📜
? 𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲
𑀫𑁄𑀕𑁆𑀕𑀮𑁆𑀮𑀸𑀦𑀲𑀼𑀢𑁆𑀢𑀧𑀸𑀞𑁄
(𑁧) 𑀧𑀞𑀫𑁄 𑀓𑀡𑁆𑀟𑁄 (𑀲𑀜𑁆𑀜𑀸𑀤𑀺)
𑁧. 𑀅𑀆𑀤𑀬𑁄 ¶ 𑀢𑀺𑀢𑀸𑀮𑀻𑀲 𑀯𑀡𑁆𑀡𑀸.
(𑀲𑀜𑁆𑀜𑀸)
𑁧𑁬. 𑀆𑀤𑀺𑀲𑁆𑀲 ¶ .
𑁧𑁯. 𑀝𑀸𑀦𑀼𑀩𑀦𑁆𑀥𑀸-𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲.
𑁨𑁫. 𑀦𑁆𑀢𑀼 𑀯𑀦𑁆𑀢𑀼𑀫𑀦𑁆𑀢𑁆𑀯𑀸𑀯𑀦𑁆𑀢𑀼𑀢𑀯𑀦𑁆𑀢𑀼𑀲𑀫𑁆𑀩𑀦𑁆𑀥𑀻.
𑀧𑀭𑀺𑀪𑀸𑀲𑀸
𑁩𑁫. 𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂𑀲𑀁 𑀢𑀢𑀺𑀬𑀧𑀞𑀫𑀸.
𑁩𑁬. 𑀯𑀻-𑀢𑀺𑀲𑁆𑀲𑁂-𑀯𑁂 ¶ 𑀯𑁄.
𑁫𑁫. 𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑁂-𑀓𑀲𑁆𑀲.
𑁫𑁭. 𑀬𑀸𑀯𑀩𑁄𑀥𑀁 ¶ 𑀲𑀫𑁆𑀪𑀫𑁂.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀲𑀜𑁆𑀜𑀸𑀤𑀺𑀓𑀡𑁆𑀟𑁄 𑀧𑀞𑀫𑁄.
(𑁨) 𑀤𑀼𑀢𑀺𑀬𑁄 𑀓𑀡𑁆𑀟𑁄 (𑀲𑁆𑀬𑀸𑀤𑀺)
𑁧. 𑀤𑁆𑀯𑁂 𑀤𑁆𑀯𑁂𑀓𑀸-𑀦𑁂𑀓𑁂𑀲𑀼 𑀦𑀸𑀫𑀲𑁆𑀫𑀸 𑀲𑀺 𑀬𑁄, 𑀅𑀁 𑀬𑁄, 𑀦𑀸 𑀳𑀺, 𑀲 𑀦𑀁, 𑀲𑁆𑀫𑀸 𑀳𑀺, 𑀲 𑀦𑀁, 𑀲𑁆𑀫𑀺𑀁 𑀲𑀼.
𑁪. 𑀕𑀢𑀺𑀩𑁄𑀥𑀸𑀳𑀸𑀭𑀲𑀤𑁆𑀤𑀢𑁆𑀣𑀸𑀓𑀫𑁆𑀫𑀓𑀪𑀚𑁆𑀚𑀸𑀤𑀻𑀦𑀁 𑀧𑀬𑁄𑀚𑁆𑀚𑁂.
𑁮. 𑀮𑀓𑁆𑀔𑀡𑀺𑀢𑁆𑀢𑀫𑁆𑀪𑀽𑀢𑀯𑀺𑀘𑁆𑀙𑀸𑀲𑁆𑀯𑀪𑀺𑀦𑀸.
𑁧𑁫. 𑀲𑀸𑀫𑀺𑀢𑁆𑀢𑁂-𑀥𑀺𑀦𑀸 ¶ .
𑁩𑁬. 𑀬𑀢𑁄 ¶ 𑀦𑀺𑀤𑁆𑀥𑀸𑀭𑀡𑀁.
𑁪𑁭. 𑀦𑀫𑁆𑀳𑀺 𑀦𑀼𑀓 𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁.
𑁫𑁨. 𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑁂𑀲𑁆𑀯𑀺𑀢𑀭𑁂𑀓𑀜𑁆𑀜𑁂𑀢𑀺𑀫𑀸𑀦𑀫𑀺.
𑁫𑁭. 𑀮𑁆𑀢𑀼𑀧𑀺𑀢𑀸𑀤𑀻𑀦 ¶ 𑀫𑀸 𑀲𑀺𑀫𑁆𑀳𑀺.
𑁭𑁮. 𑀅𑀫𑁆𑀩𑁆𑀯𑀸𑀤𑀻𑀳𑀺 ¶ .
𑁩. 𑀇𑀢𑁄 𑀓𑁆𑀯𑀘𑀺 𑀲𑀲𑁆𑀲 𑀝𑀸𑀦𑀼𑀩𑀦𑁆𑀥𑁄 (𑀕𑀡).
𑁯𑁭. 𑀲𑁆𑀫𑀸𑀳𑀺𑀲𑁆𑀫𑀺𑀦𑁆𑀦𑀁 𑀫𑁆𑀳𑀸𑀪𑀺𑀫𑁆𑀳𑀺.
𑁯𑁮. 𑀲𑀼𑀳𑀺𑀲𑁆𑀯𑀲𑁆𑀲𑁂 ¶ .
𑁪. 𑀧𑀼𑀩𑁆𑀩𑀧𑀭𑀸𑀯𑀭𑀤𑀓𑁆𑀔𑀺𑀡𑀼𑀢𑁆𑀢𑀭𑀸𑀥𑀭𑀸𑀦𑀺 𑀯𑀯𑀢𑁆𑀣𑀸𑀬𑀫𑀲𑀜𑁆𑀜𑀸𑀬𑀁 (𑀕𑀡).
𑁧𑁧𑁭. 𑀕𑀲𑀻𑀦𑀁 ¶ .
𑁧𑁩𑁨. 𑀝 𑀲𑀲𑁆𑀫𑀸𑀲𑁆𑀫𑀺𑀁𑀲𑁆𑀲𑀸𑀬𑀲𑁆𑀲𑀁𑀲𑁆𑀲𑀸𑀲𑀁𑀫𑁆𑀳𑀸𑀫𑁆𑀳𑀺𑀲𑁆𑀯𑀺𑀫𑀲𑁆𑀲 𑀘.
𑁧𑁩𑁮. 𑀬𑁄𑀦𑀫𑁂𑀝 ¶ .
𑁧𑁪𑁪. 𑀫𑀦𑀸𑀤𑀻𑀳𑀺 𑀲𑁆𑀫𑀺𑀁𑀲𑀁𑀦𑀸𑀲𑁆𑀫𑀸𑀦𑀁 𑀲𑀺𑀲𑁄𑀑𑀲𑀸𑀲𑀸.
𑁬. 𑀲𑀭𑀯𑀬𑀸𑀬𑀯𑀸𑀲𑀘𑁂𑀢𑀸 𑀚𑀮𑀸𑀲𑀬𑀓𑁆𑀔𑀬𑀮𑁄𑀳𑀧𑀝𑀫𑀦𑁂𑀲𑀼 (𑀕𑀡).
𑁮. 𑀇𑀫𑁄 ¶ 𑀪𑀸𑀯𑁂 (𑀕𑀡).
𑁧𑁭𑁫. 𑀤𑀺𑀯𑀸𑀤𑀺𑀢𑁄 ¶ .
𑁧𑁯𑁨. 𑀧𑀼𑀫𑀓𑀫𑁆𑀫𑀣𑀸𑀫𑀤𑁆𑀥𑀸𑀦𑀁 𑀯𑀸 𑀲𑀲𑁆𑀫𑀸𑀲𑀼 𑀘.
𑁧𑁯𑁬. 𑀲𑁆𑀫𑀸𑀲𑁆𑀲 ¶ 𑀦𑀸 𑀩𑁆𑀭𑀳𑁆𑀫𑀸 𑀘.
𑁧𑁯𑁭. 𑀇𑀫𑁂𑀢𑀸𑀦𑀫𑁂𑀦𑀸-𑀦𑁆𑀯𑀸𑀤𑁂𑀲𑁂 𑀤𑀼𑀢𑀺𑀬𑀸𑀬𑀁.
𑁨𑁦𑁪. 𑀦𑀁𑀫𑁆𑀳𑀺 𑀢𑀺𑀘𑀢𑀼𑀦𑁆𑀦𑀫𑀺𑀢𑁆𑀣𑀺𑀬𑀁 𑀢𑀺𑀲𑁆𑀲𑀘𑀢𑀲𑁆𑀲𑀸.
𑁨𑁦𑁫. 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁.
𑁨𑁧𑁨. 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁 𑀢𑁆𑀯𑀫𑀫𑁆𑀳𑀺 𑀘.
𑁨𑁧𑁫. 𑀦𑁆𑀢𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂.
𑁨𑁧𑁭. 𑀢𑁄𑀢𑀸𑀢𑀺𑀢𑀸 ¶ 𑀲𑀲𑁆𑀫𑀸𑀲𑁆𑀫𑀺𑀁𑀦𑀸𑀲𑀼.
𑁨𑁧𑁯. 𑀬𑁄𑀫𑁆𑀳𑀺 𑀤𑁆𑀯𑀺𑀦𑁆𑀦𑀁 𑀤𑀼𑀯𑁂 𑀤𑁆𑀯𑁂.
𑁨𑁨𑁬. 𑀲𑁆𑀫𑀺𑀁𑀫𑁆𑀳𑀺 𑀢𑀼𑀫𑁆𑀳𑀫𑁆𑀳𑀸𑀦𑀁 𑀢𑀬𑀺𑀫𑀬𑀺.
𑁨𑁩𑁮. 𑀤𑀲𑁆𑀲𑀦𑀢𑁆𑀢𑁂-𑀦𑀸𑀮𑁄𑀘𑀦𑁂 ¶ .
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀲𑁆𑀬𑀸𑀤𑀺𑀓𑀡𑁆𑀟𑁄 𑀤𑀼𑀢𑀺𑀬𑁄.
(𑁩) 𑀢𑀢𑀺𑀬𑁄 𑀓𑀡𑁆𑀟𑁄 (𑀲𑀫𑀸𑀲𑁄)
𑁨. 𑀅𑀲𑀗𑁆𑀔𑁆𑀬𑀁 𑀯𑀺𑀪𑀢𑁆𑀢𑀺𑀲𑀫𑁆𑀧𑀢𑁆𑀢𑀺𑀲𑀫𑀻𑀧𑀲𑀸𑀓𑀮𑁆𑀬𑀸-𑀪𑀸𑀯𑀬𑀣𑀸 𑀧𑀘𑁆𑀙𑀸𑀬𑀼𑀕𑀧𑀤𑀢𑁆𑀣𑁂.
𑁫. 𑀧𑀬𑁆𑀬𑀧𑀸𑀩𑀳𑀺𑀢𑀺𑀭𑁄𑀧𑀼𑀭𑁂𑀧𑀘𑁆𑀙𑀸 𑀯𑀸 𑀧𑀜𑁆𑀘𑀫𑁆𑀬𑀸.
𑁮. 𑀑𑀭𑁂 𑀧𑀭𑀺 𑀯𑀢𑀺 𑀧𑀸𑀭𑁂 𑀫𑀚𑁆𑀛𑁂 𑀳𑁂𑀝𑁆𑀞𑀼𑀤𑁆𑀥𑀸 𑀥𑁄𑀦𑁆𑀢𑁄 𑀯𑀸 𑀙𑀝𑁆𑀞𑀺𑀬𑀸.
𑁧𑁩. 𑀓𑀼𑀧𑀸𑀤𑀬𑁄 ¶ 𑀦𑀺𑀘𑁆𑀘𑀫𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀺.
𑁯. 𑀧𑀸𑀤𑀬𑁄 𑀕𑀢𑀸𑀤𑁆𑀬𑀢𑁆𑀣𑁂 𑀧𑀞𑀫𑀸𑀬. (𑀕𑀡)
𑁧𑁦. 𑀅𑀘𑁆𑀘𑀸𑀤𑀬𑁄 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀤𑀼𑀢𑀺𑀬𑀸𑀬. (𑀕𑀡)
𑁧𑁧. 𑀅𑀯𑀸𑀤𑀬𑁄 𑀓𑀼𑀝𑁆𑀞𑀸𑀤𑁆𑀬𑀢𑁆𑀣𑁂 𑀢𑀢𑀺𑀬𑀸𑀬. (𑀕𑀡)
𑁧𑁨. 𑀧𑀭𑀺𑀬𑀸𑀤𑀬𑁄 𑀕𑀺𑀮𑀸𑀦𑀸𑀤𑁆𑀬𑀢𑁆𑀣𑁂 𑀘𑀢𑀼𑀢𑁆𑀣𑀺𑀬𑀸. (𑀕𑀡)
𑁧𑁩. 𑀦𑁆𑀬𑀸𑀤𑀬𑁄 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀧𑀜𑁆𑀘𑀫𑀺𑀬𑀸. (𑀕𑀡)
𑁧𑁮. 𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀲𑀭𑀽𑀧𑀁.
𑁨𑁮. 𑀬𑀓𑁆𑀔𑀸𑀤𑀺𑀢𑁆𑀯𑀺𑀦𑀻 ¶ 𑀘.
𑁧𑁮. 𑀧𑀼𑀦𑁆𑀦𑀸𑀫𑀲𑁆𑀫𑀸 𑀬𑁄𑀕𑀸 𑀅𑀧𑀸𑀮𑀓𑀦𑁆𑀢𑀸. (𑀕𑀡)
𑁩𑁪. 𑀉𑀧𑀫𑀸𑀲𑀁𑀳𑀺𑀢𑀲𑀳𑀺𑀢𑀲𑀁𑀬𑀢𑀲𑀳𑀲𑀨𑀯𑀸𑀫𑀮𑀓𑁆𑀔𑀡𑀸𑀤𑀺𑀢𑀽𑀭𑀼𑀢𑀽.
𑁪𑁪. 𑀅𑀲𑀗𑁆𑀔𑁆𑀬𑁂𑀳𑀺 𑀘𑀸𑀗𑁆𑀕𑀼𑀮𑁆𑀬𑀸𑀦𑀜𑁆𑀜𑀸𑀲𑀗𑁆𑀔𑁆𑀬𑀢𑁆𑀣𑁂𑀲𑀼.
𑁪𑁫. 𑀤𑀻𑀖𑀸𑀳𑁄𑀯𑀲𑁆𑀲𑁂𑀓𑀤𑁂𑀲𑁂𑀳𑀺 ¶ 𑀘 𑀭𑀢𑁆𑀢𑁆𑀬𑀸.
𑁬𑁪. 𑀯𑀺𑀚𑁆𑀚𑀸𑀬𑁄𑀦𑀺𑀲𑀫𑁆𑀩𑀦𑁆𑀥𑀸𑀦𑀫𑀸 𑀢𑀢𑁆𑀭 𑀘𑀢𑁆𑀣𑁂.
𑁬𑁭. 𑀇𑀢𑁆𑀣𑀺𑀬𑀁 ¶ 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑁂𑀯𑁂-𑀓𑀢𑁆𑀣𑁂.
𑁮𑁯. 𑀢𑀁 ¶ 𑀫𑀫-𑀜𑁆𑀜𑀢𑁆𑀭.
𑁯𑁯. 𑀯𑀻𑀲𑀢𑀺𑀤𑀲𑁂𑀲𑀼 𑀧𑀜𑁆𑀘𑀲𑁆𑀲 𑀧𑀡𑁆𑀡𑀧𑀦𑁆𑀦𑀸.
𑁧𑁦𑁫. 𑀘𑀢𑀼𑀢𑁆𑀣𑀢𑀢𑀺𑀬𑀸𑀦𑀫𑀟𑁆𑀠𑀼𑀟𑁆𑀠𑀪𑀺𑀬𑀸.
𑁧𑁦𑁬. 𑀤𑀼𑀢𑀺𑀬𑀲𑁆𑀲 𑀲𑀳 𑀤𑀺𑀬𑀟𑁆𑀠𑀤𑀺𑀯𑀟𑁆𑀠𑀸.
𑁧𑁧𑁦. 𑀧𑀼𑀩𑁆𑀩𑀸-𑀧𑀭𑀚𑁆𑀚𑀲𑀸𑀬𑀫𑀚𑁆𑀛𑁂𑀳𑀸-𑀳𑀲𑁆𑀲 𑀡𑁆𑀳𑁄.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀲𑀫𑀸𑀲𑀓𑀡𑁆𑀟𑁄 𑀢𑀢𑀺𑀬𑁄.
(𑁪) 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄 (𑀡𑀸𑀤𑀺)
𑁧. 𑀡𑁄 ¶ 𑀯𑀸 𑀧𑀘𑁆𑀘𑁂.
𑁩. 𑀓𑀢𑁆𑀢𑀺𑀓𑀸𑀯𑀺𑀥𑀯𑀸𑀤𑀻𑀳𑀺 𑀡𑁂𑀬𑁆𑀬𑀡𑁂𑀭𑀸.
𑁯. 𑀚𑀦𑀧𑀤𑀦𑀸𑀫𑀲𑁆𑀫𑀸 𑀔𑀢𑁆𑀢𑀺𑀬𑀸 𑀭𑀜𑁆𑀜𑁂 𑀘 𑀡𑁄.
𑁧𑁨. 𑀦𑀓𑁆𑀔𑀢𑁆𑀢𑁂-𑀦𑀺𑀦𑁆𑀤𑀼𑀬𑀼𑀢𑁆𑀢𑁂𑀦 𑀓𑀸𑀮𑁂.
𑁧𑁯. 𑀢𑀫𑀻𑀥𑀢𑁆𑀣𑀺 ¶ .
𑁨𑁭. 𑀢𑀫𑀲𑁆𑀲 𑀲𑀺𑀧𑁆𑀧𑀁 𑀲𑀻𑀮𑀁 𑀧𑀡𑁆𑀬𑀁 𑀧𑀳𑀭𑀡𑀁 𑀧𑀬𑁄𑀚𑀦𑀁.
𑁨𑁮. 𑀢𑀁 𑀳𑀦𑁆𑀢 𑀭𑀳𑀢𑀺 𑀕𑀘𑁆𑀙𑀢𑀼𑀜𑁆𑀙𑀢𑀺 𑀘𑀭𑀢𑀺.
𑁨𑁯. 𑀢𑁂𑀦 𑀓𑀢𑀁 𑀓𑀻𑀢𑀁 𑀩𑀤𑁆𑀥𑀫𑀪𑀺𑀲𑀗𑁆𑀔𑀢𑀁 𑀲𑀁𑀲𑀝𑁆𑀞𑀁 𑀳𑀢𑀁 𑀳𑀦𑁆𑀢𑀺 𑀚𑀺𑀢𑀁 𑀚𑀬𑀢𑀺 𑀤𑀺𑀩𑁆𑀩𑀢𑀺 𑀔𑀡𑀢𑀺 𑀢𑀭𑀢𑀺 𑀘𑀭𑀢𑀺 𑀯𑀳𑀢𑀺 𑀚𑀻𑀯𑀢𑀺.
𑁩𑁨. 𑀢𑀢𑁆𑀣 𑀯𑀲𑀢𑀺 𑀯𑀺𑀤𑀺𑀢𑁄 𑀪𑀢𑁆𑀢𑁄 𑀦𑀺𑀬𑀼𑀢𑁆𑀢𑁄.
𑁩𑁯. 𑀳𑀺𑀢𑁂 ¶ 𑀭𑁂𑀬𑁆𑀬𑀡.
𑁪𑁦. 𑀦𑀺𑀦𑁆𑀤𑀸-𑀜𑁆𑀜𑀸𑀢-𑀧𑁆𑀧𑀧𑀝𑀺𑀪𑀸𑀕𑀭𑀲𑁆𑀲 𑀤𑀬𑀸𑀲𑀜𑁆𑀜𑀸𑀲𑀼 𑀓𑁄.
𑁨𑁧. 𑀯𑀢𑁆𑀣𑀺𑀢𑁄 𑀇𑀯𑀢𑁆𑀣𑁂 𑀏𑀬𑁆𑀬𑁄. (𑀕𑀡)
𑁪𑁪. 𑀓𑀺𑀫𑁆𑀳𑀸 𑀭𑀢𑀺 𑀭𑀻𑀯 𑀭𑀻𑀯𑀢𑀓 𑀭𑀺𑀢𑁆𑀢𑀓𑀸.
𑁫𑁦. 𑀲𑀗𑁆𑀔𑁆𑀬𑀸𑀬 𑀲𑀘𑁆𑀘𑀼𑀢𑀻𑀲𑀸-𑀲, 𑀤𑀲𑀦𑁆𑀢𑀸-𑀥𑀺𑀓𑀸-𑀲𑁆𑀫𑀺𑀁 𑀲𑀢𑀲𑀳𑀲𑁆𑀲𑁂 𑀟𑁄.
𑁫𑁨. 𑀫 ¶ 𑀧𑀜𑁆𑀘𑀸𑀤𑀺𑀓𑀢𑀻𑀳𑀺.
𑁫𑁭. 𑀓𑀺𑀫𑁆𑀳𑀸 𑀦𑀺𑀤𑁆𑀥𑀸𑀭𑀡𑁂 𑀭𑀢𑀭 𑀭𑀢𑀫𑀸.
𑁫𑁯. 𑀢𑀲𑁆𑀲 𑀪𑀸𑀯𑀓𑀫𑁆𑀫𑁂𑀲𑀼 𑀢𑁆𑀢 𑀢𑀸 𑀢𑁆𑀢𑀦 𑀡𑁆𑀬 𑀡𑁂𑀬𑁆𑀬𑀡𑀺𑀬 𑀡𑀺𑀬𑀸.
𑁬𑁬. 𑀢𑀲𑁆𑀲 𑀯𑀺𑀓𑀸𑀭𑀸𑀯𑀬𑀯𑁂𑀲𑀼 𑀡 𑀡𑀺𑀓 𑀡𑁂𑀬𑁆𑀬 𑀫𑀬𑀸.
𑁭𑁩. 𑀓𑀫𑁆𑀫𑀸 ¶ 𑀦𑀺𑀬𑀜𑁆𑀜𑀸.
𑁩𑁩. 𑀯𑀡𑁆𑀡𑀢𑁄 𑀩𑁆𑀭𑀳𑁆𑀫𑀘𑀸𑀭𑀺𑀫𑁆𑀳𑀺. (𑀕𑀡)
𑁩𑁮. 𑀤𑀦𑁆𑀢𑀲𑁆𑀲𑀼 𑀘 𑀉𑀦𑁆𑀦𑀢𑀤𑀦𑁆𑀢𑁂. (𑀕𑀡)
𑁮𑁪. 𑀲𑀤𑁆𑀥𑀸𑀤𑀺𑀢𑁆𑀯 ¶ .
𑁪𑁦. 𑀕𑀸𑀡𑁆𑀟𑀺𑀭𑀸𑀚𑀻𑀳𑀺 𑀲𑀜𑁆𑀜𑀸𑀬𑀁. (𑀕𑀡)
𑁯𑁯. 𑀲𑀩𑁆𑀩𑀸𑀤𑀺𑀢𑁄 𑀲𑀢𑁆𑀢𑀫𑁆𑀬𑀸 𑀢𑁆𑀭𑀢𑁆𑀣𑀸.
𑁧𑁦𑁦. 𑀓𑀢𑁆𑀣𑁂-𑀢𑁆𑀣𑀓𑀼𑀢𑁆𑀭𑀸-𑀢𑁆𑀭𑀓𑁆𑀯𑁂-𑀳𑀺𑀥.
𑁧𑁦𑁩. 𑀢𑀸 ¶ 𑀳𑀁 𑀘.
𑁧𑁦𑁫. 𑀲𑀩𑁆𑀩𑁂-𑀓𑀜𑁆𑀜 𑀬 𑀢𑁂𑀳𑀺 𑀓𑀸𑀮𑁂 𑀤𑀸.
𑁧𑁦𑁭. 𑀅𑀚𑁆𑀚𑀲𑀚𑁆𑀚𑁆𑀯𑀧𑀭𑀚𑁆𑀚𑁆𑀯𑁂-𑀢𑀭𑀳𑀺𑀓𑀭𑀳𑀸.
𑁧𑁧𑁬. 𑀩𑀳𑀼𑀫𑁆𑀳𑀸 𑀥𑀸 𑀘 𑀧𑀘𑁆𑀘𑀸𑀲𑀢𑁆𑀢𑀺𑀬𑀁.
𑁧𑁧𑁯. 𑀅𑀪𑀽𑀢𑀢𑀩𑁆𑀪𑀸𑀯𑁂 𑀓𑀭𑀸𑀲𑀪𑀽𑀬𑁄𑀕𑁂 𑀯𑀺𑀓𑀸𑀭𑀸 𑀘𑀻.
𑁧𑁨𑁪. 𑀲𑀭𑀸𑀦𑀫𑀸𑀤𑀺𑀲𑁆𑀲𑀸-𑀬𑀼𑀯𑀡𑁆𑀡𑀲𑁆𑀲𑀸 ¶ 𑀏 𑀑 𑀡𑀸𑀦𑀼𑀩𑀦𑁆𑀥𑁂.
𑁧𑁨𑁭. 𑀓𑁄𑀲𑀚𑁆𑀚𑀸𑀚𑁆𑀚𑀯 𑀧𑀸𑀭𑀺𑀲𑀚𑁆𑀚 𑀲𑁄𑀳𑀚𑁆𑀚 𑀫𑀤𑁆𑀤𑀯𑀸𑀭𑀺𑀲𑁆𑀲𑀸𑀲𑀪𑀸𑀚𑀜𑁆𑀜 𑀣𑁂𑀬𑁆𑀬 𑀩𑀸𑀳𑀼𑀲𑀘𑁆𑀘𑀸.
𑁧𑁩𑁬. 𑀩𑀸𑀴𑁆𑀳𑀦𑁆𑀢𑀺𑀓𑀧𑀲𑀢𑁆𑀣𑀸𑀦𑀁 𑀲𑀸𑀥 𑀦𑁂𑀤 𑀲𑀸.
𑁧𑁪𑁨. 𑀅𑀥𑀸𑀢𑀼𑀲𑁆𑀲 𑀓𑁂-𑀲𑁆𑀬𑀸𑀤𑀺𑀢𑁄 𑀖𑁂-𑀲𑁆𑀲𑀺.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀓𑀸𑀤𑀺𑀓𑀡𑁆𑀟𑁄 𑀘𑀢𑀼𑀢𑁆𑀣𑁄.
(𑁫) 𑀧𑀜𑁆𑀘𑀫𑁄 𑀓𑀡𑁆𑀟𑁄 (𑀔𑀸𑀤𑀺)
𑁧. 𑀢𑀺𑀚𑀫𑀸𑀦𑁂𑀳𑀺 ¶ 𑀔𑀲𑀸 𑀔𑀫𑀸𑀯𑀻𑀫𑀁𑀲𑀸𑀲𑀼.
𑁧𑁭. 𑀓𑁆𑀬𑁄 𑀪𑀸𑀯𑀓𑀫𑁆𑀫𑁂𑀲𑁆𑀯𑀧𑀭𑁄𑀓𑁆𑀔𑁂𑀲𑀼 𑀫𑀸𑀦𑀦𑁆𑀢𑀢𑁆𑀬𑀸𑀤𑀻𑀲𑀼.
𑁨𑁧. 𑀤𑀺𑀯𑀸𑀤𑀻𑀳𑀺 ¶ 𑀬𑀓.
𑁩𑁧. 𑀓𑀺𑀘𑁆𑀘 𑀖𑀘𑁆𑀘 𑀪𑀘𑁆𑀘 𑀪𑀩𑁆𑀩 𑀮𑁂𑀬𑁆𑀬𑀸.
𑁪𑁦. 𑀓𑀫𑁆𑀫𑀸 ¶ .
𑁪𑁩. 𑀲𑀫𑀸𑀦𑀜𑁆𑀜𑀪𑀯𑀦𑁆𑀢𑀬𑀸𑀤𑀺𑀢𑀽𑀧𑀫𑀸𑀦𑀸 𑀤𑀺𑀲𑀸 𑀓𑀫𑁆𑀫𑁂𑀭𑀻𑀭𑀺𑀓𑁆𑀔𑀸𑀓𑀸.
𑁫𑁩. 𑀲𑀻𑀮𑀸-𑀪𑀺𑀓𑁆𑀔𑀜𑁆𑀜𑀸-𑀯𑀲𑁆𑀲𑀓𑁂𑀲𑀼 𑀡𑀻.
𑁫𑁪. 𑀣𑀸𑀯𑀭𑀺-𑀢𑁆𑀢𑀭, 𑀪𑀗𑁆𑀕𑀼𑀭, 𑀪𑀺𑀤𑀼𑀭, 𑀪𑀸𑀲𑀼𑀭, 𑀪𑀲𑁆𑀲𑀭𑀸.
𑁫𑁫. 𑀓𑀢𑁆𑀢𑀭𑀺 𑀪𑀽𑀢𑁂 𑀓𑁆𑀢𑁆𑀯𑀦𑁆𑀢𑀼𑀢𑁆𑀢𑀸𑀯𑀻.
𑁫𑁮. 𑀞𑀸-𑀲, 𑀯𑀲, 𑀲𑀺𑀮𑀺𑀲, 𑀲𑀻, 𑀭𑀼𑀳, 𑀚𑀭, 𑀚𑀦𑀻𑀳𑀺.
𑁬𑁦. 𑀆𑀳𑀸𑀭𑀢𑁆𑀣𑀸 ¶ .
𑁬𑁧. 𑀢𑀼𑀁 𑀢𑀸𑀬𑁂 𑀢𑀯𑁂 𑀪𑀸𑀯𑁂 𑀪𑀯𑀺𑀲𑁆𑀲𑀢𑀺 𑀓𑁆𑀭𑀺𑀬𑀸𑀬𑀁 𑀢𑀤𑀢𑁆𑀣𑀸𑀬𑀁.
𑁬𑁨. 𑀧𑀝𑀺𑀲𑁂𑀥𑁂-𑀮𑀁𑀔𑀮𑀽𑀦𑀁, 𑀢𑀼𑀦𑀓𑁆𑀢𑁆𑀯𑀸𑀦, 𑀓𑁆𑀢𑁆𑀯𑀸 𑀯𑀸.
𑁮𑁦. 𑀫𑀸𑀦𑀲𑁆𑀲 ¶ 𑀯𑀻 𑀧𑀭𑀲𑁆𑀲 𑀘 𑀫𑀁.
𑁯𑁪. 𑀓𑁆𑀯𑀺𑀫𑁆𑀳𑀺 𑀮𑁄𑀧𑁄-𑀦𑁆𑀢 𑀩𑁆𑀬𑀜𑁆𑀚𑀦𑀲𑁆𑀲.
𑁧𑁦𑁦. 𑀓𑁆𑀯𑀺𑀫𑁆𑀳𑀺 𑀖𑁄 𑀧𑀭𑀺𑀧𑀘𑁆𑀘𑀸𑀲𑀫𑁄𑀳𑀺.
𑁧𑁦𑁧. 𑀧𑀭𑀲𑁆𑀲 ¶ 𑀖𑀁𑀲𑁂.
𑁧𑁦𑁬. 𑀫𑀼𑀳𑀩𑀳𑀸𑀦𑀜𑁆𑀘 𑀢𑁂 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑁂.
𑁧𑁨𑁨. 𑀦𑀺𑀢𑁄 ¶ 𑀘𑀺𑀲𑁆𑀲 𑀙𑁄.
𑁧𑁨𑁪. 𑀤𑀺𑀲𑀲𑁆𑀲 𑀧𑀲𑁆𑀲 𑀤𑀲𑁆𑀲 𑀤𑀲 𑀤 𑀤𑀓𑁆𑀔𑀸.
𑁧𑁨𑁮. 𑀅𑀢𑁆𑀬𑀸𑀤𑀺𑀦𑁆𑀢𑁂𑀲𑁆𑀯𑀢𑁆𑀣𑀺𑀲𑁆𑀲 𑀪𑀽.
𑁧𑁩𑁦. 𑀦𑁆𑀢𑀫𑀸𑀦𑀸𑀦𑁆𑀢𑀺𑀬𑀺𑀬𑀼𑀁 𑀲𑁆𑀯𑀸𑀤𑀺𑀮𑁄𑀧𑁄.
𑁧𑁩𑁧. 𑀧𑀸𑀤𑀺𑀢𑁄 𑀞𑀸𑀲𑁆𑀲 𑀯𑀸 𑀞𑀳𑁄 𑀓𑁆𑀯𑀘𑀺.
𑁧𑁪𑁪. 𑀲𑀸𑀲 ¶ , 𑀯𑀲, 𑀲𑀁𑀲, 𑀲𑀲𑀸 𑀣𑁄.
𑁧𑁫𑁦. 𑀪𑀺𑀤𑀸𑀤𑀺𑀢𑁄 𑀦𑁄 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁.
𑁧𑁬𑁬. 𑀳𑀦𑀸 ¶ 𑀭𑀘𑁆𑀘𑁄.
𑁧𑁭𑁬. 𑀕𑀫𑀯𑀤𑀤𑀸𑀦𑀁 𑀖𑀫𑁆𑀫 𑀯𑀚𑁆𑀚 𑀤𑀚𑁆𑀚𑀸.
𑁧𑁭𑁭. 𑀓𑀭𑀲𑁆𑀲 𑀲𑁄𑀲𑁆𑀲 𑀓𑀼𑀩𑁆𑀩 𑀓𑀼𑀭𑀼 𑀓𑀬𑀺𑀭𑀸.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀔𑀸𑀤𑀺𑀓𑀡𑁆𑀟𑁄 𑀧𑀜𑁆𑀘𑀫𑁄.
(𑁬) 𑀙𑀝𑁆𑀞𑁄 𑀓𑀡𑁆𑀟𑁄 (𑀢𑁆𑀬𑀸𑀤𑀺)
𑁧. 𑀯𑀢𑁆𑀢𑀫𑀸𑀦𑁂 𑀢𑀺 𑀅𑀦𑁆𑀢𑀺, 𑀲𑀺 𑀣, 𑀫𑀺 𑀫, 𑀢𑁂 𑀅𑀦𑁆𑀢𑁂, 𑀲𑁂 𑀯𑁆𑀳𑁂, 𑀏 𑀫𑁆𑀳𑁂.
𑁨. 𑀪𑀯𑀺𑀲𑁆𑀲𑀢𑀺 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺, 𑀲𑁆𑀲𑀲𑀺 𑀲𑁆𑀲𑀣, 𑀲𑁆𑀲𑀸𑀫𑀺 𑀲𑁆𑀲𑀸𑀫, 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂.
𑁩. 𑀦𑀸𑀫𑁂 ¶ 𑀕𑀭𑀳𑀸𑀯𑀺𑀫𑁆𑀳𑀬𑁂𑀲𑀼.
𑁪. 𑀪𑀽𑀢𑁂 𑀈 𑀉𑀁, 𑀑 𑀢𑁆𑀣, 𑀇𑀁 𑀫𑁆𑀳𑀸, 𑀆 𑀊, 𑀲𑁂 𑀯𑁆𑀳𑀁, 𑀅 𑀫𑁆𑀳𑁂.
𑁫. 𑀅𑀦𑀚𑁆𑀚𑀢𑀦𑁂 𑀆 𑀊, 𑀑 𑀢𑁆𑀣, 𑀅 𑀫𑁆𑀳𑀸, 𑀢𑁆𑀣 𑀢𑁆𑀣𑀼𑀁, 𑀲𑁂 𑀯𑁆𑀳𑀁, 𑀇𑀁 𑀫𑀼𑀲𑁂.
𑁬. 𑀧𑀭𑁄𑀓𑁆𑀔𑁂 𑀅 𑀉, 𑀏 𑀢𑁆𑀣, 𑀅 𑀫𑁆𑀳, 𑀢𑁆𑀣 𑀭𑁂, 𑀢𑁆𑀣𑁄 𑀯𑁆𑀳𑁄, 𑀇 𑀫𑁆𑀳𑁂.
𑁭. 𑀏𑀬𑁆𑀬𑀸𑀤𑁄 𑀯𑀸 𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸 𑀲𑁆𑀲𑀁𑀲𑀼, 𑀲𑁆𑀲𑁂 𑀲𑁆𑀲𑀣, 𑀲𑁆𑀲𑀁 𑀲𑁆𑀲𑀸𑀫𑁆𑀳𑀸, 𑀲𑁆𑀲𑀣 𑀲𑁆𑀲𑀺𑀁𑀲𑀼, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.
𑁮. 𑀳𑁂𑀢𑀼𑀨𑀮𑁂𑀲𑁆𑀯𑁂𑀬𑁆𑀬 𑀏𑀬𑁆𑀬𑀼𑀁, 𑀏𑀬𑁆𑀬𑀸𑀲𑀺 𑀏𑀬𑁆𑀬𑀸𑀣, 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫, 𑀏𑀣 𑀏𑀭𑀁, 𑀏𑀣𑁄 𑀏𑀬𑁆𑀬𑀸𑀯𑁆𑀳𑁄, 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂.
𑁧𑁦. 𑀢𑀼 𑀅𑀦𑁆𑀢𑀼, 𑀳𑀺 𑀣, 𑀫𑀺𑀫, 𑀢𑀁 𑀅𑀦𑁆𑀢𑀁, 𑀲𑁆𑀲𑀼 𑀯𑁆𑀳𑁄, 𑀏 𑀆𑀫𑀥𑀲.
𑁧𑁪. 𑀧𑀼𑀩𑁆𑀩𑀸𑀧𑀭𑀘𑁆𑀙𑀓𑁆𑀓𑀸𑀦 𑀫𑁂𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀲𑁂𑀲𑁂𑀲𑀼 𑀤𑁆𑀯𑁂𑀤𑁆𑀯𑁂 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀞𑀫𑀸.
𑁨𑁧. 𑀈𑀆𑀤𑁄 ¶ 𑀯𑀘𑀲𑁆𑀲𑁄𑀫.
𑁨𑁨. 𑀤𑀸𑀲𑁆𑀲 𑀤𑀁 𑀯𑀸 𑀫𑀺𑀫𑁂𑀲𑁆𑀯𑀤𑁆𑀯𑀺𑀢𑁆𑀢𑁂.
𑁩𑁧. 𑀳𑀽𑀲𑁆𑀲 𑀳𑁂 𑀳𑁂𑀳𑀺 𑀳𑁄𑀳𑀻 𑀲𑁆𑀲𑀢𑁆𑀬𑀸𑀤𑁄.
𑁩𑁮. 𑀏𑀬𑁆𑀬𑀸𑀣𑀲𑁆𑀲𑁂𑀅𑀆𑀈𑀣𑀸𑀦𑀁 𑀑𑀅𑀅𑀁𑀢𑁆𑀣𑀢𑁆𑀣𑁄𑀯𑁆𑀳𑁄𑀓.
𑁪𑁩. 𑀲𑀺 ¶ .
𑁫𑁦. 𑀅𑀢𑁆𑀣𑀺𑀢𑁂𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲 𑀲𑀼 𑀲 𑀲𑀣 𑀲𑀁 𑀲𑀸𑀫.
𑁬𑁫. 𑀲𑁆𑀲𑀲𑁆𑀲 ¶ 𑀳𑀺 𑀓𑀫𑁆𑀫𑁂.
𑁭𑁪. 𑀕𑀼𑀭𑀼𑀧𑀼𑀩𑁆𑀩𑀸 𑀭𑀲𑁆𑀲𑀸 𑀭𑁂-𑀦𑁆𑀢𑁂-𑀦𑁆𑀢𑀺𑀦𑀁.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀢𑁆𑀬𑀸𑀤𑀺𑀓𑀡𑁆𑀟𑁄 𑀙𑀝𑁆𑀞𑁄.
(𑁭) 𑀲𑀢𑁆𑀢𑀫𑁄 𑀓𑀡𑁆𑀟𑁄 (𑀡𑁆𑀯𑀸𑀤𑀺)
𑁧. 𑀘𑀭 ¶ 𑀤𑀭 𑀓𑀭 𑀭𑀳 𑀚𑀦 𑀲𑀦 𑀢𑀮 𑀲𑀸𑀤 𑀲𑀸𑀥 𑀓𑀲𑀸𑀲 𑀘𑀝𑀸 𑀬 𑀯𑀸𑀳𑀺 𑀡𑀼.
𑁨. 𑀪𑀭 𑀫𑀭 𑀘𑀭 𑀢𑀭 𑀅𑀭 𑀕𑀭 𑀳𑀦 𑀢𑀦 𑀫𑀦 𑀪𑀫 𑀓𑀺𑀢 𑀥𑀦 𑀩𑀁𑀳 𑀓𑀫𑁆𑀩𑀫𑁆𑀩 𑀘𑀓𑁆𑀔 𑀪𑀺𑀓𑁆𑀔 𑀲𑀁𑀓𑀺𑀦𑁆𑀤𑀦𑁆𑀤 𑀬𑀚 𑀧𑀝𑀸𑀡𑀸𑀲 𑀯𑀲 𑀧𑀲 𑀧𑀁𑀲 𑀩𑀦𑁆𑀥𑀸 𑀉.
𑁧𑁦. 𑀯𑀧 𑀯𑀭 𑀯𑀲 𑀭𑀲 𑀦𑀪 𑀳𑀭 𑀳𑀦 𑀧𑀡𑀸 𑀈𑀡.
(𑀇𑀢𑀺 𑀲𑀭𑀧𑀘𑁆𑀘𑀬𑀸)
𑁧𑁪. 𑀇 𑀪𑀻 𑀓𑀸 𑀓𑀭𑀸𑀭 𑀯𑀓 𑀲𑀓 𑀯𑀸𑀳𑀺 𑀓𑁄.
𑁧𑁬. 𑀪𑀻𑀢𑁆𑀯𑀸 ¶ 𑀦𑀓𑁄.
𑁩𑁮. 𑀫𑁂𑀖𑀸𑀤𑀬𑁄 ¶ .
(𑀇𑀢𑀺 𑀓𑀯𑀕𑁆𑀕𑀧𑀘𑁆𑀘𑀬𑀸)
(𑀇𑀢𑀺 𑀘𑀯𑀕𑁆𑀕𑀧𑀘𑁆𑀘𑀬𑀸)
𑁬𑁦. 𑀢𑀺𑀚 ¶ 𑀓𑀲 𑀢𑀲 𑀤𑀓𑁆𑀔𑀸 𑀓𑀺𑀡𑁄 𑀚𑀲𑁆𑀲 𑀔𑁄 𑀘.
(𑀇𑀢𑀺 𑀝𑀯𑀕𑁆𑀕𑀧𑀘𑁆𑀘𑀬𑀸)
𑁭𑁦. 𑀥𑀸𑀳𑀺𑀲𑀺 𑀢𑀦 𑀚𑀦 𑀚𑀭 𑀕𑀫 𑀲𑀘𑀸 𑀢𑀼.
𑁮𑁨. 𑀯𑀸𑀤𑀻𑀳𑀺 ¶ 𑀢𑁄.
𑁯𑁫. 𑀭𑀼𑀤 𑀔𑀼𑀤 𑀫𑀼𑀤 𑀫𑀤 𑀙𑀺𑀤 𑀲𑀽𑀤 𑀲𑀧 𑀓𑀫𑀸 𑀤𑀓.
𑁧𑁦𑁧. 𑀯𑀭𑀸𑀭 𑀓𑀭 𑀢𑀭 𑀤𑀭 𑀬𑀫𑀅𑀚𑁆𑀚 𑀫𑀺𑀣𑀲𑀓𑀸 𑀓𑀼𑀦𑁄.
𑁧𑁦𑁪. 𑀓𑀺𑀭𑀸 ¶ 𑀓𑀦𑁄.
(𑀇𑀢𑀺 𑀢𑀯𑀕𑁆𑀕𑀧𑀘𑁆𑀘𑀬𑀸)
𑁧𑁨𑁪. 𑀓𑀭 𑀲𑀭 𑀲𑀮 𑀓𑀮 𑀯𑀮𑁆𑀮 𑀯𑀲𑀸 𑀅𑀪𑁄.
𑁧𑁨𑁬. 𑀉𑀲𑀭𑀸 ¶ 𑀲𑀸 𑀓𑀢𑁄.
𑁧𑁩𑁬. 𑀔𑀻 𑀲𑀼 𑀯𑀻 𑀬𑀸 𑀕𑀸 𑀳𑀺 𑀲𑀸 𑀮𑀽 𑀔𑀼 𑀳𑀼 𑀫𑀭 𑀥𑀭 𑀓𑀭 𑀖𑀭 𑀚𑀫𑀸 𑀫 𑀲𑀸𑀫𑀸 𑀫𑁄.
(𑀇𑀢𑀺 𑀧𑀯𑀕𑁆𑀕𑀧𑀘𑁆𑀘𑀬𑀸)
𑁧𑁪𑁩. 𑀔𑀻 𑀲𑀺 𑀲𑀺𑀦𑀻 𑀲𑀻 𑀲𑀼 𑀯𑀻 𑀓𑀼 𑀲𑀽 𑀳𑀺 𑀭𑀓.
𑁧𑁪𑁬. 𑀪𑀤𑁆𑀭𑀸𑀤𑀬𑁄 ¶ .
𑁧𑁪𑁭. 𑀫𑀦𑁆𑀤𑀗𑁆𑀓 𑀲𑀲𑀸 𑀲 𑀫 𑀥 𑀘𑀢𑀸 𑀉𑀭𑁄.
𑁧𑁪𑁯. 𑀢𑀺𑀫𑀭𑀼𑀳𑀭𑀼𑀥𑀩𑀥𑀫𑀤𑀫𑀦𑁆𑀤𑀯𑀚𑀸 𑀚𑀭𑀼𑀘𑀓𑀲𑀸 𑀓𑀺𑀭𑁄.
𑁧𑁬𑁪. 𑀲𑀺𑀕𑁆𑀬𑀗𑁆𑀕𑀸𑀕 𑀫𑀚𑁆𑀚𑀓𑀮𑀸 𑀮𑀸 𑀆𑀭𑁄.
𑁧𑁬𑁮. 𑀧𑀼𑀲 ¶ 𑀲𑀭𑁂𑀳𑀺 𑀔𑀭𑁄.
𑁧𑁮𑁨. 𑀫𑀗𑁆𑀕 𑀓𑀫 𑀲𑀫𑁆𑀩 𑀲𑀩 𑀲𑀓 𑀯𑀲 𑀯𑀺𑀲 𑀓𑁂𑀯 𑀓𑀮 𑀧𑀮𑁆𑀮 𑀓𑀞 𑀧𑀝 𑀓𑀼𑀡𑁆𑀟 𑀫𑀡𑁆𑀟𑀸 𑀅𑀮𑁄.
𑁧𑁯𑁦. 𑀓𑀼𑀝𑀸 ¶ 𑀓𑀺𑀮𑁄.
𑁨𑁧𑁨. 𑀓𑀭𑀸 ¶ 𑀭𑀺𑀩𑁆𑀩𑀺 𑀲𑁄.
𑁨𑁧𑁩. 𑀲𑀲𑀸𑀲 𑀯𑀲 𑀯𑀺𑀲 𑀳𑀦 𑀯𑀦 𑀫𑀦𑀸𑀦 𑀓𑀫𑀸 𑀲𑁄.
𑁨𑁧𑁭. 𑀯𑁂 𑀢𑀸 𑀢 𑀬𑀼 𑀧𑀦𑀸 𑀮 𑀓𑀮 𑀘𑀫𑀸 𑀅𑀲𑁄.
𑁨𑁧𑁮. 𑀯𑀬 𑀤𑀺𑀯 𑀓𑀭 𑀓𑀭𑁂 𑀳𑁆𑀬 𑀲𑀡𑀲𑀓𑀧𑀸𑀲 𑀓𑀲𑀸.
𑁨𑁨𑁫. 𑀔𑀻 𑀫𑀺 𑀧𑀻 𑀘𑀼 𑀫𑀸 𑀯𑀸 𑀓𑀸𑀳𑀺 𑀴𑁄 𑀉𑀲𑁆𑀲 𑀯𑀸 𑀤𑀻𑀖𑁄 𑀘.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀡𑁆𑀯𑀸𑀤𑀺𑀓𑀡𑁆𑀟𑁄 𑀲𑀢𑁆𑀢𑀫𑁄.
𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲
𑀫𑁄𑀕𑁆𑀕𑀮𑁆𑀮𑀸𑀦𑀩𑁆𑀬𑀸𑀓𑀭𑀡𑀁
𑁧. 𑀧𑀞𑀫𑁄 𑀲𑀜𑁆𑀜𑀸𑀤𑀺𑀓𑀡𑁆𑀟𑁄
𑀲𑀺𑀤𑁆𑀥𑀫𑀺𑀤𑁆𑀥𑀕𑀼𑀡𑀁 𑀲𑀸𑀥𑀼, 𑀦𑀫𑀲𑁆𑀲𑀺𑀢𑁆𑀯𑀸 𑀢𑀣𑀸𑀕𑀢𑀁;
𑀲𑀥𑀫𑁆𑀫𑀲𑀗𑁆𑀖𑀁 𑀪𑀸𑀲𑀺𑀲𑁆𑀲𑀁, 𑀫𑀸𑀕𑀥𑀁 𑀲𑀤𑁆𑀤𑀮𑀓𑁆𑀔𑀡𑀁.
𑁧. 𑀅𑀆𑀤𑀬𑁄 ¶ 𑀢𑀺𑀢𑀸𑀮𑀻𑀲 𑀯𑀡𑁆𑀡𑀸.
𑀅𑀓𑀸𑀭𑀸𑀤𑀬𑁄 𑀦𑀺𑀕𑁆𑀕𑀳𑀻𑀢𑀦𑁆𑀢𑀸 𑀢𑁂𑀘𑀢𑁆𑀢𑀸𑀮𑀻𑀲-𑀓𑁆𑀔𑀭𑀸 𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺. 𑀅 𑀆 𑀇 𑀈 𑀉 𑀊 𑀏 𑀏 𑀑 𑀑, 𑀓 𑀔 𑀕 𑀖 𑀗 𑀘 𑀙 𑀚 𑀛 𑀜𑁆𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀬 𑀭 𑀮 𑀯 𑀲 𑀳 𑀴 𑀅𑀁. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀏 𑀑 𑀦 𑀫𑀯𑀡𑁆𑀡𑁂’’ 𑁧. 𑁩𑁭. 𑀢𑀺𑀢𑀸𑀮𑀻𑀲𑀸𑀪𑀺 𑀯𑀘𑀦𑀁 𑀓𑀢𑁆𑀣𑀘𑀺 𑀯𑀡𑁆𑀡𑀮𑁄𑀧𑀁 𑀜𑀸𑀧𑁂𑀢𑀺. 𑀢𑁂𑀦 ‘𑀧𑀝𑀺𑀲𑀗𑁆𑀔𑀸 𑀬𑁄𑀦𑀺𑀲𑁄’𑀢𑀺𑀆𑀤𑀺 𑀲𑀺𑀤𑁆𑀥𑀁.
𑀢𑀢𑁆𑀣𑀸𑀤𑀺𑀫𑁆𑀳𑀺 𑀤𑀲 𑀯𑀡𑁆𑀡𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀲𑀭𑁄 𑀮𑁄𑀧𑁄 𑀲𑀭𑁂’’ 𑁧, 𑁨𑁬 𑀇𑀘𑁆𑀘𑀸𑀤𑀺.
𑁩. 𑀤𑁆𑀯𑁂𑀤𑁆𑀯𑁂 𑀲𑀯𑀡𑁆𑀡𑀸. 𑀢𑁂𑀲𑀼 𑀤𑁆𑀯𑁂𑀤𑁆𑀯𑁂 𑀲𑀭𑀸 𑀲𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀯𑀡𑁆𑀡𑀧𑀭𑁂𑀦 𑀲𑀯𑀡𑁆𑀡𑁄𑀧𑀺’’ 𑁧, 𑁨𑁪.
𑀢𑁂𑀲𑀼 ¶ 𑀤𑁆𑀯𑀻𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄, 𑀲𑁄 𑀲𑁄 𑀭𑀲𑁆𑀲𑀲𑀜𑁆𑀜𑁄 𑀳𑁄𑀢𑀺. 𑀢𑁂𑀲𑀼 𑀏.𑀑.𑀲𑀁𑀬𑁄𑀕𑀢𑁄 𑀧𑀼𑀩𑁆𑀩𑀸𑀯 𑀤𑀺𑀲𑁆𑀲𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀭𑀲𑁆𑀲𑁄 𑀯𑀸’’ 𑁨,𑁬𑁨 𑀇𑀘𑁆𑀘𑀸𑀤𑀺.
𑀢𑁂 𑀲𑁆𑀯𑁂𑀯 𑀤𑁆𑀯𑀻𑀲𑀼𑀬𑁄 𑀬𑁄 𑀧𑀭𑁄, 𑀲𑁄 𑀲𑁄 𑀤𑀻𑀖𑀲𑀜𑁆𑀜𑁄 𑀳𑁄𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀬𑁄 𑀮𑁄 𑀧𑀦𑀺𑀲𑀼 𑀤𑀻𑀖𑁄’’ 𑁨,𑁮𑁮 𑀇𑀘𑁆𑀘𑀸𑀤𑀺.
𑀓𑀓𑀸𑀭𑀸𑀤𑀬𑁄 𑀯𑀡𑁆𑀡𑀸 𑀦𑀺𑀕𑁆𑀕𑀳𑀻𑀢𑀧𑀭𑀺𑀬𑀦𑁆𑀢𑀸 𑀩𑁆𑀬𑀜𑁆𑀚𑀦𑀲𑀜𑁆𑀜𑀸𑀳𑁄𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’ 𑁧,𑁩𑁩 𑀇𑀘𑁆𑀘𑀸𑀤𑀺.
𑀓𑀸𑀤𑀬𑁄 𑀧𑀜𑁆𑀘 𑀧𑀜𑁆𑀘𑀓𑀸 𑀯𑀕𑁆𑀕, 𑀦𑀸𑀫 𑀳𑁄𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄’’ 𑁧,𑁪𑁧 𑀇𑀘𑁆𑀘𑀸𑀤𑀺.
𑀬𑁆𑀯𑀸𑀬𑀁 𑀯𑀡𑁆𑀡𑁄 𑀩𑀺𑀦𑁆𑀤𑀼𑀫𑀢𑁆𑀢𑁄, 𑀲𑁄 𑀦𑀺𑀕𑁆𑀕𑀳𑀻𑀢𑀲𑀜𑁆𑀜𑁄 𑀳𑁄𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀦𑀺𑀕𑁆𑀕𑀳𑀻𑀢𑀁’’ 𑁧,𑁩𑁮 𑀇𑀘𑀸𑀤𑀺. 𑀕𑀭𑀼𑀲𑀜𑁆𑀜𑀸𑀓𑀭𑀡𑀁 𑀅𑀦𑁆𑀯𑀢𑁆𑀣𑀲𑀜𑁆𑀜𑀢𑁆𑀣𑀁.
𑁯. 𑀇𑀬𑀼𑀯𑀡𑁆𑀡𑀸 ¶ 𑀛𑀮𑀸 𑀦𑀸𑀫𑀲𑁆𑀲𑀦𑁆𑀢𑁂.
𑀦𑀸𑀫𑀁 𑀧𑀸𑀝𑀺𑀧𑀤𑀺𑀓𑀁, 𑀢𑀲𑁆𑀲𑀅𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼𑀯𑀡𑁆𑀡𑀸 𑀛𑀮𑀲𑀜𑁆𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀛𑀮𑀸 𑀯𑀸’’ 𑁨,𑁧𑁧𑁧 𑀇𑀘𑁆𑀘𑀸𑀤𑀺.
𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲-𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼𑀯𑀡𑁆𑀡𑀸 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? 𑀬𑁂 𑀧𑀲𑁆𑀲𑀺𑀯𑀡𑁆𑀡𑀲𑁆𑀲’’ 𑁨,𑁧𑁧𑁬 𑀇𑀘𑁆𑀘𑀸𑀤𑀺.
𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲-𑀦𑁆𑀢𑁂 𑀯𑀢𑁆𑀣𑀫𑀸𑀦𑁄 𑀆𑀓𑀸𑀭𑁄 𑀖𑀲𑀜𑁆𑀜𑁄 𑀳𑁄𑀢𑀺. 𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀖𑀩𑁆𑀭𑀳𑁆𑀫𑀸𑀤𑀺𑀢𑁂’’ 𑁨,𑁬𑁦 𑀇𑀘𑁆𑀘𑀸𑀤𑀺.
𑀆𑀮𑀧𑀦𑁂 𑀲𑀺 𑀕𑀲𑀜𑁆𑀜𑁄 𑀳𑁄𑀢𑀺.
𑀢𑁂𑀦 𑀓𑁆𑀯𑀢𑁆𑀣𑁄? ‘‘𑀕𑁂𑀯𑀸’’ 𑁨,𑁬𑁫 𑀇𑀘𑁆𑀘𑀸𑀤𑀺.
(𑀲𑀜𑁆𑀜𑀸)
𑀬𑀁 𑀯𑀺𑀲𑁂𑀲𑀦𑀁, 𑀢𑀤𑀦𑁆𑀢𑀲𑁆𑀲 𑀯𑀺𑀥𑀺 𑀜𑀸𑀢𑀩𑁆𑀩𑁄 ‘‘𑀅𑀢𑁄 𑀬𑁄𑀦𑀁 𑀝𑀸𑀝𑁂’’ 𑁨,𑁪𑁧 𑀦𑀭𑀸𑀦𑀭𑁂.
𑀲𑀢𑁆𑀢𑀫𑀻𑀦𑀺𑀤𑁆𑀤𑁂𑀲𑁂 ¶ 𑀧𑀼𑀩𑁆𑀩𑀲𑁆𑀲𑁂𑀯 𑀓𑀸𑀭𑀺𑀬𑀁 𑀜𑀸𑀢𑀩𑁆𑀩𑀁 ‘‘𑀲𑀭𑁄 𑀮𑁄𑀧𑁄 𑀲𑀭𑁂’’ 𑁧,𑁨𑁬 𑀯𑁂𑀴𑀕𑁆𑀕𑀁. ‘𑀢𑀫𑀳’𑀦𑁆𑀢𑀻𑀥 𑀓𑀲𑁆𑀫𑀸 𑀦 𑀳𑁄𑀢𑀺?, 𑀲𑀭𑁂𑀢𑁄𑀧𑀲𑀺𑀮𑁂𑀲𑀺𑀓𑀸𑀥𑀸𑀭𑁄 𑀢𑀢𑁆𑀣𑁂𑀢𑀸𑀯 𑀯𑀼𑀘𑁆𑀘𑀢𑁂 ‘𑀧𑀼𑀩𑁆𑀩𑀲𑁆𑀲𑁂𑀯 𑀳𑁄𑀢𑀺 𑀦 𑀧𑀭𑀲𑁆𑀲𑀸’𑀢𑀺.
𑀧𑀜𑁆𑀘𑀫𑀻𑀦𑀺𑀤𑁆𑀤𑁂𑀲𑁂 𑀧𑀭𑀲𑁆𑀲 𑀓𑀸𑀭𑀺𑀬𑀁 𑀜𑀸𑀢𑀩𑁆𑀩𑀁 ‘‘𑀅𑀢𑁄𑀬𑁄𑀦𑀁 𑀝𑀸𑀝𑁂’’ 𑁨,𑁪𑁧 𑀦𑀭𑀸𑀦𑀭𑁂. 𑀇𑀥 𑀦 𑀳𑁄𑀢𑀁 ‘𑀚𑀦𑁆𑀢𑀼𑀳𑁄 𑀅𑀦𑀢𑁆𑀢𑀸’. 𑀇𑀥 𑀓𑀲𑁆𑀫𑀸 𑀦 𑀳𑁄𑀢𑀺? 𑀑𑀲𑀔𑁆𑀬𑁄, 𑀅𑀦𑀦𑁆𑀢𑀭𑁂 𑀓𑀢𑀢𑁆𑀣𑀢𑀸𑀬 𑀦 𑀩𑁆𑀬𑀯𑀳𑀺𑀢𑀲𑁆𑀲 𑀓𑀸𑀭𑀺𑀬𑀁.
𑀧𑀭𑀲𑁆𑀲 𑀲𑁆𑀲𑀺𑀲𑁆𑀲𑀫𑀸𑀦𑀁 𑀓𑀸𑀭𑀺𑀬𑀫𑀸𑀤𑀺𑀯𑀡𑁆𑀡𑀲𑁆𑀲 𑀜𑀸𑀢𑀩𑁆𑀩𑀁 ‘‘𑀭 𑀲𑀗𑁆𑀔𑁆𑀬𑀸𑀢𑁄 𑀯𑀸’’ 𑁩,𑁧𑁦𑁩 𑀢𑁂𑀭𑀲.
𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀬𑀁 𑀓𑀸𑀭𑀺𑀬𑀁, 𑀢𑀤𑀦𑁆𑀢𑀲𑁆𑀲 𑀯𑀡𑁆𑀡𑀲𑁆𑀲 𑀯𑀺𑀜𑁆𑀜𑁂𑀬𑁆𑀬𑀁 ‘‘𑀭𑀸𑀚𑀲𑁆𑀲𑀺 𑀦𑀸𑀫𑁆𑀳𑀺’’ 𑁨,𑁨𑁩 𑀭𑀸𑀚𑀺𑀦𑀸.
𑀗𑀓𑀸𑀭𑁄 𑀅𑀦𑀼𑀩𑀦𑁆𑀥𑁄 𑀬𑀲𑁆𑀲, 𑀲𑁄 𑀅𑀦𑁆𑀢𑀲𑁆𑀲 𑀳𑁄𑀢𑀺 ‘‘𑀕𑁄𑀲𑁆𑀲𑀸 𑀯𑀗’’ 𑁧,𑁩𑁨 𑀕𑀯𑀸𑀲𑁆𑀲𑀁.
𑁧𑁯. 𑀝𑀸𑀦𑀼𑀩𑀦𑁆𑀥𑀸𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲.
𑀝𑀓𑀸𑀭𑁄-𑀦𑀼𑀩𑀦𑁆𑀥𑁄 ¶ 𑀬𑀲𑁆𑀲, 𑀲𑁄-𑀦𑁂𑀓𑀓𑁆𑀔𑀭𑁄 𑀘𑀸𑀤𑁂𑀲𑁄 𑀲𑀩𑁆𑀩𑀲𑁆𑀲 𑀳𑁄𑀢𑀺 ‘‘𑀇𑀫𑀲𑁆𑀲𑀸𑀦𑀺𑀢𑁆𑀣𑀺𑀬𑀁 𑀝𑁂’’ 𑁨,𑁧𑁨𑁮 𑀏𑀲𑀼, ‘‘𑀦𑀸𑀫𑁆𑀳-𑀦𑀺𑀫𑀺’’ 𑁨,𑁧𑁨𑁬 𑀅𑀦𑁂𑀦.
𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀜𑀸𑀦𑀼𑀩𑀦𑁆𑀥𑀓𑀸𑀦𑀼𑀩𑀦𑁆𑀥𑀸 𑀆𑀤𑁆𑀬𑀦𑁆𑀢𑀸 𑀳𑁄𑀦𑁆𑀢𑀺 ‘‘𑀩𑁆𑀭𑀽𑀢𑁄 𑀢𑀺𑀲𑁆𑀲𑀻𑀜’’ 𑁬,𑁩𑁬 𑀩𑁆𑀭𑀯𑀻𑀢𑀺, ‘‘𑀪𑀽𑀲𑁆𑀲 𑀯𑀼𑀓’’ 𑁬,𑁧𑁭 𑀩𑀪𑀽𑀯.
𑀫𑀓𑀸𑀭𑁄-𑀦𑀼𑀩𑀦𑁆𑀥𑁄 𑀬𑀲𑁆𑀲, 𑀲𑁄 𑀲𑀭𑀸 𑀦𑀫𑀦𑁆𑀢𑀸 𑀲𑀭𑀸 𑀧𑀭𑁄 𑀳𑁄𑀢𑀺 ‘‘𑀫𑀜𑁆𑀘 𑀭𑀼𑀥𑀸𑀤𑀻𑀦𑀁’’ 𑁫-𑁧𑁯 𑀭𑀼𑀦𑁆𑀥𑀢𑀺.
𑀤𑁆𑀯𑀺𑀦𑁆𑀦𑀁 𑀲𑀸𑀯𑀓𑀸𑀲𑀸𑀦𑀫𑁂𑀓𑀢𑁆𑀣𑀧𑁆𑀧𑀲𑀗𑁆𑀕𑁂 𑀧𑀭𑁄 𑀳𑁄𑀢𑀺. 𑀬𑀣𑀸 𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀯𑀸𑀧𑀼𑀭𑀺𑀲𑀸𑀦𑀁 𑀲𑀳𑀧𑁆𑀧𑀢𑁆𑀢𑀺𑀬𑀁 𑀧𑀭𑁄, 𑀲𑁄 𑀘 (𑀕𑀘𑁆𑀙𑀢𑀺) 𑀢𑁆𑀯𑀁 𑀘 (𑀕𑀘𑁆𑀙𑀲𑀺, 𑀢𑀼𑀫𑁆𑀳𑁂) 𑀕𑀘𑁆𑀙𑀣. 𑀲𑁄 𑀘 (𑀕𑀘𑁆𑀙𑀢𑀺,) 𑀢𑁆𑀯𑀁 𑀘 (𑀕𑀘𑁆𑀙𑀲𑀺,) 𑀅𑀳𑀁 𑀘 (𑀕𑀘𑁆𑀙𑀸𑀫𑀺, 𑀫𑀬𑀁) 𑀕𑀘𑁆𑀙𑀸𑀫.
𑀬𑁄 𑀦𑀯𑀬𑀯𑀪𑀽𑀢𑁄𑀲𑀗𑁆𑀓𑁂𑀢𑁄, 𑀲𑁄-𑀦𑀼𑀩𑀦𑁆𑀥𑁄𑀢𑀺 𑀜𑀸𑀢𑀩𑁆𑀩𑁄, ‘‘𑀮𑀼𑀧𑀺𑀢𑀸𑀤𑀻𑀦𑀫𑀸𑀲𑀺𑀫𑁆𑀳𑀺’’ 𑁨-𑁫𑁭 𑀓𑀢𑁆𑀢𑀸.
𑀲𑀗𑁆𑀓𑁂𑀢𑀕𑁆𑀕𑀳𑀡𑀁 𑀓𑀺𑀁? 𑀧𑀓𑀢𑀺𑀬𑀸𑀤𑀺𑀲𑀫𑀼𑀤𑀸𑀬𑀲𑁆𑀲𑀸𑀦𑀼𑀩𑀦𑁆𑀥𑀢𑀸 𑀫𑀸 𑀳𑁄𑀢𑀽𑀢𑀺, 𑀅𑀦𑀯𑀬𑀯𑁄𑀳𑀺 𑀲𑀫𑀼𑀤𑀸𑀬𑁄… 𑀲𑀫𑀼𑀤𑀸𑀬𑀭𑀽𑀧𑀢𑁆𑀢𑀸𑀬𑁂𑀯.
𑀅𑀦𑀯𑀬𑀯𑀕𑁆𑀕𑀳𑀡𑀁 𑀓𑀺𑀁? ‘‘𑀅𑀢𑁂𑀦’’ 𑁨-𑁧𑁦𑁮 𑀚𑀦𑁂𑀦. 𑀇𑀫𑀺𑀦𑀸𑀯 𑀮𑁄𑀧𑀲𑁆𑀲𑀸𑀯𑀕𑀢𑀢𑁆𑀢𑀸 𑀦𑀸𑀦𑀼𑀩𑀦𑁆𑀥𑀮𑁄𑀧𑀸𑀬 𑀯𑀘𑀦𑀫𑀸𑀭𑀤𑁆𑀥𑀁.
𑀯𑀡𑁆𑀡𑀲𑀤𑁆𑀤𑁄 ¶ 𑀧𑀭𑁄 𑀬𑀲𑁆𑀫𑀸 𑀢𑁂𑀦 𑀲𑀯𑀡𑁆𑀡𑁄𑀧𑀺 𑀕𑀬𑁆𑀳𑀢𑀺 𑀲𑀁𑀘 𑀭𑀽𑀧𑀁 ‘‘𑀬𑀼𑀯𑀡𑁆𑀡𑀸𑀦𑀫𑁂𑀑 𑀮𑀼𑀢𑁆𑀢𑀸’’ 𑁧-𑁨𑁯 𑀯𑀸𑀓𑁂𑀭𑀺𑀢𑀁, 𑀲𑀫𑁄𑀦𑀸.
𑁨𑁫. 𑀦𑁆𑀢𑀼 𑀯𑀦𑁆𑀢𑀼𑀫𑀦𑁆𑀢𑁆𑀯𑀸𑀯𑀦𑁆𑀢𑀼𑀢𑀯𑀦𑁆𑀢𑀼𑀲𑀫𑁆𑀩𑀦𑁆𑀥𑀻.
𑀯𑀦𑁆𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀬𑁂𑀯𑀦𑁆𑀢𑀼 𑀕𑀬𑁆𑀳𑀢𑀺, ‘‘𑀦𑁆𑀢𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂’’ 𑁨-𑁨𑁧𑁫 𑀕𑀼𑀡𑀯𑀦𑁆𑀢𑁄.
𑀯𑀦𑁆𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀢𑀺 𑀓𑀺𑀁? 𑀚𑀦𑁆𑀢𑀽 𑀢𑀦𑁆𑀢𑀽.
(𑀧𑀭𑀺𑀪𑀸𑀲𑀸𑀬𑁄.)
𑀲𑀭𑁂 𑀲𑀭𑁄 𑀮𑁄𑀧𑀦𑀻𑀬𑁄 𑀳𑁄𑀢𑀺. 𑀢𑀢𑁆𑀭𑀺-𑀫𑁂, 𑀲𑀤𑁆𑀥𑀺-𑀦𑁆𑀤𑁆𑀭𑀺𑀬𑀁, 𑀦𑁄𑀳𑁂-𑀢𑀁, 𑀪𑀺𑀓𑁆𑀔𑀼𑀦𑁄-𑀯𑀸𑀤𑁄, 𑀲𑀫𑁂𑀢𑀸-𑀬𑀲𑁆𑀫𑀸, 𑀅𑀪𑀺𑀪𑀸-𑀬𑀢𑀦𑀁, 𑀧𑀼𑀢𑁆𑀢𑀸𑀫-𑀢𑁆𑀣𑀺, 𑀅𑀲𑀦𑁆𑀢𑁂-𑀢𑁆𑀣.
𑀲𑀭𑀫𑁆𑀳𑀸 𑀧𑀭𑁄 𑀲𑀭𑁄 𑀓𑁆𑀯𑀘𑀺 𑀮𑁄𑀧𑀦𑀻𑀬𑁄 𑀳𑁄𑀢𑀺. 𑀲𑁄-𑀧𑀺, 𑀲𑀸𑀯, 𑀬𑀢𑁄-𑀤𑀓𑀁, 𑀢𑀢𑁄-𑀯. 𑀓𑁆𑀯𑀘𑀻𑀢𑀺𑀓𑀺𑀁? 𑀲𑀤𑁆𑀥𑀺-𑀦𑁆𑀤𑁆𑀭𑀺𑀬𑀁, 𑀅𑀬𑀫𑀥𑀺𑀓𑀸𑀭𑁄 𑀆𑀧𑀭𑀺𑀘𑁆𑀙𑁂𑀤𑀸𑀯𑀲𑀸𑀦𑀸, 𑀢𑁂𑀦 𑀦𑀸𑀢𑀺𑀧𑁆𑀧𑀲𑀗𑁆𑀕𑁄.
𑀧𑀼𑀩𑁆𑀩𑀧𑀭𑀲𑀭𑀸 𑀤𑁆𑀯𑁂𑀧𑀺 𑀯𑀸 𑀓𑁆𑀯𑀘𑀺 𑀦 𑀮𑀼𑀧𑁆𑀬𑀦𑁆𑀢𑁂, 𑀮𑀢𑀸 𑀇𑀯, 𑀮𑀢𑁂-𑀯, 𑀮𑀢𑀸-𑀯.
𑀮𑀼𑀢𑁆𑀢𑀸 ¶ 𑀲𑀭𑀸 𑀧𑀭𑁂𑀲𑀁 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀏𑀑 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁.
𑀢𑀲𑁆𑀲𑁂-𑀤𑀁, 𑀯𑀸𑀢𑁂-𑀭𑀺𑀢𑀁, 𑀦𑁄-𑀧𑁂𑀢𑀺, 𑀯𑀸𑀫𑁄-𑀭𑀽, 𑀅𑀢𑁂-𑀯𑀜𑁆𑀜𑁂𑀳𑀺, 𑀯𑁄-𑀤𑀓𑀁. 𑀓𑀣𑀁 ‘‘𑀧𑀘𑁆𑀘𑁄𑀭𑀲𑁆𑀫𑀺’’𑀦𑁆𑀢𑀺? 𑀬𑁄𑀕𑀯𑀺𑀪𑀸𑀕𑀸. 𑀯𑀸𑀢𑁆𑀯𑁂𑀯? 𑀢𑀲𑁆𑀲𑀺𑀤𑀁.
𑀮𑀼𑀢𑁆𑀢𑁂𑀢𑀺 𑀓𑀺𑀁? 𑀮𑀢𑀸 𑀇𑀯.
𑀲𑀭𑁂 𑀧𑀭𑁂 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀬𑀓𑀸𑀭𑀯𑀓𑀸𑀭𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀩𑁆𑀬𑀸𑀓𑀢𑁄, 𑀇𑀘𑁆𑀘𑀲𑁆𑀲, 𑀅𑀚𑁆𑀛𑀺𑀡𑀫𑀼𑀢𑁆𑀢𑁄, 𑀲𑁆𑀯𑀸𑀕𑀢𑀁, 𑀲𑁆𑀯𑀸𑀧𑀦𑀮𑀸𑀦𑀺𑀮𑀁, 𑀯𑀸𑀢𑁆𑀯𑁂𑀯? 𑀇𑀢𑀺-𑀲𑁆𑀲. 𑀓𑁆𑀯𑀘𑀺𑀢𑁆𑀯𑁂𑀯? 𑀬𑀸𑀦𑀻-𑀥, 𑀲𑀽-𑀧𑀝𑁆𑀞𑀺𑀢𑀁.
𑀏𑀑𑀦𑀁𑀬𑀯𑀸𑀬𑁄𑀦𑁆𑀢𑀺 𑀯𑀸 𑀲𑀭𑁂 𑀬𑀣𑀸𑀓𑁆𑀓𑀫𑀁. 𑀢𑁆𑀬𑀚𑁆𑀚 𑀢𑁂-𑀚𑁆𑀚, 𑀲𑁆𑀯𑀸𑀳𑀁 𑀲𑁄-𑀳𑀁. 𑀓𑁆𑀯𑀘𑀺𑀢𑁆𑀯𑁂𑀯? 𑀧𑀼𑀢𑁆𑀢𑀸𑀫-𑀢𑁆𑀣𑀺, 𑀅𑀲𑀦𑁆𑀢𑁂-𑀢𑁆𑀣.
𑀲𑀭𑁂 𑀕𑁄𑀲𑁆𑀲 𑀅𑀯𑀗 𑀳𑁄𑀢𑀺. 𑀕𑀯𑀸-𑀲𑁆𑀲𑀁. ‘𑀬𑀣𑀭𑀻𑀯, 𑀢𑀣𑀭𑀺𑀯𑁂’𑀢𑀺 𑀦𑀺𑀧𑀸𑀢𑀸𑀯, ‘𑀪𑀼𑀲𑀸𑀫𑀺𑀯𑁂’𑀢𑀺 𑀇𑀯𑀲𑀤𑁆𑀤𑁄 𑀏𑀯𑀢𑁆𑀣𑁄.
𑀭𑀲𑁆𑀲𑀤𑀻𑀖𑀸𑀦𑀁 ¶ 𑀓𑁆𑀯𑀘𑀺 𑀤𑀻𑀖𑀭𑀲𑁆𑀲𑀸 𑀳𑁄𑀦𑁆𑀢𑀺 𑀩𑁆𑀬𑀜𑁆𑀚𑀦𑁂. 𑀢𑀢𑁆𑀭𑀸-𑀬𑀁, 𑀫𑀼𑀦𑀻𑀘𑀭𑁂, 𑀲𑀫𑁆𑀫𑀤𑁂𑀯, 𑀫𑀸𑀮𑀪𑀸𑀭𑀻.
𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀓𑁆𑀯𑀘𑀺 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺. 𑀧𑀕𑁆𑀕𑀳𑁄. 𑀲𑀭𑀫𑁆𑀳𑀸𑀢𑀺 𑀓𑀺𑀁? 𑀢𑀁 𑀔𑀡𑀁.
𑁩𑁫. 𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂𑀲𑀁 𑀢𑀢𑀺𑀬𑀧𑀞𑀫𑀸.
𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑀼 𑀧𑀭𑁂𑀲𑁆𑀯𑁂𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀩𑁆𑀩𑀕𑁆𑀕𑁂 𑀢𑀢𑀺𑀬 𑀧𑀞𑀫𑀸 𑀳𑁄𑀦𑁆𑀢𑀺. 𑀧𑀘𑁆𑀘𑀸𑀲𑀢𑁆𑀣𑁆𑀬𑀸, 𑀦𑀺𑀕𑁆𑀖𑁄𑀲𑁄, 𑀅𑀓𑁆𑀔𑀦𑁆𑀢𑀺, 𑀩𑁄𑀚𑁆𑀛𑀗𑁆𑀕𑀸, 𑀲𑁂𑀢𑀘𑁆𑀙𑀢𑁆𑀢𑀁, 𑀤𑀟𑁆𑀠𑁄, 𑀦𑀺𑀝𑁆𑀞𑀸𑀦𑀁, 𑀫𑀳𑀤𑁆𑀥𑀦𑁄, 𑀬𑀲𑀢𑁆𑀣𑁂𑀭𑁄, 𑀅𑀧𑁆𑀨𑀼𑀝𑀁, 𑀅𑀩𑁆𑀪𑀼𑀕𑁆𑀕𑀢𑁄. 𑀏𑀲𑁆𑀯𑀻𑀢𑀺 𑀓𑀺𑀁? 𑀣𑁂𑀭𑁄. 𑀏𑀲𑀦𑁆𑀢𑀺 𑀓𑀺𑀁? 𑀧𑀢𑁆𑀣𑁄.
𑀏𑀯𑀲𑀤𑁆𑀤𑁂 𑀧𑀭𑁂 𑀇𑀢𑀺𑀲𑁆𑀲 𑀯𑁄 𑀳𑁄𑀢𑀺 𑀯𑀸. 𑀇𑀢𑁆𑀯𑁂𑀯, 𑀇𑀘𑁆𑀘𑁂𑀯. 𑀏𑀯𑁂𑀢𑀺 𑀓𑀺𑀁? 𑀇𑀘𑁆𑀘𑀸𑀳.
𑀏𑀑𑀦𑀁 𑀯𑀡𑁆𑀡𑁂 𑀓𑁆𑀯𑀘𑀺 𑀅 𑀳𑁄𑀢𑀺 𑀯𑀸. 𑀤𑀺𑀲𑁆𑀯𑀸 𑀬𑀸𑀘𑀓 𑀫𑀸𑀕𑀢𑁂, 𑀅𑀓𑀭𑀫𑁆𑀳𑀲 𑀢𑁂, 𑀏𑀲 𑀅𑀢𑁆𑀣𑁄, 𑀏𑀲 𑀥𑀫𑁆𑀫𑁄, 𑀅𑀕𑁆𑀕𑀫𑀓𑁆𑀔𑀸𑀬𑀢𑀺, 𑀲𑁆𑀯𑀸𑀢𑀦𑀁 ¶ , 𑀳𑀺𑀬𑁆𑀬𑀢𑁆𑀢𑀦𑀁, 𑀓𑀭𑀲𑁆𑀲𑀼. 𑀯𑀸𑀢𑁆𑀯𑁂𑀯? 𑀬𑀸𑀘𑀓𑁂 𑀆𑀕𑀢𑁂 𑀏𑀲𑁄 𑀥𑀫𑁆𑀫𑁄. 𑀯𑀡𑁆𑀡𑁂𑀢𑀺 𑀓𑀺𑀁? 𑀲𑁄.
𑀦𑀺𑀕𑁆𑀕𑀳𑀻𑀢𑀫𑀸𑀕𑀫𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺 𑀘𑀓𑁆𑀔𑀼𑀉𑀤𑀧𑀸𑀤𑀺, 𑀧𑀼𑀭𑀺𑀫𑀁 𑀚𑀸𑀢𑀺𑀁 𑀧𑀼𑀭𑀺𑀫𑀚𑀸𑀢𑀺𑀁, 𑀓𑀢𑁆𑀢𑀩𑁆𑀩𑀁 𑀓𑀼𑀲𑀮𑀁 𑀩𑀳𑀼𑀁. 𑀅𑀯𑀁𑀲𑀺𑀭𑁄𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁… 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲, 𑀲𑀸𑀫𑀢𑁆𑀢𑀺𑀬𑁂𑀦𑀸𑀕𑀫𑁄𑀯, 𑀲 𑀘 𑀭𑀲𑁆𑀲 𑀲𑀭𑀲𑁆𑀲𑁂𑀯 𑀳𑁄𑀢𑀺… 𑀢𑀲𑁆𑀲 𑀭𑀲𑁆𑀲𑀸𑀦𑀼𑀕𑀢𑀢𑁆𑀢𑀸.
𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀓𑁆𑀬𑀸𑀳𑀁 𑀓𑀺𑀫𑀳𑀁𑀲𑀸𑀭𑀢𑁆𑀢𑁄 𑀲𑀁𑀭𑀢𑁆𑀢𑁄. 𑀲𑀮𑁆𑀮𑁂 𑀔𑁄-𑀕𑀦𑁆𑀢𑀼𑀓𑀸𑀫𑁄 𑀕𑀦𑁆𑀢𑀼𑀫𑀦𑁄𑀢𑀺, 𑀆𑀤𑀻𑀲𑀼 𑀦𑀺𑀘𑁆𑀘𑀁.
𑀦𑀺𑀕𑁆𑀕𑀳𑀻𑀢𑀫𑁆𑀳𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀢𑁆𑀯𑀁-𑀲𑀺 𑀢𑁆𑀯𑀫𑀲𑀺.
𑀦𑀺𑀕𑁆𑀕𑀳𑀻𑀢𑀲𑁆𑀲 𑀔𑁄 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 𑀯𑀸 𑀳𑁄𑀢𑀺 𑀧𑀘𑁆𑀘𑀸𑀲𑀢𑁆𑀢𑁆𑀬𑀸. 𑀢𑀗𑁆𑀓𑀭𑁄𑀢𑀺 𑀢𑀁 𑀓𑀭𑁄𑀢𑀺, 𑀢𑀜𑁆𑀘𑀭𑀢𑀺 𑀢𑀁 𑀘𑀭𑀢𑀺, 𑀢𑀡𑁆𑀞𑀸𑀦𑀁 𑀢𑀁 𑀞𑀸𑀦𑀁, 𑀢𑀦𑁆𑀥𑀦𑀁 𑀢𑀁 𑀥𑀦𑀁, 𑀢𑀫𑁆𑀧𑀸𑀢𑀺 𑀢𑀁 𑀧𑀸𑀢𑀺. 𑀦𑀺𑀘𑁆𑀘𑀁 𑀧𑀤𑀫𑀚𑁆𑀛𑁂 𑀕𑀦𑁆𑀢𑁆𑀯𑀸, 𑀓𑁆𑀯𑀘𑀜𑁆𑀜𑀸𑀢𑁆𑀭𑀧𑀺 𑀲𑀦𑁆𑀢𑀺𑀝𑁆𑀞𑀢𑀺.
𑀬 ¶ 𑀏𑀯 𑀳𑀺 𑀲𑀤𑁆𑀤𑁂𑀲𑀼 𑀦𑀺𑀕𑁆𑀕𑀳𑀻𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺. 𑀬𑀜𑁆𑀜𑀤𑁂𑀯, 𑀢𑀜𑁆𑀜𑁂𑀯, 𑀢𑀜𑁆𑀳𑀺, 𑀯𑀸𑀢𑁆𑀯𑁂𑀯? 𑀬𑀁 𑀬𑀤𑁂𑀯.
𑀲𑀁𑀲𑀤𑁆𑀤𑀲𑁆𑀲 𑀬𑀁 𑀦𑀺𑀕𑁆𑀕𑀳𑀻𑀢𑀁 𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺 𑀬𑀓𑀸𑀭𑁂. 𑀲𑀜𑁆𑀜𑀫𑁄 𑀲𑀁𑀬𑀫𑁄.
𑀦𑀺𑀕𑁆𑀕𑀳𑀻𑀢𑀲𑁆𑀲 𑀫𑀬𑀤𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺. 𑀢𑀫𑀳𑀁, 𑀢𑀬𑀺𑀤𑀁, 𑀢𑀤𑀮𑀁. 𑀯𑀸 𑀢𑁆𑀯𑁂𑀯? 𑀢𑀁 𑀅𑀳𑀁.
𑀏𑀢𑁂 𑀫𑀬𑀤𑀸 𑀘 𑀆𑀕𑀫𑀸 𑀳𑁄𑀦𑁆𑀢𑀺 𑀲𑀭𑁂 𑀯𑀸 𑀓𑁆𑀯𑀘𑀺. 𑀢𑀺𑀯𑀗𑁆𑀕𑀺𑀓𑀁, 𑀇𑀢𑁄 𑀦𑀸𑀬𑀢𑀺, 𑀘𑀺𑀦𑀺𑀢𑁆𑀯𑀸, 𑀢𑀲𑁆𑀫𑀸𑀢𑀺𑀳, 𑀦𑀺𑀭𑁄𑀚𑀁, 𑀧𑀼𑀣𑀕𑁂𑀯, 𑀇𑀥𑀫𑀸𑀳𑀼, 𑀬𑀣𑀬𑀺𑀤𑀁, 𑀅𑀢𑁆𑀢𑀤𑀢𑁆𑀣𑀁. 𑀯𑀸 𑀢𑁆𑀯𑁂𑀯? 𑀅𑀢𑁆𑀢𑀢𑁆𑀣𑀁. ‘𑀅𑀢𑀺𑀧𑁆𑀧𑀕𑁄 𑀔𑁄 𑀢𑀸𑀯𑀸’𑀢𑀺-𑀧𑀞𑀫𑀦𑁆𑀢𑁄 𑀧𑀕𑀲𑀤𑁆𑀤𑁄𑀯.
𑀙𑀲𑀤𑁆𑀤𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀴𑀓𑀸𑀭𑁄 𑀆𑀕𑀫𑁄 𑀳𑁄𑀢𑀺 𑀯𑀸. 𑀙𑀴𑀗𑁆𑀕𑀁, 𑀙𑀴𑀸𑀬𑀢𑀦𑀁. 𑀯𑀸𑀢𑁆𑀯𑁂𑀯? 𑀙𑀅𑀪𑀺𑀜𑁆𑀜𑀸.
𑀢𑀤𑀫𑀺𑀦𑀸𑀤𑀻𑀦𑀺 ¶ 𑀲𑀸𑀥𑀽𑀦𑀺 𑀪𑀯𑀦𑁆𑀢𑀺. 𑀢𑀁 𑀇𑀫𑀺𑀦𑀸 𑀢𑀤𑀫𑀺𑀦𑀸, 𑀲𑀓𑀺𑀁 𑀆𑀕𑀸𑀫𑀻 𑀲𑀓𑀤𑀸𑀕𑀸𑀫𑀻, 𑀏𑀓𑀁 𑀇𑀥 𑀅𑀳𑀁 𑀏𑀓𑀫𑀺𑀤𑀸𑀳𑀁, 𑀲𑀁𑀯𑀺𑀥𑀸𑀬 𑀅𑀯𑀳𑀸𑀭𑁄 𑀲𑀁𑀯𑀺𑀤𑀸𑀯𑀳𑀸𑀭𑁄, 𑀯𑀸𑀭𑀺𑀦𑁄 𑀯𑀸𑀳𑀓𑁄 𑀯𑀮𑀸𑀳𑀓𑁄, 𑀚𑀻𑀯𑀦𑀲𑁆𑀲 𑀫𑀽𑀢𑁄 𑀚𑀻𑀫𑀽𑀢𑁄, 𑀙𑀯𑀲𑁆𑀲 𑀲𑀬𑀦𑀁 𑀲𑀼𑀲𑀸𑀦𑀁, 𑀉𑀤𑁆𑀥𑀁 𑀔𑀫𑀲𑁆𑀲 𑀉𑀤𑀼𑀓𑁆𑀔𑀮𑀁, 𑀧𑀺𑀲𑀺𑀢𑀸𑀲𑁄 𑀧𑀺𑀲𑀸𑀘𑁄, 𑀫𑀳𑀺𑀬𑀁 𑀭𑀯𑀢𑀻𑀢𑀺 𑀫𑀬𑀽𑀭𑁄, 𑀏𑀯𑀫𑀜𑁆𑀜𑁂𑀧𑀺 𑀧𑀬𑁄𑀕𑀢𑁄-𑀦𑀼𑀕𑀦𑁆𑀢𑀩𑁆𑀩𑀸, 𑀧𑀭𑁂𑀲𑀁 𑀧𑀺𑀲𑁄𑀤𑀭𑀸𑀤𑀺𑀫𑀺𑀯𑁂𑀤𑀁 𑀤𑀝𑁆𑀞𑀩𑁆𑀩𑀁.
𑀢𑀯𑀕𑁆𑀕𑀯𑀭𑀡𑀸𑀦𑀁 𑀓𑁆𑀯𑀘𑀺 𑀘𑀯𑀕𑁆𑀕𑀩𑀬𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀬𑀓𑀸𑀭𑁂. 𑀅𑀧𑀼𑀘𑁆𑀘𑀡𑁆𑀟𑀢𑀸𑀬, 𑀢𑀘𑁆𑀙𑀁, 𑀬𑀚𑁆𑀚𑁂𑀯𑀁, 𑀅𑀚𑁆𑀛𑀢𑁆𑀢𑀁, 𑀣𑀜𑁆𑀜𑀁, 𑀤𑀺𑀩𑁆𑀩𑀁, 𑀧𑀬𑁆𑀬𑁄𑀲𑀦𑀸, 𑀧𑁄𑀓𑁆𑀔𑀭𑀜𑁆𑀜𑁄. 𑀓𑁆𑀯𑀘𑀺𑀢𑁆𑀯𑁂𑀯? 𑀭𑀢𑁆𑀢𑁆𑀬𑀸
𑀯𑀕𑁆𑀕𑀮𑀲𑁂𑀳𑀺 𑀧𑀭𑀲𑁆𑀲 𑀬𑀓𑀸𑀭𑀲𑁆𑀲 𑀓𑁆𑀯𑀘𑀺 𑀢𑁂 𑀯𑀕𑁆𑀕𑀮𑀲𑀸 𑀳𑁄𑀦𑁆𑀢𑀺.
𑀲𑀓𑁆𑀓𑀢𑁂, 𑀧𑀘𑁆𑀘𑀢𑁂, 𑀅𑀝𑁆𑀝𑀢𑁂, 𑀓𑀼𑀧𑁆𑀧𑀢𑁂, 𑀨𑀮𑁆𑀮𑀢𑁂, 𑀅𑀲𑁆𑀲𑀢𑁂. 𑀓𑁆𑀯𑀘𑀺𑀢𑁆𑀯𑁂𑀯? 𑀓𑁆𑀬𑀸𑀳𑀁.
𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀬𑀓𑀸𑀭𑁂. 𑀕𑀼𑀬𑁆𑀳𑀁.
𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀯𑀸 𑀯𑀓𑀸𑀭𑁂. 𑀩𑀯𑁆𑀳𑀸𑀩𑀸𑀥𑁄 𑀩𑀯𑁆𑀳𑀸𑀩𑀸𑀥𑁄.
𑀢𑀣𑀦𑀭𑀸𑀦𑀁 ¶ 𑀝𑀞𑀡𑀮𑀸 𑀳𑁄𑀦𑁆𑀢𑀺 𑀯𑀸. 𑀤𑀼𑀓𑁆𑀓𑀝𑀁, 𑀅𑀝𑁆𑀞𑀓𑀣𑀸, 𑀕𑀳𑀡𑀁, 𑀧𑀮𑀺𑀖𑁄, 𑀧𑀮𑀸𑀬𑀢𑀺. 𑀯𑀸𑀢𑁆𑀯𑁂𑀯? 𑀤𑀼𑀓𑁆𑀓𑀢𑀁. 𑀓𑁆𑀯𑀘𑀺𑀢𑁆𑀯𑁂𑀯? 𑀲𑀼𑀕𑀢𑁄.
𑀲𑀁𑀬𑁄𑀕𑀲𑁆𑀲 𑀬𑁄 𑀆𑀤𑀻𑀪𑀽𑀢𑁄-𑀯𑀬𑀯𑁄 𑀢𑀲𑁆𑀲 𑀯𑀸 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺. 𑀧𑀼𑀧𑁆𑀨𑀁-𑀲𑀸 𑀚𑀸𑀬𑀢𑁂-𑀕𑀺𑀦𑀺.
𑀯𑀺𑀘𑁆𑀙𑀸𑀬𑀫𑀸𑀪𑀺𑀓𑁆𑀔𑀜𑁆𑀜𑁂 𑀘 𑀬𑀁 𑀯𑀢𑁆𑀢𑀢𑁂, 𑀢𑀲𑁆𑀲 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺. 𑀓𑁆𑀭𑀺𑀬𑀸𑀬 𑀕𑀼𑀡𑁂𑀦 𑀤𑀩𑁆𑀩𑁂𑀦 𑀯𑀸 𑀪𑀺𑀦𑁆𑀦𑁂 𑀅𑀢𑁆𑀣𑁂 𑀩𑁆𑀬𑀸𑀧𑀺𑀢𑀼𑀫𑀺𑀘𑁆𑀙𑀸 𑀯𑀺𑀘𑁆𑀙𑀸. 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀲𑀺𑀜𑁆𑀘𑀢𑀺, 𑀕𑀸𑀫𑁄 𑀕𑀸𑀫𑁄 𑀭𑀫𑀡𑀻𑀬𑁄, 𑀕𑀸𑀫𑁂 𑀕𑀸𑀫𑁂 𑀧𑀸𑀦𑀻𑀬𑀁, 𑀕𑁂𑀳𑁂 𑀕𑁂𑀳𑁂 𑀇𑀲𑁆𑀲𑀭𑁄, 𑀭𑀲𑀁 𑀭𑀲𑀁 𑀪𑀓𑁆𑀔𑀬𑀢𑀺, 𑀓𑀺𑀭𑀺𑀬𑀁 𑀓𑀺𑀭𑀺𑀬𑀫𑀸𑀭𑀪𑀢𑁂.
𑀅𑀢𑁆𑀣𑀺𑀬𑁂𑀯𑀸-𑀦𑀼𑀧𑀼𑀩𑁆𑀩𑀺𑀬𑁂𑀧𑀺 𑀯𑀺𑀘𑁆𑀙𑀸 𑀫𑀽𑀮𑁂 𑀫𑀽𑀮𑁂 𑀣𑀽𑀮𑀸, 𑀅𑀕𑁆𑀕𑁂 𑀅𑀕𑁆𑀕𑁂 𑀲𑀼𑀔𑀼𑀫𑀸, 𑀬𑀤𑀺 𑀳𑀺 𑀏𑀢𑁆𑀣 𑀫𑀽𑀮𑀕𑁆𑀕𑀪𑁂𑀤𑁄 𑀦 𑀲𑀺𑀬𑀸, 𑀆𑀦𑀼𑀧𑀼𑀩𑁆𑀩𑀺𑀬𑀫𑁆𑀧𑀺 𑀦 𑀪𑀯𑁂𑀬𑁆𑀬. 𑀫𑀸𑀲𑀓𑀁 𑀫𑀸𑀲𑀓𑀁 𑀇𑀫𑀫𑁆𑀳𑀸 𑀓𑀳𑀸𑀧𑀡𑀸 𑀪𑀯𑀦𑁆𑀣𑀸𑀦𑀁 𑀤𑁆𑀯𑀺𑀦𑁆𑀦𑀁 𑀤𑁂𑀳𑀻𑀢𑀺 𑀫𑀸𑀲𑀓𑀁 𑀫𑀸𑀲𑀓𑀫𑀺𑀘𑁆𑀘𑁂𑀢𑀲𑁆𑀫𑀸 𑀯𑀺𑀘𑁆𑀙𑀸𑀕𑀫𑁆𑀬𑀢𑁂, 𑀲𑀤𑁆𑀤𑀦𑁆𑀢𑀭𑀢𑁄 𑀧𑀦 𑀇𑀫𑀫𑁆𑀳𑀸 𑀓𑀳𑀸𑀧𑀡𑀸𑀢𑀺 𑀅𑀯𑀥𑀸𑀭𑀡𑀁. 𑀧𑀼𑀩𑁆𑀩𑀁 𑀧𑀼𑀩𑁆𑀩𑀁 𑀧𑀼𑀧𑁆𑀨𑀦𑁆𑀢𑀺, 𑀧𑀞𑀫𑀁 𑀧𑀞𑀫𑀁 𑀧𑀘𑁆𑀘𑀦𑁆𑀢𑀻𑀢𑁆𑀬𑀢𑁆𑀭𑀸𑀧𑀺 𑀯𑀺𑀘𑁆𑀙𑀸𑀯. 𑀇𑀫𑁂 𑀉𑀪𑁄 𑀅𑀟𑁆𑀠𑀸 𑀓𑀢𑀭𑀸 𑀓𑀢𑀭𑀸 𑀏𑀲𑀁 𑀤𑁆𑀯𑀺𑀦𑁆𑀦𑀫𑀟𑁆𑀠𑀢𑀸, 𑀲𑀩𑁆𑀩𑁂 𑀇𑀫𑁂 𑀅𑀟𑁆𑀠𑀸 𑀓𑀢𑀫𑀸 𑀓𑀢𑀫𑀸 𑀇𑀫𑁂𑀲𑀁 𑀅𑀟𑁆𑀠𑀼𑀢𑀸 𑀇𑀳𑀸𑀧𑀺 ¶ 𑀯𑀺𑀘𑁆𑀙𑀸𑀯. 𑀆𑀪𑀺𑀓𑁆𑀔𑀜𑁆𑀜𑀁 𑀧𑁄𑀦𑁄𑀧𑀼𑀜𑁆𑀜𑀁 𑀧𑀘𑀢𑀺 𑀧𑀘𑀢𑀺, 𑀧𑀧𑀘𑀢𑀺 𑀧𑀧𑀘𑀢𑀺, 𑀮𑀼𑀦𑀸𑀳𑀺 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀪𑀼𑀢𑁆𑀯𑀸 𑀪𑀼𑀢𑁆𑀯𑀸 𑀕𑀘𑁆𑀙𑀢𑀺, 𑀧𑀝𑀧𑀝𑀸 𑀓𑀭𑁄𑀢𑀺, 𑀧𑀝𑀧𑀝𑀸𑀬𑀢𑀺.
𑀯𑀺𑀘𑁆𑀙𑀸𑀬𑀫𑁂𑀓𑀲𑁆𑀲 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀳𑁄𑀢𑀺. 𑀏𑀓𑁂𑀓𑀲𑁆𑀲. 𑀓𑀣𑀁 𑀫𑀢𑁆𑀣𑀓𑀫𑀢𑁆𑀣𑀓𑁂𑀦𑀸𑀢𑀺? ‘𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑀸’𑀢𑀺 𑀬𑁄𑀕𑀯𑀺𑀪𑀸𑀕𑀸, 𑀦𑀸𑀘𑀸𑀢𑀺𑀧𑁆𑀧𑀲𑀗𑁆𑀕𑁄 𑀬𑁄𑀕𑀯𑀺𑀪𑀸𑀕𑀸 𑀇𑀝𑁆𑀞𑀧𑁆𑀧𑀲𑀺𑀤𑁆𑀥𑀻𑀢𑀺.
𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂 𑀤𑁆𑀯𑁂 𑀪𑀯𑀦𑁆𑀢𑀺 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀘. 𑀅𑀜𑁆𑀜𑀫𑀜𑁆𑀜𑀲𑁆𑀲 𑀪𑁄𑀚𑀓𑀸, 𑀇𑀢𑀭𑀻𑀢𑀭𑀲𑁆𑀲 𑀪𑁄𑀚𑀓𑀸.
𑀢𑀼𑀭𑀺𑀢𑁂𑀦𑀸𑀧𑀸𑀬𑀳𑁂𑀢𑀼𑀧𑀤𑀲𑁆𑀲𑀦𑀁 𑀲𑀫𑁆𑀪𑀫𑁄, 𑀢𑀲𑁆𑀫𑀺𑀁𑀲𑀢𑀺 𑀯𑀢𑁆𑀣𑀼 𑀬𑀸𑀯𑀦𑁆𑀢𑁂𑀳𑀺 𑀲𑀤𑁆𑀤𑁂𑀳𑀺 𑀲𑁄-𑀢𑁆𑀣𑁄 𑀯𑀺𑀜𑁆𑀜𑀸𑀬𑀢𑁂, 𑀢𑀸𑀯𑀦𑁆𑀢𑁄 𑀲𑀤𑁆𑀤𑀸 𑀧𑀬𑀼𑀚𑁆𑀚𑀦𑁆𑀢𑁂. 𑀲𑀧𑁆𑀧𑁄 𑀲𑀧𑁆𑀧𑁄 𑀲𑀧𑁆𑀧𑁄, 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼, 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄.
𑀅𑀬𑀫𑀥𑀺𑀓𑀸𑀭𑁄 𑀆𑀲𑀢𑁆𑀣𑀧𑀭𑀺𑀲𑀫𑀢𑁆𑀢𑀺𑀬𑀸. 𑀢𑁂𑀦 𑀦𑀸𑀢𑀺𑀧𑁆𑀧𑀲𑀗𑁆𑀕𑁄 𑀇𑀝𑁆𑀞𑀧𑁆𑀧𑀲𑀺𑀤𑁆𑀥𑀺 𑀘.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀧𑀞𑀫𑁄 𑀓𑀡𑁆𑀟𑁄.
𑁨. 𑀤𑀼𑀢𑀺𑀬𑁄 𑀓𑀡𑁆𑀟𑁄 (𑀲𑁆𑀬𑀸𑀤𑀺)
𑁧. 𑀤𑁆𑀯𑁂 ¶ 𑀤𑁆𑀯𑁂-𑀓𑀸𑀦𑁂𑀓𑁂𑀲𑀼 𑀦𑀸𑀫𑀲𑁆𑀫𑀸 𑀲𑀺 𑀬𑁄, 𑀅𑀁 𑀬𑁄, 𑀦𑀸 𑀳𑀺, 𑀲 𑀦𑀁, 𑀲𑁆𑀫𑀸 𑀳𑀺, 𑀲 𑀦𑀁, 𑀲𑁆𑀫𑀺𑀁 𑀲𑀼.
𑀏𑀢𑁂𑀲𑀁 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀏𑀓𑀸𑀦𑁂𑀓𑀢𑁆𑀣𑁂𑀲𑀼 𑀯𑀢𑁆𑀢𑀫𑀸𑀦𑀢𑁄 𑀦𑀸𑀫𑀲𑁆𑀫𑀸. 𑀫𑀼𑀦𑀺 𑀫𑀼𑀦𑀬𑁄, 𑀫𑀼𑀦𑀺𑀁 𑀫𑀼𑀦𑀬𑁄, 𑀫𑀼𑀦𑀺𑀦𑀸 𑀫𑀼𑀦𑀻𑀳𑀺, 𑀫𑀼𑀦𑀺𑀲𑁆𑀲 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀸 𑀫𑀼𑀦𑀻𑀳𑀺, 𑀫𑀼𑀦𑀺𑀲𑁆𑀲 𑀫𑀼𑀦𑀻𑀦𑀁, 𑀫𑀼𑀦𑀺𑀲𑁆𑀫𑀺𑀁 𑀫𑀼𑀦𑀻𑀲𑀼, 𑀏𑀯𑀁 𑀓𑀼𑀫𑀸𑀭𑀻 𑀓𑀼𑀫𑀸𑀭𑀺𑀬𑁄, 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄𑀢𑀺. 𑀏𑀢𑀸𑀦𑀺 𑀲𑀢𑁆𑀢 𑀤𑀼𑀓𑀸𑀦𑀺 𑀲𑀢𑁆𑀢 𑀯𑀺𑀪𑀢𑁆𑀢𑀺𑀬𑁄 𑀯𑀺𑀪𑀸𑀕𑁄 𑀯𑀺𑀪𑀢𑀻𑀢𑀺 𑀓𑀢𑁆𑀯𑀸, 𑀏𑀢𑁆𑀣 𑀲𑀺𑀅𑀫𑀺𑀢𑀻-𑀓𑀸𑀭𑀸-𑀓𑀸𑀭𑀸 ‘‘𑀓𑀺𑀫𑀁 𑀲𑀺𑀲𑀼’’ 𑁨,𑁨𑁦𑁦 𑀢𑀺 𑀲𑀁𑀓𑁂𑀢𑀢𑁆𑀣𑀸.
𑀓𑀭𑀻𑀬𑀢𑀺 𑀓𑀢𑁆𑀢𑀼 𑀓𑀺𑀭𑀺𑀬𑀸𑀬𑀸-𑀪𑀺𑀲𑀫𑁆𑀩𑀦𑁆𑀥𑀻𑀬𑀢𑀻𑀢𑀺 𑀓𑀫𑁆𑀫𑀁, 𑀢𑀲𑁆𑀫𑀺𑀁 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀁. 𑀓𑀝𑀁 𑀓𑀭𑁄𑀢𑀺, 𑀑𑀤𑀦𑀁 𑀧𑀘𑀢𑀺, 𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺.
‘𑀑𑀤𑀦𑁄 𑀧𑀘𑁆𑀘𑀢𑀻’𑀢𑀺 𑀑𑀤𑀦𑀲𑀤𑁆𑀤𑀢𑁄 𑀓𑀫𑁆𑀫𑀢𑀸 𑀦𑀧𑁆𑀧𑀢𑀻𑀬𑀢𑁂, 𑀓𑀺𑀜𑁆𑀘𑀭𑀳𑀺? 𑀆𑀔𑁆𑀬𑀸𑀢𑀢𑁄. ‘𑀓𑀝𑀁 𑀓𑀭𑁄𑀢𑀺 𑀯𑀺𑀧𑀼𑀮𑀁 𑀤𑀲𑁆𑀲𑀦𑀻𑀬’𑀦𑁆𑀢𑀺 𑀅𑀢𑁆𑀣𑁂𑀯 𑀕𑀼𑀡𑀬𑀼𑀢𑁆𑀢𑀲𑁆𑀲 𑀓𑀫𑁆𑀫𑀢𑀸, 𑀇𑀘𑁆𑀙𑀺𑀢𑁂𑀧𑀺 𑀓𑀫𑁆𑀫𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀤𑁆𑀥𑀸 𑀕𑀸𑀯𑀼𑀁 𑀧𑀬𑁄 𑀤𑁄𑀳𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀬𑀸𑀘𑀢𑀺, 𑀕𑀸𑀯𑀫𑀯𑀭𑀼𑀦𑁆𑀥𑀢𑀺 𑀯𑀚𑀁, 𑀫𑀸𑀡𑀯𑀓𑀁 𑀫𑀕𑁆𑀕𑀁 𑀧𑀼𑀘𑁆𑀙𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀪𑀺𑀓𑁆𑀔𑀢𑁂, 𑀭𑀼𑀓𑁆𑀔𑀫𑀯𑀘𑀺𑀦𑀸𑀢𑀺 𑀨𑀮𑀸𑀦𑀺, 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀩𑁆𑀭𑀽𑀢𑁂, 𑀲𑀺𑀲𑁆𑀲𑀁 𑀥𑀫𑁆𑀫𑀫𑀦𑀼𑀲𑀸𑀲𑀢𑀻𑀢𑀺. 𑀏𑀯𑀁 𑀅𑀦𑀺𑀘𑁆𑀙𑀺𑀢𑁂𑀧𑀺 𑀅𑀳𑀺𑀁 𑀮𑀗𑁆𑀖𑀬𑀢𑀺, 𑀯𑀺𑀲𑀁 𑀪𑀓𑁆𑀔𑁂𑀢𑀺. 𑀬𑀁𑀦𑁂𑀯𑀺𑀘𑁆𑀙𑀺𑀢𑀁 𑀦𑀸𑀧𑀺 ¶ 𑀅𑀦𑀺𑀘𑁆𑀙𑀺𑀢𑀁, 𑀢𑀢𑁆𑀣𑀸𑀧𑀺 𑀤𑀼𑀢𑀺𑀬𑀸 𑀲𑀺𑀤𑁆𑀥𑀸. 𑀕𑀸𑀫𑀁 𑀕𑀘𑁆𑀙𑀦𑁆𑀢𑁄 𑀭𑀼𑀓𑁆𑀔𑀫𑀽𑀮𑀫𑀼𑀧𑀲𑀧𑁆𑀧𑀢𑀺.
𑀧𑀣𑀯𑀺𑀁 𑀅𑀥𑀺𑀲𑁂𑀲𑁆𑀲𑀢𑀺, 𑀕𑀸𑀫𑀫𑀥𑀺𑀢𑀺𑀝𑁆𑀞𑀢𑀺, 𑀭𑀼𑀓𑁆𑀔𑀫𑀚𑁆𑀛𑀸𑀲𑀢𑁂𑀢𑀺𑀅𑀥𑀺𑀲𑀻𑀞𑀸𑀲𑀸𑀦𑀁𑀧𑀬𑁄𑀕𑁂-𑀥𑀺𑀓𑀭𑀡𑁂 𑀓𑀫𑁆𑀫𑀯𑀘𑀦𑀺𑀘𑁆𑀙𑀸, 𑀯𑀢𑁆𑀢𑀺𑀘𑁆𑀙𑀸𑀢𑁄 𑀳𑀺 𑀓𑀸𑀭𑀓𑀸𑀦𑀺 𑀳𑁄𑀦𑁆𑀢𑀺. 𑀢𑀁 𑀬𑀣𑀸-𑀯𑀮𑀸𑀳𑀓𑀸 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑀲𑁆𑀲 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁄 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁂 𑀯𑀺𑀚𑁆𑀚𑁄𑀢𑀢𑁂, 𑀯𑀮𑀸𑀳𑀓𑁂𑀦 𑀯𑀺𑀚𑁆𑀚𑁄𑀢𑀢𑁂𑀢𑀺. 𑀏𑀯𑀫𑀪𑀺𑀦𑀺𑀯𑀺𑀲𑀲𑁆𑀲 𑀯𑀸 𑀥𑀫𑁆𑀫𑀫𑀪𑀺𑀦𑀺𑀯𑀺𑀲𑀢𑁂 𑀥𑀫𑁆𑀫𑁂 𑀯𑀸.
𑀢𑀣𑀸 𑀉𑀧𑀦𑁆𑀯𑀚𑁆𑀛𑀸𑀯𑀲𑀲𑁆𑀲𑀸𑀪𑁄𑀚𑀦 𑀦𑀺𑀯𑀼𑀢𑁆𑀢𑀺𑀯𑀘𑀦𑀲𑁆𑀲 𑀕𑀸𑀫𑀫𑀼𑀧𑀯𑀲𑀢𑀺, 𑀕, 𑀫𑀫𑀦𑀼𑀯𑀲𑀢𑀺, 𑀧𑀩𑁆𑀩𑀢𑀫𑀥𑀺𑀯𑀲𑀢𑀺, 𑀖𑀭𑀫𑀸𑀯𑀲𑀢𑀺. 𑀅𑀪𑁄𑀚𑀦𑀦𑀺𑀯𑀼𑀢𑁆𑀢𑀺 𑀯𑀘𑀦𑀲𑁆𑀲𑀸𑀢𑀺 𑀓𑀺𑀁? 𑀕𑀸𑀫𑁂 𑀉𑀧𑀯𑀲𑀢𑀺, 𑀪𑁄𑀚𑀦𑀦𑀺𑀯𑀼𑀢𑁆𑀢𑀺𑀁 𑀓𑀭𑁄𑀢𑀻𑀢𑀺 𑀅𑀢𑁆𑀣𑁄. 𑀢𑀧𑁆𑀧𑀸𑀦𑀸𑀘𑀸𑀭𑁂𑀧𑀺 𑀓𑀫𑁆𑀫𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀬𑀸 𑀦𑀤𑀺𑀫𑁆𑀧𑀺𑀯𑀢𑀺, 𑀕𑀸𑀫𑀁 𑀘𑀭𑀢𑀺, 𑀏𑀯𑀁 ‘𑀲𑀘𑁂 𑀫𑀁 𑀆𑀮𑀧𑀺𑀲𑁆𑀲𑀢𑀻’𑀢𑀺𑀆𑀤𑀻𑀲𑀼𑀧𑀺. 𑀯𑀺𑀳𑀺𑀢𑀸𑀯 𑀧𑀢𑀺𑀥𑀬𑁄𑀕𑁂 𑀤𑀼𑀢𑀺𑀬𑀸 𑁋 ‘𑀧𑀝𑀺𑀪𑀦𑁆𑀢𑀼 𑀢𑀁 𑀘𑀼𑀦𑁆𑀤 𑀩𑁄𑀚𑁆𑀛𑀗𑁆𑀕𑀸’𑀢𑀺. 𑀢𑀁 𑀧𑀢𑀺 𑀩𑁄𑀚𑁆𑀛𑀗𑁆𑀕𑀸 𑀪𑀸𑀲𑀦𑁆𑀢𑀽𑀢𑀺 𑀅𑀢𑁆𑀣𑁄, 𑀬𑀤𑀸𑀢𑀼 𑀥𑀸𑀢𑀼𑀦𑀸𑀬𑀼𑀢𑁆𑀢𑁄 𑀧𑀢𑀺, 𑀢𑀤𑀸 𑀢𑁂𑀦𑀸-𑀬𑁄𑀕𑀸 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻𑀯 ‘𑀢𑀲𑁆𑀲 𑀦𑀧𑁆𑀧𑀝𑀺𑀪𑀸𑀢𑀻’𑀢𑀺. 𑀅𑀓𑁆𑀔𑁂 𑀤𑀺𑀩𑁆𑀩𑀢𑀺, 𑀅𑀓𑁆𑀔𑁂𑀳𑀺 𑀤𑀺𑀩𑁆𑀩𑀢𑀺, 𑀅𑀓𑁆𑀔𑁂𑀲𑀼 𑀤𑀺𑀩𑁆𑀩𑀢𑀻𑀢𑀺 𑀓𑀫𑁆𑀫𑀓𑀭𑀡𑀸𑀥𑀺𑀓𑀭𑀡𑀯𑀘𑀦𑀺𑀘𑁆𑀙𑀸.
𑀓𑀺𑀭𑀺𑀬𑀸, 𑀕𑀼𑀡, 𑀤𑀩𑁆𑀩𑁂𑀳𑀺 𑀲𑀸𑀓𑀮𑁆𑀮𑁂𑀦 𑀓𑀸𑀮𑀤𑁆𑀥𑀸𑀦𑀁 𑀲𑀫𑁆𑀩𑀦𑁆𑀥𑁄 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁄. 𑀢𑀲𑁆𑀫𑀺𑀁 𑀯𑀺𑀜𑁆𑀜𑀸𑀬𑀫𑀸𑀦𑁂 𑀓𑀸𑀮𑀲𑀤𑁆𑀤𑁂𑀳𑀺 𑀅𑀤𑁆𑀥𑀅𑀤𑁆𑀤𑁂𑀳𑀺 𑀘 𑀤𑀼𑀢𑀺𑀬𑀸 𑀳𑁄𑀢𑀺. 𑀫𑀸𑀲𑀫𑀥𑀻𑀢𑁂, 𑀫𑀸𑀲𑀁 𑀓𑀮𑁆𑀬𑀸𑀡𑀺, 𑀫𑀸𑀲𑀁 ¶ 𑀕𑀼𑀴𑀥𑀸𑀦𑀸, 𑀓𑁄𑀲𑀫𑀥𑀻𑀢𑁂, 𑀓𑁄𑀲𑀁 𑀓𑀼𑀝𑀺𑀮𑀸 𑀦𑀤𑀻, 𑀓𑁄𑀲𑀁 𑀧𑀩𑁆𑀩𑀢𑁄. 𑀅𑀘𑀦𑁆𑀢𑀲𑀁𑀬𑁄𑀕𑁂𑀢𑀺 𑀓𑀺𑀁? 𑀫𑀸𑀲𑀲𑁆𑀲 𑀤𑁆𑀯𑀻𑀳𑀫𑀥𑀻𑀢𑁂, 𑀓𑁄𑀲𑀲𑁆𑀲𑁂𑀓𑀤𑁂𑀲𑁂 𑀧𑀩𑁆𑀩𑀢𑁄.
𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸, 𑀏𑀓𑀁 𑀲𑀫𑀬𑀁 𑀪𑀕𑀯𑀸, 𑀇𑀫𑀁 𑀭𑀢𑁆𑀢𑀺𑀁 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀢𑀺 𑀏𑀯𑀫𑀸𑀤𑀻𑀲𑀼 𑀓𑀸𑀮𑀯𑀸𑀘𑀻 𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑀢𑁆𑀢𑀸𑀯 𑀤𑀼𑀢𑀺𑀬𑀸 𑀲𑀺𑀤𑁆𑀥𑀸. 𑀯𑀺𑀪𑀢𑁆𑀢𑀺𑀯𑀺𑀧𑀮𑁆𑀮𑀸𑀲𑁂𑀦𑀧𑀺 𑀯𑀸 𑀩𑀳𑀼𑀮𑀁𑀯𑀺𑀥𑀸𑀦𑀸.
𑀨𑀮𑀧𑁆𑀧𑀢𑁆𑀢𑀺𑀬𑀁 𑀓𑀺𑀭𑀺𑀬𑀸𑀧𑀭𑀺𑀲𑀫𑀢𑁆𑀢𑁆𑀬𑀧𑀯𑀕𑁆𑀕𑁄, 𑀢𑀲𑁆𑀫𑀺𑀁 𑀯𑀺𑀜𑁆𑀜𑀸𑀬𑀫𑀸𑀦𑁂 𑀓𑀸𑀮𑀤𑁆𑀥𑀸𑀦𑀁 𑀓𑀺𑀭𑀺𑀬𑀸𑀬𑀸𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀢𑀢𑀺𑀬𑀸𑀪𑀺𑀫𑀢𑀸, 𑀲𑀸𑀧𑀺 𑀓𑀭𑀡𑀢𑁆𑀢𑀸𑀯 𑀲𑀺𑀤𑁆𑀥𑀸 ‘𑀫𑀸𑀲𑁂𑀦𑀸𑀦𑀼𑀯𑀸𑀓𑁄-𑀥𑀻𑀢𑁄, 𑀓𑁄𑀲𑁂𑀦𑀸𑀦𑀼𑀯𑀸𑀓𑁄-𑀥𑀻𑀢𑁄’𑀢𑀺. 𑀅𑀦𑀧𑀯𑀕𑁆𑀕𑁂𑀢𑀼 𑀅𑀲𑀸𑀥𑀓𑀢𑀫𑀢𑁆𑀢𑀸𑀓𑀭𑀡𑀢𑁆𑀢𑀸𑀪𑀸𑀯𑁂 𑀤𑀼𑀢𑀺𑀬𑀸𑀯 ‘𑀫𑀸𑀲𑀫𑀥𑀻𑀢𑁄-𑀦𑀼𑀯𑀸𑀓𑁄, 𑀦 𑀘𑀸𑀦𑁂 𑀦 𑀕𑀳𑀺𑀢𑁄’𑀢𑀺.
𑀓𑀸𑀭𑀓𑀫𑀚𑁆𑀛𑁂 𑀬𑁂 𑀓𑀸𑀮𑀤𑁆𑀥𑀸𑀦𑀯𑀸𑀘𑀺𑀦𑁄, 𑀢𑀢𑁄 𑀲𑀢𑁆𑀢𑀫𑀻𑀧𑀜𑁆𑀘𑀫𑀺𑀬𑁄 𑀅𑀪𑀺𑀫𑀢𑀸 ‘𑀅𑀚𑁆𑀚 𑀪𑀼𑀢𑁆𑀯𑀸 𑀤𑁂𑀯𑀤𑀢𑁆𑀢𑁄 𑀤𑁆𑀯𑀺𑀳𑁂 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀤𑁆𑀯𑀻𑀳𑀸 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀅𑀢𑁆𑀭𑀝𑁆𑀞𑁄-𑀬𑀫𑀺𑀲𑁆𑀲𑀸𑀲𑁄 𑀓𑁄𑀲𑁂 𑀮𑀓𑁆𑀔𑀁 𑀯𑀺𑀚𑁆𑀛𑀢𑀺, 𑀓𑁄𑀲𑀸 𑀮𑀓𑁆𑀔𑀁 𑀯𑀺𑀚𑁆𑀛𑀢𑀻’𑀢𑀺, 𑀢𑀸𑀧𑀻𑀳 𑀲𑀓𑀲𑀓𑀓𑀸𑀭𑀓𑀯𑀘𑀦𑀺𑀘𑁆𑀙𑀸𑀬𑁂𑀯 𑀲𑀺𑀤𑁆𑀥𑀸.
𑁪. 𑀕𑀢𑀺 𑀩𑁄𑀥𑀸𑀳𑀸𑀭 𑀲𑀤𑁆𑀤𑀢𑁆𑀣𑀸𑀓𑀫𑁆𑀫𑀓 𑀪𑀚𑁆𑀚𑀸𑀤𑀻𑀦𑀁 𑀧𑀬𑁄𑀚𑁆𑀚𑁂.
𑀕𑀫𑀦𑀢𑁆𑀣𑀸𑀦𑀁 𑀩𑁄𑀥𑀢𑁆𑀣𑀸𑀦𑀁 𑀆𑀳𑀸𑀭𑀢𑁆𑀣𑀸𑀦𑀁 𑀲𑀤𑁆𑀤𑀢𑁆𑀣𑀸𑀦𑀫𑀓𑀫𑁆𑀫𑀓𑀸𑀦𑀁 𑀪𑀚𑁆𑀚𑀸𑀤𑀻𑀦𑀜𑁆𑀘 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺. 𑀲𑀸𑀫𑀢𑁆𑀣𑀺𑀬𑀸 𑀘 𑀧𑀬𑁄𑀚𑀓𑀩𑁆𑀬𑀸𑀧𑀸𑀭𑁂𑀦 𑀓𑀫𑁆𑀫𑀢𑀸𑀯𑀲𑁆𑀲 𑀳𑁄𑀢𑀻𑀢𑀺 𑀧𑀢𑀻𑀬𑀢𑁂. 𑀕𑀫𑀬𑀢𑀺 𑀫𑀸𑀡𑀯𑀓𑀁 𑀕𑀸𑀫𑀁, 𑀬𑀸𑀧𑀬𑀢𑀺 𑀫𑀸𑀡𑀯𑀓𑀁 𑀕𑀸𑀫𑀁, 𑀩𑁄𑀥𑀬𑀢𑀺 𑀫𑀸𑀡𑀯𑀓𑀁 𑀥𑀫𑁆𑀫𑀁, 𑀯𑁂𑀤𑀬𑀢𑀺 𑀫𑀸𑀡𑀯𑀓𑀁 𑀥𑀫𑁆𑀫𑀁, 𑀪𑁄𑀚𑀬𑀢𑀺 𑀫𑀸𑀡-𑀯𑀓𑀁 ¶ 𑀫𑁄𑀤𑀓𑀁, 𑀆𑀲𑀬𑀢𑀺 𑀫𑀸𑀡𑀯𑀓𑀁 𑀫𑁄𑀤𑀓𑀁, 𑀅𑀚𑁆𑀛𑀸𑀧𑀬𑀢𑀺 𑀫𑀸𑀡𑀯𑀓𑀁 𑀯𑁂𑀤𑀁, 𑀧𑀸𑀞𑀬𑀢𑀺 𑀫𑀸𑀡𑀯𑀓𑀁 𑀯𑁂𑀤𑀁, 𑀆𑀲𑀬𑀢𑀺 𑀤𑁂𑀯𑀤𑀢𑁆𑀢𑀁, 𑀲𑀸𑀬𑀬𑀢𑀺 𑀤𑁂𑀯𑀤𑀢𑁆𑀢𑀁, 𑀅𑀜𑁆𑀜𑀁 𑀪𑀚𑁆𑀚𑀸𑀧𑁂𑀢𑀺, 𑀅𑀜𑁆𑀜𑀁 𑀓𑁄𑀝𑁆𑀝𑀸𑀧𑁂𑀢𑀺, 𑀅𑀜𑁆𑀜𑀁 𑀲𑀦𑁆𑀣𑀭𑀸𑀧𑁂𑀢𑀺. 𑀏𑀢𑁂𑀲𑀫𑁂𑀯𑀸𑀢𑀺 𑀓𑀺𑀁? 𑀧𑀸𑀘𑁂𑀢𑀺 𑀑𑀤𑀦𑀁 𑀤𑁂𑀯𑀤𑀢𑁆𑀢𑁂𑀦 𑀬𑀜𑁆𑀜𑀤𑀢𑁆𑀢𑁄. 𑀧𑀬𑁄𑀚𑁆𑀚𑁂𑀢𑀺 𑀓𑀺𑀁? 𑀕𑀘𑁆𑀙𑀢𑀺 𑀤𑁂𑀯𑀤𑀢𑁆𑀢𑁄. 𑀬𑀤𑀸 𑀘𑀭𑀳𑀺 𑀕𑀫𑀬𑀢𑀺 𑀤𑁂𑀯𑀤𑀢𑁆𑀢𑀁 𑀬𑀜𑁆𑀜𑀤𑀢𑁆𑀢𑁄, 𑀢𑀫𑀧𑀭𑁄 𑀧𑀬𑁄𑀚𑁂𑀢𑀺, 𑀢𑀤𑀸 𑀕𑀫𑀬𑀢𑀺 𑀤𑁂𑀯𑀤𑀢𑁆𑀢𑀁 𑀬𑀜𑁆𑀜𑀤𑀢𑁆𑀢𑁂𑀦𑁂𑀢𑀺 𑀪𑀯𑀺𑀢𑀩𑁆𑀩𑀁 … 𑀕𑀫𑀬𑀢𑀺𑀲𑁆𑀲𑀸-𑀕𑀫𑀦𑀢𑁆𑀣𑀢𑁆𑀢𑀸.
𑀳𑀭𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺 𑀯𑀸. 𑀳𑀸𑀭𑁂𑀢𑀺 𑀪𑀸𑀭𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸, 𑀅𑀚𑁆𑀛𑁄𑀳𑀸𑀭𑁂𑀢𑀺 𑀲𑀢𑁆𑀢𑀼𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸, 𑀓𑀸𑀭𑁂𑀢𑀺 𑀓𑀝𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸 𑀤𑀲𑁆𑀲𑀬𑀢𑁂 𑀚𑀦𑀁 𑀭𑀸𑀚𑀁 𑀚𑀦𑁂𑀦𑁂𑀢𑀺 𑀯𑀸, 𑀅𑀪𑀺𑀯𑀸𑀤𑀬𑀢𑁂 𑀕𑀼𑀭𑀼𑀁 𑀤𑁂𑀯𑀤𑀢𑁆𑀢𑀁 𑀤𑁂𑀯𑀤𑀢𑁆𑀢𑁂𑀦𑁂𑀢𑀺 𑀯𑀸.
𑀔𑀸𑀤𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀦 𑀳𑁄𑀢𑀺. 𑀔𑀸𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀆𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀅𑀯𑁆𑀳, 𑀧𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀲𑀤𑁆𑀤𑀸𑀬𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀓𑀦𑁆𑀤𑀬𑀢𑀺 𑀤𑁂𑀯𑀤𑀢𑁆𑀢𑁂𑀦, 𑀦𑀸𑀬𑀬𑀢𑀺 𑀤𑁂𑀯𑀤𑀢𑁆𑀢𑁂𑀦.
(𑁧) 𑀯𑀳𑀺𑀲𑁆𑀲𑀸𑀦𑀺𑀬𑀦𑁆𑀢𑀼𑀓𑁂. 𑀯𑀸𑀳𑀬𑀢𑀺 𑀪𑀸𑀭𑀁 𑀤𑁂𑀯𑀤𑀢𑁆𑀢𑁂𑀦 𑀅𑀦𑀺𑀬𑀦𑁆𑀢𑀼𑀓𑁂𑀢𑀺 𑀓𑀺𑀁? 𑀯𑀸𑀳-𑀬𑀢𑀺 𑀪𑀸𑀭𑀁 𑀩𑀮𑀻𑀩𑀤𑁆𑀤𑁂.
(𑁨) 𑀪𑀓𑁆𑀔𑀺𑀲𑁆𑀲𑀸𑀳𑀺𑀁 ¶ 𑀲𑀸𑀬𑀁. 𑀪𑀓𑁆𑀔𑀬𑀢𑀺 𑀫𑁄𑀤𑀓𑁂 𑀤𑁂𑀯𑀤𑀢𑁆𑀢𑁂𑀦. 𑀅𑀳𑀺𑀁𑀲𑀸𑀬𑀦𑁆𑀢𑀺 𑀓𑀺𑀁? 𑀪𑀓𑁆𑀔𑀬𑀢𑀺 𑀩𑀮𑀻𑀩𑀤𑁆𑀤𑁂 𑀲𑀲𑁆𑀲𑀁.
𑀥𑀻𑀆𑀤𑀻𑀳𑀺 𑀬𑀼𑀢𑁆𑀢𑀢𑁄 𑀤𑀼𑀢𑀺𑀬𑀸 𑀳𑁄𑀢𑀺. 𑀥𑀺𑀭𑀢𑁆𑀣𑀼 𑀫𑀁 𑀧𑀽𑀢𑀺𑀓𑀸𑀬𑀁, 𑀅𑀦𑁆𑀢𑀭𑀸 𑀘 𑀭𑀸𑀚𑀕𑀳𑀁 𑀅𑀦𑁆𑀢𑀭𑀸 𑀘 𑀦𑀸𑀮𑀦𑁆𑀤𑀁, 𑀲𑀫𑀸𑀥𑀸𑀦𑀫𑀦𑁆𑀢𑀭𑁂𑀦, 𑀫𑀼𑀘𑀮𑀺𑀦𑁆𑀤𑀫𑀪𑀺𑀢𑁄 𑀲𑀭𑀫𑀺𑀘𑁆𑀘𑀸𑀤𑀺, 𑀙𑀝𑁆𑀞𑀺𑀬𑀸𑀧𑀯𑀸𑀤𑁄-𑀬𑀁.
𑁮. 𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀽𑀢𑀯𑀺𑀘𑁆𑀙𑀸𑀲𑁆𑀯𑀪𑀺𑀦𑀸.
𑀮𑀓𑁆𑀔𑀡𑀸𑀤𑀻𑀲𑁆𑀯𑀢𑁆𑀣𑁂𑀲𑁆𑀯𑀪𑀺𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀫𑀳𑀸𑀢𑀺. 𑀭𑀼𑀓𑁆𑀔𑀫𑀪𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀫𑀪𑀺, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀫𑀪𑀺𑀢𑀺𑀝𑁆𑀞𑀢𑀺.
𑀧𑀢𑀺𑀧𑀭𑀻𑀳𑀺 𑀬𑀼𑀢𑁆𑀢𑀫𑁆𑀳𑀸 𑀮𑀓𑁆𑀔𑀡𑀸𑀤𑀻𑀲𑀼 𑀪𑀸𑀕𑁂 𑀘𑀢𑁆𑀣𑁂 𑀤𑀼𑀢𑀺𑀬𑀸 𑀳𑁄𑀢𑀺. 𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀁 𑀧𑀢𑀺, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀧𑀢𑀺 𑀢𑀺𑀝𑁆𑀞𑀢𑀺, 𑀬𑀤𑁂𑀢𑁆𑀣 𑀫𑀁 𑀧𑀢𑀺 𑀲𑀺𑀬𑀸. 𑀭𑀼𑀓𑁆𑀔𑀁 𑀧𑀭𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀁 𑀧𑀭𑀺, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀧𑀭𑀺 𑀢𑀺𑀝𑁆𑀞𑀢𑀺, 𑀬𑀤𑁂𑀢𑁆𑀣 𑀫𑀁 𑀧𑀭𑀺 𑀲𑀺𑀬𑀸.
𑀮𑀓𑁆𑀔𑀡𑀸𑀤𑀻𑀲𑁆𑀯𑀢𑁆𑀣𑁂𑀲𑁆𑀯𑀦𑀼𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺. 𑀭𑀼𑀓𑁆𑀔𑀫𑀦𑀼 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀲𑀘𑁆𑀘𑀓𑀺𑀭𑀺𑀬𑀫𑀦𑀼 𑀯𑀼𑀝𑁆𑀞𑀺 𑀧𑀸𑀯𑀲𑁆𑀲𑀺, 𑀳𑁂𑀢𑀼 𑀘 𑀮𑀓𑁆𑀔𑀡𑀁 𑀪𑀯𑀢𑀺, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀫𑀦𑀼, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀫𑀦𑀼 𑀢𑀺𑀝𑁆𑀞𑀢𑀺, 𑀬𑀤𑁂𑀢𑁆𑀣 𑀫𑀁 𑀅𑀦𑀼 𑀲𑀺𑀬𑀸.
𑀲𑀳𑀢𑁆𑀣𑁂-𑀦𑀼𑀦𑀸 ¶ 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺. 𑀧𑀩𑁆𑀩𑀢𑀫𑀦𑀼 𑀲𑁂𑀦𑀸 𑀢𑀺𑀝𑁆𑀞𑀢𑀺.
𑀳𑀻𑀦𑀢𑁆𑀣𑁂-𑀦𑀼𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺. 𑀅𑀦𑀼 𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄.
𑀳𑀻𑀦𑀢𑁆𑀣𑁂 𑀉𑀧𑁂𑀦 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺. 𑀉𑀧 𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀣𑁄.
𑀆𑀥𑀺𑀓𑁆𑀬𑀢𑁆𑀣𑁂 𑀉𑀧𑁂𑀦 𑀬𑀼𑀢𑁆𑀢𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺. 𑀉𑀧 𑀔𑀸𑀭𑀺𑀬𑀁 𑀤𑁄𑀡𑁄.
𑀲𑀸𑀫𑀺𑀪𑀸𑀯𑀢𑁆𑀣𑁂-𑀥𑀺𑀦𑀸 𑀬𑀼𑀢𑁆𑀢𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺. 𑀅𑀥𑀺 𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸, 𑀅𑀥𑀺 𑀧𑀜𑁆𑀘𑀸𑀮𑁂𑀲𑀼 𑀩𑁆𑀭𑀳𑁆𑀫𑀤𑀢𑁆𑀢𑁄.
𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀓𑀸𑀭𑀓𑁂 𑀢𑀢𑀺𑀬𑀸 𑀳𑁄𑀢𑀺. 𑀧𑀼𑀭𑀺𑀲𑁂𑀦 𑀓𑀢𑀁, 𑀅𑀲𑀺𑀦𑀸 𑀙𑀺𑀦𑁆𑀤𑀢𑀺. 𑀧𑀓𑀢𑀺𑀬𑀸-𑀪𑀺𑀭𑀽𑀧𑁄, 𑀕𑁄𑀢𑁆𑀣𑁂𑀦 𑀕𑁄𑀢𑀫𑁄, 𑀲𑀼𑀫𑁂𑀥𑁄 𑀦𑀸𑀫 𑀦𑀸𑀫𑁂𑀦, 𑀚𑀸𑀢𑀺𑀬𑀸 𑀲𑀢𑁆𑀢𑀯𑀲𑁆𑀲𑀺𑀓𑁄𑀢𑀺 𑀪𑀽𑀥𑀸𑀢𑀼𑀲𑁆𑀲 𑀲𑀫𑁆𑀪𑀯𑀸 𑀓𑀭𑀡𑁂 𑀏𑀯 𑀢𑀢𑀺𑀬𑀸. 𑀏𑀯𑀁 𑀲𑀫𑁂𑀦 𑀥𑀸𑀯𑀢𑀺 𑀯𑀺𑀲𑀫𑁂𑀦 ¶ 𑀥𑀸𑀯𑀢𑀺, 𑀤𑁆𑀯𑀺𑀤𑁄𑀡𑁂𑀦 𑀥𑀜𑁆𑀜𑀁 𑀓𑀺𑀡𑀸𑀢𑀺, 𑀧𑀜𑁆𑀘𑀓𑁂𑀦 𑀧𑀲𑀯𑁄 𑀓𑀺𑀡𑀸𑀢𑀻𑀢𑀺.
𑀲𑀳𑀢𑁆𑀣𑁂𑀦 𑀬𑁄𑀕𑁂 𑀢𑀢𑀺𑀬𑀸 𑀲𑀺𑀬𑀸. 𑀧𑀼𑀢𑁆𑀢𑁂𑀦 𑀲𑀳 𑀕𑀢𑁄, 𑀧𑀼𑀢𑁆𑀢𑁂𑀦 𑀲𑀤𑁆𑀥𑀺𑀁 𑀆𑀕𑀢𑁄, 𑀢𑀢𑀺𑀬𑀸𑀧𑀺 𑀙𑀝𑁆𑀞𑀻𑀯 𑀅𑀧𑁆𑀧𑀥𑀸𑀦𑁂 𑀏𑀯 𑀪𑀯𑀢𑀺.
𑀮𑀓𑁆𑀔𑀡𑁂 𑀯𑀢𑁆𑀢𑀫𑀸𑀦𑀢𑁄 𑀢𑀢𑀺𑀬𑀸 𑀲𑀺𑀬𑀸. 𑀢𑀺𑀤𑀡𑁆𑀟𑀓𑁂𑀦 𑀧𑀭𑀺𑀩𑁆𑀩𑀸𑀚𑀓𑀫𑀤𑁆𑀤𑀓𑁆𑀔𑀻, 𑀅𑀓𑁆𑀔𑀺𑀦𑀸 𑀓𑀸𑀡𑁄, 𑀢𑁂𑀦 𑀳𑀺 𑀅𑀗𑁆𑀕𑁂𑀦 𑀅𑀗𑁆𑀕𑀺𑀦𑁄 𑀯𑀺𑀓𑀸𑀭𑁄 𑀮𑀓𑁆𑀔𑀻𑀬𑀢𑁂.
𑀢𑀓𑁆𑀓𑀺𑀭𑀺𑀬𑀸 𑀬𑁄𑀕𑁆𑀕𑁂 𑀢𑀢𑀺𑀬𑀸 𑀲𑀺𑀬𑀸. 𑀅𑀦𑁆𑀦𑁂𑀦 𑀯𑀲𑀢𑀺, 𑀯𑀺𑀚𑁆𑀚𑀸𑀬 𑀬𑀲𑁄.
𑀇𑀡𑁂 𑀳𑁂𑀢𑀼𑀫𑁆𑀳𑀺 𑀧𑀜𑁆𑀘𑀫𑀻 𑀳𑁄𑀢𑀺 𑀯𑀸. 𑀲𑀢𑀲𑁆𑀫𑀸 𑀩𑀤𑁆𑀥𑁄, 𑀲𑀢𑁂𑀦 𑀯𑀸.
𑀧𑀭𑀗𑁆𑀕𑀪𑀽𑀢𑁂 𑀳𑁂𑀢𑀼𑀫𑁆𑀳𑀺 𑀧𑀜𑁆𑀘𑀫𑀻 𑀳𑁄𑀢𑀺 𑀯𑀸. 𑀚𑀴𑀢𑁆𑀢𑀸 𑀩𑀤𑁆𑀥𑁄 𑀚𑀴𑀢𑁆𑀢𑁂𑀦 𑀯𑀸, 𑀧𑀜𑁆𑀜𑀸𑀬 𑀫𑀼𑀢𑁆𑀢𑁄, 𑀳𑀼𑀢𑁆𑀯𑀸 𑀅𑀪𑀸𑀯𑀢𑁄𑀅𑀦𑀺𑀘𑁆𑀘𑀸, 𑀲𑀗𑁆𑀔𑀸𑀭𑀦𑀺𑀭𑁄𑀥𑀸 𑀯𑀺𑀜𑁆𑀜𑀸𑀡𑀦𑀺𑀭𑁄𑀥𑁄.
𑁨𑁨. 𑀙𑀝𑁆𑀞𑀻 ¶ 𑀳𑁂𑀢𑁆𑀯𑀢𑁆𑀣𑁂𑀳𑀺.
𑀳𑁂𑀢𑁆𑀯𑀢𑁆𑀣𑀯𑀸𑀘𑀻𑀳𑀺 𑀬𑁄𑀕𑁂 𑀳𑁂𑀢𑀼𑀫𑁆𑀳𑀺 𑀙𑀝𑁆𑀞𑀻 𑀲𑀺𑀬𑀸. 𑀉𑀤𑀭𑀲𑁆𑀲 𑀳𑁂𑀢𑀼, 𑀉𑀤𑀭𑀲𑁆𑀲 𑀓𑀸𑀭𑀡𑀸.
𑀳𑁂𑀢𑁆𑀯𑀢𑁆𑀣𑁂𑀳𑀺 𑀬𑁄𑀕𑁂 𑀲𑀩𑁆𑀩𑀸𑀤𑀻𑀳𑀺 𑀲𑀩𑁆𑀩𑀸 𑀯𑀺𑀪𑀢𑁆𑀢𑀺𑀬𑁄 𑀳𑁄𑀦𑁆𑀢𑀺. 𑀓𑁄 𑀳𑁂𑀢𑀼, 𑀓𑀁 𑀳𑁂𑀢𑀼𑀁, 𑀓𑁂𑀦 𑀳𑁂𑀢𑀼𑀦𑀸, 𑀓𑀲𑁆𑀲 𑀳𑁂𑀢𑀼𑀲𑁆𑀲, 𑀓𑀲𑁆𑀫𑀸 𑀳𑁂𑀢𑀼𑀲𑁆𑀫𑀸, 𑀓𑀲𑁆𑀲 𑀳𑁂𑀢𑀼𑀲𑁆𑀲, 𑀓𑀲𑁆𑀫𑀺𑀁 𑀳𑁂𑀢𑀼𑀲𑁆𑀫𑀺𑀁, 𑀓𑀺𑀁 𑀓𑀸𑀭𑀡𑀁, 𑀓𑁂𑀦 𑀓𑀸𑀭𑀡𑁂𑀦, 𑀓𑀺𑀁 𑀦𑀺𑀫𑀺𑀢𑁆𑀢𑀁, 𑀓𑁂𑀦 𑀦𑀺𑀫𑀺𑀢𑁆𑀢𑁂𑀦, 𑀓𑀺𑀁 𑀧𑀬𑁄𑀚𑀦𑀁, 𑀓𑁂𑀦 𑀧𑀬𑁄𑀚𑀦𑁂𑀦 𑀇𑀘𑁆𑀘𑁂𑀯𑀫𑀸𑀤𑀺. 𑀳𑁂𑀢𑁆𑀯𑀢𑁆𑀣𑁂𑀳𑀻𑀢𑁆𑀯𑁂𑀯? 𑀓𑁂𑀦 𑀓𑀢𑀁.
𑀬𑀲𑁆𑀲 𑀲𑀫𑁆𑀫𑀸 𑀧𑀤𑀻𑀬𑀢𑁂 𑀢𑀲𑁆𑀫𑀺𑀁 𑀘𑀢𑀼𑀢𑁆𑀣𑀻 𑀲𑀺𑀬𑀸. 𑀲𑀗𑁆𑀖𑀲𑁆𑀲 𑀤𑀤𑀸𑀢𑀺. 𑀆𑀥𑀸𑀭𑀯𑀺𑀯𑀓𑁆𑀔𑀸𑀬𑀁 𑀲𑀢𑁆𑀢𑀫𑀻𑀧𑀺 𑀲𑀺𑀬𑀸 𑀲𑀗𑁆𑀖𑁂 𑀤𑁂𑀳𑀺.
𑀢𑀲𑁆𑀲𑁂-𑀤𑀁 𑀢𑀤𑀢𑁆𑀣𑀁, 𑀢𑀤𑀢𑁆𑀣𑀪𑀸𑀯𑁂 𑀚𑁄𑀢𑀦𑀻𑀬𑁂 𑀦𑀸𑀫𑀲𑁆𑀫𑀸 𑀘𑀢𑀼𑀢𑁆𑀣𑀻 𑀲𑀺𑀬𑀸. 𑀲𑀻𑀢𑀲𑁆𑀲 𑀧𑀝𑀺𑀖𑀸𑀢𑀸𑀬, 𑀅𑀢𑁆𑀣𑀸𑀬 𑀳𑀺𑀢𑀸𑀬 (𑀲𑀼𑀔𑀸𑀬) 𑀤𑁂𑀯𑀫𑀦𑀼𑀲𑁆𑀲𑀸𑀦𑀁, 𑀦𑀸𑀮𑀁 𑀤𑀸𑀭𑀪𑀭𑀡𑀸𑀬, 𑀬𑀽𑀧𑀸𑀬 𑀤𑀸𑀭𑀼, 𑀧𑀸𑀓𑀸𑀬 𑀯𑀚𑀢𑀻𑀢𑁆𑀯𑁂𑀯𑀫𑀸𑀤𑀺.
𑀓𑀲𑁆𑀲 𑀲𑀸𑀤𑀼𑀁 𑀦 𑀭𑀼𑀘𑁆𑀘𑀪𑀺, 𑀫𑀸-𑀬𑀲𑁆𑀫𑀦𑁆𑀢𑀸𑀦𑀫𑁆𑀧𑀺 𑀲𑀗𑁆𑀖𑀪𑁂𑀤𑁄 𑀭𑀼𑀘𑁆𑀘𑀺𑀢𑁆𑀣, 𑀔𑀫𑀢𑀺 𑀲𑀗𑁆𑀖𑀲𑁆𑀲, 𑀪𑀢𑁆𑀢𑀫𑀲𑁆𑀲 𑀦𑀘𑁆𑀙𑀸𑀤𑁂𑀲𑀻𑀢𑀺 𑀙𑀝𑁆𑀞𑀻 𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑀁, 𑀦 𑀘𑁂𑀯𑀁 𑀯𑀺𑀭𑁄𑀥𑁄 𑀲𑀺𑀬𑀸 𑀲𑀤𑀺𑀲𑀭𑀽𑀧𑀢𑁆𑀢𑀸, 𑀏𑀯𑀁𑀯𑀺𑀥𑁂𑀲𑀼 𑀘 𑀲𑀫𑁆𑀩𑀦𑁆𑀥𑀲𑁆𑀲 𑀲𑀤𑁆𑀤𑀺𑀓𑀸𑀦𑀼𑀫𑀢𑀢𑁆𑀢𑀸 ¶ , 𑀓𑀲𑁆𑀲 𑀯𑀸 𑀢𑁆𑀯𑀁 𑀥𑀫𑁆𑀫𑀁 𑀭𑁄𑀘𑁂𑀲𑀻𑀢𑀺 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸.
𑀏𑀯𑀫𑀜𑁆𑀜𑀸𑀧𑀺 𑀯𑀺𑀥𑀜𑁆𑀜𑀬𑁆𑀬𑀸, 𑀧𑀭𑀢𑁄𑀧𑀺 𑀬𑀣𑀸𑀕𑀫𑀁.
𑀭𑀜𑁆𑀜𑁄 𑀲𑀢𑀁 𑀥𑀸𑀭𑁂𑀢𑀺, 𑀭𑀜𑁆𑀜𑁄 𑀙𑀢𑁆𑀢𑀁 𑀥𑀸𑀭𑁂𑀢𑀻𑀢𑀺 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀏𑀯𑀁 𑀭𑀜𑁆𑀜𑁄 𑀲𑀺𑀮𑀸𑀖𑀢𑁂, 𑀭𑀜𑁆𑀜𑁄 𑀳𑀦𑀼𑀢𑁂, 𑀭𑀜𑁆𑀜𑁄 𑀉𑀧𑀢𑀺𑀝𑁆𑀞𑀢𑁂, 𑀭𑀜𑁆𑀜𑁄 𑀲𑀧𑀢𑁂, 𑀤𑁂𑀯𑀸𑀧𑀺 𑀢𑀲𑁆𑀲 𑀧𑀺𑀳𑀬𑀦𑁆𑀢𑀺 𑀢𑀸𑀤𑀺𑀦𑁄, 𑀢𑀲𑁆𑀲 𑀓𑀼𑀚𑁆𑀛 𑀫𑀳𑀸𑀯𑀻𑀭, 𑀬𑀤𑀺𑀳𑀁 𑀢𑀲𑁆𑀲 𑀧𑀓𑀼𑀧𑁆𑀧𑁂𑀬𑁆𑀬𑀁, 𑀤𑀼𑀳𑀬𑀢𑀺 𑀤𑀺𑀲𑀸𑀦𑀁 𑀫𑁂𑀖𑁄, 𑀬𑁄 𑀫𑀺𑀢𑁆𑀢𑀸𑀦𑀁 𑀦 𑀤𑀽𑀪𑀢𑀺, 𑀬𑁄 𑀅𑀧𑁆𑀧𑀤𑀼𑀝𑁆𑀞𑀲𑁆𑀲 𑀦𑀭𑀲𑁆𑀲 𑀤𑀼𑀲𑁆𑀲𑀢𑀺, 𑀓𑁆𑀬𑀸𑀳𑀁 𑀅𑀬𑁆𑀬𑀸𑀦𑀁 𑀅𑀧𑀭𑀚𑁆𑀛𑀸𑀫𑀺, 𑀇𑀲𑁆𑀲𑀬𑀦𑁆𑀢𑀺 𑀲𑀫𑀡𑀸𑀦𑀁 𑀢𑀺𑀢𑁆𑀣𑀺𑀬𑀸, 𑀥𑀫𑁆𑀫𑁂𑀦 𑀦𑀬𑀫𑀸𑀦𑀸𑀦𑀁 𑀓𑀸 𑀉𑀲𑀽𑀬𑀸 𑀭𑀜𑁆𑀜𑁄 𑀪𑀸𑀕𑁆𑀬𑀫𑀸𑀭𑀚𑁆𑀛𑀢𑀺, 𑀭𑀜𑁆𑀜𑁄 𑀪𑀸𑀕𑁆𑀬𑀫𑀺𑀓𑁆𑀔𑀢𑁂, 𑀢𑁂𑀦 𑀬𑀸𑀘𑀺𑀢𑁄 𑀅𑀬𑀸𑀘𑀺𑀢𑁄 𑀯𑀸 𑀢𑀲𑁆𑀲 𑀕𑀸𑀯𑁄 𑀧𑀝𑀺𑀲𑀼𑀡𑀸𑀢𑀺, 𑀕𑀸𑀯𑁄 𑀆𑀲𑀼𑀡𑀸𑀢𑀺, 𑀪𑀕𑀯𑀢𑁄 𑀧𑀘𑁆𑀘𑀲𑁆𑀲𑁄𑀲𑀼𑀁, 𑀳𑁄𑀢𑀼 𑀧𑀢𑀺𑀕𑀺𑀡𑀸𑀢𑀺, 𑀳𑁄𑀢𑁆𑀯𑀦𑀼𑀕𑀺𑀡𑀸𑀢𑀺, 𑀆𑀭𑁄𑀘𑀬𑀸𑀫𑀺 𑀯𑁄 𑀧𑀢𑀺𑀯𑁂𑀤𑀬𑀸𑀫𑀺 𑀯𑁄, 𑀥𑀫𑁆𑀫𑀁 𑀢𑁂 𑀤𑁂𑀲𑁂𑀲𑁆𑀲𑀸𑀫𑀺, 𑀬𑀣𑀸 𑀯𑁄 𑀪𑀕𑀯𑀸 𑀩𑁆𑀬𑀸𑀓𑀭𑁂𑀬𑁆𑀬, 𑀅𑀮𑀁 𑀢𑁂 𑀇𑀥 𑀯𑀸𑀲𑁂𑀦, 𑀓𑀺𑀁 𑀢𑁂 𑀚𑀝𑀸𑀳𑀺 𑀤𑀼𑀫𑁆𑀫𑁂𑀥, 𑀅𑀭𑀳𑀢𑀺 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲𑀸𑀢𑀺.
𑀚𑀻𑀯𑀺𑀢𑀁 𑀢𑀺𑀡𑀸𑀬𑀧𑀺 𑀦 𑀫𑀜𑁆𑀜𑀫𑀸𑀦𑁄𑀢𑀺 𑀢𑀸𑀤𑀢𑁆𑀣𑁆𑀬 𑀘𑀢𑀼𑀢𑁆𑀣𑀻, 𑀢𑀺𑀡𑁂𑀦 𑀬𑁄 𑀅𑀢𑁆𑀣𑁄 𑀢𑀤𑀢𑁆𑀣𑀸𑀬𑀧𑀻𑀢𑀺 𑀅𑀢𑁆𑀣𑁄, ‘‘𑀬𑁄 𑀘 𑀲𑀻𑀢𑀜𑁆𑀘 𑀉𑀡𑁆𑀳𑀜𑁆𑀘, 𑀢𑀺𑀡𑀸 𑀪𑀺𑀬𑁆𑀬𑁄 𑀦 𑀫𑀜𑁆𑀜𑀢𑀺’’ 𑀢𑀺𑀡𑀫𑀺𑀯 𑀚𑀻𑀯𑀺𑀢𑀁 𑀫𑀜𑁆𑀜𑀫𑀸𑀦𑁄𑀢𑀺 𑀲𑀯𑀺𑀲𑀬𑀸𑀯 𑀯𑀺𑀪𑀢𑁆𑀢𑀺𑀬𑁄. 𑀲𑀕𑁆𑀕𑀸𑀬 𑀕𑀘𑁆𑀙𑀢𑀻𑀢𑀺 𑀢𑀸𑀤𑀢𑁆𑀣𑁆𑀬𑁂 𑀘𑀢𑀼𑀢𑁆𑀣𑀻, 𑀬𑁄 𑀳𑀺 𑀲𑀕𑁆𑀕𑀁 𑀕𑀘𑁆𑀙𑀢𑀺 𑀢𑀤𑀢𑁆𑀣𑀁 𑀢𑀲𑁆𑀲 𑀕𑀫𑀦𑀦𑁆𑀢𑀺, 𑀓𑀫𑁆𑀫𑀯𑀘𑀦𑀺𑀘𑁆𑀙𑀸𑀬𑀦𑁆𑀢𑀼 𑀤𑀼𑀢𑀺𑀬𑀸𑀯 𑀲𑀕𑁆𑀕𑀁 𑀕𑀘𑁆𑀙𑀢𑀻𑀢𑀺.
𑀆𑀬𑀼 ¶ 𑀪𑁄𑀢𑁄 𑀳𑁄𑀢𑀼, 𑀘𑀺𑀭𑀁 𑀚𑀻𑀯𑀺𑀢𑀁, 𑀪𑀤𑁆𑀤𑀁 𑀓𑀮𑁆𑀬𑀸𑀡𑀁 𑀅𑀢𑁆𑀣𑀁 𑀧𑀬𑁄𑀚𑀦𑀁, 𑀓𑀼𑀲𑀮𑀁 𑀅𑀦𑀸𑀫𑀬𑀁, 𑀳𑀺𑀢𑀁 𑀧𑀣𑁆𑀬𑀁 𑀲𑀼𑀔𑀁 𑀲𑀸𑀢𑀁 𑀪𑁄𑀢𑁄 𑀳𑁄𑀢𑀼, 𑀲𑀸𑀥𑀼 𑀲𑀫𑁆𑀫𑀼𑀢𑀺 𑀫𑁂𑀢𑀲𑁆𑀲, 𑀧𑀼𑀢𑁆𑀢𑀲𑁆𑀲𑀸𑀯𑀺𑀓𑀭𑁂𑀬𑁆𑀬 𑀕𑀼𑀬𑁆𑀳𑀫𑀢𑁆𑀣𑀁, 𑀢𑀲𑁆𑀲 𑀫𑁂 𑀲𑀓𑁆𑀓𑁄 𑀧𑀸𑀢𑀼𑀭𑀳𑁄𑀲𑀺, 𑀢𑀲𑁆𑀲 𑀧𑀳𑀺𑀡𑁂𑀬𑁆𑀬, 𑀪𑀺𑀓𑁆𑀔𑀽𑀦𑀁 𑀤𑀼𑀢𑀁 𑀧𑀸𑀳𑁂𑀲𑀺, 𑀓𑀧𑁆𑀧𑀢𑀺 𑀲𑀫𑀡𑀸𑀦𑀁 𑀆𑀬𑁄𑀕𑁄, 𑀏𑀓𑀲𑁆𑀲 𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀯𑀸 𑀧𑀳𑁄𑀢𑀺, 𑀉𑀧𑀫𑀁 𑀢𑁂 𑀓𑀭𑀺𑀲𑁆𑀲𑀸𑀫𑀺, 𑀅𑀜𑁆𑀚𑀮𑀺𑀁 𑀢𑁂 𑀧𑀕𑁆𑀕𑀡𑁆𑀳𑀸𑀫𑀺, 𑀢𑀲𑁆𑀲 𑀨𑀸𑀲𑀼, 𑀮𑁄𑀓𑀲𑁆𑀲𑀢𑁆𑀣𑁄, 𑀦𑀫𑁄 𑀢𑁂 𑀧𑀼𑀭𑀺𑀲𑀸𑀚𑀜𑁆𑀜, 𑀲𑁄𑀢𑁆𑀣𑀺 𑀢𑀲𑁆𑀲, 𑀅𑀮𑀁 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀲𑀫𑀢𑁆𑀣𑁄 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀢𑀲𑁆𑀲 𑀳𑀺𑀢𑀁, 𑀢𑀲𑁆𑀲 𑀲𑀼𑀔𑀁, 𑀲𑁆𑀯𑀸𑀕𑀢𑀁 𑀢𑁂 𑀫𑀳𑀸𑀭𑀸𑀚𑀸𑀢𑀺 𑀲𑀩𑁆𑀩𑀢𑁆𑀣 𑀙𑀝𑁆𑀞𑀻 𑀲𑀫𑁆𑀩𑀦𑁆𑀥𑁂, 𑀏𑀯𑀁𑀯𑀺𑀥𑀫𑀜𑁆𑀜𑀫𑁆𑀧𑁂𑀯 𑀯𑀺𑀜𑁆𑀜𑁂𑀬𑁆𑀬𑀁 𑀬𑀣𑀸𑀕𑀫𑀁.
𑀧𑀤𑀢𑁆𑀣𑀸𑀯𑀥𑀺𑀲𑁆𑀫𑀸 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀕𑀸𑀫𑀲𑁆𑀫𑀸 𑀆𑀕𑀘𑁆𑀙𑀢𑀼, 𑀏𑀯𑀁 𑀘𑁄𑀭𑀲𑁆𑀫𑀸 𑀪𑀸𑀬𑀢𑀺, 𑀘𑁄𑀭𑀲𑁆𑀫𑀸 𑀉𑀢𑁆𑀢𑀲𑀢𑀺, 𑀑𑀭𑀲𑁆𑀫𑀸 𑀢𑀸𑀬𑀢𑀺, 𑀘𑁄𑀭𑀲𑁆𑀫𑀸 𑀭𑀓𑁆𑀔𑀢𑀻𑀢𑀺, 𑀲𑀘𑁂 𑀪𑀸𑀬𑀣 𑀤𑀼𑀓𑁆𑀔𑀲𑁆𑀲, 𑀧𑀫𑀸𑀤𑁂 𑀪𑀬𑀤𑀲𑁆𑀲𑀺𑀯𑀸, 𑀢𑀲𑀦𑁆𑀢𑀺 𑀤𑀡𑁆𑀟𑀲𑁆𑀲𑀸𑀢𑀺 𑀙𑀝𑁆𑀞𑀻 𑀲𑀢𑁆𑀢𑀫𑀺𑀬𑁄𑀧𑀺 𑀳𑁄𑀦𑁆𑀢𑁂𑀯 𑀲𑀫𑁆𑀩𑀦𑁆𑀥𑀸𑀥𑀸𑀭𑀯𑀘𑀦𑀺𑀘𑁆𑀙𑀸𑀬𑀁.
𑀅𑀚𑁆𑀛𑁂𑀦𑀸 𑀧𑀭𑀸𑀚𑁂𑀢𑀺, 𑀧𑀝𑀺𑀧𑀓𑁆𑀔𑁂 𑀧𑀭𑀸𑀚𑁂𑀢𑀻𑀢𑀺 𑀲𑀯𑀺𑀲𑀬𑀸𑀯 𑀯𑀺𑀪𑀢𑁆𑀢𑀺𑀬𑁄. 𑀲𑀘𑁂 𑀓𑁂𑀯𑀝𑁆𑀝𑀲𑁆𑀲 𑀧𑀭𑀚𑁆𑀚𑀺𑀲𑁆𑀲𑀸𑀫𑀻𑀢𑀺 𑀙𑀝𑁆𑀞𑀻𑀧𑀺 𑀳𑁄𑀢𑀺 𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑀁. 𑀬𑀯𑁂𑀳𑀺 𑀕𑀸𑀯𑁄 𑀯𑀸𑀭𑁂𑀢𑀺, 𑀧𑀸𑀧𑀸 𑀘𑀺𑀢𑁆𑀢𑀁 𑀦𑀺𑀯𑀸𑀭𑀬𑁂, 𑀓𑀸𑀓𑁂 𑀭𑀓𑁆𑀔𑀢𑀺 𑀢𑀡𑁆𑀟𑀼𑀮𑀸𑀢𑀺 𑀲𑀯𑀺𑀲𑀬𑁂𑀯 𑀧𑀜𑁆𑀘𑀫𑀻. 𑀘𑀺𑀢𑁆𑀢𑀁 𑀭𑀓𑁆𑀔𑁂𑀣 𑀫𑁂𑀥𑀸𑀯𑀻𑀢𑀺 𑀤𑀼𑀢𑀺𑀬𑀸𑀯 𑀤𑀺𑀲𑁆𑀲𑀢𑀺 𑀓𑀫𑁆𑀫𑀢𑁆𑀣𑁂. 𑀉𑀧𑀚𑁆𑀛𑀸𑀬𑀸 𑀅𑀦𑁆𑀢𑀭𑀥𑀸𑀬𑀢𑀺 ¶ , 𑀉𑀧𑀚𑁆𑀛𑀸𑀬𑀸 𑀅𑀥𑀺𑀢𑁂, 𑀓𑀸𑀫𑀢𑁄 𑀚𑀸𑀬𑀢𑁂 𑀲𑁄𑀓𑁄𑀢𑀺 𑀲𑀯𑀺𑀲𑀬𑁂 𑀧𑀜𑁆𑀘𑀫𑀻.
𑀢𑀢𑁆𑀣𑁂𑀯-𑀦𑁆𑀢𑀭𑀥𑀸𑀬𑀺 𑀲𑀼, 𑀦𑀝𑀲𑁆𑀲 𑀲𑀼𑀡𑁄𑀢𑀺, 𑀧𑀤𑀼𑀫𑀁 𑀢𑀢𑁆𑀣 𑀚𑀸𑀬𑁂𑀣𑀸𑀢𑀺 𑀲𑀢𑁆𑀢𑀫𑀻𑀙𑀝𑁆𑀞𑀺𑀬𑁄𑀧𑀺 𑀳𑁄𑀦𑁆𑀢𑁂𑀯 𑀲𑀯𑀺𑀲𑀬𑁂. 𑀳𑀺𑀫𑀯𑀦𑁆𑀢𑀸 𑀧𑀪𑀯𑀢𑀺 𑀕𑀗𑁆𑀕𑀸, 𑀧𑀸𑀡𑀸𑀢𑀺𑀧𑀸𑀢𑀸 𑀯𑀺𑀭𑀫𑀲𑁆𑀲𑀼 𑀔𑀺𑀧𑁆𑀧𑀁, 𑀅𑀜𑁆𑀜𑁄 𑀤𑁂𑀯𑀤𑀢𑁆𑀢𑀸, 𑀪𑀺𑀦𑁆𑀦𑁄 𑀤𑁂𑀯𑀤𑀢𑁆𑀢𑀸𑀢𑀺 𑀲𑀯𑀺𑀲𑀬𑁂𑀯 𑀧𑀜𑁆𑀘𑀫𑀻. 𑀏𑀯𑀁 𑀆𑀭𑀸 𑀲𑁄 𑀆𑀲𑀯𑀓𑁆𑀔𑀬𑀸, 𑀇𑀢𑀭𑁄 𑀤𑁂𑀯𑀤𑀢𑁆𑀢𑀸, 𑀉𑀤𑁆𑀥𑀁 𑀧𑀸𑀤𑀢𑀮𑀸 𑀅𑀥𑁄 𑀓𑁂𑀲𑀫𑀢𑁆𑀣𑀓𑀸, 𑀧𑀼𑀩𑁆𑀩𑁄 𑀕𑀸𑀫𑀸, 𑀧𑀼𑀩𑁆𑀩𑁂𑀯 𑀲𑀫𑁆𑀩𑁄𑀥𑀸, 𑀢𑀢𑁄 𑀧𑀭𑀁, 𑀢𑀢𑁄 𑀅𑀧𑀭𑁂𑀦 𑀲𑀫𑀬𑁂𑀦, 𑀢𑀢𑀼𑀢𑁆𑀢𑀭𑀺𑀦𑁆𑀢𑀺. 𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑀁 𑀙𑀝𑁆𑀞𑀻𑀧𑀺 𑀧𑀼𑀭𑀢𑁄 𑀕𑀸𑀫𑀲𑁆𑀲, 𑀤𑀓𑁆𑀔𑀺𑀡𑀢𑁄 𑀕𑀸𑀫𑀲𑁆𑀲, 𑀉𑀧𑀭𑀺 𑀧𑀩𑁆𑀩𑀢𑀲𑁆𑀲, 𑀳𑁂𑀝𑁆𑀞𑀸 𑀧𑀸𑀲𑀸𑀤𑀲𑁆𑀲𑀸𑀢𑀺. 𑀧𑀸𑀲𑀸𑀤𑀫𑀸𑀭𑀼𑀬𑁆𑀳 𑀧𑁂𑀓𑁆𑀔𑀢𑀺 𑀧𑀸𑀲𑀸𑀤𑀸 𑀧𑁂𑀓𑁆𑀔𑀢𑀺, 𑀆𑀲𑀦𑁂 𑀉𑀧𑀯𑀺𑀲𑀺𑀢𑁆𑀯𑀸 𑀧𑁂𑀓𑁆𑀔𑀢𑀺 𑀆𑀲𑀦𑀸 𑀧𑁂𑀓𑁆𑀔𑀢𑀻𑀢𑀺 𑀅𑀯𑀥𑀺𑀯𑀘𑀦𑀺𑀘𑁆𑀙𑀸𑀬𑀁 𑀧𑀜𑁆𑀘𑀫𑀻.
𑀧𑀼𑀘𑁆𑀙𑀸𑀦𑀸𑀔𑁆𑀬𑀸𑀦𑁂𑀲𑀼 𑀓𑀼𑀢𑁄 𑀪𑀯𑀁? 𑀧𑀸𑀢𑀝𑀮𑀺𑀧𑀼𑀢𑁆𑀢𑀲𑁆𑀫𑀸𑀢𑀺. 𑀢𑀣𑀸 𑀤𑁂𑀲𑀓𑀸𑀮𑀫𑀸𑀦𑁂𑀧𑀺 𑀧𑀸𑀝𑀮𑀺𑀧𑀼𑀢𑁆𑀢𑀲𑁆𑀫𑀸 𑀭𑀸𑀚𑀕𑀳𑀁 𑀲𑀢𑁆𑀢 𑀬𑁄𑀚𑀦𑀸𑀦𑀺, 𑀲𑀢𑁆𑀢𑀲𑀼 𑀬𑁄𑀚𑀦𑁂𑀲𑀽𑀢𑀺 𑀯𑀸. 𑀏𑀯𑀁 𑀇𑀢𑁄 𑀢𑀺𑀡𑁆𑀡𑀁 𑀫𑀸𑀲𑀸𑀦-𑀫𑀘𑁆𑀘𑀬𑁂𑀦𑀸𑀢𑀺, 𑀓𑀺𑀘𑁆𑀙𑀸𑀮𑀤𑁆𑀥𑀦𑁆𑀢𑀺 𑀕𑀼𑀡𑁂 𑀧𑀜𑁆𑀘𑀫𑀻. 𑀓𑀺𑀘𑁆𑀙𑁂𑀦 𑀫𑁂 𑀅𑀥𑀺𑀕𑀢𑀦𑁆𑀢𑀺 𑀳𑁂𑀢𑀼𑀫𑁆𑀳𑀺 𑀓𑀭𑀡𑁂 𑀯𑀸 𑀢𑀢𑀺𑀬𑀸. 𑀏𑀯𑀁 𑀣𑁄𑀓𑀸 𑀫𑀼𑀢𑁆𑀢𑁄, 𑀣𑁄𑀓𑁂𑀦 𑀫𑀼𑀢𑁆𑀢𑁄𑀢𑀺. 𑀣𑁄𑀓𑀁 𑀘𑀮𑀢𑀻𑀢𑀺 𑀓𑀺𑀭𑀺𑀬𑀸𑀯𑀺𑀲𑁂𑀲𑀦𑁂 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸.
𑀤𑀽𑀭𑀦𑁆𑀢𑀺 𑀓𑀢𑁆𑀣𑀬𑁄𑀕𑁂𑀧𑀺 𑀲𑀯𑀺𑀲𑀬𑁂𑀯 𑀧𑀜𑁆𑀘𑀫𑀻𑀙𑀝𑁆𑀞𑀺𑀬𑁄 𑀲𑀺𑀬𑀼𑀁, 𑀤𑀽𑀭𑀁 𑀕𑀸𑀫𑀲𑁆𑀫𑀸, 𑀅𑀦𑁆𑀢𑀺𑀓𑀁 𑀕𑀸𑀫𑀲𑁆𑀫𑀸, 𑀤𑀽𑀭𑀁 𑀕𑀸𑀫𑀲𑁆𑀲, 𑀅𑀦𑁆𑀢𑀺𑀓𑀁 𑀕𑀸𑀫𑀲𑁆𑀲𑀸𑀢𑀺, 𑀤𑀽𑀭𑀦𑁆𑀢𑀺 𑀓𑀢𑁆𑀣𑁂𑀳𑀺 𑀢𑀼 𑀲𑀩𑁆𑀩𑀸𑀯 𑀲𑀯𑀺𑀲𑀬𑁂 𑀲𑀺𑀬𑀼𑀁 𑀩𑀸𑀥𑀓𑀸𑀪𑀸𑀯𑀸 𑀤𑀽𑀭𑁄 𑀕𑀸𑀫𑁄, 𑀅𑀦𑁆𑀢𑀺𑀓𑁄 𑀕𑀸𑀫𑁄𑀢𑁆𑀯𑁂𑀯𑀫𑀸𑀤𑀺.
𑀓𑁂𑀘𑀺 ¶ 𑀧𑀦𑀸𑀳𑀼 ‘𑀅𑀲𑀢𑁆𑀢𑀯𑀘𑀦𑀳𑁂𑀢𑁂𑀳𑀺 𑀧𑀸𑀝𑀺𑀧𑀤𑀺𑀓𑀢𑁆𑀣𑁂 𑀤𑀼𑀢𑀺𑀬𑀸𑀢𑀢𑀺𑀬𑀸𑀧𑀜𑁆𑀘𑀫𑀻𑀲𑀢𑁆𑀢𑀫𑀺𑀬𑁄, 𑀲𑀢𑁆𑀢𑀯𑀘𑀦𑁂𑀳𑀺 𑀢𑀼 𑀲𑀩𑁆𑀩𑀸𑀯 𑀲𑀯𑀺𑀲𑀬𑁂’𑀢𑀺, 𑀢𑁂 𑀧𑀦𑀜𑁆𑀜𑁂𑀳𑁂𑀯 𑀧𑀝𑀺𑀓𑁆𑀔𑀺𑀢𑁆𑀢𑀸. 𑀤𑀽𑀭𑀁 𑀫𑀕𑁆𑀕𑁄, 𑀅𑀦𑁆𑀢𑀺𑀓𑀁 𑀫𑀕𑁆𑀕𑁄𑀢𑀺 𑀓𑀺𑀭𑀺𑀬𑀸𑀯𑀺𑀲𑁂𑀲𑀦𑀁… 𑀪𑀽𑀥𑀸𑀢𑀼𑀲𑁆𑀲 𑀕𑀫𑁆𑀫𑀫𑀸𑀦𑀢𑁆𑀢𑀸. 𑀯𑀺𑀲𑀼𑀤𑁆𑀥𑁄 𑀮𑁄𑀪𑀦𑀻𑀬𑁂𑀳𑀺 𑀥𑀫𑁆𑀫𑁂𑀳𑀺, 𑀧𑀭𑀺𑀫𑀼𑀢𑁆𑀢𑁄 𑀲𑁄 𑀤𑀼𑀓𑁆𑀔𑀲𑁆𑀫𑀸 𑀯𑀺𑀯𑀺𑀘𑁆𑀘𑁂𑀯 𑀓𑀸𑀫𑁂𑀳𑀺, 𑀕𑀫𑁆𑀪𑀻𑀭𑀢𑁄 𑀘 𑀧𑀼𑀣𑀼𑀮𑀢𑁄 𑀘 𑀬𑁄𑀚𑀦𑀁, 𑀆𑀬𑀸𑀫𑁂𑀦 𑀬𑁄𑀚𑀦𑀁, 𑀢𑀢𑁄 𑀧𑀪𑀼𑀢𑀺, 𑀬𑀢𑁄 𑀲𑀭𑀸𑀫𑀺 𑀅𑀢𑁆𑀢𑀸𑀦𑀦𑁆𑀢𑀺 𑀲𑀯𑀺𑀲𑀬𑁂𑀯 𑀯𑀺𑀪𑀢𑁆𑀢𑀺𑀬𑁄.
𑀯𑀚𑁆𑀚𑀦𑁂 𑀯𑀢𑁆𑀢𑀫𑀸𑀦𑁂𑀳𑀺 𑀅𑀧𑀧𑀭𑀻𑀳𑀺 𑀬𑁄𑀕𑁂 𑀧𑀜𑁆𑀘𑀫𑀻 𑀳𑁄𑀢𑀺. 𑀅𑀧 𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀧𑀭𑀺 𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀲𑀸𑀮𑀁 𑀯𑀚𑁆𑀚𑁂𑀢𑁆𑀯𑀸𑀢𑀺 𑀅𑀢𑁆𑀣𑁄. 𑀯𑀚𑁆𑀚𑀦𑁂𑀢𑀺 𑀓𑀺𑀁? 𑀭𑀼𑀓𑁆𑀔𑀁 𑀧𑀭𑀺𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼. 𑀆𑀧𑀸𑀝𑀮𑀺𑀧𑀼𑀢𑁆𑀢𑀲𑁆𑀫𑀸 𑀯𑀲𑁆𑀲𑀺 𑀤𑁂𑀯𑁄𑀢𑀺 𑀫𑀭𑀺𑀬𑀸𑀤𑀸-𑀪𑀺𑀯𑀺𑀥𑀻𑀲𑁆𑀯𑀯𑀥𑀺 𑀯𑀺𑀲𑀬𑁂𑀯 𑀧𑀜𑁆𑀘𑀫𑀻, 𑀯𑀺𑀦𑀸 𑀧𑀸𑀝𑀮𑀺𑀧𑀼𑀢𑁆𑀢𑁂𑀦 𑀲𑀳 𑀯𑁂𑀢𑀺 𑀯𑀺𑀲𑁂𑀲𑁄, 𑀏𑀯𑀁 𑀬𑀸𑀯 𑀧𑀸𑀝𑀮𑀺𑀧𑀼𑀢𑁆𑀢𑀲𑁆𑀫𑀸 𑀯𑀲𑁆𑀲𑀺 𑀤𑁂𑀯𑁄𑀢𑀺.
𑀧𑀝𑀺𑀦𑀺𑀥𑀺𑀫𑁆𑀳𑀺 𑀧𑀝𑀺𑀤𑀸𑀦𑁂 𑀘 𑀯𑀢𑁆𑀢𑀫𑀸𑀦𑁂𑀦 𑀧𑀢𑀺𑀦𑀸 𑀬𑁄𑀕𑁂 𑀦𑀸𑀫𑀲𑁆𑀫𑀸 𑀧𑀜𑁆𑀘𑀫𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀩𑀼𑀤𑁆𑀥𑀲𑁆𑀫𑀸 𑀧𑀢𑀺 𑀲𑀸𑀭𑀺𑀧𑀼𑀢𑁆𑀢𑁄, 𑀖𑀢𑀫𑀲𑁆𑀲 𑀢𑁂𑀲𑀲𑁆𑀫𑀸 𑀧𑀢𑀺 𑀤𑀤𑀸𑀢𑀺, 𑀧𑀝𑀺𑀦𑀺𑀥𑀺𑀧𑀝𑀺𑀤𑀸𑀦𑁂𑀲𑀽𑀢𑀺 𑀓𑀺𑀁? 𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂.
𑀭𑀺𑀢𑁂𑀲𑀤𑁆𑀤𑁂𑀦 ¶ 𑀬𑁄𑀕𑁂 𑀦𑀸𑀫𑀲𑁆𑀫𑀸 𑀤𑀼𑀢𑀺𑀬𑀸 𑀳𑁄𑀢𑀺 𑀧𑀜𑁆𑀘𑀫𑀻 𑀘. 𑀭𑀺𑀢𑁂 𑀲𑀤𑁆𑀥𑀫𑁆𑀫𑀁, 𑀭𑀺𑀢𑁂 𑀲𑀤𑁆𑀥𑀫𑁆𑀫𑀸.
𑀯𑀺𑀦𑀸-𑀜𑁆𑀜𑀢𑁆𑀭𑀲𑀤𑁆𑀤𑁂𑀳𑀺 𑀬𑁄𑀕𑁂 𑀦𑀸𑀫𑀲𑁆𑀫𑀸 𑀢𑀢𑀺𑀬𑀸 𑀘 𑀳𑁄𑀢𑀺 𑀤𑀼𑀢𑀺𑀬𑀸 𑀧𑀜𑁆𑀘𑀫𑀺𑀬𑁄 𑀘. 𑀯𑀺𑀦𑀸 𑀯𑀸𑀢𑁂𑀦, 𑀯𑀺𑀦𑀸 𑀯𑀸𑀢𑀁, 𑀯𑀺𑀦𑀸 𑀯𑀸𑀢𑀲𑁆𑀫𑀸, 𑀅𑀜𑁆𑀜𑀢𑁆𑀭 𑀏𑀓𑁂𑀦 𑀧𑀺𑀡𑁆𑀟𑀧𑀸𑀢𑀦𑀻𑀳𑀸𑀭𑀓𑁂𑀦, 𑀅𑀜𑁆𑀜𑀢𑁆𑀭 𑀥𑀫𑁆𑀫𑀁, 𑀅𑀜𑁆𑀜𑀢𑁆𑀭 𑀥𑀫𑁆𑀫𑀸.
𑀏𑀢𑁂𑀳𑀺 𑀬𑁄𑀕𑁂 𑀢𑀢𑀺𑀬𑀸 𑀳𑁄𑀢𑀺 𑀧𑀜𑁆𑀘𑀫𑀻 𑀘. 𑀧𑀼𑀣𑀕𑁂𑀯 𑀚𑀦𑁂𑀦, 𑀧𑀼𑀣𑀕𑁂𑀯 𑀚𑀦𑀲𑁆𑀫𑀸, 𑀚𑀦𑁂𑀦 𑀦𑀸𑀦𑀸, 𑀚𑀦𑀲𑁆𑀫𑀸 𑀦𑀸𑀦𑀸.
𑀓𑀺𑀭𑀺𑀬𑀸𑀥𑀸𑀭 𑀪𑀽𑀢 𑀓𑀢𑁆𑀢𑀼 𑀓𑀫𑁆𑀫𑀸𑀦𑀁 𑀥𑀸𑀭𑀡𑁂𑀦 𑀬𑁄 𑀓𑀺𑀭𑀺𑀬𑀸𑀬𑀸𑀥𑀸𑀭𑁄 𑀢𑀲𑁆𑀫𑀺𑀁 𑀓𑀸𑀭𑀓𑁂 𑀦𑀸𑀫𑀲𑁆𑀫𑀸 𑀲𑀢𑁆𑀢𑀫𑀻 𑀳𑁄𑀢𑀺. 𑀓𑀝𑁂 𑀦𑀺𑀲𑀻𑀤𑀢𑀺 (𑀤𑁂𑀯𑀤𑀢𑁆𑀢𑁄), 𑀣𑀸𑀮𑀺𑀬𑀁 𑀑𑀤𑀦𑀁 𑀧𑀘𑀢𑀺, 𑀆𑀓𑀸𑀲𑁂 𑀲𑀓𑀼𑀦𑀸, 𑀪𑀺𑀮𑁂𑀲𑀼 𑀢𑁂𑀮𑀁, 𑀕𑀗𑁆𑀕𑀸𑀬𑀁 𑀯𑀚𑁄.
𑀦𑀺𑀫𑀺𑀢𑁆𑀢𑀢𑁆𑀣𑁂 𑀲𑀢𑁆𑀢𑀫𑀻 𑀳𑁄𑀢𑀺. 𑀅𑀚𑀺𑀦𑀫𑁆𑀳𑀺 𑀳𑀜𑁆𑀜𑀢𑁂 𑀤𑀻𑀧𑀺, 𑀫𑀼𑀲𑀸𑀯𑀸𑀤𑁂 𑀧𑀸𑀘𑀺𑀢𑁆𑀣𑀺𑀬𑀁.
𑀬𑀲𑁆𑀲 ¶ 𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀯𑀢𑀺, 𑀢𑀢𑁄 𑀲𑀢𑁆𑀢𑀫𑀻 𑀳𑁄𑀢𑀺. 𑀕𑀸𑀯𑀻𑀲𑀼 𑀤𑀼𑀬𑁆𑀳𑀫𑀸𑀦𑀸𑀲𑀼 𑀕𑀢𑁄, 𑀤𑀼𑀤𑁆𑀥𑀸𑀲𑀼 𑀆𑀕𑀢𑁄. 𑀪𑀸𑀯𑁄𑀢𑀺 𑀓𑀺𑀁? 𑀬𑁄 𑀚𑀝𑀸𑀳𑀺 𑀲𑁄 𑀪𑀼𑀜𑁆𑀚𑀢𑀺. 𑀪𑀸𑀯𑀮𑀓𑁆𑀔𑀡𑀦𑁆𑀢𑀺 𑀓𑀺𑀁? 𑀬𑁄 𑀪𑀼𑀜𑁆𑀚𑀢𑀺 𑀲𑁄 𑀤𑁂𑀯𑀤𑀢𑁆𑀢𑁄, ‘‘𑀅𑀓𑀸𑀮𑁂 𑀯𑀲𑁆𑀲𑀢𑀺 𑀢𑀲𑁆𑀲, 𑀢𑀸𑀮𑁂 𑀢𑀲𑁆𑀲 𑀦 𑀯𑀲𑁆𑀲𑀢𑀻’’𑀢𑀺 𑀯𑀺𑀲𑀬𑀲𑀢𑁆𑀢𑀫𑀻.
𑀬𑀲𑁆𑀲 𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀯𑀢𑀺, 𑀢𑀢𑁄 𑀙𑀝𑁆𑀞𑀻 𑀪𑀯𑀢𑀺 𑀲𑀢𑁆𑀢𑀫𑀻 𑀘 𑀅𑀦𑀸𑀤𑀭𑁂 𑀕𑀫𑁆𑀬𑀫𑀸𑀦𑁂. ‘‘𑀆𑀓𑁄𑀝𑀬𑀦𑁆𑀢𑁄 𑀲𑁄 𑀦𑁂𑀢𑀺, 𑀲𑀺𑀯𑀺𑀭𑀸𑀚𑀲𑁆𑀲 𑀧𑁂𑀓𑁆𑀔𑀢𑁄’’, ‘‘𑀫𑀘𑁆𑀘𑀼 𑀕𑀘𑁆𑀙𑀢𑀺 𑀆𑀤𑀸𑀬, 𑀧𑁂𑀓𑁆𑀔𑀫𑀸𑀦𑁂 𑀫𑀳𑀸𑀚𑀦𑁂’’.
𑀕𑀼𑀦𑁆𑀦𑀁 𑀲𑀸𑀫𑀻𑀢𑀺 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀕𑁄𑀲𑀼 𑀲𑀸𑀫𑀻𑀢𑀺 𑀯𑀺𑀲𑀬𑀲𑀢𑁆𑀢𑀫𑀻, 𑀏𑀯𑀁 𑀕𑀼𑀦𑁆𑀦𑀫𑀺𑀲𑁆𑀲𑀭𑁄, 𑀕𑁄𑀲𑁆𑀯𑀺𑀲𑁆𑀲𑀭𑁄, 𑀕𑀼𑀦𑁆𑀦𑀁 𑀅𑀥𑀺𑀧𑀢𑀺, 𑀕𑁄𑀲𑀼 𑀅𑀥𑀺𑀧𑀢𑀺, 𑀕𑀼𑀦𑁆𑀦𑀁 𑀤𑀸𑀬𑀸𑀤𑁄, 𑀕𑁄𑀲𑀼 𑀤𑀸𑀳𑀸𑀤𑁄, 𑀤𑀼𑀦𑁆𑀦𑀁 𑀲𑀓𑁆𑀔𑀺, 𑀕𑁄𑀲𑀼 𑀲𑀓𑁆𑀔𑀺, 𑀕𑀼𑀦𑁆𑀦𑀁 𑀧𑀢𑀺𑀪𑀽, 𑀕𑁄𑀲𑀼 𑀧𑀢𑀺𑀪𑀽, 𑀕𑀼𑀦𑁆𑀦𑀁 𑀧𑀲𑀽𑀢𑁄, 𑀕𑁄𑀲𑀼 𑀧𑀲𑀽𑀢𑁄, 𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑀲𑁆𑀲, 𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑁂, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑀲𑁆𑀲, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑁂𑀢𑀺.
𑀢𑀣𑀸𑀥𑀸𑀭𑀯𑀘𑀦𑀺𑀘𑁆𑀙𑀸𑀬𑀁 𑀲𑀢𑁆𑀢𑀫𑀻, 𑀪𑀺𑀓𑁆𑀔𑀽𑀲𑀼 𑀅𑀪𑀺𑀯𑀸𑀤𑁂𑀦𑁆𑀢𑀺, 𑀫𑀼𑀤𑁆𑀥𑀦𑀺 𑀥𑀼𑀫𑁆𑀩𑀺𑀢𑁆𑀯𑀸, 𑀩𑀸𑀳𑀸𑀲𑀼 𑀕𑀳𑁂𑀢𑁆𑀯𑀸, 𑀳𑀢𑁆𑀣𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺, 𑀧𑀣𑁂𑀲𑀼 𑀕𑀘𑁆𑀙𑀦𑁆𑀢𑀺, 𑀓𑀤𑀮𑀻𑀲𑀼 𑀕𑀚𑁂 𑀭𑀓𑁆𑀔𑀦𑁆𑀢𑀻𑀢𑀺. 𑀜𑀸𑀡𑀲𑁆𑀫𑀺𑀁 𑀧𑀲𑀦𑁆𑀦𑁄𑀢𑀺 𑀯𑀺𑀲𑀬𑀲𑀢𑁆𑀢𑀫𑀻, 𑀜𑀸𑀡𑁂𑀦 𑀧𑀲𑀦𑁆𑀦𑁄𑀢𑀺 𑀓𑀭𑀡𑁂 𑀢𑀢𑀺𑀬𑀸, 𑀏𑀯𑀁 𑀜𑀸𑀡𑀲𑁆𑀫𑀺𑀁 𑀉𑀲𑁆𑀲𑀼𑀓𑁆𑀓𑁄 𑀜𑀸𑀡𑁂𑀦 𑀉𑀲𑁆𑀲𑀼𑀓𑁆𑀓𑁄𑀢𑀺.
𑀚𑀸𑀢𑀺𑀕𑀼𑀡𑀓𑀺𑀭𑀺𑀬𑀸𑀳𑀺 ¶ 𑀲𑀫𑀼𑀤𑀸𑀬𑀢𑁂𑀓𑀤𑁂𑀲𑀲𑁆𑀲 𑀧𑀼𑀣𑀓𑁆𑀓𑀭𑀡𑀁 𑀦𑀺𑀤𑁆𑀥𑀸𑀭𑀡𑀁. 𑀬𑀢𑁄 𑀢𑀁 𑀓𑀭𑀻𑀬𑀢𑀺, 𑀢𑀢𑁄 𑀙𑀝𑁆𑀞𑀻𑀲𑀢𑁆𑀢𑀫𑀺𑀬𑁄 𑀳𑁄𑀦𑁆𑀢𑀺. 𑀲𑀸𑀮𑀬𑁄 𑀲𑀽𑀓𑀥𑀜𑁆𑀜𑀸𑀦𑀁 𑀧𑀣𑁆𑀬𑀢𑀫𑀸, 𑀲𑀸𑀮𑀬𑁄 𑀲𑀽𑀓𑀥𑀜𑁆𑀜𑁂𑀲𑀼 𑀧𑀣𑁆𑀬𑀢𑀫𑀸, 𑀓𑀡𑁆𑀳𑀸 𑀕𑀸𑀯𑀻𑀦𑀁 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀓𑀡𑁆𑀳𑀸 𑀕𑀸𑀯𑀻𑀲𑀼 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀕𑀘𑁆𑀙𑀢𑀁 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄, 𑀕𑀘𑁆𑀙𑀦𑁆𑀢𑁂𑀲𑀼 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄. 𑀲𑀻𑀮𑀫𑁂𑀯 𑀲𑀼𑀢𑀸 𑀲𑁂𑀬𑁆𑀬𑁄𑀢𑀺 𑀅𑀯𑀥𑀺𑀫𑁆𑀳𑀺𑀬𑁂𑀯 𑀧𑀜𑁆𑀘𑀫𑀻.
𑀦𑀸𑀫𑀲𑁆𑀲𑀸𑀪𑀺𑀥𑁂𑀬𑁆𑀬𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀭𑀼𑀓𑁆𑀔𑁄. 𑀇𑀢𑁆𑀣𑀺 𑀧𑀼𑀫𑀸 𑀦𑀧𑀼𑀁𑀲𑀓𑀦𑁆𑀢𑀺 𑀮𑀺𑀗𑁆𑀕𑀫𑁆𑀧𑀺 𑀲𑀤𑁆𑀤𑀢𑁆𑀣𑁄𑀯, 𑀢𑀣𑀸 𑀤𑁄𑀡𑁄 𑀔𑀸𑀭𑀻 𑀆𑀴𑁆𑀳𑀓𑀦𑁆𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀲𑀤𑁆𑀤𑀢𑁆𑀣𑁄𑀯, 𑀏𑀓𑁄 𑀤𑁆𑀯𑁂 𑀩𑀳𑀯𑁄𑀢𑀺 𑀲𑀗𑁆𑀔𑁆𑀬𑀸𑀧𑀺 𑀲𑀤𑁆𑀤𑀢𑁆𑀣𑁄𑀯.
𑀲𑀢𑁄 𑀲𑀤𑁆𑀤𑁂𑀦𑀸𑀪𑀺𑀫𑀼𑀔𑀻𑀓𑀭𑀡𑀫𑀸𑀫𑀦𑁆𑀢𑀡𑀁. 𑀢𑀲𑁆𑀫𑀺𑀁 𑀯𑀺𑀲𑀬𑁂 𑀧𑀞𑀫𑀸 𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀪𑁄𑀧𑀼𑀭𑀺𑀲, 𑀪𑁄𑀓𑁆𑀓𑀢𑁆𑀣𑀺, 𑀪𑁄 𑀦𑀧𑀼𑀁𑀲𑀓.
𑀓𑀺𑀭𑀺𑀬𑀸𑀓𑀸𑀭𑀓𑀲𑀜𑁆𑀚𑀸𑀢𑁄 𑀅𑀲𑁆𑀲𑁂𑀤𑀫𑁆𑀪𑀸𑀯𑀳𑁂𑀢𑀼𑀓𑁄 𑀲𑀫𑁆𑀩𑀦𑁆𑀥𑁄 𑀦𑀸𑀫. 𑀢𑀲𑁆𑀫𑀺𑀁 𑀙𑀝𑁆𑀞𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀭𑀜𑁆𑀜𑁄 𑀧𑀼𑀭𑀺𑀲𑁄, 𑀲𑀭𑀢𑀺 𑀭𑀚𑁆𑀚𑀲𑁆𑀲𑀸𑀢𑀺 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀭𑀚𑁆𑀚𑀲𑀫𑁆𑀩𑀦𑁆𑀥𑀺𑀦𑀺𑀁 𑀲𑀢𑀺𑀁 𑀓𑀭𑁄𑀢𑀻𑀢𑀺 𑀅𑀢𑁆𑀣𑁄, 𑀓𑀫𑁆𑀫𑀯𑀘𑀦𑀺𑀘𑁆𑀙𑀸𑀭𑀦𑁆𑀢𑀼 𑀤𑀼𑀢𑀺𑀬𑀸𑀯 𑀲𑀭𑀢𑀺 𑀭𑀚𑁆𑀚𑀁. 𑀢𑀣𑀸 𑀭𑀚𑀓𑀲𑁆𑀲 𑀯𑀢𑁆𑀣𑀁 ¶ 𑀤𑀤𑀸𑀢𑀺, 𑀧𑀳𑀭𑀢𑁄 𑀧𑀺𑀝𑁆𑀞𑀺𑀁 𑀤𑀤𑀸𑀢𑀺, 𑀩𑀸𑀮𑁄 𑀧𑀽𑀭𑀢𑀺 𑀧𑀸𑀧𑀲𑁆𑀲, 𑀅𑀫𑀘𑁆𑀘𑁂 𑀢𑀸𑀢 𑀚𑀸𑀦𑀸𑀳𑀺, 𑀥𑀻𑀭𑁂 𑀅𑀢𑁆𑀣𑀲𑁆𑀲 𑀓𑁄𑀯𑀺𑀤𑁂, 𑀤𑀺𑀯𑀲𑀲𑁆𑀲 𑀢𑀺𑀓𑁆𑀔𑀢𑁆𑀢𑀼𑀁, 𑀲𑀓𑀺𑀁 𑀧𑀓𑁆𑀔𑀲𑁆𑀲, 𑀧𑀽𑀭𑀁 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀲𑁆𑀲 𑀓𑀼𑀫𑁆𑀪𑀦𑁆𑀢𑁆𑀯𑁂𑀯𑀫𑀸𑀤𑀺.
𑀓𑀺𑀢𑀓𑀧𑁆𑀧𑀬𑁄𑀕𑁂 𑀓𑀓𑁆𑀢𑀼𑀓𑀫𑁆𑀫𑁂𑀲𑀼 𑀩𑀳𑀼𑀮𑀁 𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑀁 𑀙𑀝𑁆𑀞𑀻, 𑀲𑀸𑀥𑀼 𑀲𑀫𑁆𑀫𑀢𑁄 𑀩𑀳𑀼𑀚𑀦𑀲𑁆𑀲, 𑀲𑀼𑀧𑁆𑀧𑀝𑀺𑀯𑀺𑀤𑁆𑀥𑀸 𑀩𑀼𑀤𑁆𑀥𑀸𑀦𑀁 𑀥𑀫𑁆𑀫𑀥𑀸𑀢𑀼, 𑀥𑀫𑁆𑀫𑀲𑁆𑀲 𑀕𑀼𑀢𑁆𑀢𑁄 𑀫𑁂𑀥𑀸𑀯𑀻, 𑀅𑀫𑀢𑀁 𑀢𑁂𑀲𑀁 𑀧𑀭𑀺𑀪𑀼𑀢𑁆𑀢𑀁, 𑀢𑀲𑁆𑀲 𑀪𑀯𑀦𑁆𑀢𑀺 𑀯𑀢𑁆𑀢𑀸𑀭𑁄, 𑀅𑀯𑀺𑀲𑀁𑀯𑀸𑀤𑀓𑁄 𑀮𑁄𑀓𑀲𑁆𑀲, 𑀅𑀮𑀚𑁆𑀚𑀻𑀦𑀁 𑀦𑀺𑀲𑁆𑀲𑀸𑀬, 𑀘𑀢𑀼𑀦𑁆𑀦𑀁 𑀫𑀳𑀸𑀪𑀽𑀢𑀸𑀦𑀁 𑀉𑀧𑀸𑀤𑀸𑀬 𑀧𑀲𑀸𑀤𑁄𑀢𑁆𑀯𑁂𑀯𑀫𑀸𑀤𑀺.
𑀓𑀢𑁆𑀢𑀼𑀓𑀫𑁆𑀫𑀯𑀘𑀦𑀺𑀘𑁆𑀙𑀸𑀬𑀦𑁆𑀢𑀼 𑀢𑀢𑀺𑀬𑀸 𑀤𑀼𑀢𑀺𑀬𑀸𑀬𑁄 𑀘, 𑀲𑀜𑁆𑀘𑀢𑁆𑀢𑁄 𑀧𑀺𑀢𑀭𑀸 𑀅𑀳𑀁, 𑀲𑀭𑀲𑀺 𑀢𑁆𑀯𑀁 𑀏𑀯𑀭𑀽𑀧𑀺𑀁 𑀯𑀸𑀘𑀁 𑀪𑀸𑀲𑀺𑀢𑀸, 𑀪𑀕𑀯𑀦𑁆𑀢𑀁 𑀤𑀲𑁆𑀲𑀦𑀸𑀬𑀢𑁆𑀯𑁂𑀯𑀫𑀸𑀤𑀺.
𑀢𑀼𑀮𑁆𑀬𑀢𑁆𑀣𑁂𑀦 𑀬𑁄𑀕𑁂 𑀙𑀝𑁆𑀞𑀻 𑀳𑁄𑀢𑀺 𑀢𑀢𑀺𑀬𑀸 𑀯𑀸, 𑀢𑀼𑀮𑁆𑀬𑁄 𑀧𑀺𑀢𑀼, 𑀢𑀼𑀮𑁆𑀬𑁄 𑀧𑀺𑀢𑀭𑀸, 𑀲𑀤𑀺𑀲𑁄 𑀧𑀺𑀢𑀼, 𑀲𑀤𑀺𑀲𑁄 𑀧𑀺𑀢𑀭𑀸, 𑀇𑀳 𑀓𑀣𑀁 𑀢𑀢𑀺𑀬𑀸 𑀦 𑀳𑁄𑀢𑀺? 𑀅𑀚𑁆𑀚𑀼𑀦𑀲𑁆𑀲 𑀢𑀼𑀮𑀸 𑀦𑀢𑁆𑀣𑀺, 𑀓𑁂𑀲𑀯𑀲𑁆𑀲𑀼𑀧𑀫𑀸 𑀦 𑀘𑁂𑀢𑀺, 𑀦𑁂𑀢𑁂 𑀢𑀼𑀮𑁆𑀬𑀢𑁆𑀣𑀸, 𑀓𑀺𑀜𑁆𑀚𑀭𑀳𑀺 𑀢𑀼𑀮𑁆𑀬𑀸𑀦𑀫𑁄𑀧𑀫𑁆𑀫𑀢𑁆𑀣𑀸.
𑀅𑀓𑀸𑀭𑀦𑁆𑀣𑀢𑁄 𑀦𑀸𑀫𑀲𑁆𑀫𑀸 𑀬𑁄𑀦𑀁 𑀝𑀸𑀝𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀝𑀓𑀸𑀭𑀸 𑀲𑀩𑁆𑀩𑀤𑁂𑀲𑀢𑁆𑀣𑀸, 𑀩𑀼𑀤𑁆𑀥𑀸 𑀩𑀼𑀤𑁆𑀥𑁂, 𑀅𑀢𑁄𑀢𑀺 𑀓𑀺𑀁? 𑀓𑀜𑁆𑀜𑀸𑀬𑁄, 𑀇𑀢𑁆𑀣𑀺𑀬𑁄, 𑀯𑀥𑀼𑀬𑁄, 𑀇𑀥 𑀓𑀲𑁆𑀫𑀸 𑀦 𑀪𑀯𑀢𑀺 𑀅𑀕𑁆𑀕𑀬𑁄. 𑀅𑀯𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀸.
𑀅𑀓𑀸𑀭𑀦𑁆𑀢𑀢𑁄 ¶ 𑀦𑀸𑀫𑀲𑁆𑀫𑀸 𑀦𑀺𑀦𑀁 𑀝𑀸𑀝𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀭𑀽𑀧𑀸, 𑀭𑀽𑀧𑁂, 𑀭𑀽𑀧𑀸𑀦𑀺, 𑀅𑀢𑁄𑀢𑁆𑀯𑁂𑀯 𑀅𑀝𑁆𑀞𑀻𑀦𑀺.
𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑁆𑀫𑀸𑀲𑁆𑀫𑀺𑀦𑁆𑀦𑀁 𑀝𑀸𑀝𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀩𑀼𑀤𑁆𑀥𑀸 𑀩𑀼𑀤𑁆𑀥𑀲𑁆𑀫𑀸, 𑀩𑀼𑀤𑁆𑀥𑁂 𑀩𑀼𑀤𑁆𑀥𑀲𑁆𑀫𑀺𑀁, 𑀅𑀢𑁄𑀢𑁆𑀯𑁂𑀯 𑀅𑀕𑁆𑀕𑀺𑀲𑁆𑀫𑀸 𑀅𑀕𑁆𑀕𑀺𑀲𑁆𑀫𑀺𑀁.
𑀅𑀓𑀸𑀭𑀦𑁆𑀢𑀢𑁄 𑀧𑀭𑀲𑁆𑀲 𑀲𑀲𑁆𑀲 𑀘𑀢𑀼𑀢𑁆𑀣𑀺𑀬𑀸 𑀆𑀬𑁄 𑀳𑁄𑀢𑀺 𑀯𑀸. 𑀩𑀼𑀤𑁆𑀥𑀸𑀬 𑀩𑀼𑀤𑁆𑀥𑀲𑁆𑀲, 𑀪𑀺𑀬𑁆𑀬𑁄 𑀢𑀸𑀤𑀢𑁆𑀣𑁆𑀬𑁂𑀬𑁂𑀯𑀸𑀬𑀫𑀸𑀬𑁄 𑀤𑀺𑀲𑁆𑀲𑀢𑁂, 𑀓𑁆𑀯𑀘𑀺𑀤𑁂𑀯𑀜𑁆𑀜𑀢𑁆𑀣, 𑀅𑀢𑁄𑀢𑁆𑀯𑁂𑀯 𑀇𑀲𑀺𑀲𑁆𑀲, 𑀘𑀢𑀼𑀢𑁆𑀣𑀺𑀬𑀸𑀢𑀺 𑀓𑀺𑀁? 𑀩𑀼𑀤𑁆𑀥𑀲𑁆𑀲 𑀫𑀼𑀔𑀁, 𑀅𑀢𑁆𑀢𑀢𑁆𑀣𑀦𑁆𑀢𑀺 𑀅𑀢𑁆𑀣𑀲𑀤𑁆𑀤𑁂𑀦 𑀲𑀫𑀸𑀲𑁄.
𑀲𑀩𑁆𑀩𑀸𑀤𑀺𑀢𑁄𑀧𑀺 𑀲𑁆𑀫𑀸𑀲𑁆𑀫𑀺𑀁𑀲𑀸𑀦𑀁 𑀝𑀸𑀝𑁂𑀆𑀬𑀸 𑀳𑁄𑀦𑁆𑀢𑁂𑀯… 𑀦𑀺𑀭𑀼𑀢𑁆𑀢𑀺𑀓𑀸𑀭𑀸𑀦𑀼𑀫𑀢𑀢𑁆𑀢𑀸 𑀩𑀼𑀤𑁆𑀥𑀯𑀘𑀦𑁂 𑀲𑀦𑁆𑀤𑀲𑁆𑀲𑀦𑀯𑀢𑁄 𑀘, 𑀢𑀢𑁆𑀭𑁄𑀤𑀫𑀼𑀤𑀸𑀳𑀭𑀡𑀁 ‘𑀅𑀲𑁆𑀫𑀸 𑀮𑁄𑀓𑀸 𑀧𑀭𑀫𑁆𑀳𑀸 𑀘, 𑀉𑀪𑀬𑀸 𑀥𑀁𑀲𑀢𑁂 𑀦𑀭𑁄’, ‘𑀢𑁆𑀬𑀸𑀳𑀁 𑀫𑀦𑁆𑀢𑁂 𑀧𑀭𑀢𑁆𑀣𑀤𑁆𑀥𑁄’, ‘𑀬𑀸𑀬𑁂𑀯 𑀔𑁄 𑀧𑀦𑀢𑁆𑀣𑀸𑀬 𑀆𑀕𑀘𑁆𑀙𑁂𑀬𑁆𑀬𑀸𑀣𑁄 𑀢𑀫𑁂𑀯𑀢𑁆𑀣𑀁 𑀲𑀸𑀥𑀼𑀓𑀁 𑀫𑀦𑀲𑀺𑀓𑀭𑁂𑀬𑁆𑀬𑀸𑀣𑁄’𑀢𑀺.
𑀖𑀧𑀢𑁄 𑀦𑀸𑀤𑀻𑀦𑀫𑁂𑀓𑀲𑁆𑀫𑀺𑀁 𑀬𑀬𑀸 𑀳𑁄𑀦𑀺 𑀬𑀣𑀸𑀓𑁆𑀓𑀫𑀁. 𑀓𑀜𑁆𑀜𑀸𑀬, 𑀭𑀢𑁆𑀢𑀺𑀬𑀸, 𑀇𑀢𑁆𑀣𑀺𑀬𑀸, 𑀥𑁂𑀦𑀼𑀬𑀸, 𑀯𑀥𑀼𑀬𑀸, 𑀏𑀓𑀲𑁆𑀫𑀺𑀦𑁆𑀢𑀺 𑀓𑀺𑀁? 𑀓𑀜𑁆𑀜𑀸𑀳𑀺, 𑀭𑀢𑁆𑀢𑀻𑀳𑀺.
𑀖𑀧𑀲𑀜𑁆𑀜𑁂𑀳𑀺 ¶ 𑀢𑁂𑀢𑀺𑀫𑀸𑀫𑀽𑀳𑀺 𑀦𑀸𑀤𑀻𑀦𑀫𑁂𑀓𑀲𑁆𑀫𑀺𑀁𑀲𑁆𑀲𑀸 𑀯𑀸 𑀳𑁄𑀢𑀺, 𑀢𑀲𑁆𑀲𑀸 𑀓𑀢𑀁, 𑀢𑀲𑁆𑀲𑀸 𑀤𑀻𑀬𑀢𑁂, 𑀢𑀲𑁆𑀲𑀸 𑀦𑀺𑀲𑁆𑀲𑀝𑀁, 𑀢𑀲𑁆𑀲𑀸 𑀧𑀭𑀺𑀕𑁆𑀕𑀳𑁄, 𑀢𑀲𑁆𑀲𑀸 𑀧𑀢𑀺𑀝𑁆𑀞𑀺𑀢𑀁, 𑀢𑀸𑀬 𑀯𑀸, 𑀏𑀯𑀁 𑀏𑀢𑀺𑀲𑁆𑀲𑀸 𑀏𑀢𑀸𑀬, 𑀇𑀫𑀺𑀲𑁆𑀲𑀸 𑀇𑀫𑀸𑀬, 𑀅𑀫𑀼𑀲𑁆𑀲𑀸 𑀅𑀫𑀼𑀬𑀸, 𑀏𑀢𑁂𑀳𑀻𑀢𑀺 𑀓𑀺𑀁? 𑀲𑀩𑁆𑀩𑀸𑀬, 𑀦𑀸𑀤𑀻𑀦𑀁 𑀢𑁆𑀯𑁂𑀯? 𑀲𑀸, 𑀖𑀧𑀢𑁄𑀢𑁆𑀯𑁂𑀯? 𑀢𑀸𑀳𑀺 𑀅𑀫𑀽𑀳𑀺.
𑁪𑁭. 𑀦𑀁𑀫𑁆𑀳𑀺 𑀦𑀼𑀓 𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁.
𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁 𑀲𑀗𑁆𑀔𑁆𑀬𑀸𑀦𑀁 𑀦𑀼𑀓 𑀳𑁄𑀢𑀺 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀫𑁆𑀳𑀺, 𑀤𑁆𑀯𑀺𑀦𑁆𑀦𑀁 𑀘𑀢𑀼𑀦𑁆𑀦𑀁, 𑀧𑀜𑁆𑀘𑀦𑁆𑀦𑀁, 𑀏𑀯𑀁 𑀬𑀸𑀯 𑀅𑀝𑁆𑀞𑀸𑀭𑀲𑀦𑁆𑀦𑀁, 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀓𑀓𑀸𑀭𑁄 𑀅𑀦𑁆𑀢𑀸𑀯𑀬𑀯𑀢𑁆𑀣𑁄, 𑀢𑁂𑀦 𑀦𑀁𑀫𑁆𑀳𑀺 𑀦 𑀤𑀻𑀖𑁄.
𑀦𑀁𑀫𑁆𑀳𑀺 𑀩𑀳𑀼𑀦𑁄 𑀓𑀢𑀺𑀲𑁆𑀲 𑀘 𑀦𑀼𑀓 𑀳𑁄𑀢𑀺, 𑀩𑀳𑀼𑀦𑁆𑀦𑀁, 𑀓𑀢𑀺𑀦𑁆𑀦𑀁.
𑀛𑀲𑀜𑁆𑀜𑀸 𑀢𑀺𑀢𑁄 𑀦𑀁𑀯𑀘𑀦𑀲𑁆𑀲 𑀡𑁆𑀡𑀁𑀡𑁆𑀡𑀦𑁆𑀦𑀁 𑀳𑁄𑀢𑀺, 𑀢𑀺𑀡𑁆𑀡𑀁, 𑀢𑀺𑀡𑁆𑀡𑀦𑁆𑀦𑀁, 𑀛𑀸𑀢𑀺 𑀓𑀺𑀁 𑀢𑀺𑀲𑁆𑀲𑀦𑁆𑀦𑀁.
𑀉𑀪𑀸 𑀦𑀁𑀯𑀘𑀦𑀲𑁆𑀲 𑀇𑀦𑁆𑀦𑀁 𑀳𑁄𑀢𑀺, 𑀉𑀪𑀺𑀦𑁆𑀦𑀁.
𑀦𑀸𑀫𑀲𑁆𑀫𑀸 𑀲𑀲𑁆𑀲 𑀲𑀼𑀜 𑀳𑁄𑀢𑀺, 𑀩𑀼𑀤𑁆𑀥𑀲𑁆𑀲, 𑀤𑁆𑀯𑀺𑀲𑀓𑀸𑀭𑀧𑀸𑀞𑁂𑀦 𑀲𑀺𑀤𑁆𑀥𑁂 𑀮𑀸𑀖𑀯𑀢𑁆𑀣𑀫𑀺𑀤𑀁.
𑁫𑁨. 𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑁂𑀲𑁆𑀯𑀺𑀢𑀭𑁂 𑀓𑀜𑁆𑀜𑁂𑀪𑀺𑀫𑀸𑀦𑀫𑀺.
𑀲𑁆𑀲𑀫𑀸𑀤𑀻𑀲𑁆𑀯𑀺𑀢𑀭𑀸𑀤𑀻𑀦𑀫𑀺 ¶ 𑀳𑁄𑀢𑀺, 𑀇𑀢𑀭𑀺𑀲𑁆𑀲𑀁, 𑀇𑀢𑀭𑀺𑀲𑁆𑀲𑀸, 𑀏𑀓𑀺𑀲𑁆𑀲𑀁, 𑀏𑀓𑀺𑀲𑁆𑀲𑀸, 𑀅𑀜𑁆𑀜𑀺𑀲𑁆𑀲𑀁, 𑀅𑀜𑁆𑀜𑀺𑀲𑁆𑀲𑀸, 𑀏𑀢𑀺𑀲𑁆𑀲𑀁, 𑀏𑀢𑀺𑀲𑁆𑀲𑀸, 𑀏𑀢𑀺𑀲𑁆𑀲𑀸𑀬, 𑀇𑀫𑀺𑀲𑁆𑀲𑀁, 𑀇𑀫𑀺𑀲𑁆𑀲𑀸, 𑀇𑀫𑀺𑀲𑁆𑀲𑀸𑀬, 𑀏𑀲𑁆𑀯𑀺𑀢𑀺 𑀓𑀺𑀁? 𑀇𑀢𑀭𑀸𑀬, 𑀏𑀲𑀦𑁆𑀢𑀺 𑀓𑀺𑀁? 𑀲𑀩𑁆𑀩𑀲𑁆𑀲𑀁, 𑀲𑀩𑁆𑀩𑀲𑁆𑀲𑀸.
𑀲𑁆𑀲𑀫𑀸𑀤𑀻𑀲𑀼 𑀢𑀲𑁆𑀲𑀸 𑀯𑀸 𑀇 𑀳𑁄𑀢𑀺, 𑀢𑀺𑀲𑁆𑀲𑀁 𑀢𑀲𑁆𑀲𑀁, 𑀢𑀺𑀲𑁆𑀲𑀸 𑀢𑀲𑁆𑀲𑀸, 𑀢𑀺𑀲𑁆𑀲𑀸𑀬 𑀢𑀲𑁆𑀲𑀸𑀬, 𑀲𑁆𑀲𑀁𑀲𑁆𑀲𑀸𑀲𑁆𑀲𑀸𑀬𑁂𑀲𑁆𑀯𑀺𑀢𑁆𑀯𑁂𑀯? 𑀢𑀸𑀬.
𑀢𑀸𑀏𑀢𑀸𑀇𑀫𑀸𑀢𑁄 𑀲𑀲𑁆𑀲 𑀲𑁆𑀲𑀸𑀬𑁄 𑀳𑁄𑀢𑀺 𑀯𑀸. 𑀢𑀲𑁆𑀲𑀸𑀬 𑀢𑀸𑀬, 𑀏𑀢𑀺𑀲𑁆𑀲𑀸𑀬 𑀏𑀢𑀸𑀬, 𑀇𑀫𑀺𑀲𑁆𑀲𑀸𑀬 𑀇𑀫𑀸𑀬.
𑀭𑀢𑁆𑀬𑀸𑀤𑀻𑀳𑀺 𑀲𑁆𑀫𑀺𑀦𑁄 𑀝𑁄 𑀳𑁄𑀢𑀺 𑀯𑀸, 𑀭𑀢𑁆𑀢𑁄 𑀭𑀢𑁆𑀢𑀺𑀬𑀁, 𑀆𑀤𑁄 𑀆𑀤𑀺𑀲𑁆𑀫𑀺𑀁.
𑀉𑀪𑀲𑁆𑀲 𑀲𑀼𑀳𑀺𑀲𑁆𑀯𑁄 𑀳𑁄𑀢𑀺. 𑀉𑀪𑁄𑀲𑀼, 𑀉𑀪𑁄𑀳𑀺.
𑀮𑁆𑀢𑀼𑀧𑁆𑀧𑀘𑁆𑀘𑀬𑀦𑁆𑀢𑀸𑀦𑀁 𑀧𑀺𑀢𑀸𑀤𑀻𑀦𑀁 𑀘 𑀆 𑀳𑁄𑀢𑀺 𑀲𑀺𑀫𑁆𑀳𑀺. 𑀓𑀢𑁆𑀢𑀸, 𑀧𑀺𑀢𑀸. 𑀧𑀺𑀢𑀼, 𑀫𑀸𑀢𑀼, 𑀪𑀸𑀯𑀼, 𑀫𑀻𑀢𑀼, 𑀤𑀼𑀳𑀺𑀢𑀼, 𑀚𑀸𑀫𑀸𑀢𑀼, 𑀦𑀢𑁆𑀢𑀼, 𑀳𑁄𑀢𑀼, 𑀧𑁄𑀢𑀼.
𑀮𑁆𑀢𑀼𑀧𑀺𑀢𑀸𑀤𑀻𑀦𑀁 ¶ 𑀅 𑀳𑁄𑀢𑀺 𑀕𑁂 𑀆 𑀘, 𑀪𑁄 𑀓𑀢𑁆𑀢, 𑀪𑁄 𑀓𑀢𑁆𑀢𑀸, 𑀪𑁄 𑀧𑀺𑀢, 𑀪𑁄 𑀧𑀺𑀢𑀸.
𑀅 𑀇 𑀉 𑀇𑀘𑁆𑀘𑁂𑀲𑀁 𑀯𑀸 𑀤𑀻𑀖𑁄 𑀳𑁄𑀢𑀺 𑀕𑁂 𑀧𑀭𑁂 𑀢𑀺𑀮𑀺𑀗𑁆𑀕𑁂. 𑀪𑁄 𑀧𑀼𑀭𑀺𑀲𑀸, 𑀪𑁄 𑀧𑀼𑀭𑀺𑀲, 𑀪𑁄 𑀅𑀕𑁆𑀕𑀻, 𑀪𑁄 𑀅𑀕𑁆𑀕𑀺, 𑀪𑁄 𑀪𑀺𑀓𑁆𑀔𑀽, 𑀪𑁄 𑀪𑀺𑀓𑁆𑀔𑀽.
𑀖𑀢𑁄 𑀩𑁆𑀭𑀳𑁆𑀫𑀸𑀤𑀺𑀢𑁄 𑀘 𑀕𑀲𑁆𑀲𑁂 𑀯𑀸 𑀳𑁄𑀢𑀺. 𑀪𑁄𑀢𑀺 𑀓𑀜𑁆𑀜𑁂, 𑀪𑁄𑀢𑀺 𑀓𑀜𑁆𑀜𑀸, 𑀪𑁄 𑀩𑁆𑀭𑀳𑁆𑀫𑁂, 𑀪𑁄 𑀩𑁆𑀭𑀳𑁆𑀫, 𑀪𑁄 𑀔𑀢𑁆𑀢𑁂, 𑀪𑁄 𑀔𑀢𑁆𑀢, 𑀪𑁄 𑀇𑀲𑁂, 𑀪𑁄 𑀇𑀲𑀺, 𑀪𑁄 𑀲𑀔𑁂, 𑀪𑁄 𑀲𑀔. 𑀲𑀔𑀺 𑀲𑀔𑀻𑀢𑀺 𑀇𑀢𑁆𑀣𑀺𑀬𑀁 𑀲𑀺𑀤𑁆𑀥𑀫𑁂𑀯. 𑀆𑀓𑀢𑀺𑀕𑀡𑁄-𑀬𑀁, 𑀏𑀯𑀫𑀜𑁆𑀜𑀢𑁆𑀭𑀸𑀧𑀺.
𑀅𑀫𑁆𑀫𑀸𑀤𑀻𑀳𑀺 𑀕𑀲𑁆𑀲𑁂 𑀦 𑀳𑁄𑀢𑀺. 𑀪𑁄𑀢𑀺 𑀅𑀫𑁆𑀫𑀸, 𑀪𑁄𑀢𑀺 𑀅𑀦𑁆𑀦𑀸, 𑀪𑁄𑀢𑀺 𑀅𑀫𑁆𑀩𑀸.
𑀅𑀫𑁆𑀫𑀸𑀤𑀻𑀦𑀁 𑀕𑁂 𑀭𑀲𑁆𑀲𑁄 𑀳𑁄𑀢𑀺 𑀯𑀸. 𑀪𑁄𑀢𑀺 𑀅𑀫𑁆𑀫, 𑀪𑁄𑀢𑀺 𑀅𑀫𑁆𑀫𑀸.
𑁬𑁩. 𑀖𑁄 𑀲𑁆𑀲𑀁, 𑀲𑁆𑀲𑀸, 𑀲𑁆𑀲𑀸𑀬𑀁 𑀢𑀺𑀁𑀲𑀼.
𑀲𑁆𑀲𑀫𑀸𑀤𑀻𑀲𑀼 𑀖𑁄 𑀭𑀲𑁆𑀲𑁄 𑀳𑁄𑀢𑀺. 𑀢𑀲𑁆𑀲𑀁, 𑀢𑀲𑁆𑀲𑀸, 𑀢𑀲𑁆𑀲𑀸𑀬, 𑀢𑀁, 𑀲𑀪𑀢𑀺𑀁, 𑀏𑀲𑁆𑀯𑀺𑀢𑀺 𑀓𑀺𑀁? 𑀢𑀸𑀬, 𑀲𑀪𑀸𑀬.
𑀏𑀓𑀯𑀘𑀦𑁂 ¶ 𑀬𑁄𑀲𑀼 𑀘 𑀖𑀑𑀓𑀸𑀭𑀦𑁆𑀢𑀯𑀚𑁆𑀚𑀺𑀢𑀸 𑀦𑀁 𑀦𑀸𑀫𑀸𑀦𑀁 𑀭𑀲𑁆𑀲𑁄 𑀳𑁄𑀢𑀺 𑀢𑀺𑀮𑀺𑀗𑁆𑀕𑁂. 𑀇𑀢𑁆𑀣𑀺𑀁, 𑀇𑀢𑁆𑀣𑀺𑀬𑀸, 𑀇𑀢𑁆𑀣𑀺𑀬𑁄, 𑀯𑀥𑀼𑀁 𑀯𑀥𑀼𑀬𑀸, 𑀯𑀥𑀼𑀬𑁄, 𑀤𑀡𑁆𑀟𑀺𑀁, 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀺𑀦𑁄, 𑀲𑀬𑀫𑁆𑀪𑀼𑀁, 𑀲𑀬𑀫𑁆𑀪𑀼𑀦𑀸, 𑀲𑀬𑀫𑁆𑀪𑀼𑀯𑁄, 𑀅𑀖𑁄 𑀦𑀦𑁆𑀢𑀺 𑀓𑀺𑀁? 𑀓𑀜𑁆𑀜𑀸𑀬, 𑀓𑀜𑁆𑀜𑀸𑀬𑁄, 𑀑𑀕𑁆𑀕𑀳𑀡𑀫𑀼𑀢𑁆𑀢𑀭𑀢𑁆𑀣𑀁.
𑀅𑀖𑁄𑀦𑀁 𑀕𑁂 𑀯𑀸 𑀭𑀲𑁆𑀲𑁄 𑀳𑁄𑀢𑀺 𑀢𑀺𑀮𑀺𑀗𑁆𑀕𑁂, 𑀇𑀢𑁆𑀣𑀺, 𑀇𑀢𑁆𑀣𑀻, 𑀯𑀥𑀼, 𑀯𑀥𑀽, 𑀤𑀡𑁆𑀟𑀺, 𑀤𑀡𑁆𑀟𑀻, 𑀲𑀬𑀫𑁆𑀪𑀼, 𑀲𑀬𑀫𑁆𑀪𑀽. 𑀅𑀖𑁄𑀦𑀁𑀢𑁆𑀯𑁂𑀯? 𑀪𑁄𑀢𑀺 𑀓𑀜𑁆𑀜𑀸, 𑀪𑁄 𑀕𑁄.
𑀦𑀧𑀼𑀁𑀲𑀓𑀯𑀚𑁆𑀚𑀺𑀢𑀲𑁆𑀲 𑀦𑀸𑀫𑀲𑁆𑀲 𑀲𑀺𑀲𑁆𑀫𑀺𑀁 𑀭𑀲𑁆𑀲𑁄 𑀦 𑀳𑁄𑀢𑀺. 𑀇𑀢𑁆𑀣𑀻, 𑀤𑀡𑁆𑀟𑀻, 𑀯𑀥𑀽, 𑀲𑀬𑀫𑁆𑀪𑀽. 𑀲𑀺𑀲𑁆𑀫𑀺𑀦𑁆𑀢𑀺 𑀓𑀺𑀁? 𑀇𑀢𑁆𑀣𑀺𑀁, 𑀅𑀦𑀧𑀼𑀁𑀲𑀓𑀲𑁆𑀲𑀸𑀢𑀺 𑀓𑀺𑀁? 𑀤𑀡𑁆𑀟𑀺 𑀓𑀼𑀮𑀁.
𑀕𑀲𑀺𑀳𑀺𑀦𑀁𑀯𑀚𑁆𑀚𑀺𑀢𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀕𑁄𑀲𑀤𑁆𑀤𑀲𑁆𑀲 𑀕𑀸𑀯𑀕𑀯𑀸 𑀳𑁄𑀦𑁆𑀢𑀺. (𑀕𑀸𑀯𑀁, 𑀕𑀯𑀁), 𑀕𑀸𑀯𑁄, 𑀕𑀯𑁄, 𑀕𑀸𑀯𑁂𑀦, 𑀕𑀯𑁂𑀦, 𑀕𑀸𑀯𑀲𑁆𑀲, 𑀕𑀯𑀲𑁆𑀲, 𑀕𑀸𑀯𑀲𑁆𑀫𑀸, 𑀕𑀯𑀲𑁆𑀫𑀸, 𑀕𑀸𑀯𑁂, 𑀕𑀯𑁂. 𑀅𑀕𑀲𑀺𑀳𑀺𑀦𑀁𑀲𑀽𑀢𑀺 𑀓𑀺𑀁? 𑀪𑁄 𑀕𑁄, 𑀕𑁄 𑀢𑀺𑀝𑁆𑀞𑀢𑀺, 𑀕𑁄𑀳𑀺, 𑀕𑁄𑀦𑀁.
𑀕𑁄𑀲𑁆𑀲 𑀲𑀼𑀫𑁆𑀳𑀺 𑀕𑀸𑀯𑀕𑀯𑀸 𑀳𑁄𑀦𑁆𑀢𑀺 𑀯𑀸. 𑀕𑀸𑀯𑁂𑀲𑀼, 𑀕𑀯𑁂𑀲𑀼, 𑀕𑁄𑀲𑀼.
𑀕𑁄𑀲𑁆𑀲 ¶ 𑀲𑁂 𑀯𑀸 𑀕𑀯𑀁 𑀳𑁄𑀢𑀺 𑀲𑀳 𑀲𑁂𑀦. 𑀕𑀯𑀁, 𑀕𑀸𑀯𑀲𑁆𑀲, 𑀕𑀯𑀲𑁆𑀲.
𑀦𑀁𑀯𑀘𑀦𑁂𑀦 𑀲𑀳 𑀕𑁄𑀲𑁆𑀲 𑀕𑀼𑀦𑁆𑀦𑀁 𑀳𑁄𑀢𑀺 𑀕𑀯𑀁𑀘 𑀯𑀸. 𑀕𑀼𑀦𑁆𑀦𑀁, 𑀕𑀯𑀁, 𑀕𑁄𑀦𑀁.
𑀕𑁄𑀢𑁄 𑀦𑀸𑀲𑁆𑀲 𑀆 𑀳𑁄𑀢𑀺 𑀯𑀸. 𑀕𑀸𑀯𑀸, 𑀕𑀯𑀸, 𑀕𑀸𑀯𑁂𑀦, 𑀕𑀯𑁂𑀦.
𑀅𑀁𑀯𑀘𑀦𑁂 𑀕𑁄𑀲𑁆𑀲 𑀕𑀸𑀯𑁆𑀳 𑀯𑀸 𑀳𑁄𑀢𑀺. 𑀯𑀸𑀯𑁆𑀳𑀁, 𑀕𑀸𑀯𑀁, 𑀕𑀯𑀁. 𑀕𑁄𑀲𑁆𑀲 𑀕𑁄𑀡𑀸𑀤𑁂𑀲𑁄 𑀦 𑀓𑀢𑁄… 𑀲𑀤𑁆𑀤𑀦𑁆𑀢𑀭𑀢𑁆𑀢𑀸.
𑀧𑀲𑀜𑁆𑀜𑀻𑀢𑁄 𑀅𑀁𑀯𑀘𑀦𑀲𑁆𑀲 𑀬𑀁 𑀯𑀸 𑀳𑁄𑀢𑀺. 𑀇𑀢𑁆𑀣𑀺𑀬𑀁, 𑀇𑀢𑁆𑀣𑀺𑀁. 𑀧𑀻𑀢𑁄𑀢𑀺 𑀓𑀺𑀁? 𑀤𑀡𑁆𑀟𑀺𑀁, 𑀭𑀢𑁆𑀢𑀺𑀁.
𑀛𑀲𑀜𑁆𑀜𑀻𑀢𑁄 𑀅𑀁𑀯𑀘𑀦𑀲𑁆𑀲 𑀦𑀁 𑀯𑀸 𑀳𑁄𑀢𑀺. 𑀤𑀡𑁆𑀟𑀺𑀦𑀁, 𑀤𑀡𑁆𑀟𑀺𑀁. 𑀓𑀣𑀁 ‘𑀩𑀼𑀤𑁆𑀥𑀁 𑀆𑀤𑀺𑀘𑁆𑀘𑀩𑀦𑁆𑀥𑀼𑀦’𑀦𑁆𑀢𑀺? 𑀬𑁄𑀕𑀯𑀺𑀪𑀸𑀯𑀸. 𑀛𑀸𑀢𑀺 𑀓𑀺𑀁? 𑀇𑀢𑁆𑀣𑀺𑀁. 𑀈𑀢𑀺 𑀓𑀺𑀁? 𑀅𑀕𑁆𑀕𑀺𑀁.
𑀛𑀻𑀢𑁄 ¶ 𑀬𑁄𑀦𑀁 𑀦𑁄𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂. 𑀤𑀡𑁆𑀟𑀻𑀦𑁄, 𑀤𑀡𑁆𑀟𑀺𑀦𑁂, 𑀤𑀡𑁆𑀟𑀻, 𑀛𑀻𑀢𑁄 𑀢𑁆𑀯𑁂𑀯? 𑀇𑀢𑁆𑀣𑀺𑀬𑁄, 𑀧𑀼𑀫𑁂𑀢𑀺 𑀓𑀺𑀁? 𑀤𑀡𑁆𑀟𑀻𑀦𑀺 𑀓𑀼𑀮𑀸𑀦𑀺.
𑀛𑀻𑀢𑁄 𑀬𑁄𑀦𑀁 𑀦𑁄 𑀯𑀸 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂. 𑀤𑀡𑁆𑀟𑀺𑀦𑁄 𑀢𑀺𑀝𑁆𑀞𑀦𑁆𑀢𑀺, 𑀤𑀡𑁆𑀟𑀺𑀦𑁄 𑀧𑀲𑁆𑀲, 𑀤𑀡𑁆𑀟𑀻 𑀯𑀸.
𑀛𑀻𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑀺 𑀳𑁄𑀢𑀺 𑀯𑀸, 𑀤𑀡𑁆𑀟𑀺𑀦𑀺, 𑀤𑀡𑁆𑀟𑀺𑀲𑁆𑀫𑀺𑀁, 𑀛𑀻𑀢𑁄 𑀢𑁆𑀯𑁂𑀯? 𑀅𑀕𑁆𑀕𑀺𑀲𑁆𑀫𑀺𑀁.
𑀅𑀫𑁆𑀩𑀼𑀆𑀤𑀻𑀳𑀺 𑀲𑁆𑀫𑀺𑀦𑁄𑀦𑀺 𑀳𑁄𑀢𑀺 𑀯𑀸, 𑀨𑀮𑀁 𑀧𑀢𑀢𑀺 𑀅𑀫𑁆𑀩𑀼𑀦𑀺, 𑀧𑀼𑀧𑁆𑀨𑀁 𑀬𑀣𑀸 𑀧𑀁𑀲𑀼𑀦𑀺 𑀆𑀢𑀧𑁂 𑀓𑀢𑀁, 𑀯𑀸𑀢𑁆𑀯𑁂𑀯? 𑀅𑀫𑁆𑀩𑀼𑀫𑁆𑀳𑀺, 𑀧𑀁𑀲𑀼𑀫𑁆𑀳𑀺.
𑀓𑀫𑁆𑀫𑀸𑀤𑀺𑀢𑁄 𑀲𑁆𑀫𑀺𑀦𑁄 𑀦𑀺 𑀳𑁄𑀢𑀺 𑀯𑀸. 𑀓𑀫𑁆𑀫𑀦𑀺 𑀓𑀫𑁆𑀫𑁂. 𑀓𑀫𑁆𑀫, 𑀘𑀫𑁆𑀫, 𑀯𑁂𑀲𑁆𑀫, 𑀪𑀲𑁆𑀫 (𑀅𑀲𑁆𑀫), 𑀩𑁆𑀭𑀳𑁆𑀫, 𑀅𑀢𑁆𑀢, 𑀆𑀢𑀼𑀫, 𑀖𑀫𑁆𑀫, 𑀫𑀼𑀤𑁆𑀥. 𑀓𑀫𑁆𑀫𑀸𑀤𑀺𑀢𑁄𑀢𑀺 𑀓𑀺𑀁? 𑀩𑀼𑀤𑁆𑀥𑁂.
𑀓𑀫𑁆𑀫𑀸𑀤𑀺𑀢𑁄 𑀦𑀸𑀯𑀘𑀦𑀲𑁆𑀲 𑀏𑀦𑁄 𑀯𑀸 𑀳𑁄𑀢𑀺. 𑀓𑀫𑁆𑀫𑁂𑀦, 𑀓𑀫𑁆𑀫𑀦𑀸, 𑀘𑀫𑁆𑀫𑁂𑀦, 𑀘𑀫𑁆𑀫𑀦𑀸, 𑀓𑀫𑁆𑀫𑀸𑀤𑀺𑀢𑁄𑀢𑁆𑀯𑁂𑀯? 𑀩𑀼𑀤𑁆𑀥𑁂𑀦.
𑀛𑀮𑀢𑁄 ¶ 𑀲𑀲𑁆𑀲 𑀦𑁄 𑀯𑀸 𑀳𑁄𑀢𑀺. 𑀅𑀕𑁆𑀕𑀺𑀦𑁄 𑀅𑀕𑁆𑀕𑀺𑀲𑁆𑀲, 𑀤𑀡𑁆𑀟𑀺𑀦𑁄 𑀤𑀡𑁆𑀟𑀺𑀲𑁆𑀲, 𑀪𑀺𑀓𑁆𑀔𑀼𑀦𑁄 𑀪𑀺𑀓𑁆𑀔𑀼𑀲𑁆𑀲, 𑀲𑀬𑀫𑁆𑀪𑀼𑀦𑁄 𑀲𑀬𑀫𑁆𑀪𑀼𑀲𑁆𑀲,
𑀓𑀣𑀁 ‘𑀬𑁄 𑀘 𑀲𑀺𑀲𑁆𑀲𑁄 𑀫𑀳𑀸𑀫𑀼𑀦𑁂’ 𑀢𑀺? (𑁩) ‘‘𑀇𑀢𑁄 𑀓𑁆𑀯𑀘𑀺 𑀲𑀲𑁆𑀲 𑀝𑀸𑀦𑀼𑀩𑀦𑁆𑀥𑁄’’𑀢𑀺 𑀩𑁆𑀭𑀳𑁆𑀫𑀸𑀤𑀻𑀲𑀼 𑀧𑀸𑀞𑀸 𑀲𑀲𑁆𑀲 𑀏 𑀝𑀸𑀦𑀼𑀩𑀦𑁆𑀥𑁄.
𑀛𑀮𑀢𑁄 𑀲𑁆𑀫𑀸𑀲𑁆𑀲 𑀦𑀸 𑀳𑁄𑀢𑀺 𑀯𑀸. 𑀅𑀕𑁆𑀕𑀺𑀦𑀸 𑀅𑀕𑁆𑀕𑀺𑀲𑁆𑀫𑀸, 𑀤𑀡𑁆𑀟𑀺𑀦𑀸 𑀤𑀡𑁆𑀟𑀺𑀲𑁆𑀫𑀸, 𑀪𑀺𑀓𑁆𑀔𑀼𑀦𑀸 𑀪𑀺𑀓𑁆𑀔𑀼𑀲𑁆𑀫𑀸, 𑀲𑀬𑀫𑁆𑀪𑀼𑀦𑀸 𑀲𑀬𑀫𑁆𑀪𑀼𑀲𑁆𑀫𑀸.
𑀮𑀢𑁄 𑀬𑁄𑀦𑀁 𑀯𑁄 𑀳𑁄𑀢𑀺 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂. 𑀪𑀺𑀓𑁆𑀔𑀯𑁄 𑀪𑀺𑀓𑁆𑀔𑀽, 𑀲𑀬𑀫𑁆𑀪𑀼𑀯𑁄 𑀲𑀬𑀫𑁆𑀪𑀽𑀧𑀼𑀫𑁂𑀢𑀺 𑀓𑀺𑀁? 𑀆𑀬𑀽𑀦𑀺.
𑀚𑀦𑁆𑀢𑁆𑀯𑀸𑀤𑀺𑀢𑁄 𑀬𑁄𑀦𑀁 𑀦𑁄 𑀳𑁄𑀢𑀺 𑀯𑁄 𑀘 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂. 𑀚𑀦𑁆𑀢𑀼𑀦𑁄, 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄, 𑀕𑁄𑀢𑁆𑀭𑀪𑀼𑀦𑁄, 𑀕𑁄𑀢𑁆𑀭𑀪𑀼𑀯𑁄 𑀕𑁄𑀢𑁆𑀭𑀪𑀽. 𑀲𑀳𑀪𑀼𑀦𑁄, 𑀲𑀳𑀪𑀼𑀯𑁄 𑀲𑀳𑀪𑀽.
𑀓𑀽𑀧𑀘𑁆𑀘𑀬𑀦𑁆𑀢𑀢𑁄 𑀬𑁄𑀦𑀁 𑀦𑁄 𑀯𑀸 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂, 𑀯𑀺𑀤𑀼𑀦𑁄 𑀯𑀺𑀤𑀽, 𑀯𑀺𑀜𑁆𑀜𑀼𑀦𑁄 𑀯𑀺𑀜𑁆𑀜𑀽, 𑀲𑀩𑁆𑀩𑀜𑁆𑀜𑀼𑀦𑁄 𑀲𑀩𑁆𑀩𑀜𑁆𑀜𑀽.
𑀅𑀫𑀼𑀲𑀤𑁆𑀤𑀢𑁄 𑀬𑁄𑀦𑀁 𑀮𑁄𑀧𑁄𑀯 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂, 𑀅𑀫𑀽, 𑀧𑀼𑀫𑁂𑀢𑁆𑀯𑁂𑀯? 𑀅𑀫𑀼𑀬𑁄 𑀅𑀫𑀽𑀦𑀺. 𑀯𑁄𑀧𑀯𑀸𑀤𑁄𑀬𑀁.
𑀅𑀫𑀼𑀲𑁆𑀫𑀸 ¶ 𑀲𑀲𑁆𑀲 𑀦𑁄 𑀦 𑀳𑁄𑀢𑀺, 𑀅𑀫𑀼𑀲𑁆𑀲, 𑀦𑁄𑀢𑀺 𑀓𑀺𑀁? 𑀅𑀫𑀼𑀬𑀸.
𑀬𑁄𑀦𑀁 𑀮𑁄𑀧𑁂 𑀦𑀺𑀲𑀼 𑀘 𑀤𑀻𑀖𑁄 𑀳𑁄𑀢𑀺, 𑀅𑀝𑁆𑀞𑀻 𑀅𑀝𑁆𑀞𑀻𑀦𑀺, 𑀬𑁄𑀮𑁄𑀧𑀦𑀺𑀲𑀽𑀢𑀺 𑀓𑀺𑀁? 𑀭𑀢𑁆𑀢𑀺𑀬𑁄.
𑀏𑀲𑀼 𑀦𑀸𑀫𑀲𑁆𑀲 𑀤𑀻𑀖𑁄 𑀳𑁄𑀢𑀺. 𑀅𑀕𑁆𑀕𑀻𑀲𑀼, 𑀅𑀕𑁆𑀕𑀻𑀦𑀁, 𑀅𑀕𑁆𑀕𑀻𑀳𑀺.
𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦𑀁 𑀲𑀼𑀦𑀁𑀳𑀺𑀲𑁆𑀯 𑀳𑁄𑀢𑀺. 𑀧𑀜𑁆𑀘𑀲𑀼, 𑀧𑀜𑁆𑀘𑀦𑁆𑀦𑀁, 𑀧𑀜𑁆𑀘𑀳𑀺, 𑀙𑀲𑀼, 𑀙𑀦𑁆𑀦𑀁, 𑀙𑀳𑀺, 𑀏𑀯𑀁 𑀬𑀸𑀯 𑀅𑀝𑁆𑀞𑀭𑀲𑀸.
𑀬𑁆𑀯𑀸𑀤𑀻𑀲𑀼 𑀦𑁆𑀢𑀼𑀲𑁆𑀲 𑀅 𑀳𑁄𑀢𑀺. 𑀕𑀼𑀡𑀯𑀦𑁆𑀢𑀸, 𑀕𑀼𑀡𑀯𑀦𑁆𑀢𑀁, 𑀕𑀼𑀡𑀯𑀦𑁆𑀢𑁂, 𑀕𑀼𑀡𑀯𑀦𑁆𑀢𑁂𑀦 𑀇𑀘𑁆𑀘𑀸𑀤𑀺, 𑀬𑁆𑀯𑀸-𑀤𑁄𑀢𑀺 𑀓𑀺𑀁? 𑀕𑀼𑀡𑀯𑀸 𑀢𑀺𑀝𑁆𑀞𑀢𑀺.
𑀅𑀁𑀲𑁂𑀲𑀼 𑀦𑁆𑀢𑀧𑁆𑀧𑀘𑁆𑀘𑀬𑀲𑁆𑀲 𑀝 𑀳𑁄𑀢𑀺 𑀯𑀸 𑀦𑁆𑀢𑀼𑀲𑁆𑀲 𑀘. 𑀬𑀁 𑀬𑀁 𑀳𑀺 𑀭𑀸𑀚 𑀪𑀚𑀢𑀺 𑀲𑀦𑁆𑀢𑀁𑀯𑀸𑀬𑀤𑀺 𑀯𑀸 𑀅𑀲𑀁, 𑀓𑀺𑀘𑁆𑀘𑀸-𑀦𑀓𑀼𑀩𑁆𑀩𑀲𑁆𑀲 𑀓𑀭𑁂𑀬𑁆𑀬 𑀓𑀺𑀘𑁆𑀘𑀁, 𑀳𑀺𑀫𑀯𑀁𑀯 𑀧𑀩𑁆𑀩𑀢𑀁, 𑀲𑀼𑀚𑀸𑀢𑀺𑀫𑀦𑁆𑀢𑁄𑀧𑀺 𑀅𑀚𑀸𑀢𑀺𑀫𑀲𑁆𑀲. 𑀬𑁄𑀕𑀯𑀺𑀪𑀸𑀕𑁂𑀦𑀸𑀜𑁆𑀜𑀢𑁆𑀭𑀸𑀧𑀺. 𑀘𑀓𑁆𑀔𑀼𑀫𑀸 𑀅𑀦𑁆𑀥𑀺𑀢𑀸 𑀳𑁄𑀦𑁆𑀢𑀺, 𑀯𑀕𑁆𑀕𑀼𑀫𑀼𑀤𑀸𑀢𑀻𑀭𑀺𑀬𑀸 𑀧𑀦 𑀪𑀺𑀓𑁆𑀔𑀽 𑀯𑀡𑁆𑀡𑀯𑀸 𑀳𑁄𑀦𑁆𑀢𑀺.
𑀛𑀲𑀜𑁆𑀜𑀲𑁆𑀲 ¶ 𑀇𑀲𑁆𑀲 𑀬𑁄𑀲𑀼 𑀯𑀸 𑀝 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂. 𑀅𑀕𑁆𑀕𑀬𑁄 𑀅𑀕𑁆𑀕𑀻, 𑀛𑀕𑁆𑀕𑀳𑀡𑀁 𑀓𑀺𑀁? 𑀇𑀓𑀸𑀭𑀦𑁆𑀢𑀲𑀫𑀼𑀤𑀸𑀬𑀲𑁆𑀲 𑀝 𑀫𑀸 𑀲𑀺𑀬𑀸𑀪𑀺, 𑀭𑀢𑁆𑀢𑀺𑀬𑁄, 𑀇𑀕𑁆𑀕𑀳𑀡𑀁 𑀓𑀺𑀁? 𑀤𑀡𑁆𑀟𑀺𑀦𑁄, 𑀧𑀼𑀫𑁂𑀢𑀺 𑀓𑀺𑀁? 𑀅𑀝𑁆𑀞𑀻𑀦𑀺.
𑀮𑀲𑀜𑁆𑀜𑀲𑁆𑀲 𑀉𑀲𑁆𑀲 𑀯𑁂𑀯𑁄𑀲𑀼 𑀝 𑀳𑁄𑀢𑀺. 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀯𑁄, 𑀯𑁂𑀯𑁄𑀲𑀽𑀢𑀺 𑀓𑀺𑀁? 𑀚𑀦𑁆𑀢𑀼𑀬𑁄, 𑀉𑀕𑁆𑀕𑀳𑀡𑀁 𑀓𑀺𑀁? 𑀲𑀬𑀫𑁆𑀪𑀼𑀯𑁄.
𑀬𑁄𑀫𑁆𑀳𑀺 𑀓𑁆𑀯𑀘𑀺 𑀮𑀲𑀜𑁆𑀜𑀲𑁆𑀲 𑀉𑀲𑁆𑀲 𑀯𑀸 𑀝 𑀳𑁄𑀢𑀺. 𑀳𑁂𑀢𑀬𑁄, 𑀦𑀦𑁆𑀤𑀦𑁆𑀢𑀺 𑀢𑀁 𑀓𑀼𑀭𑀬𑁄 𑀤𑀲𑁆𑀲𑀦𑁂𑀦, 𑀅𑀚𑁆𑀚𑁂𑀯 𑀢𑀁 𑀓𑀼𑀭𑀬𑁄 𑀧𑀸𑀧𑀬𑀢𑀼. 𑀯𑀸𑀢𑀺 𑀓𑀺𑀁? 𑀳𑁂𑀢𑀼𑀬𑁄.
𑀮𑀲𑀜𑁆𑀜𑀢𑁄 𑀉𑀢𑁄 𑀬𑁄𑀲𑁆𑀲𑀸𑀮𑀧𑀦𑁂 𑀯𑁂𑀯𑁄 𑀳𑁄𑀦𑁆𑀢𑀺 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂. 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀯𑁄 𑀪𑀺𑀓𑁆𑀔𑀽, 𑀧𑀼𑀫𑁂𑀢𑀺 𑀓𑀺𑀁 𑀆𑀬𑀽𑀦𑀺, 𑀆𑀮𑀧𑀦𑁂𑀢𑀺 𑀓𑀺𑀁? 𑀚𑀦𑁆𑀢𑀼𑀬𑁄 𑀢𑀺𑀝𑁆𑀞𑀦𑁆𑀢𑀺, 𑀮𑀼𑀢𑁄𑀢𑁆𑀯𑁂𑀯? 𑀥𑁂𑀦𑀼𑀬𑁄, 𑀲𑀬𑀫𑁆𑀪𑀼𑀯𑁄.
𑁯𑁭. 𑀲𑁆𑀫𑀸𑀳𑀺𑀲𑁆𑀫𑀺𑀁 𑀦𑀁 𑀫𑁆𑀳𑀸𑀪𑀺𑀫𑁆𑀳𑀺.
𑀦𑀸𑀫𑀲𑁆𑀫𑀸 𑀧𑀭𑁂𑀲𑀁 𑀲𑁆𑀫𑀸𑀳𑀺𑀲𑁆𑀫𑀺𑀦𑁆𑀦𑀁 𑀫𑁆𑀳𑀸 𑀪𑀺𑀫𑁆𑀳𑀺 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀩𑀼𑀤𑁆𑀥𑀫𑁆𑀳𑀸 𑀩𑀼𑀤𑁆𑀥𑀲𑁆𑀫𑀸, 𑀩𑀼𑀤𑁆𑀥𑁂𑀪𑀺 𑀩𑀼𑀤𑁆𑀥𑁂𑀳𑀺, 𑀩𑀼𑀤𑁆𑀥𑀫𑁆𑀳𑀺 𑀩𑀼𑀤𑁆𑀥𑀲𑁆𑀫𑀺𑀁, 𑀩𑀳𑀼𑀮𑀸𑀥𑀺𑀓𑀸𑀭𑀸𑀅𑀧𑀯𑀸𑀤𑀯𑀺𑀲𑀬𑁂𑀧𑀺, 𑀤𑀲𑀲𑀳𑀲𑁆𑀲𑀺𑀫𑁆𑀳𑀺 𑀥𑀸𑀢𑀼𑀬𑀸.
𑀅𑀓𑀸𑀭𑀦𑁆𑀢𑀲𑁆𑀲 ¶ 𑀲𑀼𑀳𑀺𑀲𑁆𑀯𑁂 𑀳𑁄𑀢𑀺. 𑀩𑀼𑀤𑁆𑀥𑁂𑀲𑀼 𑀩𑀼𑀤𑁆𑀥𑁂𑀳𑀺.
𑀅𑀓𑀸𑀭𑀦𑁆𑀢𑀸𑀦𑀁 𑀲𑀩𑁆𑀩𑀸𑀤𑀻𑀦𑀁 𑀏 𑀳𑁄𑀢𑀺 𑀦𑀁𑀫𑁆𑀳𑀺 𑀲𑀼𑀳𑀺𑀲𑀼 𑀘. 𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀼, 𑀲𑀩𑁆𑀩𑁂𑀳𑀺, 𑀲𑀩𑁆𑀩𑀸𑀤𑀻𑀦𑀦𑁆𑀢𑀺 𑀓𑀺𑀁? 𑀩𑀼𑀤𑁆𑀥𑀸𑀦𑀁, 𑀅𑀲𑁆𑀲𑁂𑀢𑁆𑀯𑁂𑀯? 𑀅𑀫𑀽𑀲𑀁. 𑀲𑀩𑁆𑀩 𑀓𑀢𑀭 𑀓𑀢𑀫 𑀉𑀪𑀬 𑀇𑀢𑀭 𑀅𑀜𑁆𑀜 𑀅𑀜𑁆𑀜𑀢𑀭 𑀅𑀜𑁆𑀜𑀢𑀫 (𑁪) ‘‘𑀧𑀼𑀩𑁆𑀩𑀧𑀭𑀸-𑀯𑀭𑀤𑀓𑁆𑀔𑀺𑀡𑀼𑀢𑁆𑀢𑀭𑀸-𑀥𑀭𑀸𑀦𑀺 𑀯𑀯𑀢𑁆𑀣𑀸𑀬𑀫𑀲𑀜𑁆𑀜𑀸𑀬𑀁’’ (𑀧𑀸,𑁧,𑁧,𑁩𑁪) 𑀬 𑀢𑁆𑀬 𑀢 𑀏𑀢 𑀇𑀫 𑀅𑀫𑀼 𑀓𑀺𑀁 𑀏𑀓 𑀢𑀼𑀫𑁆𑀳 𑀅𑀫𑁆𑀳.
𑀲𑀩𑁆𑀩𑀸𑀤𑀺𑀢𑁄 𑀦𑀁𑀯𑀘𑀦𑀲𑁆𑀲 𑀲𑀁𑀲𑀸𑀦𑀁 𑀳𑁄𑀦𑁆𑀢𑀺. 𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀸𑀦𑀁.
𑀲𑀩𑁆𑀩𑀸𑀤𑀻𑀦𑀁 𑀖𑀧𑀢𑁄 𑀲𑀲𑁆𑀲 𑀲𑁆𑀲𑀸 𑀯𑀸 𑀳𑁄𑀢𑀺, 𑀲𑀩𑁆𑀩𑀲𑁆𑀲𑀸 𑀲𑀩𑁆𑀩𑀸𑀬, 𑀧𑀕𑁆𑀕𑀳𑀡𑀫𑀼𑀢𑁆𑀢𑀭𑀢𑁆𑀣𑀁.
𑀲𑀩𑁆𑀩𑀸𑀤𑀻𑀦𑀁 𑀖𑀧𑀢𑁄 𑀲𑁆𑀫𑀺𑀦𑁄 𑀲𑁆𑀲𑀁 𑀯𑀸 𑀳𑁄𑀢𑀺, 𑀲𑀩𑁆𑀩𑀲𑁆𑀲𑀁 𑀲𑀩𑁆𑀩𑀸𑀬, 𑀅𑀫𑀼𑀲𑁆𑀲𑀁 𑀅𑀫𑀼𑀬𑀸.
𑀖𑀧𑀢𑁄 𑀲𑁆𑀫𑀺𑀦𑁄 𑀬𑀁 𑀯𑀸 𑀳𑁄𑀢𑀺, 𑀓𑀜𑁆𑀜𑀸𑀬𑀁 𑀓𑀜𑁆𑀜𑀸𑀬, 𑀭𑀢𑁆𑀢𑀺𑀬𑀁 𑀭𑀢𑁆𑀢𑀺𑀬𑀸, 𑀯𑀥𑀼𑀬𑀁 𑀯𑀥𑀼𑀬𑀸, 𑀲𑀩𑁆𑀩𑀸𑀬𑀁 𑀲𑀩𑁆𑀩𑀸𑀬, 𑀅𑀫𑀼𑀬𑀁 𑀅𑀫𑀼𑀬𑀸.
𑀲𑀪𑀸𑀧𑀭𑀺𑀲𑀸𑀳𑀺 ¶ 𑀲𑁆𑀫𑀺𑀦𑁄 𑀢𑀺𑀁 𑀯𑀸 𑀳𑁄𑀢𑀺, 𑀲𑀪𑀢𑀺𑀁 𑀲𑀪𑀸𑀬, 𑀧𑀭𑀺𑀲𑀢𑀺𑀁 𑀧𑀭𑀺𑀲𑀸𑀬.
𑀏𑀳𑀺 𑀲𑁆𑀫𑀺𑀦𑁄 𑀲𑀺 𑀳𑁄𑀢𑀺 𑀯𑀸, 𑀧𑀤𑀲𑀺 𑀧𑀤𑀲𑁆𑀫𑀺𑀁, 𑀩𑀺𑀮𑀲𑀺 𑀩𑀺𑀮𑀲𑁆𑀫𑀺𑀁.
𑀧𑀤𑀸𑀤𑀻𑀳𑀺 𑀦𑀸𑀲𑁆𑀲 𑀲𑀸 𑀳𑁄𑀢𑀺 𑀯𑀸, 𑀧𑀤𑀲𑀸 𑀧𑀤𑁂𑀦, 𑀩𑀺𑀮𑀲𑀸 𑀩𑀺𑀮𑁂𑀦.
𑀏𑀳𑀺 𑀦𑀸𑀲𑁆𑀲 𑀲𑀸 𑀳𑁄𑀢𑀺 𑀯𑀸, 𑀓𑁄𑀥𑀲𑀸 𑀓𑁄𑀥𑁂𑀦, 𑀅𑀢𑁆𑀣𑀲𑀸 𑀅𑀢𑁆𑀣𑁂𑀦.
𑀅𑀓𑀸𑀭𑀦𑁆𑀢𑀢𑁄 𑀧𑀭𑀲𑁆𑀲 𑀦𑀸𑀯𑀘𑀦𑀲𑁆𑀲 𑀏𑀦𑀸𑀤𑁂𑀲𑁄 𑀳𑁄𑀢𑀺, 𑀩𑀼𑀤𑁆𑀥𑁂𑀦, 𑀅𑀢𑁄𑀢𑀺 𑀓𑀺𑀁? 𑀅𑀕𑁆𑀕𑀺𑀦𑀸.
𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑀺𑀲𑁆𑀲 𑀑 𑀳𑁄𑀢𑀺, 𑀩𑀼𑀤𑁆𑀥𑁄, 𑀅𑀢𑁄𑀢𑁆𑀯𑁂𑀯? 𑀅𑀕𑁆𑀕𑀺.
𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑀺𑀲𑁆𑀲 𑀏 𑀳𑁄𑀢𑀺 𑀯𑀸 𑀓𑁆𑀯𑀘𑀺, 𑀯𑀦𑀧𑁆𑀧𑀕𑀼𑀫𑁆𑀩𑁂 𑀬𑀣𑀸 𑀨𑀼𑀲𑁆𑀲𑀺𑀢𑀕𑁆𑀕𑁂. 𑀅𑀧𑀯𑀸𑀤𑀯𑀺𑀲𑀬𑁂𑀧𑀺 𑀩𑀳𑀼𑀮𑀁𑀯𑀻𑀥𑀸𑀦𑀸-𑀲𑀼𑀔𑁂 𑀤𑀼𑀓𑁆𑀔𑁂 ¶ . 𑀯𑀸𑀢𑀺 𑀓𑀺𑀁? 𑀯𑀦𑀧𑁆𑀧𑀕𑀼𑀫𑁆𑀩𑁄 𑀓𑁆𑀯𑀘𑀻𑀢𑀺 𑀓𑀺𑀁? 𑀧𑀓𑁆𑀔𑁂 𑀲𑀩𑁆𑀩𑀢𑁆𑀣 𑀫𑀸 𑀳𑁄𑀢𑀼.
𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑀺𑀲𑁆𑀲 𑀅𑀁 𑀳𑁄𑀢𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑁂. 𑀭𑀽𑀧𑀁.
𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀬𑁄𑀦𑀁 𑀦𑀺 𑀳𑁄𑀢𑀺 𑀦𑀧𑀼𑀁𑀲𑀓𑁂. 𑀲𑀩𑁆𑀩𑀸𑀦𑀺 𑀭𑀽𑀧𑀸𑀦𑀺, 𑀦𑀺𑀘𑁆𑀘𑀯𑀺𑀥𑀸𑀦𑁂 𑀨𑀮𑀁 𑀏𑀓𑀘𑁆𑀘𑀸𑀤𑀺𑀲𑀩𑁆𑀩𑀸𑀤𑀻𑀦𑀁 𑀧𑀞𑀫𑀸𑀬𑀁.
𑀛𑀮𑀢𑁄 𑀬𑁄𑀦𑀁 𑀦𑀺 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂, 𑀅𑀝𑁆𑀞𑀻𑀦𑀺 𑀅𑀝𑁆𑀞𑀻, 𑀆𑀬𑀽𑀦𑀺 𑀆𑀬𑀽.
𑀛𑀮𑀢𑁄 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺, 𑀅𑀝𑁆𑀞𑀻, 𑀆𑀬𑀽, 𑀅𑀕𑁆𑀕𑀻, 𑀪𑀺𑀓𑁆𑀔𑀽, 𑀛𑀮𑀸𑀢𑁆𑀯𑁂𑀯? 𑀅𑀕𑁆𑀕𑀬𑁄. 𑀧𑀕𑁂𑀯 𑀓𑀲𑁆𑀫𑀸 𑀦 𑀳𑁄𑀢𑀺? 𑀅𑀦𑁆𑀢𑀭𑀗𑁆𑀕𑀢𑁆𑀢𑀸 𑀅𑀓𑀸𑀭𑀲𑁆𑀲.
𑀚𑀦𑁆𑀢𑀼𑀳𑁂𑀢𑀽𑀳𑀺 𑀈𑀓𑀸𑀭𑀦𑁆𑀢𑁂𑀳𑀺 𑀖𑀧 𑀲𑀜𑁆𑀜𑁂𑀳𑀺 𑀘 𑀧𑀭𑁂𑀲𑀁 𑀬𑁄𑀦𑀁 𑀯𑀸 𑀮𑁄𑀧𑁄 𑀳𑁄𑀢𑀺, 𑀚𑀦𑁆𑀢𑀽 𑀚𑀦𑁆𑀢𑀼𑀬𑁄, 𑀳𑁂𑀢𑀽 𑀳𑁂𑀢𑀼𑀬𑁄, 𑀤𑀡𑁆𑀟𑀻 𑀤𑀡𑁆𑀟𑀺𑀬𑁄, 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄, 𑀭𑀢𑁆𑀢𑀻 𑀭𑀢𑁆𑀢𑀺𑀬𑁄, 𑀇𑀢𑁆𑀣𑀻 𑀇𑀢𑁆𑀣𑀺𑀬𑁄, 𑀥𑁂𑀦𑀽 𑀥𑁂𑀦𑀼𑀬𑁄, 𑀯𑀥𑀽 𑀯𑀥𑀼𑀬𑁄.
𑀧𑀲𑀜𑁆𑀜𑀲𑁆𑀲 ¶ 𑀇𑀯𑀡𑁆𑀡𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀬𑀓𑀸𑀭𑁂, 𑀭𑀢𑁆𑀬𑁄 𑀭𑀢𑁆𑀬𑀸, 𑀭𑀢𑁆𑀬𑀁, 𑀧𑁄𑀓𑁆𑀔𑀭𑀜𑁆𑀜𑁄, 𑀧𑁄𑀓𑁆𑀔𑀭𑀜𑁆𑀜𑀸, 𑀧𑁄𑀓𑁆𑀔𑀭𑀜𑁆𑀜𑀁, 𑀯𑀸 𑀢𑁆𑀯𑁂𑀯? 𑀭𑀢𑁆𑀢𑀺𑀬𑁄, 𑀧𑀲𑁆𑀲𑀸𑀢𑀺 𑀓𑀺𑀁? 𑀤𑀡𑁆𑀟𑀺𑀬𑁄, 𑀇𑀯𑀡𑁆𑀡𑀲𑁆𑀲𑀸𑀢𑀺 𑀓𑀺𑀁? 𑀥𑁂𑀦𑀼𑀬𑁄 𑀯𑀥𑀼𑀬𑁄. 𑀓𑀣𑀁 ‘𑀅𑀦𑀼𑀜𑁆𑀜𑀸𑀢𑁄 𑀅𑀳𑀁 𑀫𑀢𑁆𑀬𑀸’𑀢𑀺? ‘𑀬𑁂 𑀧𑀲𑁆𑀲𑀸’𑀢𑀺 𑀬𑁄𑀕𑀯𑀺𑀪𑀸𑀕𑀸.
𑀦𑀸𑀫𑀲𑁆𑀫𑀸 𑀕𑀲𑀻𑀦𑀁 𑀮𑁄𑀧𑁄 𑀳𑁄𑀢𑀺 𑀯𑀺𑀚𑁆𑀛𑀦𑁆𑀢𑀭𑀸𑀪𑀸𑀯𑁂, 𑀪𑁄 𑀧𑀼𑀭𑀺𑀲, 𑀅𑀬𑀁, 𑀤𑀡𑁆𑀟𑀻.
𑀅𑀯𑀺𑀚𑁆𑀚𑀫𑀸𑀦𑀲𑀗𑁆𑀔𑁆𑀬𑁂𑀳𑀺 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺, 𑀘 𑀯𑀸 𑀏𑀯 𑀏𑀯𑀁, 𑀏𑀢𑀲𑁆𑀫𑀸𑀬𑁂𑀯 𑀮𑀺𑀗𑁆𑀕𑀸 𑀅𑀲𑀗𑁆𑀔𑁆𑀬𑁂𑀳𑀺 𑀲𑁆𑀬𑀸𑀤𑁆𑀬𑀼𑀧𑁆𑀧𑀢𑁆𑀢𑀺 𑀅𑀦𑀼𑀫𑀻𑀬𑀢𑁂.
𑀏𑀓𑀢𑁆𑀣𑀻𑀪𑀸𑀯𑁂 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺 𑀩𑀳𑀼𑀮𑀁, 𑀧𑀼𑀢𑁆𑀢𑀻𑀬𑀢𑀺, 𑀭𑀸𑀚𑀧𑀼𑀭𑀺𑀲𑁄, 𑀯𑀸𑀲𑀺𑀝𑁆𑀞𑁄, 𑀓𑁆𑀯𑀘𑀺 𑀦 𑀳𑁄𑀢𑀺 𑀩𑀳𑀼𑀮𑀁 𑀯𑀺𑀥𑀸𑀦𑀸-𑀧𑀭𑀦𑁆𑀢𑀧𑁄, 𑀪𑀕𑀦𑁆𑀤𑀭𑁄, 𑀧𑀭𑀲𑁆𑀲𑀧𑀤𑀁, 𑀅𑀢𑁆𑀢𑀦𑁄𑀧𑀤𑀁, 𑀕𑀯𑀫𑁆𑀧𑀢𑀺, 𑀤𑁂𑀯𑀸𑀦𑀁𑀧𑀺𑀬𑀢𑀺𑀲𑁆𑀲𑁄, 𑀅𑀦𑁆𑀢𑁂𑀯𑀸𑀲𑀻, 𑀚𑀦𑁂𑀲𑀼𑀢𑁄 𑀫𑀫𑀢𑁆𑀢𑀁 𑀫𑀸𑀫𑀓𑁄.
𑀅𑀫𑀸𑀤𑁂𑀓𑀢𑁆𑀣𑀸 𑀧𑀼𑀩𑁆𑀩𑀁 𑀬𑀤𑁂𑀓𑀢𑁆𑀣𑀁 𑀢𑀢𑁄 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺. 𑀅𑀥𑀺𑀢𑁆𑀣𑀺. 𑀇𑀥 𑀦 𑀳𑁄𑀢𑀺 𑀩𑀳𑀼𑀮𑀁
𑀯𑀺𑀥𑀸𑀦𑀸 ¶ 𑀬𑀣𑀸𑀧𑀢𑁆𑀣𑀻𑀬𑀸, 𑀬𑀣𑀸𑀧𑀭𑀺𑀲𑀸𑀬, 𑀧𑀼𑀩𑁆𑀩𑀲𑁆𑀫𑀸𑀢𑀺 𑀓𑀺𑀁? 𑀕𑀸𑀫𑀕𑀢𑁄.
𑀅𑀫𑀸𑀤𑁂𑀓𑀢𑁆𑀣𑀸 𑀧𑀼𑀩𑁆𑀩𑀁 𑀬𑀤𑁂𑀓𑀢𑁆𑀣𑀫𑀓𑀸𑀭𑀦𑁆𑀢𑀁, 𑀢𑀢𑁄 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀦 𑀳𑁄𑀢𑀺, 𑀅𑀦𑁆𑀢𑀼, 𑀪𑀯𑀢𑁆𑀬𑀧𑀜𑁆𑀘𑀫𑁆𑀬𑀸, 𑀉𑀧𑀓𑀼𑀫𑁆𑀪𑀁, 𑀅𑀧𑀜𑁆𑀘𑀫𑀺𑀬𑀸𑀢𑀺 𑀓𑀺𑀁? 𑀉𑀧𑀓𑀼𑀫𑁆𑀪𑀸 𑀆𑀦𑀬.
𑀅𑀫𑀸𑀤𑁂𑀓𑀢𑁆𑀣𑀸 𑀧𑀼𑀩𑁆𑀩𑀁 𑀬𑀤𑁂𑀓𑀢𑁆𑀣𑀫𑀓𑀸𑀭𑀦𑁆𑀢𑀁, 𑀢𑀢𑁄 𑀧𑀭𑀸𑀲𑀁 𑀢𑀢𑀺𑀬𑀸𑀲𑀢𑁆𑀣𑀫𑀻𑀦𑀁 𑀯𑀸 𑀅𑀁 𑀳𑁄𑀢𑀺, 𑀉𑀧𑀓𑀼𑀫𑁆𑀪𑁂𑀦 𑀓𑀢𑀁, 𑀉𑀧𑀓𑀼𑀫𑁆𑀪𑀁 𑀓𑀢𑀁, 𑀉𑀧𑀓𑀼𑀫𑁆𑀢𑁂 𑀦𑀺𑀥𑁂𑀳𑀺, 𑀉𑀧𑀓𑀼𑀫𑁆𑀪𑀁 𑀦𑀺𑀥𑁂𑀳𑀺.
𑀦𑀸𑀫𑁆𑀳𑀺 𑀭𑀸𑀚𑀲𑁆𑀲𑀺 𑀯𑀸 𑀳𑁄𑀢𑀺, 𑀲𑀩𑁆𑀩𑀤𑀢𑁆𑀢𑁂𑀦 𑀭𑀸𑀚𑀺𑀦𑀸, 𑀯𑀸𑀢𑁆𑀯𑁂𑀯? 𑀭𑀜𑁆𑀜𑀸.
𑀭𑀸𑀚𑀲𑁆𑀲 𑀊 𑀳𑁄𑀢𑀺 𑀯𑀸 𑀲𑀼𑀦𑀁𑀳𑀺𑀲𑀼, 𑀭𑀸𑀚𑀽𑀲𑀼 𑀭𑀸𑀚𑁂𑀲𑀼, 𑀭𑀸𑀚𑀽𑀦𑀁 𑀭𑀜𑁆𑀜𑀁, 𑀭𑀸𑀚𑀽𑀳𑀺 𑀭𑀸𑀚𑁂𑀳𑀺.
𑀇𑀫𑀲𑀤𑁆𑀤𑀲𑁆𑀲𑀸𑀦𑀺𑀢𑁆𑀣𑀺𑀬𑀁 𑀝𑁂 𑀳𑁄𑀢𑀺 𑀯𑀸 𑀲𑀼𑀦𑀁𑀳𑀺𑀲𑀼, 𑀏𑀲𑀼 𑀇𑀫𑁂𑀲𑀼, 𑀏𑀲𑀁 𑀇𑀫𑁂𑀲𑀁, 𑀏𑀲𑀺 𑀇𑀫𑁂𑀳𑀺, 𑀅𑀦𑀺𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀇𑀫𑀸𑀲𑀼, 𑀇𑀫𑀸𑀲𑀁, 𑀇𑀫𑀸𑀳𑀺.
𑀇𑀫𑀲𑀤𑁆𑀤𑀲𑁆𑀲𑀸𑀦𑀺𑀢𑁆𑀣𑀺𑀬𑀁 ¶ 𑀦𑀸𑀫𑁆𑀳𑀺 𑀅𑀦𑀇𑀫𑀺𑀇𑀘𑁆𑀘𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀅𑀦𑁂𑀦 𑀇𑀫𑀻𑀦𑀸, 𑀅𑀦𑀺𑀢𑁆𑀣𑀺𑀬𑀁𑀢𑁆𑀯𑁂𑀯? 𑀇𑀫𑀸𑀬.
𑀇𑀫𑀲𑀤𑁆𑀤𑀲𑁆𑀲𑀸𑀦𑀧𑀼𑀁𑀲𑀓𑀲𑁆𑀲 𑀅𑀬𑀁 𑀳𑁄𑀢𑀺 𑀲𑀺𑀫𑁆𑀳𑀺, 𑀅𑀬𑀁 𑀧𑀼𑀭𑀺𑀲𑁄, 𑀅𑀬𑀁 𑀇𑀢𑁆𑀣𑀻, 𑀅𑀦𑀧𑀼𑀁𑀲𑀓𑀲𑁆𑀲𑀸𑀢𑀺 𑀓𑀺𑀁? 𑀇𑀫𑀁.
𑀢𑁆𑀬𑀢𑁂𑀢𑀸𑀦𑀫𑀦𑀧𑀼𑀁𑀲𑀓𑀸𑀦𑀁 𑀢𑀲𑁆𑀲 𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺, 𑀲𑁆𑀬𑁄 𑀧𑀼𑀭𑀺𑀲𑁄, 𑀲𑁆𑀬𑀸 𑀇𑀢𑁆𑀣𑀻, 𑀏𑀯𑀁 𑀲𑁄, 𑀲𑀸, 𑀏𑀲𑁄, 𑀏𑀲𑀸, 𑀅𑀦𑀧𑀼𑀁𑀲𑀓𑀲𑁆𑀲𑁂𑀢𑁆𑀯𑁂𑀯? 𑀢𑁆𑀬𑀁, 𑀢𑀁, 𑀏𑀢𑀁.
𑀅𑀦𑀧𑀼𑀁𑀲𑀓𑀲𑁆𑀲𑀸𑀫𑀼𑀲𑁆𑀲 𑀫𑀓𑀸𑀭𑀲𑁆𑀲 𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺, 𑀅𑀲𑀼 𑀧𑀼𑀭𑀺𑀲𑁄, 𑀅𑀲𑀼 𑀇𑀢𑁆𑀣𑀻.
𑀅𑀫𑀼𑀲𑁆𑀲 𑀫𑀲𑁆𑀲 𑀓𑁂 𑀯𑀸 𑀲𑁄 𑀳𑁄𑀢𑀺, 𑀅𑀲𑀼𑀓𑁄 𑀅𑀫𑀼𑀓𑁄, 𑀅𑀲𑀼𑀓𑀸 𑀅𑀫𑀼𑀓𑀸, 𑀅𑀲𑀼𑀓𑀁 𑀅𑀫𑀼𑀓𑀁, 𑀅𑀲𑀼𑀓𑀸𑀦𑀺 𑀅𑀫𑀼𑀓𑀸𑀦𑀺.
𑀢𑀲𑀤𑁆𑀤𑀲𑁆𑀲 𑀢𑀲𑁆𑀲 𑀦𑁄 𑀯𑀸 𑀳𑁄𑀢𑀺 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼, 𑀦𑁂 𑀢𑁂 𑀦𑀸𑀬𑁄 𑀢𑀸𑀬𑁄, 𑀦𑀁 𑀢𑀁, 𑀦𑀸𑀦𑀺 𑀢𑀸𑀦𑀺 𑀇𑀘𑁆𑀘𑀸𑀤𑀺.
𑁧𑁩𑁨. 𑀝 𑀲𑀲𑁆𑀫𑀸𑀲𑁆𑀫𑀺𑀁𑀲𑁆𑀲𑀸𑀬𑀲𑁆𑀲𑀁𑀲𑁆𑀲𑀸𑀲𑀁𑀫𑁆𑀳𑀸𑀫𑁆𑀳𑀺𑀲𑁆𑀯𑀺 𑀫𑀲𑁆𑀲 𑀘.
𑀲𑀸𑀤𑀻𑀲𑁆𑀯𑀺𑀫𑀲𑁆𑀲 ¶ 𑀢𑀢𑀲𑁆𑀲 𑀘 𑀝𑁄 𑀯𑀸 𑀳𑁄𑀢𑀺, 𑀅𑀲𑁆𑀲 𑀇𑀫𑀲𑁆𑀲, 𑀅𑀲𑁆𑀫𑀸 𑀇𑀫𑀲𑁆𑀫𑀸, 𑀅𑀲𑁆𑀫𑀺𑀁 𑀇𑀫𑀲𑁆𑀫𑀺𑀁, 𑀅𑀲𑁆𑀲𑀸𑀬 𑀇𑀫𑀺𑀲𑁆𑀲𑀸𑀬, 𑀅𑀲𑁆𑀲𑀁 𑀇𑀫𑀺𑀲𑁆𑀲𑀁, 𑀅𑀲𑁆𑀲𑀸 𑀇𑀫𑀺𑀲𑁆𑀲𑀸, 𑀆𑀲𑀁 𑀇𑀫𑀸𑀲𑀁, 𑀅𑀫𑁆𑀳𑀸 𑀇𑀫𑀫𑁆𑀳𑀸, 𑀅𑀫𑁆𑀳𑀺 𑀇𑀫𑀫𑁆𑀳𑀺, 𑀅𑀲𑁆𑀲 𑀢𑀲𑁆𑀲, 𑀅𑀲𑁆𑀫𑀸 𑀢𑀲𑁆𑀫𑀸, 𑀅𑀲𑁆𑀫𑀺𑀁 𑀢𑀲𑁆𑀫𑀺𑀁, 𑀅𑀲𑁆𑀲𑀸𑀬 𑀢𑀲𑁆𑀲𑀸𑀬, 𑀅𑀲𑁆𑀲𑀁 𑀢𑀲𑁆𑀲𑀁, 𑀅𑀲𑁆𑀲𑀸 𑀢𑀲𑁆𑀲𑀸, 𑀆𑀲𑀁 𑀢𑀸𑀲𑀁, 𑀅𑀫𑁆𑀳𑀸 𑀢𑀫𑁆𑀳𑀸, 𑀅𑀫𑁆𑀳𑀺 𑀢𑀫𑁆𑀳𑀺, 𑀲𑁆𑀲𑀸𑀬𑀸𑀤𑀺𑀕𑁆𑀕𑀳𑀡𑀫𑀸𑀤𑁂𑀲𑀦𑁆𑀢𑀭𑁂 𑀫𑀸 𑀳𑁄𑀢𑀽𑀢𑀺.
𑀇𑀲𑀺𑀲𑁆𑀫𑀸 𑀲𑀺𑀲𑁆𑀲 𑀝𑁂 𑀯𑀸 𑀳𑁄𑀢𑀺, ‘𑀬𑁄 𑀦𑁆𑀯𑀚𑁆𑀚 𑀯𑀺𑀦𑀬𑁂 𑀓𑀗𑁆𑀔𑀁, 𑀅𑀢𑁆𑀣𑀥𑀫𑁆𑀫𑀯𑀺𑀤𑀽 𑀇𑀲𑁂’, 𑀯𑀸𑀢𑁆𑀯𑁂𑀯? 𑀇𑀲𑀺.
𑀇𑀲𑀺𑀲𑁆𑀫𑀸 𑀧𑀭𑀲𑁆𑀲 𑀤𑀼𑀢𑀺𑀬𑀸𑀬𑁄𑀲𑁆𑀲 𑀝𑁂 𑀯𑀸 𑀳𑁄𑀢𑀺, ‘𑀲𑀫𑀡𑁂 𑀩𑁆𑀭𑀸𑀳𑁆𑀫𑀡𑁂 𑀯𑀦𑁆𑀤𑁂, 𑀲𑀫𑁆𑀧𑀦𑁆𑀦𑀘𑀭𑀡𑁂 𑀇𑀲𑁂’, 𑀯𑀸𑀢𑁆𑀯𑁂𑀯? 𑀇𑀲𑀬𑁄 𑀧𑀲𑁆𑀲, 𑀤𑀼𑀢𑀺𑀬𑀲𑁆𑀲𑀸𑀢𑀺 𑀓𑀺𑀁? 𑀇𑀲𑀬𑁄 𑀢𑀺𑀝𑁆𑀞𑀦𑁆𑀢𑀺.
𑀅𑀓𑀸𑀭𑀦𑁆𑀢𑁂𑀳𑀺 𑀏𑀓𑀘𑁆𑀘𑀸𑀤𑀻𑀳𑀺 𑀬𑁄𑀦𑀁 𑀝𑁂 𑀳𑁄𑀢𑀺, 𑀏𑀓𑀘𑁆𑀘𑁂 𑀢𑀺𑀝𑁆𑀞𑀦𑁆𑀢𑀺, 𑀏𑀓𑀘𑁂 𑀧𑀲𑁆𑀲, 𑀅𑀢𑁄𑀢𑀺 𑀓𑀺𑀁? 𑀏𑀓𑀘𑁆𑀘𑀸𑀬𑁄, 𑀏𑀯𑀁 𑀏𑀲 𑀲 𑀧𑀞𑀫.
𑀏𑀓𑀘𑁆𑀘𑀸𑀤𑀻𑀳𑀺 𑀧𑀭𑀲𑁆𑀲 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺, 𑀏𑀓𑀘𑁆𑀘𑀸𑀦𑀺.
𑁧𑁩𑁭. 𑀲𑀩𑁆𑀩𑀸𑀤𑀻𑀳𑀻 ¶ .
𑀲𑀩𑁆𑀩𑀸𑀤𑀻𑀳𑀺 𑀧𑀭𑀲𑁆𑀲 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺, 𑀲𑀩𑁆𑀩𑀸𑀦𑀺.
𑀅𑀓𑀸𑀭𑀦𑁆𑀢𑁂𑀳𑀺 𑀲𑀩𑁆𑀩𑀸𑀤𑀻𑀳𑀺 𑀬𑁄𑀦𑀫𑁂𑀝 𑀳𑁄𑀢𑀺, 𑀲𑀩𑁆𑀩𑁂 𑀢𑀺𑀝𑁆𑀞𑀦𑁆𑀢𑀺, 𑀲𑀩𑁆𑀩𑁂 𑀧𑀲𑁆𑀲, 𑀅𑀢𑁄𑀢𑁆𑀯𑁂𑀯? 𑀲𑀩𑁆𑀩𑀸𑀬𑁄.
𑀦𑀸𑀫𑀪𑀽𑀢𑁂𑀳𑀻 𑀅𑀧𑁆𑀧𑀥𑀸𑀦𑁂𑀳𑀺 𑀘 𑀲𑀩𑁆𑀩𑀸𑀤𑀻𑀳𑀺 𑀬𑀁 𑀯𑀼𑀢𑁆𑀢𑀁, 𑀬𑀜𑁆𑀘𑀸𑀜𑁆𑀜𑀁 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁, 𑀢𑀁 𑀦 𑀳𑁄𑀢𑀺, 𑀢𑁂 𑀲𑀩𑁆𑀩𑀸, 𑀢𑁂 𑀧𑀺𑀬𑀲𑀩𑁆𑀩𑀸, 𑀢𑁂 𑀅𑀢𑀺𑀲𑀩𑁆𑀩𑀸.
𑀢𑀢𑀺𑀬𑀢𑁆𑀣𑁂𑀦 𑀬𑁄𑀕𑁂 𑀲𑀩𑁆𑀩𑀸𑀤𑀻𑀳𑀺 𑀬𑀁 𑀯𑀼𑀢𑁆𑀢𑀁, 𑀬𑀜𑁆𑀘𑀸𑀜𑁆𑀜𑀁 𑀲𑀩𑁆𑀩𑀸𑀤𑀺 𑀓𑀸𑀭𑀺𑀬𑀁, 𑀢𑀁 𑀦 𑀳𑁄𑀢𑀺, 𑀫𑀸𑀲𑁂𑀦 𑀧𑀼𑀩𑁆𑀩𑀸𑀦𑀁 𑀫𑀸𑀲𑀧𑀼𑀩𑁆𑀩𑀸𑀦𑀁.
𑀘𑀢𑁆𑀣𑀲𑀫𑀸𑀲𑀯𑀺𑀲𑀬𑁂 𑀲𑀩𑁆𑀩𑀸𑀤𑀻𑀳𑀺 𑀬𑀁 𑀯𑀼𑀢𑁆𑀢𑀁, 𑀬𑀜𑁆𑀘𑀸𑀜𑁆𑀜𑀁 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁, 𑀢𑀁 𑀦 𑀳𑁄𑀢𑀺, 𑀇𑀓𑁆𑀔𑀺𑀡𑀼𑀢𑁆𑀢𑀭𑀧𑀼𑀩𑁆𑀩𑀸𑀦𑀁, 𑀲𑀫𑀸𑀲𑁂𑀢𑀺 𑀓𑀺𑀁? 𑀅𑀫𑀼𑀲𑀜𑁆𑀘 𑀢𑁂𑀲𑀜𑁆𑀘 𑀤𑁂𑀳𑀺.
𑀏𑀢𑁆𑀣𑀲𑀫𑀸𑀲𑀯𑀺𑀲𑀥𑀬 𑀲𑀩𑁆𑀩𑀸𑀤𑀻𑀳𑀺 𑀬𑀥𑀲𑁆𑀲𑀝 𑀯𑀼𑀢𑁆𑀢𑁄, 𑀢𑀲𑁆𑀲 𑀯𑀸 𑀳𑁄𑀢𑀺, 𑀧𑀼𑀕𑁆𑀕𑀼𑀢𑁆𑀢𑀭𑁂, 𑀧𑀼𑀩𑁆𑀩𑀼𑀢𑁆𑀢𑀭𑀸.
𑀏𑀢𑁂𑀳𑀺 ¶ 𑀧𑀼𑀩𑁆𑀩𑀸𑀤𑀻𑀳𑀺 𑀙𑀳𑀺 𑀲𑀯𑀺𑀲𑀬𑁂 𑀏𑀝 𑀯𑀸 𑀳𑁄𑀢𑀺, 𑀧𑀼𑀩𑁆𑀩𑁂 𑀧𑀼𑀩𑁆𑀩𑀸, 𑀧𑀭𑁂 𑀧𑀭𑀸, 𑀅𑀧𑀭𑁂 𑀅𑀧𑀭𑀸, 𑀤𑀓𑁆𑀔𑀺𑀡𑁂 𑀤𑀓𑁆𑀔𑀺𑀡𑀸, 𑀉𑀢𑁆𑀢𑀭𑁂 𑀉𑀢𑁆𑀢𑀭𑀸, 𑀅𑀥𑀭𑁂 𑀅𑀥𑀭𑀸, 𑀙𑀳𑀺𑀢𑀺𑀓𑀺𑀁? 𑀬𑁂.
𑁧𑁪𑁪. 𑀫𑀦𑀸𑀤𑀻𑀳𑀺 𑀲𑁆𑀫𑀺𑀁𑀲𑀁𑀦𑀸𑀲𑁆𑀫𑀸𑀦𑀁 𑀲𑀺𑀲𑁄𑀑𑀲𑀸𑀲𑀸.
𑀫𑀦𑀸𑀤𑀻𑀳𑀺 𑀲𑁆𑀫𑀺𑀫𑀸𑀤𑀻𑀦𑀁 𑀲𑀺𑀲𑁄𑀑𑀲𑀸𑀲𑀸 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀫𑀦𑀲𑀺 𑀫𑀦𑀲𑁆𑀫𑀺𑀁, 𑀫𑀦𑀲𑁄 𑀫𑀦𑀲𑁆𑀲, 𑀫𑀦𑁄 𑀫𑀦𑀁, 𑀫𑀦𑀲𑀸 𑀫𑀦𑁂𑀦, 𑀫𑀦𑀲𑀸 𑀫𑀦𑀲𑁆𑀫𑀸, 𑀓𑀣𑀁 ‘𑀧𑀼𑀢𑁆𑀢𑁄 𑀚𑀸𑀢𑁄 𑀅𑀘𑁂𑀢𑀲𑁄, 𑀳𑀺𑀢𑁆𑀯𑀸 𑀬𑀸𑀢𑀺 𑀲𑀼𑀫𑁂𑀥𑀲𑁄, 𑀲𑀼𑀤𑁆𑀥𑀼𑀢𑁆𑀢𑀭𑀯𑀸𑀲𑀲𑀸, 𑀳𑁂𑀫𑀓𑀧𑁆𑀧𑀦𑀯𑀸𑀲𑀲𑁂’𑀢𑀺? 𑀲𑀓𑀢𑁆𑀣𑁂𑀡𑀢𑁆𑀣𑀸. 𑀫𑀦𑀢𑀫 𑀢𑀧 𑀢𑁂𑀚 𑀲𑀺𑀭 𑀉𑀭 𑀯𑀘 𑀑𑀚 𑀭𑀚𑀬𑀲 𑀧𑀬 (𑁬) ‘‘𑀲𑀭𑀯𑀬𑀸-𑀬𑀯𑀸𑀲𑀘𑁂𑀢𑀸 𑀚𑀮𑀸𑀲𑀬𑀸𑀓𑁆𑀔𑀬𑀮𑁄𑀳𑀧𑀝𑀫𑀦𑁂𑀲𑀼’’.
𑀲𑀦𑁆𑀣𑀲𑀤𑁆𑀤𑀲𑁆𑀲 𑀲𑀩 𑀪𑀯𑀢𑀺 𑀪𑀓𑀸𑀭𑁂, 𑀲𑀩𑁆𑀪𑀺.
𑀪𑀯𑀦𑁆𑀢𑀲𑀤𑁆𑀤𑀲𑁆𑀲 𑀪𑁄𑀦𑁆𑀢𑀸𑀤𑁂𑀲𑁄 𑀯𑀸 𑀳𑁄𑀢𑀺 𑀕𑀬𑁄𑀦𑀸𑀲𑁂, 𑀪𑁄𑀦𑁆𑀢 𑀪𑀯𑀁, 𑀪𑁄𑀦𑁆𑀢𑁄 𑀪𑀯𑀦𑁆𑀢𑁄, 𑀪𑁄𑀢𑀸 𑀪𑀯𑀢𑀸, 𑀪𑁄𑀢𑁄 𑀪𑀯𑀢𑁄, 𑀪𑁄 𑀇𑀢𑀺 𑀆𑀫𑀦𑁆𑀢𑀡𑁂 𑀦𑀺𑀧𑀸𑀢𑁄 ‘𑀓𑀼𑀢𑁄 𑀦𑀼 𑀆𑀕𑀘𑁆𑀙𑀣 𑀪𑁄 𑀢𑀬𑁄 𑀚𑀦𑀸’, 𑀏𑀯𑀁 𑀪𑀯𑀦𑁆𑀢𑀢𑀺, 𑀪𑀤𑁆𑀤𑁂𑀢𑀺 𑀲𑀤𑁆𑀤𑀦𑁆𑀣𑀭𑁂𑀦 𑀲𑀺𑀤𑁆𑀥𑀁, 𑀲𑀤𑁆𑀥𑀦𑁆𑀣𑀇𑀢𑀺 𑀤𑀲𑁆𑀲 𑀤𑁆𑀯𑀺𑀪𑀸𑀯𑁂𑀦.
𑀅𑀕𑁆𑀕𑀺𑀲𑁆𑀫𑀸 𑀲𑀺𑀲𑁆𑀲 𑀦𑀺 𑀬𑁄𑀢𑀺 𑀯𑀸, 𑀅𑀕𑁆𑀕𑀺𑀦𑀺 𑀅𑀕𑁆𑀕𑀺.
𑀲𑀺𑀫𑁆𑀳𑀺 ¶ 𑀦𑁆𑀢𑀧𑁆𑀧𑀘𑁆𑀘𑀬𑀲𑁆𑀲 𑀅𑀁 𑀳𑁄𑀢𑀺 𑀯𑀸, 𑀕𑀘𑁆𑀙𑀁 𑀕𑀘𑁆𑀙𑀦𑁆𑀢𑁄.
𑀪𑀽𑀥𑀸𑀢𑀼𑀢𑁄 𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺 𑀲𑀺𑀫𑁆𑀳𑀺 𑀦𑀺𑀘𑁆𑀘𑀁 𑀧𑀼𑀦𑀩𑁆𑀩𑀺𑀥𑀸𑀦𑀸, 𑀪𑀯𑀁.
𑀲𑀺𑀫𑁆𑀳𑀺 𑀫𑀳𑀦𑁆𑀢𑀸𑀭𑀳𑀦𑁆𑀢𑀸𑀦𑀁 𑀦𑁆𑀢𑀲𑁆𑀲 𑀝𑀸 𑀯𑀸 𑀳𑁄𑀢𑀺, 𑀫𑀳𑀸 𑀫𑀳𑀁, 𑀅𑀭𑀳𑀸 𑀅𑀭𑀳𑀁.
𑀲𑀺𑀫𑁆𑀳𑀺 𑀦𑁆𑀢𑀼𑀲𑁆𑀲 𑀝𑀸 𑀳𑁄𑀢𑀺, 𑀕𑀼𑀡𑀯𑀸.
𑀦𑁆𑀢𑀼𑀲𑁆𑀲 𑀅𑀁𑀗𑀁 𑀳𑁄𑀦𑁆𑀢𑀺 𑀲𑀺𑀫𑁆𑀳𑀺 𑀦𑀧𑀼𑀁𑀲𑀓𑁂, 𑀕𑀼𑀡𑀯𑀁 𑀓𑀼𑀮𑀁, 𑀕𑀼𑀡𑀯𑀦𑁆𑀢𑀁 𑀓𑀼𑀮𑀁, 𑀦𑀧𑀼𑀁𑀲𑀓𑁂𑀢𑀺𑀁 𑀓𑀺𑀁? 𑀲𑀻𑀮𑀯𑀸 𑀪𑀺𑀓𑁆𑀔𑀼.
𑀳𑀺𑀫𑀯𑀢𑁄 𑀲𑀺𑀫𑁆𑀳𑀻 𑀦𑁆𑀢𑀼𑀲𑁆𑀲 𑀑 𑀯𑀸 𑀳𑁄𑀢𑀺, 𑀳𑀺𑀫𑀯𑀦𑁆𑀢𑁄 𑀳𑀺𑀫𑀯𑀸.
𑀭𑀸𑀚𑀸𑀤𑀻𑀳𑀺𑀬𑀼𑀯𑀸𑀤𑀻𑀳𑀺 𑀘 𑀲𑀺𑀲𑁆𑀲 𑀆 𑀳𑁄𑀢𑀺, 𑀭𑀸𑀚𑀸, 𑀬𑀼𑀯𑀸. 𑀭𑀸𑀚 𑀩𑁆𑀭𑀳𑁆𑀫 𑀲𑀔 𑀅𑀢𑁆𑀢 𑀆𑀢𑀼𑀫 (𑁭) ‘‘𑀥𑀫𑁆𑀫𑁄 𑀯𑀸𑀜𑁆𑀜𑀢𑁆𑀣𑁂’’ 𑀤𑀴𑁆𑀳𑀥𑀫𑁆𑀫𑀸, 𑀅𑀲𑁆𑀫, (𑁮) ‘‘𑀇𑀫𑁄 𑀪𑀸𑀯𑁂’’ 𑀅𑀡𑀺𑀫𑀸, (𑀫𑀳𑀺𑀫𑀸, 𑀕𑀭𑀺𑀫𑀸) 𑀮𑀖𑀺𑀫𑀸, 𑀬𑀼𑀯 𑀲𑀸 𑀲𑀼𑀯𑀸 𑀫𑀖𑀯 𑀧𑀼𑀫 𑀯𑀢𑁆𑀢𑀳.
𑀭𑀸𑀚𑀸𑀤𑀻𑀦𑀁 ¶ 𑀬𑀼𑀯𑀸𑀤𑀻𑀦𑀁 𑀘 𑀆𑀦𑀗 𑀳𑁄𑀢𑀺 𑀯𑀸 𑀅𑀁𑀫𑁆𑀳𑀺, 𑀭𑀸𑀚𑀸𑀦𑀁 𑀭𑀸𑀚𑀁, 𑀬𑀼𑀯𑀸𑀦𑀁 𑀬𑀼𑀯𑀁.
𑀭𑀸𑀚𑀸𑀤𑀻𑀳𑀺 𑀬𑀼𑀯𑀸𑀤𑀻𑀳𑀺 𑀘 𑀬𑁄𑀦𑀁 𑀆𑀦𑁄 𑀯𑀸 𑀳𑁄𑀢𑀺, 𑀭𑀸𑀚𑀸𑀦𑁄 𑀬𑀼𑀯𑀸𑀦𑁄, 𑀯𑀸 𑀢𑁆𑀯𑁂𑀯? 𑀭𑀸𑀚𑀸 𑀭𑀸𑀚𑁂, 𑀬𑀼𑀯𑀸 𑀬𑀼𑀯𑁂.
𑀲𑀔𑀢𑁄 𑀬𑁄𑀦 𑀫𑀸𑀬𑁄 𑀦𑁄 𑀳𑁄𑀦𑁆𑀢𑀺 𑀯𑀸 𑀆𑀦𑁄 𑀘, 𑀲𑀔𑀸𑀬𑁄, 𑀲𑀔𑀺𑀦𑁄, 𑀲𑀔𑀸𑀦𑁄, 𑀯𑀸 𑀢𑁆𑀯𑁂𑀯? 𑀲𑀔𑀸, 𑀲𑀔𑁂.
𑀲𑀔𑀢𑁄 𑀲𑁆𑀫𑀺𑀦𑁄 𑀝𑁂 𑀳𑁄𑀢𑀺, 𑀲𑀔𑁂, 𑀦𑀺𑀘𑁆𑀘𑀢𑁆𑀣𑁄-𑀬𑀫𑀸𑀭𑀫𑁆𑀪𑁄.
𑀲𑀔𑀲𑁆𑀲 𑀇 𑀳𑁄𑀢𑀺 𑀦𑁄𑀦𑀸𑀲𑁂𑀲𑀼, 𑀲𑀔𑀺𑀦𑁄, 𑀲𑀔𑀺𑀦𑀸, 𑀲𑀔𑀺𑀲𑁆𑀲.
𑀲𑀔𑀲𑁆𑀲 𑀇 𑀯𑀸 𑀳𑁄𑀢𑀺 𑀲𑁆𑀫𑀸𑀦𑀁𑀲𑀼, 𑀲𑀔𑀺𑀲𑁆𑀫𑀸 𑀲𑀔𑀲𑁆𑀫𑀸, 𑀲𑀔𑀻𑀦𑀁 𑀲𑀔𑀸𑀦𑀁.
𑀲𑀔𑀲𑁆𑀲 𑀆𑀭𑀗 𑀯𑀸 𑀳𑁄𑀢𑀺 𑀬𑁄𑀲𑁆𑀯𑀁𑀳𑀺𑀲𑀼 𑀲𑁆𑀫𑀸𑀦𑀁𑀲𑀼 𑀘, 𑀲𑀔𑀸𑀭𑁄 𑀲𑀔𑀸𑀬𑁄, 𑀲𑀔𑀸𑀭𑁂𑀲𑀼 𑀲𑀔𑁂𑀲𑀼, 𑀲𑀔𑀸𑀭𑀁 𑀲𑀔𑀁, 𑀲𑀔𑀸𑀭𑁂𑀳𑀺 𑀲𑀔𑁂𑀳𑀺, 𑀲𑀔𑀸𑀭𑀸 𑀲𑀔𑀸, 𑀲𑀔𑀲𑁆𑀫𑀸, 𑀲𑀔𑀸𑀭𑀸𑀦𑀁 𑀲𑀔𑀸𑀦𑀁.
𑀮𑁆𑀢𑀼𑀧𑁆𑀧𑀘𑁆𑀘𑀬𑀦𑁆𑀢𑀸𑀦𑀁 ¶ 𑀧𑀺𑀢𑀸𑀤𑀻𑀦𑀁 𑀘 𑀆𑀭𑀗 𑀳𑁄𑀢𑀻 𑀲𑀢𑁄-𑀜𑁆𑀜𑀢𑁆𑀭, 𑀓𑀢𑁆𑀢𑀸𑀭𑁄, 𑀧𑀺𑀢𑀭𑁄, 𑀓𑀢𑁆𑀢𑀸𑀭𑀁, 𑀧𑀺𑀢𑀭𑀁, 𑀓𑀢𑁆𑀢𑀸𑀭𑀸, 𑀧𑀺𑀢𑀭𑀸, 𑀓𑀢𑁆𑀢𑀭𑀺, 𑀧𑀺𑀢𑀭𑀺, 𑀅𑀲𑁂𑀢𑀺 𑀓𑀺𑀁? 𑀓𑀢𑁆𑀢𑀼𑀦𑁄, 𑀧𑀺𑀢𑀼𑀦𑁄.
𑀦𑀫𑁆𑀳𑀺 𑀮𑁆𑀢𑀼𑀧𑀺𑀢𑀸𑀤𑀻𑀦𑀼𑀫𑀸𑀦𑀗 𑀯𑀸 𑀳𑁄𑀢𑀺, 𑀓𑀢𑁆𑀢𑀸𑀭𑀸𑀦𑀁 𑀓𑀢𑁆𑀢𑀽𑀦𑀁, 𑀤𑀺𑀢𑀭𑀸𑀦𑀁 𑀧𑀺𑀢𑀼𑀦𑁆𑀦𑀁.
𑀦𑀫𑁆𑀳𑀺 𑀮𑁆𑀢𑀼𑀧𑀺𑀢𑀸𑀤𑀻𑀦𑀫𑀸 𑀯𑀸 𑀳𑁄𑀢𑀻, 𑀓𑀢𑁆𑀢𑀸𑀦𑀁 𑀓𑀢𑁆𑀢𑀽𑀦𑀁, 𑀧𑀻𑀢𑀸𑀦𑀁 𑀧𑀺𑀢𑀼𑀦𑁆𑀦𑀁.
𑀮𑁆𑀢𑀼𑀧𑀺𑀢𑀸𑀤𑀺𑀳𑀺 𑀲𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺, 𑀓𑀢𑁆𑀣𑀼 𑀓𑀢𑁆𑀣𑀼𑀦𑁄, 𑀲𑀓𑀫𑀦𑁆𑀢𑀸𑀢𑀼 𑀲𑀓𑀫𑀦𑁆𑀥𑀸𑀢𑀼𑀦𑁄, 𑀧𑀻𑀢𑀼 𑀧𑀺𑀢𑀼𑀦𑁄.
𑀲𑀼𑀳𑀺𑀲𑀼 𑀮𑁆𑀢𑀼𑀧𑀺𑀢𑀸𑀤𑀻𑀦𑀫𑀸𑀭𑀗 𑀯𑀸 𑀳𑁄𑀢𑀺, 𑀓𑀢𑁆𑀢𑀸𑀭𑁂𑀲𑀼 𑀓𑀢𑁆𑀢𑀽𑀲𑀼, 𑀧𑀺𑀢𑀭𑁂𑀲𑀼 𑀧𑀺𑀢𑀽𑀲𑀼, 𑀓𑀢𑁆𑀢𑀸𑀭𑁂𑀳𑀺 𑀓𑀢𑁆𑀢𑀽𑀳𑀺, 𑀧𑀺𑀢𑀭𑁂𑀳𑀺 𑀧𑀻𑀢𑀽𑀳𑀻.
𑀬𑁄𑀲𑀼 𑀦𑀤𑀺𑀲𑀤𑁆𑀤𑀲𑁆𑀲 𑀆𑀫 𑀯𑀸 𑀳𑁄𑀢𑀺, 𑀦𑀚𑁆𑀚𑀸𑀬𑁄 𑀦𑀤𑀺𑀬𑁄.
𑀓𑀢𑀺𑀫𑁆𑀳𑀸 𑀥𑀬𑀸𑀦𑀁 𑀝𑀺 𑀳𑁄𑀢𑀺, 𑀓𑀢𑀺 𑀢𑀺𑀝𑁆𑀞𑀦𑁆𑀢𑀺, 𑀓𑀢𑀺 𑀧𑀲𑁆𑀲.
𑀧𑀜𑁆𑀘𑀸𑀤𑀻𑀳𑀺 ¶ 𑀘𑀼𑀤𑁆𑀤𑀲𑀳𑀺 𑀲𑀁𑀔𑁆𑀬𑀸𑀳𑀺 𑀬𑁄𑀦𑀁 𑀝𑁄 𑀳𑁄𑀢𑀺 𑀧𑀜𑁆𑀘, 𑀧𑀜𑁆𑀘, 𑀏𑀯𑀁 𑀬𑀸𑀯 𑀅𑀝𑁆𑀞𑀸𑀭𑀲𑀸. 𑀧𑀜𑁆𑀘𑀸𑀤𑀻𑀳𑀻𑀢𑀺 𑀓𑀺𑀁? 𑀤𑁆𑀯𑁂, 𑀢𑀬𑁄, 𑀘𑀢𑁆𑀢𑀸𑀭𑁄, 𑀘𑀼𑀤𑁆𑀥𑀲𑀳𑀻𑀢𑀺 𑀓𑀺𑀁? 𑀤𑁆𑀯𑁂 𑀯𑀺𑀲𑀢𑀺𑀬𑁄.
𑀉𑀪𑀕𑁄𑀳𑀺 𑀬𑁄𑀦𑀁 𑀝𑁄 𑀳𑁄𑀢𑀺, 𑀉𑀪𑁄, 𑀉𑀪𑁄, 𑀕𑀸𑀯𑁄, 𑀕𑀸𑀯𑁄, 𑀓𑀣𑀁 ‘𑀇𑀫𑁂𑀓𑀭𑀢𑁆𑀣𑀺𑀁 𑀉𑀪𑀬𑁄 𑀯𑀲𑀸𑀫𑀸’𑀢𑀺? 𑀝𑁄𑀫𑁆𑀳𑀺 𑀬𑀓𑀸𑀭𑀸𑀕𑀫𑁄.
𑀆𑀭𑀯𑀸𑀤𑁂𑀲𑀢𑁄 𑀬𑁄𑀦𑀁 𑀝𑁄 𑀳𑁄𑀢𑀺, 𑀲𑀔𑀸𑀭𑁄, 𑀓𑀢𑁆𑀢𑀸𑀭𑁄, 𑀧𑀺𑀢𑀭𑁄.
𑀆𑀭𑀯𑀸𑀤𑁂𑀲𑀫𑁆𑀳𑀸 𑀬𑁄𑀦𑀁 𑀝𑁄𑀝𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀲𑀔𑀸𑀭𑁄, 𑀲𑀔𑀸𑀭𑁂 𑀲𑀔𑀸𑀬𑁄, 𑀝𑁄𑀕𑁆𑀕𑀳𑀡𑀁 𑀮𑀸𑀖𑀯𑀢𑁆𑀣𑀁.
𑀆𑀭𑀯𑀸𑀤𑁂𑀲𑀫𑁆𑀳𑀸 𑀦𑀸𑀲𑁆𑀫𑀸𑀦𑀁 𑀝𑀸 𑀳𑁄𑀢𑀺, 𑀓𑀢𑁆𑀢𑀸𑀭𑀸, 𑀓𑀢𑁆𑀢𑀭𑀸. 𑀓𑀽𑀘𑀺 𑀯𑀸 𑀳𑁄𑀢𑀺 𑀩𑀬𑀼𑀮𑀸𑀥𑀺𑀓𑀸𑀭𑀸, 𑀏𑀢𑀸𑀤𑀺𑀲𑀸 𑀲𑀔𑀸𑀭𑀫𑁆𑀳𑀸.
𑀆𑀭𑀯𑀸𑀤𑁂𑀲𑀫𑁆𑀳𑀸 𑀲𑁆𑀫𑀺𑀦𑁄 𑀝𑀺 𑀳𑁄𑀢𑀺, 𑀓𑀢𑁆𑀢𑀭𑀺, 𑀯𑀺𑀢𑀭𑀺.
𑀤𑀺𑀯𑀸𑀤𑀻𑀳𑀺 ¶ 𑀦𑀸𑀫𑁂𑀳𑀺 𑀲𑁆𑀫𑀺𑀦𑁄 𑀝𑀺 𑀳𑁄𑀢𑀺, 𑀤𑀺𑀯𑀺, 𑀪𑀼𑀯𑀺. 𑀦𑀺𑀘𑁆𑀘𑀁 𑀯𑀓𑀸𑀭𑀸𑀕𑀫𑁄.
𑀲𑁆𑀫𑀺𑀫𑁆𑀳𑀺 𑀆𑀭𑁄 𑀭𑀲𑁆𑀲𑁄 𑀳𑁄𑀢𑀺, 𑀓𑀢𑁆𑀢𑀭𑀺, 𑀦𑀢𑁆𑀢𑀭𑀺.
𑀦𑀢𑁆𑀯𑀸𑀤𑀺𑀯𑀚𑁆𑀚𑀺𑀢𑀸𑀦𑀁 𑀧𑀺𑀢𑀸𑀤𑀻𑀦𑀫𑀸𑀭𑁄 𑀭𑀲𑁆𑀲𑁄 𑀳𑁄𑀢𑀺 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼, 𑀧𑀺𑀢𑀭𑁄, 𑀧𑀺𑀢𑀭𑀁, 𑀅𑀦𑀼𑀢𑁆𑀯𑀸𑀤𑀻𑀦𑀦𑁆𑀢𑀺 𑀓𑀺𑀁? 𑀦𑀢𑁆𑀢𑀸𑀭𑁄.
𑀲𑀼𑀳𑀺𑀲𑀼 𑀬𑀼𑀯𑀸𑀤𑀻𑀦𑀁 𑀆𑀦𑀗 𑀳𑁄𑀢𑀺, 𑀬𑀼𑀯𑀸𑀦𑁂𑀲𑀼, 𑀬𑀼𑀯𑀸𑀦𑁂𑀳𑀺.
𑀏𑀲𑀼 𑀬𑀼𑀯𑀸𑀤𑀻𑀦𑀫𑀸 𑀳𑁄𑀢𑀺, 𑀬𑀼𑀯𑀸𑀦𑁄, 𑀬𑀼𑀯𑀸𑀦𑀸, 𑀬𑀼𑀯𑀸𑀦𑁂.
𑀬𑀼𑀯𑀸𑀤𑀻𑀳𑀺 𑀲𑁆𑀫𑀸𑀲𑁆𑀫𑀺𑀦𑁆𑀦𑀁 𑀦𑀸𑀦𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀬𑀼𑀯𑀸𑀦𑀸, 𑀬𑀼𑀯𑀸𑀦𑁂.
𑀬𑀼𑀯𑀸𑀤𑀻𑀳𑀺 𑀬𑁄𑀦𑀁 𑀦𑁄𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀬𑀼𑀯𑀸𑀦𑁄, 𑀬𑀼𑀯𑀸𑀦𑁂, 𑀯𑀸𑀢𑀺 𑀓𑀺𑀁? 𑀬𑀼𑀯𑁂 𑀧𑀲𑁆𑀲, 𑀦𑁄𑀕𑁆𑀕𑀳𑀡𑀁 𑀮𑀸𑀖𑀯𑀢𑁆𑀣𑀁.
𑀅𑀜𑁆𑀜𑀧𑀤𑀢𑁆𑀣𑁂 ¶ 𑀯𑀢𑁆𑀢𑀫𑀸𑀦𑀸 𑀇𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀬𑁄𑀦𑀁 𑀦𑁄𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂, 𑀢𑁄𑀫𑀭𑀗𑁆𑀓𑀼𑀲𑀧𑀸𑀡𑀺𑀦𑁄, 𑀢𑁄𑀫𑀭𑀗𑁆𑀓𑀼𑀲𑀧𑀸𑀡𑀺𑀦𑁂, 𑀯𑀸𑀢𑁆𑀯𑁂𑀯? 𑀢𑁄𑀫𑀭𑀗𑁆𑀓𑀼𑀲𑀧𑀸𑀡𑀬𑁄, 𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀧𑀸𑀡𑀬𑁄.
𑀅𑀜𑁆𑀜𑀧𑀤𑀢𑁆𑀣𑁂 𑀯𑀢𑁆𑀣𑀫𑀸𑀦𑀸 𑀇𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑁆𑀫𑀺𑀦𑁄 𑀦𑁂 𑀳𑁄𑀢𑀺 𑀯𑀸 𑀓𑁆𑀯𑀘𑀺 𑀧𑀼𑀮𑁆𑀮𑀺𑀗𑁆𑀕𑁂, 𑀓𑀢𑀜𑁆𑀜𑀼𑀫𑁆𑀳𑀺 𑀘 𑀧𑁄𑀲𑀫𑁆𑀳𑀺, 𑀲𑀻𑀮𑀯𑀦𑁆𑀢𑁂 𑀅𑀭𑀺𑀬 𑀯𑀼𑀢𑁆𑀢𑀺𑀦𑁂, 𑀯𑀸𑀢𑁆𑀯𑁂𑀯? 𑀅𑀭𑀺𑀬𑀯𑀼𑀢𑁆𑀢𑀺𑀫𑁆𑀳𑀺, 𑀧𑀼𑀫𑁂𑀢𑁆𑀯𑁂𑀯? 𑀅𑀭𑀺𑀬𑀯𑀼𑀢𑁆𑀢𑀺𑀬𑀸.
𑀧𑀼𑀫𑀲𑀤𑁆𑀤𑀢𑁄 𑀲𑁆𑀫𑀺𑀦𑁄 𑀬𑀁 𑀯𑀼𑀢𑁆𑀢𑀁, 𑀢𑀁 𑀯𑀸 𑀳𑁄𑀢𑀺, 𑀧𑀼𑀫𑀸𑀦𑁂 𑀧𑀼𑀫𑁂.
𑀧𑀼𑀫𑀲𑁆𑀲 𑀦𑀸𑀫𑁆𑀳𑀺 𑀬𑀁 𑀯𑀼𑀢𑁆𑀢𑀁, 𑀢𑀁 𑀯𑀸 𑀳𑁄𑀢𑀺, 𑀧𑀼𑀫𑀸𑀦𑀸 𑀧𑀼𑀫𑁂𑀦.
𑀧𑀼𑀫𑀲𑁆𑀲 𑀲𑀼𑀫𑁆𑀳𑀺 𑀬𑀁 𑀯𑀼𑀢𑁆𑀢𑀁, 𑀢𑀁 𑀆 𑀘 𑀯𑀸 𑀳𑁄𑀢𑀺, 𑀧𑀼𑀫𑀸𑀦𑁂𑀲𑀼, 𑀧𑀼𑀫𑀸𑀲𑀼 𑀧𑀼𑀫𑁂𑀲𑀼𑀁.
𑀧𑀼𑀫𑀲𑀤𑁆𑀤𑀢𑁄 𑀕𑀲𑁆𑀲 𑀅𑀁 𑀯𑀸 𑀳𑁄𑀢𑀺, 𑀪𑁄 𑀧𑀼𑀫𑀁 𑀪𑁄 𑀧𑀼𑀫, 𑀪𑁄 𑀇𑀢𑁆𑀢𑀺𑀧𑀼𑀫𑀁 𑀪𑁄 𑀇𑀢𑁆𑀣𑀺𑀧𑀼𑀫.
𑀲𑀸𑀲𑀤𑁆𑀤𑀲𑁆𑀲 ¶ 𑀆𑀦𑀗 𑀳𑁄𑀢𑀺 𑀅𑀁𑀲𑁂 𑀕𑁂 𑀘, 𑀲𑀸𑀦𑀁, 𑀲𑀸𑀦𑀲𑁆𑀲, 𑀘𑀪𑀸 𑀲𑀸𑀦.
𑀯𑀢𑁆𑀢𑀳𑀸 𑀲𑀦𑀁𑀦𑀁 𑀦𑁄𑀦𑀸𑀦𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀯𑀢𑁆𑀢𑀳𑀸𑀦𑁄, 𑀯𑀢𑁆𑀢𑀳𑀸𑀦𑀸𑀦𑀁.
𑀩𑁆𑀭𑀳𑁆𑀫𑀲𑁆𑀲 𑀉 𑀯𑀸 𑀳𑁄𑀢𑀺 𑀲𑀦𑀁𑀲𑀼, 𑀩𑁆𑀭𑀳𑁆𑀫𑀼𑀦𑁄 𑀩𑁆𑀭𑀳𑁆𑀫𑀲𑁆𑀲, 𑀩𑁆𑀭𑀳𑁆𑀫𑀽𑀦𑀁 𑀩𑁆𑀭𑀳𑁆𑀫𑀸𑀦𑀁.
𑀩𑁆𑀭𑀳𑁆𑀫𑀲𑁆𑀲 𑀉 𑀳𑁄𑀢𑀺 𑀦𑀸𑀫𑁆𑀳𑀺, 𑀩𑁆𑀭𑀳𑁆𑀫𑀼𑀦𑀸.
𑁧𑁯𑁨. 𑀧𑀼𑀫𑀓𑀫𑁆𑀫𑀣𑀸𑀫𑀤𑁆𑀥𑀸𑀦𑀁 𑀯𑀸 𑀲𑀲𑁆𑀫𑀸𑀲𑀼 𑀘.
𑀧𑀼𑀫𑀸𑀤𑀺𑀦𑀫𑀼 𑀳𑁄𑀢𑀺 𑀯𑀸 𑀲𑀲𑁆𑀫𑀸𑀲𑀼 𑀦𑀸𑀫𑁆𑀳𑀺 𑀘, 𑀧𑀼𑀫𑀼𑀦𑁄 𑀧𑀼𑀫𑀲𑁆𑀲, 𑀧𑀼𑀫𑀼𑀦𑀸 𑀧𑀼𑀫𑀸𑀦𑀸, 𑀧𑀼𑀫𑀼𑀦𑀸 𑀧𑀼𑀫𑀸𑀦𑀸, 𑀓𑀫𑁆𑀫𑀼𑀦𑁄 𑀓𑀫𑁆𑀫𑀲𑁆𑀲, 𑀓𑀫𑁆𑀫𑀼𑀦𑀸 𑀓𑀫𑁆𑀫𑀲𑁆𑀫𑀸, 𑀓𑀫𑁆𑀫𑀼𑀦𑀸 𑀓𑀫𑁆𑀫𑀦𑀸, 𑀣𑀸𑀫𑀼𑀦𑁄 𑀣𑀸𑀫𑀲𑁆𑀲, 𑀣𑀸𑀫𑀼𑀦𑀸 𑀣𑀸𑀫𑀲𑁆𑀫𑀸, 𑀣𑀸𑀫𑀼𑀦𑀸 𑀣𑀸𑀫𑁂𑀦, 𑀅𑀤𑁆𑀥𑀼𑀦𑁄 𑀅𑀤𑁆𑀥𑀲𑁆𑀲, 𑀅𑀤𑁆𑀥𑀼𑀦𑀸 𑀅𑀤𑁆𑀥𑀲𑁆𑀫𑀸, 𑀅𑀤𑁆𑀥𑀼𑀦𑀸 𑀅𑀤𑁆𑀥𑀦𑀸.
𑀬𑀼𑀯𑀸 𑀲𑀲𑁆𑀲 𑀯𑀸 𑀇𑀦𑁄 𑀳𑁄𑀢𑀺, 𑀬𑀼𑀯𑀺𑀦𑁄 𑀬𑀼𑀯𑀲𑁆𑀲.
𑀅𑀢𑁆𑀢𑀸𑀢𑀼𑀫𑁂𑀳𑀺 ¶ 𑀲𑀲𑁆𑀲 𑀦𑁄 𑀳𑁄𑀢𑀺 𑀯𑀸, 𑀅𑀢𑁆𑀢𑀦𑁄 𑀅𑀢𑁆𑀢𑀲𑁆𑀲, 𑀆𑀢𑀼𑀫𑀦𑁄 𑀆𑀢𑀼𑀫𑀲𑁆𑀲.
𑀅𑀢𑁆𑀢𑀆𑀢𑀼𑀫𑀸𑀦𑀁 𑀲𑀼𑀳𑀺𑀲𑀼 𑀯𑀸 𑀦𑀓 𑀳𑁄𑀢𑀺, 𑀅𑀢𑁆𑀢𑀦𑁂𑀲𑀼 𑀅𑀢𑁆𑀢𑁂𑀲𑀼 𑀆𑀢𑀼𑀫𑀦𑁂𑀲𑀼 𑀆𑀢𑀼𑀫𑁂𑀲𑀼, 𑀅𑀢𑁆𑀢𑀦𑁂𑀳𑀺 𑀅𑀢𑁆𑀢𑁂𑀳𑀺 𑀆𑀢𑀼𑀫𑀦𑁂𑀳𑀺 𑀆𑀢𑀼𑀫𑁂𑀳𑀺, 𑀓𑀣𑀁 ‘𑀯𑁂𑀭𑀺𑀦𑁂𑀲𑀼’𑀢𑀺? ‘𑀦𑀓’ 𑀇𑀢𑀺 𑀬𑁄𑀕𑀯𑀺𑀪𑀸𑀕𑀸.
𑀩𑁆𑀭𑀳𑁆𑀫𑀸 𑀅𑀢𑁆𑀢𑀆𑀢𑀼𑀫𑁂𑀳𑀺 𑀘 𑀲𑁆𑀯𑀸𑀲𑁆𑀲 𑀦𑀸 𑀳𑁄𑀢𑀺, 𑀩𑁆𑀭𑀳𑁆𑀫𑀼𑀦𑀸, 𑀅𑀢𑁆𑀢𑀦𑀸, 𑀆𑀢𑀼𑀫𑀦𑀸.
𑁧𑁯𑁭. 𑀇𑀫𑁂𑀢𑀸𑀦𑀫𑁂𑀦𑀸𑀦𑁆𑀯𑀸𑀤𑁂𑀲𑁂 𑀤𑀼𑀢𑀺𑀬𑀸𑀬𑀁.
𑀇𑀫𑀏𑀢𑀲𑀤𑁆𑀤𑀸𑀦𑀁 𑀓𑀣𑀺𑀢𑀸𑀦𑀼𑀓𑀣𑀦𑀯𑀺𑀲𑀬𑁂 𑀤𑀼𑀢𑀺𑀬𑀸𑀬𑀫𑁂𑀦𑀸𑀤𑁂𑀲𑁄 𑀳𑁄𑀢𑀺, 𑀇𑀫𑀁 𑀪𑀺𑀓𑁆𑀔𑀼𑀁 𑀯𑀺𑀦𑀬𑀫𑀚𑁆𑀛𑀸𑀧𑀬, 𑀅𑀣𑁄 𑀏𑀦𑀁 𑀥𑀫𑁆𑀫𑀫𑀚𑁆𑀛𑀸𑀧𑀬, 𑀇𑀫𑁂 𑀪𑀺𑀓𑁆𑀔𑀽 𑀯𑀺𑀦𑀬𑀫𑀚𑁆𑀛𑀸𑀧𑀬, 𑀅𑀣𑁄 𑀏𑀦𑁂 𑀥𑀫𑁆𑀫𑀫𑀚𑁆𑀛𑀸𑀧𑀬, 𑀏𑀯𑀫𑁂𑀢𑀲𑁆𑀲 𑀘 𑀬𑁄𑀚𑀦𑀺𑀬𑀁.
𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀺𑀲𑀼 𑀓𑀺𑀲𑁆𑀲 𑀓𑁄 𑀳𑁄𑀢𑀺, 𑀓𑁄, 𑀏𑀓, 𑀓𑀸, 𑀓𑀸𑀬𑁄, 𑀓𑀁, 𑀓𑀸𑀦𑀺, 𑀓𑁂𑀦𑁂𑀘𑁆𑀘𑀸𑀫𑀺.
𑀅𑀦𑀺𑀢𑁆𑀣𑀺𑀬𑀁 ¶ 𑀓𑀺𑀲𑁆𑀲 𑀓𑀺 𑀯𑀸 𑀳𑁄𑀢𑀺 𑀲𑀲𑁆𑀫𑀺𑀁𑀲𑀼, 𑀓𑀺𑀲𑁆𑀲 𑀓𑀲𑁆𑀲, 𑀓𑀺𑀲𑁆𑀫𑀺𑀁 𑀓𑀲𑁆𑀫𑀺𑀁, 𑀅𑀦𑀺𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀓𑀲𑁆𑀲𑀸, 𑀓𑀲𑁆𑀲𑀁.
𑀅𑀁𑀲𑀺𑀲𑀼 𑀲𑀳 𑀢𑁂𑀳𑀺 𑀓𑀺𑀁𑀲𑀤𑁆𑀤𑀲𑁆𑀲 𑀓𑀺𑀁 𑀳𑁄𑀢𑀺 𑀦𑀧𑀼𑀁𑀲𑀓𑁂. 𑀓𑀺𑀁, 𑀓𑀺𑀁, 𑀦𑀧𑀼𑀁𑀲𑀓𑁂𑀢𑀺 𑀓𑀺𑀁? 𑀓𑁄, 𑀓𑀁.
𑀅𑀁𑀲𑀺𑀲𑀼 𑀲𑀳 𑀢𑁂𑀢𑀺 𑀇𑀫𑀲𑁆𑀲 𑀇𑀤𑀁 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂, 𑀇𑀤𑀁 𑀇𑀫𑀁, 𑀇𑀤𑀁 𑀇𑀫𑀁.
𑀅𑀁𑀲𑀺𑀲𑀼 𑀲𑀳 𑀢𑁂𑀳𑀺 𑀅𑀫𑀼𑀲𑁆𑀲 𑀅𑀤𑀼𑀁 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂, 𑀅𑀤𑀼𑀁 𑀅𑀫𑀼𑀁, 𑀅𑀤𑀼𑀁 𑀅𑀫𑀼𑀁.
𑀅𑀫𑁆𑀳𑀲𑁆𑀲 𑀅𑀲𑁆𑀫𑀸 𑀳𑁄𑀢𑀺 𑀯𑀸 𑀲𑀼𑀫𑁆𑀳𑀺, 𑀪𑀢𑁆𑀢𑀺𑀭𑀲𑁆𑀫𑀸𑀲𑀼 𑀬𑀸 𑀢𑀯, 𑀯𑀸 𑀢𑁆𑀯𑁂𑀯? 𑀅𑀫𑁆𑀳𑁂𑀲𑀼.
𑁨𑁦𑁪. 𑀦𑀁𑀫𑁆𑀳𑀺 𑀢𑀺𑀘𑀢𑀼𑀦𑁆𑀦𑀫𑀺𑀢𑁆𑀣𑀺𑀬𑀁 𑀢𑀺𑀲𑁆𑀲𑀘𑀢𑀲𑁆𑀲𑀸.
𑀦𑀁𑀫𑁆𑀳𑀺 𑀢𑀺𑀘𑀢𑀼𑀦𑁆𑀦𑀁 𑀢𑀺𑀲𑁆𑀲𑀘𑀢𑀲𑁆𑀲𑀸 𑀳𑁄𑀦𑁆𑀢𑀺 𑀇𑀢𑁆𑀣𑀺𑀬𑀁 𑀬𑀣𑀸𑀓𑁆𑀓𑀫𑀁, 𑀢𑀺𑀲𑁆𑀲𑀦𑁆𑀦𑀁 𑀘𑀢𑀲𑁆𑀲𑀦𑁆𑀦𑀁, 𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀢𑀺𑀡𑁆𑀡𑀁 𑀘𑀢𑀼𑀦𑁆𑀦𑀁.
𑁨𑁦𑁫. 𑀢𑀺𑀲𑁆𑀲𑁄𑀘𑀢𑀲𑁆𑀲𑁄 𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁.
𑀯𑀺𑀪𑀢𑁆𑀢𑀺𑀲𑀳𑀺𑀢𑀸𑀦𑀁 𑀢𑀺𑀘𑀢𑀼𑀦𑁆𑀦𑀁 𑀬𑁄𑀫𑁆𑀳𑀺 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀳𑁄𑀦𑁆𑀢𑀺 𑀇𑀢𑁆𑀣𑀺𑀬𑀁 𑀬𑀣𑀸𑀓𑁆𑀓𑀫𑀁, 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄.
𑀬𑁄𑀫𑁆𑀳𑀺 ¶ 𑀲𑀯𑀺𑀪𑀢𑁆𑀢𑀻𑀦𑀁 𑀢𑀺𑀘𑀢𑀼𑀦𑁆𑀦𑀁 𑀬𑀣𑀸𑀓𑁆𑀓𑀫𑀁 𑀢𑀻𑀡𑀺𑀘𑀢𑁆𑀢𑀸𑀭𑀺 𑀳𑁄𑀦𑁆𑀢𑀺 𑀦𑀧𑀼𑀁𑀲𑀓𑁂, 𑀢𑀻𑀡𑀺. 𑀘𑀢𑁆𑀢𑀸𑀭𑀺.
𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀺𑀘𑀢𑀼𑀦𑁆𑀦𑀁 𑀢𑀬𑁄𑀘𑀢𑁆𑀢𑀸𑀭𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂, 𑀢𑀬𑁄, 𑀘𑀢𑁆𑀢𑀸𑀭𑁄.
𑀘𑀢𑀼𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀬𑁄𑀫𑁆𑀳𑀺 𑀘𑀢𑀼𑀭𑁄 𑀯𑀸 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂, 𑀘𑀢𑀼𑀭𑁄 𑀚𑀦𑀸 𑀲𑀁𑀯𑀺𑀥𑀸𑀬, 𑀓𑀣𑀁 ‘𑀘𑀢𑀼𑀭𑁄 𑀦𑀺𑀫𑀺𑀢𑁆𑀢𑁂 𑀦𑀸𑀤𑁆𑀤𑀲𑁆𑀲𑀸𑀲𑀺’𑀦𑁆𑀢𑀺? 𑀮𑀺𑀗𑁆𑀕𑀯𑀺𑀧𑀮𑁆𑀮𑀸𑀲𑀸.
𑀬𑁄𑀲𑁆𑀯𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀫𑀬𑀫𑀲𑁆𑀫𑀸 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀫𑀬𑀁, 𑀅𑀲𑁆𑀫𑀸, 𑀅𑀫𑁆𑀳𑁂.
𑀦𑀁𑀲𑁂𑀲𑁆𑀯𑀫𑀼𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀲𑁆𑀫𑀸𑀓𑀁 𑀫𑀫𑀁 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁, 𑀅𑀲𑁆𑀫𑀸𑀓𑀁, 𑀅𑀫𑁆𑀳𑀸𑀓𑀁, 𑀫𑀫𑀁 𑀫𑀫.
𑀲𑀺𑀫𑁆𑀳𑀺 𑀅𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀳𑀁 𑀳𑁄𑀢𑀺, 𑀅𑀳𑀁.
𑀅𑀁𑀫𑁆𑀳𑀺 𑀲𑀺𑀫𑁆𑀳𑀺 𑀘 𑀢𑀼𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀼𑀯𑀁𑀢𑁆𑀯𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀼𑀯𑀁, 𑀢𑁆𑀯𑀁.
𑀢𑀼𑀫𑁆𑀳𑀲𑁆𑀲 ¶ 𑀢𑀬𑀸𑀢𑀬𑀻𑀦𑀁 𑀢𑀓𑀸𑀭𑀲𑁆𑀲 𑀢𑁆𑀯 𑀳𑁄𑀢𑀺 𑀯𑀸, 𑀢𑁆𑀯𑀬𑀸 𑀢𑀬𑀸, 𑀢𑁆𑀯𑀬𑀺 𑀢𑀬𑀺.
𑀲𑁆𑀯𑀸𑀫𑁆𑀳𑀺 𑀢𑀼𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑁆𑀯𑀫𑁆𑀳𑀸 𑀳𑁄𑀢𑀺 𑀯𑀸, 𑀧𑀢𑁆𑀢𑀸 𑀦𑀺𑀲𑁆𑀲𑀁 𑀲𑀬𑀁 𑀢𑁆𑀯𑀫𑁆𑀳𑀸, 𑀯𑀸 𑀢𑁆𑀯𑁂𑀯? 𑀢𑁆𑀯𑀬𑀸.
𑁨𑁧𑁫. 𑀦𑁆𑀢𑀦𑁆𑀢𑀽𑀦𑀁𑀦𑁆𑀢𑁄𑀬𑁄𑀫𑁆𑀳𑀻 𑀧𑀞𑀫𑁂.
𑀧𑀞𑀫𑁂 𑀬𑁄𑀫𑁆𑀳𑀺 𑀦𑁆𑀢𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢𑁄𑀇𑀘𑁆𑀘𑀸𑀤𑁂𑀲𑁄 𑀯𑀸 𑀳𑁄𑀢𑀺, 𑀕𑀘𑁆𑀙𑀦𑁆𑀢𑁄, 𑀕𑀘𑁆𑀙𑀦𑁆𑀢𑀸, 𑀕𑀼𑀡𑀯𑀦𑁆𑀢𑁄 𑀕𑀼𑀡𑀯𑀦𑁆𑀢𑀸.
𑀦𑀁𑀫𑁆𑀳𑀺 𑀦𑁆𑀢𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀣𑀻𑀦𑀁 𑀢𑀁 𑀯𑀸 𑀳𑁄𑀢𑀺, 𑀕𑀘𑁆𑀙𑀢𑀁 𑀕𑀘𑁆𑀙𑀦𑁆𑀢𑀸𑀦𑀁, 𑀕𑀼𑀡𑀯𑀢𑀁 𑀕𑀼𑀡𑀯𑀦𑁆𑀢𑀸𑀦𑀁.
𑀲𑀸𑀤𑀻𑀲𑀼 𑀦𑁆𑀢𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑁄𑀢𑀸𑀢𑀺𑀢𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁, 𑀕𑀘𑁆𑀙𑀢𑁄 𑀕𑀘𑁆𑀙𑀦𑁆𑀢𑀲𑁆𑀲, 𑀕𑀼𑀡𑀯𑀢𑁄 𑀕𑀼𑀡𑀯𑀦𑁆𑀢𑀲𑁆𑀲, 𑀕𑀘𑁆𑀙𑀢𑀸 𑀕𑀘𑁆𑀙𑀦𑁆𑀢𑀫𑁆𑀳𑀸, 𑀕𑀼𑀡𑀯𑀢𑀸 𑀕𑀼𑀡𑀯𑀦𑁆𑀣𑀫𑁆𑀳𑀸, 𑀕𑀘𑁆𑀙𑀢𑀺 𑀕𑀘𑁆𑀙𑀦𑁆𑀢𑁂, 𑀕𑀼𑀡𑀯𑀢𑀺 𑀕𑀼𑀡𑀯𑀦𑁆𑀢𑁂, 𑀕𑀘𑁆𑀙𑀢𑀸 𑀕𑀘𑁆𑀙𑀦𑁆𑀢𑁂𑀦, 𑀕𑀼𑀡𑀯𑀢𑀸 𑀕𑀼𑀡𑀯𑀦𑁆𑀢𑁂𑀦.
𑀕𑁂 𑀧𑀭𑁂 𑀦𑁆𑀢𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀝𑀝𑀸𑀅𑀁 𑀇𑀘𑁆𑀘𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀪𑁄 𑀕𑀘𑁆𑀙, 𑀪𑁄 𑀕𑀘𑁆𑀙𑀸, 𑀪𑁄 𑀕𑀘𑁆𑀙𑀁, 𑀢𑁄 𑀕𑀼𑀡𑀯, 𑀪𑁄 𑀕𑀼𑀡𑀯𑀸, 𑀪𑁄 𑀕𑀼𑀡𑀯𑀁.
𑁨𑁧𑁯. 𑀬𑁄𑀫𑁆𑀳𑀺 𑀤𑁆𑀯𑀺𑀦𑁆𑀦𑀁 𑀤𑀼𑀯𑁂𑀤𑁆𑀯𑁂.
𑀬𑁄𑀫𑁆𑀳𑀻 ¶ 𑀤𑁆𑀯𑀻𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑀼𑀯𑁂𑀤𑁆𑀯𑁂 𑀳𑁄𑀦𑁆𑀢𑀺 𑀧𑀘𑁆𑀘𑁂𑀓𑀁, 𑀤𑀼𑀯𑁂, 𑀤𑁆𑀯𑁂.
𑁨𑁨𑁦. 𑀤𑀼𑀯𑀺𑀦𑁆𑀦𑀁 𑀦𑀁𑀫𑁆𑀳𑀺 𑀯𑀸. 𑀦𑀁𑀫𑁆𑀳𑀺 𑀤𑁆𑀯𑀺𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑀼𑀯𑀺𑀦𑁆𑀦𑀁 𑀳𑁄𑀢𑀺 𑀯𑀸, 𑀤𑀼𑀯𑀺𑀦𑁆𑀦𑀁, 𑀤𑁆𑀯𑀺𑀦𑁆𑀦𑀁.
𑁨𑁨𑁧. 𑀭𑀸𑀚𑀲𑁆𑀲 𑀭𑀜𑁆𑀜𑀁. 𑀦𑀁𑀫𑁆𑀳𑀺 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀁 𑀳𑁄𑀢𑀺 𑀯𑀸, 𑀭𑀜𑁆𑀜𑀁 𑀭𑀸𑀚𑀸𑀦𑀁.
𑁨𑁨𑁨. 𑀦𑀸𑀲𑁆𑀫𑀸𑀲𑀼 𑀭𑀜𑁆𑀜𑀸. 𑀦𑀸𑀲𑁆𑀫𑀸𑀲𑀼 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀸 𑀳𑁄𑀢𑀺, 𑀭𑀜𑁆𑀜𑀸 𑀓𑀢𑀁, 𑀭𑀜𑁆𑀜𑀸 𑀦𑀺𑀲𑁆𑀲𑀝𑀁.
𑁨𑁨𑁩. 𑀭𑀜𑁆𑀜𑁄 𑀭𑀜𑁆𑀜𑀲𑁆𑀲 𑀭𑀸𑀚𑀺𑀦𑁄 𑀲𑁂. 𑀲𑁂 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑁄 𑀭𑀜𑁆𑀜𑀲𑁆𑀲 𑀭𑀸𑀚𑀺𑀦𑁄 𑀳𑁄𑀦𑁆𑀢𑀺, 𑀭𑀜𑁆𑀜𑁄, 𑀭𑀜𑁆𑀜𑀲𑁆𑀲, 𑀭𑀸𑀚𑀺𑀦𑁄.
𑁨𑁨𑁪. 𑀲𑁆𑀫𑀺𑀫𑁆𑀳𑀺 𑀭𑀜𑁆𑀜𑁂𑀭𑀸𑀚𑀺𑀦𑀺. 𑀲𑁆𑀫𑀺𑀫𑁆𑀳𑀺 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑁂 𑀭𑀸𑀚𑀺𑀦𑀺 𑀳𑁄𑀦𑁆𑀢𑀺, 𑀭𑀜𑁆𑀜𑁂, 𑀭𑀸𑀚𑀺𑀦𑀺.
𑁨𑁨𑁫. 𑀲𑀫𑀸𑀲𑁂 𑀯𑀸. 𑀲𑀫𑀸𑀲𑀯𑀺𑀲𑀬𑁂 𑀏𑀢𑁂 𑀆𑀤𑁂𑀲𑀸 𑀭𑀸𑀚𑀲𑁆𑀲 𑀯𑀸 𑀳𑁄𑀦𑁆𑀢𑀺, 𑀓𑀸𑀲𑀺𑀭𑀜𑁆𑀜𑀸 𑀓𑀸𑀲𑀺𑀭𑀸𑀚𑁂𑀦, 𑀓𑀸𑀲𑀺𑀭𑀜𑁆𑀜𑀸 𑀓𑀸𑀲𑀺𑀭𑀸𑀚𑀲𑁆𑀫𑀸, 𑀓𑀸𑀲𑀺𑀭𑀜𑁆𑀜𑁄 𑀓𑀸𑀲𑀺𑀭𑀸𑀚𑀲𑁆𑀲, 𑀓𑀸𑀲𑀺𑀭𑀜𑁆𑀜𑁂 𑀓𑀸𑀲𑀺𑀭𑀸𑀚𑁂.
𑁨𑁨𑁬. 𑀲𑁆𑀫𑀺𑀫𑁆𑀳𑀺 𑀢𑀼𑀫𑁆𑀳𑀸𑀫𑁆𑀳𑀸𑀦𑀁 𑀢𑀬𑀺𑀫𑀬𑀺. 𑀲𑁆𑀫𑀺𑀫𑁆𑀳𑀺 𑀢𑀼𑀫𑁆𑀳𑀅𑀫𑀼𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀺𑀫𑀬𑀺 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀬𑀺, 𑀫𑀬𑀺.
𑀅𑀁𑀫𑁆𑀳𑀺 ¶ 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀁 𑀫𑀁 𑀢𑀯𑀁 𑀫𑀫𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀁, 𑀫𑀁, 𑀢𑀯𑀁, 𑀫𑀫𑀁,
𑀦𑀸𑀲𑁆𑀫𑀸𑀲𑀼 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀸𑀫𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀬𑀸 𑀓𑀢𑀁, 𑀫𑀬𑀸 𑀓𑀢𑀁, 𑀢𑀬𑀸 𑀦𑀺𑀲𑁆𑀲𑀝𑀁, 𑀫𑀬𑀸 𑀦𑀺𑀲𑁆𑀲𑀝𑀁.
𑀲𑁂 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀯 𑀫𑀫 𑀢𑀼𑀬𑁆𑀳𑀁 𑀫𑀬𑁆𑀳𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀯, 𑀢𑀼𑀬𑁆𑀳𑀁, 𑀫𑀫, 𑀫𑀬𑁆𑀳𑀁.
𑀦𑀁𑀫𑁆𑀳𑀺 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀗𑀁𑀗𑀸𑀓𑀁 𑀳𑁄𑀦𑁆𑀢𑀺 𑀧𑀘𑁆𑀘𑁂𑀓𑀁, 𑀢𑀼𑀫𑁆𑀳𑀁, 𑀢𑀼𑀫𑁆𑀳𑀸𑀓𑀁, 𑀅𑀫𑁆𑀳𑀁, 𑀅𑀫𑁆𑀳𑀸𑀓𑀁, 𑀬𑀣𑀸𑀲𑀗𑁆𑀔𑁆𑀬𑀫𑀢𑁆𑀭 𑀦 𑀯𑀺𑀯𑀘𑁆𑀙𑀢𑁂.
𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀧𑀘𑁆𑀘𑁂𑀓𑀁 𑀗𑀁𑀗𑀸𑀓𑀁 𑀯𑀸 𑀳𑁄𑀦𑁆𑀢𑀺 𑀬𑁄𑀫𑁆𑀳𑀺 𑀤𑀼𑀢𑀺𑀬𑁂, 𑀢𑀼𑀫𑁆𑀳𑀁, 𑀢𑀼𑀫𑁆𑀳𑀸𑀓𑀁, 𑀢𑀼𑀫𑁆𑀳𑁂, 𑀅𑀫𑁆𑀳𑀁, 𑀅𑀫𑁆𑀳𑀸𑀓𑀁, 𑀅𑀫𑁆𑀳𑁂.
𑀇𑀤𑀫𑀥𑀺𑀓𑀢𑀁 𑀯𑁂𑀤𑀺𑀢𑀩𑁆𑀩𑀁. 𑀧𑀚𑁆𑀚𑀢𑁂-𑀦𑁂𑀦𑀢𑁆𑀣𑁄𑀢𑀺 𑀧𑀤𑀁-𑀲𑁆𑀬𑀸𑀤𑁆𑀬𑀦𑁆𑀢𑀁 𑀢𑁆𑀬𑀸𑀤𑁆𑀬𑀦𑁆𑀢𑀁 𑀘, 𑀧𑀤𑀲𑀫𑀽𑀳𑁄 𑀯𑀸𑀓𑁆𑀬𑀁.
𑀅𑀧𑀜𑁆𑀘𑀫𑀺𑀬𑀸 ¶ 𑀬𑁄𑀦𑀁𑀳𑀺𑀲𑁆𑀯𑀧𑀸𑀤𑀸𑀤𑁄 𑀯𑀢𑁆𑀢𑀫𑀸𑀦𑀸𑀦𑀁 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀏𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀢𑀼𑀫𑁆𑀳𑀸𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀯𑁄𑀦𑁄 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁, 𑀢𑀺𑀝𑁆𑀞𑀣 𑀯𑁄, 𑀢𑀺𑀝𑁆𑀞𑀣 𑀢𑀼𑀫𑁆𑀳𑁂, 𑀢𑀺𑀝𑁆𑀞𑀸𑀫 𑀦𑁄, 𑀢𑀺𑀝𑁆𑀞𑀸𑀫 𑀫𑀬𑀁, 𑀧𑀲𑁆𑀲𑀢𑀺 𑀯𑁄, 𑀧𑀲𑁆𑀲𑀢𑀺 𑀢𑀼𑀫𑁆𑀳𑁂, 𑀧𑀲𑁆𑀲𑀢𑀺 𑀦𑁄, 𑀧𑀲𑁆𑀲𑀢𑀺 𑀅𑀫𑁆𑀳𑁂, 𑀤𑀻𑀬𑀢𑁂 𑀯𑁄, 𑀤𑀻𑀬𑀢𑁂 𑀢𑀼𑀫𑁆𑀳𑀁, 𑀤𑀻𑀬𑀢𑁂 𑀦𑁄, 𑀤𑀻𑀬𑀢𑁂 𑀅𑀫𑁆𑀳𑀁, 𑀥𑀦𑀁 𑀯𑁄, 𑀥𑀦𑀁 𑀢𑀼𑀫𑁆𑀳𑀁, 𑀥𑀦𑀁 𑀦𑁄 𑀥𑀦𑀁 𑀅𑀫𑁆𑀳𑀁, 𑀓𑀢𑀁 𑀯𑁄, 𑀓𑀢𑀁 𑀢𑀼𑀫𑁆𑀳𑁂𑀳𑀺, 𑀓𑀢𑀁 𑀦𑁄, 𑀓𑀢𑀁 𑀅𑀫𑁆𑀳𑁂𑀳𑀺, 𑀅𑀧𑀜𑁆𑀘𑀫𑁆𑀬𑀸𑀢𑀺 𑀓𑀺𑀁? 𑀦𑀺𑀲𑁆𑀲𑀝𑀁 𑀢𑀼𑀫𑁆𑀳𑁂𑀳𑀺, 𑀦𑀺𑀲𑁆𑀲𑀝𑀁 𑀅𑀫𑁆𑀳𑁂𑀳𑀺, 𑀅𑀧𑀸𑀤𑀸𑀤𑁄𑀢𑁆𑀯𑁂𑀯? ‘𑀩𑀮𑀜𑁆𑀘 𑀪𑀺𑀓𑁆𑀔𑀽𑀦𑀫𑀦𑀼𑀧𑁆𑀧𑀤𑀺𑀦𑁆𑀦𑀁, 𑀢𑀼𑀫𑁆𑀳𑁂𑀳𑀺 𑀧𑀼𑀜𑁆𑀜𑀁 𑀧𑀲𑀼𑀢𑀁 𑀅𑀦𑀧𑁆𑀧𑀓𑀁’, 𑀧𑀤𑀢𑁄𑀢𑁆𑀯𑁂𑀯? 𑀢𑀼𑀫𑁆𑀳𑁂 𑀢𑀺𑀝𑁆𑀞𑀣, 𑀏𑀓𑀯𑀸𑀓𑁆𑀬𑁂𑀢𑁆𑀯𑁂𑀯? 𑀤𑁂𑀯𑀤𑀢𑁆𑀢𑁄 𑀢𑀺𑀝𑁆𑀞𑀢𑀺 𑀕𑀸𑀫𑁂, 𑀢𑀼𑀫𑁆𑀳𑁂 𑀢𑀺𑀝𑁆𑀞𑀣 𑀦𑀕𑀭𑁂, 𑀲𑀯𑀺𑀪𑀢𑁆𑀢𑀻𑀦𑀁𑀢𑁆𑀯𑁂𑀯? 𑀅𑀭𑀳𑀢𑀺 𑀥𑀫𑁆𑀫𑁄 𑀢𑀼𑀫𑁆𑀳𑀸𑀤𑀺𑀲𑀸𑀦𑀁, 𑀅𑀭𑀳𑀢𑀺 𑀥𑀫𑁆𑀫𑁄 𑀅𑀫𑁆𑀳𑀸𑀤𑀺𑀲𑀸𑀦𑀁.
𑀦𑀸𑀫𑁆𑀳𑀺 𑀲𑁂 𑀘 𑀅𑀧𑀸𑀤𑀸𑀤𑁄 𑀯𑀢𑁆𑀢𑀫𑀸𑀦𑀸𑀦𑀁 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀏𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀢𑀼𑀫𑁆𑀳𑀸𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑁂𑀫𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀓𑀢𑀁 𑀢𑁂, 𑀓𑀢𑀁 𑀢𑀬𑀸, 𑀓𑀢𑀁 𑀫𑁂, 𑀓𑀢𑀁 𑀫𑀬𑀸, 𑀤𑀻𑀬𑀢𑁂 𑀢𑁂, 𑀤𑀻𑀬𑀢𑁂 𑀢𑀯 𑀤𑀻𑀬𑀢𑁂 𑀫𑁂, 𑀤𑀻𑀬𑀢𑁂 𑀫𑀫, 𑀥𑀦𑀁 𑀢𑁂, 𑀥𑀦𑀁 𑀢𑀯, 𑀥𑀦𑀁 𑀫𑁂, 𑀥𑀦𑀁 𑀫𑀫.
𑀓𑀣𑀺𑀢𑀸𑀦𑀼𑀓𑀣𑀦𑀯𑀺𑀲𑀬𑁂 𑀢𑀼𑀫𑁆𑀳𑀅𑀫𑁆𑀳-𑀲𑀤𑁆𑀤𑀸𑀦𑀫𑀸𑀤𑁂𑀲𑀸 𑀦𑀺𑀘𑁆𑀘𑀁 𑀪𑀯𑀦𑁆𑀢𑀺 𑀧𑀼𑀦𑀩𑁆𑀩𑀺𑀥𑀸𑀦𑀸, 𑀕𑀸𑀫𑁄 𑀢𑀼𑀫𑁆𑀳𑀁 𑀧𑀭𑀺𑀕𑁆𑀕𑀳𑁄, 𑀅𑀣𑁄 𑀚𑀦𑀧𑀤𑁄 𑀯𑁄 𑀧𑀭𑀺𑀕𑁆𑀕𑀳𑁄.
𑀯𑀺𑀚𑁆𑀚𑀫𑀸𑀦𑀧𑀼𑀩𑁆𑀩𑀲𑁆𑀫𑀸 ¶ 𑀧𑀞𑀫𑀦𑁆𑀢𑀸 𑀧𑀭𑁂𑀲𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀫𑀸𑀤𑁂𑀲𑀸 𑀯𑀸 𑀳𑁄𑀦𑁆𑀢𑀺 𑀅𑀦𑁆𑀯𑀸𑀤𑁂𑀲𑁂𑀧𑀺, 𑀕𑀸𑀫𑁂 𑀧𑀝𑁄 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑁄 𑀯𑁄, 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑁄 𑀢𑀼𑀫𑁆𑀳𑀸𑀓𑀁, 𑀲𑀧𑀼𑀩𑁆𑀩𑀸𑀢𑀺 𑀓𑀺𑀁? 𑀧𑀝𑁄 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀓𑀫𑁆𑀩𑀮𑁄 𑀯𑁄, 𑀧𑀞𑀫𑀦𑁆𑀢𑀸𑀢𑀺 𑀓𑀺? 𑀧𑀝𑁄 𑀦𑀸𑀕𑀭𑁂 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀓𑀫𑁆𑀩𑀮𑁄 𑀕𑀸𑀫𑁂 𑀯𑁄.
𑀘𑀸𑀤𑀻𑀳𑀺 𑀬𑁄𑀕𑁂 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀫𑀸𑀤𑁂𑀲𑀸 𑀦 𑀳𑁄𑀦𑁆𑀢𑀺, 𑀕𑀸𑀫𑁄 𑀢𑀯 𑀘 𑀧𑀭𑀺𑀕𑁆𑀕𑀳𑁄, 𑀫𑀫 𑀘 𑀧𑀭𑀺𑀕𑁆𑀕𑀳𑁄, 𑀕𑀸𑀫𑁄 𑀢𑀯 𑀯𑀸 𑀧𑀭𑀺𑀕𑁆𑀕𑀳𑁄, 𑀫𑀫 𑀯𑀸 𑀧𑀭𑀺𑀕𑁆𑀕𑀳𑁄, 𑀕𑀸𑀫𑁄 𑀢𑀯 𑀳 𑀧𑀭𑀺𑀕𑁆𑀕𑀳𑁄, 𑀫𑀫 𑀳 𑀧𑀭𑀺𑀕𑁆𑀕𑀳𑁄, 𑀕𑀸𑀫𑁄 𑀢𑀯𑀸𑀳 𑀧𑀭𑀺𑀕𑁆𑀕𑀳𑁄, 𑀫𑀫𑀸𑀳 𑀧𑀭𑀺𑀕𑁆𑀕𑀳𑁄, 𑀕𑀸𑀫𑁄 𑀢𑀯𑁂𑀯 𑀧𑀭𑀺𑀕𑁆𑀕𑀳𑁄, 𑀫𑀫𑁂𑀯 𑀧𑀭𑀺𑀕𑁆𑀕𑀳𑁄, 𑀏𑀯𑀁 𑀲𑀩𑁆𑀩𑀢𑁆𑀣 𑀉𑀤𑀸𑀳𑀭𑀺𑀢𑀩𑁆𑀩𑀁, 𑀬𑁄𑀕𑁂𑀢𑀺 𑀓𑀺𑀁? 𑀕𑀸𑀫𑁄 𑀘 𑀢𑁂 𑀧𑀭𑀺𑀕𑁆𑀕𑀳𑁄, 𑀦𑀕𑀭𑀜𑁆𑀘 𑀫𑁂 𑀧𑀭𑀺𑀕𑁆𑀕𑀳𑁄.
𑀤𑀲𑁆𑀲𑀦𑀢𑁆𑀣𑁂𑀲𑀼 𑀆𑀮𑁄𑀘𑀦𑀯𑀚𑁆𑀚𑀺𑀢𑁂𑀲𑀼 𑀧𑀬𑀼𑀚𑁆𑀚𑀫𑀸𑀦𑁂𑀲𑀼 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀫𑀸𑀤𑁂𑀲𑀸 𑀦 𑀳𑁄𑀦𑁆𑀢𑀺, 𑀕𑀸𑀫𑁄 𑀢𑀼𑀫𑁆𑀳𑁂 𑀉𑀤𑁆𑀤𑀺𑀲𑁆𑀲𑀸𑀕𑀢𑁄, 𑀕𑀸𑀫𑁄 𑀅𑀫𑁆𑀳𑁂 𑀉𑀤𑁆𑀤𑀺𑀲𑁆𑀲𑀸𑀕𑀢𑁄, 𑀅𑀦𑀸𑀮𑁄𑀘𑀦𑁂𑀢𑀺 𑀓𑀺𑀁? 𑀕𑀸𑀫𑁄 𑀯𑁄 𑀆𑀮𑁄𑀘𑁂𑀢𑀺, 𑀕𑀸𑀫𑁄 𑀦𑁄 𑀆𑀮𑁄𑀘𑁂𑀢𑀺.
𑁨𑁯𑁩. 𑀆𑀫𑀦𑁆𑀢𑀡𑀁 𑀧𑀼𑀩𑁆𑀩𑀫𑀲𑀦𑁆𑀢𑀁𑀯. 𑀆𑀫𑀦𑁆𑀢𑀡𑀁 𑀧𑀼𑀩𑁆𑀩𑀫𑀯𑀺𑀚𑁆𑀚𑀫𑀸𑀦𑀁 𑀯𑀺𑀬 𑀳𑁄𑀢𑀺 𑀢𑀼𑀫𑁆𑀳𑀸𑀫𑁆𑀳𑀲𑀤𑁆𑀤𑀸𑀦𑀫𑀸𑀤𑁂𑀲𑀯𑀺𑀲𑀬𑁂, 𑀤𑁂𑀯𑀤𑀢𑁆𑀢 𑀢𑀯 𑀧𑀭𑀺𑀕𑁆𑀕𑀳𑁄, 𑀆𑀫𑀦𑁆𑀢𑀡𑀦𑁆𑀢𑀺 𑀓𑀺𑀁? 𑀓𑀫𑁆𑀩𑀮𑁄 𑀢𑁂 𑀧𑀭𑀺𑀕𑁆𑀕𑀳𑁄, 𑀧𑀼𑀩𑁆𑀩𑀫𑀺𑀢𑀺 𑀓𑀺𑀁? ‘𑀫𑀬𑁂𑀢𑀁 𑀲𑀩𑁆𑀩𑀫𑀓𑁆𑀔𑀸𑀢𑀁, 𑀢𑀼𑀫𑁆𑀳𑀸𑀓𑀁 𑀤𑁆𑀯𑀺𑀚𑀧𑀼𑀗𑁆𑀕𑀯𑀸 ¶ , 𑀧𑀭𑀲𑁆𑀲 𑀳𑀺 𑀅𑀯𑀺𑀚𑁆𑀚𑀫𑀸𑀦𑀢𑁆𑀢𑁂 ‘𑀅𑀧𑀸𑀤𑀸𑀤𑁄’𑀢𑀺 𑀧𑀝𑀺𑀲𑁂𑀥𑁄 𑀦 𑀲𑀺𑀬𑀸. 𑀇𑀯𑀸𑀢𑀺 𑀓𑀺𑀁? 𑀲𑀯𑀦𑀁 𑀬𑀣𑀸 𑀲𑀺𑀬𑀸.
𑀲𑀫𑀸𑀦𑀸𑀥𑀺𑀓𑀭𑀡𑁂 𑀧𑀭𑀢𑁄 𑀲𑀸𑀫𑀜𑁆𑀜𑀯𑀘𑀦𑀫𑀸𑀫𑀦𑁆𑀢𑀡𑀫𑀲𑀦𑁆𑀢𑀁 𑀯𑀺𑀬 𑀦 𑀳𑁄𑀢𑀺, 𑀫𑀸𑀡𑀯𑀓 𑀚𑀝𑀺𑀮𑀓 𑀢𑁂 𑀧𑀭𑀺𑀕𑁆𑀕𑀳𑁄. 𑀧𑀭𑀲𑁆𑀲𑀸𑀯𑀺𑀚𑁆𑀚𑀫𑀸𑀦𑀢𑁆𑀢𑁂𑀧𑀺 𑀧𑀼𑀩𑁆𑀩𑀭𑀽𑀧𑀫𑀼𑀧𑀸𑀤𑀸𑀬𑀸𑀤𑁂𑀲𑁄 𑀳𑁄𑀢𑀺, 𑀲𑀸𑀫𑀜𑁆𑀜𑀯𑀘𑀦𑀦𑁆𑀢𑀺 𑀓𑀺𑀁? 𑀤𑁂𑀯𑀤𑀢𑁆𑀢 𑀫𑀸𑀡𑀯𑀓 𑀢𑀯 𑀧𑀭𑀺𑀕𑁆𑀕𑀳𑁄, 𑀏𑀓𑀢𑁆𑀣𑁂𑀢𑀺 𑀓𑀺𑀁? 𑀤𑁂𑀯𑀤𑀢𑁆𑀢 𑀬𑀜𑁆𑀜𑀤𑀢𑁆𑀢 𑀢𑀼𑀫𑁆𑀳𑀁 𑀧𑀭𑀺𑀕𑁆𑀕𑀳𑁄.
𑀩𑀳𑀽𑀲𑀼 𑀯𑀢𑁆𑀢𑀫𑀸𑀦𑀫𑀸𑀫𑀦𑁆𑀢𑀡𑀁 𑀲𑀸𑀫𑀜𑁆𑀜𑀯𑀘𑀦𑀫𑁂𑀓𑀢𑁆𑀣𑁂 𑀅𑀯𑀺𑀚𑁆𑀚𑀫𑀸𑀦𑀁 𑀯𑀺𑀬 𑀯𑀸 𑀦 𑀳𑁄𑀢𑀺, 𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀢𑀼𑀫𑁆𑀳𑀸𑀓𑀁 𑀧𑀭𑀺𑀕𑁆𑀕𑀳𑁄, 𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀯𑁄 𑀧𑀭𑀺𑀕𑁆𑀕𑀳𑁄.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀲𑁆𑀬𑀸𑀤𑀺𑀓𑀡𑁆𑀟𑁄 𑀤𑀼𑀢𑀺𑀬𑁄.
(𑁩) 𑀢𑀢𑀺𑀬𑁄 𑀓𑀡𑁆𑀟𑁄 (𑀲𑀫𑀸𑀲𑁄)
𑀲𑁆𑀬𑀸𑀤𑁆𑀬𑀦𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀁 𑀳𑁄𑀢𑀻𑀢𑀺 𑀇𑀤𑀫𑀥𑀺𑀓𑀢𑀁 𑀯𑁂𑀤𑀺𑀢𑀩𑁆𑀩𑀁, 𑀲𑁄 𑀘 𑀪𑀺𑀦𑁆𑀦𑀢𑁆𑀣𑀸𑀦𑀫𑁂𑀓𑀢𑁆𑀣𑀻𑀪𑀸𑀯𑁄 𑀲𑀫𑀸𑀲𑁄𑀢𑀺 𑀯𑀼𑀘𑁆𑀘𑀢𑁂.
𑁨. 𑀅𑀲𑀗𑁆𑀔𑁆𑀬𑀁𑀯𑀺𑀪𑀢𑁆𑀢𑀺 𑀲𑀫𑁆𑀧𑀢𑁆𑀢𑀺 𑀲𑀫𑀻𑀧 𑀲𑀸𑀓𑀮𑁆𑀬𑀸𑀪𑀸𑀯 𑀬𑀣𑀸 𑀧𑀘𑁆𑀙𑀸𑀬𑀼𑀕𑀧𑀤𑀢𑁆𑀣𑁂.
𑀅𑀲𑀗𑁆𑀔𑁆𑀬𑀁 ¶ , 𑀲𑁆𑀬𑀸𑀤𑁆𑀬𑀦𑁆𑀢𑀁 𑀯𑀺𑀪𑀢𑁆𑀬𑀸𑀤𑀻𑀦𑀫𑀢𑁆𑀣𑁂 𑀯𑀢𑁆𑀢𑀫𑀸𑀦𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀁 𑀪𑀯𑀢𑀺, 𑀢𑀢𑁆𑀣 𑀯𑀺𑀪𑀢𑁆𑀬𑀢𑁆𑀣𑁂 𑀢𑀸𑀯 𑀇𑀢𑁆𑀣𑀻𑀲𑀼 𑀓𑀣𑀸 𑀧𑀯𑀢𑁆𑀢𑀸 𑀅𑀥𑀺𑀢𑁆𑀣𑀺. 𑀲𑀫𑁆𑀧𑀢𑁆𑀢𑀺 𑀤𑁆𑀯𑀺𑀥𑀸 𑀅𑀢𑁆𑀢𑀲𑀫𑁆𑀧𑀢𑁆𑀢𑀺 𑀲𑀫𑀺𑀤𑁆𑀥𑀺 𑀘, 𑀲𑀫𑁆𑀧𑀦𑁆𑀦𑀁 𑀩𑁆𑀭𑀳𑁆𑀫𑀁 𑀲𑀩𑁆𑀭𑀳𑁆𑀫𑀁 𑀮𑀺𑀘𑁆𑀙𑀯𑀻𑀦𑀁, 𑀲𑀫𑀺𑀤𑁆𑀥𑀺 𑀪𑀺𑀓𑁆𑀔𑀸𑀦𑀁 𑀲𑀼𑀪𑀺𑀓𑁆𑀔𑀁. 𑀲𑀫𑀻𑀧𑁂 𑀓𑀼𑀫𑁆𑀪𑀲𑁆𑀲 𑀲𑀫𑀻𑀧𑀫𑀼𑀧𑀓𑀼𑀫𑁆𑀪𑀁. 𑀲𑀸𑀓𑀮𑁆𑀬𑁂𑀲𑀢𑀺𑀡𑀫𑀚𑁆𑀛𑁄𑀳𑀭𑀢𑀺, 𑀲𑀸𑀕𑁆𑀬𑀥𑀻𑀢𑁂. 𑀅𑀪𑀸𑀯𑁄 𑀲𑀫𑁆𑀩𑀦𑁆𑀥𑀺𑀪𑁂𑀤𑀸 𑀩𑀳𑀼𑀯𑀺𑀥𑁄, 𑀢𑀢𑁆𑀭 𑀇𑀤𑁆𑀥𑀸𑀪𑀸𑀯𑁂-𑀯𑀺𑀕𑀢𑀸 𑀇𑀤𑁆𑀥𑀺 𑀲𑀤𑁆𑀤𑀺𑀓𑀸𑀦𑀁 𑀤𑀼𑀲𑁆𑀲𑀤𑁆𑀤𑀺𑀓𑀁, 𑀅𑀢𑁆𑀣𑀸𑀪𑀸𑀯𑁂-𑀅𑀪𑀸𑀯𑁄 𑀫𑀓𑁆𑀔𑀺𑀓𑀸𑀦𑀁 𑀦𑀺𑀫𑁆𑀫𑀓𑁆𑀔𑀺𑀓𑀁, 𑀅𑀳𑀺𑀓𑁆𑀓𑀫𑀸𑀪𑀸𑀯𑁂-𑀅𑀢𑀺𑀕𑀢𑀸𑀦𑀺 𑀢𑀺𑀡𑀸𑀦𑀺 𑀦𑀺𑀢𑁆𑀢𑀺𑀡𑀁, 𑀲𑀫𑁆𑀧𑀢𑁆𑀬𑀸𑀪𑀸𑀯𑁂-𑀅𑀢𑀺𑀕𑀢𑀁 𑀮𑀳𑀼𑀧𑀸𑀯𑀼𑀭𑀡𑀁 𑀅𑀢𑀺𑀮𑀳𑀼𑀧𑀸𑀯𑀼𑀭𑀡𑀁, 𑀮𑀳𑀼𑀧𑀸𑀯𑀼𑀭𑀡𑀲𑁆𑀲 𑀦𑀸𑀬𑀫𑀼𑀧𑀪𑁄𑀕𑀓𑀸𑀮𑁄𑀢𑀺 𑀅𑀢𑁆𑀣𑁄. 𑀬𑀣𑀸 𑀏𑀢𑁆𑀣𑀸-𑀦𑁂𑀓𑀯𑀺𑀥𑁄, 𑀢𑀢𑁆𑀭 𑀬𑁄𑀕𑁆𑀕𑀢𑀸𑀬𑀁-𑀅𑀦𑀼𑀭𑀽𑀧𑀁 𑀲𑀼𑀭𑀽𑀧𑁄𑀯𑀳𑀢𑀺, 𑀯𑀺𑀘𑁆𑀙𑀸𑀬𑀁-𑀅𑀦𑁆𑀯𑀤𑁆𑀥𑀫𑀸𑀲𑀁, 𑀅𑀢𑁆𑀣𑀸𑀦𑀢𑀺𑀯𑀢𑁆𑀢𑀺𑀬𑀁-𑀬𑀣𑀸𑀲𑀢𑁆𑀢𑀺, 𑀲𑀤𑀺𑀲𑀢𑁆𑀢𑁂, 𑀲𑀤𑀺𑀲𑁄 𑀓𑀺𑀔𑀺𑀬𑀸 𑀲𑀓𑀺𑀔𑀺, 𑀆𑀦𑀼𑀧𑀼𑀩𑁆𑀩𑀺𑀬𑁂-𑀅𑀦𑀼𑀚𑁂𑀝𑁆𑀞𑀁, 𑀧𑀘𑁆𑀙𑀸𑀤𑀢𑁆𑀣𑁂𑀅𑀦𑀼𑀭𑀣𑀁, 𑀬𑀼𑀕𑀧𑀤𑀢𑁆𑀣𑁂-𑀲𑀘𑀓𑁆𑀓𑀁 𑀦𑀺𑀥𑁂𑀳𑀺.
𑀬𑀣𑀸𑀲𑀤𑁆𑀤𑁄 𑀢𑀼𑀮𑁆𑀬𑀢𑁆𑀣𑁂 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑁄 𑀦 𑀪𑀯𑀢𑀺, 𑀬𑀣𑀸 𑀤𑁂𑀯𑀤𑀢𑁆𑀢𑁄 𑀢𑀣𑀸 𑀬𑀜𑁆𑀜𑀤𑀢𑁆𑀢𑁄.
𑀬𑀸𑀯𑀲𑀤𑁆𑀤𑁄-𑀯𑀥𑀸𑀭𑀡𑁂 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑁄 𑀪𑀯𑀢𑀺, 𑀅𑀯𑀥𑀸𑀭𑀡 𑀫𑁂𑀢𑁆𑀢𑀓𑀢𑀸 𑀧𑀭𑀺𑀘𑁆𑀙𑁂𑀤𑁄, 𑀬𑀸𑀯𑀸𑀫𑀢𑁆𑀢𑀁 𑀩𑁆𑀭𑀸𑀳𑁆𑀫𑀡𑁂 𑀆𑀫𑀦𑁆𑀢𑀬, 𑀬𑀸𑀯𑀚𑀻𑀯𑀁, 𑀅𑀯𑀥𑀸𑀭𑀡𑁂𑀢𑀺 𑀓𑀺𑀁? 𑀬𑀸𑀯 𑀤𑀺𑀦𑁆𑀦𑀁 𑀢𑀸𑀯 𑀪𑀼𑀢𑁆𑀢𑀁, 𑀦𑀸𑀯𑀥𑀸𑀭𑀬𑀸𑀫𑀺 𑀓𑀺𑀢𑁆𑀢𑀓𑀁 𑀫𑀬𑀸 𑀪𑀼𑀢𑁆𑀢𑀦𑁆𑀢𑀺.
𑁫. 𑀧𑀬𑁆𑀬𑀧𑀸 ¶ 𑀩𑀳𑀺 𑀢𑀺𑀭𑁄 𑀧𑀼𑀭𑁂 𑀧𑀘𑁆𑀙𑀸 𑀯𑀸 𑀧𑀜𑁆𑀘𑀫𑁆𑀬𑀸.
𑀧𑀭𑀺𑀆𑀤𑀬𑁄 𑀧𑀜𑁆𑀘𑀫𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀸 𑀳𑁄𑀦𑁆𑀢𑀺 𑀯𑀸, 𑀧𑀭𑀺𑀧𑀩𑁆𑀩𑀢𑀁 𑀯𑀲𑁆𑀲𑀺 𑀤𑁂𑀯𑁄 𑀧𑀭𑀺𑀧𑀩𑁆𑀩𑀢𑀸, 𑀅𑀧𑀧𑀩𑁆𑀩𑀢𑀁 𑀯𑀲𑁆𑀲𑀺 𑀤𑁂𑀯𑁄 𑀅𑀧𑀧𑀩𑁆𑀩𑀢𑀸, 𑀆𑀧𑀸𑀝𑀮𑀺𑀧𑀼𑀢𑁆𑀢𑀁 𑀯𑀲𑁆𑀲𑀺 𑀤𑁂𑀯𑁄 𑀆𑀧𑀸𑀝𑀮𑀺𑀧𑀼𑀢𑁆𑀢𑀸, 𑀩𑀳𑀺𑀕𑀸𑀫𑀁 𑀩𑀳𑀺 𑀕𑀸𑀫𑀸, 𑀢𑀺𑀭𑁄𑀧𑀩𑁆𑀩𑀢𑀁 𑀢𑀺𑀭𑁄𑀧𑀩𑁆𑀩𑀢𑀸, 𑀧𑀼𑀭𑁂𑀪𑀢𑁆𑀢𑀁 𑀧𑀼𑀭𑁂𑀪𑀢𑁆𑀢𑀸, 𑀧𑀘𑁆𑀙𑀸𑀪𑀢𑁆𑀢𑀁 𑀧𑀘𑁆𑀙𑀸𑀪𑀢𑁆𑀢𑀸, 𑀯𑁂𑀢𑀸𑀥𑀺𑀓𑀸𑀭𑁄.
𑀅𑀦𑀼𑀲𑀤𑁆𑀤𑁄 𑀲𑀸𑀫𑀻𑀧𑁆𑀬𑁂 𑀆𑀬𑀸𑀫𑁂 𑀘 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑁄 𑀳𑁄𑀢𑀺 𑀯𑀸, 𑀅𑀦𑀼𑀯𑀦𑀫𑀲𑀦𑀺 𑀕𑀢𑀸, 𑀅𑀦𑀼𑀕𑀗𑁆𑀕𑀁 𑀩𑀸𑀭𑀸𑀡𑀲𑀻, 𑀲𑀫𑀻𑀧𑀸𑀬𑀸𑀫𑁂𑀲𑁆𑀯𑀻𑀢𑀺 𑀓𑀺𑀁? 𑀭𑀓𑁆𑀔𑀫𑀦𑀼𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼.
𑀢𑀺𑀝𑁆𑀞𑀕𑀼𑀧𑁆𑀧𑀪𑀼𑀢𑀻𑀦𑀺 𑀏𑀓𑀢𑁆𑀣𑀻𑀪𑀸𑀯𑀯𑀺𑀲𑀬𑁂 𑀦𑀺𑀧𑀸𑀢𑀻𑀬𑀦𑁆𑀢𑁂, 𑀢𑀺𑀝𑁆𑀞𑀦𑁆𑀢𑀻 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂 𑀢𑀺𑀝𑁆𑀞𑀕𑀼 𑀓𑀸𑀮𑁄, 𑀯𑀳𑀕𑁆𑀕𑀼 𑀓𑀸𑀮𑁄. 𑀆𑀬𑀢𑀻𑀕𑀯𑀁, 𑀔𑀮𑁂𑀬𑀯𑀁, 𑀮𑀽𑀦𑀬𑀯𑀁 𑀮𑀽𑀬𑀫𑀸𑀦𑀬𑀯𑀫𑀺𑀘𑁆𑀘𑀸𑀤𑀺, 𑀘𑁆𑀬𑀦𑁆𑀢𑁄 𑀧𑁂𑀢𑁆𑀣 𑀓𑁂𑀲𑀸 𑀓𑁂𑀲𑀺, 𑀤𑀡𑁆𑀟𑀸 𑀤𑀡𑁆𑀟𑀺, 𑀢𑀣𑀸 𑀯𑁂𑀮𑀸𑀧𑁆𑀧𑀪𑀸𑀯𑀦𑀢𑁆𑀣𑁄𑀧𑀺, 𑀧𑀸𑀢𑁄 𑀦𑀳𑀸𑀦𑀁 𑀧𑀸𑀢𑀭𑀳𑀸𑀦𑀁, 𑀲𑀸𑀬𑀁 𑀦𑀬𑀸𑀦𑀁 𑀲𑀸𑀬𑀦𑀳𑀸𑀦𑀁, 𑀧𑀸𑀢𑀓𑀸𑀮𑀁 𑀲𑀸𑀬𑀓𑀸𑀮𑀁, 𑀧𑀸𑀢𑀫𑁂𑀖𑀁 𑀲𑀸𑀬𑀫𑁂𑀖𑀁, 𑀧𑀸𑀢𑀫𑀕𑁆𑀕𑀁 𑀲𑀸𑀬𑀫𑀕𑁆𑀕𑀁.
𑁮. 𑀑𑀭𑁂 𑀧𑀭𑀺 𑀧𑀝𑀺 𑀧𑀸𑀭𑁂 𑀫𑀚𑁆𑀛𑁂 𑀳𑁂𑀝𑁆𑀞𑀼𑀤𑁆𑀥𑀸𑀥𑁄-𑀦𑁆𑀢𑁄𑀯𑀸𑀙𑀝𑁆𑀞𑀺𑀬𑀸. 𑀑𑀭𑀸𑀤𑀬𑁄 𑀲𑀤𑁆𑀤𑀸 𑀙𑀝𑁆𑀞𑀺𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀸 𑀯𑀸 𑀳𑁄𑀦𑁆𑀢𑀺, 𑀏𑀓𑀸𑀭𑀦𑁆𑀢𑀢𑁆𑀢𑀁 𑀦𑀺𑀧𑀸𑀢𑀦𑀢𑁄, 𑀑𑀭𑁂𑀕𑀗𑁆𑀕𑀁, 𑀧𑀭𑀺𑀲𑀺𑀔𑀭𑀁, 𑀧𑀝𑀺𑀲𑁄𑀢𑀁, 𑀧𑀸𑀭𑁂𑀬𑀫𑀼𑀦𑀁, 𑀫𑀚𑁆𑀛𑁂𑀕𑀗𑁆𑀕𑀁, 𑀳𑁂𑀝𑁆𑀞𑀸𑀧𑀸𑀲𑀸𑀤𑀁, 𑀉𑀤𑁆𑀥𑀕𑀗𑁆𑀕𑀁, 𑀅𑀥𑁄𑀕𑀗𑁆𑀕𑀁, 𑀅𑀦𑁆𑀣𑁄𑀧𑀸𑀲𑀸𑀤𑀁, 𑀧𑀼𑀦 𑀯𑀸𑀯𑀺𑀥𑀸𑀦𑀸 ‘𑀕𑀗𑁆𑀕𑀸𑀑𑀭’ 𑀫𑀺𑀘𑁆𑀘𑀸𑀤𑀻𑀧𑀺 𑀳𑁄𑀦𑁆𑀢𑀺.
𑀬𑀤𑁂𑀢𑀫𑀢𑀺𑀓𑁆𑀓𑀦𑁆𑀢𑀫𑁂𑀓𑀢𑁆𑀣𑀁 ¶ , 𑀢𑀁 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀯𑁂𑀤𑀺𑀢𑀩𑁆𑀩𑀁, 𑀢𑀣𑀸 𑀘𑁂𑀯𑁄𑀤𑀸𑀳𑀝𑀁, 𑀯𑀸 𑀓𑁆𑀯𑀘𑀺 𑀩𑀳𑀼𑀮𑀸𑀥𑀺𑀓𑀸𑀭𑀸, 𑀬𑀣𑀸𑀧𑀭𑀺𑀲𑀁 𑀬𑀣𑀸𑀧𑀭𑀺𑀲𑀸𑀬, 𑀲𑀓𑀸𑀬 𑀲𑀓𑀸𑀬 𑀧𑀭𑀺𑀲𑀸𑀬𑀸𑀢𑀺 𑀅𑀢𑁆𑀣𑁄.
𑀅𑀫𑀸𑀤𑀺 𑀲𑁆𑀬𑀸𑀤𑁆𑀬𑀦𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳 𑀩𑀳𑀼𑀮𑀫𑁂𑀓𑀢𑁆𑀣𑀁 𑀳𑁄𑀢𑀺 𑀕𑀸𑀫𑀁 𑀕𑀢𑁄 𑀕𑀸𑀫𑀕𑀢𑁄, 𑀫𑀼𑀳𑀼𑀢𑁆𑀢𑀁 𑀲𑀼𑀔𑀁 𑀫𑀼𑀳𑀼𑀢𑁆𑀢𑀲𑀼𑀔𑀁, 𑀯𑀼𑀢𑁆𑀢𑀺𑀬𑁂𑀯𑁄𑀧𑀧𑀤𑀲𑀫𑀸𑀲𑁂 𑀓𑀼𑀫𑁆𑀪𑀓𑀸𑀭𑁄, 𑀲𑀧𑀸𑀓𑁄, 𑀢𑀦𑁆𑀢𑀯𑀸𑀬𑁄, 𑀯𑀭𑀸𑀳𑀭𑁄. 𑀦𑁆𑀢𑀫𑀸𑀦𑀓𑁆𑀢𑀯𑀦𑁆𑀢𑀽𑀢𑀺 𑀯𑀸𑀓𑁆𑀬𑀫𑁂𑀯, 𑀥𑀫𑁆𑀫𑀁 𑀲𑀼𑀡𑀦𑁆𑀢𑁄, 𑀥𑀫𑁆𑀫𑀁 𑀲𑀼𑀡𑀫𑀸𑀦𑁄, 𑀑𑀤𑀦𑀁 𑀪𑀼𑀢𑁆𑀢𑀯𑀸.
𑀭𑀜𑁆𑀜𑀸 𑀳𑀢𑁄 𑀭𑀸𑀚𑀳𑀢𑁄, 𑀅𑀲𑀺𑀦𑀸 𑀙𑀺𑀦𑁆𑀦𑁄 𑀅𑀲𑀺𑀘𑁆𑀙𑀺𑀦𑁆𑀦𑁄, 𑀧𑀺𑀢𑀼𑀲𑀤𑀺𑀲𑁄, 𑀧𑀺𑀢𑀼𑀲𑀫𑁄, 𑀲𑀼𑀔𑀲𑀳𑀕𑀢𑀁, 𑀤𑀥𑀺𑀦𑀸 𑀉𑀧𑀲𑀺𑀢𑁆𑀢𑀁 𑀪𑁄𑀚𑀦𑀁 𑀤𑀥𑀺𑀪𑁄𑀚𑀦𑀁, 𑀕𑀼𑀴𑁂𑀦 𑀫𑀺𑀲𑁆𑀲𑁄 𑀑𑀤𑀦𑁄 𑀕𑀼𑀴𑁄𑀤𑀦𑁄, 𑀯𑀼𑀢𑁆𑀢𑀺𑀧𑀤𑁂𑀦𑁂𑀯𑁄𑀧𑀲𑀺𑀢𑁆𑀢𑀸𑀤𑀺𑀓𑀺𑀭𑀺𑀬𑀸𑀬𑀸𑀔𑁆𑀬𑀸𑀧𑀦𑀢𑁄 𑀦𑀢𑁆𑀣𑀸𑀬𑀼𑀢𑁆𑀢𑀢𑁆𑀣𑀢𑀸. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯 𑀉𑀭𑀕𑁄, 𑀧𑀸𑀤𑀧𑁄. 𑀓𑁆𑀯𑀘𑀺 𑀯𑀸𑀓𑁆𑀬𑀫𑁂𑀯 𑀨𑀭𑀲𑀼𑀦𑀸 𑀙𑀺𑀦𑁆𑀦𑀯𑀸, 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸.
𑀩𑀼𑀤𑁆𑀥𑀲𑁆𑀲 𑀤𑁂𑀬𑁆𑀬𑀁 𑀩𑀼𑀤𑁆𑀥𑀤𑁂𑀬𑁆𑀬𑀁, 𑀬𑀽𑀧𑀸𑀬 𑀤𑀸𑀭𑀼 𑀬𑀽𑀧𑀸𑀤𑀸𑀭𑀼, 𑀭𑀚𑀦𑀸𑀬 𑀤𑁄𑀡𑀺 𑀭𑀚𑀦𑀤𑁄𑀡𑀺. 𑀇𑀥 𑀦 𑀳𑁄𑀢𑀺 𑀲𑀗𑁆𑀖𑀲𑁆𑀲 𑀤𑀸𑀢𑀩𑁆𑀩𑀁. 𑀓𑀣𑀁 ‘𑀏𑀢𑀤𑀢𑁆𑀣𑁄 𑀏𑀢𑀤𑀢𑁆𑀣𑀸 𑀏𑀢𑀤𑀢𑁆𑀣’𑀦𑁆𑀢𑀺? 𑀅𑀜𑁆𑀜𑀧𑀤𑀢𑁆𑀣𑁂 𑀪𑀯𑀺𑀲𑁆𑀲𑀢𑀺.
𑀲𑀯𑀭𑁂𑀳𑀺 𑀪𑀬𑀁 𑀲𑀯𑀭𑀪𑀬𑀁, 𑀕𑀸𑀫𑀦𑀺𑀕𑁆𑀕𑀢𑁄, 𑀫𑁂𑀣𑀼𑀦𑀸𑀧𑁂𑀢𑁄, 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯 𑀓𑀫𑁆𑀫𑀚𑀁, 𑀘𑀺𑀢𑁆𑀢𑀚𑀁, 𑀇𑀥 𑀦 𑀳𑁄𑀢𑀺 𑀭𑀼𑀓𑁆𑀔𑀸 𑀧𑀢𑀺𑀢𑁄.
𑀭𑀜𑁆𑀜𑁄 ¶ 𑀧𑀼𑀭𑀺𑀲𑁄 𑀭𑀸𑀚𑀧𑀼𑀭𑀺𑀲𑁄. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀦𑁆𑀢𑀫𑀸𑀦𑀦𑀺𑀤𑁆𑀥𑀸𑀭𑀺𑀬𑀧𑀽𑀭𑀡𑀪𑀸𑀯𑀢𑀺𑀢𑁆𑀢𑀢𑁆𑀣𑁂𑀳𑀺 𑀦 𑀳𑁄𑀢𑀺-𑀫𑀫𑀸𑀦𑀼𑀓𑀼𑀩𑁆𑀩𑀁, 𑀫𑀫𑀸𑀦𑀼𑀓𑀼𑀭𑀼𑀫𑀸𑀦𑁄, 𑀕𑀼𑀦𑁆𑀦𑀁 𑀓𑀡𑁆𑀳𑀸 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀲𑀺𑀲𑁆𑀲𑀸𑀦𑀁 𑀧𑀜𑁆𑀘𑀫𑁄, 𑀧𑀝𑀲𑁆𑀲 𑀲𑀼𑀓𑁆𑀓𑀢𑀸, 𑀓𑁆𑀯𑀘𑀺 𑀳𑁄𑀢𑁂𑀯-𑀯𑀢𑁆𑀢𑀫𑀸𑀦𑀲𑀸𑀫𑀻𑀧𑁆𑀬𑀁, 𑀓𑀣𑀁 ‘𑀩𑁆𑀭𑀸𑀳𑁆𑀫𑀡𑀲𑁆𑀲 𑀲𑀼𑀓𑁆𑀓𑀸 𑀤𑀦𑁆𑀢𑀸’𑀢𑀺? 𑀲𑀸𑀧𑁂𑀓𑁆𑀔𑀢𑀸𑀬 𑀦 𑀳𑁄𑀢𑀺. 𑀇𑀥 𑀧𑀦 𑀳𑁄𑀢𑁂𑀯 ‘𑀘𑀦𑁆𑀤𑀦𑀕𑀦𑁆𑀥𑁄, 𑀦𑀤𑀺𑀖𑁄𑀲𑁄, 𑀓𑀜𑁆𑀜𑀸𑀭𑀽𑀧𑀁, 𑀓𑀸𑀬𑀲𑀫𑁆𑀨𑀲𑁆𑀲𑁄, 𑀨𑀮𑀭𑀲𑁄’𑀢𑀺, 𑀨𑀮𑀸𑀦𑀁 𑀢𑀺𑀢𑁆𑀢𑁄, 𑀨𑀮𑀸𑀦𑀫𑀸𑀲𑀺𑀢𑁄, 𑀨𑀲𑀸𑀦𑀁 𑀲𑀼𑀳𑀺𑀢𑁄.
𑀩𑁆𑀭𑀸𑀳𑁆𑀫𑀡𑀲𑁆𑀲 𑀉𑀘𑁆𑀘𑀁 𑀕𑁂𑀳𑀦𑁆𑀢𑀺 𑀲𑀸𑀧𑁂𑀓𑁆𑀔𑀢𑀸𑀬 𑀦 𑀳𑁄𑀢𑀺, ‘𑀭𑀜𑁆𑀜𑁄 𑀧𑀸𑀝𑀮𑀺𑀧𑀼𑀢𑁆𑀢𑀓𑀲𑁆𑀲 𑀥𑀦’𑀦𑁆𑀢𑀺 𑀥𑀦𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻𑀢𑀺 𑀧𑀸𑀝𑀮𑀺𑀧𑀼𑀢𑁆𑀢𑀓𑁂𑀦 𑀲𑀫𑁆𑀩𑀦𑁆𑀥𑀸𑀪𑀸𑀯𑀸 𑀦 𑀳𑁂𑀲𑁆𑀲𑀢𑀺, ‘𑀭𑀜𑁆𑀜𑁄 𑀕𑁄 𑀘 𑀅𑀲𑁆𑀲𑁄 𑀘 𑀧𑀼𑀭𑀺𑀲𑁄 𑀘𑀸’𑀢𑀺 𑀪𑀺𑀦𑁆𑀦𑀢𑁆𑀣𑀢𑀸𑀬 𑀯𑀸𑀓𑁆𑀬𑀫𑁂𑀯, ‘𑀭𑀜𑁆𑀜𑁄 𑀕𑀯𑀸𑀲𑁆𑀲𑀧𑀼𑀭𑀺𑀲𑀸 𑀭𑀸𑀚𑀕𑀯𑀸𑀲𑁆𑀲𑀧𑀼𑀭𑀺𑀲𑀸’𑀢𑀺 𑀯𑀼𑀢𑁆𑀢𑀺 𑀳𑁄𑀢𑁂𑀯𑁂𑀓𑀢𑁆𑀢𑀺𑀪𑀸𑀯𑁂.
𑀤𑀸𑀦𑁂 𑀲𑁄𑀡𑁆𑀟𑁄 𑀤𑀸𑀦𑀲𑁄𑀡𑁆𑀟𑁄, 𑀥𑀫𑁆𑀫𑀭𑀢𑁄, 𑀤𑀸𑀦𑀸𑀪𑀺𑀭𑀢𑁄. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯 𑀓𑀼𑀘𑁆𑀙𑀺𑀲𑀬𑁄, 𑀣𑀮𑀝𑁆𑀞𑁄, 𑀧𑀗𑁆𑀓𑀚𑀁, 𑀲𑀭𑁄𑀭𑀼𑀳𑀁. 𑀇𑀥 𑀦 𑀳𑁄𑀢𑀺 𑀪𑁄𑀚𑀦𑁂 𑀫𑀢𑁆𑀢𑀜𑁆𑀜𑀼𑀢𑀸, 𑀇𑀦𑁆𑀤𑁆𑀭𑀺𑀬𑁂𑀲𑀼 𑀕𑀼𑀢𑁆𑀢𑀤𑁆𑀯𑀸𑀭𑀢𑀸, 𑀆𑀲𑀦𑁂 𑀦𑀺𑀲𑀺𑀦𑁆𑀦𑁄, 𑀆𑀲𑀦𑁂 𑀦𑀺𑀲𑀻𑀤𑀺𑀢𑀩𑁆𑀩𑀁.
𑀯𑀺𑀲𑁂𑀲𑀦𑀁 𑀲𑁆𑀬𑀸𑀦𑁆𑀢𑀁 𑀯𑀺𑀲𑁂𑀲𑁆𑀲𑁂𑀦 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀫𑀸𑀦𑀸𑀥𑀺𑀓𑀭𑀡𑁂𑀦 𑀲𑀳𑁂𑀓𑀢𑁆𑀣𑀁 𑀳𑁄𑀢𑀺, 𑀦𑀻𑀮𑀜𑁆𑀘 𑀢𑀁 𑀉𑀧𑁆𑀧𑀮𑀜𑁆𑀘𑁂𑀢𑀺 𑀦𑀻𑀮𑀼𑀧𑁆𑀧𑀮𑀁, 𑀙𑀺𑀦𑁆𑀦𑀜𑁆𑀘 𑀢𑀁 𑀧𑀭𑀼𑀴𑁆𑀳𑀜𑁆𑀘𑁂𑀢𑀺 𑀙𑀺𑀦𑁆𑀦𑀧𑀭𑀴𑁆𑀳𑀁, 𑀲𑀢𑁆𑀣𑀻𑀯 𑀲𑀢𑁆𑀣𑀻, 𑀲𑀢𑁆𑀣𑀻 𑀘 𑀲𑀸 𑀲𑀸𑀫𑀸 𑀘𑁂𑀢𑀺 𑀲𑀢𑁆𑀣𑀺𑀲𑀸𑀫𑀸, 𑀲𑀻𑀳𑁄𑀯 𑀲𑀻𑀳𑁄, 𑀫𑀼𑀦𑀺 𑀘 𑀲𑁄 𑀲𑀻𑀳𑁄 𑀘𑁂𑀢𑀺 𑀫𑀼𑀦𑀺𑀲𑀻𑀳𑁄, 𑀲𑀻𑀮𑀫𑁂𑀯 𑀥𑀦𑀁 𑀲𑀻𑀮𑀥𑀦𑀁.
𑀓𑁆𑀯𑀘𑀺 ¶ 𑀯𑀸𑀓𑁆𑀬𑀫𑁂𑀯 𑀧𑀼𑀡𑁆𑀡𑁄 𑀫𑀦𑁆𑀢𑀸𑀡𑀺𑀧𑀼𑀢𑁆𑀢𑁄, 𑀘𑀺𑀢𑁆𑀢𑁄 𑀕𑀳𑀧𑀢𑀺. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯 𑀓𑀡𑁆𑀳𑀲𑀧𑁆𑀧𑁄, 𑀮𑁄𑀳𑀺𑀢𑀲𑀸𑀮𑀺, 𑀯𑀺𑀲𑁂𑀲𑀦𑀦𑁆𑀢𑀺 𑀓𑀺𑀁? 𑀢𑀘𑁆𑀙𑀓𑁄 𑀲𑀧𑁆𑀧𑁄, 𑀏𑀓𑀢𑁆𑀣𑁂𑀦𑁂𑀢𑀺 𑀓𑀺𑀁? 𑀓𑀸𑀴𑀫𑁆𑀳𑀸 𑀅𑀜𑁆𑀜𑁄. 𑀓𑀣𑀁 ‘𑀧𑀢𑁆𑀢𑀚𑀻𑀯𑀺𑀓𑁄, 𑀆𑀧𑀦𑁆𑀦𑀚𑀻𑀯𑀺𑀓𑁄, 𑀫𑀸𑀲𑀚𑀸𑀢𑁄’𑀢𑀺? 𑀅𑀜𑁆𑀜𑀧𑀤𑀢𑁆𑀣𑁂 𑀪𑀯𑀺𑀲𑁆𑀲𑀢𑀺.
𑀦𑀜𑀺𑀘𑁆𑀘𑁂𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀁 𑀳𑁄𑀢𑀺, 𑀦 𑀩𑁆𑀭𑀸𑀳𑁆𑀫𑀡𑁄 𑀅𑀩𑁆𑀭𑀸𑀳𑁆𑀫𑀡𑁄, 𑀩𑀳𑀼𑀮𑀸𑀥𑀺𑀓𑀸𑀭𑀢𑁄 𑀅𑀲𑀫𑀢𑁆𑀣𑀢𑁆𑀣𑁂𑀳𑀺, 𑀓𑁂𑀳𑀺𑀘𑀺 𑀳𑁄𑀢𑀺 ‘𑀅𑀧𑀼𑀦𑀕𑁂𑀬𑁆𑀬𑀸 𑀕𑀸𑀣𑀸, 𑀅𑀦𑁄𑀓𑀸𑀲𑀁 𑀓𑀸𑀭𑁂𑀢𑁆𑀯𑀸, 𑀅𑀫𑀽𑀮𑀸 𑀫𑀽𑀮𑀁 𑀕𑀦𑁆𑀢𑁆𑀯𑀸. 𑀈𑀲𑀁𑀓𑀴𑀸𑀭𑁄, 𑀈𑀲𑀁𑀧𑀺𑀗𑁆𑀕𑀮𑁄𑀢𑀺 ‘𑀲𑁆𑀬𑀸𑀤𑀺 𑀲𑁆𑀬𑀸𑀤𑀺𑀦𑁂’𑀢𑀺 𑀲𑀫𑀸𑀲𑁄, 𑀯𑀸𑀓𑁆𑀬𑀫𑁂𑀯 𑀯𑀸𑀢𑀺𑀧𑁆𑀧𑀲𑀗𑁆𑀕𑀸𑀪𑀸𑀯𑀸.
𑁧𑁩. 𑀓𑀼𑀧𑀸𑀤𑀬𑁄 𑀦𑀺𑀘𑁆𑀘𑀫𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀺.
𑀓𑀼𑀲𑀤𑁆𑀤𑁄 𑀧𑀸𑀤𑀬𑁄 𑀘 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂𑀓𑀢𑁆𑀣𑀸 𑀳𑁄𑀦𑁆𑀢𑀺 𑀦𑀺𑀘𑁆𑀘𑀁 𑀲𑁆𑀬𑀸𑀤𑀺𑀯𑀺𑀥𑀺𑀯𑀺𑀲𑀬𑀢𑁄-𑀜𑀢𑁆𑀣, 𑀓𑀼𑀘𑁆𑀙𑀺𑀢𑁄 𑀩𑁆𑀭𑀸𑀳𑁆𑀫𑀡𑁄 𑀓𑀼𑀩𑁆𑀭𑀸𑀳𑁆𑀫𑀡𑁄, 𑀈𑀲𑀓𑀁 𑀉𑀡𑁆𑀳𑀁 𑀓𑀤𑀼𑀡𑁆𑀳𑀁, 𑀧𑀦𑀸𑀬𑀓𑁄, 𑀅𑀪𑀺𑀲𑁂𑀓𑁄, 𑀧𑀓𑀭𑀺𑀢𑁆𑀯𑀸, 𑀧𑀓𑀢𑀁, 𑀤𑀼𑀧𑁆𑀧𑀼𑀭𑀺𑀲𑁄, 𑀤𑀼𑀓𑁆𑀓𑀝𑀁, 𑀲𑀼𑀧𑀼𑀭𑀺𑀲𑁄, 𑀲𑀼𑀓𑀢𑀁, 𑀅𑀪𑀺𑀢𑁆𑀣𑀼𑀢𑀁, 𑀅𑀢𑀺𑀢𑁆𑀣𑀼𑀢𑀁, 𑀆𑀓𑀴𑀸𑀭𑁄, 𑀆𑀩𑀤𑁆𑀥𑁄.
(𑁯) ‘‘𑀧𑀸𑀤𑀬𑁄 𑀕𑀢𑀸𑀤𑁆𑀬𑀢𑁆𑀣𑁂 𑀧𑀞𑀫𑀸𑀬’’. 𑀧𑀕𑀢𑁄 𑀆𑀘𑀭𑀺𑀬𑁄 𑀧𑀸𑀘𑀭𑀺𑀬𑁄, 𑀧𑀦𑁆𑀢𑁂𑀯𑀸𑀲𑀻.
(𑁧𑁦) ‘‘𑀅𑀘𑁆𑀘𑀸𑀤𑀬𑁄 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀤𑀼𑀢𑀺𑀬𑀸𑀬’’. 𑀅𑀢𑀺𑀓𑁆𑀓𑀦𑁆𑀢𑁄 𑀫𑀜𑁆𑀘𑀫𑀢𑀺𑀫𑀜𑁆𑀘𑁄, 𑀅𑀢𑀺𑀫𑀸𑀮𑁄.
(𑁧𑁧) ‘‘𑀅𑀯𑀸𑀤𑀬𑁄 ¶ 𑀓𑀼𑀝𑁆𑀞𑀸𑀤𑁆𑀬𑀢𑁆𑀣𑁂 𑀢𑀢𑀺𑀬𑀸𑀬’’. 𑀅𑀯𑀓𑀼𑀝𑁆𑀞𑀁 𑀓𑁄𑀓𑀺𑀮𑀸𑀬 𑀯𑀦𑀁 𑀅𑀯𑀓𑁄𑀓𑀺𑀮𑀁, 𑀅𑀯𑀫𑀬𑀽𑀭𑀁.
(𑁧𑁨) ‘‘𑀧𑀭𑀺𑀬𑀸𑀤𑀬𑁄 𑀕𑀺𑀮𑀸𑀦𑀸𑀤𑁆𑀬𑀢𑁆𑀣𑁂 𑀘𑀢𑀼𑀢𑁆𑀣𑀺𑀬𑀸’’. 𑀧𑀭𑀺𑀕𑀺𑀮𑀸𑀦𑁄 𑀅𑀚𑁆𑀛𑁂𑀦𑀸𑀬 𑀧𑀭𑀺𑀬𑀚𑁆𑀛𑁂𑀦𑁄.
(𑁧𑁩) ‘‘𑀦𑁆𑀬𑀸𑀤𑀬𑁄 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀧𑀜𑁆𑀘𑀫𑀺𑀬𑀸’’.
𑀦𑀺𑀓𑁆𑀔𑀦𑁆𑀢𑁄 𑀓𑁄𑀲𑀫𑁆𑀩𑀺𑀬𑀸 𑀦𑀺𑀓𑁆𑀓𑁄𑀲𑀫𑁆𑀧𑀺, 𑀅𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀻𑀢𑀺 𑀓𑀺𑀁? 𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂.
𑀘𑀻𑀧𑁆𑀧𑀘𑁆𑀘𑀬𑀦𑁆𑀢𑁄 𑀓𑀺𑀭𑀺𑀬𑀢𑁆𑀣𑁂𑀳𑀺 𑀲𑁆𑀬𑀸𑀤𑁆𑀬𑀦𑁆𑀢𑁂𑀳𑀺 𑀲𑀳𑁂𑀓𑀢𑁆𑀣𑁄 𑀳𑁄𑀢𑀺, 𑀫𑀮𑀺𑀦𑀻𑀓𑀭𑀺𑀬.
𑀪𑀽𑀲𑀦𑀸𑀤𑀺𑀲𑁆𑀯𑀢𑁆𑀣𑁂 𑀲𑁆𑀯𑀮𑀫𑀸𑀤𑀬𑁄 𑀲𑀤𑁆𑀤𑀸 𑀓𑀺𑀭𑀺𑀬𑀢𑁆𑀣𑁂𑀳𑀺 𑀲𑁆𑀬𑀸𑀤𑁆𑀬𑀦𑁆𑀢𑁂𑀳𑀺 𑀲𑀳𑁂𑀓𑀢𑁆𑀣𑀸 𑀳𑁄𑀦𑁆𑀢𑀺, 𑀅𑀮𑀁𑀓𑀭𑀺𑀬, 𑀲𑀓𑁆𑀓𑀘𑁆𑀘, 𑀅𑀲𑀓𑁆𑀓𑀘𑁆𑀘. 𑀪𑀽𑀲𑀦𑀸𑀤𑀻𑀲𑀽𑀢𑀺 𑀓𑀺𑀁? 𑀅𑀮𑀁𑀪𑀼𑀢𑁆𑀯𑀸 𑀕𑀢𑁄, 𑀲𑀓𑁆𑀓𑀢𑁆𑀯𑀸 𑀕𑀢𑁄, 𑀅𑀲𑀓𑁆𑀓𑀢𑁆𑀯𑀸 𑀕𑀢𑁄, 𑀧𑀭𑀺𑀬𑀢𑁆𑀢𑀁 𑀲𑁄𑀪𑀦𑀫𑀲𑁄𑀪𑀦𑀦𑁆𑀢𑀺 𑀅𑀢𑁆𑀣𑁄.
𑀅𑀜𑁆𑀜𑁂 𑀘 𑀲𑀤𑁆𑀤𑀸 𑀓𑀺𑀭𑀺𑀬𑀢𑁆𑀣𑁂𑀳𑀺 𑀲𑁆𑀬𑀸𑀤𑁆𑀬𑀦𑁆𑀢𑁂𑀳𑀺 𑀲𑀳 𑀩𑀳𑀼𑀮𑀫𑁂𑀓𑀢𑁆𑀣𑀸 𑀪𑀯𑀦𑁆𑀢𑀺, 𑀧𑀼𑀭𑁄𑀪𑀽𑀬, 𑀢𑀺𑀭𑁄𑀪𑀽𑀬, 𑀢𑀺𑀭𑁄𑀓𑀭𑀺𑀬, 𑀉𑀭𑀲𑀺𑀓𑀭𑀺𑀬, 𑀫𑀦𑀲𑀺𑀓𑀭𑀺𑀬, 𑀫𑀚𑁆𑀛𑁂𑀓𑀭𑀺𑀬, 𑀢𑀼𑀡𑁆𑀳𑀻𑀪𑀽𑀬.
𑀅𑀦𑁂𑀓𑀁 ¶ 𑀲𑁆𑀬𑀸𑀤𑁆𑀬𑀦𑁆𑀢𑀫𑀜𑁆𑀜𑀲𑁆𑀲 𑀧𑀤𑀲𑁆𑀲𑀢𑁆𑀣𑁂 𑀏𑀓𑀢𑁆𑀣𑀁 𑀯𑀸 𑀳𑁄𑀢𑀺, 𑀩𑀳𑀽𑀦𑀺 𑀥𑀦𑀸𑀦𑀺 𑀬𑀲𑁆𑀲 𑀲𑁄 𑀩𑀳𑀼𑀥𑀦𑁄, 𑀮𑀫𑁆𑀩𑀸 𑀓𑀡𑁆𑀡𑀸 𑀬𑀲𑁆𑀲 𑀲𑁄 𑀮𑀫𑁆𑀩𑀓𑀡𑁆𑀡𑁄, 𑀯𑀚𑀺𑀭𑀁 𑀧𑀸𑀡𑀺𑀫𑁆𑀳𑀺 𑀬𑀲𑁆𑀲 𑀲𑁄𑀬𑀁 𑀯𑀚𑀺𑀭𑀧𑀸𑀡𑀺, 𑀫𑀢𑁆𑀢𑀸 𑀩𑀳𑀯𑁄 𑀫𑀸𑀢𑀗𑁆𑀕𑀸 𑀏𑀢𑁆𑀣 𑀫𑀢𑁆𑀢𑀩𑀳𑀼𑀫𑀸𑀢𑀗𑁆𑀕𑀁 𑀯𑀦𑀁, 𑀆𑀭𑀼𑀴𑁆𑀳𑁄 𑀯𑀸𑀦𑀭𑁄 𑀬𑀁 𑀭𑀼𑀓𑁆𑀔𑀁 𑀲𑁄 𑀆𑀭𑀼𑀴𑁆𑀳𑀯𑀸𑀦𑀭𑁄, 𑀚𑀺𑀢𑀸𑀦𑀺 𑀇𑀦𑁆𑀤𑁆𑀭𑀺𑀬𑀸𑀦𑀺 𑀬𑁂𑀦 𑀲𑁄 𑀚𑀺𑀢𑀺𑀦𑁆𑀤𑁆𑀭𑀺𑀬𑁄, 𑀤𑀺𑀦𑁆𑀦𑀁 𑀪𑁄𑀚𑀦𑀁 𑀬𑀲𑁆𑀲 𑀲𑁄 𑀤𑀺𑀦𑁆𑀦𑀪𑁄𑀚𑀦𑁄, 𑀅𑀧𑀕𑀢𑀁 𑀓𑀸𑀴𑀓𑀁 𑀬𑀲𑁆𑀫𑀸 𑀧𑀝𑀸 𑀲𑁄-𑀬𑀫𑀧𑀕𑀢𑀓𑀸𑀴𑀓𑁄, 𑀉𑀧𑀕𑀢𑀸 𑀤𑀲 𑀬𑁂𑀲𑀁 𑀢𑁂 𑀉𑀧𑀤𑀲𑀸, 𑀆𑀲𑀦𑁆𑀦𑀤𑀲𑀸, 𑀅𑀤𑀽𑀭𑀤𑀲𑀸, 𑀅𑀥𑀺𑀓𑀤𑀲𑀸, 𑀢𑀬𑁄 𑀤𑀲 𑀧𑀭𑀺𑀫𑀸𑀡𑀫𑁂𑀲𑀁 𑀢𑀺𑀤𑀲𑀸, 𑀓𑀣𑀁 𑀤𑀲𑀲𑀤𑁆𑀤𑁄 𑀲𑀗𑁆𑀔𑁆𑀬𑀸𑀦𑁂 𑀯𑀢𑁆𑀢𑀢𑁂? 𑀧𑀭𑀺𑀫𑀸𑀡𑀲𑀤𑁆𑀤𑀲𑀦𑁆𑀦𑀺𑀥𑀸𑀦𑀸, 𑀬𑀣𑀸 𑀧𑀜𑁆𑀘 𑀧𑀭𑀺𑀫𑀸𑀡𑀫𑁂𑀲𑀁 𑀧𑀜𑁆𑀘𑀓𑀸 𑀲𑀓𑀼𑀦𑀸𑀢𑀺, 𑀤𑁆𑀯𑁂 𑀯𑀸 𑀢𑀬𑁄 𑀯𑀸 𑀧𑀭𑀺𑀫𑀸𑀡𑀫𑁂𑀲𑀁 𑀤𑁆𑀯𑀢𑁆𑀢𑀬𑁄 𑀯𑀸𑀲𑀤𑁆𑀤𑀢𑁆𑀣𑁂 𑀯𑀸 𑀤𑁆𑀯𑁂 𑀯𑀸 𑀢𑀬𑁄 𑀯𑀸 𑀤𑁆𑀯𑀢𑁆𑀢𑀬𑁄.
𑀤𑀓𑁆𑀔𑀺𑀡𑀲𑁆𑀲𑀸 𑀘 𑀧𑀼𑀩𑁆𑀩𑀲𑁆𑀲𑀸 𑀘 𑀤𑀺𑀲𑀸𑀬 𑀬𑀤𑀦𑁆𑀢𑀭𑀸𑀴𑀁 𑀤𑀓𑁆𑀔𑀺𑀡𑀧𑀼𑀩𑁆𑀩𑀸 𑀤𑀺𑀲𑀸, 𑀤𑀓𑁆𑀔𑀺𑀡𑀸 𑀘 𑀲𑀸 𑀧𑀼𑀩𑁆𑀩𑀸 𑀘𑀸𑀢𑀺 𑀯𑀸, 𑀲𑀳 𑀧𑀼𑀢𑁆𑀢𑁂𑀦𑀸𑀕𑀢𑁄 𑀲𑀧𑀼𑀢𑁆𑀢𑁄, 𑀲𑀮𑁄𑀫𑀓𑁄 𑀯𑀺𑀚𑁆𑀚𑀫𑀸𑀦𑀮𑁄𑀫𑀓𑁄𑀢𑀺 𑀅𑀢𑁆𑀣𑁄, 𑀏𑀯𑀁 𑀲𑀧𑀓𑁆𑀔𑀓𑁄, 𑀅𑀢𑁆𑀣𑀻 𑀔𑀻𑀭𑀸 𑀩𑁆𑀭𑀸𑀳𑁆𑀫𑀡𑀻𑀢𑀺 𑀅𑀢𑁆𑀣𑀺𑀲𑀤𑁆𑀤𑁄 𑀯𑀺𑀚𑁆𑀚𑀫𑀸𑀦𑀢𑁆𑀣𑁂 𑀦𑀺𑀧𑀸𑀢𑁄, 𑀓𑁆𑀯𑀘𑀺 𑀕𑀢𑀢𑁆𑀣𑀢𑀸𑀬 𑀧𑀤𑀦𑁆𑀢𑀭𑀸𑀦𑀫𑀧𑁆𑀧𑀬𑁄𑀕𑁄, 𑀓𑀡𑁆𑀞𑀝𑁆𑀞𑀸 𑀓𑀸𑀴𑀸 𑀅𑀲𑁆𑀲 𑀓𑀡𑁆𑀞𑁂𑀓𑀸𑀴𑁄, 𑀑𑀝𑁆𑀞𑀲𑁆𑀲 𑀫𑀼𑀔𑀫𑀺𑀯 𑀫𑀼𑀔𑀫𑀲𑁆𑀲 𑀑𑀝𑁆𑀞𑀫𑀼𑀔𑁄, 𑀓𑁂𑀲𑀲𑀗𑁆𑀖𑀸𑀢𑁄 𑀘𑀽𑀴𑀸 𑀅𑀲𑁆𑀲 𑀓𑁂𑀲𑀘𑀽𑀴𑁄, 𑀲𑀼𑀯𑀡𑁆𑀡𑀯𑀺𑀓𑀸𑀭𑁄 𑀅𑀮𑀗𑁆𑀓𑀸𑀭𑁄 𑀅𑀲𑁆𑀲 𑀲𑀼𑀯𑀡𑁆𑀡𑀸𑀮𑀗𑁆𑀓𑀸𑀭𑁄, 𑀧𑀧𑀢𑀺𑀢𑀁 𑀧𑀡𑁆𑀡𑀫𑀲𑁆𑀲 𑀧𑀧𑀢𑀺𑀢𑀧𑀡𑁆𑀡𑁄, 𑀧𑀧𑀡𑁆𑀡𑁄, 𑀅𑀯𑀺𑀚𑁆𑀚𑀫𑀸𑀦𑀸 𑀧𑀼𑀢𑁆𑀢𑀸 𑀅𑀲𑁆𑀲 𑀅𑀯𑀺𑀚𑁆𑀚𑀫𑀸𑀦𑀧𑀼𑀢𑁆𑀢𑁄, 𑀦 𑀲𑀦𑁆𑀢𑀺 𑀧𑀼𑀢𑁆𑀢𑀸 𑀅𑀲𑁆𑀲 𑀅𑀧𑀼𑀢𑁆𑀢𑁂, 𑀓𑁆𑀯𑀘𑀺 𑀦 𑀳𑁄𑀢𑀺 𑀧𑀜𑁆𑀘 𑀪𑀼𑀢𑁆𑀢𑀯𑀦𑁆𑀢𑁄 𑀅𑀲𑁆𑀲 𑀪𑀸𑀢𑀼𑀦𑁄 𑀧𑀼𑀢𑁆𑀢𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀢𑁄.
𑁧𑁮. 𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀲𑀭𑀽𑀧𑀁.
𑀲𑀢𑁆𑀢𑀫𑁆𑀬𑀦𑁆𑀢𑀁 ¶ 𑀢𑀢𑀺𑀬𑀦𑁆𑀢𑀜𑁆𑀘 𑀲𑀭𑀽𑀧𑀫𑀦𑁂𑀓𑀁 𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂-𑀜𑁆𑀜𑀧𑀤𑀢𑁆𑀣𑁂 𑀏𑀓𑀢𑁆𑀣𑀁 𑀯𑀸 𑀳𑁄𑀢𑀺, 𑀓𑁂𑀲𑁂𑀲𑀼 𑀘 𑀓𑁂𑀲𑁂𑀲𑀼 𑀘 𑀕𑀳𑁂𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀓𑁂𑀲𑀸𑀓𑁂𑀲𑀺, 𑀤𑀡𑁆𑀟𑁂𑀳𑀺 𑀘 𑀤𑀡𑁆𑀟𑁂𑀳𑀺 𑀘 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀤𑀡𑁆𑀟𑀸𑀤𑀡𑁆𑀟𑀺, 𑀫𑀼𑀝𑁆𑀞𑀸𑀫𑀼𑀝𑁆𑀞𑀺, ‘‘𑀘𑀺 𑀯𑀻𑀢𑀺𑀬𑀸𑀭𑁂’’ (𑁩-𑁫𑁧) 𑀢𑀺 𑀘𑀺 𑀲𑀫𑀸𑀲𑀦𑁆𑀢𑁄, ‘‘𑀘𑀺𑀲𑁆𑀫𑀺𑀁’’ (𑁩.𑁬𑁬) 𑀢𑀺 𑀅𑀓𑀸𑀭𑁄. 𑀢𑀢𑁆𑀣 𑀢𑁂𑀦𑁂𑀢𑀺 𑀓𑀺𑀁? 𑀓𑀸𑀬𑀜𑁆𑀘 𑀓𑀸𑀬𑀜𑁆𑀘 𑀕𑀳𑁂𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁. 𑀕𑀳𑁂𑀢𑁆𑀯𑀸 𑀧𑀳𑀭𑀺𑀢𑁆𑀯𑀸𑀢𑀺 𑀓𑀺𑀁? 𑀭𑀣𑁂 𑀘 𑀭𑀣𑁂 𑀘 𑀞𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀺. 𑀬𑀼𑀤𑁆𑀥𑁂𑀢𑀺 𑀓𑀺𑀁? 𑀳𑀢𑁆𑀣𑁂 𑀘 𑀳𑀢𑁆𑀣𑁂 𑀘 𑀕𑀳𑁂𑀢𑁆𑀯𑀸 𑀲𑀔𑁆𑀬𑀁 𑀧𑀯𑀢𑁆𑀢𑀁. 𑀲𑀭𑀽𑀧𑀦𑁆𑀢𑀺 𑀓𑀺𑀁? 𑀤𑀡𑁆𑀟𑁂𑀳𑀺 𑀘 𑀫𑀼𑀲𑀮𑁂𑀳𑀺 𑀘 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥 𑀧𑀯𑀢𑁆𑀢𑀁.
𑀅𑀦𑁂𑀓𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀘𑀢𑁆𑀣𑁂 𑀏𑀓𑀢𑁆𑀣𑀁 𑀯𑀸 𑀪𑀯𑀢𑀺. 𑀲𑀫𑀼𑀘𑁆𑀘𑀬𑁄𑀦𑁆𑀯𑀸𑀘𑀬𑁄 𑀇𑀢𑀭𑀻𑀢𑀭𑀬𑁄𑀕𑁄 𑀲𑀫𑀸𑀳𑀸𑀭𑁄 𑀘 𑀘 𑀲𑀤𑁆𑀤𑀢𑁆𑀣𑀸, 𑀢𑀢𑁆𑀣 𑀲𑀫𑀼𑀘𑁆𑀘𑀬𑀸𑀦𑁆𑀯𑀸𑀘𑀬𑁂𑀲𑀼 𑀦𑁂𑀓𑀢𑁆𑀣𑀻𑀪𑀸𑀯𑁄 𑀲𑀫𑁆𑀪𑀯𑀢𑀺, 𑀢𑁂𑀲𑀼 𑀳𑀺 𑀲𑀫𑀼𑀘𑁆𑀘𑀬𑁄 𑀅𑀜𑁆𑀜𑀫𑀜𑁆𑀜𑀦𑀺𑀭𑀧𑁂𑀓𑁆𑀔𑀸 𑀦𑀫𑀢𑁆𑀢𑀧𑁆𑀧𑀥𑀸𑀦𑀸𑀦𑀁 𑀓𑀢𑁆𑀣𑀘𑀺 𑀓𑀺𑀭𑀺𑀬𑀸𑀯𑀺𑀲𑁂𑀲𑁂 𑀘𑀻𑀬𑀫𑀸𑀦𑀢𑀸, 𑀬𑀣𑀸 ‘𑀥𑀯𑁂 𑀘 𑀔𑀤𑀺𑀭𑁂 𑀘 𑀧𑀮𑀸𑀲𑁂 𑀘 𑀙𑀺𑀦𑁆𑀤𑀸’𑀢𑀺. 𑀅𑀦𑁆𑀯𑀸𑀘𑀬𑁄 𑀘 𑀬𑀢𑁆𑀣𑁂𑀓𑁄 𑀧𑀥𑀸𑀦𑀪𑀸𑀯𑁂𑀦 𑀯𑀺𑀥𑀻𑀬𑀢𑁂 𑀅𑀧𑀭𑁄 𑀘 𑀕𑀼𑀡𑀪𑀸𑀯𑁂𑀦, 𑀬𑀣𑀸 ‘𑀪𑀺𑀓𑁆𑀔𑀜𑁆𑀘𑀭 𑀕𑀸𑀯𑁄 𑀘𑀸𑀦𑀬𑁂’𑀢𑀺. 𑀇𑀢𑀭𑀤𑁆𑀯𑀬𑁂 𑀢𑀼 𑀲𑀫𑁆𑀪𑀯𑀢𑀺, 𑀢𑁂𑀲𑀼 𑀳𑀺 𑀅𑀜𑁆𑀜𑀫𑀜𑁆𑀜𑀲𑀸𑀧𑁂𑀓𑁆𑀔𑀸𑀦𑀫𑀯𑀬𑀯𑀪𑀤𑀸𑀦𑀼𑀕𑀢𑁄 𑀇𑀢𑀭𑀻𑀢𑀭𑀬𑁄𑀕𑁄, 𑀬𑀣𑀸 ‘𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸’𑀢𑀺, 𑀅𑀲𑁆𑀲𑀸𑀯𑀬𑀯𑀧𑁆𑀧𑀥𑀸𑀦𑀢𑁆𑀢𑀸 𑀩𑀳𑀼𑀯𑀘𑀦𑀫𑁂𑀯. 𑀅𑀜𑁆𑀜𑀫𑀜𑁆𑀜𑀲𑀸𑀧𑁂𑀓𑁆𑀔𑀸𑀦𑀫𑁂𑀯 𑀢𑀺𑀭𑁄𑀳𑀺𑀢𑀸𑀯𑀬𑀯𑀪𑁂𑀤𑁄 𑀲𑀫𑀼𑀤𑀸𑀬𑀧𑁆𑀧𑀥𑀸𑀦𑁄 𑀲𑀫𑀸𑀳𑀸𑀭𑁄, 𑀬𑀣𑀸 ‘𑀙𑀢𑁆𑀢𑀼𑀧𑀸𑀳𑀦’𑀦𑁆𑀢𑀺, 𑀅𑀲𑁆𑀲 𑀧𑀦 𑀲𑀫𑀼𑀤𑀸𑀬𑀧𑁆𑀧𑀥𑀸𑀦𑀢𑁆𑀢𑀸 𑀏𑀓𑀯𑀘𑀦𑀫𑁂𑀯.
𑀢𑁂 ¶ 𑀘 𑀲𑀫𑀸𑀳𑀸𑀭𑀻𑀢𑀭𑀻𑀢𑀭𑀬𑁄𑀕𑀸 𑀩𑀳𑀼𑀮𑀁 𑀯𑀺𑀥𑀸𑀦𑀸 𑀦𑀺𑀬𑀢𑀯𑀺𑀲𑀬𑀸𑀬𑁂𑀯 𑀳𑁄𑀦𑁆𑀢𑀺, 𑀢𑀢𑁆𑀭𑀸𑀬𑀁 𑀯𑀺𑀲𑀬𑀯𑀺𑀪𑀸𑀕𑁄 𑀦𑀺𑀭𑀼𑀢𑁆𑀣𑀺𑀧𑀺𑀝𑀓𑀸𑀕𑀢𑁄-𑀧𑀸𑀡𑀺𑀢𑀽𑀭𑀺𑀬𑀬𑁄𑀕𑁆𑀕𑀲𑁂𑀦𑀗𑁆𑀕𑀸𑀦𑀁, 𑀦𑀺𑀘𑁆𑀘𑀯𑁂𑀭𑀻𑀦𑀁, 𑀲𑀗𑁆𑀔𑁆𑀬𑀸𑀧𑀭𑀺𑀫𑀸𑀡-𑀲𑀜𑁆𑀜𑀸𑀦𑀁, 𑀔𑀼𑀤𑁆𑀤𑀚𑀦𑁆𑀢𑀼𑀓𑀸𑀦𑀁, 𑀧𑀘𑀦𑀘𑀡𑁆𑀟𑀸𑀮𑀸𑀦𑀁, 𑀘𑀭𑀡𑀲𑀸𑀥𑀸𑀭𑀡𑀸𑀦𑀁, 𑀏𑀓𑀚𑁆𑀛𑀸𑀬𑀦𑀧𑀸𑀯𑀘𑀦𑀸𑀦𑀁, 𑀮𑀺𑀗𑁆𑀕𑀯𑀺𑀲𑁂𑀲𑀸𑀦𑀁, 𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀸𑀦𑀁 𑀤𑀺𑀲𑀸𑀦𑀁, 𑀦𑀤𑀻𑀦𑀜𑁆𑀘 𑀦𑀺𑀘𑁆𑀘𑀁 𑀲𑀫𑀸𑀳𑀸𑀭𑁂𑀓𑀢𑁆𑀢𑀁 𑀪𑀯𑀢𑀺, 𑀢𑀺𑀡𑀭𑀼𑀓𑁆𑀔𑀧𑀲𑀼𑀲𑀓𑀼𑀦𑀥𑀦𑀥𑀜𑁆𑀜𑀩𑁆𑀬𑀜𑁆𑀚𑀦𑀚𑀦𑀧𑁆𑀧𑀤𑀸𑀦𑀁 𑀯𑀸, 𑀅𑀜𑁆𑀜𑁂𑀲𑀫𑀺𑀢𑀭𑀻𑀢𑀭𑀬𑁄𑀕𑁄𑀯.
𑀧𑀸𑀡𑁆𑀬𑀗𑁆𑀕𑀸𑀦𑀁-𑀘𑀓𑁆𑀔𑀼𑀲𑁄𑀢𑀁, 𑀫𑀼𑀔𑀦𑀸𑀲𑀺𑀓𑀁, 𑀳𑀦𑀼𑀕𑀻𑀯𑀁, 𑀙𑀯𑀺𑀫𑀁𑀲𑀮𑁄𑀳𑀺𑀢𑀁, 𑀦𑀸𑀫𑀭𑀽𑀧𑀁, 𑀚𑀭𑀸𑀫𑀭𑀡𑀁. 𑀢𑀼𑀭𑀺𑀬𑀗𑁆𑀕𑀸𑀦𑀁-𑀅𑀮𑀲𑀢𑀸𑀮𑀫𑁆𑀩𑀭𑀁, 𑀫𑀼𑀭𑀚𑀕𑁄𑀫𑀼𑀔𑀁, 𑀲𑀗𑁆𑀔𑀤𑁂𑀡𑁆𑀟𑀺𑀫𑀁, 𑀫𑀤𑁆𑀤𑀯𑀺𑀓𑀧𑀸𑀡𑀯𑀺𑀓𑀁, 𑀕𑀻𑀢𑀯𑀸𑀤𑀺𑀢𑀁, 𑀲𑀫𑁆𑀫𑀢𑀸𑀮𑀁. 𑀬𑁄𑀕𑁆𑀕𑀗𑁆𑀕𑀸𑀦𑀁 𑀨𑀸𑀮𑀧𑀸𑀘𑀦𑀁, 𑀬𑀼𑀕𑀦𑀗𑁆𑀕𑀮𑀁. 𑀲𑁂𑀦𑀗𑁆𑀕𑀸𑀦𑀁-𑀅𑀲𑀺𑀲𑀢𑁆𑀢𑀺𑀢𑁄𑀫𑀭𑀧𑀺𑀡𑁆𑀟𑀁, 𑀅𑀲𑀺𑀘𑀫𑁆𑀫𑀁, 𑀥𑀦𑀼𑀓𑀮𑀸𑀧𑀁, 𑀧𑀳𑀭𑀡𑀸𑀯𑀭𑀡𑀁. 𑀦𑀺𑀘𑁆𑀘𑀯𑁂𑀭𑀻𑀦𑀁-𑀅𑀳𑀺𑀦𑀓𑀼𑀮𑀁, 𑀩𑀻𑀴𑀸𑀮𑀫𑀽𑀲𑀺𑀓𑀁, 𑀓𑀸𑀓𑁄𑀮𑀽𑀓𑀁, 𑀦𑀸𑀕𑀲𑀼𑀧𑀡𑁆𑀡𑀁. 𑀲𑀗𑁆𑀔𑁆𑀬𑀸𑀧𑀭𑀺𑀫𑀸𑀡 𑀲𑀜𑁆𑀜𑀸𑀦𑀁-𑀏𑀓𑀓𑀤𑀼𑀓𑀁, 𑀤𑀼𑀓𑀢𑀺𑀓𑀁, 𑀢𑀺𑀓𑀘𑀢𑀼𑀓𑁆𑀓𑀁, 𑀘𑀢𑀼𑀓𑁆𑀓𑀧𑀜𑁆𑀘𑀓𑀁, 𑀤𑀲𑁂𑀓𑀸𑀤𑀲𑀓𑀁. 𑀔𑀼𑀤𑁆𑀤𑀚𑀦𑁆𑀢𑀼𑀓𑀸𑀦𑀁 𑀓𑀻𑀝𑀧𑀝𑀗𑁆𑀕𑀁, 𑀓𑀼𑀦𑁆𑀣𑀓𑀺𑀧𑀺𑀮𑁆𑀮𑀺𑀓𑀁, 𑀟𑀁𑀲𑀫𑀓𑀲𑀁, 𑀫𑀓𑁆𑀔𑀺𑀓𑀓𑀺𑀧𑀺𑀮𑁆𑀮𑀺𑀓𑀁. 𑀧𑀘𑀦𑀘𑀡𑁆𑀟𑀸𑀮𑀸𑀦𑀁-𑀑𑀭𑀩𑁆𑀪𑀺𑀓𑀲𑀽𑀓𑀭𑀺𑀓𑀁, 𑀲𑀸𑀓𑀼𑀦𑁆𑀢𑀺 𑀓𑀫𑀸𑀕𑀯𑀺𑀓𑀁, 𑀲𑀧𑀸𑀓𑀘𑀡𑁆𑀟𑀸𑀮𑀁, 𑀯𑁂𑀦𑀭𑀣𑀓𑀸𑀭𑀁, 𑀧𑀼𑀓𑁆𑀓𑀼𑀲 𑀙𑀯𑀟𑀸𑀳𑀓𑀁. 𑀘𑀭𑀡𑀲𑀸𑀥𑀸𑀭𑀡𑀸𑀦𑀁-𑀅𑀢𑀺𑀲𑀪𑀸𑀭𑀤𑁆𑀯𑀸𑀚𑀁, 𑀓𑀞𑀓𑀮𑀸𑀧𑀁, 𑀲𑀻𑀮𑀧𑀜𑁆𑀜𑀸𑀡𑀁, 𑀲𑀫𑀣𑀯𑀺𑀧𑀲𑁆𑀲𑀦𑀁, 𑀯𑀺𑀚𑁆𑀚𑀸𑀘𑀭𑀡𑀁. 𑀏𑀓𑀚𑁆𑀛𑀸𑀬𑀦𑀧𑀸𑀯𑀘𑀦𑀸𑀦𑀁 𑀤𑀻𑀖𑀫𑀚𑁆𑀛𑀺𑀫𑀁, 𑀏𑀓𑀼𑀢𑁆𑀢𑀭𑀲𑀁𑀬𑀼𑀢𑁆𑀢𑀓𑀁, 𑀔𑀦𑁆𑀥𑀓𑀯𑀺𑀪𑀗𑁆𑀕𑀁. 𑀮𑀺𑀗𑁆𑀕𑀯𑀺𑀲𑁂𑀲𑀸𑀦𑀁-𑀇𑀢𑁆𑀣𑀺𑀧𑀼𑀔𑀁, 𑀤𑀸𑀲𑀺𑀤𑀸𑀲𑀁, 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑁆𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁, 𑀢𑀺𑀡𑀓𑀝𑁆𑀞𑀲𑀸𑀔𑀸𑀧𑀮𑀸𑀲𑀁, ‘𑀮𑀸𑀪𑀻 𑀳𑁄𑀢𑀺 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸- 𑀲𑀦𑀕𑀺𑀮𑀸𑀦𑀧𑁆𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀸𑀦’𑀦𑁆𑀢𑀺𑀧𑀺 𑀤𑀺𑀲𑁆𑀲𑀢𑀺. 𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀸𑀦𑀁 𑀓𑀼𑀲𑀮𑀸𑀓𑀼𑀲𑀮𑀁 ¶ , 𑀲𑀸𑀯𑀚𑁆𑀚𑀸𑀦𑀯𑀚𑁆𑀚𑀁, 𑀳𑀻𑀦𑀧𑁆𑀧𑀡𑀻𑀢𑀁, 𑀓𑀡𑁆𑀳𑀲𑀼𑀓𑁆𑀓𑀁, 𑀙𑁂𑀓𑀧𑀸𑀧𑀓𑀁. 𑀤𑀺𑀲𑀸𑀦𑀁 𑀧𑀼𑀩𑁆𑀩𑀸𑀧𑀭𑀁, 𑀤𑀓𑁆𑀔𑀺𑀡𑀼𑀢𑁆𑀢𑀭𑀁, 𑀧𑀼𑀩𑁆𑀩𑀤𑀓𑁆𑀔𑀺𑀡𑀁, 𑀧𑀼𑀩𑁆𑀩𑀼𑀢𑁆𑀢𑀭𑀁, 𑀅𑀥𑀭𑀼𑀢𑁆𑀢𑀭𑀁, 𑀅𑀧𑀭𑀤𑀓𑁆𑀔𑀺𑀡𑀁, 𑀅𑀧𑀭𑀼𑀢𑁆𑀢𑀭𑀁. 𑀦𑀤𑀻𑀦𑀁-𑀕𑀗𑁆𑀕𑀸𑀬𑀫𑀼𑀦𑀁, 𑀫𑀳𑀺𑀲𑀭𑀪𑀼.
𑀢𑀺𑀡𑀯𑀺𑀲𑁂𑀲𑀸𑀦𑀁-𑀓𑀸𑀲𑀓𑀼𑀲𑀁 𑀓𑀸𑀲𑀓𑀼𑀲𑀸, 𑀉𑀲𑀻𑀭𑀩𑀻𑀭𑀡𑀁 𑀉𑀲𑀻𑀭𑀩𑀻𑀭𑀡𑀸, 𑀫𑀼𑀜𑁆𑀚𑀧𑀩𑁆𑀩𑀚𑀁 𑀫𑀼𑀜𑁆𑀚𑀧𑀩𑁆𑀩𑀚𑀁 𑀫𑀼𑀜𑁆𑀚𑀧𑀩𑁆𑀩𑀚𑀸. 𑀭𑀼𑀓𑁆𑀔𑀯𑀺𑀲𑁂𑀲𑀸𑀦𑀁 𑀔𑀤𑀺𑀭𑀧𑀮𑀸𑀲𑀁 𑀔𑀤𑀺𑀭𑀧𑀮𑀸𑀲𑀸, 𑀯𑁄𑀲𑁆𑀲𑀓𑀡𑁆𑀡𑀁 𑀥𑀯𑀸𑀲𑁆𑀲𑀓𑀡𑁆𑀡𑀸, 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀁 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀸, 𑀅𑀲𑁆𑀲𑀢𑁆𑀣𑀓𑀧𑀺𑀢𑁆𑀣𑀦𑀁 𑀅𑀲𑁆𑀲𑀢𑁆𑀣𑀓𑀧𑀺𑀢𑁆𑀣𑀦𑀸, 𑀲𑀸𑀓𑀲𑀸𑀮𑀁 𑀲𑀸𑀓𑀲𑀸𑀮𑀸. 𑀧𑀲𑀼𑀯𑀺𑀲𑁂𑀲𑀸𑀦𑀁-𑀕𑀚𑀕𑀯𑀚𑀁 𑀕𑀚𑀕𑀯𑀚𑀸, 𑀕𑁄𑀫𑀳𑀺𑀲𑀁 𑀕𑁄𑀫𑀳𑀺𑀲𑀸, 𑀏𑀡𑁂𑀬𑁆𑀬𑀕𑁄𑀫𑀳𑀺𑀲𑀁 𑀏𑀡𑁂𑀬𑁆𑀬𑀕𑁄𑀫𑀳𑀺𑀲𑀸, 𑀏𑀡𑁂𑀬𑁆𑀬𑀯𑀭𑀸𑀳𑀁 𑀏𑀡𑁂𑀬𑁆𑀬𑀯𑀭𑀸𑀳𑀸, 𑀅𑀚𑁂𑀴𑀓𑀁 𑀅𑀚𑁂𑀴𑀓𑀸, 𑀓𑀼𑀓𑁆𑀓𑀼𑀭𑀲𑀽𑀓𑀭𑀁 𑀓𑀼𑀓𑁆𑀓𑀼𑀭𑀲𑀽𑀓𑀭𑀸, 𑀳𑀢𑁆𑀣𑀺𑀕𑀯𑀸𑀲𑁆𑀲𑀯𑀴𑀯𑀁 𑀳𑀢𑁆𑀣𑀺𑀕𑀯𑀸𑀲𑁆𑀲𑀯𑀴𑀯𑀸. 𑀲𑀓𑀼𑀦𑀯𑀺𑀲𑁂𑀲𑀸𑀦𑀁-𑀳𑀁𑀲𑀩𑀮𑀸𑀯𑀁 𑀳𑀁𑀲𑀩𑀮𑀸𑀯𑀸, 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀁 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀸, 𑀩𑀓𑀩𑀮𑀸𑀓𑀁 𑀩𑀓𑀩𑀮𑀸𑀓𑀸. 𑀥𑀦𑀸𑀦𑀁-𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀁 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀸, 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀸𑀯𑁂𑀴𑀼𑀭𑀺𑀬𑀁 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀸𑀯𑁂𑀴𑀼𑀭𑀺𑀬𑀸, 𑀚𑀸𑀢𑀭𑀽𑀧𑀭𑀚𑀢𑀁 𑀚𑀸𑀢𑀭𑀽𑀧𑀭𑀚𑀢𑀸. 𑀥𑀜𑁆𑀜𑀸𑀦𑀁-𑀲𑀸𑀮𑀺𑀬𑀯𑀓𑀁 𑀲𑀸𑀮𑀺𑀬𑀯𑀓𑀸, 𑀢𑀺𑀮𑀫𑀼𑀕𑁆𑀕𑀫𑀸𑀲𑀁 𑀢𑀺𑀮𑀫𑀼𑀕𑁆𑀕𑀫𑀸𑀲𑀸, 𑀦𑀺𑀧𑁆𑀨𑀸𑀯𑀓𑀼𑀮𑀢𑁆𑀣𑀁 𑀦𑀺𑀧𑁆𑀨𑀸𑀯𑀓𑀼𑀮𑀢𑁆𑀣𑀸. 𑀩𑁆𑀬𑀜𑁆𑀚𑀦𑀸𑀦𑀁-𑀲𑀸𑀓𑀲𑀼𑀯𑀁 𑀲𑀸𑀓𑀲𑀼𑀯𑀸, 𑀕𑀩𑁆𑀬𑀫𑀸𑀳𑀺𑀲𑀁 𑀕𑀩𑁆𑀬𑀫𑀸𑀳𑀺𑀲𑀸, 𑀏𑀡𑁂𑀬𑁆𑀬𑀯𑀸𑀭𑀸𑀳𑀁 𑀏𑀡𑁂𑀬𑁆𑀬𑀯𑀸𑀭𑀸𑀳𑀸, 𑀫𑀺𑀕𑀫𑀸𑀬𑀽𑀭𑀁 𑀫𑀺𑀕𑀫𑀸𑀬𑀽𑀭𑀸. 𑀚𑀦𑀧𑀤𑀸𑀦𑀁-𑀓𑀸𑀲𑀺𑀓𑁄𑀲𑀮𑀁 𑀓𑀸𑀲𑀺𑀓𑁄𑀲𑀮𑀸, 𑀯𑀚𑁆𑀚𑀺𑀫𑀮𑁆𑀮𑀁 𑀯𑀚𑁆𑀚𑀺𑀫𑀮𑁆𑀮𑀸, 𑀘𑁂𑀢𑀺𑀯𑀁𑀲𑀁 𑀘𑁂𑀢𑀺𑀯𑀁𑀲𑀸, 𑀫𑀘𑁆𑀙𑀲𑀽𑀭𑀲𑁂𑀦𑀁 𑀫𑀘𑁆𑀙𑀲𑀽𑀭𑀲𑁂𑀦𑀸, 𑀓𑀼𑀭𑀼𑀧𑀜𑁆𑀘𑀸𑀮𑀁 𑀓𑀼𑀭𑀼𑀧𑀜𑁆𑀘𑀸𑀮𑀸. 𑀇𑀢𑀭𑀻𑀢𑀭𑀬𑁄𑀕𑁄 𑀬𑀣𑀸-𑀘𑀦𑁆𑀤𑀺𑀫𑀲𑀽𑀭𑀺𑀬𑀸, 𑀲𑀫𑀡𑀩𑁆𑀭𑀸𑀳𑁆𑀫𑀡𑀸 𑀫𑀸𑀢𑀸𑀧𑀺𑀢𑀭𑁄 𑀇𑀘𑁆𑀘𑀸𑀤𑀺.
𑀏𑀢𑀲𑁆𑀫𑀺𑀁 ¶ 𑀏𑀓𑀢𑁆𑀣𑀻𑀪𑀸𑀯𑀓𑀡𑁆𑀟𑁂 𑀬𑀁 𑀯𑀼𑀢𑁆𑀢𑀁 𑀧𑀼𑀩𑁆𑀩𑀁, 𑀢𑀤𑁂𑀯 𑀧𑀼𑀩𑁆𑀩𑀁 𑀦𑀺𑀧𑀢𑀢𑀺 𑀓𑀫𑀸𑀢𑀺𑀓𑁆𑀓𑀫𑁂 𑀧𑀬𑁄𑀚𑀦𑀸𑀪𑀸𑀯𑀸. 𑀓𑁆𑀯𑀘𑀺 𑀯𑀺𑀧𑀮𑁆𑀮𑀸𑀲𑁄𑀧𑀺 𑀳𑁄𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀢𑁄, 𑀤𑀦𑁆𑀢𑀸𑀦𑀁 𑀭𑀸𑀚𑀸 𑀭𑀸𑀚𑀤𑀦𑁆𑀢𑁄, 𑀓𑀢𑁆𑀣𑀘𑀺 𑀓𑀫𑀁 𑀧𑀘𑁆𑀘𑀸𑀦𑀸𑀤𑀭𑀸 𑀧𑀼𑀩𑁆𑀩𑀓𑀸𑀮𑀲𑁆𑀲𑀸𑀧𑀺 𑀧𑀭𑀦𑀺𑀧𑀸𑀢𑁄, 𑀮𑀺𑀢𑁆𑀢𑀯𑀸𑀲𑀺𑀢𑁄, 𑀦𑀕𑁆𑀕𑀫𑀼𑀲𑀺𑀢𑁄, 𑀲𑀺𑀢𑁆𑀢𑀲𑀫𑁆𑀫𑀝𑁆𑀞𑁄, 𑀪𑀝𑁆𑀞𑀮𑀼𑀜𑁆𑀘𑀺𑀢𑁄. 𑀘𑀢𑁆𑀣𑁂 𑀬𑀤𑁂𑀓𑀢𑁆𑀣𑀁 𑀢𑀢𑁆𑀣 𑀓𑁂𑀘𑀺 𑀧𑀼𑀩𑁆𑀩𑀧𑀤𑀁 𑀩𑀳𑀼𑀥𑀸 𑀦𑀺𑀬𑀫𑁂𑀦𑁆𑀢𑀺, 𑀢𑀤𑀺𑀳 𑀩𑁆𑀬𑀪𑀺𑀘𑀸𑀭𑀤𑀲𑁆𑀲𑀸𑀦 𑀦 𑀯𑀼𑀢𑁆𑀢𑀦𑁆𑀢𑀺 𑀤𑀝𑁆𑀞𑀩𑁆𑀩𑀁.
𑀘𑀢𑁆𑀣𑁂 𑀲𑀫𑀸𑀳𑀸𑀭𑁂 𑀬𑀤𑁂𑀓𑀢𑁆𑀣𑀁, 𑀢𑀁 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀪𑀯𑀢𑀺, 𑀢𑀣𑀸𑀘𑁂𑀯𑁄𑀤𑀸𑀳𑀝𑀁, 𑀓𑀢𑁆𑀣𑀘𑀺 𑀦 𑀳𑁄𑀢𑀺 ‘𑀲𑀪𑀸𑀧𑀭𑀺𑀲𑀸𑀬𑀸’𑀢𑀺 𑀜𑀸𑀧𑀓𑀸, 𑀆𑀥𑀺𑀧𑀘𑁆𑀘𑀧𑀭𑀺𑀯𑀸𑀭𑁄, 𑀙𑀦𑁆𑀤𑀧𑀸𑀭𑀺𑀲𑀼𑀤𑁆𑀥𑀺, 𑀧𑀝𑀺𑀲𑀦𑁆𑀥𑀺𑀧𑀯𑀢𑁆𑀢𑀺𑀬𑀁.
𑀏𑀓𑀢𑁆𑀣𑁂 𑀲𑀫𑀸𑀳𑀸𑀭𑁂 𑀲𑀗𑁆𑀔𑁆𑀬𑀸𑀤𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀪𑀯𑀢𑀺, 𑀧𑀜𑁆𑀘𑀕𑀯𑀁, 𑀘𑀢𑀼𑀧𑁆𑀧𑀣𑀁, 𑀲𑀫𑀸𑀳𑀸𑀭𑀲𑁆𑀲𑁂𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯 𑀳𑁄𑀢𑀺, 𑀲𑀫𑀸𑀳𑀸𑀭𑁂𑀢𑁆𑀯𑁂𑀯 𑀧𑀜𑁆𑀘𑀓𑀸𑀧𑀸𑀮𑁄 𑀧𑀽𑀯𑁄, 𑀢𑀺𑀧𑀼𑀢𑁆𑀢𑁄.
𑀙𑀝𑁆𑀞𑀺𑀬𑁂𑀓𑀢𑁆𑀣𑁂 𑀓𑁆𑀯𑀘𑀺 𑀦𑀧𑀼𑀁𑀲𑀓𑀢𑁆𑀢𑀁 𑀳𑁄𑀢𑁂𑀓𑀢𑁆𑀣𑀜𑁆𑀘, 𑀲𑀮𑀪𑀸𑀦𑀁 𑀙𑀸𑀬𑀸 𑀲𑀮𑀪𑀘𑁆𑀙𑀸𑀬𑀁, 𑀏𑀯𑀁 𑀲𑀓𑀼𑀦𑁆𑀢𑀸𑀦𑀁 𑀙𑀸𑀬𑀸 𑀲𑀓𑀼𑀦𑁆𑀢𑀘𑁆𑀙𑀸𑀬𑀁, 𑀧𑀸𑀲𑀸𑀤𑀘𑁆𑀙𑀸𑀬𑀁 𑀧𑀸𑀲𑀸𑀤𑀘𑁆𑀙𑀸𑀬𑀸, 𑀖𑀭𑀘𑁆𑀙𑀸𑀬𑀁 𑀖𑀭𑀘𑁆𑀙𑀸𑀬𑀸, 𑀅𑀫𑀦𑀼𑀲𑁆𑀲𑀲𑀪𑀸𑀬 𑀦𑀧𑀼𑀁𑀲𑀓𑁂𑀓𑀢𑁆𑀢𑀁 𑀪𑀯𑀢𑀺 𑀩𑁆𑀭𑀳𑁆𑀫𑀲𑀪𑀁, 𑀤𑁂𑀯𑀲𑀪𑀁, 𑀇𑀦𑁆𑀤𑀲𑀪𑀁, 𑀬𑀓𑁆𑀔𑀲𑀪𑀁, 𑀲𑀭𑀪𑀲𑀪𑀁, 𑀫𑀦𑀼𑀲𑁆𑀲𑀲𑀪𑀸𑀬𑀁 𑀧𑀦 𑀔𑀢𑁆𑀢𑀺𑀬𑀲𑀪𑀸, 𑀭𑀸𑀚𑀲𑀪𑀸 𑀇𑀘𑁆𑀘𑁂𑀯𑀫𑀸𑀤𑀺, 𑀓𑁆𑀯𑀘𑀻𑀢𑀺 𑀓𑀺𑀁 𑀭𑀸𑀚𑀧𑀼𑀭𑀺𑀲𑁄.
𑀦𑀧𑀼𑀁𑀲𑀓𑁂 ¶ 𑀯𑀢𑁆𑀢𑀫𑀸𑀦𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺 𑀲𑁆𑀬𑀸𑀤𑀻𑀲𑀼. 𑀲𑀮𑀪𑀘𑁆𑀙𑀸𑀬𑀁, 𑀲𑁆𑀬𑀸𑀤𑀻𑀲𑀽𑀢𑀺 𑀓𑀺𑀁? 𑀲𑀮𑀪𑀘𑁆𑀙𑀸𑀬𑁂.
𑀅𑀦𑁆𑀢𑀪𑀽𑀢𑀲𑁆𑀲 𑀅𑀧𑁆𑀧𑀥𑀸𑀦𑀲𑁆𑀲 𑀖𑀧𑀲𑁆𑀲 𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄 𑀳𑁄𑀢𑀺. 𑀩𑀳𑀼𑀫𑀸𑀮𑁄 𑀧𑁄𑀲𑁄, 𑀦𑀺𑀓𑁆𑀓𑁄𑀲𑀫𑁆𑀩𑀺, 𑀅𑀢𑀺𑀯𑀸𑀫𑁄𑀭𑀼, 𑀅𑀦𑁆𑀢𑀲𑁆𑀲𑀸𑀢𑀺 𑀓𑀺𑀁? 𑀭𑀸𑀚𑀸 𑀓𑀜𑁆𑀜𑀸𑀧𑀺𑀬𑁄, 𑀅𑀧𑁆𑀧𑀥𑀸𑀦𑀲𑁆𑀲𑀸𑀢𑀺 𑀓𑀺𑀁? 𑀭𑀸𑀚𑀓𑀼𑀫𑀸𑀭𑀻 𑀩𑁆𑀭𑀳𑁆𑀫𑀩𑀦𑁆𑀥𑀽.
𑀅𑀦𑁆𑀢𑀪𑀽𑀢𑀲𑁆𑀲 𑀅𑀧𑁆𑀧𑀥𑀸𑀦𑀲𑁆𑀲 𑀕𑁄𑀲𑁆𑀲 𑀲𑁆𑀬𑀸𑀤𑀻𑀲𑀼 𑀉 𑀳𑁄𑀢𑀺. 𑀘𑀺𑀢𑁆𑀢𑀕𑀼, 𑀅𑀧𑁆𑀧𑀥𑀸𑀦𑀲𑁆𑀲𑀸𑀢𑁆𑀯𑁂𑀯? 𑀲𑀼𑀕𑁄, 𑀅𑀦𑁆𑀢𑀲𑁆𑀲𑀸𑀢𑁆𑀯𑁂𑀯? 𑀕𑁄𑀓𑀼𑀮𑀁.
𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀢𑁄 𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀆𑀧𑀘𑁆𑀘𑀬𑁄 𑀳𑁄𑀢𑀺. 𑀥𑀫𑁆𑀫𑀤𑀺𑀦𑁆𑀦𑀸.
𑀦𑀤𑀸𑀤𑀻𑀳𑀺 𑀇𑀢𑁆𑀣𑀺𑀬𑀁 𑀯𑀻𑀧𑁆𑀧𑀘𑁆𑀘𑀬𑁄 𑀳𑁄𑀢𑀺. 𑀦𑀤𑀻, 𑀫𑀳𑀻, 𑀓𑀼𑀫𑀸𑀭𑀻, 𑀢𑀭𑀼𑀡𑀻, 𑀯𑀸𑀭𑀼𑀡𑀻, 𑀕𑁄𑀢𑀫𑀻. (𑁧𑁪) ‘‘𑀕𑁄𑀢𑁄𑀯𑀸’’ 𑀕𑀸𑀯𑀻 𑀕𑁄, 𑀆𑀓𑀢𑀺𑀕𑀡𑁄-𑀬𑀁, 𑀓𑁄𑀭𑁄 ‘‘𑀦𑁆𑀢𑀦𑁆𑀢𑀽𑀦𑀁 𑀯𑀻𑀫𑁆𑀳𑀺 𑀢𑁄 𑀯𑀸’’ (𑁩-𑁩𑁬) 𑀢𑀺 𑀯𑀺𑀲𑁂𑀲𑀦𑀢𑁆𑀣𑁄.
𑀬𑀓𑁆𑀔𑀸𑀤𑀺𑀢𑁄 ¶ 𑀇𑀢𑁆𑀣𑀺𑀬𑀁 𑀇𑀦𑀻 𑀳𑁄𑀢𑀺 𑀯𑀻𑀘. 𑀬𑀓𑁆𑀔𑀺𑀦𑀻 𑀬𑀓𑁆𑀔𑀻, 𑀦𑀸𑀕𑀺𑀦𑀻 𑀦𑀸𑀕𑀻, 𑀲𑀻𑀳𑀺𑀦𑀻 𑀲𑀻𑀳𑀻.
𑀆𑀭𑀸𑀫𑀺𑀓𑀸𑀤𑀺𑀢𑁄 𑀇𑀦𑀻 𑀳𑁄𑀢𑀺𑀢𑁆𑀣𑀺𑀬𑀁. 𑀆𑀭𑀸𑀫𑀺𑀓𑀺𑀦𑀻, 𑀅𑀦𑀦𑁆𑀢𑀭𑀸𑀬𑀺𑀓𑀺𑀦𑀻, 𑀭𑀸𑀚𑀺𑀦𑀻 (𑁧𑁫) ‘‘𑀲𑀜𑁆𑀜𑀸𑀬𑀁 𑀫𑀸𑀦𑀼𑀲𑁄’’ 𑀫𑀸𑀦𑀼𑀲𑀺𑀦𑀻, 𑀅𑀜𑁆𑀜𑀢𑁆𑀭 𑀫𑀸𑀦𑀼𑀲𑀻.
𑀇𑀢𑁆𑀣𑀺𑀬𑀫𑀺𑀯𑀡𑁆𑀡𑀼𑀯𑀡𑁆𑀡𑀦𑁆𑀢𑁂𑀳𑀺 𑀦𑀻 𑀳𑁄𑀢𑀺 𑀩𑀳𑀼𑀮𑀁. 𑀲𑀤𑀸𑀧𑀬𑀢𑀧𑀸𑀡𑀺𑀦𑀻, 𑀤𑀡𑁆𑀟𑀺𑀦𑀻, 𑀪𑀺𑀓𑁆𑀔𑀼𑀦𑀻, 𑀔𑀢𑁆𑀢𑀩𑀦𑁆𑀥𑀼𑀦𑀻, 𑀧𑀭𑀘𑀺𑀢𑁆𑀢𑀯𑀺𑀤𑀼𑀦𑀻, 𑀫𑀸𑀢𑀼𑀆𑀤𑀺𑀢𑁄 𑀓𑀲𑁆𑀫𑀸 𑀦 𑀳𑁄𑀢𑀺? 𑀇𑀢𑁆𑀣𑀺𑀧𑁆𑀧𑀘𑁆𑀘𑀬𑀁 𑀯𑀺𑀦𑀸𑀧𑀺 𑀇𑀢𑁆𑀣𑀢𑁆𑀢𑀸𑀪𑀺𑀥𑀸𑀦𑀢𑁄.
𑀓𑁆𑀢𑀺𑀫𑁆𑀳𑀸𑀜𑁆𑀜𑀢𑁆𑀣𑁂𑀬𑁂𑀯 𑀇𑀢𑁆𑀣𑀺𑀬𑀁 𑀦𑀻 𑀳𑁄𑀢𑀺 𑀩𑀳𑀼𑀮𑀁. 𑀲𑀸𑀳𑀁 𑀅𑀳𑀺𑀁 𑀲𑀸𑀭𑀢𑀺𑀦𑀻, 𑀢𑀲𑁆𑀲𑀸 𑀫𑀼𑀝𑁆𑀞𑀲𑁆𑀲𑀢𑀺𑀦𑀺𑀬𑀸, 𑀲𑀸 𑀕𑀸𑀯𑀻 𑀯𑀘𑁆𑀙𑀕𑀺𑀤𑁆𑀥𑀺𑀦𑀻, 𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀥𑀫𑁆𑀫𑀭𑀢𑀺.
𑀖𑀭𑀡𑀺𑀧𑁆𑀧𑀪𑀼𑀢𑀬𑁄 𑀦𑀻𑀧𑁆𑀧𑀘𑁆𑀘𑀦𑁆𑀢𑀸𑀲𑀸𑀥𑀯𑁄 𑀪𑀯𑀦𑁆𑀢𑀺. 𑀖𑀭𑀡𑀻, 𑀧𑁄𑀓𑁆𑀔𑀭𑀡𑀻, 𑀈𑀲𑁆𑀲-𑀢𑁆𑀢𑀁 𑀦𑀺𑀧𑀸𑀢𑀦𑀸, (𑁧𑁬) ‘‘𑀆𑀘𑀭𑀺𑀬𑀸 𑀯𑀸 𑀬-𑀮𑁄𑀧𑁄 𑀘’’ 𑀆𑀘𑀭𑀺𑀦𑀻, 𑀆𑀘𑀭𑀺𑀬𑀸.
𑀫𑀸𑀢𑀼𑀮𑀸𑀤𑀺𑀢𑁄 ¶ 𑀪𑀭𑀺𑀬𑀸𑀬𑀫𑀸𑀦𑀻 𑀳𑁄𑀢𑀺. 𑀫𑀸𑀢𑀼𑀮𑀸𑀦𑀻, 𑀯𑀸𑀭𑀼𑀡𑀸𑀦𑀻, 𑀕𑀳𑀧𑀢𑀸𑀦𑀻, 𑀆𑀘𑀭𑀺𑀬𑀸𑀦𑀻, (𑁧𑁭) ‘‘𑀅𑀪𑀭𑀺𑀬𑀸𑀬𑀁 𑀔𑀢𑁆𑀢𑀺𑀬𑀸 𑀯𑀸’’ 𑀔𑀢𑁆𑀢𑀺𑀬𑀸𑀦𑀻 𑀔𑀢𑁆𑀢𑀺𑀬𑀸, 𑀦𑀤𑀸𑀤𑀺𑀧𑀸𑀞𑀸 𑀪𑀭𑀺𑀬𑀸𑀬𑀦𑁆𑀢𑀼 𑀔𑀢𑁆𑀢𑀺𑀬𑀻.
𑁩𑁪. 𑀉𑀧𑀫𑀸𑀲𑀁𑀳𑀺𑀢 𑀲𑀳𑀺𑀢 𑀲𑀜𑁆𑀜𑀢 𑀲𑀳 𑀲𑀨𑀯𑀸𑀫 𑀮𑀓𑁆𑀔𑀡𑀸𑀤𑀺𑀢𑀽𑀭𑀼𑀢𑀽.
𑀊𑀭𑀼𑀲𑀤𑁆𑀤𑀸 𑀉𑀧𑀫𑀸𑀦𑀸𑀤𑀺𑀧𑀼𑀩𑁆𑀩𑀸 𑀇𑀢𑁆𑀢𑀺𑀬𑀫𑀽 𑀳𑁄𑀢𑀺. 𑀓𑀭𑀪𑁄𑀭𑀽, 𑀲𑀁𑀳𑀺𑀢𑁄𑀭𑀽, 𑀲𑀳𑀺𑀢𑁄𑀭𑀽, 𑀲𑀜𑁆𑀜𑀢𑁄𑀭𑀽, 𑀲𑀳𑁄𑀭𑀽, 𑀲𑀨𑁄𑀭𑀽, 𑀯𑀸𑀫𑁄𑀭𑀽, 𑀮𑀓𑁆𑀔𑀡𑁄𑀭𑀽, 𑀊𑀢𑀺𑀬𑁄𑀕𑀯𑀺𑀪𑀸𑀕𑀸 𑀊 𑀩𑁆𑀭𑀳𑁆𑀫𑀩𑀦𑁆𑀥𑀽.
𑀬𑀼𑀯𑀲𑀤𑁆𑀤𑀢𑁄 𑀢𑀺 𑀳𑁄𑀢𑀺𑀢𑁆𑀣𑀺𑀬𑀁. 𑀬𑀼𑀯𑀢𑀺.
𑀯𑀻𑀫𑁆𑀳𑀺 𑀦𑁆𑀢𑀦𑁆𑀢𑀽𑀦𑀁 𑀢𑁄 𑀯𑀸 𑀳𑁄𑀢𑀺. 𑀕𑀘𑁆𑀙𑀢𑀻 𑀕𑀘𑁆𑀙𑀦𑁆𑀢𑀻, 𑀲𑀻𑀮𑀯𑀢𑀻 𑀲𑀻𑀮𑀯𑀦𑁆𑀢𑀻.
𑀯𑀻𑀫𑁆𑀳𑀺 𑀪𑀯𑀢𑁄 𑀪𑁄𑀢𑀸𑀤𑁂𑀲𑁄 𑀳𑁄𑀢𑀺 𑀯𑀸. 𑀪𑁄𑀢𑀻 𑀪𑀯𑀦𑁆𑀢𑀻.
𑀕𑁄𑀲𑀤𑁆𑀤𑀲𑁆𑀲 𑀯𑀻𑀫𑁆𑀳𑀸𑀯𑀗 𑀳𑁄𑀢𑀺. 𑀕𑀸𑀯𑀻.
𑀯𑀻𑀫𑁆𑀳𑀺 ¶ 𑀧𑀼𑀣𑀼𑀲𑁆𑀲 𑀧𑀣𑀯𑀧𑀼𑀣𑀯𑀸 𑀳𑁄𑀦𑁆𑀢𑀺. 𑀧𑀣𑀯𑀻, 𑀧𑀼𑀣𑀯𑀻, 𑀞𑁂 𑀧𑀣𑀯𑀻.
𑀲𑀫𑀸𑀲𑀦𑁆𑀢𑁆𑀯 𑀇𑀢𑀺 𑀘𑀸𑀥𑀺𑀓𑀭𑀻𑀬𑀢𑀺.
𑀧𑀸𑀧𑀸𑀤𑀻𑀳𑀻 𑀧𑀭𑀸 𑀬𑀸 𑀪𑀽𑀫𑀺 𑀢𑀲𑁆𑀲𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀧𑀸𑀧𑀪𑀽𑀫𑀁, 𑀚𑀸𑀢𑀺𑀪𑀽𑀫𑀁.
𑀲𑀗𑁆𑀔𑁆𑀬𑀸𑀳𑀺 𑀧𑀭𑀸 𑀬𑀸 𑀪𑀽𑀫𑀺 𑀢𑀲𑁆𑀲𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀤𑁆𑀯𑀺𑀪𑀽𑀫𑀁, 𑀢𑀺𑀪𑀽𑀫𑀁.
𑀲𑀗𑁆𑀔𑁆𑀬𑀸𑀳𑀺 𑀧𑀭𑀸𑀲𑀁 𑀦𑀤𑀻𑀕𑁄𑀤𑀸𑀯𑀭𑀻𑀦𑀁 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺, 𑀧𑀜𑁆𑀘𑀦𑀤𑀁, 𑀲𑀢𑁆𑀢𑀕𑁄𑀤𑀸𑀯𑀭𑀁, 𑀲𑀗𑁆𑀔𑁆𑀬𑀸𑀳𑀺𑀢𑁆𑀯𑁂𑀯? 𑀫𑀳𑀸𑀦𑀤𑀻, 𑀦𑀤𑀻𑀕𑁄𑀤𑀸𑀯𑀭𑀻𑀦𑀦𑁆𑀢𑀺 𑀓𑀺𑀁? 𑀤𑀲𑀺𑀢𑁆𑀣𑀺.
𑁪𑁪. 𑀅𑀲𑀗𑁆𑀔𑁆𑀬𑁂𑀳𑀺 𑀘𑀸𑀗𑁆𑀕𑀼𑀮𑁆𑀬𑀸𑀦𑀜𑁆𑀜𑀸𑀲𑀗𑁆𑀔𑁆𑀬𑀢𑁆𑀣𑁂𑀲𑀼.
𑀅𑀲𑀗𑁆𑀔𑁆𑀬𑁂𑀳𑀺 𑀲𑀗𑁆𑀔𑁆𑀬𑀸𑀳𑀺 𑀘 𑀧𑀭𑀸𑀬 𑀅𑀗𑁆𑀕𑀼𑀮𑁆𑀬𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺 𑀦𑁄 𑀘𑁂 𑀅𑀜𑁆𑀜𑀧𑀤𑀢𑁆𑀣𑁂 𑀅𑀲𑀗𑁆𑀔𑁆𑀬𑀢𑁆𑀣𑁂 𑀘 𑀲𑀫𑀸𑀲𑁄 𑀯𑀢𑁆𑀢𑀢𑁂. 𑀦𑀺𑀕𑁆𑀕𑀢𑀫𑀗𑁆𑀕𑀼𑀮𑀻𑀳𑀺 𑀦𑀺𑀭𑀗𑁆𑀕𑀼𑀮𑀁, 𑀅𑀘𑁆𑀘𑀗𑁆𑀕𑀼𑀮𑀁, 𑀤𑁆𑀯𑁂 𑀅𑀗𑁆𑀕𑀼𑀮𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀗𑁆𑀕𑀼𑀮𑀁, 𑀅𑀦𑀜𑁆𑀜𑀸𑀲𑀗𑁆𑀔𑁆𑀬𑀢𑁆𑀣𑁂𑀲𑀽𑀢𑀺 𑀓𑀺𑀁? 𑀧𑀜𑁆𑀘𑀗𑁆𑀕𑀼𑀮𑀺 𑀳𑀢𑁆𑀣𑁄, 𑀉𑀧𑀗𑁆𑀕𑀼𑀮𑀺, 𑀓𑀣𑀁 ¶ ‘𑀤𑁆𑀯𑁂 𑀅𑀗𑁆𑀕𑀼𑀮𑀻𑀫𑀸𑀦𑀫𑀲𑁆𑀲𑀸𑀢𑀺 𑀤𑁆𑀯𑀗𑁆𑀕𑀼𑀮’𑀦𑁆𑀢𑀺? 𑀦𑀸𑀢𑁆𑀭 𑀲𑀫𑀸𑀲𑁄𑀜𑁆𑀜𑀧𑀤𑀢𑁆𑀣𑁂 𑀯𑀺𑀳𑀺𑀢𑁄 𑀫𑀢𑁆𑀢𑀸𑀤𑀻𑀦𑀁 𑀮𑁄𑀧𑁂 𑀓𑀢𑁂 𑀢𑀢𑁆𑀣 𑀯𑀢𑁆𑀢𑀢𑁂. 𑀅𑀗𑁆𑀕𑀼𑀮𑀲𑀤𑁆𑀤𑁄 𑀯𑀸 𑀧𑀫𑀸𑀡𑀯𑀸𑀘𑀺 𑀲𑀤𑁆𑀤𑀦𑁆𑀢𑀭𑀁, 𑀬𑀣𑀸 ‘𑀲𑁂𑀦𑀗𑁆𑀕𑀼𑀮𑀧𑁆𑀧𑀫𑀸𑀡𑁂𑀦 𑀅𑀗𑁆𑀕𑀼𑀮𑀸𑀦𑀁 𑀲𑀢𑀁 𑀧𑀼𑀡𑁆𑀡𑀁 𑀘𑀢𑀼𑀤𑁆𑀤𑀲 𑀯𑀸 𑀅𑀗𑁆𑀕𑀼𑀮𑀸𑀦𑀻’𑀢𑀺.
𑁪𑁫. 𑀤𑀻𑀖𑀸𑀳𑁄𑀯𑀲𑁆𑀲𑁂𑀓𑀤𑁂𑀲𑁂𑀳𑀺 𑀘 𑀭𑀢𑁆𑀢𑁆𑀬𑀸.
𑀤𑀻𑀖𑀸𑀤𑀻𑀳𑀺 𑀅𑀲𑀗𑁆𑀔𑁆𑀬𑁂𑀳𑀺 𑀲𑀗𑁆𑀔𑁆𑀬𑀸𑀳𑀺 𑀘 𑀧𑀭𑀫𑀲𑁆𑀫𑀸 𑀭𑀢𑁆𑀢𑀺𑀬𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀤𑀻𑀖𑀭𑀢𑁆𑀢𑀁, 𑀅𑀳𑁄𑀭𑀢𑁆𑀢𑀁 (𑀢𑁆𑀢𑁄), 𑀯𑀲𑁆𑀲𑀸𑀭𑀢𑁆𑀢𑀁 (𑀢𑁆𑀢𑁄), 𑀧𑀼𑀩𑁆𑀩𑀭𑀢𑁆𑀢𑀁, 𑀅𑀧𑀭𑀭𑀢𑁆𑀢𑀁, 𑀅𑀟𑁆𑀠𑀼𑀭𑀢𑁆𑀢𑀁, 𑀅𑀢𑀺𑀓𑁆𑀓𑀦𑁆𑀢𑁄 𑀭𑀢𑁆𑀢𑀺𑀁 𑀅𑀢𑀺𑀭𑀢𑁆𑀢𑁄, 𑀤𑁆𑀯𑁂𑀭𑀢𑁆𑀢𑀻 𑀲𑀫𑀸𑀳𑀝𑀸 𑀤𑀺𑀭𑀢𑁆𑀢𑀁 (𑀢𑁆𑀢𑁄), 𑀯𑀸 𑀓𑁆𑀯𑀘𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀏𑀓𑀭𑀢𑁆𑀢𑀁 (𑀢𑁆𑀢𑁄), 𑀏𑀓𑀭𑀢𑁆𑀢𑀺, 𑀅𑀦𑀜𑁆𑀜𑀸𑀲𑀗𑁆𑀔𑁆𑀬𑀢𑁆𑀣𑁂𑀲𑀼𑀢𑁆𑀯𑁂𑀯? 𑀤𑀻𑀖𑀭𑀢𑁆𑀢𑀺𑀳𑁂𑀫𑀦𑁆𑀢𑁄, 𑀉𑀧𑀭𑀢𑁆𑀢𑀺, 𑀓𑁆𑀯𑀘𑀺 𑀳𑁄𑀢𑁂𑀯 𑀩𑀳𑀼𑀮𑀁 𑀯𑀺𑀥𑀸𑀦𑀸𑀬𑀣𑀸𑀭𑀢𑁆𑀢𑀁.
𑀕𑁄𑀲𑀤𑁆𑀤𑀸 𑀅𑀮𑁄𑀧𑀯𑀺𑀲𑀬𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺 𑀦 𑀘𑁂 𑀘𑀢𑁆𑀣𑁂 𑀲𑀫𑀸𑀲𑁄 𑀅𑀜𑁆𑀜𑀧𑀤𑀢𑁆𑀣𑁂 𑀅𑀲𑀗𑁆𑀔𑁆𑀬𑀢𑁆𑀣𑁂 𑀘, 𑀭𑀸𑀚𑀕𑀯𑁄, 𑀧𑀭𑀫𑀕𑀯𑁄, 𑀧𑀜𑁆𑀘𑀕𑀯𑀥𑀦𑁄, 𑀤𑀲𑀕𑀯𑀁, 𑀅𑀮𑁄𑀧𑁂𑀢𑀺 𑀓𑀺𑀁? 𑀧𑀜𑁆𑀘𑀳𑀺 𑀕𑁄𑀳𑀺 𑀓𑀻𑀢𑁄 𑀧𑀜𑁆𑀘𑀕𑀼, 𑀅𑀘𑀢𑁆𑀣𑁂𑀢𑀺 𑀓𑀺? 𑀅𑀚𑀲𑁆𑀲𑀕𑀸𑀯𑁄, 𑀅𑀦𑀜𑁆𑀜𑀸𑀲𑀗𑁆𑀔𑁆𑀬𑀢𑁆𑀣𑁂𑀲𑀼𑀢𑁆𑀯𑁂𑀯? 𑀘𑀺𑀢𑁆𑀢𑀕𑀼, 𑀉𑀧𑀕𑀼.
𑀏𑀢𑁂 𑀲𑀤𑁆𑀤𑀸 𑀅𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀭𑀢𑁆𑀢𑁄 𑀘 𑀤𑀺𑀯𑀸 𑀘 𑀭𑀢𑁆𑀢𑀺𑀦𑁆𑀤𑀺𑀯𑀁, 𑀭𑀢𑁆𑀢𑀺 𑀘 𑀤𑀺𑀯𑀸 𑀘 𑀭𑀢𑁆𑀢𑀺𑀦𑁆𑀤𑀺𑀯𑀁, 𑀤𑀸𑀭𑀸 𑀘 𑀕𑀸𑀯𑁄 𑀘 𑀤𑀸𑀭𑀕𑀯𑀁, 𑀘𑀢𑀲𑁆𑀲𑁄 𑀅𑀲𑁆𑀲𑀺𑀬𑁄 𑀅𑀲𑁆𑀲 𑀘𑀢𑀼𑀭𑀲𑁆𑀲𑁄.
𑀅𑀦𑀼𑀕𑀯𑀦𑁆𑀢𑀺 ¶ 𑀦𑀺𑀧𑀘𑁆𑀘𑀢𑁂 𑀆𑀬𑀸𑀫𑁂 𑀕𑀫𑁆𑀬𑀫𑀸𑀦𑁂. 𑀅𑀦𑀼𑀕𑀯𑀁 𑀲𑀓𑀝𑀁, 𑀆𑀬𑀸𑀫𑁂𑀢𑀺 𑀓𑀺𑀁? 𑀕𑀼𑀦𑁆𑀦𑀁 𑀧𑀜𑁆𑀙𑀸 𑀅𑀦𑀼𑀕𑀼.
𑁪𑁯. 𑀅𑀓𑁆𑀔𑀺𑀲𑁆𑀫𑀸𑀜𑁆𑀜𑀢𑁆𑀣𑁂. 𑀅𑀓𑁆𑀔𑀺𑀲𑁆𑀫𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺 𑀅𑀜𑁆𑀜𑀢𑁆𑀣𑁂 𑀘𑁂 𑀲𑀫𑀸𑀥𑀲𑀸. 𑀯𑀺𑀲𑀸𑀮𑀓𑁆𑀔𑁄, 𑀯𑀺𑀲𑀸𑀮𑀓𑁆𑀔𑀻.
𑀅𑀗𑁆𑀕𑀼𑀮𑀦𑁆𑀢𑀸 𑀅𑀜𑁆𑀜𑀧𑀤𑀢𑁆𑀣𑁂 𑀤𑀸𑀭𑀼𑀫𑁆𑀳𑀺 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀤𑁆𑀯𑀗𑁆𑀕𑀼𑀮𑀁𑀤𑀸𑀭𑀼, 𑀧𑀜𑁆𑀘𑀗𑁆𑀕𑀼𑀮𑀁, 𑀅𑀗𑁆𑀕𑀼𑀮𑀺𑀲𑀤𑀺𑀲𑀸𑀯𑀬𑀯𑀁 𑀥𑀜𑁆𑀜𑀸𑀤𑀻𑀦𑀁 𑀯𑀺𑀓𑁆𑀔𑁂𑀧𑀓𑀁 𑀤𑀸𑀭𑀼𑀁 𑀯𑀼𑀘𑁆𑀘𑀢𑁂, 𑀧𑀫𑀸𑀡𑁂 𑀢𑀼 𑀧𑀼𑀩𑁆𑀩𑁂 𑀯𑀺𑀬 𑀲𑀺𑀤𑁆𑀥𑀁 𑀲𑀔𑀭𑀸𑀚𑀲𑀤𑁆𑀤𑀸 𑀅𑀓𑀸𑀭𑀦𑁆𑀢𑀸𑀯, 𑀲𑀺𑀲𑁆𑀲𑁄𑀧𑀺 𑀦 𑀤𑀺𑀲𑁆𑀲𑀢𑀺, 𑀕𑀸𑀡𑁆𑀟𑀻 𑀯𑀥𑀦𑁆𑀯𑀸𑀢𑀺 𑀧𑀓𑀢𑀦𑁆𑀢𑀭𑁂𑀦 𑀲𑀺𑀤𑁆𑀥𑀁.
𑀑𑀖𑀸𑀩𑁆𑀬𑀢𑀺𑀳𑀸𑀭𑁂 𑀕𑀫𑁆𑀬𑀫𑀸𑀦𑁂 𑀅𑀜𑁆𑀜𑀧𑀤𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀘𑀺 𑀳𑁄𑀢𑀺. 𑀓𑁂𑀲𑀸𑀓𑁂𑀲𑀺 𑀤𑀡𑁆𑀟𑀸𑀤𑀡𑁆𑀟𑀺, 𑀘𑀓𑀸𑀭𑁄 ‘‘𑀘𑀺𑀲𑁆𑀫𑀺’’𑀦𑁆𑀢𑀺 (𑁩.𑁬𑁬) 𑀯𑀺𑀲𑁂𑀲𑀦𑀢𑁆𑀣𑁄, 𑀲𑀼𑀕𑀦𑁆𑀥𑀺, 𑀤𑀼𑀕𑁆𑀕𑀦𑁆𑀢𑀻𑀢𑀺 𑀧𑀬𑁄𑀕𑁄 𑀦 𑀤𑀺𑀲𑁆𑀲𑀢𑁂.
𑀮𑁆𑀢𑀼𑀧𑁆𑀧𑀘𑁆𑀘𑀬𑀦𑁆𑀢𑁂𑀳𑀺, 𑀇𑀢𑁆𑀣𑀺𑀬𑀫𑀻𑀓𑀸𑀭𑀽𑀓𑀸𑀭𑀦𑁆𑀢𑁂𑀳𑀺 𑀘 𑀩𑀳𑀼𑀮𑀁 𑀓𑀧𑁆𑀧𑀘𑁆𑀘𑀬𑁄 𑀳𑁄𑀢𑀺 𑀅𑀜𑁆𑀜𑀧𑀤𑀢𑁆𑀣𑁂. 𑀩𑀳𑀼𑀓𑀢𑁆𑀢𑀼𑀓𑁄, 𑀩𑀳𑀼𑀓𑀼𑀫𑀸𑀭𑀺𑀓𑁄, 𑀩𑀳𑀼𑀩𑁆𑀭𑀳𑁆𑀫𑀩𑀦𑁆𑀥𑀼𑀓𑁄, 𑀩𑀳𑀼𑀮𑀁𑀢𑁆𑀯𑁂𑀯? 𑀲𑀼𑀩𑁆𑀪𑀽.
𑀅𑀜𑁆𑀜𑁂𑀳𑀺 ¶ 𑀅𑀜𑁆𑀜𑀧𑀤𑀢𑁆𑀣𑁂 𑀓𑁄 𑀯𑀸 𑀩𑀳𑀼𑀮𑀁 𑀳𑁄𑀢𑀺. 𑀩𑀳𑀼𑀫𑀸𑀮𑀓𑁄, 𑀩𑀳𑀼𑀫𑀸𑀮𑁄.
𑁫𑁪. 𑀉𑀢𑁆𑀢𑀭𑀧𑀤𑁂. 𑀏𑀢𑀫𑀥𑀺𑀓𑀢𑀁 𑀯𑁂𑀤𑀺𑀢𑀩𑁆𑀩𑀁.
𑀉𑀢𑁆𑀢𑀭𑀧𑀤𑁂 𑀧𑀭𑀢𑁄 𑀇𑀫𑀲𑁆𑀲 𑀇𑀤𑀁 𑀳𑁄𑀢𑀺. 𑀇𑀤𑀫𑀝𑁆𑀞𑀺𑀢𑀸, 𑀇𑀤𑀧𑁆𑀧𑀘𑁆𑀘𑀬𑀢𑀸, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀧𑀲𑁆𑀲 𑀘 𑀤𑁆𑀯𑀺𑀪𑀸𑀯𑁄.
𑁫𑁬. 𑀧𑀼𑀁 𑀧𑀼𑀫𑀲𑁆𑀲 𑀯𑀸. 𑀧𑀼𑀫𑀲𑁆𑀲 𑀧𑀼𑀁 𑀳𑁄𑀢𑀼𑀢𑁆𑀢𑀭𑀧𑀤𑁂 𑀯𑀺𑀪𑀸𑀲𑀸. 𑀧𑀼𑀮𑁆𑀮𑀺𑀗𑁆𑀕𑀁, 𑀧𑀼𑀫𑀮𑀺𑀗𑁆𑀕𑀁.
𑀏𑀲𑀁 𑀝 𑀳𑁄𑀢𑀼𑀢𑁆𑀢𑀭𑀧𑀤𑁂 𑀓𑁆𑀯𑀘𑀺 𑀯𑀸. 𑀪𑀯𑀫𑁆𑀧𑀢𑀺𑀝𑁆𑀞𑀸𑀫𑀬𑀁, 𑀪𑀕𑀯𑀁𑀫𑀽𑀮𑀓𑀸 𑀦𑁄 𑀥𑀫𑁆𑀫𑀸, 𑀩𑀳𑀼𑀮𑀸𑀥𑀺𑀓𑀸𑀭𑀸 𑀢𑀭𑀸𑀤𑀻𑀲𑀼 𑀘 𑀧𑀕𑁂𑀯 𑀫𑀳𑀢𑁆𑀢𑀭𑀻, 𑀭𑀢𑁆𑀢𑀜𑁆𑀜𑀼𑀫𑀳𑀢𑁆𑀢𑀁.
𑁫𑁮. 𑀅. 𑀏𑀲𑀁 𑀅 𑀳𑁄𑀢𑀼𑀢𑁆𑀢𑀭𑀧𑀤𑁂. 𑀕𑀼𑀡𑀯𑀦𑁆𑀢𑀧𑀢𑀺𑀝𑁆𑀞𑁄-𑀲𑁆𑀫𑀺.
𑁫𑁯. 𑀫𑀦𑀸𑀤𑁆𑀬𑀸𑀧𑀸𑀤𑀻𑀦𑀫𑁄 𑀫𑀬𑁂 𑀘. 𑀫𑀦𑀸𑀤𑀻𑀦𑀫𑀸𑀧𑀸𑀤𑀻𑀦𑀁 𑀘 𑀑 𑀳𑁄𑀢𑀼𑀢𑁆𑀢𑀭𑀧𑀤𑁂 𑀫𑀬𑁂 𑀘. 𑀫𑀦𑁄𑀲𑁂𑀝𑁆𑀞𑀸, 𑀫𑀦𑁄𑀫𑀬𑀸, 𑀭𑀚𑁄𑀚𑀮𑁆𑀮𑀁, 𑀭𑀚𑁄𑀫𑀬𑀁, 𑀆𑀧𑁄𑀕𑀢𑀁, 𑀆𑀧𑁄𑀫𑀬𑀁, 𑀅𑀦𑀼𑀬𑀦𑁆𑀢𑀺 𑀤𑀺𑀲𑁄𑀤𑀺𑀲𑀁.
𑀲𑀗𑁆𑀔𑁆𑀬𑀸𑀲𑀼𑀢𑁆𑀢𑀭𑀧𑀤𑁂𑀲𑀼 ¶ 𑀧𑀭𑀲𑁆𑀲 𑀑 𑀳𑁄𑀢𑀺. 𑀧𑀭𑁄𑀲𑀢𑀁, 𑀧𑀭𑁄𑀲𑀳𑀲𑁆𑀲𑀁, 𑀲𑀗𑁆𑀔𑁆𑀬𑀸𑀲𑀽𑀢𑀺 𑀓𑀺𑀁? 𑀧𑀭𑀤𑀢𑁆𑀢𑀽𑀧𑀚𑀻𑀯𑀺𑀦𑁄.
𑀚𑀦𑁂 𑀉𑀢𑁆𑀢𑀭𑀧𑀤𑁂 𑀧𑀼𑀣𑀲𑁆𑀲 𑀉 𑀳𑁄𑀢𑀺. 𑀅𑀭𑀺𑀬𑁂𑀳𑀺 𑀧𑀼𑀣𑀕𑁂𑀯𑀸𑀬𑀁 𑀚𑀦𑁄𑀢𑀺 𑀧𑀼𑀣𑀼𑀚𑁆𑀚𑀦𑁄.
𑀅𑀳𑁂 𑀆𑀬𑀢𑀦𑁂 𑀘𑀼𑀢𑁆𑀢𑀭𑀧𑀤𑁂 𑀙𑀲𑁆𑀲 𑀲𑁄 𑀯𑀸 𑀳𑁄𑀢𑀺. 𑀲𑀸𑀳𑀁 𑀙𑀸𑀳𑀁, 𑀲𑀴𑀸𑀬𑀢𑀦𑀁, 𑀙𑀴𑀸𑀬𑀢𑀦𑀁.
𑀮𑁆𑀢𑀼𑀧𑁆𑀧𑀘𑁆𑀘𑀬𑀦𑁆𑀢𑀸𑀦𑀁 𑀧𑀺𑀢𑀸𑀤𑀻𑀦𑀜𑁆𑀘 𑀬𑀣𑀸𑀓𑁆𑀓𑀫𑀫𑀸𑀭𑀗𑀭𑀗 𑀯𑀸 𑀳𑁄𑀦𑁆𑀢𑀼𑀢𑁆𑀢𑀭𑀧𑀤𑁂, 𑀲𑀢𑁆𑀣𑀸𑀭𑀤𑀲𑁆𑀲𑀦𑀁, 𑀓𑀢𑁆𑀢𑀸𑀭𑀦𑀺𑀤𑁆𑀤𑁂𑀲𑁄, 𑀫𑀸𑀢𑀭𑀧𑀺𑀢𑀭𑁄, 𑀯𑀸𑀢𑁆𑀯𑁂𑀯? 𑀲𑀢𑁆𑀣𑀼𑀤𑀲𑁆𑀲𑀦𑀁, 𑀫𑀸𑀢𑀸𑀧𑀺𑀢𑀭𑁄.
𑁬𑁪. 𑀯𑀺𑀚𑁆𑀚𑀸𑀬𑁄𑀦𑀺𑀲𑀫𑁆𑀩𑀦𑁆𑀥𑀸𑀦𑀫𑀸 𑀢𑀢𑁆𑀭 𑀘𑀢𑁆𑀣𑁂.
𑀮𑁆𑀢𑀼𑀧𑀺𑀢𑀸𑀤𑀻𑀦𑀁 𑀯𑀺𑀚𑁆𑀚𑀸𑀲𑀫𑁆𑀩𑀦𑁆𑀥𑀻𑀦𑀁 𑀬𑁄𑀦𑀺𑀲𑀫𑁆𑀩𑀦𑁆𑀥𑀻𑀦𑀁 𑀘 𑀢𑁂𑀲𑁆𑀯𑁂𑀯 𑀮𑁆𑀢𑀼𑀧𑀺𑀢𑀸𑀤𑀻𑀲𑀼 𑀯𑀺𑀚𑁆𑀚𑀸𑀬𑁄𑀦𑀺𑀲𑀫𑁆𑀩𑀦𑁆𑀥𑀺𑀲𑀼𑀢𑁆𑀢𑀭𑀧𑀤𑁂𑀲𑀼 𑀘𑀢𑁆𑀣𑀯𑀺𑀲𑀬𑁂 𑀆 𑀳𑁄𑀢𑀺. 𑀳𑁄𑀢𑀸𑀧𑁄𑀢𑀭𑁄 𑀫𑀸𑀢𑀸𑀧𑀺𑀢𑀭𑁄, 𑀮𑁆𑀢𑀼𑀧𑀺𑀢𑀸𑀤𑀻𑀦𑀁 𑀢𑁆𑀯𑁂𑀯? 𑀧𑀼𑀢𑁆𑀢𑀪𑀸𑀢𑀭𑁄, 𑀢𑀢𑁆𑀭𑁂𑀢𑀺 𑀓𑀺𑀁? 𑀧𑀺𑀢𑀼𑀧𑀺𑀢𑀸𑀫𑀳𑀸, 𑀘𑀢𑁆𑀣𑁂𑀢𑀺 𑀓𑀺𑀁? 𑀫𑀸𑀢𑀼𑀪𑀸𑀢𑀸, 𑀯𑀺𑀚𑁆𑀚𑀸𑀬𑁄𑀦𑀺𑀲𑀫𑁆𑀩𑀦𑁆𑀥𑀸𑀦𑀦𑁆𑀢𑀺 𑀓𑀺𑀁? 𑀤𑀸𑀢𑀼𑀪𑀢𑁆𑀢𑀸𑀭𑁄.
𑀧𑀼𑀢𑁆𑀢𑁂 ¶ 𑀉𑀢𑁆𑀢𑀭𑀧𑀤𑁂 𑀘𑀢𑁆𑀣𑀯𑀺𑀲𑀬𑁂 𑀮𑁆𑀢𑀼𑀧𑀺𑀢𑀸𑀤𑀻𑀦𑀁 𑀯𑀺𑀚𑁆𑀚𑀸𑀬𑁄𑀦𑀺 𑀲𑀫𑁆𑀩𑀦𑁆𑀥𑀸𑀦𑀫𑀸 𑀳𑁄𑀢𑀺. 𑀧𑀺𑀢𑀸𑀧𑀼𑀢𑁆𑀢𑀸, 𑀫𑀸𑀢𑀸𑀧𑀼𑀢𑁆𑀢𑀸.
𑀘𑀺𑀧𑁆𑀧𑀘𑁆𑀘𑀬𑀦𑁆𑀢𑁂 𑀉𑀢𑁆𑀢𑀭𑀧𑀤𑁂 𑀆 𑀳𑁄𑀢𑀺. 𑀓𑁂𑀲𑀸𑀓𑁂𑀲𑀺, 𑀫𑀼𑀝𑁆𑀞𑀸𑀫𑀼𑀝𑁆𑀞𑀺.
𑁬𑁭. 𑀇𑀢𑁆𑀣𑀺𑀬𑀫𑁆𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑁂𑀯𑁂𑀓𑀢𑁆𑀣𑁂.
𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑁂 𑀏𑀓𑀢𑁆𑀣𑁂 𑀲𑀫𑀸𑀦𑀸𑀥𑀺𑀓𑀭𑀡𑁂 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀪𑀸𑀲𑀺𑀢𑀧𑀼𑀫𑀸 𑀇𑀢𑁆𑀣𑀻 𑀧𑀼𑀫𑁂𑀯 𑀳𑁄𑀢𑀺. 𑀓𑀼𑀫𑀸𑀭𑀪𑀭𑀺𑀬𑁄, 𑀤𑀻𑀖𑀚𑀗𑁆𑀖𑁄, 𑀬𑀼𑀯𑀚𑀸𑀬𑁄, 𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁? 𑀓𑀮𑁆𑀬𑀸𑀡𑀻 𑀧𑀥𑀸𑀦𑀫𑁂𑀲𑀁 𑀓𑀮𑁆𑀬𑀸𑀡𑀺𑀧𑁆𑀧𑀥𑀸𑀦𑀸, 𑀪𑀸𑀲𑀺𑀢𑀧𑀼𑀫𑁂𑀢𑀺 𑀓𑀺𑀁? 𑀓𑀜𑁆𑀜𑀸𑀪𑀭𑀺𑀬𑁄, 𑀇𑀢𑁆𑀣𑀻𑀢𑀺 𑀓𑀺𑀁? 𑀕𑀸𑀫𑀡𑀺𑀓𑀼𑀮𑀁 𑀤𑀺𑀝𑁆𑀞𑀺 𑀅𑀲𑁆𑀲 𑀕𑀸𑀫𑀡𑀺𑀤𑀺𑀝𑁆𑀞𑀺, 𑀏𑀓𑀢𑁆𑀣𑁂𑀢𑀺 𑀓𑀺𑀁? 𑀓𑀮𑁆𑀬𑀸𑀡𑀺𑀬𑀸 𑀫𑀸𑀢𑀸 𑀓𑀮𑁆𑀬𑀸𑀡𑀺𑀫𑀸𑀢𑀸.
𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀘𑁆𑀘𑀬𑁂 𑀓𑁆𑀯𑀘𑀺 𑀧𑀼𑀫𑁂𑀯 𑀫𑁄𑀢𑀺. 𑀩𑁆𑀬𑀢𑁆𑀢𑀢𑀭𑀸, 𑀩𑁆𑀬𑀢𑁆𑀢𑀢𑀫𑀸.
𑀇𑀢𑁆𑀣𑀺𑀯𑀸𑀘𑀓𑀸 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂 𑀧𑀼𑀫𑁂𑀯 𑀳𑁄𑀦𑁆𑀢𑀺. 𑀢𑀲𑁆𑀲𑀸 𑀫𑀼𑀔𑀁 𑀢𑀫𑁆𑀫𑀼𑀔𑀁, 𑀢𑀲𑁆𑀲𑀁 𑀢𑀢𑁆𑀭, 𑀢𑀸𑀬 𑀢𑀢𑁄, 𑀢𑀲𑁆𑀲𑀁 𑀯𑁂𑀮𑀸𑀬𑀁 𑀢𑀤𑀸.
𑀧𑀢𑀺𑀫𑁆𑀳𑀺 𑀧𑀭𑁂 𑀚𑀸𑀬𑀸𑀬 𑀚𑀬𑀁 𑀳𑁄𑀢𑀺, 𑀚𑀬𑀫𑁆𑀧𑀢𑀻, ‘𑀚𑀸𑀦𑀺𑀧𑀢𑀻’𑀢𑀺 𑀧𑀓𑀢𑀦𑁆𑀢𑀭𑁂𑀦 𑀲𑀺𑀤𑁆𑀥𑀁, 𑀢𑀣𑀸 ‘𑀤𑀫𑁆𑀧𑀢𑀻, 𑀚𑀫𑁆𑀧𑀢𑀻’𑀢𑀺.
𑀲𑀜𑁆𑀜𑀸𑀬𑀫𑀼𑀤𑀓𑀲𑁆𑀲𑀼𑀢𑁆𑀢𑀭𑀧𑀤𑁂 ¶ 𑀉𑀤𑀸𑀤𑁂𑀲𑁄 𑀳𑁄𑀢𑀺. 𑀉𑀤𑀥𑀺, 𑀉𑀤𑀧𑀸𑀦𑀁.
𑀓𑀼𑀫𑁆𑀪𑀸𑀤𑀻𑀲𑀼𑀢𑁆𑀢𑀭𑀧𑀤𑁂𑀲𑀼 𑀉𑀤𑀓𑀲𑁆𑀲 𑀉𑀤𑀸𑀤𑁂𑀲𑁄 𑀯𑀸 𑀳𑁄𑀢𑀺. 𑀉𑀤𑀓𑀼𑀫𑁆𑀪𑁄 𑀉𑀤𑀓𑀓𑀼𑀫𑁆𑀪𑁄, 𑀉𑀤𑀧𑀢𑁆𑀢𑁄 𑀉𑀤𑀓𑀧𑀢𑁆𑀢𑁄, 𑀉𑀤𑀩𑀺𑀦𑁆𑀥𑀼 𑀉𑀤𑀓𑀩𑀺𑀦𑁆𑀥𑀼, 𑀆𑀓𑀢𑀺𑀕𑀡𑁄-𑀬𑀁.
𑀲𑁄𑀢𑀸𑀤𑀻𑀲𑀼𑀢𑁆𑀢𑀭𑀧𑀤𑁂𑀲𑀼 𑀉𑀤𑀓𑀲𑁆𑀲 𑀉𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀤𑀓𑀲𑁄𑀢𑀁, 𑀤𑀓𑀭𑀓𑁆𑀔𑀲𑁄.
𑀉𑀢𑁆𑀢𑀭𑀧𑀤𑁂 𑀦𑀜 𑀲𑀤𑁆𑀤𑀲𑁆𑀲 𑀝 𑀳𑁄𑀢𑀺. 𑀅𑀩𑁆𑀭𑀸𑀳𑁆𑀫𑀡𑁄, 𑀜𑀓𑀸𑀭𑁄 𑀓𑀺𑀁? 𑀓𑁂𑀯𑀮𑀲𑁆𑀲 𑀫𑀸 𑀳𑁄𑀢𑀼 𑀧𑀸𑀫𑀦𑀧𑀼𑀢𑁆𑀢𑁄.
𑀲𑀭𑀸𑀤𑁄 𑀉𑀢𑁆𑀢𑀭𑀧𑀤𑁂 𑀦𑀜 𑀲𑀤𑁆𑀤𑀲𑁆𑀲 𑀅𑀦 𑀳𑁄𑀢𑀺. 𑀅𑀦𑀓𑁆𑀔𑀸𑀢𑀁.
𑀦𑀔𑀸𑀤𑀬𑁄 𑀲𑀤𑁆𑀤𑀸 𑀅𑀦𑀦 𑀝𑀸𑀤𑁂𑀲𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀦𑀸𑀲𑁆𑀲 𑀔𑀫𑀢𑁆𑀣𑀻𑀢𑀺 𑀦𑀔𑁄, 𑀅𑀔𑀫𑀜𑁆𑀜𑀁, 𑀲𑀜𑁆𑀜𑀸𑀲𑀤𑁆𑀤𑁂𑀲𑀼 𑀘 𑀦𑀺𑀧𑁆𑀨𑀢𑁆𑀢𑀺𑀫𑀢𑁆𑀢𑀁 𑀬𑀣𑀸𑀓𑀣𑀜𑁆𑀘𑀺 𑀓𑀢𑁆𑀢𑀩𑁆𑀩𑀁𑀦𑀸𑀲𑁆𑀲 𑀓𑀼𑀮𑀫𑀣𑀻𑀢𑀺 𑀦𑀓𑀼𑀮𑁄, 𑀅𑀓𑀼𑀮𑀫𑀜𑁆𑀜𑀁, 𑀦𑀔 𑀦𑀓𑀼𑀮 𑀦𑀧𑀼𑀁𑀲𑀓𑀦𑀓𑁆𑀔𑀢𑁆𑀢 𑀦𑀸𑀓 𑀏𑀯𑀫𑀸𑀤𑀺.
𑀦𑀕𑀇𑀘𑁆𑀘𑀧𑁆𑀧𑀸𑀡𑀺𑀦𑀺 ¶ 𑀯𑀸 𑀦𑀺𑀧𑀘𑁆𑀘𑀢𑁂. 𑀦𑀕𑁄 𑀭𑀼𑀓𑁆𑀔𑁄, 𑀦𑀕𑁄 𑀧𑀩𑁆𑀩𑀢𑁄, 𑀅𑀕𑁄 𑀭𑀼𑀓𑁆𑀔𑁄, 𑀅𑀕𑁄 𑀧𑀩𑁆𑀩𑀢𑁄, 𑀅𑀧𑁆𑀧𑀸𑀡𑀺𑀦𑀻𑀢𑀺 𑀓𑀺𑀁? 𑀅𑀕𑁄 𑀯𑀲𑀮𑁄 𑀲𑀻𑀢𑁂𑀦.
𑀅𑀜𑁆𑀜𑀧𑀤𑀢𑁆𑀣𑀯𑀼𑀢𑁆𑀣𑀺𑀫𑁆𑀳𑀺 𑀲𑀫𑀸𑀲𑁂 𑀉𑀢𑁆𑀢𑀭𑀧𑀤𑁂 𑀧𑀭𑁂 𑀲𑀳𑀲𑁆𑀲 𑀲𑁄 𑀯𑀸 𑀳𑁄𑀢𑀺. 𑀲𑀧𑀼𑀢𑁆𑀢𑁄, 𑀲𑀳𑀧𑀼𑀢𑁆𑀢𑁄, 𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀲𑀳 𑀓𑀢𑁆𑀯𑀸, 𑀲𑀳 𑀬𑀼𑀚𑁆𑀛𑀺𑀢𑁆𑀯𑀸.
𑀲𑀳𑀲𑁆𑀲𑀼𑀢𑁆𑀢𑀭𑀧𑀤𑁂 𑀲𑁄 𑀳𑁄𑀢𑀺 𑀲𑀜𑁆𑀜𑀸𑀬𑀁. 𑀲𑀸𑀲𑁆𑀲𑀢𑁆𑀣𑀁, 𑀲𑀧𑀮𑀸𑀲𑀁.
𑀅𑀧𑁆𑀧𑀘𑁆𑀘𑀓𑁆𑀔𑁂 𑀕𑀫𑁆𑀬𑀫𑀸𑀦𑁂 𑀲𑀳𑀲𑁆𑀲 𑀲𑁄 𑀳𑁄𑀢𑀼𑀢𑁆𑀢𑀭𑀧𑀤𑁂, 𑀲𑀸𑀕𑁆𑀕𑀺 𑀓𑀧𑁄𑀢𑁄, 𑀲𑀧𑀺𑀲𑀸𑀘𑀸 𑀯𑀸𑀢𑀫𑀡𑁆𑀟𑀮𑀺𑀓𑀸.
𑀲𑀓𑀢𑁆𑀣𑀧𑁆𑀧𑀥𑀸𑀦𑀲𑁆𑀲 𑀲𑀳𑀲𑀤𑁆𑀤𑀲𑁆𑀲 𑀅𑀓𑀸𑀮𑁂 𑀉𑀢𑁆𑀢𑀭𑀧𑀤𑁂 𑀲𑁄 𑀳𑁄𑀢𑀺. 𑀲𑀫𑁆𑀧𑀦𑁆𑀦𑀁 𑀩𑁆𑀭𑀳𑁆𑀫𑀁 𑀲𑀩𑁆𑀭𑀳𑁆𑀫𑀁, 𑀲𑀘𑀓𑁆𑀓𑀁 𑀦𑀺𑀥𑁂𑀳𑀺, 𑀲𑀥𑀼𑀭𑀁 𑀧𑀸𑀚𑁂𑀳𑀺, 𑀅𑀓𑀸𑀮𑁂𑀢𑀺 𑀓𑀺𑀁? 𑀲𑀳 𑀧𑀼𑀩𑁆𑀩𑀡𑁆𑀳𑀁, 𑀲𑀳𑀸𑀧𑀭𑀡𑁆𑀳𑀁.
𑀕𑀦𑁆𑀣𑀦𑁆𑀢𑁂 ¶ 𑀆𑀥𑀺𑀓𑁆𑀬𑁂 𑀘 𑀯𑀢𑁆𑀢𑀫𑀸𑀦𑀲𑁆𑀲 𑀲𑀳𑀲𑁆𑀲 𑀲𑁄 𑀳𑁄𑀢𑀼𑀢𑁆𑀢𑀭𑀧𑀤𑁂. 𑀲𑀓𑀮𑀁 𑀚𑁄𑀢𑀺𑀫𑀥𑀻𑀢𑁂 𑀲𑀫𑀼𑀳𑀼𑀢𑁆𑀢𑀁, 𑀓𑀸𑀮𑀢𑁆𑀣𑁄 𑀆𑀭𑀫𑁆𑀪𑁄, 𑀆𑀥𑀺𑀓𑁆𑀬𑁂-𑀲𑀤𑁄𑀡𑀸 𑀔𑀸𑀭𑀻, 𑀲𑀫𑀸𑀲𑀓𑁄 𑀓𑀳𑀸𑀧𑀡𑁄, 𑀦𑀺𑀘𑁆𑀘𑀢𑁆𑀣𑁄𑀬𑀫𑀸𑀭𑀫𑁆𑀪𑁄.
𑀧𑀓𑁆𑀔𑀸𑀤𑀻𑀲𑀼𑀢𑁆𑀢𑀭𑀧𑀤𑁂𑀲𑀼 𑀲𑀫𑀸𑀦𑀲𑁆𑀲 𑀲𑁄 𑀳𑁄𑀢𑀺 𑀯𑀸. 𑀲𑀧𑀓𑁆𑀔𑁄 𑀲𑀫𑀸𑀦𑀧𑀓𑁆𑀔𑁄, 𑀲𑀚𑁄𑀢𑀺 𑀲𑀫𑀸𑀦𑀚𑁄𑀢𑀺, 𑀧𑀓𑁆𑀔𑀸𑀤𑀻𑀲𑀽𑀢𑀺 𑀓𑀺𑀁? 𑀲𑀫𑀸𑀦𑀲𑀻𑀮𑁄, 𑀧𑀓𑁆𑀔, 𑀚𑁄𑀢𑀺, 𑀚𑀦𑀧𑀤, 𑀭𑀢𑁆𑀢𑀺, 𑀧𑀢𑁆𑀢𑀺𑀦𑀻, 𑀧𑀢𑁆𑀢𑀻, 𑀦𑀸𑀪𑀺, 𑀩𑀦𑁆𑀥𑀼 𑀩𑁆𑀭𑀳𑁆𑀫𑀘𑀸𑀭𑀻, 𑀦𑀸𑀫, 𑀕𑁄𑀢𑁆𑀢, 𑀭𑀽𑀧, 𑀞𑀸𑀦, 𑀯𑀡𑁆𑀡, 𑀯𑀬𑁄, 𑀯𑀘𑀦, 𑀥𑀫𑁆𑀫, 𑀚𑀸𑀢𑀺𑀬, 𑀖𑀘𑁆𑀘.
𑀉𑀤𑀭𑁂 𑀇𑀬𑁂 𑀧𑀭𑁂 𑀧𑀭𑀢𑁄 𑀲𑀫𑀸𑀦𑀲𑁆𑀲 𑀲𑁄 𑀯𑀸 𑀳𑁄𑀢𑀺. 𑀲𑁄𑀤𑀭𑀺𑀬𑁄, 𑀲𑀫𑀸𑀦𑁄𑀤𑀭𑀺𑀬𑁄, 𑀇𑀬𑁂𑀢𑀺 𑀓𑀺𑀁? 𑀲𑀫𑀸𑀦𑁄𑀤𑀭𑀢𑀸.
𑀏𑀢𑁂𑀲𑀼 𑀲𑀫𑀸𑀦𑀲𑁆𑀲 𑀲𑁄 𑀳𑁄𑀢𑀺. 𑀲𑀭𑀻, 𑀲𑀭𑀺𑀓𑁆𑀔𑁄, 𑀲𑀭𑀺𑀲𑁄.
𑀭𑀻𑀭𑀺𑀓𑁆𑀔𑀓𑁂𑀲𑀼 𑀲𑀩𑁆𑀩𑀸𑀤𑀻𑀦𑀫𑀸 𑀳𑁄𑀢𑀺. 𑀬𑀸𑀤𑀻, 𑀬𑀸𑀤𑀺𑀓𑁆𑀔𑁄, 𑀬𑀸𑀤𑀺𑀲𑁄.
𑀭𑀻𑀭𑀺𑀓𑁆𑀔𑀓𑁂𑀲𑀼 ¶ 𑀦𑁆𑀢𑀲𑀤𑁆𑀤 𑀓𑀺𑀁𑀲𑀤𑁆𑀤 𑀇𑀫𑀲𑀤𑁆𑀤𑀸𑀦𑀁 𑀝𑀸𑀓𑀻𑀝𑀻 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀪𑀯𑀸𑀤𑀻, 𑀪𑀯𑀸𑀤𑀺𑀓𑁆𑀔𑁄, 𑀪𑀯𑀸𑀤𑀺𑀲𑁄, 𑀓𑀻𑀤𑀻, 𑀓𑀻𑀤𑀺𑀓𑁆𑀔𑁄, 𑀓𑀻𑀤𑀺𑀲𑁄, 𑀈𑀤𑀻, 𑀈𑀤𑀺𑀓𑁆𑀔𑁄, 𑀈𑀤𑀺𑀲𑁄.
𑀭𑀻𑀭𑀺𑀓𑁆𑀔𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀸𑀦𑀁 𑀢𑀸𑀫𑀸 𑀳𑁄𑀦𑁆𑀢𑁂𑀓𑀲𑁆𑀫𑀺𑀁 𑀬𑀣𑀸𑀓𑁆𑀓𑀫𑀁. 𑀢𑀸𑀤𑀻, 𑀢𑀸𑀤𑀺𑀓𑁆𑀔𑁄, 𑀢𑀸𑀤𑀺𑀲𑁄, 𑀫𑀸𑀤𑀻, 𑀫𑀸𑀤𑀺𑀓𑁆𑀔𑁄, 𑀫𑀸𑀤𑀺𑀲𑁄. 𑀏𑀓𑀲𑁆𑀫𑀺𑀦𑁆𑀢𑀺 𑀓𑀺𑀁? 𑀢𑀼𑀫𑁆𑀳𑀸𑀤𑀻, 𑀅𑀫𑁆𑀳𑀸𑀤𑀻, 𑀢𑀼𑀫𑁆𑀳𑀸𑀤𑀺𑀓𑁆𑀔𑁄, 𑀅𑀫𑁆𑀳𑀸𑀤𑀺𑀓𑁆𑀔𑁄, 𑀢𑀼𑀫𑁆𑀳𑀸𑀤𑀺𑀲𑁄, 𑀅𑀫𑁆𑀳𑀸𑀤𑀺𑀲𑁄.
𑀭𑀻𑀭𑀺𑀓𑁆𑀔𑀓𑀦𑁆𑀢𑀢𑁄 𑀅𑀜𑁆𑀜𑀲𑁆𑀫𑀺𑀁 𑀉𑀢𑁆𑀢𑀭𑀧𑀤𑁂 𑀢𑀼𑀫𑁆𑀳𑀸𑀫𑁆𑀳𑀸𑀦𑀫𑁂𑀓𑀲𑁆𑀫𑀺𑀁 𑀢𑀁𑀫𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀦𑁆𑀤𑀻𑀧𑀸, 𑀫𑀦𑁆𑀤𑀻𑀧𑀸, 𑀢𑀁𑀲𑀭𑀡𑀸, 𑀫𑀁𑀲𑀭𑀡𑀸, 𑀢𑀬𑁆𑀬𑁄𑀕𑁄, 𑀫𑀬𑁆𑀬𑁄𑀕𑁄𑀢𑀺 𑀩𑀺𑀦𑁆𑀤𑀼𑀮𑁄𑀧𑁄.
𑀭𑀻𑀭𑀺𑀓𑁆𑀔𑀓𑁂𑀲𑁆𑀯𑁂𑀢𑀲𑁆𑀲𑁂𑀝 𑀯𑀸 𑀳𑁄𑀢𑀺, 𑀏𑀤𑀻, 𑀏𑀢𑀸𑀤𑀻, 𑀏𑀤𑀺𑀓𑁆𑀔𑁄, 𑀏𑀢𑀸𑀤𑀺𑀓𑁆𑀔𑁄, 𑀏𑀤𑀺𑀲𑁄, 𑀏𑀢𑀸𑀤𑀺𑀲𑁄.
𑀤𑁆𑀯𑀺𑀲𑁆𑀲 𑀤𑀼 𑀳𑁄𑀢𑀺 𑀯𑀺𑀥𑀸𑀤𑀻𑀲𑀼, 𑀤𑀼𑀯𑀺𑀥𑁄, 𑀤𑀼𑀧𑀝𑁆𑀝𑀁 𑀏𑀯𑀫𑀸𑀤𑀺.
𑀕𑀼𑀡𑀸𑀤𑀻𑀲𑀼 𑀤𑁆𑀯𑀺𑀲𑁆𑀲 𑀤𑀺 𑀳𑁄𑀢𑀺, 𑀤𑁆𑀯𑀺𑀕𑀼𑀡𑀁, 𑀤𑀺𑀭𑀢𑁆𑀢𑀺, 𑀤𑀺𑀕𑀼 𑀏𑀯𑀫𑀸𑀤𑀺.
𑀢𑀻𑀲𑀼 ¶ 𑀤𑁆𑀯𑀺𑀲𑁆𑀲 𑀅𑀳𑁄𑀢𑀺. 𑀤𑁆𑀯𑀢𑁆𑀢𑀺𑀓𑁆𑀔𑀢𑁆𑀢𑀼𑀁, 𑀤𑁆𑀯𑀺𑀢𑁆𑀢𑀺𑀧𑀢𑁆𑀢𑀧𑀼𑀭𑀸.
𑁯𑁪. 𑀆 𑀲𑀗𑁆𑀔𑁆𑀬𑀸𑀬𑀸𑀲𑀢𑀸𑀤𑁄-𑀦𑀜𑁆𑀜𑀢𑁆𑀣𑁂.
𑀲𑀗𑁆𑀔𑁆𑀬𑀸𑀬𑀫𑀼𑀢𑁆𑀢𑀭𑀧𑀤𑁂 𑀤𑁆𑀯𑀺𑀲𑁆𑀲 𑀆 𑀳𑁄𑀢𑀺 𑀅𑀲𑀢𑀸𑀤𑁄 𑀅𑀦𑀜𑁆𑀜𑀥𑀢𑁆𑀣. 𑀤𑁆𑀯𑀸𑀤𑀲, 𑀤𑁆𑀯𑀸𑀯𑀻𑀲𑀢𑀺 𑀤𑁆𑀯𑀢𑁆𑀢𑀺𑀁𑀲, 𑀲𑀗𑁆𑀔𑁆𑀬𑀸𑀬𑀦𑁆𑀢𑀺 𑀓𑀺𑀁? 𑀤𑀺𑀭𑀢𑁆𑀢𑀁, 𑀅𑀲𑀢𑀸𑀤𑁄𑀢𑀺 𑀓𑀺𑀁? 𑀤𑀺𑀲𑀢𑀁, 𑀤𑀺𑀲𑀳𑀲𑁆𑀲𑀁. 𑀅𑀦𑀜𑁆𑀜𑀢𑁆𑀣𑁂𑀢𑀺 𑀓𑀺𑀁? 𑀤𑁆𑀯𑀺𑀤𑀲𑀸.
𑀲𑀗𑁆𑀔𑁆𑀬𑀸𑀬𑀫𑀼𑀢𑁆𑀢𑀭𑀧𑀤𑁂 𑀢𑀺𑀲𑁆𑀲 𑀏 𑀳𑁄𑀢𑀺 𑀅𑀲𑀢𑀸𑀤𑁄 𑀅𑀦𑀜𑁆𑀜𑀢𑁆𑀣𑁂, 𑀢𑁂𑀭𑀲, 𑀢𑁂𑀯𑀻𑀲, 𑀢𑁂𑀢𑁆𑀢𑀺𑀁𑀲, 𑀲𑀗𑁆𑀔𑁆𑀬𑀸𑀬𑀁𑀢𑁆𑀯𑁂𑀯? 𑀢𑀺𑀭𑀢𑁆𑀢𑀁, 𑀅𑀲𑀢𑀸𑀤𑁄𑀢𑁆𑀯𑁂𑀯? 𑀢𑀺𑀲𑀢𑀁, 𑀅𑀦𑀜𑁆𑀜𑀢𑁆𑀣𑁂𑀢𑁆𑀯𑁂𑀯? 𑀢𑀺𑀘𑀢𑀼𑀓𑀸.
𑀢𑀺𑀲𑁆𑀲𑁂 𑀯𑀸 𑀳𑁄𑀢𑀺 𑀘𑀢𑁆𑀢𑀸𑀮𑀻𑀲𑀸𑀤𑁄, 𑀢𑁂𑀘𑀢𑁆𑀢𑀸𑀮𑀸𑀲𑀁 𑀢𑀺𑀘𑀢𑁆𑀢𑀸𑀮𑀻𑀲𑀁, 𑀢𑁂𑀧𑀜𑁆𑀜𑀸𑀲𑀁 𑀢𑀺𑀧𑀜𑁆𑀜𑀸𑀲𑀁, 𑀢𑁂𑀲𑀝𑁆𑀞𑀺 𑀢𑀺𑀲𑀝𑁆𑀞𑀺, 𑀢𑁂𑀲𑀢𑁆𑀢𑀢𑀺 𑀢𑀺𑀲𑀢𑁆𑀢𑀢𑀺, 𑀢𑁂𑀅𑀲𑀻𑀢𑀺 𑀢𑀺𑀬𑀸𑀲𑀻𑀢𑀺, 𑀢𑁂𑀦𑀯𑀼𑀢𑀺 𑀢𑀺𑀦𑀯𑀼𑀢𑀺, 𑀅𑀲𑀢𑀸𑀤𑁄𑀢𑁆𑀯𑁂𑀯? 𑀢𑀺𑀲𑀢𑀁.
𑀅𑀲𑀢𑀸𑀤𑁄-𑀦𑀜𑁆𑀜𑀢𑁆𑀣𑁂 𑀘𑀢𑁆𑀢𑀸𑀮𑀻𑀲𑀸𑀤𑁄 𑀤𑁆𑀯𑀺𑀲𑁆𑀲𑁂 𑀯𑀸 𑀳𑁄𑀢𑀺 𑀆 𑀘. 𑀤𑁆𑀯𑁂𑀘𑀢𑁆𑀢𑀸𑀮𑀻𑀲𑀁, 𑀤𑁆𑀯𑀸𑀘𑀢𑁆𑀢𑀸𑀮𑀻𑀲𑀁 𑀤𑁆𑀯𑀺𑀘𑀢𑁆𑀢𑀸𑀮𑀻𑀲𑀁, 𑀤𑁆𑀯𑁂𑀧𑀜𑁆𑀜𑀸𑀲𑀁, 𑀤𑁆𑀯𑀸𑀧𑀜𑁆𑀜𑀸𑀲𑀁 𑀤𑁆𑀯𑀺𑀧𑀜𑁆𑀜𑀸𑀲𑀁 𑀇𑀘𑁆𑀘𑀸𑀤𑀺.
𑀤𑁆𑀯𑀺𑀲𑁆𑀲 ¶ 𑀩𑀸 𑀯𑀸 𑀳𑁄𑀢𑀺 𑀅𑀘𑀢𑁆𑀢𑀸𑀮𑀻𑀲𑀸𑀤𑁄-𑀦𑀜𑁆𑀜𑀢𑁆𑀣𑁂. 𑀩𑀸𑀭𑀲 𑀤𑁆𑀯𑀸𑀤𑀲, 𑀩𑀸𑀯𑀻𑀲𑀢𑀺 𑀤𑁆𑀯𑀸𑀯𑀻𑀲𑀢𑀺, 𑀩𑀢𑁆𑀢𑀺𑀁𑀲 𑀤𑁆𑀯𑀢𑁆𑀢𑀺𑀁𑀲, 𑀅𑀘𑀢𑁆𑀢𑀸𑀮𑀻𑀲𑀸𑀤𑁄𑀢𑀺 𑀓𑀺𑀁? 𑀤𑁆𑀯𑀺𑀘𑀢𑁆𑀢𑀸𑀮𑀻𑀲𑀁.
𑁯𑁯. 𑀯𑀻𑀲𑀢𑀺𑀤𑀲𑁂𑀲𑀼 𑀧𑀜𑁆𑀘𑀲𑁆𑀲 𑀧𑀡𑁆𑀡𑀧𑀦𑁆𑀦𑀸.
𑀯𑀻𑀲𑀢𑀺𑀤𑀲𑁂𑀲𑀼 𑀧𑀭𑁂𑀲𑀼 𑀧𑀜𑁆𑀘𑀲𑁆𑀲 𑀧𑀡𑁆𑀡𑀧𑀦𑁆𑀦𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀧𑀡𑁆𑀡𑀯𑀻𑀲𑀢𑀺 𑀧𑀜𑁆𑀘𑀯𑀻𑀲𑀢𑀺, 𑀧𑀦𑁆𑀦𑀭𑀲𑁆𑀯 𑀧𑀜𑁆𑀘𑀤𑀲.
𑀘𑀢𑀼𑀲𑁆𑀲 𑀘𑀼𑀘𑁄 𑀳𑁄𑀦𑁆𑀢𑀺 𑀯𑀸 𑀤𑀲𑀲𑀤𑁆𑀤𑁂 𑀧𑀭𑁂. 𑀘𑀼𑀤𑁆𑀤𑀲, 𑀘𑁄𑀤𑁆𑀤𑀲, 𑀘𑀢𑀼𑀤𑁆𑀤𑀲.
𑀙𑀲𑁆𑀲 𑀲𑁄𑀇𑀘𑁆𑀘𑀬𑀫𑀸𑀤𑁂𑀲𑁄 𑀳𑁄𑀢𑀺 𑀤𑀲𑀲𑀤𑁆𑀤𑁂 𑀧𑀭𑁂. 𑀲𑁄𑀴𑀲.
𑀏𑀓𑀅𑀝𑁆𑀞𑀸𑀦𑀁 𑀆 𑀳𑁄𑀢𑀺 𑀤𑀲𑁂 𑀧𑀭𑁂. 𑀏𑀓𑀸𑀤𑀲, 𑀅𑀝𑁆𑀞𑀸𑀭𑀲.
𑀲𑀗𑁆𑀔𑁆𑀬𑀸𑀢𑁄 𑀧𑀭𑀲𑁆𑀲 𑀤𑀲𑀲𑁆𑀲 𑀭 𑀳𑁄𑀢𑀺 𑀯𑀺𑀪𑀸𑀲𑀸. 𑀏𑀓𑀸𑀭𑀲 𑀏𑀓𑀸𑀤𑀲, 𑀩𑀸𑀭𑀲 𑀤𑁆𑀯𑀸𑀤𑀲, 𑀧𑀦𑁆𑀦𑀭𑀲 𑀧𑀜𑁆𑀘𑀤𑀲, 𑀲𑀢𑁆𑀢𑀭𑀲 𑀲𑀢𑁆𑀢𑀤𑀲, 𑀅𑀝𑁆𑀞𑀸𑀭𑀲 𑀅𑀝𑁆𑀞𑀸𑀤𑀲, 𑀧𑀦𑁆𑀦𑀩𑀸𑀤𑁂𑀲𑁂𑀲𑀼 𑀦𑀺𑀘𑁆𑀘𑀁, 𑀇𑀥 𑀦 𑀳𑁄𑀢𑀺 𑀘𑀢𑀼𑀤𑁆𑀤𑀲.
𑀙𑀢𑀻𑀳𑀺 ¶ 𑀧𑀭𑀲𑁆𑀲 𑀤𑀲𑀲𑁆𑀲 𑀴𑁄 𑀳𑁄𑀢𑀺 𑀭𑁄 𑀘, 𑀲𑁄𑀴𑀲 𑀲𑁄𑀭𑀲, 𑀢𑁂𑀴𑀲 𑀢𑁂𑀭𑀲.
𑁧𑁦𑁫. 𑀘𑀢𑀼𑀢𑁆𑀣 𑀢𑀢𑀺𑀬𑀸𑀦 𑀫𑀟𑁆𑀠𑀼𑀟𑁆𑀠𑀢𑀺𑀬𑀸.
𑀅𑀟𑁆𑀠𑀸 𑀧𑀭𑁂𑀲𑀁 𑀘𑀢𑀼𑀢𑁆𑀣𑀢𑀢𑀺𑀬𑀸𑀦𑀁 𑀉𑀟𑁆𑀠𑀢𑀺𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀅𑀟𑁆𑀠𑁂𑀦 𑀘𑀢𑀼𑀢𑁆𑀣𑁄 𑀅𑀟𑁆𑀠𑀼𑀟𑁆𑀠𑁄, 𑀅𑀟𑁆𑀠𑁂𑀦 𑀢𑀢𑀺𑀬𑁄 𑀅𑀟𑁆𑀠𑀢𑀺𑀬𑁄, 𑀓𑀣𑀁 𑀅𑀟𑁆𑀠𑀢𑁂𑀬𑁆𑀬𑁄𑀢𑀺? 𑀲𑀓𑀢𑁆𑀣𑁂 𑀡𑁆𑀬𑁂 𑀉𑀢𑁆𑀢𑀭𑀧𑀤𑀯𑀼𑀟𑁆𑀠𑀺.
𑁧𑁦𑁬. 𑀤𑀼𑀢𑀺𑀬𑀲𑁆𑀲 𑀲𑀳 𑀤𑀺𑀬𑀟𑁆𑀠𑀤𑀺𑀯𑀟𑁆𑀠𑀸.
𑀅𑀟𑁆𑀠𑀸 𑀧𑀭𑀲𑁆𑀲 𑀤𑀼𑀢𑀺𑀬𑀲𑁆𑀲 𑀲𑀳 𑀅𑀟𑁆𑀠𑀲𑀤𑁆𑀤𑁂𑀦 𑀤𑀺𑀬𑀟𑁆𑀠𑀤𑀺𑀯𑀟𑁆𑀠𑀸 𑀳𑁄𑀦𑁆𑀢𑀺. 𑀅𑀟𑁆𑀠𑁂𑀦 𑀤𑀼𑀢𑀺𑀬𑁄 𑀤𑀺𑀬𑀟𑁆𑀠𑁄, 𑀤𑀺𑀯𑀟𑁆𑀠𑁄 𑀯𑀸.
𑀓𑀼𑀲𑁆𑀲𑀼𑀢𑁆𑀢𑀭𑀧𑀤𑀢𑁆𑀣𑁂 𑀯𑀢𑁆𑀢𑀫𑀸𑀦𑀲𑁆𑀲 𑀲𑀭𑀸𑀤𑁄 𑀉𑀢𑁆𑀢𑀭𑀧𑀤𑁂 𑀓𑀤𑀸𑀤𑁂𑀲𑁄 𑀳𑁄𑀢𑀺. 𑀓𑀤𑀦𑁆𑀦𑀁, 𑀓𑀤𑀲𑀦𑀁, 𑀲𑀭𑁂𑀢𑀺 𑀓𑀺𑀁? 𑀓𑀼𑀧𑀼𑀢𑁆𑀢𑁄, 𑀉𑀢𑁆𑀢𑀭𑀢𑁆𑀣𑁂𑀢𑀺 𑀓𑀺𑀁? 𑀓𑀼𑀑𑀟𑁆𑀠𑁄 𑀭𑀸𑀚𑀸.
𑀅𑀧𑁆𑀧𑀢𑁆𑀣𑁂 𑀯𑀢𑁆𑀢𑀫𑀸𑀦𑀲𑁆𑀲 𑀓𑀼𑀲𑁆𑀲 𑀓𑀸 𑀳𑁄𑀢𑀺 𑀉𑀢𑁆𑀢𑀭𑀧𑀤𑀢𑁆𑀣𑁂, 𑀅𑀧𑁆𑀧𑀓𑀁 𑀮𑀯𑀡𑀁 𑀓𑀸𑀮𑀯𑀡𑀁.
𑀓𑀼𑀲𑁆𑀲 𑀧𑀼𑀭𑀺𑀲𑁂 𑀓𑀸 𑀳𑁄𑀢𑀺 𑀯𑀸. 𑀓𑀸𑀧𑀼𑀭𑀺𑀲𑁄 𑀓𑀼𑀧𑀼𑀭𑀺𑀲𑁄, 𑀅𑀬𑀫𑀧𑁆𑀧𑀢𑁆𑀢𑀯𑀺𑀪𑀸𑀲𑀸, 𑀅𑀧𑁆𑀧𑀢𑁆𑀣𑁂 𑀢𑀼 𑀧𑀼𑀩𑁆𑀩𑁂𑀦 𑀦𑀺𑀘𑁆𑀘𑀁 𑀳𑁄𑀢𑀺 𑀈𑀲𑀁 𑀧𑀼𑀭𑀺𑀲𑁄 𑀓𑀸𑀧𑀼𑀭𑀺𑀲𑁄.
𑁧𑁧𑁦. 𑀧𑀼𑀩𑁆𑀩𑀸𑀧𑀭𑀚𑁆𑀚𑀲𑀸𑀬𑀫𑀚𑁆𑀛𑁂𑀳𑀸𑀳𑀲𑁆𑀲 𑀡𑁆𑀳𑁄.
𑀧𑀼𑀩𑁆𑀩𑀸𑀤𑀻𑀳𑀼𑀢𑁆𑀢𑀭𑀧𑀤𑀲𑁆𑀲 ¶ 𑀅𑀳𑀲𑁆𑀲 𑀡𑁆𑀳𑀸𑀤𑁂𑀲𑁄 𑀳𑁄𑀢𑀺, 𑀧𑀼𑀩𑁆𑀩𑀡𑁆𑀳𑁄, 𑀅𑀧𑀭𑀡𑁆𑀳𑁄, 𑀅𑀚𑁆𑀚𑀡𑁆𑀳𑁄, 𑀲𑀸𑀬𑀡𑁆𑀳𑁄, 𑀫𑀚𑁆𑀛𑀡𑁆𑀳𑁄 (𑀧𑀡𑁆𑀳𑁄).
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀲𑀫𑀸𑀲𑀓𑀡𑁆𑀟𑁄 𑀢𑀢𑀺𑀬𑁄.
𑁪. 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄 (𑀡𑀸𑀤𑀺)
𑀙𑀝𑁆𑀞𑀺𑀬𑀦𑁆𑀢𑀸 𑀦𑀸𑀫𑀲𑁆𑀫𑀸 𑀯𑀸 𑀡𑀧𑁆𑀧𑀘𑁆𑀘𑀬𑁄 𑀳𑁄𑀢𑀺 𑀅𑀧𑀘𑁆𑀘𑁂-𑀪𑀺𑀥𑁂𑀬𑁆𑀬𑁂, 𑀡𑀓𑀸𑀭𑁄 𑀯𑀼𑀤𑁆𑀥𑁆𑀬𑀢𑁆𑀣𑁄, 𑀏𑀯𑀫𑀜𑁆𑀜𑀢𑁆𑀢𑀸𑀧𑀺, 𑀯𑀲𑀺𑀝𑁆𑀞𑀲𑁆𑀲𑀸𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑁄, 𑀯𑀸𑀲𑀺𑀝𑁆𑀞𑀻 𑀯𑀸, 𑀑𑀧𑀕𑀯𑁄, 𑀑𑀧𑀕𑀯𑀻 𑀯𑀸, 𑀯𑁂𑀢𑀺 𑀯𑀸𑀓𑁆𑀬𑀲𑀫𑀸𑀲𑀯𑀺𑀓𑀧𑁆𑀧𑀦𑀢𑁆𑀣𑀁, 𑀢𑀲𑁆𑀲𑀸𑀥𑀺𑀓𑀸𑀭𑁄 𑀲𑀓𑀢𑁆𑀣𑀸𑀯𑀥𑀺.
𑀯𑀘𑁆𑀙𑀸𑀤𑀻𑀳𑀺 𑀅𑀧𑀘𑁆𑀘𑀧𑁆𑀧𑀘𑁆𑀘𑀬𑀦𑁆𑀢𑁂𑀳𑀺 𑀕𑁄𑀢𑁆𑀢𑀸𑀤𑀻𑀳𑀺 𑀘 𑀲𑀤𑁆𑀤𑁂𑀳𑀺 𑀡𑀸𑀦𑀡𑀸𑀬𑀦𑀧𑁆𑀧𑀘𑁆𑀘𑀬𑀸 𑀯𑀸 𑀳𑁄𑀦𑁆𑀢𑀺 𑀅𑀧𑀘𑁆𑀘𑁂, 𑀯𑀘𑁆𑀙𑀸𑀦𑁄 𑀯𑀘𑁆𑀙𑀸𑀬𑀦𑁄, 𑀓𑀘𑁆𑀘𑀸𑀦𑁄 𑀓𑀘𑁆𑀘𑀸𑀬𑀦𑁄, 𑀬𑀸𑀕𑀫𑁂 𑀓𑀸𑀢𑀺𑀬𑀸𑀦𑁄, 𑀫𑁄𑀕𑁆𑀕𑀮𑁆𑀮𑀸𑀦𑁄 𑀫𑁄𑀕𑁆𑀕𑀮𑁆𑀮𑀸𑀬𑀦𑁄, 𑀲𑀸𑀓𑀝𑀸𑀦𑁄 𑀲𑀸𑀓𑀝𑀸𑀬𑀦𑁄, 𑀓𑀡𑁆𑀳𑀸𑀦𑁄 𑀓𑀡𑁆𑀳𑀸𑀬𑀦𑁄 𑀇𑀘𑁆𑀘𑀸𑀤𑀺.
𑁩. 𑀓𑀢𑁆𑀢𑀺𑀓𑀸𑀯𑀺𑀥𑀯𑀸𑀤𑀻𑀳𑀺 𑀡𑁂𑀬𑁆𑀬𑀡𑁂𑀭𑀸.
𑀓𑀢𑁆𑀢𑀺𑀓𑀸𑀤𑀻𑀳𑀺 𑀯𑀺𑀥𑀯𑀸𑀤𑀻𑀳𑀺 𑀘 𑀡𑁂𑀬𑁆𑀬𑀡𑁂𑀭𑀸 𑀯𑀸 𑀬𑀣𑀸𑀓𑁆𑀓𑀫𑀁 𑀳𑁄𑀦𑁆𑀢𑀺 𑀅𑀧𑀘𑁆𑀘𑁂, 𑀓𑀢𑁆𑀢𑀺𑀓𑁂𑀬𑁆𑀬𑁄, 𑀯𑁂𑀦𑀢𑁂𑀬𑁆𑀬𑁄, 𑀪𑀸𑀕𑀺𑀦𑁂𑀬𑁆𑀬𑁄 𑀇𑀘𑁆𑀘𑀸𑀤𑀺 ¶ , 𑀯𑁂𑀥𑀯𑁂𑀭𑁄, 𑀩𑀦𑁆𑀥𑀓𑁂𑀭𑁄, 𑀦𑀸𑀮𑀺𑀓𑁂𑀭𑁄, 𑀲𑀸𑀫𑀡𑁂𑀭𑁄 𑀇𑀘𑁆𑀘𑀸𑀤𑀺.
𑀤𑀺𑀢𑀺𑀧𑁆𑀧𑀪𑀼𑀢𑀺𑀳𑀺 𑀡𑁆𑀬𑁄 𑀯𑀸 𑀳𑁄𑀢𑀺 𑀅𑀧𑀘𑁆𑀘𑁂, 𑀤𑁂𑀘𑁆𑀘𑁄, 𑀆𑀤𑀺𑀘𑁆𑀘𑁄, 𑀓𑁄𑀡𑁆𑀟𑀜𑁆𑀜𑁄, 𑀕𑀕𑁆𑀕𑁆𑀬𑁄, 𑀪𑀸𑀢𑀩𑁆𑀩𑁄 𑀇𑀘𑁆𑀘𑀸𑀤𑀺.
𑀅𑀓𑀸𑀭𑀦𑁆𑀢𑀢𑁄 𑀡𑀺 𑀯𑀸 𑀳𑁄𑀢𑀺 𑀅𑀧𑀘𑁆𑀘𑁂, 𑀤𑀓𑁆𑀔𑀺, 𑀤𑀢𑁆𑀣𑀺, 𑀤𑁄𑀡𑀺. 𑀯𑀸𑀲𑀯𑀺, 𑀯𑀸𑀭𑀼𑀡𑀺 𑀇𑀘𑁆𑀘𑀸𑀤𑀺.
𑀭𑀸𑀚𑀲𑀤𑁆𑀤𑀢𑁄 𑀜𑁆𑀜𑁄 𑀯𑀸 𑀳𑁄𑀢𑀺 𑀅𑀧𑀘𑁆𑀘𑁂 𑀚𑀸𑀢𑀺𑀬𑀁 𑀕𑀫𑁆𑀬𑀫𑀸𑀦𑀸𑀬𑀁, 𑀭𑀸𑀚𑀜𑁆𑀜𑁄, 𑀚𑀸𑀢𑀺𑀬𑀦𑁆𑀢𑀺 𑀓𑀺𑀁? 𑀭𑀸𑀚𑀸𑀧𑀘𑁆𑀘𑀁.
𑀔𑀢𑁆𑀢𑀲𑀤𑁆𑀤𑀸 𑀬𑀇𑀬𑀸 𑀳𑁄𑀦𑁆𑀢𑀺 𑀅𑀧𑀘𑁆𑀘𑁂 𑀚𑀸𑀢𑀺𑀬𑀁, 𑀔𑀢𑁆𑀬𑁄, 𑀔𑀢𑁆𑀢𑀺𑀬𑁄, 𑀚𑀸𑀢𑀺𑀬𑀁𑀢𑁆𑀯𑁂𑀯? 𑀔𑀢𑁆𑀢𑀺.
𑀫𑀦𑀼𑀲𑀤𑁆𑀤𑀢𑁄 𑀚𑀸𑀢𑀺𑀬𑀁 𑀲𑁆𑀲𑀲𑀡 𑀳𑁄𑀦𑁆𑀢𑀺 𑀅𑀧𑀘𑁆𑀘𑁂, 𑀫𑀦𑀼𑀲𑁆𑀲𑁄, 𑀫𑀸𑀦𑀼𑀲𑁄, 𑀇𑀢𑁆𑀣𑀺𑀬𑀁 𑀫𑀦𑀼𑀲𑁆𑀲𑀸, 𑀫𑀸𑀦𑀼𑀲𑀻, 𑀚𑀸𑀢𑀺𑀬𑀁𑀢𑁆𑀯𑁂𑀯? 𑀫𑀸𑀦𑀯𑁄.
𑁯. 𑀚𑀦𑀧𑀤𑀦𑀸𑀫𑀲𑁆𑀫𑀸 𑀔𑀢𑁆𑀢𑀺𑀬𑀸 𑀭𑀜𑁆𑀜𑁂 𑀘 𑀡𑁄.
𑀚𑀦𑀧𑀤𑀲𑁆𑀲 𑀬𑀁 𑀦𑀸𑀫𑀁, 𑀢𑀦𑁆𑀦𑀸𑀫𑀲𑁆𑀫𑀸 𑀔𑀢𑁆𑀢𑀺𑀬𑀸 𑀅𑀧𑀘𑁆𑀘𑁂 𑀭𑀜𑁆𑀜𑁂 𑀘 𑀡𑁄 𑀳𑁄𑀢𑀺, 𑀧𑀜𑁆𑀘𑀸𑀮𑁄, 𑀓𑁄𑀲𑀮𑁄, 𑀫𑀸𑀕𑀥𑁄, 𑀑𑀓𑁆𑀓𑀸𑀓𑁄, 𑀚𑀦𑀧𑀤𑀦𑀸𑀫𑀲𑁆𑀫𑀸𑀢𑀺 ¶ 𑀓𑀺𑀁? 𑀤𑀸𑀲𑀭𑀣𑀺, 𑀔𑀢𑁆𑀢𑀺𑀬𑀸𑀢𑀺 𑀓𑀺𑀁? 𑀧𑀜𑁆𑀘𑀸𑀮𑀲𑁆𑀲 𑀩𑁆𑀭𑀸𑀳𑁆𑀫𑀡𑀲𑁆𑀲 𑀅𑀧𑀘𑁆𑀘𑀁 𑀧𑀜𑁆𑀘𑀸𑀮𑀺.
𑀓𑀼𑀭𑀼𑀲𑀺𑀯𑀻𑀳𑀺 𑀅𑀧𑀘𑁆𑀘𑁂 𑀭𑀜𑁆𑀜𑁂 𑀘 𑀡𑁆𑀬𑁄 𑀳𑁄𑀢𑀺. 𑀓𑁄𑀭𑀩𑁆𑀬𑁄, 𑀲𑁂𑀩𑁆𑀬𑁄.
𑀭𑀸𑀕𑀯𑀸𑀘𑀺𑀢𑀢𑀺𑀬𑀦𑁆𑀢𑀢𑁄 𑀭𑀢𑁆𑀢𑀫𑀺𑀘𑁆𑀙𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀡𑁄 𑀳𑁄𑀢𑀺, 𑀓𑀲𑀸𑀯𑁂𑀦 𑀭𑀢𑁆𑀢𑀁 𑀓𑀸𑀲𑀸𑀯𑀁, 𑀓𑁄𑀲𑀼𑀫𑁆𑀪𑀁, 𑀬𑀸𑀮𑀺𑀤𑁆𑀤𑀁, 𑀭𑀸𑀕𑀸𑀢𑀺 𑀓𑀺𑀁? 𑀤𑁂𑀯𑀤𑀢𑁆𑀢𑁂𑀦 𑀭𑀢𑁆𑀢𑀁 𑀯𑀢𑁆𑀣𑀁, 𑀇𑀥 𑀓𑀲𑁆𑀫𑀸 𑀦 𑀳𑁄𑀢𑀺? ‘𑀦𑀻𑀮𑀁 𑀧𑀻𑀢’𑀦𑁆𑀢𑀺, 𑀕𑀼𑀡𑀯𑀘𑀦𑀢𑁆𑀢𑀸 𑀯𑀺𑀦𑀸𑀧𑀺 𑀡𑁂𑀦 𑀡𑀢𑁆𑀣𑀲𑁆𑀲𑀸𑀪𑀺𑀥𑀸𑀦𑀢𑁄.
𑁧𑁨. 𑀦𑀓𑁆𑀔𑀢𑁆𑀢𑁂𑀦𑀺𑀦𑁆𑀤𑀼𑀬𑀼𑀢𑁆𑀢𑁂𑀦 𑀓𑀸𑀮𑁂.
𑀢𑀢𑀺𑀬𑀦𑁆𑀢𑀢𑁄 𑀦𑀓𑁆𑀔𑀢𑁆𑀢𑀸 𑀢𑁂𑀦 𑀮𑀓𑁆𑀔𑀺𑀢𑁂 𑀓𑀸𑀮𑁂 𑀡𑁄 𑀳𑁄𑀢𑀺, 𑀢𑀜𑁆𑀘𑁂 𑀦𑀓𑁆𑀔𑀢𑁆𑀢𑀫𑀺𑀦𑁆𑀤𑀼𑀬𑀼𑀢𑁆𑀢𑀁 𑀳𑁄𑀢𑀺, 𑀨𑀼𑀲𑁆𑀲𑀻 𑀭𑀢𑁆𑀢𑀺, 𑀨𑀼𑀲𑁆𑀲𑀁 𑀅𑀳𑀁, 𑀦𑀓𑁆𑀔𑀢𑁆𑀢𑁂𑀦𑁂𑀢𑀺 𑀓𑀺𑀁? 𑀕𑀼𑀭𑀼𑀦𑀸 𑀮𑀓𑁆𑀔𑀺𑀢𑀸 𑀭𑀢𑁆𑀢𑀺. 𑀇𑀦𑁆𑀤𑀼𑀬𑀼𑀢𑁆𑀢𑁂𑀦𑁂𑀢𑀺 𑀓𑀺𑀁? 𑀓𑀢𑁆𑀣𑀺𑀓𑀸𑀬 𑀮𑀓𑁆𑀔𑀺𑀢𑁄 𑀫𑀼𑀳𑀼𑀢𑁆𑀢𑁄, 𑀓𑀸𑀮𑁂𑀢𑀺 𑀓𑀺𑀁? 𑀨𑀼𑀲𑁆𑀲𑁂𑀦 𑀮𑀓𑁆𑀔𑀺𑀢𑀸 𑀅𑀢𑁆𑀣𑀲𑀺𑀤𑁆𑀥𑀺, 𑀅𑀚𑁆𑀚𑀓𑀢𑁆𑀢𑀺𑀓𑀸𑀢𑀺 𑀓𑀢𑁆𑀢𑀺𑀓𑀸𑀬𑀼𑀢𑁆𑀢𑁂 𑀘𑀦𑁆𑀤𑁂 𑀓𑀢𑁆𑀢𑀺𑀓𑀸𑀲𑀤𑁆𑀤𑁄 𑀯𑀢𑁆𑀢𑀢𑁂.
𑀲𑁂𑀢𑀺 𑀧𑀞𑀫𑀦𑁆𑀢𑀸 𑀅𑀲𑁆𑀲𑀸𑀢𑀺 𑀙𑀝𑁆𑀞𑁆𑀬𑀢𑁆𑀣𑁂 𑀡𑁄 𑀪𑀯𑀢𑀺, 𑀬𑀁 𑀧𑀞𑀫𑀦𑁆𑀢𑀁, 𑀲𑀸 𑀘𑁂 𑀤𑁂𑀯𑀢𑀸 𑀧𑀼𑀡𑁆𑀡𑀫𑀸𑀲𑀻𑀯𑀸, 𑀲𑀼𑀕𑀢𑁄 𑀤𑁂𑀯𑀢𑀸 𑀅𑀲𑁆𑀲𑀸𑀪𑀺 ¶ 𑀲𑁄𑀕𑀢𑁄, 𑀫𑀸𑀳𑀺𑀦𑁆𑀤𑁄, 𑀬𑀸𑀫𑁄, 𑀯𑀸𑀭𑀼𑀡𑁄, 𑀨𑀼𑀲𑁆𑀲𑀻 𑀧𑀼𑀡𑁆𑀡𑀫𑀸𑀲𑀻 𑀅𑀲𑁆𑀲 𑀲𑀫𑁆𑀩𑀦𑁆𑀥𑀺𑀦𑀻𑀢𑀺 𑀨𑀼𑀲𑁆𑀲𑁄, 𑀫𑀸𑀲𑁄, 𑀫𑀸𑀬𑁄, 𑀨𑀕𑁆𑀕𑀼𑀦𑁄, 𑀘𑀺𑀢𑁆𑀢𑁄, 𑀯𑁂𑀲𑀸𑀔𑁄. 𑀚𑁂𑀝𑁆𑀞𑀫𑀽𑀮𑁄, 𑀆𑀲𑀴𑁆𑀳𑁄, 𑀲𑀸𑀯𑀡𑁄, 𑀧𑁄𑀝𑁆𑀞𑀧𑀸𑀤𑁄, 𑀅𑀲𑁆𑀲𑀬𑀼𑀚𑁄, 𑀓𑀢𑁆𑀢𑀺𑀓𑁄, 𑀫𑀸𑀕𑀲𑀺𑀭𑁄, 𑀧𑀼𑀡𑁆𑀡𑀫𑀸𑀲𑀻𑀢𑀺 𑀓𑀺𑀁? 𑀨𑀼𑀲𑁆𑀲𑀻 𑀧𑀜𑁆𑀘𑀫𑀻 𑀅𑀲𑁆𑀲, 𑀧𑀼𑀡𑁆𑀡𑀫𑀸𑀲𑀻 𑀘 𑀪𑀢𑀓𑀫𑀸𑀲𑀲𑀫𑁆𑀩𑀦𑁆𑀥𑀺𑀦𑀻 𑀦 𑀳𑁄𑀢𑀺… 𑀧𑀼𑀡𑁆𑀡𑁄 𑀫𑀸 𑀅𑀲𑁆𑀲𑀦𑁆𑀢𑀺 𑀦𑀺𑀩𑁆𑀩𑀘𑀦𑀸, 𑀅𑀢𑁄 𑀏𑀯 𑀦𑀺𑀧𑀸𑀢𑀦𑀸 𑀡𑁄 𑀲𑀸𑀕𑀫𑁄 𑀘, 𑀫𑀸𑀲𑀲𑀼𑀢𑀺𑀬𑀸𑀯 𑀦 𑀧𑀜𑁆𑀘𑀤𑀲 𑀭𑀢𑁆𑀢𑀸𑀤𑁄 𑀯𑀺𑀥𑀺.
𑀤𑀼𑀢𑀺𑀬𑀦𑁆𑀢𑀢𑁄 𑀢𑀫𑀥𑀻𑀢𑁂 𑀢𑀁 𑀚𑀸𑀦𑀸𑀢𑀻𑀢𑀺 𑀏𑀢𑁂𑀲𑁆𑀯𑀢𑁆𑀣𑁂𑀲𑀼 𑀡𑁄 𑀳𑁄𑀢𑀺 𑀡𑁄 𑀡𑀺𑀓𑁄 𑀘, 𑀩𑁆𑀬𑀸𑀓𑀭𑀡𑀫𑀥𑀻𑀢𑁂 𑀚𑀸𑀦𑀸𑀢𑀺 𑀯𑀸 𑀯𑁂𑀬𑁆𑀬𑀸𑀓𑀭𑀡𑁄, 𑀙𑀦𑁆𑀤𑀲𑁄, 𑀓𑀫𑀓𑁄, 𑀧𑀤𑀓𑁄, 𑀯𑁂𑀦𑀬𑀺𑀓𑁄, 𑀲𑀼𑀢𑁆𑀢𑀦𑁆𑀢𑀺𑀓𑁄, 𑀤𑁆𑀯𑀺𑀢𑀕𑁆𑀕𑀳𑀡𑀁 𑀧𑀼𑀣𑀕𑁂𑀯 𑀯𑀺𑀥𑀸𑀦𑀢𑁆𑀣𑀁 𑀚𑀸𑀦𑀦𑀲𑁆𑀲 𑀘 𑀅𑀚𑁆𑀛𑁂𑀦𑀯𑀺𑀲𑀬𑀪𑀸𑀯𑀤𑀲𑁆𑀲𑀦𑀢𑁆𑀣𑀁 𑀧𑀲𑀺𑀤𑁆𑀥𑀽𑀧𑀲𑀗𑁆𑀕𑀳𑀢𑁆𑀣𑀁 𑀘.
𑀙𑀝𑁆𑀞𑀺𑀬𑀦𑁆𑀢𑀸 𑀯𑀺𑀲𑀬𑁂 𑀤𑁂𑀲𑀭𑀽𑀧𑁂 𑀡𑁄 𑀳𑁄𑀢𑀺, 𑀯𑀲𑀸𑀢𑀻𑀦𑀁 𑀯𑀺𑀲𑀬𑁄 𑀤𑁂𑀲𑁄 𑀯𑀸𑀲𑀸𑀢𑁄, 𑀤𑁂𑀲𑁂𑀢𑀺 𑀓𑀺𑀁? 𑀘𑀓𑁆𑀔𑀼𑀲𑁆𑀲 𑀯𑀺𑀲𑀬𑁄 𑀭𑀽𑀧𑀁, 𑀤𑁂𑀯𑀤𑀢𑁆𑀢𑀲𑁆𑀲 𑀯𑀺𑀲𑀬𑁄-𑀦𑀼𑀯𑀸𑀓𑁄.
𑀙𑀝𑁆𑀞𑀺𑀬𑀦𑁆𑀢𑀸 𑀦𑀺𑀯𑀸𑀲𑁂 𑀤𑁂𑀲𑁂 𑀢𑀦𑁆𑀦𑀸𑀫𑁂 𑀡𑁄 𑀳𑁄𑀢𑀺, 𑀲𑀺𑀯𑀻𑀦𑀁 𑀦𑀺𑀯𑀸𑀲𑁄 𑀤𑁂𑀲𑁄 𑀲𑁂𑀩𑁆𑀬𑁄, 𑀯𑀸𑀲𑀸𑀢𑁄.
𑀙𑀝𑁆𑀞𑀺𑀬𑀦𑁆𑀢𑀸 ¶ 𑀅𑀤𑀽𑀭𑀪𑀯𑁂 𑀤𑁂𑀲𑁂 𑀢𑀦𑁆𑀦𑀸𑀫𑁂 𑀡𑁄 𑀳𑁄𑀢𑀺, 𑀯𑀺𑀤𑀺𑀲𑀸𑀬 𑀅𑀤𑀽𑀭𑀪𑀯𑀁 𑀯𑁂𑀤𑀺𑀲𑀁.
𑀢𑀢𑀺𑀬𑀦𑁆𑀢𑀸 𑀦𑀺𑀩𑁆𑀩𑀢𑁆𑀢𑁂 𑀤𑁂𑀲𑁂 𑀢𑀦𑁆𑀦𑀸𑀫𑁂 𑀡𑁄 𑀳𑁄𑀢𑀺, 𑀓𑀼𑀲𑀫𑁆𑀩𑁂𑀦 𑀦𑀺𑀩𑁆𑀩𑀢𑁆𑀢𑀸 𑀓𑁄𑀲𑀫𑁆𑀪𑀻 𑀦𑀕𑀭𑀻, 𑀓𑀸𑀓𑀦𑁆𑀤𑀻, 𑀫𑀸𑀓𑀦𑁆𑀤𑀻, 𑀲𑀳𑀲𑁆𑀲𑁂𑀦 𑀦𑀺𑀩𑁆𑀩𑀢𑁆𑀢𑀸 𑀲𑀸𑀳𑀲𑁆𑀲𑀻 𑀧𑀭𑀻𑀔𑀸, 𑀳𑁄𑀢𑀼𑀫𑁆𑀳𑀺 𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀬𑀣𑀸𑀬𑁄𑀕𑀁 𑀢𑀢𑀺𑀬𑀸.
𑀢𑀦𑁆𑀢𑀺 𑀧𑀞𑀫𑀦𑁆𑀢𑀸 𑀇𑀥𑀸𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀤𑁂𑀲𑁂 𑀢𑀦𑁆𑀦𑀸𑀫𑁂 𑀡𑁄 𑀳𑁄𑀢𑀺, 𑀬𑀦𑁆𑀢𑀁 𑀧𑀞𑀫𑀦𑁆𑀢𑀫𑀢𑁆𑀣𑀺 𑀘𑁂, 𑀉𑀤𑀼𑀫𑁆𑀩𑀭𑀸 𑀅𑀲𑁆𑀫𑀺𑀁 𑀤𑁂𑀲𑁂 𑀲𑀦𑁆𑀢𑀻𑀢𑀺 𑀑𑀤𑀼𑀫𑁆𑀩𑀭𑁄, 𑀩𑀸𑀤𑀭𑁄, 𑀩𑀩𑁆𑀩𑀚𑁄.
𑀲𑀢𑁆𑀢𑀫𑁆𑀬𑀦𑁆𑀢𑀸 𑀪𑀯𑀢𑁆𑀣𑁂 𑀡𑁄 𑀳𑁄𑀢𑀺, 𑀉𑀤𑀓𑁂 𑀪𑀯𑁄 𑀑𑀤𑀓𑁄, 𑀑𑀭𑀲𑁄, 𑀚𑀸𑀦𑀧𑀤𑁄, 𑀫𑀸𑀕𑀥𑁄, 𑀓𑀸𑀧𑀺𑀮𑀯𑀢𑁆𑀣𑀯𑁄, 𑀓𑁄𑀲𑀫𑁆𑀩𑁄.
𑀪𑀯𑀢𑁆𑀣𑁂 𑀅𑀚𑁆𑀚𑀸𑀤𑀻𑀳𑀺 𑀢𑀦𑁄 𑀳𑁄𑀢𑀺, 𑀅𑀚𑁆𑀚 𑀪𑀯𑁄 𑀅𑀚𑁆𑀚𑀢𑀦𑁄, 𑀲𑁆𑀯𑀸𑀢𑀦𑁄, 𑀳𑀺𑀬𑁆𑀬𑀢𑁆𑀢𑀦𑁄.
𑀧𑀼𑀭𑀸𑀇𑀘𑁆𑀘𑀲𑁆𑀫𑀸 𑀪𑀯𑀢𑁆𑀣𑁂 𑀡𑁄 𑀳𑁄𑀢𑀺 𑀢𑀦𑁄 𑀘, 𑀧𑀼𑀭𑀸𑀡𑁄, 𑀧𑀼𑀭𑀸𑀢𑀦𑁄.
𑀅𑀫𑀸𑀲𑀤𑁆𑀤𑀢𑁄 ¶ 𑀅𑀘𑁆𑀘𑁄 𑀳𑁄𑀢𑀺 𑀪𑀯𑀢𑁆𑀣𑁂, 𑀅𑀫𑀘𑁆𑀘𑁄.
𑀫𑀚𑁆𑀛𑀸𑀤𑀻𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀪𑀯𑀢𑁆𑀢𑁂 𑀇𑀫𑁄 𑀳𑁄𑀢𑀺, 𑀫𑀚𑁆𑀛𑀺𑀫𑁄, 𑀅𑀦𑁆𑀢𑀺𑀫𑁄. 𑀫𑀚𑁆𑀛, 𑀅𑀦𑁆𑀢, 𑀳𑁂𑀝𑁆𑀞𑀸, 𑀉𑀧𑀭𑀺, 𑀑𑀭, 𑀧𑀸𑀭, 𑀧𑀘𑁆𑀙𑀸, 𑀅𑀩𑁆𑀪𑀦𑁆𑀢𑀭, 𑀧𑀘𑁆𑀘𑀦𑁆𑀢 (𑀧𑀼𑀭𑀢𑁆𑀣𑀸, 𑀩𑀸𑀳𑀺𑀭).
𑀲𑀢𑁆𑀢𑀫𑁆𑀬𑀦𑁆𑀢𑀸 𑀏𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀪𑀯𑀢𑁆𑀣𑁂, 𑀓𑀡-𑀓𑀼𑀲𑀺𑀦𑀸 𑀭𑀸𑀬𑀁 𑀪𑀯𑁄 𑀓𑁄𑀲𑀺𑀦𑀸𑀭𑀓𑁄, 𑀫𑀸𑀕𑀥𑀓𑁄, 𑀆𑀭𑀜𑁆𑀜𑀓𑁄 𑀯𑀺𑀳𑀸𑀭𑁄. 𑀡𑁂𑀬𑁆𑀬-𑀕𑀗𑁆𑀕𑁂𑀬𑁆𑀬𑁄, 𑀧𑀩𑁆𑀩𑀢𑁂𑀬𑁆𑀬𑁄, 𑀯𑀸𑀦𑁂𑀬𑁆𑀬𑁄. 𑀡𑁂𑀬𑁆𑀬𑀓-𑀓𑁄𑀮𑁂𑀬𑁆𑀬𑀓𑁄, 𑀩𑀸𑀭𑀸𑀡𑀲𑁂𑀬𑁆𑀬𑀓𑁄, 𑀘𑀫𑁆𑀧𑁂𑀬𑁆𑀬𑀓𑁄, 𑀫𑀺𑀣𑀺𑀮𑁂𑀬𑁆𑀬𑀓𑁄𑀢𑀺 𑀏𑀬𑁆𑀬𑀓𑁄. 𑀬-𑀕𑀫𑁆𑀫𑁄, 𑀤𑀺𑀩𑁆𑀩𑁄. 𑀇𑀬𑀕𑀸𑀫𑀺𑀬𑁄, 𑀉𑀤𑀭𑀺-𑀬𑁄, 𑀤𑀺𑀯𑀺𑀬𑁄, 𑀧𑀜𑁆𑀘𑀸𑀮𑀺𑀬𑁄, 𑀩𑁄𑀥𑀺𑀧𑀓𑁆𑀔𑀺𑀬𑁄, 𑀮𑁄𑀓𑀺𑀬𑁄.
𑀲𑀢𑁆𑀢𑀫𑁆𑀬𑀦𑁆𑀢𑀸 𑀪𑀯𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺, 𑀲𑀸𑀭𑀤𑀺𑀓𑁄 𑀤𑀺𑀯𑀲𑁄, 𑀲𑀸𑀭𑀤𑀺𑀓𑀸 𑀭𑀢𑁆𑀢𑀺.
𑁨𑁭. 𑀢𑀫𑀲𑁆𑀲 𑀲𑀺𑀧𑁆𑀧𑀁 𑀲𑀻𑀮𑀁 𑀧𑀡𑁆𑀬𑀁 𑀧𑀳𑀭𑀡𑀁 𑀧𑀬𑁄𑀚𑀦𑀁.
𑀧𑀞𑀫𑀦𑁆𑀢𑀸 𑀲𑀺𑀧𑁆𑀧𑀸𑀤𑀺𑀯𑀸𑀘𑀓𑀸 𑀅𑀲𑁆𑀲𑁂𑀢𑀺𑀙𑀝𑁆𑀞𑀺𑀬𑀢𑁆𑀣𑁂𑀡𑀺𑀓𑁄 𑀳𑁄𑀢𑀺, 𑀯𑀻𑀡𑀸𑀯𑀸𑀤𑀦𑀁 𑀲𑀺𑀧𑁆𑀧𑀫𑀲𑁆𑀲 𑀯𑁂𑀡𑀺𑀓𑁄, 𑀫𑁄𑀤𑀗𑁆𑀕𑀺𑀓𑁄, 𑀯𑀁𑀲𑀺𑀓𑁄, 𑀧𑀁𑀲𑀼𑀓𑀽- 𑀮𑀥𑀸𑀭𑀡𑀁 ¶ 𑀲𑀻𑀮𑀫𑀲𑁆𑀲 𑀧𑀁𑀲𑀼𑀓𑀽𑀮𑀺𑀓𑁄, 𑀢𑁂𑀘𑀻𑀯𑀭𑀺𑀓𑁂𑀯, 𑀕𑀦𑁆𑀥𑁄𑀧𑀡𑁆𑀬𑀫𑀲𑁆𑀲 𑀕𑀦𑁆𑀥𑀺𑀓𑁄, 𑀢𑁂𑀮𑀺𑀓𑁄, 𑀕𑁄𑀴𑀺𑀓𑁄, 𑀘𑀸𑀧𑁄 𑀧𑀳𑀭𑀡𑀫𑀲𑁆𑀲 𑀘𑀸𑀧𑀺𑀓𑁄, 𑀢𑁄𑀫𑀭𑀺𑀓𑁄, 𑀫𑀼𑀕𑁆𑀕𑀭𑀺𑀓𑁄, 𑀉𑀧𑀥𑀺𑀧𑁆𑀧𑀬𑁄𑀚𑀦𑀫𑀲𑁆𑀲 𑀑𑀧𑀥𑀺𑀓𑀁, 𑀲𑀸𑀢𑀺𑀓𑀁, 𑀲𑀸𑀳𑀲𑁆𑀲𑀺𑀓𑀁.
𑁨𑁮. 𑀢𑀁 𑀳𑀦𑁆𑀢𑀭𑀳𑀢𑀺 𑀕𑀘𑁆𑀙𑀢𑀼𑀜𑁆𑀙𑀢𑀺 𑀘𑀭𑀢𑀺.
𑀤𑀼𑀢𑀺𑀬𑀦𑁆𑀢𑀸 𑀳𑀦𑁆𑀢𑀻𑀢𑀺 𑀏𑀯𑀫𑀸𑀤𑀻𑀲𑁆𑀯𑀢𑁆𑀣𑁂𑀲𑀼 𑀡𑀻𑀓𑁄 𑀳𑁄𑀢𑀺. 𑀧𑀓𑁆𑀔𑀻𑀳𑀺𑀧𑀓𑁆𑀔𑀺𑀦𑁄 𑀳𑀦𑁆𑀢𑀻𑀢𑀺 𑀧𑀓𑁆𑀔𑀺𑀓𑁄, 𑀲𑀸𑀓𑀼𑀦𑀺𑀓𑁄, 𑀫𑀸𑀬𑀽𑀭𑀺𑀓𑁄. 𑀫𑀘𑁆𑀙𑁂𑀳𑀺-𑀫𑀘𑁆𑀙𑀺𑀓𑁄, 𑀫𑁂𑀦𑀺𑀓𑁄. 𑀫𑀺𑀕𑁂𑀳𑀺-𑀫𑀸𑀕𑀯𑀺𑀓𑁄 𑀳𑀸𑀭𑀺𑀡𑀺𑀓𑁄, ‘𑀲𑀽𑀓𑀭𑀺𑀓𑁄’𑀢𑀺 𑀇𑀓𑁄. 𑀲𑀢𑀫𑀭𑀳𑀢𑀻𑀢𑀺 𑀲𑀸𑀢𑀺𑀓𑀁, 𑀲𑀦𑁆𑀤𑀺𑀝𑁆𑀞𑀺𑀓𑁄, 𑀏𑀳𑀺𑀧𑀲𑁆𑀲𑀯𑀺𑀥𑀺𑀁 𑀅𑀭𑀳𑀢𑀻𑀢𑀺 𑀏𑀳𑀺𑀧𑀲𑁆𑀲𑀺𑀓𑁄, 𑀲𑀸𑀳𑀲𑁆𑀲𑀺𑀓𑁄, ‘𑀲𑀳𑀲𑁆𑀲𑀺𑀬𑁄’𑀢𑀺 𑀇𑀬𑁄. 𑀧𑀭𑀤𑀸𑀭𑀁 𑀕𑀘𑁆𑀙𑀢𑀻𑀢𑀺 𑀧𑀸𑀭𑀤𑀸𑀭𑀺𑀓𑁄, 𑀫𑀕𑁆𑀕𑀺𑀓𑁄, 𑀧𑀜𑁆𑀜𑀸𑀲𑀬𑁄𑀚𑀦𑀺𑀓𑁄. 𑀩𑀤𑀭𑁂 𑀉𑀜𑁆𑀙𑀢𑀻𑀢𑀺 𑀩𑀸𑀤𑀭𑀺𑀓𑁄, 𑀲𑀸𑀫𑀸𑀓𑀺𑀓𑁄. 𑀥𑀫𑁆𑀫𑀁 𑀘𑀭𑀢𑀻𑀢𑀺 𑀥𑀫𑁆𑀫𑀺𑀓𑁄, 𑀅𑀥𑀫𑁆𑀫𑀺𑀓𑁄.
𑁨𑁯. 𑀢𑁂𑀦 𑀓𑀢𑀁 𑀓𑀻𑀢𑀁 𑀩𑀤𑁆𑀥𑀫𑀪𑀺𑀲𑀗𑁆𑀔𑀢𑀁 𑀲𑀁𑀲𑀝𑁆𑀞𑀁 𑀳𑀢𑀁 𑀳𑀦𑁆𑀢𑀺 𑀚𑀺𑀢𑀁 𑀚𑀬𑀢𑀺 𑀤𑀺𑀩𑁆𑀩𑀢𑀺 𑀔𑀡𑀢𑀺 𑀢𑀭𑀢𑀺 𑀘𑀭𑀢𑀺 𑀯𑀳𑀢𑀺 𑀚𑀻𑀯𑀢𑀺.
𑀢𑀢𑀺𑀬𑀦𑁆𑀢𑀸 𑀓𑀢𑀸𑀤𑀺𑀲𑁆𑀯𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺. 𑀓𑀸𑀬𑁂𑀦 𑀓𑀢𑀁 𑀓𑀸𑀬𑀺𑀓𑀁, 𑀯𑀸𑀘𑀲𑀺𑀓𑀁, 𑀫𑀸𑀦𑀲𑀺𑀓𑀁, 𑀯𑀸𑀢𑁂𑀦 𑀓𑀢𑁄 𑀆𑀩𑀸𑀥𑁄 𑀯𑀸𑀢𑀺𑀓𑁄. 𑀲𑀢𑁂𑀦 𑀓𑀻𑀢𑀁 𑀲𑀸𑀢𑀺𑀓𑀁, 𑀲𑀸𑀳𑀲𑁆𑀲𑀺𑀓𑀁, 𑀫𑀽𑀮𑀢𑁄𑀯, 𑀤𑁂𑀯𑀤𑀢𑁂𑀦 𑀓𑀻𑀢𑀦𑁆𑀢𑀺 𑀦 𑀳𑁄𑀢𑀺 𑀢𑀤𑀢𑁆𑀣𑀸𑀧𑁆𑀧𑀢𑀻𑀢𑀺𑀬𑀸. 𑀯𑀭𑀢𑁆𑀢𑀸𑀬 𑀩𑀤𑁆𑀥𑁄 𑀯𑀸𑀭𑀢𑁆𑀢𑀺𑀓𑁄, 𑀆𑀬𑀲𑀺𑀓𑁄, 𑀧𑀸𑀲𑀺𑀓𑁄. 𑀖𑀢𑁂𑀦 𑀅𑀪𑀺𑀲𑀗𑁆𑀔𑀢𑀁 𑀲𑀁𑀲𑀝𑁆𑀞𑀁 𑀯𑀸 𑀖𑀸𑀢𑀺𑀓𑀁, 𑀕𑁄𑀴𑀺𑀓𑀁, 𑀤𑀸𑀥𑀺𑀓𑀁, 𑀫𑀸𑀭𑀺𑀘𑀺𑀓𑀁. 𑀚𑀸𑀮𑁂𑀦 𑀳𑀢𑁄 𑀳𑀦𑁆𑀢𑀻𑀢𑀺 𑀯𑀸 𑀚𑀸𑀮𑀺𑀓𑁄, 𑀩𑀸𑀮𑀻𑀲𑀺𑀓𑁄. 𑀅𑀓𑁆𑀔𑁂𑀳𑀺 𑀚𑀺𑀢𑀫𑀓𑁆𑀔𑀺𑀓𑀁, 𑀲𑀸𑀮𑀸𑀓𑀺𑀓𑀁. 𑀅𑀓𑁆𑀔𑁂𑀳𑀺 𑀚𑀬𑀢𑀺 𑀤𑀺𑀩𑁆𑀩𑀢𑀻𑀢𑀺 𑀯𑀸 𑀅𑀓𑁆𑀔𑀺𑀓𑁄. 𑀔𑀡𑀺𑀢𑁆𑀢𑀺𑀬𑀸 ¶ 𑀔𑀡𑀢𑀻𑀢𑀺 𑀔𑀸𑀡𑀺𑀢𑁆𑀢𑀺𑀓𑁄, 𑀓𑀼𑀤𑁆𑀤𑀸𑀮𑀺𑀓𑁄, 𑀤𑁂𑀯𑀤𑀢𑁆𑀢𑁂𑀦 𑀚𑀺𑀢𑀁, 𑀅𑀗𑁆𑀕𑀼𑀮𑁆𑀬𑀸 𑀔𑀡𑀢𑀻𑀢𑀺 𑀦 𑀳𑁄𑀢𑀺 𑀢𑀤𑀢𑁆𑀣𑀸𑀦𑀯𑀕𑀫𑀸. 𑀉𑀴𑀼𑀫𑁆𑀧𑁂𑀦 𑀢𑀭𑀢𑀻𑀢𑀺 𑀑𑀴𑀼𑀫𑁆𑀧𑀺𑀓𑁄, ‘𑀉𑀴𑀼𑀫𑁆𑀧𑀺𑀓𑁄’𑀢𑀺 𑀇𑀓𑁄 𑀕𑁄𑀧𑀼𑀘𑁆𑀙𑀺𑀓𑁄, 𑀦𑀸𑀯𑀺𑀓𑁄. 𑀲𑀓𑀝𑁂𑀦 𑀘𑀭𑀢𑀻𑀢𑀺 𑀲𑀸𑀓𑀝𑀺𑀓𑁄, ‘𑀭𑀣𑀺𑀓𑁄, 𑀧𑀭𑀧𑁆𑀧𑀺𑀓𑁄’𑀢𑀺 𑀇𑀓𑁄. 𑀔𑀦𑁆𑀥𑁂𑀦 𑀯𑀳𑀢𑀻𑀢𑀺 𑀔𑀦𑁆𑀥𑀺𑀓𑁄, 𑀅𑀁𑀲𑀺𑀓𑁄, ‘𑀲𑀻𑀲𑀺𑀓𑁄’𑀢𑀺 𑀇𑀓𑁄. 𑀯𑁂𑀢𑀦𑁂𑀦 𑀚𑀻𑀯𑀢𑀻𑀢𑀺 𑀯𑁂𑀢𑀦𑀺𑀓𑁄, ‘𑀪𑀢𑀺𑀓𑁄, 𑀓𑀬𑀺𑀓𑁄, 𑀯𑀺𑀓𑁆𑀓𑀬𑀺𑀓𑁄, 𑀓𑀬𑀯𑀺𑀓𑁆𑀓𑀬𑀺𑀓𑁄’𑀢𑀺 𑀇𑀓𑁄.
𑀘𑀢𑀼𑀢𑁆𑀣𑀺𑀬𑀦𑁆𑀢𑀸 𑀲𑀁𑀯𑀢𑁆𑀢𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺, 𑀧𑀼𑀦𑀩𑁆𑀪𑀯𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀧𑁄𑀦𑁄𑀪𑀯𑀺𑀓𑁄, 𑀇𑀢𑁆𑀣𑀺𑀬𑀁 𑀧𑁄𑀦𑁄 𑀪𑀯𑀺𑀓𑀸, 𑀮𑁄𑀓𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀮𑁄𑀓𑀺𑀓𑁄 𑀲𑀼𑀝𑁆𑀞𑀼 𑀅𑀕𑁆𑀕𑁄𑀢𑀺 𑀲𑀕𑁆𑀕𑁄, 𑀲𑀕𑁆𑀕𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀲𑁄𑀯𑀕𑁆𑀕𑀺𑀓𑁄, 𑀲𑀲𑁆𑀲𑁄𑀯𑀓 𑀢𑀤𑀫𑀺𑀦𑀸𑀤𑀺𑀧𑀸𑀞𑀸, 𑀥𑀦𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀥𑀜𑁆𑀜𑀁, 𑀬𑁄.
𑀧𑀜𑁆𑀘𑀫𑁆𑀬𑀦𑁆𑀢𑀸 𑀲𑀫𑁆𑀪𑀽𑀢𑀫𑀸𑀕𑀢𑀦𑁆𑀢𑀺 𑀏𑀢𑁂𑀲𑁆𑀯𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺, 𑀫𑀸𑀢𑀺𑀓𑁄 𑀲𑀫𑁆𑀪𑀽𑀢𑀫𑀸𑀕𑀢𑀁 𑀯𑀸 𑀫𑀢𑁆𑀢𑀺𑀓𑀁, 𑀧𑁂𑀢𑁆𑀢𑀺𑀓𑀁, 𑀡𑁆𑀬𑀭𑀺𑀬𑀡 -𑀬𑀸𑀧𑀺 𑀤𑀺𑀲𑁆𑀲𑀦𑁆𑀢𑀺, 𑀲𑀼𑀭𑀪𑀺𑀢𑁄 𑀲𑀫𑁆𑀪𑀽𑀢𑀁 𑀲𑁄𑀭𑀪𑁆𑀬𑀁, 𑀣𑀦𑀢𑁄 𑀲𑀫𑁆𑀪𑀽𑀢𑀁 𑀣𑀜𑁆𑀜𑀁, 𑀧𑀺𑀢𑀺𑀢𑁄 𑀲𑀫𑁆𑀪𑀽𑀢𑁄 𑀧𑁂𑀢𑁆𑀢𑀺𑀬𑁄, 𑀫𑀸𑀢𑀺𑀬𑁄, 𑀫𑀢𑁆𑀢𑀺𑀬𑁄, 𑀫𑀘𑁆𑀘𑁄 𑀯𑀸.
𑁩𑁨. 𑀢𑀢𑁆𑀣 𑀯𑀲𑀢𑀺 𑀯𑀺𑀤𑀺𑀢𑁄 𑀪𑀢𑁆𑀢𑁄 𑀦𑀺𑀬𑀼𑀢𑁆𑀢𑁄.
𑀲𑀢𑁆𑀢𑀫𑁆𑀬𑀦𑁆𑀢𑀸 𑀢𑀢𑁆𑀣 𑀯𑀲𑀢𑀻𑀢𑁆𑀯𑁂𑀯𑀫𑀸𑀤𑀻𑀲𑁆𑀯𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺. 𑀭𑀼𑀓𑁆𑀔𑀫𑀽𑀮𑁂 𑀯𑀲𑀢𑀻𑀢𑀺 𑀭𑀼𑀓𑁆𑀔𑀫𑀽𑀮𑀺𑀓𑁄, 𑀆𑀭𑀜𑁆𑀜𑀺𑀓𑁄, 𑀲𑁄𑀲𑀸𑀦𑀺𑀓𑁄. 𑀮𑁄𑀓𑁂 𑀯𑀺𑀤𑀺𑀢𑁄 𑀮𑁄𑀓𑀺𑀓𑁄. 𑀘𑀢𑀼𑀫𑀳𑀸𑀭𑀸𑀚𑁂𑀲𑀼 𑀪𑀢𑁆𑀢𑀸 𑀘𑀸𑀢𑀼𑀫𑁆𑀫𑀳𑀸𑀭𑀸𑀚𑀺𑀓𑀸 ¶ . 𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄 𑀤𑁄𑀯𑀸𑀭𑀺𑀓𑁄 𑀤𑀲𑁆𑀲𑁄𑀓 𑀢𑀤𑀫𑀺𑀦𑀸𑀤𑀺𑀧𑀸𑀞𑀸, 𑀪𑀡𑁆𑀟𑀸𑀕𑀸𑀭𑀺𑀓𑁄, 𑀇𑀓𑁄-𑀦𑀯𑀓𑀫𑁆𑀫𑀺𑀓𑁄, 𑀓𑀺𑀬𑁄𑀚𑀸𑀢𑀺𑀓𑀺𑀬𑁄, 𑀅𑀦𑁆𑀥𑀓𑀺𑀬𑁄.
𑀙𑀝𑁆𑀞𑀺𑀬𑀦𑁆𑀢𑀸 𑀇𑀤𑀫𑀺𑀘𑁆𑀘𑀲𑁆𑀫𑀺𑀁 𑀅𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺, 𑀲𑀗𑁆𑀖𑀲𑁆𑀲 𑀇𑀤𑀁 𑀲𑀗𑁆𑀖𑀺𑀓𑀁, 𑀧𑀼𑀕𑁆𑀕𑀮𑀺𑀓𑀁, 𑀲𑀓𑁆𑀬𑀧𑀼𑀢𑁆𑀢𑀺𑀓𑁄, 𑀦𑀸𑀢𑀺𑀧𑀼𑀢𑁆𑀢𑀺𑀓𑁄, 𑀚𑁂𑀦𑀤𑀢𑁆𑀢𑀺𑀓𑁄, 𑀓𑀺𑀬𑁂-𑀲𑀓𑀺𑀬𑁄, 𑀧𑀭𑀓𑀺𑀬𑁄, 𑀦𑀺𑀬𑁂-𑀅𑀢𑁆𑀢𑀦𑀺𑀬𑀁, 𑀓𑁂- 𑀲𑀓𑁄 𑀭𑀸𑀚𑀓𑀁 𑀪𑀡𑁆𑀟𑀁.
𑀙𑀝𑁆𑀞𑀺𑀬𑀦𑁆𑀢𑀸 𑀇𑀤𑀫𑀺𑀘𑁆𑀘𑀲𑁆𑀫𑀺𑀁 𑀅𑀢𑁆𑀣𑁂 𑀡𑁄 𑀳𑁄𑀢𑀺, 𑀓𑀘𑁆𑀘𑀸𑀬𑀦𑀲𑁆𑀲 𑀇𑀤𑀁 𑀓𑀘𑁆𑀘𑀸𑀬𑀦𑀁 𑀩𑁆𑀬𑀸𑀓𑀭𑀡𑀁, 𑀲𑁄𑀕𑀢𑀁 𑀲𑀸𑀲𑀦𑀁, 𑀫𑀸𑀳𑀺𑀲𑀁 𑀫𑀁𑀲𑀸𑀤𑀺.
𑀕𑀯𑀸𑀤𑀻𑀳𑀺 𑀙𑀝𑁆𑀞𑀺𑀬𑀦𑁆𑀢𑁂𑀳𑀺 𑀇𑀤𑀫𑀺𑀘𑁆𑀘𑀲𑁆𑀫𑀺𑀁 𑀅𑀢𑁆𑀣𑁂 𑀬𑁄 𑀳𑁄𑀢𑀺, 𑀕𑀼𑀦𑁆𑀦𑀁 𑀇𑀤𑀁 𑀕𑀩𑁆𑀬𑀁 𑀫𑀁𑀲𑀸𑀤𑀺, 𑀓𑀩𑁆𑀬𑀁, 𑀤𑀩𑁆𑀩𑀁.
𑀧𑀺𑀢𑀼𑀲𑀤𑁆𑀤𑀸 𑀢𑀲𑁆𑀲 𑀪𑀸𑀢𑀭𑀺 𑀭𑁂𑀬𑁆𑀬𑀡 𑀳𑁄𑀢𑀺, 𑀧𑀺𑀢𑀼 𑀪𑀸𑀢𑀸 𑀧𑁂𑀢𑁆𑀢𑁂𑀬𑁆𑀬𑁄.
𑀫𑀸𑀢𑀺𑀢𑁄 𑀧𑀺𑀢𑀺𑀢𑁄 𑀘 𑀢𑁂𑀲𑀁 𑀪𑀕𑀺𑀦𑀺𑀬𑀁 𑀙𑁄 𑀳𑁄𑀢𑀺, 𑀫𑀸𑀢𑀼 𑀪𑀕𑀺𑀦𑀻 𑀫𑀸𑀢𑀼𑀘𑁆𑀙𑀸, 𑀧𑀺𑀢𑀼 𑀪𑀕𑀺𑀦𑀻 𑀧𑀺𑀢𑀼𑀘𑁆𑀙𑀸, 𑀓𑀣𑀁 ‘𑀫𑀸𑀢𑀼𑀮𑁄’𑀢𑀺 ‘‘𑀫𑀸𑀢𑀼𑀮𑀸𑀤𑀺𑀢𑁆𑀯𑀸𑀦𑀻’’𑀢𑀺 𑀦𑀺𑀧𑀸𑀢𑀦𑀸.
𑀫𑀸𑀢𑀸𑀧𑀺𑀢𑀽𑀳𑀺 ¶ 𑀢𑁂𑀲𑀁 𑀫𑀸𑀢𑀸𑀧𑀺𑀢𑀽𑀲𑀼 𑀆𑀫𑀳𑁄 𑀳𑁄𑀢𑀺, 𑀫𑀸𑀢𑀼 𑀫𑀸𑀢𑀸 𑀫𑀸𑀢𑀸𑀫𑀳𑀻, 𑀫𑀸𑀢𑀼 𑀧𑀺𑀢𑀸 𑀫𑀸𑀢𑀸𑀫𑀳𑁄, 𑀧𑀺𑀢𑀼 𑀫𑀸𑀢𑀸 𑀧𑀺𑀢𑀸𑀫𑀳𑀻, 𑀧𑀺𑀢𑀼 𑀧𑀺𑀢𑀸 𑀧𑀺𑀢𑀸𑀫𑀳𑁄, 𑀦 𑀬𑀣𑀸𑀲𑀗𑁆𑀔𑁆𑀬𑀁, 𑀧𑀘𑁆𑀘𑁂𑀓𑀸𑀪𑀺 𑀲𑀫𑁆𑀩𑀦𑁆𑀥𑀸.
𑀫𑀸𑀢𑀸𑀧𑀺𑀢𑀽𑀳𑀺 𑀳𑀺𑀢𑁂 𑀭𑁂𑀬𑁆𑀬𑀡 𑀳𑁄𑀢𑀺, 𑀫𑀢𑁆𑀢𑁂𑀬𑁆𑀬𑁄, 𑀧𑁂𑀢𑁆𑀢𑁂𑀬𑁆𑀬𑁄.
𑁪𑁦. 𑀦𑀺𑀦𑁆𑀤𑀸𑀜𑁆𑀜𑀸𑀢𑀧𑁆𑀧𑀧𑀝𑀺𑀪𑀸𑀕𑀭𑀲𑁆𑀲𑀤𑀬𑀸𑀲𑀜𑁆𑀜𑀸𑀲𑀼 𑀓𑁄.
𑀦𑀺𑀦𑁆𑀤𑀸𑀤𑀻𑀲𑁆𑀯𑀢𑁆𑀣𑁂𑀬𑀼 𑀦𑀸𑀫𑀲𑁆𑀫𑀸 𑀓𑁄 𑀳𑁄𑀢𑀺, 𑀦𑀺𑀦𑁆𑀤𑀸𑀬𑀁-𑀫𑀼𑀡𑁆𑀟𑀓𑁄, 𑀲𑀫𑀡𑀓𑁄. 𑀅𑀜𑁆𑀜𑀸𑀢𑁂-𑀓𑀲𑁆𑀲𑀸𑀬𑀁 𑀅𑀲𑁆𑀲𑁄𑀢𑀺 𑀅𑀲𑁆𑀲𑀓𑁄, 𑀧𑀬𑁄𑀕𑀲𑀸𑀫𑀢𑁆𑀣𑀺𑀬𑀸 𑀲𑀫𑁆𑀩𑀦𑁆𑀥𑀺𑀯𑀺𑀲𑁂𑀲𑀸𑀦𑀯𑀕𑀫𑁄𑀯𑀕𑀫𑁆𑀬𑀢𑁂. 𑀅𑀧𑁆𑀧𑀢𑁆𑀣𑁂𑀢𑁂𑀮𑀓𑀁, 𑀖𑀢𑀓𑀁. 𑀧𑀝𑀺𑀪𑀸𑀕𑀢𑁆𑀣𑁂-𑀳𑀢𑁆𑀣𑀻 𑀯𑀺𑀬 𑀳𑀢𑁆𑀣𑀺𑀓𑁄, 𑀅𑀲𑁆𑀲𑀓𑁄, 𑀩𑀮𑀻𑀩𑀤𑁆𑀤𑀓𑁄. 𑀭𑀲𑁆𑀲𑁂-𑀫𑀸𑀦𑀼𑀲𑀓𑁄, 𑀭𑀼𑀓𑁆𑀔𑀓𑁄, 𑀧𑀺𑀮𑀓𑁆𑀔𑀓𑁄. 𑀤𑀬𑀸𑀬𑀁-𑀧𑀼𑀢𑁆𑀢𑀓𑁄, 𑀯𑀘𑁆𑀙𑀓𑁄. 𑀲𑀜𑁆𑀜𑀸𑀬𑀁-𑀫𑁄𑀭𑁄 𑀯𑀺𑀬 𑀫𑁄𑀭𑀓𑁄.
𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺 𑀓𑁄 𑀘 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺, 𑀧𑀭𑀺𑀫𑀻𑀬𑀢𑁂 𑀦𑁂𑀦𑁂𑀢𑀺 𑀧𑀭𑀺𑀫𑀸𑀡𑀁, 𑀤𑁄𑀡𑁄 𑀧𑀭𑀺𑀫𑀸𑀡𑀫𑀲𑁆𑀲 𑀤𑁄𑀡𑀺𑀓𑁄 𑀯𑀻𑀳𑀺, 𑀔𑀸𑀭𑀲𑀢𑀺𑀓𑁄, 𑀔𑀸𑀭𑀲𑀳𑀲𑁆𑀲𑀺𑀓𑁄 𑀆𑀲𑀻𑀢𑀺𑀓𑁄 𑀯𑀬𑁄, 𑀉𑀧𑀟𑁆𑀠𑀓𑀸𑀬𑀺𑀓𑀁 𑀩𑀺𑀫𑁆𑀩𑁄𑀳𑀦𑀁, 𑀧𑀜𑁆𑀘𑀓𑀁, 𑀙𑀓𑁆𑀓𑀁.
𑀬𑀸𑀤𑀻𑀳𑀺 ¶ 𑀧𑀞𑀫𑀦𑁆𑀢𑁂𑀳𑀻 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀢𑁆𑀢𑀓𑁄 𑀳𑁄𑀢𑀺, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺, 𑀬𑀁 𑀧𑀭𑀺𑀫𑀸𑀡𑀫𑀲𑁆𑀲 𑀬𑀢𑁆𑀢𑀓𑀁, 𑀢𑀢𑁆𑀢𑀓𑀁, 𑀏𑀢𑁆𑀢𑀓𑀁, 𑀆𑀯𑀢𑀓𑁂 𑀬𑀸𑀯𑀢𑀓𑁄, 𑀢𑀸𑀯𑀢𑀓𑁄 (𑀏𑀢𑀸𑀯𑀢𑀓𑁄).
𑀲𑀩𑁆𑀩𑀢𑁄 𑀧𑀞𑀫𑀦𑁆𑀢𑁂𑀳𑀺 𑀬𑀸𑀤𑀻𑀳𑀺 𑀘 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀆𑀯𑀦𑁆𑀢𑀼 𑀳𑁄𑀢𑀺, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺. 𑀲𑀩𑁆𑀩𑀁 𑀧𑀭𑀺𑀫𑀸𑀡𑀫𑀲𑁆𑀲 𑀲𑀩𑁆𑀩𑀸𑀯𑀦𑁆𑀢𑀁, 𑀬𑀸𑀯𑀦𑁆𑀢𑀁, 𑀢𑀸𑀯𑀦𑁆𑀢𑀁, 𑀏𑀢𑀸𑀯𑀦𑁆𑀢𑀁.
𑁪𑁪. 𑀓𑀺𑀫𑁆𑀳𑀸 𑀭𑀢𑀺𑀭𑀻𑀯𑀭𑀻𑀯𑀢𑀓𑀭𑀺𑀢𑁆𑀢𑀓𑀸.
𑀓𑀺𑀫𑁆𑀳𑀸 𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀭𑀢𑀺𑀭𑀻𑀯𑀭𑀻𑀯𑀢𑀓𑀭𑀺𑀢𑁆𑀢𑀓𑀸 𑀳𑁄𑀦𑁆𑀢𑀺, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺, 𑀓𑀺𑀁 𑀲𑀗𑁆𑀔𑁆𑀬𑀸𑀦𑀁 𑀧𑀭𑀺𑀫𑀸𑀡𑀫𑁂𑀲𑀁 𑀓𑀢𑀺 𑀏𑀢𑁂, 𑀓𑀻𑀯, 𑀓𑀻𑀯𑀢𑀓𑀁, 𑀓𑀺𑀢𑁆𑀢𑀓𑀁. 𑀭𑀻𑀯𑀦𑁆𑀢𑁄 𑀲𑀪𑀸𑀯𑀢𑁄 𑀅𑀲𑀗𑁆𑀔𑁆𑀬𑁄.
𑀢𑀸𑀭𑀓𑀸𑀤𑀻𑀳𑀺 𑀧𑀞𑀫𑀦𑁆𑀢𑁂𑀳𑀺 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀇𑀢𑁄 𑀳𑁄𑀢𑀺, 𑀢𑁂 𑀘𑁂 𑀲𑀜𑁆𑀚𑀸𑀢𑀸 𑀳𑁄𑀦𑁆𑀢𑀺, 𑀢𑀸𑀭𑀓𑀸 𑀲𑀜𑁆𑀚𑀸𑀢𑀸 𑀅𑀲𑁆𑀲 𑀢𑀸𑀭𑀓𑀺𑀢𑀁 𑀕𑀕𑀦𑀁, 𑀧𑀼𑀧𑁆𑀨𑀺𑀢𑁄 𑀭𑀼𑀓𑁆𑀔𑁄, 𑀧𑀮𑁆𑀮𑀯𑀺𑀢𑀸 𑀮𑀢𑀸.
𑀧𑀞𑀫𑀦𑁆𑀢𑀸 𑀫𑀸𑀦𑀯𑀼𑀢𑁆𑀢𑀺𑀢𑁄 𑀅𑀲𑁆𑀲𑁂𑀢𑀺 𑀅𑀲𑁆𑀫𑀺𑀁𑀅𑀢𑁆𑀣𑁂 𑀫𑀢𑁆𑀢𑁄 𑀳𑁄𑀢𑀺, 𑀧𑀮𑀁 𑀉𑀫𑁆𑀫𑀸𑀦𑀫𑀲𑁆𑀲 𑀧𑀮𑀫𑀢𑁆𑀢𑀁, 𑀳𑀢𑁆𑀣𑁄 𑀧𑀫𑀸𑀡𑀫𑀲𑁆𑀲 𑀳𑀢𑁆𑀣𑀫𑀢𑁆𑀢𑀁 ¶ 𑀲𑀢𑀁 𑀫𑀸𑀦𑀫𑀲𑁆𑀲 𑀲𑀢𑀫𑀢𑁆𑀢𑀁, 𑀤𑁄𑀡𑁄 𑀧𑀭𑀺𑀫𑀸𑀡𑀫𑀲𑁆𑀲 𑀤𑁄𑀡𑀫𑀢𑁆𑀢𑀁, 𑀅𑀪𑁂𑀤𑁄𑀧𑀘𑀸𑀭𑀸 𑀤𑁄𑀡𑁄𑀢𑀺𑀧𑀺 𑀳𑁄𑀢𑀺.
𑀉𑀤𑁆𑀥𑀫𑀸𑀦𑀯𑀼𑀢𑁆𑀢𑀺𑀳𑁄 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀢𑀕𑁆𑀖𑁄 𑀳𑁄𑀢𑀺 𑀫𑀢𑁆𑀢𑁄 𑀘, 𑀚𑀡𑁆𑀡𑀼𑀢𑀕𑁆𑀖𑀁, 𑀚𑀡𑁆𑀡𑀼𑀫𑀢𑁆𑀢𑀁.
𑀧𑀼𑀭𑀺𑀲𑀸 𑀧𑀞𑀫𑀦𑁆𑀢𑀸 𑀉𑀤𑁆𑀥𑀫𑀸𑀦𑀯𑀼𑀢𑁆𑀢𑀺𑀢𑁄 𑀡𑁄 𑀳𑁄𑀢𑀺 𑀫𑀢𑁆𑀢𑀸𑀤𑀬𑁄 𑀘, 𑀧𑁄𑀭𑀺𑀲𑀁, 𑀧𑀼𑀭𑀺𑀲𑀫𑀢𑁆𑀢𑀁, 𑀧𑀼𑀭𑀺𑀲𑀢𑀕𑁆𑀖𑀁.
𑀉𑀪𑀤𑁆𑀯𑀺𑀢𑀻𑀳𑀺 𑀅𑀯𑀬𑀯𑀯𑀼𑀢𑁆𑀢𑀻𑀢𑀺 𑀧𑀞𑀫𑀦𑁆𑀢𑁂𑀳𑀺 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀅𑀬𑁄 𑀳𑁄𑀢𑀺. 𑀉𑀪𑁄 𑀅𑀁𑀲𑀸 𑀅𑀲𑁆𑀲 𑀉𑀪𑀬𑀁, 𑀤𑁆𑀯𑀬𑀁, 𑀢𑀬𑀁.
𑁫𑁦. 𑀲𑀗𑁆𑀔𑁆𑀬𑀸𑀬 𑀲𑀘𑁆𑀘𑀼𑀢𑀻𑀲𑀸𑀲𑀤𑀲𑀦𑁆𑀢𑀸𑀬𑀸𑀥𑀺𑀓𑀸𑀲𑁆𑀫𑀺𑀁 𑀲𑀯𑀲𑀳𑀲𑁆𑀲𑁂 𑀟𑁄.
𑀲𑀢𑁆𑀬𑀦𑁆𑀢𑀸𑀬 𑀉𑀢𑁆𑀬𑀦𑁆𑀢𑀸𑀬 𑀈𑀲𑀦𑁆𑀢𑀸𑀬 𑀆𑀲𑀦𑁆𑀢𑀸𑀬 𑀤𑀲𑀦𑁆𑀢𑀸𑀬 𑀘 𑀲𑀗𑁆𑀔𑁆𑀬𑀸𑀬 𑀧𑀞𑀫𑀦𑁆𑀢𑀸𑀬 𑀅𑀲𑁆𑀫𑀺𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀟𑁄 𑀳𑁄𑀢𑀺, 𑀲𑀸 𑀘𑁂 𑀲𑀗𑁆𑀔𑁆𑀬𑀸 𑀅𑀥𑀺𑀓𑀸 𑀳𑁄𑀢𑀺, 𑀬𑀤𑀲𑁆𑀫𑀺𑀦𑁆𑀢𑀺 𑀢𑀜𑁆𑀘𑁂 𑀲𑀢𑀁 𑀲𑀳𑀲𑁆𑀲𑀁 𑀲𑀢𑀲𑀳𑀲𑁆𑀲𑀁 𑀯𑀸 𑀳𑁄𑀢𑀺, 𑀯𑀻𑀲𑀢𑀺 𑀅𑀥𑀺𑀓𑀸 𑀅𑀲𑁆𑀫𑀺𑀁 𑀲𑀢𑁂𑀢𑀺 𑀯𑀻𑀲𑀁 𑀲𑀢𑀁, 𑀏𑀓𑀯𑀻𑀲𑀁 𑀲𑀢𑀁, 𑀲𑀳𑀲𑁆𑀲𑀁, 𑀲𑀢𑀲𑀳𑀲𑁆𑀲𑀁 𑀯𑀸, 𑀢𑀺𑀁𑀲𑀁 𑀲𑀢𑀁, 𑀏𑀓𑀢𑀺𑀁𑀲𑀁 𑀲𑀢𑀁. 𑀉𑀢𑁆𑀬𑀦𑁆𑀢𑀸𑀬-𑀦𑀯𑀼𑀢𑀁 𑀲𑀢𑀁 𑀲𑀳𑀲𑁆𑀲𑀁 𑀲𑀢𑀲𑀳𑀲𑁆𑀲𑀁 𑀯𑀸. 𑀈𑀲𑀦𑁆𑀢𑀸𑀬 𑀘𑀢𑁆𑀢𑀸𑀮𑀻𑀲𑀁 𑀲𑀢𑀁, 𑀲𑀳𑀲𑁆𑀲𑀁, 𑀲𑀢𑀲𑀳𑀲𑁆𑀲𑀁 𑀯𑀸. 𑀆𑀲𑀦𑁆𑀢𑀸𑀬 ¶ 𑀧𑀜𑁆𑀜𑀸𑀲𑀁 𑀲𑀢𑀁, 𑀲𑀳𑀲𑁆𑀲𑀁, 𑀲𑀢𑀲𑀳𑀲𑁆𑀲𑀁 𑀯𑀸. 𑀤𑀲𑀦𑁆𑀢𑀸𑀬𑀏𑀓𑀸𑀤𑀲𑀁 𑀲𑀢𑀁, 𑀲𑀳𑀲𑁆𑀲𑀁, 𑀲𑀢𑀲𑀳𑀲𑁆𑀲𑀁 𑀯𑀸. 𑀲𑀘𑁆𑀘𑀼𑀢𑀻𑀲𑀸𑀲𑀤𑀲𑀦𑁆𑀢𑀸𑀬𑀸𑀢𑀺 𑀓𑀺𑀁? 𑀙𑀸𑀥𑀺𑀓𑀸 𑀅𑀲𑁆𑀫𑀺𑀁𑀲𑀢𑁂. 𑀅𑀥𑀺𑀓𑁂𑀢𑀺 𑀓𑀺𑀁? 𑀧𑀜𑁆𑀘𑀤𑀲𑀳𑀻𑀦𑀸 𑀅𑀲𑁆𑀫𑀺𑀁𑀲𑀢𑁂, 𑀅𑀲𑁆𑀫𑀺𑀦𑁆𑀢𑀺 𑀓𑀺𑀁? 𑀯𑀻𑀲𑀢𑁆𑀬𑀥𑀺𑀓𑀸 𑀏𑀢𑀲𑁆𑀫𑀸 𑀲𑀢𑀸, 𑀲𑀢𑀲𑀳𑀲𑁆𑀲𑁂𑀢𑀺 𑀓𑀺𑀁? 𑀏𑀓𑀸𑀤𑀲 𑀅𑀥𑀺𑀓𑀸 𑀅𑀲𑁆𑀲𑀁 𑀯𑀻𑀲𑀢𑀺𑀬𑀁.
𑀙𑀝𑁆𑀞𑀺𑀬𑀦𑁆𑀣𑀸𑀬𑁂𑀓𑀸𑀤𑀲𑀸𑀤𑀺𑀓𑀸𑀬 𑀲𑀗𑁆𑀔𑁆𑀬𑀸𑀬 𑀟𑁄 𑀳𑁄𑀢𑀺 (𑀢𑀲𑁆𑀲) 𑀧𑀽𑀭𑀡𑀢𑁆𑀣𑁂 𑀯𑀺𑀪𑀸𑀲𑀸, 𑀲𑀸 𑀲𑀗𑁆𑀔𑁆𑀬𑀸 𑀧𑀽𑀭𑀻𑀬𑀢𑁂 𑀬𑁂𑀦 𑀢𑀁 𑀧𑀽𑀭𑀡𑀁, 𑀏𑀓𑀸𑀤𑀲𑀦𑁆𑀦𑀁 𑀧𑀽𑀭𑀡𑁄 𑀏𑀓𑀸𑀤𑀲𑁄. 𑀏𑀓𑀸𑀤𑀲𑀫𑁄, 𑀯𑀻𑀲𑁄, 𑀯𑀻𑀲𑀢𑀺𑀫𑁄, 𑀢𑀺𑀁𑀲𑁄, 𑀢𑀺𑀁𑀲𑀢𑀺𑀫𑁄, 𑀘𑀢𑁆𑀢𑀸𑀮𑀻𑀲𑁄, 𑀧𑀜𑁆𑀜𑀸𑀲𑁄.
𑀙𑀝𑁆𑀞𑀺𑀬𑀦𑁆𑀢𑀸𑀬 𑀧𑀜𑁆𑀘𑀸𑀤𑀺𑀓𑀸𑀬 𑀲𑀗𑁆𑀔𑁆𑀬𑀸𑀬 𑀓𑀢𑀺𑀲𑁆𑀫𑀸 𑀘 𑀫𑁄 𑀳𑁄𑀢𑀺 (𑀢𑀲𑁆𑀲) 𑀧𑀽𑀭𑀡𑀢𑁆𑀣𑁂, 𑀧𑀜𑁆𑀘𑀫𑁄, 𑀲𑀢𑁆𑀢𑀫𑁄, 𑀅𑀝𑁆𑀞𑀫𑁄, 𑀓𑀢𑀺𑀫𑁄, 𑀓𑀢𑀺𑀫𑀻.
𑁫𑁩. 𑀲𑀢𑀸𑀤𑀻𑀦𑀫𑀺𑀘. 𑀲𑀢𑀸𑀤𑀺𑀓𑀸𑀬 𑀲𑀗𑁆𑀔𑁆𑀬𑀸𑀬 𑀙𑀝𑁆𑀞𑀺𑀬𑀦𑁆𑀢𑀸𑀬 (𑀢𑀲𑁆𑀲) 𑀧𑀽𑀭𑀡𑀢𑁆𑀣𑁂 𑀫𑁄𑀳𑁄𑀢𑀺 𑀲𑀢𑀸𑀤𑀻𑀦𑀫𑀺𑀘𑀸𑀦𑁆𑀢𑀸𑀤𑁂𑀲𑁄, 𑀲𑀢𑀺𑀫𑁄, 𑀲𑀳𑀲𑁆𑀲𑀺𑀫𑁄.
𑀙𑀲𑀤𑁆𑀤𑀸 𑀝𑁆𑀞𑀝𑁆𑀞𑀫𑀸 𑀳𑁄𑀦𑁆𑀢𑀺 𑀢𑀲𑁆𑀲 𑀧𑀽𑀭𑀡𑀢𑁆𑀣𑁂, 𑀙𑀝𑁆𑀞𑁄, 𑀙𑀝𑁆𑀞𑀫𑁄, 𑀇𑀢𑁆𑀣𑀺𑀬𑀁 𑀙𑀝𑁆𑀞𑀻, 𑀙𑀝𑁆𑀞𑀫𑀻, 𑀓𑀣𑀁 ‘𑀤𑀼𑀢𑀺𑀬𑀁 𑀘𑀢𑀼𑀢𑁆𑀣’𑀦𑁆𑀢𑀺? ‘‘𑀤𑀼𑀢𑀺𑀬𑀲𑁆𑀲, 𑀘𑀢𑀼𑀢𑁆𑀣 𑀢𑀢𑀺𑀬𑀸𑀦’’𑀦𑁆𑀢𑀺 𑀦𑀺𑀧𑀸𑀢𑀦𑀸.
𑀏𑀓𑀲𑁆𑀫𑀸 ¶ 𑀅𑀲𑀳𑀸𑀬𑀢𑁆𑀣𑁂 𑀓𑀆𑀓𑀻 𑀳𑁄𑀦𑁆𑀢𑀺 𑀯𑀸, 𑀏𑀓𑀓𑁄, 𑀏𑀓𑀸𑀓𑀻, 𑀏𑀓𑁄.
𑀯𑀘𑁆𑀙𑀸𑀤𑀻𑀦𑀁 𑀲𑀪𑀸𑀯𑀲𑁆𑀲 𑀢𑀦𑀼𑀢𑁆𑀢𑁂 𑀕𑀫𑁆𑀬𑀫𑀸𑀦𑁂 𑀢𑀭𑁄 𑀳𑁄𑀢𑀺, 𑀲𑀼𑀲𑀼𑀢𑁆𑀢𑀲𑁆𑀲 𑀢𑀦𑀼𑀢𑁆𑀢𑁂 𑀯𑀘𑁆𑀙𑀢𑀭𑁄, 𑀇𑀢𑁆𑀣𑀺𑀬𑀁 𑀯𑀘𑁆𑀙𑀢𑀭𑀻, 𑀬𑁄𑀩𑁆𑀩𑀦𑀲𑁆𑀲 𑀢𑀦𑀼𑀢𑁆𑀢𑁂 𑀑𑀓𑁆𑀔𑀢𑀭𑁄, 𑀅𑀲𑁆𑀲𑀪𑀸𑀯𑀲𑁆𑀲 𑀢𑀦𑀼𑀢𑁆𑀢𑁂 𑀅𑀲𑁆𑀲𑀢𑀭𑁄, 𑀲𑀸𑀫𑀢𑁆𑀣𑀺𑀬𑀲𑁆𑀲 𑀢𑀦𑀼𑀢𑁆𑀢𑁂 𑀉𑀲𑀪𑀢𑀭𑁄.
𑁫𑁭. 𑀓𑀺𑀫𑁆𑀳𑀸 𑀦𑀺𑀤𑁆𑀥𑀸𑀭𑀡𑁂 𑀭𑀢𑀭 𑀭𑀢𑀫𑀸. 𑀓𑀺𑀁𑀲𑀤𑁆𑀤𑀸 𑀦𑀺𑀤𑁆𑀥𑀸𑀭𑀡𑁂 𑀭𑀢𑀭 𑀭𑀢𑀫𑀸 𑀳𑁄𑀦𑁆𑀢𑀺, 𑀓𑀢𑀭𑁄 𑀪𑀯𑀢𑀁 𑀤𑁂𑀯𑀤𑀢𑁆𑀢𑁄, 𑀓𑀢𑀭𑁄 𑀪𑀯𑀢𑀁 𑀓𑀞𑁄, 𑀓𑀢𑀫𑁄 𑀪𑀯𑀢𑀁 𑀤𑁂𑀯𑀤𑀢𑁆𑀢𑁄, 𑀓𑀢𑀫𑁄 𑀪𑀯𑀢𑀁 𑀓𑀞𑁄, 𑀪𑀸𑀭𑀤𑁆𑀯𑀸𑀚𑀸𑀦𑀁 𑀓𑀢𑀫𑁄𑀲𑀺 𑀩𑁆𑀭𑀳𑁆𑀫𑁂.
𑀢𑀢𑀺𑀬𑀦𑁆𑀢𑀸 𑀤𑀢𑁆𑀢𑁂-𑀪𑀺𑀥𑁂𑀬𑁆𑀬𑁂 𑀮𑀇𑀬𑀸 𑀳𑁄𑀦𑁆𑀢𑀺, 𑀤𑁂𑀯𑁂𑀦 𑀤𑀢𑁆𑀢𑁄 𑀤𑁂𑀯𑀮𑁄, 𑀤𑁂𑀯𑀺𑀬𑁄, 𑀩𑁆𑀭𑀳𑁆𑀫𑀮𑁄, 𑀩𑁆𑀭𑀳𑁆𑀫𑀺𑀬𑁄, 𑀲𑀺𑀯𑀸 𑀲𑀻𑀯𑀮𑁄, 𑀲𑀻𑀯𑀺𑀬𑁄, 𑀲𑀺𑀲𑁆𑀲 𑀤𑀻𑀖𑁄.
𑁫𑁯. 𑀢𑀲𑁆𑀲 𑀪𑀸𑀯𑀓𑀫𑁆𑀫𑁂𑀲𑀼 𑀢𑁆𑀢𑀢𑀸𑀢𑁆𑀢𑀦𑀡𑁆𑀬𑀡𑁂𑀬𑁆𑀬𑀡𑀺𑀬𑀡𑀺𑀬𑀸.
𑀙𑀝𑁆𑀞𑀺𑀬𑀦𑁆𑀢𑀸 𑀪𑀸𑀯𑁂 𑀓𑀫𑁆𑀫𑁂 𑀘 𑀢𑁆𑀢𑀸𑀤𑀬𑁄 𑀳𑁄𑀦𑁆𑀢𑀺 𑀩𑀳𑀼𑀮𑀁, 𑀦 𑀘 𑀲𑀩𑁆𑀩𑁂 𑀲𑀩𑁆𑀩𑀢𑁄 𑀳𑁄𑀦𑁆𑀢𑀺 𑀅𑀜𑁆𑀜𑀢𑁆𑀭 𑀢𑁆𑀢𑀢𑀸𑀳𑀺, 𑀪𑀯𑀦𑁆𑀢𑀺 𑀏𑀢𑀲𑁆𑀫𑀸 𑀩𑀼𑀤𑁆𑀥𑀺𑀲𑀤𑁆𑀤𑀸𑀪𑀺 𑀪𑀸𑀯𑁄 𑀲𑀤𑁆𑀤𑀲𑁆𑀲 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁, 𑀦𑀻𑀮𑀲𑁆𑀲 𑀧𑀝𑀲𑁆𑀲 𑀪𑀸𑀯𑁄 𑀦𑀻𑀮𑀢𑁆𑀢𑀁 ¶ 𑀦𑀻𑀮𑀢𑀸𑀪𑀺 𑀕𑀼𑀡𑁄 𑀪𑀸𑀯𑁄, 𑀦𑀻𑀮𑀲𑁆𑀲 𑀕𑀼𑀡𑀲𑁆𑀲 𑀪𑀸𑀯𑁄 𑀦𑀻𑀮𑀢𑁆𑀢𑀁 𑀦𑀻𑀮𑀢𑀸𑀪𑀺 𑀦𑀻𑀮𑀕𑀼𑀡𑀚𑀸𑀢𑀺, 𑀕𑁄𑀢𑁆𑀢𑀁 𑀕𑁄𑀢𑀸𑀢𑀺 𑀕𑁄𑀚𑀸𑀢𑀺, 𑀧𑀸𑀘𑀓𑀢𑁆𑀢𑀁, 𑀤𑀡𑁆𑀟𑀺𑀢𑁆𑀢𑀁, 𑀯𑀺𑀲𑀸𑀡𑀺𑀢𑁆𑀢𑀁, 𑀭𑀸𑀚𑀧𑀼𑀭𑀺𑀲𑀢𑁆𑀢𑀦𑁆𑀢𑀺 𑀓𑁆𑀭𑀺𑀬𑀸𑀤𑀺𑀲𑀫𑁆𑀩𑀦𑁆𑀥𑀺𑀢𑁆𑀢𑀁, 𑀤𑁂𑀯𑀤𑀢𑁆𑀢𑀢𑁆𑀢𑀁, 𑀘𑀦𑁆𑀤𑀢𑁆𑀢𑀁, 𑀲𑀽𑀭𑀺𑀬𑀢𑁆𑀢𑀦𑁆𑀢𑀺 𑀢𑀤𑀯𑀢𑁆𑀣𑀸𑀯𑀺𑀲𑁂𑀲𑀲𑀸𑀫𑀜𑁆𑀜𑀁, 𑀆𑀓𑀸𑀲𑀢𑁆𑀢𑀁, 𑀅𑀪𑀸𑀯𑀢𑁆𑀢𑀦𑁆𑀢𑀺 𑀉𑀧𑀘𑀭𑀺𑀢𑀪𑁂𑀤𑀲𑀸𑀫𑀜𑁆𑀜𑀁. 𑀢𑁆𑀢𑀦-𑀧𑀼𑀣𑀼𑀚𑁆𑀚𑀦𑀢𑁆𑀢𑀦𑀁, 𑀯𑁂𑀤𑀦𑀢𑁆𑀢𑀦𑀁, 𑀚𑀸𑀬𑀢𑁆𑀢𑀦𑀁, 𑀚𑀸𑀭𑀢𑁆𑀢𑀦𑀁. 𑀡𑁆𑀬-𑀆𑀮𑀲𑁆𑀬𑀁, 𑀩𑁆𑀭𑀳𑁆𑀫𑀜𑁆𑀜𑀁, 𑀘𑀸𑀧𑀮𑁆𑀬𑀁, 𑀦𑁂𑀧𑀼𑀜𑁆𑀜𑀁, 𑀧𑁂𑀲𑀼𑀜𑁆𑀜𑀁, 𑀭𑀚𑁆𑀚𑀁, 𑀆𑀥𑀺𑀧𑀘𑁆𑀘𑀁, 𑀤𑀸𑀬𑀚𑁆𑀚𑀁, 𑀯𑁂𑀲𑀫𑁆𑀫𑀁 ‘𑀯𑁂𑀲𑀫’𑀦𑁆𑀢𑀺, 𑀓𑁂𑀘𑀺, 𑀲𑀔𑁆𑀬𑀁, 𑀯𑀸𑀡𑀺𑀚𑁆𑀚𑀁. 𑀡𑁂𑀬𑁆𑀬-𑀲𑁄𑀘𑁂𑀬𑁆𑀬𑀁, 𑀆𑀥𑀺𑀧𑀢𑁂𑀬𑁆𑀬𑀁. 𑀡𑀕𑀸𑀭𑀯𑀁, 𑀧𑀸𑀝𑀯𑀁, 𑀅𑀚𑁆𑀚𑀯𑀁, 𑀫𑀤𑁆𑀤𑀯𑀁. 𑀇𑀬-𑀅𑀥𑀺𑀧𑀢𑀺𑀬𑀁, 𑀧𑀡𑁆𑀟𑀺𑀢𑀺𑀬𑀁, 𑀩𑀳𑀼𑀲𑁆𑀲𑀼𑀢𑀺𑀬𑀁, 𑀦𑀕𑁆𑀕𑀺𑀬𑀁, 𑀲𑀽𑀭𑀺𑀬𑀁. 𑀡𑀺𑀬-𑀆𑀮𑀲𑀺𑀬𑀁, 𑀓𑀸𑀴𑀼𑀲𑀺𑀬𑀁, 𑀫𑀦𑁆𑀤𑀺𑀬𑀁𑀤𑀓𑁆𑀔𑀺𑀬𑀁, 𑀧𑁄𑀭𑁄𑀳𑀺𑀢𑀺𑀬𑀁, 𑀯𑁂𑀬𑁆𑀬𑀢𑁆𑀢𑀺𑀬𑀁. 𑀓𑀣𑀁 ‘𑀭𑀸𑀫𑀡𑀻𑀬𑀓’𑀦𑁆𑀢𑀺? 𑀲𑀓𑀢𑁆𑀣𑁂 𑀓𑀦𑁆𑀢𑀸 𑀡𑁂𑀦 𑀲𑀺𑀤𑁆𑀥𑀁. 𑀓𑀫𑁆𑀫𑀁 𑀓𑀺𑀭𑀺𑀬𑀸, 𑀢𑀢𑁆𑀣 𑀅𑀮𑀲𑀲𑁆𑀲 𑀓𑀫𑁆𑀫𑀁 𑀅𑀮𑀲𑀢𑁆𑀢𑀁’ 𑀅𑀮𑀲𑀢𑀸, 𑀅𑀮𑀲𑀢𑁆𑀢𑀦𑀁, 𑀆𑀮𑀲𑁆𑀬𑀁, 𑀆𑀮𑀲𑀺𑀬𑀁 𑀯𑀸, ‘‘𑀲𑀓𑀢𑁆𑀣𑁂’ (𑁪.𑁧𑁨𑁨) 𑀢𑀺 𑀲𑀓𑀢𑁆𑀣𑁂𑀧𑀺, 𑀬𑀣𑀸𑀪𑀼𑀘𑁆𑀘𑀁, 𑀓𑀸𑀭𑀼𑀜𑁆𑀜𑀁, 𑀧𑀢𑁆𑀢𑀓𑀮𑁆𑀮𑀁, 𑀆𑀓𑀸𑀲𑀸𑀦𑀜𑁆𑀘𑀁, 𑀓𑀸𑀬𑀧𑀸𑀕𑀼𑀜𑁆𑀜𑀢𑀸.
𑀙𑀝𑁆𑀞𑀺𑀬𑀦𑁆𑀢𑀸 𑀯𑀤𑁆𑀥𑀸 𑀤𑀸𑀲𑀸 𑀘 𑀩𑁆𑀬𑁄 𑀯𑀸 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼, 𑀯𑀤𑁆𑀥𑀩𑁆𑀬𑀁 𑀯𑀤𑁆𑀥𑀢𑀸, 𑀤𑀸𑀲𑀩𑁆𑀬𑀁 𑀤𑀸𑀲𑀢𑀸, 𑀓𑀣𑀁 ‘𑀯𑀤𑁆𑀥𑀯’𑀦𑁆𑀢𑀺? 𑀡𑁂 𑀯𑀸𑀕𑀫𑁄.
𑀙𑀝𑁆𑀞𑀺𑀬𑀦𑁆𑀢𑀸 𑀬𑀼𑀯𑀲𑀤𑁆𑀤𑀸 𑀪𑀸𑀯𑀓𑀫𑁆𑀫𑁂𑀲𑀼 𑀦𑀡 𑀯𑀸 𑀳𑁄𑀢𑀺 𑀢𑀲𑁆𑀲 𑀩𑁄 𑀘, 𑀬𑁄𑀩𑁆𑀩𑀦𑀁, 𑀯𑀸𑀢𑁆𑀯𑁂𑀯? 𑀬𑀼𑀯𑀢𑁆𑀢𑀁, 𑀬𑀼𑀯𑀢𑀸.
𑀅𑀡𑀼𑀆𑀤𑀻𑀳𑀺 ¶ 𑀙𑀝𑁆𑀞𑀺𑀬𑀦𑁆𑀢𑁂𑀳𑀺 𑀪𑀸𑀯𑁂 𑀯𑀸 𑀇𑀫𑁄 𑀳𑁄𑀢𑀺, 𑀅𑀡𑀺𑀫𑀸, 𑀮𑀖𑀺𑀫𑀸, 𑀫𑀳𑀺𑀫𑀸, (𑀕𑀭𑀺𑀫𑀸), 𑀓𑀲𑀺𑀫𑀸, 𑀯𑀸𑀢𑁆𑀯𑁂𑀯? 𑀅𑀡𑀼𑀢𑁆𑀢𑀁 𑀅𑀡𑀼𑀢𑀸.
𑀪𑀸𑀯𑀯𑀸𑀘𑀓𑀸 𑀲𑀤𑁆𑀤𑀸 𑀢𑁂𑀦 𑀦𑀺𑀩𑁆𑀩𑀢𑁆𑀢𑁂-𑀪𑀺𑀥𑁂𑀬𑁆𑀬𑁂 𑀇𑀫𑁄 𑀳𑁄𑀢𑀺, 𑀧𑀸𑀓𑁂𑀦 𑀦𑀺𑀩𑁆𑀩𑀢𑁆𑀢 𑀧𑀸𑀡𑀺𑀫𑀁, 𑀲𑁂𑀓𑀺𑀫𑀁.
𑀅𑀢𑀺𑀲𑀬𑁂 𑀯𑀢𑁆𑀢𑀫𑀸𑀦𑀢𑁄 𑀳𑁄𑀦𑁆𑀢𑁂𑀢𑁂 𑀧𑀘𑁆𑀘𑀬𑀸, 𑀅𑀢𑀺𑀲𑀬𑁂𑀦 𑀧𑀸𑀧𑁄 𑀧𑀸𑀧𑀢𑀭𑁄, 𑀧𑀸𑀧𑀢𑀫𑁄, 𑀧𑀸𑀧𑀺𑀲𑁆𑀲𑀺𑀓𑁄, 𑀧𑀸𑀧𑀺𑀬𑁄, 𑀧𑀸𑀧𑀺𑀝𑁆𑀞𑁄, 𑀇𑀢𑁆𑀣𑀺𑀬𑀁 𑀧𑀸𑀧𑀢𑀭𑀸. 𑀅𑀢𑀺𑀲𑀬𑀦𑁆𑀢𑀸𑀧𑀺 𑀅𑀢𑀺𑀲𑀬𑀧𑁆𑀧𑀘𑁆𑀘𑀬𑁄, 𑀅𑀢𑀺𑀲𑀬𑁂𑀦 𑀧𑀸𑀧𑀺𑀝𑁆𑀞𑁄 𑀧𑀸𑀧𑀺𑀝𑁆𑀞𑀢𑀭𑁄.
𑀤𑀼𑀢𑀺𑀬𑀦𑁆𑀢𑀸 𑀮𑁆𑀮𑀧𑁆𑀧𑀘𑁆𑀘𑀬𑁄 𑀳𑁄𑀢𑀺 𑀦𑀺𑀲𑁆𑀲𑀺𑀢𑀢𑁆𑀣𑁂, 𑀯𑁂𑀤𑀁 𑀦𑀺𑀲𑁆𑀲𑀺𑀢𑀁 𑀯𑁂𑀤𑀮𑁆𑀮𑀁, 𑀤𑀼𑀝𑁆𑀞𑀼 𑀦𑀺𑀲𑁆𑀲𑀺𑀢𑀁 𑀤𑀼𑀝𑁆𑀞𑀼𑀮𑁆𑀮𑀁. 𑀇𑀮𑁆𑀮𑁂-𑀲𑀗𑁆𑀔𑀸𑀭𑀺𑀮𑁆𑀮𑀁.
𑁬𑁬. 𑀢𑀲𑁆𑀲 𑀯𑀺𑀓𑀸𑀭𑀸𑀯𑀬𑀯𑁂𑀲𑀼 𑀡 𑀡𑀺𑀓 𑀡𑁂𑀬𑁆𑀬𑀫𑀬𑀸.
𑀧𑀓𑀢𑀺𑀬𑀸 𑀉𑀢𑁆𑀢𑀭𑀫𑀯𑀢𑁆𑀣𑀦𑁆𑀢𑀭𑀁 𑀯𑀺𑀓𑀸𑀭𑁄, 𑀙𑀝𑁆𑀞𑀺𑀬𑀦𑁆𑀢𑀸 𑀦𑀸𑀫𑀲𑁆𑀫𑀸 𑀯𑀺𑀓𑀸𑀭𑁂-𑀯𑀬𑀯𑁂 𑀘 𑀡𑀸𑀤𑀬𑁄 𑀳𑁄𑀦𑁆𑀢𑀺 𑀩𑀳𑀼𑀮𑀁, 𑀡-𑀆𑀬𑀲𑀁 𑀩𑀦𑁆𑀥𑀦𑀁, 𑀑𑀤𑀼𑀫𑁆𑀩𑀭𑀁, 𑀧𑀡𑁆𑀡𑀁, 𑀑𑀤𑀼𑀫𑁆𑀩𑀭𑀁 𑀪𑀲𑁆𑀫𑀁, 𑀓𑀸𑀧𑁄𑀢𑀁 𑀫𑀁𑀲𑀁, 𑀓𑀸𑀧𑁄𑀢𑀁 𑀲𑀢𑁆𑀣𑀺. 𑀡𑀺𑀓-𑀓𑀧𑁆𑀧𑀸𑀲𑀺𑀓𑀁 𑀯𑀢𑁆𑀣𑀁. 𑀡𑁂𑀬𑁆𑀬-𑀏𑀡𑁂𑀬𑁆𑀬𑀁 𑀫𑀁𑀲𑀁, 𑀏𑀡𑁂𑀬𑁆𑀬𑀁 𑀲𑀢𑁆𑀣𑀺 ¶ . 𑀓𑁄𑀲𑁂𑀬𑁆𑀬𑀁 𑀯𑀢𑁆𑀣𑀁. 𑀫𑀬-𑀢𑀺𑀡𑀫𑀬𑀁, 𑀤𑀸𑀭𑀼𑀫𑀬𑀁, 𑀦𑀴𑀫𑀬𑀁, 𑀫𑀢𑁆𑀢𑀺𑀓𑀸𑀫𑀬𑀁. ‘‘𑀅𑀜𑁆𑀜𑀲𑁆𑀫𑀺’’𑀦𑁆𑀢𑀺 (𑁪.𑁧𑁨𑁧) 𑀕𑀼𑀦𑁆𑀦𑀁 𑀓𑀭𑀻𑀲𑁂𑀧𑀺 𑀫𑀬𑁄, 𑀕𑁄𑀫𑀬𑀁.
𑀙𑀝𑁆𑀞𑀺𑀬𑀦𑁆𑀢𑀸 𑀦𑀸𑀫𑀲𑁆𑀫𑀸 𑀚𑀢𑀼𑀢𑁄 𑀯𑀺𑀓𑀸𑀭𑀸𑀯𑀬𑀯𑁂𑀲𑀼 𑀲𑀡 𑀯𑀸 𑀳𑁄𑀢𑀺. 𑀚𑀢𑀼𑀦𑁄 𑀯𑀺𑀓𑀸𑀭𑁄 𑀚𑀸𑀢𑀼𑀲𑀁 𑀚𑀢𑀼𑀫𑀬𑀁. ‘‘𑀮𑁄𑀧𑁄’’𑀢𑀺 (𑁪.𑁧𑁨𑁩) 𑀩𑀳𑀼𑀮𑀁 𑀧𑀘𑁆𑀘𑀬𑀮𑁄𑀧𑁄𑀧𑀺 𑀨𑀮𑀧𑀼𑀧𑁆𑀨𑀫𑀽𑀮𑁂𑀲𑀼 𑀯𑀺𑀓𑀸𑀭𑀸𑀯𑀬𑀯𑁂𑀲𑀼, 𑀧𑀺𑀬𑀸𑀮𑀲𑁆𑀲 𑀨𑀮𑀸𑀦𑀺 𑀧𑀺𑀬𑀸𑀮𑀸𑀦𑀺, 𑀫𑀮𑁆𑀮𑀺𑀓𑀸𑀬 𑀧𑀼𑀧𑁆𑀨𑀸𑀦𑀺 𑀫𑀮𑁆𑀮𑀺𑀓𑀸, 𑀉𑀲𑀺𑀭𑀲𑁆𑀲 𑀫𑀽𑀮𑀁 𑀉𑀲𑀻𑀭𑀁, 𑀢𑀁 𑀲𑀤𑁆𑀤𑁂𑀦 𑀯𑀸 𑀢𑀤𑀪𑀺𑀥𑀸𑀦𑀁.
𑀙𑀝𑁆𑀞𑀺𑀬𑀦𑁆𑀢𑀸 𑀲𑀫𑀽𑀳𑁂 𑀓𑀡 𑀡 𑀡𑀺𑀓𑀸 𑀳𑁄𑀦𑁆𑀢𑀺 𑀕𑁄𑀢𑁆𑀢𑀧𑁆𑀧𑀘𑁆𑀘𑀬𑀦𑁆𑀢𑀸. 𑀓𑀡-𑀭𑀸𑀚𑀜𑁆𑀜𑀓𑀁, 𑀫𑀸𑀦𑀼𑀲𑁆𑀲𑀓𑀁, 𑀉𑀓𑁆𑀔𑀸𑀤𑀻𑀳𑀺-𑀑𑀓𑁆𑀔𑀓𑀁, 𑀑𑀝𑁆𑀞𑀓𑀁, 𑀑𑀭𑀩𑁆𑀪𑀓𑀁, 𑀭𑀸𑀚𑀓𑀁, 𑀭𑀸𑀚𑀧𑀼𑀢𑁆𑀢𑀓𑀁, 𑀳𑀢𑁆𑀣𑀺𑀓𑀁, 𑀥𑁂𑀦𑀼𑀓𑀁. 𑀡-𑀓𑀸𑀓𑀁, 𑀪𑀺𑀓𑁆𑀔𑀁. 𑀅𑀘𑀺𑀢𑁆𑀢𑀸 𑀡𑀺𑀓-𑀆𑀧𑀽𑀧𑀺𑀓𑀁, 𑀲𑀁𑀓𑀼𑀮𑀺𑀓𑀁.
𑀚𑀦𑀸𑀤𑀻𑀳𑀺 𑀙𑀝𑁆𑀞𑀺𑀬𑀦𑁆𑀢𑁂𑀳𑀺 𑀲𑀫𑀽𑀳𑁂 𑀢𑀸 𑀳𑁄𑀢𑀺. 𑀚𑀦𑀢𑀸, 𑀕𑀚𑀢𑀸, 𑀩𑀦𑁆𑀥𑀼𑀢𑀸, 𑀕𑀸𑀫𑀢𑀸, 𑀲𑀳𑀸𑀬𑀢𑀸, 𑀦𑀸𑀕𑀭𑀢𑀸. 𑀢𑀸𑀦𑁆𑀢𑀸 𑀲𑀪𑀸𑀯𑀢𑁄 𑀇𑀢𑁆𑀣𑀺𑀮𑀺𑀗𑁆𑀕𑀸, ‘𑀫𑀤𑀦𑀻𑀬’𑀦𑁆𑀢𑀺 𑀓𑀭𑀡𑁂-𑀥𑀺𑀓𑀭𑀡𑁂 𑀯𑀸 𑀅𑀦𑀻𑀬𑁂𑀦 𑀲𑀺𑀤𑁆𑀥𑀁. ‘𑀥𑀽𑀫𑀸𑀬𑀺𑀢𑀢𑁆𑀢’𑀦𑁆𑀢𑀺 𑀓𑁆𑀢𑀸𑀦𑁆𑀢𑀸 𑀦𑀸𑀫𑀥𑀸𑀢𑀼𑀢𑁄 𑀓𑁆𑀢𑁂𑀦 𑀲𑀺𑀤𑁆𑀥𑀁.
𑀙𑀝𑁆𑀞𑀺𑀬𑀦𑁆𑀢𑀸 𑀳𑀺𑀢𑁂 𑀇𑀬𑁄 𑀳𑁄𑀢𑀺. 𑀉𑀧𑀸𑀤𑀸𑀦𑀺𑀬𑀁, 𑀅𑀜𑁆𑀜𑀢𑁆𑀭𑀸𑀧𑀺 𑀲𑀫𑀸𑀦𑁄𑀤𑀭𑁂 𑀲𑀬𑀺𑀢𑁄 𑀲𑁄𑀤𑀭𑀺𑀬𑁄.
𑀙𑀝𑁆𑀞𑀺𑀬𑀦𑁆𑀢𑁂𑀳𑀺 ¶ 𑀘𑀓𑁆𑀔𑀼𑀆𑀤𑀻𑀳𑀺 𑀳𑀺𑀢𑁂 𑀲𑁆𑀲𑁄 𑀳𑁄𑀢𑀺, 𑀘𑀓𑁆𑀔𑀼𑀲𑁆𑀲𑀁, 𑀆𑀬𑀼𑀲𑁆𑀲𑀁.
𑀲𑀢𑁆𑀢𑀫𑁆𑀬𑀦𑁆𑀢𑀸 𑀢𑀢𑁆𑀣 𑀲𑀸𑀥𑀽𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑁆𑀬𑁄 𑀳𑁄𑀢𑀺. 𑀲𑀩𑁆𑀪𑁄, 𑀧𑀸𑀭𑀺𑀲𑀚𑁆𑀚𑁄. 𑀲𑀸𑀥𑀽𑀢𑀺 𑀓𑀼𑀲𑀮𑁄 𑀬𑁄𑀕𑁆𑀕𑁄 𑀳𑀺𑀢𑁄 𑀯𑀸. 𑀅𑀜𑁆𑀜𑀢𑁆𑀭𑀸𑀧𑀺 𑀭𑀣𑀁 𑀯𑀳𑀢𑀻𑀢𑀺 𑀭𑀘𑁆𑀙𑀸.
𑀲𑀢𑁆𑀢𑀫𑁆𑀬𑀦𑁆𑀢𑀸 𑀓𑀫𑁆𑀫𑀲𑀤𑁆𑀤𑀸 𑀢𑀢𑁆𑀣 𑀲𑀸𑀥𑀽𑀪𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀦𑀺𑀬 𑀜𑁆𑀜𑀸 𑀳𑁄𑀦𑁆𑀢𑀺. 𑀓𑀫𑁆𑀫𑁂 𑀲𑀸𑀥𑀼 𑀓𑀫𑁆𑀫𑀦𑀺𑀬𑀁, 𑀓𑀫𑁆𑀫𑀜𑁆𑀜𑀁.
𑀓𑀣𑀸𑀤𑀻𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀢𑀢𑁆𑀣 𑀲𑀸𑀥𑀽𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀇𑀓𑁄 𑀳𑁄𑀢𑀺. 𑀓𑀣𑀺𑀓𑁄, 𑀥𑀫𑁆𑀫𑀓𑀣𑀺𑀓𑁄, 𑀲𑀗𑁆𑀕𑀸𑀫𑀺𑀓𑁄 𑀧𑀯𑀸𑀲𑀺𑀓𑁄, 𑀉𑀧𑀯𑀸𑀲𑀺𑀓𑁄.
𑀧𑀣𑀸𑀤𑀻𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀢𑀢𑁆𑀣 𑀲𑀸𑀥𑀽𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑁂-𑀬𑁆𑀬𑁄 𑀳𑁄𑀢𑀺, 𑀧𑀸𑀣𑁂𑀬𑁆𑀬𑀁 𑀲𑀸𑀧𑀢𑁂𑀬𑁆𑀬𑀁 (𑀆𑀢𑀺𑀣𑁂𑀬𑁆𑀬𑀁).
𑀤𑀓𑁆𑀔𑀺𑀡𑀸𑀲𑀤𑁆𑀤𑀢𑁄 𑀅𑀭𑀳𑀢𑁆𑀣𑁂 𑀡𑁂𑀬𑁆𑀬𑁄 𑀳𑁄𑀢𑀺, 𑀤𑀓𑁆𑀔𑀺𑀡𑀁 𑀅𑀭𑀳𑀢𑀻𑀢𑀺 𑀤𑀓𑁆𑀔𑀺𑀡𑁂𑀬𑁆𑀬𑁄.
𑀢𑀼𑀫𑀦𑁆𑀢𑀢𑁄 ¶ 𑀅𑀭𑀳𑀢𑁆𑀣𑁂 𑀭𑀸𑀬𑁄 𑀳𑁄𑀢𑀺. 𑀖𑀸𑀢𑁂𑀢𑀸𑀬𑀁 𑀯𑀸 𑀖𑀸𑀢𑁂𑀢𑀼𑀁, 𑀚𑀸𑀧𑁂𑀢𑀸𑀬𑀁 𑀯𑀸 𑀚𑀸𑀧𑁂𑀢𑀼𑀁, 𑀧𑀩𑁆𑀩𑀸𑀚𑁂𑀢𑀸𑀬𑀁 𑀯𑀸 𑀧𑀩𑁆𑀩𑀸𑀚𑁂𑀢𑀼𑀁.
𑀧𑀞𑀫𑀦𑁆𑀢𑀸 𑀏𑀢𑁆𑀣 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀏𑀢𑁂𑀲𑁆𑀯𑀢𑁆𑀣𑁂𑀲𑀼 𑀫𑀦𑁆𑀢𑀼 𑀳𑁄𑀢𑀺. 𑀕𑀸𑀯𑁄 𑀏𑀢𑁆𑀣 𑀤𑁂𑀲𑁂, 𑀅𑀲𑁆𑀲 𑀯𑀸 𑀧𑀼𑀭𑀺𑀲𑀲𑁆𑀲 𑀲𑀦𑁆𑀢𑀻𑀢𑀺 𑀕𑁄𑀫𑀸. 𑀅𑀢𑁆𑀣𑀻𑀢𑀺 𑀯𑀢𑁆𑀢𑀫𑀸𑀦𑀓𑀸𑀮𑁄𑀧𑀸𑀤𑀸𑀦𑀢𑁄 𑀪𑀽𑀢𑀸𑀳𑀺 𑀪𑀯𑀺𑀲𑁆𑀲𑀦𑁆𑀢𑀻𑀳𑀺 𑀯𑀸 𑀕𑁄𑀳𑀺 𑀦 𑀕𑁄𑀫𑀸. 𑀓𑀣𑀁 ‘𑀕𑁄𑀫𑀸 𑀆𑀲𑀺, 𑀕𑁄𑀫𑀸 𑀪𑀯𑀺𑀲𑁆𑀲𑀢𑀻’𑀢𑀺? 𑀢𑀤𑀸𑀧𑀺 𑀯𑀢𑁆𑀢𑀫𑀸𑀦𑀸𑀳𑀺𑀬𑁂𑀯 𑀕𑁄𑀳𑀺 𑀕𑁄𑀫𑀸, 𑀆𑀲𑀺 𑀪𑀯𑀺𑀲𑁆𑀲𑀢𑀻𑀢𑀺 𑀧𑀤𑀦𑁆𑀢𑀭𑀸 𑀓𑀸𑀮𑀦𑁆𑀢𑀭𑀁, 𑀇𑀢𑀺𑀓𑀭𑀡𑀢𑁄 𑀯𑀺𑀲𑀬𑀦𑀺𑀬𑀫𑁄 𑁋
𑀧𑀳𑀽𑀢𑁂 𑀘 𑀧𑀲𑀁𑀲𑀸𑀬𑀁, 𑀦𑀺𑀦𑁆𑀤𑀸𑀬𑀜𑁆𑀘𑀸𑀢𑀺𑀲𑀸𑀬𑀦𑁂;
𑀦𑀺𑀘𑁆𑀘𑀬𑁄𑀕𑁂 𑀘 𑀲𑀁𑀲𑀕𑁆𑀕𑁂, 𑀳𑁄𑀦𑁆𑀢𑀺𑀫𑁂 𑀫𑀦𑁆𑀢𑀼𑀆𑀤𑀬𑁄.
𑀕𑁄 𑀅𑀲𑁆𑀲𑁄𑀢𑀺 𑀚𑀸𑀢𑀺𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀸 𑀫𑀦𑁆𑀢𑁆𑀯𑀸𑀤𑀬𑁄 𑀦 𑀳𑁄𑀦𑁆𑀢𑀺, 𑀢𑀣𑀸 𑀕𑀼𑀡𑀲𑀤𑁆𑀤𑀸𑀦𑀁 ‘𑀲𑁂𑀢𑁄 𑀧𑀝𑁄’𑀢𑀺, 𑀬𑁂𑀲𑀦𑁆𑀢𑀼 𑀕𑀼𑀡𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀁 𑀦𑀢𑁆𑀣𑀺, 𑀢𑁂𑀳𑀺 𑀳𑁄𑀦𑁆𑀢𑁂𑀯 ‘𑀩𑀼𑀤𑁆𑀥𑀺𑀫𑀸, 𑀭𑀽𑀧𑀯𑀸, 𑀭𑀲𑀯𑀸, 𑀕𑀦𑁆𑀥𑀯𑀸, 𑀨𑀲𑁆𑀲𑀯𑀸, 𑀲𑀤𑁆𑀤𑀯𑀸, 𑀭𑀲𑀻, 𑀭𑀲𑀺𑀓𑁄, 𑀭𑀽𑀧𑀻, 𑀭𑀽𑀧𑀺𑀓𑁄, 𑀕𑀦𑁆𑀥𑀻, 𑀕𑀦𑁆𑀥𑀺𑀓𑁄’𑀢𑀺.
𑀧𑀞𑀫𑀦𑁆𑀢𑀢𑁄 𑀅𑀯𑀡𑁆𑀡𑀦𑁆𑀢𑀸 𑀫𑀦𑁆𑀢𑁆𑀯𑀸𑀢𑁆𑀣𑁂 𑀯𑀦𑁆𑀢𑀼 𑀳𑁄𑀢𑀺. 𑀲𑀻𑀮𑀯𑀸, 𑀧𑀜𑁆𑀜𑀯𑀸, 𑀅𑀯𑀡𑁆𑀡𑀸𑀢𑀺 𑀓𑀺𑀁? 𑀲𑀢𑀺𑀫𑀸 𑀩𑀦𑁆𑀥𑀼𑀫𑀸.
𑀤𑀡𑁆𑀟𑀸𑀤𑀻𑀳𑀺 ¶ 𑀇𑀓 𑀈 𑀳𑁄𑀦𑁆𑀢𑀺 𑀯𑀸 𑀫𑀦𑁆𑀢𑁆𑀯𑀸𑀢𑁆𑀣𑁂. 𑀩𑀳𑀼𑀮𑀁 𑀯𑀺𑀥𑀸𑀦𑀸 𑀓𑀼𑀢𑁄𑀘𑀺 𑀤𑁆𑀯𑁂 𑀳𑁄𑀦𑁆𑀢𑀺, 𑀓𑀼𑀢𑁄𑀘𑁂𑀓𑀫𑁂𑀓𑀁𑀯 𑀤𑀡𑁆𑀟𑀺𑀓𑁄 𑀤𑀡𑁆𑀟𑀻 𑀤𑀡𑁆𑀟𑀯𑀸, 𑀕𑀦𑁆𑀥𑀺𑀓𑁄 𑀕𑀦𑁆𑀥𑀻 𑀕𑀦𑁆𑀥𑀯𑀸, 𑀭𑀽𑀧𑀺𑀓𑁄 𑀭𑀽𑀧𑀻 𑀭𑀽𑀧𑀯𑀸. (𑁨𑁮) ‘‘𑀉𑀢𑁆𑀢𑀫𑀻𑀡𑁂𑀯 𑀥𑀦𑀸 𑀇𑀓𑁄’’, 𑀥𑀦𑀺𑀓𑁄, 𑀥𑀦𑀻 𑀥𑀦𑀯𑀸 𑀅𑀜𑁆𑀜𑁄. (𑁨𑁯) ‘‘𑀅𑀲𑀦𑁆𑀦𑀺𑀳𑀺𑀢𑁂 𑀅𑀢𑁆𑀣𑀸’’, 𑀅𑀢𑁆𑀣𑀺𑀓𑁄 𑀅𑀢𑁆𑀣𑀻, 𑀅𑀜𑁆𑀜𑀢𑁆𑀭 𑀅𑀢𑁆𑀣𑀯𑀸. (𑁩𑁦) ‘‘𑀢𑀤𑀦𑁆𑀢𑀸 𑀘’’, 𑀧𑀼𑀜𑁆𑀜𑀢𑁆𑀣𑀺𑀓𑁄, 𑀧𑀼𑀜𑁆𑀜𑀢𑁆𑀣𑀻, (𑁩𑁧) ‘‘𑀯𑀡𑁆𑀡𑀦𑁆𑀢𑀸 𑀈𑀬𑁂𑀯’’ 𑀩𑁆𑀭𑀳𑁆𑀫𑀯𑀡𑁆𑀡𑀻, 𑀤𑁂𑀯𑀯𑀡𑁆𑀡𑀻, (𑁩𑁨) ‘‘𑀳𑀢𑁆𑀣𑀤𑀦𑁆𑀢𑁂𑀳𑀺 𑀚𑀸𑀢𑀺𑀬𑀁’’, 𑀳𑀢𑁆𑀣𑀻, 𑀤𑀦𑁆𑀢𑀻, 𑀅𑀜𑁆𑀜𑀢𑁆𑀭 𑀳𑀢𑁆𑀣𑀯𑀸 𑀤𑀦𑁆𑀢𑀯𑀸. (𑁩𑁩) ‘‘𑀯𑀡𑁆𑀡𑀢𑁄 𑀩𑁆𑀭𑀳𑁆𑀫𑀘𑀸𑀭𑀺𑀫𑁆𑀳𑀺’’, 𑀯𑀡𑁆𑀡𑀻 𑀩𑁆𑀭𑀳𑁆𑀫𑀘𑀸𑀭𑀻, 𑀯𑀡𑁆𑀡𑀯𑀸 𑀅𑀜𑁆𑀜𑁄. (𑁩𑁪) ‘‘𑀧𑁄𑀓𑁆𑀔𑀭𑀸𑀤𑀺𑀢𑁄 𑀤𑁂𑀲𑁂’’, 𑀧𑁄𑀓𑁆𑀔𑀭𑀡𑀻, 𑀉𑀧𑁆𑀧𑀮𑀺𑀦𑀻, 𑀓𑀼𑀫𑀼𑀤𑀺𑀦𑀻, 𑀪𑀺𑀲𑀺𑀦𑀻, 𑀫𑀼𑀴𑀸𑀮𑀺𑀦𑀻, 𑀲𑀸𑀮𑀼𑀓𑀺𑀦𑀻, 𑀓𑁆𑀯𑀘𑀸𑀤𑁂𑀲𑁂𑀧𑀺 𑀧𑀤𑀼𑀫𑀺𑀧𑀺 𑀧𑀤𑀼𑀫𑀺𑀦𑀻 𑀧𑀡𑁆𑀡𑀁. 𑀅𑀜𑁆𑀜𑀢𑁆𑀭 𑀧𑁄𑀓𑁆𑀔𑀭𑀯𑀸 𑀳𑀢𑁆𑀣𑀻, (𑁩𑁫) ‘‘𑀦𑀸𑀯𑀸𑀬𑀺𑀓𑁄’’, 𑀦𑀸𑀯𑀺𑀓𑁄. (𑁩𑁬) ‘‘𑀲𑀼𑀔𑀤𑀼𑀓𑁆𑀔𑀸 𑀈’’, 𑀲𑀼𑀔𑀻, 𑀤𑀼𑀓𑁆𑀔𑀻. (𑁩𑁭) ‘‘𑀲𑀺𑀔𑀸𑀤𑀻𑀳𑀺 𑀯𑀸’’, 𑀲𑀺𑀔𑀻, 𑀲𑀺𑀔𑀸𑀯𑀸, 𑀫𑀸𑀮𑀻, 𑀫𑀸𑀮𑀸𑀯𑀸, 𑀲𑀻𑀮𑀻, 𑀲𑀻𑀮𑀯𑀸, 𑀩𑀮𑀻, 𑀩𑀮𑀯𑀸. (𑁩𑁮) ‘‘𑀩𑀮𑀸 𑀩𑀸𑀳𑀽𑀭𑀼𑀧𑀼𑀩𑁆𑀩𑀸 𑀘’’, 𑀩𑀸𑀳𑀼𑀩𑀮𑀻, 𑀊𑀭𑀼𑀩𑀮𑀻.
𑁮𑁧. 𑀢𑀧𑀸𑀤𑀻𑀳𑀺 𑀲𑁆𑀲𑀻. 𑀢𑀧𑀸𑀤𑀺𑀢𑁄 𑀫𑀦𑁆𑀢𑁆𑀯𑀢𑁆𑀣𑁂 𑀯𑀸 𑀲𑁆𑀲𑀻 𑀳𑁄𑀢𑀺. 𑀢𑀧𑀲𑁆𑀲𑀻, 𑀬𑀲𑀲𑁆𑀲𑀻, 𑀢𑁂𑀚𑀲𑁆𑀲𑀻, 𑀫𑀦𑀲𑁆𑀲𑀻, 𑀧𑀬𑀲𑁆𑀲𑀻. 𑀯𑀸𑀢𑁆𑀯𑁂𑀯? 𑀬𑀲𑀯𑀸.
𑁮𑁨. 𑀫𑀼𑀔𑀸𑀤𑀺𑀢𑁄 𑀭𑁄. 𑀫𑀼𑀔𑀸𑀤𑀻𑀳𑀺 𑀫𑀦𑁆𑀢𑁆𑀯𑀢𑁆𑀣𑁂𑀭𑁄 𑀳𑁄𑀢𑀺. 𑀫𑀼𑀔𑀭𑁄, 𑀲𑀼𑀲𑀺𑀭𑁄, 𑀊𑀲𑀭𑁄, 𑀫𑀥𑀼𑀭𑁄, 𑀔𑀭𑁄, 𑀓𑀼𑀜𑁆𑀚𑀭𑁄, 𑀦𑀕𑀭𑀁, (𑁩𑁯) ‘‘𑀤𑀦𑁆𑀢𑀲𑁆𑀲𑀼 𑀘 𑀉𑀦𑁆𑀦𑀪𑀤𑀦𑁆𑀢𑁂’’, 𑀤𑀦𑁆𑀢𑀼𑀭𑁄.
𑀢𑀼𑀦𑁆𑀤𑀺𑀆𑀤𑀻𑀳𑀺 ¶ 𑀫𑀦𑁆𑀢𑁆𑀯𑀢𑁆𑀣𑁂 𑀪𑁄 𑀯𑀸 𑀳𑁄𑀢𑀺. 𑀢𑀼𑀦𑁆𑀤𑀺𑀪𑁄, 𑀯𑀝𑀺𑀪𑁄, 𑀯𑀮𑀺𑀪𑁄. 𑀯𑀸𑀢𑁆𑀯𑁂𑀯? 𑀢𑀼𑀦𑁆𑀤𑀺𑀫𑀸.
𑀲𑀤𑁆𑀥𑀸𑀤𑀻𑀳𑀺 𑀫𑀦𑁆𑀢𑁆𑀯𑀢𑁆𑀣𑁂𑀅 𑀳𑁄𑀢𑀺 𑀯𑀸. 𑀲𑀤𑁆𑀥𑁄, 𑀧𑀜𑁆𑀜𑁄, 𑀇𑀢𑁆𑀣𑀺𑀬𑀁 𑀲𑀤𑁆𑀥𑀸. 𑀯𑀸𑀢𑁆𑀯𑁂𑀯? 𑀧𑀜𑁆𑀜𑀯𑀸.
𑀢𑀧𑀸 𑀡𑁄 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂. 𑀢𑀸𑀧𑀲𑁄, 𑀇𑀢𑁆𑀣𑀺𑀬𑀁 𑀢𑀸𑀧𑀲𑀻.
𑀅𑀪𑀺𑀚𑁆𑀛𑀸𑀤𑀻𑀳𑀺 𑀆𑀮𑀼 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂, 𑀅𑀪𑀺𑀚𑁆𑀛𑀸𑀮𑀼, 𑀲𑀻𑀢𑀸𑀮𑀼, 𑀥𑀚𑀸𑀮𑀼, 𑀤𑀬𑀸𑀮𑀼. 𑀯𑀸𑀢𑁆𑀯𑁂𑀯? 𑀤𑀬𑀸𑀯𑀸.
𑀧𑀺𑀘𑁆𑀙𑀸𑀤𑀻𑀳𑀺 𑀇𑀮𑁄 𑀳𑁄𑀢𑀺 𑀯𑀸 𑀫𑀦𑁆𑀢𑁆𑀯𑀢𑁆𑀣𑁂. 𑀧𑀺𑀘𑁆𑀙𑀺𑀮𑁄 𑀧𑀺𑀘𑁆𑀙𑀯𑀸, 𑀨𑁂𑀦𑀺𑀮𑁄 𑀨𑁂𑀦𑀯𑀸, 𑀚𑀝𑀺𑀮𑁄 𑀚𑀝𑀸𑀯𑀸. 𑀓𑀣𑀁 ‘𑀯𑀸𑀘𑀸𑀮𑁄’𑀢𑀺? 𑀦𑀺𑀦𑁆𑀤𑀸𑀬𑀫𑀺𑀮𑀲𑁆𑀲𑀸𑀤𑀺𑀮𑁄𑀧𑁂 ‘‘𑀧𑀭𑁄 𑀓𑁆𑀯𑀘𑀻’’𑀢𑀺 (𑁧-𑁨𑁭).
𑀲𑀻𑀮𑀸𑀤𑀻𑀳𑀺 𑀯𑁄 𑀳𑁄𑀢𑀺 𑀯𑀸 𑀫𑀦𑁆𑀢𑁆𑀯𑀢𑁆𑀣𑁂. 𑀲𑀻𑀮𑀯𑁄 𑀲𑀻𑀮𑀯𑀸, 𑀓𑁂𑀲𑀯𑁄 𑀓𑁂𑀲𑀯𑀸, (𑁪𑁦) ‘‘𑀅𑀡𑁆𑀡𑀸 𑀦𑀺𑀘𑁆𑀘𑀁’’ 𑀅𑀡𑁆𑀡𑀯𑁄. (𑁪𑁧) 𑀕𑀸𑀡𑁆𑀟𑀻 𑀭𑀸𑀚𑀻𑀳𑀺 𑀲𑀜𑁆𑀜𑀸𑀬𑀁’’ 𑀕𑀸𑀡𑁆𑀟𑀻𑀯𑀁 𑀥𑀦𑀼, 𑀭𑀸𑀚𑀻𑀯𑀁 𑀧𑀗𑁆𑀓𑀚𑀁.
𑀏𑀢𑁂𑀳𑀺 ¶ 𑀤𑁆𑀯𑀻𑀳𑀺 𑀯𑀻 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂. 𑀫𑀸𑀬𑀸𑀯𑀻, 𑀫𑁂𑀥𑀸𑀯𑀻.
𑁯𑁦. 𑀲𑀺𑀲𑁆𑀲𑀭𑁂 𑀆𑀫𑁆𑀬𑀼𑀯𑀸𑀫𑀻. 𑀲𑀲𑀤𑁆𑀤𑀸 𑀆𑀫𑁆𑀬𑀼𑀯𑀸𑀫𑀻 𑀳𑁄𑀦𑁆𑀢𑀺 𑀇𑀲𑁆𑀲𑀭𑁂-𑀪𑀺𑀥𑀸𑀬𑁆𑀬𑁂 𑀫𑀦𑁆𑀢𑁆𑀯𑀢𑁆𑀣𑁂. 𑀲𑀫𑀲𑁆𑀲𑀢𑁆𑀣𑀻𑀢𑀺 𑀲𑀸𑀫𑀻, 𑀲𑀼𑀯𑀸𑀫𑀻.
𑁯𑁧. 𑀮𑀓𑁆𑀔𑁆𑀬𑀸 𑀡𑁄 𑀅 𑀘. 𑀮𑀓𑁆𑀔𑀻𑀲𑀤𑁆𑀤𑀸 𑀡𑁄 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂 𑀅 𑀘𑀸𑀦𑁆𑀢𑀲𑁆𑀲. 𑀡𑀓𑀸𑀭𑁄𑀯𑀬𑀯𑁄, 𑀮𑀓𑁆𑀔𑀡𑁄.
𑀓𑀮𑁆𑀬𑀸𑀡𑁂 𑀕𑀫𑁆𑀬𑀫𑀸𑀦𑁂 𑀅𑀗𑁆𑀕𑀲𑁆𑀫𑀸 𑀦𑁄 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂. 𑀅𑀗𑁆𑀕𑀦𑀸.
𑀮𑁄𑀫𑀸 𑀲𑁄 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂. 𑀮𑁄𑀫𑀲𑁄, 𑀇𑀢𑁆𑀣𑀺𑀬𑀁, 𑀮𑁄𑀫𑀲𑀸.
𑀫𑀦𑁆𑀢𑁆𑀯𑀢𑁆𑀣𑁂 𑀇𑀫 𑀇𑀬𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀧𑀼𑀢𑁆𑀢𑀺𑀫𑁄, 𑀓𑀺𑀢𑁆𑀢𑀺𑀫𑁄, 𑀧𑀼𑀢𑁆𑀢𑀺𑀬𑁄, 𑀓𑀧𑁆𑀧𑀺𑀬𑁄, 𑀚𑀝𑀺𑀬𑁄, 𑀳𑀸𑀦𑀪𑀸𑀕𑀺𑀬𑁄, 𑀲𑁂𑀦𑀺𑀬𑁄.
𑁯𑁫. 𑀢𑁄 𑀧𑀜𑁆𑀘𑀫𑁆𑀬𑀸. 𑀧𑀜𑁆𑀘𑀫𑁆𑀬𑀦𑁆𑀢𑀸 𑀩𑀳𑀼𑀮𑀁 𑀢𑁄 𑀳𑁄𑀢𑀺 𑀯𑀸. 𑀕𑀸𑀫𑀢𑁄 𑀆𑀕𑀘𑁆𑀙𑀢𑀺 𑀕𑀸𑀫𑀲𑁆𑀫𑀸 𑀆𑀕𑀘𑁆𑀙𑀢𑀺, 𑀘𑁄𑀭𑀢𑁄 𑀪𑀸𑀬𑀢𑀺 𑀘𑁄𑀭𑁂𑀳𑀺 𑀪𑀸𑀬𑀢𑀺, 𑀲𑀢𑁆𑀣𑀢𑁄 𑀧𑀭𑀺𑀳𑀻𑀦𑁄 𑀲𑀢𑁆𑀣𑀸 𑀧𑀭𑀺𑀳𑀻𑀦𑁄.
𑀢𑁄𑀫𑁆𑀳𑀺 ¶ 𑀇𑀫𑀲𑁆𑀲 𑀝𑀺 𑀦𑀺𑀧𑀘𑁆𑀘𑀢𑁂, 𑀏𑀢𑀲𑁆𑀲 𑀝 𑀏𑀢, 𑀓𑀺𑀁𑀲𑀤𑁆𑀤𑀲𑁆𑀲 𑀓𑀼𑀢𑁆𑀢𑀜𑁆𑀘. 𑀇𑀢𑁄 𑀇𑀫𑀲𑁆𑀫𑀸, 𑀅𑀢𑁄 𑀏𑀢𑁆𑀢𑁄 𑀏𑀢𑀲𑁆𑀫𑀸, 𑀓𑀼𑀢𑁄 𑀓𑀲𑁆𑀫𑀸.
𑁯𑁭. 𑀅𑀪𑁆𑀬𑀸𑀤𑀻𑀳𑀺. 𑀅𑀪𑀺𑀆𑀤𑀻𑀳𑀺 𑀢𑁄 𑀳𑁄𑀢𑀺. 𑀅𑀪𑀺𑀢𑁄, 𑀧𑀭𑀺𑀢𑁄, 𑀧𑀘𑁆𑀙𑀢𑁄 𑀳𑁂𑀝𑁆𑀞𑀢𑁄.
𑁯𑁮. 𑀆𑀤𑁆𑀬𑀸𑀤𑀻𑀳𑀺. 𑀆𑀤𑀺𑀧𑁆𑀧𑀪𑀼𑀢𑀻𑀳𑀺 𑀢𑁄 𑀯𑀸 𑀳𑁄𑀢𑀺, 𑀆𑀤𑁄 𑀆𑀤𑀺𑀢𑁄, 𑀫𑀚𑁆𑀛𑀢𑁄 𑀅𑀦𑁆𑀢𑀢𑁄, 𑀧𑀺𑀝𑁆𑀞𑀺𑀢𑁄, 𑀧𑀲𑁆𑀲𑀢𑁄, 𑀫𑀼𑀔𑀢𑁄, 𑀬𑀢𑁄𑀤𑀓𑀁 𑀢𑀤𑀸𑀤𑀺𑀢𑁆𑀢𑀁, 𑀬𑀁 𑀉𑀤𑀓𑀁 𑀢𑀤𑁂𑀯𑀸𑀤𑀺𑀢𑁆𑀢𑀦𑁆𑀢𑀺 𑀅𑀢𑁆𑀣𑁄.
𑁯𑁯. 𑀲𑀩𑁆𑀩𑀸𑀤𑀺𑀢𑁄 𑀲𑀢𑁆𑀢𑀫𑁆𑀬𑀸 𑀢𑁆𑀭𑀢𑁆𑀢𑀸. 𑀲𑀩𑁆𑀩𑀸𑀤𑀻𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀢𑁆𑀭𑀢𑁆𑀣𑀸 𑀯𑀸 𑀳𑁄𑀦𑁆𑀢𑀺. 𑀲𑀩𑁆𑀩𑀢𑁆𑀭 𑀲𑀩𑁆𑀩. 𑀲𑀩𑁆𑀩𑀲𑁆𑀫𑀺𑀁, 𑀬𑀢𑁆𑀭 𑀬𑀢𑁆𑀣 𑀬𑀲𑁆𑀫𑀺𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀦 𑀢𑀼𑀫𑁆𑀳𑀸𑀫𑁆𑀳𑁂𑀳𑀺.
𑁧𑁦𑁦. 𑀓𑀢𑁆𑀣𑁂𑀢𑁆𑀣 𑀓𑀼𑀢𑁆𑀭𑀸𑀢𑁆𑀭 𑀓𑁆𑀯𑁂𑀳𑀺𑀥.
𑀏𑀢𑁂𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀲𑁆𑀫𑀺𑀁 𑀓𑀢𑁆𑀣, 𑀓𑀼𑀢𑁆𑀭, 𑀓𑁆𑀯, 𑀏𑀢𑀲𑁆𑀫𑀺𑀁, 𑀏𑀢𑁆𑀣, 𑀅𑀢𑁆𑀭, 𑀅𑀲𑁆𑀫𑀺𑀁 𑀇𑀳, 𑀇𑀥.
𑁧𑁦𑁧. 𑀥𑀺 𑀲𑀩𑁆𑀩𑀸 𑀯𑀸. 𑀲𑀢𑁆𑀢𑀫𑁆𑀬𑀦𑁆𑀢𑀢𑁄 𑀲𑀩𑁆𑀩𑀲𑁆𑀫𑀸 𑀥𑀺 𑀯𑀸 𑀳𑁄𑀢𑀺. 𑀲𑀩𑁆𑀩𑀥𑀺, 𑀲𑀩𑁆𑀩𑀢𑁆𑀣.
𑁧𑁦𑁨. 𑀬𑀸 𑀳𑀺𑀁. 𑀲𑀢𑁆𑀢𑀫𑁆𑀬𑀦𑁆𑀢𑀢𑁄 𑀬𑀢𑁄 𑀳𑀺𑀁 𑀯𑀸 𑀳𑁄𑀢𑀺. 𑀬𑀳𑀺𑀁 𑀬𑀢𑁆𑀭.
𑀲𑀢𑁆𑀢𑀫𑁆𑀬𑀦𑁆𑀢𑀢𑁄 ¶ 𑀢𑀢𑁄 𑀯𑀸 𑀳𑀁 𑀳𑁄𑀢𑀺 𑀳𑀺𑀁 𑀘. 𑀢𑀳𑀁, 𑀢𑀳𑀺𑀁, 𑀢𑀢𑁆𑀭.
𑀓𑀺𑀁𑀲𑀤𑁆𑀤𑀸 𑀲𑀢𑁆𑀢𑀫𑁆𑀬𑀦𑁆𑀢𑀸 𑀳𑀺𑀁 𑀳𑀁 𑀦𑀺𑀧𑀘𑁆𑀘𑀦𑁆𑀢𑁂 𑀓𑀺𑀲𑁆𑀲 𑀓𑀼𑀓𑀸 𑀘. 𑀓𑀼𑀳𑀺𑀁, 𑀓𑀳𑀁. 𑀓𑀣𑀁 ‘𑀓𑀼𑀳𑀺𑀜𑁆𑀘𑀦’𑀦𑁆𑀢𑀺? ‘𑀘𑀦𑀁’ 𑀇𑀢𑀺 𑀦𑀺𑀧𑀸𑀢𑀦𑁆𑀢𑀭𑀁 ‘𑀓𑀼𑀳𑀺𑀜𑁆𑀘𑀻’𑀢𑀺 𑀏𑀢𑁆𑀣 𑀘𑀺𑀲𑀤𑁆𑀤𑁄 𑀯𑀺𑀬.
𑁧𑁦𑁫. 𑀲𑀩𑁆𑀩𑁂𑀓𑀜𑁆𑀜𑀬𑀢𑁂𑀳𑀺 𑀓𑀸𑀮𑁂 𑀤𑀸. 𑀏𑀢𑁂𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀓𑀸𑀮𑁂 𑀤𑀸 𑀳𑁄𑀢𑀺. 𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀩𑁆𑀩𑀤𑀸, 𑀏𑀓𑀤𑀸, 𑀅𑀜𑁆𑀜𑀤𑀸, 𑀬𑀤𑀸, 𑀢𑀤𑀸. 𑀓𑀸𑀮𑁂𑀢𑀺 𑀓𑀺𑀁? 𑀲𑀩𑁆𑀩𑀢𑁆𑀣 𑀤𑁂𑀲𑁂.
𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀲𑁆𑀫𑀺𑀁 𑀓𑀸𑀮𑁂 𑀓𑀤𑀸, 𑀓𑀼𑀤𑀸, 𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀤𑀸, 𑀇𑀫𑀲𑁆𑀫𑀺𑀁 𑀓𑀸𑀮𑁂 𑀅𑀥𑀼𑀦𑀸, 𑀇𑀤𑀸𑀦𑀺.
𑁧𑁦𑁭. 𑀅𑀚𑁆𑀚 𑀲𑀚𑁆𑀚𑁆𑀯𑀧𑀭𑀚𑁆𑀚𑁆𑀯𑁂𑀢𑀭𑀳𑀺 𑀓𑀭𑀳𑀸.
𑀏𑀢𑁂𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀧𑀓𑀢𑀺𑀧𑁆𑀧𑀘𑁆𑀘𑀬𑁄 𑀆𑀤𑁂𑀲𑁄 𑀓𑀸𑀮𑀯𑀺𑀲𑁂𑀲𑁄𑀢𑀺 𑀲𑀩𑁆𑀩𑀫𑁂𑀢𑀁 𑀦𑀺𑀧𑀸𑀢𑀦𑀸 𑀮𑀩𑁆𑀪𑀢𑀺, 𑀇𑀫𑀲𑁆𑀲 𑀝𑁄 𑀚𑁆𑀚𑁄 𑀚𑀸𑀳𑀦𑀺 𑀦𑀺𑀧𑀘𑁆𑀘𑀢𑁂, 𑀅𑀲𑁆𑀫𑀺𑀁 𑀅𑀳𑀦𑀺 𑀅𑀚𑁆𑀚. 𑀲𑀫𑀸𑀦𑀲𑁆𑀲 𑀲𑀪𑀸𑀯𑁄 𑀚𑁆𑀚𑀼 𑀘𑀸𑀳𑀦𑀺, 𑀲𑀫𑀸𑀦𑁂 𑀅𑀳𑀦𑀺 𑀲𑀚𑁆𑀚𑀼. 𑀅𑀧𑀭𑀲𑁆𑀫𑀸 𑀚𑁆𑀚𑀼, 𑀅𑀧𑀭𑀲𑁆𑀫𑀺𑀁 𑀅𑀳𑀦𑀺 𑀅𑀧𑀭𑀚𑁆𑀚𑀼. 𑀇𑀫𑀲𑁆𑀲𑁂𑀢𑁄 𑀓𑀸𑀮𑁂 𑀭𑀳𑀺 𑀘, 𑀇𑀫𑀲𑁆𑀫𑀺𑀁 𑀓𑀸𑀮𑁂 𑀏𑀢𑀭𑀳𑀺. 𑀓𑀺𑀁𑀲𑀤𑁆𑀤𑀲𑁆𑀲 𑀓𑁄 𑀭𑀳 𑀘𑀸𑀦𑀚𑁆𑀚𑀢𑀦𑁂, 𑀓𑀲𑁆𑀫𑀺𑀁 𑀓𑀸𑀮𑁂 𑀓𑀭𑀳.
𑀲𑀸𑀫𑀜𑁆𑀜𑀲𑁆𑀲 ¶ 𑀪𑁂𑀤𑀓𑁄 𑀯𑀺𑀲𑁂𑀲𑁄 𑀧𑀓𑀸𑀭𑁄, 𑀢𑀢𑁆𑀣 𑀯𑀢𑁆𑀢𑀫𑀸𑀦𑁂𑀳𑀺 𑀲𑀩𑁆𑀩𑀸𑀤𑀻𑀳𑀺 𑀣𑀸 𑀳𑁄𑀢𑀺. 𑀲𑀩𑁆𑀩𑁂𑀦 𑀧𑀓𑀸𑀭𑁂𑀦 𑀲𑀩𑁆𑀩𑀣𑀸, 𑀬𑀣𑀸, 𑀢𑀣𑀸.
𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂 𑀧𑀓𑀸𑀭𑁂. 𑀓𑀺𑀫𑀺𑀫𑁂𑀳𑀺 𑀣𑀁 𑀧𑀘𑁆𑀘𑀬𑁄, 𑀓𑀇𑀢 𑀘 𑀢𑁂𑀲𑀁 𑀬𑀣𑀸𑀓𑁆𑀓𑀫𑀁, 𑀓𑀣𑀁, 𑀇𑀢𑁆𑀣𑀁.
𑀲𑀗𑁆𑀔𑁆𑀬𑀸𑀯𑀸𑀘𑀻𑀳𑀺 𑀧𑀓𑀸𑀭𑁂 𑀥𑀸 𑀧𑀭𑀸 𑀳𑁄𑀢𑀺. 𑀤𑁆𑀯𑀻𑀳𑀺 𑀧𑀓𑀸𑀭𑁂𑀳𑀺, 𑀤𑁆𑀯𑁂 𑀯𑀸 𑀧𑀓𑀸𑀭𑁂 𑀓𑀭𑁄𑀢𑀺 𑀤𑁆𑀯𑀺𑀥𑀸 𑀓𑀭𑁄𑀢𑀺, 𑀩𑀳𑀼𑀥𑀸 𑀓𑀭𑁄𑀢𑀺, 𑀏𑀓𑀁 𑀭𑀸𑀲𑀺𑀁 𑀧𑀜𑁆𑀘𑀧𑁆𑀧𑀓𑀸𑀭𑀁 𑀓𑀭𑁄𑀢𑀺 𑀧𑀜𑁆𑀘𑀥𑀸 𑀓𑀭𑁄𑀢𑀺, 𑀧𑀜𑁆𑀘𑀧𑁆𑀧𑀓𑀸𑀭𑀫𑁂𑀓𑀧𑁆𑀧𑀓𑀸𑀭𑀁 𑀓𑀭𑁄𑀢𑀺 𑀏𑀓𑀥𑀸 𑀓𑀭𑁄𑀢𑀺.
𑀏𑀓𑀲𑁆𑀫𑀸 𑀧𑀓𑀭𑁂 𑀚𑁆𑀛𑀁 𑀯𑀸 𑀳𑁄𑀢𑀺. 𑀏𑀓𑀚𑁆𑀛𑀁 𑀓𑀭𑁄𑀢𑀺, 𑀏𑀓𑀥𑀸, 𑀓𑀭𑁄𑀢𑀺.
𑀤𑁆𑀯𑀺𑀢𑀻𑀳𑀺 𑀧𑀓𑀸𑀭𑁂 𑀏𑀥𑀸 𑀯𑀸 𑀳𑁄𑀢𑀺. 𑀤𑁆𑀯𑁂𑀥𑀸, 𑀢𑁂𑀥𑀸, 𑀤𑁆𑀯𑀺𑀥𑀸, 𑀢𑀺𑀥𑀸.
𑀧𑀓𑀸𑀭𑀯𑀢𑀺 𑀢𑀁𑀲𑀸𑀫𑀜𑁆𑀜𑀯𑀸𑀘𑀓𑀸 𑀲𑀤𑁆𑀤𑀸 𑀚𑀸𑀢𑀺𑀬𑁄 𑀳𑁄𑀢𑀺, 𑀧𑀝𑀼𑀚𑀸𑀢𑀺𑀬𑁄, 𑀫𑀼𑀤𑀼𑀚𑀸𑀢𑀺𑀬𑁄.
𑀯𑀸𑀭𑀲𑀫𑁆𑀩𑀦𑁆𑀥𑀺𑀦𑀺𑀬𑀸 ¶ 𑀲𑀗𑁆𑀔𑁆𑀬𑀸𑀬 𑀓𑁆𑀔𑀢𑁆𑀢𑀼𑀁 𑀳𑁄𑀢𑀺. 𑀤𑁆𑀯𑁂 𑀯𑀸𑀭𑁂 𑀪𑀼𑀜𑁆𑀚𑀢𑀺 𑀤𑁆𑀯𑀺𑀓𑁆𑀔𑀢𑁆𑀢𑀼𑀁 𑀤𑀺𑀯𑀲𑀲𑁆𑀲 𑀪𑀼𑀜𑁆𑀚𑀢𑀺. 𑀯𑀸𑀭𑀕𑁆𑀕𑀳𑀡𑀁 𑀓𑀺𑀁? 𑀧𑀜𑁆𑀘 𑀪𑀼𑀜𑁆𑀚𑀢𑀺. 𑀲𑀗𑁆𑀔𑁆𑀬𑀸𑀬𑀸𑀢𑀺 𑀓𑀺𑀁? 𑀧𑀳𑀽𑀢𑁂 𑀯𑀸𑀭𑁂 𑀪𑀼𑀜𑁆𑀚𑀢𑀺.
𑀯𑀸𑀭𑀲𑀫𑁆𑀩𑀦𑁆𑀥𑀺𑀦𑀺𑀬𑀸 𑀓𑀢𑀺𑀲𑀗𑁆𑀔𑁆𑀬𑀸𑀬 𑀓𑁆𑀔𑀢𑁆𑀢𑀼𑀁 𑀳𑁄𑀢𑀺, 𑀓𑀢𑀺 𑀯𑀸𑀭𑁂, 𑀪𑀼𑀜𑁆𑀚𑀣𑀺, 𑀓𑀢𑀺𑀓𑁆𑀔𑀢𑁆𑀢𑀼𑀁 𑀪𑀼𑀜𑁆𑀚𑀢𑀺.
𑁧𑁧𑁬. 𑀩𑀳𑀼𑀫𑁆𑀳𑀸 𑀥𑀸 𑀘 𑀧𑀘𑁆𑀘𑀸𑀲𑀢𑁆𑀢𑀺𑀬𑀁.
𑀯𑀸𑀭𑀲𑀫𑁆𑀩𑀦𑁆𑀥𑀺𑀦𑀺𑀬𑀸 𑀩𑀳𑀼𑀲𑀗𑁆𑀔𑁆𑀬𑀸𑀬 𑀥𑀸 𑀳𑁄𑀢𑀺 𑀓𑁆𑀔𑀢𑁆𑀣𑀼𑀁 𑀘, 𑀯𑀸𑀭𑀸𑀦𑀜𑁆𑀘𑁂 𑀧𑀘𑁆𑀘𑀸𑀲𑀢𑁆𑀢𑀺 𑀳𑁄𑀢𑀺, 𑀩𑀳𑀼𑀥𑀸 𑀤𑀺𑀯𑀲𑀲𑁆𑀲 𑀪𑀼𑀜𑁆𑀚𑀢𑀺 𑀩𑀳𑀼𑀓𑁆𑀔𑀢𑁆𑀢𑀼𑀁 𑀪𑀼𑀜𑁆𑀚𑀢𑀺. 𑀧𑀘𑁆𑀘𑀸𑀲𑀢𑁆𑀢𑀺𑀬𑀦𑁆𑀢𑀺 𑀓𑀺𑀁? 𑀩𑀳𑀼𑀯𑀸𑀭𑁂 𑀫𑀸𑀲𑀲𑁆𑀲 𑀪𑀼𑀜𑁆𑀚𑀢𑀺.
𑀏𑀓𑀁 𑀯𑀸𑀭𑀫𑀺𑀘𑁆𑀘𑀲𑁆𑀫𑀺𑀁 𑀅𑀢𑁆𑀣𑁂 𑀲𑀓𑀺𑀦𑁆𑀢𑀺 𑀯𑀸 𑀦𑀺𑀧𑀘𑁆𑀘𑀢𑁂. 𑀏𑀓𑀯𑀸𑀭𑀁 𑀪𑀼𑀜𑁆𑀚𑀢𑀺 𑀲𑀓𑀺𑀁 𑀪𑀼𑀜𑁆𑀚𑀢𑀺, 𑀯𑀸𑀢𑀺 𑀓𑀺𑀁? 𑀏𑀓𑀓𑁆𑀔𑀢𑁆𑀢𑀼𑀁 𑀪𑀼𑀜𑁆𑀚𑀢𑀺.
𑀯𑀻𑀘𑁆𑀙𑀸𑀬𑀁 𑀧𑀓𑀸𑀭𑁂 𑀘 𑀲𑁄 𑀳𑁄𑀢𑀺 𑀩𑀳𑀼𑀮𑀁. 𑀯𑀻𑀘𑁆𑀙𑀸𑀬𑀁-𑀔𑀡𑁆𑀟𑀲𑁄, 𑀩𑀺𑀮𑀲𑁄. 𑀧𑀓𑀸𑀭𑁂-𑀧𑀼𑀣𑀼𑀲𑁄, 𑀲𑀩𑁆𑀩𑀲𑁄.
𑁧𑁧𑁯. 𑀅𑀪𑀽𑀢𑀢𑀩𑁆𑀪𑀸𑀯𑁂 𑀓𑀭𑀸𑀲𑀪𑀽𑀬𑁄𑀕𑁂 𑀯𑀺𑀓𑀸𑀭𑀸 𑀘𑀻.
𑀅𑀯𑀢𑁆𑀣𑀸𑀯𑀢𑁄-𑀯𑀢𑁆𑀣𑀦𑁆𑀢𑀭𑁂𑀦𑀸𑀪𑀽𑀢𑀲𑁆𑀲 𑀢𑀸𑀬𑀸𑀯𑀢𑁆𑀣𑀸𑀬 𑀪𑀸𑀯𑁂𑀓𑀭𑀸𑀲𑀪𑀽𑀳𑀺 𑀲𑀫𑁆𑀩𑀦𑁆𑀥𑁂 𑀲𑀢𑀺 𑀯𑀺𑀓𑀸𑀭𑀯𑀸𑀘𑀓𑀸 𑀘𑀻 𑀳𑁄𑀢𑀺, 𑀅𑀥𑀯𑀮𑀁 𑀥𑀯𑀮𑀁 ¶ 𑀓𑀭𑁄𑀢𑀺 𑀥𑀯𑀮𑀻 𑀓𑀭𑁄𑀢𑀺, 𑀅𑀥𑀯𑀮𑁄 𑀥𑀯𑀮𑁄 𑀲𑀺𑀬𑀸 𑀥𑀯𑀮𑀻 𑀲𑀺𑀬𑀸, 𑀅𑀥𑀯𑀮𑁄 𑀥𑀯𑀮𑁄 𑀪𑀯𑀢𑀺 𑀥𑀯𑀮𑀻 𑀪𑀯𑀢𑀺. 𑀅𑀪𑀽𑀢 𑀢𑀩𑁆𑀪𑀸𑀯𑁂𑀢𑀺 𑀓𑀺𑀁? 𑀖𑀝𑀁 𑀓𑀭𑁄𑀢𑀺, 𑀤𑀥𑀺 𑀅𑀢𑁆𑀣𑀺, 𑀖𑀝𑁄 𑀪𑀯𑀢𑀺. 𑀓𑀭𑀸𑀲𑀪𑀽𑀬𑁄𑀕𑁂𑀢𑀺 𑀓𑀺𑀁? 𑀅𑀥𑀯𑀮𑁄𑀥𑀯𑀮𑁄 𑀚𑀸𑀬𑀢𑁂. 𑀯𑀺𑀓𑀸𑀭𑀸𑀢𑀺 𑀓𑀺𑀁? 𑀧𑀓𑀢𑀺𑀬𑀸 𑀫𑀸𑀳𑁄𑀢𑀼, 𑀲𑀼𑀯𑀡𑁆𑀡𑀁 𑀓𑀼𑀡𑁆𑀟𑀮𑀁 𑀓𑀭𑁄𑀢𑀺.
𑀯𑀼𑀢𑁆𑀢𑀢𑁄-𑀜𑁆𑀜𑁂𑀧𑀺 𑀧𑀘𑁆𑀘𑀬𑀸 𑀤𑀺𑀲𑁆𑀲𑀦𑁆𑀢𑀺 𑀯𑀼𑀢𑁆𑀢𑀸𑀯𑀼𑀢𑁆𑀢𑀢𑁆𑀣𑁂𑀲𑀼. 𑀯𑀺𑀯𑀺𑀥𑀸 𑀫𑀸𑀢𑀭𑁄 𑀯𑀺𑀫𑀸𑀢𑀭𑁄, 𑀢𑀸𑀲𑀁 𑀧𑀼𑀢𑁆𑀢𑀸 𑀯𑁂𑀫𑀸𑀢𑀺𑀓𑀸-𑀭𑀺𑀓𑀡. 𑀧𑀣𑀁 𑀕𑀘𑁆𑀙𑀢𑀻𑀢𑀺 𑀧𑀣𑀸𑀯𑀺𑀦𑁄-𑀆𑀯𑀻. 𑀇𑀲𑁆𑀲𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀇𑀲𑁆𑀲𑀼𑀓𑀻-𑀉𑀓𑀻. 𑀥𑀼𑀭𑀁 𑀯𑀳𑀢𑀻𑀢𑀺 𑀥𑁄𑀭𑀬𑁆𑀳𑁄- 𑀬𑁆𑀳𑀡.
𑀯𑀼𑀢𑁆𑀢𑀢𑁄-𑀜𑁆𑀜𑀲𑁆𑀫𑀺𑀫𑁆𑀧𑀺 𑀅𑀢𑁆𑀣𑁂 𑀯𑀼𑀢𑁆𑀢𑀧𑁆𑀧𑀘𑁆𑀘𑀬𑀸 𑀤𑀺𑀲𑁆𑀲𑀦𑁆𑀢𑀺. 𑀫𑀕𑀥𑀸𑀦𑀁 𑀇𑀲𑁆𑀲𑀭𑁄 𑀫𑀸𑀕𑀥𑁄-𑀥𑀡𑀸. 𑀓𑀸𑀲𑀻𑀢𑀺 𑀲𑀳𑀲𑁆𑀲𑀁, 𑀢𑀫𑀕𑁆𑀖𑀢𑀻𑀢𑀺 𑀓𑀸𑀲𑀺𑀬𑁄 𑀇𑀬𑁄.
𑀲𑀓𑀢𑁆𑀣𑁂𑀧𑀺 𑀧𑀘𑁆𑀘𑀬𑀸 𑀤𑀺𑀲𑁆𑀲𑀦𑁆𑀢𑀺. 𑀳𑀻𑀦𑀓𑁄, 𑀧𑁄𑀢𑀓𑁄, 𑀓𑀺𑀘𑁆𑀘𑀬𑀁.
𑀧𑀘𑁆𑀘𑀬𑀸𑀦𑀁 𑀮𑁄𑀧𑁄𑀧𑀺 𑀤𑀺𑀲𑁆𑀲𑀢𑀺. 𑀩𑀼𑀤𑁆𑀥𑁂 𑀭𑀢𑀦𑀁 𑀧𑀡𑀻𑀢𑀁, 𑀘𑀓𑁆𑀔𑀼𑀁 𑀲𑀼𑀜𑁆𑀜𑀁 𑀅𑀢𑁆𑀢𑁂𑀦 𑀯𑀸 𑀅𑀢𑁆𑀢𑀭𑀺𑀬𑁂𑀦 𑀯𑀸𑀢𑀺 𑀪𑀸𑀯𑀧𑁆𑀧𑀘𑁆𑀘𑀬𑀮𑁄𑀧𑁄.
𑁧𑁨𑁪. 𑀲𑀭𑀸𑀦𑀫𑀸𑀤𑀺𑀲𑁆𑀲𑀸𑀬𑀼𑀯𑀡𑁆𑀡𑀲𑁆𑀲𑀸𑀏𑀑 𑀡𑀸𑀦𑀼𑀩𑀦𑁆𑀥𑁂.
𑀲𑀭𑀸𑀦𑀫𑀸𑀤𑀺𑀪𑀽𑀢𑀸 ¶ 𑀬𑁂 𑀅𑀓𑀸𑀭𑀺𑀯𑀡𑁆𑀡𑀼𑀯𑀡𑁆𑀡𑀸, 𑀢𑁂𑀲𑀁 𑀆𑀏𑀑 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀡𑀸𑀦𑀼𑀩𑀦𑁆𑀥𑁂. 𑀭𑀸𑀖𑀯𑁄, 𑀯𑁂𑀦𑀢𑁂𑀬𑁆𑀬𑁄, 𑀫𑁂𑀦𑀺𑀓𑁄, 𑀑𑀴𑀼𑀫𑁆𑀧𑀺𑀓𑁄, 𑀤𑁄𑀪𑀕𑁆𑀕𑀁. 𑀡𑀸𑀦𑀼𑀩𑀦𑁆𑀥𑁂𑀢𑀺 𑀓𑀺𑀁? 𑀧𑀼𑀭𑀸𑀢𑀦𑁄.
𑀲𑀭𑀸𑀦𑀫𑀸𑀤𑀺𑀪𑀽𑀢𑀸 𑀬𑁂 𑀅𑀬𑀼𑀯𑀡𑁆𑀡𑀸, 𑀢𑁂𑀲𑀁 𑀆𑀏𑀑 𑀳𑁄𑀦𑁆𑀢𑀺 𑀓𑁆𑀯𑀘𑀺𑀤𑁂𑀯 𑀲𑀁𑀬𑁄𑀕𑀯𑀺𑀲𑀬𑁂 𑀡𑀸𑀦𑀼𑀩𑀦𑁆𑀥𑁂. 𑀤𑁂𑀘𑁆𑀘𑁄, 𑀓𑁄𑀡𑁆𑀟𑀜𑁆𑀜𑁄. 𑀓𑁆𑀯𑀘𑀻𑀢𑀺 𑀓𑀺𑀁? 𑀓𑀢𑁆𑀢𑀺𑀓𑁂𑀬𑁆𑀬𑁄.
𑀫𑀚𑁆𑀛𑁂 𑀯𑀢𑁆𑀢𑀫𑀸𑀦𑀸𑀦𑀫𑁆𑀧𑀺 𑀅𑀬𑀼𑀯𑀡𑁆𑀡𑀸𑀦𑀁 𑀆 𑀏 𑀑 𑀳𑁄𑀦𑁆𑀢𑀺 𑀓𑁆𑀯𑀘𑀺. 𑀅𑀟𑁆𑀠𑀢𑁂𑀬𑁆𑀬𑁄, 𑀯𑀸𑀲𑁂𑀝𑁆𑀞𑁄.
𑁧𑁨𑁭. 𑀓𑁄𑀲𑀚𑁆𑀚𑀸𑀚𑁆𑀚𑀯 𑀧𑀸𑀭𑀺𑀲𑀚𑁆𑀚 𑀲𑁄𑀳𑀚𑁆𑀚 𑀫𑀤𑁆𑀤𑀯𑀸𑀭𑀺𑀲𑁆𑀲𑀸𑀲𑀪𑀸𑀚𑀜𑁆𑀜𑀣𑁂𑀬𑁆𑀬 𑀩𑀸𑀳𑀼𑀲𑀘𑁆𑀘𑀸.
𑀏𑀢𑁂𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂𑀡𑀸𑀦𑀼𑀩𑀦𑁆𑀥𑁂. 𑀓𑀼𑀲𑀻 𑀢𑀲𑁆𑀲 𑀪𑀸𑀯𑁄𑀓𑁄𑀲𑀚𑁆𑀚𑀁, 𑀉𑀚𑀼𑀦𑁄 𑀪𑀸𑀯𑁄 𑀅𑀚𑁆𑀚𑀯𑀁, 𑀧𑀭𑀺𑀲𑀸𑀲𑀼 𑀲𑀸𑀥𑀼 𑀧𑀸𑀭𑀺𑀲𑀚𑁆𑀚𑁄, 𑀲𑀼𑀳𑀤𑀬𑁄𑀯 𑀲𑀼𑀳𑀚𑁆𑀚𑁄, 𑀢𑀲𑁆𑀲 𑀧𑀦 𑀪𑀸𑀯𑁄 𑀲𑁄𑀳𑀚𑁆𑀚𑀁, 𑀫𑀼𑀤𑀼𑀦𑁄 𑀪𑀸𑀯𑁄 𑀫𑀤𑁆𑀤𑀯𑀁, 𑀇𑀲𑀺𑀦𑁄 𑀇𑀤𑀁 𑀪𑀸𑀯𑁄 𑀯𑀸 𑀆𑀭𑀺𑀲𑁆𑀲𑀁, 𑀉𑀲𑀪𑀲𑁆𑀲 𑀇𑀤𑀁 𑀪𑀸𑀯𑁄 ¶ 𑀯𑀸 𑀆𑀲𑀪𑀁, 𑀆𑀚𑀸𑀦𑀻𑀬𑀲𑁆𑀲 𑀪𑀸𑀯𑁄 𑀲𑁄 𑀏𑀯 𑀯𑀸 𑀆𑀚𑀜𑁆𑀜𑀁, 𑀣𑁂𑀦𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀣𑁂𑀬𑁆𑀬𑀁, 𑀩𑀳𑀼𑀲𑁆𑀲𑀢𑀲𑁆𑀲 𑀪𑀸𑀯𑁄 𑀩𑀸𑀳𑀼𑀲𑀘𑁆𑀘𑀁, 𑀏𑀢𑁂𑀲𑀼 𑀬𑀫𑀮𑀓𑁆𑀔𑀡𑀺𑀓𑀁, 𑀢𑀁 𑀦𑀺𑀧𑀸𑀢𑀦𑀸.
𑀫𑀦𑀸𑀤𑀻𑀦𑀁 𑀲𑀓 𑀳𑁄𑀢𑀺 𑀡𑀸𑀦𑀼𑀩𑀦𑁆𑀥𑁂. 𑀫𑀦𑀲𑀺 𑀪𑀯𑀁 𑀫𑀸𑀦𑀲𑀁, 𑀤𑀼𑀫𑁆𑀫𑀦𑀲𑁄 𑀪𑀸𑀯𑁄 𑀤𑁄𑀫𑀦𑀲𑁆𑀲𑀁, 𑀲𑁄𑀫𑀦𑀲𑁆𑀲𑀁.
𑀲𑀭𑀸𑀤𑁄 𑀡𑀸𑀦𑀼𑀩𑀦𑁆𑀥𑁂 𑀉𑀯𑀡𑁆𑀡𑀲𑁆𑀲𑀸𑀯𑀗 𑀳𑁄𑀢𑀺. 𑀭𑀸𑀖𑀯𑁄, 𑀚𑀫𑁆𑀩𑀯𑀁.
𑀬𑀓𑀸𑀭𑀸𑀤𑁄 𑀧𑀘𑁆𑀘𑀬𑁂 𑀕𑁄𑀲𑁆𑀲𑀼𑀯𑀡𑁆𑀡𑀲𑁆𑀲 𑀘 𑀅𑀯𑀗 𑀳𑁄𑀢𑀺. 𑀕𑀩𑁆𑀬𑀁, 𑀪𑀸𑀢𑀩𑁆𑀬𑁄.
𑀬𑀓𑀸𑀭𑀸𑀤𑁄 𑀧𑀘𑁆𑀘𑀬𑁂 𑀅𑀯𑀡𑁆𑀡𑀺𑀯𑀡𑁆𑀡𑀸𑀦𑀁 𑀮𑁄𑀧𑁄 𑀳𑁄𑀢𑀺. 𑀤𑀸𑀬𑀚𑁆𑀚𑀁, 𑀓𑀸𑀭𑀼𑀜𑁆𑀜𑀁, 𑀆𑀥𑀺𑀧𑀘𑁆𑀘𑀁, 𑀤𑁂𑀧𑁆𑀧𑀁. 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑁆𑀯𑀘𑀺 𑀦 𑀳𑁄𑀢𑀺 𑀓𑀺𑀘𑁆𑀘𑀬𑀁.
𑀅𑀦𑁆𑀢𑁄 𑀲𑀭𑁄 𑀆𑀤𑀺𑀫𑁆𑀳𑀺 𑀬𑀲𑁆𑀲𑀸𑀯𑀬𑀯𑀲𑁆𑀲, 𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀭𑀸𑀦𑀼𑀩𑀦𑁆𑀥𑁂. 𑀓𑀺𑀢𑁆𑀢𑀓𑀁, 𑀧𑁂𑀢𑁆𑀢𑁂𑀬𑁆𑀬𑀁.
𑀓𑀺𑀲𑀲𑁆𑀲 𑀫𑀳𑀢𑁄 𑀇𑀫𑁂 𑀓𑀲𑀫𑀳𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀓𑀲𑀺𑀫𑀸, 𑀫𑀳𑀺𑀫𑀸.
𑀆𑀬𑀼𑀲𑁆𑀲 ¶ 𑀆𑀬𑀲𑀸𑀤𑁂𑀲𑁄 𑀳𑁄𑀢𑀺 𑀫𑀦𑁆𑀢𑀼𑀫𑁆𑀳𑀺. 𑀆𑀬𑀲𑁆𑀫𑀸.
𑀯𑀼𑀤𑁆𑀥𑀲𑁆𑀲 𑀚𑁄 𑀳𑁄𑀢𑀺 𑀇𑀬𑀇𑀝𑁆𑀞𑁂𑀲𑀼, 𑀚𑁂𑀬𑁆𑀬𑁄, 𑀚𑁂𑀝𑁆𑀞𑁄.
𑁧𑁩𑁬. 𑀩𑀸𑀴𑁆𑀳𑀦𑁆𑀢𑀺𑀓𑀧𑀲𑀢𑁆𑀣𑀸𑀦𑀁 𑀲𑀸𑀥 𑀦𑁂𑀤 𑀲𑀸.
𑀇𑀬𑀇𑀝𑁆𑀞𑁂𑀲𑀼 𑀩𑀸𑀴𑁆𑀳𑀦𑁆𑀢𑀺𑀓𑀧𑀲𑀢𑁆𑀣𑀸𑀦𑀁 𑀲𑀸𑀥 𑀦𑁂𑀤 𑀲𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀲𑀸𑀥𑀺𑀬𑁄, 𑀲𑀸𑀥𑀺𑀝𑁆𑀞𑁄, 𑀦𑁂𑀤𑀺𑀬𑁄, 𑀦𑁂𑀤𑀺𑀝𑁆𑀞𑁄, 𑀲𑁂𑀬𑁆𑀬𑁄, 𑀲𑁂𑀝𑁆𑀞𑁄.
𑀇𑀬𑀇𑀝𑁆𑀞𑁂𑀲𑀼 𑀅𑀧𑁆𑀧𑀬𑀼𑀯𑀸𑀦𑀁 𑀓𑀡 𑀓𑀦𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀓𑀡𑀺𑀬𑁄 𑀓𑀡𑀺𑀝𑁆𑀞𑁄, 𑀓𑀦𑀺𑀬𑁄 𑀓𑀦𑀺𑀝𑁆𑀞𑁄.
𑀯𑀻 𑀫𑀦𑁆𑀢𑀼 𑀯𑀦𑁆𑀢𑀽𑀦𑀁 𑀮𑁄𑀧𑁄 𑀳𑁄𑀢𑀺 𑀇𑀬𑀇𑀝𑁆𑀞𑁂𑀲𑀼. 𑀅𑀢𑀺𑀲𑀬𑁂𑀦 𑀫𑁂𑀥𑀸𑀯𑀻 𑀫𑁂𑀥𑀺𑀬𑁄, 𑀫𑁂𑀥𑀺𑀝𑁆𑀞𑁄, 𑀅𑀢𑀺𑀲𑀬𑁂𑀦 𑀲𑀢𑀺𑀫𑀸 𑀲𑀢𑀺𑀬𑁄, 𑀲𑀢𑀺𑀝𑁆𑀞𑁄, 𑀅𑀢𑀺𑀲𑀬𑁂𑀦 𑀕𑀼𑀡𑀯𑀸 𑀕𑀼𑀡𑀺𑀬𑁄, 𑀕𑀼𑀡𑀺𑀝𑁆𑀞𑁄.
𑀟𑁂𑀧𑀭𑁂 𑀲𑀢𑁆𑀬𑀦𑁆𑀢𑀲𑁆𑀲 𑀢𑀺𑀓𑀸𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺, 𑀯𑀻𑀲𑀁 𑀲𑀢𑀁, 𑀢𑀺𑀁𑀲𑀁 𑀲𑀢𑀁.
𑀢𑁆𑀢𑀓𑁂 𑀧𑀭𑁂 𑀏𑀢𑀲𑁆𑀲 𑀏𑀝 𑀳𑁄𑀢𑀺. 𑀏𑀢𑁆𑀢𑀓𑀁.
𑀡𑀺𑀓𑀲𑁆𑀲 ¶ 𑀯𑀸 𑀇𑀬𑁄 𑀳𑁄𑀢𑀺, 𑀲𑀓𑁆𑀬𑀧𑀼𑀢𑁆𑀢𑀺𑀬𑁄, 𑀲𑀓𑁆𑀬𑀧𑀼𑀢𑁆𑀢𑀺𑀓𑁄.
𑁧𑁪𑁨. 𑀅𑀥𑀸𑀢𑀼𑀲𑁆𑀲 𑀓𑀸-𑀲𑁆𑀬𑀸𑀤𑀺𑀢𑁄 𑀖𑁂-𑀲𑁆𑀲𑀺.
𑀖𑁂 𑀧𑀭𑁂 𑀅𑀥𑀸𑀢𑀼𑀲𑁆𑀲 𑀬𑁄 𑀓𑀓𑀸𑀭𑁄, 𑀢𑀢𑁄 𑀧𑀼𑀩𑁆𑀩𑀲𑁆𑀲 𑀅𑀓𑀸𑀭𑀲𑁆𑀲 𑀩𑀳𑀼𑀮𑀁 𑀇 𑀳𑁄𑀢𑀺 𑀲𑀘𑁂 𑀖𑁄 𑀦 𑀲𑁆𑀬𑀸𑀤𑀺𑀢𑁄 𑀧𑀭𑁄 𑀳𑁄𑀢𑀺. 𑀩𑀸𑀮𑀺𑀓𑀸, 𑀓𑀸𑀭𑀺𑀓𑀸, 𑀅𑀥𑀸𑀢𑀼𑀲𑁆𑀲𑀸𑀢𑀺 𑀓𑀺𑀁? 𑀲𑀓𑀸, 𑀓𑁂𑀢𑀺 𑀓𑀺𑀁? 𑀦𑀦𑁆𑀤𑀦𑀸, 𑀅𑀲𑁆𑀬𑀸𑀤𑀺𑀢𑁄𑀢𑀺 𑀓𑀺𑀁? 𑀩𑀳𑀼𑀧𑀭𑀺𑀩𑁆𑀩𑀸𑀚𑀓𑀸 𑀫𑀣𑀼𑀭𑀸, 𑀩𑀳𑀼𑀘𑀫𑁆𑀫𑀺𑀓𑀸𑀢𑀺 𑀓𑀓𑀸𑀭𑁂𑀦 𑀲𑁆𑀬𑀸𑀤𑀺𑀦𑁄 𑀩𑁆𑀬𑀯𑀳𑀺𑀢𑀢𑁆𑀢𑀸 𑀲𑀺𑀤𑁆𑀥𑀁, 𑀖𑁂𑀢𑀺 𑀓𑀺𑀁? 𑀩𑀸𑀮𑀓𑁄, 𑀅𑀲𑁆𑀲𑀸𑀢𑀺 𑀓𑀺𑀁? 𑀩𑀳𑀼𑀓𑀢𑁆𑀢𑀼𑀓𑀸 𑀲𑀸𑀮𑀸.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀡𑀸𑀤𑀺𑀓𑀡𑁆𑀟𑁄 𑀘𑀢𑀼𑀢𑁆𑀣𑁄.
𑁫. 𑀧𑀜𑁆𑀘𑀫𑁄 𑀓𑀡𑁆𑀟𑁄 (𑀔𑀸𑀤𑀺)
𑁧. 𑀢𑀺𑀚 𑀫𑀸𑀦𑁂𑀳𑀺 𑀔 𑀲𑀸 𑀔𑀫𑀸 𑀯𑀻𑀫𑀁𑀲𑀸𑀲𑀼.
𑀔𑀦𑁆𑀢𑀺𑀬𑀁 𑀢𑀺𑀚𑀸 𑀯𑀻𑀫𑀁𑀲𑀸𑀬𑀁 𑀫𑀸𑀦𑀸 𑀘 𑀔𑀲𑀧𑁆𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀢𑀺𑀢𑀺𑀓𑁆𑀔𑀸, 𑀯𑀻𑀫𑀁𑀲𑀸, 𑀢𑀺𑀢𑀺𑀓𑁆𑀔𑀢𑀺, 𑀯𑀻𑀫𑀁𑀲𑀢𑀺. 𑀔𑀫𑀸𑀯𑀻𑀫𑀁𑀲𑀸, 𑀲𑀽𑀢𑀺 𑀓𑀺𑀁? 𑀢𑁂𑀚𑀦𑀁, 𑀢𑁂𑀚𑁄, 𑀢𑁂𑀚𑀬𑀢𑀺, 𑀫𑀸𑀦𑀦𑀁, 𑀫𑀸𑀦𑁄𑀫𑀸𑀦𑁂𑀢𑀺.
𑀢𑀺𑀓𑀺𑀘𑁆𑀙𑀸𑀬𑀁 𑀲𑀁𑀲𑀬𑁂 𑀘 𑀯𑀢𑁆𑀢𑀫𑀸𑀦𑀸 𑀓𑀺𑀢𑀸 𑀙𑁄 𑀳𑁄𑀢𑀺. 𑀢𑀺𑀓𑀺𑀘𑁆𑀙𑀸, 𑀯𑀺𑀘𑀺𑀓𑀺𑀘𑁆𑀙𑀸, 𑀢𑀺𑀓𑀺𑀘𑁆𑀙𑀢𑀺, 𑀯𑀺𑀘𑀺𑀓𑀺𑀘𑁆𑀙𑀢𑀺. 𑀅𑀜𑁆𑀜𑀢𑁆𑀭 𑀦𑀺𑀓𑁂𑀢𑁄, 𑀲𑀁𑀓𑁂𑀢𑁄, 𑀓𑁂𑀢𑀦𑀁, 𑀓𑁂𑀢𑁄, 𑀓𑁂𑀢𑀬𑀢𑀺.
𑁩. 𑀦𑀺𑀦𑁆𑀤𑀸𑀬𑀁 𑀕𑀼𑀧 𑀩𑀥𑀸 𑀩𑀲𑁆𑀲 𑀪𑁄 𑀘.
𑀦𑀺𑀦𑁆𑀤𑀸𑀬𑀁 ¶ 𑀯𑀢𑁆𑀢𑀫𑀸𑀦𑁂𑀳𑀺 𑀕𑀼𑀧 𑀩𑀥𑁂𑀳𑀺 𑀙𑁄 𑀳𑁄𑀢𑀺 𑀩𑀲𑁆𑀲 𑀪𑁄 𑀘. 𑀚𑀺𑀕𑀼𑀘𑁆𑀙𑀸, 𑀩𑀻𑀪𑀘𑁆𑀙𑀸, 𑀚𑀺𑀕𑀼𑀘𑁆𑀙𑀢𑀺, 𑀩𑀻𑀪𑀘𑁆𑀙𑀢𑀺, 𑀅𑀜𑁆𑀜𑀢𑁆𑀭 𑀕𑁄𑀧𑀦𑀁, 𑀕𑁄𑀧𑁄, 𑀕𑁄𑀧𑁂𑀢𑀺, 𑀩𑀥𑀓𑁄.
𑀢𑀼𑀫𑀦𑁆𑀢𑀢𑁄 𑀇𑀘𑁆𑀙𑀸𑀬𑀫𑀢𑁆𑀣𑁂 𑀢𑁂 𑀔𑀲𑀙𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁, 𑀮𑁄𑀧𑁄 𑀘 𑀢𑀼𑀁𑀧𑀘𑁆𑀘𑀬𑀲𑁆𑀲 𑀳𑁄𑀢𑀺 𑀲𑀼𑀢𑀢𑁆𑀢𑀸, 𑀩𑀼𑀪𑀼𑀓𑁆𑀔𑀸, 𑀚𑀺𑀕𑀻𑀲𑀸𑀁, 𑀚𑀺𑀖𑀘𑁆𑀙𑀸, 𑀩𑀼𑀪𑀼𑀓𑁆𑀔𑀢𑀺, 𑀚𑀺𑀕𑀻𑀲𑀢𑀺 𑀚𑀺𑀖𑀘𑁆𑀙𑀢𑀺. 𑀇𑀥 𑀓𑀲𑁆𑀫𑀸 𑀦 𑀳𑁄𑀢𑀺 ‘𑀪𑁄𑀢𑁆𑀢𑀼𑀫𑀺𑀘𑁆𑀙𑀢𑀻’𑀢𑀺? 𑀧𑀤𑀦𑁆𑀢𑀭𑁂𑀦𑀸𑀪𑀺𑀥𑀸𑀦𑀸. 𑀢𑀼𑀁𑀲𑁆𑀫𑀸𑀢𑀺 𑀓𑀺𑀁? 𑀪𑁄𑀚𑀦𑀫𑀺𑀘𑁆𑀙𑀢𑀺. 𑀇𑀘𑁆𑀙𑀸𑀬𑀦𑁆𑀢𑀺 𑀓𑀺𑀁? 𑀪𑀼𑀜𑁆𑀚𑀺𑀢𑀼𑀁 𑀕𑀘𑁆𑀙𑀢𑀺. 𑀓𑀣𑀁 ‘𑀓𑀽𑀮𑀁 𑀯𑀺𑀧𑀢𑀺 𑀲𑀢𑀻’𑀢𑀺? 𑀬𑀣𑀸 𑀓𑀽𑀮𑀁 𑀧𑀢𑀺𑀢𑀼 𑀫𑀺𑀘𑁆𑀙𑀢𑀻𑀢𑀺 𑀯𑀸𑀓𑁆𑀬𑀁 𑀳𑁄𑀢𑀺, 𑀏𑀯𑀁 𑀯𑀼𑀢𑁆𑀢𑀺𑀧𑀺 𑀳𑁄𑀲𑁆𑀲𑀢𑀺. 𑀯𑀸𑀓𑁆𑀬𑀫𑁂𑀯 𑀘𑀭𑀳𑀺 𑀓𑀣𑀁 𑀳𑁄𑀢𑀺? 𑀮𑁄𑀓𑀲𑁆𑀲 𑀢𑀣𑀸 𑀯𑀘𑀦𑀺𑀘𑁆𑀙𑀸𑀬.
𑀇𑀘𑁆𑀙𑀸𑀓𑀫𑁆𑀫𑀢𑁄 𑀇𑀘𑁆𑀙𑀸𑀬𑀫𑀢𑁆𑀣𑁂 𑀈𑀬𑀧𑁆𑀧𑀘𑁆𑀘𑀬𑁄 𑀳𑁄𑀢𑀺. 𑀧𑀼𑀢𑁆𑀢𑀫𑀺𑀘𑁆𑀙𑀢𑀺 𑀧𑀼𑀢𑁆𑀣𑀻𑀬𑀢𑀺. 𑀓𑀫𑁆𑀫𑀸𑀢𑀺 𑀓𑀺𑀁? 𑀅𑀲𑀺𑀦𑁂𑀘𑁆𑀙𑀢𑀺. 𑀇𑀥 𑀓𑀲𑁆𑀫𑀸 𑀦 𑀳𑁄𑀢𑀺 ‘𑀭𑀜𑁆𑀜𑁄𑀧𑀼𑀢𑁆𑀢𑀫𑀺𑀘𑁆𑀙𑀢𑀻’𑀢𑀺? 𑀲𑀸𑀧𑁂𑀓𑁆𑀔𑀢𑁆𑀢𑀸, 𑀦 𑀳𑀺 𑀅𑀜𑁆𑀜𑀫𑀧𑁂𑀓𑁆𑀔𑀫𑀸𑀦𑁄 𑀅𑀜𑁆𑀜𑁂𑀦 𑀲𑀳𑁂𑀓𑀢𑁆𑀣𑀺𑀪𑀸𑀯𑀫𑀦𑀼𑀪𑀯𑀺𑀢𑀼𑀁 𑀲𑀓𑁆𑀓𑁄𑀢𑀺. 𑀇𑀥𑀸𑀧𑀺 𑀘𑀭𑀳𑀺 𑀦 𑀲𑀺𑀬𑀸 ‘𑀅𑀢𑁆𑀢𑀦𑁄 𑀧𑀼𑀢𑁆𑀢 𑀫𑀺𑀘𑁆𑀙𑀢𑀻’𑀢𑀺? 𑀦𑁂𑀯𑁂𑀢𑁆𑀣 𑀪𑀯𑀺𑀢𑀩𑁆𑀩𑀁, 𑀦 𑀳𑀺 𑀪𑀯𑀢𑀺 ‘𑀅𑀢𑁆𑀢𑀦𑁄 𑀧𑀼𑀢𑁆𑀢𑀻𑀬𑀢𑀻’𑀢𑀺, 𑀓𑀣𑀁 𑀘𑀭𑀳𑀺 𑀧𑀼𑀢𑁆𑀢𑀲𑁆𑀲 𑀅𑀢𑁆𑀢𑀦𑀺𑀬𑀢𑀸-𑀯𑀕𑀫𑁆𑀬𑀢𑁂 ¶ ? 𑀅𑀜𑁆𑀜𑀲𑁆𑀲𑀸𑀲𑀼𑀢𑀢𑁆𑀢𑀸 𑀇𑀘𑁆𑀙𑀸𑀬 𑀘 𑀢𑀩𑁆𑀩𑀺𑀲𑀬𑀢𑁆𑀢𑀸.
𑀓𑀫𑁆𑀫𑀢𑁄 𑀉𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀈𑀬𑁄 𑀳𑁄𑀢𑀺. 𑀧𑀼𑀢𑁆𑀢𑀫𑀺-𑀯𑀸-𑀘𑀭𑀢𑀺 𑀧𑀼𑀢𑁆𑀢𑀻𑀬𑀢𑀺 𑀫𑀸𑀡𑀯𑀓𑀁, 𑀉𑀧𑀫𑀸𑀦𑀸𑀢𑀺 𑀓𑀺𑀁? 𑀧𑀼𑀢𑁆𑀢𑀫𑀸𑀘𑀭𑀢𑀺.
𑀆𑀥𑀸𑀭𑀢𑀽-𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀈𑀬𑁄 𑀬𑁄𑀢𑀺. 𑀓𑀼𑀝𑀺𑀬𑀫𑀺𑀯𑀸-𑀘𑀭𑀢𑀺 𑀓𑀼𑀝𑀻𑀬𑀢𑀻 𑀧𑀸𑀲𑀸𑀤𑁂, 𑀧𑀸𑀲𑀸𑀤𑀻𑀬𑀢𑀺 𑀓𑀼𑀝𑀺𑀬𑀁 𑀪𑀺𑀓𑁆𑀔𑀼.
𑀓𑀢𑁆𑀢𑀼𑀢𑀽-𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀆𑀬𑁄 𑀳𑁄𑀢𑀺. 𑀧𑀩𑁆𑀩𑀢𑁄 𑀇𑀯𑀸𑀘𑀭𑀢𑀺 𑀧𑀩𑁆𑀩𑀢𑀸𑀬𑀢𑀺.
𑀓𑀢𑁆𑀢𑀼𑀢𑁄 𑀅𑀪𑀽𑀢𑀢𑀩𑁆𑀪𑀸𑀯𑁂 𑀆𑀬𑁄 𑀳𑁄𑀢𑀺 𑀩𑀳𑀼𑀮𑀁. 𑀪𑀼𑀲𑀸𑀬𑀢𑀺, 𑀧𑀝𑀧𑀝𑀸𑀬𑀢𑀺, 𑀮𑁄𑀳𑀺𑀢𑀸𑀬𑀢𑀺, 𑀓𑀢𑁆𑀢𑀼𑀢𑁄𑀢𑁆𑀯𑁂𑀯? (𑀅𑀪𑀼𑀲𑀁) 𑀪𑀼𑀲𑀁 𑀓𑀭𑁄𑀢𑀻𑀳𑀺, 𑀇𑀳 𑀓𑀲𑁆𑀫𑀸 𑀦 𑀳𑁄𑀢𑀺 ‘𑀪𑀼𑀲𑀻 𑀪𑀯𑀢𑀻’𑀢𑀺? 𑀯𑀼𑀢𑁆𑀢𑀢𑁆𑀣𑀢𑀸𑀬.
𑀲𑀤𑁆𑀤𑀸𑀤𑀻𑀳𑀺 𑀤𑀼𑀢𑀺𑀬𑀦𑁆𑀢𑁂𑀳𑀺 𑀓𑀭𑁄𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀆𑀬𑁄 𑀳𑁄𑀢𑀺. 𑀲𑀤𑁆𑀤𑀸𑀬𑀢𑀺, 𑀯𑁂𑀭𑀸𑀬𑀢𑀺, 𑀓𑀮𑀳𑀸𑀬𑀢𑀺, 𑀥𑀽𑀧𑀸𑀬𑀢𑀺.
𑀦𑀫𑁄𑀇𑀘𑁆𑀘𑀲𑁆𑀫𑀸 ¶ 𑀓𑀭𑁄𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀅𑀲𑁆𑀲𑁄 𑀳𑁄𑀢𑀺. 𑀦𑀫𑀲𑁆𑀲𑀢𑀺 𑀢𑀣𑀸𑀕𑁆𑀢𑀁.
𑀦𑀸𑀫𑀲𑁆𑀫𑀸 𑀥𑀸𑀢𑁆𑀯𑀢𑁆𑀣𑁂 𑀩𑀳𑀼𑀮𑀫𑀺𑀳𑁄𑀢𑀺. 𑀳𑀢𑁆𑀣𑀺𑀦𑀸 𑀅𑀢𑀺𑀓𑁆𑀓𑀫𑀢𑀺 𑀅𑀢𑀺𑀳𑀢𑁆𑀣𑀬𑀢𑀺, 𑀯𑀻𑀡𑀸𑀬 𑀉𑀧𑀕𑀸𑀬𑀢𑀺 𑀉𑀧𑀯𑀻𑀡𑀬𑀢𑀺, 𑀤𑀴𑁆𑀳𑀁 𑀓𑀭𑁄𑀢𑀺 𑀯𑀺𑀦𑀬𑀁 𑀤𑀴𑁆𑀳𑀬𑀢𑀺, 𑀯𑀺𑀲𑀼𑀤𑁆𑀥𑀸 𑀳𑁄𑀢𑀺 𑀭𑀢𑁆𑀢𑀺 𑀯𑀺𑀲𑀼𑀤𑁆𑀥𑀬𑀢𑀺, 𑀓𑀼𑀲𑀮𑀁 𑀧𑀼𑀘𑁆𑀙𑀢𑀺 𑀓𑀼𑀲𑀮𑀬𑀢𑀺.
𑀲𑀘𑁆𑀘𑀸𑀤𑀻𑀳𑀺 𑀥𑀸𑀢𑁆𑀯𑀢𑁆𑀣𑁂 𑀆𑀧𑀺 𑀳𑁄𑀢𑀺. 𑀲𑀘𑁆𑀘𑀸𑀧𑁂𑀢𑀺, 𑀅𑀢𑁆𑀣𑀸𑀧𑁂𑀢𑀺, 𑀯𑁂𑀤𑀸𑀧𑁂𑀢𑀺, 𑀲𑀼𑀓𑁆𑀔𑀸𑀧𑁂𑀢𑀺, 𑀲𑀼𑀔𑀸𑀧𑁂𑀢𑀺, 𑀤𑀼𑀓𑁆𑀔𑀸𑀧𑁂𑀢𑀺.
𑀅𑀬𑀫𑀥𑀺𑀓𑀸𑀭𑁄 𑀆𑀲𑀢𑁆𑀣𑀧𑀭𑀺𑀲𑀫𑀢𑁆𑀢𑀺𑀬𑀸. 𑀓𑁆𑀭𑀺𑀬𑀸 𑀅𑀢𑁆𑀣𑁄 𑀬𑀲𑁆𑀲 𑀲𑁄 𑀓𑁆𑀭𑀺𑀬𑀢𑁆𑀣𑁄 𑀥𑀸𑀢𑀼.
𑀘𑀼𑀭𑀸𑀤𑀻𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀲𑀓𑀢𑁆𑀣𑁂 𑀡𑀺 𑀧𑀭𑁄 𑀳𑁄𑀢𑀺 𑀩𑀳𑀼𑀮𑀁. 𑀡𑀓𑀸𑀭𑁄 𑀯𑀼𑀤𑁆𑀥𑁆𑀬𑀢𑁆𑀣𑁄, 𑀏𑀯𑀫𑀜𑁆𑀜𑀢𑁆𑀭𑀸𑀧𑀺, 𑀘𑁄𑀭𑀬𑀢𑀺, 𑀮𑀸𑀴𑀬𑀢𑀺, 𑀓𑀣𑀁 ‘𑀭𑀚𑁆𑀚𑀁 𑀓𑀸𑀭𑁂𑀢𑀻’𑀢𑀺? 𑀬𑁄𑀕𑀯𑀺𑀪𑀸𑀕𑀢𑁄.
𑀓𑀢𑁆𑀢𑀸𑀭𑀁 𑀬𑁄 𑀧𑀬𑁄𑀚𑀬𑀢𑀺, 𑀢𑀲𑁆𑀲 𑀩𑁆𑀬𑀸𑀧𑀸𑀭𑁂 𑀓𑁆𑀭𑀺𑀬𑀢𑁆𑀣𑀸 𑀡𑀺𑀡𑀸𑀧𑀻 𑀳𑁄𑀦𑁆𑀢𑀺 𑀩𑀳𑀼𑀮𑀁, 𑀓𑀸𑀭𑁂𑀢𑀺, 𑀓𑀸𑀭𑀸𑀧𑁂𑀢𑀺. 𑀦𑀦𑀼 𑀘 𑀓𑀢𑁆𑀢𑀸𑀧𑀺 𑀓𑀭𑀡𑀸𑀤𑀻𑀦𑀁 ¶ 𑀧𑀬𑁄𑀚𑀓𑁄𑀢𑀺 𑀢𑀁𑀩𑁆𑀬𑀸𑀧𑀸𑀭𑁂𑀧𑀺 𑀡𑀺𑀡𑀸𑀧𑀻 𑀧𑀸𑀧𑀼𑀡𑀦𑁆𑀢𑀺? 𑀧𑀬𑁄𑀚𑀓𑀕𑁆𑀕𑀳𑀡𑀲𑀸𑀫𑀢𑁆𑀣𑀺𑀬𑀸 𑀦 𑀪𑀯𑀺𑀲𑁆𑀲𑀦𑁆𑀢𑀺 𑀘𑀼𑀭𑀸𑀤𑀻𑀳𑀺 𑀯𑀺𑀲𑀼𑀁 𑀯𑀘𑀦𑀲𑀸𑀫𑀢𑁆𑀣𑀺𑀬𑀸 𑀘. 𑀅𑀢𑁄 𑀪𑀺𑀬𑁆𑀬𑁄 𑀡𑀸𑀧𑀺𑀬𑁂𑀯, 𑀡𑀺𑀬𑁂𑀯𑀼𑀯𑀡𑁆𑀡𑀢𑁄, 𑀤𑁆𑀯𑀬𑀫𑁂𑀯𑀜𑁆𑀜𑁂𑀳𑀺.
𑁧𑁭. 𑀓𑁆𑀬𑁄 𑀪𑀸𑀯𑀓𑀫𑁆𑀫𑁂𑀲𑁆𑀯-𑀧𑀭𑁄𑀓𑁆𑀔𑁂𑀲𑀼 𑀫𑀸𑀦 𑀦𑁆𑀢 𑀢𑁆𑀬𑀸𑀤𑀻𑀲𑀼. 𑀪𑀸𑀯𑀓𑀫𑁆𑀫𑀯𑀺𑀳𑀺𑀢𑁂𑀲𑀼 𑀧𑀭𑁄𑀓𑁆𑀔𑀸𑀯𑀚𑁆𑀚𑀺𑀢𑁂𑀲𑀼 𑀫𑀸𑀦𑀦𑁆𑀢𑀢𑁆𑀬𑀸𑀤𑀻𑀲𑀼 𑀧𑀭𑁂𑀲𑀼 𑀓𑁆𑀬𑁄 𑀳𑁄𑀢𑀺 𑀓𑁆𑀭𑀺𑀬𑀢𑁆𑀣𑀸. 𑀦𑁆𑀢𑀕𑁆𑀕𑀳𑀡𑀫𑀼𑀢𑁆𑀢𑀭𑀢𑁆𑀣𑀁, 𑀓𑀓𑀸𑀭𑁄 𑀅𑀯𑀼𑀤𑁆𑀥𑁆𑀬𑀢𑁆𑀣𑁄 𑀏𑀯𑀫𑀼𑀢𑁆𑀢𑀭𑀢𑁆𑀭𑀸𑀧𑀺. 𑀞𑀻𑀬𑀫𑀸𑀦𑀁, 𑀞𑀻𑀬𑀢𑁂, 𑀲𑀽𑀬𑀫𑀸𑀦𑀁, 𑀲𑀽𑀬𑀢𑁂, 𑀅𑀧𑀭𑁄𑀓𑁆𑀔𑁂𑀲𑀼 𑀫𑀸𑀦𑀦𑁆𑀢𑀢𑁆𑀬𑀸𑀤𑀻𑀲𑀽𑀢𑀺 𑀓𑀺𑀁? 𑀩𑀪𑀽𑀯 𑀤𑁂𑀯𑀤𑀢𑁆𑀢𑁂𑀦, 𑀩𑀺𑀪𑀺𑀤 𑀓𑀼𑀲𑀼𑀮𑁄. 𑀪𑀺𑀚𑁆𑀚𑀢𑁂 𑀓𑀼𑀲𑀼𑀮𑁄 𑀲𑀬𑀫𑁂𑀯𑀸𑀢𑀺 ‘𑀪𑀺𑀚𑁆𑀚𑀢𑁂’𑀢𑀺 𑀲𑀯𑀦𑀸 𑀓𑀫𑁆𑀫𑀢𑀸-𑀯𑀕𑀫𑁆𑀬𑀢𑁂, ‘𑀲𑀬𑀫𑁂𑀯𑀸’𑀢𑀺 𑀲𑀯𑀦𑀢𑁄 𑀓𑀢𑁆𑀢𑀼𑀢𑀸, 𑀓𑀢𑁆𑀢𑀼𑀢𑀸𑀯𑀘𑀦𑀺𑀘𑁆𑀙𑀸𑀬𑀦𑁆𑀢𑀼 ‘𑀪𑀺𑀦𑁆𑀤𑀢𑀺 𑀓𑀼𑀲𑀼𑀮𑁄 𑀅𑀢𑁆𑀢𑀸𑀦’𑀦𑁆𑀢𑀺 𑀪𑀯𑀢𑀺, 𑀏𑀯𑀫𑀜𑁆𑀜𑀫𑁆𑀧𑀺 𑀬𑀣𑀸𑀕𑀫𑀫𑀦𑀼𑀕𑀦𑁆𑀢𑀩𑁆𑀩𑀁. ‘𑀅𑀧𑀭𑁄𑀓𑁆𑀔𑁂𑀲𑀼 𑀫𑀸𑀦𑀦𑁆𑀢𑀢𑁆𑀬𑀸𑀤𑀻𑀲𑀽’𑀢𑀺 𑀅𑀬𑀫𑀥𑀺𑀓𑀸𑀭𑁄 𑀆 ‘𑀢𑀦𑀸𑀤𑀺𑀢𑁆𑀯𑁄’𑀢𑀺 𑁫.𑁨𑁬. 𑀅𑀧𑀺𑀘 𑀏𑀢𑁂 𑀓𑁆𑀬𑀸𑀤𑀬𑁄 𑀢𑁆𑀬𑀸𑀤𑀻𑀲𑀼 𑀧𑀭𑀪𑀽𑀢𑁂𑀲𑀼 𑀓𑀢𑁆𑀢𑀼𑀓𑀫𑁆𑀫𑀪𑀸𑀯 𑀯𑀺𑀳𑀺𑀢𑁂𑀲𑀼 𑀓𑁆𑀬𑀮𑀸𑀤𑀻𑀦𑀁 𑀯𑀺𑀥𑀸𑀦𑀢𑁄 𑀢𑁂𑀲𑁆𑀯𑁂𑀯 𑀯𑀺𑀜𑁆𑀜𑀸𑀬𑀦𑁆𑀢𑀻𑀢𑀺 𑀅𑀓𑀫𑁆𑀫𑀓𑁂𑀳𑀺 𑀥𑀸𑀢𑀽𑀳𑀺 𑀓𑀢𑁆𑀢𑀼𑀪𑀸𑀯𑁂𑀲𑀼, 𑀲𑀓𑀫𑁆𑀫𑀓𑁂𑀳𑀺 𑀓𑀢𑁆𑀢𑀼𑀓𑀫𑁆𑀫𑁂𑀲𑀼, 𑀓𑀫𑁆𑀫𑀸𑀯𑀘𑀦𑀺𑀘𑁆𑀙𑀸𑀬𑀁 𑀪𑀸𑀯𑁂 𑀘 𑀪𑀯𑀦𑁆𑀢𑀻𑀢𑀺 𑀯𑁂𑀤𑀺𑀢𑀩𑁆𑀩𑀸. 𑀬𑀲𑁆𑀲 𑀧𑀦 𑀥𑀸𑀢𑀼𑀲𑁆𑀲 𑀓𑀺𑀭𑀺𑀬𑀸 𑀓𑀫𑁆𑀫𑀫𑀧𑁂𑀓𑁆𑀔𑀢𑁂, 𑀲𑁄 𑀲𑀓𑀫𑁆𑀫𑀓𑁄, 𑀬𑀲𑁆𑀲 𑀢𑀼 𑀓𑀺𑀭𑀺𑀬𑀸 𑀓𑀢𑁆𑀢𑀼𑀫𑀢𑁆𑀢𑀫𑀧𑁂𑀓𑁆𑀔𑀢𑁂, 𑀲𑁆𑀯𑀸𑀓𑀫𑁆𑀫𑀓𑁄𑀢𑀺 𑀜𑀸𑀢𑀩𑁆𑀩𑀁.
𑀓𑁆𑀭𑀺𑀬𑀢𑁆𑀣𑀢𑁄 𑀅𑀧𑀭𑁄𑀓𑁆𑀔𑁂𑀲𑀼 𑀓𑀢𑁆𑀢𑀼𑀯𑀺𑀳𑀺𑀢𑀫𑀸𑀦 𑀦𑁆𑀢𑀢𑁆𑀬𑀸𑀤𑀻𑀲𑀼 𑀮𑁄 𑀳𑁄𑀢𑀺. 𑀮𑀓𑀸𑀭𑁄, ‘‘𑀜𑀺𑀮𑀲𑁆𑀲𑁂’’𑀢𑀺 𑁫-𑁧𑁬𑁩 𑀯𑀺𑀲𑁂𑀲𑀦𑀢𑁆𑀣𑁄. 𑀧𑀘𑀫𑀸𑀦𑁄, 𑀧𑀘𑀦𑁆𑀢𑁄, 𑀧𑀘𑀢𑀺.
𑀭𑀼𑀥𑀸𑀤𑀺𑀢𑁄 ¶ 𑀓𑀢𑁆𑀢𑀼𑀯𑀺𑀳𑀺𑀢𑀫𑀸𑀦𑀦𑁆𑀢 𑀢𑁆𑀬𑀸𑀤𑀻𑀲𑀼 𑀮𑁄 𑀳𑁄𑀢𑀺 𑀫𑀁 𑀘 𑀅𑀦𑁆𑀢𑀲𑀭𑀸 𑀧𑀭𑁄. 𑀫𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀅𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄. 𑀭𑀼𑀦𑁆𑀥𑀫𑀸𑀦𑁄, 𑀭𑀼𑀦𑁆𑀥𑀦𑁆𑀢𑁄, 𑀭𑀼𑀦𑁆𑀥𑀢𑀺.
𑀡𑀺𑀡𑀸𑀧𑁆𑀬𑀸𑀧𑀻𑀳𑀺 𑀓𑀢𑁆𑀢𑀼𑀯𑀺𑀳𑀺𑀢𑀫𑀸𑀦𑀦𑁆𑀢 𑀢𑁆𑀬𑀸𑀤𑀻𑀲𑀼 𑀮𑁄 𑀳𑁄𑀢𑀺 𑀯𑀺𑀪𑀸𑀲𑀸, 𑀑𑀭𑀬𑀦𑁆𑀢𑁄, 𑀘𑁄𑀭𑁂𑀦𑁆𑀢𑁄, 𑀓𑀸𑀭𑀬𑀦𑁆𑀢𑁄, 𑀓𑀸𑀭𑁂𑀦𑁆𑀢𑁄, 𑀓𑀸𑀭𑀸𑀧𑀬𑀦𑁆𑀢𑁄, 𑀓𑀸𑀭𑀸𑀧𑁂𑀦𑁆𑀢𑁄, 𑀲𑀘𑁆𑀘𑀸𑀧𑀬𑀦𑁆𑀢𑁄, 𑀲𑀘𑁆𑀘𑀸𑀧𑁂𑀦𑁆𑀢𑁄, 𑀘𑁄𑀭𑀬𑀢𑀺, 𑀘𑁄𑀭𑁂𑀢𑀺, 𑀓𑀸𑀭𑀬𑀢𑀺, 𑀓𑀸𑀭𑁂𑀢𑀺, 𑀓𑀸𑀭𑀸𑀧𑀬𑀢𑀺, 𑀓𑀸𑀭𑀸𑀧𑁂𑀢𑀺, 𑀲𑀘𑁆𑀘𑀸𑀧𑀬𑀢𑀺, 𑀲𑀘𑁆𑀘𑀸𑀧𑁂𑀢𑀺. 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀣𑁄-𑀬𑀁 𑀯𑀸𑀲𑀤𑁆𑀤𑁄, 𑀢𑁂𑀦 𑀫𑀸𑀦𑁂 𑀦𑀺𑀘𑁆𑀘𑀁, 𑀘𑁄𑀭𑀬𑀫𑀸𑀦𑁄, 𑀓𑀸𑀭𑀬𑀫𑀸𑀦𑁄, 𑀓𑀸𑀭𑀸𑀧𑀬𑀫𑀸𑀦𑁄, 𑀲𑀘𑁆𑀘𑀸𑀧𑀬𑀫𑀸𑀦𑁄.
𑀤𑀺𑀯𑀸𑀤𑀻𑀳𑀺 𑀮𑀯𑀺𑀲𑀬𑁂 𑀬𑀓 𑀳𑁄𑀢𑀺. 𑀤𑀺𑀩𑁆𑀩𑀦𑁆𑀢𑁄, 𑀤𑀺𑀩𑁆𑀩𑀢𑀺.
𑀢𑀼𑀤𑀸𑀤𑀻𑀳𑀺 𑀮𑀯𑀺𑀲𑀬𑁂 𑀓𑁄 𑀳𑁄𑀢𑀺. 𑀢𑀼𑀤𑀫𑀸𑀦𑁄, 𑀢𑀼𑀤𑀦𑁆𑀢𑁄, 𑀢𑀼𑀤𑀢𑀺.
𑀚𑀺𑀆𑀤𑀻𑀳𑀺 𑀮𑀯𑀺𑀲𑀬𑁂 𑀓𑁆𑀦𑀸 𑀳𑁄𑀢𑀺. 𑀚𑀺𑀦𑀦𑁆𑀢𑁄, 𑀚𑀺𑀦𑀸𑀢𑀺. 𑀓𑀣𑀁 ‘𑀚𑀬𑀦𑁆𑀢𑁄’ 𑀚𑀬𑀢𑀻, 𑀢𑀺? 𑀪𑀽𑀯𑀸𑀤𑀺𑀧𑀸𑀞𑀸.
𑀓𑀻𑀆𑀤𑀻𑀳𑀺 ¶ 𑀮𑀯𑀺𑀲𑀬𑁂 𑀓𑁆𑀡𑀸 𑀳𑁄𑀢𑀺. 𑀓𑀺𑀡𑀦𑁆𑀢𑁄, 𑀓𑀺𑀡𑀸𑀢𑀺.
𑀲𑀼𑀆𑀤𑀻𑀳𑀺 𑀮𑀯𑀺𑀲𑀬𑁂 𑀓𑁆𑀡𑁄 𑀳𑁄𑀢𑀺. 𑀲𑀼𑀡𑀫𑀸𑀦𑁄, 𑀲𑀼𑀡𑀦𑁆𑀢𑁄, 𑀲𑀼𑀡𑁄𑀢𑀺. 𑀓𑀣𑀁 𑀲𑀼𑀡𑀸𑀢𑀻𑀢𑀺? 𑀓𑁆𑀬𑀸𑀤𑀺𑀧𑀸𑀞𑀸.
𑀢𑀦𑀸𑀤𑀺𑀢𑁄 𑀮𑀯𑀺𑀲𑀬𑁂 𑀑 𑀳𑁄𑀢𑀺. 𑀢𑀦𑁄𑀢𑀺.
𑀢𑀩𑁆𑀩𑀅𑀦𑀻𑀬𑀸 𑀓𑁆𑀭𑀺𑀬𑀢𑁆𑀣𑀸 𑀧𑀭𑁂 𑀪𑀸𑀯𑀓𑀫𑁆𑀫𑁂𑀲𑀼 𑀩𑀳𑀼𑀮𑀁 𑀪𑀯𑀦𑁆𑀢𑀺. 𑀓𑀢𑁆𑀢𑀩𑁆𑀩𑀁, 𑀓𑀭𑀡𑀻𑀬𑀁, 𑀓𑀢𑁆𑀢𑀩𑁆𑀩𑁄 𑀓𑀝𑁄, 𑀓𑀭𑀡𑀻𑀬𑁄. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀓𑀭𑀡𑀸𑀤𑀻𑀲𑀼𑀧𑀺 𑀪𑀯𑀦𑁆𑀢𑀺, 𑀲𑀺𑀦𑀸𑀦𑀻𑀬𑀁 𑀘𑀼𑀡𑁆𑀡𑀁, 𑀤𑀸𑀦𑀻𑀬𑁄 𑀩𑁆𑀭𑀸𑀳𑁆𑀫𑀡𑁄, 𑀲𑀫𑁆𑀫𑀸𑀯𑀢𑁆𑀢𑀦𑀻𑀬𑁄 𑀕𑀼𑀭𑀼, 𑀧𑀯𑀘𑀦𑀻𑀬𑁄 𑀉𑀧𑀚𑁆𑀛𑀸𑀬𑁄, 𑀉𑀧𑀝𑁆𑀞𑀸𑀦𑀻𑀬𑁄 𑀲𑀺𑀲𑁆𑀲𑁄.
𑀪𑀸𑀯𑀓𑀫𑁆𑀫𑁂𑀲𑀼 𑀓𑁆𑀭𑀺𑀬𑀢𑁆𑀣𑀸 𑀧𑀭𑁄 𑀖𑁆𑀬𑀡 𑀳𑁄𑀢𑀺 𑀩𑀳𑀼𑀮𑀁. 𑀯𑀸𑀓𑁆𑀬𑀁, 𑀓𑀸𑀭𑀺𑀬𑀁, 𑀘𑁂𑀬𑁆𑀬𑀁, 𑀚𑁂𑀬𑁆𑀬𑀁.
𑀆𑀢𑁄𑀖𑁆𑀬𑀡 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼, 𑀆𑀲𑁆𑀲 𑀏 𑀘. 𑀤𑁂𑀬𑁆𑀬𑀁.
𑀯𑀤𑀸𑀤𑀻𑀳𑀺 ¶ 𑀓𑁆𑀭𑀺𑀬𑀢𑁆𑀣𑁂𑀳𑀺 𑀬𑁄 𑀳𑁄𑀢𑀺 𑀩𑀳𑀼𑀮𑀁 𑀪𑀸𑀯𑀓𑀫𑁆𑀫𑁂𑀲𑀼. 𑀯𑀚𑁆𑀚𑀁, 𑀫𑀚𑁆𑀚𑀁, 𑀕𑀫𑁆𑀫𑀁. (𑁪𑁨) ‘‘𑀪𑀼𑀚𑀸𑀦𑁆𑀦𑁂’’, 𑀪𑁄𑀚𑁆𑀚𑁄 𑀑𑀤𑀦𑁄, 𑀪𑁄𑀚𑁆𑀚𑀸 𑀬𑀸𑀕𑀼, 𑀪𑁄𑀕𑁆𑀕𑀫𑀜𑁆𑀜𑀁.
𑁩𑁧. 𑀓𑀺𑀘𑁆𑀘 𑀖𑀘𑁆𑀘 𑀪𑀘𑁆𑀘 𑀪𑀩𑁆𑀩 𑀮𑁂𑀬𑁆𑀬𑀸.
𑀏𑀢𑁂 𑀲𑀤𑁆𑀤𑀸 𑀬𑀧𑁆𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂.
𑀕𑀼𑀢𑀸𑀤𑀻𑀳𑀺 𑀓𑁆𑀭𑀺𑀬𑀢𑁆𑀢𑁂𑀳𑀺 𑀪𑀸𑀯𑀓𑀫𑁆𑀫𑁂𑀲𑀼 𑀬𑀓 𑀳𑁄𑀢𑀺. 𑀕𑀼𑀬𑁆𑀳𑀁, 𑀤𑀼𑀬𑁆𑀳𑀁, 𑀲𑀺𑀲𑁆𑀲𑁄. 𑀲𑀺𑀤𑁆𑀥𑀸 𑀏𑀯𑁂𑀢𑁂 𑀢𑀩𑁆𑀩𑀸𑀤𑀬𑁄 𑀧𑁂𑀲𑀸𑀢𑀺𑀲𑀕𑁆𑀕𑀧𑀢𑁆𑀢𑀓𑀸𑀮𑁂𑀲𑀼𑀧𑀺 𑀕𑀫𑁆𑀬𑀫𑀸𑀦𑁂𑀲𑀼 𑀲𑀸𑀫𑀜𑁆𑀜𑁂𑀦𑀯𑀺𑀥𑀸𑀦𑀢𑁄, 𑀢𑁆𑀯𑀬𑀸 𑀔𑀮𑀼 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀓𑀭𑀡𑀻𑀬𑁄, 𑀓𑀸𑀭𑀺𑀬𑁄, 𑀓𑀺𑀘𑁆𑀘𑁄, 𑀏𑀯𑀁 𑀢𑁆𑀯𑀬𑀸 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀪𑁄𑀢𑀸 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀪𑁄𑀢𑁄 𑀳𑀺 𑀧𑀢𑁆𑀢𑁄 𑀓𑀸𑀮𑁄 𑀓𑀝𑀓𑀭𑀡𑁂. 𑀏𑀯𑀁 𑀉𑀤𑁆𑀥𑀫𑁄𑀳𑀼𑀢𑁆𑀢𑀺𑀓𑁂𑀧𑀺 𑀯𑀢𑁆𑀢𑀫𑀸𑀦𑀢𑁄 𑀧𑁂𑀲𑀸𑀤𑀻𑀲𑀼 𑀲𑀺𑀤𑁆𑀥𑀸 𑀏𑀯. 𑀢𑀣𑀸 𑀅𑀭𑀳𑁂 𑀓𑀢𑁆𑀢𑀭𑀺 𑀲𑀢𑁆𑀢𑀺𑀯𑀺𑀲𑀺𑀝𑁆𑀞𑁂 𑀘 𑀧𑀢𑀻𑀬𑀫𑀸𑀦𑁂 𑀆𑀯𑀲𑁆𑀲𑀓𑀸𑀥𑀫𑀻𑀡𑀢𑀸𑀯𑀺𑀲𑀺𑀝𑁆𑀞𑁂 𑀘 𑀪𑀸𑀯𑀸𑀤𑁄 𑀲𑀺𑀤𑁆𑀥𑀸, 𑀉𑀤𑁆𑀥𑀁𑀫𑀼𑀳𑀼𑀢𑁆𑀢𑀢𑁄-𑀪𑁄𑀢𑀸 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀪𑁄𑀢𑀸 𑀭𑀚𑁆𑀚𑀁 𑀓𑀢𑁆𑀢𑀩𑁆𑀩𑀁. 𑀪𑀯𑀁 𑀅𑀭𑀳𑁄, 𑀪𑁄𑀢𑀸 𑀲𑀸𑀭𑁄 𑀯𑀳𑀺𑀢𑀩𑁆𑀩𑁄, 𑀪𑀯𑀁 𑀲𑀓𑁆𑀓𑁄, 𑀪𑁄𑀢𑀸 𑀅𑀯𑀲𑁆𑀲𑀁 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀪𑁄𑀢𑀸 𑀦𑀺𑀓𑁆𑀔𑁄 𑀤𑀸𑀢𑀩𑁆𑀩𑁄.
𑀓𑀢𑁆𑀢𑀭𑀺 𑀓𑀸𑀭𑀓𑁂 𑀓𑁆𑀭𑀺𑀬𑀢𑁆𑀣𑀸 𑀮𑁆𑀢𑀼𑀡𑀓𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀧𑀞𑀺𑀢𑀸, 𑀧𑀸𑀞𑀓𑁄. 𑀩𑀳𑀼𑀮𑀫𑀺𑀢𑁆𑀯𑁂𑀯? 𑀧𑀸𑀤𑁂𑀳𑀺 𑀳𑀭𑀻𑀬𑀢𑀻𑀢𑀺 𑀧𑀸𑀤𑀳𑀸-𑀭𑀓𑁄 ¶ , 𑀕𑀮𑁂 𑀘𑀼𑀧𑁆𑀧𑀢𑁂𑀢𑀺 𑀕𑀮𑁂𑀘𑁄𑀧𑀓𑁄. 𑀲𑀺𑀤𑁆𑀥𑁄𑀯 𑀮𑁆𑀢𑀼, 𑀅𑀭𑀳𑁂 𑀲𑀻𑀮𑀲𑀸𑀥𑀼𑀥𑀫𑁆𑀫𑁂𑀲𑀼 𑀘 𑀲𑀸𑀫𑀜𑁆𑀜𑀯𑀺𑀳𑀺𑀢𑀢𑁆𑀢𑀸, 𑀪𑀯𑀁 𑀔𑀮𑀼 𑀓𑀜𑁆𑀜𑀸𑀬 𑀧𑀭𑀺𑀕𑁆𑀕𑀳𑀺𑀢𑀸, 𑀪𑀯𑀫𑁂𑀢𑀁 𑀅𑀭𑀳𑀢𑀺. 𑀲𑀻𑀮𑀸𑀤𑀻𑀲𑀼-𑀔𑀮𑁆𑀯𑀧𑀺 𑀉𑀧𑀸𑀤𑀸𑀢𑀸 𑀓𑀼𑀫𑀸𑀭𑀓𑁂, 𑀕𑀦𑁆𑀢𑀸 𑀔𑁂𑀮𑀁, 𑀫𑀼𑀡𑁆𑀟𑀬𑀺𑀢𑀸𑀭𑁄 𑀲𑀸𑀯𑀺𑀝𑁆𑀞𑀸𑀬𑀦𑀸 𑀯𑀥𑀼𑀁 𑀓𑀢𑀧𑀭𑀺𑀕𑁆𑀕𑀳𑀁.
𑀓𑁆𑀭𑀺𑀬𑀢𑁆𑀣𑀸 𑀆𑀯𑀻 𑀳𑁄𑀢𑀺 𑀩𑀳𑀼𑀮𑀁 𑀓𑀢𑁆𑀢𑀭𑀺. 𑀪𑀬𑀤𑀲𑁆𑀲𑀸𑀯𑀻. 𑀅𑀧𑁆𑀧𑀯𑀺𑀲𑀬𑀢𑀜𑁆𑀜𑀸𑀧𑀦𑀢𑁆𑀣𑀁 𑀪𑀺𑀦𑁆𑀦𑀬𑁄𑀕𑀓𑀭𑀡𑀁, 𑀲𑀸𑀫𑀜𑁆𑀜𑀯𑀺𑀳𑀺𑀢𑀢𑁆𑀢𑀸 𑀲𑀻𑀮𑀸 𑀤𑀻𑀲𑀼 𑀘 𑀳𑁄𑀢𑁂𑀯.
𑀆𑀲𑀺𑀁𑀲𑀸𑀬𑀁 𑀕𑀫𑁆𑀬𑀫𑀸𑀦𑀸𑀬𑀁 𑀓𑁆𑀭𑀺𑀬𑀢𑁆𑀣𑀸 𑀅𑀓𑁄 𑀳𑁄𑀢𑀺 𑀓𑀢𑁆𑀢𑀭𑀺. 𑀚𑀻𑀯𑀢𑀽𑀢𑀺 𑀚𑀻𑀯𑀓𑁄, 𑀦𑀦𑁆𑀤𑀢𑀽𑀢𑀺 𑀦𑀦𑁆𑀤𑀓𑁄, 𑀪𑀯𑀢𑀽𑀢𑀺 𑀪𑀯𑀓𑁄.
𑀓𑀭𑀢𑁄 𑀓𑀢𑁆𑀢𑀭𑀺 𑀡𑀦𑁄 𑀳𑁄𑀢𑀺. 𑀓𑀭𑁄𑀢𑀻𑀢𑀺 𑀓𑀸𑀭𑀡𑀁, 𑀓𑀢𑁆𑀢𑀭𑀻𑀢𑀺 𑀓𑀺𑀁? 𑀓𑀭𑀡𑀁.
𑀳𑀸𑀢𑁄 𑀯𑀻𑀳𑀺𑀲𑁆𑀫𑀺𑀁 𑀓𑀸𑀮𑁂 𑀘 𑀡𑀦𑁄 𑀳𑁄𑀢𑀺 𑀓𑀢𑁆𑀢𑀭𑀺. 𑀳𑀸𑀬𑀦𑀸 𑀦𑀸𑀫 𑀯𑀺𑀳𑀬𑁄, 𑀳𑀸𑀬𑀦𑁄 𑀲𑀁𑀯𑀘𑁆𑀙𑀭𑁄, 𑀯𑀻𑀳𑀺𑀓𑀸𑀮𑁂𑀲𑀽𑀢𑀺 𑀓𑀺𑀁? 𑀳𑀸𑀢𑀸.
𑀯𑀺𑀤𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀯𑀺𑀤𑀽, 𑀮𑁄𑀓𑀯𑀺𑀤𑀽.
𑀯𑀺𑀧𑀼𑀩𑁆𑀩𑀸 ¶ 𑀜𑀸𑀇𑀘𑁆𑀘𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀯𑀺𑀜𑁆𑀜𑀽. 𑀯𑀺𑀢𑁄𑀢𑀺 𑀓𑀺𑀁? 𑀧𑀜𑁆𑀜𑀸.
𑀓𑀫𑁆𑀫𑀢𑁄 𑀧𑀭𑀸 𑀜𑀸𑀇𑀘𑁆𑀘𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀲𑀩𑁆𑀩𑀜𑁆𑀜𑀽, 𑀓𑀸𑀮𑀜𑁆𑀜𑀽.
𑀓𑀫𑁆𑀫𑀢𑁄 𑀧𑀭𑀸 𑀓𑁆𑀭𑀺𑀬𑀢𑁆𑀣𑀸 𑀓𑁆𑀯𑀘𑀺 𑀅𑀡 𑀳𑁄𑀢𑀺 𑀓𑀢𑁆𑀢𑀭𑀺. 𑀓𑀼𑀫𑁆𑀪𑀓𑀸𑀭𑁄, 𑀲𑀭𑀮𑀸𑀯𑁄, 𑀫𑀦𑁆𑀢𑀚𑁆𑀛𑀸𑀬𑁄, 𑀩𑀳𑀼𑀮𑀸𑀥𑀺𑀓𑀸𑀭𑀸 𑀇𑀥 𑀦 𑀳𑁄𑀢𑀺 𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺, 𑀳𑀺𑀫𑀯𑀦𑁆𑀢𑀁 𑀲𑀼𑀡𑁄𑀢𑀺, 𑀕𑀸𑀫𑀁 𑀕𑀘𑁆𑀙𑀢𑀺. 𑀓𑁆𑀯𑀘𑀻𑀢𑀺 𑀓𑀺𑀁? 𑀓𑀫𑁆𑀫𑀓𑀭𑁄.
𑀓𑀫𑁆𑀫𑀢𑁄 𑀧𑀭𑀸 𑀕𑀫𑀸 𑀭𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀯𑁂𑀤𑀕𑀽 𑀧𑀸𑀭𑀕𑀽.
𑁪𑁩. 𑀲𑀫𑀸𑀦𑀜𑁆𑀜 𑀪𑀯𑀦𑁆𑀢 𑀬𑀸𑀤𑀺𑀢𑀽-𑀧𑀫𑀸𑀦𑀸 𑀤𑀺𑀲𑀸 𑀓𑀫𑁆𑀫𑁂 𑀭𑀻𑀭𑀺𑀓𑁆𑀔𑀓𑀸.
𑀲𑀫𑀸𑀦𑀸𑀤𑀻𑀳𑀺 𑀬𑀸𑀤𑀻𑀳𑀺 𑀘𑁄𑀧𑀫𑀸𑀦𑁂𑀳𑀺 𑀧𑀭𑀸 𑀤𑀺𑀲𑀸 𑀓𑀫𑁆𑀫𑀓𑀸𑀭𑀓𑁂 𑀭𑀻𑀭𑀺𑀓𑁆𑀔𑀓𑀸 𑀳𑁄𑀦𑁆𑀢𑀺. 𑀲𑀫𑀸𑀦𑁄 𑀯𑀺𑀬 𑀤𑀺𑀲𑁆𑀲𑀢𑀻𑀢𑀺 𑀲𑀤𑀻 𑀲𑀤𑀺𑀓𑁆𑀔𑁄 𑀲𑀤𑀺𑀲𑁄. 𑀅𑀜𑁆𑀜𑀸𑀤𑀻 𑀅𑀜𑁆𑀜𑀸𑀤𑀺𑀓𑁆𑀔𑁄 𑀅𑀜𑁆𑀜𑀸𑀤𑀺𑀲𑁄. 𑀪𑀯𑀸𑀤𑀻 𑀪𑀯𑀸𑀤𑀺𑀓𑁆𑀔𑁄 𑀪𑀯𑀸𑀤𑀺𑀲𑁄. 𑀬𑀸𑀤𑀻 𑀬𑀸𑀤𑀺𑀓𑁆𑀔𑁄 𑀬𑀸𑀤𑀺𑀲𑁄. 𑀢𑁆𑀬𑀸𑀤𑀻 𑀢𑁆𑀬𑀸𑀤𑀺𑀓𑁆𑀔𑁄 𑀢𑁆𑀬𑀸𑀤𑀺𑀲𑁄. 𑀲𑀫𑀸𑀦𑀸𑀤𑀻𑀳𑀻𑀢𑀺 𑀓𑀺𑀁? 𑀭𑀼𑀓𑁆𑀔𑁄 𑀯𑀺𑀬 𑀤𑀺𑀲𑁆𑀲𑀢𑀺. 𑀉𑀧𑀫𑀸𑀦𑀸𑀢𑀺 𑀓𑀺𑀁? 𑀲𑁄 𑀤𑀺𑀲𑁆𑀲𑀢𑀺. 𑀓𑀫𑁆𑀫𑁂𑀢𑀺 𑀓𑀺𑀁? 𑀲𑁄 ¶ 𑀯𑀺𑀬 𑀧𑀲𑁆𑀲𑀢𑀺. 𑀭𑀓𑀸𑀭𑀸 𑀅𑀦𑁆𑀢𑀲𑀭𑀸𑀤𑀺𑀮𑁄𑀧𑀢𑁆𑀣𑀸, 𑀓𑀓𑀸𑀭𑁄 𑀏𑀓𑀸𑀭𑀸𑀪𑀸𑀯𑀢𑁆𑀣𑁄.
𑀪𑀸𑀯𑁂 𑀓𑀸𑀭𑀓𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀅 𑀖𑀡 𑀖 𑀓𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀅-𑀧𑀕𑁆𑀕𑀳𑁄, 𑀦𑀺𑀕𑁆𑀕𑀳𑁄, 𑀓𑀭𑁄, 𑀕𑀭𑁄, 𑀘𑀬𑁄, 𑀚𑀬𑁄, 𑀭𑀯𑁄, 𑀪𑀯𑁄, 𑀧𑀘𑁄, 𑀯𑀘𑁄, 𑀅𑀦𑁆𑀦𑀤𑁄, 𑀧𑀼𑀭𑀺𑀦𑁆𑀤𑀤𑁄, 𑀈𑀲𑀓𑁆𑀓𑀭𑁄, 𑀤𑀼𑀓𑁆𑀓𑀭𑁄, 𑀲𑀼𑀓𑀭𑁄. 𑀖𑀡-𑀪𑀸𑀯𑁂 𑀧𑀸𑀓𑁄, 𑀘𑀸𑀕𑁄, 𑀪𑀸𑀯𑁄, 𑀓𑀸𑀭𑀓𑁂𑀧𑀺 𑀲𑀜𑁆𑀜𑀸𑀬𑀁 𑀢𑀸𑀯 𑀧𑀚𑁆𑀚𑀢𑁂𑀦𑁂𑀦𑀸𑀢𑀺 𑀧𑀸𑀤𑁄, 𑀭𑀼𑀚𑀢𑀻𑀢𑀺 𑀭𑁄𑀕𑁄, 𑀯𑀺𑀲𑀢𑀻𑀢𑀺 𑀯𑁂𑀲𑁄, 𑀲𑀭𑀢𑀺 𑀓𑀸𑀮𑀦𑁆𑀢𑀭𑀦𑁆𑀢𑀺 𑀲𑀸𑀭𑁄 𑀣𑀺𑀭𑀁𑀲𑁄, 𑀤𑀭𑀻𑀬𑀦𑁆𑀢𑁂 𑀏𑀢𑁂𑀳𑀻𑀢𑀺 𑀤𑀸𑀭𑀸, 𑀚𑀻𑀭𑀬𑀢𑀺 𑀏𑀢𑁂𑀦𑀸𑀢𑀺 𑀚𑀸𑀭𑁄, 𑀅𑀲𑀜𑁆𑀜𑀸𑀬𑀫𑁆𑀧𑀺 𑀤𑀸𑀬𑁄 𑀤𑀢𑁆𑀢𑁄, 𑀮𑀸𑀪𑁄 𑀮𑀤𑁆𑀥𑁄, 𑀖-𑀯𑀓𑁄, 𑀦𑀺𑀧𑀓𑁄, 𑀓-𑀧𑀺𑀬𑁄, 𑀔𑀺𑀧𑁄, 𑀪𑀼𑀚𑁄, 𑀆𑀬𑀼𑀥𑀁.
𑀤𑀸𑀥𑀸𑀳𑀺 𑀩𑀳𑀼𑀮𑀫𑀺 𑀳𑁄𑀢𑀺 𑀪𑀸𑀯𑀓𑀸𑀭𑀓𑁂𑀲𑀼. 𑀆𑀤𑀺, 𑀦𑀺𑀥𑀺, 𑀯𑀸𑀮𑀫𑀺.
𑀯𑀫𑀸𑀤𑀻𑀳𑀺 𑀪𑀸𑀯𑀓𑀸𑀭𑀓𑁂𑀲𑁆𑀯𑀣𑀼 𑀳𑁄𑀢𑀺. 𑀯𑀫𑀣𑀼, 𑀯𑁂𑀧𑀣𑀼, (𑀅𑀯𑀣𑀼, 𑀲𑀬𑀣𑀼).
𑀓𑁆𑀭𑀺𑀬𑀢𑁆𑀣𑀸 ¶ 𑀓𑁆𑀯𑀺 𑀳𑁄𑀢𑀺 𑀩𑀳𑀼𑀮𑀁 𑀪𑀸𑀯𑀓𑀸𑀭𑀓𑁂𑀲𑀼. 𑀓𑀓𑀸𑀭𑁄 𑀓𑀸𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄, 𑀅𑀪𑀺𑀪𑀽, 𑀲𑀬𑀫𑁆𑀪𑀽, 𑀪𑀢𑁆𑀢𑀕𑁆𑀕𑀁, (𑀤𑀸𑀦𑀕𑁆𑀕𑀁) 𑀲𑀮𑀸𑀓𑀕𑁆𑀕𑀁, 𑀲𑀪𑀸, 𑀧𑀪𑀸.
𑀓𑁆𑀭𑀺𑀬𑀢𑁆𑀢𑀸 𑀪𑀸𑀯𑀓𑀸𑀭𑀓𑁂𑀲𑁆𑀯𑀦𑁄 𑀳𑁄𑀢𑀺. 𑀕𑀫𑀦𑀁, 𑀤𑀸𑀦𑀁, 𑀲𑀫𑁆𑀧𑀤𑀸𑀦𑀁, 𑀅𑀧𑀸𑀤𑀸𑀦𑀁, 𑀅𑀥𑀺𑀓𑀭𑀡𑀁, 𑀘𑀮𑀦𑁄, 𑀚𑀮𑀦𑁄, 𑀓𑁄𑀥𑀦𑁄, 𑀓𑁄𑀧𑀦𑁄, 𑀫𑀡𑁆𑀟𑀦𑁄, 𑀪𑀽𑀲𑀦𑁄.
𑀇𑀢𑁆𑀣𑀺𑀮𑀺𑀗𑁆𑀕𑁂 𑀪𑀸𑀯𑁂 𑀓𑀸𑀭𑀓𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀅𑀆𑀤𑀬𑁄 𑀳𑁄𑀦𑁆𑀢𑀺 𑀅𑀦𑁄 𑀘 𑀩𑀳𑀼𑀮𑀁. 𑀅 𑀢𑀺𑀢𑀺𑀓𑁆𑀔𑀸, 𑀯𑀻𑀫𑀁𑀲𑀸, 𑀚𑀺𑀕𑀼𑀘𑁆𑀙𑀸, 𑀧𑀺𑀧𑀸𑀲𑀸, 𑀧𑀼𑀢𑁆𑀢𑀺𑀬𑀸 𑀈𑀳𑀸 𑀪𑀺𑀓𑁆𑀔𑀸, 𑀆𑀧𑀤𑀸, 𑀫𑁂𑀥𑀸, 𑀕𑁄𑀥𑀸, 𑀡𑀓𑀸𑀭𑀸, 𑀳𑀸𑀭𑀸, 𑀢𑀸𑀭𑀸, 𑀥𑀸𑀭𑀸, 𑀆𑀭𑀸, 𑀓𑁆𑀢𑀺-𑀇𑀝𑁆𑀞𑀺, 𑀲𑀺𑀝𑁆𑀞𑀺, 𑀪𑀺𑀢𑁆𑀢𑀺, 𑀪𑀢𑁆𑀢𑀺, 𑀢𑀦𑁆𑀢𑀺 𑀪𑀽𑀢𑀺, 𑀓-𑀕𑀼𑀳𑀸, 𑀭𑀼𑀚𑀸, 𑀫𑀼𑀤𑀸, 𑀬𑀓-𑀯𑀺𑀚𑁆𑀚𑀸, 𑀇𑀚𑁆𑀚𑀸, 𑀬-𑀲𑁂𑀬𑁆𑀬𑀸, 𑀲𑀫𑀚𑁆𑀚𑀸, 𑀧𑀩𑁆𑀩𑀚𑁆𑀚𑀸, 𑀧𑀭𑀺𑀘𑀭𑀺𑀬𑀸, 𑀚𑀸𑀕𑀭𑀺𑀬𑀸, 𑀅𑀦𑀓𑀸𑀭𑀡𑀸, 𑀳𑀸𑀭𑀡𑀸, 𑀯𑁂𑀤𑀦𑀸, 𑀯𑀦𑁆𑀤𑀦𑀸, 𑀉𑀧𑀸𑀲𑀦𑀸.
𑀚𑀸𑀳𑀸𑀇𑀘𑁆𑀘𑁂𑀢𑁂𑀳𑀺 𑀦𑀺 𑀳𑁄𑀢𑀺𑀢𑁆𑀣𑀺𑀬𑀁. 𑀚𑀸𑀦𑀺, 𑀳𑀸𑀦𑀺.
𑀓𑀭𑀢𑁄 𑀭𑀺𑀭𑀺𑀬𑁄 𑀳𑁄𑀢𑀺𑀢𑁆𑀣𑀺𑀬𑀁. 𑀓𑀭𑀡𑀁 𑀓𑀺𑀭𑀺𑀬𑀸. 𑀓𑀣𑀁 ‘𑀓𑁆𑀭𑀺𑀬𑀸’𑀢𑀺? ‘‘𑀓𑁆𑀭𑀺𑀬𑀸𑀬𑀁’’𑀢𑀺 𑀦𑀺𑀧𑀸𑀢𑀦𑀸.
𑀓𑁆𑀭𑀺𑀬𑀢𑁆𑀣𑀲𑁆𑀲 ¶ 𑀲𑀭𑀽𑀧𑁂-𑀪𑀺𑀥𑁂𑀬𑁆𑀬𑁂 𑀓𑁆𑀭𑀺𑀬𑀢𑁆𑀣𑀸 𑀧𑀭𑁂 𑀇𑀓𑀺𑀢𑀻 𑀳𑁄𑀦𑁆𑀢𑀺, 𑀯𑀘𑀺, 𑀬𑀼𑀥𑀺, 𑀧𑀘𑀢𑀺, ‘𑀅𑀓𑀸𑀭𑁄 𑀓𑀓𑀸𑀭𑁄’𑀢𑀺 𑀆𑀤𑀻𑀲𑀼 𑀓𑀸𑀭𑀲𑀤𑁆𑀤𑁂𑀦 𑀲𑀫𑀸𑀲𑁄, 𑀬𑀣𑀸 𑀏𑀯𑀓𑀸𑀭𑁄𑀢𑀺.
𑁫𑁩. 𑀲𑀻𑀮𑀸𑀪𑀺𑀓𑁆𑀔𑀜𑁆𑀜𑀸-𑀯𑀲𑁆𑀲𑀓𑁂𑀲𑀼 𑀡𑀻.
𑀓𑁆𑀭𑀺𑀬𑀢𑁆𑀣𑀸 𑀡𑀻 𑀳𑁄𑀢𑀺 𑀲𑀻𑀮𑀸𑀤𑀻𑀲𑀼 𑀧𑀢𑀻𑀬𑀫𑀸𑀦𑁂𑀲𑀼, 𑀉𑀡𑁆𑀳𑀪𑁄𑀚𑀻, 𑀔𑀻𑀭𑀧𑀸𑀬𑀻, 𑀅𑀯𑀲𑁆𑀲𑀓𑀸𑀭𑀻, 𑀲𑀢𑀦𑁆𑀤𑀸𑀬𑀻.
𑁫𑁪. 𑀣𑀸𑀯𑀭𑀺𑀢𑁆𑀢𑀭 𑀪𑀗𑁆𑀕𑀼𑀭 𑀪𑀺𑀤𑀼𑀭 𑀪𑀸𑀲𑀼𑀭 𑀪𑀲𑁆𑀲𑀭𑀸.
𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂 𑀲𑀻𑀮𑁂 𑀕𑀫𑁆𑀬𑀫𑀸𑀦𑁂.
𑁫𑁫. 𑀓𑀢𑁆𑀢𑀭𑀺 𑀪𑀽𑀢𑁂 𑀓𑁆𑀢𑀯𑀦𑁆𑀢𑀼 𑀓𑁆𑀢𑀸𑀯𑀻.
𑀪𑀽𑀢𑁂-𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀓𑁆𑀢𑀯𑀦𑁆𑀢𑀼𑀢𑁆𑀢𑀸𑀯𑀻 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺. 𑀯𑀺𑀚𑀺𑀢𑀯𑀸, 𑀯𑀺𑀚𑀺𑀢𑀸𑀯𑀻, 𑀪𑀽𑀢𑁂𑀢𑀺 𑀅𑀥𑀺𑀓𑀸𑀭𑁄 𑀬𑀸𑀯 ‘‘𑀆𑀳𑀸𑀭𑀢𑁆𑀣𑀸’’𑀢𑀺 (𑁫-𑁬𑁦).
𑀪𑀸𑀯𑁂 𑀓𑀫𑁆𑀫𑁂 𑀘 𑀪𑀽𑀢𑁂 𑀓𑁆𑀢𑁄 𑀳𑁄𑀢𑀺. 𑀆𑀲𑀺𑀢𑀁 𑀪𑀯𑀢𑀸. 𑀓𑀢𑁄 𑀓𑀝𑁄 𑀪𑀯𑀢𑀸.
𑀓𑁆𑀭𑀺𑀬𑀸𑀭𑀫𑁆𑀪𑁂 𑀓𑀢𑁆𑀢𑀭𑀺 𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘. 𑀧𑀓𑀢𑁄 𑀪𑀯𑀁 𑀓𑀝𑀁, 𑀧𑀓𑀢𑁄 𑀓𑀝𑁄 𑀪𑀯𑀢𑀸, 𑀧𑀲𑀼𑀢𑁆𑀢𑁄 𑀪𑀯𑀁, 𑀧𑀲𑀼𑀢𑁆𑀢𑀁 𑀪𑀯𑀢𑀸.
𑁫𑁮. 𑀞𑀸-𑀲 𑀯𑀲 𑀲𑀺𑀮𑀺𑀲 𑀲𑀻 𑀭𑀼𑀳 𑀚𑀭 𑀚𑀦𑀻𑀳𑀺.
𑀞𑀸𑀤𑀻𑀳𑀺 ¶ 𑀓𑀢𑁆𑀢𑀭𑀺 𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘. 𑀉𑀧𑀝𑁆𑀞𑀺𑀢𑁄 𑀕𑀼𑀭𑀼𑀁 𑀪𑀯𑀁, 𑀉𑀧𑀝𑁆𑀞𑀺𑀢𑁄 𑀕𑀼𑀭𑀼 𑀪𑁄𑀢𑀸, 𑀉𑀧𑀸𑀲𑀺𑀢𑁄 𑀕𑀼𑀭𑀼𑀁 𑀪𑀯𑀁, 𑀉𑀧𑀸𑀲𑀺𑀢𑁄 𑀕𑀼𑀭𑀼 𑀪𑁄𑀢𑀸, 𑀅𑀦𑀼𑀯𑀼𑀲𑀺𑀢𑁄 𑀕𑀼𑀭𑀼𑀁 𑀪𑀯𑀁, 𑀅𑀦𑀼𑀯𑀼𑀲𑀺𑀢𑁄 𑀕𑀼𑀭𑀼 𑀪𑁄𑀢𑀸, 𑀆𑀲𑀺𑀮𑀺𑀝𑁆𑀞𑁄 𑀕𑀼𑀭𑀼𑀁 𑀪𑀯𑀁, 𑀆𑀲𑀺𑀮𑀺𑀝𑁆𑀞𑁄 𑀕𑀼𑀭𑀼 𑀪𑁄𑀢𑀸, 𑀅𑀥𑀺𑀲𑁆𑀲𑀺𑀢𑁄 𑀔𑀝𑁄𑀧𑀺𑀓𑀁 𑀪𑀯𑀁, 𑀅𑀥𑀺𑀲𑁆𑀲𑀺𑀢𑀸 𑀔𑀝𑁄𑀧𑀺𑀓𑀸 𑀪𑁄𑀢𑀸, 𑀆𑀭𑀴𑁆𑀳𑁄 𑀭𑀼𑀓𑁆𑀔𑀁 𑀪𑀯𑀁, 𑀆𑀭𑀼𑀴𑁆𑀳𑁄 𑀭𑀼𑀓𑁆𑀔𑁄 𑀪𑁄𑀢𑀸, 𑀅𑀦𑀼𑀚𑀺𑀡𑁆𑀡𑁄 𑀯𑀲𑀮𑀺𑀁 𑀤𑁂𑀯𑀤𑀢𑁆𑀢𑁄, 𑀅𑀦𑀼𑀚𑀺𑀡𑁆𑀡𑀸 𑀯𑀲𑀮𑀻 𑀤𑁂𑀯𑀤𑀢𑁆𑀢𑁂𑀦, 𑀅𑀦𑀼𑀚𑀸𑀢𑁄 𑀫𑀸𑀡𑀯𑀓𑁄 𑀫𑀸𑀡𑀯𑀺𑀓𑀁, 𑀅𑀦𑀼𑀚𑀸𑀢𑀸 𑀫𑀸𑀡𑀯𑀺𑀓𑀸 𑀫𑀸𑀡𑀯𑀓𑁂𑀦.
𑀕𑀫𑀦𑀢𑁆𑀣𑀢𑁄 𑀅𑀓𑀫𑁆𑀫𑀓𑀢𑁄 𑀘 𑀓𑁆𑀭𑀺𑀬𑀢𑁆𑀣𑀸 𑀆𑀥𑀸𑀭𑁂 𑀓𑁆𑀢𑁄 𑀳𑁄𑀢𑀺 𑀓𑀢𑁆𑀢𑀭𑀺 𑀘 𑀬𑀣𑀸𑀧𑀢𑁆𑀢𑀜𑁆𑀘, 𑀇𑀤𑀫𑁂𑀲𑀁 𑀬𑀸𑀢𑀁, 𑀇𑀳 𑀢𑁂 𑀬𑀸𑀢𑀸, 𑀇𑀳 𑀢𑁂𑀳𑀺 𑀬𑀸𑀢𑀁, 𑀅𑀬𑀁 𑀢𑁂𑀳𑀺 𑀬𑀸𑀢𑁄 𑀧𑀣𑁄, 𑀇𑀤𑀫𑁂𑀲𑀫𑀸𑀲𑀺𑀢𑀁, 𑀇𑀳 𑀢𑁂 𑀆𑀲𑀺𑀢𑀸, 𑀇𑀳𑀢𑁂𑀳𑀺 𑀆𑀲𑀺𑀢𑀁, ‘𑀤𑁂𑀯𑁄 𑀘𑁂 𑀯𑀼𑀝𑁆𑀞𑁄 𑀲𑀫𑁆𑀧𑀦𑁆𑀦𑀸 𑀲𑀸𑀮𑀬𑁄’𑀢𑀺 𑀓𑀸𑀭𑀡𑀲𑀸𑀫𑀕𑁆𑀕𑀻𑀲𑀫𑁆𑀧𑀢𑁆𑀢𑀺 𑀏𑀢𑁆𑀣𑀸𑀪𑀺𑀫𑀢𑀸.
𑀅𑀚𑁆𑀛𑁄𑀳𑀸𑀭𑀢𑁆𑀣𑀸 𑀆𑀥𑀸𑀭𑁂 𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘, 𑀇𑀤𑀫𑁂𑀲𑀁 𑀪𑀼𑀢𑁆𑀢𑀁, 𑀇𑀤𑀫𑁂𑀲𑀁 𑀧𑀻𑀢𑀁, 𑀇𑀳 𑀢𑁂𑀳𑀺 𑀪𑀼𑀢𑁆𑀢𑀁, 𑀇𑀳 𑀢𑁂𑀳𑀺 𑀧𑀻𑀢𑀁, 𑀑𑀤𑀦𑁄 𑀢𑁂𑀳𑀺 𑀪𑀼𑀢𑁆𑀢𑁄 𑀧𑀻𑀢𑀫𑀼𑀤𑀓𑀁, 𑀅𑀓𑀢𑁆𑀢𑀢𑁆𑀣𑁄 𑀬𑁄𑀕𑀯𑀺𑀪𑀸𑀕𑁄, 𑀓𑀣𑀁 ‘𑀧𑀻𑀢𑀸 𑀕𑀸𑀯𑁄’𑀢𑀺? 𑀧𑀻𑀢𑀫𑁂𑀲𑀁 𑀯𑀺𑀚𑁆𑀚𑀢𑀻𑀢𑀺 𑀧𑀻𑀢𑀸, 𑀩𑀸𑀳𑀼𑀮𑀓𑀸 𑀯𑀸, ‘𑀧𑀲𑁆𑀲𑀺𑀦𑁆𑀦𑁄’𑀢𑀺 𑀬𑀸 𑀏𑀢𑁆𑀣 𑀪𑀽𑀢𑀓𑀸𑀮𑀢𑀸, 𑀢𑀢𑁆𑀭 𑀢𑁆𑀢𑁄, 𑀏𑀯𑀁 𑀭𑀜𑁆𑀜𑀁 𑀫𑀢𑁄 𑀭𑀜𑁆𑀜𑀁 𑀇𑀝𑁆𑀞𑁄, 𑀭𑀜𑁆𑀜𑀁 𑀩𑀼𑀤𑁆𑀥𑁄, 𑀭𑀜𑁆𑀜𑀁 𑀧𑀽𑀚𑀺𑀢𑁄, 𑀏𑀯𑀁 ¶ 𑀲𑀻𑀮𑀺𑀢𑁄, 𑀭𑀓𑁆𑀔𑀺𑀢𑁄, 𑀔𑀦𑁆𑀢𑁄, 𑀆𑀓𑀼𑀝𑁆𑀞𑁄, 𑀭𑀼𑀝𑁆𑀞𑁄, 𑀭𑀼𑀲𑀺𑀢𑁄, 𑀅𑀪𑀺𑀩𑁆𑀬𑀸𑀳𑀝𑁄, 𑀤𑀬𑀺𑀬𑁄, 𑀳𑀝𑁆𑀞𑁄, 𑀓𑀦𑁆𑀢𑀸, 𑀲𑀁𑀬𑀢𑁄, 𑀅𑀫𑀢𑁄, ‘𑀓𑀝𑁆𑀞’𑀦𑁆𑀢𑀺 𑀪𑀽𑀢𑀢𑀸𑀬𑀫𑁂𑀯 𑀳𑁂𑀢𑀼𑀦𑁄, 𑀨𑀮𑀁 𑀢𑁆𑀯𑀢𑁆𑀭 𑀪𑀸𑀯𑀺.
𑁬𑁧. 𑀢𑀼𑀁 𑀢𑀸𑀬𑁂 𑀢𑀯𑁂 𑀪𑀸𑀯𑁂 𑀪𑀯𑀺𑀲𑁆𑀲𑀢𑀺 𑀓𑁆𑀭𑀺𑀬𑀸𑀬𑀁 𑀢𑀤𑀢𑁆𑀣𑀸𑀬.
𑀪𑀯𑀺𑀲𑁆𑀲𑀢𑀺 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀪𑀸𑀯𑁂 𑀢𑀼𑀁 𑀢𑀸𑀬𑁂 𑀢𑀯𑁂 𑀳𑁄𑀦𑁆𑀢𑀺 𑀓𑁆𑀭𑀺𑀬𑀸𑀬𑀁 𑀢𑀤𑀢𑁆𑀣𑀸𑀬𑀁 𑀧𑀢𑀻𑀬𑀫𑀸𑀦𑀸𑀬𑀁. 𑀓𑀸𑀢𑀼𑀁 𑀕𑀘𑁆𑀙𑀢𑀺, 𑀓𑀢𑁆𑀢𑀸𑀬𑁂 𑀕𑀘𑁆𑀙𑀢𑀺, 𑀓𑀸𑀢𑀯𑁂 𑀕𑀘𑁆𑀙𑀢𑀺, 𑀇𑀘𑁆𑀙𑀢𑀺 𑀪𑁄𑀢𑁆𑀢𑀼𑀁 𑀓𑀸𑀫𑁂𑀢𑀺 𑀪𑁄𑀢𑁆𑀢𑀼𑀦𑁆𑀢𑀺 𑀇𑀫𑀻𑀦𑀸𑀯 𑀲𑀺𑀤𑁆𑀥𑀁, 𑀧𑀼𑀦𑀩𑁆𑀩𑀺𑀥𑀸𑀦𑁂 𑀢𑁆𑀯𑀺𑀳𑀸𑀧𑀺 𑀲𑀺𑀬𑀸 ‘𑀇𑀘𑁆𑀙𑀦𑁆𑀢𑁄 𑀓𑀭𑁄𑀢𑀻’𑀢𑀺, 𑀏𑀯𑀁 𑀲𑀓𑁆𑀓𑁄𑀢𑀺 𑀪𑁄𑀢𑁆𑀢𑀼𑀁, 𑀚𑀸𑀦𑀸𑀢𑀺 𑀪𑁄𑀢𑁆𑀢𑀼𑀁, 𑀕𑀺𑀮𑀸𑀬𑀢𑀺 𑀪𑁄𑀢𑁆𑀢𑀼𑀁, 𑀖𑀝𑀢𑁂 𑀪𑁄𑀢𑁆𑀢𑀼𑀁, 𑀆𑀭𑀪𑀢𑁂 𑀪𑁄𑀢𑁆𑀢𑀼𑀁, 𑀮𑀪𑀢𑁂 𑀪𑁄𑀢𑁆𑀢𑀼𑀁, 𑀧𑀓𑁆𑀓𑀫𑀢𑀺 𑀪𑁄𑀢𑁆𑀢𑀼𑀁, 𑀉𑀲𑁆𑀲𑀳𑀢𑀺 𑀪𑁄𑀢𑁆𑀢𑀼𑀁, 𑀅𑀭𑀳𑀢𑀺 𑀪𑁄𑀢𑁆𑀢𑀼𑀁, 𑀅𑀢𑁆𑀣𑀺 𑀪𑁄𑀢𑁆𑀢𑀼𑀁, 𑀯𑀺𑀚𑁆𑀚𑀢𑀺 𑀪𑁄𑀢𑁆𑀢𑀼𑀁, 𑀯𑀝𑁆𑀝 𑀢𑀺𑀪𑁄𑀢𑁆𑀢𑀼𑀁, 𑀓𑀧𑁆𑀧𑀢𑀺 𑀪𑁄𑀢𑁆𑀢𑀼𑀦𑁆𑀢𑀺. 𑀢𑀣𑀸 𑀧𑀸𑀭𑀬𑀢𑀺 𑀪𑁄𑀢𑁆𑀢𑀼𑀁, 𑀧𑀳𑀼 𑀪𑁄𑀢𑁆𑀢𑀼𑀁, 𑀲𑀫𑀢𑁆𑀣𑁄 𑀪𑁄𑀢𑁆𑀢𑀼𑀁, 𑀧𑀭𑀺𑀬𑀢𑁆𑀢𑁄 𑀪𑁄𑀢𑁆𑀢𑀼𑀁, 𑀅𑀮𑀁 𑀪𑁄𑀢𑁆𑀢𑀼𑀦𑁆𑀢𑀺 𑀪𑀯𑀢𑀺𑀲𑁆𑀲 𑀲𑀩𑁆𑀩𑀢𑁆𑀣 𑀲𑀫𑁆𑀪𑀯𑀸. 𑀢𑀣𑀸 𑀓𑀸𑀮𑁄 𑀪𑁄𑀢𑁆𑀢𑀼𑀁. 𑀲𑀫𑀬𑁄 𑀪𑁄𑀢𑀼𑀁, 𑀯𑁂𑀮𑀸 𑀪𑁄𑀢𑀼𑀦𑁆𑀢𑀺, 𑀬𑀣𑀸 𑀪𑁄𑀢𑁆𑀢𑀼𑀁𑀫𑀦𑁄, 𑀲𑁄𑀢𑁆𑀢𑀼𑀁 𑀲𑁄𑀢𑁄, 𑀤𑀝𑁆𑀞𑀼𑀁 𑀘𑀓𑁆𑀔𑀼, 𑀬𑀼𑀚𑁆𑀛𑀺𑀢𑀼𑀁 𑀥𑀦𑀼, 𑀯𑀢𑁆𑀢𑀼𑀁 𑀚𑀴𑁄, 𑀕𑀦𑁆𑀢𑀼𑀫𑀦𑁄, 𑀓𑀢𑁆𑀢𑀼𑀫𑀮𑀲𑁄𑀢𑀺, 𑀉𑀘𑁆𑀘𑀸𑀭𑀡𑀦𑁆𑀢𑀼 𑀯𑀢𑁆𑀢𑀸𑀬𑀢𑁆𑀢𑀁. 𑀪𑀸𑀯𑁂𑀢𑀺 𑀓𑀺𑀁? 𑀓𑀭𑀺𑀲𑁆𑀲𑀸𑀫𑀻𑀢𑀺 𑀕𑀘𑁆𑀙𑀢𑀺, 𑀓𑁆𑀭𑀺𑀬𑀸𑀬𑀦𑁆𑀢𑀺 𑀓𑀺𑀁? 𑀪𑀺𑀓𑁆𑀔𑀺𑀲𑁆𑀲𑀁 𑀇𑀘𑁆𑀘𑀲𑁆𑀲 𑀚𑀝𑀸, 𑀢𑀤𑀢𑁆𑀣𑀸𑀬𑀦𑁆𑀢𑀺 𑀓𑀺𑀁? 𑀕𑀘𑁆𑀙𑀺𑀲𑁆𑀲𑀢𑁄 𑀢𑁂 𑀪𑀯𑀺𑀲𑁆𑀲𑀢𑀺 𑀪𑀢𑁆𑀢𑀁 𑀪𑁄𑀚𑀦𑀸𑀬.
𑁬𑁨. 𑀧𑀝𑀺𑀲𑁂𑀥𑁂-𑀮𑀁𑀔𑀮𑀽𑀦𑀁 𑀢𑀼𑀦 𑀢𑁆𑀯𑀸𑀦 𑀢𑁆𑀯𑀸 𑀯𑀸.
𑀅𑀮𑀁 ¶ 𑀔𑀮𑀼𑀲𑀤𑁆𑀤𑀸𑀦𑀁 𑀧𑀝𑀺𑀲𑁂𑀥𑀢𑁆𑀣𑀸𑀦𑀁 𑀧𑀬𑁄𑀕𑁂 𑀢𑀼𑀦𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀪𑀸𑀯𑁂. 𑀅𑀮𑀁 𑀲𑁄𑀢𑀼𑀦, 𑀔𑀮𑀼 𑀲𑁄𑀢𑀼𑀦, 𑀅𑀮𑀁 𑀲𑀼𑀢𑁆𑀯𑀸𑀦, 𑀥𑀮𑀼 𑀲𑀼𑀢𑁆𑀯𑀸𑀦, 𑀅𑀮𑀁 𑀲𑀼𑀢𑁆𑀯𑀸, 𑀔𑀮𑀼 𑀲𑀼𑀢𑁆𑀯𑀸, 𑀅𑀮𑀁 𑀲𑀼𑀢𑁂𑀦, 𑀔𑀮𑀼 𑀲𑁄𑀢𑁂𑀦, 𑀅𑀮𑀁 𑀔𑀮𑀽𑀦𑀦𑁆𑀢𑀺 𑀓𑀺𑀁? 𑀫𑀸 𑀳𑁄𑀢𑀼, 𑀧𑀝𑀺𑀲𑁂𑀥𑁂𑀢𑀺 𑀓𑀺𑀁? 𑀅𑀮𑀗𑁆𑀓𑀸𑀭𑁄.
𑀏𑀓𑁄 𑀓𑀢𑁆𑀢𑀸 𑀬𑁂𑀲𑀁 𑀩𑁆𑀬𑀸𑀧𑀸𑀭𑀸𑀦𑀁, 𑀢𑁂𑀲𑀼 𑀬𑁄 𑀧𑀼𑀩𑁆𑀩𑁄, 𑀢𑀤𑀢𑁆𑀣𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑀼𑀦𑀸𑀤𑀬𑁄 𑀳𑁄𑀦𑁆𑀢𑀺 𑀪𑀸𑀯𑁂, 𑀲𑁄𑀢𑀼𑀦 𑀬𑀸𑀢𑀺, 𑀲𑀼𑀢𑁆𑀯𑀸𑀦, 𑀲𑀼𑀢𑁆𑀯𑀸 𑀯𑀸, 𑀏𑀓𑀓𑀢𑁆𑀢𑀼𑀓𑀸𑀦𑀦𑁆𑀢𑀺𑀓𑀺𑀁? 𑀪𑀼𑀢𑁆𑀢𑀲𑁆𑀫𑀺𑀁 𑀤𑁂𑀯𑀤𑀢𑁆𑀢𑁂 𑀬𑀜𑁆𑀜𑀤𑀢𑁆𑀢𑁄 𑀯𑀚𑀢𑀺, 𑀧𑀼𑀩𑁆𑀩𑀸𑀢𑀺 𑀓𑀺𑀁? 𑀪𑀼𑀜𑁆𑀚𑀪𑀺 𑀘 𑀧𑀘𑀢𑀺 𑀘. ‘𑀅𑀧𑁆𑀧𑀢𑁆𑀯𑀸 𑀦𑀤𑀺𑀁 𑀧𑀩𑁆𑀩𑀢𑁄 𑀅𑀢𑀺𑀓𑁆𑀓𑀫𑁆𑀫 𑀧𑀩𑁆𑀩𑀢𑀁 𑀦𑀤𑀻’𑀢𑀺 𑀪𑀽𑀥𑀸𑀢𑀼𑀲𑁆𑀲 𑀲𑀩𑁆𑀩𑀢𑁆𑀣 𑀲𑀫𑁆𑀪𑀯𑀸 𑀏𑀓𑀓𑀢𑁆𑀢𑀼𑀓𑀢𑀸 𑀧𑀼𑀩𑁆𑀩𑀓𑀸𑀮𑀢𑀸 𑀘 𑀕𑀫𑁆𑀬𑀢𑁂. ‘𑀪𑀼𑀢𑁆𑀯𑀸 𑀪𑀼𑀢𑁆𑀯𑀸 𑀕𑀘𑁆𑀙𑀢𑀻𑀢𑀺’ 𑀇𑀫𑀺𑀦𑀸𑀯 𑀲𑀺𑀤𑁆𑀥𑀁 𑀆𑀪𑀺𑀓𑁆𑀔𑀜𑁆𑀜𑀦𑁆𑀢𑀼 𑀤𑁆𑀯𑀺𑀩𑁆𑀩𑀘𑀦𑀸𑀯𑀕𑀫𑁆𑀬𑀢𑁂. 𑀓𑀣𑀁 ‘𑀚𑀻𑀯𑀕𑁆𑀕𑀸𑀳𑀁 𑀅𑀕𑀸𑀳𑀬𑀺, 𑀓𑀸𑀬𑀧𑁆𑀧𑀘𑀸𑀮𑀓𑀁 𑀕𑀘𑁆𑀙𑀦𑁆𑀢𑀻’𑀢𑀺 𑀆𑀤𑀺? 𑀖𑀡𑀦𑁆𑀢𑁂𑀦 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑁂𑀦 𑀲𑀺𑀤𑁆𑀥𑀁 𑀬𑀣𑀸 ‘𑀑𑀤𑀦𑀧𑀸𑀓𑀁 𑀲𑀬𑀢𑀻’𑀢𑀺.
𑀯𑀢𑁆𑀢𑀫𑀸𑀦𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀢𑀸 𑀦𑁆𑀢𑁄 𑀳𑁄 𑀢𑀺 𑀓𑀢𑁆𑀢𑀭𑀺, 𑀢𑀺𑀝𑁆𑀞𑀦𑁆𑀢𑁄.
𑀯𑀢𑁆𑀢𑀫𑀸𑀦𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀫𑀸𑀦𑁄 𑀳𑁄𑀢𑀺, 𑀓𑀢𑁆𑀢𑀭𑀺. 𑀢𑀺𑀝𑁆𑀞𑀫𑀸𑀦𑁄.
𑀯𑀢𑁆𑀢𑀫𑀸𑀦𑀢𑁆𑀣𑁂 ¶ 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀁𑀬𑀢𑁆𑀣𑀸 𑀪𑀸𑀯𑁂 𑀓𑀫𑁆𑀫𑁂𑀘 𑀫𑀸𑀦𑁄 𑀳𑁄𑀢𑀺. 𑀞𑀻𑀬𑀫𑀸𑀦𑀁, 𑀧𑀘𑁆𑀘𑀫𑀸𑀦𑁄 𑀑𑀤𑀦𑁄.
𑀅𑀦𑀸𑀕𑀢𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑁂𑀦𑁆𑀢𑀫𑀸𑀦𑀸 𑀲𑁆𑀲𑀧𑀼𑀩𑁆𑀩𑀸 𑀳𑁄𑀦𑁆𑀢𑀺. 𑀞𑀲𑁆𑀲𑀦𑁆𑀢𑁄, 𑀞𑀲𑁆𑀲𑀫𑀸𑀦𑁄, 𑀞𑀻𑀬𑀺𑀲𑁆𑀲𑀫𑀸𑀦𑀁, 𑀧𑀘𑁆𑀘𑀺𑀲𑁆𑀲𑀫𑀸𑀦𑁄 𑀑𑀤𑀦𑁄.
𑀓𑁆𑀭𑀺𑀬𑀢𑁆𑀣𑀸 𑀧𑀭𑁂 𑀩𑀳𑀼𑀮𑀁 𑀡𑁆𑀯𑀸𑀤𑀬𑁄 𑀳𑁄𑀦𑁆𑀢𑀺. 𑀘𑀸𑀭𑀼, 𑀤𑀸𑀭𑀼.
𑀔𑀙𑀲𑀧𑁆𑀧𑀘𑁆𑀘𑀬𑀦𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀣𑀸𑀦𑀁 𑀧𑀞𑀫𑁂𑀓𑀲𑁆𑀲𑀭𑀁 𑀲𑀤𑁆𑀤𑀭𑀽𑀧𑀁 𑀤𑁆𑀯𑁂 𑀪𑀯𑀢𑀺. 𑀢𑀺𑀢𑀺𑀓𑁆𑀔𑀸, 𑀚𑀺𑀕𑀼𑀘𑁆𑀙𑀸, 𑀯𑀻𑀫𑀁𑀲𑀸.
𑀧𑀭𑁄𑀓𑁆𑀔𑀸𑀬𑀁 𑀧𑀞𑀫𑁂𑀓𑀲𑁆𑀲𑀭𑀁 𑀲𑀤𑁆𑀤𑀭𑀽𑀧𑀁 𑀤𑁆𑀯𑁂 𑀪𑀯𑀢𑀺. 𑀚𑀕𑀸𑀫, 𑀘𑀓𑀸𑀭𑁄 𑀅𑀦𑀼𑀢𑁆𑀢𑀲𑀫𑀼𑀘𑁆𑀘𑀬𑀢𑁆𑀣𑁄, 𑀢𑁂𑀦𑀜𑁆𑀜𑀢𑁆𑀭𑀸𑀧𑀺 𑀬𑀣𑀸𑀕𑀫𑀁, 𑀚𑀳𑀸𑀢𑀺, 𑀚𑀳𑀺𑀢𑀩𑁆𑀩𑀁, 𑀚𑀳𑀺𑀢𑀼𑀁, 𑀤𑀤𑁆𑀤𑀮𑁆𑀮𑀢𑀺, 𑀘𑀗𑁆𑀓𑀫𑀢𑀺. ‘𑀮𑁄𑀮𑀼𑀧𑁄, 𑀫𑁄𑀫𑀽𑀳𑁄𑀢𑀺 𑀑𑀢𑁆𑀢𑀁 𑀢𑀤𑀫𑀺𑀦𑀸𑀤𑀺𑀧𑀸𑀞𑀸.
𑀆𑀤𑀺𑀪𑀽𑀢𑀸 𑀲𑀭𑀸 𑀧𑀭𑀫𑁂𑀓𑀲𑁆𑀲𑀭𑀁 𑀤𑁆𑀯𑁂 𑀳𑁄𑀢𑀺, 𑀅𑀲𑀺𑀲𑀺𑀲𑀢𑀺, 𑀆𑀤𑀺𑀲𑁆𑀫𑀸𑀢𑀺 𑀓𑀺𑀁? 𑀚𑀚𑀕𑀸𑀭, 𑀲𑀭𑀸𑀢𑀺 𑀓𑀺𑀁? 𑀧𑀧𑀸𑀘.
𑀬𑀁 ¶ 𑀤𑁆𑀯𑀺𑀪𑀽𑀢𑀁, 𑀦 𑀢𑀁 𑀧𑀼𑀦 𑀤𑁆𑀯𑀺𑀢𑁆𑀢𑀫𑀸𑀧𑀚𑁆𑀚𑀢𑁂, 𑀢𑀺𑀢𑀺𑀓𑁆𑀔𑀺𑀲𑀢𑀺, 𑀚𑀺𑀕𑀼𑀘𑁆𑀙𑀺𑀲𑀢𑀺.
𑀲𑁆𑀬𑀸𑀤𑁆𑀬𑀦𑁆𑀢𑀲𑁆𑀲 𑀬𑀣𑀺𑀝𑁆𑀞𑀫𑁂𑀓𑀲𑁆𑀲𑀭𑀫𑀸𑀤𑀺𑀪𑀽𑀢𑀫𑀜𑁆𑀜𑀁 𑀯𑀸 𑀬𑀣𑀸𑀕𑀫𑀁 𑀤𑁆𑀯𑀺𑀢𑁆𑀢𑀧𑀚𑁆𑀚𑀢𑁂, 𑀧𑀼𑀧𑀼𑀢𑁆𑀢𑀻𑀬𑀺𑀲𑀢𑀺, 𑀧𑀼𑀢𑀺𑀢𑁆𑀢𑀻𑀬𑀺𑀲𑀢𑀺, 𑀧𑀼𑀢𑁆𑀢𑀻𑀬𑀺𑀬𑀺𑀲𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀲𑀭𑁄 𑀭𑀲𑁆𑀲𑁄 𑀳𑁄𑀢𑀺. 𑀤𑀤𑀸𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲𑀸𑀤𑀺𑀢𑁄-𑀜𑁆𑀜𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀅𑀲𑀺𑀲𑀺𑀲𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀅𑀲𑁆𑀲 𑀇 𑀳𑁄𑀢𑀺 𑀔𑀙𑀲𑁂𑀲𑀼. 𑀧𑀺𑀧𑀸𑀲𑀢𑀺, 𑀚𑀺𑀖𑀁𑀲𑀢𑀺, 𑀔𑀙𑀲𑁂𑀲𑀽𑀢𑀺 𑀓𑀺𑀁? 𑀚𑀳𑀸𑀢𑀺, 𑀅𑀲𑁆𑀲𑀸𑀢𑀺 𑀓𑀺𑀁? 𑀩𑀼𑀪𑀼𑀓𑁆𑀔𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀕𑀼𑀧𑀺𑀲𑁆𑀲 𑀉𑀲𑁆𑀲 𑀇 𑀳𑁄𑀢𑀺 𑀔𑀙𑀲𑁂𑀲𑀼, 𑀚𑀺𑀕𑀼𑀘𑁆𑀙𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁂𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀢𑀺𑀬𑀧𑀞𑀫𑀸 𑀳𑁄𑀦𑁆𑀢𑀺. 𑀩𑀼𑀪𑀼𑀓𑁆𑀔𑀢𑀺, 𑀘𑀺𑀘𑁆𑀙𑁂𑀤.
𑀤𑁆𑀯𑀺𑀢𑁆𑀢𑁂 ¶ 𑀧𑀼𑀩𑁆𑀩𑁂𑀲𑀁 𑀓𑀯𑀕𑁆𑀕𑀳𑀸𑀦𑀁 𑀘𑀯𑀕𑁆𑀕𑀚𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀘𑀼𑀓𑁄𑀧, 𑀚𑀳𑀸𑀢𑀺.
𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀫𑀸𑀦𑀲𑁆𑀲 𑀯𑀻 𑀳𑁄𑀢𑀺 𑀧𑀭𑀲𑁆𑀲 𑀘 𑀫𑀁, 𑀯𑀻𑀫𑀁𑀲𑀢𑀺.
𑀲𑀁𑀲𑀬𑀲𑁄-𑀜𑁆𑀜𑀲𑁆𑀫𑀺𑀁 𑀯𑀢𑁆𑀢𑀫𑀸𑀦𑀲𑁆𑀲 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀓𑀺𑀢𑀲𑁆𑀲 𑀯𑀸 𑀢𑀺 𑀳𑁄𑀢𑀺. 𑀢𑀺𑀓𑀺𑀘𑁆𑀙𑀢𑀺, 𑀘𑀺𑀓𑀺𑀘𑁆𑀙𑀢𑀺, 𑀅𑀲𑀁𑀲𑀬𑁂𑀢𑀺 𑀓𑀺𑀁? 𑀯𑀺𑀘𑀺𑀓𑀺𑀘𑁆𑀙𑀢𑀺.
𑀇𑀯𑀡𑁆𑀡𑀼𑀯𑀡𑁆𑀡𑀦𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀣𑀸𑀦𑀁 𑀏𑀑𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀘𑁆𑀘𑀬𑁂. 𑀘𑁂𑀢𑀩𑁆𑀩𑀁, 𑀦𑁂𑀢𑀩𑁆𑀩𑀁, 𑀲𑁄𑀢𑀩𑁆𑀩𑀁, 𑀪𑀯𑀺𑀢𑀩𑁆𑀩𑀁.
𑀮𑀳𑀼𑀪𑀽𑀢𑀲𑁆𑀲 𑀉𑀧𑀦𑁆𑀢𑀲𑁆𑀲 𑀬𑀼𑀯𑀡𑁆𑀡𑀲𑁆𑀲 𑀏𑀑 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀏𑀲𑀺𑀢𑀩𑁆𑀩𑀁, 𑀓𑁄𑀲𑀺𑀢𑀩𑁆𑀩𑀁, 𑀮𑀳𑀼𑀲𑁆𑀲𑀸𑀢𑀺 𑀓𑀺𑀁? 𑀥𑀽𑀧𑀺𑀢𑀸, 𑀉𑀧𑀦𑁆𑀢𑀲𑁆𑀲𑀸𑀢𑀺 𑀓𑀺𑀁? 𑀭𑀼𑀦𑁆𑀥𑀢𑀺.
𑀡𑀓𑀸𑀭𑀸𑀦𑀼𑀩𑀦𑁆𑀥𑁂 𑀧𑀘𑁆𑀘𑀬𑁂 𑀧𑀭𑁂 𑀉𑀧𑀦𑁆𑀢𑀲𑁆𑀲 𑀅𑀓𑀸𑀭𑀲𑁆𑀲 𑀆 𑀳𑁄𑀢𑀺. 𑀓𑀸𑀭𑀓𑁄.
𑀢𑁂 ¶ 𑀏𑀑𑀆 𑀓𑀸𑀦𑀼𑀩𑀦𑁆𑀥𑁂 𑀦𑀸𑀕𑀫𑁂 𑀘 𑀦 𑀳𑁄𑀦𑁆𑀢𑀺. 𑀘𑀺𑀢𑁄, 𑀲𑀼𑀢𑁄, 𑀤𑀺𑀝𑁆𑀞𑁄, 𑀧𑀼𑀝𑁆𑀞𑁄, 𑀦𑀸𑀕𑀫𑁂 ‘𑀯𑀦𑀸’𑀤𑀺𑀦𑀸 (𑁧.𑁪𑁫) 𑀘𑀺𑀦𑀺𑀢𑀩𑁆𑀩𑀁, 𑀘𑀺𑀦𑀺𑀢𑀼𑀁, 𑀲𑀼𑀡𑀺𑀢𑀩𑁆𑀩𑀁, 𑀲𑀼𑀡𑀺𑀢𑀼𑀁 𑀧𑀸𑀧𑀼𑀡𑀺𑀢𑀩𑁆𑀩𑀁, 𑀧𑀸𑀧𑀼𑀡𑀺𑀢𑀼𑀁, 𑀥𑀼𑀦𑀺𑀢𑀩𑁆𑀩𑀁, 𑀥𑀼𑀦𑀺𑀢𑀼𑀁, 𑀥𑀼𑀦𑀦𑀁, 𑀥𑀼𑀦𑀬𑀺𑀢𑀩𑁆𑀩𑀁, 𑀥𑀼𑀦𑀸𑀧𑁂𑀢𑀩𑁆𑀩𑀁, 𑀥𑀼𑀦𑀬𑀺𑀢𑀼𑀁 𑀥𑀼𑀦𑀸𑀧𑁂𑀢𑀼𑀁, 𑀥𑀼𑀦𑀬𑀦𑀁, 𑀥𑀼𑀦𑀸𑀧𑀦𑀁, 𑀥𑀼𑀦𑀬𑀢𑀺, 𑀥𑀼𑀦𑀸𑀧𑁂𑀢𑀺, 𑀧𑀻𑀦𑁂𑀢𑀩𑁆𑀩𑀁, 𑀧𑀻𑀦𑀬𑀺𑀢𑀼𑀁, 𑀧𑀻𑀦𑀦𑀁, 𑀧𑀻𑀦𑀺𑀢𑀼𑀁, 𑀧𑀻𑀦𑀬𑀢𑀺, 𑀲𑀼𑀦𑁄𑀢𑀺, 𑀲𑀺𑀦𑁄𑀢𑀺, 𑀤𑀼𑀦𑁄𑀢𑀺, 𑀳𑀺𑀦𑁄𑀢𑀺, 𑀧𑀳𑀺𑀡𑀺𑀣𑀩𑁆𑀩𑀁, 𑀧𑀳𑀺𑀡𑀺𑀢𑀼𑀁, 𑀧𑀳𑀺𑀡𑀦𑀁.
𑀢𑁂 𑀓𑁆𑀯𑀘𑀺 𑀯𑀸 𑀦 𑀳𑁄𑀦𑁆𑀢𑀺 𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑁂𑀲𑀼. 𑀫𑀼𑀤𑀺𑀢𑁄, 𑀭𑀼𑀤𑀺𑀢𑀁, 𑀭𑁄𑀤𑀺𑀢𑀁.
𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑀢𑁄-𑀜𑁆𑀜𑀲𑁆𑀫𑀺𑀫𑁆𑀧𑀺 𑀢𑁂 𑀓𑁆𑀯𑀘𑀺, 𑀦𑀼 𑀳𑁄𑀦𑁆𑀢𑀺. 𑀔𑀺𑀧𑀓𑁄, 𑀧𑀦𑀽𑀤𑀦𑀁, 𑀯𑀥𑀓𑁄.
𑀲𑀺𑀲𑁆𑀲 𑀆 𑀳𑁄𑀢𑀺 𑀧𑁆𑀬𑀸𑀤𑁂𑀲𑁂, 𑀦𑀺𑀲𑁆𑀲𑀸𑀬.
𑀲𑀭𑁂 𑀧𑀭𑁂 𑀏𑀑𑀦𑀁 𑀅𑀬𑀅𑀯𑀸 𑀳𑁄𑀦𑁆𑀢𑀺. 𑀚𑀬𑁄, 𑀪𑀯𑁄, 𑀲𑀭𑀢𑀺 𑀓𑀺𑀁? 𑀚𑁂𑀢𑀺, 𑀅𑀦𑀼𑀪𑁄𑀢𑀺.
𑀏𑀑𑀦𑀁 ¶ 𑀆𑀬𑀸𑀯𑀸 𑀳𑁄𑀦𑁆𑀢𑀺 𑀲𑀭𑀸𑀤𑁄 𑀡𑀸𑀦𑀼𑀩𑀦𑁆𑀥𑁂. 𑀦𑀸𑀬𑀬𑀢𑀺, 𑀪𑀸𑀯𑀬𑀢𑀺, ‘𑀲𑀬𑀸𑀧𑁂𑀢𑁆𑀯𑀸’𑀢𑀺𑀆𑀤𑀻𑀲𑀼 𑀭𑀲𑁆𑀲𑀢𑁆𑀢𑀁.
𑀆𑀓𑀸𑀭𑀦𑁆𑀢𑀲𑁆𑀲 𑀓𑁆𑀭𑀺𑀬𑀢𑁆𑀣𑀲𑁆𑀲 𑀬𑀼𑀓 𑀳𑁄𑀢𑀺 𑀡𑀸𑀧𑀺𑀢𑁄-𑀜𑁆𑀜𑀲𑁆𑀫𑀺𑀁 𑀡𑀸𑀦𑀼𑀩𑀦𑁆𑀥𑁂. 𑀤𑀸𑀬𑀓𑁄, 𑀡𑀸𑀦𑀼𑀩𑀦𑁆𑀥𑁂𑀢𑁆𑀯𑁂𑀯? 𑀤𑀸𑀦𑀁, 𑀅𑀡𑀸𑀧𑀺𑀫𑁆𑀳𑀻𑀢𑀺 𑀓𑀺𑀁? 𑀤𑀸𑀧𑀬𑀢𑀺.
𑀧𑀤𑀸𑀤𑀻𑀦𑀁 𑀬𑀼𑀓 𑀳𑁄𑀢𑀺 𑀓𑁆𑀯𑀘𑀺. 𑀦𑀺𑀧𑀚𑁆𑀚𑀺𑀢𑀩𑁆𑀩𑀁, 𑀦𑀺𑀧𑀚𑁆𑀚𑀺𑀢𑀼𑀁 𑀦𑀺𑀧𑀚𑁆𑀚𑀦𑀁, 𑀧𑀫𑀚𑁆𑀚𑀺𑀢𑀩𑁆𑀩𑀁, 𑀧𑀫𑀚𑁆𑀚𑀺𑀢𑀼𑀁, 𑀧𑀫𑀚𑁆𑀚𑀦𑀁, 𑀓𑁆𑀯𑀘𑀻𑀢𑀺 𑀓𑀺𑀁? 𑀧𑀸𑀤𑁄.
𑀭𑀼𑀥𑀸𑀤𑀻𑀦𑀁 𑀓𑁆𑀯𑀘𑀺 𑀫𑀁 𑀯𑀸 𑀳𑁄𑀢𑀺. 𑀭𑀼𑀦𑁆𑀥𑀺𑀢𑀼𑀁, 𑀭𑀼𑀚𑁆𑀛𑀺𑀢𑀼𑀁, 𑀓𑁆𑀯𑀘𑀺𑀢𑁆𑀯𑁂𑀯? 𑀦𑀺𑀭𑁄𑀥𑁄.
𑁯𑁪. 𑀓𑁆𑀯𑀺𑀫𑁆𑀳𑀺 𑀮𑁄𑀧𑁄-𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲.
𑀅𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀓𑁆𑀯𑀺𑀫𑁆𑀳𑀺. 𑀪𑀢𑁆𑀢𑀁 𑀕𑀲𑀦𑁆𑀢𑀺 𑀕𑀡𑁆𑀳𑀦𑁆𑀢𑀺 𑀯𑀸 𑀏𑀢𑁆𑀣𑀸𑀢𑀺 𑀪𑀢𑁆𑀢𑀕𑁆𑀕𑀁.
𑀓𑁆𑀭𑀺𑀬𑀢𑁆𑀣𑀸𑀦𑀫𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲 𑀧𑀭𑀭𑀽𑀧𑀁 𑀳𑁄𑀢𑀺 𑀬𑀓𑀸𑀭𑀢𑁄-𑀜𑁆𑀜𑀲𑁆𑀫𑀺𑀁 𑀩𑁆𑀬𑀜𑁆𑀚𑀦𑁂. 𑀪𑁂𑀢𑁆𑀢𑀩𑁆𑀩𑀁, 𑀩𑁆𑀬𑀜𑁆𑀚𑀦𑁂𑀢𑀺 𑀓𑀺𑀁? 𑀪𑀺𑀦𑁆𑀤𑀺𑀢𑀩𑁆𑀩𑀁, 𑀅𑀬𑀓𑀸𑀭𑁂𑀢𑀺 𑀓𑀺𑀁? 𑀪𑀺𑀚𑁆𑀚𑀢𑀺.
𑀫𑀓𑀸𑀭𑀦𑀓𑀸𑀭𑀦𑁆𑀢𑀸𑀦𑀁 ¶ 𑀓𑁆𑀭𑀺𑀬𑀢𑁆𑀣𑀸𑀦𑀁 𑀦𑀺𑀕𑁆𑀕𑀳𑀻𑀢𑀁 𑀳𑁄𑀢𑀺 𑀅𑀬𑀓𑀸𑀭𑁂 𑀩𑁆𑀬𑀜𑁆𑀚𑀦𑁂. 𑀕𑀦𑁆𑀢𑀩𑁆𑀩𑀁, 𑀚𑀗𑁆𑀖𑀸, 𑀩𑁆𑀬𑀜𑁆𑀚𑀦𑁂𑀢𑁆𑀯𑁂𑀯? 𑀕𑀫𑀦𑀁, 𑀅𑀬𑀓𑀸𑀭𑁂𑀢𑁆𑀯𑁂𑀯? 𑀕𑀫𑁆𑀬𑀢𑁂.
𑀩𑁆𑀭𑀽𑀲𑁆𑀲 𑀑 𑀦 𑀳𑁄𑀢𑀺 𑀩𑁆𑀬𑀜𑁆𑀚𑀦𑁂. 𑀩𑁆𑀭𑀽𑀫𑀺, 𑀩𑁆𑀬𑀜𑁆𑀚𑀦𑁂𑀢𑁆𑀯𑁂𑀯? 𑀅𑀩𑁆𑀭𑀯𑀺.
𑀖𑀸𑀦𑀼𑀩𑀦𑁆𑀥𑁂 𑀘𑀓𑀸𑀭𑀚𑀓𑀸𑀭𑀦𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀣𑀸𑀦𑀁 𑀓𑀕𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀯𑀸𑀓𑁆𑀬𑀁, 𑀪𑀸𑀕𑁆𑀬𑀁.
𑀳𑀦𑀲𑁆𑀲 𑀖𑀸𑀢𑁄 𑀳𑁄𑀢𑀺 𑀡𑀸𑀦𑀼𑀩𑀦𑁆𑀥𑁂. 𑀆𑀖𑀸𑀢𑁄.
𑁧𑁦𑁦. 𑀓𑁆𑀯𑀺𑀫𑁆𑀳𑀺 𑀖𑁄 𑀧𑀭𑀺𑀧𑀘𑁆𑀘-𑀲𑀫𑁄𑀳𑀺.
𑀧𑀬𑁆𑀬𑀸𑀤𑀻𑀳𑀺 𑀧𑀭𑀲𑁆𑀲 𑀳𑀦𑀲𑁆𑀲 𑀖𑁄 𑀳𑁄𑀢𑀺 𑀓𑁆𑀯𑀺𑀫𑁆𑀳𑀺. 𑀧𑀮𑀺𑀖𑁄, 𑀧𑀝𑀺𑀖𑁄, 𑀅𑀖𑀁 𑀭𑀲𑁆𑀲𑀢𑁆𑀢𑀁 𑀦𑀺𑀧𑀸𑀢𑀦𑀸, 𑀲𑀗𑁆𑀖𑁄, 𑀑𑀖𑁄.
𑀤𑁆𑀯𑀺𑀢𑁆𑀢𑁂 𑀧𑀭𑀲𑁆𑀲 𑀳𑀦𑀲𑁆𑀲 𑀖𑀁 𑀳𑁄𑀢𑀺 𑀲𑁂. 𑀚𑀺𑀖𑀁𑀲𑀸.
𑀤𑁆𑀯𑀺𑀢𑁆𑀢𑁂 𑀧𑀭𑁂𑀲𑀁 𑀚𑀺𑀢𑀭𑀸𑀦𑀁 𑀕𑀻 𑀳𑁄𑀢𑀺 𑀲𑁂. 𑀯𑀺𑀚𑀺𑀕𑀻𑀲𑀸, 𑀚𑀺𑀕𑀻𑀲𑀸.
𑀤𑁆𑀯𑀺𑀢𑁆𑀢𑁂 ¶ 𑀧𑀭𑀲𑁆𑀲 𑀥𑀸𑀲𑁆𑀲 𑀳 𑀳𑁄𑀢𑀺. 𑀤𑀳𑀢𑀺.
𑀤𑀼𑀲𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀡𑀺𑀫𑁆𑀳𑀺. 𑀤𑀼𑀲𑀺𑀢𑁄. 𑀡𑀺𑀫𑁆𑀳𑀻𑀢𑀺 𑀓𑀺𑀁? 𑀤𑀼𑀝𑁆𑀞𑁄.
𑀕𑀼𑀳𑀺𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀲𑀭𑁂. 𑀦𑀺𑀕𑀽𑀳𑀦𑀁 𑀲𑀭𑁂𑀢𑀺 𑀓𑀺𑀁? 𑀕𑀼𑀬𑁆𑀳𑀁.
𑁧𑁦𑁬. 𑀫𑀼𑀳𑀩𑀳𑀸𑀦𑀜𑁆𑀘 𑀢𑁂 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂.
𑀫𑀼𑀳𑀩𑀳𑀸𑀦𑀁 𑀕𑀼𑀳𑀺𑀲𑁆𑀲 𑀘 𑀤𑀻𑀖𑁄 𑀳𑁄𑀢𑀺 𑀢𑀓𑀸𑀭𑀸𑀤𑁄 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑀸𑀦𑀢𑁆𑀯𑀸𑀯𑀚𑁆𑀚𑀺𑀢𑁂, 𑀫𑀽𑀴𑁆𑀳𑁄, 𑀩𑀸𑀴𑁆𑀳𑁄, 𑀕𑀽𑀴𑁆𑀳𑁄, 𑀢𑁂𑀢𑀺 𑀓𑀺𑀁? 𑀫𑀼𑀬𑁆𑀳𑀢𑀺, 𑀓𑀸𑀦𑀼𑀩𑀦𑁆𑀥𑁂𑀢𑀺-𑀓𑀺𑀁? 𑀫𑀼𑀬𑁆𑀳𑀺𑀢𑀩𑁆𑀩𑀁, 𑀅𑀢𑁆𑀯𑁂𑀢𑀺 𑀓𑀺𑀁? 𑀫𑀼𑀬𑁆𑀳𑀺𑀢𑁆𑀯𑀸𑀦, 𑀫𑀼𑀬𑁆𑀳𑀺𑀢𑁆𑀯𑀸, ‘𑀢𑁂 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂’𑀢𑀺 𑀅𑀬𑀫𑀥𑀺𑀓𑀸𑀭𑁄 𑀬𑀸𑀯 ‘‘𑀲𑀸𑀲𑀲𑁆𑀲 𑀲𑀺𑀲𑁆𑀯𑁂’’𑀢𑀺 -𑁧𑁧𑁭.
𑀯𑀳𑀲𑁆𑀲 𑀉𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀢𑁂 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑀸𑀦𑀢𑁆𑀯𑀸𑀯𑀚𑁆𑀚𑀺𑀢𑁂. 𑀯𑀼𑀝𑁆𑀞𑁄.
𑀥𑀸=𑀥𑀸𑀭𑀡𑁂𑀢𑀻𑀫𑀲𑁆𑀲 𑀳𑀺 𑀳𑁄𑀢𑀺 𑀢𑁂 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑀸𑀦𑀢𑁆𑀯𑀸𑀯𑀚𑁆𑀚𑀺𑀢𑁂. 𑀦𑀺𑀳𑀺𑀢𑁄, 𑀦𑀺𑀳𑀺𑀢𑀯𑀸.
𑀕𑀫𑀸𑀤𑀻𑀦𑀁 ¶ 𑀭𑀓𑀸𑀭𑀦𑁆𑀢𑀸𑀦𑀁 𑀘 𑀅𑀦𑁆𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀢𑁂 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑀸𑀦𑀢𑁆𑀯𑀸𑀯𑀚𑁆𑀚𑀺𑀢𑁂. 𑀕𑀢𑁄, 𑀔𑀢𑁄, 𑀳𑀢𑁄, 𑀫𑀢𑁄, 𑀢𑀢𑁄, 𑀲𑀜𑁆𑀜𑀢𑁄, 𑀭𑀢𑁄, 𑀓𑀢𑁄, 𑀢𑁂𑀢𑁆𑀯𑁂𑀯? 𑀕𑀫𑁆𑀬𑀢𑁂, 𑀓𑀸𑀦𑀼𑀩𑀦𑁆𑀥𑁂𑀢𑁆𑀯𑁂𑀯? 𑀕𑀦𑁆𑀢𑀩𑁆𑀩𑀁, 𑀅𑀢𑁆𑀯𑁂𑀢𑁆𑀯𑁂𑀯? 𑀕𑀦𑁆𑀢𑁆𑀯𑀸𑀦, 𑀕𑀦𑁆𑀢𑁆𑀯𑀸.
𑀯𑀘𑀸𑀤𑀻𑀦𑀁 𑀯𑀲𑁆𑀲 𑀯𑀸 𑀉𑀝 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂. 𑀉𑀢𑁆𑀢𑀁, 𑀯𑀼𑀢𑁆𑀢𑀁, 𑀉𑀝𑁆𑀞𑀁, 𑀯𑀼𑀝𑁆𑀞𑀁, ‘𑀅𑀢𑁆𑀯𑁂𑀢𑁆𑀯𑁂𑀯? 𑀯𑀢𑁆𑀯𑀸𑀦, 𑀯𑀢𑁆𑀯𑀸.
𑀯𑀘𑀸𑀤𑀻𑀦𑀫𑀲𑁆𑀲 𑀉 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂-𑀲𑁆𑀯𑁂. 𑀯𑀼𑀢𑁆𑀢𑀁, 𑀯𑀼𑀝𑁆𑀞𑀁.
𑀯𑀤𑁆𑀥𑀲𑁆𑀲 𑀅𑀲𑁆𑀲 𑀯𑀸 𑀉 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑁂. 𑀯𑀼𑀤𑁆𑀥𑁄. 𑀯𑀤𑁆𑀥𑁄. 𑀅𑀢𑁆𑀯𑁂𑀢𑁆𑀯𑁂𑀯? 𑀯𑀤𑁆𑀥𑀺𑀢𑁆𑀯𑀸𑀦, 𑀯𑀤𑁆𑀥𑀺𑀢𑁆𑀯𑀸, 𑀓𑀣𑀁 ‘𑀯𑀼𑀢𑁆𑀢𑀻’𑀢𑀺? ‘‘𑀯𑀼𑀢𑁆𑀢𑀻𑀫𑀢𑁆𑀢𑁂’’𑀢𑀺 𑁩-𑁬𑁯. 𑀦𑀺𑀧𑀸𑀢𑀦𑀸, ‘𑀯𑀢𑁆𑀢𑀻’𑀢𑀺 𑀳𑁄𑀢𑁂𑀯 𑀬𑀣𑀸𑀮𑀓𑁆𑀔𑀡𑀁.
𑀬𑀚𑀲𑁆𑀲 ¶ 𑀬𑀲𑁆𑀲 𑀝𑀺𑀬𑀻 𑀳𑁄𑀦𑁆𑀢𑀺 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂. 𑀇𑀝𑁆𑀞𑀁, 𑀬𑀺𑀝𑁆𑀞𑀁, 𑀅𑀢𑁆𑀯𑁂𑀢𑁆𑀯𑁂𑀯? 𑀬𑀚𑀺𑀢𑁆𑀯𑀸𑀦, 𑀬𑀚𑀺𑀢𑁆𑀯𑀸.
𑀞𑀸𑀲𑁆𑀲𑀺 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂. 𑀞𑀺𑀢𑁄, 𑀅𑀢𑁆𑀯𑁂𑀢𑁆𑀯𑁂𑀯? 𑀞𑀢𑁆𑀯𑀸𑀦, 𑀞𑀢𑁆𑀯𑀸.
𑀕𑀸𑀧𑀸𑀦𑀫𑀻 𑀳𑁄𑀢𑀺 𑀓𑀸𑀦𑀩𑀦𑁆𑀥𑁂-𑀢𑁆𑀯𑁂. 𑀕𑀻𑀢𑀁, 𑀧𑀻𑀢𑀁, 𑀅𑀢𑁆𑀯𑁂𑀢𑁆𑀯𑁂𑀯? 𑀕𑀸𑀬𑀺𑀢𑁆𑀯𑀸 𑀦𑀺𑀘𑁆𑀘𑀁 𑀬𑀸𑀕𑀫𑁄, 𑀧𑀸𑀲𑁆𑀲 𑀢𑀼 𑀧𑀻𑀢𑁆𑀯𑀸𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸.
𑀚𑀦𑀺𑀲𑁆𑀲 𑀆 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂. 𑀚𑀸𑀢𑁄. 𑀅𑀢𑁆𑀯𑁂𑀢𑁆𑀯𑁂𑀯? 𑀚𑀦𑀺𑀢𑁆𑀯𑀸.
𑀲𑀸𑀲𑀲𑁆𑀲 𑀲𑀺𑀲 𑀯𑀸 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂-𑀢𑁆𑀯𑁂. 𑀲𑀺𑀝𑁆𑀞𑀁, 𑀲𑀢𑁆𑀣𑀁, 𑀲𑀺𑀲𑁆𑀲𑁄, 𑀲𑀸𑀲𑀺𑀬𑁄 𑀅𑀢𑁆𑀯𑁂𑀢𑁆𑀯𑁂𑀯? 𑀅𑀦𑀼𑀲𑀸𑀲𑀺𑀢𑁆𑀯𑀸𑀦.
𑀓𑀭𑀲𑁆𑀲 𑀆 𑀳𑁄𑀢𑀺 𑀢𑀯𑁂. 𑀓𑀸𑀢𑀯𑁂.
𑀢𑀼𑀫𑀸𑀤𑀻𑀲𑀼 𑀯𑀸 𑀓𑀭𑀲𑁆𑀲𑀸 𑀳𑁄𑀢𑀺. 𑀓𑀸𑀢𑀼𑀁 𑀓𑀢𑁆𑀢𑀼𑀁, 𑀓𑀸𑀢𑀼𑀦 𑀓𑀢𑁆𑀢𑀼𑀦, 𑀓𑀸𑀢𑀩𑁆𑀩𑀁 𑀓𑀢𑁆𑀢𑀩𑁆𑀩𑀁.
𑀜𑀸𑀥𑀸𑀢𑀼𑀲𑁆𑀲 ¶ 𑀚𑀸 𑀳𑁄𑀢𑀺 𑀦𑀓𑀸𑀭𑁂. 𑀚𑀸𑀦𑀺𑀢𑀼𑀁, 𑀚𑀸𑀦𑀦𑁆𑀢𑁄, 𑀦𑁂𑀢𑀺 𑀓𑀺𑀁? 𑀜𑀸𑀢𑁄.
𑀲𑀓𑀆𑀧𑀸𑀦𑀁 𑀓𑀼𑀓𑀓𑀼𑀇𑀘𑁆𑀘𑁂𑀢𑁂 𑀆𑀕𑀫𑀸 𑀳𑁄𑀦𑁆𑀢𑀺 𑀡𑀓𑀸𑀭𑁂. 𑀲𑀓𑁆𑀓𑀼𑀡𑀦𑁆𑀢𑁄, 𑀧𑀸𑀧𑀼𑀡𑀦𑁆𑀢𑁄, 𑀲𑀓𑁆𑀓𑀼𑀡𑁄𑀢𑀺, 𑀧𑀸𑀧𑀼𑀡𑁄𑀢𑀺, 𑀡𑁂𑀢𑀺 𑀓𑀺𑀁? 𑀲𑀓𑁆𑀓𑁄𑀢𑀺, 𑀧𑀸𑀧𑁂𑀢𑀺.
𑀦𑀺𑀲𑁆𑀫𑀸 𑀧𑀭𑀲𑁆𑀲 𑀘𑀺𑀲𑁆𑀲 𑀙𑁄 𑀳𑁄𑀢𑀺. 𑀦𑀺𑀘𑁆𑀙𑀬𑁄.
𑀚𑀭𑀲𑀤𑀸𑀦𑀫𑀦𑁆𑀢𑀲𑀭𑀸 𑀧𑀭𑁄 𑀈𑀫 𑀳𑁄𑀢𑀺 𑀯𑀺𑀪𑀸𑀲𑀸. 𑀚𑀻𑀭𑀡𑀁, 𑀚𑀻𑀭𑀢𑀺, 𑀚𑀻𑀭𑀸𑀧𑁂𑀢𑀺, 𑀦𑀺𑀲𑀻𑀤𑀺𑀢𑀩𑁆𑀩𑀁, 𑀦𑀺𑀲𑀻𑀤𑀦𑀁, 𑀦𑀺𑀲𑀻𑀤𑀺𑀢𑀼𑀁, 𑀦𑀺𑀲𑀻𑀤𑀢𑀺, 𑀯𑀸𑀢𑀺 𑀓𑀺𑀁? 𑀚𑀭𑀸, 𑀦𑀺𑀲𑀚𑁆𑀚𑀸, ‘𑀈𑀫 𑀯𑀸’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀅𑀜𑁆𑀜𑁂𑀲𑀫𑁆𑀧𑀺, 𑀅𑀳𑀻𑀭𑀣, 𑀲𑀁𑀬𑁄𑀕𑀸𑀤𑀺 𑀮𑁄𑀧𑁄𑀢𑁆𑀣𑀲𑁆𑀲.
𑁧𑁨𑁪. 𑀤𑀺𑀲𑀲𑁆𑀲 𑀧𑀲𑁆𑀲 𑀤𑀲𑁆𑀲 𑀤𑀲 𑀤 𑀤𑀓𑁆𑀔𑀸.
𑀤𑀺𑀲𑀲𑁆𑀲 𑀧𑀲𑁆𑀲𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀯𑀺𑀧𑀲𑁆𑀲𑀦𑀸, 𑀯𑀺𑀧𑀲𑁆𑀲𑀺𑀢𑀼𑀁, 𑀯𑀺𑀧𑀲𑁆𑀲𑀢𑀺, 𑀲𑀼𑀤𑀲𑁆𑀲𑀻, 𑀧𑀺𑀬𑀤𑀲𑁆𑀲𑀻, 𑀥𑀫𑁆𑀫𑀤𑀲𑁆𑀲𑀻, 𑀲𑀼𑀤𑀲𑁆𑀲𑀁, 𑀤𑀲𑁆𑀲𑀦𑀁, 𑀤𑀲𑁆𑀲𑁂𑀢𑀺, 𑀤𑀝𑁆𑀞𑀩𑁆𑀩𑀁. 𑀤𑀝𑁆𑀞𑀸, 𑀤𑀝𑁆𑀞𑀼𑀁, 𑀤𑀼𑀤𑁆𑀤𑀲𑁄, 𑀅𑀤𑁆𑀤𑀲, 𑀅𑀤𑁆𑀤𑀸, 𑀅𑀤𑁆𑀤𑀁, 𑀅𑀤𑁆𑀤𑀓𑁆𑀔𑀺, 𑀤𑀓𑁆𑀔𑀺𑀲𑁆𑀲𑀢𑀺, 𑀯𑀸𑀢𑁆𑀯𑁂𑀯? 𑀤𑀺𑀲𑁆𑀲𑀦𑁆𑀢𑀺 𑀩𑀸𑀮𑀸.
𑀲𑀫𑀸𑀦𑀲𑀤𑁆𑀤𑀢𑁄 ¶ 𑀧𑀭𑀲𑁆𑀲 𑀤𑀺𑀲𑀲𑁆𑀲 𑀭 𑀳𑁄𑀢𑀺 𑀯𑀸 𑀭𑀻𑀯𑀺𑀓𑁆𑀔𑀓𑁂𑀲𑀼. 𑀲𑀭𑀻, 𑀲𑀤𑀻, 𑀲𑀭𑀺𑀓𑁆𑀔𑁄, 𑀲𑀤𑀺𑀓𑁆𑀔𑁄, 𑀲𑀭𑀺𑀲𑁄, 𑀲𑀤𑀺𑀲𑁄.
𑀤𑀳𑀲𑁆𑀲 𑀤𑀲𑁆𑀲 𑀟𑁄 𑀳𑁄𑀢𑀺 𑀯𑀸. 𑀟𑀸𑀳𑁄, 𑀤𑀸𑀳𑁄, 𑀟𑀳𑀢𑀺, 𑀤𑀳𑀢𑀺.
𑀆𑀧𑀭𑀻𑀳𑀺 𑀧𑀭𑀲𑁆𑀲 𑀤𑀳𑀲𑁆𑀲 𑀤𑀲𑁆𑀲 𑀴𑁄 𑀳𑁄𑀢𑀺 𑀅𑀦𑀖𑀡𑀲𑀼. 𑀆𑀴𑀳𑀦𑀁, 𑀧𑀭𑀺𑀴𑀸𑀳𑁄.
𑁧𑁨𑁮. 𑀅𑀢𑁆𑀬𑀸𑀤𑀺𑀦𑁆𑀢𑁂𑀲𑁆𑀯𑀢𑁆𑀣𑀺𑀲𑁆𑀲 𑀪𑀽.
𑀢𑁆𑀬𑀸𑀤𑀺𑀦𑁆𑀢𑀯𑀚𑁆𑀚𑀺𑀢𑁂𑀲𑀼 𑀧𑀘𑁆𑀘𑀬𑁂𑀲𑀼 ‘𑀅𑀲=𑀪𑀼𑀯𑀺’𑀇𑀘𑁆𑀘𑀲𑁆𑀲 𑀪𑀽 𑀳𑁄𑀢𑀺. 𑀪𑀯𑀺𑀢𑀩𑁆𑀩𑀁. 𑀆𑀤𑁂𑀲𑀯𑀺𑀥𑀸𑀦𑀫𑀲𑀲𑁆𑀲𑀸𑀧𑁆𑀧𑀬𑁄𑀕𑀢𑁆𑀣𑀫𑁂𑀢𑀲𑁆𑀫𑀺𑀁 𑀯𑀺𑀲𑀬𑁂, 𑀏𑀢𑁂𑀦 𑀓𑀢𑁆𑀣𑀘𑀺 𑀓𑀲𑁆𑀲𑀘𑀺 𑀥𑀸𑀢𑀼𑀲𑁆𑀲 𑀅𑀧𑁆𑀧𑀬𑁄𑀕𑀸𑀧𑀺 𑀜𑀸𑀧𑀺𑀢𑁄 𑀳𑁄𑀢𑀺. 𑀅𑀢𑁆𑀬𑀸𑀤𑀺𑀦𑁆𑀢𑁂𑀲𑀽𑀢𑀺 𑀓𑀺𑀁? 𑀅𑀢𑁆𑀣𑀺, 𑀲𑀦𑁆𑀢𑁄, 𑀅𑀢𑁆𑀣𑀺𑀲𑁆𑀲𑀸𑀢𑀺 𑀓𑀺𑀁? 𑀅𑀲𑁆𑀲𑀢𑀺𑀲𑁆𑀲 𑀫𑀸 𑀳𑁄𑀢𑀼.
𑀅𑀆𑀤𑁄, 𑀆𑀆𑀤𑁄, 𑀲𑁆𑀲𑀸𑀤𑁄 𑀘 𑀅𑀢𑁆𑀣𑀺𑀲𑁆𑀲 𑀪𑀽 𑀳𑁄𑀢𑀺. 𑀩𑀪𑀽𑀯, 𑀅𑀪𑀯𑀸, 𑀅𑀪𑀯𑀺𑀲𑁆𑀲𑀸, 𑀪𑀯𑀺𑀲𑁆𑀲𑀢𑀺.
𑁧𑁩𑁦. 𑀦𑁆𑀢𑀫𑀸𑀦𑀦𑁆𑀢𑀺𑀬𑀺𑀬𑀼𑀁𑀲𑁆𑀯𑀸𑀤𑀺𑀮𑁄𑀧𑁄. 𑀦𑁆𑀢𑀸𑀤𑀺𑀲𑀽𑀢𑁆𑀣𑀺𑀲𑁆𑀲𑀸𑀤𑀺𑀮𑁄𑀧𑁄 𑀳𑁄𑀢𑀺. 𑀲𑀦𑁆𑀢𑁄, 𑀲𑀫𑀸𑀦𑁄, 𑀲𑀦𑁆𑀢𑀺, 𑀲𑀦𑁆𑀢𑀼, 𑀲𑀺𑀬𑀸, 𑀲𑀺𑀬𑀼𑀁, 𑀏𑀢𑁂𑀲𑁆𑀯𑀻𑀢𑀺 𑀓𑀺𑀁? 𑀅𑀢𑁆𑀣𑀺.
𑁧𑁩𑁧. 𑀧𑀸𑀤𑀺𑀢𑁄 𑀞𑀸𑀲𑁆𑀲 𑀯𑀸 𑀞𑀳𑁄 𑀓𑁆𑀯𑀘𑀺.
𑀧𑀸𑀤𑀻𑀳𑀺 ¶ 𑀓𑀺𑀭𑀺𑀬𑀸𑀯𑀺𑀲𑁂𑀲𑀚𑁄𑀢𑀓𑁂𑀳𑀺 𑀲𑀤𑁆𑀤𑁂𑀳𑀺 𑀧𑀭𑀲𑁆𑀲 𑀞𑀸𑀲𑁆𑀲 𑀓𑁆𑀯𑀘𑀺 𑀞𑀳𑁄 𑀯𑀸 𑀳𑁄𑀢𑀺. 𑀲𑀡𑁆𑀞𑀳𑀦𑁆𑀢𑁄 𑀲𑀦𑁆𑀢𑀺𑀝𑁆𑀞𑀦𑁆𑀢𑁄. 𑀲𑀡𑁆𑀞𑀳𑀢𑀺, 𑀲𑀦𑁆𑀢𑀺𑀝𑁆𑀞𑀢𑀺. 𑀧 𑀧𑀭𑀸 𑀅𑀧 𑀲𑀁 𑀅𑀦𑀼 𑀅𑀯 𑀑 𑀦𑀺 𑀤𑀼 𑀯𑀺 𑀅𑀥𑀺 𑀅𑀧𑀺 𑀅𑀢𑀺𑀲𑀼 𑀉 𑀅𑀪𑀺 𑀧𑀢𑀺 𑀧𑀭𑀺 𑀉𑀧 𑀆 𑀧𑀸𑀤𑀻. 𑀓𑁆𑀯𑀘𑀻𑀢𑀺 𑀓𑀺𑀁? 𑀲𑀡𑁆𑀞𑀺𑀢𑀺.
𑀧𑀸𑀤𑀺𑀢𑁄 𑀧𑀭𑀲𑁆𑀲 𑀤𑀸𑀲𑁆𑀲 𑀇𑀬𑀗 𑀳𑁄𑀢𑀺 𑀓𑁆𑀯𑀘𑀺. 𑀅𑀦𑀸𑀤𑀺𑀬𑀺𑀢𑁆𑀯𑀸, 𑀲𑀫𑀸𑀤𑀺𑀬𑀢𑀺, 𑀓𑁆𑀯𑀘𑀺𑀢𑁆𑀯𑁂𑀯? 𑀆𑀤𑀸𑀬.
𑀧𑀸𑀤𑀺𑀢𑁄 𑀧𑀭𑀲𑁆𑀲 𑀓𑀭𑀲𑁆𑀲 𑀓𑁆𑀯𑀘𑀺 𑀔 𑀳𑁄𑀢𑀺. 𑀲𑀗𑁆𑀔𑀸𑀭𑁄, 𑀲𑀗𑁆𑀔𑀭𑀻𑀬𑀢𑀺, 𑀓𑀭𑀲𑁆𑀲𑀸𑀢𑀺 𑀅𑀯𑀢𑁆𑀯𑀸 𑀓𑀭𑁄𑀢𑀺𑀲𑁆𑀲𑀸𑀢𑀺 𑀯𑀘𑀦𑀁 𑀢𑀺𑀫𑁆𑀳𑀺 𑀘 𑀯𑀺𑀓𑀭𑀡𑀼𑀧𑁆𑀧𑀢𑁆𑀢𑀺𑀜𑀸𑀧𑁂𑀢𑀼𑀁.
𑀧𑀼𑀭𑀸 𑀇𑀘𑁆𑀘𑀲𑁆𑀫𑀸 𑀦𑀺𑀧𑀸𑀢𑀸 𑀧𑀭𑀲𑁆𑀲 𑀓𑀭𑀲𑁆𑀲 𑀔 𑀳𑁄𑀢𑀺. 𑀧𑀼𑀭𑀓𑁆𑀔𑀢𑁆𑀯𑀸, 𑀧𑀼𑀭𑁂𑀓𑁆𑀔𑀸𑀭𑁄-𑀏𑀢𑁆𑀢𑀁 𑀢𑀤𑀫𑀺𑀦𑀸𑀤𑀺𑀧𑀸𑀞𑀸.
𑀦𑀺𑀲𑁆𑀫𑀸 𑀧𑀭𑀲𑁆𑀲 𑀓𑀫𑀲𑁆𑀲 𑀓𑁆𑀯𑀘𑀺 𑀔 𑀳𑁄𑀢𑀺, 𑀦𑀺𑀓𑁆𑀔𑀫𑀢𑀺, 𑀓𑁆𑀯𑀘𑀺𑀢𑁆𑀯𑁂𑀯? 𑀦𑀺𑀓𑁆𑀓𑀫𑁄.
𑀇𑀯𑀡𑁆𑀡𑀼𑀯𑀡𑁆𑀡𑀢𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀣𑀸𑀦𑀫𑀺𑀬𑀗𑀼𑀯𑀗 𑀳𑁄𑀢𑀺 𑀲𑀭𑁂 𑀓𑁆𑀯𑀘𑀺. 𑀯𑁂𑀤𑀺𑀬𑀢𑀺, 𑀩𑁆𑀭𑀼𑀯𑀦𑁆𑀢𑀺, 𑀲𑀭𑁂𑀢𑀺 𑀓𑀺𑀁? 𑀦𑀺𑀯𑁂𑀤𑁂𑀢𑀺, 𑀩𑁆𑀭𑀽𑀢𑀺, 𑀓𑁆𑀯𑀘𑀺𑀢𑁆𑀯𑁂𑀯? 𑀚𑀬𑀢𑀺, 𑀪𑀯𑀢𑀺.
𑀜𑀸𑀤𑀺𑀢𑁄-𑀜𑁆𑀜𑀲𑁆𑀲 ¶ 𑀆𑀓𑀸𑀭𑀦𑁆𑀢𑀲𑁆𑀲 𑀓𑁆𑀭𑀺𑀬𑀢𑁆𑀣𑀲𑁆𑀲 𑀈 𑀳𑁄𑀢𑀺 𑀓𑁆𑀬𑁂. 𑀤𑀻𑀬𑀢𑀺, 𑀅𑀜𑁆𑀜𑀸𑀤𑀺𑀲𑁆𑀲𑀸𑀢𑀺 𑀓𑀺𑀁? 𑀜𑀸𑀬𑀢𑀺, 𑀢𑀸𑀬𑀢𑀺𑀁.
𑀢𑀦𑀲𑁆𑀲 𑀆 𑀳𑁄𑀢𑀺 𑀯𑀸 𑀓𑁆𑀬𑁂. 𑀢𑀸𑀬𑀢𑁂, 𑀢𑀜𑁆𑀜𑀢𑁂.
𑀲𑀭𑀦𑁆𑀢𑀲𑁆𑀲 𑀓𑁆𑀭𑀺𑀬𑀢𑁆𑀣𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀓𑁆𑀬𑁂, 𑀘𑀻𑀬𑀢𑁂, 𑀲𑀽𑀬𑀢𑁂.
𑀲𑀓𑀸𑀭𑀦𑁆𑀢𑀢𑁄 𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲𑀸-𑀦𑀦𑁆𑀢𑀭𑀲𑁆𑀲 𑀢𑀓𑀸𑀭𑀲𑁆𑀲 𑀞 𑀳𑁄𑀢𑀺. 𑀢𑀼𑀝𑁆𑀞𑁄, 𑀢𑀼𑀝𑁆𑀞𑀯𑀸, 𑀢𑀼𑀝𑁆𑀞𑀩𑁆𑀩𑀁, 𑀢𑀼𑀝𑁆𑀞𑀺, 𑀅𑀦𑀦𑁆𑀢𑀭𑀲𑁆𑀲𑀸𑀢𑀺 𑀓𑀺𑀁? 𑀢𑀼𑀲𑁆𑀲𑀺𑀢𑁆𑀯𑀸.
𑀓𑀲𑀲𑁆𑀫𑀸 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞 𑀳𑁄𑀢𑀺 𑀓𑀲𑀲𑁆𑀲 𑀯𑀸 𑀇𑀫 𑀘. 𑀓𑀺𑀝𑁆𑀞𑀁, 𑀓𑀝𑁆𑀞𑀁, 𑀅𑀦𑀦𑁆𑀢𑀭𑀲𑁆𑀲𑀸𑀢𑁆𑀯𑁂𑀯? 𑀓𑀲𑀺𑀢𑀩𑁆𑀩𑀁.
𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂.
𑀧𑀼𑀘𑁆𑀙𑀸𑀤𑀻𑀳𑀺 ¶ 𑀓𑁆𑀭𑀺𑀬𑀢𑁆𑀣𑁂𑀳𑀺 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀓𑀸𑀭𑀲𑁆𑀲 𑀞 𑀳𑁄𑀢𑀺. 𑀧𑀼𑀝𑁆𑀞𑁄, 𑀪𑀝𑁆𑀞𑁄, 𑀬𑀺𑀝𑁆𑀞𑁄, 𑀅𑀦𑀦𑁆𑀢𑀭𑀲𑁆𑀲𑀸𑀢𑁆𑀯𑁂𑀯? 𑀧𑀼𑀘𑁆𑀙𑀺𑀢𑁆𑀯𑀸.
𑀏𑀢𑁂𑀳𑀺 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀣 𑀳𑁄𑀢𑀺, 𑀲𑀢𑁆𑀣𑀁, 𑀯𑀢𑁆𑀣𑀁, 𑀧𑀲𑀢𑁆𑀣𑀁, 𑀲𑀢𑁆𑀣𑀁. 𑀓𑀣𑀫𑀦𑀼𑀲𑀺𑀝𑁆𑀞𑁄 (𑀯𑀼𑀝𑁆𑀞𑁄) 𑀢𑀺? ‘𑀢𑀣𑀦𑀭𑀸𑀦𑀁 𑀝𑀝𑁆𑀞𑀡𑀮𑀸’ 𑁧-𑁫𑁨 𑀢𑀺 𑀝𑁆𑀞𑁄, 𑀅𑀦𑀦𑁆𑀢𑀭𑀲𑁆𑀲𑀸𑀢𑁆𑀯𑁂𑀯? 𑀲𑀸𑀲𑀺𑀢𑀼𑀁.
𑀥𑀓𑀸𑀭𑀳𑀓𑀸𑀭𑀪𑀓𑀸𑀭𑀦𑁆𑀢𑁂𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀥 𑀳𑁄𑀢𑀺. 𑀯𑀼𑀤𑁆𑀥𑁄, 𑀤𑀼𑀤𑁆𑀥𑀁, 𑀮𑀤𑁆𑀥𑀁.
𑀤𑀳𑀸 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀠 𑀳𑁄𑀢𑀺. 𑀤𑀟𑁆𑀠𑁄.
𑀩𑀳𑀸 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀠𑁄 𑀳𑁄𑀢𑀺, 𑀩𑀳𑀲𑁆𑀲𑀼𑀫 𑀘 𑀠𑀲𑀦𑁆𑀦𑀺𑀬𑁄𑀕𑁂𑀦. 𑀩𑀼𑀟𑁆𑀠𑁄.
𑀭𑀳𑀸𑀤𑀻𑀳𑀺 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀳 𑀳𑁄𑀢𑀺 𑀴𑁄 𑀘𑀸𑀦𑁆𑀢𑀲𑁆𑀲. 𑀆𑀭𑀼𑀴𑁆𑀳𑁄, 𑀕𑀽𑀴𑁆𑀳𑁄, 𑀯𑀽𑀴𑁆𑀳𑁄, 𑀩𑀸𑀴𑁆𑀳𑁄, (𑀑𑀕𑀸𑀴𑁆𑀳𑁄), 𑀅𑀦𑀦𑁆𑀢𑀭𑀲𑁆𑀲𑀸𑀢𑁆𑀯𑁂𑀯? 𑀆𑀭𑁄𑀳𑀺𑀢𑀼𑀁.
𑀫𑀼𑀳𑀸 ¶ 𑀧𑀭𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀳 𑀳𑁄𑀢𑀺 𑀯𑀸 𑀴𑁄 𑀘𑀸𑀦𑁆𑀢𑀲𑁆𑀲 𑀳𑀲𑀦𑁆𑀦𑀺𑀬𑁄𑀕𑁂𑀦. 𑀫𑀽𑀴𑁆𑀳𑁄, 𑀫𑀼𑀤𑁆𑀥𑁄.
𑁧𑁫𑁦. 𑀪𑀺𑀤𑀸𑀤𑀺𑀢𑁄 𑀦𑁄 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁.
𑀪𑀺𑀤𑀸𑀤𑀺𑀢𑁄 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀦𑁄 𑀳𑁄𑀢𑀺. 𑀪𑀺𑀦𑁆𑀦𑁄 𑀪𑀺𑀦𑁆𑀦𑀯𑀸, 𑀙𑀺𑀦𑁆𑀦𑁄 𑀙𑀺𑀦𑁆𑀦𑀯𑀸, 𑀙𑀦𑁆𑀦𑁄 𑀙𑀦𑁆𑀦𑀯𑀸, 𑀙𑀺𑀦𑁆𑀦𑁄 𑀔𑀺𑀦𑁆𑀦𑀯𑀸, 𑀉𑀧𑁆𑀧𑀦𑁆𑀦𑁄 𑀉𑀧𑁆𑀧𑀦𑁆𑀦𑀯𑀸, 𑀲𑀺𑀦𑁆𑀦𑁄, 𑀲𑀺𑀦𑁆𑀦𑀯𑀸, 𑀲𑀦𑁆𑀦𑁄 𑀲𑀦𑁆𑀦𑀯𑀸, 𑀧𑀻𑀦𑁄 𑀧𑀻𑀦𑀯𑀸, 𑀲𑀽𑀦𑁄 𑀲𑀽𑀦𑀯𑀸, 𑀤𑀻𑀦𑁄 𑀤𑀻𑀦𑀯𑀸, 𑀟𑀻𑀦𑁄 𑀟𑀻𑀦𑀯𑀸, 𑀮𑀻𑀦𑁄 𑀮𑀻𑀦𑀯𑀸, 𑀮𑀽𑀦𑁄 𑀮𑀽𑀦𑀯𑀸, 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀦𑁆𑀢𑀺 𑀓𑀺𑀁? 𑀪𑀺𑀢𑁆𑀢𑀺, 𑀙𑀺𑀢𑁆𑀢𑀺, 𑀪𑁂𑀢𑁆𑀢𑀼𑀁, 𑀙𑁂𑀢𑁆𑀢𑀼𑀁.
𑀤𑀸𑀢𑁄 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀇𑀦𑁆𑀦𑁄 𑀳𑁄𑀢𑀺. 𑀤𑀺𑀦𑁆𑀦𑁄, 𑀤𑀺𑀦𑁆𑀦𑀯𑀸.
𑀓𑀺𑀭𑀸𑀤𑀻𑀳𑀺 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀡 𑀳𑁄𑀢𑀺, 𑀓𑀺𑀡𑁆𑀡𑁄 𑀓𑀺𑀡𑁆𑀡𑀯𑀸, 𑀧𑀼𑀡𑁆𑀡𑁄 𑀧𑀼𑀡𑁆𑀡𑀯𑀸, 𑀔𑀻𑀡𑁄 𑀔𑀻𑀡𑀯𑀸.
𑀢𑀭𑀸𑀤𑀻𑀳𑀺 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀭𑀺𑀡𑁆𑀡𑁄 𑀳𑁄𑀢𑀺. 𑀢𑀺𑀡𑁆𑀡𑁄 𑀢𑀺𑀡𑁆𑀡𑀯𑀸, 𑀚𑀺𑀡𑁆𑀡𑁄 𑀚𑀺𑀡𑁆𑀡𑀯𑀸, 𑀘𑀺𑀡𑁆𑀡𑁄 𑀘𑀺𑀡𑁆𑀡𑀯𑀸.
𑀪𑀦𑁆𑀚𑀸𑀤𑀻𑀳𑀺 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲𑀸𑀦𑀦𑁆𑀢𑀭𑀲𑁆𑀲 𑀕 𑀳𑁄𑀢𑀺. 𑀪𑀕𑁆𑀕𑁄 𑀪𑀕𑁆𑀕𑀯𑀸, 𑀮𑀕𑁆𑀕𑁄 𑀮𑀕𑁆𑀕𑀯𑀸, 𑀦𑀺𑀫𑀼𑀕𑁆𑀕𑁄 𑀦𑀺𑀫𑀼𑀕𑁆𑀕𑀯𑀸, 𑀲𑀁𑀯𑀺𑀕𑁆𑀕𑁄 𑀲𑀁𑀯𑀺𑀕𑁆𑀕𑀯𑀸.
𑀲𑀼𑀲𑀸 ¶ 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀔𑁄 𑀳𑁄𑀢𑀺. 𑀲𑀼𑀓𑁆𑀔𑁄 𑀲𑀼𑀓𑁆𑀔𑀯𑀸.
𑀧𑀘𑀸 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀓𑁄 𑀳𑁄𑀢𑀺. 𑀧𑀓𑁆𑀓𑁄 𑀧𑀓𑁆𑀓𑀯𑀸.
𑀫𑀼𑀘𑀸 𑀧𑀭𑁂𑀲𑀁 𑀓𑁆𑀢𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀓𑁄 𑀯𑀸 𑀳𑁄𑀢𑀺. 𑀫𑀼𑀓𑁆𑀓𑁄 𑀫𑀼𑀢𑁆𑀢𑁄, 𑀫𑀼𑀓𑁆𑀓𑀯𑀸 𑀫𑀼𑀢𑁆𑀢𑀯𑀸. ‘𑀲𑀓𑁆𑀓𑁄’𑀢𑀺 𑀡𑁆𑀯𑀸𑀤𑀻𑀲𑀼 𑀲𑀺𑀤𑁆𑀥𑀁, 𑀓𑁆𑀢𑀓𑁆𑀢𑀯𑀦𑁆𑀢𑀽𑀲𑀼 𑀲𑀢𑁆𑀢𑁄, 𑀲𑀢𑁆𑀢𑀸𑀯𑀸𑀢𑁆𑀯𑁂𑀯 𑀳𑁄𑀢𑀺.
𑀯𑀟𑁆𑀠𑀸 𑀧𑀭𑀲𑁆𑀲 𑀓𑁆𑀢𑀺𑀲𑁆𑀲 𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀯𑀟𑁆𑀠𑀺.
𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲 𑀓𑁆𑀯𑀺𑀲𑁆𑀲 𑀮𑁄𑀧𑁄 𑀳𑁄𑀢𑀺, 𑀅𑀪𑀺𑀪𑀽.
𑀡𑀺𑀡𑀸𑀧𑀻𑀦𑀁 𑀮𑁄𑀧𑁄 𑀳𑁄𑀢𑀺 𑀢𑁂𑀲𑀼 𑀡𑀺𑀡𑀸𑀧𑀻𑀲𑀼. 𑀓𑀸𑀭𑁂𑀦𑁆𑀢𑀁 𑀧𑀬𑁄𑀚𑀬𑀢𑀺 𑀓𑀸𑀭𑁂𑀢𑀺 𑀓𑀸𑀭𑀸𑀧𑀬𑀢𑀺.
𑀯𑀺𑀓𑀭𑀡𑀸𑀦𑀁 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺. 𑀉𑀤𑀧𑀸𑀤𑀺, 𑀳𑀦𑁆𑀢𑀺.
𑀓𑁆𑀭𑀺𑀬𑀢𑁆𑀣𑀸 ¶ 𑀧𑀭𑀲𑁆𑀲 𑀫𑀸𑀦𑀲𑁆𑀲 𑀫𑀓𑀸𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀓𑁆𑀯𑀘𑀺. 𑀓𑀭𑀸𑀡𑁄, 𑀓𑁆𑀯𑀘𑀻𑀢𑀺 𑀓𑀺𑀁? 𑀓𑀼𑀭𑀼𑀫𑀸𑀦𑁄.
𑀜𑀺𑀮𑀸𑀦𑀫𑁂 𑀳𑁄𑀢𑀺 𑀓𑁆𑀯𑀘𑀺. 𑀕𑀳𑁂𑀢𑁆𑀯𑀸, 𑀅𑀤𑁂𑀦𑁆𑀢𑀺, 𑀓𑁆𑀯𑀘𑀺𑀢𑁆𑀯𑁂𑀯? 𑀯𑀧𑀺𑀢𑁆𑀯𑀸.
𑀢𑁆𑀯𑀸𑀲𑁆𑀲 𑀯𑀸 𑀧𑁆𑀬𑁄 𑀳𑁄𑀢𑀺 𑀲𑀫𑀸𑀲𑁂. 𑀧𑀓𑀸𑀭𑁄 ‘‘𑀧𑁆𑀬𑁂 𑀲𑀺𑀲𑁆𑀲𑀸’’ 𑀢𑀺 𑁫-𑁮𑁮 𑀯𑀺𑀲𑁂𑀲𑀦𑀢𑁆𑀣𑁄. 𑀅𑀪𑀺𑀪𑀽𑀬, 𑀅𑀪𑀺𑀪𑀯𑀺𑀢𑁆𑀯𑀸, 𑀲𑀫𑀸𑀲𑁂𑀢𑀺 𑀓𑀺𑀁? 𑀧𑀢𑁆𑀯𑀸, 𑀓𑁆𑀯𑀘𑀸𑀲𑀫𑀸𑀲𑁂𑀧𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 ‘𑀮𑀢𑀁 𑀤𑀦𑁆𑀢𑁂𑀳𑀺 𑀙𑀺𑀦𑁆𑀤𑀺𑀬’.
𑀓𑁆𑀢𑁆𑀯𑀸𑀲𑁆𑀲 𑀯𑀸 𑀢𑀼𑀁𑀬𑀸𑀦𑀸 𑀳𑁄𑀦𑁆𑀢𑀺 𑀲𑀫𑀸𑀲𑁂 𑀓𑁆𑀯𑀘𑁆𑀘𑀺. 𑀅𑀪𑀺𑀳𑀝𑁆𑀞𑀼𑀁 𑀅𑀪𑀺𑀳𑀭𑀺𑀢𑁆𑀯𑀸, 𑀅𑀦𑀼𑀫𑁄𑀤𑀺𑀬𑀸𑀦 𑀅𑀦𑀼𑀫𑁄𑀤𑀺𑀢𑁆𑀯𑀸, 𑀅𑀲𑀫𑀸𑀲𑁂𑀧𑀺 𑀩𑀳𑀼𑀮𑀸𑀥𑀺 𑀓𑀸𑀭𑀸, 𑀤𑀝𑁆𑀞𑀼𑀁 𑀤𑀺𑀲𑁆𑀯𑀸, 𑀏𑀲𑀫𑀧𑁆𑀧𑀯𑀺𑀲𑀬𑀢𑀸𑀜𑀸𑀧𑀦𑀢𑁆𑀣𑁄 𑀬𑁄𑀕𑀯𑀺𑀪𑀸𑀕𑁄.
𑀳𑀦𑀲𑁆𑀫𑀸 𑀧𑀭𑀲𑁆𑀲 𑀓𑁆𑀢𑁆𑀯𑀸𑀲𑁆𑀲 𑀭𑀘𑁆𑀘𑁄 𑀯𑀸 𑀳𑁄𑀢𑀺 𑀲𑀫𑀸𑀲𑁂. 𑀆𑀳𑀘𑁆𑀘, 𑀆𑀳𑀦𑀺𑀢𑁆𑀯𑀸.
𑀲𑀸𑀲𑀸𑀥𑀻𑀳𑀺 𑀧𑀭𑀸 𑀓𑀭𑀸 𑀧𑀭𑀲𑁆𑀲 𑀓𑁆𑀢𑁆𑀯𑀲𑁆𑀲 𑀘𑀘𑀭𑀺𑀘𑁆𑀘𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀲𑀓𑁆𑀓𑀘𑁆𑀘 𑀲𑀓𑁆𑀓𑀭𑀺𑀢𑁆𑀯𑀸, 𑀅𑀲𑀓𑁆𑀓𑀘𑁆𑀘 𑀅𑀲𑀓𑁆𑀓𑀭𑀺𑀢𑁆𑀯𑀸, 𑀅𑀥𑀺𑀓𑀺𑀘𑁆𑀘 𑀅𑀥𑀺𑀓𑀭𑀺𑀢𑁆𑀯𑀸.
𑀇𑀇𑀘𑁆𑀘𑀲𑁆𑀫𑀸 ¶ 𑀧𑀭𑀲𑁆𑀲 𑀓𑁆𑀢𑁆𑀯𑀸𑀲𑁆𑀲 𑀘𑁆𑀘𑁄 𑀯𑀸 𑀳𑁄𑀢𑀺. 𑀅𑀥𑀺𑀘𑁆𑀘 𑀅𑀥𑀻𑀬𑀺𑀢𑁆𑀯𑀸, 𑀲𑀫𑁂𑀘𑁆𑀘 𑀲𑀫𑁂𑀢𑁆𑀯𑀸.
𑀤𑀺𑀲𑀢𑁄 𑀓𑁆𑀢𑁆𑀯𑀸𑀲𑁆𑀲 𑀯𑀸𑀦𑀯𑀸 𑀳𑁄𑀦𑁆𑀢𑀺 𑀯𑀸 𑀤𑀺𑀲𑀲𑁆𑀲 𑀘 𑀲 𑀓𑀸𑀭𑁄 𑀢𑀁𑀲𑀦𑁆𑀦𑀺𑀬𑁄𑀕𑁂𑀦. 𑀲𑀲𑁆𑀲 𑀲𑀯𑀺𑀥𑀸𑀦𑀁 𑀧𑀭𑀭𑀽𑀧𑀩𑀸𑀥𑀦𑀢𑁆𑀣𑀁. 𑀤𑀺𑀲𑁆𑀯𑀸𑀦, 𑀤𑀺𑀲𑁆𑀯𑀸 𑀧𑀲𑁆𑀲𑀺𑀢𑁆𑀯𑀸, 𑀓𑀣𑀁 ‘𑀦𑀸𑀤𑀝𑁆𑀞𑀸 𑀧𑀭𑀢𑁄 𑀤𑁄𑀲’𑀦𑁆𑀢𑀺? 𑀜𑀸𑀧𑀓𑀸 𑀢𑁆𑀯𑀸𑀲𑁆𑀲 𑀯𑀮𑁄𑀧𑁄, 𑀏𑀯𑀁 ‘𑀮𑀤𑁆𑀥𑀸 𑀥𑀦’𑀦𑁆𑀢𑀺 𑀆𑀤𑀻𑀲𑀼.
𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀸𑀤𑀺𑀧𑁆𑀧𑀘𑁆𑀘𑀬𑀲𑁆𑀲 𑀜𑀺 𑀯𑀸 𑀳𑁄𑀢𑀺. 𑀪𑀼𑀜𑁆𑀚𑀺𑀢𑀼𑀁 𑀪𑁄𑀢𑁆𑀢𑀼𑀁, 𑀩𑁆𑀬𑀜𑁆𑀚𑀦𑀲𑁆𑀲𑀸𑀢𑀺 𑀓𑀺𑀁? 𑀧𑀸𑀘𑀓𑁄.
𑀭𑀦𑁆𑀢𑀢𑁄 𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲 𑀧𑀘𑁆𑀘𑀬𑀦𑀓𑀸𑀭𑀲𑁆𑀲 𑀡𑁄 𑀳𑁄𑀢𑀺. 𑀅𑀭𑀡𑀁, 𑀲𑀭𑀡𑀁.
𑀭𑀦𑁆𑀢𑀢𑁄 𑀧𑀭𑁂𑀲𑀁 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀦𑀁 𑀦𑀲𑁆𑀲 𑀡𑁄 𑀦 𑀳𑁄𑀢𑀺, 𑀓𑀭𑁄𑀦𑁆𑀢𑁄, 𑀓𑀼𑀭𑀼𑀫𑀸𑀦𑁄, 𑀓𑀭𑁄𑀦𑁆𑀢𑀺.
𑀏𑀢𑁂𑀲𑀁 𑀯𑀸 𑀘𑁆𑀙𑀗 𑀳𑁄𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀕𑀘𑁆𑀙𑀦𑁆𑀢𑁄 𑀕𑀘𑁆𑀙𑀫𑀸𑀦𑁄 𑀕𑀘𑁆𑀙𑀢𑀺, 𑀬𑀘𑁆𑀙𑀦𑁆𑀦𑁄 𑀬𑀘𑁆𑀙𑀫𑀸𑀦𑁄 𑀬𑀘𑁆𑀙𑀢𑀺, 𑀇𑀘𑁆𑀙𑀦𑁆𑀢𑁄 𑀇𑀘𑁆𑀙𑀫𑀸𑀦𑁄 𑀇𑀘𑁆𑀙𑀢𑀺 ¶ 𑀅𑀘𑁆𑀙𑀦𑁆𑀢𑁄 𑀅𑀘𑁆𑀙𑀫𑀸𑀦𑁄 𑀅𑀘𑁆𑀙𑀢𑀺, 𑀤𑀺𑀘𑁆𑀙𑀦𑁆𑀢𑁄 𑀤𑀺𑀘𑁆𑀙𑀫𑀸𑀦𑁄 𑀤𑀺𑀘𑁆𑀙𑀢𑀺, 𑀯𑀸𑀢𑀺 𑀓𑀺𑀁? 𑀕𑀫𑀺𑀲𑁆𑀲𑀢𑀺, 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀸-𑀬𑀁, 𑀢𑁂𑀦𑀸𑀜𑁆𑀜𑁂𑀲𑀼 𑀘 𑀓𑁆𑀯𑀘𑀺-𑀇𑀘𑁆𑀙𑀺𑀢𑀩𑁆𑀩𑀁 𑀇𑀘𑁆𑀙𑀸 𑀇𑀘𑁆𑀙𑀺𑀢𑀼𑀁, 𑀅𑀘𑁆𑀙𑀺𑀢𑀩𑁆𑀩𑀁 𑀅𑀘𑁆𑀙𑀢𑀼𑀁, 𑀅𑀜𑁆𑀜𑁂𑀲𑀜𑁆𑀘 𑀬𑁄𑀕𑀯𑀺𑀪𑀸𑀕𑀸-𑀧𑀯𑁂𑀘𑁆𑀙𑀢𑀺.
𑀏𑀢𑁂𑀲𑀫𑀻𑀬𑀗 𑀯𑀸 𑀳𑁄𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀚𑀻𑀬𑀦𑁆𑀢𑁄 𑀚𑀻𑀭𑀦𑁆𑀢𑁄, 𑀚𑀻𑀬𑀫𑀸𑀦𑁄 𑀚𑀻𑀭𑀫𑀸𑀦𑁄, 𑀚𑀻𑀬𑀢𑀺 𑀚𑀻𑀭𑀢𑀺, 𑀫𑀻𑀬𑀦𑁆𑀢𑁄 𑀫𑀭𑀦𑁆𑀢𑁄, 𑀫𑀻𑀬𑀫𑀸𑀦𑁄 𑀫𑀭𑀫𑀸𑀦𑁄, 𑀫𑀻𑀬𑀢𑀺 𑀫𑀭𑀢𑀺.
𑀞𑀸𑀧𑀸𑀦𑀁 𑀢𑀺𑀝𑁆𑀞𑀧𑀺𑀯𑀸 𑀳𑁄𑀦𑁆𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀢𑀺𑀝𑁆𑀞𑀦𑁆𑀢𑁄, 𑀢𑀺𑀝𑁆𑀞𑀫𑀸𑀦𑁄, 𑀢𑀺𑀝𑁆𑀞𑀢𑀺, 𑀧𑀺𑀯𑀦𑁆𑀢𑁄, 𑀧𑀺𑀯𑀫𑀸𑀦𑁄, 𑀧𑀺𑀯𑀢𑀺, 𑀯𑀸𑀢𑁆𑀯𑁂𑀯𑀺? 𑀞𑀸𑀢𑀺, 𑀧𑀸𑀢𑀺.
𑀕𑀫𑀸𑀤𑀻𑀦𑀁 𑀖𑀫𑁆𑀫𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀖𑀫𑁆𑀫𑀦𑁆𑀢𑁄, 𑀕𑀘𑁆𑀙𑀦𑁆𑀢𑁄, 𑀯𑀚𑁆𑀚𑀦𑁆𑀢𑁄 𑀯𑀤𑀦𑁆𑀢𑁄, 𑀤𑀚𑁆𑀚𑀦𑁆𑀢𑁄 𑀤𑀤𑀦𑁆𑀢𑁄.
𑁧𑁭𑁭. 𑀓𑀭𑀲𑁆𑀲 𑀲𑁄𑀲𑁆𑀲 𑀓𑀼𑀩𑁆𑀩𑀓𑀼𑀭𑀼𑀓𑀬𑀺𑀭𑀸.
𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀼𑀩𑁆𑀩𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀓𑀼𑀩𑁆𑀩𑀦𑁆𑀢𑁄 𑀓𑀬𑀺𑀭𑀦𑁆𑀢𑁄 𑀓𑀭𑁄𑀦𑁆𑀢𑁄, 𑀓𑀼𑀩𑁆𑀩𑀫𑀸𑀦𑁄 𑀓𑀼𑀭𑀼𑀫𑀸𑀦𑁄 𑀓𑀬𑀺𑀭𑀫𑀸𑀦𑁄, 𑀓𑀭𑀸𑀡𑁄, 𑀓𑀼𑀩𑁆𑀩𑀢𑀺 𑀓𑀬𑀺𑀭𑀢𑀺 𑀓𑀭𑁄𑀢𑀺, 𑀓𑀼𑀩𑁆𑀩𑀢𑁂 𑀓𑀼𑀭𑀼𑀢𑁂, 𑀓𑀬𑀺𑀭𑀢𑁂, 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲 𑀪𑀺𑀬𑁆𑀬𑁄 𑀫𑀸𑀦𑀧𑀭𑀘𑁆𑀙𑀓𑁆𑀓𑁂𑀲𑀼 𑀓𑀼𑀭𑀼, 𑀓𑁆𑀯𑀘𑀺𑀤𑁂𑀯 𑀧𑀼𑀩𑁆𑀩𑀙𑀓𑁆𑀓𑁂 ‘𑀅𑀕𑁆𑀖𑀁 𑀓𑀼𑀭𑀼𑀢𑀼, 𑀦𑁄 𑀪𑀯𑀁, 𑀲𑁄𑀲𑁆𑀲𑀸𑀢𑀺 𑀯𑀼𑀢𑁆𑀢𑀢𑁆𑀢𑀸 𑀓𑀢𑁆𑀢𑀭𑀺𑀬𑁂𑀯𑀺𑀫𑁂.
𑀕𑀳𑀲𑁆𑀲 ¶ 𑀯𑀸 𑀖𑁂𑀧𑁆𑀧𑁄 𑀳𑁄𑀢𑀺 𑀦𑁆𑀢𑀫𑀸𑀦𑀢𑁆𑀬𑀸𑀤𑀻𑀲𑀼. 𑀖𑁂𑀧𑁆𑀧𑀦𑁆𑀢𑁄, 𑀖𑁂𑀧𑁆𑀧𑀫𑀸𑀦𑁄, 𑀖𑁂𑀧𑁆𑀧𑀢𑀺, 𑀯𑀸𑀢𑁆𑀯𑁂𑀯? 𑀕𑀡𑁆𑀳𑀢𑀺.
𑀕𑀳𑀲𑁆𑀲 𑀦𑀺𑀕𑁆𑀕𑀳𑀻𑀢𑀲𑁆𑀲 𑀡𑁄 𑀳𑁄𑀢𑀺. 𑀕𑀡𑁆𑀳𑀺𑀢𑀩𑁆𑀩𑀁, 𑀕𑀡𑁆𑀳𑀺𑀢𑀼𑀁, 𑀕𑀡𑁆𑀳𑀦𑁆𑀢𑁄.
𑀇𑀢𑀺𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀔𑀸𑀤𑀺𑀓𑀡𑁆𑀟𑁄 𑀧𑀜𑁆𑀘𑀫𑁄.
𑁬. 𑀙𑀝𑁆𑀞𑁄 𑀓𑀡𑁆𑀟𑁄 (𑀢𑁆𑀬𑀸𑀤𑀺)
𑁧. 𑀯𑀢𑁆𑀢𑀫𑀸𑀦𑁂 𑀢𑀺 𑀅𑀦𑁆𑀢𑀺 𑀲𑀺 𑀣 𑀫𑀺 𑀫 𑀢𑁂 𑀅𑀦𑁆𑀢𑁂 𑀲𑁂 𑀯𑁆𑀳𑁂 𑀏 𑀫𑁆𑀳𑁂.
𑀯𑀢𑁆𑀢𑀫𑀸𑀦𑁂 𑀆𑀭𑀤𑁆𑀥𑀸𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺, 𑀕𑀘𑁆𑀙𑀲𑀺 𑀕𑀘𑁆𑀙𑀣, 𑀕𑀘𑁆𑀙𑀸𑀫𑀺 𑀕𑀘𑁆𑀙𑀸𑀫, 𑀕𑀘𑁆𑀙𑀢𑁂 𑀕𑀘𑁆𑀙𑀦𑁆𑀢𑁂, 𑀕𑀘𑁆𑀙𑀲𑁂 𑀕𑀘𑁆𑀙𑀯𑁆𑀳𑁂, 𑀕𑀘𑁆𑀙𑁂 𑀕𑀘𑁆𑀙𑀸𑀫𑁆𑀳𑁂. 𑀓𑀣𑀁 ‘𑀧𑀼𑀭𑁂 𑀅𑀥𑀫𑁆𑀫𑁄 𑀤𑀺𑀧𑁆𑀧𑀢𑀺, 𑀧𑀼𑀭𑀸 𑀫𑀭𑀸𑀫𑀻’𑀢𑀺? 𑀯𑀢𑁆𑀢𑀫𑀸𑀦𑀲𑁆𑀲𑁂𑀯𑀯𑀢𑁆𑀢𑀼𑀫𑀺𑀝𑁆𑀞𑀢𑁆𑀢𑀸 𑀢𑀁𑀲𑀫𑀻𑀧𑀲𑁆𑀲 𑀢𑀕𑁆𑀕𑀳𑀡𑁂𑀦 𑀕𑀳𑀡𑀸, 𑀧𑀼𑀭𑁂𑀧𑀼𑀭𑀸𑀲𑀤𑁆𑀤𑁂𑀳𑀺 𑀯𑀸 𑀅𑀦𑀸𑀕𑀢𑀢𑁆𑀢𑀸𑀯𑀕𑀫𑁂 𑀢𑀤𑀸 𑀢𑀲𑁆𑀲 𑀯𑀢𑁆𑀢𑀫𑀸𑀦𑀢𑁆𑀢𑀸, 𑀓𑀸𑀮𑀩𑁆𑀬𑀢𑁆𑀢𑀬𑁄 𑀯𑀸 𑀏𑀲𑁄, 𑀪𑀯𑀦𑁆𑀢𑁂𑀯 𑀳𑀺 𑀓𑀸𑀮𑀦𑁆𑀢𑀭𑁂𑀧𑀺 𑀢𑁆𑀬𑀸𑀤𑀬𑁄 𑀩𑀸𑀳𑀼𑀮𑀓𑀸 ‘𑀲𑀦𑁆𑀢𑁂𑀲𑀼 𑀧𑀭𑀺𑀕𑀽𑀳𑀸𑀫𑀺, 𑀫𑀸 𑀘 𑀓𑀺𑀜𑁆𑀘 𑀇𑀢𑁄 𑀅𑀤𑀁’ ‘𑀓𑀸𑀬𑀲𑁆𑀲 𑀪𑁂𑀤𑀸 𑀅𑀪𑀺𑀲𑀫𑁆𑀧𑀭𑀸𑀬𑀁, 𑀲𑀳𑀩𑁆𑀬𑀢𑀁 𑀕𑀘𑁆𑀙𑀢𑀺 𑀯𑀸𑀲𑀯𑀲𑁆𑀲, ‘𑀅𑀦𑁂𑀓𑀚𑀸𑀢𑀺𑀲𑀁𑀲𑀸𑀭𑀁 𑀲𑀦𑁆𑀥𑀸𑀯𑀺𑀲𑁆𑀲𑀁’ 𑀅𑀢𑀺𑀯𑁂𑀮𑀁 𑀦 𑀫𑀲𑁆𑀲𑀺𑀲𑁆𑀲’𑀦𑁆𑀢𑀺.
𑁨. 𑀪𑀯𑀺𑀲𑁆𑀲𑀢𑀺 ¶ 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺 𑀲𑁆𑀲𑀲𑀺 𑀲𑁆𑀲𑀣 𑀲𑁆𑀲𑀸𑀫𑀺 𑀲𑁆𑀲𑀸𑀫 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂.
𑀪𑀯𑀺𑀲𑁆𑀲𑀢𑀺 𑀅𑀦𑀸𑀭𑀤𑁆𑀥𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀕𑀫𑀺𑀲𑁆𑀲𑀢𑀺 𑀕𑀫𑀺𑀲𑁆𑀲𑀦𑁆𑀢𑀺, 𑀕𑀫𑀺𑀲𑁆𑀲𑀲𑀺 𑀕𑀫𑀺𑀲𑁆𑀲𑀣, 𑀕𑀫𑀺𑀲𑁆𑀲𑀸𑀫𑀺 𑀕𑀫𑀺𑀲𑁆𑀲𑀸𑀫, 𑀕𑀫𑀺𑀲𑁆𑀲𑀢𑁂 𑀕𑀫𑀺𑀲𑁆𑀲𑀦𑁆𑀢𑁂, 𑀕𑀫𑀺𑀲𑁆𑀲𑀲𑁂 𑀕𑀫𑀺𑀲𑁆𑀲𑀯𑁆𑀳𑁂, 𑀕𑀫𑀺𑀲𑁆𑀲𑀁 𑀕𑀫𑀺𑀲𑁆𑀲𑀸𑀫𑁆𑀳𑁂.
𑀦𑀸𑀫𑀲𑀤𑁆𑀤𑁂 𑀦𑀺𑀧𑀸𑀢𑁂 𑀲𑀢𑀺 𑀕𑀭𑀳𑀸𑀬𑀁 𑀯𑀺𑀫𑁆𑀳𑀬𑁂 𑀘 𑀕𑀫𑁆𑀬𑀫𑀸𑀦𑁂 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀇𑀫𑁂 𑀳𑀺 𑀦𑀸𑀫 𑀓𑀮𑁆𑀬𑀸𑀡𑀥𑀫𑁆𑀫𑀸 𑀧𑀝𑀺𑀚𑀸𑀦𑀺𑀲𑁆𑀲𑀦𑁆𑀢𑀺, 𑀦 𑀳𑀺 𑀦𑀸𑀫 𑀪𑀺𑀓𑁆𑀔𑀯𑁂 𑀢𑀲𑁆𑀲 𑀫𑁄𑀖𑀧𑀼𑀭𑀺𑀲𑀲𑁆𑀲 𑀧𑀸𑀡𑁂𑀲𑀼 𑀅𑀦𑀼𑀤𑁆𑀤𑀬𑀸 𑀪𑀯𑀺𑀲𑁆𑀲𑀢𑀺, 𑀓𑀣𑀁 𑀳𑀺 𑀦𑀸𑀫 𑀲𑁄 𑀪𑀺𑀓𑁆𑀔𑀯𑁂 𑀫𑁄𑀖𑀧𑀼𑀭𑀺𑀲𑁄 𑀲𑀩𑁆𑀩𑀫𑀢𑁆𑀢𑀺𑀓𑀸𑀫𑀬𑀁 𑀓𑀼𑀝𑀺𑀓𑀁 𑀓𑀭𑀺𑀲𑁆𑀲𑀢𑀺? 𑀢𑀢𑁆𑀣 𑀦𑀸𑀫 𑀢𑁆𑀯𑀁 𑀫𑁄𑀖𑀧𑀼𑀭𑀺𑀲 𑀫𑀬𑀸 𑀯𑀺𑀭𑀸𑀕𑀸𑀬 𑀥𑀫𑁆𑀫𑁂 𑀤𑁂𑀲𑀺𑀢𑁂 𑀲𑀭𑀸𑀕𑀸𑀬 𑀘𑁂𑀢𑁂𑀲𑁆𑀲𑀲𑀺? 𑀅𑀢𑁆𑀣𑀺 𑀦𑀸𑀫 𑀢𑀸𑀢 𑀲𑀼𑀤𑀺𑀦𑁆𑀦 𑀆𑀪𑀺𑀤𑁄𑀲𑀺𑀓𑀁 𑀓𑀼𑀫𑁆𑀫𑀸𑀲𑀁 𑀧𑀭𑀺𑀪𑀼𑀜𑁆𑀚𑀺𑀲𑁆𑀲𑀲𑀺, 𑀅𑀢𑁆𑀣𑀺𑀬𑁂𑀯𑀺𑀳𑀸𑀧𑀺 𑀦𑀺𑀦𑁆𑀤𑀸𑀯𑀕𑀫𑁄. 𑀯𑀺𑀫𑀼𑀬𑁂-𑀅𑀘𑁆𑀙𑀭𑀺𑀬𑀁 𑀯𑀢 𑀪𑁄 𑀅𑀩𑁆𑀪𑀼𑀢𑀁 𑀯𑀢 𑀪𑁄 𑀲𑀦𑁆𑀢𑁂𑀦 𑀯𑀢 𑀪𑁄 𑀧𑀩𑁆𑀩𑀚𑀺𑀢𑀸 𑀯𑀺𑀳𑀸𑀭𑁂𑀦 𑀯𑀺𑀳𑀭𑀦𑁆𑀢𑀺, 𑀬𑀢𑁆𑀭 𑀳𑀺 𑀦𑀸𑀫 𑀲𑀜𑁆𑀜𑀻 𑀲𑀫𑀸𑀦𑁄 𑀚𑀸𑀕𑀭𑁄 𑀧𑀜𑁆𑀘𑀫𑀢𑁆𑀢𑀸𑀦𑀺 𑀲𑀓𑀝𑀲𑀢𑀸𑀦𑀺 𑀦𑀺𑀲𑁆𑀲𑀸𑀬 𑀦𑀺𑀲𑁆𑀲𑀸𑀬 𑀅𑀪𑀺𑀓𑁆𑀓𑀦𑁆𑀢𑀸𑀦𑀺 𑀦𑁂𑀯 𑀤𑀓𑁆𑀔𑀢𑀺 𑀦 𑀧𑀦 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺, 𑀅𑀘𑁆𑀙𑀭𑀺𑀬𑀁 𑀅𑀦𑁆𑀥𑁄 𑀦𑀸𑀫 𑀧𑀩𑁆𑀩𑀢𑀫𑀸𑀭𑁄𑀳𑀺𑀲𑁆𑀲𑀢𑀺, 𑀩𑀥𑀺𑀭𑁄 𑀦𑀸𑀫 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺.
𑁪. 𑀪𑀽𑀢𑁂 𑀈𑀉𑀁 𑀑𑀢𑁆𑀣 𑀇𑀁 𑀫𑁆𑀳𑀸 𑀆 𑀊 𑀲𑁂 𑀯𑁆𑀳𑀁 𑀅 𑀫𑁆𑀳𑁂.
𑀪𑀽𑀢𑁂 𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀈 𑀆𑀤𑀬𑁄 𑀳𑁄𑀦𑁆𑀢𑀺. 𑀅𑀕𑀫𑀻 𑀅𑀕𑀫𑀼𑀁, 𑀅𑀕𑀫𑁄 𑀅𑀕𑀫𑀺𑀢𑁆𑀣, 𑀅𑀕𑀫𑀺𑀁 𑀅𑀕𑀫𑀺𑀫𑁆𑀳𑀸 ¶ , 𑀅𑀕𑀫𑀸 𑀅𑀕𑀫𑀽, 𑀅𑀕𑀫𑀺𑀲𑁂 𑀅𑀕𑀫𑀺𑀯𑁆𑀳𑀁, 𑀅𑀕𑀫 𑀅𑀕𑀫𑀺𑀫𑁆𑀳𑁂. 𑀪𑀽𑀢𑀲𑀸𑀫𑀜𑁆𑀜𑀯𑀘𑀦𑀺𑀘𑁆𑀙𑀸𑀬𑀫𑀦𑀚𑁆𑀚𑀢𑀦𑁂𑀧𑀺 ‘𑀲𑀼𑀯𑁄 𑀅𑀳𑁄𑀲𑀺 𑀆𑀦𑀦𑁆𑀤𑁄’.
𑁫. 𑀅𑀦𑀚𑁆𑀚𑀢𑀦𑁂 𑀆 𑀊 𑀑 𑀢𑁆𑀣 𑀅 𑀫𑁆𑀳𑀸 𑀢𑁆𑀣 𑀢𑁆𑀣𑀼𑀁 𑀲𑁂 𑀯𑁆𑀳𑀁 𑀇𑀁 𑀫𑁆𑀳𑀲𑁂.
𑀅𑀯𑀺𑀚𑁆𑀚𑀫𑀸𑀦𑀚𑁆𑀚𑀢𑀦𑁂 𑀪𑀽𑀢𑁂-𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀆𑀆𑀤𑀬𑁄 𑀳𑁄𑀦𑁆𑀢𑀺.
𑀆𑀜𑀸𑀬𑁆𑀬𑀸 𑀘 𑀉𑀝𑁆𑀞𑀸𑀦𑀸, 𑀆𑀜𑀸𑀬𑁆𑀬𑀸 𑀘 𑀲𑀁𑀯𑁂𑀲𑀦𑀸;
𑀏𑀲𑀚𑁆𑀚𑀢𑀦𑁄 𑀓𑀸𑀮𑁄, 𑀅𑀳𑀭𑀼𑀪𑀢𑀟𑁆𑀠𑀭𑀢𑁆𑀢𑀁 𑀯𑀸.
𑀅𑀕𑀫𑀸 𑀅𑀕𑀫𑀽, 𑀅𑀕𑀫𑁄, 𑀅𑀕𑀫𑀢𑁆𑀣, 𑀅𑀕𑀫 𑀅𑀕𑀫𑀫𑁆𑀳𑀸, 𑀅𑀕𑀫𑀢𑁆𑀣 𑀅𑀕𑀫𑀢𑁆𑀣𑀼𑀁, 𑀅𑀕𑀫𑀲𑁂 𑀅𑀕𑀫𑀯𑁆𑀳𑀁, 𑀅𑀕𑀫𑀺𑀁 𑀅𑀕𑀫𑀫𑁆𑀳𑀲𑁂. 𑀅𑀜𑁆𑀜𑀧𑀤𑀢𑁆𑀣𑁄 𑀓𑀺𑀁? 𑀅𑀚𑁆𑀚 𑀳𑀺𑀬𑁆𑀬𑁄 𑀯𑀸 𑀅𑀕𑀫𑀸𑀲𑀺.
𑁬. 𑀧𑀭𑁄𑀓𑁆𑀔𑁂 𑀅 𑀉 𑀏 𑀢𑁆𑀣 𑀅 𑀫𑁆𑀳 𑀢𑁆𑀣 𑀭𑁂 𑀢𑁆𑀣𑁄 𑀯𑁆𑀳𑁄 𑀇 𑀫𑁆𑀳𑁂.
𑀅𑀧𑀘𑁆𑀘𑀓𑁆𑀔𑁂 𑀪𑀽𑀢𑀸𑀦𑀚𑁆𑀚𑀢𑀦𑁂-𑀢𑁆𑀣𑁂 𑀯𑀼𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀸𑀢𑁆𑀣𑀸 𑀅 𑀆𑀤𑀬𑁄 𑀳𑁄𑀦𑁆𑀢𑀺. 𑀚𑀕𑀸𑀫 𑀚𑀕𑀫𑀼, 𑀚𑀕𑀫𑁂 𑀚𑀕𑀧𑀺𑀢𑁆𑀣, 𑀚𑀕𑀫 𑀚𑀕𑀫𑀺𑀫𑁆𑀳, 𑀚𑀕𑀫𑀺𑀢𑁆𑀣 𑀚𑀕𑀫𑀺𑀭𑁂, 𑀚𑀕𑀫𑀺𑀢𑁆𑀣𑁄 𑀚𑀕𑀫𑀺𑀯𑁆𑀳𑁄, 𑀚𑀕𑀫𑀺 𑀚𑀕𑀫𑀺𑀫𑁆𑀳𑁂. 𑀫𑀽𑀴𑁆𑀳𑀯𑀺𑀓𑁆𑀔𑀺𑀢𑁆𑀢𑀩𑁆𑀬𑀸𑀲𑀢𑁆𑀢𑀘𑀺𑀢𑁆𑀢𑁂𑀦 𑀅𑀢𑁆𑀢𑀦𑀸𑀧𑀺 𑀓𑁆𑀭𑀺𑀬𑀸𑀓𑀢𑀸𑀪𑀺𑀦𑀺𑀩𑁆𑀩𑀢𑁆𑀢𑀺𑀢𑀓𑀸𑀮𑁂-𑀦𑀼𑀧𑀮𑀤𑁆𑀥𑀸 𑀲𑀫𑀸𑀦𑀸 𑀨𑀮𑁂𑀦𑀸-𑀦𑀼𑀫𑀻𑀬𑀫𑀸𑀦𑀸 𑀧𑀭𑁄𑀓𑁆𑀔𑀸𑀯 𑀯𑀢𑁆𑀣𑀼𑀢𑁄, 𑀢𑁂𑀦𑀼𑀢𑁆𑀢𑀫𑀯𑀺𑀲𑀬𑁂𑀧𑀺 𑀧𑀬𑁄𑀕𑀲𑀫𑀯𑁄.
𑁭. 𑀏𑀬𑁆𑀬𑀸𑀤𑁄 𑀯𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸 𑀲𑁆𑀲𑀁 𑀲𑀼 𑀲𑁆𑀲𑁂 𑀲𑁆𑀲𑀣 𑀲𑁆𑀲𑀁 𑀲𑁆𑀲𑀸𑀫𑁆𑀳𑀸 𑀲𑁆𑀲𑀣 𑀲𑁆𑀲𑀺𑀁𑀲𑀼 𑀲𑀲𑁆𑀲𑁂 𑀲𑁆𑀲𑀯𑁆𑀳𑁂 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.
𑀏𑀬𑁆𑀬𑀸𑀤𑁄 ¶ 𑀯𑀺𑀲𑀬𑁂 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀯𑀺𑀥𑀼𑀭𑀧𑁆𑀧𑀘𑁆𑀘𑀬𑁄𑀧𑀦𑀺𑀧𑀸𑀢𑀢𑁄 𑀓𑀸𑀭𑀡𑀯𑁂𑀓𑀮𑁆𑀮𑀢𑁄 𑀯𑀸 𑀓𑁆𑀭𑀺𑀬𑀸𑀬𑀸𑀢𑀺𑀧𑀢𑀦𑀫𑀦𑀺𑀧𑁆𑀨𑀢𑁆𑀢𑀺 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺, 𑀏𑀢𑁂 𑀘 𑀲𑁆𑀲𑀸𑀤𑀬𑁄 𑀲𑀸𑀫𑀢𑁆𑀣𑀺𑀬𑀸𑀢𑀻𑀢𑀸𑀦𑀸𑀕𑀢𑁂𑀲𑁆𑀯𑁂𑀯 𑀳𑁄𑀦𑁆𑀢𑀺 𑀦 𑀯𑀢𑁆𑀢𑀫𑀸𑀦𑁂 𑀢𑀢𑁆𑀭… 𑀓𑁆𑀭𑀺𑀬𑀸𑀢𑀺𑀧𑀢𑁆𑀬𑀲𑀫𑁆𑀪𑀯𑀸, 𑀲𑀘𑁂 𑀧𑀞𑀫𑀯𑀬𑁂 𑀧𑀩𑁆𑀩𑀚𑁆𑀚𑀁 𑀅𑀮𑀪𑀺𑀲𑁆𑀲𑀸 𑀅𑀭𑀳𑀸 𑀅𑀪𑀯𑀺𑀲𑁆𑀲𑀸, 𑀤𑀓𑁆𑀔𑀺𑀡𑁂𑀦 𑀘𑁂 𑀅𑀕𑀫𑀺𑀲𑁆𑀲𑀸 𑀦 𑀲𑀓𑀝𑀁 𑀧𑀭𑀺𑀬𑀸 𑀪𑀯𑀺𑀲𑁆𑀲𑀸, 𑀤𑀓𑁆𑀔𑀺𑀡𑁂𑀦 𑀘𑁂 𑀅𑀕𑀫𑀺𑀲𑁆𑀲𑀁𑀲𑀼, 𑀅𑀕𑀫𑀺𑀲𑁆𑀲𑁂 𑀅𑀕𑀫𑀺𑀲𑁆𑀲𑀣, 𑀅𑀕𑀫𑀺𑀲𑁆𑀲𑀁 𑀅𑀕𑀫𑀺𑀲𑁆𑀲𑀸𑀫𑁆𑀳𑀸, 𑀅𑀕𑀫𑀺𑀲𑁆𑀲𑀣 𑀅𑀕𑀫𑀺𑀲𑁆𑀲𑀺𑀁𑀲𑀼, 𑀅𑀕𑀫𑀺𑀲𑁆𑀲𑀲𑁂 𑀅𑀕𑀫𑀺𑀲𑁆𑀲𑀯𑁆𑀳𑁂, 𑀅𑀕𑀫𑀺𑀲𑁆𑀲𑀺𑀁 𑀅𑀕𑀫𑀺𑀲𑁆𑀲𑀸𑀫𑁆𑀳𑀲𑁂, 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑀺𑀲𑁆𑀲𑀸, 𑀯𑀸𑀢𑀺𑀓𑀺𑀁? 𑀤𑀓𑁆𑀔𑀺𑀡𑁂 𑀦 𑀘𑁂 𑀕𑀫𑀺𑀲𑁆𑀲𑀢𑀺 𑀦 𑀲𑀓𑀝𑀁 𑀧𑀭𑀺𑀬𑀸 𑀪𑀯𑀺𑀲𑁆𑀲𑀢𑀺.
𑁮. 𑀳𑁂𑀢𑀼𑀨𑀮𑁂𑀲𑁆𑀯𑁂𑀬𑁆𑀬 𑀏𑀬𑁆𑀬𑀼𑀁 𑀏𑀬𑁆𑀬𑀸𑀲𑀺 𑀏𑀬𑁆𑀬𑀸𑀣 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫 𑀏𑀣 𑀏𑀭𑀁 𑀏𑀣𑁄 𑀏𑀬𑁆𑀬𑀯𑁆𑀳𑁄 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂.
𑀳𑁂𑀢𑀼𑀪𑀽𑀢𑀸𑀬𑀁 𑀏𑀮𑀪𑀽𑀢𑀸𑀬𑀜𑁆𑀘 𑀓𑁆𑀭𑀺𑀬𑀸𑀬𑀁 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺, 𑀲𑀘𑁂 𑀲𑀗𑁆𑀔𑀸𑀭𑀸 𑀦𑀺𑀘𑁆𑀘𑀸 𑀪𑀯𑁂𑀬𑁆𑀬𑀼𑀁 𑀦 𑀦𑀺𑀭𑀼𑀚𑁆𑀛𑁂𑀬𑁆𑀬𑀼𑀁, 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀘𑁆𑀙𑁂𑀬𑁆𑀬 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑁂𑀬𑁆𑀬, 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀘𑁆𑀙𑁂𑀬𑁆𑀬𑀼𑀁, 𑀕𑀘𑁆𑀙𑁂𑀬𑁆𑀬𑀸𑀲𑀺 𑀕𑀘𑁆𑀙𑁂𑀬𑁆𑀬𑀸𑀣, 𑀕𑀘𑁆𑀙𑁂𑀬𑁆𑀬𑀸𑀫𑀺 𑀕𑀘𑁆𑀙𑁂𑀬𑁆𑀬𑀸𑀫, 𑀕𑀘𑁆𑀙𑁂𑀣 𑀕𑀘𑁆𑀙𑁂𑀭𑀁, 𑀕𑀘𑁆𑀙𑁂𑀣𑁄 𑀕𑀘𑁆𑀙𑁂𑀬𑁆𑀬𑀯𑁆𑀳𑁄, 𑀕𑀘𑁆𑀙𑁂𑀬𑁆𑀬𑀁 𑀕𑀘𑁆𑀙𑁂𑀬𑁆𑀬𑀸𑀫𑁆𑀳𑁂, 𑀦 𑀲𑀓𑀝𑀁 𑀧𑀭𑀺𑀬𑁆𑀬𑀸𑀪𑀯𑁂𑀬𑁆𑀬, 𑀪𑀯𑀦𑀁 𑀕𑀫𑀦𑀁 𑀘 𑀳𑁂𑀢𑀼, 𑀅𑀦𑀺𑀭𑀼𑀚𑁆𑀛𑀦𑀁 𑀅𑀧𑀭𑀺𑀬𑀸𑀪𑀯𑀦𑀁 𑀘 𑀨𑀮𑀁, 𑀇𑀳 𑀓𑀲𑁆𑀫𑀸 𑀦 𑀳𑁄𑀢𑀺 ‘𑀳𑀦𑁆𑀢𑀻𑀳𑀺 𑀧𑀮𑀸𑀬𑀢𑀺, 𑀯𑀲𑁆𑀲𑀢𑀻𑀢𑀺 𑀥𑀸𑀯𑀢𑀺, 𑀳𑀦𑀺𑀲𑁆𑀲𑀢𑀻𑀢𑀺 𑀧𑀮𑀸𑀬𑀺𑀲𑁆𑀲𑀢𑀻’𑀢𑀺? 𑀇𑀢𑀺 𑀲𑀤𑁆𑀤𑁂𑀦𑁂𑀯 𑀳𑁂𑀢𑀼𑀳𑁂𑀢𑀼𑀫𑀦𑁆𑀢𑀢𑀸𑀬 𑀚𑁄𑀢𑀺𑀢𑀢𑁆𑀢𑀸, 𑀯𑀸𑀢𑀺 𑀓𑀺𑀁? 𑀤𑀓𑁆𑀔𑀺𑀡𑁂𑀦 𑀘𑁂 𑀕𑀫𑀺𑀲𑁆𑀲𑀢𑀺 𑀦 𑀲𑀓𑀝𑀁 𑀧𑀭𑀺𑀬𑀸𑀪𑀯𑀺𑀲𑁆𑀲𑀢𑀺.
𑀧𑀜𑁆𑀳𑁄=𑀲𑀫𑁆𑀧𑀼𑀘𑁆𑀙𑀦𑀁 ¶ 𑀲𑀫𑁆𑀧𑀥𑀸𑀭𑀡𑀁 𑀦𑀺𑀭𑀽𑀧𑀡𑀁 𑀓𑀸𑀭𑀺𑀬𑀸𑀦𑀺𑀘𑁆𑀙𑀬𑀦𑀁 𑀧𑀢𑁆𑀣𑀦𑀸=𑀬𑀸𑀘𑀦𑀁 𑀇𑀝𑁆𑀞𑀸𑀲𑀺𑀁 𑀪𑀦𑀜𑁆𑀘, 𑀯𑀺𑀥𑀺=𑀯𑀺𑀥𑀸𑀦𑀁 𑀦𑀺𑀬𑁄𑀚𑀦𑀁 𑀓𑁆𑀭𑀺𑀬𑀸𑀲𑀼 𑀩𑁆𑀬𑀸𑀧𑀸𑀭𑀡𑀸, 𑀲𑀸 𑀘 𑀤𑀼𑀯𑀺𑀥𑀸𑀯 𑀲𑀸𑀤𑀭𑀸𑀦𑀸𑀤𑀭𑀯𑀲𑁂𑀦… 𑀯𑀺𑀲𑀬𑀪𑁂𑀤𑁂𑀦 𑀪𑀺𑀦𑁆𑀦𑀸𑀬𑀧𑀺 𑀢𑀤𑀼𑀪𑀬𑀸𑀦𑀢𑀺𑀯𑀢𑁆𑀢𑀦𑀢𑁄, 𑀏𑀢𑁂𑀲𑀼 𑀧𑀜𑁆𑀳𑀸𑀤𑀻𑀲𑀼 𑀓𑁆𑀭𑀺𑀬𑀢𑁆𑀣𑀢𑁄 𑀏𑀬𑁆𑀬𑁄𑀤𑀬𑁄 𑀳𑁄𑀦𑁆𑀢𑀺, 𑀧𑀜𑁆𑀳𑁂 - 𑀓𑀺𑀫𑀸𑀬𑀲𑁆𑀫𑀸 𑀯𑀺𑀦𑀬𑀁 𑀧𑀭𑀺𑀬𑀸𑀧𑀼𑀡𑁂𑀬𑁆𑀬? 𑀉𑀤𑀸𑀳𑀼 𑀥𑀫𑁆𑀫𑀁, 𑀕𑀘𑁆𑀙𑁂𑀬𑁆𑀬𑀁 𑀯𑀸𑀳𑀁 𑀉𑀧𑁄𑀲𑀣𑀁 𑀦 𑀯𑀸 𑀕𑀘𑁆𑀙𑁂𑀬𑁆𑀬𑀁, 𑀧𑀢𑁆𑀣𑀦𑀸𑀬𑀁-𑀮𑀪𑁂𑀬𑁆𑀬𑀸-𑀳𑀁 𑀪𑀦𑁆𑀢𑁂 𑀪𑀕𑀯𑀢𑁄 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑁆𑀚𑀁 𑀮𑀪𑁂𑀬𑁆𑀬𑀁 𑀉𑀧𑀲𑀫𑁆𑀧𑀤𑀁, 𑀧𑀲𑁆𑀲𑁂𑀬𑁆𑀬𑀁 𑀢𑀁 𑀯𑀲𑁆𑀲𑀲𑀢𑀁 𑀅𑀭𑁄𑀕𑀁, 𑀯𑀺𑀥𑀺𑀫𑁆𑀳𑀺-𑀪𑀯𑀁 𑀧𑀢𑁆𑀢𑀁 𑀧𑀘𑁂𑀬𑁆𑀬, 𑀪𑀯𑀁 𑀧𑀼𑀜𑁆𑀜𑀁 𑀓𑀭𑁂𑀬𑁆𑀬, 𑀇𑀳 𑀪𑀯𑀁 𑀪𑀼𑀜𑁆𑀚𑁂𑀬𑁆𑀬, 𑀇𑀳 𑀪𑀯𑀁 𑀦𑀺𑀲𑀻𑀤𑁂𑀬𑁆𑀬, 𑀫𑀸𑀡𑀯𑀓𑀁 𑀪𑀯𑀁 𑀅𑀚𑁆𑀛𑀸𑀧𑁂𑀬𑁆𑀬, 𑀅𑀦𑀼𑀜𑁆𑀜𑀸𑀧𑀢𑁆𑀢𑀓𑀸𑀮𑁂𑀲𑀼𑀧𑀺 𑀲𑀺𑀤𑁆𑀥𑀸𑀯… 𑀢𑀢𑁆𑀣𑀸𑀧𑀺 𑀯𑀺𑀥𑀺𑀧𑁆𑀧𑀢𑀻𑀢𑀺𑀢𑁄, 𑀅𑀦𑀼𑀜𑁆𑀜𑀸𑀬𑀁-𑀏𑀯𑀁 𑀓𑀭𑁂𑀬𑁆𑀬𑀸𑀲𑀺, 𑀧𑀢𑁆𑀢𑀓𑀸𑀮𑁂-𑀓𑀝𑀁 𑀓𑀭𑁂𑀬𑁆𑀬𑀸𑀲𑀺, 𑀧𑀢𑁆𑀢𑁄 𑀢𑁂 𑀓𑀸𑀮𑁄 𑀓𑀝𑀓𑀭𑀡𑁂, 𑀬𑀤𑀺 𑀲𑀗𑁆𑀖𑀲𑁆𑀲 𑀧𑀢𑁆𑀢𑀓𑀮𑁆𑀮𑀁 𑀲𑀗𑁆𑀖𑁄 𑀉𑀧𑁄𑀲𑀣𑀁 𑀓𑀭𑁂𑀬𑁆𑀬, 𑀏𑀢𑀲𑁆𑀲 𑀪𑀕𑀯𑀸 𑀓𑀸𑀮𑁄 𑀏𑀢𑀲𑁆𑀲 𑀲𑀼𑀕𑀢 𑀓𑀸𑀮𑁄 𑀬𑀁 𑀪𑀕𑀯𑀸 𑀲𑀸𑀯𑀓𑀸𑀦𑀁 𑀲𑀺𑀓𑁆𑀔𑀸𑀧𑀤𑀁 𑀧𑀜𑁆𑀜𑀧𑁂𑀬𑁆𑀬, 𑀧𑁂𑀲𑀦𑁂𑀧𑀺𑀘𑁆𑀙𑀦𑁆𑀢𑀺 ‘𑀕𑀸𑀫𑀁 𑀢𑁆𑀯𑀁 𑀪𑀡𑁂 𑀕𑀘𑁆𑀙𑁂𑀬𑁆𑀬𑀸𑀲𑀺’.
𑁧𑁦. 𑀢𑀼 𑀅𑀦𑁆𑀢𑀼 𑀳𑀺 𑀣 𑀫𑀺 𑀫 𑀢𑀁 𑀅𑀦𑁆𑀢𑀁 𑀲𑁆𑀲𑀼 𑀯𑁆𑀳𑁄 𑀏 𑀆𑀫𑀲𑁂.
𑀧𑀜𑁆𑀳𑀸𑀤𑀻𑀲𑁆𑀯𑁂𑀢𑁂 𑀳𑁄𑀦𑁆𑀢𑀺 𑀓𑁆𑀭𑀺𑀬𑀢𑁆𑀣𑀢𑁄. 𑀕𑀘𑁆𑀙𑀢𑀼 𑀕𑀘𑁆𑀙𑀦𑁆𑀢𑀼, 𑀕𑀘𑁆𑀙𑀸𑀳𑀺 𑀕𑀘𑁆𑀙𑀣, 𑀕𑀘𑁆𑀙𑀸𑀫𑀺 𑀕𑀘𑁆𑀙𑀸𑀫, 𑀕𑀘𑁆𑀙𑀢𑀁 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀲𑁆𑀲𑀼 𑀕𑀘𑁆𑀙𑀯𑁆𑀳𑁄, 𑀕𑀘𑁆𑀙𑁂, 𑀕𑀘𑁆𑀙𑀸𑀫𑀲𑁂, 𑀧𑀜𑁆𑀳𑁂-𑀓𑀺𑀦𑁆𑀦𑀼 𑀔𑀮𑀼 𑀪𑁄 𑀩𑁆𑀬𑀸𑀓𑀭𑀡𑀫𑀥𑀻𑀬𑀲𑁆𑀲𑀼, 𑀧𑀢𑁆𑀣𑀦𑀸𑀬𑀁-𑀤𑀤𑀸𑀳𑀺 𑀫𑁂, 𑀚𑀻𑀯𑀢𑀼 𑀪𑀯𑀁, 𑀯𑀺𑀥𑀺𑀫𑁆𑀳𑀺-𑀓𑀝𑀁 𑀓𑀭𑁄𑀢𑀼 𑀪𑀯𑀁, 𑀧𑀼𑀜𑁆𑀜𑀁 𑀓𑀭𑁄𑀢𑀼 ¶ 𑀪𑀯𑀁, 𑀇𑀳 𑀪𑀯𑀁 𑀪𑀼𑀜𑁆𑀚𑀢𑀼, 𑀇𑀳 𑀪𑀯𑀁 𑀦𑀺𑀲𑀻𑀤𑀢𑀼, 𑀉𑀤𑁆𑀤𑀺𑀲𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀪𑀺𑀓𑁆𑀔𑀽𑀦𑀁 𑀧𑀸𑀢𑀺𑀫𑁄𑀓𑁆𑀔𑀁, 𑀧𑁂𑀲𑀦𑁂-𑀕𑀘𑁆𑀙 𑀪𑀡𑁂 𑀕𑀸𑀫𑀁, 𑀅𑀦𑀼𑀫𑀢𑀺𑀬𑀁 - 𑀏𑀯𑀁 𑀓𑀭𑁄𑀳𑀺, 𑀧𑀢𑁆𑀢𑀓𑀸𑀮𑁂-𑀓𑀸𑀮𑁄-𑀬𑀁 𑀢𑁂 𑀫𑀳𑀸𑀯𑀻𑀭 𑀉𑀧𑁆𑀧𑀚𑁆𑀚 𑀫𑀸𑀢𑀼𑀓𑀼𑀘𑁆𑀙𑀺𑀬𑀁.
𑀲𑀢𑁆𑀢𑀺𑀬𑀁 𑀅𑀭 𑀳𑀢𑁆𑀣𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀪𑀯𑀁 𑀔𑀮𑀼 𑀭𑀚𑁆𑀚𑀁 𑀓𑀭𑁂𑀬𑁆𑀬, 𑀪𑀯𑀁 𑀲𑀢𑁆𑀢𑁄 𑀅𑀭𑀳𑁄.
𑀲𑀫𑁆𑀪𑀸𑀯𑀦𑁂 𑀕𑀫𑁆𑀬𑀫𑀸𑀦𑁂 𑀥𑀸𑀢𑀼𑀦𑀸 𑀯𑀼𑀘𑁆𑀘𑀫𑀸𑀦𑁂 𑀘 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀅𑀧𑀺 𑀧𑀩𑁆𑀩𑀢𑀁 𑀲𑀺𑀭𑀲𑀸 𑀪𑀺𑀦𑁆𑀤𑁂𑀬𑁆𑀬, 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀦𑁆𑀢𑀼 𑀲𑁆𑀲𑀸𑀤𑀻-𑀅𑀲𑀦𑀺𑀬𑀸𑀧𑀺 𑀳𑀢𑁄 𑀦𑀸𑀧𑀢𑀺𑀲𑁆𑀲𑀸, 𑀲𑀫𑁆𑀪𑀸𑀯𑁂𑀫𑀺 𑀲𑀤𑁆𑀤𑀳𑀸𑀫𑀺 𑀅𑀯𑀓𑀧𑁆𑀧𑁂𑀫𑀺 𑀪𑀼𑀜𑁆𑀚𑁂𑀬𑁆𑀬 𑀪𑀯𑀁 𑀪𑀼𑀜𑁆𑀚𑀺𑀲𑁆𑀲𑀢𑀺 𑀪𑀯𑀁 𑀅𑀪𑀼𑀜𑁆𑀚𑀺 𑀪𑀯𑀁, 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀦𑁆𑀢𑀼 𑀲𑁆𑀲𑀸𑀤𑀻-𑀲𑀫𑁆𑀪𑀸𑀯𑁂𑀫𑀺 𑀦𑀸𑀪𑀼𑀜𑁆𑀚𑀺𑀲𑁆𑀲𑀸 𑀪𑀯𑀁.
𑀫𑀸 𑀬𑁄𑀕𑁂 𑀲𑀢𑀺 𑀈𑀆𑀤𑀬𑁄 𑀆𑀆𑀤𑀬𑁄 𑀘 𑀯𑀸 𑀳𑁄𑀦𑁆𑀢𑀺. 𑀫𑀸 𑀲𑀼 𑀧𑀼𑀦𑀧𑀺 𑀏𑀯𑀭𑀽𑀧𑀫𑀓𑀸𑀲𑀺, 𑀫𑀸 𑀪𑀯𑀁 𑀅𑀕𑀫𑀸 𑀯𑀦𑀁, 𑀯𑀸𑀢𑁆𑀯𑁂𑀯? 𑀫𑀸 𑀢𑁂 𑀓𑀸𑀫𑀕𑀼𑀡𑁂 𑀪𑀫𑀲𑁆𑀲𑀼 𑀘𑀺𑀢𑁆𑀢𑀁, 𑀫𑀸 𑀢𑁆𑀯𑀁 𑀓𑀭𑀺𑀲𑁆𑀲𑀲𑀺, 𑀫𑀸 𑀢𑁆𑀯𑀁 𑀓𑀭𑁂𑀬𑁆𑀬𑀸𑀲𑀺, 𑀅𑀲𑀓𑀓𑀸𑀮𑀢𑁆𑀣𑁄𑀬𑀫𑀸𑀭𑀫𑁆𑀪𑁄, 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀧𑀤𑀦𑁆𑀢𑀭𑀲𑀫𑁆𑀩𑀦𑁆𑀥𑁂𑀦𑀸𑀦𑀸𑀕𑀢𑀓𑀸𑀮𑀢𑀸 𑀧𑀢𑀻𑀬𑀢𑁂, 𑀏𑀯𑀁 𑀓𑀢𑁄 𑀓𑀝𑁄 𑀲𑁆𑀯𑁂 𑀪𑀯𑀺𑀲𑁆𑀲𑀢𑀺, 𑀪𑀸𑀯𑀺 𑀓𑀺𑀘𑁆𑀘𑀫𑀸𑀲𑀻𑀢𑀺.
𑀮𑀼𑀦𑀸𑀳𑀺 ¶ 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀮𑀼𑀦𑀲𑁆𑀲𑀼 𑀮𑀼𑀦𑀲𑁆𑀲𑀼𑀢𑁆𑀯𑁂𑀯𑀸𑀬𑀁 𑀮𑀼𑀦𑀸-𑀢𑀻𑀢𑀺 𑀢𑁆𑀯𑀸𑀤𑀻𑀦𑀫𑁂𑀯𑁂𑀢𑀁 𑀫𑀚𑁆𑀛𑀺𑀫𑀧𑀼𑀭𑀺𑀲𑁂𑀓𑀯𑀘𑀦𑀸𑀦𑀫𑀸𑀪𑀺𑀓𑁆𑀔𑀜𑁆𑀜𑁂 𑀤𑁆𑀯𑀺𑀩𑁆𑀩𑀯𑀘𑀦𑀁, 𑀇𑀤𑀁 𑀯𑀼𑀢𑁆𑀢𑀁 𑀳𑁄𑀢𑀺 ‘𑀏𑀯 𑀫𑁂𑀲 𑀢𑀼𑀭𑀺𑀢𑁄 𑀅𑀜𑁆𑀜𑁂𑀧𑀺 𑀦𑀺𑀬𑁄𑀚𑁂𑀦𑁆𑀢𑁄𑀯𑀺𑀬 𑀓𑀺𑀭𑀺𑀬𑀁 𑀓𑀭𑁄𑀢𑀻’𑀢𑀺, 𑀏𑀯𑀁 𑀮𑀼𑀦𑀸𑀣 𑀮𑀼𑀦𑀸𑀣𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀮𑀼𑀦𑀯𑁆𑀳𑁄 𑀮𑀼𑀦𑀯𑁆𑀳𑁄𑀢𑁆𑀯𑁂𑀯𑀸𑀬𑀁 𑀮𑀼𑀦𑀸𑀢𑀺, 𑀢𑀣𑀸 𑀓𑀸𑀮𑀦𑁆𑀢𑀭𑁂𑀲𑀼𑀧𑀺 𑀮𑀼𑀦𑀸𑀳𑀺 𑀮𑀼𑀦𑀸𑀳𑀺𑀢𑁆𑀯𑁂𑀯𑀸𑀬𑀁 𑀅𑀮𑀼𑀦𑀺, 𑀅𑀮𑀼𑀦𑀸, 𑀮𑀼𑀮𑀸𑀯, 𑀮𑀼𑀦𑀺𑀲𑁆𑀲𑀢𑀻𑀢𑀺, 𑀏𑀯𑀁 𑀲𑁆𑀲𑀼𑀫𑁆𑀳𑀺 𑀘 𑀬𑁄𑀚𑀦𑀻𑀬𑀁, 𑀢𑀣𑀸 𑀲𑀫𑀼𑀘𑁆𑀘𑀬𑁂𑀧𑀺 𑀫𑀞𑀫𑀝, 𑀯𑀺𑀳𑀸𑀭𑀫𑀝𑁂𑀢𑁆𑀯𑁂𑀯𑀸𑀬𑀫𑀝𑀢𑀺, 𑀫𑀞𑀫𑀝𑀲𑁆𑀲𑀼, 𑀯𑀺𑀳𑀸𑀭𑀫𑀝𑀲𑁆𑀲𑀼𑀢𑁆𑀯𑁂𑀯𑀸𑀬𑀫𑀝𑀢𑀺, 𑀩𑁆𑀬𑀸𑀧𑀸𑀭𑀪𑁂𑀤𑁂 𑀢𑀼𑀲𑀸𑀫𑀜𑁆𑀜𑀯𑀘𑀦𑀲𑁆𑀲𑁂𑀯 𑀩𑁆𑀬𑀸𑀧𑀓𑀢𑁆𑀢𑀸 𑀅𑀦𑀼𑀧𑁆𑀧𑀬𑁄𑀕𑁄 𑀪𑀯𑀢𑀺, 𑀑𑀤𑀦𑀁 𑀪𑀼𑀜𑁆𑀚, 𑀬𑀸𑀕𑀼𑀁 𑀧𑀺𑀯, 𑀥𑀸𑀦𑀸 𑀔𑀸𑀤𑁂𑀢𑁆𑀯𑁂𑀯𑀸𑀬-𑀫𑀚𑁆𑀛𑁄𑀳𑀭𑀢𑀺.
𑁧𑁪. 𑀧𑀼𑀩𑁆𑀩𑀧𑀭𑀘𑁆𑀙𑀓𑁆𑀓𑀸𑀦𑀫𑁂𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀲𑁂𑀲𑁂𑀲𑀼 𑀤𑁆𑀯𑁂 𑀤𑁆𑀯𑁂 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀞𑀫𑀸.
𑀏𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀢𑀤𑀜𑁆𑀜𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀘 𑀓𑀸𑀭𑀓𑁂𑀲𑀼 𑀧𑀼𑀩𑁆𑀩𑀘𑁆𑀙𑀓𑁆𑀓𑀸𑀦𑀁 𑀧𑀭𑀘𑁆𑀙𑀓𑁆𑀓𑀸𑀦𑀁 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀞𑀫𑀸 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀓𑁆𑀭𑀺𑀬𑀢𑁆𑀣𑀸, 𑀉𑀢𑁆𑀢𑀫𑀲𑀤𑁆𑀤𑁄-𑀬𑀁 𑀲𑀪𑀸𑀯𑀢𑁄 𑀢𑀢𑀺𑀬𑀤𑀼𑀓𑁂 𑀭𑀼𑀴𑁆𑀳𑁄, 𑀢𑁆𑀯𑀁 𑀕𑀘𑁆𑀙𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀣, 𑀢𑁆𑀯𑀁 𑀕𑀘𑁆𑀙𑀲𑁂, 𑀢𑀼𑀫𑁆𑀳𑁂 𑀕𑀘𑁆𑀙𑀯𑁆𑀳𑁂, 𑀅𑀳𑀁 𑀕𑀘𑁆𑀙𑀸𑀫𑀺, 𑀫𑀬𑀁 𑀕𑀘𑁆𑀙𑀸𑀫, 𑀅𑀳𑀁 𑀕𑀘𑁆𑀙𑁂, 𑀫𑀬𑀁 𑀕𑀘𑁆𑀙𑀸𑀫𑁆𑀳𑁂, 𑀲𑁄 𑀕𑀘𑁆𑀙𑀢𑀺, 𑀢𑁂 𑀕𑀘𑁆𑀙𑀦𑁆𑀢𑀺, 𑀲𑁄 𑀕𑀘𑁆𑀙𑀢𑁂, 𑀢𑁂 𑀕𑀘𑁆𑀙𑀦𑁆𑀢𑁂, 𑀲𑀸𑀫𑀢𑁆𑀣𑀺𑀬𑀸 𑀮𑀤𑁆𑀥𑀢𑁆𑀢𑀸 𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀲𑀼𑀧𑀺 𑀢𑀼𑀫𑁆𑀳𑀸𑀫𑁆𑀳𑀲𑁂𑀲𑁂𑀲𑀼 𑀪𑀯𑀦𑁆𑀢𑀺. 𑀕𑀘𑁆𑀙𑀲𑀺, 𑀕𑀘𑁆𑀙𑀣, 𑀕𑀘𑁆𑀙𑀲𑁂, 𑀕𑀘𑁆𑀙𑀯𑁆𑀳𑁂, 𑀕𑀘𑁆𑀙𑀸𑀫𑀺, 𑀕𑀘𑁆𑀙𑀸𑀫, 𑀕𑀘𑁆𑀙𑁂, 𑀕𑀘𑁆𑀙𑀸𑀫𑁆𑀳𑁂, 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺, 𑀕𑀘𑁆𑀙𑀢𑁂, 𑀕𑀘𑁆𑀙𑀦𑁆𑀢𑁂.
𑀆𑀆𑀤𑁄 ¶ 𑀈𑀆𑀤𑁄 𑀲𑁆𑀲𑀸 𑀆𑀤𑁄 𑀘 𑀓𑁆𑀭𑀺𑀬𑀢𑁆𑀣𑀲𑁆𑀲 𑀯𑀸 𑀅𑀜 𑀳𑁄𑀢𑀺. 𑀜𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀅𑀕𑀫𑀸, 𑀕𑀫𑀸, 𑀅𑀕𑀫𑀻, 𑀕𑀫𑀻, 𑀅𑀕𑀫𑀺𑀲𑁆𑀲𑀸, 𑀕𑀫𑀺𑀲𑁆𑀲𑀸.
𑀩𑁆𑀭𑀽𑀲𑁆𑀲 𑀆𑀳𑁄 𑀳𑁄𑀢𑀺 𑀅𑀆𑀤𑀻𑀲𑀼. 𑀆𑀳, 𑀆𑀳𑀼.
𑀅𑀆𑀤𑀻𑀲𑀼 𑀪𑀽𑀲𑁆𑀲 𑀯𑀼𑀓 𑀳𑁄𑀢𑀺. 𑀓𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀩𑀪𑀽𑀯.
𑀅𑀆𑀤𑀻𑀲𑀼 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀪𑀽𑀲𑁆𑀲 𑀅 𑀳𑁄𑀢𑀺, 𑀩𑀪𑀽𑀯.
𑀆𑀳𑀸𑀤𑁂𑀲𑀸 𑀧𑀭𑀲𑁆𑀲 𑀉𑀲𑁆𑀲 𑀅𑀁𑀲𑀼𑀯𑀸 𑀳𑁄𑀢𑀺. 𑀅𑀳𑀁𑀲𑀼, 𑀆𑀳𑀼.
𑀆𑀳𑀸 𑀧𑀭𑁂𑀲𑀁 𑀢𑀺𑀅𑀦𑁆𑀢𑀻𑀦𑀁 𑀝𑀝𑀽 𑀳𑁄𑀦𑁆𑀢𑀺. 𑀝𑀓𑀸𑀭𑀸 𑀲𑀩𑁆𑀩𑀸𑀤𑁂𑀲𑀢𑁆𑀣𑀸, 𑀆𑀳, 𑀆𑀳𑀼, 𑀅𑀢𑁄𑀬𑁂𑀯 𑀘 𑀜𑀸𑀧𑀓𑀸 𑀢𑀺𑀅𑀦𑁆𑀢𑀻𑀲𑀼 𑀘 𑀩𑁆𑀭𑀽𑀲𑁆𑀲𑀸-𑀳𑁄.
𑀈𑀆𑀤𑀻𑀲𑀼 𑀯𑀘𑀲𑁆𑀲 𑀑𑀫 𑀳𑁄𑀢𑀺. 𑀫𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀅𑀯𑁄𑀘, 𑀈𑀆𑀤𑁄𑀢𑀺 𑀓𑀺𑀁? 𑀅𑀯𑀘𑀸.
𑁨𑁨. 𑀤𑀸𑀲𑁆𑀲 𑀤𑀁 𑀯𑀸 𑀫𑀺𑀫𑁂𑀲𑁆𑀯𑀤𑁆𑀯𑀺𑀢𑁆𑀢𑁂.
𑀅𑀤𑁆𑀯𑀺𑀢𑁂 ¶ 𑀯𑀢𑁆𑀢𑀫𑀸𑀦𑀲𑁆𑀲 𑀤𑀸𑀲𑁆𑀲 𑀤𑀁 𑀯𑀸 𑀳𑁄𑀢𑀺 𑀫𑀺𑀫𑁂𑀲𑀼. 𑀤𑀫𑁆𑀫𑀺 𑀤𑁂𑀫𑀺, 𑀤𑀫𑁆𑀫 𑀤𑁂𑀫, 𑀅𑀤𑁆𑀯𑀺𑀢𑁆𑀢𑁂𑀢𑀺 𑀓𑀺𑀁? 𑀤𑀤𑀸𑀥𑀺 𑀤𑀤𑀸𑀫.
𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀼𑀁 𑀯𑀸 𑀳𑁄𑀢𑀺 𑀫𑀺𑀫𑁂𑀲𑀼. 𑀓𑀼𑀫𑁆𑀫𑀺 𑀓𑀼𑀫𑁆𑀫, 𑀓𑀭𑁄𑀫𑀺 𑀓𑀭𑁄𑀫.
𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀸 𑀳𑁄𑀢𑀺 𑀯𑀸 𑀈𑀆𑀤𑀻𑀲𑀼. 𑀅𑀓𑀸𑀲𑀺 𑀅𑀓𑀭𑀺, 𑀅𑀓𑀁𑀲𑀼 𑀅𑀓𑀭𑀺𑀁𑀲𑀼, 𑀅𑀓𑀸 𑀅𑀓𑀭𑀸.
𑀓𑀭𑀲𑁆𑀲 𑀲𑁄𑀲𑁆𑀲 𑀳𑀸𑀲𑁆𑀲 𑀘 𑀆𑀳𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀓𑀸𑀳𑀢𑀺 𑀓𑀭𑀺𑀲𑁆𑀲𑀢𑀺, 𑀅𑀓𑀸𑀳𑀸 𑀅𑀓𑀭𑀺𑀲𑁆𑀲𑀸, 𑀳𑀸𑀳𑀢𑀺 𑀳𑀸𑀬𑀺𑀲𑁆𑀲𑀢𑀺, 𑀅𑀳𑀸𑀳𑀸 𑀅𑀳𑀸𑀬𑀺𑀲𑁆𑀲𑀸.
𑀮𑀪𑀸𑀤𑀻𑀦𑀁 𑀘𑁆𑀙𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦𑀲𑀳. 𑀅𑀮𑀘𑁆𑀙𑀸 𑀅𑀮𑀪𑀺𑀲𑁆𑀲𑀸, 𑀮𑀘𑁆𑀙𑀢𑀺 𑀮𑀪𑀺𑀲𑁆𑀲𑀸𑀢𑀺, 𑀅𑀯𑀘𑁆𑀙𑀸 𑀅𑀯𑀲𑀺𑀲𑁆𑀲𑀸, 𑀯𑀘𑁆𑀙𑀢𑀺 𑀯𑀲𑀺𑀲𑁆𑀲𑀢𑀺, 𑀅𑀘𑁆𑀙𑁂𑀘𑁆𑀙𑀸 𑀅𑀘𑁆𑀙𑀺𑀦𑁆𑀤𑀺𑀲𑁆𑀲𑀸, 𑀙𑁂𑀘𑁆𑀙𑀢𑀺 𑀙𑀺𑀦𑁆𑀤𑀺𑀲𑁆𑀲𑀢𑀺, 𑀅𑀪𑁂𑀘𑁆𑀙𑀸 𑀅𑀪𑀺𑀦𑁆𑀤𑀺𑀲𑁆𑀲𑀸, 𑀪𑁂𑀘𑁆𑀙𑀢𑀺 𑀪𑀺𑀦𑁆𑀤𑀺𑀲𑁆𑀲𑀢𑀺, 𑀅𑀭𑀼𑀘𑁆𑀙𑀸 𑀅𑀭𑁄𑀤𑀺𑀲𑁆𑀲𑀸, 𑀭𑀼𑀘𑁆𑀙𑀢𑀺 𑀭𑁄𑀤𑀺𑀲𑁆𑀲𑀢𑀻 ¶ , 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀙𑀺𑀤𑀲𑁆𑀲 𑀯𑀸 𑀘𑁆𑀙𑀗 𑀬𑁄𑀕𑀯𑀺𑀪𑀸𑀕𑀸, 𑀅𑀘𑁆𑀙𑁂𑀘𑁆𑀙𑀼𑀁 𑀅𑀘𑁆𑀙𑀦𑁆𑀢𑀺𑀁𑀲𑀼, 𑀅𑀜𑁆𑀜𑁂𑀲𑀜𑁆𑀘 𑀕𑀘𑁆𑀙𑀁 𑀕𑀘𑁆𑀙𑀺𑀲𑁆𑀲𑀁.
𑀪𑀼𑀚𑀸𑀤𑀻𑀦𑀁 𑀓𑁆𑀔𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀅𑀪𑁄𑀓𑁆𑀔𑀸 𑀅𑀪𑀼𑀜𑁆𑀚𑀺𑀲𑁆𑀲𑀸, 𑀪𑁄𑀓𑁆𑀔𑀢𑀺 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀅𑀫𑁄𑀓𑁆𑀔𑀸 𑀅𑀫𑀼𑀜𑁆𑀘𑀺𑀲𑁆𑀲𑀸, 𑀫𑁄𑀓𑁆𑀔𑀢𑀺𑀫𑀼𑀜𑁆𑀘𑀺𑀲𑁆𑀲𑀢𑀺, 𑀅𑀯𑀓𑁆𑀔𑀸 𑀅𑀯𑀘𑀺𑀲𑁆𑀲𑀸, 𑀯𑀓𑁆𑀔𑀢𑀺 𑀯𑀘𑁆𑀘𑀺𑀲𑁆𑀲𑀢𑀺, 𑀧𑀸𑀯𑁂𑀓𑁆𑀔𑀸 𑀧𑀸𑀯𑀺𑀲𑀺𑀲𑁆𑀲𑀸, 𑀧𑀯𑁂𑀓𑁆𑀔𑀢𑀺 𑀧𑀯𑀺𑀲𑀺𑀲𑁆𑀲𑀢𑀺, 𑀯𑀺𑀲𑀲𑁆𑀲𑀸-𑀜𑁆𑀜𑀲𑁆𑀫𑀺𑀫𑁆𑀧𑀺 𑀯𑀸 𑀓𑁆𑀔𑀗 𑀬𑁄𑀕𑀯𑀺𑀪𑀸𑀕𑀸 𑀧𑀸𑀯𑁂𑀓𑁆𑀔𑀺, 𑀧𑀸𑀯𑀺𑀲𑀺.
𑀆𑀆𑀤𑁄 𑀈𑀆𑀤𑁄 𑀅 𑀳𑀭𑀲𑁆𑀲 𑀆 𑀳𑁄𑀢𑀺 𑀯𑀸. 𑀅𑀳𑀸 𑀅𑀳𑀭𑀸, 𑀅𑀳𑀸𑀲𑀺 𑀅𑀳𑀭𑀺.
𑀆𑀆𑀤𑁄 𑀈𑀆𑀤𑁄 𑀅 𑀕𑀫𑀺𑀲𑁆𑀲 𑀆 𑀳𑁄𑀢𑀺 𑀯𑀸. 𑀅𑀕𑀸 𑀅𑀕𑀫𑀸, 𑀅𑀕𑀸 𑀅𑀕𑀫𑀻.
𑀟𑀁𑀲𑀲𑁆𑀲 𑀕𑀫𑀺𑀲𑁆𑀲 𑀘 𑀙𑀗 𑀯𑀸 𑀳𑁄𑀢𑀺 𑀆𑀈𑀆𑀤𑀻𑀲𑀼. 𑀅𑀟𑀜𑁆𑀙𑀸 𑀅𑀟𑀁𑀲𑀸, 𑀅𑀟𑀜𑁆𑀙𑀺 𑀅𑀟𑀁𑀲𑀻, 𑀅𑀕𑀜𑁆𑀙𑀸 𑀅𑀕𑀘𑁆𑀙𑀸, 𑀅𑀕𑀜𑁆𑀙𑀺 𑀅𑀕𑀘𑁆𑀙𑀻.
𑁩𑁧. 𑀳𑀽𑀲𑁆𑀲 𑀳𑁂𑀳𑁂𑀳𑀺𑀳𑁄𑀳𑀺 𑀲𑁆𑀲𑀢𑁆𑀬𑀸𑀤𑁄.
𑀳𑀽𑀲𑁆𑀲 𑀳𑁂𑀆𑀤𑀬𑁄 𑀳𑁄𑀦𑁆𑀢𑀺 𑀲𑁆𑀲𑀢𑁆𑀬𑀸𑀤𑁄. 𑀳𑁂𑀲𑁆𑀲𑀢𑀺, 𑀳𑁂𑀳𑀺𑀲𑁆𑀲𑀢𑀺, 𑀳𑁄𑀳𑀺𑀲𑁆𑀲𑀢𑀺.
𑀓𑁆𑀡𑀸𑀓𑁆𑀦𑀸𑀲𑀼 ¶ 𑀓𑁆𑀭𑀺𑀬𑀢𑁆𑀣𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺. 𑀓𑀺𑀡𑀸𑀢𑀺, 𑀥𑀼𑀦𑀸𑀢𑀺.
𑁩𑁩. 𑀆 𑀈 𑀜𑀼 𑀫𑁆𑀳𑀸 𑀲𑁆𑀲𑀸 𑀲𑁆𑀲𑀫𑁆𑀳𑀸𑀦𑀁 𑀯𑀸.
𑀏𑀲𑀁 𑀯𑀸 𑀭𑀲𑁆𑀲𑁄 𑀳𑁄𑀢𑀺. 𑀕𑀫 𑀕𑀫𑀸, 𑀕𑀫𑀺 𑀕𑀫𑀻, 𑀕𑀫𑀼 𑀕𑀫𑀽, 𑀕𑀫𑀺𑀫𑁆𑀳 𑀕𑀫𑀺𑀫𑁆𑀳𑀸, 𑀕𑀫𑀺𑀲𑁆𑀲 𑀕𑀫𑀺𑀲𑁆𑀲𑀸, 𑀕𑀫𑀺𑀲𑁆𑀲𑀫𑁆𑀳 𑀕𑀫𑀺𑀲𑁆𑀲𑀫𑁆𑀳𑀸.
𑀓𑀼𑀲𑀸 𑀭𑀼𑀳𑀸 𑀘 𑀧𑀭𑀲𑁆𑀲 𑀈𑀲𑁆𑀲 𑀙𑀺 𑀯𑀸 𑀳𑁄𑀢𑀺. 𑀅𑀓𑁆𑀓𑁄𑀘𑁆𑀙𑀺 𑀅𑀓𑁆𑀓𑁄𑀲𑀺, 𑀅𑀪𑀺𑀭𑀼𑀘𑁆𑀙𑀺 𑀅𑀪𑀺𑀭𑀼𑀳𑀺.
𑁩𑁫. 𑀅 𑀈 𑀲𑁆𑀲𑀸𑀆𑀤𑀻𑀦𑀁 𑀩𑁆𑀬𑀜𑁆𑀚𑀦𑀲𑁆𑀲𑀺𑀜.
𑀓𑁆𑀭𑀺𑀬𑀢𑁆𑀣𑀸 𑀧𑀭𑁂𑀲𑀁 𑀅𑀆𑀤𑀻𑀦𑀁 𑀈𑀆𑀤𑀻𑀦𑀁 𑀲𑁆𑀲𑀆𑀤𑀻𑀦𑀜𑁆𑀘-𑀩𑁆𑀬𑀜𑁆𑀚𑀦𑀲𑁆𑀲 𑀇𑀜 𑀳𑁄𑀢𑀺 𑀯𑀺𑀪𑀸𑀲𑀸. 𑀩𑀪𑀼𑀯𑀺𑀢𑁆𑀣, 𑀅𑀪𑀯𑀺𑀢𑁆𑀣𑀸, 𑀅𑀦𑀼𑀪𑀯𑀺𑀲𑁆𑀲𑀸, 𑀅𑀦𑀼𑀪𑀯𑀺𑀲𑁆𑀲𑀢𑀺 𑀅𑀦𑀼𑀪𑁄𑀲𑁆𑀲𑀢𑀺 𑀳𑀭𑀺𑀲𑀢𑀺 𑀳𑀲𑁆𑀲𑀢𑀺, 𑀏𑀢𑁂𑀲𑀦𑁆𑀢𑀺 𑀓𑀺𑀁? 𑀪𑀯𑀢𑀺, 𑀩𑁆𑀬𑀜𑁆𑀚𑀦𑀲𑁆𑀲𑀸𑀢𑀺 𑀓𑀺𑀁? 𑀩𑀪𑀽𑀯.
𑀩𑁆𑀭𑀽𑀢𑁄 𑀧𑀭𑀲𑁆𑀲 𑀢𑀺𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀩𑁆𑀭𑀯𑀻𑀢𑀺, 𑀩𑁆𑀭𑀽𑀢𑀺.
𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲 𑀓𑁆𑀬𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀧𑀘𑀻𑀬𑀢𑀺, 𑀧𑀘𑁆𑀘𑀢𑀺.
𑁩𑁮. 𑀏𑀬𑁆𑀬𑀸𑀣 𑀲𑁆𑀲𑁂 𑀅 𑀆 𑀈𑀣𑀸𑀦𑀁 𑀑, 𑀅, 𑀅𑀁, 𑀢𑁆𑀣, 𑀢𑁆𑀣𑁄, 𑀯𑁆𑀳𑁄𑀓.
𑀏𑀬𑁆𑀬𑀸𑀣𑀸𑀤𑀻𑀦𑀁 𑀑𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀼𑀫𑁆𑀳𑁂 𑀪𑀯𑁂𑀬𑁆𑀬𑀸𑀣𑁄 𑀪𑀯𑁂𑀬𑁆𑀬𑀸𑀣, 𑀢𑁆𑀯𑀁 𑀅𑀪𑀯𑀺𑀲𑁆𑀲 𑀅𑀪𑀯𑀺𑀲𑁆𑀲𑁂, 𑀅𑀳𑀁 𑀅𑀪𑀯𑀁 ¶ 𑀅𑀪𑀯, 𑀲𑁄 𑀅𑀪𑀯𑀺𑀢𑁆𑀣 𑀅𑀪𑀯𑀸, 𑀲𑁄 𑀅𑀪𑀯𑀺𑀢𑁆𑀣𑁄, 𑀅𑀪𑀯𑀻, 𑀢𑀼𑀫𑁆𑀳𑁂 𑀪𑀯𑀣𑀯𑁆𑀳𑁄 𑀪𑀯𑀣, 𑀆𑀲𑀳𑀘𑀭𑀺𑀢𑁄𑀯 𑀅𑀓𑀸𑀭𑁄 𑀕𑀬𑁆𑀳𑀢𑁂, 𑀣𑁄 𑀧𑀦-𑀦𑁆𑀢𑁂 𑀦𑀺𑀤𑁆𑀤𑁂𑀲𑀸 𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀬𑁂𑀯, 𑀢𑀲𑁆𑀲𑁂𑀯 𑀯𑀸 𑀦𑀺𑀲𑁆𑀲𑀺𑀢𑀢𑁆𑀢𑀸, 𑀦𑀺𑀲𑁆𑀲𑀬𑀓𑀭𑀡𑀫𑁆𑀧𑀺 𑀳𑀺 𑀲𑀼𑀢𑁆𑀢𑀓𑀸𑀭𑀸𑀘𑀺𑀡𑁆𑀡𑀁.
𑀉𑀫𑀻𑀘𑁆𑀘𑀲𑁆𑀲 𑀇𑀁𑀲𑀼 𑀅𑀁𑀲𑀼 𑀯𑀸 𑀳𑁄𑀦𑁆𑀢𑀺. 𑀅𑀕𑀫𑀺𑀁𑀲𑀼, 𑀅𑀕𑀫𑀁𑀲𑀼, 𑀅𑀕𑀫𑀼𑀁.
𑀏𑀆𑀤𑁂𑀲𑀢𑁄 𑀑𑀆𑀤𑁂𑀲𑀢𑁄 𑀘 𑀧𑀭𑀲𑁆𑀲 𑀉𑀫𑀺𑀘𑁆𑀘𑀲𑁆𑀲 𑀲𑀼𑀁 𑀯𑀸 𑀳𑁄𑀢𑀺. 𑀦𑁂𑀲𑀼𑀁, 𑀦𑀬𑀺𑀁𑀲𑀼, 𑀅𑀲𑁆𑀲𑁄𑀲𑀼𑀁, 𑀅𑀲𑁆𑀲𑀼𑀁, 𑀆𑀤𑁂𑀲𑀢𑁆𑀢𑀸𑀔𑁆𑀬𑀸𑀧𑀦𑀢𑁆𑀣𑀁𑀢𑁆𑀢𑀕𑁆𑀕𑀳𑀡𑀁.
𑀳𑀽𑀢𑁄 𑀧𑀭𑀲𑁆𑀲 𑀉𑀫𑀺𑀘𑁆𑀘𑀲𑁆𑀲 𑀭𑁂𑀲𑀼𑀁 𑀯𑀸 𑀳𑁄𑀢𑀺. 𑀅𑀳𑁂𑀲𑀼𑀁, 𑀅𑀳𑀯𑀼𑀁.
𑀑𑀲𑁆𑀲 𑀅𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺. 𑀢𑁆𑀯𑀁 𑀅𑀪𑀯, 𑀅𑀪𑀯𑀺, 𑀅𑀪𑀯𑀺𑀢𑁆𑀣, 𑀅𑀪𑀯𑀺𑀢𑁆𑀣𑁄 𑀅𑀪𑀯𑁄.
𑀑𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀳𑁄𑀲𑀺 𑀢𑁆𑀯𑀁 𑀅𑀳𑀼𑀯𑁄.
𑀤𑀻𑀖𑀢𑁄 𑀧𑀭𑀲𑁆𑀲 𑀈𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀓𑀸𑀲𑀺 𑀅𑀓𑀸, 𑀅𑀤𑀸𑀲𑀺 𑀅𑀤𑀸.
𑀫𑁆𑀳𑀸𑀢𑁆𑀣𑀸𑀦𑀫𑁆𑀳𑀜 ¶ 𑀯𑀸 𑀳𑁄𑀢𑀺. 𑀅𑀕𑀫𑁆𑀳𑀫𑁆𑀳𑀸 𑀅𑀕𑀫𑀺𑀫𑁆𑀳𑀸, 𑀅𑀕𑀫𑀼𑀢𑁆𑀣 𑀅𑀕𑀫𑀺𑀢𑁆𑀣.
𑀇𑀫𑀺𑀘𑁆𑀘𑀲𑁆𑀲 𑀲𑀺𑀜 𑀯𑀸 𑀢𑁄𑀢𑀺 𑀫𑁆𑀳𑀸𑀢𑁆𑀣𑀸𑀦𑀜𑁆𑀘 𑀩𑀳𑀼𑀮𑀁. 𑀅𑀓𑀸𑀲𑀺𑀁 𑀅𑀓𑀭𑀺𑀁, 𑀅𑀓𑀸𑀲𑀺𑀫𑁆𑀳𑀸 𑀅𑀓𑀭𑀺𑀫𑁆𑀳𑀸 𑀅𑀓𑀸𑀲𑀺𑀢𑁆𑀣 𑀅𑀓𑀭𑀺𑀢𑁆𑀣.
𑀏𑀬𑁆𑀬𑀼𑀫𑀺𑀘𑁆𑀘𑀲𑁆𑀲 𑀜𑀁 𑀯𑀸 𑀳𑁄𑀢𑀺. 𑀕𑀘𑁆𑀙𑀼𑀁 𑀕𑀘𑁆𑀙𑁂𑀬𑁆𑀬𑀼𑀁.
𑀅𑀢𑁄 𑀧𑀭𑀲𑁆𑀲 𑀳𑀺𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀕𑀘𑁆𑀙 𑀕𑀘𑁆𑀙𑀸𑀳𑀺, 𑀅𑀢𑁄𑀢𑀺 𑀓𑀺𑀁? 𑀓𑀭𑁄𑀳𑀺.
𑀓𑁆𑀬𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺 𑀲𑁆𑀲𑁂. 𑀅𑀦𑁆𑀯𑀪𑀯𑀺𑀲𑁆𑀲𑀸 𑀅𑀦𑁆𑀯𑀪𑀽𑀬𑀺𑀲𑁆𑀲𑀸, 𑀅𑀦𑀼𑀪𑀯𑀺𑀲𑁆𑀲𑀢𑀺 𑀅𑀦𑀼𑀙𑀽𑀬𑀺𑀲𑁆𑀲𑀢𑀺.
𑁫𑁦. 𑀅𑀢𑁆𑀣𑀺𑀢𑁂𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲 𑀲𑀼 𑀲 𑀲𑀣 𑀲𑀁 𑀲𑀸𑀫.
𑀅𑀲=𑀪𑀼𑀯𑀺𑀘𑁆𑀘𑀲𑁆𑀫𑀸 𑀧𑀭𑁂𑀲𑀁 𑀏𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲𑀸𑀤𑀬𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀅𑀲𑁆𑀲, 𑀅𑀲𑁆𑀲𑀼, 𑀅𑀲𑁆𑀲, 𑀅𑀲𑁆𑀲𑀣, 𑀅𑀲𑁆𑀲𑀁, 𑀅𑀲𑁆𑀲𑀸𑀫.
𑀅𑀢𑁆𑀣𑀺𑀢𑁂𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀆𑀤𑀺𑀪𑀽𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀇𑀬𑀸 𑀇𑀬𑀼𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀲𑀺𑀬𑀸, 𑀲𑀺𑀬𑀼𑀁.
𑀅𑀢𑁆𑀣𑀺𑀢𑁄 ¶ 𑀧𑀭𑀲𑁆𑀲 𑀢𑀓𑀸𑀭𑀲𑁆𑀲 𑀣𑁄 𑀳𑁄𑀢𑀺. 𑀅𑀢𑁆𑀣𑀺, 𑀅𑀢𑁆𑀣𑀼.
𑀅𑀢𑁆𑀣𑀺𑀲𑁆𑀲 𑀅𑀝 𑀳𑁄𑀢𑀺 𑀲𑀺𑀳𑀺𑀲𑀼, 𑀝𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄. 𑀅𑀲𑀺 𑀅𑀳𑀺.
𑀅𑀢𑁆𑀣𑀺𑀲𑁆𑀫𑀸 𑀧𑀭𑁂𑀲𑀁 𑀫𑀺𑀫𑀸𑀦𑀁 𑀫𑁆𑀳𑀺𑀫𑁆𑀳𑀸 𑀯𑀸 𑀳𑁄𑀦𑁆𑀢𑀺, 𑀢𑀁𑀲𑀦𑁆𑀦𑀺𑀬𑁄𑀕𑁂𑀦𑀅𑀢𑁆𑀣𑀺𑀲𑁆𑀲 𑀅𑀝 𑀘. 𑀅𑀫𑁆𑀳𑀺 𑀅𑀲𑁆𑀫𑀺, 𑀅𑀫𑁆𑀳 𑀅𑀲𑁆𑀫.
𑀏𑀲𑀼 𑀫𑀺𑀫𑁂𑀲𑀼 𑀅𑀢𑁆𑀣𑀺𑀲𑁆𑀲 𑀲𑀓𑀸𑀭𑁄 𑀳𑁄𑀢𑀺. 𑀅𑀲𑁆𑀫𑀺 𑀅𑀲𑁆𑀫, 𑀧𑀭𑀭𑀽𑀧𑀩𑀸𑀥𑀦𑀢𑁆𑀣𑀁.
𑀅𑀢𑁆𑀣𑀺𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀈𑀆𑀤𑀺𑀫𑁆𑀳𑀺. 𑀆𑀲𑀺, 𑀆𑀲𑀼𑀁, 𑀆𑀲𑀺, 𑀆𑀲𑀺𑀢𑁆𑀣, 𑀆𑀲𑀺𑀁, 𑀆𑀲𑀺𑀁 𑀫𑁆𑀳𑀸.
𑀅𑀓𑀸𑀭𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀳𑀺𑀫𑀺𑀫𑁂𑀲𑀼. 𑀧𑀘𑀸𑀳𑀺, 𑀧𑀘𑀸𑀫𑀺, 𑀧𑀘𑀸𑀫, 𑀫𑀼𑀬𑁆𑀳𑀸𑀫𑀺.
𑀲𑀓𑀲𑁆𑀫𑀸 𑀓𑁆𑀡𑀸𑀲𑁆𑀲𑀔𑁄𑀳𑁄𑀢𑀺 𑀈𑀆𑀤𑀻𑀲𑀼. 𑀅𑀲𑀓𑁆𑀔𑀺, 𑀅𑀲𑀓𑁆𑀔𑀺𑀁𑀲𑀼.
𑀲𑀓𑀲𑁆𑀫𑀸 ¶ 𑀓𑁆𑀡𑀲𑁆𑀲𑀔𑁄 𑀯𑀸 𑀳𑁄𑀢𑀺 𑀲𑁆𑀲𑁂. 𑀲𑀓𑁆𑀔𑀺𑀲𑁆𑀲𑀸 𑀲𑀓𑁆𑀓𑀼𑀡𑀺𑀲𑁆𑀲𑀸, 𑀲𑀓𑁆𑀔𑀺𑀲𑁆𑀲𑀢𑀺, 𑀲𑀓𑁆𑀓𑀼𑀡𑀺𑀲𑁆𑀲𑀢𑀺.
𑀢𑁂𑀲𑀼 𑀈𑀆𑀤𑀺𑀲𑁆𑀲𑁂𑀲𑀼 𑀲𑀼𑀢𑁄 𑀧𑀭𑁂𑀲𑀁 𑀓𑁆𑀡𑁄𑀓𑁆𑀡𑀸𑀦𑀁 𑀭𑁄𑀝 𑀯𑀸 𑀳𑁄𑀢𑀺. 𑀅𑀲𑁆𑀲𑁄𑀲𑀺 𑀅𑀲𑀼𑀡𑀺, 𑀅𑀲𑁆𑀲𑁄𑀲𑁆𑀲𑀸 𑀅𑀲𑀼𑀡𑀺𑀲𑁆𑀲𑀸, 𑀲𑁄𑀲𑁆𑀲𑀢𑀺 𑀲𑀼𑀡𑀺𑀲𑁆𑀲𑀢𑀺.
𑁬𑁧. 𑀜𑀸𑀲𑁆𑀲 𑀲𑀦𑀸𑀲𑁆𑀲 𑀦𑀸𑀬𑁄 𑀢𑀺𑀫𑁆𑀳𑀺. 𑀲𑀦𑀸𑀲𑁆𑀲 𑀜𑀸𑀲𑁆𑀲 𑀦𑀸𑀬𑁄 𑀯𑀸 𑀳𑁄𑀢𑀺 𑀢𑀺𑀫𑁆𑀳𑀺. 𑀦𑀸𑀬𑀢𑀺, 𑀚𑀸𑀦𑀸𑀢𑀺.
𑀜𑀸𑀤𑁂𑀲𑁂 𑀲𑀦𑀸𑀲𑁆𑀲 𑀜𑀸𑀲𑁆𑀲 𑀚𑀁 (𑀯𑀸) 𑀳𑁄𑀢𑀺. 𑀚𑀜𑁆𑀜𑀸 (𑀚𑀸𑀦𑁂𑀬𑁆𑀬).
𑀜𑀸𑀢𑁄 𑀏𑀬𑁆𑀬𑀸𑀲𑁆𑀲 𑀇𑀬𑀸𑀜𑀸 𑀳𑁄𑀦𑁆𑀢𑀺 𑀯𑀸. 𑀚𑀸𑀦𑀺𑀬𑀸, 𑀚𑀜𑁆𑀜𑀸 𑀚𑀸𑀦𑁂𑀬𑁆𑀬.
𑀈𑀆𑀤𑁄 𑀲𑁆𑀲𑀢𑁆𑀬𑀸𑀤𑁄 𑀘 𑀜𑀸𑀢𑁄 𑀓𑁆𑀦𑀸𑀮𑁄𑀧𑁄 𑀯𑀸 𑀳𑁄𑀢𑀺. 𑀅𑀜𑁆𑀜𑀸𑀲𑀺 𑀅𑀚𑀸𑀦𑀺, 𑀜𑀲𑁆𑀲𑀢𑀺 𑀚𑀸𑀦𑀺𑀲𑁆𑀲𑀢𑀺.
𑀜𑀸𑀢𑁄 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳𑀺 𑀯𑀸 𑀳𑁄𑀢𑀺 𑀓𑀫𑁆𑀫𑁂. 𑀧𑀜𑁆𑀜𑀸𑀬𑀺𑀳𑀺𑀢𑀺 𑀧𑀜𑁆𑀜𑀸𑀬𑀺𑀲𑁆𑀲𑀢𑀺.
𑀏𑀢𑀺𑀲𑁆𑀫𑀸 ¶ 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳𑀺 𑀳𑁄𑀢𑀺 𑀯𑀸. 𑀏𑀳𑀺𑀢𑀺 𑀏𑀲𑁆𑀲𑀢𑀺.
𑀳𑀦𑀸 𑀲𑁆𑀲𑀲𑁆𑀲 𑀙𑀔𑀸 𑀯𑀸 𑀳𑁄𑀦𑁆𑀢𑀺. 𑀳𑀜𑁆𑀙𑀸𑀫𑀺 𑀳𑀦𑀺𑀲𑁆𑀲𑀸𑀫𑀺, 𑀧𑀝𑀺𑀳𑀗𑁆𑀔𑀸𑀫𑀺 𑀧𑀝𑀺𑀳𑀦𑀺𑀲𑁆𑀲𑀸𑀫𑀺.
𑀳𑀸𑀢𑁄 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳 𑀳𑁄𑀢𑀺 𑀯𑀸. 𑀳𑀸𑀳𑀢𑀺 𑀚𑀳𑀺𑀲𑁆𑀲𑀢𑀺.
𑀤𑀓𑁆𑀔𑀸𑀤𑀻𑀳𑀺 𑀆𑀤𑁂𑀲𑁂𑀳𑀺 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀤𑀓𑁆𑀔𑀢𑀺 𑀤𑀓𑁆𑀔𑀺𑀲𑁆𑀲𑀢𑀺, 𑀲𑀓𑁆𑀔𑀢𑀺 𑀲𑀓𑁆𑀔𑀺𑀲𑁆𑀲𑀢𑀺, 𑀳𑁂𑀳𑀺𑀢𑀺 𑀳𑁂𑀳𑀺𑀲𑁆𑀲𑀢𑀺𑀳𑁄𑀳𑀺𑀢𑀺 𑀳𑁄𑀳𑀺𑀲𑁆𑀲𑀢𑀺.
𑀓𑀬𑀺𑀭𑀸 𑀧𑀭𑀲𑁆𑀲 𑀏𑀬𑁆𑀬𑀼𑀫𑀸𑀤𑀻𑀦𑀁 𑀏𑀬𑁆𑀬𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀓𑀬𑀺𑀭𑀼𑀁, 𑀓𑀬𑀺𑀭𑀸𑀲𑀺, 𑀓𑀬𑀺𑀭𑀸𑀣, 𑀓𑀳𑀺𑀭𑀸𑀫𑀺, 𑀓𑀬𑀺𑀭𑀸𑀫.
𑀓𑀬𑀺𑀭𑀸 𑀧𑀭𑀲𑁆𑀲 𑀏𑀬𑁆𑀬𑀲𑁆𑀲 𑀝𑀸 𑀳𑁄𑀢𑀺. 𑀲𑁄 𑀓𑀬𑀺𑀭𑀸.
𑀓𑀬𑀺𑀭𑀸 𑀧𑀭𑀲𑁆𑀲 𑀏𑀣𑀲𑁆𑀲 𑀆 𑀳𑁄𑀢𑀺. 𑀓𑀬𑀺𑀭𑀸𑀣.
𑀮𑀪𑀲𑁆𑀫𑀸 ¶ 𑀇𑀁𑀈𑀇𑀘𑁆𑀘𑁂𑀲𑀁 𑀣𑀁𑀣𑀸 𑀳𑁄𑀦𑁆𑀢𑀺 𑀯𑀸. 𑀅𑀮𑀢𑁆𑀣𑀁 𑀅𑀮𑀪𑀺𑀁, 𑀅𑀮𑀢𑁆𑀣 𑀅𑀮𑀪𑀺.
𑁭𑁪. 𑀕𑀼𑀭𑀼𑀧𑀼𑀩𑁆𑀩𑀸 𑀭𑀲𑁆𑀲𑀸 𑀭𑁂 𑀦𑁆𑀢𑁂𑀦𑁆𑀢𑀻𑀦𑀁.
𑀕𑀼𑀭𑀼𑀧𑀼𑀩𑁆𑀩𑀲𑁆𑀫𑀸 𑀭𑀲𑁆𑀲𑀸 𑀧𑀭𑁂𑀲𑀁 𑀦𑁆𑀢𑁂𑀦𑁆𑀢𑀻𑀦𑀁 𑀭𑁂 𑀯𑀸 𑀳𑁄𑀢𑀺. 𑀕𑀘𑁆𑀙𑀭𑁂 𑀕𑀘𑁆𑀙𑀦𑁆𑀢𑀺, 𑀕𑀘𑁆𑀙𑀭𑁂 𑀕𑀘𑁆𑀙𑀦𑁆𑀢𑁂, 𑀕𑀫𑀺𑀲𑁆𑀲𑀭𑁂 𑀕𑀫𑀺𑀲𑁆𑀲𑀦𑁆𑀢𑀺, 𑀕𑀫𑀺𑀲𑁆𑀲𑀭𑁂 𑀕𑀫𑀺𑀲𑁆𑀲𑀦𑁆𑀢𑁂, 𑀕𑀼𑀭𑀼𑀧𑀼𑀩𑁆𑀩𑀸𑀢𑀺 𑀓𑀺𑀁? 𑀧𑀘, 𑀭𑀲𑁆𑀲𑀢𑀺 𑀓𑀺𑀁? 𑀳𑁄𑀦𑁆𑀢𑀺.
𑀏𑀬𑁆𑀬𑀸𑀤𑀻𑀦𑀁 𑀝𑁂 𑀯𑀸 𑀳𑁄𑀢𑀺. 𑀲𑁄 𑀓𑀭𑁂 𑀓𑀭𑁂𑀬𑁆𑀬, 𑀢𑁆𑀯𑀁 𑀓𑀭𑁂 𑀓𑀭𑁂𑀬𑁆𑀬𑀸𑀲𑀺, 𑀅𑀳𑀁 𑀓𑀭𑁂 𑀓𑀭𑁂𑀬𑁆𑀬𑀁.
𑀑𑀯𑀺𑀓𑀭𑀡𑀲𑁆𑀲 𑀉 𑀳𑁄𑀢𑀺 𑀧𑀭𑀘𑁆𑀙𑀓𑁆𑀓𑁂 𑀯𑀺𑀲𑀬𑁂. 𑀢𑀦𑀼𑀢𑁂.
𑀑𑀯𑀺𑀓𑀭𑀡𑀲𑁆𑀲 𑀉 𑀳𑁄𑀢𑀺 𑀯𑀸 𑀓𑁆𑀯𑀘𑀺 𑀧𑀼𑀩𑁆𑀩𑀘𑁆𑀙𑀓𑁆𑀓𑁂. 𑀯𑀦𑀼𑀢𑀺 𑀯𑀦𑁄𑀢𑀺.
𑀏𑀬𑁆𑀬𑀸𑀫𑀲𑁆𑀲𑁂𑀫𑀼 𑀯𑀸 𑀳𑁄𑀢𑀺 𑀉 𑀘. 𑀪𑀯𑁂𑀫𑁆𑀳, 𑀪𑀯𑁂𑀬𑁆𑀬𑀸𑀫𑀼 𑀪𑀯𑁂𑀬𑁆𑀬𑀸𑀫.
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀢𑁆𑀬𑀸𑀤𑀺𑀓𑀡𑁆𑀟𑁄 𑀙𑀝𑁆𑀞𑁄.
𑁭. 𑀲𑀢𑁆𑀢𑀫𑁄 𑀓𑀡𑁆𑀟𑁄 (𑀡𑁆𑀯𑀸𑀤𑀺)
‘‘𑀩𑀳𑀼𑀮𑀁’’ ¶ (𑁧.𑁫𑁮) ‘‘𑀓𑁆𑀭𑀺𑀬𑀢𑁆𑀣𑀸’’𑀢𑀺 (𑁫.𑁧𑁪) 𑀘 𑀲𑀩𑁆𑀩𑀢𑁆𑀣 𑀯𑀢𑁆𑀣𑀢𑁂.
𑁧. 𑀘𑀭 𑀤𑀭 𑀓𑀭 𑀭𑀳 𑀚𑀦 𑀲𑀦 𑀢𑀮 𑀲𑀸𑀤 𑀲𑀸𑀥 𑀓𑀲𑀸𑀲 𑀘𑀝𑀸𑀬 𑀯𑀸𑀳𑀺 𑀡𑀼.
𑀘𑀭-𑀕𑀢𑀺𑀪𑀓𑁆𑀔𑀡𑁂𑀲𑀼, 𑀤𑀭-𑀤𑀭𑀡𑁂, 𑀓𑀭-𑀓𑀭𑀡𑁂, 𑀭𑀳-𑀘𑀸𑀕𑁂, 𑀚𑀦-𑀚𑀦𑀦𑁂, 𑀲𑀦-𑀲𑀫𑁆𑀪𑀢𑁆𑀢𑀺𑀬𑀁, 𑀢𑀮-𑀧𑀢𑀺𑀝𑁆𑀞𑀸𑀬𑀁, 𑀲𑀸𑀤-𑀅𑀲𑁆𑀲𑀸𑀤𑀦𑁂, 𑀲𑀸𑀥-𑀲𑀁𑀲𑀺𑀤𑁆𑀥𑀺𑀬𑀁, 𑀓𑀲-𑀯𑀺𑀮𑁂𑀔𑀦𑁂, 𑀅𑀲-𑀔𑁂𑀧𑀦𑁂, 𑀘𑀝-𑀪𑁂𑀤𑀦𑁂, 𑀅𑀬-𑀇𑀢𑀺 𑀕𑀫𑀦𑀢𑁆𑀣𑁄 𑀤𑀡𑁆𑀟𑀓𑁄 𑀥𑀸𑀢𑀼, 𑀯𑀸-𑀕𑀢𑀺𑀕𑀦𑁆𑀥𑀦𑁂𑀲𑀼, 𑀏𑀢𑁂𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀩𑀳𑀼𑀮𑀁 𑀡𑀼 𑀳𑁄𑀢𑀺. ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 (𑁫.𑁮𑁪) 𑀉𑀧𑀦𑁆𑀢𑀲𑁆𑀲 𑀅𑀲𑁆𑀲 𑀆, 𑀘𑀭𑀢𑀺 𑀳𑀤𑀬𑁂 𑀫𑀦𑀼𑀜𑁆𑀜𑀪𑀸𑀯𑁂𑀦𑀸𑀢𑀺 𑀘𑀸𑀭𑀼=𑀲𑁄𑀪𑀦𑀁. 𑀤𑀭𑀻𑀬𑀢𑀻𑀢𑀺 𑀤𑀸𑀭=𑀓𑀝𑁆𑀞𑀁. 𑀓𑀭𑁄𑀢𑀻𑀢𑀺 𑀓𑀸𑀭𑀼=𑀲𑀺𑀧𑁆𑀧𑀻, 𑀫𑀖 𑀯𑀸, 𑀯𑀺𑀲𑀼𑀓𑀫𑁆𑀫𑁄 𑀘. 𑀭𑀳𑀢𑀺 𑀘𑀦𑁆𑀤𑀸𑀤𑀻𑀦𑀁 𑀲𑁄𑀪𑀸𑀯𑀺𑀲𑁂𑀲𑀁 𑀦𑀸𑀲𑁂𑀢𑀻𑀢𑀺 𑀭𑀸𑀳𑀼=𑀅𑀲𑀼𑀭𑀺𑀦𑁆𑀤𑁄. 𑀚𑀸𑀬𑀢𑀺 𑀕𑀫𑀦𑀸𑀕𑀫𑀦𑀁 𑀅𑀦𑁂𑀦𑀸𑀢𑀺𑀚𑀸𑀦𑀼=𑀚𑀗𑁆𑀖𑁄𑀭𑀽𑀦𑀁 𑀲𑀦𑁆𑀥𑀺. 𑀲𑀦𑁂𑀢𑀺 𑀅𑀢𑁆𑀢𑀦𑀺 𑀪𑀢𑁆𑀢𑀺𑀁 𑀉𑀧𑁆𑀧𑀸𑀤𑁂𑀢𑀻𑀢𑀺 𑀲𑀸𑀦𑀼=𑀕𑀺𑀭𑀺𑀧𑁆𑀧𑀤𑁂𑀲𑁄. 𑀢𑀮𑀦𑁆𑀢𑀺 𑀧𑀢𑀺𑀝𑁆𑀞𑀳𑀦𑁆𑀢𑀺 𑀏𑀢𑁆𑀣 𑀤𑀦𑁆𑀢𑀸𑀢𑀺 𑀢𑀸𑀮𑀼=𑀯𑀤𑀦𑁂𑀓𑀤𑁂𑀲𑁄. 𑀲𑀸 𑀤𑀻𑀬𑀢𑀺 𑀅𑀲𑁆𑀲𑀸𑀤𑀻𑀬𑀢𑀻𑀢𑀺 𑀲𑀸𑀤𑀼=𑀫𑀥𑀼𑀭𑀁. 𑀲𑀸𑀥𑁂𑀢𑀺 𑀅𑀢𑁆𑀢𑀧𑀭𑀳𑀺𑀢𑀦𑁆𑀢𑀺 𑀲𑀸𑀥𑀼=𑀲𑀚𑁆𑀚𑀦𑁄. 𑀓𑀲𑀻𑀬𑀢𑀻𑀢𑀺 𑀓𑀸𑀲𑀼=𑀆𑀯𑀸𑀝𑁄, 𑀅𑀲𑀢𑀺 𑀲𑀻𑀖𑀪𑀸𑀯𑁂𑀦 𑀧𑀯𑀢𑁆𑀢𑀢𑀻𑀢𑀺 𑀆𑀲𑀼=𑀲𑀻𑀖𑀁. 𑀘𑀝𑀢𑀺 𑀪𑀺𑀦𑁆𑀤𑀢𑀺 𑀅𑀫𑀦𑀼𑀜𑁆𑀜𑀪𑀸𑀯𑀦𑁆𑀢𑀺 𑀘𑀸𑀝𑀼=𑀫𑀦𑀼𑀜𑁆𑀜𑁄. 𑀅𑀬𑀦𑁆𑀢𑀺 𑀧𑀯𑀢𑁆𑀢𑀦𑁆𑀢𑀺 𑀲𑀢𑁆𑀢𑀸 𑀏𑀢𑁂𑀦𑀸𑀢𑀺 𑀆𑀬𑀼=𑀚𑀻𑀯𑀺𑀢𑀁. ‘‘𑀅𑀲𑁆𑀲𑀸 𑀡𑀸𑀧𑀺𑀫𑁆𑀳𑀺 𑀬𑀼𑀓’’ 𑀇𑀢𑀺 (𑁫.𑁯𑁧) 𑀬𑀼𑀓- 𑀯𑀸𑀢𑀺 𑀕𑀘𑁆𑀙𑀢𑀻𑀢𑀺 𑀯𑀸𑀬𑀼-𑀯𑀸𑀢𑁄.
𑁨. 𑀪𑀭 ¶ 𑀫𑀭 𑀘𑀭 𑀢𑀭 𑀅𑀭 𑀕𑀭 𑀳𑀦 𑀢𑀦 𑀫𑀦 𑀪𑀫 𑀓𑀺𑀢 𑀥𑀦 𑀩𑀁𑀳 𑀓𑀫𑁆𑀩𑀫𑁆𑀩 𑀘𑀓𑁆𑀔 𑀪𑀺𑀓𑁆𑀔 𑀲𑀁𑀓𑀺𑀦𑁆𑀤𑀦𑁆𑀤 𑀬𑀚 𑀧𑀝𑀸𑀡𑀸𑀲 𑀯𑀲 𑀧𑀲 𑀧𑀁𑀲 𑀩𑀦𑁆𑀥𑀸 𑀉.
𑀪𑀭-𑀪𑀭𑀡𑁂, 𑀫𑀭-𑀧𑀸𑀡𑀘𑀸𑀕𑁂, 𑀘𑀭-𑀕𑀢𑀺𑀪𑀓𑁆𑀔𑀡𑁂𑀲𑀼, 𑀢𑀭 𑀢𑀭𑀡𑁂, 𑀅𑀭-𑀕𑀫𑀦𑁂, 𑀕𑀭 𑀖𑀭-𑀲𑁂𑀘𑀦𑁂, 𑀕𑀺𑀭𑀸𑀢𑀺 𑀯𑀸 𑀦𑀺𑀧𑀸𑀢𑀦𑀸 𑀅𑀓𑀸𑀭𑁄, 𑀳𑀦-𑀳𑀺𑀁 𑀲𑀸𑀬𑀁, 𑀢𑀦-𑀯𑀺𑀢𑁆𑀢𑀸𑀭𑁂, 𑀫𑀦-𑀜𑀸𑀡𑁂, 𑀪𑀫-𑀅𑀦𑀯𑀝𑁆𑀞𑀸𑀦𑁂, 𑀓𑀺𑀢-𑀦𑀺𑀯𑀸𑀲𑁂, 𑀥𑀦-𑀲𑀤𑁆𑀤𑁂, 𑀩𑀁𑀳 𑀩𑁆𑀭𑀳 𑀩𑁆𑀭𑀽𑀳-𑀯𑀼𑀤𑁆𑀥𑀺𑀬𑀁, 𑀓𑀫𑁆𑀩-𑀲𑀁𑀯𑀭𑀡𑁂, 𑀅𑀫𑁆𑀩-𑀲𑀤𑁆𑀤𑁂, 𑀘𑀓𑁆𑀔 𑀇𑀓𑁆𑀔 𑀤𑀲𑁆𑀲𑀦𑁂, 𑀪𑀺𑀓𑁆𑀔-𑀬𑀸𑀘𑀦𑁂, 𑀲𑀁𑀓𑀲𑀗𑁆𑀓𑀸𑀬𑀁, 𑀇𑀦𑁆𑀤-𑀧𑀭𑀫𑀺𑀲𑁆𑀲𑀭𑀺𑀬𑁂, 𑀅𑀦𑁆𑀤-𑀩𑀦𑁆𑀥𑀦𑁂, 𑀬𑀚-𑀤𑁂𑀯𑀧𑀽𑀚𑀸𑀬𑀁, 𑀅𑀝 𑀧𑀝-𑀕𑀫𑀦𑀣𑀸, 𑀅𑀡-𑀲𑀤𑁆𑀤𑀢𑁆𑀣𑁄, 𑀅𑀲-𑀔𑁂𑀧𑀦𑁂, 𑀯𑀲-𑀦𑀺𑀯𑀸𑀲𑁂, 𑀧𑀲𑀩𑀸𑀥𑀦𑁂, 𑀧𑀁𑀲-𑀦𑀸𑀲𑀦𑁂, 𑀩𑀦𑁆𑀥-𑀩𑀦𑁆𑀥𑀦𑁂, 𑀏𑀢𑁂𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀉 𑀳𑁄𑀢𑀺. 𑀪𑀭𑀢𑀻𑀢𑀺 𑀪𑀭=𑀪𑀢𑁆𑀢𑀸. 𑀫𑀭𑀢𑀺 𑀭𑀽𑀧𑀓𑀸𑀬𑁂𑀦 𑀲𑀳𑁂𑀯𑀸𑀢𑀺 𑀫𑀭𑀼=𑀤𑁂𑀯𑁄, 𑀦𑀺𑀚𑁆𑀚𑀮𑀤𑁂𑀲𑁄 𑀘. 𑀘𑀭𑀻𑀬𑀢𑀺 𑀪𑀓𑁆𑀔𑀻𑀬𑀢𑀻𑀢𑀺 𑀘𑀭𑀼=𑀳𑀩𑁆𑀬𑀧𑀸 𑀓𑁄. 𑀢𑀭𑀦𑁆𑀢𑀺 𑀅𑀦𑁂𑀦𑀸𑀢𑀺 𑀢𑀭𑀼=𑀭𑀼𑀓𑁆𑀔𑁄. 𑀅𑀭𑀢𑀺 𑀲𑀽𑀦𑀪𑀸𑀯𑁂𑀦 𑀉𑀤𑁆𑀥𑀁 𑀕𑀘𑁆𑀙𑀢𑀻𑀢𑀺 𑀅𑀭𑀼=𑀯𑀡𑁄. 𑀕𑀭𑀢𑀺 𑀲𑀺𑀜𑁆𑀘𑀢𑀺, 𑀕𑀺𑀭𑀢𑀺 𑀯𑀫𑀢𑀺 𑀯𑀸 𑀲𑀺𑀲𑁆𑀲𑁂𑀲𑀼 𑀲𑀺𑀦𑁂𑀳𑀦𑁆𑀢𑀺 𑀕𑀭𑀼=𑀆𑀘𑀭𑀺𑀬𑁄. 𑀳𑀦𑀢𑀺 𑀑𑀤𑀦𑀸𑀤𑀻𑀲𑀼 𑀯𑀡𑁆𑀡𑀯𑀺𑀲𑁂𑀲𑀁 𑀦𑀸𑀲𑁂𑀢𑀻𑀢𑀺 𑀳𑀦𑀼=𑀯𑀤𑀦𑁂𑀓𑀤𑁂𑀲𑁄. 𑀢𑀦𑁄𑀢𑀺 𑀲𑀁𑀲𑀸𑀭 𑀤𑀼𑀓𑁆𑀔𑀦𑁆𑀢𑀺 𑀢𑀦𑀼-𑀲𑀭𑀻𑀭𑀁. 𑀫𑀜𑁆𑀜𑀢𑀺 𑀲𑀢𑁆𑀢𑀸𑀦𑀁 𑀳𑀺𑀢𑀸𑀳𑀺𑀢𑀦𑁆𑀢𑀺 𑀫𑀦𑀼=𑀧𑀚𑀸𑀧𑀢𑀺. 𑀪𑀫𑀢𑀺 𑀘𑀮𑀢𑀻𑀢𑀺 𑀪𑀫𑀼=𑀦𑀬𑀦𑁄 𑀧𑀢𑀺𑀝𑁆𑀞𑀸𑀦𑀁. 𑀓𑁂𑀢𑀢𑀺 𑀉𑀤𑁆𑀥𑀁 𑀕𑀘𑁆𑀙𑀢𑀺, 𑀉𑀧𑀭𑀺 𑀦𑀺𑀯𑀲𑀢𑀻𑀢𑀺 𑀯𑀸 𑀓𑁂𑀢𑀼=𑀥𑀚𑁄. 𑀥𑀦𑀢𑀺 𑀲𑀤𑁆𑀤𑀁 𑀓𑀭𑁄𑀢𑀻𑀢𑀺 𑀥𑀦𑀼=𑀘𑀸𑀧𑁄. 𑀩𑀁𑀳 𑀇𑀢𑀺 𑀦𑀺𑀤𑁆𑀤𑁂𑀲𑀸 𑀉𑀫𑁆𑀳𑀺 𑀦𑀺𑀘𑁆𑀘𑀁 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀩𑀁𑀳𑀢𑀺 𑀯𑀼𑀤𑁆𑀥𑀺𑀁 𑀕𑀘𑁆𑀙𑀢𑀻𑀢𑀺 𑀩𑀳𑀼=𑀅𑀦𑀧𑁆𑀧𑀓𑀁. 𑀓𑀫𑁆𑀩𑀢𑀺 𑀲𑀁𑀯𑀭𑀁 𑀓𑀭𑁄𑀢𑀻𑀣𑀺 𑀓𑀫𑁆𑀩𑀼=𑀯𑀮𑀬𑁄, 𑀲𑀗𑁆𑀔𑁄 ¶ 𑀘. 𑀅𑀫𑁆𑀩𑀢𑀺 𑀦𑀸𑀤𑀁𑀓𑀭𑁄𑀢𑀻𑀢𑀺 𑀅𑀫𑁆𑀩𑀼=𑀯𑀸𑀭𑀺. 𑀘𑀓𑁆𑀔𑀢𑀺 𑀭𑀽𑀧𑀦𑁆𑀢𑀺 𑀘𑀓𑁆𑀔𑀼=𑀦𑀬𑀦𑀁. 𑀪𑀺𑀓𑁆𑀔𑀢𑀻𑀢𑀺 𑀪𑀺𑀓𑁆𑀔𑀼=𑀲𑀫𑀡𑁄. 𑀲𑀁𑀓𑀺𑀭𑀢𑀻𑀢𑀺 𑀲𑀁𑀓𑀼=𑀲𑀽𑀮𑀁. 𑀇𑀦𑁆𑀤𑀢𑀺 𑀦𑀓𑁆𑀔𑀢𑁆𑀢𑀸𑀦𑀁 𑀧𑀭𑀫𑀺𑀲𑁆𑀲𑀭𑀺𑀬𑀁 𑀧𑀯𑀢𑁆𑀢𑁂𑀢𑀻𑀢𑀺 𑀇𑀦𑁆𑀤𑀼=𑀘𑀦𑁆𑀤𑁄. 𑀅𑀦𑁆𑀤𑀦𑁆𑀢𑀺 𑀩𑀦𑁆𑀥𑀦𑁆𑀢𑀺 𑀲𑀢𑁆𑀢𑀸 𑀏𑀢𑀸𑀬𑀸𑀢𑀺 𑀅𑀦𑁆𑀤𑀼=𑀲𑀗𑁆𑀔𑀮𑀺𑀓𑀸. 𑀬𑀚𑀦𑁆𑀢𑀺 𑀅𑀦𑁂𑀦𑀸𑀢𑀺 𑀬𑀚𑀼=𑀯𑁂𑀤𑁄. 𑀧𑀝𑀢𑀺 𑀩𑁆𑀬𑀢𑁆𑀢𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀧𑀝𑀼=𑀯𑀺𑀘𑀓𑁆𑀔𑀡𑁄. 𑀅𑀡𑀢𑀺 𑀲𑀼𑀔𑀼𑀫𑀪𑀸𑀯𑁂𑀦 𑀧𑀯𑀢𑁆𑀢𑀢𑀻𑀢𑀺 𑀅𑀡𑀼=𑀲𑀼𑀔𑀼𑀫𑁄, 𑀯𑀻𑀳𑀺𑀪𑁂𑀤𑁄 𑀘. 𑀅𑀲𑀦𑁆𑀢𑀺 𑀧𑀯𑀢𑁆𑀢𑀦𑁆𑀢𑀺 𑀲𑀢𑁆𑀢𑀸 𑀏𑀢𑁂𑀳𑀻𑀢𑀺 𑀅𑀲𑀯𑁄=𑀧𑀸𑀡𑀸. 𑀲𑀼𑀔𑀁 𑀯𑀲𑀦𑁆𑀢𑁆𑀬𑀦𑁂𑀦𑀸𑀢𑀺 𑀯𑀲𑀼=𑀥𑀦𑀁. 𑀧𑀲𑀻𑀬𑀢𑀺 𑀩𑀸𑀥𑀻𑀬𑀢𑀺 𑀲𑀸𑀫𑀺𑀓𑁂𑀳𑀻𑀢𑀺 𑀧𑀲𑀼. 𑀘𑀢𑀼𑀧𑁆𑀧𑀤𑁄. 𑀧𑀁𑀲𑀢𑀺 𑀲𑁄𑀪𑀸𑀯𑀺𑀲𑁂𑀲𑀁 𑀦𑀸𑀲𑁂𑀢𑀻𑀢𑀺 𑀧𑀁𑀲𑀼=𑀭𑁂𑀡𑀼. 𑀩𑀦𑁆𑀥𑀻𑀬𑀢𑀺 𑀲𑀺𑀦𑁂𑀳𑀪𑀸𑀯𑁂𑀦𑀸𑀢𑀺 𑀩𑀦𑁆𑀥𑀼=𑀜𑀸𑀢𑀺.
𑀩𑀦𑁆𑀥-𑀩𑀦𑁆𑀥𑀦𑁂 𑀢𑀺𑀫𑀲𑁆𑀫𑀸 𑀊 𑀳𑁄𑀢𑀺, 𑀩𑀦𑁆𑀥𑀲𑁆𑀲 𑀯𑀥𑀸𑀤𑁂𑀲𑁄 𑀘. 𑀧𑀜𑁆𑀘𑀳𑀺 𑀓𑀸𑀫𑀕𑀼𑀡𑁂𑀳𑀺 𑀅𑀢𑁆𑀢𑀦𑀺 𑀲𑀢𑁆𑀣𑁂 𑀩𑀦𑁆𑀥𑀢𑀻𑀢𑀺 𑀯𑀥𑀽-𑀲𑀼𑀡𑀺𑀲𑀸, 𑀇𑀢𑁆𑀣𑀻𑀘.
𑀚𑀫𑁆𑀩𑀽𑀆𑀤𑀬𑁄 𑀲𑀤𑁆𑀤𑀸𑀊𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂, 𑀦𑀺𑀧𑀸𑀢𑀦𑀁 𑀅𑀧𑁆𑀧𑀢𑁆𑀢𑀲𑁆𑀲 𑀧𑀸𑀧𑀦𑀁 𑀧𑀢𑁆𑀢𑀲𑁆𑀲 𑀧𑀝𑀺𑀲𑁂𑀥𑁄 𑀘. 𑀚𑀦𑀺𑀲𑁆𑀫𑀸 𑀊, 𑀩𑀼𑀓𑀸𑀕𑀫𑁄, ‘‘𑀫𑀦𑀸𑀦𑀁 𑀦𑀺𑀕𑁆𑀕𑀳𑀻𑀢’’𑀦𑁆𑀢𑀺 (𑁫.𑁯𑁬) 𑀦𑀲𑁆𑀲 𑀦𑀺𑀕𑁆𑀕𑀳𑀻𑀢𑀁, ‘‘𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄’’𑀢𑀺 (𑁧.𑁪𑁧) 𑀦𑀺𑀕𑁆𑀕𑀳𑀻𑀢𑀲𑁆𑀲 𑀫𑁄, 𑀚𑀸𑀬𑀢𑀺, 𑀚𑀦𑀻𑀬𑀢𑀻 𑀯𑀸 𑀚𑀫𑁆𑀩𑀽=𑀭𑀼𑀓𑁆𑀔𑁄. 𑀪𑀫𑀺𑀲𑁆𑀲 𑀅𑀫𑀮𑁄𑀧𑁄, 𑀪𑀫𑀢𑀺 𑀓𑀫𑁆𑀧𑀢𑀻𑀢𑀺 𑀪𑀽=𑀪𑀫𑀼. 𑀓𑀭𑁄𑀢𑀺𑀲𑁆𑀫𑀸 𑀊, 𑀢𑀲𑁆𑀲 𑀓𑀦𑁆𑀥𑀼𑀜 𑀘, ‘‘𑀧𑀭𑀭𑀽𑀧𑀫𑀬𑀓𑀸𑀭𑁂 𑀩𑁆𑀬𑀜𑁆𑀚𑀦𑁂’’𑀢𑀺 (𑁫.𑁯𑁫) 𑀥𑀸𑀢𑁆𑀯𑀦𑁆𑀢𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀧𑀭𑀭𑀽𑀧𑀢𑁆𑀢𑀁, 𑀭𑀼𑀥𑀺𑀭𑀼𑀧𑁆𑀧𑀸𑀤𑀁 𑀓𑀭𑁄𑀢𑀻𑀢𑀺 𑀓𑀓𑁆𑀓𑀦𑁆𑀥𑀽=𑀩𑀤𑀭𑀻. 𑀮𑀫𑁆𑀩-𑀅𑀯𑀲𑀁𑀲𑀦𑁂 ¶ , 𑀆𑀧𑀼𑀩𑁆𑀩𑁄, 𑀲𑀁𑀬𑁄𑀕𑀸𑀤𑀺𑀮𑁄𑀧𑀤𑀻𑀖𑀭𑀲𑁆𑀲𑀸, 𑀆𑀮𑀫𑁆𑀩𑀢𑀺 𑀅𑀯𑀲𑀁𑀲𑀢𑀻𑀢𑀺 𑀅𑀮𑀸𑀩𑀽=𑀢𑀼𑀫𑁆𑀩𑀺. 𑀲𑀭-𑀕𑀢𑀺 𑀳𑀺𑀁𑀲𑀸𑀘𑀺𑀦𑁆𑀢𑀸𑀲𑀼, 𑀊𑀫𑁆𑀳𑀺 𑀅𑀪𑀼𑀓 𑀅𑀩𑀼𑀓 𑀘, 𑀲𑀭𑀢𑀺 𑀕𑀘𑁆𑀙𑀢𑀻𑀢𑀺 𑀲𑀭𑀪𑀽=𑀏𑀓𑀸 𑀫𑀳𑀸𑀦𑀤𑀻. 𑀲𑀭𑀢𑀺 𑀧𑀸𑀡𑁂 𑀳𑀺𑀁𑀲𑀢𑀻𑀢𑀺 𑀲𑀭𑀩𑀽=𑀔𑀼𑀤𑁆𑀤𑀚𑀦𑁆𑀢𑀼𑀓𑀯𑀺𑀲𑁂𑀲𑁄. 𑀘𑀫𑀅𑀤𑀦𑁂, 𑀘𑀫𑀢𑀺 𑀪𑀓𑁆𑀔𑀢𑀺 𑀦𑀺𑀯𑀸𑀧𑀦𑁆𑀢𑀺 𑀘𑀫𑀽=𑀲𑁂𑀦𑀸. 𑀢𑀦-𑀯𑀺𑀢𑁆𑀣𑀸𑀭𑁂, 𑀢𑀦𑁄𑀢𑀺 𑀲𑀁𑀲𑀸𑀭𑀤𑀼𑀓𑁆𑀔𑀦𑁆𑀢𑀺 𑀢𑀦𑀼=𑀲𑀭𑀻𑀭𑀁, 𑀏𑀯𑀫𑀜𑁆𑀜𑁂𑀧𑀺 𑀧𑀬𑁄𑀕𑀢𑁄 𑀤𑀝𑁆𑀞𑀩𑁆𑀩𑀸.
𑀢𑀧-𑀲𑀦𑁆𑀢𑀸𑀧𑁂, 𑀉𑀲-𑀤𑀸𑀳𑁂, 𑀯𑀺𑀥-𑀯𑁂𑀥𑀦𑁂, 𑀓𑀼𑀭-𑀲𑀤𑁆𑀤𑁂, 𑀧𑀼𑀣 𑀧𑀣-𑀯𑀺𑀢𑁆𑀣𑀸𑀭𑁂, 𑀫𑀼𑀤-𑀢𑁄𑀲𑁂, 𑀏𑀢𑁂𑀳𑀺 𑀓𑀼, 𑀳𑁄𑀢𑀺. 𑀓𑀓𑀸𑀭𑁄𑀦𑀼𑀩𑀦𑁆𑀥𑁄 ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑁂𑀲𑀽’’𑀢𑀺 (𑁫.𑁮𑁫) 𑀏𑀑𑀦𑀫𑀪𑀸𑀯𑀢𑁆𑀣𑁄. 𑀢𑀧 𑀇𑀢𑀺 𑀦𑀺𑀤𑁆𑀤𑁂𑀲𑀢𑁄𑀯 𑀅𑀲𑁆𑀲 𑀇𑀢𑁆𑀢𑀁, 𑀢𑀸𑀧𑀻𑀬𑀢𑀻𑀢𑀺 𑀢𑀺𑀧𑀼=𑀮𑁄𑀳𑀯𑀺𑀲𑁂𑀲𑁄. 𑀉𑀲𑀢𑀺 𑀤𑀸𑀳𑀁 𑀓𑀭𑁄𑀢𑀻𑀢𑀺 𑀉𑀲𑀼=𑀲𑀭𑁄. 𑀯𑁂𑀥𑀢𑀺 𑀭𑀁𑀲𑀻𑀳𑀺 𑀢𑀺𑀫𑀺𑀭𑀦𑁆𑀢𑀺 𑀯𑀺𑀥𑀼=𑀘𑀦𑁆𑀤𑁄. 𑀓𑀼𑀭𑀢𑀺 𑀓𑀺𑀘𑁆𑀘𑀸𑀓𑀺𑀘𑁆𑀘𑀁 𑀯𑀤𑀢𑀻𑀢𑀺 𑀓𑀼𑀭𑀼=𑀭𑀸𑀚𑀸, 𑀓𑀼𑀭𑀯𑁄=𑀚𑀦𑀧𑀤𑁄. 𑀧𑀼𑀣𑀢𑀺 𑀫𑀳𑀦𑁆𑀣𑀪𑀸𑀯𑁂𑀦 𑀧𑀢𑁆𑀣𑀺𑀭𑀢𑀻𑀢𑀺 𑀧𑀼𑀣𑀼=𑀯𑀺𑀢𑁆𑀣𑀺𑀡𑁆𑀡𑁄, 𑀫𑁄𑀤𑀦𑀁, 𑀫𑀼𑀤𑀻𑀬𑀢𑀻𑀢𑀺 𑀯𑀸 𑀫𑀼𑀤𑀼=𑀅𑀣𑀤𑁆𑀥𑁄.
𑀲𑀺𑀦𑁆𑀥𑀼 𑀆𑀤𑀬𑁄 𑀓𑀼𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀦𑁆𑀤-𑀧𑀲𑁆𑀲𑀯𑀦𑁂, 𑀅𑀲𑁆𑀲 𑀇𑀢𑁆𑀢𑀁, 𑀥𑁄𑀘𑀸𑀦𑁆𑀢𑀸 𑀤𑁂𑀲𑁄 𑀦𑀺𑀧𑀸𑀢𑀦𑀸, 𑀲𑀦𑁆𑀤𑀢𑀺 𑀧𑀲𑁆𑀲𑀯𑀢𑀻𑀢𑀺 𑀲𑀺𑀦𑁆𑀥𑀼=𑀦𑀤𑀺, 𑀯𑀳𑀺𑀲𑀼𑀧𑀦𑁆𑀢𑀲𑁆𑀲 𑀤𑀻𑀖𑀸𑀤𑀺𑀩𑀢𑁆𑀢𑁂, 𑀩𑀸𑀥𑀺𑀲𑁆𑀲 𑀯𑀸𑀦𑁆𑀢𑀳𑀢𑁆𑀢𑁂 𑀘, 𑀯𑀳𑀦𑁆𑀢𑁆𑀬𑀦𑁂𑀦𑀸𑀢𑀺 𑀩𑀸𑀳𑀼, 𑀩𑀸𑀥𑀢𑀺 𑀉𑀧𑀤𑁆𑀤𑀯𑁂 𑀯𑀸𑀭𑁂𑀢𑀻 𑀢𑀺 𑀯𑀸 𑀩𑀸𑀳𑀼=𑀪𑀼𑀚𑁄. 𑀭𑀁𑀖-𑀕𑀫𑀦𑁂, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀭𑀗𑁆𑀖𑀢𑀺 𑀧𑀯𑀢𑁆𑀢𑀳𑀺 𑀭𑀸𑀚𑀥𑀫𑁆𑀫𑁂𑀢𑀺 𑀭𑀖𑀼=𑀭𑀸𑀚𑀸. 𑀯𑀺𑀤-𑀮𑀸𑀪𑁂, 𑀦𑀓𑀸𑀭𑀸𑀕𑀫𑁄, 𑀯𑀲𑁆𑀲 𑀩𑁄, 𑀯𑀺𑀦𑁆𑀤𑀢𑁆𑀬𑀦𑁂𑀦 𑀦𑀦𑁆𑀤𑀦𑀦𑁆𑀢𑀺 𑀩𑀺𑀦𑁆𑀤𑀼=𑀓𑀡𑀺𑀓𑀸. 𑀫𑀦-𑀜𑀸𑀡𑁂, 𑀦𑀲𑁆𑀲 𑀥𑁄, 𑀫𑀜𑁆𑀜𑀢𑀺 𑀜𑀸𑀬𑀢𑀺 ¶ 𑀫𑀥𑀼𑀭𑀦𑁆𑀢𑀺 𑀫𑀥𑀼=𑀫𑀥𑀼𑀓𑀭𑀻𑀳𑀺 𑀓𑀢𑀫𑀥𑀼, 𑀭𑀧 𑀮𑀧 𑀚𑀧 𑀚𑀧𑁆𑀧-𑀯𑀘𑀦𑁂, 𑀅𑀲𑁆𑀲𑀇𑀢𑁆𑀢𑀁, 𑀭𑀧𑀢𑀺 𑀚𑀧𑁆𑀧𑀢𑀺 𑀫𑀦𑁆𑀢𑀦𑁆𑀢𑀻 𑀭𑀺𑀧𑀼=𑀧𑀘𑁆𑀘𑀸𑀫𑀺𑀢𑁆𑀢𑁄. 𑀲𑀲-𑀕𑀢𑀺 𑀳𑀺𑀁 𑀲𑀸𑀧𑀸𑀡𑀦𑁂𑀲𑀼, 𑀅𑀲𑁆𑀲 𑀉𑀢𑁆𑀢𑀁, 𑀲𑀲𑀢𑀺 𑀚𑀻𑀯𑀢𑀻𑀢𑀺 𑀲𑀼𑀲𑀼=𑀬𑀼𑀯𑀸. 𑀅𑀭 𑀕𑀫𑀦𑁂, 𑀅𑀲𑁆𑀲𑀉𑀢𑁆𑀢 𑀫𑀽𑀢𑁆𑀢𑀜𑁆𑀘, 𑀅𑀭𑀢𑀺 𑀫𑀳𑀦𑁆𑀢𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀉𑀭𑀼=𑀫𑀳𑀸, 𑀅𑀭𑀢𑀺𑀦𑁂𑀦𑀸𑀢𑀺 𑀊𑀭𑀼-𑀲𑀢𑁆𑀣𑀺. 𑀔𑀡-𑀅𑀯𑀤𑀸𑀭𑀡𑁂, 𑀆 𑀧𑀼𑀩𑁆𑀩𑁄 𑀅𑀦𑀮𑁄𑀧𑁄, 𑀆𑀔𑀦𑀢𑀻𑀢𑀺 𑀆𑀔𑀼=𑀉𑀦𑁆𑀤𑀽𑀭𑁄. 𑀢𑀭𑀢𑀭𑀡𑁂, 𑀢𑀲𑁆𑀲 𑀣𑁄, 𑀢𑀭𑀢𑀻𑀢𑀺 𑀣𑀭𑀼=𑀔𑀕𑁆𑀕𑀸𑀯𑀬𑀯𑁄. 𑀮𑀁𑀖-𑀕𑀢𑀺 𑀲𑁄𑀲𑀦𑁂𑀲𑀼 𑀖𑀲𑁆𑀲 𑀯𑀸 𑀳𑀢𑁆𑀢𑀁, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀘, 𑀮𑀗𑁆𑀖𑀢𑀺 𑀧𑀯𑀢𑁆𑀢𑀢𑀺 𑀮𑀖𑀼𑀪𑀸𑀯𑁂𑀦𑀸𑀢𑀺 𑀮𑀖𑀼 𑀮𑀳𑀽 𑀏𑀓𑀢𑁆𑀣𑀸, (𑀪𑀁𑀚-𑀑𑀫𑀤𑁆𑀤𑀦𑁂, 𑀧-𑀧𑀼𑀩𑁆𑀩𑁄, 𑀚𑀲𑁆𑀲 𑀕𑀢𑁆𑀢𑀁, 𑀧𑀪𑀜𑁆𑀚𑀢𑀺 𑀯𑀺𑀲𑁂𑀲𑁂𑀦𑀸𑀢𑀺 𑀧𑀪𑀗𑁆𑀕𑀼=𑀪𑀗𑁆𑀕𑀼𑀭𑁄.) 𑀞𑀸-𑀕𑀢𑀺𑀦𑀺𑀯𑀢𑁆𑀢𑀺𑀬𑀁, 𑀲𑀼𑀧𑀼𑀩𑁆𑀩𑁄, 𑀞𑀸𑀢𑀺 𑀧𑀯𑀢𑁆𑀢𑀢𑀺 𑀲𑀼𑀦𑁆𑀤𑀭𑀪𑀸𑀯𑁂𑀦𑀸𑀢𑀺 𑀲𑀼𑀝𑁆𑀞𑀼=𑀲𑁄𑀪𑀦𑀁, 𑀤𑀼𑀧𑀼𑀩𑁆𑀩𑁄 𑀞𑀸𑀢𑀺 𑀧𑀯𑀢𑁆𑀢𑀢𑀺 𑀅𑀲𑀼𑀦𑁆𑀤𑀭𑀪𑀸𑀯𑁂𑀦𑀸𑀢𑀺 𑀤𑀼𑀝𑁆𑀞𑀼=𑀅𑀲𑁄𑀪𑀦𑀁. 𑀏𑀯𑀫𑀜𑁆𑀜𑁂𑀧𑀺 𑀯𑀺𑀜𑁆𑀜𑁂𑀬𑁆𑀬𑀸.
𑀓𑁆𑀭𑀺𑀬𑀢𑁆𑀣𑀸 𑀩𑀳𑀼𑀮𑀁 𑀇 𑀳𑁄𑀢𑀺, 𑀅𑀪-𑀔𑁂𑀧𑀦𑁂, 𑀅𑀲𑀻𑀬𑀢𑀺 𑀔𑀺𑀧𑀻𑀬𑀢𑀻𑀢𑀺 𑀅𑀲𑀺=𑀔𑀕𑁆𑀕𑁄. 𑀓𑀲-𑀯𑀺𑀮𑁂𑀔𑀦𑁂, 𑀓𑀲𑀻𑀬𑀢𑁂 𑀓𑀲𑀺=𑀓𑀲𑀦𑀁. 𑀫𑀲-𑀆𑀫𑀲𑀦𑁂, 𑀫𑀲𑀻𑀬𑀢𑀻𑀢𑀺 𑀫𑀲𑀺=𑀫𑁂𑀴𑀸. 𑀓𑀼-𑀲𑀤𑁆𑀤𑁂 𑀑 𑀅𑀯𑀸𑀤𑁂𑀲𑀸, 𑀓𑀯𑀢𑀺 𑀓𑀣𑁂𑀪𑀻𑀢𑀺 𑀓𑀯𑀺=𑀓𑀩𑁆𑀩𑀓𑀸𑀭𑁄. 𑀭𑀼𑀲𑀤𑁆𑀤𑁂, 𑀭𑀯𑀢𑀺 𑀕𑀚𑁆𑀚𑀢𑀻𑀢𑀺 𑀭𑀯𑀺=𑀆𑀤𑀺𑀘𑁆𑀘𑁄. 𑀲𑀧𑁆𑀧-𑀕𑀫𑀦𑁂, 𑀲𑀧𑁆𑀧𑀢𑀺 𑀧𑀯𑀢𑁆𑀢𑀢𑀻𑀢𑀺 𑀲𑀧𑁆𑀧𑀺=𑀖𑀢𑀁. 𑀕𑀦𑁆𑀣-𑀕𑀦𑁆𑀣𑀦𑁂, ‘‘𑀢 𑀣 𑀦 𑀭𑀸𑀦𑀁 𑀝 𑀞 𑀡𑀮𑀸’’𑀢𑀺 (𑁧.𑁨𑁫) 𑀦𑀣𑀸𑀦𑀁 𑀡𑀞𑀸, 𑀕𑀦𑁆𑀣𑁂𑀢𑀻𑀢𑀺 𑀕𑀡𑁆𑀞𑀺=𑀧𑀩𑁆𑀩𑁄, 𑀕𑀡𑁆𑀞𑀺𑀘. 𑀭𑀸𑀚-𑀤𑀺𑀢𑁆𑀢𑀺𑀬𑀁, 𑀭𑀸𑀚𑀢𑀺 𑀧𑀯𑀢𑁆𑀢𑀢𑀻𑀢𑀺 𑀭𑀸𑀚𑀺=𑀧𑀸𑀴𑀺. 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀻𑀢𑀺 𑀓𑀮𑀺=𑀧𑀸𑀧𑀁. 𑀩𑀮-𑀧𑀸𑀡𑀦𑁂, 𑀩𑀮𑀦𑁆𑀢𑀺 𑀚𑀻𑀯𑀦𑁆𑀢𑀺 ¶ 𑀅𑀦𑁂𑀦𑀸𑀢𑀺 𑀩𑀮𑀺=𑀓𑀭𑁄. 𑀥𑀦-𑀲𑀤𑁆𑀤𑁂, 𑀥𑀦𑀢𑀺 𑀦𑀤𑀢𑀻𑀢𑀺 𑀥𑀦𑀺=𑀲𑀤𑁆𑀤𑁄. 𑀅𑀘𑁆𑀘 𑀅𑀜𑁆𑀘-𑀧𑀽𑀚𑀸𑀬𑀁, 𑀅𑀘𑁆𑀘𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀅𑀘𑁆𑀘𑀺=𑀚𑀸𑀮𑀸. 𑀯𑀮 𑀯𑀮𑁆𑀮-𑀲𑀁𑀯𑀭𑀡𑁂, 𑀯𑀮𑀦𑀁 𑀲𑀁𑀓𑁄𑀘𑀦𑀁 𑀯𑀮𑀺=𑀉𑀤𑀭𑀸𑀤𑀻𑀲𑀼 𑀧𑀮𑀺, 𑀯𑀮𑁆𑀮𑀻𑀬𑀦𑁆𑀢𑀺 𑀲𑀁𑀯𑀭𑀻𑀬𑀦𑁆𑀢𑀺 𑀲𑀢𑁆𑀢𑀸 𑀏𑀢𑀸𑀬𑀸𑀢𑀺 𑀯𑀮𑁆𑀮𑀺=𑀮𑀢𑀸. 𑀯𑀺𑀫𑁆𑀳𑀺 𑀯𑀮𑀻 𑀯𑀮𑁆𑀮𑀻𑀢𑀺𑀧𑀺 𑀳𑁄𑀢𑀺, 𑀲𑁄𑀬𑁂𑀯𑀢𑁆𑀣𑁄, 𑀏𑀯𑀫𑀜𑁆𑀜𑁂𑀧𑀺.
𑀤𑀥𑀺𑀆𑀤𑀬𑁄 𑀲𑀤𑁆𑀤𑀸 𑀇𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀥𑀸-𑀥𑀸𑀭𑀡𑁂, 𑀤𑁆𑀯𑀺𑀪𑀸𑀯𑁄 𑀦𑀺𑀧𑀸𑀢𑀦𑀸, 𑀖𑀢𑀫𑀸𑀤𑀥𑀸𑀢𑀻𑀢𑀺 𑀤𑀥𑀺=𑀕𑁄𑀭 𑀲𑀯𑀺𑀲𑁂𑀲𑁄. 𑀅𑀁𑀳-𑀕𑀫𑀦𑁂, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀅𑀁𑀳𑀢𑀺 𑀕𑀘𑁆𑀙𑀢𑀻𑀢𑀺 𑀅𑀳𑀺=𑀲𑀧𑁆𑀧𑁄. 𑀓𑀫𑁆𑀧 𑀘𑀮𑀦𑁂, 𑀲𑀁𑀬𑁄𑀕𑀸𑀤𑀺𑀮𑁄𑀧𑁄, 𑀓𑀫𑁆𑀧𑀢𑀺 𑀘𑀮𑀢𑀻𑀢𑀺 𑀓𑀧𑀺=𑀯𑀸𑀦𑀭𑁄. 𑀫𑀦-𑀜𑀸𑀡𑁂, 𑀅𑀲𑁆𑀲 𑀉𑀢𑁆𑀢𑀁, 𑀫𑀦𑀢𑀺 𑀚𑀸𑀦𑀸𑀢𑀻𑀢𑀺 𑀫𑀼𑀦𑀺=𑀲𑀫𑀡𑁄. 𑀦𑀲𑁆𑀲 𑀡𑀢𑁆𑀢𑀁, 𑀫𑀦𑀢𑀺 𑀫𑀳𑀕𑁆𑀖𑀪𑀸𑀯𑀁 𑀕𑀘𑁆𑀙𑀢𑀻𑀢𑀻 𑀫𑀡𑀺=𑀭𑀢𑀦𑀁. 𑀇𑀓𑁆𑀔 𑀘𑀓𑁆𑀔-𑀤𑀲𑁆𑀲𑀦𑁂, 𑀇𑀲𑁆𑀲 𑀅𑀢𑁆𑀢𑀁 𑀇𑀓𑁆𑀔𑀢𑀺 𑀅𑀦𑁂𑀦𑀸𑀢𑀺 𑀅𑀓𑁆𑀔𑀺=𑀦𑀬𑀦𑀁. 𑀓𑀫𑀧𑀯𑀺𑀓𑁆𑀔𑁂𑀧𑁂, 𑀅𑀲𑁆𑀲 𑀇𑀢𑁆𑀢𑀁, 𑀓𑀫𑀢𑀺 𑀬𑀸𑀢𑀻𑀢𑀺 𑀓𑀺𑀫𑀺=𑀔𑀼𑀤𑁆𑀤𑀚𑀦𑁆𑀢𑀼𑀓𑀯𑀺𑀲𑁂𑀲𑁄. 𑀢𑀭 𑀢𑀭𑀡𑁂, 𑀢𑀺𑀢𑁆𑀢𑀺𑀭𑀸𑀤𑁂𑀲𑁄, 𑀢𑀼𑀭𑀺𑀢𑁄 𑀢𑀭𑀢𑀺 𑀬𑀸𑀢𑀻𑀢𑀺 𑀢𑀺𑀢𑁆𑀢𑀺𑀭𑀺=𑀧𑀓𑁆𑀔𑀺𑀯𑀺𑀲𑁂𑀲𑁄. 𑀓𑀻𑀴-𑀯𑀺𑀳𑀸𑀭𑁂, 𑀈𑀲𑁆𑀲 𑀏𑀢𑁆𑀢𑀁, 𑀓𑀻𑀴𑀦𑀁 𑀓𑁂𑀴𑀺=𑀓𑀻𑀴𑀸. 𑀉𑀲𑀺𑀲𑁆𑀫𑀸 𑀇𑀲𑁆𑀲 𑀔𑀮𑀼𑀜, 𑀉𑀲𑀢𑀺 𑀤𑀳𑀢𑀻 𑀉𑀓𑁆𑀔𑀮𑀺=𑀪𑀸𑀚𑀦𑀁, 𑀏𑀯𑀫𑀜𑁆𑀜𑁂𑀧𑀺.
𑀇𑀯𑀡𑁆𑀡𑀼𑀧𑀦𑁆𑀢𑁂𑀳𑀺 𑀘 𑀉𑀯𑀡𑁆𑀡𑀼𑀧𑀦𑁆𑀢𑁂𑀳𑀺 𑀘 𑀓𑁆𑀭𑀺𑀬𑀢𑁆𑀣𑁂𑀳𑀺 𑀩𑀳𑀼𑀮𑀁 𑀓𑀺 𑀳𑁄𑀢𑀺. 𑀓𑀓𑀸𑀭𑁄-𑀦𑀼𑀩𑀦𑁆𑀥𑁄, 𑀇𑀲 𑀲𑀺𑀲-𑀇𑀘𑁆𑀙𑀸𑀬𑀁, 𑀲𑀺𑀯𑀁 𑀇𑀘𑁆𑀙𑀢𑀻𑀢𑀺 𑀇𑀲𑀺=𑀢𑀧𑀲𑁆𑀲𑀻. 𑀕𑀺𑀭-𑀦𑀺𑀕𑀺𑀭𑀡𑁂, 𑀕𑀺𑀭𑀢𑀺 𑀧𑀲𑀯𑀢𑀺 𑀙𑀯𑀺𑀫𑀁𑀲𑀲𑀸𑀭𑀪𑀽𑀢𑀁 𑀪𑁂𑀲𑀚𑁆𑀚𑀸𑀤𑀺𑀦𑁆𑀢𑀺 𑀕𑀺𑀭𑀺=𑀲𑁂𑀮𑁄. 𑀲𑀼𑀘-𑀲𑁄𑀘𑀦𑁂. 𑀲𑁄𑀘𑀦𑀁 ¶ 𑀲𑀼𑀘𑀺=𑀲𑁄𑀘𑁂𑀬𑁆𑀬𑀁, 𑀭𑀼𑀘-𑀅𑀪𑀺𑀮𑀸𑀲𑁂 𑀭𑀼𑀘𑀦𑁆𑀢𑀺 𑀏𑀢𑀸𑀬𑀸𑀢𑀺 𑀭𑀼𑀘𑀺=𑀆𑀪𑀺𑀮𑀸𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑁧𑁦. 𑀯𑀧 𑀯𑀭 𑀯𑀲 𑀭𑀲 𑀦𑀪 𑀳𑀭 𑀳𑀦 𑀧𑀡𑀸 𑀇𑀡.
𑀯𑀧-𑀩𑀻𑀚𑀦𑀺𑀓𑁆𑀔𑁂𑀧𑁂, 𑀯𑀭-𑀯𑀭𑀡𑀲𑀫𑁆𑀪𑀢𑁆𑀢𑀻𑀲𑀼, 𑀯𑀲-𑀦𑀺𑀯𑀸𑀲𑁂, 𑀭𑀲-𑀅𑀲𑁆𑀲𑀸𑀤𑀦𑁂, 𑀦𑀪-𑀳𑀺𑀁𑀲𑀸𑀬𑀁, 𑀳𑀭 𑀳𑀭𑀡𑁂, 𑀳𑀦 𑀳𑀺𑀁𑀲𑀸𑀬𑀁, 𑀧𑀡-𑀩𑁆𑀬𑀯𑀳𑀸𑀭𑀣𑀼𑀢𑀺𑀲𑀼, 𑀏𑀢𑁂𑀳𑀺 𑀇𑀡 𑀳𑁄𑀢𑀺. 𑀯𑀧𑀦𑁆𑀢𑀺 𑀏𑀢𑀸𑀬𑀸𑀢𑀺 𑀯𑀸𑀧𑀺=𑀚𑀮𑀸𑀲𑀬𑁄. 𑀯𑀸𑀭𑁂𑀦𑁆𑀢𑀺 𑀏𑀢𑁂𑀦𑀸𑀢𑀺 𑀯𑀸𑀭𑀺=𑀚𑀮𑀁. 𑀯𑀲𑀦𑁆𑀢𑀺 𑀏𑀢𑀸𑀬𑀸𑀢𑀺 𑀯𑀸𑀲𑀺=𑀢𑀘𑁆𑀙𑀓 𑀪𑀡𑁆𑀟𑀁. 𑀭𑀲𑀻𑀬𑀢𑀺 𑀅𑀲𑁆𑀲𑀸𑀤𑀦𑀯𑀲𑁂𑀦 𑀲𑀫𑁄 𑀲𑀭𑀻𑀬𑀢𑀻𑀢𑀺 𑀭𑀸𑀲𑀺=𑀲𑀫𑀽𑀳𑁄. 𑀦𑀪𑀢𑀺 𑀳𑀺𑀁𑀲𑀢𑀻𑀢𑀺 𑀦𑀸𑀪𑀺=𑀲𑀭𑀻𑀭𑀸𑀯𑀬𑀯𑁄. 𑀳𑀸𑀭𑁂𑀢𑀻𑀢𑀺 𑀳𑀸𑀭𑀺=𑀫𑀦𑀼𑀜𑁆𑀜𑀁. ‘‘𑀳𑀦𑀲𑁆𑀲 𑀖𑀸𑀢𑁄 𑀡𑀸𑀦𑀼𑀩𑀦𑁆𑀥𑁂’’ (𑁫.𑁯𑁯) 𑀢𑀺 𑀳𑀦𑀲𑁆𑀲 𑀖𑀸𑀢𑁄, 𑀳𑀦𑀦𑁆𑀢𑀺 𑀏𑀢𑁂𑀦𑀸𑀢𑀺 𑀖𑀸𑀢𑀺=𑀧𑀳𑀭𑀡𑀁, 𑀧𑀡𑀢𑀺 𑀯𑁄𑀳𑀭𑀢𑀻𑀢𑀺 𑀧𑀸𑀡𑀺, 𑀧𑀡𑀢𑀺 𑀯𑁄𑀳𑀭𑀢𑀺 𑀏𑀢𑁂𑀦𑀸𑀢𑀺 𑀯𑀸 𑀧𑀸𑀡𑀺=𑀓𑀭𑁄.
𑀪𑀽-𑀲𑀢𑁆𑀢𑀸𑀬𑀁, 𑀅𑀫 𑀕𑀫-𑀕𑀫𑀦𑁂 𑀏𑀢𑁂𑀳𑀺 𑀈𑀡 𑀳𑁄𑀢𑀺 𑀪𑀯𑀺𑀲𑁆𑀲𑀢𑀺 𑀓𑀸𑀮𑁂. 𑀪𑀯𑀺𑀲𑁆𑀲𑀢𑀻𑀢𑀺 𑀪𑀸𑀯𑀻=𑀪𑀯𑀺𑀲𑁆𑀲𑀫𑀸𑀦𑁄. 𑀕𑀫𑀺𑀲𑁆𑀲𑀢𑀻𑀢𑀺 𑀕𑀸𑀫𑀻=𑀕𑀫𑀺𑀲𑁆𑀲𑀸𑀫𑀸𑀦𑁄.
𑀢𑀦𑁆𑀤-𑀆𑀮𑀲𑀺𑀬𑁂, 𑀮𑀓𑁆𑀔-𑀤𑀲𑁆𑀲𑀦𑀗𑁆𑀓𑁂𑀲𑀼, 𑀏𑀢𑁂𑀳𑀺 𑀈 𑀳𑁄𑀢𑀺. 𑀢𑀦𑁆𑀤𑀦𑀁 𑀢𑀦𑁆𑀤𑀻=𑀆𑀮𑀲𑁆𑀬𑀁, 𑀮𑀓𑁆𑀔𑀻𑀬𑀦𑁆𑀢𑀺 𑀲𑀢𑁆𑀢𑀸 𑀏𑀢𑀸𑀬𑀸𑀢𑀺 𑀮𑀓𑁆𑀔𑀻=𑀲𑀺𑀭𑀻.
𑀕𑀫𑀺𑀲𑁆𑀫𑀸 ¶ 𑀭𑁄 𑀳𑁄𑀢𑀺. ‘‘𑀭𑀸𑀦𑀼𑀩𑀦𑁆𑀥𑁂𑀦𑁆𑀢𑀲𑀭𑀸𑀤𑀺𑀲𑁆𑀲𑀸’’𑀢𑀺 (𑁪.𑁧𑁩𑁨) 𑀅𑀫𑀮𑁄𑀧𑁄, 𑀕𑀘𑁆𑀙𑀢𑀻𑀢𑀺 𑀕𑁄=𑀧𑀲𑀼.
(𑀇𑀢𑀺 𑀲𑀭𑀧𑀘𑁆𑀘𑀬𑀯𑀺𑀥𑀸𑀦𑀁).
𑁧𑁪. 𑀇 𑀪𑀻 𑀓𑀸 𑀓𑀭𑀸𑀭 𑀯𑀓 𑀲𑀓 𑀯𑀸𑀳𑀺 𑀓𑁄.
𑀇-𑀅𑀚𑁆𑀛𑁂𑀦 𑀕𑀢𑀻𑀲𑀼, 𑀪𑀻-𑀪𑀬𑁂, 𑀓𑀸 𑀕𑀸-𑀲𑀤𑁆𑀤𑁂, 𑀓𑀭-𑀓𑀭𑀡𑁂, 𑀅𑀭-𑀕𑀫𑀦𑁂, 𑀓𑀼𑀓 𑀯𑀓-𑀆𑀤𑀸𑀦𑁂, 𑀲𑀓-𑀲𑀢𑁆𑀢𑀺𑀬𑀁, 𑀯𑀸-𑀕𑀢𑀺𑀩𑀦𑁆𑀥𑀦𑁂𑀲𑀼, 𑀏𑀢𑁂𑀳𑀺 𑀓𑀧𑀘𑁆𑀘𑀬𑁄 𑀳𑁄𑀢𑀺. 𑀏𑀢𑀺 𑀧𑀯𑀢𑁆𑀢𑀢𑀻𑀢𑀺 𑀏𑀢𑁄=𑀅𑀲𑀳𑀸𑀬𑁄. 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑁂𑀓𑁄=𑀫𑀡𑁆𑀟𑀽𑀓𑁄. 𑀓𑀸𑀬𑀢𑀺 𑀲𑀤𑁆𑀤𑀁 𑀓𑀭𑁄𑀢𑀻𑀢𑀺 𑀓𑀸𑀓𑁄=𑀯𑀸𑀬𑀲𑁄. 𑀓𑀭𑁄𑀢𑀺 𑀯𑀡𑁆𑀡𑀓𑀦𑁆𑀢𑀺 𑀓𑀓𑁆𑀓𑁄=𑀯𑀡𑁆𑀡𑀯𑀺𑀲𑁂𑀲𑁄, 𑀧𑀺𑀲𑀺𑀢𑀤𑀩𑁆𑀩𑀜𑁆𑀘. 𑀅𑀭𑀢𑀺 𑀬𑀸𑀢𑀻𑀢𑀺 𑀅𑀓𑁆𑀓𑁄=𑀲𑀽𑀭𑁄, 𑀯𑀺𑀝𑀧𑀺𑀯𑀺𑀲𑁂𑀲𑁄 𑀘. 𑀯𑀓𑀢𑀺 𑀑𑀤𑀦𑀁 𑀆𑀤𑀤𑀸𑀢𑀻𑀢𑀺 𑀯𑀓𑁆𑀓𑀁=𑀤𑁂𑀳𑀓𑁄𑀝𑁆𑀞𑀸𑀲𑀯𑀺𑀲𑁂𑀲𑁄, 𑀲𑀓𑁆𑀓𑀢𑀻𑀢𑀺 𑀲𑀓𑁆𑀓𑁄-𑀤𑁂𑀯𑀺𑀦𑁆𑀤𑁄, 𑀲𑀫𑀢𑁆𑀣𑁄 𑀘. 𑀯𑀸𑀢𑀺 𑀩𑀦𑁆𑀥𑀢𑀺 𑀏𑀢𑁂𑀦𑀸𑀢𑀺 𑀯𑀸𑀓𑁄=𑀯𑀓𑁆𑀓𑀮𑀁.
𑀜𑀼𑀓𑀸𑀤𑀬𑁄 𑀓𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀊𑀳-𑀯𑀺𑀢𑀓𑁆𑀓𑁂, 𑀳𑀮𑁄𑀧𑁄 𑀦𑀺𑀧𑀸𑀢𑀦𑀸 𑀊𑀳𑀻𑀬𑀢𑀺 𑀯𑀺𑀘𑀺𑀦𑀻𑀬𑀢𑀻𑀢𑀺 𑀊𑀓𑀸-𑀑𑀓𑁄𑀤𑀦𑀻. 𑀉𑀦𑁆𑀤 𑀓𑀺𑀮𑁂𑀤𑀦𑁂, 𑀲𑀁𑀬𑁄𑀕𑀸𑀤𑀺 𑀮𑁄𑀧𑁄, 𑀅𑀓 𑀘. 𑀉𑀦𑁆𑀤𑀢𑀺 𑀤𑁆𑀭𑀯𑀁 𑀓𑀭𑁄𑀢𑀻𑀢𑀺 𑀉𑀤𑀓𑀁=𑀚𑀮𑀁. 𑀪𑀻-𑀪𑀬𑁂, 𑀏𑀢𑁆𑀢𑀸𑀪𑀸𑀯𑁄, 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑀻𑀓𑁄=𑀪𑀻𑀭𑀼. 𑀲𑀓-𑀲𑀢𑁆𑀢𑀺𑀬𑀁, 𑀉𑀧𑀦𑁆𑀢𑀲𑁆𑀲𑀺, 𑀲𑀓𑁆𑀓𑁄𑀢𑀺 𑀥𑀸𑀭𑁂𑀢𑀼𑀦𑁆𑀢𑀺 𑀲𑀺𑀓𑁆𑀓𑀸=𑀉𑀧𑀓𑀭𑀡𑀯𑀺𑀲𑁂𑀲𑁄. 𑀳𑀸-𑀘𑀸𑀕𑁂, 𑀳𑀻𑀬𑀢𑀺 𑀲𑀸𑀥𑀽𑀳𑀺 𑀚𑀳𑀻𑀬𑀢𑀻𑀢𑀺 𑀳𑀸𑀓𑁄=𑀓𑁄𑀥𑁄. 𑀲𑀫𑁆𑀩-𑀫𑀡𑁆𑀟𑀦𑁂, 𑀓𑀲𑁆𑀲 𑀉𑀜 ¶ , 𑀲𑀫𑁆𑀩𑀢𑀺 𑀉𑀤𑀓𑀁 𑀫𑀡𑁆𑀟𑁂𑀢𑀻𑀢𑀺 𑀲𑀫𑁆𑀩𑀼𑀓𑁄=𑀚𑀮𑀚𑀦𑁆𑀢𑀼𑀯𑀺𑀲𑁂𑀪𑁄. 𑀧𑀼𑀣 𑀧𑀣-𑀯𑀺𑀢𑁆𑀣𑀸𑀭𑁂, 𑀑𑀢𑁆𑀢𑀸𑀪𑀸𑀯𑁄, 𑀓𑀲𑁆𑀲 𑀉𑀜, 𑀧𑀼𑀣𑀢𑀺 𑀧𑀢𑁆𑀣𑀭𑀢𑀺 𑀅𑀢𑁆𑀢𑀦𑁄 𑀩𑀸𑀮𑀪𑀸𑀯𑀦𑁆𑀢𑀺 𑀧𑀼𑀣𑀼𑀓𑁄=𑀩𑀸𑀮𑁄. 𑀲𑀼𑀘-𑀲𑁄𑀓𑁂, 𑀲𑁄𑀘𑀦𑁆𑀢𑀺 𑀏𑀢𑁂𑀦𑀸𑀢𑀺 𑀲𑀼𑀓𑁆𑀓𑀁=𑀲𑀫𑁆𑀪𑀯𑁄, 𑀲𑁂𑀢𑀜𑁆𑀘. 𑀘𑀺-𑀘𑀬𑁂, 𑀉𑀧𑀧𑀼𑀩𑁆𑀩𑁄, 𑀏𑀢𑁆𑀢𑀸𑀪𑀸𑀯𑁄, 𑀉𑀧𑀘𑀺𑀦𑀦𑁆𑀢𑀻𑀢𑀺 𑀉𑀧𑀘𑀺𑀓𑀸=𑀯𑀫𑁆𑀫𑀺𑀓 𑀓𑀸𑀭𑀸. 𑀓𑀫𑁆𑀧-𑀘𑀮𑀦𑁂, 𑀓𑀫𑁆𑀧𑀺𑀲𑁆𑀲 𑀧𑀁, 𑀓𑀫𑁆𑀧𑀢𑀺 𑀘𑀮𑀢𑀻𑀢𑀺 𑀧𑀗𑁆𑀓𑁄=𑀓𑀤𑁆𑀤𑀫𑁄. 𑀉𑀲-𑀤𑀸𑀳𑁂, 𑀉𑀲𑀢𑀻𑀢𑀺 𑀉𑀓𑁆𑀓𑀸=𑀚𑀸𑀮𑀸. 𑀓𑀲𑁆𑀲 𑀫𑀼𑀜, 𑀉𑀲𑀢𑀺 𑀤𑀳𑀢𑀻𑀪𑀺 𑀉𑀫𑁆𑀫𑀼𑀓𑀁=𑀅𑀮𑀸𑀢𑀁. 𑀯𑀫-𑀉𑀕𑁆𑀕𑀺𑀭𑀡𑁂, 𑀓𑀲𑁆𑀲 𑀫𑀺𑀜, 𑀯𑀫𑀻𑀬𑀢𑀻𑀢𑀺 𑀯𑀫𑁆𑀫𑀺𑀓𑁄=𑀉𑀧𑀘𑀺𑀓𑀸𑀓𑀢𑁄 𑀘𑀬𑁄, 𑀫𑀲-𑀆𑀫𑀲𑀦𑁂, 𑀲𑀲𑁆𑀲 𑀢𑁆𑀣𑀗, 𑀫𑀲𑀻𑀬𑀢𑀺 𑀧𑁂𑀫𑁂𑀦𑀸𑀢𑀺 𑀫𑀢𑁆𑀣𑀓𑀁=𑀲𑀻𑀲𑀁, 𑀏𑀯𑀫𑀜𑁆𑀜𑁂𑀧𑀺.
𑀪𑀻-𑀪𑀬𑁂 𑀢𑀻𑀫𑀲𑁆𑀫𑀸 𑀆𑀦𑀓𑁄 𑀳𑁄𑀢𑀺. 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀓𑀺 𑀪𑀬𑀸𑀦𑀓𑁄=𑀪𑀬𑀚𑀦𑀓𑁄.
𑀲𑀺𑀗𑁆𑀖-𑀖𑀸𑀬𑀦𑁂𑀢𑀻𑀫𑀲𑁆𑀫𑀸 𑀆𑀡𑀺𑀓 𑀆𑀝𑀓𑀸 𑀳𑁄𑀦𑁆𑀢𑀺. ‘‘𑀇𑀢𑁆𑀣𑀺𑀬𑀫𑀢𑁆𑀯𑀸’’𑀢𑀺 𑁯𑁩.𑁨𑁬𑁦 𑀆, 𑀲𑀺𑀗𑁆𑀖𑀬𑀢𑀺 𑀧𑀲𑁆𑀲𑀯𑀢𑀻𑀢𑀺 𑀲𑀺𑀗𑁆𑀖𑀸𑀡𑀺𑀓𑀸=𑀦𑀸𑀲𑀸𑀲𑁆𑀲𑀯𑁄. 𑀲𑀺𑀗𑁆𑀖𑀢𑀺 𑀏𑀓𑀻𑀪𑀸𑀯𑀁 𑀬𑀸𑀢𑀻𑀢𑀺 𑀲𑀺𑀗𑁆𑀖𑀸𑀝𑀓𑀁=𑀯𑀻𑀣𑀺𑀘𑀢𑀼𑀓𑁆𑀓𑀁.
𑀓𑀭-𑀓𑀭𑀡𑁂, 𑀲𑀭-𑀕𑀢𑀺𑀳𑀺𑀁𑀲𑀸𑀘𑀺𑀦𑁆𑀢𑀸𑀲𑀼, 𑀦𑀭-𑀦𑀬𑁂, 𑀢𑀭𑀢𑀭𑀡𑁂, 𑀯𑀭-𑀯𑀭𑀡 𑀲𑀫𑁆𑀪𑀢𑁆𑀢𑀻𑀲𑀼, 𑀚𑀦-𑀚𑀦𑀦𑁂, 𑀓𑀭-𑀤𑀺𑀢𑁆𑀢𑀺 𑀕𑀢𑀺𑀓𑀦𑁆𑀢𑀻𑀲𑀼, 𑀓𑀝-𑀫𑀦𑁆𑀤𑀦𑁂, 𑀓𑀼𑀭-𑀲𑀤𑁆𑀤𑁂, 𑀣𑀼-𑀅𑀪𑀺𑀢𑁆𑀣𑀯𑁂, 𑀏𑀯𑀫𑀸𑀤𑀻𑀳𑀺 𑀅𑀓𑁄 ¶ 𑀳𑁄𑀢𑀺. 𑀓𑀭𑀻𑀬𑀢𑀻𑀢𑀺 𑀓𑀭𑀓𑁄=𑀓𑀫𑀡𑁆𑀟𑀮𑀼. 𑀓𑀭𑁄𑀢𑀻𑀢𑀺 𑀓𑀭𑀓𑀸=𑀯𑀲𑁆𑀲𑁄𑀧𑀮𑀸. 𑀲𑀭𑀢𑀺 𑀉𑀤𑀓𑀫𑁂𑀢𑁆𑀣𑀸𑀢𑀺 𑀲𑀭𑀓𑁄=𑀧𑀸𑀦𑀪𑀸𑀚𑀦𑀁. 𑀦𑀭𑀦𑁆𑀢𑀺 𑀧𑀸𑀧𑀼𑀡𑀦𑁆𑀢𑀺 𑀲𑀢𑁆𑀢𑀸 𑀏𑀢𑁆𑀣𑀸𑀢𑀺 𑀦𑀭𑀓𑁄=𑀦𑀺𑀭𑀬𑁄. 𑀢𑀭𑀦𑁆𑀢𑁆𑀬𑀦𑁂𑀦𑀸𑀢𑀺 𑀢𑀭𑀓𑁄=𑀢𑀭𑀡𑀁. 𑀯𑀸𑀭𑁂𑀢𑀻𑀢𑀺𑀯𑀭𑀓𑁄=𑀯𑀭𑀡𑁄, 𑀥𑀜𑁆𑀜𑀯𑀺𑀲𑁂𑀲𑁄 𑀘. 𑀚𑀦𑁂𑀢𑀻𑀢𑀺 𑀚𑀦𑀓𑁄=𑀧𑀺𑀢𑀸. 𑀓𑀦𑀢𑀺 𑀤𑀺𑀩𑁆𑀩𑀢𑀻𑀢𑀺 𑀓𑀦𑀓𑀁=𑀲𑀼𑀯𑀡𑁆𑀡𑀁. 𑀓𑀝𑀢𑀺 𑀫𑀤𑁆𑀤𑀢𑀺 𑀭𑀺𑀧𑀯𑁄𑀢𑀺 𑀓𑀝𑀓𑀁=𑀦𑀕𑀭𑀁. 𑀓𑀼𑀭𑀢𑀻𑀢𑀺 𑀓𑁄𑀭𑀓𑁄=𑀓𑀮𑀺𑀓𑀸. 𑀣𑀯𑀻𑀬𑀢𑀻𑀢𑀺 𑀣𑀯𑀓𑁄-𑀕𑀼𑀘𑁆𑀙𑁄.
𑀩𑀮-𑀧𑀸𑀡𑀦𑁂, 𑀧𑀢 𑀧𑀣-𑀕𑀫𑀦𑁂, 𑀏𑀢𑁂𑀳𑀺 𑀆𑀓𑁄 𑀳𑁄𑀢𑀺. 𑀩𑀮𑀢𑀺 𑀚𑀻𑀯𑀢𑀻𑀢𑀺 𑀩𑀮𑀸𑀓𑀸=𑀧𑀓𑁆𑀔𑀺𑀯𑀺𑀲𑁂𑀲𑁄. 𑀧𑀢𑀢𑀺 𑀬𑀸𑀢𑀻𑀢𑀺 𑀧𑀢𑀸𑀓𑀸=𑀥𑀚𑁄.
𑀲𑀸𑀫𑀸𑀓𑀆𑀤𑀬𑁄 𑀆𑀓𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀸-𑀢𑀦𑀼 𑀓𑀭𑀡𑀸𑀯𑀲𑀸𑀦𑁂𑀲𑀼, 𑀲𑀸𑀲𑁆𑀲 𑀫𑀼𑀓, 𑀲𑀸𑀢𑀺 𑀤𑁂𑀳𑀁 𑀢 𑀦𑀼𑀁 𑀓𑀭𑁄𑀢𑀻𑀢𑀺 𑀲𑀸𑀫𑀸𑀓𑁄=𑀢𑀺𑀡𑀥𑀜𑁆𑀜𑀁. 𑀧𑀸-𑀧𑀸𑀦𑁂, 𑀇𑀦𑀗, 𑀧𑀺𑀯𑀢𑀺 𑀭𑀢𑁆𑀢𑀦𑁆𑀢𑀺 𑀧𑀺𑀦𑀸𑀓𑁄=𑀫𑀳𑀺𑀲𑁆𑀲𑀭𑀥𑀦𑀼. 𑀕𑀼-𑀲𑀤𑁆𑀤𑁂, ‘‘𑀬𑀼𑀯𑀡𑁆𑀡𑀸𑀦 𑀫𑀺𑀬𑀗𑀼𑀯𑀗 𑀲𑀭𑁂’’𑀢𑀺 (𑁫.𑁧𑁩𑁬) 𑀉𑀯𑀗, 𑀕𑀯𑀢𑀺 𑀦𑀤𑀢𑀺 𑀏𑀢𑁂𑀦𑀸𑀢𑀺 𑀕𑀼𑀯𑀓𑁄=𑀧𑀽𑀕𑀨𑀮𑀁. 𑀅𑀝 𑀧𑀝-𑀕𑀫𑀦𑀢𑁆𑀣𑀸, 𑀧𑀝𑀢𑀺 𑀬𑀸𑀢𑀻𑀢𑀺 𑀧𑀝𑀸𑀓𑀸=𑀯𑁂𑀚𑀬𑀦𑁆𑀢𑀻. 𑀲𑀮 𑀧𑀺𑀮 𑀧𑀮 𑀳𑀼𑀮-𑀕𑀫𑀦𑀢𑁆𑀣𑀸, 𑀲𑀮𑀢𑀺 𑀬𑀸𑀢𑀻𑀢𑀺 𑀲𑀮𑀸𑀓𑀸=𑀯𑁂𑀚𑁆𑀚𑁄𑀧𑀓𑀭𑀡𑀤𑀩𑁆𑀩𑀁. 𑀯𑀺𑀤-𑀜𑀸𑀡𑁂, 𑀯𑀺𑀤𑀢𑀺 𑀚𑀸𑀦𑀸𑀢𑀻𑀢𑀺 𑀯𑀺𑀤𑀸𑀓𑁄=𑀯𑀺𑀤𑁆𑀯𑀸. 𑀧𑀡𑀩𑁆𑀬𑀯𑀳𑀸𑀭𑀣𑀼𑀢𑀻𑀲𑀼 𑀅𑀲𑁆𑀲 𑀇𑀢𑁆𑀢𑀁, 𑀊𑀓 𑀘, 𑀧𑀡𑀻𑀬𑀢𑀺 𑀯𑁄𑀳𑀭𑀻𑀬𑀢𑀻𑀢𑀺 𑀧𑀺𑀜𑁆𑀜𑀸𑀓𑁄=𑀢𑀺𑀮𑀓𑀓𑁆𑀓𑁄, 𑀏𑀯𑀫𑀜𑁆𑀜𑁂𑀧𑀺.
𑀯𑀺𑀘𑁆𑀙𑀸-𑀕𑀫𑀦𑁂 ¶ , 𑀅𑀮=𑀩𑀦𑁆𑀥𑀦𑁂, 𑀅𑀫 𑀕𑀫-𑀕𑀫𑀦𑁂, 𑀫𑀼𑀲-𑀣𑁂𑀬𑁆𑀬𑁂, 𑀏𑀢𑁂𑀳𑀺 𑀓𑀺𑀓𑁄 𑀳𑁄𑀢𑀺. 𑀯𑀺𑀘𑁆𑀙𑀢𑀺 𑀬𑀸𑀢𑀻𑀢𑀺 𑀯𑀺𑀘𑁆𑀙𑀺𑀓𑁄=𑀓𑀻𑀝𑁄. 𑀅𑀮𑀢𑀺 𑀩𑀦𑁆𑀥𑀢𑀺 𑀏𑀢𑁂𑀦𑀸𑀢𑀺 𑀅𑀮𑀺𑀓𑀁=𑀅𑀲𑀘𑁆𑀘𑀁. 𑀕𑀘𑁆𑀙𑀢𑀻𑀢𑀺 𑀕𑀫𑀺𑀓𑁄=𑀕𑀦𑁆𑀢𑀸. 𑀫𑀼𑀲𑀸𑀢𑀺 𑀦𑀺𑀤𑁆𑀤𑁂𑀲𑀸 𑀤𑀻𑀖𑁄, 𑀫𑀼𑀲𑀢𑀺 𑀣𑁂𑀦𑁂𑀢𑀻𑀢𑀺 𑀫𑀽𑀲𑀺𑀓𑁄=𑀉𑀦𑁆𑀤𑀽𑀭𑁄.
𑀓𑀺𑀁𑀓𑀡𑀺𑀓𑀸𑀤𑀬𑁄 𑀲𑀤𑁆𑀤𑀸 𑀓𑀺𑀓𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀡𑀇𑀢𑀺 𑀤𑀡𑁆𑀟𑀓𑁄 𑀥𑀸𑀢𑀼 𑀲𑀤𑁆𑀤𑀢𑁆𑀣𑁄, 𑀓𑀲𑁆𑀲 𑀤𑁆𑀯𑀺𑀢𑁆𑀢𑀁, 𑀅𑀲𑁆𑀲 𑀇𑀢𑁆𑀢𑀁, 𑀦𑀺𑀕𑁆𑀕𑀳𑀻𑀢𑀸𑀕𑀫𑁄 𑀘, 𑀓𑀡𑀢𑀺 𑀲𑀤𑁆𑀤𑀁 𑀓𑀭𑁄𑀢𑀻 𑀓𑀺𑀁𑀓𑀡𑀺𑀓𑀸=𑀖𑀡𑁆𑀟𑀺𑀓𑀸. 𑀫𑀼𑀤-𑀢𑁄𑀲𑁂, 𑀤𑀲𑁆𑀲 𑀤𑁆𑀯𑀺𑀢𑁆𑀢𑀁, 𑀫𑀼𑀤𑀦𑁆𑀢𑀺 𑀏𑀢𑀫𑀬𑀸𑀢𑀺 𑀫𑀼𑀤𑁆𑀤𑀺𑀓𑀸=𑀅𑀗𑁆𑀕𑀼𑀮𑀺𑀬𑀸𑀯𑁂𑀝𑁆𑀞𑀦𑀁, 𑀨𑀮𑀯𑀺𑀲𑁂𑀲𑁄 𑀅. 𑀫𑀳𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀫𑀳𑀺𑀓𑀸=𑀳𑀺𑀫𑀁. 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀓𑀮𑀻𑀬𑀢𑀺 𑀧𑀭𑀺𑀫𑀻𑀢𑀬𑀢𑀻𑀢𑀺 𑀓𑀮𑀺𑀓𑀸=𑀓𑁄𑀭𑀓𑁄. 𑀲𑀧𑁆𑀧-𑀕𑀫𑀦𑁂, 𑀅𑀲𑁆𑀲 𑀇𑀢𑁆𑀢𑀁. 𑀲𑀧𑁆𑀧𑀢𑀺 𑀕𑀘𑁆𑀙𑀢𑀻𑀢𑀺 𑀲𑀺𑀧𑁆𑀧𑀺𑀓𑀸=𑀚𑀮𑀚𑀦𑁆𑀢𑀼𑀯𑀺𑀲𑁂𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀇𑀲 𑀲𑀺𑀁𑀲-𑀇𑀘𑁆𑀙𑀸𑀬𑀁, 𑀇𑀘𑁆𑀘𑀲𑁆𑀫𑀸 𑀓𑀻𑀓𑁄 𑀳𑁄𑀢𑀺. 𑀇𑀘𑁆𑀙𑀻𑀬𑀢𑀻𑀢𑀺 𑀇𑀲𑀻𑀓𑀸=𑀢𑀽𑀮𑀦𑀺𑀲𑁆𑀲𑀬𑁄.
𑀓𑀫-𑀇𑀘𑁆𑀙𑀸𑀬𑀁, 𑀧𑀤-𑀕𑀫𑀦𑁂, 𑀏𑀢𑁂𑀳𑀺 𑀡𑀼𑀓𑁄 𑀳𑁄𑀢𑀺. ‘‘𑀡𑀺𑀡𑀸𑀧𑀻𑀦’’𑀦𑁆𑀢𑀺 (𑁫.𑁧𑁬𑁦) 𑀬𑁄𑀕𑀯𑀺𑀪𑀸𑀕𑀸 𑀡𑀺𑀮𑁄𑀧𑁄. 𑀓𑀸𑀫𑁂𑀢𑀻𑀢𑀺 𑀓𑀸𑀫𑀼𑀓𑁄=𑀓𑀸𑀫𑀬𑀺𑀢𑀸 ¶ . 𑀧𑀚𑁆𑀚𑀢𑀺 𑀬𑀸𑀢𑀺 𑀏𑀢𑀸𑀬𑀸𑀢𑀺 𑀧𑀸𑀤𑀼𑀓𑀸=𑀧𑀸𑀤𑁄𑀧𑀓𑀭𑀡𑀁.
𑀫𑀡𑁆𑀟-𑀪𑀽𑀲𑀦𑁂, 𑀲𑀮-𑀕𑀫𑀦𑀢𑁆𑀣𑁄 𑀤𑀡𑁆𑀟𑀓𑁄 𑀥𑀸𑀢𑀼, 𑀏𑀢𑁂𑀳𑀺 𑀡𑀽𑀓𑁄 𑀳𑁄𑀢𑀺. 𑀫𑀡𑁆𑀟𑁂𑀢𑀺 𑀚𑀮𑀁 𑀪𑀽𑀲𑁂𑀢𑀻𑀢𑀺 𑀫𑀡𑁆𑀟𑀽𑀓𑁄=𑀪𑁂𑀓𑁄, 𑀲𑀮𑀢𑀺 𑀕𑁄𑀘𑀭𑀢𑁆𑀢 𑀫𑀼𑀧𑀬𑀸𑀢𑀻𑀢𑀺 𑀲𑀸𑀮𑀽𑀓𑀁=𑀉𑀧𑁆𑀧𑀮𑀓𑀡𑁆𑀟𑁄.
𑀉𑀮𑀽𑀓𑀸𑀤𑀬𑁄 𑀲𑀤𑁆𑀤𑀸 𑀡𑀽𑀓𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀉𑀮-𑀕𑀯𑁂𑀲𑀦𑁂, 𑀑𑀢𑁆𑀢𑀸𑀪𑀸𑀯𑁄 𑀦𑀺𑀧𑀸𑀢𑀦𑀸, 𑀉𑀮𑀢𑀺 𑀕𑀯𑁂𑀲𑀢𑀻𑀢𑀺 𑀉𑀮𑀽𑀓𑁄=𑀓𑁄𑀲𑀺𑀬𑁄. 𑀫𑀦=𑀜𑀸𑀡𑁂, 𑀦𑀲𑁆𑀲 𑀥𑀢𑁆𑀢𑀁, 𑀫𑀜𑁆𑀜𑀢𑀻𑀢𑀺 𑀫𑀥𑀽𑀓𑁄=𑀭𑀼𑀓𑁆𑀔𑁄. 𑀚𑀮-𑀤𑀺𑀢𑁆𑀢𑀺𑀬𑀁, 𑀚𑀮𑀢𑀻𑀢𑀺 𑀚𑀮𑀽𑀓𑀸=𑀮𑁄𑀳𑀺𑀢𑀧𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀲-𑀯𑀺𑀮𑁂𑀔𑀦𑁂𑀢𑀻𑀫𑀲𑁆𑀫𑀸 𑀲𑀓𑁄 𑀳𑁄𑀢𑀺. 𑀓𑀲𑀢𑀻𑀢𑀺 𑀓𑀲𑁆𑀲𑀓𑁄=𑀓𑀲𑀺𑀓𑀫𑁆𑀫𑀓𑀸𑀭𑁄.
𑀓𑀭𑁄𑀢𑀺𑀲𑁆𑀫𑀸 𑀢𑀺𑀓𑁄 𑀳𑁄𑀢𑀺. 𑀓𑀭𑁄𑀦𑁆𑀢𑀺 𑀓𑀻𑀴𑀁 𑀏𑀢𑁆𑀣𑀸𑀢𑀺 𑀓𑀢𑁆𑀢𑀺𑀓𑁄=𑀩𑀸𑀳𑀼𑀮𑁄.
𑀇𑀲 𑀲𑀺𑀁𑀲-𑀇𑀘𑁆𑀙𑀸𑀬𑀁, 𑀇𑀘𑁆𑀘𑀲𑁆𑀫𑀸 𑀞𑀓𑀦 𑀳𑁄𑀢𑀺. 𑀇𑀘𑁆𑀙𑀻𑀬𑀢𑀻𑀢𑀺 𑀇𑀝𑁆𑀞𑀓𑀸=𑀫𑀢𑁆𑀢𑀺𑀓𑀸𑀯𑀺𑀓𑀸𑀭𑁄.
𑀲𑀫-𑀉𑀧𑀲𑀫𑀔𑁂𑀤𑁂𑀲𑀼 ¶ , 𑀏𑀢𑀲𑁆𑀫𑀸 𑀔𑁄 𑀳𑁄𑀢𑀺. 𑀲𑀫𑁂𑀢𑀺 𑀉𑀧𑀲𑀫𑁂𑀢𑀻𑀢𑀺 𑀲𑀗𑁆𑀔𑁄=𑀓𑀫𑁆𑀩𑀼.
𑀫𑀼𑀔 𑀆𑀤𑀬𑁄 𑀔𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀼-𑀩𑀦𑁆𑀥𑀦𑁂, 𑀑𑀢𑁆𑀢𑀸𑀪𑀸𑀯𑁄 𑀦𑀺𑀧𑀸𑀢𑀦𑀸, 𑀫𑀼𑀦𑀦𑁆𑀢𑀺 𑀩𑀦𑁆𑀥𑀦𑁆𑀢𑀺 𑀏𑀢𑁂𑀦𑀸𑀢𑀺 𑀫𑀼𑀔𑀁=𑀮𑀧𑀦𑀁. 𑀲𑀺-𑀲𑁂𑀯𑀸𑀬𑀁, 𑀏𑀢𑁆𑀢𑀸 𑀪𑀸𑀯𑁄 𑀦𑀺𑀧𑀸𑀢𑀦𑀸, 𑀲𑀬𑀦𑁆𑀢𑀺 𑀏𑀢𑁆𑀣 𑀊𑀓𑀸 𑀓𑀼𑀲𑀼𑀫-𑀤𑀬𑁄 𑀘𑀸𑀢𑀺 𑀲𑀺𑀔𑀸=𑀘𑀽𑀴𑀸. 𑀯𑀺𑀧𑀼𑀩𑁆𑀩𑀲𑁆𑀲 𑀲𑀺𑀲𑁆𑀲, 𑀯𑀺𑀲𑀢𑀺𑀲𑁆𑀲 𑀯𑀸, 𑀯𑀺𑀲𑁂𑀲𑁂𑀦 𑀲𑀬𑀦𑁆𑀢𑀺 𑀏𑀢𑁆𑀣, 𑀧𑀯𑀺𑀲𑀦𑁆𑀢𑀻𑀢𑀺 𑀯𑀺𑀲𑀺𑀔𑀸=𑀭𑀘𑁆𑀙𑀸. 𑀓𑀦-𑀤𑀻𑀢𑁆𑀢𑀺 𑀕𑀢𑀺 𑀓𑀦𑁆𑀢𑀻𑀲𑀼, 𑀦𑀺𑀧𑀼𑀩𑁆𑀩𑁄, 𑀅𑀦𑀪𑀸𑀕𑀮𑁄𑀧𑁄, 𑀓𑀦𑀢𑀺 𑀤𑀺𑀩𑁆𑀩𑀢𑀻𑀢𑀺 𑀦𑀺𑀓𑁆𑀔𑁄=𑀲𑀼𑀯𑀡𑁆𑀡𑀯𑀺𑀓𑀸𑀭𑁄. 𑀫𑀬𑀇𑀢𑀺 𑀕𑀫𑀦𑀢𑁆𑀣𑁄 𑀤𑀡𑁆𑀟𑀓𑁄 𑀥𑀸𑀢𑀼, 𑀔𑀲𑁆𑀲 𑀊𑀜, 𑀫𑀬𑀢𑀺 𑀬𑀸𑀢𑀻𑀢𑀺 𑀫𑀬𑀽𑀔𑁄-𑀓𑀺𑀭𑀡𑁄. 𑀮𑀽-𑀙𑁂𑀤𑀦𑁂, 𑀑𑀢𑁆𑀣𑀸𑀪𑀸𑀯𑁄, 𑀮𑀼𑀦𑀸𑀢𑀺 𑀙𑀺𑀦𑁆𑀤𑀢𑀺 𑀲𑁄𑀪𑀦𑁆𑀢𑀺 𑀮𑀽𑀔𑁄=𑀅𑀲𑀺𑀦𑀺𑀤𑁆𑀥𑁄. 𑀅𑀭-𑀕𑀫𑀦𑁂, 𑀅𑀭𑀦𑁆𑀢𑀺 𑀬𑀦𑁆𑀢𑀺 𑀏𑀢𑁂𑀦𑀸𑀢𑀺 𑀅𑀓𑁆𑀔𑁄=𑀲𑀓𑀝𑀸𑀯𑀬𑀯𑀸, 𑀧𑀸𑀲𑀓𑁄 𑀘. 𑀬𑀲-𑀧𑀬𑀢𑀦𑁂, 𑀬𑀲𑁆𑀲𑀢𑀺 𑀧𑀬𑀢𑀢𑀺 𑀩𑀮𑀺𑀫𑀸𑀳𑀭𑀡𑀢𑁆𑀣𑀸𑀬𑀸𑀢𑀺 𑀬𑀓𑁆𑀔𑁄=𑀅𑀫𑀦𑀼𑀲𑁆𑀲𑁄, 𑀭𑀼𑀳-𑀚𑀦𑀦𑁂, 𑀭𑀼𑀳𑀢𑀺 𑀚𑀸𑀬𑀢𑀻𑀢𑀺 𑀭𑀼𑀓𑁆𑀔𑁄=𑀧𑀸𑀤𑀧𑁄, 𑀉𑀲-𑀤𑀸𑀳𑁂, 𑀉𑀲𑀢𑀺 𑀤𑀳𑀢𑀺 𑀓𑀸𑀫𑀕𑁆𑀕𑀺𑀦𑀸𑀢𑀺 𑀉𑀓𑁆𑀔𑁄=𑀩𑀮𑀻𑀩𑀤𑁆𑀤𑁄. 𑀲𑀳-𑀫𑀭𑀺𑀲𑀦𑁂 ‘𑀳𑀮𑁄𑀧𑁄, 𑀲𑀳𑀢𑀺 𑀅𑀢𑁆𑀢𑀦𑀺 𑀓𑀢𑀸𑀧𑀭𑀸𑀥𑀁 𑀔𑀫𑀢𑀻𑀢𑀺 𑀲𑀔𑀸=𑀲𑀳𑀸𑀬𑁄, 𑀏𑀯𑀫𑀜𑁆𑀜𑁂𑀧𑀺.
𑀅𑀚 𑀯𑀚-𑀕𑀫𑀦𑁂, 𑀫𑀼𑀤-𑀢𑁄𑀲𑁂, 𑀕𑀤-𑀯𑀘𑀦𑁂, 𑀅𑀫 𑀕𑀫-𑀕𑀫𑀦𑁂, 𑀏𑀢𑁂𑀳𑀺 𑀕𑀓 𑀳𑁄𑀢𑀺. 𑀅𑀚𑀢𑀺 𑀕𑀘𑁆𑀙𑀢𑀺 𑀲𑁂𑀝𑁆𑀞𑀪𑀸𑀯𑀦𑁆𑀢𑀺 𑀅𑀕𑁆𑀕𑁄-𑀲𑁂𑀝𑁆𑀞𑁄 ¶ . 𑀯𑀚𑀢𑀺 𑀲𑀫𑀽𑀳𑀢𑁆𑀢𑀁 𑀕𑀘𑁆𑀙𑀢𑀻𑀢𑀺 𑀯𑀕𑁆𑀕𑁄=𑀲𑀫𑀽𑀳𑁄. 𑀫𑀼𑀤𑀦𑁆𑀢𑀺 𑀏𑀢𑁂𑀦𑀸𑀢𑀺 𑀫𑀼𑀕𑁆𑀕𑁄=𑀥𑀜𑁆𑀜𑀯𑀺𑀲𑁂𑀲𑁄. 𑀕𑀤𑀢𑀻𑀢𑀺 𑀕𑀕𑁆𑀕𑁄=𑀇𑀲𑀺. ‘‘𑀫𑀦𑀸𑀦𑀁 𑀦𑀺𑀕𑁆𑀕𑀳𑀻𑀢’’𑀦𑁆𑀢𑀺 (𑁫.𑁯𑁬) 𑀫𑀲𑁆𑀲 𑀦𑀺𑀕𑁆𑀕𑀳𑀻𑀢𑀁, 𑀕𑀘𑁆𑀙𑀢𑀻𑀢𑀺 𑀕𑀗𑁆𑀕𑀸=𑀲𑀼𑀭𑀸𑀧𑀕𑀸.
𑀲𑀺𑀗𑁆𑀕𑀆𑀤𑀬𑁄 𑀲𑀤𑁆𑀤𑀸 𑀕𑀓𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀻-𑀲𑀬𑁂, 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀭𑀲𑁆𑀲𑀢𑁆𑀢𑀜𑁆𑀘, 𑀲𑀬𑀢𑀺 𑀧𑀯𑀢𑁆𑀢𑀢𑀺 𑀫𑀢𑁆𑀣𑀓𑁂𑀢𑀺 𑀲𑀺𑀗𑁆𑀕𑀁=𑀯𑀺𑀲𑀸𑀡𑀁. 𑀨𑀼𑀭-𑀘𑀮𑀦𑁂, 𑀮𑀺𑀫𑀼𑀗, 𑀨𑀼𑀭𑀢𑀺 𑀘𑀮𑀢𑀻𑀢𑀺 𑀧𑀼𑀮𑀺𑀗𑁆𑀕𑁄=𑀚𑀮𑀺𑀢𑀗𑁆𑀕𑀸 𑀭𑀸𑀯𑀬𑀯𑁄. 𑀘𑀮-𑀓𑀫𑁆𑀧𑀦𑁂, 𑀉𑀧𑀼𑀩𑁆𑀩𑁄, 𑀘𑀮𑀲𑁆𑀲 𑀘𑀸𑀮𑀺𑀁, 𑀉𑀘𑁆𑀘𑀮𑀢𑀺 𑀓𑀫𑁆𑀧𑀢𑀻𑀢𑀺 𑀉𑀘𑁆𑀘𑀸𑀮𑀺𑀗𑁆𑀕𑁄=𑀲𑀼𑀓𑁆𑀓𑀓𑀻𑀝𑁄, 𑀓𑀮-𑀲𑀤𑁆𑀤𑁂, 𑀇𑀫𑀼𑀓, 𑀓𑀮𑀢𑀺 𑀅𑀪𑀺𑀦𑀸𑀤𑀁 𑀓𑀭𑁄𑀢𑀺 𑀩𑀳𑀼𑀭𑀚𑁆𑀚𑀢𑀸𑀬𑀸 𑀢𑀺 𑀓𑀮𑀺𑀗𑁆𑀕𑁄=𑀤𑀓𑁆𑀔𑀺𑀡𑀸𑀧𑀣𑁄. 𑀪𑀫-𑀅𑀦𑀯𑀝𑁆𑀞𑀸𑀦𑁂, 𑀅𑀲𑁆𑀲 𑀇𑀢𑁆𑀢𑀁, 𑀪𑀫𑀢𑀻𑀢𑀺 𑀪𑀺𑀗𑁆𑀕𑁄=𑀪𑀫𑀭𑁄. 𑀧𑀝 𑀅𑀝-𑀕𑀫𑀦𑁂, 𑀧𑀝𑀺𑀲𑁆𑀲 𑀅𑀫𑀼𑀓, 𑀅𑀓 𑀘. 𑀧𑀝𑀢𑀺 𑀧𑀢𑀦𑁆𑀢𑁄 𑀕𑀘𑁆𑀙𑀢𑀻𑀢𑀺 𑀧𑀝𑀗𑁆𑀕𑁄, 𑀧𑀝𑀕𑁄=𑀲𑀮𑀪𑁄, 𑀏𑀯𑀫𑀜𑁆𑀜𑁂𑀧𑀺.
𑀅𑀕-𑀓𑀼𑀝𑀺𑀮𑀕𑀫𑀦𑁂𑀢𑀻𑀫𑀲𑁆𑀫𑀸 𑀕𑀺 𑀳𑁄𑀢𑀺. 𑀅𑀕𑀢𑀺 𑀓𑀼𑀝𑀺𑀮𑁄 𑀳𑀼𑀢𑁆𑀯𑀸 𑀕𑀘𑁆𑀙𑀢𑀻𑀢𑀺 𑀅𑀕𑁆𑀕𑀺=𑀧𑀸𑀯𑀓𑁄.
𑀬𑀸-𑀧𑀸𑀧𑀼𑀡𑀦𑁂, 𑀯𑀮 𑀯𑀮𑁆𑀮-𑀲𑀁𑀯𑀭𑀡𑁂, 𑀏𑀢𑁂𑀳𑀺 𑀕𑀼 𑀳𑁄𑀢𑀺. 𑀬𑀸𑀢𑀻𑀢𑀺 𑀬𑀸𑀕𑀼=𑀧𑁂𑀬𑁆𑀬𑀸. 𑀯𑀮𑀻𑀬𑀢𑀺 𑀲𑀁𑀯𑀭𑀻𑀬𑀢𑀻𑀢𑀺 𑀯𑀕𑁆𑀕𑀼=𑀫𑀦𑀼𑀜𑁆𑀜𑁄.
𑀨𑁂𑀕𑁆𑀕𑀼 ¶ 𑀆𑀤𑀬𑁄 𑀕𑀼𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀨𑀮-𑀦𑀺𑀧𑁆𑀨𑀢𑁆𑀢𑀺𑀬𑀁, 𑀅𑀲𑁆𑀲 𑀏𑀢𑁆𑀢𑀁, 𑀨𑀮𑀢𑀺 𑀦𑀺𑀝𑁆𑀞𑀸𑀦𑀁 𑀕𑀘𑁆𑀙𑀢𑀻𑀢𑀺 𑀨𑁂𑀕𑁆𑀕𑀼=𑀅𑀲𑀸𑀭𑁄. 𑀪𑀭-𑀪𑀭𑀡𑁂, 𑀭𑀮𑁄𑀧𑁄. 𑀪𑀭𑀢𑀻𑀢𑀺 𑀪𑀕𑀼=𑀇𑀲𑀺. 𑀳𑀺-𑀕𑀢𑀻𑀬𑀁, 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀳𑀺𑀦𑁄 𑀢𑀺 𑀧𑀯𑀢𑁆𑀢𑀢𑀻𑀢𑀺 𑀳𑀺𑀗𑁆𑀕𑀼=𑀭𑀸𑀫𑀞𑀚𑀁. 𑀓𑀫-𑀇𑀘𑁆𑀙𑀸𑀬𑀁, 𑀓𑀸𑀫𑀻𑀬𑀢𑀻𑀢𑀺 𑀓𑀗𑁆𑀕𑀼=𑀥𑀜𑁆𑀜𑀯𑀺𑀲𑁂𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀚𑀦-𑀚𑀦𑀦𑁂𑀢𑀻𑀫𑀲𑁆𑀫𑀸 𑀖𑁄 𑀳𑁄𑀢𑀺. ‘‘𑀫𑀦𑀸𑀦𑀁 𑀦𑀺𑀕𑁆𑀕𑀳𑀻𑀢’’𑀦𑁆𑀢𑀺 (𑁫.𑁯𑁬) 𑀦𑀲𑁆𑀲 𑀦𑀺𑀕𑁆𑀕𑀳𑀻𑀢𑀁, 𑀚𑀸𑀬𑀢𑀺 𑀕𑀫𑀦𑀫𑁂𑀢𑀸𑀬𑀸𑀢𑀺 𑀚𑀗𑁆𑀖𑀸=𑀧𑀸𑀡𑁆𑀬𑀗𑁆𑀕𑀯𑀺𑀲𑁂𑀲𑁄.
𑀫𑁂𑀖𑀆𑀤𑀬𑁄 𑀖𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀺𑀳-𑀲𑁂𑀘𑀦𑁂, 𑀳𑀮𑁄𑀧𑁄, 𑀫𑁂𑀳𑀢𑀺 𑀲𑀺𑀜𑁆𑀘𑀢𑀻𑀢𑀺 𑀫𑁂𑀖𑁄=𑀅𑀫𑁆𑀩𑀼𑀤𑁄. 𑀫𑀼𑀳-𑀫𑀼𑀘𑁆𑀙𑀸𑀬𑀁, 𑀳𑀮𑁄𑀧𑁄, 𑀫𑀼𑀬𑁆𑀳𑀦𑁆𑀢𑀺 𑀲𑀢𑁆𑀢𑀸 𑀏𑀢𑁆𑀣𑀸𑀢𑀺 𑀫𑁄𑀖𑁄=𑀢𑀼𑀘𑁆𑀙𑁄. 𑀲𑀻-𑀲𑀬𑁂, 𑀏𑀢𑁆𑀢𑀸𑀪𑀸𑀯𑁄, 𑀲𑁂𑀢𑀺 𑀮𑀳𑀼 𑀳𑀼𑀢𑁆𑀯𑀸 𑀧𑀯𑀢𑁆𑀢𑀢𑀻𑀢𑀺 𑀲𑀻𑀖𑀁=𑀆𑀲𑀼. 𑀅𑀳-𑀪𑀲𑁆𑀫𑀻𑀓𑀭𑀡𑁂, 𑀦𑀺𑀧𑀼𑀩𑁆𑀩𑁄, 𑀳𑀮𑁄𑀧𑀤𑀻𑀖𑀸, 𑀦𑀺𑀤𑀳𑀢𑀻𑀢𑀺 𑀦𑀺𑀤𑀸𑀖𑁄=𑀕𑀺𑀫𑁆𑀳𑁄. 𑀫𑀳𑀻𑀲𑁆𑀲 𑀳𑀮𑁄𑀧𑁄, 𑀫𑀳𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀫𑀖𑀸=𑀦𑀓𑁆𑀔𑀢𑁆𑀢𑀁, 𑀏𑀯𑀫𑀜𑁆𑀜𑁂𑀧𑀺.
(𑀇𑀢𑀺 𑀓𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀘𑀼-𑀘𑀯𑀦𑁂, 𑀲𑀭-𑀕𑀢𑀺 𑀳𑀺𑀁𑀲𑀸 𑀘𑀺𑀦𑁆𑀢𑀸𑀲𑀼, 𑀯𑀭-𑀯𑀭𑀡 𑀲𑀫𑁆𑀪𑀢𑁆𑀢𑀻𑀲𑀼, 𑀏𑀬𑁂𑀳𑀺 𑀘𑁄 𑀳𑁄𑀢𑀺. 𑀘𑀯𑀢𑀺 𑀭𑀼𑀓𑁆𑀔𑀸𑀢𑀺 𑀘𑁄𑀘𑀁=𑀉𑀧𑀪𑀼𑀢𑁆𑀢𑀨𑀮- 𑀯𑀺𑀲𑁂𑀲𑁄 ¶ . 𑀲𑀭𑀢𑀺 𑀆𑀬𑀢𑀺𑀁 𑀤𑀼𑀓𑁆𑀔𑀁 𑀳𑀺𑀁𑀲𑀢𑀻𑀢𑀺 𑀲𑀘𑁆𑀘𑀁=𑀅𑀯𑀺𑀢𑀣𑀁. 𑀯𑀸𑀭𑁂𑀢𑀺 𑀲𑀼𑀔𑀦𑁆𑀢𑀺 𑀯𑀘𑁆𑀘𑀁=𑀕𑀽𑀣𑁄.
𑀫𑀭-𑀧𑀸𑀡𑀘𑀸𑀕𑁂 𑀢𑀻𑀫𑀲𑁆𑀫𑀸 𑀘𑀼𑀈𑀘𑀻 𑀳𑁄𑀦𑁆𑀢𑀺 𑀘𑁄 𑀘. 𑀫𑀭𑀡𑀁 𑀫𑀘𑁆𑀘𑀼=𑀫𑀭𑀡𑀁. 𑀫𑀸𑀭𑁂𑀢𑀺 𑀅𑀦𑁆𑀥𑀓𑀸𑀭𑀁 𑀯𑀺𑀦𑀸𑀲𑁂𑀢𑀻𑀢𑀺 𑀫𑀭𑀻𑀘𑀺=𑀭𑀁𑀲𑀺, 𑀫𑀺𑀕𑀢𑀡𑁆𑀳𑀺𑀓𑀸 𑀘. 𑀫𑀭𑀢𑀻𑀢𑀺 𑀫𑀘𑁆𑀘𑁄=𑀲𑀢𑁆𑀢𑁄.
𑀓𑀼𑀲-𑀅𑀓𑁆𑀓𑁄𑀲𑁂, 𑀧𑀲-𑀩𑀸𑀥𑀦𑁂, 𑀏𑀢𑁂𑀳𑀺 𑀙𑀺𑀓 𑀳𑁄𑀢𑀺. 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑀼𑀘𑁆𑀙𑀺=𑀉𑀤𑀭𑀁. 𑀧𑀲𑀻𑀬𑀢𑀺 𑀩𑀸𑀥𑀻𑀬𑀢𑀺 𑀏𑀢𑁆𑀣𑀸𑀢𑀺 𑀧𑀘𑁆𑀙𑀺=𑀪𑀸𑀚𑀦𑀯𑀺𑀲𑁂𑀲𑁄.
𑀓𑀲-𑀯𑀺𑀮𑁂𑀔𑀦𑁂, 𑀉𑀲-𑀤𑀸𑀳𑁂, 𑀏𑀢𑁂𑀳𑀺 𑀙𑀼𑀓 𑀳𑁄𑀢𑀺. 𑀓𑀲𑀦𑁆𑀢𑀺 𑀯𑀺𑀮𑁂𑀔𑀦𑁆𑀢𑀺 𑀏𑀢𑁆𑀣𑀸𑀢𑀺 𑀓𑀘𑁆𑀙𑀼=𑀧𑀸𑀫𑀁. 𑀉𑀲𑀢𑀺 𑀤𑀳𑀢𑀺 𑀲𑀦𑁆𑀢𑀸𑀧𑀦𑁆𑀢𑀺 𑀉𑀘𑁆𑀙𑀼=𑀭𑀲𑀸𑀮𑁄.
𑀅𑀲-𑀔𑀺𑀧𑀦𑁂, 𑀫𑀲-𑀆𑀫𑀲𑀦𑁂, 𑀯𑀤-𑀯𑀘𑀦𑁂, 𑀓𑀼𑀘-𑀲𑀁𑀓𑁄𑀘𑀦𑁂, 𑀓𑀘-𑀩𑀦𑁆𑀥𑀦𑁂, 𑀏𑀢𑁂𑀳𑀺 𑀙𑁄 𑀳𑁄𑀢𑀺. 𑀅𑀲𑀢𑀺 𑀙𑀺𑀧𑀢𑀻𑀢𑀺 𑀅𑀘𑁆𑀙𑁄=𑀪𑀮𑁆𑀮𑀽𑀓𑁄. 𑀫𑀲𑀢𑀺 𑀚𑀮𑀦𑁆𑀢𑀺 𑀫𑀘𑁆𑀙𑁄=𑀫𑀻𑀦𑁄. 𑀯𑀤𑀢𑀻𑀢𑀺 𑀯𑀘𑁆𑀙𑁄=𑀦𑁂𑀮𑀓𑁄. 𑀓𑀼𑀘𑀻𑀬𑀢𑀺 𑀲𑀁𑀓𑁄𑀘𑀻𑀬𑀢𑀻𑀢𑀺 𑀓𑁄𑀘𑁆𑀙𑁄=𑀪𑀤𑁆𑀤𑀧𑀻𑀝𑁆𑀞𑀁. 𑀓𑀘𑀻𑀬𑀢𑀺 𑀩𑀦𑁆𑀥𑀻𑀬𑀢𑀻𑀢𑀺 𑀓𑀘𑁆𑀙𑁄=𑀢𑀦𑀼𑀧𑀤𑁂𑀲𑁄, 𑀅𑀦𑀽𑀧𑁄 𑀘.
𑀕𑀼𑀘𑁆𑀙𑀆𑀤𑀬𑁄 ¶ 𑀙𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀕𑀼𑀧-𑀕𑁄𑀧𑀦𑁂, 𑀑𑀢𑁆𑀢𑀸𑀪𑀸𑀯𑁄, 𑀕𑁄𑀧𑀻𑀬𑀢𑀻𑀢𑀺 𑀕𑀼𑀘𑁆𑀙𑁄=𑀣𑀯𑀓𑁄. 𑀢𑀼𑀲-𑀢𑀼𑀝𑁆𑀞𑀺𑀫𑁆𑀳𑀻, 𑀢𑀼𑀲𑀦𑁆𑀢𑀺 𑀏𑀢𑁂𑀦𑀸𑀢𑀺 𑀢𑀼𑀘𑁆𑀙𑀁=𑀫𑀼𑀲𑀸. 𑀧𑀼𑀲-𑀧𑁄𑀲𑀦𑁂, 𑀧𑁄𑀲𑀦𑁆𑀢𑀺 𑀢𑀦𑀼𑀫𑀦𑁂𑀦𑀸𑀢𑀺 𑀧𑀼𑀘𑁆𑀙𑁄=𑀯𑀸𑀮𑀥𑀺, 𑀏𑀯𑀫𑀜𑁆𑀜𑁂𑀧𑀺.
𑀅𑀭-𑀕𑀫𑀦𑁂𑀢𑀻𑀫𑀲𑁆𑀫𑀸 𑀚𑀼 𑀳𑁄𑀢𑀺, 𑀅𑀭𑀺𑀲𑁆𑀲 𑀉𑀝 𑀘. 𑀝𑀓𑀸𑀭𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄, 𑀅𑀭𑀢𑀺 𑀅𑀓𑀼𑀝𑀺𑀮𑀪𑀸𑀯𑁂𑀦 𑀧𑀯𑀢𑁆𑀢𑀢𑀻𑀢𑀺 𑀉𑀚𑀼=𑀅𑀯𑀗𑁆𑀓𑁄.
𑀭𑀚𑁆𑀚𑀼𑀆𑀤𑀬𑁄 𑀚𑀼𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀭𑀼𑀥-𑀆𑀯𑀭𑀡𑁂, 𑀉𑀲𑁆𑀲 𑀅𑀢𑁆𑀢𑀁, 𑀭𑀼𑀦𑁆𑀥𑀦𑁆𑀢𑀺 𑀏𑀢𑁂𑀦𑀸𑀢𑀺 𑀭𑀼𑀚𑁆𑀚𑀼-𑀬𑁄𑀢𑁆𑀢𑀁. 𑀫𑀦-𑀜𑀸𑀡𑁂, 𑀅𑀫𑀜𑁆𑀜𑀺𑀢𑁆𑀣𑀸𑀢𑀺 𑀫𑀜𑁆𑀚𑀼=𑀫𑀜𑁆𑀚𑀼𑀮𑀁, 𑀏𑀯𑀫𑀜𑁆𑀜𑁂𑀧𑀺.
𑀕𑀺𑀥-𑀅𑀪𑀺𑀓𑀗𑁆𑀔𑀸𑀬𑀫𑀺𑀘𑁆𑀘𑀲𑁆𑀫𑀸 𑀛𑀓 𑀳𑁄𑀢𑀺. 𑀕𑁂𑀥𑀢𑀻𑀢𑀺 𑀕𑀺𑀚𑁆𑀛𑁄=𑀧𑀓𑁆𑀔𑀺𑀯𑀺𑀲𑁂𑀲𑁄.
𑀯𑀜𑁆𑀘𑁆𑀬𑀸𑀤𑀬𑁄 𑀛𑀓 𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀯𑀦-𑀬𑀸𑀘𑀦𑁂, 𑀯𑀦𑁄𑀢𑀺 𑀅𑀢𑁆𑀢𑀸𑀦𑀁 𑀅𑀦𑀼𑀪𑀯𑀺𑀢𑀼𑀁 𑀬𑀸𑀘𑀢𑀻𑀢𑀺 𑀯𑀜𑁆𑀛𑁄=𑀅𑀨𑀮𑀭𑀼𑀓𑁆𑀔𑁄, 𑀯𑀜𑁆𑀛𑀸=𑀅𑀧𑀲𑀯𑀸 𑀇𑀢𑁆𑀣𑀻, 𑀅𑀲𑁆𑀲 𑀇𑀢𑁆𑀢𑀁 𑀯𑀺𑀜𑁆𑀛𑁄=𑀧𑀩𑁆𑀩𑀢𑁄, 𑀲𑀁𑀚-𑀲𑀗𑁆𑀕𑁂, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀲𑀜𑁆𑀚𑀺𑀬𑀢𑀻𑀢𑀺 𑀲𑀚𑁆𑀛𑀁=𑀭𑀚𑀢𑀁, 𑀏𑀯𑀫𑀜𑁆𑀜𑁂𑀧𑀺.
𑀓𑀫-𑀇𑀘𑁆𑀙𑀸𑀬𑀁 ¶ , 𑀬𑀚-𑀤𑁂𑀯𑀧𑀽𑀚𑀸𑀲𑀗𑁆𑀕𑀢𑀺𑀓𑀭𑀡𑀤𑀸𑀦𑁂𑀲𑀼, 𑀏𑀢𑁂𑀳𑀺 𑀜𑁄 𑀳𑁄𑀢𑀺, 𑀫𑀲𑁆𑀲 𑀦𑀺𑀕𑁆𑀕𑀳𑀻𑀢𑀯𑀕𑁆𑀕𑀦𑁆𑀢𑀸, 𑀓𑀸𑀫𑀻𑀬𑀢𑀻𑀢𑀺 𑀓𑀜𑁆𑀜𑀸=𑀓𑀼𑀫𑀸𑀭𑀻. 𑀚𑀲𑁆𑀲 𑀧𑀭𑀭𑀽𑀧𑀢𑁆𑀢𑀁, 𑀬𑀚𑀦𑁆𑀢𑁆𑀬𑀦𑁂𑀦𑀸𑀢𑀺 𑀬𑀜𑁆𑀜𑁄=𑀬𑀸𑀕𑁄.
𑀧𑀼𑀦𑀸𑀢𑀺 𑀧𑀼𑀡𑀢𑀺𑀲𑁆𑀫𑀸 𑀯𑀸 𑀜𑁄𑀑𑀢𑁆𑀢𑀸𑀪𑀸𑀯𑁄 𑀘 𑀦𑀺𑀧𑀘𑁆𑀘𑀦𑁆𑀢𑁂. 𑀧𑀼𑀦𑀸𑀢𑀺, 𑀧𑀼𑀡𑀢𑀺 𑀲𑀼𑀦𑁆𑀤𑀭𑀢𑁆𑀢𑀁 𑀓𑀭𑁄𑀢𑀻𑀢𑀺 𑀯𑀸 𑀧𑀼𑀜𑁆𑀜𑀁=𑀓𑀼𑀲𑀮𑀁.
𑀅𑀭-𑀕𑀫𑀦𑁂, 𑀯𑀸-𑀘𑀸𑀕𑁂, 𑀏𑀢𑁂𑀳𑀺 𑀅𑀜𑁆𑀜𑁄 𑀳𑁄𑀢𑀺, 𑀳𑀸𑀲𑁆𑀲 𑀳𑀺𑀭𑀜𑁆𑀘𑀸𑀤𑁂𑀲𑁄. 𑀅𑀭𑀻𑀬𑀢𑁂 𑀕𑀫𑁆𑀬𑀢𑁂𑀢𑀺 𑀅𑀭𑀜𑁆𑀜𑀁=𑀯𑀦𑀁. 𑀚𑀳𑀸𑀢𑀺 𑀲𑀢𑁆𑀢𑀸𑀦𑀁 𑀳𑀻𑀦𑀢𑁆𑀢𑀦𑁆𑀢𑀺 𑀳𑀺𑀭𑀜𑁆𑀜𑀁=𑀥𑀦𑀁, 𑀲𑀼𑀯𑀡𑁆𑀡𑀜𑁆𑀘.
(𑀇𑀢𑀺 𑀘𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀓𑀺𑀭-𑀯𑀺𑀓𑀺𑀭𑀡𑁂, 𑀢𑀭-𑀢𑀭𑀡𑁂, 𑀏𑀢𑁂𑀳𑀺, 𑀓𑀻𑀝𑁄 𑀳𑁄𑀢𑀺. 𑀲𑁄𑀪𑁂𑀢𑀼𑀫𑁂𑀢𑁆𑀣 𑀭𑀢𑀦𑀸𑀦𑀺 𑀯𑀺𑀓𑀺𑀭𑀻𑀬𑀦𑁆𑀢𑀻𑀢𑀺 𑀓𑀺𑀭𑀻𑀝𑀁=𑀫𑀓𑀼𑀝𑀁. 𑀢𑀭𑀇𑀢𑀺 𑀦𑀺𑀤𑁆𑀤𑁂𑀲𑀸 𑀅𑀲𑁆𑀲 𑀇𑀢𑁆𑀢𑀁, 𑀢𑀭𑀦𑁆𑀢𑀺 𑀬𑀦𑁆𑀢𑀺 𑀲𑀼𑀭𑀽𑀧𑀢𑁆𑀢 𑀫𑀦𑁂𑀦𑀸𑀢𑀺 𑀢𑀺𑀭𑀻𑀝𑀁=𑀯𑁂𑀝𑁆𑀞𑀦𑀁.
𑀲𑀓-𑀲𑀢𑁆𑀢𑀺𑀬𑀁, 𑀓𑀲-𑀕𑀫𑀦𑁂, 𑀓𑀭-𑀓𑀭𑀡𑁂, 𑀫𑀓𑁆𑀓 𑀇𑀢𑀺 𑀲𑀼𑀢𑁆𑀢𑀺𑀬𑁄 𑀥𑀸𑀢𑀼, 𑀤𑁂𑀯-𑀤𑁂𑀯𑀦𑁂, 𑀓𑀫-𑀇𑀘𑁆𑀙𑀸𑀬𑀁, 𑀏𑀯𑀫𑀸𑀤𑀺𑀳𑀺 𑀅𑀝𑁄 𑀳𑁄𑀢𑀺. 𑀲𑀡𑁆𑀡𑁄𑀢𑀺 𑀪𑀸𑀭𑀁 𑀯𑀳𑀺𑀢𑀼𑀦𑁆𑀢𑀺 𑀲𑀓𑀝𑁄=𑀬𑀸𑀦𑀁. 𑀅𑀓𑀲𑀺 𑀦𑀺𑀭𑁄𑀚𑀢𑁆𑀢𑀁 𑀅𑀕𑀫𑀻𑀢𑀺 𑀓𑀲𑀝𑀁=𑀦𑀺𑀭𑁄𑀚𑀁. 𑀓𑀭𑁄𑀢𑀺 𑀅𑀫𑀦𑀸𑀧𑀦𑁆𑀢𑀺 𑀓𑀭𑀝𑁄=𑀓𑀸𑀓𑁄 ¶ . 𑀫𑀓𑁆𑀓𑀢𑀺 𑀘𑀮𑀢𑀻𑀢𑀺 𑀫𑀓𑁆𑀓𑀝𑁄=𑀯𑀸𑀦𑀭𑁄. 𑀤𑁂𑀯𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀤𑁂𑀯𑀝𑁄=𑀇𑀲𑀺. 𑀓𑀫𑀢𑀺 𑀇𑀘𑁆𑀙𑀢𑀺 𑀆𑀭𑁄𑀳𑀢𑁆𑀣𑀦𑁆𑀢𑀺 𑀓𑀫𑀝𑁄=𑀯𑀸𑀫𑀦𑁄.
𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀁𑀓𑀺𑀲𑁆𑀫𑀸 𑀉𑀝𑁄, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀘, 𑀫𑀁𑀓𑁂𑀢𑀺 𑀲𑁄𑀪𑁂𑀢𑀻𑀢𑀺 𑀫𑀓𑀼𑀝𑀁=𑀓𑀺𑀭𑀻𑀝𑀁. 𑀅𑀯𑀢𑀺𑀲𑁆𑀫𑀸 𑀆𑀝𑀡, 𑀅𑀯𑁆𑀬𑀢𑁂 𑀔𑀜𑁆𑀜𑀢𑁂𑀢𑀺 𑀆𑀯𑀸𑀝𑁄=𑀓𑀸𑀲𑀼. 𑀓𑀼-𑀲𑀤𑁆𑀤𑁂𑀢𑀻𑀫𑀲𑁆𑀫𑀸 𑀆𑀝𑁄, 𑀑𑀅𑀯𑀸𑀤𑁂𑀲𑀸 𑀬𑀣𑀸𑀬𑁄𑀕𑀁, 𑀓𑀯𑀢𑀺 𑀭𑀯𑀢𑀻𑀢𑀺 𑀓𑀯𑀸𑀝𑀁=𑀤𑁆𑀯𑀸𑀭𑀧𑀺𑀥𑀸𑀦𑀁. 𑀓𑀼𑀓 𑀯𑀓-𑀆𑀤𑀸𑀦𑁂𑀢𑀻𑀫𑀲𑁆𑀫𑀸 𑀓𑀼𑀝𑀓, 𑀓𑀼𑀓𑀢𑀺 𑀕𑁄𑀘𑀭𑀫𑀸𑀤𑀤𑀸𑀢𑀻𑀢𑀺 𑀓𑀼𑀓𑁆𑀓𑀼𑀝𑁄=𑀢𑀫𑁆𑀩𑀘𑀽𑀴𑁄.
𑀓𑀫-𑀇𑀘𑁆𑀙𑀸𑀬𑀁, 𑀉𑀲-𑀤𑀸𑀳𑁂, 𑀓𑀼𑀲-𑀅𑀓𑁆𑀓𑁄𑀲𑁂, 𑀓𑀲-𑀕𑀫𑀦𑁂, 𑀏𑀢𑁂𑀳𑀺𑀞𑁄 𑀳𑁄𑀢𑀺, 𑀦𑀺𑀕𑁆𑀕𑀳𑀻𑀢𑀯𑀕𑁆𑀕𑀦𑁆𑀢𑀸, 𑀑𑀤𑀦𑀸𑀤𑀻𑀦𑀺 𑀓𑀸𑀫𑁂𑀢𑀻𑀢𑀺 𑀓𑀡𑁆𑀞𑁄=𑀕𑀮𑁄. 𑀑𑀓𑁆𑀓𑀧𑀭𑀭𑀽𑀧𑀸𑀤𑀻𑀦𑀺, 𑀑𑀤𑀦𑀸𑀤𑀻𑀲𑀼 𑀉𑀡𑁆𑀳𑁂𑀦 𑀉𑀲𑀻𑀬𑀢𑀻 𑀢𑀺 𑀑𑀝𑁆𑀞𑁄=𑀤𑀦𑁆𑀢𑀘𑁆𑀙𑀤𑁄, 𑀓𑀭𑀪𑁄 𑀘. 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑁄𑀝𑁆𑀞𑁄=𑀥𑀜𑁆𑀜𑀦𑀺𑀮𑀬𑁄. 𑀓𑀲𑀢𑀺 𑀬𑀸𑀢𑀺 𑀯𑀺𑀦𑀸𑀲𑀦𑁆𑀢𑀺 𑀓𑀝𑁆𑀞𑀁=𑀤𑀸𑀭𑀼.
𑀓𑀼𑀝𑁆𑀞𑀆𑀤𑀬𑁄 𑀲𑀤𑁆𑀤𑀸 𑀞𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀼𑀲𑀺𑀲𑁆𑀫𑀸 𑀞𑁄, 𑀑𑀢𑁆𑀢𑀸𑀪𑀸𑀯𑁄 𑀘, 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑀼𑀝𑁆𑀞𑀁=𑀙𑀯𑀺𑀭𑁄𑀕𑁄. 𑀓𑀼𑀡-𑀲𑀤𑁆𑀤𑁂, 𑀧𑀭𑀭𑀽𑀧𑀸𑀪𑀸𑀯𑁄 𑀑𑀢𑁆𑀢𑀸𑀪𑀸𑀯𑁄 𑀘, 𑀓𑀼𑀡𑀢𑀺 𑀦𑀤𑀢𑀻𑀢𑀺 𑀓𑀼𑀡𑁆𑀞𑁄=𑀅𑀢𑀺𑀔𑀺𑀡𑁄, 𑀓𑀼𑀡𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑀼𑀡𑁆𑀞𑁄= 𑀙𑀺𑀦𑁆𑀦𑀳𑀢𑁆𑀣𑀧𑀸𑀤𑀸𑀤𑀺𑀓𑁄 ¶ . 𑀤𑀁𑀲𑀺𑀲𑁆𑀲 𑀤𑀸, 𑀤𑀁𑀲𑀢𑀺 𑀏𑀢𑀸𑀬𑀸𑀢𑀺 𑀤𑀸𑀞𑀸=𑀤𑀦𑁆𑀢𑀯𑀺𑀲𑁂𑀲𑁄. 𑀓𑀫𑀺𑀲𑁆𑀲 𑀅𑀓 𑀘. 𑀓𑀸𑀫𑀻𑀬𑀸𑀢𑀺 𑀤𑀻𑀦𑁂𑀢𑀻𑀢𑀺 𑀓𑀫𑀞𑁄=𑀪𑀺𑀓𑁆𑀔𑀸𑀪𑀸𑀚𑀦𑀁, 𑀯𑀸𑀫𑀦𑁄, 𑀓𑀼𑀫𑁆𑀫𑁄 𑀘. 𑀨𑀲𑁆𑀲𑀺𑀲𑁆𑀲 𑀨𑀼𑀝𑁄, 𑀨𑀲𑁆𑀲𑀻𑀬𑀢𑀻𑀢𑀺 𑀨𑀼𑀝𑁆𑀞𑁄=𑀨𑀲𑁆𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀯𑀭-𑀯𑀭𑀡𑁂, 𑀓𑀭-𑀓𑀭𑀡𑁂, 𑀏𑀢𑁂𑀳𑀺 𑀅𑀡𑁆𑀟𑁄 𑀳𑁄𑀢𑀺. 𑀅𑀢𑁆𑀢𑀦𑀺 𑀧𑁂𑀨𑀁 𑀯𑀸𑀭𑀬𑀢𑀻𑀢𑀺 𑀯𑀭𑀡𑁆𑀟𑁄=𑀫𑀼𑀔𑀭𑁄𑀕𑁄. 𑀓𑀭𑀻𑀬𑀢𑀻𑀢𑀺 𑀓𑀭𑀡𑁆𑀟𑁄=𑀪𑀡𑁆𑀟𑀯𑀺𑀲𑁂𑀲𑁄.
𑀫𑀓𑀸𑀭 𑀦𑀓𑀸𑀭𑀦𑁆𑀢𑁂𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀩𑀳𑀼𑀮𑀁 𑀟𑀧𑁆𑀧𑀘𑁆𑀘𑀬𑁄 𑀳𑁄𑀢𑀺. 𑀲𑀫-𑀉𑀧𑀲𑀫𑁂, 𑀲𑀫𑀦𑀁 𑀲𑀡𑁆𑀟𑀁=𑀲𑀫𑀽𑀳𑁄. 𑀓𑀫-𑀧𑀤𑀯𑀺𑀓𑁆𑀔𑁂𑀧𑁂, 𑀓𑀫𑀢𑀺 𑀬𑀸𑀢𑀻𑀢𑀺 𑀓𑀡𑁆𑀟𑁄=𑀲𑀭𑁄, 𑀧𑀭𑀺𑀘𑁆𑀙𑁂𑀤𑁄 𑀘, 𑀤𑀫-𑀤𑀫𑀦𑁂, 𑀤𑀫𑀦𑁆𑀢𑁆𑀯𑁆𑀬𑀦𑁂𑀦𑀸𑀢𑀺 𑀤𑀡𑁆𑀟𑁄=𑀦𑀺𑀕𑁆𑀕𑀳𑁄. 𑀅𑀫 𑀕𑀫-𑀕𑀫𑀦𑁂, 𑀅𑀫𑀦𑁆𑀢𑀺 𑀉𑀧𑁆𑀧𑀚𑁆𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀅𑀡𑁆𑀟𑁄=𑀧𑀓𑁆𑀔𑀺𑀧𑀲𑀯𑁄, 𑀓𑁄𑀲𑁄 𑀘. 𑀕𑀘𑁆𑀙𑀢𑀺 𑀲𑀽𑀦𑀪𑀸𑀯𑀦𑁆𑀢𑀺 𑀕𑀡𑁆𑀟𑁄=𑀩𑁆𑀬𑀸𑀥𑀺, 𑀯𑀤𑀦𑁂𑀓𑀤𑁂𑀲𑁄 𑀘. 𑀭𑀫𑀼-𑀓𑀻𑀴𑀸𑀬𑀁, 𑀭𑀫𑀦𑁆𑀢𑀺 𑀏𑀢𑁆𑀣𑀸𑀢𑀺 𑀭𑀼𑀡𑁆𑀟𑀸=𑀯𑀺𑀥𑀯𑀸. 𑀫𑀦-𑀜𑀸𑀡𑁂, 𑀫𑀜𑁆𑀜𑀦𑁆𑀢𑀺 𑀏𑀢𑁂𑀦𑀸𑀢𑀺 𑀫𑀡𑁆𑀟𑁄=𑀑𑀤𑀦𑀸𑀤𑀺𑀦𑀺𑀲𑁆𑀲𑀸𑀯𑁄. 𑀔𑀦 𑀔𑀡=𑀅𑀯𑀤𑀸𑀭𑀡𑁂, 𑀔𑀜𑁆𑀜𑀢𑀻𑀢𑀺 𑀔𑀡𑁆𑀟𑁄=𑀉𑀘𑁆𑀙𑀼𑀯𑀺𑀓𑀸𑀭 𑀯𑀺𑀲𑁂𑀲𑁄. 𑀮𑀫-𑀳𑀺𑀁𑀲𑀸𑀬𑀁, 𑀮𑀫𑀢𑀺 𑀳𑀺𑀁𑀲𑀢𑀺 𑀲𑀼𑀘𑀺𑀪𑀸𑀯𑀦𑁆𑀢𑀺 𑀮𑀡𑁆𑀟𑁄=𑀯𑀘𑁆𑀘𑀁, 𑀏𑀯𑀫𑀜𑁆𑀜𑁂𑀧𑀺.
𑀓𑀼𑀡𑁆𑀟𑀆𑀤𑀬𑁄 𑀟𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀫 𑀫𑀦 𑀢𑀦𑀸𑀦𑀁 𑀅𑀲𑁆𑀲 𑀉𑀢𑁆𑀢𑀁, 𑀓𑀸𑀫𑀻𑀬𑀢𑀻𑀢𑀺 𑀓𑀼𑀡𑁆𑀟𑀁=𑀪𑀸𑀚𑀦𑀁. 𑀫𑀜𑁆𑀜𑀢𑀺 𑀳𑀺𑀢𑀸𑀳𑀺𑀢𑀦𑁆𑀢𑀺 𑀫𑀼𑀡𑁆𑀟𑁄= 𑀙𑀺𑀦𑁆𑀦𑀓𑁂𑀲𑁄 ¶ . 𑀢𑀦𑁄𑀢𑀺 𑀏𑀢𑁂𑀦𑀸𑀢𑀺 𑀢𑀼𑀡𑁆𑀟𑀁=𑀮𑀧𑀦𑀁. 𑀈𑀭-𑀔𑁂𑀧𑁂, 𑀏𑀭𑀁𑀆𑀤𑁂𑀲𑁄. 𑀈𑀭𑀢𑀺 𑀓𑀫𑁆𑀧𑀢𑀻𑀢𑀺 𑀏𑀭𑀡𑁆𑀟𑁄=𑀩𑁆𑀬𑀕𑁆𑀖𑀧𑀼𑀘𑁆𑀙𑁄, 𑀲𑀺-𑀲𑁂𑀯𑀸𑀬𑀁, 𑀲𑀺𑀲𑁆𑀲 𑀔𑀫𑀼𑀓, 𑀲𑀼𑀕𑀦𑁆𑀥𑀁 𑀲𑁂𑀯𑀢𑀻𑀢𑀺 𑀲𑀺𑀔𑀡𑁆𑀟𑁄=𑀘𑀽𑀴𑀸, 𑀏𑀯𑀫𑀜𑁆𑀜𑁂𑀧𑀺.
𑁬𑁦. 𑀢𑀺𑀚 𑀓𑀲 𑀢𑀲 𑀤𑀓𑁆𑀔𑀸 𑀓𑀺𑀡𑁄 𑀚𑀲𑁆𑀲 𑀔𑁄 𑀘.
𑀢𑀺𑀚-𑀦𑀺𑀲𑀸𑀦𑁂, 𑀓𑀲-𑀕𑀫𑀦𑁂, 𑀢𑀲-𑀧𑀺𑀧𑀸𑀲𑀸𑀬𑀁, 𑀤𑀓𑁆𑀔-𑀯𑀼𑀤𑁆𑀥𑀺𑀬𑀁, 𑀏𑀢𑁂𑀳𑀺 𑀓𑀺𑀡𑁄 𑀳𑁄𑀢𑀺, 𑀚𑀲𑁆𑀲 𑀔𑁄 𑀘, 𑀢𑁂𑀚𑀬𑀺𑀢𑁆𑀣𑀸𑀢𑀺 𑀢𑀺𑀔𑀺𑀡𑀁=𑀦𑀺𑀲𑀺𑀢𑀁. 𑀓𑀲𑀢𑀺 𑀧𑀯𑀢𑁆𑀢𑀢𑀻𑀢𑀺 𑀓𑀲𑀺𑀡𑀁=𑀅𑀲𑁂𑀲𑀁. 𑀢𑀲𑀦𑀁 𑀢𑀲𑀺𑀡𑀸=𑀢𑀡𑁆𑀳𑀸. 𑀤𑀓𑁆𑀔𑀢𑀺 𑀯𑀼𑀤𑁆𑀥𑀺𑀁 𑀕𑀘𑁆𑀙𑀢𑀺 𑀏𑀢𑀸𑀬𑀸𑀢𑀺 𑀤𑀓𑁆𑀔𑀻𑀡𑀸=𑀓𑀼𑀲𑀮𑀁.
𑀯𑀻-𑀢𑀦𑁆𑀢𑀲𑀦𑁆𑀢𑀸𑀦𑁂, 𑀲𑀺-𑀲𑁂𑀯𑀸𑀲𑀁, 𑀲𑀽-𑀧𑀲𑁆𑀲𑀯𑀦𑁂, 𑀤𑀼-𑀕𑀫𑀦𑁂, 𑀓𑀻-𑀤𑀩𑁆𑀩𑀯𑀺𑀦𑀻𑀫𑀬𑁂, 𑀲𑀸-𑀢𑀦𑀼𑀓𑀭𑀡𑀸𑀯𑀲𑀸𑀦𑁂𑀲𑀼, 𑀏𑀯𑀫𑀸𑀤𑀻𑀳𑀺 𑀡𑀺 𑀳𑁄𑀢𑀺. 𑀯𑀻𑀬𑀢𑀻𑀢𑀺 𑀯𑁂𑀡𑀺=𑀓𑁂𑀲𑀓𑀮𑀸𑀧𑁄. 𑀲𑁂𑀯𑀦𑀁 𑀲𑁂𑀡𑀺=𑀲𑀚𑀸𑀢𑀻𑀦𑀁 𑀓𑀸𑀭𑀽𑀦𑀁 𑀲𑀫𑀽𑀳𑁄. 𑀦𑀺𑀧𑀼𑀩𑁆𑀩𑁄, 𑀦𑀺𑀲𑁂𑀯𑀻𑀬𑀢𑀻𑀢𑀺 𑀦𑀺𑀲𑁂𑀡𑀺=𑀲𑁄𑀧𑀸𑀦𑀁. 𑀲𑀯𑀢𑀺 𑀧𑀲𑁆𑀲𑀯𑀢𑀻𑀢𑀺 𑀲𑁄𑀡𑀺=𑀓𑀝𑀺. 𑀤𑀯𑀢𑀺 𑀯𑀳𑀢𑀻𑀢𑀺 𑀤𑁄𑀡𑀺=𑀓𑀝𑁆𑀞𑀫𑁆𑀩𑀼𑀯𑀸𑀳𑀦𑀻, 𑀦𑀸𑀯𑀸 𑀘. 𑀦𑀤𑀸𑀤𑀺𑀧𑀸𑀞𑀸 𑀯𑀺𑀫𑁆𑀳𑀺 𑀲𑁄𑀡𑀻 𑀤𑁄𑀡𑀻 𑀢𑀺𑀧𑀺 𑀳𑁄𑀢𑀺. 𑀓𑀬𑀦𑀁, 𑀓𑀻𑀬𑀢𑁂 𑀏𑀢𑀸𑀬𑀸𑀢𑀺 𑀯𑀸 𑀓𑁂𑀡𑀺=𑀓𑀬𑁄 𑀲𑀸𑀢𑀺 𑀤𑀼𑀓𑁆𑀔𑀁 𑀢𑀦𑀼𑀁 𑀓𑀭𑁄𑀢𑀻𑀢𑀺 𑀲𑀸𑀡𑀺=𑀢𑀺𑀭𑁄𑀓𑀭𑀡𑀻, 𑀏𑀯𑀫𑀜𑁆𑀜𑁂𑀧𑀺.
𑀕𑀳-𑀉𑀧𑀸𑀤𑀸𑀦𑁂, 𑀅𑀭-𑀕𑀫𑀦𑁂, 𑀥𑀭-𑀥𑀸𑀭𑀡𑁂, 𑀲𑀭-𑀕𑀢𑀺𑀬𑀺𑀁𑀲𑀸 𑀘𑀺𑀦𑁆𑀢𑀸𑀲𑀼, 𑀢𑀭-𑀢𑀭𑀡𑁂, 𑀏𑀯𑀫𑀸𑀤𑀻𑀳𑀺 𑀅𑀡𑀺𑀧𑁆𑀧𑀘𑁆𑀘𑀬𑁄 𑀳𑁄𑀢𑀺. 𑀕𑀡𑁆𑀳𑀸𑀢𑀻𑀢𑀺 𑀕𑀳𑀡𑀺=𑀅𑀲𑀺𑀢𑀸𑀤𑀺𑀧𑀸𑀘𑀓𑁄 𑀅𑀕𑁆𑀕𑀺. 𑀅𑀭𑀻𑀬𑀢𑀺 𑀕𑀫𑀻𑀬𑀢𑀻𑀢𑀺 𑀅𑀭𑀡𑀺=𑀅𑀕𑁆𑀕𑀺𑀫𑀦𑁆𑀣𑀦𑀓𑀝𑁆𑀞𑀁 ¶ . 𑀥𑀸𑀭𑁂𑀢𑀻𑀢𑀺 𑀥𑀭𑀡𑀺=𑀫𑀳𑀻. 𑀲𑀭𑀻𑀬𑀢𑀺 𑀕𑀫𑀻𑀬𑀢𑀻𑀢𑀺 𑀪𑀭𑀡𑀺=𑀫𑀕𑁆𑀕𑁄. 𑀢𑀭𑀦𑁆𑀢𑁆𑀬𑀦𑁂𑀦𑀸𑀢𑀺 𑀢𑀭𑀡𑀺=𑀦𑀸𑀯𑀸, 𑀲𑀽𑀭𑀺𑀬𑁄 𑀘.
𑀭𑀻-𑀧𑀲𑁆𑀲𑀯𑀦𑁂, 𑀯𑀻 𑀯𑀸-𑀕𑀫𑀦𑁂, 𑀪𑀸-𑀤𑀺𑀢𑁆𑀢𑀺𑀬𑀁, 𑀏𑀢𑁂𑀳𑀺𑀡𑀼 𑀳𑁄𑀢𑀺. 𑀭𑀻𑀬𑀢𑀺 𑀧𑀲𑁆𑀲𑀯𑀢𑀻𑀢𑀺 𑀭𑁂𑀡𑀼=𑀭𑀚𑁄. 𑀯𑁂𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑁂𑀡𑀼=𑀯𑁂𑀴𑀼. 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀪𑀸𑀡𑀼=𑀭𑀁𑀲𑀺.
𑀔𑀸𑀡𑀼𑀆𑀤𑀬𑁄 𑀡𑀼𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀔𑀡 𑀔𑀦-𑀅𑀯𑀤𑀸𑀭𑀡𑁂, 𑀡𑀲𑁆𑀲 𑀆, 𑀔𑀜𑁆𑀜𑀢𑀺 𑀅𑀯𑀤𑀸𑀭𑀻𑀬𑀢𑀻𑀢𑀺 𑀔𑀸𑀡𑀼=𑀙𑀺𑀦𑁆𑀦𑀲𑀸𑀔𑁄 𑀭𑀼𑀓𑁆𑀔𑁄. 𑀚𑀦-𑀚𑀦𑀦𑁂, 𑀦𑀲𑁆𑀲 𑀯𑀸 𑀆𑀢𑁆𑀢𑀁, 𑀚𑀸𑀬𑀢𑀺 𑀕𑀫𑀦 𑀫𑀦𑁂𑀦𑀸𑀢𑀺 𑀚𑀸𑀡𑀼, 𑀚𑀡𑁆𑀡𑀼=𑀚𑀗𑁆𑀖𑁄𑀭𑀽𑀦𑀁 𑀲𑀦𑁆𑀥𑀺. 𑀳𑀭-𑀳𑀭𑀡𑁂, 𑀏𑀓, 𑀳𑀭𑀻𑀬𑀢𑀻𑀢𑀺 𑀳𑀭𑁂𑀡𑀼=𑀕𑀦𑁆𑀥𑀤𑀩𑁆𑀩, 𑀏𑀯𑀫𑀜𑁆𑀜𑁂𑀧𑀺.
𑀓𑀼-𑀲𑀤𑁆𑀤𑁂, 𑀲𑀼-𑀲𑀯𑀦𑁂, 𑀤𑀼-𑀕𑀫𑀦𑁂, 𑀯𑀭-𑀯𑀭𑀡𑁂, 𑀓𑀭-𑀓𑀭𑀡𑁂, 𑀧𑀡-𑀩𑁆𑀬𑀯𑀳𑀸𑀭𑀣𑀼𑀢𑀺𑀲𑀼, 𑀢𑀸-𑀧𑀸𑀮𑀦𑁂, 𑀮𑀻-𑀦𑀺𑀮𑀻𑀬𑀦𑁂, 𑀏𑀯𑀫𑀸𑀤𑀻𑀳𑀺 𑀡𑁄 𑀳𑁄𑀢𑀺. 𑀓𑀯𑀢𑀺 𑀦𑀤𑀢𑀺 𑀏𑀢𑁆𑀣𑀸𑀢𑀺 𑀓𑁄𑀡𑁄=𑀅𑀲𑁆𑀲𑀺, 𑀯𑀻𑀡𑀸𑀤𑀺𑀯𑀸𑀤𑀦𑀤𑀡𑁆𑀟𑁄 𑀘. 𑀲𑀼𑀡𑁄𑀢𑀻𑀢𑀺 𑀲𑁄𑀡𑁄=𑀲𑀼𑀦𑀔𑁄, 𑀦𑀭𑁄 𑀘. 𑀤𑀯𑀢𑀺 𑀧𑀯𑀢𑁆𑀢𑀢𑀻𑀢𑀺 𑀤𑁄𑀡𑁄=𑀧𑀭𑀺𑀫𑀸𑀡𑀯𑀺𑀲𑁂𑀲𑁄. 𑀯𑀺𑀭𑀽𑀧𑀢𑁆𑀢 𑀯𑀸𑀭𑁂𑀢𑀻𑀢𑀺 𑀯𑀡𑁆𑀡𑁄=𑀦𑀻𑀮𑀸𑀤𑀺. 𑀲𑀯𑀦𑀁 𑀓𑀭𑁄𑀢𑀻𑀢𑀺 𑀓𑀡𑁆𑀡𑁄=𑀲𑀯𑀦𑀁. 𑀧𑀡𑀻𑀬𑀢𑀺 𑀯𑁄𑀳𑀭𑀻𑀬𑀢𑀻𑀢𑀺 𑀧𑀡𑁆𑀡𑁄=𑀧𑀮𑀸𑀲𑁄. 𑀮𑀸𑀬𑀢𑀻𑀢𑀺 𑀢𑀸𑀡𑀁=𑀭𑀓𑁆𑀔𑀸. 𑀦𑀺𑀮𑀻𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀮𑁂𑀡𑀁=𑀦𑀺𑀮𑀻𑀬𑀦𑀝𑁆𑀞𑀸𑀦𑀁.
𑀲𑀼-𑀲𑀯𑀦𑁂 ¶ , 𑀯𑀻-𑀢𑀦𑁆𑀢𑀲𑀦𑁆𑀢𑀸𑀦𑁂, 𑀏𑀢𑁂𑀳𑀺 𑀡𑀓 𑀳𑁄𑀢𑀺. 𑀲𑀼𑀡𑁄𑀢𑀻𑀢𑀺 𑀲𑀼𑀡𑁄=𑀲𑀼𑀦𑀔𑁄. 𑀯𑀻𑀬𑀢𑀻𑀢𑀺 𑀯𑀻𑀡𑀸=𑀯𑀮𑁆𑀮𑀓𑀻.
𑀢𑀺𑀡𑀆𑀤𑀬𑁄 𑀡𑀓𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀢𑀺𑀚-𑀢𑁂𑀚𑀦𑁂, 𑀚𑀮𑁄𑀧𑁄, 𑀢𑁂𑀚𑁂𑀢𑀺 𑀏𑀢𑁂𑀦𑀸𑀢𑀺 𑀢𑀺𑀡𑀁=𑀩𑀻𑀭𑀡𑀸𑀤𑀺. 𑀮𑀻 𑀮𑀺𑀳 𑀲𑀸𑀤 𑀓𑁆𑀮𑁂𑀤𑀸𑀦𑀁 𑀮𑁄 𑀮𑀯𑀸, 𑀮𑀻𑀬𑀢𑀺 𑀭𑀲𑀢𑁄 𑀲𑀩𑁆𑀩𑀢𑁆𑀣 𑀅𑀮𑁆𑀮𑀻𑀬𑀢𑀻𑀢𑀺 𑀮𑁄𑀡𑀁 𑀮𑀯𑀡𑀁, 𑀮𑁂𑀳𑀻𑀬𑀢𑀻𑀢𑀺 𑀮𑁄𑀡𑀁 𑀮𑀯𑀡𑀁, 𑀲𑀸𑀤𑀻𑀬𑀢𑀻𑀢𑀺 𑀮𑁄𑀡𑀁 𑀮𑀯𑀡𑀁, 𑀓𑁆𑀮𑁂𑀤𑀬𑀢𑀻𑀢𑀺 𑀮𑁄𑀡𑀁 𑀮𑀯𑀡𑀁, 𑀕𑀫𑀺𑀲𑁆𑀲 𑀑, 𑀕𑀘𑁆𑀙𑀢𑀻𑀢𑀺 𑀕𑁄𑀡𑁄=𑀕𑁄. 𑀳𑀭-𑀳𑀭𑀡𑁂, 𑀡𑀲𑁆𑀲𑀜𑁆𑀚𑀺, 𑀳𑀭𑀻𑀬𑀢𑀻𑀢𑀺 𑀳𑀭𑀺𑀡𑁄=𑀫𑀺𑀕𑁄. 𑀈𑀭-𑀓𑀫𑁆𑀧𑀦𑁂, 𑀭𑀲𑁆𑀲𑀢𑁆𑀢𑀁, 𑀡𑀲𑁆𑀲 𑀜𑀺𑀘, 𑀅𑀢𑁆𑀢𑀦𑁄 𑀮𑀽𑀔𑀪𑀸𑀯𑁂 𑀲𑀫𑁆𑀧𑀢𑁆𑀢𑁂 𑀈𑀭𑀢𑀺 𑀓𑀫𑁆𑀧𑀢𑀻𑀢𑀺 𑀇𑀭𑀺𑀡𑀁=𑀊𑀲𑀭𑀁. 𑀣𑀼-𑀅𑀪𑀺𑀢𑁆𑀣𑀯𑁂, 𑀤𑀻𑀖𑁄, 𑀅𑀪𑀺𑀢𑁆𑀣𑀯𑀻𑀬𑀢𑀻𑀢𑀺 𑀣𑀽𑀡𑀁=𑀦𑀕𑀭𑀁, 𑀣𑀽𑀡𑁄=𑀖𑀭𑀢𑁆𑀣𑀫𑁆𑀪𑁄, 𑀏𑀯𑀫𑀜𑁆𑀜𑁂𑀧𑀺.
𑀭𑀯𑀡 𑀯𑀭𑀡 𑀧𑀽𑀭𑀡𑀸 𑀤𑀬𑁄 𑀅𑀡𑀧𑁆𑀧𑀘𑁆𑀘𑀬𑁂𑀦 𑀲𑀺𑀤𑁆𑀥𑀸. 𑀭𑀯𑀢𑀻𑀢𑀺 𑀭𑀯𑀡𑁄=𑀓𑁄𑀓𑀺𑀮𑁄. 𑀯𑀸𑀭𑁂𑀢𑀻𑀢𑀺 𑀯𑀭𑀡𑁄=𑀧𑀸𑀓𑀸𑀭𑁄. 𑀧𑀽𑀭𑀻𑀬𑀢𑁂 𑀅𑀦𑁂𑀦𑀸𑀢𑀺 𑀧𑀽𑀭𑀡𑁄=𑀧𑀭𑀺𑀧𑀽𑀭𑀻.
(𑀇𑀢𑀺 𑀝𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀧𑀸-𑀭𑀓𑁆𑀔𑀡𑁂, 𑀯𑀲-𑀦𑀺𑀯𑀸𑀲𑁂, 𑀏𑀢𑁂𑀢𑀺 𑀅𑀢𑀺 𑀳𑁄𑀢𑀺. 𑀧𑀼𑀩𑁆𑀩𑀲𑀭𑀮𑁄𑀧𑁄, 𑀧𑀸𑀢𑀺 𑀭𑀓𑁆𑀔𑀢𑀻𑀢𑀺 𑀧𑀢𑀺=𑀲𑀸𑀫𑀻, 𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀲𑀢𑀺=𑀕𑁂𑀳𑀁.
𑁭𑁦. 𑀥𑀸 𑀳𑀺 𑀲𑀺 𑀢𑀦 𑀚𑀦 𑀚𑀭 𑀕𑀫 𑀲𑀘𑀸 𑀢𑀼.
𑀥𑀸-𑀥𑀸𑀭𑀡𑁂 ¶ , 𑀳𑀺-𑀕𑀢𑀺𑀬𑀁, 𑀢𑀦-𑀯𑀺𑀢𑁆𑀣𑀸𑀭𑁂, 𑀚𑀦-𑀚𑀦𑀦𑁂, 𑀚𑀭-𑀯𑀬𑁄-𑀳𑀸𑀦𑀺𑀬𑀁, 𑀅𑀫 𑀕𑀫-𑀕𑀫𑀦𑁂, 𑀲𑀘-𑀲𑀫𑀯𑀸𑀬𑁂, 𑀏𑀢𑁂𑀳𑀺 𑀢𑀼 𑀳𑁄𑀢𑀺. 𑀥𑀸𑀭𑁂𑀢𑀻𑀢𑀺 𑀥𑀸𑀢𑀼=𑀕𑁂𑀭𑀼𑀓𑀸𑀤𑀺. 𑀳𑀺𑀦𑁄𑀢𑀺 𑀧𑀯𑀢𑁆𑀢𑀸𑀢𑀺 𑀨𑀮𑀁 𑀏𑀢𑁂𑀦𑀸𑀢𑀺 𑀳𑁂𑀢𑀼=𑀓𑀸𑀭𑀡𑀁, 𑀲𑁂𑀯𑀻𑀬𑀢𑀺 𑀚𑀦𑁂𑀳𑀻𑀢𑀺 𑀲𑁂𑀢𑀼=𑀩𑀦𑁆𑀥𑀢𑀺 (𑀧𑀤𑁆𑀥𑀢𑀺). 𑀢𑀜𑁆𑀜𑀢𑁂𑀢𑀺 𑀢𑀦𑁆𑀢𑀼=𑀲𑀼𑀢𑁆𑀢𑀁. 𑀚𑀦𑀻𑀬𑀢𑁂 𑀓𑀫𑁆𑀫𑀓𑀺𑀮𑁂𑀲𑁂𑀳𑀻𑀢𑀺 𑀚𑀦𑁆𑀢𑀼, 𑀚𑀸𑀬𑀢𑀺 𑀓𑀫𑁆𑀫𑀓𑀺𑀮𑁂𑀳𑀻𑀢𑀺 𑀯𑀸 𑀚𑀦𑁆𑀢𑀼=𑀲𑀢𑁆𑀢𑁄. 𑀚𑀻𑀭𑀢𑀻𑀢𑀺 𑀚𑀢𑁆𑀢𑀼=𑀅𑀁𑀲𑀲𑀦𑁆𑀥𑀺. 𑀕𑀘𑁆𑀙𑀢𑀻𑀢𑀺 𑀕𑀦𑁆𑀢𑀼=𑀕𑀫𑀺𑀓𑁄, 𑀲𑀘𑀢𑀺 𑀲𑀫𑁂𑀢𑀻𑀢𑀺 𑀲𑀢𑁆𑀢𑀼=𑀬𑀯𑀸𑀤𑀺𑀘𑀼𑀡𑁆𑀡𑀁.
𑀅𑀭-𑀕𑀫𑀦𑁂𑀢𑀻𑀫𑀲𑁆𑀫𑀸 𑀢𑀼 𑀳𑁄𑀢𑀺, 𑀅𑀭𑀺𑀲𑁆𑀲 𑀉𑀝 𑀆𑀤𑁂𑀲𑁄𑀘. 𑀅𑀭𑀢𑀺 𑀧𑀯𑀢𑁆𑀢𑀢𑀻𑀢𑀺 𑀉𑀢𑀼=𑀳𑁂𑀫𑀦𑁆𑀢𑀸𑀤𑀺,
𑀧𑀺𑀢𑀼𑀆𑀤𑀬𑁄 𑀲𑀤𑁆𑀤𑀸 𑀢𑀼𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀧𑀸-𑀭𑀓𑁆𑀔𑀡𑁂, 𑀆𑀲𑁆𑀲 𑀇𑀢𑁆𑀢𑀁, 𑀧𑀸𑀢𑀺 𑀭𑀓𑁆𑀔𑀢𑀻𑀢𑀺 𑀧𑀺𑀢𑀸=𑀚𑀦𑀓𑁄. 𑀧𑀸𑀢𑀺𑀲𑁆𑀲𑁂𑀯𑀸𑀤𑀺𑀲𑁆𑀲 𑀫𑁄, 𑀧𑀸𑀬𑁂𑀢𑀻𑀢𑀺 𑀫𑀸𑀢𑀸=𑀚𑀦𑀦𑀻. 𑀪𑀸-𑀤𑀺𑀢𑁆𑀢𑀺𑀬𑀁, 𑀪𑀸𑀢𑀻𑀢𑀺 𑀪𑀸𑀢𑀸=𑀲𑁄𑀤𑀭𑀺𑀬𑁄. 𑀥𑀸-𑀥𑀸𑀭𑀡𑁂, 𑀆𑀲𑁆𑀲 𑀈𑀢𑁆𑀢𑀁, 𑀥𑀸𑀭𑀻𑀬𑀢𑀻𑀢𑀺 𑀥𑀻𑀢𑀸=𑀧𑀼𑀢𑁆𑀢𑀻. 𑀤𑀼𑀳-𑀧𑀧𑀽𑀭𑀡𑁂, 𑀑𑀢𑁆𑀢𑀸𑀪𑀸𑀯𑁄, 𑀢𑀼𑀲𑁆𑀲 𑀜𑁆𑀙𑀺𑀘. 𑀤𑀼𑀳𑀢𑀺 𑀧𑀲𑀯𑁂 𑀧𑀧𑀽𑀭𑁂𑀢𑀻𑀢𑀺 𑀤𑀼𑀳𑀺𑀢𑀸=𑀧𑀼𑀢𑁆𑀢𑀻. 𑀚𑀦-𑀚𑀦𑀦𑁂, 𑀅𑀲𑁆𑀲 𑀆𑀢𑁆𑀢𑀁, 𑀫𑀸 𑀘𑀸𑀦𑁆𑀢𑀸𑀤𑁂𑀲𑁄. 𑀧𑀧𑀼𑀢𑁆𑀢𑁂 𑀚𑀦𑁂𑀢𑀻𑀢𑀺 𑀚𑀸𑀫𑀸𑀢𑀸=𑀤𑀼𑀳𑀺𑀢𑀼𑀧𑀢𑀺. 𑀦𑀳-𑀩𑀦𑁆𑀥𑀦𑁂, 𑀦𑀳𑀻𑀬𑀢𑀺 𑀩𑀦𑁆𑀥𑀻𑀬𑀢𑀺 𑀧𑁂𑀫𑁂𑀦𑀸𑀢𑀺 𑀦𑀢𑁆𑀢𑀸-𑀧𑀧𑀼𑀢𑁆𑀢𑁄. 𑀳𑀼-𑀳𑀯𑀦𑁂, 𑀳𑀯𑀢𑀺 𑀧𑀽𑀚𑁂𑀢𑀻𑀢𑀺 𑀳𑁄𑀢𑀸=𑀬𑀜𑁆𑀜𑀓𑁄. 𑀧𑀽-𑀧𑀯𑀦𑁂, 𑀧𑀼𑀦𑀸𑀢𑀺 ¶ 𑀆𑀬𑀢𑀺𑀁 𑀪𑀯𑀁 𑀧𑀯𑀺𑀢𑁆𑀢𑀁 𑀓𑀭𑁄𑀢𑀻𑀢𑀺 𑀧𑁄𑀢𑀸=𑀲𑁄𑀬𑁂𑀯.
𑀚𑀦-𑀚𑀦𑀦𑁂, 𑀓𑀭-𑀓𑀭𑀡𑁂, 𑀏𑀢𑁂𑀳𑀺 𑀭𑀢𑀼 𑀳𑁄𑀢𑀺, 𑀭𑀓𑀸𑀭𑁄 𑀅𑀦𑁆𑀢𑀲𑀭𑀸𑀤𑀺𑀮𑁄𑀧𑀢𑁆𑀣𑁄. 𑀚𑀸𑀬𑀢𑀻𑀢𑀺 𑀚𑀢𑀼=𑀮𑀸𑀔𑀸. 𑀓𑀭𑀻𑀬𑀢𑀻𑀢𑀺 𑀓𑀢𑀼=𑀲𑀬𑀽𑀧𑁄 𑀬𑀜𑁆𑀜𑁄.
𑀲𑀓-𑀲𑀢𑁆𑀢𑀺𑀬𑀫𑀺𑀘𑁆𑀘𑀲𑁆𑀫𑀸 𑀉𑀦𑁆𑀢𑁄 𑀳𑁄𑀢𑀺. 𑀲𑀓𑁆𑀓𑁄𑀢𑀻𑀢𑀺 𑀲𑀓𑀼𑀦𑁆𑀢𑁄=𑀧𑀓𑁆𑀔𑀻.
𑀓𑀧-𑀅𑀘𑁆𑀙𑀸𑀤𑀦𑁂 𑀇𑀘𑁆𑀘𑀲𑁆𑀫𑀸 𑀑𑀢𑁄 𑀳𑁄𑀢𑀺. 𑀓𑀧𑀢𑀻𑀢𑀺 𑀓𑀧𑁄𑀢𑁄=𑀧𑀸𑀭𑁂𑀯𑀢𑁄. 𑀝𑁄 𑀢𑀲𑁆𑀲 𑀯𑀸 𑀳𑁄𑀢𑀺 𑀓𑀧𑁄𑀝𑁄=𑀲𑁄𑀬𑁂𑀯.
𑀯𑀲-𑀦𑀺𑀯𑀸𑀲𑁂, 𑀭𑀼𑀳-𑀚𑀦𑀦𑁂, 𑀪𑀤𑁆𑀤-𑀓𑀮𑁆𑀬𑀸𑀡𑁂, 𑀦𑀦𑁆𑀤-𑀲𑀫𑀺𑀤𑁆𑀥𑀺𑀬𑀁, 𑀚𑀻𑀯-𑀧𑀸𑀡𑀥𑀸𑀭𑀡𑁂, 𑀏𑀯𑀫𑀸𑀤𑀻𑀢𑀺 𑀅𑀦𑁆𑀢𑁄 𑀳𑁄𑀳𑀺. 𑀯𑀲𑀦𑁆𑀢𑀺 𑀏𑀢𑀲𑁆𑀫𑀺𑀁 𑀓𑀸𑀮𑁂 𑀓𑀻𑀴𑀸𑀧𑀲𑀼𑀢𑀸𑀢𑀺 𑀯𑀲𑀦𑁆𑀢𑁄=𑀉𑀢𑀼. 𑀭𑀼𑀳𑀢𑀺 𑀚𑀸𑀬𑀢𑀻𑀢𑀺 𑀭𑀼𑀳𑀦𑁆𑀢𑁄=𑀭𑀼𑀓𑁆𑀔𑁄, 𑀏𑀯𑀁𑀦𑀸𑀫𑀓𑁄 𑀫𑀺𑀕𑀭𑀸𑀚𑀸 𑀘. 𑀪𑀤𑁆𑀤𑀺𑀲𑁆𑀲 𑀲𑀁𑀬𑁄𑀕𑀸𑀤𑀺𑀮𑁄𑀧𑁄, 𑀪𑀚𑀢𑀺 𑀓𑀮𑁆𑀬𑀸𑀡𑀥𑀫𑁆𑀫𑀦𑁆𑀢𑀺 𑀪𑀤𑀦𑁆𑀢𑁄=𑀧𑀩𑁆𑀩𑀚𑀺𑀢𑁄. 𑀦𑀦𑁆𑀤𑀢𑀺 𑀏𑀢𑀸𑀬𑀸𑀢𑀺 𑀦𑀦𑁆𑀤𑀦𑁆𑀢𑀻=𑀲𑀔𑀻, 𑀦𑀤𑀸𑀤𑀺𑀧𑀸𑀞𑀸 𑀯𑀻, 𑀏𑀯𑀫𑀼𑀧𑀭𑀺 𑀘. 𑀚𑀻𑀯𑀦𑁆𑀢𑀺 𑀏𑀢𑀸- 𑀬𑀸𑀢𑀺 ¶ 𑀚𑀻𑀯𑀦𑁆𑀢𑀻=𑀑𑀲𑀥𑀺. 𑀲𑀯𑀢𑀻𑀢𑀺 𑀲𑀯𑀦𑁆𑀢𑀻=𑀦𑀤𑀻. 𑀭𑁄𑀤𑀸𑀧𑁂𑀢𑀻𑀢𑀺 𑀭𑁄𑀤𑀦𑁆𑀢𑀻=𑀑𑀲𑀥𑀺. 𑀅𑀯𑀢𑀺 𑀭𑀓𑁆𑀔𑀢𑀻𑀢𑀺 𑀅𑀯𑀦𑁆𑀢𑀻=𑀚𑀦𑀧𑀤𑁄.
𑀳𑀺-𑀕𑀢𑀺𑀬, 𑀲𑀻-𑀲𑀬𑁂, 𑀏𑀢𑁂𑀳𑀺 𑀅𑀦𑁆𑀢𑁄 𑀳𑁄𑀢𑀺 𑀫𑀼𑀓 𑀘. 𑀓𑀓𑀸𑀭𑁄 𑀅𑀦𑁆𑀢𑀸𑀯𑀬𑀯𑀢𑁆𑀣𑁄, 𑀳𑀺𑀫𑀁 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀺 𑀏𑀢𑀲𑁆𑀫𑀺𑀦𑁆𑀢𑀺 𑀳𑁂𑀫𑀦𑁆𑀢𑁄=𑀉𑀢𑀼, 𑀲𑀬𑀦𑁆𑀢𑀺 𑀏𑀢𑁆𑀣 𑀊𑀓𑀸 𑀓𑀼𑀲𑀼𑀫𑀸𑀤𑀬𑁄 𑀘𑀸𑀢𑀺 𑀲𑀻𑀫𑀦𑁆𑀢𑁄=𑀓𑁂𑀲𑀫𑀕𑁆𑀕𑁄.
𑀳𑀭-𑀳𑀭𑀡𑁂, 𑀭𑀼𑀳-𑀚𑀦𑀦𑁂, 𑀓𑀼𑀮-𑀧𑀢𑁆𑀣𑀸𑀭𑁂, 𑀏𑀢𑁂𑀢𑀺 𑀇𑀢𑁄 𑀳𑁄𑀢𑀺. 𑀅𑀢𑁆𑀢𑀦𑁄 𑀲𑀺𑀦𑁂𑀳𑀁 𑀳𑀭𑀢𑀻𑀢𑀺 𑀳𑀭𑀺𑀢𑁄=𑀯𑀡𑁆𑀡𑀯𑀺𑀲𑁂𑀲𑁄. 𑀭𑀼𑀳𑀢𑀻𑀢𑀺 𑀭𑁄𑀳𑀺𑀢𑁄=𑀫𑀘𑁆𑀙𑀯𑀺𑀲𑁂𑀲𑁄. 𑀭𑀼𑀳𑀢𑀺 𑀲𑀭𑀻𑀭𑁂 𑀩𑁆𑀬𑀸𑀧𑀦𑀯𑀲𑁂𑀦𑀸𑀢𑀺 𑀭𑁄𑀳𑀺𑀢𑀁, 𑀭𑀲𑁆𑀲 𑀮𑀢𑁆𑀢𑁂 𑀮𑁄𑀳𑀺𑀢𑀁=𑀭𑀼𑀥𑀺𑀭𑀁. 𑀅𑀢𑁆𑀢𑀦𑁄 𑀕𑀼𑀡𑀁 𑀓𑀼𑀮𑀢𑀺 𑀧𑀢𑁆𑀣𑀭𑀢𑀻𑀢𑀺 𑀓𑁄𑀮𑀺𑀢𑁄=𑀤𑀼𑀢𑀺𑀬𑀕𑁆𑀕𑀲𑀸𑀯𑀓𑁄, 𑀏𑀯𑀁 𑀦𑀸𑀫𑀓𑁄 𑀫𑀭𑀼 𑀘.
𑀪𑀭 𑀭𑀁𑀚 𑀬𑀚 𑀧𑀘 𑀏𑀯𑀫𑀸𑀤𑀻𑀳𑀺 𑀅𑀢𑁄 𑀳𑁄𑀢𑀺. 𑀪𑀭𑀢𑀻𑀢𑀺 𑀪𑀭𑀢𑁄=𑀦𑀝𑁄. 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀭𑀜𑁆𑀚𑀦𑁆𑀢𑀺 𑀏𑀢𑁆𑀣𑀸𑀳𑀺 𑀭𑀚𑀢𑀁=𑀲𑀚𑁆𑀛𑀁. 𑀬𑀚𑀺𑀢𑀩𑁆𑀩𑁄𑀢𑀺 𑀬𑀚𑀢𑁄=𑀅𑀕𑁆𑀕𑀺. 𑀧𑀘𑀢𑀻𑀢𑀺 𑀧𑀘𑀢𑁄=𑀲𑀽𑀧𑀓𑀸𑀭𑁄.
𑀓𑀺𑀭-𑀯𑀺𑀓𑀺𑀭𑀡𑁂, 𑀅𑀮-𑀩𑀦𑁆𑀥𑀦𑁂, 𑀘𑀺𑀮-𑀯𑀲𑀦𑁂, 𑀏𑀯𑀫𑀸𑀤𑀻𑀳𑀺 𑀆𑀢𑀓 𑀳𑁄𑀢𑀺, 𑀓𑀺𑀭𑀢𑀻𑀢𑀺 𑀓𑀺𑀭𑀸𑀢𑁄=𑀲𑀯𑀭𑁄, 𑀭𑀲𑁆𑀲 𑀮𑀓𑁆𑀓𑁂 𑀓𑀺- 𑀮𑀸𑀢𑁄=𑀲𑁄𑀯 ¶ . 𑀅𑀮𑀢𑀻𑀢𑀺 𑀅𑀮𑀸𑀢𑀁=𑀉𑀫𑁆𑀫𑀼𑀓𑀁. 𑀘𑀺𑀮𑀢𑀻𑀢𑀺 𑀘𑀺𑀮𑀸𑀢𑁄=𑀫𑀮𑀘𑁆𑀙𑀚𑀸𑀢𑀺.
𑀅𑀫 𑀫𑀸 𑀯𑀭 𑀓𑀮𑀸𑀤𑀻𑀳𑀺 𑀅𑀢𑁆𑀢𑁄 𑀳𑁄𑀢𑀺. 𑀅𑀫𑀢𑀺 𑀓𑀸𑀮𑀦𑁆𑀢𑀭𑀁 𑀧𑀯𑀢𑁆𑀢𑀢𑀻𑀢𑀺 𑀅𑀫𑀢𑁆𑀢𑀁=𑀪𑀸𑀚𑀦𑀁. 𑀧𑀼𑀩𑁆𑀩𑀲𑀭𑀮𑁄𑀧𑁄, 𑀫𑀸𑀦𑀁 𑀫𑀢𑁆𑀢𑀁=𑀧𑀫𑀸𑀡𑀁 𑀧𑀭𑀺𑀘𑁆𑀙𑁂𑀤𑁄 𑀘. 𑀯𑀭𑀦𑁆𑀢𑀼𑀦𑁂𑀦𑀸𑀢𑀺 𑀯𑀭𑀢𑁆𑀢𑀸=𑀬𑁄𑀢𑁆𑀢𑀁. 𑀓𑀮𑀢𑀺 𑀧𑀭𑀺𑀘𑁆𑀙𑀺𑀦𑁆𑀤𑀢𑀻𑀢𑀺 𑀓𑀮𑀢𑁆𑀢𑀁=𑀪𑀭𑀺𑀬𑀸.
𑀯𑀸-𑀕𑀫𑀦𑁂, 𑀢𑀸-𑀧𑀸𑀮𑀦𑁂, 𑀢𑀦-𑀯𑀺𑀢𑁆𑀣𑀸𑀭𑁂, 𑀤𑀫-𑀉𑀧𑀲𑀫𑁂, 𑀅-𑀫𑀕𑀫𑀦𑁂, 𑀲𑀺-𑀲𑁂𑀯𑀸𑀬𑀁, 𑀲𑀼-𑀲𑀯𑀦𑁂, 𑀧𑀽 𑀧𑀯𑀦𑁂, 𑀕𑀼𑀧-𑀕𑁄𑀯𑀦𑁂, 𑀬𑀼𑀚-𑀲𑀁𑀬𑀫𑁂, 𑀕𑀳-𑀉𑀧𑀸𑀤𑀸𑀦𑁂, 𑀅𑀢-𑀲𑀸𑀢𑀘𑁆𑀘𑀕𑀫𑀸𑀦, 𑀔𑀺𑀧-𑀧𑁂𑀭𑀡𑁂, 𑀏𑀯𑀫𑀸𑀤𑀻𑀳𑀺 𑀢𑁄 𑀳𑁄𑀢𑀺. 𑀯𑀸𑀬𑀢𑀻𑀢𑀺 𑀯𑀸𑀢𑁄=𑀯𑀸𑀬𑀼. 𑀢𑀸𑀬𑀢𑀻𑀢𑀺 𑀢𑀸𑀢𑁄=𑀧𑀺𑀢𑀸. 𑀢𑀦𑀼𑀢𑁂𑀢𑀺 𑀢𑀦𑁆𑀢𑀁=𑀢𑀦𑁆𑀢𑀯𑁄. 𑀤𑀫𑀢𑀻𑀢𑀺 𑀅𑀦𑁆𑀢𑁄=𑀤𑀲𑀦𑁄. 𑀅𑀫𑀢𑀺 𑀬𑀸𑀢𑀻𑀢𑀺 𑀅𑀦𑁆𑀢𑁄=𑀑𑀲𑀸𑀦𑀁, 𑀓𑁄𑀝𑁆𑀞𑀸𑀲𑀲𑀫𑀻𑀧𑀸𑀯𑀬𑀯𑀸 𑀘. 𑀲𑁂𑀯𑀻𑀬𑀢𑀻𑀢𑀺 𑀲𑁂𑀢𑁄=𑀥𑀯𑀮𑁄. 𑀲𑀼𑀡𑀦𑁆𑀢𑀼𑀦𑁂𑀦𑀸𑀢𑀺 𑀲𑁄𑀢𑀁=𑀲𑀯𑀦𑀁. 𑀲𑀯𑀢𑀻𑀢𑀺 𑀲𑁄𑀢𑁄=𑀚𑀮𑀧𑁆𑀧𑀯𑀸𑀳𑁄. 𑀧𑀼𑀦𑀻𑀬𑀢𑀻𑀢𑀺 𑀧𑁄𑀢𑁄=𑀩𑀸𑀮𑁄. 𑀕𑁄𑀧𑀻𑀬𑀢𑀻𑀢𑀺 𑀕𑁄𑀢𑁆𑀣𑀁=𑀓𑀮𑀸𑀤𑀺. 𑀬𑁄𑀚𑀦𑁆𑀢𑁆𑀬𑀦𑁂𑀦𑀸𑀢𑀺 𑀬𑁄𑀢𑁆𑀢𑀁=𑀭𑀚𑁆𑀚𑀼. 𑀫𑀫𑀸𑀬𑀦𑁆𑀢𑁂𑀳𑀺 𑀕𑀬𑁆𑀳𑀢𑀻𑀢𑀺 𑀕𑀢𑁆𑀢𑀁=𑀲𑀭𑀻𑀭𑀁. 𑀅𑀩𑀸𑀥𑀁 𑀦𑀺𑀭𑀦𑁆𑀢𑀭𑀁 𑀅𑀢𑀢𑀺 𑀧𑀯𑀢𑁆𑀢𑀢𑀻𑀢𑀺 𑀅𑀢𑁆𑀢𑀸=𑀫𑀦𑀸𑀤𑀺. 𑀔𑀺𑀧𑀻𑀬𑀢𑀺 𑀏𑀢𑁆𑀣𑀸𑀢𑀺 𑀔𑁂𑀢𑁆𑀢𑀁=𑀓𑁂𑀤𑀸𑀭𑀁.
𑀕𑀭 𑀖𑀭-𑀲𑁂𑀘𑀦𑁂, 𑀲𑀺-𑀲𑁂𑀯𑀸𑀬𑀁, 𑀤𑀽-𑀧𑀭𑀺𑀢𑀸𑀧𑀦𑁂, 𑀫𑀺𑀤-𑀲𑀺𑀦𑁂𑀳𑁂, 𑀘𑀺𑀢-𑀲𑀜𑁆𑀘𑁂𑀢𑀦𑁂, 𑀧𑀼𑀲-𑀧𑁄𑀲𑀦𑁂, 𑀯𑀺𑀤-𑀮𑀸𑀪𑁂, 𑀏𑀯𑀫𑀸𑀤𑀻𑀳𑀺 𑀢𑀓 ¶ 𑁪 𑀳𑁄𑀢𑀺, 𑀖𑀭𑀢𑀺 𑀲𑀺𑀜𑁆𑀘𑀢𑀻𑀢𑀺 𑀖𑀢𑀁=𑀲𑀧𑁆𑀧𑀺. 𑀲𑁂𑀯𑀻𑀬𑀢𑀻𑀢𑀺 𑀲𑀺𑀢𑁄=𑀲𑁂𑀢𑁄. 𑀤𑀼𑀩𑁆𑀩𑀘𑀢𑁆𑀢𑀸 𑀤𑀽𑀬𑀢𑀺 𑀧𑀭𑀺𑀢𑀸𑀧𑁂𑀢𑀻𑀢𑀺 𑀤𑀽𑀢𑁄=𑀧𑁂𑀲𑀭𑀓𑀸𑀭𑁄. 𑀫𑀺𑀚𑁆𑀚𑀢𑀺 𑀲𑀺𑀦𑁂𑀳𑀢𑀻𑀢𑀺 𑀫𑀺𑀢𑁆𑀢𑁄=𑀲𑀼𑀳𑀤𑀬𑁄. 𑀘𑀺𑀦𑁆𑀢𑁂𑀢𑀻𑀢𑀺 𑀘𑀺𑀢𑁆𑀢𑀁=𑀯𑀺𑀜𑁆𑀜𑀸𑀡𑀁 𑀘𑀺𑀢𑁆𑀢𑀓𑀫𑁆𑀫𑀸𑀤𑀺 𑀘. 𑀧𑁄𑀲𑀻𑀬𑀢𑀻𑀢𑀺 𑀧𑀼𑀢𑁆𑀢𑁄=𑀅𑀢𑁆𑀢𑀚𑁄. 𑀯𑀺𑀦𑁆𑀤𑀦𑁆𑀢𑀺 𑀧𑀻𑀢𑀺 𑀫𑀦𑁂𑀦𑀸𑀢𑀺 𑀯𑀺𑀢𑁆𑀢𑀁=𑀥𑀦𑀁. 𑀯𑀭-𑀯𑀭𑀡𑀲𑀫𑁆𑀪𑀢𑁆𑀢𑀻𑀲𑀼, 𑀯𑀭𑀡𑀁 𑀯𑀢𑁆𑀢𑀁=𑀩𑁆𑀭𑀳𑁆𑀫𑀘𑀭𑀺𑀬𑀸𑀤𑀺.
𑀦𑁂𑀢𑁆𑀢𑀆𑀤𑀬𑁄 𑀢𑀓 𑀧𑀭𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀦𑀻-𑀧𑀸𑀧𑀦𑁂, 𑀏𑀢𑁆𑀢𑀁, 𑀢𑀼𑀓 𑀘 𑀦𑀺𑀧𑀸𑀢𑀦𑀸. 𑀦𑀬𑀢𑀺 𑀧𑀸𑀧𑁂𑀢𑀻𑀢𑀺 𑀦𑁂𑀢𑁆𑀢𑀁=𑀦𑀬𑀦𑀁, 𑀦𑁂𑀢𑀸 𑀘. 𑀓𑀭-𑀓𑀭-𑀡𑁂, 𑀅𑀲𑁆𑀲𑀼, 𑀓𑀭𑀡𑀁 𑀓𑀼𑀢𑁆𑀢𑀁=𑀓𑀺𑀭𑀺𑀬𑀸. 𑀓𑀫𑀺𑀲𑁆𑀲 𑀅𑀲𑁆𑀲𑀼, 𑀓𑀫𑀢𑀺 𑀬𑀸𑀢𑀻𑀢𑀺 𑀓𑀼𑀦𑁆𑀢𑁄=𑀆𑀯𑀼𑀥𑀯𑀺𑀲𑁂𑀲𑁄. 𑀭𑀫-𑀓𑀻𑀴𑀸𑀬𑀁, 𑀲𑀼𑀧𑀼𑀩𑁆𑀩𑁄, 𑀲𑀼𑀲𑁆𑀲𑀦𑀺𑀘𑁆𑀘𑀁 𑀤𑀻𑀖𑁄. 𑀲𑀼𑀝𑁆𑀞𑀼 𑀭𑀫𑀡𑀁, 𑀲𑀼𑀝𑁆𑀞𑀼 𑀭𑀫𑀢𑀻𑀢𑀺 𑀯𑀸 𑀲𑀽𑀭𑀢𑁄=𑀲𑀼𑀔𑀲𑀁𑀯𑀸𑀲𑁄. 𑀫𑀺𑀳𑀺𑀲𑁆𑀲𑀇𑀲𑁆𑀲𑀼, 𑀫𑀺𑀳𑀢𑀺 𑀲𑀺𑀜𑁆𑀘𑀢𑀻𑀢𑀺 𑀫𑀼𑀢𑁆𑀢𑀁=𑀧𑀲𑁆𑀲𑀸𑀯𑁄. 𑀧𑀸𑀮=𑀭𑀓𑁆𑀔𑀡𑁂 𑀆𑀲𑁆𑀲 𑀭𑀲𑁆𑀲𑀢𑁆𑀢𑀁, 𑀜𑀺𑀘. 𑀧𑀸𑀮𑀻𑀬𑀢𑀻𑀢𑀺 𑀧𑀮𑀺𑀢𑀁=𑀓𑁂𑀲𑀮𑁄𑀫𑀸𑀦𑀁 𑀚𑀭𑀸𑀬 𑀓𑀢𑀁 𑀲𑁂𑀢𑀢𑁆𑀢𑀁, 𑀲𑀤𑁆𑀥𑀸𑀤𑀺𑀢𑁆𑀢𑀸 𑀅𑀓𑀸𑀭𑁂 𑀢𑀁 𑀬𑀲𑁆𑀲 𑀅𑀢𑁆𑀣𑀺 𑀲𑁄 𑀧𑀮𑀺𑀢𑁄=𑀧𑀼𑀫𑀸, 𑀧𑀮𑀺𑀢𑀸=𑀇𑀢𑁆𑀣𑀻. 𑀫𑁆𑀳𑀺𑀲𑁆𑀲 𑀲𑀺, 𑀫𑀺𑀳𑀺 𑀘, 𑀫𑁆𑀳𑀬𑀦𑀁 𑀲𑀺𑀢𑀁=𑀫𑀦𑁆𑀤𑀳𑀲𑀺𑀢𑀁, 𑀫𑁆𑀳𑀬𑀦𑀁 𑀫𑀺𑀳𑀺𑀢𑀁=𑀢𑀤𑁂𑀯, 𑀓𑀼𑀲-𑀅𑀓𑁆𑀓𑁄𑀲𑁂 𑀢𑀲𑁆𑀲 𑀈𑀜, 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑀼𑀲𑀻𑀢𑁄=𑀅𑀮𑀲𑁄, 𑀲𑀺=𑀩𑀦𑁆𑀥𑀦𑁂, 𑀤𑀻𑀖𑁄, 𑀲𑁂𑀦𑁆𑀢𑀺 𑀩𑀦𑁆𑀥𑀦𑁆𑀢𑀺 𑀖𑀭𑀸𑀯𑀸𑀲𑀁 𑀏𑀢𑀸𑀬𑀸𑀢𑀺 𑀲𑀻𑀢𑀸=𑀦𑀗𑁆𑀕𑀮𑀮𑁂𑀔𑀸, 𑀏𑀯𑀫𑀜𑁆𑀜𑁂𑀧𑀺.
𑀲𑀫-𑀉𑀧𑀲𑀫𑁂 ¶ , 𑀤𑀭-𑀤𑀭𑀡𑁂, 𑀤𑀫-𑀉𑀧𑀲𑀫𑁂, 𑀓𑀺𑀮𑀫 𑀓𑁆𑀮𑀫-𑀕𑁂𑀮𑀜𑁆𑀜𑁂, 𑀲𑀧-𑀅𑀓𑁆𑀓𑁄𑀲𑁂, 𑀯𑀲-𑀦𑀺𑀯𑀸𑀲𑁂, 𑀆𑀧𑀼𑀩𑁆𑀩𑁄, 𑀏𑀯𑀫𑀸𑀤𑀻𑀳𑀺 𑀅𑀣𑁄 𑀳𑁄𑀢𑀺. 𑀲𑀫𑁂𑀢𑀻𑀢𑀺 𑀲𑀫𑀣𑁄=𑀲𑀫𑀸𑀥𑀺. 𑀤𑀭𑀡𑀁 𑀤𑀭𑀣𑁄=𑀧𑀻𑀴𑀸. 𑀤𑀫𑀦𑀁 𑀤𑀫𑀣𑁄=𑀤𑀫𑁄. 𑀓𑀺𑀮𑀫𑀦𑀁 𑀓𑀺𑀮𑀫𑀣𑁄=𑀧𑀭𑀺𑀲𑁆𑀲𑀫𑁄. 𑀲𑀧𑀦𑀁 𑀲𑀧𑀣𑁄=𑀲𑀘𑁆𑀘𑀓𑀭𑀡𑀁. 𑀆𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀆𑀯𑀲𑀣𑁄=𑀖𑀭𑀁.
𑀉𑀧𑀧𑀼𑀩𑁆𑀩𑀸 𑀯𑀲𑀢𑀺𑀲𑁆𑀫𑀸 𑀅𑀣𑁄 𑀳𑁄𑀢𑀺, 𑀯𑀲𑁆𑀲 𑀑𑀝 𑀘𑀸𑀤𑁂𑀲𑁄. 𑀉𑀧𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀉𑀧𑁄𑀲𑀣𑁄=𑀢𑀺𑀣𑀺𑀯𑀺𑀲𑁂𑀲𑁄, 𑀦𑀯𑀫𑀳𑀢𑁆𑀣𑀺 𑀓𑀼𑀮𑀜𑁆𑀘.
𑀭𑀫𑀢𑀺𑀲𑁆𑀫𑀸 𑀣𑀓 𑀳𑁄𑀢𑀺, 𑀓𑀸𑀦𑀼𑀩𑀦𑁆𑀥𑀓𑀭𑀡𑀲𑀸𑀫𑀢𑁆𑀣𑀺𑀬𑀸 𑀅𑀢 𑀓𑀸𑀭𑀸𑀤𑁄𑀧𑀺 𑀫𑀮𑁄𑀧𑁄. 𑀭𑀫𑀦𑁆𑀢𑀺 𑀓𑀻𑀴𑀦𑁆𑀢𑀺 𑀏𑀢𑁂𑀦𑀸𑀢𑀺 𑀭𑀣𑁄=𑀲𑀦𑁆𑀤𑀦𑁄.
𑀢𑀺𑀢𑁆𑀣𑀆𑀤𑀬𑁄 𑀣𑀓𑀧𑀭𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀢𑀭-𑀢𑀭𑀡𑁂, 𑀅𑀲𑁆𑀲 𑀇𑀢𑁆𑀢𑀁, 𑀧𑀭𑀭𑀽𑀧𑀸𑀤𑀺, 𑀢𑀭𑀦𑁆𑀢𑁆𑀬𑀦𑁂𑀦𑀸𑀢𑀺 𑀢𑀺𑀢𑁆𑀣𑀁=𑀦𑀚𑁆𑀚𑀸𑀤𑀺𑀁 𑀬𑁂𑀦𑀸𑀯𑀢𑀭𑀦𑁆𑀢𑀺 𑀢𑀁. 𑀲𑀺𑀘-𑀭𑀓𑁆𑀔𑀡𑁂, 𑀲𑁂𑀘𑀢𑀻𑀢𑀺 𑀲𑀺𑀢𑁆𑀢𑀁=𑀫𑀥𑀼𑀘𑁆𑀙𑀺𑀝𑁆𑀞𑀁. 𑀳𑀲-𑀳𑀲𑀦𑁂, 𑀳𑀲𑀦𑁆𑀢𑁆𑀬𑀦𑁂𑀦𑀸𑀢𑀺 𑀳𑀢𑁆𑀣𑁄=𑀓𑀭𑁄, 𑀦𑀓𑁆𑀔𑀢𑁆𑀢𑀸𑀜𑁆𑀘. 𑀕𑀸𑀬𑀢𑀻𑀢𑀺 𑀕𑀸𑀣𑀸=𑀧𑀚𑁆𑀚𑀯𑀺𑀲𑁂𑀲𑁄. 𑀅𑀭𑀦𑁆𑀢𑀺 𑀧𑀯𑀢𑁆𑀢𑀦𑁆𑀢𑁆𑀬𑀦𑁂𑀦𑀸𑀢𑀺 𑀅𑀢𑁆𑀣𑁄=𑀥𑀦𑀁. 𑀭𑁄𑀕𑀁 𑀢𑀼𑀤𑀢𑀺 𑀧𑀻𑀴𑁂𑀢𑀻𑀢𑀺 𑀢𑀼𑀢𑁆𑀣𑀁=𑀑𑀲𑀥𑀁. 𑀬𑀼-𑀫𑀺𑀲𑁆𑀲𑀦𑁂, 𑀤𑀻𑀖𑁄, 𑀬𑀯𑀢𑀻𑀢𑀺 𑀬𑀽- 𑀣𑁄=𑀲𑀚𑀸𑀢𑀺𑀓𑀸𑀦𑀁 ¶ 𑀢𑀺𑀭𑀘𑁆𑀙𑀸𑀦𑀸𑀦𑀁𑀲𑀫𑀽𑀳𑁄. 𑀕𑀼𑀧-𑀕𑁄𑀧𑀦𑁂, 𑀤𑀻𑀖𑁄, 𑀧𑀮𑁄𑀧𑁄, 𑀧𑀝𑀺𑀓𑀽𑀮𑀢𑁆𑀢𑀸 𑀕𑁄𑀧𑀻𑀬𑀢𑀻𑀢𑀺 𑀕𑀽𑀣𑁄=𑀯𑀘𑁆𑀘𑀁, 𑀏𑀯𑀫𑀜𑁆𑀜𑁂𑀧𑀺.
𑀯𑀲-𑀦𑀺𑀯𑀸𑀲𑁂, 𑀫𑀲-𑀆𑀫𑀲𑀦𑁂, 𑀓𑀼𑀲-𑀅𑀓𑁆𑀓𑁄𑀲𑁂, 𑀏𑀢𑁂𑀳𑀺 𑀣𑀼 𑀳𑁄𑀢𑀺. 𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀢𑁆𑀣𑀼=𑀧𑀤𑀢𑁆𑀣𑁄. 𑀤𑀥𑀺𑀁 𑀆𑀫𑀲𑀢𑀻𑀢𑀺 𑀫𑀢𑁆𑀣𑀼=𑀤𑀥𑀺𑀫𑀡𑁆𑀟𑁄. 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀺 𑀪𑁂𑀭 𑀯𑀦𑀸𑀤𑀢𑁆𑀢𑀸𑀢𑀺 𑀓𑁄𑀢𑁆𑀣𑀼=𑀲𑀺𑀕𑀸𑀮𑁄.
𑀲𑀓-𑀲𑀢𑁆𑀢𑀺𑀬𑀁, 𑀯𑀲-𑀦𑀺𑀯𑀸𑀲𑁂, 𑀏𑀢𑁂𑀳𑀺 𑀣𑀺 𑀳𑁄𑀢𑀺. 𑀲𑀓𑁆𑀓𑁄𑀢𑀺 𑀕𑀦𑁆𑀢𑀼𑀫𑀦𑁂𑀦𑀸𑀢𑀺 𑀲𑀢𑁆𑀣𑀺=𑀊𑀭𑀼. 𑀯𑀲𑀻𑀬𑀢𑀺 𑀅𑀘𑁆𑀙𑀸𑀤𑀻𑀬𑀢𑀻𑀢𑀺 𑀯𑀢𑁆𑀣𑀺=𑀦𑀸𑀪𑀺𑀬𑀸 𑀅𑀥𑁄.
𑀯𑀻 𑀯𑀸-𑀕𑀫𑀦𑁂𑀢𑀻𑀫𑀲𑁆𑀫𑀸 𑀣𑀺𑀓 𑀳𑁄𑀢𑀺. 𑀯𑀻𑀬𑀦𑁆𑀢𑀺 𑀕𑀘𑁆𑀙𑀦𑁆𑀢𑀺 𑀏𑀢𑀸𑀬𑀸𑀢𑀺 𑀯𑀻𑀣𑀺=𑀆𑀯𑀮𑀺.
𑀲𑀸𑀭𑀺𑀲𑁆𑀫𑀸 𑀡𑁆𑀬𑀦𑁆𑀢𑀸 𑀭𑀣𑀺 𑀳𑁄𑀢𑀺. 𑀲𑀸𑀭𑁂𑀢𑀻𑀢𑀺 𑀲𑀸𑀭𑀣𑀺=𑀭𑀣-𑀯𑀸𑀳𑁄.
𑀢𑀸-𑀧𑀸𑀮𑀦𑁂, 𑀅𑀢-𑀲𑀸𑀢𑀘𑁆𑀘𑀕𑀫𑀦𑁂, 𑀏𑀢𑁂𑀳𑀺 𑀇𑀣𑀺 𑀳𑁄𑀢𑀺. 𑀢𑀸𑀬𑀢𑀺 𑀧𑀸𑀮𑁂𑀢𑀻𑀢𑀺 𑀢𑀺𑀣𑀺=𑀧𑀝𑀺𑀧𑀤𑀸𑀤𑀺, 𑀅𑀢𑀢𑀺 𑀕𑀘𑁆𑀙𑀢𑀻𑀢𑀺 𑀅𑀢𑀺𑀣𑀺=𑀅𑀩𑁆𑀪𑀸𑀕𑀢𑁄.
𑀇𑀲𑀢𑀺𑀲𑁆𑀫𑀸 ¶ 𑀣𑀻 𑀳𑁄𑀢𑀺. 𑀇𑀘𑁆𑀙𑀢𑀺 𑀇𑀘𑁆𑀙𑀻𑀬𑀢𑀻𑀢𑀺 𑀯𑀸 𑀇𑀢𑁆𑀣𑀻=𑀦𑀸𑀭𑀻.
𑁯𑁫. 𑀭𑀼𑀤 𑀔𑀼𑀤 𑀫𑀼𑀤 𑀫𑀤 𑀙𑀺𑀤 𑀲𑀽𑀤 𑀲𑀧 𑀓𑀫𑀸 𑀤𑀓.
𑀏𑀢𑁂𑀳𑀺 𑀤𑀓 𑀳𑁄𑀢𑀺. 𑀭𑀼𑀤𑀢𑀻𑀢𑀺 𑀭𑀼𑀤𑁆𑀤𑁄=𑀉𑀫𑀸𑀧𑀢𑀺. 𑀭𑀲𑁆𑀲 𑀮𑀢𑁆𑀢𑁂 𑀮𑀼𑀤𑁆𑀤𑁄=𑀦𑁂𑀲𑀸𑀤𑁄. 𑀔𑀼𑀤𑀢𑀺 𑀅𑀲𑀳𑀢𑀻𑀢𑀺 𑀔𑀼𑀤𑁆𑀤𑁄=𑀦𑀻𑀘𑁄. 𑀫𑁄𑀤𑀦𑁆𑀢𑀺 𑀏𑀢𑀸𑀬𑀸𑀢𑀺 𑀫𑀼𑀤𑁆𑀤𑀸=𑀲𑀓𑁆𑀔𑀭𑀫𑀗𑁆𑀕𑀼𑀮𑀺𑀬𑀁. 𑀫𑀚𑁆𑀚𑀦𑁆𑀢𑀺 𑀅𑀲𑁆𑀫𑀺𑀦𑁆𑀢𑀺 𑀫𑀤𑁆𑀤𑁄=𑀚𑀦𑀧𑀤𑁄. 𑀙𑀺𑀚𑁆𑀚𑀢𑀻𑀢𑀺 𑀙𑀺𑀤𑁆𑀤𑀁=𑀭𑀦𑁆𑀥𑀁. 𑀊𑀲𑁆𑀲 𑀭𑀲𑁆𑀲𑀢𑁆𑀢𑀁, 𑀲𑀽𑀤𑀢𑀺 𑀲𑀸𑀫𑀺𑀓𑁂𑀳𑀺 𑀪𑀢𑀺𑀁 𑀧𑀓𑁆𑀔𑀭𑀢𑀻𑀢𑀺 𑀲𑀼𑀤𑁆𑀤𑁄=𑀯𑀲𑀮𑁄. 𑀲𑀧𑀦𑁆𑀢𑀼𑀦𑁂𑀦𑀸𑀢𑀺 𑀲𑀤𑁆𑀤𑁄=𑀲𑁄𑀢𑀯𑀺𑀲𑀬𑁄. 𑀓𑀸𑀫𑀻𑀬𑀢𑀻𑀢𑀺 𑀓𑀦𑁆𑀤𑁄=𑀫𑀽𑀮𑀯𑀺𑀲𑁂𑀲𑁄.
𑀓𑀼𑀦𑁆𑀤𑀆𑀤𑀬𑁄 𑀤𑀓𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀫𑀺𑀲𑁆𑀲 𑀅𑀲𑁆𑀲𑀼, 𑀓𑀸𑀫𑀻𑀬𑀢𑀻𑀢𑀺 𑀓𑀼𑀦𑁆𑀤𑁄=𑀧𑀼𑀧𑁆𑀨𑀯𑀺𑀥𑀲𑀲𑁄, 𑀫𑀡𑀺𑀲𑁆𑀲 𑀫𑀦, 𑀫𑀜𑁆𑀜𑀢𑁂𑀢𑀺 𑀫𑀦𑁆𑀤𑁄=𑀚𑀴𑁄. 𑀯𑀼𑀡𑀸𑀢𑀺𑀲𑁆𑀲 𑀩𑀼𑀦, 𑀯𑀼𑀡𑀻𑀬𑀢𑀺 𑀲𑀁𑀯𑀭𑀻𑀬𑀢𑀻𑀢𑀺 𑀩𑀼𑀦𑁆𑀤𑁄=𑀫𑀽𑀮𑀧𑁆𑀧𑀤𑁂𑀲𑁄. 𑀦𑀺𑀦𑁆𑀤-𑀕𑀭𑀳𑀸𑀬𑀁, 𑀦𑀮𑁄𑀧𑁄, 𑀦𑀺𑀦𑁆𑀤𑀻𑀬𑀢𑀻𑀢𑀺 𑀦𑀺𑀤𑁆𑀤𑀸=𑀲𑁄𑀧𑁆𑀧𑀁. 𑀉𑀦𑁆𑀤-𑀓𑀺𑀮𑁂𑀤𑀦𑁂, 𑀦𑀮𑁄𑀧𑁄, 𑀉𑀦𑁆𑀤𑀢𑀺 𑀓𑀺𑀮𑁂𑀤𑀢𑀻𑀢𑀺 𑀉𑀤𑁆𑀤𑁄=𑀚𑀮𑀩𑀺𑀴𑀸𑀮𑁄. 𑀲𑀁𑀧𑀼𑀩𑁆𑀩𑀲𑁆𑀲 𑀉𑀦𑁆𑀤𑀺𑀲𑁆𑀲 𑀘, 𑀲𑀫𑁆𑀫𑀸 𑀉𑀦𑁆𑀤𑀢𑀺 𑀓𑀺𑀮𑁂𑀤𑀢𑀻𑀢𑀺 𑀲𑀫𑀼𑀤𑁆𑀤𑁄=𑀲𑀸𑀕𑀭𑁄. 𑀧𑀼𑀮-𑀫𑀳𑀢𑁆𑀢𑀳𑀺𑀁 𑀲𑀸𑀜𑀸𑀡𑁂𑀲𑀼, 𑀇𑀫𑀼𑀜, 𑀧𑀼𑀮𑀢𑀺 𑀳𑀺𑀁𑀲𑀢𑀻𑀢𑀺 𑀧𑀼𑀮𑀺𑀦𑁆𑀤𑁄=𑀲𑀯𑀭𑁄. 𑀏𑀯𑀁-𑀫𑀜𑁆𑀜𑁂𑀧𑀺.
𑀤𑀤-𑀤𑀸𑀦𑁂𑀢𑀻𑀫𑀲𑁆𑀫𑀸 𑀤𑀼 𑀳𑁄𑀢𑀺. 𑀤𑀼𑀓𑁆𑀔𑀁 𑀤𑀤𑀸𑀢𑀻𑀳𑀺 𑀤𑀤𑁆𑀤𑀼=𑀓𑀼𑀝𑁆𑀞𑀯𑀺𑀲𑁂𑀲𑁄.
𑀔𑀦 ¶ 𑀔𑀡-𑀅𑀯𑀤𑀸𑀭𑀡𑁂, 𑀅𑀦-𑀧𑀸𑀡𑀦𑁂, 𑀤𑀫-𑀉𑀧𑀲𑀫𑁂, 𑀭𑀫-𑀓𑀻𑀴𑀸𑀬𑀁, 𑀏𑀢𑁂𑀳𑀺 𑀥𑁄 𑀳𑁄𑀢𑀺. 𑀜𑀸𑀡𑁂𑀦 𑀥𑀜𑁆𑀜𑀢𑁂𑀢𑀺 𑀔𑀦𑁆𑀥𑁄=𑀭𑀸𑀲𑀺. 𑀅𑀦𑀢𑀺 𑀚𑀻𑀯𑀢𑀺 𑀏𑀢𑁂𑀦𑀸𑀢𑀺 𑀅𑀦𑁆𑀥𑁄=𑀅𑀘𑀓𑁆𑀔𑀼𑀓𑁄. 𑀤𑀫𑁂𑀢𑀩𑁆𑀩𑁄𑀢𑀺 𑀤𑀦𑁆𑀥𑁄=𑀚𑀴𑁄, 𑀭𑀫𑀦𑁆𑀢𑀺 𑀏𑀢𑁆𑀣 𑀲𑀧𑁆𑀧𑀸𑀤𑀬𑁄𑀢𑀺 𑀭𑀦𑁆𑀥𑀁=𑀙𑀺𑀤𑁆𑀤𑀁.
𑀫𑀼𑀤𑁆𑀥𑀆𑀤𑀬𑁄 𑀥𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀼𑀤-𑀢𑁄𑀲𑁂, 𑀑𑀢𑁆𑀢𑀸𑀪𑀸𑀯𑁄, 𑀫𑁄𑀤𑀦𑁆𑀢𑀺 𑀏𑀢𑁆𑀣 𑀊𑀓𑀸𑀢𑀺 𑀫𑀼𑀤𑁆𑀥𑀸=𑀫𑀢𑁆𑀣𑀓𑁄. 𑀅𑀭-𑀕𑀫𑀦𑁂, 𑀅𑀭𑀦𑁆𑀢𑀺 𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀅𑀤𑁆𑀥𑀸=𑀫𑀕𑁆𑀕𑁄, 𑀓𑀸𑀮𑁄 𑀘, 𑀅𑀤𑁆𑀥𑀁=𑀉𑀧𑀤𑁆𑀥𑀁. 𑀕𑀺𑀥-𑀅𑀪𑀺 𑀓𑀗𑁆𑀔𑀸𑀬𑀁, 𑀇𑀲𑁆𑀲 𑀅𑀢𑁆𑀢𑀁, 𑀕𑁂𑀥𑀢𑀻𑀢𑀺 𑀕𑀤𑁆𑀥𑁄=𑀕𑀺𑀚𑁆𑀛𑁄. 𑀯𑀺𑀥-𑀯𑁂𑀥𑀦𑁂, 𑀏𑀢𑁆𑀢𑀸𑀪𑀸𑀯𑁄, 𑀧𑀭𑀺𑀯𑀚𑁆𑀛𑀢𑀻𑀢𑀺 𑀯𑀺𑀤𑁆𑀥𑀁=𑀯𑀺𑀫𑀮𑀁, 𑀏𑀯𑀫𑀜𑁆𑀜𑁂𑀧𑀺.
𑀲𑁂𑀢𑀺𑀲𑁆𑀫𑀸 𑀥𑀼𑀓 𑀳𑁄𑀢𑀺. 𑀲𑀬𑀦𑁆𑀢𑀺 𑀏𑀢𑀸𑀬𑀸𑀢𑀺 𑀲𑀻𑀥𑀼=𑀲𑀼𑀭𑀸𑀯𑀺𑀲𑁂𑀲𑁄.
𑁧𑁦𑁧. 𑀯𑀭𑀸𑀭𑀓𑀭𑀢𑀭𑀤𑀭𑀬𑀫𑀅𑀚𑁆𑀚𑀫𑀺𑀣𑀲𑀓𑀸 𑀓𑀼𑀦𑁄.
𑀯𑀭-𑀯𑀭𑀡𑀲𑀫𑁆𑀪𑀢𑁆𑀢𑀻𑀲𑀼, 𑀅𑀭-𑀕𑀫𑀦𑁂, 𑀓𑀭-𑀓𑀭𑀡𑁂, 𑀢𑀭-𑀢𑀭-𑀡𑁂 𑀤𑀭-𑀯𑀺𑀤𑀸𑀭𑀡𑁂, 𑀬𑀫-𑀉𑀧𑀭𑀫𑁂, 𑀅𑀚𑁆𑀚 𑀲𑀚𑁆𑀚-𑀅𑀚𑁆𑀚𑀦𑁂, 𑀫𑀺𑀣-𑀲𑀗𑁆𑀕𑀫𑁂, 𑀲𑀓-𑀲𑀢𑁆𑀢𑀺𑀬𑀁, 𑀏𑀢𑁂𑀳𑀺 𑀓𑀼𑀦𑁄 𑀳𑁄𑀢𑀺. ‘‘𑀭𑀸 𑀦𑀲𑁆𑀲 𑀡𑁄’’𑀢𑀺 (𑁫-𑁧𑁭𑁧) 𑀦𑀲𑁆𑀲 𑀡𑀢𑁆𑀢𑀁, 𑀯𑀸𑀭𑁂𑀢𑀻𑀢𑀺 𑀯𑀭𑀼𑀡𑁄=𑀏𑀯𑀁𑀦𑀸𑀫𑀓𑁄 𑀇𑀲𑀺, 𑀤𑁂𑀯𑀭𑀸𑀚𑀸, 𑀧𑀸𑀤𑀧𑁄 𑀘. 𑀅𑀭𑀢𑀺 𑀕𑀘𑁆𑀙𑀢𑀻𑀢𑀺 𑀅𑀭𑀼𑀡𑁄=𑀲𑀽𑀭𑀺𑀬𑁄, 𑀢𑀲𑁆𑀲 ¶ 𑀲𑀸𑀭𑀣𑀺 𑀘. 𑀧𑀭𑀤𑀼𑀓𑁆𑀔𑁂 𑀲𑀢𑀺 𑀲𑀸𑀥𑀽𑀦𑀁 𑀳𑀤𑀬𑀓𑀫𑁆𑀫𑀦𑀁 𑀓𑀭𑁄𑀢𑀻𑀢𑀺 𑀓𑀭𑀼𑀡𑀸=𑀤𑀬𑀸. 𑀩𑀸𑀮𑀪𑀸𑀯𑀁 𑀅𑀢𑀭𑀻𑀢𑀺 𑀢𑀭𑀼𑀡𑁄=𑀬𑀼𑀯𑀸. ‘‘𑀡𑀺𑀡𑀸𑀧𑀺𑀦’’𑀦𑁆𑀢𑀺 (𑁫.𑁧𑁬𑁦) 𑀬𑁄𑀕𑀯𑀺𑀪𑀸𑀕𑀸 𑀡𑀺𑀮𑁄𑀧𑁄, 𑀯𑀺𑀤𑀸𑀭𑁂𑀢𑀻𑀢𑀺 𑀤𑀸𑀭𑀼𑀡𑁄=𑀓𑀓𑁆𑀔𑀴𑁄. 𑀬𑀫𑁂𑀢𑀺 𑀧𑀸𑀯𑀁 𑀦𑀸𑀲𑁂𑀢𑀻𑀢𑀺 𑀬𑀫𑀼𑀦𑀸=𑀏𑀓𑀸 𑀫𑀳𑀸𑀦𑀤𑀻. 𑀅𑀚𑁆𑀚𑀢𑀺 𑀥𑀦𑀲𑀜𑁆𑀘𑀬𑀁 𑀓𑀭𑁄𑀢𑀻𑀢𑀺 𑀅𑀚𑁆𑀚𑀼𑀦𑁄=𑀭𑀸𑀚𑀸, 𑀭𑀼𑀓𑁆𑀔𑀯𑀺𑀲𑁂𑀲𑁄 𑀘. 𑀫𑀺𑀣𑁄 𑀲𑀗𑁆𑀕𑀫𑁄 𑀫𑀺𑀣𑀼𑀦𑀁=𑀧𑀼𑀫𑀺𑀢𑁆𑀣𑀺𑀬𑀼𑀕𑀴𑀁. 𑀲𑀓𑁆𑀓𑁄𑀢𑀻𑀢𑀺 𑀲𑀓𑀼𑀦𑁄=𑀧𑀓𑁆𑀔𑀻. 𑀦𑀤𑀸𑀤𑀺𑀧𑀸𑀞𑀸 𑀯𑀻𑀫𑁆𑀳𑀺=𑀲𑀓𑀼𑀦𑀻. ‘‘𑀢𑀣𑀦𑀭𑀸𑀦𑀁𑀝𑀝𑁆𑀞𑀡𑀮𑀸’’𑀢𑀺 (𑁧-𑁨𑁭) 𑀯𑀸 𑀡𑀢𑁆𑀢𑁂=𑀲𑀓𑀼𑀡𑁄, 𑀲𑀓𑀼𑀡𑀺.
𑀅𑀚 𑀯𑀚-𑀕𑀫𑀦𑁂 𑀢𑀻𑀫𑀲𑁆𑀫𑀸 𑀇𑀦𑁄 𑀳𑁄𑀢𑀺. 𑀅𑀚𑀢𑀺 𑀯𑀺𑀓𑁆𑀓𑀬𑀁 𑀬𑀸𑀢𑀻𑀢𑀺 𑀅𑀚𑀺𑀦𑀁=𑀘𑀫𑁆𑀫𑀁.
𑀯𑀺𑀧𑀺𑀦𑀆𑀤𑀬𑁄 𑀇𑀦𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀯𑀧-𑀩𑀻𑀚𑀦𑀺𑀓𑁆𑀔𑁂𑀧𑁂, 𑀅𑀲𑁆𑀲 𑀇𑀢𑁆𑀢𑀁, 𑀯𑀧𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀺𑀧𑀺𑀦𑀁=𑀯𑀦𑀁. 𑀲𑀼𑀧-𑀲𑀬𑁂, 𑀲𑀼𑀧𑀦𑁆𑀢𑀺 𑀏𑀢𑁂𑀦𑀸𑀢𑀺 𑀲𑀼𑀧𑀺𑀦𑀁=𑀦𑀺𑀤𑁆𑀤𑀸, 𑀲𑀼𑀧𑀦𑁆𑀢𑁂𑀦 𑀤𑀺𑀝𑁆𑀞𑀜𑁆𑀘. 𑀢𑀼𑀤-𑀩𑁆𑀬𑀣𑀦𑁂, 𑀤𑀲𑁆𑀲 𑀳𑁄, 𑀢𑀼𑀤𑀢𑀺 𑀲𑀢𑁆𑀢𑁂 𑀧𑀻𑀴𑁂𑀢𑀻𑀢𑀺 𑀢𑀼𑀳𑀺𑀦𑀁=𑀳𑀺𑀫𑀁. 𑀓𑀧𑁆𑀧-𑀲𑀸𑀫𑀢𑁆𑀣𑀺𑀬𑁂, 𑀓𑀧𑁆𑀧𑀢𑀺 𑀭𑀺𑀧𑀯𑁄 𑀯𑀺𑀚𑁂𑀢𑀼𑀁 𑀲𑀫𑀢𑁆𑀣𑁂𑀢𑀻𑀢𑀺 𑀓𑀧𑁆𑀧𑀺𑀦𑁄=𑀭𑀸𑀚𑀸. 𑀓𑀫-𑀧𑀤𑀯𑀺𑀓𑁆𑀔𑁂𑀧𑁂, 𑀅𑀲𑁆𑀲 𑀉𑀢𑁆𑀢𑀁, 𑀓𑀫𑀦𑁆𑀢𑀺 𑀏𑀢𑁆𑀣 𑀫𑀻𑀦𑀸𑀤𑀬𑁄 𑀧𑀯𑀺𑀲𑀦𑁆𑀢𑀻𑀢𑀺 𑀓𑀼𑀫𑀺𑀦𑀁=𑀫𑀘𑁆𑀙𑀩𑀦𑁆𑀥𑀦𑁄𑀧𑀓𑀭𑀡𑀯𑀺𑀲𑁂𑀲𑁄. 𑀤𑀸-𑀤𑀸𑀦𑁂, 𑀤𑁂𑀦𑁆𑀢𑀺 𑀏𑀢𑀲𑁆𑀫𑀺𑀦𑁆𑀢𑀺 𑀤𑀺𑀦𑀁=𑀤𑀺𑀯𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀺𑀭𑀢𑀺𑀲𑁆𑀫𑀸 ¶ 𑀓𑀦𑁄 𑀳𑁄𑀢𑀺. 𑀦𑀲𑁆𑀲 𑀡𑁄, 𑀓𑀺𑀭𑀦𑁆𑀢𑀺 𑀯𑀺𑀓𑀺𑀭𑀦𑁆𑀢𑀻𑀢𑀺 𑀓𑀺𑀭𑀡𑀸=𑀭𑀁𑀲𑀺𑀬𑁄.
𑀤𑀻-𑀔𑀬𑁂, 𑀚𑀺-𑀚𑀬𑁂, 𑀇-𑀅𑀚𑁆𑀛𑁂𑀦𑀕𑀢𑀻𑀲𑀼, 𑀫𑀻-𑀳𑀺𑀁𑀲𑀸𑀬𑀁, 𑀏𑀢𑁂𑀳𑀺 𑀦𑀓 𑀳𑁄𑀢𑀺. 𑀅𑀤𑁂𑀲𑀺 𑀔𑀬𑀫𑀕𑀫𑀸𑀲𑀻𑀢𑀺 𑀤𑀻𑀦𑁄=𑀦𑀺𑀤𑁆𑀥𑀦𑁄. 𑀧𑀜𑁆𑀘𑀫𑀸𑀭𑁂 𑀅𑀚𑀺𑀦𑀻𑀢𑀺 𑀚𑀺𑀦𑁄=𑀩𑀼𑀤𑁆𑀥𑁄. 𑀏𑀲𑀺 𑀇𑀲𑁆𑀲𑀭𑀢𑁆𑀢𑀫𑀕𑀫𑀸𑀲𑀻𑀢𑀺 𑀇𑀦𑁄=𑀲𑀸𑀫𑀻. 𑀫𑀻𑀬𑀢𑁂 𑀳𑀺𑀁𑀲𑀻𑀬𑀢𑁂𑀢𑀺 𑀫𑀻𑀦𑁄=𑀫𑀘𑁆𑀙𑁄.
𑀲𑀺-𑀩𑀦𑁆𑀥𑀦𑁂, 𑀥𑀸-𑀥𑀸𑀭𑀡𑁂, 𑀯𑀻 𑀯𑀸-𑀕𑀫𑀦𑁂, 𑀏𑀢𑁂𑀳𑀺 𑀦𑁄 𑀳𑁄𑀢𑀺. 𑀲𑁂𑀢𑀺 𑀩𑀦𑁆𑀥𑀢𑀻𑀢𑀺 𑀲𑁂𑀦𑁄=𑀲𑀲𑀸𑀤𑀦𑁄 𑀲𑁂𑀦𑀸=𑀘𑀫𑀽. 𑀥𑀸𑀭𑁂𑀢𑀻𑀢𑀺 𑀥𑀸𑀦𑀸=𑀪𑀚𑁆𑀚𑀺𑀢𑀬𑀯𑁄. 𑀯𑁂𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑁂𑀦𑁄=𑀳𑀻𑀦𑀚𑀸𑀢𑀺. 𑀲𑀢𑁆𑀢𑁂𑀲𑀼 𑀯𑀸𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑀸𑀦𑀁=𑀢𑀡𑁆𑀳𑀸.
𑀊𑀦𑀆𑀤𑀬𑁄 𑀦𑀦𑁆𑀢𑀸 𑀦𑀻𑀧𑀘𑁆𑀘𑀦𑁆𑀢𑁂. 𑀊𑀳-𑀯𑀺𑀢𑀓𑁆𑀓𑁂, 𑀳𑀮𑁄𑀧𑁄, 𑀊𑀳𑀦𑀁 𑀊𑀦𑁄=𑀅𑀧𑀼𑀡𑁆𑀡𑁄. 𑀳𑀺-𑀕𑀢𑀺𑀬𑀁, 𑀤𑀻𑀖𑀢𑁆𑀢𑀁, 𑀳𑁂𑀲𑀺 𑀳𑀻𑀦𑀢𑁆𑀢𑀫𑀕𑀫𑀻𑀢𑀺 𑀳𑀻𑀦𑁄=𑀦𑀺𑀳𑀻𑀦𑁄. 𑀘𑀺-𑀘𑀬𑁂, 𑀤𑀻𑀖𑀢𑁆𑀢𑀁, 𑀘𑀬𑀦𑁆𑀢𑀺 𑀏𑀢𑁆𑀣 𑀭𑀢𑀦𑀸𑀦𑀻𑀢𑀺 𑀘𑀻𑀦𑁄=𑀚𑀦𑀧𑀤𑁄. 𑀳𑀦𑀺𑀲𑁆𑀲 𑀚𑀖𑁄, 𑀳𑀜𑁆𑀜𑀢𑀻𑀢𑀺 𑀚𑀖𑀦𑀁=𑀓𑀝𑀺. 𑀞𑀸𑀲𑁆𑀲 𑀣𑁂 𑀞𑀸𑀢𑀺 𑀧𑀯𑀢𑁆𑀢𑀢𑀻𑀢𑀺 𑀣𑁂𑀦𑁄=𑀘𑁄𑀭𑁄. 𑀉𑀦𑁆𑀤𑀺𑀲𑁆𑀲 𑀑𑀤𑁄, 𑀉𑀦𑁆𑀤𑀻𑀬𑀢𑀻𑀢𑀺 𑀑𑀤𑀦𑁄=𑀅𑀦𑁆𑀦𑀁. 𑀅𑀦𑁆𑀦𑀁. 𑀭𑀁𑀚𑀺𑀲𑁆𑀲 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀅𑀓 𑀘, 𑀭𑀁𑀚𑀢𑁂 𑀅𑀦𑁂𑀦𑀸𑀢𑀺 𑀭𑀚𑀦𑀁=𑀭𑀸𑀕𑁄. 𑀭𑀜𑁆𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀭𑀚𑀦𑀻=𑀭𑀢𑁆𑀢𑀺. 𑀧𑀤𑀺𑀲𑁆𑀲 𑀚𑀼𑀦𑀼𑀓 ¶ , 𑀧𑀚𑁆𑀚𑀢𑀺 𑀕𑀘𑁆𑀙𑀢𑀻𑀢𑀺 𑀧𑀚𑁆𑀚𑀼𑀦𑁆𑀦𑁄=𑀇𑀦𑁆𑀤𑁄, 𑀫𑁂𑀖𑁄 𑀘. 𑀕𑀫𑀺𑀲𑁆𑀲 𑀕𑀗, 𑀕𑀘𑁆𑀙𑀦𑁆𑀢𑀺 𑀏𑀢𑁆𑀣 𑀯𑀺𑀳𑀗𑁆𑀕𑀸𑀤𑀬𑁄𑀢𑀺 𑀕𑀕𑀦𑀁=𑀅𑀦𑁆𑀢𑀮𑀺𑀓𑁆𑀔𑀁, 𑀏𑀯𑀫𑀜𑁆𑀜𑁂𑀧𑀺.
𑀯𑀻 𑀯𑀸-𑀕𑀫𑀦𑁂, 𑀧𑀢 𑀧𑀣-𑀕𑀫𑀦𑁂, 𑀏𑀢𑁂𑀳𑀺 𑀢𑀦𑁄 𑀳𑁄𑀢𑀺. 𑀯𑁂𑀢𑀺 𑀧𑀯𑀢𑁆𑀢𑀢𑀺 𑀏𑀢𑁂𑀦𑀸𑀢𑀺 𑀯𑁂𑀢𑀦𑀁=𑀪𑀢𑀺. 𑀧𑀢𑀦𑁆𑀢𑀺 𑀏𑀢𑁆𑀣𑀸𑀢𑀺 𑀧𑀢𑁆𑀢𑀦𑀁=𑀦𑀕𑀭𑀁.
𑀭𑀫 𑀓𑀻𑀴𑀸𑀬𑀫𑀺𑀘𑀲𑁆𑀫𑀸 𑀢𑀦𑀓 𑀳𑁄𑀢𑀺. ‘‘𑀕𑀫𑀸𑀤𑀺𑀭𑀸𑀦𑀁 𑀮𑁄𑀧𑁄𑀦𑁆𑀢𑀲𑁆𑀲𑀸’’𑀢𑀺 (𑁫.𑁧𑁦𑁯) 𑀫𑀮𑁄𑀧𑁄, 𑀭𑀫𑀦𑁆𑀢𑀺 𑀏𑀢𑁆𑀣𑀸𑀢𑀺 𑀭𑀢𑀦𑀁=𑀫𑀡𑀺 𑀆𑀤𑀻, 𑀳𑀢𑁆𑀣𑀫𑀢𑁆𑀢𑀜𑁆𑀘.
𑀲𑀽-𑀧𑀲𑀯𑁂, 𑀪𑀸-𑀤𑀺𑀢𑁆𑀢𑀺𑀬𑀁, 𑀏𑀢𑁂𑀳𑀺 𑀦𑀼𑀓 𑀳𑁄𑀢𑀺. 𑀧𑀲𑀯𑀻𑀬𑀢𑀻𑀢𑀺 𑀲𑀽𑀦𑀼=𑀧𑀼𑀢𑁆𑀢𑁄. 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀪𑀸𑀦𑀼=𑀲𑀽𑀭𑀺𑀬𑁄.
𑀥𑀸-𑀥𑀸𑀭𑀡𑁂𑀢𑀻𑀫𑀲𑁆𑀫𑀸 𑀦𑀼𑀓 𑀳𑁄𑀢𑀺, 𑀥𑀸𑀲𑁆𑀲 𑀏 𑀘. 𑀥𑀸𑀭𑁂𑀢𑀻𑀢𑀺 𑀥𑁂𑀦𑀼=𑀕𑀸𑀯𑀻.
𑀯𑀢𑁆𑀢-𑀯𑀢𑁆𑀢𑀦𑁂, 𑀅𑀝-𑀕𑀫𑀦𑀢𑁆𑀣𑁄, 𑀅𑀯-𑀭𑀓𑁆𑀔𑀡𑁂, 𑀥𑀫-𑀲𑀤𑁆𑀤𑁂, 𑀅𑀲-𑀔𑁂𑀧𑀦𑁂, 𑀏𑀢𑁂𑀳𑀺 𑀅𑀦𑀺 𑀳𑁄𑀢𑀺. 𑀯𑀢𑁆𑀢𑀦𑁆𑀢𑀺 𑀏𑀢𑁂𑀦𑀸𑀢𑀺 𑀯𑀢𑁆𑀢𑀦𑀺=𑀢𑀲𑀭𑀤𑀡𑁆𑀟𑀁. 𑀯𑀻𑀫𑁆𑀳𑀺 𑀯𑀢𑁆𑀢𑀦𑀻=𑀧𑀦𑁆𑀣𑁄. 𑀅𑀝𑀢𑁂 𑀕𑀫𑁆𑀫𑀢𑁂𑀢𑀺 𑀅𑀝𑀦𑀺= 𑀫𑀜𑁆𑀘𑀗𑁆𑀕𑁄 ¶ . 𑀲𑀢𑁆𑀢𑁂 𑀅𑀯𑀢𑀺 𑀭𑀓𑁆𑀔𑀢𑀻𑀢𑀺 𑀅𑀯𑀦𑀺=𑀫𑀳𑀻. 𑀥𑀫𑀦𑁆𑀢𑀺 𑀏𑀢𑁂𑀦 𑀯𑀻𑀡𑀸𑀤𑀬𑁄𑀢𑀺 𑀥𑀫𑀦𑀺=𑀲𑀻𑀭𑀸. 𑀤𑀡𑁆𑀟𑀢𑁆𑀣𑀸𑀬 𑀅𑀲𑀻𑀬𑀢𑁂 𑀔𑀺𑀧𑀻𑀬𑀢𑁂𑀢𑀺 𑀅𑀲𑀦𑀺=𑀓𑀼𑀮𑀺𑀲𑀁.
𑀬𑀼-𑀫𑀺𑀲𑁆𑀲𑀦𑁂𑀢𑀻𑀫𑀲𑁆𑀫𑀸 𑀦𑀺 𑀳𑁄𑀢𑀺. 𑀬𑀯𑀦𑁆𑀢𑀺 𑀲𑀢𑁆𑀢𑀸 𑀅𑀦𑁂𑀦 𑀏𑀢𑀻𑀪𑀸𑀯𑀁 𑀕𑀘𑁆𑀙𑀦𑁆𑀢𑀻𑀢𑀺 𑀬𑁄𑀦𑀺=𑀪𑀕𑀁, 𑀅𑀡𑁆𑀟𑀚𑀸𑀤𑀺𑀬𑁄𑀦𑀺 𑀘.
(𑀇𑀢𑀺 𑀢𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀘𑀫-𑀅𑀤𑀦𑁂, 𑀅𑀧-𑀧𑀸𑀧𑀼𑀡𑀦𑁂, 𑀧𑀸-𑀭𑀓𑁆𑀔𑀡𑁂, 𑀯𑀧-𑀩𑀻𑀚𑀦𑀺𑀓𑁆𑀔𑁂𑀧𑁂, 𑀏𑀢𑁂𑀳𑀺 𑀧𑁄 𑀳𑁄𑀢𑀺. 𑀘𑀫𑀦𑁆𑀢𑀺 𑀅𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀘𑀫𑁆𑀧𑀸=𑀦𑀕𑀭𑀁, 𑀅𑀧𑁂𑀲𑀺 𑀈𑀲𑀓𑀫𑀢𑁆𑀢𑀫𑀕𑀫𑀸𑀲𑀻𑀢𑀺 𑀅𑀧𑁆𑀧𑀁=𑀅𑀩𑀳𑀼. 𑀅𑀧𑀸𑀬𑀁 𑀧𑀸𑀢𑀺 𑀭𑀓𑁆𑀔𑀢𑀻𑀢𑀺 𑀧𑀸𑀧𑀁-𑀓𑀺𑀩𑁆𑀩𑀺𑀲𑀁. 𑀯𑀧𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀧𑁆𑀧𑁄=𑀓𑁂𑀤𑀸𑀭𑀁.
𑀬𑀼-𑀫𑀺𑀲𑁆𑀲𑀦𑁂, 𑀣𑀼-𑀅𑀪𑀺𑀢𑁆𑀣𑀯𑁂, 𑀓𑀼-𑀲𑀤𑁆𑀤𑁂, 𑀏𑀢𑁂𑀳𑀺 𑀧𑁄 𑀳𑁄𑀢𑀺, 𑀏𑀢𑁂𑀲𑀁 𑀤𑀻𑀖𑁄 𑀘. 𑀤𑀻𑀖𑀯𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀸 𑀑𑀢𑁆𑀢𑀸𑀪𑀸𑀯𑁄. 𑀬𑀯𑀦𑁆𑀢𑀺 𑀲𑀳 𑀯𑀢𑁆𑀢𑀦𑁆𑀢𑀺 𑀏𑀢𑁆𑀣𑀸𑀢𑀺 𑀬𑀽𑀧𑁄=𑀬𑀜𑁆𑀜𑀬𑀝𑁆𑀞𑀺, 𑀧𑀸𑀲𑀸𑀤𑁄 𑀘. 𑀣𑀯𑀻𑀬𑀢𑀻𑀢𑀺 𑀣𑀽𑀧𑁄=𑀘𑁂𑀢𑀺𑀬𑀁. 𑀓𑀯𑀦𑁆𑀢𑀺 𑀦𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀓𑀽𑀧𑁄=𑀉𑀤𑀧𑀸𑀦𑁄.
𑀔𑀺𑀧-𑀧𑁂𑀭𑀡𑁂, 𑀲𑀼𑀧-𑀲𑀬𑁂, 𑀦𑀻-𑀦𑀬𑁂, 𑀲𑀽-𑀧𑀲𑀯𑁂, 𑀧𑀽-𑀧𑀯𑀦𑁂, 𑀏𑀢𑁂𑀳𑀺 𑀧𑀓 𑀳𑁄𑀢𑀺. 𑀔𑀧𑀢𑀺 𑀔𑀬𑀁 𑀕𑀘𑁆𑀙𑀢𑀻𑀢𑀺 𑀔𑀺𑀧𑁆𑀧𑀁=𑀲𑀻𑀖𑀁. 𑀲𑀼𑀧𑀦𑁆𑀢𑀺 ¶ 𑀏𑀢𑁆𑀣 𑀲𑀼𑀦𑀔𑀸𑀤𑀬𑁄𑀢𑀺 𑀲𑀼𑀧𑁆𑀧𑀁=𑀧𑀧𑁆𑀨𑁄𑀝𑀦𑀁. 𑀦𑀬𑀦𑁆𑀢𑀺 𑀏𑀢𑀲𑁆𑀫𑀸 𑀨𑀮𑀦𑁆𑀢𑀺 𑀦𑀺𑀧𑁄=𑀭𑀓𑁆𑀔𑁄. 𑀲𑀯𑀢𑀺 𑀭𑀼𑀘𑀺𑀁 𑀚𑀦𑁂𑀢𑀻𑀢𑀺 𑀲𑀽𑀧𑁄=𑀩𑁆𑀬𑀜𑁆𑀚𑀦𑀯𑀺𑀲𑁂𑀲𑁄. 𑀧𑀯𑀻𑀬𑀢𑀺 𑀫𑀭𑀺𑀘𑀚𑀻𑀭𑀓𑀸𑀤𑀻𑀳𑀺 𑀧𑀯𑀺𑀢𑁆𑀢𑀁 𑀓𑀭𑀻𑀬𑀢𑀻𑀢𑀺 𑀧𑀽𑀧𑀁=𑀔𑀚𑁆𑀚𑀓𑀁.
𑀲𑀺𑀧𑁆𑀧𑀆𑀤𑀬𑁄 𑀧𑀓𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀧𑀺𑀲𑁆𑀲 𑀅𑀲𑁆𑀲𑀇𑀢𑁆𑀢𑀁, 𑀲𑀧𑀢𑀺 𑀅𑀦𑁂𑀦𑀸𑀢𑀺 𑀲𑀺𑀧𑁆𑀧𑀁=𑀓𑀮𑀸. 𑀯𑀧𑀺𑀲𑁆𑀲 𑀅𑀲𑁆𑀲𑀺, 𑀯𑀺𑀚𑁆𑀚𑀁 𑀯𑀧𑀢𑀻𑀢𑀺 𑀯𑀺𑀧𑁆𑀧𑁄=𑀩𑁆𑀭𑀸𑀳𑁆𑀫𑀡𑁄. 𑀯𑀲𑁆𑀲 𑀩𑁄, 𑀯𑀧𑀢𑀺 𑀩𑀳𑀺 𑀦𑀺𑀓𑁆𑀔𑀫𑀢𑀺 𑀳𑀤𑀬𑀗𑁆𑀕𑀢𑀲𑁄𑀓𑁂𑀦𑀸𑀢𑀺 𑀩𑀧𑁆𑀧𑀁=𑀅𑀲𑁆𑀲𑀼. 𑀙𑀼𑀧-𑀲𑀫𑁆𑀨𑀲𑁆𑀲𑁂, 𑀉𑀲𑁆𑀲𑁂, 𑀙𑀼𑀧𑀢𑀺 𑀅𑀦𑁂𑀦𑀸𑀢𑀺 𑀙𑁂𑀧𑁆𑀧𑀁=𑀦𑀗𑁆𑀕𑀼𑀝𑁆𑀞𑀁. 𑀭𑀼𑀧=𑀭𑀼𑀧𑁆𑀧𑀦𑁂, 𑀧𑀮𑁄𑀧 𑀤𑀻𑀖𑀸, 𑀭𑀼𑀧𑁆𑀧𑀢𑀺 𑀯𑀺𑀓𑀸𑀭𑀫𑀸𑀧𑀚𑁆𑀚𑀢𑀻𑀢𑀺 𑀭𑀽𑀧𑀁-𑀪𑀽𑀢𑀪𑀽𑀢𑀺𑀓𑀁, 𑀏𑀯𑀫𑀜𑁆𑀜𑁂𑀧𑀺.
𑀲𑀸𑀲 𑀅𑀦𑀼𑀲𑀺𑀝𑁆𑀞𑀺𑀬𑀫𑀺𑀘𑁆𑀘𑀲𑁆𑀫𑀸 𑀅𑀧𑁄 𑀳𑁄𑀢𑀺. 𑀲𑀸𑀲𑀻𑀬𑀦𑁆𑀢𑀺 𑀏𑀢𑁂𑀦𑀸𑀢𑀺 𑀲𑀸𑀲𑀧𑁄=𑀯𑀻𑀳𑀺𑀯𑀺𑀲𑁂𑀲𑁄.
𑀯𑀺𑀝𑀧𑀆𑀤𑀬𑁄 𑀅𑀧𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀯𑀝-𑀯𑁂𑀝𑁆𑀞𑀦𑁂, 𑀅𑀲𑁆𑀲 𑀇𑀢𑁆𑀢𑀁, 𑀯𑀝𑀢𑀺 𑀯𑁂𑀝𑁆𑀞𑀢𑀺 𑀏𑀢𑁂𑀦𑀸𑀢𑀺𑀯𑀺𑀝𑀧𑁄=𑀕𑀼𑀫𑁆𑀩𑀯𑀺𑀲𑁂𑀲𑁄, 𑀓𑀼𑀣-𑀧𑀽𑀢𑀺𑀪𑀸𑀯𑁂, 𑀣𑀲𑁆𑀲 𑀡𑁄, 𑀅𑀓𑀼𑀣𑀺 𑀧𑀽𑀢𑀺𑀪𑀸𑀯𑀫𑀕𑀫𑀻𑀢𑀺 𑀓𑀼𑀡𑀧𑁄=𑀫𑀢𑀓𑁄. 𑀫𑀡𑁆𑀟=𑀪𑀽𑀲𑀦𑁂, 𑀫𑀡𑁆𑀟𑁂𑀢𑀺 𑀚𑀦𑀁, 𑀫𑀡𑁆𑀟𑀻𑀬𑀢𑀺 𑀚𑀦𑁂𑀳𑀻𑀢𑀺 𑀯𑀸 𑀫𑀡𑁆𑀟𑀧𑁄=𑀚𑀦𑀸𑀮𑀬𑁄, 𑀏𑀯𑀫𑀜𑁆𑀜𑁂𑀧𑀺.
𑀕𑀼𑀧𑀺𑀲𑁆𑀫𑀸 𑀨𑁄 𑀳𑁄𑀢𑀺. 𑀕𑁄𑀧𑀻𑀬𑀢𑀻𑀢𑀺 𑀕𑁄𑀧𑁆𑀨𑁄=𑀘𑀭𑀡𑀕𑀡𑁆𑀞𑀺.
𑀕𑀭𑀲𑀭𑀸𑀤𑀻𑀳𑀺 ¶ 𑀩𑁄 𑀳𑁄𑀢𑀺. 𑀕𑀭𑀢𑀺 𑀅𑀜𑁆𑀜𑁂 𑀅𑀦𑁂𑀦 𑀧𑀻𑀴𑁂𑀢𑀻𑀢𑀺 𑀕𑀩𑁆𑀩𑁄=𑀅𑀪𑀺𑀫𑀸𑀦𑁄. 𑀲𑀭𑀢𑀺 𑀧𑀯𑀢𑁆𑀢𑀢𑀻𑀢𑀺 𑀲𑀩𑁆𑀩𑁄=𑀲𑀓𑀮𑁄. 𑀨𑀮𑀓𑀸𑀫𑁂𑀳𑀺 𑀚𑀦𑁂𑀳𑀺 𑀅𑀫𑀻𑀬𑀢𑀺 𑀕𑀫𑀻𑀬𑀢𑀻𑀢𑀺 𑀅𑀫𑁆𑀩𑁄=𑀘𑀽𑀢𑁄. 𑀧𑀼𑀢𑁆𑀢𑁂𑀦 𑀅𑀫𑀻𑀬𑀢𑀺 𑀕𑀫𑀻𑀬𑀢𑀻𑀢𑀺 𑀅𑀫𑁆𑀩𑀸=𑀫𑀸𑀢𑀸.
𑀦𑀺𑀫𑁆𑀩𑀆𑀤𑀬𑁄 𑀩𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀦𑀫𑀺𑀲𑁆𑀲 𑀅𑀲𑁆𑀲𑀺, 𑀦𑀫𑀢𑀺 𑀨𑀮𑀪𑀸𑀭𑁂𑀦𑀸𑀢𑀺 𑀦𑀺𑀫𑁆𑀩𑁄=𑀅𑀭𑀺𑀝𑁆𑀞𑁄. 𑀯𑀫𑀺𑀲𑁆𑀲 𑀯𑀲𑁆𑀲 𑀩𑀺𑀢𑁆𑀢𑀁. 𑀧𑀺𑀢𑁆𑀢𑀸𑀤𑀬𑁄 𑀯𑀫𑀢𑀺 𑀉𑀕𑁆𑀕𑀺𑀭𑀢𑀻𑀢𑀺 𑀩𑀺𑀫𑁆𑀩𑀁=𑀲𑀭𑀻𑀭𑀁. 𑀓𑀼𑀲𑀺𑀲𑁆𑀲 𑀅𑀫𑀼𑀓, 𑀢𑀺𑀢𑁆𑀢𑁂𑀦 𑀓𑀼𑀲𑀻𑀬𑀢𑀺 𑀅𑀓𑁆𑀓𑁄𑀲𑀻𑀬𑀢𑀻𑀢𑀺 𑀓𑁄𑀲𑀫𑁆𑀩𑁄=𑀭𑀼𑀓𑁆𑀔𑁄. 𑀓𑀤𑀢𑀺𑀲𑁆𑀲 𑀅𑀫𑀼𑀓, 𑀓𑀤𑀦𑁆𑀢𑀺 𑀏𑀢𑁂𑀦 𑀤𑁆𑀯𑀸𑀭𑀸𑀤𑀻𑀦𑀻𑀢𑀺 𑀓𑀤𑀫𑁆𑀩𑁄=𑀭𑀼𑀓𑁆𑀔𑁄. 𑀓𑀼𑀝𑀺𑀲𑁆𑀲 𑀉𑀫𑀼𑀓, 𑀚𑀦𑁂𑀳𑀺 𑀓𑁄𑀝𑀻𑀬𑀢𑀺 𑀧𑀯𑀢𑁆𑀢𑀻𑀬𑀢𑀻𑀢𑀺 𑀓𑀼𑀝𑀼𑀫𑁆𑀩𑀁=𑀘𑀢𑀼𑀧𑁆𑀧𑀤𑁄, 𑀔𑁂𑀢𑁆𑀢𑀁, 𑀖𑀭𑀁, 𑀓𑀮𑀢𑁆𑀢𑀁, 𑀤𑀸𑀲𑀸 𑀘. 𑀓𑀡𑁆𑀟𑀺𑀲𑁆𑀲 𑀓𑀼𑀟𑀼. 𑀢𑀡𑁆𑀟𑀼𑀮𑀸𑀤𑀬𑁄 𑀅𑀦𑁂𑀦 𑀓𑀡𑁆𑀟𑀦𑁆𑀢𑀺 𑀧𑀭𑀺𑀘𑁆𑀙𑀺𑀦𑁆𑀤𑀦𑁆𑀢𑀻𑀢𑀺 𑀓𑀼𑀟𑀼𑀩𑁄=𑀫𑀸𑀦𑀁, 𑀏𑀯𑀫𑀜𑁆𑀜𑁂𑀧𑀺.
𑀤𑀭 𑀯𑀺𑀤𑀸𑀭𑀡𑁂𑀢𑀻𑀫𑀲𑁆𑀫𑀸 𑀩𑀺 𑀳𑁄𑀢𑀺. 𑀑𑀤𑀦𑀸𑀤𑀻𑀦𑀺 𑀤𑀸𑀭𑁂𑀦𑁆𑀢𑀺 𑀚𑀢𑀸𑀬𑀸𑀢𑀺 𑀤𑀩𑁆𑀩𑀺=𑀓𑀝𑀘𑁆𑀙𑀼, 𑀯𑀻𑀫𑁆𑀳𑀺 𑀤𑀩𑁆𑀩𑀻.
𑁧𑁨𑁪. 𑀓𑀭 𑀲𑀭 𑀲𑀮 𑀓𑀮 𑀯𑀮𑁆𑀮 𑀯𑀲𑀸 𑀅𑀪𑁄.
𑀓𑀭-𑀓𑀭𑀡𑁂, 𑀲𑀭-𑀕𑀢𑀺 𑀳𑀺𑀁𑀲𑀸𑀘𑀺𑀦𑁆𑀢𑀸𑀲𑀼, 𑀲𑀮-𑀕𑀫𑀦𑀢𑁆𑀣𑁄, 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀯𑀮 𑀯𑀮𑁆𑀮-𑀲𑀁𑀯𑀭𑀡𑁂, 𑀯𑀲-𑀦𑀺𑀯𑀸𑀲𑁂, 𑀏𑀢𑁂𑀳𑀺 𑀅𑀪𑁄 𑀳𑁄𑀢𑀺. 𑀓𑀭𑁄𑀢𑀻𑀢𑀺 𑀓𑀭𑀪𑁄=𑀑𑀝𑁆𑀞𑀸, 𑀧𑀸𑀡𑀺𑀧𑁆𑀧𑀤𑁂𑀲𑁄 𑀘. 𑀲𑀭𑀢𑀺 𑀕𑀘𑁆𑀙𑀢𑀻𑀢𑀺 𑀲𑀭𑀪𑁄=𑀫𑀺𑀕𑀯𑀺𑀲𑁂𑀲𑁄. 𑀲𑀮𑀢𑀺 𑀕𑀘𑁆𑀙𑀢𑀻𑀢𑀺 𑀲𑀮𑀪𑁄=𑀧𑀝𑀗𑁆𑀕𑁄 ¶ . 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀺 𑀯𑀬𑀲𑀸𑀢𑀺 𑀓𑀮𑀪𑁄=𑀳𑀢𑁆𑀣𑀺𑀧𑁄𑀢𑀓𑁄. 𑀢𑀤𑀫𑀺𑀦𑀸𑀤𑀺𑀧𑀸𑀞𑀸 𑀴𑀢𑁆𑀢𑁂 𑀓𑀴𑀪𑁄=𑀲𑁄𑀯. 𑀯𑀮𑁆𑀮𑁂𑀢𑀺 𑀲𑀁𑀯𑀭𑀡𑀁 𑀓𑀭𑁄𑀢𑀻𑀢𑀺 𑀯𑀮𑁆𑀮𑀪𑁄=𑀧𑀺𑀬𑁄. 𑀯𑀲𑀦𑁆𑀢𑁆𑀬𑀦𑁂𑀦𑀸𑀢𑀺 𑀯𑀲𑀪𑁄=𑀧𑀼𑀗𑁆𑀕𑀯𑁄.
𑀕𑀤𑀢𑀺𑀲𑁆𑀫𑀸 𑀭𑀪𑁄 𑀳𑁄𑀢𑀺. 𑀕𑀤𑀢𑀻𑀢𑀺 𑀕𑀤𑁆𑀭𑀪𑁄=𑀔𑀭𑁄.
𑀉𑀲-𑀤𑀸𑀳𑁂, 𑀭𑀸𑀲-𑀲𑀤𑁆𑀤𑁂, 𑀏𑀢𑁂𑀳𑀺 𑀓𑀪𑁄 𑀳𑁄𑀢𑀺. 𑀉𑀲𑀢𑀺 𑀧𑀝𑀺𑀧𑀓𑁆𑀔𑁂 𑀤𑀳𑀢𑀻𑀢𑀺 𑀉𑀲𑀪𑁄=𑀲𑁂𑀝𑁆𑀞𑁄. 𑀭𑀸𑀲𑀢𑀺 𑀦𑀤𑀢𑀻𑀢𑀺 𑀭𑀸𑀲𑀪𑁄=𑀕𑀤𑁆𑀭𑀪𑁄.
𑀇 𑀇𑀢𑀺𑀲𑁆𑀫𑀸 𑀪𑀓 𑀳𑁄𑀢𑀺. 𑀏𑀢𑀺 𑀕𑀘𑁆𑀙𑀢𑀻𑀢𑀺 𑀇𑀪𑁄=𑀳𑀢𑁆𑀣𑀻.
𑀕𑀭 𑀖𑀭-𑀲𑁂𑀘𑀦𑁂, 𑀅𑀯-𑀭𑀓𑁆𑀔𑀦𑁂, 𑀏𑀢𑁂𑀳𑀺 𑀪𑁄 𑀳𑁄𑀢𑀺. 𑀕𑀭𑀢𑀺 𑀩𑀳𑀺 𑀦𑀺𑀓𑁆𑀔𑀫𑀦𑀯𑀲𑁂𑀦 𑀲𑀺𑀜𑁆𑀘𑀢𑀻𑀢𑀺 𑀕𑀩𑁆𑀪𑁄=𑀧𑀲𑀯𑁄, 𑀑𑀯𑀭𑀓𑁄 𑀘. 𑀅𑀯𑀢𑀺 𑀲𑀢𑁆𑀢𑁂 𑀭𑀓𑁆𑀔𑀢𑀻𑀢𑀺 𑀅𑀩𑁆𑀪𑀁=𑀫𑁂𑀖𑁄.
𑀲𑁄𑀩𑁆𑀪𑀆𑀤𑀬𑁄 𑀪𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀤𑀢𑀺𑀲𑁆𑀲 𑀅𑀲𑁆𑀲 𑀑𑀢𑁆𑀢𑀁, 𑀲𑀻𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑁄𑀩𑁆𑀪𑀁=𑀯𑀺𑀯𑀭𑀁, 𑀲𑁄𑀩𑁆𑀪𑁄=𑀚𑀮𑀸𑀲𑀬𑀯𑀺𑀲𑁂𑀲𑁄. 𑀓𑀫𑀺𑀲𑁆𑀲 𑀅𑀲𑁆𑀲𑀼, 𑀓𑀸𑀫𑀻𑀬𑀢𑀻𑀢𑀺 𑀓𑀼𑀫𑁆𑀪𑁄=𑀤𑀲𑀫𑁆𑀩𑀡𑀫𑀢𑁆𑀢𑁄, 𑀖𑀝𑁄 ¶ 𑀘. (𑀓𑁂𑀦 𑀚𑀮𑁂𑀦 𑀉𑀫𑁆𑀪𑀻𑀬𑀢𑀺 𑀧𑀽𑀭𑀻𑀬𑀢𑀻𑀢𑀺 𑀯𑀸 𑀓𑀼𑀫𑁆𑀪𑁄=𑀖𑀝𑁄.) 𑀓𑀼𑀲𑀺𑀲𑁆𑀲 𑀉𑀫𑀼𑀓, 𑀓𑀼𑀲𑀢𑀺 𑀅𑀯𑁆𑀳𑀸𑀬𑀢𑀻𑀢𑀺 𑀓𑀼𑀲𑀼𑀫𑁆𑀪𑀁=𑀫𑀳𑀸𑀭𑀚𑀦𑀁. 𑀓𑀼𑀲𑀼𑀫𑁆𑀪𑁄=𑀓𑀦𑀓𑀁, 𑀏𑀯𑀫𑀜𑁆𑀜𑁂𑀧𑀺.
𑀉𑀲𑀸𑀤𑀻𑀳𑀺 𑀓𑀼𑀫𑁄 𑀳𑁄𑀢𑀺. 𑀉𑀲𑀢𑀺 𑀤𑀳𑀢𑀻𑀢𑀺 𑀉𑀲𑀼𑀫𑀁=𑀉𑀡𑁆𑀳𑀁. 𑀓𑀼𑀲𑀢𑀺 𑀅𑀯𑁆𑀳𑀸𑀬𑀢𑀻𑀢𑀺 𑀲𑀼𑀓𑀼𑀫𑀁=𑀧𑀼𑀧𑁆𑀨𑀁. 𑀧𑀚𑁆𑀚𑀢𑀺 𑀤𑁂𑀯𑀧𑀽𑀚𑀸𑀤𑀺𑀁 𑀬𑀸𑀢𑀻𑀢𑀺 𑀧𑀤𑀼𑀫𑀁=𑀧𑀗𑁆𑀓𑀚𑀁. 𑀲𑀼𑀔𑀬𑀢𑀻𑀢𑀺 𑀲𑀼𑀔𑀼𑀫=𑀅𑀡𑀼.
𑀯𑀝𑀼𑀫𑀆𑀤𑀬𑁄 𑀓𑀼𑀫𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀣𑁂. 𑀯𑀚𑀺𑀲𑁆𑀲-𑀦𑁆𑀢𑀲𑁆𑀲 𑀝𑁄, 𑀯𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀝𑀼𑀫𑀁=𑀧𑀣𑁄. 𑀲𑀺𑀮𑀺𑀲𑀲𑁆𑀲 𑀮𑀺𑀲𑁆𑀲𑁂, 𑀲𑀺𑀮𑀺𑀲𑁆𑀲𑀢𑀻𑀢𑀺 𑀲𑀺𑀮𑁂𑀲𑀼𑀧𑀁=𑀲𑁂𑀫𑁆𑀳𑀁. 𑀓𑀫𑀺𑀲𑁆𑀲 𑀓𑀼𑀗𑁆𑀓𑀸𑀤𑁂𑀲𑁄, 𑀓𑀸𑀫𑀻𑀬𑀢𑀻𑀢𑀺 𑀓𑀼𑀗𑁆𑀓𑀫𑀁=𑀓𑀲𑁆𑀫𑀻𑀭𑀚𑀁, 𑀏𑀯𑀫𑀜𑁆𑀜𑁂𑀧𑀺.
𑀕𑀼𑀥 𑀧𑀭𑀺𑀯𑁂𑀝𑁆𑀞𑀦𑁂𑀢𑀻𑀫𑀲𑁆𑀫𑀸 𑀉𑀫𑁄 𑀳𑁄𑀢𑀺. 𑀕𑀼𑀥𑀢𑀺 𑀧𑀭𑀺𑀯𑁂𑀝𑁆𑀞𑀢𑀻𑀢𑀺 𑀕𑁄𑀥𑀼𑀫𑁄=𑀥𑀜𑁆𑀜𑀯𑀺𑀲𑁂𑀲𑁄.
𑀧𑀞𑀢𑀺𑀘𑀭𑀢𑀺𑀲𑁆𑀫𑀸 𑀅𑀫 𑀇𑀫𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀧𑀝𑁆𑀞𑀻𑀬𑀢𑀺 𑀉𑀘𑁆𑀘𑀸𑀭𑀻𑀬𑀢𑀺 𑀉𑀢𑁆𑀢𑀫𑀪𑀸𑀯𑁂𑀦𑀸𑀢𑀺 𑀧𑀞𑀫𑀁=𑀲𑁂𑀝𑁆𑀞𑀁. 𑀘𑀭𑀢𑀺 𑀳𑀻𑀦𑀢𑁆𑀢𑀁 𑀬𑀸𑀢𑀻𑀢𑀺 𑀘𑀭𑀺𑀫𑀁=𑀧𑀘𑁆𑀙𑀺𑀫𑀁.
𑀳𑀺-𑀕𑀢𑀺𑀬𑀁 ¶ , 𑀥𑀽-𑀓𑀫𑁆𑀧𑀦𑁂, 𑀏𑀢𑁂𑀳𑀺 𑀫𑀓 𑀳𑁄𑀢𑀺. 𑀳𑀺𑀦𑁄𑀢𑀺 𑀧𑀯𑀢𑁆𑀢𑀳𑀻𑀢𑀺 𑀳𑀺𑀫𑀁=𑀢𑀼𑀳𑀺𑀦𑀁. 𑀥𑀼𑀦𑀸𑀢𑀺 𑀓𑀫𑁆𑀧𑀢𑀻𑀢𑀺 𑀥𑀽𑀫𑁄=𑀅𑀕𑁆𑀕𑀺𑀧𑀲𑀯𑁄.
𑀪𑀻-𑀪𑀬𑁂𑀢𑀻𑀫𑀲𑁆𑀫𑀸 𑀭𑀻𑀲𑀦𑁄 𑀳𑁄𑀢𑀺 𑀫𑀓𑀘. 𑀅𑀦𑁆𑀢𑀲𑀭𑀸𑀤𑀺𑀮𑁄𑀧𑁄, 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑀻𑀲𑀦𑁄=𑀪𑀬𑀸𑀦𑀓𑁄. 𑀪𑀻𑀫𑁄=𑀲𑁄𑀯.
𑁧𑁩𑁬. 𑀔𑀻 𑀲𑀼 𑀯𑀻 𑀬𑀸 𑀕𑀸𑀳𑀺 𑀲𑀸 𑀮𑀽 𑀔𑀼 𑀳𑀼 𑀫𑀭 𑀥𑀭 𑀖𑀭 𑀚𑀫𑀸𑀫 𑀲𑀫𑀸 𑀫𑁄.
𑀔𑀻-𑀔𑀬𑁂. 𑀲𑀼-𑀲𑀯𑀦𑁂, 𑀯𑀻-𑀢𑀦𑁆𑀢𑀲𑀦𑁆𑀢𑀸𑀦𑁂, 𑀬𑀸-𑀧𑀸𑀧𑀼𑀡𑀦𑁂, 𑀕𑀸-𑀲𑀤𑁆𑀤𑁂, 𑀳𑀺-𑀕𑀢𑀺𑀬𑀁, 𑀲𑀸-𑀢𑀦𑀼𑀓𑀭𑀡𑀸𑀯𑀲𑀸𑀦𑁂𑀲𑀼, 𑀮𑀽-𑀙𑁂𑀤𑀦𑁂, 𑀔𑀼-𑀲𑀤𑁆𑀤𑁂, 𑀳𑀼-𑀳𑀯𑀦𑁂, 𑀫𑀭-𑀧𑀸𑀡𑀘𑀸𑀕𑁂, 𑀥𑀭-𑀥𑀸𑀭𑀡𑁂, 𑀓𑀭-𑀓𑀭𑀡𑁂, 𑀖𑀭-𑀲𑁂𑀘𑀦𑁂, 𑀚𑀫-𑀅𑀤𑀦𑁂, 𑀅𑀫 𑀕𑀫-𑀕𑀫𑀦𑁂, 𑀲𑀫-𑀉𑀧𑀫𑁂, 𑀏𑀢𑁂𑀳𑀺 𑀥𑀸𑀢𑀽𑀳𑀺 𑀫𑁄 𑀳𑁄𑀢𑀺. 𑀔𑁂𑀧𑀦𑀁 𑀦𑀺𑀭𑀼𑀧𑀤𑁆𑀤𑀯𑀓𑀭𑀡𑀢𑀸𑀬 𑀔𑁂𑀫𑁄=𑀦𑀺𑀭𑀼𑀧𑀤𑁆𑀤𑀯𑁄. 𑀲𑀼𑀦𑁄𑀢𑀻𑀢𑀺 𑀲𑁄𑀫𑁄=𑀘𑀦𑁆𑀤𑁄. 𑀯𑀸𑀬𑀦𑁆𑀢𑀺 𑀏𑀢𑁂𑀦𑀸𑀢𑀺 𑀯𑁂𑀫𑁄=𑀢𑀦𑁆𑀢𑀯𑀸𑀬𑁄𑀧𑀓𑀭𑀡𑀁. 𑀬𑀸𑀢𑀻𑀢𑀺 𑀬𑀸𑀫𑁄=𑀤𑀺𑀦𑀲𑁆𑀲 𑀙𑀝𑁆𑀞𑁄 𑀪𑀸𑀕𑁄, 𑀅𑀝𑁆𑀞𑀫𑁄 𑀯𑀸. 𑀕𑀸𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀕𑀸𑀫𑁄=𑀲𑀁𑀯𑀲𑀣𑁄. 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀻𑀢𑀺 𑀳𑁂𑀫𑀁=𑀲𑀼𑀯𑀡𑁆𑀡𑀁. 𑀲𑀸𑀢𑀺 𑀲𑀼𑀦𑁆𑀤𑀭𑀢𑁆𑀢𑀁 𑀢𑀦𑀼𑀁 𑀓𑀭𑁄𑀢𑀻𑀢𑀺 𑀲𑀸𑀫𑁄=𑀓𑀸𑀴𑁄. 𑀮𑀽𑀬𑀢𑁂𑀢𑀺 𑀮𑁄𑀫𑀁=𑀢𑀦𑀼𑀭𑀼𑀳𑀁. 𑀔𑀽𑀬𑀢𑁂 𑀉𑀢𑁆𑀢𑀫𑀪𑀸𑀯𑁂𑀦𑀸𑀢𑀺 𑀔𑁄𑀫𑀁=𑀅𑀢𑀲𑀺. 𑀳𑀯𑀦𑀁, 𑀳𑀽𑀬𑀢𑁂 𑀯𑀸 𑀳𑁄𑀫𑀁=𑀳𑀼𑀢𑀺. 𑀫𑀭𑀦𑁆𑀢𑁆𑀬𑀦𑁂𑀦𑀸𑀢𑀺 𑀫𑀫𑁆𑀩𑀁=𑀬𑀲𑁆𑀫𑀺𑀁 𑀢𑀸𑀴𑀺𑀢𑁂 𑀦 𑀚𑀻𑀯𑀢𑀺 𑀢𑀁. 𑀅𑀢𑁆𑀢𑀸𑀦𑀁 𑀥𑀸𑀭𑁂𑀦𑁆𑀢𑁂 𑀅𑀧𑀸𑀬𑁂 𑀯𑀝𑁆𑀝𑀤𑀼𑀓𑁆𑀔𑁂 𑀘 𑀅𑀧𑀢𑀫𑀸𑀦𑁂 𑀓𑀢𑁆𑀯𑀸 𑀥𑀸𑀭𑁂𑀢𑀻𑀢𑀺 𑀥𑀫𑁆𑀫𑁄=𑀧𑀭𑀺𑀬𑀢𑁆𑀬𑀸𑀤𑀺 ¶ . 𑀓𑀭𑀡𑀁, 𑀓𑀭𑀻𑀬𑀢𑀻𑀢𑀺 𑀯𑀸 𑀓𑀫𑁆𑀫𑀁=𑀲𑀼𑀔𑀤𑀼𑀓𑁆𑀔𑀨𑀮𑀸𑀤𑀺. 𑀲𑁂𑀤𑁄 𑀧𑀕𑁆𑀖𑀭𑀢𑀺 𑀅𑀦𑁂𑀦𑀸𑀢𑀺 𑀖𑀫𑁆𑀫𑁄=𑀦𑀺𑀤𑀸𑀖𑁄. 𑀚𑀫𑁂𑀢𑀺 𑀅𑀪𑀓𑁆𑀔𑀺 𑀢𑀩𑁆𑀩𑀁 𑀅𑀤𑀢𑀻𑀢𑀺 𑀚𑀫𑁆𑀫𑁄=𑀦𑀺𑀳𑀻𑀦𑁄, 𑀅𑀦𑀺𑀲𑀫𑁆𑀫𑀓𑀸𑀭𑀻 𑀘. 𑀅𑀫𑁂𑀢𑀺 𑀧𑁂𑀫𑁂𑀦 𑀧𑀼𑀢𑁆𑀢𑀓𑁂𑀲𑀼 𑀧𑀯𑀢𑁆𑀢𑀢𑀻𑀢𑀺 𑀅𑀫𑁆𑀫𑀸=𑀫𑀸𑀢𑀸. 𑀲𑀫𑁂𑀦𑁆𑀢𑀺 𑀅𑀦𑁂𑀦𑀸𑀢𑀺 𑀲𑀫𑁆𑀫𑀸=𑀧𑀺𑀬𑀲𑀫𑀼𑀤𑀸𑀘𑀸𑀭𑁄.
𑀅𑀲𑁆𑀫𑀆𑀤𑀬𑁄 𑀫𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂, 𑀧𑀭𑀭𑀽𑀧𑀸𑀤𑀻𑀦𑀫𑀪𑀸𑀯𑁄 𑀦𑀺𑀧𑀸𑀢𑀦𑀸. 𑀅𑀲-𑀔𑁂𑀧𑀦𑁂, 𑀅𑀲𑁆𑀲𑀢𑁂𑀢𑀺 𑀅𑀲𑁆𑀫𑀸=𑀧𑀸𑀲𑀸𑀡𑁄. 𑀪𑀲-𑀪𑀲𑁆𑀫𑀻𑀓𑀭𑀡𑁂, 𑀪𑀲𑀢𑀺 𑀧𑀓𑁆𑀔𑀭𑀢𑀻𑀢𑀺 𑀪𑀲𑁆𑀫𑀸=𑀙𑀸𑀭𑀺𑀓𑀸. 𑀉𑀲-𑀤𑀸𑀳𑁂, 𑀉𑀲𑀢𑀺 𑀤𑀳𑀢𑀻𑀢𑀺 𑀉𑀲𑁆𑀫𑀸=𑀢𑁂𑀚𑁄𑀥𑀸𑀢𑀼. 𑀯𑀺𑀲-𑀧𑀯𑀺𑀲𑀦𑁂, 𑀧𑀯𑀺𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑁂𑀲𑁆𑀫𑀁=𑀖𑀭𑀁. 𑀪𑀻-𑀪𑀬𑁂, 𑀫𑀲𑁆𑀲 𑀲𑀼𑀜, 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑁂𑀲𑁆𑀫𑀸=𑀪𑀬𑀸𑀦𑀓𑁄. 𑀅𑀲𑀢𑀺𑀲𑁆𑀲 𑀥𑀗, 𑀅𑀲𑁆𑀲𑀢𑀺 𑀚𑀦𑁂𑀳𑀺 𑀘𑀚𑀻𑀬𑀢𑀻𑀢𑀺 𑀅𑀥𑀫𑁄=𑀦𑀺𑀳𑀻𑀦𑁄. 𑀓𑀭𑁄𑀢𑀺𑀲𑁆𑀲 𑀅𑀲𑁆𑀲 𑀉𑀢𑁆𑀢𑀁, 𑀓𑀭𑁄𑀢𑀻𑀢𑀺 𑀓𑀼𑀫𑁆𑀫𑁄=𑀓𑀘𑁆𑀙𑀧𑁄. 𑀏𑀯𑀫𑀜𑁆𑀜𑁂𑀧𑀺.
𑀦𑀬𑀢𑀺𑀲𑁆𑀫𑀸 𑀫𑀺 𑀳𑁄𑀢𑀺. 𑀦𑀬𑀢𑀻𑀢𑀺 𑀦𑁂𑀫𑀺=𑀘𑀓𑁆𑀓𑀦𑁆𑀢𑀁.
𑀏𑀢𑁂𑀲𑀤𑁆𑀤𑀸 𑀫𑀺𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀊𑀳-𑀯𑀺𑀢𑀓𑁆𑀓𑁂, 𑀳𑀮𑁄𑀧𑁄, 𑀊𑀳𑀦𑁆𑀢𑀺 𑀯𑀺𑀢𑀓𑁆𑀓𑁂𑀦𑁆𑀢𑀺 𑀏𑀢𑁂𑀦𑀸𑀢𑀺 𑀊𑀫𑀺=𑀢𑀭𑀗𑁆𑀕𑁄. 𑀪𑀽-𑀲𑀢𑁆𑀢𑀸𑀬𑀁 𑀑𑀢𑁆𑀢𑀸𑀪𑀸𑀯𑁄, 𑀪𑀯𑀦𑁆𑀢𑀺 𑀏𑀢𑁆𑀣𑀸𑀢𑀺 𑀪𑀽𑀫𑀺=𑀫𑀳𑀻. 𑀦𑀺-𑀧𑀸𑀧𑀦𑁂, 𑀏𑀢𑁆𑀢𑀸𑀪𑀸𑀯𑁄, 𑀲𑀼𑀕𑀢𑀺𑀁 𑀦𑁂𑀢𑀺 𑀧𑀸𑀧𑁂𑀢𑀻𑀢𑀺 𑀦𑀺𑀫𑀺=𑀭𑀸𑀚𑀸. 𑀭𑀲-𑀅𑀲𑁆𑀲𑀸𑀤𑀦𑁂, 𑀧𑀭𑀭𑀽𑀧𑀸𑀪𑀸𑀯𑁄, 𑀭𑀲𑀦𑁆𑀢𑀺 𑀲𑀢𑁆𑀢𑀸 𑀏𑀢𑀸𑀬𑀸𑀢𑀺 𑀭𑀲𑁆𑀫𑀺=𑀭𑀚𑁆𑀚𑀼.
(𑀇𑀢𑀺 𑀧𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀫𑀸-𑀫𑀸𑀦𑁂-𑀙𑀸-𑀙𑀸𑀤𑀦𑁂 ¶ , 𑀏𑀢𑁂𑀳𑀺 𑀬𑁄 𑀳𑁄𑀢𑀺. 𑀫𑁂𑀢𑀺 𑀧𑀭𑀺𑀫𑁂𑀢𑀺 𑀅𑀜𑁆𑀜𑁂𑀦 𑀉𑀢𑁆𑀢𑀫𑁂𑀦 𑀕𑀼𑀡𑁂𑀦 𑀅𑀢𑁆𑀢𑀦𑁄 𑀅𑀕𑀼𑀡𑀦𑁆𑀢𑀺 𑀫𑀸𑀬𑀸=𑀲𑀦𑁆𑀢𑀤𑁄𑀲 𑀧𑀝𑀺𑀘𑁆𑀙𑀸𑀤𑀦 𑀮𑀓𑁆𑀔𑀡𑀸. 𑀙𑁂𑀢𑀺 𑀙𑀺𑀦𑁆𑀤𑀢𑀺 𑀲𑀁𑀲𑀬𑀦𑁆𑀢𑀺 𑀙𑀸𑀬𑀸=𑀧𑀝𑀺𑀩𑀺𑀫𑁆𑀩𑀁.
𑀚𑀦𑀺𑀲𑁆𑀫𑀸 𑀬𑁄 𑀳𑁄𑀢𑀺, 𑀚𑀦𑀺𑀲𑁆𑀲 𑀚𑀸 𑀘, 𑀚𑀦𑁂𑀢𑀻𑀢𑀺 𑀚𑀸𑀬𑀸=𑀪𑀭𑀺𑀬𑀸.
𑀳𑀤𑀬𑀆𑀤𑀬𑁄 𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀳𑀭𑀺𑀲𑁆𑀲 𑀤𑀗, 𑀳𑀭𑀢𑀻𑀢𑀺 𑀳𑀤𑀬𑀁=𑀘𑀺𑀢𑁆𑀢𑀁, 𑀫𑀦𑁄𑀥𑀸𑀢𑀼 𑀫𑀦𑁄𑀯𑀺𑀜𑁆𑀜𑀸𑀡𑀥𑀸𑀢𑀼 𑀦𑀺𑀲𑁆𑀲𑀬𑁄 𑀘, 𑀢𑀦𑀺𑀲𑁆𑀲𑀅𑀓, 𑀅𑀢𑁆𑀢𑀦𑀺 𑀧𑁂𑀫𑀁 𑀢𑀦𑁄𑀢𑀻𑀢𑀺 𑀢𑀦𑀬𑁄=𑀧𑀼𑀢𑁆𑀢𑁄. 𑀲𑀭𑀢𑀺𑀲𑁆𑀲 𑀲𑀼𑀭𑀺, 𑀲𑀭𑀢𑀺 𑀕𑀘𑁆𑀙𑀢𑀻𑀢𑀺 𑀲𑀽𑀭𑀺𑀬𑁄=𑀆𑀤𑀺𑀘𑁆𑀘𑁄. 𑀳𑀭𑀢𑀺𑀲𑁆𑀲 𑀫𑁆𑀫𑀺𑀗, 𑀲𑀼𑀔𑀫𑀸𑀳𑀭𑀢𑀻𑀢𑀺 𑀳𑀫𑁆𑀫𑀺𑀬𑀁=𑀫𑀼𑀡𑁆𑀟𑀘𑁆𑀙𑀤𑀦𑀧𑀸𑀲𑀸𑀤𑁄. 𑀓𑀲-𑀕𑀫𑀦𑁂, 𑀓𑀲𑀲𑁆𑀲 𑀅𑀮𑀓, 𑀅𑀲𑁆𑀲 𑀇 𑀘, 𑀓𑀲𑀢𑀺 𑀯𑀼𑀤𑁆𑀥𑀺𑀁 𑀬𑀸𑀢𑀻𑀢𑀺 𑀓𑀺𑀲𑀮𑀬𑀁=𑀧𑀮𑁆𑀮𑀯𑀁, 𑀏𑀯𑀫𑀜𑁆𑀜𑁂𑀧𑀺.
𑁧𑁪𑁩. 𑀔𑀻 𑀲𑀺 𑀲𑀺 𑀦𑀻 𑀲𑀻 𑀲𑀼 𑀯𑀻 𑀓𑀼𑀲𑀽𑀳𑀺 𑀭𑀓.
𑀔𑀻-𑀔𑀬𑁂, 𑀲𑀺-𑀲𑁂𑀯𑀸𑀬𑀁, 𑀲𑀺-𑀩𑀦𑁆𑀥𑀦𑁂, 𑀦𑀻-𑀧𑀸𑀧𑀦𑁂, 𑀲𑀻-𑀲𑀬𑁂, 𑀲𑀼-𑀲𑀯𑀦𑁂, 𑀯𑀻 𑀯𑀸-𑀕𑀫𑀦𑁂, 𑀓𑀼-𑀲𑀤𑁆𑀤𑁂, 𑀲𑀽-𑀧𑀲𑀯𑁂, 𑀏𑀢𑁂𑀳𑀺 𑀭𑀓 𑀳𑁄𑀢𑀺. 𑀔𑀬𑀢𑀺 𑀤𑀼𑀳𑀦𑁂𑀦𑀸𑀢𑀺 𑀔𑀻𑀭𑀁=𑀧𑀬𑁄. 𑀓𑀼𑀲𑀼𑀫𑀸𑀤𑀻𑀳𑀺 𑀲𑁂𑀯𑀻𑀬𑀢𑀻𑀢𑀺 𑀲𑀺𑀭𑁄=𑀫𑀼𑀤𑁆𑀥𑀸. 𑀲𑁂𑀢𑀺 𑀲𑀭𑀻𑀭𑀁 𑀩𑀦𑁆𑀥𑀢𑀻𑀢𑀺 𑀲𑀺𑀭𑀸=𑀤𑁂𑀳𑀩𑀦𑁆𑀥𑀦𑀻. 𑀦𑁂𑀢𑀺, 𑀧𑀭𑁂𑀳𑀺𑀯𑀸𑀦𑀻𑀬𑀢𑀻𑀢𑀺 𑀦𑀻𑀭𑀁=𑀚𑀮𑀁. 𑀲𑀬𑀢𑀻𑀢𑀺 𑀲𑀻𑀭𑁄=𑀳𑀮𑀁. 𑀅𑀦𑀺𑀝𑁆𑀞𑀨𑀮- 𑀤𑀸𑀬𑀓𑀢𑁆𑀢𑀁 ¶ 𑀲𑀯𑀢𑀻𑀢𑀺 𑀲𑀼𑀭𑀸=𑀫𑀤𑀺𑀭𑀸. 𑀲𑀼𑀡𑁄𑀢𑀺 𑀉𑀢𑁆𑀢𑀫𑀕𑀻𑀢𑀸𑀤𑀺𑀦𑁆𑀢𑀺 𑀲𑀼𑀭𑁄=𑀤𑁂𑀯𑁄. 𑀯𑁂𑀢𑀺 𑀉𑀢𑁆𑀢𑀫𑀪𑀸𑀯𑀁 𑀬𑀸𑀢𑀻𑀢𑀺 𑀯𑀻𑀭𑁄=𑀯𑀺𑀓𑁆𑀓𑀦𑁆𑀢𑁄. 𑀓𑀯𑀢𑀺 𑀦𑀤𑀢𑀻𑀢𑀺 𑀓𑀼𑀭𑀁=𑀪𑀢𑁆𑀢𑀁. 𑀪𑀬𑀝𑁆𑀝𑀺𑀢𑀸𑀦𑀁 𑀧𑀞𑀫𑀓𑀧𑁆𑀧𑀺𑀬𑀸𑀦𑀁 𑀲𑀽𑀭𑀢𑁆𑀢𑀁 𑀧𑀲𑀯𑀢𑀻𑀢𑀺 𑀲𑀽𑀭𑁄=𑀲𑀽𑀭𑀺𑀬𑁄, 𑀯𑀺𑀓𑁆𑀓𑀦𑁆𑀢𑁄 𑀘.
𑀳𑀺-𑀕𑀢𑀺𑀬𑀁, 𑀘𑀺-𑀘𑀬𑁂, 𑀤𑀼-𑀕𑀢𑀺𑀬𑀁, 𑀫𑀺-𑀧𑀓𑁆𑀔𑁂𑀧𑀦𑁂, 𑀏𑀢𑁂𑀳𑀺 𑀭𑀓 𑀳𑁄𑀢𑀺, 𑀤𑀻𑀖𑁄 𑀘𑀸𑀦𑁆𑀢𑀲𑁆𑀲. 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀻𑀢𑀺 𑀳𑀻𑀭𑀁=𑀢𑀸𑀮𑀳𑀻𑀭𑀸𑀤𑀺. 𑀘𑀬𑀢𑀻𑀢𑀺 𑀘𑀻𑀭𑀁=𑀯𑀓𑁆𑀓𑀮𑀁. 𑀤𑀽𑀬𑀢𑀺 𑀤𑀼𑀓𑁆𑀔𑁂𑀦 𑀕𑀫𑀻𑀬𑀢𑀻𑀢𑀺 𑀤𑀽𑀭𑀁=𑀅𑀦𑀸𑀲𑀦𑁆𑀦𑀁. 𑀫𑀻𑀬𑀢𑁂 𑀧𑀓𑁆𑀔𑀻𑀧𑀻𑀬𑀢𑁂𑀢𑀺 𑀫𑀻𑀭𑁄=𑀲𑀫𑀼𑀤𑁆𑀤𑁄.
𑀥𑀸-𑀥𑀸𑀭𑀡𑁂, 𑀢𑀸-𑀧𑀸𑀮𑀦𑁂, 𑀏𑀢𑁂𑀳𑀺 𑀭𑀓 𑀳𑁄𑀢𑀺, 𑀈 𑀘𑀸𑀦𑁆𑀢𑀸𑀤𑁂𑀲𑁄. 𑀥𑀸𑀭𑁂𑀢𑀻𑀢𑀺𑀥𑀻𑀭𑁄=𑀥𑀺𑀢𑀺𑀫𑀸. 𑀚𑀮𑀁 𑀢𑀸𑀬𑀢𑀻𑀢𑀺 𑀢𑀻𑀭𑀁=𑀢𑀝𑀁.
𑀪𑀤𑁆𑀭𑀆𑀤𑀬𑁄 𑀭𑀓𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀪𑀤𑁆𑀤-𑀓𑀮𑁆𑀬𑀸𑀡𑁂, 𑀤𑀮𑁄𑀧𑁄 𑀧𑀭𑀭𑀽𑀧𑀸𑀪𑀸𑀯𑁄, 𑀪𑀚𑀻𑀬𑀢𑀻𑀢𑀺 𑀪𑀤𑁆𑀭𑀁=𑀓𑀮𑁆𑀬𑀸𑀡𑀁. 𑀪𑀻-𑀪𑀬𑁂, 𑀦𑀤𑀸𑀤𑀺𑀧𑀸𑀞𑀸 𑀯𑀻, 𑀪𑀸𑀬𑀦𑁆𑀢𑀺 𑀏𑀢𑀸𑀬𑀸𑀢𑀺 𑀪𑁂𑀭𑀻=𑀤𑀼𑀦𑁆𑀤𑀼𑀪𑀺. 𑀘𑀺𑀢-𑀲𑀜𑁆𑀘𑁂𑀢𑀦𑁂, 𑀯𑀺𑀧𑀼𑀩𑁆𑀩𑁄, 𑀯𑀺𑀘𑀺𑀦𑁆𑀢𑀺𑀢𑀩𑁆𑀩𑀦𑁆𑀢𑀺 𑀯𑀺𑀘𑀺𑀢𑁆𑀭𑀁=𑀦𑀸𑀦𑀸𑀓𑀸𑀭𑀁, 𑀬𑀸-𑀧𑀸𑀧𑀼𑀡𑀦𑁂, 𑀭𑀲𑁆𑀲 𑀢𑀼𑀜, 𑀕𑀫𑀦𑀁 𑀬𑀸𑀢𑁆𑀭𑀸=𑀬𑀸𑀦𑀁. 𑀕𑀼𑀧-𑀕𑁄𑀧𑀦𑁂, 𑀉𑀲𑁆𑀲 𑀑, 𑀧𑀲𑁆𑀲 𑀢𑀜𑁆𑀘 𑀕𑁄𑀧𑀻𑀬𑀢𑀻𑀢𑀺 𑀕𑁄𑀢𑁆𑀭𑀁=𑀓𑀼𑀮𑀸𑀤𑀺, 𑀪𑀲-𑀪𑀲𑁆𑀫𑀻𑀓𑀭𑀡𑁂, 𑀭𑀲𑁆𑀲 𑀢𑀼𑀜, 𑀪𑀲𑀢𑀺 𑀪𑀓𑁆𑀔𑀁 𑀓𑀭𑁄𑀢𑀺 𑀢𑁄𑀬𑀸𑀢𑀺 𑀪𑀲𑁆𑀢𑀸-𑀓𑀫𑁆𑀫𑀸𑀭𑀕𑀕𑁆𑀕𑀭𑀻. 𑀉𑀲=𑀤𑀸𑀳𑁂, 𑀲𑀮𑁄𑀧𑁄, 𑀲𑁄𑀓𑁂𑀦 𑀢𑀸𑀴𑀺𑀢𑁂 𑀉𑀲𑀢𑀺 𑀤𑀳𑀢𑀻𑀢𑀺 𑀉𑀭𑁄=𑀲𑀭𑀻𑀭𑁂𑀓𑀤𑁂𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀫𑀦𑁆𑀤-𑀚𑀴𑀢𑁆𑀢𑁂 ¶ , 𑀅𑀗𑁆𑀓-𑀮𑀓𑁆𑀔𑀡𑁂, 𑀲𑀲-𑀕𑀢𑀺𑀳𑀺𑀁𑀲𑀸𑀧𑀸𑀡𑀦𑁂𑀲𑀼, 𑀅𑀲-𑀔𑁂𑀧𑀦𑁂, 𑀫𑀣 𑀫𑀦𑁆𑀣-𑀯𑀺𑀮𑁄𑀴𑀦𑁂, 𑀘𑀢-𑀬𑀸𑀘𑀦𑁂, 𑀏𑀢𑁂𑀳𑀺 𑀉𑀭𑁄 𑀳𑁄𑀢𑀺. 𑀅𑀫𑀦𑁆𑀤𑀺 𑀅𑀲𑀼𑀦𑁆𑀤𑀭𑀢𑁆𑀢𑀸 𑀚𑀴𑀢𑁆𑀣𑀫𑀕𑀫𑀻𑀢𑀺 𑀫𑀦𑁆𑀤𑀼𑀭𑀸=𑀯𑀸𑀚𑀺𑀲𑀸𑀮𑀸. 𑀅𑀗𑁆𑀓𑀻𑀬𑀢𑀺 𑀮𑀓𑁆𑀔𑀻𑀬𑀢𑀻𑀢𑀺 𑀅𑀗𑁆𑀓𑀼𑀭𑁄=𑀩𑀻𑀚𑀧𑀲𑀯𑁄. 𑀲𑀲𑀢𑀺 𑀳𑀺𑀁𑀲𑀢𑀻𑀢𑀺 𑀲𑀲𑀼𑀭𑁄=𑀚𑀬𑀫𑁆𑀧𑀢𑀻𑀦𑀁 𑀧𑀺𑀢𑀸. 𑀅𑀲𑀻𑀬𑀺𑀢𑁆𑀣𑀸𑀢𑀺 𑀅𑀲𑀼𑀭𑁄=𑀤𑀸𑀦𑀯𑁄, 𑀅𑀭𑀻𑀳𑀺 𑀫𑀣𑀻𑀬𑀢𑀺 𑀆𑀮𑁄𑀴𑀻𑀬𑀢𑀻𑀢𑀺 𑀫𑀣𑀼𑀭𑀸=𑀦𑀕𑀭𑀁. 𑀘𑀢𑀻𑀬𑀢𑀻𑀢𑀺 𑀘𑀢𑀼𑀭𑁄=𑀤𑀓𑁆𑀔𑁄.
𑀯𑀺𑀥𑀼𑀭𑀆𑀤𑀬𑁄 𑀉𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀯𑀺𑀥-𑀯𑁂𑀥𑀦𑁂, 𑀏𑀢𑁆𑀢𑀸𑀪𑀸𑀯𑁄, 𑀯𑁂𑀥𑀢𑀺 𑀳𑀺𑀁𑀲𑀢𑀻𑀢𑀺 𑀯𑀺𑀥𑀼𑀭𑁄=𑀯𑀺𑀭𑀼𑀤𑁆𑀥𑁄. 𑀉𑀦𑁆𑀤-𑀓𑀺𑀮𑁂𑀤𑀦𑁂, 𑀉𑀦𑁆𑀤𑀢𑀺 𑀓𑀺𑀮𑁂𑀤𑀢𑀻𑀢𑀺 𑀉𑀦𑁆𑀤𑀼𑀭𑁄=𑀆𑀔𑀼. 𑀫𑀁𑀓-𑀫𑀡𑁆𑀟𑀦𑁂, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀫𑀗𑁆𑀓𑀢𑀺 𑀅𑀦𑁂𑀦 𑀅𑀢𑁆𑀢𑀸𑀦𑀁 𑀅𑀮𑀗𑁆𑀓𑀭𑁄𑀢𑀻𑀢𑀺 𑀫𑀓𑀼𑀭𑁄=𑀆𑀤𑀸𑀲𑁄, 𑀭𑀣𑁄, 𑀓𑀓𑁆𑀓𑁄, 𑀫𑀘𑁆𑀙𑁄 𑀘. 𑀓𑀼𑀓 𑀯𑀓-𑀆𑀤𑀸𑀦𑁂, 𑀓𑀲𑁆𑀲 𑀤𑁆𑀯𑀺𑀢𑁆𑀢𑀁. 𑀓𑀼𑀓𑀢𑀺 𑀲𑀮𑀸𑀤𑀬𑁄 𑀆𑀤𑀤𑀸𑀢𑀻𑀢𑀺 𑀓𑀼𑀓𑁆𑀓𑀼𑀭𑁄=𑀲𑀸. 𑀫𑀗𑁆𑀕-𑀫𑀗𑁆𑀕𑀮𑁆𑀬𑁂, 𑀅𑀫𑀗𑁆𑀕𑀺 𑀧𑀲𑀢𑁆𑀣𑀫𑀕𑀫𑀻𑀢𑀺 𑀫𑀗𑁆𑀕𑀼𑀭𑁄=𑀫𑀘𑁆𑀙𑀯𑀺𑀲𑁂𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑁧𑁪𑁯. 𑀢𑀺𑀫 𑀭𑀼𑀳 𑀭𑀼𑀥 𑀩𑀥 𑀫𑀤 𑀫𑀦𑁆𑀤 𑀯𑀚𑀸𑀚 𑀭𑀼𑀘 𑀓𑀲𑀸 𑀓𑀺𑀭𑁄.
𑀢𑀺𑀫-𑀢𑁂𑀫𑀦𑁂, 𑀭𑀼𑀳-𑀚𑀦𑀦𑁂, 𑀭𑀼𑀥-𑀆𑀯𑀭𑀡𑁂, 𑀩𑀥-𑀩𑀸𑀥𑀦𑁂, 𑀫𑀤𑀉𑀫𑁆𑀫𑀸𑀤𑁂, 𑀫𑀦𑁆𑀤-𑀫𑁄𑀤𑀦𑀣𑀼𑀢𑀺𑀚𑀴𑀢𑁆𑀢𑁂𑀲𑀼, 𑀯𑀚 𑀅𑀚-𑀕𑀫𑀦𑁂, 𑀭𑀼𑀘-𑀤𑀺𑀢𑁆𑀢𑀺𑀬𑀁, 𑀓𑀲-𑀕𑀫𑀦𑁂, 𑀏𑀢𑁂𑀳𑀺 𑀓𑀺𑀭𑁄 𑀳𑁄𑀢𑀺. 𑀢𑁂𑀫𑁂𑀢𑀻𑀢𑀺 𑀢𑀺𑀫𑀺𑀭𑀁=𑀅𑀦𑁆𑀥𑀓𑀸𑀭𑀁, 𑀆𑀧𑁄 𑀘. 𑀭𑀼𑀳𑀢𑀺 𑀧𑀯𑀢𑁆𑀢𑀢𑀻𑀢𑀺 𑀭𑀼𑀳𑀺𑀭𑀁=𑀮𑁄𑀳𑀺𑀢𑀁. 𑀚𑀻𑀯𑀺𑀢𑀁 𑀭𑀼𑀦𑁆𑀥𑀢𑀻𑀢𑀺 𑀭𑀼𑀥𑀺𑀭𑀁=𑀢𑀤𑁂𑀯. 𑀩𑀸𑀥𑀻𑀬𑀢𑀻𑀢𑀺 𑀩𑀥𑀺𑀭𑁄=𑀲𑁄𑀢𑀯𑀺𑀓𑀮𑁄. 𑀚𑀦𑀸 𑀫𑀚𑁆𑀚𑀦𑁆𑀢𑀺 𑀏𑀢𑀸𑀬𑀸𑀢𑀺 𑀫𑀤𑀺𑀭𑀸=𑀲𑀼𑀭𑀸. 𑀫𑁄𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀫𑀦𑁆𑀤𑀺𑀭𑀁= 𑀖𑀭𑀁 ¶ . 𑀯𑀚𑀢𑀻𑀢𑀺 𑀯𑀚𑀺𑀭𑀁=𑀓𑀼𑀮𑀺𑀲𑀼𑀁. 𑀅𑀚𑀦𑁆𑀢𑀺 𑀕𑀘𑁆𑀙𑀦𑁆𑀢𑀻 𑀏𑀢𑁆𑀣𑀸𑀢𑀺 𑀅𑀚𑀺𑀭𑀁=𑀅𑀗𑁆𑀕𑀡𑀁 𑀖𑀭𑀯𑀺𑀲𑀬𑁄𑀓𑀸𑀲𑁄 𑀘. 𑀭𑁄𑀘𑀢𑀻𑀢𑀺 𑀭𑀼𑀘𑀺𑀭𑀁=𑀫𑀦𑀼𑀜𑁆𑀜𑀁. 𑀓𑀲𑀻𑀬𑀢𑀺 𑀤𑀼𑀓𑁆𑀔𑁂𑀦 𑀕𑀫𑀻𑀬𑀢𑀻𑀢𑀺 𑀓𑀲𑀺𑀭𑀁=𑀓𑀺𑀘𑁆𑀙𑀁.
𑀣𑀺𑀭𑀆𑀤𑀬𑁄 𑀓𑀺𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀞𑀸-𑀕𑀢𑀺𑀦𑀺𑀯𑀢𑁆𑀢𑀺𑀬𑀁, 𑀞𑀲𑁆𑀲 𑀣𑀢𑁆𑀢𑀁, 𑀞𑀸𑀢𑀺 𑀧𑀯𑀢𑁆𑀢𑀢𑀻𑀢𑀺 𑀣𑀺𑀭𑀁=𑀘𑀺𑀭𑀝𑁆𑀞𑀸𑀬𑀻. 𑀇𑀲 𑀲𑀺𑀁𑀲-𑀇𑀘𑁆𑀙𑀸𑀬𑀁, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀇𑀘𑁆𑀙𑀻𑀬𑀢𑀻𑀢𑀺 𑀲𑀺𑀲𑀺𑀭𑁄=𑀉𑀢𑀼𑀯𑀺𑀲𑁂𑀲𑁄. 𑀅𑀤 𑀔𑀸𑀤-𑀪𑀓𑁆𑀔𑀦𑁂, 𑀆𑀲𑁆𑀲 𑀭𑀲𑁆𑀲𑀢𑁆𑀣𑀁, 𑀔𑀸𑀤𑀻𑀬𑀢𑀺 𑀧𑀸𑀡𑀓𑁂𑀳𑀻𑀢𑀺 𑀔𑀤𑀺𑀭𑁄=𑀤𑀦𑁆𑀢𑀥𑀸𑀯𑀦𑁄, 𑀏𑀯𑀫𑀜𑁆𑀜𑁂𑀧𑀺.
𑀤𑀤-𑀤𑀸𑀦𑁂, 𑀕𑀭 𑀖𑀭-𑀲𑁂𑀘𑀦𑁂, 𑀏𑀢𑁂𑀳𑀺 𑀬𑀣𑀸𑀓𑁆𑀓𑀫𑀁 𑀤𑀼𑀭𑀪𑀭𑀸 𑀳𑁄𑀦𑁆𑀢𑀺. 𑀅𑀦𑁆𑀢𑀸𑀦𑀁 𑀤𑀤𑀸𑀢𑀻𑀢𑀺 𑀤𑀤𑁆𑀤𑀼𑀭𑁄=𑀪𑁂𑀓𑁄. 𑀕𑀭𑀢𑀺 𑀲𑀺𑀜𑁆𑀘𑀢𑀻𑀢𑀺 𑀕𑀩𑁆𑀪𑀭𑀁=𑀕𑀼𑀳𑀸.
𑀘𑀭𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑁂 𑀘𑀭𑀸𑀤𑀬𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀘𑀭𑀕𑀢𑀺𑀪𑀓𑁆𑀔𑀦𑁂𑀲𑀼 𑀘𑀭𑀦𑁆𑀢𑀺 𑀏𑀢𑁆𑀣𑀸𑀢𑀺 𑀘𑀘𑁆𑀘𑀭𑀁=𑀯𑀻𑀣𑀺𑀘𑀢𑀼𑀓𑁆𑀓𑀁, 𑀅𑀗𑁆𑀕𑀡𑀜𑁆𑀘, 𑀤𑀭-𑀯𑀺𑀤𑀸𑀭𑀡𑁂, 𑀤𑀭𑀻𑀬𑀢𑀻𑀢𑀺 𑀤𑀤𑁆𑀤𑀭𑀁=𑀯𑀸𑀤𑀺𑀢𑁆𑀢𑀁, 𑀪𑁂𑀭𑀻 𑀘. 𑀚𑀭-𑀯𑀬𑁄𑀳𑀸𑀦𑀺𑀬𑀁, 𑀅𑀚𑀭𑀻𑀢𑀺 𑀚𑀚𑁆𑀚𑀭𑁄=𑀚𑀺𑀡𑁆𑀡𑁄. 𑀕𑀭 𑀖𑀭-𑀲𑁂𑀘𑀦𑁂, 𑀕𑀭𑀢𑀺 𑀲𑀺𑀜𑁆𑀘𑀢𑀻𑀢𑀺 𑀕𑀕𑁆𑀕𑀭𑁄=𑀪𑀺𑀦𑁆𑀦𑀲𑁆𑀲𑀭𑁄, 𑀳𑀁𑀲𑀲𑁆𑀲𑀭𑁄 𑀘. 𑀫𑀭-𑀧𑀸𑀡𑀘𑀸𑀕𑁂, 𑀫𑀭𑀢𑀻𑀢𑀺 𑀫𑀫𑁆𑀫𑀭𑁄=𑀲𑀼𑀓𑁆𑀔𑀧𑀡𑁆𑀡𑀁, 𑀧𑀢𑁆𑀣𑀧𑀡𑁆𑀡𑀸𑀦𑀁 𑀲𑀤𑁆𑀤𑁄 𑀘.
𑀧𑀻-𑀢𑀧𑁆𑀧𑀦𑁂𑀢𑀻𑀫𑀲𑁆𑀫𑀸 ¶ 𑀓𑁆𑀯𑀭𑁄 𑀳𑁄𑀢𑀺. 𑀅𑀧𑁆𑀧𑀺𑀡𑀻𑀢𑀺 𑀧𑀻𑀯𑀭𑀁=𑀣𑀽𑀮𑀁.
𑀘𑀻𑀯𑀭𑀆𑀤𑀬𑁄 𑀓𑁆𑀯𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀘𑀺𑀦𑀸𑀢𑀺𑀲𑁆𑀲 𑀤𑀻𑀖𑀢𑁆𑀢𑀁. 𑀘𑀻𑀬𑀢𑀻𑀢𑀺 𑀘𑀻𑀯𑀭𑀁=𑀓𑀸𑀲𑀸𑀯𑀁. 𑀲𑀫-𑀉𑀧𑀲𑀫𑁂, 𑀦𑀤𑀸𑀤𑀺𑀢𑁆𑀢𑀸 𑀯𑀻, 𑀧𑀭𑀺𑀴𑀸𑀳𑀁 𑀲𑀫𑁂𑀢𑀻𑀢𑀺 𑀲𑀁𑀯𑀭𑀻=𑀭𑀢𑁆𑀢𑀺. 𑀥𑀸𑀲𑁆𑀲 𑀈, 𑀚𑀸𑀮𑀓𑀼𑀫𑀺𑀦𑀸𑀤𑀻𑀦𑀺 𑀥𑀸𑀭𑁂𑀢𑀻𑀢𑀺 𑀥𑀻𑀯𑀭𑁄=𑀓𑁄𑀝𑁆𑀝𑁄, 𑀢𑀸𑀬𑀢𑀺𑀲𑁆𑀲 𑀈, 𑀬𑁂𑀦 𑀓𑁂𑀦𑀘𑀺 𑀅𑀢𑁆𑀢𑀸𑀦𑀁 𑀢𑀸𑀬𑀢𑀻𑀢𑀺 𑀢𑀻𑀯𑀭𑁄=𑀳𑀻𑀦𑀚𑀸𑀢𑀺. 𑀦𑀬𑀢𑀺𑀲𑁆𑀲𑀻, 𑀦𑀬𑀦𑁆𑀢𑀺 𑀏𑀢𑁆𑀣 𑀲𑀢𑁆𑀢𑀸𑀢𑀺 𑀦𑀻𑀯𑀭𑀁=𑀖𑀭𑀁, 𑀏𑀯𑀫𑀜𑁆𑀜𑁂𑀧𑀺.
𑀓𑀼-𑀲𑀤𑁆𑀤𑁂𑀢𑀻𑀫𑀲𑁆𑀫𑀸 𑀓𑁆𑀭𑀺𑀭𑁄 𑀳𑁄𑀢𑀺. 𑀓𑀯𑀢𑀺 𑀦𑀤𑀢𑀻𑀢𑀺 𑀓𑀼𑀭𑀭𑁄=𑀧𑀓𑁆𑀔𑀻, 𑀇𑀢𑁆𑀣𑀺𑀬𑀁 𑀯𑀻𑀫𑁆𑀳𑀺 𑀓𑀼𑀭𑀭𑀻.
𑀯𑀲-𑀦𑀺𑀯𑀸𑀲𑁂, 𑀅𑀲-𑀔𑁂𑀧𑀦𑁂, 𑀏𑀢𑁂𑀳𑀺 𑀙𑀭𑁄 𑀳𑁄𑀢𑀺. 𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀘𑁆𑀙𑀭𑁄=𑀯𑀲𑁆𑀲𑁄. 𑀲𑀁𑀧𑀼𑀩𑁆𑀩𑁄, 𑀲𑀁𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑀁𑀯𑀘𑁆𑀙𑀭𑁄=𑀲𑁄𑀯. 𑀅𑀲𑀢𑀺 𑀯𑀺𑀲𑁆𑀲𑀚𑁆𑀚𑁂𑀢𑀻𑀢𑀺 𑀅𑀘𑁆𑀙𑀭𑀸=𑀤𑁂𑀯𑀓𑀜𑁆𑀜𑀸, 𑀅𑀗𑁆𑀕𑀼𑀮𑀺𑀨𑁄𑀝𑀦𑀜𑁆𑀘.
𑀫𑀲-𑀅𑀫𑀲𑀦𑁂𑀢𑀻𑀫𑀲𑁆𑀫𑀸 𑀙𑁂𑀭𑁄 𑀳𑁄𑀢𑀺 𑀙𑀭𑁄 𑀘. 𑀢𑀡𑁆𑀳𑀸𑀬 𑀧𑀭𑀸𑀫𑀲𑀦𑀁 𑀫𑀘𑁆𑀙𑁂𑀭𑀁=𑀲𑀓𑀲𑀫𑁆𑀧𑀢𑁆𑀢𑀺𑀦𑀺𑀕𑀼𑀳𑀦𑀁, 𑀫𑀘𑁆𑀙𑀭𑀁=𑀢𑀤𑁂𑀯.
𑀥𑀼𑀦𑀸𑀢𑀺 ¶ 𑀯𑀸𑀢𑀻𑀳𑀺 𑀲𑀭𑁄 𑀳𑁄𑀢𑀺. 𑀥𑀼𑀦𑀸𑀢𑀻𑀢𑀺 𑀥𑀽𑀲𑀭𑁄=𑀮𑀽𑀔𑁄 𑀈𑀲𑀁𑀧𑀡𑁆𑀟𑀼 𑀘. 𑀯𑀸𑀢𑀺 𑀕𑀘𑁆𑀙𑀢𑀻𑀢𑀺 𑀯𑀸𑀲𑀭𑁄=𑀤𑀺𑀯𑀲𑁄.
𑀪𑀫 𑀢𑀲 𑀫𑀦𑁆𑀤 𑀓𑀦𑁆𑀤𑀸𑀤𑀻𑀳𑀺 𑀅𑀭𑁄 𑀳𑁄𑀢𑀺. 𑀪𑀫𑀢𑀻𑀢𑀺 𑀪𑀫𑀭𑁄=𑀫𑀥𑀼𑀓𑀭𑁄. 𑀢𑀲𑀢𑀺 𑀢𑀦𑁆𑀢𑀁 𑀕𑀡𑁆𑀳𑀸𑀢𑀻𑀢𑀺 𑀢𑀲𑀭𑁄=𑀲𑀼𑀢𑁆𑀢𑀯𑁂𑀝𑁆𑀞𑀦𑁄. 𑀫𑀦𑁆𑀤𑀦𑁆𑀢𑀺 𑀫𑁄𑀤𑀦𑁆𑀢𑀺 𑀏𑀢𑁆𑀣𑀸𑀢𑀺 𑀫𑀦𑁆𑀤𑀭𑁄=𑀧𑀩𑁆𑀩𑀢𑁄. 𑀓𑀦𑁆𑀤𑀢𑀺 𑀅𑀯𑁆𑀳𑀸𑀬𑀢𑀻𑀢𑀺 𑀓𑀦𑁆𑀤𑀭𑁄=𑀤𑀭𑀻. 𑀤𑀺𑀯𑀲𑁆𑀲 𑀏𑀢𑁆𑀢𑀁, 𑀤𑁂𑀯𑀦𑁆𑀢𑀺 𑀓𑀻𑀴𑀦𑁆𑀢𑀺 𑀏𑀢𑁂𑀦𑀸𑀢𑀺 𑀤𑁂𑀯𑀭𑁄=𑀧𑀢𑀺𑀭𑁄 𑀪𑀸𑀢𑀸.
𑀯𑀤𑀢𑀺𑀲𑁆𑀫𑀸 𑀅𑀭𑁄 𑀬𑁄𑀢𑀺, 𑀯𑀤𑀢𑀺𑀲𑁆𑀲 𑀩𑀤𑀸𑀤𑁂𑀲𑁄 𑀘. 𑀯𑀤𑀦𑁆𑀢𑀺 𑀏𑀢𑁂𑀦𑀸𑀢𑀺 𑀩𑀤𑀭𑁄=𑀓𑀓𑁆𑀓𑀦𑁆𑀥𑀽𑀨𑀮𑀁. 𑀯𑀻𑀫𑁆𑀳𑀺 𑀩𑀤𑀭𑀻=𑀓𑀓𑁆𑀓𑀦𑁆𑀥𑀽.
𑀯𑀤 𑀚𑀦𑁂𑀳𑀺 𑀅𑀭𑁄 𑀳𑁄𑀢𑀺, 𑀞𑀗 𑀘𑀸𑀦𑁆𑀢𑀸𑀤𑁂𑀲𑁄. 𑀯𑀤𑀢𑀻𑀢𑀺 𑀯𑀞𑀭𑁄=𑀫𑀽𑀴𑁄 𑀯𑀞𑀭𑀁=𑀣𑀽𑀮𑀁. 𑀚𑀸𑀬𑀢𑀻𑀢𑀺 𑀚𑀞𑀭𑀁=𑀉𑀤𑀭𑀁.
𑀧𑀘𑀢𑀺𑀲𑁆𑀫𑀸 𑀅𑀭𑁄 𑀳𑁄𑀢𑀺 𑀇𑀞𑀗𑀘𑀸𑀦𑁆𑀢𑀸𑀤𑀲𑁄. 𑀧𑀘𑀦𑁆𑀢𑀺 𑀏𑀢𑁂𑀦𑀸𑀢𑀺 𑀧𑀺𑀞𑀭𑁄=𑀣𑀸𑀮𑀻.
𑀯𑀓 𑀓𑀼𑀓-𑀆𑀤𑀸𑀦𑁂𑀢𑀺𑀫𑀲𑁆𑀫𑀸 𑀅𑀭𑀡𑀳𑁄𑀢𑀺. 𑀯𑀓𑁂𑀢𑀺 𑀆𑀤𑀤𑀸𑀢𑀺 𑀏𑀢𑀸𑀬𑀸𑀢𑀺 𑀯𑀸𑀓𑀭𑀸=𑀫𑀺𑀕𑀩𑀦𑁆𑀥𑀦𑀻.
𑁧𑁬𑁪. 𑀲𑀺𑀗𑁆𑀕𑁆𑀬𑀗𑁆𑀕𑀸𑀕 𑀫𑀚𑁆𑀚𑀓𑀮𑀸𑀮𑀸 𑀆𑀭𑁄.
𑀲𑀺𑀗𑁆𑀕𑀺𑀇𑀢𑀺 ¶ 𑀦𑀸𑀫𑀥𑀸𑀢𑀼, 𑀅𑀗𑁆𑀕-𑀕𑀫𑀦𑀢𑁆𑀣𑁄, 𑀅𑀕-𑀓𑀼𑀝𑀺𑀮𑀕𑀫𑀦𑁂, 𑀫𑀚𑁆𑀚𑀲𑀁𑀲𑀼𑀤𑁆𑀥𑀺𑀬𑀁, 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀅𑀮-𑀩𑀦𑁆𑀥𑀦𑁂, 𑀏𑀢𑁂𑀳𑀺 𑀆𑀭𑁄 𑀳𑁄𑀢𑀺. 𑀯𑀺𑀚𑁆𑀛𑀦𑀢𑁆𑀣𑁂𑀦 𑀲𑀺𑀗𑁆𑀕𑀁 𑀯𑀺𑀬 𑀲𑀺𑀗𑁆𑀕𑀁=𑀦𑀸𑀕𑀭𑀺𑀓𑀪𑀸𑀯𑀲𑀗𑁆𑀔𑀸𑀢𑀲𑁆𑀲 𑀓𑀺𑀮𑁂𑀲𑀲𑀺𑀗𑁆𑀕𑀲𑁆𑀲𑁂𑀢𑀁 𑀦𑀸𑀫𑀁, 𑀢𑀁𑀓𑀭𑁄𑀢𑀺 𑀲𑀺𑀗𑁆𑀕𑀁 𑀯𑀸 𑀧𑀬𑀼𑀢𑁆𑀢𑀁, 𑀢𑀁 𑀓𑀭𑁄𑀢𑀺 𑀭𑀸𑀕𑀻𑀲𑀼 𑀧𑀪𑀯𑀢𑀻𑀢𑀺 𑀯𑀸, ‘‘𑀥𑀸𑀢𑁆𑀯𑀢𑁆𑀣𑁂 𑀦𑀸𑀦𑀸𑀫𑀲𑁆𑀫𑀻’’𑀢𑀺 (𑁫.𑁧𑁨) 𑀇, 𑀧𑀼𑀩𑁆𑀩 𑀲𑀭𑀮𑁄𑀧𑁄, 𑀲𑀺𑀗𑁆𑀕𑀺, 𑀢𑀢𑁄 𑀆𑀭𑁄, ‘‘𑀲𑀭𑁄𑀮𑁄𑀧𑁄 𑀲𑀭𑁂’’𑀢𑀺 (𑁧.𑁨𑁬) 𑀇𑀮𑁄𑀧𑁄, 𑀧𑀼𑀩𑁆𑀩𑁂 ‘‘𑀯𑀺𑀧𑁆𑀧𑀝𑀺𑀲𑁂𑀥𑁂’’𑀢𑀺 (𑁧.𑁨𑁨) 𑀅𑀦𑀺𑀝𑁆𑀞𑀧𑁆𑀧𑀝𑀺𑀲𑁂𑀥𑁄, 𑀏𑀢𑁆𑀣 𑀳𑀺 𑀆𑀭𑀢𑁄 𑀅𑀜𑁆𑀜𑀢𑁆𑀣 𑀲𑀸𑀯𑀓𑀸𑀲𑀧𑀼𑀩𑁆𑀩𑀲𑀭𑀮𑁄𑀧𑁄𑀯, 𑀇𑀧𑀘𑁆𑀘𑀬𑀢𑁄 𑀅𑀜𑁆𑀜𑀢𑁆𑀣 𑀘, 𑀲𑀺𑀗𑁆𑀕𑀸𑀭𑁄=𑀓𑀺𑀮𑁂𑀲𑀲𑀺𑀗𑁆𑀕𑀓𑀭𑀡𑀁, 𑀯𑀺𑀮𑀸𑀲𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀅𑀗𑁆𑀕𑀢𑀺 𑀯𑀺𑀦𑀸𑀲𑀁 𑀕𑀘𑁆𑀙𑀢𑀻𑀢𑀺 𑀅𑀗𑁆𑀕𑀸𑀭𑁄=𑀤𑀟𑁆𑀠𑀓𑀝𑁆𑀞𑀁. 𑀅𑀕𑀦𑁆𑀢𑀺 𑀕𑀘𑁆𑀙𑀦𑁆𑀢𑀺 𑀏𑀢𑁆𑀣𑀸𑀢𑀺 𑀅𑀕𑀸𑀭𑀁=𑀖𑀭𑀁. 𑀮𑀻𑀳𑀦𑁂𑀦 𑀅𑀢𑁆𑀢𑀦𑁄 𑀲𑀭𑀻𑀭𑀁 𑀫𑀚𑁆𑀚𑀢𑀺 𑀦𑀺𑀫𑁆𑀫𑀮𑀢𑁆𑀢𑀁 𑀓𑀭𑁄𑀢𑀻𑀢𑀺 𑀫𑀚𑁆𑀚𑀸𑀭𑁄=𑀩𑀺𑀴𑀸𑀭𑁄. 𑀓𑀮𑀸𑀢𑀺 𑀦𑀺𑀤𑁆𑀤𑁂𑀲𑀸 𑀮𑀲𑁆𑀲 𑀴𑀢𑁆𑀢𑀁, 𑀏𑀢𑁂𑀦 𑀕𑀼𑀡𑀁 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀻𑀢𑀺 𑀓𑀴𑀸𑀭𑁄=𑀧𑀺𑀗𑁆𑀕𑀮𑁄. 𑀤𑀻𑀖𑀢𑁆𑀢𑀁 𑀅𑀮𑀢𑀺 𑀩𑀦𑁆𑀥𑀢𑀻𑀢𑀺 𑀅𑀴𑀸𑀭𑁄=𑀯𑀗𑁆𑀓𑁄 𑀯𑀺𑀲𑀸𑀮𑁄 𑀘.
𑀓𑀫-𑀇𑀘𑁆𑀙𑀸𑀬𑀫𑀺𑀘𑁆𑀘𑀲𑁆𑀫𑀸 𑀆𑀭𑁄 𑀳𑁄𑀢𑀺, 𑀅𑀲𑁆𑀲 𑀉 𑀘. 𑀓𑀸𑀫𑀻𑀬𑀢𑀻𑀢𑀺 𑀓𑀼𑀫𑀸𑀭𑁄=𑀩𑀸𑀮𑁄.
𑀪𑀺𑀗𑁆𑀕𑀸𑀭𑀧𑁆𑀧𑀪𑀼𑀢𑀬𑁄 𑀆𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀪𑀭=𑀪𑀭𑀡𑁂, 𑀪𑀭𑀡𑀁 𑀥𑀸𑀭𑀡𑀁 𑀧𑁄𑀲𑀦𑀜𑁆𑀘, 𑀥𑀸𑀭𑀡𑀢𑁆𑀣𑀲𑁆𑀲 𑀪𑀭𑀢𑀺𑀲𑁆𑀲 𑀪𑀺𑀗𑁆𑀕𑀸𑀤𑁂𑀲𑁄, 𑀪𑀭𑀢𑀺 ¶ 𑀤𑀥𑀸𑀢𑀺 𑀉𑀤𑀓𑀦𑁆𑀢𑀺 𑀪𑀺𑀗𑁆𑀕𑀸𑀭𑁄=𑀳𑁂𑀫𑀪𑀸𑀚𑀦𑀁. 𑀓𑁆𑀮𑁂𑀤 𑀓𑁆𑀮𑀺𑀤-𑀅𑀮𑁆𑀮 𑀪𑀸𑀯𑁂, 𑀮 𑀮𑁄𑀧𑁄, 𑀓𑁆𑀮𑁂𑀤𑀬𑀢𑀻𑀢𑀺 𑀓𑁂𑀤𑀸𑀭𑀁=𑀔𑁂𑀢𑁆𑀢𑀁, (𑀓𑁂 𑀚𑀮𑁂 𑀲𑀢𑀺 𑀤𑀸𑀭𑁄 𑀯𑀺𑀤𑀸𑀭𑀡𑀫𑀲𑁆𑀲𑀸𑀢𑀺 𑀯𑀸 𑀓𑁂𑀤𑀸𑀭𑀁=𑀢𑀤𑁂𑀯, 𑀩𑀳𑀼𑀮𑀸𑀥𑀺𑀓𑀸𑀭𑀸 𑀲𑀢𑁆𑀢𑀫𑀺𑀬𑀸 𑀦 𑀮𑁄𑀧𑁄.) 𑀯𑀺𑀤-𑀮𑀸𑀪𑁂𑀢𑀻𑀫𑀲𑁆𑀫𑀸 𑀓𑀼𑀧𑀼𑀩𑁆𑀩𑀸 𑀆𑀭𑁄 𑀤𑀲𑁆𑀲 𑀴𑀢𑁆𑀢𑀁 𑀇𑀲𑁆𑀲 𑀏𑀢𑁆𑀢𑀸𑀪𑀸𑀯𑁄 𑀲𑀫𑀸𑀲𑁂 𑀓𑀼𑀲𑁆𑀲 𑀑 𑀘 𑀦𑀺𑀧𑀘𑁆𑀘𑀦𑁆𑀢𑁂, 𑀓𑀼𑀁 𑀧𑀣𑀯𑀺𑀁 𑀯𑀺𑀦𑁆𑀤𑀢𑀺 𑀢𑀢𑁆𑀭𑀼𑀧𑁆𑀧𑀦𑁆𑀦𑀢𑀸𑀬𑀸𑀢𑀺 𑀓𑁄𑀯𑀺𑀴𑀸𑀭𑁄=𑀤𑀺𑀕𑀼𑀡𑀧𑀢𑁆𑀢𑁄.
𑀓𑀭𑁄𑀢𑀺𑀲𑁆𑀫𑀸 𑀫𑀸𑀭𑁄 𑀳𑁄𑀢𑀺. 𑀮𑁄𑀳𑀓𑀺𑀘𑁆𑀘𑀁 𑀓𑀭𑁄𑀢𑀻𑀢𑀺 𑀓𑀫𑁆𑀫𑀸𑀭𑁄=𑀮𑁄𑀳𑀓𑀸𑀭𑁄.
𑀧𑀼𑀲 𑀲𑀭𑁂𑀳𑀺 𑀔𑀭𑁄 𑀳𑁄𑀢𑀺. 𑀧𑁄𑀲𑀻𑀬𑀢𑀺 𑀚𑀮𑁂𑀦𑀸𑀢𑀺 𑀧𑁄𑀓𑁆𑀔𑀭𑀁=𑀧𑀤𑀼𑀫𑀁. 𑀲𑀭𑀢𑀺 𑀯𑀺𑀓𑀸𑀭𑀁 𑀕𑀘𑁆𑀙𑀢𑀻𑀢𑀺 𑀲𑀓𑁆𑀔𑀭𑀸=𑀉𑀘𑁆𑀙𑀼𑀯𑀺𑀓𑀸𑀭𑁄.
𑀏𑀢𑁂𑀳𑀺 𑀓𑀻𑀭𑁄 𑀳𑁄𑀢𑀺 𑀯𑀲𑁆𑀲 𑀉𑀝 𑀘. 𑀲𑀭𑀻𑀬𑀢𑀻𑀢𑀺 𑀲𑀭𑀻𑀭𑀁=𑀤𑁂𑀳𑁄. 𑀯𑀲𑀦𑁆𑀢𑀺 𑀯𑀸𑀲𑀁 𑀓𑀭𑁄𑀦𑁆𑀢𑀺 𑀏𑀢𑁂𑀦𑀸𑀢𑀺 𑀉𑀲𑀻𑀭𑀁=𑀩𑀻𑀭𑀡𑀫𑀽𑀮𑀁. 𑀅𑀦𑁂𑀦 𑀣𑀽𑀮𑀸𑀤𑀺 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀺𑀢𑀺 𑀓𑀮𑀺𑀭𑁄=𑀅𑀗𑁆𑀓𑀼𑀭𑁄.
𑀕𑀫𑁆𑀪𑀻𑀭𑀆𑀤𑀬𑁄 𑀓𑀻𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀕𑀫𑀺𑀲𑁆𑀲 𑀪𑀼𑀓, 𑀫𑀮𑁄𑀧𑁄 𑀯𑀸, 𑀧𑀣𑀯𑀺𑀁, 𑀪𑀺𑀦𑁆𑀤𑀺𑀢𑁆𑀯𑀸 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀺 𑀕𑀫𑁆𑀪𑀻𑀭𑁄, 𑀕𑀪𑀻𑀭𑁄= 𑀅𑀕𑀸𑀥𑁄 ¶ , 𑀓𑀼𑀮𑀺𑀲𑁆𑀲 𑀮𑀲𑁆𑀲 𑀴𑁄, 𑀧𑀸𑀤𑁂 𑀓𑀼𑀮𑀢𑀺 𑀧𑀢𑁆𑀣𑀭𑀢𑀻𑀢𑀺 𑀓𑀼𑀴𑀻𑀭𑁄=𑀓𑀓𑁆𑀓𑀝𑁄, 𑀏𑀯𑀫𑀜𑁆𑀜𑁂𑀧𑀺.
𑀔𑀚𑁆𑀚-𑀫𑀚𑁆𑀚𑀦𑁂, 𑀯𑀮 𑀯𑀮𑁆𑀮-𑀲𑀁𑀯𑀭𑀡𑁂, 𑀲𑀫-𑀆𑀫𑀲𑀦𑁂, 𑀏𑀢𑁂𑀳𑀺 𑀊𑀭𑁄 𑀳𑁄𑀢𑀺, 𑀔𑀚𑁆𑀚𑀻𑀬𑀢𑀻𑀢𑀺 𑀔𑀚𑁆𑀚𑀽𑀭𑁄, 𑀯𑀻𑀫𑁆𑀳𑀺 𑀔𑀚𑁆𑀚𑀽𑀭𑀻=𑀭𑀼𑀓𑁆𑀔𑀯𑀺𑀲𑁂𑀲𑁄. 𑀯𑀮𑁆𑀮𑀻𑀬𑀢𑀺 𑀲𑀁𑀯𑀭𑀻𑀬𑀢𑀻𑀢𑀺 𑀯𑀮𑁆𑀮𑀽𑀭𑁄=𑀲𑀼𑀓𑁆𑀔𑀫𑀁𑀲𑁄. 𑀫𑀲𑀻𑀬𑀢𑀻𑀢𑀺 𑀫𑀲𑀽𑀭𑁄=𑀯𑀻𑀳𑀺𑀯𑀺𑀲𑁂𑀲𑁄.
𑀓𑀧𑁆𑀧𑀽𑀭𑀆𑀤𑀬𑁄 𑀊𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀢𑀼𑀝𑁆𑀞𑀺𑀫𑀼𑀧𑁆𑀧𑀸𑀤𑁂𑀢𑀼𑀁 𑀓𑀧𑁆𑀧𑀢𑀺 𑀲𑀓𑁆𑀓𑁄𑀢𑀻𑀢𑀺 𑀓𑀧𑁆𑀧𑀽𑀭𑀁=𑀖𑀦𑀲𑀸𑀭𑁄. 𑀓𑀭𑁄𑀢𑀺𑀲𑁆𑀲 𑀅𑀲𑁆𑀲𑀼, 𑀓𑀺𑀩𑁆𑀩𑀺𑀲𑀁 𑀓𑀭𑁄𑀢𑀻𑀢𑀺 𑀓𑀼𑀭𑀽𑀭𑁄=𑀧𑀸𑀧𑀓𑀸𑀭𑀻. 𑀧𑀲-𑀩𑀸𑀥𑀦𑁂, 𑀧𑀲𑀢𑀺 𑀧𑀻𑀴𑁂𑀢𑀻𑀢𑀺 𑀧𑀲𑀽𑀭𑁄=𑀤𑀼𑀝𑁆𑀞𑁄, 𑀩𑁆𑀬𑀜𑁆𑀚𑀦𑀁, 𑀏𑀯𑀁𑀦𑀸𑀫𑀓𑁄 𑀘, 𑀏𑀯𑀫𑀜𑁆𑀜𑁂𑀧𑀺.
𑀓𑀞-𑀓𑀺𑀘𑁆𑀙𑀚𑀻𑀯𑀦𑁂, 𑀘𑀓-𑀧𑀭𑀺𑀯𑀺𑀢𑀓𑁆𑀓𑀦𑁂, 𑀏𑀢𑁂𑀳𑀺 𑀑𑀭𑁄 𑀳𑁄𑀢𑀺. 𑀓𑀞𑀢𑀺 𑀓𑀺𑀘𑁆𑀙𑁂𑀦 𑀚𑀻𑀯𑀢𑀻𑀢𑀺 𑀓𑀞𑁄𑀭𑁄=𑀣𑀤𑁆𑀥𑁄. 𑀘𑀓𑀢𑀺 𑀧𑀭𑀺𑀯𑀺𑀢𑀓𑁆𑀓𑁂𑀢𑀻𑀢𑀺 𑀘𑀓𑁄𑀭𑁄=𑀧𑀓𑁆𑀔𑀺𑀯𑀺𑀲𑁂𑀲𑁄.
𑀫𑁄𑀭𑀆𑀤𑀬𑁄 𑀑𑀭𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀻-𑀳𑀺𑀁𑀲𑀸𑀬𑀁, 𑀈𑀮𑁄𑀧𑁄, 𑀫𑀬𑀢𑀺 𑀳𑀺𑀁𑀲𑀢𑀻𑀢𑀺 𑀫𑁄𑀭𑁄=𑀫𑀬𑀽𑀭𑁄. 𑀓𑀲-𑀕𑀫𑀦𑁂, 𑀅𑀲𑁆𑀲𑀺 ¶ , 𑀓𑀲𑀢𑀺 𑀕𑀘𑁆𑀙𑀢𑀻𑀢𑀺 𑀓𑀺𑀲𑁄𑀭𑁄=𑀧𑀞𑀫𑀯𑀬𑁄 𑀅𑀲𑁆𑀲𑁄. 𑀫𑀳𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀫𑀳𑁄𑀭𑁄=𑀯𑀫𑁆𑀫𑀺𑀓𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀼-𑀲𑀤𑁆𑀤𑁂𑀢𑀻𑀫𑀲𑁆𑀫𑀸 𑀏𑀭𑀓 𑀳𑁄𑀢𑀺. ‘‘𑀬𑀼𑀯𑀡𑁆𑀡𑀸𑀦𑀫𑀺𑀬𑀗𑀼𑀯𑀗 𑀲𑀭𑁂’’𑀢𑀺 (𑁫.𑁧𑁩𑁬) 𑀉𑀯𑀗, 𑀓𑀯𑀢𑀺 𑀦𑀤𑀢𑀻𑀢𑀺 𑀓𑀼𑀯𑁂𑀭𑁄=𑀯𑁂𑀲𑁆𑀲𑀯𑀡𑁄.
𑀪𑀽𑀲𑀢𑁆𑀢𑀸𑀬𑀁, 𑀲𑀽-𑀧𑀲𑀯𑀦𑁂, 𑀏𑀢𑁂𑀳𑀺 𑀭𑀺𑀓 𑀳𑁄𑀢𑀺. 𑀪𑀯𑀢𑀻𑀢𑀺 𑀪𑀽𑀭𑀺=𑀧𑀳𑀽𑀢𑀁, 𑀗𑀻𑀫𑁆𑀳𑀺 𑀪𑀽𑀭𑀻=𑀫𑁂𑀥𑀸. 𑀲𑀯𑀢𑀺 𑀳𑀺𑀢𑀁 𑀧𑀲𑀯𑀢𑀻𑀢𑀺 𑀲𑀽𑀭𑀺=𑀯𑀺𑀘𑀓𑁆𑀔𑀡𑁄.
𑀫𑀻-𑀳𑀺𑀁𑀲𑀸𑀬𑀫𑀺𑀘𑁆𑀘𑀲𑁆𑀫𑀸, 𑀓𑀧𑀼𑀩𑁆𑀩𑀸 𑀲𑀬𑀢𑀺𑀲𑁆𑀫𑀸, 𑀦𑀬𑀢𑀺𑀲𑁆𑀫𑀸 𑀘 𑀭𑀼 𑀳𑁄𑀢𑀺. 𑀭𑀁𑀲𑀻𑀳𑀺 𑀅𑀦𑁆𑀥𑀓𑀸𑀭𑀁 𑀫𑀻𑀬𑀢𑀺 𑀳𑀺𑀁𑀲𑀢𑀻𑀢𑀺 𑀫𑁂𑀭𑀼=𑀲𑀺𑀭𑁂𑀭𑀼, 𑀓𑁂 𑀚𑀮𑁂 𑀲𑀬𑀢𑀺 𑀧𑀯𑀢𑁆𑀢𑀢𑀻𑀢𑀺 𑀓𑀲𑁂𑀭𑀼=𑀢𑀺𑀡𑀯𑀺𑀲𑁂𑀲𑁄. 𑀅𑀢𑁆𑀢𑀦𑀺𑀲𑁆𑀲𑀺𑀢𑁂 𑀲𑀼𑀦𑁆𑀤𑀭𑀢𑁆𑀢𑀁 𑀦𑁂𑀢𑀺 𑀧𑀸𑀧𑁂𑀢𑀻𑀢𑀺 𑀦𑁂𑀭𑀼=𑀧𑀩𑁆𑀩𑀢𑁄.
𑀲𑀺𑀦𑀸-𑀲𑁄𑀘𑁂𑀬𑁆𑀬𑁂𑀢𑀻𑀫𑀲𑁆𑀫𑀸 𑀏𑀭𑀼 𑀳𑁄𑀢𑀺. 𑀲𑀺𑀦𑀸𑀢𑀺 𑀲𑀼𑀘𑀺𑀁 𑀓𑀭𑁄𑀢𑀻𑀢𑀺 𑀲𑀺𑀦𑁂𑀭𑀼=𑀧𑀩𑁆𑀩𑀢𑀭𑀸𑀚𑀸.
𑀪𑀻-𑀲𑀬𑁂, 𑀭𑀼-𑀲𑀤𑁆𑀤𑁂, 𑀏𑀢𑁂𑀳𑀺 𑀭𑀼𑀓 𑀳𑁄𑀢𑀺. 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑀻𑀭𑀼=𑀪𑀬𑀸𑀦𑀓𑁄. 𑀭𑀯𑀢𑀻𑀢𑀺 𑀭𑀼𑀭𑀼=𑀫𑀺𑀕𑁄.
𑀢𑀫-𑀪𑀽𑀲𑀦𑁂𑀢𑀻𑀫𑀲𑁆𑀫𑀸 ¶ 𑀩𑀽𑀮𑁄 𑀳𑁄𑀢𑀺. 𑀫𑀼𑀔𑀁 𑀢𑀫𑁂𑀢𑀺 𑀪𑀽𑀲𑁂𑀢𑀻𑀢𑀺 𑀢𑀫𑁆𑀩𑀽𑀮𑀁=𑀫𑀼𑀔𑀪𑀽𑀲𑀦𑀁.
𑀲𑀺-𑀲𑁂𑀯𑀸𑀬𑀫𑀺𑀘𑁆𑀘𑀲𑁆𑀫𑀸 𑀮𑀓𑀯𑀸𑀮𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺. 𑀲𑀢𑁆𑀢𑁂𑀳𑀺 𑀲𑁂𑀯𑀻𑀬𑀢𑀻𑀢𑀺 𑀲𑀺𑀮𑀸=𑀧𑀸𑀲𑀸𑀡𑁄, 𑀲𑁂𑀮𑁄=𑀧𑀩𑁆𑀩𑀢𑁄. 𑀚𑀮𑀁 𑀲𑁂𑀯𑀢𑀻𑀢𑀺 𑀲𑁂𑀯𑀸𑀮𑁄=𑀚𑀮𑀢𑀺𑀡𑀁.
𑁧𑁮𑁨. 𑀫𑀗𑁆𑀕 𑀓𑀫 𑀲𑀫𑁆𑀩 𑀲𑀩 𑀲𑀓 𑀯𑀲 𑀧𑀺𑀲 𑀓𑁂𑀯 𑀓𑀮 𑀧𑀮𑁆𑀮 𑀓𑀞 𑀧𑀝 𑀓𑀼𑀡𑁆𑀟 𑀫𑀡𑁆𑀟𑀸 𑀅𑀮𑁄.
𑀫𑀗𑁆𑀕-𑀫𑀗𑁆𑀕𑀮𑁆𑀬𑁂, 𑀓𑀫-𑀇𑀘𑁆𑀙𑀸𑀬𑀁, 𑀲𑀫𑁆𑀩-𑀫𑀡𑁆𑀟𑀦𑁂, 𑀲𑀩𑀇𑀢𑀺 𑀅𑀲𑁆𑀲𑁂𑀯 𑀓𑀢𑀫𑀮𑁄𑀧𑀲𑁆𑀲 𑀦𑀺𑀤𑁆𑀤𑁂𑀲𑁄, 𑀲𑀓-𑀲𑀢𑁆𑀢𑀺𑀬, 𑀯𑀲-𑀦𑀺𑀯𑀸𑀲𑁂, 𑀧𑀺𑀲𑀕𑀫𑀦𑁂, 𑀓𑁂𑀯-𑀲𑁂𑀯𑀦𑁂, 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀧𑀮𑁆𑀮-𑀕𑀫𑀦𑁂, 𑀓𑀞 𑀓𑀺𑀘𑁆𑀙𑀚𑀻𑀯𑀦𑁂, 𑀧𑀝-𑀕𑀫𑀦𑀢𑁆𑀣𑁄, 𑀓𑀼𑀡𑁆𑀟-𑀤𑀸𑀳𑁂, 𑀫𑀡𑁆𑀟-𑀪𑀽𑀲𑀦𑁂, 𑀏𑀢𑁂𑀳𑀺 𑀅𑀮𑁄 𑀳𑁄𑀢𑀺. 𑀫𑀗𑁆𑀕𑀦𑁆𑀢𑀺 𑀲𑀢𑁆𑀢𑀸 𑀏𑀢𑁂𑀦 𑀯𑀼𑀤𑁆𑀥𑀺𑀁 𑀕𑀘𑁆𑀙𑀦𑁆𑀢𑀻𑀢𑀺 𑀫𑀗𑁆𑀕𑀮𑀁=𑀧𑀲𑀢𑁆𑀣𑀁. 𑀓𑀸𑀫𑀻𑀬𑀢𑀻𑀢𑀺 𑀓𑀫𑀮𑀁-𑀧𑀗𑁆𑀓𑀚𑀁. 𑀲𑀫𑁆𑀧𑀢𑀺 𑀫𑀡𑁆𑀟𑁂𑀢𑀻𑀢𑀺 𑀲𑀫𑁆𑀩𑀮𑀁=𑀧𑀸𑀣𑁂𑀬𑁆𑀬𑀁. 𑀲𑀩𑀮𑀁=𑀯𑀺𑀲𑀪𑀸𑀕 𑀯𑀡𑁆𑀡𑀯𑀦𑁆𑀢𑀁. 𑀲𑀓𑁆𑀓𑁄𑀢𑀺 𑀯𑀢𑁆𑀢𑀼𑀦𑁆𑀢𑀺 𑀲𑀓𑀮𑀁=𑀲𑀩𑁆𑀩𑀁. 𑀯𑀲𑀢𑀻𑀢𑀺 𑀯𑀲𑀮𑁄=𑀲𑀼𑀤𑁆𑀤𑁄. 𑀧𑀺𑀬𑀪𑀸𑀯𑀁 𑀧𑀺𑀲𑀢𑀺 𑀕𑀘𑁆𑀙𑀢𑀻𑀢𑀺 𑀧𑁂𑀲𑀮𑁄=𑀧𑀺𑀬𑀲𑀻𑀮𑁄. 𑀓𑁂𑀯𑀢𑀺 𑀧𑀯𑀢𑁆𑀢𑀢𑀻𑀢𑀺 𑀓𑁂𑀯𑀮𑀁=𑀲𑀓𑀮𑀁. 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀺 𑀉𑀤𑀓𑀫𑁂𑀢𑁂𑀦𑀸𑀢𑀺 𑀓𑀮𑀮𑀁=𑀅𑀧𑀢𑁆𑀣𑀺𑀦𑁆𑀦𑀁, 𑀧𑀮𑁆𑀮𑀢𑀺 𑀆𑀕𑀘𑁆𑀙𑀢𑀺 𑀉𑀤𑀓𑀫𑁂𑀢𑀲𑁆𑀫𑀸𑀢𑀺 𑀧𑀮𑁆𑀮𑀮𑀁=𑀅𑀧𑁆𑀧𑁄𑀤𑀓𑁄 𑀲𑀭𑁄. 𑀓𑀞𑀦𑁆𑀢𑀺 𑀏𑀢𑁆𑀣 𑀤𑀼𑀓𑁆𑀔𑁂𑀦 𑀬𑀦𑁆𑀢𑀻𑀢𑀺 𑀓𑀞𑀮𑀁=𑀓𑀧𑀸𑀮𑀔𑀡𑁆𑀟𑀁, 𑀧𑀝𑀢𑀺 𑀯𑀼𑀤𑁆𑀥𑀺𑀁 𑀕𑀘𑁆𑀙𑀢𑀻𑀢𑀺 𑀧𑀝𑀮𑀁=𑀲𑀫𑀽- 𑀳𑁄 ¶ . 𑀖𑀁𑀲𑁂𑀦 𑀓𑀼𑀡𑁆𑀟𑀢𑀺 𑀤𑀳𑀢𑀻𑀢𑀺 𑀓𑀼𑀡𑁆𑀟𑀮𑀁=𑀓𑀡𑁆𑀡𑀸𑀪𑀭𑀡𑀁. 𑀫𑀡𑁆𑀟𑀻𑀬𑀢𑀺 𑀧𑀭𑀺𑀘𑁆𑀙𑁂𑀤𑀓𑀭𑀡𑀯𑀲𑁂𑀦 𑀪𑀽𑀲𑀻𑀬𑀢𑀻𑀢𑀺 𑀫𑀡𑁆𑀟𑀮𑀁=𑀲𑀫𑀦𑁆𑀢𑀢𑁄 𑀧𑀭𑀺𑀘𑁆𑀙𑀺𑀦𑁆𑀦𑀁.
𑀫𑀼𑀲𑀢𑀺𑀲𑁆𑀫𑀸 𑀓𑀮𑁄 𑀳𑁄𑀢𑀺. 𑀫𑀼𑀲𑀢𑀺 𑀏𑀢𑁂𑀦𑀸𑀢𑀺 𑀫𑀼𑀲𑀮𑁄=𑀅𑀬𑁄𑀕𑁆𑀕𑁄.
𑀣𑀮𑀆𑀤𑀬𑁄 𑀓𑀮𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀞𑀲𑁆𑀲 𑀣𑁄, 𑀧𑀼𑀩𑁆𑀩𑀲𑀭𑀮𑁄𑀧𑁄, 𑀢𑀺𑀝𑁆𑀞𑀦𑁆𑀢𑀺 𑀏𑀢𑁆𑀣𑀸𑀢𑀺 𑀣𑀮𑀁=𑀉𑀦𑁆𑀦𑀢𑀧𑁆𑀧𑀤𑁂𑀲𑁄. 𑀧𑀸-𑀧𑀸𑀦𑁂, 𑀉𑀧𑀼𑀩𑁆𑀩𑁄, 𑀤𑁆𑀯𑀺𑀪𑀸𑀯𑀲𑀭𑀮𑁄𑀧𑀸, 𑀉𑀤𑀓𑀁 𑀧𑀺𑀯𑀢𑀻𑀢𑀺 𑀉𑀧𑁆𑀧𑀮𑀁=𑀓𑀼𑀯𑀮𑀬𑀁. 𑀧𑀢𑀺𑀲𑁆𑀲 𑀧𑀸𑀝𑀁, 𑀧𑀢𑀢𑀺 𑀕𑀘𑁆𑀙𑀢𑀺 𑀧𑀭𑀺𑀧𑀸𑀓𑀦𑁆𑀢𑀺 𑀧𑀸𑀝𑀮𑀁=𑀨𑀮𑀁, 𑀢𑀫𑁆𑀩𑀯𑀡𑁆𑀡𑀁 𑀓𑀼𑀲𑀼𑀫𑀜𑁆𑀘. 𑀩𑀁𑀳𑀺𑀲𑁆𑀲 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀩𑀁𑀳𑀢𑀺 𑀯𑀼𑀤𑁆𑀥𑀺𑀁 𑀕𑀘𑁆𑀙𑀢𑀻𑀢𑀺 𑀩𑀳𑀮𑀁=𑀖𑀦𑀁. 𑀘𑀼𑀧𑀺𑀲𑁆𑀲 𑀉𑀲𑁆𑀲 𑀅𑀢𑁆𑀢𑀁, 𑀘𑀼𑀧𑀢𑀺 𑀏𑀓𑀢𑁆𑀣 𑀦 𑀢𑀺𑀝𑁆𑀞𑀢𑀻𑀢𑀺 𑀘𑀧𑀮𑁄=𑀅𑀦𑀯𑀝𑁆𑀞𑀺𑀢𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀼𑀮-𑀧𑀢𑁆𑀣𑀸𑀭𑁂𑀢𑀻𑀫𑀲𑁆𑀫𑀸 𑀓𑀸𑀮𑁄 𑀳𑁄𑀢𑀺 𑀓𑀮𑁄 𑀘. 𑀓𑀼𑀮𑀢𑀺 𑀅𑀢𑁆𑀢𑀦𑁄 𑀲𑀺𑀧𑁆𑀧𑀁 𑀧𑀢𑁆𑀣𑀭𑀢𑀻𑀢𑀺 𑀓𑀼𑀮𑀸𑀮𑁄=𑀓𑀼𑀫𑁆𑀪𑀓𑀸𑀭𑁄. 𑀓𑀼𑀮𑀢𑀺 𑀧𑀓𑁆𑀔𑁂 𑀧𑀲𑀸𑀭𑁂𑀢𑀻𑀢𑀺 𑀓𑀼𑀮𑀮𑁄=𑀧𑀓𑁆𑀔𑀺𑀚𑀸𑀢𑀺.
𑀫𑀼𑀴𑀸𑀮𑀆𑀤𑀬𑁄 𑀓𑀸𑀮𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀫𑀻𑀮-𑀦𑀺𑀫𑀻𑀮𑀦𑁂, 𑀉𑀢𑁆𑀢𑀴𑀢𑀸𑀦𑀺, 𑀉𑀤𑁆𑀥𑀝𑀫𑀢𑁆𑀢𑁂 𑀦𑀺𑀫𑀻𑀮𑀢𑀻𑀢𑀺 𑀫𑀼𑀴𑀸𑀮𑀁=𑀪𑀺𑀲𑀁. 𑀩𑀮-𑀧𑀸𑀡𑀦𑁂, 𑀇𑀢𑁆𑀢- 𑀴𑀢𑁆𑀢𑀸𑀦𑀺 ¶ , 𑀫𑀽𑀲𑀺𑀓𑀸𑀤𑀺𑀔𑀸𑀤𑀦𑁂𑀦 𑀩𑀮𑀢𑀺 𑀚𑀻𑀯𑀢𑀻𑀢𑀺 𑀩𑀺𑀴𑀸𑀮𑁄=𑀫𑀚𑁆𑀚𑀸𑀭𑁄. 𑀓𑀧𑁆𑀧𑀺𑀲𑁆𑀲 𑀲𑀁𑀬𑁄𑀕𑀸𑀤𑀺𑀮𑁄𑀧𑁄, 𑀓𑀧𑁆𑀧𑀦𑁆𑀢𑀺 𑀚𑀻𑀯𑀺𑀓𑀁 𑀏𑀢𑁂𑀦𑀸𑀢𑀺 𑀓𑀧𑀸𑀮𑀁=𑀖𑀝𑀸𑀤𑀺𑀔𑀡𑁆𑀟𑀁. 𑀧𑀻 𑀢𑀧𑁆𑀧𑀦𑁂. ‘‘𑀬𑀼𑀯𑀡𑁆𑀡𑀸𑀦𑀫𑀺𑀬𑀗𑀼𑀯𑀗 𑀲𑀭𑁂’’𑀢𑀺 (𑁫.𑁧𑁩𑁬) 𑀇𑀬𑀗, 𑀅𑀢𑁆𑀢𑀦𑁄 𑀨𑀮𑁂𑀦 𑀲𑀢𑁆𑀢𑁂 𑀲𑀦𑁆𑀢𑀧𑁆𑀧𑁂𑀢𑀻𑀢𑀺 𑀧𑀺𑀬𑀸𑀮𑁄-𑀭𑀼𑀓𑁆𑀔𑁄. 𑀓𑀼𑀡-𑀲𑀤𑁆𑀤𑁂, 𑀯𑀸𑀢𑀲𑀫𑀼𑀝𑁆𑀞𑀺𑀢𑀸 𑀯𑀻𑀘𑀺𑀫𑀸𑀮𑀸 𑀏𑀢𑁆𑀣 𑀓𑀼𑀡𑀦𑁆𑀢𑀺 𑀦𑀤𑀦𑁆𑀢𑀻𑀢𑀺 𑀓𑀼𑀡𑀸𑀮𑁄=𑀏𑀓𑁄 𑀫𑀳𑀸𑀲𑀭𑁄. 𑀯𑀺𑀲-𑀧𑀯𑀺𑀲𑀦𑁂, 𑀧𑀯𑀺𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀺𑀲𑀸𑀮𑁄=𑀯𑀺𑀢𑁆𑀣𑀺𑀡𑁆𑀡𑁄. 𑀧𑀮-𑀕𑀫𑀦𑁂, 𑀯𑀸𑀢𑁂𑀦 𑀧𑀮𑀢𑀺 𑀕𑀘𑁆𑀙𑀢𑀻𑀢𑀺 𑀧𑀮𑀸𑀮𑀁=𑀲𑀲𑁆𑀲𑀸𑀦𑀫𑀼𑀧𑀦𑀻𑀢𑀥𑀜𑁆𑀜𑀸𑀦𑀁 𑀦𑀸𑀴𑀧𑀢𑁆𑀢𑀸𑀦𑀺. 𑀲𑀭𑀢𑀺𑀲𑁆𑀲 𑀲𑀺𑀕𑁄, 𑀲𑀲𑀸𑀤𑀬𑁄 𑀲𑀭𑀢𑀺 𑀳𑀺𑀁𑀲𑀢𑀻𑀢𑀺 𑀲𑀺𑀕𑀸𑀮𑁄=𑀓𑁄𑀢𑁆𑀣𑀼, 𑀏𑀯𑀫𑀜𑁆𑀜𑁂𑀧𑀺.
𑀘𑀡𑁆𑀟-𑀘𑀡𑁆𑀟𑀺𑀓𑁆𑀬𑁂, 𑀧𑀢 𑀧𑀣-𑀕𑀫𑀦𑁂, 𑀏𑀢𑁂𑀳𑀺 𑀡𑀸𑀮𑁄 𑀳𑁄𑀢𑀺. 𑀘𑀡𑁆𑀟𑁂𑀢𑀺 𑀧𑀻𑀴𑁂𑀢𑀻𑀢𑀺 𑀘𑀡𑁆𑀟𑀸𑀮𑁄=𑀫𑀸𑀢𑀗𑁆𑀕𑁄, 𑀧𑀢𑀢𑀺 𑀅𑀥𑁄𑀕𑀘𑁆𑀙𑀢𑀻𑀢𑀺 𑀧𑀸𑀢𑀸𑀮𑀁=𑀭𑀲𑀸𑀢𑀮𑀁.
𑀫𑀸-𑀫𑀸𑀦𑁂, 𑀇-𑀅𑀚𑁆𑀛𑁂𑀦𑀕𑀢𑀻𑀲𑀼, 𑀧𑀻-𑀢𑀧𑁆𑀧𑀦𑁂, 𑀤𑀽-𑀧𑀭𑀺𑀢𑀸𑀧𑁂, 𑀏𑀯𑀫𑀸𑀤𑀻𑀳𑀺 𑀮𑁄 𑀳𑁄𑀢𑀺. 𑀫𑀻𑀬𑀢𑀺 𑀧𑀭𑀺𑀫𑀻𑀬𑀢𑀻𑀢𑀺 𑀫𑀸𑀮𑀸=𑀧𑀦𑁆𑀢𑀺. 𑀏𑀢𑀺 𑀕𑀘𑁆𑀙𑀢𑀻𑀢𑀺 𑀏𑀮𑀸=𑀲𑀼𑀔𑀼𑀫𑁂𑀮𑀸. 𑀧𑀺𑀡𑁂𑀢𑀺 𑀢𑀧𑁆𑀧𑁂𑀢𑀺 𑀏𑀢𑁆𑀣𑀸𑀢𑀺 𑀧𑁂𑀮𑀸=𑀆𑀲𑀺𑀢𑁆𑀢𑀓𑀽𑀧𑀥𑀸𑀦𑀁. 𑀤𑀽𑀬𑀢𑀺 𑀧𑀭𑀺𑀢𑀸𑀧𑁂𑀢𑀻𑀢𑀺 𑀤𑁄𑀮𑀸=𑀓𑀻𑀴𑀦𑀬𑀸𑀦𑀓𑀁. 𑀓𑀮𑀲𑀗𑁆𑀔𑁆𑀬𑀸𑀦𑁂, 𑀓𑀮𑀦𑀁 𑀓𑀮𑁆𑀮𑀁=𑀬𑀼𑀢𑁆𑀢𑀁.
𑀅𑀦-𑀧𑀸𑀡𑀦𑁂, 𑀲𑀮-𑀕𑀫𑀦𑁂, 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀓𑀼𑀓 𑀯𑀓-𑀆𑀤𑀦𑁂, 𑀲𑀞-𑀓𑀺𑀢𑀯𑁂, 𑀅𑀭𑀳 𑀫𑀳-𑀧𑀽𑀚𑀸𑀬𑀁, 𑀏𑀢𑁂𑀳𑀺 𑀇𑀮𑁄 𑀳𑁄𑀢𑀺. 𑀅𑀦𑀢𑀺 ¶ 𑀧𑀯𑀢𑁆𑀢𑀢𑀻𑀢𑀺𑀅𑀦𑀺𑀮𑁄=𑀫𑀸𑀮𑀼𑀢𑁄. 𑀲𑀮𑀢𑀺 𑀕𑀘𑁆𑀙𑀢𑀻𑀢𑀺 𑀲𑀮𑀺𑀮𑀁=𑀚𑀮𑀁. 𑀓𑀮𑀢𑀺 𑀧𑀯𑀢𑁆𑀢𑀢𑀻𑀢𑀺 𑀓𑀮𑀺𑀮𑀁=𑀕𑀳𑀦𑀁. 𑀓𑀼𑀓𑀢𑀺 𑀅𑀢𑁆𑀢𑀦𑁄 𑀦𑀸𑀤𑁂𑀦 𑀲𑀢𑁆𑀢𑀸𑀦𑀁 𑀫𑀦𑀁 𑀕𑀡𑁆𑀳𑀸𑀢𑀻𑀢𑀺 𑀓𑁄𑀓𑀺𑀮𑁄=𑀧𑀭𑀧𑀼𑀡𑁆𑀟𑁄. 𑀲𑀞𑀢𑀺 𑀯𑀜𑁆𑀘𑁂𑀢𑀻𑀢𑀺 𑀲𑀞𑀺𑀮𑁄=𑀲𑀞𑁄. 𑀫𑀳𑀻𑀬𑀢𑀺 𑀧𑀽𑀚𑀻𑀬𑀢𑀻𑀢𑀺 𑀫𑀬𑀺𑀮𑀸=𑀇𑀢𑁆𑀣𑀻.
𑀓𑀼𑀝-𑀓𑁄𑀝𑀺𑀮𑁆𑀬𑁂𑀢𑀻𑀫𑀲𑁆𑀫𑀸 𑀓𑀺𑀮𑁄 𑀳𑁄𑀢𑀺. 𑀅𑀓𑀼𑀝𑀺 𑀓𑀼𑀝𑀺𑀮𑀢𑁆𑀢𑀫𑀕𑀫𑀻𑀢𑀺 𑀓𑀼𑀝𑀺𑀮𑁄=𑀯𑀗𑁆𑀓𑁄.
𑀲𑀺𑀣𑀺𑀮𑀆𑀤𑀬𑁄 𑀓𑀺𑀮𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀳 𑀔𑀫𑀸𑀬𑀁, 𑀲𑀳𑀺𑀲𑁆𑀲 𑀲𑀺𑀣𑀢𑁆𑀢𑀁, 𑀲𑀳𑀺𑀢𑀼𑀫𑀮𑀦𑁆𑀢𑀺 𑀲𑀺𑀣𑀺𑀮𑀁=𑀅𑀤𑀴𑁆𑀳𑀁. 𑀓𑀫𑁆𑀧𑀺𑀲𑁆𑀲 𑀲𑀁𑀬𑁄𑀕𑀸𑀤𑀺𑀮𑁄𑀧𑁄, 𑀧𑀭𑀤𑀼𑀓𑁆𑀔𑁂 𑀲𑀢𑀺 𑀓𑀫𑁆𑀧𑀢𑀻𑀢𑀺 𑀓𑀧𑀺𑀮𑁄=𑀇𑀲𑀺. 𑀓𑀩-𑀯𑀡𑁆𑀡𑁂, 𑀩𑀲𑁆𑀲 𑀧𑁄, 𑀅𑀓𑀩𑀺 𑀦𑀻𑀮𑀸𑀤𑀺𑀯𑀡𑁆𑀡𑀢𑁆𑀢𑀫𑀕𑀫𑀻𑀢𑀺 𑀓𑀧𑀺𑀮𑁄=𑀯𑀡𑁆𑀡𑀯𑀺𑀲𑁂𑀲𑁄. 𑀫𑀣𑀺𑀲𑁆𑀲 𑀫𑀺𑀣𑁄, 𑀫𑀣𑀻𑀬𑀢𑀻𑀢𑀺 𑀫𑀺𑀣𑀺𑀮𑀸=𑀧𑀽𑀭𑀻, 𑀏𑀯𑀫𑀜𑁆𑀜𑁂𑀧𑀺.
𑀘𑀝-𑀪𑁂𑀤𑀦𑁂, 𑀓𑀡𑁆𑀟-𑀙𑁂𑀤𑀦𑁂, 𑀯𑀝𑁆𑀝-𑀯𑀢𑁆𑀢𑀦𑁂, 𑀧𑀼𑀣 𑀧𑀣-𑀯𑀺𑀢𑁆𑀣𑀸𑀭𑁂, 𑀏𑀢𑁂𑀳𑀺 𑀓𑀼𑀮𑁄 𑀳𑁄𑀢𑀺. 𑀘𑀝𑀢𑀺 𑀫𑀺𑀢𑁆𑀢𑁂 𑀪𑀺𑀦𑁆𑀤𑀢𑀻𑀢𑀺 𑀘𑀝𑀼𑀮𑁄=𑀘𑀸𑀝𑀼𑀓𑀸𑀭𑀻. 𑀓𑀡𑁆𑀟𑀻𑀬𑀢𑀺 𑀙𑀺𑀦𑁆𑀤𑀻𑀬𑀢𑀻𑀢𑀺 𑀓𑀡𑁆𑀟𑀼𑀮𑁄=𑀭𑀼𑀓𑁆𑀔𑁄. 𑀯𑀝𑁆𑀝𑀢𑀻𑀢𑀺 𑀯𑀝𑁆𑀝𑀼𑀮𑁄=𑀧𑀭𑀺𑀫𑀡𑁆𑀟𑀮𑁄. 𑀅𑀧𑀢𑁆𑀣𑀭𑀻𑀢𑀺 𑀧𑀼𑀣𑀼𑀮𑁄=𑀯𑀺𑀢𑁆𑀣𑀸𑀭𑁄.
𑀢𑀼𑀫𑀼𑀮𑀆𑀤𑀬𑁄 𑀓𑀼𑀮𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀢𑀫 𑀔𑁂𑀤𑀦𑁂, 𑀅𑀲𑁆𑀲𑀼, 𑀅𑀢𑀫𑀺 𑀯𑀺𑀢𑁆𑀣𑀺𑀡𑁆𑀡𑀢𑁆𑀢𑀫𑀕𑀫𑀻𑀢𑀺 𑀢𑀼𑀫𑀼𑀮𑁄=𑀧𑀢𑁆𑀣𑀝𑁄. 𑀢𑀫𑀺𑀲𑁆𑀲 𑀟𑀼𑀓, 𑀢𑀫𑀻𑀬𑀢𑀺 ¶ 𑀯𑀺𑀓𑀸𑀭𑀫𑀸𑀧𑀸𑀤𑀻𑀬𑀢𑀻𑀢𑀺 𑀢𑀡𑁆𑀟𑀼𑀮𑁄=𑀯𑀻𑀳𑀺𑀲𑀸𑀭𑁄. 𑀦𑀺𑀧𑀼𑀩𑁆𑀩𑀲𑁆𑀲 𑀘𑀺𑀦𑀸𑀢𑀺𑀲𑁆𑀲 𑀇𑀮𑁄𑀧𑁄, 𑀅𑀢𑁆𑀣𑀺𑀓𑁂𑀳𑀺 𑀦𑀺𑀘𑀻𑀬𑀢𑁂𑀢𑀺 𑀦𑀺𑀘𑀼𑀮𑁄=𑀳𑀺𑀚𑁆𑀚𑀮𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀮𑁆𑀮-𑀲𑀤𑁆𑀤𑁂, 𑀓𑀧-𑀅𑀘𑁆𑀙𑀸𑀤𑀦𑁂, 𑀢𑀓𑁆𑀓-𑀯𑀺𑀢𑀓𑁆𑀓𑁂, 𑀧𑀝-𑀕𑀫𑀦𑁂, 𑀏𑀢𑁂𑀳𑀺 𑀑𑀮𑁄 𑀳𑁄𑀢𑀺. 𑀯𑀸𑀢𑀯𑁂𑀕𑁂𑀦 𑀲𑀫𑀼𑀤𑁆𑀤𑀢𑁄 𑀉𑀝𑁆𑀞𑀳𑀺𑀢𑁆𑀯𑀸 𑀓𑀮𑁆𑀮𑀢𑀺 𑀦𑀤𑀢𑀻𑀢𑀺 𑀓𑀮𑁆𑀮𑁄𑀮𑁄=𑀫𑀳𑀸𑀯𑀻𑀘𑀺. 𑀓𑀧𑀢𑀺 𑀤𑀦𑁆𑀢𑁂 𑀅𑀘𑁆𑀙𑀸𑀤𑀢𑀻𑀢𑀺 𑀓𑀧𑁄𑀮𑁄=𑀯𑀤𑀦𑁂𑀓𑀤𑁂𑀲𑁄. 𑀢𑀓𑁆𑀓𑀻𑀬𑀢𑀻𑀢𑀺 𑀢𑀓𑁆𑀓𑁄𑀮𑀁=𑀓𑁄𑀮𑀓𑀁. 𑀧𑀝𑀢𑀺 𑀩𑁆𑀬𑀸𑀥𑀺𑀫𑁂𑀢𑁂𑀦 𑀕𑀘𑁆𑀙𑀢𑀻𑀢𑀺 𑀧𑀝𑁄𑀮𑁄=𑀢𑀺𑀢𑁆𑀢𑀓𑁄.
𑀅𑀗𑁆𑀕-𑀕𑀫𑀦𑀢𑁆𑀣𑁄, 𑀏𑀢𑀲𑁆𑀫𑀸 𑀉𑀮𑀉𑀮𑀻 𑀳𑁄𑀦𑁆𑀢𑀺. 𑀅𑀗𑁆𑀕𑀦𑁆𑀢𑀺 𑀏𑀢𑁂𑀦 𑀚𑀸𑀦𑀦𑁆𑀢𑀻𑀢𑀺 𑀅𑀗𑁆𑀕𑀼𑀮𑀁=𑀧𑀫𑀸𑀡𑀁. 𑀅𑀗𑁆𑀕𑀢𑀺 𑀉𑀕𑁆𑀕𑀘𑁆𑀙𑀢𑀻𑀢𑀺 𑀅𑀗𑁆𑀕𑀮𑀺=𑀓𑀭𑀲𑀸𑀔𑀸.
𑀅𑀜𑁆𑀚-𑀩𑁆𑀬𑀢𑁆𑀢𑀺 𑀫𑀓𑁆𑀔𑀦 𑀕𑀢𑀺 𑀓𑀦𑁆𑀢𑀻𑀲𑀼, 𑀏𑀢𑀲𑁆𑀫𑀸 𑀅𑀮𑀺 𑀳𑁄𑀢𑀺. 𑀅𑀜𑁆𑀚𑁂𑀢𑀺 𑀪𑀢𑁆𑀢𑀺𑀫𑀦𑁂𑀦 𑀧𑀓𑀸𑀲𑁂𑀢𑀻𑀢𑀺 𑀅𑀜𑁆𑀚𑀮𑀺=𑀓𑀭𑀧𑀼𑀝𑁄.
𑀙𑀤-𑀲𑀁𑀯𑀭𑀡𑁂, 𑀏𑀢𑀲𑁆𑀫𑀸 𑀮𑀺 𑀳𑁄𑀢𑀺. 𑀙𑀸𑀤𑁂𑀢𑀻𑀢𑀺 𑀙𑀮𑁆𑀮𑀻=𑀲𑀓𑀮𑀺𑀓𑀸.
𑀅𑀮𑁆𑀮𑀺𑀆𑀤𑀬𑁄 𑀮𑀺𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀅𑀭-𑀕𑀫𑀦𑁂, 𑀅𑀭𑀢𑀺 𑀧𑀯𑀢𑁆𑀢𑀢𑀻𑀢𑀺 𑀅𑀮𑁆𑀮𑀺=𑀭𑀼𑀓𑁆𑀔𑁄. 𑀦𑀬𑀢𑀺𑀲𑁆𑀲 𑀏𑀢𑁆𑀢𑀸𑀪𑀸𑀯𑁄, 𑀅𑀢𑁆𑀢𑀺𑀓𑁂𑀳𑀺 𑀦𑀻𑀬𑀢𑀻𑀢𑀺 ¶ 𑁪 𑀦𑀻𑀮𑀺, 𑀗𑀻𑀫𑁆𑀳𑀺 𑀦𑀻𑀮𑀻=𑀕𑀘𑁆𑀙𑀚𑀸𑀢𑀺. ‘‘𑀲𑀭𑀫𑁆𑀳𑀸 𑀤𑁆𑀯𑁂’’𑀢𑀺 (𑁧.𑁩𑁪) 𑀮𑀲𑁆𑀲 𑀤𑁆𑀯𑀺𑀪𑀸𑀯𑁂 𑀭𑀲𑁆𑀲𑀢𑁆𑀢𑁂 𑀘 𑀦𑀺𑀮𑁆𑀮𑀻𑀢𑀺𑀧𑀺 𑀳𑁄𑀢𑀺. 𑀧𑀸𑀮𑀺𑀲𑁆𑀲 𑀧𑀸, 𑀧𑀸𑀮𑁂𑀢𑀺 𑀭𑀓𑁆𑀔𑀢𑀻𑀢𑀺 𑀧𑀸𑀮𑀺, 𑀗𑀻𑀫𑁆𑀳𑀺 𑀧𑀸𑀮𑀻=𑀧𑀦𑁆𑀢𑀺. 𑀧𑀸𑀮𑀺𑀲𑁆𑀲 𑀧𑀮𑁄, 𑀧𑀸𑀮𑁂𑀢𑀺 𑀭𑀓𑁆𑀔𑀢𑀻𑀢𑀺 𑀧𑀮𑁆𑀮𑀺=𑀓𑀼𑀝𑀺. 𑀘𑀼𑀤-𑀘𑁄𑀤𑀦𑁂, 𑀑𑀢𑁆𑀢𑀸𑀪𑀸𑀯𑁄, 𑀘𑁄𑀤𑀻𑀬𑀢𑀻𑀢𑀺 𑀘𑀼𑀮𑁆𑀮𑀺=𑀉𑀤𑁆𑀥𑀦𑀁, 𑀏𑀯𑀫𑀜𑁆𑀜𑁂𑀧𑀺.
𑀧𑀺𑀮-𑀯𑀢𑁆𑀢𑀦𑁂, 𑀧𑀮𑁆𑀮-𑀕𑀫𑀦𑁂, 𑀧𑀡-𑀩𑁆𑀬𑀯𑀳𑀸𑀭𑀣𑀼𑀢𑀻𑀲𑀼, 𑀏𑀯𑀫𑀸𑀤𑀻𑀳𑀺 𑀅𑀯𑁄 𑀳𑁄𑀢𑀺. 𑀧𑀺𑀮𑁆𑀬𑀢𑁂𑀢𑀺 𑀧𑁂𑀮𑀯𑁄=𑀮𑀳𑀼. 𑀧𑀮𑁆𑀮𑀢𑀻𑀢𑀺 𑀧𑀮𑁆𑀮𑀯𑁄=𑀓𑀺𑀲𑀮𑀬𑀁. 𑀧𑀡𑀻𑀬𑀢𑀻𑀢𑀺 𑀧𑀡𑀯𑁄=𑀫𑀼𑀤𑀗𑁆𑀕𑁄. 𑀏𑀯𑀫𑀜𑁆𑀜𑁂𑀧𑀺.
𑀲𑀸𑀴𑀯𑀆𑀤𑀬𑁄 𑀅𑀯𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀮-𑀕𑀫𑀦𑀢𑁆𑀣𑁄, 𑀉𑀧𑀦𑁆𑀢𑀲𑁆𑀲 𑀤𑀻𑀖𑁄 𑀴𑀢𑁆𑀢𑀜𑁆𑀘 𑀦𑀺𑀧𑀸𑀢𑀦𑀸. 𑀲𑀮𑀢𑀺 𑀧𑀯𑀢𑁆𑀢𑀢𑀻𑀢𑀺 𑀲𑀸𑀴 𑀯𑁄=𑀅𑀪𑀺𑀲𑀗𑁆𑀔𑀢𑀁 𑀩𑀤𑀭𑀸𑀤𑀺𑀨𑀮𑀔𑀸𑀤𑀦𑀻𑀬𑀁. 𑀓𑀺𑀢-𑀦𑀺𑀯𑀸𑀲𑁂, 𑀏𑀢𑁆𑀢𑀸𑀪𑀸𑀯𑁄, 𑀓𑁂𑀢𑀢𑀻𑀢𑀺 𑀓𑀺𑀢𑀯𑁄=𑀚𑀽𑀢𑀓𑀸𑀭𑁄, 𑀘𑁄𑀭𑁄 𑀘. 𑀫𑀽-𑀩𑀦𑁆𑀥𑀦𑁂, 𑀊𑀲𑁆𑀲 𑀭𑀲𑁆𑀲𑀢𑁆𑀢𑀁, 𑀢𑀼𑀜 𑀘𑀸𑀯𑀲𑁆𑀲, 𑀫𑀼𑀦𑀸𑀢𑀺 𑀩𑀦𑁆𑀥𑀢𑀻𑀢𑀺 𑀫𑀼𑀢𑀯𑁄=𑀘𑀡𑁆𑀟𑀸𑀮𑁄. 𑀯𑀮 𑀯𑀮𑁆𑀮-𑀲𑀁𑀯𑀭𑀡𑁂, 𑀴𑀢𑁆𑀢𑀁, 𑀯𑀮𑀢𑀺, 𑀯𑀮𑁆𑀬𑀢𑁂𑀢𑀺 𑀯𑀸 𑀯𑀴𑀯𑀸=𑀢𑀼𑀭𑀗𑁆𑀕𑀓𑀦𑁆𑀢𑀸. 𑀫𑀼𑀭-𑀲𑀁𑀯𑁂𑀴𑀦𑁂, 𑀫𑀼𑀭𑀻𑀬𑀢𑀻𑀢𑀺 𑀫𑀼𑀭𑀯𑁄=𑀫𑀼𑀤𑀗𑁆𑀕𑁄, 𑀏𑀯𑀫𑀜𑁆𑀜𑁂𑀧𑀺.
𑀲𑀭𑀢𑀺𑀲𑁆𑀫𑀸 𑀆𑀯𑁄 𑀳𑁄𑀢𑀺. 𑀲𑀭𑀢𑀺 𑀧𑀯𑀢𑁆𑀢𑀢𑀻𑀢𑀺 𑀲𑀭𑀸𑀯𑁄=𑀪𑀸𑀚𑀦𑀯𑀺𑀲𑁂𑀲𑁄.
𑀅𑀮-𑀩𑀦𑁆𑀥𑀦𑁂 ¶ , 𑀫𑀮 𑀫𑀮𑁆𑀮-𑀥𑀸𑀭𑀡𑁂, 𑀩𑀺𑀮-𑀪𑁂𑀤𑀦𑁂, 𑀏𑀢𑁂𑀳𑀺 𑀡𑀼𑀯𑁄 𑀳𑁄𑀢𑀺. 𑀮𑀢𑀸𑀳𑀺 𑀅𑀮𑀻𑀬𑀢𑀻𑀢𑀺 𑀆𑀮𑀼𑀯𑁄=𑀕𑀘𑁆𑀙𑀚𑀸𑀢𑀺. 𑀫𑀮𑀢𑀺 𑀥𑀸𑀭𑁂𑀢𑀻𑀢𑀺 𑀫𑀸𑀮𑀼𑀯𑁄=𑀧𑀢𑁆𑀢𑀮𑀢𑀸. 𑀩𑀺𑀮𑀢𑀺 𑀪𑀺𑀦𑁆𑀤𑀢𑀻𑀢𑀺 𑀩𑁂𑀮𑀼𑀯𑁄=𑀭𑀼𑀓𑁆𑀔𑁄.
𑀓𑀸 𑀕𑀸-𑀲𑀤𑁆𑀤𑁂𑀢𑀻𑀫𑀲𑁆𑀫𑀸 𑀈𑀯𑁄 𑀳𑁄𑀢𑀺. 𑀕𑀸𑀬𑀦𑁆𑀢𑀺 𑀏𑀢𑀸𑀬𑀸𑀢𑀺 𑀕𑀻𑀯𑀸=𑀕𑀮𑁄.
𑀲𑀼-𑀲𑀯𑀦𑁂𑀢𑀻𑀫𑀲𑁆𑀫𑀸 𑀓𑁆𑀯 𑀓𑁆𑀯𑀸 𑀳𑁄𑀦𑁆𑀢𑀺. 𑀲𑀼𑀡𑀸𑀢𑀻𑀢𑀺 𑀲𑀼𑀯𑁄=𑀓𑀻𑀭𑁄. 𑀲𑀼𑀯𑀸=𑀲𑀼𑀡𑁄.
𑀯𑀺𑀤𑀢𑀺𑀲𑁆𑀫𑀸 𑀓𑁆𑀯𑀸 𑀧𑀭𑀭𑀽𑀧𑀸𑀪𑀸𑀯𑁄 𑀅 𑀦𑀺𑀧𑀘𑁆𑀘𑀦𑁆𑀢𑁂. 𑀯𑀺𑀤𑀢𑀺 𑀚𑀸𑀦𑀸𑀢𑀻𑀢𑀺 𑀯𑀺𑀤𑁆𑀯𑀸=𑀯𑀺𑀤𑀽.
𑀣𑀼-𑀅𑀪𑀺𑀢𑁆𑀣𑀯𑁂, 𑀏𑀢𑀲𑁆𑀫𑀸 𑀭𑁂𑀯𑁄 𑀳𑁄𑀢𑀺. 𑀣𑀯𑀢𑀺 𑀲𑀺𑀜𑁆𑀘𑀢𑀻𑀢𑀺 𑀣𑁂𑀯𑁄=𑀨𑀼𑀲𑀺𑀢𑀁.
𑀲𑀫-𑀉𑀧𑀲𑀫𑁂, 𑀏𑀢𑀲𑁆𑀫𑀸 𑀭𑀺𑀯𑁄 𑀳𑁄𑀢𑀺. 𑀲𑀫𑁂𑀢𑀺 𑀉𑀧𑀲𑀫𑁂𑀢𑀻𑀢𑀺 𑀲𑀺𑀯𑁄=𑀉𑀫𑀸𑀧𑀢𑀺, 𑀲𑀺𑀯𑀸=𑀲𑀺𑀕𑀸𑀮𑁄, 𑀲𑀺𑀯𑀁=𑀲𑀦𑁆𑀢𑀺.
𑀙𑀤-𑀲𑀁𑀯𑀭𑀡𑁂 ¶ , 𑀏𑀢𑀲𑁆𑀫𑀸 𑀭𑀯𑀺 𑀳𑁄𑀢𑀺. 𑀙𑀸𑀤𑁂𑀢𑀻𑀢𑀺 𑀙𑀯𑀺=𑀚𑀼𑀢𑀺.
𑀧𑀽𑀭-𑀧𑀽𑀭𑀡𑁂, 𑀢𑀺𑀫-𑀢𑁂𑀫𑀦𑁂, 𑀏𑀢𑁂𑀳𑀺 𑀓𑀺𑀲𑁄 𑀳𑁄𑀢𑀺 𑀊𑀲𑁆𑀲 𑀭𑀲𑁆𑀲𑁄 𑀘. 𑀧𑀽𑀭𑁂𑀢𑀻𑀢𑀺 𑀧𑀼𑀭𑀺𑀲𑁄=𑀧𑀼𑀫𑀸. (𑀧𑀼𑀭𑁂 𑀉𑀘𑁆𑀘𑀝𑁆𑀞𑀸𑀦𑁂 𑀲𑁂𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑀸 𑀧𑀼𑀭𑀺𑀲𑁄=𑀲𑁄𑀯.) 𑀢𑁂𑀫𑁂𑀢𑀻𑀢𑀺 𑀢𑀺𑀫𑀺𑀲𑀁=𑀢𑀫𑁄.
𑀓𑀭𑁄𑀢𑀺𑀲𑁆𑀫𑀸 𑀈𑀲𑁄 𑀳𑁄𑀢𑀺. 𑀓𑀭𑀻𑀬𑀢𑀻𑀢𑀺 𑀓𑀭𑀻𑀲𑀁=𑀕𑀽𑀣𑀁.
𑀲𑀺𑀭𑀻𑀲𑀆𑀤𑀬𑁄 𑀈𑀲𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀲𑀭𑀢𑀺𑀲𑁆𑀲 𑀅𑀲𑁆𑀲𑀺, 𑀲𑀧𑁆𑀧𑀤𑀝𑁆𑀞𑀓𑀸𑀮𑀸𑀤𑀻𑀲𑀼 𑀲𑀭𑀻𑀬𑀢𑀻𑀢𑀺 𑀲𑀺𑀭𑀻𑀲𑁄=𑀭𑀼𑀓𑁆𑀔𑁄. 𑀧𑀽𑀭𑀺𑀲𑁆𑀲 𑀭𑀲𑁆𑀲𑀢𑁆𑀢𑀁, 𑀧𑀽𑀭𑁂𑀢𑀻𑀢𑀺 𑀧𑀼𑀭𑀻𑀲𑀁=𑀕𑀽𑀣𑀁. 𑀢𑀮𑀺𑀲𑁆𑀲 𑀤𑀻𑀖𑁄, 𑀢𑀮𑀢𑀺 𑀲𑀢𑁆𑀢𑀸𑀦𑀁 𑀧𑀢𑀺𑀝𑁆𑀞𑀸𑀦𑀁 𑀪𑀯𑀢𑀻𑀢𑀺 𑀢𑀸𑀮𑀻𑀲𑀁=𑀑𑀲𑀥𑀺𑀯𑀺𑀲𑁂𑀲𑁄, 𑀏𑀯𑀫𑀜𑁆𑀜𑁂𑀧𑀺.
𑀓𑀭𑁄𑀢𑀺𑀲𑁆𑀫𑀸 𑀭𑀺𑀩𑁆𑀩𑀺𑀲𑁄 𑀳𑁄𑀢𑀺. 𑀓𑀭𑀻𑀬𑀢𑀻𑀢𑀺 𑀓𑀺𑀩𑁆𑀩𑀺𑀲𑀁=𑀧𑀸𑀧𑀁.
𑁨𑁧𑁩. 𑀲𑀲𑀸𑀲 𑀯𑀲 𑀯𑀺𑀲 𑀳𑀦 𑀯𑀦 𑀫𑀦𑀸𑀦 𑀓𑀫𑀸 𑀲𑁄.
𑀲𑀲-𑀕𑀢𑀺 𑀳𑀺𑀁𑀲𑀸 𑀯𑀺𑀲𑁆𑀲𑀲 𑀧𑀸𑀡𑀦𑁂𑀲𑀼, 𑀅𑀲-𑀔𑁂𑀧𑀦𑁂, 𑀯𑀲-𑀦𑀺𑀯𑀸𑀲𑁂, 𑀯𑀺𑀲-𑀧𑀯𑀺𑀲𑀦𑁂, 𑀳𑀦-𑀳𑀺𑀁 𑀲𑀸𑀬𑀁, 𑀯𑀦 𑀲𑀦-𑀲𑀫𑁆𑀪𑀢𑁆𑀢𑀺𑀬𑀁, 𑀫𑀦-𑀜𑀸𑀡𑁂, 𑀅𑀦-𑀧𑀸𑀡𑀦𑁂, 𑀓𑀫-𑀇𑀘𑁆𑀙𑀸𑀬𑀁, 𑀏𑀢𑁂𑀳𑀺 𑀲𑁄 𑀳𑁄𑀢𑀺, 𑀲𑀲𑀦𑁆𑀢𑀺 𑀚𑀻𑀯𑀦𑁆𑀢𑀺 𑀲𑀢𑁆𑀢𑀸 𑀏𑀢𑁂𑀦𑀸𑀢𑀺 𑀲𑀲𑁆𑀲𑀁=𑀓𑀮𑀫𑀸𑀤𑀺, 𑀅𑀲𑀢𑀺 𑀔𑀺𑀧𑀢𑀻𑀢𑀺 𑀅𑀲𑁆𑀲𑁄=𑀳𑀬𑁄 ¶ . 𑀯𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀲𑁆𑀲𑀁=𑀲𑀁𑀯𑀘𑁆𑀙𑀭𑁄. 𑀯𑀺𑀲𑀢𑀻𑀢𑀺 𑀯𑁂𑀲𑁆𑀲𑁄=𑀢𑀢𑀺𑀬𑀯𑀡𑁆𑀡𑁄. 𑀳𑀜𑁆𑀜𑀢𑁂𑀢𑀺 𑀳𑀁𑀲𑁄=𑀲𑀺𑀢𑀘𑁆𑀙𑀤𑁄. 𑀯𑀦𑁄𑀢𑀺 𑀧𑀢𑁆𑀣𑀭𑀢𑀻𑀢𑀺 𑀯𑀁𑀲𑁄=𑀲𑀦𑁆𑀢𑀸𑀦𑁄, 𑀯𑁂𑀴𑀼 𑀘. 𑀫𑀜𑁆𑀜𑀢𑁂𑀢𑀺 𑀫𑀁𑀲𑀁=𑀧𑀺𑀲𑀺𑀢𑀁, 𑀅𑀦𑀢𑀺 𑀚𑀻𑀯𑀢𑀺 𑀏𑀢𑁂𑀦𑀸𑀢𑀺 𑀅𑀁𑀲𑁄=𑀏𑀓𑀸𑀝𑁆𑀞𑀸𑀲𑁄, 𑀪𑀼𑀚𑀲𑀺𑀭𑁄 𑀘. 𑀓𑀸𑀫𑀻𑀬𑀢𑀻𑀢𑀺 𑀓𑀁𑀲𑁄=𑀧𑀭𑀺𑀫𑀸𑀡𑀁.
𑀆𑀧𑀼𑀩𑁆𑀩𑁄 𑀫𑀺-𑀧𑀓𑁆𑀔𑁂𑀧𑁂, 𑀣𑀼-𑀅𑀪𑀺𑀢𑁆𑀣𑀯𑁂 𑀓𑀼-𑀲𑀤𑁆𑀤𑁂, 𑀲𑀻-𑀲𑀬𑁂, 𑀏𑀢𑁂𑀳𑀺 𑀲𑀓 𑀳𑁄𑀢𑀺. 𑀆𑀫𑀻𑀬𑀢𑀺 𑀅𑀦𑁆𑀢𑁄 𑀧𑀓𑁆𑀔𑀺𑀧𑀻𑀬𑀢𑀻𑀢𑀺 𑀆𑀫𑀺𑀲𑀁=𑀪𑀓𑁆𑀔𑀁. 𑀣𑀯𑀻𑀬𑀢𑀻𑀢𑀺 𑀣𑀼𑀲𑁄=𑀯𑀻𑀳𑀺𑀢𑀘𑁄. 𑀓𑀯𑀢𑀺 𑀯𑀸𑀢𑁂𑀦 𑀦𑀤𑀢𑀻𑀢𑀺 𑀓𑀼𑀲𑁄=𑀢𑀺𑀡𑀯𑀺𑀲𑁂𑀲𑁄. 𑀲𑀬𑀦𑁆𑀢𑀺 𑀏𑀢𑁆𑀣 𑀊𑀓𑀸𑀢𑀺 𑀲𑀻𑀲𑀁=𑀫𑀼𑀤𑁆𑀥𑀸, 𑀓𑀸𑀮𑀢𑀺𑀧𑀼 𑀘.
𑀨𑀲𑁆𑀲𑀆𑀤𑀬𑁄 𑀲𑀓𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀨𑀼𑀲-𑀲𑀫𑁆𑀨𑀲𑁆𑀲𑁂, 𑀉𑀲𑁆𑀲𑀢𑁆𑀣𑀁, 𑀨𑀼𑀲𑀢𑀻𑀢𑀺 𑀨𑀲𑁆𑀲𑁄=𑀓𑀸𑀬𑀯𑀺𑀜𑁆𑀜𑀸𑀡𑀯𑀺𑀲𑀬𑁄. 𑀨𑀼𑀲𑁆𑀲𑁄=𑀦𑀓𑁆𑀔𑀢𑁆𑀢𑀁. 𑀧𑀼𑀲 𑀧𑁄𑀲𑀦𑁂, 𑀧𑁄𑀲𑀻𑀬𑀢𑀻𑀢𑀺 𑀧𑀼𑀲𑁆𑀲𑀁=𑀨𑀮𑀯𑀺𑀲𑁂𑀲𑁄. 𑀪𑀽-𑀲𑀢𑁆𑀢𑀸𑀬𑀁, 𑀪𑀽𑀲𑁆𑀲 𑀭𑀲𑁆𑀲𑁄, 𑀅𑀪𑀯𑀻𑀢𑀺 𑀪𑀼𑀲𑀁=𑀢𑀼𑀘𑁆𑀙𑀥𑀜𑁆𑀜𑀁, 𑀅𑀁𑀓𑀺𑀲𑁆𑀲 𑀉𑀓, 𑀅𑀗𑁆𑀓𑁂𑀢𑀺 𑀅𑀦𑁂𑀦 𑀅𑀜𑁆𑀜𑁂𑀢𑀺 𑀅𑀗𑁆𑀓𑀼𑀲𑁄=𑀕𑀚𑀧𑀢𑁄𑀤𑁄. 𑀨𑀸𑀬-𑀯𑀼𑀤𑁆𑀥𑀺𑀬𑀁, 𑀧𑀧𑀼𑀩𑁆𑀩𑁄, 𑀬𑀮𑁄𑀧𑁄, 𑀨𑀸𑀬𑀢𑀺 𑀯𑀼𑀤𑁆𑀥𑀺𑀁 𑀕𑀘𑁆𑀙𑀢𑀻𑀢𑀺 𑀧𑀧𑁆𑀨𑀸𑀲𑀁=𑀤𑁂𑀳𑀓𑁄𑀝𑁆𑀞𑀸𑀲𑀯𑀺𑀲𑁂𑀲𑁄. 𑀓𑀮𑀺𑀲𑁆𑀫𑀸 𑀲𑀲𑁆𑀲 𑀫𑀸𑀜, 𑀓𑀼𑀮𑀺𑀲𑁆𑀫𑀸 𑀘, 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀻𑀢𑀺 𑀓𑀫𑁆𑀫𑀸𑀲𑁄=𑀲𑀩𑀮𑁄, 𑀓𑀫𑁆𑀫𑀸𑀲𑀁=𑀧𑀸𑀧𑀁. 𑀓𑀼𑀮𑀢𑀺 𑀧𑀢𑁆𑀣𑀭𑀢𑀻𑀢𑀺 𑀓𑀼𑀫𑁆𑀫𑀸𑀲𑁄=𑀪𑀓𑁆𑀔𑀯𑀺𑀲𑁂𑀲𑁄. 𑀫𑀦𑀺𑀲𑁆𑀲 𑀚𑀽𑀓, 𑀫𑀜𑁆𑀜𑀢𑀺 𑀲𑀥𑀦𑀢𑁆𑀢𑀁 𑀏𑀢𑀸𑀬𑀸𑀢𑀺 𑀫𑀜𑁆𑀚𑀽𑀲𑀸=𑀓𑀝𑁆𑀞𑀧𑁂𑀴𑀸. 𑀧𑀻𑀲𑁆𑀲 𑀬𑀽𑀓, 𑀧𑀺𑀡𑁂𑀢𑀻𑀢𑀺 𑀧𑀻𑀬𑀽𑀲𑀁=𑀅𑀫𑀢𑀁. 𑀓𑀼𑀮-𑀲𑀁𑀯𑀭𑀡𑁂, 𑀇𑀓, 𑀓𑀼𑀮𑀻𑀬𑀢𑀺 𑀲𑀁𑀯𑀭𑀻𑀬𑀢𑀻𑀢𑀺 𑀓𑀼𑀮𑀺𑀲𑀁=𑀯𑀚𑀺𑀭𑀁 ¶ . 𑀩𑀮-𑀲𑀁𑀯𑀭𑀡𑁂, 𑀇𑀓, 𑀮𑀲𑁆𑀲 𑀴𑀢𑁆𑀢𑀜𑁆𑀘, 𑀩𑀮𑀢𑀺 𑀏𑀢𑁂𑀦 𑀫𑀘𑁆𑀙𑁂 𑀕𑀡𑁆𑀳𑀸𑀢𑀻𑀢𑀺 𑀩𑀴𑀺𑀲𑁄=𑀫𑀘𑁆𑀙𑀯𑁂𑀥𑀦𑀁. 𑀫𑀳𑀺𑀲𑁆𑀲 𑀏𑀓, 𑀫𑀳𑀻𑀬𑀢𑀻𑀢𑀺 𑀫𑀳𑁂𑀲𑀻=𑀓𑀢𑀸𑀪𑀺𑀲𑁂𑀓𑀸 𑀧𑀥𑀸𑀦𑀺𑀢𑁆𑀣𑀻, 𑀏𑀯𑀫𑀜𑁆𑀜𑁂𑀧𑀺.
𑀲𑀼𑀡𑀸𑀢𑀺𑀲𑁆𑀫𑀸 𑀡𑀺𑀲𑀓 𑀳𑁄𑀢𑀺. 𑀲𑀼𑀡𑀸𑀢𑀻𑀢𑀺 𑀲𑀼𑀡𑀺𑀲𑀸=𑀧𑀼𑀢𑁆𑀢𑀪𑀭𑀺𑀬𑀸.
𑁨𑁧𑁭. 𑀯𑁂𑀢𑀸𑀢 𑀬𑀼 𑀧𑀦𑀸𑀮 𑀓𑀮 𑀘𑀫𑀸 𑀅𑀲𑁄.
𑀯𑁂𑀢-𑀲𑀼𑀢𑁆𑀢𑀺𑀬𑁄 𑀥𑀸𑀢𑀼, 𑀅𑀢-𑀲𑀸𑀢𑀘𑁆𑀘𑀕𑀫𑀦𑁂, 𑀬𑀼-𑀫𑀺𑀲𑁆𑀲𑀦𑁂, 𑀧𑀦𑀣𑀼𑀢𑀺𑀬𑀁, 𑀅𑀮-𑀩𑀦𑁆𑀥𑀦𑁂, 𑀓𑀮-𑀲𑀗𑁆𑀔𑁆𑀬𑀸𑀦𑁂, 𑀘𑀫-𑀅𑀤𑀦𑁂, 𑀏𑀢𑁂𑀳𑀺 𑀅𑀲𑁄 𑀳𑁄𑀢𑀺. 𑀯𑁂𑀢𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑁂𑀢𑀲𑁄=𑀯𑀸𑀦𑀻𑀭𑁄. 𑀅𑀢𑀢𑀺 𑀯𑀸𑀢𑁂𑀭𑀺𑀢𑁄 𑀦𑀺𑀘𑁆𑀘𑀁 𑀯𑁂𑀥𑀢𑁆𑀢𑀁 𑀬𑀸𑀢𑀻𑀢𑀺 𑀅𑀢𑀲𑁄=𑀯𑀦𑀧𑁆𑀧𑀢𑀺𑀯𑀺𑀲𑁂𑀲𑁄 𑀯𑀻𑀫𑁆𑀳𑀺 𑀅𑀪𑀲𑀻=𑀕𑀘𑁆𑀙𑀯𑀺𑀲𑁂𑀲𑁄. 𑀬𑀯𑀻𑀬𑀢𑀺 𑀫𑀺𑀲𑁆𑀲𑀻𑀬𑀢𑀻𑀢𑀺 𑀬𑀯𑀲𑁄=𑀧𑀲𑀼𑀖𑀸𑀲𑁄. 𑀧𑀜𑁆𑀜𑀢𑁂 𑀣𑀯𑀻𑀬𑀢𑁂𑀢𑀺 𑀧𑀦𑀲𑁄=𑀓𑀡𑁆𑀟𑀡𑀻𑀨𑀮𑁄. 𑀅𑀮𑀻𑀬𑀢𑀺 𑀩𑀦𑁆𑀥𑀺𑀬𑀢𑀻𑀢𑀺 𑀅𑀮𑀲𑁄=𑀫𑀦𑁆𑀤𑀓𑀸𑀭𑀻. 𑀓𑀮𑀻𑀬𑀢𑀻𑀢𑀺 𑀓𑀮𑀲𑁄=𑀓𑀼𑀫𑁆𑀪𑁄. 𑀘𑀫𑀢𑀺 𑀅𑀤𑀢𑀺 𑀅𑀦𑁂𑀦𑀸𑀢𑀺 𑀘𑀫𑀲𑁄=𑀳𑁄𑀫𑀪𑀸𑀚𑀦𑀁.
𑁨𑁧𑁮. 𑀯𑀬 𑀤𑀺𑀯 𑀓𑀭 𑀓𑀭𑁂𑀳𑁆𑀬𑀲𑀡𑀲𑀓𑀧𑀸𑀲𑀓𑀲𑀸.
𑀯𑀬𑀢𑁆𑀬𑀸𑀤𑀻𑀳𑀺 𑀅𑀲𑀡𑀆𑀤𑀬𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀯𑀬𑀢𑀺 𑀕𑀘𑁆𑀙𑀢𑀻𑀢𑀺 𑀯𑀸𑀬𑀲𑁄=𑀓𑀸𑀓𑁄. 𑀤𑀺𑀩𑁆𑀩𑀦𑁆𑀢𑀺 𑀏𑀢𑁆𑀣𑀸𑀢𑀺 𑀤𑀺𑀯𑀲𑁄=𑀤𑀺𑀦𑀁. 𑀓𑀭𑀻𑀬𑀢𑀻𑀢𑀺 𑀓𑀧𑁆𑀧𑀸𑀲𑁄=𑀲𑀼𑀢𑁆𑀢𑀲𑀫𑁆𑀪𑀯𑁄. 𑀓𑀺𑀩𑁆𑀩𑀺𑀲𑀁 𑀓𑀭𑁄𑀢𑀻𑀢𑀺 𑀓𑀓𑁆𑀓𑀲𑁄=𑀨𑀭𑀼𑀲𑁄.
𑀲𑀲𑀸𑀤𑀻𑀳𑀺 ¶ 𑀲𑀼 𑀳𑁄𑀢𑀺. 𑀲𑀲𑀢𑀺 𑀚𑀻𑀯𑀢𑀻𑀢𑀺 𑀲𑀲𑁆𑀲𑀼=𑀚𑀬𑀫𑁆𑀧𑀢𑀻𑀦𑀁 𑀫𑀸𑀢𑀸. 𑀫𑀲𑀻𑀬𑀢𑀻𑀢𑀺 𑀫𑀲𑁆𑀲𑀼=𑀧𑀼𑀭𑀺𑀲𑀫𑀼𑀔𑁂 𑀧𑀯𑀤𑁆𑀥𑀮𑁄𑀫𑀸𑀦𑀺. ‘‘𑀮𑁄𑀧𑁄’’𑀢𑀺 (𑁧.𑁩𑁯) 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀤𑀁𑀲𑀻𑀬𑀢𑀺 𑀩𑀦𑁆𑀥𑀫𑀦𑁂𑀦𑀸𑀢𑀺 𑀤𑀲𑁆𑀲𑀼=𑀘𑁄𑀭𑁄. 𑀅𑀲𑀻𑀬𑀢𑀺 𑀔𑀺𑀧𑀻𑀬𑀢𑀻𑀢𑀺 𑀅𑀲𑁆𑀲𑀼=𑀩𑀧𑁆𑀧𑁄.
𑀯𑀺𑀤𑀺𑀲𑁆𑀫𑀸 𑀤𑀲𑀼𑀓 𑀳𑁄𑀢𑀺. 𑀯𑀺𑀤𑀢𑀺 𑀚𑀸𑀦𑀸𑀢𑀻𑀢𑀺 𑀯𑀺𑀤𑁆𑀤𑀲𑀼=𑀯𑀺𑀤𑁆𑀯𑀸.
𑀲𑀲𑀢𑀺𑀲𑁆𑀫𑀸 𑀭𑀻𑀳𑁄 𑀳𑁄𑀢𑀺. 𑀲𑀲𑀢𑀺 𑀳𑀺𑀁𑀲𑀢𑀻𑀢𑀺 𑀲𑀻𑀳𑁄=𑀓𑁂𑀲𑀭𑀻.
𑀚𑀻𑀯-𑀧𑀸𑀡𑀥𑀸𑀭𑀡𑁂, 𑀅𑀫-𑀕𑀫𑀦𑁂, 𑀏𑀢𑁂𑀳𑀻 𑀳𑁄 𑀳𑁄𑀢𑀺, 𑀯𑀫𑀸 𑀘𑀸𑀦𑁆𑀢𑀸𑀤𑁂𑀲𑀸 𑀬𑀣𑀸𑀓𑁆𑀓𑀫𑀁, 𑀆𑀤𑁂𑀲𑀯𑀺𑀥𑀸𑀦𑀁 𑀧𑀦 𑀧𑀭𑀭𑀽𑀧𑀩𑀸𑀥𑀦𑀢𑁆𑀣𑀁. ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 (𑁧.𑁩𑁯) 𑀭𑀲𑁆𑀲𑀢𑁆𑀢𑀁, 𑀚𑀻𑀯𑀦𑁆𑀢𑀺 𑀏𑀢𑀸𑀬𑀸𑀢𑀺 𑀚𑀺𑀯𑁆𑀳𑀸=𑀭𑀲𑀦𑀸. 𑀅𑀫𑀢𑀺 𑀧𑀯𑀢𑁆𑀢𑀢𑀻𑀢𑀺 𑀅𑀫𑁆𑀳𑀁=𑀅𑀲𑁆𑀫𑀸. 𑀧𑀧𑀼𑀩𑁆𑀩𑁂 𑀅𑀫𑀢𑀺 𑀧𑀯𑀢𑁆𑀢𑀢𑀻𑀢𑀺 𑀧𑀫𑁆𑀳𑀁=𑀧𑀔𑀼𑀫𑀁.
𑀢𑀡𑁆𑀳𑀆𑀤𑀬𑁄 𑀳𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀢𑀲-𑀧𑀺𑀧𑀸𑀲𑀸𑀬𑀁, 𑀲𑀲𑁆𑀲 𑀡𑀢𑁆𑀢𑀁, 𑀏𑀯𑀫𑀼𑀧𑀭𑀺 𑀘, 𑀢𑀲𑀢𑀺 𑀧𑀸𑀢𑀼𑀫𑀺𑀘𑁆𑀙𑀢𑀺 𑀏𑀢𑀸𑀬𑀸𑀢𑀺 𑀢𑀡𑁆𑀳𑀸=𑀮𑁄 𑀪𑁄. 𑀓𑀲-𑀯𑀺𑀮𑁂𑀔𑀦𑁂, 𑀓𑀲𑀢𑀻𑀢𑀺 𑀓𑀡𑁆𑀳𑁄=𑀓𑀸𑀴𑁄. 𑀚𑀼𑀢-𑀤𑀺𑀢𑁆𑀢𑀺𑀬𑀁, 𑀢𑀲𑁆𑀲 𑀡𑀢𑁆𑀢𑀁, 𑀑𑀢𑁆𑀢𑀸𑀪𑀸𑀯𑁄 𑀘, 𑀚𑁄𑀢𑁂𑀢𑀻𑀢𑀺 𑀚𑀼𑀡𑁆𑀳𑀸=𑀘𑀦𑁆𑀤- 𑀧𑀪𑀸 ¶ . 𑀫𑀻𑀮𑀺𑀲𑁆𑀲 𑀴𑁄, 𑀦𑀺𑀫𑀻𑀮𑀦𑁆𑀢𑁆𑀬𑀦𑁂𑀦 𑀅𑀓𑁆𑀔𑀻𑀦𑀻𑀢𑀺 𑀫𑀻𑀴𑁆𑀳𑀁-𑀕𑀽𑀣𑀁. 𑀕𑀸𑀳𑀺𑀲𑁆𑀲 𑀴𑁄, 𑀕𑀬𑁆𑀳𑀢𑀻𑀢𑀺 𑀕𑀸𑀴𑁆𑀳𑀁, 𑀤𑀳𑀺𑀲𑁆𑀲 𑀴𑁄, 𑀤𑀳𑀢𑀻𑀢𑀺 𑀤𑀴𑁆𑀳𑀁, 𑀩𑀳𑀺𑀲𑁆𑀲 𑀴𑁄, 𑀤𑀻𑀖𑁄 𑀘, 𑀩𑀳𑀢𑀺 𑀯𑀼𑀤𑁆𑀥𑀺𑀁 𑀯𑀘𑁆𑀙𑀢𑀻𑀢𑀺 𑀩𑀸𑀴𑁆𑀳𑀁, 𑀏𑀢𑁂 𑀢𑀬𑁄 𑀤𑀴𑁆𑀳𑀢𑁆𑀣𑀸. 𑀕𑀫𑀺𑀲𑁆𑀲 𑀅𑀲𑁆𑀲𑀺, 𑀕𑀘𑁆𑀙𑀢𑀻𑀢𑀺 𑀕𑀺𑀫𑁆𑀳𑁄-𑀦𑀺𑀤𑀸𑀖𑁄. 𑀧𑀝𑀓𑀮𑀸𑀦𑀁 𑀅𑀓 𑀘, 𑀧𑀝𑀢𑀺 𑀬𑀸𑀢𑀻𑀢𑀺 𑀧𑀝𑀳𑁄=𑀪𑁂𑀭𑀺𑀯𑀺𑀲𑁂𑀲𑁄. 𑀓𑀮𑀻𑀬𑀢𑀺 𑀧𑀭𑀺𑀫𑀻𑀬𑀢𑀺 𑀅𑀦𑁂𑀦 𑀲𑀽𑀭𑀪𑀸𑀯𑁄𑀢𑀺 𑀓𑀮𑀳𑁄=𑀯𑀺𑀯𑀸𑀤𑁄. 𑀓𑀝𑀯𑀭𑀸𑀦𑀁 𑀆𑀓, 𑀓𑀝𑀦𑁆𑀢𑀺 𑀏𑀢𑁆𑀣 𑀑𑀲𑀥𑀸𑀤𑀺𑀁 𑀫𑀤𑁆𑀤𑀦𑁆𑀢𑀻𑀢𑀺 𑀓𑀝𑀸𑀳𑁄=𑀪𑀸𑀚𑀦𑀯𑀺𑀲𑁂𑀲𑁄. 𑀯𑀭𑀻𑀬𑀢𑀻𑀢𑀺 𑀯𑀭𑀸𑀳𑁄=𑀲𑀽𑀓𑀭𑁄. 𑀮𑀼𑀦𑀸𑀢𑀺𑀲𑁆𑀲 𑀑, 𑀮𑀼𑀦𑀸𑀢𑀺 𑀏𑀢𑁂𑀦𑀸𑀢𑀺 𑀮𑁄𑀳𑀁=𑀅𑀬𑀸𑀤𑀺. 𑀏𑀯𑀫𑀜𑁆𑀜𑁂𑀧𑀺.
𑀧𑀡𑀸 𑀉𑀧𑀼𑀩𑁆𑀩𑀲𑀳𑀸 𑀘 𑀳𑀺𑀳𑀻 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁, 𑀡𑀑𑀴𑀗 𑀘𑀸𑀦𑁆𑀢𑀸𑀤𑁂𑀲𑀸, 𑀆𑀤𑁂𑀲𑀯𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀸 𑀧𑀭𑀭𑀽𑀧𑀸𑀪𑀸𑀯𑁄, 𑀧𑀡𑀻𑀬𑀢𑀺 𑀯𑁄𑀳𑀭𑀻𑀬𑀢𑀻𑀢𑀺 𑀧𑀡𑁆𑀳𑀺=𑀧𑀸𑀤𑀲𑁆𑀲 𑀧𑀘𑁆𑀙𑀸𑀪𑀸𑀕𑁄. 𑀉𑀲𑁆𑀲𑀳𑀢𑀻𑀢𑀺 𑀉𑀲𑁆𑀲𑀸𑀴𑁆𑀳𑀻-𑀯𑀻𑀭𑀺𑀬𑀁.
𑁨𑁨𑁫. 𑀔𑀻 𑀫𑀺 𑀧𑀻 𑀘𑀼 𑀫𑀸 𑀯𑀸𑀓𑀸𑀳𑀺 𑀴𑁄 𑀉𑀲𑁆𑀲 𑀯𑀸 𑀤𑀻𑀖𑁄 𑀘.
𑀔𑀻-𑀔𑀬𑁂, 𑀫𑀺-𑀧𑀓𑁆𑀔𑁂𑀧𑁂, 𑀧𑀻-𑀢𑀧𑁆𑀧𑀦𑁂, 𑀘𑀼-𑀘𑀯𑀦𑁂, 𑀫𑀸-𑀫𑀸𑀦𑁂, 𑀯𑀻 𑀯𑀸-𑀕𑀫𑀦𑁂, 𑀓𑀸 𑀕𑀸-𑀲𑀤𑁆𑀤𑁂, 𑀏𑀢𑁂𑀳𑀺 𑀴𑁄 𑀳𑁄𑀢𑀺, 𑀉𑀓𑀸𑀭𑀲𑁆𑀲 𑀯𑀸 𑀤𑀻𑀖𑁄 𑀘. 𑀔𑀻𑀬𑀢𑀻𑀢𑀺 𑀔𑁂𑀮𑁄=𑀮𑀸𑀮𑀸. 𑀫𑀻𑀬𑀢𑀺 𑀧𑀓𑁆𑀔𑀺𑀧𑀻𑀬𑀢𑀻𑀢𑀺 𑀫𑁂𑀴𑀸=𑀫𑀲𑀺. 𑀧𑀺𑀡𑁂𑀢𑀻𑀢𑀺 𑀧𑁂𑀴𑀸=𑀪𑀸𑀚𑀦𑀯𑀺𑀲𑁂𑀲𑁄. 𑀘𑀯𑀢𑀻𑀢𑀺 𑀘𑀽𑀴𑀸=𑀲𑀺𑀔𑀸. 𑀘𑁄𑀴𑁄=𑀧𑀺𑀮𑁄𑀢𑀺𑀓𑁄. 𑀫𑀻𑀬𑀢𑀺 𑀧𑀭𑀺𑀫𑀻𑀬𑀢𑀻𑀢𑀺 𑀫𑀸𑀴𑁄=𑀏𑀓𑀓𑀽𑀝𑀲𑀗𑁆𑀕𑀳𑀺𑀢𑁄 𑀅𑀦𑁂𑀓𑀓𑁄𑀡𑀯𑀦𑁆𑀢𑁄 𑀧𑀝𑀺𑀲𑁆𑀲𑀬𑀯𑀺𑀲𑁂𑀲𑁄. 𑀯𑀸𑀢𑀺 𑀕𑀘𑁆𑀙𑀢𑀻𑀢𑀺 𑀯𑀸𑀴𑁄=𑀘𑀡𑁆𑀟𑀫𑀺𑀕𑁄. 𑀓𑀸𑀬𑀢𑀺 𑀨𑀭𑀼𑀲𑀁 𑀯𑀤𑀢𑀻𑀢𑀺 𑀓𑀸𑀴𑁄=𑀓𑀡𑁆𑀳𑁄, 𑀯𑀻𑀫𑁆𑀳𑀺 𑀓𑀸𑀴𑀻=𑀓𑀡𑁆𑀳𑀸.
𑀕𑀼-𑀲𑀤𑁆𑀤𑁂𑀢𑀻𑀫𑀲𑁆𑀫𑀸 ¶ 𑀴𑀓 𑀳𑁄𑀢𑀺 𑀴𑁄 𑀘. 𑀕𑀯𑀢𑀺 𑀧𑀯𑀢𑁆𑀢𑀢𑀺 𑀏𑀢𑁂𑀦𑀸𑀢𑀺 𑀕𑀼𑀴𑁄=𑀉𑀘𑁆𑀙𑀼𑀯𑀺𑀓𑀸𑀭𑁄. 𑀕𑁄𑀴𑁄=𑀮𑀓𑀼𑀡𑁆𑀟𑀓𑁄.
𑀧𑀗𑁆𑀕𑀼𑀴𑀆𑀤𑀬𑁄 𑀴𑀓 𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀔𑀜𑁆𑀚-𑀕𑀢𑀺𑀯𑁂𑀓𑀮𑁆𑀮𑁂, 𑀧𑀗𑁆𑀕𑀼𑀆𑀤𑁂𑀲𑁄, 𑀅𑀔𑀜𑁆𑀚𑀺 𑀕𑀢𑀺𑀯𑁂𑀓𑀮𑁆𑀮𑀫𑀸𑀧𑀚𑁆𑀚𑀻𑀢𑀺 𑀧𑀗𑁆𑀕𑀴𑁄=𑀧𑀻𑀞𑀲𑀧𑁆𑀧𑀻. 𑀓𑀭𑁄𑀢𑀺𑀲𑁆𑀫𑀸 𑀴𑀲𑁆𑀲 𑀔𑀜, 𑀓𑀺𑀩𑁆𑀩𑀺𑀲𑀁 𑀓𑀭𑁄𑀢𑀻𑀢𑀺 𑀓𑀓𑁆𑀔𑀴𑁄=𑀓𑀼𑀭𑀽𑀭𑁄. 𑀓𑀼𑀓𑀢𑀺𑀲𑁆𑀲 𑀓𑀼𑀓, 𑀓𑀼𑀓𑁆𑀬𑀢𑀺 𑀧𑀸𑀧𑀓𑀸𑀭𑀻𑀳𑀺 𑀆𑀤𑀻𑀬𑀢𑀻𑀢𑀺 𑀓𑀼𑀓𑁆𑀓𑀼𑀴𑀁=𑀲𑀗𑁆𑀓𑀼 𑀲𑀁𑀓𑀺𑀡𑁆𑀡𑁄 𑀲𑁄𑀩𑁆𑀪𑁄. 𑀓𑀼𑀓𑁆𑀓𑀼𑀴𑁄=𑀣𑀼𑀲𑀕𑁆𑀕𑀻. 𑀫𑀁𑀓𑀺𑀲𑁆𑀲 𑀉𑀓, 𑀩𑀺𑀦𑁆𑀤𑀼 𑀮𑁄𑀧𑁄 𑀘, 𑀫𑀁𑀓𑁂𑀢𑀺 𑀯𑀦𑀁 𑀫𑀡𑁆𑀟𑁂𑀢𑀻𑀢𑀺 𑀫𑀓𑀼𑀴𑁄=𑀅𑀯𑀺𑀓𑀲𑀺𑀢𑀓𑀼𑀲𑀼𑀫𑀁.
𑀧𑀸𑀢𑀺𑀲𑁆𑀫𑀸 𑀴𑀺 𑀳𑁄𑀢𑀺. 𑀅𑀢𑁆𑀣𑀁 𑀧𑀸𑀢𑀺 𑀭𑀓𑁆𑀔𑀢𑀻𑀢𑀺 𑀧𑀸𑀴𑀺=𑀢𑀦𑁆𑀢𑀺.
𑀯𑀻𑀢𑀺𑀲𑁆𑀫𑀸 𑀴𑀼 𑀳𑁄𑀢𑀺. 𑀯𑁂𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑁂𑀴𑀼=𑀯𑁂𑀡𑀼.
(𑀇𑀢𑀺 𑀅𑀯𑀕𑁆𑀕𑀧𑀘𑁆𑀘𑀬𑀯𑀺𑀥𑀸𑀦𑀁).
𑀇𑀢𑀺 𑀫𑁄𑀕𑁆𑀕𑀮𑁆𑀮𑀸𑀦𑁂 𑀩𑁆𑀬𑀸𑀓𑀭𑀡𑁂 𑀯𑀼𑀢𑁆𑀢𑀺𑀬𑀁
𑀡𑁆𑀯𑀸𑀤𑀺𑀓𑀡𑁆𑀟𑁄 𑀲𑀢𑁆𑀢𑀫𑁄.
𑀲𑀼𑀢𑁆𑀢𑀁 𑀥𑀸𑀢𑀼 𑀕𑀡𑁄 𑀡𑁆𑀯𑀸𑀤𑀺, 𑀦𑀸𑀫𑀮𑀺𑀗𑁆𑀕𑀸𑀦𑀼𑀲𑀸𑀲𑀦𑀁;
𑀬𑀲𑁆𑀲 𑀢𑀺𑀝𑁆𑀞𑀢𑀺 𑀚𑀻𑀯𑁆𑀳𑀕𑁆𑀕𑁂, 𑀲 𑀩𑁆𑀬𑀸𑀓𑀭𑀡𑀓𑁂𑀲𑀭𑀻.
𑀲𑀫𑀢𑁆𑀢𑀸 𑀘𑀸𑀬𑀁 𑀫𑁄𑀕𑁆𑀕𑀮𑁆𑀮𑀸𑀦𑀯𑀼𑀢𑁆𑀢𑀺
𑀲𑀢𑁆𑀢𑀳𑀺 𑀪𑀸𑀡𑀯𑀸𑀭𑁂𑀳𑀺.
𑀬𑀲𑁆𑀲 ¶ 𑀭𑀜𑁆𑀜𑁄 𑀧𑀪𑀸𑀯𑁂𑀦, 𑀪𑀸𑀯𑀺𑀢𑀢𑁆𑀢𑀬𑀫𑀸𑀓𑀼𑀮𑀁;
𑀅𑀦𑀸𑀓𑀼𑀮𑀁 𑀤𑀼𑀮𑀤𑁆𑀥𑀻𑀳𑀺, 𑀧𑀸𑀧𑀪𑀺𑀓𑁆𑀔𑀽𑀳𑀺 𑀲𑀩𑁆𑀩𑀲𑁄.
𑀮𑀗𑁆𑀓𑀸𑀬 𑀫𑀼𑀦𑀺𑀭𑀸𑀚𑀲𑁆𑀲, 𑀲𑀸𑀲𑀦𑀁 𑀲𑀸𑀥𑀼 𑀲𑀡𑁆𑀞𑀺𑀓𑀁;
𑀧𑀼𑀡𑁆𑀡𑀘𑀦𑁆𑀤𑀲𑀫𑀸𑀬𑁄𑀕𑀸, 𑀯𑀸𑀭𑀺𑀥𑀻𑀯 𑀯𑀺𑀯𑀤𑁆𑀥𑀢𑁂.
𑀧𑀭𑀓𑁆𑀓𑀫𑀪𑀼𑀚𑁂 𑀢𑀲𑁆𑀫𑀺𑀁, 𑀲𑀤𑁆𑀥𑀸𑀩𑀼𑀤𑁆𑀥𑀺𑀕𑀼𑀡𑁄𑀤𑀺𑀢𑁂;
𑀫𑀦𑀼𑀯𑀁𑀲𑀤𑁆𑀥𑀚𑀸𑀓𑀸𑀭𑁂, 𑀮𑀗𑁆𑀓𑀸𑀤𑀻𑀧𑀁 𑀧𑀲𑀸𑀲𑀢𑀺.
𑀫𑁄𑀕𑁆𑀕𑀮𑁆𑀮𑀸𑀦𑁂𑀦 𑀣𑁂𑀭𑁂𑀦, 𑀥𑀻𑀫𑀢𑀸 𑀲𑀼𑀘𑀺𑀯𑀼𑀢𑁆𑀢𑀺𑀦𑀸;
𑀭𑀘𑀺𑀢𑀁 𑀬𑀁 𑀲𑀼𑀯𑀺𑀜𑁆𑀜𑁂𑀬𑁆𑀬-𑀫𑀲𑀦𑁆𑀤𑀺𑀤𑁆𑀥’𑀫𑀦𑀸𑀓𑀼𑀮𑀁.
𑀅𑀲𑁂𑀲𑀯𑀺𑀲𑀬𑀩𑁆𑀬𑀸𑀧𑀺, 𑀚𑀺𑀦𑀩𑁆𑀬𑀧𑁆𑀧𑀣 𑀦𑀺𑀲𑁆𑀲𑀬𑀁;
𑀲𑀤𑁆𑀥𑀲𑀢𑁆𑀣’𑀫𑀦𑀸𑀬𑀸𑀲-𑀲𑀸𑀥𑀺𑀬𑀁 𑀩𑀼𑀤𑁆𑀥𑀺𑀯𑀤𑁆𑀥𑀦𑀁.
𑀢𑀲𑁆𑀲 𑀯𑀼𑀢𑁆𑀢𑀺 𑀲𑀫𑀸𑀲𑁂𑀦, 𑀯𑀺𑀧𑀼𑀮𑀢𑁆𑀣𑀧𑀓𑀸𑀲𑀦𑀻;
𑀭𑀘𑀺𑀢𑀸 𑀧𑀼𑀦 𑀢𑁂𑀦𑁂𑀯, 𑀲𑀸𑀲𑀦𑀼𑀚𑁆𑀚𑁄𑀢𑀓𑀸𑀭𑀺𑀦𑀸𑀢𑀺.
𑀫𑁄𑀕𑁆𑀕𑀮𑁆𑀮𑀸𑀦𑀩𑁆𑀬𑀸𑀓𑀭𑀡𑀁 𑀦𑀺𑀝𑁆𑀞𑀺𑀢𑀁.