📜
𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲
𑀓𑀘𑁆𑀘𑀸𑀬𑀦𑀩𑁆𑀬𑀸𑀓𑀭𑀡𑀁
𑁧. 𑀲𑀦𑁆𑀥𑀺
𑁧, 𑁧. 𑀅𑀢𑁆𑀣𑁄 ¶ 𑀅𑀓𑁆𑀔𑀭𑀲𑀜𑁆𑀜𑀸𑀢𑁄.
𑁨, 𑁨. 𑀅𑀓𑁆𑀔𑀭𑀸𑀧𑀸𑀤𑀬𑁄 𑀏𑀓𑀘𑀢𑁆𑀢𑀸𑀮𑀺𑀲𑀁.
𑁧𑁦, 𑁧𑁨. 𑀧𑀼𑀩𑁆𑀩𑀫𑀥𑁄𑀞𑀺𑀢𑀫𑀲𑁆𑀲𑀭𑀁 𑀲𑀭𑁂𑀦 𑀯𑀺𑀬𑁄𑀚𑀬𑁂.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑁧𑁨, 𑁧𑁩. 𑀲𑀭𑀸 ¶ 𑀲𑀭𑁂 𑀮𑁄𑀧𑀁.
𑁨𑁨, 𑁨𑁮. 𑀏𑀯𑀸𑀤𑀺𑀲𑁆𑀲 𑀭𑀺 𑀧𑀼𑀩𑁆𑀩𑁄 𑀘 𑀭𑀲𑁆𑀲𑁄.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑁨𑁯, 𑁪𑁨. 𑀯𑀕𑁆𑀕𑁂 𑀖𑁄𑀲𑀸𑀖𑁄𑀲𑀸𑀦𑀁 𑀢𑀢𑀺𑀬𑀧𑀞𑀫𑀸.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑁩𑁦, 𑁫𑁮. 𑀅𑀁 ¶ 𑀩𑁆𑀬𑀜𑁆𑀚𑀦𑁂 𑀦𑀺𑀕𑁆𑀕𑀳𑀺𑀢𑀁.
𑁩𑁫, 𑁩𑁪. 𑀬 𑀯 𑀫 𑀤 𑀦 𑀢 𑀭 𑀮𑀸 𑀘𑀸𑀕𑀫𑀸.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑁪𑁨, 𑁩𑁨. 𑀕𑁄𑀲𑀭𑁂 𑀧𑀼𑀣𑀲𑁆𑀲𑀸𑀕𑀫𑁄 𑀓𑁆𑀯𑀘𑀺.
𑁪𑁮, 𑁪𑁩. 𑀓𑁆𑀯𑀘𑀺 ¶ 𑀧𑀝𑀺 𑀧𑀢𑀺𑀲𑁆𑀲.
𑁫𑁧, 𑁫𑁯. 𑀅𑀦𑀼𑀧𑀤𑀺𑀝𑁆𑀞𑀸𑀦𑀁 𑀯𑀼𑀢𑁆𑀢𑀬𑁄𑀕𑀢𑁄.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄.
𑀲𑀦𑁆𑀥𑀺𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁨. 𑀦𑀸𑀫
𑁫𑁫, 𑁬𑁩. 𑀲𑀺 𑀬𑁄 𑀅𑀁 𑀬𑁄 𑀦𑀸 𑀳𑀺 𑀲 𑀦𑀁 𑀲𑁆𑀫𑀸 𑀳𑀺 𑀲𑀦𑀁 𑀲𑁆𑀫𑀺𑀁 𑀲𑀼.
𑁬𑁩, 𑁨𑁧𑁭. 𑀏𑀢𑀺𑀫𑀸𑀲𑀫𑀺 ¶ .
𑁬𑁭, 𑁨𑁨𑁯. 𑀦𑁄 𑀘 𑀤𑁆𑀯𑀸𑀤𑀺𑀢𑁄 𑀦𑀁𑀫𑁆𑀳𑀺.
𑁬𑁮, 𑁧𑁮𑁪. 𑀅𑀫𑀸 𑀧𑀢𑁄 𑀲𑁆𑀫𑀺𑀁𑀲𑁆𑀫𑀸𑀦𑀁 𑀯𑀸.
𑁭𑁭, 𑁧𑁭𑁫, 𑀢𑀢𑁄 𑀦𑀫𑀁 𑀧𑀢𑀺𑀫𑁆𑀳𑀸𑀮𑀼𑀢𑁆𑀢𑁂 𑀘 𑀲𑀫𑀸𑀲𑁂.
𑁭𑁯, 𑁪𑁬. 𑀢𑀩𑁆𑀩𑀺𑀧𑀭𑀻𑀢𑀽𑀧𑀧𑀤𑁂 𑀩𑁆𑀬𑀜𑁆𑀚𑀦𑁂 𑀘.
𑁮𑁨, 𑁧𑁪𑁯. 𑀅𑀁𑀫𑁄 ¶ 𑀦𑀺𑀕𑁆𑀕𑀳𑀺𑀢𑀁 𑀛𑀮𑀧𑁂𑀳𑀺.
𑁮𑁩, 𑁬𑁭. 𑀲𑀭𑀮𑁄𑀧𑁄 𑀫𑀸𑀤𑁂𑀲𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀲𑀭𑀮𑁄𑀧𑁂 𑀢𑀼 𑀧𑀓𑀢𑀺.
𑁮𑁪, 𑁧𑁪𑁪. 𑀅𑀖𑁄 𑀭𑀲𑁆𑀲𑀫𑁂𑀓𑀯𑀘𑀦𑀬𑁄𑀲𑁆𑀯𑀧𑀺 𑀘.
𑁮𑁭, 𑁨𑁩𑁧. 𑀇𑀡𑁆𑀡𑀫𑀺𑀡𑁆𑀡𑀦𑁆𑀦𑀁 𑀢𑀻𑀳𑀺 𑀲𑀗𑁆𑀔𑁆𑀬𑀸𑀳𑀺.
𑁮𑁮, 𑁧𑁪𑁭. 𑀬𑀸𑀲𑀼 𑀓𑀢𑀦𑀺𑀓𑀸𑀭𑀮𑁄𑀧𑁂𑀲𑀼 𑀤𑀻𑀖𑀁.
𑁯𑁮, 𑁧𑁮𑁯. 𑀫𑀸𑀢𑀼𑀮𑀸𑀤𑀻𑀦𑀫𑀸𑀦𑀢𑁆𑀢𑀫𑀻𑀓𑀸𑀭𑁂.
𑁯𑁯, 𑁮𑁧. 𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀁 𑀫𑁆𑀳𑀸𑀪𑀺𑀫𑁆𑀳𑀺 𑀯𑀸.
𑁧𑁦𑁧, 𑁮𑁦. 𑀲𑀼𑀳𑀺𑀲𑁆𑀯𑀓𑀸𑀭𑁄 ¶ 𑀏.
𑁧𑁦𑁨, 𑁨𑁦𑁨. 𑀲𑀩𑁆𑀩𑀦𑀸𑀫𑀸𑀦𑀁 𑀦𑀁𑀫𑁆𑀳𑀺 𑀘.
𑁧𑁦𑁯, 𑁨𑁯𑁫. 𑀆𑀬 𑀘𑀢𑀼𑀢𑁆𑀣𑁂𑀓𑀯𑀘𑀦𑀲𑁆𑀲 𑀢𑀼.
𑁧𑁧𑁦, 𑁨𑁦𑁧. 𑀢𑀬𑁄 𑀦𑁂𑀯 𑀘 𑀲𑀩𑁆𑀩𑀦𑀸𑀫𑁂𑀳𑀺.
𑁧𑁧𑁬, 𑁧𑁫𑁭. 𑀅𑀓𑀢𑀭𑀲𑁆𑀲𑀸 𑀮𑀢𑁄 𑀬𑁆𑀯𑀸𑀮𑀧𑀦𑀲𑁆𑀲𑀯𑁂𑀯𑁄.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑁧𑁨𑁦, 𑁨𑁪𑁩. 𑀅𑀫𑁆𑀳𑀲𑁆𑀲 ¶ 𑀫𑀫𑀁 𑀲𑀯𑀺𑀪𑀢𑁆𑀢𑀺𑀲𑁆𑀲 𑀲𑁂.
𑁧𑁨𑁯, 𑁨𑁨𑁨. 𑀇𑀫𑀲𑁆𑀲𑀺𑀤𑀫𑀁𑀲𑀺𑀲𑀼 𑀦𑀧𑀼𑀁𑀲𑀓𑁂.
𑁧𑁩𑁧, 𑁦. 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀲𑀗𑁆𑀔𑁆𑀬𑀁.
𑁧𑁩𑁨, 𑁨𑁨𑁮. 𑀬𑁄𑀲𑀼 𑀤𑁆𑀯𑀺𑀦𑁆𑀦𑀁 𑀤𑁆𑀯𑁂 𑀘.
𑁧𑁩𑁩, 𑁨𑁩𑁦. 𑀢𑀺𑀘𑀢𑀼𑀦𑁆𑀦𑀁 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀢𑀬𑁄𑀘𑀢𑁆𑀢𑀸𑀭𑁄 𑀢𑀻𑀡𑀺 𑀘𑀢𑁆𑀢𑀸𑀭𑀺.
𑁧𑁩𑁫, 𑁧𑁧𑁮. 𑀭𑀸𑀚𑀲𑁆𑀲𑀸 𑀭𑀜𑁆𑀜𑁄 𑀭𑀸𑀚𑀺𑀦𑁄 𑀲𑁂.
𑁧𑁩𑁮, 𑁧𑁨𑁧. 𑀲𑁆𑀫𑀺𑀁𑀫𑁆𑀳𑀺 𑀭𑀜𑁆𑀜𑁂 𑀭𑀸𑀚𑀺𑀦𑀺.
𑁧𑁩𑁯, 𑁨𑁪𑁫. 𑀢𑀼𑀫𑁆𑀳𑀫𑁆𑀳𑀸𑀓𑀁 ¶ 𑀢𑀬𑀺 𑀫𑀬𑀺.
𑁧𑁪𑁬, 𑁨𑁩𑁬. 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁𑀢𑁆𑀯𑀫𑀫𑁆𑀳𑀺.
𑁧𑁪𑁭, 𑁨𑁪𑁬. 𑀧𑀤𑀢𑁄 𑀤𑀼𑀢𑀺𑀬𑀸𑀘𑀢𑀼𑀢𑁆𑀣𑀻𑀙𑀝𑁆𑀞𑀻𑀲𑀼 𑀯𑁄 𑀦𑁄.
𑁧𑁫𑁧, 𑁧𑁪𑁩. 𑀲𑀼𑀲𑁆𑀫𑀺𑀫𑀸 ¶ 𑀯𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑁧𑁬𑁯, 𑁧𑁧𑁭. 𑀭𑀸𑀚𑀲𑁆𑀲 𑀭𑀸𑀚𑀼 𑀲𑀼𑀦𑀁 𑀳𑀺𑀲𑀼 𑀘.
𑁧𑁭𑁨, 𑁨𑁧𑁮. 𑀅𑀦𑀧𑀼𑀁𑀲𑀓𑀲𑁆𑀲𑀸 𑀬𑀁 𑀲𑀺𑀫𑁆𑀳𑀺.
𑁧𑁭𑁫, 𑁨𑁧𑁨. 𑀢𑀲𑁆𑀲 𑀯𑀸 𑀦𑀢𑁆𑀢𑀁 𑀲𑀩𑁆𑀩𑀢𑁆𑀣.
𑁧𑁭𑁬, 𑁨𑁧𑁩. 𑀲𑀲𑁆𑀫𑀸𑀲𑁆𑀫𑀺𑀁𑀲𑀁𑀲𑀸𑀲𑁆𑀯𑀢𑁆𑀢𑀁 𑁦.𑁦𑁦𑁧𑁧.
𑁧𑁭𑁯, 𑁨𑁦𑁪. 𑀖𑀧𑀢𑁄 𑀲𑁆𑀫𑀺𑀁 𑀲𑀸𑀦𑀁 𑀲𑀁𑀲𑀸.
𑁧𑁮𑁧, 𑁯𑁫. 𑀫𑀦𑁄𑀕𑀡𑀸𑀤𑀺𑀢𑁄 𑀲𑁆𑀫𑀺𑀁𑀦𑀸𑀦𑀫𑀺𑀆.
𑁧𑁮𑁫, 𑁧𑁧𑁨. 𑀲𑀦𑁆𑀢𑀲𑀤𑁆𑀤𑀲𑁆𑀲𑀸 𑀲𑁄 𑀪𑁂 𑀩𑁄 𑀘𑀦𑁆𑀢𑁂.
𑁧𑁮𑁬, 𑁧𑁦𑁭. 𑀲𑀺𑀫𑁆𑀳𑀺 𑀕𑀘𑁆𑀙𑀦𑁆𑀢𑀸𑀤𑀻𑀦𑀁 𑀦𑁆𑀢𑀲𑀤𑁆𑀤𑁄 𑀅𑀁.
𑁧𑁮𑁮, 𑁧𑁫𑁫. 𑀩𑁆𑀭𑀳𑁆𑀫𑀢𑁆𑀢 𑀲𑀔 𑀭𑀸𑀚𑀸𑀤𑀺𑀢𑁄 𑀅𑀫𑀸𑀦𑀁.
𑁧𑁯𑁪, 𑁧𑁩𑁧. 𑀲𑀔𑀦𑁆𑀢𑀲𑁆𑀲𑀺 𑀦𑁄𑀦𑀸𑀦𑀁𑀲𑁂𑀲𑀼.
𑁧𑁯𑁫, 𑁧𑁩𑁪. 𑀆𑀭𑁄 ¶ 𑀳𑀺𑀫𑁆𑀳𑀺 𑀯𑀸.
𑁧𑁯𑁭, 𑁧𑁨𑁫. 𑀩𑁆𑀭𑀳𑁆𑀫𑀢𑁄 𑀢𑀼 𑀲𑁆𑀫𑀺𑀁𑀦𑀺.
𑁧𑁯𑁯, 𑁧𑁫𑁮. 𑀲𑀢𑁆𑀣𑀼𑀧𑀺𑀢𑀸𑀤𑀻𑀦𑀫𑀸 𑀲𑀺𑀲𑁆𑀫𑀺𑀁 𑀲𑀺𑀮𑁄𑀧𑁄 𑀘.
𑁨𑁧𑁦, 𑁨𑁩𑁯. 𑀢𑀬𑀸𑀢𑀬𑀺𑀦𑀁 𑀢𑀓𑀸𑀭𑁄 𑀢𑁆𑀯𑀢𑁆𑀢𑀁 𑀯𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑁨𑁧𑁧, 𑁧𑁨𑁬. 𑀅𑀢𑁆𑀢𑀦𑁆𑀢𑁄 𑀳𑀺𑀲𑁆𑀫𑀺𑀫𑀦𑀢𑁆𑀢𑀁.
𑁨𑁧𑁪, 𑁧𑁨𑁮. 𑀲𑁆𑀫𑀸 ¶ 𑀦𑀸.
𑁨𑁨𑁧, 𑁨𑁮𑁨. 𑀲𑀩𑁆𑀩𑀸𑀲𑀫𑀸𑀯𑀼𑀲𑁄𑀧𑀲𑀕𑁆𑀕𑀦𑀺𑀧𑀸𑀢𑀸𑀤𑀻𑀳𑀺 𑀘.
𑁨𑁨𑁨, 𑁩𑁨𑁭. 𑀧𑀼𑀫𑀲𑁆𑀲 𑀮𑀺𑀗𑁆𑀕𑀸𑀤𑀻𑀲𑀼 𑀲𑀫𑀸𑀲𑁂𑀲𑀼.
𑁨𑁩𑁧, 𑁨𑁬𑁩. 𑀲𑀩𑁆𑀩𑀲𑁆𑀲𑁂𑀢𑀲𑁆𑀲𑀸𑀓𑀸𑀭𑁄 𑀯𑀸.
𑁨𑁩𑁪, 𑁨𑁬𑁫. 𑀇𑀫𑀲𑁆𑀲𑀺 ¶ 𑀣𑀁 𑀤𑀸𑀦𑀺 𑀳 𑀢𑁄 𑀥𑁂𑀲𑀼 𑀘.
𑁨𑁩𑁯, 𑁧𑁯𑁦. 𑀡𑀯 𑀡𑀺𑀓 𑀡𑁂𑀬𑁆𑀬 𑀡𑀦𑁆𑀢𑀼𑀳𑀺.
𑁨𑁪𑁦, 𑁧𑁯𑁩. 𑀧𑀢𑀺𑀪𑀺𑀓𑁆𑀔𑀼𑀭𑀸𑀚𑀻𑀓𑀸𑀭𑀦𑁆𑀢𑁂𑀳𑀺 𑀇𑀦𑀻.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑁨𑁪𑁭, 𑁨𑁬𑁧. 𑀢𑁆𑀯𑀸𑀤𑀬𑁄 𑀯𑀺𑀪𑀢𑁆𑀢𑀺𑀲𑀜𑁆𑀜𑀸𑀬𑁄.
𑁨𑁪𑁮, 𑁨𑁬𑁦. 𑀓𑁆𑀯𑀘𑀺 𑀢𑁄 𑀧𑀜𑁆𑀘𑀫𑁆𑀬𑀢𑁆𑀣𑁂.
𑁨𑁪𑁯, 𑁨𑁬𑁬. 𑀢𑁆𑀭𑀣 𑀲𑀢𑁆𑀢𑀫𑀺𑀬𑀸 𑀲𑀩𑁆𑀩𑀦𑀸𑀫𑁂𑀳𑀺.
𑁨𑁫𑁩, 𑁨𑁭𑁩. 𑀢𑀫𑁆𑀳𑀸 ¶ 𑀘.
𑁨𑁫𑁭, 𑁨𑁭𑁬. 𑀓𑀺𑀁𑀲𑀩𑁆𑀩𑀜𑁆𑀜𑁂𑀓𑀬𑀓𑀼𑀳𑀺 𑀤𑀸𑀤𑀸𑀘𑀦𑀁.
𑁨𑁫𑁯, 𑁨𑁭𑁯. 𑀇𑀫𑀲𑁆𑀫𑀸 𑀭𑀳𑀺𑀥𑀼𑀦𑀸𑀤𑀸𑀦𑀺 𑀘.
𑁨𑁬𑁦, 𑁨𑁭𑁭. 𑀲𑀩𑁆𑀩𑀲𑁆𑀲 𑀲𑁄 𑀤𑀸𑀫𑁆𑀳𑀺 𑀯𑀸.
𑁨𑁬𑁨, 𑁩𑁯𑁧. 𑀯𑀼𑀟𑁆𑀠𑀲𑁆𑀲 𑀚𑁄 𑀇𑀬𑀺𑀝𑁆𑀞𑁂𑀲𑀼.
𑁨𑁬𑁮, 𑁩𑁯𑁭. 𑀯𑀦𑁆𑀢𑀼𑀫𑀦𑁆𑀢𑀼𑀯𑀻𑀦𑀜𑁆𑀘 𑀮𑁄𑀧𑁄.
𑁨𑁬𑁯, 𑁪𑁧. 𑀬𑀯𑀢𑀁 𑀢𑀮𑀡𑀤𑀓𑀸𑀭𑀸𑀦𑀁 𑀩𑁆𑀬𑀜𑁆𑀚𑀦𑀸𑀦𑀺 𑀘𑀮𑀜𑀚𑀓𑀸𑀭𑀢𑁆𑀢𑀁.
𑁨𑁭𑁦, 𑁧𑁨𑁦. 𑀅𑀫𑁆𑀳 𑀢𑀼𑀫𑁆𑀳 𑀦𑁆𑀢𑀼 𑀭𑀸𑀚 𑀩𑁆𑀭𑀳𑁆𑀫𑀢𑁆𑀢 𑀲𑀔 𑀲𑀢𑁆𑀣𑀼𑁋 𑀧𑀺𑀢𑀸𑀤𑀻𑀳𑀺 𑀲𑁆𑀫𑀸 𑀦𑀸𑀯.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄.
𑀦𑀸𑀫𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁩. 𑀓𑀸𑀭𑀓
𑁨𑁭𑁧, 𑁮𑁮. 𑀬𑀲𑁆𑀫𑀸 ¶ 𑀤𑀧𑁂𑀢𑀺𑀁 𑀪𑀬𑀫𑀸𑀤𑀢𑁆𑀢𑁂 𑀯𑀸 𑀢𑀤𑀧𑀸𑀤𑀸𑀦𑀁. (𑁩𑁦𑁮)
𑁨𑁭𑁨, 𑁩𑁦𑁯. 𑀥𑀸𑀢𑀼𑀦𑀸𑀫𑀸𑀦𑀫𑀼𑀧𑀲𑀕𑁆𑀕𑀬𑁄𑀕𑀸𑀤𑀻𑀲𑁆𑀯𑀧𑀺 𑀘.
𑁨𑁭𑁫, 𑁩𑁧𑁨. 𑀤𑀽𑀭𑀦𑁆𑀢𑀺𑀓𑀤𑁆𑀥𑀓𑀸𑀮 𑀦𑀺𑀫𑁆𑀫𑀸𑀦 𑀢𑁆𑀯𑀸𑀮𑁄𑀧 𑀤𑀺𑀲𑀸 𑀬𑁄𑀕 𑀯𑀺𑀪𑀢𑁆𑀢𑀸𑀭𑀧𑁆𑀧𑀬𑁄𑀕 𑀲𑀼𑀤𑁆𑀥𑀧𑁆𑀧𑀫𑁄𑀘𑀦𑀳𑁂𑀢𑀼 𑀯𑀺𑀯𑀺𑀢𑁆𑀢𑀧𑁆𑀧𑀫𑀸𑀡𑀧𑀼𑀩𑁆𑀩𑀬𑁄𑀕 𑀩𑀦𑁆𑀥𑀦𑀕𑀼𑀡𑀯𑀘𑀦 𑀧𑀜𑁆𑀳𑀓𑀣𑀦 𑀣𑁄𑀓𑀸𑀢𑀢𑁆𑀢𑀽𑀲𑀼 𑀘.
𑁨𑁭𑁬, 𑁩𑁦𑁨. 𑀬𑀲𑁆𑀲 𑀤𑀸𑀢𑀼𑀓𑀸𑀫𑁄 𑀭𑁄𑀘𑀢𑁂 𑀥𑀸𑀭𑀬𑀢𑁂 𑀧𑀸 𑀢𑀁 𑀲𑀫𑁆𑀧𑀤𑀸𑀦𑀁.
𑁨𑁭𑁭, 𑁩𑁦𑁩. 𑀲𑀺𑀮𑀸𑀖 𑀳𑀦𑀼 𑀞𑀸 𑀲𑀧 𑀥𑀸𑀭 𑀧𑀺𑀳 𑀓𑀼𑀥 𑀤𑀼𑀳𑀺𑀲𑁆𑀲𑁄 𑀲𑁆𑀲𑀽𑀬 𑀭𑀸𑀥𑀺𑀓𑁆𑀔 𑀧𑀘𑁆𑀘𑀸𑀲𑀼𑀡 𑀅𑀦𑀼𑀧𑀢𑀺𑀕𑀺𑀡 𑀧𑀼𑀩𑁆𑀩𑀓𑀢𑁆𑀢𑀸𑀭𑁄𑀘𑀦𑀢𑁆𑀣 𑀢𑀤𑀢𑁆𑀣 𑀢𑀼𑀫𑀢𑁆𑀣𑀸𑀮𑀫𑀢𑁆𑀣 𑀫𑀜𑁆𑀜𑀸𑀦𑀸𑀤𑀭𑀧𑁆𑀧𑀸𑀡𑀺𑀦𑀺 𑀕𑀢𑁆𑀬𑀢𑁆𑀣𑀓𑀫𑁆𑀫𑀦𑀺𑀆𑀲𑀺𑀲𑀢𑁆𑀣𑀲𑀫𑁆𑀫𑀼𑀢𑀺𑀪𑀺𑀬𑁆𑀬𑀲𑀢𑁆𑀢𑀫𑁆𑀬𑀢𑁆𑀣𑁂𑀲𑀼 𑀘.
𑁨𑁭𑁯, 𑁨𑁯𑁨. 𑀬𑁂𑀦 𑀯𑀸 𑀓𑀬𑀺𑀭𑀢𑁂 𑀢𑀁 𑀓𑀭𑀡𑀁.
𑁨𑁮𑁩, 𑁩𑁧𑁬. 𑀬𑀲𑁆𑀲 ¶ 𑀯𑀸 𑀧𑀭𑀺𑀕𑁆𑀕𑀳𑁄 𑀢𑀁 𑀲𑀸𑀫𑀻.
𑁨𑁯𑁮. 𑁨𑁮𑁭. 𑀓𑀸𑀮𑀤𑁆𑀥𑀸𑀦𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂.
𑁩𑁦𑁦, 𑁨𑁮𑁬. 𑀕𑀢𑀺 𑀩𑀼𑀤𑁆𑀥𑀺 𑀪𑀼𑀚 𑀧𑀞 𑀳𑀭 𑀓𑀭 𑀲𑀬𑀸𑀤𑀻𑀦𑀁𑀓𑀸 𑀭𑀺𑀢𑁂 𑀯𑀸.
𑁩𑁦𑁨, 𑁩𑁧𑁯. 𑀑𑀓𑀸𑀲𑁂 ¶ 𑀲𑀢𑁆𑀢𑀫𑀻.
𑁩𑁦𑁩, 𑁩𑁨𑁧. 𑀲𑀸𑀫𑀺𑀲𑁆𑀲𑀭𑀸𑀥𑀺𑀧𑀢𑀺 𑀤𑀸𑀬𑀸𑀤 𑀲𑀓𑁆𑀔𑀻 𑀧𑀣𑀺𑀪𑀽 𑀧𑀲𑀼𑀢 𑀓𑀼𑀲𑀮𑁂𑀳𑀺 𑀘.
𑁩𑁦𑁬, 𑁨𑁮𑁯. 𑀓𑁆𑀯𑀘𑀺 𑀤𑀼𑀢𑀺𑀬𑀸 𑀙𑀝𑁆𑀞𑀻𑀦𑀫𑀢𑁆𑀣𑁂.
𑁩𑁧𑁦, 𑁩𑁨𑁪. 𑀓𑀫𑁆𑀫𑀓𑀭𑀡𑀦𑀺𑀫𑀺𑀢𑁆𑀢𑀢𑁆𑀣𑁂𑀲𑀼 𑀲𑀢𑁆𑀢𑀫𑀻.
𑁩𑁧𑁪, 𑁩𑁨𑁮. 𑀉𑀧’𑀥𑁆𑀬𑀸𑀥𑀺𑀓𑀺𑀲𑁆𑀲𑀭𑀯𑀘𑀦𑁂.
𑁩𑁧𑁫, 𑁩𑁨𑁯. 𑀫𑀡𑁆𑀟𑀺𑀢𑀼𑀲𑁆𑀲𑀼𑀓𑁆𑀓𑁂𑀲𑀼 𑀢𑀢𑀺𑀬𑀸 𑀘.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀓𑀸𑀭𑀓𑀓𑀧𑁆𑀧𑁄 𑀙𑀝𑁆𑀞𑁄 𑀓𑀡𑁆𑀟𑁄.
𑀓𑀸𑀭𑀓𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁪. 𑀲𑀫𑀸𑀲
𑁩𑁧𑁬, 𑁩𑁩𑁧. 𑀦𑀸𑀫𑀸𑀦 𑀲𑀫𑀸𑀲𑁄 𑀬𑀼𑀢𑁆𑀢𑀢𑁆𑀣𑁄.
𑁩𑁧𑁭, 𑁩𑁩𑁨. 𑀢𑁂𑀲𑀁 𑀯𑀺𑀪𑀢𑁆𑀢𑀺𑀬𑁄 𑀮𑁄𑀧𑀸 𑀘.
𑁩𑁧𑁯, 𑁩𑁩𑁦. 𑀉𑀧𑀲𑀕𑁆𑀕𑀦𑀺𑀧𑀸𑀢𑀧𑀼𑀩𑁆𑀩𑀓𑁄 ¶ 𑀅𑀩𑁆𑀬𑀬𑀻𑀪𑀸𑀯𑁄.
𑁩𑁨𑁨, 𑁩𑁫𑁯. 𑀢𑀣𑀸 𑀤𑁆𑀯𑀦𑁆𑀤𑁂 𑀧𑀸𑀡𑀺 𑀢𑀽𑀭𑀺𑀬𑁂 𑀬𑁄𑀕𑁆𑀕 𑀲𑁂𑀦𑀗𑁆𑀕 𑀔𑀼𑀤𑁆𑀤𑀚𑀦𑁆𑀢𑀼𑀓 𑀯𑀺𑀯𑀺𑀥 𑀯𑀺𑀭𑀼𑀤𑁆𑀥 𑀯𑀺𑀲𑀪𑀸𑀕𑀢𑁆𑀣𑀸𑀤𑀻𑀦𑀜𑁆𑀘.
𑁩𑁨𑁩, 𑁩𑁬𑁦. 𑀯𑀺𑀪𑀸𑀲𑀸 𑀭𑀼𑀓𑁆𑀔 𑀢𑀺𑀡 𑀧𑀲𑀼 𑀥𑀦 𑀥𑀜𑁆𑀜 𑀚𑀦𑀧𑀤𑀸 𑀤𑀻𑀦𑀜𑁆𑀘.
𑁩𑁨𑁪, 𑁩𑁩𑁯. 𑀤𑁆𑀯𑀺𑀧𑀤𑁂 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀓𑀫𑁆𑀫𑀥𑀸𑀭𑀬𑁄.
𑁩𑁨𑁮, 𑁩𑁫𑁨. 𑀅𑀜𑁆𑀜𑀧𑀤𑀢𑁆𑀣𑁂𑀲𑀼 𑀩𑀳𑀼𑀩𑁆𑀩𑀻𑀳𑀺.
𑁩𑁨𑁯, 𑁩𑁫𑁭. 𑀦𑀸𑀫𑀸𑀦𑀁 𑀲𑀫𑀼𑀘𑁆𑀘𑀬𑁄 𑀤𑁆𑀯𑀦𑁆𑀤𑁄.
𑁩𑁩𑁦, 𑁩𑁪𑁦. 𑀫𑀳𑀢𑀁 𑀫𑀳𑀸 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀤𑁂.
𑁩𑁩𑁧, 𑁩𑁫𑁩. 𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑀸𑀯 𑀘𑁂.
𑁩𑁩𑁩, 𑁩𑁪𑁪. 𑀅𑀢𑁆𑀢𑀁 𑀦𑀲𑁆𑀲 𑀢𑀧𑁆𑀧𑀼𑀭𑀺𑀲𑁂.
𑁩𑁩𑁭, 𑁩𑁫𑁦. 𑀓𑁆𑀯𑀘𑀺 ¶ 𑀲𑀫𑀸𑀲𑀦𑁆𑀢 𑀕𑀢𑀸𑀦𑀫𑀓𑀸𑀭𑀦𑁆𑀢𑁄.
𑁩𑁩𑁯, 𑁩𑁫𑁮. 𑀚𑀸𑀬𑀸𑀬 𑀢𑀼𑀤𑀁 𑀚𑀸𑀦𑀺 𑀧𑀢𑀺𑀫𑁆𑀳𑀺.
𑁩𑁪𑁧, 𑁩𑁩𑁬. 𑀅𑀁𑀯𑀺𑀪𑀢𑁆𑀢𑀻𑀦𑀫𑀓𑀸𑀭𑀦𑁆𑀢𑀸 𑀅𑀩𑁆𑀬𑀸𑀬𑀺𑀢𑀸𑀯𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀲𑀫𑀸𑀲𑀓𑀧𑁆𑀧𑁄 𑀲𑀢𑁆𑀢𑀫𑁄 𑀓𑀡𑁆𑀟𑁄.
𑀲𑀫𑀸𑀲𑀲𑀼𑀢𑁆𑀣𑀁 𑀦𑀺𑀝𑁆𑀞𑀺𑀢𑀁.
𑁫. 𑀢𑀤𑁆𑀥𑀺𑀢
𑁩𑁫𑁦, 𑁩𑁭𑁩. 𑀬𑁂𑀦 𑀯𑀸 𑀲𑀁𑀲𑀝𑁆𑀞𑀁 𑀢𑀭𑀢𑀺 𑀘𑀭𑀢𑀺 𑀯𑀳𑀢𑀺 𑀡𑀺𑀓𑁄.
𑁩𑁫𑁧, 𑁩𑁭𑁪. 𑀢𑀫𑀥𑀻𑀢𑁂 𑀢𑁂𑀦𑀓𑀢𑀸𑀥𑀺 𑀲𑀦𑁆𑀦𑀺𑀥𑀸𑀦𑀦𑀺𑀬𑁄𑀕 𑀲𑀺𑀧𑁆𑀧 𑀪𑀡𑁆𑀟 𑀚𑀻𑀯𑀺𑀓𑀢𑁆𑀣𑁂𑀲𑀼 𑀘.
𑁩𑁫𑁨, 𑁩𑁭𑁬. 𑀡 ¶ 𑀭𑀸𑀕𑀸 𑀢𑀲𑁆𑀲𑁂𑀤𑀫𑀜𑁆𑀜𑀢𑁆𑀣𑁂𑀲𑀼 𑀘.
𑁩𑁫𑁫, 𑁩𑁮𑁦. 𑀕𑀸𑀫 𑀚𑀦 𑀩𑀦𑁆𑀥𑀼 𑀲𑀳𑀸𑀬𑀸𑀤𑀻𑀳𑀺 𑀢𑀸.
𑁩𑁬𑁩, 𑁩𑁯𑁦. 𑀯𑀺𑀲𑁂𑀲𑁂 𑀢𑀭𑀢𑀫𑀺𑀲𑀺𑀓𑀺𑀬𑀺𑀝𑁆𑀞𑀸.
𑁩𑁭𑁧, 𑁪𑁦𑁪. 𑀆𑀬𑀼𑀲𑁆𑀲𑀼𑀓𑀸𑀭𑀸𑀲 𑀫𑀦𑁆𑀢𑀼𑀫𑁆𑀳𑀺.
𑁩𑁭𑁨, 𑁩𑁮𑁫. 𑀢𑀧𑁆𑀧𑀓𑀢𑀺𑀯𑀘𑀦𑁂 ¶ 𑀫𑀬𑁄.
𑁩𑁮𑁦, 𑁨𑁫𑁫. 𑀯𑀻𑀲𑀢𑀺 𑀤𑀲𑁂𑀲𑀼 𑀩𑀸 𑀤𑁆𑀯𑀺𑀲𑁆𑀲 𑀢𑀼.
𑁩𑁮𑁧, 𑁨𑁫𑁪. 𑀏𑀓𑀸𑀤𑀺𑀢𑁄 𑀤𑀲𑁆𑀲 𑀭 𑀲𑀗𑁆𑀔𑁆𑀬𑀸𑀦𑁂.
𑁩𑁮𑁩, 𑁩𑁫𑁩. 𑀤𑁆𑀯𑁂𑀓𑀝𑁆𑀞𑀸𑀦𑀫𑀸𑀓𑀸𑀭𑁄 𑀯𑀸.
𑁩𑁮𑁭, 𑁪𑁧𑁧. 𑀢𑁂𑀲𑀫𑀟𑁆𑀠𑀽𑀧𑀧𑀤𑁂𑀦 𑀅𑀟𑁆𑀠𑀼𑀟𑁆𑀠𑀤𑀺𑀯𑀟𑁆𑀠 𑀤𑀺𑀬𑀟𑁆𑀠’ 𑀟𑁆𑀠𑀢𑀺𑀬𑀸.
𑁩𑁮𑁯, 𑁪𑁧𑁩. 𑀕𑀡𑀦𑁂𑀤𑀲𑀲𑁆𑀲 𑀤𑁆𑀯𑀺 𑀢𑀺 𑀘𑀢𑀼 𑀧𑀜𑁆𑀘 𑀙 𑀲𑀢𑁆𑀢 𑀅𑀝𑁆𑀞𑀦𑀯𑀓𑀸𑀦𑀁 𑀯𑀻 𑀢𑀺 𑀘𑀢𑁆𑀢𑀸𑀭 𑀧𑀜𑁆𑀜𑀸 𑀙 𑀲𑀢𑁆𑀢𑀸𑀲𑀦𑀯𑀸 𑀬𑁄𑀲𑀼 𑀬𑁄𑀦𑀜𑁆𑀘𑀻𑀲𑀫𑀸𑀲𑀁𑀞𑀺𑀭𑀺𑀢𑀻𑀢𑀼𑀢𑀺.
𑁩𑁯𑁦, 𑁨𑁫𑁬. 𑀘𑀢𑀽𑀧𑀧𑀤𑀲𑁆𑀲 ¶ 𑀮𑁄𑀧𑁄 𑀢𑀼’𑀢𑁆𑀢𑀭𑀧𑀤𑀸𑀤𑀺𑀘𑀲𑁆𑀲 𑀘𑀼 𑀘𑁄𑀧𑀺 𑀦𑀯𑀸.
𑁩𑁯𑁧, 𑁪𑁨𑁩. 𑀬𑀤𑀦𑀼𑀧𑀧𑀦𑁆𑀦𑀸 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑁩𑁯𑁨, 𑁪𑁧𑁮. 𑀤𑁆𑀯𑀸𑀤𑀺𑀢𑁄 𑀓𑁄’𑀦𑁂𑀓𑀢𑁆𑀣𑁂 𑀘.
𑁩𑁯𑁩, 𑁪𑁧𑁫. 𑀤𑀲𑀤𑀲𑀓𑀁 𑀲𑀢𑀁 𑀤𑀲𑀓𑀸𑀦𑀁 𑀲𑀢𑀁 𑀲𑀳𑀲𑁆𑀲𑀜𑁆𑀘 𑀬𑁄𑀫𑁆𑀳𑀺.
𑁩𑁯𑁪, 𑁪𑁧𑁬. 𑀬𑀸𑀯 𑀢𑀤𑀼𑀢𑁆𑀢𑀭𑀺 𑀤𑀲𑀕𑀼𑀡𑀺𑀢𑀜𑁆𑀘.
𑁩𑁯𑁮, 𑁪𑁨𑁧. 𑀲𑀩𑁆𑀩𑀦𑀸𑀫𑁂𑀳𑀺 𑀧𑀓𑀸𑀭𑀯𑀘𑀦𑁂 𑀢𑀼 𑀣𑀸.
𑁪𑁦𑁦, 𑁩𑁬𑁪. 𑀯𑀼𑀤𑁆𑀥𑀸𑀤𑀺𑀲𑀭𑀲𑁆𑀲 𑀯𑀸’𑀲𑀁𑀬𑁄𑀕𑀦𑁆𑀢𑀲𑁆𑀲 𑀲𑀡𑁂 𑀘.
𑁪𑁦𑁩, 𑁩𑁫𑁪. 𑀓𑁆𑀯𑀘𑀸𑀤𑀺𑀫𑀚𑁆𑀛𑀼𑀢𑁆𑀢𑀭𑀸𑀦𑀁 𑀤𑀻𑀖𑀭𑀲𑁆𑀲 𑀧𑀘𑁆𑀘𑀬𑁂𑀲𑀼 𑀘.
𑁪𑁦𑁪, 𑁩𑁭𑁦. 𑀢𑁂𑀲𑀼 𑀯𑀼𑀤𑁆𑀥𑀺 𑀮𑁄𑀧𑀸𑀕𑀫 𑀯𑀺𑀓𑀸𑀭 𑀯𑀺𑀧𑀭𑀺𑀢𑀸𑀤𑁂𑀲𑀸 𑀘.
𑁪𑁦𑁫, 𑁩𑁬𑁫. 𑀅𑀬𑀼𑀯𑀡𑁆𑀡𑀸𑀦𑀜𑁆𑀘𑀸𑀬𑁄 𑀯𑀼𑀤𑁆𑀥𑀺.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀢𑀤𑁆𑀥𑀺𑀢𑀓𑀧𑁆𑀧𑁄 𑀅𑀝𑁆𑀞𑀫𑁄 𑀓𑀡𑁆𑀟𑁄.
𑀢𑀤𑁆𑀥𑀺𑀢𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁬. 𑀆𑀔𑁆𑀬𑀸𑀢𑀺
𑁪𑁦𑁬, 𑁪𑁨𑁯. 𑀅𑀣 ¶ 𑀧𑀼𑀩𑁆𑀩𑀸𑀦𑀺-𑀯𑀺𑀪𑀢𑁆𑀢𑀻𑀦𑀁 𑀙 𑀧𑀭𑀲𑁆𑀲𑀧𑀤𑀸𑀦𑀺.
𑁪𑁦𑁮, 𑁪𑁩𑁦. 𑀤𑁆𑀯𑁂 𑀤𑁆𑀯𑁂 𑀧𑀞𑀫𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀼𑀭𑀺𑀲𑀸.
𑁪𑁦𑁯, 𑁪𑁪𑁧. 𑀲𑀩𑁆𑀩𑁂𑀲𑀫𑁂𑀓𑀸𑀪𑀺𑀥𑀸𑀦𑁂 𑀧𑀭𑁄 𑀧𑀼𑀭𑀺𑀲𑁄.
𑁪𑁧𑁦, 𑁪𑁩𑁨. 𑀦𑀸𑀫𑀫𑁆𑀳𑀺 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀞𑀫𑁄.
𑁪𑁧𑁪, 𑁪𑁨𑁮. 𑀯𑀢𑁆𑀢𑀫𑀸𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑁂.
𑁪𑁧𑁫, 𑁪𑁫𑁧. 𑀆𑀡𑀸𑀢𑁆𑀬𑀸𑀲𑀺𑀝𑁆𑀞𑁂’𑀦𑀼𑀢𑁆𑀢𑀓𑀸𑀮𑁂 𑀧𑀜𑁆𑀘𑀫𑀻.
𑁪𑁧𑁬, 𑁪𑁫𑁪. 𑀅𑀦𑀼𑀫𑀢𑀺𑀧𑀭𑀺𑀓𑀧𑁆𑀧𑁂𑀢𑁆𑀣𑁂𑀲𑀼 𑀲𑀢𑁆𑀢𑀫𑀻.
𑁪𑁧𑁭, 𑁪𑁬𑁦. 𑀅𑀧𑀘𑁆𑀘𑀓𑁆𑀔𑁂 𑀧𑀭𑁄𑀓𑁆𑀔𑀸’𑀢𑀻𑀢𑁂.
𑁪𑁧𑁮, 𑁪𑁫𑁬. 𑀳𑀺𑀬𑁆𑀬𑁄𑀧𑀪𑀼𑀢𑀺 𑀧𑀘𑁆𑀘𑀓𑁆𑀔𑁂 𑀳𑀺𑀬𑁆𑀬𑀢𑁆𑀢𑀦𑀻.
𑁪𑁨𑁨, 𑁪𑁭𑁫. 𑀓𑁆𑀭𑀺𑀬𑀸𑀢𑀺𑀧𑀦𑁆𑀦𑁂’𑀢𑀻𑀢𑁂 𑀓𑀸𑀮𑀸𑀢𑀺𑀧𑀢𑁆𑀢𑀺.
𑁪𑁨𑁩, 𑁪𑁨𑁬. 𑀯𑀢𑁆𑀢𑀫𑀸𑀦𑀸 𑀢𑀻 𑀅𑀦𑁆𑀢𑀺, 𑀲𑀺 𑀣, 𑀫𑀺 𑀫 𑀢𑁂 𑀅𑀦𑁆𑀢𑁂, 𑀲𑁂𑀯𑁆𑀳𑁂, 𑀏 𑀫𑁆𑀳𑁂.
𑁪𑁨𑁪, 𑁪𑁫𑁦. 𑀧𑀜𑁆𑀘𑀫𑀻 ¶ 𑀢𑀼 𑀅𑀦𑁆𑀢𑀼, 𑀳𑀺 𑀣, 𑀫𑀺 𑀫, 𑀢𑀁 𑀅𑀦𑁆𑀢𑀁, 𑀲𑁆𑀲𑀼 𑀯𑁆𑀳𑁄, 𑀏 𑀆𑀫𑀲𑁂.
𑁪𑁨𑁫, 𑁪𑁫𑁩. 𑀲𑀢𑁆𑀢𑀫𑀻 𑀏𑀬𑁆𑀬 𑀏𑀬𑁆𑀬𑀼𑀁, 𑀏𑀬𑁆𑀬𑀸𑀲𑀺 𑀏𑀬𑁆𑀬𑀸𑀣, 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫, 𑀏𑀣 𑀏𑀭𑀁, 𑀏𑀣𑁄 𑀏𑀬𑁆𑀬𑀸𑀯𑁆𑀳𑁄, 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂.
𑁪𑁨𑁬, 𑁪𑁫𑁯. 𑀧𑀭𑁄𑀓𑁆𑀔𑀸 𑀅 𑀉, 𑀏 𑀢𑁆𑀣, 𑀅𑀁 𑀫𑁆𑀳, 𑀢𑁆𑀣 𑀭𑁂, 𑀢𑁆𑀣𑁄 𑀯𑁆𑀳𑁄, 𑀇𑀁 𑀫𑁆𑀳𑁂.
𑁪𑁨𑁭, 𑁪𑁫𑁫. 𑀳𑀺𑀬𑁆𑀬𑀢𑁆𑀢𑀦𑀻 𑀆 𑀊, 𑀑 𑀢𑁆𑀣, 𑀅𑀁 𑀫𑁆𑀳𑀸, 𑀢𑁆𑀣 𑀢𑁆𑀣𑀼𑀁, 𑀲𑁂𑀯𑁆𑀳𑀁, 𑀇𑀁 𑀫𑁆𑀳𑀲𑁂.
𑁪𑁨𑁮, 𑁪𑁬𑁮. 𑀅𑀚𑁆𑀚𑀢𑀦𑀻 𑀈𑀜𑀁 𑀑𑀢𑁆𑀣, 𑀇𑀁 𑀫𑁆𑀳𑀸, 𑀆 𑀊, 𑀲𑁂 𑀯𑁆𑀳𑀁, 𑀅𑀁 𑀫𑁆𑀳𑁂.
𑁪𑁨𑁯, 𑁪𑁭𑁨. 𑀲𑁆𑀲𑀯𑀺𑀲𑁆𑀲𑀦𑁆𑀢𑀻 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺, 𑀲𑁆𑀲𑀲𑀺 𑀲𑁆𑀲𑀣, 𑀲𑁆𑀲𑀸𑀫𑀺 𑀲𑁆𑀲𑀸𑀫, 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂.
𑁪𑁩𑁦, 𑁪𑁭𑁪. 𑀓𑀸𑀮𑀸𑀢𑀺𑀧𑀢𑁆𑀢𑀺 𑀲𑁆𑀲𑀸 𑀲𑁆𑀲𑀁𑀲𑀼, 𑀲𑁆𑀲𑁂 𑀲𑁆𑀲𑀣, 𑀲𑁆𑀲𑀁 𑀲𑁆𑀲𑀸𑀫𑀸, 𑀲𑁆𑀲𑀣 𑀲𑁆𑀲𑀺𑀲𑀼, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.
𑁪𑁩𑁧, 𑁪𑁨𑁮. 𑀳𑀺𑀬𑁆𑀬𑀢𑁆𑀢𑀦𑀻 𑀲𑀢𑁆𑀢𑀫𑀻 𑀧𑀜𑁆𑀘𑀫𑀻 𑀯𑀢𑁆𑀢𑀫𑀸𑀦𑀸 𑀲𑀩𑁆𑀩𑀥𑀸𑀢𑀼𑀓𑀁.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑁪𑁩𑁨, 𑁩𑁬𑁨. 𑀥𑀸𑀢𑀼𑀮𑀺𑀗𑁆𑀕𑁂𑀳𑀺 𑀧𑀭𑀸 𑀧𑀘𑁆𑀘𑀬𑀸.
𑁪𑁩𑁩, 𑁫𑁨𑁮. 𑀢𑀺𑀚𑀕𑀼𑀧𑀓𑀺𑀢𑀫𑀸𑀦𑁂𑀳𑀺 𑀔𑀙𑀲𑀸 𑀯𑀸.
𑁪𑁩𑁪, 𑁫𑁩𑁪. 𑀪𑀼𑀚𑀖𑀲𑀳𑀭𑀲𑀼𑀧𑀸𑀤𑀻𑀳𑀺𑀢𑀼𑀫𑀺𑀘𑁆𑀙𑀢𑁆𑀣𑁂𑀲𑀼.
𑁪𑁩𑁫, 𑁫𑁩𑁬. 𑀆𑀬 ¶ 𑀦𑀸𑀫𑀢𑁄 𑀓𑀢𑁆𑀢𑀽𑀧𑀫𑀸𑀦𑀸𑀤𑀸𑀘𑀸𑀭𑁂.
𑁪𑁩𑁭, 𑁫𑁩𑁮. 𑀦𑀸𑀫𑀫𑁆𑀳𑀸’𑀢𑁆𑀢𑀺𑀘𑁆𑀙𑀢𑁆𑀣𑁂.
𑁪𑁩𑁮, 𑁫𑁪𑁦. 𑀥𑀸𑀢𑀽𑀳𑀺 𑀡𑁂 𑀡𑀬 𑀡𑀸𑀧𑁂 𑀡𑀸𑀧𑀬𑀸 𑀓𑀸𑀭𑀺𑀢𑀸𑀦𑀺 𑀳𑁂𑀢𑁆𑀯𑀢𑁆𑀣𑁂.
𑁪𑁩𑁯, 𑁫𑁩𑁯. 𑀥𑀸𑀢𑀼𑀭𑀽𑀧𑁂 𑀦𑀸𑀫𑀲𑁆𑀫𑀸 𑀡 𑀬𑁄 𑀘.
𑁪𑁪𑁧, 𑁪𑁪𑁭. 𑀢𑀲𑁆𑀲 𑀘𑀯𑀕𑁆𑀕𑀬𑀓𑀸𑀭𑀯𑀓𑀸𑀭𑀢𑁆𑀢𑀁 𑀲𑀥𑀸𑀢𑁆𑀯𑀦𑁆𑀢𑀲𑁆𑀲.
𑁪𑁪𑁬, 𑁫𑁦𑁯. 𑀭𑀼𑀥𑀸𑀤𑀺𑀢𑁄 𑀦𑀺𑀕𑁆𑀕𑀳𑀺𑀢𑀧𑀼𑀩𑁆𑀩𑀜𑁆𑀘.
𑁪𑁪𑁮, 𑁫𑁧𑁨. 𑀲𑁆𑀯𑀸𑀤𑀺𑀢𑁄 𑀡𑀼𑀡𑀸 𑀉𑀡𑀸 𑀘.
𑁪𑁫𑁩, 𑁪𑁪𑁪. 𑀅𑀢𑁆𑀢𑀦𑁄𑀧𑀤𑀸𑀦𑀺 𑀪𑀸𑀯𑁂 𑀘 𑀓𑀫𑁆𑀫𑀦𑀺.
𑁪𑁫𑁫, 𑁫𑁩𑁦. 𑀥𑀸𑀢𑀼𑀧𑁆𑀧𑀘𑁆𑀘𑀬𑁂𑀳𑀺 ¶ 𑀯𑀺𑀪𑀢𑁆𑀢𑀺𑀬𑁄.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑁪𑁫𑁮, 𑁪𑁬𑁧. 𑀓𑁆𑀯𑀘𑀸𑀤𑀺𑀯𑀡𑁆𑀡𑀸𑀦𑀫𑁂𑀓𑀲𑁆𑀲𑀭𑀸𑀦𑀁 𑀤𑁆𑀯𑁂𑀪𑀸𑀯𑁄.
𑁪𑁬𑁧, 𑁪𑁬𑁪. 𑀤𑀼𑀢𑀺𑀬𑀘𑀢𑀼𑀢𑁆𑀣𑀸𑀦𑀁 𑀧𑀞𑀫𑀢𑀢𑀺𑀬𑀸.
𑁪𑁬𑁩, 𑁫𑁩𑁨. 𑀫𑀸𑀦𑀓𑀺𑀢𑀸𑀦𑀁 𑀯 𑀢𑀢𑁆𑀢𑀁 𑀯𑀸.
𑁪𑁬𑁫, 𑁪𑁬𑁩. 𑀅𑀦𑁆𑀢𑀲𑁆𑀲𑀺𑀯𑀡𑁆𑀡𑀸𑀓𑀸𑀭𑁄 𑀯𑀸.
𑁪𑁬𑁭, 𑁫𑁩𑁩. 𑀢𑀢𑁄 𑀧𑀸𑀫𑀸𑀦𑀸𑀦𑀁 𑀯𑀸𑀫𑀁 𑀲𑁂𑀲𑀼.
𑁪𑁭𑁧, 𑁪𑁮𑁩. 𑀤𑀺𑀲𑀲𑁆𑀲 𑀧𑀲𑁆𑀲 𑀤𑀺𑀲𑁆𑀲 𑀤𑀓𑁆𑀔𑀸 𑀯𑀸.
𑁪𑁭𑁨, 𑁫𑁩𑁧. 𑀩𑁆𑀬𑀜𑁆𑀚𑀦𑀦𑁆𑀢𑀲𑁆𑀲 𑀘𑁄 𑀙𑀧𑁆𑀧𑀘𑁆𑀘𑀬𑁂𑀲𑀼 𑀘.
𑁪𑁭𑁫, 𑁪𑁬𑁫. 𑀩𑁆𑀭𑀽𑀪𑀽𑀦𑀫𑀸𑀳𑀪𑀽𑀯𑀸 ¶ 𑀧𑀭𑁄𑀓𑁆𑀔𑀸𑀬𑀁.
𑁪𑁭𑁬, 𑁪𑁪𑁨. 𑀕𑀫𑀺𑀲𑁆𑀲𑀦𑁆𑀢𑁄 𑀘𑁆𑀙𑁄 𑀯𑀸 𑀲𑀩𑁆𑀩𑀸𑀲𑀼.
𑁪𑁭𑁭, 𑁪𑁭𑁯. 𑀯𑀘𑀲𑁆𑀲’𑀚𑁆𑀚𑀢𑀦𑀺𑀫𑁆𑀳𑀺 𑀫𑀓𑀸𑀭𑀸 𑀑.
𑁪𑁭𑁮, 𑁪𑁩𑁮. 𑀅𑀓𑀸𑀭𑁄 𑀤𑀻𑀖𑀁 𑀳𑀺𑀫𑀺𑀫𑁂𑀲𑀼.
𑁪𑁮𑁦, 𑁪𑁯𑁦. 𑀳𑁄𑀢𑀺𑀲𑁆𑀲𑀭𑁂’ 𑀳𑁄’𑀳𑁂 𑀪𑀯𑀺𑀲𑁆𑀲𑀦𑁆𑀢𑀺𑀫𑁆𑀳𑀺 𑀲𑁆𑀲𑀲𑁆𑀲 𑀘.
𑁪𑁮𑁧, 𑁫𑁨𑁪. 𑀓𑀭𑀲𑁆𑀲 𑀲𑀧𑁆𑀧𑀘𑁆𑀘𑀬𑀲𑁆𑀲 𑀓𑀸𑀳𑁄.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑁪𑁮𑁩, 𑁫𑁨𑁭. 𑀅𑀲𑀁𑀬𑁄𑀕𑀦𑁆𑀢𑀲𑁆𑀲 𑀯𑀼𑀤𑁆𑀥𑀺 𑀓𑀸𑀭𑀺𑀢𑁂.
𑁪𑁮𑁭, 𑁪𑁭𑁮. 𑀯𑀘 𑀯𑀲 𑀯𑀳𑀸𑀤𑀻𑀦𑀫𑀼𑀓𑀸𑀭𑁄 𑀯𑀲𑁆𑀲𑀬𑁂.
𑁪𑁯𑁧, 𑁫𑁨𑁩. 𑀓𑀭𑀲𑁆𑀲 𑀓𑀸𑀲𑀢𑁆𑀢𑀫𑀚𑁆𑀚𑀢𑀦𑀺𑀫𑁆𑀳𑀺.
𑁪𑁯𑁨, 𑁪𑁯𑁯. 𑀅𑀲𑀲𑁆𑀫𑀸 𑀫𑀺𑀫𑀸𑀦𑀁 𑀫𑀺𑀫𑁆𑀳𑀸’𑀦𑁆𑀢𑀮𑁄𑀧𑁄 𑀘.
𑁪𑁯𑁪, 𑁪𑁯𑁫. 𑀢𑀺𑀲𑁆𑀲 ¶ 𑀢𑀺𑀲𑁆𑀲 𑀢𑁆𑀣𑀺𑀢𑁆𑀣𑀁.
𑁪𑁯𑁭, 𑁪𑁭𑁭. 𑀮𑀪𑀲𑁆𑀫𑀸 𑀈𑀅𑀁𑀦𑀁 𑀢𑁆𑀣𑀢𑁆𑀢𑀁.
𑁫𑁦𑁨, 𑁪𑁯𑁩. 𑀬𑀫𑁆𑀳𑀺 𑀤𑀸 𑀥𑀸 𑀫𑀸 𑀞𑀸 𑀳𑀸 𑀧𑀸 𑀫𑀳 𑀫𑀣𑀸𑀤𑀻𑀦𑀫𑀻.
𑁫𑁦𑁫, 𑁪𑁮𑁨. 𑀚𑀭𑀫𑀭𑀸𑀦𑀁 𑀚𑀻𑀭 𑀚𑀻𑀬𑁆𑀬 𑀫𑀻𑀬𑁆𑀬𑀸 𑀯𑀸.
𑁫𑁦𑁬, 𑁪𑁯𑁬. 𑀲𑀩𑁆𑀩𑀢𑁆𑀣𑀸’𑀲𑀲𑁆𑀲𑀸𑀤𑀺𑀮𑁄𑀧𑁄 𑀘.
𑁫𑁦𑁮, 𑁫𑁧𑁫. 𑀬𑁂𑀬𑁆𑀬𑀲𑁆𑀲 𑀜𑀸𑀢𑁄 𑀇𑀬𑀸 𑀜𑀸.
𑁫𑁦𑁯, 𑁫𑁧𑁬. 𑀦𑀸𑀲𑁆𑀲 𑀮𑁄𑀧𑁄 𑀬𑀓𑀸𑀭𑀢𑁆𑀢𑀁.
𑁫𑁧𑁫, 𑁫𑁪𑁧. 𑀢𑁂 ¶ 𑀆𑀯𑀸𑀬𑀸 𑀓𑀸𑀭𑀺𑀢𑁂.
𑁫𑁧𑁬, 𑁪𑁬𑁬. 𑀇𑀓𑀸𑀭𑀸𑀕𑀫𑁄 𑀅𑀲𑀩𑁆𑀩𑀥𑀸𑀢𑀼𑀓𑀫𑁆𑀳𑀺.
𑁫𑁧𑁭, 𑁪𑁮𑁮. 𑀓𑁆𑀯𑀘𑀺 𑀥𑀸𑀢𑀼𑀯𑀺𑀪𑀢𑁆𑀢𑀺𑀧𑁆𑀧𑀘𑁆𑀘𑀬𑀸𑀦𑀁 𑀤𑀻𑀖𑀯𑀺𑀧𑀭𑀻𑀢𑀸𑀤𑁂𑀲 𑀮𑁄𑀧𑀸𑀕𑀫𑀸 𑀘.
𑁫𑁧𑁮, 𑁪𑁪𑁬. 𑀅𑀢𑁆𑀢𑀦𑁄𑀧𑀤𑀸𑀦𑀺 𑀧𑀭𑀲𑁆𑀲𑀧𑀤𑀢𑁆𑀢𑀁.
𑁫𑁧𑁯, 𑁪𑁫𑁭. 𑀅𑀓𑀸𑀭𑀸𑀕𑀫𑁄 𑀳𑀺𑀬𑁆𑀬𑀢𑁆𑀣𑀦𑀻𑀅𑀚𑁆𑀚𑀢𑀦𑀻𑀓𑀸𑀮𑀸𑀢𑀺𑀧𑀢𑁆𑀢𑀻𑀲𑀼.
𑁫𑁨𑁧, 𑁪𑁨𑁫. 𑀥𑀸𑀢𑀼𑀲𑁆𑀲𑀦𑁆𑀢𑁄 𑀮𑁄𑀧𑁄’ 𑀦𑁂𑀓𑀲𑀭𑀲𑁆𑀲.
𑁫𑁨𑁨, 𑁪𑁭𑁬. 𑀇𑀲𑀼𑀬𑀫𑀽𑀦𑀫𑀦𑁆𑀢𑁄 𑀘𑁆𑀙𑁄 𑀯𑀸.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑀆𑀔𑁆𑀬𑀸𑀢𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁭. 𑀓𑀺𑀩𑁆𑀩𑀺𑀥𑀸𑀦
𑁫𑁨𑁪, 𑁫𑁬𑁧. 𑀥𑀸𑀢𑀼𑀬𑀸 𑀓𑀫𑁆𑀫𑀸𑀤𑀺𑀫𑁆𑀳𑀺 𑀡𑁄.
𑁫𑁨𑁭, 𑁫𑁬𑁮. 𑀲𑀩𑁆𑀩𑀢𑁄 𑀡𑁆𑀯𑀼𑀢𑁆𑀯𑀸’𑀯𑀻 𑀯𑀸.
𑁫𑁩𑁧, 𑁫𑁮𑁯. 𑀥𑀭𑀸𑀤𑀻𑀳𑀺 ¶ 𑀭𑀫𑁆𑀫𑁄.
𑁫𑁩𑁨, 𑁫𑁯𑁦. 𑀢𑀲𑁆𑀲𑀻𑀮𑀸𑀤𑀻𑀲𑀼 𑀡𑀻 𑀢𑁆𑀯𑀸 𑀯𑀻 𑀘.
𑁫𑁩𑁩, 𑁫𑁯𑁧. 𑀲𑀤𑁆𑀤 𑀓𑀼𑀥 𑀘𑀮 𑀫𑀡𑁆𑀟𑀢𑁆𑀣 𑀭𑀼𑀘𑀸𑀤𑀻𑀳𑀺 𑀬𑀼.
𑁫𑁩𑁭, 𑁫𑁬𑁬. 𑀦𑀼 𑀦𑀺𑀕𑁆𑀕𑀳𑀺𑀢𑀁 𑀧𑀤𑀦𑁆𑀢𑁂.
𑁫𑁩𑁮, 𑁫𑁯𑁫. 𑀲𑀁𑀳𑀦𑀸’𑀜𑁆𑀜𑀸𑀬 𑀯𑀸 𑀭𑁄 𑀖𑁄.
𑁫𑁪𑁦, 𑁫𑁪𑁫. 𑀪𑀸𑀯𑀓𑀫𑁆𑀫𑁂𑀲𑀼 𑀢𑀩𑁆𑀩𑀸’𑀦𑀻𑀬𑀸.
𑁫𑁪𑁪, 𑁫𑁫𑁬. 𑀯𑀤 𑀫𑀤 𑀕𑀫𑀼 𑀬𑀼𑀚 𑀕𑀭𑀳𑀸𑀓𑀸𑀭𑀸𑀤𑀻𑀳𑀺 𑀚𑁆𑀚 𑀫𑁆𑀫𑀕𑁆𑀕𑀬𑁆𑀳𑁂𑀬𑁆𑀬𑀸𑀯𑀸𑀭𑁄 𑀯𑀸.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑁫𑁫𑁦, 𑁫𑁪𑁯. 𑀡𑀸𑀤𑀬𑁄 ¶ 𑀢𑁂𑀓𑀸𑀮𑀺𑀓𑀸.
𑁫𑁫𑁫, 𑁬𑁧𑁨. 𑀅𑀢𑀻𑀢𑁂 𑀢 𑀢𑀯𑀦𑁆𑀢𑀼 𑀢𑀸𑀯𑀻.
𑁫𑁫𑁭, 𑁬𑁦𑁬. 𑀩𑀼𑀥𑀕𑀫𑀸𑀤𑀺𑀢𑁆𑀣𑁂 𑀓𑀢𑁆𑀢𑀭𑀺.
𑁫𑁬𑁧, 𑁬𑁩𑁬. 𑀇𑀘𑁆𑀙𑀢𑁆𑀣𑁂𑀲𑀼 𑀲𑀫𑀸𑀦𑀓𑀢𑁆𑀢𑀼𑀓𑁂𑀲𑀼 𑀢𑀯𑁂 𑀢𑀼𑀁 𑀯𑀸.
𑁫𑁬𑁩, 𑁬𑁩𑁯. 𑀧𑀢𑁆𑀢𑀯𑀘𑀦𑁂 𑀅𑀮𑀫𑀢𑁆𑀣𑁂𑀲𑀼 𑀘.
𑁫𑁬𑁪, 𑁬𑁪𑁦. 𑀧𑀼𑀩𑁆𑀩𑀓𑀸𑀮𑁂’𑀓𑀓𑀢𑁆𑀢𑀼𑀓𑀸𑀦𑀁 𑀢𑀼𑀦 𑀢𑁆𑀯𑀸𑀦 𑀢𑁆𑀯𑀸 𑀯𑀸.
𑁫𑁬𑁮, 𑁫𑁭𑁬. 𑀫𑀸𑀦𑀸𑀤𑀻𑀳𑀺 ¶ 𑀭𑀸𑀢𑀼.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑁫𑁭𑁧, 𑁬𑁨𑁪. 𑀧𑀘𑁆𑀘𑀬𑀸𑀤𑀦𑀺𑀝𑁆𑀞𑀸 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑁫𑁭𑁨, 𑁬𑁨𑁫. 𑀲𑀸𑀲𑀤𑀺𑀲𑀢𑁄 𑀢𑀲𑁆𑀲 𑀭𑀺𑀝𑁆𑀞𑁄 𑀘.
𑁫𑁭𑁩, 𑁬𑁨𑁬. 𑀲𑀸𑀤𑀺𑀲𑀦𑁆𑀢 𑀧𑀼𑀘𑁆𑀙 𑀪𑀦𑁆𑀚 𑀳𑀦𑁆𑀢𑀸𑀤𑀻𑀳𑀺 𑀝𑁆𑀞𑁄.
𑁫𑁭𑁬, 𑁬𑁦𑁭. 𑀥 𑀠 𑀪 𑀳𑁂 𑀳𑀺 𑀥𑀟𑁆𑀠𑀸 𑀘.
𑁫𑁭𑁮, 𑁫𑁬𑁦. 𑀪𑀼𑀚𑀸𑀤𑀻𑀦𑀫𑀦𑁆𑀢𑁄 𑀦𑁄 𑀤𑁆𑀯𑀺 𑀘.
𑁫𑁮𑁨, 𑁬𑁩𑁧. 𑀪𑀺𑀤𑀸𑀤𑀺𑀢𑁄 𑀇𑀦𑁆𑀦 𑀅𑀦𑁆𑀦 𑀈𑀡𑀸 𑀯𑀸.
𑁫𑁮𑁩, 𑁬𑁧𑁭. 𑀲𑀼𑀲 𑀧𑀘 𑀲𑀓𑀢𑁄 𑀓𑁆𑀔 𑀓𑁆𑀓𑀸 𑀘.
𑁫𑁮𑁬, 𑁬𑁦𑁦. 𑀕𑀫 𑀔𑀦 𑀳𑀦 𑀭𑀫𑀸𑀤𑀻𑀦𑀫𑀦𑁆𑀢𑁄.
𑁫𑁮𑁮, 𑀞𑀸𑀧𑀸𑀦𑀫𑀺𑀈 ¶ 𑀘.
𑁫𑁮𑁯, 𑁬𑁨𑁧. 𑀳𑀦𑁆𑀢𑁂𑀳𑀺 𑀳𑁄 𑀳𑀲𑁆𑀲 𑀴𑁄 𑀯𑀸 𑀅𑀤𑀳𑀦𑀳𑀸𑀦𑀁.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑁫𑁯𑁦, 𑁫𑁭𑁯. 𑀡𑀫𑁆𑀳𑀺 𑀭𑀦𑁆𑀚𑀲𑁆𑀲 𑀚𑁄 𑀪𑀸𑀯𑀓𑀭𑀡𑁂𑀲𑀼.
𑁫𑁯𑁪, 𑁫𑁮𑁨. 𑀧𑀼𑀭𑀲𑀫𑀼𑀧𑀧𑀭𑀻𑀳𑀺 𑀓𑀭𑁄𑀢𑀺𑀲𑁆𑀲 𑀔 𑀔𑀭𑀸 𑀯𑀸 𑀢𑀧𑁆𑀧𑀘𑁆𑀘𑀬𑁂𑀲𑀼 𑀘.
𑁫𑁯𑁬, 𑁫𑁫𑁧. 𑀕𑀫𑀔𑀦𑀳𑀦𑀸𑀤𑀻𑀦𑀁 𑀢𑀼𑀁𑀢𑀩𑁆𑀩𑀸𑀤𑀻𑀲𑀼 𑀦.
𑁫𑁯𑁭, 𑁬𑁪𑁧. 𑀲𑀩𑁆𑀩𑁂𑀳𑀺 𑀢𑀼𑀦𑀸𑀤𑀻𑀦𑀁 𑀬𑁄.
𑁫𑁯𑁯, 𑁬𑁪𑁪. 𑀤𑀺𑀲𑀸 𑀲𑁆𑀯𑀸𑀦𑀲𑁆𑀯𑀦𑁆𑀢𑀮𑁄𑀧𑁄 𑀘.
𑁬𑁦𑁦, 𑁬𑁪𑁫. 𑀫𑀳𑀤𑀪𑁂𑀳𑀺 𑀫𑁆𑀫 𑀬𑁆𑀳 𑀚𑁆𑀚 𑀩𑁆𑀪 𑀤𑁆𑀥𑀸 𑀘.
𑁬𑁦𑁧, 𑁩𑁩𑁪. 𑀢𑀤𑁆𑀥𑀺𑀢𑀲𑀫𑀸𑀲𑀓𑀺𑀢𑀓𑀸 𑀦𑀸𑀫𑀁 𑀯𑀸’𑀢𑀯𑁂𑀢𑀼𑀦𑀸𑀤𑀻𑀲𑀼 𑀘.
𑁬𑁦𑁩, 𑁭. 𑀤𑀻𑀖𑁄 ¶ 𑀘.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑁬𑁦𑁭, 𑁫𑁭𑁮. 𑀦𑀺𑀕𑁆𑀕𑀳𑀺𑀢 𑀲𑀁𑀬𑁄𑀕𑀸𑀤𑀺 𑀦𑁄.
𑁬𑁧𑁧, 𑁬𑁦𑁮. 𑀳𑀘𑀢𑀼𑀢𑁆𑀣𑀸𑀦𑀫𑀦𑁆𑀢𑀸𑀦𑀁 𑀤𑁄 𑀥𑁂.
𑁬𑁧𑁫, 𑁫𑁮𑁬. 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀓𑁆𑀯𑀺𑀫𑁆𑀳𑀺.
𑁬𑁧𑁭, 𑁬𑁩𑁩. 𑀦 𑀫 𑀓 𑀭𑀸𑀦𑀫𑀦𑁆𑀢𑀸𑀦𑀁 𑀦𑀺𑀬𑀼𑀢𑁆𑀢𑀢𑀫𑁆𑀳𑀺.
𑁬𑁧𑁮, 𑁫𑁭𑁧. 𑀦 𑀓 𑀯𑀢𑁆𑀣𑀁 𑀘 𑀚𑀸 𑀡𑁆𑀯𑀼𑀫𑁆𑀳𑀺.
𑁬𑁧𑁯, 𑁫𑁭𑁩. 𑀓𑀭𑀲𑁆𑀲 𑀘 𑀢𑀢𑁆𑀢𑀁 𑀣𑀼𑀲𑁆𑀫𑀺𑀁.
𑁬𑁨𑁧, 𑁫𑁫𑁩. 𑀓𑀸𑀭𑀺𑀢𑀁 ¶ 𑀯𑀺𑀬 𑀡𑀸𑀦𑀼𑀩𑀦𑁆𑀥𑁄.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄.
𑀓𑀺𑀩𑁆𑀩𑀺𑀥𑀸𑀦𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑁮. 𑀉𑀡𑀸𑀤𑀺𑀓𑀧𑁆𑀧
𑁬𑁨𑁫, 𑁬𑁦𑁫. 𑀪𑀸𑀯𑀓𑀫𑁆𑀫𑁂𑀲𑀼 𑀓𑀺𑀘𑁆𑀘𑀢𑁆𑀢𑀓𑁆𑀔𑀢𑁆𑀣𑀸.
𑁬𑁨𑁬, 𑁬𑁩𑁪. 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸𑀬 𑀢𑁆𑀢𑁄.
𑁬𑁨𑁭, 𑁬𑁫𑁨. 𑀔𑁆𑀬𑀸𑀤𑀻𑀳𑀺 𑀫𑀦 𑀫 𑀘 𑀢𑁄 𑀯𑀸.
𑁬𑁩𑁦, 𑁬𑁫𑁪. 𑀫𑀲𑀼𑀲𑁆𑀲 𑀲𑀼𑀲𑁆𑀲 𑀘𑁆𑀙𑀭𑀘𑁆𑀙𑁂𑀭𑀸.
𑁬𑁩𑁫, 𑁫𑁫𑁯. 𑀧𑁂𑀲𑀸𑀢𑀺𑀲𑀕𑁆𑀕𑀧𑀢𑁆𑀢𑀓𑀸𑀮𑁂𑀲𑀼 𑀓𑀺𑀘𑁆𑀘𑀸.
𑁬𑁩𑁬, 𑁬𑁫𑁯. 𑀅𑀯𑀲𑁆𑀲𑀓𑀸𑀥𑀫𑀺𑀡𑁂𑀲𑀼 𑀡𑀻 𑀘.
𑁬𑁩𑁮, 𑁬𑁬𑁮. 𑀯𑀚𑀸𑀤𑀻𑀳𑀺 𑀧𑀩𑁆𑀩𑀚𑁆𑀚𑀸𑀤𑀬𑁄 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑁬𑁩𑁯, 𑁫𑁮𑁫. 𑀓𑁆𑀯𑀺𑀮𑁄𑀧𑁄 ¶ 𑀘.
𑁬𑁪𑁦, 𑁦. 𑀲𑀘𑀚𑀸𑀦𑀁 𑀓 𑀕𑀸 𑀡𑀸𑀦𑀼𑀩𑀦𑁆𑀥𑁂.
𑁬𑁪𑁧, 𑁫𑁭𑁨. 𑀦𑀼𑀤𑀸𑀤𑀻𑀳𑀺 𑀬𑀼 𑀡𑁆𑀯𑀽𑀦 𑀫𑀦𑀸 𑀦 𑀦𑀸 𑀓𑀸 𑀦 𑀦 𑀓𑀸 𑀲𑀓𑀸𑀭𑀺𑀢𑁂𑀳𑀺 𑀘.
𑁬𑁪𑁨, 𑁫𑁮𑁮. 𑀇 𑀬 𑀢 𑀫 𑀓𑀺𑀁 𑀏𑀲𑀸𑀦𑀫𑀦𑁆𑀢𑀲𑁆𑀲𑀭𑁄 𑀤𑀻𑀖𑀁 𑀓𑁆𑀯𑀘𑀺 𑀤𑀼𑀲𑀲𑁆𑀲 𑀕𑀼𑀡𑀁 𑀤𑁄𑀭𑀁 𑀲 𑀓𑁆𑀔𑀻 𑀘.
𑁬𑁪𑁩, 𑁬𑁩𑁫. 𑀪𑁆𑀬𑀸𑀤𑀻𑀳𑀺 𑀫𑀢𑀺 𑀩𑀼𑀥𑀺 𑀧𑀽𑀚𑀸𑀤𑀻𑀳𑀺 𑀘 𑀢𑁆𑀢𑁄.
𑁬𑁪𑁪, 𑁬𑁬𑁧. 𑀯𑁂𑀧𑀼 𑀲𑀻 𑀤𑀯 𑀯𑀫𑀼 𑀓𑀼 𑀤𑀸 𑀪𑀽𑀢𑁆𑀯𑀸𑀤𑀻𑀳𑀺 𑀣𑀼𑀢𑁆𑀢𑀺𑀫 𑀡𑀺𑀫𑀸 𑀦𑀺𑀩𑁆𑀩𑀢𑁆𑀢𑁂.
𑁬𑁪𑁬, 𑁪𑁧𑁯. 𑀏𑀓𑀸𑀤𑀺𑀢𑁄 𑀲𑀓𑀺𑀲𑁆𑀲 𑀓𑁆𑀔𑀢𑁆𑀢𑀼𑀁.
𑁬𑁪𑁭, 𑁬𑁬𑁩. 𑀲𑀼𑀦𑀲𑁆𑀲𑀼𑀦𑀲𑁆𑀲𑁄 𑀡 𑀯𑀸𑀦𑀼𑀯𑀸𑀦𑀽𑀦𑀦𑀔𑀼𑀦𑀸𑀦𑀸.
𑁬𑁪𑁯, 𑁬𑁬𑁫. 𑀬𑀼𑀯𑀲𑁆𑀲𑀼𑀯𑀲𑁆𑀲𑀼𑀯𑀼𑀯𑀸𑀦𑀦𑀽𑀦𑀸.
𑁬𑁫𑁦, 𑁬𑁫𑁧. 𑀓𑀸𑀮𑁂 𑀯𑀢𑁆𑀢𑀫𑀸𑀦𑀸𑀢𑀻𑀢𑁂 𑀡𑁆𑀯𑀸𑀤𑀬𑁄.
𑁬𑁫𑁧, 𑁬𑁪𑁭. 𑀪𑀯𑀺𑀲𑁆𑀲𑀢𑀺 𑀕𑀫𑀸𑀤𑀻𑀳𑀺 𑀡𑀻 𑀖𑀺𑀡.
𑁬𑁫𑁩, 𑁩𑁦𑁭. 𑀪𑀸𑀯𑀯𑀸𑀘𑀺𑀫𑁆𑀳𑀺 𑀘𑀢𑀼𑀢𑁆𑀣𑀻.
𑁬𑁫𑁫, 𑁬𑁫𑁦. 𑀲𑁂𑀲𑁂 𑀲𑁆𑀲𑀁 𑀦𑁆𑀢𑀼 𑀫𑀸𑀦𑀸𑀦𑀸.
𑁬𑁫𑁯, 𑁬𑁬𑁯. 𑀉𑀲𑀼𑀭𑀦𑁆𑀚𑀤𑀲𑀸𑀦𑀁 ¶ 𑀤𑀁𑀲𑀲𑁆𑀲 𑀤𑀟𑁆𑀠𑁄 𑀠𑀞𑀸 𑀘.
𑁬𑁬𑁦, 𑁬𑁭𑁦. 𑀲𑀽𑀯𑀼𑀲𑀸𑀦𑀫𑀽𑀯𑀼𑀲𑀸𑀦𑀫𑀢𑁄 𑀣𑁄 𑀘.
𑁬𑁬𑁧, 𑁬𑁭𑁧. 𑀭𑀦𑁆𑀚𑀼𑀤𑀸𑀤𑀻𑀳𑀺 𑀥𑀤𑀺𑀤𑁆𑀤𑀓𑀺𑀭𑀸 𑀓𑁆𑀯𑀘𑀺 𑀚𑀤𑀮𑁄𑀧𑁄 𑀘.
𑁬𑁬𑁨, 𑁬𑁭𑁨. 𑀧𑀝𑀺𑀢𑁄 𑀳𑀺𑀲𑁆𑀲 𑀳𑁂𑀭𑀡 𑀳𑀻𑀭𑀡.
𑁬𑁬𑁪, 𑁬𑁭𑁪. 𑀔𑀸𑀤𑀸𑀫𑀕𑀫𑀸𑀦𑀁 𑀔𑀦𑁆𑀥𑀦𑁆𑀥𑀕𑀦𑁆𑀥𑀸.
𑁬𑁬𑁬, 𑁬𑁭𑁬. 𑀧𑀼𑀣𑀲𑁆𑀲 𑀧𑀼𑀣𑀼 𑀧𑀣𑀸 𑀫𑁄 𑀯𑀸.
𑁬𑁭𑁩, 𑁬𑁮𑁩. 𑀫𑀦𑀼𑀧𑀽𑀭𑀲𑀼𑀡𑀸𑀤𑀻𑀳𑀺 𑀉𑀲𑁆𑀲𑀦𑀼𑀲𑀺𑀲𑀸.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀉𑀡𑀸𑀤𑀺𑀓𑀧𑁆𑀧𑁄 𑀙𑀝𑁆𑀞𑁄 𑀓𑀡𑁆𑀟𑁄.
𑀉𑀡𑀸𑀤𑀺𑀲𑀼𑀢𑁆𑀢𑀁 𑀦𑀺𑀝𑁆𑀞𑀺𑀢𑀁.
𑀫𑀳𑀸𑀓𑀘𑁆𑀘𑀸𑀬𑀦𑀲𑀤𑁆𑀤𑀸𑀧𑀸𑀞
𑁧. 𑀲𑀦𑁆𑀥𑀺𑀓𑀧𑁆𑀧
𑀧𑀞𑀫𑀓𑀡𑁆𑀟
(𑀓)
𑀲𑁂𑀝𑁆𑀞𑀁 ¶ 𑀢𑀺𑀮𑁄𑀓𑀫𑀳𑀺𑀢𑀁 𑀅𑀪𑀺𑀯𑀦𑁆𑀤𑀺𑀬𑀕𑁆𑀕𑀁,
𑀩𑀼𑀤𑁆𑀥𑀜𑁆𑀘 𑀥𑀫𑁆𑀫𑀫𑀫𑀮𑀁 𑀕𑀡𑀫𑀼𑀢𑁆𑀢𑀫𑀜𑁆𑀘;
𑀲𑀢𑁆𑀣𑀼𑀲𑁆𑀲 𑀢𑀲𑁆𑀲 𑀯𑀘𑀦𑀢𑁆𑀣𑀯𑀭𑀁 𑀲𑀼𑀩𑀼𑀤𑁆𑀥𑀼𑀁,
𑀯𑀓𑁆𑀔𑀸𑀫𑀺 𑀲𑀼𑀢𑁆𑀢𑀳𑀺𑀢𑀫𑁂𑀢𑁆𑀣 𑀲𑀼𑀲𑀦𑁆𑀥𑀺𑀓𑀧𑁆𑀧𑀁.
(𑀔)
𑀲𑁂𑀬𑁆𑀬𑀁 𑀚𑀺𑀦𑁂𑀭𑀺𑀢𑀦𑀬𑁂𑀦 𑀩𑀼𑀥𑀸 𑀮𑀪𑀦𑁆𑀢𑀺,
𑀢𑀜𑁆𑀘𑀸𑀧𑀺 𑀢𑀲𑁆𑀲 𑀯𑀘𑀦𑀢𑁆𑀣𑀲𑀼𑀩𑁄𑀥𑀦𑁂𑀦;
𑀅𑀢𑁆𑀣𑀜𑁆𑀘 𑀅𑀓𑁆𑀔𑀭𑀧𑀤𑁂𑀲𑀼 𑀅𑀫𑁄𑀳𑀪𑀸𑀯𑀸,
𑀲𑁂𑀬𑁆𑀬𑀢𑁆𑀣𑀺𑀓𑁄 𑀧𑀤𑀫𑀢𑁄 𑀯𑀺𑀯𑀺𑀥𑀁 𑀲𑀼𑀡𑁂𑀬𑁆𑀬𑀁.
𑀲𑀩𑁆𑀩𑀯𑀘𑀦𑀸𑀦𑀫𑀢𑁆𑀣𑁄 𑀅𑀓𑁆𑀔𑀭𑁂𑀳𑁂𑀯 𑀲𑀜𑁆𑀜𑀸𑀬𑀢𑁂. 𑀅𑀓𑁆𑀔𑀭𑀯𑀺𑀧𑀢𑁆𑀢𑀺𑀬𑀁 𑀳𑀺 𑀅𑀢𑁆𑀣𑀲𑁆𑀲 𑀤𑀼𑀦𑁆𑀦𑀬𑀣𑀸 𑀳𑁄𑀢𑀺, 𑀢𑀲𑁆𑀫𑀸 𑀅𑀓𑁆𑀔𑀭𑀓𑁄𑀲𑀮𑁆𑀮𑀁 𑀩𑀳𑀽𑀧𑀓𑀸𑀭𑀁 𑀲𑀼𑀢𑁆𑀢𑀦𑁆𑀢𑁂𑀲𑀼.
𑁨, 𑁨. 𑀅𑀓𑁆𑀔𑀭𑀸𑀧𑀸𑀤𑀬𑁄 ¶ 𑀏𑀓𑀘𑀢𑁆𑀢𑀸𑀮𑀻𑀲𑀁.
𑀢𑁂 𑀘 𑀔𑁄 𑀅𑀓𑁆𑀔𑀭𑀸 𑀅𑀧𑀺 𑀅𑀓𑀸𑀭𑀸𑀤𑀬𑁄 𑀏𑀓𑀘𑀢𑁆𑀢𑀸 𑀮𑀻𑀲 𑀲𑀼𑀢𑁆𑀢𑀦𑁆𑀢𑁂𑀲𑀼 𑀲𑁄𑀧𑀓𑀸𑀭𑀸.
𑀢𑀁 𑀬𑀣𑀸? 𑀅 𑀆 𑀇 𑀈 𑀉 𑀊 𑀏 𑀑, 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀬 𑀭 𑀮 𑀯 𑀲 𑀳 𑀴 𑀅𑀁, 𑀇𑀢𑀺 𑀅𑀓𑁆𑀔𑀭𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀅𑀢𑁆𑀣𑁄 𑀅𑀓𑁆𑀔𑀭𑀲𑀜𑁆𑀜𑀸𑀢𑁄.
𑀢𑀢𑁆𑀣 𑀅𑀓𑁆𑀔𑀭𑁂𑀲𑀼 𑀅𑀓𑀸𑀭𑀸𑀤𑀻𑀲𑀼 𑀑𑀤𑀦𑁆𑀢𑀸 𑀅𑀝𑁆𑀞 𑀅𑀓𑁆𑀔𑀭𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀅 𑀆 𑀇 𑀈 𑀉 𑀊 𑀏 𑀑, 𑀇𑀢𑀺 𑀲𑀭𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀲𑀭𑀸 𑀲𑀭𑁂 𑀮𑁄𑀧𑀁.
𑀢𑀢𑁆𑀣 𑀅𑀝𑁆𑀞𑀲𑀼 𑀲𑀭𑁂𑀲𑀼 𑀮𑀳𑀼𑀫𑀢𑁆𑀢𑀸 𑀢𑀬𑁄 𑀲𑀭𑀸 𑀭𑀲𑁆𑀲𑀸 𑀦𑀸𑀫 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀅 𑀇 𑀉, 𑀇𑀢𑀺 𑀭𑀲𑁆𑀲𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀭𑀲𑁆𑀲𑀁.
𑁫, 𑁫. 𑀅𑀜𑁆𑀜𑁂 ¶ 𑀤𑀻𑀖𑀸.
𑀢𑀢𑁆𑀣 𑀅𑀝𑁆𑀞𑀲𑀼 𑀲𑀭𑁂𑀲𑀼 𑀭𑀲𑁆𑀲𑁂𑀳𑀺 𑀅𑀜𑁆𑀜𑁂 𑀧𑀜𑁆𑀘 𑀲𑀭𑀸 𑀤𑀻𑀖𑀸 𑀦𑀸𑀫 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀆 𑀈 𑀊 𑀏 𑀑, 𑀇𑀢𑀺 𑀤𑀻𑀖𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀤𑀻𑀖𑀁.
𑀞𑀧𑁂𑀢𑁆𑀯𑀸 𑀅𑀝𑁆𑀞 𑀲𑀭𑁂 𑀲𑁂𑀲𑀸 𑀅𑀓𑁆𑀔𑀭𑀸 𑀓𑀓𑀸𑀭𑀸𑀤𑀬𑁄 𑀦𑀺𑀕𑁆𑀕𑀳𑀺𑀢𑀦𑁆𑀢𑀸 𑀩𑁆𑀬𑀜𑁆𑀚𑀦𑀸 𑀦𑀸𑀫 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀬 𑀭 𑀮 𑀯 𑀲 𑀳 𑀴 𑀅𑀁, 𑀇𑀢𑀺 𑀩𑁆𑀬𑀜𑁆𑀚𑀦𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀲𑀭𑀸 𑀧𑀓𑀢𑀺 𑀩𑁆𑀬𑀜𑁆𑀚𑀦𑁂.
𑀢𑁂𑀲𑀁 𑀔𑁄 𑀩𑁆𑀬𑀜𑁆𑀚𑀦𑀸𑀦𑀁 𑀓𑀓𑀸𑀭𑀸𑀤𑀬𑁄 𑀫𑀓𑀸𑀭𑀦𑁆𑀢𑀸 𑀧𑀜𑁆𑀘𑀧𑀜𑁆𑀘𑀲𑁄 𑀅𑀓𑁆𑀔𑀭𑀯𑀦𑁆𑀢𑁄 𑀯𑀕𑁆𑀕𑀸 𑀦𑀸𑀫 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀇𑀢𑀺 𑀯𑀕𑁆𑀕𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀯𑀕𑁆𑀕𑀦𑁆𑀢𑀁 𑀯𑀸 𑀯𑀕𑁆𑀕𑁂.
𑁮, 𑁧𑁦. 𑀅𑀁 ¶ 𑀇𑀢𑀺 𑀦𑀺𑀕𑁆𑀕𑀳𑀺𑀢𑀁.
𑀅𑀁 𑀇𑀢𑀺 𑀦𑀺𑀕𑁆𑀕𑀳𑀺𑀢𑀁 𑀦𑀸𑀫 𑀳𑁄𑀢𑀺.
𑀢𑁂𑀦 𑀓𑁆𑀯𑀢𑁆𑀣𑁄? 𑀅𑀁 𑀩𑁆𑀬𑀜𑁆𑀚𑀦𑁂 𑀦𑀺𑀕𑁆𑀕𑀳𑀺𑀢𑀁.
𑀬𑀸 𑀘 𑀧𑀦 𑀧𑀭𑁂𑀲𑀼 𑀲𑀓𑁆𑀓𑀢𑀕𑀦𑁆𑀣𑁂𑀲𑀼 𑀲𑀫𑀜𑁆𑀜𑀸 𑀖𑁄𑀲𑀸𑀢𑀺 𑀯𑀸 𑀅𑀖𑁄𑀲𑀸𑀢𑀺 𑀯𑀸, 𑀢𑀸 𑀧𑀬𑁄𑀕𑁂 𑀲𑀢𑀺 𑀏𑀢𑁆𑀣𑀸𑀧𑀺 𑀬𑀼𑀚𑁆𑀚𑀦𑁆𑀢𑁂.
𑀢𑀢𑁆𑀣 𑀖𑁄𑀲𑀸 𑀦𑀸𑀫-𑀕 𑀖 𑀗, 𑀚 𑀛 𑀜, 𑀟 𑀠 𑀡, 𑀤 𑀥 𑀦, 𑀩 𑀪 𑀫, 𑀬 𑀭 𑀮 𑀯 𑀳 𑀴, 𑀇𑀢𑀺 𑀖𑁄𑀲𑀸 𑀦𑀸𑀫. 𑀅𑀖𑁄𑀲𑀸 𑀦𑀸𑀫-𑀓 𑀔, 𑀘 𑀙, 𑀝 𑀞, 𑀢 𑀣, 𑀧 𑀨, 𑀲, 𑀇𑀢𑀺 𑀅𑀖𑁄𑀲𑀸 𑀦𑀸𑀫.
𑀢𑁂𑀦 𑀓𑁆𑀯𑀢𑁆𑀣𑁄? 𑀯𑀕𑁆𑀕𑁂 𑀖𑁄𑀲𑀸𑀖𑁄𑀲𑀸𑀦𑀁 𑀢𑀢𑀺𑀬𑀧𑀞𑀫𑀸.
𑁧𑁦, 𑁧𑁨. 𑀧𑀼𑀩𑁆𑀩𑀫𑀥𑁄𑀞𑀺𑀢 𑀫𑀲𑁆𑀲𑀭𑀁 𑀲𑀭𑁂𑀦 𑀯𑀺𑀬𑁄𑀚𑀬𑁂.
𑀢𑀢𑁆𑀣 𑀲𑀦𑁆𑀥𑀺𑀁 𑀓𑀢𑁆𑀢𑀼𑀓𑀸𑀫𑁄 𑀧𑀼𑀩𑁆𑀩𑀩𑁆𑀬𑀜𑁆𑀚𑀦𑀁 𑀅𑀥𑁄𑀞𑀺𑀢𑀁 𑀅𑀲𑁆𑀲𑀭𑀁 𑀓𑀢𑁆𑀯𑀸 𑀲𑀭𑀜𑁆𑀘 𑀉𑀧𑀭𑀺 𑀓𑀢𑁆𑀯𑀸 𑀲𑀭𑁂𑀦 𑀯𑀺𑀬𑁄𑀚𑀬𑁂.
𑀢𑀢𑁆𑀭𑀸𑀬𑀫𑀸𑀤𑀺.
𑁧𑁧, 𑁧𑁪. 𑀦𑀬𑁂 ¶ 𑀧𑀭𑀁 𑀬𑀼𑀢𑁆𑀢𑁂.
𑀅𑀲𑁆𑀲𑀭𑀁 𑀔𑁄 𑀩𑁆𑀬𑀜𑁆𑀚𑀦𑀁 𑀅𑀥𑁄𑀞𑀢𑀁 𑀧𑀭𑀓𑁆𑀔𑀭𑀁 𑀦𑀬𑁂 𑀬𑀼𑀢𑁆𑀢𑁂. 𑀢𑀢𑁆𑀭𑀸𑀪𑀺𑀭𑀢𑀺𑀫𑀺𑀘𑁆𑀙𑁂𑀬𑁆𑀬.
𑀬𑀼𑀢𑁆𑀢𑁂𑀢𑀺𑀓𑀲𑁆𑀫𑀸? 𑀅𑀓𑁆𑀓𑁄𑀘𑁆𑀙𑀺 𑀫𑀁 𑀅𑀯𑀥𑀺 𑀫𑀁, 𑀅𑀚𑀺𑀦𑀺 𑀫𑀁 𑀅𑀳𑀸𑀲𑀺 𑀫𑁂. 𑀏𑀢𑁆𑀣 𑀧𑀦 𑀬𑀼𑀢𑁆𑀢𑀁 𑀦 𑀳𑁄𑀢𑀺.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑀤𑀼𑀢𑀺𑀬𑀓𑀡𑁆𑀟
𑀲𑀭𑀸 𑀔𑁄 𑀲𑀭𑁂 𑀧𑀭𑁂 𑀮𑁄𑀧𑀁 𑀧𑀧𑁆𑀧𑁄𑀦𑁆𑀢𑀺.
𑀬𑀲𑁆𑀲𑀺𑀦𑁆𑀤𑁆𑀭𑀺𑀬𑀸𑀦𑀺 𑀲𑀫𑀣𑀗𑁆𑀕𑀢𑀸𑀦𑀺. 𑀦𑁄 𑀳𑁂𑀢𑀁 𑀪𑀦𑁆𑀢𑁂 𑀲𑀫𑁂𑀢𑀸𑀬𑀲𑁆𑀫𑀸 𑀲𑀗𑁆𑀖𑁂𑀦.
𑀲𑀭𑀫𑁆𑀳𑀸 𑀅𑀲𑀭𑀽𑀧𑀸 𑀧𑀭𑁄 𑀲𑀭𑁄 𑀮𑁄𑀧𑀁 𑀧𑀧𑁆𑀧𑁄𑀢𑀺 𑀯𑀸.
𑀘𑀢𑁆𑀢𑀸𑀭𑁄’𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸, 𑀓𑀺𑀦𑁆𑀦𑀼’ 𑀫𑀸𑀯𑀲𑀫𑀡𑀺𑀬𑁄. 𑀯𑀸𑀢𑀺 𑀓𑀲𑁆𑀫𑀸? 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀸𑀦𑀺, 𑀢𑀬𑀲𑁆𑀲𑀼 𑀥𑀫𑁆𑀫𑀸 𑀚𑀳𑀺𑀢𑀸 𑀪𑀯𑀦𑁆𑀢𑀺.
𑁧𑁪, 𑁧𑁬. 𑀓𑁆𑀯𑀘𑀸𑀲𑀘𑀡𑁆𑀡𑀁 ¶ 𑀮𑀼𑀢𑁆𑀢𑁂.
𑀲𑀭𑁄 𑀔𑁄 𑀧𑀭𑁄 𑀧𑀼𑀩𑁆𑀩𑀲𑀭𑁂 𑀮𑀼𑀢𑁆𑀢𑁂 𑀓𑁆𑀯𑀘𑀺 𑀅𑀲𑀯𑀡𑁆𑀡𑀁 𑀧𑀧𑁆𑀧𑁄𑀢𑀺.
𑀲𑀗𑁆𑀔𑁆𑀬𑀁 𑀦𑁄𑀧𑁂𑀢𑀺 𑀯𑁂𑀤𑀕𑀽, 𑀩𑀦𑁆𑀥𑀼𑀲𑁆𑀲𑁂𑀯 𑀲𑀫𑀸𑀕𑀫𑁄.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀬𑀲𑁆𑀲𑀺𑀦𑁆𑀤𑁆𑀭𑀺𑀬𑀸𑀦𑀺, 𑀢𑀣𑀽𑀧𑀫𑀁 𑀥𑀫𑁆𑀫𑀯𑀭𑀁 𑀅𑀤𑁂𑀲𑀬𑀺.
𑀲𑀭𑁄 𑀔𑁄 𑀧𑀭𑁄 𑀧𑀼𑀩𑁆𑀩𑀲𑀭𑁂 𑀮𑀼𑀢𑁆𑀢𑁂 𑀓𑁆𑀯𑀘𑀺 𑀤𑀻𑀖𑀁 𑀧𑀧𑁆𑀧𑁄𑀢𑀺. 𑀲𑀤𑁆𑀥𑀻𑀥 𑀯𑀺𑀢𑁆𑀢𑀁 𑀧𑀼𑀭𑀺𑀲𑀲𑁆𑀲 𑀲𑁂𑀝𑁆𑀞𑀁, 𑀅𑀦𑀸𑀕𑀸𑀭𑁂𑀳𑀺 𑀘𑀽𑀪𑀬𑀁.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀧𑀜𑁆𑀘𑀳𑀼𑀧𑀸𑀮𑀺 𑀅𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑁄. 𑀦𑀢𑁆𑀣𑀜𑁆𑀜𑀁 𑀓𑀺𑀜𑁆𑀘𑀺.
𑀧𑀼𑀩𑁆𑀩𑁄 𑀘 𑀲𑀭𑁄 𑀧𑀭𑀲𑀭𑀮𑁄𑀧𑁂 𑀓𑀢𑁂 𑀓𑁆𑀯𑀘𑀺 𑀤𑀻𑀖𑀁 𑀧𑀧𑁆𑀧𑁄𑀢𑀺.
𑀓𑀺𑀁𑀲𑀽𑀥 𑀯𑀺𑀢𑁆𑀢𑀁 𑀧𑀼𑀭𑀺𑀲𑀲𑁆𑀲 𑀲𑁂𑀝𑁆𑀞𑀁, 𑀲𑀸𑀥𑀽𑀢𑀺 𑀧𑀝𑀺𑀲𑁆𑀲𑀼𑀡𑀺𑀢𑁆𑀯𑀸, 𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀇𑀢𑀺𑀲𑁆𑀲 𑀫𑀼𑀳𑀼𑀢𑁆𑀢𑀫𑁆𑀧𑀺.
𑁧𑁭, 𑁧𑁯. 𑀬𑀫𑁂𑀤𑀦𑁆𑀢𑀲𑁆𑀲𑀸𑀤𑁂𑀲𑁄 ¶ .
𑀏𑀓𑀸𑀭𑀲𑁆𑀲 𑀅𑀦𑁆𑀢𑀪𑀽𑀢𑀲𑁆𑀲 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀬𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀅𑀥𑀺𑀕𑀢𑁄 𑀔𑁄 𑀫𑁆𑀬𑀸𑀬𑀁 𑀥𑀫𑁆𑀫𑁄, 𑀢𑁆𑀬𑀸𑀳𑀁 𑀏𑀯𑀁 𑀯𑀤𑁂𑀬𑁆𑀬𑀁, 𑀢𑁆𑀬𑀸𑀲𑁆𑀲 𑀧𑀳𑀻𑀦𑀸 𑀳𑁄𑀦𑁆𑀢𑀺.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀦𑁂’𑀦𑀸𑀕𑀢𑀸, 𑀇𑀢𑀺 𑀦𑁂𑀢𑁆𑀣.
𑀑𑀓𑀸𑀭𑀼𑀓𑀸𑀭𑀸𑀦𑀁 𑀅𑀦𑁆𑀢𑀪𑀽𑀢𑀸𑀦𑀁 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀯𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀅𑀣 𑀔𑁆𑀯𑀲𑁆𑀲, 𑀲𑁆𑀯𑀲𑁆𑀲 𑀳𑁄𑀢𑀺, 𑀩𑀳𑁆𑀯𑀸𑀩𑀸𑀥𑁄, 𑀯𑀢𑁆𑀣𑁆𑀯𑁂𑀢𑁆𑀣 𑀯𑀺𑀳𑀺𑀢𑀁 𑀦𑀺𑀘𑁆𑀘𑀁 𑀘𑀓𑁆𑀔𑀸𑀧𑀸𑀣𑀫𑀸𑀕𑀘𑁆𑀙𑀢𑀺.
𑀓𑁆𑀯𑀘𑀻𑀢𑀺𑀓𑀲𑁆𑀫𑀸? 𑀘𑀢𑁆𑀢𑀸𑀭𑁄’𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸, 𑀓𑀺𑀦𑁆𑀦𑀼𑀫𑀸𑀯 𑀲𑀫𑀡𑀺𑀬𑁄.
𑀲𑀩𑁆𑀩𑁄 𑀇𑀘𑁆𑀘𑁂𑀲𑁄 𑀢𑀺𑀲𑀤𑁆𑀤𑁄 𑀩𑁆𑀬𑀜𑁆𑀚𑀦𑁄 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀘𑀓𑀸𑀭𑀁 𑀧𑀧𑁆𑀧𑁄𑀢𑀺.
𑀇𑀘𑁆𑀘𑁂𑀢𑀁 ¶ 𑀓𑀼𑀲𑀮𑀁, 𑀇𑀘𑁆𑀘𑀲𑁆𑀲 𑀯𑀘𑀦𑀻𑀬𑀁, 𑀧𑀘𑁆𑀘𑀼𑀢𑁆𑀢𑀭𑀺𑀢𑁆𑀯𑀸, 𑀧𑀘𑁆𑀘𑀸𑀳𑀭𑀢𑀺.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀇𑀢𑀺𑀲𑁆𑀲 𑀫𑀼𑀳𑀼𑀢𑁆𑀢𑀫𑁆𑀧𑀺.
𑀥𑀇𑀘𑁆𑀘𑁂𑀢𑀲𑁆𑀲 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀤𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀏𑀓𑀫𑀺𑀤𑀸𑀳𑀁 𑀪𑀺𑀓𑁆𑀔𑀯𑁂 𑀲𑀫𑀬𑀁.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀇𑀥𑁂𑀯 𑀫𑀭𑀡𑀁 𑀪𑀯𑀺𑀲𑁆𑀲𑀢𑀺.
𑀯𑀕𑁆𑀕𑀳𑀡𑁂𑀦 𑀥𑀓𑀸𑀭𑀲𑁆𑀲 𑀳𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀲𑀸𑀳𑀼 𑀤𑀲𑁆𑀲𑀦 𑀫𑀭𑀺𑀬𑀸𑀦𑀁.
𑀲𑀼𑀢𑁆𑀢𑀯𑀺𑀪𑀸𑀕𑁂𑀦 𑀩𑀳𑀼𑀥𑀸 𑀲𑀺𑀬𑀸-
𑀢𑁄 𑀤𑀲𑁆𑀲, 𑀬𑀣𑀸? 𑀲𑀼𑀕𑀢𑁄.
𑀝𑁄 𑀢𑀲𑁆𑀲, 𑀬𑀣𑀸? 𑀤𑀼𑀓𑁆𑀓𑀝𑀁.
𑀥𑁄 𑀢𑀲𑁆𑀲, 𑀬𑀣𑀸? 𑀕𑀦𑁆𑀥𑀩𑁆𑀩𑁄.
𑀢𑁆𑀭𑁄 𑀢𑁆𑀢𑀲𑁆𑀲, 𑀬𑀣𑀸? 𑀅𑀢𑁆𑀭𑀚𑁄.
𑀓𑁄 𑀕𑀲𑁆𑀲, 𑀬𑀣𑀸? 𑀓𑀼𑀮𑀽𑀧𑀓𑁄.
𑀮𑁄 ¶ 𑀭𑀲𑁆𑀲, 𑀬𑀣𑀸? 𑀫𑀳𑀸𑀲𑀸𑀮𑁄.
𑀚𑁄 𑀬𑀲𑁆𑀲, 𑀬𑀣𑀸? 𑀕𑀯𑀚𑁄.
𑀩𑁆𑀩𑁄 𑀯𑀲𑁆𑀲, 𑀬𑀣𑀸? 𑀓𑀼𑀩𑁆𑀩𑀢𑁄.
𑀓𑁄 𑀬𑀲𑁆𑀲, 𑀬𑀣𑀸? 𑀲𑀓𑁂.
𑀬𑁄 𑀚𑀲𑁆𑀲, 𑀬𑀣𑀸? 𑀦𑀺𑀬𑀁𑀧𑀼𑀢𑁆𑀢𑀁.
𑀓𑁄 𑀢𑀲𑁆𑀲, 𑀬𑀣𑀸? 𑀦𑀺𑀬𑀓𑁄.
𑀘𑁆𑀘𑁄 𑀢𑁆𑀢𑀲𑁆𑀲, 𑀬𑀣𑀸 𑀪𑀘𑁆𑀘𑁄.
𑀨𑁄 𑀧𑀲𑁆𑀲, 𑀬𑀣𑀸? 𑀦𑀺𑀧𑁆𑀨𑀢𑁆𑀢𑀺.
𑀔𑁄 𑀓𑀲𑁆𑀲, 𑀬𑀣𑀸? 𑀦𑀺𑀓𑁆𑀔𑀫𑀢𑀺. 𑀇𑀘𑁆𑀘𑁂𑀯𑀫𑀸𑀤𑀻 𑀬𑁄𑀚𑁂𑀢𑀩𑁆𑀩𑀸.
𑀧𑀼𑀩𑁆𑀩𑁄 𑀇𑀯𑀡𑁆𑀡𑁄 𑀲𑀭𑁂 𑀧𑀭𑁂 𑀬𑀓𑀸𑀭𑀁 𑀧𑀧𑁆𑀧𑁄𑀢𑀺 𑀦𑀯𑀸. 𑀧𑀝𑀺𑀲𑀼𑀦𑁆𑀣𑀸𑀭𑀯𑀼𑀢𑁆𑀬𑀲𑁆𑀲, 𑀲𑀩𑁆𑀩𑀸 𑀯𑀺𑀢𑁆𑀬𑀸𑀦𑀼𑀪𑀽𑀬𑀢𑁂.
𑀦𑀯𑀸𑀢𑀺 𑀓𑀲𑁆𑀫𑀸? 𑀧𑀜𑁆𑀘𑀳𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑁄, 𑀫𑀼𑀢𑁆𑀢𑀘𑀸𑀕𑀻 𑀅𑀦𑀼𑀤𑁆𑀥𑀢𑁄.
𑁨𑁨, 𑁨𑁮. 𑀏𑀯𑀸𑀤𑀺𑀲𑁆𑀲 𑀭𑀺 𑀧𑀼𑀩𑁆𑀩𑁄 𑀘 𑀭𑀲𑁆𑀲𑁄.
𑀲𑀭𑀫𑁆𑀳𑀸 𑀧𑀭𑀲𑁆𑀲 𑀏𑀯𑀲𑁆𑀲 𑀏𑀓𑀸𑀭𑀲𑁆𑀲 𑀆𑀤𑀺𑀲𑁆𑀲 𑀭𑀺𑀓𑀸𑀭𑁄 𑀳𑁄𑀢𑀺, 𑀧𑀼𑀩𑁆𑀩𑁄 𑀘 𑀲𑀭𑁄 𑀭𑀲𑁆𑀲𑁄 𑀳𑁄𑀢𑀺 𑀦𑀯𑀸.
𑀬𑀣𑀭𑀺𑀯 ¶ 𑀯𑀲𑀼𑀥𑀸𑀢𑀮𑀜𑁆𑀘 𑀲𑀩𑁆𑀩𑀁, 𑀢𑀣𑀭𑀺𑀯 𑀕𑀼𑀡𑀯𑀸 𑀲𑀼𑀧𑀽𑀚𑀦𑀺𑀬𑁄.
𑀦𑀯𑀸𑀢𑀺 𑀓𑀲𑁆𑀫𑀸? 𑀬𑀣𑀸 𑀏𑀯, 𑀢𑀣𑀸 𑀏𑀯.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑀢𑀢𑀺𑀬𑀓𑀡𑁆𑀟
𑀲𑀭𑀸 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀧𑀓𑀢𑀺𑀭𑀽𑀧𑀸𑀦𑀺 𑀳𑁄𑀦𑁆𑀢𑀺.
𑀫𑀦𑁄𑀧𑀼𑀩𑁆𑀩𑀗𑁆𑀕𑀫𑀸 𑀥𑀫𑁆𑀫𑀸, 𑀧𑀫𑀸𑀤𑁄 𑀫𑀘𑁆𑀘𑀼𑀦𑁄 𑀧𑀤𑀁, 𑀢𑀺𑀡𑁆𑀡𑁄 𑀧𑀸𑀭𑀗𑁆𑀕𑀢𑁄 𑀅𑀳𑀼.
𑀲𑀭𑀸 𑀔𑁄 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀧𑀓𑀢𑀺𑀭𑀽𑀧𑀸𑀦𑀺 𑀳𑁄𑀦𑁆𑀢𑀺.
𑀓𑁄 𑀇𑀫𑀁 𑀧𑀣𑀯𑀺𑀁 𑀯𑀺𑀘𑁂𑀲𑁆𑀲𑀢𑀺.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀅𑀧𑁆𑀧𑀲𑁆𑀲𑀼𑀢𑀸𑀬𑀁 𑀧𑀼𑀭𑀺𑀲𑁄.
𑀲𑀭𑀸 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀤𑀻𑀖𑀁 𑀧𑀧𑁆𑀧𑁄𑀦𑁆𑀢𑀺.
𑀲𑀫𑁆𑀫𑀸 ¶ 𑀥𑀫𑁆𑀫𑀁 𑀯𑀺𑀧𑀲𑁆𑀲𑀢𑁄, 𑀏𑀯𑀁 𑀕𑀸𑀫𑁂 𑀫𑀼𑀦𑀻 𑀘𑀭𑁂, 𑀔𑀦𑁆𑀢𑀻 𑀧𑀭𑀫𑀁 𑀢𑀧𑁄 𑀢𑀺𑀢𑀺𑀓𑁆𑀔𑀸.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀇𑀥 𑀫𑁄𑀤𑀢𑀺 𑀧𑁂𑀘𑁆𑀘 𑀫𑁄𑀤𑀢𑀺, 𑀧𑀢𑀺𑀮𑀻𑀬𑀢𑀺, 𑀧𑀝𑀺𑀳𑀜𑁆𑀜𑀢𑀺.
𑀲𑀭𑀸 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀭𑀲𑁆𑀲𑀁 𑀧𑀧𑁆𑀧𑁄𑀦𑁆𑀢𑀺.
𑀪𑁄𑀯𑀸𑀤𑀺𑀦𑀸𑀫 𑀲𑁄 𑀳𑁄𑀢𑀺, 𑀬𑀣𑀸𑀪𑀸𑀯𑀺 𑀕𑀼𑀡𑁂𑀦 𑀲𑁄.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀲𑀫𑁆𑀫𑀸𑀲𑀫𑀸𑀥𑀺, 𑀲𑀸𑀯𑀺𑀢𑁆𑀢𑀻 𑀙𑀦𑁆𑀤𑀲𑁄 𑀫𑀼𑀔𑀁, 𑀉𑀧𑀦𑀻𑀬𑀢𑀺 𑀚𑀻𑀯𑀺𑀢𑀫𑀧𑁆𑀧𑀫𑀸𑀬𑀼.
𑀲𑀭𑀸 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀮𑁄𑀧𑀁 𑀧𑀧𑁆𑀧𑁄𑀦𑁆𑀢𑀺. 𑀢𑀢𑁆𑀭 𑀘 𑀮𑁄𑀧𑁂 𑀓𑀢𑁂 𑀅𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀲 𑀲𑀻𑀮𑀯𑀸. 𑀲 𑀧𑀜𑁆𑀜𑀯𑀸 𑀏𑀲 𑀥𑀫𑁆𑀫𑁄 𑀲𑀦𑀦𑁆𑀢𑀦𑁄, 𑀲 𑀯𑁂 𑀓𑀲𑀸𑀯𑀫𑀭𑀳𑀢𑀺, 𑀲 𑀫𑀸𑀦𑀓𑀸𑀫𑁄𑀧𑀺 𑀪𑀯𑁂𑀬𑁆𑀬, 𑀲 𑀯𑁂 𑀫𑀼𑀦𑀺 𑀚𑀸𑀢𑀺𑀪𑀬𑀁 𑀅𑀤𑀲𑁆𑀲𑀺.
𑀓𑁆𑀯𑀘𑀻𑀢𑀺 ¶ 𑀓𑀲𑁆𑀫𑀸? 𑀲𑁄 𑀫𑀼𑀦𑀺, 𑀏𑀲𑁄 𑀥𑀫𑁆𑀫𑁄 𑀧𑀤𑀺𑀲𑁆𑀲𑀢𑀺, 𑀦 𑀲𑁄 𑀓𑀸𑀲𑀸𑀯𑀫𑀭𑀳𑀢𑀺.
𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀤𑁆𑀯𑁂𑀪𑀸𑀯𑁄 𑀳𑁄𑀢𑀺 𑀞𑀸𑀦𑁂.
𑀇𑀥𑀧𑁆𑀧𑀫𑀸𑀤𑁄, 𑀧𑀼𑀭𑀺𑀲𑀲𑁆𑀲 𑀚𑀦𑁆𑀢𑀼𑀦𑁄, 𑀧𑀩𑁆𑀩𑀚𑁆𑀚𑀁 𑀓𑀺𑀢𑁆𑀢𑀬𑀺𑀲𑁆𑀲𑀸𑀫𑀺, 𑀘𑀸𑀢𑀼𑀤𑁆𑀤𑀲𑀺, 𑀧𑀜𑁆𑀘𑀤𑁆𑀤𑀲𑀺, 𑀅𑀪𑀺𑀓𑁆𑀓𑀦𑁆𑀢𑀢𑀭𑁄 𑀘𑀦𑁆𑀤𑁄.
𑀞𑀸𑀦𑁂𑀢𑀺 𑀓𑀲𑁆𑀫𑀸? 𑀇𑀥 𑀫𑁄𑀤𑀢𑀺 𑀧𑁂𑀘𑁆𑀘 𑀫𑁄𑀤𑀢𑀺.
𑁨𑁯, 𑁪𑁨. 𑀯𑀕𑁆𑀕𑁂 𑀖𑁄𑀲𑀸𑀖𑁄𑀲𑀸𑀦𑀁 𑀢𑀢𑀺𑀬𑀧𑀞𑀫𑀸.
𑀯𑀕𑁆𑀕𑁂 𑀔𑁄 𑀧𑀼𑀩𑁆𑀩𑁂𑀲𑀁 𑀩𑁆𑀬𑀜𑁆𑀚𑀦𑀸𑀦𑀁 𑀖𑁄𑀲𑀸𑀖𑁄𑀲𑀪𑀽𑀢𑀸𑀦𑀁 𑀲𑀭𑀫𑁆𑀳𑀸 𑀬𑀣𑀸𑀲𑀗𑁆𑀔𑁆𑀬𑀁 𑀢𑀢𑀺𑀬𑀧𑀞𑀫𑀓𑁆𑀔𑀭𑀸 𑀤𑁆𑀯𑁂𑀪𑀸𑀯𑀁 𑀕𑀘𑁆𑀙𑀦𑁆𑀢𑀺 𑀞𑀸𑀦𑁂.
𑀏𑀲𑁂𑀯 𑀘𑀚𑁆𑀛𑀸𑀦𑀧𑁆𑀨𑀮𑁄, 𑀬𑀢𑁆𑀭𑀝𑁆𑀞𑀺𑀢𑀁 𑀦𑀧𑁆𑀧𑀲𑀳𑁂𑀬𑁆𑀬 𑀫𑀘𑁆𑀘𑀼, 𑀲𑁂𑀮𑁂 𑀬𑀣𑀸 𑀧𑀩𑁆𑀩𑀢𑀫𑀼𑀤𑁆𑀥𑀦𑀺𑀝𑁆𑀞𑀺𑀢𑁄, 𑀘𑀢𑁆𑀢𑀸𑀭𑀺𑀝𑁆𑀞𑀸𑀦𑀸𑀦𑀺 𑀦𑀭𑁄 𑀧𑀫𑀢𑁆𑀢𑁄.
𑀞𑀸𑀦𑁂𑀢𑀺 𑀓𑀲𑁆𑀫𑀸? 𑀇𑀥 𑀘𑁂𑀢𑀲𑁄 𑀤𑀴𑁆𑀳𑀁 𑀕𑀡𑁆𑀳𑀸𑀢𑀺 𑀣𑀸𑀫𑀲𑀸.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑀘𑀢𑀼𑀢𑁆𑀣𑀓𑀡𑁆𑀟
𑁩𑁦, 𑁫𑁮. 𑀅𑀁 ¶ 𑀩𑁆𑀬𑀜𑁆𑀚𑀦𑁂 𑀦𑀺𑀕𑁆𑀕𑀳𑀺𑀢𑀁.
𑀦𑀺𑀕𑁆𑀕𑀳𑀺𑀢𑀁 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀅𑀁 𑀇𑀢𑀺 𑀳𑁄𑀢𑀺.
𑀏𑀯𑀁 𑀯𑀼𑀢𑁆𑀢𑁂, 𑀢𑀁 𑀲𑀸𑀥𑀽𑀢𑀺 𑀧𑀝𑀺𑀲𑁆𑀲𑀼𑀡𑀺𑀢𑁆𑀯𑀸.
𑀯𑀕𑁆𑀕𑀪𑀽𑀢𑁂 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀦𑀺𑀕𑁆𑀕𑀳𑀺𑀢𑀁 𑀔𑁄 𑀯𑀕𑁆𑀕𑀦𑁆𑀢𑀁 𑀯𑀸 𑀧𑀧𑁆𑀧𑁄𑀢𑀺.
𑀢𑀦𑁆𑀦𑀺𑀘𑁆𑀘𑀼𑀢𑀁, 𑀥𑀫𑁆𑀫𑀜𑁆𑀘𑀭𑁂 𑀲𑀼𑀘𑀭𑀺𑀢𑀁, 𑀘𑀺𑀭𑀧𑁆𑀧𑀯𑀸𑀲𑀺𑀁 𑀧𑀼𑀭𑀺𑀲𑀁. 𑀲𑀦𑁆𑀢𑀦𑁆𑀢𑀲𑁆𑀲 𑀫𑀦𑀁 𑀳𑁄𑀢𑀺, 𑀢𑀗𑁆𑀓𑀸𑀭𑀼𑀡𑀺𑀓𑀁, 𑀏𑀯𑀗𑁆𑀔𑁄 𑀪𑀺𑀓𑁆𑀔𑀯𑁂 𑀲𑀺𑀓𑁆𑀔𑀺𑀢𑀩𑁆𑀩𑀁.
𑀯𑀸𑀕𑁆𑀕𑀳𑀡𑁂𑀦𑀦𑀺𑀕𑁆𑀕𑀳𑀺𑀢𑀁 𑀔𑁄 𑀮𑀓𑀸𑀭𑀸𑀤𑁂𑀲𑁄 𑀳𑁄𑀢𑀺. 𑀧𑀼𑀕𑁆𑀕𑀮𑀁.
𑀯𑀸𑀢𑀺 𑀓𑀲𑁆𑀫𑀸? 𑀦 𑀢𑀁 𑀓𑀫𑁆𑀫𑀁 𑀓𑀢𑀁 𑀲𑀸𑀥𑀼.
𑀏𑀓𑀸𑀭𑀳𑀓𑀸𑀭𑁂 𑀧𑀭𑁂 𑀦𑀺𑀕𑁆𑀕𑀳𑀺𑀢𑀁 𑀔𑁄 𑀜𑀓𑀸𑀭𑀁 𑀧𑀧𑁆𑀧𑁄𑀢𑀺 𑀯𑀸.
𑀧𑀘𑁆𑀘𑀢𑁆𑀢𑀜𑁆𑀜𑁂𑀯 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀸𑀫𑀺, 𑀢𑀜𑁆𑀜𑁂𑀯𑁂𑀢𑁆𑀣 𑀧𑀝𑀺𑀧𑀼𑀘𑁆𑀙𑀺𑀲𑁆𑀲𑀸𑀫𑀺, 𑀏𑀯𑀜𑁆𑀳𑀺 𑀯𑁄 𑀪𑀺𑀓𑁆𑀔𑀯𑁂 𑀲𑀺𑀓𑁆𑀔𑀺𑀢𑀩𑁆𑀩𑀁. 𑀢𑀜𑁆𑀳𑀺 𑀢𑀲𑁆𑀲 𑀫𑀼𑀲𑀸 𑀳𑁄𑀢𑀺.
𑀯𑀸𑀢𑀺 ¶ 𑀓𑀲𑁆𑀫𑀸? 𑀏𑀯𑀫𑁂𑀢𑀁 𑀅𑀪𑀺𑀜𑁆𑀜𑀸𑀬, 𑀏𑀯𑀁 𑀳𑁄𑀢𑀺 𑀲𑀼𑀪𑀸𑀲𑀺𑀢𑀁.
𑀦𑀺𑀕𑁆𑀕𑀳𑀺𑀢𑀁 𑀔𑁄 𑀬𑀓𑀸𑀭𑁂 𑀧𑀭𑁂 𑀲𑀳 𑀬𑀓𑀸𑀭𑁂𑀦 𑀜𑀓𑀸𑀭𑀁 𑀧𑀧𑁆𑀧𑁄𑀢𑀺 𑀯𑀸.
𑀲𑀜𑁆𑀜𑁄𑀕𑁄, 𑀲𑀜𑁆𑀜𑀼𑀢𑁆𑀢𑀁.
𑀯𑀸𑀢𑀺 𑀓𑀲𑁆𑀫𑀸? 𑀲𑀁𑀬𑁄𑀕𑁄, 𑀲𑀁𑀬𑀼𑀢𑁆𑀢𑀁.
𑀦𑀺𑀕𑁆𑀕𑀳𑀺𑀢𑀲𑁆𑀲 𑀔𑁄 𑀲𑀭𑁂 𑀧𑀭𑁂 𑀫𑀓𑀸𑀭𑀤𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀢𑀫𑀳𑀁 𑀩𑁆𑀭𑀽𑀫𑀺 𑀩𑁆𑀭𑀸𑀳𑁆𑀫𑀡𑀁, 𑀏𑀢𑀤𑀯𑁄𑀘 𑀲𑀢𑁆𑀣𑀸.
𑀯𑀸𑀢𑀺 𑀓𑀲𑁆𑀫𑀸? 𑀅𑀓𑁆𑀓𑁄𑀘𑁆𑀙𑀺 𑀫𑀁 𑀅𑀯𑀥𑀺 𑀫𑀁, 𑀅𑀚𑀺𑀦𑀺 𑀫𑀁 𑀅𑀳𑀸𑀲𑀺 𑀫𑁂.
𑁩𑁫, 𑁩𑁪. 𑀬 𑀯 𑀫 𑀤 𑀦 𑀢 𑀭 𑀮𑀸 𑀘𑀸𑀕𑀫𑀸.
𑀲𑀭𑁂 𑀧𑀭𑁂 𑀬𑀓𑀸𑀭𑁄 𑀯𑀓𑀸𑀭𑁄 𑀫𑀓𑀸𑀭𑁄 𑀤𑀓𑀸𑀭𑁄 𑀦𑀓𑀸𑀭𑁄 𑀢𑀓𑀸𑀭𑁄 𑀭𑀓𑀸𑀭𑁄 𑀮𑀓𑀸𑀭𑁄 𑀇𑀫𑁂 𑀆𑀕𑀫𑀸 𑀳𑁄𑀦𑁆𑀢𑀺 𑀯𑀸.
𑀦𑀬𑀺𑀫𑀲𑁆𑀲 𑀯𑀺𑀚𑁆𑀚𑀸, 𑀬𑀣𑀬𑀺𑀤𑀁 𑀘𑀺𑀢𑁆𑀢𑀁. 𑀫𑀺𑀕𑀻 𑀪𑀦𑁆𑀢𑀸 𑀯𑀼𑀤𑀺𑀓𑁆𑀔𑀢𑀺, 𑀲𑀺𑀢𑁆𑀢𑀸 𑀢𑁂 𑀮𑀳𑀼 𑀫𑁂𑀲𑁆𑀲𑀢𑀺, 𑀅𑀲𑀺𑀢𑁆𑀢𑀸 𑀢𑁂 𑀕𑀭𑀼 𑀫𑁂𑀲𑁆𑀲𑀢𑀺. 𑀅𑀲𑁆𑀲𑁄 ¶ 𑀪𑀤𑁆𑀭𑁄 𑀓𑀲𑀸𑀫𑀺𑀯, 𑀲𑀫𑁆𑀫𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑀸𑀦𑀁. 𑀫𑀦𑀲𑀸𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑀸𑀦𑀁, 𑀅𑀢𑁆𑀢𑀤𑀢𑁆𑀣𑀫𑀪𑀺𑀜𑁆𑀜𑀸𑀬. 𑀘𑀺𑀭𑀁𑀦𑀸𑀬𑀢𑀺, 𑀇𑀢𑁄 𑀦𑀸𑀬𑀢𑀺. 𑀬𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂, 𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂, 𑀅𑀚𑁆𑀚𑀢𑀕𑁆𑀕𑁂 𑀧𑀸𑀡𑀼𑀧𑁂𑀢𑀁. 𑀲𑀩𑁆𑀪𑀺𑀭𑁂𑀯 𑀲𑀫𑀸𑀲𑁂𑀣, 𑀆𑀭𑀕𑁆𑀕𑁂𑀭𑀺𑀯 𑀲𑀸𑀲𑀧𑁄, 𑀲𑀸𑀲𑀧𑁄𑀭𑀺𑀯 𑀆𑀭𑀕𑁆𑀕𑀸. 𑀙𑀴𑀪𑀺𑀜𑁆𑀜𑀸, 𑀲𑀴𑀸𑀬𑀢𑀦𑀁.
𑀯𑀸𑀢𑀺 𑀓𑀲𑁆𑀫𑀸? 𑀏𑀯𑀁 𑀫𑀳𑀺𑀤𑁆𑀥𑀺𑀬𑀸 𑀏𑀲𑀸, 𑀅𑀓𑁆𑀓𑁄𑀘𑁆𑀙𑀺 𑀫𑀁 𑀅𑀯𑀥𑀺 𑀫𑀁, 𑀅𑀚𑀺𑀦𑀺 𑀫𑀁 𑀅𑀳𑀸𑀲𑀺 𑀫𑁂, 𑀅𑀚𑁂𑀬𑁆𑀬𑁄 𑀅𑀦𑀼𑀕𑀸𑀫𑀺𑀓𑁄.
𑀘𑀕𑁆𑀕𑀳𑀡𑁂𑀦 𑀇𑀥𑁂𑀯 𑀫𑀓𑀸𑀭𑀲𑁆𑀲 𑀧𑀓𑀸𑀭𑁄 𑀳𑁄𑀢𑀺. 𑀘𑀺𑀭𑀧𑁆𑀧𑀯𑀸𑀲𑀺𑀁 𑀧𑀼𑀭𑀺𑀲𑀁.
𑀓𑀓𑀸𑀭𑀲𑁆𑀲 𑀘 𑀤𑀓𑀸𑀭𑁄 𑀳𑁄𑀢𑀺. 𑀲𑀤𑀢𑁆𑀣𑀧𑀲𑀼𑀢𑁄 𑀲𑀺𑀬𑀸.
𑀤𑀓𑀸𑀭𑀲𑁆𑀲 𑀘 𑀢𑀓𑀸𑀭𑁄 𑀳𑁄𑀢𑀺, 𑀲𑀼𑀕𑀢𑁄.
𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀑𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀅𑀢𑀺𑀧𑁆𑀧𑀕𑁄 𑀔𑁄 𑀢𑀸𑀯 𑀲𑀸𑀯𑀢𑁆𑀣𑀺𑀬𑀁 𑀧𑀺𑀡𑁆𑀟𑀸𑀬 𑀘𑀭𑀺𑀢𑀼𑀁. 𑀧𑀭𑁄𑀲𑀳𑀲𑁆𑀲𑀁.
𑀓𑁆𑀯𑀘𑀻𑀓𑀺 ¶ 𑀓𑀲𑁆𑀫𑀸? 𑀏𑀣 𑀧𑀲𑁆𑀲𑀣𑀺𑀫𑀁 𑀮𑁄𑀓𑀁, 𑀅𑀦𑁆𑀥𑀻𑀪𑀽𑀢𑁄 𑀅𑀬𑀁 𑀮𑁄𑀓𑁄.
𑀦𑀺𑀕𑁆𑀕𑀳𑀺𑀢𑀜𑁆𑀘𑀸𑀕𑀫𑁄 𑀳𑁄𑀢𑀺 𑀲𑀭𑁂 𑀯𑀸 𑀩𑁆𑀬𑀜𑁆𑀚𑀦𑁂 𑀯𑀸 𑀧𑀭𑁂 𑀓𑁆𑀯𑀘𑀺.
𑀘𑀓𑁆𑀔𑀼𑀁𑀉𑀤𑀧𑀸𑀤𑀺, 𑀅𑀯𑀁𑀲𑀺𑀭𑁄, 𑀬𑀸𑀯𑀜𑁆𑀘𑀺𑀥 𑀪𑀺𑀓𑁆𑀔𑀯𑁂 𑀧𑀼𑀭𑀺𑀫𑀁 𑀚𑀸𑀢𑀺𑀁 𑀲𑀭𑀸𑀫𑀺, 𑀅𑀡𑀼𑀁𑀣𑀽𑀮𑀸𑀦𑀺 𑀲𑀩𑁆𑀩𑀲𑁄, 𑀫𑀦𑁄𑀧𑀼𑀩𑁆𑀩𑀗𑁆𑀕𑀫𑀸 𑀥𑀫𑁆𑀫𑀸.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀇𑀥𑁂𑀯 𑀦𑀁 𑀧𑀲𑀁𑀲𑀦𑁆𑀢𑀺, 𑀧𑁂𑀘𑁆𑀘 𑀲𑀕𑁆𑀕𑁂 𑀧𑀫𑁄𑀤𑀢𑀺, 𑀦 𑀳𑀺 𑀏𑀢𑁂𑀳𑀺 𑀬𑀸𑀦𑁂𑀳𑀺, 𑀕𑀘𑁆𑀙𑁂𑀬𑁆𑀬 𑀅𑀕𑀢𑀁 𑀤𑀺𑀲𑀁.
𑀘𑀕𑁆𑀕𑀳𑀡𑁂𑀦 𑀯𑀺𑀲𑀤𑁆𑀤𑀲𑁆𑀲 𑀘 𑀧𑀓𑀸𑀭𑁄 𑀳𑁄𑀢𑀺. 𑀧𑀘𑁂𑀲𑁆𑀲𑀢𑀺, 𑀯𑀺𑀘𑁂𑀲𑁆𑀲𑀢𑀺 𑀯𑀸.
𑀦𑀺𑀕𑁆𑀕𑀳𑀺𑀢𑀁 𑀔𑁄 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀮𑁄𑀧𑀁 𑀧𑀧𑁆𑀧𑁄𑀢𑀺.
𑀢𑀸𑀲𑀸𑀳𑀁 𑀲𑀦𑁆𑀢𑀺𑀓𑁂, 𑀯𑀺𑀤𑀽𑀦𑀕𑁆𑀕𑀫𑀺𑀢𑀺.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀅𑀳𑀫𑁂𑀯 𑀦𑀽𑀦 𑀩𑀸𑀮𑁄 𑀏𑀢𑀫𑀢𑁆𑀣𑀁 𑀯𑀺𑀤𑀺𑀢𑁆𑀯𑀸𑀦.
𑁩𑁯, 𑁫𑁪. 𑀩𑁆𑀬𑀜𑁆𑀚𑀦𑁂 ¶ 𑀘.
𑀦𑀺𑀕𑁆𑀕𑀳𑀺𑀢𑀁 𑀔𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀮𑁄𑀧𑀁 𑀧𑀧𑁆𑀧𑁄𑀢𑀺.
𑀅𑀭𑀺𑀬𑀲𑀘𑁆𑀘𑀸𑀦𑀤𑀲𑁆𑀲𑀦𑀁, 𑀏𑀢𑀁 𑀩𑀼𑀤𑁆𑀥𑀸𑀦𑀲𑀸𑀲𑀦𑀁.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀏𑀢𑀁 𑀫𑀗𑁆𑀕𑀮𑀫𑀼𑀢𑁆𑀢𑀫𑀁, 𑀢𑀁 𑀯𑁄 𑀯𑀤𑀸𑀫𑀺 𑀪𑀤𑁆𑀤𑀦𑁆𑀢𑁂.
𑀦𑀺𑀕𑁆𑀕𑀳𑀺𑀢𑀫𑁆𑀳𑀸 𑀧𑀭𑁄 𑀲𑀭𑁄 𑀮𑁄𑀧𑀁 𑀧𑀧𑁆𑀧𑁄𑀢𑀺 𑀯𑀸.
𑀪𑀸𑀲𑀺𑀢𑀁 𑀅𑀪𑀺𑀦𑀦𑁆𑀤𑀼𑀦𑁆𑀢𑀺, 𑀉𑀢𑁆𑀢𑀢𑁆𑀢𑀁𑀯, 𑀬𑀣𑀸𑀩𑀻𑀚𑀁𑀯, 𑀬𑀣𑀸𑀥𑀜𑁆𑀜𑀁𑀯.
𑀯𑀸𑀢𑀺 𑀓𑀲𑁆𑀫𑀸? 𑀅𑀳𑀫𑁂𑀯 𑀦𑀽𑀦 𑀩𑀸𑀮𑁄, 𑀏𑀢𑀤𑀳𑁄𑀲𑀺.
𑀦𑀺𑀕𑁆𑀕𑀳𑀺𑀢𑀫𑁆𑀳𑀸 𑀧𑀭𑀲𑁆𑀫𑀺𑀁 𑀲𑀭𑁂 𑀮𑀼𑀢𑁆𑀢𑁂 𑀬𑀤𑀺 𑀩𑁆𑀬𑀜𑁆𑀚𑀦𑁄 𑀲𑀲𑀜𑁆𑀜𑁄𑀕𑁄 𑀯𑀺𑀲𑀜𑁆𑀜𑁄𑀕𑁄 𑀳𑁄𑀢𑀺.
𑀏𑀯𑀁𑀲 𑀢𑁂 𑀆𑀲𑀯𑁄, 𑀧𑀼𑀧𑁆𑀨𑀁𑀲𑀸 𑀉𑀧𑁆𑀧𑀚𑁆𑀚𑀺.
𑀮𑀼𑀢𑁆𑀢𑁂𑀢𑀺 𑀓𑀲𑁆𑀫𑀸? 𑀏𑀯𑀫𑀲𑁆𑀲 𑀯𑀺𑀤𑀽𑀦𑀕𑁆𑀕𑀫𑀺𑀢𑀺.
𑀘𑀕𑁆𑀕𑀳𑀡𑁂𑀦 ¶ 𑀢𑀺𑀡𑁆𑀡𑀁 𑀩𑁆𑀬𑀜𑁆𑀚𑀦𑀸𑀦𑀫𑀦𑁆𑀢𑀭𑁂 𑀬𑁂 𑀲𑀭𑀽𑀧𑀸, 𑀢𑁂𑀲𑀫𑁆𑀧𑀺 𑀮𑁄𑀧𑁄 𑀳𑁄𑀢𑀺. 𑀅𑀕𑁆𑀬𑀸𑀕𑀸𑀭𑀁, 𑀧𑀝𑀺𑀲𑀦𑁆𑀣𑀸𑀭𑀯𑀼𑀢𑁆𑀬𑀲𑁆𑀲.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑀧𑀜𑁆𑀘𑀫𑀓𑀡𑁆𑀟
𑁪𑁨, 𑁩𑁨. 𑀕𑁄𑀲𑀭𑁂 𑀧𑀼𑀣𑀲𑁆𑀲𑀸𑀕𑀫𑁄 𑀓𑁆𑀯𑀘𑀺.
𑀧𑀼𑀣𑀇𑀘𑁆𑀘𑁂𑀢𑀲𑁆𑀲 𑀅𑀦𑁆𑀢𑁂 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀕𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀧𑀼𑀣𑀕𑁂 𑀯.
𑀧𑀸𑀇𑀘𑁆𑀘𑁂𑀢𑀲𑁆𑀲 𑀅𑀦𑁆𑀢𑁂 𑀲𑀭𑁂 𑀧𑀭𑁂 𑀓𑁆𑀯𑀘𑀺 𑀕𑀓𑀸𑀭𑀸𑀕𑀫𑁄 𑀳𑁄𑀢𑀺, 𑀅𑀦𑁆𑀢𑁄 𑀘 𑀲𑀭𑁄 𑀭𑀲𑁆𑀲𑁄 𑀳𑁄𑀢𑀺.
𑀧𑀕𑁂𑀯 𑀯𑀼𑀢𑁆𑀬𑀲𑁆𑀲.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀧𑀸 𑀏𑀯 𑀯𑀼𑀢𑁆𑀬𑀲𑁆𑀲.
𑀅𑀪𑀺𑀇𑀘𑁆𑀘𑁂𑀢𑀲𑁆𑀲 𑀲𑀭𑁂 𑀧𑀭𑁂 𑀅𑀩𑁆𑀪𑀸𑀤𑁂𑀲𑁄 𑀳𑁄𑀢𑀺. 𑀅𑀩𑁆𑀪𑀼𑀤𑀻𑀭𑀺𑀢𑀁, 𑀅𑀩𑁆𑀪𑀼𑀕𑁆𑀕𑀘𑁆𑀙𑀢𑀺.
𑁪𑁫, 𑁨𑁫. 𑀅𑀚𑁆𑀛𑁄 ¶ 𑀅𑀥𑀺.
𑀅𑀥𑀺𑀇𑀘𑁆𑀘𑁂𑀢𑀲𑁆𑀲 𑀲𑀭𑁂 𑀧𑀭𑁂 𑀅𑀚𑁆𑀛𑀸𑀤𑁂𑀲𑁄 𑀳𑁄𑀢𑀺.
𑀅𑀚𑁆𑀛𑁄𑀓𑀸𑀲𑁂, 𑀅𑀚𑁆𑀛𑀸𑀕𑀫𑀸.
𑀢𑁂 𑀘 𑀔𑁄 𑀅𑀪𑀺𑀅𑀥𑀺𑀇𑀘𑁆𑀘𑁂𑀢𑁂 𑀇𑀯𑀡𑁆𑀡𑁂 𑀧𑀭𑁂 𑀅𑀩𑁆𑀪𑁄 𑀅𑀚𑁆𑀛𑁄𑀇𑀢𑀺𑀯𑀼𑀢𑁆𑀢𑀭𑀽𑀧𑀸 𑀦𑀁 𑀳𑁄𑀦𑁆𑀢𑀺 𑀯𑀸.
𑀅𑀪𑀺𑀘𑁆𑀙𑀺𑀢𑀁, 𑀅𑀥𑀻𑀭𑀺𑀢𑀁.
𑀯𑀸𑀢𑀺 𑀓𑀲𑁆𑀫𑀸? 𑀅𑀩𑁆𑀪𑀻𑀭𑀺𑀢𑀁, 𑀅𑀚𑁆𑀛𑀺𑀡𑀫𑀼𑀢𑁆𑀢𑁄.
𑀅𑀢𑀺𑀇𑀘𑁆𑀘𑁂𑀢𑀲𑁆𑀲 𑀅𑀦𑁆𑀢𑀪𑀽𑀢𑀲𑁆𑀲 𑀢𑀺𑀲𑀤𑁆𑀤𑀲𑁆𑀲 𑀇𑀯𑀡𑁆𑀡𑁂 𑀧𑀭𑁂 ‘‘𑀲𑀩𑁆𑀩𑁄 𑀘𑀁 𑀢𑀻’’𑀢𑀺 𑀯𑀼𑀢𑁆𑀢𑀭𑀽𑀧𑀁 𑀦 𑀳𑁄𑀢𑀺.
𑀅𑀢𑀻𑀲𑀺𑀕𑀡𑁄, 𑀅𑀢𑀻𑀭𑀺𑀢𑀁.
𑀇𑀯𑀡𑁆𑀡𑁂𑀢𑀺 𑀓𑀲𑁆𑀫𑀸? 𑀅𑀘𑁆𑀘𑀦𑁆𑀢𑀁.
𑀧𑀢𑀺𑀇𑀘𑁆𑀘𑁂𑀢𑀲𑁆𑀲 𑀲𑀭𑁂 𑀯𑀸 𑀩𑁆𑀬𑀜𑁆𑀚𑀦𑁂 𑀯𑀸 𑀧𑀭𑁂 𑀓𑁆𑀯𑀘𑀺 𑀧𑀝𑀺𑀆𑀤𑁂𑀲𑁄 𑀳𑁄𑀢𑀺.
𑀧𑀝𑀕𑁆𑀕𑀺 𑀤𑀸𑀢𑀩𑁆𑀩𑁄, 𑀧𑀝𑀺𑀳𑀜𑁆𑀜𑀢𑀺.
𑀓𑁆𑀯𑀘𑀻𑀢𑀺 ¶ 𑀓𑀲𑁆𑀫𑀸? 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼, 𑀧𑀢𑀺𑀮𑀻𑀬𑀢𑀺, 𑀧𑀢𑀺𑀭𑀽𑀧𑀤𑁂𑀲𑀯𑀸𑀲𑁄 𑀘.
𑀧𑀼𑀣𑀇𑀘𑁆𑀘𑁂𑀢𑀲𑁆𑀲 𑀅𑀦𑁆𑀢𑁄 𑀲𑀭𑁄 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀉𑀓𑀸𑀭𑁄 𑀳𑁄𑀢𑀺.
𑀧𑀼𑀣𑀼𑀚𑁆𑀚𑀦𑁄, 𑀧𑀼𑀣𑀼𑀪𑀽𑀢𑀁.
𑀅𑀦𑁆𑀢𑀕𑁆𑀕𑀳𑀡𑁂𑀦 𑀅𑀧𑀼𑀣𑀲𑁆𑀲𑀸𑀧𑀺 𑀲𑀭𑁂 𑀧𑀭𑁂 𑀅𑀦𑁆𑀢𑀲𑁆𑀲 𑀉𑀓𑀸𑀭𑁄 𑀳𑁄𑀢𑀺, 𑀫𑀦𑀼𑀜𑁆𑀜𑀁.
𑀅𑀯𑀇𑀘𑁆𑀘𑁂𑀢𑀲𑁆𑀲 𑀩𑁆𑀬𑀜𑁆𑀚𑀦𑁂 𑀧𑀭𑁂 𑀓𑁆𑀯𑀘𑀺 𑀑𑀓𑀸𑀭𑁄 𑀳𑁄𑀢𑀺.
𑀅𑀦𑁆𑀥𑀓𑀸𑀭𑁂𑀦 𑀑𑀦𑀤𑁆𑀥𑀸.
𑀓𑁆𑀯𑀘𑀻𑀢𑀺 𑀓𑀲𑁆𑀫𑀸? 𑀅𑀯𑀲𑀼𑀲𑁆𑀲𑀢𑀼 𑀫𑁂 𑀲𑀭𑀻𑀭𑁂 𑀫𑀁𑀲𑀮𑁄𑀳𑀺𑀢𑀁.
𑁫𑁧, 𑁫𑁯. 𑀅𑀦𑀼𑀧𑀤𑀺𑀝𑁆𑀞𑀸𑀦𑀁 𑀯𑀼𑀢𑁆𑀢𑀬𑁄𑀕𑀢𑁄.
𑀅𑀦𑀼𑀧𑀤𑀺𑀝𑁆𑀞𑀸𑀦𑀁 𑀉𑀧𑀲𑀕𑁆𑀕𑀦𑀺𑀧𑀸𑀢𑀸𑀦𑀁 𑀲𑀭𑀲𑀦𑁆𑀥𑀻𑀳𑀺 𑀩𑁆𑀬𑀜𑁆𑀚𑀦𑀲𑀦𑁆𑀥𑀻𑀳𑀺 𑀯𑀼𑀢𑁆𑀢𑀲𑀦𑁆𑀥𑀻𑀳𑀺 𑀘 𑀬𑀣𑀸𑀬𑁄𑀕𑀁 𑀬𑁄𑀚𑁂𑀢𑀩𑁆𑀩𑀁.
𑀧𑀸𑀧𑀦𑀁 ¶ , 𑀧𑀭𑀸𑀬𑀡𑀁, 𑀉𑀧𑀸𑀬𑀦𑀁, 𑀉𑀧𑀸𑀳𑀦𑀁, 𑀦𑁆𑀬𑀸𑀬𑁄𑀕𑁄, 𑀦𑀺𑀕𑀼𑀧𑀥𑀺, 𑀅𑀦𑀼𑀩𑁄𑀥𑁄, 𑀤𑀼𑀯𑀽𑀧𑀲𑀦𑁆𑀢𑀁, 𑀲𑀼𑀯𑀽𑀧𑀲𑀦𑁆𑀢𑀁, 𑀤𑁆𑀯𑀸𑀮𑀬𑁄, 𑀲𑁆𑀯𑀸𑀮𑀬𑁄, 𑀤𑀼𑀭𑀸𑀔𑁆𑀬𑀸𑀢𑀁, 𑀲𑁆𑀯𑀸𑀔𑁆𑀬𑀸𑀢𑁄, 𑀉𑀤𑀻𑀭𑀺𑀢𑀁, 𑀲𑀫𑀼𑀤𑁆𑀤𑀺𑀝𑁆𑀞𑀁, 𑀯𑀺𑀬𑀕𑁆𑀕𑀁, 𑀯𑀺𑀚𑁆𑀛𑀕𑁆𑀕𑀁, 𑀩𑁆𑀬𑀕𑁆𑀕𑀁, 𑀅𑀯𑀬𑀸𑀕𑀫𑀦𑀁, 𑀅𑀦𑁆𑀯𑁂𑀢𑀺, 𑀅𑀦𑀼𑀧𑀖𑀸𑀢𑁄, 𑀅𑀦𑀘𑁆𑀙𑀭𑀺𑀬𑀁, 𑀧𑀭𑀺𑀬𑁂𑀲𑀦𑀸, 𑀧𑀭𑀸𑀫𑀸𑀲𑁄, 𑀏𑀯𑀁 𑀲𑀭𑁂 𑀘 𑀳𑁄𑀦𑁆𑀢𑀺.
𑀧𑀭𑀺𑀕𑁆𑀕𑀳𑁄, 𑀧𑀕𑁆𑀕𑀳𑁄, 𑀧𑀓𑁆𑀓𑀫𑁄, 𑀧𑀭𑀓𑁆𑀓𑀫𑁄, 𑀦𑀺𑀓𑁆𑀓𑀫𑁄, 𑀦𑀺𑀓𑁆𑀓𑀲𑀸𑀯𑁄, 𑀦𑀺𑀮𑁆𑀮𑀬𑀦𑀁, 𑀤𑀼𑀮𑁆𑀮𑀬𑀦𑀁, 𑀤𑀼𑀫𑁆𑀪𑀺𑀓𑁆𑀔𑀁, 𑀤𑀼𑀩𑁆𑀩𑀼𑀢𑁆𑀢𑀁, 𑀲𑀦𑁆𑀤𑀺𑀝𑁆𑀞𑀁, 𑀤𑀼𑀕𑁆𑀕𑀳𑁄, 𑀯𑀺𑀕𑁆𑀕𑀳𑁄, 𑀦𑀺𑀕𑁆𑀕𑀢𑁄, 𑀅𑀪𑀺𑀓𑁆𑀓𑀫𑁄, 𑀧𑀝𑀺𑀓𑁆𑀓𑀫𑁄, 𑀏𑀯𑀁 𑀩𑁆𑀬𑀜𑁆𑀚𑀦𑁂 𑀘. 𑀲𑁂𑀲𑀸 𑀲𑀩𑁆𑀩𑁂 𑀬𑁄𑀚𑁂𑀢𑀩𑁆𑀩𑀸.
𑀇𑀢𑀺 𑀲𑀦𑁆𑀥𑀺𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄.
𑀲𑀦𑁆𑀥𑀺𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁨. 𑀦𑀸𑀫𑀓𑀧𑁆𑀧
𑀧𑀞𑀫𑀓𑀡𑁆𑀟
𑁫𑁨, 𑁬𑁦. 𑀚𑀺𑀦𑀯𑀘𑀦𑀬𑀼𑀢𑁆𑀢𑀁 ¶ 𑀳𑀺.
‘‘𑀚𑀺𑀦𑀯𑀘𑀦𑀬𑀼𑀢𑁆𑀢𑀁 𑀳𑀺’’ 𑀇𑀘𑁆𑀘𑁂𑀢𑀁 𑀅𑀥𑀺𑀓𑀸𑀭𑀢𑁆𑀣𑀁 𑀯𑁂𑀤𑀺𑀢𑀩𑁆𑀩𑀁.
𑀬𑀣𑀸 𑀬𑀣𑀸 𑀚𑀺𑀦𑀯𑀘𑀦𑀬𑀼𑀢𑁆𑀢𑀁 𑀳𑀺 𑀮𑀺𑀗𑁆𑀕𑀁, 𑀢𑀣𑀸 𑀢𑀣𑀸 𑀇𑀥 𑀮𑀺𑀗𑁆𑀕𑀜𑁆𑀘 𑀦𑀺𑀧𑁆𑀧𑀚𑁆𑀚𑀢𑁂.
𑀢𑀁 𑀬𑀣𑀸? 𑀏𑀲𑁄 𑀦𑁄 𑀲𑀢𑁆𑀣𑀸, 𑀩𑁆𑀭𑀳𑁆𑀫𑀸 𑀅𑀢𑁆𑀢𑀸, 𑀲𑀔𑀸, 𑀭𑀸𑀚𑀸.
𑀢𑀢𑁄 𑀚𑀺𑀦𑀯𑀘𑀦𑀬𑀼𑀢𑁆𑀢𑁂𑀳𑀺 𑀮𑀺𑀗𑁆𑀕𑁂𑀳𑀺 𑀯𑀺𑀪𑀢𑁆𑀢𑀺𑀬𑁄 𑀧𑀭𑀸 𑀳𑁄𑀦𑁆𑀢𑀺.
𑁫𑁫, 𑁬𑁩. 𑀲𑀺 𑀬𑁄, 𑀅𑀁 𑀬𑁄, 𑀦𑀸 𑀳𑀺, 𑀲 𑀦𑀁, 𑀲𑁆𑀫𑀸 𑀳𑀺, 𑀲 𑀦𑀁, 𑀲𑁆𑀫𑀺𑀁 𑀲𑀼.
𑀓𑀸 𑀘 𑀧𑀦 𑀢𑀸𑀬𑁄 𑀯𑀺𑀪𑀢𑁆𑀢𑀺𑀬𑁄? 𑀲𑀺, 𑀬𑁄 𑀇𑀢𑀺 𑀧𑀞𑀫𑀸, 𑀅𑀁, 𑀬𑁄𑀇𑀢𑀺 𑀤𑀼𑀢𑀺𑀬𑀸, 𑀦𑀸 𑀳𑀺 𑀇𑀢𑀺 𑀢𑀢𑀺𑀬𑀸, 𑀲, 𑀦𑀁𑀇𑀢𑀺 𑀘𑀢𑀼𑀢𑁆𑀣𑀻, 𑀲𑁆𑀫𑀸, 𑀳𑀺 𑀇𑀢𑀺 𑀧𑀜𑁆𑀘𑀫𑀻, 𑀲, 𑀦𑀁 𑀇𑀢𑀺 𑀙𑀝𑁆𑀞𑀻, 𑀲𑁆𑀫𑀺𑀁, 𑀲𑀼 𑀇𑀢𑀺 𑀲𑀢𑁆𑀢𑀫𑀻.
𑀯𑀺𑀪𑀢𑁆𑀢𑀺𑀇𑀘𑁆𑀘𑀦𑁂𑀦 ¶ 𑀓𑁆𑀯𑀢𑁆𑀣𑁄? 𑀅𑀫𑁆𑀳𑀲𑁆𑀲 𑀫𑀫𑀁 𑀲𑀯𑀺𑀪𑀢𑁆𑀢𑀺𑀲𑁆𑀲 𑀲𑁂.
𑀬𑀣𑀸 𑀬𑀣𑀸 𑀢𑁂𑀲𑀁 𑀚𑀺𑀦𑀯𑀘𑀦𑀸𑀦𑀁 𑀅𑀦𑀼𑀧𑀭𑁄𑀥𑁄. 𑀢𑀣𑀸 𑀢𑀣𑀸 𑀇𑀥 𑀮𑀺𑀗𑁆𑀕𑀜𑁆𑀘 𑀦𑀺𑀧𑁆𑀧𑀚𑁆𑀚𑀢𑁂.
𑀆𑀮𑀧𑀦𑀢𑁆𑀣𑁂 𑀲𑀺 𑀕𑀲𑀜𑁆𑀜𑁄 𑀳𑁄𑀢𑀺.
𑀪𑁄𑀢𑀺 𑀅𑀬𑁆𑀬𑁂, 𑀪𑁄𑀢𑀺 𑀓𑀜𑁆𑀜𑁂, 𑀪𑁄𑀢𑀺 𑀔𑀭𑀸𑀤𑀺𑀬𑁂.
𑀆𑀮𑀧𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀸 𑀅𑀬𑁆𑀬𑀸.
𑀲𑀻𑀢𑀺 𑀓𑀺𑀫𑀢𑁆𑀣𑀁? 𑀪𑁄𑀢𑀺𑀬𑁄 𑀅𑀬𑁆𑀬𑀸𑀬𑁄.
𑀕𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀖𑀢𑁂 𑀘.
𑀇𑀯𑀡𑁆𑀡𑀼𑀯𑀡𑁆𑀡𑀸𑀇𑀘𑁆𑀘𑁂𑀢𑁂 𑀛𑀮𑀲𑀜𑁆𑀜𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁.
𑀇𑀲𑀺𑀦𑁄 ¶ , 𑀅𑀕𑁆𑀕𑀺𑀦𑁄, 𑀕𑀳𑀧𑀢𑀺𑀦𑁄, 𑀤𑀡𑁆𑀟𑀺𑀦𑁄. 𑀲𑁂𑀢𑀼𑀦𑁄, 𑀓𑁂𑀢𑀼𑀦𑁄, 𑀪𑀺𑀓𑁆𑀔𑀼𑀦𑁄. 𑀲𑀬𑀫𑁆𑀪𑀼𑀦𑁄, 𑀅𑀪𑀺𑀪𑀼𑀦𑁄.
𑀛𑀮𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀛𑀮𑀢𑁄 𑀲𑀲𑁆𑀲 𑀦𑁄 𑀯𑀸.
𑀢𑁂 𑀇𑀯𑀡𑁆𑀡𑀼𑀯𑀡𑁆𑀡𑀸 𑀬𑀤𑀸 𑀇𑀢𑁆𑀣𑀺𑀔𑁆𑀬𑀸, 𑀢𑀤𑀸 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺.
𑀭𑀢𑁆𑀢𑀺𑀬𑀸, 𑀇𑀢𑁆𑀣𑀺𑀬𑀸, 𑀥𑁂𑀦𑀼𑀬𑀸, 𑀯𑀥𑀼𑀬𑀸.
𑀇𑀢𑁆𑀣𑀺𑀔𑁆𑀬𑀸𑀢𑀺 𑀓𑀺𑀫𑀢𑁆𑀣𑀁? 𑀇𑀲𑀺𑀦𑀸, 𑀪𑀺𑀓𑁆𑀔𑀼𑀦𑀸.
𑀲𑀇𑀘𑁆𑀘𑀦𑁂𑀦 ¶ 𑀓𑁆𑀯𑀢𑁆𑀣𑁄? 𑀧𑀢𑁄 𑀬𑀸.
𑀆𑀓𑀸𑀭𑁄 𑀬𑀤𑀸 𑀇𑀢𑁆𑀣𑀺𑀔𑁆𑀬𑁄, 𑀢𑀤𑀸 𑀖𑀲𑀜𑁆𑀜𑁄 𑀳𑁄𑀢𑀺.
𑀲𑀤𑁆𑀥𑀸𑀬, 𑀓𑀜𑁆𑀜𑀸𑀬, 𑀯𑀻𑀡𑀸𑀬, 𑀕𑀗𑁆𑀕𑀸𑀬, 𑀤𑀺𑀲𑀸𑀬 𑀲𑀸𑀮𑀸𑀬, 𑀫𑀸𑀮𑀸𑀬, 𑀢𑀼𑀮𑀸𑀬, 𑀤𑁄𑀮𑀸𑀬, 𑀧𑀪𑀸𑀬, 𑀲𑁄𑀪𑀸𑀬, 𑀧𑀜𑁆𑀜𑀸𑀬, 𑀓𑀭𑀼𑀡𑀸𑀬 𑀦𑀸𑀯𑀸𑀬, 𑀓𑀧𑀸𑀮𑀺𑀓𑀸𑀬.
𑀆𑀢𑀺 𑀓𑀺𑀫𑀢𑁆𑀣𑀁? 𑀭𑀢𑁆𑀢𑀺𑀬𑀸, 𑀇𑀢𑁆𑀣𑀺𑀬𑀸.
𑀇𑀢𑁆𑀣𑀺𑀔𑁆𑀬𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀢𑁆𑀣𑀸𑀭𑀸 𑀤𑁂𑀲𑀺𑀢𑁄 𑀅𑀬𑀁 𑀥𑀫𑁆𑀫𑁄.
𑀖𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀖𑀢𑁄 𑀦𑀸𑀤𑀻𑀦𑀁.
𑀲𑀓𑀸𑀭𑀸𑀕𑀫𑁄 𑀳𑁄𑀢𑀺 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀼𑀭𑀺𑀲𑀲𑁆𑀲, 𑀅𑀕𑁆𑀕𑀺𑀲𑁆𑀲, 𑀇𑀲𑀺𑀲𑁆𑀲, 𑀤𑀡𑁆𑀟𑀺𑀲𑁆𑀲, 𑀪𑀺𑀓𑁆𑀔𑀼𑀲𑁆𑀲, 𑀲𑀬𑀫𑁆𑀪𑀼𑀲𑁆𑀲, 𑀅𑀪𑀺𑀪𑀼𑀲𑁆𑀲.
𑀲𑁂𑀢𑀺 𑀓𑀺𑀫𑀢𑁆𑀢𑀁? 𑀧𑀼𑀭𑀺𑀲𑀲𑁆𑀫𑀺𑀁.
𑀲𑀁𑀲𑀸𑀲𑀼 𑀏𑀓𑀯𑀘𑀦𑁂𑀲𑀼 𑀯𑀺𑀪𑀢𑁆𑀢𑀸𑀤𑁂𑀲𑁂𑀲𑀼 𑀲𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀏𑀢𑀺𑀲𑁆𑀲𑀁, 𑀏𑀢𑀺𑀲𑁆𑀲𑀸 𑀇𑀫𑀺𑀲𑁆𑀲𑀁, 𑀇𑀫𑀺𑀲𑁆𑀲𑀸, 𑀢𑀺𑀲𑁆𑀲𑀁, 𑀢𑀺𑀲𑁆𑀲𑀸,
𑀢𑀲𑁆𑀲𑀁 𑀢𑀲𑁆𑀲𑀸, 𑀬𑀲𑁆𑀲𑀁, 𑀬𑀲𑁆𑀲𑀸, 𑀅𑀫𑀼𑀲𑁆𑀲𑀁, 𑀅𑀫𑀼𑀲𑁆𑀲𑀸.
𑀲𑀁𑀲𑀸𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀺𑀦𑀸, 𑀧𑀸𑀡𑀺𑀦𑀸.
𑀏𑀓𑀯𑀘𑀦𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀢𑀸𑀲𑀁, 𑀲𑀩𑁆𑀩𑀸𑀲𑀁.
𑀯𑀺𑀪𑀢𑁆𑀢𑀸𑀤𑁂𑀲𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀫𑀦𑀲𑀸, 𑀯𑀘𑀲𑀸, 𑀣𑀸𑀫𑀲𑀸.
𑀏𑀢𑀸𑀇𑀫𑀸𑀇𑀘𑁆𑀘𑁂𑀢𑁂𑀲𑀫𑀦𑁆𑀢𑁄 𑀲𑀭𑁄 𑀇𑀓𑀸𑀭𑁄 𑀳𑁄𑀢𑀺 𑀲𑀁𑀲𑀸𑀲𑀼 𑀏𑀓𑀯𑀘𑀦𑁂𑀲𑀼 𑀯𑀺𑀪𑀢𑁆𑀢𑀸𑀤𑁂𑀲𑁂𑀲𑀼.
𑀏𑀢𑀺𑀲𑁆𑀲𑀁, 𑀏𑀢𑀺𑀲𑁆𑀲𑀸, 𑀇𑀫𑀺𑀲𑁆𑀲𑀁, 𑀇𑀫𑀺𑀲𑁆𑀲𑀸.
𑀲𑀁𑀲𑀸𑀲𑁆𑀯𑀻𑀢𑀺 ¶ 𑀓𑀺𑀫𑀢𑁆𑀣𑀁? 𑀏𑀢𑀸𑀬, 𑀇𑀫𑀸𑀬.
𑀏𑀓𑀯𑀘𑀦𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀏𑀢𑀸𑀲𑀁, 𑀇𑀫𑀸𑀲𑀁.
𑀢𑀲𑁆𑀲𑀸 𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀅𑀦𑁆𑀢𑀲𑁆𑀲 𑀆𑀓𑀸𑀭𑀲𑁆𑀲 𑀇𑀓𑀸𑀭𑁄 𑀳𑁄𑀢𑀺 𑀯𑀸 𑀲𑀁𑀲𑀸𑀲𑀼 𑀏𑀓𑀯𑀘𑀦𑁂𑀲𑀼 𑀯𑀺𑀪𑀢𑁆𑀢𑀸𑀤𑁂𑀲𑁂𑀲𑀼.
𑀢𑀺𑀲𑁆𑀲𑀁, 𑀢𑀺𑀲𑁆𑀲𑀸, 𑀢𑀲𑁆𑀲𑀁, 𑀢𑀲𑁆𑀲𑀸.
𑀢𑀢𑁄 𑀢𑀸 𑀏𑀢𑀸 𑀇𑀫𑀸𑀢𑁄 𑀲𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀲𑁆𑀲𑀸𑀬𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀢𑀺𑀲𑁆𑀲𑀸𑀬, 𑀏𑀢𑀺𑀲𑁆𑀲𑀸𑀬, 𑀇𑀫𑀺𑀲𑁆𑀲𑀸𑀬.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀢𑀺𑀲𑁆𑀲𑀸, 𑀏𑀢𑀺𑀲𑁆𑀲𑀸, 𑀇𑀫𑀺𑀲𑁆𑀲𑀸.
𑀖𑁄 𑀭𑀲𑁆𑀲𑀫𑀸𑀧𑀚𑁆𑀚𑀢𑁂 𑀲𑀁𑀲𑀸𑀲𑀼 𑀏𑀓𑀯𑀘𑀦𑁂𑀲𑀼 𑀯𑀺𑀪𑀢𑁆𑀢𑀸𑀤𑁂𑀲𑁂𑀲𑀼.
𑀢𑀲𑁆𑀲𑀁, 𑀢𑀲𑁆𑀲𑀸, 𑀬𑀲𑁆𑀲𑀁, 𑀬𑀲𑁆𑀲𑀸, 𑀲𑀩𑁆𑀩𑀲𑁆𑀲𑀁, 𑀲𑀩𑁆𑀩𑀲𑁆𑀲𑀸.
𑀲𑀁𑀲𑀸𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀢𑀸𑀬, 𑀲𑀩𑁆𑀩𑀸𑀬.
𑀏𑀓𑀯𑀘𑀦𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀢𑀸𑀲𑀁, 𑀲𑀩𑁆𑀩𑀸𑀲𑀁.
𑁬𑁭, 𑁨𑁨𑁯. 𑀦𑁄 ¶ 𑀘 𑀤𑁆𑀯𑀸𑀤𑀺𑀢𑁄 𑀦𑀁𑀫𑁆𑀳𑀺.
𑀤𑁆𑀯𑀺𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀲𑀗𑁆𑀔𑁆𑀬𑀸𑀢𑁄 𑀦𑀓𑀸𑀭𑀸𑀕𑀫𑁄 𑀳𑁄𑀢𑀺 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀤𑁆𑀯𑀺𑀦𑁆𑀦𑀁, 𑀢𑀺𑀦𑁆𑀦𑀁, 𑀘𑀢𑀼𑀦𑁆𑀦𑀁, 𑀧𑀜𑁆𑀘𑀦𑁆𑀦𑀁, 𑀙𑀦𑁆𑀦𑀁, 𑀲𑀢𑁆𑀢𑀦𑁆𑀦𑀁, 𑀅𑀝𑁆𑀞𑀦𑁆𑀦𑀁, 𑀦𑀯𑀦𑁆𑀦𑀁, 𑀤𑀲𑀦𑁆𑀦𑀁.
𑀤𑁆𑀯𑀸𑀤𑀺𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀳𑀲𑁆𑀲𑀸𑀦𑀁.
𑀦𑀁𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀻𑀲𑀼, 𑀢𑀻𑀲𑀼.
𑀘𑀕𑁆𑀕𑀳𑀡𑁂𑀦𑀲𑁆𑀲𑀜𑁆𑀘𑀸𑀕𑀫𑁄 𑀳𑁄𑀢𑀺. 𑀘𑀢𑀲𑁆𑀲𑀦𑁆𑀦𑀁 𑀇𑀢𑁆𑀣𑀻𑀦𑀁 𑀢𑀺𑀲𑁆𑀲𑀦𑁆𑀦𑀁 𑀯𑁂𑀤𑀦𑀸𑀦𑀁.
𑁬𑁮, 𑁧𑁮𑁪. 𑀅𑀫𑀸 𑀧𑀢𑁄 𑀲𑁆𑀫𑀺𑀁𑀲𑁆𑀫𑀸𑀦𑀁 𑀯𑀸.
𑀧𑀇𑀘𑁆𑀘𑁂𑀢𑀲𑁆𑀫𑀸 𑀲𑁆𑀫𑀺𑀁𑀲𑁆𑀫𑀸𑀇𑀘𑁆𑀘𑁂𑀢𑁂𑀲𑀁 𑀅𑀁𑀆𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀫𑀢𑁆𑀬𑀁, 𑀫𑀢𑀺𑀬𑀁, 𑀫𑀢𑁆𑀬𑀸, 𑀫𑀢𑀺𑀬𑀸, 𑀦𑀺𑀓𑀢𑁆𑀬𑀁. 𑀦𑀺𑀓𑀢𑀺𑀬𑀁, 𑀦𑀺𑀓𑀢𑁆𑀬𑀸, 𑀦𑀺𑀓𑀢𑀺𑀬𑀸, 𑀯𑀺𑀓𑀢𑁆𑀬𑀁, 𑀯𑀺𑀓𑀢𑀺𑀬𑀁, 𑀯𑀺𑀓𑀢𑁆𑀬𑀸, 𑀯𑀺𑀓𑀢𑀺𑀬𑀸, 𑀯𑀺𑀭𑀢𑁆𑀬𑀁, 𑀯𑀺𑀭𑀢𑀺𑀬𑀁, 𑀯𑀺𑀭𑀢𑁆𑀬𑀸, 𑀯𑀺𑀭𑀢𑀺𑀬𑀸, 𑀭𑀢𑁆𑀬𑀁, 𑀭𑀢𑀺𑀬𑀁, 𑀭𑀢𑁆𑀬𑀸, 𑀭𑀢𑀺𑀬𑀸, 𑀧𑀼𑀣𑀩𑁆𑀬𑀁, 𑀧𑀼𑀣𑀯𑀺𑀬𑀁, 𑀧𑀼𑀣𑀩𑁆𑀬𑀸, 𑀧𑀼𑀣𑀯𑀺𑀬𑀸, 𑀧𑀯𑀢𑁆𑀬𑀁, 𑀧𑀯𑀢𑁆𑀬𑀸, 𑀧𑀯𑀢𑁆𑀢𑀺𑀬𑀁, 𑀧𑀯𑀢𑁆𑀢𑀺𑀬𑀸.
𑀆𑀤𑀺𑀇𑀘𑁆𑀘𑁂𑀢𑀲𑁆𑀫𑀸 𑀲𑁆𑀫𑀺𑀁𑀯𑀘𑀦𑀲𑁆𑀲 𑀅𑀁𑀑𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀆𑀤𑀻𑀁 ¶ , 𑀆𑀤𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀆𑀤𑀺𑀲𑁆𑀫𑀺𑀁, 𑀆𑀤𑀺𑀫𑁆𑀳𑀺 𑀦𑀸𑀣𑀁 𑀦𑀫𑀲𑁆𑀲𑀺𑀢𑁆𑀯𑀸𑀦,
𑀘𑀕𑁆𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀸𑀧𑀺 𑀲𑁆𑀫𑀺𑀁 𑀯𑀘𑀦𑀲𑁆𑀲 𑀆 𑀑 𑀅𑀁𑀆𑀤𑁂𑀲𑀸 𑀳𑁄𑀦𑁆𑀢𑀺. 𑀤𑀺𑀯𑀸 𑀘 𑀭𑀢𑁆𑀢𑁄 𑀘 𑀳𑀭𑀦𑁆𑀢𑀺 𑀬𑁂 𑀩𑀮𑀺. 𑀩𑀸𑀭𑀸𑀡𑀲𑀺𑀁 𑀅𑀳𑀼 𑀭𑀸𑀚𑀸.
𑀛𑀮𑀇𑀘𑁆𑀘𑁂𑀢𑁂𑀲𑀁 𑀇𑀬 𑀉𑀯𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀧𑀭𑁂 𑀬𑀣𑀸𑀲𑀗𑁆𑀔𑁆𑀬𑀁.
𑀢𑀺𑀬𑀦𑁆𑀢𑀁 𑀧𑀘𑁆𑀙𑀺𑀬𑀸𑀕𑀸𑀭𑁂, 𑀅𑀕𑁆𑀕𑀺𑀬𑀸𑀕𑀸𑀭𑁂, 𑀪𑀺𑀓𑁆𑀔𑀼𑀯𑀸𑀲𑀦𑁂 𑀦𑀺𑀲𑀻𑀤𑀢𑀺, 𑀯𑀼𑀣𑀼𑀯𑀸𑀲𑀦𑁂 𑀦𑀺𑀲𑀻𑀤𑀢𑀺.
𑀲𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀢𑀺𑀫𑀮𑀁, 𑀢𑀺𑀨𑀮𑀁, 𑀢𑀺𑀘𑀢𑀼𑀓𑁆𑀓𑀁, 𑀢𑀺𑀤𑀡𑁆𑀟𑀁, 𑀢𑀺𑀮𑁄𑀓𑀁, 𑀢𑀺𑀦𑀬𑀦𑀁, 𑀢𑀺𑀧𑀸𑀲𑀁, 𑀢𑀺𑀳𑀁𑀲𑀁, 𑀢𑀺𑀪𑀯𑀁, 𑀢𑀺𑀔𑀦𑁆𑀥𑀁, 𑀢𑀺𑀧𑀺𑀝𑀓𑀁, 𑀢𑀺𑀯𑁂𑀤𑀦𑀁, 𑀘𑀢𑀼𑀤𑁆𑀤𑀺𑀲𑀁, 𑀧𑀼𑀣𑀼𑀪𑀽𑀢𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀧𑀜𑁆𑀘𑀳𑀗𑁆𑀕𑁂𑀳𑀺 𑀢𑀻𑀳𑀸𑀓𑀸𑀭𑁂𑀳𑀺. 𑀘𑀓𑁆𑀔𑀸𑀬𑀢𑀦𑀁.
𑀯𑀸𑀢𑀺 𑀯𑀺𑀓𑀧𑁆𑀧𑀦𑀢𑁆𑀣𑀁, 𑀇𑀓𑀸𑀭𑀲𑁆𑀲 𑀅𑀬𑀸𑀤𑁂𑀲𑁄 𑀳𑁄𑀢𑀺, 𑀯𑀢𑁆𑀣𑀼𑀢𑁆𑀢𑀬𑀁.
𑀛𑀮𑀸𑀦𑀁 𑀬𑀓𑀸𑀭 𑀯𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀲𑀭𑁂 𑀧𑀭𑁂 𑀬𑀣𑀸𑀲𑀗𑁆𑀔𑁆𑀬𑀁.
𑀅𑀕𑁆𑀬𑀸𑀕𑀸𑀭𑀁 ¶ , 𑀧𑀓𑁆𑀔𑀸𑀬𑀢𑀦𑀁, 𑀲𑁆𑀯𑀸𑀕𑀢𑀁, 𑀢𑁂 𑀫𑀳𑀸𑀯𑀻𑀭.
𑀘𑀕𑁆𑀕𑀳𑀡𑀁 𑀲𑀫𑁆𑀧𑀺𑀡𑁆𑀟𑀦𑀢𑁆𑀣𑀁.
𑀧𑀲𑀜𑁆𑀜𑀲𑁆𑀲 𑀘 𑀇𑀯𑀡𑁆𑀡𑀲𑁆𑀲 𑀯𑀺𑀪𑀢𑁆𑀢𑀸𑀤𑁂𑀲𑁂 𑀲𑀭𑁂 𑀧𑀭𑁂 𑀬𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀧𑀼𑀣𑀩𑁆𑀬𑀸, 𑀭𑀢𑁆𑀬𑀸, 𑀫𑀢𑁆𑀬𑀸.
𑀲𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀣𑀯𑀺𑀬𑀁.
𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀆𑀯𑀸𑀤𑁂𑀲𑁄 𑀳𑁄𑀢𑀺 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑀸𑀯𑀲𑁆𑀲.
𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀆𑀯𑀸𑀤𑁂𑀲𑁄 𑀳𑁄𑀢𑀺 𑀬𑁄𑀇𑀘𑁆𑀘𑁂𑀢𑁂𑀲𑀼 𑀧𑀭𑁂𑀲𑀼.
𑀕𑀸𑀯𑁄 𑀕𑀘𑁆𑀙𑀦𑁆𑀢𑀺, 𑀕𑀸𑀯𑁄 𑀧𑀲𑁆𑀲𑀦𑁆𑀢𑀺, 𑀕𑀸𑀯𑀻 𑀕𑀘𑁆𑀙𑀦𑁆𑀢𑀺, 𑀕𑀸𑀯𑀻 𑀧𑀲𑁆𑀲𑀦𑁆𑀢𑀺.
𑀘𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀦𑀸𑀲𑁆𑀫𑀸𑀲𑁆𑀫𑀺𑀁𑀲𑀼 𑀯𑀘𑀦𑁂𑀲𑀼 𑀆𑀯𑀸 𑀤𑁂𑀲𑁄 𑀳𑁄𑀢𑀺.
𑀕𑀸𑀯𑁂𑀦, 𑀕𑀸𑀯𑀸, 𑀕𑀸𑀯𑁂, 𑀕𑀸𑀯𑁂𑀲𑀼.
𑁭𑁫, 𑁧𑁭𑁦. 𑀅𑀯𑀫𑁆𑀳𑀺 ¶ 𑀘.
𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀆𑀯𑀅𑀯𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑀸𑀯𑀁, 𑀕𑀯𑀁.
𑀘𑀕𑁆𑀕𑀳𑀡𑁂𑀦 𑀲𑀸𑀤𑀺𑀲𑁂𑀲𑁂𑀲𑀼 𑀧𑀼𑀩𑁆𑀩𑀼𑀢𑁆𑀢𑀯𑀘𑀦𑁂𑀲𑀼 𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀅𑀯𑀸𑀤𑁂𑀲𑁄 𑀳𑁄𑀢𑀺.
𑀕𑀯𑀲𑁆𑀲, 𑀕𑀯𑁄, 𑀕𑀯𑁂𑀦, 𑀕𑀯𑀸, 𑀕𑀯𑁂, 𑀕𑀯𑁂𑀲𑀼.
𑀆𑀯𑀇𑀘𑁆𑀘𑁂𑀢𑀲𑁆𑀲 𑀕𑀸𑀯𑀸𑀤𑁂𑀲𑀲𑁆𑀲 𑀅𑀦𑁆𑀢 𑀲𑀭𑀲𑁆𑀲 𑀉𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑀸𑀯𑀼𑀁, 𑀕𑀸𑀯𑀁.
𑀆𑀯𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀕𑀸𑀯𑁄 𑀢𑀺𑀝𑁆𑀞𑀦𑁆𑀢𑀺.
𑁭𑁭, 𑁧𑁭𑁫. 𑀢𑀢𑁄 𑀦𑀫𑀁 𑀧𑀢𑀺𑀫𑁆𑀳𑀸 𑀮𑀼𑀢𑁆𑀢𑁂 𑀘 𑀲𑀫𑀸𑀲𑁂.
𑀢𑀢𑁄 𑀕𑁄𑀲𑀤𑁆𑀤𑀢𑁄 𑀦𑀁𑀯𑀘𑀦𑀲𑁆𑀲 𑀅𑀁𑀆𑀤𑁂𑀲𑁄 𑀳𑁄𑀢𑀺, 𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀅𑀯𑀸𑀤𑁂𑀲𑁄 𑀳𑁄𑀢𑀺 𑀧𑀢𑀺𑀫𑁆𑀳𑀺 𑀧𑀭𑁂 𑀅𑀮𑀼𑀢𑁆𑀢𑁂 𑀘 𑀲𑀫𑀸𑀲𑁂.
𑀕𑀯𑀧𑀢𑀺.
𑀅𑀮𑀼𑀢𑁆𑀢𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀕𑁄𑀧𑀢𑀺.
𑀘𑀕𑁆𑀕𑀳𑀡𑁂𑀦 𑀅𑀲𑀫𑀸𑀲𑁂𑀧𑀺 𑀦𑀁𑀯𑀘𑀦𑀲𑁆𑀲 𑀅𑀁𑀆𑀤𑁂𑀲𑁄 𑀳𑁄𑀢𑀺, 𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀅𑀯𑀸𑀤𑁂𑀲𑁄 𑀳𑁄𑀢𑀺.
𑀕𑀯𑀁.
𑀕𑁄𑀇𑀘𑁆𑀘𑁂𑀢𑀲𑁆𑀲 𑀑𑀓𑀸𑀭𑀲𑁆𑀲 𑀅𑀯𑀸𑀤𑁂𑀲𑁄 𑀳𑁄𑀢𑀺 𑀲𑀫𑀸𑀲𑁂 𑀘 𑀲𑀭𑁂 𑀧𑀭𑁂.
𑀕𑀯𑀲𑁆𑀲𑀓𑀁, 𑀕𑀯𑁂𑀴𑀓𑀁, 𑀕𑀯𑀸𑀚𑀺𑀦𑀁.
𑀘𑀕𑁆𑀕𑀳𑀡𑁂𑀦 𑀉𑀯𑀡𑁆𑀡𑀇𑀘𑁆𑀘𑁂𑀯𑀫𑀦𑁆𑀢𑀸𑀦𑀁 𑀮𑀺𑀗𑁆𑀕𑀸𑀦𑀁 𑀉𑀯𑀅𑀯𑀉𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀲𑁆𑀫𑀺𑀁𑀬𑁄𑀇𑀘𑁆𑀘𑁂𑀢𑁂𑀲𑀼 𑀓𑁆𑀯𑀘𑀺.
𑀪𑀼𑀯𑀺, 𑀧𑀲𑀯𑁄, 𑀕𑀼𑀭𑀯𑁄, 𑀘𑀢𑀼𑀭𑁄.
𑀲𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀕𑁄𑀥𑀦𑁄, 𑀕𑁄𑀯𑀺𑀦𑁆𑀤𑁄.
𑁭𑁯, 𑁪𑁬. 𑀢𑀩𑁆𑀩𑀺𑀧𑀭𑀻𑀢𑀽𑀧𑀧𑀤𑁂 𑀩𑁆𑀬𑀜𑁆𑀚𑀦𑁂 𑀘.
𑀢𑀲𑁆𑀲 𑀅𑀯𑀲𑀤𑁆𑀤𑀲𑁆𑀲 𑀬𑀤𑀸 𑀉𑀧𑀧𑀤𑁂 𑀢𑀺𑀝𑁆𑀞𑀫𑀸𑀦𑀲𑁆𑀲 𑀢𑀲𑁆𑀲 𑀑𑀓𑀸𑀭𑀲𑁆𑀲 𑀯𑀺𑀧𑀭𑀻𑀢𑁄 𑀳𑁄𑀢𑀺 𑀩𑁆𑀬𑀜𑁆𑀚𑀦𑁂 𑀧𑀭𑁂.
𑀉𑀕𑁆𑀕𑀢𑁂 𑀲𑀽𑀭𑀺𑀬𑁂, 𑀉𑀕𑁆𑀕𑀘𑁆𑀙𑀢𑀺, 𑀉𑀕𑁆𑀕𑀳𑁂𑀢𑁆𑀯𑀸.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁. 𑀅𑀯𑀲𑀸𑀦𑁂, 𑀅𑀯𑀓𑀺𑀭𑀡𑁂, 𑀅𑀯𑀓𑀺𑀭𑀢𑀺.
𑁮𑁦, 𑁧𑁭𑁩. 𑀕𑁄𑀡 ¶ 𑀦𑀁𑀫𑁆𑀳𑀺 𑀯𑀸.
𑀲𑀩𑁆𑀩𑀲𑁆𑀲𑁂𑀯 𑀕𑁄𑀲𑀤𑁆𑀤𑀲𑁆𑀲 𑀕𑁄𑀡𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑁄𑀡𑀸𑀦𑀁 𑀲𑀢𑁆𑀢𑀦𑁆𑀦𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁?
𑀕𑁄𑀦𑀜𑁆𑀘𑁂 𑀢𑀭𑀫𑀸𑀦𑀸𑀦𑀁, 𑀉𑀚𑀼𑀁 𑀕𑀘𑁆𑀙𑀢𑀺 𑀧𑀼𑀗𑁆𑀕𑀯𑁄.
𑀲𑀩𑁆𑀩𑀸 𑀕𑀸𑀯𑀻 𑀉𑀚𑀼𑀁 𑀬𑀦𑁆𑀢𑀺, 𑀦𑁂𑀢𑁆𑀢𑁂 𑀉𑀚𑀼𑀁 𑀕𑀢𑁂 𑀲𑀢𑀺.
𑀬𑁄𑀕𑀯𑀺𑀪𑀸𑀕𑁂𑀦 𑀅𑀜𑁆𑀜𑀢𑁆𑀭𑀸𑀧𑀺 𑀕𑁄𑀡𑀸𑀤𑁂𑀲𑁄 𑀳𑁄𑀢𑀺. 𑀕𑁄𑀡𑀪𑀽𑀢𑀸𑀦𑀁.
𑀲𑀼𑀳𑀺𑀦𑀸𑀇𑀘𑁆𑀘𑁂𑀢𑁂𑀲𑀼 𑀲𑀩𑁆𑀩𑀲𑁆𑀲 𑀕𑁄𑀲𑀤𑁆𑀤𑀲𑁆𑀲 𑀕𑁄𑀡𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀕𑁄𑀡𑁂𑀲𑀼, 𑀕𑁄𑀡𑁂𑀳𑀺, 𑀕𑁄𑀡𑁂𑀪𑀺, 𑀕𑁄𑀡𑁂𑀦.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀕𑁄𑀲𑀼, 𑀕𑁄𑀳𑀺, 𑀕𑁄𑀪𑀺, 𑀕𑀯𑁂𑀦.
𑀘𑀕𑁆𑀕𑀳𑀡𑁂𑀦 𑀲𑁆𑀬𑀸𑀤𑀺𑀲𑁂𑀲𑁂𑀲𑀼 𑀧𑀼𑀩𑁆𑀩𑀼𑀢𑁆𑀢𑀭𑀯𑀘𑀦𑁂𑀲𑀼𑀧𑀺 𑀕𑁄𑀡 𑀕𑀼 𑀕𑀯𑀬𑀸𑀤𑁂𑀲𑀸 𑀳𑁄𑀦𑁆𑀢𑀺. 𑀕𑁄𑀡𑁄, 𑀕𑁄𑀡𑀸, 𑀕𑁄𑀡𑀁, 𑀕𑁄𑀡𑁂, 𑀕𑁄𑀡𑀲𑁆𑀲, 𑀕𑁄𑀡𑀫𑁆𑀳𑀸. 𑀕𑁄𑀡𑀫𑁆𑀳𑀺, 𑀕𑀼𑀦𑁆𑀦𑀁, 𑀕𑀯𑀬𑁂𑀳𑀺, 𑀕𑀯𑀬𑁂𑀪𑀺.
𑁮𑁨, 𑁧𑁪𑁯. 𑀅𑀁𑀫𑁄 ¶ 𑀦𑀺𑀕𑁆𑀕𑀳𑀺𑀢𑀁 𑀛𑀮𑀧𑁂𑀳𑀺.
𑀅𑀁𑀯𑀘𑀦𑀲𑁆𑀲 𑀫𑀓𑀸𑀭𑀲𑁆𑀲 𑀘 𑀛𑀮𑀧𑀇𑀘𑁆𑀘𑁂𑀢𑁂𑀳𑀺 𑀦𑀺𑀕𑁆𑀕𑀳𑀺𑀢𑀁 𑀳𑁄𑀢𑀺
𑀅𑀕𑁆𑀕𑀺𑀁, 𑀇𑀲𑀺𑀁, 𑀕𑀳𑀧𑀢𑀺𑀁, 𑀤𑀡𑁆𑀟𑀺𑀁, 𑀫𑀳𑁂𑀲𑀺𑀁, 𑀪𑀺𑀓𑁆𑀔𑀼𑀁, 𑀧𑀝𑀼𑀁, 𑀲𑀬𑀫𑁆𑀪𑀼𑀁, 𑀅𑀪𑀺𑀪𑀼𑀁, 𑀭𑀢𑁆𑀢𑀺𑀁, 𑀇𑀢𑁆𑀣𑀺𑀁, 𑀯𑀥𑀼𑀁, 𑀧𑀼𑀮𑁆𑀮𑀺𑀗𑁆𑀕𑀁, 𑀧𑀼𑀫𑁆𑀪𑀸𑀯𑁄, 𑀧𑀼𑀗𑁆𑀓𑁄𑀓𑀺𑀮𑁄.
𑀅𑀁𑀫𑁄𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀺𑀦𑀸, 𑀧𑀸𑀡𑀺𑀦𑀸, 𑀪𑀺𑀓𑁆𑀔𑀼𑀦𑀸, 𑀭𑀢𑁆𑀢𑀺𑀬𑀸, 𑀇𑀢𑁆𑀣𑀺𑀬𑀸, 𑀯𑀥𑀼𑀬𑀸.
𑀛𑀮𑀧𑁂𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀼𑀔𑀁, 𑀤𑀼𑀓𑁆𑀔𑀁.
𑀧𑀼𑀦𑀸𑀭𑀫𑁆𑀪 𑀳𑀡𑀁 𑀯𑀺𑀪𑀸𑀲𑀸𑀦𑀺𑀯𑀢𑁆𑀢𑀦𑀢𑁆𑀣𑀁. 𑀅𑀕𑁆𑀕𑀺𑀁, 𑀧𑀝𑀼𑀁, 𑀩𑀼𑀤𑁆𑀥𑀺𑀁, 𑀯𑀥𑀼𑀁.
𑁮𑁩, 𑁬𑁭. 𑀲𑀭𑀮𑁄𑀧𑁄’ 𑀫𑀸𑀤𑁂𑀲 𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀲𑀭𑀮𑁄𑀧𑁂 𑀢𑀼 𑀧𑀓𑀢𑀺.
𑀲𑀭𑀮𑁄𑀧𑁄 𑀳𑁄𑀢𑀺 𑀅𑀫𑀸𑀤𑁂𑀲𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀲𑀭 𑀮𑁄𑀧𑁂 𑀢𑀼 𑀧𑀓𑀢𑀺 𑀳𑁄𑀢𑀺.
𑀧𑀼𑀭𑀺𑀲𑀁, 𑀧𑀼𑀭𑀺𑀲𑁂, 𑀧𑀸𑀧𑀁, 𑀧𑀸𑀧𑁂, 𑀧𑀸𑀧𑀺𑀬𑁄, 𑀧𑀸𑀧𑀺𑀝𑁆𑀞𑁄.
𑀅𑀫𑀸𑀤𑁂𑀲𑀧𑀘𑁆𑀘𑀬𑀸𑀤𑀺𑀫𑁆𑀳𑀻𑀢𑀺 𑀓𑀺 𑀢𑁆𑀣𑀁? 𑀅𑀧𑁆𑀧𑀫𑀸𑀤𑁄 𑀅𑀫𑀢𑀁 𑀧𑀤𑀁.
𑀲𑀭𑀮𑁄𑀧𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀲𑁆𑀲, 𑀤𑀡𑁆𑀟𑀺𑀦𑀁.
𑀢𑀼𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁. 𑀪𑀺𑀓𑁆𑀔𑀼𑀦𑀻, 𑀕𑀳𑀧𑀢𑀸𑀦𑀻.
𑀧𑀓𑀢𑀺𑀕𑁆𑀕𑀳𑀡𑀲𑀸𑀫𑀢𑁆𑀣𑁂𑀦 ¶ 𑀧𑀼𑀦 𑀲𑀦𑁆𑀥𑀺𑀪𑀸𑀯𑁄 𑀘 𑀳𑁄𑀢𑀺. 𑀲𑁂𑀬𑁆𑀬𑁄, 𑀲𑁂𑀝𑁆𑀞𑁄, 𑀚𑁂𑀬𑁆𑀬𑁄, 𑀚𑁂𑀝𑁆𑀞𑁄.
𑁮𑁪, 𑁧𑁪𑁪. 𑀅𑀖𑁄𑀭𑀲𑁆𑀲𑀫𑁂𑀓𑀯𑀘𑀦𑀬𑁄𑀲𑁆𑀯𑀧𑀺 𑀘.
𑀅𑀖𑁄 𑀲𑀭𑁄 𑀭𑀲𑁆𑀲𑀫𑀸𑀧𑀚𑁆𑀚𑀢𑁂 𑀏𑀓𑀯𑀘𑀦𑀬𑁄𑀇𑀘𑁆𑀘𑁂𑀢𑁂𑀲𑀼.
𑀇𑀢𑁆𑀣𑀺𑀁, 𑀇𑀢𑁆𑀣𑀺𑀬𑁄, 𑀇𑀢𑁆𑀣𑀺𑀬𑀸. 𑀯𑀥𑀼𑀁, 𑀯𑀥𑀼𑀬𑁄, 𑀯𑀥𑀼𑀬𑀸. 𑀤𑀡𑁆𑀟𑀺𑀁, 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀺𑀦𑀸. 𑀲𑀬𑀫𑁆𑀪𑀼𑀁, 𑀲𑀬𑀫𑁆𑀪𑀼𑀯𑁄, 𑀲𑀬𑀫𑁆𑀪𑀼𑀦𑀸.
𑀅𑀖𑁄𑀢𑀺 𑀓𑀺𑀫𑀢𑁆𑀣𑀁? 𑀓𑀜𑁆𑀜𑀁, 𑀓𑀜𑁆𑀜𑀸𑀬𑁄, 𑀓𑀜𑁆𑀜𑀸𑀬.
𑀏𑀓𑀯𑀘𑀦𑀬𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀻𑀳𑀺, 𑀲𑀬𑀫𑁆𑀪𑀽𑀳𑀺.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁. 𑀦𑀤𑀺𑀁, 𑀦𑀤𑀺𑀬𑁄, 𑀦𑀤𑀺𑀬𑀸.
𑀅𑀧𑀺𑀕𑁆𑀕𑀳𑀡𑁂𑀦 𑀦 𑀭𑀲𑁆𑀲𑀫𑀸𑀧𑀚𑁆𑀚𑀢𑁂. 𑀇𑀢𑁆𑀣𑀻, 𑀪𑀺𑀓𑁆𑀔𑀼𑀦𑀻.
𑀲𑀺𑀲𑁆𑀫𑀺𑀁 𑀅𑀦𑀧𑀼𑀁𑀲𑀓𑀸𑀦𑀺 𑀮𑀺𑀗𑁆𑀕𑀸𑀦𑀺 𑀦 𑀭𑀲𑁆𑀲𑀫𑀸𑀧𑀚𑁆𑀚𑀦𑁆𑀢𑁂. 𑀇𑀢𑁆𑀣𑀻, 𑀪𑀺𑀓𑁆𑀔𑀼𑀦𑀻, 𑀯𑀥𑀽, 𑀤𑀡𑁆𑀟𑀻, 𑀲𑀬𑀫𑁆𑀪𑀽.
𑀲𑀺𑀲𑁆𑀫𑀺𑀁𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀪𑁄𑀢𑀺 𑀇𑀢𑁆𑀣𑀺, 𑀪𑁄𑀢𑀺 𑀯𑀥𑀼, 𑀪𑁄 𑀤𑀡𑁆𑀟𑀺, 𑀪𑁄 𑀲𑀬𑀫𑁆𑀪𑀼.
𑀅𑀦𑀧𑀼𑀁𑀲𑀓𑀸𑀦𑀻𑀢𑀺 ¶ 𑀓𑀺𑀫𑀢𑁆𑀣𑀁? 𑀲𑀼𑀔𑀓𑀸𑀭𑀺 𑀤𑀸𑀦𑀁, 𑀲𑀼𑀔𑀓𑀸𑀭𑀺 𑀲𑀻𑀮𑀁, 𑀲𑀻𑀖𑀬𑀸𑀬𑀺 𑀘𑀺𑀢𑁆𑀢𑀁.
𑀉𑀪𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀲𑀗𑁆𑀔𑁆𑀬𑀸𑀢𑁄 𑀦𑀁𑀯𑀘𑀦𑀲𑁆𑀲 𑀇𑀦𑁆𑀦𑀁 𑀳𑁄𑀢𑀺.
𑀉𑀪𑀺𑀦𑁆𑀦𑀁, 𑀤𑀼𑀯𑀺𑀦𑁆𑀦𑀁.
𑀉𑀪𑀸𑀤𑀺𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀉𑀪𑀬𑁂𑀲𑀁.
𑁮𑁭, 𑁨𑁩𑁧. 𑀇𑀡𑁆𑀡𑀫𑀺𑀡𑁆𑀡𑀦𑁆𑀦𑀁 𑀢𑀻𑀳𑀺 𑀲𑀗𑁆𑀔𑁆𑀬𑀸𑀳𑀺.
𑀦𑀁𑀯𑀘𑀦𑀲𑁆𑀲 𑀇𑀡𑁆𑀡𑀁 𑀇𑀡𑁆𑀡𑀦𑁆𑀦𑀁 𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀢𑀻𑀳𑀺 𑀲𑀗𑁆𑀔𑁆𑀬𑀸𑀳𑀺.
𑀢𑀺𑀡𑁆𑀡𑀁, 𑀢𑀺𑀡𑁆𑀡𑀦𑁆𑀦𑀁.
𑀢𑀻𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀺𑀦𑁆𑀦𑀁.
𑁮𑁮, 𑁧𑁪𑁭. 𑀬𑁄𑀲𑀼 𑀓𑀢𑀦𑀺𑀓𑀸𑀭𑀮𑁄𑀧𑁂𑀲𑀼 𑀤𑀻𑀖𑀁.
𑀲𑀩𑁆𑀩𑁂 𑀲𑀭𑀸 𑀬𑁄𑀲𑀼 𑀓𑀢𑀦𑀺𑀓𑀸𑀭𑀮𑁄𑀧𑁂𑀲𑀼 𑀤𑀻𑀖𑀫𑀸𑀧𑀚𑁆𑀚𑀦𑁆𑀢𑁂.
𑀅𑀕𑁆𑀕𑀻, 𑀪𑀺𑀓𑁆𑀔𑀽, 𑀭𑀢𑁆𑀢𑀻, 𑀬𑀸𑀕𑀽, 𑀅𑀝𑁆𑀞𑀻, 𑀅𑀝𑁆𑀞𑀻𑀦𑀺, 𑀆𑀬𑀽, 𑀆𑀬𑀽𑀦𑀺, 𑀲𑀩𑁆𑀩𑀸𑀦𑀺, 𑀬𑀸𑀦𑀺, 𑀢𑀸𑀦𑀺, 𑀓𑀸𑀦𑀺, 𑀓𑀢𑀫𑀸𑀦𑀺, 𑀏𑀢𑀸𑀦𑀺, 𑀅𑀧𑀽𑀦𑀺, 𑀇𑀫𑀸𑀦𑀺.
𑀬𑁄𑀲𑁆𑀯𑀻𑀢𑀺 ¶ 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀺, 𑀪𑀺𑀓𑁆𑀔𑀼, 𑀭𑀢𑁆𑀢𑀺, 𑀬𑀸𑀕𑀼, 𑀲𑀩𑁆𑀩𑁄, 𑀬𑁄, 𑀲𑁄, 𑀓𑁄, 𑀅𑀫𑀼𑀓𑁄.
𑀓𑀢𑀦𑀺𑀓𑀸𑀭𑀮𑁄𑀧𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀬𑁄, 𑀯𑀥𑀼𑀬𑁄, 𑀲𑀬𑀫𑁆𑀪𑀼𑀯𑁄.
𑀧𑀼𑀦𑀸𑀭𑀫𑁆𑀪𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀦𑀺𑀘𑁆𑀘𑀤𑀻𑀧𑀦𑀢𑁆𑀣𑀁. 𑀅𑀕𑁆𑀕𑀻, 𑀪𑀺𑀓𑁆𑀔𑀽, 𑀭𑀢𑁆𑀢𑀻, 𑀬𑀸𑀦𑀺, 𑀢𑀸𑀦𑀺, 𑀓𑀢𑀫𑀸𑀦𑀺.
𑀲𑀼𑀦𑀁𑀳𑀺𑀇𑀘𑁆𑀘𑁂𑀢𑁂𑀲𑀼 𑀲𑀩𑁆𑀩𑁂 𑀲𑀭𑀸 𑀤𑀻𑀖𑀫𑀸𑀧𑀚𑁆𑀚𑀦𑁆𑀢𑁂.
𑀅𑀕𑁆𑀕𑀻𑀲𑀼, 𑀅𑀕𑁆𑀕𑀻𑀦𑀁, 𑀅𑀕𑁆𑀕𑀻𑀳𑀺, 𑀭𑀢𑁆𑀢𑀻𑀲𑀼, 𑀭𑀢𑁆𑀢𑀻𑀦𑀁, 𑀭𑀢𑁆𑀢𑀻𑀳𑀺. 𑀪𑀺𑀓𑁆𑀔𑀽𑀲𑀼, 𑀪𑀺𑀓𑁆𑀔𑀽𑀦𑀁, 𑀪𑀺𑀓𑁆𑀔𑀽𑀳𑀺. 𑀧𑀼𑀭𑀺𑀲𑀸𑀦𑀁.
𑀏𑀢𑁂𑀲𑁆𑀯𑀻𑀢𑀻 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀺𑀦𑀸, 𑀧𑀸𑀡𑀺𑀦𑀸, 𑀤𑀡𑁆𑀟𑀺𑀦𑀸.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁. 𑀲𑀼𑀔𑁂𑀢𑁆𑀢𑁂𑀲𑀼 𑀩𑁆𑀭𑀳𑁆𑀫𑀘𑀸𑀭𑀺𑀲𑀼, 𑀥𑀫𑁆𑀫𑀫𑀓𑁆𑀔𑀸𑀲𑀺 𑀪𑀕𑀯𑀸 𑀪𑀺𑀓𑁆𑀔𑀼𑀦𑀁 𑀤𑀢𑁆𑀯𑀸 𑀲𑀓𑁂𑀳𑀺 𑀧𑀸𑀡𑀺𑀪𑀺.
𑀧𑀜𑁆𑀘𑀸𑀤𑀻𑀦𑀁 𑀲𑀗𑁆𑀔𑁆𑀬𑀸𑀦𑀁 𑀅𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀲𑀼𑀦𑀁𑀳𑀺𑀇𑀘𑁆𑀘𑁂𑀢𑁂𑀲𑀼.
𑀧𑀜𑁆𑀘𑀲𑀼, 𑀧𑀜𑁆𑀘𑀦𑁆𑀦𑀁, 𑀧𑀜𑁆𑀘𑀳𑀺, 𑀙𑀲𑀼, 𑀙𑀦𑁆𑀦𑀁, 𑀙𑀳𑀺, 𑀲𑀢𑁆𑀢𑀲𑀼, 𑀲𑀢𑁆𑀢𑀦𑁆𑀦𑀁, 𑀲𑀢𑁆𑀢𑀳𑀺, 𑀅𑀝𑁆𑀞𑀲𑀼, 𑀅𑀝𑁆𑀞𑀦𑁆𑀦𑀁, 𑀅𑀝𑁆𑀞𑀳𑀺, 𑀦𑀯𑀲𑀼, 𑀦𑀯𑀦𑁆𑀦𑀁, 𑀦𑀯𑀳𑀺, 𑀤𑀲𑀲𑀼, 𑀤𑀲𑀦𑁆𑀦𑀁, 𑀤𑀲𑀳𑀺.
𑀧𑀜𑁆𑀘𑀸𑀤𑀻𑀦𑀫𑀻𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀻𑀲𑀼, 𑀤𑁆𑀯𑀺𑀦𑁆𑀦𑀁, 𑀤𑁆𑀯𑀻𑀳𑀺.
𑀅𑀢𑁆𑀢𑀫𑀺𑀢𑀺𑀪𑀸𑀯𑀦𑀺𑀤𑁆𑀤𑁂𑀲𑁄 ¶ 𑀉𑀪𑀬𑀲𑁆𑀲𑀸𑀕𑀫𑀦𑀢𑁆𑀣𑀁, 𑀅𑀦𑁆𑀢𑁄 𑀉𑀓𑀸𑀭𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂. 𑀘𑀢𑀲𑁆𑀲𑀦𑁆𑀦𑀁 𑀇𑀢𑁆𑀣𑀻𑀦𑀁. 𑀢𑀺𑀲𑁆𑀲𑀦𑁆𑀦𑀁 𑀯𑁂𑀤𑀦𑀸𑀦𑀁.
𑀧𑀢𑀺𑀲𑁆𑀲𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀇𑀦𑀻𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀕𑀳𑀧𑀢𑀸𑀦𑀻.
𑀇𑀦𑀻𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀳𑀧𑀢𑀺.
𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀅𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀲𑀼𑀦𑀁𑀳𑀺𑀬𑁄𑀇𑀘𑁆𑀘𑁂𑀢𑁂𑀲𑀼 𑀧𑀭𑁂𑀲𑀼.
𑀕𑀼𑀡𑀯𑀦𑁆𑀢𑁂𑀲𑀼, 𑀕𑀼𑀡𑀯𑀦𑁆𑀢𑀸𑀦𑀁, 𑀕𑀼𑀡𑀯𑀦𑁆𑀢𑁂𑀳𑀺, 𑀕𑀼𑀡𑀯𑀦𑁆𑀢𑀸, 𑀕𑀼𑀡𑀯𑀦𑁆𑀢𑁂.
𑀦𑁆𑀢𑀼𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀇𑀲𑀻𑀦𑀁.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀼𑀡𑀯𑀸.
𑀘𑀕𑁆𑀕𑀳𑀡𑁂𑀦 𑀅𑀜𑁆𑀜𑁂𑀲𑀼 𑀯𑀘𑀦𑁂𑀲𑀼 𑀅𑀢𑁆𑀢𑀜𑁆𑀘 𑀳𑁄𑀢𑀺. 𑀕𑀼𑀡𑀯𑀦𑁆𑀢𑀲𑁆𑀫𑀺𑀁, 𑀕𑀼𑀡𑀯𑀦𑁆𑀢𑁂𑀦.
𑀅𑀦𑁆𑀢𑀕𑁆𑀕𑀳𑀡𑁂𑀦 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀅𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂, 𑀬𑁄𑀦𑀜𑁆𑀘 𑀇𑀓𑀸𑀭𑁄 𑀳𑁄𑀢𑀺. 𑀕𑀼𑀡𑀯𑀦𑁆𑀢𑀺.
𑁯𑁩, 𑁧𑁦𑁬. 𑀲𑀩𑁆𑀩𑀲𑁆𑀲 ¶ 𑀯𑀸 𑀅𑀁𑀲𑁂𑀲𑀼.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀅𑀢𑁆𑀢𑀁 𑀳𑁄𑀢𑀺 𑀯𑀸 𑀅𑀁𑀲𑀇𑀘𑁆𑀘𑁂𑀢𑁂𑀲𑀼.
𑀲𑀢𑀺𑀫𑀁 𑀪𑀺𑀓𑁆𑀔𑀼, 𑀲𑀢𑀺𑀫𑀦𑁆𑀢𑀁 𑀪𑀺𑀓𑁆𑀔𑀼𑀁 𑀯𑀸, 𑀩𑀦𑁆𑀥𑀼𑀫𑀁 𑀭𑀸𑀚𑀸𑀦𑀁, 𑀩𑀦𑁆𑀥𑀼𑀫𑀦𑁆𑀢𑀁 𑀭𑀸𑀚𑀸𑀦𑀁 𑀯𑀸, 𑀲𑀢𑀺𑀫𑀲𑁆𑀲 𑀪𑀺𑀓𑁆𑀔𑀼𑀦𑁄, 𑀲𑀢𑀺𑀫𑀢𑁄 𑀪𑀺𑀓𑁆𑀔𑀼𑀦𑁄 𑀯𑀸, 𑀩𑀦𑁆𑀥𑀼𑀫𑀲𑁆𑀲 𑀭𑀜𑁆𑀜𑁄 𑀲𑀼𑀗𑁆𑀓𑀁, 𑀩𑀦𑁆𑀥𑀼𑀫𑀢𑁄 𑀭𑀜𑁆𑀜𑁄 𑀯𑀸 𑀲𑀼𑀗𑁆𑀓𑀁 𑀤𑁂𑀢𑀺.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀢𑀺𑀫𑀸 𑀪𑀺𑀓𑁆𑀔𑀼, 𑀩𑀦𑁆𑀥𑀼𑀫𑀸 𑀭𑀸𑀚𑀸.
𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀅𑀦𑁆𑀢𑀲𑁆𑀲 𑀅𑀢𑁆𑀢𑀁 𑀳𑁄𑀢𑀺 𑀯𑀸 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀳𑀺𑀫𑀯𑀦𑁆𑀢𑁄 𑀧𑀩𑁆𑀩𑀢𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀳𑀺𑀫𑀯𑀸 𑀧𑀩𑁆𑀩𑀢𑁄.
𑁯𑁫, 𑁧𑁪𑁫. 𑀅𑀕𑁆𑀕𑀺𑀲𑁆𑀲𑀺𑀦𑀺 ¶ .
𑀅𑀕𑁆𑀕𑀺𑀲𑁆𑀲𑀦𑁆𑀢𑀲𑁆𑀲 𑀇𑀦𑀺 𑀳𑁄𑀢𑀺 𑀯𑀸 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀼𑀭𑀢𑁄 𑀅𑀕𑁆𑀕𑀺𑀦𑀺, 𑀧𑀘𑁆𑀙𑀢𑁄 𑀅𑀕𑁆𑀕𑀺𑀦𑀺, 𑀤𑀓𑁆𑀔𑀺𑀡𑀢𑁄 𑀅𑀕𑁆𑀕𑀺𑀦𑀺, 𑀯𑀸𑀫𑀢𑁄 𑀅𑀕𑁆𑀕𑀺𑀦𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀺.
𑀬𑁄𑀲𑀼 𑀅𑀓𑀢𑀭𑀲𑁆𑀲𑁄 𑀛𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂.
𑀅𑀕𑁆𑀕𑀬𑁄 𑀫𑀼𑀦𑀬𑁄, 𑀇𑀲𑀬𑁄, 𑀕𑀳𑀧𑀢𑀬𑁄.
𑀬𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀻𑀲𑀼.
𑀅𑀓𑀢𑀭𑀲𑁆𑀲𑁄𑀢𑀺 𑀓𑀺𑀫𑀢𑁆𑀣𑀁? 𑀤𑀡𑁆𑀟𑀺𑀦𑁄.
𑀛𑁄𑀢𑀺 𑀓𑀺𑀫𑀢𑁆𑀣𑀁? 𑀭𑀢𑁆𑀢𑀺𑀬𑁄.
𑀯𑁂𑀯𑁄𑀇𑀘𑁆𑀘𑁂𑀢𑁂𑀲𑀼 𑀅𑀓𑀢𑀭𑀲𑁆𑀲𑁄 𑀮𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂.
𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀯𑁄, 𑀳𑁂𑀢𑀯𑁂, 𑀳𑁂𑀢𑀯𑁄.
𑀅𑀓𑀢𑀭𑀲𑁆𑀲𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀬𑀫𑁆𑀪𑀼𑀯𑁄, 𑀯𑁂𑀲𑁆𑀲𑀪𑀼𑀯𑁄, 𑀧𑀭𑀸𑀪𑀺𑀪𑀼𑀯𑁄.
𑀯𑁂𑀯𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀳𑁂𑀢𑀼𑀦𑀸, 𑀓𑁂𑀢𑀼𑀦𑀸, 𑀲𑁂𑀢𑀼𑀦𑀸.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁯𑁮, 𑁧𑁮𑁬. 𑀫𑀸𑀢𑀼𑀮𑀸𑀤𑀻𑀦𑀫𑀸𑀦𑀢𑁆𑀢𑀫𑀻𑀓𑀸𑀭𑁂.
𑀫𑀸𑀢𑀼𑀮𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀅𑀦𑁆𑀢𑁄 𑀆𑀦𑀢𑁆𑀢𑀫𑀸𑀧𑀚𑁆𑀚𑀢𑁂 𑀈𑀓𑀸𑀭𑁂 𑀧𑀘𑁆𑀘𑀬𑁂 𑀧𑀭𑁂.
𑀫𑀸𑀢𑀼𑀮𑀸𑀦𑀻 ¶ , 𑀅𑀬𑁆𑀬𑀓𑀸𑀦𑀻, 𑀯𑀭𑀼𑀡𑀸𑀦𑀻.
𑀈𑀓𑀸𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀪𑀺𑀓𑁆𑀔𑀼𑀦𑀻, 𑀭𑀸𑀚𑀺𑀦𑀻, 𑀚𑀸𑀮𑀺𑀦𑀻, 𑀕𑀳𑀧𑀢𑀸𑀦𑀻.
𑀆𑀦𑀢𑁆𑀢𑀕𑁆𑀕𑀳𑀡𑁂𑀦 𑀦𑀤𑀻𑀇𑀘𑁆𑀘𑁂𑀢𑀲𑁆𑀲 𑀤𑀻𑀲𑀤𑁆𑀤𑀲𑁆𑀲 𑀚𑁆𑀚𑁄𑀚𑁆𑀚𑀸 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀲𑀳 𑀯𑀺𑀪𑀢𑁆𑀢𑀺𑀬𑀸 𑀬𑁄𑀦𑀸𑀲𑀇𑀘𑁆𑀘𑁂𑀢𑁂𑀲𑀼. 𑀦𑀚𑁆𑀚𑁄 𑀲𑀦𑁆𑀤𑀦𑁆𑀢𑀺, 𑀦𑀚𑁆𑀚𑀸 𑀓𑀢𑀁 𑀢𑀭𑀗𑁆𑀕𑀁, 𑀦𑀚𑁆𑀚𑀸 𑀦𑁂𑀭𑀜𑁆𑀚𑀭𑀸𑀬 𑀢𑀻𑀭𑁂.
𑁯𑁯, 𑁮𑁧. 𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀁𑀫𑁆𑀳𑀸𑀪𑀺𑀫𑁆𑀳𑀺𑀯𑀸.
𑀲𑀩𑁆𑀩𑀢𑁄 𑀮𑀺𑀗𑁆𑀕𑀢𑁄 𑀲𑁆𑀫𑀸𑀳𑀺𑀲𑁆𑀫𑀺𑀁 𑀇𑀘𑁆𑀘𑁂𑀢𑁂𑀲𑀁 𑀫𑁆𑀳𑀸𑀪𑀺𑀫𑁆𑀳𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀧𑀼𑀭𑀺𑀲𑀫𑁆𑀳𑀸, 𑀧𑀼𑀭𑀺𑀲𑀲𑁆𑀫𑀸, 𑀧𑀼𑀭𑀺𑀲𑁂𑀪𑀺, 𑀧𑀼𑀭𑀺𑀲𑁂𑀳𑀺, 𑀧𑀼𑀭𑀺𑀲𑀫𑁆𑀳𑀺, 𑀧𑀼𑀭𑀺𑀲𑀲𑁆𑀫𑀺𑀁.
𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀯𑀡𑁆𑀡𑀯𑀦𑁆𑀢𑀁 𑀅𑀕𑀦𑁆𑀥𑀓𑀁 𑀯𑀺𑀭𑀼𑀴𑁆𑀳𑀧𑀼𑀧𑁆𑀨𑀁, 𑀫𑀳𑀦𑁆𑀢𑀁 𑀙𑀢𑁆𑀢𑀁 𑀫𑀳𑀸𑀙𑀢𑁆𑀢𑀁, 𑀫𑀳𑀦𑁆𑀢𑀁 𑀥𑀚𑀁 𑀫𑀳𑀸𑀥𑀚𑀁.
𑀢 𑀇𑀫𑀇𑀘𑁆𑀘𑁂𑀢𑁂𑀳𑀺 𑀓𑀢𑀸𑀓𑀸𑀭𑁂𑀳𑀺 𑀲𑁆𑀫𑀸𑀲𑁆𑀫𑀺𑀁 𑀦𑀁𑀫𑁆𑀳𑀸𑀫𑁆𑀳𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀦𑁂𑀯 𑀳𑁄𑀦𑁆𑀢𑀺.
𑀅𑀲𑁆𑀫𑀸 𑀞𑀸𑀦𑀸 𑀪𑀬𑀁 𑀉𑀧𑁆𑀧𑀚𑁆𑀚𑀢𑀺, 𑀅𑀲𑁆𑀫𑀺𑀁 𑀞𑀸𑀦𑁂 𑀪𑀬𑀁 𑀢𑀺𑀝𑁆𑀞𑀢𑀺, 𑀅𑀲𑁆𑀫𑀸, 𑀅𑀲𑁆𑀫𑀺𑀁.
𑀓𑀢𑀸𑀓𑀸𑀭𑁂𑀳𑀻𑀢𑀺 ¶ 𑀓𑀺𑀫𑀢𑁆𑀣𑀁? 𑀢𑀫𑁆𑀳𑀸, 𑀢𑀫𑁆𑀳𑀺, 𑀇𑀫𑀫𑁆𑀳𑀸, 𑀇𑀫𑀫𑁆𑀳𑀺.
𑀲𑀼𑀳𑀺𑀇𑀘𑁆𑀘𑁂𑀢𑁂𑀲𑀼 𑀅𑀓𑀸𑀭𑁄 𑀏𑀢𑁆𑀢𑀫𑀸𑀧𑀚𑁆𑀚𑀢𑁂.
𑀲𑀩𑁆𑀩𑁂𑀲𑀼, 𑀬𑁂𑀲𑀼, 𑀢𑁂𑀲𑀼, 𑀓𑁂𑀲𑀼, 𑀧𑀼𑀭𑀺𑀲𑁂𑀲𑀼, 𑀇𑀫𑁂𑀲𑀼, 𑀓𑀼𑀲𑀮𑁂𑀲𑀼, 𑀢𑀼𑀫𑁆𑀳𑁂𑀲𑀼, 𑀅𑀫𑁆𑀳𑁂𑀲𑀼, 𑀲𑀩𑁆𑀩𑁂𑀳𑀺, 𑀬𑁂𑀳𑀺, 𑀢𑁂𑀳𑀺, 𑀓𑁂𑀳𑀺, 𑀧𑀼𑀭𑀺𑀲𑁂𑀳𑀺, 𑀇𑀫𑁂𑀳𑀺, 𑀓𑀼𑀲𑀮𑁂𑀳𑀺, 𑀢𑀼𑀫𑁆𑀳𑁂𑀳𑀺, 𑀅𑀫𑁆𑀳𑁂𑀳𑀺.
𑁧𑁦𑁨, 𑁨𑁦𑁨. 𑀲𑀩𑁆𑀩𑀦𑀸𑀫𑀸𑀦𑀁 𑀦𑀁𑀫𑁆𑀳𑀺 𑀘.
𑀲𑀩𑁆𑀩𑁂𑀲𑀁 𑀲𑀩𑁆𑀩𑀦𑀸𑀫𑀸𑀦𑀁 𑀅𑀦𑁆𑀢𑁄 𑀅𑀓𑀸𑀭𑁄 𑀏𑀢𑁆𑀢𑀫𑀸𑀧𑀚𑁆𑀚𑀢𑁂 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀸𑀦𑀁, 𑀬𑁂𑀲𑀁, 𑀬𑁂𑀲𑀸𑀦𑀁, 𑀢𑁂𑀲𑀁, 𑀢𑁂𑀲𑀸𑀦𑀁, 𑀇𑀫𑁂𑀲𑀁, 𑀇𑀫𑁂𑀲𑀸𑀦𑀁, 𑀓𑁂𑀲𑀁, 𑀓𑁂𑀲𑀸𑀦𑀁, 𑀇𑀢𑀭𑁂𑀲𑀁, 𑀇𑀢𑀭𑁂𑀲𑀸𑀦𑀁, 𑀓𑀢𑀫𑁂𑀲𑀁, 𑀓𑀢𑀫𑁂𑀲𑀸𑀦𑀁. 𑀲𑀩𑁆𑀩𑀦𑀸𑀫𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀩𑀼𑀤𑁆𑀥𑀸𑀦𑀁 𑀪𑀕𑀯𑀦𑁆𑀢𑀸𑀦𑀁 𑀆𑀘𑀺𑀡𑁆𑀡𑀲𑀫𑀸𑀘𑀺𑀡𑁆𑀡𑁄.
𑀅𑀓𑀸𑀭𑁄𑀢𑀺 𑀓𑀺𑀫𑀢𑁆𑀣𑀁? 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁.
𑀦𑀁𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑁂, 𑀇𑀫𑁂.
𑀘𑀕𑁆𑀕𑀳𑀡 𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁧𑁦𑁩, 𑁭𑁯. 𑀅𑀢𑁄 ¶ 𑀦𑁂𑀦.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀦𑀸𑀯𑀘𑀦𑀲𑁆𑀲 𑀏𑀦𑀸𑀤𑁂𑀲𑁄 𑀳𑁄𑀢𑀺.
𑀲𑀩𑁆𑀩𑁂𑀦, 𑀬𑁂𑀦, 𑀢𑁂𑀦, 𑀓𑁂𑀦, 𑀅𑀦𑁂𑀦, 𑀧𑀼𑀭𑀺𑀲𑁂𑀦, 𑀭𑀽𑀧𑁂𑀦.
𑀅𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀫𑀼𑀦𑀺𑀦𑀸, 𑀅𑀫𑀼𑀦𑀸, 𑀪𑀺𑀓𑁆𑀔𑀼𑀦𑀸.
𑀦𑀸𑀢𑀺 𑀓𑀺𑀫𑀢𑁆𑀣𑀁? 𑀢𑀲𑁆𑀫𑀸.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀲𑀺𑀯𑀘𑀦𑀲𑁆𑀲 𑀑𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀲𑀩𑁆𑀩𑁄, 𑀬𑁄, 𑀲𑁄, 𑀓𑁄, 𑀅𑀫𑀼𑀓𑁄, 𑀧𑀼𑀭𑀺𑀲𑁄.
𑀲𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀸𑀦𑀁.
𑀅𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀬𑀫𑁆𑀪𑀽.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀦𑀸𑀯𑀘𑀦𑀲𑁆𑀲 𑀲𑁄𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀅𑀢𑁆𑀣𑀲𑁄 𑀥𑀫𑁆𑀫𑀁 𑀚𑀸𑀦𑀸𑀢𑀺, 𑀩𑁆𑀬𑀜𑁆𑀚𑀦𑀲𑁄 𑀅𑀢𑁆𑀣𑀁 𑀚𑀸𑀦𑀸𑀢𑀺, 𑀅𑀓𑁆𑀔𑀭𑀲𑁄, 𑀲𑀼𑀢𑁆𑀢𑀲𑁄, 𑀧𑀤𑀲𑁄, 𑀬𑀲𑀲𑁄. 𑀉𑀧𑀸𑀬𑀲𑁄, 𑀲𑀩𑁆𑀩𑀲𑁄, 𑀣𑀸𑀫𑀲𑁄, 𑀞𑀸𑀦𑀲𑁄.
𑀯𑀸𑀢𑀺 ¶ 𑀓𑀺𑀫𑀢𑁆𑀣𑀁? 𑀧𑀸𑀤𑁂𑀦 𑀯𑀸 𑀧𑀸𑀤𑀸𑀭𑀳𑁂𑀦 𑀯𑀸 𑀅𑀢𑀺𑀭𑁂𑀓𑀧𑀸𑀤𑁂𑀦 𑀯𑀸 𑀬𑁄 𑀪𑀺𑀓𑁆𑀔𑀼 𑀣𑁂𑀬𑁆𑀬𑀘𑀺𑀢𑁆𑀢𑁂𑀦 𑀧𑀭𑀲𑁆𑀲 𑀪𑀡𑁆𑀟𑀁 𑀕𑀡𑁆𑀳𑀸𑀢𑀺, 𑀲𑁄 𑀪𑀺𑀓𑁆𑀔𑀼 𑀧𑀸𑀭𑀸𑀚𑀺𑀓𑁄 𑀳𑁄𑀢𑀺 𑀅𑀲𑀁𑀯𑀸𑀲𑁄.
𑀤𑀻𑀖𑀑𑀭𑀇𑀘𑁆𑀘𑁂𑀢𑁂𑀳𑀺 𑀲𑁆𑀫𑀸𑀯𑀘𑀦𑀲𑁆𑀲 𑀲𑁄𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀤𑀻𑀖𑀲𑁄, 𑀑𑀭𑀲𑁄, 𑀤𑀻𑀖𑀫𑁆𑀳𑀸, 𑀑𑀭𑀫𑁆𑀳𑀸.
𑀤𑀻𑀖𑁄𑀭𑁂𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀲𑀭𑀫𑁆𑀳𑀸, 𑀯𑀘𑀦𑀫𑁆𑀳𑀸.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀲𑀩𑁆𑀩𑁂𑀲𑀁 𑀬𑁄𑀦𑀻𑀦𑀁𑀆𑀏 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀧𑀼𑀭𑀺𑀲𑀸, 𑀧𑀼𑀭𑀺𑀲𑁂, 𑀭𑀽𑀧𑀸, 𑀭𑀽𑀧𑁂.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀬𑁄, 𑀫𑀼𑀦𑀬𑁄, 𑀇𑀲𑀬𑁄.
𑀬𑁄𑀦𑀻𑀦𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀲𑁆𑀲, 𑀭𑀽𑀧𑀲𑁆𑀲.
𑀅𑀓𑀸𑀭𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀤𑀡𑁆𑀟𑀺𑀦𑁄, 𑀅𑀝𑁆𑀞𑀻𑀦𑀺, 𑀅𑀕𑁆𑀕𑀻 𑀧𑀚𑁆𑀚𑀮𑀦𑁆𑀢𑀺, 𑀫𑀼𑀦𑀻 𑀘𑀭𑀦𑁆𑀢𑀺.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀲𑀩𑁆𑀩𑁂𑀲𑀁 𑀲𑁆𑀫𑀸𑀲𑁆𑀫𑀺𑀁𑀇𑀘𑁆𑀘𑁂𑀢𑁂𑀲𑀁 𑀆 𑀏 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀧𑀼𑀭𑀺𑀲𑀸 ¶ , 𑀧𑀼𑀭𑀺𑀲𑀲𑁆𑀫𑀸, 𑀧𑀼𑀭𑀺𑀲𑁂, 𑀧𑀼𑀭𑀺𑀲𑀲𑁆𑀫𑀺𑀁.
𑀅𑀓𑀸𑀭𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀺𑀲𑁆𑀫𑀺𑀁, 𑀪𑀺𑀓𑁆𑀔𑀼𑀦𑀸, 𑀪𑀺𑀓𑁆𑀔𑀼𑀲𑁆𑀫𑀺𑀁.
𑁧𑁦𑁯, 𑁩𑁦𑁪. 𑀆𑀬 𑀘𑀢𑀼𑀢𑁆𑀣𑁂𑀓𑀯𑀘𑀦𑀲𑁆𑀲𑀢𑀼.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀘𑀢𑀼𑀢𑁆𑀣𑁂𑀓𑀯𑀘𑀦𑀲𑁆𑀲 𑀆𑀬𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀩𑀼𑀤𑁆𑀥𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀢𑀺.
𑀅𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀇𑀲𑀺𑀲𑁆𑀲.
𑀘𑀢𑀼𑀢𑁆𑀣𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀲𑁆𑀲 𑀫𑀼𑀔𑀁.
𑀏𑀓𑀯𑀘𑀦𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀸𑀦𑀁 𑀤𑀤𑀸𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀤𑀸𑀢𑀸 𑀳𑁄𑀢𑀺 𑀲𑀫𑀡𑀲𑁆𑀲 𑀯𑀸 𑀩𑁆𑀭𑀸𑀳𑁆𑀫𑀡𑀲𑁆𑀲 𑀯𑀸.
𑀢𑀼𑀕𑁆𑀕𑀳𑀡𑁂𑀦𑀢𑁆𑀣𑀜𑁆𑀘 𑀳𑁄𑀢𑀺. 𑀅𑀢𑁆𑀣𑀢𑁆𑀣𑀁, 𑀳𑀺𑀢𑀢𑁆𑀣𑀁, 𑀲𑀼𑀔𑀢𑁆𑀣𑀁.
𑁧𑁧𑁦, 𑁨𑁦𑁧. 𑀢𑀬𑁄 𑀦𑁂𑀯 𑀘 𑀲𑀩𑁆𑀩𑀦𑀸𑀫𑁂𑀳𑀺.
𑀢𑁂𑀳𑀺 𑀲𑀩𑁆𑀩𑀦𑀸𑀫𑁂𑀳𑀺 𑀅𑀓𑀸𑀭𑀦𑁆𑀢𑁂𑀳𑀺 𑀲𑁆𑀫𑀸𑀲𑁆𑀫𑀺𑀁 𑀲𑀇𑀘𑁆𑀘𑁂𑀢𑁂𑀲𑀁 𑀢𑀬𑁄 𑀆 𑀏 𑀆𑀬𑀸𑀤𑁂𑀲𑀸 𑀦𑁂𑀯 𑀳𑁄𑀦𑁆𑀢𑀺.
𑀲𑀩𑁆𑀩𑀲𑁆𑀫𑀸 ¶ , 𑀲𑀩𑁆𑀩𑀲𑁆𑀫𑀺𑀁, 𑀲𑀩𑁆𑀩𑀲𑁆𑀲. 𑀬𑀲𑁆𑀫𑀸, 𑀬𑀲𑁆𑀫𑀺𑀁, 𑀬𑀲𑁆𑀲. 𑀢𑀲𑁆𑀫𑀸, 𑀢𑀲𑁆𑀫𑀺𑀁, 𑀢𑀲𑁆𑀲. 𑀓𑀲𑁆𑀫𑀸, 𑀓𑀲𑁆𑀫𑀺𑀁, 𑀓𑀲𑁆𑀲. 𑀇𑀫𑀲𑁆𑀫𑀸, 𑀇𑀫𑀲𑁆𑀫𑀺𑀁, 𑀇𑀫𑀲𑁆𑀲.
𑀲𑀩𑁆𑀩𑀦𑀸𑀫𑁂𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀸𑀧𑀸, 𑀧𑀸𑀧𑁂, 𑀧𑀸𑀧𑀸𑀬.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑀢𑀲𑁆𑀫𑀸 𑀖𑀢𑁄 𑀦𑀸𑀤𑀻𑀦𑀫𑁂𑀓𑀯𑀘𑀦𑀸𑀦𑀁 𑀯𑀺𑀪𑀢𑁆𑀢𑀺𑀕𑀡𑀸𑀦𑀁 𑀆𑀬𑀸𑀤𑁂𑀲𑁄 𑀳𑁄𑀢𑀺.
𑀓𑀜𑁆𑀜𑀸𑀬 𑀓𑀢𑀁 𑀓𑀫𑁆𑀫𑀁, 𑀓𑀜𑁆𑀜𑀸𑀬 𑀤𑀻𑀬𑀢𑁂, 𑀓𑀜𑁆𑀜𑀸𑀬 𑀦𑀺𑀲𑁆𑀲𑀝𑀁 𑀯𑀢𑁆𑀣𑀁. 𑀓𑀜𑁆𑀜𑀸𑀬 𑀧𑀭𑀺𑀕𑁆𑀕𑀳𑁄, 𑀓𑀜𑁆𑀜𑀸𑀬 𑀧𑀢𑀺𑀝𑁆𑀞𑀺𑀢𑀁 𑀲𑀻𑀮𑀁.
𑀖𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀭𑀢𑁆𑀢𑀺𑀬𑀸, 𑀇𑀢𑁆𑀣𑀺𑀬𑀸, 𑀥𑁂𑀦𑀼𑀬𑀸, 𑀯𑀥𑀼𑀬𑀸.
𑀦𑀸𑀤𑀻𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀓𑀜𑁆𑀜𑀁 𑀧𑀲𑁆𑀲𑀢𑀺, 𑀯𑀺𑀚𑁆𑀚𑀁, 𑀯𑀻𑀡𑀁, 𑀕𑀗𑁆𑀕𑀁.
𑀏𑀓𑀯𑀘𑀦𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑀸𑀲𑀼, 𑀬𑀸𑀲𑀼, 𑀢𑀸𑀲𑀼, 𑀓𑀸𑀲𑀼, 𑀇𑀫𑀸𑀲𑀼, 𑀧𑀪𑀸𑀲𑀼.
𑀢𑀲𑁆𑀫𑀸 𑀧𑀢𑁄 𑀦𑀸𑀤𑀻𑀦𑀫𑁂𑀓𑀯𑀘𑀦𑀸𑀦𑀁 𑀯𑀺𑀪𑀢𑁆𑀢𑀺𑀕𑀡𑀸𑀦𑀁 𑀬𑀸𑀆𑀤𑁂𑀲𑁄 𑀳𑁄𑀢𑀺.
𑀭𑀢𑁆𑀢𑀺𑀬𑀸 ¶ , 𑀇𑀢𑁆𑀣𑀺𑀬𑀸, 𑀤𑁂𑀯𑀺𑀬𑀸, 𑀥𑁂𑀦𑀼𑀬𑀸, 𑀬𑀸𑀕𑀼𑀬𑀸, 𑀯𑀥𑀼𑀬𑀸.
𑀦𑀸𑀤𑀻𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀭𑀢𑁆𑀢𑀻, 𑀭𑀢𑁆𑀢𑀺𑀁, 𑀇𑀢𑁆𑀣𑀻, 𑀇𑀢𑁆𑀣𑀺𑀁.
𑀧𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀓𑀜𑁆𑀜𑀸𑀬, 𑀯𑀻𑀡𑀸𑀬, 𑀕𑀗𑁆𑀕𑀸𑀬, 𑀧𑀪𑀸𑀬, 𑀲𑁄𑀪𑀸𑀬.
𑀏𑀓𑀯𑀘𑀦𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀭𑀢𑁆𑀢𑀻𑀦𑀁, 𑀇𑀢𑁆𑀣𑀻𑀦𑀁.
𑀢𑀲𑁆𑀫𑀸 𑀲𑀔𑀢𑁄 𑀕𑀲𑁆𑀲 𑀅𑀓𑀸𑀭 𑀆𑀓𑀸𑀭 𑀇𑀓𑀸𑀭 𑀈𑀓𑀸𑀭 𑀏𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀪𑁄 𑀲𑀔, 𑀪𑁄 𑀲𑀔𑀸, 𑀪𑁄 𑀲𑀔𑀺, 𑀪𑁄 𑀲𑀔𑀻, 𑀪𑁄 𑀲𑀔𑁂.
𑀢𑀲𑁆𑀫𑀸 𑀖𑀢𑁄 𑀕𑀲𑁆𑀲 𑀏𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀪𑁄𑀢𑀺 𑀅𑀬𑁆𑀬𑁂, 𑀪𑁄𑀢𑀺 𑀓𑀜𑁆𑀜𑁂, 𑀪𑁄𑀢𑀺 𑀔𑀭𑀸𑀤𑀺𑀬𑁂.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁, 𑀲𑀦𑁆𑀦𑀺𑀝𑁆𑀞𑀸𑀦𑀁.
𑀢𑀢𑁄 𑀅𑀫𑁆𑀫𑀸𑀤𑀺𑀢𑁄 𑀕𑀲𑁆𑀲 𑀏𑀓𑀸𑀭𑀢𑁆𑀢𑀁 𑀦 𑀳𑁄𑀢𑀺.
𑀪𑁄𑀢𑀺 ¶ 𑀅𑀫𑁆𑀫𑀸, 𑀪𑁄𑀢𑀺 𑀅𑀦𑁆𑀦𑀸, 𑀪𑁄𑀢𑀺 𑀅𑀫𑁆𑀩𑀸, 𑀪𑁄𑀢𑀺 𑀢𑀸𑀢𑀸.
𑀅𑀫𑁆𑀫𑀸𑀤𑀺𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀪𑁄𑀢𑀺 𑀓𑀜𑁆𑀜𑁂.
𑁧𑁧𑁬, 𑁧𑁫𑁭. 𑀅𑀓𑀢𑀭𑀲𑁆𑀲𑀸 𑀮𑀢𑁄 𑀬𑁆𑀯𑀸𑀮𑀧𑀦𑀲𑁆𑀲 𑀯𑁂𑀯𑁄.
𑀢𑀲𑁆𑀫𑀸 𑀅𑀓𑀢𑀭𑀲𑁆𑀲𑀸 𑀮𑀢𑁄 𑀬𑁆𑀯𑀸𑀮𑀧𑀦𑀲𑁆𑀲 𑀯𑁂𑀯𑁄𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀯𑁄, 𑀳𑁂𑀢𑀯𑁂, 𑀳𑁂𑀢𑀯𑁄.
𑀅𑀓𑀢𑀭𑀲𑁆𑀲𑀸𑀢𑀺 𑀓𑀺𑀫𑀢𑁆𑀣𑀁? 𑀲𑀬𑀫𑁆𑀪𑀼𑀯𑁄.
𑀮𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀦𑀸𑀕𑀺𑀬𑁄, 𑀥𑁂𑀦𑀼𑀬𑁄, 𑀬𑀸𑀕𑀼𑀬𑁄.
𑀆𑀮𑀧𑀦𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀢𑁂 𑀳𑁂𑀢𑀯𑁄, 𑀢𑁂 𑀪𑀺𑀓𑁆𑀔𑀯𑁄.
𑀢𑀲𑁆𑀫𑀸 𑀛𑀮𑀢𑁄 𑀲𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀦𑁄 𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀅𑀕𑁆𑀕𑀺𑀦𑁄, 𑀅𑀕𑁆𑀕𑀺𑀲𑁆𑀲, 𑀲𑀔𑀺𑀦𑁄, 𑀲𑀔𑀺𑀲𑁆𑀲, 𑀤𑀡𑁆𑀟𑀺𑀦𑁄, 𑀤𑀡𑁆𑀟𑀺𑀲𑁆𑀲, 𑀪𑀺𑀓𑁆𑀔𑀼𑀦𑁄, 𑀪𑀺𑀓𑁆𑀔𑀼𑀲𑁆𑀲, 𑀲𑀬𑀫𑁆𑀪𑀼𑀦𑁄, 𑀲𑀬𑀫𑁆𑀪𑀼𑀲𑁆𑀲.
𑀲𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀇𑀲𑀺𑀦𑀸, 𑀪𑀺𑀓𑁆𑀔𑀼𑀦𑀸.
𑀛𑀮𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀲𑁆𑀲.
𑁧𑁧𑁮, 𑁧𑁪𑁬. 𑀖𑀧𑀢𑁄 ¶ 𑀘 𑀬𑁄𑀦𑀁 𑀮𑁄𑀧𑁄.
𑀢𑁂𑀳𑀺 𑀖𑀧𑀛𑀮𑀇𑀘𑁆𑀘𑁂𑀢𑁂𑀳𑀺 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺 𑀯𑀸.
𑀓𑀜𑁆𑀜𑀸, 𑀓𑀜𑁆𑀜𑀸𑀬𑁄. 𑀭𑀢𑁆𑀢𑀻, 𑀭𑀢𑁆𑀢𑀺𑀬𑁄, 𑀇𑀢𑁆𑀣𑀻, 𑀇𑀢𑁆𑀣𑀺𑀬𑁄, 𑀬𑀸𑀕𑀽, 𑀬𑀸𑀕𑀼𑀬𑁄, 𑀯𑀥𑀽, 𑀯𑀥𑀼𑀬𑁄. 𑀅𑀕𑁆𑀕𑀻, 𑀅𑀕𑁆𑀕𑀬𑁄. 𑀪𑀺𑀓𑁆𑀔𑀽, 𑀪𑀺𑀓𑁆𑀔𑀯𑁄. 𑀲𑀬𑀫𑁆𑀪𑀽, 𑀲𑀬𑀫𑁆𑀪𑀼𑀯𑁄. 𑀅𑀝𑁆𑀞𑀻, 𑀅𑀝𑁆𑀞𑀻𑀦𑀺, 𑀆𑀬𑀽, 𑀆𑀬𑀽𑀦𑀺.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑀢𑀲𑁆𑀫𑀸 𑀮𑀢𑁄 𑀬𑁄𑀦𑀁 𑀯𑁄𑀓𑀸𑀭𑁄 𑀳𑁄𑀢𑀺 𑀯𑀸.
𑀪𑀺𑀓𑁆𑀔𑀯𑁄, 𑀪𑀺𑀓𑁆𑀔𑀽, 𑀲𑀬𑀫𑁆𑀪𑀼𑀯𑁄, 𑀲𑀬𑀫𑁆𑀪𑀽.
𑀓𑀸𑀭𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀬𑁄𑀦𑀁 𑀦𑁄 𑀘 𑀳𑁄𑀢𑀺. 𑀚𑀦𑁆𑀢𑀼𑀦𑁄.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁, 𑀅𑀫𑀽 𑀧𑀼𑀭𑀺𑀲𑀸 𑀢𑀺𑀝𑁆𑀞𑀦𑁆𑀢𑀺, 𑀅𑀫𑀽 𑀧𑀼𑀭𑀺𑀲𑁂 𑀧𑀲𑁆𑀲𑀣.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑀤𑀼𑀢𑀺𑀬𑀓𑀡𑁆𑀟
𑁧𑁨𑁦, 𑁨𑁪𑁩. 𑀅𑀫𑁆𑀳𑀲𑁆𑀲 𑀫𑀫𑀁 𑀲𑀧𑀺𑀪𑀢𑁆𑀢𑀺𑀲𑁆𑀲 𑀲𑁂.
𑀲𑀩𑁆𑀩𑀲𑁆𑀲𑁂𑀯 𑀅𑀫𑁆𑀳𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀫𑀫𑀁 𑀆𑀤𑁂𑀲𑁄 𑀳𑁄𑀢𑀺 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀫𑀫𑀁 ¶ 𑀤𑀻𑀬𑀢𑁂 𑀧𑀼𑀭𑀺𑀲𑁂𑀦, 𑀫𑀫𑀁 𑀧𑀭𑀺𑀕𑁆𑀕𑀳𑁄.
𑀲𑀩𑁆𑀩𑀲𑁆𑀲𑁂𑀯 𑀅𑀫𑁆𑀳𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀫𑀬𑀁𑀆𑀤𑁂𑀲𑁄 𑀳𑁄𑀢𑀺 𑀬𑁄𑀫𑁆𑀳𑀺 𑀧𑀞𑀫𑁂.
𑀫𑀬𑀁 𑀕𑀘𑁆𑀙𑀸𑀫, 𑀫𑀬𑀁 𑀤𑁂𑀫.
𑀅𑀫𑁆𑀳𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀸 𑀢𑀺𑀝𑁆𑀞𑀦𑁆𑀢𑀺.
𑀬𑁄𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀳𑀁 𑀕𑀘𑁆𑀙𑀸𑀫𑀺.
𑀧𑀞𑀫𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀫𑁆𑀳𑀸𑀓𑀁 𑀧𑀲𑁆𑀲𑀲𑀺 𑀢𑁆𑀯𑀁.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀦𑁆𑀢𑁄𑀆𑀤𑁂𑀲𑁄 𑀳𑁄𑀢𑀺 𑀬𑁄𑀫𑁆𑀳𑀺 𑀧𑀞𑀫𑁂.
𑀕𑀼𑀡𑀯𑀦𑁆𑀢𑁄 𑀢𑀺𑀝𑁆𑀞𑀦𑁆𑀢𑀺.
𑀦𑁆𑀢𑀼𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑁂 𑀲𑀢𑁆𑀢𑀸 𑀕𑀘𑁆𑀙𑀦𑁆𑀢𑀺.
𑀧𑀞𑀫𑁂𑀢𑀺 𑀓𑀺𑀫𑀢𑁆𑀣𑀁? 𑀕𑀼𑀡𑀯𑀦𑁆𑀢𑁂 𑀧𑀲𑁆𑀲𑀦𑁆𑀢𑀺 𑀚𑀦𑀸.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀦𑁆𑀢𑀲𑁆𑀲𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀲𑀻𑀮𑀯𑀦𑁆𑀢𑀲𑁆𑀲 𑀛𑀸𑀬𑀺𑀦𑁄, 𑀲𑀻𑀮𑀯𑀢𑁄 𑀛𑀸𑀬𑀺𑀦𑁄 𑀯𑀸.
𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀻𑀮𑀯𑀸 𑀢𑀺𑀝𑁆𑀞𑀢𑀺.
𑁧𑁨𑁪, 𑁯𑁮. 𑀆 ¶ 𑀲𑀺𑀫𑁆𑀳𑀺.
𑀲𑀩𑁆𑀩𑀲𑁆𑀲𑁂𑀯𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀆𑀆𑀤𑁂𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑀼𑀡𑀯𑀸, 𑀧𑀜𑁆𑀜𑀯𑀸, 𑀲𑀻𑀮𑀯𑀸, 𑀩𑀮𑀯𑀸, 𑀥𑀦𑀯𑀸, 𑀫𑀢𑀺𑀫𑀸, 𑀲𑀢𑀺𑀫𑀸, 𑀥𑀺𑀢𑀺𑀫𑀸.
𑀦𑁆𑀢𑀼𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑁄 𑀢𑀺𑀝𑁆𑀞𑀢𑀺.
𑀲𑀺𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀻𑀮𑀯𑀦𑁆𑀢𑁄 𑀢𑀺𑀝𑁆𑀞𑀦𑁆𑀢𑀺.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀁𑀆𑀤𑁂𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺 𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲.
𑀕𑀼𑀡𑀯𑀁 𑀘𑀺𑀢𑁆𑀢𑀁 𑀢𑀺𑀝𑁆𑀞𑀢𑀺, 𑀭𑀼𑀘𑀺𑀫𑀁 𑀧𑀼𑀧𑁆𑀨𑀁 𑀯𑀺𑀭𑁄𑀘𑀢𑀺.
𑀲𑀺𑀫𑁆𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀯𑀡𑁆𑀡𑀯𑀦𑁆𑀢𑀁 𑀅𑀕𑀦𑁆𑀥𑀓𑀁 𑀯𑀺𑀭𑀽𑀴𑁆𑀳𑀧𑀼𑀧𑁆𑀨𑀁 𑀧𑀲𑁆𑀲𑀲𑀺 𑀢𑁆𑀯𑀁.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀁 𑀅𑀯𑀡𑁆𑀡𑀸 𑀘 𑀳𑁄𑀦𑁆𑀢𑀺 𑀕𑁂 𑀧𑀭𑁂.
𑀪𑁄 𑀕𑀼𑀡𑀯𑀁, 𑀪𑁄 𑀕𑀼𑀡𑀯, 𑀪𑁄 𑀕𑀼𑀡𑀯𑀸.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁧𑁨𑁭, 𑁧𑁦𑁨. 𑀢𑁄 ¶ 𑀢𑀺 𑀢𑀸 𑀲 𑀲𑁆𑀫𑀺𑀁 𑀦𑀸𑀲𑀼.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑁄𑀢𑀺𑀢𑀸𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀲𑀲𑁆𑀫𑀺𑀁 𑀦𑀸𑀇𑀘𑁆𑀘𑁂𑀢𑁂𑀲𑀼 𑀬𑀣𑀸𑀲𑀗𑁆𑀔𑁆𑀬𑀁.
𑀕𑀼𑀡𑀯𑀢𑁄, 𑀕𑀼𑀡𑀯𑀦𑁆𑀢𑀲𑁆𑀲, 𑀕𑀼𑀡𑀯𑀢𑀺, 𑀕𑀼𑀡𑀯𑀦𑁆𑀢𑀲𑁆𑀫𑀺𑀁, 𑀕𑀼𑀡𑀯𑀢𑀸, 𑀕𑀼𑀡𑀯𑀦𑁆𑀢𑁂𑀦, 𑀲𑀢𑀺𑀫𑀢𑁄, 𑀲𑀢𑀺𑀫𑀦𑁆𑀢𑀲𑁆𑀲, 𑀲𑀢𑀺𑀫𑀢𑀺, 𑀲𑀢𑀺𑀫𑀦𑁆𑀢𑀲𑁆𑀫𑀺𑀁, 𑀲𑀢𑀺𑀫𑀢𑀸, 𑀲𑀢𑀺𑀫𑀦𑁆𑀢𑁂𑀦.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀼𑀡𑀯𑀸. 𑀲𑀢𑀺𑀫𑀸.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀁𑀆𑀤𑁂𑀲𑁄 𑀳𑁄𑀢𑀺 𑀯𑀸 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀕𑀼𑀡𑀯𑀢𑀁, 𑀕𑀼𑀡𑀯𑀦𑁆𑀢𑀸𑀦𑀁, 𑀲𑀢𑀺𑀫𑀢𑀁, 𑀲𑀢𑀺𑀫𑀦𑁆𑀢𑀸𑀦𑀁.
𑀦𑀁𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀼𑀡𑀯𑀦𑁆𑀢𑁄 𑀢𑀺𑀝𑁆𑀞𑀦𑁆𑀢𑀺, 𑀲𑀢𑀺𑀫𑀦𑁆𑀢𑁄 𑀢𑀺𑀝𑁆𑀞𑀦𑁆𑀢𑀺.
𑁧𑁨𑁯, 𑁨𑁨𑁨. 𑀇𑀫𑀲𑁆𑀲𑀺𑀤𑀫𑀁𑀲𑀺𑀲𑀼 𑀦𑀧𑀼𑀁𑀲𑀓𑁂.
𑀲𑀩𑁆𑀩𑀲𑁆𑀲𑁂𑀯 𑀇𑀫𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀇𑀤𑀁𑀆𑀤𑁂𑀲𑁄 𑀳𑁄𑀢𑀺 𑀯𑀸 𑀅𑀁𑀲𑀺𑀲𑀼 𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲.
𑀇𑀤𑀁 𑀘𑀺𑀢𑁆𑀢𑀁 𑀧𑀲𑁆𑀲𑀲𑀺, 𑀇𑀤𑀁 𑀘𑀺𑀢𑁆𑀢𑀁 𑀢𑀺𑀝𑁆𑀞𑀢𑀺, 𑀇𑀫𑀁 𑀘𑀺𑀢𑁆𑀢𑀁 𑀧𑀲𑁆𑀲𑀲𑀺. 𑀇𑀫𑀁 𑀘𑀺𑀢𑁆𑀢𑀁 𑀢𑀺𑀝𑁆𑀞𑀢𑀺.
𑀦𑀣𑀼𑀁𑀲𑀓𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀇𑀫𑀁 𑀧𑀼𑀭𑀺𑀲𑀁 𑀧𑀲𑁆𑀲𑀲𑀺. 𑀅𑀬𑀁 𑀧𑀼𑀭𑀺𑀲𑁄 𑀢𑀺𑀝𑁆𑀞𑀢𑀺.
𑀲𑀩𑁆𑀩𑀲𑁆𑀲𑁂𑀯 𑀅𑀫𑀼𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀤𑀼𑀁𑀆𑀤𑁂𑀲𑁄 𑀳𑁄𑀢𑀺 𑀅𑀁𑀲𑀺𑀲𑀼 𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲.
𑀅𑀤𑀼𑀁 𑀧𑀼𑀧𑁆𑀨𑀁 𑀧𑀲𑁆𑀲𑀲𑀺, 𑀅𑀤𑀼𑀁 𑀧𑀼𑀧𑁆𑀨𑀁 𑀯𑀺𑀭𑁄𑀘𑀢𑀺.
𑀦𑀧𑀼𑀁𑀲𑀓𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀫𑀼𑀁 𑀭𑀸𑀚𑀸𑀦𑀁 𑀧𑀲𑁆𑀲𑀲𑀺, 𑀅𑀲𑀼 𑀭𑀸𑀚𑀸 𑀢𑀺𑀝𑁆𑀞𑀢𑀺.
𑁧𑁩𑁧, 𑁦. 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀲𑀗𑁆𑀔𑁆𑀬𑀁.
‘‘𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀲𑀗𑁆𑀔𑁆𑀬𑀁’’ 𑀇𑀘𑁆𑀘𑁂𑀢𑀁 𑀅𑀥𑀺𑀓𑀸𑀭𑀢𑁆𑀣𑀁 𑀯𑁂𑀤𑀺𑀢𑀩𑁆𑀩𑀁.
𑁧𑁩𑁨, 𑁨𑁨𑁮. 𑀬𑁄𑀲𑀼 𑀤𑁆𑀯𑀺𑀦𑁆𑀦𑀁 𑀤𑁆𑀯𑁂 𑀘.
𑀤𑁆𑀯𑀺𑀦𑁆𑀦𑀁 𑀲𑀗𑁆𑀔𑁆𑀬𑀸𑀦𑀁 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀤𑁆𑀯𑁂 𑀳𑁄𑀢𑀺 𑀬𑁄𑀇𑀘𑁆𑀘𑁂𑀢𑁂𑀲𑀼.
𑀤𑁆𑀯𑁂 𑀇𑀢𑁆𑀣𑀺𑀬𑁄, 𑀤𑁆𑀯𑁂 𑀥𑀫𑁆𑀫𑀸. 𑀤𑁆𑀯𑁂 𑀭𑀽𑀧𑀸𑀦𑀺.
𑀬𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀻𑀲𑀼.
𑀘𑀕𑁆𑀕𑀳𑀡𑁂𑀦 𑀤𑀼𑀯𑁂 𑀤𑁆𑀯𑀬 𑀉𑀪 𑀉𑀪𑀬 𑀤𑀼𑀯𑀺 𑀘 𑀳𑁄𑀦𑁆𑀢𑀺 𑀬𑁄𑀦𑀸𑀅𑀦𑀫𑀺𑀘𑁆𑀘𑁂𑀢𑁂𑀲𑀼. 𑀤𑀼𑀯𑁂 𑀲𑀫𑀡𑀸. 𑀤𑀼𑀯𑁂 𑀩𑁆𑀭𑀸𑀳𑁆𑀫𑀡𑀸 ¶ , 𑀤𑀼𑀯𑁂 𑀚𑀦𑀸, 𑀤𑁆𑀯𑀬𑁂𑀦, 𑀤𑁆𑀯𑀬𑀁, 𑀉𑀪𑀺𑀦𑁆𑀦𑀁, 𑀉𑀪𑀬𑁂𑀲𑀁 𑀤𑀼𑀯𑀺𑀦𑁆𑀦𑀁.
𑁧𑁩𑁩, 𑁨𑁩𑁦. 𑀢𑀺 𑀘𑀢𑀼𑀦𑁆𑀦𑀁 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀢𑀬𑁄 𑀘𑀢𑁆𑀢𑀸𑀭𑁄 𑀢𑀻𑀡𑀺 𑀘𑀢𑁆𑀢𑀸𑀭𑀺.
𑀢𑀺𑀘𑀢𑀼𑀦𑁆𑀦𑀁 𑀲𑀗𑁆𑀔𑁆𑀬𑀸𑀦𑀁 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀢𑀬𑁄 𑀘𑀢𑁆𑀢𑀸𑀭𑁄 𑀢𑀻𑀡𑀺 𑀘𑀢𑁆𑀢𑀸𑀭𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀬𑁄𑀇𑀘𑁆𑀘𑁂𑀢𑁂𑀲𑀼.
𑀢𑀺𑀲𑁆𑀲𑁄 𑀯𑁂𑀤𑀦𑀸 𑀘𑀢𑀲𑁆𑀲𑁄 𑀤𑀺𑀲𑀸, 𑀢𑀬𑁄 𑀚𑀦𑀸, 𑀚𑀦𑁂, 𑀘𑀢𑁆𑀢𑀸𑀭𑁄 𑀧𑀼𑀭𑀺𑀲𑀸, 𑀧𑀼𑀭𑀺𑀲𑁂, 𑀢𑀻𑀡𑀺 𑀆𑀬𑀢𑀦𑀸𑀦𑀺, 𑀘𑀢𑁆𑀢𑀸𑀭𑀺 𑀅𑀭𑀺𑀬𑀲𑀘𑁆𑀘𑀸𑀦𑀺.
𑀬𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀢𑀻𑀲𑀼, 𑀘𑀢𑀽𑀲𑀼.
𑀧𑀜𑁆𑀘𑀸𑀤𑀻𑀦𑀁 𑀲𑀗𑁆𑀔𑁆𑀬𑀸𑀦𑀁 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀸𑀦𑀁 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀦𑁆𑀢𑀲𑁆𑀲 𑀲𑀭𑀲𑁆𑀲 𑀅𑀓𑀸𑀭𑁄 𑀳𑁄𑀢𑀺 𑀬𑁄𑀇𑀘𑁆𑀘𑁂𑀢𑁂𑀲𑀼.
𑀧𑀜𑁆𑀘, 𑀧𑀜𑁆𑀘, 𑀙, 𑀙, 𑀲𑀢𑁆𑀢, 𑀲𑀢𑁆𑀢, 𑀅𑀝𑁆𑀞, 𑀅𑀝𑁆𑀞, 𑀦𑀯, 𑀦𑀯, 𑀤𑀲, 𑀤𑀲.
𑀧𑀜𑁆𑀘𑀸𑀤𑀻𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑁂, 𑀢𑀬𑁄.
𑁧𑁩𑁫, 𑁧𑁧𑁮. 𑀭𑀸𑀚𑀲𑁆𑀲 ¶ 𑀭𑀜𑁆𑀜𑁄 𑀭𑀸𑀚𑀺𑀦𑁄 𑀲𑁂.
𑀲𑀩𑁆𑀩𑀲𑁆𑀲𑁂𑀯 𑀭𑀸𑀚𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑁄 𑀭𑀸𑀚𑀺𑀦𑁄𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀭𑀜𑁆𑀜𑁄, 𑀭𑀸𑀚𑀺𑀦𑁄.
𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀭𑀜𑁆𑀜𑀸.
𑀲𑀩𑁆𑀩𑀲𑁆𑀲𑁂𑀯 𑀭𑀸𑀚𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀁𑀆𑀤𑁂𑀲𑁄 𑀳𑁄𑀢𑀺 𑀯𑀸 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀭𑀜𑁆𑀜𑀁, 𑀭𑀸𑀚𑀽𑀦𑀁 𑀇𑀤𑀁 𑀭𑀝𑁆𑀞𑀁.
𑀲𑀩𑁆𑀩𑀲𑁆𑀲𑁂𑀯 𑀭𑀸𑀚𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀸𑀆𑀤𑁂𑀲𑁄 𑀳𑁄𑀢𑀺 𑀯𑀸 𑀦𑀸𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑁂𑀦 𑀭𑀜𑁆𑀜𑀸 𑀓𑀢𑀁. 𑀭𑀸𑀚𑁂𑀦 𑀯𑀸 𑀓𑀢𑀁.
𑀦𑀸𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀭𑀜𑁆𑀜𑁄 𑀲𑀦𑁆𑀢𑀓𑀁.
𑁧𑁩𑁮, 𑁧𑁨𑁧. 𑀲𑁆𑀫𑀺𑀁𑀫𑁆𑀳𑀺 𑀭𑀜𑁆𑀜𑁂 𑀭𑀸𑀚𑀺𑀦𑀺.
𑀲𑀩𑁆𑀩𑀲𑁆𑀲𑁂𑀯 𑀭𑀸𑀚𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑁂𑀭𑀸𑀚𑀺𑀦𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀲𑁆𑀫𑀺𑀁𑀫𑁆𑀳𑀺𑀯𑀺𑀪𑀢𑁆𑀢𑀺𑀫𑁆𑀳𑀺.
𑀭𑀜𑁆𑀜𑁂, 𑀭𑀸𑀚𑀺𑀦𑀺 𑀲𑀻𑀮𑀁 𑀢𑀺𑀝𑁆𑀞𑀢𑀺.
𑁧𑁩𑁯, 𑁨𑁪𑁫. 𑀢𑀼𑀫𑁆𑀳𑀸𑀓𑀁 ¶ 𑀢𑀬𑀺𑀫𑀬𑀺.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳 𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀺 𑀫𑀬𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑁄 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀲𑁆𑀫𑀺𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀬𑀺, 𑀫𑀬𑀺.
𑀲𑁆𑀫𑀺𑀁𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀢𑁆𑀯𑀁 𑀪𑀯𑀲𑀺, 𑀅𑀳𑀁 𑀪𑀯𑀸𑀫𑀺.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑁆𑀯𑀁 𑀅𑀳𑀁𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑁆𑀯𑀁, 𑀅𑀳𑀁.
𑀲𑀺𑀫𑁆𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀺, 𑀫𑀬𑀺.
𑀘𑀕𑁆𑀕𑀳𑀡𑁂𑀦 𑀢𑀼𑀯𑀁 𑀘 𑀳𑁄𑀢𑀺. 𑀢𑀼𑀯𑀁 𑀲𑀢𑁆𑀣𑀸.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀯𑀫𑀫𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀯, 𑀫𑀫.
𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀺, 𑀫𑀬𑀺.
𑁧𑁪𑁨, 𑁨𑁪𑁨. 𑀢𑀼𑀬𑁆𑀳𑀁 ¶ 𑀫𑀬𑁆𑀳𑀜𑁆𑀘.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀼𑀬𑁆𑀳𑀁 𑀫𑀬𑁆𑀳𑀁𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀲𑁂 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀼𑀬𑁆𑀳𑀁, 𑀫𑀬𑁆𑀳𑀁 𑀥𑀦𑀁 𑀤𑀻𑀬𑀢𑁂.
𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀸, 𑀫𑀬𑀸.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀁 𑀫𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀁, 𑀫𑀁.
𑀅𑀁𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀸 𑀫𑀬𑀸.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀯𑀁 𑀫𑀫𑀁𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀦𑀯𑀸 𑀬𑀣𑀸𑀲𑀗𑁆𑀔𑁆𑀬𑀁 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀯𑀁, 𑀫𑀫𑀁 𑀧𑀲𑁆𑀲𑀢𑀺.
𑀦𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀢𑀁, 𑀫𑀁 𑀧𑀲𑁆𑀲𑀢𑀺.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀸 𑀫𑀬𑀸𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀦𑀸𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀢𑀬𑀸 ¶ , 𑀫𑀬𑀸 𑀓𑀢𑀁.
𑀦𑀸𑀫𑁆𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑁂𑀳𑀺, 𑀅𑀫𑁆𑀳𑁂𑀳𑀺.
𑁧𑁪𑁬, 𑁨𑁩𑁬. 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁 𑀢𑁆𑀯𑀫𑀁𑀫𑁆𑀳𑀺.
𑀲𑀩𑁆𑀩𑀲𑁆𑀲 𑀢𑀼𑀫𑁆𑀳𑀲𑀤𑁆𑀤𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀼𑀯𑀁 𑀢𑁆𑀯𑀁 𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀓𑀮𑀺𑀗𑁆𑀕𑀭𑀲𑁆𑀲 𑀢𑀼𑀯𑀁 𑀫𑀜𑁆𑀜𑁂, 𑀓𑀝𑁆𑀞𑀲𑁆𑀲 𑀢𑁆𑀯𑀁 𑀫𑀜𑁆𑀜𑁂.
𑁧𑁪𑁭, 𑁨𑁪𑁬. 𑀧𑀤𑀢𑁄 𑀤𑀼𑀢𑀺𑀬𑀸 𑀘𑀢𑀼𑀢𑁆𑀣𑀻 𑀙𑀝𑁆𑀞𑀻𑀲𑀼 𑀯𑁄𑀦𑁄.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀬𑀤𑀸 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀯𑁄 𑀦𑁄𑀆𑀤𑁂𑀲𑀸 𑀳𑁄𑀦𑁆𑀢𑀺 𑀦𑀯𑀸 𑀬𑀣𑀸𑀲𑀗𑁆𑀔𑁆𑀬𑀁 𑀤𑀼𑀢𑀺𑀬𑀸 𑀘𑀢𑀼𑀢𑁆𑀣𑀻𑀙𑀝𑁆𑀞𑀻𑀇𑀘𑁆𑀘𑁂𑀢𑁂𑀲𑀼 𑀩𑀳𑀼𑀯𑀘𑀦𑁂𑀲𑀼.
𑀧𑀳𑀸𑀬 𑀯𑁄 𑀪𑀺𑀓𑁆𑀔𑀯𑁂 𑀕𑀫𑀺𑀲𑁆𑀲𑀸𑀫𑀺, 𑀫𑀸 𑀦𑁄 𑀅𑀚𑁆𑀚 𑀯𑀺𑀓𑀦𑁆𑀢𑀺𑀁𑀲𑀼, 𑀭𑀜𑁆𑀜𑁄 𑀲𑀽𑀤𑀸 𑀫𑀳𑀸𑀦𑀲𑁂, 𑀏𑀯𑀁 𑀤𑀼𑀢𑀺𑀬𑀢𑁆𑀣𑁂.
𑀥𑀫𑁆𑀫𑀁 𑀯𑁄 𑀪𑀺𑀓𑁆𑀔𑀯𑁂 𑀤𑁂𑀲𑁂𑀲𑁆𑀲𑀸𑀫𑀺, 𑀲𑀁𑀯𑀺𑀪𑀚𑁂𑀣 𑀦𑁄 𑀭𑀚𑁆𑀚𑁂𑀦, 𑀏𑀯𑀁 𑀘𑀢𑀼𑀢𑁆𑀣𑁆𑀬𑀢𑁆𑀣𑁂.
𑀢𑀼𑀝𑁆𑀞𑁄𑀲𑁆𑀫𑀺 𑀯𑁄 𑀪𑀺𑀓𑁆𑀔𑀯𑁂 𑀧𑀓𑀢𑀺𑀬𑀸, 𑀲𑀢𑁆𑀣𑀸 𑀦𑁄 𑀪𑀕𑀯𑀸 𑀅𑀦𑀼𑀧𑁆𑀧𑀢𑁆𑀢𑁄, 𑀏𑀯𑀁 𑀙𑀝𑁆𑀞𑁆𑀬𑀢𑁆𑀣𑁂.
𑀦𑀯𑀸𑀢𑀺 ¶ 𑀓𑀺𑀫𑀢𑁆𑀣𑀁? 𑀏𑀲𑁄 𑀅𑀫𑁆𑀳𑀸𑀓𑀁 𑀲𑀢𑁆𑀣𑀸.
𑀢𑀼𑀫𑁆𑀳𑀫𑁆𑀳𑀸𑀓𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀏𑀢𑁂 𑀇𑀲𑀬𑁄 𑀧𑀲𑁆𑀲𑀲𑀺.
𑀧𑀤𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑀸𑀓𑀁 𑀲𑀢𑁆𑀣𑀸.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀣 𑀢𑀼𑀫𑁆𑀳𑁂.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀬𑀤𑀸 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀢𑁂 𑀫𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀘𑀢𑀼𑀢𑁆𑀣𑀻𑀙𑀝𑁆𑀞𑀻𑀇𑀘𑁆𑀘𑁂𑀢𑁂𑀲𑀼 𑀏𑀓𑀯𑀘𑀦𑁂𑀲𑀼.
𑀤𑀤𑀸𑀫𑀺 𑀢𑁂 𑀕𑀸𑀫𑀯𑀭𑀸𑀦𑀺 𑀧𑀜𑁆𑀘, 𑀤𑀤𑀸𑀳𑀺 𑀫𑁂 𑀕𑀸𑀫𑀯𑀭𑀁, 𑀇𑀤𑀁 𑀢𑁂 𑀭𑀝𑁆𑀞𑀁, 𑀅𑀬𑀁 𑀫𑁂 𑀧𑀼𑀢𑁆𑀢𑁄.
𑀧𑀤𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀢𑀯 𑀜𑀸𑀢𑀺, 𑀫𑀫 𑀜𑀸𑀢𑀺.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳 𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀬𑀤𑀸 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀢𑁂 𑀫𑁂𑀆𑀤𑁂𑀲𑀸 𑀦 𑀳𑁄𑀦𑁆𑀢𑀺 𑀅𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀲𑁆𑀲𑁂𑀬𑁆𑀬 𑀢𑀁 𑀯𑀲𑁆𑀲𑀲𑀢𑀁 𑀅𑀭𑁄𑀕𑀁, 𑀲𑁄 𑀫𑀁 𑀩𑁆𑀭𑀯𑀻𑀢𑀺.
𑁧𑁫𑁦, 𑁨𑁪𑁯. 𑀯𑀸 ¶ 𑀢𑀢𑀺𑀬𑁂 𑀘.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀬𑀤𑀸 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀢𑁂𑀫𑁂𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁 𑀢𑀢𑀺𑀬𑁂𑀓𑀯𑀘𑀦𑁂 𑀧𑀭𑁂.
𑀓𑀢𑀁 𑀢𑁂 𑀧𑀸𑀧𑀁, 𑀓𑀢𑀁 𑀫𑁂 𑀧𑀸𑀧𑀁, 𑀓𑀢𑀁 𑀢𑀬𑀸 𑀧𑀸𑀧𑀁, 𑀓𑀢𑀁 𑀫𑀬𑀸 𑀧𑀸𑀧𑀁.
𑀧𑀤𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀸 𑀓𑀢𑀁, 𑀫𑀬𑀸 𑀓𑀢𑀁.
𑀲𑀩𑁆𑀩𑁂𑀲𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀬𑀤𑀸 𑀧𑀤𑀲𑁆𑀫𑀸 𑀧𑀭𑁂𑀲𑀁 𑀯𑁄𑀦𑁄𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀢𑀢𑀺𑀬𑀸𑀩𑀳𑀼𑀯𑀘𑀦𑁂𑀲𑀼 𑀧𑀭𑁂𑀲𑀼.
𑀓𑀢𑀁 𑀯𑁄 𑀓𑀫𑁆𑀫𑀁, 𑀓𑀢𑀁 𑀦𑁄 𑀓𑀫𑁆𑀫𑀁.
𑀧𑀤𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑁂𑀳𑀺 𑀓𑀢𑀁, 𑀅𑀫𑁆𑀳𑁂𑀳𑀺 𑀓𑀢𑀁.
𑀩𑀳𑀼𑀯𑀘𑀦𑀕𑁆𑀕𑀳𑀡𑁂𑀦 𑀬𑁄𑀫𑁆𑀳𑀺 𑀧𑀞𑀫𑁂 𑀯𑁄 𑀦𑁄𑀆𑀤𑁂𑀲𑀸 𑀳𑁄𑀦𑁆𑀢𑀺. 𑀕𑀸𑀫𑀁 𑀯𑁄 𑀕𑀘𑁆𑀙𑁂𑀬𑁆𑀬𑀸𑀣, 𑀕𑀸𑀫𑀁 𑀦𑁄 𑀕𑀘𑁆𑀙𑁂𑀬𑁆𑀬𑀸𑀫.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀆𑀆𑀤𑁂𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀼𑀫𑀸 ¶ 𑀢𑀺𑀝𑁆𑀞𑀢𑀺.
𑀲𑀺𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀫𑀸𑀦𑁄 𑀢𑀺𑀝𑁆𑀞𑀦𑁆𑀢𑀺.
𑀅𑀦𑁆𑀢𑀕𑁆𑀕𑀳𑀡𑁂𑀦 𑀫𑀖𑀯 𑀬𑀼𑀯𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀦𑁆𑀢𑀲𑁆𑀲𑀲𑀯𑀺𑀪𑀢𑁆𑀢𑀺𑀲𑁆𑀲 𑀆𑀆𑀤𑁂𑀲𑁄 𑀳𑁄𑀢𑀺. 𑀫𑀖𑀯𑀸, 𑀬𑀼𑀯𑀸.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀁𑀆𑀤𑁂𑀲𑁄 𑀳𑁄𑀢𑀺 𑀆𑀮𑀧𑀦𑁂𑀓𑀯𑀘𑀦𑁂 𑀧𑀭𑁂.
𑀳𑁂 𑀧𑀼𑀫𑀁.
𑀆𑀮𑀧𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀫𑀸.
𑀏𑀓𑀯𑀘𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀳𑁂 𑀧𑀼𑀫𑀸𑀦𑁄.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀫𑀸𑀲𑁂 𑀘 𑀅𑀁𑀆𑀤𑁂𑀲𑁄 𑀳𑁄𑀢𑀺 𑀯𑀺𑀪𑀸𑀲𑀸 𑀲𑀫𑀸𑀲𑁂 𑀓𑀢𑁂.
𑀇𑀢𑁆𑀣𑀻 𑀘 𑀧𑀼𑀫𑀸 𑀘 𑀦𑀧𑀼𑀁𑀲𑀓𑀁 𑀘 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀸𑀦𑀺. 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀸𑀦𑀁 𑀲𑀫𑀽𑀳𑁄 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀲𑀫𑀽𑀳𑁄.
𑀯𑀺𑀪𑀸𑀲𑀸𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀸𑀦𑀺.
𑁧𑁫𑁫, 𑁧𑁩𑁭. 𑀬𑁄𑀲𑁆𑀯𑀸𑀦𑁄 ¶ .
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀆𑀦𑁄𑀆𑀤𑁂𑀲𑁄 𑀳𑁄𑀢𑀺 𑀬𑁄𑀲𑀼 𑀯𑀺𑀪𑀢𑁆𑀢𑀻𑀲𑀼.
𑀧𑀼𑀫𑀸𑀦𑁄, 𑀳𑁂 𑀧𑀼𑀫𑀸𑀦𑁄.
𑀬𑁄𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀫𑀸.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀆𑀦𑁂 𑀆𑀤𑁂𑀲𑁄 𑀳𑁄𑀢𑀺 𑀯𑀸 𑀲𑁆𑀫𑀺𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀼𑀫𑀸𑀦𑁂, 𑀧𑀼𑀫𑁂 𑀯𑀸.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀳𑀺𑀯𑀺𑀪𑀢𑁆𑀢𑀺𑀫𑁆𑀳𑀺 𑀘 𑀆𑀦𑁂𑀆𑀤𑁂𑀲𑁄 𑀳𑁄𑀢𑀺.
𑀧𑀼𑀫𑀸𑀦𑁂𑀳𑀺, 𑀧𑀼𑀫𑀸𑀦𑁂𑀪𑀺.
𑀧𑀼𑀦 𑀯𑀺𑀪𑀢𑁆𑀢𑀺𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀲𑀯𑀺𑀪𑀢𑁆𑀢𑀺𑀕𑁆𑀕𑀳𑀡𑀦𑀺𑀯𑀢𑁆𑀢𑀦𑀢𑁆𑀣𑀁. 𑀧𑀼𑀫𑀸𑀦𑁂𑀳𑀺.
𑀘𑀕𑁆𑀕𑀳𑀡𑁂𑀦 𑀫𑀖𑀯 𑀬𑀼𑀯𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀦𑁆𑀢𑀲𑁆𑀲 𑀆𑀦𑀆𑀤𑁂𑀲𑁄 𑀳𑁄𑀢𑀺 𑀲𑀺 𑀬𑁄 𑀅𑀁𑀬𑁄 𑀇𑀘𑁆𑀘𑁂𑀢𑁂𑀲𑀼 𑀯𑀺𑀪𑀢𑁆𑀢𑀻𑀲𑀼, 𑀧𑀼𑀫𑀓𑀫𑁆𑀫𑀣𑀸𑀫𑀦𑁆𑀢𑀲𑁆𑀲 𑀘𑀼𑀓𑀸𑀭𑁄 𑀳𑁄𑀢𑀺 𑀲𑀲𑁆𑀫𑀸 𑀲𑀼 𑀯𑀺𑀪𑀢𑁆𑀢𑀻𑀲𑀼. 𑀫𑀖𑀯𑀸𑀦𑁄, 𑀫𑀖𑀯𑀸𑀦𑀸. 𑀫𑀖𑀯𑀸𑀦𑀁, 𑀫𑀖𑀯𑀸𑀦𑁂 ¶ . 𑀬𑀼𑀯𑀸𑀦𑁄, 𑀬𑀼𑀯𑀸𑀦𑀸, 𑀬𑀼𑀯𑀸𑀦𑀁, 𑀬𑀼𑀯𑀸𑀦𑁂, 𑀧𑀼𑀫𑀼𑀦𑁄, 𑀧𑀼𑀫𑀼𑀦𑀸. 𑀓𑀫𑁆𑀫𑀼𑀦𑁄, 𑀓𑀫𑁆𑀫𑀼𑀦𑀸, 𑀣𑀸𑀫𑀼𑀦𑁄, 𑀣𑀸𑀫𑀼𑀦𑀸.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀲𑀼𑀇𑀘𑁆𑀘𑁂𑀢𑀲𑁆𑀫𑀺𑀁𑀯𑀺𑀪𑀢𑁆𑀢𑀺𑀫𑁆𑀳𑀺 𑀆𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀧𑀼𑀫𑀸𑀲𑀼, 𑀧𑀼𑀫𑁂𑀲𑀼 𑀯𑀸.
𑀧𑀼𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀆𑀉𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀦𑀸𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀼𑀫𑀸𑀦𑀸, 𑀧𑀼𑀫𑀼𑀦𑀸, 𑀧𑀼𑀫𑁂𑀦 𑀯𑀸.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑀓𑀫𑁆𑀫𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀘 𑀉𑀅 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀦𑀸𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀓𑀫𑁆𑀫𑀼𑀦𑀸, 𑀓𑀫𑁆𑀫𑀦𑀸, 𑀓𑀫𑁆𑀫𑁂𑀦 𑀯𑀸.
𑀘𑀕𑁆𑀕𑀳𑀡𑁂𑀦 𑀫𑀖𑀯𑀬𑀼𑀯𑀇𑀘𑁆𑀘𑁂𑀯𑀫𑀦𑁆𑀢𑀲𑁆𑀲 𑀆𑀆𑀤𑁂 𑀲𑁄 𑀳𑁄𑀢𑀺 𑀓𑁆𑀯𑀘𑀺 𑀦𑀸𑀲𑀼𑀇𑀘𑁆𑀘𑁂𑀢𑁂𑀲𑀼 𑀯𑀺𑀪𑀢𑁆𑀢𑀻𑀲𑀼. 𑀫𑀖𑀯𑀸𑀦𑀸, 𑀫𑀖𑀯𑀸𑀲𑀼, 𑀫𑀖𑀯𑁂𑀲𑀼, 𑀫𑀖𑀯𑁂𑀦 𑀯𑀸. 𑀬𑀼𑀯𑀸𑀦𑀸, 𑀬𑀼𑀯𑀸𑀲𑀼, 𑀬𑀼𑀯𑁂𑀲𑀼, 𑀬𑀼𑀯𑁂𑀦 𑀯𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑀢𑀢𑀺𑀬𑀓𑀡𑁆𑀟
𑁧𑁬𑁧, 𑁨𑁪𑁪. 𑀢𑀼𑀫𑁆𑀳’𑀫𑁆𑀳𑁂𑀳𑀺 ¶ 𑀦𑀫𑀸𑀓𑀁.
𑀢𑁂𑀳𑀺 𑀢𑀼𑀫𑁆𑀳𑀅𑀫𑁆𑀳𑁂𑀳𑀺 𑀦𑀁𑀯𑀘𑀦𑀲𑁆𑀲 𑀆𑀓𑀁 𑀳𑁄𑀢𑀺.
𑀢𑀼𑀫𑁆𑀳𑀸𑀓𑀁, 𑀅𑀫𑁆𑀳𑀸𑀓𑀁.
𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑁂𑀳𑀺, 𑀅𑀫𑁆𑀳𑁂𑀳𑀺.
𑀢𑁂𑀳𑀺 𑀢𑀼𑀫𑁆𑀳𑀅𑀫𑁆𑀳𑁂𑀳𑀺 𑀬𑁄 𑀅𑀧𑁆𑀧𑀞𑀫𑁄 𑀆𑀓𑀁𑀳𑁄𑀢𑀺 𑀯𑀸.
𑀢𑀼𑀫𑁆𑀳𑀸𑀓𑀁 𑀧𑀲𑁆𑀲𑀸𑀫𑀺, 𑀢𑀼𑀫𑁆𑀳𑁂 𑀧𑀲𑁆𑀲𑀸𑀫𑀺 𑀯𑀸. 𑀅𑀫𑁆𑀳𑀸𑀓𑀁 𑀧𑀲𑁆𑀲𑀲𑀺, 𑀅𑀫𑁆𑀳𑁂 𑀧𑀲𑁆𑀲𑀲𑀺 𑀯𑀸.
𑀬𑁄𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑁂𑀳𑀺, 𑀅𑀫𑁆𑀳𑁂𑀳𑀺.
𑀅𑀧𑁆𑀧𑀞𑀫𑁄𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀣 𑀢𑀼𑀫𑁆𑀳𑁂, 𑀕𑀘𑁆𑀙𑀸𑀫 𑀫𑀬𑀁.
𑀯𑀸𑀢𑀺𑀯𑀺𑀓𑀧𑁆𑀧𑀦𑀢𑁆𑀣𑁂𑀦 𑀬𑁄𑀦𑀁 𑀅𑀁 𑀆𑀦𑀁 𑀳𑁄𑀦𑁆𑀢𑀺. 𑀢𑀼𑀫𑁆𑀳𑀁 𑀢𑀼𑀫𑁆𑀳𑀸𑀦𑀁. 𑀅𑀫𑁆𑀳𑀁, 𑀅𑀫𑁆𑀳𑀸𑀦𑀁.
𑀢𑁂𑀳𑀺 𑀳𑀼𑀫𑁆𑀳𑀅𑀫𑁆𑀳𑁂𑀳𑀺 𑀲𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀅𑀁 𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀢𑀼𑀫𑁆𑀳𑀁 𑀤𑀻𑀬𑀢𑁂, 𑀢𑀯 𑀤𑀻𑀬𑀢𑁂. 𑀢𑀼𑀫𑁆𑀳𑀁 𑀧𑀭𑀺𑀕𑁆𑀕𑀳𑁄, 𑀢𑀯 𑀧𑀭𑀺𑀕𑁆𑀕𑀳𑁄. 𑀅𑀫𑁆𑀳𑀁 𑀤𑀻𑀬𑀢𑁂, 𑀫𑀫 𑀤𑀻𑀬𑀢𑁂. 𑀅𑀫𑁆𑀳𑀁 𑀧𑀭𑀺𑀕𑁆𑀕𑀳𑁄, 𑀫𑀫 𑀧𑀭𑀺𑀕𑁆𑀕𑀳𑁄.
𑀲𑀲𑁆𑀲𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀢𑀼𑀫𑁆𑀳𑁂𑀲𑀼, 𑀅𑀫𑁆𑀳𑁂𑀲𑀼.
𑀲𑀩𑁆𑀩𑁂𑀲𑀁 𑀲𑀩𑁆𑀩𑀦𑀸𑀫𑀸𑀦𑀁 𑀅𑀓𑀸𑀭𑀢𑁄 𑀬𑁄 𑀧𑀞𑀫𑁄 𑀏𑀢𑁆𑀢𑀫𑀸𑀧𑀚𑁆𑀚𑀢𑁂.
𑀲𑀩𑁆𑀩𑁂, 𑀬𑁂, 𑀢𑁂, 𑀓𑁂, 𑀢𑀼𑀫𑁆𑀳𑁂, 𑀅𑀫𑁆𑀳𑁂, 𑀇𑀫𑁂.
𑀲𑀩𑁆𑀩𑀦𑀸𑀫𑀸𑀢𑀺 𑀓𑀺𑀫𑀢𑁆𑀣𑀁? 𑀤𑁂𑀯𑀸, 𑀅𑀲𑀼𑀭𑀸, 𑀦𑀸𑀕𑀸, 𑀕𑀦𑁆𑀥𑀩𑁆𑀩𑀸, 𑀫𑀦𑀼𑀲𑁆𑀲𑀸.
𑀅𑀓𑀸𑀭𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀅𑀫𑀽 𑀧𑀼𑀭𑀺𑀲𑀸 𑀢𑀺𑀝𑁆𑀞𑀦𑁆𑀢𑀺.
𑀬𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑁄, 𑀬𑁄, 𑀲𑁄, 𑀓𑁄, 𑀅𑀬𑀁.
𑀧𑀞𑀫𑀕𑁆𑀕𑀳𑀡𑀁 𑀉𑀢𑁆𑀢𑀭𑀲𑀼𑀢𑁆𑀢𑀢𑁆𑀣𑀁.
𑀢𑀲𑁆𑀫𑀸 𑀲𑀩𑁆𑀩𑀦𑀸𑀫’𑀓𑀸𑀭𑀢𑁄 𑀤𑁆𑀯𑀦𑁆𑀤𑀝𑁆𑀞𑀸 𑀬𑁄 𑀧𑀞𑀫𑁄 𑀏𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸.
𑀓𑀢𑀭𑀓𑀢𑀫𑁂, 𑀓𑀢𑀭𑀓𑀢𑀫𑀸 𑀯𑀸.
𑀲𑀩𑁆𑀩𑀦𑀸𑀫𑀸𑀢𑀺 𑀓𑀺𑀫𑀢𑁆𑀣𑀁? 𑀤𑁂𑀯𑀸𑀲𑀼𑀭𑀦𑀸𑀕 𑀕𑀦𑁆𑀥𑀩𑁆𑀩𑀫𑀦𑀼𑀲𑁆𑀲𑀸.
𑀤𑁆𑀯𑀦𑁆𑀤𑀝𑁆𑀞𑀸𑀢𑀺 𑀓𑀺𑀫𑀢𑁆𑀣𑀁 𑀢𑁂, 𑀲𑀩𑁆𑀩𑁂.
𑁧𑁬𑁬, 𑁨𑁦𑁯. 𑀦𑀸𑀜𑁆𑀜𑀁 ¶ 𑀲𑀩𑁆𑀩𑀦𑀸𑀫𑀺𑀓𑀁.
𑀲𑀩𑁆𑀩𑀦𑀸𑀫𑀺𑀓𑀸𑀦𑀁 𑀤𑁆𑀯𑀦𑁆𑀤𑀝𑁆𑀞𑁂 𑀦𑀸𑀜𑁆𑀜𑀁 𑀓𑀸𑀭𑀺𑀬𑀁 𑀳𑁄𑀢𑀺,
𑀧𑀼𑀩𑁆𑀩𑀸𑀧𑀭𑀸𑀦𑀁, 𑀧𑀼𑀩𑁆𑀩𑀼𑀢𑁆𑀢𑀭𑀸𑀦𑀁, 𑀅𑀥𑀭𑀼𑀢𑁆𑀢𑀭𑀸𑀦𑀁.
𑀩𑀳𑀼𑀩𑁆𑀩𑀻𑀳𑀺𑀫𑁆𑀳𑀺 𑀘 𑀲𑀫𑀸𑀲𑁂 𑀲𑀩𑁆𑀩𑀦𑀸𑀫𑀯𑀺𑀥𑀸𑀦𑀜𑁆𑀘 𑀦𑀸𑀜𑁆𑀜𑀁 𑀓𑀸𑀭𑀺𑀬𑀁 𑀳𑁄𑀢𑀺.
𑀧𑀺𑀬𑀧𑀼𑀩𑁆𑀩𑀸𑀬, 𑀧𑀺𑀬𑀧𑀼𑀩𑁆𑀩𑀸𑀦𑀁, 𑀧𑀺𑀬𑀧𑀼𑀩𑁆𑀩𑁂, 𑀧𑀺𑀬𑀧𑀼𑀩𑁆𑀩𑀲𑁆𑀲.
𑀘𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑀦𑀸𑀫𑀯𑀺𑀥𑀸𑀦𑀁 𑀳𑁄𑀢𑀺, 𑀤𑀓𑁆𑀔𑀺𑀡 𑀧𑀼𑀩𑁆𑀩𑀲𑁆𑀲𑀁, 𑀤𑀓𑁆𑀔𑀺𑀡𑀧𑀼𑀩𑁆𑀩𑀲𑁆𑀲𑀸, 𑀉𑀢𑁆𑀢𑀭𑀧𑀼𑀩𑁆𑀩𑀲𑁆𑀲𑀁, 𑀉𑀢𑁆𑀢𑀭𑀧𑀼𑀩𑁆𑀩𑀲𑁆𑀲𑀸.
𑀲𑀩𑁆𑀩𑀢𑁄 𑀲𑀩𑁆𑀩𑀦𑀸𑀫𑀢𑁄 𑀦𑀁𑀯𑀘𑀦𑀲𑁆𑀲 𑀲𑀁𑀲𑀸𑀦𑀁𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀲𑀩𑁆𑀩𑁂𑀲𑀁, 𑀲𑀩𑁆𑀩𑁂𑀲𑀸𑀦𑀁, 𑀲𑀩𑁆𑀩𑀸𑀲𑀁, 𑀲𑀩𑁆𑀩𑀸𑀲𑀸𑀦𑀁. 𑀬𑁂𑀲𑀁, 𑀬𑁂𑀲𑀸𑀦𑀁, 𑀬𑀸𑀲𑀁, 𑀬𑀸𑀲𑀸𑀦𑀁. 𑀢𑁂𑀲𑀁, 𑀢𑁂𑀲𑀸𑀦𑀁, 𑀢𑀸𑀲𑀁, 𑀢𑀸𑀲𑀸𑀦𑀁. 𑀓𑁂𑀲𑀁, 𑀓𑁂𑀲𑀸𑀦𑀁, 𑀓𑀸𑀲𑀁, 𑀓𑀸𑀲𑀸𑀦𑀁. 𑀇𑀫𑁂𑀲𑀁, 𑀇𑀫𑁂𑀲𑀸𑀦𑀁, 𑀇𑀫𑀸𑀲𑀁, 𑀇𑀫𑀸𑀲𑀸𑀦𑀁. 𑀅𑀫𑀽𑀲𑀁, 𑀅𑀫𑀽𑀲𑀸𑀦𑀁.
𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑀲𑁆𑀲, 𑀬𑀲𑁆𑀲, 𑀢𑀲𑁆𑀲, 𑀓𑀲𑁆𑀲. 𑀏𑀯𑀁 𑀲𑀩𑁆𑀩𑀢𑁆𑀣.
𑁧𑁬𑁯, 𑁧𑁧𑁭. 𑀭𑀸𑀚𑀲𑁆𑀲 ¶ 𑀭𑀸𑀚𑀼 𑀲𑀼𑀦𑀁𑀳𑀺𑀲𑀼 𑀘.
𑀲𑀩𑁆𑀩𑀲𑁆𑀲𑁂𑀯 𑀭𑀸𑀚𑀲𑀤𑁆𑀤𑀲𑁆𑀲 𑀭𑀸𑀚𑀼𑀆𑀤𑁂𑀲𑁄 𑀳𑁄𑀢𑀺 𑀲𑀼𑀦𑀁𑀳𑀺𑀇𑀘𑁆𑀘𑁂𑀢𑁂𑀲𑀼.
𑀭𑀸𑀚𑀽𑀲𑀼, 𑀭𑀸𑀚𑀽𑀦𑀁, 𑀭𑀸𑀚𑀽𑀳𑀺, 𑀭𑀸𑀚𑀽𑀪𑀺.
𑀲𑀼𑀦𑀁𑀳𑀺𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀭𑀸𑀚𑀸.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁. 𑀭𑀸𑀚𑁂𑀲𑀼, 𑀭𑀸𑀚𑀸𑀦𑀁, 𑀭𑀸𑀚𑁂𑀳𑀺 𑀭𑀸𑀚𑁂𑀪𑀺.
𑀲𑀩𑁆𑀩𑀲𑁆𑀲𑁂𑀯 𑀇𑀫𑀲𑀤𑁆𑀤𑀲𑁆𑀲 𑀏𑀓𑀸𑀭𑁄 𑀳𑁄𑀢𑀺 𑀯𑀸 𑀲𑀼𑀦𑀁𑀳𑀺𑀇𑀘𑁆𑀘𑁂𑀢𑁂𑀲𑀼.
𑀏𑀲𑀼, 𑀇𑀫𑁂𑀲𑀼, 𑀏𑀲𑀁, 𑀇𑀫𑁂𑀲𑀁, 𑀏𑀳𑀺, 𑀏𑀪𑀺, 𑀇𑀫𑁂𑀳𑀺, 𑀇𑀫𑁂𑀪𑀺.
𑀇𑀫𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀏𑀢𑁂𑀲𑀼, 𑀏𑀢𑁂𑀲𑀁, 𑀏𑀢𑁂𑀳𑀺, 𑀏𑀢𑁂𑀪𑀺.
𑀇𑀫𑀲𑀤𑁆𑀤𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀅𑀦 𑀇𑀫𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀦𑀸𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀦𑁂𑀦 𑀥𑀫𑁆𑀫𑀤𑀸𑀦𑁂𑀦. 𑀲𑀼𑀔𑀺𑀢𑀸 𑀳𑁄𑀢𑀼 𑀲𑀸 𑀧𑀚𑀸.
𑀇𑀫𑀺𑀦𑀸 𑀩𑀼𑀤𑁆𑀥𑀧𑀽𑀚𑁂𑀦, 𑀧𑀢𑁆𑀯𑀸𑀦 𑀅𑀫𑀢𑀁 𑀧𑀤𑀁.
𑀦𑀸𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀇𑀫𑁂𑀲𑀼, 𑀇𑀫𑁂𑀲𑀁, 𑀇𑀫𑁂𑀳𑀺, 𑀇𑀫𑁂𑀪𑀺.
𑁧𑁭𑁨, 𑁨𑁧𑁮. 𑀅𑀦𑀧𑀼𑀁𑀲𑀓𑀲𑁆𑀲𑀸 ¶ 𑀬𑀁 𑀲𑀺𑀫𑁆𑀳𑀺.
𑀇𑀫𑀲𑀤𑁆𑀤𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀅𑀦𑀧𑀼𑀁𑀲𑀓𑀲𑁆𑀲 𑀅𑀬𑀁𑀆𑀤𑁂𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀬𑀁 𑀧𑀼𑀭𑀺𑀲𑁄, 𑀅𑀬𑀁 𑀇𑀢𑁆𑀣𑀻.
𑀅𑀦𑀧𑀼𑀁𑀲𑀓𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀇𑀤𑀁 𑀘𑀺𑀢𑁆𑀢𑀁 𑀢𑀺𑀝𑁆𑀞𑀢𑀺.
𑀲𑀺𑀫𑁆𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀇𑀫𑀁 𑀧𑀼𑀭𑀺𑀲𑀁 𑀧𑀲𑁆𑀲𑀲𑀺 𑀢𑁆𑀯𑀁.
𑀅𑀫𑀼𑀲𑀤𑁆𑀤𑀲𑁆𑀲 𑀅𑀦𑀧𑀼𑀁𑀲𑀓𑀲𑁆𑀲 𑀫𑀓𑀸𑀭𑁄 𑀲𑀓𑀸𑀭𑀫𑀸𑀧𑀚𑁆𑀚𑀢𑁂 𑀯𑀸 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀲𑀼 𑀭𑀸𑀚𑀸, 𑀅𑀲𑀼 𑀇𑀢𑁆𑀣𑀻, 𑀅𑀫𑀼𑀓𑁄 𑀭𑀸𑀚𑀸, 𑀅𑀫𑀼𑀓𑀸 𑀇𑀢𑁆𑀣𑀻.
𑀅𑀦𑀧𑀼𑀁𑀲𑀓𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀤𑀼𑀁 𑀧𑀼𑀧𑁆𑀨𑀁 𑀯𑀺𑀭𑁄𑀘𑀢𑀺.
𑀅𑀫𑀼𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀬𑀁 𑀧𑀼𑀭𑀺𑀲𑁄 𑀢𑀺𑀝𑁆𑀞𑀢𑀺.
𑀲𑀺𑀫𑁆𑀳𑀺𑀢𑀺 𑀓𑀺𑀫𑀢𑁆𑀣𑀁? 𑀅𑀫𑁆𑀳𑀁 𑀧𑀼𑀭𑀺𑀲𑀁 𑀧𑀲𑁆𑀲𑀲𑀺.
𑀏𑀢 𑀢𑀇𑀘𑁆𑀘𑁂𑀢𑁂𑀲𑀁 𑀅𑀦𑀧𑀼𑀁𑀲𑀓𑀸𑀦𑀁 𑀢𑀓𑀸𑀭𑁄 𑀲𑀓𑀸𑀭𑀫𑀸𑀧𑀚𑁆𑀚𑀢𑁂 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀏𑀲𑁄 𑀧𑀼𑀭𑀺𑀲𑁄, 𑀏𑀲𑀸 𑀇𑀢𑁆𑀣𑀻, 𑀲𑁄 𑀧𑀼𑀭𑀺𑀲𑁄, 𑀲𑀸 𑀇𑀢𑁆𑀣𑀻.
𑀏𑀢𑀢𑁂𑀲𑀫𑀺𑀢𑀺 ¶ 𑀓𑀺𑀫𑀢𑁆𑀣𑀁? 𑀇𑀢𑀭𑁄 𑀧𑀼𑀭𑀺𑀲𑁄, 𑀇𑀢𑀭𑀸 𑀇𑀢𑁆𑀣𑀻.
𑀅𑀦𑀧𑀼𑀁𑀲𑀓𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀏𑀢𑀁 𑀘𑀺𑀢𑁆𑀢𑀁, 𑀏𑀢𑀁 𑀭𑀽𑀧𑀁. 𑀢𑀁 𑀘𑀺𑀢𑁆𑀢𑀁, 𑀢𑀁 𑀭𑀽𑀧𑀁.
𑁧𑁫𑁭, 𑁨𑁧𑁨. 𑀢𑀲𑁆𑀲 𑀯𑀸 𑀦𑀢𑁆𑀢𑀁 𑀲𑀩𑁆𑀩𑀢𑁆𑀣.
𑀢𑀲𑁆𑀲 𑀲𑀩𑁆𑀩𑀦𑀸𑀫𑀲𑁆𑀲 𑀢𑀓𑀸𑀭𑀲𑁆𑀲 𑀦𑀢𑁆𑀢𑀁 𑀳𑁄𑀢𑀺 𑀯𑀸 𑀲𑀩𑁆𑀩𑀢𑁆𑀣 𑀮𑀺𑀗𑁆𑀕𑁂𑀲𑀼.
𑀦𑀸𑀬, 𑀢𑀸𑀬, 𑀦𑀁, 𑀢𑀁, 𑀦𑁂, 𑀢𑁂, 𑀦𑁂𑀲𑀼, 𑀢𑁂𑀲𑀼, 𑀦𑀫𑁆𑀳𑀺, 𑀢𑀫𑁆𑀳𑀺, 𑀦𑀸𑀳𑀺, 𑀢𑀸𑀳𑀺, 𑀦𑀸𑀪𑀺, 𑀢𑀸𑀪𑀺.
𑁧𑁭𑁬, 𑁨𑁧𑁩. 𑀲𑀲𑁆𑀫𑀸𑀲𑁆𑀫𑀺𑀁𑀲𑀁𑀲𑀸𑀲𑁆𑀯𑀢𑁆𑀢𑀁.
𑀢𑀲𑁆𑀲 𑀲𑀩𑁆𑀩𑀦𑀸𑀫𑀲𑁆𑀲 𑀢𑀓𑀸𑀭𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀅𑀢𑁆𑀢𑀁 𑀳𑁄𑀢𑀺 𑀯𑀸 𑀲𑀲𑁆𑀫𑀸𑀲𑁆𑀫𑀺𑀁 𑀲𑀁𑀲𑀸𑀇𑀘𑁆𑀘𑁂𑀢𑁂𑀲𑀼 𑀲𑀩𑁆𑀩𑀢𑁆𑀣 𑀮𑀺𑀗𑁆𑀕𑁂𑀲𑀼.
𑀅𑀲𑁆𑀲, 𑀢𑀲𑁆𑀲, 𑀅𑀲𑁆𑀫𑀸, 𑀢𑀲𑁆𑀫𑀸, 𑀅𑀲𑁆𑀫𑀺𑀁, 𑀢𑀲𑁆𑀫𑀺𑀁, 𑀅𑀲𑁆𑀲𑀁, 𑀢𑀲𑁆𑀲𑀁, 𑀅𑀲𑁆𑀲𑀸, 𑀢𑀲𑁆𑀲𑀸.
𑀢𑀓𑀸𑀭𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀫𑀼𑀲𑁆𑀲𑀁, 𑀅𑀫𑀼𑀲𑁆𑀲𑀸.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀦𑁂𑀲𑀼, 𑀢𑁂𑀲𑀼.
𑀇𑀫𑀲𑀤𑁆𑀤𑀲𑁆𑀲 𑀘 𑀲𑀩𑁆𑀩𑀲𑁆𑀲𑁂𑀯 𑀅𑀢𑁆𑀢𑀁 𑀳𑁄𑀢𑀺 𑀯𑀸 𑀲𑀲𑁆𑀫𑀸𑀲𑁆𑀫𑀺𑀁 𑀲𑀁 𑀲𑀸𑀇𑀘𑁆𑀘𑁂𑀢𑁂𑀲𑀼 𑀲𑀩𑁆𑀩𑀢𑁆𑀣 𑀮𑀺𑀗𑁆𑀕𑁂𑀲𑀼.
𑀅𑀲𑁆𑀲 ¶ , 𑀇𑀫𑀲𑁆𑀲, 𑀅𑀲𑁆𑀫𑀸, 𑀇𑀫𑀲𑁆𑀫𑀸, 𑀅𑀲𑁆𑀫𑀺𑀁, 𑀇𑀫𑀲𑁆𑀫𑀺𑀁, 𑀅𑀲𑁆𑀲𑀁, 𑀇𑀫𑀺𑀲𑁆𑀲𑀁, 𑀅𑀲𑁆𑀲𑀸, 𑀇𑀫𑀺𑀲𑁆𑀲𑀸.
𑀇𑀫𑀲𑀤𑁆𑀤𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀏𑀢𑀺𑀲𑁆𑀲𑀁, 𑀏𑀢𑀺𑀲𑁆𑀲𑀸.
𑀲𑀩𑁆𑀩𑀢𑁄 𑀲𑀩𑁆𑀩𑀦𑀸𑀫𑀢𑁄 𑀓𑀓𑀸𑀭𑀸𑀕𑀫𑁄 𑀳𑁄𑀢𑀺 𑀯𑀸 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀲𑀩𑁆𑀩𑀓𑁄, 𑀬𑀓𑁄, 𑀲𑀓𑁄, 𑀅𑀫𑀼𑀓𑁄, 𑀅𑀲𑀼𑀓𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑁄, 𑀬𑁄, 𑀲𑁄, 𑀓𑁄.
𑀲𑀩𑁆𑀩𑀦𑀸𑀫𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑁄.
𑀧𑀼𑀦 𑀲𑀩𑁆𑀩𑀢𑁄𑀕𑁆𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀸𑀧𑀺 𑀓𑀓𑀸𑀭𑀸𑀕𑀫𑁄 𑀳𑁄𑀢𑀺, 𑀳𑀻𑀦𑀓𑁄, 𑀧𑁄𑀢𑀓𑁄.
𑁧𑁭𑁯, 𑁨𑁦𑁪. 𑀬𑀧𑀢𑁄 𑀲𑁆𑀫𑀺𑀁𑀲𑀸𑀦𑀁 𑀲𑀁𑀲𑀸.
𑀲𑀩𑁆𑀩𑀢𑁄 𑀲𑀩𑁆𑀩𑀦𑀸𑀫𑀢𑁄 𑀖𑀧𑀲𑀜𑁆𑀜𑀢𑁄 𑀲𑁆𑀫𑀺𑀁𑀲𑀇𑀘𑁆𑀘𑁂𑀢𑁂𑀲𑀁 𑀲𑀁𑀲𑀸 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀲𑀩𑁆𑀩𑀲𑁆𑀲𑀁, 𑀲𑀩𑁆𑀩𑀲𑁆𑀲𑀸, 𑀲𑀩𑁆𑀩𑀸𑀬𑀁, 𑀲𑀩𑁆𑀩𑀸𑀬, 𑀇𑀫𑀺𑀲𑁆𑀲𑀁, 𑀇𑀫𑀺𑀲𑁆𑀲𑀸, 𑀇𑀫𑀸𑀬𑀁, 𑀇𑀫𑀸𑀬, 𑀅𑀫𑀼𑀲𑁆𑀲𑀁, 𑀅𑀫𑀼𑀲𑁆𑀲𑀸, 𑀅𑀫𑀼𑀬𑀁, 𑀅𑀫𑀼𑀬𑀸.
𑀲𑀩𑁆𑀩𑀦𑀸𑀫𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀬𑀁, 𑀇𑀢𑁆𑀣𑀺𑀬𑀸.
𑀲𑁆𑀫𑀺𑀁𑀲𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀅𑀫𑀼𑀬𑁄.
𑁧𑁮𑁦, 𑁨𑁦𑁭. 𑀦𑁂𑀢𑀸𑀳𑀺 ¶ 𑀲𑁆𑀫𑀺𑀫𑀸𑀬 𑀬𑀸.
𑀏𑀢𑁂𑀳𑀺 𑀲𑀩𑁆𑀩𑀦𑀸𑀫𑁂𑀳𑀺 𑀖𑀧𑀲𑀜𑁆𑀜𑁂𑀳𑀺 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑁂𑀯 𑀆𑀬 𑀬𑀸𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀏𑀢𑀺𑀲𑁆𑀲𑀁, 𑀏𑀢𑀸𑀬𑀁, 𑀇𑀫𑀺𑀲𑁆𑀲𑀁, 𑀇𑀫𑀸𑀬𑀁, 𑀅𑀫𑀼𑀲𑁆𑀲𑀁, 𑀅𑀫𑀼𑀬𑀁.
𑀲𑁆𑀫𑀺𑀁𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀢𑀸𑀬 𑀇𑀢𑁆𑀣𑀺𑀬𑀸 𑀫𑀼𑀔𑀁.
𑀏𑀢𑀸𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀓𑀜𑁆𑀜𑀸𑀬, 𑀯𑀻𑀡𑀸𑀬, 𑀕𑀗𑁆𑀕𑀸𑀬, 𑀓𑀧𑀸𑀮𑀺𑀓𑀸𑀬.
𑁧𑁮𑁧, 𑁯𑁫. 𑀫𑀦𑁄𑀕𑀡𑀸𑀤𑀺𑀢𑁄 𑀲𑁆𑀫𑀺𑀁𑀦𑀸𑀦𑀫𑀺𑀆.
𑀢𑀲𑁆𑀫𑀸 𑀫𑀦𑁄𑀕𑀡𑀸𑀤𑀺𑀢𑁄 𑀲𑁆𑀫𑀺𑀁𑀦𑀸𑀇𑀘𑁆𑀘𑁂𑀢𑁂𑀲𑀁 𑀇𑀓𑀸𑀭𑀆𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀫𑀦𑀲𑀺, 𑀫𑀦𑀼𑀲𑁆𑀫𑀺𑀁, 𑀲𑀺𑀭𑀲𑀺, 𑀲𑀺𑀭𑀲𑁆𑀫𑀺𑀁, 𑀫𑀦𑀲𑀸, 𑀫𑀦𑁂𑀦, 𑀯𑀘𑀲𑀸, 𑀯𑀘𑁂𑀦, 𑀲𑀺𑀭𑀲𑀸, 𑀲𑀺𑀭𑁂𑀦, 𑀲𑀭𑀲𑀸, 𑀲𑀭𑁂𑀦, 𑀢𑀧𑀲𑀸, 𑀢𑀧𑁂𑀦, 𑀯𑀬𑀲𑀸, 𑀯𑀬𑁂𑀦, 𑀬𑀲𑀲𑀸, 𑀬𑀲𑁂𑀦, 𑀢𑁂𑀚𑀲𑀸, 𑀢𑁂𑀚𑁂𑀦, 𑀉𑀭𑀲𑀸, 𑀉𑀭𑁂𑀦, 𑀣𑀸𑀫𑀲𑀸, 𑀣𑀸𑀫𑁂𑀦.
𑀲𑁆𑀫𑀺𑀁𑀦𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀫𑀦𑁄, 𑀲𑀺𑀭𑁄, 𑀢𑀫𑁄, 𑀢𑀧𑁄, 𑀢𑁂𑀚𑁄.
𑀆𑀤𑀺𑀕𑁆𑀕𑀳𑀡𑁂𑀦 𑀅𑀜𑁆𑀜𑀸𑀲𑁆𑀫𑀸𑀧𑀺 𑀲𑁆𑀫𑀺𑀁𑀦𑀸𑀦𑀁 𑀇𑀓𑀸𑀭𑀆𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀩𑀺𑀮𑀲𑀺, 𑀩𑀺𑀮𑀲𑀸, 𑀧𑀤𑀲𑀺, 𑀧𑀤𑀲𑀸.
𑁧𑁮𑁨, 𑁯𑁭. 𑀲𑀲𑁆𑀲 ¶ 𑀘𑁄.
𑀢𑀲𑁆𑀫𑀸 𑀫𑀦𑁄𑀕𑀡𑀸𑀤𑀺𑀢𑁄 𑀲𑀲𑁆𑀲 𑀘 𑀑𑀓𑀸𑀭𑁄 𑀳𑁄𑀢𑀺.
𑀫𑀦𑀲𑁄, 𑀣𑀸𑀫𑀲𑁄, 𑀢𑀧𑀲𑁄.
𑀏𑀢𑁂𑀲𑀁 𑀫𑀦𑁄𑀕𑀡𑀸𑀤𑀻𑀦𑀁 𑀅𑀦𑁆𑀢𑁄 𑀑𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀺𑀪𑀢𑁆𑀢𑀺𑀮𑁄𑀧𑁂 𑀓𑀢𑁂.
𑀫𑀦𑁄𑀫𑀬𑀁, 𑀅𑀬𑁄𑀫𑀬𑀁, 𑀢𑁂𑀚𑁄𑀲𑀫𑁂𑀦, 𑀢𑀧𑁄𑀕𑀼𑀡𑁂𑀦, 𑀲𑀺𑀭𑁄𑀭𑀼𑀳𑁂𑀦.
𑀆𑀤𑀺𑀕𑁆𑀕𑀳𑀡𑀁𑀓𑀺𑀫𑀢𑁆𑀣𑀁? 𑀅𑀜𑁆𑀜𑁂𑀲𑀫𑀦𑁆𑀢𑁄 𑀑𑀢𑁆𑀢𑀫𑀸𑀧𑀚𑁆𑀚𑀢𑁂. 𑀆𑀧𑁄𑀲𑀫𑁂𑀦, 𑀯𑀸𑀬𑁄𑀲𑀫𑁂𑀦.
𑀮𑁄𑀧𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀤𑀬𑀸, 𑀢𑀧𑀲𑀸, 𑀬𑀲𑀲𑀸, 𑀯𑀘𑀲𑀸, 𑀫𑀦𑀲𑀸, 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀏𑀢𑁂𑀳𑁂𑀯 𑀫𑀦𑁄𑀕𑀡𑀸𑀤𑀻𑀳𑀺 𑀯𑀺𑀪𑀢𑁆𑀢𑀸𑀤𑁂𑀲𑁂 𑀲𑀭𑁂 𑀧𑀭𑁂 𑀲𑀓𑀸𑀭𑀸𑀕𑀫𑁄 𑀳𑁄𑀢𑀺 𑀯𑀸.
𑀫𑀦𑀲𑀸, 𑀯𑀘𑀲𑀸, 𑀫𑀦𑀲𑀺, 𑀯𑀘𑀲𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀫𑀦𑁂𑀦, 𑀢𑁂𑀚𑁂𑀦, 𑀯𑀲𑁂𑀦,
𑀲𑀭𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀫𑀦𑁄, 𑀢𑁂𑀚𑁄, 𑀬𑀲𑁄.
𑀧𑀼𑀦 𑀆𑀤𑀺𑀕𑁆𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀧𑀘𑁆𑀘𑀬𑁂 𑀧𑀭𑁂 𑀲𑀓𑀸𑀭𑀸𑀕𑀫𑁄 𑀳𑁄𑀢𑀺. 𑀫𑀸𑀦𑀲𑀺𑀓𑀁, 𑀯𑀸𑀘𑀲𑀺𑀓𑀁.
𑁧𑁮𑁫, 𑁧𑁧𑁨. 𑀲𑀦𑁆𑀢𑀲𑀤𑁆𑀤𑀲𑁆𑀲 𑀲𑁄 𑀢𑁂 𑀩𑁄 𑀘𑀦𑁆𑀢𑁂.
𑀲𑀩𑁆𑀩𑀲𑁆𑀲 𑀲𑀦𑁆𑀢𑀲𑀤𑁆𑀤𑀲𑁆𑀲 𑀲𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀪𑀓𑀸𑀭𑁂 𑀧𑀭𑁂, 𑀅𑀦𑁆𑀢𑁂 𑀘 𑀩𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀲𑀩𑁆𑀪𑀺𑀭𑁂𑀯 𑀲𑀫𑀸𑀲𑁂𑀣,
𑀲𑀩𑁆𑀪𑀺𑀓𑀼𑀩𑁆𑀩𑁂𑀣 𑀲𑀦𑁆𑀣𑀯𑀁.
𑀲𑀢𑀁 𑀲𑀤𑁆𑀥𑀫𑁆𑀫𑀫𑀜𑁆𑀜𑀸𑀬,
𑀲𑁂𑀬𑁆𑀬𑁄 𑀳𑁄𑀢𑀺 𑀦 𑀧𑀸𑀧𑀺𑀬𑁄.
𑀚𑀻𑀭𑀦𑁆𑀢𑀺 𑀯𑁂 𑀭𑀸𑀚𑀭𑀣𑀸 𑀲𑀼𑀘𑀺𑀢𑁆𑀢𑀸.
𑀅𑀣𑁄 𑀲𑀭𑀻𑀭𑀫𑁆𑀧𑀺 𑀚𑀭𑀁 𑀉𑀧𑁂𑀢𑀺.
𑀲𑀢𑀜𑁆𑀘 𑀥𑀫𑁆𑀫𑁄 𑀦 𑀚𑀭𑀁 𑀉𑀧𑁂𑀢𑀺,
𑀲𑀦𑁆𑀢𑁄 𑀳𑀯𑁂 𑀲𑀩𑁆𑀪𑀺 𑀧𑀯𑁂𑀤𑀬𑀦𑁆𑀢𑀺.
𑀲𑀩𑁆𑀪𑀽𑀢𑁄, 𑀲𑀩𑁆𑀪𑀸𑀯𑁄.
𑀪𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀦𑁆𑀢𑁂𑀳𑀺 𑀧𑀽𑀚𑀺𑀢𑁄 𑀪𑀕𑀯𑀸.
𑀘𑀕𑁆𑀕𑀳𑀡𑀁 𑀓𑁆𑀯𑀘𑀺 𑀲𑀓𑀸𑀭𑀲𑁆𑀲𑁂𑀯 𑀧𑀲𑀺𑀤𑁆𑀥𑀢𑁆𑀣𑀁. 𑀲𑀓𑁆𑀓𑀸𑀭𑁄, 𑀲𑀓𑁆𑀓𑀢𑁄.
𑁧𑁯𑁬, 𑁧𑁦𑁭. 𑀲𑀺𑀫𑁆𑀳𑀺𑀕𑀘𑁆𑀙𑀦𑁆𑀢𑀸𑀤𑀻𑀦𑀁 ¶ 𑀦𑁆𑀢𑀲𑀤𑁆𑀤𑁄 𑀅𑀁.
𑀲𑀺𑀫𑁆𑀳𑀺 𑀕𑀘𑁆𑀙𑀦𑁆𑀢𑀸𑀤𑀻𑀦𑀁 𑀦𑁆𑀢𑀲𑀤𑁆𑀤𑁄 𑀅𑀫𑀸𑀧𑀚𑁆𑀚𑀢𑁂 𑀯𑀸.
𑀕𑀘𑁆𑀙𑀁, 𑀕𑀘𑁆𑀙𑀦𑁆𑀢𑁄, 𑀫𑀳𑀁, 𑀫𑀳𑀦𑁆𑀢𑁄, 𑀘𑀭𑀁, 𑀘𑀭𑀦𑁆𑀢𑁄, 𑀔𑀸𑀤𑀁, 𑀔𑀸𑀤𑀦𑁆𑀢𑁄.
𑀕𑀘𑁆𑀙𑀦𑁆𑀢𑀸𑀤𑀻𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀅𑀦𑁆𑀢𑁄, 𑀤𑀦𑁆𑀢𑁄, 𑀯𑀦𑁆𑀢𑁄, 𑀲𑀦𑁆𑀢𑁄.
𑀕𑀘𑁆𑀙𑀦𑁆𑀢𑀸𑀤𑀻𑀦𑀁𑀦𑁆𑀢𑀲𑀤𑁆𑀤𑁄𑀦𑁆𑀢𑀼𑀧𑁆𑀧𑀘𑁆𑀘𑀬𑁄𑀯 𑀤𑀝𑁆𑀞𑀩𑁆𑀩𑁄 𑀲𑁂𑀲𑁂𑀲𑀼 𑀯𑀺𑀪𑀢𑁆𑀢𑀺𑀧𑁆𑀧𑀘𑁆𑀘𑀬𑁂𑀲𑀼.
𑀕𑀘𑁆𑀙𑀢𑁄, 𑀫𑀳𑀢𑁄, 𑀕𑀘𑁆𑀙𑀢𑀺, 𑀫𑀳𑀢𑀺, 𑀕𑀘𑁆𑀙𑀢𑀸, 𑀫𑀳𑀢𑀸.
𑀲𑁂𑀲𑁂𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀁, 𑀫𑀳𑀁, 𑀘𑀭𑀁, 𑀔𑀸𑀤𑀁.
𑁧𑁮𑁮, 𑁧𑁧𑁫. 𑀩𑁆𑀭𑀳𑁆𑀫𑀢𑁆𑀢 𑀲𑀔 𑀭𑀸𑀚𑀸𑀤𑀺𑀢𑁄 𑀅𑀫𑀸𑀦𑀁.
𑀩𑁆𑀭𑀳𑁆𑀫 𑀅𑀢𑁆𑀢 𑀲𑀔 𑀭𑀸𑀚𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀅𑀁𑀯𑀘𑀦𑀲𑁆𑀲 𑀆𑀦𑀁 𑀳𑁄𑀢𑀺 𑀯𑀸.
𑀩𑁆𑀭𑀳𑁆𑀫𑀸𑀦𑀁, 𑀩𑁆𑀭𑀳𑁆𑀫𑀁, 𑀅𑀢𑁆𑀢𑀸𑀦𑀁, 𑀅𑀢𑁆𑀢𑀁, 𑀲𑀔𑀸𑀦𑀁, 𑀲𑀔𑀁, 𑀭𑀸𑀚𑀸𑀦𑀁, 𑀭𑀸𑀚𑀁.
𑀅𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀭𑀸𑀚𑀸.
𑁧𑁮𑁯, 𑁧𑁧𑁩. 𑀲𑁆𑀬𑀸 ¶ 𑀘.
𑀩𑁆𑀭𑀳𑁆𑀫 𑀅𑀢𑁆𑀢 𑀲𑀔 𑀭𑀸𑀚𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀲𑀺𑀯𑀘𑀦𑀲𑁆𑀲 𑀆 𑀘 𑀳𑁄𑀢𑀺.
𑀩𑁆𑀭𑀳𑁆𑀫𑀸, 𑀅𑀢𑁆𑀢𑀸, 𑀲𑀔𑀸, 𑀭𑀸𑀚𑀸, 𑀆𑀢𑀼𑀫𑀸.
𑀩𑁆𑀭𑀳𑁆𑀫𑀅𑀢𑁆𑀢 𑀲𑀔 𑀭𑀸𑀚𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀬𑁄𑀦𑀁 𑀆𑀦𑁄𑀆𑀤𑁂𑀲𑁄 𑀳𑁄𑀢𑀺.
𑀩𑁆𑀭𑀳𑁆𑀫𑀸𑀦𑁄, 𑀅𑀢𑁆𑀢𑀸𑀦𑁄, 𑀲𑀔𑀸𑀦𑁄, 𑀭𑀸𑀚𑀸𑀦𑁄, 𑀆𑀢𑀼𑀫𑀸𑀦𑁄.
𑀢𑀲𑁆𑀫𑀸 𑀲𑀔𑀢𑁄 𑀘 𑀬𑁄𑀦𑀁 𑀆𑀬𑁄 𑀦𑁄 𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀲𑀔𑀸𑀬𑁄, 𑀲𑀔𑀺𑀦𑁄.
𑀬𑁄𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀲𑀔𑀸.
𑀢𑀲𑁆𑀫𑀸 𑀲𑀔𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀏𑀓𑀸𑀭𑁄 𑀳𑁄𑀢𑀺. 𑀲𑀔𑁂.
𑁧𑁯𑁩, 𑁧𑁨𑁨. 𑀩𑁆𑀭𑀳𑁆𑀫𑀢𑁄 ¶ 𑀕𑀲𑁆𑀲 𑀘.
𑀢𑀲𑁆𑀫𑀸 𑀩𑁆𑀭𑀳𑁆𑀫𑀢𑁄 𑀕𑀲𑁆𑀲 𑀘 𑀏𑀓𑀸𑀭𑁄 𑀳𑁄𑀢𑀺. 𑀳𑁂 𑀩𑁆𑀭𑀳𑁆𑀫𑁂.
𑁧𑁯𑁪, 𑁧𑁩𑁧. 𑀲𑀔𑀦𑁆𑀢𑀲𑁆𑀲𑀺 𑀦𑁄 𑀦𑀸 𑀦𑀁 𑀲𑁂𑀲𑀼.
𑀢𑀲𑁆𑀲 𑀲𑀔𑀦𑁆𑀢𑀲𑁆𑀲 𑀇𑀓𑀸𑀭𑁄 𑀳𑁄𑀢𑀺 𑀦𑁄𑀦𑀸𑀦𑀁𑀲𑀇𑀘𑁆𑀘𑁂𑀢𑁂𑀲𑀼.
𑀲𑀔𑀺𑀦𑁄, 𑀲𑀔𑀺𑀦𑀸, 𑀲𑀔𑀻𑀦𑀁, 𑀲𑀔𑀺𑀲𑁆𑀲.
𑀏𑀢𑁂𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀔𑀸𑀭𑁂𑀳𑀺.
𑀢𑀲𑁆𑀲 𑀲𑀔𑀦𑁆𑀢𑀲𑁆𑀲 𑀆𑀭𑁄 𑀳𑁄𑀢𑀺 𑀯𑀸 𑀳𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺. 𑀲𑀔𑀸𑀭𑁂𑀳𑀺, 𑀲𑀔𑁂𑀳𑀺.
𑀢𑀲𑁆𑀲 𑀲𑀔𑀦𑁆𑀢𑀲𑁆𑀲 𑀆𑀭𑁄 𑀳𑁄𑀢𑀺 𑀯𑀸 𑀲𑀼𑀦𑀁 𑀅𑀁𑀇𑀘𑁆𑀘𑁂𑀢𑁂𑀲𑀼.
𑀲𑀔𑀸𑀭𑁂𑀲𑀼, 𑀲𑀔𑁂𑀲𑀼, 𑀲𑀔𑀸𑀭𑀸𑀦𑀁, 𑀲𑀔𑀻𑀦𑀁, 𑀲𑀔𑀸𑀭𑀁, 𑀲𑀔𑀁.
𑁧𑁯𑁭, 𑁧𑁨𑁫. 𑀩𑁆𑀭𑀳𑁆𑀫𑀢𑁄 𑀢𑀼 𑀲𑁆𑀫𑀺𑀁 𑀦𑀺.
𑀢𑀲𑁆𑀫𑀸 𑀩𑁆𑀭𑀳𑁆𑀫𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑀺𑀆𑀤𑁂𑀲𑁄 𑀳𑁄𑀢𑀺. 𑀩𑁆𑀭𑀳𑁆𑀫𑀦𑀺.
𑀢𑀼𑀕𑁆𑀕𑀳𑀡𑁂𑀦 ¶ 𑀅𑀩𑁆𑀭𑀳𑁆𑀫𑀢𑁄𑀧𑀺 𑀲𑁆𑀫𑀺𑀁 𑀯𑀘𑀦𑀲𑁆𑀲 𑀦𑀺 𑀳𑁄𑀢𑀺. 𑀓𑀫𑁆𑀫𑀦𑀺, 𑀘𑀫𑁆𑀫𑀦𑀺, 𑀫𑀼𑀤𑁆𑀥𑀦𑀺.
𑀢𑀲𑁆𑀲 𑀩𑁆𑀭𑀳𑁆𑀫𑀲𑀤𑁆𑀤𑀲𑁆𑀲 𑀅𑀦𑁆𑀢𑁄 𑀉𑀢𑁆𑀢𑀫𑀸𑀧𑀚𑁆𑀚𑀢𑁂 𑀲𑀦𑀸𑀇𑀘𑁆𑀘𑁂𑀢𑁂𑀲𑀼.
𑀩𑁆𑀭𑀳𑁆𑀫𑀼𑀦𑁄, 𑀩𑁆𑀭𑀳𑁆𑀫𑀼𑀦𑀸.
𑀲𑀦𑀸𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀩𑁆𑀭𑀳𑁆𑀫𑀸.
𑁧𑁯𑁯, 𑁧𑁫𑁮. 𑀲𑀢𑁆𑀣𑀼𑀧𑀺𑀢𑀸𑀤𑀻𑀦𑀫𑀸 𑀲𑀺𑀲𑁆𑀫𑀺𑀁𑀲𑀺𑀮𑁄𑀧𑁄𑀘.
𑀲𑀢𑁆𑀣𑀼𑀧𑀺𑀢𑀼𑀆𑀤𑀻𑀦𑀫𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀲𑀺𑀲𑁆𑀫𑀺𑀁, 𑀲𑀺𑀮𑁄𑀧𑁄 𑀘 𑀳𑁄𑀢𑀺.
𑀲𑀢𑁆𑀣𑀸, 𑀧𑀺𑀢𑀸, 𑀫𑀸𑀢𑀸, 𑀪𑀸𑀢𑀸, 𑀓𑀢𑁆𑀢𑀸.
𑀲𑀺𑀲𑁆𑀫𑀺𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀲𑀢𑁆𑀣𑀼𑀲𑁆𑀲, 𑀧𑀺𑀢𑀼𑀲𑁆𑀲, 𑀫𑀸𑀢𑀼𑀲𑁆𑀲, 𑀪𑀸𑀢𑀼𑀲𑁆𑀲, 𑀓𑀢𑁆𑀢𑀼𑀲𑁆𑀲.
𑀲𑀢𑁆𑀣𑀼𑀧𑀺𑀢𑀼𑀆𑀤𑀻𑀦𑀫𑀦𑁆𑀢𑁄 𑀅𑀜𑁆𑀜𑁂𑀲𑀼 𑀯𑀘𑀦𑁂𑀲𑀼 𑀆𑀭𑀢𑁆𑀢𑀫𑀸𑀧𑀚𑁆𑀚𑀢𑁂.
𑀲𑀢𑁆𑀣𑀸𑀭𑀁, 𑀧𑀺𑀢𑀭𑀁, 𑀫𑀸𑀢𑀭𑀁, 𑀪𑀸𑀢𑀭𑀁, 𑀓𑀢𑁆𑀢𑀸𑀭𑀁, 𑀲𑀢𑁆𑀣𑀸𑀭𑁂𑀳𑀺, 𑀧𑀺𑀢𑀭𑁂𑀳𑀺, 𑀫𑀸𑀢𑀭𑁂𑀳𑀺, 𑀪𑀸𑀢𑀭𑁂𑀳𑀺, 𑀓𑀢𑁆𑀢𑀸𑀭𑁂𑀳𑀺.
𑀅𑀜𑁆𑀜𑁂𑀲𑁆𑀯𑀻𑀢𑀺 ¶ 𑀓𑀺𑀫𑀢𑁆𑀣𑀁? 𑀲𑀢𑁆𑀣𑀸, 𑀧𑀺𑀢𑀸, 𑀫𑀸𑀢𑀸, 𑀪𑀸𑀢𑀸, 𑀓𑀢𑁆𑀢𑀸.
𑀲𑀢𑁆𑀣𑀼𑀧𑀺𑀢𑀼𑀆𑀤𑀻𑀦𑀫𑀦𑁆𑀢𑁄 𑀆𑀭𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀲𑀢𑁆𑀣𑀸𑀭𑀸𑀦𑀁, 𑀧𑀺𑀢𑀭𑀸𑀦𑀁, 𑀫𑀸𑀢𑀭𑀸𑀦𑀁, 𑀪𑀸𑀢𑀭𑀸𑀦𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀲𑀢𑁆𑀣𑀸𑀦𑀁, 𑀧𑀺𑀢𑀽𑀦𑀁, 𑀫𑀸𑀢𑀽𑀦𑀁, 𑀪𑀸𑀢𑀽𑀦𑀁.
𑀢𑀲𑁆𑀲 𑀲𑀢𑁆𑀣𑀼𑀲𑀤𑁆𑀤𑀲𑁆𑀲 𑀅𑀦𑁆𑀢𑁄 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀲𑀢𑁆𑀣𑀸𑀦𑀁, 𑀧𑀺𑀢𑀸𑀦𑀁, 𑀫𑀸𑀢𑀸𑀦𑀁, 𑀪𑀸𑀢𑀸𑀦𑀁, 𑀓𑀢𑁆𑀢𑀸𑀦𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀲𑀢𑁆𑀣𑀸𑀭𑀸𑀦𑀁, 𑀧𑀺𑀢𑀭𑀸𑀦𑀁, 𑀫𑀸𑀢𑀭𑀸𑀦𑀁, 𑀪𑀸𑀢𑀭𑀸𑀦𑀁, 𑀥𑀻𑀢𑀭𑀸𑀦𑀁.
𑀘𑀕𑁆𑀕𑀳𑀡𑀁 𑀅𑀜𑁆𑀜𑁂𑀲𑀫𑁆𑀧𑀺 𑀲𑀗𑁆𑀕𑀳𑀡𑀢𑁆𑀣𑀁.
𑀲𑀢𑁆𑀣𑀼𑀧𑀺𑀢𑀼𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀦𑁆𑀢𑀲𑁆𑀲 𑀉𑀢𑁆𑀢𑀁 𑀳𑁄𑀢𑀺 𑀯𑀸 𑀲𑀲𑁆𑀫𑀺𑀁, 𑀲𑀮𑁄𑀧𑁄 𑀘.
𑀲𑀢𑁆𑀣𑀼 ¶ , 𑀲𑀢𑁆𑀣𑀼𑀲𑁆𑀲, 𑀲𑀢𑁆𑀣𑀼𑀦𑁄 𑀤𑀻𑀬𑀢𑁂, 𑀧𑀭𑀺𑀕𑁆𑀕𑀳𑁄 𑀯𑀸. 𑀧𑀺𑀢𑀼, 𑀧𑀺𑀢𑀼𑀲𑁆𑀲, 𑀧𑀺𑀢𑀼𑀦𑁄 𑀤𑀻𑀬𑀢𑁂, 𑀧𑀭𑀺𑀕𑁆𑀕𑀳𑁄 𑀯𑀸. 𑀪𑀸𑀢𑀼, 𑀪𑀸𑀢𑀼𑀲𑁆𑀲, 𑀪𑀸𑀢𑀼𑀦𑁄 𑀤𑀻𑀬𑀢𑁂, 𑀧𑀭𑀺𑀕𑁆𑀕𑀳𑁄 𑀯𑀸.
𑀘𑀕𑁆𑀕𑀳𑀡𑀁 𑀤𑀼𑀢𑀺𑀬𑀲𑀫𑁆𑀧𑀺𑀡𑁆𑀟𑀦𑀢𑁆𑀣𑀁.
𑀲𑀓𑁆𑀓𑀫𑀦𑁆𑀥𑀸𑀢𑀼𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀦𑁆𑀢𑁄 𑀉𑀢𑁆𑀢𑀫𑀸𑀧𑀚𑁆𑀚𑀢𑁂 𑀲𑀲𑁆𑀫𑀺𑀁, 𑀲𑀮𑁄𑀧𑁄 𑀘 𑀳𑁄𑀢𑀺.
𑀲𑀓𑁆𑀓𑀫𑀦𑁆𑀥𑀸𑀢𑀼 𑀇𑀯 𑀅𑀲𑁆𑀲 𑀭𑀸𑀚𑀺𑀦𑁄 𑀯𑀺𑀪𑀯𑁄. 𑀏𑀯𑀁 𑀓𑀢𑁆𑀢𑀼, 𑀕𑀦𑁆𑀢𑀼, 𑀤𑀸𑀢𑀼 𑀇𑀘𑁆𑀘𑁂𑀯𑀫𑀸𑀤𑀻.
𑀧𑀼𑀦𑀸𑀭𑀫𑁆𑀪𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀦𑀺𑀘𑁆𑀘𑀤𑀻𑀧𑀦𑀢𑁆𑀣𑀁. 𑀲𑀓𑁆𑀓𑀫𑀦𑁆𑀥𑀸𑀢𑀼.
𑀘𑀕𑁆𑀕𑀳𑀡𑀁 𑀤𑀼𑀢𑀺𑀬𑀲𑀫𑁆𑀧𑀺𑀡𑁆𑀟𑀦𑀢𑁆𑀣𑀁.
𑀢𑀢𑁄 𑀆𑀭𑀸𑀤𑁂𑀲𑀢𑁄 𑀲𑀩𑁆𑀩𑁂𑀲𑀁 𑀬𑁄 𑀦𑀁 𑀑𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀲𑀢𑁆𑀣𑀸𑀭𑁄, 𑀧𑀺𑀢𑀭𑁄, 𑀫𑀸𑀢𑀭𑁄, 𑀪𑀸𑀢𑀭𑁄, 𑀓𑀢𑁆𑀢𑀸𑀭𑁄, 𑀯𑀢𑁆𑀢𑀸𑀭𑁄.
𑀢𑀼𑀕𑁆𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀸𑀧𑀺 𑀬𑁄𑀦𑀁 𑀑𑀓𑀸𑀭𑁄 𑀳𑁄𑀢𑀺. 𑀘𑀢𑀼𑀭𑁄 𑀚𑀦𑀸, 𑀕𑀸𑀯𑁄, 𑀉𑀪𑁄 𑀧𑀼𑀭𑀺𑀲𑀸.
𑁨𑁦𑁬, 𑁧𑁬𑁫. 𑀢𑀢𑁄 ¶ 𑀲𑁆𑀫𑀺𑀫𑀺.
𑀢𑀢𑁄 𑀆𑀭𑀸𑀤𑁂𑀲𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀇𑀓𑀸𑀭𑀸𑀤𑁂𑀲𑁄 𑀳𑁄𑀢𑀺.
𑀲𑀢𑁆𑀣𑀭𑀺, 𑀧𑀺𑀢𑀭𑀺, 𑀫𑀸𑀢𑀭𑀺, 𑀥𑀻𑀢𑀭𑀺, 𑀪𑀸𑀢𑀭𑀺, 𑀓𑀢𑁆𑀢𑀭𑀺, 𑀯𑀢𑁆𑀢𑀭𑀺.
𑀧𑀼𑀦 𑀢𑀢𑁄𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀸𑀧𑀺 𑀲𑁆𑀫𑀺𑀁𑀯𑀘𑀦𑀲𑁆𑀲 𑀇𑀓𑀸𑀭𑁄 𑀳𑁄𑀢𑀺. 𑀪𑀼𑀯𑀺.
𑀢𑀢𑁄 𑀆𑀭𑀸𑀤𑁂𑀲𑀢𑁄 𑀦𑀸𑀯𑀘𑀦𑀲𑁆𑀲 𑀆𑀆𑀤𑁂𑀲𑁄 𑀳𑁄𑀢𑀺.
𑀲𑀢𑁆𑀣𑀸𑀭𑀸, 𑀧𑀺𑀢𑀭𑀸, 𑀫𑀸𑀢𑀭𑀸, 𑀪𑀸𑀢𑀭𑀸, 𑀥𑀻𑀢𑀭𑀸, 𑀓𑀢𑁆𑀢𑀸𑀭𑀸, 𑀯𑀢𑁆𑀢𑀸𑀭𑀸.
𑀆𑀭𑀸𑀤𑁂𑀲𑁄 𑀭𑀲𑁆𑀲𑀫𑀸𑀧𑀚𑁆𑀚𑀢𑁂 𑀇𑀓𑀸𑀭𑁂 𑀧𑀭𑁂.
𑀲𑀢𑁆𑀣𑀭𑀺, 𑀧𑀺𑀢𑀭𑀺, 𑀫𑀸𑀢𑀭𑀺, 𑀥𑀻𑀢𑀭𑀺, 𑀓𑀢𑁆𑀢𑀭𑀺, 𑀯𑀢𑁆𑀢𑀭𑀺.
𑀧𑀺𑀢𑀸𑀤𑀻𑀦 𑀫𑀸𑀭𑀸𑀤𑁂𑀲𑁄 𑀭𑀲𑁆𑀲𑀫𑀸𑀧𑀚𑁆𑀚𑀢𑁂 𑀅𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀧𑀺𑀢𑀭𑀸, 𑀫𑀸𑀢𑀭𑀸, 𑀪𑀸𑀢𑀭𑀸, 𑀫𑀻𑀢𑀭𑀸 𑀧𑀺𑀢𑀭𑁄, 𑀫𑀸𑀢𑀭𑁄, 𑀪𑀸𑀢𑀭𑁄, 𑀥𑀻𑀢𑀭𑁄.
𑀅𑀲𑀺𑀫𑁆𑀳𑀺𑀕𑁆𑀕𑀳𑀡𑀁 ¶ 𑀢𑁄𑀫𑁆𑀳𑀺 𑀧𑀭𑁂 𑀇𑀓𑀸𑀭𑀸𑀤𑁂𑀲𑀜𑀸𑀧𑀦𑀢𑁆𑀣𑀁. 𑀫𑀸𑀢𑀺𑀢𑁄, 𑀧𑀺𑀢𑀺𑀢𑁄, 𑀪𑀸𑀢𑀺𑀢𑁄, 𑀤𑀼𑀳𑀺𑀢𑀺𑀢𑁄.
𑁨𑁧𑁦, 𑁨𑁩𑁯. 𑀢𑀬𑀸𑀢𑀬𑀻𑀦𑀁 𑀢𑀓𑀸𑀭𑁄 𑀢𑁆𑀯𑀢𑁆𑀢𑀁 𑀯𑀸.
𑀢𑀬𑀸𑀢𑀬𑀺 𑀇𑀘𑁆𑀘𑁂𑀢𑁂𑀲𑀁 𑀢𑀓𑀸𑀭𑁄 𑀢𑁆𑀯𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸.
𑀢𑁆𑀯𑀬𑀸, 𑀢𑀬𑀸, 𑀢𑁆𑀯𑀬𑀺, 𑀢𑀬𑀺.
𑀏𑀢𑁂𑀲𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀢𑀼𑀯𑀁, 𑀢𑀯𑀁.
𑀇𑀢𑀺 𑀦𑀸𑀥𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑀘𑀢𑀼𑀢𑁆𑀣𑀓𑀡𑁆𑀟
𑁨𑁧𑁧, 𑁧𑁨𑁬. 𑀅𑀢𑁆𑀢𑀦𑁆𑀢𑁄 𑀳𑀺𑀲𑁆𑀫𑀺’𑀫𑀦𑀢𑁆𑀢𑀁.
𑀢𑀲𑁆𑀲 𑀅𑀢𑁆𑀢𑀦𑁄 𑀅𑀦𑁆𑀢𑁄 𑀅𑀦𑀢𑁆𑀢𑀫𑀸𑀧𑀚𑁆𑀚𑀢𑁂 𑀳𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀢𑁆𑀢𑀦𑁂𑀳𑀺, 𑀅𑀢𑁆𑀢𑀦𑁂𑀪𑀺.
𑀅𑀢𑁆𑀢𑀦𑁆𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀭𑀸𑀚𑁂𑀳𑀺, 𑀭𑀸𑀚𑁂𑀪𑀺.
𑀳𑀺𑀲𑁆𑀫𑀺𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀅𑀢𑁆𑀢𑀦𑁄.
𑀅𑀦𑀢𑁆𑀢𑀫𑀺𑀢𑀺𑀪𑀸𑀯𑀦𑀺𑀤𑁆𑀤𑁂𑀲𑁂𑀦 𑀅𑀢𑁆𑀢𑀲𑀤𑁆𑀤𑀲𑁆𑀲 𑀲𑀓𑀸𑀤𑁂𑀲𑁄 𑀳𑁄𑀢𑀺 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼. 𑀲𑀓𑁄, 𑀲𑀓𑀸, 𑀲𑀓𑀁, 𑀲𑀓𑁂.
𑁨𑁧𑁨, 𑁩𑁨𑁯. 𑀢𑀢𑁄 ¶ 𑀲𑁆𑀫𑀺𑀁𑀦𑀺.
𑀢𑀢𑁄 𑀅𑀢𑁆𑀢𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑀺 𑀳𑁄𑀢𑀺. 𑀅𑀢𑁆𑀢𑀦𑀺.
𑀢𑀢𑁄𑀅𑀢𑁆𑀢𑀢𑁄 𑀲𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀦𑁄 𑀳𑁄𑀢𑀺, 𑀅𑀢𑁆𑀢𑀦𑁄.
𑀢𑀢𑁄 𑀅𑀢𑁆𑀢𑀢𑁄 𑀲𑁆𑀫𑀸 𑀯𑀘𑀦𑀲𑁆𑀲 𑀦𑀸 𑀳𑁄𑀢𑀺. 𑀅𑀢𑁆𑀢𑀦𑀸.
𑀧𑀼𑀦 𑀢𑀢𑁄𑀕𑀳𑀡𑁂𑀦 𑀢𑀲𑁆𑀲 𑀅𑀢𑁆𑀢𑀦𑁄 𑀢𑀓𑀸𑀭𑀲𑁆𑀲𑁂𑀯 𑀭𑀓𑀸𑀭𑁄 𑀳𑁄𑀢𑀺 𑀲𑀩𑁆𑀩𑁂𑀲𑀼 𑀯𑀘𑀦𑁂𑀲𑀼. 𑀅𑀢𑁆𑀭𑀚𑁄, 𑀅𑀢𑁆𑀭𑀚𑀁.
𑀛𑀮𑀇𑀘𑁆𑀘𑁂𑀢𑁂𑀳𑀺 𑀲𑁆𑀫𑀸𑀯𑀘𑀦𑀲𑁆𑀲 𑀦𑀸 𑀳𑁄𑀢𑀺.
𑀅𑀕𑁆𑀕𑀺𑀦𑀸, 𑀤𑀡𑁆𑀟𑀺𑀦𑀸, 𑀪𑀺𑀓𑁆𑀔𑀼𑀦𑀸, 𑀲𑀬𑀫𑁆𑀪𑀼𑀦𑀸.
𑀲𑁆𑀫𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀬𑁄, 𑀫𑀼𑀦𑀬𑁄, 𑀇𑀲𑀬𑁄.
𑀢𑀲𑁆𑀫𑀸 𑀖𑀧𑀢𑁄 𑀲𑁆𑀫𑀺𑀁 𑀯𑀘𑀦𑀲𑁆𑀲 𑀬𑀁 𑀳𑁄𑀢𑀺 𑀯𑀸.
𑀓𑀜𑁆𑀜𑀸𑀬𑀁 ¶ , 𑀓𑀜𑁆𑀜𑀸𑀬. 𑀭𑀢𑁆𑀢𑀺𑀬𑀁, 𑀭𑀢𑁆𑀢𑀺𑀬𑀸. 𑀇𑀢𑁆𑀣𑀺𑀬𑀁, 𑀇𑀢𑁆𑀣𑀺𑀬𑀸. 𑀬𑀸𑀕𑀼𑀬𑀁, 𑀬𑀸𑀕𑀼𑀬𑀸. 𑀯𑀔𑀼𑀬𑀁, 𑀯𑀥𑀼𑀬𑀸.
𑀲𑀩𑁆𑀩𑁂𑀲𑀁 𑀬𑁄𑀦𑀁 𑀦𑀺 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂𑀳𑀺 𑀮𑀺𑀗𑁆𑀕𑁂𑀳𑀺.
𑀅𑀝𑁆𑀞𑀻𑀦𑀺, 𑀅𑀝𑁆𑀞𑀻, 𑀆𑀬𑀽𑀦𑀺, 𑀆𑀬𑀽.
𑀦𑀧𑀼𑀁𑀲𑀓𑁂𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀬𑁄.
𑀅𑀓𑀸𑀭𑀦𑁆𑀢𑁂𑀳𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑁂𑀳𑀺 𑀬𑁄𑀦𑀁 𑀦𑀺 𑀳𑁄𑀢𑀺 𑀦𑀺𑀘𑁆𑀘𑀁.
𑀬𑀸𑀦𑀺, 𑀬𑀸𑀦𑀺. 𑀢𑀸𑀦𑀺, 𑀢𑀸𑀦𑀺. 𑀓𑀸𑀦𑀺, 𑀓𑀸𑀦𑀺. 𑀪𑀬𑀸𑀦𑀺, 𑀪𑀬𑀸𑀦𑀺. 𑀭𑀽𑀧𑀸𑀦𑀺, 𑀭𑀽𑀧𑀸𑀦𑀺.
𑀅𑀓𑀸𑀭𑀦𑁆𑀢𑁂𑀳𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑁂𑀳𑀺 𑀲𑀺𑀯𑀘𑀦𑀲𑁆𑀲 𑀅𑀁 𑀳𑁄𑀢𑀺 𑀦𑀺𑀘𑁆𑀘𑀁.
𑀲𑀩𑁆𑀩𑀁, 𑀬𑀁, 𑀢𑀁, 𑀓𑀁, 𑀭𑀽𑀧𑀁.
𑀢𑀢𑁄 𑀦𑀺𑀤𑁆𑀤𑀺𑀝𑁆𑀞𑁂𑀳𑀺 𑀮𑀺𑀕𑁂𑀳𑀺 𑀲𑁂𑀲𑀔𑀢𑀸 𑀕𑀲𑀺𑀇𑀘𑁆𑀘𑁂𑀢𑁂 𑀮𑁄𑀧𑀫𑀸𑀧𑀚𑁆𑀚𑀦𑁆𑀢𑁂.
𑀪𑁄𑀢𑀺 ¶ 𑀇𑀢𑁆𑀣𑀺, 𑀲𑀸 𑀇𑀢𑁆𑀣𑀻. 𑀪𑁄 𑀤𑀡𑁆𑀟𑀺, 𑀲𑁄 𑀤𑀡𑁆𑀟𑀻. 𑀪𑁄 𑀲𑀢𑁆𑀣, 𑀲𑁄 𑀲𑀢𑁆𑀣𑀸. 𑀪𑁄 𑀭𑀸𑀚, 𑀲𑁄 𑀭𑀸𑀚𑀸. 𑀲𑁂𑀲𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑁄 𑀕𑀘𑁆𑀙𑀢𑀺.
𑀕𑀲𑀻𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀬𑀸, 𑀲𑀢𑁆𑀣𑀼𑀲𑁆𑀲.
𑁨𑁨𑁧, 𑁨𑁮𑁨. 𑀲𑀩𑁆𑀩𑀸𑀲𑀫𑀸𑀯𑀼𑀲𑁄 𑀧𑀲𑀕𑁆𑀕𑀦𑀺𑀧𑀸𑀢𑀸𑀤𑀻𑀳𑀺 𑀘.
𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀏𑀓𑀯𑀘𑀦𑀩𑀳𑀼𑀯𑀘𑀦𑀸𑀦𑀁 𑀧𑀞𑀫𑀸 𑀤𑀼𑀢𑀺𑀬𑀸𑀢𑀢𑀺𑀬𑀸 𑀘𑀢𑀼𑀢𑁆𑀣𑀻 𑀧𑀜𑁆𑀘𑀫𑀻 𑀙𑀝𑁆𑀞𑀻 𑀲𑀢𑁆𑀢𑀫𑀻𑀦𑀁 𑀮𑁄𑀧𑁄 𑀳𑁄𑀢𑀺, 𑀆𑀯𑀼𑀲𑁄 𑀉𑀧𑀲𑀕𑁆𑀕 𑀦𑀺𑀧𑀸𑀢𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀘,
𑀢𑁆𑀯𑀁 𑀧𑀦𑀸𑀯𑀼𑀲𑁄, 𑀢𑀼𑀫𑁆𑀳𑁂 𑀧𑀦𑀸𑀯𑀼𑀲𑁄, 𑀧𑀤𑀲𑁄 𑀥𑀫𑁆𑀫𑀁 𑀯𑀸𑀘𑁂𑀬𑁆𑀬, 𑀯𑀺𑀳𑀸𑀭𑀁 𑀲𑁆𑀯𑁂 𑀉𑀧𑀕𑀘𑁆𑀙𑁂𑀬𑁆𑀬.
𑀧, 𑀧𑀭𑀸, 𑀦𑀺, 𑀦𑀻, 𑀉, 𑀤𑀼, 𑀲𑀁, 𑀯𑀺, 𑀅𑀯, 𑀅𑀦𑀼, 𑀧𑀭𑀺, 𑀅𑀥𑀺, 𑀅𑀪𑀺, 𑀧𑀢𑀺, 𑀲𑀼, 𑀆, 𑀅𑀢𑀺, 𑀅𑀧𑀺, 𑀅𑀧, 𑀉𑀧, 𑀧𑀳𑀸𑀭𑁄, 𑀧𑀭𑀸𑀪𑀯𑁄, 𑀦𑀺𑀳𑀸𑀭𑁄, 𑀦𑀻𑀳𑀸𑀭𑁄, 𑀉𑀳𑀸𑀭𑁄, 𑀤𑀼𑀳𑀸𑀭𑁄, 𑀲𑀁𑀳𑀸𑀭𑁄, 𑀯𑀺𑀳𑀸𑀭𑁄, 𑀅𑀯𑀳𑀸𑀭𑁄, 𑀅𑀦𑀼𑀳𑀸𑀭𑁄, 𑀧𑀭𑀺𑀳𑀸𑀭𑁄, 𑀅𑀥𑀺𑀳𑀸𑀭𑁄, 𑀅𑀪𑀺𑀳𑀸𑀭𑁄, 𑀧𑀢𑀺𑀳𑀸𑀭𑁄, 𑀲𑀼𑀳𑀸𑀭𑁄, 𑀆𑀳𑀸𑀭𑁄, 𑀅𑀢𑀺𑀳𑀸𑀭𑁄, 𑀅𑀧𑀺𑀳𑀸𑀭𑁄, 𑀅𑀧𑀳𑀸𑀭𑁄, 𑀉𑀧𑀳𑀸𑀭𑁄, 𑀏𑀯𑀁 𑀯𑀻𑀲𑀢𑀺 𑀉𑀧𑀲𑀕𑁆𑀕𑁂𑀳𑀺 𑀘.
𑀬𑀣𑀸, 𑀢𑀣𑀸, 𑀏𑀯𑀁, 𑀔𑀮𑀼, 𑀔𑁄, 𑀢𑀢𑁆𑀭, 𑀅𑀣𑁄, 𑀅𑀣, 𑀳𑀺, 𑀢𑀼 𑀘, 𑀯𑀸, 𑀯𑁄, 𑀳𑀁, 𑀅𑀪𑀁, 𑀅𑀮𑀁, 𑀏𑀯, 𑀳𑁄 𑀅𑀳𑁄, 𑀳𑁂 ¶ , 𑀅𑀳𑁂, 𑀭𑁂, 𑀅𑀭𑁂, 𑀏𑀯𑀫𑀸𑀤𑀻𑀳𑀺 𑀦𑀺𑀧𑀸𑀢𑁂𑀳𑀺 𑀘 𑀬𑁄𑀚𑁂𑀢𑀩𑁆𑀩𑀸𑀦𑀺.
𑀘𑀕𑁆𑀕𑀳𑀡𑀫 𑀯𑀥𑀸𑀭𑀡𑀢𑁆𑀣𑀁.
𑁨𑁨𑁨, 𑁩𑁪𑁨. 𑀧𑀼𑀫𑀲𑁆𑀲 𑀮𑀺𑀗𑁆𑀕𑀸𑀤𑀻𑀲𑀼 𑀲𑀫𑀸𑀲𑁂𑀲𑀼.
𑀧𑀼𑀫𑀇𑀘𑁆𑀘𑁂𑀢𑀲𑁆𑀲 𑀅𑀦𑁆𑀢𑁄 𑀮𑁄𑀧𑀫𑀸𑀧𑀚𑁆𑀚𑀢𑁂 𑀮𑀺𑀗𑁆𑀕𑀸𑀤𑀻𑀲𑀼 𑀧𑀭𑀧𑀤𑁂𑀲𑀼 𑀲𑀫𑀸𑀲𑁂𑀲𑀼.
𑀧𑀼𑀮𑁆𑀮𑀺𑀗𑁆𑀕𑀁, 𑀧𑀼𑀫𑁆𑀪𑀸𑀯𑁄, 𑀧𑀼𑀗𑁆𑀓𑁄𑀓𑀺𑀮𑁄.
𑀧𑀼𑀫𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀺𑀮𑀺𑀗𑁆𑀕𑀁, 𑀦𑀧𑀼𑀁𑀲𑀓𑀮𑀺𑀗𑁆𑀕𑀁.
𑀮𑀺𑀗𑁆𑀕𑀸𑀤𑀻𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀫𑀺𑀢𑁆𑀣𑀻.
𑀲𑀫𑀸𑀲𑁂𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀫𑀲𑁆𑀲 𑀮𑀺𑀗𑁆𑀕𑀁.
𑀅𑀁 𑀯𑀘𑀦𑀲𑁆𑀲 𑀬𑀁 𑀳𑁄𑀢𑀺 𑀯𑀸 𑀈𑀢𑁄 𑀧𑀲𑀜𑁆𑀜𑀢𑁄.
𑀇𑀢𑁆𑀣𑀺𑀬𑀁, 𑀇𑀢𑁆𑀣𑀺𑀁.
𑀧𑀲𑀜𑁆𑀜𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀤𑀡𑁆𑀟𑀺𑀦𑀁, 𑀪𑁄𑀕𑀺𑀦𑀁.
𑀅𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀇𑀢𑁆𑀣𑀻𑀳𑀺.
𑀢𑀲𑁆𑀫𑀸 𑀛𑀢𑁄 𑀓𑀢𑀭𑀲𑁆𑀲𑀸 𑀅𑀁 𑀯𑀘𑀦𑀲𑁆𑀲 𑀦𑀁 𑀳𑁄𑀢𑀺.
𑀤𑀡𑁆𑀟𑀺𑀦𑀁 ¶ , 𑀪𑁄𑀕𑀺𑀦𑀁.
𑀛𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀯𑁂𑀲𑁆𑀲𑀪𑀼𑀁.
𑀓𑀢𑀭𑀲𑁆𑀲𑀸𑀢𑀺 𑀓𑀺𑀫𑀢𑁆𑀣𑀁? 𑀓𑀼𑀘𑁆𑀙𑀺𑀁.
𑀲𑀩𑁆𑀩𑁂𑀲𑀁 𑀬𑁄𑀦𑀁 𑀛𑀢𑁄 𑀓𑀢𑀭𑀲𑁆𑀲𑀸 𑀦𑁄 𑀳𑁄𑀢𑀺.
𑀤𑀡𑁆𑀟𑀺𑀦𑁄 𑀪𑁄𑀕𑀺𑀦𑁄, 𑀳𑁂 𑀤𑀡𑁆𑀟𑀺𑀦𑁄, 𑀳𑁂 𑀪𑁄𑀕𑀺𑀦𑁄.
𑀓𑀢𑀭𑀲𑁆𑀲𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀕𑁆𑀕𑀬𑁄, 𑀫𑀼𑀦𑀬𑁄, 𑀇𑀲𑀬𑁄.
𑀛𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀲𑀬𑀫𑁆𑀪𑀼𑀦𑁄.
𑀬𑁄𑀦𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀤𑀡𑁆𑀟𑀺𑀦𑀸, 𑀪𑁄𑀕𑀺𑀦𑀸.
𑀢𑀲𑁆𑀫𑀸 𑀛𑀢𑁄 𑀓𑀢𑀭𑀲𑁆𑀲𑀸 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑀺𑀆𑀤𑁂 𑀲𑁄 𑀳𑁄𑀢𑀺.
𑀤𑀡𑁆𑀟𑀺𑀦𑀺, 𑀪𑁄𑀕𑀺𑀦𑀺.
𑀓𑀢𑀭𑀲𑁆𑀲𑀸𑀢𑀺 𑀓𑀺𑀫𑀢𑁆𑀣𑀁? 𑀩𑁆𑀬𑀸𑀥𑀺𑀫𑁆𑀳𑀺.
𑀓𑀺𑀫𑀺𑀘𑁆𑀘𑁂𑀢𑀲𑁆𑀲 𑀓𑁄 𑀘 𑀳𑁄𑀢𑀺 𑀯𑀧𑀘𑁆𑀘𑀬𑁂 𑀧𑀭𑁂.
𑀓𑁆𑀯 ¶ 𑀕𑀢𑁄𑀲𑀺 𑀢𑁆𑀯𑀁 𑀤𑁂𑀯𑀸𑀦𑀁 𑀧𑀺𑀬𑀢𑀺𑀲𑁆𑀲.
𑀘𑀕𑁆𑀕𑀳𑀡𑁂𑀦 𑀅𑀯𑀧𑀘𑁆𑀘𑀬𑁂 𑀧𑀭𑁂𑀧𑀺 𑀓𑁄 𑀘 𑀳𑁄𑀢𑀺. 𑀓𑁄 𑀢𑀁𑀦𑀺𑀦𑁆𑀤𑀺𑀢𑀼 𑀫𑀭𑀳𑀢𑀺, 𑀓𑀣𑀁 𑀩𑁄𑀥𑀬𑀺𑀢𑀼𑀁 𑀥𑀫𑁆𑀫𑀁.
𑀯𑁂𑀢𑀺 𑀓𑀺𑀫𑀢𑁆𑀣𑀁? 𑀓𑀼𑀢𑁄 𑀆𑀕𑀢𑁄𑀲𑀺 𑀢𑁆𑀯𑀁.
𑀓𑀺𑀫𑀺𑀘𑁆𑀘𑁂𑀢𑀲𑁆𑀲 𑀓𑀼 𑀳𑁄𑀢𑀺 𑀳𑀺𑀁 𑀳𑀁𑀇𑀘𑁆𑀘𑁂𑀢𑁂𑀲𑀼 𑀘. 𑀓𑀼𑀳𑀺𑀁 𑀕𑀘𑁆𑀙𑀲𑀺, 𑀓𑀼𑀮𑀁 𑀕𑀘𑁆𑀙𑀲𑀺.
𑀘𑀕𑁆𑀕𑀳𑀡𑁂𑀦 𑀳𑀺𑀜𑁆𑀘𑀦𑀁𑀤𑀸𑀘𑀦𑀁 𑀧𑀘𑁆𑀘𑀬𑁂𑀲𑀼 𑀧𑀭𑁂𑀲𑀼 𑀅𑀜𑁆𑀜𑀢𑁆𑀣𑀸𑀧𑀺 𑀓𑀼 𑀳𑁄𑀢𑀺. 𑀓𑀼𑀳𑀺𑀜𑁆𑀘𑀦𑀁, 𑀓𑀼𑀤𑀸𑀘𑀦𑀁.
𑀓𑀺𑀫𑀺𑀘𑁆𑀘𑁂𑀢𑀲𑁆𑀲 𑀓𑁄 𑀳𑁄𑀢𑀺 𑀲𑁂𑀲𑁂𑀲𑀼 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑁂𑀲𑀼 𑀧𑀭𑁂𑀲𑀼.
𑀓𑁄 𑀧𑀓𑀸𑀭𑁄 𑀓𑀣𑀁, 𑀓𑀁 𑀧𑀓𑀸𑀭𑀁 𑀓𑀣𑀁.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑀓𑀺𑀫𑀺𑀘𑁆𑀘𑁂𑀢𑀲𑁆𑀲 𑀓𑀼 𑀳𑁄𑀢𑀺 𑀢𑁆𑀭𑀢𑁄𑀣 𑀇𑀘𑁆𑀘𑁂𑀢𑁂𑀲𑀼 𑀘.
𑀓𑀼𑀢𑁆𑀭, 𑀓𑀼𑀢𑁄, 𑀓𑀼𑀢𑁆𑀣.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁,
𑁨𑁩𑁧, 𑁨𑁬𑁩. 𑀲𑀩𑁆𑀩𑀲𑁆𑀲𑁂𑀢𑀲𑁆𑀲 ¶ , 𑀓𑀸𑀭𑁄 𑀯𑀸.
𑀲𑀩𑁆𑀩𑀲𑁆𑀲 𑀏𑀢𑀲𑀤𑁆𑀤𑀲𑁆𑀲 𑀅𑀓𑀸𑀭𑁄 𑀳𑁄𑀢𑀺 𑀯𑀸 𑀢𑁄𑀣𑀇𑀘𑁆𑀘𑁂𑀢𑁂𑀲𑀼.
𑀅𑀢𑁄, 𑀅𑀢𑁆𑀣, 𑀏𑀢𑁆𑀢𑁄, 𑀏𑀢𑁆𑀣.
𑀲𑀩𑁆𑀩𑀲𑁆𑀲 𑀏𑀢𑀲𑀤𑁆𑀤𑀲𑁆𑀲 𑀅𑀓𑀸𑀭𑁄 𑀳𑁄𑀢𑀺 𑀦𑀺𑀘𑁆𑀘𑀁 𑀢𑁆𑀭𑀧𑀘𑁆𑀘𑀬𑁂 𑀧𑀭𑁂.
𑀅𑀢𑁆𑀭.
𑀲𑀩𑁆𑀩𑀲𑁆𑀲 𑀏𑀢𑀲𑀤𑁆𑀤𑀲𑁆𑀲 𑀏𑀓𑀸𑀭𑁄 𑀳𑁄𑀢𑀺 𑀯𑀸 𑀢𑁄𑀣𑀇𑀘𑁆𑀘𑁂𑀢𑁂𑀲𑀼.
𑀏𑀢𑁆𑀢𑁄, 𑀅𑀢𑁄, 𑀏𑀢𑁆𑀣, 𑀅𑀢𑁆𑀣.
𑁨𑁩𑁪, 𑁨𑁬𑁫. 𑀇𑀫𑀲𑁆𑀲𑀺 𑀣𑀁 𑀤𑀸𑀦𑀺 𑀳 𑀢𑁄 𑀥𑁂𑀲𑀼 𑀘.
𑀇𑀫𑀲𑀤𑁆𑀤𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀇𑀓𑀸𑀭𑁄 𑀳𑁄𑀢𑀺 𑀣𑀁 𑀤𑀸𑀦𑀺𑀳𑀢𑁄 𑀥𑀇𑀘𑁆𑀘𑁂𑀢𑁂𑀲𑀼.
𑀇𑀢𑁆𑀣𑀁, 𑀇𑀤𑀸𑀦𑀺, 𑀇𑀳, 𑀇𑀢𑁄, 𑀇𑀥.
𑁨𑁩𑁫, 𑁨𑁮𑁧. 𑀅𑀥𑀼𑀦𑀸𑀫𑁆𑀳𑀺 ¶ 𑀘.
𑀇𑀫𑀲𑀤𑁆𑀤𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀅𑀓𑀸𑀭𑁄 𑀳𑁄𑀢𑀺 𑀥𑀼𑀦𑀸𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀅𑀥𑀼𑀦𑀸.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁.
𑀲𑀩𑁆𑀩𑀲𑁆𑀲𑁂𑀯 𑀇𑀫𑀲𑀤𑁆𑀤𑀲𑁆𑀲 𑀏𑀢𑀸𑀤𑁂𑀲𑁄 𑀳𑁄𑀢𑀺 𑀭𑀳𑀺𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀏𑀢𑀭𑀳𑀺.
𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀸𑀬 𑀅𑀓𑀸𑀭𑀢𑁄 𑀆𑀧𑀘𑁆𑀘𑀬𑁄 𑀳𑁄𑀢𑀺.
𑀲𑀩𑁆𑀩𑀸, 𑀬𑀸, 𑀲𑀸, 𑀓𑀸. 𑀓𑀢𑀭𑀸.
𑀦𑀤𑀸𑀤𑀺𑀢𑁄 𑀯𑀸𑀅𑀦𑀤𑀸𑀤𑀺𑀢𑁄𑀯𑀸 𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀸𑀬 𑀈𑀧𑀘𑁆𑀘𑀬𑁄 𑀳𑁄𑀢𑀺.
𑀦𑀤𑀻, 𑀫𑀳𑀻, 𑀓𑀼𑀫𑀸𑀭𑀻, 𑀢𑀭𑀼𑀡𑀻, 𑀲𑀔𑀻, 𑀇𑀢𑁆𑀣𑀻.
𑁨𑁩𑁯, 𑁧𑁯𑁦. 𑀡𑀯 ¶ 𑀡𑀺𑀓 𑀡𑁂𑀬𑁆𑀬 𑀡 𑀦𑁆𑀢𑀼𑀳𑀺.
𑀡𑀯 𑀡𑀺𑀓 𑀡𑁂𑀬𑁆𑀬 𑀡 𑀦𑁆𑀢𑀼𑀇𑀘𑁆𑀘𑁂𑀢𑁂𑀳𑀺 𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑁂𑀳𑀺 𑀈𑀧𑀘𑁆𑀘𑀬𑁄 𑀳𑁄𑀢𑀺.
𑀫𑀸𑀡𑀯𑀻, 𑀧𑀡𑁆𑀟𑀯𑀻, 𑀦𑀸𑀯𑀺𑀓𑀻, 𑀯𑁂𑀦𑀢𑁂𑀬𑁆𑀬𑀻, 𑀓𑀼𑀦𑁆𑀢𑁂𑀬𑁆𑀬𑀻, 𑀕𑁄𑀢𑀫𑀻, 𑀕𑀼𑀡𑀯𑀢𑀻, 𑀲𑀸𑀫𑀸𑀯𑀢𑀻.
𑁨𑁪𑁦, 𑁧𑁯𑁩. 𑀧𑀢𑀺 𑀪𑀺𑀓𑁆𑀔𑀼𑀭𑀸𑀚𑀻𑀓𑀸𑀭𑀦𑁆𑀢𑁂𑀳𑀺 𑀇𑀦𑀻.
𑀧𑀢𑀺 𑀪𑀺𑀓𑁆𑀔𑀼 𑀭𑀸𑀚𑀻𑀓𑀸𑀭𑀦𑁆𑀢𑁂𑀳𑀺 𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑁂𑀳𑀺 𑀇𑀦𑀻𑀧𑀘𑁆𑀘𑀬𑁄 𑀳𑁄𑀢𑀺.
𑀕𑀳𑀧𑀢𑀸𑀦𑀻, 𑀪𑀺𑀓𑁆𑀔𑀼𑀦𑀻, 𑀭𑀸𑀚𑀺𑀦𑀻, 𑀳𑀢𑁆𑀣𑀺𑀦𑀻, 𑀤𑀡𑁆𑀟𑀺𑀦𑀻, 𑀫𑁂𑀥𑀸𑀯𑀺𑀦𑀻, 𑀢𑀧𑀲𑁆𑀲𑀺𑀦𑀻.
𑀲𑀩𑁆𑀩𑀲𑁆𑀲𑁂𑀯 𑀦𑁆𑀢𑀼𑀧𑀘𑁆𑀘𑀬𑀲𑁆𑀲 𑀢𑀓𑀸𑀭𑁄 𑀳𑁄𑀢𑀺 𑀯𑀸 𑀈𑀓𑀸𑀭𑁂 𑀧𑀭𑁂.
𑀕𑀼𑀡𑀯𑀢𑀻, 𑀕𑀼𑀡𑀯𑀦𑁆𑀢𑀻, 𑀓𑀼𑀮𑀯𑀢𑀻, 𑀓𑀼𑀮𑀯𑀦𑁆𑀢𑀻, 𑀲𑀢𑀺𑀫𑀢𑀻. 𑀲𑀢𑀺𑀫𑀦𑁆𑀢𑀻, 𑀫𑀳𑀢𑀻, 𑀫𑀳𑀦𑁆𑀢𑀻, 𑀕𑁄𑀢𑁆𑀢𑀫𑀢𑀻, 𑀕𑁄𑀢𑁆𑀢𑀫𑀦𑁆𑀢𑀻.
𑀲𑀩𑁆𑀩𑀲𑁆𑀲𑁂𑀯 𑀪𑀯𑀦𑁆𑀢𑀲𑀤𑁆𑀤𑀲𑁆𑀲 𑀪𑁄𑀢𑀸𑀤𑁂𑀲𑁄 𑀳𑁄𑀢𑀺 𑀈𑀓𑀸𑀭𑁂 𑀇𑀢𑁆𑀣𑀺𑀕𑀢𑁂 𑀧𑀭𑁂.
𑀪𑁄𑀢𑀺 𑀅𑀬𑁆𑀬𑁂, 𑀪𑁄𑀢𑀺 𑀓𑀜𑁆𑀜𑁂, 𑀪𑁄𑀢𑀺 𑀔𑀭𑀸𑀤𑀺𑀬𑁂.
𑁨𑁪𑁩, 𑁧𑁧𑁦. 𑀪𑁄𑀕𑁂 ¶ 𑀢𑀼.
𑀲𑀩𑁆𑀩𑀲𑁆𑀲𑁂𑀯 𑀪𑀯𑀦𑁆𑀢𑀲𑀤𑁆𑀤𑀲𑁆𑀲 𑀪𑁄𑀆𑀤𑁂𑀲𑁄 𑀳𑁄𑀢𑀺 𑀕𑁂 𑀧𑀭𑁂.
𑀪𑁄 𑀧𑀼𑀭𑀺𑀲, 𑀪𑁄 𑀅𑀕𑁆𑀕𑀺, 𑀪𑁄 𑀭𑀸𑀚, 𑀪𑁄 𑀲𑀢𑁆𑀣, 𑀪𑁄 𑀤𑀡𑁆𑀟𑀺, 𑀪𑁄 𑀲𑀬𑀫𑁆𑀪𑀼.
𑀕𑁂𑀢𑀺 𑀓𑀺𑀫𑀢𑁆𑀣𑀁? 𑀪𑀯𑀢𑀸, 𑀪𑀯𑀁.
𑀢𑀼𑀕𑁆𑀕𑀳𑀡𑁂𑀦 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀯𑀘𑀦𑁂 𑀲𑀩𑁆𑀩𑀲𑁆𑀲 𑀪𑀯𑀦𑁆𑀢𑀲𑀤𑁆𑀤𑀲𑁆𑀲 𑀪𑁄𑀦𑁆𑀢 𑀪𑀦𑁆𑀢𑁂 𑀪𑁄𑀦𑁆𑀢𑁄 𑀪𑀤𑁆𑀤𑁂 𑀪𑁄𑀢𑀸 𑀪𑁄 𑀢𑁄𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀪𑁄𑀦𑁆𑀢, 𑀪𑀦𑁆𑀢𑁂, 𑀪𑁄𑀦𑁆𑀢𑁄, 𑀪𑀤𑁆𑀤𑁂, 𑀪𑁄𑀢𑀸, 𑀪𑁄𑀢𑁄.
𑀅𑀓𑀸𑀭𑁄 𑀘 𑀧𑀺𑀢𑀸𑀤𑀻𑀦𑀫𑀦𑁆𑀢𑁄 𑀘 𑀅𑀢𑁆𑀢𑀫𑀸𑀧𑀚𑁆𑀚𑀢𑁂 𑀕𑁂 𑀧𑀭𑁂.
𑀪𑁄 𑀧𑀼𑀭𑀺𑀲𑀸, 𑀪𑁄 𑀭𑀸𑀚𑀸, 𑀪𑁄 𑀧𑀺𑀢𑀸, 𑀪𑁄 𑀫𑀸𑀢𑀸, 𑀪𑁄 𑀲𑀢𑁆𑀣𑀸.
𑀛𑀮𑀧𑀇𑀘𑁆𑀘𑁂𑀢𑁂 𑀭𑀲𑁆𑀲𑀫𑀸𑀧𑀚𑁆𑀚𑀦𑁆𑀢𑁂 𑀕𑁂 𑀧𑀭𑁂.
𑀪𑁄 𑀤𑀡𑁆𑀟𑀺, 𑀪𑁄 𑀲𑀬𑀫𑁆𑀪𑀼, 𑀪𑁄𑀢𑀺 𑀇𑀢𑁆𑀣𑀺, 𑀪𑁄𑀢𑀺𑀯𑀥𑀼,
𑁨𑁪𑁬, 𑁭𑁩. 𑀆𑀓𑀸𑀭𑁄 ¶ 𑀯𑀸.
𑀆𑀓𑀸𑀭𑁄 𑀭𑀲𑁆𑀲𑀫𑀸𑀧𑀚𑁆𑀚𑀢𑁂 𑀯𑀸 𑀕𑁂 𑀧𑀭𑁂.
𑀪𑁄 𑀭𑀸𑀚, 𑀪𑁄 𑀭𑀸𑀚𑀸, 𑀪𑁄 𑀅𑀢𑁆𑀢, 𑀪𑁄 𑀅𑀢𑁆𑀢𑀸, 𑀪𑁄 𑀲𑀔, 𑀪𑁄 𑀲𑀔𑀸, 𑀪𑁄 𑀲𑀢𑁆𑀣, 𑀪𑁄 𑀲𑀢𑁆𑀣𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑀧𑀜𑁆𑀘𑀫𑀓𑀡𑁆𑀟
𑁨𑁪𑁭, 𑁨𑁬𑁧. 𑀢𑁆𑀯𑀸𑀤𑀬𑁄 𑀯𑀺𑀪𑀢𑁆𑀢𑀺𑀲𑀜𑁆𑀜𑀸𑀬𑁄.
𑀢𑁄𑀆𑀤𑀺 𑀬𑁂𑀲𑀁 𑀧𑀘𑁆𑀘𑀬𑀸𑀦𑀁, 𑀢𑁂 𑀳𑁄𑀦𑁆𑀢𑀺 𑀢𑁆𑀯𑀸𑀤𑀬𑁄. 𑀢𑁂 𑀧𑀘𑁆𑀘𑀬𑀸 𑀢𑁆𑀯𑀸𑀤𑀬𑁄 𑀯𑀺𑀪𑀢𑁆𑀢𑀺𑀲𑀜𑁆𑀜𑀸𑀯 𑀤𑀝𑁆𑀞𑀩𑁆𑀩𑀸.
𑀲𑀩𑁆𑀩𑀢𑁄, 𑀬𑀢𑁄, 𑀢𑀢𑁄, 𑀓𑀼𑀢𑁄, 𑀅𑀢𑁄, 𑀇𑀢𑁄, 𑀲𑀩𑁆𑀩𑀤𑀸, 𑀬𑀤𑀸, 𑀢𑀤𑀸, 𑀓𑀤𑀸, 𑀇𑀥, 𑀇𑀤𑀸𑀦𑀺.
𑁨𑁪𑁮, 𑁨𑁬𑁦. 𑀓𑁆𑀯𑀘𑀺 𑀢𑁄 𑀧𑀜𑁆𑀘𑀫𑁆𑀬𑀢𑁆𑀣𑁂.
𑀓𑁆𑀯𑀘𑀺 𑀢𑁄𑀧𑀘𑁆𑀘𑀬𑁄 𑀳𑁄𑀢𑀺 𑀧𑀜𑁆𑀘𑀫𑁆𑀬𑀢𑁆𑀣𑁂.
𑀲𑀩𑁆𑀩𑀢𑁄, 𑀬𑀢𑁄, 𑀢𑀢𑁄, 𑀓𑀼𑀢𑁄, 𑀅𑀢𑁄, 𑀇𑀢𑁄.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀲𑀩𑁆𑀩𑀲𑁆𑀫𑀸, 𑀇𑀫𑀲𑁆𑀫𑀸.
𑁨𑁪𑁯, 𑁨𑁬𑁬. 𑀢𑁆𑀭 ¶ 𑀣 𑀲𑀢𑁆𑀢𑀫𑀺𑀬𑀸 𑀲𑀩𑁆𑀩𑀦𑀸𑀫𑁂𑀳𑀺.
𑀢𑁆𑀭𑀣𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀲𑀩𑁆𑀩 𑀦𑀸𑀫𑁂𑀳𑀺.
𑀲𑀩𑁆𑀩𑀢𑁆𑀭, 𑀲𑀩𑁆𑀩𑀢𑁆𑀣, 𑀬𑀢𑁆𑀭, 𑀬𑀢𑁆𑀣, 𑀢𑀢𑁆𑀭, 𑀢𑀢𑁆𑀣.
𑀲𑀩𑁆𑀩𑀇𑀘𑁆𑀘𑁂𑀢𑀲𑁆𑀫𑀸 𑀥𑀺𑀧𑀘𑁆𑀘𑀬𑁄 𑀳𑁄𑀢𑀺 𑀓𑁆𑀯𑀘𑀺 𑀲𑀢𑁆𑀢𑀫𑁆𑀬𑀢𑁆𑀣𑁂. 𑀲𑀩𑁆𑀩𑀥𑀺, 𑀲𑀩𑁆𑀩𑀲𑁆𑀫𑀺𑀁.
𑀓𑀺𑀫𑀺𑀘𑁆𑀘𑁂𑀢𑀲𑁆𑀫𑀸 𑀯𑀧𑀘𑁆𑀘𑀬𑁄 𑀳𑁄𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀓𑁆𑀯 𑀕𑀢𑁄𑀲𑀺 𑀢𑁆𑀯 𑀤𑁂𑀯𑀸𑀦𑀁𑀧𑀺𑀬𑀢𑀺𑀲𑁆𑀲.
𑀓𑀺𑀫𑀺𑀘𑁆𑀘𑁂𑀢𑀲𑁆𑀫𑀸 𑀳𑀺𑀁𑀳𑀁𑀳𑀺𑀜𑁆𑀘𑀦𑀁𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀓𑀼𑀳𑀺𑀁, 𑀓𑀼𑀮𑀁, 𑀓𑀼𑀳𑀺𑀜𑁆𑀘𑀦𑀁.
𑀢𑀫𑁆𑀳𑀸 𑀘 𑀳𑀺 𑀳𑀁𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂. 𑀢𑀳𑀺𑀁, 𑀢𑀳𑀁.
𑀘𑀕𑁆𑀕𑀳𑀡𑀁 ¶ 𑀳𑀺𑀜𑁆𑀘𑀦𑀕𑁆𑀕𑀳𑀡𑀦𑀺𑀯𑀢𑁆𑀢𑀦𑀢𑁆𑀣𑀁.
𑀇𑀫𑀲𑁆𑀫𑀸 𑀳𑀥𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂. 𑀇𑀳, 𑀇𑀥.
𑀘𑀕𑁆𑀕𑀳𑀡𑀫𑀯𑀥𑀸𑀭𑀡𑀢𑁆𑀣𑀁.
𑀢𑀲𑁆𑀫𑀸 𑀬𑀢𑁄 𑀳𑀺𑀁𑀧𑀘𑁆𑀘𑀬𑁄 𑀳𑁄𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂. 𑀬𑀳𑀺𑀁.
‘‘𑀓𑀸𑀮𑁂’’𑀇𑀘𑁆𑀘𑁂𑀢𑀁 𑀅𑀥𑀺𑀓𑀸𑀭𑀢𑁆𑀣𑀁 𑀯𑁂𑀤𑀺𑀢𑀩𑁆𑀩𑀁.
𑁨𑁫𑁭, 𑁨𑁭𑁯. 𑀓𑀺𑀁𑀲𑀩𑁆𑀩𑀜𑁆𑀜𑁂𑀓𑀬𑀓𑀼𑀳𑀺𑀤𑀸𑀤𑀸𑀘𑀦𑀁.
𑀓𑀺𑀁 𑀲𑀩𑁆𑀩𑀅𑀜𑁆𑀜 𑀏𑀓 𑀬 𑀓𑀼𑀇𑀘𑁆𑀘𑁂𑀢𑁂𑀳𑀺 𑀤𑀸 𑀤𑀸𑀘𑀦𑀁𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀸𑀮𑁂 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀓𑀤𑀸, 𑀲𑀩𑁆𑀩𑀤𑀸, 𑀅𑀜𑁆𑀜𑀤𑀸, 𑀏𑀓𑀤𑀸, 𑀬𑀤𑀸, 𑀓𑀼𑀤𑀸𑀘𑀦𑀁.
𑀢𑀇𑀘𑁆𑀘𑁂𑀢𑀲𑁆𑀫𑀸 𑀤𑀸𑀦𑀺 𑀤𑀸𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺, 𑀓𑀸𑀮𑁂 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀢𑀤𑀸𑀦𑀺 ¶ , 𑀢𑀤𑀸.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁨𑁫𑁯, 𑁨𑁭𑁯. 𑀇𑀫𑀲𑁆𑀫𑀸 𑀭𑀳𑀺 𑀥𑀼𑀦𑀸 𑀤𑀸𑀦𑀺 𑀘.
𑀇𑀫𑀲𑁆𑀫𑀸 𑀭𑀳𑀺 𑀥𑀼𑀦𑀸 𑀤𑀸𑀦𑀺𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀸𑀮𑁂 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀢𑁂𑀭𑀳𑀺, 𑀅𑀥𑀼𑀦𑀸, 𑀇𑀤𑀸𑀦𑀺.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁨𑁬𑁦, 𑁨𑁭𑁭. 𑀲𑀩𑁆𑀩𑀲𑁆𑀲 𑀲𑁄 𑀤𑀸𑀫𑁆𑀳𑀺 𑀯𑀸.
𑀲𑀩𑁆𑀩𑀇𑀘𑁆𑀘𑁂𑀢𑀲𑁆𑀲 𑀲𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀤𑀸𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀲𑀤𑀸, 𑀲𑀩𑁆𑀩𑀤𑀸.
𑀅𑀯𑀡𑁆𑀡𑁄 𑀬𑁂 𑀧𑀘𑁆𑀘𑀬𑁂 𑀧𑀭𑁂 𑀮𑁄𑀧𑀫𑀸𑀧𑀚𑁆𑀚𑀢𑁂.
𑀩𑀸𑀳𑀼𑀲𑁆𑀲𑀘𑁆𑀘𑀁, 𑀧𑀡𑁆𑀟𑀺𑀘𑁆𑀘𑀁, 𑀯𑁂𑀧𑀼𑀮𑁆𑀮𑀁, 𑀓𑀸𑀭𑀼𑀜𑁆𑀜𑀁, 𑀓𑁄𑀲𑀮𑁆𑀮𑀁, 𑀲𑀸𑀫𑀜𑁆𑀜𑀁, 𑀲𑁄𑀳𑀚𑁆𑀚𑀁.
𑁨𑁬𑁨, 𑁩𑁯𑁧. 𑀯𑀼𑀟𑁆𑀠𑀲𑁆𑀲 𑀚𑁄 𑀇𑀬𑀺𑀝𑁆𑀞𑁂𑀲𑀼.
𑀲𑀩𑁆𑀩𑀲𑁆𑀲𑁂𑀯 𑀯𑀼𑀟𑁆𑀠𑀲𑀤𑁆𑀤𑀲𑁆𑀲 𑀚𑁄𑀆𑀤𑁂𑀲𑁄 𑀳𑁄𑀢𑀺 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀚𑁂𑀬𑁆𑀬𑁄 ¶ , 𑀚𑁂𑀝𑁆𑀞𑁄.
𑀲𑀩𑁆𑀩𑀲𑁆𑀲𑁂𑀯 𑀧𑀲𑀢𑁆𑀣𑀲𑀤𑁆𑀤𑀲𑁆𑀲 𑀲𑁄𑀆𑀤𑁂𑀲𑁄 𑀳𑁄𑀢𑀺, 𑀚𑀸𑀤𑁂𑀲𑁄 𑀘 𑀇𑀬𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀲𑁂𑀬𑁆𑀬𑁄, 𑀲𑁂𑀝𑁆𑀞𑁄, 𑀚𑁂𑀬𑁆𑀬𑁄, 𑀚𑁂𑀝𑁆𑀞𑁄.
𑀲𑀩𑁆𑀩𑀲𑁆𑀲 𑀅𑀦𑁆𑀢𑀺𑀓𑀲𑀤𑁆𑀤𑀲𑁆𑀲 𑀦𑁂𑀤𑀸𑀤𑁂𑀲𑁄 𑀳𑁄𑀢𑀺 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀦𑁂𑀤𑀺𑀬𑁄, 𑀦𑁂𑀤𑀺𑀝𑁆𑀞𑁄.
𑀲𑀩𑁆𑀩𑀲𑁆𑀲 𑀩𑀸𑀴𑁆𑀳𑀲𑀤𑁆𑀤𑀲𑁆𑀲 𑀲𑀸𑀥𑀸𑀤𑁂𑀲𑁄 𑀳𑁄𑀢𑀺 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀲𑀸𑀥𑀺𑀬𑁄, 𑀲𑀸𑀥𑀺𑀝𑁆𑀞𑁄.
𑀲𑀩𑁆𑀩𑀲𑁆𑀲 𑀅𑀧𑁆𑀧𑀲𑀤𑁆𑀤𑀲𑁆𑀲 𑀓𑀡 𑀆𑀤𑁂𑀲𑁄 𑀳𑁄𑀢𑀺 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀓𑀡𑀺𑀬𑁄, 𑀓𑀡𑀺𑀝𑁆𑀞𑁄.
𑁨𑁬𑁭, 𑁩𑁯𑁬. 𑀬𑀼𑀯𑀸𑀦𑀜𑁆𑀘 ¶ .
𑀲𑀩𑁆𑀩𑀲𑁆𑀲 𑀬𑀼𑀯𑀲𑀤𑁆𑀤𑀲𑁆𑀲 𑀓𑀡 𑀆𑀤𑁂𑀲𑁄 𑀳𑁄𑀢𑀺 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀓𑀦𑀺𑀬𑁄, 𑀓𑀦𑀺𑀝𑁆𑀞𑁄.
𑀘𑀕𑁆𑀕𑀳𑀡𑀫𑀦𑀼𑀓𑀟𑁆𑀠𑀦𑀢𑁆𑀣𑀁.
𑁨𑁬𑁮, 𑁩𑁯𑁭. 𑀯𑀦𑁆𑀢𑀼𑀫𑀦𑁆𑀢𑀼 𑀯𑀻𑀦𑀜𑁆𑀘 𑀮𑁄𑀧𑁄.
𑀯𑀦𑁆𑀢𑀼𑀫𑀦𑁆𑀢𑀼𑀯𑀻𑀇𑀘𑁆𑀘𑁂𑀢𑁂𑀲𑀁 𑀧𑀘𑁆𑀘𑀬𑀸𑀦𑀁 𑀮𑁄𑀧𑁄 𑀳𑁄𑀢𑀺 𑀇𑀬𑀇𑀝𑁆𑀞𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀕𑀼𑀡𑀺𑀬𑁄, 𑀕𑀼𑀡𑀺𑀝𑁆𑀞𑁄, 𑀲𑀢𑀺𑀬𑁄, 𑀲𑀢𑀺𑀝𑁆𑀞𑁄, 𑀫𑁂𑀥𑀺𑀬𑁄, 𑀫𑁂𑀥𑀺𑀝𑁆𑀞𑁄.
𑁨𑁬𑁯, 𑁪𑁦𑁧. 𑀬𑀯𑀢𑀁 𑀢 𑀮 𑀡 𑀤𑀓𑀸𑀭𑀸𑀦𑀁 𑀩𑁆𑀬𑀜𑁆𑀚𑀦𑀸𑀦𑀺 𑀘 𑀮 𑀜 𑀚𑀓𑀸𑀭𑀢𑁆𑀢𑀁.
𑀬𑀓𑀸𑀭𑀯𑀦𑁆𑀢𑀸𑀦𑀁 𑀢 𑀮 𑀡 𑀤𑀓𑀸𑀭𑀸𑀦𑀁 𑀩𑁆𑀬𑀜𑁆𑀚𑀦𑀸𑀦𑀺 𑀘 𑀮 𑀜 𑀚𑀓𑀸𑀭𑀢𑁆𑀢𑀫𑀸𑀧𑀚𑁆𑀚𑀦𑁆𑀢𑁂 𑀬𑀣𑀸𑀲𑀗𑁆𑀔𑁆𑀬𑀁.
𑀩𑀸𑀳𑀼𑀲𑁆𑀲𑀘𑁆𑀘𑀁, 𑀧𑀡𑁆𑀟𑀺𑀘𑁆𑀘𑀁, 𑀯𑁂𑀧𑀼𑀮𑁆𑀮𑀁, 𑀓𑀸𑀭𑀼𑀜𑁆𑀜𑀁, 𑀓𑁄𑀲𑀮𑁆𑀮𑀁, 𑀦𑁂𑀧𑀼𑀜𑁆𑀜𑀁, 𑀲𑀸𑀫𑀜𑁆𑀜𑀁, 𑀲𑁄𑀳𑀚𑁆𑀚𑀁.
𑀬 𑀯 𑀢𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀢𑀺𑀡𑀤𑀮𑀁.
𑀢 𑀮 𑀡 𑀤𑀓𑀸𑀭𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀆𑀮𑀲𑁆𑀬𑀁, 𑀆𑀭𑁄𑀕𑁆𑀬𑀁.
𑀩𑁆𑀬𑀜𑁆𑀚𑀦𑀸𑀦𑀫𑀺𑀢𑀺 ¶ 𑀓𑀺𑀫𑀢𑁆𑀣𑀁? 𑀫𑀘𑁆𑀘𑀼𑀦𑀸.
𑀓𑀸𑀭𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀬𑀓𑀸𑀭𑀲𑁆𑀲 𑀫𑀓𑀸𑀭𑀸𑀤𑁂𑀲𑀜𑀸𑀧𑀦𑀢𑁆𑀣𑀁. 𑀑𑀧𑀫𑁆𑀫𑀁.
𑁨𑁭𑁦, 𑁧𑁨𑁦. 𑀅𑀫𑁆𑀳 𑀢𑀼𑀫𑁆𑀳𑀦𑁆𑀢𑀼𑀭𑀸𑀚 𑀩𑁆𑀭𑀳𑁆𑀫𑀢𑁆𑀢 𑀲𑀔𑀲𑀢𑁆𑀣𑀼 𑀧𑀺𑀢𑀸𑀤𑀻𑀳𑀺𑀲𑁆𑀫𑀸 𑀦𑀸𑀯.
𑀅𑀫𑁆𑀳 𑀢𑀼𑀫𑁆𑀳𑀦𑁆𑀢𑀼𑀭𑀸𑀚 𑀩𑁆𑀭𑀳𑁆𑀫 𑀅𑀢𑁆𑀢 𑀲𑀔 𑀲𑀢𑁆𑀣𑀼 𑀧𑀺𑀢𑀼𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀲𑁆𑀫𑀸𑀯𑀘𑀦𑀁 𑀦𑀸𑀯 𑀤𑀝𑁆𑀞𑀩𑁆𑀩𑀁.
𑀫𑀬𑀸, 𑀢𑀬𑀸, 𑀕𑀼𑀡𑀯𑀢𑀸, 𑀭𑀜𑁆𑀜𑀸, 𑀩𑁆𑀭𑀳𑁆𑀫𑀼𑀦𑀸, 𑀅𑀢𑁆𑀢𑀦𑀸, 𑀲𑀔𑀺𑀦𑀸, 𑀲𑀢𑁆𑀣𑀸𑀭𑀸, 𑀧𑀺𑀢𑀭𑀸, 𑀫𑀸𑀢𑀭𑀸, 𑀪𑀸𑀢𑀭𑀸, 𑀥𑀻𑀢𑀭𑀸, 𑀓𑀢𑁆𑀢𑀸𑀭𑀸, 𑀯𑀢𑁆𑀢𑀸𑀭𑀸.
𑀏𑀢𑁂𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄
𑀦𑀸𑀫𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁩. 𑀓𑀸𑀭𑀓𑀓𑀧𑁆𑀧
𑀙𑀝𑁆𑀞𑀓𑀡𑁆𑀟
𑁨𑁭𑁧, 𑁮𑁮, 𑁩𑁦𑁮. 𑀬𑀲𑁆𑀫𑀸 ¶ 𑀤𑀧𑁂𑀢𑀺 𑀪𑀬𑀫𑀸𑀤𑀢𑁆𑀢𑁂 𑀯𑀸 𑀢𑀤𑀧𑀸𑀤𑀸𑀦𑀁.
𑀬𑀲𑁆𑀫𑀸 𑀯𑀸 𑀅𑀧𑁂𑀢𑀺, 𑀬𑀲𑁆𑀫𑀸 𑀯𑀸 𑀪𑀬𑀁 𑀚𑀸𑀬𑀢𑁂, 𑀬𑀲𑁆𑀫𑀸 𑀯𑀸 𑀆𑀤𑀢𑁆𑀢𑁂, 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀢𑀁 𑀬𑀣𑀸? 𑀕𑀸𑀫𑀸 𑀅𑀧𑁂𑀦𑁆𑀢𑀺 𑀫𑀼𑀦𑀬𑁄, 𑀦𑀕𑀭𑀸 𑀦𑀺𑀕𑁆𑀕𑀢𑁄 𑀭𑀸𑀚𑀸, 𑀘𑁄𑀭𑀸 𑀪𑀬𑀁 𑀚𑀸𑀬𑀢𑁂, 𑀆𑀘𑀭𑀺𑀬𑀼𑀧𑀚𑁆𑀛𑀸𑀬𑁂𑀳𑀺 𑀲𑀺𑀓𑁆𑀔𑀁 𑀕𑀡𑁆𑀳𑀸𑀢𑀺 𑀲𑀺𑀲𑁆𑀲𑁄.
𑀅𑀧𑀸𑀤𑀸𑀦𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀧𑀸𑀤𑀸𑀦𑁂 𑀧𑀜𑁆𑀘𑀫𑀻.
𑁨𑁭𑁨, 𑁩𑁦𑁯. 𑀥𑀸𑀢𑀼𑀦𑀸 𑀫𑀸𑀦𑀫𑀼𑀧𑀲𑀕𑁆𑀕𑀬𑁄𑀕𑀸𑀤𑁆𑀯𑀻𑀲𑁆𑀯𑀧𑀺 𑀘.
𑀥𑀸𑀢𑀼𑀦𑀸𑀫𑀸𑀦𑀁 𑀧𑀬𑁄𑀕𑁂 𑀘 𑀉𑀧𑀲𑀕𑁆𑀕𑀬𑁄𑀕𑀸𑀤𑀻𑀲𑁆𑀯𑀧𑀺 𑀘 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀥𑀸𑀢𑀽𑀦𑀁 𑀧𑀬𑁄𑀕𑁂 𑀢𑀸𑀯 𑀚𑀺𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀧𑀭𑀸𑀧𑀼𑀩𑁆𑀩𑀲𑁆𑀲 𑀧𑀬𑁄𑀕𑁂 𑀬𑁄 𑀅𑀲𑀳𑁄, 𑀲𑁄 𑀅𑀧𑀸𑀤𑀸𑀦𑀲𑀜𑁆𑀜𑁄 𑀳𑁄𑀢𑀺.
𑀢𑀁 𑀬𑀣𑀸? 𑀩𑀼𑀤𑁆𑀥𑀲𑁆𑀫𑀸 𑀧𑀭𑀸𑀚𑁂𑀦𑁆𑀢𑀺 𑀅𑀜𑁆𑀜𑀢𑀺𑀢𑁆𑀣𑀺𑀬𑀸.
𑀪𑀽𑀇𑀘𑁆𑀘𑁂𑀢𑀲𑁆𑀲 ¶ 𑀥𑀸𑀢𑀼𑀲𑁆𑀲 𑀧𑀧𑀼𑀩𑁆𑀩𑀲𑁆𑀲 𑀧𑀬𑁄𑀕𑁂 𑀬𑀢𑁄 𑀅𑀘𑁆𑀙𑀺𑀦𑁆𑀦𑀧𑁆𑀧𑀪𑀯𑁄, 𑀲𑁄 𑀅𑀧𑀸𑀤𑀸𑀦𑀲𑀜𑁆𑀜𑁄 𑀳𑁄𑀢𑀺.
𑀢𑀁 𑀬𑀣𑀸? 𑀳𑀺𑀫𑀯𑀢𑀸 𑀧𑀪𑀯𑀦𑁆𑀢𑀺 𑀧𑀜𑁆𑀘 𑀫𑀳𑀸𑀦𑀤𑀺𑀬𑁄, 𑀅𑀦𑀯𑀢𑀢𑁆𑀢𑀫𑁆𑀳𑀸 𑀧𑀪𑀯𑀦𑁆𑀢𑀺 𑀫𑀳𑀸𑀲𑀭𑀸, 𑀅𑀘𑀺𑀭𑀯𑀢𑀺𑀬𑀸 𑀧𑀪𑀯𑀦𑁆𑀢𑀺 𑀓𑀼𑀦𑁆𑀦𑀤𑀺𑀬𑁄.
𑀦𑀸𑀫𑀧𑁆𑀧𑀬𑁄𑀕𑁂𑀧𑀺 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀢𑀁 𑀬𑀣𑀸? 𑀉𑀭𑀲𑁆𑀫𑀸 𑀚𑀸𑀢𑁄 𑀧𑀼𑀢𑁆𑀢𑁄, 𑀪𑀽𑀫𑀺𑀢𑁄 𑀦𑀺𑀕𑁆𑀕𑀢𑁄 𑀭𑀲𑁄, 𑀉𑀪𑀢𑁄 𑀲𑀼𑀚𑀸𑀢𑁄 𑀧𑀼𑀢𑁆𑀢𑁄 𑀫𑀸𑀢𑀺𑀢𑁄 𑀘 𑀧𑀺𑀢𑀺𑀢𑁄 𑀘.
𑀉𑀧𑀲𑀕𑁆𑀕𑀬𑁄𑀕𑁂 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀢𑀁 𑀬𑀣𑀸? 𑀅𑀧𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀆𑀩𑁆𑀭𑀳𑁆𑀫𑀮𑁄𑀓𑀸 𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀘𑁆𑀙𑀢𑀺 𑀉𑀧𑀭𑀺 𑀧𑀩𑁆𑀩𑀢𑀸 𑀤𑁂𑀯𑁄 𑀯𑀲𑁆𑀲𑀢𑀺, 𑀩𑀼𑀤𑁆𑀥𑀲𑁆𑀫𑀸 𑀧𑀢𑀺 𑀲𑀸𑀭𑀺𑀧𑀼𑀢𑁆𑀢𑁄 𑀥𑀫𑁆𑀫𑀤𑁂𑀲𑀦𑀸𑀬 𑀪𑀺𑀓𑁆𑀔𑀽 𑀆𑀮𑀧𑀢𑀺 𑀢𑁂𑀫𑀸𑀲𑀁, 𑀖𑀢𑀫𑀲𑁆𑀲 𑀢𑁂𑀮𑀲𑁆𑀫𑀸 𑀧𑀢𑀺 𑀤𑀤𑀸𑀢𑀺, 𑀉𑀧𑁆𑀧𑀮𑀫𑀲𑁆𑀲 𑀧𑀤𑀼𑀫𑀲𑁆𑀫𑀸 𑀧𑀢𑀺 𑀤𑀤𑀸𑀢𑀺, 𑀓𑀦𑀓𑀫𑀲𑁆𑀲 𑀳𑀺𑀭𑀜𑁆𑀜𑀲𑁆𑀫𑀸 𑀧𑀢𑀺 𑀤𑀤𑀸𑀢𑀺.
𑀆𑀤𑀺𑀕𑁆𑀕𑀳𑀡𑁂𑀦 𑀓𑀸𑀭𑀓𑀫𑀚𑁆𑀛𑁂𑀧𑀺 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀇𑀢𑁄 𑀧𑀓𑁆𑀔𑀲𑁆𑀫𑀸 𑀯𑀺𑀚𑁆𑀛𑀢𑀺 𑀫𑀺𑀕𑀁 𑀮𑀼𑀤𑁆𑀤𑀓𑁄, 𑀓𑁄𑀲𑀸 𑀯𑀺𑀚𑁆𑀛𑀢𑀺 𑀓𑀼𑀜𑁆𑀚𑀭𑀁, 𑀫𑀸𑀲𑀲𑁆𑀫𑀸 𑀪𑀼𑀜𑁆𑀚𑀢𑀺 𑀪𑁄𑀚𑀦𑀁.
𑀅𑀧𑀺𑀕𑁆𑀕𑀳𑀡𑁂𑀦 𑀦𑀺𑀧𑀸𑀢𑀧𑀬𑁄𑀕𑁂𑀧𑀺 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘. 𑀭𑀳𑀺𑀢𑀸 𑀫𑀸𑀢𑀼𑀚𑀸 𑀧𑀼𑀜𑁆𑀜𑀁 𑀓𑀢𑁆𑀯𑀸 ¶ 𑀤𑀸𑀦𑀁 𑀤𑁂𑀢𑀺, 𑀭𑀳𑀺𑀢𑀸 𑀫𑀸𑀢𑀼𑀚𑀁, 𑀭𑀳𑀺𑀢𑀸 𑀫𑀸𑀢𑀼𑀚𑁂𑀦 𑀯𑀸. 𑀭𑀺𑀢𑁂 𑀲𑀤𑁆𑀥𑀫𑁆𑀫𑀸 𑀓𑀼𑀢𑁄 𑀲𑀼𑀔𑀁 𑀮𑀪𑀢𑀺, 𑀭𑀺𑀢𑁂 𑀲𑀤𑁆𑀥𑀫𑁆𑀫𑀁, 𑀭𑀺𑀢𑁂 𑀲𑀤𑁆𑀥𑀫𑁆𑀫𑁂𑀦 𑀯𑀸. 𑀢𑁂 𑀪𑀺𑀓𑁆𑀔𑀽 𑀦𑀸𑀦𑀸 𑀓𑀼𑀮𑀸 𑀧𑀩𑁆𑀩𑀚𑀺𑀢𑀸, 𑀯𑀺𑀦𑀸 𑀲𑀤𑁆𑀥𑀫𑁆𑀫𑀸 𑀦𑀢𑁆𑀣𑀜𑁆𑀜𑁄 𑀓𑁄𑀘𑀺 𑀦𑀸𑀣𑁄 𑀮𑁄𑀓𑁂 𑀯𑀺𑀚𑁆𑀚𑀢𑀺, 𑀯𑀺𑀦𑀸 𑀲𑀤𑁆𑀥𑀫𑁆𑀫𑀁, 𑀯𑀺𑀦𑀸 𑀲𑀤𑁆𑀥𑀫𑁆𑀫𑁂𑀦 𑀯𑀸. 𑀯𑀺𑀦𑀸 𑀩𑀼𑀤𑁆𑀥𑀲𑁆𑀫𑀸, 𑀯𑀺𑀦𑀸 𑀩𑀼𑀤𑁆𑀥𑀁, 𑀯𑀺𑀦𑀸 𑀩𑀼𑀤𑁆𑀥𑁂𑀦 𑀯𑀸.
𑀘𑀕𑁆𑀕𑀳𑀡𑁂𑀦 𑀅𑀜𑁆𑀜𑀢𑁆𑀣𑀸𑀧𑀺 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀬𑀢𑁄𑀳𑀁 𑀪𑀕𑀺𑀦𑀺 𑀅𑀭𑀺𑀬𑀸𑀬 𑀚𑀸𑀢𑀺𑀬𑀸 𑀚𑀸𑀢𑁄. 𑀬𑀢𑁄 𑀲𑀭𑀸𑀫𑀺 𑀅𑀢𑁆𑀢𑀸𑀦𑀁, 𑀬𑀢𑁄 𑀧𑀢𑁆𑀢𑁄𑀲𑁆𑀫𑀺 𑀯𑀺𑀜𑁆𑀜𑀼𑀢𑀁, 𑀬𑀢𑁆𑀯𑀸𑀥𑀺𑀓𑀭𑀡𑀫𑁂𑀦𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁 𑀅𑀲𑀁𑀯𑀼𑀢𑀁 𑀯𑀺𑀳𑀭𑀦𑁆𑀢𑀁 𑀅𑀪𑀺𑀚𑁆𑀛𑀸𑀤𑁄𑀫𑀦𑀲𑁆𑀲𑀸 𑀧𑀸𑀧𑀓𑀸 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀅𑀦𑁆𑀯𑀸𑀲𑀯𑁂𑀬𑁆𑀬𑀼𑀁.
𑀭𑀓𑁆𑀔𑀡𑀢𑁆𑀣𑀸𑀦𑀁 𑀥𑀸𑀢𑀽𑀦𑀁 𑀧𑀬𑁄𑀕𑁂 𑀬𑀁 𑀇𑀘𑁆𑀙𑀺𑀢𑀁, 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀓𑀸𑀓𑁂 𑀭𑀓𑁆𑀔𑀦𑁆𑀢𑀺 𑀢𑀡𑁆𑀟𑀼𑀮𑀸, 𑀬𑀯𑀸 𑀧𑀝𑀺𑀲𑁂𑀥𑁂𑀦𑁆𑀢𑀺 𑀕𑀸𑀯𑁄.
𑀬𑁂𑀦 𑀯𑀸 𑀅𑀤𑀲𑁆𑀲𑀦𑀫𑀺𑀘𑁆𑀙𑀺𑀢𑀁, 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀉𑀧𑀚𑁆𑀛𑀸𑀬𑀸 𑀅𑀦𑁆𑀢𑀭𑀥𑀸𑀬𑀢𑀺 𑀲𑀺𑀲𑁆𑀲𑁄, 𑀫𑀸𑀢𑀭𑀸 𑀘 𑀧𑀺𑀢𑀭𑀸 𑀘 𑀅𑀦𑁆𑀢𑀭𑀥𑀸𑀬𑀢𑀺 𑀧𑀼𑀢𑁆𑀢𑁄.
𑀯𑀸𑀢𑀺 ¶ 𑀓𑀺𑀫𑀢𑁆𑀣𑀁? 𑀲𑀢𑁆𑀢𑀫𑀻𑀯𑀺𑀪𑀢𑁆𑀬𑀢𑁆𑀢𑀁. 𑀚𑁂𑀢𑀯𑀦𑁂 𑀅𑀦𑁆𑀢𑀭𑀥𑀸𑀬𑀢𑀺 𑀪𑀕𑀯𑀸.
𑁨𑁭𑁫, 𑁩𑁧𑁨. 𑀤𑀽𑀭𑀦𑁆𑀢𑀺 𑀓𑀤𑁆𑀥 𑀓𑀸𑀮 𑀦𑀺𑀫𑁆𑀫𑀸𑀦 𑀢𑁆𑀯𑀸𑀮𑁄𑀧 𑀤𑀺𑀲𑀸𑀬𑁄𑀕𑀯𑀺𑀪𑀢𑁆𑀢𑀸𑀭𑀧𑁆𑀧𑀬𑁄𑀕 𑀲𑀼𑀤𑁆𑀥𑀧𑁆𑀧𑀫𑁄𑀘𑀦 𑀳𑁂𑀢𑀼 𑀯𑀺𑀯𑀺𑀢𑁆𑀢𑀧𑁆𑀧𑀫𑀸𑀡 𑀧𑀼𑀩𑁆𑀩𑀬𑁄𑀕𑀩𑀦𑁆𑀥𑀦 𑀕𑀼𑀡𑀯𑀘𑀦 𑀧𑀜𑁆𑀳 𑀓𑀣𑀦 𑀣𑁄𑀓𑀸𑀓𑀢𑁆𑀢𑀽𑀲𑀼 𑀘.
𑀤𑀽𑀭𑀢𑁆𑀣𑁂, 𑀅𑀦𑁆𑀢𑀺𑀓𑀢𑁆𑀣𑁂, 𑀅𑀤𑁆𑀥𑀦𑀺𑀫𑁆𑀫𑀸𑀦𑁂, 𑀓𑀸𑀮𑀦𑀺𑀫𑁆𑀫𑀸𑀦𑁂, 𑀢𑁆𑀯𑀸𑀮𑁄𑀧𑁂, 𑀤𑀺𑀲𑀸𑀬𑁄𑀕𑁂, 𑀯𑀺𑀪𑀢𑁆𑀢𑁂, 𑀆𑀭𑀧𑁆𑀧𑀬𑁄𑀕𑁂, 𑀲𑀼𑀤𑁆𑀥𑁂, 𑀧𑀫𑁄𑀘𑀦𑁂, 𑀳𑁂𑀢𑁆𑀯𑀢𑁆𑀣𑁂, 𑀯𑀺𑀯𑀺𑀢𑁆𑀢𑀢𑁆𑀣𑁂, 𑀧𑀫𑀸𑀡𑁂, 𑀧𑀼𑀩𑁆𑀩𑀬𑁄𑀕𑁂, 𑀩𑀦𑁆𑀥𑀦𑀢𑁆𑀣𑁂, 𑀕𑀼𑀡𑀯𑀘𑀦𑁂, 𑀧𑀜𑁆𑀳𑁂, 𑀓𑀣𑀦𑁂, 𑀣𑁄𑀓𑁂, 𑀅𑀓𑀢𑁆𑀢𑀭𑀺 𑀘 𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼, 𑀧𑀬𑁄𑀕𑁂𑀲𑀼 𑀘, 𑀢𑀁 𑀓𑀸𑀭𑀓𑀁 𑀅𑀧𑀸𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀤𑀽𑀭𑀢𑁆𑀣𑁂𑀢𑀸𑀯 𑁋 𑀓𑀻𑀯 𑀤𑀽𑀭𑁄 𑀇𑀢𑁄 𑀦𑀴𑀓𑀸𑀭𑀕𑀸𑀫𑁄, 𑀤𑀽𑀭𑀢𑁄 𑀯𑀸 𑀕𑀫𑁆𑀫, 𑀆𑀭𑀓𑀸 𑀢𑁂 𑀫𑁄𑀖𑀧𑀼𑀭𑀺𑀲𑀸 𑀇𑀫𑀲𑁆𑀫𑀸 𑀥𑀫𑁆𑀫𑀯𑀺𑀦𑀬𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘, 𑀤𑀽𑀭𑀁 𑀕𑀸𑀫𑀁 𑀆𑀯𑀢𑁄, 𑀤𑀽𑀭𑁂𑀦 𑀕𑀸𑀫𑁂𑀦 𑀯𑀸 𑀆𑀕𑀢𑁄. 𑀆𑀭𑀓𑀸 𑀇𑀫𑀁 𑀥𑀫𑁆𑀫𑀯𑀺𑀦𑀬𑀁, 𑀅𑀦𑁂𑀦 𑀥𑀫𑁆𑀫𑀯𑀺𑀦𑀬𑁂𑀦 𑀯𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀅𑀦𑁆𑀢𑀺𑀓𑀢𑁆𑀣𑁂 𑁋 𑀅𑀦𑁆𑀢𑀺𑀓𑀁 𑀕𑀸𑀫𑀸, 𑀆𑀲𑀦𑁆𑀦𑀁 𑀕𑀸𑀫𑀸, 𑀲𑀫𑀻𑀧𑀁 𑀕𑀸𑀫𑀸, 𑀲𑀫𑀻𑀧𑀁 𑀲𑀤𑁆𑀥𑀫𑁆𑀫𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘, 𑀅𑀦𑁆𑀢𑀺𑀓𑀁 𑀕𑀸𑀫𑀁, 𑀅𑀦𑁆𑀢𑀺𑀓𑀁 𑀕𑀸𑀫𑁂𑀦 𑀯𑀸. 𑀆𑀲𑀦𑁆𑀦𑀁 𑀕𑀸𑀫𑀁, 𑀆𑀲𑀦𑁆𑀦𑀁 𑀕𑀸𑀫𑁂𑀦 𑀯𑀸. 𑀲𑀫𑀻𑀧𑀁 𑀕𑀸𑀫𑀁. 𑀲𑀫𑀻𑀧𑀁 𑀕𑀸𑀫𑁂𑀦 𑀯𑀸. 𑀲𑀫𑀻𑀧𑀁 𑀲𑀤𑁆𑀥𑀫𑁆𑀫𑀁, 𑀲𑀫𑀻𑀧𑀁 𑀲𑀤𑁆𑀥𑀫𑁆𑀫𑁂𑀦 𑀯𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀅𑀤𑁆𑀥𑀦𑀺𑀫𑁆𑀫𑀸𑀦𑁂 ¶ 𑁋 𑀇𑀢𑁄 𑀫𑀣𑀼𑀭𑀸𑀬 𑀘𑀢𑀽𑀲𑀼 𑀬𑁄𑀚𑀦𑁂𑀲𑀼 𑀲𑀗𑁆𑀓𑀲𑁆𑀲𑀁 𑀦𑀸𑀫 𑀦𑀕𑀭𑀁 𑀅𑀢𑁆𑀣𑀺, 𑀢𑀢𑁆𑀣 𑀩𑀳𑀽 𑀚𑀦𑀸 𑀯𑀲𑀦𑁆𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀓𑀸𑀮𑀦𑀺𑀫𑁆𑀫𑀸𑀦𑁂 𑁋 𑀇𑀢𑁄 𑀪𑀺𑀓𑁆𑀔𑀯𑁂 𑀏𑀓𑀦𑀯𑀼𑀢𑀺𑀓𑀧𑁆𑀧𑁂 𑀯𑀺𑀧𑀲𑁆𑀲𑀻 𑀦𑀸𑀫 𑀪𑀕𑀯𑀸 𑀮𑁄𑀓𑁂 𑀉𑀤𑀧𑀸𑀤𑀺, 𑀇𑀢𑁄 𑀢𑀺𑀡𑁆𑀡𑀁 𑀫𑀸𑀲𑀸𑀦𑀁 𑀅𑀘𑁆𑀘𑀬𑁂𑀦 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀢𑁆𑀯𑀸𑀮𑁄𑀧𑁂 𑀓𑀫𑁆𑀫𑀸𑀥𑀺𑀓𑀭𑀡𑁂𑀲𑀼 𑁋 𑀧𑀸𑀲𑀸𑀤𑀸 𑀲𑀗𑁆𑀓𑀫𑁂𑀬𑁆𑀬, 𑀧𑀸𑀲𑀸𑀤𑀁 𑀅𑀪𑀺𑀭𑀼𑀳𑀺𑀢𑁆𑀯𑀸 𑀯𑀸. 𑀧𑀩𑁆𑀩𑀢𑀸 𑀲𑀗𑁆𑀓𑀫𑁂𑀬𑁆𑀬, 𑀧𑀩𑁆𑀩𑀢𑀁 𑀅𑀪𑀺𑀭𑀼𑀳𑀺𑀢𑁆𑀯𑀸 𑀯𑀸. 𑀳𑀢𑁆𑀣𑀺𑀓𑁆𑀔𑀦𑁆𑀥𑀸 𑀲𑀗𑁆𑀓𑀫𑁂𑀬𑁆𑀬, 𑀳𑀢𑁆𑀣𑀺𑀓𑁆𑀔𑀦𑁆𑀥𑀁 𑀅𑀪𑀺𑀭𑀼𑀳𑀺𑀢𑁆𑀯𑀸 𑀯𑀸. 𑀆𑀲𑀦𑀸 𑀯𑀼𑀝𑁆𑀞𑀳𑁂𑀬𑁆𑀬. 𑀆𑀲𑀦𑁂 𑀦𑀺𑀲𑀻𑀤𑀺𑀢𑁆𑀯𑀸 𑀯𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀤𑀺𑀲𑀸𑀬𑁄𑀕𑁂 𑁋 𑀅𑀯𑀺𑀘𑀺𑀢𑁄 𑀬𑀸𑀯 𑀉𑀧𑀭𑀺𑀪𑀯𑀕𑁆𑀕𑀫𑀦𑁆𑀢𑀭𑁂 𑀩𑀳𑀽 𑀲𑀢𑁆𑀢𑀦𑀺𑀓𑀸𑀬𑀸 𑀯𑀲𑀦𑁆𑀢𑀺, 𑀬𑀢𑁄 𑀔𑁂𑀫𑀁 𑀢𑀢𑁄 𑀪𑀬𑀁, 𑀧𑀼𑀭𑀢𑁆𑀣𑀺𑀫𑀢𑁄, 𑀤𑀓𑁆𑀔𑀺𑀡𑀢𑁄, 𑀧𑀘𑁆𑀙𑀺𑀫𑀢𑁄, 𑀉𑀢𑁆𑀢𑀭𑀢𑁄 𑀅𑀕𑁆𑀕𑀻 𑀧𑀚𑁆𑀚𑀮𑀦𑁆𑀢𑀺, 𑀬𑀢𑁄 𑀅𑀲𑁆𑀲𑁄𑀲𑀼𑀁 𑀪𑀕𑀯𑀦𑁆𑀢𑀁, 𑀉𑀤𑁆𑀥𑀁 𑀧𑀸𑀤𑀢𑀮𑀸 𑀅𑀥𑁄 𑀓𑁂𑀲𑀫𑀢𑁆𑀣𑀓𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀯𑀺𑀪𑀢𑁆𑀢𑁂 𑁋 𑀬𑀢𑁄 𑀧𑀡𑀻𑀢𑀢𑀭𑁄 𑀯𑀸 𑀯𑀺𑀲𑀺𑀝𑁆𑀞𑀢𑀭𑁄 𑀯𑀸 𑀦𑀢𑁆𑀣𑀺. 𑀙𑀝𑁆𑀞𑀻 𑀘, 𑀙𑀦𑁆𑀦𑀯𑀼𑀢𑀻𑀦𑀁 𑀧𑀸𑀲𑀡𑁆𑀟𑀸𑀦𑀁, 𑀥𑀫𑁆𑀫𑀸𑀦𑀁 𑀧𑀯𑀭𑀁 𑀬𑀤𑀺𑀤𑀁 𑀲𑀼𑀕𑀢𑀯𑀺𑀦𑀬𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀭𑀧𑁆𑀧𑀬𑁄𑀕𑁂 𑁋 ¶ 𑀕𑀸𑀫𑀥𑀫𑁆𑀫𑀸 𑀯𑀲𑀮𑀥𑀫𑁆𑀫𑀸 𑀅𑀲𑀤𑁆𑀥𑀫𑁆𑀫𑀸 𑀆𑀭𑀢𑀺 𑀯𑀺𑀭𑀢𑀺 𑀧𑀝𑀺𑀯𑀺𑀭𑀢𑀺, 𑀧𑀸𑀡𑀸𑀢𑀺𑀧𑀸𑀢𑀸 𑀯𑁂𑀭𑀫𑀡𑀻 𑀇𑀘𑁆𑀘𑁂𑀯𑀫𑀸𑀤𑀺.
𑀲𑀼𑀤𑁆𑀥𑁂 𑁋 𑀮𑁄𑀪𑀦𑀺𑀬𑁂𑀳𑀺 𑀥𑀫𑁆𑀫𑁂𑀳𑀺 𑀲𑀼𑀤𑁆𑀥𑁄 𑀅𑀲𑀁𑀲𑀝𑁆𑀞𑁄, 𑀫𑀸𑀢𑀺𑀢𑁄 𑀘 𑀧𑀺𑀢𑀺𑀢𑁄 𑀘 𑀲𑀼𑀤𑁆𑀥𑁄 𑀅𑀲𑀁𑀲𑀝𑁆𑀞𑁄 𑀅𑀦𑀼𑀧𑀓𑀼𑀤𑁆𑀥𑁄 𑀅𑀕𑀭𑀳𑀺𑀢𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀫𑁄𑀘𑀦𑁂 𑁋 𑀧𑀭𑀺𑀫𑀼𑀢𑁆𑀢𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺, 𑀫𑀼𑀢𑁆𑀢𑁄𑀲𑁆𑀫𑀺 𑀫𑀸𑀭𑀩𑀦𑁆𑀥𑀦𑀸, 𑀦 𑀢𑁂 𑀫𑀼𑀘𑁆𑀘𑀦𑁆𑀢𑀺 𑀫𑀘𑁆𑀘𑀼𑀦𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀳𑁂𑀢𑁆𑀯𑀢𑁆𑀣𑁂 𑁋 𑀓𑀲𑁆𑀫𑀸 𑀳𑁂𑀢𑀼𑀦𑀸, 𑀓𑁂𑀦 𑀳𑁂𑀢𑀼𑀦𑀸, 𑀓𑀺𑀲𑁆𑀲 𑀳𑁂𑀢𑀼𑀦𑀸, 𑀓𑀲𑁆𑀫𑀸 𑀦𑀼 𑀢𑀼𑀫𑁆𑀳𑀁 𑀤𑀳𑀭𑀸 𑀦 𑀫𑀻𑀬𑀭𑁂, 𑀓𑀲𑁆𑀫𑀸 𑀇𑀥𑁂𑀯 𑀫𑀭𑀡𑀁 𑀪𑀯𑀺𑀲𑁆𑀲𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀯𑀺𑀯𑀺𑀢𑁆𑀢𑀢𑁆𑀣𑁂 𑁋 𑀯𑀺𑀯𑀺𑀢𑁆𑀢𑁄 𑀧𑀸𑀧𑀓𑀸 𑀥𑀫𑁆𑀫𑀸, 𑀯𑀺𑀯𑀺𑀘𑁆𑀘𑁂𑀯 𑀓𑀸𑀫𑁂𑀳𑀺 𑀯𑀺𑀯𑀺𑀘𑁆𑀘 𑀅𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀫𑀸𑀡𑁂 𑁋 𑀤𑀻𑀖𑀲𑁄 𑀦𑀯𑀯𑀺𑀤𑀢𑁆𑀣𑀺𑀬𑁄 𑀲𑀼𑀕𑀢𑀯𑀺𑀤𑀢𑁆𑀣𑀺𑀬𑀸 𑀧𑀫𑀸𑀡𑀺𑀓𑀸 𑀓𑀸𑀭𑁂𑀢𑀩𑁆𑀩𑀸, 𑀫𑀚𑁆𑀛𑀺𑀫𑀲𑁆𑀲 𑀧𑀼𑀭𑀺𑀲𑀲𑁆𑀲 𑀅𑀟𑁆𑀠 𑀢𑁂𑀴𑀲𑀳𑀢𑁆𑀣𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀼𑀩𑁆𑀩𑀬𑁄𑀕𑁂 𑁋 𑀧𑀼𑀩𑁆𑀩𑁂𑀯 𑀲𑀫𑁆𑀫𑁄𑀥𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀩𑀦𑁆𑀥𑀦𑀢𑁆𑀣𑁂 𑁋 𑀲𑀢𑀲𑁆𑀫𑀸 𑀩𑀦𑁆𑀥𑁄 𑀦𑀭𑁄. 𑀢𑀢𑀺𑀬𑀸 𑀘, 𑀲𑀢𑁂𑀦 𑀩𑀦𑁆𑀥𑁄 𑀦𑀭𑁄 𑀭𑀜𑁆𑀜𑀸 𑀇𑀡𑀢𑁆𑀣𑁂𑀦 𑀇𑀘𑁆𑀘𑁂𑀯𑀫𑀸𑀤𑀺.
𑀕𑀼𑀡𑀯𑀘𑀦𑁂 ¶ 𑁋 𑀧𑀼𑀜𑁆𑀜𑀸𑀬 𑀲𑀼𑀕𑀢𑀺𑀁 𑀬𑀦𑁆𑀢𑀺, 𑀘𑀸𑀕𑀸𑀬 𑀯𑀺𑀧𑀼𑀮𑀁 𑀥𑀦𑀁, 𑀧𑀜𑁆𑀜𑀸𑀬 𑀯𑀺𑀫𑀼𑀢𑁆𑀢𑀺𑀫𑀦𑁄, 𑀇𑀲𑁆𑀲𑀭𑀺𑀬𑀸𑀬 𑀚𑀦𑀁 𑀭𑀓𑁆𑀔𑀢𑀺 𑀭𑀸𑀚𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀜𑁆𑀳𑁂 𑀢𑁆𑀯𑀸𑀮𑁄𑀧𑁂 𑀓𑀫𑁆𑀫𑀸𑀥𑀺𑀓𑀭𑀡𑁂𑀲𑀼 𑁋 𑀅𑀪𑀺𑀥𑀫𑁆𑀫𑀸 𑀧𑀼𑀘𑁆𑀙𑀦𑁆𑀢𑀺, 𑀅𑀪𑀺𑀥𑀫𑁆𑀫𑀁 𑀲𑀼𑀢𑁆𑀯𑀸, 𑀅𑀪𑀺𑀥𑀫𑁆𑀫𑁂 𑀞𑀢𑁆𑀯𑀸 𑀯𑀸. 𑀯𑀺𑀦𑀬𑀸 𑀧𑀼𑀘𑁆𑀙𑀦𑁆𑀢𑀺, 𑀯𑀺𑀦𑀬𑀁 𑀲𑀼𑀢𑁆𑀯𑀸, 𑀯𑀺𑀦𑀬𑁂 𑀞𑀢𑁆𑀯𑀸 𑀯𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘, 𑀅𑀪𑀺𑀥𑀫𑁆𑀫𑀁, 𑀅𑀪𑀺𑀥𑀫𑁆𑀫𑁂𑀦 𑀯𑀸. 𑀯𑀺𑀦𑀬𑀁, 𑀯𑀺𑀦𑀬𑁂𑀦 𑀯𑀸. 𑀏𑀯 𑀲𑀼𑀢𑁆𑀢𑀸, 𑀕𑁂𑀬𑁆𑀬𑀸, 𑀕𑀸𑀣𑀸𑀬, 𑀯𑁂𑀬𑁆𑀬𑀸𑀓𑀭𑀡𑀸, 𑀉𑀤𑀸𑀦𑀸, 𑀇𑀢𑀺𑀯𑀼𑀢𑁆𑀢𑀓𑀸, 𑀚𑀸𑀢𑀓𑀸, 𑀅𑀩𑁆𑀪𑀼𑀢𑀥𑀫𑁆𑀫𑀸, 𑀯𑁂𑀤𑀮𑁆𑀮𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀓𑀣𑀦𑁂 𑀢𑁆𑀯𑀸𑀮𑁄𑀧𑁂 𑀓𑀫𑁆𑀫𑀸𑀥𑀺𑀓𑀭𑀡𑁂𑀲𑀼 𑁋 𑀅𑀪𑀺𑀥𑀫𑁆𑀫𑀸 𑀓𑀣𑀬𑀦𑁆𑀢𑀺, 𑀅𑀪𑀺𑀥𑀫𑁆𑀫𑀁 𑀲𑀼𑀢𑁆𑀯𑀸, 𑀅𑀪𑀺𑀥𑀫𑁆𑀫𑁂 𑀞𑀢𑁆𑀯𑀸 𑀯𑀸. 𑀯𑀺𑀦𑀬𑀸 𑀓𑀣𑀬𑀦𑁆𑀢𑀺, 𑀯𑀺𑀦𑀬𑀁 𑀲𑀼𑀢𑁆𑀯𑀸, 𑀯𑀺𑀦𑀬𑁂 𑀞𑀢𑁆𑀯𑀸 𑀯𑀸. 𑀤𑀼𑀢𑀺𑀬𑀸 𑀘 𑀢𑀢𑀺𑀬𑀸 𑀘, 𑀅𑀪𑀺𑀥𑀫𑁆𑀫𑀁, 𑀅𑀪𑀺𑀥𑀫𑁆𑀫𑁂𑀦 𑀯𑀸. 𑀯𑀺𑀦𑀬𑀁 𑀯𑀺𑀦𑀬𑁂𑀦 𑀯𑀸. 𑀏𑀯𑀁 𑀲𑀼𑀢𑁆𑀢𑀸, 𑀕𑁂𑀬𑁆𑀬𑀸, 𑀕𑀸𑀣𑀸𑀬, 𑀯𑁂𑀬𑁆𑀬𑀸𑀓𑀭𑀡𑀸, 𑀉𑀤𑀸𑀦𑀸, 𑀇𑀢𑀺𑀯𑀼𑀢𑁆𑀢𑀓𑀸, 𑀚𑀸𑀢𑀓𑀸, 𑀅𑀩𑁆𑀪𑀼𑀢𑀥𑀫𑁆𑀫𑀸, 𑀯𑁂𑀤𑀮𑁆𑀮𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀣𑁄𑀓𑁂 𑁋 𑀣𑁄𑀓𑀸 𑀫𑀼𑀘𑁆𑀘𑀦𑁆𑀢𑀺. 𑀅𑀧𑁆𑀧𑀫𑀢𑁆𑀢𑀓𑀸 𑀫𑀼𑀘𑁆𑀘𑀦𑁆𑀢𑀺, 𑀓𑀺𑀘𑁆𑀙𑀸 𑀫𑀼𑀘𑁆𑀘𑀦𑁆𑀢𑀺. 𑀢𑀢𑀺𑀬𑀸 𑀘. 𑀣𑁄𑀓𑁂𑀦, 𑀅𑀧𑁆𑀧𑀫𑀢𑁆𑀢𑀓𑁂𑀦, 𑀓𑀺𑀘𑁆𑀙𑁂𑀦 𑀯𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀅𑀓𑀢𑁆𑀢𑀭𑀺𑀘 𑁋 𑀓𑀫𑁆𑀫𑀲𑁆𑀲 𑀓𑀢𑀢𑁆𑀢𑀸 𑀉𑀧𑀘𑀺𑀢𑀢𑁆𑀢𑀸 𑀉𑀲𑁆𑀲𑀦𑁆𑀦𑀢𑁆𑀢𑀸 𑀯𑀺𑀧𑀼𑀮𑀢𑁆𑀢𑀸 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁 𑀉𑀧𑁆𑀧𑀦𑁆𑀦𑀁 𑀳𑁄𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀘𑀕𑁆𑀕𑀳𑀡𑁂𑀦 ¶ 𑀲𑁂𑀲𑁂𑀲𑀼𑀧𑀺 𑀬𑁂 𑀫𑀬𑀸 𑀦𑁄𑀧𑀤𑀺𑀝𑁆𑀞𑀸 𑀅𑀧𑀸𑀤𑀸𑀦𑀧𑀬𑁄𑀕𑀺𑀓𑀸, 𑀢𑁂 𑀧𑀬𑁄𑀕𑀯𑀺𑀘𑀓𑁆𑀔𑀡𑁂𑀳𑀺 𑀬𑀣𑀸𑀬𑁄𑀕𑀁 𑀬𑁄𑀚𑁂𑀢𑀩𑁆𑀩𑀸.
𑁨𑁭𑁬, 𑁩𑁦𑁨. 𑀬𑀲𑁆𑀲 𑀤𑀸𑀢𑀼𑀓𑀸𑀫𑁄 𑀭𑁄𑀘𑀢𑁂 𑀥𑀸𑀭𑀬𑀢𑁂 𑀯𑀸 𑀢𑀁 𑀲𑀫𑁆𑀧𑀤𑀸𑀦𑀁.
𑀬𑀲𑁆𑀲 𑀯𑀸 𑀤𑀸𑀢𑀼𑀓𑀸𑀫𑁄 𑀬𑀲𑁆𑀲 𑀯𑀸𑀭𑁄𑀘𑀢𑁂, 𑀬𑀲𑁆𑀲 𑀯𑀸 𑀥𑀸𑀭𑀬𑀢𑁂, 𑀢𑀁 𑀓𑀸𑀭𑀓𑀁 𑀲𑀫𑁆𑀧𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀲𑀫𑀡𑀲𑁆𑀲 𑀘𑀻𑀯𑀭𑀁 𑀤𑀤𑀸𑀢𑀺, 𑀲𑀫𑀡𑀲𑁆𑀲 𑀭𑁄𑀘𑀢𑁂 𑀲𑀘𑁆𑀘𑀁, 𑀤𑁂𑀯𑀤𑀢𑁆𑀢𑀲𑁆𑀲 𑀲𑀼𑀯𑀡𑁆𑀡𑀘𑁆𑀙𑀢𑁆𑀢𑀁 𑀥𑀸𑀭𑀬𑀢𑁂 𑀬𑀜𑁆𑀜𑀤𑀢𑁆𑀢𑁄.
𑀲𑀫𑁆𑀧𑀤𑀸𑀦𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀲𑀫𑁆𑀧𑀤𑀸𑀦𑁂 𑀘𑀢𑀼𑀢𑁆𑀣𑀻.
𑀯𑀸𑀢𑀺 𑀯𑀺𑀓𑀧𑁆𑀧𑀦𑀢𑁆𑀣𑀁, 𑀥𑀸𑀢𑀼𑀦𑀸𑀫𑀸𑀦𑀁 𑀧𑀬𑁄𑀕𑁂 𑀯𑀸 𑀉𑀧𑀲𑀕𑁆𑀕𑀧𑁆𑀧𑀬𑁄𑀕𑁂 𑀯𑀸 𑀦𑀺𑀧𑀸𑀢𑀧𑁆𑀧𑀬𑁄𑀕𑁂 𑀯𑀸 𑀲𑀢𑀺 𑀅𑀢𑁆𑀣𑀯𑀺𑀓𑀧𑁆𑀧𑀦𑀢𑁆𑀣𑀁 𑀯𑀸𑀢𑀺 𑀧𑀤𑀁 𑀧𑀬𑀼𑀚𑁆𑀚𑀢𑀺.
𑁨𑁭𑁭, 𑁩𑁦𑁩. 𑀲𑀺𑀮𑀸𑀖 𑀳𑀦𑀼 𑀞𑀸 𑀲𑀧 𑀥𑀸𑀭 𑀧𑀺𑀳 𑀓𑀼𑀥 𑀤𑀼𑀳𑀺𑀲𑁆𑀲𑁄𑀲𑀽𑀬 𑀭𑀸𑀥𑀺𑀓𑁆𑀔 𑀧𑀘𑁆𑀘𑀸𑀲𑀼𑀡 𑀅𑀦𑀼𑀧𑀢𑀺𑀕𑀺𑀡 𑀧𑀼𑀩𑁆𑀩𑀓𑀢𑁆𑀢𑀸𑀭𑁄𑀘𑀦𑀢𑁆𑀣 𑀢𑀤𑀢𑁆𑀣 𑀢𑀼𑀫𑀢𑁆𑀣𑀸𑀮𑀫𑀢𑁆𑀣 𑀫𑀜𑁆𑀜𑀸𑀦𑀸𑀤𑀭𑀧𑁆𑀧𑀸𑀡𑀺𑀦𑀺, 𑀕𑀢𑁆𑀬𑀢𑁆𑀣𑀓𑀫𑁆𑀫𑀦𑀺, 𑀆𑀲𑀻𑀲𑀢𑁆𑀣 𑀲𑀫𑁆𑀫𑀼𑀢𑀺 𑀪𑀺𑀬𑁆𑀬 𑀲𑀢𑁆𑀢𑀫𑁆𑀬𑀢𑁆𑀣𑁂𑀲𑀼 𑀘.
𑀲𑀺𑀮𑀸𑀖 𑀳𑀦𑀼 𑀞𑀸 𑀲𑀧 𑀥𑀸𑀭 𑀧𑀺𑀳 𑀓𑀼𑀥 𑀤𑀼𑀳 𑀇𑀲𑁆𑀲𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀧𑀬𑁄𑀕𑁂, 𑀉𑀲𑀽𑀬𑀢𑁆𑀣𑀸𑀦𑀜𑁆𑀘 𑀧𑀬𑁄𑀕𑁂, 𑀭𑀸𑀥𑀺𑀓𑁆𑀔𑀧𑁆𑀧𑀬𑁄𑀕𑁂, 𑀧𑀘𑁆𑀘𑀸𑀲𑀼𑀡𑀅𑀦𑀼𑀧𑀢𑀺𑀕𑀺𑀡𑀸𑀦𑀁 𑀧𑀼𑀩𑁆𑀩𑀓𑀢𑁆𑀢𑀭𑀺, 𑀆𑀭𑁄𑀘𑀦𑀢𑁆𑀣𑁂 ¶ , 𑀢𑀤𑀢𑁆𑀣𑁂, 𑀢𑀼𑀫𑀢𑁆𑀣𑁂, 𑀅𑀮𑀫𑀢𑁆𑀣𑁂, 𑀫𑀜𑁆𑀜𑀢𑀺𑀧𑁆𑀧𑀬𑁄𑀕𑁂 𑀅𑀦𑀸𑀤𑀭𑁂 𑀅𑀧𑁆𑀧𑀸𑀡𑀺𑀦𑀺, 𑀕𑀢𑁆𑀬𑀢𑁆𑀣𑀸𑀦𑀁 𑀥𑀸𑀢𑀽𑀦𑀁 𑀓𑀫𑁆𑀫𑀦𑀺, 𑀆𑀲𑀻𑀲𑀢𑁆𑀣𑁂 𑀘 𑀲𑀫𑁆𑀫𑀼𑀢𑀺 𑀪𑀺𑀬𑁆𑀬 𑀲𑀢𑁆𑀢𑀫𑁆𑀬𑀢𑁆𑀣𑁂𑀲𑀼 𑀘, 𑀢𑀁 𑀓𑀸𑀭𑀓𑀁 𑀲𑀫𑁆𑀧𑀤𑀸𑀦𑀲𑀜𑁆𑀜𑀁 𑀳𑁄𑀢𑀺.
𑀲𑀺𑀮𑀸𑀖𑀧𑁆𑀧𑀬𑁄𑀕𑁂 𑀢𑀸𑀯 𑁋 𑀩𑀼𑀤𑁆𑀥𑀲𑁆𑀲 𑀲𑀺𑀮𑀸𑀖𑀢𑁂, 𑀥𑀫𑁆𑀫𑀲𑁆𑀲 𑀲𑀺𑀮𑀸𑀖𑀢𑁂, 𑀲𑀗𑁆𑀖𑀲𑁆𑀲 𑀲𑀺𑀮𑀸𑀖𑀢𑁂, 𑀲𑀓𑀁𑀉𑀧𑀚𑁆𑀛𑀸𑀬𑀲𑁆𑀲 𑀲𑀺𑀮𑀸𑀖𑀢𑁂, 𑀢𑀯 𑀲𑀺𑀮𑀸𑀖𑀢𑁂 𑀫𑀫 𑀲𑀺𑀮𑀸𑀖𑀢𑁂 𑀇𑀘𑁆𑀘𑁂𑀯𑀫𑀸𑀤𑀺.
𑀳𑀦𑀼𑀧𑁆𑀧𑀬𑁄𑀕𑁂 𑁋 𑀳𑀦𑀼𑀢𑁂 𑀢𑀼𑀬𑁆𑀳𑀫𑁂𑀯, 𑀳𑀦𑀼𑀢𑁂 𑀫𑀬𑁆𑀳𑀫𑁂𑀯 𑀇𑀘𑁆𑀘𑁂𑀯𑀫𑀸𑀤𑀺.
𑀞𑀸𑀧𑀬𑁄𑀕𑁂 𑁋 𑀉𑀧𑀢𑀺𑀝𑁆𑀞𑁂𑀬𑁆𑀬 𑀲𑀓𑁆𑀬𑀧𑀼𑀢𑁆𑀢𑀸𑀦𑀁 𑀯𑀟𑁆𑀠𑀓𑀻, 𑀪𑀺𑀓𑁆𑀔𑀼𑀲𑁆𑀲 𑀪𑀼𑀜𑁆𑀚𑀦𑁆𑀢𑀲𑁆𑀲 𑀧𑀸𑀦𑀻𑀬𑁂𑀦 𑀯𑀸 𑀯𑀺𑀥𑀽𑀧𑀦𑁂𑀦 𑀯𑀸 𑀉𑀧𑀢𑀺𑀝𑁆𑀞𑁂𑀬𑁆𑀬 𑀪𑀺𑀓𑁆𑀔𑀼𑀦𑀻 𑀇𑀘𑁆𑀘𑁂𑀯𑀫𑀸𑀤𑀺.
𑀲𑀧𑀧𑁆𑀧𑀬𑁄𑀕𑁂 𑁋 𑀢𑀼𑀬𑁆𑀳𑀁 𑀲𑀧𑀢𑁂, 𑀫𑀬𑁆𑀳𑀁 𑀲𑀧𑀢𑁂 𑀇𑀘𑁆𑀘𑁂𑀯𑀫𑀸𑀤𑀺.
𑀥𑀸𑀭𑀧𑁆𑀧𑀬𑁄𑀕𑁂 𑁋 𑀲𑀼𑀯𑀡𑁆𑀡𑀁 𑀢𑁂 𑀥𑀸𑀭𑀬𑀢𑁂 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀺𑀳𑀧𑁆𑀧𑀬𑁄𑀕𑁂 𑁋 𑀩𑀼𑀤𑁆𑀥𑀲𑁆𑀲 𑀅𑀜𑁆𑀜𑀢𑀺𑀢𑁆𑀣𑀺𑀬𑀸 𑀧𑀺𑀳𑀬𑀦𑁆𑀢𑀺, 𑀤𑁂𑀯𑀸 𑀤𑀲𑁆𑀲𑀦𑀓𑀸𑀫𑀸 𑀢𑁂, 𑀬𑀢𑁄 𑀇𑀘𑁆𑀙𑀸𑀫𑀺 𑀪𑀤𑁆𑀤𑀦𑁆𑀢𑀲𑁆𑀲, 𑀲𑀫𑀺𑀤𑁆𑀥𑀸𑀦𑀁 𑀧𑀺𑀳𑀬𑀦𑁆𑀢𑀺 𑀤𑀮𑀺𑀤𑁆𑀤𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀓𑀼𑀥𑀤𑀼𑀳𑀇𑀲𑁆𑀲𑀉𑀲𑀽𑀬𑀧𑁆𑀧𑀬𑁄𑀕𑁂 𑁋 𑀓𑁄𑀥𑀬𑀢𑀺 𑀤𑁂𑀯 𑀤𑀢𑁆𑀢𑀲𑁆𑀲, 𑀢𑀲𑁆𑀲 𑀓𑀼𑀚𑁆𑀛 𑀫𑀳𑀸𑀯𑀻𑀭, 𑀫𑀸 𑀭𑀝𑁆𑀞𑀁 𑀯𑀺𑀦𑀲𑁆𑀲 𑀇𑀤𑀁. 𑀤𑀼𑀳𑀬𑀢𑀺 ¶ 𑀤𑀺𑀲𑀸𑀦𑀁 𑀫𑁂𑀖𑁄, 𑀢𑀺𑀢𑁆𑀣𑀺𑀬𑀸 𑀲𑀫𑀡𑀸𑀦𑀁 𑀇𑀲𑁆𑀲𑀬𑀦𑁆𑀢𑀺 𑀕𑀼𑀡𑀕𑀺𑀤𑁆𑀥𑁂𑀦, 𑀢𑀺𑀢𑁆𑀣𑀺𑀬𑀸 𑀲𑀫𑀡𑀸𑀦𑀁 𑀇𑀲𑁆𑀲𑀬𑀦𑁆𑀢𑀺 𑀮𑀸𑀪𑀕𑀺𑀤𑁆𑀥𑁂𑀦, 𑀤𑀼𑀚𑁆𑀚𑀦𑀸 𑀕𑀼𑀡𑀯𑀦𑁆𑀢𑀸𑀦𑀁 𑀉𑀲𑀽𑀬𑀦𑁆𑀢𑀺 𑀕𑀼𑀡𑀕𑀺𑀤𑁆𑀥𑁂𑀦, 𑀓𑀸 𑀉𑀲𑀽𑀬𑀸 𑀯𑀺𑀚𑀸𑀦𑀢𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀭𑀸𑀥 𑀇𑀓𑁆𑀔 𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀧𑀬𑁄𑀕𑁂 𑀬𑀲𑁆𑀲 𑀅𑀓𑀣𑀺𑀢𑀲𑁆𑀲 𑀧𑀼𑀘𑁆𑀙𑀦𑀁 𑀓𑀫𑁆𑀫𑀯𑀺𑀓𑁆𑀔𑁆𑀬𑀸𑀧𑀦𑀢𑁆𑀣𑀜𑁆𑀘, 𑀢𑀁 𑀓𑀸𑀭𑀓𑀁 𑀲𑀫𑁆𑀧𑀤𑀸𑀦𑀲𑀜𑁆𑀜𑀁 𑀳𑁄𑀢𑀺, 𑀤𑀼𑀢𑀺𑀬𑀸 𑀘.
𑀆𑀭𑀸𑀥𑁄𑀳𑀁 𑀭𑀜𑁆𑀜𑁄, 𑀆𑀭𑀸𑀥𑁄𑀳𑀁 𑀭𑀸𑀚𑀸𑀦𑀁, 𑀓𑁆𑀬𑀸𑀳𑀁 𑀅𑀬𑁆𑀬𑀸𑀦𑀁 𑀅𑀧𑀭𑀚𑁆𑀛𑀸𑀫𑀺, 𑀓𑁆𑀬𑀸𑀳𑀁 𑀅𑀬𑁆𑀬𑁂 𑀅𑀧𑀭𑀚𑁆𑀛𑀸𑀫𑀺, 𑀘𑀓𑁆𑀔𑀼𑀁 𑀚𑀦𑀲𑁆𑀲 𑀤𑀲𑁆𑀲𑀦𑀸𑀬 𑀢𑀁 𑀯𑀺𑀬 𑀫𑀜𑁆𑀜𑁂, 𑀆𑀬𑀲𑁆𑀫𑀢𑁄 𑀉𑀧𑀸𑀮𑀺𑀢𑁆𑀣𑁂𑀭𑀲𑁆𑀲 𑀉𑀧𑀲𑀫𑁆𑀧𑀤𑀸𑀧𑁂𑀓𑁆𑀔𑁄 𑀉𑀧𑀢𑀺𑀲𑁆𑀲𑁄, 𑀆𑀬𑀲𑁆𑀫𑀦𑁆𑀢𑀁 𑀯𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀧𑀘𑁆𑀘𑀸𑀲𑀼𑀡 𑀅𑀦𑀼𑀧𑀢𑀺𑀕𑀺𑀡𑀸𑀦𑀁 𑀧𑀼𑀩𑁆𑀩𑀓𑀢𑁆𑀢𑀭𑀺 𑀲𑀼𑀡𑁄𑀢𑀺𑀲𑁆𑀲 𑀧𑀘𑁆𑀘𑀸𑀬𑁄𑀕𑁂 𑀬𑀲𑁆𑀲 𑀓𑀫𑁆𑀫𑀼𑀦𑁄 𑀧𑀼𑀩𑁆𑀩𑀲𑁆𑀲 𑀬𑁄 𑀓𑀢𑁆𑀢𑀸, 𑀲𑁄 𑀲𑀫𑁆𑀧𑀤𑀸𑀦𑀲𑀜𑁆𑀜𑁄 𑀳𑁄𑀢𑀺.
𑀢𑀁 𑀬𑀣𑀸? 𑀪𑀕𑀯𑀸 𑀪𑀺𑀓𑁆𑀔𑀽 𑀏𑀢𑀤𑀯𑁄𑀘.
𑀪𑀺𑀓𑁆𑀔𑀽𑀢𑀺 𑀅𑀓𑀣𑀻𑀢 𑀓𑀫𑁆𑀫𑀁, 𑀏𑀢𑀦𑁆𑀢𑀺 𑀓𑀣𑀺𑀢𑀓𑀫𑁆𑀫𑀁. 𑀬𑀲𑁆𑀲 𑀓𑀫𑁆𑀫𑀼𑀦𑁄 𑀧𑀼𑀩𑁆𑀩𑀲𑁆𑀲 𑀬𑁄 𑀓𑀢𑁆𑀢𑀸, 𑀲𑁄‘𑀪𑀕𑀯𑀸’𑀢𑀺 ‘‘𑀬𑁄 𑀓𑀭𑁄𑀢𑀺 𑀲 𑀓𑀢𑁆𑀢𑀸’’𑀢𑀺 𑀲𑀼𑀢𑁆𑀢𑀯𑀘𑀦𑁂𑀦 𑀓𑀢𑁆𑀢𑀼𑀲𑀜𑁆𑀜𑁄. 𑀏𑀯𑀁 𑀬𑀲𑁆𑀲 ¶ 𑀓𑀫𑁆𑀫𑀼𑀦𑁄 𑀧𑀼𑀩𑁆𑀩𑀲𑁆𑀲 𑀬𑁄 𑀓𑀢𑁆𑀢𑀸, 𑀲𑁄 𑀲𑀫𑁆𑀧𑀤𑀸𑀦𑀲𑀜𑁆𑀜𑁄 𑀳𑁄𑀢𑀺.
𑀢𑀁 𑀬𑀣𑀸? 𑀢𑁂 𑀪𑀺𑀓𑁆𑀔𑀽 𑀪𑀕𑀯𑀢𑁄 𑀧𑀘𑁆𑀘𑀲𑁆𑀲𑁄𑀲𑀼𑀁, 𑀆𑀲𑀼𑀡𑀦𑁆𑀢𑀺 𑀩𑀼𑀤𑁆𑀥𑀲𑁆𑀲 𑀪𑀺𑀓𑁆𑀔𑀽.
𑀕𑀺𑀡𑀲𑁆𑀲 𑀅𑀦𑀼𑀧𑀢𑀺𑀬𑁄𑀕𑁂 𑀬𑀲𑁆𑀲 𑀓𑀫𑁆𑀫𑀼𑀦𑁄 𑀧𑀼𑀩𑁆𑀩𑀲𑁆𑀲 𑀬𑁄 𑀓𑀢𑁆𑀢𑀸, 𑀲𑁄 𑀲𑀫𑁆𑀧𑀤𑀸𑀦𑀲𑀜𑁆𑀜𑁄 𑀳𑁄𑀢𑀺.
𑀢𑀁 𑀬𑀣𑀸? 𑀪𑀺𑀓𑁆𑀔𑀼 𑀚𑀦𑀁 𑀥𑀫𑁆𑀫𑀁 𑀲𑀸𑀯𑁂𑀢𑀺, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀚𑀦𑁄 𑀅𑀦𑀼𑀕𑀺𑀡𑀸𑀢𑀺, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀚𑀦𑁄 𑀧𑀢𑀺𑀕𑀺𑀡𑀸𑀢𑀺.
𑀬𑁄 𑀯𑀤𑁂𑀢𑀺 𑀲‘𑀓𑀢𑁆𑀢𑀸’𑀢𑀺,
𑀯𑀼𑀢𑁆𑀢𑀁 ‘𑀓𑀫𑁆𑀫’𑀦𑁆𑀢𑀺 𑀯𑀼𑀘𑁆𑀘𑀢𑀺;
𑀬𑁄 𑀧𑀝𑀺𑀕𑁆𑀕𑀸𑀳𑀓𑁄 𑀢𑀲𑁆𑀲,
‘𑀲𑀫𑁆𑀧𑀤𑀸𑀦𑀁’ 𑀯𑀺𑀚𑀸𑀦𑀺𑀬𑀸.
𑀇𑀘𑁆𑀘𑁂𑀯𑀫𑀸𑀤𑀺.
𑀆𑀭𑁄𑀘𑀦𑀢𑁆𑀣𑁂 𑁋 𑀆𑀭𑁄𑀘𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂, 𑀆𑀫𑀦𑁆𑀢𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂, 𑀧𑀝𑀺𑀯𑁂𑀤𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂, 𑀆𑀭𑁄𑀘𑀬𑀸𑀫𑀺 𑀢𑁂 𑀫𑀳𑀸𑀭𑀸𑀚, 𑀆𑀫𑀦𑁆𑀢𑀬𑀸𑀫𑀺 𑀢𑁂 𑀫𑀳𑀸𑀭𑀸𑀚, 𑀧𑀝𑀺𑀯𑁂𑀤𑀬𑀸𑀫𑀺 𑀢𑁂 𑀫𑀳𑀸𑀭𑀸𑀚 𑀇𑀘𑁆𑀘𑁂𑀯𑀫𑀸𑀤𑀺.
𑀢𑀤𑀢𑁆𑀣𑁂 𑁋 𑀊𑀦𑀲𑁆𑀲 𑀧𑀸𑀭𑀺𑀧𑀽𑀭𑀺𑀬𑀸 𑀢𑀁 𑀘𑀻𑀯𑀭𑀁 𑀦𑀺𑀓𑁆𑀔𑀺𑀧𑀺𑀢𑀩𑁆𑀩𑀁. 𑀩𑀼𑀤𑁆𑀥𑀲𑁆𑀲 𑀅𑀢𑁆𑀣𑀸𑀬, 𑀥𑀫𑁆𑀫𑀲𑁆𑀲 𑀅𑀢𑁆𑀣𑀸𑀬, 𑀲𑀗𑁆𑀖𑀲𑁆𑀲 𑀅𑀢𑁆𑀣𑀸𑀬, 𑀚𑀻𑀯𑀺𑀢𑀁 𑀧𑀭𑀺𑀘𑁆𑀘𑀚𑀸𑀫𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀢𑀼𑀫𑀢𑁆𑀣𑁂 ¶ -𑀮𑁄𑀓𑀸𑀦𑀼𑀓𑀫𑁆𑀧𑀸𑀬 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀩𑀼𑀤𑁆𑀥𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀢𑀺. 𑀪𑀺𑀓𑁆𑀔𑀽𑀦𑀁 𑀨𑀸𑀲𑀼𑀯𑀺𑀳𑀸𑀭𑀸𑀬 𑀯𑀺𑀦𑀬𑁄 𑀧𑀜𑁆𑀜𑀢𑁆𑀢𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀅𑀮𑀫𑀢𑁆𑀣𑀧𑁆𑀧𑀬𑁄𑀕𑁂-𑀅𑀮𑀫𑀺𑀢𑀺 𑀅𑀭𑀳𑀢𑀺 𑀧𑀝𑀺𑀓𑁆𑀔𑀺𑀢𑁆𑀢𑁂𑀲𑀼. 𑀅𑀮𑀁 𑀫𑁂 𑀩𑀼𑀤𑁆𑀥𑁄, 𑀅𑀮𑀁 𑀫𑁂 𑀭𑀚𑁆𑀚𑀁, 𑀅𑀮𑀁 𑀪𑀺𑀓𑁆𑀔𑀼 𑀧𑀢𑁆𑀢𑀲𑁆𑀲, 𑀅𑀮𑀁 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀅𑀭𑀳𑀢𑀺 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲. 𑀧𑀝𑀺𑀓𑁆𑀔𑀺𑀢𑁆𑀢𑁂 𑀅𑀮𑀁 𑀢𑁂 𑀭𑀽𑀧𑀁 𑀓𑀭𑀡𑀻𑀬𑀁, 𑀅𑀮𑀁 𑀫𑁂 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑁂𑀦 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀜𑁆𑀜𑀢𑀺𑀧𑁆𑀧𑀬𑁄𑀕𑁂 𑀅𑀦𑀸𑀤𑀭𑁂 𑀅𑀧𑁆𑀧𑀸𑀡𑀺𑀦𑀺-𑀓𑀝𑁆𑀞𑀲𑁆𑀲 𑀢𑀼𑀯𑀁 𑀫𑀜𑁆𑀜𑁂, 𑀓𑀮𑀺𑀗𑁆𑀕𑀭𑀲𑁆𑀲 𑀢𑀼𑀯𑀁 𑀫𑀜𑁆𑀜𑁂.
𑀅𑀦𑀸𑀤𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀼𑀯𑀡𑁆𑀡𑀁 𑀯𑀺𑀬 𑀢𑀁 𑀫𑀜𑁆𑀜𑁂.
𑀅𑀧𑁆𑀧𑀸𑀡𑀺𑀦𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀤𑁆𑀭𑀪𑀁 𑀢𑀼𑀯𑀁 𑀫𑀜𑁆𑀜𑁂 𑀇𑀘𑁆𑀘𑁂𑀯𑀫𑀸𑀤𑀺.
𑀕𑀢𑁆𑀬𑀢𑁆𑀣𑀓𑀫𑁆𑀫𑀦𑀺-𑀕𑀸𑀫𑀲𑁆𑀲 𑀧𑀸𑀤𑁂𑀦 𑀕𑀢𑁄, 𑀦𑀕𑀭𑀲𑁆𑀲 𑀧𑀸𑀤𑁂𑀦 𑀕𑀢𑁄, 𑀅𑀧𑁆𑀧𑁄 𑀲𑀕𑁆𑀕𑀸𑀬 𑀕𑀘𑁆𑀙𑀢𑀺, 𑀲𑀕𑁆𑀕𑀲𑁆𑀲 𑀕𑀫𑀦𑁂𑀦 𑀯𑀸, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑁂𑀬𑁆𑀬 𑀲𑀗𑁆𑀖𑁄. 𑀤𑀼𑀢𑀺𑀬𑀸 𑀘, 𑀕𑀸𑀫𑀁 𑀧𑀸𑀤𑁂𑀦 𑀕𑀢𑁄, 𑀦𑀕𑀭𑀁 𑀧𑀸𑀤𑁂𑀦 𑀕𑀢𑁄, 𑀅𑀧𑁆𑀧𑁄 𑀲𑀕𑁆𑀕𑀁 𑀕𑀘𑁆𑀙𑀢𑀺, 𑀲𑀕𑁆𑀕𑀁 𑀕𑀫𑀦𑁂𑀦 𑀯𑀸, 𑀫𑀽𑀮𑀁 𑀧𑀝𑀺𑀓𑀲𑁆𑀲𑁂𑀬𑁆𑀬 𑀲𑀗𑁆𑀖𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀲𑀻𑀲𑀢𑁆𑀣𑁂-𑀆𑀬𑀲𑁆𑀫𑀢𑁄 𑀤𑀻𑀖𑀸𑀬𑀼𑀓𑁄 𑀳𑁄𑀢𑀼, 𑀪𑀤𑁆𑀤𑀁 𑀪𑀯𑀢𑁄 𑀳𑁄𑀢𑀼, 𑀓𑀼𑀲𑀮𑀁 𑀪𑀯𑀢𑁄 𑀳𑁄𑀢𑀼, 𑀅𑀦𑀸𑀫𑀬𑀁 ¶ 𑀪𑀯𑀢𑁄 𑀳𑁄𑀢𑀼, 𑀲𑀼𑀔𑀁 𑀪𑀯𑀢𑁄 𑀳𑁄𑀢𑀼, 𑀲𑁆𑀯𑀸𑀕𑀢𑀁 𑀪𑀯𑀢𑁄 𑀳𑁄𑀢𑀼, 𑀅𑀢𑁆𑀣𑁄 𑀪𑀯𑀢𑁄 𑀳𑁄𑀢𑀼, 𑀳𑀺𑀢𑀁 𑀪𑀯𑀢𑁄 𑀳𑁄𑀢𑀼 𑀇𑀘𑁆𑀘𑁂𑀯𑀫𑀸𑀤𑀺.
𑀲𑀫𑁆𑀫𑀼𑀢𑀺𑀧𑁆𑀧𑀬𑁄𑀕𑁂𑁋 𑀅𑀜𑁆𑀜𑀢𑁆𑀭 𑀲𑀗𑁆𑀖𑀲𑀫𑁆𑀫𑀼𑀢𑀺𑀬𑀸 𑀪𑀺𑀓𑁆𑀔𑀼𑀲𑁆𑀲 𑀯𑀺𑀧𑁆𑀧𑀯𑀢𑁆𑀣𑀼𑀁 𑀦 𑀯𑀝𑁆𑀝𑀢𑀺, 𑀲𑀸𑀥𑀼 𑀲𑀫𑁆𑀫𑀼𑀢𑀺 𑀫𑁂 𑀢𑀲𑁆𑀲 𑀪𑀕𑀯𑀢𑁄 𑀤𑀲𑁆𑀲𑀦𑀸𑀬 𑀇𑀘𑁆𑀘𑁂𑀯𑀫𑀸𑀤𑀺.
𑀪𑀺𑀬𑁆𑀬𑀧𑁆𑀧𑀬𑁄𑀕𑁂 𑁋 𑀪𑀺𑀬𑁆𑀬𑁄𑀲𑁄 𑀫𑀢𑁆𑀢𑀸𑀬𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀲𑀢𑁆𑀢𑀫𑁆𑀬𑀢𑁆𑀣𑁂 𑁋 𑀢𑀼𑀬𑁆𑀳𑀜𑁆𑀘𑀲𑁆𑀲 𑀆𑀯𑀺 𑀓𑀭𑁄𑀫𑀺, 𑀢𑀲𑁆𑀲 𑀫𑁂 𑀲𑀓𑁆𑀓𑁄 𑀧𑀸𑀢𑀼𑀭𑀳𑁄𑀲𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀅𑀢𑁆𑀣𑀕𑁆𑀕𑀳𑀡𑁂𑀦 𑀩𑀳𑀽𑀲𑀼 𑀅𑀓𑁆𑀔𑀭𑀧𑁆𑀧𑀬𑁄𑀕𑁂𑀲𑀼 𑀤𑀺𑀲𑁆𑀲𑀢𑀺.
𑀢𑀁 𑀬𑀣𑀸? 𑀉𑀧𑀫𑀁 𑀫𑀢 𑀓𑀭𑀺𑀲𑁆𑀲𑀸𑀫𑀺, 𑀥𑀫𑁆𑀫𑀁 𑀯𑁄 𑀤𑁂𑀲𑁂𑀲𑁆𑀲𑀸𑀫𑀺.
𑀲𑀸𑀭𑀢𑁆𑀣𑁂 𑀘 𑁋 𑀤𑁂𑀲𑁂𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀥𑀫𑁆𑀫𑀁 𑀪𑀺𑀓𑁆𑀔𑀽𑀦𑀁. 𑀢𑀲𑁆𑀲 𑀨𑀸𑀲𑀼 𑀯𑀺𑀳𑀸𑀭𑀸𑀬 𑀳𑁄𑀢𑀺, 𑀏𑀢𑀲𑁆𑀲 𑀧𑀳𑀺𑀡𑁂𑀬𑁆𑀬, 𑀬𑀣𑀸 𑀦𑁄 𑀪𑀕𑀯𑀸 𑀩𑁆𑀬𑀸𑀓𑀭𑁂𑀬𑁆𑀬, 𑀢𑀣𑀸𑀧𑀺 𑀢𑁂𑀲𑀁 𑀩𑁆𑀬𑀸𑀓𑀭𑀺𑀲𑁆𑀲𑀸𑀫 ¶ , 𑀓𑀧𑁆𑀧𑀢𑀺 𑀲𑀫𑀡𑀸𑀦𑀁 𑀆𑀬𑁄𑀕𑁄, 𑀅𑀫𑁆𑀳𑀸𑀓𑀁 𑀫𑀡𑀺𑀦𑀸 𑀅𑀢𑁆𑀣𑁄, 𑀓𑀺𑀫𑀢𑁆𑀣𑁄 𑀫𑁂 𑀩𑀼𑀤𑁆𑀥𑁂𑀦, 𑀲𑁂𑀬𑁆𑀬𑁄 𑀫𑁂 𑀅𑀢𑁆𑀣𑁄, 𑀩𑀳𑀽𑀧𑀓𑀸𑀭𑀸 𑀪𑀦𑁆𑀢𑁂 𑀫𑀳𑀸𑀧𑀚𑀸 𑀧𑀢𑀺𑀕𑁄𑀢𑀫𑀻 𑀪𑀕𑀯𑀢𑁄, 𑀩𑀳𑀽𑀧𑀓𑀸𑀭𑀸 𑀪𑀺𑀓𑁆𑀔𑀯𑁂 𑀫𑀸𑀢𑀸𑀧𑀺𑀢𑀭𑁄 𑀧𑀼𑀢𑁆𑀢𑀸𑀦𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀲𑁂𑀲𑁂𑀲𑀼 𑀅𑀓𑁆𑀔𑀭𑀧𑁆𑀧𑀬𑁄𑀕𑁂𑀲𑀼𑀧𑀺 𑀅𑀜𑁆𑀜𑁂𑀧𑀺 𑀧𑀬𑁄𑀕𑀸 𑀧𑀬𑁄𑀕𑀯𑀺𑀘𑀓𑁆𑀔𑀡𑁂𑀳𑀺 𑀬𑁄𑀚𑁂𑀢𑀩𑁆𑀩𑀸.
𑀘𑀕𑁆𑀕𑀳𑀡𑀁 𑀯𑀺𑀓𑀧𑁆𑀧𑀦𑀢𑁆𑀣𑀯𑀸𑀕𑁆𑀕𑀳𑀡𑀸𑀦𑀼𑀓𑀟𑁆𑀠𑀦𑀢𑁆𑀣𑀁. 𑀬𑁂 𑀓𑁂𑀘𑀺 𑀲𑀤𑁆𑀤𑀸 𑀲𑀫𑁆𑀧𑀤𑀸𑀦𑀧𑁆𑀧𑀬𑁄𑀕𑀺𑀓𑀸 𑀫𑀬𑀸 𑀦𑁄𑀧𑀤𑀺𑀝𑁆𑀞𑀸, 𑀢𑁂𑀲𑀁 𑀕𑀳𑀡𑀢𑁆𑀣𑀁 𑀇𑀥 𑀯𑀺𑀓𑀧𑁆𑀧𑀻𑀬𑀢𑀺 𑀯𑀸𑀲𑀤𑁆𑀤𑁄.
𑀢𑀁 𑀬𑀣𑀸? 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀧𑀪𑀽 𑀅𑀬𑀁 𑀪𑀕𑀯𑀸, 𑀤𑁂𑀲𑀲𑁆𑀲 𑀧𑀪𑀽 𑀅𑀬𑀁 𑀭𑀸𑀚𑀸. 𑀔𑁂𑀢𑁆𑀢𑀲𑁆𑀲 𑀧𑀪𑀽 𑀅𑀬𑀁 𑀕𑀳𑀧𑀢𑀺, 𑀅𑀭𑀜𑁆𑀜𑀲𑁆𑀲 𑀧𑀪𑀽 𑀅𑀬𑀁 𑀮𑀼𑀤𑁆𑀤𑀓𑁄 𑀇𑀘𑁆𑀘𑁂𑀯𑀫𑀸𑀤𑀺. 𑀓𑁆𑀯𑀘𑀺 𑀤𑀼𑀢𑀺𑀬𑀸 𑀢𑀢𑀺𑀬𑀸 𑀧𑀜𑁆𑀘𑀫𑀻 𑀙𑀝𑁆𑀞𑀻 𑀲𑀢𑁆𑀢𑀫𑁆𑀬𑀢𑁆𑀣𑁂𑀲𑀼 𑀘.
𑀬𑁄 𑀆𑀥𑀸𑀭𑁄, 𑀢𑀁 𑀑𑀓𑀸𑀲𑀲𑀜𑁆𑀜𑀁 𑀳𑁄𑀢𑀺. 𑀲𑁆𑀯𑀸𑀥𑀸𑀭𑁄 𑀘𑀢𑀼𑀩𑁆𑀩𑀺𑀥𑁄 𑀩𑁆𑀬𑀸𑀧𑀺𑀓𑁄, 𑀑𑀧𑀲𑀺𑀮𑁂𑀲𑀺𑀓𑁄, 𑀯𑁂𑀲𑀬𑀺𑀓𑁄 𑀲𑀸𑀫𑀻𑀧𑀺𑀓𑁄 𑀘𑀸𑀢𑀺.
𑀢𑀢𑁆𑀣 ¶ 𑀩𑁆𑀬𑀸𑀧𑀺𑀓𑁄 𑀢𑀸𑀯𑁋𑀚𑀮𑁂𑀲𑀼 𑀔𑀻𑀭𑀁 𑀢𑀺𑀝𑁆𑀞𑀢𑀺, 𑀢𑀺𑀮𑁂𑀲𑀼 𑀢𑁂𑀮𑀁, 𑀉𑀘𑁆𑀙𑀽𑀲𑀼 𑀭𑀲𑁄.
𑀑𑀧𑀲𑀺𑀮𑁂𑀲𑀺𑀓𑁄𑁋𑀧𑀭𑀺𑀬𑀗𑁆𑀓𑁂 𑀭𑀸𑀚𑀸 𑀲𑁂𑀢𑀺, 𑀆𑀲𑀦𑁂 𑀉𑀧𑀯𑀺𑀝𑁆𑀞𑁄 𑀲𑀗𑁆𑀖𑁄.
𑀯𑁂𑀲𑀬𑀺𑀓𑁄𑁋𑀪𑀽𑀫𑀻𑀲𑀼 𑀫𑀦𑀼𑀲𑁆𑀲𑀸 𑀘𑀭𑀦𑁆𑀢𑀺, 𑀅𑀦𑁆𑀢𑀮𑀺𑀓𑁆𑀔𑁂 𑀯𑀸𑀬𑀽 𑀯𑀸𑀬𑀦𑁆𑀢𑀺. 𑀆𑀓𑀸𑀲𑁂 𑀲𑀓𑀼𑀡𑀸 𑀧𑀓𑁆𑀔𑀦𑁆𑀤𑀦𑁆𑀢𑀺.
𑀲𑀸𑀫𑀻𑀧𑀺𑀓𑁄𑁋𑀯𑀦𑁂 𑀳𑀢𑁆𑀣𑀺𑀦𑁄 𑀘𑀭𑀦𑁆𑀢𑀺, 𑀕𑀗𑁆𑀕𑀸𑀬𑀁 𑀖𑁄𑀲𑁄 𑀢𑀺𑀝𑁆𑀞𑀢𑀺, 𑀯𑀚𑁂 𑀕𑀸𑀯𑁄 𑀤𑀼𑀳𑀦𑁆𑀢𑀺, 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺 𑀚𑁂𑀢𑀯𑀦𑁂.
𑀑𑀓𑀸𑀲𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀑𑀓𑀸𑀲𑁂 𑀲𑀢𑁆𑀢𑀫𑀻.
𑁨𑁭𑁯, 𑁨𑁯𑁨. 𑀬𑁂𑀦 𑀯𑀸 𑀓𑀬𑀺𑀭𑀢𑁂 𑀢𑀁 𑀓𑀭𑀡𑀁.
𑀬𑁂𑀦 𑀯𑀸 𑀓𑀬𑀺𑀭𑀢𑁂, 𑀬𑁂𑀦 𑀯𑀸 𑀧𑀲𑁆𑀲𑀢𑀺, 𑀬𑁂𑀦 𑀯𑀸 𑀲𑀼𑀡𑀸𑀢𑀺, 𑀢𑀁 𑀓𑀸𑀭𑀓𑀁 𑀓𑀭𑀡𑀲𑀜𑁆𑀜𑀁 𑀳𑁄𑀢𑀺.
𑀤𑀢𑁆𑀢𑁂𑀦 𑀯𑀺𑀳𑀺𑀁 𑀮𑀼𑀦𑀸𑀢𑀺, 𑀯𑀸𑀲𑀺𑀬𑀸 𑀓𑀝𑁆𑀞𑀁 𑀢𑀘𑁆𑀙𑀢𑀺, 𑀨𑀭𑀲𑀼𑀦𑀸 𑀭𑀼𑀓𑁆𑀔𑀁 𑀙𑀺𑀦𑁆𑀤𑀢𑀺, 𑀓𑀼𑀤𑀸𑀮𑁂𑀦 𑀧𑀣𑀯𑀺𑀁 𑀔𑀡𑀢𑀺, 𑀲𑀢𑁆𑀣𑁂𑀦 𑀓𑀫𑁆𑀫𑀁 𑀓𑀭𑁄𑀢𑀺. 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺.
𑀓𑀭𑀡𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑀭𑀡𑁂 𑀢𑀢𑀺𑀬𑀸.
𑁨𑁮𑁦, 𑁨𑁮𑁫. 𑀬𑀁 ¶ 𑀓𑀭𑁄𑀢𑀺 𑀢𑀁 𑀓𑀫𑁆𑀫𑀁.
𑀬𑀁 𑀯𑀸 𑀓𑀭𑁄𑀢𑀺, 𑀬𑀁 𑀯𑀸 𑀧𑀲𑁆𑀲𑀢𑀺, 𑀬𑀁 𑀯𑀸 𑀲𑀼𑀡𑀸𑀢𑀺, 𑀢𑀁 𑀓𑀸𑀭𑀓𑀁 𑀓𑀫𑁆𑀫𑀲𑀜𑁆𑀜𑀁 𑀳𑁄𑀢𑀺.
𑀙𑀢𑁆𑀢𑀁 𑀓𑀭𑁄𑀢𑀺, 𑀭𑀣𑀁 𑀓𑀭𑁄𑀢𑀺, 𑀭𑀽𑀧𑀁 𑀧𑀲𑁆𑀲𑀢𑀺, 𑀲𑀤𑁆𑀤𑀁 𑀲𑀼𑀡𑀸𑀢𑀺, 𑀓𑀡𑁆𑀝𑀓𑀁 𑀫𑀤𑁆𑀤𑀢𑀺, 𑀯𑀺𑀲𑀁 𑀕𑀺𑀮𑀢𑀺.
𑀓𑀫𑁆𑀫𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸.
𑀬𑁄 𑀓𑀭𑁄𑀢𑀺, 𑀲𑁄 𑀓𑀢𑁆𑀢𑀼𑀲𑀜𑁆𑀜𑁄 𑀳𑁄𑀢𑀺.
𑀅𑀳𑀺𑀦𑀸 𑀤𑀝𑁆𑀞𑁄 𑀦𑀭𑁄, 𑀕𑀭𑀼𑀴𑁂𑀦 𑀳𑀢𑁄 𑀦𑀸𑀕𑁄. 𑀩𑀼𑀤𑁆𑀥𑁂𑀦 𑀚𑀺𑀢𑁄 𑀫𑀸𑀭𑁄, 𑀉𑀧𑀕𑀼𑀢𑁆𑀢𑁂𑀦 𑀫𑀸𑀭𑁄 𑀩𑀦𑁆𑀥𑁄.
𑀓𑀢𑁆𑀢𑀼𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑀢𑁆𑀢𑀭𑀺 𑀘.
𑀬𑁄 𑀓𑀢𑁆𑀢𑀸𑀭𑀁 𑀓𑀸𑀭𑁂𑀢𑀺, 𑀲𑁄 𑀳𑁂𑀢𑀼𑀲𑀜𑁆𑀜𑁄 𑀳𑁄𑀢𑀺, 𑀓𑀢𑁆𑀢𑀸 𑀘.
𑀲𑁄 𑀧𑀼𑀭𑀺𑀲𑁄 𑀢𑀁 𑀧𑀼𑀭𑀺𑀲𑀁 𑀓𑀫𑁆𑀫𑀁 𑀓𑀸𑀭𑁂𑀢𑀺 𑀲𑁄 𑀧𑀼𑀭𑀺𑀲𑁄 𑀢𑁂𑀦 𑀧𑀼𑀭𑀺𑀲𑁂𑀦 𑀓𑀫𑁆𑀫𑀁 𑀓𑀸𑀭𑁂𑀢𑀺, 𑀲𑁄 𑀧𑀼𑀭𑀺𑀲𑁄 𑀢𑀲𑁆𑀲 𑀧𑀼𑀭𑀺𑀲𑀲𑁆𑀲 𑀓𑀫𑁆𑀫𑀁 𑀓𑀸𑀭𑁂𑀢𑀺. 𑀏𑀯𑀁 𑀳𑀸𑀭𑁂𑀢𑀺 𑀧𑀸𑀞𑁂𑀢𑀺 𑀧𑀸𑀘𑁂𑀢𑀺, 𑀥𑀸𑀭𑁂𑀢𑀺.
𑀳𑁂𑀢𑀼𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀥𑀸𑀢𑀽𑀳𑀺 𑀡𑁂 𑀡𑀬 𑀡𑀸𑀧𑁂 𑀡𑀸𑀧𑀬𑀸 𑀓𑀸𑀭𑀺𑀢𑀸𑀦𑀺 𑀳𑁂𑀢𑁆𑀯𑀢𑁆𑀣𑁂.
𑁨𑁮𑁩, 𑁩𑁧𑁬. 𑀬𑀲𑁆𑀲 ¶ 𑀯𑀸 𑀧𑀭𑀺𑀕𑁆𑀕𑀳𑁄 𑀢𑀁 𑀲𑀸𑀫𑀻.
𑀬𑀲𑁆𑀲 𑀯𑀸 𑀧𑀭𑀺𑀕𑁆𑀕𑀳𑁄, 𑀢𑀁 𑀲𑀸𑀫𑀻𑀲𑀜𑁆𑀜𑀁 𑀳𑁄𑀢𑀺.
𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀝𑀺𑀯𑀻𑀲𑁄, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀢𑁆𑀢𑁄, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀘𑀻𑀯𑀭𑀁, 𑀅𑀢𑁆𑀢𑀦𑁄 𑀫𑀼𑀔𑀁.
𑀲𑀸𑀫𑀻𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀲𑀸𑀫𑀺𑀲𑁆𑀫𑀺𑀁 𑀙𑀝𑁆𑀞𑀻.
𑀮𑀺𑀗𑁆𑀕𑀢𑁆𑀣𑀸𑀪𑀺𑀥𑀸𑀦𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀧𑀼𑀭𑀺𑀲𑁄, 𑀧𑀼𑀭𑀺𑀲𑀸, 𑀏𑀓𑁄, 𑀤𑁆𑀯𑁂, 𑀘, 𑀯𑀸, 𑀳𑁂, 𑀅𑀳𑁂, 𑀭𑁂, 𑀅𑀭𑁂.
𑀆𑀮𑀧𑀦𑀢𑁆𑀣𑀸 𑀥𑀺𑀓𑁂 𑀮𑀺𑀗𑁆𑀕𑀢𑁆𑀣𑀸𑀪𑀺𑀥𑀸𑀦𑀫𑀢𑁆𑀢𑁂 𑀘 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀪𑁄 𑀧𑀼𑀭𑀺𑀲, 𑀪𑀯𑀦𑁆𑀢𑁄 𑀧𑀼𑀭𑀺𑀲𑀸, 𑀪𑁄 𑀭𑀸𑀚, 𑀪𑀯𑀦𑁆𑀢𑁄 𑀭𑀸𑀚𑀸𑀦𑁄, 𑀳𑁂 𑀲𑀔𑁂, 𑀳𑁂 𑀲𑀔𑀺𑀦𑁄.
𑀓𑀭𑀡𑀓𑀸𑀭𑀓𑁂 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀅𑀕𑁆𑀕𑀺𑀦𑀸 𑀓𑀼𑀝𑀺𑀁 𑀛𑀸𑀧𑁂𑀢𑀺, 𑀫𑀦𑀲𑀸 𑀘𑁂 𑀧𑀤𑀼𑀝𑁆𑀞𑁂𑀦, 𑀫𑀦𑀲𑀸 𑀘𑁂 𑀧𑀲𑀦𑁆𑀦𑁂𑀦, 𑀓𑀸𑀬𑁂𑀦 𑀓𑀫𑁆𑀫𑀁 𑀓𑀭𑁄𑀢𑀺.
𑁨𑁮𑁭, 𑁨𑁯𑁯. 𑀲𑀳𑀸𑀤𑀺𑀬𑁄𑀕𑁂 ¶ 𑀘.
𑀲𑀳𑀸𑀤𑀺𑀬𑁄𑀕𑀢𑁆𑀣𑁂 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑀳𑀸𑀧𑀺 𑀕𑀕𑁆𑀕𑁂𑀦 𑀲𑀗𑁆𑀖𑁄 𑀉𑀧𑁄𑀲𑀣𑀁 𑀓𑀭𑁂𑀬𑁆𑀬, 𑀯𑀺𑀦𑀸𑀧𑀺 𑀕𑀕𑁆𑀕𑁂𑀦, 𑀫𑀳𑀢𑀸 𑀪𑀺𑀓𑁆𑀔𑀼𑀲𑀗𑁆𑀖𑁂𑀦 𑀲𑀤𑁆𑀥𑀺𑀁, 𑀲𑀳𑀲𑁆𑀲𑁂𑀦 𑀲𑀫𑀁 𑀫𑀺𑀢𑀸.
𑀓𑀢𑁆𑀢𑀭𑀺 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀭𑀜𑁆𑀜𑀸 𑀳𑀢𑁄 𑀧𑁄𑀲𑁄, 𑀬𑀓𑁆𑀔𑁂𑀦 𑀤𑀺𑀦𑁆𑀦𑁄 𑀯𑀭𑁄, 𑀅𑀳𑀺𑀦𑀸 𑀤𑀝𑁆𑀞𑁄 𑀦𑀭𑁄.
𑀳𑁂𑀢𑁆𑀯𑀢𑁆𑀣𑁂 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀅𑀦𑁆𑀦𑁂𑀦 𑀯𑀲𑀢𑀺, 𑀥𑀫𑁆𑀫𑁂𑀦 𑀯𑀲𑀢𑀺, 𑀯𑀺𑀚𑁆𑀚𑀸𑀬 𑀯𑀲𑀢𑀺, 𑀲𑀓𑁆𑀓𑀸𑀭𑁂𑀦 𑀯𑀲𑀢𑀺.
𑀲𑀢𑁆𑀢𑀫𑁆𑀬𑀢𑁆𑀣𑁂 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀢𑁂𑀦 ¶ 𑀓𑀸𑀮𑁂𑀦, 𑀢𑁂𑀦 𑀲𑀫𑀬𑁂𑀦. (𑀬𑁂𑀦 𑀓𑀸𑀮𑁂𑀦, 𑀬𑁂𑀦 𑀲𑀫𑀬𑁂𑀦,) 𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦.
𑀬𑁂𑀦 𑀩𑁆𑀬𑀸𑀥𑀺𑀫𑀢𑀸 𑀅𑀗𑁆𑀕𑁂𑀦 𑀅𑀗𑁆𑀕𑀺𑀦𑁄 𑀯𑀺𑀓𑀸𑀭𑁄 𑀮𑀓𑁆𑀔𑀻𑀬𑀢𑁂. 𑀢𑀢𑁆𑀣 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀅𑀓𑁆𑀔𑀺𑀦𑀸 𑀓𑀸𑀡𑁄, 𑀳𑀢𑁆𑀣𑁂𑀦 𑀓𑀼𑀡𑀻, 𑀓𑀸𑀡𑀁 𑀧𑀲𑁆𑀲𑀢𑀺 𑀦𑁂𑀢𑁆𑀢𑁂𑀦, 𑀧𑀸𑀤𑁂𑀦 𑀔𑀜𑁆𑀚𑁄, 𑀧𑀺𑀝𑁆𑀞𑀺𑀬𑀸 𑀔𑀼𑀚𑁆𑀚𑁄.
𑀯𑀺𑀲𑁂𑀲𑀦𑀢𑁆𑀣𑁂 𑀘 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀕𑁄𑀢𑁆𑀢𑁂𑀦 𑀕𑁄𑀢𑀫𑁄 𑀦𑀸𑀣𑁄, 𑀲𑀼𑀯𑀡𑁆𑀡𑁂𑀦 𑀅𑀪𑀺𑀭𑀽𑀧𑁄, 𑀢𑀧𑀲𑀸 𑀉𑀢𑁆𑀢𑀫𑁄.
𑀲𑀫𑁆𑀧𑀤𑀸𑀦𑀓𑀸𑀭𑀓𑁂 𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀩𑀼𑀤𑁆𑀥𑀲𑁆𑀲 𑀯𑀸 𑀥𑀫𑁆𑀫𑀲𑁆𑀲 𑀯𑀸 𑀲𑀗𑁆𑀖𑀲𑁆𑀲 𑀯𑀸 𑀤𑀸𑀦𑀁 𑀤𑁂𑀢𑀺, 𑀤𑀸𑀢𑀸 𑀳𑁄𑀢𑀺 𑀲𑀫𑀡𑀲𑁆𑀲 𑀯𑀸 𑀩𑁆𑀭𑀸𑀳𑁆𑀫𑀡𑀲𑁆𑀲 𑀯𑀸.
𑀦𑀫𑁄𑀬𑁄𑀕𑀸𑀤𑀻𑀲𑁆𑀯𑀧𑀺 𑀘 𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀦𑀫𑁄 ¶ 𑀢𑁂 𑀩𑀼𑀤𑁆𑀥 𑀯𑀻𑀭𑀢𑁆𑀣𑀼, 𑀲𑁄𑀢𑁆𑀣𑀺 𑀧𑀚𑀸𑀦𑀁, 𑀦𑀫𑁄 𑀓𑀭𑁄𑀳𑀺 𑀦𑀸𑀕𑀲𑁆𑀲, 𑀲𑁆𑀯𑀸𑀕𑀢𑀁 𑀢𑁂 𑀫𑀳𑀸𑀭𑀸𑀚.
𑀅𑀧𑀸𑀤𑀸𑀦𑀓𑀸𑀭𑀓𑁂 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀧𑀸𑀧𑀸 𑀘𑀺𑀢𑁆𑀢𑀁 𑀦𑀺𑀯𑀸𑀭𑀬𑁂, 𑀅𑀩𑁆𑀪𑀸 𑀫𑀼𑀢𑁆𑀢𑁄𑀯 𑀘𑀦𑁆𑀤𑀺𑀫𑀸, 𑀪𑀬𑀸 𑀫𑀼𑀘𑁆𑀘𑀢𑀺 𑀲𑁄 𑀦𑀭𑁄.
𑀓𑀸𑀭𑀡𑀢𑁆𑀣𑁂 𑀘 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸 𑀘𑀢𑀼𑀦𑁆𑀦𑀁 𑀅𑀭𑀺𑀬𑀲𑀘𑁆𑀘𑀸𑀦𑀁 𑀬𑀣𑀸𑀪𑀽𑀢𑀁 𑀅𑀤𑀲𑁆𑀲𑀦𑀸.
𑀓𑀫𑁆𑀫𑀢𑁆𑀣𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀕𑀸𑀯𑀁 𑀳𑀦𑀢𑀺, 𑀯𑀻𑀳𑀬𑁄 𑀮𑀼𑀦𑀸𑀢𑀺, 𑀲𑀢𑁆𑀣𑀁 𑀓𑀭𑁄𑀢𑀺, 𑀖𑀝𑀁 𑀓𑀭𑁄𑀢𑀺, 𑀭𑀣𑀁 𑀓𑀭𑁄𑀢𑀺, 𑀥𑀫𑁆𑀫𑀁 𑀲𑀼𑀡𑀸𑀢𑀺, 𑀩𑀼𑀤𑁆𑀥𑀁 𑀧𑀽𑀚𑁂𑀢𑀺, 𑀯𑀸𑀘𑀁 𑀪𑀸𑀲𑀢𑀻, 𑀢𑀡𑁆𑀟𑀼𑀮𑀁 𑀯𑀘𑀢𑀺, 𑀘𑁄𑀭𑀁 𑀖𑀸𑀢𑁂𑀢𑀺.
𑁨𑁯𑁮, 𑁨𑁮𑁭. 𑀓𑀸𑀮𑀤𑁆𑀥𑀸𑀦𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂.
𑀓𑀸𑀮𑀤𑁆𑀥𑀸𑀦𑀁 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀫𑀸𑀲𑀁 ¶ 𑀫𑀁𑀲𑁄𑀤𑀦𑀁 𑀪𑀼𑀜𑁆𑀚𑀢𑀺, 𑀲𑀭𑀤𑀁 𑀭𑀫𑀡𑀻𑀬𑀸 𑀦𑀤𑀻, 𑀫𑀸𑀲𑀁 𑀲𑀚𑁆𑀛𑀸𑀬𑀢𑀺, 𑀬𑁄𑀚𑀦𑀁 𑀯𑀦𑀭𑀸𑀚𑀺, 𑀬𑁄𑀚𑀦𑀁 𑀤𑀻𑀖𑁄 𑀧𑀩𑁆𑀩𑀢𑁄, 𑀓𑁄𑀲𑀁 𑀲𑀚𑁆𑀛𑀸𑀬𑀢𑀺.
𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀁𑀯𑀘𑁆𑀙𑀭𑁂 𑀪𑁄𑀚𑀦𑀁 𑀪𑀼𑀜𑁆𑀚𑀢𑀺.
𑀓𑀫𑁆𑀫𑀧𑁆𑀧𑀯𑀘𑀦𑀻𑀬𑀬𑀼𑀢𑁆𑀢𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀢𑀁 𑀔𑁄 𑀧𑀦 𑀪𑀯𑀦𑁆𑀢𑀁 𑀕𑁄𑀢𑀫𑀁 𑀏𑀯𑀁 𑀓𑀮𑁆𑀬𑀸𑀡𑁄 𑀓𑀺𑀢𑁆𑀢𑀺𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀢𑁄, 𑀧𑀩𑁆𑀩𑀚𑀺𑀢𑀫𑀦𑀼𑀧𑀩𑁆𑀩𑀚𑀺𑀁𑀲𑀼.
𑁩𑁦𑁦, 𑁨𑁮𑁬. 𑀕𑀢𑀺 𑀩𑀼𑀤𑁆𑀥𑀺 𑀪𑀼𑀚 𑀧𑀞 𑀳𑀭 𑀓𑀭 𑀲𑀬𑀸𑀤𑀻𑀦𑀁 𑀓𑀸𑀭𑀺𑀢𑁂 𑀯𑀸.
𑀕𑀢𑀺 𑀩𑀼𑀤𑁆𑀥𑀺 𑀪𑀼𑀚 𑀧𑀞 𑀳𑀭 𑀓𑀭 𑀲𑀬𑀸𑀤𑀻𑀦𑀁 𑀧𑀬𑁄𑀕𑁂 𑀓𑀸𑀭𑀺𑀢𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺 𑀯𑀸.
𑀧𑀼𑀭𑀺𑀲𑁄 𑀧𑀼𑀭𑀺𑀲𑀁 (𑀕𑀸𑀫𑀁) 𑀕𑀸𑀫𑀬𑀢𑀺, 𑀧𑀼𑀭𑀺𑀲𑁄 𑀧𑀼𑀭𑀺𑀲𑁂𑀦 𑀯𑀸, 𑀧𑀼𑀭𑀺𑀲𑁄 𑀧𑀼𑀭𑀺𑀲𑀲𑁆𑀲 𑀯𑀸. 𑀏𑀯𑀁 𑀩𑁄𑀥𑀬𑀢𑀺, 𑀪𑁄𑀚𑀬𑀢𑀺, 𑀧𑀸𑀞𑀬𑀢𑀺, 𑀳𑀸𑀭𑀬𑀢𑀺, 𑀓𑀸𑀭𑀬𑀢𑀺, 𑀲𑀬𑀸𑀧𑀬𑀢𑀺. 𑀏𑀯𑀁 𑀲𑀩𑁆𑀩𑀢𑁆𑀣 𑀓𑀸𑀭𑀺𑀢𑁂.
𑀲𑀸𑀫𑀺𑀲𑁆𑀫𑀺𑀁 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀢𑀲𑁆𑀲 ¶ 𑀪𑀺𑀓𑁆𑀔𑀼𑀦𑁄 𑀧𑀝𑀺𑀯𑀻𑀲𑁄, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀧𑀢𑁆𑀢𑁄, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀘𑀻𑀯𑀭𑀁, 𑀅𑀢𑁆𑀢𑀦𑁄 𑀫𑀼𑀔𑀁.
𑀑𑀓𑀸𑀲𑀓𑀸𑀭𑀓𑁂 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀕𑀫𑁆𑀪𑀻𑀭𑁂 𑀑𑀤𑀓𑀦𑁆𑀢𑀺𑀓𑁂, 𑀧𑀸𑀧𑀲𑁆𑀫𑀺𑀁 𑀭𑀫𑀢𑀺 𑀫𑀦𑁄, 𑀪𑀕𑀯𑀢𑀺 𑀩𑁆𑀭𑀳𑁆𑀫𑀘𑀭𑀺𑀬𑀁 𑀯𑀼𑀲𑁆𑀲𑀢𑀺 𑀓𑀼𑀮𑀧𑀼𑀢𑁆𑀢𑁄.
𑁩𑁦𑁩, 𑁩𑁨𑁧. 𑀲𑀸𑀫𑀺𑀲𑁆𑀲𑀭𑀸𑀥𑀺𑀧𑀢𑀺 𑀤𑀸𑀬𑀸𑀤 𑀲𑀓𑁆𑀔𑀻𑀧𑀢𑀺𑀪𑀽 𑀧𑀲𑀼𑀢𑀓𑀼𑀲𑀮𑁂𑀳𑀺 𑀘.
𑀲𑀸𑀫𑀻 𑀇𑀲𑁆𑀲𑀭 𑀅𑀥𑀺𑀧𑀢𑀺 𑀤𑀸𑀬𑀸𑀤 𑀲𑀓𑁆𑀔𑀻𑀧𑀢𑀺𑀪𑀽 𑀧𑀲𑀼𑀢𑀓𑀼𑀲𑀮 𑀇𑀘𑁆𑀘𑁂𑀢𑁂𑀳𑀺 𑀧𑀬𑁄𑀕𑁂 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺, 𑀲𑀢𑁆𑀢𑀫𑀻 𑀘.
𑀕𑁄𑀡𑀸𑀦𑀁 𑀲𑀸𑀫𑀻, 𑀕𑁄𑀡𑁂𑀲𑀼 𑀲𑀸𑀫𑀻, 𑀕𑁄𑀡𑀸𑀦𑀁 𑀇𑀲𑁆𑀲𑀭𑁄, 𑀕𑁄𑀡𑁂𑀲𑀼 𑀇𑀲𑁆𑀲𑀭𑁄. 𑀕𑁄𑀡𑀸𑀦𑀁 𑀅𑀥𑀺𑀧𑀢𑀺, 𑀕𑁄𑀡𑁂𑀲𑀼 𑀅𑀥𑀺𑀧𑀢𑀺. 𑀕𑁄𑀡𑀸𑀦𑀁 𑀤𑀸𑀬𑀸𑀤𑁄, 𑀕𑁄𑀡𑁂𑀲𑀼 𑀤𑀸𑀬𑀸𑀤𑁄. 𑀕𑁄𑀡𑀸𑀦𑀁 𑀲𑀓𑁆𑀔𑀻, 𑀕𑁄𑀡𑁂𑀲𑀼 𑀲𑀓𑁆𑀔𑀻, 𑀕𑁄𑀡𑀸𑀦𑀁 𑀧𑀢𑀺𑀪𑀽, 𑀕𑁄𑀡𑁂𑀲𑀼 𑀧𑀢𑀺𑀪𑀽. 𑀕𑁄𑀡𑀸𑀦𑀁 𑀧𑀲𑀼𑀢𑁄, 𑀕𑁄𑀡𑁂𑀲𑀼 𑀧𑀲𑀼𑀢𑁄. 𑀕𑁄𑀡𑀸𑀦𑀁 𑀓𑀼𑀲𑀮𑁄, 𑀕𑁄𑀡𑁂𑀲𑀼 𑀓𑀼𑀲𑀮𑁄.
𑀦𑀺𑀤𑁆𑀥𑀸𑀭𑀡𑀢𑁆𑀣𑁂 𑀘 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺, 𑀲𑀢𑁆𑀢𑀫𑀻 𑀘.
𑀓𑀡𑁆𑀳𑀸 ¶ 𑀕𑀸𑀯𑀻𑀦𑀁 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀓𑀡𑁆𑀳𑀸 𑀕𑀸𑀯𑀻𑀲𑀼 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸. 𑀲𑀸𑀫𑀸 𑀦𑀸𑀭𑀻𑀦𑀁 𑀤𑀲𑁆𑀲𑀦𑀻𑀬𑀢𑀫𑀸, 𑀲𑀸𑀫𑀸 𑀦𑀸𑀭𑀻𑀲𑀼 𑀤𑀲𑁆𑀲𑀦𑀻𑀬𑀢𑀫𑀸. 𑀫𑀦𑀼𑀲𑁆𑀲𑀸𑀦𑀁 𑀔𑀢𑁆𑀢𑀺𑀬𑁄 𑀲𑀽𑀭𑀢𑀫𑁄, 𑀫𑀦𑀼𑀲𑁆𑀲𑁂𑀲𑀼 𑀔𑀢𑁆𑀢𑀺𑀬𑁄 𑀲𑀽𑀭𑀢𑀫𑁄. 𑀧𑀣𑀺𑀓𑀸𑀦𑀁 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄, 𑀧𑀣𑀺𑀓𑁂𑀲𑀼 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑁄.
𑀅𑀦𑀸𑀤𑀭𑁂 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺, 𑀲𑀢𑁆𑀢𑀫𑀻 𑀘.
𑀭𑀼𑀤𑀢𑁄 𑀤𑀸𑀭𑀓𑀲𑁆𑀲 𑀧𑀩𑁆𑀩𑀚𑀺, 𑀭𑀼𑀤𑀦𑁆𑀢𑀲𑁆𑀫𑀺𑀁 𑀤𑀸𑀭𑀓𑁂 𑀧𑀩𑁆𑀩𑀚𑀺.
𑁩𑁦𑁬, 𑁨𑁮𑁯. 𑀓𑁆𑀯𑀘𑀺 𑀤𑀼𑀢𑀺𑀬𑀸 𑀙𑀝𑁆𑀞𑀻𑀦𑀫𑀢𑁆𑀣𑁂.
𑀙𑀝𑁆𑀞𑀻𑀦𑀫𑀢𑁆𑀣𑁂 𑀓𑁆𑀯𑀘𑀺 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀅𑀧𑀺𑀲𑁆𑀲𑀼 𑀫𑀁 𑀅𑀕𑁆𑀕𑀺𑀯𑁂𑀲𑁆𑀲𑀦 𑀢𑀺𑀲𑁆𑀲𑁄 𑀉𑀧𑀫𑀸 𑀧𑀝𑀺𑀪𑀁𑀲𑀼.
𑀢𑀢𑀺𑀬𑀸𑀲𑀢𑁆𑀢𑀫𑀻𑀦𑀁 𑀅𑀢𑁆𑀣𑁂 𑀘 𑀓𑁆𑀯𑀘𑀺 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑀘𑁂 𑀫𑀁 𑀲𑀫𑀡𑁄 𑀕𑁄𑀢𑀫𑁄 𑀆𑀮𑀧𑀺𑀲𑁆𑀲𑀢𑀺, 𑀢𑁆𑀯𑀜𑁆𑀘 𑀫𑀁 𑀦𑀸𑀪𑀺𑀪𑀸𑀲𑀲𑀺. 𑀏𑀯𑀁 𑀢𑀢𑀺𑀬𑀢𑁆𑀣𑁂.
𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸, 𑀏𑀓𑀁 𑀲𑀫𑀬𑀁 𑀪𑀕𑀯𑀸. 𑀏𑀯𑀁 𑀲𑀢𑁆𑀢𑀫𑁆𑀬𑀢𑁆𑀣𑁂.
𑁩𑁦𑁮, 𑁩𑁧𑁭. 𑀙𑀝𑁆𑀞𑀻 ¶ 𑀘.
𑀢𑀢𑀺𑀬𑀸𑀲𑀢𑁆𑀢𑀫𑀻𑀦𑀁 𑀅𑀢𑁆𑀣𑁂 𑀘 𑀓𑁆𑀯𑀘𑀺 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀓𑀢𑁄 𑀫𑁂 𑀓𑀮𑁆𑀬𑀸𑀡𑁄, 𑀓𑀢𑀁 𑀫𑁂 𑀧𑀸𑀧𑀁. 𑀏𑀯𑀁 𑀢𑀢𑀺𑀬𑀢𑁆𑀣𑁂.
𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑀲𑁆𑀲 𑀲𑀺𑀓𑁆𑀔𑀺𑀢𑀸 𑀘𑀸𑀢𑀼𑀭𑀺𑀢𑁆𑀣𑀺𑀬𑁄, 𑀓𑀼𑀲𑀮𑁄 𑀢𑁆𑀯𑀁 𑀭𑀣𑀲𑁆𑀲 𑀅𑀗𑁆𑀕𑀧𑀘𑁆𑀘𑀗𑁆𑀕𑀸𑀦𑀁. 𑀏𑀯𑀁 𑀲𑀢𑁆𑀢𑀫𑁆𑀬𑀢𑁆𑀣𑁂.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀬𑁄 𑀯𑁄 𑀆𑀦𑀦𑁆𑀤 𑀫𑀬𑀸 𑀥𑀫𑁆𑀫𑁄 𑀘 𑀯𑀺𑀦𑀬𑁄 𑀘 𑀤𑁂𑀲𑀺𑀢𑁄 𑀧𑀜𑁆𑀜𑀢𑁆𑀢𑁄, 𑀆𑀦𑀦𑁆𑀤𑁄 𑀅𑀢𑁆𑀣𑁂𑀲𑀼 𑀯𑀺𑀘𑀓𑁆𑀔𑀡𑁄.
𑀤𑀼𑀢𑀺𑀬𑀸𑀧𑀜𑁆𑀘𑀫𑀻𑀦𑀜𑁆𑀘 𑀅𑀢𑁆𑀣𑁂 𑀓𑁆𑀯𑀘𑀺 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀢𑀲𑁆𑀲 𑀪𑀯𑀦𑁆𑀢𑀺 𑀯𑀢𑁆𑀢𑀸𑀭𑁄, 𑀲𑀳𑀲𑀸 𑀓𑀫𑁆𑀫𑀲𑁆𑀲 𑀓𑀢𑁆𑀢𑀸𑀭𑁄, 𑀏𑀯𑀁 𑀤𑀼𑀢𑀺𑀬𑀢𑁆𑀣𑁂.
𑀅𑀲𑁆𑀲𑀯𑀦𑀢𑀸 𑀥𑀫𑁆𑀫𑀲𑁆𑀲 𑀧𑀭𑀺𑀳𑀸𑀬𑀦𑁆𑀢𑀺, 𑀓𑀺𑀦𑁆𑀦𑀼 𑀔𑁄 𑀅𑀳𑀁 𑀢𑀲𑁆𑀲 𑀲𑀼𑀔𑀲𑁆𑀲 𑀪𑀸𑀬𑀸𑀫𑀺, 𑀲𑀩𑁆𑀩𑁂 𑀢𑀲𑀦𑁆𑀢𑀺 𑀤𑀡𑁆𑀟𑀲𑁆𑀲, 𑀲𑀩𑁆𑀩𑁂 𑀪𑀸𑀬𑀦𑁆𑀢𑀺 𑀫𑀘𑁆𑀘𑀼𑀦𑁄, 𑀪𑀻𑀢𑁄 𑀘𑀢𑀼𑀦𑁆𑀦𑀁 𑀆𑀲𑀻𑀯𑀺𑀲𑀸𑀦𑀁 𑀖𑁄𑀭𑀯𑀺𑀲𑀸𑀦𑀁, 𑀪𑀸𑀬𑀸𑀫𑀺 𑀖𑁄𑀭𑀯𑀺𑀲𑀲𑁆𑀲 𑀦𑀸𑀕𑀲𑁆𑀲. 𑀏𑀯𑀁 𑀧𑀜𑁆𑀘𑀫𑁆𑀬𑀢𑁆𑀣𑁂.
𑁩𑁧𑁦, 𑁩𑁨𑁪. 𑀓𑀫𑁆𑀫 ¶ 𑀓𑀭𑀡 𑀦𑀺𑀫𑀺𑀢𑁆𑀢𑀢𑁆𑀣𑁂𑀲𑀼 𑀲𑀢𑁆𑀢𑀫𑀻.
𑀓𑀫𑁆𑀫𑀓𑀭𑀡𑀦𑀺𑀫𑀺𑀢𑁆𑀢𑀢𑁆𑀣𑁂𑀲𑀼 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑀼𑀦𑁆𑀤𑀭𑀸𑀯𑀼𑀲𑁄 𑀇𑀫𑁂 𑀆𑀚𑀻𑀯𑀓𑀸 𑀪𑀺𑀓𑁆𑀔𑀽𑀲𑀼 𑀅𑀪𑀺𑀯𑀸𑀤𑁂𑀦𑁆𑀢𑀺. 𑀏𑀯𑀁 𑀓𑀫𑁆𑀫𑀢𑁆𑀣𑁂.
𑀳𑀢𑁆𑀣𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺, 𑀧𑀢𑁆𑀢𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺, 𑀧𑀣𑁂𑀲𑀼 𑀕𑀘𑁆𑀙𑀦𑁆𑀢𑀺. 𑀏𑀯𑀁 𑀓𑀭𑀡𑀢𑁆𑀣𑁂.
𑀤𑀻𑀧𑀺 𑀘𑀫𑁆𑀫𑁂𑀲𑀼 𑀳𑀜𑁆𑀜𑀢𑁂, 𑀓𑀼𑀜𑁆𑀚𑀭𑁄 𑀤𑀦𑁆𑀢𑁂𑀲𑀼 𑀳𑀜𑁆𑀜𑀢𑁂, 𑀏𑀯𑀁 𑀦𑀺𑀫𑀺𑀢𑁆𑀢𑀢𑁆𑀣𑁂.
𑀲𑀫𑁆𑀧𑀤𑀸𑀦𑁂 𑀘 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑀗𑁆𑀖𑁂 𑀤𑀺𑀦𑁆𑀦𑀁 𑀫𑀳𑀧𑁆𑀨𑀮, 𑀲𑀗𑁆𑀖𑁂 𑀕𑁄𑀢𑀫𑀻 𑀤𑁂𑀳𑀺, 𑀲𑀗𑁆𑀖𑁂 𑀢𑁂 𑀤𑀺𑀦𑁆𑀦𑁂 𑀅𑀳𑀜𑁆𑀘𑁂𑀯 𑀧𑀽𑀚𑀺𑀢𑁄 𑀪𑀯𑀺𑀲𑁆𑀲𑀸𑀫𑀺.
𑀧𑀜𑁆𑀘𑀫𑁆𑀬𑀢𑁆𑀣𑁂 𑀘 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀓𑀤𑀮𑀻𑀲𑀼 𑀕𑀚𑁂 𑀭𑀓𑁆𑀔𑀦𑁆𑀢𑀺.
𑀓𑀸𑀮𑀪𑀸𑀯𑁂𑀲𑀼 𑀘 𑀓𑀢𑁆𑀢𑀭𑀺 𑀧𑀬𑀼𑀚𑁆𑀚𑀫𑀸𑀦𑁂 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀧𑀼𑀩𑁆𑀩𑀡𑁆𑀳𑀲𑀫𑀬𑁂 ¶ 𑀕𑀢𑁄, 𑀲𑀸𑀬𑀦𑁆𑀳𑀲𑀫𑀬𑁂 𑀆𑀕𑀢𑁄. 𑀪𑀺𑀓𑁆𑀔𑀽𑀲𑀼 𑀪𑁄𑀚𑀻𑀬𑀫𑀸𑀦𑁂𑀲𑀼 𑀕𑀢𑁄, 𑀪𑀼𑀢𑁆𑀢𑁂𑀲𑀼 𑀆𑀕𑀢𑁄. 𑀕𑁄𑀲𑀼𑀤𑀼𑀬𑁆𑀳𑀫𑀸𑀦𑁂𑀲𑀼 𑀕𑀢𑁄, 𑀤𑀼𑀤𑁆𑀥𑀸𑀲𑀼 𑀆𑀕𑀢𑁄.
𑀉𑀧𑀅𑀥𑀺𑀇𑀘𑁆𑀘𑁂𑀢𑁂𑀲𑀁 𑀧𑀬𑁄𑀕𑁂 𑀅𑀥𑀺𑀓𑀇𑀲𑁆𑀲𑀭𑀯𑀘𑀦𑁂 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀉𑀧 𑀔𑀸𑀭𑀺𑀬𑀁 𑀤𑁄𑀡𑁄, 𑀉𑀧 𑀦𑀺𑀓𑁆𑀔𑁂 𑀓𑀳𑀸𑀧𑀡𑀁. 𑀅𑀥𑀺 𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸, 𑀅𑀥𑀺 𑀦𑀘𑁆𑀘𑁂𑀲𑀼 𑀕𑁄𑀢𑀫𑀻, 𑀅𑀥𑀺 𑀤𑁂𑀯𑁂𑀲𑀼 𑀩𑀼𑀤𑁆𑀥𑁄.
𑁩𑁧𑁫, 𑁩𑁨𑁯. 𑀫𑀡𑁆𑀟𑀺𑀢𑀼’𑀲𑁆𑀲𑀼𑀓𑁆𑀓𑁂𑀲𑀼 𑀢𑀢𑀺𑀬𑀸.
𑀫𑀡𑁆𑀟𑀺𑀢𑀉𑀲𑁆𑀲𑀼𑀓𑁆𑀓𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺, 𑀲𑀢𑁆𑀢𑀫𑀻 𑀘.
𑀜𑀸𑀡𑁂𑀦 𑀧𑀲𑀻𑀤𑀺𑀢𑁄, 𑀜𑀸𑀡𑀲𑁆𑀫𑀺𑀁 𑀯𑀸 𑀧𑀲𑀻𑀤𑀺𑀢𑁄, 𑀜𑀸𑀡𑁂𑀦 𑀉𑀲𑁆𑀲𑀼𑀓𑁆𑀓𑁄, 𑀜𑀸𑀡𑀲𑁆𑀫𑀺𑀁 𑀯𑀸 𑀉𑀲𑁆𑀲𑀼𑀓𑁆𑀓𑁄 𑀢𑀣𑀸𑀕𑀢𑁄 𑀯𑀸 𑀢𑀣𑀸𑀕𑀢𑀕𑁄𑀢𑁆𑀢𑁄 𑀯𑀸.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀓𑀸𑀭𑀓𑀓𑀧𑁆𑀧𑁄 𑀙𑀝𑁆𑀞𑁄 𑀓𑀡𑁆𑀟𑁄.
𑀓𑀸𑀭𑀓𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁪. 𑀲𑀫𑀸𑀲𑀓𑀧𑁆𑀧
𑀲𑀢𑁆𑀢𑀫𑀓𑀡𑁆𑀟
𑁩𑁧𑁬, 𑁩𑁩𑁧. 𑀦𑀸𑀫𑀸𑀦𑀁 ¶ 𑀲𑀫𑀸𑀲𑁄 𑀬𑀼𑀢𑁆𑀢𑀢𑁆𑀣𑁄.
𑀢𑁂𑀲𑀁 𑀦𑀸𑀫𑀸𑀦𑀁 𑀧𑀬𑀼𑀚𑁆𑀚𑀫𑀸𑀦𑀧𑀤𑀢𑁆𑀣𑀸𑀦𑀁 𑀬𑁄 𑀬𑀼𑀢𑁆𑀢𑀢𑁆𑀣𑁄, 𑀲𑁄 𑀲𑀫𑀸𑀲𑀲𑀜𑁆𑀜𑁄 𑀳𑁄𑀢𑀺.
𑀓𑀣𑀺𑀦𑀤𑀼𑀲𑁆𑀲𑀁, 𑀆𑀕𑀦𑁆𑀢𑀼𑀓𑀪𑀢𑁆𑀢𑀁, 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀁, 𑀲𑀫𑀡𑀩𑁆𑀭𑀸𑀳𑁆𑀫𑀡𑀸, 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸, 𑀩𑁆𑀭𑀸𑀳𑁆𑀫𑀡 𑀕𑀳𑀧𑀢𑀺𑀓𑀸.
𑀦𑀸𑀫𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀤𑁂𑀯𑀤𑀢𑁆𑀢𑁄 𑀧𑀘𑀢𑀺, 𑀬𑀜𑁆𑀜𑀤𑀢𑁆𑀢𑁄 𑀧𑀘𑀢𑀺.
𑀬𑀼𑀢𑁆𑀢𑀢𑁆𑀣𑁄𑀢𑀺 𑀓𑀺𑀫𑀢𑁆𑀣𑀁? 𑀪𑀢𑁄 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀤𑁂𑀯𑀤𑀢𑁆𑀢𑀲𑁆𑀲.
𑀲𑀫𑀸𑀲𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑁆𑀯𑀘𑀺 𑀲𑀫𑀸𑀲𑀦𑁆𑀢𑀕𑀢𑀸𑀦𑀫𑀓𑀸𑀭𑀦𑁆𑀢𑁄.
𑁩𑁧𑁭, 𑁩𑁩𑁨. 𑀢𑁂𑀲𑀁 𑀯𑀺𑀪𑀢𑁆𑀢𑀺𑀬𑁄 𑀮𑁄𑀧𑀸 𑀘.
𑀢𑁂𑀲𑀁 𑀬𑀼𑀢𑁆𑀢𑀢𑁆𑀣𑀸𑀦𑀁 𑀲𑀫𑀸𑀲𑀸𑀦𑀁 𑀯𑀺𑀪𑀢𑁆𑀢𑀺𑀬𑁄 𑀮𑁄𑀧𑀸 𑀘 𑀳𑁄𑀦𑁆𑀢𑀺.
𑀓𑀣𑀺𑀦𑀤𑀼𑀲𑁆𑀲𑀁 ¶ , 𑀆𑀕𑀦𑁆𑀢𑀼𑀓𑀪𑀢𑁆𑀢𑀁.
𑀢𑁂𑀲𑀁𑀕𑀳𑀡𑁂𑀦 𑀲𑀫𑀸𑀲𑀢𑀤𑁆𑀥𑀺𑀢𑀸𑀔𑁆𑀬𑀸𑀢𑀓𑀺𑀢𑀓𑀸𑀦𑀁 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀧𑀤𑀓𑁆𑀔𑀭𑀸𑀕𑀫𑀸 𑀘 𑀮𑁄𑀧𑀸 𑀳𑁄𑀦𑁆𑀢𑀺. 𑀯𑀸𑀲𑀺𑀝𑁆𑀞𑁄, 𑀯𑁂𑀦𑀢𑁂𑀬𑁆𑀬𑁄.
𑀘𑀕𑁆𑀕𑀳𑀡 𑀫𑀯𑀥𑀸𑀭𑀡𑀢𑁆𑀣𑀁, 𑀧𑀪𑀗𑁆𑀓𑀭𑁄, 𑀅𑀫𑀢𑀤𑁆𑀤𑀤𑁄, 𑀫𑁂𑀥𑀗𑁆𑀓𑀭𑁄, 𑀤𑀻𑀧𑀗𑁆𑀓𑀭𑁄.
𑀮𑀼𑀢𑁆𑀢𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀅𑀲𑁆𑀲 𑀲𑀭𑀦𑁆𑀢𑀲𑁆𑀲 𑀮𑀺𑀗𑁆𑀕𑀲𑁆𑀲 𑀧𑀓𑀢𑀺𑀭𑀽𑀧𑀸𑀦𑀺 𑀳𑁄𑀦𑁆𑀢𑀺.
𑀘𑀓𑁆𑀔𑀼𑀲𑁄𑀢𑀁, 𑀫𑀼𑀔𑀦𑀸𑀲𑀺𑀓𑀁, 𑀭𑀸𑀚𑀧𑀼𑀢𑁆𑀢𑁄, 𑀭𑀸𑀚𑀧𑀼𑀭𑀺𑀲𑁄.
𑁩𑁧𑁯, 𑁩𑁩𑁦. 𑀉𑀧𑀲𑀕𑁆𑀕𑀦𑀺𑀧𑀸𑀢𑀧𑀼𑀩𑁆𑀩𑀓𑁄 𑀅𑀩𑁆𑀬𑀬𑀻𑀪𑀸𑀯𑁄.
𑀉𑀧𑀲𑀕𑁆𑀕𑀦𑀺𑀧𑀸𑀢𑀧𑀼𑀩𑁆𑀩𑀓𑁄 𑀲𑀫𑀸𑀲𑁄 𑀅𑀩𑁆𑀬𑀬𑀻𑀪𑀸𑀯𑀲𑀜𑁆𑀜𑁄 𑀳𑁄𑀢𑀺.
𑀦𑀕𑀭𑀲𑁆𑀲 ¶ 𑀲𑀫𑀻𑀧𑁂 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀉𑀧𑀦𑀕𑀭𑀁, 𑀤𑀭𑀣𑀸𑀦𑀁 𑀅𑀪𑀸𑀯𑁄 𑀦𑀺𑀤𑁆𑀤𑀭𑀣𑀁, 𑀫𑀓𑀲𑀸𑀦𑀁 𑀅𑀪𑀸𑀯𑁄 𑀦𑀺𑀫𑁆𑀫𑀓𑀲𑀁, 𑀯𑀼𑀟𑁆𑀠𑀸𑀦𑀁 𑀧𑀝𑀺𑀧𑀸𑀝𑀺 𑀬𑀣𑀸𑀯𑀼𑀟𑁆𑀠𑀁, 𑀬𑁂 𑀬𑁂 𑀯𑀼𑀟𑁆𑀠𑀸 𑀯𑀸 𑀬𑀣𑀸𑀯𑀼𑀟𑁆𑀠𑀁, 𑀚𑀻𑀯𑀲𑁆𑀲 𑀬𑀢𑁆𑀢𑀓𑁄 𑀧𑀭𑀺𑀘𑁆𑀙𑁂𑀤𑁄 𑀬𑀸𑀯𑀚𑀻𑀯𑀁, 𑀘𑀺𑀢𑁆𑀢𑀫𑀥𑀺𑀓𑀺𑀘𑁆𑀘 𑀧𑀯𑀢𑁆𑀢𑀦𑁆𑀢𑀺 𑀢𑁂 𑀥𑀫𑁆𑀫𑀸𑀢𑀺 𑀅𑀥𑀺𑀘𑀺𑀢𑁆𑀢𑀁, 𑀧𑀩𑁆𑀩𑀢𑀲𑁆𑀲 𑀢𑀺𑀭𑁄 𑀢𑀺𑀭𑁄𑀧𑀩𑁆𑀩𑀢𑀁, 𑀲𑁄𑀢𑀲𑁆𑀲 𑀧𑀢𑀺 𑀧𑀯𑀢𑁆𑀢𑀢𑀺 𑀦𑀸𑀯𑀸 𑀇𑀢𑀺 𑀧𑀢𑀺𑀲𑁄𑀢𑀁, 𑀧𑀸𑀲𑀸𑀤𑀲𑁆𑀲 𑀅𑀦𑁆𑀢𑁄 𑀅𑀦𑁆𑀢𑁄𑀧𑀸𑀲𑀸𑀤𑀁.
𑀅𑀩𑁆𑀬𑀬𑀻𑀪𑀸𑀯𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀁𑀯𑀺𑀪𑀢𑁆𑀢𑀻𑀦 𑀫𑀓𑀸𑀭𑀦𑁆𑀢𑀸 𑀅𑀩𑁆𑀬𑀬𑀻𑀪𑀸𑀯𑀸.
𑀲𑁄 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑁄 𑀦𑀧𑀼𑀁𑀲𑀓𑀮𑀺𑀗𑁆𑀕𑁄𑀯 𑀤𑀝𑁆𑀞𑀩𑁆𑀩𑁄.
𑀓𑀼𑀫𑀸𑀭𑀻𑀲𑀼 𑀅𑀥𑀺𑀓𑀺𑀘𑁆𑀘 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀅𑀥𑀺𑀓𑀼𑀫𑀸𑀭𑀺, 𑀯𑀥𑀼𑀬𑀸 𑀲𑀫𑀻𑀧𑁂 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀉𑀧𑀯𑀥𑀼, 𑀕𑀗𑁆𑀕𑀸𑀬 𑀲𑀫𑀻𑀧𑁂 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀉𑀧𑀕𑀗𑁆𑀕𑀁, 𑀫𑀡𑀺𑀓𑀸𑀬 𑀲𑀫𑀻𑀧𑁂 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀉𑀧𑀫𑀡𑀺𑀓𑀁.
𑀤𑀺𑀕𑀼𑀲𑁆𑀲 𑀲𑀫𑀸𑀲𑀲𑁆𑀲 𑀏𑀓𑀢𑁆𑀢𑀁 𑀳𑁄𑀢𑀺, 𑀦𑀧𑀼𑀁𑀲𑀓𑀮𑀺𑀗𑁆𑀕𑀢𑁆𑀢𑀜𑁆𑀘.
𑀢𑀬𑁄 ¶ 𑀮𑁄𑀓𑀸 𑀢𑀺𑀮𑁄𑀓𑀁, 𑀢𑀬𑁄 𑀤𑀡𑁆𑀟𑀸 𑀢𑀺𑀤𑀡𑁆𑀟𑀁, 𑀢𑀻𑀡𑀺 𑀦𑀬𑀦𑀸𑀦𑀺 𑀢𑀺𑀦𑀬𑀦𑀁, 𑀢𑀬𑁄 𑀲𑀺𑀗𑁆𑀕𑀸 𑀢𑀺𑀲𑀺𑀗𑁆𑀕𑀁. 𑀘𑀢𑀲𑁆𑀲𑁄 𑀤𑀺𑀲𑀸 𑀘𑀢𑀼𑀤𑁆𑀤𑀺𑀲𑀁, 𑀧𑀜𑁆𑀘 𑀇𑀦𑁆𑀤𑁆𑀭𑀺𑀬𑀸𑀦𑀺 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀁.
𑁩𑁨𑁨, 𑁩𑁫𑁯. 𑀢𑀣𑀸 𑀤𑁆𑀯𑀦𑁆𑀤𑁂 𑀧𑀸𑀡𑀺 𑀢𑀽𑀭𑀺𑀬 𑀬𑁄𑀕𑁆𑀕𑀲𑁂𑀦𑀗𑁆𑀕𑀔𑀼𑀤𑁆𑀤𑀚𑀦𑁆𑀢𑀼𑀓 𑀯𑀺𑀯𑀺𑀥𑀯𑀺𑀭𑀼𑀤𑁆𑀥 𑀯𑀺𑀲𑀪𑀸𑀕𑀢𑁆𑀣𑀸𑀤𑀻𑀦𑀜𑁆𑀘.
𑀢𑀣𑀸 𑀤𑁆𑀯𑀦𑁆𑀤𑁂 𑀲𑀫𑀸𑀲𑁂 𑀧𑀸𑀡𑀺 𑀢𑀽𑀭𑀺𑀬 𑀬𑁄𑀕𑁆𑀕 𑀲𑁂𑀦𑀗𑁆𑀕𑀔𑀼𑀤𑁆𑀤𑀚𑀦𑁆𑀢𑀼𑀓 𑀯𑀺𑀯𑀺𑀥𑀯𑀺𑀭𑀼𑀤𑁆𑀥 𑀯𑀺𑀲𑀪𑀸𑀕𑀢𑁆𑀣𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀏𑀓𑀢𑁆𑀢𑀁 𑀳𑁄𑀢𑀺, 𑀦𑀧𑀼𑀁𑀲𑀓𑀮𑀺𑀗𑁆𑀕𑀢𑁆𑀢𑀜𑁆𑀘.
𑀢𑀁 𑀬𑀣𑀸? 𑀘𑀓𑁆𑀔𑀼 𑀘 𑀲𑁄𑀢𑀜𑁆𑀘 𑀘𑀓𑁆𑀔𑀼𑀲𑁄𑀢𑀁, 𑀫𑀼𑀔𑀜𑁆𑀘 𑀦𑀸𑀲𑀺𑀓𑀸 𑀘 𑀫𑀼𑀔𑀦𑀸𑀲𑀺𑀓𑀁, 𑀙𑀯𑀺 𑀘 𑀫𑀁𑀲𑀜𑁆𑀘 𑀮𑁄𑀳𑀺𑀢𑀜𑁆𑀘 𑀙𑀯𑀺𑀫𑀁𑀲𑀮𑁄𑀳𑀺𑀢𑀁. 𑀏𑀯𑀁 𑀧𑀸𑀡𑁆𑀬𑀗𑁆𑀕𑀢𑁆𑀣𑁂.
𑀲𑀗𑁆𑀔𑁄 𑀘 𑀧𑀡𑀯𑁄 𑀘 𑀲𑀗𑁆𑀔𑀧𑀡𑀯𑀁, 𑀕𑀻𑀢𑀜𑁆𑀘 𑀯𑀸𑀤𑀺𑀢𑀜𑁆𑀘 𑀕𑀻𑀢𑀯𑀸𑀤𑀺𑀢𑀁, 𑀤𑀤𑁆𑀤𑀭𑀺 𑀘 𑀟𑀺𑀡𑁆𑀟𑀺𑀫𑁄 𑀘 𑀤𑀤𑁆𑀤𑀭𑀺𑀟𑀺𑀡𑁆𑀟𑀺𑀫𑀁. 𑀏𑀯𑀁 𑀢𑀽𑀭𑀺𑀬𑀗𑁆𑀕𑀢𑁆𑀣𑁂.
𑀨𑀸𑀮𑁄 𑀘 𑀧𑀸𑀘𑀦𑀜𑁆𑀘 𑀨𑀸𑀮𑀧𑀸𑀘𑀦𑀁, 𑀬𑀼𑀕𑀜𑁆𑀘 𑀦𑀗𑁆𑀕𑀮𑀜𑁆𑀘 𑀬𑀼𑀕𑀦𑀗𑁆𑀕𑀮𑀁. 𑀏𑀯𑀁 𑀬𑁄𑀕𑁆𑀕𑀗𑁆𑀕𑀢𑁆𑀣𑁂.
𑀅𑀲𑀺 𑀘 𑀘𑀫𑁆𑀫𑀜𑁆𑀘 𑀅𑀲𑀺𑀘𑀫𑁆𑀫𑀁, 𑀥𑀦𑀼 𑀘 𑀓𑀮𑀸𑀧𑁄 𑀘 𑀥𑀦𑀼𑀓𑀮𑀸𑀧𑀁, 𑀳𑀢𑁆𑀣𑀻 𑀘 𑀅𑀲𑁆𑀲𑁄 𑀘 𑀳𑀢𑁆𑀣𑀺𑀅𑀲𑁆𑀲𑀁, 𑀭𑀣𑁄 𑀘 𑀧𑀢𑁆𑀢𑀺𑀓𑁄 𑀘 𑀭𑀣𑀧𑀢𑁆𑀢𑀺𑀓𑀁. 𑀏𑀯𑀁 𑀲𑁂𑀦𑀗𑁆𑀕𑀢𑁆𑀣𑁂.
𑀟𑀁𑀲𑀸 ¶ 𑀘 𑀫𑀓𑀲𑀸 𑀘 𑀟𑀁𑀲𑀫𑀓𑀲𑀁, 𑀓𑀼𑀦𑁆𑀣𑁄 𑀘 𑀓𑀺𑀧𑀺𑀮𑁆𑀮𑀺𑀓𑁄 𑀘 𑀓𑀼𑀦𑁆𑀣𑀓𑀺𑀧𑀺𑀮𑁆𑀮𑀺𑀓𑀁, 𑀓𑀻𑀝𑁄 𑀘 𑀲𑀭𑀻𑀲𑀧𑁄 𑀘 𑀓𑀻𑀝𑀲𑀭𑀻𑀲𑀧𑀁. 𑀏𑀯𑀁 𑀔𑀼𑀤𑁆𑀤𑀚𑀦𑁆𑀢𑀼𑀓𑀢𑁆𑀣𑁂.
𑀅𑀳𑀺 𑀘 𑀦𑀓𑀼𑀮𑁄 𑀘 𑀅𑀳𑀺𑀦𑀓𑀼𑀮𑀁, 𑀩𑀺𑀴𑀸𑀭𑁄 𑀘 𑀫𑀽𑀲𑀺𑀓𑁄 𑀘 𑀩𑀺𑀴𑀸𑀭𑀫𑀽𑀲𑀺𑀓𑀁, 𑀓𑀸𑀓𑁄 𑀘 𑀉𑀮𑀽𑀓𑁄 𑀘 𑀓𑀸𑀓𑁄𑀮𑀽𑀓𑀁. 𑀏𑀯𑀁 𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀢𑁆𑀣𑁂.
𑀲𑀻𑀮𑀜𑁆𑀘 𑀧𑀜𑁆𑀜𑀸𑀡𑀜𑁆𑀘 𑀲𑀻𑀮𑀧𑀜𑁆𑀜𑀸𑀡𑀁, 𑀲𑀫𑀣𑁄 𑀘 𑀯𑀺𑀧𑀲𑁆𑀲𑀦𑀸 𑀘 𑀲𑀫𑀣𑀯𑀺𑀧𑀲𑁆𑀲𑀦𑀁, 𑀯𑀺𑀚𑁆𑀚𑀸 𑀘 𑀘𑀭𑀡𑀜𑁆𑀘 𑀯𑀺𑀚𑁆𑀚𑀸𑀘𑀭𑀡𑀁. 𑀏𑀯𑀁 𑀯𑀺𑀲𑀪𑀸𑀕𑀢𑁆𑀣𑁂.
𑀆𑀤𑀺𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀤𑀸𑀲𑀻 𑀘 𑀤𑀸𑀲𑁄 𑀘 𑀤𑀸𑀲𑀺𑀤𑀸𑀲𑀁, 𑀇𑀢𑁆𑀣𑀻 𑀘 𑀧𑀼𑀫𑀸 𑀘 𑀇𑀢𑁆𑀣𑀺𑀧𑀼𑀫𑀁, 𑀧𑀢𑁆𑀢𑁄 𑀘 𑀘𑀻𑀯𑀭𑀜𑁆𑀘 𑀧𑀢𑁆𑀢𑀘𑀻𑀯𑀭𑀁, 𑀙𑀢𑁆𑀢𑀜𑁆𑀘 𑀉𑀧𑀸𑀳𑀦𑀸 𑀘 𑀙𑀢𑁆𑀢𑀼𑀧𑀸𑀳𑀦𑀁, 𑀢𑀺𑀓𑀜𑁆𑀘 𑀘𑀢𑀼𑀓𑁆𑀓𑀜𑁆𑀘 𑀢𑀺𑀓𑀘𑀢𑀼𑀓𑁆𑀓𑀁, 𑀯𑁂𑀦𑁄 𑀘 𑀭𑀣𑀓𑀸𑀭𑁄 𑀘 𑀯𑁂𑀦𑀭𑀣𑀓𑀸𑀭𑀁, 𑀲𑀸𑀓𑀼𑀡𑀺𑀓𑁄 𑀘 𑀫𑀸𑀕𑀯𑀺𑀓𑁄 𑀘 𑀲𑀯𑀓𑀼𑀡𑀺𑀓𑀫𑀸𑀕𑀯𑀺𑀓𑀁, 𑀤𑀻𑀖𑁄 𑀘 𑀫𑀚𑁆𑀛𑀺𑀫𑁄 𑀘 𑀤𑀻𑀖𑀫𑀚𑁆𑀛𑀺𑀫𑀁 𑀇𑀘𑁆𑀘𑁂𑀯𑀫𑀸𑀤𑀺.
𑁩𑁨𑁩, 𑁩𑁬𑁦. 𑀯𑀺𑀪𑀸𑀲𑀸 𑀭𑀼𑀓𑁆𑀔 𑀢𑀺𑀡 𑀧𑀲𑀼𑀔 𑀦 𑀥𑀜𑁆𑀜 𑀚𑀦𑀧𑀤𑀸𑀤𑀻𑀦𑀜𑁆𑀘.
𑀭𑀼𑀓𑁆𑀔𑀢𑀺𑀡 𑀧𑀲𑀼 𑀥𑀦 𑀥𑀜𑁆𑀜 𑀚𑀦𑀧𑀤𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀯𑀺𑀪𑀸𑀲𑀸 𑀏𑀓𑀢𑁆𑀢𑀁 𑀳𑁄𑀢𑀺, 𑀦𑀧𑀼𑀁𑀲𑀓𑀮𑀺𑀗𑁆𑀕𑀢𑁆𑀢𑀜𑁆𑀘 𑀤𑁆𑀯𑀦𑁆𑀤𑁂 𑀲𑀫𑀸𑀲𑁂. 𑀅𑀲𑁆𑀲𑀢𑁆𑀣𑁄 ¶ 𑀘 𑀓𑀧𑀻𑀢𑀦𑁄 𑀘 𑀅𑀲𑁆𑀲𑀢𑁆𑀣𑀓𑀧𑀻𑀢𑀦𑀁, 𑀅𑀲𑁆𑀲𑀢𑁆𑀣𑀓𑀧𑀻𑀢𑀦𑀸 𑀯𑀸. 𑀉𑀲𑀻𑀭𑀜𑁆𑀘 𑀩𑀻𑀭𑀡𑀜𑁆𑀘 𑀉𑀲𑀻𑀭𑀩𑀻𑀭𑀡𑀁, 𑀉𑀲𑀻𑀭𑀩𑀻𑀭𑀡𑀸 𑀯𑀸. 𑀅𑀚𑁄 𑀘 𑀏𑀴𑀓𑁄 𑀘 𑀅𑀚𑁂𑀴𑀓𑀁, 𑀅𑀚𑁂𑀴𑀓𑀸 𑀯𑀸. 𑀳𑀺𑀭𑀜𑁆𑀜𑀜𑁆𑀘 𑀲𑀼𑀯𑀡𑁆𑀡𑀜𑁆𑀘 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀁, 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀸 𑀯𑀸. 𑀲𑀸𑀮𑀺 𑀘 𑀬𑀯𑁄 𑀘 𑀲𑀸𑀮𑀺𑀬𑀯𑀁, 𑀲𑀸𑀮𑀺𑀬𑀯𑀸 𑀯𑀸. 𑀓𑀸𑀲𑀻 𑀘 𑀓𑁄𑀲𑀮𑀸 𑀘 𑀓𑀸𑀲𑀺𑀓𑁄𑀲𑀮𑀁, 𑀓𑀸𑀲𑀺𑀓𑁄𑀲𑀮𑀸 𑀯𑀸.
𑀆𑀤𑀺𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀲𑀸𑀯𑀚𑁆𑀚𑀜𑁆𑀘 𑀅𑀦𑀯𑀚𑁆𑀚𑀜𑁆𑀘 𑀲𑀸𑀯𑀚𑁆𑀚𑀸𑀦𑀯𑀚𑁆𑀚𑀁, 𑀲𑀸𑀯𑀚𑁆𑀚𑀸 𑀦𑀯𑀚𑁆𑀚𑀸 𑀯𑀸. 𑀳𑀻𑀦𑀜𑁆𑀘 𑀧𑀡𑀻𑀢𑀜𑁆𑀘 𑀳𑀻𑀦𑀧𑀡𑀻𑀢𑀁. 𑀳𑀻𑀦𑀧𑀡𑀻𑀢𑀸 𑀯𑀸. 𑀓𑀡𑁆𑀳𑁄 𑀘 𑀲𑀼𑀓𑁆𑀓𑁄 𑀘 𑀓𑀡𑁆𑀳𑀲𑀼𑀓𑁆𑀓𑀁, 𑀓𑀡𑁆𑀳𑀲𑀼𑀓𑁆𑀓𑀸 𑀯𑀸.
𑁩𑁨𑁪, 𑁩𑁩𑁯. 𑀤𑁆𑀯𑀺𑀧𑀤𑁂 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀓𑀫𑁆𑀫𑀥𑀸𑀭𑀬𑁄.
𑀤𑁆𑀯𑁂 𑀧𑀤𑀸𑀦𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑀸𑀦𑀺 𑀬𑀤𑀸 𑀲𑀫𑀲𑁆𑀬𑀦𑁆𑀢𑁂, 𑀢𑀤𑀸 𑀲𑁄 𑀲𑀫𑀸𑀲𑁄 𑀓𑀫𑁆𑀫𑀥𑀸𑀭𑀬𑀲𑀜𑁆𑀜𑁄 𑀳𑁄𑀢𑀺.
𑀫𑀳𑀦𑁆𑀢𑁄 ¶ 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀫𑀳𑀸𑀧𑀼𑀭𑀺𑀲𑁄, 𑀓𑀡𑁆𑀳𑁄 𑀘 𑀲𑁄 𑀲𑀧𑁆𑀧𑁄 𑀘𑀸𑀢𑀺 𑀓𑀡𑁆𑀳𑀲𑀧𑁆𑀧𑁄, 𑀦𑀻𑀮𑀜𑁆𑀘 𑀢𑀁 𑀉𑀧𑁆𑀧𑀮𑀜𑁆𑀘𑀸𑀢𑀺 𑀦𑀻𑀮𑀼𑀧𑁆𑀧𑀮𑀁, 𑀮𑁄𑀳𑀺𑀢𑀜𑁆𑀘 𑀢𑀁 𑀘𑀦𑁆𑀤𑀦𑀜𑁆𑀘𑀸𑀢𑀺 𑀮𑁄𑀳𑀺𑀢𑀘𑀦𑁆𑀤𑀦𑀁, 𑀩𑁆𑀭𑀸𑀳𑁆𑀫𑀡𑀻 𑀘 𑀲𑀸 𑀤𑀸𑀭𑀺𑀓𑀸 𑀘𑀸𑀢𑀺 𑀩𑁆𑀭𑀸𑀳𑁆𑀫𑀡𑀤𑀸𑀭𑀺𑀓𑀸, 𑀔𑀢𑁆𑀢𑀺𑀬𑀸 𑀘 𑀲𑀸 𑀓𑀜𑁆𑀜𑀸 𑀘𑀸𑀢𑀺 𑀔𑀢𑁆𑀢𑀺𑀬𑀓𑀜𑁆𑀜𑀸.
𑀓𑀫𑁆𑀫𑀥𑀸𑀭𑀬𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑀫𑁆𑀫𑀥𑀸𑀭𑀬𑀲𑀜𑁆𑀜𑁂 𑀘.
𑀲𑀗𑁆𑀔𑁆𑀬𑀸𑀧𑀼𑀩𑁆𑀩𑁄 𑀓𑀫𑁆𑀫𑀥𑀸𑀭𑀬𑀲𑀫𑀸𑀲𑁄 𑀤𑀺𑀕𑀼𑀲𑀜𑁆𑀜𑁄 𑀳𑁄𑀢𑀺.
𑀢𑀻𑀡𑀺 𑀫𑀮𑀸𑀦𑀺 𑀢𑀺𑀫𑀮𑀁, 𑀢𑀻𑀡𑀺 𑀨𑀮𑀸𑀦𑀺 𑀢𑀺𑀨𑀮𑀁, 𑀢𑀬𑁄 𑀮𑁄𑀓𑀸 𑀢𑀺𑀮𑁄𑀓𑀁, 𑀢𑀬𑁄 𑀤𑀡𑁆𑀟𑀸 𑀢𑀺𑀤𑀡𑁆𑀟𑀁, 𑀘𑀢𑀲𑁆𑀲𑁄 𑀤𑀺𑀲𑀸 𑀘𑀢𑀼𑀤𑁆𑀤𑀺𑀲𑀁, 𑀧𑀜𑁆𑀘 𑀇𑀦𑁆𑀤𑁆𑀭𑀺𑀬𑀸𑀦𑀺 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀁, 𑀲𑀢𑁆𑀢 𑀕𑁄𑀤𑀸𑀯𑀭𑀺𑀬𑁄 𑀲𑀢𑁆𑀢𑀕𑁄𑀤𑀸𑀯𑀭𑀁.
𑀤𑀺𑀕𑀼𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀤𑀺𑀕𑀼𑀲𑁆𑀲𑁂 𑀓𑀢𑁆𑀢𑀁.
𑀉𑀪𑁂 𑀤𑀺𑀕𑀼𑀓𑀫𑁆𑀫𑀥𑀸𑀭𑀬𑀲𑀫𑀸𑀲𑀸 𑀢𑀧𑁆𑀧𑀼𑀭𑀺𑀲𑀲𑀜𑁆𑀜𑀸 𑀳𑁄𑀦𑁆𑀢𑀺.
𑀦 𑀩𑁆𑀭𑀸𑀳𑁆𑀫𑀡𑁄 𑀅𑀩𑁆𑀭𑀸𑀳𑁆𑀫𑀡𑁄, 𑀦 𑀯𑀲𑀮𑁄 𑀅𑀯𑀲𑀮𑁄, 𑀦 𑀪𑀺𑀓𑁆𑀔𑀼 𑀅𑀪𑀺𑀓𑁆𑀔𑀼, 𑀦 𑀧𑀜𑁆𑀘𑀯𑀲𑁆𑀲𑀁 𑀅𑀧𑀜𑁆𑀘𑀯𑀲𑁆𑀲𑀁, 𑀦 ¶ 𑀧𑀜𑁆𑀘𑀧𑀽𑀮𑀻 𑀅𑀧𑀜𑁆𑀘𑀧𑀽𑀮𑀻, 𑀦 𑀲𑀢𑁆𑀢𑀕𑁄𑀤𑀸𑀯𑀭𑀁𑀅𑀲𑀢𑁆𑀢𑀕𑁄𑀤𑀸𑀯𑀭𑀁, 𑀦 𑀤𑀲𑀕𑀯𑀁 𑀅𑀤𑀲𑀕𑀯𑀁, 𑀦 𑀧𑀜𑁆𑀘𑀕𑀯𑀁 𑀅𑀧𑀜𑁆𑀘𑀕𑀯𑀁.
𑀢𑀧𑁆𑀧𑀼𑀭𑀺𑀲𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀢𑁆𑀢𑀁 𑀦𑀲𑁆𑀲 𑀢𑀧𑁆𑀧𑀼𑀭𑀺𑀲𑁂.
𑀢𑀸 𑀅𑀫𑀸𑀤𑀬𑁄 𑀦𑀸𑀫𑁂𑀳𑀺 𑀧𑀭𑀧𑀤𑁂𑀪𑀺 𑀬𑀤𑀸 𑀲𑀫𑀲𑁆𑀬𑀦𑁆𑀢𑁂, 𑀢𑀤𑀸 𑀲𑁄 𑀲𑀫𑀸𑀲𑁄 𑀢𑀧𑁆𑀧𑀼𑀭𑀺𑀲𑀲𑀜𑁆𑀜𑁄 𑀳𑁄𑀢𑀺.
𑀪𑀽𑀫𑀺𑀁 𑀕𑀢𑁄 𑀪𑀽𑀫𑀺𑀕𑀢𑁄, 𑀲𑀩𑁆𑀩𑀭𑀢𑁆𑀢𑀺𑀁 𑀲𑁄𑀪𑀡𑁄 𑀲𑀩𑁆𑀩𑀭𑀢𑁆𑀢𑀺𑀲𑁄𑀪𑀡𑁄. 𑀅𑀧𑀸𑀬𑀁 𑀕𑀢𑁄 𑀅𑀧𑀸𑀬𑀕𑀢𑁄, 𑀇𑀲𑁆𑀲𑀭𑁂𑀦 𑀓𑀢𑀁 𑀇𑀲𑁆𑀲𑀭𑀓𑀢𑀁, 𑀲𑀮𑁆𑀮𑁂𑀦 𑀯𑀺𑀤𑁆𑀥𑁄 𑀲𑀮𑁆𑀮𑀯𑀺𑀤𑁆𑀥𑁄, 𑀓𑀣𑀺𑀦𑀲𑁆𑀲 𑀤𑀼𑀲𑁆𑀲𑀁 𑀓𑀣𑀺𑀦𑀤𑀼𑀲𑁆𑀲𑀁, 𑀆𑀕𑀦𑁆𑀢𑀼𑀓𑀲𑁆𑀲 𑀪𑀢𑁆𑀢𑀁 𑀆𑀕𑀦𑁆𑀢𑀼𑀓𑀪𑀢𑁆𑀢𑀁, 𑀫𑁂𑀣𑀼𑀦𑀸 𑀅𑀧𑁂𑀢𑁄 𑀫𑁂𑀣𑀼𑀦𑀸𑀧𑁂𑀢𑁄, 𑀘𑁄𑀭𑀸 𑀪𑀬𑀁 𑀘𑁄𑀭𑀪𑀬𑀁, 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀭𑀸𑀚𑀧𑀼𑀢𑁆𑀢𑁄, 𑀥𑀜𑁆𑀜𑀸𑀦𑀁 𑀭𑀸𑀲𑀺 𑀥𑀜𑁆𑀜𑀭𑀸𑀲𑀺, 𑀭𑀽𑀧𑁂 𑀲𑀜𑁆𑀜𑀸 𑀭𑀽𑀧𑀲𑀜𑁆𑀜𑀸, 𑀲𑀁𑀲𑀸𑀭𑁂 𑀤𑀼𑀓𑁆𑀔𑀁 𑀲𑀁𑀲𑀸𑀭𑀤𑀼𑀓𑁆𑀔𑀁.
𑁩𑁨𑁮, 𑁩𑁫𑁨. 𑀅𑀜𑁆𑀜𑀧𑀤𑀢𑁆𑀣𑁂𑀲𑀼 𑀩𑀳𑀼𑀩𑁆𑀩𑀻𑀳𑀺.
𑀅𑀜𑁆𑀜𑁂𑀲𑀁 𑀧𑀤𑀸𑀦𑀁 𑀅𑀢𑁆𑀣𑁂𑀲𑀼 𑀤𑁆𑀯𑁂 𑀦𑀸𑀫𑀸𑀦𑀺 𑀩𑀳𑀽𑀦𑀺 𑀦𑀸𑀫𑀸𑀦𑀺 𑀬𑀤𑀸 𑀲𑀫𑀲𑁆𑀬𑀦𑁆𑀢𑁂, 𑀢𑀤𑀸 𑀲𑁄 𑀲𑀫𑀸𑀲𑁄 𑀩𑀳𑀼𑀩𑁆𑀩𑀻𑀳𑀺 𑀲𑀜𑁆𑀜𑁄 𑀳𑁄𑀢𑀺.
𑀆𑀕𑀢𑀸 ¶ 𑀲𑀫𑀡𑀸 𑀇𑀫𑀁 𑀲𑀗𑁆𑀖𑀸𑀭𑀸𑀫𑀁 𑀲𑁄𑀬𑀁 𑀆𑀕𑀢𑀲𑀫𑀡𑁄, 𑀲𑀗𑁆𑀖𑀸𑀭𑀸𑀫𑁄. 𑀚𑀺𑀢𑀸𑀦𑀺 𑀇𑀦𑁆𑀤𑁆𑀭𑀺𑀬𑀸𑀦𑀺 𑀅𑀦𑁂𑀦 𑀲𑀫𑀡𑁂𑀦 𑀲𑁄𑀬𑀁 𑀚𑀺𑀢𑀺𑀦𑁆𑀤𑁆𑀭𑀺𑀬𑁄, 𑀲𑀫𑀡𑁄. 𑀤𑀺𑀦𑁆𑀦𑁄 𑀲𑀼𑀗𑁆𑀓𑁄 𑀬𑀲𑁆𑀲 𑀭𑀜𑁆𑀜𑁄 𑀲𑁄𑀬𑀁 𑀤𑀺𑀦𑁆𑀦𑀲𑀼𑀗𑁆𑀓𑁄, 𑀭𑀸𑀚𑀸. 𑀦𑀺𑀕𑁆𑀕𑀢𑀸 𑀚𑀦𑀸 𑀅𑀲𑁆𑀫𑀸 𑀕𑀸𑀫𑀸 𑀲𑁄𑀬𑀁 𑀦𑀺𑀕𑁆𑀕𑀢𑀚𑀦𑁄, 𑀕𑀸𑀫𑁄. 𑀙𑀺𑀦𑁆𑀦𑁄 𑀳𑀢𑁆𑀢𑁄 𑀬𑀲𑁆𑀲 𑀧𑀼𑀭𑀺𑀲𑀲𑁆𑀲 𑀲𑁄𑀬𑀁 𑀙𑀺𑀦𑁆𑀦𑀳𑀢𑁆𑀣𑁄, 𑀧𑀼𑀭𑀺𑀲𑁄. 𑀲𑀫𑁆𑀧𑀦𑁆𑀦𑀸𑀦𑀺 𑀲𑀲𑁆𑀲𑀸𑀦𑀺 𑀬𑀲𑁆𑀫𑀺𑀁 𑀚𑀦𑀧𑀤𑁂 𑀲𑁄𑀬𑀁 𑀲𑀫𑁆𑀧𑀦𑁆𑀦𑀲𑀲𑁆𑀲𑁄, 𑀚𑀦𑀧𑀤𑁄.
𑀦𑀺𑀕𑁆𑀭𑁄𑀥𑀲𑁆𑀲 𑀧𑀭𑀺𑀫𑀡𑁆𑀟𑀮𑁄 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄, 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄 𑀇𑀯 𑀧𑀭𑀺𑀫𑀡𑁆𑀟𑀮𑁄 𑀬𑁄 𑀭𑀸𑀚𑀓𑀼𑀫𑀸𑀭𑁄 𑀲𑁄𑀬𑀁 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄. 𑀅𑀣 𑀯𑀸 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄 𑀇𑀯 𑀧𑀭𑀺𑀫𑀡𑁆𑀟𑀮𑁄 𑀬𑀲𑁆𑀲 𑀭𑀸𑀚𑀓𑀼𑀫𑀸𑀭𑀲𑁆𑀲 𑀲𑁄𑀬𑀁 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄, 𑀭𑀸𑀚𑀓𑀼𑀫𑀸𑀭𑁄.
𑀘𑀓𑁆𑀔𑀼𑀦𑁄 𑀪𑀽𑀢𑁄 𑀘𑀓𑁆𑀔𑀼𑀪𑀽𑀢𑁄, 𑀘𑀓𑁆𑀔𑀼𑀪𑀽𑀢𑁄 𑀇𑀯 𑀪𑀽𑀢𑁄 𑀬𑁄 𑀪𑀕𑀯𑀸 𑀲𑁄𑀬𑀁 𑀘𑀓𑁆𑀔𑀼𑀪𑀽𑀢𑁄, 𑀪𑀕𑀯𑀸.
𑀲𑀼𑀯𑀡𑁆𑀡𑀲𑁆𑀲 𑀯𑀡𑁆𑀡𑁄 𑀲𑀼𑀯𑀡𑁆𑀡𑀯𑀡𑁆𑀡𑁄, 𑀲𑀼𑀯𑀡𑁆𑀡𑀯𑀡𑁆𑀡𑁄 𑀯𑀺𑀬 𑀯𑀡𑁆𑀡𑁄 𑀬𑀲𑁆𑀲 𑀪𑀕𑀯𑀢𑁄 𑀲𑁄𑀬𑀁 𑀲𑀼𑀯𑀡𑁆𑀡𑀯𑀡𑁆𑀡𑁄, 𑀪𑀕𑀯𑀸.
𑀩𑁆𑀭𑀳𑁆𑀫𑀼𑀦𑁄 𑀲𑀭𑁄 𑀩𑁆𑀭𑀳𑁆𑀫𑀲𑁆𑀲𑀭𑁄, 𑀩𑁆𑀭𑀳𑁆𑀫𑀲𑁆𑀲𑀭𑁄 𑀯𑀺𑀬 𑀲𑀭𑁄 𑀬𑀲𑁆𑀲 𑀪𑀕𑀯𑀢𑁄 𑀲𑁄𑀬𑀁 𑀩𑁆𑀭𑀳𑁆𑀫𑀲𑁆𑀲𑀭𑁄, 𑀪𑀕𑀯𑀸.
𑀲𑀬𑀁 ¶ 𑀧𑀢𑀺𑀢 𑀧𑀡𑁆𑀡 𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑀸𑀳𑀸𑀭𑀸𑀢𑀺 𑀧𑀡𑁆𑀡𑀜𑁆𑀘 𑀧𑀼𑀧𑁆𑀨𑀜𑁆𑀘 𑀨𑀮𑀜𑁆𑀘 𑀧𑀡𑁆𑀡𑀧𑀼𑀧𑁆𑀨𑀨𑀮𑀸𑀦𑀺, 𑀲𑀬𑀫𑁂𑀯 𑀧𑀢𑀺𑀢𑀸𑀦𑀺 𑀲𑀬𑀁𑀧𑀢𑀺𑀢𑀸𑀦𑀺, 𑀲𑀬𑀁𑀧𑀢𑀺𑀢𑀸𑀦𑀺 𑀘 𑀢𑀸𑀦𑀺 𑀧𑀡𑁆𑀡𑀧𑀼𑀧𑁆𑀨𑀨𑀮𑀸𑀦𑀺 𑀘𑁂𑀢𑀺 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀸𑀦𑀺 𑀯𑀸𑀬𑀼 𑀘 𑀢𑁄𑀬𑀜𑁆𑀘 𑀯𑀸𑀬𑀼𑀢𑁄𑀬𑀸𑀦𑀺, 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀸𑀦𑀺 𑀘 𑀯𑀸𑀬𑀼𑀢𑁄𑀬𑀸𑀦𑀺 𑀘 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑀸𑀦𑀺. 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑀸𑀦𑀺 𑀆𑀳𑀸𑀭𑀸 𑀬𑁂𑀲𑀁 𑀢𑁂 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑀸𑀳𑀸𑀭𑀸, 𑀇𑀲𑀬𑁄. 𑀬𑀫𑁂𑀢𑁆𑀣 𑀯𑀢𑁆𑀢𑀩𑁆𑀩𑀁, 𑀢𑀁 𑀳𑁂𑀝𑁆𑀞𑀸 𑀯𑀼𑀢𑁆𑀢𑀫𑁂𑀯. 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀓𑀫𑁆𑀫𑀥𑀸𑀭𑀬𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀧𑀳𑀼𑀩𑁆𑀩𑀻𑀳𑀺.
𑀅𑀣 𑀯𑀸 𑁋 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑁂𑀳𑀺 𑀆𑀳𑀸𑀭𑀸 𑀬𑁂𑀲𑀁 𑀢𑁂 𑀲𑀬𑀁𑀧𑀢𑀺𑀢𑀧𑀡𑁆𑀡𑀧𑀼𑀧𑁆𑀨𑀨𑀮𑀯𑀸𑀬𑀼𑀢𑁄𑀬𑀸𑀳𑀸𑀭𑀸. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀦𑀸𑀦𑀸 𑀤𑀼𑀫𑀧𑀢𑀺𑀢 𑀧𑀼𑀧𑁆𑀨𑀯𑀸𑀲𑀺𑀢 𑀲𑀸𑀦𑀽𑀢𑀺 𑀦𑀸𑀦𑀸𑀧𑀓𑀸𑀭𑀸 𑀤𑀼𑀫𑀸 𑀦𑀸𑀦𑀸𑀤𑀼𑀫𑀸, 𑀦𑀸𑀦𑀸𑀤𑀼𑀫𑁂𑀳𑀺 𑀧𑀢𑀺𑀢𑀸𑀦𑀺 𑀦𑀸𑀦𑀸𑀤𑀼𑀫𑀧𑀢𑀺 𑀢𑀸𑀦𑀺, 𑀦𑀸𑀦𑀸𑀤𑀼𑀫𑀧𑀢𑀺𑀢𑀸𑀦𑀺 𑀘 𑀢𑀸𑀦𑀺 𑀧𑀼𑀧𑁆𑀨𑀸𑀦𑀺 𑀘𑁂𑀢𑀺 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀸𑀦𑀺, 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑁂𑀳𑀺 𑀯𑀸𑀲𑀺𑀢𑀸 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀸, 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀸 𑀲𑀸𑀦𑀽 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀲𑀸𑀦𑀼, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀓𑀫𑁆𑀫𑀥𑀸𑀭𑀬𑀢𑀧𑁆𑀧𑀼𑀭𑀺𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀣 ¶ 𑀯𑀸 𑁋 𑀯𑀸𑀲𑀺𑀢𑀸 𑀲𑀸𑀦𑀽 𑀯𑀸𑀲𑀺𑀢𑀲𑀸𑀦𑀼, 𑀲𑀸𑀧𑁂𑀓𑁆𑀔𑀢𑁆𑀢𑁂 𑀲𑀢𑀺𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄. 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑁂𑀳𑀺 𑀯𑀸𑀲𑀺𑀢𑀲𑀸𑀦𑀽 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀲𑀸𑀦𑀼, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀼𑀘𑀼𑀫𑁆𑀩𑀺𑀢𑀓𑀽𑀝𑁄𑀢𑀺 𑀅𑀫𑁆𑀩𑀼𑀁 𑀥𑀸𑀭𑁂𑀢𑀻𑀢𑀺 𑀅𑀫𑁆𑀩𑀼𑀥𑀭𑁄, 𑀓𑁄 𑀲𑁄? 𑀧𑀚𑁆𑀚𑀼𑀦𑁆𑀦𑁄. 𑀯𑀺𑀯𑀺𑀥𑀸 𑀆𑀮𑀫𑁆𑀩𑁄 𑀩𑁆𑀬𑀸𑀮𑀫𑁆𑀩𑁄, 𑀩𑁆𑀬𑀸𑀮𑀫𑁆𑀩𑁄 𑀘 𑀲𑁄 𑀅𑀫𑁆𑀩𑀼𑀥𑀭𑁄 𑀘𑀸𑀢𑀺 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑁄, 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀲𑁆𑀲 𑀩𑀺𑀦𑁆𑀤𑀽 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀽, 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀽𑀳𑀺 𑀘𑀼𑀫𑁆𑀩𑀺𑀢𑁄 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀼𑀘𑀼𑀫𑁆𑀩𑀺𑀢𑁄, 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀭𑁂𑀩𑀺𑀦𑁆𑀤𑀼𑀘𑀼𑀫𑁆𑀩𑀺𑀢𑁄 𑀓𑀽𑀝𑁄 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀼𑀘𑀼𑀫𑁆𑀩𑀺𑀢𑀓𑀽𑀝𑁄. 𑀅𑀬𑀁 𑀧𑀦 𑀓𑀫𑁆𑀫𑀥𑀸𑀭𑀬𑀢𑀧𑁆𑀧𑀼𑀭𑀺𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀣 𑀯𑀸 𑁋 𑀘𑀼𑀫𑁆𑀩𑀺𑀢𑁄 𑀓𑀽𑀝𑁄 𑀘𑀼𑀫𑁆𑀩𑀺𑀢𑀓𑀽𑀝𑁄, 𑀲𑀸𑀧𑁂𑀓𑁆𑀔𑀢𑁆𑀢𑁂 𑀲𑀢𑀺𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄. 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀽𑀳𑀺 𑀘𑀼𑀫𑁆𑀩𑀺𑀢𑀓𑀽𑀝𑁄 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀩𑁆𑀬𑀸𑀮𑀫𑁆𑀩𑀫𑁆𑀩𑀼𑀥𑀭𑀩𑀺𑀦𑁆𑀤𑀼𑀘𑀼𑀫𑁆𑀩𑀺𑀢𑀓𑀽𑀝𑁄. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀫𑀺𑀢 𑀩𑀮 𑀧𑀭𑀓𑁆𑀓𑀫𑀚𑀼𑀢𑀻𑀢𑀺 𑀦 𑀫𑀺𑀢𑀸 𑀅𑀫𑀺𑀢𑀸, 𑀩𑀮𑀜𑁆𑀘 𑀧𑀭𑀓𑁆𑀓𑀫𑁄 𑀘 𑀚𑀼𑀢𑀺 𑀘 𑀩𑀮𑀧𑀭𑀓𑁆𑀓𑀫𑀚𑀼𑀢𑀺𑀬𑁄, 𑀅𑀫𑀺𑀢𑀸 𑀩𑀮𑀧𑀭𑀓𑁆𑀓𑀫𑀚𑀼𑀢𑀺𑀬𑁄 𑀬𑀲𑁆𑀲 𑀲𑁄𑀬𑀁 𑀅𑀫𑀺𑀢𑀩𑀮𑀧𑀭𑀓𑁆𑀓𑀫𑀚𑀼𑀢𑀺, 𑀅𑀬𑀁 𑀧𑀦 𑀓𑀫𑁆𑀫𑀥𑀸𑀭𑀬𑀤𑁆𑀯𑀦𑁆𑀤𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀧𑀻𑀡𑁄𑀭𑀓𑁆𑀔𑀁𑀲 ¶ 𑀩𑀸𑀳𑀽𑀢𑀺 𑀉𑀭𑁄 𑀘 𑀅𑀓𑁆𑀔𑀜𑁆𑀘 𑀅𑀁𑀲𑁄 𑀘 𑀩𑀸𑀳𑀼 𑀘 𑀉𑀭𑀓𑁆𑀔𑀁𑀲𑀩𑀸𑀳𑀯𑁄, 𑀧𑀻𑀡𑀸 𑀉𑀭𑀓𑁆𑀔𑀁𑀲𑀩𑀸𑀳𑀯𑁄 𑀬𑀲𑁆𑀲 𑀪𑀕𑀯𑀢𑁄 𑀲𑁄𑀬𑀁 𑀧𑀻𑀡𑁄𑀭𑀓𑁆𑀔𑀁𑀲𑀩𑀸𑀳𑀼. 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀯𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀧𑀻𑀡 𑀕𑀡𑁆𑀟 𑀯𑀤𑀦 𑀣𑀦𑀽𑀭𑀼𑀚𑀖𑀦𑀸𑀢𑀺 𑀕𑀡𑁆𑀟𑁄 𑀘 𑀯𑀤𑀦𑀜𑁆𑀘 𑀣𑀦𑁄 𑀘 𑀊𑀭𑀼 𑀘 𑀚𑀖𑀦𑀜𑁆𑀘 𑀕𑀡𑁆𑀟𑀯𑀤𑀦𑀣𑀦𑀽𑀭𑀼𑀚𑀖𑀦𑀸, 𑀧𑀻𑀡𑀸 𑀕𑀡𑁆𑀟𑀯𑀤𑀦𑀣𑀦𑀽𑀭𑀼𑀚𑀖𑀦𑀸 𑀬𑀲𑁆𑀲𑀸 𑀲𑀸𑀬𑀁 𑀧𑀻𑀡𑀕𑀡𑁆𑀟𑀯𑀤𑀦𑀣𑀦𑀽𑀭𑀼𑀚𑀖𑀦𑀸. 𑀅𑀬𑀫𑁆𑀧𑀺 𑀤𑁆𑀯𑀦𑁆𑀤𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀯𑀯𑀭 𑀲𑀼𑀭𑀸𑀲𑀼𑀭 𑀕𑀭𑀼𑀟 𑀫𑀦𑀼𑀚 𑀪𑀼𑀚𑀕 𑀕𑀦𑁆𑀥𑀩𑁆𑀩 𑀫𑀓𑀼𑀝 𑀓𑀽𑀝 𑀘𑀼𑀫𑁆𑀩𑀺𑀢 𑀲𑁂𑀮𑀲𑀗𑁆𑀖𑀝𑁆𑀝𑀺𑀢 𑀘𑀭𑀡𑁄𑀢𑀺 𑀲𑀼𑀭𑀸 𑀘 𑀅𑀲𑀼𑀭𑀸 𑀘 𑀕𑀭𑀼𑀟𑀸 𑀘 𑀫𑀦𑀼𑀚𑀸 𑀘 𑀪𑀼𑀚𑀕𑀸 𑀘 𑀕𑀦𑁆𑀥𑀩𑁆𑀩𑀸 𑀘 𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀸, 𑀧𑀯𑀭𑀸 𑀘 𑀢𑁂 𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕 𑀕𑀦𑁆𑀥𑀩𑁆𑀩𑀸 𑀘𑁂𑀢𑀺 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀸, 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀸𑀦𑀁 𑀫𑀓𑀼𑀝𑀸𑀦𑀺 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀸𑀦𑀺, 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀸𑀦𑀁 𑀓𑀽𑀝𑀸𑀦𑀺 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀸𑀦𑀺, 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑁂𑀲𑀼 𑀘𑀼𑀫𑁆𑀩𑀺𑀢𑀸 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀸, 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀸 𑀘 𑀢𑁂 𑀲𑁂𑀮𑀸 𑀘𑀸𑀢𑀺 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑀸, 𑀧𑀯𑀭𑀲𑀼𑀭𑀸𑀲𑀼𑀭 𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑁂𑀳𑀺 𑀲𑀗𑁆𑀖𑀝𑁆𑀝𑀺𑀢𑀸 𑀧𑀯𑀭𑀲𑀼𑀭𑀸𑀲𑀼𑀭 𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑀲𑀗𑁆𑀖𑀝𑁆𑀝𑀺𑀢𑀸, 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑀲𑀗𑁆𑀖𑀝𑁆𑀝𑀺𑀢𑀸 𑀘𑀭𑀡𑀸 𑀬𑀲𑁆𑀲 𑀢𑀣𑀸𑀕𑀢𑀲𑁆𑀲 𑀲𑁄𑀬𑀁 ¶ 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑀲𑀗𑁆𑀖𑀝𑁆𑀝𑀺𑀢𑀘𑀭𑀡𑁄, 𑀢𑀣𑀸𑀕𑀢𑁄, 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀓𑀫𑁆𑀫𑀥𑀸𑀭𑀬𑀢𑀧𑁆𑀧𑀼𑀭𑀺𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀣 𑀯𑀸𑁋𑀲𑀗𑁆𑀖𑀝𑁆𑀝𑀺𑀢𑀸 𑀘𑀭𑀡𑀸 𑀲𑀗𑁆𑀖𑀝𑁆𑀝𑀺𑀢𑀘𑀭𑀡𑀸, 𑀲𑀸𑀧𑁂𑀓𑁆𑀔𑀢𑁆𑀢𑁂 𑀲𑀢𑀺𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄. 𑀧𑀯𑀭𑀲𑀼𑀭𑀸𑀲𑀼𑀭 𑀕𑀭𑀼𑀟𑀫𑀦𑀼𑀚𑀪𑀼𑀚𑀕 𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑁂𑀳𑀺 𑀲𑀗𑁆𑀖𑀝𑁆𑀝𑀺𑀢𑀘𑀭𑀡𑀸 𑀬𑀲𑁆𑀲 𑀢𑀣𑀸𑀕𑀢𑀲𑁆𑀲 𑀲𑁄𑀬𑀁 𑀧𑀯𑀭𑀲𑀼𑀭𑀸𑀲𑀼𑀭𑀕𑀭𑀼𑀟 𑀫𑀦𑀼𑀚𑀪𑀼𑀚𑀕 𑀕𑀦𑁆𑀥𑀩𑁆𑀩𑀫𑀓𑀼𑀝𑀓𑀽𑀝𑀘𑀼𑀫𑁆𑀩𑀺𑀢𑀲𑁂𑀮𑀲𑀗𑁆𑀖𑀝𑁆𑀝𑀺𑀢 𑀘𑀭𑀡𑁄. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀘𑀢𑀼𑀤𑁆𑀤𑀺𑀲𑁄𑀢𑀺 𑀘𑀢𑀲𑁆𑀲𑁄 𑀤𑀺𑀲𑀸 𑀬𑀲𑁆𑀲 𑀲𑁄𑀬𑀁 𑀘𑀢𑀼𑀤𑁆𑀤𑀺𑀲𑁄, 𑀪𑀕𑀯𑀸.
𑀧𑀜𑁆𑀘𑀘𑀓𑁆𑀔𑀽𑀢𑀺 𑀧𑀜𑁆𑀘 𑀘𑀓𑁆𑀔𑀽𑀦𑀺 𑀬𑀲𑁆𑀲 𑀢𑀣𑀸𑀕𑀢𑀲𑁆𑀲 𑀲𑁄𑀬𑀁 𑀧𑀜𑁆𑀘𑀘𑀓𑁆𑀔𑀼, 𑀢𑀣𑀸𑀕𑀢𑁄.
𑀤𑀲𑀩𑀮𑁄𑀢𑀺 𑀤𑀲 𑀩𑀮𑀸𑀦𑀺 𑀬𑀲𑁆𑀲 𑀲𑁄𑀬𑀁 𑀤𑀲𑀩𑀮𑁄, 𑀪𑀕𑀯𑀸.
𑀅𑀦𑀦𑁆𑀢𑀜𑀸𑀡𑁄𑀢𑀺 𑀦𑀲𑁆𑀲 𑀅𑀦𑁆𑀢𑁄 𑀅𑀦𑀦𑁆𑀢𑀁, 𑀅𑀦𑀦𑁆𑀢𑀁 𑀜𑀸𑀡𑀁 𑀬𑀲𑁆𑀲 𑀢𑀣𑀸𑀕𑀢𑀲𑁆𑀲 𑀲𑁄𑀬𑀁 𑀅𑀦𑀦𑁆𑀢𑀜𑀸𑀡𑁄, 𑀢𑀣𑀸𑀕𑀢𑁄.
𑀅𑀫𑀺𑀢 𑀖𑀦 𑀲𑀭𑀻𑀭𑁄𑀢𑀺 𑀦 𑀫𑀺𑀢𑀁 𑀅𑀫𑀺𑀢𑀁, 𑀖𑀦𑀁 𑀏𑀯 𑀲𑀭𑀻𑀭𑀁 𑀖𑀦𑀲𑀭𑀻𑀭𑀁, 𑀅𑀫𑀺𑀢𑀁 𑀖𑀦𑀲𑀭𑀻𑀭𑀁 𑀬𑀲𑁆𑀲 𑀢𑀣𑀸𑀕𑀢𑀲𑁆𑀲 𑀲𑁄𑀬𑀁 𑀅𑀫𑀺𑀢𑀖𑀦𑀲𑀭𑀻𑀭𑁄, 𑀢𑀣𑀸𑀕𑀢𑁄.
𑀅𑀫𑀺𑀢 𑀩𑀮 𑀧𑀭𑀓𑁆𑀓𑀫 𑀧𑀢𑁆𑀢𑁄𑀢𑀺 𑀦 𑀫𑀺𑀢𑀸 𑀅𑀫𑀺𑀢𑀸, 𑀩𑀮𑀜𑁆𑀘 𑀧𑀭𑀓𑁆𑀓𑀫𑁄 𑀘 𑀩𑀮𑀧𑀭𑀓𑁆𑀓𑀫𑀸, 𑀅𑀫𑀺𑀢𑀸 𑀏𑀯 𑀩𑀮𑀧𑀭𑀓𑁆𑀓𑀫𑀸 𑀅𑀫𑀺𑀢𑀩𑀮𑀧𑀭𑀓𑁆𑀓𑀫𑀸 ¶ , 𑀅𑀫𑀺𑀢𑀩𑀮𑀧𑀭𑀓𑁆𑀓𑀫𑀸 𑀧𑀢𑁆𑀢𑀸 𑀬𑁂𑀦 𑀲𑁄𑀬𑀁 𑀅𑀫𑀺𑀢𑀩𑀮𑀧𑀭𑀓𑁆𑀓𑀫𑀧𑀢𑁆𑀢𑁄, 𑀪𑀕𑀯𑀸. 𑀅𑀬𑀁 𑀧𑀦 𑀓𑀫𑁆𑀫𑀥𑀸𑀭𑀬𑀤𑁆𑀯𑀦𑁆𑀤𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀫𑀢𑁆𑀢 𑀪𑀫𑀭 𑀕𑀡 𑀘𑀼𑀫𑁆𑀩𑀺𑀢 𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁄 𑀧𑀲𑁄𑀪𑀺𑀢 𑀓𑀦𑁆𑀤𑀭𑁄𑀢𑀺 𑀫𑀢𑁆𑀢𑀸 𑀏𑀯 𑀪𑀫𑀭𑀸 𑀫𑀢𑁆𑀢𑀪𑀫𑀭𑀸, 𑀫𑀢𑁆𑀢𑀪𑀫𑀭𑀸𑀦𑀁 𑀕𑀡𑀸 𑀫𑀢𑁆𑀢𑀪𑀫𑀭𑀕𑀡𑀸, 𑀫𑀢𑁆𑀢𑀪𑀫𑀭𑀕𑀡𑁂𑀳𑀺 𑀘𑀼𑀫𑁆𑀩𑀺𑀢𑀸𑀦𑀺 𑀫𑀢𑁆𑀢𑀪𑀫𑀭𑀡𑀘𑀼𑀫𑁆𑀩𑀺𑀢𑀸𑀦𑀺, 𑀯𑀺𑀓𑀲𑀺𑀢𑀸𑀦𑀺 𑀏𑀯 𑀧𑀼𑀧𑁆𑀨𑀸𑀦𑀺 𑀯𑀺𑀓𑀲𑀺𑀢𑀧𑀼𑀧𑁆𑀨𑀸𑀦𑀺, 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀸𑀦𑀺 𑀯𑀺𑀓𑀲𑀺𑀢𑀧𑀼𑀧𑁆𑀨𑀸𑀦𑀺 𑀬𑁂𑀲𑀁 𑀢𑁂𑀳𑀺 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀸, 𑀯𑀮𑁆𑀮𑀺 𑀘 𑀦𑀸𑀕𑀭𑀼𑀓𑁆𑀔𑁄 𑀘 𑀫𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑀸, 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀸 𑀘 𑀢𑁂 𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑀸 𑀘𑁂𑀢𑀺 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑀸, 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁂𑀳𑀺 𑀉𑀧𑀲𑁄𑀪𑀺𑀢𑀸𑀦𑀺 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁄 𑀧𑀲𑁄𑀪𑀺𑀢𑀸𑀦𑀺, 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁄 𑀧𑀲𑁄𑀪𑀺𑀢𑀸𑀦𑀺 𑀓𑀦𑁆𑀤𑀭𑀸𑀦𑀺 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨 𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁄 𑀧𑀲𑁄 𑀪𑀺𑀢𑀓𑀦𑁆𑀤𑀭𑁄, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀓𑀫𑁆𑀫𑀥𑀸𑀭𑀬𑀢𑀧𑁆𑀧𑀼𑀭𑀺𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀣 𑀯𑀸𑁋𑀉𑀧𑀲𑁄𑀪𑀺𑀢𑀸𑀦𑀺 𑀓𑀦𑁆𑀤𑀭𑀸𑀦𑀺 𑀉𑀧𑀲𑁄𑀪𑀺𑀢𑀓𑀦𑁆𑀤𑀭𑀸𑀦𑀺, 𑀲𑀸𑀧𑁂𑀓𑁆𑀔𑀢𑁆𑀢𑁂 𑀲𑀢𑀺𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄. 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁂𑀳𑀺 𑀉𑀧𑀲𑁄𑀪𑀺𑀢𑀓𑀦𑁆𑀤𑀭𑀸𑀦𑀺 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀫𑀢𑁆𑀢𑀪𑀫𑀭𑀕𑀡𑀘𑀼𑀫𑁆𑀩𑀺𑀢𑀯𑀺𑀓𑀲𑀺𑀢𑀧𑀼𑀧𑁆𑀨𑀯𑀮𑁆𑀮𑀺𑀦𑀸𑀕𑀭𑀼𑀓𑁆𑀔𑁄 𑀧𑀲𑁄𑀪𑀺𑀢𑀓𑀦𑁆𑀤𑀭𑁄, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀦𑀸𑀦𑀸 ¶ 𑀭𑀼𑀓𑁆𑀔 𑀢𑀺𑀡 𑀧𑀢𑀺𑀢 𑀧𑀼𑀧𑁆𑀨𑁄𑀧𑀲𑁄𑀪𑀺𑀢 𑀓𑀦𑁆𑀤𑀭𑁄𑀢𑀺 𑀭𑀼𑀓𑁆𑀔𑁄 𑀘 𑀢𑀺𑀡𑀜𑁆𑀘 𑀭𑀼𑀓𑁆𑀔𑀢𑀺𑀡𑀸𑀦𑀺, 𑀦𑀸𑀦𑀸 𑀧𑀓𑀸𑀭𑀸𑀦𑀺 𑀏𑀯 𑀭𑀼𑀓𑁆𑀔𑀢𑀺𑀡𑀸𑀦𑀺 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀸𑀦𑀺, 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑁂𑀳𑀺 𑀧𑀢𑀺𑀢𑀸𑀦𑀺 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀸𑀦𑀺, 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀸𑀦𑀺 𑀘 𑀢𑀸𑀦𑀺 𑀧𑀼𑀧𑁆𑀨𑀸𑀦𑀺 𑀘𑁂𑀢𑀺 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑀸𑀦𑀺, 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑁂𑀳𑀺 𑀉𑀧𑀲𑁄𑀪𑀺𑀢𑀸𑀦𑀺 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢 𑀧𑀼𑀧𑁆𑀨𑁄𑀧𑀲𑁄𑀪𑀺𑀢𑀸𑀦𑀺, 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑁄𑀧𑀲𑁄𑀪𑀺𑀢𑀸𑀦𑀺 𑀓𑀦𑁆𑀤𑀭𑀸𑀦𑀺 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑁄𑀧𑀲𑁄𑀪𑀺𑀢𑀓𑀦𑁆𑀤𑀭𑁄, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀓𑀫𑁆𑀫𑀥𑀸𑀭𑀬𑀢𑀧𑁆𑀧𑀼𑀭𑀺𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀅𑀣 𑀯𑀸𑁋𑀉𑀧𑀲𑁄𑀪𑀺𑀢𑀸𑀦𑀺 𑀏𑀯 𑀓𑀦𑁆𑀤𑀭𑀸𑀦𑀺 𑀉𑀧𑀲𑁄𑀪𑀺𑀢𑀓𑀦𑁆𑀤𑀭𑀸𑀦𑀺, (𑀲𑀸𑀧𑁂𑀓𑁆𑀔𑀢𑁆𑀢𑁂 𑀲𑀢𑀺𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄.) 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑁂𑀳𑀺 𑀉𑀧𑀲𑁄𑀪𑀺𑀢𑀓𑀦𑁆𑀤𑀭𑀸𑀦𑀺 𑀬𑀲𑁆𑀲 𑀧𑀩𑁆𑀩𑀢𑀭𑀸𑀚𑀲𑁆𑀲 𑀲𑁄𑀬𑀁 𑀦𑀸𑀦𑀸𑀭𑀼𑀓𑁆𑀔𑀢𑀺𑀡𑀧𑀢𑀺𑀢𑀧𑀼𑀧𑁆𑀨𑁄𑀧𑀲𑁄𑀪𑀺𑀢𑀓𑀦𑁆𑀤𑀭𑁄, 𑀧𑀩𑁆𑀩𑀢𑀭𑀸𑀚𑀸. 𑀅𑀬𑀁 𑀧𑀦 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀦𑀸𑀦𑀸 𑀫𑀼𑀲𑀮 𑀨𑀸𑀮 𑀧𑀩𑁆𑀩𑀢 𑀢𑀭𑀼 𑀓𑀮𑀺𑀗𑁆𑀕𑀭 𑀲𑀭 𑀥𑀦𑀼𑀕𑀤𑀸𑀲𑀺 𑀢𑁄𑀫𑀭𑀳𑀢𑁆𑀣𑀸𑀢𑀺 𑀫𑀼𑀲𑀮𑁄 𑀘 𑀨𑀸𑀮𑁄 𑀘 𑀧𑀩𑁆𑀩𑀢𑁄 𑀘 𑀢𑀭𑀼 𑀘 𑀓𑀮𑀺𑀗𑁆𑀕𑀭𑁄 𑀘 𑀲𑀭𑁄 𑀘 𑀥𑀦𑀼 𑀘 𑀕𑀤𑀸 𑀘𑀅𑀲𑀺 𑀘 𑀢𑁄𑀫𑀭𑁄, 𑀘 𑀫𑀼𑀲𑀮𑀨𑀸𑀮𑀧𑀩𑁆𑀩𑀢𑀢𑀭𑀼𑀓𑀮𑀺𑀗𑁆𑀕𑀭𑀲𑀭𑀥𑀦𑀼𑀕𑀤𑀸𑀲𑀺𑀢𑁄𑀫𑀭𑀸, 𑀦𑀸𑀦𑀸 𑀧𑀓𑀸𑀭𑀸 𑀏𑀯 𑀫𑀼𑀲𑀮𑀨𑀸𑀮𑀧𑀩𑁆𑀩𑀢𑀢𑀭𑀼𑀓𑀮𑀺𑀗𑁆𑀕𑀭𑀲𑀭𑀥𑀦𑀼𑀕𑀤𑀸𑀲𑀺𑀢𑁄𑀫𑀭𑀸 𑀦𑀸𑀦𑀸𑀫𑀼𑀲𑀮𑀨𑀸𑀮𑀧𑀩𑁆𑀩𑀢𑀢𑀭𑀼𑀓𑀮𑀺𑀗𑁆𑀕𑀭𑀲𑀭𑀥𑀦𑀼𑀕𑀤𑀸𑀲𑀺𑀢𑁄𑀫𑀭𑀸, 𑀦𑀸𑀦𑀸𑀫𑀼𑀲𑀮𑀨𑀸𑀮𑀧𑀩𑁆𑀩𑀢𑀢𑀭𑀼𑀓𑀮𑀺𑀗𑁆𑀕𑀭𑀲𑀭𑀥𑀦𑀼𑀕𑀤𑀸𑀲𑀺𑀢𑁄𑀫𑀭𑀸 𑀳𑀢𑁆𑀣𑁂𑀲𑀼 ¶ 𑀬𑁂𑀲𑀁 𑀢𑁂 𑀦𑀸𑀦𑀸𑀫𑀼𑀲𑀮𑀨𑀸𑀮𑀧𑀩𑁆𑀩𑀢𑀢𑀭𑀼𑀓𑀮𑀺𑀗𑁆𑀕𑀭 𑀲𑀭𑀥𑀦𑀼𑀕𑀤𑀸𑀲𑀺𑀢𑁄𑀫𑀭𑀳𑀢𑁆𑀣𑀸. 𑀅𑀬𑀁 𑀧𑀦 𑀤𑁆𑀯𑀦𑁆𑀤𑀓𑀫𑁆𑀫𑀥𑀸𑀭𑀬𑀕𑀩𑁆𑀪𑁄 𑀪𑀺𑀦𑁆𑀦𑀸𑀥𑀺𑀓𑀭𑀡𑀩𑀳𑀼𑀩𑁆𑀩𑀻𑀳𑀺.
𑀩𑀳𑀼𑀩𑁆𑀩𑀻𑀳𑀺 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀩𑀳𑀼𑀩𑁆𑀩𑀻𑀳𑀺𑀫𑁆𑀳𑀺 𑀘.
𑁩𑁨𑁯, 𑁩𑁫𑁭. 𑀦𑀸𑀫𑀸𑀦𑀁 𑀲𑀫𑀼𑀘𑁆𑀘𑀬𑁄 𑀤𑁆𑀯𑀦𑁆𑀤𑁄.
𑀦𑀸𑀫𑀸𑀦𑀁 𑀏𑀓𑀯𑀺𑀪𑀢𑁆𑀢𑀺𑀓𑀸𑀦𑀁 𑀬𑁄 𑀲𑀫𑀼𑀘𑁆𑀘𑀬𑁄, 𑀲𑁄 𑀤𑁆𑀯𑀦𑁆𑀤𑀲𑀜𑁆𑀜𑁄 𑀳𑁄𑀢𑀺.
𑀘𑀦𑁆𑀤𑀺𑀫𑀸 𑀘 𑀲𑀽𑀭𑀺𑀬𑁄 𑀘 𑀘𑀦𑁆𑀤𑀺𑀫𑀲𑀽𑀭𑀺𑀬𑀸, 𑀲𑀫𑀡𑁄 𑀘 𑀩𑁆𑀭𑀸𑀳𑁆𑀫𑀡𑁄 𑀘 𑀲𑀫𑀡𑀩𑁆𑀭𑀸𑀳𑁆𑀫𑀡𑀸, 𑀲𑀸𑀭𑀺𑀧𑀼𑀢𑁆𑀢𑁄 𑀘 𑀫𑁄𑀕𑁆𑀕𑀮𑁆𑀮𑀸𑀦𑁄 𑀘 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸, 𑀩𑁆𑀭𑀸𑀳𑁆𑀫𑀡𑁄 𑀘 𑀕𑀳𑀧𑀢𑀺𑀓𑁄 𑀘 𑀩𑁆𑀭𑀸𑀳𑁆𑀫𑀡𑀕𑀳𑀧𑀢𑀺𑀓𑀸, 𑀬𑀫𑁄 𑀘 𑀯𑀭𑀼𑀡𑁄 𑀘 𑀬𑀫𑀯𑀭𑀼𑀡𑀸, 𑀓𑀼𑀯𑁂𑀭𑁄 𑀘 𑀯𑀸𑀲𑀯𑁄 𑀘 𑀓𑀼𑀯𑁂𑀭𑀯𑀸𑀲𑀯𑀸.
𑀤𑁆𑀯𑀦𑁆𑀤𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀤𑁆𑀯𑀦𑁆𑀤𑀝𑁆𑀞𑀸 𑀯𑀸.
𑁩𑁩𑁦, 𑁩𑁪𑁦. 𑀫𑀳𑀢𑀁 𑀫𑀳𑀸 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀤𑁂.
𑀢𑁂𑀲𑀁 𑀫𑀳𑀦𑁆𑀢𑀲𑀤𑁆𑀤𑀸𑀦𑀁 𑀫𑀳𑀸𑀆𑀤𑁂𑀲𑁄 𑀳𑁄𑀢𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀤𑁂.
𑀫𑀳𑀦𑁆𑀢𑁄 ¶ 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀦𑁆𑀢𑀻 𑀘 𑀲𑀸 𑀤𑁂𑀯𑀻 𑀘𑀸𑀢𑀺 𑀫𑀳𑀸𑀤𑁂𑀯𑀻, 𑀫𑀳𑀦𑁆𑀢𑀜𑁆𑀘 𑀢𑀁 𑀩𑀮𑀜𑁆𑀘𑀸𑀢𑀺 𑀫𑀳𑀸𑀩𑀮𑀁, 𑀫𑀳𑀦𑁆𑀢𑁄 𑀘 𑀲𑁄 𑀦𑀸𑀕𑁄 𑀘𑀸𑀢𑀺 𑀫𑀳𑀸𑀦𑀸𑀕𑁄, 𑀫𑀳𑀦𑁆𑀢𑁄 𑀘 𑀲𑁄 𑀬𑀲𑁄 𑀘𑀸𑀢𑀺 𑀫𑀳𑀸𑀬𑀲𑁄, 𑀫𑀳𑀦𑁆𑀢𑀜𑁆𑀘 𑀢𑀁 𑀧𑀤𑀼𑀫𑀯𑀦𑀜𑁆𑀘𑀸𑀢𑀺 𑀫𑀳𑀸𑀧𑀤𑀼𑀫𑀯𑀦𑀁, 𑀫𑀳𑀦𑁆𑀢𑀻 𑀘 𑀲𑀸 𑀦𑀤𑀻 𑀘𑀸𑀢𑀺 𑀫𑀳𑀸𑀦𑀤𑀻, 𑀫𑀳𑀦𑁆𑀢𑁄 𑀘 𑀲𑁄 𑀫𑀡𑀺 𑀘𑀸𑀢𑀺 𑀫𑀳𑀸𑀫𑀡𑀺, 𑀫𑀳𑀦𑁆𑀢𑁄 𑀘 𑀲𑁄 𑀕𑀳𑀧𑀢𑀺𑀓𑁄 𑀘𑀸𑀢𑀺 𑀫𑀳𑀸𑀕𑀳𑀧𑀢𑀺𑀓𑁄, 𑀫𑀳𑀦𑁆𑀢𑀜𑁆𑀘 𑀢𑀁 𑀥𑀦𑀜𑁆𑀘𑀸𑀢𑀺 𑀫𑀳𑀸𑀥𑀦𑀁, 𑀫𑀳𑀦𑁆𑀢𑁄 𑀘 𑀲𑁄 𑀧𑀼𑀜𑁆𑀜𑁄 𑀘𑀸𑀢𑀺 𑀫𑀳𑀸𑀧𑀼𑀜𑁆𑀜𑁄.
𑀩𑀳𑀼𑀯𑀘𑀦𑀕𑁆𑀕𑀳𑀡𑁂𑀦 𑀓𑁆𑀯𑀘𑀺 𑀫𑀳𑀦𑁆𑀢 𑀲𑀤𑁆𑀤𑀲𑁆𑀲 𑀫𑀳𑀸𑀤𑁂𑀲𑁄 𑀳𑁄𑀢𑀺. 𑀫𑀳𑀦𑁆𑀢𑀜𑁆𑀘 𑀢𑀁 𑀨𑀮𑀜𑁆𑀘𑀸𑀢𑀺 𑀫𑀳𑀧𑁆𑀨𑀮𑀁, 𑀫𑀳𑀩𑁆𑀩𑀮𑀁, 𑀏𑀯𑀁 𑀫𑀳𑀤𑁆𑀥𑀦𑀁, 𑀫𑀳𑀩𑁆𑀪𑀬𑀁.
𑁩𑁩𑁧, 𑁩𑁫𑁩. 𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑀸𑀯 𑀘𑁂.
𑀇𑀢𑁆𑀣𑀺𑀬𑀁 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀤𑁂 𑀘𑁂 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀧𑀼𑀫𑀸𑀯 𑀤𑀝𑁆𑀞𑀩𑁆𑀩𑀸.
𑀤𑀻𑀖𑀸 𑀚𑀗𑁆𑀖𑀸 𑀬𑀲𑁆𑀲 𑀲𑁄𑀬𑀁 𑀤𑀻𑀖𑀚𑀗𑁆𑀖𑁄, 𑀓𑀮𑁆𑀬𑀸𑀡𑀪𑀭𑀺𑀬𑁄, 𑀧𑀳𑀽𑀢𑀧𑀜𑁆𑀜𑁄.
𑀪𑀸𑀲𑀺𑀢𑀧𑀼𑀧𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀩𑁆𑀭𑀸𑀳𑁆𑀫𑀡𑀩𑀦𑁆𑀥𑀼 𑀘 𑀲𑀸 𑀪𑀭𑀺𑀬𑀸 𑀘𑀸𑀢𑀺𑀩𑁆𑀭𑀸𑀳𑁆𑀫𑀡𑀩𑀦𑁆𑀥𑀼𑀪𑀭𑀺𑀬𑀸.
𑀓𑀫𑁆𑀫𑀥𑀸𑀭𑀬𑀲𑀜𑁆𑀜𑁂 𑀘 𑀲𑀫𑀸𑀲𑁂 𑀇𑀢𑁆𑀣𑀺𑀬𑀁 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀤𑁂 𑀧𑀼𑀩𑁆𑀩𑁂 𑀪𑀸𑀲𑀺𑀢𑀧𑀼𑀫𑀺𑀢𑁆𑀣𑀻 𑀘𑁂, 𑀧𑀼𑀫𑀸𑀯 𑀤𑀝𑁆𑀞𑀩𑁆𑀩𑀸. 𑀩𑁆𑀭𑀸𑀳𑁆𑀫𑀡𑀤𑀸𑀭𑀺𑀓𑀸, 𑀔𑀢𑁆𑀢𑀺𑀬𑀓𑀜𑁆𑀜𑀸, 𑀔𑀢𑁆𑀢𑀺𑀬𑀓𑀼𑀫𑀸𑀭𑀺𑀓𑀸.
𑀪𑀸𑀲𑀺𑀢𑀧𑀼𑀫𑁂𑀢𑀺 𑀓𑀺𑀫𑀢𑁆𑀣𑀁? 𑀔𑀢𑁆𑀢𑀺𑀬𑀩𑀦𑁆𑀥𑀼𑀤𑀸𑀭𑀺𑀓𑀸, 𑀩𑁆𑀭𑀸𑀳𑁆𑀫𑀡𑀩𑀦𑁆𑀥𑀼𑀤𑀸𑀭𑀺𑀓𑀸.
𑁩𑁩𑁩, 𑁩𑁪𑁪. 𑀅𑀢𑁆𑀢𑀁 𑀦𑀲𑁆𑀲 𑀢𑀧𑁆𑀧𑀼𑀭𑀺𑀲𑁂.
𑀦𑀲𑁆𑀲 𑀧𑀤𑀲𑁆𑀲 𑀢𑀧𑁆𑀧𑀼𑀭𑀺𑀲𑁂 𑀉𑀢𑁆𑀢𑀭𑀧𑀤𑁂 𑀅𑀢𑁆𑀢𑀁 𑀳𑁄𑀢𑀺.
𑀦𑀩𑁆𑀭𑀸𑀳𑁆𑀫𑀡𑁄 𑀅𑀩𑁆𑀭𑀸𑀳𑁆𑀫𑀡𑁄, 𑀅𑀯𑀲𑀮𑁄, 𑀅𑀪𑀺𑀓𑁆𑀔𑀼, 𑀅𑀧𑀜𑁆𑀘𑀯𑀲𑁆𑀲𑀁, 𑀅𑀧𑀜𑁆𑀘𑀕𑀯𑀁.
𑀦𑀲𑁆𑀲 𑀧𑀤𑀲𑁆𑀲 𑀢𑀧𑁆𑀧𑀼𑀭𑀺𑀲𑁂 𑀅𑀦 𑀆𑀤𑁂𑀲𑁄 𑀳𑁄𑀢𑀺 𑀲𑀭𑁂 𑀧𑀭𑁂.
𑀦 𑀅𑀲𑁆𑀲𑁄 𑀅𑀦𑀲𑁆𑀲𑁄, 𑀅𑀦𑀺𑀲𑁆𑀲𑀭𑁄, 𑀅𑀦𑀭𑀺𑀬𑁄.
𑁩𑁩𑁫, 𑁩𑁪𑁬. 𑀓𑀤 ¶ 𑀓𑀼𑀲𑁆𑀲.
𑀓𑀼𑀇𑀘𑁆𑀘𑁂𑀢𑀲𑁆𑀲 𑀓𑀤 𑀳𑁄𑀢𑀺 𑀲𑀭𑁂 𑀧𑀭𑁂.
𑀓𑀼𑀘𑁆𑀙𑀺𑀢𑀁 𑀅𑀦𑁆𑀦𑀁 𑀓𑀤𑀦𑁆𑀦𑀁, 𑀓𑀼𑀘𑁆𑀙𑀺𑀢𑀁 𑀅𑀲𑀦𑀁 𑀓𑀤𑀲𑁆𑀲𑀦𑀁.
𑀲𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀓𑀼𑀘𑁆𑀙𑀺𑀢𑀸 𑀤𑀸𑀭𑀸 𑀬𑁂𑀲𑀁 (𑀅𑀧𑀼𑀜𑁆𑀜𑀓𑀸𑀭𑀸𑀦𑀁) 𑀢𑁂 𑀳𑁄𑀦𑁆𑀢𑀻𑀢𑀺 𑀓𑀼𑀤𑀸𑀭𑀸, 𑀓𑀼𑀚𑀦𑀸. 𑀏𑀯𑀁 𑀓𑀼𑀧𑀼𑀢𑁆𑀢𑀸, 𑀓𑀼𑀕𑁂𑀳𑀸, 𑀓𑀼𑀯𑀢𑁆𑀣𑀸, 𑀓𑀼𑀤𑀸𑀲𑀸.
𑀓𑀼𑀇𑀘𑁆𑀘𑁂𑀢𑀲𑁆𑀲 𑀓𑀸 𑀳𑁄𑀢𑀺 𑀅𑀧𑁆𑀧𑀢𑁆𑀣𑁂𑀲𑀼 𑀘.
𑀓𑀸𑀮𑀯𑀡𑀁, 𑀓𑀸𑀧𑀼𑀧𑁆𑀨𑀁.
𑀩𑀳𑀼𑀯𑀘𑀦𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀓𑀼𑀇𑀘𑁆𑀘𑁂𑀢𑀲𑁆𑀲 𑀅𑀦𑀧𑁆𑀧𑀢𑀢𑁆𑀣𑁂𑀲𑀼𑀧𑀺 𑀓𑁆𑀯𑀘𑀺 𑀓𑀸 𑀳𑁄𑀢𑀺, 𑀓𑀸𑀧𑀼𑀭𑀺𑀲𑀸.
𑁩𑁩𑁭, 𑁩𑁫𑁦. 𑀓𑁆𑀯𑀘𑀺 𑀲𑀫𑀸𑀲𑀦𑁆𑀢𑀕𑀢𑀸𑀦𑀫𑀓𑀸𑀭𑀦𑁆𑀢𑁄.
𑀲𑀫𑀸𑀲𑀦𑁆𑀢𑀕𑀢𑀸𑀦𑀁 𑀦𑀸𑀫𑀸𑀦𑀫𑀦𑁆𑀢𑁄 𑀲𑀭𑁄 𑀓𑁆𑀯𑀘𑀺 𑀅𑀓𑀸𑀭𑁄 𑀳𑁄𑀢𑀺.
𑀤𑁂𑀯𑀸𑀦𑀁 𑀭𑀸𑀚𑀸 𑀤𑁂𑀯𑀭𑀸𑀚𑁄, 𑀤𑁂𑀯𑀭𑀸𑀚𑀸, 𑀤𑁂𑀯𑀸𑀦𑀁 𑀲𑀔𑀸 𑀤𑁂𑀯𑀲𑀔𑁄, 𑀤𑁂𑀯𑀲𑀔𑀸, 𑀧𑀜𑁆𑀘 𑀅𑀳𑀸𑀦𑀺 𑀧𑀜𑁆𑀘𑀸𑀳𑀁, 𑀲𑀢𑁆𑀢𑀸𑀳𑀁, 𑀧𑀜𑁆𑀘𑀕𑀯𑀁, 𑀙𑀢𑁆𑀢𑀼𑀧𑀸𑀳𑀦𑀁, 𑀉𑀧𑀲𑀭𑀤𑀁, 𑀯𑀺𑀲𑀸𑀮𑀓𑁆𑀔𑁄, 𑀯𑀺𑀫𑀼𑀔𑁄.
𑀓𑀸𑀭𑀕𑁆𑀕𑀳𑀡𑀁 ¶ 𑀓𑀺𑀫𑀢𑁆𑀣𑀁? 𑀆𑀓𑀸𑀭𑀦𑁆𑀢 𑀇𑀓𑀸𑀭𑀦𑁆𑀢𑀸 𑀘 𑀳𑁄𑀦𑁆𑀢𑀺, 𑀧𑀘𑁆𑀘𑀓𑁆𑀔𑀸 𑀥𑀫𑁆𑀫𑀸 𑀬𑀲𑁆𑀲 𑀲𑁄𑀬𑀦𑁆𑀢𑀺 𑀧𑀘𑁆𑀘𑀓𑁆𑀔𑀥𑀫𑁆𑀫𑀸, 𑀲𑀼𑀭𑀪𑀺𑀦𑁄 𑀕𑀦𑁆𑀥𑁄 𑀲𑀼𑀭𑀪𑀺𑀕𑀦𑁆𑀥𑀺, 𑀲𑀼𑀦𑁆𑀤𑀭𑁄 𑀕𑀦𑁆𑀥𑁄 𑀲𑀼𑀕𑀦𑁆𑀥𑀺, 𑀧𑀽𑀢𑀺𑀦𑁄 𑀕𑀦𑁆𑀥𑁄 𑀧𑀽𑀢𑀺𑀕𑀦𑁆𑀥𑀺, 𑀓𑀼𑀘𑁆𑀙𑀺𑀢𑁄 𑀕𑀦𑁆𑀥𑁄 𑀓𑀼𑀕𑀦𑁆𑀥𑀺, 𑀤𑀼𑀝𑁆𑀞𑀼 𑀕𑀦𑁆𑀥𑁄 𑀬𑀲𑁆𑀲 𑀲𑁄𑀬𑀦𑁆𑀢𑀺 𑀤𑀼𑀕𑀦𑁆𑀥𑀺, 𑀧𑀽𑀢𑀺 𑀏𑀯 𑀕𑀦𑁆𑀥𑁄 𑀧𑀽𑀢𑀺𑀕𑀦𑁆𑀥𑀺.
𑀦𑀤𑀻𑀅𑀦𑁆𑀢𑀸 𑀘 𑀓𑀢𑁆𑀢𑀼𑀅𑀦𑁆𑀢𑀸 𑀘 𑀓𑀧𑀘𑁆𑀘𑀬𑁄 𑀳𑁄𑀢𑀺 𑀲𑀫𑀸𑀲𑀦𑁆𑀢𑁂.
𑀩𑀳𑀽 𑀦𑀤𑀺𑀬𑁄 𑀬𑀲𑁆𑀫𑀺𑀁 𑀲𑁄𑀬𑀁 𑀩𑀳𑀼𑀦𑀤𑀺𑀓𑁄, 𑀚𑀦𑀧𑀤𑁄. 𑀩𑀳𑀯𑁄 𑀓𑀢𑁆𑀢𑀸𑀭𑁄 𑀬𑀲𑁆𑀲 𑀲𑁄𑀬𑀁 𑀩𑀳𑀼𑀓𑀢𑁆𑀢𑀼𑀓𑁄, 𑀧𑀼𑀭𑀺𑀲𑁄.
𑀦𑀤𑀺𑀫𑁆𑀳𑀸 𑀘 𑀓𑀧𑀘𑁆𑀘𑀬𑁄 𑀳𑁄𑀢𑀺 𑀲𑀫𑀸𑀲𑀦𑁆𑀢𑁂.
𑀩𑀳𑀽 𑀦𑀤𑀺𑀬𑁄 𑀬𑀲𑁆𑀫𑀺𑀁 𑀲𑁄𑀬𑀦𑁆𑀢𑀺 𑀩𑀳𑀼𑀦𑀤𑀺𑀓𑁄. 𑀩𑀳𑀽 𑀓𑀦𑁆𑀢𑀺𑀬𑁄 𑀬𑀲𑁆𑀲 𑀲𑁄𑀬𑀦𑁆𑀢𑀺 𑀩𑀳𑀼𑀓𑀦𑁆𑀢𑀺𑀓𑁄. 𑀩𑀳𑀼𑀦𑀸𑀭𑀺𑀓𑁄.
𑁩𑁩𑁯, 𑁩𑁫𑁮. 𑀚𑀸𑀬𑀸𑀬 𑀢𑀼𑀤𑀁 𑀚𑀸𑀦𑀺 𑀧𑀢𑀺𑀫𑁆𑀳𑀺.
𑀚𑀸𑀬𑀸𑀇𑀘𑁆𑀘𑁂𑀢𑀸𑀬 𑀢𑀼𑀤𑀁 𑀚𑀸𑀦𑀺𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀧𑀢𑀺𑀫𑁆𑀳𑀺 𑀧𑀭𑁂.
𑀢𑀼𑀤𑀁𑀧𑀢𑀻, 𑀚𑀸𑀦𑀺𑀧𑀢𑀻.
𑀥𑀦𑀼𑀫𑁆𑀳𑀸 𑀘 𑀆𑀧𑀘𑁆𑀘𑀬𑁄 𑀳𑁄𑀢𑀺 𑀲𑀫𑀸𑀲𑀦𑁆𑀢𑁂.
𑀕𑀸𑀡𑁆𑀟𑀻𑀯𑁄 ¶ 𑀥𑀦𑀼 𑀬𑀲𑁆𑀲 𑀲𑁄𑀬𑀁 𑀕𑀸𑀡𑁆𑀟𑀻𑀯𑀥𑀦𑁆𑀯𑀸.
𑁩𑁪𑁧, 𑁩𑁩𑁬. 𑀅𑀁 𑀯𑀺𑀪𑀢𑁆𑀢𑀻𑀦𑀫𑀓𑀸𑀭𑀦𑁆𑀢𑀸 𑀅𑀩𑁆𑀬𑀬𑀻𑀪𑀸𑀯𑀸.
𑀢𑀲𑁆𑀫𑀸 𑀅𑀓𑀸𑀭𑀦𑁆𑀢𑀸 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀸 𑀧𑀭𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀓𑁆𑀯𑀘𑀺 𑀅𑀁 𑀳𑁄𑀢𑀺.
𑀅𑀥𑀺𑀘𑀺𑀢𑁆𑀢𑀁, 𑀬𑀣𑀸𑀯𑀼𑀟𑁆𑀠𑀁, 𑀉𑀧𑀓𑀼𑀫𑁆𑀪𑀁, 𑀬𑀸𑀯𑀚𑀻𑀯𑀁, 𑀢𑀺𑀭𑁄𑀧𑀩𑁆𑀩𑀢𑀁, 𑀢𑀺𑀭𑁄𑀧𑀸𑀓𑀸𑀭𑀁, 𑀢𑀺𑀭𑁄𑀓𑀼𑀝𑁆𑀝𑀁, 𑀅𑀦𑁆𑀢𑁄𑀧𑀸𑀲𑀸𑀤𑀁.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀥𑀺𑀘𑀺𑀢𑁆𑀢𑀲𑁆𑀲 𑀪𑀺𑀓𑁆𑀔𑀼𑀦𑁄.
𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀲𑁆𑀲 𑀮𑀺𑀗𑁆𑀕𑀲𑁆𑀲 𑀲𑀭𑁄 𑀭𑀲𑁆𑀲𑁄 𑀳𑁄𑀢𑀺.
𑀓𑀼𑀫𑀸𑀭𑀻𑀲𑀼 𑀅𑀥𑀺𑀓𑀺𑀘𑁆𑀘 𑀧𑀯𑀢𑁆𑀢𑀢𑀺 𑀓𑀣𑀸 𑀇𑀢𑀺 𑀅𑀥𑀺𑀓𑀼𑀫𑀸𑀭𑀺. 𑀉𑀧𑀯𑀥𑀼, 𑀉𑀧𑀕𑀗𑁆𑀕𑀁, 𑀉𑀧𑀫𑀡𑀺𑀓𑀁.
𑀅𑀜𑁆𑀜𑀲𑁆𑀫𑀸 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀸 𑀅𑀦𑀓𑀸𑀭𑀦𑁆𑀢𑀸 𑀧𑀭𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀘 𑀳𑁄𑀢𑀺.
𑀅𑀥𑀺𑀢𑁆𑀣𑀺, 𑀅𑀥𑀺𑀓𑀼𑀫𑀸𑀭𑀺, 𑀉𑀧𑀯𑀥𑀼.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀲𑀫𑀸𑀲𑀓𑀧𑁆𑀧𑁄 𑀲𑀢𑁆𑀢𑀫𑁄 𑀓𑀡𑁆𑀟𑁄.
𑀲𑀫𑀸𑀲𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁫. 𑀢𑀤𑁆𑀥𑀺𑀢𑀓𑀧𑁆𑀧
𑀅𑀝𑁆𑀞𑀫𑀓𑀡𑁆𑀟
𑁩𑁪𑁪, 𑁩𑁬𑁧. 𑀯𑀸𑀡’𑀧𑀘𑁆𑀘𑁂 ¶ .
𑀡𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’ 𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀯𑀲𑀺𑀝𑁆𑀞𑀲𑁆𑀲 𑀅𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑁄, 𑀯𑀲𑀺𑀝𑁆𑀞𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀯𑀲𑀺𑀝𑁆𑀞𑀲𑁆𑀲 𑀅𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑀻, 𑀯𑀲𑀺𑀝𑁆𑀞𑀲𑁆𑀲 𑀅𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑀁. 𑀏𑀯𑀁 𑀪𑀸𑀭𑀤𑁆𑀯𑀸𑀚𑁄, 𑀪𑀸𑀭𑀤𑁆𑀯𑀸𑀚𑀻, 𑀪𑀸𑀭𑀤𑁆𑀯𑀸𑀚𑀁. 𑀕𑁄𑀢𑀫𑁄, 𑀕𑁄𑀢𑀫𑀻, 𑀕𑁄𑀢𑀫𑀁. 𑀯𑀸𑀲𑀼𑀤𑁂𑀯𑁄, 𑀯𑀸𑀲𑀼𑀤𑁂𑀯𑀻, 𑀯𑀸𑀲𑀼𑀤𑁂𑀯𑀁. 𑀩𑀸𑀮𑀤𑁂𑀯𑁄, 𑀩𑀸𑀮𑀤𑁂𑀯𑀻, 𑀩𑀸𑀮𑀤𑁂𑀯𑀁. 𑀯𑁂𑀲𑀸𑀫𑀺𑀢𑁆𑀢𑁄, 𑀯𑁂𑀲𑀸𑀫𑀺𑀢𑁆𑀢𑀻 𑀯𑁂𑀲𑀸𑀫𑀺𑀢𑁆𑀢𑀁.
𑀢𑀲𑁆𑀫𑀸 𑀯𑀘𑁆𑀙𑀸𑀤𑀺𑀢𑁄 𑀕𑁄𑀢𑁆𑀢𑀕𑀡𑀢𑁄 𑀡𑀸𑀬𑀦𑀡𑀸𑀦𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀯𑀘𑁆𑀙𑀲𑁆𑀲 𑀅𑀧𑀘𑁆𑀘𑀁𑀯𑀘𑁆𑀙𑀸𑀬𑀦𑁄, 𑀯𑀘𑁆𑀙𑀸𑀦𑁄, 𑀯𑀘𑁆𑀙𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀯𑀘𑁆𑀙𑀲𑁆𑀲 𑀅𑀧𑀘𑁆𑀘𑀁 𑀯𑀘𑁆𑀙𑀸𑀬𑀦𑀻, 𑀯𑀘𑁆𑀙𑀸𑀦𑀻, 𑀯𑀘𑁆𑀙𑀲𑁆𑀲 𑀅𑀧𑀘𑁆𑀘𑀁 𑀯𑀘𑁆𑀙𑀸𑀬𑀦𑀁, 𑀯𑀘𑁆𑀙𑀸𑀦𑀁. 𑀲𑀓𑀝𑀲𑁆𑀲 𑀅𑀧𑀘𑁆𑀘𑀁 𑀲𑀸𑀓𑀝𑀸𑀬𑀦𑁄, 𑀲𑀸𑀓𑀝𑀸𑀦𑁄 ¶ , 𑀲𑀓𑀝𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀲𑀸𑀓𑀝𑀸𑀬𑀦𑀻, 𑀲𑀸 𑀓𑀝𑀸𑀦𑀻, 𑀲𑀸𑀓𑀝𑀸𑀬𑀦𑀁, 𑀲𑀸𑀓𑀝𑀸𑀦𑀁. 𑀏𑀯𑀁 𑀓𑀡𑁆𑀳𑀸𑀬𑀦𑁄, 𑀓𑀡𑁆𑀳𑀸𑀦𑁄, 𑀓𑀡𑁆𑀳𑀲𑁆𑀲 𑀅𑀧𑀘𑁆𑀘𑀁 𑀯𑀸. 𑀓𑀡𑁆𑀳𑀸𑀬𑀦𑀻, 𑀓𑀡𑁆𑀳𑀸𑀦𑀻, 𑀓𑀡𑁆𑀳𑀸𑀬𑀦𑀁, 𑀓𑀡𑁆𑀳𑀸𑀦𑀁. 𑀅𑀕𑁆𑀕𑀺𑀯𑁂𑀲𑁆𑀲𑀸𑀬𑀦𑁄, 𑀅𑀕𑁆𑀕𑀺𑀯𑁂𑀲𑁆𑀲𑀸𑀦𑁄, 𑀅𑀕𑁆𑀕𑀺𑀯𑁂𑀲𑁆𑀲𑀸𑀬𑀦𑀻, 𑀅𑀕𑁆𑀕𑀺𑀯𑁂𑀲𑁆𑀲𑀸𑀦𑀻, 𑀅𑀕𑁆𑀕𑀺𑀯𑁂𑀲𑁆𑀲𑀸𑀬𑀦𑀁, 𑀅𑀕𑁆𑀕𑀺𑀯𑁂𑀲𑁆𑀲𑀸𑀦𑀁. 𑀕𑀘𑁆𑀙𑀸𑀬𑀦𑁄, 𑀕𑀘𑁆𑀙𑀸𑀦𑁄, 𑀕𑀘𑁆𑀙𑀸𑀬𑀦𑀻, 𑀕𑀘𑁆𑀙𑀸𑀦𑀻, 𑀕𑀘𑁆𑀙𑀸𑀬𑀦𑀁, 𑀕𑀘𑁆𑀙𑀸𑀦𑀁. 𑀓𑀧𑁆𑀧𑀸𑀬𑀦𑁄, 𑀓𑀧𑁆𑀧𑀸𑀦𑁄, 𑀓𑀧𑁆𑀧𑀸𑀬𑀦𑀻, 𑀓𑀧𑁆𑀧𑀸𑀦𑀻, 𑀓𑀧𑁆𑀧𑀸𑀬𑀦𑀁, 𑀓𑀧𑁆𑀧𑀸𑀦𑀁. 𑀫𑁄𑀕𑁆𑀕𑀮𑁆𑀮𑀸𑀬𑀦𑁄, 𑀫𑁄𑀕𑁆𑀕𑀮𑁆𑀮𑀸𑀦𑁄, 𑀫𑁄𑀕𑁆𑀕𑀮𑁆𑀮𑀸𑀬𑀦𑀻, 𑀫𑁄𑀕𑁆𑀕𑀮𑁆𑀮𑀸𑀦𑀻, 𑀫𑁄𑀕𑁆𑀕𑀮𑁆𑀮𑀸𑀬𑀦𑀁, 𑀫𑁄𑀕𑁆𑀕𑀮𑁆𑀮𑀸𑀦𑀁. 𑀫𑀼𑀜𑁆𑀘𑀸𑀬𑀦𑁄, 𑀫𑀼𑀜𑁆𑀘𑀸𑀦𑁄, 𑀫𑀼𑀜𑁆𑀘𑀸𑀬𑀦𑀻, 𑀫𑀼𑀜𑁆𑀘𑀸𑀦𑀻, 𑀫𑀼𑀜𑁆𑀘𑀸𑀬𑀦𑀁, 𑀫𑀼𑀜𑁆𑀘𑀸𑀦𑀁. 𑀲𑀗𑁆𑀖𑀸𑀬𑀦𑁄, 𑀲𑀗𑁆𑀖𑀸𑀦𑁄, 𑀲𑀗𑁆𑀖𑀸𑀬𑀦𑀻, 𑀲𑀗𑁆𑀖𑀸𑀦𑀻, 𑀲𑀗𑁆𑀖𑀸𑀬𑀦𑀁, 𑀲𑀗𑁆𑀖𑀸𑀦𑀁. 𑀮𑁄𑀫𑀸𑀬𑀦𑁄, 𑀮𑁄𑀫𑀸𑀦𑁄, 𑀮𑁄𑀫𑀸𑀬𑀦𑀻, 𑀮𑁄𑀫𑀸𑀦𑀻, 𑀮𑁄𑀫𑀸𑀬𑀦𑀁, 𑀮𑁄𑀫𑀸𑀦𑀁, 𑀲𑀸𑀓𑀫𑀸𑀬𑀦𑁄, 𑀲𑀸𑀓𑀫𑀸𑀦𑁄, 𑀲𑀸𑀓𑀫𑀸𑀬𑀦𑀻, 𑀲𑀸𑀓𑀫𑀸𑀦𑀻, 𑀲𑀸𑀓𑀫𑀸𑀬𑀦𑀁, 𑀲𑀸𑀓𑀫𑀸𑀦𑀁. 𑀦𑀸𑀭𑀸𑀬𑀦𑁄, 𑀦𑀸𑀭𑀸𑀦𑁄, 𑀦𑀸𑀭𑀸𑀬𑀦𑀻, 𑀦𑀸𑀭𑀸𑀦𑀻, 𑀦𑀸𑀭𑀸𑀬𑀦𑀁, 𑀦𑀸𑀭𑀸𑀦𑀁. 𑀘𑁄𑀭𑀸𑀬𑀦𑁄𑀘𑁄𑀭𑀸𑀦𑁄, 𑀘𑁄𑀭𑀸𑀬𑀦𑀻, 𑀘𑁄𑀭𑀸𑀦𑀻, 𑀘𑁄𑀭𑀸𑀬𑀦𑀁, 𑀘𑁄𑀭𑀸𑀦𑀁, 𑀆𑀯𑀲𑀸𑀮𑀸𑀬𑀦𑁄, 𑀆𑀯𑀲𑀸𑀮𑀸𑀦𑁄, 𑀆𑀯𑀲𑀸𑀮𑀸𑀬𑀦𑀻, 𑀆𑀯𑀲𑀸𑀮𑀸𑀦𑀻, 𑀆𑀯𑀲𑀸𑀮𑀸𑀬𑀦𑀁, 𑀆𑀯𑀲𑀸𑀮𑀸𑀦𑀁. 𑀤𑁆𑀯𑁂𑀧𑀸𑀬𑀦𑁄, 𑀤𑁆𑀯𑁂𑀧𑀸𑀦𑁄, 𑀤𑁆𑀯𑁂𑀧𑀸𑀬𑀦𑀻, 𑀤𑁆𑀯𑁂𑀧𑀸𑀦𑀻, 𑀤𑁆𑀯𑁂𑀧𑀸𑀬𑀦𑀁, 𑀤𑁆𑀯𑁂𑀧𑀸𑀦𑀁. 𑀓𑀼𑀜𑁆𑀘𑀸𑀬𑀦𑁄, 𑀓𑀼𑀜𑁆𑀘𑀸𑀦𑁄, 𑀓𑀼𑀜𑁆𑀘𑀸𑀬𑀦𑀻, 𑀓𑀼𑀜𑁆𑀘𑀸𑀦𑀻, 𑀓𑀼𑀜𑁆𑀘𑀸𑀬𑀦𑀁, 𑀓𑀼𑀜𑁆𑀘𑀸𑀦𑀁. 𑀓𑀘𑁆𑀘𑀸𑀬𑀦𑁄, 𑀓𑀘𑁆𑀘𑀸𑀦𑁄, 𑀓𑀘𑁆𑀘𑀸𑀬𑀦𑀻, 𑀓𑀘𑁆𑀘𑀸𑀦𑀻, 𑀓𑀘𑁆𑀘𑀸𑀬𑀦𑀁, 𑀓𑀘𑁆𑀘𑀸𑀦𑀁.
𑁩𑁪𑁬, 𑁩𑁬𑁭. 𑀡𑁂𑀬𑁆𑀬𑁄 ¶ 𑀓𑀢𑁆𑀢𑀺𑀓𑀸𑀤𑀻𑀳𑀺.
𑀢𑁂𑀳𑀺 𑀕𑁄𑀢𑁆𑀢𑀕𑀡𑁂𑀳𑀺 𑀓𑀢𑁆𑀢𑀺𑀓𑀸𑀤𑀻𑀳𑀺 𑀡𑁂𑀬𑁆𑀬𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀓𑀢𑁆𑀢𑀺𑀓𑀸𑀬 𑀅𑀧𑀘𑁆𑀘𑀁 𑀓𑀢𑁆𑀢𑀺𑀓𑁂𑀬𑁆𑀬𑁄, 𑀓𑀢𑁆𑀢𑀺𑀓𑀸𑀬 𑀅𑀧𑀘𑁆𑀘𑀁 𑀯𑀸. 𑀏𑀯𑀁 𑀯𑁂𑀦𑀢𑁂𑀬𑁆𑀬𑁄, 𑀭𑁄𑀳𑀺𑀡𑁂𑀬𑁆𑀬𑁄, 𑀕𑀗𑁆𑀕𑁂𑀬𑁆𑀬𑁄, 𑀓𑀤𑁆𑀤𑀫𑁂𑀬𑁆𑀬𑁄, 𑀦𑀸𑀤𑁂𑀬𑁆𑀬𑁄, 𑀆𑀮𑁂𑀬𑁆𑀬𑁄, 𑀆𑀳𑁂𑀬𑁄, 𑀓𑀸𑀫𑁂𑀬𑁆𑀬𑁄, 𑀲𑀼𑀘𑀺𑀬𑀸 𑀅𑀧𑀘𑁆𑀘𑀁 𑀲𑁄𑀘𑁂𑀬𑁆𑀬𑁄, 𑀲𑀸𑀮𑁂𑀬𑁆𑀬𑁄, 𑀩𑀸𑀮𑁂𑀬𑁆𑀬𑁄, 𑀫𑀸𑀮𑁂𑀬𑁆𑀬𑁄, 𑀓𑀸𑀮𑁂𑀬𑁆𑀬𑁄.
𑀢𑀲𑁆𑀫𑀸 𑀅𑀓𑀸𑀭𑀢𑁄 𑀡𑀺𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀤𑀓𑁆𑀔𑀲𑁆𑀲 𑀅𑀧𑀘𑁆𑀘𑀁 𑀤𑀓𑁆𑀔𑀺, 𑀤𑀓𑁆𑀔𑀲𑁆𑀲 𑀅𑀧𑀘𑁆𑀘𑀁 𑀯𑀸. 𑀤𑀼𑀡𑀲𑁆𑀲 𑀅𑀧𑀘𑁆𑀘𑀁 𑀤𑁄𑀡𑀺, 𑀤𑀼𑀡𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀏𑀯𑀁 𑀯𑀸𑀲𑀯𑀺, 𑀲𑀓𑁆𑀬𑀧𑀼𑀢𑁆𑀢𑀺, 𑀦𑀸𑀝𑀧𑀼𑀢𑁆𑀢𑀺, 𑀤𑀸𑀲𑀧𑀼𑀢𑁆𑀢𑀺, 𑀤𑀸𑀲𑀯𑀺, 𑀯𑀸𑀭𑀼𑀡𑀺, 𑀕𑀡𑁆𑀟𑀺, 𑀩𑀸𑀮𑀤𑁂𑀯𑀺, 𑀧𑀸𑀯𑀓𑀺, 𑀚𑁂𑀦𑀤𑀢𑁆𑀢𑀺, 𑀩𑀼𑀤𑁆𑀥𑀺, 𑀥𑀫𑁆𑀫𑀺, 𑀲𑀗𑁆𑀖𑀺, 𑀓𑀧𑁆𑀧𑀺, 𑀅𑀦𑀼𑀭𑀼𑀤𑁆𑀥𑀺.
𑀯𑀸𑀢𑀺 𑀯𑀺𑀓𑀧𑁆𑀧𑀦𑀢𑁆𑀣𑁂𑀦 𑀡𑀺𑀓𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂. 𑀲𑀓𑁆𑀬𑀧𑀼𑀢𑁆𑀢𑀲𑁆𑀲 𑀅𑀧𑀘𑁆𑀘𑀁 𑀲𑀓𑁆𑀬𑀧𑀼𑀢𑁆𑀢𑀺𑀓𑁄. 𑀏𑀯𑀁 𑀦𑀸𑀝𑀧𑀼𑀢𑁆𑀢𑀺𑀓𑁄, 𑀚𑁂𑀦𑀤𑀢𑁆𑀢𑀺𑀓𑁄.
𑁧𑁪𑁮, 𑁩𑁭𑁧. 𑀡𑀯𑁄’ ¶ 𑀧𑀓𑁆𑀯𑀸𑀤𑀻𑀳𑀺.
𑀉𑀧𑀓𑀼𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀡𑀯𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀉𑀧𑀓𑀼𑀲𑁆𑀲 𑀅𑀧𑀘𑁆𑀘𑀁 𑀑𑀧𑀓𑀯𑁄, 𑀉𑀧𑀓𑀼𑀲𑁆𑀲 𑀅𑀧𑀘𑁆𑀘𑀁 𑀯𑀸. 𑀫𑀦𑀼𑀦𑁄 𑀅𑀧𑀘𑁆𑀘𑀁 𑀫𑀸𑀦𑀯𑁄, 𑀫𑀦𑀼𑀦𑁄 𑀅𑀧𑀘𑁆𑀘𑀁 𑀯𑀸. 𑀪𑀕𑁆𑀕𑀼𑀲𑁆𑀲 𑀅𑀧𑀘𑁆𑀘𑀁 𑀪𑀕𑁆𑀕𑀯𑁄, 𑀪𑀕𑁆𑀕𑀼𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀧𑀡𑁆𑀟𑀼𑀲𑁆𑀲 𑀅𑀧𑀘𑁆𑀘𑀁 𑀧𑀡𑁆𑀟𑀯𑁄, 𑀧𑀡𑁆𑀟𑀼𑀲𑁆𑀲 𑀅𑀧𑀘𑁆𑀘𑀁 𑀯𑀸, 𑀩𑀳𑀼𑀲𑁆𑀲 𑀅𑀧𑀘𑁆𑀘𑀁 𑀩𑀸𑀳𑀯𑁄, 𑀩𑀳𑀼𑀲𑁆𑀲 𑀅𑀧𑀘𑁆𑀘𑀁 𑀯𑀸.
𑀢𑀲𑁆𑀫𑀸 𑀯𑀺𑀥𑀯𑀸𑀤𑀺𑀢𑁄 𑀡𑁂𑀭𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 ‘‘𑀢𑀲𑁆𑀲𑀸𑀧𑀘𑁆𑀘’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀯𑀺𑀥𑀯𑀸𑀬 𑀅𑀧𑀘𑁆𑀘𑀁 𑀯𑁂𑀥𑀯𑁂𑀭𑁄, 𑀯𑀺𑀥𑀯𑀸𑀬 𑀅𑀧𑀘𑁆𑀘𑀁 𑀯𑀸. 𑀩𑀦𑁆𑀥𑀼𑀓𑀺𑀬𑀸 𑀅𑀧𑀘𑁆𑀘𑀁 𑀩𑀦𑁆𑀥𑀼𑀓𑁂𑀭𑁄, 𑀩𑀦𑁆𑀥𑀼𑀓𑀺𑀬𑀸 𑀅𑀧𑀘𑁆𑀘𑀁 𑀯𑀸. 𑀲𑀫𑀡𑀲𑁆𑀲 𑀅𑀧𑀘𑁆𑀘𑀁 𑀲𑀸𑀫𑀡𑁂𑀭𑁄, 𑀲𑀫𑀡𑀲𑁆𑀲 𑀅𑀧𑀘𑁆𑀘𑀁 𑀯𑀸. 𑀏𑀯𑀁 𑀲𑀸𑀫𑀡𑁂𑀭𑀻, 𑀲𑀸𑀫𑀡𑁂𑀭𑀁, 𑀦𑀸𑀴𑀺𑀓𑁂𑀭𑁄, 𑀦𑀸𑀴𑀺𑀓𑁂𑀭𑀻, 𑀦𑀸𑀴𑀺𑀓𑁂𑀭𑀁.
𑁩𑁫𑁦, 𑁩𑁭𑁩. 𑀬𑁂𑀦 𑀯𑀸 𑀲𑀁𑀲𑀝𑁆𑀞𑀁 𑀢𑀭𑀢𑀺 𑀘𑀭𑀢𑀺 𑀯𑀳𑀢𑀺 𑀡𑀺𑀓𑁄.
𑀬𑁂𑀦 𑀯𑀸 𑀲𑀁𑀲𑀝𑁆𑀞𑀁, 𑀬𑁂𑀦 𑀯𑀸 𑀢𑀭𑀢𑀺, 𑀬𑁂𑀦 𑀯𑀸 𑀘𑀭𑀢𑀺, 𑀬𑁂𑀦 𑀯𑀸 𑀯𑀳𑀢𑀺 𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀡𑀺𑀓𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸.
𑀢𑀺𑀮𑁂𑀦 ¶ 𑀲𑀁𑀲𑀝𑁆𑀞𑀁 𑀪𑁄𑀚𑀦𑀁 𑀢𑁂𑀮𑀺𑀓𑀁, 𑀢𑀺𑀮𑁂𑀦 𑀲𑀁𑀲𑀝𑁆𑀞𑀁 𑀯𑀸. 𑀏𑀯𑀁 𑀕𑁄𑀴𑀺𑀓𑀁, 𑀖𑀸𑀢𑀺𑀓𑀁.
𑀦𑀸𑀯𑀸𑀬 𑀢𑀭𑀢𑀻𑀢𑀺 𑀦𑀸𑀯𑀺𑀓𑁄, 𑀦𑀸𑀯𑀸𑀬 𑀢𑀭𑀢𑀺 𑀯𑀸. 𑀏𑀯𑀁 𑀑𑀴𑀼𑀫𑁆𑀧𑀺𑀓𑁄.
𑀲𑀓𑀝𑁂𑀦 𑀘𑀭𑀢𑀻𑀢𑀺 𑀲𑀸𑀓𑀝𑀺𑀓𑁄, 𑀲𑀓𑀝𑁂𑀦 𑀘𑀭𑀢𑀺 𑀯𑀸. 𑀏𑀯𑀁 𑀧𑀢𑁆𑀢𑀺𑀓𑁄, 𑀤𑀡𑁆𑀟𑀺𑀓𑁄, 𑀥𑀫𑁆𑀫𑀺𑀓𑁄, 𑀧𑀸𑀤𑀺𑀓𑁄.
𑀲𑀻𑀲𑁂𑀦 𑀯𑀳𑀢𑀻𑀢𑀺 𑀲𑀻𑀲𑀺𑀓𑁄, 𑀲𑀻𑀲𑁂𑀦 𑀯𑀳𑀢𑀺 𑀯𑀸. 𑀅𑀁𑀲𑁂𑀦 𑀯𑀳𑀢𑀻𑀢𑀺 𑀅𑀁𑀲𑀺𑀓𑁄, 𑀅𑀁𑀲𑁂𑀦 𑀯𑀳𑀢𑀺 𑀯𑀸. 𑀏𑀯𑀁 𑀔𑀦𑁆𑀥𑀺𑀓𑁄, 𑀅𑀗𑁆𑀕𑀼𑀮𑀺𑀓𑁄.
𑀯𑀸𑀢𑀺 𑀯𑀺𑀓𑀧𑁆𑀧𑀦𑀢𑁆𑀣𑁂𑀦 𑀅𑀜𑁆𑀜𑁂𑀲𑀼𑀧𑀺 𑀡𑀺𑀓𑀧𑀘𑁆𑀘𑀬𑁄 𑀳𑁄𑀢𑀺. 𑀭𑀸𑀚𑀕𑀳𑁂 𑀯𑀲𑀢𑀻𑀢𑀺 𑀭𑀸𑀚𑀕𑀳𑀺𑀓𑁄, 𑀭𑀸𑀚𑀕𑀳𑁂 𑀯𑀲𑀢𑀺 𑀯𑀸. 𑀭𑀸𑀚𑀕𑀳𑁂 𑀚𑀸𑀢𑁄 𑀭𑀸𑀚𑀕𑀳𑀺𑀓𑁄, 𑀭𑀸𑀚𑀕𑀳𑁂 𑀚𑀸𑀢𑁄 𑀯𑀸. 𑀏𑀯𑀁 𑀫𑀸𑀕𑀥𑀺𑀓𑁄, 𑀲𑀸𑀯𑀢𑁆𑀣𑀺𑀓𑁄, 𑀓𑀸𑀧𑀺𑀮 𑀯𑀢𑁆𑀣𑀺𑀓𑁄, 𑀧𑀸𑀝𑀮𑀺𑀧𑀼𑀢𑁆𑀢𑀺𑀓𑁄, 𑀯𑁂𑀲𑀸𑀮𑀺𑀓𑁄.
𑁩𑁫𑁧, 𑁩𑁭𑁪. 𑀢𑀫𑀥𑀻𑀢𑁂 𑀢𑁂𑀦𑀓𑀢𑀸𑀤𑀺 𑀲𑀦𑁆𑀦𑀺𑀥𑀸𑀦 𑀦𑀺𑀬𑁄𑀕 𑀲𑀺𑀧𑁆𑀧 𑀪𑀡𑁆𑀟 𑀚𑀻𑀯𑀺𑀓𑀢𑁆𑀣𑁂𑀲𑀼 𑀘.
𑀢𑀫𑀥𑀻𑀢𑁂, 𑀢𑁂𑀦𑀓𑀢𑀸𑀤𑀺𑀅𑀢𑁆𑀣𑁂, 𑀢𑀫𑁆𑀳𑀺 𑀲𑀦𑁆𑀦𑀺𑀥𑀸𑀦𑀸, 𑀢𑀢𑁆𑀣 𑀦𑀺𑀬𑀼𑀢𑁆𑀢𑁄, 𑀢𑀫𑀲𑁆𑀲 𑀲𑀺𑀧𑁆𑀧𑀁, 𑀢𑀫𑀲𑁆𑀲 𑀪𑀡𑁆𑀟𑀁, 𑀢𑀫𑀲𑁆𑀲 𑀚𑀻𑀯𑀺𑀓𑀁 𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀘 𑀡𑀺𑀓𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸.
𑀯𑀺𑀦𑀬𑀫𑀥𑀻𑀢𑁂 ¶ 𑀯𑁂𑀦𑀬𑀺𑀓𑁄, 𑀯𑀺𑀦𑀬𑀫𑀥𑀻𑀢𑁂 𑀯𑀸. 𑀏𑀯𑀁 𑀲𑀼𑀢𑁆𑀢𑀦𑁆𑀢𑀺𑀓𑁄, 𑀆𑀪𑀺𑀥𑀫𑁆𑀫𑀺𑀓𑁄, 𑀯𑁂𑀬𑁆𑀬𑀸𑀓𑀭𑀡𑀺𑀓𑁄.
𑀓𑀸𑀬𑁂𑀦 𑀓𑀢𑀁 𑀓𑀫𑁆𑀫𑀁 𑀓𑀸𑀬𑀺𑀓𑀁, 𑀓𑀸𑀬𑁂𑀦 𑀓𑀢𑀁 𑀓𑀫𑁆𑀫𑀁 𑀯𑀸. 𑀏𑀯𑀁 𑀯𑀸𑀘𑀲𑀺𑀓𑀁, 𑀫𑀸𑀦𑀲𑀺𑀓𑀁.
𑀲𑀭𑀻𑀭𑁂 𑀲𑀦𑁆𑀦𑀺𑀥𑀸𑀦𑀸 𑀯𑁂𑀤𑀦𑀸 𑀲𑀸𑀭𑀻𑀭𑀺𑀓𑀸, 𑀲𑀭𑀻𑀭𑁂 𑀲𑀦𑁆𑀦𑀺𑀥𑀸𑀦𑀸 𑀯𑀸, 𑀏𑀯𑀁 𑀫𑀸𑀦𑀲𑀺𑀓𑀸.
𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄 𑀤𑁄𑀯𑀸𑀭𑀺𑀓𑁄, 𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄 𑀯𑀸. 𑀏𑀯𑀁 𑀪𑀡𑁆𑀟𑀸𑀕𑀸𑀭𑀺𑀓𑁄, 𑀦𑀸𑀕𑀭𑀺𑀓𑁄, 𑀦𑀸𑀯𑀓𑀫𑁆𑀫𑀺𑀓𑁄.
𑀯𑀻𑀡𑀸 𑀅𑀲𑁆𑀲 𑀲𑀺𑀧𑁆𑀧𑀁 𑀯𑁂𑀡𑀺𑀓𑁄, 𑀯𑀻𑀡𑀸 𑀅𑀲𑁆𑀲 𑀲𑀺𑀧𑁆𑀧𑀁 𑀯𑀸. 𑀏𑀯𑀁 𑀧𑀸𑀡𑀯𑀺𑀓𑁄, 𑀫𑁄𑀤𑀺𑀗𑁆𑀕𑀺𑀓𑁄, 𑀯𑀁𑀲𑀺𑀓𑁄.
𑀕𑀦𑁆𑀥𑁄 𑀅𑀲𑁆𑀲 𑀪𑀡𑁆𑀟𑀁 𑀕𑀦𑁆𑀥𑀺𑀓𑁄, 𑀕𑀦𑁆𑀥𑁄 𑀅𑀲𑁆𑀲 𑀪𑀡𑁆𑀟𑀁 𑀯𑀸. 𑀏𑀯𑀁 𑀢𑁂𑀮𑀺𑀓𑁄, 𑀕𑁄𑀴𑀺𑀓𑁄.
𑀉𑀭𑀩𑁆𑀪𑀁 𑀳𑀦𑁆𑀢𑁆𑀯𑀸 𑀚𑀻𑀯𑀢𑀻𑀢𑀺 𑀑𑀭𑀩𑁆𑀪𑀺𑀓𑁄, 𑀉𑀭𑀩𑁆𑀪𑀁 𑀳𑀦𑁆𑀢𑁆𑀯𑀸 𑀚𑀻𑀯𑀢𑀺 𑀯𑀸. 𑀫𑀕𑀁 𑀳𑀦𑁆𑀢𑁆𑀯𑀸 𑀚𑀻𑀯𑀢𑀻𑀢𑀺 𑀫𑀸𑀕𑀯𑀺𑀓𑁄, 𑀫𑀕𑀁 𑀳𑀦𑁆𑀢𑁆𑀯𑀸 𑀚𑀻𑀯𑀢𑀺 𑀯𑀸. 𑀏𑀯𑀁 𑀲𑁄𑀓𑀭𑀺𑀓𑁄, 𑀲𑀸𑀓𑀼𑀡𑀺𑀓𑁄.
𑀆𑀤𑀺𑀕𑁆𑀕𑀳𑀡𑁂𑀦 𑀅𑀜𑁆𑀜𑀢𑁆𑀣𑀸𑀧𑀺 𑀡𑀺𑀓 𑀧𑀘𑁆𑀘𑀬𑁄 𑀬𑁄𑀚𑁂𑀢𑀩𑁆𑀩𑁄. 𑀚𑀸𑀮𑁂𑀦 𑀳𑀢𑁄 𑀚𑀸𑀮𑀺𑀓𑁄, 𑀚𑀸𑀮𑁂𑀦 𑀳𑀢𑁄 𑀯𑀸.
𑀲𑀼𑀢𑁆𑀢𑁂𑀦 𑀩𑀦𑁆𑀥𑁄 𑀲𑀼𑀢𑁆𑀢𑀺𑀓𑁄, 𑀲𑀼𑀢𑁆𑀢𑁂𑀦 𑀩𑀦𑁆𑀥𑁄 𑀯𑀸.
𑀘𑀸𑀧𑁄 ¶ 𑀅𑀲𑁆𑀲 𑀆𑀯𑀼𑀥𑁄 𑀘𑀸𑀧𑀺𑀓𑁄, 𑀘𑀸𑀧𑁄 𑀅𑀲𑁆𑀲 𑀆𑀯𑀼𑀥𑁄 𑀯𑀸. 𑀏𑀯𑀁 𑀢𑁄𑀫𑀭𑀺𑀓𑁄, 𑀫𑀼𑀕𑁆𑀕𑀭𑀺𑀓𑁄, 𑀫𑁄𑀲𑀮𑀺𑀓𑁄.
𑀯𑀸𑀢𑁄 𑀅𑀲𑁆𑀲 𑀆𑀩𑀸𑀥𑁄 𑀯𑀸𑀢𑀺𑀓𑁄, 𑀯𑀸𑀢𑁄 𑀅𑀲𑁆𑀲 𑀆𑀩𑀸𑀥𑁄 𑀯𑀸. 𑀏𑀯𑀁 𑀲𑁂𑀫𑁆𑀳𑀺𑀓𑁄, 𑀧𑀺𑀢𑁆𑀢𑀺𑀓𑁄.
𑀩𑀼𑀤𑁆𑀥𑁂 𑀧𑀲𑀦𑁆𑀦𑁄 𑀩𑀼𑀤𑁆𑀥𑀺𑀓𑁄, 𑀩𑀼𑀤𑁆𑀥𑁂 𑀧𑀲𑀦𑁆𑀦𑁄 𑀯𑀸. 𑀏𑀯𑀁 𑀥𑀫𑁆𑀫𑀺𑀓𑁄, 𑀲𑀗𑁆𑀖𑀺𑀓𑁄.
𑀩𑀼𑀤𑁆𑀥𑀲𑁆𑀲 𑀲𑀦𑁆𑀢𑀓𑀁 𑀩𑀼𑀤𑁆𑀥𑀺𑀓𑀁, 𑀩𑀼𑀤𑁆𑀥𑀲𑁆𑀲 𑀲𑀦𑁆𑀢𑀓𑀁 𑀯𑀸. 𑀏𑀯𑀁 𑀥𑀫𑁆𑀫𑀺𑀓𑀁, 𑀲𑀗𑁆𑀖𑀺𑀓𑀁.
𑀯𑀢𑁆𑀣𑁂𑀦 𑀓𑀻𑀢𑀁 𑀪𑀡𑁆𑀟𑀁 𑀯𑀢𑁆𑀣𑀺𑀓𑀁, 𑀯𑀢𑁆𑀣𑁂𑀦 𑀓𑀻𑀢𑀁 𑀪𑀡𑁆𑀟𑀁 𑀯𑀸. 𑀏𑀯𑀁 𑀓𑀼𑀫𑁆𑀪𑀺𑀓𑀁, 𑀨𑀸𑀮𑀺𑀓𑀁, 𑀓𑀺𑀁 𑀓𑀡𑀺𑀓𑀁, 𑀲𑁄𑀯𑀡𑁆𑀡𑀺𑀓𑀁.
𑀓𑀼𑀫𑁆𑀪𑁄 𑀅𑀲𑁆𑀲 𑀧𑀭𑀺𑀫𑀸𑀡𑀁 𑀓𑀼𑀫𑁆𑀪𑀺𑀓𑀁, 𑀓𑀼𑀫𑁆𑀪𑁄 𑀅𑀲𑁆𑀲 𑀧𑀭𑀺𑀫𑀸𑀡𑀁 𑀯𑀸.
𑀓𑀼𑀫𑁆𑀪𑀲𑁆𑀲 𑀭𑀸𑀲𑀺 𑀓𑀼𑀫𑁆𑀪𑀺𑀓𑀁, 𑀓𑀼𑀫𑁆𑀪𑀲𑁆𑀲 𑀭𑀸𑀲𑀺 𑀯𑀸.
𑀓𑀼𑀫𑁆𑀪𑀁 𑀅𑀭𑀳𑀢𑀻𑀢𑀺 𑀓𑀼𑀫𑁆𑀪𑀺𑀓𑁄, 𑀓𑀼𑀫𑁆𑀪𑀁 𑀅𑀭𑀳𑀢𑀺 𑀯𑀸.
𑀅𑀓𑁆𑀔𑁂𑀦 𑀤𑀺𑀩𑁆𑀩𑀢𑀻𑀢𑀺 𑀅𑀓𑁆𑀔𑀺𑀓𑁄, 𑀅𑀓𑁆𑀔𑁂𑀦 𑀤𑀺𑀩𑁆𑀩𑀢𑀺 𑀯𑀸. 𑀏𑀯𑀁 𑀲𑀸𑀮𑀸𑀓𑀺𑀓𑁄, 𑀢𑀺𑀦𑁆𑀤𑀼𑀓𑀺𑀓𑁄, 𑀅𑀫𑁆𑀩𑀨𑀮𑀺𑀓𑁄. 𑀓𑀧𑀺𑀝𑁆𑀞𑀨𑀮𑀺𑀓𑁄, 𑀦𑀸𑀴𑀺𑀓𑁂𑀭𑀺𑀓𑁄 𑀇𑀘𑁆𑀘𑁂𑀯𑀫𑀸𑀤𑀺.
𑁩𑁫𑁨, 𑁩𑁭𑁬. 𑀡 𑀭𑀸𑀕𑀸 𑀢𑀲𑁆𑀲𑁂 𑀤𑀫𑀜𑁆𑀜𑀢𑁆𑀣𑁂𑀲𑀼 𑀘.
𑀡𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 𑀭𑀸𑀕𑀫𑁆𑀳𑀸 ‘‘𑀢𑁂𑀦 𑀭𑀢𑁆𑀢𑀁’’ 𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂, ‘‘𑀢𑀲𑁆𑀲𑁂𑀤𑀁’’ 𑀅𑀜𑁆𑀜𑀢𑁆𑀣𑁂𑀲𑀼 𑀘.
𑀓𑀲𑀸𑀯𑁂𑀦 ¶ 𑀭𑀢𑁆𑀢𑀁 𑀯𑀢𑁆𑀣𑀁 𑀓𑀸𑀲𑀸𑀯𑀁, 𑀓𑀲𑀸𑀯𑁂𑀦 𑀭𑀢𑁆𑀢𑀁 𑀯𑀢𑁆𑀣𑀁 𑀯𑀸. 𑀏𑀯𑀁 𑀓𑁄𑀲𑀼𑀫𑁆𑀪𑀁, 𑀳𑀸𑀮𑀺𑀤𑁆𑀤𑀁, 𑀧𑀸𑀝𑀗𑁆𑀕𑀁, 𑀭𑀢𑁆𑀢𑀗𑁆𑀕, 𑀫𑀜𑁆𑀚𑀺𑀝𑁆𑀞𑀁, 𑀓𑀼𑀗𑁆𑀓𑀼𑀫𑀁.
𑀲𑀽𑀓𑀭𑀲𑁆𑀲 𑀇𑀤𑀁 𑀫𑀁𑀲𑀁 𑀲𑁄𑀓𑀭𑀁, 𑀲𑀽𑀓𑀭𑀲𑁆𑀲 𑀇𑀤𑀁 𑀫𑀁𑀲𑀁 𑀯𑀸. 𑀏𑀯𑀁 𑀫𑀸𑀳𑀺𑀲𑀁.
𑀉𑀤𑀼𑀫𑁆𑀩𑀭𑀲𑁆𑀲 𑀅𑀯𑀺𑀤𑀽𑀭𑁂 𑀧𑀯𑀢𑁆𑀢𑀁 𑀯𑀺𑀫𑀸𑀦𑀁 𑀑𑀤𑀼𑀫𑁆𑀩𑀭𑀁, 𑀉𑀤𑀼𑀫𑁆𑀩𑀭𑀲𑁆𑀲 𑀅𑀯𑀺𑀤𑀽𑀭𑁂 𑀧𑀯𑀢𑁆𑀢𑀁 𑀯𑀺𑀫𑀸𑀦𑀁 𑀯𑀸.
𑀯𑀺𑀤𑀺𑀲𑀸𑀬 𑀅𑀯𑀺𑀤𑀽𑀭𑁂 𑀦𑀺𑀯𑀸𑀲𑁄 𑀯𑁂𑀤𑀺𑀲𑁄, 𑀯𑀺𑀤𑀺𑀲𑀸𑀬 𑀅𑀯𑀺𑀤𑀽𑀭𑁂 𑀦𑀺𑀯𑀸𑀲𑁄 𑀯𑀸.
𑀫𑀣𑀼𑀭𑀸𑀬 𑀚𑀸𑀢𑁄 𑀫𑀸𑀣𑀼𑀭𑁄, 𑀫𑀣𑀼𑀭𑀸𑀬 𑀚𑀸𑀢𑁄 𑀯𑀸.
𑀫𑀣𑀼𑀭𑀸𑀬 𑀆𑀕𑀢𑁄 𑀫𑀸𑀣𑀼𑀭𑁄, 𑀫𑀣𑀼𑀭𑀸𑀬 𑀆𑀕𑀢𑁄 𑀯𑀸.
𑀓𑀢𑁆𑀢𑀺𑀓𑀸𑀬 𑀦𑀺𑀬𑀼𑀢𑁆𑀢𑁄 𑀫𑀸𑀲𑁄 𑀓𑀢𑁆𑀢𑀺𑀓𑁄, 𑀓𑀢𑁆𑀢𑀺𑀓𑀸𑀬 𑀦𑀺𑀬𑀼𑀢𑁆𑀢𑁄 𑀫𑀸𑀲𑁄 𑀯𑀸. 𑀏𑀯𑀁 𑀫𑀸𑀕𑀲𑀺𑀭𑁄, 𑀨𑀼𑀲𑁆𑀲𑁄, 𑀫𑀸𑀖𑁄, 𑀨𑀕𑁆𑀕𑀼𑀦𑁄, 𑀘𑀺𑀢𑁆𑀢𑁄, 𑀯𑁂𑀲𑀸𑀔𑁄, 𑀚𑁂𑀝𑁆𑀞𑁄, 𑀆𑀲𑀴𑁆𑀳𑁄, 𑀲𑀸𑀯𑀡𑁄, 𑀪𑀤𑁆𑀤𑁄, 𑀅𑀲𑁆𑀲𑀬𑀼𑀚𑁄.
𑀦 𑀯𑀼𑀤𑁆𑀥𑀺 𑀦𑀻𑀮𑀧𑀻𑀢𑀸𑀤𑁄, 𑀧𑀘𑁆𑀘𑀬𑁂 𑀲𑀡𑀓𑀸𑀭𑀓𑁂.
𑀨𑀓𑀸𑀭𑁄 𑀨𑀼𑀲𑁆𑀲𑀲𑀤𑁆𑀤𑀲𑁆𑀲, ‘‘𑀲𑀺𑀭𑁄’’𑀢𑀺 𑀲𑀺𑀭𑀲𑀁 𑀯𑀤𑁂.
𑀲𑀺𑀓𑁆𑀔𑀸𑀦𑀁 ¶ 𑀲𑀫𑀽𑀳𑁄 𑀲𑀺𑀓𑁆𑀔𑁄, 𑀪𑀺𑀓𑁆𑀔𑀸𑀦𑀁 𑀲𑀫𑀽𑀳𑁄 𑀪𑀺𑀓𑁆𑀔𑁄. 𑀏𑀯𑀁 𑀓𑀸𑀧𑁄𑀢𑁄, 𑀫𑀸𑀬𑀽𑀭𑁄, 𑀓𑁄𑀓𑀺𑀮𑁄.
𑀩𑀼𑀤𑁆𑀥𑁂, 𑀅𑀲𑁆𑀲 𑀤𑁂𑀯𑀢𑀸 𑀩𑀼𑀤𑁆𑀥𑁄. 𑀏𑀯𑀁 𑀪𑀤𑁆𑀤𑁄, 𑀫𑀸𑀭𑁄, 𑀫𑀸𑀳𑀺𑀦𑁆𑀤𑁄, 𑀯𑁂𑀲𑁆𑀲𑀯𑀡𑁄, 𑀬𑀸𑀫𑁄, 𑀲𑁄𑀫𑁄, 𑀦𑀸𑀭𑀸𑀬𑀡𑁄.
𑀲𑀁𑀯𑀘𑁆𑀙𑀭𑀫𑀥𑀻𑀢𑁂 𑀲𑀁𑀯𑀘𑁆𑀙𑀭𑁄. 𑀏𑀯𑀁 𑀫𑁄𑀳𑀼𑀢𑁆𑀢𑁄, 𑀦𑁂𑀫𑀺𑀢𑁆𑀢𑁄, 𑀅𑀗𑁆𑀕𑀯𑀺𑀚𑁆𑀚𑁄, 𑀯𑁂𑀬𑁆𑀬𑀸𑀓𑀭𑀡𑁄, 𑀙𑀦𑁆𑀤𑁄, 𑀪𑀸𑀲𑁆𑀲𑁄, 𑀘𑀦𑁆𑀤𑁄.
𑀯𑀲𑀸𑀤𑀸𑀦𑀁 𑀯𑀺𑀲𑀬𑁄 𑀤𑁂𑀲𑁄 𑀯𑀸𑀲𑀸𑀤𑁄. 𑀏𑀯𑀁 𑀓𑀼𑀫𑁆𑀪𑁄, 𑀲𑀸𑀓𑀼𑀦𑁆𑀢𑁄, 𑀆𑀢𑀺𑀲𑀸𑀭𑁄.
𑀉𑀤𑀼𑀫𑁆𑀩𑀭𑀸 𑀅𑀲𑁆𑀫𑀺𑀁 𑀧𑀤𑁂𑀲𑁂 𑀲𑀦𑁆𑀢𑀻𑀢𑀺 𑀑𑀤𑀼𑀫𑁆𑀩𑀭𑁄. 𑀲𑀸𑀕𑀭𑁂𑀳𑀺 𑀦𑀺𑀩𑁆𑀩𑀢𑁆𑀢𑁄 𑀲𑀸𑀕𑀭𑁄. 𑀲𑀸𑀕𑀮𑀫𑀲𑁆𑀲 𑀦𑀺𑀯𑀸𑀲𑁄 𑀲𑀸𑀕𑀮𑁄. 𑀫𑀣𑀼𑀭𑀸 𑀅𑀲𑁆𑀲 𑀦𑀺𑀯𑀸𑀲𑁄 𑀫𑀸𑀣𑀼𑀭𑁄. 𑀫𑀣𑀼𑀭𑀸𑀬 𑀇𑀲𑁆𑀲𑀭𑁄 𑀫𑀸𑀣𑀼𑀭𑁄. 𑀇𑀘𑁆𑀘𑁂𑀯𑀫𑀸𑀤𑀬𑁄 𑀬𑁄𑀚𑁂𑀢𑀩𑁆𑀩𑀸.
𑀚𑀸𑀢𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀢𑁆𑀣𑁂 𑀇𑀫𑀇𑀬𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀧𑀘𑁆𑀙𑀸 𑀚𑀸𑀢𑁄 𑀧𑀘𑁆𑀙𑀺𑀫𑁄. 𑀏𑀯𑀁 𑀅𑀦𑁆𑀢𑀺𑀫𑁄, 𑀫𑀚𑁆𑀛𑀺𑀫𑁄, 𑀧𑀼𑀭𑀺𑀫𑁄, 𑀉𑀧𑀭𑀺𑀫𑁄, 𑀳𑁂𑀝𑁆𑀞𑀺𑀫𑁄, 𑀕𑁄𑀧𑁆𑀨𑀺𑀫𑁄. 𑀩𑁄𑀥𑀺𑀲𑀢𑁆𑀢𑀚𑀸𑀢𑀺𑀬𑀸 𑀚𑀸𑀢𑁄 𑀩𑁄𑀥𑀺𑀲𑀢𑁆𑀢𑀚𑀸𑀢𑀺𑀬𑁄, 𑀏𑀯𑀁 ¶ 𑀅𑀲𑁆𑀲𑀚𑀸𑀢𑀺𑀬𑁄, 𑀳𑀢𑁆𑀣𑀺𑀚𑀸𑀢𑀺𑀬𑁄, 𑀫𑀦𑀼𑀲𑁆𑀲𑀚𑀸𑀢𑀺𑀬𑁄.
𑀆𑀤𑀺𑀕𑁆𑀕𑀳𑀡𑁂𑀦 𑀦𑀺𑀬𑀼𑀢𑁆𑀢𑀢𑁆𑀣𑀸𑀤𑀺𑀢𑁄𑀧𑀺 𑀢𑀤𑀲𑁆𑀲𑀢𑁆𑀣𑀸𑀤𑀺𑀢𑁄𑀧𑀺 𑀇𑀫 𑀇𑀬 𑀇𑀓 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺. 𑀅𑀦𑁆𑀢𑁄 𑀦𑀺𑀬𑀼𑀢𑁆𑀢𑁄 𑀅𑀦𑁆𑀢𑀺𑀫𑁄. 𑀏𑀯𑀁 𑀅𑀦𑁆𑀢𑀺𑀬𑁄, 𑀅𑀦𑁆𑀢𑀺𑀓𑁄.
𑀧𑀼𑀢𑁆𑀢𑁄 𑀅𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀧𑀼𑀢𑁆𑀢𑀺𑀫𑁄. 𑀏𑀯𑀁 𑀧𑀼𑀢𑁆𑀢𑀺𑀬𑁂𑀯, 𑀧𑀼𑀢𑁆𑀢𑀺𑀓𑁄, 𑀓𑀧𑁆𑀧𑀺𑀫𑁄, 𑀓𑀧𑁆𑀧𑀺𑀬𑁄, 𑀓𑀧𑁆𑀧𑀺𑀓𑁄.
𑀘𑀕𑁆𑀕𑀳𑀡𑁂𑀦 𑀓𑀺𑀬𑀧𑀘𑁆𑀘𑀬𑁄 𑀳𑁄𑀢𑀺 𑀦𑀺𑀬𑀼𑀢𑁆𑀢𑀢𑁆𑀣𑁂. 𑀚𑀸𑀢𑀺𑀬𑀁 𑀦𑀺𑀬𑀼𑀢𑁆𑀢𑁄 𑀚𑀸𑀢𑀺𑀓𑀺𑀬𑁄, 𑀅𑀦𑁆𑀥𑁂 𑀦𑀺𑀬𑀼𑀢𑁆𑀢𑁄 𑀅𑀦𑁆𑀥𑀓𑀺𑀬𑁄, 𑀚𑀸𑀢𑀺𑀬𑀸 𑀅𑀦𑁆𑀥𑁄 𑀚𑀘𑁆𑀘𑀦𑁆𑀥𑁄, 𑀚𑀘𑁆𑀘𑀦𑁆𑀥𑁂 𑀦𑀺𑀬𑀼𑀢𑁆𑀢𑁄 𑀚𑀘𑁆𑀘𑀦𑁆𑀥𑀓𑀺𑀬𑁄.
𑀲𑀫𑀽𑀳𑀢𑁆𑀣𑁂 𑀓𑀡 𑀡𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀭𑀸𑀚𑀧𑀼𑀢𑁆𑀢𑀸𑀦𑀁 𑀲𑀫𑀽𑀳𑁄 𑀭𑀸𑀚𑀧𑀼𑀢𑁆𑀢𑀓𑁄. 𑀏𑀯𑀁 𑀭𑀸𑀚𑀧𑀼𑀢𑁆𑀢𑁄, 𑀫𑀸𑀦𑀼𑀲𑁆𑀲𑀓𑁄, 𑀫𑀸𑀦𑀼𑀲𑁆𑀲𑁄, 𑀫𑀸𑀬𑀽𑀭𑀓𑁄, 𑀫𑀸𑀬𑀽𑀭𑁄, 𑀫𑀸𑀳𑀺𑀁𑀲𑀓𑁄, 𑀫𑀸𑀳𑀺𑀁𑀲𑁄.
𑁩𑁫𑁫, 𑁩𑁮𑁦. 𑀕𑀸𑀫 𑀚𑀦 𑀩𑀦𑁆𑀥𑀼 𑀲𑀳𑀸𑀬𑀸𑀤𑀻𑀳𑀺𑀢𑀸.
𑀕𑀸𑀫 𑀚𑀦 𑀩𑀦𑁆𑀥𑀼 𑀲𑀳𑀸𑀬𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀢𑀸𑀧𑀘𑁆𑀘𑀬𑁄 𑀳𑁄𑀢𑀺 𑀲𑀫𑀽𑀳𑀢𑁆𑀣𑁂.
𑀕𑀸𑀫𑀸𑀦𑀁 ¶ 𑀲𑀫𑀽𑀳𑁄 𑀕𑀸𑀫𑀢𑀸. 𑀏𑀯𑀁 𑀚𑀦𑀢𑀸, 𑀩𑀦𑁆𑀥𑀼𑀢𑀸, 𑀲𑀳𑀸𑀬𑀢𑀸, 𑀦𑀕𑀭𑀢𑀸.
‘‘𑀢𑀤𑀲𑁆𑀲 𑀞𑀸𑀦’’ 𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀇𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀫𑀤𑀦𑀲𑁆𑀲 𑀞𑀸𑀦𑀁 𑀫𑀤𑀦𑀺𑀬𑀁, 𑀩𑀦𑁆𑀥𑀦𑀲𑁆𑀲 𑀞𑀸𑀦𑀁 𑀩𑀦𑁆𑀥𑀦𑀺𑀬𑀁, 𑀫𑀼𑀘𑁆𑀙𑀦𑀲𑁆𑀲 𑀞𑀸𑀦𑀁 𑀫𑀼𑀘𑁆𑀙𑀦𑀺𑀬𑀁, 𑀏𑀯𑀁 𑀭𑀚𑀦𑀺𑀬𑀁, 𑀓𑀫𑀦𑀺𑀬𑀁, 𑀕𑀫𑀦𑀺𑀬𑀁, 𑀤𑀼𑀲𑁆𑀲𑀦𑀺𑀬𑀁, 𑀤𑀲𑁆𑀲𑀦𑀺𑀬𑀁.
𑀉𑀧𑀫𑀢𑁆𑀣𑁂 𑀆𑀬𑀺𑀢𑀢𑁆𑀢𑀧𑀘𑁆𑀘𑀬𑁄 𑀳𑁄𑀢𑀺.
𑀥𑀽𑀫𑁄 𑀯𑀺𑀬 𑀤𑀺𑀲𑁆𑀲𑀢𑀺 𑀅𑀤𑀼𑀁 𑀯𑀦𑀁 𑀢𑀤𑀺𑀤𑀁 𑀥𑀽𑀫𑀸𑀬𑀺𑀢𑀢𑁆𑀢𑀁, 𑀢𑀺𑀫𑀺𑀭𑀁 𑀯𑀺𑀬 𑀤𑀺𑀲𑁆𑀲𑀢𑀺 𑀅𑀤𑀼𑀁 𑀯𑀦𑀁 𑀢𑀤𑀺𑀤𑀁 𑀢𑀺𑀫𑀺𑀭𑀸𑀬𑀺𑀢𑀢𑁆𑀢𑀁.
‘‘𑀢𑀦𑁆𑀦𑀺𑀲𑁆𑀲𑀺𑀢𑀢𑁆𑀣𑁂, 𑀢𑀤𑀲𑁆𑀲 𑀞𑀸𑀦’’𑀫𑀺𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀘 𑀮𑀧𑀘𑁆𑀘𑀬𑁄 𑀳𑁄𑀢𑀺.
𑀤𑀼𑀝𑁆𑀞𑀼 ¶ 𑀦𑀺𑀲𑁆𑀲𑀺𑀢𑀁 𑀤𑀼𑀝𑁆𑀞𑀼𑀮𑁆𑀮𑀁, 𑀯𑁂𑀤𑀁 𑀦𑀺𑀲𑁆𑀲𑀺𑀢𑀁 𑀯𑁂𑀤𑀮𑁆𑀮𑀁, 𑀤𑀼𑀝𑁆𑀞𑀼 𑀞𑀸𑀦𑀁 𑀤𑀼𑀝𑁆𑀞𑀼𑀮𑁆𑀮𑀁, 𑀯𑁂𑀤𑀲𑁆𑀲 𑀞𑀸𑀦𑀁 𑀯𑁂𑀤𑀮𑁆𑀮𑀁.
𑀆𑀮𑀼𑀧𑀘𑁆𑀘𑀬𑁄 𑀳𑁄𑀢𑀺 𑀢𑀩𑁆𑀩𑀳𑀼𑀮𑀢𑁆𑀣𑁂.
𑀅𑀪𑀺𑀚𑁆𑀛𑀸 𑀅𑀲𑁆𑀲 𑀧𑀓𑀢𑀺 𑀅𑀪𑀺𑀚𑁆𑀛𑀸𑀮𑀼, 𑀅𑀪𑀺𑀚𑁆𑀛𑀸 𑀅𑀲𑁆𑀲 𑀩𑀳𑀼𑀮𑀸 𑀯𑀸 𑀅𑀪𑀺𑀚𑁆𑀛𑀸𑀮𑀼. 𑀏𑀯𑀁 𑀲𑀻𑀢𑀸𑀮𑀼, 𑀥𑀚𑀸𑀮𑀼, 𑀤𑀬𑀸𑀮𑀼.
𑀡𑁆𑀬𑀢𑁆𑀢𑀢𑀸𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀪𑀸𑀯𑀢𑁆𑀣𑁂.
𑀅𑀮𑀲𑀲𑁆𑀲 𑀪𑀸𑀯𑁄 𑀆𑀮𑀲𑁆𑀬𑀁, 𑀅𑀭𑁄𑀕𑀲𑁆𑀲 𑀪𑀸𑀯𑁄 𑀆𑀭𑁄𑀕𑁆𑀬𑀁. 𑀧𑀁𑀲𑀼𑀓𑀽𑀮𑀺𑀓𑀲𑁆𑀲 𑀪𑀸𑀯𑁄 𑀧𑀁𑀲𑀼𑀓𑀽𑀮𑀺𑀓𑀢𑁆𑀢𑀁, 𑀅𑀦𑁄𑀤𑀭𑀺𑀓𑀲𑁆𑀲 𑀪𑀸𑀯𑁄 𑀅𑀦𑁄𑀤𑀭𑀺𑀓𑀢𑁆𑀢𑀁. 𑀲𑀗𑁆𑀕𑀡𑀺𑀓𑀸𑀭𑀸𑀫𑀲𑁆𑀲 𑀪𑀸𑀯𑁄 𑀲𑀗𑁆𑀕𑀡𑀺𑀓𑀸𑀭𑀸𑀫𑀢𑀸, 𑀦𑀺𑀤𑁆𑀤𑀸𑀭𑀸𑀫𑀲𑁆𑀲 𑀪𑀸𑀯𑁄 𑀦𑀺𑀤𑁆𑀤𑀸𑀭𑀸𑀫𑀢𑀸.
𑀢𑀼𑀕𑁆𑀕𑀳𑀡𑁂𑀦 𑀢𑁆𑀢𑀦𑀧𑀘𑁆𑀘𑀬𑁄 𑀳𑁄𑀢𑀺. 𑀧𑀼𑀣𑀼𑀚𑁆𑀚𑀦𑀢𑁆𑀢𑀦𑀁, 𑀯𑁂𑀤𑀦𑀢𑁆𑀢𑀦𑀁.
𑁩𑁬𑁧, 𑁩𑁮𑁮. 𑀡 ¶ 𑀯𑀺𑀲𑀫𑀸𑀤𑀻𑀳𑀺.
𑀡𑀧𑀘𑁆𑀘𑀬𑁄 𑀳𑁄𑀢𑀺 𑀯𑀺𑀲𑀫𑀸𑀤𑀻𑀳𑀺 ‘‘𑀢𑀲𑁆𑀲 𑀪𑀸𑀯𑁄’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀯𑀺𑀲𑀫𑀲𑁆𑀲 𑀪𑀸𑀯𑁄 𑀯𑁂𑀲𑀫𑀁, 𑀲𑀼𑀘𑀺𑀲𑁆𑀲 𑀪𑀸𑀯𑁄 𑀲𑁄𑀘𑀁.
𑀭𑀫𑀡𑀻𑀬𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀓𑀡 𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀲𑁆𑀲 𑀪𑀸𑀯𑁄’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀭𑀫𑀡𑀻𑀬𑀲𑁆𑀲 𑀪𑀸𑀯𑁄 𑀭𑀸𑀫𑀡𑀻𑀬𑀓𑀁, 𑀫𑀦𑀼𑀜𑁆𑀜𑀲𑁆𑀲 𑀪𑀸𑀯𑁄 𑀫𑀸𑀦𑀼𑀜𑁆𑀜𑀓𑀁.
𑁩𑁬𑁩, 𑁩𑁯𑁦. 𑀯𑀺𑀲𑁂𑀲𑁂 𑀢𑀭𑀢𑀫𑀺𑀲𑀺𑀓𑀺𑀬𑀺𑀝𑁆𑀞𑀸.
𑀯𑀺𑀲𑁂𑀲𑀢𑁆𑀣𑁂 𑀢𑀭 𑀢𑀫 𑀇𑀲𑀺𑀓 𑀇𑀬 𑀇𑀝𑁆𑀞𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀲𑀩𑁆𑀩𑁂 𑀇𑀫𑁂 𑀧𑀸𑀧𑀸, 𑀅𑀬𑀫𑀺𑀫𑁂𑀲𑀁 𑀯𑀺𑀲𑁂𑀲𑁂𑀦 𑀧𑀸𑀧𑁄𑀢𑀺 𑀧𑀸𑀧𑀢𑀭𑁄. 𑀏𑀯𑀁 𑀧𑀸𑀧𑀢𑀫𑁄, 𑀧𑀸𑀧𑀺𑀲𑀺𑀓𑁄, 𑀧𑀸𑀧𑀺𑀬𑁄, 𑀧𑀸𑀧𑀺𑀝𑁆𑀞𑁄.
‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀯𑀻𑀧𑀘𑁆𑀘𑀬𑁄 𑀳𑁄𑀢𑀺.
𑀫𑁂𑀥𑀸 ¶ 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺𑀫𑁂𑀥𑀸𑀯𑀻. 𑀏𑀯𑀁 𑀫𑀸𑀬𑀸𑀯𑀻.
𑀘𑀕𑁆𑀕𑀳𑀡𑁂𑀦 𑀲𑁄𑀧𑀘𑁆𑀘𑀬𑁄 𑀳𑁄𑀢𑀺. 𑀲𑀼𑀫𑁂𑀥𑀸 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀲𑀼𑀫𑁂𑀥𑀲𑁄.
𑀢𑀧𑀸𑀤𑀺𑀢𑁄 𑀲𑀻𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀢𑀧𑁄 𑀬𑀲𑁆𑀲 𑀅𑀢𑁆𑀣𑀺 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀢𑀧𑀲𑁆𑀲𑀻. 𑀏𑀯𑀁 𑀬𑀲𑀲𑁆𑀲𑀻, 𑀢𑁂𑀚𑀲𑁆𑀲𑀻.
𑀤𑀡𑁆𑀟𑀸𑀤𑀺𑀢𑁄 𑀇𑀓 𑀈𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀤𑀡𑁆𑀟𑁄 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀤𑀡𑁆𑀟𑀺𑀓𑁄, 𑀤𑀡𑁆𑀟𑀻. 𑀏𑀯𑀁 𑀫𑀸𑀮𑀺𑀓𑁄, 𑀫𑀸𑀮𑀻.
𑀫𑀥𑀼𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀭𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀫𑀥𑀼 ¶ 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀫𑀥𑀼𑀭𑁄. 𑀏𑀯𑀁 𑀓𑀼𑀜𑁆𑀚𑀭𑁄, 𑀫𑀼𑀕𑁆𑀕𑀭𑁄, 𑀫𑀼𑀔𑀭𑁄, 𑀲𑀼𑀲𑀺𑀭𑁄, (𑀲𑀻𑀲𑀭𑁄, 𑀲𑀼𑀓𑀭𑁄, 𑀲𑀼𑀗𑁆𑀓𑀭𑁄), 𑀲𑀼𑀪𑀭𑁄, 𑀲𑀼𑀘𑀺𑀭𑁄, 𑀭𑀼𑀘𑀺𑀭𑁄.
𑀕𑀼𑀡𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀯𑀦𑁆𑀢𑀼𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀕𑀼𑀡𑁄 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀕𑀼𑀡𑀯𑀸. 𑀏𑀯𑀁 𑀬𑀲𑀯𑀸, 𑀥𑀦𑀯𑀸, 𑀧𑀜𑁆𑀜𑀯𑀸, 𑀩𑀮𑀯𑀸, 𑀪𑀕𑀯𑀸.
𑀲𑀢𑀺𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀫𑀦𑁆𑀢𑀼𑀧𑀘𑁆𑀘𑀬𑁄𑀳𑁄𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’ 𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀲𑀢𑀺 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀲𑀢𑀺𑀫𑀸, 𑀏𑀯𑀁 𑀚𑀼𑀢𑀺𑀫𑀸, 𑀭𑀼𑀘𑀺𑀫𑀸, 𑀣𑀼𑀢𑀺𑀫𑀸, 𑀥𑀺𑀢𑀺𑀫𑀸, 𑀫𑀢𑀺𑀫𑀸, 𑀪𑀸𑀡𑀼𑀫𑀸.
𑀲𑀤𑁆𑀥𑀸𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀡 𑀧𑀘𑁆𑀘𑀬𑁄 𑀳𑁄𑀢𑀺 ‘‘𑀢𑀤𑀲𑁆𑀲𑀢𑁆𑀣𑀺’’𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂.
𑀲𑀤𑁆𑀥𑀸 ¶ 𑀬𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀪𑀺 𑀲𑀤𑁆𑀥𑁄, 𑀏𑀯𑀁 𑀧𑀜𑁆𑀜𑁄, 𑀅𑀫𑀘𑁆𑀙𑀭𑁄.
𑁩𑁭𑁧, 𑁪𑁦𑁪. 𑀆𑀬𑀼𑀲𑁆𑀲𑀼𑀓𑀸𑀭𑀸𑀲 𑀫𑀦𑁆𑀢𑀼𑀫𑁆𑀳𑀺.
𑀆𑀬𑀼𑀲𑁆𑀲 𑀅𑀦𑁆𑀢𑁄 𑀉𑀓𑀸𑀭𑁄 𑀅𑀲𑀸𑀤𑁂𑀲𑁄 𑀳𑁄𑀢𑀺𑀫𑀦𑁆𑀢𑀼𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀆𑀬𑀼 𑀅𑀲𑁆𑀲 𑀅𑀢𑁆𑀣𑀺, 𑀢𑀲𑁆𑀫𑀺𑀁 𑀯𑀸 𑀯𑀺𑀚𑁆𑀚𑀢𑀻𑀢𑀺 𑀆𑀬𑀲𑁆𑀫𑀸.
𑀢𑀧𑁆𑀧𑀓𑀢𑀺𑀯𑀘𑀦𑀢𑁆𑀣𑁂 𑀫𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀲𑀼𑀯𑀡𑁆𑀡𑁂𑀦 𑀧𑀓𑀢𑀁 𑀓𑀫𑁆𑀫𑀁 𑀲𑁄𑀯𑀡𑁆𑀡𑀫𑀬𑀁. 𑀏𑀯𑀁 𑀭𑀽𑀧𑀺𑀬𑀫𑀬𑀁 𑀚𑀢𑀼𑀫𑀬𑀁, 𑀭𑀚𑀢𑀫𑀬𑀁, 𑀇𑀝𑁆𑀞𑀓𑀫𑀬𑀁, 𑀅𑀬𑁄𑀫𑀬𑀁, 𑀫𑀢𑁆𑀢𑀺𑀓𑀸 𑀫𑀬𑀁, 𑀤𑀸𑀭𑀼𑀫𑀬𑀁, 𑀕𑁄𑀫𑀬𑀁.
𑀲𑀗𑁆𑀔𑁆𑀬𑀸𑀧𑀽𑀭𑀡𑀢𑁆𑀣𑁂 𑀫𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀜𑁆𑀘𑀦𑁆𑀦𑀁 𑀧𑀽𑀭𑀡𑁄 𑀧𑀜𑁆𑀘𑀫𑁄, 𑀏𑀯𑀁 𑀲𑀢𑁆𑀢𑀫𑁄, 𑀅𑀝𑁆𑀞𑀫𑁄, 𑀦𑀯𑀫𑁄, 𑀤𑀲𑀫𑁄.
𑁩𑁭𑁪, 𑁪𑁦𑁮. 𑀲 ¶ 𑀙𑀲𑁆𑀲𑀯𑀸.
𑀙𑀲𑁆𑀲 𑀲𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀲𑀗𑁆𑀔𑁆𑀬𑀸𑀧𑀽𑀭𑀡𑀢𑁆𑀣𑁂.
𑀙𑀦𑁆𑀦𑀁 𑀧𑀽𑀭𑀡𑁄 𑀲𑀝𑁆𑀞𑁄, 𑀙𑀝𑁆𑀞𑁄 𑀯𑀸.
𑀏𑀓𑀸𑀤𑀺𑀢𑁄 𑀤𑀲𑀲𑁆𑀲 𑀅𑀦𑁆𑀢𑁂 𑀈𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸 𑀲𑀗𑁆𑀔𑁆𑀬𑀸𑀧𑀽𑀭𑀡𑀢𑁆𑀣𑁂.
𑀏𑀓𑁄 𑀘 𑀤𑀲 𑀘 𑀏𑀓𑀸𑀤𑀲, 𑀏𑀓𑀸𑀤𑀲𑀦𑁆𑀦𑀁 𑀧𑀽𑀭𑀡𑀻 𑀏𑀓𑀸𑀤𑀲𑀻. 𑀧𑀜𑁆𑀘𑀘 𑀤𑀲 𑀘 𑀧𑀜𑁆𑀘𑀤𑀲, 𑀧𑀜𑁆𑀘𑀤𑀲𑀦𑁆𑀦𑀁 𑀧𑀽𑀭𑀡𑀻 𑀧𑀜𑁆𑀘𑀤𑀲𑀻. 𑀘𑀢𑁆𑀢𑀸𑀭𑁄 𑀘 𑀤𑀲 𑀘 𑀘𑀢𑀼𑀤𑁆𑀤𑀲, 𑀘𑀢𑀼𑀤𑁆𑀤𑀲𑀦𑁆𑀦𑀁 𑀧𑀽𑀭𑀡𑀻 𑀘𑀸𑀢𑀼𑀤𑁆𑀤𑀲𑀻.
𑀧𑀽𑀭𑀡𑁂𑀢𑀺 𑀓𑀺𑀫𑀢𑁆𑀣𑀁? 𑀏𑀓𑀸𑀤𑀲, 𑀧𑀜𑁆𑀘𑀤𑀲.
𑀤𑀲𑀲𑀤𑁆𑀤𑁂 𑀧𑀭𑁂 𑀦𑀺𑀘𑁆𑀘𑀁 𑀙𑀲𑁆𑀲 𑀲𑁄 𑀳𑁄𑀢𑀺.
𑀲𑁄𑀴𑀲.
𑀢𑀸𑀲𑀁 𑀲𑀗𑁆𑀔𑁆𑀬𑀸𑀦𑀁 𑀅𑀦𑁆𑀢𑁂 𑀦𑀺𑀕𑁆𑀕𑀳𑀺𑀢𑀸𑀕𑀫𑁄 𑀳𑁄𑀢𑀺.
𑀧𑀜𑁆𑀘𑀤𑀲𑀺, 𑀘𑀸𑀢𑀼𑀤𑁆𑀤𑀲𑀺.
𑁩𑁭𑁮, 𑁪𑁧𑁪. 𑀢𑀺 ¶ 𑀘.
𑀢𑀸𑀲𑀁 𑀲𑀗𑁆𑀔𑁆𑀬𑀸𑀦𑀁 𑀅𑀦𑁆𑀢𑁂 𑀢𑀺𑀓𑀸𑀭𑀸𑀕𑀫𑁄 𑀳𑁄𑀢𑀺. 𑀯𑀻𑀲𑀢𑀺, 𑀢𑀺𑀁𑀲𑀢𑀺.
𑀤𑀓𑀸𑀭 𑀭𑀓𑀸𑀭𑀸𑀦𑀁 𑀲𑀗𑁆𑀔𑁆𑀬𑀸𑀦𑀁 𑀮𑀓𑀸𑀭𑀸𑀤𑁂𑀲𑁄 𑀳𑁄𑀢𑀺. 𑀲𑁄𑀴𑀲, 𑀘𑀢𑁆𑀢𑀸𑀮𑀻𑀲𑀁.
𑁩𑁮𑁦, 𑁨𑁫𑁫. 𑀯𑀻𑀲𑀢𑀺 𑀤𑀲𑁂𑀲𑀼 𑀩𑀸 𑀤𑁆𑀯𑀺𑀲𑁆𑀲 𑀢𑀼.
𑀯𑀻𑀲𑀢𑀺 𑀤𑀲𑀇𑀘𑁆𑀘𑁂𑀢𑁂𑀲𑀼 𑀤𑁆𑀯𑀺𑀲𑁆𑀲 𑀩𑀸 𑀳𑁄𑀢𑀺.
𑀩𑀸𑀯𑀻𑀲𑀢𑀺𑀦𑁆𑀤𑁆𑀭𑀺𑀬𑀸𑀦𑀺, 𑀩𑀸𑀭𑀲 𑀫𑀦𑀼𑀲𑁆𑀲𑀸.
𑀢𑀼𑀕𑁆𑀕𑀳𑀡𑁂𑀦 𑀤𑁆𑀯𑀺𑀲𑁆𑀲 𑀤𑀼 𑀤𑀺 𑀤𑁄 𑀆𑀤𑁂𑀲𑀸 𑀘 𑀳𑁄𑀦𑁆𑀢𑀺. 𑀤𑀼𑀭𑀢𑁆𑀢𑀁, 𑀤𑀺𑀭𑀢𑁆𑀢𑀁, 𑀤𑀺𑀕𑀼𑀡𑀁, 𑀤𑁄𑀳𑀴𑀺𑀦𑀻.
𑁩𑁮𑁧, 𑁨𑁫𑁪. 𑀏𑀓𑀸𑀤𑀺𑀢𑁄 𑀤𑀲𑁆𑀲 𑀭 𑀲𑀗𑁆𑀔𑁆𑀬𑀸𑀦𑁂.
𑀏𑀓𑀸𑀤𑀺𑀢𑁄 𑀤𑀲𑀲𑁆𑀲 𑀤𑀓𑀸𑀭𑀲𑁆𑀲 𑀭𑀓𑀸𑀭𑁄 𑀳𑁄𑀢𑀺 𑀯𑀸 𑀲𑀗𑁆𑀔𑁆𑀬𑀸𑀦𑁂.
𑀏𑀓𑀸𑀭𑀲, 𑀏𑀓𑀸𑀤𑀲, 𑀩𑀸𑀭𑀲, 𑀤𑁆𑀯𑀸𑀤𑀲.
𑀲𑀗𑁆𑀔𑁆𑀬𑀸𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀸𑀤𑀲𑀸𑀬𑀢𑀦𑀸𑀦𑀺.
𑁩𑁮𑁨, 𑁨𑁫𑁯. 𑀅𑀝𑁆𑀞𑀸𑀤𑀺𑀢𑁄 ¶ 𑀘.
𑀅𑀝𑁆𑀞𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀘 𑀤𑀲𑀲𑀤𑁆𑀤𑀲𑁆𑀲 𑀤𑀓𑀸𑀭𑀲𑁆𑀲 𑀭𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀲𑀗𑁆𑀔𑁆𑀬𑀸𑀦𑁂.
𑀅𑀝𑁆𑀞𑀸𑀭𑀲, 𑀅𑀝𑁆𑀞𑀤𑀲.
𑀅𑀝𑁆𑀞𑀸𑀤𑀺𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀧𑀜𑁆𑀘𑀤𑀲, 𑀲𑁄𑀴𑀲.
𑀲𑀗𑁆𑀔𑁆𑀬𑀸𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀝𑁆𑀞𑀤𑀲𑀺𑀓𑁄.
𑁩𑁮𑁩, 𑁨𑁫𑁩. 𑀤𑁆𑀯𑁂𑀓𑀝𑁆𑀞𑀸𑀦𑀫𑀸𑀓𑀸𑀭𑁄 𑀯𑀸.
𑀤𑁆𑀯𑀺 𑀏𑀓 𑀅𑀝𑁆𑀞𑀇𑀘𑁆𑀘𑁂𑀢𑁂𑀲𑀫𑀦𑁆𑀢𑁄 𑀆𑀓𑀸𑀭𑁄 𑀳𑁄𑀢𑀺 𑀯𑀸 𑀲𑀗𑁆𑀔𑁆𑀬𑀸𑀦𑁂.
𑀤𑁆𑀯𑀸𑀤𑀲, 𑀏𑀓𑀸𑀤𑀲, 𑀅𑀝𑁆𑀞𑀸𑀭𑀲.
𑀲𑀗𑁆𑀔𑁆𑀬𑀸𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀤𑁆𑀯𑀺𑀤𑀦𑁆𑀢𑁄, 𑀏𑀓𑀤𑀦𑁆𑀢𑁄, 𑀏𑀓𑀘𑁆𑀙𑀦𑁆𑀦𑁄, 𑀅𑀝𑁆𑀞𑀢𑁆𑀣𑀫𑁆𑀪𑁄.
𑀘𑀢𑀼 𑀙𑀇𑀘𑁆𑀘𑁂𑀢𑁂𑀳𑀺 𑀣 𑀞𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀗𑁆𑀔𑁆𑀬𑀸𑀧𑀽𑀭𑀡𑀢𑁆𑀣𑁂.
𑀘𑀢𑀼𑀢𑁆𑀣𑁄, 𑀙𑀝𑁆𑀞𑁄.
𑁩𑁮𑁫, 𑁪𑁦𑁯. 𑀤𑁆𑀯𑀺𑀢𑀻𑀳𑀺 ¶ 𑀢𑀺𑀬𑁄.
𑀤𑁆𑀯𑀺 𑀢𑀺𑀇𑀘𑁆𑀘𑁂𑀢𑁂𑀳𑀺 𑀢𑀺𑀬𑀧𑀘𑁆𑀘𑀬𑁄 𑀳𑁄𑀢𑀺 𑀲𑀗𑁆𑀔𑁆𑀬𑀸𑀧𑀽𑀭𑀡𑀢𑁆𑀣𑁂.
𑀤𑀼𑀢𑀺𑀬𑁄, 𑀢𑀢𑀺𑀬𑁄.
𑀤𑁆𑀯𑀺 𑀢𑀺𑀇𑀘𑁆𑀘𑁂𑀢𑁂𑀲𑀁 𑀤𑀼 𑀢𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀢𑀺𑀬𑀧𑀘𑁆𑀘𑀬𑁂 𑀧𑀭𑁂.
𑀤𑀼𑀢𑀺𑀬𑁄, 𑀢𑀢𑀺𑀬𑁄.
𑀅𑀧𑀺𑀕𑁆𑀕𑀳𑀡𑁂𑀦 𑀅𑀜𑁆𑀜𑁂𑀲𑀼𑀧𑀺 𑀤𑁆𑀯𑀺𑀇𑀘𑁆𑀘𑁂𑀢𑀲𑁆𑀲 𑀤𑀼𑀆𑀤𑁂𑀲𑁄 𑀳𑁄𑀢𑀺. 𑀤𑀼𑀭𑀢𑁆𑀢𑀁.
𑀘𑀕𑁆𑀕𑀳𑀡𑁂𑀦 𑀤𑁆𑀯𑀺𑀇𑀘𑁆𑀘𑁂𑀢𑀲𑁆𑀲 𑀤𑀺𑀓𑀸𑀭𑁄 𑀳𑁄𑀢𑀺. 𑀤𑀺𑀭𑀢𑁆𑀢𑀁, 𑀤𑀺𑀕𑀼𑀡𑀁 𑀲𑀗𑁆𑀖𑀸𑀝𑀺𑀁 𑀧𑀸𑀭𑀼𑀧𑁂𑀢𑁆𑀯𑀸.
𑁩𑁮𑁭, 𑁪𑁧𑁧. 𑀢𑁂𑀲𑀫𑀟𑁆𑀠𑀽𑀧𑀧𑀤𑁂𑀦 𑀅𑀟𑁆𑀠𑀼𑀟𑁆𑀠 𑀤𑀺𑀯𑀟𑁆𑀠 𑀤𑀺𑀬𑀟𑁆𑀠𑀟𑁆𑀠𑀢𑀺𑀬𑀸.
𑀢𑁂𑀲𑀁 ¶ 𑀘𑀢𑀼𑀢𑁆𑀣 𑀤𑀼𑀢𑀺𑀬 𑀢𑀢𑀺𑀬𑀸𑀦𑀁 𑀅𑀟𑁆𑀠𑀽𑀧𑀧𑀤𑀸𑀦𑀁 𑀅𑀟𑁆𑀠𑀟𑁆𑀠𑀼𑀤𑀺𑀯𑀟𑁆𑀠 𑀤𑀺𑀬𑀟𑁆𑀠 𑀅𑀟𑁆𑀠𑀢𑀺𑀬𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀅𑀟𑁆𑀠𑀽𑀧𑀧𑀤𑁂𑀦 𑀲𑀳𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀅𑀟𑁆𑀠𑁂𑀦 𑀘𑀢𑀼𑀢𑁆𑀣𑁄 𑀅𑀟𑁆𑀠𑀼𑀟𑁆𑀠𑁄, 𑀅𑀟𑁆𑀠𑁂𑀦 𑀤𑀼𑀢𑀺𑀬𑁄 𑀤𑀺𑀯𑀟𑁆𑀠𑁄, 𑀅𑀟𑁆𑀠𑁂𑀦 𑀤𑀼𑀢𑀺𑀬𑁄 𑀤𑀺𑀬𑀟𑁆𑀠𑁄, 𑀅𑀟𑁆𑀠𑁂𑀦 𑀢𑀢𑀺𑀬𑁄 𑀅𑀟𑁆𑀠𑀢𑀺𑀬𑁄.
𑀲𑀭𑀽𑀧𑀸𑀦𑀁 𑀧𑀤𑀩𑁆𑀬𑀜𑁆𑀚𑀦𑀸𑀦𑀁 𑀏𑀓𑀲𑁂𑀲𑁄 𑀳𑁄𑀢𑀺 𑀅𑀲𑀓𑀺𑀁. 𑀧𑀼𑀭𑀺𑀲𑁄 𑀘 𑀧𑀼𑀭𑀺𑀲𑁄 𑀘 𑀧𑀼𑀭𑀺𑀲𑀸.
𑀲𑀭𑀽𑀧𑀸𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀳𑀢𑁆𑀣𑀻 𑀘 𑀅𑀲𑁆𑀲𑁄 𑀘 𑀭𑀣𑁄 𑀘 𑀧𑀢𑁆𑀢𑀺𑀓𑁄 𑀘 𑀳𑀢𑁆𑀣𑀺𑀅𑀲𑁆𑀲𑀭𑀣𑀧𑀢𑁆𑀢𑀺𑀓𑀸,
𑀅𑀲𑀓𑀺𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀧𑀼𑀭𑀺𑀲𑁄.
𑁩𑁮𑁯, 𑁪𑁧𑁩. 𑀕𑀡𑀦𑁂 𑀤𑀲𑀲𑁆𑀲 𑀤𑁆𑀯𑀺𑀢𑀺𑀘𑀢𑀼𑀧𑀜𑁆𑀘𑀙𑀲𑀢𑁆𑀢𑀅𑀝𑁆𑀞𑀦𑀯𑀓𑀸𑀦𑀁 𑀯𑀻 𑀢𑀺 𑀘𑀢𑁆𑀢𑀸𑀭 𑀧𑀜𑁆𑀜𑀸 𑀙 𑀲𑀢𑁆𑀢𑀸𑀲𑀦𑀯𑀸 𑀬𑁄𑀲𑀼, 𑀬𑁄𑀦𑀜𑁆𑀘𑀻𑀲𑀫𑀸𑀲𑀁 𑀞𑀺 𑀭𑀺 𑀢𑀻 𑀢𑀼𑀢𑀺.
𑀕𑀡𑀦𑁂 𑀤𑀲𑀲𑁆𑀲 𑀤𑁆𑀯𑀺𑀓 𑀢𑀺𑀓 𑀘𑀢𑀼𑀓𑁆𑀓 𑀧𑀜𑁆𑀘𑀓 𑀙𑀓𑁆𑀓 𑀲𑀢𑁆𑀢𑀓𑀅𑀝𑁆𑀞𑀓 𑀦𑀯𑀓𑀸𑀦𑀁 𑀲𑀭𑀽𑀧𑀸𑀦𑀁 𑀓𑀢𑁂𑀓𑀲𑁂𑀲𑀸𑀦𑀁 𑀬𑀣𑀸𑀲𑀗𑁆𑀔𑁆𑀬𑀁 𑀯𑀻 𑀢𑀺 𑀘𑀢𑁆𑀢𑀸𑀭 𑀧𑀜𑁆𑀜𑀸 𑀙 𑀲𑀢𑁆𑀢 𑀅𑀲 𑀦𑀯𑀇𑀘𑁆𑀘𑀸𑀤𑁂𑀲𑀸 𑀳𑁄𑀦𑁆𑀢𑀺 𑀅𑀲𑀓𑀺𑀁 𑀬𑁄𑀲𑀼, 𑀬𑁄𑀦𑀜𑁆𑀘 𑀈𑀲𑀁 𑀆𑀲𑀁 𑀞𑀺 𑀭𑀺 𑀢𑀺 𑀈𑀢𑀺 𑀉𑀢𑀺𑀇𑀘𑁆𑀘𑀸𑀤𑁂𑀲𑀸 𑀳𑁄𑀦𑁆𑀢𑀺. 𑀧𑀘𑁆𑀙𑀸 𑀧𑀼𑀦 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀯𑀻𑀲𑀁 ¶ , 𑀢𑀺𑀁𑀲𑀁, 𑀘𑀢𑁆𑀢𑀸𑀮𑀻𑀲𑀁, 𑀧𑀜𑁆𑀜𑀸𑀲𑀁, 𑀲𑀝𑁆𑀞𑀺, 𑀲𑀢𑁆𑀢𑀭𑀺, 𑀲𑀢𑁆𑀢𑀢𑀺, 𑀅𑀲𑀻𑀢𑀺, 𑀦𑀯𑀼𑀢𑀺.
𑀅𑀲𑀓𑀺𑀦𑁆𑀢𑀺 𑀓𑀺𑀫𑀢𑁆𑀣𑀁? 𑀤𑀲.
𑀕𑀡𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀤𑀲𑀤𑀲𑀓𑀸 𑀧𑀼𑀭𑀺𑀲𑀸.
𑁩𑁯𑁦, 𑁨𑁫𑁬. 𑀘𑀢𑀽𑀧𑀧𑀤𑀲𑁆𑀲 𑀮𑁄𑀧𑁄 𑀢𑀼𑀢𑁆𑀢𑀭𑀧𑀤𑀸𑀤𑀺𑀘𑀲𑁆𑀲 𑀘𑀼𑀘𑁄𑀧𑀺 𑀦𑀯𑀸.
𑀘𑀢𑀽𑀧𑀧𑀤𑀲𑁆𑀲 𑀕𑀡𑀦𑁂 𑀧𑀭𑀺𑀬𑀸𑀧𑀦𑁆𑀦𑀲𑁆𑀲 𑀢𑀼𑀓𑀸𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺, 𑀉𑀢𑁆𑀢𑀭𑀧𑀤𑀸𑀤𑀺𑀘𑀓𑀸𑀭𑀲𑁆𑀲 𑀘𑀼𑀘𑁄𑀧𑀺 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀦𑀯𑀸.
𑀘𑀼𑀤𑁆𑀤𑀲, 𑀘𑁄𑀤𑁆𑀤𑀲, 𑀘𑀢𑀼𑀤𑁆𑀤𑀲.
𑀅𑀧𑀺𑀕𑁆𑀕𑀳𑀡𑁂𑀦 𑀅𑀦𑀼𑀧𑀧𑀤𑀲𑁆𑀲𑀸𑀧𑀺 𑀧𑀤𑀸𑀤𑀺𑀘𑀓𑀸𑀭𑀲𑁆𑀲. 𑀮𑁄𑀧𑁄𑀳𑁄𑀢𑀺 𑀦𑀯𑀸, 𑀘𑀲𑁆𑀲 𑀘𑀼𑀘𑁄𑀧𑀺 𑀳𑁄𑀦𑁆𑀢𑀺. 𑀢𑀸𑀮𑀻𑀲𑀁, 𑀘𑀢𑁆𑀢𑀸𑀮𑀻𑀲𑀁, 𑀘𑀼𑀢𑁆𑀢𑀸𑀮𑀻𑀲𑀁, 𑀘𑁄𑀢𑁆𑀢𑀸𑀮𑀻𑀲𑀁.
𑁩𑁯𑁧, 𑁪𑁨𑁩. 𑀬𑀤𑀦𑀼𑀧𑀧𑀦𑁆𑀦𑀸 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑀬𑁂 𑀲𑀤𑁆𑀤𑀸 𑀅𑀦𑀺𑀤𑁆𑀤𑀺𑀝𑁆𑀞𑀮𑀓𑁆𑀔𑀡𑀸, 𑀅𑀓𑁆𑀔𑀭𑀧𑀤𑀩𑁆𑀬𑀜𑁆𑀚𑀦𑀢𑁄, 𑀇𑀢𑁆𑀣𑀺𑀧𑀼𑀫𑀦𑀧𑀼𑀁𑀲𑀓𑀮𑀺𑀗𑁆𑀕𑀢𑁄 ¶ , 𑀦𑀸𑀫𑀼𑀧𑀲𑀕𑁆𑀕𑀦𑀺𑀧𑀸𑀢𑀢𑁄, 𑀅𑀩𑁆𑀬𑀬𑀻𑀪𑀸𑀯𑀲𑀫𑀸𑀲𑀢𑀤𑁆𑀥𑀺𑀢𑀸𑀔𑁆𑀬𑀸𑀢𑀢𑁄, 𑀕𑀡𑀦𑀲𑀗𑁆𑀔𑁆𑀬𑀸𑀓𑀸𑀮𑀓𑀸𑀭𑀓𑀧𑁆𑀧𑀬𑁄𑀕𑀲𑀜𑁆𑀜𑀸𑀢𑁄, 𑀲𑀦𑁆𑀥𑀺𑀧𑀓𑀢𑀺𑀯𑀼𑀤𑁆𑀥𑀺𑀮𑁄𑀧𑀸𑀕𑀫𑀯𑀺𑀓𑀸𑀭𑀯𑀺𑀧𑀭𑀺𑀢𑀢𑁄, 𑀯𑀺𑀪𑀢𑁆𑀢𑀺𑀯𑀺𑀪𑀚𑀦𑀢𑁄 𑀘, 𑀢𑁂 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑁩𑁯𑁨, 𑁪𑁧𑁮. 𑀤𑁆𑀯𑀸𑀤𑀺𑀢𑁄 𑀓𑁄’𑀦𑁂𑀓𑀢𑁆𑀣𑁂𑀘.
𑀤𑁆𑀯𑀺𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀓𑀧𑀘𑁆𑀘𑀬𑁄 𑀳𑁄𑀢𑀺 𑀅𑀦𑁂𑀓𑀢𑁆𑀣𑁂 𑀘, 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑀲𑀢𑀲𑁆𑀲 𑀤𑁆𑀯𑀺𑀓𑀁 𑀤𑁆𑀯𑀺𑀲𑀢𑀁, 𑀲𑀢𑀲𑁆𑀲 𑀢𑀺𑀓𑀁 𑀢𑀺𑀲𑀢𑀁, 𑀲𑀢𑀲𑁆𑀲 𑀘𑀢𑀼𑀓𑁆𑀓𑀁 𑀘𑀢𑀼𑀲𑀢𑀁, 𑀲𑀢𑀲𑁆𑀲 𑀧𑀜𑁆𑀘𑀓𑀁 𑀧𑀜𑁆𑀘𑀲𑀢𑀁, 𑀲𑀢𑀲𑁆𑀲 𑀙𑀓𑁆𑀓𑀁 𑀙𑀲𑀢𑀁, 𑀲𑀢𑀲𑁆𑀲 𑀲𑀢𑁆𑀢𑀓𑀁 𑀲𑀢𑁆𑀢𑀲𑀢𑀁, 𑀲𑀢𑀲𑁆𑀲 𑀅𑀝𑁆𑀞𑀓𑀁 𑀅𑀝𑁆𑀞𑀲𑀢𑀁, 𑀲𑀢𑀲𑁆𑀲 𑀦𑀯𑀓𑀁 𑀦𑀯𑀲𑀢𑀁, 𑀲𑀢𑀲𑁆𑀲 𑀤𑀲𑀓𑀁 𑀤𑀲𑀲𑀢𑀁, 𑀲𑀳𑀲𑁆𑀲𑀁 𑀳𑁄𑀢𑀺.
𑁩𑁯𑁩, 𑁪𑁧𑁫. 𑀤𑀲𑀤𑀲𑀓𑀁 𑀲𑀢𑀁 𑀤𑀲𑀓𑀸𑀦𑀁 𑀲𑀢𑀁 𑀲𑀳𑀲𑁆𑀲𑀜𑁆𑀘 𑀬𑁄𑀫𑁆𑀳𑀺.
𑀕𑀡𑀦𑁂 𑀧𑀭𑀺𑀬𑀸𑀧𑀦𑁆𑀦𑀲𑁆𑀲 𑀤𑀲𑀤𑀲𑀓𑀲𑁆𑀲 𑀲𑀢𑀁 𑀳𑁄𑀢𑀺, 𑀲𑀢𑀤𑀲𑀓𑀲𑁆𑀲 𑀲𑀳𑀲𑁆𑀲𑀁 𑀳𑁄𑀢𑀺 𑀬𑁄𑀫𑁆𑀳𑀺 𑀧𑀭𑁂.
𑀲𑀢𑀁, 𑀲𑀳𑀲𑁆𑀲𑀁.
𑀤𑁆𑀯𑀺𑀓𑀸𑀤𑀻𑀦𑀁 𑀢𑀤𑀼𑀢𑁆𑀢𑀭𑀧𑀤𑀸𑀦𑀜𑁆𑀘 𑀦𑀺𑀧𑁆𑀧𑀚𑁆𑀚𑀦𑁆𑀢𑁂 𑀬𑀣𑀸𑀲𑀗𑁆𑀔𑁆𑀬𑀁. 𑀲𑀢𑀲𑁆𑀲 𑀤𑁆𑀯𑀺𑀓𑀁 (𑀢𑀤𑀺𑀤𑀁 𑀳𑁄𑀢𑀺) 𑀤𑁆𑀯𑀺𑀲𑀢𑀁, 𑀏𑀯𑀁 𑀢𑀺𑀲𑀢𑀁, 𑀘𑀢𑀼𑀲𑀢𑀁 ¶ , 𑀧𑀜𑁆𑀘𑀲𑀢𑀁, 𑀙𑀲𑀢𑀁, 𑀲𑀢𑁆𑀢𑀲𑀢𑀁, 𑀅𑀝𑁆𑀞𑀲𑀢𑀁, 𑀦𑀯𑀲𑀢𑀁, 𑀤𑀲𑀲𑀢𑀁, 𑀲𑀳𑀲𑁆𑀲𑀁 𑀳𑁄𑀢𑀺.
𑁩𑁯𑁪, 𑁪𑁧𑁬. 𑀬𑀸𑀯 𑀢𑀤𑀼𑀢𑁆𑀢𑀭𑀺 𑀤𑀲𑀕𑀼𑀡𑀺𑀢𑀜𑁆𑀘.
𑀬𑀸𑀯 𑀢𑀸𑀲𑀁 𑀲𑀗𑁆𑀔𑁆𑀬𑀸𑀦𑀁 𑀉𑀢𑁆𑀢𑀭𑀺 𑀤𑀲𑀕𑀼𑀡𑀺𑀢𑀜𑁆𑀘 𑀓𑀸𑀢𑀩𑁆𑀩𑀁.
𑀢𑀁 𑀬𑀣𑀸? 𑀤𑀲𑀲𑁆𑀲 𑀕𑀡𑀦𑀲𑁆𑀲 𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸 𑀲𑀢𑀁 𑀳𑁄𑀢𑀺, 𑀲𑀢𑀲𑁆𑀲 𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸 𑀲𑀳𑀲𑁆𑀲𑀁 𑀳𑁄𑀢𑀺, 𑀲𑀳𑀲𑁆𑀲𑀲𑁆𑀲 𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸 𑀤𑀲𑀲𑀳𑀲𑁆𑀲𑀁 𑀳𑁄𑀢𑀺, 𑀤𑀲𑀲𑀳𑀲𑁆𑀲𑀲𑁆𑀲 𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸𑀲𑀢𑀲𑀳𑀲𑁆𑀲𑀁 𑀳𑁄𑀢𑀺, 𑀲𑀢𑀲𑀳𑀲𑁆𑀲𑀲𑁆𑀲 𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸𑀤𑀲𑀲𑀢𑀲𑀳𑀲𑁆𑀲𑀁 𑀳𑁄𑀢𑀺, 𑀤𑀲𑀲𑀢𑀲𑀳𑀲𑁆𑀲𑀲𑁆𑀲𑀤𑀲𑀕𑀼𑀡𑀺𑀢𑀁 𑀓𑀢𑁆𑀯𑀸 𑀓𑁄𑀝𑀺 𑀳𑁄𑀢𑀺, 𑀓𑁄𑀝𑀺𑀲𑀢𑀲𑀳𑀲𑁆𑀲𑀲𑁆𑀲 𑀲𑀢𑀕𑀼𑀡𑀺𑀢𑀁 𑀓𑀢𑁆𑀯𑀸 𑀧𑀓𑁄𑀝𑀺 𑀳𑁄𑀢𑀺. 𑀏𑀯𑀁 𑀲𑁂𑀲𑀸𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀘𑀕𑁆𑀕𑀳𑀡𑀁 𑀯𑀺𑀲𑁂𑀲𑀦𑀢𑁆𑀣𑀁.
𑀬𑀸𑀲𑀁 𑀧𑀦 𑀲𑀗𑁆𑀔𑁆𑀬𑀸𑀦𑀁 𑀅𑀦𑀺𑀤𑁆𑀤𑀺𑀝𑁆𑀞𑀦𑀸𑀫𑀥𑁂𑀬𑁆𑀬𑀸𑀦𑀁 𑀲𑀓𑁂𑀳𑀺 𑀲𑀓𑁂𑀳𑀺 𑀦𑀸𑀫𑁂𑀳𑀺 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀓𑁄𑀝𑀺, 𑀓𑁄𑀝𑀺𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀧𑀓𑁄𑀝𑀺, 𑀧𑀓𑁄𑀝𑀺𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀓𑁄𑀝𑀺𑀧𑀓𑁄𑀝𑀺 ¶ , 𑀓𑁄𑀝𑀺𑀧𑀓𑁄𑀝𑀺𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀦𑀳𑀼𑀢𑀁, 𑀦𑀳𑀼𑀢𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀦𑀺𑀦𑁆𑀦𑀳𑀼𑀢𑀁, 𑀦𑀺𑀦𑁆𑀦𑀳𑀼𑀢𑀲𑀢𑀲𑀳𑀲𑁆𑀲𑀸𑀦𑀁 𑀲𑀢𑀁 𑀅𑀓𑁆𑀔𑁄𑀪𑀺𑀡𑀻. 𑀢𑀣𑀸 𑀩𑀺𑀦𑁆𑀤𑀼, 𑀅𑀩𑁆𑀩𑀼𑀤𑀁, 𑀦𑀺𑀭𑀩𑁆𑀩𑀼𑀤𑀁, 𑀅𑀳𑀳𑀁, 𑀅𑀩𑀩𑀁, 𑀅𑀝𑀝𑀁, 𑀲𑁄𑀕𑀦𑁆𑀥𑀺𑀓𑀁, 𑀉𑀧𑁆𑀧𑀮𑀁, 𑀓𑀼𑀫𑀼𑀤𑀁, 𑀧𑀤𑀼𑀫𑀁, 𑀧𑀼𑀡𑁆𑀟𑀭𑀺𑀓𑀁, 𑀓𑀣𑀸𑀦𑀁, 𑀫𑀳𑀸𑀓𑀣𑀸𑀦𑀁, 𑀅𑀲𑀗𑁆𑀔𑁆𑀬𑁂𑀬𑁆𑀬𑀁.
𑀢𑁂𑀲𑀁 𑀧𑀘𑁆𑀘𑀬𑀸𑀦𑀁 𑀡𑁄 𑀮𑁄𑀧𑀫𑀸𑀧𑀚𑁆𑀚𑀢𑁂.
𑀕𑁄𑀢𑀫𑀲𑁆𑀲 𑀅𑀧𑀘𑁆𑀘𑀁 𑀕𑁄𑀢𑀫𑁄. 𑀏𑀯𑀁 𑀯𑀸𑀲𑀺𑀝𑁆𑀞𑁄. 𑀯𑁂𑀦𑀢𑁂𑀬𑁆𑀬𑁄, 𑀆𑀮𑀲𑁆𑀬𑀁, 𑀆𑀭𑁄𑀕𑁆𑀬𑀁.
𑀯𑀺𑀪𑀸𑀕𑀢𑁆𑀣𑁂 𑀘 𑀥𑀸𑀧𑀘𑁆𑀘𑀬𑁄 𑀳𑁄𑀢𑀺.
𑀏𑀓𑁂𑀦 𑀯𑀺𑀪𑀸𑀕𑁂𑀦 𑀏𑀓𑀥𑀸. 𑀏𑀯𑀁 𑀤𑁆𑀯𑀺𑀥𑀸, 𑀢𑀺𑀥𑀸, 𑀘𑀢𑀼𑀥𑀸, 𑀧𑀜𑁆𑀘𑀥𑀸, 𑀙𑀥𑀸.
𑀘𑁂𑀢𑀺 𑀓𑀺𑀫𑀢𑁆𑀣𑀁? 𑀲𑁄𑀧𑀘𑁆𑀘𑀬𑁄 𑀳𑁄𑀢𑀺. 𑀲𑀼𑀢𑁆𑀢𑀲𑁄, 𑀩𑁆𑀬𑀜𑁆𑀚𑀦𑀲𑁄, 𑀧𑀤𑀲𑁄.
𑁩𑁯𑁮, 𑁪𑁨𑁧. 𑀲𑀩𑁆𑀩𑀦𑀸𑀫𑁂𑀳𑀺 ¶ 𑀧𑀓𑀸𑀭𑀯𑀘𑀦𑁂 𑀢𑀼 𑀣𑀸.
𑀲𑀩𑁆𑀩𑀦𑀸𑀫𑁂𑀳𑀺 𑀧𑀓𑀸𑀭𑀯𑀘𑀦𑀢𑁆𑀣𑁂 𑀣𑀸𑀧𑀘𑁆𑀘𑀬𑁄 𑀳𑁄𑀢𑀺.
𑀲𑁄 𑀧𑀓𑀸𑀭𑁄 𑀢𑀣𑀸, 𑀢𑀁 𑀧𑀓𑀸𑀭𑀁 𑀢𑀣𑀸, 𑀢𑁂𑀦 𑀧𑀓𑀸𑀭𑁂𑀦 𑀢𑀣𑀸, 𑀢𑀲𑁆𑀲 𑀧𑀓𑀸𑀭𑀲𑁆𑀲 𑀢𑀣𑀸, 𑀢𑀲𑁆𑀫𑀸 𑀧𑀓𑀸𑀭𑀸 𑀢𑀣𑀸, 𑀢𑀲𑁆𑀲 𑀧𑀓𑀸𑀭𑀲𑁆𑀲 𑀢𑀣𑀸, 𑀢𑀲𑁆𑀫𑀺𑀁 𑀧𑀓𑀸𑀭𑁂 𑀢𑀣𑀸. 𑀏𑀯𑀁 𑀬𑀣𑀸, 𑀲𑀩𑁆𑀩𑀣𑀸, 𑀅𑀜𑁆𑀜𑀣𑀸, 𑀇𑀢𑀭𑀣𑀸.
𑀢𑀼𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀢𑀢𑁆𑀣𑀸𑀧𑀘𑁆𑀘𑀬𑁄 𑀳𑁄𑀢𑀺. 𑀲𑁄 𑀧𑀓𑀸𑀭𑁄 𑀢𑀣𑀢𑁆𑀣𑀸. 𑀏𑀯𑀁 𑀬𑀣𑀢𑁆𑀣𑀸. 𑀲𑀩𑁆𑀩𑀣𑀢𑁆𑀣𑀸, 𑀅𑀜𑁆𑀜𑀣𑀢𑁆𑀣𑀸, 𑀇𑀢𑀭𑀣𑀢𑁆𑀣𑀸.
𑀓𑀺𑀁 𑀇𑀫𑀇𑀘𑁆𑀘𑁂𑀢𑁂𑀳𑀺 𑀣𑀁𑀧𑀘𑁆𑀘𑀬𑁄 𑀳𑁄𑀢𑀺 𑀧𑀓𑀸𑀭𑀯𑀘𑀦𑀢𑁆𑀣𑁂.
𑀓𑁄 𑀧𑀓𑀸𑀭𑁄 𑀓𑀣𑀁, 𑀓𑀁 𑀧𑀓𑀸𑀭𑀁 𑀓𑀣𑀁, 𑀓𑁂𑀦 𑀧𑀓𑀸𑀭𑁂𑀦 𑀓𑀣𑀁, 𑀓𑀲𑁆𑀲 𑀧𑀓𑀸𑀭𑀲𑁆𑀲 𑀓𑀣𑀁, 𑀓𑀲𑁆𑀫𑀸 𑀧𑀓𑀸𑀭𑀸 𑀓𑀣𑀁. 𑀓𑀲𑁆𑀲 𑀧𑀓𑀸𑀭𑀲𑁆𑀲 𑀓𑀣𑀁, 𑀓𑀲𑁆𑀫𑀺𑀁 𑀧𑀓𑀸𑀭𑁂 𑀓𑀣𑀁, 𑀅𑀬𑀁 𑀧𑀓𑀸𑀭𑁄 𑀇𑀢𑁆𑀣𑀁, 𑀇𑀫𑀁 𑀧𑀓𑀸𑀭𑀁 𑀇𑀢𑁆𑀣𑀁, 𑀇𑀫𑀺𑀦𑀸 𑀧𑀓𑀸𑀭𑁂𑀦 𑀇𑀢𑁆𑀣𑀁, 𑀇𑀫𑀲𑁆𑀲 𑀧𑀓𑀸𑀭𑀲𑁆𑀲 𑀇𑀢𑁆𑀣𑀁, 𑀇𑀫𑀲𑁆𑀫𑀸 𑀧𑀓𑀸𑀭𑀸 𑀇𑀢𑁆𑀣𑀁, 𑀇𑀫𑀲𑁆𑀲 𑀧𑀓𑀸𑀭𑀲𑁆𑀲 𑀇𑀢𑁆𑀣𑀁, 𑀇𑀫𑀲𑁆𑀫𑀺𑀁 𑀧𑀓𑀸𑀭𑁂 𑀇𑀢𑁆𑀣𑀁.
𑁪𑁦𑁦, 𑁩𑁬𑁪. 𑀯𑀼𑀤𑁆𑀥𑀸𑀤𑀺𑀲𑀭𑀲𑁆𑀲 ¶ 𑀯𑀸’𑀲𑀁𑀬𑁄𑀕𑀦𑁆𑀢𑀲𑁆𑀲 𑀲𑀡𑁂 𑀘.
𑀆𑀤𑀺𑀲𑀭𑀲𑁆𑀲 𑀯𑀸 𑀅𑀲𑀁𑀬𑁄𑀕𑀦𑁆𑀢𑀲𑁆𑀲 𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀯𑀸 𑀲𑀭𑀲𑁆𑀲 𑀯𑀼𑀤𑁆𑀥𑀺 𑀳𑁄𑀢𑀺 𑀲𑀡𑀓𑀸𑀭𑀓𑁂 𑀧𑀘𑁆𑀘𑀬𑁂 𑀧𑀭𑁂.
𑀆𑀪𑀺𑀥𑀫𑁆𑀫𑀺𑀓𑁄, 𑀯𑁂𑀦𑀢𑁂𑀬𑁆𑀬𑁄, 𑀯𑀸𑀲𑀺𑀝𑁆𑀞𑁄, 𑀆𑀮𑀲𑁆𑀬𑀁, 𑀆𑀭𑁄𑀕𑁆𑀬𑀁.
𑀅𑀲𑀁𑀬𑁄𑀕𑀦𑁆𑀢𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀪𑀕𑁆𑀕𑀯𑁄, 𑀫𑀦𑁆𑀢𑁂𑀬𑁆𑀬𑁄, 𑀓𑀼𑀦𑁆𑀢𑁂𑀬𑁆𑀬𑁄.
𑀇𑀉𑀇𑀘𑁆𑀘𑁂𑀢𑁂𑀲𑀁 𑀆𑀤𑀺𑀪𑀽𑀢𑀸𑀦𑀁 𑀫𑀸 𑀯𑀼𑀤𑁆𑀥𑀺 𑀳𑁄𑀢𑀺. 𑀢𑁂𑀲𑀼 𑀘 𑀏 𑀑 𑀯𑀼𑀤𑁆𑀥𑀸𑀕𑀫𑁄 𑀳𑁄𑀢𑀺 𑀞𑀸𑀦𑁂.
𑀩𑁆𑀬𑀸𑀓𑀭𑀡𑀫𑀥𑀻𑀢𑁂 𑀯𑁂𑀬𑁆𑀬𑀸𑀓𑀭𑀡𑀺𑀓𑁄, 𑀦𑁆𑀬𑀸𑀬𑀫𑀥𑀻𑀢𑁂 𑀦𑁂𑀬𑁆𑀬𑀸𑀬𑀺𑀓𑁄, 𑀩𑁆𑀬𑀸𑀯𑀘𑁆𑀙𑀲𑁆𑀲 𑀅𑀧𑀘𑁆𑀘𑀁 𑀯𑁂𑀬𑁆𑀬𑀸𑀯𑀘𑁆𑀙𑁄, 𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄 𑀤𑁄𑀯𑀸𑀭𑀺𑀓𑁄.
𑁪𑁦𑁨, 𑁩𑁭𑁭. 𑀆𑀢𑁆𑀢𑀜𑁆𑀘 ¶ .
𑀇𑀉𑀇𑀘𑁆𑀘𑁂𑀢𑁂𑀲𑀁 𑀆𑀢𑁆𑀢𑀜𑁆𑀘 𑀳𑁄𑀢𑀺, 𑀭𑀺𑀓𑀸𑀭𑀸𑀕𑀫𑁄 𑀘 𑀞𑀸𑀦𑁂.
𑀇𑀲𑀺𑀲𑁆𑀲 𑀪𑀸𑀯𑁄 𑀆𑀭𑀺𑀲𑁆𑀬𑀁, 𑀇𑀡𑀲𑁆𑀲 𑀪𑀸𑀯𑁄 𑀆𑀡𑁆𑀬𑀁, 𑀉𑀲𑀪𑀲𑁆𑀲 𑀪𑀸𑀯𑁄 𑀆𑀲𑀪𑀁, 𑀉𑀚𑀼𑀦𑁄 𑀪𑀸𑀯𑁄 𑀅𑀚𑁆𑀚𑀯𑀁, 𑀇𑀘𑁆𑀘𑁂𑀯𑀫𑀸𑀤𑀻 𑀬𑁄𑀚𑁂𑀢𑀩𑁆𑀩𑀸.
𑀬𑀽𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀅𑀧𑀸𑀬𑁂𑀲𑀼 𑀚𑀸𑀢𑁄 𑀆𑀧𑀸𑀬𑀺 𑀓𑁄.
𑀞𑀸𑀦𑁂𑀢𑀺 𑀓𑀺𑀫𑀢𑁆𑀣𑀁? 𑀯𑁂𑀫𑀢𑀺𑀓𑁄, 𑀑𑀧𑀦𑀬𑀺𑀓𑁄, 𑀑𑀧𑀫𑀸𑀬𑀺𑀓𑁄, 𑀑𑀧𑀸𑀬𑀺𑀓𑁄.
𑁪𑁦𑁩, 𑁩𑁫𑁪. 𑀓𑁆𑀯𑀘𑀸𑀤𑀺𑀫𑀚𑁆𑀛𑀼𑀢𑁆𑀢𑀭𑀸𑀦𑀁 𑀤𑀻𑀖𑀭𑀲𑁆𑀲𑀸 𑀧𑀘𑁆𑀘𑀬𑁂𑀲𑀼 𑀘.
𑀓𑁆𑀯𑀘𑀺 𑀆𑀤𑀺𑀫𑀚𑁆𑀛𑀉𑀢𑁆𑀢𑀭𑀇𑀘𑁆𑀘𑁂𑀢𑁂𑀲𑀁 𑀤𑀻𑀖𑀭𑀲𑁆𑀲𑀸 𑀳𑁄𑀦𑁆𑀢𑀺 𑀧𑀘𑁆𑀘𑀬𑁂𑀲𑀼 𑀘 𑀅𑀧𑀘𑁆𑀘𑀬𑁂𑀲𑀼 𑀘.
𑀆𑀤𑀺𑀤𑀻𑀖𑁄 𑀢𑀸𑀯 𑁋 𑀧𑀸𑀓𑀸𑀭𑁄, 𑀦𑀻𑀯𑀸𑀭𑁄, 𑀧𑀸𑀲𑀸𑀤𑁄, 𑀧𑀸𑀓𑀝𑁄, 𑀧𑀸𑀢𑀺𑀫𑁄𑀓𑁆𑀔𑁄, 𑀧𑀸𑀝𑀺𑀓𑀗𑁆𑀔𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀤𑀻𑀖𑁄 ¶ 𑀢𑀸𑀯 𑁋 𑀅𑀗𑁆𑀕𑀫𑀸𑀕𑀥𑀺𑀓𑁄, 𑀑𑀭𑀩𑁆𑀪𑀫𑀸𑀕𑀯𑀻𑀓𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀤𑀻𑀖𑁄 𑀢𑀸𑀯 𑁋 𑀔𑀦𑁆𑀢𑀻 𑀧𑀭𑀫𑀁 𑀢𑀧𑁄 𑀢𑀺𑀢𑀺𑀓𑁆𑀔𑀸, 𑀅𑀜𑁆𑀚𑀦𑀸 𑀕𑀺𑀭𑀺, 𑀓𑁄𑀝𑀭𑀸 𑀯𑀦𑀁, 𑀅𑀗𑁆𑀕𑀼𑀮𑀻 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀭𑀲𑁆𑀲𑁄 𑀢𑀸𑀯 𑁋 𑀧𑀕𑁂𑀯 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀭𑀲𑁆𑀲𑁄 𑀢𑀸𑀯 𑁋 𑀲𑀼𑀫𑁂𑀥𑀲𑁄 𑀲𑀼𑀯𑀡𑁆𑀡𑀥𑀭𑁂𑀳𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀭𑀲𑁆𑀲𑁄 𑀢𑀸𑀯 𑁋 𑀪𑁄𑀯𑀸𑀤𑀺 𑀦𑀸𑀫 𑀲𑁄 𑀳𑁄𑀢𑀺, 𑀬𑀣𑀸𑀪𑀸𑀯𑀺 𑀕𑀼𑀡𑁂𑀦 𑀲𑁄 𑀇𑀘𑁆𑀘𑁂𑀯𑀫𑀸𑀤𑀺. 𑀅𑀜𑁆𑀜𑁂𑀧𑀺 𑀬𑀣𑀸𑀚𑀺𑀦𑀯𑀘𑀦𑀸𑀦𑀼𑀧𑀭𑁄𑀥𑁂𑀦 𑀬𑁄𑀚𑁂𑀢𑀩𑁆𑀩𑀸.
𑀘𑀕𑁆𑀕𑀳𑀡𑁂𑀦 𑀅𑀧𑀘𑁆𑀘𑀬𑁂𑀲𑀼 𑀘𑀸𑀢𑀺 𑀅𑀢𑁆𑀣𑀁 𑀲𑀫𑀼𑀘𑁆𑀘𑁂𑀢𑀺,
𑁪𑁦𑁪, 𑁩𑁭𑁦. 𑀢𑁂𑀲𑀼 𑀯𑀼𑀤𑁆𑀥𑀺𑀮𑁄𑀧𑀸𑀕𑀫𑀯𑀺𑀓𑀸𑀭𑀯𑀺𑀧𑀭𑀻𑀢𑀸𑀤𑁂𑀲𑀸 𑀘.
𑀢𑁂𑀲𑀼 𑀆𑀤𑀺𑀫𑀚𑁆𑀛𑀼𑀢𑁆𑀢𑀭𑁂𑀲𑀼 𑀬𑀣𑀸𑀚𑀺𑀦𑀯𑀘𑀦𑀸𑀦𑀼𑀧𑀭𑁄𑀥𑁂𑀦 𑀓𑁆𑀯𑀘𑀺 𑀯𑀼𑀤𑁆𑀥𑀺 𑀳𑁄𑀢𑀺, 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺, 𑀓𑁆𑀯𑀘𑀺 𑀆𑀕𑀫𑁄 𑀳𑁄𑀢𑀺, 𑀓𑁆𑀯𑀘𑀺 𑀯𑀺𑀓𑀸𑀭𑁄 𑀳𑁄𑀢𑀺, 𑀓𑁆𑀯𑀘𑀺 𑀯𑀺𑀧𑀭𑀻𑀢𑁄 𑀳𑁄𑀢𑀺, 𑀓𑁆𑀯𑀘𑀺 𑀆𑀤𑁂𑀲𑁄 𑀳𑁄𑀢𑀺.
𑀆𑀤𑀺𑀯𑀼𑀤𑁆𑀥𑀺 𑀢𑀸𑀯 𑁋 𑀆𑀪𑀺𑀥𑀫𑁆𑀫𑀺𑀓𑁄, 𑀯𑁂𑀦𑀢𑁂𑀬𑁆𑀬𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀯𑀼𑀤𑁆𑀥𑀺 ¶ 𑀢𑀸𑀯 𑁋 𑀲𑀼𑀔𑀲𑁂𑀬𑁆𑀬𑀁, 𑀲𑀼𑀔𑀓𑀸𑀭𑀺 𑀤𑀸𑀦𑀁, 𑀲𑀼𑀔𑀓𑀸𑀭𑀺 𑀲𑀻𑀮𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀯𑀼𑀤𑁆𑀥𑀺 𑀢𑀸𑀯 𑁋 𑀓𑀸𑀮𑀺𑀗𑁆𑀕𑁄, 𑀫𑀸𑀕𑀥𑀺𑀓𑁄, 𑀧𑀘𑁆𑀘𑀓𑁆𑀔𑀥𑀫𑁆𑀫𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀮𑁄𑀧𑁄 𑀢𑀸𑀯 𑁋 𑀢𑀸𑀮𑀻𑀲𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀮𑁄𑀧𑁄 𑀢𑀸𑀯 𑁋 𑀓𑀢𑁆𑀢𑀼𑀓𑀸𑀫𑁄, 𑀓𑀼𑀫𑁆𑀪𑀓𑀸𑀭𑀧𑀼𑀢𑁆𑀢𑁄, 𑀯𑁂𑀤𑀮𑁆𑀮𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀮𑁄𑀧𑁄 𑀢𑀸𑀯 𑁋 𑀪𑀺𑀓𑁆𑀔𑀼, 𑀪𑀺𑀓𑁆𑀔𑀼𑀦𑀻 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀆𑀕𑀫𑁄 𑀢𑀸𑀯 𑁋 𑀯𑀼𑀢𑁆𑀢𑁄 𑀪𑀕𑀯𑀢𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀆𑀕𑀫𑁄 𑀢𑀸𑀯 𑁋 𑀲𑀲𑀻𑀮𑀯𑀸, 𑀲𑀧𑀜𑁆𑀜𑀯𑀸𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀆𑀕𑀫𑁄 𑀢𑀸𑀯 𑁋 𑀯𑁂𑀤𑀮𑁆𑀮𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀯𑀺𑀓𑀸𑀭𑁄 𑀢𑀸𑀯 𑁋 𑀆𑀭𑀺𑀲𑁆𑀬𑀁, 𑀆𑀡𑁆𑀬𑀁, 𑀆𑀲𑀪𑀁, 𑀅𑀚𑁆𑀚𑀯𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀯𑀺𑀓𑀸𑀭𑁄 𑀢𑀸𑀯 𑁋 𑀯𑀭𑀸𑀭𑀺𑀲𑁆𑀬𑀁, 𑀧𑀭𑀸𑀭𑀺𑀲𑁆𑀬𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀯𑀺𑀓𑀸𑀭𑁄 𑀢𑀸𑀯 𑁋 𑀬𑀸𑀦𑀺, 𑀢𑀸𑀦𑀺, 𑀲𑀼𑀔𑀸𑀦𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀯𑀺𑀧𑀭𑀻𑀢𑁄 ¶ 𑀢𑀸𑀯 𑁋 𑀉𑀕𑁆𑀕𑀢𑁂 𑀲𑀽𑀭𑀺𑀬𑁂 𑀉𑀕𑁆𑀕𑀘𑁆𑀙𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀯𑀺𑀧𑀭𑀻𑀢𑁄 𑀢𑀸𑀯 𑁋 𑀲𑀫𑀼𑀕𑁆𑀕𑀘𑁆𑀙𑀢𑀺, 𑀲𑀫𑀼𑀕𑁆𑀕𑀢𑁂 𑀲𑀽𑀭𑀺𑀬𑁂 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀯𑀺𑀧𑀭𑀻𑀢𑁄 𑀢𑀸𑀯 𑁋 𑀤𑀺𑀕𑀼, 𑀤𑀺𑀕𑀼𑀡𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀆𑀤𑀺𑀆𑀤𑁂𑀲𑁄 𑀢𑀸𑀯 𑁋 𑀬𑀽𑀦𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀚𑁆𑀛𑁂𑀆𑀤𑁂𑀲𑁄 𑀢𑀸𑀯 𑁋 𑀦𑁆𑀬𑀸𑀬𑁄𑀕𑀸 𑀇𑀘𑁆𑀘𑁂𑀯𑀫𑀸𑀤𑀺.
𑀉𑀢𑁆𑀢𑀭𑀆𑀤𑁂𑀲𑁄 𑀢𑀸𑀯 𑁋 𑀲𑀩𑁆𑀩𑀲𑁂𑀬𑁆𑀬𑁄, 𑀲𑀩𑁆𑀩𑀲𑁂𑀝𑁆𑀞𑁄, 𑀘𑀺𑀢𑁆𑀢𑀁 𑀇𑀘𑁆𑀘𑁂𑀯𑀫𑀸𑀤𑀺. 𑀏𑀯𑀁 𑀬𑀣𑀸𑀚𑀺𑀦𑀯𑀘𑀦𑀸𑀦𑀼𑀧𑀭𑁄𑀥𑁂𑀦 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀸.
𑁪𑁦𑁫, 𑁩𑁬𑁫. 𑀅𑀬𑀼𑀯𑀡𑁆𑀡𑀸𑀦𑀜𑁆𑀘𑀸𑀬𑁄 𑀯𑀼𑀤𑁆𑀥𑀺.
𑀅 𑀇𑀢𑀺 𑀅𑀓𑀸𑀭𑁄, 𑀇 𑀈𑀇𑀢𑀺 𑀇𑀯𑀡𑁆𑀡𑁄, 𑀉 𑀊𑀇𑀢𑀺 𑀉𑀯𑀡𑁆𑀡𑁄, 𑀢𑁂𑀲𑀁 𑀅𑀓𑀸𑀭𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀆 𑀏 𑀑𑀯𑀼𑀤𑁆𑀥𑀺𑀬𑁄 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁, 𑀆 𑀈 𑀊𑀯𑀼𑀤𑁆𑀥𑀺 𑀘.
𑀆𑀪𑀺𑀥𑀫𑁆𑀫𑀺𑀓𑁄, 𑀯𑁂𑀦𑀢𑁂𑀬𑁆𑀬𑁄, 𑀑𑀴𑀼𑀫𑁆𑀧𑀺𑀓𑁄.
𑀧𑀼𑀦 𑀯𑀼𑀤𑁆𑀥𑀺𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀉𑀢𑁆𑀢𑀭𑀧𑀤𑀯𑀼𑀤𑁆𑀥𑀺𑀪𑀸𑀯𑀢𑁆𑀣𑀁, 𑀅𑀗𑁆𑀕𑀫𑀕𑀥𑁂𑀳𑀺 𑀆𑀕𑀢𑀸𑀢𑀺 𑀅𑀗𑁆𑀕𑀫𑀸𑀕𑀥𑀺𑀓𑀸. 𑀦𑀺𑀕𑀫𑀚𑀦𑀧𑀤𑁂𑀲𑀼 𑀚𑀸𑀢𑀸𑀢𑀺 ¶ 𑀦𑁂𑀕𑀫𑀚𑀸𑀦𑀧𑀤𑀸. 𑀧𑀼𑀭𑀺𑀫𑀚𑀦𑀧𑀤𑁂𑀲𑀼 𑀚𑀸𑀢𑀸𑀢𑀺 𑀧𑁄𑀭𑀺𑀫𑀚𑀸𑀦𑀧𑀤𑀸. 𑀲𑀢𑁆𑀢𑀸𑀳𑁂 𑀦𑀺𑀬𑀼𑀢𑁆𑀢𑁄𑀢𑀺 𑀲𑀢𑁆𑀢𑀸𑀳𑀺𑀓𑀸, 𑀘𑀢𑀼𑀯𑀺𑀚𑁆𑀚𑁂 𑀦𑀺𑀬𑀼𑀢𑁆𑀢𑁄𑀢𑀺 𑀘𑀸𑀢𑀼𑀯𑀺𑀚𑁆𑀚𑀺𑀓𑀸. 𑀇𑀘𑁆𑀘𑁂𑀯𑀫𑀸𑀤𑀻 𑀬𑁄𑀚𑁂𑀢𑀩𑁆𑀩𑀸.
𑀯𑀼𑀤𑁆𑀥𑀺𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀯𑀼𑀤𑁆𑀥𑀸𑀤𑀺𑀲𑀭𑀲𑁆𑀲 𑀯𑀸’𑀲𑀁𑀬𑁄𑀕𑀦𑁆𑀢𑀲𑁆𑀲 𑀲𑀡𑁂 𑀘.
𑀇𑀢𑀺 𑀦𑀸𑀫𑀓𑀧𑁆𑀧𑁂 𑀢𑀤𑁆𑀥𑀺𑀢𑀓𑀧𑁆𑀧𑁄 𑀅𑀝𑁆𑀞𑀫𑁄 𑀓𑀡𑁆𑀟𑁄.
𑀢𑀤𑁆𑀥𑀺𑀢𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁬. 𑀆𑀔𑁆𑀬𑀸𑀢𑀓𑀧𑁆𑀧
𑀧𑀞𑀫𑀓𑀡𑁆𑀟
(𑀓)
𑀆𑀔𑁆𑀬𑀸𑀢𑀲𑀸𑀕𑀭𑀫𑀣𑀚𑁆𑀚𑀢𑀦𑀻𑀢𑀭𑀗𑁆𑀕𑀁 ¶ ,
𑀥𑀸𑀢𑀼𑀚𑁆𑀚𑀮𑀁 𑀯𑀺𑀓𑀭𑀡𑀸𑀕𑀫𑀓𑀸𑀮𑀫𑀻𑀦𑀁;
𑀮𑁄𑀧𑀸𑀦𑀼𑀩𑀦𑁆𑀥𑀭𑀺𑀬𑀫𑀢𑁆𑀣𑀯𑀺𑀪𑀸𑀕𑀢𑀻𑀭𑀁,
𑀥𑀻𑀭𑀸 𑀢𑀭𑀦𑁆𑀢𑀺 𑀓𑀯𑀺𑀦𑁄 𑀧𑀼𑀣𑀼𑀩𑀼𑀤𑁆𑀥𑀺𑀦𑀸𑀯𑀸.
(𑀔)
𑀯𑀺𑀘𑀺𑀢𑁆𑀢𑀲𑀗𑁆𑀔𑀸𑀭𑀧𑀭𑀺𑀓𑁆𑀔𑀺𑀢𑀁 𑀇𑀫𑀁,
𑀆𑀔𑁆𑀬𑀸𑀢𑀲𑀤𑁆𑀤𑀁 𑀯𑀺𑀧𑀼𑀮𑀁 𑀅𑀲𑁂𑀲𑀢𑁄;
𑀧𑀡𑀫𑁆𑀬 𑀲𑀫𑁆𑀩𑀼𑀤𑁆𑀥𑀫𑀦𑀦𑁆𑀢𑀕𑁄𑀘𑀭𑀁,
𑀲𑀼𑀕𑁄𑀘𑀭𑀁 𑀬𑀁 𑀯𑀤𑀢𑁄 𑀲𑀼𑀡𑀸𑀣 𑀫𑁂.
(𑀕)
𑀅𑀥𑀺𑀓𑀸𑀭𑁂 𑀫𑀗𑁆𑀕𑀮𑁂 𑀘𑁂𑀯, 𑀦𑀺𑀧𑁆𑀨𑀦𑁆𑀦𑁂 𑀘𑀸𑀯𑀥𑀸𑀭𑀡𑁂;
𑀅𑀦𑀦𑁆𑀢𑀭𑁂 𑀘 𑀧𑀸𑀤𑀸𑀦𑁂, 𑀅𑀣𑀲𑀤𑁆𑀤𑁄 𑀧𑀯𑀢𑁆𑀢𑀢𑀺.
𑁪𑁧𑁬, 𑁪𑁨𑁯. 𑀅𑀣 𑀧𑀼𑀩𑁆𑀩𑀸𑀦𑀺 𑀯𑀺𑀪𑀢𑁆𑀢𑀻𑀦𑀁 𑀙 𑀧𑀭𑀲𑁆𑀲𑀧𑀤𑀸𑀦𑀺.
𑀅𑀣 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀬𑀸𑀦𑀺 𑀬𑀸𑀦𑀺 𑀧𑀼𑀩𑁆𑀩𑀓𑀸𑀦𑀺 𑀙 𑀧𑀤𑀸𑀦𑀺, 𑀢𑀸𑀦𑀺 𑀢𑀸𑀦𑀺 𑀧𑀭𑀲𑁆𑀲𑀧𑀤𑀲𑀜𑁆𑀜𑀸𑀦𑀺 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀢𑀺 𑀅𑀦𑁆𑀢𑀺, 𑀲𑀺 𑀣, 𑀫𑀺 𑀫.
𑀧𑀭𑀲𑁆𑀲𑀧𑀤𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑀢𑁆𑀢𑀭𑀺 𑀧𑀭𑀲𑁆𑀲𑀧𑀤𑀁.
𑁪𑁦𑁭, 𑁪𑁩𑁯. 𑀧𑀭𑀸𑀡𑁆𑀬𑀢𑁆𑀢𑀦𑁄𑀧𑀤𑀸𑀦𑀺 ¶ .
𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀬𑀸𑀦𑀺 𑀬𑀸𑀦𑀺 𑀧𑀭𑀸𑀦𑀺 𑀙 𑀧𑀤𑀸𑀦𑀺. 𑀢𑀸𑀦𑀺 𑀢𑀸𑀦𑀺 𑀅𑀢𑁆𑀢𑀦𑁄𑀧𑀤𑀲𑀜𑁆𑀜𑀸𑀦𑀺 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀢𑁂 𑀅𑀦𑁆𑀢𑁂, 𑀲𑁂 𑀯𑁆𑀳𑁂, 𑀏 𑀫𑁆𑀳𑁂.
𑀅𑀢𑁆𑀢𑀦𑁄𑀧𑀤𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀢𑁆𑀢𑀦𑁄𑀧𑀤𑀸𑀦𑀺 𑀪𑀸𑀯𑁂 𑀘 𑀓𑀫𑁆𑀫𑀦𑀺.
𑁪𑁦𑁮, 𑁪𑁩𑁧. 𑀤𑁆𑀯𑁂 𑀤𑁆𑀯𑁂 𑀧𑀞𑀫 𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀼𑀭𑀺𑀲𑀸.
𑀢𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀧𑀭𑀲𑁆𑀲𑀧𑀤𑀸𑀦𑀁, 𑀅𑀢𑁆𑀢𑀦𑁄𑀧𑀤𑀸𑀦𑀜𑁆𑀘 𑀤𑁆𑀯𑁂 𑀤𑁆𑀯𑁂 𑀧𑀤𑀸𑀦𑀺 𑀧𑀞𑀫𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀼𑀭𑀺𑀲𑀲𑀜𑁆𑀜𑀸𑀦𑀺 𑀳𑁄𑀦𑁆𑀢𑀺.
𑀢𑀁 𑀬𑀣𑀸? 𑀢𑀺 𑀅𑀦𑁆𑀢𑀺 𑀇𑀢𑀺 𑀧𑀞𑀫𑀧𑀼𑀭𑀺𑀲𑀸, 𑀲𑀺 𑀣 𑀇𑀢𑀺 𑀫𑀚𑁆𑀛𑀺𑀫𑀧𑀼𑀭𑀺𑀲𑀸, 𑀫𑀺 𑀫 𑀇𑀢𑀺 𑀉𑀢𑁆𑀢𑀫𑀧𑀼𑀭𑀺𑀲𑀸. 𑀅𑀢𑁆𑀢𑀦𑁄𑀧𑀤𑀸𑀦𑀫𑁆𑀧𑀺 𑀢𑁂 𑀅𑀦𑁆𑀢𑁂 𑀇𑀢𑀺 𑀧𑀞𑀫𑀧𑀼𑀭𑀺𑀲𑀸, 𑀲𑁂 𑀯𑁆𑀳𑁂 𑀇𑀢𑀺 𑀫𑀚𑁆𑀛𑀺𑀫𑀧𑀼𑀭𑀺𑀲𑀸, 𑀏 𑀫𑁆𑀳𑁂 𑀇𑀢𑀺 𑀉𑀢𑁆𑀢𑀫𑀧𑀼𑀭𑀺𑀲𑀸. 𑀏𑀯𑀁 𑀲𑀩𑁆𑀩𑀢𑁆𑀣.
𑀧𑀞𑀫𑀫𑀚𑁆𑀛𑀺𑀫𑀼𑀢𑁆𑀢𑀫𑀧𑀼𑀭𑀺𑀲𑀫𑀺𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀦𑀸𑀫𑀫𑁆𑀳𑀺 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀞𑀫𑁄, 𑀢𑀼𑀫𑁆𑀳𑁂 𑀫𑀚𑁆𑀛𑀺𑀫𑁄, 𑀅𑀫𑁆𑀳𑁂 𑀉𑀢𑁆𑀢𑀫𑁄.
𑁪𑁦𑁯, 𑁪𑁪𑁧. 𑀲𑀩𑁆𑀩𑁂𑀲𑀫𑁂𑀓𑀸𑀪𑀺𑀥𑀸𑀦𑁂 𑀧𑀭𑁄 𑀧𑀼𑀭𑀺𑀲𑁄.
𑀲𑀩𑁆𑀩𑁂𑀲𑀁 𑀢𑀺𑀡𑁆𑀡𑀁 𑀧𑀞𑀫𑀫𑀚𑁆𑀛𑀺𑀫𑀼𑀢𑁆𑀢𑀫 𑀧𑀼𑀭𑀺𑀲𑀸𑀦𑀁 𑀏𑀓𑀸𑀪𑀺𑀥𑀸𑀦𑁂 𑀧𑀭𑁄 𑀧𑀼𑀭𑀺𑀲𑁄 𑀕𑀳𑁂𑀢𑀩𑁆𑀩𑁄.
𑀲𑁄 ¶ 𑀘 𑀧𑀞𑀢𑀺, 𑀢𑁆𑀯𑀜𑁆𑀘 𑀧𑀞𑀲𑀺, 𑀢𑀼𑀫𑁆𑀳𑁂 𑀧𑀞𑀣. 𑀲𑁄 𑀘 𑀧𑀘𑀢𑀺, 𑀢𑁆𑀯𑀜𑁆𑀘 𑀧𑀘𑀲𑀺. 𑀢𑀼𑀫𑁆𑀳𑁂 𑀧𑀘𑀣. 𑀏𑀯𑀁 𑀲𑁂𑀲𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀧𑀭𑁄 𑀧𑀼𑀭𑀺𑀲𑁄 𑀬𑁄𑀚𑁂𑀢𑀩𑁆𑀩𑁄.
𑁪𑁧𑁦, 𑁪𑁩𑁨. 𑀦𑀸𑀫𑀫𑁆𑀳𑀺 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀞𑀫𑁄.
𑀦𑀸𑀫𑀫𑁆𑀳𑀺 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀧𑀞𑀫𑀧𑀼𑀭𑀺𑀲𑁄 𑀳𑁄𑀢𑀺.
𑀲𑁄 𑀕𑀘𑁆𑀙𑀢𑀺, 𑀢𑁂 𑀕𑀘𑁆𑀙𑀦𑁆𑀢𑀺.
𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑁋 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺.
𑀢𑀼𑀮𑁆𑀬𑀸𑀥𑀺𑀓𑀭𑀡𑁂𑀢𑀺 𑀓𑀺𑀫𑀢𑁆𑀣𑀁? 𑀢𑁂𑀦 𑀳𑀜𑁆𑀜𑀲𑁂 𑀢𑁆𑀯𑀁 𑀤𑁂𑀯𑀤𑀢𑁆𑀢𑁂𑀦.
𑀢𑀼𑀫𑁆𑀳𑁂 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀫𑀚𑁆𑀛𑀺𑀫𑀧𑀼𑀭𑀺𑀲𑁄 𑀳𑁄𑀢𑀺.
𑀢𑁆𑀯𑀁 𑀬𑀸𑀲𑀺, 𑀢𑀼𑀫𑁆𑀳𑁂 𑀬𑀸𑀣.
𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑁋 𑀬𑀸𑀲𑀺, 𑀬𑀸𑀣.
𑀢𑀼𑀮𑁆𑀬𑀸𑀥𑀺𑀓𑀭𑀡𑁂𑀢𑀺 𑀓𑀺𑀫𑀢𑁆𑀣𑀁? 𑀢𑀬𑀸 𑀧𑀘𑁆𑀘𑀢𑁂 𑀑𑀤𑀦𑁄.
𑁪𑁧𑁨, 𑁪𑁩𑁭. 𑀅𑀫𑁆𑀳𑁂 ¶ 𑀉𑀢𑁆𑀢𑀫𑁄.
𑀅𑀫𑁆𑀳𑁂 𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀉𑀢𑁆𑀢𑀫𑀧𑀼𑀭𑀺𑀲𑁄 𑀳𑁄𑀢𑀺.
𑀅𑀳𑀁 𑀬𑀚𑀸𑀫𑀺, 𑀫𑀬𑀁 𑀬𑀚𑀸𑀫.
𑀅𑀧𑁆𑀧𑀬𑀼𑀚𑁆𑀚𑀫𑀸𑀦𑁂𑀧𑀺 𑁋 𑀬𑀚𑀸𑀫𑀺, 𑀬𑀚𑀸𑀫.
𑀢𑀼𑀮𑁆𑀬𑀸𑀥𑀺𑀓𑀭𑀡𑁂𑀢𑀺 𑀓𑀺𑀫𑀢𑁆𑀣𑀁? 𑀫𑀬𑀸 𑀇𑀚𑁆𑀚𑀢𑁂 𑀩𑀼𑀤𑁆𑀥𑁄.
‘‘𑀓𑀸𑀮𑁂’’ 𑀇𑀘𑁆𑀘𑁂𑀢𑀁 𑀅𑀥𑀺𑀓𑀸𑀭𑀢𑁆𑀣𑀁 𑀯𑁂𑀤𑀺𑀢𑀩𑁆𑀩𑀁.
𑁪𑁧𑁪, 𑁪𑁨𑁮. 𑀯𑀢𑁆𑀢𑀫𑀸𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑁂.
𑀧𑀘𑁆𑀘𑀼𑀧𑁆𑀧𑀦𑁆𑀦𑁂 𑀓𑀸𑀮𑁂 𑀯𑀢𑁆𑀢𑀫𑀸𑀦𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀧𑀸𑀝𑀮𑀺𑀧𑀼𑀢𑁆𑀢𑀁 𑀕𑀘𑁆𑀙𑀢𑀺, 𑀲𑀸𑀯𑀢𑁆𑀣𑀺𑀁 𑀧𑀯𑀺𑀲𑀢𑀺.
𑁪𑁧𑁫, 𑁪𑁫𑁧. 𑀆𑀡𑀢𑁆𑀬𑀸 𑀲𑀺𑀝𑁆𑀞𑁂’𑀦𑀼𑀢𑁆𑀢𑀓𑀸𑀮𑁂 𑀧𑀜𑁆𑀘𑀫𑀻.
𑀆𑀡𑀢𑁆𑀬𑀢𑁆𑀣𑁂 𑀘 𑀆𑀲𑀻𑀲𑀢𑁆𑀣𑁂 𑀘 𑀅𑀦𑀼𑀢𑁆𑀢𑀓𑀸𑀮𑁂 𑀧𑀜𑁆𑀘𑀫𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀓𑀭𑁄𑀢𑀼 𑀓𑀼𑀲𑀮𑀁, 𑀲𑀼𑀔𑀁 𑀢𑁂 𑀳𑁄𑀢𑀼.
𑁪𑁧𑁬, 𑁪𑁫𑁪. 𑀅𑀦𑀼𑀫𑀢𑀺𑀧𑀭𑀺𑀓𑀧𑁆𑀧𑀢𑁆𑀣𑁂𑀲𑀼 𑀲𑀢𑁆𑀢𑀫𑀻.
𑀅𑀦𑀼𑀫𑀢𑁆𑀬𑀢𑁆𑀣𑁂 𑀘 𑀧𑀭𑀺𑀓𑀧𑁆𑀧𑀢𑁆𑀣𑁂 𑀘 𑀅𑀦𑀼𑀢𑁆𑀢𑀓𑀸𑀮𑁂 𑀲𑀢𑁆𑀢𑀫𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀢𑁆𑀯𑀁 ¶ 𑀕𑀘𑁆𑀙𑁂𑀬𑁆𑀬𑀸𑀲𑀺, 𑀓𑀺𑀫𑀳𑀁 𑀓𑀭𑁂𑀬𑁆𑀬𑀸𑀫𑀺.
𑁪𑁧𑁭, 𑁪𑁬𑁦. 𑀅𑀧𑀘𑁆𑀘𑀓𑁆𑀔𑁂 𑀧𑀭𑁄𑀓𑁆𑀔𑀸𑀢𑀻𑀢𑁂.
𑀅𑀧𑀘𑁆𑀘𑀓𑁆𑀔𑁂 𑀅𑀢𑀻𑀢𑁂 𑀓𑀸𑀮𑁂 𑀧𑀭𑁄𑀓𑁆𑀔𑀸𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑀼𑀧𑀺𑀦𑁂 𑀓𑀺𑀮𑀫𑀸𑀳, 𑀏𑀯𑀁 𑀓𑀺𑀮 𑀧𑁄𑀭𑀸𑀡𑀸𑀳𑀼.
𑁪𑁧𑁮, 𑁪𑁫𑁬. 𑀳𑀺𑀬𑁆𑀬𑁄𑀧𑀪𑀼𑀢𑀺 𑀧𑀘𑁆𑀘𑀓𑁆𑀔𑁂 𑀳𑀺𑀬𑁆𑀬𑀢𑁆𑀢𑀦𑀻.
𑀳𑀺𑀬𑁆𑀬𑁄𑀧𑀪𑀼𑀢𑀺 𑀅𑀢𑀻𑀢𑁂 𑀓𑀸𑀮𑁂 𑀧𑀘𑁆𑀘𑀓𑁆𑀔𑁂 𑀯𑀸 𑀅𑀧𑀘𑁆𑀘𑀓𑁆𑀔𑁂 𑀯𑀸 𑀳𑀺𑀬𑁆𑀬𑀢𑁆𑀢𑀦𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑁄 𑀅𑀕𑀫𑀸 𑀫𑀕𑁆𑀕𑀁, 𑀢𑁂 𑀅𑀕𑀫𑀽 𑀫𑀕𑁆𑀕𑀁.
𑀅𑀚𑁆𑀚𑀧𑁆𑀧𑀪𑀼𑀢𑀺 𑀅𑀢𑀻𑀢𑁂 𑀓𑀸𑀮𑁂 𑀧𑀘𑁆𑀘𑀓𑁆𑀔𑁂 𑀯𑀸 𑀅𑀧𑀘𑁆𑀘𑀓𑁆𑀔𑁂 𑀯𑀸 𑀲𑀫𑀻𑀧𑁂 𑀅𑀚𑁆𑀚𑀢𑀦𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑁄 𑀫𑀕𑁆𑀕𑀁 𑀅𑀕𑀫𑀻, 𑀢𑁂 𑀫𑀕𑁆𑀕𑀁 𑀅𑀕𑀫𑀼𑀁.
𑀳𑀺𑀬𑁆𑀬𑀢𑁆𑀢𑀦𑀻𑀅𑀚𑁆𑀚𑀢𑀦𑀻𑀇𑀘𑁆𑀘𑁂𑀢𑀸 𑀯𑀺𑀪𑀢𑁆𑀢𑀺𑀬𑁄 𑀬𑀤𑀸 𑀫𑀸𑀬𑁄𑀕𑀸, 𑀢𑀤𑀸 𑀲𑀩𑁆𑀩𑀓𑀸𑀮𑁂 𑀘 𑀳𑁄𑀦𑁆𑀢𑀺.
𑀫𑀸 𑀕𑀫𑀸, 𑀫𑀸 𑀯𑀘𑀸, 𑀫𑀸 𑀕𑀫𑀻, 𑀫𑀸 𑀯𑀘𑀻.
𑀘𑀕𑁆𑀕𑀳𑀡𑁂𑀦 ¶ 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺𑀧𑀺 𑀳𑁄𑀢𑀺. 𑀫𑀸 𑀕𑀘𑁆𑀙𑀸𑀳𑀺.
𑀅𑀦𑀸𑀕𑀢𑁂 𑀓𑀸𑀮𑁂 𑀪𑀯𑀺𑀲𑁆𑀲𑀦𑁆𑀢𑀻 𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑁄 𑀕𑀘𑁆𑀙𑀺𑀲𑁆𑀲𑀢𑀺, 𑀓𑀭𑀺𑀲𑁆𑀲𑀢𑀺. 𑀢𑁂 𑀕𑀘𑁆𑀙𑀺𑀲𑁆𑀲𑀦𑁆𑀢𑀺, 𑀓𑀭𑀺𑀲𑁆𑀲𑀦𑁆𑀢𑀺.
𑁪𑁨𑁨, 𑁪𑁭𑁫. 𑀓𑁆𑀭𑀺𑀬𑀸𑀢𑀺𑀧𑀦𑁆𑀦𑁂’𑀢𑀻𑀢𑁂 𑀓𑀸𑀮𑀸𑀢𑀺𑀧𑀢𑁆𑀢𑀺.
𑀓𑁆𑀭𑀺𑀬𑀸𑀢𑀺𑀧𑀦𑁆𑀦𑀫𑀢𑁆𑀢𑁂 𑀅𑀢𑀻𑀢𑁂 𑀓𑀸𑀮𑁂 𑀓𑀸𑀮𑀸𑀢𑀺𑀧𑀢𑁆𑀢𑀺 𑀯𑀺𑀪𑀢𑁆𑀢𑀺 𑀳𑁄𑀢𑀺.
𑀲𑁄 𑀘𑁂 𑀢𑀁 𑀬𑀸𑀦𑀁 𑀅𑀮𑀪𑀺𑀲𑁆𑀲𑀸, 𑀅𑀕𑀘𑁆𑀙𑀺𑀲𑁆𑀲𑀸. 𑀢𑁂 𑀘𑁂 𑀢𑀁 𑀬𑀸𑀦𑀁 𑀅𑀮𑀪𑀺𑀲𑁆𑀲𑀁𑀲𑀼, 𑀅𑀕𑀘𑁆𑀙𑀺𑀲𑁆𑀲𑀁𑀲𑀼.
𑁪𑁨𑁩, 𑁪𑁨𑁬. 𑀯𑀢𑁆𑀢𑀫𑀸𑀦𑀸 𑀢𑀺 𑀅𑀦𑁆𑀢𑀺, 𑀲𑀺 𑀣, 𑀫𑀺 𑀫, 𑀢𑁂 𑀅𑀦𑁆𑀢𑁂, 𑀲𑁂 𑀯𑁆𑀳𑁂, 𑀏 𑀫𑁆𑀳𑁂.
𑀯𑀢𑁆𑀢𑀫𑀸𑀦𑀸 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀢𑀺 𑀅𑀦𑁆𑀢𑀺, 𑀲𑀺 𑀣, 𑀫𑀺 𑀫, 𑀢𑁂 𑀅𑀦𑁆𑀢𑁂, 𑀲𑁂 𑀯𑁆𑀳𑁂, 𑀏 𑀫𑁆𑀳𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀯𑀢𑁆𑀢𑀫𑀸𑀦𑀸 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀯𑀢𑁆𑀢𑀫𑀸𑀦𑀸 𑀧𑀘𑁆𑀘𑀼𑀧𑁆𑀧𑀦𑁆𑀦𑁂.
𑁪𑁨𑁪, 𑁪𑁫𑁦. 𑀧𑀜𑁆𑀘𑀫𑀻 𑀢𑀼 𑀅𑀦𑁆𑀢𑀼, 𑀳𑀺𑀣, 𑀫𑀺𑀫, 𑀢𑀁 𑀅𑀦𑁆𑀢𑀁, 𑀲𑁆𑀲𑀼 𑀯𑁆𑀳𑁄, 𑀏 𑀆𑀫𑀲𑁂.
𑀧𑀜𑁆𑀘𑀫𑀻𑀇𑀘𑁆𑀘𑁂𑀲𑀸 ¶ 𑀲𑀜𑁆𑀜𑀸 𑀳𑁄𑀢𑀺 𑀢𑀼 𑀅𑀦𑁆𑀢𑀼, 𑀳𑀺 𑀣, 𑀫𑀺𑀫, 𑀢𑀁 𑀅𑀦𑁆𑀢𑀁, 𑀲𑁆𑀲𑀼 𑀯𑁆𑀳𑁄, 𑀏 𑀆𑀫𑀲𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀧𑀜𑁆𑀘𑀫𑀻𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀆𑀡𑀢𑁆𑀬𑀸𑀲𑀺𑀝𑁆𑀞𑁂, 𑀦𑀼𑀢𑁆𑀢𑀓𑀸𑀮𑁂 𑀧𑀜𑁆𑀘𑀫𑀻.
𑁪𑁨𑁫, 𑁪𑁫𑁩. 𑀲𑀢𑁆𑀢𑀫𑀻 𑀏𑀬𑁆𑀬 𑀏𑀬𑁆𑀬𑀼𑀁, 𑀏𑀬𑁆𑀬𑀸 𑀲𑀺 𑀏𑀬𑁆𑀬𑀸 𑀣, 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫, 𑀏𑀣 𑀏𑀭𑀁, 𑀏𑀣𑁄 𑀏𑀬𑁆𑀬𑀸𑀯𑁆𑀳𑁄, 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂.
𑀲𑀢𑁆𑀢𑀫𑀻 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀏𑀬𑁆𑀬 𑀏𑀬𑁆𑀬𑀼𑀁, 𑀏𑀬𑁆𑀬𑀸𑀲𑀺 𑀏𑀬𑁆𑀬𑀸𑀣, 𑀏𑀬𑁆𑀬𑀸𑀫𑀺 𑀏𑀬𑁆𑀬𑀸𑀫, 𑀏𑀣 𑀏𑀭𑀁, 𑀏𑀣𑁄, 𑀏𑀬𑁆𑀬𑀸𑀯𑁆𑀳𑁄, 𑀏𑀬𑁆𑀬𑀁 𑀏𑀬𑁆𑀬𑀸𑀫𑁆𑀳𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀲𑀢𑁆𑀢𑀫𑀻 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀦𑀼𑀫𑀢𑀺𑀧𑀭𑀺𑀓𑀧𑁆𑀧𑀢𑁆𑀣𑁂𑀲𑀼 𑀲𑀢𑁆𑀢𑀫𑀻.
𑁪𑁨𑁬, 𑁪𑁫𑁯. 𑀧𑀭𑁄𑀓𑁆𑀔𑀸 𑀅𑀉 𑀏𑀢𑁆𑀣, 𑀅𑀁𑀫𑁆𑀳, 𑀢𑁆𑀣𑀭𑁂, 𑀢𑁆𑀣𑁄 𑀯𑁆𑀳𑁄, 𑀇𑀁 𑀫𑁆𑀳𑁂.
𑀧𑀭𑁄𑀓𑁆𑀔𑀸 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀅 𑀉, 𑀏𑀢𑁆𑀣, 𑀅𑀁 𑀫𑁆𑀳, 𑀢𑁆𑀣 𑀭𑁂 𑀢𑁆𑀣𑁄 𑀯𑁆𑀳𑁄, 𑀇𑀁 𑀫𑁆𑀳𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀧𑀭𑁄𑀓𑁆𑀔𑀸 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀧𑀘𑁆𑀘𑀓𑁆𑀔𑁂 𑀧𑀭𑁄𑀓𑁆𑀔𑀸𑀢𑀻𑀢𑁂.
𑁪𑁨𑁭, 𑁪𑁫𑁫. 𑀳𑀺𑀬𑁆𑀬𑀢𑁆𑀢𑀦𑀻 ¶ 𑀆𑀊, 𑀑𑀢𑁆𑀣, 𑀅𑀁𑀫𑁆𑀳𑀸, 𑀢𑁆𑀣𑀢𑁆𑀣𑀼𑀁, 𑀲𑁂 𑀯𑁆𑀳𑀁, 𑀇𑀁 𑀫𑁆𑀳𑀲𑁂.
𑀳𑀺𑀬𑁆𑀬𑀢𑁆𑀢𑀦𑀻 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀆 𑀊, 𑀑 𑀢𑁆𑀣, 𑀅𑀁 𑀫𑁆𑀳𑀸, 𑀢𑁆𑀣 𑀢𑁆𑀣𑀼𑀁, 𑀲𑁂 𑀯𑁆𑀳𑀁, 𑀇𑀁 𑀫𑁆𑀳𑀲𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀳𑀺𑀬𑁆𑀬𑀢𑁆𑀢𑀦𑀻 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀳𑀺𑀬𑁆𑀬𑁄𑀧𑀪𑀼𑀢𑀺 𑀧𑀘𑁆𑀘𑀓𑁆𑀔𑁂 𑀳𑀺𑀬𑁆𑀬𑀢𑁆𑀢𑀦𑀻.
𑁪𑁨𑁮, 𑁪𑁬𑁮. 𑀅𑀚𑁆𑀚𑀢𑀦𑀻 𑀈 𑀉𑀁, 𑀑 𑀢𑁆𑀣, 𑀇𑀁 𑀫𑁆𑀳𑀸, 𑀆 𑀊, 𑀲𑁂 𑀯𑁆𑀳𑀁, 𑀅𑀁 𑀫𑁆𑀳𑁂.
𑀅𑀚𑁆𑀚𑀢𑀦𑀻 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀈 𑀉𑀁, 𑀑 𑀢𑁆𑀣, 𑀇𑀁𑀫𑁆𑀳𑀸, 𑀆 𑀊, 𑀲𑁂𑀯𑁆𑀳𑀁, 𑀅𑀁 𑀫𑁆𑀳𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀅𑀚𑁆𑀚𑀢𑀦𑀻 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀲𑀫𑀻𑀧𑁂𑀚𑁆𑀚𑀢𑀦𑀻.
𑁪𑁨𑁯, 𑁪𑁭𑁨. 𑀪𑀯𑀺𑀲𑁆𑀲𑀦𑁆𑀢𑀻 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺, 𑀲𑁆𑀲𑀲𑀺 𑀲𑁆𑀲𑀣, 𑀲𑁆𑀲𑀸𑀫𑀺 𑀲𑁆𑀲𑀸𑀫, 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂.
𑀪𑀯𑀺𑀲𑁆𑀲𑀦𑁆𑀢𑀻 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀲𑁆𑀲𑀢𑀺 𑀲𑁆𑀲𑀦𑁆𑀢𑀺, 𑀲𑁆𑀲𑀲𑀺 𑀲𑁆𑀲𑀣, 𑀲𑁆𑀲𑀸𑀫𑀺 𑀲𑁆𑀲𑀸𑀫, 𑀲𑁆𑀲𑀢𑁂 𑀲𑁆𑀲𑀦𑁆𑀢𑁂, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀁 𑀲𑁆𑀲𑀸𑀫𑁆𑀳𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀪𑀯𑀺𑀲𑁆𑀲𑀦𑁆𑀢𑀻 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀅𑀦𑀸𑀕𑀢𑁂 𑀪𑀯𑀺𑀲𑁆𑀲𑀦𑁆𑀢𑀻.
𑁪𑁩𑁦, 𑁩𑁭𑁩. 𑀓𑀸𑀮𑀸𑀢𑀺𑀧𑀢𑁆𑀢𑀺 ¶ 𑀲𑁆𑀲𑀸 𑀲𑁆𑀲𑀁𑀲𑀼, 𑀲𑁆𑀲𑁂 𑀲𑁆𑀲𑀣, 𑀲𑁆𑀲𑀁 𑀲𑁆𑀲𑀸𑀫𑁆𑀳𑀸, 𑀲𑁆𑀲𑀣 𑀲𑀺𑀲𑁆𑀲𑀼, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.
𑀓𑀸𑀮𑀸𑀢𑀺𑀧𑀢𑁆𑀢𑀺 𑀇𑀘𑁆𑀘𑁂𑀲𑀸 𑀲𑀜𑁆𑀜𑀸 𑀳𑁄𑀢𑀺 𑀲𑁆𑀲𑀸 𑀲𑁆𑀲𑀁𑀲𑀼, 𑀲𑁆𑀲𑁂 𑀲𑁆𑀲𑀣, 𑀲𑁆𑀲𑀁 𑀲𑁆𑀲𑀸𑀫𑁆𑀳𑀸, 𑀲𑁆𑀲𑀣 𑀲𑁆𑀲𑀺𑀲𑀼, 𑀲𑁆𑀲𑀲𑁂 𑀲𑁆𑀲𑀯𑁆𑀳𑁂, 𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂 𑀇𑀘𑁆𑀘𑁂𑀢𑁂𑀲𑀁 𑀤𑁆𑀯𑀸𑀤𑀲𑀦𑁆𑀦𑀁 𑀧𑀤𑀸𑀦𑀁.
𑀓𑀸𑀮𑀸𑀢𑀺𑀧𑀢𑁆𑀢𑀺 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀓𑁆𑀭𑀺𑀬𑀸𑀢𑀺𑀧𑀦𑁆𑀦𑁂’ 𑀢𑀻𑀢𑁂 𑀓𑀸𑀮𑀸𑀢𑀺𑀧𑀢𑁆𑀢𑀺.
𑁪𑁩𑁧, 𑁪𑁫𑁮. 𑀳𑀺𑀬𑁆𑀬𑀢𑁆𑀢𑀦𑀻 𑀲𑀢𑁆𑀢𑀫𑀻 𑀧𑀜𑁆𑀘𑀫𑀻 𑀯𑀢𑁆𑀢𑀫𑀸𑀦𑀸 𑀲𑀩𑁆𑀩𑀥𑀸𑀢𑀼𑀓𑀁.
𑀳𑀺𑀬𑁆𑀬𑀢𑁆𑀢𑀦𑀸𑀤𑀬𑁄 𑀘𑀢𑀲𑁆𑀲𑁄 𑀯𑀺𑀪𑀢𑁆𑀢𑀺𑀬𑁄 𑀲𑀩𑁆𑀩𑀥𑀸𑀢𑀼𑀓 𑀲𑀜𑁆𑀜𑀸 𑀳𑁄𑀦𑁆𑀢𑀺.
𑀅𑀕𑀫𑀸, 𑀕𑀘𑁆𑀙𑁂𑀬𑁆𑀬, 𑀕𑀘𑁆𑀙𑀢𑀼, 𑀕𑀘𑁆𑀙𑀢𑀺.
𑀲𑀩𑁆𑀩𑀥𑀸𑀢𑀼𑀓 𑀇𑀘𑁆𑀘𑀦𑁂𑀦 𑀓𑁆𑀯𑀢𑁆𑀣𑁄? 𑀇𑀓𑀸𑀭𑀸𑀕𑀫𑁄 𑀅𑀲𑀩𑁆𑀩𑀥𑀸𑀢𑀼𑀓𑀫𑁆𑀳𑀺.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑀤𑀼𑀢𑀺𑀬𑀓𑀡𑁆𑀟
𑁪𑁩𑁨, 𑁩𑁬𑁨. 𑀥𑀸𑀢𑀼𑀮𑀺𑀗𑁆𑀕𑁂𑀳𑀺 ¶ 𑀧𑀭𑀸 𑀧𑀘𑁆𑀘𑀬𑀸.
𑀥𑀸𑀢𑀼𑀮𑀺𑀗𑁆𑀕𑀇𑀘𑁆𑀘𑁂𑀢𑁂𑀳𑀺 𑀧𑀭𑀸 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀓𑀭𑁄𑀢𑀺, 𑀕𑀘𑁆𑀙𑀢𑀺. 𑀬𑁄 𑀓𑁄𑀘𑀺 𑀓𑀭𑁄𑀢𑀺, 𑀢𑀁 𑀅𑀜𑁆𑀜𑁄 ‘‘𑀓𑀭𑁄𑀳𑀺 𑀓𑀭𑁄𑀳𑀺’’ 𑀇𑀘𑁆𑀘𑁂𑀯𑀁 𑀩𑁆𑀭𑀯𑀻𑀢𑀺, 𑀅𑀣 𑀯𑀸 𑀓𑀭𑁄𑀦𑁆𑀢𑀁 𑀧𑀬𑁄𑀚𑀬𑀢𑀺 = 𑀓𑀸𑀭𑁂𑀢𑀺. 𑀲𑀗𑁆𑀖𑁄 𑀧𑀩𑁆𑀩𑀢𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀧𑀩𑁆𑀩𑀢𑀸𑀬𑀢𑀺. 𑀢𑀴𑀸𑀓𑀁 𑀲𑀫𑀼𑀤𑁆𑀤𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀲𑀫𑀼𑀤𑁆𑀤𑀸𑀬𑀢𑀺, 𑀲𑀤𑁆𑀤𑁄 𑀘𑀺𑀘𑁆𑀘𑀺𑀝𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀘𑀺𑀘𑁆𑀘𑀺𑀝𑀸𑀬𑀢𑀺, 𑀯𑀲𑀺𑀝𑁆𑀞𑀲𑁆𑀲 𑀅𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑁄. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁪𑁩𑁩, 𑁫𑁨𑁮. 𑀢𑀺𑀚 𑀕𑀼𑀧 𑀓𑀺𑀢 𑀫𑀸𑀦𑁂 𑀳𑀺 𑀔 𑀙 𑀲𑀸 𑀯𑀸.
𑀢𑀺𑀚 𑀕𑀼𑀧 𑀓𑀺𑀢 𑀫𑀸𑀦𑀼 𑀇𑀘𑁆𑀘𑁂𑀢𑁂𑀳𑀺 𑀥𑀸𑀢𑀽𑀳𑀺 𑀔 𑀙 𑀲 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸.
𑀢𑀺𑀢𑀺𑀓𑁆𑀔𑀢𑀺, 𑀚𑀺𑀕𑀼𑀘𑁆𑀙𑀢𑀺, 𑀢𑀺𑀓𑀺𑀘𑁆𑀙𑀢𑀺, 𑀯𑀻𑀫𑀁𑀲𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀢𑁂𑀚𑀢𑀺, 𑀕𑁄𑀧𑀢𑀺, 𑀫𑀸𑀦𑁂𑀢𑀺.
𑁪𑁩𑁪, 𑁫𑁩𑁪. 𑀪𑀼𑀚 𑀖𑀲 𑀳𑀭 𑀲𑀼 𑀧𑀸𑀤𑀻𑀳𑀺 𑀢𑀼𑀫𑀺𑀘𑁆𑀙𑀢𑁆𑀣𑁂𑀲𑀼.
𑀪𑀼𑀚 ¶ 𑀖𑀲 𑀳𑀭 𑀲𑀼 𑀧𑀸𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀼𑀫𑀺𑀘𑁆𑀙𑀢𑁆𑀣𑁂𑀲𑀼 𑀔 𑀙 𑀲𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸.
𑀪𑁄𑀢𑁆𑀢𑀼𑀫𑀺𑀘𑁆𑀙𑀢𑀺=𑀩𑀼𑀪𑀼𑀓𑁆𑀔𑀢𑀺, 𑀖𑀲𑀺𑀢𑀼𑀫𑀺𑀘𑁆𑀙𑀢𑀺=𑀚𑀺𑀖𑀘𑁆𑀙𑀢𑀺, 𑀳𑀭𑀺𑀢𑀼𑀫𑀺𑀘𑁆𑀙𑀢𑀺=𑀚𑀺𑀕𑀻𑀲𑀢𑀺, 𑀲𑁄𑀢𑀼𑀫𑀺𑀘𑁆𑀙𑀢𑀺=𑀲𑀼𑀲𑁆𑀲𑀼𑀲𑀢𑀺, 𑀧𑀸𑀢𑀼𑀫𑀺𑀘𑁆𑀙𑀢𑀺=𑀧𑀺𑀯𑀸𑀲𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀪𑁄𑀢𑁆𑀢𑀼𑀫𑀺𑀘𑁆𑀙𑀢𑀺.
𑀢𑀼𑀫𑀺𑀘𑁆𑀙𑀢𑁆𑀣𑁂𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀪𑀼𑀜𑁆𑀚𑀢𑀺.
𑁪𑁩𑁫, 𑁫𑁩𑁬. 𑀆𑀬 𑀦𑀸𑀫𑀢𑁄 𑀓𑀢𑁆𑀢𑀽𑀧𑀫𑀸𑀦𑀸𑀤𑀸𑀘𑀸𑀭𑁂.
𑀦𑀸𑀫𑀢𑁄 𑀓𑀢𑁆𑀢𑀽𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀆𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀲𑀗𑁆𑀖𑁄 𑀧𑀩𑁆𑀩𑀢𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀧𑀩𑁆𑀩𑀢𑀸𑀬𑀢𑀺, 𑀢𑀴𑀸𑀓𑀁 𑀲𑀫𑀼𑀤𑁆𑀤𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀲𑀫𑀼𑀤𑁆𑀤𑀸𑀬𑀢𑀺, 𑀲𑀤𑁆𑀤𑁄 𑀘𑀺𑀘𑁆𑀘𑀺𑀝𑀫𑀺𑀯 𑀅𑀢𑁆𑀢𑀸𑀦𑀫𑀸𑀘𑀭𑀢𑀺 = 𑀘𑀺𑀘𑁆𑀘𑀺𑀝𑀸𑀬𑀢𑀺. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀦𑀸𑀫𑀢𑁄 𑀉𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀘 𑀈𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀅𑀙𑀢𑁆𑀢𑀁 ¶ 𑀙𑀢𑁆𑀢𑀫𑀺𑀯 𑀆𑀘𑀭𑀢𑀺 =𑀙𑀢𑁆𑀢𑀻𑀬𑀢𑀺, 𑀅𑀧𑀼𑀢𑁆𑀢𑀁 𑀧𑀼𑀢𑁆𑀢𑀫𑀺𑀯 𑀆𑀘𑀭𑀢𑀺=𑀧𑀼𑀢𑁆𑀢𑀻𑀬𑀢𑀺.
𑀉𑀧𑀫𑀸𑀦𑀸𑀢𑀺 𑀓𑀺𑀫𑀢𑁆𑀣𑀁? 𑀥𑀫𑁆𑀫𑀁 𑀆𑀘𑀭𑀢𑀺.
𑀆𑀘𑀸𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀙𑀢𑁆𑀢𑀁 𑀙𑀢𑁆𑀢𑀫𑀺𑀯 𑀭𑀓𑁆𑀔𑀢𑀺. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁪𑁩𑁭, 𑁫𑁩𑁮. 𑀦𑀸𑀫𑀫𑁆𑀳𑀸’𑀢𑁆𑀢𑀺𑀘𑁆𑀙𑀢𑁆𑀣𑁂.
𑀦𑀸𑀫𑀫𑁆𑀳𑀸 𑀅𑀢𑁆𑀢𑀦𑁄 𑀇𑀘𑁆𑀙𑀢𑁆𑀣𑁂 𑀈𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀅𑀢𑁆𑀢𑀦𑁄 𑀧𑀢𑁆𑀢𑀫𑀺𑀘𑁆𑀙𑀢𑀺 = 𑀧𑀢𑁆𑀢𑀻𑀬𑀢𑀺. 𑀏𑀯𑀁 𑀯𑀢𑁆𑀣𑀻𑀬𑀢𑀺, 𑀧𑀭𑀺𑀓𑁆𑀔𑀸𑀭𑀻𑀬𑀢𑀺, 𑀘𑀻𑀯𑀭𑀻𑀬𑀢𑀺, 𑀥𑀦𑀻𑀬𑀢𑀺, 𑀖𑀝𑀻𑀬𑀢𑀺.
𑀅𑀢𑁆𑀢𑀺𑀘𑁆𑀙𑀢𑁆𑀣𑁂𑀢𑀺 𑀓𑀺𑀫𑀢𑁆𑀣𑀁? 𑀅𑀜𑁆𑀜𑀲𑁆𑀲 𑀧𑀢𑁆𑀢𑀫𑀺𑀘𑁆𑀙𑀢𑀺. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁪𑁩𑁮, 𑁫𑁪𑁦. 𑀥𑀸𑀢𑀽𑀳𑀺 𑀡𑁂 𑀡𑀬 𑀡𑀸𑀧𑁂 𑀡𑀸𑀧𑀬𑀸 𑀓𑀸𑀭𑀺𑀢𑀸𑀦𑀺 𑀳𑁂𑀢𑁆𑀯𑀢𑁆𑀣𑁂.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀡𑁂𑀡𑀬 𑀡𑀸𑀧𑁂 𑀡𑀸𑀧𑀬𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀸𑀭𑀺𑀢𑀲𑀜𑁆𑀜𑀸 𑀘 𑀳𑁂𑀢𑁆𑀯𑀢𑁆𑀣𑁂.
𑀬𑁄 𑀓𑁄𑀘𑀺 𑀓𑀭𑁄𑀢𑀺, 𑀢𑀁 𑀅𑀜𑁆𑀜𑁄 ‘‘𑀓𑀭𑁄𑀳𑀺 𑀓𑀭𑁄𑀳𑀺’’ 𑀇𑀘𑁆𑀘𑁂𑀯𑀁 𑀩𑁆𑀭𑀯𑀻𑀢𑀺, 𑀅𑀣 𑀯𑀸 𑀓𑀭𑁄𑀦𑁆𑀢𑀁 𑀧𑀬𑁄𑀚𑀬𑀢𑀺 ¶ = 𑀓𑀸𑀭𑁂𑀢𑀺, 𑀓𑀸𑀭𑀬𑀢𑀺, 𑀓𑀸𑀭𑀸𑀧𑁂𑀢𑀺, 𑀓𑀸𑀭𑀸 𑀧𑀬𑀢𑀺. 𑀬𑁂 𑀓𑁂𑀘𑀺 𑀓𑀭𑁄𑀦𑁆𑀢𑀺, 𑀢𑁂 𑀅𑀜𑁆𑀜𑁂 ‘‘𑀓𑀭𑁄𑀣 𑀓𑀭𑁄𑀣’’ 𑀇𑀘𑁆𑀘𑁂𑀯𑀁 𑀩𑁆𑀭𑀼𑀯𑀦𑁆𑀢𑀺 = 𑀓𑀸𑀭𑁂𑀦𑁆𑀢𑀺, 𑀓𑀸𑀭𑀬𑀦𑁆𑀢𑀺, 𑀓𑀸𑀭𑀸𑀧𑁂𑀦𑁆𑀢𑀺, 𑀓𑀸𑀭𑀸𑀧𑀬𑀦𑁆𑀢𑀺. 𑀬𑁄 𑀓𑁄𑀘𑀺 𑀧𑀘𑀢𑀺, 𑀢𑀁 𑀅𑀜𑁆𑀜𑁄 ‘‘𑀧𑀘𑀸𑀳𑀺 𑀧𑀘𑀸𑀳𑀺’’𑀇𑀘𑁆𑀘𑁂𑀯𑀁 𑀩𑁆𑀭𑀯𑀻𑀢𑀺, 𑀅𑀣 𑀯𑀸 𑀧𑀘𑀦𑁆𑀢𑀁 𑀧𑀬𑁄𑀚𑀬𑀢𑀺 = 𑀧𑀸𑀘𑁂𑀢𑀺, 𑀧𑀸𑀘𑀬𑀢𑀺, 𑀧𑀸𑀘𑀸𑀧𑁂𑀢𑀺, 𑀧𑀸𑀘𑀸𑀧𑀬𑀢𑀺. 𑀬𑁂 𑀓𑁂𑀘𑀺 𑀧𑀘𑀦𑁆𑀢𑀺, 𑀢𑁂 𑀅𑀜𑁆𑀜𑁂 ‘‘𑀧𑀘𑀣 𑀧𑀘𑀣’’ 𑀇𑀘𑁆𑀘𑁂𑀯𑀁 𑀩𑁆𑀭𑀼𑀯𑀦𑁆𑀢𑀺 = 𑀧𑀸𑀘𑁂𑀦𑁆𑀢𑀺, 𑀧𑀸𑀘𑀬𑀦𑁆𑀢𑀺, 𑀧𑀸𑀘𑀸𑀧𑁂𑀦𑁆𑀢𑀺. 𑀧𑀸𑀘𑀸𑀧𑀬𑀦𑁆𑀢𑀺. 𑀏𑀯𑀁 𑀪𑀡𑁂𑀢𑀺, 𑀪𑀡𑀬𑀢𑀺, 𑀪𑀡𑀸𑀧𑁂𑀢𑀺, 𑀪𑀡𑀸𑀧𑀬𑀢𑀺. 𑀪𑀡𑁂𑀦𑁆𑀢𑀺, 𑀪𑀡𑀬𑀦𑁆𑀢𑀺, 𑀪𑀡𑀸𑀧𑁂𑀦𑁆𑀢𑀺, 𑀪𑀡𑀸𑀧𑀬𑀦𑁆𑀢𑀺. 𑀢𑀣𑀭𑀺𑀯 𑀅𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀳𑁂𑀢𑁆𑀯𑀢𑁆𑀣𑁂𑀢𑀺 𑀓𑀺𑀫𑀢𑁆𑀣𑀁? 𑀓𑀭𑁄𑀢𑀺, 𑀧𑀘𑀢𑀺.
𑀅𑀢𑁆𑀣𑀕𑁆𑀕𑀳𑀡𑁂𑀦 𑀅𑀮𑀧𑀘𑁆𑀘𑀬𑁄 𑀳𑁄𑀢𑀺, 𑀚𑁄𑀢𑀮𑀢𑀺.
𑁪𑁩𑁯, 𑁫𑁩𑁯. 𑀥𑀸𑀢𑀼𑀭𑀽𑀧𑁂 𑀦𑀸𑀫𑀲𑁆𑀫𑀸 𑀡𑀬𑁄 𑀘.
𑀢𑀲𑁆𑀫𑀸 𑀦𑀸𑀫𑀲𑁆𑀫𑀸 𑀡𑀬𑀧𑀘𑁆𑀘𑀬𑁄 𑀳𑁄𑀢𑀺 𑀓𑀸𑀭𑀺𑀢𑀲𑀜𑁆𑀜𑁄 𑀘 𑀥𑀸𑀢𑀼𑀭𑀽𑀧𑁂 𑀲𑀢𑀺.
𑀳𑀢𑁆𑀣𑀺𑀦𑀸 𑀅𑀢𑀺𑀓𑁆𑀓𑀫𑀢𑀺 𑀫𑀕𑁆𑀕𑀁 = 𑀅𑀢𑀺𑀳𑀢𑁆𑀣𑀬𑀢𑀺, 𑀯𑀻𑀡𑀸𑀬 𑀉𑀧𑀕𑀸𑀬𑀢𑀺 𑀕𑀻𑀢𑀁 = 𑀉𑀧𑀯𑀻𑀡𑀬𑀢𑀺, 𑀤𑀴𑁆𑀳𑀁 𑀓𑀭𑁄𑀢𑀺 𑀯𑀻𑀭𑀺𑀬𑀁 ¶ = 𑀤𑀴𑁆𑀳𑀬𑀢𑀺, 𑀯𑀺𑀲𑀼𑀤𑁆𑀥𑀸 𑀳𑁄𑀢𑀺 𑀭𑀢𑁆𑀢𑀺 = 𑀯𑀺𑀲𑀼𑀤𑁆𑀥𑀬𑀢𑀺.
𑀘𑀕𑁆𑀕𑀳𑀡𑁂𑀦 𑀆𑀭 𑀆𑀮𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺. 𑀲𑀦𑁆𑀢𑀁 𑀓𑀭𑁄𑀢𑀺 = 𑀲𑀦𑁆𑀢𑀸𑀭𑀢𑀺, 𑀉𑀧𑀓𑁆𑀓𑀫𑀁 𑀓𑀭𑁄𑀢𑀺 = 𑀉𑀧𑀓𑁆𑀓𑀫𑀸𑀮𑀢𑀺.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀪𑀸𑀯𑀓𑀫𑁆𑀫𑁂𑀲𑀼 𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀞𑀻𑀬𑀢𑁂, 𑀩𑀼𑀚𑁆𑀛𑀢𑁂, 𑀧𑀘𑁆𑀘𑀢𑁂, 𑀮𑀩𑁆𑀪𑀢𑁂, 𑀓𑀭𑀻𑀬𑀢𑁂, 𑀬𑀼𑀚𑁆𑀚𑀢𑁂, 𑀉𑀘𑁆𑀘𑀢𑁂.
𑀪𑀸𑀯𑀓𑀫𑁆𑀫𑁂𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀓𑀭𑁄𑀢𑀺, 𑀧𑀘𑀢𑀺, 𑀧𑀞𑀢𑀺.
𑁪𑁪𑁧, 𑁪𑁪𑁭. 𑀢𑀲𑁆𑀲 𑀘𑀯𑀕𑁆𑀕𑀬𑀓𑀸𑀭𑀯𑀓𑀸𑀭𑀢𑁆𑀢𑀁 𑀲𑀥𑀸𑀢𑁆𑀯𑀦𑁆𑀢𑀲𑁆𑀲.
𑀢𑀲𑁆𑀲 𑀬𑀧𑀘𑁆𑀘𑀬𑀲𑁆𑀲 𑀘𑀯𑀕𑁆𑀕𑀬𑀓𑀸𑀭𑀯𑀓𑀸𑀭𑀢𑁆𑀢𑀁 𑀳𑁄𑀢𑀺 𑀥𑀸𑀢𑀽𑀦𑀁 𑀅𑀦𑁆𑀢𑁂𑀦 𑀲𑀳 𑀬𑀣𑀸𑀲𑀫𑁆𑀪𑀯𑀁.
𑀯𑀼𑀘𑁆𑀘𑀢𑁂, 𑀯𑀼𑀘𑁆𑀘𑀦𑁆𑀢𑁂, 𑀉𑀘𑁆𑀘𑀢𑁂, 𑀉𑀘𑁆𑀘𑀦𑁆𑀢𑁂, 𑀧𑀘𑁆𑀘𑀢𑁂, 𑀧𑀘𑁆𑀘𑀦𑁆𑀢𑁂. 𑀫𑀚𑁆𑀚𑀢𑁂, 𑀫𑀚𑁆𑀚𑀦𑁆𑀢𑁂, 𑀬𑀼𑀚𑁆𑀚𑀢𑁂, 𑀬𑀼𑀚𑁆𑀚𑀦𑁆𑀢𑁂. 𑀩𑀼𑀚𑁆𑀛𑀢𑁂, 𑀩𑀼𑀚𑁆𑀛𑀦𑁆𑀢𑁂, 𑀓𑀼𑀚𑁆𑀛𑀢𑁂, 𑀓𑀼𑀚𑁆𑀛𑀦𑁆𑀢𑁂, 𑀉𑀚𑁆𑀛𑀢𑁂, 𑀉𑀚𑁆𑀛𑀦𑁆𑀢𑁂. 𑀳𑀜𑁆𑀜𑀢𑁂, 𑀳𑀜𑁆𑀜𑀦𑁆𑀢𑁂. 𑀓𑀬𑁆𑀬𑀢𑁂, 𑀓𑀬𑁆𑀬𑀦𑁆𑀢𑁂. 𑀤𑀺𑀩𑁆𑀩𑀢𑁂, 𑀤𑀺𑀩𑁆𑀩𑀦𑁆𑀢𑁂.
𑁪𑁪𑁨, 𑁪𑁪𑁮. 𑀇𑀯𑀡𑁆𑀡𑀸𑀕𑀫𑁄 ¶ 𑀯𑀸.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀬𑀫𑁆𑀳𑀺 𑀧𑀘𑁆𑀘𑀬𑁂, 𑀧𑀭𑁂 𑀇𑀯𑀡𑁆𑀡𑀸𑀕𑀫𑁄 𑀳𑁄𑀢𑀺 𑀯𑀸.
𑀓𑀭𑀻𑀬𑀢𑁂, 𑀓𑀭𑀻𑀬𑀢𑀺, 𑀕𑀘𑁆𑀙𑀻𑀬𑀢𑁂, 𑀕𑀘𑁆𑀙𑀻𑀬𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀓𑀬𑁆𑀬𑀢𑁂.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀬𑀧𑀘𑁆𑀘𑀬𑁄 𑀧𑀼𑀩𑁆𑀩𑀭𑀽𑀧𑀫𑀸𑀧𑀚𑁆𑀚𑀢𑁂 𑀯𑀸.
𑀯𑀼𑀟𑁆𑀠𑀢𑁂, 𑀨𑀮𑁆𑀮𑀢𑁂, 𑀤𑀫𑁆𑀫𑀢𑁂, 𑀲𑀓𑁆𑀓𑀢𑁂, 𑀮𑀩𑁆𑀪𑀢𑁂, 𑀤𑀺𑀲𑁆𑀲𑀢𑁂.
𑀬𑀣𑀸 𑀳𑁂𑀝𑁆𑀞𑀸 𑀪𑀸𑀯𑀓𑀫𑁆𑀫𑁂𑀲𑀼 𑀬𑀧𑀘𑁆𑀘𑀬𑀲𑁆𑀲 𑀆𑀤𑁂𑀲𑁄 𑀳𑁄𑀢𑀺 𑀢𑀣𑀸 𑀓𑀢𑁆𑀢𑀭𑀺𑀧𑀺 𑀬𑀧𑀘𑁆𑀘𑀬𑀲𑁆𑀲 𑀆𑀤𑁂𑀲𑁄 𑀓𑀸𑀢𑀩𑁆𑀩𑁄.
𑀩𑀼𑀚𑁆𑀛𑀢𑀺, 𑀯𑀺𑀚𑁆𑀛𑀢𑀺, 𑀫𑀜𑁆𑀜𑀢𑀺, 𑀲𑀺𑀩𑁆𑀩𑀢𑀺.
𑀪𑀽𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀅𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺.
𑀪𑀯𑀢𑀺 ¶ , 𑀧𑀞𑀢𑀺, 𑀧𑀘𑀢𑀺, 𑀚𑀬𑀢𑀺.
𑁪𑁪𑁬, 𑁫𑁦𑁯. 𑀭𑀼𑀥𑀸𑀤𑀺𑀢𑁄 𑀦𑀺𑀕𑁆𑀕𑀳𑀺𑀢𑀧𑀼𑀩𑁆𑀩𑀜𑁆𑀘.
𑀭𑀼𑀥𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀅𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺, 𑀧𑀼𑀩𑁆𑀩𑁂 𑀦𑀺𑀕𑁆𑀕𑀳𑀺𑀢𑀸𑀕𑀫𑁄 𑀳𑁄𑀢𑀺.
𑀭𑀼𑀦𑁆𑀥𑀢𑀺, 𑀙𑀺𑀦𑁆𑀤𑀢𑀺, 𑀪𑀺𑀦𑁆𑀤𑀢𑀺.
𑀘𑀕𑁆𑀕𑀳𑀡𑁂𑀦 𑀇 𑀈 𑀏 𑀑𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀦𑀺𑀕𑁆𑀕𑀳𑀺𑀢𑀧𑀼𑀩𑁆𑀩𑀜𑁆𑀘.
𑀭𑀼𑀦𑁆𑀥𑀺𑀢𑀺, 𑀭𑀼𑀦𑁆𑀥𑀻𑀢𑀺, 𑀭𑀼𑀦𑁆𑀥𑁂𑀢𑀺, 𑀭𑀼𑀦𑁆𑀥𑁄𑀢𑀺, 𑀲𑀼𑀫𑁆𑀪𑁄𑀢𑀺, 𑀧𑀭𑀺𑀲𑀼𑀫𑁆𑀪𑁄𑀢𑀺.
𑀤𑀺𑀯𑀼𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀬𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺.
𑀤𑀺𑀩𑁆𑀩𑀢𑀺, 𑀣𑀺𑀩𑁆𑀩𑀢𑀺, 𑀬𑀼𑀚𑁆𑀛𑀢𑀺, 𑀯𑀺𑀚𑁆𑀛𑀢𑀺, 𑀩𑀼𑀚𑁆𑀛𑀢𑀺.
𑁪𑁪𑁮, 𑁫𑁧𑁨. 𑀲𑁆𑀯𑀸𑀤𑀺𑀢𑁄 𑀡𑀼 𑀡𑀸 𑀉𑀡𑀸 𑀘.
𑀲𑀼𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀡𑀼 𑀡𑀸 𑀉 𑀡𑀸𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺.
𑀅𑀪𑀺𑀲𑀼𑀡𑁄𑀢𑀺 ¶ , 𑀅𑀪𑀺𑀲𑀼𑀡𑀸𑀢𑀺, 𑀲𑀁𑀯𑀼𑀡𑁄𑀢𑀺, 𑀲𑀁𑀯𑀼𑀡𑀸𑀢𑀺, 𑀆𑀯𑀼𑀡𑁄𑀢𑀺, 𑀆𑀯𑀼𑀡𑀸𑀢𑀺, 𑀧𑀸𑀧𑀼𑀡𑁄𑀢𑀺, 𑀧𑀸𑀧𑀼𑀡𑀸𑀢𑀺.
𑀓𑀻𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀦𑀸𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺.
𑀓𑀺𑀡𑀸𑀢𑀺, 𑀚𑀺𑀦𑀸𑀢𑀺, 𑀥𑀼𑀦𑀸𑀢𑀺, 𑀫𑀼𑀦𑀸𑀢𑀺, 𑀮𑀼𑀦𑀸𑀢𑀺, 𑀧𑀼𑀦𑀸𑀢𑀺.
𑀕𑀳𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀧𑁆𑀧𑀡𑁆𑀳𑀸𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺.
𑀖𑁂𑀧𑁆𑀧𑀢𑀺, 𑀕𑀡𑁆𑀳𑀸𑀢𑀺.
𑀢𑀦𑀼𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀑 𑀬𑀺𑀭𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺.
𑀢𑀦𑁄𑀢𑀺 ¶ , 𑀢𑀦𑁄𑀳𑀺, 𑀓𑀭𑁄𑀢𑀺, 𑀓𑀭𑁄𑀳𑀺, 𑀓𑀬𑀺 𑀭𑀢𑀺, 𑀓𑀬𑀺𑀭𑀸𑀳𑀺.
𑀘𑀼𑀭𑀇𑀘𑁆𑀘𑁂𑀯𑀫𑀸𑀤𑀺𑀢𑁄 𑀥𑀸𑀢𑀼𑀕𑀡𑀢𑁄 𑀡𑁂 𑀡𑀬𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺, 𑀓𑀸𑀭𑀺𑀢𑀲𑀜𑁆𑀜𑀸 𑀘.
𑀘𑁄𑀭𑁂𑀢𑀺, 𑀘𑁄𑀭𑀬𑀢𑀺, 𑀘𑀺𑀦𑁆𑀢𑁂𑀢𑀺, 𑀘𑀺𑀦𑁆𑀢𑀬𑀢𑀺, 𑀫𑀦𑁆𑀢𑁂𑀢𑀺, 𑀫𑀦𑁆𑀢𑀬𑀢𑀺.
𑁪𑁫𑁩, 𑁪𑁪𑁪. 𑀅𑀢𑁆𑀢𑀦𑁄𑀧𑀤𑀸𑀦𑀺 𑀪𑀸𑀯𑁂 𑀘 𑀓𑀫𑁆𑀫𑀦𑀺.
𑀪𑀸𑀯𑁂 𑀘 𑀓𑀫𑁆𑀫𑀦𑀺 𑀘 𑀅𑀢𑁆𑀢𑀦𑁄𑀧𑀤𑀸𑀦𑀺 𑀳𑁄𑀦𑁆𑀢𑀺.
𑀉𑀘𑁆𑀘𑀢𑁂, 𑀉𑀘𑁆𑀘𑀦𑁆𑀢𑁂, 𑀫𑀚𑁆𑀚𑀢𑁂, 𑀫𑀚𑁆𑀚𑀦𑁆𑀢𑁂, 𑀬𑀼𑀚𑁆𑀚𑀢𑁂, 𑀬𑀼𑀚𑁆𑀚𑀦𑁆𑀢𑁂, 𑀓𑀼𑀚𑁆𑀛𑀢𑁂, 𑀓𑀼𑀚𑁆𑀛𑀦𑁆𑀢𑁂, 𑀮𑀩𑁆𑀪𑀢𑁂, 𑀮𑀩𑁆𑀪𑀦𑁆𑀢𑁂, 𑀓𑀬𑁆𑀬𑀢𑁂, 𑀓𑀬𑁆𑀬𑀦𑁆𑀢𑁂.
𑀓𑀢𑁆𑀢𑀭𑀺 𑀘 𑀅𑀢𑁆𑀢𑀦𑁄𑀧𑀤𑀸𑀦𑀺 𑀳𑁄𑀦𑁆𑀢𑀺.
𑀫𑀜𑁆𑀜𑀢𑁂, 𑀭𑁄𑀘𑀢𑁂, 𑀲𑁄𑀘𑀢𑁂, 𑀩𑀼𑀚𑁆𑀛𑀢𑁂, 𑀚𑀸𑀬𑀢𑁂.
𑁪𑁫𑁫, 𑁫𑁩𑁦. 𑀥𑀸𑀢𑀼𑀧𑁆𑀧𑀘𑁆𑀘𑀬𑁂𑀳𑀺 𑀯𑀺𑀪𑀢𑁆𑀢𑀺𑀬𑁄.
𑀥𑀸𑀢𑀼𑀦𑀺𑀤𑁆𑀤𑀺𑀝𑁆𑀞𑁂𑀳𑀺 𑀧𑀘𑁆𑀘𑀬𑁂𑀳𑀺 𑀔𑀸𑀤𑀺𑀓𑀸𑀭𑀺𑀢𑀦𑁆𑀢𑁂𑀳𑀺 𑀯𑀺𑀪𑀢𑁆𑀢𑀺𑀬𑁄 𑀳𑁄𑀦𑁆𑀢𑀺.
𑀢𑀺𑀢𑀺𑀓𑁆𑀔𑀢𑀺 ¶ , 𑀚𑀺𑀕𑀼𑀘𑁆𑀙𑀢𑀺, 𑀯𑀻𑀫𑀁𑀲𑀢𑀺, 𑀲𑀫𑀼𑀤𑁆𑀤𑀸𑀬𑀢𑀺, 𑀧𑀼𑀢𑁆𑀢𑀻𑀬𑀢𑀺, 𑀓𑀸𑀭𑁂𑀢𑀺, 𑀧𑀸𑀘𑁂𑀢𑀺.
𑀓𑀢𑁆𑀢𑀭𑀺 𑀧𑀭𑀲𑁆𑀲𑀧𑀤𑀁 𑀳𑁄𑀢𑀺.
𑀓𑀭𑁄𑀢𑀺, 𑀧𑀘𑀢𑀺, 𑀧𑀞𑀢𑀺, 𑀕𑀘𑁆𑀙𑀢𑀺.
𑀪𑀽𑀇𑀘𑁆𑀘𑁂𑀯𑀫𑀸𑀤𑀬𑁄 𑀬𑁂 𑀲𑀤𑁆𑀤𑀕𑀡𑀸, 𑀢𑁂 𑀥𑀸𑀢𑀼𑀲𑀜𑁆𑀜𑀸 𑀳𑁄𑀦𑁆𑀢𑀺.
𑀪𑀯𑀢𑀺, 𑀪𑀯𑀦𑁆𑀢𑀺, 𑀘𑀭𑀢𑀺, 𑀘𑀭𑀦𑁆𑀢𑀺, 𑀧𑀘𑀢𑀺, 𑀧𑀘𑀦𑁆𑀢𑀺, 𑀘𑀺𑀦𑁆𑀢𑀬𑀢𑀺, 𑀘𑀺𑀦𑁆𑀢𑀬𑀦𑁆𑀢𑀺, 𑀳𑁄𑀢𑀺, 𑀳𑁄𑀦𑁆𑀢𑀺, 𑀕𑀘𑁆𑀙𑀢𑀺, 𑀕𑀘𑁆𑀙𑀦𑁆𑀢𑀺.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑀢𑀢𑀺𑀬𑀓𑀡𑁆𑀟
𑁪𑁫𑁮, 𑁪𑁬𑁧. 𑀓𑁆𑀯𑀘𑀸𑀤𑀺𑀯𑀡𑁆𑀡𑀸𑀦𑀫𑁂𑀓𑀲𑁆𑀲𑀭𑀸𑀦𑀁 𑀤𑁆𑀯𑁂𑀪𑀸𑀯𑁄.
𑀆𑀤𑀺𑀪𑀽𑀢𑀸𑀦𑀁 𑀯𑀡𑁆𑀡𑀸𑀦𑀁 𑀏𑀓𑀲𑁆𑀲𑀭𑀸𑀦𑀁 𑀓𑁆𑀯𑀘𑀺 𑀤𑁆𑀯𑁂𑀪𑀸𑀯𑁄 𑀳𑁄𑀢𑀺.
𑀢𑀺𑀢𑀺𑀓𑁆𑀔𑀢𑀺 ¶ , 𑀚𑀺𑀕𑀼𑀘𑁆𑀙𑀢𑀺, 𑀢𑀺𑀓𑀺𑀘𑁆𑀙𑀢𑀺, 𑀯𑀻𑀫𑀁𑀲𑀢𑀺, 𑀩𑀼𑀪𑀼𑀓𑁆𑀔𑀢𑀺, 𑀧𑀺𑀯𑀸𑀲𑀢𑀺, 𑀤𑀤𑁆𑀤𑀮𑁆𑀮𑀢𑀺, 𑀤𑀤𑀸𑀢𑀺, 𑀚𑀳𑀸𑀢𑀺, 𑀘𑀗𑁆𑀓𑀫𑀢𑀺.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀓𑀫𑁆𑀧𑀢𑀺, 𑀘𑀮𑀢𑀺.
𑀤𑁆𑀯𑁂𑀪𑀽𑀢𑀲𑁆𑀲 𑀥𑀸𑀢𑀼𑀲𑁆𑀲 𑀬𑁄 𑀧𑀼𑀩𑁆𑀩𑁄, 𑀲𑁄 𑀅𑀩𑁆𑀪𑀸𑀲𑀲𑀜𑁆𑀜𑁄 𑀳𑁄𑀢𑀺.
𑀤𑀥𑀸𑀢𑀺, 𑀤𑀤𑀸𑀢𑀺, 𑀩𑀪𑀽𑀯.
𑀅𑀩𑁆𑀪𑀸𑀲𑁂 𑀯𑀢𑁆𑀢𑀫𑀸𑀦𑀲𑁆𑀲 𑀲𑀭𑀲𑁆𑀲 𑀭𑀲𑁆𑀲𑁄 𑀳𑁄𑀢𑀺. 𑀤𑀥𑀸𑀢𑀺, 𑀚𑀳𑀸𑀢𑀺.
𑁪𑁬𑁧, 𑁪𑁬𑁪. 𑀤𑀼𑀢𑀺𑀬𑀘𑀢𑀼𑀢𑁆𑀣𑀸𑀦𑀁 𑀧𑀞𑀫𑀢𑀢𑀺𑀬𑀸.
𑀅𑀩𑁆𑀪𑀸𑀲𑀕𑀢𑀸𑀦𑀁 𑀤𑀼𑀢𑀺𑀬𑀘𑀢𑀼𑀢𑁆𑀣𑀸𑀦𑀁 𑀧𑀞𑀫𑀢𑀢𑀺𑀬𑀸 𑀳𑁄𑀦𑁆𑀢𑀺.
𑀘𑀺𑀘𑁆𑀙𑁂𑀤, 𑀩𑀼𑀪𑀼𑀓𑁆𑀔𑀢𑀺, 𑀩𑀪𑀽𑀯, 𑀤𑀥𑀸𑀢𑀺.
𑀅𑀩𑁆𑀪𑀸𑀲𑁂 𑀯𑀢𑁆𑀢𑀫𑀸𑀦𑀲𑁆𑀲 𑀓𑀯𑀕𑁆𑀕𑀲𑁆𑀲 𑀘 𑀯𑀕𑁆𑀕𑁄 𑀳𑁄𑀢𑀺.
𑀘𑀺𑀓𑀺𑀘𑁆𑀙𑀢𑀺 ¶ , 𑀚𑀺𑀕𑀼𑀘𑁆𑀙𑀢𑀺, 𑀚𑀺𑀖𑀘𑁆𑀙𑀢𑀺, 𑀚𑀺𑀕𑀻𑀲𑀢𑀺, 𑀚𑀗𑁆𑀕𑀫𑀢𑀺, 𑀘𑀗𑁆𑀓𑀫𑀢𑀺.
𑁪𑁬𑁩, 𑁫𑁩𑁨. 𑀫𑀸𑀦𑀓𑀺𑀢𑀸𑀦𑀁 𑀯𑀢𑀢𑁆𑀢𑀁 𑀯𑀸.
𑀫𑀸𑀦𑀓𑀺𑀢𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀅𑀩𑁆𑀪𑀸𑀲𑀕𑀢𑀸𑀦𑀁 𑀯𑀓𑀸𑀭 𑀢𑀓𑀸𑀭𑀢𑁆𑀢𑀁 𑀳𑁄𑀢𑀺 𑀯𑀸 𑀬𑀣𑀸𑀲𑀗𑁆𑀔𑁆𑀬𑀁.
𑀯𑀻𑀫𑀁𑀲𑀢𑀺, 𑀢𑀺𑀓𑀺𑀘𑁆𑀙𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀘𑀺𑀓𑀺𑀘𑁆𑀙𑀢𑀺.
𑀅𑀩𑁆𑀪𑀸𑀲𑁂 𑀯𑀢𑁆𑀢𑀫𑀸𑀦𑀲𑁆𑀲 𑀳𑀓𑀸𑀭𑀲𑁆𑀲 𑀚𑁄 𑀳𑁄𑀢𑀺.
𑀚𑀳𑀸𑀢𑀺, 𑀚𑀼𑀳𑁆𑀯𑀢𑀺, 𑀚𑀼𑀳𑁄𑀢𑀺, 𑀚𑀳𑀸𑀭.
𑁪𑁬𑁫, 𑁪𑁬𑁩. 𑀅𑀦𑁆𑀢𑀲𑁆𑀲𑀺𑀯𑀡𑁆𑀡𑀸𑀓𑀸𑀭𑁄 𑀯𑀸.
𑀅𑀩𑁆𑀪𑀸𑀲𑀲𑁆𑀲 𑀅𑀦𑁆𑀢𑀲𑁆𑀲 𑀇𑀯𑀡𑁆𑀡𑁄 𑀳𑁄𑀢𑀺, 𑀅𑀓𑀸𑀭𑁄 𑀯𑀸.
𑀚𑀺𑀕𑀼𑀘𑁆𑀙𑀢𑀺, 𑀧𑀺𑀯𑀸𑀲𑀢𑀺, 𑀯𑀻𑀫𑀁𑀲𑀢𑀺, 𑀚𑀺𑀖𑀘𑁆𑀙𑀢𑀺, 𑀩𑀪𑀽𑀯, 𑀤𑀥𑀸𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀩𑀼𑀪𑀼𑀓𑁆𑀔𑀢𑀺.
𑁪𑁬𑁬, 𑁪𑁮𑁯. 𑀦𑀺𑀕𑁆𑀕𑀳𑀺𑀢𑀜𑁆𑀘 ¶ .
𑀅𑀩𑁆𑀪𑀸𑀲𑀲𑁆𑀲 𑀅𑀦𑁆𑀢𑁂 𑀦𑀺𑀕𑁆𑀕𑀳𑀺𑀢𑀸𑀕𑀫𑁄 𑀳𑁄𑀢𑀺 𑀯𑀸.
𑀘𑀗𑁆𑀓𑀫𑀢𑀺, 𑀘𑀜𑁆𑀘𑀮𑀢𑀺, 𑀚𑀗𑁆𑀕𑀫𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀧𑀺𑀯𑀸𑀲𑀢𑀺, 𑀤𑀤𑁆𑀤𑀮𑁆𑀮𑀢𑀺.
𑁪𑁬𑁭, 𑁫𑁩𑁩. 𑀢𑀢𑁄 𑀧𑀸𑀫𑀸𑀦𑀸𑀦𑀁 𑀯𑀸 𑀫𑀁 𑀲𑁂𑀲𑀼.
𑀢𑀢𑁄 𑀅𑀩𑁆𑀪𑀸𑀲𑀢𑁄 𑀧𑀸𑀫𑀸𑀦𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀯𑀸𑀫𑀁𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀲𑀧𑀘𑁆𑀘𑀬𑁂 𑀧𑀭𑁂.
𑀧𑀺𑀯𑀸𑀲𑀢𑀺, 𑀯𑀻𑀫𑀁𑀲𑀢𑀺.
𑀞𑀸𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀢𑀺𑀝𑁆𑀞𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀢𑀺𑀝𑁆𑀞𑀢𑀺, 𑀢𑀺𑀝𑁆𑀞𑀢𑀼, 𑀢𑀺𑀝𑁆𑀞𑁂𑀬𑁆𑀬, 𑀢𑀺𑀝𑁆𑀞𑁂𑀬𑁆𑀬𑀼𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀞𑀸𑀢𑀺.
𑀧𑀸𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀧𑀺𑀯𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀧𑀺𑀯𑀢𑀺, 𑀧𑀺𑀯𑀢𑀼, 𑀧𑀺𑀯𑁂𑀬𑁆𑀬, 𑀧𑀺𑀯𑁂𑀬𑁆𑀬𑀼𑀁.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀧𑀸𑀢𑀺.
𑁪𑁭𑁦, 𑁫𑁧𑁪. 𑀜𑀸𑀲𑁆𑀲 ¶ 𑀚𑀸 𑀚𑀁 𑀦𑀸.
𑀜𑀸𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀚𑀸 𑀚𑀁 𑀦𑀸𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀚𑀸𑀦𑀸𑀢𑀺, 𑀚𑀸𑀦𑁂𑀬𑁆𑀬, 𑀚𑀸𑀦𑀺𑀬𑀸, 𑀚𑀜𑁆𑀜𑀸, 𑀦𑀸𑀬𑀢𑀺.
𑁪𑁭𑁧, 𑁪𑁮𑁩. 𑀤𑀺𑀲𑀲𑁆𑀲 𑀧𑀲𑁆𑀲 𑀤𑀺𑀲𑁆𑀲 𑀤𑀓𑁆𑀔𑀸 𑀯𑀸.
𑀤𑀺𑀲𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀧𑀲𑁆𑀲 𑀤𑀺𑀲𑁆𑀲 𑀤𑀓𑁆𑀔𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀧𑀲𑁆𑀲𑀢𑀺, 𑀤𑀺𑀲𑁆𑀲𑀢𑀺, 𑀤𑀓𑁆𑀔𑀢𑀺, 𑀅𑀤𑀓𑁆𑀔.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀤𑁆𑀤𑀲.
𑁪𑁭𑁨, 𑁫𑁩𑁧. 𑀩𑁆𑀬𑀜𑁆𑀚𑀦𑀦𑁆𑀢𑀲𑁆𑀲 𑀘𑁄 𑀙𑀧𑀘𑁆𑀘𑀬𑁂𑀲𑀼 𑀘.
𑀩𑁆𑀬𑀜𑁆𑀚𑀦𑀦𑁆𑀢𑀲𑁆𑀲 𑀥𑀸𑀢𑀼𑀲𑁆𑀲 𑀘𑁄 𑀳𑁄𑀢𑀺 𑀙𑀧𑀘𑁆𑀘𑀬𑁂𑀲𑀼 𑀧𑀭𑁂𑀲𑀼.
𑀚𑀺𑀕𑀼𑀘𑁆𑀙𑀢𑀺, 𑀢𑀺𑀓𑀺𑀘𑁆𑀙𑀢𑀺, 𑀚𑀺𑀖𑀘𑁆𑀙𑀢𑀺.
𑀩𑁆𑀬𑀜𑁆𑀚𑀦𑀦𑁆𑀢𑀲𑁆𑀲 𑀥𑀸𑀢𑀼𑀲𑁆𑀲 𑀓𑁄 𑀳𑁄𑀢𑀺 𑀔𑀧𑀘𑁆𑀘𑀬𑁂 𑀧𑀭𑁂.
𑀢𑀺𑀢𑀺𑀓𑁆𑀔𑀢𑀺 ¶ , 𑀩𑀼𑀪𑀼𑀓𑁆𑀔𑀢𑀺.
𑀳𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲𑁂𑀯 𑀕𑀻𑀆𑀤𑁂𑀲𑁄 𑀳𑁄𑀢𑀺 𑀲𑀧𑀘𑁆𑀘𑀬𑁂 𑀧𑀭𑁂.
𑀚𑀺𑀕𑀻𑀲𑀢𑀺.
𑁪𑁭𑁫, 𑁫𑁬𑁫. 𑀩𑁆𑀭𑀽𑀪𑀽𑀦𑀫𑀸𑀳𑀪𑀽𑀯𑀸 𑀧𑀭𑁄𑀓𑁆𑀔𑀸𑀬𑀁.
𑀩𑁆𑀭𑀽𑀪𑀽𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀆𑀳𑀪𑀽𑀯𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀧𑀭𑁄𑀓𑁆𑀔𑀸𑀬𑀁 𑀯𑀺𑀪𑀢𑁆𑀢𑀺𑀬𑀁.
𑀆𑀳, 𑀆𑀳𑀼, 𑀩𑀪𑀽𑀯, 𑀩𑀪𑀽𑀯𑀼.
𑀧𑀭𑁄𑀓𑁆𑀔𑀸𑀬𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀅𑀩𑁆𑀭𑀘𑀼𑀁.
𑁪𑁭𑁬, 𑁪𑁪𑁨. 𑀕𑀫𑀺𑀲𑁆𑀲𑀦𑁆𑀢𑁄 𑀘𑁆𑀙𑁄 𑀯𑀸 𑀲𑀩𑁆𑀩𑀸𑀲𑀼.
𑀕𑀫𑀼𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑁄 𑀫𑀓𑀸𑀭𑁄 𑀘𑁆𑀙𑁄 𑀳𑁄𑀢𑀺 𑀯𑀸 𑀲𑀩𑁆𑀩𑀸𑀲𑀼 𑀧𑀘𑁆𑀘𑀬𑀯𑀺𑀪𑀢𑁆𑀢𑀻𑀲𑀼.
𑀕𑀘𑁆𑀙𑀫𑀸𑀦𑁄, 𑀕𑀘𑁆𑀙𑀦𑁆𑀢𑁄. 𑀕𑀘𑁆𑀙𑀢𑀺, 𑀕𑀫𑁂𑀢𑀺. 𑀕𑀘𑁆𑀙𑀢𑀼, 𑀕𑀫𑁂𑀢𑀼. 𑀕𑀘𑁆𑀙𑁂𑀬𑁆𑀬. 𑀕𑀫𑁂𑀬𑁆𑀬. 𑀅𑀕𑀘𑁆𑀙𑀸, 𑀅𑀕𑀫𑀸. 𑀅𑀕𑀘𑁆𑀙𑀻, 𑀅𑀕𑀫𑀻. 𑀕𑀘𑁆𑀙𑀺𑀲𑁆𑀲𑀢𑀺, 𑀕𑀫𑀺𑀲𑁆𑀲𑀢𑀺. 𑀅𑀕𑀘𑁆𑀙𑀺𑀲𑁆𑀲𑀸, 𑀅𑀕𑀫𑀺𑀲𑁆𑀲𑀸.
𑀕𑀫𑀺𑀲𑁆𑀲𑁂𑀢𑀺 ¶ 𑀓𑀺𑀫𑀢𑁆𑀣𑀁? 𑀇𑀘𑁆𑀙𑀢𑀺.
𑁪𑁭𑁭, 𑁪𑁭𑁯. 𑀯𑀘𑀲𑁆𑀲𑀚𑁆𑀚𑀢𑀦𑀺𑀫𑁆𑀳𑀺 𑀫𑀓𑀸𑀭𑁄 𑀑.
𑀯𑀘𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀓𑀸𑀭𑁄 𑀑𑀢𑁆𑀢𑀫𑀸𑀧𑀚𑁆𑀚𑀢𑁂 𑀅𑀚𑁆𑀚𑀢𑀦𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀯𑁄𑀘. 𑀅𑀯𑁄𑀘𑀼𑀁.
𑀅𑀚𑁆𑀚𑀢𑀦𑀺𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀯𑀘, 𑀅𑀯𑀘𑀽.
𑁪𑁭𑁮, 𑁪𑁩𑁮. 𑀅𑀓𑀸𑀭𑁄 𑀤𑀻𑀖𑀁 𑀳𑀺 𑀫𑀺 𑀫𑁂𑀲𑀼.
𑀅𑀓𑀸𑀭𑁄 𑀤𑀻𑀖𑀫𑀸𑀧𑀚𑁆𑀚𑀢𑁂 𑀳𑀺𑀫𑀺𑀫𑀇𑀘𑁆𑀘𑁂𑀢𑁂𑀲𑀼 𑀯𑀺𑀪𑀢𑁆𑀢𑀻𑀲𑀼.
𑀕𑀘𑁆𑀙𑀸𑀳𑀺, 𑀕𑀘𑁆𑀙𑀸𑀫𑀺, 𑀕𑀘𑁆𑀙𑀸𑀫, 𑀕𑀘𑁆𑀙𑀸𑀫𑁆𑀳𑁂.
𑀫𑀺𑀓𑀸𑀭𑀕𑁆𑀕𑀳𑀡𑁂𑀦 𑀳𑀺𑀯𑀺𑀪𑀢𑁆𑀢𑀺𑀫𑁆𑀳𑀺 𑀅𑀓𑀸𑀭𑁄 𑀓𑁆𑀯𑀘𑀺 𑀦 𑀤𑀻𑀖𑀫𑀸𑀧𑀚𑁆𑀚𑀢𑁂. 𑀕𑀘𑁆𑀙𑀳𑀺.
𑀳𑀺𑀯𑀺𑀪𑀢𑁆𑀢𑀺 𑀮𑁄𑀧𑀫𑀸𑀧𑀚𑁆𑀚𑀢𑁂 𑀯𑀸.
𑀕𑀘𑁆𑀙, 𑀕𑀘𑁆𑀙𑀸𑀳𑀺, 𑀕𑀫, 𑀕𑀫𑀸𑀳𑀺, 𑀕𑀫𑀬, 𑀕𑀫𑀬𑀸𑀳𑀺.
𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀢𑀺, 𑀕𑀫𑀬𑀢𑀺.
𑁪𑁮𑁦, 𑁪𑁯𑁦. 𑀳𑁄𑀢𑀺𑀲𑁆𑀲𑀭𑁂𑀳𑁄𑀳𑁂 𑀪𑀯𑀺𑀲𑁆𑀲𑀦𑁆𑀢𑀺𑀫𑁆𑀳𑀺𑀲𑁆𑀲𑀲𑁆𑀲 𑀘.
𑀳𑀽𑀇𑀘𑁆𑀘𑁂𑀢𑀲𑁆𑀲 ¶ 𑀥𑀸𑀢𑀼𑀲𑁆𑀲 𑀲𑀭𑁄 𑀏 𑀳 𑀑𑀳 𑀏𑀢𑁆𑀢𑀫𑀸𑀧𑀚𑁆𑀚 𑀢𑁂 𑀪𑀯𑀺𑀲𑁆𑀲𑀦𑁆𑀢𑀺𑀫𑁆𑀳𑀺, 𑀲𑁆𑀲𑀲𑁆𑀲 𑀘 𑀮𑁄𑀧𑁄 𑀳𑁄𑀢𑀺 𑀯𑀸.
𑀳𑁂𑀳𑀺𑀢𑀺, 𑀳𑁂𑀳𑀺𑀦𑁆𑀢𑀺, 𑀳𑁄𑀳𑀺𑀢𑀺, 𑀳𑁄𑀳𑀺𑀦𑁆𑀢𑀺, 𑀳𑁂𑀢𑀺, 𑀳𑁂𑀦𑁆𑀢𑀺, 𑀳𑁂𑀳𑀺𑀲𑁆𑀲𑀢𑀺, 𑀳𑁂𑀳𑀺𑀲𑁆𑀲𑀦𑁆𑀢𑀺, 𑀳𑁄𑀳𑀺𑀲𑁆𑀲𑀢𑀺, 𑀳𑁄𑀳𑀺𑀲𑁆𑀲𑀦𑁆𑀢𑀺, 𑀳𑁂𑀲𑁆𑀲𑀢𑀺, 𑀳𑁂𑀲𑁆𑀲𑀦𑁆𑀢𑀺.
𑀳𑀽𑀢𑀺 𑀓𑀺𑀫𑀢𑁆𑀣𑀁? 𑀪𑀯𑀺𑀲𑁆𑀲𑀢𑀺, 𑀪𑀯𑀺𑀲𑁆𑀲𑀦𑁆𑀢𑀺.
𑀪𑀯𑀺𑀲𑁆𑀲𑀦𑁆𑀢𑀺𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀳𑁄𑀢𑀺.
𑁪𑁮𑁧, 𑁫𑁨𑁪. 𑀓𑀭𑀲𑁆𑀲 𑀲𑀧𑀘𑁆𑀘𑀬𑀲𑁆𑀲 𑀓𑀸𑀳𑁄.
𑀓𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀧𑀘𑁆𑀘𑀬𑀲𑁆𑀲 𑀓𑀸𑀳𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀪𑀯𑀺𑀲𑁆𑀲𑀦𑁆𑀢𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺, 𑀲𑀲𑁆𑀲 𑀘 𑀦𑀺𑀘𑁆𑀘𑀁 𑀮𑁄𑀧𑁄 𑀳𑁄𑀢𑀺.
𑀓𑀸𑀳𑀢𑀺, 𑀓𑀸𑀳𑀺𑀢𑀺, 𑀓𑀸𑀳𑀲𑀺, 𑀓𑀸𑀳𑀺𑀲𑀺, 𑀓𑀸𑀳𑀸𑀫𑀺, 𑀓𑀸𑀳𑀸𑀫.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀓𑀭𑀺𑀲𑁆𑀲𑀢𑀺, 𑀓𑀭𑀺𑀲𑁆𑀲𑀦𑁆𑀢𑀺.
𑀲𑀧𑀘𑁆𑀘𑀬𑀕𑁆𑀕𑀳𑀡𑁂𑀦 𑀅𑀜𑁆𑀜𑁂𑀳𑀺𑀧𑀺 𑀪𑀯𑀺𑀲𑁆𑀲𑀦𑁆𑀢𑀺𑀬𑀸 𑀯𑀺𑀪𑀢𑁆𑀢𑀺𑀬𑀸 𑀔𑀸𑀫𑀺 𑀔𑀸𑀫 𑀙𑀸𑀫𑀺 𑀙𑀸𑀫𑀇𑀘𑁆𑀘𑀸𑀤𑀬𑁄 𑀆𑀤𑁂𑀲𑀸 𑀳𑁄𑀦𑁆𑀢𑀺. 𑀯𑀓𑁆𑀔𑀸𑀫𑀺, 𑀯𑀓𑁆𑀔𑀸𑀫, 𑀯𑀘𑁆𑀙𑀸𑀫𑀺, 𑀯𑀘𑁆𑀙𑀸𑀫.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑀘𑀢𑀼𑀢𑁆𑀣𑀓𑀡𑁆𑀟
𑁪𑁮𑁨, 𑁫𑁦𑁮. 𑀤𑀸𑀤𑀦𑁆𑀢𑀲𑁆𑀲𑀁 ¶ 𑀫𑀺 𑀫𑁂𑀲𑀼.
𑀤𑀸𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺 𑀫𑀺𑀫𑀇𑀘𑁆𑀘𑁂𑀢𑁂𑀲𑀼.
𑀤𑀫𑁆𑀫𑀺, 𑀤𑀫𑁆𑀫.
𑁪𑁮𑁩, 𑁫𑁨𑁭. 𑀅𑀲𑀁𑀬𑁄𑀕𑀦𑁆𑀢𑀲𑁆𑀲 𑀯𑀼𑀤𑁆𑀥𑀺 𑀓𑀸𑀭𑀺𑀢𑁂.
𑀅𑀲𑀁𑀬𑁄𑀕𑀦𑁆𑀢𑀲𑁆𑀲 𑀥𑀸𑀢𑀼𑀲𑁆𑀲 𑀓𑀸𑀭𑀺𑀢𑁂 𑀯𑀼𑀤𑁆𑀥𑀺 𑀳𑁄𑀢𑀺.
𑀓𑀸𑀭𑁂𑀢𑀺, 𑀓𑀸𑀭𑁂𑀦𑁆𑀢𑀺, 𑀓𑀸𑀭𑀬𑀢𑀺, 𑀓𑀸𑀭𑀬𑀦𑁆𑀢𑀺, 𑀓𑀸𑀭𑀸𑀧𑁂𑀢𑀺, 𑀓𑀸𑀭𑀸𑀧𑁂𑀦𑁆𑀢𑀺, 𑀓𑀸𑀭𑀸𑀧𑀬𑀢𑀺, 𑀓𑀸𑀭𑀸𑀧𑀬𑀦𑁆𑀢𑀺.
𑀅𑀲𑀁𑀬𑁄𑀕𑀦𑁆𑀢𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀘𑀺𑀦𑁆𑀢𑀬𑀢𑀺, 𑀫𑀦𑁆𑀢𑀬𑀢𑀺.
𑀖𑀝𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀲𑀁𑀬𑁄𑀕𑀦𑁆𑀢𑀸𑀦𑀁 𑀯𑀼𑀤𑁆𑀥𑀺 𑀳𑁄𑀢𑀺 𑀯𑀸 𑀓𑀸𑀭𑀺𑀢𑁂.
𑀖𑀸𑀝𑁂𑀢𑀺, 𑀖𑀝𑁂𑀢𑀺, 𑀖𑀸𑀝𑀬𑀢𑀺, 𑀖𑀝𑀬𑀢𑀺, 𑀖𑀸𑀝𑀸𑀧𑁂𑀢𑀺, 𑀖𑀝𑀸𑀧𑁂𑀢𑀺, 𑀖𑀸𑀝𑀸𑀧𑀬𑀢𑀺, 𑀖𑀝𑀸𑀧𑀬𑀢𑀺, 𑀕𑀸𑀫𑁂𑀢𑀺, 𑀕𑀫𑁂𑀢𑀺, 𑀕𑀸𑀫𑀬𑀢𑀺, 𑀕𑀫𑀬𑀢𑀺, 𑀕𑀸𑀫𑀸𑀧𑁂𑀢𑀺, 𑀕𑀫𑀸𑀧𑁂𑀢𑀺. 𑀕𑀸𑀫𑀸𑀧𑀬𑀢𑀺, 𑀕𑀫𑀸𑀧𑀬𑀢𑀺.
𑀖𑀝𑀸𑀤𑀻𑀦𑀫𑀺𑀢𑀺 𑀓𑀺𑀫𑀢𑁆𑀣𑀁? 𑀓𑀸𑀭𑁂𑀢𑀺.
𑁪𑁮𑁫, 𑁪𑁩𑁪. 𑀅𑀜𑁆𑀜𑁂𑀲𑀼 ¶ 𑀘.
𑀅𑀜𑁆𑀜𑁂𑀲𑀼 𑀘 𑀧𑀘𑁆𑀘𑀬𑁂𑀲𑀼 𑀲𑀩𑁆𑀩𑁂𑀲𑀁 𑀥𑀸𑀢𑀽𑀦𑀁 𑀅𑀲𑀁𑀬𑁄𑀕𑀦𑁆𑀢𑀸𑀦𑀁 𑀯𑀼𑀤𑁆𑀥𑀺 𑀳𑁄𑀢𑀺.
𑀚𑀬𑀢𑀺, 𑀳𑁄𑀢𑀺, 𑀪𑀯𑀢𑀺.
𑀘𑀕𑁆𑀕𑀳𑀡𑁂𑀦 𑀡𑀼𑀧𑀘𑁆𑀘𑀬𑀲𑁆𑀲𑀸𑀧𑀺 𑀯𑀼𑀤𑁆𑀥𑀺 𑀳𑁄𑀢𑀺. 𑀅𑀪𑀺𑀲𑀼𑀡𑁄𑀢𑀺.
𑀕𑀼𑀳 𑀤𑀼𑀲𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀲𑀭𑁄 𑀤𑀻𑀖𑀫𑀸𑀧𑀚𑁆𑀚𑀢𑁂 𑀓𑀸𑀭𑀺𑀢𑁂.
𑀕𑀽𑀳𑀬𑀢𑀺, 𑀤𑀽𑀲𑀬𑀢𑀺.
𑁪𑁮𑁭, 𑁪𑁭𑁮. 𑀯𑀘 𑀯𑀲 𑀯𑀳𑀸𑀤𑀻𑀦𑀫𑀼𑀓𑀸𑀭𑁄 𑀯𑀲𑁆𑀲 𑀬𑁂.
𑀯𑀘 𑀯𑀲 𑀯𑀳𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀯𑀓𑀸𑀭𑀲𑁆𑀲 𑀉𑀓𑀸𑀭𑁄 𑀳𑁄𑀢𑀺 𑀬𑀧𑀘𑁆𑀘𑀬𑁂 𑀧𑀭𑁂.
𑀉𑀘𑁆𑀘𑀢𑁂, 𑀯𑀼𑀘𑁆𑀘𑀢𑀺, 𑀕𑀼𑀲𑁆𑀲𑀢𑀺, 𑀯𑀼𑀬𑁆𑀳𑀢𑀺.
𑀳𑀓𑀸𑀭𑀲𑁆𑀲 𑀯𑀺𑀧𑀭𑀺𑀬𑀬𑁄 𑀳𑁄𑀢𑀺 𑀬𑀧𑀘𑁆𑀘𑀬𑁂 𑀧𑀭𑁂, 𑀬𑀧𑀘𑁆𑀘𑀬𑀲𑁆𑀲 𑀘 𑀮𑁄 𑀳𑁄𑀢𑀺 𑀯𑀸.
𑀯𑀼𑀮𑁆𑀳𑀢𑀺, 𑀯𑀼𑀬𑁆𑀳𑀢𑀺.
𑁪𑁮𑁯, 𑁫𑁧𑁯. 𑀕𑀳𑀲𑁆𑀲 ¶ 𑀖𑁂 𑀧𑁆𑀧𑁂.
𑀕𑀳𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀖𑁂𑀓𑀸𑀭𑁄 𑀳𑁄𑀢𑀺 𑀧𑁆𑀧𑀧𑀘𑁆𑀘𑀬𑁂 𑀧𑀭𑁂.
𑀖𑁂𑀧𑁆𑀧𑀢𑀺.
𑀕𑀳𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀳𑀓𑀸𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀡𑁆𑀳𑀸𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀕𑀡𑁆𑀳𑀸𑀢𑀺.
𑁪𑁯𑁧, 𑁫𑁨𑁩. 𑀓𑀭𑀲𑁆𑀲 𑀓𑀸𑀲𑀢𑁆𑀢𑀫𑀚𑁆𑀚𑀢𑀦𑀺𑀫𑁆𑀳𑀺.
𑀓𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀓𑀸𑀲𑀢𑁆𑀢𑀁 𑀳𑁄𑀢𑀺 𑀯𑀸 𑀅𑀚𑁆𑀚𑀢𑀦𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀅𑀓𑀸𑀲𑀺, 𑀅𑀓𑀸𑀲𑀼𑀁. 𑀅𑀓𑀭𑀺, 𑀅𑀓𑀭𑀼𑀁.
𑀓𑀸𑀲𑀢𑁆𑀢𑀫𑀺𑀢𑀺𑀪𑀸𑀯𑀦𑀺𑀤𑁆𑀤𑁂𑀲𑁂𑀦 𑀅𑀜𑁆𑀜𑀢𑁆𑀣𑀸𑀧𑀺 𑀲𑀸𑀕𑀫𑁄 𑀳𑁄𑀢𑀺. 𑀅𑀳𑁄𑀲𑀺, 𑀅𑀤𑀸𑀲𑀺.
𑁪𑁯𑁨, 𑁪𑁯𑁯. 𑀅𑀲𑀲𑁆𑀫𑀸 𑀫𑀺𑀫𑀸𑀦𑀁 𑀫𑁆𑀳𑀺𑀫𑁆𑀳𑀸’ 𑀦𑁆𑀢𑀮𑁄𑀧𑁄 𑀘.
𑀅𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀫𑀺𑀫𑀇𑀘𑁆𑀘𑁂𑀢𑁂𑀲𑀁 𑀯𑀺𑀪𑀢𑁆𑀢𑀻𑀦𑀁 𑀫𑁆𑀳𑀺𑀫𑁆𑀳𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀫𑁆𑀳𑀺 ¶ , 𑀅𑀫𑁆𑀳, 𑀅𑀲𑁆𑀫𑀺, 𑀅𑀲𑁆𑀫.
𑀅𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀣𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀢𑁆𑀣𑀢𑁆𑀢𑀁 𑀳𑁄𑀢𑀺, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀢𑁆𑀣.
𑀅𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀢𑀺𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀢𑁆𑀣𑀺𑀢𑁆𑀢𑀁 𑀳𑁄𑀢𑀺, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀢𑁆𑀣𑀺.
𑀅𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀢𑀼𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀢𑁆𑀣𑀼𑀢𑁆𑀢𑀁 𑀳𑁄𑀢𑀺, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀢𑁆𑀣𑀼.
𑀅𑀲𑀲𑁆𑀲𑁂𑀯 𑀥𑀸𑀢𑀼𑀲𑁆𑀲 𑀲𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺 𑀅𑀦𑁆𑀢𑀲𑁆𑀲 𑀮𑁄𑀧𑁄 𑀘 𑀳𑁄𑀢𑀺.
𑀓𑁄 𑀦𑀼 𑀢𑁆𑀯𑀫𑀲𑀺 𑀫𑀸𑀭𑀺𑀲.
𑁪𑁯𑁭, 𑁪𑁭𑁭. 𑀮𑀪𑀲𑁆𑀫𑀸 ¶ 𑀈 𑀇𑀁𑀦𑀁 𑀢𑁆𑀣 𑀢𑁆𑀣𑀁.
𑀮𑀪𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀈 𑀇𑀁𑀦𑀁 𑀯𑀺𑀪𑀢𑁆𑀢𑀻𑀦𑀁 𑀢𑁆𑀣 𑀢𑁆𑀣𑀁𑀆𑀤𑁂𑀲𑀸 𑀳𑁄𑀦𑁆𑀢𑀺, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀮𑀢𑁆𑀣, 𑀅𑀮𑀢𑁆𑀣𑀁.
𑀓𑀼𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀈𑀯𑀺𑀪𑀢𑁆𑀢𑀺𑀲𑁆𑀲 𑀘𑁆𑀙𑀺𑀳𑁄𑀢𑀺, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀘.
𑀅𑀓𑁆𑀓𑁄𑀘𑁆𑀙𑀺.
𑀤𑀸𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀤𑀚𑁆𑀚𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀤𑀚𑁆𑀚𑀸𑀫𑀺, 𑀤𑀚𑁆𑀚𑁂𑀬𑁆𑀬, 𑀤𑀤𑀸𑀫𑀺, 𑀤𑀤𑁂𑀬𑁆𑀬.
𑀯𑀤𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀯𑀚𑁆𑀚𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀯𑀚𑁆𑀚𑀸𑀫𑀺, 𑀯𑀚𑁆𑀚𑁂𑀬𑁆𑀬, 𑀯𑀤𑀸𑀫𑀺, 𑀯𑀤𑁂𑀬𑁆𑀬.
𑁫𑁦𑁧, 𑁪𑁪𑁩. 𑀕𑀫𑀺𑀲𑁆𑀲 ¶ 𑀖𑀫𑁆𑀫𑀁.
𑀕𑀫𑀼𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀖𑀫𑁆𑀫𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀖𑀫𑁆𑀫𑀢𑀼. 𑀖𑀫𑁆𑀫𑀸𑀳𑀺, 𑀖𑀫𑁆𑀫𑀸𑀫𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀢𑀼, 𑀕𑀘𑁆𑀙𑀸𑀳𑀺, 𑀕𑀘𑁆𑀙𑀸𑀫𑀺.
𑁫𑁦𑁨, 𑁪𑁯𑁩. 𑀬𑀫𑁆𑀳𑀺 𑀤𑀸 𑀥𑀸 𑀫𑀸 𑀞𑀸 𑀳𑀸 𑀧𑀸 𑀫𑀳𑀫𑀣𑀸𑀤𑀻𑀦𑀫𑀻.
𑀬𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂 𑀤𑀸 𑀥𑀸 𑀫𑀸 𑀞𑀸 𑀳𑀸 𑀧𑀸 𑀫𑀳 𑀫𑀣 𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑁄 𑀈𑀓𑀸𑀭𑀫𑀸𑀧𑀚𑁆𑀚𑀢𑁂.
𑀤𑀻𑀬𑀢𑀺, 𑀥𑀻𑀬𑀢𑀺, 𑀫𑀻𑀬𑀢𑀺, 𑀞𑀻𑀬𑀢𑀺, 𑀳𑀻𑀬𑀢𑀺, 𑀧𑀻𑀬𑀢𑀺, 𑀫𑀳𑀻𑀬𑀢𑀺, 𑀫𑀣𑀻𑀬𑀢𑀺.
𑀬𑀚𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀆𑀤𑀺𑀲𑁆𑀲 𑀇𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀬𑀧𑀘𑁆𑀘𑀬𑁂 𑀧𑀭𑁂.
𑀇𑀚𑁆𑀚𑀢𑁂 𑀫𑀬𑀸 𑀩𑀼𑀤𑁆𑀥𑁄.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀉𑀁𑀯𑀺𑀪𑀢𑁆𑀢𑀺𑀲𑁆𑀲 𑀇𑀁𑀲𑀼𑀆𑀤𑁂𑀲𑁄 𑀳𑁄𑀢𑀺.
𑀉𑀧𑀲𑀗𑁆𑀓𑀫𑀺𑀁𑀲𑀼 ¶ , 𑀦𑀺𑀲𑀻𑀤𑀺𑀁𑀲𑀼.
𑁫𑁦𑁫, 𑁪𑁮𑁨. 𑀚𑀭 𑀫𑀭𑀸𑀦𑀁 𑀚𑀻𑀭 𑀚𑀺𑀬𑁆𑀬 𑀫𑀺𑀬𑁆𑀬𑀸 𑀯𑀸.
𑀚𑀭 𑀫𑀭 𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀚𑀻𑀭 𑀚𑀺𑀬𑁆𑀬 𑀫𑀺𑀬𑁆𑀬𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀚𑀻𑀭𑀢𑀺, 𑀚𑀻𑀭𑀦𑁆𑀢𑀺, 𑀚𑀺𑀬𑁆𑀬𑀢𑀺, 𑀚𑀺𑀬𑁆𑀬𑀦𑁆𑀢𑀺, 𑀫𑀺𑀬𑁆𑀬𑀢𑀺, 𑀫𑀺𑀬𑁆𑀬𑀦𑁆𑀢𑀺, 𑀫𑀭𑀢𑀺, 𑀫𑀭𑀦𑁆𑀢𑀺.
𑁫𑁦𑁬, 𑁪𑁯𑁬. 𑀲𑀩𑁆𑀩𑀢𑁆𑀣𑀸’ 𑀲𑀲𑁆𑀲𑀸𑀤𑀺𑀮𑁄𑀧𑁄 𑀘.
𑀲𑀩𑁆𑀩𑀢𑁆𑀣 𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑁂𑀲𑀼 𑀅𑀲𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀆𑀤𑀺𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸.
𑀲𑀺𑀬𑀸, 𑀲𑀦𑁆𑀢𑀺, 𑀲𑀦𑁆𑀢𑁂, 𑀲𑀫𑀸𑀦𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀲𑀺.
𑀅𑀲𑀲𑁆𑀲𑁂𑀯 𑀥𑀸𑀢𑀼𑀲𑁆𑀲 𑀪𑀽𑀳𑁄𑀢𑀺 𑀯𑀸 𑀅𑀲𑀩𑁆𑀩𑀥𑀸𑀢𑀼𑀓𑁂.
𑀪𑀯𑀺𑀲𑁆𑀲𑀢𑀺. 𑀪𑀯𑀺𑀲𑁆𑀲𑀦𑁆𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀆𑀲𑀼𑀁.
𑁫𑁦𑁮, 𑁫𑁧𑁫. 𑀏𑀬𑁆𑀬𑀲𑁆𑀲 ¶ 𑀜𑀸𑀢𑁄 𑀇𑀬𑀸 𑀜𑀸.
𑀏𑀬𑁆𑀬𑀲𑁆𑀲 𑀯𑀺𑀪𑀢𑁆𑀢𑀺𑀲𑁆𑀲 𑀜𑀸𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀧𑀭𑀲𑁆𑀲 𑀇𑀬𑀸 𑀜𑀸𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸.
𑀚𑀸𑀦𑀺𑀬𑀸, 𑀚𑀜𑁆𑀜𑀸.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀚𑀸𑀦𑁂𑀬𑁆𑀬.
𑁫𑁦𑁯, 𑁫𑁧𑁬. 𑀦𑀸𑀲𑁆𑀲 𑀮𑁄𑀧𑁄 𑀬𑀓𑀸𑀭𑀢𑁆𑀢𑀁.
𑀜𑀸𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀧𑀭𑀲𑁆𑀲 𑀦𑀸𑀧𑀘𑁆𑀘𑀬𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸, 𑀬𑀓𑀸𑀭𑀢𑁆𑀢𑀜𑁆𑀘.
𑀚𑀜𑁆𑀜𑀸, 𑀦𑀸𑀬𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀚𑀸𑀦𑀸𑀢𑀺.
𑀅𑀓𑀸𑀭𑀧𑀘𑁆𑀘𑀬𑁄 𑀮𑁄𑀧𑀫𑀸𑀧𑀚𑁆𑀚𑀢𑁂, 𑀏𑀢𑁆𑀢𑀜𑁆𑀘 𑀳𑁄𑀢𑀺 𑀯𑀸.
𑀯𑀚𑁆𑀚𑁂𑀫𑀺, 𑀯𑀤𑁂𑀫𑀺, 𑀯𑀚𑁆𑀚𑀸𑀫𑀺, 𑀯𑀤𑀸𑀫𑀺.
𑀑𑀓𑀸𑀭𑀧𑀘𑁆𑀘𑀬𑁄 𑀉𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸.
𑀓𑀼𑀭𑀼𑀢𑁂, 𑀓𑀭𑁄𑀢𑀺.
𑀑𑀓𑀸𑀭𑁄𑀢𑀺 ¶ 𑀓𑀺𑀫𑀢𑁆𑀣𑀁? 𑀳𑁄𑀢𑀺.
𑀓𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀓𑀸𑀭𑁄 𑀉𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸.
𑀓𑀼𑀭𑀼𑀢𑁂, 𑀢𑀭𑁄𑀢𑀺, 𑀢𑀼𑀩𑁆𑀩𑀦𑁆𑀢𑀺, 𑀓𑀬𑀺𑀭𑀢𑀺.
𑀓𑀭𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀲𑀭𑀢𑀺, 𑀫𑀭𑀢𑀺.
𑀑𑀓𑀸𑀭𑀲𑁆𑀲 𑀥𑀸𑀢𑁆𑀯𑀦𑁆𑀢𑀲𑁆𑀲 𑀲𑀭𑁂 𑀧𑀭𑁂 𑀅𑀯𑀸𑀤𑁂𑀲𑁄 𑀳𑁄𑀢𑀺.
𑀘𑀯𑀢𑀺. 𑀪𑀯𑀢𑀺.
𑀑𑀢𑀺 𑀓𑀺𑀫𑀢𑁆𑀣𑀁? 𑀚𑀬𑀢𑀺.
𑀏𑀓𑀸𑀭𑀲𑁆𑀲 𑀥𑀸𑀢𑁆𑀯𑀦𑁆𑀢𑀲𑁆𑀲 𑀲𑀭𑁂 𑀧𑀭𑁂 𑀅𑀬𑀸𑀤𑁂𑀲𑁄 𑀳𑁄𑀢𑀺.
𑀦𑀬𑀢𑀺, 𑀚𑀬𑀢𑀺.
𑁫𑁧𑁫, 𑁫𑁪𑁧. 𑀢𑁂 ¶ 𑀆𑀯𑀸𑀬𑀸 𑀓𑀸𑀭𑀺𑀢𑁂.
𑀢𑁂 𑀑 𑀏𑀇𑀘𑁆𑀘𑁂𑀢𑁂 𑀆𑀯 𑀆𑀬𑀸𑀤𑁂𑀲𑁂 𑀧𑀸𑀧𑀼𑀡𑀦𑁆𑀢𑀺 𑀓𑀸𑀭𑀺𑀢𑁂.
𑀮𑀸𑀯𑁂𑀢𑀺, 𑀦𑀸𑀬𑁂𑀢𑀺.
𑀬𑁄𑀕𑀯𑀺𑀪𑀸𑀕𑁂𑀦 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀏𑀓𑀸𑀭𑀲𑁆𑀲 𑀆𑀬𑀸𑀤𑁂𑀲𑁄 𑀳𑁄𑀢𑀺. 𑀕𑀸𑀬𑀢𑀺, 𑀕𑀸𑀬𑀦𑁆𑀢𑀺.
𑁫𑁧𑁬, 𑁪𑁬𑁬. 𑀇𑀓𑀸𑀭𑀸𑀕𑀫𑁄 𑀅𑀲𑀩𑁆𑀩𑀥𑀸𑀢𑀼𑀓𑀫𑁆𑀳𑀺.
𑀲𑀩𑁆𑀩𑀲𑁆𑀫𑀺𑀁 𑀅𑀲𑀩𑁆𑀩𑀥𑀸𑀢𑀼𑀓𑀫𑁆𑀳𑀺 𑀇𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀕𑀫𑀺𑀲𑁆𑀲𑀢𑀺, 𑀓𑀭𑀺𑀲𑁆𑀲𑀢𑀺, 𑀮𑀪𑀺𑀲𑁆𑀲𑀢𑀺, 𑀧𑀘𑀺𑀲𑁆𑀲𑀢𑀺.
𑀅𑀲𑀩𑁆𑀩𑀥𑀸𑀢𑀼𑀓𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀘𑁆𑀙𑀢𑀺, 𑀓𑀭𑁄𑀢𑀺, 𑀮𑀪𑀢𑀺, 𑀧𑀘𑀢𑀺.
𑁫𑁧𑁭, 𑁪𑁮𑁮. 𑀓𑁆𑀯𑀘𑀺 𑀥𑀸𑀢𑀼𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀸𑀦𑀁 𑀤𑀻𑀖 𑀯𑀺𑀧𑀭𑀻𑀢𑀸𑀤𑁂𑀲𑀮𑁄𑀧𑀸𑀕𑀫𑀸 𑀘.
𑀇𑀥 𑀆𑀔𑁆𑀬𑀸𑀢𑁂 𑀅𑀦𑀺𑀤𑁆𑀤𑀺𑀝𑁆𑀞𑁂𑀲𑀼 𑀲𑀸𑀥𑀦𑁂𑀲𑀼 𑀓𑁆𑀯𑀘𑀺 𑀥𑀸𑀢𑀼𑀯𑀺𑀪𑀢𑁆𑀢𑀺𑀧𑀘𑁆𑀘𑀬𑀸𑀦𑀁 𑀤𑀻𑀖𑀯𑀺𑀧𑀭𑀻𑀢𑀸𑀤𑁂𑀲𑀮𑁄𑀧𑀸𑀕𑀫𑀇𑀘𑁆𑀘𑁂𑀢𑀸𑀦𑀺 𑀓𑀸𑀭𑀺𑀬𑀸𑀦𑀺 𑀚𑀺𑀦𑀯𑀘𑀦𑀸𑀦𑀼𑀭𑀽𑀧𑀸𑀦𑀺 𑀓𑀸𑀢𑀩𑁆𑀩𑀸𑀦𑀺.
𑀚𑀸𑀬𑀢𑀺 ¶ , 𑀓𑀭𑁂𑀬𑁆𑀬, 𑀚𑀸𑀦𑀺𑀬𑀸, 𑀲𑀺𑀬𑀸, 𑀓𑀭𑁂, 𑀕𑀘𑁆𑀙𑁂, 𑀚𑀜𑁆𑀜𑀸, 𑀯𑀓𑁆𑀔𑁂𑀣, 𑀤𑀓𑁆𑀔𑁂𑀣, 𑀤𑀺𑀘𑁆𑀙𑀢𑀺, 𑀅𑀕𑀘𑁆𑀙𑀺, 𑀅𑀕𑀘𑁆𑀙𑀼𑀁, 𑀅𑀳𑁄𑀲𑀺, 𑀅𑀳𑁂𑀲𑀼𑀁 𑀇𑀘𑁆𑀘𑁂𑀯𑀫𑀸𑀤𑀻𑀦𑀺 𑀅𑀜𑁆𑀜𑀸𑀦𑀺𑀧𑀺 𑀲𑀸𑀥𑀦𑀸𑀦𑀺 𑀬𑁄𑀚𑁂𑀢𑀩𑁆𑀩𑀸𑀦𑀺.
𑁫𑁧𑁮, 𑁪𑁪𑁬. 𑀅𑀢𑁆𑀢𑀦𑁄𑀧𑀤𑀸𑀦𑀺 𑀧𑀭𑀲𑁆𑀲𑀧𑀤𑀢𑁆𑀢𑀁.
𑀅𑀢𑁆𑀢𑀦𑁄𑀧𑀤𑀸𑀦𑀺 𑀓𑁆𑀯𑀘𑀺 𑀧𑀭𑀲𑁆𑀲𑀧𑀤𑀢𑁆𑀢𑀫𑀸𑀧𑀚𑁆𑀚𑀦𑁆𑀢𑁂.
𑀯𑀼𑀘𑁆𑀘𑀢𑀺, 𑀮𑀩𑁆𑀪𑀢𑀺, 𑀧𑀘𑁆𑀘𑀢𑀺.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀓𑀭𑀻𑀬𑀢𑁂, 𑀮𑀩𑁆𑀪𑀢𑁂, 𑀧𑀘𑁆𑀘𑀢𑁂.
𑁫𑁧𑁯, 𑁪𑁫𑁭. 𑀅𑀓𑀸𑀭𑀸𑀕𑀫𑁄 𑀳𑀺𑀬𑁆𑀬𑀢𑁆𑀢𑀦𑀻𑀅𑀚𑁆𑀚𑀢𑀦𑀻𑀓𑀸𑀮𑀸𑀢𑀺𑀧𑀢𑁆𑀢𑀻𑀲𑀼.
𑀓𑁆𑀯𑀘𑀺 𑀅𑀓𑀸𑀭𑀸𑀕𑀫𑁄 𑀳𑁄𑀢𑀺 𑀳𑀺𑀬𑁆𑀬𑀢𑁆𑀢𑀦𑀻 𑀅𑀚𑁆𑀚𑀢𑀦𑀻𑀓𑀸𑀮𑀸𑀢𑀺𑀧𑀢𑁆𑀢𑀺𑀇𑀘𑁆𑀘𑁂𑀢𑀸𑀲𑀼 𑀯𑀺𑀪𑀢𑁆𑀢𑀻𑀲𑀼.
𑀅𑀕𑀫𑀸, 𑀅𑀕𑀫𑀻, 𑀅𑀕𑀫𑀺𑀲𑁆𑀲𑀸.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀫𑀸, 𑀕𑀫𑀻, 𑀕𑀫𑀺𑀲𑁆𑀲𑀸.
𑀩𑁆𑀭𑀽𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀈𑀓𑀸𑀭𑀸𑀕𑀫𑁄 𑀳𑁄𑀢𑀺 𑀢𑀺𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺.
𑀩𑁆𑀭𑀯𑀻𑀢𑀺.
𑁫𑁨𑁧, 𑁪𑁨𑁫. 𑀥𑀸𑀢𑀼𑀲𑁆𑀲𑀦𑁆𑀢𑁄 ¶ 𑀮𑁄𑀧𑁄’𑀦𑁂𑀓𑀲𑀭𑀲𑁆𑀲.
𑀥𑀸𑀢𑀼𑀲𑁆𑀲 𑀅𑀦𑁆𑀢𑁄 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀺 𑀅𑀦𑁂𑀓𑀲𑀭𑀲𑁆𑀲.
𑀕𑀘𑁆𑀙𑀢𑀺, 𑀲𑀭𑀢𑀺, 𑀫𑀭𑀢𑀺.
𑀅𑀦𑁂𑀓𑀲𑀭𑀲𑁆𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀧𑀸𑀢𑀺, 𑀬𑀸𑀢𑀺, 𑀯𑀸𑀢𑀺.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀫𑀳𑀻𑀬𑀢𑀺, 𑀫𑀣𑀻𑀬𑀢𑀺.
𑁫𑁨𑁨, 𑁪𑁭𑁬. 𑀇𑀲𑀼𑀬𑀫𑀽𑀦𑀫𑀦𑁆𑀢𑁄 𑀘𑁆𑀙𑁄 𑀯𑀸.
𑀇𑀲𑀼 𑀬𑀫𑀼 𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀅𑀦𑁆𑀢𑁄 𑀘𑁆𑀙𑁄 𑀳𑁄𑀢𑀺 𑀯𑀸. 𑀇𑀘𑁆𑀙𑀢𑀺, 𑀦𑀺𑀬𑀘𑁆𑀙𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀏𑀲𑀢𑀺, 𑀦𑀺𑀬𑀫𑀢𑀺.
𑀓𑀸𑀭𑀺𑀢𑀇𑀘𑁆𑀘𑁂𑀢𑁂𑀲𑀁 𑀧𑀘𑁆𑀘𑀬𑀸𑀦𑀁 𑀡𑁄 𑀮𑁄𑀧𑀫𑀸𑀧𑀚𑁆𑀚𑀢𑁂.
𑀓𑀸𑀭𑁂𑀢𑀺, 𑀓𑀸𑀭𑀬𑀢𑀺, 𑀓𑀸𑀭𑀸𑀧𑁂𑀢𑀺, 𑀓𑀸𑀭𑀸𑀧𑀬𑀢𑀺.
𑀲𑀸𑀲𑀦𑀢𑁆𑀣𑀁 𑀲𑀫𑀼𑀤𑁆𑀤𑀺𑀝𑁆𑀞𑀁, 𑀫𑀬𑀸𑀔𑁆𑀬𑀸𑀢𑀁 𑀲𑀫𑀸𑀲𑀢𑁄;
𑀲𑀓𑀁 𑀩𑀼𑀤𑁆𑀥𑀺𑀯𑀺𑀲𑁂𑀲𑁂𑀦, 𑀘𑀺𑀦𑁆𑀢𑀬𑀦𑁆𑀢𑀼 𑀯𑀺𑀘𑀓𑁆𑀔𑀡𑀸.
𑀇𑀢𑀺 𑀆𑀔𑁆𑀬𑀸𑀢𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑀆𑀔𑁆𑀬𑀸𑀢𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁭. 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧
𑀧𑀞𑀫𑀓𑀡𑁆𑀟
(𑀓)
𑀩𑀼𑀤𑁆𑀥𑀁 ¶ 𑀜𑀸𑀡𑀲𑀫𑀼𑀤𑁆𑀤𑀁, 𑀲𑀩𑁆𑀩𑀜𑁆𑀜𑀼𑀁 𑀮𑁄𑀓𑀳𑁂𑀢𑀼’𑀔𑀻𑀡𑀫𑀢𑀺𑀁;
𑀯𑀦𑁆𑀤𑀺𑀢𑁆𑀯𑀸 𑀧𑀼𑀩𑁆𑀩𑀫𑀳𑀁, 𑀯𑀓𑁆𑀔𑀸𑀫𑀺 𑀲𑀲𑀸𑀥𑀦𑀁 𑀳𑀺 𑀓𑀺𑀢𑀓𑀧𑁆𑀧𑀁.
(𑀔)
𑀲𑀸𑀥𑀦𑀫𑀽𑀮𑀁 𑀳𑀺 𑀧𑀬𑁄𑀕𑀁,
𑀆𑀳𑀼 𑀧𑀬𑁄𑀕𑀫𑀽𑀮𑀫𑀢𑁆𑀣𑀜𑁆𑀘;
𑀅𑀢𑁆𑀣𑁂𑀲𑀼 𑀯𑀺𑀲𑀸𑀭𑀤𑀫𑀢𑀬𑁄,
𑀲𑀸𑀲𑀦𑀲𑁆𑀲𑀼𑀥𑀭𑀸 𑀚𑀺𑀦𑀲𑁆𑀲 𑀫𑀢𑀸.
(𑀕)
𑀅𑀦𑁆𑀥𑁄 𑀤𑁂𑀲𑀓𑀯𑀺𑀓𑀮𑁄,
𑀖𑀢𑀫𑀥𑀼𑀢𑁂𑀮𑀸𑀦𑀺 𑀪𑀸𑀚𑀦𑁂𑀦 𑀯𑀺𑀦𑀸;
𑀦𑀝𑁆𑀞𑁄 𑀦𑀝𑁆𑀞𑀸𑀦𑀺 𑀬𑀣𑀸,
𑀧𑀬𑁄𑀕𑀯𑀺𑀓𑀮𑁄 𑀢𑀣𑀸 𑀅𑀢𑁆𑀣𑁄.
(𑀖)
𑀢𑀲𑁆𑀫𑀸 𑀲𑀁𑀭𑀓𑁆𑀔𑀡𑀢𑁆𑀣𑀁, 𑀫𑀼𑀦𑀺𑀯𑀘𑀦𑀢𑁆𑀣𑀲𑁆𑀲 𑀤𑀼𑀮𑁆𑀮𑀪𑀲𑁆𑀲𑀸𑀳𑀁;
𑀯𑀓𑁆𑀔𑀸𑀫𑀺 𑀲𑀺𑀲𑁆𑀲𑀓𑀳𑀺𑀢𑀁, 𑀓𑀺𑀢𑀓𑀧𑁆𑀧𑀁 𑀲𑀸𑀥𑀦𑁂𑀦 𑀬𑀼𑀢𑀁.
𑁫𑁨𑁪, 𑁫𑁬𑁧. 𑀥𑀸𑀢𑀼𑀬𑀸 𑀓𑀫𑁆𑀫𑀸𑀤𑀺𑀫𑁆𑀳𑀺 𑀡𑁄.
𑀥𑀸𑀢𑀼𑀬𑀸 𑀓𑀫𑁆𑀫𑀸𑀤𑀺𑀫𑁆𑀳𑀺 𑀡𑀧𑀘𑁆𑀘𑀬𑁄 𑀳𑁄𑀢𑀺.
𑀓𑀫𑁆𑀫𑀁 𑀓𑀭𑁄𑀢𑀻𑀢𑀺 𑀓𑀫𑁆𑀫𑀓𑀸𑀭𑁄, 𑀏𑀯𑀁 𑀓𑀼𑀫𑁆𑀪𑀓𑀸𑀭𑁄, 𑀫𑀸𑀮𑀸𑀓𑀸𑀭𑁄, 𑀓𑀝𑁆𑀞𑀓𑀸𑀭𑁄, 𑀭𑀣𑀓𑀸𑀭𑁄, 𑀭𑀚𑀢𑀓𑀸𑀭𑁄 ¶ , 𑀲𑀼𑀯𑀡𑁆𑀡𑀓𑀸𑀭𑁄, 𑀧𑀢𑁆𑀢𑀕𑁆𑀕𑀸𑀳𑁄, 𑀢𑀦𑁆𑀢𑀯𑀸𑀬𑁄, 𑀥𑀜𑁆𑀜𑀫𑀸𑀬𑁄, 𑀥𑀫𑁆𑀫𑀓𑀸𑀫𑁄, 𑀥𑀫𑁆𑀫𑀘𑀸𑀭𑁄.
𑀲𑀜𑁆𑀜𑀸𑀬𑀫𑀪𑀺𑀥𑁂𑀬𑁆𑀬𑀸𑀬𑀁 𑀥𑀸𑀢𑀼𑀬𑀸 𑀓𑀫𑁆𑀫𑀸𑀤𑀺𑀫𑁆𑀳𑀺 𑀅𑀓𑀸𑀭𑀧𑀘𑁆𑀘𑀬𑁄 𑀳𑁄𑀢𑀺, 𑀦𑀸𑀫𑀫𑁆𑀳𑀺 𑀘 𑀦𑀼𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀅𑀭𑀺𑀁 𑀤𑀫𑁂𑀢𑀻𑀢𑀺 𑀅𑀭𑀺𑀦𑁆𑀤𑀫𑁄, 𑀭𑀸𑀚𑀸. 𑀯𑁂𑀲𑁆𑀲𑀁 𑀢𑀭𑀢𑀻𑀢𑀺 𑀯𑁂𑀲𑁆𑀲𑀦𑁆𑀢𑀭𑁄, 𑀭𑀸𑀚𑀸. 𑀢𑀡𑁆𑀳𑀁 𑀓𑀭𑁄𑀢𑀻𑀢𑀺 𑀢𑀡𑁆𑀳𑀗𑁆𑀓𑀭𑁄, 𑀪𑀕𑀯𑀸. 𑀫𑁂𑀥𑀁 𑀓𑀭𑁄𑀢𑀻𑀢𑀺 𑀫𑁂𑀥𑀗𑁆𑀓𑀭𑁄, 𑀪𑀕𑀯𑀸. 𑀲𑀭𑀡𑀁 𑀓𑀭𑁄𑀢𑀻𑀢𑀺 𑀲𑀭𑀡𑀗𑁆𑀓𑀭𑁄, 𑀪𑀕𑀯𑀸. 𑀤𑀻𑀧𑀁 𑀓𑀭𑁄𑀢𑀻𑀢𑀺 𑀤𑀻𑀧𑀗𑁆𑀓𑀭𑁄, 𑀪𑀕𑀯𑀸.
𑀧𑀼𑀭𑀲𑀤𑁆𑀤𑁂 𑀆𑀤𑀺𑀫𑁆𑀳𑀺 𑀤𑀤𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀅𑀓𑀸𑀭𑀧𑀘𑁆𑀘𑀬𑁄 𑀳𑁄𑀢𑀺, 𑀧𑀼𑀭𑀲𑀤𑁆𑀤𑀲𑁆𑀲 𑀅𑀓𑀸𑀭𑀲𑁆𑀲 𑀘 𑀇𑀁 𑀳𑁄𑀢𑀺.
𑀧𑀼𑀭𑁂 𑀤𑀸𑀦𑀁 𑀅𑀤𑀸𑀲𑀻𑀢𑀺 𑀧𑀼𑀭𑀺𑀦𑁆𑀤𑀤𑁄 𑀤𑁂𑀯𑀭𑀸𑀚𑀸.
𑁫𑁨𑁭, 𑁫𑁬𑁮. 𑀲𑀩𑁆𑀩𑀢𑁄 𑀡𑁆𑀯𑀼 𑀢𑁆𑀯𑀸𑀯𑀻 𑀯𑀸.
𑀲𑀩𑁆𑀩𑀢𑁄 𑀥𑀸𑀢𑀼𑀢𑁄 𑀓𑀫𑁆𑀫𑀸𑀤𑀺𑀫𑁆𑀳𑀺 𑀯𑀸 𑀅𑀓𑀫𑁆𑀫𑀸𑀤𑀺𑀫𑁆𑀳𑀺 𑀯𑀸 𑀅𑀓𑀸𑀭 𑀡𑁆𑀯𑀼 𑀢𑀼 𑀆𑀯𑀻𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀢𑀁 ¶ 𑀓𑀭𑁄𑀢𑀻𑀢𑀺 𑀢𑀓𑁆𑀓𑀭𑁄, 𑀳𑀺𑀢𑀁 𑀓𑀭𑁄𑀢𑀻𑀢𑀺 𑀳𑀺𑀢𑀓𑀭𑁄, 𑀯𑀺𑀦𑁂𑀢𑀺 𑀏𑀢𑁆𑀣, 𑀏𑀢𑁂𑀦𑀸𑀢𑀺 𑀯𑀸 𑀯𑀺𑀦𑀬𑁄 𑀦𑀺𑀲𑁆𑀲𑀸𑀬 𑀦𑀁 𑀯𑀲𑀢𑀻𑀢𑀺 𑀦𑀺𑀲𑁆𑀲𑀬𑁄.
𑀡𑁆𑀯𑀼𑀫𑁆𑀳𑀺 𑁋 𑀭𑀣𑀁 𑀓𑀭𑁄𑀢𑀻𑀢𑀺 𑀭𑀣𑀓𑀸𑀭𑀓𑁄, 𑀅𑀦𑁆𑀦𑀁, 𑀤𑀤𑀸𑀢𑀻𑀢𑀺 𑀅𑀦𑁆𑀦𑀤𑀸𑀬𑀓𑁄, 𑀯𑀺𑀦𑁂𑀢𑀺 𑀲𑀢𑁆𑀢𑁂𑀢𑀺 𑀯𑀺𑀦𑀸𑀬𑀓𑁄, 𑀓𑀭𑁄𑀢𑀻𑀢𑀺 𑀓𑀸𑀭𑀓𑁄, 𑀤𑀤𑀸𑀢𑀻𑀢𑀺 𑀤𑀸𑀬𑀓𑁄, 𑀦𑁂𑀢𑀻𑀢𑀺 𑀦𑀸𑀬𑀓𑁄.
𑀢𑀼𑀫𑁆𑀳𑀺 𑁋 𑀢𑀁 𑀓𑀭𑁄𑀢𑀻𑀢𑀺 𑀢𑀓𑁆𑀓𑀢𑁆𑀢𑀸, 𑀢𑀲𑁆𑀲 𑀓𑀢𑁆𑀢𑀸𑀢𑀺 𑀯𑀸 𑀢𑀓𑁆𑀓𑀢𑁆𑀢𑀸. 𑀪𑁄𑀚𑀦𑀁 𑀤𑀤𑀸𑀢𑀻𑀢𑀺 𑀪𑁄𑀚𑀦𑀤𑀸𑀢𑀸, 𑀪𑁄𑀚𑀦𑀲𑁆𑀲 𑀤𑀸𑀢𑀸𑀢𑀺 𑀯𑀸 𑀪𑁄𑀚𑀦𑀤𑀸𑀢𑀸. 𑀓𑀭𑁄𑀢𑀻𑀢𑀺 𑀓𑀢𑁆𑀢𑀸. 𑀲𑀭𑀢𑀻𑀢𑀺 𑀲𑀭𑀺𑀢𑀸.
𑀆𑀯𑀻𑀫𑁆𑀳𑀺 𑁋 𑀪𑀬𑀁 𑀧𑀲𑁆𑀲𑀢𑀻𑀢𑀺 𑀪𑀬𑀤𑀲𑁆𑀲𑀸𑀯𑀻 𑀇𑀘𑁆𑀘𑁂𑀯𑀫𑀸𑀤𑀺.
𑀯𑀺𑀲 𑀭𑀼𑀚 𑀧𑀤𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀡 𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀯𑀺𑀲𑀢𑀻𑀢𑀺 𑀧𑀯𑁂𑀲𑁄, 𑀭𑀼𑀚𑀢𑀻𑀢𑀺 𑀭𑁄𑀕𑁄, 𑀉𑀧𑁆𑀧𑀚𑁆𑀚𑀢𑀻𑀢𑀺 𑀉𑀧𑁆𑀧𑀸𑀤𑁄, 𑀨𑀼𑀲𑀢𑀻𑀢𑀺 𑀨𑀲𑁆𑀲𑁄, 𑀉𑀘𑀢𑀻𑀢𑀺 𑀑𑀓𑁄, 𑀪𑀯𑀢𑀻𑀢𑀺 𑀪𑀸𑀯𑁄, 𑀅𑀬𑀢𑀻𑀢𑀺 𑀆𑀬𑁄, 𑀲𑀫𑁆𑀫𑀸 𑀩𑀼𑀚𑁆𑀛𑀢𑀻𑀢𑀺 𑀲𑀫𑁆𑀩𑁄𑀥𑁄, 𑀯𑀺𑀳𑀭𑀢𑀻𑀢𑀺 𑀯𑀺𑀳𑀸𑀭𑁄.
𑁫𑁨𑁯, 𑁫𑁮𑁦. 𑀪𑀸𑀯𑁂 ¶ 𑀘.
𑀪𑀸𑀯𑀢𑁆𑀣𑀸𑀪𑀺𑀥𑁂𑀬𑁆𑀬𑁂 𑀲𑀩𑁆𑀩𑀥𑀸𑀢𑀽𑀳𑀺 𑀡𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀘𑁆𑀘𑀢𑁂, 𑀧𑀘𑀦𑀁 𑀯𑀸 𑀧𑀸𑀢𑁄, 𑀘𑀚𑀢𑁂, 𑀘𑀚𑀦𑀁 𑀯𑀸 𑀘𑀸𑀕𑁄, 𑀏𑀯𑀁 𑀬𑀸𑀕𑁄, 𑀬𑁄𑀕𑁄, 𑀪𑀸𑀕𑁄, 𑀧𑀭𑀺𑀤𑀸𑀳𑁄.
𑀲𑀩𑁆𑀩𑀥𑀸𑀢𑀽𑀳𑀺 𑀓𑁆𑀯𑀺𑀧𑀘𑁆𑀘𑀬𑁄 𑀳𑁄𑀢𑀺.
𑀲𑀫𑁆𑀪𑀯𑀢𑀻𑀢𑀺 𑀲𑀫𑁆𑀪𑀽, 𑀯𑀺𑀲𑁂𑀲𑁂𑀦 𑀪𑀯𑀢𑀻𑀢𑀺 𑀯𑀺𑀪𑀽, 𑀪𑀼𑀚𑁂𑀦 𑀕𑀘𑁆𑀙𑀢𑀻𑀢𑀺 𑀪𑀼𑀚𑀕𑁄, 𑀲𑀁 𑀅𑀢𑁆𑀢𑀸𑀦𑀁 𑀔𑀦𑀢𑀺, 𑀲𑀁 𑀲𑀝𑁆𑀞𑀼 𑀔𑀦𑀢𑀻𑀢𑀺 𑀯𑀸 𑀲𑀗𑁆𑀔𑁄.
𑀥𑀭𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀭𑀫𑁆𑀫𑀧𑀘𑁆𑀘𑀬𑁄 𑀳𑁄𑀢𑀺.
𑀥𑀭𑀢𑀺 𑀢𑁂𑀦𑀸𑀢𑀺 𑀥𑀫𑁆𑀫𑁄, 𑀓𑀭𑀻𑀬𑀢𑁂 𑀢𑀦𑁆𑀢𑀺 𑀓𑀫𑁆𑀫𑀁.
𑁫𑁩𑁨, 𑁫𑁯𑁦. 𑀢𑀲𑁆𑀲𑀻𑀮𑀸𑀤𑀻𑀲𑀼 𑀡𑀻𑀢𑁆𑀯𑀸𑀯𑀻 𑀘.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀢𑁆𑀣𑁂𑀲𑀼 𑀡𑀻 𑀢𑀼 𑀆𑀯𑀻 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀧𑀺𑀬𑀁 𑀧𑀲𑀁𑀲𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲 𑀭𑀜𑁆𑀜𑁄, 𑀲𑁄 𑀳𑁄𑀢𑀺 𑀭𑀸𑀚𑀸 𑀧𑀺𑀬𑀧𑀲𑀁𑀲𑀻, 𑀩𑁆𑀭𑀳𑁆𑀫𑀁 𑀘𑀭𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀲𑁄 ¶ 𑀳𑁄𑀢𑀺 𑀧𑀼𑀕𑁆𑀕𑀮𑁄 𑀩𑁆𑀭𑀳𑁆𑀫𑀘𑀸𑀭𑀻, 𑀧𑀲𑀬𑁆𑀳 𑀧𑀯𑀢𑁆𑀢𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲 𑀭𑀜𑁆𑀜𑁄, 𑀲𑁄 𑀳𑁄𑀢𑀺 𑀭𑀸𑀚𑀸 𑀧𑀲𑀬𑁆𑀳𑀧𑀯𑀢𑁆𑀣𑀸, 𑀪𑀬𑀁 𑀧𑀲𑁆𑀲𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲 𑀲𑀫𑀡𑀲𑁆𑀲, 𑀲𑁄 𑀳𑁄𑀢𑀺 𑀲𑀫𑀡𑁄 𑀪𑀬𑀤𑀲𑁆𑀲𑀸𑀯𑀻 𑀇𑀘𑁆𑀘𑁂𑀯𑀫𑀸𑀤𑀺.
𑁫𑁩𑁩, 𑁫𑁯𑁧. 𑀲𑀤𑁆𑀤 𑀓𑀼 𑀥 𑀘𑀮 𑀫𑀡𑁆𑀟𑀢𑁆𑀣𑀭𑀼𑀥𑀸𑀤𑀻𑀳𑀺𑀬𑀼.
𑀲𑀤𑁆𑀤 𑀓𑀼𑀥 𑀘𑀮 𑀫𑀡𑁆𑀟𑀢𑁆𑀣𑁂𑀳𑀺 𑀘 𑀭𑀼𑀘𑀸𑀤𑀻𑀳𑀺 𑀘 𑀥𑀸𑀢𑀽𑀳𑀺 𑀬𑀼𑀧𑀘𑁆𑀘𑀬𑁄 𑀳𑁄𑀢𑀺 𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀢𑁆𑀣𑁂𑀲𑀼.
𑀖𑁄𑀲𑀦𑀲𑀻𑀮𑁄 𑀖𑁄𑀲𑀦𑁄, 𑀪𑀸𑀲𑀦𑀲𑀻𑀮𑁄 𑀪𑀸𑀲𑀦𑁄. 𑀏𑀯𑀁 𑀯𑀺𑀕𑁆𑀕𑀳𑁄 𑀓𑀸𑀢𑀩𑁆𑀩𑁄. 𑀓𑁄𑀥𑀦𑁄, 𑀤𑁄𑀲𑀦𑁄, 𑀘𑀮𑀦𑁄, 𑀓𑀫𑁆𑀧𑀦𑁄, 𑀨𑀦𑁆𑀤𑀦𑁄, 𑀫𑀡𑁆𑀟𑀦𑁄, 𑀯𑀺𑀪𑀽𑀲𑀦𑁄, 𑀭𑁄𑀘𑀦𑁄, 𑀚𑁄𑀢𑀦𑁄, 𑀯𑀟𑁆𑀠𑀦𑁄.
𑀕𑀫𑀼𑀇𑀘𑁆𑀘𑁂𑀢𑀫𑁆𑀳𑀸 𑀥𑀸𑀢𑀼𑀫𑁆𑀳𑀸 𑀧𑀸𑀭𑀲𑀤𑁆𑀤𑀸𑀤𑀺𑀫𑁆𑀳𑀸 𑀭𑀽𑀧𑀘𑁆𑀘𑀬𑁄 𑀳𑁄𑀢𑀺 𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀢𑁆𑀣𑁂𑀲𑀼.
𑀪𑀯𑀲𑁆𑀲 𑀧𑀸𑀭𑀁 𑀪𑀯𑀧𑀸𑀭𑀁, 𑀪𑀯𑀧𑀸𑀭𑀁 𑀕𑀦𑁆𑀢𑀼𑀁 𑀲𑀻𑀮𑀁 𑀬𑀲𑁆𑀲 𑀧𑀼𑀭𑀺𑀲𑀲𑁆𑀲, 𑀲𑁄 𑀳𑁄𑀢𑀺 𑀧𑀼𑀭𑀺𑀲𑁄 𑀪𑀯𑀧𑀸𑀭𑀕𑀽.
𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀻𑀢𑀺 𑀓𑀺𑀫𑀢𑁆𑀣𑀁? 𑀧𑀸𑀭𑀗𑁆𑀕𑀢𑁄.
𑀧𑀸𑀭𑀸𑀤𑀺𑀕𑀫𑀺𑀫𑁆𑀳𑀸𑀢𑀺 𑀓𑀺𑀫𑀢𑁆𑀣𑀁? 𑀅𑀦𑀼𑀕𑀸𑀫𑀻.
𑁫𑁩𑁫, 𑁫𑁯𑁩. 𑀪𑀺𑀓𑁆𑀔𑀸𑀤𑀺𑀢𑁄 ¶ 𑀘.
𑀪𑀺𑀓𑁆𑀔𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀭𑀽𑀧𑀘𑁆𑀘𑀬𑁄 𑀳𑁄𑀢𑀺 𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀢𑁆𑀣𑁂𑀲𑀼.
𑀪𑀺𑀓𑁆𑀔𑀦𑀲𑀻𑀮𑁄 𑀬𑀸𑀘𑀦𑀲𑀻𑀮𑁄 𑀪𑀺𑀓𑁆𑀔𑀼, 𑀯𑀺𑀚𑀸𑀦𑀦𑀲𑀻𑀮𑁄 𑀯𑀺𑀜𑁆𑀜𑀽.
𑀳𑀦𑀢𑁆𑀬𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑁂 𑀡𑀼𑀓𑀧𑀘𑁆𑀘𑀬𑁄 𑀳𑁄𑀢𑀺 𑀢𑀲𑁆𑀲𑀻𑀮𑀸𑀤𑀻𑀲𑁆𑀯𑀢𑁆𑀣𑁂𑀲𑀼.
𑀆𑀳𑀦𑀦𑀲𑀻𑀮𑁄 𑀆𑀖𑀸𑀢𑀼𑀓𑁄, 𑀓𑀭𑀡𑀲𑀻𑀮𑁄 𑀓𑀸𑀭𑀼𑀓𑁄.
𑁫𑁩𑁭, 𑁫𑁬𑁬. 𑀦𑀼 𑀦𑀺𑀕𑁆𑀕𑀳𑀺𑀢𑀁 𑀧𑀤𑀦𑁆𑀢𑁂.
𑀧𑀤𑀦𑁆𑀢𑁂 𑀦𑀼𑀓𑀸𑀭𑀸𑀕𑀫𑁄 𑀦𑀺𑀕𑁆𑀕𑀳𑀺𑀢𑀫𑀸𑀧𑀚𑁆𑀚𑀢𑁂.
𑀅𑀭𑀺𑀁 𑀤𑀫𑁂𑀢𑀻𑀢𑀺 𑀅𑀭𑀺𑀦𑁆𑀤𑀫𑁄, 𑀭𑀸𑀚𑀸. 𑀯𑁂𑀲𑁆𑀲𑀁 𑀢𑀭𑀢𑀻𑀢𑀺 𑀯𑁂𑀲𑁆𑀲𑀦𑁆𑀢𑀭𑁄, 𑀭𑀸𑀚𑀸. 𑀧𑀪𑀁 𑀓𑀭𑁄𑀢𑀻𑀢𑀺 𑀧𑀪𑀗𑁆𑀓𑀭𑁄, 𑀪𑀕𑀯𑀸.
𑁫𑁩𑁮, 𑁫𑁯𑁫. 𑀲𑀁𑀳𑀦𑀸𑀜𑁆𑀜𑀸𑀬 𑀯𑀸 𑀭𑁄 𑀖𑁄.
𑀲𑀁𑀧𑀼𑀩𑁆𑀩𑀸𑀬 𑀳𑀦𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸, 𑀅𑀜𑁆𑀜𑀸𑀬 𑀯𑀸 𑀥𑀸𑀢𑀼𑀬𑀸 𑀭𑀧𑀘𑁆𑀘𑀬𑁄, 𑀳𑀦𑀲𑁆𑀲 𑀘 𑀖𑁄 𑀳𑁄𑀢𑀺.
𑀲𑀫𑀕𑁆𑀕𑀁 ¶ 𑀓𑀫𑁆𑀫𑀁 𑀲𑀫𑀼𑀧𑀕𑀘𑁆𑀙𑀢𑀻𑀢𑀺 𑀲𑀗𑁆𑀖𑁄, 𑀲𑀫𑀦𑁆𑀢𑀢𑁄 𑀦𑀕𑀭𑀲𑁆𑀲 𑀫𑀸𑀳𑀺𑀭𑁂 𑀔𑀜𑁆𑀜𑀢𑀻𑀢𑀺 𑀧𑀭𑀺𑀔𑀸, 𑀅𑀦𑁆𑀢𑀁 𑀓𑀭𑁄𑀢𑀻𑀢𑀺 𑀅𑀦𑁆𑀢𑀓𑁄.
𑀲𑀁𑀇𑀢𑀺 𑀓𑀺𑀫𑀢𑁆𑀣𑀁? 𑀉𑀧𑀳𑀦𑀦𑀁 𑀉𑀧𑀖𑀸𑀢𑁄.
𑀭𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂 𑀲𑀩𑁆𑀩𑁄 𑀥𑀸𑀢𑁆𑀯𑀦𑁆𑀢𑁄 𑀭𑀓𑀸𑀭𑀸𑀤𑀺 𑀮𑁄𑀧𑁄 𑀳𑁄𑀢𑀺.
𑀅𑀦𑁆𑀢𑀓𑁄, 𑀧𑀸𑀭𑀕𑀽, 𑀲𑀢𑁆𑀣𑀸, 𑀤𑀺𑀝𑁆𑀞𑁄 𑀇𑀘𑁆𑀘𑁂𑀯𑀫𑀸𑀤𑀺.
𑁫𑁪𑁦, 𑁫𑁪𑁫. 𑀪𑀸𑀯𑀓𑀫𑁆𑀫𑁂𑀲𑀼 𑀢𑀩𑁆𑀩𑀸𑀦𑀻𑀬𑀸.
𑀪𑀸𑀯𑀓𑀫𑁆𑀫𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀢𑀩𑁆𑀩 𑀅𑀦𑀻𑀬𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀩𑁆𑀩𑀥𑀸𑀢𑀽𑀳𑀺.
𑀪𑀯𑀺𑀢𑀩𑁆𑀩𑀁, 𑀪𑀯𑀦𑀻𑀬𑀁, 𑀆𑀲𑀺𑀢𑀩𑁆𑀩𑀁, 𑀆𑀲𑀦𑀻𑀬𑀁, 𑀧𑀚𑁆𑀚𑀺𑀢𑀩𑁆𑀩𑀁, 𑀧𑀚𑁆𑀚𑀦𑀻𑀬𑀁, 𑀓𑀢𑁆𑀢𑀩𑁆𑀩𑀁, 𑀓𑀭𑀡𑀻𑀬𑀁, 𑀕𑀦𑁆𑀢𑀩𑁆𑀩𑀁, 𑀕𑀫𑀦𑀻𑀬𑀁.
𑀪𑀸𑀯𑀓𑀫𑁆𑀫𑁂𑀲𑀼 𑀲𑀩𑁆𑀩𑀥𑀸𑀢𑀽𑀳𑀺 𑀡𑁆𑀬𑀧𑀘𑁆𑀘𑀬𑁄 𑀳𑁄𑀢𑀺.
𑀓𑀢𑁆𑀢𑀩𑁆𑀩𑀁 𑀓𑀸𑀭𑀺𑀬𑀁, 𑀚𑁂𑀢𑀩𑁆𑀩𑀁 𑀚𑁂𑀬𑁆𑀬𑀁, 𑀦𑁂𑀢𑀩𑁆𑀩𑀁 𑀦𑁂𑀬𑁆𑀬𑀁, 𑀇𑀘𑁆𑀘𑁂𑀯𑀫𑀸𑀤𑀺.
𑀘𑀕𑁆𑀕𑀳𑀡𑁂𑀦 ¶ 𑀢𑁂𑀬𑁆𑀬𑀧𑀘𑁆𑀘𑀬𑁄 𑀳𑁄𑀢𑀺. 𑀜𑀸𑀢𑀩𑁆𑀩𑀁 𑀜𑀸𑀢𑁂𑀬𑁆𑀬𑀁, 𑀤𑀝𑁆𑀞𑁂𑀬𑁆𑀬𑀁, 𑀧𑀢𑁆𑀢𑁂𑀬𑁆𑀬𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀓𑀭𑀇𑀘𑁆𑀘𑁂𑀢𑀫𑁆𑀳𑀸 𑀥𑀸𑀢𑀼𑀫𑁆𑀳𑀸 𑀭𑀺𑀘𑁆𑀘𑀧𑀘𑁆𑀘𑀬𑁄 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼.
𑀓𑀢𑁆𑀢𑀩𑁆𑀩𑀁 𑀓𑀺𑀘𑁆𑀘𑀁.
𑀪𑀽𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀡𑁆𑀬𑀧𑀘𑁆𑀘𑀬𑀲𑁆𑀲 𑀊𑀓𑀸𑀭𑁂𑀦 𑀲𑀳 𑀅𑀩𑁆𑀩𑀸𑀤𑁂𑀲𑁄 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼.
𑀪𑀯𑀺𑀢𑀩𑁆𑀩𑁄 𑀪𑀩𑁆𑀩𑁄, 𑀪𑀯𑀺𑀢𑀩𑁆𑀩𑀁 𑀪𑀩𑁆𑀩𑀁.
𑁫𑁪𑁪, 𑁫𑁫𑁬. 𑀯𑀤 𑀫𑀤 𑀕𑀫𑀼 𑀬𑀼𑀚 𑀕𑀭𑀳𑀸𑀓𑀸𑀭𑀸𑀤𑀻𑀳𑀺 𑀚𑁆𑀚 𑀫𑁆𑀫 𑀕𑁆𑀕 𑀬𑁆𑀳𑁂𑀬𑁆𑀬𑀸 𑀕𑀸𑀭𑁄 𑀯𑀸.
𑀯𑀤 𑀫𑀤 𑀕𑀫𑀼 𑀬𑀼𑀚 𑀕𑀭𑀳𑀸𑀓𑀸𑀭𑀦𑁆𑀢𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀡𑁆𑀬𑀧𑀘𑁆𑀘𑀬𑀲𑁆𑀲 𑀬𑀣𑀸𑀲𑀗𑁆𑀔𑁆𑀬𑀁 𑀚𑁆𑀚 𑀫𑁆𑀫 𑀕𑁆𑀕 𑀬𑁆𑀳 𑀏𑀬𑁆𑀬𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀥𑀸𑀢𑁆𑀯𑀦𑁆𑀢𑁂𑀦 𑀲𑀳, 𑀕𑀭𑀲𑁆𑀲𑀁 𑀘 𑀕𑀸𑀭𑁄 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼.
𑀯𑀢𑁆𑀢𑀩𑁆𑀩𑀁 𑀯𑀚𑁆𑀚𑀁, 𑀫𑀤𑀦𑀻𑀬𑀁 𑀫𑀚𑁆𑀚𑀁, 𑀕𑀫𑀦𑀻𑀬𑀁 𑀕𑀫𑁆𑀫𑀁, 𑀬𑁄𑀚𑀦𑀻𑀬𑀁 𑀬𑁄𑀕𑁆𑀕𑀁, 𑀕𑀭𑀳𑀺𑀢𑀩𑁆𑀩𑀁 𑀕𑀸𑀭𑀬𑁆𑀳𑀁, 𑀤𑀸𑀢𑀩𑁆𑀩𑀁 𑀤𑁂𑀬𑁆𑀬𑀁, 𑀧𑀸𑀢𑀩𑁆𑀩𑀁 𑀧𑁂𑀬𑁆𑀬𑀁, 𑀳𑀸𑀢𑀩𑁆𑀩𑀁 ¶ 𑀳𑁂𑀬𑁆𑀬𑀁, 𑀫𑀸𑀢𑀩𑁆𑀩𑀁 𑀫𑁂𑀬𑁆𑀬𑀁, 𑀜𑀸𑀢𑀩𑁆𑀩𑀁 𑀜𑁂𑀬𑁆𑀬𑀁, 𑀇𑀘𑁆𑀘𑁂𑀯𑀫𑀸𑀤𑀺.
𑀬𑁂 𑀧𑀘𑁆𑀘𑀬𑀸 𑀢𑀩𑁆𑀩𑀸𑀤𑀬𑁄 𑀭𑀺𑀘𑁆𑀘𑀦𑁆𑀢𑀸, 𑀢𑁂 𑀓𑀺𑀘𑁆𑀘𑀲𑀜𑁆𑀜𑀸𑀢𑀺 𑀯𑁂𑀤𑀺𑀢𑀩𑁆𑀩𑀸.
𑀓𑀺𑀘𑁆𑀘𑀲𑀜𑁆𑀜𑀸𑀬 𑀓𑀺𑀁𑀧𑀬𑁄𑀚𑀦𑀁? 𑀪𑀸𑀯𑀓𑀫𑁆𑀫𑁂𑀲𑀼 𑀓𑀺𑀘𑁆𑀘𑀢𑁆𑀢𑀔𑀢𑁆𑀣𑀸.
𑀅𑀜𑁆𑀜𑁂 𑀧𑀘𑁆𑀘𑀬𑀸 𑀓𑀺𑀢 𑀏𑀯 𑀲𑀜𑁆𑀜𑀸 𑀳𑁄𑀦𑁆𑀢𑀺.
𑀓𑀺𑀢 𑀲𑀜𑁆𑀜𑀸𑀬 𑀓𑀺𑀁𑀧𑀬𑁄𑀚𑀦𑀁? 𑀓𑀢𑁆𑀢𑀭𑀺 𑀓𑀺𑀢.
𑀦𑀦𑁆𑀤𑀸𑀤𑀻𑀳𑀺 𑀥𑀸𑀢𑀽𑀳𑀺 𑀬𑀼𑀧𑀘𑁆𑀘𑀬𑁄 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼.
𑀦𑀦𑁆𑀤𑀻𑀬𑀢𑁂 𑀦𑀦𑁆𑀤𑀦𑀁, 𑀦𑀺𑀦𑁆𑀤𑀺𑀢𑀩𑁆𑀩𑀁 𑀯𑀸 𑀦𑀦𑁆𑀤𑀦𑀁, 𑀕𑀳𑀡𑀻𑀬𑀁 𑀕𑀳𑀡𑀁, 𑀘𑀭𑀺𑀢𑀩𑁆𑀩𑀁 𑀘𑀭𑀡𑀁, 𑀏𑀯𑀁 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀸.
𑀓𑀢𑁆𑀢𑀼𑀓𑀭𑀡𑀧𑀤𑁂𑀲𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀘 𑀬𑀼𑀧𑀘𑁆𑀘𑀬𑁄 𑀳𑁄𑀢𑀺.
𑀓𑀢𑁆𑀢𑀭𑀺 ¶ 𑀢𑀸𑀯 𑁋 𑀭𑀚𑀁 𑀳𑀭𑀢𑀻𑀢𑀺 𑀭𑀚𑁄𑀳𑀭𑀡𑀁 𑀢𑁄𑀬𑀁.
𑀓𑀭𑀡𑁂 𑀢𑀸𑀯 𑁋 𑀓𑀭𑁄𑀢𑀺 𑀢𑁂𑀦𑀸𑀢𑀺 𑀓𑀭𑀡𑀁.
𑀧𑀤𑁂𑀲𑁂 𑀢𑀸𑀯 𑁋 𑀢𑀺𑀝𑁆𑀞𑀦𑁆𑀢𑀺 𑀢𑀲𑁆𑀫𑀺𑀦𑁆𑀢𑀺 𑀞𑀸𑀦𑀁. 𑀏𑀯𑀁 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀸.
𑀭𑀓𑀸𑀭𑀳𑀓𑀸𑀭𑀸𑀤𑁆𑀬𑀦𑁆𑀢𑁂𑀳𑀺 𑀥𑀸𑀢𑀽𑀳𑀺 𑀅𑀦𑀸𑀤𑁂𑀲𑀲𑁆𑀲 𑀦𑀲𑁆𑀲 𑀡𑁄 𑀳𑁄𑀢𑀺.
𑀓𑀭𑁄𑀢𑀺 𑀢𑁂𑀦𑀸𑀢𑀺 𑀓𑀭𑀡𑀁, 𑀧𑀽𑀭𑁂𑀢𑀺 𑀢𑁂𑀦𑀸𑀢𑀺 𑀧𑀽𑀭𑀡𑀁. 𑀕𑀳𑀡𑀻𑀬𑀁 𑀢𑁂𑀦𑀸𑀢𑀺 𑀕𑀳𑀡𑀁. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀧𑀞𑀫𑁄 𑀓𑀡𑁆𑀟𑁄.
𑀤𑀼𑀢𑀺𑀬𑀓𑀡𑁆𑀟
𑀡𑀸𑀤𑀬𑁄 𑀧𑀘𑁆𑀘𑀬𑀸 𑀬𑀼𑀧𑀘𑁆𑀘𑀬𑀦𑁆𑀢𑀸 𑀢𑁂𑀓𑀸𑀮𑀺𑀓𑀸𑀢𑀺 𑀯𑁂𑀤𑀺𑀢𑀩𑁆𑀩𑀸.
𑀓𑀼𑀫𑁆𑀪𑀁 𑀓𑀭𑁄𑀢𑀺 𑀅𑀓𑀸𑀲𑀺 𑀓𑀭𑀺𑀲𑁆𑀲𑀢𑀻𑀢𑀺 𑀓𑀼𑀫𑁆𑀪𑀓𑀸𑀭𑁄, 𑀓𑀭𑁄𑀢𑀺 𑀅𑀓𑀸𑀲𑀺 𑀓𑀭𑀺𑀲𑁆𑀲𑀢𑀺 𑀢𑁂𑀦𑀸𑀢𑀺 𑀓𑀭𑀡𑀁. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁫𑁫𑁧, 𑁫𑁯𑁮. 𑀲𑀜𑁆𑀜𑀸𑀬𑀁 ¶ 𑀤𑀸 𑀥𑀸𑀢𑁄 𑀇.
𑀲𑀜𑁆𑀜𑀸𑀬𑀫𑀪𑀺𑀥𑁂𑀬𑁆𑀬𑀸𑀬𑀁 𑀤𑀸 𑀥𑀸𑀢𑁄 𑀇𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀞𑀫𑀁 𑀆𑀤𑀻𑀬𑀢𑀻𑀢𑀺 𑀆𑀤𑀺, 𑀉𑀤𑀓𑀁 𑀤𑀥𑀸𑀢𑀻𑀢𑀺 𑀉𑀤𑀫𑀺, 𑀫𑀳𑁄𑀤𑀓𑀸𑀦𑀺 𑀤𑀥𑀸𑀢𑀻𑀢𑀺 𑀫𑀳𑁄𑀤𑀥𑀺, 𑀯𑀸𑀮𑀸𑀦𑀺 𑀤𑀥𑀸𑀢𑀺 𑀢𑀲𑁆𑀫𑀺𑀦𑁆𑀢𑀺 𑀯𑀸𑀮𑀥𑀺, 𑀲𑀫𑁆𑀫𑀸 𑀥𑀻𑀬𑀢𑀻𑀢𑀺 𑀲𑀦𑁆𑀥𑀺.
𑀲𑀜𑁆𑀜𑀸𑀬𑀫𑀪𑀺𑀥𑁂𑀬𑁆𑀬𑀸𑀬𑀁 𑀲𑀩𑁆𑀩𑀥𑀸𑀢𑀽𑀳𑀺 𑀢𑀺𑀧𑀘𑁆𑀘𑀬𑁄 𑀳𑁄𑀢𑀺, 𑀓𑀺𑀢 𑀘 𑀆𑀲𑀺𑀝𑁆𑀞𑁂.
𑀚𑀺𑀦𑁄 𑀚𑀦𑀁 𑀩𑀼𑀚𑁆𑀛𑀢𑀽𑀢𑀺 𑀚𑀺𑀦𑀩𑀼𑀤𑁆𑀥𑀺, 𑀥𑀦𑀁 𑀅𑀲𑁆𑀲 𑀪𑀯𑀢𑀽𑀢𑀺 𑀥𑀦𑀪𑀽𑀢𑀺, 𑀪𑀯𑀢𑀽𑀢𑀺 𑀪𑀽𑀢𑁄, 𑀪𑀯𑀢𑀽𑀢𑀺 𑀪𑀸𑀯𑁄, 𑀥𑀫𑁆𑀫𑁄 𑀚𑀦𑀁 𑀤𑀤𑀸𑀢𑀽𑀢𑀺 𑀥𑀫𑁆𑀫𑀤𑀺𑀦𑁆𑀦𑁄, 𑀯𑀟𑁆𑀠𑀢𑀽𑀢𑀺 𑀯𑀟𑁆𑀠𑀫𑀸𑀦𑁄. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀇𑀢𑁆𑀣𑀺𑀬𑀫𑀪𑀺𑀥𑁂𑀬𑁆𑀬𑀸𑀬𑀁 𑀲𑀩𑁆𑀩𑀥𑀸𑀢𑀽𑀳𑀺 𑀅𑀓𑀸𑀭 𑀢𑀺 𑀬𑀼 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸.
𑀚𑀻𑀭𑀢𑀻𑀢𑀻 𑀚𑀭𑀸, 𑀫𑀜𑁆𑀜𑀢𑀻𑀢𑀺 𑀫𑀢𑀺, 𑀘𑁂𑀢𑀬𑀢𑀻𑀢𑀺 𑀘𑁂𑀢𑀦𑀸, 𑀯𑁂𑀤𑀬𑀢𑀻𑀢𑀺 𑀯𑁂𑀤𑀦𑀸. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁫𑁫𑁪, 𑁬𑁦𑁧. 𑀓𑀭𑀢𑁄 ¶ 𑀭𑀺𑀭𑀺𑀬.
𑀓𑀭𑀢𑁄 𑀇𑀢𑁆𑀣𑀺𑀬𑀫𑀦𑀺𑀢𑁆𑀣𑀺𑀬𑀁 𑀯𑀸 𑀅𑀪𑀺𑀔𑁂𑀬𑁆𑀬𑀸𑀬𑀁 𑀭𑀺𑀭𑀻𑀬𑀧𑀘𑁆𑀘𑀬𑁄 𑀳𑁄𑀢𑀺 𑀯𑀸.
𑀓𑀢𑁆𑀢𑀩𑁆𑀩𑀸 𑀓𑀺𑀭𑀺𑀬𑀸, 𑀓𑀭𑀡𑀻𑀬𑀁 𑀓𑀺𑀭𑀺𑀬𑀁.
𑀅𑀢𑀻𑀢𑁂 𑀓𑀸𑀮𑁂 𑀲𑀩𑁆𑀩𑀥𑀸𑀢𑀽𑀳𑀺 𑀢𑀢𑀯𑀦𑁆𑀢𑀼𑀢𑀸𑀯𑀻𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀳𑀼𑀢𑁄, 𑀳𑀼𑀢𑀯𑀸, 𑀳𑀼𑀢𑀸𑀯𑀻. 𑀯𑀼𑀲𑀺𑀢𑁄, 𑀯𑀼𑀲𑀺𑀢𑀯𑀸, 𑀯𑀼𑀲𑀺𑀢𑀸𑀯𑀻. 𑀪𑀼𑀢𑁆𑀢𑁄, 𑀪𑀼𑀢𑁆𑀢𑀯𑀸, 𑀪𑀼𑀢𑁆𑀢𑀸𑀯𑀻.
𑀪𑀸𑀯𑀓𑀫𑁆𑀫𑁂𑀲𑀼 𑀅𑀢𑀻𑀢𑁂 𑀓𑀸𑀮𑁂 𑀢𑀧𑀘𑁆𑀘𑀬𑁄 𑀳𑁄𑀢𑀺 𑀲𑀩𑁆𑀩𑀥𑀸𑀢𑀽𑀳𑀺.
𑀪𑀸𑀯𑁂 𑀢𑀸𑀯 𑁋 𑀢𑀲𑁆𑀲 𑀕𑀻𑀢𑀁, 𑀦𑀘𑁆𑀘𑀁, 𑀦𑀝𑁆𑀝𑀁, 𑀳𑀲𑀺𑀢𑀁.
𑀓𑀫𑁆𑀫𑀦𑀺 𑀢𑀸𑀯 𑁋 𑀢𑁂𑀦 𑀪𑀸𑀲𑀺𑀢𑀁, 𑀤𑁂𑀲𑀺𑀢𑀁.
𑁫𑁫𑁭, 𑁬𑁦𑁬. 𑀩𑀼𑀥𑀕𑀫𑀸𑀤𑀺𑀢𑁆𑀣𑁂 𑀓𑀢𑁆𑀢𑀭𑀺.
𑀩𑀼𑀥𑀕𑀫𑀼𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀤𑀢𑁆𑀣𑁂 𑀕𑀫𑁆𑀬𑀫𑀸𑀦𑁂 𑀢𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺 𑀲𑀩𑁆𑀩𑀓𑀸𑀮𑁂.
𑀲𑀩𑁆𑀩𑁂 ¶ 𑀲𑀗𑁆𑀔𑀢𑀸𑀲𑀗𑁆𑀔𑀢𑁂 𑀥𑀫𑁆𑀫𑁂 𑀩𑀼𑀚𑁆𑀛𑀢𑀺 𑀅𑀩𑀼𑀚𑁆𑀛𑀺 𑀩𑀼𑀚𑁆𑀛𑀺𑀲𑁆𑀲𑀢𑀻𑀢𑀺 𑀩𑀼𑀤𑁆𑀥𑁄, 𑀲𑀭𑀡𑀗𑁆𑀕𑀢𑁄, 𑀲𑀫𑀣𑀗𑁆𑀕𑀢𑁄, 𑀅𑀫𑀣𑀗𑁆𑀕𑀢𑁄, 𑀚𑀸𑀦𑀸𑀢𑀺 𑀅𑀚𑀸𑀦𑀺 𑀚𑀸𑀦𑀺𑀲𑁆𑀲𑀢𑀻𑀢𑀺 𑀜𑀸𑀢𑁄, 𑀇𑀘𑁆𑀘𑁂𑀯𑀫𑀸𑀤𑀺.
𑀚𑀺𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀇𑀦𑀧𑀘𑁆𑀘𑀬𑁄 𑀳𑁄𑀢𑀺 𑀲𑀩𑁆𑀩𑀓𑀸𑀮𑁂 𑀓𑀢𑁆𑀢𑀭𑀺.
𑀧𑀸𑀧𑀓𑁂 𑀅𑀓𑀼𑀲𑀮𑁂 𑀥𑀫𑁆𑀫𑁂 𑀚𑀺𑀦𑀸𑀢𑀺 𑀅𑀚𑀺𑀦𑀺 𑀚𑀺𑀦𑀺𑀲𑁆𑀲𑀢𑀻𑀢𑀺 𑀚𑀺𑀦𑁄.
𑀲𑀼𑀧𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀇𑀦𑀧𑀘𑁆𑀘𑀬𑁄 𑀳𑁄𑀢𑀺 𑀓𑀢𑁆𑀢𑀭𑀺, 𑀪𑀸𑀯𑁂 𑀘.
𑀲𑀼𑀧𑀢𑀻𑀢𑀺 𑀲𑀼𑀧𑀺𑀦𑀁, 𑀲𑀼𑀧𑀻𑀬𑀢𑁂 𑀲𑀼𑀧𑀺𑀦𑀁.
𑀈𑀲𑀁𑀤𑀼𑀲𑀼𑀲𑀤𑁆𑀤𑀸𑀤𑀻𑀳𑀺 𑀲𑀩𑁆𑀩𑀥𑀸𑀢𑀽𑀳𑀺 𑀔𑀧𑀘𑁆𑀘𑀬𑁄 𑀳𑁄𑀢𑀺.
𑀈𑀲𑀲𑁆𑀲𑀬𑁄, 𑀤𑀼𑀲𑁆𑀲𑀬𑁄, 𑀲𑀼𑀲𑁆𑀲𑀬𑁄 𑀪𑀯𑀢𑀸, 𑀈𑀲𑀓𑁆𑀓𑀭𑀁, 𑀤𑀼𑀓𑁆𑀓𑀭𑀁, 𑀲𑀼𑀓𑀭𑀁, 𑀪𑀯𑀢𑀸.
𑁫𑁬𑁧, 𑁬𑁩𑁬. 𑀇𑀘𑁆𑀙𑀢𑁆𑀣𑁂𑀲𑀼 ¶ 𑀲𑀫𑀸𑀦𑀓𑀢𑁆𑀢𑀼𑀓𑁂𑀲𑀼 𑀢𑀯𑁂 𑀢𑀼𑀁 𑀯𑀸.
𑀇𑀘𑁆𑀙𑀢𑁆𑀣𑁂𑀲𑀼 𑀲𑀫𑀸𑀦𑀓𑀢𑁆𑀢𑀼𑀓𑁂𑀲𑀼 𑀲𑀩𑁆𑀩𑀥𑀸𑀢𑀽𑀳𑀺𑀢𑀯𑁂𑀢𑀼𑀁𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀲𑀩𑁆𑀩𑀓𑀸𑀮𑁂 𑀓𑀢𑁆𑀢𑀭𑀺.
𑀧𑀼𑀜𑁆𑀜𑀸𑀦𑀺 𑀓𑀸𑀢𑀯𑁂, 𑀲𑀤𑁆𑀥𑀫𑁆𑀫𑀁 𑀲𑁄𑀢𑀼 𑀫𑀺𑀘𑁆𑀙𑀢𑀺.
𑀅𑀭𑀳𑀲𑀓𑁆𑀓𑀸𑀤𑀻𑀲𑀼 𑀘 𑀅𑀢𑁆𑀣𑁂𑀲𑀼 𑀲𑀩𑁆𑀩𑀥𑀸𑀢𑀽𑀳𑀺 𑀢𑀼𑀁𑀧𑀘𑁆𑀘𑀬𑁄 𑀳𑁄𑀢𑀺.
𑀓𑁄 𑀢𑀁 𑀦𑀺𑀦𑁆𑀤𑀺𑀢𑀼𑀫𑀭𑀳𑀢𑀺, 𑀲𑀓𑁆𑀓𑀸 𑀚𑁂𑀢𑀼𑀁 𑀥𑀦𑁂𑀦 𑀯𑀸. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑁫𑁬𑁩, 𑁬𑁩𑁯. 𑀧𑀢𑁆𑀢𑀯𑀘𑀦𑁂 𑀅𑀮𑀫𑀢𑁆𑀣𑁂𑀲𑀼 𑀘.
𑀧𑀢𑁆𑀢𑀯𑀘𑀦𑁂 𑀅𑀮𑀫𑀢𑁆𑀣𑁂𑀲𑀼 𑀲𑀩𑁆𑀩𑀥𑀸𑀢𑀽𑀳𑀺 𑀢𑀼𑀁𑀧𑀘𑁆𑀘𑀬𑁄 𑀳𑁄𑀢𑀺.
𑀅𑀮𑀫𑁂𑀯 𑀤𑀸𑀦𑀸𑀦𑀺 𑀤𑀸𑀢𑀼𑀁, 𑀅𑀮𑀫𑁂𑀯 𑀧𑀼𑀜𑁆𑀜𑀸𑀦𑀺 𑀓𑀸𑀢𑀼𑀁.
𑁫𑁬𑁪, 𑁬𑁪𑁦. 𑀧𑀼𑀩𑁆𑀩𑀓𑀸𑀮𑁂’ 𑀓𑀓𑀢𑁆𑀢𑀼𑀓𑀸𑀦𑀁 𑀢𑀼𑀦 𑀢𑁆𑀯𑀸𑀦 𑀢𑁆𑀯𑀸𑀯𑀸.
𑀧𑀼𑀩𑁆𑀩𑀓𑀸𑀮𑁂 𑀏𑀓𑀓𑀢𑁆𑀢𑀼𑀓𑀸𑀦𑀁 𑀥𑀸𑀢𑀽𑀦𑀁 𑀢𑀼𑀦𑀢𑁆𑀯𑀸𑀦 𑀢𑁆𑀯𑀸𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸.
𑀓𑀸𑀢𑀼𑀦 ¶ 𑀓𑀫𑁆𑀫𑀁 𑀕𑀘𑁆𑀙𑀢𑀺, 𑀅𑀓𑀸𑀢𑀼𑀦 𑀧𑀼𑀜𑁆𑀜𑀁 𑀓𑀺𑀮𑀺𑀲𑁆𑀲𑀢𑀺, 𑀲𑀢𑁆𑀢𑀸 𑀲𑀼𑀢𑁆𑀯𑀸𑀦 𑀥𑀫𑁆𑀫𑀁 𑀫𑁄𑀤𑀦𑁆𑀢𑀺, 𑀭𑀺𑀧𑀼𑀁 𑀚𑀺𑀢𑁆𑀯𑀸𑀦 𑀯𑀲𑀢𑀺, 𑀥𑀫𑁆𑀫𑀁 𑀲𑀼𑀢𑁆𑀯𑀸𑀦’𑀲𑁆𑀲 𑀏𑀢𑀤𑀳𑁄𑀲𑀺, 𑀇𑀢𑁄 𑀲𑀼𑀢𑁆𑀯𑀸𑀦 𑀅𑀫𑀼𑀢𑁆𑀭 𑀓𑀣𑀬𑀦𑁆𑀢𑀺, 𑀲𑀼𑀢𑁆𑀯𑀸 𑀚𑀸𑀦𑀺𑀲𑁆𑀲𑀸𑀫. 𑀏𑀯𑀁 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀸.
𑀯𑀢𑁆𑀢𑀫𑀸𑀦𑁂 𑀓𑀸𑀮𑁂 𑀲𑀩𑁆𑀩𑀥𑀸𑀢𑀽𑀳𑀺 𑀫𑀸𑀦𑀅𑀦𑁆𑀢𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀲𑀭𑀫𑀸𑀦𑁄 𑀭𑁄𑀤𑀢𑀺. 𑀕𑀘𑁆𑀙𑀦𑁆𑀢𑁄 𑀕𑀡𑁆𑀳𑀸𑀢𑀺.
𑀲𑀸𑀲𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀭𑀢𑁆𑀣𑀼𑀧𑀘𑁆𑀘𑀬𑁄 𑀳𑁄𑀢𑀺.
𑀲𑀸𑀲𑀢𑀻𑀢𑀺 𑀲𑀢𑁆𑀣𑀸, 𑀲𑀸𑀲𑀢𑀺 𑀳𑀺𑀁𑀲𑀢𑀻𑀢𑀺 𑀯𑀸 𑀲𑀢𑁆𑀣𑀸.
𑀧𑀸𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀭𑀺𑀢𑀼𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀸𑀢𑀺 𑀧𑀼𑀢𑁆𑀢𑀦𑁆𑀢𑀺 𑀧𑀺𑀢𑀸.
𑁫𑁬𑁮, 𑁫𑁭𑁬. 𑀫𑀸𑀦𑀸𑀤𑀻𑀳𑀺 ¶ 𑀭𑀸𑀢𑀼.
𑀫𑀸𑀦𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀭𑀸𑀢𑀼𑀧𑀘𑁆𑀘𑀬𑁄 𑀳𑁄𑀢𑀺, 𑀭𑀺𑀢𑀼 𑀧𑀘𑁆𑀘𑀬𑁄 𑀘.
𑀥𑀫𑁆𑀫𑁂𑀦 𑀧𑀼𑀢𑁆𑀢𑀁 𑀫𑀸𑀦𑁂𑀢𑀻𑀢𑀺 𑀫𑀸𑀢𑀸, 𑀧𑀼𑀩𑁆𑀩𑁂 𑀪𑀸𑀲𑀢𑀻𑀢𑀺 𑀪𑀸𑀢𑀸, 𑀫𑀸𑀢𑀸𑀧𑀺𑀢𑀽𑀳𑀺 𑀥𑀸𑀭𑀻𑀬𑀢𑀻𑀢𑀺 𑀥𑀻𑀢𑀸.
𑀆𑀇𑀘𑁆𑀘𑀸𑀤𑀺𑀫𑁆𑀳𑀸 𑀕𑀫𑀺𑀢𑁄 𑀢𑀼𑀓𑀧𑀘𑁆𑀘𑀬𑁄 𑀳𑁄𑀢𑀺.
𑀆𑀕𑀘𑁆𑀙𑀢𑀻𑀢𑀺 𑀆𑀕𑀦𑁆𑀢𑀼𑀓𑁄, 𑀪𑀺𑀓𑁆𑀔𑀼.
𑀕𑀫𑀼𑀇𑀘𑁆𑀘𑁂𑀢𑀫𑁆𑀳𑀸 𑀥𑀸𑀢𑀼𑀫𑁆𑀳𑀸 𑀇𑀓𑀧𑀘𑁆𑀘𑀬𑁄 𑀳𑁄𑀢𑀺 𑀪𑀩𑁆𑀩𑁂. 𑀕𑀫𑀺𑀲𑁆𑀲𑀢𑀺 𑀕𑀦𑁆𑀢𑀼𑀁 𑀪𑀩𑁆𑀩𑁄𑀢𑀺 𑀕𑀫𑀺𑀓𑁄, 𑀪𑀺𑀓𑁆𑀔𑀼.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀤𑀼𑀢𑀺𑀬𑁄 𑀓𑀡𑁆𑀟𑁄.
𑀢𑀢𑀺𑀬𑀓𑀡𑁆𑀟
𑁫𑁭𑁧, 𑁬𑁨𑁪. 𑀧𑀘𑁆𑀘𑀬𑀸𑀤𑀦𑀺𑀝𑁆𑀞𑀸 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺,
𑀲𑀗𑁆𑀔𑁆𑀬𑀸𑀦𑀸𑀫𑀲𑀫𑀸𑀲𑀢𑀤𑁆𑀥𑀺𑀢𑀸𑀔𑁆𑀬𑀸𑀢𑀓𑀺𑀢𑀓𑀧𑁆𑀧𑀫𑁆𑀳𑀺 𑀲𑀧𑁆𑀧𑀘𑁆𑀘𑀬𑀸 𑀬𑁂 𑀲𑀤𑁆𑀤𑀸 𑀅𑀦𑀺𑀝𑁆𑀞𑀗𑁆𑀕𑀢𑀸, 𑀢𑁂 𑀲𑀸𑀥𑀦𑁂𑀦 𑀦𑀺𑀭𑀓𑁆𑀔𑀺𑀢𑁆𑀯𑀸 𑀲𑀓𑁂𑀳𑀺 𑀲𑀓𑁂𑀳𑀺 𑀦𑀸𑀫𑁂𑀳𑀺 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑀲𑀗𑁆𑀔𑁆𑀬𑀸𑀬𑀁 ¶ 𑀢𑀸𑀯 𑁋 𑀏𑀓𑀲𑁆𑀲 𑀏𑀢𑀸 𑀳𑁄𑀢𑀺, 𑀤𑀲𑀲𑁆𑀲 𑀘 𑀤𑀓𑀸𑀭𑀲𑁆𑀲 𑀭𑀓𑀸𑀭𑀸𑀤𑁂𑀲𑁄 𑀳𑁄𑀢𑀺. 𑀏𑀓𑁄 𑀘 𑀤𑀲 𑀘 𑀏𑀓𑀸𑀭𑀲.
𑀤𑁆𑀯𑀺𑀲𑁆𑀲 𑀩𑀸 𑀳𑁄𑀢𑀺, 𑀤𑀲𑀲𑁆𑀲 𑀘 𑀤𑀓𑀸𑀭𑀲𑁆𑀲 𑀭𑀓𑀸𑀭𑀸𑀤𑁂𑀲𑁄 𑀳𑁄𑀢𑀺, 𑀤𑁆𑀯𑁂 𑀘 𑀤𑀲 𑀘 𑀩𑀸𑀭𑀲.
𑀤𑁆𑀯𑀺𑀲𑁆𑀲 𑀩𑀸 𑀳𑁄𑀢𑀺, 𑀤𑀲𑀲𑁆𑀲 𑀘 𑀯𑀻𑀲𑀁 𑀳𑁄𑀢𑀺. 𑀤𑁆𑀯𑁂 𑀘 𑀯𑀻𑀲𑀜𑁆𑀘 𑀩𑀸𑀯𑀻𑀲𑀁.
𑀙𑀲𑁆𑀲 𑀲𑁄 𑀳𑁄𑀢𑀺, 𑀤𑀲𑀲𑁆𑀲 𑀘 𑀤𑀓𑀸𑀭𑀲𑁆𑀲 𑀴𑁄 𑀳𑁄𑀢𑀺, 𑀙 𑀘 𑀤𑀲 𑀘 𑀲𑁄𑀴𑀲.
𑀙𑀆𑀬𑀢𑀦𑀫𑁆𑀳𑀺 𑀙𑀲𑁆𑀲 𑀲𑀴𑁄 𑀳𑁄𑀢𑀺, 𑀲𑀴𑀸𑀬𑀢𑀦𑀁. 𑀏𑀯𑀁 𑀲𑁂𑀲𑀸 𑀲𑀗𑁆𑀔𑁆𑀬𑀸 𑀓𑀸𑀢𑀩𑁆𑀩𑀸.
𑀦𑀸𑀫𑀺𑀓𑁂 𑀢𑀸𑀯-𑀇𑀫 𑀲𑀫𑀸𑀦 𑀅𑀧𑀭𑀇𑀘𑁆𑀘𑁂𑀢𑁂𑀳𑀺 𑀚𑁆𑀚𑀚𑁆𑀚𑀼 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺, 𑀇𑀫 𑀲𑀫𑀸𑀦𑀲𑀤𑁆𑀤𑀸𑀦𑀜𑁆𑀘 𑀅𑀓𑀸𑀭𑀲𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺. 𑀇𑀫𑀲𑁆𑀫𑀺𑀁 𑀓𑀸𑀮𑁂 𑀅𑀚𑁆𑀚, 𑀅𑀚𑁆𑀚𑀼, 𑀲𑀫𑀸𑀦𑁂 𑀓𑀸𑀮𑁂 𑀲𑀚𑁆𑀚, 𑀲𑀚𑁆𑀚𑀼, 𑀅𑀧𑀭𑀲𑁆𑀫𑀺𑀁 𑀓𑀸𑀮𑁂 𑀅𑀧𑀭𑀚𑁆𑀚, 𑀅𑀧𑀭𑀚𑁆𑀚𑀼.
𑀲𑀫𑀸𑀲𑁂 𑀢𑀸𑀯 𑁋 𑀪𑀽𑀫𑀺𑀕𑀢𑁄, 𑀅𑀧𑀸𑀬𑀕𑀢𑁄, 𑀇𑀲𑁆𑀲𑀭𑀓𑀢𑀁. 𑀲𑀮𑁆𑀮𑀯𑀺𑀤𑁆𑀥𑁄, 𑀓𑀣𑀺𑀦𑀤𑀼𑀲𑁆𑀲𑀁, 𑀘𑁄𑀭𑀪𑀬𑀁, 𑀥𑀜𑁆𑀜𑀭𑀸𑀲𑀺, 𑀲𑀁𑀲𑀸𑀭𑀤𑀼𑀓𑁆𑀔𑀁, 𑀧𑀼𑀩𑁆𑀩𑀸𑀧𑀭𑀁.
𑀢𑀤𑁆𑀥𑀺𑀢𑁂 ¶ 𑀢𑀸𑀯 𑁋 𑀯𑀸𑀲𑀺𑀝𑁆𑀞𑁄, 𑀪𑀸𑀭𑀤𑁆𑀯𑀸𑀚𑁄, 𑀪𑀕𑁆𑀕𑀯𑁄, 𑀧𑀡𑁆𑀟𑀯𑁄, 𑀓𑀸𑀮𑁂𑀬𑁆𑀬𑁄.
𑀆𑀔𑁆𑀬𑀸𑀢𑁂 𑀢𑀸𑀯 𑁋 ‘‘𑀅𑀲 𑀪𑀸𑀯𑁂’’𑀢𑀺 𑀥𑀸𑀢𑀼𑀢𑁄 𑀯𑀢𑁆𑀢𑀫𑀸𑀦𑁂𑀲𑀼 𑀏𑀓𑀯𑀘𑀦𑀩𑀳𑀼𑀯𑀘𑀦𑁂𑀲𑀼 𑀏𑀓𑀯𑀘𑀦𑀲𑁆𑀲 𑀢𑀺𑀲𑁆𑀲 𑀲𑁆𑀲𑁄 𑀳𑁄𑀢𑀺 𑀅𑀦𑁆𑀢𑁂𑀦 𑀲𑀳, 𑀩𑀳𑀼𑀯𑀘𑀦𑀲𑁆𑀲 𑀅𑀦𑁆𑀢𑀺𑀲𑁆𑀲 𑀲𑁆𑀲𑀼 𑀳𑁄𑀢𑀺 𑀅𑀦𑁆𑀢𑁂𑀦 𑀲𑀳. 𑀏𑀯𑀫𑀲𑁆𑀲 𑀯𑀘𑀦𑀻𑀬𑁄, 𑀏𑀯𑀫𑀲𑁆𑀲𑀼 𑀯𑀘𑀦𑀻𑀬𑀸.
𑀆𑀡𑀢𑁆𑀢𑀺𑀬𑀁 𑀳𑀺𑀲𑁆𑀲 𑀲𑁆𑀲𑀼 𑀳𑁄𑀢𑀺 𑀯𑀸, 𑀕𑀘𑁆𑀙𑀲𑁆𑀲𑀼, 𑀕𑀘𑁆𑀙𑀸𑀳𑀺.
𑀓𑀺𑀢𑀓𑁂 𑀢𑀸𑀯 𑁋 𑀯𑀤 𑀳𑀦𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀓𑀧𑀘𑁆𑀘𑀬𑁄 𑀳𑁄𑀢𑀺, 𑀯𑀤𑀲𑁆𑀲 𑀘 𑀯𑀸𑀤𑁄 𑀳𑁄𑀢𑀺, 𑀳𑀦𑀲𑁆𑀲 𑀘 𑀖𑀸𑀢𑁄 𑀳𑁄𑀢𑀺. 𑀯𑀸𑀤𑀓𑁄, 𑀖𑀸𑀢𑀓𑁄.
𑀦𑀝𑀥𑀸𑀢𑀼𑀢𑁄 𑀢𑀧𑀜𑁆𑀘𑀬𑀲𑁆𑀲 𑀘𑁆𑀘 𑀝𑁆𑀝𑀸𑀤𑁂𑀲𑀸 𑀳𑁄𑀦𑁆𑀢𑀺 𑀅𑀦𑁆𑀢𑁂𑀦 𑀲𑀳. 𑀦𑀘𑁆𑀘𑀁, 𑀦𑀝𑁆𑀝𑀁. 𑀇𑀘𑁆𑀘𑁂𑀯𑀫𑀸𑀤𑀬𑁄 𑀦𑀺𑀧𑀸𑀢𑀦𑀸 𑀲𑀺𑀚𑁆𑀛𑀦𑁆𑀢𑀺.
𑁫𑁭𑁨, 𑁬𑁨𑁫. 𑀲𑀸𑀲 𑀤𑀺𑀲𑀢𑁄 𑀢𑀲𑁆𑀲 𑀭𑀺𑀝𑁆𑀞𑁄 𑀘.
𑀲𑀸𑀲 𑀤𑀺𑀲𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀭𑀺𑀝𑁆𑀞𑀸𑀤𑁂𑀲𑁄 𑀳𑁄𑀢𑀺 𑀞𑀸𑀦𑁂.
𑀅𑀦𑀼𑀲𑀺𑀝𑁆𑀞𑁄 𑀲𑁄 𑀫𑀬𑀸, 𑀤𑀺𑀝𑁆𑀞𑀁 𑀫𑁂 𑀭𑀽𑀧𑀁.
𑀘𑀕𑁆𑀕𑀳𑀡𑁂𑀦 ¶ 𑀓𑀺𑀘𑁆𑀘𑀢𑀓𑀸𑀭𑀲𑁆𑀲 𑀘 𑀢𑀼𑀁 𑀧𑀘𑁆𑀘𑀬𑀲𑁆𑀲 𑀘 𑀭𑀝𑁆𑀞𑀭𑀝𑁆𑀞𑀼𑀁𑀆𑀤𑁂𑀲𑀸 𑀳𑁄𑀦𑁆𑀢𑀺. 𑀤𑀲𑁆𑀲𑀦𑀻𑀬𑀁 𑀤𑀝𑁆𑀞𑀩𑁆𑀩𑀁. 𑀤𑀝𑁆𑀞𑀼𑀁 𑀯𑀺𑀳𑀸𑀭𑀁 𑀕𑀘𑁆𑀙𑀦𑁆𑀢𑀺 𑀲𑀫𑀡𑀸𑀦𑀁.
𑁫𑁭𑁩, 𑁬𑁨𑁬. 𑀲𑀸𑀤𑀺𑀲𑀦𑁆𑀢 𑀧𑀼𑀘𑁆𑀙 𑀪𑀦𑁆𑀚 𑀳𑀦𑁆𑀲𑀸𑀤𑀻𑀳𑀺𑀝𑁆𑀞𑁄.
𑀲𑀓𑀸𑀭𑀦𑁆𑀢 𑀧𑀼𑀘𑁆𑀙 𑀪𑀦𑁆𑀚 𑀳𑀦𑁆𑀲 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀲𑀳𑀸𑀤𑀺𑀩𑁆𑀬𑀜𑁆𑀚𑀦𑁂𑀦 𑀝𑁆𑀞𑀸𑀤𑁂𑀲𑁄 𑀳𑁄𑀢𑀺 𑀞𑀸𑀦𑁂.
𑀢𑀼𑀝𑁆𑀞𑁄, 𑀅𑀳𑀺𑀦𑀸 𑀤𑀝𑁆𑀞𑁄 𑀦𑀭𑁄, 𑀫𑀬𑀸 𑀧𑀼𑀝𑁆𑀞𑁄, 𑀪𑀝𑁆𑀞𑁄, 𑀧𑀪𑀝𑁆𑀞𑁄, 𑀳𑀝𑁆𑀞𑁄, 𑀧𑀳𑀝𑁆𑀞𑁄, 𑀬𑀺𑀝𑁆𑀞𑁄. 𑀏𑀯𑀫𑀜𑁆𑀜𑁂𑀧𑀺 𑀥𑀸𑀢𑀯𑁄 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀸.
𑀯𑀲𑀇𑀘𑁆𑀘𑁂𑀢𑀫𑁆𑀳𑀸 𑀥𑀸𑀢𑀼𑀫𑁆𑀳𑀸 𑀢𑀓𑀸𑀭𑀧𑀘𑁆𑀘𑀬𑀲𑁆𑀲 𑀲𑀳𑀸𑀤𑀺𑀩𑁆𑀬𑀜𑁆𑀚𑀦𑁂𑀦 𑀉𑀝𑁆𑀞𑀸𑀤𑁂𑀲𑁄 𑀳𑁄𑀢𑀺 𑀞𑀸𑀦𑁂.
𑀯𑀲𑁆𑀲𑀁𑀯𑀼𑀝𑁆𑀞𑁄.
𑀯𑀲𑀲𑁆𑀲𑁂𑀯 𑀥𑀸𑀢𑀼𑀲𑁆𑀲 𑀢𑀧𑀘𑁆𑀘𑀬𑁂 𑀧𑀭𑁂 𑀯𑀓𑀸𑀭𑀲𑁆𑀲 𑀉𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀯𑀼𑀲𑀺𑀢𑀁 𑀩𑁆𑀭𑀳𑁆𑀫𑀘𑀭𑀺𑀬𑀁, 𑀉𑀝𑁆𑀞𑁄. 𑀯𑀼𑀞𑁄 𑀯𑀸.
𑁫𑁭𑁬, 𑁬𑁦𑁭. 𑀥 ¶ 𑀠 𑀪 𑀬𑁂 𑀳𑀺 𑀥 𑀠𑀸 𑀘.
𑀥 𑀠 𑀪 𑀳𑀇𑀘𑁆𑀘𑁂𑀯𑀫𑀦𑁆𑀢𑁂𑀳𑀺 𑀥𑀸𑀢𑀽𑀳𑀺 𑀢𑀓𑀸𑀭𑀧𑀘𑁆𑀘𑀬𑀲𑁆𑀲 𑀬𑀣𑀸𑀓𑁆𑀓𑀫𑀁 𑀥 𑀠𑀸𑀤𑁂𑀲𑀸 𑀳𑁄𑀦𑁆𑀢𑀺.
𑀬𑀣𑀸? 𑀩𑀼𑀤𑁆𑀥𑁄 𑀪𑀕𑀯𑀸, 𑀯𑀟𑁆𑀠𑁄 𑀪𑀺𑀓𑁆𑀔𑀼, 𑀮𑀤𑁆𑀥𑀁 𑀫𑁂 𑀧𑀢𑁆𑀣𑀘𑀻𑀯𑀭𑀁, 𑀅𑀕𑁆𑀕𑀺𑀦𑀸 𑀤𑀟𑁆𑀠𑀁 𑀯𑀦𑀁.
𑀪𑀦𑁆𑀚𑀢𑁄 𑀥𑀸𑀢𑀼𑀫𑁆𑀳𑀸 𑀢𑀓𑀸𑀭𑀧𑀘𑁆𑀘𑀬𑀲𑁆𑀲 𑀕𑁆𑀕𑁄 𑀆𑀤𑁂𑀲𑁄 𑀳𑁄𑀢𑀺 𑀲𑀳𑀸𑀤𑀺𑀩𑁆𑀬𑀜𑁆𑀚𑀦𑁂𑀦.
𑀪𑀕𑁆𑀕𑁄.
𑁫𑁭𑁮, 𑁫𑁬𑁦. 𑀪𑀼𑀚𑀸𑀤𑀻𑀦𑀫𑀦𑁆𑀢𑁄 𑀦𑁄 𑀤𑁆𑀯𑀺 𑀘.
𑀪𑀼𑀚𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑁄 𑀦𑁄 𑀳𑁄𑀢𑀺, 𑀢𑀧𑀘𑁆𑀘𑀬𑀲𑁆𑀲 𑀘 𑀤𑁆𑀯𑀺𑀢𑀸𑀯𑁄 𑀳𑁄𑀢𑀺.
𑀪𑀼𑀢𑁆𑀢𑁄, 𑀪𑀼𑀢𑁆𑀢𑀸𑀯𑀻, 𑀘𑀢𑁆𑀢𑁄, 𑀲𑀢𑁆𑀢𑁄, 𑀭𑀢𑁆𑀢𑁄, 𑀬𑀼𑀢𑁆𑀢𑁄, 𑀯𑀺𑀯𑀺𑀢𑁆𑀢𑁄.
𑀯𑀘𑀇𑀘𑁆𑀘𑁂𑀢𑀲𑁆𑀲 ¶ 𑀥𑀸𑀢𑁆𑀯𑀲𑁆𑀲 𑀯𑀓𑀸𑀭𑀲𑁆𑀲 𑀉𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀅𑀦𑁆𑀢𑁄 𑀘𑀓𑀸𑀭𑁄 𑀦𑁄 𑀳𑁄𑀢𑀺, 𑀢𑀧𑀘𑁆𑀘𑀬𑀲𑁆𑀲 𑀘 𑀤𑁆𑀯𑁂𑀪𑀸𑀯𑁄 𑀳𑁄𑀢𑀺 𑀯𑀸.
𑀯𑀼𑀢𑁆𑀢𑀁 𑀪𑀕𑀯𑀢𑀸, 𑀉𑀢𑁆𑀢𑀁 𑀯𑀸.
𑀕𑀼𑀧𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑁄 𑀘 𑀩𑁆𑀬𑀜𑁆𑀚𑀦𑁄 𑀦𑁄 𑀳𑁄𑀢𑀺, 𑀢𑀧𑀘𑁆𑀘𑀬𑀲𑁆𑀲 𑀘 𑀤𑁆𑀯𑁂𑀪𑀸𑀯𑁄 𑀳𑁄𑀢𑀺.
𑀲𑀼𑀕𑀼𑀢𑁆𑀢𑁄, 𑀘𑀢𑁆𑀢𑁄, 𑀮𑀺𑀢𑁆𑀢𑁄, 𑀲𑀦𑁆𑀢𑀢𑁆𑀢𑁄, 𑀉𑀢𑁆𑀢𑁄, 𑀯𑀺𑀯𑀺𑀢𑁆𑀢𑁄, 𑀲𑀺𑀢𑁆𑀢𑁄. 𑀏𑀯𑀫𑀜𑁆𑀜𑁂𑀧𑀺 𑀬𑁄𑀚𑁂𑀢𑀩𑁆𑀩𑀸.
𑀢𑀭𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀇𑀡𑁆𑀡𑀸𑀤𑁂𑀲𑁄 𑀳𑁄𑀢𑀺, 𑀅𑀦𑁆𑀢𑁄 𑀘 𑀩𑁆𑀬𑀜𑁆𑀚𑀦𑁄 𑀦𑁄 𑀳𑁄𑀢𑀺.
𑀢𑀭𑀢𑀻𑀢𑀺 𑀢𑀺𑀡𑁆𑀡𑁄, 𑀉𑀢𑁆𑀢𑀭𑀢𑀻𑀢𑀺 𑀉𑀢𑁆𑀢𑀺𑀡𑁆𑀡𑁄, 𑀲𑀁𑀧𑀽𑀭𑀢𑀻𑀢𑀺 𑀲𑀫𑁆𑀧𑀼𑀡𑁆𑀡𑁄, 𑀢𑀼𑀭𑀢𑀻𑀢𑀺 𑀢𑀼𑀡𑁆𑀡𑁄, 𑀧𑀭𑀺𑀚𑀻𑀭𑀢𑀻𑀢𑀺 𑀧𑀭𑀺𑀚𑀺𑀡𑁆𑀡𑁄, 𑀆𑀓𑀺𑀭𑀢𑀻𑀢𑀺 𑀆𑀓𑀺𑀡𑁆𑀡𑁄.
𑁫𑁮𑁨, 𑁬𑁩𑁧. 𑀪𑀺𑀤𑀸𑀤𑀺𑀢𑁄 ¶ 𑀇𑀦𑁆𑀦 𑀅𑀦𑁆𑀦 𑀈𑀡𑀸𑀯𑀸.
𑀪𑀺𑀤𑀺𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀇𑀦𑁆𑀦 𑀅𑀦𑁆𑀦 𑀈𑀡𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸, 𑀅𑀦𑁆𑀢𑁄 𑀘 𑀩𑁆𑀬𑀜𑁆𑀚𑀦𑁄 𑀦𑁄 𑀳𑁄𑀢𑀺.
𑀪𑀺𑀦𑁆𑀤𑀺𑀢𑀩𑁆𑀩𑁄𑀢𑀺 𑀪𑀺𑀦𑁆𑀦𑁄, 𑀙𑀺𑀦𑁆𑀤𑀻𑀬𑀢𑀻𑀢𑀺 𑀙𑀺𑀦𑁆𑀦𑁄, 𑀉𑀘𑁆𑀙𑀺𑀦𑁆𑀤𑀻𑀬𑀺𑀢𑁆𑀣𑀸𑀢𑀺 𑀉𑀘𑁆𑀙𑀺𑀦𑁆𑀦𑁄, 𑀤𑀻𑀬𑀢𑀻𑀢𑀺 𑀤𑀺𑀦𑁆𑀦𑁄, 𑀦𑀺𑀲𑀻𑀤𑀢𑀻𑀢𑀺 𑀦𑀺𑀲𑀺𑀦𑁆𑀦𑁄, 𑀲𑀼𑀝𑁆𑀞𑀼 𑀙𑀸𑀤𑀻𑀬𑀢𑀻𑀢𑀺 𑀲𑀼𑀙𑀦𑁆𑀦𑁄, 𑀔𑀺𑀤𑀢𑀻𑀢𑀺 𑀔𑀺𑀦𑁆𑀦𑁄, 𑀭𑁄𑀤𑀢𑀻𑀢𑀺 𑀭𑀼𑀦𑁆𑀦𑁄, 𑀔𑀻𑀡𑀸 𑀚𑀸𑀢𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀪𑀺𑀚𑁆𑀚𑀢𑀻𑀢𑀺 𑀪𑀺𑀢𑁆𑀢𑀺.
𑁫𑁮𑁩, 𑁬𑁧𑁭. 𑀲𑀼𑀲 𑀧𑀘 𑀲𑀓𑀢𑁄 𑀓𑁆𑀔 𑀓𑁆𑀓𑀸 𑀘.
𑀲𑀼𑀲 𑀧𑀘 𑀲𑀓𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀓𑁆𑀔𑀓𑁆𑀓𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀅𑀦𑁆𑀢𑁄 𑀘 𑀩𑁆𑀬𑀜𑁆𑀚𑀦𑁄 𑀦𑁄 𑀳𑁄𑀢𑀺.
𑀲𑀼𑀲𑁆𑀲𑀢𑀻𑀢𑀺 𑀲𑀼𑀓𑁆𑀔𑀁, 𑀓𑀝𑁆𑀞𑀁, 𑀧𑀘𑁆𑀘𑀢𑀻𑀢𑀺 𑀧𑀓𑁆𑀓𑀁, 𑀨𑀮𑀁. 𑀲𑀓𑀢𑀺 𑀲𑀫𑀢𑁆𑀣𑁂𑀢𑀺, 𑀧𑀽𑀚𑁂𑀢𑀻𑀢𑀺 𑀯𑀸 𑀲𑀓𑁆𑀓𑁄, 𑀲𑀼𑀚𑀫𑁆𑀧𑀢𑀺.
𑀧𑀓𑁆𑀓𑀫𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀦𑁆𑀢𑁄𑀆𑀤𑁂𑀲𑁄 𑀳𑁄𑀢𑀺, 𑀅𑀦𑁆𑀢𑁄 𑀘 𑀦𑁄 𑀳𑁄𑀢𑀺.
𑀧𑀓𑁆𑀓𑀫𑀢𑀻𑀢𑀺 ¶ 𑀧𑀓𑁆𑀓𑀦𑁆𑀢𑁄, 𑀯𑀺𑀩𑁆𑀪𑀫𑀢𑀻𑀢𑀺 𑀯𑀺𑀩𑁆𑀪𑀦𑁆𑀢𑁄, 𑀲𑀗𑁆𑀓𑀦𑁆𑀢𑁄, 𑀔𑀦𑁆𑀢𑁄, 𑀲𑀦𑁆𑀢𑁄, 𑀤𑀦𑁆𑀢𑁄, 𑀯𑀦𑁆𑀢𑁄.
𑀘𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀢𑁂𑀳𑁂𑀯 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲𑀦𑁆𑀢𑀺 𑀳𑁄𑀢𑀺. 𑀅𑀦𑁆𑀢𑁄 𑀘 𑀦𑁄 𑀳𑁄𑀢𑀺. 𑀓𑀦𑁆𑀢𑀺, 𑀔𑀦𑁆𑀢𑀺. 𑀏𑀯𑀁 𑀲𑀩𑁆𑀩𑀢𑁆𑀣.
𑀚𑀦𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀆𑀢𑁆𑀢𑀁 𑀳𑁄𑀢𑀺 𑀢𑀧𑀘𑁆𑀘𑀬𑁂 𑀧𑀭𑁂, 𑀢𑀺𑀫𑁆𑀳𑀺 𑀘.
𑀅𑀚𑀦𑀻𑀢𑀺 𑀚𑀸𑀢𑁄, 𑀚𑀦𑀦𑀁 𑀚𑀸𑀢𑀺.
𑀢𑀺𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀅𑀜𑁆𑀜𑀲𑁆𑀫𑀺𑀫𑁆𑀧𑀺 𑀧𑀘𑁆𑀘𑀬𑁂 𑀧𑀭𑁂 𑀆𑀓𑀸𑀭𑀦𑀺𑀯𑀢𑁆𑀢𑀦𑀢𑁆𑀣𑀁. 𑀚𑀦𑀺𑀢𑁆𑀯𑀸, 𑀚𑀦𑀺𑀢𑀸, 𑀚𑀦𑀺𑀢𑀼𑀁, 𑀚𑀦𑀺𑀢𑀩𑁆𑀩𑀁 𑀇𑀘𑁆𑀘𑁂𑀯𑀫𑀸𑀤𑀺.
𑁫𑁮𑁬, 𑁬𑁦𑁦. 𑀕𑀫 𑀔𑀦 𑀳𑀦 𑀭𑀫𑀸𑀤𑀻𑀦𑀫𑀦𑁆𑀢𑁄.
𑀕𑀫 𑀔𑀦 𑀳𑀦 𑀭𑀫𑀼𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑁄 𑀩𑁆𑀬𑀜𑁆𑀚𑀦𑁄 𑀦𑁄 𑀳𑁄𑀢𑀺 𑀯𑀸 𑀢𑀧𑀘𑁆𑀘𑀬𑁂 𑀧𑀭𑁂 𑀢𑀺𑀫𑁆𑀳𑀺 𑀘.
𑀲𑀼𑀦𑁆𑀤𑀭𑀁 𑀦𑀺𑀩𑁆𑀩𑀸𑀦𑀁 𑀕𑀘𑁆𑀙𑀢𑀻𑀢𑀺 𑀲𑀼𑀕𑀢𑁄. 𑀲𑀼𑀦𑁆𑀤𑀭𑀁 𑀦𑀺𑀩𑁆𑀩𑀸𑀦𑀁 𑀕𑀘𑁆𑀙𑀢𑀻𑀢𑀺 𑀲𑀼𑀕𑀢𑀺, 𑀔𑀢𑀁, 𑀔𑀢𑀺. 𑀉𑀧𑀳𑀢𑀁, 𑀉𑀧𑀳𑀢𑀺. 𑀭𑀢𑁄, 𑀭𑀢𑀺, 𑀫𑀢𑁄, 𑀫𑀢𑀺.
𑀯𑀸𑀢𑀺 ¶ 𑀓𑀺𑀫𑀢𑁆𑀣𑀁? 𑀭𑀫𑀢𑁄, 𑀭𑀫𑀢𑀺.
𑀭𑀓𑀸𑀭𑁄 𑀘 𑀥𑀸𑀢𑀽𑀦𑀫𑀦𑁆𑀢𑀪𑀽𑀢𑁄 𑀦𑁄 𑀳𑁄𑀢𑀺 𑀢𑀧𑀘𑁆𑀘𑀬𑁂, 𑀧𑀭𑁂 𑀢𑀺𑀫𑁆𑀳𑀺 𑀘.
𑀧𑀓𑀸𑀭𑁂𑀦 𑀓𑀭𑀻𑀬𑀢𑀻𑀢𑀺 𑀧𑀓𑀢𑁄, 𑀧𑀞𑀫𑀁 𑀓𑀭𑀻𑀬𑀢𑀻𑀢𑀺 𑀧𑀓𑀢𑀺, 𑀯𑀺𑀲𑀭𑀻𑀬𑀢𑀻𑀢𑀺 𑀯𑀺𑀲𑀢𑁄, 𑀯𑀺𑀲𑀢𑀺.
𑀞𑀸 𑀧𑀸𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀅𑀦𑁆𑀢𑀲𑁆𑀲 𑀆𑀓𑀸𑀭𑀲𑁆𑀲 𑀇𑀓𑀸𑀭 𑀈𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀢𑀧𑀘𑁆𑀘𑀬𑁂 𑀧𑀭𑁂, 𑀢𑀺𑀫𑁆𑀳𑀺 𑀘.
𑀬𑀢𑁆𑀭 𑀞𑀺𑀢𑁄, 𑀞𑀺𑀢𑀺, 𑀧𑀻𑀢𑁄, 𑀧𑀻𑀢𑀺.
𑁫𑁮𑁯, 𑁬𑁨𑁧. 𑀳𑀦𑁆𑀢𑁂𑀳𑀺 𑀳𑁄 𑀳𑀲𑁆𑀲 𑀴𑁄 𑀯𑀸 𑀅𑀤𑀳𑀦𑀳𑀸𑀦𑀁.
𑀳𑀓𑀸𑀭𑀦𑁆𑀢𑁂𑀳𑀺 𑀥𑀸𑀢𑀽𑀳𑀺 𑀢𑀧𑀘𑁆𑀘𑀬𑀲𑁆𑀲 𑀳𑀓𑀸𑀭𑀸𑀤𑁂𑀲𑁄 𑀳𑁄𑀢𑀺, 𑀳𑀓𑀸𑀭𑀲𑁆𑀲 𑀥𑀸𑀢𑁆𑀯𑀦𑁆𑀢𑀲𑁆𑀲 𑀴𑁄 𑀳𑁄𑀢𑀺 𑀯𑀸 𑀅𑀤𑀳𑀦𑀳𑀸𑀦𑀁.
𑀆𑀭𑀼𑀳𑀺𑀢𑁆𑀣𑀸𑀢𑀺 𑀆𑀭𑀼𑀴𑁆𑀳𑁄. 𑀕𑀸𑀴𑁆𑀳𑁄, 𑀩𑀸𑀴𑁆𑀳𑁄. 𑀫𑀽𑀴𑁄.
𑀅𑀤𑀳𑀦𑀳𑀸𑀦𑀫𑀺𑀢𑀺 ¶ 𑀓𑀺𑀫𑀢𑁆𑀣𑀁? 𑀤𑀬𑁆𑀳𑀢𑀻𑀢𑀺 𑀤𑀟𑁆𑀠𑁄, 𑀲𑀁𑀲𑀼𑀝𑁆𑀞𑀼 𑀦𑀬𑁆𑀳𑀢𑀻𑀢𑀺 𑀲𑀦𑁆𑀦𑀤𑁆𑀥𑁄.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀢𑀢𑀺𑀬𑁄 𑀓𑀡𑁆𑀟𑁄.
𑀘𑀢𑀼𑀢𑁆𑀣𑀓𑀡𑁆𑀟
𑁫𑁯𑁦, 𑁫𑁭𑁯. 𑀡𑀫𑁆𑀳𑀺𑀭𑀦𑁆𑀚𑀲𑁆𑀲 𑀚𑁄 𑀪𑀸𑀯𑀓𑀭𑀡𑁂𑀲𑀼.
𑀡𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂 𑀭𑀦𑁆𑀚𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑀪𑀽𑀢𑀲𑁆𑀲 𑀦𑁆𑀚𑀓𑀸𑀭𑀲𑁆𑀲 𑀚𑁄𑀆𑀤𑁂𑀲𑁄 𑀳𑁄𑀢𑀺 𑀪𑀸𑀯𑀓𑀭𑀡𑁂𑀲𑀼.
𑀭𑀜𑁆𑀚𑀦𑀁 𑀭𑀸𑀕𑁄, 𑀭𑀦𑁆𑀚𑀦𑁆𑀢𑀺 𑀏𑀢𑁂𑀦𑀸𑀢𑀺 𑀭𑀸𑀕𑁄.
𑀪𑀸𑀯𑀓𑀭𑀡𑁂𑀲𑀽𑀢𑀺 𑀓𑀺𑀫𑀢𑁆𑀣𑀁? 𑀭𑀦𑁆𑀚𑀢𑀻𑀢𑀺 𑀭𑀗𑁆𑀕𑁄.
𑀳𑀦𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀖𑀸𑀢𑀸𑀤𑁂𑀲𑁄 𑀳𑁄𑀢𑀺 𑀡𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀉𑀧𑀳𑀦𑀢𑀻𑀢𑀺 𑀉𑀧𑀖𑀸𑀢𑁄, 𑀕𑀸𑀯𑁄 𑀳𑀦𑀢𑀻𑀢𑀺 𑀕𑁄𑀖𑀸𑀢𑀓𑁄.
𑁫𑁯𑁨, 𑁫𑁦𑁩. 𑀯𑀥𑁄 ¶ 𑀯𑀸 𑀲𑀩𑁆𑀩𑀢𑁆𑀣.
𑀳𑀦𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀯𑀥𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀲𑀩𑁆𑀩𑀢𑁆𑀣 𑀞𑀸𑀦𑁂𑀲𑀼.
𑀳𑀦𑀢𑀻𑀢𑀺 𑀯𑀥𑁄, 𑀯𑀥𑀓𑁄, 𑀅𑀯𑀥𑀺, 𑀅𑀳𑀦𑀺 𑀯𑀸.
𑀆𑀓𑀸𑀭𑀦𑁆𑀢𑀸𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑀲𑁆𑀲 𑀆𑀓𑀸𑀭𑀲𑁆𑀲 𑀆𑀬𑀸𑀤𑁂𑀲𑁄 𑀳𑁄𑀢𑀺 𑀡𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀤𑀤𑀸𑀢𑀻𑀢𑀺 𑀤𑀸𑀬𑀓𑁄, 𑀤𑀸𑀦𑀁 𑀤𑀸𑀢𑀼𑀁 𑀲𑀻𑀮𑀁 𑀬𑀲𑁆𑀲𑀸𑀢𑀺 𑀤𑀸𑀦𑀤𑀸𑀬𑀻, 𑀫𑀚𑁆𑀚𑀁 𑀤𑀸𑀢𑀼𑀁 𑀲𑀻𑀮𑀁 𑀬𑀲𑁆𑀲𑀸𑀢𑀺 𑀫𑀚𑁆𑀚𑀤𑀸𑀬𑀻, 𑀦𑀕𑀭𑀁 𑀬𑀸𑀢𑀼𑀁 𑀲𑀻𑀮𑀁 𑀬𑀲𑁆𑀲𑀸𑀢𑀺 𑀦𑀕𑀭𑀬𑀸𑀬𑀻.
𑁫𑁯𑁪, 𑁫𑁮𑁨. 𑀧𑀼𑀭 𑀲𑀫𑀼𑀧 𑀧𑀭𑀻𑀳𑀺 𑀓𑀭𑁄𑀢𑀺𑀲𑁆𑀲 𑀔 𑀔𑀭𑀸 𑀯𑀸 𑀢𑀧𑁆𑀧𑀘𑁆𑀘𑀬𑁂𑀲𑀼𑀘.
𑀧𑀼𑀭 𑀲𑀁 𑀉𑀧 𑀧𑀭𑀺𑀇𑀘𑁆𑀘𑁂𑀢𑁂𑀳𑀺 𑀓𑀭𑁄𑀢𑀺𑀲𑁆𑀲 𑀥𑀸𑀢𑀼𑀲𑁆𑀲 𑀔 𑀔𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀢𑀧𑀘𑁆𑀘𑀬𑁂 𑀧𑀭𑁂, 𑀡𑀫𑁆𑀳𑀺 𑀘.
𑀧𑀼𑀭𑁂 𑀓𑀭𑀻𑀬𑀢𑀻𑀢𑀺 𑀧𑀼𑀭𑀓𑁆𑀔𑀢𑁄, 𑀲𑀫𑁆𑀫𑀸 𑀓𑀭𑀻𑀬𑀢𑀻𑀢𑀺 𑀲𑀗𑁆𑀔𑀢𑁄, 𑀉𑀧𑀕𑀦𑁆𑀢𑁆𑀯𑀸 𑀓𑀭𑀻𑀬𑀢𑀻𑀢𑀺 𑀉𑀧𑀓𑁆𑀔𑀢𑁄, 𑀧𑀭𑀺𑀲𑀫𑀦𑁆𑀢𑀢𑁄 𑀓𑀭𑁄𑀢𑀻𑀢𑀺 𑀧𑀭𑀺𑀓𑁆𑀔𑀸𑀭𑁄, 𑀲𑀁𑀓𑀭𑀻𑀬𑀢𑀻𑀢𑀺 𑀲𑀗𑁆𑀔𑀸𑀭𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀉𑀧𑀕𑀦𑁆𑀢𑁆𑀯𑀸 𑀓𑀭𑁄𑀢𑀻𑀢𑀺 𑀉𑀧𑀓𑀸𑀭𑁄.
𑁫𑁯𑁫, 𑁬𑁩𑁭. 𑀢𑀯𑁂 ¶ 𑀢𑀼𑀦𑀸𑀤𑀻𑀲𑀼 𑀓𑀸.
𑀢𑀯𑁂 𑀢𑀼𑀦𑀇𑀘𑁆𑀘𑁂𑀯𑀫𑀸𑀤𑀻𑀲𑀼 𑀧𑀘𑁆𑀘𑀬𑁂𑀲𑀼 𑀓𑀭𑁄𑀢𑀺𑀲𑁆𑀲 𑀥𑀸𑀢𑀼𑀲𑁆𑀲 𑀓𑀸𑀆𑀤𑁂𑀲𑁄 𑀳𑁄𑀢𑀺 𑀯𑀸.
𑀓𑀸𑀢𑀯𑁂, 𑀓𑀸𑀢𑀼𑀁, 𑀓𑀢𑁆𑀢𑀼𑀁 𑀯𑀸, 𑀓𑀸𑀢𑀼𑀦, 𑀓𑀢𑁆𑀢𑀼𑀦 𑀯𑀸.
𑁫𑁯𑁬, 𑁫𑁫𑁧. 𑀕𑀫 𑀔𑀦 𑀳𑀦𑀸𑀤𑀻𑀦𑀁 𑀢𑀼𑀁 𑀢𑀩𑁆𑀩𑀸𑀤𑀻𑀲𑀼 𑀦.
𑀕𑀫 𑀔𑀦 𑀳𑀦𑀇𑀘𑁆𑀘𑁂𑀯𑀫𑀸𑀤𑀻𑀦𑀁 𑀥𑀸𑀢𑀽𑀦𑀁 𑀅𑀦𑁆𑀢𑀲𑁆𑀲 𑀦𑀓𑀸𑀭𑁄 𑀳𑁄𑀢𑀺 𑀯𑀸 𑀢𑀼𑀁 𑀢𑀩𑁆𑀩𑀸𑀤𑀻𑀲𑀼 𑀧𑀘𑁆𑀘𑀬𑁂𑀲𑀼.
𑀕𑀦𑁆𑀢𑀼𑀁, 𑀕𑀫𑀺𑀢𑀼𑀁, 𑀕𑀦𑁆𑀢𑀩𑁆𑀩𑀁, 𑀕𑀫𑀺𑀢𑀩𑁆𑀩𑀁. 𑀔𑀦𑁆𑀢𑀼𑀁. 𑀔𑀦𑀺𑀢𑀼𑀁, 𑀔𑀦𑁆𑀢𑀩𑁆𑀩𑀁, 𑀔𑀦𑀺𑀢𑀩𑁆𑀩𑀁. 𑀳𑀦𑁆𑀢𑀼𑀁, 𑀳𑀦𑀺𑀢𑀼𑀁, 𑀳𑀦𑁆𑀢𑀩𑁆𑀩𑀁. 𑀳𑀦𑀺𑀢𑀩𑁆𑀩𑀁. 𑀫𑀦𑁆𑀢𑀼𑀁, 𑀫𑀦𑀺𑀢𑀼𑀁, 𑀫𑀦𑁆𑀢𑀩𑁆𑀩𑀁, 𑀫𑀦𑀺𑀢𑀩𑁆𑀩𑀁.
𑀆𑀤𑀺𑀕𑁆𑀕𑀳𑀡𑀁 𑀓𑀺𑀫𑀢𑁆𑀣𑀁? 𑀢𑀼𑀦𑀕𑁆𑀕𑀳𑀡𑀢𑁆𑀣𑀁. 𑀕𑀦𑁆𑀢𑀼𑀦, 𑀔𑀦𑁆𑀢𑀼𑀦, 𑀳𑀦𑁆𑀢𑀼𑀦, 𑀫𑀦𑁆𑀢𑀼𑀦.
𑁫𑁯𑁭, 𑁬𑁪𑁧. 𑀲𑀩𑁆𑀩𑁂𑀳𑀺 𑀢𑀼𑀦𑀸𑀤𑀻𑀦𑀁 𑀬𑁄.
𑀲𑀩𑁆𑀩𑁂𑀳𑀺 𑀥𑀸𑀢𑀽𑀳𑀺 𑀢𑀼𑀦𑀸𑀤𑀻𑀦𑀁 𑀧𑀘𑁆𑀘𑀬𑀸𑀦𑀁 𑀬𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀅𑀪𑀺𑀯𑀦𑁆𑀤𑀺𑀬, 𑀅𑀪𑀺𑀯𑀦𑁆𑀤𑀺𑀢𑁆𑀯𑀸, 𑀑𑀳𑀸𑀬, 𑀑𑀳𑀺𑀢𑁆𑀯𑀸, 𑀉𑀧𑀦𑀻𑀬, 𑀉𑀧𑀦𑁂𑀢𑁆𑀯𑀸, 𑀧𑀲𑁆𑀲𑀺𑀬, 𑀧𑀲𑁆𑀲𑀺𑀢𑁆𑀯𑀸, 𑀉𑀤𑁆𑀤𑀺𑀲𑁆𑀲, 𑀉𑀤𑁆𑀤𑀺𑀲𑀺𑀢𑁆𑀯𑀸, 𑀆𑀤𑀸𑀬, 𑀆𑀤𑀺𑀬𑀺𑀢𑁆𑀯𑀸.
𑁫𑁯𑁮, 𑁬𑁪𑁩. 𑀘𑀦𑀦𑁆𑀢𑁂𑀳𑀺 ¶ 𑀭𑀘𑁆𑀘𑀁.
𑀘𑀓𑀸𑀭𑀦𑀓𑀸𑀭𑀦𑁆𑀢𑁂𑀳𑀺 𑀥𑀸𑀢𑀽𑀳𑀺 𑀢𑀼𑀦𑀸𑀤𑀻𑀦𑀁 𑀧𑀘𑁆𑀘𑀬𑀸𑀦𑀁 𑀭𑀘𑁆𑀘𑀸𑀤𑁂𑀲𑁄 𑀳𑁄𑀢𑀺 𑀯𑀸.
𑀯𑀺𑀯𑀺𑀘𑁆𑀘, 𑀆𑀳𑀘𑁆𑀘, 𑀉𑀳𑀘𑁆𑀘.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀳𑀦𑁆𑀢𑁆𑀯𑀸.
𑁫𑁯𑁯, 𑁬𑁪𑁪. 𑀤𑀺𑀲𑀸 𑀲𑁆𑀯𑀸𑀦 𑀲𑁆𑀯𑀸𑀦𑁆𑀢𑀮𑁄𑀧𑁄 𑀘.
𑀤𑀺𑀲𑀇𑀘𑁆𑀘𑁂𑀢𑀸𑀬 𑀥𑀸𑀢𑀼𑀬𑀸 𑀢𑀼𑀦𑀸𑀤𑀻𑀦𑀁 𑀧𑀘𑁆𑀘𑀬𑀸𑀦𑀁 𑀲𑁆𑀯𑀸𑀦𑀲𑁆𑀯𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀅𑀦𑁆𑀢𑀮𑁄𑀧𑁄 𑀘.
𑀤𑀺𑀲𑁆𑀯𑀸𑀦, 𑀤𑀺𑀲𑁆𑀯𑀸.
𑁬𑁦𑁦, 𑁬𑁪𑁫. 𑀫 𑀳 𑀤 𑀪𑁂𑀳𑀺 𑀫𑁆𑀫 𑀬𑁆𑀳 𑀚𑁆𑀚 𑀩𑁆𑀪 𑀤𑁆𑀥𑀸 𑀘.
𑀫 𑀳 𑀤 𑀪 𑀇𑀘𑁆𑀘𑁂𑀯𑀫𑀦𑁆𑀢𑁂𑀳𑀺 𑀥𑀸𑀢𑀽𑀳𑀺 𑀢𑀼𑀦𑀸𑀤𑀻𑀦𑀁 𑀧𑀘𑁆𑀘𑀬𑀸𑀦𑀁 𑀫𑁆𑀫 𑀬𑁆𑀳 𑀚𑁆𑀚 𑀩𑁆𑀪 𑀤𑁆𑀥𑀸 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀯𑀸 𑀅𑀦𑁆𑀢𑀮𑁄𑀧𑁄 𑀘.
𑀆𑀕𑀫𑁆𑀫, 𑀆𑀕𑀫𑀺𑀢𑁆𑀯𑀸, 𑀑𑀓𑁆𑀓𑀫𑁆𑀫. 𑀑𑀓𑁆𑀓𑀫𑀺𑀢𑁆𑀯𑀸, 𑀧𑀕𑁆𑀕𑀬𑁆𑀳, 𑀧𑀕𑁆𑀕𑀡𑁆𑀳𑀺𑀢𑁆𑀯𑀸, 𑀉𑀧𑁆𑀧𑀚𑁆𑀚, 𑀉𑀧𑁆𑀧𑀚𑁆𑀚𑀺𑀢𑁆𑀯𑀸, 𑀆𑀭𑀩𑁆𑀪, 𑀆𑀭𑀪𑀺𑀢𑁆𑀯𑀸, 𑀆𑀭𑀤𑁆𑀥, 𑀆𑀭𑀪𑀺𑀢𑁆𑀯𑀸.
𑁬𑁦𑁧, 𑁩𑁩𑁪. 𑀢𑀤𑁆𑀥𑀺𑀢𑀲𑀫𑀸𑀲𑀓𑀺𑀢𑀓𑀸 ¶ 𑀦𑀸𑀫𑀁 𑀯𑀸’ 𑀢𑀯𑁂 𑀢𑀼𑀦𑀸𑀤𑀻𑀲𑀼 𑀘.
𑀢𑀤𑁆𑀥𑀺𑀢𑀲𑀫𑀸𑀲𑀓𑀺𑀢𑀓𑀇𑀘𑁆𑀘𑁂𑀯𑀫𑀦𑁆𑀢𑀸 𑀲𑀤𑁆𑀤𑀸𑀦𑀸𑀫𑀁𑀯 𑀤𑀝𑁆𑀞𑀩𑁆𑀩𑀸 𑀢𑀯𑁂 𑀢𑀼𑀦 𑀢𑁆𑀯𑀸𑀦 𑀢𑁆𑀯𑀸𑀤𑀺𑀧𑀘𑁆𑀘𑀬𑀦𑁆𑀢𑁂 𑀯𑀚𑁆𑀚𑁂𑀢𑁆𑀯𑀸.
𑀯𑀸𑀲𑀺𑀝𑁆𑀞𑁄, 𑀧𑀢𑁆𑀢𑀥𑀫𑁆𑀫𑁄, 𑀓𑀼𑀫𑁆𑀪𑀓𑀸𑀭𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀤𑀼𑀫𑁆𑀳𑀺 𑀅𑀓𑁆𑀔𑀭𑁂 𑀬𑁄 𑀧𑀼𑀩𑁆𑀩𑁄 𑀅𑀓𑁆𑀔𑀭𑁄, 𑀲𑁄 𑀕𑀭𑀼𑀓𑁄𑀯 𑀤𑀝𑁆𑀞𑀩𑁆𑀩𑁄.
𑀪𑀺𑀢𑁆𑀯𑀸, 𑀙𑀺𑀢𑁆𑀯𑀸, 𑀤𑀢𑁆𑀯𑀸, 𑀳𑀼𑀢𑁆𑀯𑀸.
𑀤𑀻𑀖𑁄 𑀘 𑀲𑀭𑁄 𑀕𑀭𑀼𑀓𑁄𑀯 𑀤𑀝𑁆𑀞𑀩𑁆𑀩𑁄.
𑀆𑀳𑀸𑀭𑁄, 𑀦𑀤𑀻, 𑀯𑀥𑀽, 𑀢𑁂 𑀥𑀫𑁆𑀫𑀸, 𑀑𑀧𑀦𑀬𑀺𑀓𑁄.
𑀅𑀓𑁆𑀔𑀭𑀢𑁆𑀣𑁂𑀳𑀺 𑀅𑀓𑁆𑀔𑀭𑀸𑀪𑀺𑀥𑁂𑀬𑁆𑀬𑁂𑀳𑀺 𑀓𑀸𑀭𑀧𑀘𑁆𑀘𑀬𑁄 𑀳𑁄𑀢𑀺 𑀧𑀬𑁄𑀕𑁂 𑀲𑀢𑀺.
𑀅 𑀏𑀯 𑀅𑀓𑀸𑀭𑁄, 𑀆 𑀏𑀯 𑀆𑀓𑀸𑀭𑁄, 𑀬 𑀏𑀯 𑀬𑀓𑀸𑀭𑁄.
𑁬𑁦𑁫, 𑁬𑁪𑁭. 𑀬𑀣𑀸𑀕𑀫𑀫𑀺𑀓𑀸𑀭𑁄 ¶ .
𑀬𑀣𑀸𑀕𑀫𑀁 𑀲𑀩𑁆𑀩𑀥𑀸𑀢𑀽𑀳𑀺 𑀲𑀩𑁆𑀩𑀧𑀘𑁆𑀘𑀬𑁂𑀲𑀼 𑀇𑀓𑀸𑀭𑀸𑀕𑀫𑁄 𑀳𑁄𑀢𑀺.
𑀓𑀸𑀭𑀺𑀬𑀁, 𑀪𑀯𑀺𑀢𑀩𑁆𑀩𑀁, 𑀚𑀦𑀺𑀢𑀩𑁆𑀩𑀁, 𑀯𑀺𑀤𑀺𑀢𑀩𑁆𑀩𑀁, 𑀓𑀭𑀺𑀢𑁆𑀯𑀸, 𑀇𑀘𑁆𑀙𑀺𑀢𑀁.
𑀤𑀓𑀸𑀭𑀥𑀓𑀸𑀭𑀦𑁆𑀢𑀸𑀬 𑀥𑀸𑀢𑀼𑀬𑀸 𑀬𑀣𑀸𑀕𑀫𑀁 𑀬𑀓𑀸𑀭𑀸𑀕𑀫𑁄 𑀳𑁄𑀢𑀺 𑀓𑁆𑀯𑀘𑀺 𑀢𑀼𑀦𑀸𑀤𑀻𑀲𑀼 𑀧𑀘𑁆𑀘𑀬𑁂𑀲𑀼.
𑀩𑀼𑀤𑁆𑀥𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀺𑀢𑁆𑀯𑀸, 𑀥𑀫𑁆𑀫𑀁 𑀩𑀼𑀚𑁆𑀛𑀺𑀢𑁆𑀯𑀸.
𑀤𑀥𑀦𑁆𑀢𑀢𑁄𑀢𑀺 𑀓𑀺𑀫𑀢𑁆𑀣𑀁? 𑀮𑀪𑀺𑀢𑁆𑀯𑀸.
𑀓𑁆𑀯𑀘𑀻𑀢𑀺 𑀓𑀺𑀫𑀢𑁆𑀣𑀁? 𑀉𑀧𑁆𑀧𑀸𑀤𑁂𑀢𑁆𑀯𑀸.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀘𑀢𑀼𑀢𑁆𑀣𑁄 𑀓𑀡𑁆𑀟𑁄.
𑀧𑀜𑁆𑀘𑀫𑀓𑀡𑁆𑀟
𑁬𑁦𑁭, 𑁫𑁭𑁮. 𑀦𑀺𑀕𑁆𑀕𑀳𑀺𑀢 𑀲𑀁𑀬𑁄𑀕𑀸𑀤𑀺𑀦𑁄.
𑀲𑀁𑀬𑁄𑀕𑀸𑀤𑀺𑀪𑀽𑀢𑁄 𑀦𑀓𑀸𑀭𑁄 𑀦𑀺𑀕𑁆𑀕𑀳𑀺𑀢𑀫𑀸𑀧𑀚𑁆𑀚𑀢𑁂.
𑀭𑀗𑁆𑀕𑁄, 𑀪𑀗𑁆𑀕𑁄, 𑀲𑀗𑁆𑀕𑁄.
𑁬𑁦𑁮, 𑁬𑁨𑁩. 𑀲𑀩𑁆𑀩𑀢𑁆𑀣 ¶ 𑀕𑁂 𑀕𑀻.
𑀕𑁂𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀕𑀻𑀆𑀤𑁂𑀲𑁄 𑀳𑁄𑀢𑀺 𑀲𑀩𑁆𑀩𑀢𑁆𑀣 𑀞𑀸𑀦𑁂.
𑀕𑀻𑀢𑀁 𑀕𑀸𑀬𑀢𑀺.
𑀲𑀤𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀻𑀤𑀸𑀤𑁂𑀲𑁄 𑀳𑁄𑀢𑀺 𑀲𑀩𑁆𑀩𑀢𑁆𑀣 𑀞𑀸𑀦𑁂.
𑀦𑀺𑀲𑀺𑀦𑁆𑀦𑁄, 𑀦𑀺𑀲𑀻𑀤𑀢𑀺.
𑀬𑀚𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀭𑀲𑁆𑀲 𑀇𑀓𑀸𑀭𑀸𑀤𑁂𑀲𑁄 𑀳𑁄𑀢𑀺 𑀝𑁆𑀞𑁂 𑀧𑀭𑁂.
𑀬𑀺𑀝𑁆𑀞𑁄, 𑀬𑀺𑀝𑁆𑀞𑀸.
𑀝𑁆𑀞𑁂𑀢𑀺 𑀓𑀺𑀫𑀢𑁆𑀣𑀁? 𑀬𑀚𑀦𑀁.
𑁬𑁧𑁧, 𑁬𑁦𑁮. 𑀳𑀘𑀢𑀼𑀢𑁆𑀣𑀸𑀦𑀫𑀦𑁆𑀢𑀸𑀦𑀁 𑀤𑁄 𑀥𑁂.
𑀳𑀘𑀢𑀼𑀢𑁆𑀣𑀸𑀦𑀁 𑀥𑀸𑀢𑁆𑀯𑀦𑁆𑀢𑀸𑀦𑀁 𑀤𑁄 𑀆𑀤𑁂𑀲𑁄 𑀳𑁄𑀢𑀺 𑀥𑁂 𑀧𑀭𑁂.
𑀲𑀦𑁆𑀦𑀤𑁆𑀥𑁄, 𑀓𑀼𑀤𑁆𑀥𑁄, 𑀬𑀼𑀤𑁆𑀥𑁄, 𑀲𑀺𑀤𑁆𑀥𑁄, 𑀮𑀤𑁆𑀥𑁄, 𑀆𑀭𑀤𑁆𑀥𑁄.
𑁬𑁧𑁨, 𑁬𑁧𑁫. 𑀟𑁄 ¶ 𑀠𑀓𑀸𑀭𑁂.
𑀳𑀘𑀢𑀼𑀢𑁆𑀣𑀸𑀦𑀁 𑀥𑀸𑀢𑁆𑀯𑀦𑁆𑀢𑀸𑀦𑀁 𑀟𑁄 𑀆𑀤𑁂𑀲𑁄 𑀳𑁄𑀢𑀺 𑀠𑀓𑀸𑀭𑁂 𑀧𑀭𑁂.
𑀤𑀬𑁆𑀳𑀢𑀻𑀢𑀺 𑀤𑀟𑁆𑀠𑁄, 𑀯𑀟𑁆𑀠𑀢𑀻𑀢𑀺 𑀯𑀼𑀟𑁆𑀠𑁄.
𑀠𑀓𑀸𑀭𑁂𑀢𑀺 𑀓𑀺𑀫𑀢𑁆𑀣𑀁? 𑀤𑀸𑀳𑁄.
𑀕𑀳𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀲𑀩𑁆𑀩𑀲𑁆𑀲 𑀖𑀭𑀸𑀤𑁂𑀲𑁄 𑀳𑁄𑀢𑀺 𑀯𑀸 𑀡𑀧𑀘𑁆𑀘𑀬𑁂 𑀧𑀭𑁂.
𑀖𑀭𑀁, 𑀖𑀭𑀸𑀦𑀺.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀕𑀸𑀳𑁄.
𑀤𑀳𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀤𑀓𑀸𑀭𑁄 𑀴𑀢𑁆𑀢𑀫𑀸𑀧𑀚𑁆𑀚𑀢𑁂 𑀯𑀸 𑀡𑀧𑀘𑁆𑀘𑀬𑁂 𑀧𑀭𑁂.
𑀧𑀭𑀺𑀤𑀳𑀦𑀁 𑀧𑀭𑀺𑀴𑀸𑀳𑁄.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀧𑀭𑀺𑀤𑀸𑀳𑁄.
𑁬𑁧𑁫, 𑁫𑁮𑁬. 𑀥𑀸𑀢𑁆𑀯𑀦𑁆𑀢𑀲𑁆𑀲 𑀮𑁄𑀧𑁄 𑀓𑁆𑀯𑀺𑀫𑁆𑀳𑀺.
𑀥𑀸𑀢𑁆𑀯𑀦𑁆𑀢𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀓𑁆𑀯𑀺𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀪𑀼𑀚𑁂𑀦 ¶ 𑀕𑀘𑁆𑀙𑀢𑀻𑀢𑀺, 𑀪𑀼𑀚𑀕𑁄. 𑀉𑀭𑁂𑀦 𑀕𑀘𑁆𑀙𑀢𑀻𑀢𑀺 𑀉𑀭𑀕𑁄, 𑀢𑀼𑀭𑀕𑁄, 𑀲𑀗𑁆𑀔𑁄.
𑀯𑀺𑀤𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑁂 𑀊𑀓𑀸𑀭𑀸𑀕𑀫𑁄 𑀳𑁄𑀢𑀺 𑀓𑁆𑀯𑀺𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀮𑁄𑀓𑀁 𑀯𑀺𑀤𑀢𑀺 𑀚𑀸𑀦𑀸𑀢𑀻𑀢𑀺 𑀮𑁄𑀓𑀯𑀺𑀤𑀽.
𑁬𑁧𑁭, 𑁬𑁩𑁩. 𑀦 𑀫 𑀓 𑀭𑀸𑀦𑀫𑀦𑁆𑀢𑀸𑀦𑀁 𑀦𑀺𑀬𑀼𑀢𑁆𑀢𑀢𑀫𑁆𑀳𑀺.
𑀦𑀓𑀸𑀭 𑀫𑀓𑀸𑀭 𑀓𑀓𑀸𑀭 𑀭𑀓𑀸𑀭𑀸𑀦𑀁 𑀥𑀸𑀢𑁆𑀯𑀦𑁆𑀢𑀸𑀦𑀁 𑀮𑁄𑀧𑁄 𑀦 𑀳𑁄𑀢𑀺 𑀇𑀓𑀸𑀭𑀬𑀼𑀢𑁆𑀢𑁂 𑀢𑀧𑀘𑁆𑀘𑀬𑁂 𑀧𑀭𑁂.
𑀳𑀦𑀺𑀪𑀼𑀁, 𑀕𑀫𑀺𑀢𑁄, 𑀭𑀫𑀺𑀢𑁄, 𑀲𑀓𑀺𑀢𑁄, 𑀲𑀭𑀺𑀢𑁄, 𑀓𑀭𑀺𑀢𑁆𑀯𑀸.
𑀇𑀬𑀼𑀢𑁆𑀢𑀢𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀕𑀢𑁄, 𑀲𑀢𑁄.
𑁬𑁧𑁮, 𑁫𑁭𑁧. 𑀦 𑀓 𑀕𑀢𑁆𑀢𑀁 𑀘 𑀚𑀸𑀡𑁆𑀯𑀼𑀫𑁆𑀳𑀺.
𑀘𑀓𑀸𑀭 𑀚𑀓𑀸𑀭𑀸 𑀓𑀓𑀸𑀭 𑀕𑀓𑀸𑀭𑀢𑁆𑀢𑀁 𑀦𑀸𑀧𑀚𑁆𑀚𑀦𑁆𑀢𑁂 𑀡𑁆𑀯𑀼𑀫𑁆𑀳𑀺 𑀧𑀘𑁆𑀘𑀬𑁂 𑀧𑀭𑁂.
𑀧𑀘𑀢𑀻𑀢𑀺 𑀧𑀸𑀘𑀓𑁄, 𑀬𑀚𑀢𑀻𑀢𑀺 𑀬𑀸𑀚𑀓𑁄.
𑁬𑁧𑁯, 𑁫𑁭𑁩. 𑀓𑀭𑀲𑁆𑀲 ¶ 𑀘 𑀢𑀢𑁆𑀢𑀁 𑀢𑀼𑀲𑁆𑀫𑀺𑀁.
𑀓𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑀲𑁆𑀲 𑀭𑀓𑀸𑀭𑀲𑁆𑀲 𑀢𑀓𑀸𑀭𑀢𑁆𑀢𑀁 𑀳𑁄𑀢𑀺 𑀢𑀼𑀧𑀘𑁆𑀘𑀬𑁂 𑀧𑀭𑁂.
𑀓𑀭𑁄𑀢𑀻𑀢𑀺 𑀓𑀢𑁆𑀢𑀸, 𑀓𑀭𑁄𑀦𑁆𑀢𑀻𑀢𑀺 𑀓𑀢𑁆𑀢𑀸𑀭𑁄.
𑀓𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀅𑀦𑁆𑀢𑀲𑁆𑀲 𑀭𑀓𑀸𑀭𑀲𑁆𑀲 𑀢𑀓𑀸𑀭𑀢𑁆𑀢𑀁 𑀳𑁄𑀢𑀺 𑀯𑀸 𑀢𑀼𑀁 𑀢𑀼𑀦 𑀢𑀩𑁆𑀩𑀇𑀘𑁆𑀘𑁂𑀢𑁂𑀲𑀼 𑀧𑀘𑁆𑀘𑀬𑁂𑀲𑀼.
𑀓𑀢𑁆𑀢𑀼𑀁, 𑀓𑀸𑀢𑀼𑀁, 𑀓𑀢𑁆𑀢𑀼𑀦. 𑀓𑀸𑀢𑀼𑀦, 𑀓𑀢𑁆𑀢𑀩𑁆𑀩𑀁, 𑀓𑀸𑀢𑀩𑁆𑀩𑀁.
𑁬𑁨𑁧, 𑁫𑁫𑁩. 𑀓𑀸𑀭𑀺𑀢𑀁 𑀯𑀺𑀬 𑀡𑀸𑀦𑀼𑀩𑀦𑁆𑀥𑁄.
𑀡𑀓𑀸𑀭𑀸𑀦𑀼𑀩𑀦𑁆𑀥𑁄 𑀧𑀘𑁆𑀘𑀬𑁄 𑀓𑀸𑀭𑀺𑀢𑀁 𑀯𑀺𑀬 𑀤𑀝𑁆𑀞𑀩𑁆𑀩𑁄 𑀯𑀸.
𑀤𑀸𑀳𑁄, 𑀤𑁂𑀳𑁄, 𑀯𑀸𑀳𑁄, 𑀩𑀸𑀳𑁄, 𑀘𑀸𑀕𑁄, 𑀯𑀸𑀭𑁄, 𑀘𑀸𑀭𑁄, 𑀧𑀭𑀺𑀓𑁆𑀔𑀸𑀭𑁄, 𑀤𑀸𑀬𑀓𑁄, 𑀦𑀸𑀬𑀓𑁄, 𑀮𑀸𑀯𑀓𑁄, 𑀪𑀸𑀯𑀓𑁄, 𑀓𑀸𑀭𑀻, 𑀖𑀸𑀢𑀻, 𑀤𑀸𑀬𑀻.
𑀯𑀸𑀢𑀺 𑀓𑀺𑀫𑀢𑁆𑀣𑀁? 𑀉𑀧𑀓𑁆𑀔𑀭𑁄.
𑁬𑁨𑁨, 𑁫𑁭𑁦. 𑀅𑀦𑀓𑀸 ¶ 𑀬𑀼 𑀡𑁆𑀯𑀽𑀦𑀁.
𑀬𑀼𑀡𑁆𑀯𑀼𑀇𑀘𑁆𑀘𑁂𑀢𑁂𑀲𑀁 𑀧𑀘𑁆𑀘𑀬𑀸𑀦𑀁 𑀅𑀦 𑀅𑀓𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀦𑀦𑁆𑀤𑀦𑀁, 𑀓𑀸𑀭𑀓𑁄.
𑀘 𑀚𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑁆𑀯𑀦𑁆𑀢𑀸𑀦𑀁 𑀓𑀓𑀸𑀭𑀕𑀓𑀸𑀭𑀸𑀤𑁂𑀲𑀸 𑀳𑁄𑀦𑁆𑀢𑀺 𑀡𑀸𑀦𑀼𑀩𑀦𑁆𑀥𑁂 𑀧𑀘𑁆𑀘𑀬𑁂 𑀧𑀭𑁂.
𑀧𑀸𑀓𑁄, 𑀬𑁄𑀕𑁄.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀧𑀜𑁆𑀘𑀫𑁄 𑀓𑀡𑁆𑀟𑁄.
𑀓𑀺𑀢𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑁮. 𑀉𑀡𑀸𑀤𑀺𑀓𑀧𑁆𑀧
𑀙𑀝𑁆𑀞𑀓𑀡𑁆𑀟
𑁬𑁨𑁪, 𑁫𑁬𑁩. 𑀓𑀢𑁆𑀢𑀭𑀺 ¶ 𑀓𑀺𑀢.
𑀓𑀢𑁆𑀢𑀼𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀓𑀺𑀢 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀓𑀸𑀭𑀼, 𑀓𑀸𑀭𑀼𑀓𑁄, 𑀓𑀸𑀭𑀓𑁄, 𑀧𑀸𑀘𑀓𑁄, 𑀓𑀢𑁆𑀢𑀸, 𑀚𑀦𑀺𑀢𑀸, 𑀧𑀘𑀺𑀢𑀸, 𑀦𑁂𑀢𑀸.
𑁬𑁨𑁫, 𑁬𑁦𑁫. 𑀪𑀸𑀯𑀓𑀫𑁆𑀫𑁂𑀲𑀼 𑀓𑀺𑀘𑁆𑀘𑀢𑁆𑀢 𑀔𑀢𑁆𑀣𑀸.
𑀪𑀸𑀯𑀓𑀫𑁆𑀫𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀓𑀺𑀘𑁆𑀘 𑀢𑁆𑀢 𑀔𑀢𑁆𑀣𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀉𑀧𑀲𑀫𑁆𑀧𑀸𑀤𑁂𑀢𑀩𑁆𑀩𑀁 𑀉𑀧𑀲𑀫𑁆𑀧𑀸𑀤𑀦𑀻𑀬𑀁 𑀪𑀯𑀢𑀸, 𑀲𑀬𑀺𑀢𑀩𑁆𑀩𑀁 𑀪𑀯𑀢𑀸, 𑀓𑀢𑁆𑀢𑀩𑁆𑀩𑀁 𑀪𑀯𑀢𑀸, 𑀪𑁄𑀢𑁆𑀢𑀩𑁆𑀩𑁄 𑀑𑀤𑀦𑁄 𑀪𑀯𑀢𑀸, 𑀅𑀲𑀺𑀢𑀩𑁆𑀩𑀁 𑀪𑁄𑀚𑀦𑀁 𑀪𑀯𑀢𑀸, 𑀅𑀲𑀺𑀢𑀁 𑀪𑀯𑀢𑀸, 𑀲𑀬𑀺𑀢𑀁 𑀪𑀯𑀢𑀸, 𑀧𑀘𑀺𑀢𑀁 𑀪𑀯𑀢𑀸, 𑀅𑀲𑀺𑀢𑀁 𑀅𑀲𑀦𑀁 𑀪𑀯𑀢𑀸, 𑀲𑀬𑀺𑀢𑀁 𑀲𑀬𑀦𑀁 𑀪𑀯𑀢𑀸, 𑀧𑀘𑀺𑀢𑁄 𑀑𑀤𑀦𑁄 𑀪𑀯𑀢𑀸, 𑀓𑀺𑀜𑁆𑀘𑀺𑀲𑁆𑀲𑀬𑁄, 𑀈𑀲𑀲𑁆𑀲𑀬𑁄, 𑀤𑀼𑀲𑁆𑀲𑀬𑁄, 𑀲𑀼𑀲𑁆𑀲𑀬𑁄 𑀪𑀯𑀢𑀸.
𑁬𑁨𑁬, 𑁬𑁩𑁪. 𑀓𑀫𑁆𑀫𑀦𑀺 ¶ 𑀤𑀼𑀢𑀺𑀬𑀸𑀬 𑀢𑁆𑀢𑁄.
𑀓𑀫𑁆𑀫𑀦𑀺 𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀤𑀼𑀢𑀺𑀬𑀸𑀬𑀁 𑀯𑀺𑀪𑀢𑁆𑀢𑀺𑀬𑀁 𑀓𑀢𑁆𑀢𑀭𑀺 𑀢𑁆𑀢𑀧𑀘𑁆𑀘𑀬𑁄 𑀳𑁄𑀢𑀺.
𑀤𑀸𑀦𑀁 𑀤𑀺𑀦𑁆𑀦𑁄 𑀤𑁂𑀯𑀤𑀢𑁆𑀢𑁄, 𑀲𑀻𑀮𑀁 𑀭𑀓𑁆𑀔𑀺𑀢𑁄 𑀤𑁂𑀯𑀤𑀢𑁆𑀢𑁄, 𑀪𑀢𑁆𑀢𑀁 𑀪𑀼𑀢𑁆𑀢𑁄 𑀤𑁂𑀯𑀤𑀢𑁆𑀢𑁄, 𑀕𑀭𑀼𑀁 𑀉𑀧𑀸𑀲𑀺𑀢𑁄 𑀤𑁂𑀯𑀤𑀢𑁆𑀢𑁄.
𑁬𑁨𑁭, 𑁬𑁫𑁨. 𑀔𑁆𑀬𑀸𑀤𑀻𑀳𑀺 𑀫𑀸𑀦 𑀫 𑀘 𑀢𑁄 𑀯𑀸.
𑀔𑀺 𑀪𑀻 𑀲𑀼 𑀭𑀼 𑀳𑀼 𑀯𑀸 𑀥𑀽 𑀳𑀺 𑀮𑀽 𑀧𑀻 𑀅𑀤𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀫𑀦 𑀧𑀘𑁆𑀘𑀬𑁄 𑀳𑁄𑀢𑀺, 𑀫𑀲𑁆𑀲 𑀘 𑀢𑁄 𑀳𑁄𑀢𑀺 𑀯𑀸.
𑀔𑀻𑀬𑀦𑁆𑀢𑀺 𑀉𑀧𑀤𑁆𑀤𑀯𑀸 𑀏𑀢𑁆𑀣𑀸𑀢𑀺 𑀔𑁂𑀫𑁄, 𑀪𑀸𑀬𑀺𑀢𑀩𑁆𑀩𑁄𑀢𑀺 𑀪𑁂𑀫𑁄, 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀯𑀸 𑀪𑁂𑀫𑁄, 𑀭𑀁𑀲𑀺𑀬𑁄 𑀅𑀪𑀺𑀲𑁆𑀲𑀯𑁂𑀢𑀻𑀢𑀺 𑀲𑁄𑀫𑁄, 𑀭𑀯𑀢𑀺 𑀕𑀘𑁆𑀙𑀢𑀻𑀢𑀺 𑀭𑁄𑀫𑁄, 𑀳𑀼𑀯𑀢𑀺 𑀚𑀼𑀳𑁆𑀯𑀢𑀺 𑀏𑀢𑁂𑀦𑀸𑀢𑀺 𑀳𑁄𑀫𑁄, 𑀧𑀝𑀺𑀮𑁄𑀫𑀯𑀲𑁂𑀦 𑀯𑀸𑀢𑀺 𑀕𑀘𑁆𑀙𑀢𑀻𑀢𑀺 𑀯𑀸𑀫𑁄, 𑀮𑀸𑀫𑀓𑀯𑀲𑁂𑀦 𑀯𑀸𑀢𑀺 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑀸 𑀯𑀸𑀫𑁄, 𑀥𑀼𑀦𑀸𑀢𑀺 𑀓𑀫𑁆𑀧𑀢𑀻𑀢𑀺 𑀥𑀽𑀫𑁄, 𑀲𑁂𑀝𑁆𑀞𑀪𑀸𑀯𑁂𑀦 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀺 𑀘𑀺𑀢𑁆𑀢𑀁 𑀏𑀢𑀲𑁆𑀫𑀺𑀦𑁆𑀢𑀺 𑀳𑁂𑀫𑁄, 𑀮𑀼𑀦𑀺𑀢𑀩𑁆𑀩𑁄𑀢𑀺 𑀮𑁄𑀫𑁄, 𑀫𑀁𑀲𑀘𑀫𑁆𑀫𑀸𑀦𑀺 𑀮𑀼𑀦𑀸𑀢𑀺 𑀙𑀺𑀦𑁆𑀤𑀢𑀻𑀢𑀺 𑀯𑀸 𑀮𑁄𑀫𑁄, 𑀧𑀺𑀬𑀦𑀁 𑀧𑁂𑀫𑁄, 𑀧𑀺𑀬𑀸𑀬𑀺𑀢𑀩𑁆𑀩𑁄𑀢𑀺 𑀯𑀸 𑀧𑁂𑀫𑁄, 𑀲𑀼𑀔𑀤𑀼𑀓𑁆𑀔𑀁 𑀅𑀤𑀢𑀺 𑀪𑀓𑁆𑀔𑀢𑀻𑀢𑀺 𑀅𑀢𑁆𑀢𑀸, 𑀚𑀸𑀢𑀺𑀚𑀭𑀸𑀫𑀭𑀡𑀸𑀤𑀻𑀳𑀺 𑀅𑀤𑀻𑀬𑀢𑁂 𑀪𑀓𑁆𑀔𑀻𑀬𑀢𑁂𑀢𑀺 𑀯𑀸 𑀅𑀢𑁆𑀢𑀸, 𑀆𑀢𑀼𑀫𑀸.
𑁬𑁨𑁮, 𑁬𑁫𑁩. 𑀲𑀫𑀸𑀤𑀻𑀳𑀺 ¶ 𑀣 𑀫𑀸.
𑀲𑀫𑀼 𑀤𑀫𑀼 𑀤𑀭 𑀭𑀳 𑀤𑀼 𑀳𑀺 𑀲𑀺 𑀪𑀻 𑀤𑀸 𑀬𑀸 𑀲𑀸 𑀞𑀸𑀪𑀲𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀣 𑀫 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀲𑀫𑁂𑀢𑀻𑀢𑀺 𑀲𑀫𑀣𑁄, 𑀤𑀫𑀢𑀻𑀢𑀺 𑀤𑀫𑀣𑁄, 𑀤𑀫𑀦𑀁 𑀯𑀸 𑀤𑀫𑀣𑁄, 𑀤𑀫𑀺𑀢𑀩𑁆𑀩𑁄𑀢𑀺 𑀯𑀸 𑀤𑀫𑀣𑁄, 𑀤𑀭𑀢𑀻𑀢𑀺 𑀤𑀭𑀣𑁄, 𑀚𑀺𑀡𑁆𑀡𑀪𑀸𑀯𑀁 𑀭𑀳𑀺𑀲𑁆𑀲𑀢𑀺 𑀕𑀡𑁆𑀳𑀺𑀲𑁆𑀲𑀢𑀻𑀢𑀺 𑀭𑀣𑁄, 𑀤𑀩𑁆𑀩𑀲𑀫𑁆𑀪𑀸𑀭𑁂 𑀭𑀳𑀢𑀺 𑀕𑀡𑁆𑀳𑀸𑀢𑀻𑀢𑀺 𑀯𑀸 𑀭𑀣𑁄, 𑀤𑀯𑀢𑀺 𑀕𑀘𑁆𑀙𑀢𑀻𑀢𑀺 𑀤𑀼𑀫𑁄, 𑀤𑀯𑀢𑀺 𑀯𑀼𑀤𑁆𑀥𑀺 𑀯𑀺𑀭𑀼𑀴𑁆𑀳𑀺 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀺 𑀉𑀤𑁆𑀥𑀁 𑀯𑀸 𑀤𑀼𑀫𑁄, 𑀧𑀣𑀯𑀻𑀧𑀩𑁆𑀩𑀢𑀸𑀤𑀻𑀲𑀼 𑀕𑀘𑁆𑀙𑀢𑀺 𑀧𑀢𑀢𑀻𑀢𑀺 𑀳𑀺𑀫𑁄, 𑀓𑀫𑁆𑀫𑀯𑀸𑀘𑀸𑀬 𑀩𑀦𑁆𑀥𑀢𑀺 𑀏𑀢𑁆𑀣𑀸𑀢𑀺 𑀲𑀻𑀫𑀸. 𑀩𑀦𑁆𑀥𑀺𑀢𑀩𑁆𑀩𑀸𑀢𑀺 𑀯𑀸 𑀲𑀻𑀫𑀸. 𑀪𑀸𑀬𑀦𑁆𑀢𑀺 𑀏𑀢𑀲𑁆𑀫𑀸𑀢𑀺 𑀪𑀻𑀫𑁄, 𑀲𑀢𑁆𑀢𑁂 𑀅𑀯𑀔𑀡𑁆𑀟𑁂𑀦𑁆𑀢𑀺 𑀦𑀺𑀯𑀸𑀭𑁂𑀦𑁆𑀢𑀺 𑀏𑀢𑁂𑀦𑀸𑀢𑀺 𑀤𑀸𑀫𑁄, 𑀫𑀽𑀲𑀺𑀓𑀸𑀤𑀻𑀳𑀺 𑀔𑀸𑀤𑀻𑀬𑀢𑀺 𑀅𑀯𑀔𑀡𑁆𑀟𑀻𑀬𑀢𑀻𑀢𑀺 𑀯𑀸 𑀤𑀸𑀫𑁄, 𑀬𑀸𑀢𑀺 𑀕𑀘𑁆𑀙𑀢𑀻𑀢𑀺 𑀬𑀸𑀫𑁄, 𑀧𑀭𑁂𑀲𑀁 𑀘𑀺𑀢𑁆𑀢𑀁 𑀕𑀡𑁆𑀳𑀺𑀢𑀼𑀁 𑀲𑀫𑀢𑁆𑀣𑁂𑀢𑀻𑀢𑀺 𑀲𑀸𑀫𑁄, 𑀢𑀺𑀝𑁆𑀞𑀦𑁆𑀢𑀺 𑀏𑀢𑁂𑀦𑀸𑀢𑀺 𑀣𑀸𑀫𑁄, 𑀪𑀲𑀢𑀺 𑀪𑀲𑁆𑀫𑀻𑀓𑀭𑀻𑀬𑀢𑀻𑀢𑀺 𑀪𑀲𑁆𑀫𑀸.
𑀕𑀳𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀉𑀧𑀥𑀲𑁆𑀲 𑀅𑀓𑀸𑀭𑀲𑁆𑀲 𑀏𑀢𑁆𑀢 𑀳𑁄𑀢𑀺 𑀯𑀸.
𑀤𑀩𑁆𑀩𑀲𑀫𑁆𑀪𑀸𑀭 𑀕𑀡𑁆𑀳𑀸𑀢𑀻𑀢𑀺 𑀕𑁂𑀳𑀁, 𑀕𑀳𑀁.
𑁬𑁩𑁦, 𑁬𑁫𑁪. 𑀫𑀲𑀼𑀲𑁆𑀲 ¶ 𑀲𑀼𑀲𑁆𑀲 𑀘𑁆𑀙𑀭 𑀘𑁆𑀙𑁂𑀭𑀸.
𑀫𑀲𑀼𑀇𑀘𑁆𑀘𑁂𑀢𑀲𑁆𑀲 𑀧𑀸𑀝𑀺𑀧𑀤𑀺𑀓𑀲𑁆𑀲 𑀲𑀼𑀲𑁆𑀲 𑀘𑁆𑀙𑀭𑀘𑁆𑀙𑁂𑀭𑀸𑀤𑁂𑀲𑀸 𑀳𑁄𑀦𑁆𑀢𑀺.
𑀫𑀘𑁆𑀙𑀭𑀢𑀻𑀢𑀺 𑀫𑀘𑁆𑀙𑀭𑁄, 𑀏𑀯𑀁 𑀫𑀘𑁆𑀙𑁂𑀭𑁄.
𑀆𑀧𑀼𑀩𑁆𑀩𑀲𑁆𑀲 𑀘𑀭𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀘𑁆𑀙𑀭𑀺𑀬𑀘𑁆𑀙𑀭𑀘𑁆𑀙𑁂𑀭𑀸 𑀤𑁂𑀲𑀸 𑀳𑁄𑀦𑁆𑀢𑀺, 𑀆𑀧𑀼𑀩𑁆𑀩𑀲𑁆𑀲 𑀘 𑀭𑀲𑁆𑀲𑁄 𑀳𑁄𑀢𑀺.
𑀆𑀪𑀼𑀲𑁄 𑀘𑀭𑀺𑀢𑀩𑁆𑀩𑀦𑁆𑀢𑀺 𑀅𑀘𑁆𑀙𑀭𑀺𑀬𑀁. 𑀏𑀯𑀁 𑀅𑀘𑁆𑀙𑀭𑀁, 𑀅𑀘𑁆𑀙𑁂𑀭𑀁.
𑀘𑀕𑁆𑀕𑀳𑀡𑁂𑀦 𑀫𑀲𑀼𑀲𑁆𑀲 𑀲𑀼𑀲𑁆𑀲𑀸𑀧𑀺 𑀘𑁆𑀙𑀭𑀺𑀬𑀸𑀤𑁂𑀲𑁄 𑀳𑁄𑀢𑀺, 𑀫𑀘𑁆𑀙𑀭𑀺𑀬𑀁.
𑀅𑀮 𑀓𑀮 𑀲𑀮𑀇𑀘𑁆𑀘𑁂𑀢𑁂𑀳𑀺 𑀥𑀸𑀢𑀽𑀳𑀺 𑀮 𑀬𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀅𑀮𑀢𑀺 𑀲𑀫𑀢𑁆𑀣𑁂𑀢𑀻𑀢𑀺 𑀅𑀮𑁆𑀮𑀁, 𑀓𑀮𑀺𑀢𑀩𑁆𑀩𑀁 𑀲𑀗𑁆𑀔𑁆𑀬𑀸𑀢𑀩𑁆𑀩𑀦𑁆𑀢𑀺 𑀓𑀮𑁆𑀮𑀁, 𑀲𑀮𑀢𑀺 𑀕𑀘𑁆𑀙𑀢𑀺 𑀧𑀯𑀺𑀲𑀢𑀻𑀢𑀺 𑀲𑀮𑁆𑀮𑀁. 𑀏𑀯𑀁 𑀅𑀮𑁆𑀬𑀁, 𑀓𑀮𑁆𑀬𑀁, 𑀲𑀮𑁆𑀬𑀁.
𑁬𑁩𑁩, 𑁬𑁫𑁭. 𑀬𑀸𑀡 ¶ 𑀮𑀸𑀡𑀸.
𑀢𑁂𑀳𑀺 𑀓𑀮 𑀲𑀮𑀇𑀘𑁆𑀘𑁂𑀢𑁂𑀳𑀺 𑀥𑀸𑀢𑀽𑀳𑀺 𑀬𑀸𑀡 𑀮𑀸𑀡𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀓𑀮𑀺𑀢𑀩𑁆𑀩𑀁 𑀲𑀗𑁆𑀔𑁆𑀬𑀸𑀢𑀩𑁆𑀩𑀦𑁆𑀢𑀺 𑀓𑀮𑁆𑀬𑀸𑀡𑀁, 𑀕𑀡𑀢𑁄 𑀧𑀝𑀺𑀓𑁆𑀓𑀫𑀺𑀢𑁆𑀯𑀸 𑀲𑀮𑀦𑁆𑀢𑀺 𑀏𑀢𑁆𑀣𑀸𑀢𑀺 𑀧𑀝𑀺𑀲𑀮𑁆𑀬𑀸𑀡𑀁. 𑀏𑀯𑀁 𑀲𑀮𑁆𑀮𑀸𑀡𑁄, 𑀧𑀝𑀺𑀲𑀮𑁆𑀮𑀸𑀡𑁄.
𑀫𑀣𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀣𑀲𑁆𑀲 𑀮𑀸𑀤𑁂𑀲𑁄𑀳𑁄𑀢𑀺. 𑀅𑀜𑁆𑀜𑀫𑀜𑁆𑀜𑀁 𑀫𑀣𑀢𑀺 𑀯𑀺𑀮𑁄𑀴𑀢𑀻𑀢𑀺 𑀫𑀮𑁆𑀮𑁄, 𑀫𑀮𑁆𑀮𑀁.
𑀘𑀕𑁆𑀕𑀳𑀡𑁂𑀦 𑀮𑀢𑁄 𑀓𑁄 𑀘 𑀆𑀕𑀫𑁄 𑀳𑁄𑀢𑀺. 𑀫𑀮𑁆𑀮𑀓𑁄, 𑀫𑀮𑁆𑀮𑀓𑀁.
𑁬𑁩𑁫, 𑁫𑁫𑁯. 𑀧𑁂𑀲𑀸𑀢𑀺𑀲𑀕𑁆𑀕𑀧𑀢𑁆𑀢𑀓𑀸𑀮𑁂𑀲𑀼𑀓𑀺𑀘𑁆𑀘𑀸.
𑀧𑁂𑀲 𑀅𑀢𑀺𑀲𑀕𑁆𑀕 𑀧𑀢𑁆𑀢𑀓𑀸𑀮𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀓𑀺𑀘𑁆𑀘𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀓𑀢𑁆𑀢𑀩𑁆𑀩𑀁 𑀓𑀫𑁆𑀫𑀁 𑀪𑀯𑀢𑀸, 𑀓𑀭𑀡𑀻𑀬𑀁 𑀓𑀺𑀘𑁆𑀘𑀁 𑀪𑀯𑀢𑀸, 𑀪𑁄𑀢𑁆𑀢𑀩𑁆𑀩𑀁 𑀪𑁄𑀚𑀦𑀁 𑀪𑀯𑀢𑀸, 𑀪𑁄𑀚𑀦𑀻𑀬𑀁 𑀪𑁄𑀚𑀦𑀁 𑀪𑀯𑀢𑀸, 𑀅𑀚𑁆𑀛𑀬𑀺𑀢𑀩𑁆𑀩𑀁 𑀅𑀚𑁆𑀛𑁂𑀬𑁆𑀬𑀁 𑀪𑀯𑀢𑀸, 𑀅𑀚𑁆𑀛𑀬𑀦𑀻𑀬𑀁 𑀅𑀚𑁆𑀛𑁂𑀬𑁆𑀬𑀁 𑀪𑀯𑀢𑀸.
𑁬𑁩𑁬, 𑁬𑁫𑁯. 𑀅𑀯𑀲𑁆𑀲𑀓𑀸’𑀥𑀫𑀺𑀡𑁂𑀲𑀼 ¶ 𑀡𑀻 𑀘.
𑀅𑀯𑀲𑁆𑀲𑀓 𑀅𑀥𑀫𑀺𑀡𑀇𑀘𑁆𑀘𑁂𑀢𑁂𑀲𑁆𑀯𑀢𑁆𑀣𑁂𑀲𑀼 𑀡𑀻𑀧𑀘𑁆𑀘𑀬𑁄 𑀳𑁄𑀢𑀺, 𑀓𑀺𑀘𑁆𑀘𑀸 𑀘.
𑀅𑀯𑀲𑁆𑀲𑀢𑁂 𑀢𑀸𑀯 𑁋 𑀓𑀸𑀭𑀻𑀲𑀺 𑀫𑁂 𑀓𑀫𑁆𑀫𑀁 𑀅𑀯𑀲𑁆𑀲𑀁 𑀳𑀸𑀭𑀻𑀲𑀺 𑀫𑁂 𑀪𑀸𑀭𑀁 𑀅𑀯𑀲𑁆𑀲𑀁.
𑀅𑀥𑀫𑀺𑀡𑁂 𑁋 𑀤𑀸𑀬𑀻𑀲𑀺 𑀫𑁂 𑀲𑀢𑀁 𑀇𑀡𑀁, 𑀥𑀸𑀭𑀻𑀲𑀺 𑀫𑁂 𑀲𑀳𑀲𑁆𑀲𑀁 𑀇𑀡𑀁.
𑀓𑀺𑀘𑁆𑀘𑀸 𑀘 𑁋 𑀤𑀸𑀢𑀩𑁆𑀩𑀁 𑀫𑁂 𑀪𑀯𑀢𑀸 𑀲𑀢𑀁 𑀇𑀡𑀁. 𑀥𑀸𑀭𑀬𑀺𑀢𑀩𑁆𑀩𑀁 𑀫𑁂 𑀪𑀯𑀢𑀸 𑀲𑀳𑀲𑁆𑀲𑀁 𑀇𑀡𑀁, 𑀓𑀢𑁆𑀢𑀩𑁆𑀩𑀁 𑀫𑁂 𑀪𑀯𑀢𑀸 𑀕𑁂𑀳𑀁, 𑀓𑀭𑀡𑀻𑀬𑀁 𑀫𑁂 𑀪𑀯𑀢𑀸 𑀓𑀺𑀘𑁆𑀘𑀁, 𑀓𑀸𑀭𑀺𑀬𑀁 𑀫𑁂 𑀪𑀯𑀢𑀸 𑀲𑀬𑀦𑀁.
𑀅𑀭𑀳 𑀲𑀓𑁆𑀓 𑀪𑀩𑁆𑀩𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀧𑀬𑁄𑀕𑁂 𑀲𑀢𑀺 𑀲𑀩𑁆𑀩𑀥𑀸𑀢𑀽𑀳𑀺 𑀢𑀼𑀁𑀧𑀘𑁆𑀘𑀬𑁄 𑀳𑁄𑀢𑀺.
𑀅𑀭𑀳𑀸 𑀪𑀯𑀁 𑀯𑀢𑁆𑀢𑀼𑀁, 𑀅𑀭𑀳𑀸 𑀪𑀯𑀁 𑀓𑀢𑁆𑀢𑀼𑀁, 𑀲𑀓𑁆𑀓𑀸 𑀪𑀯𑀁 𑀳𑀦𑁆𑀢𑀼𑀁, 𑀲𑀓𑁆𑀓𑀸 𑀪𑀯𑀁 𑀚𑀦𑁂𑀢𑀼𑀁, 𑀚𑀦𑀺𑀢𑀼𑀁, 𑀪𑀯𑀺𑀢𑀼𑀁, 𑀲𑀓𑁆𑀓𑀸 𑀪𑀯𑀁 𑀤𑀸𑀢𑀼𑀁, 𑀲𑀓𑁆𑀓𑀸 𑀪𑀯𑀁 𑀕𑀦𑁆𑀢𑀼𑀁, 𑀢𑀩𑁆𑀩𑁄 𑀪𑀯𑀁 𑀚𑀦𑁂𑀢𑀼𑀁 𑀇𑀘𑁆𑀘𑁂𑀯𑀫𑀸𑀤𑀺.
𑁬𑁩𑁮, 𑁬𑁬𑁦. 𑀯𑀚𑀸𑀤𑀻𑀳𑀺𑀧𑀩𑁆𑀩𑀚𑁆𑀚𑀸𑀤𑀬𑁄 ¶ 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀯𑀚𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀉𑀧𑀲𑀕𑁆𑀕𑀧𑀘𑁆𑀘𑀬𑀸𑀤𑀻𑀳𑀺 𑀘 𑀧𑀩𑁆𑀩𑀚𑁆𑀚𑀸𑀤𑀬𑁄 𑀲𑀤𑁆𑀤𑀸 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀧𑀞𑀫𑀫𑁂𑀯 𑀯𑀚𑀺𑀢𑀩𑁆𑀩𑀸𑀢𑀺 𑀧𑀩𑁆𑀩𑀚𑁆𑀚𑀸, 𑀇𑀜𑁆𑀚𑀦𑀁 𑀏𑀚𑁆𑀚𑀸, 𑀲𑀫𑀚𑁆𑀚𑀦𑀁 𑀲𑀫𑀚𑁆𑀚𑀸, 𑀦𑀺𑀲𑀻𑀤𑀦𑀁 𑀦𑀺𑀲𑀚𑁆𑀚𑀸, 𑀯𑀺𑀚𑀸𑀦𑀦𑀁 𑀯𑀺𑀚𑁆𑀚𑀸 𑀯𑀺𑀲𑀚𑁆𑀚𑀦𑀁 𑀯𑀺𑀲𑀚𑁆𑀚𑀸, 𑀧𑀤𑀦𑀁 𑀧𑀚𑁆𑀚𑀸, 𑀳𑀦𑀦𑀁 𑀯𑀚𑁆𑀛𑀸, 𑀏𑀲𑀦𑀁 𑀇𑀘𑁆𑀙𑀸, 𑀅𑀢𑀺𑀏𑀲𑀦𑀁 𑀅𑀢𑀺𑀘𑁆𑀙𑀸, 𑀲𑀤𑀦𑀁 𑀲𑀚𑁆𑀚𑀸, 𑀲𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑁂𑀬𑁆𑀬𑀸, 𑀲𑀫𑁆𑀫𑀸 𑀘𑀺𑀢𑁆𑀢𑀁 𑀦𑀺𑀥𑁂𑀢𑀺 𑀏𑀢𑀸𑀬𑀸𑀢𑀺 𑀲𑀤𑁆𑀥𑀸, 𑀘𑀭𑀺𑀢𑀩𑁆𑀩𑀸 𑀘𑀭𑀺𑀬𑀸, 𑀓𑀭𑀡𑀁 𑀓𑀺𑀭𑀺𑀬𑀸, 𑀭𑀼𑀚𑀦𑀁 𑀭𑀼𑀘𑁆𑀙𑀸, 𑀧𑀤𑀦𑀁 𑀧𑀘𑁆𑀙𑀸, 𑀭𑀺𑀜𑁆𑀘𑀦𑀁 𑀭𑀺𑀘𑁆𑀙𑀸, 𑀢𑀺𑀓𑀺𑀘𑁆𑀙𑀦𑀁 𑀢𑀺𑀢𑀺𑀘𑁆𑀙𑀸, 𑀲𑀁𑀓𑁄𑀘𑀦𑀁 𑀲𑀁𑀓𑀼𑀘𑁆𑀙𑀸, 𑀫𑀤𑀦𑀁 𑀫𑀘𑁆𑀙𑀸, 𑀮𑀪𑀦𑀁 𑀮𑀘𑁆𑀙𑀸, 𑀭𑀤𑀺𑀳𑀩𑁆𑀩𑀸𑀢𑀺 𑀭𑀘𑁆𑀙𑀸, 𑀭𑀤𑀦𑀁 𑀯𑀺𑀮𑁂𑀔𑀦𑀁 𑀯𑀸𑀭𑀘𑁆𑀙𑀸, 𑀅𑀥𑁄 𑀪𑀸𑀕𑁂𑀦 𑀕𑀘𑁆𑀙𑀢𑀻𑀢𑀺 𑀢𑀺𑀭𑀘𑁆𑀙𑀸, 𑀢𑀺𑀭𑀘𑁆𑀙𑀸𑀦𑁄, 𑀅𑀚𑀦𑀁 𑀅𑀘𑁆𑀙𑀸, 𑀢𑀺𑀢𑀺𑀓𑁆𑀔𑀢𑀻𑀢𑀺 𑀢𑀺𑀢𑀺𑀓𑁆𑀔𑀸, 𑀲𑀳 𑀆𑀕𑀫𑀦𑀁 𑀲𑀸𑀕𑀘𑁆𑀙𑀸, 𑀤𑀼𑀝𑁆𑀞𑀼 𑀪𑀓𑁆𑀔𑀦𑀁 𑀤𑁄𑀪𑀘𑁆𑀙𑀸, 𑀤𑀼𑀝𑁆𑀞𑀼 𑀭𑁄𑀲𑀦𑀁 𑀤𑀼𑀭𑀼𑀘𑁆𑀙𑀸, 𑀧𑀼𑀘𑁆𑀙𑀦𑀁 𑀧𑀼𑀘𑁆𑀙𑀸, 𑀫𑀼𑀳𑀦𑀁 𑀫𑀼𑀘𑁆𑀙𑀸, 𑀯𑀲𑀦𑀁 𑀯𑀘𑁆𑀙𑀸, 𑀓𑀘𑀦𑀁 𑀓𑀘𑁆𑀙𑀸, 𑀲𑀳 𑀓𑀣𑀦𑀁 𑀲𑀸𑀓𑀘𑁆𑀙𑀸, 𑀢𑀼𑀤𑀦𑀁 𑀢𑀼𑀘𑁆𑀙𑀸, 𑀯𑀺𑀲𑀦𑀁 𑀯𑀺𑀘𑁆𑀙𑀸, 𑀧𑀺𑀲𑀦𑀁 𑀧𑀺𑀘𑁆𑀙𑀺𑀮𑁆𑀮𑀸, 𑀲𑀼𑀔𑀤𑀼𑀓𑁆𑀔𑀁 𑀫𑀼𑀤𑀢𑀺 𑀪𑀓𑁆𑀔𑀢𑀻𑀢𑀺 𑀫𑀘𑁆𑀙𑁄 ¶ , 𑀲𑀢𑁆𑀢𑀸𑀦𑀁 𑀧𑀸𑀡𑀁 𑀫𑀼𑀲𑁂𑀢𑀺 𑀘𑀚𑁂𑀢𑀻𑀢𑀺 𑀫𑀘𑁆𑀘𑀼, 𑀲𑀢𑀦𑀁 𑀲𑀘𑁆𑀘𑀁, 𑀉𑀤𑁆𑀥𑀁 𑀥𑀼𑀦𑀸𑀢𑀺 𑀓𑀫𑁆𑀧𑀢𑀻𑀢𑀺 𑀉𑀤𑁆𑀥𑀘𑁆𑀘𑀁, 𑀦𑀝𑀦𑀁 𑀦𑀘𑁆𑀘𑀁, 𑀦𑀺𑀢𑀦𑀁 𑀦𑀺𑀘𑁆𑀘𑀁, 𑀢𑀣𑀦𑀁 𑀢𑀘𑁆𑀙𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀓𑁆𑀯𑀺𑀮𑁄𑀧𑁄 𑀳𑁄𑀢𑀺, 𑀧𑀼𑀦 𑀘 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀯𑀺𑀯𑀺𑀥𑁂𑀳𑀺 𑀲𑀻𑀮𑀸𑀤𑀺𑀕𑀼𑀡𑁂𑀳𑀺 𑀪𑀯𑀢𑀻𑀢𑀺 𑀯𑀺𑀪𑀽, 𑀯𑀺𑀲𑁂𑀲𑁂𑀦 𑀯𑀸 𑀪𑀯𑀢𑀻𑀢𑀺 𑀯𑀺𑀪𑀽, 𑀲𑀬𑀁 𑀅𑀢𑁆𑀢𑀦𑀸 𑀪𑀯𑀢𑀻𑀢𑀺 𑀲𑀬𑀫𑁆𑀪𑀽, 𑀅𑀪𑀺𑀯𑀺𑀢𑁆𑀯𑀸 𑀪𑀯𑀢𑀻𑀢𑀺 𑀅𑀪𑀺𑀪𑀽, 𑀲𑀁 𑀲𑀼𑀝𑁆𑀞𑀼 𑀥𑀼𑀦𑀸𑀢𑀺 𑀓𑀫𑁆𑀧𑀢𑀻𑀢𑀺 𑀲𑀦𑁆𑀥𑀽, 𑀯𑀺𑀲𑁂𑀲𑁂𑀦 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀯𑀺𑀪𑀸, 𑀦𑀺𑀲𑁆𑀲𑁂𑀲𑁂𑀦 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀦𑀺𑀪𑀸, 𑀧𑀓𑀸𑀭𑁂𑀦 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀧𑀪𑀸, 𑀲𑀳 𑀪𑀸𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑀪𑀸, 𑀆𑀪𑀼𑀲𑁄 𑀪𑀸𑀢𑀺 𑀤𑀺𑀩𑁆𑀩𑀢𑀻𑀢𑀺 𑀆𑀪𑀸, 𑀪𑀼𑀚𑁂𑀦 𑀓𑀼𑀝𑀺𑀮𑁂𑀦 𑀕𑀘𑁆𑀙𑀢𑀻𑀢𑀺 𑀪𑀼𑀚𑀕𑁄, 𑀢𑀼𑀭𑀺𑀢𑀢𑀼𑀭𑀺𑀢𑁄 𑀕𑀘𑁆𑀙𑀢𑀻𑀢𑀺 𑀢𑀼𑀭𑀕𑁄, 𑀲𑀁 𑀲𑀼𑀝𑁆𑀞𑀼 𑀧𑀣𑀯𑀺𑀁 𑀔𑀦𑀢𑀻𑀢𑀺 𑀲𑀗𑁆𑀔𑁄, 𑀯𑀺𑀲𑁂𑀲𑁂𑀦 𑀬𑀫𑀢𑀺 𑀉𑀧𑀭𑀫𑀢𑀻𑀢𑀺 𑀯𑀺𑀬𑁄, 𑀲𑀼𑀝𑁆𑀞𑀼 𑀫𑀦𑀢𑀺 𑀚𑀸𑀦𑀸𑀢𑀻𑀢𑀺 𑀲𑀼𑀫𑁄, 𑀧𑀭𑀺 𑀲𑀫𑀦𑁆𑀢𑀢𑁄 𑀢𑀦𑁄𑀢𑀺 𑀯𑀺𑀢𑁆𑀣𑀸𑀭𑁂𑀢𑀻𑀢𑀺 𑀧𑀭𑀺𑀢𑁄 𑀇𑀘𑁆𑀘𑁂𑀯𑀫𑀸𑀤𑀺.
𑀲𑀘 𑀚𑀸𑀦𑀁 𑀥𑀸𑀢𑀽𑀦𑀫𑀦𑁆𑀢𑀸𑀦𑀁 𑀘𑀚𑀸𑀦𑀁 𑀓𑀕𑀸𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀡𑀸𑀦𑀼𑀩𑀦𑁆𑀥𑁂 𑀧𑀘𑁆𑀘𑀬𑁂 𑀧𑀭𑁂.
𑀑𑀓𑁄 ¶ , 𑀧𑀸𑀓𑁄, 𑀲𑁂𑀓𑁄, 𑀲𑁄𑀓𑁄, 𑀯𑀺𑀯𑁂𑀓𑁄, 𑀘𑀸𑀕𑁄, 𑀬𑁄𑀕𑁄, 𑀪𑁄𑀕𑁄, 𑀭𑁄𑀕𑁄, 𑀭𑀸𑀕𑁄, 𑀪𑀸𑀕𑁄, 𑀪𑀗𑁆𑀕𑁄, 𑀭𑀗𑁆𑀕𑁄, 𑀲𑀗𑁆𑀕𑁄.
𑁬𑁪𑁧, 𑁫𑁭𑁨. 𑀦𑀼𑀤𑀸𑀤𑀻𑀳𑀺 𑀬𑀼𑀡𑁆𑀯𑀽𑀦𑀫𑀦𑀸𑀦𑀦𑀸𑀓𑀸𑀦𑀦𑀓𑀸 𑀲𑀓𑀸𑀭𑀺𑀢𑁂𑀳𑀺 𑀘.
𑀦𑀼𑀤 𑀲𑀽𑀤 𑀚𑀦 𑀲𑀼 𑀮𑀽 𑀳𑀼 𑀧𑀼 𑀪𑀽 𑀜𑀸 𑀅 𑀲 𑀲𑀫𑀼𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀨𑀦𑁆𑀤 𑀘𑀺𑀢𑀺 𑀆𑀡 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀲𑀓𑀸𑀭𑀺𑀢𑁂𑀳𑀺 𑀘 𑀬𑀼𑀡𑁆𑀯𑀽𑀦𑀁 𑀧𑀘𑁆𑀘𑀬𑀸𑀦𑀁 𑀅𑀦 𑀆𑀦𑀦 𑀅𑀓 𑀆𑀦𑀦𑀓𑀸𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀗𑁆𑀔𑁆𑀬𑀁 𑀓𑀢𑁆𑀢𑀭𑀺, 𑀪𑀸𑀯𑀓𑀭𑀡𑁂𑀲𑀼 𑀘.
𑀓𑀢𑁆𑀢𑀭𑀺 𑀢𑀸𑀯 𑁋 𑀧𑀦𑀼𑀤𑀢𑀻𑀢𑀺 𑀧𑀦𑀽𑀤𑀦𑁄. 𑀏𑀯𑀁 𑀲𑀽𑀤𑀦𑁄, 𑀚𑀦𑀦𑁄, 𑀲𑀯𑀡𑁄, 𑀮𑀯𑀦𑁄, 𑀳𑀯𑀦𑁄, 𑀧𑀯𑀦𑁄, 𑀪𑀯𑀦𑁄, 𑀜𑀸𑀡𑁄, 𑀅𑀲𑀦𑁄, 𑀲𑀫𑀡𑁄.
𑀪𑀸𑀯𑁂 𑀘 𑁋 𑀧𑀦𑀼𑀤𑀢𑁂 𑀧𑀦𑀽𑀤𑀦𑀁. 𑀏𑀯𑀁 𑀲𑀽𑀤𑀦𑀁, 𑀚𑀦𑀦𑀁, 𑀲𑀯𑀡𑀁, 𑀮𑀯𑀦𑀁, 𑀳𑀯𑀦𑀁, 𑀧𑀯𑀦𑀁, 𑀪𑀯𑀦𑀁, 𑀜𑀸𑀡𑀁, 𑀅𑀲𑀦𑀁, 𑀲𑀫𑀡𑀁, 𑀲𑀜𑁆𑀚𑀸𑀦𑀦𑀁, 𑀓𑀼𑀬𑀢𑁂 𑀓𑀸𑀦𑀦𑀁.
𑀓𑀸𑀭𑀺𑀢𑁂 𑀘 𑁋 𑀨𑀦𑁆𑀤𑀸𑀧𑀻𑀬𑀢𑁂 𑀨𑀦𑁆𑀤𑀸𑀧𑀦𑀁, 𑀘𑁂𑀢𑀸𑀧𑀻𑀬𑀢𑁂 𑀘𑁂𑀢𑀸𑀧𑀦𑀁, 𑀆𑀡𑀸𑀧𑀻𑀬𑀢𑁂 𑀆𑀡𑀸𑀧𑀦𑀁.
𑀓𑀭𑀡𑁂 𑁋 𑀦𑀼𑀤𑀦𑁆𑀢𑀺 𑀅𑀦𑁂𑀦𑀸𑀢𑀺 𑀦𑀽𑀤𑀦𑀁, 𑀏𑀯𑀁 𑀲𑀽𑀤𑀦𑀁, 𑀚𑀦𑀦𑀁, 𑀲𑀯𑀡𑀁, 𑀮𑀯𑀡𑀁, 𑀳𑀯𑀦𑀁, 𑀧𑀯𑀦𑀁, 𑀪𑀕𑀦𑀁, 𑀜𑀸𑀡𑀁, 𑀅𑀲𑀦𑀁, 𑀲𑀯𑀡𑀁.
𑀧𑀼𑀦 ¶ 𑀓𑀢𑁆𑀢𑀭𑀺 𑁋 𑀦𑀼𑀤𑀢𑀻𑀢𑀺 𑀦𑀽𑀤𑀓𑁄, 𑀲𑀽𑀤𑀢𑀻𑀢𑀺 𑀲𑀽𑀤𑀥𑀓𑀸, 𑀚𑀦𑁂𑀢𑀻𑀢𑀺 𑀚𑀦𑀓𑁄, 𑀲𑀼𑀡𑁄𑀢𑀻𑀢𑀺 𑀲𑀸𑀯𑀓𑁄, 𑀮𑀼𑀦𑀸𑀢𑀻𑀢𑀺 𑀮𑀸𑀯𑀓𑁄, 𑀚𑀼𑀳𑁄𑀢𑀻𑀢𑀺 𑀳𑀸𑀯𑀓𑁄, 𑀧𑀼𑀦𑀸𑀢𑀻𑀢𑀺 𑀧𑀸𑀯𑀓𑁄, 𑀪𑀯𑀢𑀻𑀢𑀺 𑀪𑀸𑀯𑀓𑁄, 𑀚𑀸𑀦𑀸𑀢𑀻𑀢𑀺 𑀚𑀸𑀦𑀓𑁄, 𑀅𑀲𑀢𑀻𑀢𑀺 𑀅𑀲𑀓𑁄, 𑀉𑀧𑀸𑀲𑀢𑀻𑀢𑀺 𑀉𑀧𑀸𑀲𑀓𑁄, 𑀲𑀫𑁂𑀢𑀻𑀢𑀺 𑀲𑀫𑀓𑁄.
𑀓𑀸𑀭𑀺𑀢𑁂 𑀢𑀼 𑁋 𑀨𑀦𑁆𑀤𑀸𑀧𑀬𑀢𑀻𑀢𑀺 𑀨𑀦𑁆𑀤𑀸𑀧𑀬𑀓𑁄. 𑀏𑀯𑀁 𑀆𑀡𑀸𑀧𑀬𑀓𑁄, 𑀘𑁂𑀢𑀸𑀧𑀬𑀓𑁄, 𑀲𑀜𑁆𑀚𑀸𑀦𑀦𑀓𑁄.
𑁬𑁪𑁨, 𑁫𑁮𑁮. 𑀇 𑀬 𑀢 𑀫 𑀓𑀺 𑀏 𑀲𑀸𑀦’𑀫𑀦𑁆𑀢𑀲𑁆𑀲𑀭𑁄 𑀤𑀻𑀖𑀁 𑀓𑁆𑀯𑀘𑀺 𑀤𑀼 𑀲 𑀲𑁆𑀲 𑀕𑀼𑀡𑀁 𑀤𑁄 𑀭𑀁 𑀲𑀓𑁆𑀔𑀻 𑀘.
𑀇𑀬 𑀢 𑀫 𑀓𑀺 𑀏 𑀲𑀇𑀘𑁆𑀘𑁂𑀢𑁂𑀲𑀁 𑀲𑀩𑁆𑀩𑀦𑀸𑀫𑀸𑀦𑀫𑀦𑁆𑀢𑁄 𑀲𑀭𑁄 𑀤𑀻𑀖𑀫𑀸𑀧𑀚𑁆𑀚𑀢𑁂, 𑀓𑁆𑀯𑀘𑀺 𑀤𑀼𑀲𑀇𑀘𑁆𑀘𑁂𑀢𑀲𑁆𑀲 𑀥𑀸𑀢𑀼𑀲𑁆𑀲 𑀉𑀓𑀸𑀭𑁄 𑀕𑀼𑀡𑀫𑀸𑀧𑀚𑁆𑀚𑀢𑁂, 𑀤𑀓𑀸𑀭𑁄 𑀭𑀓𑀸𑀭𑀫𑀸𑀧𑀚𑁆𑀚𑀢𑁂, 𑀥𑀸𑀢𑁆𑀯𑀦𑁆𑀢𑀲𑁆𑀲 𑀲𑀲𑁆𑀲 𑀘 𑀲 𑀓𑁆𑀔 𑀈𑀇𑀘𑁆𑀘𑁂𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀲𑀫𑁆𑀪𑀯𑀁. 𑀏𑀢𑁂 𑀲𑀤𑁆𑀤𑀸 𑀲𑀓𑁂𑀦 𑀲𑀓𑁂𑀦 𑀦𑀸𑀫𑁂𑀦 𑀬𑀣𑀸𑀦𑀼𑀧𑀭𑁄𑀥𑁂𑀦 𑀩𑀼𑀤𑁆𑀥𑀲𑀸𑀲𑀦𑁂 𑀧𑀘𑁆𑀙𑀸 𑀧𑀼𑀦 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀇𑀫𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀈𑀤𑀺𑀲𑁄, 𑀬𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀬𑀸𑀤𑀺𑀲𑁄, 𑀢𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀢𑀸𑀤𑀺𑀲𑁄, 𑀫𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀫𑀸𑀤𑀺𑀲𑁄, 𑀓𑀺𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀓𑀻𑀤𑀺𑀲𑁄, 𑀏𑀢𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀏𑀤𑀺𑀲𑁄, 𑀲𑀫𑀸𑀦𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀲𑀸𑀤𑀺𑀲𑁄 ¶ . 𑀇𑀫𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀈𑀭𑀺𑀲𑁄, 𑀬𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀬𑀸𑀭𑀺𑀲𑁄, 𑀢𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀢𑀸𑀭𑀺𑀲𑁄, 𑀫𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀫𑀸𑀭𑀺𑀲𑁄, 𑀓𑀺𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀓𑀻𑀭𑀺𑀲𑁄, 𑀏𑀢𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀏𑀭𑀺𑀲𑁄, 𑀲𑀫𑀸𑀦𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀲𑀸𑀭𑀺𑀲𑁄. 𑀇𑀫𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀈𑀤𑀺𑀓𑁆𑀔𑁄, 𑀬𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀬𑀸𑀤𑀺𑀓𑁆𑀔𑁄, 𑀢𑀫𑀺𑀯 𑀦𑀁 𑀧𑀲𑁆𑀲𑀢𑀻𑀢𑀺 𑀢𑀸𑀤𑀺𑀓𑁆𑀔𑁄, 𑀏𑀯𑀁 𑀫𑀸𑀤𑀺𑀓𑁆𑀔𑁄, 𑀓𑀻𑀤𑀺𑀓𑁆𑀔𑁄, 𑀏𑀤𑀺𑀓𑁆𑀔𑁄, 𑀲𑀸𑀤𑀺𑀓𑁆𑀔𑁄. 𑀈𑀤𑀻, 𑀬𑀸𑀤𑀻, 𑀢𑀸𑀤𑀻, 𑀫𑀸𑀤𑀻, 𑀓𑀻𑀤𑀻, 𑀏𑀤𑀻, 𑀲𑀸𑀤𑀻.
𑀘𑀕𑁆𑀕𑀳𑀡𑁂𑀦 𑀢𑁂𑀲𑀫𑁂𑀯 𑀲𑀤𑁆𑀤𑀸𑀦𑀁 𑀇𑀬𑀇𑀘𑁆𑀘𑁂𑀯𑀫𑀸𑀤𑀻𑀦𑀫𑀦𑁆𑀢𑁄 𑀘 𑀲𑀭𑁄 𑀓𑁆𑀯𑀘𑀺 𑀤𑀻𑀖𑀢𑁆𑀣𑀫𑀸𑀳𑀼. 𑀈𑀤𑀺𑀓𑁆𑀔𑁄, 𑀬𑀸𑀤𑀺𑀓𑁆𑀔𑁄, 𑀢𑀸𑀤𑀺𑀓𑁆𑀔𑁄, 𑀫𑀸𑀤𑀺𑀓𑁆𑀔𑁄, 𑀓𑀻𑀤𑀺𑀓𑁆𑀔𑁄, 𑀏𑀤𑀺𑀓𑁆𑀔𑁄, 𑀲𑀸𑀤𑀺𑀓𑁆𑀔𑁄. 𑀇𑀤𑀺𑀲𑁄, 𑀲𑀤𑀺𑀲𑁄, 𑀲𑀭𑀺𑀲𑁄, 𑀲𑀭𑀺𑀓𑁆𑀔𑁄.
𑁬𑁪𑁩, 𑁬𑁩𑁫. 𑀪𑁆𑀬𑀸𑀤𑀻𑀳𑀺 𑀫𑀢𑀺 𑀩𑀼𑀥𑀺 𑀧𑀽𑀚𑀸𑀤𑀻𑀳𑀺 𑀘 𑀢𑁆𑀢𑁄.
𑀪𑀻𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀫𑀢𑀺. 𑀩𑀼𑀥𑀺 𑀧𑀽𑀚𑀸𑀤𑀺𑀢𑁄 𑀘 𑀢𑁆𑀢 𑀧𑀘𑁆𑀘𑀬𑁄 𑀳𑁄𑀢𑀺.
𑀪𑀸𑀬𑀺𑀢𑀩𑁆𑀩𑁄𑀢𑀺 𑀪𑀻𑀢𑁄, 𑀲𑀼𑀧𑀺𑀢𑀩𑁆𑀩𑁄𑀢𑀺 𑀲𑀼𑀢𑁆𑀢𑁄, 𑀫𑀺𑀚𑁆𑀚𑀺𑀢𑀩𑁆𑀩𑁄 𑀲𑀺𑀦𑁂𑀳𑁂𑀢𑀩𑁆𑀩𑁄𑀢𑀺 𑀫𑀺𑀢𑁆𑀢𑁄, 𑀲𑀫𑁆𑀫𑀦𑁆𑀦𑀺𑀢𑀩𑁆𑀩𑁄𑀢𑀺 𑀲𑀫𑁆𑀫𑀢𑁄, 𑀲𑀁 𑀲𑀼𑀝𑁆𑀞𑀼 𑀫𑀸𑀦𑀺𑀢𑀩𑁆𑀩𑁄 𑀧𑀽𑀚𑁂𑀢𑀩𑁆𑀩𑁄𑀢𑀺 𑀲𑀫𑁆𑀫𑀢𑁄, 𑀲𑀫𑁆𑀫𑀸𑀦𑀻𑀬𑀺𑀢𑁆𑀣𑀸𑀢𑀺 𑀲𑀫𑁆𑀫𑀢𑁄, 𑀲𑀁𑀓𑀧𑁆𑀧𑀻𑀬𑀢𑁂𑀢𑀺 𑀲𑀗𑁆𑀓𑀧𑁆𑀧𑀺𑀢𑁄 ¶ , 𑀲𑀁𑀓𑀧𑁆𑀧𑀻𑀬𑀺𑀢𑁆𑀣𑀸𑀢𑀺 𑀲𑀗𑁆𑀓𑀧𑁆𑀧𑀺𑀢𑁄, 𑀲𑀫𑁆𑀧𑀸𑀤𑀻𑀬𑀢𑁂𑀢𑀺 𑀲𑀫𑁆𑀧𑀸𑀤𑀺𑀢𑁄, 𑀲𑀫𑁆𑀧𑀸𑀤𑀻𑀬𑀺𑀢𑁆𑀣𑀸𑀢𑀺 𑀲𑀫𑁆𑀧𑀸𑀤𑀺𑀢𑁄, 𑀅𑀯𑀥𑀸𑀭𑀻𑀬𑀢𑁂𑀢𑀺 𑀅𑀯𑀥𑀸𑀭𑀺𑀢𑁄, 𑀅𑀯𑀥𑀸𑀭𑀻𑀬𑀺𑀢𑁆𑀣𑀸𑀢𑀺 𑀅𑀯𑀥𑀸𑀭𑀺𑀢𑁄, 𑀩𑀼𑀚𑁆𑀛𑀺𑀢𑀩𑁆𑀩𑁄 𑀜𑀸𑀢𑀩𑁆𑀩𑁄𑀢𑀺 𑀩𑀼𑀤𑁆𑀥𑁄, 𑀅𑀚𑁆𑀛𑀬𑀺𑀢𑀩𑁆𑀩𑁄𑀢𑀺 𑀇𑀢𑁄, 𑀏𑀢𑀩𑁆𑀩𑁄 𑀕𑀦𑁆𑀢𑀩𑁆𑀩𑁄𑀢𑀺 𑀇𑀢𑁄, 𑀯𑀺𑀤𑀺𑀢𑀩𑁆𑀩𑁄 𑀜𑀸𑀢𑀩𑁆𑀩𑁄𑀢𑀺 𑀯𑀺𑀤𑀺𑀢𑁄, 𑀢𑀓𑁆𑀓𑀻𑀬𑀢𑁂𑀢𑀺 𑀢𑀓𑁆𑀓𑀺𑀢𑁄, 𑀧𑀽𑀚𑀻𑀬𑀢𑁂𑀢𑀺 𑀧𑀽𑀚𑀺𑀢𑁄, 𑀧𑀽𑀚𑀻𑀬𑀺𑀢𑁆𑀣𑀸𑀢𑀺 𑀧𑀽𑀚𑀺𑀢𑁄, 𑀅𑀧𑀘𑀸𑀬𑀺𑀢𑀩𑁆𑀩𑁄𑀢𑀺 𑀅𑀧𑀘𑀸𑀬𑀺𑀢𑁄, 𑀫𑀸𑀦𑀺𑀢𑀩𑁆𑀩𑁄 𑀧𑀽𑀚𑁂𑀢𑀩𑁆𑀩𑁄𑀢𑀺 𑀫𑀸𑀦𑀺𑀢𑁄, 𑀅𑀧𑀘𑀻𑀬𑀢𑁂𑀢𑀺 𑀅𑀧𑀘𑀺𑀢𑁄, 𑀯𑀦𑁆𑀤𑀻𑀬𑀢𑁂𑀢𑀺 𑀯𑀦𑁆𑀤𑀺𑀢𑁄, 𑀯𑀦𑁆𑀤𑀻𑀬𑀺𑀢𑁆𑀣𑀸𑀢𑀺 𑀯𑀦𑁆𑀤𑀺𑀢𑁄, 𑀲𑀓𑁆𑀓𑀭𑀻𑀬𑀢𑁂𑀢𑀺 𑀲𑀓𑁆𑀓𑀸𑀭𑀺𑀢𑁄, 𑀲𑀓𑁆𑀓𑀭𑀻𑀬𑀺𑀢𑁆𑀣𑀸𑀢𑀺 𑀲𑀓𑁆𑀓𑀸𑀭𑀺𑀢𑁄.
𑁬𑁪𑁪, 𑁬𑁬𑁧. 𑀯𑁂𑀧𑀼 𑀲𑀻 𑀤𑀯 𑀯𑀫𑀼 𑀓𑀼 𑀤𑀸 𑀪𑀽 𑀳𑁆𑀯𑀸𑀤𑀻𑀳𑀺 𑀣𑀼 𑀢𑁆𑀢𑀺𑀫 𑀡𑀺𑀫𑀸 𑀦𑀺𑀩𑁆𑀩𑀢𑁆𑀢𑁂.
𑀯𑁂𑀧𑀼 𑀲𑀻 𑀤𑀯 𑀯𑀫𑀼 𑀓𑀼 𑀤𑀸 𑀪𑀽 𑀳𑀼𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀬𑀣𑀸𑀲𑀫𑁆𑀪𑀯𑀁 𑀣𑀼 𑀢𑁆𑀢𑀺𑀫 𑀡𑀺𑀫𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀦𑀺𑀩𑁆𑀩𑀢𑁆𑀢𑀢𑁆𑀣𑁂.
𑀯𑁂𑀧𑀦𑀁 𑀯𑁂𑀧𑁄, 𑀢𑁂𑀦 𑀦𑀺𑀩𑁆𑀩𑀢𑁆𑀢𑁄 𑀯𑁂𑀧𑀣𑀼, 𑀲𑀬𑀦𑀁 𑀲𑀬𑁄, 𑀢𑁂𑀦 𑀦𑀺𑀩𑁆𑀩𑀢𑁆𑀢𑁄 𑀲𑀬𑀣𑀼, 𑀤𑀯𑀦𑀁 𑀤𑀯𑁄, 𑀢𑁂𑀦 𑀦𑀺𑀩𑁆𑀩𑀢𑁆𑀢𑁄 𑀤𑀯𑀣𑀼. 𑀯𑀫𑀦𑀁 𑀯𑀫𑁄, 𑀢𑁂𑀦 𑀦𑀺𑀩𑁆𑀩𑀢𑁆𑀢𑁄 𑀯𑀫𑀣𑀼. 𑀓𑀼𑀢𑁆𑀢𑀺 𑀓𑀭𑀡𑀁, 𑀢𑁂𑀦 𑀦𑀺𑀩𑁆𑀩𑀢𑁆𑀢𑀁 𑀓𑀼𑀢𑁆𑀢𑀺𑀫𑀁. 𑀤𑀸𑀢𑀺 𑀤𑀸𑀦𑀁, 𑀢𑁂𑀦 𑀦𑀺𑀩𑁆𑀩𑀢𑁆𑀢𑀁 𑀤𑀢𑁆𑀢𑀺𑀫𑀁. 𑀪𑀽𑀢𑀺 𑀪𑀯𑀦𑀁, 𑀢𑁂𑀦 𑀦𑀺𑀩𑁆𑀩𑀢𑁆𑀢𑀁 𑀪𑁄𑀢𑁆𑀢𑀺𑀫𑀁. 𑀅𑀯𑀳𑀼𑀢𑀺 𑀅𑀯𑀳𑀦𑀁, 𑀢𑁂𑀦 𑀦𑀺𑀩𑁆𑀩𑀢𑁆𑀢𑀁 𑀑𑀳𑀸𑀯𑀺𑀫𑀁.
𑁬𑁪𑁫, 𑁬𑁬𑁨. 𑀅𑀓𑁆𑀓𑁄𑀲𑁂 ¶ 𑀦𑀫𑁆𑀳𑀸𑀦𑀺.
𑀅𑀓𑁆𑀓𑁄𑀲𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀦𑀫𑁆𑀳𑀺 𑀧𑀝𑀺𑀲𑁂𑀥𑀬𑀼𑀢𑁆𑀢𑁂 𑀆𑀦𑀺𑀧𑀘𑁆𑀘𑀬𑁄 𑀳𑁄𑀢𑀺 𑀥𑀸𑀢𑀽𑀳𑀺.
𑀦 𑀕𑀫𑀺𑀢𑀩𑁆𑀩𑀁 𑀅𑀕𑀫𑀸𑀦𑀺 𑀢𑁂 𑀚𑀫𑁆𑀫 𑀤𑁂𑀲𑀁, 𑀦 𑀓𑀢𑁆𑀢𑀩𑁆𑀩𑀁 𑀅𑀓𑀭𑀸𑀡𑀺 𑀢𑁂 𑀚𑀫𑁆𑀫 𑀓𑀫𑁆𑀫𑀁.
𑀦𑀫𑁆𑀳𑀻𑀢𑀺 𑀓𑀺𑀫𑀢𑁆𑀣𑀁? 𑀯𑀺𑀧𑀢𑁆𑀢𑀺 𑀢𑁂 𑀚𑀫𑁆𑀫, 𑀯𑀺𑀓𑀢𑀺 𑀢𑁂 𑀚𑀫𑁆𑀫.
𑀅𑀓𑁆𑀓𑁄𑀲𑁂𑀢𑀺 𑀓𑀺𑀫𑀢𑁆𑀣𑀁? 𑀦 𑀕𑀦𑁆𑀢𑀩𑁆𑀩𑀸 𑀅𑀕𑀢𑀺 𑀢𑁂.
𑁬𑁪𑁬, 𑁪𑁧𑁯. 𑀏𑀓𑀸𑀤𑀺𑀢𑁄 𑀲𑀓𑀺𑀲𑁆𑀲 𑀓𑁆𑀔𑀢𑁆𑀢𑀼𑀁.
𑀏𑀓𑀸𑀤𑀺𑀢𑁄 𑀲𑀓𑀺𑀲𑁆𑀲 𑀓𑁆𑀔𑀢𑁆𑀢𑀼𑀁 𑀳𑁄𑀢𑀺.
𑀏𑀓𑀲𑁆𑀲 𑀧𑀤𑀢𑁆𑀣𑀲𑁆𑀲 𑀲𑀓𑀺𑀁 𑀯𑀸𑀭𑀁 𑀏𑀓𑀓𑁆𑀔𑀢𑁆𑀢𑀼𑀁, 𑀤𑁆𑀯𑀺𑀦𑁆𑀦𑀁 𑀧𑀤𑀢𑁆𑀣𑀸𑀦𑀁 𑀲𑀓𑀺𑀁 𑀯𑀸𑀭𑀁 𑀤𑁆𑀯𑀺𑀓𑁆𑀔𑀢𑁆𑀢𑀼𑀁, 𑀢𑀺𑀡𑁆𑀡𑀁 𑀧𑀤𑀢𑁆𑀣𑀸𑀦𑀁 𑀲𑀓𑀺𑀁 𑀯𑀸𑀭𑀁 𑀢𑀺𑀓𑁆𑀔𑀢𑁆𑀢𑀼𑀁, 𑀏𑀯𑀁 𑀘𑀢𑀼𑀓𑁆𑀔𑀢𑁆𑀢𑀼𑀁, 𑀧𑀜𑁆𑀘𑀓𑁆𑀔𑀢𑁆𑀢𑀼𑀁, 𑀙𑀓𑁆𑀔𑀢𑁆𑀢𑀼𑀁, 𑀲𑀢𑁆𑀢𑀓𑁆𑀔𑀢𑁆𑀢𑀼𑀁, 𑀅𑀝𑁆𑀞𑀓𑁆𑀔𑀢𑁆𑀢𑀼𑀁, 𑀦𑀯𑀓𑁆𑀔𑀢𑁆𑀢𑀼𑀁, 𑀤𑀲𑀓𑁆𑀔𑀢𑁆𑀢𑀼𑀁. 𑀇𑀘𑁆𑀘𑁂𑀯𑀫𑀸𑀤𑀬𑁄 𑀲𑀤𑁆𑀤𑀸 𑀬𑁄𑀚𑁂𑀢𑀩𑁆𑀩𑀸.
𑁬𑁪𑁭, 𑁬𑁬𑁩. 𑀲𑀼𑀦𑀲𑁆𑀲𑀼𑀦𑀲𑁆𑀲𑁄𑀡 𑀯𑀸𑀦𑀼𑀯𑀸𑀦𑀽𑀦𑀼𑀦𑀔𑀼𑀦𑀸𑀦𑀸.
𑀲𑀼𑀦𑀇𑀘𑁆𑀘𑁂𑀢𑀲𑁆𑀲 𑀧𑀸𑀝𑀺𑀧𑀤𑀺𑀓𑀲𑁆𑀲 𑀉𑀦𑀲𑁆𑀲 𑀑𑀡 𑀯𑀸𑀦 𑀉𑀯𑀸𑀦 𑀊𑀦 𑀉𑀦𑀔 𑀉𑀦 𑀆 𑀆𑀦𑀸𑀤𑁂𑀲𑀸 𑀳𑁄𑀦𑁆𑀢𑀺.
𑀲𑀸𑀫𑀺𑀓𑀲𑁆𑀲 ¶ 𑀲𑀤𑁆𑀤𑀁 𑀲𑀼𑀡𑀸𑀢𑀻𑀢𑀺 𑀲𑁄𑀡𑁄, 𑀲𑀸𑀫𑀺𑀓𑀲𑁆𑀲 𑀲𑀤𑁆𑀤𑀁 𑀲𑀼𑀡𑀸𑀢𑀻𑀢𑀺 𑀲𑁆𑀯𑀸𑀦𑁄, 𑀏𑀯𑀁 𑀲𑀼𑀯𑀸𑀦𑁄, 𑀲𑀽𑀦𑁄, 𑀲𑀼𑀦𑀔𑁄, 𑀲𑀼𑀦𑁄, 𑀲𑀸, 𑀲𑀸𑀦𑁄.
𑀢𑀭𑀼𑀡𑀇𑀘𑁆𑀘𑁂𑀢𑀲𑁆𑀲 𑀧𑀸𑀝𑀺𑀧𑀤𑀺𑀓𑀲𑁆𑀲 𑀲𑀼𑀲𑀼 𑀆𑀤𑁂𑀲𑁄 𑀳𑁄𑀢𑀺.
𑀲𑀼𑀲𑀼 𑀓𑀸𑀴𑀓𑁂𑀲𑁄.
𑁬𑁪𑁯, 𑁬𑁬𑁫. 𑀬𑀼𑀯𑀲𑁆𑀲𑀼𑀯𑀲𑁆𑀲𑀼𑀯𑀼𑀯𑀸𑀦𑀼𑀦𑀽𑀦𑀸.
𑀬𑀼𑀯𑀇𑀘𑁆𑀘𑁂𑀢𑀲𑁆𑀲 𑀧𑀸𑀝𑀺𑀧𑀤𑀺𑀓𑀲𑁆𑀲 𑀉𑀯𑀲𑁆𑀲 𑀉𑀯𑀉𑀯𑀸𑀦 𑀉𑀦𑀊𑀦𑀸𑀤𑁂𑀲𑀸 𑀳𑁄𑀦𑁆𑀢𑀺.
𑀬𑀼𑀯𑀸, 𑀬𑀼𑀯𑀸𑀦𑁄, 𑀬𑀼𑀦𑁄, 𑀬𑀽𑀦𑁄.
𑁬𑁫𑁦, 𑁬𑁫𑁧. 𑀓𑀸𑀮𑁂 𑀯𑀢𑁆𑀢𑀫𑀸𑀦𑀸𑀢𑀻𑀢𑁂 𑀡𑁆𑀯𑀸𑀤𑀬𑁄.
𑀓𑀸𑀮𑁂 𑀯𑀢𑁆𑀢𑀫𑀸𑀦𑀢𑁆𑀣𑁂 𑀘 𑀅𑀢𑀻𑀢𑀢𑁆𑀣𑁂 𑀘 𑀡𑀼 𑀬𑀼 𑀢𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀅𑀓𑀸𑀲𑀺, 𑀓𑀭𑁄𑀢𑀻𑀢𑀺 𑀓𑀸𑀭𑀼, 𑀅𑀕𑀘𑁆𑀙𑀺, 𑀕𑀘𑁆𑀙𑀢𑀻𑀢𑀺, 𑀯𑀸𑀬𑀼, 𑀅𑀪𑀯𑀺, 𑀪𑀯𑀢𑀻𑀢𑀺 𑀪𑀽𑀢𑀁.
𑁬𑁫𑁧, 𑁬𑁪𑁭. 𑀢𑀯𑀺𑀲𑁆𑀲𑀢𑀺 ¶ 𑀕𑀫𑀸𑀤𑀻𑀳𑀺 𑀡𑀻 𑀖𑀺𑀡.
𑀪𑀯𑀺𑀲𑁆𑀲𑀢𑀺𑀓𑀸𑀮𑀢𑁆𑀣𑁂 𑀕𑀫𑀼 𑀪𑀚 𑀲𑀼 𑀞𑀸𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀡𑀻 𑀖𑀺𑀡 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀆𑀬𑀢𑀺𑀁 𑀕𑀫𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲, 𑀲𑁄 𑀳𑁄𑀢𑀻𑀢𑀺 𑀕𑀸𑀫𑀻, 𑀆𑀬𑀢𑀺𑀁 𑀪𑀚𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲, 𑀲𑁄 𑀳𑁄𑀢𑀻𑀢𑀺 𑀪𑀸𑀚𑀻, 𑀆𑀬𑀢𑀺𑀁 𑀧𑀲𑁆𑀲𑀸𑀧𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲, 𑀲𑁄 𑀳𑁄𑀢𑀻𑀢𑀺 𑀧𑀲𑁆𑀲𑀸𑀯𑀺, 𑀆𑀬𑀢𑀺𑀁 𑀧𑀝𑁆𑀞𑀸𑀬𑀺𑀢𑀼𑀁 𑀲𑀻𑀮𑀁 𑀬𑀲𑁆𑀲, 𑀲𑁄 𑀳𑁄𑀢𑀻𑀢𑀺 𑀧𑀝𑁆𑀞𑀸𑀬𑀺.
𑀓𑁆𑀭𑀺𑀬𑀸𑀬𑀫𑀢𑁆𑀣𑁂 𑀡𑁆𑀯𑀼 𑀢𑀼𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀪𑀯𑀺𑀲𑁆𑀲𑀢𑀺𑀓𑀸𑀮𑁂.
‘‘𑀓𑀭𑀺𑀲𑁆𑀲’’𑀦𑁆𑀢𑀺 𑀓𑀸𑀭𑀓𑁄 𑀯𑀚𑀢𑀺, ‘‘𑀪𑀼𑀜𑁆𑀚𑀺𑀲𑁆𑀲’’𑀦𑁆𑀢𑀺 𑀪𑁄𑀢𑁆𑀢𑀸 𑀯𑀚𑀢𑀺.
𑁬𑁫𑁩, 𑁩𑁦𑁬. 𑀪𑀸𑀯𑀯𑀸𑀘𑀺𑀫𑁆𑀳𑀺 𑀘𑀢𑀼𑀢𑁆𑀣𑀻.
𑀪𑀸𑀯𑀯𑀸𑀘𑀺𑀫𑁆𑀳𑀺 𑀘𑀢𑀼𑀢𑁆𑀣𑀻𑀯𑀺𑀪𑀢𑁆𑀢𑀺 𑀳𑁄𑀢𑀺 𑀪𑀯𑀺𑀲𑁆𑀲𑀢𑀺𑀓𑀸𑀮𑁂,
𑀧𑀘𑀺𑀲𑁆𑀲𑀢𑁂, 𑀧𑀘𑀦𑀁 𑀯𑀸 𑀧𑀸𑀓𑁄, 𑀧𑀸𑀓𑀸𑀬 𑀯𑀚𑀢𑀺. 𑀪𑀼𑀜𑁆𑀚𑀺𑀲𑁆𑀲𑀢𑁂, 𑀪𑁄𑀚𑀦𑀁 𑀯𑀸 𑀪𑁄𑀕𑁄, 𑀪𑁄𑀕𑀸𑀬 𑀯𑀚𑀢𑀺. 𑀦𑀘𑁆𑀘𑀺𑀲𑁆𑀲𑀢𑁂, 𑀦𑀘𑁆𑀘𑀦𑀁 𑀯𑀸 𑀦𑀘𑁆𑀘𑀁, 𑀦𑀘𑁆𑀘𑀸𑀬 𑀯𑀚𑀢𑀺.
𑁬𑁫𑁪, 𑁬𑁪𑁯. 𑀓𑀫𑁆𑀫𑀦𑀺 ¶ 𑀡𑁄.
𑀓𑀫𑁆𑀫𑀦𑀺 𑀉𑀧𑀧𑀤𑁂 𑀡𑀧𑀘𑁆𑀘𑀬𑁄 𑀳𑁄𑀢𑀺 𑀪𑀯𑀺𑀲𑁆𑀲𑀢𑀺𑀓𑀸𑀮𑁂.
𑀦𑀕𑀭𑀁 𑀓𑀭𑀺𑀲𑁆𑀲𑀢𑀺 𑀦𑀕𑀭𑀓𑀸𑀭𑁄 𑀯𑀚𑀢𑀺, 𑀲𑀸𑀮𑀺𑀁 𑀮𑀸𑀯𑀺𑀲𑁆𑀲𑀢𑀺 𑀲𑀸𑀮𑀺𑀮𑀸𑀯𑁄 𑀯𑀚𑀢𑀺, 𑀥𑀜𑁆𑀜𑀁 𑀯𑀧𑀺𑀲𑁆𑀲𑀢𑀺 𑀥𑀜𑁆𑀜𑀯𑀸𑀧𑁄 𑀯𑀚𑀢𑀺, 𑀪𑁄𑀕𑀁 𑀤𑀤𑀺𑀲𑁆𑀲𑀢𑀺 𑀪𑁄𑀕𑀤𑀸𑀬𑁄 𑀯𑀚𑀢𑀺, 𑀲𑀺𑀦𑁆𑀥𑀼𑀁 𑀧𑀺𑀯𑀺𑀲𑁆𑀲𑀢𑀺 𑀲𑀺𑀦𑁆𑀥𑀼𑀧𑀸𑀬𑁄 𑀯𑀚𑀢𑀺.
𑁬𑁫𑁫, 𑁬𑁫𑁦. 𑀲𑁂𑀲𑁂 𑀲𑁆𑀲𑀁 𑀦𑁆𑀢𑀼𑀫𑀸𑀦𑀸𑀦𑀸.
𑀲𑁂𑀲𑀇𑀘𑁆𑀘𑁂𑀢𑀲𑁆𑀫𑀺𑀁 𑀅𑀢𑁆𑀣𑁂 𑀲𑁆𑀲𑀁 𑀦𑁆𑀢𑀼 𑀫𑀸𑀦 𑀆𑀦 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀪𑀯𑀺𑀲𑁆𑀲𑀢𑀺𑀓𑀸𑀮𑁂 𑀓𑀫𑁆𑀫𑀽𑀧𑀧𑀤𑁂.
𑀓𑀫𑁆𑀫𑀁 𑀓𑀭𑀺𑀲𑁆𑀲𑀢𑀺 𑀓𑀫𑁆𑀫𑀁 𑀓𑀭𑀺𑀲𑁆𑀲𑀁, 𑀏𑀯𑀁 𑀓𑀫𑁆𑀫𑀁 𑀓𑀭𑁄𑀦𑁆𑀢𑁄, 𑀓𑀫𑁆𑀫𑀁 𑀓𑀼𑀭𑀼𑀫𑀸𑀦𑁄, 𑀓𑀫𑁆𑀫𑀁 𑀓𑀭𑀸𑀦𑁄 𑀯𑀚𑀢𑀺. 𑀪𑁄𑀚𑀦𑀁 𑀪𑀼𑀜𑁆𑀚𑀺𑀲𑁆𑀲𑀢𑀺 𑀪𑁄𑀚𑀦𑀁 𑀪𑀼𑀜𑁆𑀚𑀺𑀲𑁆𑀲𑀁, 𑀏𑀯𑀁 𑀪𑁄𑀚𑀦𑀁 𑀪𑀼𑀜𑁆𑀚𑀦𑁆𑀢𑁄, 𑀪𑁄𑀚𑀦𑀁 𑀪𑀼𑀜𑁆𑀚𑀫𑀸𑀦𑁄, 𑀪𑁄𑀚𑀦𑀁 𑀪𑀼𑀜𑁆𑀚𑀸𑀦𑁄 𑀯𑀚𑀢𑀺. 𑀔𑀸𑀤𑀦𑀁 𑀔𑀸𑀤𑀺𑀲𑁆𑀲𑀢𑀺 𑀔𑀸𑀤𑀦𑀁 𑀔𑀸𑀤𑀺𑀲𑁆𑀲𑀁, 𑀏𑀯𑀁 𑀔𑀸𑀤𑀦𑀁 𑀔𑀸𑀤𑀦𑁆𑀢𑁄, 𑀔𑀸𑀤𑀦𑀁 𑀔𑀸𑀤𑀫𑀸𑀦𑁄, 𑀔𑀸𑀤𑀦𑀁 𑀔𑀸𑀤𑀸𑀦𑁄 𑀯𑀚𑀢𑀺. 𑀫𑀕𑁆𑀕𑀁 𑀘𑀭𑀺𑀲𑁆𑀲𑀢𑀺 𑀫𑀕𑁆𑀕𑀁 𑀘𑀭𑀺𑀲𑁆𑀲𑀁, 𑀏𑀯𑀁 𑀫𑀕𑁆𑀕𑀁 𑀘𑀭𑀦𑁆𑀢𑁄, 𑀫𑀕𑁆𑀕𑀁 𑀘𑀭𑀫𑀸𑀦𑁄, 𑀫𑀕𑁆𑀕𑀁 𑀘𑀭𑀸𑀦𑁄 𑀯𑀚𑀢𑀺. 𑀪𑀺𑀓𑁆𑀔𑀁 𑀪𑀺𑀓𑁆𑀔𑀺𑀲𑁆𑀲𑀢𑀺 𑀪𑀺𑀓𑁆𑀔𑀁 𑀪𑀺𑀓𑁆𑀔𑀺𑀲𑁆𑀲𑀁, 𑀏𑀯𑀁 𑀪𑀺𑀓𑁆𑀔𑀁 𑀪𑀺𑀓𑁆𑀔𑀦𑁆𑀢𑁄, 𑀪𑀺𑀓𑁆𑀔𑀁 𑀪𑀺𑀓𑁆𑀔𑀫𑀸𑀦𑁄, 𑀪𑀺𑀓𑁆𑀔𑀁 𑀪𑀺𑀓𑁆𑀔𑀸𑀦𑁄 𑀯𑀚𑀢𑀺.
𑁬𑁫𑁬, 𑁬𑁬𑁬. 𑀙𑀯𑀸𑀤𑀻𑀢𑀺 ¶ 𑀢𑀢𑁆𑀭𑀡.
𑀙 𑀤 𑀘𑀺 𑀢𑀺 𑀲𑀼 𑀦𑀻 𑀯𑀺 𑀤 𑀧𑀤 𑀢𑀦𑀼 𑀬𑀢 𑀅𑀤 𑀫𑀤 𑀬𑀼𑀚 𑀯𑀢𑀼𑀫𑀺𑀤 𑀫𑀸 𑀧𑀼 𑀓 𑀮 𑀯𑀭 𑀯𑁂 𑀧𑀼 𑀕𑀼𑀧 𑀤𑀸 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀢𑁆𑀭𑀡 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀬𑀣𑀸𑀲𑀫𑁆𑀪𑀯𑀁.
𑀆𑀢𑀧𑀁 𑀙𑀸𑀤𑁂𑀢𑀻𑀢𑀺 𑀙𑀢𑁆𑀢𑀁, 𑀙𑀢𑁆𑀭𑀁. 𑀆𑀭𑀫𑁆𑀫𑀡𑀁 𑀘𑀺𑀦𑁆𑀢𑁂𑀢𑀻𑀢𑀺 𑀘𑀺𑀢𑁆𑀢𑀁, 𑀘𑀺𑀢𑁆𑀭𑀁. 𑀘𑀺𑀦𑁆𑀢𑁂𑀦𑁆𑀢𑀺 𑀲𑀫𑁆𑀧𑀬𑀼𑀢𑁆𑀢𑀥𑀫𑁆𑀫𑀸 𑀏𑀣𑁂𑀦𑀸𑀢𑀺 𑀯𑀸 𑀘𑀺𑀢𑁆𑀢𑀁, 𑀘𑀺𑀢𑁆𑀭𑀁. 𑀅𑀢𑁆𑀣𑁂 𑀅𑀪𑀺𑀲𑁆𑀲𑀯𑁂𑀢𑀻𑀢𑀺 𑀲𑀼𑀢𑁆𑀢𑀁, 𑀲𑀼𑀢𑁆𑀭𑀁. 𑀅𑀢𑁆𑀣𑁂 𑀲𑀽𑀘𑁂𑀢𑀻𑀢𑀺 𑀯𑀸 𑀲𑀼𑀢𑁆𑀢𑀁, 𑀲𑀼𑀢𑁆𑀭𑀁. 𑀲𑀢𑁆𑀢𑁂 𑀦𑁂𑀢𑀻𑀢𑀺 𑀦𑁂𑀢𑁆𑀢𑀁, 𑀦𑁂𑀢𑁆𑀭𑀁. 𑀲𑀢𑁆𑀢𑁂 𑀇𑀘𑁆𑀙𑀺𑀢𑀝𑁆𑀞𑀸𑀦𑀁 𑀦𑁂𑀦𑁆𑀢𑀺 𑀏𑀢𑁂𑀦𑀸𑀢𑀺 𑀯𑀸 𑀦𑁂𑀢𑁆𑀢𑀁, 𑀦𑁂𑀢𑁆𑀭𑀁. 𑀧𑀓𑀸𑀭𑁂𑀦 𑀯𑀺𑀤𑀢𑀻𑀢𑀺 𑀧𑀯𑀺𑀢𑁆𑀢𑀁, 𑀧𑀯𑀺𑀢𑁆𑀭𑀁. 𑀯𑀺𑀯𑀺𑀥𑁂𑀦 𑀆𑀓𑀸𑀭𑁂𑀦 𑀫𑀗𑁆𑀕 𑀧𑀸𑀧𑀁 𑀧𑀼𑀦𑀸𑀢𑀺, 𑀲𑁄𑀥𑁂𑀢𑀻𑀢𑀺 𑀧𑀯𑀺𑀢𑁆𑀢𑀁, 𑀧𑀯𑀺𑀢𑁆𑀭𑀁. 𑀲𑀼𑀘𑀺𑀪𑀸𑀯𑀁 𑀯𑀸 𑀧𑀸𑀧𑀼𑀡𑀸𑀢𑀻𑀢𑀺 𑀧𑀯𑀺𑀢𑁆𑀢𑀁, 𑀧𑀯𑀺𑀢𑁆𑀭𑀁. 𑀧𑀤𑀢𑀺 𑀧𑀸𑀧𑀼𑀡𑀸𑀢𑀻𑀢𑀺 𑀧𑀢𑁆𑀢𑁄, 𑀧𑀢𑁆𑀭𑁄. 𑀆𑀳𑀸𑀭𑀸 𑀧𑀢𑀦𑁆𑀢𑀺 𑀏𑀢𑁆𑀣 𑀪𑀸𑀚𑀦𑁂𑀢𑀺 𑀧𑀢𑁆𑀢𑀁, 𑀧𑀢𑁆𑀭𑀁. 𑀧𑀤𑀢𑀺 𑀧𑀯𑀢𑁆𑀢𑀢𑀻𑀢𑀺 𑀯𑀸 𑀧𑀢𑁆𑀢𑀁, 𑀧𑀢𑁆𑀭𑀁. 𑀢𑀦𑁄𑀢𑀺 𑀯𑀺𑀢𑁆𑀣𑀸𑀭𑁂𑀢𑀻𑀢𑀺 𑀢𑀦𑁆𑀢𑀁, 𑀢𑀦𑁆𑀢𑁆𑀭𑀁, 𑀢𑀦𑀺𑀢𑀩𑁆𑀩𑀁 𑀯𑀺𑀢𑁆𑀣𑀸𑀭𑁂𑀢𑀩𑁆𑀩𑀦𑁆𑀢𑀺 𑀯𑀸 𑀢𑀦𑁆𑀢𑀁, 𑀢𑀦𑁆𑀢𑁆𑀭. 𑀬𑀢𑀢𑀻𑀢𑀺 𑀬𑀢𑁆𑀢𑀁, 𑀬𑀢𑁆𑀭𑀁. 𑀬𑀢𑀢𑀺 𑀯𑀻𑀭𑀺𑀬𑀁 𑀓𑀭𑁄𑀢𑀺 𑀏𑀢𑁂𑀦𑀸𑀢𑀺 𑀯𑀸 𑀬𑀢𑁆𑀢𑀁, 𑀬𑀢𑁆𑀭𑀁. 𑀬𑀢𑀦𑀁 𑀯𑀸 𑀬𑀢𑁆𑀢𑀁, 𑀬𑀢𑁆𑀭𑀁. 𑀲𑀼𑀔𑀤𑀼𑀓𑁆𑀔𑀁 𑀅𑀤𑀢𑀺 𑀪𑀓𑁆𑀔𑀢𑀻𑀢𑀺 𑀅𑀢𑁆𑀢𑀸, 𑀅𑀢𑁆𑀭𑀸. 𑀫𑀤𑀢𑀻𑀢𑀺 𑀫𑀢𑁆𑀢𑀁, 𑀫𑀢𑁆𑀭𑀁. 𑀯𑀢𑁆𑀣𑀼𑀁 𑀬𑀼𑀚𑁆𑀚𑀦𑁆𑀢𑀺 𑀏𑀢𑁂𑀦𑀸𑀢𑀺 𑀬𑁄𑀢𑁆𑀢𑀁, 𑀬𑁄𑀢𑁆𑀭𑀁. 𑀯𑀢𑁆𑀢𑀢𑀻𑀢𑀺 𑀯𑀢𑁆𑀢𑀁, 𑀯𑀢𑁆𑀭𑀁. 𑀫𑀺𑀤𑀢𑀺 ¶ 𑀲𑀺𑀦𑁂𑀳𑀁 𑀓𑀭𑁄𑀢𑀻𑀢𑀺 𑀫𑀺𑀢𑁆𑀢𑀁. 𑀫𑀺𑀢𑁆𑀭𑀁. 𑀫𑀺𑀤𑀢𑀺 𑀲𑀺𑀦𑁂𑀳𑀢𑀺 𑀏𑀢𑀸𑀬𑀸𑀢𑀺 𑀫𑁂𑀢𑁆𑀢𑀸, 𑀫𑁂𑀢𑁆𑀭𑀸. 𑀧𑀭𑀺 𑀲𑀫𑀦𑁆𑀢 𑀢𑁄 𑀲𑀩𑁆𑀩𑀸𑀓𑀸𑀭𑁂𑀦 𑀫𑀺𑀦𑀦𑁆𑀢𑀺 𑀏𑀢𑀸𑀬𑀸𑀢𑀺 𑀫𑀢𑁆𑀢𑀸, 𑀫𑀢𑁆𑀭𑀸. 𑀫𑀸𑀦𑀦𑀁 𑀯𑀸 𑀫𑀢𑁆𑀢𑀁, 𑀫𑀢𑁆𑀭𑀁. 𑀅𑀢𑁆𑀢𑀦𑁄 𑀓𑀼𑀮𑀁 𑀧𑀼𑀦𑀸𑀢𑀺 𑀲𑁄𑀥𑁂𑀢𑀻𑀢𑀺 𑀧𑀼𑀢𑁆𑀢𑁄, 𑀧𑀼𑀢𑁆𑀭𑁄. 𑀓𑀮𑀺𑀢𑀩𑁆𑀩𑀁 𑀲𑀗𑁆𑀔𑁆𑀬𑀸𑀢𑀩𑁆𑀩𑀦𑁆𑀢𑀺 𑀓𑀮𑀢𑁆𑀢𑀁, 𑀓𑀮𑀢𑁆𑀭𑀁. 𑀲𑀁𑀲𑀼𑀝𑁆𑀞𑀼 𑀯𑀸𑀭𑁂𑀢𑀺 𑀏𑀢𑁂𑀦𑀸𑀢𑀺 𑀯𑀭𑀢𑁆𑀢𑀁, 𑀯𑀭𑀢𑁆𑀭𑀁. 𑀯𑁂𑀧𑀢𑀺 𑀓𑀫𑁆𑀧𑀢𑀻𑀢𑀺 𑀯𑁂𑀢𑁆𑀢𑀁, 𑀯𑁂𑀢𑁆𑀭𑀁. 𑀕𑁄𑀧𑀺𑀢𑀩𑁆𑀩𑀁 𑀭𑀓𑁆𑀔𑀺𑀢𑀩𑁆𑀩𑀦𑁆𑀢𑀺 𑀕𑀼𑀢𑁆𑀢𑀁. 𑀕𑀼𑀢𑁆𑀭𑀁, 𑀕𑁄𑀢𑁆𑀢𑀁, 𑀕𑁄𑀢𑁆𑀭𑀁. 𑀤𑀸𑀢𑀺 𑀅𑀯𑀔𑀡𑁆𑀟𑀢𑀺 𑀏𑀢𑁂𑀦𑀸𑀢𑀺 𑀤𑀸𑀢𑁆𑀢𑀁, 𑀤𑀸𑀢𑁆𑀭𑀁 𑀇𑀘𑁆𑀘𑁂𑀯𑀫𑀸𑀤𑀺.
𑀯𑀤 𑀘𑀭 𑀯𑀭𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀡𑀺𑀢𑁆𑀢𑀧𑀘𑁆𑀘𑀬𑁄 𑀳𑁄𑀢𑀺 𑀕𑀡𑀢𑁆𑀣𑁂.
𑀯𑀸𑀤𑀺𑀢𑀸𑀦𑀁 𑀕𑀡𑁄 𑀯𑀸𑀤𑀺𑀢𑁆𑀢𑀁. 𑀏𑀯𑀁 𑀘𑀸𑀭𑀺𑀢𑁆𑀢𑀁, 𑀯𑀸𑀭𑀺𑀢𑁆𑀢𑀁, 𑀇𑀘𑁆𑀘𑁂𑀯𑀫𑀸𑀤𑀺.
𑀫𑀺𑀤 𑀧𑀤 𑀭𑀦𑁆𑀚 𑀢𑀦𑀼 𑀥𑀸𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑁆𑀢𑀺 𑀢𑀺 𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀫𑀺𑀤𑀢𑀺 𑀲𑀺𑀦𑁂𑀳𑀢𑀻𑀢𑀺 𑀫𑁂𑀢𑁆𑀢𑀺, 𑀧𑀤𑀢𑀺 𑀕𑀘𑁆𑀙𑀢𑀻𑀢𑀺 𑀧𑀢𑁆𑀢𑀺, 𑀭𑀦𑁆𑀚𑀢𑀺 𑀏𑀢𑁆𑀣𑀸𑀢𑀺 𑀭𑀢𑁆𑀢𑀺, 𑀢𑀦𑁄𑀢𑀺 𑀯𑀺𑀢𑁆𑀣𑀸𑀭𑁂𑀢𑀻𑀢𑀺 𑀢𑀦𑁆𑀢𑀺, 𑀅𑀢𑁆𑀢𑀦𑁄 ¶ 𑀓𑀼𑀮𑀁 𑀢𑀦𑁄𑀢𑀺 𑀯𑀺𑀢𑁆𑀣𑀸𑀭𑁂𑀢𑀻𑀢𑀺 𑀯𑀸 𑀢𑀦𑁆𑀢𑀺, 𑀧𑀭𑁂𑀲𑀁 𑀇𑀢𑁆𑀣𑀻𑀦𑀁 𑀧𑀼𑀢𑁆𑀢𑀁 𑀥𑀸𑀭𑁂𑀢𑀻𑀢𑀺 𑀥𑀸𑀢𑀺, 𑀔𑀻𑀭𑀁 𑀥𑀸𑀭𑁂𑀢𑀻𑀢𑀺 𑀯𑀸 𑀥𑀸𑀢𑀺, 𑀅𑀢𑁆𑀢𑀦𑁄 𑀲𑀪𑀸𑀯𑀁 𑀥𑀸𑀭𑁂𑀢𑀻𑀢𑀺 𑀯𑀸 𑀥𑀸𑀢𑀺 𑀇𑀘𑁆𑀘𑁂𑀯𑀫𑀸𑀤𑀺.
𑁬𑁫𑁯, 𑁬𑁬𑁯. 𑀉𑀲𑀼 𑀭𑀦𑁆𑀚 𑀤𑀁𑀲𑀸𑀦𑀁 𑀤𑀁𑀲𑀲𑁆𑀲 𑀤𑀟𑁆𑀠𑁄𑀠 𑀞𑀸 𑀘.
𑀉𑀲𑀼 𑀭𑀦𑁆𑀚 𑀤𑀁𑀲𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀤𑀁𑀲𑀲𑁆𑀲 𑀤𑀟𑁆𑀠𑀸𑀤𑁂𑀲𑁄 𑀳𑁄𑀢𑀺, 𑀠 𑀞𑀧𑀘𑁆𑀘𑀬𑀸 𑀘 𑀳𑁄𑀦𑁆𑀢𑀺.
𑀉𑀲𑀻𑀬𑀢𑁂 𑀉𑀟𑁆𑀠𑁄, 𑀭𑀦𑁆𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀭𑀝𑁆𑀞𑀁, 𑀤𑀁𑀲𑀻𑀬𑀢𑁂𑀢𑀺 𑀤𑀟𑁆𑀠𑁄.
𑁬𑁬𑁦, 𑁬𑁭𑁦. 𑀲𑀽𑀯𑀼𑀲𑀸𑀦𑀫𑀽𑀯𑀼𑀲𑀸𑀦𑀫𑀢𑁄𑀣𑁄𑀘.
𑀲𑀽𑀯𑀼 𑀅𑀲𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀊𑀉𑀅𑀲𑀸𑀦𑀁 𑀅𑀢𑀸𑀤𑁂𑀲𑁄 𑀳𑁄𑀢𑀺, 𑀣𑀧𑀘𑁆𑀘𑀬𑁄 𑀘.
𑀲𑀯𑀢𑀺 𑀳𑀺𑀁𑀲𑀢𑀺 𑀏𑀢𑁂𑀦𑀸𑀢𑀺 𑀲𑀢𑁆𑀣𑀁, 𑀳𑀺𑀭𑁄𑀢𑁆𑀢𑀧𑁆𑀧𑀁 𑀲𑀁𑀯𑀭𑀢𑀺 𑀏𑀢𑁂𑀦𑀸𑀢𑀺𑀯𑀢𑁆𑀣𑀁, 𑀲𑀤𑁆𑀤𑀸𑀦𑀼𑀭𑀽𑀧𑀁 𑀅𑀲𑀢𑀺𑀪𑀯𑀢𑀻𑀢𑀺 𑀅𑀢𑁆𑀣𑁄,
𑁬𑁬𑁧, 𑁬𑁭𑁧. 𑀭𑀦𑁆𑀚𑀼𑀤𑀸𑀤𑀻𑀳𑀺 ¶ 𑀥 𑀤𑀺𑀤𑁆𑀤 𑀓𑀺𑀭𑀸 𑀓𑁆𑀯𑀘𑀺 𑀚𑀤𑀮𑁄𑀧𑁄𑀘.
𑀭𑀦𑁆𑀚 𑀉𑀤 𑀇𑀤𑀺 𑀘𑀤𑀺 𑀫𑀤𑀺 𑀔𑀼𑀤 𑀙𑀺𑀤𑀺 𑀭𑀼𑀤𑀺 𑀤𑀮 𑀲𑀼𑀲 𑀲𑀼𑀘 𑀯𑀘 𑀯𑀚 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀥 𑀤 𑀇𑀤𑁆𑀤 𑀓 𑀇𑀭𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺, 𑀓𑁆𑀯𑀘𑀺 𑀚 𑀤 𑀮𑁄𑀧𑁄 𑀘, 𑀧𑀼𑀦 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀭𑀜𑁆𑀚𑀺𑀢𑀩𑁆𑀩𑀦𑁆𑀢𑀺 𑀭𑀦𑁆𑀥𑀁, 𑀭𑀦𑁆𑀚𑀬𑀺𑀢𑁆𑀣𑀸𑀢𑀺 𑀯𑀸 𑀭𑀦𑁆𑀥𑀁, 𑀅𑀢𑁆𑀢𑀦𑀺 𑀲𑀦𑁆𑀦𑀺𑀲𑁆𑀲𑀺𑀢𑀸𑀦𑀁 𑀫𑀘𑁆𑀙𑀫𑀓𑀭𑀸𑀦𑀁 𑀧𑀻𑀢𑀺𑀲𑁄𑀫𑀦𑀲𑁆𑀲𑀁 𑀉𑀦𑁆𑀤𑀢𑀺 𑀧𑀲𑀯𑀢𑀺 𑀚𑀦𑁂𑀢𑀻𑀢𑀺 𑀲𑀫𑀼𑀤𑁆𑀤𑁄, 𑀇𑀦𑁆𑀤𑀢𑀺 𑀧𑀭𑀫𑀺𑀲𑁆𑀲𑀭𑀺𑀬𑀁 𑀓𑀭𑁄𑀢𑀻𑀢𑀺 𑀇𑀦𑁆𑀤𑁄, 𑀇𑀦𑁆𑀤𑀢𑁆𑀢𑀁 𑀅𑀥𑀺𑀧𑀢𑀺𑀪𑀸𑀯𑀁 𑀓𑀭𑁄𑀢𑀻𑀢𑀺 𑀯𑀸 𑀇𑀦𑁆𑀤𑁄, 𑀘𑀦𑁆𑀤𑀺𑀢𑀩𑁆𑀩𑁄 𑀇𑀘𑁆𑀙𑀺𑀢𑀩𑁆𑀩𑁄𑀢𑀺 𑀘𑀦𑁆𑀤𑁄, 𑀫𑀦𑁆𑀤𑀢𑀺 𑀳𑀸𑀲𑁂𑀢𑀻𑀢𑀺 𑀫𑀦𑁆𑀤𑁄, 𑀫𑀤𑀺𑀢𑀩𑁆𑀩𑁄 𑀳𑀸𑀲𑁂𑀢𑀩𑁆𑀩𑁄𑀢𑀺 𑀯𑀸 𑀫𑀦𑁆𑀤𑁄, 𑀔𑀼𑀤𑀢𑀺 𑀧𑀺𑀧𑀸𑀲𑁂𑀢𑀻𑀢𑀺 𑀔𑀼𑀤𑁆𑀤𑁄, 𑀙𑀺𑀦𑁆𑀤𑀺𑀢𑀩𑁆𑀩𑁄𑀢𑀺 𑀙𑀺𑀤𑁆𑀤𑁄, 𑀭𑀼𑀤𑀢𑀺 𑀳𑀺𑀁𑀲𑀢𑀻𑀢𑀺 𑀭𑀼𑀤𑁆𑀤𑁄, 𑀤𑀮𑀢𑀺 𑀤𑀼𑀕𑁆𑀕𑀢𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀤𑀮𑀺𑀤𑁆𑀤𑁄, 𑀲𑀼𑀲𑁆𑀲𑀢𑀻𑀢𑀺 𑀲𑀼𑀓𑁆𑀓𑀁, 𑀲𑀼𑀘𑀢𑀻𑀢𑀺𑀲𑁄𑀓𑁄, 𑀯𑀘𑀺𑀢𑀩𑁆𑀩𑀦𑁆𑀢𑀺 𑀯𑀓𑁆𑀓𑀁, 𑀅𑀧𑁆𑀧𑀝𑀺𑀳𑀢𑁄 𑀳𑀼𑀢𑁆𑀯𑀸 𑀯𑀚𑀢𑀺 𑀕𑀘𑁆𑀙𑀢𑀻𑀢𑀺 𑀯𑀚𑀺𑀭𑀁 𑀇𑀘𑁆𑀘𑁂𑀯𑀫𑀸𑀤𑀺.
𑁬𑁬𑁨, 𑁬𑁭𑁨. 𑀧𑀝𑀺𑀢𑁄 𑀳𑀺𑀲𑁆𑀲 𑀳𑁂𑀭𑀡 𑀳𑀻𑀭𑀡.
𑀧𑀝𑀺𑀇𑀘𑁆𑀘𑁂𑀢𑀲𑁆𑀫𑀸 𑀳𑀺𑀲𑁆𑀲 𑀥𑀸𑀢𑀼𑀲𑁆𑀲 𑀳𑁂𑀭𑀡 𑀳𑀻𑀭𑀡 𑀆𑀤𑁂𑀲𑀸 𑀳𑁄𑀦𑁆𑀢𑀺.
𑀧𑀝𑀺𑀧𑀓𑁆𑀔𑁂𑀫𑀤𑁆𑀤𑀺𑀢𑁆𑀯𑀸𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀺 𑀧𑀸𑀝𑀺𑀳𑁂𑀭𑀁, 𑀧𑀸𑀝𑀺𑀳𑀻𑀭𑀁.
𑁬𑁬𑁩, 𑁬𑁭𑁩. 𑀓𑀟𑁆𑀬𑀸𑀤𑀻𑀳𑀺 ¶ 𑀓𑁄.
𑀓𑀟𑀺 𑀖𑀟𑀺 𑀯𑀟𑀺 𑀓𑀭𑀟𑀺 𑀫𑀟𑀺 𑀲𑀟𑀺 𑀓𑀼𑀞𑀺 𑀪𑀟𑀺 𑀧𑀟𑀺 𑀤𑀟𑀺 𑀭𑀟𑀺 𑀢𑀟𑀺 𑀇𑀲𑀺𑀟𑀺 𑀘𑀟𑀺 𑀕𑀟𑀺 𑀅𑀟𑀺 𑀮𑀟𑀺 𑀫𑁂𑀟𑀺 𑀏𑀭𑀟𑀺 𑀔𑀟𑀺 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀓𑀧𑀘𑁆𑀘𑀬𑁄 𑀳𑁄𑀢𑀺 𑀲𑀳 𑀧𑀘𑁆𑀘𑀬𑁂𑀦 𑀘 𑀦𑀺𑀧𑁆𑀧𑀚𑁆𑀚𑀦𑁆𑀢𑁂 𑀬𑀣𑀸𑀲𑀫𑁆𑀪𑀯𑀁.
𑀓𑀡𑁆𑀟𑀺𑀢𑀩𑁆𑀩𑁄 𑀙𑀺𑀦𑁆𑀤𑀺𑀢𑀩𑁆𑀩𑁄𑀢𑀺 𑀓𑀡𑁆𑀟𑁄, 𑀖𑀡𑁆𑀟𑀺𑀢𑀩𑁆𑀩𑁄 𑀖𑀝𑁂𑀢𑀩𑁆𑀩𑁄𑀢𑀺 𑀖𑀡𑁆𑀟𑁄, 𑀯𑀡𑁆𑀟𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀡𑁆𑀟𑁄, 𑀓𑀭𑀡𑁆𑀟𑀺𑀢𑀩𑁆𑀩𑁄 𑀪𑀸𑀚𑁂𑀢𑀩𑁆𑀩𑁄𑀢𑀺 𑀓𑀭𑀡𑁆𑀟𑁄, 𑀫𑀡𑁆𑀟𑀻𑀬𑀢𑁂 𑀯𑀺𑀪𑀽𑀲𑀻𑀬𑀢𑁂 𑀏𑀢𑁂𑀦𑀸𑀢𑀺 𑀫𑀡𑁆𑀟𑁄, 𑀲𑀡𑁆𑀟𑀦𑁆𑀢𑀺 𑀕𑀼𑀫𑁆𑀩𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑀡𑁆𑀟𑁄, 𑀅𑀗𑁆𑀕𑀫𑀗𑁆𑀕𑀸𑀦𑀺 𑀓𑀼𑀡𑁆𑀞𑀢𑀺 𑀙𑀺𑀦𑁆𑀤𑀢𑀻𑀢𑀺 𑀓𑀼𑀝𑁆𑀞𑀁, 𑀪𑀡𑁆𑀟𑀺𑀢𑀩𑁆𑀩𑀦𑁆𑀢𑀺 𑀪𑀡𑁆𑀟𑀁, 𑀧𑀡𑁆𑀟𑀢𑀺 𑀮𑀺𑀗𑁆𑀕𑀯𑁂𑀓𑀮𑁆𑀮𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀧𑀡𑁆𑀟𑀓𑁄. 𑀤𑀡𑁆𑀟𑀢𑀺 𑀆𑀡𑀁 𑀓𑀭𑁄𑀢𑀺 𑀏𑀢𑁂𑀦𑀸𑀢𑀺 𑀤𑀡𑁆𑀟𑁄, 𑀭𑀡𑁆𑀟𑀢𑀺 𑀳𑀺𑀁𑀲𑀢𑀻𑀢𑀺 𑀭𑀡𑁆𑀟𑁄, 𑀯𑀺𑀲𑁂𑀲𑁂𑀦 𑀢𑀡𑁆𑀟𑀢𑀺 𑀘𑀸𑀮𑁂𑀢𑀺 𑀧𑀭𑁂𑀲𑀁 𑀯𑀺𑀜𑁆𑀜𑀽𑀦𑀁 𑀳𑀤𑀬𑀁 𑀓𑀫𑁆𑀧𑁂𑀢𑀻𑀢𑀺 𑀯𑀺𑀢𑀡𑁆𑀟𑁄, 𑀇𑀲𑀺𑀡𑁆𑀟𑀢𑀺 𑀧𑀭𑁂𑀲𑀁 𑀫𑀤𑁆𑀤𑀢𑀻𑀢𑀺 𑀇𑀲𑀺𑀡𑁆𑀟𑁄, 𑀘𑀡𑁆𑀟𑀢𑀺 𑀘𑀡𑁆𑀟𑀺𑀓𑁆𑀓𑀪𑀸𑀯𑀁 𑀓𑀭𑁄𑀢𑀻𑀢𑀺 𑀘𑀡𑁆𑀟𑁄, 𑀕𑀡𑁆𑀟𑀢𑀺 𑀲𑀦𑁆𑀦𑀺𑀘𑀬𑀢𑀺 𑀲𑀫𑀽𑀳𑀁 𑀓𑀭𑁄𑀢𑀺 𑀏𑀢𑁆𑀣𑀸𑀢𑀺 𑀕𑀡𑁆𑀟𑁄, 𑀅𑀡𑁆𑀟𑀻𑀬𑀢𑀺 𑀦𑀺𑀩𑁆𑀩𑀢𑁆𑀢𑀻𑀬𑀢𑀻𑀢𑀺 𑀅𑀡𑁆𑀟𑁄, 𑀮𑀡𑁆𑀟𑀺𑀢𑀩𑁆𑀩𑁄 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄𑀢𑀺 𑀮𑀡𑁆𑀟𑁄, 𑀫𑁂𑀡𑁆𑀟𑀢𑀺 ¶ 𑀓𑀼𑀝𑀺𑀮𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀫𑁂𑀡𑁆𑀟𑁄, 𑀏𑀭𑀡𑁆𑀟𑀢𑀺 𑀭𑁄𑀕𑀁 𑀳𑀺𑀁𑀲𑀢𑀻𑀢𑀺 𑀏𑀭𑀡𑁆𑀟𑁄, 𑀔𑀡𑁆𑀟𑀺𑀢𑀩𑁆𑀩𑁄 𑀙𑀺𑀦𑁆𑀤𑀺𑀢𑀩𑁆𑀩𑁄𑀢𑀺 𑀔𑀡𑁆𑀟𑁄 𑀇𑀘𑁆𑀘𑁂𑀯𑀫𑀸𑀤𑀺.
𑁬𑁬𑁪, 𑁬𑁭𑁪. 𑀔𑀸𑀤𑀸𑀫𑀕𑀫𑀸𑀦𑀁 𑀔 𑀦𑁆𑀥’𑀦𑁆𑀥 𑀕𑀦𑁆𑀥𑀸.
𑀔𑀸𑀤 𑀅𑀫 𑀕𑀫𑀼𑀇𑀘𑁆𑀘𑁂𑀢𑁂𑀲𑀁 𑀥𑀸𑀢𑀽𑀦𑀁 𑀔𑀦𑁆𑀥 𑀅𑀦𑁆𑀥 𑀕𑀦𑁆𑀥𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀓𑀧𑀘𑁆𑀘𑀬𑁄 𑀘 𑀳𑁄𑀢𑀺.
𑀚𑀸𑀢𑀺𑀚𑀭𑀸𑀫𑀭𑀡𑀸𑀤𑀻𑀳𑀺 𑀲𑀁𑀲𑀸𑀭𑀤𑀼𑀓𑁆𑀔𑁂𑀳𑀺 𑀔𑀸𑀤𑀺𑀢𑀩𑁆𑀩𑁄𑀢𑀺 𑀔𑀦𑁆𑀥𑁄, 𑀅𑀫𑀢𑀺 𑀅𑀗𑁆𑀕𑀫𑀗𑁆𑀕𑀲𑁆𑀲 𑀭𑀼𑀚𑁆𑀚𑀦𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀅𑀦𑁆𑀥𑁄, 𑀘𑀓𑁆𑀔𑀼𑀦𑀸 𑀅𑀫𑀢𑀺 𑀭𑀼𑀚𑁆𑀚𑀢𑀻𑀢𑀺 𑀯𑀸 𑀅𑀦𑁆𑀥𑁄, 𑀢𑀁 𑀢𑀁 𑀞𑀸𑀦𑀁 𑀯𑀸𑀢𑁂𑀦 𑀕𑀘𑁆𑀙𑀢𑀻𑀢𑀺 𑀕𑀦𑁆𑀥𑁄. 𑀏𑀯𑀁 𑀔𑀦𑁆𑀥𑀓𑁄, 𑀅𑀦𑁆𑀥𑀓𑁄, 𑀕𑀦𑁆𑀥𑀓𑁄.
𑀧𑀝 𑀓𑀮 𑀓𑀼𑀲 𑀓𑀤 𑀪𑀕𑀦𑁆𑀤 𑀫𑁂𑀔 𑀯𑀓𑁆𑀓 𑀢𑀓𑁆𑀓 𑀧𑀮𑁆𑀮 𑀲𑀤𑁆𑀤 𑀫𑀽𑀮 𑀩𑀺𑀮 𑀯𑀺𑀤 𑀘𑀟𑀁 𑀧𑀜𑁆𑀘 𑀯𑀸 𑀯𑀲 𑀧𑀘𑀺 𑀫𑀘 𑀫𑀼𑀲 𑀕𑁄𑀢𑁆𑀣𑀼 𑀧𑀼𑀣𑀼 𑀩𑀳𑀼 𑀫𑀗𑁆𑀕 𑀩𑀳 𑀓𑀫𑁆𑀩 𑀲𑀫𑁆𑀩 𑀅𑀕𑁆𑀕𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀧𑀸𑀝𑀺 𑀧𑀤𑀺𑀓𑁂𑀳𑀺 𑀘 𑀉𑀢𑁆𑀢𑀭𑀧𑀤𑁂𑀲𑀼 𑀅𑀮𑀧𑀘𑁆𑀘𑀬𑁄 𑀳𑁄𑀢𑀺, 𑀧𑀘𑁆𑀙𑀸 𑀧𑀼𑀦 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀧𑀝𑁂 𑀅𑀮𑀦𑁆𑀢𑀺 𑀧𑀝𑀮𑀁, 𑀓𑀮𑁂 𑀅𑀮𑀦𑁆𑀢𑀺 𑀓𑀮𑀮𑀁, 𑀧𑀸𑀧𑀓𑁂 𑀅𑀓𑀼𑀲𑀮𑁂 𑀥𑀫𑁆𑀫𑁂 𑀓𑀼𑀲𑀢𑀺 𑀙𑀺𑀦𑁆𑀤𑀢𑀻𑀢𑀺 𑀓𑀼𑀲𑀮𑀁, 𑀓𑀼𑀲𑀪𑀽𑀢𑁂 𑀬𑀣𑀸𑀲𑀪𑀸𑀯𑀥𑀫𑁆𑀫𑁂 𑀅𑀮𑀦𑁆𑀢𑀺 𑀯𑀸 𑀓𑀼𑀲𑀮𑀁, 𑀓𑀼𑀲𑁂 𑀉𑀤𑁆𑀤𑀺𑀲𑁆𑀲 𑀤𑀸𑀦𑁂 𑀅𑀮𑀦𑁆𑀢𑀺 𑀯𑀸 𑀓𑀼𑀲𑀮𑀁, 𑀓𑀼𑀲𑁂 𑀲𑀜𑁆𑀘𑀬𑁂 𑀥𑀫𑁆𑀫𑀲𑀫𑀼𑀤𑀸𑀬𑁂 𑀅𑀮𑀦𑁆𑀢𑀺 ¶ 𑀯𑀸 𑀓𑀼𑀲𑀮𑀁, 𑀓𑀤𑁆𑀤𑁂 𑀫𑀤𑁆𑀤𑁂 𑀅𑀮𑀦𑁆𑀢𑀺 𑀓𑀤𑀮𑀁, 𑀪𑀕𑀦𑁆𑀤𑁂 𑀲𑁂𑀘𑀦𑁂 𑀅𑀮𑀦𑁆𑀢𑀺 𑀪𑀕𑀦𑁆𑀤𑀮𑀁, 𑀪𑀕𑀦𑁆𑀤𑁂 𑀫𑀼𑀢𑁆𑀢𑀓𑀭𑀻𑀲𑀳𑀭𑀡𑁂 𑀅𑀮𑀦𑁆𑀢𑀺 𑀯𑀸 𑀪𑀕𑀦𑁆𑀤𑀮𑀁, 𑀫𑁂𑀔𑁂 𑀓𑀝𑀺𑀯𑀺𑀘𑀺𑀢𑁆𑀢𑁂 𑀅𑀮𑀦𑁆𑀢𑀺 𑀫𑁂𑀔𑀮𑀁, 𑀯𑀓𑁆𑀓𑁂 𑀭𑀼𑀓𑁆𑀔𑀢𑀘𑁂 𑀅𑀮𑀦𑁆𑀢𑀺 𑀯𑀓𑁆𑀓𑀮𑀁, 𑀢𑀓𑁆𑀓𑁂 𑀭𑀼𑀓𑁆𑀔𑀲𑀺𑀮𑁂𑀲𑁂 𑀅𑀮𑀦𑁆𑀢𑀺 𑀢𑀓𑁆𑀓𑀮𑀁, 𑀧𑀮𑁆𑀮𑁂 𑀦𑀺𑀦𑁆𑀦𑀝𑁆𑀞𑀸𑀦𑁂 𑀅𑀮𑀦𑁆𑀢𑀺 𑀧𑀮𑁆𑀮𑀮𑀁, 𑀲𑀤𑁆𑀤𑁂 𑀳𑀭𑀺𑀢𑁂 𑀅𑀮𑀦𑁆𑀢𑀺 𑀲𑀤𑁆𑀤𑀮𑀁, 𑀫𑀽𑀮𑁂 𑀧𑀢𑀺𑀝𑁆𑀞𑀸𑀦𑁂 𑀅𑀮𑀦𑁆𑀢𑀺 𑀫𑀼𑀮𑀸𑀮𑀁, 𑀩𑀺𑀴𑁂 𑀦𑀺𑀲𑁆𑀲𑀬𑁂 𑀅𑀮𑀦𑁆𑀢𑀺 𑀩𑀺𑀮𑀸𑀮𑀁, 𑀯𑀺𑀤𑁂 𑀯𑀺𑀚𑁆𑀚𑀫𑀸𑀦𑁂 𑀅𑀮𑀦𑁆𑀢𑀺 𑀯𑀺𑀤𑀮𑀁, 𑀘𑀡𑁆𑀟𑁂 𑀅𑀮𑀦𑁆𑀢𑀺 𑀘𑀡𑁆𑀟𑀸𑀮𑁄, 𑀧𑀜𑁆𑀘𑀦𑁆𑀦𑀁 𑀭𑀸𑀚𑀽𑀦𑀁 𑀅𑀮𑀦𑁆𑀢𑀺 𑀧𑀜𑁆𑀘𑀸𑀮𑁄, 𑀯𑀸 𑀕𑀢𑀺𑀕𑀦𑁆𑀥𑀦𑁂𑀲𑀼 𑀅𑀮𑀦𑁆𑀢𑀺 𑀯𑀸𑀮𑀁, 𑀯𑀸 𑀧𑀤𑀕𑀫𑀦𑁂 𑀅𑀮𑀦𑁆𑀢𑀺 𑀯𑀸 𑀯𑀸𑀴𑁄, 𑀯𑀲𑁂 𑀅𑀘𑁆𑀙𑀸𑀤𑀦𑁂 𑀅𑀮𑀦𑁆𑀢𑀺 𑀯𑀲𑀮𑁄, 𑀧𑀘𑁂 𑀯𑀺𑀢𑁆𑀣𑀸𑀭𑁂 𑀅𑀮𑀦𑁆𑀢𑀺 𑀧𑀘𑀮𑁄, 𑀫𑀘𑁂 𑀘𑁄𑀭𑀓𑀫𑁆𑀫𑁂 𑀅𑀮𑀦𑁆𑀢𑀺 𑀫𑀘𑀮𑁄, 𑀫𑀼𑀲𑁂 𑀣𑁂𑀬𑁆𑀬𑁂, 𑀫𑀼𑀲𑁂 𑀧𑀸𑀡𑀘𑀸𑀕𑁂 𑀯𑀸 𑀅𑀮𑀦𑁆𑀢𑀺 𑀫𑀼𑀲𑀮𑁄, 𑀕𑁄𑀢𑁆𑀢𑁂 𑀯𑀁𑀲𑁂 𑀲𑀺𑀗𑁆𑀕𑀸𑀮𑀚𑀸𑀢𑀺𑀬𑀁 𑀅𑀮𑀦𑁆𑀢𑀺 𑀕𑁄𑀢𑁆𑀣𑀼𑀮𑁄, 𑀧𑀼𑀣𑀼𑀫𑁆𑀳𑀺 𑀯𑀺𑀢𑁆𑀣𑀸𑀭𑁂 𑀅𑀮𑀦𑁆𑀢𑀺 𑀧𑀼𑀣𑀼𑀮𑁄, 𑀩𑀳𑀼𑀫𑁆𑀳𑀺 𑀲𑀗𑁆𑀔𑁆𑀬𑀸𑀦𑁂 𑀅𑀮𑀦𑁆𑀢𑀺 𑀩𑀳𑀼𑀮𑁄, 𑀩𑀳𑀼𑀫𑁆𑀳𑀺 𑀯𑀼𑀤𑁆𑀥𑀺𑀫𑁆𑀳𑀺 𑀅𑀮𑀦𑁆𑀢𑀺 𑀯𑀸 𑀩𑀳𑀼𑀮𑁄, 𑀫𑀗𑁆𑀕𑀫𑁆𑀳𑀺 𑀕𑀫𑀦𑁂 𑀅𑀮𑀦𑁆𑀢𑀺 𑀫𑀗𑁆𑀕𑀮𑀁, 𑀩𑀳𑀼𑀫𑁆𑀳𑀺 𑀯𑀼𑀤𑁆𑀥𑀺𑀫𑁆𑀳𑀺 𑀅𑀮𑀦𑁆𑀢𑀺 𑀩𑀳𑀮𑀁, 𑀓𑀫𑁆𑀩𑀫𑁆𑀳𑀺 𑀲𑀜𑁆𑀘𑀮𑀦𑁂 𑀅𑀮𑀦𑁆𑀢𑀺 ¶ 𑀓𑀫𑁆𑀩𑀮𑀁. 𑀲𑀫𑁆𑀩𑀫𑁆𑀳𑀺 𑀫𑀡𑁆𑀟𑀮𑁂 𑀅𑀮𑀦𑁆𑀢𑀺 𑀲𑀫𑁆𑀩𑀮𑀁, 𑀅𑀕𑁆𑀕𑁂 𑀕𑀢𑀺𑀓𑁄𑀝𑀺𑀮𑁆𑀮𑁂 𑀅𑀮𑀦𑁆𑀢𑀺 𑀅𑀕𑁆𑀕𑀴𑀁. 𑀇𑀘𑁆𑀘𑁂𑀯𑀫𑀸𑀤𑀬𑁄 𑀅𑀜𑁆𑀜𑁂𑀧𑀺 𑀲𑀤𑁆𑀤𑀸 𑀪𑀯𑀦𑁆𑀢𑀺.
𑁬𑁬𑁬, 𑁬𑁭𑁬. 𑀧𑀼𑀣𑀲𑁆𑀲 𑀧𑀼𑀣𑀼 𑀧𑀣𑀸 𑀫𑁄 𑀯𑀸.
𑀧𑀼𑀣𑀇𑀘𑁆𑀘𑁂𑀢𑀲𑁆𑀲 𑀧𑀸𑀝𑀺𑀧𑀤𑀺𑀓𑀲𑁆𑀲 𑀧𑀼𑀣𑀼 𑀧𑀣𑀸𑀤𑁂𑀲𑀸 𑀳𑁄𑀦𑁆𑀢𑀺, 𑀓𑁆𑀯𑀘𑀺 𑀅𑀫𑀧𑀘𑁆𑀘𑀬𑁄 𑀳𑁄𑀢𑀺.
𑀧𑀼𑀣 𑀳𑀼𑀢𑁆𑀯𑀸 𑀚𑀸𑀢𑀦𑁆𑀢𑀺 𑀧𑀼𑀣𑀯𑀻 𑀧𑀣𑀫𑁂 𑀚𑀸𑀢𑁄 𑀧𑀣𑀫𑁄, 𑀧𑀣𑀯𑀻, 𑀧𑀞𑀫𑁄 𑀯𑀸, 𑀧𑀼𑀣𑀼 𑀓𑀺𑀮𑁂𑀲𑁂 𑀚𑀦𑁂𑀢𑀻𑀢𑀺 𑀧𑀼𑀣𑀼𑀚𑁆𑀚𑀦𑁄, 𑀧𑀼𑀣𑀼 𑀳𑀼𑀢𑁆𑀯𑀸 𑀚𑀸𑀢𑀦𑁆𑀢𑀺 𑀧𑀣𑀯𑀻, 𑀧𑀣𑀯𑀻 𑀯𑀸.
𑀲𑀲𑀼 𑀤𑀤 𑀅𑀤 𑀫𑀤𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀢𑀼 𑀤𑀼𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀅𑀜𑁆𑀜𑁂 𑀲𑀢𑁆𑀢𑁂 𑀲𑀲𑀢𑀺 𑀳𑀺𑀁𑀲𑀢𑀻𑀢𑀺 𑀲𑀢𑁆𑀢𑀼, 𑀤𑀼𑀓𑁆𑀔𑀁 𑀤𑀤𑀸𑀢𑀻𑀢𑀺 𑀤𑀤𑁆𑀤𑀼, 𑀤𑀼𑀓𑁆𑀔𑁂𑀦 𑀅𑀤𑀢𑀺 𑀪𑀓𑁆𑀔𑀢𑀺 𑀏𑀢𑁆𑀣𑀸𑀢𑀺 𑀅𑀤𑁆𑀤𑀼, 𑀤𑀼𑀓𑁆𑀔𑀁 𑀅𑀤𑀢𑀺 𑀅𑀦𑀼𑀪𑀯𑀢𑀺 𑀚𑀦𑁄 𑀏𑀢𑁂𑀦𑀸𑀢𑀺 𑀯𑀸 𑀅𑀤𑁆𑀤𑀼, 𑀤𑀼𑀓𑁆𑀔𑀁 𑀪𑀸𑀚𑀦𑀁 ¶ 𑀆𑀥𑀸𑀭𑀁 𑀪𑀸𑀯𑀢𑀻𑀢𑀺 𑀯𑀸 𑀅𑀤𑁆𑀤𑀼, 𑀫𑀤𑀢𑀺 𑀉𑀫𑁆𑀫𑀢𑁆𑀢𑀁 𑀓𑀭𑁄𑀢𑀻𑀢𑀺 𑀫𑀤𑁆𑀤𑀼, 𑀫𑀤𑀢𑀺 𑀫𑀤𑁆𑀤𑀪𑀸𑀯𑀁 𑀓𑀭𑁄𑀢𑀻𑀢𑀺 𑀯𑀸 𑀫𑀤𑁆𑀤𑀼.
𑀘𑀺 𑀧𑀸 𑀥𑀸𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀈𑀯𑀭𑀧𑀘𑁆𑀘𑀬𑁄𑀳𑁄𑀢𑀺.
𑀘𑀻𑀬𑀢𑀻𑀢𑀺 𑀘𑀻𑀯𑀭𑀁, 𑀧𑀺𑀯𑀢𑀻𑀢𑀺 𑀧𑀻𑀯𑀭𑁄, 𑀧𑀸𑀢𑀩𑁆𑀩𑀁 𑀭𑀓𑁆𑀔𑀺𑀢𑀩𑁆𑀩𑀦𑁆𑀢𑀺 𑀯𑀸 𑀧𑀻𑀯𑀭𑀁. 𑀥𑀸𑀭𑁂𑀢𑀺 𑀥𑀸𑀭𑁂𑀢𑁆𑀯𑀸 𑀚𑀻𑀯𑀺𑀢𑀁 𑀓𑀧𑁆𑀧𑁂𑀢𑀻𑀢𑀺 𑀥𑀻𑀯𑀭𑁄, 𑀥𑀻𑀯𑀭𑀁.
𑀫𑀼𑀦 𑀬𑀢 𑀅𑀕𑁆𑀕 𑀧𑀢 𑀓𑀯 𑀲𑀼𑀘 𑀭𑀼𑀘 𑀫𑀳𑀸𑀮 𑀪𑀤𑁆𑀤𑀸𑀮 𑀫𑀦𑀇𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀧𑀸𑀝𑀺𑀧𑀤𑀺𑀓𑁂𑀳𑀺 𑀘 𑀇𑀧𑀘𑁆𑀘𑀬𑁄 𑀳𑁄𑀢𑀺.
𑀅𑀢𑁆𑀣𑀸𑀦𑀢𑁆𑀣𑀁 𑀫𑀼𑀦𑀸𑀢𑀺, 𑀜𑁂𑀬𑁆𑀬𑀥𑀫𑁆𑀫𑀁 𑀮𑀓𑁆𑀔𑀡𑀸𑀤𑀺𑀯𑀲𑁂𑀦 𑀯𑀸 𑀚𑀸𑀦𑀸𑀢𑀻𑀢𑀺 𑀫𑀼𑀦𑀺, 𑀬𑀢𑀢𑀺 𑀯𑀻𑀭𑀺𑀬𑀁 𑀓𑀭𑁄𑀢𑀻𑀢𑀺 𑀬𑀢𑀺, 𑀅𑀕𑁆𑀕𑀢𑀺 𑀓𑀼𑀝𑀺𑀮𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀅𑀕𑁆𑀕𑀺, 𑀧𑀢𑀢𑀺 𑀲𑁂𑀝𑁆𑀞𑁄 𑀳𑀼𑀢𑁆𑀯𑀸 𑀧𑀼𑀭𑀢𑁄 𑀕𑀘𑁆𑀙𑀢𑀻𑀢𑀺 𑀧𑀢𑀺, 𑀓𑀩𑁆𑀬𑀁 𑀩𑀦𑁆𑀥𑀢𑀻𑀢𑀺 𑀓𑀯𑀺, 𑀓𑀦𑁆𑀢𑀁 𑀫𑀦𑀸𑀧𑀯𑀘𑀦𑀁 𑀯𑀤𑀢𑀻𑀢𑀺 𑀯𑀸 𑀓𑀯𑀺. 𑀲𑀼𑀘𑀢𑀺 𑀧𑀭𑀺𑀲𑀼𑀤𑁆𑀥𑀁 𑀪𑀯𑀢𑀻𑀢𑀺 𑀲𑀼𑀘𑀺, 𑀭𑀼𑀘𑀢𑀺 𑀤𑀺𑀩𑁆𑀩𑀢𑀻𑀢𑀺 𑀭𑀼𑀘𑀺, 𑀫𑀳𑀦𑁆𑀢𑀁 𑀯𑀺𑀪𑀸𑀯𑀁 𑀪𑁄𑀕𑀓𑁆𑀔𑀦𑁆𑀥𑀁 𑀮𑀸𑀢𑀻𑀢𑀺 𑀫𑀳𑀸𑀮𑀺, 𑀪𑀤𑁆𑀤𑀁 𑀬𑀲𑀁 𑀮𑀸𑀢𑀻𑀢𑀺 𑀪𑀤𑁆𑀤𑀸𑀮𑀺, 𑀫𑀦𑀁 𑀢𑀢𑁆𑀣 𑀭𑀢𑀦𑁂 𑀦𑀬𑀢𑀻𑀢𑀺 𑀫𑀡𑀺.
𑁬𑁭𑁦, 𑁬𑁮𑁦. 𑀯𑀺𑀤𑀸𑀤𑀻𑀳𑁆𑀬𑀽𑀭𑁄 ¶ .
𑀯𑀺𑀤 𑀯𑀮𑁆𑀮 𑀫𑀲 𑀲𑀺𑀤 𑀤𑀼𑀓𑀼𑀓𑀧𑀼 𑀫𑀬 𑀉𑀤𑀺 𑀔𑀚𑁆𑀚 𑀓𑀼𑀭𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀧𑀸𑀝𑀺𑀧𑀤𑀺𑀓𑁂𑀳𑀺 𑀘 𑀊𑀭𑀧𑀘𑁆𑀘𑀬𑁄𑀳𑁄𑀢𑀺.
𑀯𑀺𑀤𑀺𑀢𑀼𑀁 𑀅𑀮𑀦𑁆𑀢𑀺 𑀯𑀺𑀤𑀽𑀭𑁄, 𑀯𑀺𑀤𑀽𑀭𑀝𑁆𑀞𑀸𑀦𑁂 𑀚𑀸𑀢𑁄 𑀯𑁂𑀤𑀽𑀭𑁄, 𑀯𑀮𑁆𑀮𑀢𑀺 𑀯𑀮𑁆𑀮𑀪𑀸𑀯𑁂𑀦 𑀪𑀯𑀢𑀻𑀢𑀺 𑀯𑀮𑁆𑀮𑀽𑀭𑁄, 𑀯𑀮𑁆𑀮𑀢𑀺 𑀅𑀜𑁆𑀜𑀫𑀜𑁆𑀜𑀁 𑀩𑀦𑁆𑀥𑀢𑀻𑀢𑀺 𑀯𑀸 𑀯𑀮𑁆𑀮𑀽𑀭𑁄, 𑀆𑀫𑀲𑀺𑀢𑀩𑁆𑀩𑁄𑀢𑀺 𑀫𑀲𑀽𑀭𑁄, 𑀲𑀺𑀦𑁆𑀤𑀢𑀺 𑀲𑀺𑀗𑁆𑀕𑀸𑀭𑀪𑀸𑀯𑀁 𑀕𑀘𑁆𑀙𑀢𑀻𑀢𑀺 𑀲𑀺𑀦𑁆𑀤𑀽𑀭𑁄, 𑀲𑀺𑀦𑁆𑀤𑀢𑀺 𑀯𑀺𑀭𑁄𑀘𑀢𑀻𑀢𑀺 𑀯𑀸 𑀲𑀺𑀦𑁆𑀤𑀽𑀭𑁄, 𑀕𑀫𑀺𑀢𑀼𑀁 𑀅𑀮𑀁 𑀅𑀦𑀸𑀲𑀦𑁆𑀦𑀢𑁆𑀢𑀸𑀢𑀺 𑀤𑀽𑀭𑁄, 𑀓𑀼𑀢𑀺 𑀲𑀤𑁆𑀤𑀁 𑀓𑀭𑁄𑀢𑀻𑀢𑀺 𑀓𑀽𑀭𑁄, 𑀅𑀢𑁆𑀢𑀦𑁄 𑀕𑀦𑁆𑀥𑁂𑀦 𑀅𑀜𑁆𑀜𑀁 𑀕𑀦𑁆𑀥𑀁 𑀓𑀧𑀢𑀺 𑀳𑀦𑀢𑀺 𑀳𑀺𑀁𑀲𑀢𑀻𑀢𑀺 𑀓𑀧𑁆𑀧𑀽𑀭𑁄, 𑀓𑀧𑁆𑀧𑀢𑀺 𑀭𑁄𑀕𑀸𑀧𑀦𑀬𑀦𑁂 𑀲𑀫𑀢𑁆𑀣𑁂𑀢𑀻𑀢𑀺 𑀯𑀸 𑀓𑀧𑁆𑀧𑀽𑀭𑁄, 𑀫𑀳𑀺𑀬𑀁 𑀭𑀯𑀢𑀻𑀢𑀺 𑀫𑀬𑀽𑀭𑁄, 𑀫𑀳𑀺𑀬𑀁 𑀬𑀸𑀢𑀺 𑀕𑀘𑁆𑀙𑀢𑀻𑀢𑀺 𑀫𑀬𑀽𑀭𑁄, 𑀧𑀁𑀲𑀼𑀁 𑀉𑀦𑁆𑀤𑀢𑀺 𑀧𑀲𑀯𑀢𑀻𑀢𑀺 𑀉𑀦𑁆𑀤𑀽𑀭𑁄, 𑀔𑀚𑁆𑀚𑀺𑀢𑀩𑁆𑀩𑁄 𑀔𑀸𑀤𑀺𑀢𑀩𑁆𑀩𑁄𑀢𑀺 𑀔𑀚𑁆𑀚𑀽𑀭𑁄, 𑀓𑀼𑀭𑀢𑀺 𑀅𑀓𑁆𑀓𑁄𑀲𑀢𑀻𑀢𑀺 𑀓𑀼𑀭𑀽𑀭𑁄.
𑀳𑀦 𑀚𑀦 𑀪𑀸𑀭𑀺 𑀔𑀦𑀼 𑀅𑀫 𑀯𑁂 𑀯𑁂𑀥𑀸 𑀲𑀺𑀓𑀺 𑀳𑀺 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺 𑀦𑀼 𑀡𑀼 𑀓𑀼𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺.
𑀪𑁄𑀚𑀦𑀁 ¶ 𑀳𑀦𑀢𑀺 𑀳𑀺𑀁𑀲𑀢𑀺 𑀏𑀢𑁂𑀦𑀸𑀢𑀺 𑀳𑀡𑀼, 𑀳𑀦𑀼 𑀯𑀸. 𑀕𑀫𑀦𑀁 𑀚𑀦𑁂𑀢𑀻𑀢𑀻 𑀚𑀸𑀡𑀼, 𑀪𑀸𑀡𑀼 𑀤𑀺𑀩𑁆𑀩𑀢𑀻𑀢𑀺 𑀪𑀸𑀡𑀼, 𑀦𑀺𑀯𑀸𑀢𑁂 𑀭𑀺𑀢𑀺 𑀕𑀘𑁆𑀙𑀢𑀻𑀢𑀻 𑀭𑁂𑀡𑀼, 𑀔𑀡𑀺𑀢𑀩𑁆𑀩𑁄 𑀅𑀯𑀤𑀸𑀭𑀺𑀢𑀩𑁆𑀩𑁄𑀢𑀺 𑀔𑀸𑀡𑀼. 𑀅𑀗𑁆𑀕𑀫𑀗𑁆𑀕𑀲𑁆𑀲 𑀭𑀼𑀚𑁆𑀚𑀦𑀪𑀸𑀯𑀁 𑀯𑀺𑀚𑁆𑀛𑀦𑀪𑀸𑀯𑀁 𑀅𑀫𑀢𑀺 𑀕𑀘𑁆𑀙𑀢𑀻𑀢𑀺 𑀅𑀡𑀼, 𑀯𑁂𑀡𑀼, 𑀯𑁂𑀢𑀺 𑀢𑀦𑁆𑀢𑀲𑀦𑁆𑀢𑀸𑀦𑁂 𑀪𑀯𑀢𑀻𑀢𑀻 𑀯𑁂𑀡𑀼, 𑀩𑀳𑀺𑀲𑀸𑀭𑁂𑀅𑀮𑀦𑁆𑀢𑀺𑀯𑀸𑀯𑁂𑀡𑀼 𑀯𑀘𑁆𑀙𑀁, 𑀧𑀸𑀬𑁂𑀢𑀻𑀢𑀻 𑀥𑁂𑀦𑀼, 𑀅𑀢𑁆𑀣𑀁 𑀥𑀸𑀭𑁂𑀢𑀻𑀢𑀻 𑀥𑀸𑀢𑀼, 𑀕𑀫𑀦𑀧𑀘𑀦𑀸𑀤𑀺𑀓𑀁 𑀓𑁆𑀭𑀺𑀬𑀁 𑀥𑀸𑀭𑁂𑀢𑀻𑀢𑀻 𑀯𑀸 𑀥𑀸𑀢𑀼, 𑀲𑀻𑀬𑀢𑀻 𑀩𑀦𑁆𑀥𑀻𑀬𑀢𑀻𑀢𑀻 𑀲𑁂𑀢𑀼, 𑀉𑀤𑁆𑀥𑀁 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀻 𑀓𑁂𑀢𑀼, 𑀅𑀢𑁆𑀢𑀦𑁄 𑀨𑀮𑀁 𑀳𑀺𑀦𑁄𑀢𑀺 𑀧𑀯𑀢𑁆𑀢𑀢𑀻𑀢𑀻 𑀳𑁂𑀢𑀼.
𑀓𑀼𑀝 𑀓𑀼𑀲 𑀓𑀝𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀧𑀸𑀝𑀺𑀧𑀤𑀺𑀓𑁂𑀳𑀺 𑀘 𑀞𑀧𑀘𑁆𑀘𑀬𑁄 𑀳𑁄𑀢𑀻.
𑀅𑀗𑁆𑀕𑀫𑀗𑁆𑀕𑀁 𑀓𑀼𑀝𑀢𑀺 𑀙𑀺𑀦𑁆𑀤𑀢𑀻𑀢𑀻 𑀓𑀼𑀝𑁆𑀞𑀁, 𑀥𑀜𑁆𑀜𑁂𑀦 𑀙𑀸𑀤𑁂𑀢𑀩𑁆𑀩𑁄 𑀧𑀽𑀭𑁂𑀢𑀩𑁆𑀩𑁄𑀢𑀻 𑀓𑁄𑀝𑁆𑀞𑁄, 𑀓𑀝𑀺𑀢𑀩𑁆𑀩𑀁 𑀫𑀤𑁆𑀤𑀺𑀢𑀩𑁆𑀩𑀦𑁆𑀢𑀺, 𑀓𑀝𑁆𑀞𑀁.
𑁬𑁭𑁩, 𑁬𑁮𑁩. 𑀫𑀦𑀼 𑀧𑀽𑀭 𑀲𑀼𑀡𑀸𑀤𑀻𑀳𑀺 𑀉𑀲𑁆𑀲 𑀦𑀼𑀲𑀺𑀲𑀸.
𑀫𑀦𑀼 𑀧𑀽𑀭 𑀲𑀼𑀡 𑀓𑀼𑀲𑀼 𑀇𑀮 𑀅𑀮 𑀫𑀳 𑀲𑀺 𑀓𑀺 𑀇𑀘𑁆𑀘𑁂𑀯𑀫𑀸𑀤𑀻𑀳𑀺 𑀥𑀸𑀢𑀽𑀳𑀺, 𑀧𑀸𑀝𑀺𑀧𑀤𑀺𑀓𑁂𑀳𑀺 𑀘 𑀉𑀲 𑀦𑀼𑀲 𑀇𑀲𑀇𑀘𑁆𑀘𑁂𑀢𑁂 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺, 𑀧𑀼𑀦 𑀦𑀺𑀧𑁆𑀧𑀚𑁆𑀚𑀦𑁆𑀢𑁂.
𑀓𑀼𑀲𑀮𑀸𑀓𑀼𑀲𑀮𑁂 ¶ 𑀥𑀫𑁆𑀫𑁂 𑀫𑀦𑀢𑀺 𑀚𑀸𑀦𑀸𑀢𑀻𑀢𑀺 𑀫𑀦𑀼𑀲𑁆𑀲𑁄, 𑀫𑀸𑀦𑀼𑀲𑁄. 𑀓𑀸𑀭𑀡𑀸 𑀓𑀸𑀭𑀡𑀁 𑀫𑀦𑀢𑀺 𑀚𑀸𑀦𑀸𑀢𑀻𑀢𑀺 𑀯𑀸 𑀫𑀦𑀼𑀲𑁆𑀲𑁄, 𑀫𑀸𑀦𑀼𑀲𑁆𑀲𑁄. 𑀅𑀢𑁆𑀣𑀸𑀦𑀢𑁆𑀣𑀁 𑀫𑀦𑀢𑀺 𑀚𑀸𑀦𑀸𑀢𑀻𑀢𑀺 𑀯𑀸 𑀫𑀦𑀼𑀲𑁆𑀲𑁄, 𑀫𑀸𑀦𑀼𑀲𑁆𑀲𑁄. 𑀫𑀸𑀢𑀸𑀧𑀺𑀢𑀽𑀦𑀁 𑀳𑀤𑀬𑀁 𑀧𑀽𑀭𑁂𑀢𑀻𑀢𑀺 𑀧𑀼𑀭𑀺𑀲𑁄, 𑀅𑀢𑁆𑀢𑀦𑁄 𑀫𑀦𑁄𑀭𑀣𑀁 𑀧𑀽𑀭𑁂𑀢𑀻𑀢𑀺 𑀯𑀸 𑀧𑀼𑀭𑀺𑀲𑁄, 𑀧𑀽𑀭𑁂𑀢𑀻𑀢𑀺 𑀯𑀸 𑀧𑁄𑀲𑁄, 𑀲𑀲𑀼𑀭𑁂𑀳𑀺 𑀲𑀼𑀡𑀺𑀢𑀩𑁆𑀩𑀸 𑀳𑀺𑀁𑀲𑀺𑀢𑀩𑁆𑀩𑀸𑀢𑀺 𑀲𑀼𑀡𑀺𑀲𑀸, 𑀤𑁆𑀯𑀺𑀦𑁆𑀦𑀁 𑀚𑀸𑀦𑀸𑀦𑀁 𑀓𑀼𑀮𑀲𑀦𑁆𑀢𑀸𑀦𑀁 𑀓𑀭𑁄𑀢𑀻𑀢𑀺 𑀯𑀸 𑀲𑀼𑀡𑀺𑀲𑀸, 𑀓𑀼𑀘𑁆𑀙𑀺𑀢𑀩𑁆𑀩𑀦𑁆𑀢𑀺 𑀓𑀭𑀻𑀲𑀁, 𑀕𑀩𑁆𑀪𑀁 𑀯𑀺𑀫𑁄𑀘𑁂𑀢𑀻𑀢𑀺 𑀲𑀼𑀭𑀺𑀲𑁄, 𑀢𑀫𑀦𑁆𑀥𑀓𑀸𑀭𑀯𑀺𑀥𑀫𑀦𑁂𑀦 𑀲𑀢𑁆𑀢𑀸𑀦𑀁 𑀪𑀬𑀁 𑀲𑀼𑀭𑀢𑀺 𑀳𑀺𑀁𑀲𑀢𑀻𑀢𑀺 𑀲𑀽𑀭𑀺𑀬𑁄, 𑀭𑁄𑀕𑀁 𑀳𑀺𑀁𑀲𑀢𑀻𑀢𑀺 𑀲𑀺𑀭𑀻𑀲𑁄, 𑀇𑀮𑀢𑀺 𑀓𑀫𑁆𑀧𑀢𑀻𑀢𑀺 𑀇𑀮𑁆𑀮𑀺𑀲𑁄, 𑀢𑀡𑁆𑀳𑀸𑀬 𑀤𑀼𑀩𑁆𑀩𑀮𑁄 𑀳𑀼𑀢𑁆𑀯𑀸 𑀇𑀮𑀢𑀺 𑀓𑀫𑁆𑀧𑀢𑀻𑀢𑀺 𑀯𑀸 𑀇𑀮𑁆𑀮𑀺𑀖𑁄, 𑀧𑀸𑀧𑀓𑀭𑀡𑁂 𑀅𑀮𑀢𑀺 𑀲𑀫𑀢𑁆𑀣𑁂𑀢𑀻𑀢𑀺 𑀅𑀮𑀲𑁄, 𑀫𑀳𑀺𑀢𑀩𑁆𑀩𑁄 𑀧𑀽𑀚𑁂𑀢𑀩𑁆𑀩𑁄𑀢𑀺 𑀫𑀳𑀺𑀲𑁄, 𑀲𑀻𑀬𑀢𑀺 𑀩𑀦𑁆𑀥𑀻𑀬𑀢𑀻𑀢𑀺 𑀲𑀻𑀲𑀁, 𑀓𑀺𑀢𑀩𑁆𑀩𑀁 𑀳𑀺𑀁𑀲𑀺𑀢𑀩𑁆𑀩𑀦𑁆𑀢𑀺 𑀓𑀺𑀲𑀁, 𑀇𑀘𑁆𑀘𑁂𑀯𑀫𑀸𑀤𑀺.
𑀇𑀢𑀺 𑀓𑀺𑀩𑁆𑀩𑀺𑀥𑀸𑀦𑀓𑀧𑁆𑀧𑁂 𑀉𑀡𑀸𑀤𑀺𑀓𑀧𑁆𑀧𑁄 𑀙𑀝𑁆𑀞𑁄 𑀓𑀡𑁆𑀟𑁄.
𑀉𑀡𑀸𑀤𑀺𑀓𑀧𑁆𑀧𑁄 𑀦𑀺𑀝𑁆𑀞𑀺𑀢𑁄.
𑀓𑀘𑁆𑀘𑀸𑀬𑀦𑀧𑀓𑀭𑀡𑀁 𑀦𑀺𑀝𑁆𑀞𑀺𑀢𑀁.