑁆𑀓𑀫𑀁 𑀤𑀼𑀥𑀸𑀭𑀜𑁆𑀘, 𑀘𑀚𑀁 𑀤𑁂𑀬𑁆𑀬𑀸 𑀤𑀺𑀬𑀜𑁆𑀜𑀢𑁆𑀣.

(𑁩) 𑀲𑀼𑀢𑀚𑁆𑀚𑀬 𑀅𑀦𑀼𑀪𑀯-𑀝𑁆𑀞𑀧𑀦𑀢𑁆𑀣𑁂𑀦 𑀮𑀜𑁆𑀙𑀺𑀦𑀸;

𑀲𑀼𑀢𑁂𑀦 𑀕𑀭𑀼𑀦𑀸𑀦𑁂𑀦, 𑀓𑀢𑁄𑀬𑀁 𑀧𑀡𑀸𑀫𑁄 𑀦𑀯𑁄.

(𑁪) 𑀏𑀓𑀓𑁆𑀔𑀭𑀸𑀬 𑀕𑀸𑀣𑀸𑀬𑁄, 𑀬𑀸𑀯 𑀙𑀩𑁆𑀩𑀺𑀲𑀢𑀓𑁆𑀔𑀭𑀸;

𑀚𑀸𑀢𑀺𑀬 𑀧𑀚𑁆𑀚𑀲𑀢𑁆𑀢𑀢𑁆𑀬𑀸, 𑀲𑀗𑁆𑀔𑀢𑁄 𑀘𑀢𑀼𑀭𑀸𑀥𑀺𑀓𑀸.

(𑁫) 𑀅𑀝𑁆𑀞𑀸𑀥𑀺𑀓𑀸 𑀲𑀳𑁂𑀯𑀼𑀬𑁆𑀬𑁄- 𑀚𑀦𑀸𑀤𑀻𑀳𑀺 𑀫𑀺𑀤𑀁 𑀦𑀢𑀁;

𑀬𑀣𑀸𑀯𑀼𑀢𑁆𑀢𑀢𑁆𑀣𑀓𑀸 𑀓𑀸𑀫𑀸, 𑀬𑁂 𑀦𑀺𑀘𑁆𑀘𑀁 𑀥𑀸𑀭𑀬𑀦𑁆𑀢𑀼 𑀢𑁂.

𑀭𑀸𑀚𑀸𑀢𑀺𑀭𑀸𑀚𑀸𑀢𑀺𑀫𑀦𑁄𑀳𑀭𑁄 𑀬𑁄,

𑀤𑁂𑀯𑀸𑀢𑀺𑀤𑁂𑀯𑀸𑀢𑀺𑀕𑀼𑀡𑁄𑀖𑀥𑀸𑀭𑀻;

𑀩𑁆𑀭𑀳𑁆𑀫𑀸𑀢𑀺𑀩𑁆𑀭𑀳𑁆𑀫𑀸𑀢𑀺𑀪𑀯𑀦𑁆𑀢𑀕𑀽 𑀢𑀁,

𑀲𑀗𑁆𑀖𑀸𑀢𑀺𑀲𑀗𑁆𑀖𑀸𑀢𑀺𑀯𑀺𑀭𑀸𑀯 𑀯𑀦𑁆𑀤𑁂.

𑀅𑀦𑀺𑀜𑁆𑀚𑀦𑀺𑀜𑁆𑀚𑀁 𑀪𑀬𑀢𑀸𑀡𑀢𑀸𑀡𑀁;

𑀅𑀦𑀡𑁆𑀟𑀦𑀡𑁆𑀟𑀜𑁆𑀘 𑀅𑀦𑀸𑀣𑀦𑀸𑀣𑀁,

𑀔𑀬𑀦𑁆𑀢𑀬𑀦𑁆𑀢𑀁 𑀧𑀡𑀫𑀸𑀫𑀺 𑀫𑀸𑀫𑀺.

𑀢𑀫𑁆𑀩𑀲𑀺𑀦𑀺𑀤𑁆𑀥𑀢𑀼𑀗𑁆𑀕𑀦𑀔𑀓𑁄 𑀦𑀼𑀁𑀯𑀝𑁆𑀝𑀲𑀼𑀘𑀺𑀢𑀼𑀭𑀗𑁆𑀕𑀼𑀮𑀺 𑀘 𑀫𑀼𑀦𑀺𑀲𑁄,

𑀲𑀻𑀳𑀼𑀲𑀪𑁄𑀪𑀳𑀁𑀲𑀲𑀫𑀕𑁄 𑀦𑀺𑀕𑀽𑀴𑀲𑀫 𑀕𑁄𑀧𑁆𑀨𑀓𑀸𑀬𑀢𑀫𑀼𑀔𑁄;

𑀓𑁄𑀫𑀮𑀤𑀓𑁆𑀔𑀸𑀡𑀸𑀯𑀝𑀢𑀦𑀼𑀭𑀼𑀳𑁄 𑀲𑀼𑀘𑀺𑀫𑀮𑀼𑀚𑁆𑀚𑀮𑀸𑀪𑀲𑀭𑀺𑀭𑁄,

𑀧𑀜𑁆𑀘𑀧𑀲𑀸𑀤𑀬𑀼𑀢𑁆𑀢𑀦𑀬𑀦𑁄 𑀲𑀼𑀕𑀦𑁆𑀥𑀫𑀼𑀔𑀢𑀼𑀗𑁆𑀕𑀦𑀸𑀲𑀺𑀓𑀬𑀼𑀢𑁄.

𑀓𑁄𑀝𑀺𑀲𑀳𑀲𑁆𑀲𑀦𑀸𑀕𑀩𑀮𑀺𑀓𑁄 ¶ 𑀲𑀼𑀭𑀢𑁆𑀢𑀫𑀥𑀭𑁄 𑀲𑀼𑀯𑀝𑁆𑀝𑀤𑀲𑀦𑁄,

𑀆𑀬𑀢𑀲𑀡𑀼𑀮𑁄𑀫𑀪𑀫𑀽𑀓𑁄 𑀫𑀼𑀤𑀼𑀢𑁆𑀢𑀦𑀼𑀓𑀭𑀢𑁆𑀢 𑀚𑀺𑀯𑁆𑀳𑀲𑀳𑀺𑀢𑁄;

𑀙𑀢𑁆𑀢𑀲𑀫𑀸𑀦𑀲𑁄𑀪𑀡𑀲𑀺𑀭𑁄 𑀲𑀼𑀓𑁂𑀲𑀯𑀭 𑀓𑁂𑀢𑀼𑀫𑀸𑀮𑀯𑀺𑀘𑀺𑀢𑁄,

𑀇𑀘𑁆𑀘𑀦𑀼𑀩𑁆𑀬𑀜𑁆𑀚𑀦𑁂𑀪𑀺 𑀲𑀳𑀺𑀢𑀁 𑀫𑀼𑀦𑀺𑀦𑁆𑀤𑀧𑀯𑀭𑀁 𑀦𑀫𑀸𑀫𑀺 𑀲𑀺𑀭𑀲𑀸.

𑀲𑀓𑀮𑀫𑀮𑁂𑀳𑀺 𑀲𑁄 𑀫𑀼𑀦𑀺 𑀲𑀼𑀤𑀽𑀭𑀢𑀸𑀬 𑀘 𑀫𑀮𑀸𑀭𑀺𑀦𑀺𑀁 𑀳𑀢𑀢𑀬𑀸,

𑀢𑀺𑀪𑀯𑀭𑀣𑁂 𑀲𑀫𑀸𑀦𑀺𑀢𑀫𑀦𑀸𑀭𑀓𑀸𑀦𑀺 𑀘 𑀦𑀫𑀸𑀮𑀬𑁄 𑀦𑀭𑀯𑀭𑁄;

𑀫𑀮𑀓𑀭𑀡𑁂 𑀭𑀳𑀸𑀭𑀳 𑀫𑀦𑀦𑁆𑀢𑀜𑁂𑀬𑁆𑀬 𑀫𑀪𑀺𑀚𑀸𑀦𑀦𑀸 𑀫𑀼𑀦𑀺 𑀢𑀣𑀸,

𑀘𑀭𑀡𑀬𑀼𑀢𑁄 𑀢𑀺𑀯𑀺𑀚𑁆𑀚𑀺 𑀘 𑀲𑀼𑀯𑀸𑀘𑀢𑀸 𑀲𑀼𑀕𑀫𑀦𑀸 𑀚𑀦𑁂𑀲𑀼 𑀲𑀼𑀕𑀢𑁄.

𑀮𑁄𑀓𑀯𑀺𑀤𑀽 𑀲𑁄 𑀦𑀺𑀢𑀮𑁄𑀓𑀢𑀬𑀢𑀸 𑀲𑀸𑀓𑀮𑀢𑁄 𑀅𑀲𑀫𑀦𑀭𑀤𑀫𑀸 𑀲𑁄,

𑀲𑀸𑀭𑀣𑀺 𑀚𑀺𑀦𑁄 𑀅𑀦𑀼𑀲𑀸𑀲𑀦𑀓𑀭𑁄 𑀲𑀢𑁆𑀣𑀯𑀳𑁄 𑀤𑀼𑀧𑀣𑀢𑀭𑀡𑀲𑀢𑁆𑀢𑀸;

𑀩𑀼𑀚𑁆𑀛𑀢𑀺 𑀲𑀸𑀫𑀁 𑀘𑀢𑀼𑀲𑀘𑁆𑀘𑀫𑀔𑀺𑀮𑀁 𑀩𑁄𑀥𑀬𑀺 𑀚𑀦𑁆𑀢𑀼𑀕𑀡𑀫𑀺𑀢𑀺 𑀘 𑀩𑀼𑀤𑁆𑀥𑁄,

𑀪𑀸𑀓𑀭𑀆𑀪𑀸𑀨𑀼𑀝𑀧𑀗𑁆𑀓𑀚𑀲𑀫𑁄 𑀫𑀕𑁆𑀕𑀺𑀬𑀜𑀸𑀡𑀨𑀼𑀯𑀺𑀓𑀲𑀺𑀢𑁄 𑀘.

𑀪𑀕𑁆𑀕𑀓𑀺𑀮𑁂𑀲𑁄 𑀲𑁄 𑀪𑀕𑀯𑀸 𑀢𑀺𑀪𑀯 𑀯𑀫𑀺𑀢 𑀕𑀫𑀦 𑀲𑀼𑀚𑀦 𑀪𑀚𑀦𑀢𑁄,

𑀲𑁄 𑀪𑀚𑀺 𑀲𑀤𑁆𑀥𑀫𑁆𑀫𑁂 𑀧𑀯𑀺𑀪𑀢𑁆𑀢 𑀲𑀭𑀲 𑀙𑀪𑀕𑀬𑀼𑀢 𑀕𑀭𑀼𑀓𑀭𑀡𑀺𑀬𑀢𑁄;

𑀲𑀢𑁆𑀢𑀦𑀺𑀓𑀸𑀬𑁂 𑀓𑁂𑀦𑀧𑀺𑀢𑀼𑀮𑁆𑀬𑀕𑀼𑀡𑀫𑀧𑀫𑀺𑀢 𑀲𑀺𑀭𑀺𑀖𑀁𑀦𑀚𑀼𑀢𑀺𑀲𑀼𑀲𑀼𑀪𑀁,

𑀤𑁂𑀯𑀦𑀭𑀸𑀦𑀁 𑀏𑀓𑀧𑀢𑀺𑀝𑁆𑀞 𑀫𑀯𑀺𑀢𑀣𑀼𑀢𑀺𑀬𑀲 𑀫𑀲𑀓𑀺 𑀫𑀪𑀁𑀦𑀫𑁂.

𑀩𑀼𑀤𑁆𑀥𑀼𑀧𑁆𑀧𑀸𑀤𑁄 𑀓𑀺𑀫𑁆𑀫𑀗𑁆𑀕𑀁 𑀪𑁄 𑀅𑀢𑀺𑀤𑀼𑀮𑀪𑀢𑀭𑀫𑀺𑀥 𑀪𑀯𑁂 𑀲𑀼𑀖𑁄𑀲 𑀫𑀧𑀸𑀧𑀭𑁄,

𑀢𑀲𑁆𑀫𑀸 𑀧𑀢𑁆𑀣𑁂𑀦𑁆𑀢𑀸 𑀲𑀩𑁆𑀩𑀜𑁆𑀜𑀼𑀁 𑀯𑀺𑀯𑀺𑀥𑀳𑀺𑀢𑀲𑀼𑀔 𑀫𑀦𑀥𑀺𑀓𑀁 𑀦𑀫𑀦𑁆𑀢𑀼 𑀘 𑀲𑀸𑀥𑀯𑁄;

𑀧𑀼𑀜𑁆𑀜𑁂𑀦𑀸𑀦𑁂𑀦𑁂𑀢𑁂 𑀤𑀺𑀝𑁆𑀞𑁂 𑀪𑀬𑀅𑀖𑀁𑀧𑀻𑀴𑀦𑀝𑁆𑀞 𑀯𑀺𑀭𑀳𑀺𑀢𑀸 𑀧𑀭𑀢𑁆𑀣 𑀘𑀼𑀪𑁄 𑀲𑀼𑀪𑁂,

𑀪𑀼𑀢𑁆𑀯𑀸𑀦𑀦𑁆𑀢𑁂 𑀯𑁂 𑀳𑁂𑀲𑁆𑀲𑀦𑁆𑀢𑁂 𑀅𑀯𑀺𑀓𑀮𑀲𑀼𑀔𑀲𑀺𑀭𑀺𑀫𑀢𑀺𑀓𑀸 𑀅𑀦𑀼𑀢𑁆𑀢𑀭 𑀪𑀸𑀕𑀺𑀦𑁄.

𑀲𑁄 𑀘𑀓𑁆𑀓𑁄𑀧𑁂𑀢𑀧𑀸𑀤𑁄 𑀫𑀼𑀤𑀼𑀪𑀼𑀚𑀘𑀭𑀡𑁄 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀧𑀸𑀤𑁄,

𑀏𑀡𑀻𑀚𑀗𑁆𑀖𑁄 𑀘 𑀩𑀼𑀤𑁆𑀥𑁄 𑀓𑀦𑀓𑀦𑀺𑀪𑀢𑀘𑁄 𑀆𑀬𑀢𑀧𑀡𑁆𑀳𑀺 𑀦𑀸𑀣𑁄;

𑀓𑁄𑀲𑁄𑀦𑀤𑁆𑀥𑀗𑁆𑀕𑀚𑀸𑀢𑁄 𑀅𑀢𑀺𑀲𑀼𑀥𑀼𑀫𑀙𑀯𑀻 𑀚𑀸𑀮𑀺𑀓𑀧𑁆𑀧𑀸𑀦𑀳𑁂𑀝𑁆𑀞𑀸,

𑀉𑀲𑁆𑀲𑀗𑁆𑀔𑀧𑀸𑀤𑀬𑀼𑀢𑁆𑀢𑁄 𑀅𑀪𑀺𑀦𑀺𑀮𑀦𑀬𑀦𑁄 𑀆𑀬𑀢𑀗𑁆𑀕𑀼𑀮𑀺𑀬𑁄𑀕𑁄.

𑀞𑀺𑀢𑁄 ¶ 𑀔𑁄 𑀦𑁄 𑀦𑀫𑀦𑁆𑀢𑁄 𑀓𑀺𑀭𑀼𑀪𑀬𑀧𑀼𑀣𑀼𑀦𑀸𑀚𑀸𑀡𑀼𑀬𑁄 𑀆𑀫𑀲𑀦𑁆𑀢𑁄,

𑀮𑁄𑀫𑀓𑀽𑀧𑁂𑀓𑁂𑀓𑀮𑁄𑀫𑁄 𑀲𑀫𑀢𑀮𑀤𑀲𑀦𑁄 𑀅𑀜𑁆𑀚𑀦𑀼𑀤𑁆𑀥𑀕𑁆𑀕𑀮𑁄𑀫𑁄;

𑀩𑁆𑀭𑀳𑁆𑀫𑀤𑁆𑀤𑁂𑀳𑀼𑀚𑁆𑀚𑀼𑀕𑀢𑁆𑀢𑁄 𑀅𑀯𑀺𑀭𑀴𑀫𑀼𑀔𑀢𑁄 𑀲𑀢𑁆𑀢𑀓𑀗𑁆𑀕𑀼𑀲𑁆𑀲𑀤𑁄 𑀲𑁄,

𑀦𑀺𑀕𑁆𑀭𑁄𑀥𑀧𑁆𑀧𑀸𑀭𑀺𑀩𑀺𑀫𑁆𑀩𑁄 𑀫𑀺𑀕𑀧𑀢𑀺𑀳𑀦𑀼𑀓𑁄 𑀲𑀻𑀳𑀧𑀼𑀩𑁆𑀩𑀟𑁆𑀠𑀓𑀸𑀬𑁄.

𑀧𑀼𑀡𑁆𑀡𑀢𑁆𑀢𑀸𑀮𑀻𑀲𑀤𑀦𑁆𑀢𑁄 𑀲𑀼𑀧𑀳𑀼𑀢𑀭𑀲𑀦𑁄 𑀲𑁄𑀪𑀡𑁄𑀤𑀸𑀢𑀤𑀸𑀞𑁄,

𑀲𑀡𑁆𑀳𑁄𑀤𑀸𑀢𑀼𑀡𑁆𑀡𑀮𑁄𑀫𑁄 𑀲𑀫𑀯𑀝𑀮𑀕𑀮𑁄 𑀅𑀦𑁆𑀢𑀭𑀁𑀲𑀧𑀺𑀡𑁄 𑀲𑁄;

𑀩𑁆𑀭𑀳𑁆𑀫𑀕𑁆𑀖𑁄𑀲𑁄 𑀫𑀼𑀦𑀺𑀦𑁆𑀤𑁄 𑀧𑀼𑀦𑀧𑀺 𑀕𑀼𑀧𑀔𑀼𑀫𑁄 𑀉𑀡𑁆𑀳𑀺𑀲𑀲𑀫𑁆𑀨𑀼𑀮𑁆𑀮𑀲𑀻𑀲𑁄,

𑀩𑀸𑀢𑁆𑀢𑀺𑀁𑀲𑀗𑁆𑀕𑁄𑀧𑀲𑁄𑀪𑀁 𑀫𑀼𑀤𑀼𑀭𑀲𑀳𑀡𑀻 𑀮𑁄𑀓𑀚𑁂𑀝𑁆𑀞𑀁 𑀦𑀫𑁂 𑀢𑀁.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀬𑁄 ¶ 𑀤𑀻𑀧𑀗𑁆𑀓𑀭𑀫𑀽𑀮𑀫𑁆𑀳𑀺, 𑀧𑀤𑀁 𑀳𑀢𑁆𑀢𑀕𑀢𑀁 𑀘𑀚𑀺;

𑀲𑀫𑁆𑀫𑀸𑀲𑀫𑁆𑀩𑁄𑀥𑀺 𑀫𑀸𑀓𑀗𑁆𑀔𑀁, 𑀯𑀦𑁆𑀤𑁂 𑀢𑀲𑁆𑀲 𑀲𑀺𑀭𑁄𑀭𑀼𑀳𑀁.

𑀧𑀽𑀭𑁂𑀢𑁆𑀯𑀸 𑀩𑁄𑀥𑀺𑀲𑀫𑁆𑀪𑀸𑀭-𑀫𑀳𑁂𑀲𑀁 𑀬𑁄 𑀅𑀦𑀼𑀢𑁆𑀢𑀭𑀁;

𑀅𑀮𑀢𑁆𑀣 𑀩𑀼𑀤𑁆𑀥𑀢𑁆𑀢𑀁 𑀢𑀲𑁆𑀲, 𑀓𑁂𑀲𑀥𑀸𑀢𑀼𑀯𑀭𑀁 𑀦𑀫𑁂.

𑀮𑀤𑁆𑀥𑀸 𑀩𑀼𑀤𑁆𑀥𑀢𑁆𑀢𑀁 𑀙𑀞𑀸𑀦-𑀫𑀢𑀺𑀓𑁆𑀓𑀫𑁆𑀫 𑀧𑀯𑁂𑀤𑀬𑀺;

𑀯𑀺𑀫𑀼𑀢𑁆𑀢𑀺𑀁 𑀭𑀸𑀚𑀸𑀬𑀢𑀦𑁂, 𑀢𑀲𑁆𑀲 𑀓𑁂𑀲𑀯𑀭𑀁 𑀦𑀫𑁂.

(𑀭𑀓𑀸𑀭 𑀪𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑀢𑁆𑀣 𑀲𑀓𑁆𑀓𑀤𑀢𑁆𑀢𑀺𑀬𑀫𑁆𑀧𑀺, 𑀦𑀸𑀕𑀮𑀢𑀁 𑀳𑀭𑀻𑀢𑀓𑀁;

𑀅𑀦𑁄𑀢𑀢𑁆𑀢𑁄𑀤𑀓𑀁 𑀪𑀼𑀜𑁆𑀚𑀺, 𑀯𑀦𑁆𑀤𑁂 𑀢𑀲𑁆𑀲 𑀲𑀺𑀭𑁄𑀭𑀼𑀳𑀁.

(𑀭𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑀤𑀸 ¶ 𑀫𑀼𑀕𑁆𑀕𑀲𑁂𑀮𑀧𑀢𑁆𑀢𑀁, 𑀫𑀳𑀸𑀭𑀸𑀚𑀽𑀳𑀺 𑀤𑀺𑀦𑁆𑀦𑀓𑀁;

𑀢𑀣𑀸𑀕𑀢𑁄 𑀧𑀝𑀺𑀕𑁆𑀕𑀡𑁆𑀳𑀺, 𑀯𑀦𑁆𑀤𑀸𑀫𑀺 𑀢𑀲𑁆𑀲 𑀲𑀻𑀲𑀚𑀁.

(𑀭𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑀤𑀸 𑀤𑁆𑀯𑀺𑀦𑁆𑀦𑀁 𑀤𑁆𑀯𑁂𑀪𑀸𑀢𑀺𑀓-𑀚𑀦𑁂𑀳𑀺 𑀫𑀥𑀼𑀧𑀺𑀡𑁆𑀟𑀺𑀓𑀁;

𑀧𑀭𑀺𑀪𑀼𑀜𑁆𑀚𑁂𑀲𑀺 𑀫𑀦𑁆𑀣𑀫𑁆𑀧𑀺, 𑀢𑀲𑁆𑀲 𑀲𑀻𑀲𑀲𑀺𑀭𑀺𑀁 𑀦𑀫𑁂.

(𑀢𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀬𑁄 𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀸𑀦𑀁, 𑀢𑀤𑀸 𑀤𑁆𑀯𑀺𑀲𑀭𑀡𑀁 𑀅𑀤𑀸;

𑀮𑁄𑀓𑀫𑁆𑀳𑀺 𑀲𑀩𑁆𑀩𑀧𑀞𑀫𑀁, 𑀢𑀲𑁆𑀲 𑀲𑀻𑀭𑀺𑀯𑀳𑀁 𑀦𑀫𑁂.

(𑀭𑀓𑀸𑀭 𑀦𑀓𑀸𑀭 𑀯𑀺𑀧𑀼𑀮𑀸𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑀤𑀸 ¶ 𑀢𑀢𑁆𑀣𑀼𑀧𑀝𑁆𑀞𑀓𑀸𑀦𑀁, 𑀢𑁂𑀲𑀁 𑀓𑁂𑀲𑁂 𑀅𑀤𑀸 𑀅𑀞;

𑀮𑁄𑀓𑀳𑀺𑀢 𑀫𑀧𑁂𑀓𑁆𑀔𑀦𑁆𑀢𑁄, 𑀦𑀸𑀣𑁄 𑀬𑁄 𑀢𑀲𑁆𑀲 𑀢𑁂 𑀦𑀫𑁂.

(𑀭𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑁂𑀧𑀺 𑀢𑀁 𑀆𑀳𑀸𑀭𑀺𑀢𑁆𑀯𑀸𑀦, 𑀧𑁄𑀓𑁆𑀔𑀭𑀩𑁆𑀩𑀢𑀺𑀬𑀁 𑀓𑀭𑀼𑀁;

𑀲𑀚𑀻𑀯𑀓𑁂𑀲 𑀘𑁂𑀢𑀺𑀬𑀁, 𑀦𑀫𑁂𑀢𑀁 𑀲𑀩𑁆𑀩𑀧𑀼𑀩𑁆𑀩𑀓𑀁.

(𑀫𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀉𑀧𑁄𑀲𑀣𑀼𑀧𑁄𑀲𑀣𑀫𑁆𑀳𑀺, 𑀫𑀼𑀜𑁆𑀘𑀦𑁆𑀢𑀁 𑀦𑀻𑀮𑀭𑀲𑁆𑀫𑀺𑀬𑁄;

𑀪𑀕𑀯𑀸𑀯 𑀮𑁄𑀓𑀅𑀢𑁆𑀣𑀁, 𑀓𑀭𑁄𑀦𑁆𑀢𑀁 𑀢𑀁 𑀲𑀤𑀸 𑀦𑀫𑁂.

(𑀭𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀘𑀽𑀴𑀸𑀫𑀡𑀺𑀤𑀼𑀲𑁆𑀲𑀘𑁂𑀢𑁆𑀬𑀁 ¶ , 𑀓𑀸𑀮𑀫𑁆𑀳𑀺 𑀩𑁄𑀥𑀺𑀲𑀢𑁆𑀢𑀓𑁂;

𑀩𑀼𑀤𑁆𑀥𑀓𑀸𑀮𑁂 𑀇𑀤𑀁 𑀲𑀩𑁆𑀩-𑀧𑀞𑀫𑀁 𑀢𑀁 𑀦𑀫𑀸𑀫𑀳𑀁.

(𑀭𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀦𑀫𑀸𑀫𑀳𑀁 𑀯𑀦𑁆𑀤𑀸𑀫𑀳𑀁, 𑀧𑀽𑀚𑁂𑀫𑀳𑀁 𑀲𑀺𑀭𑁄𑀭𑀼𑀳𑀁;

𑀧𑀼𑀜𑁆𑀜𑀫𑀺𑀤𑀁 𑀪𑀯𑀢𑀼 𑀫𑁂, 𑀧𑀘𑁆𑀘𑀬𑁄 𑀆𑀲𑀯𑀓𑁆𑀔𑀬𑁂.

(𑀢𑀓𑀸𑀭 𑀦𑀓𑀸𑀭𑀯𑀺𑀧𑀼𑀮𑀸 𑀧𑀣𑁆𑀬𑀸𑀯𑀢𑁆𑀢𑀕𑀸𑀣𑀸).

𑀢𑀺𑀕𑀼𑀫𑁆𑀩𑀘𑁂𑀢𑀺𑀬𑀣𑁄𑀫𑀦𑀸 𑀦𑀺𑀝𑁆𑀞𑀺𑀢𑀸.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀯𑀼𑀟𑁆𑀠𑁄𑀧𑀺 ¶ 𑀚𑀺𑀦𑀸𑀦𑀁, 𑀩𑀼𑀤𑁆𑀥𑁄𑀲𑀺 𑀯𑀺𑀚𑀸𑀦𑀁;

𑀧𑀼𑀩𑁆𑀩𑁄𑀤𑀺𑀢𑀺 𑀫𑀸𑀳𑀁, 𑀓𑀼𑀩𑁆𑀩𑁄𑀫𑀺 𑀯𑀺𑀫𑀸𑀦𑀁.

𑀫𑀳𑀸𑀲𑀫𑀢𑀓𑀽𑀮𑀁, 𑀦𑀭𑀸𑀧𑀯𑀭𑀧𑀽𑀚𑀁;

𑀚𑀳𑀸 𑀅𑀪𑀬𑀧𑀽𑀭𑀁, 𑀦𑀫𑀸 𑀓𑀦𑀓𑀭𑀽𑀧𑀁.

𑀦𑀭𑀸𑀲𑀪𑀲𑀼𑀩𑀼𑀤𑁆𑀥𑀁 ¶ , 𑀧𑀚𑀸𑀫𑀢𑀦𑀼𑀭𑀼𑀢𑁆𑀢𑀁;

𑀤𑀬𑀸𑀓𑀭𑀫𑀼𑀤𑀼𑀢𑁆𑀢𑀁, 𑀦𑀫𑀸𑀫 𑀳 𑀉𑀲𑀼𑀓𑁆𑀓𑀁.

𑀳𑀺𑀢𑀁 𑀯𑀳𑀲𑀼𑀲𑀻𑀮𑁄, 𑀧𑀫𑁄𑀤𑀢𑀺 𑀲𑀼𑀔𑀢𑁆𑀢𑁂;

𑀦𑀫𑁂 𑀢𑀫𑀧𑀩𑀼𑀤𑁆𑀥𑀁, 𑀚𑀺𑀦𑀁 𑀕𑀢𑀲𑀼𑀔𑀦𑁆𑀢𑀁.

𑀩𑀦𑁆𑀥𑀼 𑀘 𑀲𑀦𑁆𑀢𑀓𑀺𑀮𑁂𑀲𑁄, 𑀬𑁄 𑀧𑀺𑀢𑀯𑀡𑁆𑀡𑀧𑀪𑀸𑀲𑁄;

𑀕𑁄𑀢𑀫𑀕𑁄𑀢𑁆𑀢𑀲𑀼𑀜𑁆𑀜𑀢𑁄, 𑀢𑀲𑁆𑀲 𑀦𑀫𑁄 𑀦𑀭𑀲𑀻𑀳𑁄.

𑀩𑀼𑀤𑁆𑀥𑀁 ¶ 𑀲𑀼𑀤𑁆𑀥𑀁 𑀮𑁄𑀓𑁂𑀲𑀻𑀢𑀁, 𑀉𑀓𑁆𑀓𑀁 𑀬𑀼𑀢𑁆𑀢𑀁 𑀬𑁄𑀕𑁂 𑀳𑀁;

𑀯𑀦𑁆𑀢𑀸𑀢𑀻𑀢𑀁 𑀑𑀖𑁂 𑀲𑀻𑀤𑀁, 𑀯𑀦𑁆𑀤𑀸𑀧𑀻𑀳𑀁 𑀲𑁄𑀓𑁂𑀳𑀻𑀳𑀁.

𑀪𑁄𑀕𑀯𑀢𑀻 𑀬𑁄𑀧𑀔𑀫𑀻, 𑀲𑀻𑀢𑀤𑀬𑀸 𑀮𑁄𑀓𑀲𑀔𑀸;

𑀥𑀸𑀢𑀼𑀢𑀬𑁂 𑀓𑀺𑀢𑁆𑀢𑀺 𑀲 𑀯𑁂, 𑀤𑀸𑀢𑀼 𑀚𑀬𑁂-𑀢𑀲𑁆𑀲 𑀘 𑀫𑁂;

𑀫𑀸𑀦𑀺𑀢𑁄 𑀮𑀼𑀔𑁄 𑀭𑀼𑀢𑁄𑀣, 𑀲𑀦𑁆𑀦𑀺𑀪𑁄 𑀲𑀼𑀪𑁄 𑀲𑀼𑀔𑁄 𑀘;

𑀚𑀸𑀦𑀺𑀢𑁄 𑀥𑀭𑁄 𑀦𑀫𑁄 𑀘, 𑀢𑀲𑁆𑀲 𑀬𑁄 𑀣𑀼𑀢𑁄 𑀕𑀼𑀡𑁄𑀯.

𑀚𑀬𑀁 ¶ 𑀥𑀚𑀁 𑀧𑀚𑀸𑀧𑀼𑀕𑁂, 𑀞𑀺𑀢𑀁 𑀮𑀺𑀮𑀁 𑀫𑀳𑀸𑀲𑀼𑀔𑁂;

𑀲𑀼𑀪𑀁 𑀨𑀼𑀝𑀁 𑀧𑀪𑀁 𑀦𑀫𑁂, 𑀳𑀺𑀢𑀁 𑀲𑀼𑀔𑀁 𑀤𑀤𑀸𑀢𑀼 𑀫𑁂.

𑀧𑀼𑀡𑁆𑀡𑀧𑀼𑀜𑁆𑀜𑀚𑀦𑀺𑀢𑀲𑀼𑀪𑀁, 𑀚𑀸𑀢𑀺𑀜𑀸𑀢𑀺𑀣𑀼𑀢𑀺𑀬𑀕𑀼𑀡𑀁;

𑀪𑁂𑀤𑀯𑁂𑀭𑀯𑀺𑀫𑀮𑀚𑀺𑀦𑀁, 𑀜𑀸𑀡𑀧𑀸𑀤𑀘𑀭𑀡-𑀫𑀳𑀁.

𑀲𑀢𑀺 𑀫𑀢𑀺 𑀲𑀼𑀘𑀺 𑀬𑁄-𑀪𑀸𑀲𑁄, 𑀣𑀼𑀢𑀺 𑀫𑀼𑀦𑀺 𑀲𑀼𑀔𑀺𑀢𑁄 𑀓𑀸𑀬𑁄;

𑀫𑀦𑀼𑀚𑀧𑀼𑀫𑀲𑀼𑀢𑁄 𑀦𑀸𑀣𑁄, 𑀚𑀬𑀯𑀭 𑀫𑀼-𑀲𑀪𑁄 𑀤𑀸𑀢𑁄.

𑀬𑁄 ¶ 𑀩𑀼𑀤𑁆𑀥𑁄 𑀧𑀯𑀭𑁄 𑀮𑀺𑀮𑁄 𑀧𑀼𑀕𑁂,

𑀮𑁄𑀓𑀼𑀢𑁆𑀢𑁄 𑀅𑀪𑀬𑁄 𑀞𑀺𑀢𑁄 𑀲𑀼𑀔𑁂;

𑀉𑀢𑁆𑀢𑀺𑀡𑁆𑀡𑀁 𑀦𑀺𑀲𑀪𑀁 𑀳𑀺𑀢𑀁 𑀯𑀳𑁂,

𑀫𑁄𑀦𑀺𑀦𑁆𑀤𑀁 𑀯𑀺𑀫𑀮𑀁 𑀚𑀺𑀦𑀁 𑀦𑀫𑁂.

𑀤𑁂𑀯𑀺𑀦𑁆𑀤𑀁 𑀯𑀭𑀕𑀡𑀣𑁂𑀭𑀺𑀦𑁆𑀤𑀁,

𑀦𑀺𑀝𑁆𑀞𑀸𑀦𑀁 𑀪𑀯𑀚𑀦𑀦𑀺𑀩𑁆𑀩𑀸𑀦𑀁;

𑀦𑀺𑀤𑁆𑀤𑁄𑀲𑀁 𑀭𑀡𑀭𑀚𑀦𑀺𑀧𑁆𑀨𑁄𑀝𑀁,

𑀯𑀦𑁆𑀤𑁂-𑀳𑀁 𑀲𑀼𑀪𑀫𑀼𑀔𑀲𑁄𑀡𑁆𑀡𑁂𑀫𑀁.

𑀕𑁄𑀢𑀫𑀕𑁄𑀢𑁆𑀢𑁂 ¶ 𑀓𑁂𑀢𑀼𑀯 𑀜𑀸𑀢𑀁,

𑀣𑀦𑁆𑀤𑀺𑀮𑀚𑁂𑀝𑁆𑀞𑁂 𑀪𑁂𑀤𑀺𑀢𑀫𑀸𑀭𑀁,

𑀧𑀡𑁆𑀟𑀺𑀢𑀫𑀚𑁆𑀛𑁂 𑀫𑁂𑀥𑀺𑀯 𑀪𑀸𑀡𑀁;

𑀫𑀦𑁆𑀢𑀺𑀬 𑀯𑀦𑁆𑀤𑁂 𑀲𑁂𑀯𑀺𑀢𑀦𑀸𑀣𑀁.

𑀩𑀼𑀤𑁆𑀥𑁄 𑀲𑀼𑀓𑁆𑀓𑁄 𑀅𑀫𑀺𑀢𑀕𑀼𑀡𑀻𑀲𑁄,

𑀬𑀼𑀢𑁆𑀢𑁄 𑀫𑀼𑀢𑁆𑀢𑁄 𑀲𑀲𑀺𑀯 𑀢𑀺𑀫𑀻𑀢𑁄;

𑀬𑁄 ¶ 𑀚𑀺𑀢𑀫𑀸𑀭𑁂 𑀯𑁂 𑀅𑀚𑀺 𑀲𑀩𑁆𑀩𑀁,

𑀣𑁄 𑀫𑀺𑀢𑀲𑀸𑀭𑁂 𑀳𑁂-𑀥𑀺𑀢𑀧𑀢𑁆𑀢𑀁;

𑀲𑀁𑀲𑀺𑀢𑀧𑀼𑀡𑁆𑀡𑁄 𑀲𑁄 𑀦𑀫𑀺 𑀢𑀲𑁆𑀲,

𑀧𑀡𑁆𑀟𑀺𑀢𑀨𑀼𑀮𑁆𑀮𑁄 𑀲𑁄 𑀫𑀢𑀺𑀓𑀲𑁆𑀲.

𑀤𑁂𑀯𑁂 𑀕𑀢𑁂 𑀤𑁆𑀯𑁂𑀯𑀸𑀭𑀸 𑀕𑀫𑀸𑀲𑀺,

𑀉𑀤𑁆𑀥𑀁 𑀢𑀮𑁂 𑀢𑁂𑀯𑀸𑀲𑀁 𑀅𑀓𑀸𑀲𑀺,

𑀩𑀼𑀤𑁆𑀥𑀁 𑀫𑀢𑁂 𑀏𑀲𑀸𑀳𑀁 𑀦𑀫𑀸𑀫𑀺.

𑀉𑀓𑁆𑀓𑁂 𑀲𑀼𑀦𑀼𑀢𑀁 𑀧𑀼𑀣𑀼𑀓𑀜𑁆𑀘 𑀣𑁂𑀭𑀁,

𑀯𑀼𑀢𑁆𑀢𑁂 𑀲𑀼𑀔𑀼𑀫𑀁 𑀉𑀚𑀼𑀓𑀁 𑀢𑀣𑁂𑀢𑀁;

𑀤𑀺𑀩𑁆𑀩𑁂 𑀧𑀝𑀺𑀫𑀁 𑀓𑀺𑀭𑀺𑀬𑀁 𑀯𑀤𑁂𑀢𑀁,

𑀇𑀤𑁆𑀥𑁂 𑀫𑀳𑀺𑀢𑀁 𑀓𑀣𑀺𑀢𑀁 𑀦𑀫𑁂𑀳𑀁.

𑁨𑁦. 𑀤𑀺𑀩𑁆𑀩𑀲𑁆𑀲 ¶ 𑀧𑀽𑀭𑁂 𑀧𑀯𑀭𑁂𑀳𑀺 𑀕𑀼𑀢𑁆𑀢𑁄,

𑀲𑀺𑀤𑁆𑀥𑀢𑁆𑀣 𑀪𑀽𑀢𑁂 𑀦𑀕𑀭𑁂𑀳𑀺 𑀯𑀼𑀝𑁆𑀞𑁄;

𑀲𑀗𑁆𑀓𑀲𑁆𑀲 𑀧𑀽𑀭𑁂 𑀫-𑀕𑀡𑁂𑀳𑀺 𑀩𑀼𑀤𑁆𑀥𑁄,

𑀅𑀜𑁆𑀜𑀢𑁆𑀣 𑀧𑀽𑀚𑁂 𑀧𑀦𑀫𑁂 𑀦𑀺 𑀓𑀼𑀩𑁆𑀩𑁄.

𑀲𑀼𑀪𑀁 𑀣𑀼𑀢𑀁 𑀬𑁄 𑀭𑀚𑀢𑀁 𑀩𑀮𑀢𑁆𑀣𑀁,

𑀬𑀼𑀕𑀁 𑀳𑀼𑀢𑀁 𑀲𑁄 𑀓𑀦𑀓𑀁 𑀓𑀫𑀢𑁆𑀣𑀁;

𑀘𑀺𑀢𑀁 𑀞𑀺𑀢𑀁 𑀮𑁄𑀳𑀺𑀢𑀓𑀁 𑀫𑀦𑀸𑀧𑀁,

𑀮𑀺𑀮𑀁 𑀇𑀢𑀁 𑀲𑁄𑀭𑀘𑀺 𑀢𑀁 𑀦𑀫𑀸𑀳𑀁.

𑀧𑀺𑀦𑀺𑀢𑀁 ¶ 𑀯𑀺𑀡𑀁 𑀲𑀔𑀺𑀮𑀁 𑀬𑀚𑀺 𑀢𑀁,

𑀲𑀼𑀲𑀼𑀔𑀁 𑀥𑀼𑀚𑀁 𑀩𑀺𑀮𑀼𑀯𑀁 𑀦𑀺𑀬𑀼𑀢𑀁;

𑀞𑀧𑀺𑀬𑀁 𑀲𑀺𑀫𑀁 𑀣𑀼𑀦𑀼𑀢𑀁 𑀧𑀼𑀣𑀼𑀮𑀁,

𑀦𑀫𑀺 𑀳𑀁 𑀔𑀺𑀡𑀁 𑀲𑀼𑀔𑀼𑀫𑀁 𑀫𑀼𑀤𑀼𑀓𑀁.

𑀲𑁄𑀕𑀢𑀺 ¶ 𑀩𑁄𑀥𑀬𑀺𑀁 𑀕𑀸𑀳𑀺𑀬 𑀧𑀢𑁆𑀢𑀁,

𑀑𑀢𑀭𑀺 𑀲𑁄𑀦𑀫𑀺 𑀚𑀸𑀦𑀺𑀢 𑀅𑀢𑁆𑀣𑀁;

𑀪𑀽𑀧𑀢𑀺 𑀧𑀽𑀚𑀬𑀺 𑀲𑀸𑀓𑀺𑀬 𑀯𑀁𑀲𑀁,

𑀲𑀽𑀚𑀥𑀺 𑀊𑀧𑀥𑀺 𑀪𑀸𑀲𑀺𑀢 𑀥𑀫𑁆𑀫𑀁.

𑀘𑀢𑁆𑀢𑀸𑀭𑁄-𑀫𑁂 𑀬𑀸𑀘𑀺𑀢𑁂 𑀲𑁄 𑀧𑀯𑀼𑀢𑁆𑀣𑁂,

𑀮𑀤𑁆𑀥𑀸 𑀪𑁄𑀕𑁂 𑀓𑀸𑀫𑀺𑀢𑁂 𑀑𑀖𑀫𑀼𑀢𑁆𑀢𑁂;

𑀓𑀢𑁆𑀢𑀸 𑀢𑁄𑀲𑁂-𑀢𑀁 𑀦𑀫𑁂 𑀘𑁄𑀮𑀬𑀼𑀢𑁆𑀢𑁂,

𑀢𑀢𑁆𑀣𑀸-𑀮𑁄𑀓𑁂 𑀢𑀁𑀧𑀢𑁂 𑀔𑁄 𑀧𑀤𑀼𑀓𑁆𑀓𑁂.

𑀲𑀢𑁆𑀢𑀸-𑀮𑁄𑀓𑁄 ¶ 𑀲𑀭𑀺𑀢𑁄 𑀬𑁄 𑀥𑀚𑀼𑀓𑁆𑀓𑀁,

𑀢𑀢𑁆𑀣𑀸-𑀕𑁄𑀧𑁄 𑀭𑀘𑀺𑀬𑁄-𑀦𑁄𑀚-𑀫𑀼𑀤𑁆𑀥𑀁;

𑀪𑀤𑁆𑀤𑀸-𑀲𑁄𑀓𑁄-𑀧𑀘𑀺𑀢𑁄-𑀪𑁄 𑀧𑀩𑀼𑀤𑁆𑀥𑀁,

𑀲𑀤𑁆𑀥𑀸𑀬𑁄𑀕𑁄 𑀪𑀚𑀺 𑀲𑁄-𑀳𑁄-𑀦𑀫𑀼𑀘𑁆𑀘𑀁.

𑀤𑁂𑀯𑀲𑀼𑀬𑀸𑀫𑁄 𑀚𑀺𑀦𑀫𑀺𑀢𑀺 𑀜𑀸𑀢𑁄,

𑀢𑁂𑀦 𑀲𑀼𑀔𑀸-𑀪𑁄 𑀯𑀺𑀦𑀫𑀺 𑀇𑀤𑀸 𑀲𑁄.

𑀧𑀼𑀡𑁆𑀡𑀓𑁂𑀦 ¶ 𑀓𑀼𑀲𑀼𑀫𑁂𑀦 𑀲𑁂𑀯𑀢𑀁,

𑀓𑀼𑀜𑁆𑀚𑀭𑁂𑀯 𑀣𑀼𑀦𑀼𑀢𑁂𑀦 𑀔𑁂 𑀕𑀢𑀁;

𑀲𑀼𑀦𑁆𑀤𑀭𑁂𑀦 𑀦𑀫𑀺 𑀢𑁂𑀦 𑀫𑁂 𑀚𑀬𑀁,

𑀧𑀼𑀜𑁆𑀜𑀢𑁂𑀚𑀓𑀭𑀺-𑀥𑁂𑀲 𑀯𑁂 𑀤𑀤𑀁.

𑀫𑀸𑀢𑀼 𑀆𑀬𑀼 𑀔𑀺𑀡𑀼-𑀓𑁂 𑀇𑀳 𑀧𑀼𑀩𑁆𑀩𑁂,

𑀢𑀸𑀲𑀼 𑀲𑀸𑀥𑀼 𑀯𑀺𑀲𑀼𑀢𑁂-𑀤𑀺𑀲𑀓𑀼𑀘𑁆𑀘𑁂;

𑀯𑀸𑀢 𑀢𑀸𑀮 𑀔𑀘𑀺𑀢𑁂𑀦𑀺-𑀥 𑀲𑁄𑀡𑁆𑀡𑁂,

‘‘𑀢𑀸𑀢 𑀢𑀸𑀢’’ 𑀬𑀚𑀺 𑀢𑁂-𑀢𑀺𑀲 𑀯𑀦𑁆𑀤𑁂.

𑀯𑀦𑁂 ¶ 𑀚𑀺𑀦𑁄 𑀬𑁄 𑀯𑀺𑀦𑀬𑀁 𑀲𑀼𑀧𑁂𑀓𑁆𑀔𑀺-𑀫𑀁,

𑀫𑀢𑁂 𑀞𑀺𑀢𑁄-𑀪𑁄 𑀤𑀺𑀚𑀓𑀁 𑀤𑀼𑀩𑀚𑁆𑀚𑀺𑀢𑀁;

𑀅𑀖𑁂-𑀦𑀺𑀥𑁄 𑀔𑁄𑀪𑀺-𑀢𑀭𑀁 𑀫𑀼𑀦𑁂-𑀘𑁆𑀙𑀺-𑀤𑀁,

𑀦𑀫𑁂-𑀪𑀺𑀢𑁄 𑀩𑁄𑀥𑀺𑀫𑀳𑀁 𑀮𑀼𑀔-𑀚𑁆𑀛𑀺𑀢𑀁.

𑀬𑁄 𑀚𑀸𑀢𑀺-𑀤𑁄𑀫𑀸𑀦𑀻-𑀫𑀼𑀧𑀸𑀲𑀺 𑀮𑀫𑁆𑀩𑀺 𑀢𑀁,

𑀓𑁄𑀥𑁂𑀳𑀺 𑀮𑁄𑀓𑁂𑀳𑀺 𑀤𑀼𑀪𑀸𑀲𑀺 𑀧𑀡𑁆𑀟𑀺𑀢𑀁;

𑀧𑀽𑀭𑁂𑀧𑀺 𑀫𑀽𑀮𑁂𑀧𑀺 𑀧𑀳𑀸𑀲𑀺 𑀤𑀺𑀝𑁆𑀞𑀺𑀓𑀁,

𑀲𑀩𑁆𑀩𑁂𑀳𑀺 𑀧𑀢𑁆𑀢𑁂𑀳𑀺 𑀦𑀫𑀸𑀫𑀺 𑀇𑀘𑁆𑀙𑀺𑀢𑀁.

𑀯𑁂𑀭𑀜𑁆𑀚𑀓𑁂 ¶ 𑀧𑀽𑀭𑀯𑀭𑁂 𑀯𑀺𑀪𑀽𑀲𑀺𑀢𑁂,

𑀦𑁂𑀮𑀜𑁆𑀚𑀦𑁂 𑀤𑀽𑀫𑀯𑀦𑁂 𑀯𑀺𑀓𑀽𑀚𑀺𑀢𑁂;

𑀔𑁂𑀫𑀗𑁆𑀓𑀭𑁂 𑀣𑀽𑀮𑀢𑀭𑁂 𑀯𑀺𑀤𑀽 𑀲𑀺𑀢𑁂,

𑀏𑀢-𑀗𑁆𑀕𑀫𑁂 𑀧𑀽𑀦 𑀦𑀫𑁂 𑀯𑀺𑀭𑀽𑀧𑀺 𑀯𑁂.

𑀅𑀥𑀼𑀦𑀸𑀧𑀺 𑀲 𑀲𑀸𑀭𑀺𑀲𑀼𑀢𑁄 𑀦𑀺𑀫𑀮𑀁,

𑀢𑀫𑀼𑀧𑀸𑀲𑀺 𑀫𑀢𑀸𑀧𑀺 𑀓𑀼𑀢𑁄 𑀘𑀺 𑀦𑀬𑀁;

𑀓𑀭𑀼𑀡𑀸𑀬𑀺 𑀥 𑀬𑀸𑀘𑀺 𑀩𑀼𑀥𑁄 𑀯𑀺𑀦𑀬𑀁,

𑀕𑀭𑀼𑀓𑀸𑀧𑀺 𑀦𑀫𑀸𑀫𑀺 𑀲𑀼-𑀬𑁄 𑀚𑀺𑀢-𑀳𑀁.

𑀚𑀦𑀯𑀭𑁄 ¶ 𑀫𑀼𑀦𑀺 𑀲𑁄 𑀲𑀭𑀺𑀢𑁄 𑀯𑀦𑁂,

𑀕𑀫𑀦𑀲𑁄 𑀕𑀼𑀡𑀺𑀓𑁄 𑀕𑀫𑀺-𑀢𑁄 𑀦𑀫𑁂,

𑀦𑀕𑀭-𑀤𑁄 𑀚𑀼𑀢𑀺-𑀫𑁄 𑀖𑀢𑀺𑀢𑁄-𑀲𑀣𑁂.

𑀪𑀕𑀯𑀢𑀺 ¶ 𑀓𑀼𑀝𑀺𑀕𑀸𑀭𑁂 𑀬𑁄 𑀦𑀺𑀲𑀺𑀦𑁆𑀦𑁂,

𑀥𑀦𑀯𑀢𑀺 𑀲𑀼𑀯𑀺𑀲𑀸𑀮𑁂-𑀓𑁄 𑀇𑀲𑀺𑀦𑁆𑀤𑁂;

𑀬-𑀫𑀮𑀪𑀺 𑀫𑀼𑀦𑀺 𑀮𑀸𑀪𑁂 𑀫𑁄𑀮𑀺𑀙𑀺𑀦𑁆𑀦𑁂,

𑀲 𑀧𑀦𑀫𑀺 𑀚𑀼𑀢𑀺-𑀫𑀸𑀲𑁂-𑀢𑁄 𑀓𑀺𑀮𑀺𑀦𑁆𑀦𑁂.

𑀧𑀞𑀧𑀺𑀢-𑀫𑀺𑀘𑁆𑀘𑀲𑁆𑀲 𑀲𑀺𑀤𑀢𑀼 𑀲𑀩𑁆𑀩𑀁,

𑀧𑀞𑀫𑀺-𑀥 𑀲𑀺𑀓𑁆𑀔𑀲𑁆𑀲 𑀳𑀺𑀢𑀲𑀼𑀔𑀢𑁆𑀣𑀁;

𑀧𑀯𑀤𑀺𑀬 𑀕𑀺𑀤𑁆𑀥𑀲𑁆𑀲 𑀔𑀺𑀡𑀮𑀼𑀔𑀢𑁆𑀣𑀁,

𑀧𑀦𑀫𑀺 𑀘 𑀓𑀺𑀘𑁆𑀘𑀲𑁆𑀲 𑀲𑀺𑀔𑀫𑀼𑀓𑀧𑁆𑀧𑀁.

𑀦𑀺𑀮𑁄𑀪𑀸𑀲𑀺 ¶ 𑀥𑀽𑀫𑁂𑀳𑀺 𑀬𑀼-𑀘𑁆𑀘𑁄 𑀯𑀺𑀮𑀸𑀲𑁂,

𑀞𑀺𑀢𑁄 𑀘𑀸-𑀪𑀺 𑀪𑀽 𑀢𑁂𑀳𑀺 𑀭𑀼𑀓𑁆𑀔𑁄-𑀤𑀺𑀕𑀸𑀳𑁂;

𑀬𑀺-𑀢𑁄 𑀢𑀸𑀦𑀺 𑀧𑀽𑀭𑁂𑀧𑀺 𑀮𑀼𑀤𑁆𑀥𑁄 𑀤𑁆𑀯𑀺𑀯𑀸𑀭𑁂,

𑀚𑀺𑀦𑁄-𑀓𑀸𑀲𑀺 𑀧𑀽𑀚𑁂𑀫𑀺 𑀩𑀼𑀤𑁆𑀥𑁄 𑀳𑀺𑀢𑀸-𑀲𑁂.

𑀫𑀼𑀦𑀺𑀯𑀭𑁂 𑀓𑀼𑀝𑀺𑀖𑀭𑁂-𑀭𑀺𑀬𑀸𑀧𑀣𑁂;

𑀯𑁂𑀲𑀸𑀮𑀺𑀓𑁂 𑀢𑀼 𑀯𑀲𑀺 𑀓𑀸𑀢𑀼 𑀘𑀸𑀢𑀼𑀓𑀁,

𑀢𑁂 𑀜𑀸𑀳𑀺 𑀢𑁂𑀲𑀼 𑀮𑀪𑀺-𑀥𑀸-𑀫𑀼𑀓𑀸-𑀫𑀼𑀓𑀁;

𑀦𑁂𑀕𑀸𑀫𑀺𑀓𑁂𑀲𑀼 𑀪𑀚𑀺 𑀨𑀸𑀲𑀼 𑀲𑀸-𑀬𑀼𑀓𑀁,

𑀏𑀢𑀸-𑀥𑀺𑀓𑁂𑀲𑀼 𑀦𑀫𑀺-𑀓𑀸𑀲𑀼-𑀤𑀸-𑀢𑀼𑀮𑀁.

𑀯𑀤𑀺 ¶ 𑀲𑀼𑀧𑁆𑀧𑀺𑀬𑁄 𑀤𑀼𑀯𑀘𑀦𑀁 𑀢𑀫𑀢𑁄,

𑀲𑀳𑀺 𑀫𑀼𑀢𑁆𑀢𑀺𑀓𑁄 𑀕𑀼𑀡𑀓𑀣𑀁 𑀢𑀣𑀢𑁄;

𑀬𑀼-𑀧𑀕𑀫𑀺 𑀯𑀺𑀫𑀮𑁄 𑀲𑀔𑀺𑀮𑁄 𑀢𑀤𑀸,

𑀬𑀼𑀯𑀯𑀢𑀺-𑀧𑀺𑀯𑀦𑁄 𑀭𑀫𑀺 𑀬𑁄 𑀩𑁆𑀭𑀳𑁆𑀫𑀸;

𑀏𑀓𑀲𑀬𑀺 ¶ 𑀞𑀺𑀢𑀢𑁄 𑀓𑀣𑀺 𑀔𑁄 𑀕𑀼𑀡𑁂,

𑀏𑀲 𑀦𑀫𑀺 𑀚𑀺𑀦-𑀫𑁄 𑀧𑀥𑀺-𑀤𑁄-𑀚𑀼𑀓𑁂.

𑀚𑀸𑀦𑀁 𑀲𑀩𑁆𑀩𑁂𑀲𑀁 𑀤𑁂𑀲𑀺 𑀬𑁄 𑀔𑁄-𑀥𑀺𑀫𑀼𑀢𑁆𑀢𑀁,

𑀆𑀦𑀦𑁆𑀤𑀢𑁆𑀣𑁂𑀭𑀁 𑀯𑁂𑀤𑀺𑀢𑁄 𑀘𑁄𑀴𑀺𑀲𑀼𑀢𑁆𑀢𑀁;

𑀓𑀸𑀬𑀲𑁆𑀲𑀫𑁆𑀫𑀼𑀔𑁂 𑀓𑀸𑀢𑀼𑀦𑁄-𑀮𑁄𑀓𑀺𑀬𑀁-𑀲𑁂,

𑀞𑀸𑀦-𑀲𑁆𑀲-𑀧𑁆𑀧𑀼𑀕𑁂 𑀓𑀸𑀭𑀼𑀡𑁄 𑀳𑁄𑀢𑀺 𑀯𑀦𑁆𑀤𑁂.

𑀲𑀼𑀓𑀣𑀺𑀬 ¶ 𑀫𑀚𑁆𑀛𑀺𑀫𑀲𑀻𑀮-𑀫𑀧𑀭𑀁,

𑀬𑀼-𑀧𑀘𑀺𑀢-𑀫𑁂𑀢𑁆𑀣𑀺-𑀥 𑀘𑀻𑀭-𑀫𑀦𑀬𑀁;

𑀩𑀼𑀥𑀬𑀺 𑀘 𑀪𑀚𑁆𑀚𑀺𑀢-𑀫𑀻𑀡𑀯𑀢𑀭𑀁,

𑀲𑀼𑀦𑀫𑀺 𑀧𑀯𑀚𑁆𑀚𑀺𑀢-𑀫𑀻𑀳-𑀫𑀫𑀮𑀁.

𑀫𑀳𑀓𑀜𑁆𑀳𑀺 𑀲𑀻𑀮𑀫𑁆𑀧𑀺 𑀅𑀪𑀸𑀲𑀺 𑀓𑀦𑁆𑀢𑁂,

𑀩𑁆𑀭𑀳𑁆𑀫𑀣𑀦𑁆𑀤𑀺𑀮𑀻 𑀫𑀫𑁆𑀳𑀺 𑀫𑀦𑀸𑀧𑀺 𑀭𑀫𑁆𑀫𑁂;

𑀘𑀮𑀓𑀫𑁆𑀧𑀺 𑀕𑀻𑀭𑀫𑁆𑀧𑀺 𑀓𑀤𑀸𑀘𑀺 𑀅𑀫𑁆𑀩𑁂,

𑀯𑀭𑀧𑀡𑁆𑀟𑀺 𑀔𑀻𑀡𑀫𑁆𑀧𑀺 𑀦𑀫𑀸𑀫𑀺 𑀢𑀁 𑀯𑁂.

𑀫𑁄𑀳𑀦𑁆𑀢𑁂 ¶ 𑀚𑀺𑀦𑀺 𑀧𑀞𑀫𑁂 𑀚𑀬𑁂 𑀚𑀺𑀢𑀸𑀬𑀁,

𑀲𑁄𑀭𑀫𑁆𑀫𑁂 𑀇𑀲𑀺𑀧𑀢𑀦𑁂 𑀯𑀦𑁂 𑀦𑀺𑀯𑀸𑀲𑀁.

𑀔𑁄𑀪𑀦𑁆𑀢𑁂 𑀓𑀺𑀭𑀺 𑀲𑀓𑀮𑁂 𑀯𑀤𑁂 𑀯𑀺𑀮𑀸𑀲𑀁,

𑀖𑁄𑀭𑀁𑀯𑁂 𑀯𑀺𑀦𑀺𑀤𑀫𑀦𑁂 𑀦𑀫𑁂 𑀚𑀺𑀦𑀸-𑀳𑀁.

𑀤𑀺𑀯𑀸𑀭𑀓𑀁 𑀩𑀚𑀦𑀕𑀭𑀁 𑀨𑀺𑀢𑀁 𑀯𑀲𑁂,

𑀦𑀺𑀲𑀸𑀬 𑀢𑀁 𑀚𑀦𑀕𑀡𑀦𑀁 𑀞𑀺𑀢𑀁 𑀫𑀢𑁂;

𑀯𑀺𑀚𑀸𑀦𑀓𑀁 𑀢𑀫𑀚𑀝𑀓𑀁 𑀲𑀺𑀢𑀁 𑀯𑀦𑁂,

𑀳𑀺𑀢𑀸𑀯𑀳𑀁 𑀦𑀭𑀧𑀯𑀭𑀁 𑀇𑀫𑀁 𑀦𑀫𑁂.

𑀭𑀘𑀺𑀢-𑀫𑀯𑀺𑀭𑀮𑀁 ¶ 𑀫𑀦𑀼𑀲𑁆𑀲 𑀫𑀣𑀸 𑀧𑀡𑀁,

𑀧𑀲𑀺𑀬 𑀢𑀢𑀺𑀬𑀓𑀁 𑀘𑀢𑀼𑀢𑁆𑀣 𑀫𑀓𑀸 𑀲𑀬𑀁;

𑀓𑀭𑀺𑀢-𑀫𑀥𑀺𑀓𑀢𑀁 𑀅𑀔𑀼𑀩𑁆𑀪𑀫𑀮𑀸 𑀲𑀪𑀁,

𑀚𑀳𑀺𑀢𑀕𑀢𑀺𑀧𑀭𑀁 𑀧𑀦𑀼𑀚𑁆𑀚 𑀦𑀫𑀸𑀫-𑀳𑀁.

𑀫𑀳𑀢𑀺 𑀲 𑀫𑀡𑀺𑀓𑁂 𑀲𑀓𑀼𑀡𑀓𑀼𑀚𑀯𑀦𑁂;

𑀬𑀧𑀢𑀺 𑀯𑀲𑀢𑀺 𑀯𑁂 𑀳𑀺𑀢𑀲𑀺𑀯𑀯𑀳𑀦𑁂,

𑀲𑀼𑀭𑀢 𑀫𑀼𑀪𑀬𑀫𑁂-𑀲𑀺𑀢 𑀫𑀺𑀫 𑀧𑀦𑀫𑁂.

𑀙𑀝𑁆𑀞𑀁 ¶ 𑀯𑀲𑁂 𑀅𑀣𑀼-𑀤 𑀢𑀢𑁆𑀣 𑀯𑀦𑁂 𑀫𑀼𑀦𑁂 𑀲𑀁,

𑀲𑀩𑁆𑀩𑀁 𑀥𑀭𑁂 𑀫𑀓𑀼𑀮𑀧𑀩𑁆𑀩𑀢𑀓𑁂 𑀉𑀧𑁂𑀤𑀁;

𑀘𑀢𑁆𑀢𑀁 𑀫𑀮𑁂 𑀫𑀦𑀼𑀚 𑀫𑀢𑁆𑀣𑀯𑀲𑁂 𑀲𑀼𑀤𑁂𑀲𑀁,

𑀪𑀢𑁆𑀢𑀁 𑀦𑀫𑁂 𑀮𑀳𑀼𑀓 𑀫𑀧𑁆𑀧 𑀫𑀭𑁂 𑀥𑀼𑀦𑁂 𑀢𑀁.

𑀦𑀼𑀦 ¶ 𑀉𑀧𑀯𑀲𑀢𑀺 𑀇𑀥 𑀣 𑀧𑀼𑀦 𑀧𑀭𑀺𑀫𑁂,

𑀲𑀼𑀔𑀕𑀼𑀡𑀫𑀳𑀢𑀺 𑀢𑀺𑀤𑀲𑀧𑀼𑀭 𑀅𑀚𑀺𑀢𑁂;

𑀬𑀼𑀕𑀦𑀼𑀢 𑀫𑀯𑀤𑀺 𑀯𑀺𑀢𑀣 𑀫𑀼𑀖𑀢𑀭𑀺 𑀯𑁂,

𑀳𑀼𑀢𑀣𑀼𑀦 𑀫𑀦𑀫𑀺 𑀲𑀺𑀫𑀤 𑀢𑀼𑀮 𑀫𑀭𑀺𑀬𑁂.

𑀚𑀺𑀦𑀧𑀢𑀺 𑀲𑀼𑀲𑀼𑀫𑀸𑀭𑀁 𑀪𑁂𑀲𑀓𑀮𑁆𑀮𑀸𑀯𑀦𑁂-𑀲𑀁,

𑀦𑀺𑀯𑀲𑀢𑀺 𑀧𑀼𑀣𑀼𑀜𑀸𑀡𑀁 𑀔𑁆𑀯𑁂-𑀲 𑀦𑀦𑁆𑀤𑀸𑀮𑀬𑁂-𑀢𑀁;

𑀯𑀺𑀫𑀮-𑀫𑀺 𑀥𑀼-𑀚𑀼𑀓𑀸𑀬𑀁 𑀪𑁂𑀤𑀲𑀦𑁆𑀢𑀸𑀧-𑀲𑁂𑀲𑀁,

𑀯𑀺𑀚𑀳-𑀧𑀺 𑀲𑀼𑀔𑀼𑀫𑀸𑀮𑀁 𑀏𑀲𑀫𑀦𑁆𑀢𑀸 𑀦𑀫𑁂-𑀳𑀁.

𑀫𑀳𑀢𑀺 ¶ 𑀲𑀼𑀓𑀦𑁆𑀢𑀺𑀬𑁂 𑀅𑀣 𑀘 𑀢𑀢𑁆𑀣 𑀲𑀻𑀢𑀮𑁂,

𑀯𑀲𑀢𑀺 𑀓𑀼𑀲𑀫𑁆𑀩𑀺𑀬𑁂 𑀦𑀯𑀫𑀯𑀲𑁆𑀲-𑀧𑀻-𑀢𑀭𑁂;

𑀅𑀯𑀳𑀺 𑀲𑀼𑀔-𑀦𑁆𑀢𑀺𑀫𑁂 𑀧𑀚𑀳-𑀫𑀢𑁆𑀣-𑀫𑀻-𑀥 𑀯𑁂,

𑀧𑀦𑀫𑀺 𑀦𑀼𑀤𑀁 𑀳𑀺𑀦𑁂 𑀲𑀓𑀮𑀲𑀢𑁆𑀣𑀯𑀲𑀬𑁂.

𑀬𑀼𑀥𑀯𑀢𑀺 𑀧𑀸𑀮𑀺𑀮𑁂𑀬𑁆𑀬𑀓 𑀯𑀦𑁂 𑀧𑀳𑀸𑀬 𑀦𑀸𑀕𑁂,

𑀉𑀧𑀞𑀳𑀺 𑀦𑀸𑀕𑀺-𑀥𑁂-𑀲 𑀤𑀲𑀫𑁂 𑀚𑀳𑀸𑀬 𑀩𑀸𑀮𑁂;

𑀲𑀼𑀔𑀯𑀲𑀺 𑀓𑀸𑀬𑀺𑀓𑁂 𑀘 𑀫𑀦𑀓𑁂 𑀢𑀤𑀸𑀲 𑀲𑀸𑀢𑁂,

𑀬𑀼𑀢-𑀫𑀥𑀺 𑀯𑀸𑀳𑀺𑀢𑁂 𑀘 𑀧𑀦𑀫𑁂 𑀧𑀬𑀸𑀢 𑀫𑀸𑀭𑁂.

𑀇𑀢𑁄 ¶ 𑀧𑀢𑁆𑀢𑁂 𑀦𑀸𑀴𑁂 𑀯𑀲𑀢𑀺 𑀤𑀺𑀚𑀕𑀸𑀫𑁂𑀧𑀺 𑀤𑀲𑀫𑁂,

𑀳𑀺𑀢𑁄𑀧𑀢𑁆𑀣𑁂𑀦𑀸-𑀬𑁂𑀓 𑀅𑀥𑀺𑀓𑀺-𑀥 𑀯𑀸𑀤𑁂𑀳𑀺 𑀯𑀤𑀓𑁂;

𑀯𑀺𑀮𑁄𑀫𑀢𑁆𑀣𑁂𑀳𑀸-𑀦𑁂𑀓-𑀲𑀳𑀺 𑀞𑀺𑀢-𑀫𑀸𑀖𑁂𑀧𑀺 𑀲𑀫𑀬𑁂,

𑀯𑀺𑀬𑁄𑀕𑀢𑁆𑀣𑁂-𑀢𑀸-𑀦𑁂𑀚-𑀫𑀧𑀺 𑀧𑀺𑀳𑀯𑀸𑀲𑁂𑀳𑀺 𑀧𑀦𑀫𑁂.

𑀤𑁆𑀯𑀺𑀅𑀥𑀺𑀓𑀺-𑀢𑀭𑁂 ¶ 𑀯𑁂𑀭𑀜𑁆𑀚𑀸𑀬𑀁 𑀢𑀢𑁄 𑀤𑀲𑀫𑀁 𑀧𑀭𑁂,

𑀦𑀺𑀯𑀲𑀺 𑀦𑀺𑀮𑀓𑁂 𑀔𑁂𑀤𑀗𑁆𑀖𑀸𑀢𑀁 𑀓𑀭𑁄 𑀧𑀭𑀫𑀁 𑀯𑀦𑁂;

𑀓𑀺𑀮𑀫𑀺 𑀇𑀥 𑀯𑁂 𑀯𑁂𑀳𑀗𑁆𑀕𑀸𑀦𑀁 𑀫𑀦𑁄𑀭𑀫𑀓𑀁 𑀯𑀲𑁂,

𑀯𑀺𑀭𑀚𑀺-𑀲𑀺𑀕𑀡𑁂 𑀫𑁂𑀥𑀗𑁆𑀓𑀸𑀭𑀁 𑀅𑀲𑁄𑀓𑀤𑀤𑀁 𑀦𑀫𑁂.

𑀬𑁄 𑀲𑀫𑁆𑀧𑀼𑀡𑁆𑀡𑁂 𑀉𑀧𑀭𑀺 𑀢𑀺𑀭𑀲𑁂 𑀘𑀸𑀮𑀺𑀬𑁂 𑀧𑀩𑁆𑀩𑀢𑁂𑀧𑀺,

𑀲𑁄𑀪𑀁 𑀨𑀼𑀮𑁆𑀮𑁂 𑀲𑀼𑀯𑀲𑀺 𑀇𑀢𑀭𑁂 𑀓𑀸𑀫𑀺𑀢𑁂 𑀅𑀧𑁆𑀧𑀫𑁂𑀳𑀺;

𑀲𑀸𑀯𑀢𑁆𑀣𑀺𑀓𑁆𑀓𑁂𑀦𑀼-𑀤 𑀘𑀢𑀼𑀤𑀲𑁂 𑀓𑀸𑀭𑀺𑀢𑁂 𑀆𑀮𑀬𑁂𑀧𑀺,

𑀓𑀸𑀫𑁄-𑀘𑁆𑀙𑀺𑀤𑁆𑀤𑁂 𑀢𑀼 𑀪𑀬 𑀫𑀼𑀦𑀫𑁂 𑀜𑀸𑀢𑀺𑀫𑁂 𑀤𑁆𑀯𑀸𑀭𑀓𑁂𑀳𑀺.

𑀲𑀓𑁆𑀓𑁄 ¶ 𑀓𑀧𑁆𑀧𑀺𑀮𑁂 𑀓𑀭𑀺𑀬 𑀫𑀤𑀓𑁂 𑀦𑀺𑀕𑁆𑀕𑀳𑁄 𑀬𑁄𑀢𑀺 𑀧𑀜𑁆𑀘𑁂,

𑀤𑀓𑁆𑀔𑁄 𑀓𑀧𑁆𑀧𑀺𑀬𑁂 𑀯𑀲𑀺𑀥 𑀬𑀫𑀓𑁂 𑀇𑀤𑁆𑀥𑀓𑁄 𑀪𑁄𑀳𑀺 𑀅𑀜𑁆𑀜𑁂;

𑀬𑀓𑁆𑀔𑁄 𑀤𑀩𑁆𑀩𑀺𑀓𑁂 𑀤𑀫𑀺𑀬 𑀦𑀕𑀭𑁂 𑀲𑁄𑀴𑀲𑁂-𑀢𑁄𑀧𑀺 𑀯𑀗𑁆𑀓𑁂,

𑀅𑀕𑁆𑀕𑁄-𑀖𑀢𑁆𑀢𑀺𑀢𑁂 𑀧𑀘𑀺𑀬 𑀧𑀦𑀫𑁂 𑀩𑁄𑀥𑀓𑁂 𑀫𑁄𑀦𑀺𑀧𑀜𑁆𑀜𑁂.

(𑀓𑀼𑀲𑀼𑀫𑀺𑀢𑀮𑀢𑀸𑀯𑁂𑀮𑁆𑀮𑀺𑀢𑀕𑀸𑀣𑀸)

𑀤𑀼𑀮𑀤𑁆𑀥𑁂 ¶ 𑀧𑀽𑀭𑁂 𑀬𑁄𑀧𑀭𑀺 𑀘 𑀤𑀲𑀢𑁄 𑀭𑀸𑀚𑀕𑁂𑀳𑀁 𑀪𑀚𑀦𑁆𑀢𑁄,

𑀢𑀼 𑀲𑀢𑁆𑀢𑁂 𑀓𑀽𑀮𑁂 𑀔𑁄 𑀓𑀭𑀺 𑀥 𑀬𑀧𑀢𑁄 𑀯𑀸𑀲𑀫𑁂𑀚𑀁 𑀚𑀳𑀦𑁆𑀢𑁄;

𑀤𑀼𑀫𑀝𑁆𑀞𑁂 𑀧𑀽𑀦𑁂𑀲𑁄 𑀭𑀫𑀺𑀢-𑀘𑀮𑀢𑁄 𑀝𑁆𑀞𑀸𑀭𑀲𑁂𑀢𑀁 𑀤𑀤𑀁 𑀲𑁄,

𑀕𑀼𑀡𑀲𑁆𑀲𑁂 𑀯𑀽𑀧𑁂𑀢𑁄 𑀦𑀫𑀺𑀥 𑀓𑀭𑀪𑁄 𑀓𑀸𑀬𑀔𑁂𑀤𑀁 𑀲𑀳𑀦𑁆𑀢𑁄.

𑀘𑀸𑀮𑀻𑀬𑁂 ¶ 𑀧𑀭𑀺𑀫𑁂 𑀢𑀣𑁂𑀯 𑀅𑀘𑀮𑁂-𑀓𑀽𑀦𑁂𑀧𑀺 𑀯𑀻𑀲𑁂 𑀮𑀺𑀮𑀁,

𑀪𑀸𑀕𑀻 𑀘𑁂 𑀲 𑀳𑀺𑀢𑁂 𑀧𑀕𑁂𑀯 𑀧𑀯𑀲𑁂 𑀲𑀽𑀭𑁂𑀳𑀺 𑀦𑀺𑀲𑁂𑀯𑀺𑀢𑀁;

𑀓𑀸𑀭𑀺𑀢𑁂 𑀭𑀫𑀺𑀓𑁂 𑀧𑀭𑁂 𑀘 𑀦𑀕𑀭𑁂 𑀧𑀽𑀭𑁂𑀧𑀺 𑀯𑀻𑀲𑁂 𑀇𑀫𑀁,

𑀳𑀸𑀭𑀺𑀢𑁂 𑀯𑀲𑀺𑀫𑁂 𑀚𑀳𑁂𑀦 𑀧𑀦𑀫𑁂 𑀫𑀽𑀮𑁂𑀧𑀺 𑀔𑀻𑀡𑁂 𑀚𑀺𑀢𑀁.

𑀧𑀜𑁆𑀘𑀧𑀜𑁆𑀘-𑀫𑀸𑀓𑀭𑁂 𑀢𑀢𑁄𑀧𑀺 𑀧𑀺𑀡𑁆𑀟𑀓𑁂𑀦 𑀚𑁂𑀢𑀓𑀸𑀦𑀦𑁂 𑀘,

𑀅𑀜𑁆𑀜𑀫𑀜𑁆𑀜-𑀫𑀸𑀤𑀭𑁂𑀦 𑀬𑁄 𑀦𑀺𑀲𑀺𑀦𑁆𑀦𑀓𑁂𑀦 𑀢𑁂 𑀘 𑀫𑀸𑀧𑀬𑁂𑀯;

𑀧𑀼𑀩𑁆𑀩𑀧𑀼𑀩𑁆𑀩𑀆𑀭𑀸𑀫𑁂 𑀧𑀬𑁄𑀚𑀺-𑀧𑀸𑀲𑀺𑀓𑀸𑀬 𑀯𑀸𑀭𑀫𑀸𑀯𑀲𑁂𑀥,

𑀲𑀼𑀤𑁆𑀥𑀲𑀼𑀤𑁆𑀥-𑀫𑀸𑀫𑀮𑁂𑀦 𑀧𑁄𑀭𑀺𑀬𑀸𑀢𑀺𑀫𑀸𑀬 𑀫𑀸𑀦𑀲𑀸 𑀦𑀫𑁂𑀲.

𑀧𑀼𑀜𑁆𑀜𑁂𑀦𑀸’𑀦𑁂𑀦 ¶ 𑀲𑀁𑀲𑀸𑀭𑀫𑀼𑀧𑀥𑀺 𑀲𑀼𑀘𑀺 𑀲𑀧𑁆𑀧𑀽𑀭𑀺𑀲𑁂 𑀯𑁄 𑀧𑀲𑁂𑀯𑁂,

𑀢𑁂𑀳𑀸 𑀤𑀺𑀦𑁆𑀦𑀁 𑀲𑀼𑀕𑀸𑀳𑁄 𑀲𑀼𑀘𑀺𑀧𑀭𑀺𑀲𑀉𑀧𑁂𑀢𑁄 𑀅𑀭𑁄𑀕𑁄 𑀪𑀯𑁂𑀬𑁆𑀬𑀁;

𑀤𑀻𑀖𑀸𑀬𑀽𑀓𑁄 𑀫𑀳𑀸𑀧𑀜𑁆𑀜 𑀬𑀲𑀥𑀦𑀲𑀼𑀮𑀸𑀪𑁄 𑀘 𑀓𑀮𑁆𑀬𑀸𑀡𑀫𑀺𑀢𑁆𑀢𑁄,

𑀮𑁄𑀓𑀸𑀤𑀺𑀩𑁆𑀩𑁄 𑀘 𑀫𑀕𑁆𑀕𑁄 𑀲𑀫𑀫𑀢𑀺𑀧𑀭𑀺𑀯𑀸𑀭𑁄𑀯 𑀦𑀺𑀩𑁆𑀩𑀸𑀦𑀧𑀢𑁆𑀢𑁄.

𑀦𑀲𑁆𑀲𑀢𑀺 ¶ 𑀲𑀸𑀲𑀦𑁂 𑀙𑀦𑀯𑀼𑀢𑀸𑀥𑀺𑀓𑁂 𑀘 𑀢𑀺𑀯𑀺𑀲𑁂 𑀲𑀢𑁂 𑀓𑀮𑀺𑀬𑀼𑀕𑁂,

𑀤𑁆𑀯𑁂𑀲𑀢𑀘𑀼𑀤𑁆𑀤𑀲𑀸𑀥𑀺𑀓𑀲𑀳𑀲𑁆𑀲𑀓𑁂 𑀲𑀓𑀮𑀭𑀝𑁆𑀞𑀓𑀁 𑀔𑀼𑀪𑀺 𑀕𑀢𑁂;

𑀪𑀸𑀢𑀺𑀓𑀬𑀼𑀤𑁆𑀥𑀓𑁂𑀦 𑀦𑀕𑀭𑀁 𑀢𑀤𑀸 𑀪𑀯𑀢𑀺 𑀙𑀸𑀭𑀺𑀓𑀸 𑀬𑀢𑀺𑀕𑀡𑁄,

𑀤𑀼𑀓𑁆𑀔𑀕𑀢𑁄 𑀫𑀳𑀸𑀧𑀳𑀭𑀡𑁂𑀳𑀺 𑀚𑀺𑀯𑀺𑀢𑀔𑀬𑀫𑁆𑀧𑀺 𑀏𑀢𑀺 𑀧𑀺𑀝𑀓𑁂.

𑀉𑀤𑀺𑀲𑀓 ¶ 𑀘𑁂𑀢𑁆𑀬𑀓𑁂𑀧𑀺 𑀯𑀺𑀓𑀺𑀭𑀺𑀬 𑀦𑀸𑀲𑀢𑀺 𑀥 𑀲𑁄 𑀣𑀺𑀭𑁄 𑀲𑀕𑀡𑀢𑁄,

𑀯𑀺𑀚𑀳𑀺𑀬 𑀧𑀼𑀭𑀢𑁄 𑀢𑁆𑀢𑀭𑀯𑀦𑁂𑀓 𑀓𑀼𑀫𑁆𑀪𑀓𑀭𑀕𑀸𑀫𑀓𑀁 𑀦𑀺𑀯𑀲𑀬𑁂;

𑀲𑀢𑀕𑀡𑀓𑁂𑀳𑀺 𑀢𑀢𑁆𑀣 𑀚𑀦𑀓𑁄𑀧𑀺 ‘‘𑀪𑁄𑀢 𑀇𑀥 𑀯𑀸𑀲 𑀲𑀩𑁆𑀩𑀬𑀢𑀺𑀦𑀁,

𑀉𑀧𑀝𑁆𑀞𑀳𑀫𑀻’’𑀢𑀺 𑀢𑀫𑁆𑀳𑀺 𑀓𑀢𑀺𑀧𑀸𑀳𑀦𑀁 𑀯𑀲𑀢𑀺 𑀔𑁄 𑀯𑀺𑀫𑀁𑀲𑀺𑀬 𑀲𑀼𑀔𑀁.

𑀢𑀢𑁆𑀣 𑀅𑀭𑀜𑁆𑀜𑁂 𑀭𑀫𑀺𑀢𑁄 𑀲𑀼𑀘𑀭𑀺 𑀲𑀤𑁆𑀥𑀫𑁆𑀫-𑀢𑀺𑀫𑀸𑀦𑀺 𑀲𑀼𑀬𑀢𑀻𑀳𑀺 𑀢𑀺𑀧𑀻𑀓𑁄,

𑀥𑀽𑀭𑀲𑀼𑀬𑀼𑀢𑁆𑀢𑁄 𑀧𑀭𑀺𑀕𑀸𑀳𑀺𑀬 𑀲𑀼𑀚𑀸𑀢𑁄 𑀲𑀼𑀧𑀝𑁆𑀞𑀸𑀢𑀺 𑀓𑀼𑀦𑀤𑀺𑀢-𑀫𑀼𑀬𑀸𑀦𑀁;

𑀲𑁄 𑀲𑀢𑀫𑀘𑁆𑀘𑁂𑀳𑀺 𑀓𑀢𑀁 𑀦𑀕𑀭𑀺 𑀤𑀁 𑀢𑀲𑁆𑀲 𑀘 𑀧𑀸𑀘𑀺𑀦 𑀭𑀳 𑀥𑀺𑀓𑀓𑁄𑀲𑁂,

𑀧𑀘𑁆𑀘𑀬𑀦𑀸𑀬𑀸𑀲𑀼 𑀤 𑀙𑀸𑀬𑀩𑀳𑀼𑀓𑁄 𑀲𑀼𑀤𑁆𑀥𑀬𑀢𑀺𑀧𑀺 𑀇𑀥 𑀯𑀲𑀦𑀓𑀸𑀮𑁂.

𑀨𑀕𑁆𑀕𑀼𑀡𑀫𑀸𑀲𑁂 𑀙𑀤𑀺𑀦𑁂 𑀭𑀘𑀺𑀬 𑀦𑀺𑀝𑁆𑀞𑀁𑀯 𑀕𑀢𑁄 𑀧𑀭𑀫𑀭𑀺 𑀇𑀫𑀺𑀦𑀸-𑀬𑀁,

𑀲𑀺𑀚𑁆𑀛𑀢𑀼 𑀧𑁂𑀫𑀁 𑀯𑀢 𑀭𑀓𑁆𑀔𑀢𑀼 𑀲𑀼𑀤𑁂𑀯𑁄 𑀉𑀤 𑀯𑀟𑁆𑀠𑀢𑀼 𑀚𑀺𑀦𑀯𑀘𑀦𑁂 𑀢𑀁;