𑀅𑀜𑁆𑀜 > 𑀩𑁆𑀬𑀸𑀓𑀭𑀡 𑀕𑀦𑁆𑀣-𑀲𑀗𑁆𑀕𑀳𑁄

𑀅𑀓𑀸𑀭𑀸𑀤𑀬𑁄 ¶ 𑀦𑀺𑀕𑁆𑀕𑀳𑀻𑀢𑀦𑁆𑀢𑀸 𑀢𑁂𑀘𑀢𑁆𑀢𑀸𑀮𑀻𑀲𑀓𑁆𑀔𑀭𑀸 𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺. 𑀢𑀁 𑀬𑀣𑀸 𑀅, 𑀆, 𑀇, 𑀈, 𑀉, 𑀊, 𑀏, ऐ, 𑀑, औ, 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀬 𑀭 𑀮𑀯 𑀲 𑀳 𑀴 𑀅𑀁. 𑀢𑁂𑀦 𑀓𑁆𑀯𑀢𑁆𑀣𑁄 ‘‘𑀏 𑀑𑀦+𑀫 𑀯𑀡𑁆𑀡𑁂’’𑀢𑀺. 𑀢𑀺𑀢𑀸𑀮𑀻𑀲𑀸𑀢𑀺 𑀯𑀘𑀦𑀁 𑀓𑀢𑁆𑀣𑀘𑀺 𑀯𑀡𑁆𑀡𑀮𑁄𑀧𑀁 𑀜𑀸𑀧𑁂𑀢𑀺, 𑀢𑁂𑀦 ‘‘𑀧𑀝𑀺𑀲𑀗𑁆𑀔𑀸 𑀬𑁄𑀦𑀺𑀲𑁄’’𑀢𑀺𑀆𑀤𑀺 𑀲𑀺𑀤𑁆𑀥𑀁.

𑀅𑀓𑀸𑀭𑁄 𑀆𑀤𑀺 𑀫𑀭𑀺𑀬𑀸𑀤𑀪𑀽𑀢𑁄 𑀬𑁂𑀲𑀁 𑀢𑁂 𑀅𑀆𑀤𑀬𑁄. 𑀢𑀬𑁄 𑀘 𑀘𑀢𑁆𑀢𑀸𑀮𑀻𑀲 𑀘𑁂𑀢𑀺 𑀢𑀺𑀢𑀸𑀮𑀻𑀲, 𑀇𑀫𑀺𑀦𑀸 𑀦𑀺𑀧𑀸𑀢𑀦𑁂𑀦 𑀯𑀸 𑀘𑀢𑀪𑀸𑀕𑀮𑁄𑀧𑁄. 𑀯𑀡𑁆𑀡𑀻𑀬𑀢𑀺 𑀅𑀢𑁆𑀣𑁄 𑀏𑀢𑁂𑀳𑀻𑀢𑀺 𑀯𑀡𑁆𑀡𑀸.

𑀏𑀢𑁆𑀣𑀸+𑀳 𑁋 ‘‘𑀓𑀲𑁆𑀫𑀸 𑀆𑀘𑀭𑀺𑀬𑀓𑀘𑁆𑀘𑀸𑀬𑀦𑀸𑀤𑀻𑀳𑀺 𑀯𑀺𑀬 𑀏𑀓𑀘𑀢𑁆𑀢𑀸𑀮𑀻𑀲𑀓𑁆𑀔𑀭𑀸𑀦+𑀫𑀓𑁆𑀔𑀭𑀲𑀜𑁆𑀜+𑀫𑀓𑀢𑁆𑀯𑀸 𑀢𑀺𑀢𑀸𑀮𑀻𑀲𑀓𑁆𑀔𑀭𑀸𑀦𑀁 𑀯𑀡𑁆𑀡𑀲𑀜𑁆𑀜𑀸 𑀓𑀢𑀸’’𑀢𑀺. 𑀯𑀼𑀘𑁆𑀘𑀢𑁂 𑁋

𑀲𑀸 𑀫𑀸𑀕𑀥𑀻 𑀫𑀽𑀮𑀪𑀸𑀲𑀸, 𑀦𑀭𑀸 𑀬𑀸𑀬𑀸+𑀤𑀺𑀓𑀧𑁆𑀧𑀺𑀓𑀸;

𑀩𑁆𑀭𑀳𑁆𑀫𑀸𑀦𑁄 𑀘𑀸-𑀲𑀼𑀢𑀸𑀮𑀸𑀧𑀸, 𑀲𑀫𑁆𑀩𑀼𑀤𑁆𑀥𑀸 𑀘𑀸𑀧𑀺 𑀪𑀸𑀲𑀭𑁂𑀢𑀺 𑁋

𑀯𑀘𑀦𑀢𑁄 𑀫𑀸𑀕𑀥𑀺𑀓𑀸𑀦𑀁 𑀏𑀢𑁆𑀣, 𑀲𑁂𑀬𑁆𑀬𑁄, 𑀑𑀝𑁆𑀞𑁄, 𑀲𑁄𑀢𑁆𑀣𑀺-𑀢𑁆𑀬𑀸𑀤𑀻𑀲𑀼𑀧𑀺 𑀅𑀲𑁂𑀲𑀩𑁆𑀬𑀸𑀧𑀺𑀓𑀸𑀦𑀁 𑀢𑀺𑀢𑀸𑀮𑀻𑀲𑀓𑁆𑀔𑀭𑀸𑀦𑀁𑀯 𑀉𑀚𑀼𑀓𑀸𑀦𑁆𑀯𑀢𑁆𑀣𑀧𑁆𑀧𑀓𑁆𑀔𑀭𑀕𑀼𑀡𑀺𑀓𑀸, 𑀦𑁂𑀯 𑀧𑀦 ‘𑀭𑀼𑀓𑁆𑀔𑀸 𑀯𑀦𑀁’𑀢𑁆𑀬𑀸𑀤𑁄 𑀯𑀺𑀬 𑀅𑀯𑀬𑀯𑁂 𑀲𑀫𑀼𑀤𑀸𑀬𑀯𑁄𑀳𑀸𑀭𑁄, ‘𑀲𑀫𑀼𑀤𑁆𑀤𑁄 𑀫𑀬𑀸 𑀤𑀺𑀝𑁆𑀞𑁄’𑀢𑁆𑀬𑀸𑀤𑁄 𑀯𑀺𑀬 𑀘 𑀲𑀫𑀼𑀤𑀸𑀬𑁂 𑀅𑀯𑀬𑀯𑀯𑁄𑀳𑀸𑀭𑁄𑀢𑀺 𑀤𑀲𑁆𑀲𑁂𑀢𑀼𑀁 𑀧𑀘𑁆𑀘𑁂𑀓𑀁 𑀯𑀡𑁆𑀡𑀲𑀜𑁆𑀜𑀸 𑀓𑀢𑀸𑀢𑀺.

‘‘𑀲𑀓𑁆𑀓𑀘𑁆𑀘𑀲𑀯𑀦𑀁 𑀩𑀼𑀤𑁆𑀥𑀲𑀸𑀲𑀦𑀲𑀫𑁆𑀧𑀢𑁆𑀢𑀻’’𑀢𑀺 ‘‘𑀲𑀺𑀣𑀺𑀮𑀥𑀦𑀺𑀢𑀸𑀤𑀺 𑀅𑀓𑁆𑀔𑀭𑀯𑀺𑀧𑀢𑁆𑀢𑀺𑀬𑀜𑁆𑀳𑀺 𑀅𑀢𑁆𑀣𑀲𑁆𑀲 𑀤𑀼𑀦𑁆𑀦𑀬𑀢𑀸 𑀳𑁄𑀢𑀻’’𑀢𑀺 𑀘 𑀬𑀲𑁆𑀫𑀸 𑀯𑀼𑀢𑁆𑀢𑀁.

𑀢𑀲𑁆𑀫𑀸 ¶ 𑀅𑀓𑁆𑀔𑀭𑀓𑁄𑀲𑀮𑁆𑀮𑀁, 𑀲𑀫𑁆𑀧𑀸𑀤𑁂𑀬𑁆𑀬 𑀯𑀺𑀘𑀓𑁆𑀔𑀡𑁄;

𑀉𑀧𑀝𑁆𑀞𑀳𑀁 𑀕𑀭𑀼𑀁 𑀲𑀫𑁆𑀫𑀸, 𑀉𑀝𑁆𑀞𑀸𑀦𑀸𑀤𑀻𑀳𑀺 𑀧𑀜𑁆𑀘𑀳𑀺.

𑀢𑀢𑁆𑀣 𑀅𑀓𑀸𑀭𑀸𑀤𑀻𑀦+𑀫𑀦𑀼𑀓𑁆𑀓𑀫𑁄 𑀧𑀦𑁂+𑀲 𑀞𑀸𑀦𑀸𑀤𑀺𑀓𑁆𑀓𑀫𑀲𑀦𑁆𑀦𑀺𑀲𑁆𑀲𑀺𑀢𑁄. 𑀢𑀣𑀸 𑀳𑀺 𑀞𑀸𑀦+𑀓𑀭𑀡+𑀧𑀬𑀢𑀦𑁂𑀳𑀺 𑀯𑀡𑁆𑀡𑀸 𑀚𑀸𑀬𑀦𑁆𑀢𑀺. 𑀢𑀢𑁆𑀣 𑀙 𑀞𑀸𑀦𑀸𑀦𑀺 𑀓𑀡𑁆𑀞+𑀢𑀸𑀮𑀼+𑀫𑀼𑀤𑁆𑀥+𑀤𑀦𑁆𑀢+𑀑𑀝𑁆𑀞+𑀦𑀸𑀲𑀺𑀓𑀸𑀯𑀲𑁂𑀦.

𑀢𑀢𑁆𑀣 𑀅𑀯𑀡𑁆𑀡+𑀓𑀯𑀕𑁆𑀕+𑀳𑀸𑀦𑀁 𑀓𑀡𑁆𑀞𑁄 𑀞𑀸𑀦𑀁, 𑀇𑀯𑀡𑁆𑀡+𑀘𑀯𑀕𑁆𑀕+𑀬𑀸𑀦𑀁 𑀢𑀸𑀮𑀼, 𑀝𑀯𑀕𑁆𑀕+𑀭+𑀴𑀸𑀦𑀁 𑀫𑀼𑀤𑁆𑀥𑀸, 𑀢𑀯𑀕𑁆𑀕+𑀮+𑀲𑀸𑀦𑀁 𑀤𑀦𑁆𑀢𑀸, 𑀉𑀯𑀡𑁆𑀡+𑀧𑀯𑀕𑁆𑀕𑀸𑀦𑀁 𑀑𑀝𑁆𑀞𑁄, 𑀏 𑀯𑀡𑁆𑀡𑀲𑁆𑀲 𑀓𑀡𑁆𑀞𑀢𑀸𑀮𑀽, 𑀑 𑀯𑀡𑁆𑀡𑀲𑁆𑀲 𑀓𑀡𑁆𑀞𑁄+𑀝𑁆𑀞𑀸, 𑀯𑀓𑀸𑀭𑀲𑁆𑀲 𑀤𑀦𑁆𑀢𑁄+𑀝𑁆𑀞𑀸, 𑀦𑀺𑀕𑁆𑀕𑀳𑀻𑀢𑀲𑁆𑀲 𑀦𑀸𑀲𑀺𑀓𑀸, 𑀗, 𑀜𑁆𑀜, 𑀡, 𑀦, 𑀫𑀸𑀦𑀁 𑀲𑀓𑀞𑀸𑀦𑀁 𑀦𑀸𑀲𑀺𑀓𑀸 𑀘. 𑀏𑀢𑁆𑀣 𑀘 𑁋

𑀳𑀓𑀸𑀭𑁄 𑀧𑀜𑁆𑀘𑀫𑁂𑀳𑁂𑀯, 𑀅𑀦𑁆𑀢𑀝𑁆𑀞𑀸𑀳𑀺 𑀘 𑀲𑀁𑀬𑀼𑀢𑁄;

𑀑𑀭𑀲𑁄 𑀇𑀢𑀺 𑀯𑀺𑀜𑁆𑀜𑁂𑀬𑁆𑀬𑁄, 𑀓𑀡𑁆𑀞𑀚𑁄 𑀢𑀤𑀲𑀁𑀬𑀼𑀢𑁄.

𑀬𑀣𑀸 𑀅𑀯𑀗𑁆𑀳𑁄𑀢𑀺 (𑀅𑀯𑀗 𑀳𑁄𑀢𑀺., 𑀢𑀜𑁆𑀳𑀺, 𑀢𑀡𑁆𑀳𑀸, 𑀧𑀼𑀩𑁆𑀩𑀦𑁆𑀳𑁄, 𑀅𑀫𑁆𑀳𑁂, 𑀕𑀼𑀬𑁆𑀳𑀁, 𑀕𑀸𑀭𑀬𑁆𑀳𑀸, 𑀆𑀭𑀼𑀮𑁆𑀳𑁄, 𑀩𑀳𑁆𑀯𑀓𑁆𑀔𑀭𑀦𑁆𑀢𑀺.

𑀚𑀺𑀯𑁆𑀳𑁄𑀧𑀕𑁆𑀕𑀁 𑀫𑀼𑀤𑁆𑀥𑀚𑀸𑀦𑀁,

𑀯𑀡𑁆𑀡𑀸𑀦𑀁 𑀉𑀘𑁆𑀘𑀸𑀭𑀡𑀼𑀲𑁆𑀲𑀸𑀳𑁄 𑀧𑀬𑀢𑀦𑀁, 𑀢𑀁 𑀓𑀺𑀁 𑁋 𑀲𑀁𑀯𑀼𑀢𑀸𑀤𑀺𑀓𑀭𑀡𑀯𑀺𑀲𑁂𑀲𑁄, 𑀲𑀁𑀯𑀼𑀢𑀢𑁆𑀢+𑀫𑀓𑀸𑀭𑀲𑁆𑀲, 𑀯𑀺𑀯𑀝𑀢𑁆𑀢𑀁 𑀲𑁂𑀲𑀲𑀭𑀸𑀦𑀁 𑀲𑀓𑀸𑀭+𑀳𑀓𑀸𑀭𑀸𑀦𑀜𑁆𑀘, 𑀨𑀼𑀝𑁆𑀞𑀢𑁆𑀢𑀁 𑀯𑀕𑁆𑀕𑀸𑀦𑀁, 𑀈𑀲𑀁𑀨𑀼𑀝𑁆𑀞𑀢𑁆𑀢𑀁 𑀬+𑀭+𑀮+𑀯𑀸𑀦𑀁.

𑀏𑀯𑀁 𑀞𑀸𑀦+𑀓𑀭𑀡+𑀧𑀬𑀢𑀦+𑀲𑀼𑀢𑀺 𑀓𑀸𑀮𑀪𑀺𑀦𑁆𑀦𑁂𑀲𑀼 𑀅𑀓𑁆𑀔𑀭𑁂𑀲𑀼 𑀲𑀭𑀸 𑀦𑀺𑀲𑁆𑀲𑀬𑀸, 𑀇𑀢𑀭𑁂 𑀦𑀺𑀲𑁆𑀲𑀺𑀢𑀸. 𑀢𑀢𑁆𑀣 𑁋

𑀦𑀺𑀲𑁆𑀲𑀬𑀸+𑀤𑁄 ¶ 𑀲𑀭𑀸 𑀯𑀼𑀢𑁆𑀢𑀸, 𑀦𑀺𑀲𑁆𑀲𑀺𑀢𑀸 𑀩𑁆𑀬𑀜𑁆𑀚𑀦𑀸 𑀢𑀢𑁄;

𑀯𑀕𑁆𑀕𑁂+𑀓𑀚𑀸 𑀩𑀳𑀼𑀢𑁆𑀢𑀸+𑀤𑁄, 𑀢𑀢𑁄 𑀞𑀸𑀦+𑀮𑀳𑀼𑀓𑁆𑀓𑀫𑀸.

‘‘𑀅𑀆𑀤𑀬𑁄’’𑀢𑀺 𑀯𑀢𑁆𑀢𑀢𑁂 𑀬𑀸𑀯 ‘‘𑀩𑀺𑀦𑁆𑀤𑀼 𑀦𑀺𑀕𑁆𑀕𑀳𑀻𑀢’’𑀦𑁆𑀢𑀺. 𑀢𑀜𑁆𑀘 𑀔𑁄 ‘‘𑀅𑀢𑁆𑀣𑀯𑀲𑀸 𑀯𑀺𑀪𑀢𑁆𑀢𑀺𑀯𑀺𑀧𑀭𑀺𑀡𑀸𑀫𑁄’’𑀢𑀺 𑀲𑀢𑁆𑀢𑀫𑁆𑀬𑀦𑁆𑀢+𑀫𑀪𑀺𑀲𑀫𑁆𑀩𑀦𑁆𑀥𑀻𑀬𑀢𑁂, ‘‘𑀯𑀡𑁆𑀡𑀸’’𑀢𑀺 𑀯𑀢𑁆𑀢𑀢𑁂 𑁋

𑀅𑀆𑀤𑀻𑀲𑁆𑀯𑀸+𑀤𑀺𑀫𑁆𑀳𑀺 𑀦𑀺𑀤𑁆𑀤𑀺𑀝𑁆𑀞𑀸 𑀑𑀤𑀦𑁆𑀢𑀸 𑀤𑀲 𑀯𑀡𑁆𑀡𑀸 𑀲𑀭𑀸 𑀦𑀸𑀫 𑀳𑁄𑀦𑁆𑀢𑀺. 𑀬𑀣𑀸 𑀅 𑀆, 𑀇 𑀈, 𑀉 𑀊, 𑀏 ऐ, 𑀑 औ. 𑀲𑀭𑀦𑁆𑀢𑀺=𑀲𑀧𑁆𑀧𑀥𑀸𑀦𑀪𑀸𑀯𑁂𑀦 𑀧𑀯𑀢𑁆𑀢𑀦𑁆𑀢𑀺, 𑀩𑁆𑀬𑀜𑁆𑀚𑀦𑁂 𑀯𑀸 𑀲𑀸𑀭𑁂𑀦𑁆𑀢𑀻𑀢𑀺 𑀲𑀭𑀸.

‘‘𑀤𑀲𑀸+𑀤𑁄 𑀲𑀭𑀸’’𑀢𑀺 𑀯𑀢𑁆𑀢𑀢𑁂.

𑀅𑀆𑀤𑀻𑀲𑁆𑀯𑀸+𑀤𑀺𑀫𑁂𑀲𑀼 𑀤𑀲𑀲𑀼 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸 𑀦𑀸𑀫 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀬𑀣𑀸 𑀅 𑀆𑀇𑀢𑀺, 𑀇 𑀈𑀇𑀢𑀺, 𑀉 𑀊 𑀇𑀢𑀺, 𑀏 𑀏𑀇𑀢𑀺, 𑀑, 𑀑𑀇𑀢𑀺. 𑀲𑀫𑀸𑀦𑀸 𑀲𑀤𑀺𑀲𑀸 𑀯𑀡𑁆𑀡𑀸 𑀲𑀯𑀡𑁆𑀡𑀸, 𑀲𑀫𑀸𑀦𑀢𑁆𑀢𑀜𑁆𑀘 𑀞𑀸𑀦𑀢𑁄. ‘‘𑀤𑁆𑀯𑁂 𑀤𑁆𑀯𑁂’’𑀢𑀺 𑀯𑀢𑁆𑀢𑀢𑁂 𑀯𑀓𑁆𑀔𑀫𑀸𑀦𑁂𑀲𑀼 𑀤𑁆𑀯𑀻𑀲𑀼.

𑀢𑁂𑀲𑁆𑀯𑁂𑀯 𑀤𑀲𑀲𑀼 𑀬𑁂 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸, 𑀢𑁂𑀲𑀼 𑀬𑁄 𑀬𑁄 𑀧𑀼𑀩𑁆𑀩𑁄, 𑀲𑁄 𑀲𑁄 𑀭𑀲𑁆𑀲𑀲𑀜𑁆𑀜𑁄 𑀳𑁄𑀢𑀺. 𑀬𑀣𑀸 𑀅 𑀇 𑀉 𑀏 𑀑. 𑀢𑁂𑀲𑀼 ‘𑀲𑀁𑀬𑁄𑀕𑀢𑁄 𑀧𑀼𑀩𑁆𑀩𑀸𑀯 𑀤𑀺𑀲𑁆𑀲𑀦𑁆𑀢𑀺 𑀤𑁆𑀯𑁂 𑀧𑀦𑀦𑁆𑀢𑀺𑀫𑀸’𑀢 𑀤𑀲𑁆𑀲𑁂𑀢𑀼𑀁 𑀢𑀢𑁆𑀣 𑀲𑀸𑀥𑀼𑀢𑁆𑀢𑀸 𑀢𑁂𑀲𑀫𑁆𑀧𑀺 𑀇𑀥 𑀲𑀗𑁆𑀕𑀳𑁄, 𑀬𑀣𑀸 𑀏𑀢𑁆𑀣 𑀲𑁂𑀬𑁆𑀬𑁄 𑀑𑀝𑁆𑀞𑁄 𑀲𑁄𑀢𑁆𑀣𑀺. 𑀭𑀲𑁆𑀲𑀓𑀸𑀮𑀬𑁄𑀕𑀸 𑀢𑀩𑁆𑀩𑀦𑁆𑀢𑀢𑀸𑀬 𑀯𑀸 ¶ 𑀭𑀲𑁆𑀲𑀸. 𑀭𑀲𑁆𑀲𑀓𑀸𑀮𑁄 𑀦𑀸𑀫 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑁄 𑀅𑀓𑁆𑀔𑀺𑀦𑀺𑀫𑁆𑀫𑀺𑀮𑀦𑀲𑀗𑁆𑀔𑀸𑀢𑁄 𑀯𑀸 𑀓𑀸𑀮𑁄, 𑀢𑁂𑀦 𑀏𑀓𑀫𑀢𑁆𑀢𑁄 𑀭𑀲𑁆𑀲𑁄, 𑀤𑁆𑀯𑀺𑀫𑀢𑁆𑀢𑁄 𑀤𑀻𑀖𑁄, 𑀅𑀟𑁆𑀠𑀫𑀢𑁆𑀢𑁄 𑀩𑁆𑀬𑀜𑁆𑀚𑀦𑁄. 𑀙𑀦𑁆𑀤𑀲𑀺 𑀤𑀺𑀬𑀟𑁆𑀠𑀫𑀢𑁆𑀢𑀫𑁆𑀧𑀺 𑀭𑀲𑁆𑀲𑀦𑁆𑀢𑀺 𑀕𑀡𑁆𑀳𑀦𑁆𑀢𑀺 𑀆𑀘𑀭𑀺𑀬𑀸.

𑀅𑀆𑀤𑀻𑀲𑁆𑀯𑀸+𑀤𑀺𑀪𑀽𑀢𑁂𑀲𑀼 𑀤𑀲𑀲𑀼 𑀬𑁂 𑀤𑁆𑀯𑁂 𑀤𑁆𑀯𑁂 𑀲𑀯𑀡𑁆𑀡𑀸, 𑀢𑁂𑀲𑀼 𑀬𑁄 𑀬𑁄 𑀧𑀭𑁄, 𑀲𑁄 𑀲𑁄 𑀤𑀻𑀖𑀲𑀜𑁆𑀜𑁄 𑀳𑁄𑀢𑀺. 𑀢𑀁 𑀬𑀣𑀸 𑀆 𑀈 𑀊 𑀏 𑀑. 𑀤𑀻𑀖𑀓𑀸𑀮𑀬𑁄𑀕𑀸 𑀢𑀩𑁆𑀩𑀦𑁆𑀢𑀢𑀸𑀬 𑀯𑀸 𑀤𑀻𑀖𑀸.

𑀅𑀆𑀤𑀻𑀲𑀼 𑀓𑀸𑀤𑀬𑁄 𑀦𑀺𑀕𑁆𑀕𑀳𑀻𑀢𑀧𑀭𑀺𑀬𑀦𑁆𑀢𑀸 𑀢𑁂𑀢𑁆𑀢𑀺𑀁𑀲 𑀩𑁆𑀬𑀜𑁆𑀚𑀦𑀸 𑀦𑀸𑀫 𑀳𑁄𑀦𑁆𑀢𑀺. 𑀬𑀣𑀸 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫, 𑀬 𑀭 𑀮𑀯 𑀲 𑀳 𑀴 𑀅𑀁 𑀇𑀢𑀺. 𑀩𑁆𑀬𑀜𑁆𑀚𑀻𑀬𑀢𑀺 𑀅𑀢𑁆𑀣𑁄 𑀏𑀢𑁂𑀳𑀻𑀢𑀺 𑀩𑁆𑀬𑀜𑁆𑀚𑀦𑀸. 𑀓𑀓𑀸𑀭𑀸𑀤𑀻𑀲𑁆𑀯+𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄.

𑀅𑀆𑀤𑀻𑀲𑀼 𑀓𑀓𑀸𑀭𑀸𑀤𑀬𑁄 𑀫𑀓𑀸𑀭𑀦𑁆𑀢𑀸 𑀧𑀜𑁆𑀘𑀧𑀜𑁆𑀘𑀓𑀸 𑀯𑀕𑁆𑀕𑀸 𑀦𑀸𑀫 𑀳𑁄𑀦𑁆𑀢𑀺. 𑀬𑀣𑀸 𑀓 𑀔 𑀕 𑀖 𑀗, 𑀘 𑀙 𑀚 𑀛 𑀜, 𑀝 𑀞 𑀟 𑀠 𑀡, 𑀢 𑀣 𑀤 𑀥 𑀦, 𑀧 𑀨 𑀩 𑀪 𑀫 𑀇𑀢𑀺. 𑀧𑀜𑁆𑀘 𑀧𑀜𑁆𑀘 𑀧𑀭𑀺𑀫𑀸𑀡+𑀫𑁂𑀲𑀁 𑀧𑀜𑁆𑀘𑀧𑀜𑁆𑀘𑀓𑀸. 𑀯𑀚𑁆𑀚𑁂𑀦𑁆𑀢𑀺 𑀬𑀓𑀸𑀭𑀸𑀤𑀬𑁄𑀢𑀺 𑀯𑀕𑁆𑀕𑀸. 𑀢𑁂 𑀧𑀦 𑀧𑀞𑀫𑀓𑁆𑀔𑀭𑀯𑀲𑁂𑀦 ¶ 𑀓𑀯𑀕𑁆𑀕+𑀘𑀯𑀕𑁆𑀕𑀸𑀤𑀺𑀯𑁄𑀳𑀸𑀭𑀁 𑀕𑀢𑀸 𑀓𑀼𑀲𑀮𑀢𑁆𑀢𑀺𑀓𑀸𑀤𑀬𑁄 𑀯𑀺𑀬.

𑀅𑀓𑀸𑀭𑀸𑀤𑀻𑀲𑁆𑀯+𑀬𑀁 𑀯𑀡𑁆𑀡𑁄 𑀩𑀺𑀦𑁆𑀤𑀼𑀫𑀢𑁆𑀢𑁄, 𑀲𑁄 𑀦𑀺𑀕𑁆𑀕𑀳𑀻𑀢𑀲𑀜𑁆𑀜𑁄 𑀳𑁄𑀢𑀺. 𑀭𑀲𑁆𑀲𑀲𑀭𑀁 𑀦𑀺𑀲𑁆𑀲𑀸𑀬 𑀕𑀳𑀺𑀢+𑀫𑀼𑀘𑁆𑀘𑀸𑀭𑀺𑀢𑀁 𑀦𑀺𑀕𑁆𑀕𑀳𑀻𑀢𑀁, 𑀓𑀭𑀡𑀁 𑀦𑀺𑀕𑁆𑀕𑀳𑁂𑀢𑁆𑀯𑀸 𑀯𑀸.

𑀓𑀭𑀡𑀁 𑀦𑀺𑀕𑁆𑀕𑀳𑁂𑀢𑁆𑀯𑀸𑀦, 𑀫𑀼𑀔𑁂𑀦𑀸+𑀯𑀺𑀯𑀝𑁂𑀦 𑀬𑀁;

𑀯𑀼𑀘𑁆𑀘𑀢𑁂 𑀦𑀺𑀕𑁆𑀕𑀳𑀻𑀢𑀦𑁆𑀢𑀺, 𑀯𑀼𑀢𑁆𑀢𑀁 𑀩𑀺𑀦𑁆𑀤𑀼 𑀲𑀭𑀸𑀦𑀼𑀕𑀁.

𑀩𑀳𑁆𑀯𑀓𑁆𑀔𑀭𑀲𑀜𑁆𑀜𑀸𑀓𑀭𑀡𑀁 𑀅𑀦𑁆𑀯𑀢𑁆𑀣𑀲𑀜𑁆𑀜𑀢𑁆𑀣𑀁, 𑀛+𑀮𑀸𑀤𑀬𑁄 𑀢𑀼 𑀭𑀼𑀴𑁆𑀳𑀻𑀲𑀜𑁆𑀜𑀸.

𑀯𑀡𑁆𑀡𑀸 𑀲𑀭𑀸 𑀲𑀯𑀡𑁆𑀡𑀸 𑀘, 𑀭𑀲𑁆𑀲𑀸 𑀤𑀻𑀖𑀸 𑀘 𑀩𑁆𑀬𑀜𑁆𑀚𑀦𑀸;

𑀯𑀕𑁆𑀕𑀸 𑀘 𑀦𑀺𑀕𑁆𑀕𑀳𑀻𑀢𑀦𑁆𑀢𑀺, 𑀳𑁄𑀢𑀺 𑀲𑀜𑁆𑀜𑀸𑀯𑀺𑀥𑀺𑀓𑁆𑀓𑀫𑁄.

𑀮𑁄𑀓 𑀅𑀕𑁆𑀕𑀧𑀼𑀕𑁆𑀕𑀮𑁄, 𑀧𑀜𑁆𑀜𑀸 𑀇𑀦𑁆𑀤𑁆𑀭𑀺𑀬𑀁, 𑀢𑀻𑀡𑀺 𑀇𑀫𑀸𑀦𑀺, 𑀦𑁄 𑀳𑀺 𑀏𑀢𑀁, 𑀪𑀺𑀓𑁆𑀔𑀼𑀦𑀻 𑀑𑀯𑀸𑀤𑁄, 𑀫𑀸𑀢𑀼 𑀉𑀧𑀝𑁆𑀞𑀸𑀦𑀁, 𑀲𑀫𑁂𑀢𑀼 𑀆𑀬𑀲𑁆𑀫𑀸, 𑀅𑀪𑀺𑀪𑀽 𑀆𑀬𑀢𑀦𑀁, 𑀥𑀦𑀁 𑀫𑁂 𑀅𑀢𑁆𑀣𑀺, 𑀲𑀩𑁆𑀩𑁂 𑀏𑀯, 𑀢𑀬𑁄 𑀅𑀲𑁆𑀲𑀼 𑀥𑀫𑁆𑀫𑀸, 𑀅𑀲𑀦𑁆𑀢𑁄 𑀏𑀢𑁆𑀣 𑀦 𑀤𑀺𑀲𑁆𑀲𑀦𑁆𑀢𑀺 𑀇𑀢𑀻+𑀥 𑀲𑀭𑀲𑀜𑁆𑀜𑀸𑀬𑀁 𑁋

𑀲𑀭𑁂 𑀲𑀭𑁄 𑀮𑁄𑀧𑀦𑀻𑀬𑁄 𑀳𑁄𑀢𑀺. 𑀲𑀭𑁄𑀢𑀺 𑀓𑀸𑀭𑀺𑀬𑀻𑀦𑀺𑀤𑁆𑀤𑁂𑀲𑁄, 𑀮𑁄𑀧𑁄𑀢𑀺 𑀓𑀸𑀭𑀺𑀬𑀦𑀺𑀤𑁆𑀤𑁂𑀲𑁄. 𑀮𑁄𑀧𑁄= 𑀅𑀤𑀲𑁆𑀲𑀦𑀁 𑀅𑀦𑀼𑀘𑁆𑀘𑀸𑀭𑀡𑀁 ¶ , 𑀲𑀭𑁄𑀢𑀺 𑀚𑀸𑀢𑁆𑀬𑁂𑀓𑀯𑀘𑀦𑀯𑀲𑁂𑀦 𑀯𑀼𑀢𑁆𑀢𑀁, 𑀲𑀭𑁂𑀢𑀺 𑀑𑀧𑀲𑀺𑀮𑁂𑀲𑀺𑀓𑀸𑀥𑀸𑀭𑀲𑀢𑁆𑀢𑀫𑀻, 𑀢𑀢𑁄 𑀯𑀡𑁆𑀡 𑀓𑀸𑀮 𑀩𑁆𑀬𑀯𑀥𑀸𑀦𑁂 𑀓𑀸𑀭𑀺𑀬𑀁 𑀦 𑀳𑁄𑀢𑀺, 𑀢𑁆𑀯+𑀫𑀲𑀺, 𑀓𑀢𑀫𑀸 𑀘𑀸𑀦𑀦𑁆𑀤 𑀅𑀦𑀺𑀘𑁆𑀘𑀲𑀜𑁆𑀜𑀸𑀢𑀺. 𑀏𑀯𑀁 𑀲𑀩𑁆𑀩𑀲𑀦𑁆𑀥𑀻𑀲𑀼.

𑀣𑁂𑀭𑀬𑀝𑁆𑀞𑀺𑀦𑁆𑀬𑀸𑀬𑁂𑀦 𑀧𑀯𑀢𑁆𑀢𑀢𑁂 𑀧𑀭𑀺𑀪𑀸𑀲𑀸 𑀤𑀼𑀩𑁆𑀩𑀮𑀯𑀺𑀥𑀺𑀦𑁄 𑀧𑀢𑀺𑀝𑁆𑀞𑀸𑀪𑀸𑀯𑀢𑁄. 𑀲𑀢𑁆𑀢𑀫𑀻𑀦𑀺𑀤𑁆𑀤𑁂𑀲𑁂 𑀧𑀼𑀩𑁆𑀩𑀲𑁆𑀲𑁂𑀯 𑀯𑀺𑀥𑀻𑀢𑀺 𑀧𑀼𑀩𑁆𑀩𑀲𑀭𑀮𑁄𑀧𑁄. 𑀮𑁄𑀓𑀕𑁆𑀕𑀧𑀼𑀕𑁆𑀕𑀮𑁄, 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀢𑀻𑀡𑀺𑀫𑀸𑀦𑀺, 𑀦𑁄 𑀳𑁂𑀢𑀁, 𑀪𑀺𑀓𑁆𑀔𑀼𑀦𑁄𑀯𑀸𑀤𑁄, 𑀫𑀸𑀢𑀼𑀧𑀝𑁆𑀞𑀸𑀦𑀁, 𑀲𑀫𑁂𑀢𑀸𑀬𑀲𑁆𑀫𑀸, 𑀅𑀪𑀺𑀪𑀸𑀬𑀢𑀦𑀁, 𑀥𑀦𑀁𑀫𑀢𑁆𑀣𑀺, 𑀲𑀩𑁆𑀩𑁂𑀯, 𑀢𑀬𑀲𑁆𑀲𑀼 𑀥𑀫𑁆𑀫𑀸, 𑀅𑀲𑀦𑁆𑀢𑁂+𑀢𑁆𑀣 𑀦 𑀤𑀺𑀲𑁆𑀲𑀦𑁆𑀢𑀺. 𑀧𑀼𑀩𑁆𑀩𑀲𑁆𑀲 𑀓𑀸𑀭𑀺𑀬𑀯𑀺𑀥𑀸𑀦𑀸 𑀲𑀢𑁆𑀢𑀫𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀧𑀭𑀢𑀸+𑀯 𑀕𑀫𑁆𑀬𑀢𑁂𑀢𑀺 𑀧𑀭𑁂𑀢𑀺 𑀧𑀭𑀯𑀘𑀦𑀫𑁆𑀧𑀺 𑀖𑀝𑀢𑁂.

𑀬𑀲𑁆𑀲 𑀇𑀤𑀸𑀦𑀺, 𑀲𑀜𑁆𑀜𑀸 𑀇𑀢𑀺, 𑀙𑀸𑀬𑀸 𑀇𑀯, 𑀇𑀢𑀺 𑀅𑀧𑀺, 𑀅𑀲𑁆𑀲𑀫𑀡𑀻 𑀅𑀲𑀺, 𑀘𑀓𑁆𑀔𑀼 𑀇𑀦𑁆𑀤𑁆𑀭𑀺𑀬𑀁, 𑀅𑀓𑀢𑀜𑁆𑀜𑀽 𑀅𑀲𑀺, 𑀆𑀓𑀸𑀲𑁂 𑀇𑀯, 𑀢𑁂 𑀅𑀧𑀺, 𑀯𑀦𑁆𑀤𑁂 𑀅𑀳𑀁, 𑀲𑁄 𑀅𑀳𑀁, 𑀘𑀢𑁆𑀢𑀸𑀭𑁄 𑀇𑀫𑁂, 𑀯𑀲𑀮𑁄 𑀇𑀢𑀺, 𑀫𑁄𑀕𑁆𑀕𑀮𑁆𑀮𑀸𑀦𑁄 𑀅𑀲𑀺 𑀩𑀻𑀚𑀓𑁄, 𑀓𑀣𑀸 𑀏𑀯 𑀓𑀸, 𑀧𑀸𑀢𑁄 𑀏𑀯𑀸𑀢𑀻+𑀥 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁂 𑀲𑀫𑁆𑀧𑀢𑁆𑀢𑁂 ‘‘𑀲𑀭𑁄 𑀮𑁄𑀧𑁄 𑀲𑀭𑁂’’ 𑀢𑁆𑀯𑁂𑀯.

𑀲𑀭𑀫𑁆𑀳𑀸 𑀧𑀭𑁄 𑀲𑀭𑁄 𑀓𑁆𑀯𑀘𑀺 𑀮𑁄𑀧𑀦𑀻𑀬𑁄 𑀳𑁄𑀢𑀺. 𑀬𑀲𑁆𑀲 𑀤𑀸𑀦𑀺, 𑀲𑀜𑁆𑀜𑀸𑀢𑀺, 𑀙𑀸𑀬𑀸𑀯, 𑀇𑀢𑀺𑀧𑀺, 𑀅𑀲𑁆𑀲𑀫𑀡𑀻𑀲𑀺, 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀅𑀓𑀢𑀜𑁆𑀜𑀽𑀲𑀺, 𑀆𑀓𑀸𑀲𑁂𑀯, 𑀢𑁂𑀧𑀺, 𑀯𑀦𑁆𑀤𑁂𑀳𑀁, 𑀲𑁄𑀳𑀁, 𑀘𑀢𑁆𑀢𑀸𑀭𑁄𑀫𑁂, 𑀯𑀲- 𑀮𑁄𑀪𑀺 ¶ , 𑀫𑁄𑀕𑁆𑀕𑀮𑁆𑀮𑀸𑀦𑁄𑀲𑀺 𑀩𑀻𑀚𑀓𑁄, 𑀓𑀣𑀸𑀯 𑀓𑀸, 𑀧𑀸𑀢𑁄𑀯. 𑀓𑁆𑀯𑀘𑀻𑀢𑀺 𑀓𑀺𑀁, 𑀧𑀜𑁆𑀜𑀺𑀦𑁆𑀤𑁆𑀭𑀺𑀬𑀁, 𑀧𑀜𑁆𑀘𑀺𑀦𑁆𑀤𑁆𑀭𑀺𑀬𑀸𑀦𑀺, 𑀲𑀢𑁆𑀢𑀼𑀢𑁆𑀢𑀫𑁄, 𑀏𑀓𑀽𑀦𑀯𑀻𑀲𑀢𑀺, 𑀬𑀲𑁆𑀲𑁂𑀢𑁂, 𑀲𑀼𑀕𑀢𑁄𑀯𑀸𑀤𑁄, 𑀤𑀺𑀝𑁆𑀞𑀸𑀲𑀯𑁄, 𑀤𑀺𑀝𑁆𑀞𑁄𑀖𑁄, 𑀘𑀓𑁆𑀔𑀸𑀬𑀢𑀦𑀁, 𑀢𑀁 𑀓𑀼𑀢𑁂𑀢𑁆𑀣 𑀮𑀩𑁆𑀪𑀸. ‘‘𑀯𑀺𑀯𑀓𑁆𑀔𑀸𑀢𑁄 𑀲𑀦𑁆𑀥𑀬𑁄 𑀪𑀯𑀦𑁆𑀢𑀻’’𑀢𑀺 𑀜𑀸𑀬𑀸 𑀯𑀢𑁆𑀢𑀺𑀘𑁆𑀙𑀸𑀧𑀺 𑀇𑀥 𑀲𑀺𑀚𑁆𑀛𑀢𑀺. 𑀓𑁆𑀯𑀘𑀻𑀢𑁆𑀬+𑀥𑀺𑀓𑀸𑀭𑁄 𑀲𑀩𑁆𑀩𑀲𑀦𑁆𑀥𑀻𑀲𑀼, 𑀢𑁂𑀦 𑀦𑀸𑀢𑀺𑀧𑁆𑀧𑀲𑀗𑁆𑀕𑁄. (𑀮𑁄𑀧𑀲𑀦𑁆𑀥𑀺).

𑀢𑀲𑁆𑀲 𑀇𑀤𑀁, 𑀯𑀸𑀢 𑀈𑀭𑀺𑀢𑀁, 𑀦 𑀉𑀧𑁂𑀢𑀺, 𑀯𑀸𑀫 𑀊𑀭𑀼, 𑀅𑀢𑀺 𑀇𑀯 𑀅𑀜𑁆𑀜𑁂𑀳𑀺, 𑀯𑀺 𑀉𑀤𑀓𑀁 𑀇𑀢𑀻𑀥 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁂 𑁋

𑁨𑁯. 𑀬𑀼𑀯𑀡𑁆𑀡𑀸𑀦+𑀫𑁂𑀑 𑀮𑀼𑀢𑁆𑀢𑀸

𑀮𑀼𑀢𑁆𑀢𑀸 𑀲𑀭𑀸 𑀧𑀭𑁂𑀲𑀁 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀏+𑀑 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀬𑀣𑀸𑀲𑀁𑀔𑁆𑀬𑀸𑀦𑀼𑀤𑁆𑀤𑁂𑀲𑁄 𑀲𑀫𑀸𑀦𑀸𑀦𑀁.

𑀯𑀡𑁆𑀡𑀲𑀤𑁆𑀤𑁄 𑀧𑀭𑁄 𑀬𑀲𑁆𑀫𑀸, 𑀢𑁂𑀦 𑀲𑀯𑀡𑁆𑀡𑁄𑀧𑀺 𑀕𑀬𑁆𑀳𑀢𑀺 𑀲𑀬𑀜𑁆𑀘 𑀭𑀽𑀧𑀁𑀢𑀺 𑀈𑀊𑀦𑀫𑁆𑀧𑀺 𑀏+𑀑. 𑀲𑀩𑁆𑀩𑀢𑁆𑀣 𑀭𑀲𑁆𑀲𑀲𑁆𑀲 𑀚𑀸𑀢𑀺𑀦𑀺𑀤𑁆𑀤𑁂𑀲𑁂 𑀤𑀻𑀖𑀲𑁆𑀲𑀸𑀧𑀺 𑀕𑀳𑀡𑀢𑁆𑀣𑀁 𑀇𑀤+𑀫𑀸𑀭𑀤𑁆𑀥𑀁. 𑀢𑀲𑁆𑀲𑁂𑀤𑀁, 𑀯𑀸𑀢𑁂𑀭𑀺𑀢𑀁, 𑀦𑁄𑀧𑁂𑀢𑀺, 𑀯𑀸𑀫𑁄𑀭𑀼, 𑀅𑀢𑁂𑀯𑀜𑁆𑀜𑁂𑀳𑀺, 𑀯𑁄𑀤𑀓𑀁. 𑀇𑀤𑀜𑁆𑀘 𑀧𑀘𑁆𑀙𑀺𑀫𑁄𑀤𑀸𑀳𑀭𑀡𑀤𑁆𑀯𑀬𑀁 ‘‘𑀅𑀯𑀡𑁆𑀡𑁂 𑀮𑀼𑀢𑁆𑀢𑁂 𑀏𑀯 𑀏+𑀑 𑀳𑁄𑀦𑁆𑀢𑀻’’𑀢𑀺 𑀕𑀸𑀳𑀲𑁆𑀲 𑀦𑀺𑀲𑁂𑀥𑀦𑀢𑁆𑀣𑀁. 𑀯𑀸𑀢𑁆𑀯𑁂𑀯, 𑀢𑀲𑁆𑀲𑀺𑀤𑀁. 𑀓𑀣𑀁 ‘‘𑀧𑀘𑁆𑀘𑁄𑀭𑀲𑁆𑀫𑀺’’𑀦𑁆𑀢𑀺, 𑀬𑁄𑀕𑀯𑀺𑀪𑀸𑀕𑀸. 𑀧𑀢𑀺 𑀉𑀭𑀲𑁆𑀫𑀺𑀦𑁆𑀢𑀺 𑀯𑀺𑀪𑀚𑁆𑀚 ‘‘𑀬𑀯𑀸 𑀲𑀭𑁂’’𑀢𑀺 𑀬𑀓𑀸𑀭𑁂 ‘‘𑀢𑀯𑀕𑁆𑀕𑀯𑀭𑀡𑀸’’𑀤𑀺𑀦𑀸 𑀘𑁄, ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀧𑀼𑀩𑁆𑀩𑀭𑀽𑀧𑀜𑁆𑀘, ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑’’𑀢𑀺 (𑀬𑁄𑀕𑀯𑀺𑀪𑀸𑀕𑀸) 𑀉𑀲𑁆𑀲 𑀑 𑀘. 𑀮𑀼𑀢𑁆𑀢𑀸𑀢𑀺 𑀓𑀺𑀁, 𑀤𑀲 𑀇𑀫𑁂 ¶ 𑀥𑀫𑁆𑀫𑀸, 𑀬𑀣𑀸 𑀇𑀤𑀁, 𑀓𑀼𑀲𑀮𑀲𑁆𑀲 𑀉𑀧𑀲𑀫𑁆𑀧𑀤𑀸. 𑀅𑀢𑀺𑀧𑁆𑀧𑀲𑀗𑁆𑀕𑀩𑀸𑀥𑀓𑀲𑁆𑀲 𑀓𑁆𑀯𑀘𑀺𑀲𑀤𑁆𑀤𑀲𑁆𑀲𑀸𑀦𑀼𑀯𑀢𑁆𑀢𑀦𑀢𑁄 𑀦 𑀯𑀺𑀓𑀧𑁆𑀧𑀯𑀺𑀥𑀺 𑀦𑀺𑀬𑀢𑀸, 𑀢𑁂𑀦 𑀉𑀧𑁂𑀢𑁄, 𑀅𑀯𑁂𑀘𑁆𑀘𑀸𑀢𑀺 𑀏𑀯𑀫𑀸𑀤𑀻𑀲𑀼 𑀯𑀺𑀓𑀧𑁆𑀧𑁄. 𑀢𑀸𑀭𑀓𑀺𑀢𑀸, 𑀬𑀲𑁆𑀲𑀺𑀦𑁆𑀤𑁆𑀭𑀺𑀬𑀸𑀦𑀺, 𑀫𑀳𑀺𑀤𑁆𑀥𑀺𑀓𑁄, 𑀲𑀩𑁆𑀩𑀻𑀢𑀺𑀬𑁄, 𑀢𑁂𑀦𑀼𑀧𑀲𑀗𑁆𑀓𑀫𑀺, 𑀮𑁄𑀓𑀼𑀢𑁆𑀢𑀭𑁄𑀢𑀺𑀆𑀤𑀻𑀲𑀼 𑀯𑀺𑀥𑀺 𑀘 𑀦 𑀳𑁄𑀢𑀺.

𑀧𑀝𑀺𑀲𑀦𑁆𑀣𑀸𑀭𑀯𑀼𑀢𑁆𑀢𑀺 𑀅𑀲𑁆𑀲, 𑀲𑀩𑁆𑀩𑀯𑀺𑀢𑁆𑀢𑀺 𑀅𑀦𑀼𑀪𑀽𑀬𑀢𑁂, 𑀯𑀺 𑀅𑀜𑁆𑀚𑀦𑀁, 𑀯𑀺 𑀆𑀓𑀢𑁄, 𑀤𑀸𑀲𑀻 𑀅𑀳𑀁, 𑀅𑀳𑀼𑀯𑀸 𑀧𑀼𑀭𑁂, 𑀅𑀦𑀼 𑀅𑀤𑁆𑀥𑀫𑀸𑀲𑀁, 𑀅𑀦𑀼 𑀏𑀢𑀺, 𑀲𑀼 𑀆𑀕𑀢𑀁, 𑀲𑀼 𑀆𑀓𑀸𑀭𑁄, 𑀤𑀼 𑀆𑀓𑀸𑀭𑁄, 𑀘𑀓𑁆𑀔𑀼 𑀆𑀧𑀸𑀣𑀁, 𑀩𑀳𑀼 𑀆𑀩𑀸𑀥𑁄, 𑀧𑀸𑀢𑀼 𑀅𑀓𑀸𑀲𑀺, 𑀦 𑀢𑀼 𑀏𑀯, 𑀪𑀽 𑀆𑀧𑀦𑀮𑀸𑀦𑀺𑀮𑀁 𑀇𑀢𑀻+𑀥 ‘‘𑀬𑀼𑀯𑀡𑁆𑀡𑀸𑀦𑀁’’ ‘‘𑀯𑁂’’𑀢𑀺 𑀘 𑀯𑀢𑁆𑀢𑀢𑁂,

𑀲𑀭𑁂 𑀧𑀭𑁂 𑀇𑀯𑀡𑁆𑀡𑀼𑀯𑀡𑁆𑀡𑀸𑀦𑀁 𑀬𑀓𑀸𑀭+𑀯𑀓𑀸𑀭𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀧𑀝𑀺𑀲𑀦𑁆𑀣𑀸𑀭𑀯𑀼𑀢𑁆𑀬𑀲𑁆𑀲, 𑀲𑀩𑁆𑀩𑀯𑀺𑀢𑁆𑀬𑀦𑀼𑀪𑀽𑀬𑀢𑁂, 𑀩𑁆𑀬𑀜𑁆𑀚𑀦𑀁, 𑀩𑁆𑀬𑀸𑀓𑀢𑁄 ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀤𑀻𑀖𑁂 𑀤𑀸𑀲𑁆𑀬𑀸𑀳𑀁, 𑀅𑀳𑀸𑀧𑀼𑀭𑁂, 𑀅𑀦𑁆𑀯𑀤𑁆𑀥𑀫𑀸𑀲𑀁, 𑀅𑀦𑁆𑀯𑁂𑀢𑀺, 𑀲𑁆𑀯𑀸𑀕𑀢𑀁, 𑀲𑁆𑀯𑀸𑀓𑀸𑀭𑁄, 𑀤𑁆𑀯𑀸𑀓𑀸𑀭𑁄, 𑀘𑀓𑁆𑀔𑁆𑀯𑀸𑀧𑀸𑀣𑀁, 𑀩𑀳𑁆𑀯𑀸𑀩𑀸𑀥𑁄, 𑀧𑀸𑀢𑁆𑀯𑀸𑀓𑀸𑀲𑀺, 𑀦 𑀢𑁆𑀯𑁂𑀯, 𑀪𑁆𑀯𑀸𑀧𑀦𑀮𑀸𑀦𑀺𑀮𑀁. 𑀯𑀸𑀢𑁆𑀯𑁂𑀯, 𑀯𑀺𑀆𑀓𑀢𑁄, 𑀲𑀸𑀕𑀢𑀁.

𑀅𑀥𑀺𑀕𑀢𑁄 𑀔𑁄 𑀫𑁂 𑀅𑀬𑀁 𑀥𑀫𑁆𑀫𑁄, 𑀧𑀼𑀢𑁆𑀢𑁄 𑀢𑁂 𑀅𑀳𑀁, 𑀢𑁂 𑀅𑀲𑁆𑀲 𑀧𑀳𑀻𑀦𑀸 𑀧𑀜𑁆𑀘, 𑀢𑁂 𑀅𑀳𑀁, 𑀬𑁂 𑀅𑀲𑁆𑀲, 𑀢𑁂 𑀅𑀚𑁆𑀚, 𑀬𑀸𑀯𑀢𑀓𑁄 𑀅𑀲𑁆𑀲 𑀓𑀸𑀬𑁄, 𑀢𑀸𑀯𑀢𑀓𑁄 𑀅𑀲𑁆𑀲 𑀩𑁆𑀬𑀸𑀫𑁄, 𑀓𑁄 𑀅𑀢𑁆𑀣𑁄, 𑀅𑀣 𑀔𑁄 𑀅𑀲𑁆𑀲, 𑀅𑀳𑀁 𑀔𑁄 𑀅𑀚𑁆𑀚, 𑀲𑁄 𑀅𑀳𑀁, 𑀲𑁄 𑀅𑀚𑁆𑀚, 𑀲𑁄 𑀏𑀯, 𑀬𑀢𑁄 𑀅𑀥𑀺𑀓𑀭𑀡𑀁, 𑀲𑁄 𑀅𑀳𑀁 𑀇𑀢𑀻+𑀥 ‘‘𑀬𑀯𑀸 𑀲𑀭𑁂’’ ‘‘𑀯𑁂’’𑀢𑀺 𑀘 𑀯𑀢𑁆𑀢𑀢𑁂,

𑀏𑀑𑀦𑀁 ¶ 𑀬𑀓𑀸𑀭+𑀯𑀓𑀸𑀭𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀧𑀭𑁂 𑀬𑀣𑀸𑀓𑁆𑀓𑀫𑀁. ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀤𑀻𑀖𑁂 𑀅𑀥𑀺𑀕𑀢𑁄 𑀔𑁄 𑀫𑁆𑀬𑀸𑀬𑀁 𑀥𑀫𑁆𑀫𑁄, 𑀧𑀼𑀢𑁆𑀢𑁄 𑀢𑁆𑀬𑀸𑀳𑀁, 𑀢𑁆𑀬𑀸𑀲𑁆𑀲 𑀧𑀳𑀻𑀦𑀸 𑀧𑀜𑁆𑀘, 𑀢𑁆𑀬𑀸𑀳𑀁, 𑀬𑁆𑀬𑀲𑁆𑀲, 𑀢𑁆𑀬𑀚𑁆𑀚, 𑀬𑀸𑀯𑀢𑀓𑁆𑀯𑀲𑁆𑀲 𑀓𑀸𑀬𑁄, 𑀢𑀸𑀯𑀢𑀓𑁆𑀯𑀲𑁆𑀲 𑀩𑁆𑀬𑀸𑀫𑁄, 𑀓𑁆𑀯𑀢𑁆𑀣𑁄, 𑀅𑀣 𑀔𑁆𑀯𑀲𑁆𑀲, 𑀅𑀳𑀁 𑀔𑁆𑀯𑀚𑁆𑀚, 𑀲𑁆𑀯𑀸𑀳𑀁, 𑀲𑁆𑀯𑀚𑁆𑀚, 𑀲𑁆𑀯𑁂𑀯, 𑀬𑀢𑁆𑀯𑀸𑀥𑀺𑀓𑀭𑀡𑀁, 𑀲𑁆𑀯𑀸𑀳𑀁. 𑀯𑀸𑀢𑁆𑀯𑁂𑀯, 𑀢𑁂𑀚𑁆𑀚, 𑀲𑁄𑀳𑀁. 𑀓𑁆𑀯𑀘𑀺 𑀢𑁆𑀯𑁂𑀯, 𑀥𑀦𑀫𑀢𑁆𑀣𑀺, 𑀧𑀼𑀢𑁆𑀢𑀸𑀫𑀢𑁆𑀣𑀺, 𑀢𑁂 𑀦𑀸𑀕𑀢𑀸, 𑀅𑀲𑀦𑁆𑀢𑁂𑀢𑁆𑀣, 𑀘𑀢𑁆𑀢𑀸𑀭𑁄 𑀇𑀫𑁂.

𑀕𑁄 𑀏𑀴𑀓𑀁, 𑀕𑁄 𑀅𑀲𑁆𑀲𑀁, 𑀕𑁄 𑀅𑀚𑀺𑀦𑀁 𑀇𑀢𑀻+𑀥 ‘‘𑀲𑀭𑁂’’𑀢𑀺 𑀯𑀢𑁆𑀢𑀢𑁂.

𑀲𑀭𑁂 𑀧𑀭𑁂 𑀕𑁄𑀲𑁆𑀲 𑀅𑀯𑀯𑀸𑀤𑁂𑀲𑁄 𑀳𑁄𑀢𑀺. 𑀲 𑀘 ‘‘𑀝𑀸𑀦𑀼𑀩𑀦𑁆𑀥𑀸𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲𑀸’’𑀢𑀺 𑀲𑀩𑁆𑀩𑀲𑁆𑀲 𑀧𑀲𑀗𑁆𑀕𑁂 ‘𑀅𑀦𑁆𑀢𑀲𑁆𑀲𑀸’’𑀢𑀺 𑀯𑀢𑁆𑀢𑀢𑁂.

𑀗-𑀓𑀸𑀭𑁄 𑀅𑀦𑀼𑀩𑀦𑁆𑀥𑁄 𑀬𑀲𑁆𑀲, 𑀲𑁄 𑀅𑀦𑁂𑀓𑀯𑀡𑁆𑀡𑁄𑀧𑀺 𑀅𑀦𑁆𑀢𑀲𑁆𑀲 𑀳𑁄𑀢𑀻𑀢𑀺 𑀑𑀓𑀸𑀭𑀲𑁆𑀲𑁂𑀯 𑀳𑁄𑀢𑀺. ‘‘𑀲𑀁𑀓𑁂𑀢𑁄+𑀦𑀯𑀬𑀯𑁄+𑀦𑀼𑀩𑀦𑁆𑀥𑁄’’𑀢𑀺 𑀯𑀘𑀦𑀸 𑀗-𑀓𑀸𑀭𑀲𑁆𑀲𑀸+𑀧𑁆𑀧𑀬𑁄𑀕𑁄. 𑀉𑀘𑁆𑀘𑀸𑀭𑀺𑀢𑀸𑀦𑀦𑁆𑀢𑀭𑀧𑁆𑀧𑀥𑀁𑀲𑀺𑀦𑁄 𑀳𑀺 𑀅𑀦𑀼𑀩𑀦𑁆𑀥𑀸, 𑀧𑀬𑁄𑀚𑀦𑀁 𑀅𑀦𑀼𑀩𑀦𑁆𑀥𑁄𑀢𑀺 𑀲𑀁𑀓𑁂𑀢𑁄. 𑀕𑀯𑁂𑀴𑀓𑀁, 𑀕𑀯𑀸𑀲𑁆𑀲𑀁, 𑀕𑀯𑀸𑀚𑀺𑀦𑀁.

𑀏𑀯𑀲𑀤𑁆𑀤𑁂 𑀧𑀭𑁂 𑀇𑀢𑀺𑀲𑁆𑀲 𑀯𑁄 𑀳𑁄𑀢𑀺 𑀯𑀸. 𑀲 𑀘 𑁋

𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 ¶ 𑀬𑀁 𑀓𑀸𑀭𑀺𑀬𑀁, 𑀢+𑀤𑀦𑁆𑀢𑀲𑁆𑀲 𑀯𑀺𑀜𑁆𑀜𑁂𑀬𑁆𑀬𑀦𑁆𑀢𑀺 𑀇𑀓𑀸𑀭𑀲𑁆𑀲𑀸+𑀤𑁂𑀲𑁄. 𑀆𑀤𑁂𑀲𑀺𑀝𑁆𑀞𑀸𑀦𑁂 𑀆𑀤𑀺𑀲𑁆𑀲𑀢𑀻𑀢𑀺 𑀆𑀤𑁂𑀲𑁄. 𑀇𑀢𑁆𑀯𑁂𑀯. 𑀅𑀜𑁆𑀜𑀢𑁆𑀭 𑀬𑀸𑀤𑁂𑀲𑁄, ‘‘𑀢𑀯𑀕𑁆𑀕𑀯𑀭𑀡𑀸𑀦𑀁 𑀬𑁂 𑀘𑀯𑀕𑁆𑀕𑀩𑀬𑀜𑀸’’𑀢𑀺 𑀢𑀲𑁆𑀲 𑀘𑁄, ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀬𑀲𑁆𑀲 𑀘𑀓𑀸𑀭𑁄, 𑀇𑀘𑁆𑀘𑁂𑀯. 𑀏𑀯𑁂𑀢𑀺 𑀓𑀺𑀁, 𑀇𑀘𑁆𑀘𑀸𑀳. (𑀆𑀤𑁂𑀲𑀲𑀦𑁆𑀥𑀺).

𑀢𑀺 𑀅𑀗𑁆𑀕𑀼𑀮𑀁,𑀢𑀺 𑀅𑀗𑁆𑀕𑀺𑀓𑀁, 𑀪𑀽 𑀆𑀤𑀬𑁄, 𑀫𑀺𑀕𑀻 𑀪𑀦𑁆𑀢𑀸 𑀉𑀤𑀺𑀓𑁆𑀔𑀢𑀺𑀢𑁆𑀬𑀸𑀤𑀺𑀲𑀦𑁆𑀥𑀬𑁄 𑀯𑀼𑀘𑁆𑀘𑀦𑁆𑀢𑁂. ‘‘𑀫𑀬𑀤𑀸 𑀲𑀭𑁂’’𑀢𑀺 𑀯𑀢𑁆𑀢𑀢𑁂.

𑀏𑀢𑁂 𑀫𑀬𑀤𑀸 𑀘 𑀆𑀕𑀫𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺. 𑀆𑀕𑀫𑀺𑀦𑁄 𑀅𑀦𑀺𑀬𑀫𑁂𑀧𑀺 𑁋

𑀲𑀭𑁄𑀬𑁂𑀯𑀸+𑀕𑀫𑀺 𑀳𑁄𑀢𑀺, 𑀯𑀦𑀸𑀤𑀺𑀦𑀦𑁆𑀢𑀼 𑀜𑀸𑀧𑀓𑀸;

𑀅𑀜𑁆𑀜𑀣𑀸 𑀳𑀺 𑀧𑀤𑀸𑀤𑀻𑀦𑀁, 𑀬𑀼𑀓𑀯𑀺𑀥𑀸𑀦+𑀫𑀦𑀢𑁆𑀣𑀓𑀁.

𑀏𑀢𑁆𑀣𑀸+𑀕𑀫𑀸 𑀅𑀦𑀺𑀬𑀢𑀸𑀕𑀫𑀻𑀦𑀫𑁂𑀯 𑀪𑀯𑀦𑁆𑀢𑀺 𑀘𑁂, 𑀬𑀓𑀸𑀭𑀸𑀕𑀫𑁂𑀦𑁂𑀯 ‘‘𑀦𑀺𑀧𑀚𑁆𑀚’’𑀦𑁆𑀢𑀺 𑀲𑀺𑀤𑁆𑀥𑁂 ‘‘𑀧𑀤𑀸𑀤𑀻𑀦𑀁 𑀓𑁆𑀯𑀘𑀻’’𑀢𑀺 𑀩𑁆𑀬𑀜𑁆𑀚𑀦𑀲𑁆𑀲 𑀬𑀼𑀓𑀸+𑀕𑀫𑁄 𑀦𑀺𑀭𑀢𑁆𑀣𑀓𑁄𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀢𑀺𑀯𑀗𑁆𑀕𑀼𑀮𑀁, 𑀢𑀺𑀯𑀗𑁆𑀕𑀺𑀓𑀁, 𑀪𑀽𑀯𑀸𑀤𑀬𑁄, 𑀫𑀺𑀕𑀻 𑀪𑀦𑁆𑀢𑀸 𑀯𑀼𑀤𑀺𑀓𑁆𑀔𑀢𑀺, 𑀧𑀯𑀼𑀘𑁆𑀘𑀢𑀺, 𑀧𑀸𑀕𑀼𑀜𑁆𑀜𑀯𑀼𑀚𑀼𑀢𑀸. 𑀇𑀢𑁄 𑀦𑀸𑀬𑀢𑀺, 𑀘𑀺𑀦𑀺𑀢𑁆𑀯𑀸. 𑀬𑀲𑁆𑀫𑀸𑀢𑀺𑀳, 𑀢𑀲𑁆𑀫𑀸𑀢𑀺𑀳, 𑀅𑀚𑁆𑀚𑀢𑀕𑁆𑀕𑁂. 𑀦𑀺𑀭𑀦𑁆𑀢𑀭𑀁, 𑀦𑀺𑀭𑀸𑀮𑀬𑁄, 𑀦𑀺𑀭𑀺𑀦𑁆𑀥𑀦𑁄, 𑀦𑀺𑀭𑀻𑀳𑀓𑀁, 𑀦𑀺𑀭𑀼𑀢𑁆𑀢𑀭𑁄, 𑀦𑀺𑀭𑁄𑀚𑀁, 𑀤𑀼𑀭𑀢𑀺𑀓𑁆𑀓𑀫𑁄, 𑀤𑀼𑀭𑀸𑀕𑀢𑀁, 𑀤𑀼𑀭𑀼𑀢𑁆𑀢𑀭𑀁, 𑀧𑀸𑀢𑀼𑀭𑀳𑁄𑀲𑀺, 𑀧𑀼𑀦𑀭𑀸𑀕𑀘𑁆𑀙𑁂𑀬𑁆𑀬, 𑀧𑀼𑀦𑀭𑀼𑀢𑁆𑀢𑀁, 𑀧𑀼𑀦𑀭𑁂𑀯, 𑀧𑀼𑀦𑀭𑁂𑀢𑀺, 𑀥𑀻𑀭𑀢𑁆𑀣𑀼, 𑀧𑀸𑀢𑀭𑀸𑀲𑁄, 𑀘𑀢𑀼𑀭𑀗𑁆𑀕𑀺𑀓𑀁, 𑀘𑀢𑀼𑀭𑀸𑀭𑀓𑁆𑀔𑀁, 𑀘𑀢𑀼𑀭𑀺𑀤𑁆𑀥𑀺𑀧𑀸𑀤𑀧𑀝𑀺𑀮𑀸𑀪𑁄, 𑀘𑀢𑀼𑀭𑁄𑀖𑀦𑀺𑀢𑁆𑀣𑀭𑀡𑀢𑁆𑀣𑀁, 𑀪𑀢𑁆𑀢𑀼𑀭𑀢𑁆𑀣𑁂, 𑀯𑀼𑀢𑁆𑀢𑀺𑀭𑁂𑀲𑀸, 𑀧𑀣𑀯𑀻𑀥𑀸𑀢𑀼𑀭𑁂𑀯𑁂𑀲𑀸 ¶ , 𑀦𑀓𑁆𑀔𑀢𑁆𑀢𑀭𑀸𑀚𑀸𑀭𑀺𑀯 𑀢𑀸𑀭𑀓𑀸𑀦𑀁, 𑀯𑀺𑀚𑁆𑀚𑀼𑀭𑀺𑀯𑀩𑁆𑀪𑀓𑀼𑀝𑁂, 𑀆𑀭𑀕𑁆𑀕𑁂𑀭𑀺𑀯 𑀲𑀸𑀲𑀧𑁄, 𑀉𑀲𑀪𑁄𑀭𑀺𑀯, 𑀲𑀩𑁆𑀪𑀺𑀭𑁂𑀯 𑀲𑀫𑀸𑀲𑁂𑀣. 𑀧𑀼𑀣𑀕𑁂𑀯, 𑀭𑀲𑁆𑀲𑁂 𑀧𑀕𑁂𑀯. 𑀮𑀳𑀼𑀫𑁂𑀲𑁆𑀲𑀢𑀺, 𑀕𑀼𑀭𑀼𑀫𑁂𑀲𑁆𑀲𑀢𑀺, 𑀇𑀥𑀫𑀸𑀳𑀼, 𑀓𑁂𑀦 𑀢𑁂 𑀇𑀥 𑀫𑀺𑀚𑁆𑀛𑀢𑀺, 𑀪𑀤𑁆𑀭𑁄 𑀓𑀲𑀸𑀫𑀺𑀯, 𑀆𑀓𑀸𑀲𑁂 𑀫𑀪𑀺𑀧𑀽𑀚𑀬𑁂, 𑀏𑀓𑀫𑁂𑀓𑀲𑁆𑀲, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁂. 𑀪𑀸𑀢𑀺𑀬𑁂𑀯, 𑀳𑁄𑀢𑀺𑀬𑁂𑀯, 𑀬𑀣𑀸𑀬𑀺𑀤𑀁, 𑀬𑀣𑀸𑀬𑁂𑀯, 𑀫𑀸𑀬𑀺𑀤𑀁, 𑀦𑀬𑀺𑀤𑀁, 𑀦𑀬𑀺𑀥, 𑀙𑀬𑀺𑀫𑀸𑀦𑀺, 𑀦𑀯𑀬𑀺𑀫𑁂 𑀥𑀫𑁆𑀫𑀸, 𑀩𑁄𑀥𑀺𑀬𑀸𑀬𑁂𑀯, 𑀧𑀣𑀯𑀻𑀬𑁂𑀯 𑀥𑀸𑀢𑀼, 𑀢𑁂𑀲𑀼𑀬𑁂𑀯, 𑀢𑁂𑀬𑁂𑀯, 𑀲𑁄𑀬𑁂𑀯, 𑀧𑀸𑀝𑀺𑀬𑁂𑀓𑁆𑀓𑀁, 𑀯𑀺𑀬𑀜𑁆𑀚𑀦𑀁, 𑀯𑀺𑀬𑀸𑀓𑀸𑀲𑀺, 𑀧𑀭𑀺𑀬𑀦𑁆𑀢𑀁, 𑀧𑀭𑀺𑀬𑀸𑀤𑀸𑀦𑀁, 𑀧𑀭𑀺𑀬𑀼𑀝𑁆𑀞𑀸𑀦𑀁, 𑀧𑀭𑀺𑀬𑁂𑀲𑀢𑀺, 𑀧𑀭𑀺𑀬𑁄𑀲𑀸𑀦𑀁, 𑀦𑀺𑀬𑀸𑀬𑁄𑀕𑁄. 𑀉𑀤𑀕𑁆𑀕𑁄, 𑀉𑀤𑀬𑁄, 𑀉𑀤𑀸𑀳𑀝𑀁, 𑀉𑀤𑀺𑀢𑁄, 𑀉𑀤𑀻𑀭𑀺𑀢𑀁, 𑀉𑀤𑁂𑀢𑀺, 𑀲𑀓𑀺𑀤𑁂𑀯, 𑀓𑀺𑀜𑁆𑀘𑀺𑀤𑁂𑀯, 𑀓𑁂𑀦𑀘𑀺𑀤𑁂𑀯, 𑀓𑀺𑀲𑁆𑀫𑀺𑀜𑁆𑀘𑀺𑀤𑁂𑀯, 𑀓𑁄𑀘𑀺𑀤𑁂𑀯, 𑀲𑀫𑁆𑀫𑀤𑀢𑁆𑀢𑁄, 𑀲𑀫𑁆𑀫𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑀸𑀦𑀁, 𑀲𑀫𑁆𑀫𑀤𑁂𑀯, 𑀬𑀸𑀯𑀤𑀢𑁆𑀣𑀁, 𑀬𑀸𑀯𑀤𑀺𑀘𑁆𑀙𑀓𑀁, 𑀬𑀸𑀯𑀤𑁂𑀯, 𑀢𑀸𑀯𑀤𑁂𑀯, 𑀧𑀼𑀦𑀤𑁂𑀯, 𑀬𑀤𑀢𑁆𑀣𑀁, 𑀬𑀤𑀦𑁆𑀢𑀭𑀁, 𑀢𑀤𑀦𑁆𑀢𑀭𑀁, 𑀢𑀤𑀗𑁆𑀕𑀯𑀺𑀫𑀼𑀢𑁆𑀢𑀺, 𑀏𑀢𑀤𑀢𑁆𑀣𑀁, 𑀅𑀢𑁆𑀢𑀤𑀢𑁆𑀣𑀁, 𑀢𑀤𑀢𑁆𑀣𑀁, 𑀲𑀤𑀢𑁆𑀣𑀧𑀲𑀼𑀢𑁄 𑀲𑀺𑀬𑀸, 𑀅𑀜𑁆𑀜𑀤𑀢𑁆𑀣𑀼, 𑀫𑀦𑀲𑀸𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑀸𑀦𑀁, 𑀩𑀳𑀼𑀤𑁂𑀯 𑀭𑀢𑁆𑀢𑀺. 𑀯𑀸𑀢𑁆𑀯𑁂𑀯, 𑀅𑀢𑁆𑀢𑀅𑀢𑁆𑀣𑀁, 𑀤𑁆𑀯𑀸𑀥𑀺𑀝𑁆𑀞𑀺𑀢𑀁, 𑀧𑀸𑀢𑀼𑀅𑀳𑁄𑀲𑀺. 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲 𑀩𑁆𑀬𑀜𑁆𑀚𑀦𑀢𑁄𑀧𑀺, 𑀪𑀺𑀓𑁆𑀔𑀼𑀦𑀻𑀦𑀁 𑀯𑀼𑀝𑁆𑀞𑀸𑀧𑁂𑀬𑁆𑀬, 𑀘𑀺𑀭𑀁 𑀦𑀸𑀬𑀢𑀺, 𑀢𑀁𑀬𑁂𑀯.

𑀙 𑀅𑀪𑀺𑀜𑁆𑀜𑀸, 𑀙 𑀅𑀗𑁆𑀕𑀁, 𑀙 𑀅𑀲𑀻𑀢𑀺, 𑀙 𑀅𑀁𑀲𑀸, 𑀙 𑀆𑀬𑀢𑀦𑀁 𑀇𑀢𑀻+𑀥 ‘‘𑀯𑀸 𑀲𑀭𑁂’’ ‘‘𑀆𑀕𑀫𑁄’’𑀢𑀺 𑀘 𑀯𑀢𑁆𑀢𑀢𑁂.

𑀙𑀲𑀤𑁆𑀤𑀸 𑀧𑀭𑀲𑁆𑀲 𑀲𑀭𑀲𑁆𑀲 𑀴𑀓𑀸𑀭𑁄 𑀆𑀕𑀫𑁄 𑀳𑁄𑀢𑀺 𑀯𑀸. 𑀙𑀸𑀢𑀺 𑀅𑀦𑀼𑀓𑀭𑀡𑀢𑁆𑀢𑀸 𑀏𑀓𑀯𑀘𑀦𑀁. 𑀙𑀴𑀪𑀺𑀜𑁆𑀜𑀸, 𑀙𑀴𑀗𑁆𑀕𑀁, 𑀙𑀴𑀲𑀻𑀢𑀺, 𑀙𑀴𑀁𑀲𑀸, 𑀙𑀴𑀸𑀬𑀢𑀦𑀁. 𑀯𑀸𑀢𑁆𑀯𑁂𑀯, 𑀙𑀅𑀪𑀺𑀜𑁆𑀜𑀸. (𑀆𑀕𑀫𑀲𑀦𑁆𑀥𑀺).

𑀮𑁄𑀧𑁄 ¶ 𑀅𑀤𑀲𑁆𑀲𑀦𑀁, 𑀞𑀸𑀦𑀺𑀁, 𑀬+𑀫𑀸𑀫𑀤𑁆𑀤𑀺𑀬 𑀤𑀺𑀲𑁆𑀲𑀢𑀺;

𑀆𑀤𑁂𑀲𑁄 𑀦𑀸𑀫 𑀲𑁄 𑀬𑀸 𑀢𑀼, 𑀅𑀲𑀦𑁆𑀢𑀼𑀧𑁆𑀧𑀢𑁆𑀢𑀺 𑀆𑀕𑀫𑁄.

𑀓𑀜𑁆𑀜𑀸 𑀇𑀯, 𑀓𑀜𑁆𑀜𑀸𑀯 𑀇𑀘𑁆𑀘𑀸𑀤𑀺 𑀲𑀭𑀲𑀦𑁆𑀥𑀺𑀦𑀺𑀲𑁂𑀥𑁄 𑀯𑀼𑀘𑁆𑀘𑀢𑀺, 𑀧𑀲𑀗𑁆𑀕𑀧𑀼𑀩𑁆𑀩𑀓𑁄 𑀳𑀺 𑀧𑀝𑀺𑀲𑁂𑀥𑁄. 𑀧𑀼𑀩𑁆𑀩𑀲𑀭𑀸𑀦𑀁 𑀮𑁄𑀧𑁂 𑀲𑀫𑁆𑀧𑀢𑁆𑀢𑁂 ‘‘𑀲𑀭𑁄’’ ‘‘𑀯𑁂’’𑀢𑀺 𑀘 𑀯𑀢𑁆𑀢𑀢𑁂.

𑀧𑀼𑀩𑁆𑀩𑀧𑀭𑀲𑁆𑀲𑀭𑀸 𑀤𑁆𑀯𑁂𑀧𑀺 𑀯𑀸 𑀓𑁆𑀯𑀘𑀺 𑀦 𑀮𑀼𑀧𑁆𑀬𑀦𑁆𑀢𑁂. 𑀓𑀜𑁆𑀜𑀸 𑀇𑀯, 𑀓𑀜𑁆𑀜𑁂𑀯, 𑀓𑀜𑁆𑀜𑀸𑀯.

𑀲𑀸𑀭𑀺𑀧𑀼𑀢𑁆𑀢 𑀇𑀥𑁂𑀓𑀘𑁆𑀘𑁄, 𑀏𑀳𑀺 𑀲𑀺𑀯𑀓 𑀉𑀝𑁆𑀞𑁂𑀳𑀺, 𑀆𑀬𑀲𑁆𑀫𑀸 𑀆𑀦𑀦𑁆𑀤𑁄, 𑀕𑀸𑀣𑀸 𑀅𑀪𑀸𑀲𑀺, 𑀤𑁂𑀯𑀸 𑀆𑀪𑀲𑁆𑀲𑀭𑀸 𑀬𑀣𑀸, 𑀢𑁂𑀯𑀺𑀚𑁆𑀚𑀸 𑀇𑀤𑁆𑀥𑀺𑀧𑀢𑁆𑀢𑀸 𑀘, 𑀪𑀕𑀯𑀸 𑀉𑀝𑁆𑀞𑀸𑀬𑀸𑀲𑀦𑀸, 𑀪𑀕𑀯𑀸 𑀏𑀢+𑀤𑀯𑁄𑀘, 𑀅𑀪𑀺𑀯𑀸𑀤𑁂𑀢𑁆𑀯𑀸 𑀏𑀓𑀫𑀦𑁆𑀢𑀁 𑀅𑀝𑁆𑀞𑀸𑀲𑀺, 𑀕𑀦𑁆𑀢𑁆𑀯𑀸 𑀑𑀮𑁄𑀓𑁂𑀦𑁆𑀢𑁄, 𑀪𑀽𑀢𑀯𑀸𑀤𑀻 𑀅𑀢𑁆𑀣𑀯𑀸𑀤𑀻, 𑀬𑀁 𑀇𑀢𑁆𑀣𑀻 𑀅𑀭𑀳𑀁 𑀅𑀲𑁆𑀲, 𑀲𑀸𑀫𑀸𑀯𑀢𑀻 𑀆𑀳, 𑀧𑀸𑀧𑀓𑀸𑀭𑀻 𑀉𑀪𑀬𑀢𑁆𑀣 𑀢𑀧𑁆𑀧𑀢𑀺, 𑀦𑀤𑀻 𑀑𑀢𑁆𑀣𑀭𑀢𑀺, 𑀬𑁂 𑀢𑁂 𑀪𑀺𑀓𑁆𑀔𑀽 𑀅𑀧𑁆𑀧𑀺𑀘𑁆𑀙𑀸, 𑀪𑀺𑀓𑁆𑀔𑀽 𑀆𑀫𑀦𑁆𑀢𑁂𑀲𑀺, 𑀪𑀺𑀓𑁆𑀔𑀽 𑀉𑀚𑁆𑀛𑀸𑀬𑀺𑀁𑀲𑀼, 𑀪𑀺𑀓𑁆𑀔𑀽 𑀏𑀯+𑀫𑀸𑀳𑀁𑀲𑀼, 𑀇𑀫𑀲𑁆𑀫𑀺𑀁 𑀕𑀸𑀫𑁂 𑀆𑀭𑀓𑁆𑀔𑀓𑀸, 𑀲𑀩𑁆𑀩𑁂 𑀇𑀫𑁂, 𑀓𑀢𑀫𑁂 𑀏𑀓𑀸𑀤𑀲, 𑀕𑀫𑁆𑀪𑀻𑀭𑁂 𑀑𑀤𑀓𑀦𑁆𑀢𑀺𑀓𑁂, 𑀅𑀧𑁆𑀧𑀫𑀸𑀤𑁄 𑀅𑀫𑀢𑀁 𑀧𑀤𑀁, 𑀲𑀗𑁆𑀖𑁄 𑀆𑀕𑀘𑁆𑀙𑀢𑀼, 𑀓𑁄 𑀇𑀫𑀁 𑀧𑀣𑀯𑀺𑀁 𑀯𑀺𑀘𑁂𑀲𑁆𑀲𑀢𑀺, 𑀆𑀮𑁄𑀓𑁄 𑀉𑀤𑀧𑀸𑀤𑀺, 𑀏𑀓𑁄 𑀏𑀓𑀸𑀬, 𑀘𑀢𑁆𑀢𑀸𑀭𑁄 𑀑𑀖𑀸, 𑀅𑀭𑁂 𑀅𑀳𑀫𑁆𑀧𑀺, 𑀲𑀘𑁂 𑀇𑀫𑀲𑁆𑀲 𑀓𑀸𑀬𑀲𑁆𑀲, 𑀦𑁄 𑀅𑀢𑀺𑀓𑁆𑀓𑀫𑁄, 𑀅𑀳𑁄 𑀅𑀘𑁆𑀙𑀭𑀺𑀬𑁄, 𑀅𑀣𑁄 𑀅𑀦𑁆𑀢𑁄 𑀘, 𑀅𑀣 𑀔𑁄 𑀆𑀬𑀲𑁆𑀫𑀸, 𑀅𑀣𑁄 𑀑𑀝𑁆𑀞𑀯+𑀘𑀺𑀢𑁆𑀢𑀓𑀸, 𑀢𑀢𑁄 𑀆- 𑀫𑀦𑁆𑀢𑀬𑀺 ¶ 𑀲𑀢𑁆𑀣𑀸𑀢𑀺 𑀏𑀯𑀫𑀸𑀤𑀬𑁄 𑀇𑀥 𑀓𑀸𑀮𑀩𑁆𑀬𑀯𑀥𑀸𑀦𑁂𑀦𑁂𑀯 𑀲𑀺𑀚𑁆𑀛𑀦𑁆𑀢𑀺. 𑀓𑁆𑀯𑀘𑀻𑀢𑀺 𑀓𑀺𑀁, 𑀆𑀕𑀢𑀸+𑀢𑁆𑀣, 𑀆𑀕𑀢𑀸+𑀫𑁆𑀳𑀸, 𑀓𑀢𑀫+𑀲𑁆𑀲 𑀯𑀸𑀭𑁄, 𑀅𑀧𑁆𑀧𑀲𑁆𑀲𑀼𑀢𑀸+𑀬𑀁 𑀧𑀼𑀭𑀺𑀲𑁄, 𑀘𑀫𑀭𑀻+𑀯, 𑀲𑀩𑁆𑀩𑁂+𑀯, 𑀲𑁆𑀯𑁂+𑀯, 𑀏𑀲𑁂+𑀯 𑀦𑀬𑁄, 𑀧𑀭𑀺𑀲𑀼𑀤𑁆𑀥𑁂+𑀢𑁆𑀣𑀸+𑀬𑀲𑁆𑀫𑀦𑁆𑀢𑁄, 𑀦𑁂+𑀢𑁆𑀣, 𑀓𑀼𑀢𑁂+𑀢𑁆𑀣 𑀮𑀩𑁆𑀪𑀸, 𑀲𑀘𑁂+𑀲 𑀩𑁆𑀭𑀸𑀳𑁆𑀫𑀡, 𑀢𑀣𑀽+𑀧𑀫𑀁, 𑀬𑀣𑀸+𑀳, 𑀚𑀻𑀯𑁆𑀳𑀸+𑀬𑀢𑀦𑀁, 𑀅𑀯𑀺𑀚𑁆𑀚𑁄+𑀖𑁄, 𑀇𑀢𑁆𑀣𑀺𑀦𑁆𑀤𑁆𑀭𑀺𑀬𑀁, 𑀅𑀪𑀺𑀪𑀸+𑀬𑀢𑀦𑀁, 𑀪𑀬𑀢𑀽+𑀧𑀝𑁆𑀞𑀸𑀦𑀁, 𑀲𑀤𑁆𑀥𑀻+𑀥 𑀯𑀺𑀢𑁆𑀢𑀁 𑀧𑀼𑀭𑀺𑀲𑀲𑁆𑀲 𑀲𑁂𑀝𑁆𑀞𑀁. (𑀲𑀭𑀲𑀦𑁆𑀥𑀺𑀦𑀺𑀲𑁂𑀥𑁄)

𑀢𑀢𑁆𑀭 𑀅𑀪𑀺𑀭𑀢𑀺, 𑀢𑀢𑁆𑀭 𑀅𑀬𑀁, 𑀩𑀼𑀤𑁆𑀥 𑀅𑀦𑀼𑀲𑁆𑀲𑀢𑀺, 𑀲 𑀅𑀢𑁆𑀣𑀺𑀓𑀸, 𑀲𑀜𑁆𑀜𑀸𑀯𑀸 𑀅𑀲𑁆𑀲, 𑀢𑀤𑀸 𑀅𑀳𑀁, 𑀬𑀸𑀦𑀺 𑀇𑀥 𑀪𑀽𑀢𑀸𑀦𑀺, 𑀕𑀘𑁆𑀙𑀸𑀫𑀺 𑀇𑀢𑀺, 𑀅𑀢𑀺 𑀇𑀢𑁄, 𑀓𑀺𑀓𑀻 𑀇𑀯, 𑀩𑀳𑀼 𑀉𑀧𑀓𑀸𑀭𑀁, 𑀫𑀥𑀼 𑀉𑀤𑀓𑀁, 𑀲𑀼 𑀉𑀧𑀥𑀸𑀭𑀺𑀢𑀁, 𑀲𑁄𑀧𑀺 𑀅𑀬𑀁, 𑀇𑀤𑀸𑀦𑀺 𑀅𑀳𑀁, 𑀲𑀘𑁂 𑀅𑀬𑀁, 𑀅𑀧𑁆𑀧𑀲𑁆𑀲𑀼𑀢𑁄 𑀅𑀬𑀁, 𑀇𑀢𑀭 𑀇𑀢𑀭𑁂𑀦, 𑀲𑀤𑁆𑀥𑀸 𑀇𑀥 𑀯𑀺𑀢𑁆𑀢𑀁, 𑀓𑀫𑁆𑀫 𑀉𑀧𑀦𑀺𑀲𑁆𑀲𑀬𑁄, 𑀢𑀣𑀸 𑀉𑀧𑀫𑀁, 𑀭𑀢𑁆𑀢𑀺 𑀉𑀧𑀭𑀢𑁄, 𑀯𑀺 𑀉𑀧𑀲𑀫𑁄, 𑀮𑁄𑀓𑀲𑁆𑀲 𑀇𑀢𑀺, 𑀤𑁂𑀯 𑀇𑀢𑀺, 𑀯𑀺 𑀅𑀢𑀺𑀧𑀢𑀦𑁆𑀢𑀺, 𑀯𑀺 𑀅𑀢𑀺𑀦𑀸𑀫𑁂𑀦𑁆𑀢𑀺, 𑀲𑀗𑁆𑀖𑀸𑀝𑀺 𑀅𑀧𑀺, 𑀚𑀻𑀯𑀺𑀢𑀳𑁂𑀢𑀼 𑀅𑀧𑀺, 𑀯𑀺𑀚𑁆𑀚𑀼 𑀇𑀯, 𑀓𑀺𑀁𑀲𑀼 𑀇𑀥 𑀯𑀺𑀢𑁆𑀢𑀁, 𑀲𑀸𑀥𑀼 𑀇𑀢𑀺, 𑀢𑁂 𑀅𑀲𑁆𑀲 𑀧𑀳𑀻𑀦𑀸, 𑀲𑁄 𑀅𑀲𑁆𑀲, 𑀫𑀥𑀼𑀯𑀸 𑀫𑀜𑁆𑀜𑀢𑀺 𑀩𑀸𑀮𑁄, 𑀏𑀯𑀁 𑀕𑀸𑀫𑁂 𑀫𑀼𑀦𑀺 𑀘𑀭𑁂, 𑀔𑀦𑁆𑀢𑀺 𑀧𑀭𑀫𑀁 𑀢𑀧𑁄 𑀢𑀺𑀢𑀺𑀓𑁆𑀔𑀸, 𑀦 𑀫𑀁𑀓𑀼 𑀪𑀯𑀺𑀲𑁆𑀲𑀸𑀫𑀺, 𑀲𑀼 𑀅𑀓𑁆𑀔𑀸𑀢𑁄, 𑀬𑁄 𑀅𑀳𑀁, 𑀲𑁄 𑀅𑀳𑀁, 𑀓𑀸𑀫𑀢𑁄 𑀚𑀸𑀬𑀢𑀺 𑀲𑁄𑀓𑁄, 𑀓𑀸𑀫𑀢𑁄 𑀚𑀸𑀬𑀢𑀺 𑀪𑀬𑀁, 𑀲𑀓𑁆𑀓𑁄 𑀉𑀚𑀼 𑀘 𑀲𑀼𑀳𑀼𑀚𑀼𑀘, 𑀅𑀦𑀼𑀧𑀖𑀸𑀢𑁄, 𑀤𑀼𑀭𑀓𑁆𑀔𑀁, 𑀤𑀼𑀭𑀫𑀁, 𑀤𑀼𑀪𑀭𑀢𑀸. 𑀬𑀺𑀝𑁆𑀞𑀁 𑀯𑀸 𑀳𑀼𑀢𑀁 𑀯𑀸 𑀮𑁄𑀓𑁂, 𑀬𑀤𑀺 𑀯𑀸 𑀲𑀸𑀯𑀓𑁂, 𑀧𑀼𑀕𑁆𑀕𑀮𑀸 𑀥𑀫𑁆𑀫𑀤𑀲𑀸 𑀢𑁂, 𑀪𑁄𑀯𑀸𑀤𑀻 𑀦𑀸𑀫 𑀲𑁄 𑀳𑁄𑀢𑀺, 𑀬𑀣𑀸𑀪𑀸𑀯𑀻 𑀕𑀼𑀡𑁂𑀦 𑀲𑁄, 𑀬𑀣𑀸 𑀇𑀤𑀁, 𑀲𑀫𑁆𑀫𑀸 𑀤𑀓𑁆𑀔𑀸𑀢𑁄, 𑀧𑀭𑀸 𑀓𑀫𑁄, 𑀢𑀡𑁆𑀳𑀸 𑀓𑁆𑀔𑀬𑁄, 𑀛𑀸𑀦𑀲𑁆𑀲 𑀮𑀸𑀪𑀻 𑀅𑀫𑁆𑀳𑀺, 𑀣𑀼𑀮𑁆𑀮𑀘𑁆𑀘𑀬𑁄 𑀇𑀢𑀻+𑀥 𑁋

𑀭𑀲𑁆𑀲+𑀤𑀻𑀖𑀸𑀦𑀁 ¶ 𑀓𑁆𑀯𑀘𑀺 𑀤𑀻𑀖+𑀭𑀲𑁆𑀲𑀸 𑀳𑁄𑀦𑁆𑀢𑀺 𑀩𑁆𑀬𑀜𑁆𑀚𑀦𑁂. 𑀢𑀢𑁆𑀭𑀸𑀪𑀺𑀭𑀢𑀺, 𑀢𑀢𑁆𑀭𑀸𑀬𑀁, 𑀩𑀼𑀤𑁆𑀥𑀸𑀦𑀼𑀲𑁆𑀲𑀢𑀺, 𑀲𑀸𑀢𑁆𑀣𑀺𑀓𑀸, 𑀲𑀜𑁆𑀜𑀸𑀯𑀸+𑀲𑁆𑀲, 𑀢𑀤𑀸𑀳𑀁, 𑀬𑀸𑀦𑀻+𑀥 𑀪𑀽𑀢𑀸𑀦𑀺, 𑀕𑀘𑁆𑀙𑀸𑀫𑀻𑀢𑀺, 𑀅𑀢𑀻𑀢𑁄, 𑀓𑀺𑀓𑀻𑀯, 𑀩𑀳𑀽𑀧𑀓𑀸𑀭𑀁, 𑀫𑀥𑀽𑀤𑀓𑀁, 𑀲𑀽𑀧𑀥𑀸𑀭𑀺𑀢𑀁, 𑀲𑁄𑀧𑀸𑀬𑀁, 𑀇𑀤𑀸𑀦𑀸𑀳𑀁, 𑀲𑀘𑀸𑀬𑀁, 𑀅𑀧𑁆𑀧𑀲𑁆𑀲𑀼𑀢𑀸𑀬𑀁, 𑀇𑀢𑀭𑀻𑀢𑀭𑁂𑀦, 𑀲𑀤𑁆𑀥𑀻𑀥 𑀯𑀺𑀢𑁆𑀢𑀁, 𑀓𑀫𑁆𑀫𑀽𑀧𑀦𑀺𑀲𑁆𑀲𑀬𑁄, 𑀢𑀣𑀽𑀧𑀫𑀁, 𑀭𑀢𑁆𑀢𑀽𑀧𑀭𑀢𑁄, 𑀯𑀽𑀧𑀲𑀫𑁄, 𑀮𑁄𑀓𑀲𑁆𑀲𑀸𑀢𑀺, 𑀤𑁂𑀯𑀸𑀢𑀺, 𑀯𑀻𑀢𑀺𑀧𑀢𑀦𑁆𑀢𑀺, 𑀯𑀻𑀢𑀺𑀦𑀸𑀫𑁂𑀦𑁆𑀢𑀺, 𑀲𑀗𑁆𑀖𑀸𑀝𑀻𑀧𑀺, 𑀚𑀻𑀯𑀺𑀢𑀳𑁂𑀢𑀽𑀧𑀺, 𑀯𑀺𑀚𑁆𑀚𑀽𑀯, 𑀓𑀺𑀁𑀲𑀽𑀥 𑀯𑀺𑀢𑁆𑀢𑀁, 𑀲𑀸𑀥𑀽𑀢𑀺, 𑀢𑁆𑀬𑀸𑀲𑁆𑀲 𑀧𑀳𑀻𑀦𑀸, 𑀲𑁆𑀯𑀸𑀲𑁆𑀲, 𑀫𑀥𑀼𑀯𑀸 𑀫𑀜𑁆𑀜𑀢𑀻 𑀩𑀸𑀮𑁄, 𑀏𑀯𑀁 𑀕𑀸𑀫𑁂 𑀫𑀼𑀦𑀻 𑀘𑀭𑁂, 𑀔𑀦𑁆𑀢𑀻 𑀧𑀭𑀫𑀁 𑀢𑀧𑁄 𑀢𑀺𑀢𑀺𑀓𑁆𑀔𑀸, 𑀦 𑀫𑀁𑀓𑀽 𑀪𑀯𑀺𑀲𑁆𑀲𑀸𑀫𑀺, 𑀲𑁆𑀯𑀸𑀓𑁆𑀔𑀸𑀢𑁄, 𑀬𑁆𑀯𑀸𑀳𑀁, 𑀲𑁆𑀯𑀸𑀳𑀁, 𑀓𑀸𑀫𑀢𑁄 𑀚𑀸𑀬𑀢𑀻 𑀲𑁄𑀓𑁄, 𑀓𑀸𑀫𑀢𑁄 𑀚𑀸𑀬𑀢𑀻 𑀪𑀬𑀁, 𑀲𑀓𑁆𑀓𑁄 𑀉𑀚𑀽 𑀘 𑀲𑀼𑀳𑀼𑀚𑀽 𑀘, 𑀅𑀦𑀽𑀧𑀖𑀸𑀢𑁄, 𑀤𑀽𑀭𑀓𑁆𑀔𑀁, 𑀤𑀽𑀭𑀫𑀁, 𑀤𑀽𑀪𑀭𑀢𑀸. 𑀬𑀺𑀝𑁆𑀞𑀁𑀯 𑀳𑀼𑀢𑀁𑀯 𑀮𑁄𑀓𑁂, 𑀬𑀤𑀺𑀯 𑀲𑀸𑀯𑀓𑁂, 𑀧𑀼𑀕𑁆𑀕𑀮 𑀥𑀫𑁆𑀫𑀤𑀲𑀸 𑀢𑁂, 𑀪𑁄𑀯𑀸𑀤𑀺 𑀦𑀸𑀫 𑀲𑁄 𑀳𑁄𑀢𑀺, 𑀬𑀣𑀸𑀪𑀸𑀯𑀺 𑀕𑀼𑀡𑁂𑀦 𑀲𑁄, 𑀬𑀣𑀬𑀺𑀤𑀁, 𑀲𑀫𑁆𑀫𑀤𑀓𑁆𑀔𑀸𑀢𑁄, 𑀧𑀭𑀓𑁆𑀓𑀫𑁄, 𑀢𑀡𑁆𑀳𑀓𑁆𑀔𑀬𑁄, 𑀛𑀸𑀦𑀲𑁆𑀲 𑀮𑀸𑀪𑀺𑀫𑁆𑀳𑀺, 𑀯𑀲𑀺𑀫𑁆𑀳𑀺, 𑀣𑀼𑀮𑁆𑀮𑀘𑁆𑀘𑀬𑁄. 𑀓𑁆𑀯𑀘𑀻𑀢𑀺 𑀓𑀺𑀁, 𑀢𑁆𑀬𑀚𑁆𑀚, 𑀲𑁆𑀯𑀲𑁆𑀲, 𑀧𑀢𑀺𑀮𑀺𑀬𑀢𑀻𑀢𑀺 𑀤𑀻𑀖𑀦𑀺𑀲𑁂𑀥𑁄, 𑀫𑀸𑀬𑀺𑀤𑀁, 𑀫𑀦𑀲𑀸𑀤𑀜𑁆𑀜𑀸 𑀯𑀺𑀫𑀼𑀢𑁆𑀢𑀸𑀦𑀁, 𑀬𑀣𑀸𑀓𑁆𑀓𑀫𑀁, 𑀆𑀭𑀓𑁆𑀔𑀸𑀢𑀻𑀢𑀁, 𑀤𑀻𑀬𑀢𑀺, 𑀲𑀽𑀬𑀢𑀻𑀢𑀺 𑀭𑀲𑁆𑀲𑀓𑀸𑀭𑀺𑀬𑀦𑀺𑀲𑁂𑀥𑁄. 𑀓𑀣𑀁 𑀬𑀸𑀦𑀺𑀯 𑀅𑀦𑁆𑀢𑀮𑀺𑀓𑁆𑀔𑁂𑀢𑀺, ‘‘𑀤𑀻𑀖𑀭𑀲𑁆𑀲𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸. (𑀤𑀻𑀖+𑀭𑀲𑁆𑀲𑀲𑀦𑁆𑀥𑀺).

𑀲𑀭𑀫𑁆𑀳𑀸 𑀧𑀭𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀓𑁆𑀯𑀘𑀺 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺. 𑀏𑀢𑁆𑀣 𑀘 𑀆𑀯𑀼𑀢𑁆𑀢𑀺𑀤𑁆𑀯𑀺𑀯𑀘𑀦𑀁 𑀞𑀸𑀦𑁂𑀤𑁆𑀯𑀺𑀯𑀘𑀦𑀦𑁆𑀢𑀺 𑀤𑁆𑀯𑀻𑀲𑀼 𑀞𑀸𑀦𑁂𑀤𑁆𑀯𑀺𑀯𑀘𑀦𑀁 𑀯𑁂𑀤𑀺𑀢𑀩𑁆𑀩𑀁.

𑀢𑀸𑀦𑀺 ¶ 𑀘 𑀧+𑀧𑀢𑀺+𑀧𑀝𑀺+𑀓𑀫+𑀓𑀼𑀲+𑀓𑀼𑀥+𑀓𑀻+𑀕𑀳+𑀚𑀼𑀢+𑀜𑀸+𑀲𑀺+ 𑀲𑀼+𑀲𑀽+𑀲𑀫𑁆𑀪𑀽+𑀲𑀭+𑀲𑀲𑀸𑀤𑀻𑀦𑀫𑀸𑀤𑀺𑀩𑁆𑀬𑀜𑁆𑀚𑀦𑀸𑀦𑀜𑁆𑀘 𑀳𑁄𑀢𑀺. 𑀇𑀥 𑀧𑀫𑀸𑀤𑁄=𑀇𑀥𑀧𑁆𑀧𑀫𑀸𑀤𑁄, 𑀏𑀯𑀁 𑀅𑀧𑁆𑀧𑀫𑀸𑀤𑁄, 𑀯𑀺𑀧𑁆𑀧𑀬𑀼𑀢𑁆𑀢𑁄, 𑀲𑀼𑀧𑁆𑀧𑀲𑀦𑁆𑀦𑁄, 𑀲𑀫𑁆𑀫𑀸 𑀧𑀥𑀸𑀦𑀁=𑀲𑀫𑁆𑀫𑀧𑁆𑀧𑀥𑀸𑀦𑀁 𑀭𑀲𑁆𑀲𑀢𑁆𑀢𑀁. 𑀅𑀧𑁆𑀧𑀢𑀺𑀯𑀢𑁆𑀢𑀺𑀬𑁄, 𑀅𑀥𑀺𑀧𑁆𑀧𑀢𑀺𑀧𑀘𑁆𑀘𑀬𑁄, 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑁄,. 𑀅𑀧𑁆𑀧𑀝𑀺𑀧𑀼𑀕𑁆𑀕𑀮𑁄, 𑀯𑀺𑀧𑁆𑀧𑀝𑀺𑀲𑀸𑀭𑁄, 𑀲𑀼𑀧𑁆𑀧𑀝𑀺𑀧𑀢𑁆𑀢𑀺. 𑀧𑀓𑁆𑀓𑀫𑁄, 𑀧𑀝𑀺𑀓𑁆𑀓𑀫𑁄, 𑀳𑁂𑀢𑀼𑀓𑁆𑀓𑀫𑁄, 𑀆𑀓𑀫𑀢𑀺=𑀅𑀓𑁆𑀓𑀫𑀢𑀺, 𑀏𑀯𑀁 𑀧𑀓𑁆𑀓𑀫𑀢𑀺, 𑀬𑀣𑀸𑀓𑁆𑀓𑀫𑀁. 𑀅𑀓𑁆𑀓𑁄𑀲𑀢𑀺, 𑀧𑀝𑀺𑀓𑁆𑀓𑁄𑀲𑀢𑀺, 𑀅𑀦𑀼𑀓𑁆𑀓𑁄𑀲𑀢𑀺, 𑀆𑀓𑁄𑀲𑀢𑀺=𑀅𑀓𑁆𑀓𑁄𑀲𑀢𑀺. 𑀅𑀓𑁆𑀓𑀼𑀤𑁆𑀥𑁄, 𑀅𑀪𑀺𑀓𑁆𑀓𑀼𑀤𑁆𑀥𑁄. 𑀥𑀦𑀓𑁆𑀓𑀻𑀢𑁄, 𑀯𑀺𑀓𑁆𑀓𑀬𑁄, 𑀅𑀦𑀼𑀓𑁆𑀓𑀬𑁄. 𑀧𑀕𑁆𑀕𑀳𑁄, 𑀯𑀺𑀕𑁆𑀕𑀳𑁄, 𑀅𑀦𑀼𑀕𑁆𑀕𑀳𑁄, 𑀘𑀦𑁆𑀤𑀕𑁆𑀕𑀸𑀳𑁄, 𑀤𑀺𑀝𑁆𑀞𑀺𑀕𑁆𑀕𑀸𑀳𑁄. 𑀧𑀚𑁆𑀚𑁄𑀢𑁄, 𑀯𑀺𑀚𑁆𑀚𑁄𑀢𑁄, 𑀉𑀚𑁆𑀚𑁄𑀢𑁄. 𑀓𑀢𑀜𑁆𑀜𑀽, 𑀯𑀺𑀜𑁆𑀜𑀽, 𑀧𑀜𑁆𑀜𑀸𑀡𑀁, 𑀯𑀺𑀜𑁆𑀜𑀸𑀡𑀁, 𑀅𑀦𑀜𑁆𑀜𑀸𑀡𑀁. 𑀅𑀯𑀲𑁆𑀲𑀬𑁄, 𑀦𑀺𑀲𑁆𑀲𑀬𑁄, 𑀲𑀫𑀼𑀲𑁆𑀲𑀬𑁄. 𑀅𑀧𑁆𑀧𑀲𑁆𑀲𑀼𑀢𑁄, 𑀯𑀺𑀲𑁆𑀲𑀼𑀢𑁄, 𑀩𑀳𑀼𑀲𑁆𑀲𑀼𑀢𑁄. 𑀆𑀲𑀯𑀸=𑀅𑀲𑁆𑀲𑀯𑀸. 𑀧𑀲𑁆𑀲𑀫𑁆𑀪𑁂𑀦𑁆𑀢𑁄, 𑀯𑀺𑀲𑁆𑀲𑀫𑁆𑀪𑁂𑀦𑁆𑀢𑁄. 𑀅𑀝𑁆𑀝𑀲𑁆𑀲𑀭𑁄, 𑀯𑀺𑀲𑁆𑀲𑀭𑀢𑀺, 𑀅𑀦𑀼𑀲𑁆𑀲𑀭𑀢𑀺, 𑀅𑀦𑀼𑀲𑁆𑀲𑀢𑀺. 𑀧𑀲𑁆𑀲𑀲𑀦𑁆𑀢𑁄, 𑀯𑀺𑀲𑁆𑀲𑀲𑀦𑁆𑀢𑁄, 𑀫𑀼𑀳𑀼𑀲𑁆𑀲𑀲𑀦𑁆𑀢𑁄, 𑀆𑀲𑀸𑀲𑁄=𑀅𑀲𑁆𑀲𑀸𑀲𑁄. 𑀆𑀤𑀺𑀲𑀤𑁆𑀤𑁂𑀦 𑀅𑀯𑀺𑀲𑁆𑀲𑀚𑁂𑀦𑁆𑀢𑁄, 𑀯𑀺𑀲𑁆𑀲𑀚𑁂𑀦𑁆𑀢𑁄, 𑀅𑀪𑀺𑀓𑁆𑀓𑀦𑁆𑀢𑀢𑀭𑁄, 𑀧𑀭𑀺𑀘𑁆𑀘𑀚𑁂𑀦𑁆𑀢𑁄, 𑀉𑀧𑀤𑁆𑀤𑀯𑁄, 𑀉𑀧𑀓𑁆𑀓𑀺𑀮𑁂𑀲𑁄, 𑀫𑀺𑀢𑁆𑀢𑀤𑁆𑀤𑀼𑀦𑁄, 𑀆𑀬𑀩𑁆𑀬𑀬𑁄, 𑀅𑀩𑁆𑀩𑀳𑀺 𑀇𑀘𑁆𑀘𑀸𑀤𑀺.

𑀢𑀺𑀓+𑀢𑀬+𑀢𑀺𑀁𑀲+𑀯𑀢𑀸𑀤𑀻𑀦+𑀫𑀸𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀘. 𑀓𑀼𑀲𑀮𑀢𑁆𑀢𑀺𑀓𑀁, 𑀧𑀻𑀢𑀺𑀢𑁆𑀢𑀺𑀓𑀁, 𑀳𑁂𑀢𑀼𑀢𑁆𑀢𑀺𑀓𑀁. 𑀮𑁄𑀓𑀢𑁆𑀢𑀬𑀁, 𑀩𑁄𑀥𑀺𑀢𑁆𑀢𑀬𑀁, 𑀯𑀢𑁆𑀣𑀼𑀢𑁆𑀢𑀬𑀁. 𑀏𑀓𑀢𑁆𑀢𑀺𑀁𑀲, 𑀤𑁆𑀯𑀢𑁆𑀢𑀺𑀁𑀲, 𑀢𑁂𑀢𑁆𑀢𑀺𑀁𑀲, 𑀘𑀢𑀼𑀢𑁆𑀢𑀺𑀁𑀲. 𑀲𑀻𑀮𑀩𑁆𑀩𑀢𑀁, 𑀲𑀼𑀩𑁆𑀩𑀢𑁄. 𑀲𑀧𑁆𑀧𑀻𑀢𑀺𑀓𑁄, 𑀲𑀫𑀦𑁆𑀦𑀸𑀕𑀢𑁄, 𑀧𑀼𑀦𑀧𑁆𑀧𑀼𑀦𑀁 𑀇𑀘𑁆𑀘𑀸𑀤𑀺.

𑀯𑀢𑀼+𑀯𑀝+𑀤𑀺𑀲𑀸𑀦+𑀫𑀦𑁆𑀢𑁂, 𑀬𑀣𑀸 𑀯𑀢𑁆𑀢𑀢𑀺, 𑀯𑀝𑁆𑀝𑀢𑀺, 𑀤𑀲𑁆𑀲𑀦𑀁, 𑀨𑀲𑁆𑀲𑁄 𑀇𑀘𑁆𑀘𑀸𑀤𑀺.

𑀉+𑀤𑀼+𑀦𑀺𑀉𑀧𑀲𑀕𑁆𑀕+𑀢+𑀘𑀢𑀼+𑀙+𑀲𑀦𑁆𑀢𑀲𑀤𑁆𑀤𑀸𑀤𑁂𑀲𑀸𑀤𑀻𑀳𑀺 ¶ 𑀧𑀭𑁂𑀲𑀜𑁆𑀘. 𑀉𑀓𑀁𑀲𑁄=𑀉𑀓𑁆𑀓𑀁𑀲𑁄, 𑀏𑀯𑀁 𑀤𑀼𑀓𑁆𑀓𑀭𑀁, 𑀦𑀺𑀓𑁆𑀓𑀗𑁆𑀔𑁄, 𑀉𑀕𑁆𑀕𑀢𑀁, 𑀤𑀼𑀘𑁆𑀘𑀭𑀺𑀢𑀁, 𑀦𑀺𑀚𑁆𑀚𑀝𑀁, 𑀉𑀚𑁆𑀚𑀳𑀁, 𑀉𑀘𑁆𑀘𑀗𑁆𑀕𑀁, 𑀉𑀦𑁆𑀦𑀫𑀢𑀺, 𑀤𑀼𑀓𑁆𑀓𑀭𑁄, 𑀦𑀺𑀤𑁆𑀤𑀭𑁄, 𑀉𑀦𑁆𑀦𑀢𑁄, 𑀤𑀼𑀧𑁆𑀧𑀜𑁆𑀜𑁄, 𑀦𑀺𑀫𑁆𑀫𑀮𑁄, 𑀉𑀬𑁆𑀬𑀼𑀢𑁆𑀢𑁄, 𑀤𑀼𑀮𑁆𑀮𑀪𑁄, 𑀦𑀺𑀩𑁆𑀩𑀢𑁆𑀢𑁄, 𑀉𑀲𑁆𑀲𑀸𑀳𑁄, 𑀦𑀺𑀲𑁆𑀲𑀸𑀭𑁄. 𑀢𑀓𑁆𑀓𑀭𑁄, 𑀢𑀚𑁆𑀚𑁄, 𑀢𑀦𑁆𑀦𑀺𑀦𑁆𑀦𑁄, 𑀢𑀧𑁆𑀧𑀪𑀯𑁄, 𑀢𑀫𑁆𑀫𑀬𑁄, 𑀘𑀢𑀼𑀓𑁆𑀓𑀁, 𑀘𑀢𑀼𑀤𑁆𑀤𑀺𑀲𑀁, 𑀘𑀢𑀼𑀧𑁆𑀧𑀤𑁄, 𑀘𑀢𑀼𑀩𑁆𑀩𑀺𑀥𑀁, 𑀘𑀢𑀼𑀲𑁆𑀲𑀸𑀮𑀁, 𑀙𑀓𑁆𑀓𑀁, 𑀙𑀦𑁆𑀦𑀯𑀼𑀢𑀺, 𑀙𑀧𑁆𑀧𑀤𑀺𑀓𑁄, 𑀙𑀩𑁆𑀩𑀲𑁆𑀲𑀸𑀦𑀺. 𑀲𑀓𑁆𑀓𑀸𑀭𑁄, 𑀲𑀕𑁆𑀕𑀼𑀡𑁄, 𑀲𑀦𑁆𑀤𑀺𑀝𑁆𑀞𑀺, 𑀲𑀧𑁆𑀧𑀼𑀭𑀺𑀲𑁄, 𑀫𑀳𑀩𑁆𑀩𑀮𑁄.

𑀅𑀧𑀤𑀦𑁆𑀢𑀆𑀓𑀸𑀭𑀯𑀚𑁆𑀚𑀺𑀢𑀤𑀻𑀖𑀢𑁄 𑀬𑀓𑀸𑀭𑀲𑁆𑀲 𑀘, 𑀦𑀺𑀬𑁆𑀬𑀸𑀢𑀺, 𑀲𑀼𑀬𑁆𑀬𑀢𑀺, 𑀅𑀪𑀺𑀪𑀼𑀬𑁆𑀬, 𑀯𑀺𑀘𑁂𑀬𑁆𑀬, 𑀯𑀺𑀦𑁂𑀬𑁆𑀬, 𑀥𑁂𑀬𑁆𑀬𑀁, 𑀦𑁂𑀬𑁆𑀬𑀁, 𑀲𑁂𑀬𑁆𑀬𑁄, 𑀚𑁂𑀬𑁆𑀬𑁄, 𑀯𑁂𑀬𑁆𑀬𑀸𑀓𑀭𑀡𑁄. 𑀆𑀓𑀸𑀭𑀯𑀚𑁆𑀚𑀺𑀢𑀦𑁆𑀢𑀺 𑀓𑀺𑀁, 𑀫𑀸𑀮𑀸𑀬, 𑀤𑁄𑀮𑀸𑀬, 𑀲𑀫𑀸𑀤𑀸𑀬.

𑀙𑀦𑁆𑀤𑀸𑀦𑀼𑀭𑀓𑁆𑀔𑀡𑁂-𑀦𑀧𑁆𑀧𑀚𑀳𑁂 𑀯𑀡𑁆𑀡𑀩𑀮𑀁 𑀧𑀼𑀭𑀸𑀡𑀁, 𑀉𑀚𑁆𑀚𑀼𑀕𑀢𑁂𑀲𑀼 𑀲𑁂𑀬𑁆𑀬𑁄, 𑀕𑀘𑁆𑀙𑀦𑁆𑀢𑀺 𑀲𑀼𑀕𑁆𑀕𑀢𑀺𑀁. 𑀲𑀭𑀫𑁆𑀳𑀸𑀢𑀺 𑀓𑀺𑀁, 𑀜𑀸𑀬𑁄, 𑀢𑀁𑀔𑀡𑀁. 𑀓𑁆𑀯𑀘𑀺𑀢𑁆𑀯𑁂𑀯, 𑀦𑀺𑀓𑀸𑀬𑁄, 𑀦𑀺𑀤𑀸𑀦𑀁, 𑀦𑀺𑀯𑀸𑀲𑁄, 𑀢𑀢𑁄, 𑀙𑀲𑀝𑁆𑀞𑀺, 𑀉𑀧𑀦𑀻𑀬𑀢𑀺, 𑀲𑀽𑀬𑀢𑀺.

𑁩𑁫. 𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂+𑀲𑀁 𑀢𑀢𑀺𑀬𑀧𑀞𑀫𑀸

𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑀼 𑀧𑀭𑁂𑀲𑁆𑀯𑁂+𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀩𑁆𑀩𑀕𑁆𑀕𑁂 𑀢𑀢𑀺𑀬𑀧𑀞𑀫𑀸 𑀳𑁄𑀦𑁆𑀢𑀺 𑀧𑀘𑁆𑀘𑀸𑀲𑀢𑁆𑀬𑀸. 𑀯𑀕𑁆𑀕𑁂 𑀖+𑀛+𑀠+𑀥+𑀪𑀸 𑀘𑀢𑀼𑀢𑁆𑀣𑀸, 𑀔+𑀙+𑀞+𑀣+𑀨𑀸 𑀤𑀼𑀢𑀺𑀬𑀸, 𑀕+𑀚+𑀟+𑀤+𑀩𑀸 𑀢𑀢𑀺𑀬𑀸, 𑀓+𑀘+𑀝+𑀢+𑀧𑀸 𑀧𑀞𑀫𑀸. 𑀧+𑀉+𑀤𑀼-𑀦𑀺𑀆𑀤𑀻𑀳𑀺 𑀧𑀭𑁂𑀲𑀁 𑀖𑀸𑀤𑀻𑀦𑀁 𑀤𑁆𑀯𑀺𑀪𑀸𑀯𑁂 𑀢𑀢𑀺𑀬𑀧𑀞𑀫𑀸 𑀳𑁄𑀦𑁆𑀢𑀺. 𑀧𑀕𑀭𑀢𑀺=𑀧𑀕𑁆𑀖𑀭𑀢𑀺, 𑀏𑀯𑀁 𑀉𑀕𑁆𑀖𑀭𑀢𑀺, 𑀦𑀺𑀕𑁆𑀖𑁄𑀲𑁄, 𑀉𑀕𑁆𑀖𑀸𑀝𑁂𑀢𑀺. 𑀏𑀲𑁄𑀯 𑀢𑀚𑁆𑀛𑀸𑀦𑀨𑀮𑁄, 𑀧𑀞𑀫𑀚𑁆𑀛𑀸𑀦𑀁, 𑀅𑀪𑀺𑀚𑁆𑀛𑀸-𑀬𑀢𑀺 ¶ , 𑀉𑀚𑁆𑀛𑀸𑀬𑀢𑀺. 𑀤𑀟𑁆𑀠𑁄, 𑀩𑀼𑀟𑁆𑀠𑁄. 𑀯𑀺𑀤𑁆𑀥𑀁𑀲𑁂𑀢𑀺, 𑀉𑀤𑁆𑀥𑀁𑀲𑀺𑀢𑁄, 𑀉𑀤𑁆𑀥𑀸𑀭𑁄, 𑀦𑀺𑀤𑁆𑀥𑀦𑁄, 𑀦𑀺𑀤𑁆𑀥𑀼𑀢𑁄. 𑀯𑀺𑀩𑁆𑀪𑀦𑁆𑀢𑁄, 𑀉𑀩𑁆𑀪𑀦𑁆𑀢𑁄, 𑀲𑀫𑀼𑀩𑁆𑀪𑀦𑁆𑀢𑁄, 𑀤𑀼𑀩𑁆𑀪𑀺𑀓𑁆𑀔𑀁, 𑀦𑀺𑀩𑁆𑀪𑀬𑀁, 𑀢𑀩𑁆𑀪𑀸𑀯𑁄, 𑀘𑀢𑀼𑀩𑁆𑀪𑀺. 𑀲𑀤𑁆𑀥𑀸, 𑀲𑀤𑁆𑀥𑀫𑁆𑀫𑁄. 𑀫𑀳𑀩𑁆𑀪𑀬𑀁.

𑀭𑀲𑁆𑀲𑀲𑀭𑁂𑀳𑀺 𑀧𑀭𑁂𑀲𑀁 𑀯𑀕𑁆𑀕𑀤𑀼𑀢𑀺𑀬𑀸𑀦𑀁 𑀤𑁆𑀯𑀺𑀪𑀸𑀯𑁄 𑀘𑁂, 𑀧𑀞𑀫𑀸. 𑀧𑀜𑁆𑀘𑀓𑁆𑀔𑀦𑁆𑀥𑀸, 𑀏𑀯𑀁 𑀭𑀽𑀧𑀓𑁆𑀔𑀦𑁆𑀥𑁄, 𑀅𑀓𑁆𑀔𑀫𑁄, 𑀅𑀪𑀺𑀓𑁆𑀔𑀡𑀁, 𑀅𑀯𑀺𑀓𑁆𑀔𑁂𑀧𑁄, 𑀚𑀸𑀢𑀺𑀓𑁆𑀔𑁂𑀢𑁆𑀢𑀁, 𑀥𑀸𑀢𑀼𑀓𑁆𑀔𑁄𑀪𑁄, 𑀆𑀬𑀼𑀓𑁆𑀔𑀬𑁄. 𑀲𑁂𑀢𑀘𑁆𑀙𑀢𑁆𑀢𑀁, 𑀏𑀯𑀁 𑀲𑀩𑁆𑀩𑀘𑁆𑀙𑀦𑁆𑀦𑀁, 𑀯𑀺𑀘𑁆𑀙𑀦𑁆𑀦𑀁, 𑀩𑁄𑀥𑀺𑀘𑁆𑀙𑀸𑀬𑀸, 𑀚𑀫𑁆𑀩𑀼𑀘𑁆𑀙𑀸𑀬𑀸, 𑀲𑀫𑀼𑀘𑁆𑀙𑁂𑀤𑁄. 𑀢𑀢𑁆𑀭 𑀞𑀺𑀢𑁄=𑀢𑀢𑁆𑀭𑀝𑁆𑀞𑀺𑀢𑁄, 𑀏𑀯𑀁 𑀣𑀮𑀝𑁆𑀞𑀁, 𑀚𑀮𑀝𑁆𑀞𑀁, 𑀅𑀝𑁆𑀞𑀺𑀢𑀁, 𑀦𑀺𑀝𑁆𑀞𑀺𑀢𑀁, 𑀘𑀢𑁆𑀢𑀸𑀭𑀺𑀝𑁆𑀞𑀸𑀦𑀸𑀦𑀺, 𑀕𑀭𑀼𑀝𑁆𑀞𑀸𑀦𑀺𑀬𑁄, 𑀲𑀫𑀼𑀝𑁆𑀞𑀺𑀢𑁄. 𑀲𑀩𑁆𑀩𑀢𑁆𑀣𑀸𑀫𑁂𑀦, 𑀬𑀲𑀢𑁆𑀣𑁂𑀭𑁄, 𑀧𑀢𑁆𑀣𑀭𑀢𑀺, 𑀯𑀺𑀢𑁆𑀣𑀸𑀭𑁄, 𑀅𑀪𑀺𑀢𑁆𑀣𑀼𑀢𑁄, 𑀯𑀺𑀢𑁆𑀣𑀫𑁆𑀪𑀺𑀢𑁄, 𑀅𑀦𑀼𑀢𑁆𑀣𑀼𑀦𑀁. 𑀧𑀧𑁆𑀨𑁄𑀝𑁂𑀢𑀺, 𑀫𑀳𑀧𑁆𑀨𑀮𑀁, 𑀅𑀦𑀺𑀧𑁆𑀨𑀮𑀁, 𑀯𑀺𑀧𑁆𑀨𑀸𑀭𑁄, 𑀧𑀭𑀺𑀧𑁆𑀨𑀼𑀝𑁂𑀬𑁆𑀬, 𑀫𑀥𑀼𑀧𑁆𑀨𑀸𑀡𑀺𑀢𑀁. 𑀆𑀓𑀸𑀭𑀢𑁄, 𑀆𑀔𑀸𑀢𑁄=𑀅𑀓𑁆𑀔𑀸𑀢𑁄, 𑀏𑀯𑀁 𑀢𑀡𑁆𑀳𑀸𑀓𑁆𑀔𑀬𑁄, 𑀆𑀡𑀸𑀓𑁆𑀔𑁂𑀢𑁆𑀢𑀁, 𑀲𑀜𑁆𑀜𑀸𑀓𑁆𑀔𑀦𑁆𑀥𑁄. 𑀆𑀙𑀸𑀤𑀬𑀺=𑀅𑀘𑁆𑀙𑀸𑀤𑀬𑀺, 𑀏𑀯𑀁 𑀅𑀘𑁆𑀙𑀺𑀦𑁆𑀤𑀢𑀺, 𑀦𑀸𑀯𑀝𑁆𑀞𑀁, 𑀅𑀢𑁆𑀣𑀭𑀢𑀺, 𑀅𑀧𑁆𑀨𑁄𑀝𑁂𑀢𑀺. 𑀓𑁆𑀯𑀘𑀺 𑀢𑁆𑀯𑁂𑀯, 𑀧𑀼𑀯𑀔𑀚𑁆𑀚𑀓𑀁, 𑀢𑀲𑁆𑀲 𑀙𑀯𑀺𑀆𑀤𑀻𑀦𑀺 𑀙𑀺𑀦𑁆𑀤𑀺𑀢𑁆𑀯𑀸, 𑀬𑀣𑀸𑀞𑀺𑀢𑀁, 𑀓𑀫𑁆𑀫𑀨𑀮𑀁, 𑀲𑀻𑀮𑀁 𑀢𑀲𑁆𑀲 𑀛𑀸𑀬𑀺𑀦𑁄, 𑀬𑁂 𑀛𑀸𑀦𑀧𑁆𑀧𑀲𑀼𑀢𑀸 𑀥𑀻𑀭𑀸, 𑀦𑀺𑀥𑀦𑀁, 𑀫𑀳𑀸𑀥𑀦𑀁. (𑀤𑁆𑀯𑀺𑀪𑀸𑀯𑀲𑀦𑁆𑀥𑀺).

𑀅𑀓𑀭𑀫𑁆𑀳 𑀲𑁂 𑀢𑁂, 𑀲𑁄 𑀔𑁄 𑀩𑁆𑀬𑀦𑁆𑀢𑀺 𑀓𑀸𑀳𑀺𑀢𑀺, 𑀲𑁄 𑀕𑀘𑁆𑀙𑀁 𑀦 𑀦𑀺𑀯𑀢𑁆𑀢𑀢𑀺, 𑀏𑀲𑁄 𑀅𑀢𑁆𑀣𑁄, 𑀏𑀲𑁄 𑀆𑀪𑁄𑀕𑁄, 𑀏𑀲𑁄 𑀇𑀤𑀸𑀦𑀺 𑀇𑀢𑀻+𑀥 ‘‘𑀯𑁂’’𑀢𑀺 𑀯𑀢𑁆𑀢𑀢𑁂.

𑀏𑀑𑀦𑀁 𑀯𑀡𑁆𑀡𑁂 𑀓𑁆𑀯𑀘𑀺 𑀅 𑀳𑁄𑀢𑀺 𑀯𑀸. 𑀅𑀓𑀭𑀫𑁆𑀳 𑀲 𑀢𑁂, 𑀅𑀓𑀭𑀫𑁆𑀳 𑀲𑁂 𑀢𑁂, 𑀏𑀯𑀁 𑀲 𑀔𑁄 𑀩𑁆𑀬𑀦𑁆𑀢𑀺 𑀓𑀸𑀳𑀺𑀢𑀺, 𑀲 𑀕𑀘𑁆𑀙𑀁 𑀦 𑀦𑀺𑀯𑀢𑁆𑀢𑀢𑀺, 𑀏𑀲 𑀅𑀢𑁆𑀣𑁄 ¶ , 𑀏𑀲 𑀆𑀪𑁄𑀕𑁄, 𑀏𑀲 𑀇𑀤𑀸𑀦𑀺. 𑀯𑀡𑁆𑀡𑁂𑀢𑀺 𑀓𑀺𑀁, 𑀅𑀫𑁄𑀖𑀯𑀘𑀦𑁄 𑀘 𑀲𑁄, 𑀕𑀦𑁆𑀥𑀩𑁆𑀩𑀸𑀦𑀁 𑀅𑀥𑀺𑀧𑀢𑀺, 𑀫𑀳𑀸𑀭𑀸𑀚𑀸 𑀬𑀲𑀲𑁆𑀲𑀺 𑀲𑁄𑀢𑀺. ‘‘𑀦 𑀲𑀦𑁆𑀥𑀺𑀲𑀫𑀸𑀲𑀸 𑀯𑀤𑁆𑀥𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀕𑀸𑀣𑀸𑀫𑀚𑁆𑀛𑁂 𑀲𑀦𑁆𑀥𑀺 𑀦 𑀳𑁄𑀢𑀻𑀢𑀺 ‘‘𑀢𑀺𑀯𑀺𑀥𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀢𑀺𑀫𑁆𑀳𑀺 𑀧𑀭𑁂𑀧𑀺 𑀯𑀡𑁆𑀡𑁄 𑀧𑀭𑁄 𑀦𑀸𑀫 𑀦 𑀇𑀢𑀺. (𑀲𑀭𑀩𑁆𑀬𑀜𑁆𑀚𑀦𑀲𑀦𑁆𑀥𑀺).

𑀅𑀢 𑀬𑀦𑁆𑀢𑀁, 𑀢𑀣 𑀬𑀁, 𑀫𑀤 𑀬𑀁, 𑀩𑀼𑀥 𑀬𑀢𑀺, 𑀥𑀦 𑀬𑀁, 𑀲𑁂𑀯 𑀬𑁄, 𑀧𑀭 𑀬𑁂𑀲𑀦𑀸, 𑀧𑁄𑀓𑁆𑀔𑀭𑀡 𑀬𑁄 𑀇𑀢𑀻+𑀥 𑁋

𑁪𑁮. 𑀢𑀯𑀕𑁆𑀕𑀯𑀭𑀡𑀸𑀦𑀁 𑀬𑁂 𑀘𑀯𑀕𑁆𑀕 𑀩𑀬𑀜𑀸

𑀢𑀯𑀕𑁆𑀕𑀯𑀭𑀡𑀸𑀦𑀁 𑀘𑀯𑀕𑁆𑀕𑀩𑀬𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀬𑀓𑀸𑀭𑁂. ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀧𑀼𑀩𑁆𑀩𑀭𑀽𑀧𑀁. 𑀅𑀘𑁆𑀘𑀦𑁆𑀢𑀁, 𑀢𑀘𑁆𑀙𑀁, 𑀫𑀚𑁆𑀚𑀁, 𑀩𑀼𑀚𑁆𑀛𑀢𑀺, 𑀥𑀜𑁆𑀜𑀁, 𑀲𑁂𑀩𑁆𑀩𑁄, 𑀧𑀬𑁆𑀬𑁂𑀲𑀦𑀸, 𑀧𑁄𑀓𑁆𑀔𑀭𑀜𑁆𑀜𑁄. 𑀅𑀧𑀼𑀘𑁆𑀘𑀡𑁆𑀟𑀓𑀸𑀬𑀁, 𑀚𑀘𑁆𑀘𑀦𑁆𑀥𑁄, 𑀬𑀚𑁆𑀚𑁂𑀯𑀁, 𑀅𑀚𑁆𑀛𑀕𑀫𑀸, 𑀅𑀚𑁆𑀛𑀢𑁆𑀢𑀁, 𑀅𑀚𑁆𑀛𑀼𑀧𑀕𑀢𑁄, 𑀅𑀚𑁆𑀛𑁄𑀕𑀸𑀳𑁂𑀢𑁆𑀯𑀸, 𑀤𑀺𑀩𑁆𑀩𑀁. 𑀓𑁆𑀯𑀘𑀺𑀢𑁆𑀯𑁂𑀯, 𑀭𑀢𑁆𑀬𑀸.

𑀲𑀓 𑀬𑀢𑁂, 𑀭𑀼𑀘 𑀬𑀢𑁂, 𑀧𑀘 𑀬𑀢𑁂, 𑀅𑀝 𑀬𑀢𑁂, 𑀮𑀼𑀧 𑀬𑀢𑁂, 𑀓𑀼𑀧 𑀬𑀢𑁂, 𑀲𑀮 𑀬𑀢𑁂, 𑀨𑀮 𑀬𑀢𑁂, 𑀤𑀺𑀲 𑀬𑀢𑁂, 𑀅𑀲 𑀬𑀢𑁂 𑀇𑀢𑀻+𑀥 ‘‘𑀬𑁂’’𑀢𑀺 𑀯𑀢𑁆𑀢𑀢𑁂 𑀯𑀓𑁆𑀔𑀫𑀸𑀦𑁂𑀲𑀼 𑀤𑁆𑀯𑀻𑀲𑀼.

𑀯𑀕𑁆𑀕𑀮𑀲𑁂𑀳𑀺 𑀧𑀭𑀲𑁆𑀲 𑀬𑀓𑀸𑀭𑀲𑁆𑀲 𑀓𑁆𑀯𑀘𑀺 𑀢𑁂 𑀯𑀕𑁆𑀕𑀮𑀲𑀸 𑀳𑁄𑀦𑁆𑀢𑀺. 𑀲𑀓𑁆𑀓𑀢𑁂, 𑀭𑀼𑀘𑁆𑀘𑀢𑁂, 𑀧𑀘𑁆𑀘𑀢𑁂, 𑀅𑀝𑁆𑀝𑀢𑁂, 𑀮𑀼𑀧𑁆𑀧𑀢𑁂, 𑀓𑀼𑀧𑁆𑀧𑀢𑁂, 𑀲𑀮𑁆𑀮𑀢𑁂, 𑀨𑀮𑁆𑀮𑀢𑁂, 𑀤𑀺𑀲𑁆𑀲𑀢𑁂, 𑀅𑀲𑁆𑀲𑀢𑁂. 𑀓𑁆𑀯𑀘𑀺𑀢𑁆𑀯𑁂𑀯, 𑀓𑁆𑀬𑀸𑀳𑀁.

𑀳𑀲𑁆𑀲 ¶ 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀬𑀓𑀸𑀭𑁂. 𑀫𑀼𑀬𑁆𑀳𑀢𑀺, 𑀕𑀼𑀬𑁆𑀳𑀢𑀺.

𑀩𑀳𑀼 𑀆𑀩𑀸𑀥𑁄 𑀇𑀢𑀻+𑀥 𑀉𑀲𑁆𑀲𑀯𑀓𑀸𑀭𑁂 ‘‘𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄’’𑀢𑀺 𑀯𑀢𑁆𑀢𑀢𑁂.

𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄 𑀳𑁄𑀢𑀺 𑀯𑀸 𑀯𑀓𑀸𑀭𑁂. 𑀩𑀯𑁆𑀳𑀸𑀩𑀸𑀥𑁄. 𑀯𑀸𑀢𑁆𑀯𑁂𑀯, 𑀩𑀳𑁆𑀯𑀸𑀩𑀸𑀥𑁄.

𑀢𑀣𑀦𑀭𑀸𑀦𑀁 𑀝𑀞𑀡𑀮𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀤𑀼𑀓𑁆𑀓𑀢𑀁=𑀤𑀼𑀓𑁆𑀓𑀝𑀁, 𑀏𑀯𑀁 𑀲𑀼𑀓𑀝𑀁, 𑀧𑀢𑁆𑀣𑀝𑁄, 𑀧𑀢𑀝𑁄, 𑀉𑀤𑁆𑀥𑀝𑁄, 𑀯𑀺𑀲𑀝𑁄. 𑀅𑀝𑁆𑀞𑀓𑀣𑀸. 𑀧𑀡𑀺𑀥𑀸𑀦𑀁, 𑀧𑀡𑀺𑀧𑀸𑀢𑁄, 𑀧𑀡𑀸𑀫𑁄, 𑀧𑀡𑀻𑀢𑀁, 𑀧𑀭𑀺𑀡𑀢𑁄, 𑀧𑀭𑀺𑀡𑀸𑀫𑁄, 𑀤𑀼𑀡𑁆𑀡𑀬𑁄, 𑀦𑀺𑀡𑁆𑀡𑀬𑁄, 𑀑𑀡𑀢𑁄. 𑀧𑀭𑀺𑀧𑀦𑁆𑀦𑁄=𑀧𑀮𑀺𑀧𑀦𑁆𑀦𑁄, 𑀏𑀯𑀁 𑀧𑀮𑀺𑀩𑁄𑀥𑁄, 𑀧𑀮𑁆𑀮𑀗𑁆𑀓𑀁, 𑀢𑀮𑀼𑀦𑁄, 𑀫𑀳𑀸𑀲𑀸𑀮𑁄, 𑀫𑀸𑀮𑀼𑀢𑁄, 𑀲𑀼𑀔𑀼𑀫𑀸𑀮𑁄. (𑀩𑁆𑀬𑀜𑁆𑀚𑀦𑀲𑀦𑁆𑀥𑀺).

𑀘𑀓𑁆𑀔𑀼 𑀉𑀤𑀧𑀸𑀤𑀺, 𑀅𑀓𑁆𑀔𑀺 𑀭𑀼𑀚𑀢𑀺, 𑀧𑀼𑀭𑀺𑀫 𑀚𑀸𑀢𑀺, 𑀅𑀡𑀼 𑀣𑀽𑀮𑀸𑀦𑀺, 𑀓𑀢𑁆𑀢𑀩𑁆𑀩 𑀓𑀼𑀲𑀮𑀁 𑀩𑀳𑀼𑀁, 𑀢 𑀲𑀫𑁆𑀧𑀬𑀼𑀢𑁆𑀢𑀸, 𑀢𑀢 𑀲𑀪𑀸𑀯𑀢𑁄 𑀇𑀢𑀻+𑀥 ‘‘𑀯𑁂’’𑀢𑀺 𑀯𑀢𑁆𑀢𑀢𑁂 𑀬𑀸𑀯 ‘‘𑀫𑀬𑀤𑀸 𑀲𑀭𑁂’’𑀢𑀺.

𑀦𑀺𑀕𑁆𑀕𑀳𑀻𑀢𑀸𑀕𑀫𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀲𑀸𑀫𑀢𑁆𑀣𑀺𑀬𑁂𑀦𑀸+𑀕𑀫𑁄𑀯, 𑀲 𑀘 𑀭𑀲𑁆𑀲𑀲𑀭𑀲𑁆𑀲𑁂𑀯 𑀳𑁄𑀢𑀺… 𑀢𑀲𑁆𑀲 𑀭𑀲𑁆𑀲𑀲𑀭𑀸𑀦𑀼𑀕𑀢𑀢𑁆𑀢𑀸. 𑀞𑀸𑀦𑀻𑀦+𑀫𑀸𑀮𑀺𑀗𑁆𑀖𑀺𑀬 𑀕𑀘𑁆𑀙𑀢𑀺 𑀧𑀯𑀢𑁆𑀢𑀢𑀻𑀢𑀺 𑀆𑀕𑀫𑁄. 𑀘𑀓𑁆𑀔𑀼𑀁 𑀉𑀤𑀧𑀸𑀤𑀺, 𑀅𑀓𑁆𑀔𑀺𑀁 ¶ 𑀭𑀼𑀚𑀢𑀺, 𑀧𑀼𑀭𑀺𑀫𑀁 𑀚𑀸𑀢𑀺, 𑀅𑀡𑀼𑀁 𑀣𑀽𑀮𑀸𑀦𑀺, 𑀓𑀢𑁆𑀢𑀩𑁆𑀩𑀁 𑀓𑀼𑀲𑀮𑀁 𑀩𑀳𑀼𑀁, 𑀢𑀁𑀲𑀫𑁆𑀧𑀬𑀼𑀢𑁆𑀢𑀸, 𑀢𑀁𑀢𑀁𑀲𑀪𑀸𑀯𑀢𑁄. 𑀯𑀸𑀕𑁆𑀕𑀳𑀡𑁂𑀦 𑀘𑀓𑁆𑀔𑀼 𑀉𑀤𑀧𑀸𑀤𑀺 𑀇𑀘𑁆𑀘𑀸𑀤𑀺. 𑀅𑀯𑀁𑀲𑀺𑀭𑁄, 𑀬𑀸𑀯𑀜𑁆𑀘𑀺𑀤𑀁𑀢𑀺𑀆𑀤𑀺 𑀦𑀺𑀘𑁆𑀘𑀁… 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲, 𑀯𑀯𑀢𑁆𑀣𑀺𑀢𑀲𑁆𑀲 𑀮𑀓𑁆𑀔𑀡𑀲𑁆𑀲𑀸+𑀦𑀼𑀭𑁄𑀥𑁂𑀦 𑀮𑀓𑁆𑀔𑀡𑁂 𑀧𑀯𑀢𑁆𑀢𑀺𑀢𑀸 𑀯𑀺𑀪𑀸𑀲𑀸 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀸. 𑀯𑀸𑀲𑀤𑁆𑀤𑁄 𑀳𑀺 𑀅𑀢𑁆𑀣𑀤𑁆𑀯𑀬𑁂 𑀯𑀢𑁆𑀢𑀢𑁂 𑀓𑀢𑁆𑀣𑀘𑀺 𑀯𑀺𑀓𑀧𑁆𑀧𑁂, 𑀓𑀢𑁆𑀣𑀘𑀺 𑀬𑀣𑀸𑀯𑀯𑀢𑁆𑀣𑀺𑀢𑀭𑀽𑀧𑀧𑀭𑀺𑀕𑁆𑀕𑀳𑁂𑀢𑀺. 𑀬𑀤𑀸 𑀧𑀘𑁆𑀙𑀺𑀫𑁂, 𑀢𑀤𑀸 𑀦𑀺𑀘𑁆𑀘+𑀫𑀦𑀺𑀘𑁆𑀘+𑀫𑀲𑀦𑁆𑀢𑀜𑁆𑀘 𑀯𑀺𑀥𑀺𑀁 𑀤𑀻𑀧𑁂𑀢𑀺. 𑀏𑀢𑁆𑀣 𑀧𑀦 𑀓𑁆𑀯𑀘𑀺𑀲𑀤𑁆𑀤𑀲𑁆𑀲𑀸+𑀦𑀼𑀯𑀢𑁆𑀢𑀦𑀸 𑀢𑁂𑀦𑁂𑀯𑀸+𑀲𑀦𑁆𑀢𑀯𑀺𑀥𑀺 𑀲𑀺𑀤𑁆𑀥𑁄𑀢𑀺 𑀯𑀸𑀲𑀤𑁆𑀤𑁂𑀦𑀺+𑀢𑀭𑀤𑁆𑀯𑀬𑀁. 𑀓𑁆𑀯𑀘𑀺 𑀢𑁆𑀯𑁂𑀯, 𑀦 𑀳𑀺 𑀏𑀢𑁂𑀳𑀺, 𑀇𑀥 𑀘𑁂𑀯.

𑀲𑀁 𑀭𑀫𑁆𑀪𑁄, 𑀲𑀁 𑀭𑀢𑁆𑀢𑁄, 𑀲𑀁 𑀭𑀸𑀕𑁄, 𑀢𑀸𑀲𑀁 𑀅𑀳𑀁 𑀲𑀦𑁆𑀢𑀺𑀓𑁂, 𑀏𑀯𑀁 𑀅𑀬𑀁, 𑀧𑀼𑀁 𑀮𑀺𑀗𑁆𑀕𑀁, 𑀓𑀺𑀁 𑀅𑀳𑀁, 𑀢𑀲𑁆𑀲 𑀅𑀤𑀸𑀲𑀺𑀁 𑀅𑀳𑀁 𑀇𑀢𑀻+𑀥 ‘‘𑀦𑀺𑀕𑁆𑀕𑀳𑀻𑀢𑀸’’𑀥𑀺𑀓𑀸𑀭𑁄 𑀆 ‘‘𑀫𑀬𑀤𑀸 𑀲𑀭𑁂’’𑀢𑀺.

𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀤𑀻𑀖𑁂 𑀲𑀸𑀭𑀫𑁆𑀪𑁄 𑀲𑀁𑀭𑀫𑁆𑀪𑁄, 𑀲𑀸𑀭𑀢𑁆𑀢𑁄 𑀲𑀁𑀭𑀢𑁆𑀢𑁄, 𑀲𑀸𑀭𑀸𑀕𑁄 𑀲𑀁𑀭𑀸𑀕𑁄, 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁂 𑀢𑀸𑀲𑀸𑀳𑀁 𑀲𑀦𑁆𑀢𑀺𑀓𑁂, 𑀏𑀯𑀸𑀬𑀁, 𑀤𑁆𑀯𑀺𑀢𑁆𑀢𑁂 𑀧𑀼𑀮𑁆𑀮𑀺𑀗𑁆𑀕𑀁 𑀧𑀼𑀁𑀮𑀺𑀗𑁆𑀕𑀁, 𑀓𑁆𑀬𑀸𑀳𑀁, 𑀢𑀲𑁆𑀲 𑀅𑀤𑀸𑀲𑀳𑀁. 𑀧𑀝𑀺𑀲𑀮𑁆𑀮𑀸𑀦𑁄, 𑀲𑀮𑁆𑀮𑁂𑀔𑁄, 𑀧𑀸𑀢𑀼𑀓𑀸𑀫𑁄, 𑀕𑀦𑁆𑀢𑀼𑀫𑀦𑁄, 𑀅𑀭𑀺𑀬𑀲𑀘𑁆𑀘𑀸𑀦 𑀤𑀲𑁆𑀲𑀦𑀁, 𑀏𑀢𑀁 𑀩𑀼𑀤𑁆𑀥𑀸𑀦 𑀲𑀸𑀲𑀦𑀁, 𑀅𑀯𑀺𑀲𑀸𑀳𑀸𑀭𑁄, 𑀘𑀺𑀭𑀧𑁆𑀧𑀯𑀸𑀲𑀺𑀦𑁆𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁. 𑀓𑁆𑀯𑀘𑀻𑀢𑀺 𑀓𑀺𑀁, 𑀏𑀯+𑀫𑀬𑀁, 𑀓𑀺+𑀫𑀳𑀁, 𑀏𑀢𑀁 𑀫𑀗𑁆𑀕𑀮+𑀫𑀼𑀢𑁆𑀢𑀫𑀁.

𑀓𑀢𑀁 𑀇𑀢𑀺, 𑀅𑀪𑀺𑀦𑀦𑁆𑀤𑀼𑀁 𑀇𑀢𑀺, 𑀉𑀢𑁆𑀢𑀢𑁆𑀢𑀁 𑀇𑀯, 𑀘𑀓𑁆𑀓𑀁 𑀇𑀯, 𑀓𑀮𑀺𑀁𑀇𑀯, 𑀳𑀮𑀁 𑀇𑀤𑀸𑀦𑀺, 𑀓𑀺𑀁 𑀇𑀤𑀸𑀦𑀺, 𑀢𑁆𑀯𑀁 𑀅𑀲𑀺, 𑀇𑀤𑀁 𑀅𑀧𑀺, 𑀉𑀢𑁆𑀢𑀭𑀺𑀁 𑀅𑀧𑀺, 𑀤𑀸𑀢𑀼𑀁 𑀅𑀧𑀺, 𑀲𑀤𑀺𑀲𑀁 𑀏𑀯 𑀇𑀢𑀻+𑀥 𑁋

𑀦𑀺𑀕𑁆𑀕𑀳𑀻𑀢𑀫𑁆𑀳𑀸 ¶ 𑀧𑀭𑀲𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀓𑀢𑀦𑁆𑀢𑀺, 𑀅𑀪𑀺𑀦𑀦𑁆𑀤𑀼𑀦𑁆𑀢𑀺, 𑀉𑀢𑁆𑀢𑀢𑁆𑀢𑀁𑀯, 𑀘𑀓𑁆𑀓𑀁𑀯, 𑀓𑀮𑀺𑀁𑀯, 𑀳𑀮𑀁𑀤𑀸𑀦𑀺, 𑀓𑀺𑀁𑀤𑀸𑀦𑀺, 𑀢𑁆𑀯𑀁𑀲𑀺, 𑀇𑀤𑀫𑁆𑀧𑀺, 𑀉𑀢𑁆𑀢𑀭𑀺𑀫𑁆𑀧𑀺, 𑀤𑀸𑀢𑀼𑀫𑁆𑀧𑀺, 𑀲𑀤𑀺𑀲𑀁𑀯. 𑀯𑀸𑀢𑀺 𑀓𑀺𑀁, 𑀓𑀢𑀁𑀇𑀢𑀺, 𑀓𑀺𑀫𑀺𑀢𑀺, 𑀤𑀸𑀢𑀼𑀫𑀧𑀺, 𑀲𑀤𑀺𑀲𑀁 𑀏𑀯.

𑀧𑀼𑀧𑁆𑀨𑀁 𑀅𑀲𑁆𑀲𑀸 𑀉𑀧𑁆𑀧𑀚𑁆𑀚𑀢𑀺, 𑀏𑀯𑀁 𑀅𑀲𑁆𑀲 𑀢𑁂 𑀆𑀲𑀯𑀸 𑀇𑀢𑀻+𑀥 𑀧𑀭𑀲𑁆𑀲𑀭𑀮𑁄𑀧𑁂 𑁋

𑀅𑀩𑁆𑀬𑀯𑀳𑀺𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀩𑁆𑀬𑀜𑁆𑀚𑀦𑀸𑀦𑀁 𑀏𑀓𑀢𑁆𑀭 𑀞𑀺𑀢𑀺 𑀲𑀁𑀬𑁄𑀕𑁄, 𑀢𑀲𑁆𑀫𑀺𑀁 𑀲𑀁𑀬𑁄𑀕𑁂 𑀬𑁄 𑀆𑀤𑀺𑀪𑀽𑀢𑀸𑀯𑀬𑀯𑁄, 𑀢𑀲𑁆𑀲 𑀯𑀸 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀻𑀢𑀺𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄. 𑀧𑀼𑀧𑁆𑀨𑀁𑀲𑀸 𑀉𑀧𑁆𑀧𑀚𑁆𑀚𑀢𑀺, 𑀏𑀯𑀁𑀲 𑀢𑁂 𑀆𑀲𑀯𑀸. 𑀢𑀺𑀡𑁆𑀡𑀁 𑀲𑀁𑀬𑁄𑀕𑀸𑀦𑀁 𑀯𑀺𑀲𑀬𑁂 𑀅𑀕𑁆𑀬𑀸𑀕𑀸𑀭𑀁, 𑀯𑀼𑀢𑁆𑀬𑀲𑁆𑀲 𑀇𑀢𑀺 𑀳𑁄𑀢𑀺.

𑀢𑀁 𑀓𑀭𑁄𑀢𑀺, 𑀢𑀁 𑀔𑀡𑀁, 𑀲𑀁 𑀕𑀢𑁄, 𑀢𑀁 𑀖𑀢𑀁, 𑀥𑀫𑁆𑀫𑀁 𑀘𑀭𑁂, 𑀢𑀁 𑀙𑀦𑁆𑀦𑀁, 𑀢𑀁 𑀚𑀸𑀢𑀁, 𑀢𑀁 𑀛𑀸𑀦𑀁, 𑀢𑀁 𑀜𑀸𑀡𑀁, 𑀢𑀁 𑀞𑀸𑀦𑀁, 𑀢𑀁 𑀟𑀳𑀢𑀺, 𑀢𑀁 𑀢𑀦𑁄𑀢𑀺, 𑀢𑀁 𑀣𑀺𑀭𑀁, 𑀢𑀁 𑀤𑀸𑀦𑀁, 𑀢𑀁 𑀥𑀦𑀁, 𑀢𑀁 𑀦𑀺𑀘𑁆𑀘𑀼𑀢𑀁, 𑀢𑀁 𑀧𑀢𑁆𑀢𑁄, 𑀢𑀁 𑀨𑀮𑀁, 𑀢𑁂𑀲𑀁 𑀩𑁄𑀥𑁄, 𑀲𑀁 𑀪𑀽𑀢𑁄, 𑀢𑀁 𑀫𑀺𑀢𑁆𑀢𑀁, 𑀓𑀺𑀁 𑀓𑀢𑁄, 𑀤𑀸𑀢𑀼𑀁 𑀕𑀢𑁄 𑀇𑀢𑀻+𑀥 𑁋

𑀦𑀺𑀕𑁆𑀕𑀳𑀻𑀢𑀲𑁆𑀲 𑀔𑁄 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 𑀯𑀸 𑀳𑁄𑀢𑀻𑀢𑀺 𑀦𑀺𑀫𑀺𑀢𑁆𑀢𑀸𑀦𑀼𑀲𑁆𑀲𑀭𑀸𑀦𑀁 𑀧𑀘𑁆𑀘𑀸𑀲𑀢𑁆𑀬𑀸 𑀢𑀩𑁆𑀩𑀕𑁆𑀕𑀧𑀜𑁆𑀘𑀫𑁄 𑀳𑁄𑀢𑀺. 𑀧𑀘𑁆𑀘𑀸𑀲𑀢𑁆𑀢𑀺 𑀦𑀸𑀫 𑀞𑀸𑀦𑀢𑁄 𑀆𑀲𑀦𑁆𑀦𑀢𑀸 𑀕𑀼𑀡𑀢𑁄 𑀯𑀸, 𑀕𑀼𑀡𑀢𑁄𑀢𑀺 𑀯𑀡𑁆𑀡𑀲𑀜𑁆𑀜𑀸𑀤𑀺𑀕𑀼𑀡𑀢𑁄. 𑀦𑀺𑀕𑁆𑀕𑀳𑀻𑀢𑀲𑁆𑀲 ¶ 𑀅𑀦𑀼𑀲𑀭𑀻𑀬𑀢𑀻𑀢𑀺 𑀧𑀘𑁆𑀙𑀸 𑀓𑀢𑁆𑀯𑀸 𑀲𑀭𑀻𑀬𑀢𑀻𑀢𑀺 𑀅𑀦𑀼𑀲𑁆𑀲𑀭𑁄𑀢𑀺𑀧𑀺 𑀯𑀼𑀘𑁆𑀘𑀢𑀺. 𑀢𑀗𑁆𑀓𑀭𑁄𑀢𑀺=𑀢𑀁 𑀓𑀭𑁄𑀢𑀺, 𑀏𑀯𑀁 𑀢𑀗𑁆𑀔𑀡𑀁, 𑀲𑀗𑁆𑀕𑀢𑁄, 𑀢𑀗𑁆𑀖𑀢𑀁. 𑀥𑀫𑁆𑀫𑀜𑁆𑀘𑀭𑁂, 𑀢𑀜𑁆𑀙𑀦𑁆𑀦𑀁, 𑀢𑀜𑁆𑀚𑀸𑀢𑀁, 𑀢𑀜𑁆𑀛𑀸𑀦𑀁, 𑀢𑀜𑁆𑀜𑀸𑀡𑀁. 𑀢𑀡𑁆𑀞𑀸𑀦𑀁, 𑀢𑀡𑁆𑀟𑀳𑀢𑀺. 𑀢𑀦𑁆𑀢𑀦𑁄𑀢𑀺, 𑀢𑀦𑁆𑀣𑀺𑀭𑀁, 𑀢𑀦𑁆𑀤𑀸𑀦𑀁, 𑀢𑀦𑁆𑀥𑀦𑀁, 𑀢𑀦𑁆𑀦𑀺𑀘𑁆𑀘𑀼𑀢𑀁, 𑀢𑀫𑁆𑀧𑀢𑁆𑀢𑁄, 𑀢𑀫𑁆𑀨𑀮𑀁, 𑀢𑁂𑀲𑀫𑁆𑀫𑁄𑀥𑁄, 𑀲𑀫𑁆𑀪𑀽𑀢𑁄, 𑀢𑀫𑁆𑀫𑀺𑀢𑁆𑀢𑀁. 𑀓𑀺𑀗𑁆𑀓𑀢𑁄, 𑀤𑀸𑀢𑀼𑀗𑁆𑀕𑀢𑁄, 𑀢𑀡𑁆𑀳𑀗𑁆𑀓𑀭𑁄, 𑀭𑀡𑀜𑁆𑀚𑀳𑁄, 𑀲𑀡𑁆𑀞𑀺𑀢𑁄, 𑀚𑀼𑀢𑀺𑀦𑁆𑀥𑀭𑁄, 𑀲𑀫𑁆𑀫𑀢𑁄𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁.

𑀆𑀦𑀦𑁆𑀢𑀭𑀺𑀓𑀁 𑀬+𑀫𑀸𑀳𑀼, 𑀬𑀁 𑀬𑀤𑁂𑀯, 𑀧𑀘𑁆𑀘𑀢𑁆𑀢𑀁 𑀏𑀯, 𑀢𑀁 𑀳𑀺𑀇𑀢𑀻+𑀥 𑁋

𑀬+𑀏𑀯+𑀳𑀺𑀲𑀤𑁆𑀤𑁂𑀲𑀼 𑀦𑀺𑀕𑁆𑀕𑀳𑀻𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺. ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀬𑀲𑁆𑀲 𑀜𑀓𑀸𑀭𑁄. 𑀆𑀦𑀦𑁆𑀢𑀭𑀺𑀓𑀜𑁆𑀜+𑀫𑀸𑀳𑀼=𑀆𑀦𑀦𑁆𑀢𑀭𑀺𑀓𑀁 𑀬+𑀫𑀸𑀳𑀼, 𑀬𑀜𑁆𑀜𑀤𑁂𑀯=𑀬𑀁𑀬𑀤𑁂𑀯, 𑀜𑀲𑁆𑀲 𑀤𑁆𑀯𑀺𑀢𑁆𑀢𑁂 𑀧𑀘𑁆𑀘𑀢𑁆𑀢𑀜𑁆𑀜𑁂𑀯, 𑀧𑀘𑁆𑀘𑀢𑁆𑀢𑀁 𑀏𑀯, 𑀢𑀜𑁆𑀳𑀺, 𑀢𑀜𑁆𑀳𑀺. ‘‘𑀅𑀩𑁆𑀬𑀪𑀺𑀘𑀸𑀭𑀺𑀦𑀸 𑀩𑁆𑀬𑀪𑀺𑀘𑀸𑀭𑀻 𑀦𑀺𑀬𑀫𑁆𑀬𑀢𑁂’’𑀢𑀺 𑀜𑀸𑀬𑀸 𑀏𑀯𑀲𑀤𑁆𑀤𑀲𑀳𑀘𑀭𑀺𑀬𑀸 ‘‘𑀬’’ 𑀇𑀢𑀺 𑀲𑀩𑁆𑀩𑀸𑀤𑀺𑀬𑀲𑀤𑁆𑀤𑀲𑁆𑀲𑁂𑀯 𑀕𑀳𑀡𑀁.

𑀲𑀁𑀬𑁄𑀕𑁄, 𑀲𑀁𑀬𑁄𑀚𑀦𑀁, 𑀲𑀁𑀬𑀢𑁄, 𑀲𑀁𑀬𑀸𑀘𑀺𑀓𑀸𑀬 𑀇𑀢𑀻+𑀥 𑁋

𑀲𑀁𑀲𑀤𑁆𑀤𑀲𑁆𑀲 𑀬𑀁 𑀦𑀺𑀕𑁆𑀕𑀳𑀻𑀢𑀁, 𑀢𑀲𑁆𑀲 𑀯𑀸 𑀜𑁄 𑀳𑁄𑀢𑀺 𑀬𑀓𑀸𑀭𑁂. 𑀲𑀜𑁆𑀜𑁄𑀕𑁄=𑀲𑀁𑀬𑁄𑀕𑁄, 𑀏𑀯𑀁 𑀲𑀁𑀬𑁄𑀚𑀦𑀁, 𑀲𑀜𑁆𑀜𑀢𑁄, 𑀲𑀜𑁆𑀜𑀸𑀘𑀺𑀓𑀸𑀬. 𑀇𑀥 𑀬𑀓𑀸𑀭𑀫𑀢𑁆𑀢𑁄𑀯 𑀕𑀬𑁆𑀳𑀢𑁂. 𑀲𑀁𑀲𑁆𑀲𑀸𑀢𑀺 𑀓𑀺𑀁, 𑀏𑀢𑀁 𑀬𑁄𑀚𑀦𑀁, 𑀢𑀁 𑀬𑀸𑀦𑀁, 𑀢𑀁 𑀲𑀭𑀡𑀁 𑀬𑀦𑁆𑀢𑀺.

𑀢𑀁 ¶ 𑀏𑀯, 𑀢𑀁 𑀅𑀳𑀁 𑀩𑁆𑀭𑀽𑀫𑀺, 𑀬𑀁 𑀆𑀳𑀼, 𑀥𑀦𑀁 𑀏𑀯, 𑀓𑀺𑀁 𑀏𑀢𑀁, 𑀦𑀺𑀦𑁆𑀤𑀺𑀢𑀼𑀁 𑀅𑀭𑀳𑀢𑀺, 𑀢𑀁 𑀇𑀤𑀁, 𑀬𑀁 𑀅𑀦𑀺𑀘𑁆𑀘𑀁, 𑀢𑀁 𑀅𑀦𑀢𑁆𑀢𑀸, 𑀏𑀢𑀁 𑀅𑀯𑁄𑀘, 𑀏𑀢𑀁 𑀏𑀯 𑀇𑀢𑀻+𑀥 𑁋

𑀦𑀺𑀕𑁆𑀕𑀳𑀻𑀢𑀲𑁆𑀲 𑀫 𑀬 𑀤𑀸 𑀳𑁄𑀦𑁆𑀢𑀺 𑀯𑀸 𑀲𑀭𑁂 𑀓𑁆𑀯𑀘𑀺. 𑀢𑀫𑁂𑀯 𑀢𑀁 𑀏𑀯, 𑀢𑀫𑀳𑀁 𑀩𑁆𑀭𑀽𑀫𑀺=𑀢𑀁 𑀅𑀳𑀁 𑀩𑁆𑀭𑀽𑀫𑀺, 𑀬𑀫𑀸𑀳𑀼, 𑀥𑀦𑀫𑁂𑀯, 𑀓𑀺𑀫𑁂𑀢𑀁, 𑀦𑀺𑀦𑁆𑀤𑀺𑀢𑀼𑀫𑀭𑀳𑀢𑀺. 𑀢𑀬𑀺𑀤𑀁. 𑀬𑀤𑀦𑀺𑀘𑁆𑀘𑀁, 𑀢𑀤𑀦𑀢𑁆𑀢𑀸, 𑀏𑀢𑀤𑀯𑁄𑀘, 𑀏𑀢𑀤𑁂𑀯. ‘‘𑀫𑀬𑀤𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀩𑀼𑀤𑁆𑀥𑀫 𑀲𑀭𑀡𑀫 𑀇𑀘𑁆𑀘𑀸𑀤𑀺 𑀪𑀯𑀢𑀺.

𑀢𑀤𑀫𑀺𑀦𑀸𑀤𑀻𑀦𑀺 𑀦𑀺𑀧𑁆𑀧𑀚𑁆𑀚𑀦𑁆𑀢𑀺. ‘‘𑀬+𑀤𑀮𑀓𑁆𑀔𑀡𑀺𑀓𑀁, 𑀢𑀁 𑀦𑀺𑀧𑀸𑀢𑀦𑀸’’𑀢𑀺 𑀜𑀸𑀬𑀸 𑀮𑀓𑁆𑀔𑀡𑀦𑁆𑀢𑀭𑁂𑀦 𑀅𑀯𑀺𑀳𑀺𑀢𑀸 𑀤𑁂𑀲+𑀮𑁄𑀧𑀸+𑀕𑀫+𑀯𑀺𑀧𑀮𑁆𑀮𑀸𑀲𑀸, 𑀲𑀩𑁆𑀩𑀢𑁆𑀣 𑀇𑀫𑀺𑀦𑀸𑀯 𑀤𑀝𑁆𑀞𑀩𑁆𑀩𑀸. 𑀇𑀤𑀜𑁆𑀘 𑀧𑀭𑁂𑀲𑀁 𑀧𑀺𑀲𑁄𑀤𑀭𑀸𑀤𑀺𑀫𑀺𑀯 𑀤𑀝𑁆𑀞𑀩𑁆𑀩𑀁. 𑀨𑀼𑀲𑀺𑀢𑀁=𑀚𑀮𑀩𑀺𑀦𑁆𑀤𑀼, 𑀨𑀼𑀲𑀺𑀢+𑀫𑀼𑀤𑀭+𑀫𑀲𑁆𑀲 𑀧𑀺𑀲𑁄𑀤𑀭𑀁. 𑀇𑀲𑁆𑀲 𑀅𑀓𑀸𑀭𑁂 𑀢𑀁 𑀇𑀫𑀺𑀦𑀸=𑀢𑀤𑀫𑀺𑀦𑀸, 𑀲𑀓𑀺𑀁 𑀆𑀕𑀸𑀫𑀻=𑀲𑀓𑀤𑀸𑀕𑀸𑀫𑀻, 𑀥𑀲𑁆𑀲 𑀤𑀓𑀸𑀭𑁂 𑀏𑀓𑀁 𑀇𑀥 𑀅𑀳𑀁=𑀏𑀓+𑀫𑀺𑀤𑀸+𑀳𑀁, 𑀯𑀺𑀥𑀲𑁆𑀲 𑀯𑀺𑀤𑀸𑀤𑁂𑀲𑁄 𑀲𑀁𑀯𑀺𑀥𑀸𑀬 𑀅𑀯𑀳𑀸𑀭𑁄=𑀲𑀁𑀯𑀺𑀤𑀸𑀯𑀳𑀸𑀭𑁄, 𑀯𑀸𑀭𑀺𑀲𑀤𑁆𑀤𑀲𑁆𑀲 𑀯𑀓𑀸𑀭𑁂, 𑀳𑀲𑁆𑀲 𑀮𑀓𑀸𑀭𑁂 𑀘 𑀓𑀢𑁂 𑀯𑀸𑀭𑀺𑀯𑀸𑀳𑀓𑁄=𑀯𑀮𑀸𑀳𑀓𑁄, 𑀚𑀻𑀯𑀦𑀲𑁆𑀲 𑀚𑀻𑀆𑀤𑁂𑀲𑁄, 𑀚𑀻𑀯𑀦𑀲𑁆𑀲 𑀫𑀼𑀢𑁄=𑀚𑀻𑀫𑀽𑀢𑁄. 𑀙𑀯𑀲𑁆𑀲 𑀲𑀼𑀆𑀤𑁂𑀲𑁂, 𑀲𑀬𑀦𑀲𑁆𑀲 𑀲𑀸𑀦𑀸𑀤𑁂𑀲𑁂 𑀘 𑀓𑀢𑁂 𑀙𑀯𑀲𑁆𑀲 𑀲𑀬𑀦𑀁=𑀲𑀼𑀲𑀸𑀦𑀁. 𑀉𑀤𑁆𑀥𑀲𑁆𑀲 𑀉𑀤𑀼𑀆𑀤𑁂𑀲𑁂, 𑀔𑀲𑁆𑀲 𑀔𑀮𑀆𑀤𑁂𑀲𑁂 𑀘 ‘‘𑀲𑀭𑀫𑁆𑀳𑀸 𑀤𑁆𑀯𑁂’’𑀢𑀺 𑀤𑁆𑀯𑀺𑀢𑁆𑀢𑀸𑀤𑀺𑀫𑁆𑀳𑀺 𑀘 𑀓𑀢𑁂 𑀉𑀤𑁆𑀥𑀁 𑀔𑀁 𑀅𑀲𑁆𑀲 𑀉𑀤𑀼𑀓𑁆𑀔𑀮𑀁. 𑀧𑀺𑀲𑀺𑀢𑀲𑁆𑀲 𑀧𑀺𑀆𑀤𑁂𑀲𑁂, 𑀅𑀲𑀲𑁆𑀲 𑀲𑀸𑀘𑀸𑀤𑁂𑀲𑁂 𑀘 𑀓𑀢𑁂 𑀧𑀺𑀲𑀺𑀢𑀸𑀲𑁄=𑀧𑀺𑀲𑀸𑀘𑁄.

𑀫𑀳𑀻𑀲𑀤𑁆𑀤𑀲𑁆𑀲 ¶ 𑀫𑀬𑀽𑀆𑀤𑁂𑀲𑁂, 𑀭𑀯𑀢𑀺𑀲𑁆𑀲 𑀭𑀸𑀤𑁂𑀲𑁂 𑀘 𑀓𑀢𑁂 𑀫𑀳𑀺𑀬𑀁 𑀭𑀯𑀢𑀻𑀢𑀺 𑀫𑀬𑀽𑀭𑁄. 𑀏𑀯+𑀫𑀜𑁆𑀜𑁂𑀧𑀺 𑀧𑀬𑁄𑀕𑀢𑁄+𑀦𑀼𑀕𑀦𑁆𑀢𑀩𑁆𑀩𑀸. 𑀏𑀢𑁆𑀣 𑀘 𑁋

𑀯𑀡𑁆𑀡𑀸𑀕𑀫𑁄 𑀯𑀡𑁆𑀡𑀯𑀺𑀧𑀭𑀺𑀬𑀸𑀬𑁄,

𑀤𑁆𑀯𑁂 𑀘𑀸+𑀧𑀭𑁂 𑀯𑀡𑁆𑀡𑀯𑀺𑀓𑀸𑀭+𑀦𑀸𑀲𑀸;

𑀥𑀸𑀢𑀼𑀲𑁆𑀲 𑀅𑀢𑁆𑀣𑀸𑀢𑀺𑀲𑀬𑁂𑀦 𑀬𑁄𑀕𑁄,

𑀢+𑀤𑀼𑀘𑁆𑀘𑀢𑁂 𑀧𑀜𑁆𑀘𑀯𑀺𑀥𑀁 𑀦𑀺𑀭𑀼𑀢𑁆𑀢𑀁𑀢𑀺.

𑀬𑀣𑀸 𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄=𑀤𑁄𑀯𑀸𑀭𑀺𑀓𑁄𑀢𑀺 𑀑𑀓𑀆𑀕𑀫𑁄. 𑀳𑀺𑀁𑀲𑀲𑀤𑁆𑀤𑀲𑁆𑀲 𑀲𑀻𑀳𑁄𑀢𑀺 𑀯𑀺𑀧𑀮𑁆𑀮𑀸𑀲𑁄. 𑀦𑀺𑀚𑀓𑁄=𑀦𑀺𑀬𑀓𑁄𑀢𑀺 𑀯𑀺𑀓𑀸𑀭𑁄. 𑀫𑁂𑀳𑀦𑀲𑁆𑀲 𑀔𑀲𑁆𑀲 𑀫𑀸𑀮𑀸 𑀫𑁂𑀔𑀮𑀸𑀢𑀺 𑀯𑀡𑁆𑀡𑀮𑁄𑀧𑁄, 𑀳+𑀦+𑀫𑀓𑀸𑀭𑀸𑀦𑀁 𑀮𑁄𑀧𑁄. 𑀫𑀬𑀽𑀭𑁄𑀢𑀺 𑀅𑀢𑁆𑀣𑁂 𑀭𑀯𑀢𑀺𑀲𑁆𑀲 𑀅𑀢𑀺𑀲𑁆𑀲𑀬𑀬𑁄𑀕𑁄𑀢𑀺.

𑀬𑀣𑀭𑀺𑀯 𑀢𑀣𑀭𑀺𑀯𑁂𑀢𑀺 𑀦𑀺𑀧𑀸𑀢𑀸𑀯. ‘‘𑀚𑀭𑀕𑁆𑀕𑀯𑀸 𑀯𑀺𑀘𑀺𑀦𑁆𑀢𑁂𑀲𑀼𑀁, 𑀯𑀭+𑀫𑁆𑀳𑀸𑀓𑀁 𑀪𑀼𑀲𑀸𑀫𑀺𑀯𑁂’’𑀢𑀺 𑀏𑀢𑁆𑀣 𑀇𑀯𑀲𑀤𑁆𑀤𑁄 𑀏𑀯𑀓𑀸𑀭𑀢𑁆𑀣𑁄. 𑀦𑀺𑀕𑁆𑀕𑀳𑀻𑀢𑀲𑀦𑁆𑀥𑀺.

𑀲𑀦𑁆𑀥𑀺𑀲𑁆𑀲𑀭𑀸𑀦𑀁 𑀧𑀝𑀺𑀲𑁂𑀥𑀲𑀦𑁆𑀥𑀺,

𑀅𑀣𑁄 𑀩𑁆𑀬𑀜𑁆𑀚𑀦+𑀲𑀭𑀩𑁆𑀬𑀜𑁆𑀚𑀦𑀸𑀦𑀁;

𑀲𑀦𑁆𑀥𑀺 𑀘+𑀣𑁄 𑀦𑀺𑀕𑁆𑀕𑀳𑀻𑀢𑀲𑁆𑀲 𑀲𑀦𑁆𑀥𑀺,

𑀪𑀯𑀦𑁆𑀢𑀺 𑀲𑀦𑁆𑀥𑀺 𑀧𑀦 𑀧𑀜𑁆𑀘𑀥𑀸 𑀯𑁂.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀲𑀦𑁆𑀥𑀺𑀓𑀡𑁆𑀟𑁄 𑀧𑀞𑀫𑁄.

𑀅𑀣 ¶ 𑀦𑀸𑀫𑀸𑀦𑀺 𑀯𑀼𑀘𑁆𑀘𑀦𑁆𑀢𑁂. 𑀢𑀁 𑀅𑀢𑁆𑀣𑀸𑀪𑀺𑀫𑀼𑀔𑀁 𑀦𑀫𑀦𑀢𑁄, 𑀅𑀢𑁆𑀢𑀦𑀸 𑀘+𑀢𑁆𑀣𑀲𑁆𑀲 𑀦𑀸𑀫𑀦𑀢𑁄 𑀦𑀸𑀫𑀁, 𑀤𑀩𑁆𑀩𑀸𑀪𑀺𑀥𑀸𑀦𑀁. 𑀢𑀁 𑀤𑀼𑀯𑀺𑀥𑀁 𑀲𑀮𑀺𑀗𑁆𑀕𑀸+𑀮𑀺𑀗𑁆𑀕𑀢𑁄, 𑀅𑀦𑁆𑀯𑀢𑁆𑀣𑀭𑀼𑀴𑁆𑀳𑀺𑀢𑁄 𑀘, 𑀢𑀺𑀯𑀺𑀥𑀁 𑀧𑀼𑀫𑀺+𑀢𑁆𑀣𑀺+𑀦𑀧𑀼𑀁𑀲𑀓𑀮𑀺𑀗𑁆𑀕𑀢𑁄, 𑀭𑀼𑀓𑁆𑀔𑁄, 𑀮𑀢𑀸, 𑀯𑀦𑀦𑁆𑀢𑀺. 𑀘𑀢𑀼𑀩𑁆𑀩𑀺𑀥𑀁 𑀲𑀸𑀫𑀜𑁆𑀜+𑀕𑀼𑀡+𑀓𑁆𑀭𑀺𑀬𑀸+𑀬𑀤𑀺𑀘𑁆𑀙𑀸𑀦𑀸𑀫𑀢𑁄, 𑀭𑀼𑀓𑁆𑀔𑁄, 𑀦𑀻𑀮𑁄, 𑀧𑀸𑀘𑀓𑁄, 𑀲𑀺𑀭𑀺𑀯𑀟𑁆𑀠𑁄𑀢𑀺. 𑀅𑀝𑁆𑀞𑀯𑀺𑀥𑀁 𑀅𑀯𑀡𑁆𑀡𑀺+𑀯𑀡𑁆𑀡𑀼+𑀯𑀡𑁆𑀡𑁄+𑀓𑀸𑀭+𑀦𑀺𑀕𑁆𑀕𑀳𑀻𑀢𑀦𑁆𑀢𑀧𑀓𑀢𑀺𑀪𑁂𑀤𑀢𑁄, 𑀏𑀢𑁆𑀣 𑀓𑀺𑀁𑀲𑀤𑁆𑀤𑁄 𑀦𑀺𑀕𑁆𑀕𑀳𑀻𑀢𑀦𑁆𑀢𑁄. 𑀧𑀘𑁆𑀘𑀬𑀸 𑀧𑀞𑀫𑀁 𑀓𑀭𑀻𑀬𑀢𑀻𑀢𑀺 𑀧𑀓𑀢𑀺, 𑀲𑀤𑁆𑀤𑁄, 𑀥𑀸𑀢𑀼 𑀘.

𑀢𑀢𑁆𑀣 𑀲𑀮𑀺𑀗𑁆𑀕𑁂𑀲𑀼 𑀢𑀸𑀯 𑀅𑀓𑀸𑀭𑀦𑁆𑀢𑀢𑁄 𑀧𑀼𑀮𑁆𑀮𑀺𑀗𑁆𑀕𑀸 𑀲𑀼𑀕𑀢𑀲𑀤𑁆𑀤𑀸 𑀲𑀢𑁆𑀢 𑀯𑀺𑀪𑀢𑁆𑀢𑀺𑀬𑁄 𑀧𑀭𑀸 𑀬𑁄𑀚𑀻𑀬𑀦𑁆𑀢𑁂. 𑀲𑀼𑀕𑀢𑀇𑀢𑀺 𑀞𑀺𑀢𑁂 𑁋

𑀏𑀢𑁂𑀲𑀁 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀏𑀓𑀸𑀦𑁂𑀓𑀢𑁆𑀣𑁂𑀲𑀼 𑀯𑀢𑁆𑀢𑀫𑀸𑀦𑀢𑁄 𑀦𑀸𑀫𑀲𑁆𑀫𑀸 𑀬𑀣𑀸𑀓𑁆𑀓𑀫𑀁. 𑀬𑀢𑁄 𑀇𑀫𑁂 𑀲𑀢𑁆𑀢 𑀤𑀼𑀓𑀸 𑀳𑁄𑀦𑁆𑀢𑀺, ‘‘𑀅𑀢𑁆𑀣𑀯𑀦𑁆𑀢+𑀫𑀥𑀸𑀢𑀼𑀓+𑀫𑀧𑀘𑁆𑀘𑀬𑀁 𑀧𑀸𑀝𑀺𑀧𑀤𑀺𑀓𑀁 𑀓𑀺𑀢𑀓+𑀢𑀤𑁆𑀥𑀺𑀢+𑀲𑀫𑀸𑀲𑀸 𑀘𑁂’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀢𑀁 𑀦𑀸𑀫𑀁 𑀧𑀸𑀝𑀺𑀧𑀤𑀺𑀓𑀁 𑀦𑀸𑀫. 𑀓𑁂𑀘𑀺 𑀲𑀓𑀢𑁆𑀣+𑀤𑀩𑁆𑀩+𑀮𑀺𑀗𑁆𑀕+𑀲𑀗𑁆𑀔𑁆𑀬𑀸+𑀓𑀫𑁆𑀫𑀸𑀤𑀺𑀧𑀜𑁆𑀘𑀓𑀁 𑀧𑀸𑀝𑀺𑀧𑀤𑀺𑀓𑀦𑁆𑀢𑀺 𑀯𑀤𑀦𑁆𑀢𑀺. 𑀢𑁂𑀦𑁂+𑀢𑀁 𑀯𑀼𑀘𑁆𑀘𑀢𑀺 𑁋

𑀲𑀓𑀢𑁆𑀣+𑀤𑀩𑁆𑀩+𑀮𑀺𑀗𑁆𑀕𑀸𑀦𑀺, 𑀲𑀤𑁆𑀤𑀢𑁆𑀣+𑀫𑀩𑁆𑀭𑀯𑀼𑀁 𑀧𑀭𑁂;

𑀲𑀗𑁆𑀔𑁆𑀬𑀸+𑀓𑀫𑁆𑀫𑀸𑀤𑀺𑀓𑀸𑀦𑀦𑁆𑀢𑀼, 𑀯𑀺𑀪𑀢𑁆𑀢𑀺 𑀯𑀸𑀘𑀓𑀸 𑀫𑀢𑀸.

𑀲𑀓𑀢𑁆𑀣+𑀤𑀩𑁆𑀩+𑀮𑀺𑀗𑁆𑀕𑀸𑀦𑀺, 𑀲𑀗𑁆𑀔𑁆𑀬𑀸+𑀓𑀫𑁆𑀫𑀸𑀤𑀺𑀧𑀜𑁆𑀘𑀓𑀁;

𑀲𑀤𑁆𑀤𑀢𑁆𑀣+𑀫𑀩𑁆𑀭𑀯𑀼𑀁 𑀓𑁂𑀘𑀺, 𑀯𑀺𑀪𑀢𑁆𑀢𑀺 𑀧𑀦 𑀚𑁄𑀢𑀓𑀸𑀢𑀺 𑀘.

𑀢𑀢𑁄 ¶ 𑀏𑀓𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀏𑀓𑀯𑀘𑀦𑀁 𑀩𑀳𑀼𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀩𑀳𑀼𑀯𑀘𑀦𑀜𑁆𑀘𑀸𑀢𑀺 𑀅𑀦𑀺𑀬𑀫𑁂𑀦 𑀧𑀲𑀗𑁆𑀕𑁂 ‘‘𑀦𑀸𑀫𑀲𑁆𑀫𑀸’’𑀢𑀺 𑀅𑀥𑀺𑀓𑀸𑀭𑁄.

𑀦𑀸𑀫𑀲𑁆𑀲𑀸+𑀪𑀺𑀥𑁂𑀬𑁆𑀬𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀻𑀢𑀺 𑀯𑀢𑁆𑀢𑀺𑀘𑁆𑀙𑀸𑀯𑀲𑀸 𑀧𑀞𑀫𑀸𑀬𑁂+𑀓𑀯𑀘𑀦𑀩𑀳𑀼𑀯𑀘𑀦𑀸𑀦𑀺. 𑀲𑀺 𑀬𑁄𑀇𑀢𑀺 𑀧𑀞𑀫𑀸. 𑀲𑀺𑀲𑁆𑀲𑀺+𑀓𑀸𑀭𑀲𑁆𑀲𑀸+𑀦𑀼𑀩𑀦𑁆𑀥𑀢𑁆𑀢𑀸 𑀅𑀧𑁆𑀧𑀬𑁄𑀕𑁄. 𑀧𑀬𑁄𑀚𑀦𑀁 ‘‘𑀓𑀺+𑀫𑀁𑀲𑀺𑀲𑀽’’𑀢𑀺 𑀲𑀁𑀓𑁂𑀢𑁄, 𑀢𑀣𑀸 𑀅𑀁𑀯𑀘𑀦𑀲𑁆𑀲𑀸+𑀓𑀸𑀭𑀲𑁆𑀲. 𑀏𑀢𑁆𑀣 𑀢𑀣𑀸𑀢𑀺 𑀯𑀼𑀢𑁆𑀢𑀲𑁆𑀲𑀸𑀢𑀺𑀤𑁂𑀲𑁄 𑀅𑀜𑁆𑀜𑀤𑀻𑀬𑀥𑀫𑁆𑀫𑀸𑀦+𑀫𑀜𑁆𑀜𑀢𑁆𑀣𑀧𑀸𑀧𑀦+𑀫𑀢𑀺𑀤𑁂𑀲𑁄. 𑀏𑀓𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀧𑀞𑀫𑁂𑀓𑀯𑀘𑀦𑀁 𑀲𑀺.

𑀅𑀢𑁄𑀢𑀺 𑀯𑀢𑁆𑀢𑀢𑁂, 𑀅𑀢𑁄𑀢𑀺 𑀦𑀸𑀫𑀯𑀺𑀲𑁂𑀲𑀦𑀢𑁆𑀢𑀸 ‘‘𑀯𑀺𑀥𑀺𑀩𑁆𑀩𑀺𑀲𑁂𑀲𑀦𑀦𑁆𑀢𑀲𑁆𑀲𑀸’’𑀢𑀺 𑀧𑀭𑀺𑀪𑀸𑀲𑀢𑁄 𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀯𑀺𑀥𑀺.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑀺𑀲𑁆𑀲 𑀑 𑀳𑁄𑀢𑀺. 𑀧𑀼𑀩𑁆𑀩𑀲𑀭𑀮𑁄𑀧𑁂 𑀲𑀼𑀕𑀢𑁄 𑀢𑀺𑀝𑁆𑀞𑀢𑀺. 𑀩𑀳𑀼𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀩𑀳𑀼𑀯𑀘𑀦𑀁 𑀬𑁄. 𑀏𑀯𑀁 𑀉𑀧𑀭𑀺𑀧𑀺 𑀬𑁄𑀚𑁂𑀢𑀩𑁆𑀩𑀁.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀞𑀫𑀸𑀤𑀼𑀢𑀺𑀬𑀸𑀬𑁄𑀦𑀁 𑀝𑀸𑀝𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀝𑀓𑀸𑀭𑀸𑀦𑀼𑀩𑀦𑁆𑀥𑀢𑁆𑀢𑀸 ‘‘𑀝𑀸𑀦𑀼𑀩𑀦𑁆𑀥𑀸+𑀦𑁂𑀓𑀯𑀡𑁆𑀡𑀸 𑀲𑀩𑁆𑀩𑀲𑁆𑀲𑀸’’𑀢𑀺 𑀲𑀩𑁆𑀩𑀸𑀤𑁂𑀲𑁄. 𑀲𑀼𑀕𑀢𑀸 𑀢𑀺𑀝𑁆𑀞𑀦𑁆𑀢𑀺.

‘‘𑀧𑀞𑀫𑀸+𑀢𑁆𑀣𑀫𑀢𑁆𑀢𑁂’’𑀢𑀺 𑀯𑀢𑁆𑀢𑀢𑁂.

𑀆𑀫𑀦𑁆𑀢𑀡𑀸𑀥𑀺𑀓𑁂 ¶ 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀻𑀢𑀺 𑀏𑀓𑀲𑁆𑀫𑀺𑀁 𑀏𑀓𑀯𑀘𑀦𑀁 𑀲𑀺.

𑀦𑀸𑀫𑀲𑁆𑀫𑀸 𑀕+𑀲𑀻𑀦𑀁 𑀮𑁄𑀧𑁄 𑀳𑁄𑀢𑀺. 𑀪𑁄 𑀲𑀼𑀕𑀢 𑀘𑀺𑀭𑀁 𑀢𑀺𑀝𑁆𑀞.

𑀅𑀇𑀉𑀇𑀘𑁆𑀘𑁂𑀢𑁂𑀲𑀁 𑀯𑀸 𑀤𑀻𑀖𑁄 𑀳𑁄𑀢𑀺 𑀕𑁂 𑀧𑀭𑁂 𑀢𑀺𑀮𑀺𑀗𑁆𑀕𑁂+𑀢𑀺 𑀤𑀻𑀖𑁂 𑀪𑁄 𑀲𑀼𑀕𑀢 𑀲𑀼𑀕𑀢𑀸 𑀘𑀺𑀭𑀁 𑀢𑀺𑀝𑁆𑀞. 𑀲𑀓𑁆𑀓𑀢𑁂 𑀲𑀼𑀕𑀢𑀸𑀢𑀺 𑀤𑀻𑀖𑀁 𑀤𑀽𑀭𑀸𑀮𑀧𑀦𑁂𑀬𑁂𑀯𑀺+𑀘𑁆𑀙𑀦𑁆𑀢𑀺, 𑀲𑀫𑀻𑀧𑀸𑀮𑀧𑀦𑁂𑀧𑀺 𑀤𑀲𑁆𑀲𑀦𑀢𑁄 𑀢𑀁 𑀦 𑀕𑀳𑁂𑀢𑀩𑁆𑀩𑀁. 𑀩𑀳𑀼𑀯𑀘𑀦𑁂 𑀬𑁄𑀲𑁆𑀲 𑀝𑀸, 𑀲𑀼𑀕𑀢𑀸 𑀘𑀺𑀭𑀁 𑀢𑀺𑀝𑁆𑀞𑀣.

𑀢𑀲𑁆𑀫𑀺𑀁 𑀓𑀫𑁆𑀫𑀓𑀸𑀭𑀓𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀅𑀁𑀬𑁄𑀇𑀢𑀺 𑀤𑀼𑀢𑀺𑀬𑀸. 𑀏𑀢𑁆𑀣 𑀤𑀼𑀢𑀺𑀬𑀸𑀢𑀢𑀺𑀬𑀸𑀤𑀺𑀪𑀸𑀯𑁄 𑀯𑀺𑀪𑀢𑁆𑀢𑀺𑀲𑀼𑀢𑁆𑀢𑁂 𑀲𑀺𑀬𑁄 𑀇𑀢𑀺 𑀧𑀞𑀫𑀸𑀯𑀺𑀪𑀢𑁆𑀬𑀸𑀤𑀻𑀦𑀺+𑀫𑀼𑀧𑀸𑀤𑀸𑀬 𑀯𑀼𑀘𑁆𑀘𑀢𑀺, 𑀢𑀁 𑀢𑀁 𑀉𑀧𑀸𑀤𑀸𑀬 𑀧𑀜𑁆𑀜𑀢𑁆𑀢𑀢𑁆𑀢𑀸. 𑀤𑀼𑀢𑀺𑀬𑁂𑀓𑀯𑀘𑀦𑀁 𑀅𑀁, 𑀅𑀓𑀸𑀭𑀲𑁆𑀲𑀸+𑀧𑀬𑁄𑀕𑁄. 𑀲𑀼𑀕𑀢𑀁 𑀧𑀲𑁆𑀲. 𑀤𑀼𑀢𑀺𑀬𑀸𑀩𑀳𑀼𑀯𑀘𑀦𑀁 𑀬𑁄, 𑀢𑀲𑁆𑀲 𑀝𑁂, 𑀲𑀼𑀕𑀢𑁂 𑀧𑀲𑁆𑀲.

𑀢𑀲𑁆𑀫𑀺𑀁 ¶ 𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀓𑀸𑀭𑀓𑁂 𑀢𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀦𑀸+𑀳𑀺𑀇𑀢𑀺 𑀢𑀢𑀺𑀬𑀸𑀯𑀺𑀪𑀢𑁆𑀢𑀺. 𑀢𑀢𑀺𑀬𑀸𑀏𑀓𑀯𑀘𑀦𑀁 𑀦𑀸.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑀲𑁆𑀲 𑀦𑀸𑀯𑀘𑀦𑀲𑁆𑀲 𑀏𑀦𑀸𑀤𑁂𑀲𑁄 𑀳𑁄𑀢𑀺 𑀦𑀺𑀘𑁆𑀘𑀁. 𑀲𑀼𑀕𑀢𑁂𑀦 𑀓𑀢𑀁.

𑀅𑀓𑀸𑀭𑀦𑁆𑀢𑀲𑁆𑀲 𑀲𑀼𑀳𑀺𑀲𑁆𑀯𑁂+𑀳𑁄𑀢𑀺. 𑀲𑀼𑀕𑀢𑁂𑀳𑀺.

𑁯𑁫. 𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀁 𑀫𑁆𑀳𑀸𑀪𑀺𑀫𑁆𑀳𑀺

𑀦𑀸𑀫𑀲𑁆𑀫𑀸 𑀧𑀭𑁂𑀲𑀁 𑀲𑁆𑀫𑀸𑀳𑀺𑀲𑁆𑀫𑀺𑀁𑀦𑀁 𑀫𑁆𑀳𑀸𑀪𑀺𑀫𑁆𑀳𑀺 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀢𑀺 𑀳𑀺𑀲𑁆𑀲 𑀪𑀺𑀆𑀤𑁂𑀲𑁂 𑀲𑀼𑀕𑀢𑁂𑀪𑀺. 𑀓𑀭𑀡𑁂 𑀲𑀼𑀕𑀢𑁂𑀦 𑀮𑁄𑀓𑁄 𑀧𑀼𑀜𑁆𑀜𑀁 𑀓𑀭𑁄𑀢𑀺, 𑀲𑀼𑀕𑀢𑁂𑀳𑀺 𑀲𑀼𑀕𑀢𑁂𑀳𑀺 𑀯𑀸.

𑀢𑀲𑁆𑀫𑀺𑀁 𑀲𑀫𑁆𑀧𑀤𑀸𑀦𑀓𑀸𑀭𑀓𑁂 𑀘𑀢𑀼𑀢𑁆𑀣𑀻 𑀲𑀺𑀬𑀸. 𑀲+𑀦𑀁𑀇𑀢𑀺 𑀘𑀢𑀼𑀢𑁆𑀣𑀻. 𑀘𑀢𑀼𑀢𑁆𑀣𑁂+𑀓𑀯𑀘𑀦𑀁 𑀲. 𑀯𑀺𑀪𑀢𑁆𑀢𑀺𑀲𑀼𑀢𑁆𑀢𑁂 𑀲𑁆𑀲+𑀦𑀁𑀢𑀺 𑀤𑀻𑀖𑀧𑀸𑀞𑁂𑀦 𑀲𑀼𑀕𑀢𑀲𑁆𑀲𑀸𑀢𑀺 𑀲𑀺𑀤𑁆𑀥𑁂𑀧𑀺 ‘‘𑀛𑀮𑀸 𑀲𑀲𑁆𑀲 𑀦𑁄’’ 𑀢𑁆𑀬𑀸𑀤𑀺𑀓𑀸𑀭𑀺𑀬𑀲𑀼𑀢𑁆𑀢𑁂𑀲𑀼 𑀲𑁆𑀲𑀲𑁆𑀲𑀸𑀢𑀺 𑀅𑀓𑁆𑀔𑀭𑀕𑀸𑀭𑀯𑀢𑀸 𑀳𑁄𑀢𑀻𑀢𑀺 𑀮𑀸𑀖𑀯𑀢𑁆𑀣+𑀫𑀺𑀤+𑀫𑀸𑀭𑀤𑁆𑀥𑀁 𑁋

𑀦𑀸𑀫𑀲𑁆𑀫𑀸 ¶ 𑀧𑀭𑀲𑁆𑀲 𑀲𑀲𑁆𑀲 𑀲𑀼𑀜𑀸𑀕𑀫𑁄 𑀳𑁄𑀢𑀺. 𑀲 𑀘 ‘‘𑀙𑀝𑁆𑀞𑀺𑀬𑀸’’𑀢𑀺 𑀯𑀢𑁆𑀢𑀫𑀸𑀦𑁂 𑁋

𑁧,𑁨𑁦. 𑀜𑀸𑀓𑀸𑀦𑀼 𑀩𑀦𑁆𑀥𑀸+𑀤𑁆𑀬𑀦𑁆𑀢𑀸

𑀙𑀝𑁆𑀞𑀻𑀦𑀺𑀤𑁆𑀤𑀺𑀝𑁆𑀞𑀲𑁆𑀲 𑀜𑀸𑀦𑀼𑀩𑀦𑁆𑀥+𑀓𑀸𑀦𑀼𑀩𑀦𑁆𑀥𑀸 𑀆𑀤𑁆𑀬𑀦𑁆𑀢𑀸𑀳𑁄𑀦𑁆𑀢𑀻𑀢𑀺 𑀆𑀤𑁆𑀬𑀯𑀬𑀯𑁄. 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀜𑁆𑀜𑀓𑀸𑀭𑁄 𑀅𑀲𑁆𑀫𑀺𑀁 𑀲𑀼𑀢𑁆𑀢𑁂 𑀲𑀁𑀓𑁂𑀢𑀢𑁆𑀣𑁄. 𑀲𑀼𑀕𑀢𑀲𑁆𑀲 𑀤𑀸𑀦𑀁 𑀤𑁂𑀢𑀺.

𑁧,𑁫𑁮. ‘‘𑀩𑀳𑀼𑀮𑀁’’𑀢𑁆𑀬+𑀥𑀺𑀓𑀸𑀭𑁄

𑀩𑀳𑀼𑀮𑀸𑀥𑀺𑀓𑀸𑀭𑀁 𑀓𑀧𑁆𑀧𑀤𑀼𑀫𑀫𑀺𑀯 𑀫𑀜𑁆𑀜𑀦𑁆𑀢𑀺 𑀲𑀤𑁆𑀤𑀺𑀓𑀸. 𑀢𑀜𑁆𑀘 𑁋

𑀓𑁆𑀯𑀘𑀺 𑀧𑀯𑀢𑁆𑀢𑁆𑀬+𑀧𑀯𑀢𑁆𑀢𑀺, 𑀓𑁆𑀯𑀘+𑀜𑁆𑀜𑀁 𑀓𑁆𑀯𑀘𑀺 𑀯𑀸 𑀓𑁆𑀯𑀘𑀺;

𑀲𑀺𑀬𑀸 𑀩𑀳𑀼𑀮𑀲𑀤𑁆𑀤𑁂𑀦, 𑀯𑀺𑀥𑀺 𑀲𑀩𑁆𑀩𑁄 𑀬𑀣𑀸𑀕𑀫𑀁𑀢𑀺 𑁋

𑀘𑀢𑀼𑀩𑁆𑀩𑀺𑀥𑀁 𑀩𑀳𑀼𑀮𑀁 𑀲𑀫𑀺𑀓𑁆𑀔𑀦𑁆𑀢𑀺.

𑀅𑀓𑀸𑀭𑀦𑁆𑀢𑀢𑁄 𑀧𑀭𑀲𑁆𑀲 𑀘𑀢𑀼𑀢𑁆𑀣𑀺𑀬𑀸 𑀲𑀲𑁆𑀲 𑀆𑀬𑁄 𑀳𑁄𑀢𑀺 𑀯𑀸 𑀩𑀳𑀼𑀮𑀁. 𑀲𑀼𑀕𑀢𑀸𑀬. 𑀬𑁂𑀪𑀼𑀬𑁆𑀬𑁂𑀦 𑀢𑀸𑀤𑀢𑁆𑀣𑁂𑀬𑁂𑀯𑀸+𑀬+𑀫𑀸𑀬𑁄 𑀤𑀺𑀲𑁆𑀲𑀢𑀻𑀢𑀺 𑀇𑀢𑁄 𑀧𑀭𑀁 𑀦𑁄+𑀤𑀸𑀳𑀭𑀻𑀬𑀢𑁂. 𑀘𑀢𑀼𑀢𑁆𑀣𑀻𑀩𑀳𑀼𑀯𑀘𑀦𑀁 𑀦𑀁,

𑀦𑀸𑀫𑀲𑁆𑀲 ¶ 𑀤𑀻𑀖𑁄 𑀳𑁄𑀢𑀺 𑀲𑀼𑀦𑀁𑀳𑀺𑀲𑀼. 𑀲𑀼𑀕𑀢𑀸𑀦𑀁.

𑀏𑀢𑀲𑁆𑀫𑀸 𑀅𑀯𑀥𑀺𑀓𑀸𑀭𑀓𑀸 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀲𑁆𑀫𑀸+𑀳𑀺𑀇𑀢𑀺 𑀧𑀜𑁆𑀘𑀫𑀻. 𑀧𑀜𑁆𑀘𑀫𑁆𑀬𑁂𑀓𑀯𑀘𑀦𑀁 𑀲𑁆𑀫𑀸,

‘‘𑀅𑀢𑁄’’ ‘‘𑀝𑀸𑀝𑁂’’ ‘‘𑀯𑁂’’𑀢𑀺 𑀘 𑀯𑀢𑁆𑀢𑀢𑁂.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑁂𑀲𑀁 𑀲𑁆𑀫𑀸+𑀲𑁆𑀫𑀺𑀁𑀦𑀁 𑀝𑀸+𑀝𑁂 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀲𑀼𑀕𑀢𑀸 𑀅𑀧𑁂𑀳𑀺 𑀲𑀼𑀕𑀢𑀫𑁆𑀳𑀸 𑀲𑀼𑀕𑀢𑀲𑁆𑀫𑀸 𑀯𑀸. 𑀧𑀜𑁆𑀘𑀫𑀻𑀩𑀳𑀼𑀯𑀘𑀦𑀜𑁆𑀳𑀺, 𑀲𑀼𑀕𑀢𑁂𑀪𑀺 𑀲𑀼𑀕𑀢𑁂𑀳𑀺.

𑀓𑀸𑀭𑀓𑁂𑀳𑀺 𑀅𑀜𑁆𑀜𑁄 𑀲𑀫𑁆𑀩𑀦𑁆𑀥𑁄, 𑀢𑀢𑁆𑀭 𑀙𑀝𑁆𑀞𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀲+𑀦𑀁𑀇𑀢𑀺 𑀙𑀝𑁆𑀞𑀻, 𑀙𑀝𑁆𑀞𑁂𑀓𑀯𑀘𑀦𑀁 𑀲, 𑀲𑀼𑀕𑀢𑀲𑁆𑀲 𑀯𑀺𑀳𑀸𑀭𑁄, 𑀙𑀝𑁆𑀞𑀻𑀩𑀳𑀼𑀯𑀘𑀦𑀁 𑀦𑀁, 𑀲𑀼𑀕𑀢𑀸𑀦𑀁.

𑀆𑀥𑀸𑀭𑀓𑀸𑀭𑀓𑁂 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀲𑁆𑀫𑀺𑀁+𑀲𑀼𑀇𑀢𑀺 𑀲𑀢𑁆𑀢𑀫𑀻. 𑀲𑀢𑁆𑀢𑀫𑁆𑀬𑁂𑀓𑀯𑀘𑀦𑀁 𑀲𑁆𑀫𑀺𑀁, 𑀲𑀼𑀕𑀢𑁂 𑀧𑀢𑀺𑀝𑁆𑀞𑀺𑀢𑀁 𑀲𑀼𑀕𑀢𑀫𑁆𑀳𑀺 𑀲𑀼𑀕𑀢𑀲𑁆𑀫𑀺𑀁 𑀯𑀸. 𑀲𑀢𑁆𑀢𑀫𑀻𑀩𑀳𑀼𑀯𑀘𑀦𑀁 𑀲𑀼, ‘‘𑀲𑀼+𑀳𑀺𑀲𑁆𑀯+𑀲𑁆𑀲𑁂’’𑀢𑀺 𑀏, 𑀲𑀼𑀕𑀢𑁂𑀲𑀼.

𑀲𑀼𑀕𑀢𑁄, 𑀲𑀼𑀕𑀢𑀸. 𑀪𑁄 𑀲𑀼𑀕𑀢, 𑀪𑁄 𑀲𑀼𑀕𑀢𑀸, 𑀪𑀯𑀦𑁆𑀢𑁄 𑀲𑀼𑀕𑀢𑀸. 𑀲𑀼𑀕𑀢𑀁, 𑀲𑀼𑀕𑀢𑁂. 𑀲𑀼𑀕𑀢𑁂𑀦, 𑀲𑀼𑀕𑀢𑁂𑀪𑀺 ¶ , 𑀲𑀼𑀕𑀢𑁂𑀳𑀺. 𑀓𑀭𑀡𑁂 𑀲𑀼𑀕𑀢𑁂𑀦, 𑀲𑀼𑀕𑀢𑁂𑀪𑀺, 𑀲𑀼𑀕𑀢𑁂𑀳𑀺. 𑀲𑀼𑀕𑀢𑀲𑁆𑀲, 𑀲𑀼𑀕𑀢𑀸𑀬, 𑀲𑀼𑀕𑀢𑀸𑀦𑀁. 𑀲𑀼𑀕𑀢𑀸, 𑀲𑀼𑀕𑀢𑀫𑁆𑀳𑀸, 𑀲𑀼𑀕𑀢𑀲𑁆𑀫𑀸, 𑀲𑀼𑀕𑀢𑁂𑀪𑀺, 𑀲𑀼𑀕𑀢𑁂𑀳𑀺. 𑀲𑀼𑀕𑀢𑀲𑁆𑀲, 𑀲𑀼𑀕𑀢𑀸𑀦𑀁. 𑀲𑀼𑀕𑀢𑁂, 𑀲𑀼𑀕𑀢𑀫𑁆𑀳𑀺, 𑀲𑀼𑀕𑀢𑀲𑁆𑀫𑀺𑀁, 𑀲𑀼𑀕𑀢𑁂𑀲𑀼.

𑀲𑀼𑀕𑀢𑁄 𑀲𑀼𑀕𑀢𑁄. 𑀲𑀼𑀕𑀢𑀁 𑀦𑀫𑀢𑀺. 𑀲𑀼𑀕𑀢𑁂𑀦 𑀓𑀢𑁄. 𑀲𑀼𑀕𑀢𑁂𑀦 𑀚𑀺𑀢𑁄. 𑀲𑀼𑀕𑀢𑀲𑁆𑀲 𑀤𑀤𑁂. 𑀲𑀼𑀕𑀢𑀸 𑀯𑀺𑀕𑀢𑁄. 𑀲𑀼𑀕𑀢𑀲𑁆𑀲 𑀲𑀼𑀢𑁄. 𑀲𑀼𑀕𑀢𑁂 𑀭𑀫𑀢𑁂. 𑀏𑀯𑀁 𑁋

𑀲𑀽𑀭𑀸+𑀲𑀼𑀭+𑀦𑀭𑁄+𑀭𑀕+𑀦𑀸𑀕+𑀬𑀓𑁆𑀔𑀸,

𑀕𑀦𑁆𑀥𑀩𑁆𑀩+𑀓𑀺𑀦𑁆𑀦𑀭+𑀫𑀦𑀼𑀲𑁆𑀲+𑀧𑀺𑀲𑀸𑀘+𑀧𑁂𑀢𑀸;

𑀫𑀸𑀢𑀗𑁆𑀕+𑀚𑀗𑁆𑀕𑀫+𑀢𑀼𑀭𑀗𑁆𑀕+𑀯𑀭𑀸𑀳+𑀲𑀻𑀳𑀸,

𑀩𑁆𑀬𑀕𑁆𑀖+𑀘𑁆𑀙+𑀓𑀘𑁆𑀙𑀧+𑀢𑀭𑀘𑁆𑀙+𑀫𑀺𑀕+𑀲𑁆𑀲+𑀲𑁄𑀡𑀸.

𑀆𑀮𑁄𑀓+𑀮𑁄𑀓+𑀦𑀺𑀮𑀬𑀸+𑀦𑀺𑀮+𑀘𑀸𑀕+𑀬𑁄𑀕𑀸,

𑀯𑀸𑀬𑀸𑀫+𑀕𑀸𑀫+𑀦𑀺𑀕𑀫𑀸+𑀕𑀫+𑀥𑀫𑁆𑀫+𑀓𑀸𑀫𑀸;

𑀲𑀗𑁆𑀖𑁄+𑀖+𑀖𑁄𑀲+𑀧𑀝𑀺𑀖𑀸+𑀲𑀯+𑀓𑁄𑀥+𑀮𑁄𑀪𑀸,

𑀲𑀸𑀭𑀫𑁆𑀪+𑀣𑀫𑁆𑀪+𑀫𑀤+𑀫𑀸𑀦+𑀧𑀫𑀸𑀤+𑀫𑀓𑁆𑀔𑀸.

𑀧𑀼𑀦𑁆𑀦𑀸𑀕+𑀧𑀽𑀕+𑀧𑀦𑀲𑀸+𑀲𑀦+𑀘𑀫𑁆𑀧𑀓+𑀫𑁆𑀩-

𑀳𑀺𑀦𑁆𑀢𑀸𑀮+𑀢𑀸𑀮+𑀯𑀓𑀼𑀮+𑀚𑁆𑀚𑀼𑀦+𑀓𑀺𑀁𑀲𑀼𑀓𑀸 𑀘;

𑀫𑀦𑁆𑀤𑀸𑀭+𑀓𑀼𑀦𑁆𑀤+𑀧𑀼𑀘𑀺𑀫𑀦𑁆𑀤+𑀓𑀭𑀜𑁆𑀚+𑀭𑀼𑀓𑁆𑀔𑀸,

𑀜𑁂𑀬𑁆𑀬𑀸 𑀫𑀬𑀽𑀭+𑀲𑀓𑀼𑀡+𑀡𑁆𑀟𑀚+𑀓𑁄𑀜𑁆𑀘+𑀳𑀁𑀲𑀸.

𑀲𑀼𑀕𑀢𑀲𑀤𑁆𑀤𑁄𑀯, 𑀬𑀢𑁄 𑀲𑀩𑁆𑀩𑁄 𑀲𑀤𑁆𑀤𑁄, 𑀦 𑀲𑀤𑁆𑀤𑀢𑀸𑀮𑀺𑀢𑀢𑁆𑀣𑁄𑀯, 𑀅𑀣 𑀔𑁄 𑀲𑀁𑀬𑁄𑀕𑀸𑀤𑀺𑀯𑀲𑁂𑀦𑀧𑀺 𑀅𑀢𑁆𑀣𑀁 𑀯𑀤𑀦𑁆𑀢𑀺. 𑀢𑁂𑀦𑁂+𑀢𑀁 𑀯𑀼𑀘𑁆𑀘𑀢𑀺 𑁋

𑀲𑀁𑀬𑁄𑀕𑀸 𑀯𑀺𑀧𑁆𑀧𑀬𑁄𑀕𑀸 𑀘, 𑀲𑀸𑀳𑀘𑀭𑀺𑀬𑀸+𑀯𑀺𑀭𑁄𑀥𑀢𑁄;

𑀅𑀢𑁆𑀣𑀸 𑀧𑀓𑀭𑀡𑀸 𑀮𑀺𑀗𑁆𑀕𑀸, 𑀲𑀤𑁆𑀤𑀦𑁆𑀢𑀭𑀲𑀫𑀻𑀧𑀢𑁄.

𑀲𑀸𑀫𑀢𑁆𑀣𑁆𑀬𑁄+𑀘𑀺𑀢𑁆𑀭+𑀤𑁂𑀲𑁂𑀳𑀺 ¶ , 𑀓𑀸𑀮+𑀩𑁆𑀬𑀢𑁆𑀢𑀸+𑀦𑀼𑀭𑀽𑀧𑀢𑁄;

𑀉𑀧𑀘𑀸𑀭+𑀓𑀸𑀓𑀼𑀪𑁂𑀤, 𑀲𑀫𑁆𑀩𑀦𑁆𑀥𑁂𑀳𑀼+𑀧𑀮𑀓𑁆𑀔𑀡𑀸.

𑀯𑀘𑀦𑀸 𑀘 𑀢𑀤𑀗𑁆𑀕𑀢𑁆𑀢𑀸, 𑀧𑀥𑀸𑀦𑀢𑁆𑀢𑀸𑀢𑀺𑀆𑀤𑀺𑀳𑀺;

𑀲𑀤𑁆𑀤+𑀢𑁆𑀣𑀸 𑀧𑀯𑀺𑀪𑀚𑁆𑀚𑀦𑁆𑀢𑁂, 𑀦 𑀲𑀤𑁆𑀤𑀸𑀤𑁂𑀯 𑀓𑁂𑀯𑀮𑀸𑀢𑀺.

𑀏𑀢𑁆𑀣 𑀲𑀁𑀬𑁄𑀕𑀢𑁄 𑀢𑀸𑀯, ‘‘𑀲𑀓𑀺𑀲𑁄𑀭𑀸 𑀥𑁂𑀦𑀼 𑀤𑀻𑀬𑀢𑀽’’𑀢𑀺, 𑀓𑀺𑀲𑁄𑀭𑁄 𑀅𑀲𑁆𑀲𑀧𑁄𑀢𑀓𑁄, 𑀢𑀁𑀲𑀁𑀬𑁄𑀕𑀢𑁄 𑀯𑀴𑀯𑀸 𑀏𑀯 𑀧𑀢𑀻𑀬𑀢𑁂.

𑀯𑀺𑀧𑁆𑀧𑀬𑁄𑀕𑀢𑁄 𑁋 ‘‘𑀅𑀓𑀺𑀲𑁄𑀭𑀸 𑀆𑀦𑀻𑀬𑀢𑀽’’𑀢𑀺 𑀢𑀧𑁆𑀧𑀝𑀺𑀲𑁂𑀥𑀸 𑀯𑀴𑀯𑀸 𑀏𑀯 𑀧𑀢𑀻𑀬𑀢𑁂.

𑀲𑀳𑀘𑀭𑀡𑀢𑁄 𑁋 ‘‘𑀭𑀸𑀫+𑀮𑀓𑁆𑀔𑀡’’𑀇𑀢𑀺 𑀉𑀪𑀺𑀦𑁆𑀦𑀁 𑀲𑀳𑀘𑀭𑀡𑁂𑀦 𑀭𑀸𑀫𑁄𑀢𑀺 𑀤𑀸𑀲𑀭𑀣𑀺 𑀏𑀯 𑀭𑀸𑀫𑁄, 𑀦 𑀅𑀜𑁆𑀜𑀸𑀪𑀺𑀥𑀸𑀦𑁄 𑀚𑀸𑀫𑀤𑀕𑀦𑁆𑀬𑀸𑀤𑀺. 𑀮𑀓𑁆𑀔𑀡𑁄𑀧𑀺 𑀲𑁄𑀫𑀺𑀢𑁆𑀢𑀺 𑀏𑀯, 𑀦 𑀢𑀼 𑀬𑁄 𑀓𑁄𑀘𑀺 𑀮𑀓𑁆𑀔𑀡𑁄.

𑀯𑀺𑀭𑁄𑀥𑀢𑁄 𑁋 ‘‘𑀭𑀸𑀫+𑀚𑁆𑀚𑀼𑀦𑀸’’ 𑀇𑀢𑀺 𑀪𑀕𑁆𑀕𑀯𑁄 𑀲𑀳𑀲𑁆𑀲𑀩𑀸𑀳𑀼 𑀘 𑀅𑀜𑁆𑀜𑀫𑀜𑁆𑀜𑀯𑀺𑀭𑀼𑀤𑁆𑀥𑀸𑀢𑀺 𑀢𑁂 𑀏𑀯 𑀧𑀢𑀻𑀬𑀦𑁆𑀢𑁂, 𑀦 𑀤𑀸𑀲𑀭𑀣𑀺 𑀲𑀩𑁆𑀬𑀲𑀸𑀘𑀺 𑀘.

𑀅𑀢𑁆𑀣𑀢𑁄 𑁋 ‘‘𑀲𑀺𑀦𑁆𑀥𑀯+𑀫𑀸𑀦𑀬, 𑀧𑀯𑀺𑀲𑀸𑀫𑀺 𑀭𑀡𑀗𑁆𑀕𑀡’’𑀫𑀺𑀢𑀺 𑀭𑀡𑀗𑁆𑀕𑀡𑀧𑀯𑁂𑀲𑁄 𑀯𑀸𑀳𑀦𑀯𑀺𑀲𑁂𑀲𑁂𑀦 𑀳𑁄𑀢𑀻𑀢𑀺 𑀅𑀢𑁆𑀣𑀢𑁄 𑀢𑀼𑀭𑀗𑁆𑀕𑀧𑀢𑀻𑀢𑀺, 𑀦 𑀢𑀼 𑀮𑀯𑀡𑀯𑀺𑀲𑁂𑀲𑀁.

𑀧𑀓𑀭𑀡𑀢𑁄-𑀪𑁄𑀚𑀦𑀯𑀺𑀥𑀺𑀫𑁆𑀳𑀺 𑀉𑀧𑀲𑀗𑁆𑀔𑀭𑀺𑀬𑀫𑀸𑀦𑁂 ‘‘𑀲𑀺𑀦𑁆𑀥𑀯+𑀫𑀸𑀦𑀬𑁂’’𑀢𑀺, 𑀅𑀢𑁆𑀭 𑀳𑀺 𑀲𑀤𑁆𑀤𑀦𑁆𑀢𑀭𑀲𑁆𑀲𑀸+𑀪𑀸𑀯𑁂𑀧𑀺 𑀪𑁄𑀚𑀦𑁄𑀧𑀓𑀭𑀡𑀲𑀫𑀯𑀸𑀬+𑀫𑀸𑀮𑁄𑀓𑀺𑀢𑀪𑀸𑀯𑀢𑁄 𑀮𑀯𑀡𑁂 𑀧𑀝𑀺𑀧𑀢𑁆𑀢𑀺, 𑀢𑀸𑀤𑀺𑀲𑁄 𑀳𑀺 𑀧𑀢𑁆𑀣𑀸𑀯𑁄𑀢𑀺.

𑀮𑀺𑀗𑁆𑀕𑀢𑁄 ¶ 𑁋 ‘‘𑀤𑁂𑀯𑀤𑀢𑁆𑀢𑀁 𑀧𑀞𑀫+𑀫𑀼𑀧𑀯𑁂𑀲𑀬 𑀲𑀫𑀸𑀭𑀸𑀥𑀺𑀢𑀕𑀼𑀭𑀼𑀁’’𑀢𑀺, 𑀅𑀢𑁆𑀭 𑀲𑀫𑀸𑀭𑀸𑀥𑀺𑀢𑀕𑀼𑀭𑀼𑀢𑁆𑀢𑁂𑀦 𑀮𑀺𑀗𑁆𑀕𑁂𑀦 𑀢𑀲𑁆𑀲 𑀩𑀸𑀳𑀼𑀲𑁆𑀲𑀘𑁆𑀘+𑀫𑀯𑀕𑀫𑁆𑀬𑀢𑁂, 𑀦 𑀢𑀼 𑀬𑁄 𑀓𑁄𑀘𑀺 𑀤𑁂𑀯𑀕𑀼𑀡𑁄.

𑀲𑀦𑁆𑀦𑀺𑀥𑀸𑀦𑀢𑁄 𑁋 ‘‘𑀅𑀚𑁆𑀚𑀼𑀦𑁄 𑀓𑀢𑀯𑀻𑀭𑀺𑀬𑁄𑀢𑀺’’ 𑀧𑀢𑀻𑀬𑀢𑁂, 𑀦𑁄 𑀅𑀓𑀢𑀯𑀻𑀭𑀺𑀬𑁄 𑀅𑀚𑁆𑀚𑀼𑀦𑁄𑀢𑀺.

𑀲𑀸𑀫𑀢𑁆𑀣𑀺𑀬𑀢𑁄 𑁋 ‘‘𑀅𑀦𑀼𑀤𑀭𑀸 𑀓𑀜𑁆𑀜𑀸’’𑀢𑀺 𑀉𑀤𑀭𑁂 𑀅𑀲𑀢𑀺 𑀓𑀜𑁆𑀜𑀸 𑀏𑀯 𑀦𑀢𑁆𑀣𑀻𑀢𑀺 𑀢𑀲𑁆𑀲𑀸 𑀓𑀺𑀲𑀸𑀗𑁆𑀕𑀺𑀬𑀸 𑀫𑀚𑁆𑀛𑀧𑀤𑁂𑀲𑁄𑀢𑀺 𑀧𑀢𑀻𑀬𑀢𑁂.

𑀑𑀘𑀺𑀢𑁆𑀭𑀢𑁄 𑁋 ‘‘𑀭𑀸𑀫𑀲𑀤𑀺𑀲𑁄+𑀬𑀁’’ 𑀇𑀢𑀺, 𑀅𑀢𑁆𑀭 𑀳𑀺 𑀭𑀸𑀫𑁄 𑀧𑀬𑀼𑀢𑁆𑀢𑀤𑀸𑀲𑀭𑀣𑀺𑀲𑁆𑀫𑀺𑀁 𑀪𑀺𑀬𑁆𑀬𑁄 𑀲𑀸𑀥𑀸𑀭𑀡𑁄 𑀧𑀭𑀺𑀘𑀬𑁄𑀢𑀺 𑀤𑀸𑀲𑀭𑀣𑀺 𑀏𑀯 𑀧𑀢𑀻𑀬𑀢𑁂, 𑀦 𑀪𑀕𑁆𑀕𑀯𑀭𑀸𑀫𑁄.

𑀤𑁂𑀲𑀢𑁄 𑁋 ‘‘𑀧𑁄𑀝𑁆𑀞𑀧𑀸’’ 𑀇𑀢𑀺 𑀓𑀺𑀲𑁆𑀫𑀺𑀜𑁆𑀘𑀺 𑀤𑁂𑀲𑁂 𑀧𑀲𑀁𑀲𑀸𑀯𑀘𑀦𑀁. 𑀓𑀺𑀲𑁆𑀫𑀺𑀜𑁆𑀘𑀺 𑀅𑀓𑁆𑀓𑁄𑀲𑀯𑀘𑀦𑀁.

𑀓𑀸𑀮𑀢𑁄 𑁋 ‘‘𑀧𑀘𑁂’’𑀢𑀺 𑀤𑀓𑁆𑀔𑀺𑀡𑀸𑀧𑀣𑁂 𑀓𑀢𑁆𑀣𑀘𑀺 𑀧𑀼𑀩𑁆𑀩𑀡𑁆𑀳𑁂 𑀬𑀸𑀕𑀼𑀧𑀸𑀓𑁂, 𑀲𑀸𑀬𑀡𑁆𑀳𑁂 𑀢𑀼 𑀑𑀤𑀦𑀧𑀸𑀓𑁂.

𑀩𑁆𑀬𑀢𑁆𑀢𑀺𑀢𑁄 𑁋 ‘‘𑀕𑀸𑀫𑀲𑁆𑀲 𑀅𑀤𑁆𑀥’’ 𑀫𑀺𑀢𑀺 𑀲𑀫𑀪𑀸𑀕𑁂, 𑀦𑀧𑀼𑀁𑀲𑀓𑀢𑁆𑀢𑀸. ‘‘𑀕𑀸𑀫𑀲𑁆𑀲 𑀅𑀤𑁆𑀥𑁄’’𑀢𑀺 𑀧𑀼𑀫𑀢𑁆𑀢𑁂𑀦 𑀢𑀼 𑀅𑀲𑀫𑀪𑀸𑀕𑁂.

𑀅𑀦𑀼𑀭𑀽𑀧𑀢𑁄 𑁋 ‘‘𑀦𑀭𑀧𑀢𑀺 𑀲𑀸𑀥𑀼 𑀭𑀓𑁆𑀔𑀢𑀺 𑀕𑁄𑀫𑀡𑁆𑀟𑀮’’𑀫𑀺𑀢𑀺 𑀫𑀳𑀻𑀫𑀡𑁆𑀟𑀮𑀧𑀸𑀮𑀦𑀁 𑀭𑀸𑀚𑀺𑀦𑁄+𑀦𑀼𑀭𑀽𑀧+𑀫𑀺𑀢𑀺 𑀫𑀳𑀻𑀫𑀡𑁆𑀟𑀮𑀧𑀸𑀮𑀦𑁂𑀯 𑀧𑀢𑀻𑀢𑀺, 𑀦 𑀢𑀼 𑀕𑁄𑀬𑀽𑀣𑀭𑀓𑁆𑀔𑀦𑁂.

𑀉𑀧𑀘𑀸𑀭𑀢𑁄 𑁋 𑀅𑀢𑀁𑀲𑀪𑀸𑀯𑁂 𑀢𑀁𑀲𑀪𑀸𑀯𑀸𑀭𑁄𑀧𑀦+𑀫𑀼𑀧𑀘𑀸𑀭𑁄, 𑀲 𑀘 𑀢𑀤𑀝𑁆𑀞𑁄, 𑀢𑀤𑁆𑀥𑀫𑁆𑀫𑁄, 𑀢𑀁𑀲𑀳𑀘𑀭𑀺𑀬𑁄, 𑀢𑀁𑀲𑀫𑀻𑀧𑁄𑀢𑀺 𑀘𑀢𑀼𑀩𑁆𑀩𑀺𑀥𑁄 ¶ , 𑀢𑀢𑁆𑀣 𑀬𑀣𑀸𑀓𑁆𑀓𑀫𑀁 𑀫𑀜𑁆𑀘𑀸 𑀉𑀓𑁆𑀓𑁄𑀲𑀦𑁆𑀢𑀺, 𑀅𑀕𑁆𑀕𑀺 𑀫𑀸𑀡𑀯𑁄, 𑀬𑀝𑁆𑀞𑀺𑀁 𑀧𑀯𑁂𑀲𑀬, 𑀕𑀗𑁆𑀕𑀸𑀬𑀁 𑀯𑀚𑁄𑀢𑀺.

𑀓𑀸𑀓𑀼𑀢𑁄-𑀓𑀸𑀓𑀼𑀲𑀤𑁆𑀤𑁄 𑀇𑀢𑁆𑀣𑀺𑀬𑀁, 𑀲 𑀘 𑀯𑀺𑀓𑀸𑀭+𑀲𑁄𑀓+𑀪𑀻𑀢𑀺+𑀥𑀦𑀺𑀭𑀽𑀧𑁂𑀲𑀼 𑀤𑀺𑀲𑁆𑀲𑀢𑀺, 𑀯𑀢𑁆𑀢𑀼 𑀓𑀸𑀬𑀯𑀺𑀓𑀸𑀭𑀸 𑀓𑀣𑀜𑁆𑀘𑀺 𑀢𑀁 𑀅𑀓𑀢𑀯𑀸𑀅𑀧𑀺 𑀓𑁂𑀦𑀘𑀺 𑀅𑀜𑁆𑀜𑁂𑀦 ‘‘𑀓𑀺𑀁 𑀢𑁆𑀯𑀁 𑀢𑀁 𑀅𑀓𑀸𑀲𑀺 ‘‘𑀇𑀢𑀺 𑀧𑀼𑀝𑁆𑀞𑁄 𑀓𑁄𑀧𑁂𑀦 𑀪𑀫𑀼𑀪𑁂𑀤𑀸 ‘‘𑀅𑀳𑀁 𑀓𑀢𑀯𑀸 𑀅𑀫𑁆𑀳𑀻’’𑀢𑀺 𑀓𑀣𑁂𑀢𑀺, 𑀢𑀲𑁆𑀲 𑀪𑀫𑀼𑀪𑁂𑀤𑀓𑁆𑀭𑀺𑀬𑀸 𑀅𑀓𑁆𑀭𑀺𑀬𑀸𑀧𑀝𑀺𑀜𑁆𑀜𑀁 𑀲𑀽𑀘𑀬𑀢𑀺.

𑀲𑀫𑁆𑀩𑀦𑁆𑀥 𑀢𑁄 𑁋 ‘‘𑀫𑀸𑀢𑀭𑀺 𑀲𑀫𑁆𑀫𑀸 𑀯𑀢𑁆𑀢𑀺𑀢𑀩𑁆𑀩𑀁, 𑀧𑀺𑀢𑀭𑀺 𑀲𑀼𑀲𑁆𑀲𑀽𑀬𑀺𑀢𑀩𑁆𑀩𑀁’’ 𑀇𑀢𑀺, 𑀅𑀢𑁆𑀭 𑀳𑀺 𑀲𑀫𑀸𑀢𑀭𑀺 𑀲𑀧𑀺𑀢𑀭𑀻𑀢𑀺 𑀲𑀫𑁆𑀩𑀦𑁆𑀥𑀺𑀲𑀤𑁆𑀤𑀸𑀪𑀸𑀯𑁂𑀧𑀺 𑀲𑀸 𑀫𑀸𑀢𑀸 𑀲𑁄 𑀧𑀺𑀢𑀸 𑀘 𑀅𑀲𑁆𑀲 𑀧𑀼𑀢𑁆𑀢𑀲𑁆𑀲𑀸𑀢𑀺 𑀧𑀢𑀻𑀬𑀢𑁂.

𑀉𑀧𑀮𑀓𑁆𑀔𑀡𑀢𑁄 𑁋 ‘‘𑀓𑀸𑀓𑁂𑀳𑀺 𑀭𑀓𑁆𑀔𑀺𑀢𑀩𑁆𑀩𑀁 𑀤𑀥𑀻’’𑀢𑀺 𑀓𑀸𑀓𑀲𑀤𑁆𑀤𑁄 𑀲𑀩𑁆𑀩𑁂𑀲+𑀫𑀼𑀧𑀖𑀸𑀢𑀓𑀸𑀦𑀁 𑀲𑀸𑀫𑀜𑁆𑀜𑀁 𑀉𑀧𑀮𑀓𑁆𑀔𑁂𑀢𑀻𑀢𑀺 𑀲𑀼𑀦𑀔𑀸𑀤𑀺𑀲𑀩𑁆𑀩𑁂𑀳𑀺𑀧𑀺 𑀦𑀺𑀯𑀸𑀭𑀻𑀬𑀢𑁂.

𑀯𑀘𑀦𑀢𑁄 𑁋 ‘‘𑀤𑀸𑀭𑀸’’𑀇𑀢𑀺 𑀤𑀸𑀭𑀲𑀤𑁆𑀤𑁄 𑀓𑀮𑀢𑁆𑀢𑁂 𑀩𑀳𑀼𑀯𑀘𑀦𑀦𑁆𑀢𑁄, 𑀅𑀜𑁆𑀜𑀢𑁆𑀣 𑀅𑀦𑀺𑀬𑀢𑀯𑀘𑀦𑁄.

𑀢𑀤𑀗𑁆𑀕𑀢𑁆𑀢𑀸 𑁋 ‘‘𑀲𑀚𑁆𑀚𑀺𑀢𑀁 𑀪𑁄𑀚𑀦’’𑀫𑀺𑀢𑀺 𑀯𑀼𑀢𑁆𑀢𑁂 𑀢𑀧𑁆𑀧𑀭𑀺𑀓𑁆𑀔𑀸𑀭𑀢𑁆𑀢𑀸 𑀢𑀤𑀼𑀧𑀓𑀭𑀡 𑀆𑀲𑀦, 𑀧𑀸𑀢𑀺, 𑀩𑁆𑀬𑀜𑁆𑀚𑀦𑀸𑀤𑀻𑀦𑀁 𑀲𑀫𑁆𑀧𑀸𑀤𑀦𑀫𑁆𑀧𑀺 𑀧𑀢𑀻𑀬𑀢𑁂.

𑀧𑀥𑀸𑀦𑀪𑀸𑀯𑀢𑁄 𑁋 ‘‘𑀦𑀺𑀕𑁆𑀕𑀘𑁆𑀙𑀢𑀺 𑀅𑀯𑀦𑀺𑀦𑀸𑀣𑁄’’𑀢𑀺 𑀭𑀜𑁆𑀜𑁄 𑀦𑀺𑀕𑁆𑀕𑀫𑀦𑁂𑀦 𑀢𑀤𑀼𑀧𑀚𑀻𑀯𑀻𑀦𑀫𑁆𑀧𑀺 𑀦𑀺𑀕𑁆𑀕𑀫𑀦𑀁 𑀯𑀺𑀜𑁆𑀜𑀸𑀬𑀢𑀺.

𑀦𑁂𑀬𑁆𑀬𑀦𑀻𑀢𑀢𑁆𑀣𑀲𑀼𑀢𑁆𑀢𑁂𑀲𑀼 ¶ , 𑀜𑁂𑀬𑁆𑀬𑀁 𑀲𑀤𑁆𑀤𑀢𑁆𑀣𑀫𑀢𑁆𑀢𑀓𑀁;

𑀦𑁂+𑀢𑁆𑀣 𑀯𑀢𑁆𑀢𑀩𑁆𑀩𑀅𑀢𑁆𑀣𑁂𑀦, 𑀲𑀼𑀢𑁆𑀢𑀁 𑀦𑀻𑀢𑀢𑁆𑀣𑀓𑀁 𑀪𑀯𑁂𑀢𑀺.

𑀏𑀯+𑀫𑀜𑁆𑀜𑁂𑀲𑀫𑁆𑀧𑀺 𑀅𑀓𑀸𑀭𑀦𑁆𑀢𑀸𑀦𑀁 𑀧𑀼𑀮𑁆𑀮𑀺𑀗𑁆𑀕𑀸𑀦𑀁 𑀲𑀤𑁆𑀤𑀸𑀦𑀁 𑀭𑀽𑀧𑀦𑀬𑁄 𑀓𑁆𑀭𑀺𑀬𑀸+𑀪𑀺𑀲𑀫𑁆𑀩𑀦𑁆𑀥𑁄 𑀘. 𑀲𑀼𑀕𑀢𑀲𑀤𑁆𑀤𑀢𑁄 𑀬𑀲𑁆𑀲 𑀲𑀤𑁆𑀤𑀲𑁆𑀲 𑀯𑀺𑀲𑁂𑀲𑁄 𑀅𑀢𑁆𑀣𑀺, 𑀢𑀁 𑀯𑀓𑁆𑀔𑀸𑀫. 𑀇𑀢𑁄 𑀧𑀭𑀁 𑀙𑀝𑁆𑀞𑀺𑀬𑀸 𑀘𑀢𑀼𑀢𑁆𑀣𑀻𑀲𑀫𑀢𑁆𑀢𑀸 𑀧𑀜𑁆𑀘𑀫𑀻𑀩𑀳𑀼𑀯𑀘𑀦𑀲𑁆𑀲 𑀘 𑀢𑀢𑀺𑀬𑀸𑀩𑀳𑀼𑀯𑀘𑀦𑁂𑀦 𑀲𑀫𑀢𑁆𑀢𑀸 𑀦 𑀢𑀸 𑀤𑀲𑁆𑀲𑀺𑀬𑀦𑁆𑀢𑁂.

𑀕𑀼𑀫𑁆𑀩 𑀲𑀺, ‘‘𑀅𑀢𑁄’’ ‘‘𑀲𑀺𑀲𑁆𑀲𑀸’’𑀢𑀺 𑀘 𑀯𑀢𑁆𑀢𑀢𑁂.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀧𑀭𑀲𑁆𑀲 𑀲𑀺𑀲𑁆𑀲 𑀏 𑀳𑁄𑀢𑀺 𑀯𑀸 𑀓𑁆𑀯𑀘𑀺. 𑀕𑀼𑀫𑁆𑀩𑁂 𑀕𑀼𑀫𑁆𑀩𑁄, 𑀕𑀼𑀫𑁆𑀩𑀸. 𑀪𑁄 𑀕𑀼𑀫𑁆𑀩 𑀕𑀼𑀫𑁆𑀩𑀸, 𑀪𑀯𑀦𑁆𑀢𑁄 𑀕𑀼𑀫𑁆𑀩𑀸 𑀇𑀘𑁆𑀘𑀸𑀤𑀺 𑀲𑀼𑀕𑀢𑀲𑀫𑀁. 𑀏𑀯𑀁 𑀨𑀼𑀲𑁆𑀲𑀺𑀢𑀕𑁆𑀕𑁂 𑀨𑀼𑀲𑁆𑀲𑀺𑀢𑀕𑁆𑀕𑁄, 𑀯𑀢𑁆𑀢𑀩𑁆𑀩𑁂 𑀯𑀢𑁆𑀢𑀩𑁆𑀩𑁄 𑀇𑀘𑁆𑀘𑀸𑀤𑀺. 𑀲𑀺𑀲𑁆𑀲𑁄+𑀓𑀸𑀭𑀲𑁆𑀲 𑀦𑀺𑀘𑁆𑀘𑀢𑁆𑀢𑀸 𑀓𑀢𑁆𑀣𑀘𑀺 𑀧𑀓𑁆𑀔𑁂 𑀏𑀓𑀸𑀭𑀢𑁆𑀢+𑀫𑀺𑀤+𑀫𑀸𑀭𑀤𑁆𑀥𑀦𑁆𑀢𑀺 𑀲𑀺𑀲𑁆𑀲𑁄+𑀓𑀸𑀭𑀧𑀓𑁆𑀔𑁂 𑀏𑀯 𑀪𑀯𑀢𑀻𑀢𑀺 ‘‘𑀅𑀁 𑀦𑀧𑀼𑀁𑀲𑀓𑁂’’𑀢𑀺 𑀅+𑀫𑀸𑀤𑁂𑀲𑁂𑀦 𑀏𑀓𑀸𑀭𑀲𑁆𑀲 𑀦𑀧𑀼𑀁𑀲𑀓𑀯𑀺𑀲𑀬𑁂 𑀩𑀸𑀥𑀺𑀢𑀢𑁆𑀢𑀸 ‘‘𑀩𑀳𑀼𑀮𑀁’’ 𑀯𑀺𑀥𑀸𑀦𑀸 𑀦𑀧𑀼𑀁𑀲𑀓𑁂𑀧𑀺 𑀲𑀼𑀔𑁂 𑀤𑀼𑀓𑁆𑀔𑁂𑀢𑀺 𑀓𑁆𑀯𑀘𑀺 𑀳𑁄𑀢𑁂𑀯.

‘‘𑀬𑁄𑀲𑁆𑀲’’ ‘‘𑀝𑁂’’𑀢𑀺 𑀘 𑀯𑀢𑁆𑀢𑀢𑁂.

𑀅𑀓𑀸𑀭𑀦𑁆𑀢𑁂𑀳𑀺 𑀏𑀓𑀘𑁆𑀘𑀸𑀤𑀻𑀳𑀺 𑀬𑁄𑀦𑀁 𑀝𑁂 𑀳𑁄𑀢𑀺. 𑀏𑀓𑀘𑁆𑀘𑁄, 𑀏𑀓𑀘𑁆𑀘𑁂. 𑀪𑁄 𑀏𑀓𑀘𑁆𑀘 𑀏𑀓𑀘𑁆𑀘𑀸, 𑀏𑀓𑀘𑁆𑀘𑁂. 𑀏𑀓𑀘𑁆𑀘𑀁, 𑀏𑀓𑀘𑁆𑀘𑁂. 𑀏𑀯𑀁 𑀏𑀲+𑀲+𑀧𑀞𑀫𑀲𑀤𑁆𑀤𑀸𑀦𑀁.

𑀓𑁄𑀥𑁄 ¶ , 𑀓𑁄𑀥𑀸. 𑀪𑁄 𑀓𑁄𑀥 𑀓𑁄𑀥𑀸, 𑀓𑁄𑀥𑀸. 𑀓𑁄𑀥𑀁, 𑀓𑁄𑀥𑁂.

‘‘𑀦𑀸𑀲𑁆𑀲’’ ‘‘𑀲𑀸’’𑀢𑀺 𑀘 𑀯𑀢𑁆𑀢𑀢𑁂.

𑀓𑁄𑀥𑀸𑀤𑀻𑀳𑀺 𑀦𑀸𑀲𑁆𑀲 𑀲𑀸 𑀳𑁄𑀢𑀺 𑀯𑀸. 𑀓𑁄𑀥𑀲𑀸 𑀓𑁄𑀥𑁂𑀦. 𑀅𑀢𑁆𑀣𑀲𑀸 𑀅𑀢𑁆𑀣𑁂𑀦. ‘‘𑀬𑁂 𑀉𑀢𑁆𑀢𑀫𑀢𑁆𑀣𑀸𑀦𑀺 𑀢𑀬𑀺 𑀮𑀪𑀺𑀫𑁆𑀳𑀸’’𑀢𑀺 𑀅𑀢𑁆𑀣𑀲𑀤𑁆𑀤𑁄 𑀦𑀧𑀼𑀁𑀲𑀓𑀮𑀺𑀗𑁆𑀕𑁄𑀧𑀺 𑀤𑀺𑀲𑁆𑀲𑀢𑀺.

‘‘𑀲𑁆𑀫𑀺𑀦𑁄 𑀝𑀻’’𑀢𑀺 𑀘 𑀯𑀢𑁆𑀢𑀢𑁂.

𑀤𑀺𑀯𑀸𑀤𑀻𑀳𑀺 𑀦𑀸𑀫𑁂𑀳𑀺 𑀲𑁆𑀫𑀺𑀦𑁄 𑀝𑀺 𑀳𑁄𑀢𑀺 𑀦𑀺𑀘𑁆𑀘𑀁. 𑀤𑀺𑀯𑀺, 𑀏𑀯𑀁 𑀪𑀼𑀯𑀺. 𑀏𑀢𑁆𑀣𑀝𑀺𑀫𑁆𑀳𑀺 𑀦𑀺𑀘𑁆𑀘𑀁 𑀯𑀓𑀸𑀭𑀸𑀕𑀫𑁄 𑀭𑀲𑁆𑀲𑁄 𑀘. 𑀏𑀢𑁆𑀣 𑀪𑀽𑀲𑀤𑁆𑀤𑁄 𑀯𑀥𑀽𑀲𑀤𑁆𑀤𑀲𑀫𑀁.

𑁧𑁪𑁪. 𑀫𑀦𑀸𑀤𑀻𑀳𑀺 𑀲𑁆𑀫𑀺𑀁+𑀲𑀁+𑀦𑀸+𑀲𑁆𑀫𑀸𑀦𑀁 𑀲𑀺+𑀲𑁄+𑀑+𑀲𑀸+𑀲𑀸

𑀫𑀦𑀸𑀤𑀻𑀳𑀺 𑀲𑁆𑀫𑀺+𑀫𑀸𑀤𑀻𑀦𑀁 𑀲𑀺+𑀲𑁄+𑀑+𑀲𑀸+𑀲𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀫𑀦𑁄, 𑀫𑀦𑀸. 𑀪𑁄 𑀫𑀦 𑀫𑀦𑀸, 𑀫𑀦𑀸. 𑀫𑀦𑁄, 𑀫𑀦𑀁, 𑀫𑀦𑁂. 𑀫𑀦𑀲𑀸 𑀫𑀦𑁂𑀦, 𑀫𑀦𑁂𑀳𑀺 𑀫𑀦𑁂𑀪𑀺. 𑀫𑀦𑀲𑁄 𑀫𑀦𑀲𑁆𑀲, 𑀫𑀦𑀸𑀦𑀁. 𑀫𑀦𑀲𑀸 𑀫𑀦𑀸 𑀫𑀦𑀫𑁆𑀳𑀸 𑀫𑀦𑀲𑁆𑀫𑀸, 𑀫𑀦𑁂𑀳𑀺 𑀫𑀦𑁂𑀪𑀺. 𑀫𑀦𑀲𑀺 𑀫𑀦𑀫𑁆𑀳𑀺 𑀫𑀦𑀲𑁆𑀫𑀺𑀁, 𑀫𑀦𑁂𑀲𑀼.

𑀭𑀽𑀧𑀲𑀺𑀤𑁆𑀥𑀺𑀬𑀁 𑀅𑀳+𑀭𑀳𑀲𑀤𑁆𑀤𑀸 𑀫𑀦𑀸𑀤𑀻𑀲𑀼 𑀧𑀞𑀺𑀢𑀸. 𑀅𑀳𑀲𑁆𑀲 𑀆𑀧𑀸𑀤𑀺𑀢𑁆𑀢𑀸 𑀭𑀳𑁄𑀢𑀺 𑀦𑀺𑀧𑀸𑀢𑀢𑁆𑀢𑀸 𑀭𑀳𑀲𑀻𑀢𑀺 𑀯𑀺𑀪𑀢𑁆𑀬𑀦𑁆𑀢𑀧𑀝𑀺𑀭𑀽𑀧𑀓𑀦𑀺𑀧𑀸𑀢𑀢𑁆𑀢𑀸 𑀇𑀥 𑀦 𑀕𑀳𑀺𑀢𑀸.

𑀕𑀘𑁆𑀙𑀦𑁆𑀢 𑀲𑀺, ‘‘𑀲𑀺𑀲𑁆𑀲’’ ‘‘𑀯𑁂’’𑀢𑀺 𑀘 𑀯𑀢𑁆𑀢𑀢𑁂. 𑀧𑀭𑀢𑁄 𑀪𑀺𑀬𑁆𑀬𑁄 𑀦𑀸𑀦𑀼𑀯𑀢𑁆𑀢𑀬𑀺𑀲𑁆𑀲𑀸𑀫, 𑀯𑀼𑀢𑁆𑀢𑀺𑀬𑀸 𑀏𑀯 𑀅𑀦𑀼𑀯𑀢𑁆𑀢𑀲𑁆𑀲 𑀕𑀫𑁆𑀬𑀫𑀸𑀦𑀢𑁆𑀢𑀸.

𑀲𑀺𑀫𑁆𑀳𑀺 𑀦𑁆𑀢𑀧𑀘𑁆𑀘𑀬𑀲𑁆𑀲 𑀅𑀁 𑀳𑁄𑀢𑀺 𑀯𑀸. ‘‘𑀲𑀼𑀢𑀸𑀦𑀼𑀫𑀺𑀢𑁂𑀲𑀼 𑀲𑀼𑀢𑀲𑀫𑁆𑀩𑀦𑁆𑀥𑁄𑀯 𑀩𑀮𑀯𑀸’’𑀢𑀺 𑀜𑀸𑀬𑀸 ‘‘𑀦𑁆𑀢𑀲𑁆𑀲𑀸’’𑀢𑀺 𑀲𑀼𑀢𑀢𑁆𑀢𑀸 𑀦𑁆𑀢𑀲𑁆𑀲𑁂𑀯 𑀅𑀁, 𑀦 𑀢𑀤𑀦𑁆𑀢𑀲𑁆𑀲 𑀅𑀦𑀼𑀫𑀺𑀢𑀲𑁆𑀲 𑀲𑀤𑁆𑀤𑀲𑁆𑀲. 𑀏𑀯+𑀫𑀼𑀧𑀭𑀺𑀧𑀺 𑀦𑁆𑀢+𑀦𑁆𑀢𑀽𑀦𑀁 𑀆𑀤𑁂𑀲𑀯𑀺𑀥𑀸𑀦𑀝𑁆𑀞𑀸𑀦𑁂𑀲𑀼. ‘‘𑀕𑀲𑀺𑀦𑀁’’𑀢𑀺 𑀲𑀺𑀮𑁄𑀧𑁄. 𑀕𑀘𑁆𑀙𑀁 𑀕𑀘𑁆𑀙𑀦𑁆𑀢𑁄.

𑁨𑁧𑁫. 𑀦𑁆𑀢+𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂

𑀧𑀞𑀫𑁂 𑀬𑁄𑀫𑁆𑀳𑀺 𑀦𑁆𑀢+𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀦𑁆𑀢𑁄𑀇𑀘𑁆𑀘𑀸𑀤𑁂𑀲𑁄 𑀳𑁄𑀢𑀺 𑀯𑀸. 𑀲 𑀘 𑀩𑀳𑀼𑀮𑀸𑀥𑀺𑀓𑀸𑀭𑀸 𑀧𑀼𑀫𑁂𑀯, 𑀕𑀘𑁆𑀙𑀦𑁆𑀢𑁄 𑀕𑀘𑁆𑀙𑀦𑁆𑀢𑀸.

𑀕𑁂 𑀧𑀭𑁂 𑀦𑁆𑀢+𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀝+𑀝𑀸+𑀅𑀁𑀇𑀘𑁆𑀘𑀸𑀤𑁂𑀲𑀸 𑀦𑀺𑀘𑁆𑀘𑀁 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀪𑁄 𑀕𑀘𑁆𑀙 𑀕𑀘𑁆𑀙𑀸 𑀕𑀘𑁆𑀙𑀁, 𑀕𑀘𑁆𑀙𑀦𑁆𑀢𑁄 𑀕𑀘𑁆𑀙𑀦𑁆𑀢𑀸.

𑀅𑀁𑀲𑁂𑀲𑀼 ¶ 𑀦𑁆𑀢𑀧𑀘𑁆𑀘𑀬𑀲𑁆𑀲 𑀝 𑀳𑁄𑀢𑀺 𑀯𑀸 𑀦𑁆𑀢𑀼𑀲𑁆𑀲 𑀘. 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀸+𑀬𑀁. 𑀕𑀘𑁆𑀙𑀁 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀦𑁆𑀢𑁂.

𑁨𑁧𑁭. 𑀢𑁄+𑀢𑀸+𑀢𑀺+𑀢𑀸 𑀲+𑀲𑁆𑀫𑀸+𑀲𑁆𑀫𑀺𑀁 𑀦𑀸𑀲𑀼

𑀲+𑀲𑁆𑀫𑀸+𑀲𑁆𑀫𑀺𑀁+𑀦𑀸𑀲𑀼 𑀦𑁆𑀢+𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑁄+𑀢𑀸+𑀢𑀺+𑀢𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀕𑀘𑁆𑀙𑀢𑀸 𑀕𑀘𑁆𑀙𑀦𑁆𑀢𑁂𑀦, 𑀕𑀘𑁆𑀙𑀦𑁆𑀢𑁂𑀳𑀺 𑀕𑀘𑁆𑀙𑀦𑁆𑀢𑁂𑀪𑀺. 𑀕𑀘𑁆𑀙𑀢𑁄 𑀕𑀘𑁆𑀙𑀲𑁆𑀲 𑀕𑀘𑁆𑀙𑀦𑁆𑀢𑀲𑁆𑀲.

𑀦𑀁𑀫𑁆𑀳𑀺 𑀦𑁆𑀢+𑀦𑁆𑀢𑀽𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀁 𑀯𑀸 𑀳𑁄𑀢𑀺. 𑀕𑀘𑁆𑀙𑀢𑀁 𑀕𑀘𑁆𑀙𑀦𑁆𑀢𑀸𑀦𑀁. 𑀕𑀘𑁆𑀙𑀢𑀸 𑀕𑀘𑁆𑀙𑀦𑁆𑀢𑀸 𑀕𑀘𑁆𑀙𑀦𑁆𑀢𑀫𑁆𑀳𑀸 𑀕𑀘𑁆𑀙𑀦𑁆𑀢𑀲𑁆𑀫𑀸. 𑀕𑀘𑁆𑀙𑀢𑀺 𑀕𑀘𑁆𑀙𑀦𑁆𑀢𑁂 𑀕𑀘𑁆𑀙𑀦𑁆𑀢𑀫𑁆𑀳𑀺 𑀕𑀘𑁆𑀙𑀦𑁆𑀣𑀲𑁆𑀫𑀺𑀁, 𑀘𑁆𑀙𑁂𑀦𑁆𑀢𑁂𑀲𑀼.

𑀏𑀯𑀁 𑀫𑀳𑀁 𑀘𑀭𑀁 𑀢𑀺𑀝𑁆𑀞𑀁, 𑀤𑀤𑀁 𑀪𑀼𑀜𑁆𑀚𑀁 𑀲𑀼𑀡𑀁 𑀧𑀘𑀁;

𑀚𑀬𑀁 𑀚𑀻𑀭𑀁 𑀯𑀘𑀁 𑀧𑀻𑀬𑀁, 𑀲𑀭𑀁 𑀓𑀼𑀩𑁆𑀩𑀁 𑀚𑀧𑀁 𑀯𑀚𑀁.

𑀦𑀺𑀬𑀫𑀲𑀼𑀢𑁆𑀢+𑀫𑀺𑀤𑀁. 𑀪𑀽𑀥𑀸𑀢𑀼𑀢𑁄 𑀦𑁆𑀢𑀲𑁆𑀲 𑀅𑀁 𑀳𑁄𑀢𑀺 𑀲𑀺𑀫𑁆𑀳𑀺 𑀦𑀺𑀘𑁆𑀘𑀁 𑀧𑀼𑀦𑀩𑁆𑀩𑀺𑀥𑀸𑀦𑀸. 𑀪𑀯𑀁.

𑁧𑁪𑁬. 𑀪𑀯𑀢𑁄 𑀯𑀸 𑀪𑁄𑀦𑁆𑀢𑁄𑀕+𑀬𑁄+𑀦𑀸+𑀲𑁂

𑀪𑀯𑀦𑁆𑀢𑀲𑀤𑁆𑀤𑀲𑁆𑀲 𑀪𑁄𑀦𑁆𑀢𑀸𑀤𑁂𑀲𑁄 𑀯𑀸 𑀳𑁄𑀢𑀺 𑀕+𑀬𑁄+𑀦𑀸+𑀲𑁂. 𑀦𑁆𑀢𑁄𑀆𑀤𑁂𑀲𑁄, 𑀪𑁄𑀦𑁆𑀢𑁄 𑀪𑁄𑀦𑁆𑀢𑀸 𑀪𑀯𑀦𑁆𑀢𑁄 𑀪𑀯𑀦𑁆𑀢𑀸. 𑀕𑁂 ¶ 𑀧𑀦 𑀪𑁄 𑀪𑁄𑀦𑁆𑀢 𑀪𑁄𑀦𑁆𑀢𑀸 𑀪𑀯 𑀪𑀯𑀸 𑀪𑀯𑀁, 𑀪𑁄𑀦𑁆𑀢𑁄 𑀪𑁄𑀦𑁆𑀢𑀸 𑀪𑀯𑀦𑁆𑀢𑁄 𑀪𑀯𑀦𑁆𑀢𑀸. 𑀪𑁄𑀦𑁆𑀢𑀸𑀤𑁂𑀲𑀧𑀓𑁆𑀔𑁂 𑀝+𑀝𑀸+𑀅𑀁𑀆𑀤𑁂𑀲𑀸 𑀩𑀳𑀼𑀮𑀸𑀥𑀺𑀓𑀸𑀭𑀸 𑀦 𑀳𑁄𑀦𑁆𑀢𑀺. 𑀪𑀯𑀁 𑀪𑀯𑀦𑁆𑀢𑀁, 𑀪𑁄𑀦𑁆𑀢𑁂 𑀪𑀯𑀦𑁆𑀢𑁂. 𑀪𑁄𑀢𑀸 𑀪𑁄𑀦𑁆𑀢𑁂𑀦 𑀪𑀯𑀢𑀸 𑀪𑀯𑀦𑁆𑀢𑁂𑀦, 𑀪𑀯𑀦𑁆𑀢𑁂𑀳𑀺 𑀪𑀯𑀦𑁆𑀢𑁂𑀪𑀺. 𑀪𑁄𑀢𑁄 𑀪𑁄𑀦𑁆𑀢𑀲𑁆𑀲 𑀪𑀯𑀢𑁄 𑀪𑀯𑀲𑁆𑀲 𑀪𑀯𑀦𑁆𑀢𑀲𑁆𑀲, 𑀪𑀯𑀢𑀁 𑀪𑀯𑀦𑁆𑀢𑀸𑀦𑀁. 𑀪𑀯𑀢𑀸 𑀇𑀘𑁆𑀘𑀸𑀤𑀺 𑀕𑀘𑁆𑀙𑀦𑁆𑀢𑀲𑀫𑀁.

𑀪𑁄𑀇𑀢𑀺 𑀆𑀫𑀦𑁆𑀢𑀡𑁂 𑀦𑀺𑀧𑀸𑀢𑁄, ‘‘𑀓𑀼𑀢𑁄 𑀦𑀼 𑀆𑀕𑀘𑁆𑀙𑀣 𑀪𑁄 𑀢𑀬𑁄 𑀚𑀦𑀸’’𑀢𑀺 𑀩𑀳𑀼𑀯𑀘𑀦𑁂𑀧𑀺 𑀤𑀲𑁆𑀲𑀦𑀢𑁄. 𑀏𑀯𑀁 𑀪𑀦𑁆𑀢𑁂𑀢𑀺. 𑀪𑀤𑁆𑀤𑁂𑀢𑀺 𑀪𑀤𑁆𑀤𑀲𑀤𑁆𑀤𑀦𑁆𑀢𑀭𑁂𑀦 𑀲𑀺𑀤𑁆𑀥𑀁. 𑀪𑀤𑁆𑀤𑀦𑁆𑀢𑀇𑀢𑀺 𑀤𑀲𑁆𑀲 𑀤𑁆𑀯𑀺𑀪𑀸𑀯𑁂𑀦.

𑀲𑀁 𑀲𑀦𑁆𑀢𑁄, 𑀲𑀦𑁆𑀢𑁄 𑀲𑀦𑁆𑀢𑀸. 𑀪𑁄 𑀲 𑀲𑀸 𑀲𑀁, 𑀲𑀦𑁆𑀢𑁄 𑀲𑀦𑁆𑀢𑀸. 𑀲𑀁 𑀲𑀦𑁆𑀢𑀁 ‘‘𑀲𑀁𑀬𑁄𑀕𑀸𑀤𑀺𑀮𑁄𑀧𑁄𑀢𑀺 𑀦𑀲𑁆𑀲 𑀮𑁄𑀧𑁂 ‘‘𑀬𑀁 𑀬𑀜𑁆𑀳𑀺 𑀭𑀸𑀚 𑀪𑀚𑀢𑀺, 𑀲𑀦𑁆𑀢𑀁 𑀯𑀸 𑀬𑀤𑀺 𑀯𑀸 𑀅𑀲𑀁’’, 𑀲𑀦𑁆𑀢𑁂. 𑀲𑀢𑀸 𑀲𑀦𑁆𑀢𑁂𑀦.

𑀲𑀦𑁆𑀢𑀲𑀤𑁆𑀤𑀲𑁆𑀲 𑀲𑀩 𑀪𑀯𑀢𑀺 𑀪𑀓𑀸𑀭𑁂. 𑀲𑀩𑁆𑀪𑀺 𑀲𑀦𑁆𑀢𑁂𑀳𑀺. 𑀦𑀺𑀘𑁆𑀘𑀢𑁆𑀢𑀸 𑀲𑀦𑁆𑀢𑁂𑀪𑀻𑀢𑀺 𑀦 𑀳𑁄𑀢𑀺. 𑀲𑀢𑁄 𑀲𑀲𑁆𑀲 𑀲𑀦𑁆𑀢𑀲𑁆𑀲 𑀇𑀘𑁆𑀘𑀸𑀤𑀺 𑀕𑀘𑁆𑀙𑀦𑁆𑀢𑀲𑀫𑀁.

𑁧𑁫𑁦. 𑀫𑀳𑀦𑁆𑀢𑀸+𑀭𑀳𑀦𑁆𑀢𑀸𑀦𑀁 𑀝𑀸 𑀯𑀸

𑀲𑀺𑀫𑁆𑀳𑀺 𑀫𑀳𑀦𑁆𑀢𑀸+𑀭𑀳𑀦𑁆𑀢𑀸𑀦𑀁 𑀦𑁆𑀢𑀲𑁆𑀲 𑀝𑀸 𑀯𑀸 𑀳𑁄𑀢𑀺. 𑀫𑀳𑀸 𑀫𑀳𑀁 𑀫𑀳𑀦𑁆𑀢𑁄, 𑀫𑀳𑀦𑁆𑀢𑁄 𑀫𑀳𑀦𑁆𑀢𑀸. 𑀅𑀭𑀳𑀸 𑀅𑀭𑀳𑀁, 𑀅𑀭𑀳𑀦𑁆𑀢𑁄 𑀅𑀭𑀳𑀦𑁆𑀢𑀸 𑀇𑀘𑁆𑀘𑀸𑀤𑀺 𑀕𑀘𑁆𑀙𑀦𑁆𑀢𑀲𑀫𑀁.

𑀭𑀸𑀚𑀸𑀤𑀻𑀳𑀺 ¶ 𑀬𑀼𑀯𑀸𑀤𑀻𑀳𑀺 𑀘 𑀧𑀭𑀲𑁆𑀲 𑀲𑀺𑀲𑁆𑀲 𑀆 𑀳𑁄𑀢𑀺. 𑀅𑀲𑁆𑀫𑀸,

𑀭𑀸𑀚𑀸𑀤𑀻𑀳𑀺 𑀬𑀼𑀯𑀸𑀤𑀻𑀳𑀺 𑀘 𑀬𑁄𑀦+𑀫𑀸𑀦𑁄 𑀯𑀸 𑀳𑁄𑀢𑀺. 𑀅𑀲𑁆𑀫𑀸𑀦𑁄 𑀅𑀲𑁆𑀫𑀸. 𑀪𑁄 𑀅𑀲𑁆𑀫 𑀅𑀲𑁆𑀫𑀸, 𑀅𑀲𑁆𑀫𑀸𑀦𑁄 𑀅𑀲𑁆𑀫𑀸.

𑀭𑀸𑀚𑀸𑀤𑀻𑀦𑀁 𑀬𑀼𑀯𑀸𑀤𑀻𑀦𑀜𑁆𑀘 𑀆𑀦𑀗 𑀳𑁄𑀢𑀺 𑀯𑀸 𑀅𑀁𑀫𑁆𑀳𑀺. 𑀅𑀲𑁆𑀫𑀸𑀦𑀁 𑀅𑀲𑁆𑀫𑀁, 𑀅𑀲𑁆𑀫𑀸𑀦𑁄 𑀅𑀲𑁆𑀫𑁂.

𑀓𑀫𑁆𑀫𑀸𑀤𑀺𑀢𑁄 𑀦𑀸𑀯𑀘𑀦𑀲𑁆𑀲 𑀏𑀦𑁄 𑀯𑀸 𑀳𑁄𑀢𑀺. 𑀅𑀲𑁆𑀫𑁂𑀦 𑀅𑀲𑁆𑀫𑀦𑀸, 𑀅𑀲𑁆𑀫𑁂𑀳𑀺 𑀅𑀲𑁆𑀫𑁂𑀪𑀺. 𑀅𑀲𑁆𑀫𑀲𑁆𑀲, 𑀅𑀲𑁆𑀫𑀸𑀦𑀁. 𑀅𑀲𑁆𑀫𑀸 𑀅𑀲𑁆𑀫𑀫𑁆𑀳𑀸 𑀅𑀲𑁆𑀫𑀲𑁆𑀫𑀸 𑀇𑀘𑁆𑀘𑀸𑀤𑀺.

𑀓𑀫𑁆𑀫𑀸𑀤𑀺𑀢𑁄 𑀲𑁆𑀫𑀺𑀦𑁄 𑀦𑀺 𑀳𑁄𑀢𑀺 𑀯𑀸. 𑀅𑀲𑁆𑀫𑀦𑀺 𑀅𑀲𑁆𑀫𑁂 𑀅𑀲𑁆𑀫𑀫𑁆𑀳𑀺 𑀅𑀲𑁆𑀫𑀲𑁆𑀫𑀺𑀁, 𑀅𑀲𑁆𑀫𑁂𑀲𑀼. 𑀓𑀫𑁆𑀫 𑀘𑀫𑁆𑀫 𑀯𑁂𑀲𑁆𑀫 𑀪𑀲𑁆𑀫 𑀩𑁆𑀭𑀳𑁆𑀫 𑀅𑀢𑁆𑀢 𑀆𑀢𑀼𑀫 𑀖𑀫𑁆𑀫 𑀫𑀼𑀤𑁆𑀥𑀇𑀢𑀺 𑀓𑀫𑁆𑀫𑀸𑀤𑀬𑁄. 𑀫𑀼𑀤𑁆𑀥 𑀕𑀡𑁆𑀟𑀺𑀯𑀥𑀦𑁆𑀯 𑀅𑀡𑀺𑀫 𑀮𑀖𑀺𑀫𑀸𑀤𑀬𑁄 𑀅𑀲𑁆𑀫𑀲𑀫𑀸. 𑀭𑀸𑀚 𑀩𑁆𑀭𑀳𑁆𑀫 𑀲𑀔 𑀅𑀢𑁆𑀢 𑀆𑀢𑀼𑀫 𑀕𑀡𑁆𑀟𑀺𑀯𑀥𑀦𑁆𑀯 𑀅𑀲𑁆𑀫 𑀅𑀡𑀺𑀫 𑀮𑀖𑀺𑀫𑀸𑀤𑀬𑁄 𑀭𑀸𑀚𑀸𑀤𑀬𑁄.

‘‘𑀥𑀫𑁆𑀫𑁄 𑀯𑀸+𑀜𑁆𑀜𑀢𑁆𑀣𑁂’’𑀢𑀺 𑀕𑀡𑀲𑀼𑀢𑁆𑀢𑁂𑀦 𑀭𑀸𑀚𑀸𑀤𑀻𑀲𑀼 𑀧𑀝𑁆𑀞𑀺𑀢𑀢𑁆𑀢𑀸 𑀤𑀴𑀥𑀫𑁆𑀫𑁄 𑀤𑀴𑀥𑀫𑁆𑀫𑀸𑀢𑀺 𑀯𑀸 𑀳𑁄𑀢𑀺. 𑀬𑀼𑀯 𑀲𑀸 𑀲𑀼𑀯𑀸 𑀫𑀖𑀯 𑀧𑀼𑀫 ¶ 𑀯𑀢𑁆𑀢𑀳𑀸𑀢𑀺 𑀬𑀼𑀯𑀸𑀤𑀬𑁄. 𑀭𑀸𑀚𑀸, 𑀭𑀸𑀚𑀸𑀦𑁄 𑀭𑀸𑀚𑀸. 𑀪𑁄𑀭𑀸𑀚 𑀭𑀸𑀚𑀸, 𑀭𑀸𑀚𑀸𑀦𑁄 𑀭𑀸𑀚𑀸. 𑀭𑀸𑀚𑀸𑀦𑀁 𑀭𑀸𑀚𑀁, 𑀭𑀸𑀚𑀸𑀦𑁄 𑀭𑀸𑀚𑁂.

‘‘𑀲𑀩𑁆𑀩𑀤𑀢𑁆𑀢𑁂𑀦 𑀭𑀸𑀚𑀺𑀦𑀸’’𑀢𑀺 𑀧𑀸𑀞𑀫𑁆𑀧𑀢𑀺 𑀇𑀤+𑀫𑀸𑀭𑀤𑁆𑀥𑀁. 𑀭𑀸𑀚𑀲𑁆𑀲𑀺 𑀯𑀸 𑀳𑁄𑀢𑀺 𑀦𑀸𑀫𑁆𑀳𑀺. 𑀭𑀸𑀚𑀺𑀦𑀸.

𑀦𑀸+𑀲𑁆𑀫𑀸𑀲𑀼 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀸 𑀳𑁄𑀢𑀺 𑀦𑀺𑀘𑁆𑀘𑀁. 𑀅𑀦𑁂𑀓𑀯𑀡𑁆𑀡𑀢𑁆𑀢𑀸 𑀲𑀩𑁆𑀩𑀲𑁆𑀲. 𑀭𑀜𑁆𑀜𑀸.

𑀭𑀸𑀚𑀲𑁆𑀲 𑀊 𑀳𑁄𑀢𑀺 𑀯𑀸 𑀲𑀼+𑀦𑀁+𑀳𑀺𑀲𑀼. ‘‘𑀙𑀝𑁆𑀞𑀺𑀬𑀦𑁆𑀢𑀲𑁆𑀲𑀸𑀢𑀺 𑀅𑀦𑁆𑀢𑀲𑁆𑀲 𑀳𑁄𑀢𑀺. 𑀭𑀸𑀚𑀽𑀳𑀺 𑀭𑀸𑀚𑁂𑀳𑀺 𑀭𑀸𑀚𑀽𑀪𑀺 𑀭𑀸𑀚𑁂𑀪𑀺.

𑁨𑁨𑁩. 𑀭𑀜𑁆𑀜𑁄+𑀭𑀜𑁆𑀜𑀲𑁆𑀲+𑀭𑀸𑀚𑀺𑀦𑁄 𑀲𑁂

𑀲𑁂 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀏𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺. 𑀭𑀜𑁆𑀜𑁄 𑀭𑀜𑁆𑀜𑀲𑁆𑀲 𑀭𑀸𑀚𑀺𑀦𑁄, 𑀭𑀸𑀚𑀽𑀦𑀁.

𑀦𑀁𑀫𑁆𑀳𑀺 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑀁 𑀯𑀸 𑀳𑁄𑀢𑀺. 𑀭𑀜𑁆𑀜𑀁. 𑀭𑀜𑁆𑀜𑀸, 𑀭𑀸𑀚𑀽𑀳𑀺 𑀭𑀸𑀚𑁂𑀳𑀺 𑀭𑀸𑀚𑀽𑀪𑀺 𑀭𑀸𑀚𑁂𑀪𑀺.

𑁨𑁨𑁪. 𑀲𑁆𑀫𑀺𑀫𑁆𑀳𑀺 𑀭𑀜𑁆𑀜𑁂+𑀭𑀸𑀚𑀺𑀦𑀺

𑀲𑁆𑀫𑀺𑀫𑁆𑀳𑀺 𑀭𑀸𑀚𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀭𑀜𑁆𑀜𑁂+𑀭𑀸𑀚𑀺𑀦𑀺 𑀳𑁄𑀦𑁆𑀢𑀺 𑀦𑀺𑀘𑁆𑀘𑀁. 𑀭𑀜𑁆𑀜𑁂 𑀭𑀸𑀚𑀺𑀦𑀺, 𑀭𑀸𑀚𑀽𑀲𑀼 𑀭𑀸𑀚𑁂𑀲𑀼.

𑀇𑀢𑀺 ¶ 𑀕𑀡𑀲𑀼𑀢𑁆𑀢𑁂𑀦 𑀭𑀸𑀚𑀲𑁆𑀲 𑀦𑀸+𑀲𑁆𑀫𑀸+𑀲𑁆𑀫𑀺𑀁𑀲𑀼 𑀬𑀁 𑀯𑀼𑀢𑁆𑀢𑀁, 𑀢𑀁 𑀯𑀸 𑀳𑁄𑀢𑀺. 𑀓𑀸𑀲𑀺𑀭𑀜𑁆𑀜𑀸 𑀓𑀸𑀲𑀺𑀭𑀸𑀚𑀺𑀦𑀸 𑀓𑀸𑀲𑀺𑀭𑀸𑀚𑁂𑀦, 𑀓𑀸𑀲𑀺𑀭𑀸𑀚𑀽𑀪𑀺 𑀓𑀸𑀲𑀺𑀭𑀸𑀚𑁂𑀪𑀺 𑀓𑀸𑀲𑀺𑀭𑀸𑀚𑀽𑀳𑀺 𑀓𑀸𑀲𑀺𑀭𑀸𑀚𑁂𑀳𑀺. 𑀓𑀸𑀲𑀺𑀭𑀜𑁆𑀜𑁄 𑀓𑀸𑀲𑀺𑀭𑀜𑁆𑀜𑀲𑁆𑀲 𑀓𑀸𑀲𑀺𑀭𑀸𑀚𑀺𑀦𑁄 𑀓𑀸𑀲𑀺𑀭𑀸𑀚𑀲𑁆𑀲. 𑀓𑀸𑀲𑀺𑀭𑀜𑁆𑀜𑀸 𑀓𑀸𑀲𑀺𑀭𑀸𑀚𑀲𑁆𑀫𑀸. 𑀓𑀸𑀲𑀺𑀭𑀸𑀚𑀽𑀦𑀁 𑀓𑀸𑀲𑀺𑀭𑀸𑀚𑀸𑀦𑀁. 𑀓𑀸𑀲𑀺𑀭𑀜𑁆𑀜𑁂 𑀓𑀸𑀲𑀺𑀭𑀸𑀚𑀺𑀦𑀺 𑀓𑀸𑀲𑀺𑀭𑀸𑀚𑁂 𑀓𑀸𑀲𑀺𑀭𑀸𑀚𑀫𑁆𑀳𑀺 𑀓𑀸𑀲𑀺𑀭𑀸𑀚𑀲𑁆𑀫𑀺𑀁, 𑀓𑀸𑀲𑀺𑀭𑀸𑀚𑀽𑀲𑀼 𑀓𑀸𑀲𑀺𑀭𑀸𑀚𑁂𑀲𑀼.

𑀅𑀤𑁆𑀥𑀸, 𑀅𑀤𑁆𑀥𑀸𑀦𑁄 𑀅𑀤𑁆𑀥𑀸. 𑀪𑁄 𑀅𑀤𑁆𑀥 𑀅𑀤𑁆𑀥𑀸, 𑀅𑀤𑁆𑀥𑀸𑀦𑁄 𑀅𑀤𑁆𑀥𑀸. 𑀅𑀤𑁆𑀥𑀸𑀦𑀁 𑀅𑀤𑁆𑀥𑀁, 𑀅𑀤𑁆𑀥𑀸𑀦𑁄 𑀅𑀤𑁆𑀥𑁂.

𑁧𑁯𑁨. 𑀧𑀼𑀫+𑀓𑀫𑁆𑀫+𑀣𑀸𑀫+𑀤𑁆𑀥𑀸𑀦𑀁 𑀲+𑀲𑁆𑀫𑀸𑀲𑀼 𑀘

𑀧𑀼𑀫𑀸𑀤𑀻𑀦+𑀫𑀼 𑀳𑁄𑀢𑀺 𑀯𑀸 𑀲+𑀲𑁆𑀫𑀸𑀲𑀼 𑀦𑀸𑀫𑁆𑀳𑀺 𑀘𑁂+𑀢𑀺 𑀉𑀢𑁆𑀢𑁂 𑀅𑀤𑁆𑀥𑀼𑀦𑀸, 𑀓𑀫𑁆𑀫𑀸𑀤𑀺𑀢𑁆𑀢𑀸 ‘‘𑀦𑀸𑀲𑁆𑀲𑁂+𑀦𑁄’’𑀢𑀺 𑀯𑀸 𑀏𑀦𑁄, 𑀅𑀤𑁆𑀥𑁂𑀦 𑀅𑀤𑁆𑀥𑀦𑀸, 𑀅𑀤𑁆𑀥𑁂𑀳𑀺 𑀅𑀤𑁆𑀥𑁂𑀪𑀺. 𑀲𑁂 𑀉𑀓𑀸𑀭𑁂 𑀘 𑁋

𑁧,𑁯. 𑀇𑀬𑀼𑀯𑀡𑁆𑀡𑀸 𑀛𑀮𑀸 𑀦𑀸𑀫𑀲𑁆𑀲+𑀦𑁆𑀢𑁂

𑀦𑀸𑀫𑀁 𑀧𑀸𑀝𑀺𑀧𑀤𑀺𑀓𑀁, 𑀢𑀲𑁆𑀲 𑀅𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼𑀯𑀡𑁆𑀡𑀸 𑀛𑀮𑀲𑀜𑁆𑀜𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀇 𑀘 𑀉 𑀘 𑀇𑀬𑀼, 𑀇𑀬𑀼 𑀘 𑀢𑁂 𑀯𑀡𑁆𑀡𑀸 𑀘𑁂𑀢𑀺 𑀇𑀬𑀼𑀯𑀡𑁆𑀡𑀸, ‘‘𑀤𑁆𑀯𑀦𑁆𑀤𑀦𑁆𑀢𑁂 𑀲𑀽𑀬𑀫𑀸𑀦𑀁 𑀧𑀘𑁆𑀘𑁂𑀓+𑀫𑀪𑀺𑀲𑀫𑁆𑀩𑀦𑁆𑀥𑀺𑀬 𑀢𑁂’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀯𑀡𑁆𑀡𑀲𑀤𑁆𑀤𑀁 𑀧𑀘𑁆𑀘𑁂𑀓+𑀫𑀪𑀺𑀲𑀫𑁆𑀩𑀦𑁆𑀥𑀺𑀬 ‘‘𑀇𑀯𑀡𑁆𑀡𑀼𑀯𑀡𑁆𑀡𑀸’’𑀢𑀺 𑀯𑀼𑀢𑁆𑀢𑀁.

𑀛𑀮𑀢𑁄 𑀲𑀲𑁆𑀲 𑀦𑁄 𑀯𑀸 𑀳𑁄𑀢𑀺. 𑀅𑀤𑁆𑀥𑀼𑀦𑁄 𑀅𑀤𑁆𑀥𑀼𑀲𑁆𑀲 𑀅𑀤𑁆𑀥𑀲𑁆𑀲, 𑀅𑀤𑁆𑀥𑀸𑀦𑀁.

𑀛𑀮𑀢𑁄 ¶ 𑀲𑁆𑀫𑀸𑀲𑁆𑀲 𑀦𑀸 𑀳𑁄𑀢𑀺 𑀯𑀸, 𑀅𑀤𑁆𑀥𑀼𑀦𑀸 𑀅𑀤𑁆𑀥𑀼𑀫𑁆𑀳𑀸 𑀅𑀤𑁆𑀥𑀼𑀲𑁆𑀫𑀸 𑀅𑀤𑁆𑀥𑀸 𑀅𑀤𑁆𑀥𑀫𑁆𑀳𑀸 𑀅𑀤𑁆𑀥𑀲𑁆𑀫𑀸. ‘‘𑀓𑀫𑁆𑀫𑀸𑀤𑀺𑀢𑁄’’𑀢𑀺 𑀲𑁆𑀫𑀺𑀦𑁄 𑀦𑀺, 𑀅𑀤𑁆𑀥𑀦𑀺 𑀅𑀤𑁆𑀥𑁂 𑀅𑀤𑁆𑀥𑀫𑁆𑀳𑀺 𑀅𑀤𑁆𑀥𑀲𑁆𑀫𑀺𑀁, 𑀅𑀤𑁆𑀥𑁂𑀲𑀼. 𑀅𑀤𑁆𑀥𑀲𑀤𑁆𑀤𑁄 𑀘𑁂+𑀢𑁆𑀣𑀓𑀸𑀮+𑀤𑁆𑀥𑀸𑀦𑀯𑀸𑀘𑀺, 𑀦 𑀪𑀸𑀕𑀯𑀸𑀘𑀻.

𑀅𑀢𑁆𑀢𑀸, 𑀅𑀢𑁆𑀢𑀸𑀦𑁄 𑀇𑀘𑁆𑀘𑀸𑀤𑀺 𑀬𑀸𑀯 𑀤𑀼𑀢𑀺𑀬𑀸 𑀭𑀸𑀚𑀸𑀯, 𑀓𑀫𑁆𑀫𑀸𑀤𑀺𑀢𑁆𑀢𑀸 𑀏𑀦𑁂 𑀅𑀢𑁆𑀢𑁂𑀦 𑀅𑀢𑁆𑀢𑀦𑀸.

𑀅𑀢𑁆𑀢+𑀆𑀢𑀼𑀫𑀸𑀦𑀁 𑀲𑀼+𑀳𑀺𑀲𑀼 𑀦𑀓𑀸𑀕𑀫𑁄 𑀳𑁄𑀢𑀺. ‘‘𑀜𑀓𑀸𑀦𑀼𑀩𑀦𑁆𑀥𑀸+𑀤𑁆𑀬𑀦𑁆𑀢𑀸’’𑀢𑀺 𑀧𑀭𑀺𑀪𑀸𑀲𑀢𑁄 𑀓𑀓𑀸𑀭𑁄 𑀅𑀦𑁆𑀢𑀸𑀯𑀬𑀯𑀢𑁆𑀣𑁄, 𑀅𑀢𑁆𑀢𑀦𑁂𑀳𑀺 𑀅𑀢𑁆𑀣𑁂𑀳𑀺 𑀅𑀢𑁆𑀢𑀦𑁂𑀪𑀺 𑀅𑀢𑁆𑀢𑁂𑀪𑀺.

𑀅𑀢𑁆𑀢+𑀆𑀢𑀼𑀫𑁂𑀳𑀺 𑀲𑀲𑁆𑀲 𑀦𑁄 𑀯𑀸 𑀳𑁄𑀢𑀺. 𑀅𑀢𑁆𑀢𑀦𑁄 𑀅𑀢𑁆𑀢𑀲𑁆𑀲, 𑀅𑀢𑁆𑀢𑀸𑀦𑀁.

𑁧𑁯𑁬. 𑀲𑁆𑀫𑀸𑀲𑁆𑀲 𑀦𑀸 𑀩𑁆𑀭𑀳𑁆𑀫𑀸 𑀘

𑀩𑁆𑀭𑀳𑁆𑀫𑀸 𑀅𑀢𑁆𑀢+𑀆𑀢𑀼𑀫𑁂𑀳𑀺 𑀘 𑀧𑀭𑀲𑁆𑀲 𑀲𑁆𑀫𑀸𑀲𑁆𑀲 𑀦𑀸 𑀳𑁄𑀢𑀺 𑀦𑀺𑀘𑁆𑀘𑀁. 𑀅𑀢𑁆𑀢𑀦𑀸. 𑀲𑁆𑀫𑀺𑀫𑁆𑀳𑀺 𑀓𑀫𑁆𑀫𑀸𑀤𑀺𑀢𑁆𑀢𑀸 𑀦𑀺, 𑀅𑀢𑁆𑀢𑀦𑀺 𑀅𑀢𑁆𑀢𑁂 𑀅𑀢𑁆𑀢𑀫𑁆𑀳𑀺 𑀅𑀢𑁆𑀢𑀲𑁆𑀫𑀺𑀁, 𑀅𑀢𑁆𑀢𑀦𑁂𑀲𑀼 𑀅𑀢𑁆𑀢𑁂𑀲𑀼. 𑀆𑀢𑀼𑀫𑀸 𑀅𑀢𑁆𑀢𑀸𑀯.

𑀩𑁆𑀭𑀳𑁆𑀫𑀸, 𑀩𑁆𑀭𑀳𑁆𑀫𑀸𑀦𑁄 𑀩𑁆𑀭𑀳𑁆𑀫𑀸, ‘‘𑀩𑁆𑀭𑀳𑁆𑀫𑀲𑁆𑀲𑀼 𑀯𑀸’’𑀢𑀺 𑀲𑀼𑀢𑁆𑀢𑁂 ‘‘𑀩𑁆𑀭𑀳𑁆𑀫𑀲𑁆𑀲𑀽’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀆𑀦𑁄𑀫𑁆𑀳𑀺 𑀩𑁆𑀭𑀳𑁆𑀫𑀲𑁆𑀲 𑀉, 𑀧𑀭𑀲𑁆𑀲𑀭𑀮𑁄𑀧𑁂 𑀩𑁆𑀭𑀳𑁆𑀫𑀼𑀦𑁄𑀢𑀺𑀧𑀺 𑀲𑀺𑀚𑁆𑀛𑀢𑀺. 𑀅𑀬𑀜𑁆𑀘 𑀩𑁆𑀭𑀳𑁆𑀫𑀲𑀁𑀬𑀼𑀢𑁆𑀢𑁂 𑀤𑀺𑀲𑁆𑀲𑀢𑀺. 𑀩𑁆𑀭𑀳𑁆𑀫𑀸 𑀕𑁂-

𑀆𑀓𑀢𑀺𑀕𑀡𑁄+𑀬𑀁 ¶ , 𑀆𑀓𑀢𑀻𑀢𑀺 𑀚𑀸𑀢𑀺, 𑀚𑀸𑀢𑀺𑀧𑀥𑀸𑀦𑀕𑀡𑁄𑀢𑁆𑀬+𑀢𑁆𑀣𑁄. 𑀖𑀲𑀜𑁆𑀜𑀢𑁄 𑀩𑁆𑀭𑀳𑁆𑀫+𑀓𑀢𑁆𑀢𑀼+𑀇𑀲𑀺+𑀲𑀔𑀸𑀤𑀻𑀳𑀺 𑀘 𑀕𑀲𑁆𑀲𑁂+𑀯𑀸 𑀳𑁄𑀢𑀺. 𑀪𑁄 𑀩𑁆𑀭𑀳𑁆𑀫𑁂 𑀩𑁆𑀭𑀳𑁆𑀫𑀸, 𑀩𑁆𑀭𑀳𑁆𑀫𑀸𑀦𑁄 𑀩𑁆𑀭𑀳𑁆𑀫𑀸. 𑀩𑁆𑀭𑀳𑁆𑀫𑀸𑀦𑀁 𑀩𑁆𑀭𑀳𑁆𑀫𑀁, 𑀩𑁆𑀭𑀳𑁆𑀫𑀸𑀦𑁄 𑀩𑁆𑀭𑀳𑁆𑀫𑁂.

𑀩𑁆𑀭𑀳𑁆𑀫𑀲𑁆𑀲𑀼 𑀳𑁄𑀢𑀺 𑀦𑀸𑀫𑁆𑀳𑀺 𑀦𑀺𑀘𑁆𑀘𑀁. 𑀩𑁆𑀭𑀳𑁆𑀫𑀼𑀦𑀸, 𑀩𑁆𑀭𑀳𑁆𑀫𑁂𑀳𑀺 𑀩𑁆𑀭𑀳𑁆𑀫𑁂𑀪𑀺.

𑀩𑁆𑀭𑀳𑁆𑀫𑀲𑁆𑀲𑀼 𑀯𑀸 𑀳𑁄𑀢𑀺 𑀲+𑀦𑀁𑀲𑀼. ‘‘𑀛𑀮𑀸 𑀲𑀲𑁆𑀲 𑀦𑁄’’𑀢𑀺 𑀦𑁄. 𑀩𑁆𑀭𑀳𑁆𑀫𑀼𑀦𑁄 𑀩𑁆𑀭𑀳𑁆𑀫𑀼𑀲𑁆𑀲 𑀩𑁆𑀭𑀳𑁆𑀫𑀲𑁆𑀲, 𑀩𑁆𑀭𑀳𑁆𑀫𑀽𑀦𑀁 𑀩𑁆𑀭𑀳𑁆𑀫𑀸𑀦𑀁. ‘‘𑀲𑁆𑀫𑀸𑀲𑁆𑀲 𑀦𑀸 𑀩𑁆𑀭𑀳𑁆𑀫𑀸 𑀘𑁂’’𑀢𑀺 𑀲𑁆𑀫𑀸𑀲𑁆𑀲 𑀦𑀸, 𑀉𑀓𑀸𑀭𑁂 𑀩𑁆𑀭𑀳𑁆𑀫𑀼𑀦𑀸. ‘‘𑀅𑀫𑁆𑀩𑁆𑀯𑀸𑀤𑀻𑀳𑀺’’𑀢𑀺 𑀲𑁆𑀫𑀺𑀦𑁄 𑀦𑀺, 𑀇𑀫𑀲𑁆𑀲 𑀆𑀓𑀢𑀺𑀕𑀡𑀢𑁆𑀢𑀸 𑀩𑁆𑀭𑀳𑁆𑀫𑀲𑁆𑀲 𑀓𑀫𑁆𑀫𑀸𑀤𑀺𑀢𑁆𑀢𑁂𑀧𑀺 𑀏𑀢𑁆𑀣 𑀯𑀼𑀢𑁆𑀢𑀸. 𑀩𑁆𑀭𑀳𑁆𑀫𑀦𑀺 𑀩𑁆𑀭𑀳𑁆𑀫𑁂 𑀩𑁆𑀭𑀳𑁆𑀫𑀫𑁆𑀳𑀺 𑀩𑁆𑀭𑀳𑁆𑀫𑀲𑁆𑀫𑀺𑀁, 𑀩𑁆𑀭𑀳𑁆𑀫𑁂𑀲𑀼.

𑀲𑀔𑀢𑁄 𑀬𑁄𑀦+𑀫𑀸𑀬𑁄 𑀦𑁄 𑀳𑁄𑀦𑁆𑀢𑀺 𑀯𑀸 𑀆𑀦𑁄 𑀘. 𑀲𑀔𑀸𑀬𑁄 𑀲𑀔𑀸𑀦𑁄.

𑀲𑀔𑀲𑁆𑀲 𑀇 𑀳𑁄𑀢𑀺 𑀦𑀺𑀘𑁆𑀘𑀁 𑀦𑁄+𑀦𑀸+𑀲𑁂𑀲𑀼. 𑀲𑀔𑀺𑀦𑁄.

𑀲𑀔𑀲𑁆𑀲 𑀯𑀸 𑀆𑀭𑀗 𑀳𑁄𑀢𑀺 𑀬𑁄+𑀲𑁆𑀯𑀁+𑀳𑀺𑀲𑀼 𑀲𑁆𑀫𑀸+𑀦𑀁𑀲𑀼𑀘.

𑀆𑀭𑀯𑀸𑀤𑁂𑀲𑀢𑁄 ¶ 𑀧𑀭𑁂𑀲𑀁 𑀬𑁄𑀦𑀁 𑀝𑁄 𑀳𑁄𑀢𑀺. 𑀲𑀔𑀸𑀭𑁄 𑀲𑀔𑀸. 𑀕𑁂 𑀢𑀼 ‘‘𑀖+𑀩𑁆𑀭𑀳𑁆𑀫𑀸𑀤𑀺𑀢𑁂’’𑀢𑀺 𑀏, 𑀲𑀔𑁂 𑀲𑀔 𑀲𑀔𑀸. 𑀩𑀳𑀼𑀯𑀘𑀦𑀁 𑀧𑀞𑀫𑀸 𑀯𑀺𑀬. 𑀅𑀁𑀫𑁆𑀳𑀺 ‘‘𑀯𑀸+𑀫𑁆𑀳𑀸+𑀦𑀗’’𑀢𑀺 𑀆𑀦𑀗, 𑀲𑀔𑀸𑀦𑀁 𑀲𑀔𑀸𑀭𑀁 𑀲𑀔𑀁, 𑀲𑀔𑀸𑀬𑁄 𑀲𑀔𑀸𑀦𑁄 𑀲𑀔𑀺𑀦𑁄.

𑀆𑀭𑀯𑀸𑀤𑁂𑀲𑀫𑁆𑀳𑀸 𑀬𑁄𑀦𑀁 𑀝𑁄 𑀝𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀢𑀺 𑀝𑁂. 𑀅𑀜𑁆𑀜𑀢𑁆𑀣 ‘‘𑀆𑀭𑀗𑀲𑁆𑀫𑀸’’𑀢𑀺 𑀝𑁄. 𑀲𑀔𑀸𑀭𑁂 𑀲𑀔𑀸𑀭𑁄 𑀲𑀔𑁂. 𑀝𑁄𑀕𑁆𑀕𑀳𑀡𑀁 𑀮𑀸𑀖𑀯𑀢𑁆𑀣𑀁. 𑀲𑀔𑀺𑀦𑀸, 𑀲𑀔𑀸𑀭𑁂𑀳𑀺 𑀲𑀔𑁂𑀳𑀺. ‘‘𑀛𑀮𑀸 𑀲𑀲𑁆𑀲 𑀦𑁄’’𑀢𑀺 𑀛𑀢𑁄 𑀲𑀲𑁆𑀲 𑀦𑁄, 𑀲𑀔𑀺𑀦𑁄 𑀲𑀔𑀺𑀲𑁆𑀲, 𑀲𑀔𑀸𑀭𑀸𑀦𑀁.

𑀲𑀔𑀲𑁆𑀲 𑀯𑀸 𑀇 𑀳𑁄𑀢𑀺 𑀲𑁆𑀫𑀸+𑀦𑀁𑀲𑀼. 𑀲𑀔𑀻𑀦𑀁 𑀲𑀔𑀸𑀦𑀁.

𑀆𑀭𑀯𑀸𑀤𑁂𑀲𑀫𑁆𑀳𑀸 𑀦𑀸+𑀲𑁆𑀫𑀸𑀦𑀁 𑀝𑀸 𑀳𑁄𑀢𑀺 𑀦𑀺𑀘𑁆𑀘𑀁. 𑀲𑀔𑀸𑀭𑀸, 𑀩𑀳𑀼𑀮𑀸𑀥𑀺𑀓𑀸𑀭𑀸 𑀲𑀔𑀸𑀭𑀲𑁆𑀫𑀸. ‘‘𑀦𑀸 𑀲𑁆𑀫𑀸𑀲𑁆𑀲𑀸’’𑀢𑀺 𑀦𑀸, 𑀲𑀔𑀺𑀦𑀸 𑀲𑀔𑀺𑀲𑁆𑀫𑀸 𑀲𑀔𑀸 𑀲𑀔𑀫𑁆𑀳𑀸 𑀲𑀔𑀲𑁆𑀫𑀸.

𑀲𑀔𑀢𑁄 𑀲𑁆𑀫𑀺𑀦𑁄 𑀝𑁂 𑀳𑁄𑀢𑀺 𑀦𑀺𑀘𑁆𑀘𑀁. 𑀲𑀔𑁂, 𑀲𑀔𑀸𑀭𑁂𑀲𑀼 𑀲𑀔𑁂𑀲𑀼. 𑀲𑀔𑀺 𑀲𑀔𑀻𑀢𑀺 𑀇𑀢𑁆𑀣𑀺𑀬𑀁𑀬𑁂𑀯 𑀧𑀬𑁄𑀕𑁄 𑀤𑀺𑀲𑁆𑀲𑀢𑀺, 𑀢𑀲𑁆𑀫𑀸 ‘‘𑀦𑀤𑀸𑀤𑀺𑀢𑁄 𑀗𑀻’’𑀢𑀺 𑀯𑀻𑀫𑁆𑀳𑀺 𑀆𑀮𑀧𑀦𑀢𑁆𑀢𑀸 𑀯𑀸 𑀭𑀲𑁆𑀲𑁄.

𑀬𑀼𑀯𑀸𑀤𑀻𑀳𑀺 𑀬𑁄𑀦𑀁 𑀦𑁄+𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. ‘‘𑀬𑁄𑀦+𑀫𑀸𑀦𑁄’’𑀢𑀺 𑀆𑀦𑁄𑀫𑁆𑀳𑀺 𑀲𑀺𑀤𑁆𑀥𑁂𑀧𑀺 ‘‘𑀤𑀼𑀢𑀺𑀬𑀲𑁆𑀲 𑀦𑁂’’𑀢𑀺 𑀕𑀦𑁆𑀣𑀕𑀸𑀭𑀯𑁄 𑀳𑁄𑀢𑀻𑀢𑀺 𑀬𑀣𑀸𑀓𑁆𑀓𑀫𑀁𑀧𑀢𑀺 𑀮𑀸𑀖𑀯𑀢𑁆𑀣𑀁 𑀦𑁄𑀕𑁆𑀕𑀳𑀡𑀁.

𑀦𑁄+𑀦𑀸+𑀦𑁂𑀲𑀼 𑀬𑀼𑀯𑀸𑀤𑀻𑀦+𑀫𑀸 𑀳𑁄𑀢𑀺. 𑀬𑀼𑀯𑀸𑀦𑁄 𑀬𑀼𑀯𑀸. 𑀪𑁄 𑀬𑀼𑀯 𑀬𑀼𑀯𑀸, 𑀬𑀼𑀯𑀸𑀦𑁄 𑀬𑀼𑀯𑀸. 𑀬𑀼𑀯𑀸𑀦𑀁 𑀬𑀼𑀯𑀁, 𑀬𑀼𑀯𑀸𑀦𑁄 𑀬𑀼𑀯𑀸𑀦𑁂 𑀬𑀼𑀯𑁂. 𑀬𑀼𑀯𑀸𑀦𑀸.

𑁧𑁭𑁮. 𑀬𑀼𑀯𑀸𑀤𑀻𑀦𑀁 𑀲𑀼+𑀳𑀺𑀲𑁆𑀯𑀸+𑀦𑀗

𑀲𑀼+𑀳𑀺𑀲𑀼 𑀬𑀼𑀯𑀸𑀤𑀻𑀦+𑀫𑀸𑀦𑀗 𑀳𑁄𑀢𑀺. 𑀬𑀼𑀯𑀸𑀦𑁂𑀳𑀺 𑀬𑀼𑀯𑀸𑀦𑁂𑀪𑀺.

𑀬𑀼𑀯𑀸 𑀲𑀲𑁆𑀲 𑀯𑀸 𑀇𑀦𑁄 𑀳𑁄𑀢𑀺. 𑀬𑀼𑀯𑀺𑀦𑁄 𑀬𑀼𑀯𑀲𑁆𑀲, 𑀬𑀼𑀯𑀸𑀦𑀁.

𑀬𑀼𑀯𑀸𑀤𑀳𑀺 𑀲𑁆𑀫𑀸+𑀲𑁆𑀫𑀺𑀁𑀦𑀁 𑀦𑀸+𑀦𑁂 𑀦𑀺𑀘𑁆𑀘𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀬𑀼𑀯𑀸𑀦𑀸, 𑀬𑀼𑀯𑀸𑀦𑁂𑀳𑀺 𑀬𑀼𑀯𑀸𑀦𑁂𑀪𑀺. 𑀬𑀼𑀯𑀸𑀦𑁂, 𑀬𑀼𑀯𑀸𑀦𑁂𑀲𑀼. 𑀫𑀖𑀯+𑀧𑀼𑀫+𑀯𑀢𑁆𑀢𑀳𑀲𑀤𑁆𑀤𑀸 𑀬𑀼𑀯𑀲𑀤𑁆𑀤𑀲𑀫𑀸. 𑀅𑀬𑀁 𑀯𑀺𑀲𑁂𑀲𑁄 𑁋

𑀧𑀼𑀫𑀲𑀤𑁆𑀤𑀢𑁄 𑀕𑀲𑁆𑀲 𑀅𑀁 𑀯𑀸 𑀳𑁄𑀢𑀺. 𑀧𑀼𑀫𑀁 𑀧𑀼𑀫 𑀧𑀼𑀫𑀸, 𑀧𑀼𑀫𑀸𑀦𑁄 𑀧𑀼𑀫𑀸. 𑀧𑀼𑀫𑀸𑀦𑀁 𑀧𑀼𑀫𑀁, 𑀧𑀼𑀫𑀸𑀦𑁄 𑀧𑀼𑀫𑀸𑀦𑁂 𑀧𑀼𑀫𑁂.

𑀧𑀼𑀫𑀲𑁆𑀲𑀸 ¶ 𑀳𑁄𑀢𑀺 𑀦𑀸𑀫𑁆𑀳𑀺. 𑀧𑀼𑀫𑀸𑀦𑀸. ‘‘𑀮𑀓𑁆𑀔𑀡𑀺𑀓𑀧𑀝𑀺𑀧𑀤𑁄𑀢𑁆𑀢𑁂𑀲𑀼 𑀧𑀝𑀺𑀧𑀤𑁄𑀢𑁆𑀢𑀲𑁆𑀲𑁂𑀯 𑀕𑀳𑀡𑀁, 𑀦 𑀮𑀓𑁆𑀔𑀡𑀺𑀓𑀲𑁆𑀲𑀸’’𑀢𑀺 𑀜𑀸𑀬𑀸 𑀧𑀝𑀺𑀧𑀤𑁄𑀢𑁆𑀢𑀦𑀸𑀯𑀺𑀪𑀢𑁆𑀢𑀺 𑀏𑀯 𑀕𑀬𑁆𑀳𑀢𑀺, 𑀦 𑀦𑀸𑀲𑁆𑀫𑀸𑀲𑁆𑀲, 𑀓𑀢𑀮𑀓𑁆𑀔𑀡𑀺𑀓𑀢𑁆𑀢𑀸. 𑀧𑀝𑀺𑀧𑀤𑀦𑁆𑀢𑀺 𑀘 ‘‘𑀦𑀸𑀫𑁆𑀳𑀻’’𑀢𑀺 𑀦𑀸𑀯𑀺𑀪𑀢𑁆𑀢𑀺𑀬𑀸 𑀧𑀝𑀺𑀧𑀤𑀪𑀽𑀢𑁄 𑀅𑀦𑀼𑀓𑀭𑀡𑀲𑀤𑁆𑀤𑁄. 𑀦 𑀮𑀓𑁆𑀔𑀡𑀺𑀓𑁄 𑀦𑀸. ‘‘𑀧𑀼𑀫+𑀓𑀫𑁆𑀫+𑀣𑀸𑀫+𑀤𑁆𑀥𑀸𑀦𑀁 𑀯𑀸 𑀲+𑀲𑁆𑀫𑀸𑀲𑀼 𑀘𑁂’’𑀢𑀺 𑀯𑀸 𑀉𑀢𑁆𑀢𑁂 𑀧𑀼𑀫𑀼𑀦𑀸 𑀧𑀼𑀫𑁂𑀦. 𑀧𑀼𑀫𑀼𑀦𑁄 𑀧𑀼𑀫𑀼𑀲𑁆𑀲 𑀧𑀼𑀫𑀲𑁆𑀲. 𑀧𑀼𑀫𑀼𑀦𑀸 𑀧𑀼𑀫𑀸.

𑀲𑁆𑀫𑀺𑀦𑁄 𑀦𑁂 𑀯𑀸 𑀳𑁄𑀢𑀺. 𑀧𑀼𑀫𑀸𑀦𑁂 𑀧𑀼𑀫𑁂 𑀧𑀼𑀫𑀫𑁆𑀳𑀺 𑀧𑀼𑀫𑀲𑁆𑀫𑀺𑀁.

𑀧𑀼𑀫𑀲𑁆𑀲 𑀲𑀼𑀫𑁆𑀳𑀺 𑀧𑀼𑀫𑀸𑀤𑀻𑀦𑀁 𑀬𑀁 𑀦𑀺𑀘𑁆𑀘𑀁 𑀯𑀼𑀢𑁆𑀢𑀁, 𑀢𑀁 𑀯𑀸 𑀳𑁄𑀢𑀻𑀢𑀺 𑀆𑀦𑀗 𑀯𑀸 𑀳𑁄𑀢𑀺 𑀆 𑀘. 𑀧𑀼𑀫𑀸𑀦𑁂𑀲𑀼 𑀧𑀼𑀫𑀸𑀲𑀼 𑀧𑀼𑀫𑁂𑀲𑀼. 𑀯𑀢𑁆𑀢𑀳𑀸, 𑀯𑀢𑁆𑀢𑀳𑀸𑀦𑁄 𑀯𑀢𑁆𑀢𑀳𑀸 𑀇𑀘𑁆𑀘𑀸𑀤𑀺 𑀬𑀼𑀯𑀲𑀤𑁆𑀤𑀲𑀫𑀁.

𑁧𑁮𑁯. 𑀯𑀢𑁆𑀢𑀳𑀸 𑀲+𑀦𑀁𑀦𑀁 𑀦𑁄+𑀦𑀸𑀦𑀁

𑀯𑀢𑁆𑀢𑀳𑀸 𑀲𑀦𑀁𑀦𑀁 𑀦𑁄𑀦𑀸𑀦𑀁 𑀦𑀺𑀘𑁆𑀘𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀯𑀢𑁆𑀢𑀳𑀸𑀦𑁄 𑀯𑀢𑁆𑀢𑀳𑀸𑀦𑀸𑀦𑀁.

𑀖𑁄 𑀘 𑀑 𑀘 𑀖𑁄, 𑀦 𑀖𑁄 𑀅𑀖𑁄. ‘‘𑀅𑀖𑁄𑀦𑀁’’𑀢𑀺 𑀖𑀧𑁆𑀧𑀝𑀺𑀲𑁂𑀥𑁂 𑀅𑀓𑀢𑁂 𑀲𑁆𑀲+𑀫𑀸𑀤𑀻𑀲𑀼 𑀧𑀭𑁂𑀲𑀼 𑀖𑀲𑁆𑀲 𑀯𑀺𑀓𑀧𑁆𑀧𑁂𑀦 𑀭𑀲𑁆𑀲𑁄, 𑀏𑀓𑀯𑀘𑀦𑀸𑀤𑀻𑀲𑀼 ¶ 𑀬𑁄𑀲𑀼 𑀘 𑀧𑀭𑁂𑀲𑀼 𑀖𑀲𑁆𑀲 𑀦𑀺𑀘𑁆𑀘𑁂𑀦 𑀭𑀲𑁆𑀲𑁄𑀢𑀺 𑀯𑀺𑀭𑀼𑀤𑁆𑀥𑀢𑁆𑀣𑀕𑀳𑀡𑀦𑀺𑀯𑀢𑁆𑀢𑀦𑀢𑁆𑀣𑁄 𑀖𑀧𑀝𑀺𑀲𑁂𑀥𑁄. 𑀑𑀕𑁆𑀕𑀳𑀡+𑀫𑀼𑀢𑁆𑀢𑀭𑀢𑁆𑀣𑀁. 𑀏𑀓𑀯𑀘𑀦𑁂 𑀬𑁄𑀲𑀼 𑀘 𑀖+𑀑𑀓𑀸𑀭𑀦𑁆𑀢𑀯𑀚𑁆𑀚𑀺𑀢𑀸𑀦𑀁 𑀦𑀸𑀫𑀸𑀦𑀁 𑀭𑀲𑁆𑀲𑁄 𑀳𑁄𑀢𑀺 𑀢𑀺𑀮𑀺𑀗𑁆𑀕𑁂𑀢𑀺 𑀭𑀲𑁆𑀲𑁂 𑀲𑀫𑁆𑀧𑀢𑁆𑀢𑁂 𑁋

𑁬𑁬. 𑀲𑀺𑀲𑁆𑀫𑀺𑀁 𑀦𑀸+𑀦𑀧𑀼𑀁𑀲𑀓𑀲𑁆𑀲𑀢𑀺

𑀅𑀦𑀧𑀼𑀁𑀲𑀓𑀲𑁆𑀲 𑀭𑀲𑁆𑀲𑁄 𑀦 𑀳𑁄𑀢𑀻𑀢𑀺 𑀲𑀺𑀫𑁆𑀳𑀺 𑀢𑀼 𑀦 𑀭𑀲𑁆𑀲𑁄. 𑀲𑀸. ‘‘𑀧𑀚𑁆𑀚𑀼𑀦𑁆𑀦𑁄𑀯 𑀮𑀓𑁆𑀔𑀡𑀧𑀯𑀼𑀢𑁆𑀢𑀺 𑀚𑀮𑁂𑀧𑀺 𑀯𑀲𑁆𑀲𑀢𑀺, 𑀣𑀮𑁂𑀧𑀺 𑀯𑀲𑁆𑀲𑀢𑀻’’𑀢𑀺 𑀜𑀸𑀬𑀸 𑀬𑀼𑀯𑀸𑀤𑀺𑀢𑁆𑀢𑀸 𑀲𑀺𑀲𑁆𑀲 𑀆. 𑀬𑁄𑀲𑀼 𑀭𑀲𑁆𑀲𑁂 ‘‘𑀬𑁄𑀦𑀁 𑀦𑁄+𑀦𑁂 𑀯𑀸’’𑀢𑀺 𑀬𑁄𑀲𑁆𑀲 𑀦𑁄. ‘‘𑀦𑁄 𑀦𑀸𑀦𑁂𑀲𑁆𑀯𑀸’’𑀢𑀺 𑀆, 𑀲𑀸𑀦𑁄. 𑀦𑁄𑀢𑁆𑀢𑀸𑀪𑀸𑀯𑀧𑀓𑁆𑀔𑁂 ‘‘𑀬𑁄𑀦+𑀫𑀸𑀦𑁄’’𑀢𑀺 𑀯𑀸𑀥𑀺𑀓𑀸𑀭𑀲𑁆𑀲 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀦𑀺𑀘𑁆𑀘+𑀫𑀸𑀦𑁄, 𑀢𑀲𑁆𑀫𑀸 𑀦𑁄+𑀦𑁂𑀅𑀪𑀸𑀯𑀧𑀓𑁆𑀔𑁂 𑀲𑀸, 𑀲𑁂𑀢𑀺 𑀭𑀽𑀧𑀧𑀲𑀗𑁆𑀕𑁄 𑀦 𑀳𑁄𑀢𑀺. 𑀲𑀸𑀦𑁄. 𑀢𑀣𑀸 𑀦𑁂𑀢𑁆𑀢𑀸𑀪𑀸𑀯𑀧𑀓𑁆𑀔𑁂.

𑀲𑀸𑀲𑀤𑁆𑀤𑀲𑁆𑀲 𑀆𑀦𑀗 𑀳𑁄𑀢𑀺 𑀅𑀁+𑀲𑁂 𑀕𑁂 𑀘 𑀦𑀺𑀘𑁆𑀘𑀁. 𑀪𑁄 𑀲𑀸𑀦 𑀲𑀸𑀦𑀸, 𑀲𑀸𑀦𑁄. 𑀲𑀸𑀦𑀁, 𑀲𑀸𑀦𑁂 𑀲𑀸𑀦𑁄. 𑀲𑀸𑀦𑀸, 𑀲𑀸𑀦𑁂𑀳𑀺 𑀲𑀸𑀦𑁂𑀪𑀺. 𑀲𑀸𑀦𑀲𑁆𑀲, 𑀲𑀸𑀦𑀁. 𑀲𑀸𑀦𑀸, 𑀲𑀸𑀦𑁂𑀳𑀺 𑀲𑀸𑀦𑁂𑀪𑀺. 𑀲𑀸𑀦𑁂, 𑀲𑀸𑀦𑁂𑀲𑀼.

𑀲𑀼𑀯𑀸 𑀬𑀼𑀯𑀸𑀯. ‘‘𑀏𑀓𑀯𑀘𑀦𑀬𑁄𑀲𑁆𑀯+𑀖𑁄𑀦𑀁’’𑀢𑀺 𑀭𑀲𑁆𑀲𑀢𑁆𑀢𑀁 𑀯𑀺𑀲𑁂𑀲𑁄. 𑀕𑁂 𑀢𑀼 𑁋

𑀅𑀖𑁄𑀦𑀁 𑀕𑁂 𑀯𑀸 𑀭𑀲𑁆𑀲𑁄 𑀳𑁄𑀢𑀺 𑀢𑀺𑀮𑀺𑀗𑁆𑀕𑁂. 𑀪𑁄 𑀲𑀼𑀯 𑀲𑀼𑀯𑀸.

𑀛𑀲𑀜𑁆𑀜𑀲𑁆𑀲 𑀇𑀲𑁆𑀲 𑀬𑁄𑀲𑀼 𑀯𑀸 𑀝 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂. 𑀫𑀼𑀦𑀬𑁄, 𑀛𑀕𑁆𑀕𑀳𑀡𑀁 𑀓𑀺𑀁, 𑀇𑀓𑀸𑀭𑀦𑁆𑀢𑀲𑀫𑀼𑀤𑀸𑀬𑀲𑁆𑀲 𑀫𑀸 𑀲𑀺𑀬𑀸. 𑀇𑀕𑁆𑀕𑀳𑀡𑀁 𑀓𑀺𑀁, 𑀈𑀓𑀸𑀭𑀲𑁆𑀲 𑀯𑀸𑀢𑀺. 𑀅𑀢𑁄𑀢𑀺 𑀲𑀸𑀫𑀜𑁆𑀜𑀦𑀺𑀤𑁆𑀤𑁂𑀲𑀸 𑀮𑀓𑁆𑀔𑀡𑀺𑀓𑀅𑀓𑀸𑀭𑀢𑁄 𑀬𑁄𑀦𑀁 𑀝𑀸𑀝𑁂 𑀲𑀫𑁆𑀧𑀢𑁆𑀢𑀸𑀧𑀺 𑀅𑀯𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀸 𑀦 𑀳𑁄𑀦𑁆𑀢𑀺. 𑀲𑀸𑀫𑀢𑁆𑀣𑀺𑀬𑀜𑁆𑀘 𑀅𑀜𑁆𑀜𑀣𑀸 𑀅𑀦𑀼𑀧𑀧𑀢𑁆𑀢𑀺.

𑀛𑀮𑀢𑁄 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀻𑀢𑀺 𑀬𑁄𑀮𑁄𑀧𑁂 𑁋

𑀬𑁄𑀦𑀁 𑀮𑁄𑀧𑁂𑀦𑀺𑀲𑀼 𑀘 𑀤𑀻𑀖𑁄 𑀳𑁄𑀢𑀺. 𑀫𑀼𑀦𑀺. 𑀫𑀼𑀦𑀬𑁄𑀢𑀺 𑀏𑀢𑁆𑀣 𑀬𑁄𑀮𑁄𑀧𑁄 𑀓𑀺𑀫𑀢𑁆𑀣𑀁 𑀦 𑀳𑁄𑀢𑀺, 𑀅𑀓𑁆𑀓𑁂𑀦 𑀛𑀢𑁆𑀢𑀲𑁆𑀲 𑀦𑀸𑀲𑀺𑀢𑀢𑁆𑀢𑀸. 𑀓𑀺𑀦𑁆𑀢𑀺 𑀧𑀞𑀫𑀁 𑀦 𑀳𑁄𑀢𑀺, 𑀅𑀦𑁆𑀢𑀭𑀗𑁆𑀕𑀢𑁆𑀢𑀸 𑀛𑀢𑁆𑀢𑀲𑁆𑀲. 𑀪𑁄 𑀫𑀼𑀦𑀺 𑀫𑀼𑀦𑀻, 𑀫𑀼𑀦𑀬𑁄 𑀫𑀼𑀦𑀻. 𑀫𑀼𑀦𑀺𑀁, 𑀫𑀼𑀦𑀬𑁄 𑀫𑀼𑀦𑀻. 𑀫𑀼𑀦𑀺𑀦𑀸, 𑀫𑀼𑀦𑀻𑀳𑀺 𑀫𑀼𑀦𑀻𑀪𑀺. ‘‘𑀬𑁄𑀮𑁄𑀧𑀦𑀺𑀲𑀼’’ ‘‘𑀯𑀻𑀫𑀦𑁆𑀢𑀼𑀯𑀦𑁆𑀢𑀽𑀦’’ 𑀫𑀺𑀘𑁆𑀘𑀸𑀤𑀺𑀜𑀸𑀧𑀓𑀸 𑀇𑀓𑀸𑀭𑀼𑀓𑀸𑀭𑀸𑀦𑀁 𑀲𑀼𑀦𑀁𑀳𑀺𑀲𑀼 𑀤𑀻𑀖𑀲𑁆𑀲𑀸+𑀦𑀺𑀘𑁆𑀘𑀢𑁆𑀢𑀸 𑀫𑀼𑀦𑀺𑀳𑀺 𑀫𑀼𑀦𑀺𑀦𑀁 𑀫𑀼𑀦𑀺𑀲𑀼 𑀇𑀢𑀺𑀧𑀺 𑀳𑁄𑀢𑀺. ‘‘𑀛𑀮𑀸 𑀲𑀲𑁆𑀲 𑀦𑁄’’𑀢𑀺 𑀦𑁄, 𑀫𑀼𑀦𑀺𑀦𑁄 𑀫𑀼𑀦𑀺𑀲𑁆𑀲, 𑀫𑀼𑀦𑀻𑀦𑀁. ‘‘𑀦𑀸𑀲𑁆𑀫𑀸𑀲𑁆𑀲𑀸’’𑀢𑀺 𑀦𑀸, 𑀫𑀼𑀦𑀺𑀦𑀸 𑀫𑀼𑀦𑀺𑀫𑁆𑀳𑀸 𑀫𑀼𑀦𑀺𑀲𑁆𑀫𑀸. 𑀫𑀼𑀦𑀺𑀫𑁆𑀳𑀺 𑀫𑀼𑀦𑀺𑀲𑁆𑀫𑀺𑀁, 𑀫𑀼𑀦𑀻𑀲𑀼. ‘‘𑀇𑀢𑁄 𑀓𑁆𑀯𑀘𑀺 𑀲𑀲𑁆𑀲 𑀝𑀸𑀦𑀼𑀩𑀦𑁆𑀥𑁄’’ (𑀕𑀡𑀲𑀼𑀢𑁆𑀢)𑀢𑀺 𑀩𑁆𑀭𑀳𑁆𑀫𑀸𑀤𑀻𑀲𑀼 𑀧𑀸𑀞𑀸 ‘‘𑀬𑁄 𑀘 𑀲𑀺𑀲𑁆𑀲𑁄 𑀫𑀳𑀸𑀫𑀼𑀦𑁂’’𑀢𑀺 𑀏𑀢𑁆𑀣 ‘‘𑀖+𑀩𑁆𑀭𑀳𑁆𑀫𑀸𑀤𑀺𑀢𑁂’’𑀢𑀺 𑀲𑀲𑁆𑀲 𑀏𑀝.

𑀚𑁄𑀢𑀺 ¶ 𑀧𑀸𑀡𑀺 𑀕𑀡𑁆𑀞𑀺 𑀫𑀼𑀝𑁆𑀞𑀺, 𑀓𑀼𑀘𑁆𑀙𑀺 𑀯𑀢𑁆𑀣𑀺 𑀲𑀸𑀮𑀺 𑀯𑀻𑀳𑀺;

𑀩𑁆𑀬𑀸𑀥𑀺 𑀑𑀥𑀺 𑀩𑁄𑀥𑀺 𑀲𑀦𑁆𑀥𑀺, 𑀭𑀸𑀲𑀺 𑀓𑁂𑀲𑀺 𑀲𑀸𑀢𑀺 𑀤𑀻𑀧𑀺.

𑀇𑀲𑀺 𑀕𑀺𑀦𑀺 𑀫𑀡𑀺 𑀥𑀦𑀺, 𑀕𑀺𑀭𑀺 𑀭𑀯𑀺 𑀓𑀯𑀺 𑀓𑀧𑀺;

𑀅𑀲𑀺 𑀫𑀲𑀺 𑀦𑀺𑀥𑀺 𑀯𑀺𑀥𑀺, 𑀅𑀳𑀺 𑀓𑀺𑀫𑀺 𑀧𑀢𑀺 𑀳𑀭𑀺.

𑀅𑀭𑀺 𑀢𑀺𑀫𑀺 𑀓𑀮𑀺 𑀩𑀮𑀺, 𑀚𑀮𑀥𑀺 𑀘 𑀕𑀳𑀧𑀢𑀺;

𑀉𑀭𑀫𑀺𑀢𑀺 𑀯𑀭𑀫𑀢𑀺, 𑀦𑀺𑀭𑀼𑀧𑀥𑀺 𑀅𑀥𑀺𑀧𑀢𑀺;

𑀅𑀜𑁆𑀚𑀮𑀺 𑀲𑀸𑀭𑀣𑀺 𑀅𑀢𑀺𑀣𑀺, 𑀲𑀫𑀸𑀥𑀺 𑀉𑀤𑀥𑀺𑀧𑁆𑀧𑀪𑀼𑀢𑀬𑁄.

𑀅𑀕𑁆𑀕𑀺+𑀇𑀲𑀻𑀦𑀁 𑀅𑀬𑀁 𑀯𑀺𑀲𑁂𑀲𑁄 𑁋

𑀅𑀕𑁆𑀕𑀺𑀲𑁆𑀫𑀸 𑀲𑀺𑀲𑁆𑀲 𑀦𑀺 𑀳𑁄𑀢𑀺 𑀯𑀸. 𑀅𑀕𑁆𑀕𑀺𑀦𑀺 𑀅𑀕𑁆𑀕𑀺, 𑀅𑀕𑁆𑀕𑀬𑁄 𑀇𑀘𑁆𑀘𑀸𑀤𑀺 𑀫𑀼𑀦𑀺𑀲𑀤𑁆𑀤𑀲𑀫𑀁.

𑀇𑀲𑀺𑀲𑁆𑀫𑀸 𑀲𑀺𑀲𑁆𑀲 𑀝𑁂 𑀯𑀸 𑀳𑁄𑀢𑀺. 𑀇𑀲𑁂 𑀇𑀲𑀺. ‘‘𑀖+𑀩𑁆𑀭𑀳𑁆𑀫𑀸𑀤𑀺𑀢𑁂’’𑀢𑀺 𑀕𑀲𑁆𑀲 𑀏 𑀯𑀸, 𑀪𑁄 𑀇𑀲𑁂 𑀇𑀲𑀺, 𑀇𑀲𑀬𑁄 𑀇𑀲𑀻. 𑀇𑀲𑀺𑀁.

‘‘𑀤𑀼𑀢𑀺𑀬𑀸 𑀬𑁄𑀲𑁆𑀲𑀸’’𑀢𑀺 𑀅𑀯𑀢𑁆𑀯𑀸 ‘‘𑀤𑀼𑀢𑀺𑀬𑀲𑁆𑀲 𑀬𑁄𑀲𑁆𑀲𑀸’’𑀢𑀺 𑀯𑀺𑀲𑀼𑀁 𑀓𑀭𑀡𑀁 ‘‘𑀏𑀓𑀬𑁄𑀕𑀦𑀺𑀤𑁆𑀤𑀺𑀝𑁆𑀞𑀸𑀦+𑀫𑀧𑁆𑀬𑁂+𑀓𑀤𑁂𑀲𑁄+𑀦𑀼𑀯𑀢𑁆𑀢𑀢𑁂, 𑀦 ¶ 𑀢𑁆𑀯𑁂+𑀓𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀸𑀦𑀁’’𑀢𑀺 𑀜𑀸𑀬𑀸 𑀤𑀼𑀢𑀺𑀬𑀸𑀬𑁄𑀲𑁆𑀲𑀸𑀢𑀺 𑀦𑀸𑀦𑀼𑀯𑀢𑁆𑀢𑀺𑀬 𑀬𑁄𑀲𑁆𑀲𑀸𑀢𑀺 𑀲𑀸𑀫𑀜𑁆𑀜𑁂𑀦 𑀅𑀦𑀼𑀯𑀼𑀢𑁆𑀢𑀺𑀬 𑀏𑀓𑀘𑁆𑀘𑀸𑀤𑀺𑀢𑁄 𑀧𑀞𑀫𑀸 𑀬𑁄𑀲𑁆𑀲𑀸𑀧𑀺 𑀝𑁂𑀯𑀺𑀥𑀸𑀦𑀢𑁆𑀣𑀁. 𑀇𑀲𑀺𑀲𑁆𑀫𑀸 𑀧𑀭𑀲𑁆𑀲 𑀤𑀼𑀢𑀺𑀬𑀸 𑀬𑁄𑀲𑁆𑀲 𑀝𑁂 𑀯𑀸 𑀳𑁄𑀢𑀺. 𑀇𑀲𑁂 𑀇𑀲𑀬𑁄 𑀇𑀲𑀻, 𑀲𑁂𑀲𑀁 𑀫𑀼𑀦𑀺𑀲𑀫𑀁.

𑀆𑀤𑀺, 𑀆𑀤𑀬𑁄 𑀇𑀘𑁆𑀘𑀸𑀤𑀺, 𑀲𑁆𑀫𑀺𑀫𑁆𑀳𑀺 𑁋

𑁫𑁫. 𑀭𑀢𑁆𑀬𑀸𑀤𑀻𑀳𑀺 𑀝𑁄 𑀲𑁆𑀫𑀺𑀦𑁄

𑀭𑀢𑁆𑀬𑀸𑀤𑀻𑀳𑀺 𑀲𑁆𑀫𑀺𑀦𑁄 𑀝𑁄 𑀯𑀸 𑀳𑁄𑀢𑀺. 𑀆𑀤𑁄 𑀆𑀤𑀺𑀫𑁆𑀳𑀺 𑀆𑀤𑀺𑀲𑁆𑀫𑀺𑀁, 𑀆𑀤𑀻𑀲𑀼.

𑀲𑀫𑀸𑀲𑁂 𑀇𑀓𑀸𑀭𑀦𑁆𑀢𑀢𑁄 𑀬𑁄+𑀲𑁆𑀫𑀺𑀁𑀲𑀼 𑀯𑀺𑀲𑁂𑀲𑁄.

𑀅𑀜𑁆𑀜𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀇𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀬𑁄𑀦𑀁 𑀦𑁄+𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂. 𑀅𑀭𑀺𑀬𑀯𑀼𑀢𑁆𑀢𑀺𑀦𑁄 𑀅𑀭𑀺𑀬𑀯𑀼𑀢𑁆𑀢𑀬𑁄 𑀅𑀭𑀺𑀬𑀯𑀼𑀢𑁆𑀢𑀻. 𑀪𑁄 𑀅𑀭𑀺𑀬𑀯𑀼𑀢𑁆𑀢𑀺 𑀅𑀭𑀺𑀬𑀯𑀼𑀢𑁆𑀢𑀻, 𑀅𑀭𑀺𑀬𑀯𑀼𑀢𑁆𑀢𑀺𑀦𑁄 𑀅𑀭𑀺𑀬𑀯𑀼𑀢𑁆𑀢𑀬𑁄 𑀅𑀭𑀺𑀬𑀯𑀼𑀢𑁆𑀢𑀻. 𑀅𑀭𑀺𑀬𑀯𑀼𑀢𑁆𑀢𑀺𑀁, 𑀅𑀭𑀺𑀬𑀯𑀼𑀢𑁆𑀢𑀺𑀦𑁄 𑀅𑀭𑀺𑀬𑀯𑀼𑀢𑁆𑀢𑀬𑁄 𑀅𑀭𑀺𑀬𑀯𑀼𑀢𑁆𑀢𑀻. 𑀅𑀭𑀺𑀬𑀯𑀼𑀢𑁆𑀢𑀺𑀦𑀸 𑀇𑀘𑁆𑀘𑀸𑀤𑀺 𑀢𑀼 𑀫𑀼𑀦𑀺𑀲𑀤𑁆𑀤𑀲𑀫𑀁.

𑀅𑀜𑁆𑀜𑀢𑁆𑀣𑁂 𑀇𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑁆𑀫𑀺𑀦𑁄 𑀦𑁂 𑀯𑀸 𑀳𑁄𑀢𑀺 𑀓𑁆𑀯𑀘𑀺. 𑀅𑀭𑀺𑀬𑀯𑀼𑀢𑁆𑀢𑀺𑀦𑁂 𑀅𑀭𑀺𑀬𑀯𑀼𑀢𑁆𑀢𑀺𑀫𑁆𑀳𑀺 𑀅𑀭𑀺𑀬𑀯𑀼𑀢𑁆𑀢𑀺𑀲𑁆𑀫𑀺𑀁, 𑀅𑀭𑀺𑀬𑀯𑀼𑀢𑁆𑀢𑀻𑀲𑀼. 𑀏𑀯𑀁 𑀢𑁄𑀫𑀭𑀗𑁆𑀓𑀼𑀲𑀧𑀸𑀡𑀺𑀦𑁄 𑀲𑀸𑀭𑀫𑀢𑀺𑀦𑁄 𑀇𑀘𑁆𑀘𑀸𑀤𑀺. 𑀓𑁆𑀯𑀘𑀺𑀕𑁆𑀕𑀳𑀡𑀸 𑀦 𑀲𑀩𑁆𑀩𑀢𑁆𑀣 𑀦𑁂𑀆𑀤𑁂𑀲𑁄.

𑀤𑀡𑁆𑀟𑀻 ¶ , 𑀲𑀺𑀮𑁄𑀧𑁄. ‘‘𑀏𑀓𑀯𑀘𑀦𑁂’’ 𑀘𑁆𑀘𑀸𑀤𑀺𑀦𑀸 𑀭𑀲𑁆𑀲𑁂 𑀲𑀫𑁆𑀧𑀢𑁆𑀢𑁂 𑀅𑀦𑀧𑀼𑀁𑀲𑀓𑀢𑁆𑀢𑀸 ‘‘𑀲𑀺𑀲𑁆𑀫𑀺𑀁𑀦𑀸+𑀦𑀧𑀼𑀁𑀲𑀓𑀲𑁆𑀲𑀸’’𑀢𑀺 𑀦𑀺𑀲𑁂𑀥𑁄. 𑀬𑁄𑀫𑁆𑀳𑀺 𑀏𑀓𑀯𑀘𑀦𑁂 𑀘 𑀲𑀩𑁆𑀩𑀢𑁆𑀣 𑀭𑀲𑁆𑀲𑁄.

𑀛𑀲𑀜𑁆𑀜𑀺𑀢𑁄 𑀬𑁄𑀦𑀁 𑀦𑁄+𑀦𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂. 𑀤𑀡𑁆𑀟𑀺𑀦𑁄.

𑁧𑁧𑁫. 𑀚𑀦𑁆𑀢𑀼𑀳𑁂𑀢𑁆𑀯𑀻𑀖𑀧𑁂𑀳𑀺 𑀯𑀸

𑀚𑀦𑁆𑀢𑀼+𑀳𑁂𑀢𑀽𑀳𑀺 𑀈𑀓𑀸𑀭𑀦𑁆𑀢𑁂𑀳𑀺 𑀖+𑀧𑀲𑀜𑁆𑀜𑁂𑀳𑀺 𑀘 𑀧𑀭𑁂𑀲𑀁 𑀬𑁄𑀦𑀁 𑀯𑀸 𑀮𑁄𑀧𑁄 𑀳𑁄𑀢𑀺. ‘‘𑀬𑁄𑀮𑁄𑀧𑀦𑀺𑀲𑀼 𑀤𑀻𑀖𑁄’’𑀢𑀺 𑀤𑀻𑀖𑁂 𑀤𑀡𑁆𑀟𑀻 𑀤𑀡𑁆𑀟𑀺𑀬𑁄. 𑀕𑁂 𑀢𑀼 ‘‘𑀕𑁂 𑀯𑀸’’𑀢𑀺 𑀯𑀸 𑀭𑀲𑁆𑀲𑁄. 𑀪𑁄 𑀤𑀡𑁆𑀟𑀺 𑀤𑀡𑁆𑀟𑀻, 𑀤𑀡𑁆𑀟𑀺𑀦𑁄 𑀤𑀡𑁆𑀟𑀻 𑀤𑀡𑁆𑀟𑀺𑀬𑁄.

𑀛𑀲𑀜𑁆𑀜𑀻𑀢𑁄 𑀅𑀁𑀯𑀘𑀦𑀲𑁆𑀲 𑀦𑀁 𑀯𑀸 𑀳𑁄𑀢𑀺. 𑀤𑀡𑁆𑀟𑀺𑀦𑀁 𑀤𑀡𑁆𑀟𑀺𑀁, 𑀤𑀡𑁆𑀟𑀺𑀦𑁂.

𑀛𑀻𑀢𑁄 𑀬𑁄𑀦𑀁 𑀦𑁄 𑀯𑀸 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂. 𑀤𑀡𑁆𑀟𑀺𑀦𑁄 𑀤𑀡𑁆𑀟𑀻 𑀤𑀡𑁆𑀟𑀺𑀬𑁄. 𑀤𑀡𑁆𑀟𑀺𑀦𑀸, 𑀤𑀡𑁆𑀟𑀻𑀳𑀺 𑀤𑀡𑁆𑀟𑀻𑀪𑀺. ‘‘𑀛𑀮𑀸 𑀲𑀲𑁆𑀲 𑀦𑁄’’𑀢𑀺 𑀦𑁄𑀫𑁆𑀳𑀺 𑀓𑀢𑁂 𑀤𑀡𑁆𑀟𑀺𑀦𑁄 𑀤𑀡𑁆𑀟𑀺𑀲𑁆𑀲, 𑀤𑀡𑁆𑀟𑀻𑀦𑀁. ‘‘𑀦𑀸 𑀲𑁆𑀫𑀸𑀲𑁆𑀲𑀸’’𑀢𑀺 𑀲𑁆𑀫𑀸𑀲𑁆𑀲 𑀦𑀸, 𑀤𑀡𑁆𑀟𑀺𑀦𑀸 𑀤𑀡𑁆𑀟𑀺𑀫𑁆𑀳𑀸 𑀤𑀡𑁆𑀟𑀺𑀲𑁆𑀫𑀸.

𑀛𑀻𑀢𑁄 𑀲𑁆𑀫𑀺𑀁𑀯𑀘𑀦𑀲𑁆𑀲 𑀦𑀺 𑀳𑁄𑀢𑀺 𑀯𑀸. 𑀤𑀡𑁆𑀟𑀺𑀦𑀺 𑀤𑀡𑁆𑀟𑀺𑀲𑁆𑀫𑀺𑀁, 𑀤𑀡𑁆𑀟𑀻𑀲𑀼, 𑀩𑀳𑀼𑀮𑀸𑀥𑀺𑀓𑀸𑀭𑀸 𑀲𑁆𑀫𑀺𑀫𑁆𑀳𑀺 𑀕𑀸𑀫𑀡𑀻+𑀲𑁂𑀦𑀸𑀦𑀻+𑀲𑀼𑀥𑀻𑀧𑀪𑀼𑀢𑀻𑀦𑀁 𑀦𑀺𑀆𑀤𑁂𑀲𑀸𑀪𑀸𑀯𑁄 𑀘 𑀯𑀺𑀲𑁂𑀲𑁄. 𑀏𑀯𑀁 𑁋

𑀥𑀫𑁆𑀫𑀻 ¶ 𑀲𑀗𑁆𑀖𑀻 𑀜𑀸𑀡𑀻 𑀳𑀢𑁆𑀣𑀻, 𑀘𑀓𑁆𑀓𑀻 𑀧𑀓𑁆𑀔𑀻 𑀤𑀸𑀞𑀻 𑀭𑀝𑁆𑀞𑀻;

𑀙𑀢𑁆𑀢𑀻 𑀫𑀸𑀮𑀻 𑀘𑀫𑁆𑀫𑀻 𑀬𑁄𑀕𑀻, 𑀪𑀸𑀕𑀻 𑀪𑁄𑀕𑀻 𑀓𑀸𑀫𑀻 𑀲𑀸𑀫𑀻.

𑀥𑀚𑀻 𑀕𑀡𑀻 𑀲𑀲𑀻 𑀓𑀼𑀝𑁆𑀞𑀻, 𑀚𑀝𑀻 𑀬𑀸𑀦𑀻 𑀲𑀼𑀔𑀻 𑀲𑀺𑀔𑀻;

𑀤𑀦𑁆𑀢𑀻 𑀫𑀦𑁆𑀢𑀻 𑀓𑀭𑀻 𑀘𑀸𑀕𑀻, 𑀓𑀼𑀲𑀮𑀻 𑀫𑀼𑀲𑀮𑀻 𑀩𑀮𑀻; (𑀯𑀸𑀘𑀻, 𑀭𑀽)

𑀧𑀸𑀧𑀓𑀸𑀭𑀻 𑀲𑀢𑁆𑀢𑀼𑀖𑀸𑀢𑀻, 𑀫𑀸𑀮𑁆𑀬𑀓𑀸𑀭𑀻 𑀤𑀻𑀖𑀚𑀻𑀯𑀻;

𑀥𑀫𑁆𑀫𑀯𑀸𑀤𑀻 𑀲𑀻𑀳𑀦𑀸𑀤𑀻, 𑀪𑀽𑀫𑀺𑀲𑀸𑀬𑀻 𑀲𑀻𑀖𑀬𑀸𑀬𑀻.

𑀪𑀺𑀓𑁆𑀔𑀼, 𑀲𑀺𑀮𑁄𑀧𑁄. 𑀮𑀲𑀜𑁆𑀜𑀸𑀬𑀁 𑁋

𑀮𑀢𑁄 𑀬𑁄𑀦𑀁 𑀯𑁄 𑀳𑁄𑀢𑀺 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂.

𑀮𑀲𑀜𑁆𑀜𑀲𑁆𑀲 𑀉𑀲𑁆𑀲 𑀯𑁂+𑀯𑁄𑀲𑀼 𑀝 𑀳𑁄𑀢𑀺. 𑀏𑀢𑁆𑀣 ‘‘𑀧𑀼𑀫𑀸𑀮𑀧𑀦𑁂 𑀯𑁂𑀯𑁄’’ 𑀢𑁆𑀬+𑀢𑁆𑀭 𑀯𑁄𑀲𑁆𑀲 𑀲𑀳𑀘𑀭𑀺𑀢𑀜𑀸𑀬𑀸 𑀅𑀦𑀺𑀲𑁆𑀲𑀺𑀢𑀢𑁆𑀢𑀸 𑀚𑀸𑀢𑀺𑀯𑀲𑁂𑀦 ‘‘𑀮𑀸 𑀬𑁄𑀦𑀁’’ 𑀢𑁆𑀬𑀸𑀤𑁄 𑀯𑁄 𑀘 𑀕𑀬𑁆𑀳𑀢𑀺. 𑀪𑀺𑀓𑁆𑀔𑀯𑁄. 𑀅𑀜𑁆𑀜𑀢𑁆𑀭 ‘‘𑀮𑁄𑀧𑁄’’𑀢𑀺 𑀬𑁄𑀮𑁄𑀧𑁄. ‘‘𑀬𑁄𑀮𑁄𑀧𑀦𑀺𑀲𑀼 𑀤𑀻𑀖𑁄’’𑀢𑀺 𑀤𑀻𑀖𑁂 𑀪𑀺𑀓𑁆𑀔𑀽. 𑀪𑁄 𑀪𑀺𑀓𑁆𑀔𑀼 𑀪𑀺𑀓𑁆𑀔𑀽.

𑀮𑀲𑀜𑁆𑀜𑀢𑁄 𑀉𑀢𑁄 𑀬𑁄𑀲𑁆𑀲𑀸+𑀮𑀧𑀦𑁂 𑀯𑁂+𑀯𑁄 𑀳𑁄𑀦𑁆𑀢𑀺 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂. 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀯𑁄 𑀪𑀺𑀓𑁆𑀔𑀽. 𑀪𑀺𑀓𑁆𑀔𑀼𑀁, 𑀪𑀺𑀓𑁆𑀔𑀯𑁄 𑀪𑀺𑀓𑁆𑀔𑀽. 𑀪𑀺𑀓𑁆𑀔𑀼𑀦𑀸 ¶ , 𑀪𑀺𑀓𑁆𑀔𑀽𑀳𑀺 𑀪𑀺𑀓𑁆𑀔𑀽𑀪𑀺. ‘‘𑀛𑀮𑀸 𑀲𑀲𑁆𑀲 𑀦𑁄’’𑀢𑀺 𑀮𑀢𑁄 𑀲𑀲𑁆𑀲 𑀦𑁄 𑀯𑀸, 𑀪𑀺𑀓𑁆𑀔𑀼𑀦𑁄 𑀪𑀺𑀓𑁆𑀔𑀼𑀲𑁆𑀲, 𑀪𑀺𑀓𑁆𑀔𑀽𑀦𑀁. ‘‘𑀦𑀸 𑀲𑁆𑀫𑀸𑀲𑁆𑀲𑀸’’𑀢𑀺 𑀮𑀢𑁄 𑀯𑀸 𑀲𑁆𑀫𑀸𑀲𑁆𑀲 𑀦𑀸, 𑀪𑀺𑀓𑁆𑀔𑀼𑀦𑀸 𑀪𑀺𑀓𑁆𑀔𑀼𑀫𑁆𑀳𑀸 𑀪𑀺𑀓𑁆𑀔𑀼𑀲𑁆𑀫𑀸. 𑀪𑀺𑀓𑁆𑀔𑀼𑀫𑁆𑀳𑀺 𑀪𑀺𑀓𑁆𑀔𑀼𑀲𑁆𑀫𑀺𑀁. 𑀏𑀯𑀁 𑁋

𑀲𑁂𑀢𑀼 𑀓𑁂𑀢𑀼 𑀭𑀸𑀳𑀼 𑀪𑀸𑀡𑀼, 𑀲𑀁𑀓𑀼 𑀉𑀘𑁆𑀙𑀼 𑀯𑁂𑀴𑀼 𑀫𑀘𑁆𑀘𑀼. (𑀧𑀗𑁆𑀕𑀼, 𑀭𑀽) 𑀲𑀺𑀦𑁆𑀥𑀼 𑀩𑀦𑁆𑀥𑀼 𑀦𑁂𑀭𑀼 𑀫𑁂𑀭𑀼, 𑀲𑀢𑁆𑀢𑀼 𑀓𑀸𑀭𑀼 𑀳𑁂𑀢𑀼 𑀚𑀦𑁆𑀢𑀼. 𑀭𑀼𑀭𑀼 𑀧𑀝𑀼 𑁋 𑀇𑀘𑁆𑀘𑀸𑀤𑀬𑁄.

𑀚𑀦𑁆𑀢𑀼+𑀳𑁂𑀢𑀽𑀦𑀁 𑀬𑁄𑀲𑁆𑀯+𑀬𑀁 𑀪𑁂𑀤𑁄. ‘‘𑀚𑀦𑁆𑀢𑀼+𑀳𑁂𑀢𑁆𑀯𑀻+𑀖+𑀧𑁂𑀳𑀺 𑀯𑀸’’𑀢𑀺 𑀬𑁄𑀮𑁄𑀧𑁂 𑁋

𑀚𑀦𑁆𑀢𑁆𑀯𑀸𑀤𑀺𑀢𑁄 𑀬𑁄𑀦𑀁 𑀦𑁄 𑀳𑁄𑀢𑀺 𑀯𑁄 𑀘 𑀧𑀼𑀮𑁆𑀮𑀺𑀗𑁆𑀕𑁂. 𑀚𑀦𑁆𑀢𑀼𑀦𑁄 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀪𑁄 𑀚𑀦𑁆𑀢𑀼 𑀚𑀦𑁆𑀢𑀽, 𑀚𑀦𑁆𑀢𑀼𑀦𑁄, ‘‘𑀧𑀼𑀫𑀸𑀮𑀧𑀦𑁂 𑀯𑁂𑀯𑁄’’𑀢𑀺 𑀯𑁂+𑀯𑁄, 𑀚𑀦𑁆𑀢𑀯𑁂 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀚𑀦𑁆𑀢𑀼𑀁, 𑀚𑀦𑁆𑀢𑀽 𑀚𑀦𑁆𑀢𑀼𑀦𑁄 𑀚𑀦𑁆𑀢𑀯𑁄 𑀚𑀦𑁆𑀢𑀼𑀬𑁄. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑀳𑁂𑀢𑀼, 𑀳𑁂𑀢𑀽 𑀳𑁂𑀢𑀯𑁄. ‘‘𑀬𑁄𑀫𑁆𑀳𑀺 𑀯𑀸 𑀓𑁆𑀯𑀘𑀻’’𑀢𑀺 𑀮𑀲𑀜𑁆𑀜𑀲𑁆𑀲 𑀉𑀲𑁆𑀲 𑀯𑀸 𑀝𑀸𑀤𑁂𑀲𑁄, 𑀳𑁂𑀢𑀬𑁄. 𑀬𑁄𑀫𑁆𑀳𑀺 𑀅𑀦𑁆𑀢𑀭𑀗𑁆𑀕𑀢𑁆𑀢𑀸 𑀧𑀞𑀫𑀁 𑀝𑀸𑀤𑁂𑀲𑁂 𑀓𑀢𑁂 𑀧𑀘𑁆𑀙𑀸 𑀬𑁄𑀮𑁄𑀧𑀸𑀪𑀸𑀯𑁄, 𑀢𑀣𑀸 𑀳𑀺 𑀅𑀦𑁆𑀢𑀭𑀗𑁆𑀕+𑀩𑀸𑀳𑀺𑀭𑀗𑁆𑀕𑀯𑀺𑀥𑀸𑀦𑁂𑀲𑁆𑀯+𑀦𑁆𑀢𑀭𑀗𑁆𑀕𑀯𑀺𑀥𑀺𑀬𑁂𑀯 𑀩𑀮𑀯𑀸. 𑀏𑀢𑁆𑀣 𑀘 𑀧𑀓𑀢𑀺𑀦𑀺𑀲𑁆𑀲𑀺𑀢+𑀫𑀦𑁆𑀢𑀭𑀗𑁆𑀕𑀁, 𑀧𑀘𑁆𑀘𑀬𑀦𑀺𑀲𑁆𑀲𑀺𑀢𑀁 𑀩𑀸𑀳𑀺𑀭𑀗𑁆𑀕𑀁. 𑀳𑁂𑀢𑀼𑀬𑁄. 𑀪𑁄 𑀳𑁂𑀢𑀼, 𑀳𑁂𑀢𑀽 𑀳𑁂𑀢𑀯𑁂 𑀳𑁂𑀢𑀯𑁄 𑀳𑁂𑀢𑀬𑁄 𑀳𑁂𑀢𑀼𑀬𑁄. 𑀲𑁂𑀲𑀁 𑀧𑀼𑀩𑁆𑀩𑀲𑀫𑀁.

𑀦𑀁𑀫𑁆𑀳𑀺 𑀩𑀳𑀼𑀦𑁄 𑀓𑀢𑀺𑀲𑁆𑀲 𑀘 𑀦𑀼𑀓 𑀳𑁄𑀢𑀺 𑀢𑀺𑀮𑀺𑀗𑁆𑀕𑁂. 𑀩𑀳𑀼𑀦𑁆𑀦𑀁. 𑀲𑁂𑀲𑀁 𑀪𑀺𑀓𑁆𑀔𑀼𑀲𑀫𑀁.

𑁫𑁭. 𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸 𑀲𑀺𑀫𑁆𑀳𑀺

𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸𑀦𑀁 𑀧𑀺𑀢𑀼+𑀫𑀸𑀢𑀼+𑀪𑀸𑀢𑀼+𑀥𑀻𑀢𑀼+𑀤𑀼𑀳𑀺𑀢𑀼+𑀚𑀸𑀫𑀸𑀢𑀼+𑀦𑀢𑁆𑀢𑀼+𑀳𑁄𑀢𑀼+𑀧𑁄𑀢𑀽𑀦𑀜𑁆𑀘𑀸 𑀳𑁄𑀢𑀺 𑀲𑀺𑀫𑁆𑀳𑀺. 𑀯𑀢𑁆𑀢𑀸. ‘‘𑀓𑀢𑁆𑀢𑀭𑀺 𑀮𑁆𑀢𑀼+𑀡𑀓𑀸’’𑀢𑀺 𑀯𑀺𑀳𑀺𑀢𑀮𑁆𑀢𑀼𑀧𑀘𑁆𑀘𑀬𑀲𑁆𑀲 𑀕𑀳𑀡𑀸 𑀬𑀢𑁄 𑀥𑀸𑀢𑀼𑀢𑁄 𑀳𑀺 𑀲𑁄 𑀯𑀺𑀳𑀺𑀢𑁄, ‘‘𑀧𑀘𑁆𑀘𑀬𑀕𑁆𑀕𑀳𑀡𑁂 𑀬𑀲𑁆𑀫𑀸 𑀲𑁄 𑀯𑀺𑀳𑀺𑀢𑁄, 𑀢𑀤𑀸𑀤𑀺𑀦𑁄 𑀢𑀤𑀦𑁆𑀢𑀲𑁆𑀲 𑀘 𑀕𑀳𑀡𑀁’’𑀢𑀺 𑀜𑀸𑀬𑀸 𑀢𑀤𑀯𑀺𑀦𑀸𑀪𑀸𑀯𑀢𑁄 𑀢𑀤𑀦𑁆𑀢𑀥𑀸𑀢𑀼𑀦𑁄𑀧𑀺 𑀕𑀳𑀡𑀁𑀢𑀺 𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸𑀦𑀁𑀢𑀺 𑀯𑀼𑀢𑁆𑀢𑀁.

𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸𑀦𑀁 𑀧𑀺𑀢𑀸𑀤𑀻𑀦𑀜𑁆𑀘𑀸+𑀭𑀗 𑀳𑁄𑀢𑀺 𑀲𑀢𑁄+𑀜𑁆𑀜𑀢𑁆𑀭. ‘‘𑀆𑀭𑀗𑀲𑁆𑀫𑀸’’𑀢𑀺 𑀝𑁄, 𑀯𑀢𑁆𑀢𑀸𑀭𑁄.

𑀕𑁂𑀮𑁆𑀢𑀼+𑀧𑀺𑀢𑀸𑀤𑀻𑀦𑀁 𑀅 𑀳𑁄𑀢𑀺 𑀆 𑀘. 𑀪𑁄 𑀯𑀢𑁆𑀢 𑀯𑀢𑁆𑀢𑀸, 𑀯𑀢𑁆𑀢𑀸𑀭𑁄. 𑀯𑀢𑁆𑀢𑀸𑀭𑀁, 𑀯𑀢𑁆𑀢𑀸𑀭𑁂 𑀯𑀢𑁆𑀢𑀸𑀭𑁄. 𑀦𑀸𑀯𑀘𑀦𑀲𑁆𑀲 ‘‘𑀝𑀸 𑀦𑀸𑀲𑁆𑀫𑀸𑀦𑀁’’𑀢𑀺 𑀝𑀸, 𑀯𑀢𑁆𑀢𑀸𑀭𑀸.

𑀲𑀼+𑀳𑀺𑀲𑀼 𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸𑀭𑀗 𑀯𑀸 𑀳𑁄𑀢𑀺. 𑀯𑀢𑁆𑀢𑀸𑀭𑁂𑀳𑀺 𑀯𑀢𑁆𑀢𑀸𑀭𑁂𑀪𑀺 𑀯𑀢𑁆𑀢𑀽𑀳𑀺 𑀯𑀢𑁆𑀢𑀽𑀪𑀺.

𑀮𑁆𑀢𑀼+𑀧𑀺𑀢𑀸𑀤𑀻𑀳𑀺 ¶ 𑀲𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀯𑀢𑁆𑀢𑀼 𑀯𑀢𑁆𑀢𑀼𑀦𑁄 𑀯𑀢𑁆𑀢𑀼𑀲𑁆𑀲.

𑀦𑀁𑀫𑁆𑀳𑀺 𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸𑀭𑀗 𑀯𑀸 𑀳𑁄𑀢𑀺. 𑀯𑀢𑁆𑀢𑀸𑀭𑀸𑀦𑀁.

𑀦𑀁𑀫𑁆𑀳𑀺 𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸 𑀯𑀸 𑀳𑁄𑀢𑀺. 𑀯𑀢𑁆𑀢𑀸𑀦𑀁 𑀯𑀢𑁆𑀢𑀽𑀦𑀁. 𑀲𑁆𑀫𑀸𑀲𑁆𑀲 𑀝𑀸, 𑀯𑀢𑁆𑀢𑀸𑀭𑀸.

𑀆𑀭𑀯𑀸+𑀤𑁂𑀲𑀫𑁆𑀳𑀸 𑀲𑁆𑀫𑀺𑀦𑁄 𑀝𑀺 𑀳𑁄𑀢𑀺.

𑀲𑁆𑀫𑀺𑀫𑁆𑀳𑀺 𑀆𑀭𑁄 𑀭𑀲𑁆𑀲𑁄 𑀳𑁄𑀢𑀺. 𑀯𑀢𑁆𑀢𑀭𑀺, 𑀯𑀢𑁆𑀢𑀸𑀭𑁂𑀲𑀼 𑀯𑀢𑁆𑀢𑀽𑀲𑀼 𑀯𑀢𑁆𑀢𑀼𑀲𑀼. 𑀏𑀯𑀁 𑁋

𑀏𑀯𑀁 𑀪𑀢𑁆𑀢𑀼 𑀓𑀢𑁆𑀢𑀼 𑀦𑁂𑀢𑀼, 𑀲𑁄𑀢𑀼 𑀜𑀸𑀢𑀼 𑀚𑁂𑀢𑀼 𑀙𑁂𑀢𑁆𑀢𑀼;

𑀪𑁂𑀢𑁆𑀢𑀼 𑀤𑀸𑀢𑀼 𑀥𑀸𑀢𑀼 𑀩𑁄𑀤𑁆𑀥𑀼, 𑀯𑀺𑀜𑁆𑀜𑀸𑀧𑁂𑀢𑀸𑀤𑀬𑁄𑀧𑀺 𑀘.

𑀲𑀢𑁆𑀣𑀼𑀲𑀤𑁆𑀤𑀲𑁆𑀲 𑀧𑀦 𑀦𑀸𑀫𑁆𑀳𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 ‘‘𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀲𑁂’’𑀢𑀺 𑀯𑀸 𑀆𑀭𑀯𑀸𑀤𑁂𑀲𑁂 𑀲𑀢𑁆𑀣𑀸𑀭𑀸 𑀲𑀢𑁆𑀣𑀼𑀦𑀸. 𑀲𑁂𑀲𑀁 𑀯𑀢𑁆𑀢𑀼𑀲𑀫𑀁.

𑀲𑀺𑀫𑁆𑀳𑀺 𑀆, 𑀧𑀺𑀢𑀸. ‘‘𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀲𑁂’’𑀢𑀺 𑀆𑀭𑀯𑀸𑀤𑁂𑀲𑁂 𑁋

𑁧𑁭𑁭. 𑀧𑀺𑀢𑀸𑀤𑀻𑀦+𑀫𑀦𑀢𑁆𑀯𑀸𑀤𑀻𑀦𑀁

𑀦𑀢𑁆𑀯𑀸𑀤𑀺𑀯𑀚𑁆𑀚𑀺𑀢𑀸𑀦𑀁 ¶ 𑀧𑀺𑀢𑀸𑀤𑀻𑀦+𑀫𑀸𑀭𑁄 𑀭𑀲𑁆𑀲𑁄 𑀳𑁄𑀢𑀺 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼. ‘‘𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀲𑁂’’ ‘‘𑀲𑀼+𑀳𑀺𑀲𑁆𑀯𑀸+𑀭𑀗’’ ‘‘𑀦𑀁𑀫𑁆𑀳𑀺 𑀯𑀸’’𑀢𑀺 𑀏𑀢𑁆𑀣 𑀯𑀼𑀢𑁆𑀢𑀯𑀺𑀪𑀢𑁆𑀢𑀻𑀲𑀼 𑀧𑀭𑁂𑀲𑀼 𑀆𑀭𑀗 𑀳𑁄𑀢𑀻𑀢𑀺 𑀢𑀸 𑀯𑀺𑀪𑀢𑁆𑀢𑀺𑀬𑁄 𑀧𑀝𑀺𑀘𑁆𑀘 𑀲𑀩𑁆𑀩𑀸𑀲𑀽𑀢𑀺 𑀯𑀼𑀢𑁆𑀢𑀁. 𑀧𑀺𑀢𑀭𑁄. 𑀪𑁄 𑀧𑀺𑀢 𑀧𑀺𑀢𑀸, 𑀧𑀺𑀢𑀭𑁄. 𑀧𑀺𑀢𑀭𑀁, 𑀧𑀺𑀢𑀭𑁂 𑀧𑀺𑀢𑀭𑁄. 𑀧𑀺𑀢𑀭𑀸, 𑀧𑀺𑀢𑀭𑁂𑀳𑀺 𑀧𑀺𑀢𑀭𑁂𑀪𑀺 𑀧𑀺𑀢𑀽𑀳𑀺 𑀧𑀺𑀢𑀽𑀪𑀺. 𑀧𑀺𑀢𑀼 𑀧𑀺𑀢𑀼𑀦𑁄 𑀧𑀺𑀢𑀼𑀲𑁆𑀲, 𑀧𑀺𑀢𑀭𑀸𑀦𑀁 𑀧𑀺𑀢𑀽𑀦𑀁. ‘‘𑀧𑀺𑀢𑀼𑀦𑁆𑀦𑀁’’𑀢𑀺 𑀦𑀁𑀫𑁆𑀳𑀺 𑀤𑀻𑀖𑁂 𑀭𑀲𑁆𑀲+𑀤𑁆𑀯𑀺𑀢𑁆𑀢𑀸𑀦𑀻𑀢𑀺 𑀯𑀼𑀢𑁆𑀢𑀁. ‘‘𑀲𑀸𑀦𑀼𑀯𑀼𑀢𑁆𑀢𑀁 𑀲𑀼𑀢𑁆𑀢𑀁’’𑀢𑀺 𑀜𑀸𑀬𑀸 ‘‘𑀩𑀳𑀼𑀓𑀢𑀺𑀦𑁆𑀦𑀁’’𑀢𑀺 𑀏𑀢𑁆𑀣 𑀦𑀼𑀓-𑀇𑀢𑀺 𑀬𑁄𑀕𑀯𑀺𑀪𑀸𑀕𑁂𑀦𑀧𑀺 𑀲𑀺𑀚𑁆𑀛𑀢𑀺 𑀏𑀢𑁆𑀣 𑀅𑀦𑀼𑀯𑀢𑁆𑀢𑀺𑀢𑀦𑀁𑀫𑁆𑀳𑀺. 𑀧𑀜𑁆𑀘𑀫𑀻𑀙𑀝𑁆𑀞𑀻 𑀢𑀢𑀺𑀬𑀸𑀘𑀢𑀼𑀢𑁆𑀣𑀻𑀲𑀫𑀁. 𑀧𑀺𑀢𑀭𑀺, 𑀧𑀺𑀢𑀭𑁂𑀲𑀼 𑀧𑀻𑀢𑀽𑀲𑀼, 𑀭𑀲𑁆𑀲𑀸𑀪𑀸𑀯𑁄. 𑀦𑀢𑁆𑀢𑀸, 𑀦𑀢𑁆𑀢𑀸𑀭𑁄. 𑀪𑁄 𑀦𑀢𑁆𑀢 𑀦𑀢𑁆𑀢𑀸, 𑀦𑀢𑁆𑀢𑀸𑀭𑁄 𑀇𑀘𑁆𑀘𑀸𑀤𑀺 𑀯𑀢𑁆𑀢𑀼𑀲𑀫𑀁.

𑀲𑀺𑀫𑁆𑀳𑀺 𑀦𑁆𑀢𑀼𑀲𑁆𑀲 𑀝𑀸 𑀳𑁄𑀢𑀺. 𑀕𑀼𑀡𑀯𑀸. 𑀬𑁄𑀫𑁆𑀳𑀺 ‘‘𑀦𑁆𑀢𑀦𑁆𑀢𑀽𑀦𑀁 𑀦𑁆𑀢𑁄 𑀬𑁄𑀫𑁆𑀳𑀺 𑀧𑀞𑀫𑁂’’𑀢𑀺 𑀲𑀯𑀺𑀪𑀢𑁆𑀢𑀺𑀲𑁆𑀲 𑀦𑁆𑀢𑀼𑀲𑁆𑀲 𑀦𑁆𑀢𑁄 𑀳𑁄𑀢𑀺. 𑀏𑀢𑁆𑀣 𑀘 ‘‘𑀦𑁆𑀢𑀼 𑀯𑀦𑁆𑀢𑀼+𑀫𑀦𑁆𑀢𑀸+𑀯𑀦𑁆𑀢𑀼+𑀢𑀯𑀦𑁆𑀢𑀼𑀲𑀫𑁆𑀩𑀦𑁆𑀥𑀻’’𑀢𑀺 𑀧𑀭𑀺𑀪𑀸𑀲𑀢𑁄 𑀦𑁆𑀢𑀼 𑀘 𑀯𑀦𑁆𑀢𑁆𑀯𑀸𑀤𑀺𑀲𑀫𑁆𑀩𑀦𑁆𑀥𑀻𑀬𑁂𑀯 𑀕𑀬𑁆𑀳𑀢𑁂, 𑀦 𑀚𑀦𑁆𑀢𑀼 𑀢𑀦𑁆𑀢𑀸𑀤𑀻𑀦𑀁. 𑀕𑀼𑀡𑀯𑀦𑁆𑀢𑁄. 𑀅𑀜𑁆𑀜𑀢𑁆𑀭 𑁋

𑀬𑁄𑀆𑀤𑀻𑀲𑀼 𑀦𑁆𑀢𑀼𑀲𑁆𑀲 𑀅 𑀳𑁄𑀢𑀺. 𑀕𑀼𑀡𑀯𑀦𑁆𑀢𑀇𑀢𑀺 𑀅𑀓𑀸𑀭𑀦𑁆𑀢𑀸 𑀝𑀸+𑀝𑁂𑀆𑀤𑁂𑀲𑀸 𑀳𑁄𑀦𑁆𑀢𑀺, 𑀕𑀼𑀡𑀯𑀦𑁆𑀢𑀸. ‘‘𑀝𑀝𑀸𑀅𑀁 𑀕𑁂’’𑀢𑀺 𑀝𑀸𑀤𑀬𑁄 ¶ , 𑀪𑁄 𑀕𑀼𑀡𑀯 𑀕𑀼𑀡𑀯𑀸 𑀕𑀼𑀡𑀯𑀁, 𑀕𑀼𑀡𑀯𑀦𑁆𑀢𑁄 𑀕𑀼𑀡𑀯𑀦𑁆𑀢𑀸. ‘‘𑀦𑁆𑀢𑀲𑁆𑀲 𑀘 𑀝 𑀯𑀁+𑀲𑁂’’𑀢𑀺 𑀅𑀁𑀲𑁂𑀲𑀼 𑀦𑁆𑀢𑀲𑁆𑀲 𑀝𑁄 𑀯𑀸, 𑀕𑀼𑀡𑀯𑀁 𑀕𑀼𑀡𑀯𑀦𑁆𑀢𑀁, 𑀕𑀼𑀡𑀯𑀦𑁆𑀢𑁂. ‘‘𑀢𑁄+𑀢𑀸+𑀢𑀺+𑀢𑀸 𑀲+𑀲𑁆𑀫𑀸+𑀲𑁆𑀫𑀺𑀁+𑀦𑀸𑀲𑀽’’𑀢𑀺 𑀢𑀸𑀆𑀤𑀬𑁄 𑀳𑁄𑀦𑁆𑀢𑀺, 𑀕𑀼𑀡𑀯𑀢𑀸 𑀕𑀼𑀡𑀯𑀦𑁆𑀢𑁂𑀦, 𑀕𑀼𑀡𑀯𑀦𑁆𑀢𑁂𑀳𑀺 𑀕𑀼𑀡𑀯𑀦𑁆𑀢𑁂𑀪𑀺. ‘‘𑀮𑀓𑁆𑀔𑀡𑀺𑀓𑀧𑀝𑀺𑀧𑀤𑁄𑀢𑁆𑀢𑁂𑀲𑀼 𑀧𑀝𑀺𑀧𑀤𑁄𑀢𑁆𑀢𑀲𑁆𑀲𑁂𑀯 𑀕𑀳𑀡𑀁, 𑀦 𑀮𑀓𑁆𑀔𑀡𑀺𑀓𑀲𑁆𑀲𑀸’’𑀢𑀺 𑀜𑀸𑀬𑀸 ‘‘𑀦 𑀮𑀓𑁆𑀔𑀡𑀺𑀓𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀩𑁆𑀬𑀢𑁆𑀢𑀺𑀧𑀓𑁆𑀔+𑀫𑀦𑀧𑁂𑀓𑁆𑀔𑀺𑀢𑁆𑀯𑀸 ‘‘𑀅𑀢𑁄’’𑀢𑀺 𑀭𑀲𑁆𑀲𑀸𑀓𑀸𑀭𑀚𑀸𑀢𑀺𑀬𑀸 𑀧𑁂𑀓𑁆𑀔𑀺𑀢𑀢𑁆𑀢𑀸 𑀕𑀼𑀡𑀯𑀦𑁆𑀢𑁂𑀦𑀸𑀢𑀺 ‘‘𑀅𑀢𑁂𑀦𑀸’’ 𑀢𑁆𑀬+𑀦𑁂𑀦 𑀲𑀺𑀚𑁆𑀛𑀢𑀺. 𑀚𑀸𑀢𑀺=𑀲𑀸𑀫𑀜𑁆𑀜𑀁, 𑀩𑁆𑀬𑀢𑁆𑀢𑀺=𑀯𑀺𑀲𑁂𑀲𑁄. 𑀕𑀼𑀡𑀯𑀢𑁄 𑀕𑀼𑀡𑀯𑀲𑁆𑀲 𑀕𑀼𑀡𑀯𑀦𑁆𑀢𑀲𑁆𑀲, ‘‘𑀢𑀁 𑀦𑀁𑀫𑁆𑀳𑀺’’𑀢𑀺 𑀦𑀁𑀫𑁆𑀳𑀻 𑀢𑀁 𑀯𑀸, 𑀕𑀼𑀡𑀯𑀢𑀁 𑀕𑀼𑀡𑀯𑀦𑁆𑀢𑀸𑀦𑀁. 𑀕𑀼𑀡𑀯𑀢𑀸 𑀕𑀼𑀡𑀯𑀦𑁆𑀢𑀸 𑀕𑀼𑀡𑀯𑀦𑁆𑀢𑀫𑁆𑀳𑀸 𑀕𑀼𑀡𑀯𑀦𑁆𑀢𑀲𑁆𑀫𑀸. 𑀕𑀼𑀡𑀯𑀢𑀺 𑀕𑀼𑀡𑀯𑀦𑁆𑀢𑁂 𑀕𑀼𑀡𑀯𑀦𑁆𑀢𑀫𑁆𑀳𑀺 𑀕𑀼𑀡𑀯𑀦𑁆𑀢𑀲𑁆𑀫𑀺𑀁, 𑀕𑀼𑀡𑀯𑀦𑁆𑀢𑁂𑀲𑀼. ‘‘𑀦𑁆𑀢𑀲𑁆𑀲 𑀘 𑀝 𑀯𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀬𑁄𑀲𑀼 𑀘 𑀦𑁆𑀢𑀼𑀲𑁆𑀲 𑀯𑀸 𑀝𑀸𑀤𑁂𑀲𑁂 𑀓𑀢𑁂 𑀬𑁄𑀲𑁆𑀲 𑀝𑀸, ‘‘𑀘𑀓𑁆𑀔𑀼𑀫𑀸 𑀅𑀦𑁆𑀥𑀺𑀢𑀸 𑀳𑁄𑀦𑁆𑀢𑀺’’, ‘‘𑀯𑀕𑁆𑀕𑀼𑀫𑀼𑀤𑀸𑀢𑀻𑀭𑀺𑀬𑀸 𑀪𑀺𑀓𑁆𑀔𑀼 𑀯𑀡𑁆𑀡𑀯𑀸’’ 𑀇𑀘𑁆𑀘𑀸𑀤𑀻 𑀳𑁄𑀦𑁆𑀢𑀺.

𑀏𑀯𑀁 𑀕𑀡𑀯𑀸 𑀓𑀼𑀮𑀯𑀸 𑀨𑀮𑀯𑀸 𑀬𑀲𑀯𑀸 𑀥𑀦𑀯𑀸 𑀲𑀼𑀢𑀯𑀸 𑀪𑀕𑀯𑀸 𑀳𑀺𑀫𑀯𑀸 𑀩𑀮𑀯𑀸 𑀲𑀻𑀮𑀯𑀸 𑀧𑀜𑁆𑀜𑀯𑀸 𑀇𑀘𑁆𑀘𑀸𑀤𑀻.

𑀳𑀺𑀫𑀯𑀢𑁄 𑀲𑀺𑀫𑁆𑀳𑀺 𑀦𑁆𑀢𑀼𑀲𑁆𑀲 𑀑 𑀯𑀸 𑀳𑁄𑀢𑀺, 𑀳𑀺𑀫𑀯𑀦𑁆𑀢𑁄 𑀳𑀺𑀫𑀯𑀸. 𑀲𑁂𑀲𑀁 𑀧𑀼𑀭𑀺𑀫𑀲𑀫𑀁.

𑀆𑀬𑀲𑁆𑀫𑀦𑁆𑀢𑀼𑀲𑀤𑁆𑀤𑁄 𑀓𑀫𑁆𑀫𑀯𑀸𑀘𑀸𑀬 𑀓𑁆𑀯𑀘𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀤𑁆𑀯𑀺𑀯𑀘𑀦𑁂𑀦 𑀆𑀬𑀲𑁆𑀫𑀦𑁆𑀢𑀸, 𑀢𑀺𑀡𑁆𑀡𑀁 𑀯𑀘𑀦𑁂𑀦 𑀆𑀬𑀲𑁆𑀫𑀦𑁆𑀢𑁄𑀢𑀺 𑀤𑀺𑀲𑁆𑀲𑀢𑀺.

𑀏𑀯𑀁 ¶ 𑀲𑀢𑀺𑀫𑀸 𑀥𑀺𑀢𑀺𑀫𑀸 𑀕𑀢𑀺𑀫𑀸 𑀫𑀼𑀢𑀺𑀫𑀸 𑀫𑀢𑀺𑀫𑀸 𑀚𑀼𑀢𑀺𑀫𑀸 𑀲𑀺𑀭𑀺𑀫𑀸 𑀳𑀺𑀭𑀺𑀫𑀸 𑀣𑀼𑀢𑀺𑀫𑀸 𑀭𑀢𑀺𑀫𑀸 𑀬𑀢𑀺𑀫𑀸 𑀲𑀼𑀘𑀺𑀫𑀸 𑀓𑀮𑀺𑀫𑀸 𑀩𑀮𑀺𑀫𑀸 𑀓𑀲𑀺𑀫𑀸 𑀭𑀼𑀘𑀺𑀫𑀸 𑀩𑀼𑀤𑁆𑀥𑀺𑀫𑀸 𑀘𑀓𑁆𑀔𑀼𑀫𑀸 𑀩𑀦𑁆𑀥𑀼𑀫𑀸 𑀳𑁂𑀢𑀼𑀫𑀸 𑀲𑁂𑀢𑀼𑀫𑀸 𑀓𑁂𑀢𑀼𑀫𑀸 𑀭𑀸𑀳𑀼𑀫𑀸 𑀪𑀸𑀡𑀼𑀫𑀸 𑀔𑀸𑀡𑀼𑀫𑀸 𑀯𑀺𑀚𑁆𑀚𑀼𑀫𑀸 𑀇𑀘𑁆𑀘𑀸𑀤𑀬𑁄.

𑀯𑁂𑀲𑁆𑀲𑀪𑀽 𑀲𑀺𑀮𑁄𑀧𑁄. 𑀢𑁂 𑀘 𑀭𑀲𑁆𑀲𑀸𑀪𑀸𑀯𑁄𑀯 𑀯𑀺𑀲𑁂𑀲𑁄. ‘‘𑀏𑀓𑀯𑀘𑀦𑀬𑁄𑀲𑁆𑀯+𑀖𑁄𑀦𑀁’’𑀢𑀺 𑀭𑀲𑁆𑀲𑁂 ‘‘𑀮𑀸 𑀬𑁄𑀦𑀁 𑀯𑁄 𑀧𑀼𑀫𑁂’’𑀢𑀺 𑀯𑁄, 𑀯𑁂𑀲𑁆𑀲𑀪𑀼𑀯𑁄, ‘‘𑀯𑁂𑀯𑁄𑀲𑀼 𑀮𑀼𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀦 𑀝𑀸𑀤𑁂𑀲𑁄, ‘‘𑀮𑁄𑀧𑁄𑀢𑀺 𑀬𑁄𑀮𑁄𑀧𑁂 𑀯𑁂𑀲𑁆𑀲𑀪𑀽. ‘‘𑀕𑁂 𑀯𑀸’’𑀢𑀺 𑀯𑀸 𑀭𑀲𑁆𑀲𑁂 𑀪𑁄 𑀯𑁂𑀲𑁆𑀲𑀪𑀼 𑀯𑁂𑀲𑁆𑀲𑀪𑀽, 𑀯𑁂𑀲𑁆𑀲𑀪𑀼𑀯𑁄 𑀯𑁂𑀲𑁆𑀲𑀪𑀽. 𑀯𑁂𑀲𑁆𑀲𑀪𑀼𑀁, 𑀯𑁂𑀲𑁆𑀲𑀪𑀼𑀯𑁄 𑀯𑁂𑀲𑁆𑀲𑀪𑀽. 𑀯𑁂𑀲𑁆𑀲𑀪𑀼𑀦𑀸 𑀇𑀘𑁆𑀘𑀸𑀤𑀺 𑀪𑀺𑀓𑁆𑀔𑀼𑀲𑀫𑀁. 𑀏𑀯𑀁 𑀲𑀬𑀫𑁆𑀪𑀽 𑀧𑀭𑀸𑀪𑀺𑀪𑀽 𑀅𑀪𑀺𑀪𑀽𑀆𑀤𑀬𑁄. 𑀕𑁄𑀢𑁆𑀭𑀪𑀽+𑀲𑀳𑀪𑀽𑀲𑀤𑁆𑀤𑁂𑀳𑀺 𑀧𑀦 𑀬𑁄𑀦𑀁 ‘‘𑀚𑀦𑁆𑀢𑁆𑀯𑀸𑀤𑀺𑀢𑁄 𑀦𑁄 𑀯𑀸’’𑀢𑀺 𑀦𑁄, 𑀯𑁄 𑀯𑀸, 𑀕𑁄𑀢𑁆𑀭𑀪𑀼𑀦𑁄 𑀕𑁄𑀢𑁆𑀭𑀪𑀼𑀯𑁄 𑀕𑁄𑀢𑁆𑀭𑀪𑀽. 𑀲𑀳𑀪𑀼𑀦𑁄 𑀲𑀳𑀪𑀼𑀯𑁄 𑀲𑀳𑀪𑀽, 𑀲𑁂𑀲𑀁 𑀯𑁂𑀲𑁆𑀲𑀪𑀽𑀲𑀫𑀁.

𑀓𑀽𑀧𑀘𑁆𑀘𑀬𑀦𑁆𑀢𑀢𑁄 𑀬𑁄𑀦𑀁 𑀦𑁄 𑀯𑀸 𑀳𑁄𑀢𑀺 𑀧𑀼𑀮𑁆𑀮𑀺𑀗𑁆𑀕𑁂. 𑀲𑀩𑁆𑀩𑀜𑁆𑀜𑀼𑀦𑁄. 𑀅𑀜𑁆𑀜𑀢𑁆𑀭 ‘‘𑀮𑀸 𑀬𑁄𑀦𑀁 𑀯𑁄 𑀧𑀼𑀫𑁂’’𑀢𑀺 𑀦 𑀯𑁄, ‘‘𑀓𑀽𑀢𑁄’’𑀢𑀺 𑀚𑀦𑁆𑀢𑁆𑀯𑀸𑀤𑀻𑀳𑀺 𑀧𑀼𑀣𑀓𑁆𑀓𑀭𑀡𑀸. 𑀬𑁄𑀮𑁄𑀧𑁂 𑀲𑀩𑁆𑀩𑀜𑁆𑀜𑀽. 𑀪𑁄 𑀲𑀩𑁆𑀩𑀜𑁆𑀜𑀼 𑀲𑀩𑁆𑀩𑀜𑁆𑀜𑀽, 𑀲𑀩𑁆𑀩𑀜𑁆𑀜𑀼𑀦𑁄 𑀲𑀩𑁆𑀩𑀜𑁆𑀜𑀽 𑀇𑀘𑁆𑀘𑀸𑀤𑀺.

𑀏𑀯𑀁 𑀫𑀕𑁆𑀕𑀜𑁆𑀜𑀽 𑀥𑀫𑁆𑀫𑀜𑁆𑀜𑀽 𑀅𑀢𑁆𑀣𑀜𑁆𑀜𑀽 𑀓𑀸𑀮𑀜𑁆𑀜𑀽 𑀭𑀢𑁆𑀢𑀜𑁆𑀜𑀽 𑀫𑀢𑁆𑀢𑀜𑁆𑀜𑀽 𑀓𑀢𑀜𑁆𑀜𑀽 𑀓𑀣𑀜𑁆𑀜𑀽 𑀯𑀺𑀜𑁆𑀜𑀽 𑀯𑀺𑀤𑀽 𑀇𑀘𑁆𑀘𑀸𑀤𑀬𑁄. 𑀏𑀢𑁆𑀣 ‘‘𑀯𑀺𑀤𑀸 𑀓𑀽’’ ‘‘𑀯𑀺𑀢𑁄 𑀜𑀸𑀢𑁄’’ ¶ ‘‘𑀓𑀫𑁆𑀫𑀸’’𑀢𑀺 𑀢𑀻𑀲𑀼 𑀲𑀼𑀢𑁆𑀢𑁂𑀲𑀼 𑀓𑀽𑀧𑀘𑁆𑀘𑀬𑀲𑁆𑀲 𑀕𑀳𑀺𑀢𑀢𑁆𑀢𑀸 𑀯𑁂𑀤𑀕𑀽𑀆𑀤𑀬𑁄 𑀭𑀽𑀧𑀘𑁆𑀘𑀬𑀦𑁆𑀢𑀸 𑀦 𑀕𑀳𑀺𑀢𑀸.

𑁬𑁭. 𑀕𑁄𑀲𑁆𑀲𑀸+𑀕+𑀲𑀺+𑀳𑀺+𑀦𑀁𑀲𑀼 𑀕𑀸𑀯+𑀕𑀯𑀸

𑀕+𑀲𑀺+𑀳𑀺+𑀦𑀁𑀯𑀚𑁆𑀚𑀺𑀢𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀕𑁄𑀲𑀤𑁆𑀤𑀲𑁆𑀲 𑀕𑀸𑀯+𑀕𑀯𑀸 𑀳𑁄𑀦𑁆𑀢𑀺 𑀦𑀺𑀘𑁆𑀘𑀁.

𑀉𑀪+𑀕𑁄𑀳𑀺 𑀬𑁄𑀦𑀁 𑀝𑁄 𑀳𑁄𑀢𑀺. 𑀕𑀸𑀯𑁄 𑀕𑀯𑁄. 𑀪𑁄 𑀕𑁄, 𑀕𑀸𑀯𑁄 𑀕𑀯𑁄.

𑀅𑀁𑀯𑀘𑀦𑁂 𑀕𑁄𑀲𑁆𑀲 𑀕𑀸𑀯𑀼 𑀯𑀸 𑀳𑁄𑀢𑀺. 𑀕𑀸𑀯𑀼𑀁 𑀕𑀸𑀯𑀁 𑀕𑀯𑀁, 𑀕𑀸𑀯𑁄 𑀕𑀯𑁄.

𑀕𑁄𑀢𑁄 𑀦𑀸𑀲𑁆𑀲 𑀆 𑀳𑁄𑀢𑀺 𑀯𑀸. 𑀏𑀓𑀯𑀡𑁆𑀡𑀢𑁆𑀢𑀸 𑀦 𑀲𑀩𑁆𑀩𑀸𑀤𑁂𑀲𑁄. ‘‘𑀧𑀜𑁆𑀘𑀫𑀺𑀬𑀁 𑀧𑀭𑀲𑁆𑀲𑁂’’𑀢𑀺 𑀯𑀢𑁆𑀢𑀦𑁆𑀢𑁂 ‘‘𑀆𑀤𑀺𑀲𑁆𑀲𑀸’’𑀢𑀺 𑀦𑀸𑀲𑁆𑀲 𑀆 𑀳𑁄𑀢𑀺, 𑀧𑀭𑀮𑁄𑀧𑁄, 𑀕𑀸𑀯𑀸 𑀕𑀸𑀯𑁂𑀦 𑀕𑀯𑀸 𑀕𑀯𑁂𑀦, 𑀕𑁄𑀳𑀺 𑀕𑁄𑀪𑀺.

𑀕𑁄𑀲𑁆𑀲 𑀲𑁂 𑀯𑀸 𑀕𑀯𑀁 𑀳𑁄𑀢𑀺 𑀲𑀳 𑀲𑁂𑀦. 𑀕𑀯𑀁 𑀕𑀸𑀯𑀲𑁆𑀲 𑀕𑀯𑀲𑁆𑀲. 𑀓𑀘𑁆𑀘𑀸𑀬𑀦𑁂 ‘‘𑀕𑀯𑀁 𑀘𑁂 𑀢𑀭𑀫𑀸𑀦𑀸𑀦𑀁’’𑀢𑀺 𑀧𑀸𑀴𑀺𑀁 𑀧𑀝𑀺𑀘𑁆𑀘 𑀦𑀁𑀫𑁆𑀳𑀺 𑀩𑀳𑀼𑀯𑀘𑀦𑀫𑁂𑀯 𑀲𑀸𑀥𑀺𑀢𑀁, 𑀇𑀥 ‘‘𑀕𑀯𑀁𑀯 𑀲𑀺𑀗𑁆𑀕𑀺𑀦𑁄 𑀲𑀗𑁆𑀕𑀁’’𑀢𑀺 𑀤𑀲𑁆𑀲𑀦𑀢𑁄 𑀏𑀓𑀯𑀘𑀦𑀜𑁆𑀘.

𑀦𑀁𑀯𑀘𑀦𑁂𑀦 ¶ 𑀲𑀳 𑀕𑁄𑀲𑁆𑀲 𑀕𑀼𑀦𑁆𑀦𑀁 𑀳𑁄𑀢𑀺 𑀕𑀯𑀜𑁆𑀘 𑀯𑀸. 𑀕𑀼𑀦𑁆𑀦𑀁 𑀕𑀯𑀁 𑀕𑁄𑀦𑀁. 𑀕𑀸𑀯𑀸 𑀕𑀸𑀯𑀫𑁆𑀳𑀸 𑀕𑀸𑀯𑀲𑁆𑀫𑀸 𑀕𑀯𑀸 𑀕𑀯𑀫𑁆𑀳𑀸 𑀕𑀯𑀲𑁆𑀫𑀸. 𑀕𑀸𑀯𑁂 𑀕𑀸𑀯𑀫𑁆𑀳𑀺 𑀕𑀸𑀯𑀲𑁆𑀫𑀺𑀁 𑀕𑀯𑁂 𑀕𑀯𑀫𑁆𑀳𑀺 𑀕𑀯𑀲𑁆𑀫𑀺𑀁.

𑀲𑀼𑀫𑁆𑀳𑀺 𑀕𑁄𑀲𑁆𑀲 𑀕𑀸𑀯+𑀕𑀯𑀸 𑀳𑁄𑀦𑁆𑀢𑀺 𑀯𑀸. 𑀕𑀸𑀯𑁂𑀲𑀼 𑀕𑀯𑁂𑀲𑀼 𑀕𑁄𑀲𑀼. 𑀕𑁄𑀲𑁆𑀲 𑀕𑁄𑀡𑀸𑀤𑁂𑀲𑁄 𑀦 𑀓𑀢𑁄, 𑀲𑀤𑁆𑀤𑀦𑁆𑀢𑀭𑀢𑁆𑀢𑀸. 𑀕𑁄𑀡𑀲𑀤𑁆𑀤𑁄 𑀳𑀺 𑀲𑀢𑁆𑀢𑀲𑀼 𑀯𑀺𑀪𑀢𑁆𑀢𑀻𑀲𑀼 𑀤𑀺𑀲𑁆𑀲𑀢𑀻𑀢𑀺.

𑀉𑀲𑀼+𑀪𑀽𑀫𑀺+𑀧𑀲𑀼+𑀭𑀁𑀲𑀺-𑀤𑀺𑀲𑀸+𑀯𑀸𑀘𑀸+𑀫𑁆𑀩𑀼+𑀘𑀓𑁆𑀔𑀼𑀲𑀼;

𑀤𑀲𑀲𑁆𑀯+𑀢𑁆𑀣𑁂𑀲𑀼 𑀕𑁄 𑀯𑀼𑀢𑁆𑀢𑁄, 𑀮𑀕𑁆𑀕𑁂 𑀘 𑀯𑀚𑀺𑀭𑁂 𑀇𑀢𑀺.

𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲+𑀦𑁆𑀢𑁂 𑀯𑀢𑁆𑀢𑀫𑀸𑀦𑁄 𑀆𑀓𑀸𑀭𑁄 𑀖𑀲𑀜𑁆𑀜𑁄 𑀳𑁄𑀢𑀺. ‘‘𑀚𑀦𑁆𑀢𑀼+𑀳𑁂𑀢𑁆𑀯𑀻+𑀖+𑀧𑁂𑀳𑀺 𑀯𑀸’’𑀢𑀺 𑀬𑁄𑀮𑁄𑀧𑁄 𑀯𑀸. 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄. ‘‘𑀖+𑀩𑁆𑀭𑀳𑁆𑀫𑀸𑀤𑀺𑀢𑁂’’𑀢𑀺 𑀕𑀲𑁆𑀲 𑀏 𑀯𑀸, 𑀓𑀜𑁆𑀜𑁂 𑀓𑀜𑁆𑀜𑀸, 𑀬𑁄𑀫𑁆𑀳𑀺 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄. ‘‘𑀖𑁄 𑀲𑁆𑀲𑀁+𑀲𑁆𑀲𑀸 𑀬𑀁+𑀢𑀺𑀁𑀲𑀽’’𑀢𑀺 𑀅𑀁𑀫𑁆𑀳𑀺 𑀭𑀲𑁆𑀲𑁄. 𑀓𑀜𑁆𑀜𑀁, 𑀓𑀜𑁆𑀜𑀸 𑀓𑀜𑁆𑀜𑀸𑀬𑁄.

𑁪𑁫. 𑀖+𑀧𑀢𑁂+𑀓𑀲𑁆𑀫𑀺𑀁 𑀦𑀸𑀤𑀻𑀦𑀁 𑀬+𑀬𑀸

𑀖𑀧𑀢𑁄 ¶ 𑀲𑁆𑀫𑀺𑀁𑀯𑀺𑀪𑀢𑁆𑀢𑀺𑀧𑀭𑀺𑀬𑀦𑁆𑀢𑀸𑀦𑀁 𑀏𑀓𑀢𑁆𑀢𑁂 𑀦𑀸𑀤𑀻𑀦𑀁 𑀬+𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀓𑀜𑁆𑀜𑀸𑀬, 𑀓𑀜𑁆𑀜𑀸𑀪𑀺 𑀓𑀜𑁆𑀜𑀸𑀳𑀺. 𑀓𑀜𑁆𑀜𑀸𑀬, 𑀓𑀜𑁆𑀜𑀸𑀦𑀁.

𑀖𑀧𑀢𑁄 𑀲𑁆𑀫𑀺𑀦𑁄 𑀬𑀁 𑀯𑀸 𑀳𑁄𑀢𑀺. 𑀓𑀜𑁆𑀜𑀸𑀬𑀁 𑀓𑀜𑁆𑀜𑀸𑀬. ‘‘𑀖+ 𑀧𑀢𑁂+𑀓𑀲𑁆𑀫𑀺𑀁 𑀦𑀸𑀤𑀻𑀦𑀁 𑀬+𑀬𑀸’’ ‘‘𑀬𑀁’’𑀢𑀺 𑀘 𑀇𑀫𑁂𑀲𑀁 𑀅𑀧𑀯𑀸𑀤𑀸𑀤𑀻𑀦𑀁 𑀯𑀺𑀲𑀬𑁂 𑀫𑁆𑀳𑀺𑀲𑁆𑀲 𑀉𑀲𑁆𑀲𑀕𑁆𑀕𑀢𑁆𑀢𑀸 𑀧𑀯𑀢𑁆𑀢𑀺 𑀦𑀢𑁆𑀣𑀻𑀢𑀺 𑀲𑁆𑀫𑀺𑀦𑁄 𑀩𑀳𑀼𑀮𑀸𑀥𑀺𑀓𑀸𑀭𑀸 ‘‘𑀲𑁆𑀫𑀸+𑀳𑀺+𑀲𑁆𑀫𑀺𑀦𑁆𑀦’’ 𑀫𑀺𑀘𑁆𑀘𑀸𑀤𑀺𑀦𑀸 𑀫𑁆𑀳𑀺𑀓𑀢𑁂 ‘‘𑀤𑀲𑀲𑀳𑀲𑁆𑀲𑀺𑀫𑁆𑀳𑀺 𑀥𑀸𑀢𑀼𑀫𑁆𑀳𑀻’’𑀢𑀺 𑀲𑀺𑀚𑁆𑀛𑀢𑀺. 𑀓𑀜𑁆𑀜𑀸𑀲𑀼. 𑀏𑀯𑀁 𑁋

𑀲𑀤𑁆𑀥𑀸 𑀫𑁂𑀥𑀸 𑀧𑀜𑁆𑀜𑀸 𑀯𑀺𑀚𑁆𑀚𑀸, 𑀘𑀺𑀦𑁆𑀢𑀸 𑀫𑀦𑁆𑀢𑀸 𑀢𑀡𑁆𑀳𑀸 𑀯𑀻𑀡𑀸;

𑀇𑀘𑁆𑀙𑀸 𑀫𑀼𑀘𑁆𑀙𑀸 𑀏𑀚𑀸 𑀫𑀸𑀬𑀸, 𑀫𑁂𑀢𑁆𑀢𑀸 𑀫𑀢𑁆𑀢𑀸 𑀲𑀺𑀓𑁆𑀔𑀸 𑀪𑀺𑀓𑁆𑀔𑀸.

𑀚𑀗𑁆𑀖𑀸 𑀕𑀻𑀯𑀸 𑀚𑀻𑀯𑁆𑀳𑀸 𑀯𑀸𑀘𑀸, 𑀙𑀸𑀬𑀸 𑀆𑀲𑀸 𑀕𑀗𑁆𑀕𑀸 𑀦𑀸𑀯𑀸;

𑀕𑀸𑀣𑀸 𑀲𑁂𑀦𑀸 𑀮𑁂𑀔𑀸 𑀲𑀸𑀮𑀸, 𑀫𑀸𑀮𑀸 𑀯𑁂𑀮𑀸 𑀧𑀽𑀚𑀸 𑀔𑀺𑀟𑁆𑀟𑀸.

𑀧𑀺𑀧𑀸𑀲𑀸 𑀯𑁂𑀤𑀦𑀸 𑀲𑀜𑁆𑀜𑀸, 𑀘𑁂𑀢𑀦𑀸 𑀢𑀲𑀺𑀦𑀸 𑀧𑀚𑀸;

𑀤𑁂𑀯𑀢𑀸 𑀯𑀝𑁆𑀝𑀓𑀸 𑀕𑁄𑀥𑀸, 𑀩𑀮𑀸𑀓𑀸 𑀧𑀭𑀺𑀲𑀸 𑀲𑀪𑀸.

𑀊𑀓𑀸 𑀲𑁂𑀨𑀸𑀮𑀺𑀓𑀸 𑀮𑀗𑁆𑀓𑀸, 𑀲𑀮𑀸𑀓𑀸 𑀯𑀸𑀮𑀼𑀓𑀸 𑀲𑀺𑀔𑀸;

𑀯𑀺𑀲𑀸𑀔𑀸 𑀯𑀺𑀲𑀺𑀔𑀸 𑀲𑀸𑀔𑀸, 𑀯𑀸𑀘𑀸 𑀯𑀜𑁆𑀛𑀸 𑀚𑀝𑀸 𑀖𑀝𑀸.

𑀚𑁂𑀝𑁆𑀞𑀸 𑀲𑁄𑀡𑁆𑀟𑀸 𑀯𑀺𑀢𑀡𑁆𑀟𑀸 𑀘, 𑀓𑀭𑀼𑀡𑀸 𑀯𑀦𑀺𑀢𑀸 𑀮𑀢𑀸;

𑀓𑀣𑀸 𑀦𑀺𑀤𑁆𑀤𑀸 𑀲𑀼𑀥𑀸 𑀭𑀸𑀥𑀸, 𑀯𑀸𑀲𑀦𑀸 𑀲𑀺𑀁𑀲𑀧𑀸 𑀧𑀧𑀸.

𑀧𑀪𑀸 ¶ 𑀲𑀻𑀫𑀸 𑀔𑀫𑀸 𑀙𑀸𑀬𑀸, 𑀔𑀢𑁆𑀢𑀺𑀬𑀸 𑀲𑀓𑁆𑀔𑀭𑀸 𑀲𑀼𑀭𑀸;

𑀤𑁄𑀮𑀸 𑀢𑀼𑀮𑀸 𑀲𑀺𑀮𑀸 𑀮𑀺𑀮𑀸, 𑀮𑀸𑀮𑁂+𑀮𑀸 𑀫𑁂𑀔𑀮𑀸 𑀓𑀮𑀸.

𑀯𑀴𑀯𑀸+𑀮𑀫𑁆𑀩𑀼𑀲𑀸 𑀫𑀽𑀲𑀸, 𑀫𑀜𑁆𑀚𑀼𑀲𑀸 𑀲𑀼𑀮𑀲𑀸 𑀤𑀺𑀲𑀸;

𑀦𑀸𑀲𑀸 𑀚𑀼𑀡𑁆𑀳𑀸 𑀕𑀼𑀳𑀸 𑀈𑀳𑀸, 𑀮𑀲𑀺𑀓𑀸 𑀯𑀲𑀼𑀥𑀸𑀤𑀬𑁄.

‘‘𑀦+𑀫𑁆𑀫𑀸𑀤𑀻𑀳𑀻’’𑀢𑀺 𑀅𑀫𑁆𑀫𑀸+𑀅𑀦𑁆𑀦𑀸+𑀅𑀫𑁆𑀩𑀸𑀳𑀺 𑀕𑀲𑁆𑀲 𑀏𑀓𑀸𑀭𑀸+𑀪𑀸𑀯𑁂 𑁋

𑀅𑀫𑁆𑀫𑀸𑀤𑀻𑀦𑀁 𑀕𑁂 𑀭𑀲𑁆𑀲𑁄 𑀯𑀸 𑀳𑁄𑀢𑀺. 𑀅𑀫𑁆𑀫 𑀅𑀫𑁆𑀫𑀸 𑀇𑀘𑁆𑀘𑀸𑀤𑀺. 𑀲𑁂𑀲𑀁 𑀓𑀜𑁆𑀜𑀸𑀯. 𑀏𑀯𑀁 𑀅𑀦𑁆𑀦𑀸 𑀅𑀫𑁆𑀩𑀸. 𑀲𑀪𑀸𑀧𑀭𑀺𑀲𑀸𑀳𑀺 𑀲𑁆𑀫𑀺𑀦𑁄 ‘‘𑀢𑀺𑀁 𑀲𑀪𑀸𑀧𑀭𑀺𑀲𑀸𑀬𑀸’’𑀢𑀺 𑀢𑀺𑀁 𑀯𑀸 𑀳𑁄𑀢𑀺. ‘‘𑀖𑁄𑀲𑁆𑀲’’ 𑀫𑀸𑀤𑀺𑀦𑀸 𑀭𑀲𑁆𑀲𑁂 𑀲𑀪𑀢𑀺𑀁 𑀲𑀪𑀸𑀬𑀁 𑀲𑀪𑀸𑀬. 𑀧𑀭𑀺𑀲𑀢𑀺𑀁 𑀧𑀭𑀺𑀲𑀸𑀬𑀁 𑀧𑀭𑀺𑀲𑀸𑀬.

𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀲𑁆𑀲 𑀦𑀸𑀫𑀲𑁆𑀲+𑀦𑁆𑀢𑁂 𑀯𑀢𑁆𑀢𑀫𑀸𑀦𑀸 𑀇𑀯𑀡𑁆𑀡𑀼+𑀯𑀡𑁆𑀡𑀸 𑀧𑀲𑀜𑁆𑀜𑀸 𑀳𑁄𑀦𑁆𑀢𑀺.

𑀧𑀲𑀜𑁆𑀜𑀲𑁆𑀲 𑀇𑀯𑀡𑁆𑀡𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀯𑀸 𑀬𑀓𑀸𑀭𑁂. ‘‘𑀧𑀭𑁄 𑀓𑁆𑀯𑀘𑀻’’𑀢𑀺 𑀅𑀦𑀼𑀯𑀢𑁆𑀢𑀺𑀢𑀓𑁆𑀯𑀘𑀺𑀕𑁆𑀕𑀳𑀡𑀸 𑀬𑁂 𑀧𑀭𑁂 𑀘-𑀓𑀸𑀭+𑀧𑀼𑀩𑁆𑀩𑀭𑀽𑀧𑀸- 𑀦𑀺 ¶ 𑀦 𑀳𑁄𑀦𑁆𑀢𑀺. 𑀫𑀢𑁆𑀬𑁄. 𑀅𑀜𑁆𑀜𑀢𑁆𑀭 ‘‘𑀚𑀦𑁆𑀢𑁆𑀯𑀸’’𑀤𑀺𑀦𑀸 𑀬𑁄𑀮𑁄𑀧𑁄, 𑀤𑀻𑀖𑁄, 𑀫𑀢𑀻 𑀫𑀢𑀺𑀬𑁄. 𑀪𑁄 𑀫𑀢𑀺 𑀫𑀢𑀻, 𑀫𑀢𑁆𑀬𑁄 𑀫𑀢𑀻 𑀫𑀢𑀺𑀬𑁄. 𑀫𑀢𑀺𑀁, 𑀫𑀢𑁆𑀬𑁄 𑀫𑀢𑀻 𑀫𑀢𑀺𑀬𑁄. 𑀫𑀢𑀺𑀬𑀸, 𑀫𑀢𑀻𑀳𑀺 𑀫𑀢𑀻𑀪𑀺. 𑀫𑀢𑁆𑀬𑀸 𑀫𑀢𑀺𑀬𑀸, 𑀫𑀢𑀻𑀦𑀁. 𑀲𑁆𑀫𑀺𑀦𑁄 𑀬𑀁, 𑀫𑀢𑁆𑀬𑀁 𑀫𑀢𑀺𑀬𑀁 𑀫𑀢𑁆𑀬𑀸 𑀫𑀢𑀺𑀬𑀸, 𑀫𑀢𑀻𑀲𑀼. 𑀏𑀯𑀁 𑁋

𑀧𑀢𑁆𑀢𑀺 𑀬𑀼𑀢𑁆𑀢𑀺 𑀯𑀼𑀢𑁆𑀢𑀺 𑀓𑀺𑀢𑁆𑀢𑀺, 𑀫𑀼𑀢𑁆𑀢𑀺 𑀢𑀺𑀢𑁆𑀢𑀺 𑀔𑀦𑁆𑀢𑀺 𑀓𑀦𑁆𑀢𑀺;

𑀲𑀦𑁆𑀢𑀺 𑀢𑀦𑁆𑀢𑀺 𑀲𑀺𑀤𑁆𑀥𑀺 𑀲𑀼𑀤𑁆𑀥𑀺, 𑀇𑀤𑁆𑀥𑀺 𑀯𑀼𑀤𑁆𑀥𑀺 𑀩𑀼𑀤𑁆𑀥𑀺 𑀩𑁄𑀥𑀺.

𑀪𑀽𑀫𑀺 𑀚𑀸𑀢𑀺 𑀧𑀻𑀢𑀺 𑀲𑀼𑀢𑀺, 𑀦𑀦𑁆𑀤𑀺 𑀲𑀦𑁆𑀥𑀺 𑀲𑁄𑀡𑀺 𑀓𑁄𑀝𑀺;

𑀤𑀺𑀝𑁆𑀞𑀺 𑀯𑀼𑀝𑁆𑀞𑀺 𑀢𑀼𑀝𑁆𑀞𑀺 𑀬𑀝𑁆𑀞𑀺, 𑀧𑀸𑀴𑀺 𑀆𑀴𑀺 𑀦𑀸𑀴𑀺 𑀓𑁂𑀴𑀺.

𑀲𑀢𑀺 𑀫𑀼𑀢𑀺 𑀕𑀢𑀺 𑀘𑀼𑀢𑀺, 𑀥𑀺𑀢𑀺 𑀬𑀼𑀯𑀢𑀺 𑀯𑀺𑀓𑀢𑀺;

𑀭𑀢𑀺 𑀭𑀼𑀘𑀺 𑀭𑀲𑁆𑀫𑀺 𑀅𑀲𑀦𑀺, 𑀯𑀲𑀦𑀺 𑀑𑀲𑀥𑀺 𑀅𑀗𑁆𑀕𑀼𑀮𑀺;

𑀥𑀽𑀮𑀺 𑀤𑀼𑀤𑁆𑀭𑀪𑀺 𑀤𑁄𑀡𑀺, 𑀅𑀝𑀯𑀺 𑀙𑀯𑀺 𑀇𑀘𑁆𑀘𑀸𑀤𑀺.

𑁫𑁫. 𑀭𑀢𑁆𑀬𑀸𑀤𑀻𑀳𑀺 𑀝𑁄 𑀲𑁆𑀫𑀺𑀦𑁄

𑀭𑀢𑁆𑀬𑀸𑀤𑀻𑀳𑀺 𑀲𑁆𑀫𑀺𑀦𑁄 𑀝𑁄 𑀯𑀸 𑀳𑁄𑀢𑀺. 𑀭𑀢𑁆𑀢𑁄 𑀭𑀢𑁆𑀬𑀁 𑀭𑀢𑁆𑀢𑀺𑀬𑀁 𑀭𑀢𑁆𑀬𑀸 𑀭𑀢𑁆𑀢𑀺𑀬𑀸, 𑀭𑀢𑁆𑀢𑀻𑀲𑀼. 𑀲𑁂𑀲𑀁 𑀫𑀢𑀺𑀲𑀫𑀁.

𑀤𑀸𑀲𑀻, 𑀲𑀺𑀮𑁄𑀧𑁄. ‘‘𑀏𑀓𑀯𑀘𑀦𑁂’’𑀘𑁆𑀘𑀸𑀤𑀺𑀦𑀸 𑀭𑀲𑁆𑀲𑁄. ‘‘𑀬𑁂 𑀧𑀲𑁆𑀲𑀺+𑀯𑀡𑁆𑀡𑀲𑁆𑀲𑀸’’𑀢𑀺 𑀈𑀮𑁄𑀧𑁄, 𑀤𑀸𑀲𑁆𑀬𑁄. ‘‘𑀚𑀦𑁆𑀢𑁆𑀯𑀸’’ 𑀤𑀺𑀦𑀸 𑀬𑁄𑀮𑁄𑀧𑁄. 𑀤𑀸𑀲𑀻 𑀤𑀸𑀲𑀺𑀬𑁄. ‘‘𑀕𑁂 𑀯𑀸’’𑀢𑀺 𑀭𑀲𑁆𑀲𑁄. 𑀪𑁄 𑀤𑀸𑀲𑀺 𑀤𑀸𑀲𑀻, 𑀤𑀸𑀲𑁆𑀬𑁄 𑀤𑀸𑀲𑀻 𑀤𑀸𑀲𑀺𑀬𑁄.

𑀧𑀲𑀜𑁆𑀜𑀻𑀢𑁄 𑀅𑀁𑀯𑀘𑀦𑀲𑁆𑀲 𑀬𑀁 𑀯𑀸 𑀳𑁄𑀢𑀺. 𑀤𑀸𑀲𑁆𑀬𑀁 𑀤𑀸𑀲𑀺𑀬𑀁 𑀤𑀸𑀲𑀺𑀁, 𑀤𑀸𑀲𑁆𑀬𑁄 𑀤𑀸𑀲𑀻 𑀤𑀸𑀲𑀺𑀬𑁄. ‘‘𑀖𑀧𑀢𑁂𑀓𑀸’’𑀤𑀺𑀦𑀸 𑀬𑀸. 𑀤𑀸𑀲𑁆𑀬𑀸 𑀤𑀸𑀲𑀺𑀬𑀸 ¶ , 𑀤𑀸𑀲𑀻𑀳𑀺 𑀤𑀸𑀲𑀻𑀪𑀺. 𑀤𑀸𑀲𑁆𑀬𑀸 𑀤𑀸𑀲𑀺𑀬𑀸, 𑀤𑀸𑀲𑀻𑀦𑀁. 𑀤𑀸𑀲𑁆𑀬𑀁 𑀤𑀸𑀲𑀺𑀬𑀁 𑀤𑀸𑀲𑁆𑀬𑀸 𑀤𑀸𑀲𑀺𑀬𑀸, 𑀤𑀸𑀲𑀻𑀲𑀼. 𑀏𑀯𑀁 𑁋

𑀫𑀳𑀻 𑀯𑁂𑀢𑀭𑀡𑀻 𑀯𑀸𑀧𑀻, 𑀧𑀸𑀝𑀮𑀻 𑀓𑀤𑀮𑀻 𑀖𑀝𑀻;

𑀦𑀸𑀭𑀻 𑀓𑀼𑀫𑀸𑀭𑀻 𑀢𑀭𑀼𑀡𑀻, 𑀯𑀸𑀭𑀼𑀡𑀻 𑀩𑁆𑀭𑀸𑀳𑁆𑀫𑀡𑀻 𑀲𑀔𑀻.

𑀕𑀦𑁆𑀥𑀩𑁆𑀩𑀻 𑀓𑀺𑀦𑁆𑀦𑀭𑀻 𑀦𑀸𑀕𑀻, 𑀤𑁂𑀯𑀻 𑀬𑀓𑁆𑀔𑀻 𑀅𑀚𑀻 𑀫𑀺𑀕𑀻;

𑀯𑀸𑀦𑀭𑀻 𑀲𑀽𑀓𑀭𑀻 𑀲𑀻𑀳𑀻, 𑀳𑀁𑀲𑀻 𑀓𑀸𑀓𑀻 𑀘 𑀓𑀼𑀓𑁆𑀓𑀼𑀝𑀻.

𑀏𑀢𑁆𑀣 𑀘 𑀈𑀓𑀸𑀭𑀮𑁄𑀧𑁂 𑀜𑁆𑀜𑀓𑀸𑀭𑀧𑀼𑀩𑁆𑀩𑀭𑀽𑀧𑁄, 𑀯𑁂𑀢𑀭𑀜𑁆𑀜𑁄 𑀯𑁂𑀢𑀭𑀡𑀺𑀬𑁄. 𑀯𑁂𑀢𑀭𑀜𑁆𑀜𑀁 𑀯𑁂𑀢𑀭𑀡𑀺𑀬𑀁 𑀯𑁂𑀢𑀭𑀡𑀺𑀁, 𑀯𑁂𑀢𑀭𑀜𑁆𑀜𑁄 𑀯𑁂𑀢𑀭𑀡𑀺𑀬𑁄 𑀇𑀘𑁆𑀘𑀸𑀤𑀺. 𑀬𑁄𑀲𑀼 𑁋

𑀬𑁄𑀲𑀼 𑀦𑀤𑀻𑀲𑀤𑁆𑀤𑀲𑁆𑀲 𑀆𑀫 𑀯𑀸 𑀳𑁄𑀢𑀺. 𑀲𑀼𑀜+𑀦𑀓+𑀆𑀫 𑀇𑀢𑁆𑀬𑀸𑀤𑀺 𑀜𑁆𑀜𑀓𑀸𑀭+𑀓𑀓𑀸𑀭+𑀫𑀓𑀸𑀭𑀸 𑀆𑀕𑀫𑀮𑀺𑀗𑁆𑀕𑀸. 𑀲 𑀘 ‘‘𑀫𑀸𑀦𑀼𑀩𑀦𑁆𑀥𑁄 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄’’𑀢𑀺 𑀫𑀸𑀦𑀼𑀩𑀦𑁆𑀥𑀢𑁆𑀢𑀸 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄 𑀳𑁄𑀢𑀻𑀢𑀺 𑀈𑀓𑀸𑀭𑀸 𑀧𑀭𑁄. ‘‘𑀬𑀯𑀸 𑀲𑀭𑁂’’𑀢𑀺 𑀬𑁂 𑀤𑀲𑁆𑀲 𑀚𑁄, 𑀬𑀲𑁆𑀲 𑀘 𑀧𑀼𑀩𑁆𑀩𑀭𑀽𑀧𑀁, 𑀦𑀚𑁆𑀚𑀸𑀬𑁄. 𑀯𑀸 𑀧-𑀮𑁄𑀧+𑀬𑁄𑀮𑁄𑀧𑁂𑀲𑀼 𑀦𑀚𑁆𑀚𑁄 𑀦𑀤𑀻 𑀦𑀤𑀺𑀬𑁄 𑀇𑀘𑁆𑀘𑀸𑀤𑀺.

𑀬𑀸𑀕𑀼, 𑀬𑀸𑀕𑀽 𑀬𑀸𑀕𑀼𑀬𑁄. 𑀪𑁄 𑀬𑀸𑀕𑀼, 𑀬𑀸𑀕𑀽 𑀬𑀸𑀕𑀼𑀬𑁄. 𑀬𑀸𑀕𑀼𑀁, 𑀬𑀸𑀕𑀽 𑀬𑀸𑀕𑀼𑀬𑁄. 𑀬𑀸𑀕𑀼𑀬𑀸, 𑀬𑀸𑀕𑀽𑀳𑀺 𑀬𑀸𑀕𑀽𑀪𑀺. 𑀬𑀸𑀕𑀼𑀬𑀸, 𑀬𑀸𑀕𑀽𑀦𑀁. 𑀬𑀸𑀕𑀼𑀬𑀁 𑀬𑀸𑀕𑀼𑀬𑀸, 𑀬𑀸𑀕𑀽𑀲𑀼. 𑀏𑀯𑀁 𑀥𑀸𑀢𑀼+𑀥𑁂𑀦𑀼+𑀓𑀸𑀲𑀼+𑀤𑀤𑁆𑀤𑀼+𑀓𑀡𑁆𑀟𑀼+𑀓𑀘𑁆𑀙𑀼+𑀭𑀚𑁆𑀚𑀼+𑀓𑀭𑁂𑀡𑀼+𑀲𑀲𑁆𑀲𑀼+𑀧𑀺𑀬𑀗𑁆𑀕𑀼 ¶ 𑀆𑀤𑀬𑁄.

𑀏𑀢𑁆𑀣 𑀥𑀸𑀢𑀼𑀲𑀤𑁆𑀤𑁄 ‘‘𑀫𑀦𑁄𑀥𑀸𑀢𑀼𑀦𑀸’’𑀢𑀺 𑀅𑀪𑀺𑀥𑀫𑁆𑀫𑀸𑀯𑀢𑀸𑀭𑁂 𑀯𑀼𑀢𑁆𑀢𑀢𑁆𑀢𑀸 𑀧𑀼𑀮𑁆𑀮𑀺𑀗𑁆𑀕𑁂𑀧𑀺 𑀤𑀺𑀲𑁆𑀲𑀢𑀺, 𑀢𑀁 𑀲𑀓𑁆𑀓𑀝𑀫𑀢𑁂𑀦 𑀯𑀼𑀢𑁆𑀢𑀦𑁆𑀢𑀺 𑀓𑁂𑀘𑀺.

𑀫𑀸𑀢𑀸, 𑀫𑀸𑀢𑀭𑁄. 𑀪𑁄 𑀫𑀸𑀢 𑀫𑀸𑀢𑀸, 𑀫𑀸𑀢𑀭𑁄. 𑀫𑀸𑀢𑀭𑀁, 𑀫𑀸𑀢𑀭𑁂 𑀫𑀸𑀢𑀭𑁄. 𑀫𑀸𑀢𑀭𑀸, 𑀦𑀸𑀲𑁆𑀲 𑀬𑀸𑀤𑁂𑀲𑁂 ‘‘𑀬𑁂 𑀧𑀲𑁆𑀲𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀧𑀮𑁄𑀧𑁄, 𑀅𑀦𑀼𑀜𑁆𑀜𑀸𑀢𑁄 𑀅𑀳𑀁 𑀫𑀢𑁆𑀬𑀸, 𑀅𑀜𑁆𑀜𑀢𑁆𑀭 𑀫𑀸𑀢𑀼𑀬𑀸, 𑀫𑀸𑀢𑀭𑁂𑀳𑀺 𑀫𑀸𑀢𑀭𑁂𑀪𑀺 𑀫𑀸𑀢𑀽𑀳𑀺 𑀫𑀸𑀢𑀽𑀪𑀺. 𑀲𑀮𑁄𑀧𑁂 𑀫𑀸𑀢𑀼, 𑀧𑀲𑀜𑁆𑀜𑀢𑁆𑀢𑀸 ‘𑀦𑁄’ 𑀦 𑀳𑁄𑀢𑀺, 𑀫𑀢𑁆𑀬𑀸 𑀫𑀸𑀢𑀼𑀬𑀸, 𑀫𑀸𑀢𑀭𑀸𑀦𑀁 𑀫𑀸𑀢𑀸𑀦𑀁 𑀫𑀸𑀢𑀽𑀦𑀁. 𑀙𑀝𑁆𑀞𑀺𑀯𑀺𑀲𑀬𑁂 ‘‘𑀫𑀸𑀢𑀼𑀲𑁆𑀲 𑀲𑀭𑀢𑀻’’𑀢𑀺𑀧𑀺 𑀤𑀺𑀲𑁆𑀲𑀢𑀺. 𑀫𑀸𑀢𑀭𑀺, 𑀫𑀸𑀢𑀭𑁂𑀲𑀼 𑀫𑀸𑀢𑀽𑀲𑀼. 𑀯𑀺𑀲𑁂𑀲𑀸+𑀜𑁆𑀜𑀢𑁆𑀭 𑀧𑀺𑀢𑀼𑀲𑀫𑀁. 𑀏𑀯𑀁 𑀥𑀻𑀢𑀼+𑀤𑀼𑀳𑀺𑀢𑀼𑀲𑀤𑁆𑀤𑀸.

𑀭𑀲𑁆𑀲𑀦𑀺𑀲𑁂𑀥𑁂 𑀲𑀺𑀮𑁄𑀧𑁂 𑀘 𑀓𑀢𑁂 𑀚𑀫𑁆𑀩𑀽. ‘‘𑀚𑀦𑁆𑀢𑁆𑀯𑀸’’𑀤𑀺𑀦𑀸 𑀬𑁄𑀮𑁄𑀧𑁂, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. ‘‘𑀕𑁂 𑀯𑀸’’𑀢𑀺 𑀭𑀲𑁆𑀲𑁂 𑀪𑁄 𑀚𑀫𑁆𑀩𑀼, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. 𑀚𑀫𑁆𑀩𑀼𑀁, 𑀚𑀫𑁆𑀩𑀽 𑀚𑀫𑁆𑀩𑀼𑀬𑁄. 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀳𑀺 𑀚𑀫𑁆𑀩𑀽𑀪𑀺. 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀦𑀁. 𑀚𑀫𑁆𑀩𑀼𑀬𑀁 𑀚𑀫𑁆𑀩𑀼𑀬𑀸, 𑀚𑀫𑁆𑀩𑀽𑀲𑀼.

𑀏𑀯𑀁 𑀯𑀥𑀽 𑀘 𑀲𑀭𑀪𑀽, 𑀲𑀭𑀩𑀽 𑀲𑀼𑀢𑀦𑀽 𑀘𑀫𑀽;

𑀯𑀸𑀫𑀽𑀭𑀽 𑀦𑀸𑀕𑀦𑀸𑀲𑀼𑀭𑀽, 𑀲𑀫𑀸𑀦𑀸 𑀔𑀮𑀼 𑀚𑀫𑁆𑀩𑀼𑀬𑀸.

𑀕𑁄, 𑀕𑀸𑀯𑁄 𑀕𑀯𑁄 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀲𑀺𑀲𑁆𑀲 𑀅𑀁 𑀳𑁄𑀢𑀺 𑀦𑀧𑀼𑀁𑀲𑀓𑁂. 𑀦𑀧𑀼𑀁𑀲𑀓𑀁.

𑀅𑀓𑀸𑀭𑀦𑁆𑀢𑀢𑁄 𑀬𑁄𑀦𑀁 𑀦𑀺 𑀳𑁄𑀢𑀺 𑀦𑀧𑀼𑀁𑀲𑀓𑁂. 𑀦𑀻𑀦𑀁 𑀦𑀺𑀘𑁆𑀘𑀯𑀺𑀥𑀸𑀦𑁂𑀧𑀺 ‘‘𑀦𑀺𑀦𑀁 𑀯𑀸’’𑀢𑀺 𑀧𑀓𑁆𑀔𑁂 𑀝𑀸𑀝𑁂 𑀳𑁄𑀦𑁆𑀢𑀺, 𑀤𑀻𑀖𑁂 𑀦𑀧𑀼𑀁𑀲𑀓𑀸 𑀦𑀧𑀼𑀁𑀲𑀓𑀸𑀦𑀺. 𑀪𑁄 𑀦𑀧𑀼𑀁𑀲𑀓 𑀦𑀧𑀼𑀁𑀲𑀓𑀸, 𑀦𑀧𑀼𑀁𑀲𑀓𑀸 𑀦𑀧𑀼𑀁𑀲𑀓𑀸𑀦𑀺. 𑀦𑀧𑀼𑀁𑀲𑀓𑀁, 𑀦𑀧𑀼𑀁𑀲𑀓𑁂 𑀦𑀧𑀼𑀁𑀲𑀓𑀸𑀦𑀺. 𑀦𑀧𑀼𑀁𑀲𑀓𑁂𑀦, 𑀇𑀘𑁆𑀘𑀸𑀤𑀺 𑀲𑀼𑀕𑀢𑀲𑀤𑁆𑀤𑀲𑀫𑀁. 𑀏𑀯𑀁 𑁋

𑀲𑁄𑀢+𑀖𑀸𑀦+𑀲𑀼𑀔+𑀤𑀼𑀓𑁆𑀔+𑀓𑀸𑀭𑀡𑀁;

𑀦𑀴𑀺𑀦+𑀮𑀺𑀗𑁆𑀕+𑀫𑀼𑀔+𑀗𑁆𑀕+𑀚𑀮+𑀫𑁆𑀩𑀼𑀚𑀁,

𑀧𑀼𑀮𑀺𑀦+𑀥𑀜𑁆𑀜+𑀳𑀺𑀭𑀜𑁆𑀜+𑀨𑀮𑀸+𑀫𑀢𑀁;

𑀧𑀤𑀼𑀫+𑀧𑀡𑁆𑀡+𑀲𑀼𑀲𑀸𑀦+𑀯𑀦𑀸+𑀬𑀼𑀥𑀁,

𑀳𑀤𑀬+𑀘𑀻𑀯𑀭+𑀯𑀢𑁆𑀣+𑀓𑀼𑀮𑀺+𑀦𑁆𑀤𑁆𑀭𑀺𑀬𑀁.

𑀦𑀬𑀦+𑀯𑀤𑀦+𑀬𑀸𑀦𑁄+𑀤𑀦+𑀲𑁄𑀧𑀸𑀦+𑀧𑀸𑀦𑀁,

𑀪𑀯𑀦+𑀪𑀼𑀯𑀦+𑀮𑁄𑀳𑀸+𑀮𑀸𑀢+𑀢𑀼𑀡𑁆𑀟+𑀡𑁆𑀟+𑀧𑀻𑀞𑀁,

𑀓𑀭𑀡+𑀫𑀭𑀡+𑀜𑀸𑀡𑀸+𑀭𑀫𑁆𑀫𑀡𑀸+𑀭𑀜𑁆𑀜+𑀢𑀸𑀡𑀁,

𑀢𑀕𑀭+𑀦𑀕𑀭+𑀢𑀻𑀭+𑀘𑁆𑀙𑀢𑁆𑀢+𑀙𑀺𑀤𑁆𑀤𑁄+𑀤𑀓𑀸𑀦𑀺.𑀇𑀘𑁆𑀘𑀸𑀤𑀺;

𑀏𑀓𑀘𑁆𑀘𑀸𑀤𑀻𑀳𑀺 𑀧𑀭𑀲𑁆𑀲 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺, 𑀏𑀓𑀘𑁆𑀘𑀸𑀦𑀺. 𑀪𑁄 𑀏𑀓𑀘𑁆𑀘, 𑀏𑀓𑀘𑁆𑀘𑀸 𑀏𑀓𑀘𑁆𑀘𑀸𑀦𑀺. 𑀏𑀓𑀘𑁆𑀘𑀁, 𑀏𑀓𑀘𑁆𑀘𑁂 𑀏𑀓𑀘𑁆𑀘𑀸𑀦𑀺. 𑀲𑁂𑀲𑀁 𑀦𑀧𑀼𑀁𑀲𑀓𑀁𑀯.

𑀏𑀯𑀁 𑀧𑀞𑀫𑀁, 𑀧𑀞𑀫𑀸𑀦𑀺 𑀇𑀘𑁆𑀘𑀸𑀤𑀺. 𑀧𑀤𑀁, 𑀧𑀤𑀸 𑀧𑀤𑀸𑀦𑀺 𑀇𑀘𑁆𑀘𑀸𑀤𑀺 𑀦𑀧𑀼𑀁𑀲𑀓𑀲𑀫𑀁. 𑀦𑀸𑀲𑁆𑀫𑀺𑀁𑀲𑀼 𑀪𑁂𑀤𑁄.

𑀧𑀤𑀸𑀤𑀻𑀳𑀺 𑀦𑀸𑀲𑁆𑀲 𑀲𑀸 𑀳𑁄𑀢𑀺 𑀯𑀸. 𑀧𑀤𑀲𑀸 𑀧𑀤𑁂𑀦.

𑀧𑀤𑀸𑀤𑀻𑀳𑀺 𑀲𑁆𑀫𑀺𑀦𑁄 𑀲𑀺 𑀳𑁄𑀢𑀺 𑀯𑀸. 𑀧𑀤𑀲𑀺 𑀧𑀤𑁂 𑀧𑀤𑀫𑁆𑀳𑀺 𑀧𑀤𑀲𑁆𑀫𑀺𑀁, 𑀧𑀤𑁂𑀲𑀼. 𑀏𑀯𑀁 𑀩𑀺𑀮𑀲𑀤𑁆𑀤𑁄.

𑀓𑀫𑁆𑀫𑀲𑀤𑁆𑀤𑀢𑁄 𑀦𑀸𑀲𑁆𑀲 ‘‘𑀦𑀸𑀲𑁆𑀲𑁂+𑀦𑁄’’𑀢𑀺 𑀏𑀦𑁄 𑀯𑀸, 𑀓𑀫𑁆𑀫𑁂𑀦, ‘‘𑀧𑀼𑀫𑀓𑀫𑁆𑀫𑀣𑀸𑀫𑀸’’𑀤𑀺𑀦𑀸 𑀉𑀢𑁆𑀢𑁂 𑀓𑀫𑁆𑀫𑀼𑀦𑀸 𑀓𑀫𑁆𑀫𑀦𑀸. 𑀇𑀫𑀺𑀦𑀸𑀯 𑀲𑀲𑁆𑀫𑀸𑀲𑀼 𑀉𑀢𑁆𑀢𑀁, 𑀉𑀲𑁆𑀲 𑀮𑀲𑀜𑁆𑀜𑀸𑀬𑀁 𑀲+𑀲𑁆𑀫𑀸𑀦𑀁 𑀬𑀣𑀸𑀬𑁄𑀕𑀁 𑀦𑁄+𑀦𑀸 𑀦𑀺𑀘𑁆𑀘𑀁, 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀥𑀺𑀓𑀸𑀭𑀲𑁆𑀲. 𑀓𑀫𑁆𑀫𑀼𑀦𑁄 𑀓𑀫𑁆𑀫𑀲𑁆𑀲. 𑀓𑀫𑁆𑀫𑀼𑀦𑀸 𑀓𑀫𑁆𑀫𑀸 𑀓𑀫𑁆𑀫𑀫𑁆𑀳𑀸 𑀓𑀫𑁆𑀫𑀲𑁆𑀫𑀸. ‘‘𑀓𑀫𑁆𑀫𑀸𑀤𑀺𑀢𑁄’’𑀢𑀺 𑀲𑁆𑀫𑀺𑀦𑁄 𑀯𑀸 𑀦𑀺𑀫𑁆𑀳𑀺 𑀓𑀫𑁆𑀫𑀦𑀺 𑀓𑀫𑁆𑀫𑁂 𑀓𑀫𑁆𑀫𑀫𑁆𑀳𑀺 𑀓𑀫𑁆𑀫𑀲𑁆𑀫𑀺𑀁, 𑀲𑁂𑀲𑀁 𑀦𑀧𑀼𑀁𑀲𑀓𑀲𑀫𑀁. 𑀘𑀫𑁆𑀫+𑀯𑁂𑀲𑁆𑀫+𑀪𑀲𑁆𑀫𑀸𑀤𑀬𑁄 𑀓𑀫𑁆𑀫𑀲𑀫𑀸 𑀉𑀢𑁆𑀢𑀢𑁄+𑀜𑁆𑀜𑀢𑁆𑀭.

𑀕𑀘𑁆𑀙𑀦𑁆𑀢, 𑀲𑀺. ‘‘𑀦𑁆𑀢𑀲𑁆𑀲𑀁’’𑀢𑀺 𑀯𑀸 𑀅𑀁𑀫𑁆𑀳𑀺 𑀲𑀺𑀮𑁄𑀧𑁄 𑀕𑀘𑁆𑀙𑀁. 𑀅𑀜𑁆𑀜𑀢𑁆𑀭 𑀲𑀺𑀲𑁆𑀲 𑀤𑀁, 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀦𑁆𑀢𑀸 𑀕𑀘𑁆𑀙𑀦𑁆𑀢𑀸𑀦𑀺. 𑀪𑁄 𑀕𑀘𑁆𑀙 𑀕𑀘𑁆𑀙𑀸 𑀕𑀘𑁆𑀙𑀁, 𑀕𑀘𑁆𑀙𑀦𑁆𑀢𑀸 𑀕𑀘𑁆𑀙𑀦𑁆𑀢𑀸𑀦𑀺. 𑀕𑀘𑁆𑀙𑀁 𑀕𑀘𑁆𑀙𑀦𑁆𑀢𑀁, 𑀕𑀘𑁆𑀙𑀦𑁆𑀢𑁂 𑀕𑀘𑁆𑀙𑀦𑁆𑀢𑀸𑀦𑀺. 𑀕𑀘𑁆𑀙𑀢𑀸 𑀕𑀘𑁆𑀙𑀦𑁆𑀢𑁂𑀦𑁂+𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑀲𑀫𑀁. 𑀏𑀯𑀁 𑀬𑀚𑀦𑁆𑀢+𑀯𑀚𑀦𑁆𑀢𑀸𑀤𑀬𑁄.

𑀛𑀮𑀢𑁄 𑀬𑁄𑀦𑀁 𑀦𑀺 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂. 𑀅𑀝𑁆𑀞𑀻𑀦𑀺. ‘‘𑀮𑁄𑀧𑁄’’𑀢𑀺 𑀬𑁄𑀮𑁄𑀧𑁂 𑀤𑀻𑀖𑁄, 𑀅𑀝𑁆𑀞𑀻. 𑀪𑁄 𑀅𑀝𑁆𑀞𑀺 𑀅𑀝𑁆𑀞𑀻, 𑀅𑀝𑁆𑀞𑀻𑀦𑀺 𑀅𑀝𑁆𑀞𑀻. 𑀅𑀝𑁆𑀞𑀺𑀁, 𑀅𑀝𑁆𑀞𑀻𑀦𑀺 𑀅𑀝𑁆𑀞𑀻. 𑀅𑀝𑁆𑀞𑀺𑀦𑀸 𑀇𑀘𑁆𑀘𑀸𑀤𑀺 𑀫𑀼𑀦𑀺𑀲𑀤𑁆𑀤𑀲𑀫𑀁. 𑀏𑀯𑀁 𑀧𑀘𑁆𑀙𑀺+𑀅𑀓𑁆𑀔𑀺+𑀤𑀥𑀺+𑀲𑀢𑁆𑀣𑀺+𑀯𑀸𑀭𑀺+𑀅𑀘𑁆𑀘𑀺𑀆𑀤𑀬𑁄.

𑀤𑀡𑁆𑀟𑀺, 𑀦𑀧𑀼𑀁𑀲𑀓𑀢𑁆𑀢𑀸 ‘‘𑀏𑀓𑀯𑀘𑀦𑁂’’𑀘𑁆𑀘𑀸𑀤𑀺𑀦𑀸 𑀭𑀲𑁆𑀲𑁂 𑀲𑀺𑀮𑁄𑀧𑁄. 𑀤𑀡𑁆𑀟𑀻𑀦𑀺 𑀤𑀡𑁆𑀟𑀻. ‘‘𑀕𑁂 𑀯𑀸’’𑀢𑀺 𑀭𑀲𑁆𑀲𑁂 𑀪𑁄 𑀤𑀡𑁆𑀟𑀺 𑀤𑀡𑁆𑀟𑀻, 𑀤𑀡𑁆𑀟𑀻𑀦𑀺 𑀤𑀡𑁆𑀟𑀻. ‘‘𑀦𑀁 𑀛𑀻𑀢𑁄’’𑀢𑀺 𑀦𑀁. 𑀤𑀡𑁆𑀟𑀺𑀦𑀁 𑀤𑀡𑁆𑀟𑀺𑀁, 𑀤𑀡𑁆𑀟𑀻𑀦𑀺 𑀤𑀡𑁆𑀟𑀻. 𑀲𑁂𑀲𑀁 𑀧𑀼𑀮𑁆𑀮𑀺𑀗𑁆𑀕𑁂 𑀤𑀡𑁆𑀟𑀻𑀲𑀫𑀁. 𑀏𑀯𑀁 𑀲𑀼𑀔𑀓𑀸𑀭𑀻+𑀲𑀻𑀖𑀬𑀸𑀬𑀻𑀆𑀤𑀬𑁄.

𑀘𑀓𑁆𑀔𑀼, 𑀘𑀓𑁆𑀔𑀽𑀦𑀺 𑀘𑀓𑁆𑀔𑀽. 𑀲𑁂𑀲𑀁 𑀅𑀝𑁆𑀞𑀺𑀲𑀫𑀁. 𑀏𑀯𑀁 𑀆𑀬𑀼+𑀯𑀲𑀼+𑀥𑀦𑀼+𑀤𑀸𑀭𑀼+𑀢𑀺𑀧𑀼+𑀫𑀥𑀼+𑀲𑀺𑀗𑁆𑀕𑀼+𑀳𑀺𑀗𑁆𑀕𑀼+𑀯𑀢𑁆𑀣𑀼+𑀚𑀢𑀼+𑀅𑀫𑁆𑀩𑀼+ 𑀅𑀲𑁆𑀲𑀼𑀆𑀤𑀻𑀦𑀺. 𑀆𑀬𑀼𑀲𑀤𑁆𑀤𑀢𑁄 𑀦𑀸𑀲𑁆𑀲 𑀓𑁄𑀥𑀸𑀤𑀺𑀢𑁆𑀢𑀸 𑀲𑀸𑀯 𑀯𑀺𑀲𑁂𑀲𑁄.

𑀕𑁄𑀢𑁆𑀭𑀪𑀼, 𑀭𑀲𑁆𑀲𑁂 𑀲𑀺𑀮𑁄𑀧𑁄. 𑀕𑁄𑀢𑁆𑀭𑀪𑀽𑀦𑀺 𑀕𑁄𑀢𑁆𑀭𑀪𑀽. 𑀪𑁄 𑀕𑁄𑀢𑁆𑀭𑀪𑀼 𑀕𑁄𑀢𑁆𑀭𑀪𑀽, 𑀕𑁄𑀢𑁆𑀭𑀪𑀽𑀦𑀺 𑀕𑁄𑀢𑁆𑀭𑀪𑀽. 𑀕𑁄𑀢𑁆𑀭𑀪𑀼𑀁, 𑀕𑁄𑀢𑁆𑀭𑀪𑀽𑀦𑀺 𑀕𑁄𑀢𑁆𑀭𑀪𑀽 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑁂 𑀯𑁂𑀲𑁆𑀲𑀪𑀽𑀲𑀫𑀁. 𑀏𑀯𑀁 𑀲𑀬𑀫𑁆𑀪𑀽+𑀅𑀪𑀺𑀪𑀽+𑀥𑀫𑁆𑀫𑀜𑁆𑀜𑀽 𑀆𑀤𑀬𑁄.

𑀯𑀺𑀲𑀤𑀸+𑀯𑀺𑀲𑀤𑀸𑀓𑀸𑀭-𑀯𑁄𑀳𑀸𑀭𑁄+𑀪𑀬𑀫𑀼𑀢𑁆𑀢𑀓𑁄 ¶ ;

𑀧𑀼𑀫𑀸𑀤𑀺𑀚𑀸𑀦𑀦𑁂 𑀳𑁂𑀢𑀼-𑀪𑀸𑀯𑀢𑁄 𑀮𑀺𑀗𑁆𑀕+𑀫𑀻𑀭𑀺𑀢𑁄.

𑀣𑀦+𑀓𑁂𑀲𑀸𑀯𑀢𑀻 𑀦𑀸𑀭𑀻, 𑀫𑀲𑁆𑀲𑀼𑀯𑀸 𑀧𑀼𑀭𑀺𑀲𑁄 𑀲𑀺𑀬𑀸;

𑀉𑀪𑀺𑀦𑁆𑀦+𑀫𑀦𑁆𑀢𑀭𑀁 𑀏𑀢𑀁, 𑀇𑀢𑀭𑁄+𑀪𑀬𑀫𑀼𑀢𑁆𑀢𑀓𑁄.

𑀧𑀲𑀺𑀤𑁆𑀥𑀺𑀅𑀢𑁆𑀣𑁂𑀲𑀼 𑀬𑁂𑀲𑀼 𑀮𑁄𑀓𑀲𑁆𑀲;

𑀅𑀣 𑀲𑀩𑁆𑀩𑀸𑀤𑀻𑀦𑀁 𑀭𑀽𑀧𑀦𑀬𑁄 𑀦𑀺𑀤𑁆𑀤𑀺𑀲𑀺𑀬𑀢𑁂,

𑀲𑀩𑁆𑀩 𑀓𑀢𑀭 𑀓𑀢𑀫 𑀉𑀪𑀬 𑀇𑀢𑀭 𑀅𑀜𑁆𑀜 𑀅𑀜𑁆𑀜𑀢𑀭 𑀅𑀜𑁆𑀜𑀢𑀫, 𑀧𑀼𑀩𑁆𑀩+𑀧𑀭𑀸+𑀧𑀭+𑀤𑀓𑁆𑀔𑀺𑀡𑀼+𑀢𑁆𑀢𑀭𑀸+𑀥𑀭𑀸𑀦𑀺 𑀯𑀯𑀢𑁆𑀣𑀸𑀬+𑀫𑀲𑀜𑁆𑀜𑀸𑀬𑀁. ‘‘𑀊𑀦𑀧𑀽𑀭𑀢𑁆𑀣+𑀫𑀥𑀺𑀓𑀧𑀤𑁄𑀤𑀸𑀳𑀭𑀡+𑀫𑀚𑁆𑀛𑀸𑀳𑀸𑀭𑁄’’𑀢𑀺 𑀜𑀸𑀬𑀸 𑀲𑀩𑁆𑀩𑀸𑀤𑀻𑀲𑀼 𑀧𑀞𑀻𑀬𑀦𑁆𑀢𑁂𑀢𑀺 𑀬𑁄𑀚𑁂𑀢𑀩𑁆𑀩𑀁. 𑀬 𑀢𑁆𑀬 𑀢 𑀏𑀢 𑀇𑀫 𑀅𑀫𑀼 𑀓𑀺𑀁 𑀏𑀓 𑀢𑀼𑀫𑁆𑀳 𑀅𑀫𑁆𑀳 𑀇𑀘𑁆𑀘𑁂𑀢𑁂 𑀲𑀩𑁆𑀩𑀸𑀤𑀬𑁄. 𑀓𑀘𑁆𑀘𑀸𑀬𑀦𑁂 𑀅𑀤𑀲𑁆𑀲𑀺𑀢𑀲𑁆𑀲𑀸𑀧𑀺 𑀢𑁆𑀬𑀲𑀤𑁆𑀤𑀲𑁆𑀲 𑁋

𑀔𑀺𑀟𑁆𑀟𑀸 𑀧𑀡𑀺𑀳𑀺𑀢𑀸 𑀢𑁆𑀬𑀸𑀲𑀼, 𑀭𑀢𑀺 𑀢𑁆𑀬𑀸𑀲𑀼 𑀧𑀢𑀺𑀝𑁆𑀞𑀺𑀢𑀸;

𑀩𑀻𑀚𑀸𑀦𑀺 𑀢𑁆𑀬𑀸𑀲𑀼 𑀭𑀼𑀳𑀦𑁆𑀢𑀺, 𑀬𑀤𑀺𑀤𑀁 𑀲𑀢𑁆𑀢𑀸 𑀧𑀚𑀸𑀬𑀭𑁂𑀢𑀺 𑁋

𑀧𑀸𑀴𑀺𑀬𑀁 𑀤𑀺𑀲𑁆𑀲𑀫𑀸𑀦𑀢𑁆𑀢𑀸 𑀇𑀥 𑀲𑀗𑁆𑀕𑀳𑁄.

𑀢𑀢𑁆𑀣 𑀲𑀩𑁆𑀩𑀲𑀤𑁆𑀤𑁄 𑀦𑀺𑀭𑀯𑀲𑁂𑀲𑀢𑁆𑀣𑁄. 𑀓𑀢𑀭+𑀓𑀢𑀫𑀲𑀤𑁆𑀤𑀸 𑀧𑀼𑀘𑁆𑀙𑀦𑀢𑁆𑀣𑀸. 𑀉𑀪𑀬𑀲𑀤𑁆𑀤𑁄 𑀤𑁆𑀯𑀺𑀅𑀯𑀬𑀯𑀲𑀫𑀼𑀤𑀸𑀬𑀯𑀘𑀦𑁄. 𑀇𑀢𑀭𑀲𑀤𑁆𑀤𑁄 𑀯𑀼𑀢𑁆𑀢𑀧𑀝𑀺𑀬𑁄𑀕𑀻𑀯𑀘𑀦𑁄. 𑀅𑀜𑁆𑀜𑀲𑀤𑁆𑀤𑁄 𑀅𑀥𑀺𑀓𑀢𑀸𑀧𑀭𑀯𑀘𑀦𑁄. 𑀅𑀜𑁆𑀜- 𑀢𑀭+𑀅𑀜𑁆𑀜𑀢𑀫𑀲𑀤𑁆𑀤𑀸 ¶ 𑀅𑀦𑀺𑀬𑀫𑀢𑁆𑀣𑀸. 𑀧𑀼𑀩𑁆𑀩𑀸𑀤𑀬𑁄 𑀤𑀺𑀲𑀸𑀤𑀺𑀯𑀯𑀢𑁆𑀣𑀸𑀯𑀘𑀦𑀸. 𑀬𑀲𑀤𑁆𑀤𑁄 𑀅𑀦𑀺𑀬𑀫𑀢𑁆𑀣𑁄. 𑀢𑁆𑀬+𑀢𑀲𑀤𑁆𑀤𑀸 𑀧𑀭𑀫𑁆𑀫𑀼𑀔𑀯𑀘𑀦𑀸. 𑀏𑀢+𑀇𑀫+𑀅𑀫𑀼+𑀓𑀺𑀁 𑀇𑀘𑁆𑀘𑁂𑀢𑁂 𑀲𑀫𑀻𑀧+𑀅𑀘𑁆𑀘𑀦𑁆𑀢𑀲𑀫𑀻𑀧+𑀤𑀽𑀭+𑀧𑀼𑀘𑁆𑀙𑀦𑀢𑁆𑀣𑀯𑀘𑀦𑀸. 𑀏𑀓𑀲𑀤𑁆𑀤𑁄 𑀲𑀁𑀔𑁆𑀬𑀸𑀤𑀺𑀯𑀘𑀦𑁄. 𑀢𑀼𑀫𑁆𑀳+𑀅𑀫𑁆𑀳𑀲𑀤𑁆𑀤𑀸 𑀧𑀭+𑀅𑀢𑁆𑀢 𑀦𑀺𑀤𑁆𑀤𑁂𑀲𑀯𑀘𑀦𑀸.

𑀅𑀓𑀸𑀭𑀦𑁆𑀢𑁂𑀳𑀺 𑀲𑀩𑁆𑀩𑀸𑀤𑀻𑀳𑀺 𑀬𑁄𑀦𑀁 𑀏𑀝 𑀳𑁄𑀢𑀺 𑀦𑀺𑀘𑁆𑀘𑀁. 𑀲𑀩𑁆𑀩𑁂. 𑀪𑁄 𑀲𑀩𑁆𑀩 𑀲𑀩𑁆𑀩𑀸, 𑀲𑀩𑁆𑀩𑁂. 𑀲𑀩𑁆𑀩𑀁, 𑀲𑀩𑁆𑀩𑁂. 𑀲𑀩𑁆𑀩𑁂𑀦, 𑀲𑀩𑁆𑀩𑁂𑀳𑀺 𑀲𑀩𑁆𑀩𑁂𑀪𑀺. 𑀏𑀯𑀁 𑀓𑀭𑀡𑁂. 𑀲𑀩𑁆𑀩𑀲𑁆𑀲.

𑀅𑀓𑀸𑀭𑀦𑁆𑀢𑀸𑀦𑀁 𑀲𑀩𑁆𑀩𑀸𑀤𑀻𑀦𑀁 𑀏 𑀳𑁄𑀢𑀺 𑀦𑀁𑀫𑁆𑀳𑀺 𑀲𑀼+𑀳𑀺𑀲𑀼 𑀘. 𑀏𑀢𑁆𑀣 𑀆𑀤𑀺𑀲𑀤𑁆𑀤𑁄 𑀅𑀯𑀬𑀯𑁂, 𑀯𑀼𑀢𑁆𑀢𑀜𑁆𑀳𑀺 𑁋

𑀫𑀭𑀺𑀬𑀸𑀤𑀸𑀬𑀁 𑀧𑀓𑀸𑀭𑁂 𑀘, 𑀲𑀫𑀻𑀧𑁂+𑀯𑀬𑀯𑁂 𑀢𑀣𑀸;

𑀘𑀢𑀽𑀲𑁆𑀯+𑀢𑁆𑀣𑁂𑀲𑀼 𑀫𑁂𑀥𑀸𑀯𑀻, 𑀆𑀤𑀺𑀲𑀤𑁆𑀤𑀁 𑀧𑀓𑀸𑀲𑀬𑁂𑀢𑀺.

𑀲𑀩𑁆𑀩𑀸𑀤𑀺𑀢𑁄 𑀦𑀁𑀯𑀘𑀦𑀲𑁆𑀲 𑀲𑀁+𑀲𑀸𑀦𑀁 𑀳𑁄𑀦𑁆𑀢𑀺. 𑀲𑀩𑁆𑀩𑁂𑀲𑀁 𑀲𑀩𑁆𑀩𑁂𑀲𑀸𑀦𑀁. 𑀲𑀩𑁆𑀩𑀸 𑀲𑀩𑁆𑀩𑀫𑁆𑀳𑀸 𑀲𑀩𑁆𑀩𑀲𑁆𑀫𑀸. 𑀲𑀩𑁆𑀩𑁂 𑀲𑀩𑁆𑀩𑀫𑁆𑀳𑀺 𑀲𑀩𑁆𑀩𑀲𑁆𑀫𑀺𑀁, 𑀲𑀩𑁆𑀩𑁂𑀲𑀼.

𑀇𑀢𑁆𑀣𑀺𑀬𑀁 ‘‘𑀇𑀢𑁆𑀣𑀺𑀬+𑀫𑀢𑁆𑀯𑀸’’𑀢𑀺 𑀆𑀧𑀘𑁆𑀘𑀬𑁂 𑀢𑀲𑁆𑀲 𑀖𑀲𑀜𑁆𑀜𑀸. 𑀲𑁂𑀲𑀁 𑀓𑀜𑁆𑀜𑀸𑀯. 𑀲𑀩𑁆𑀩𑀸, 𑀲𑀩𑁆𑀩𑀸 𑀲𑀩𑁆𑀩𑀸𑀬𑁄. 𑀪𑁄 𑀲𑀩𑁆𑀩𑁂, 𑀲𑀩𑁆𑀩𑀸 𑀲𑀩𑁆𑀩𑀸𑀬𑁄. ‘‘𑀖𑁄 𑀲𑁆𑀲𑀁+𑀲𑁆𑀲𑀸+𑀲𑁆𑀲𑀸𑀬𑀁+𑀢𑀺𑀁 𑀲𑀽’’-𑀢𑀺 𑀭𑀲𑁆𑀲𑁂 ¶ 𑀲𑀩𑁆𑀩𑀁, 𑀲𑀩𑁆𑀩𑀸 𑀲𑀩𑁆𑀩𑀸𑀬𑁄. 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀳𑀺 𑀲𑀩𑁆𑀩𑀸𑀪𑀺.

𑀲𑀩𑁆𑀩𑀸𑀤𑀻𑀦𑀁 𑀖𑀧𑀢𑁄 𑀲𑀲𑁆𑀲 𑀲𑁆𑀲𑀸 𑀯𑀸 𑀳𑁄𑀢𑀺. 𑀅𑀫𑀼𑀲𑁆𑀲𑀸𑀢𑀺 𑀭𑀽𑀧𑀲𑁆𑀲 ‘‘𑀲𑁆𑀲𑀸 𑀯𑀸 𑀢𑁂+𑀢𑀺+𑀫𑀸+𑀫𑀽𑀳𑀻’’𑀢𑀺 𑀲𑁆𑀲𑀸𑀤𑁂𑀲𑁂𑀦 𑀲𑀺𑀤𑁆𑀥𑀢𑁆𑀢𑀸 𑀯𑀸𑀕𑁆𑀕𑀳𑀡+𑀫𑀼𑀢𑁆𑀢𑀭𑀢𑁆𑀣𑀁. 𑀭𑀲𑁆𑀲𑁂 𑀲𑀩𑁆𑀩𑀲𑁆𑀲𑀸 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀲𑀁 𑀲𑀩𑁆𑀩𑀸𑀲𑀸𑀦𑀁. 𑀧𑀜𑁆𑀘𑀫𑀺𑀬𑀁 𑀲𑀩𑁆𑀩𑀸𑀬.

𑀲𑀩𑁆𑀩𑀸𑀤𑀻𑀦𑀁 𑀖𑀧𑀢𑁄 𑀲𑁆𑀫𑀺𑀦𑁄 𑀲𑁆𑀲𑀁 𑀯𑀸 𑀳𑁄𑀢𑀺. 𑀲𑀩𑁆𑀩𑀲𑁆𑀲𑀁 𑀲𑀩𑁆𑀩𑀸𑀬𑀁 𑀲𑀩𑁆𑀩𑀸𑀬, 𑀲𑀩𑁆𑀩𑀸𑀲𑀼.

𑀦𑀧𑀼𑀁𑀲𑀓𑁂 𑀲𑀩𑁆𑀩𑀁. ‘‘𑀬𑁄𑀦𑀁 𑀦𑀻’’𑀢𑀺 𑀦𑀧𑀼𑀁𑀲𑀓𑁂 𑀬𑁄𑀲𑁆𑀲 𑀦𑀺𑀫𑁆𑀳𑀺 𑁋

𑀲𑀩𑁆𑀩𑀸𑀤𑀻𑀳𑀺 𑀧𑀭𑀲𑁆𑀲 𑀦𑀺𑀲𑁆𑀲 𑀝𑀸 𑀦 𑀳𑁄𑀢𑀺. 𑀤𑀻𑀖𑁂 𑀲𑀩𑁆𑀩𑀸𑀦𑀺. 𑀪𑁄 𑀲𑀩𑁆𑀩 𑀲𑀩𑁆𑀩𑀸, 𑀲𑀩𑁆𑀩𑀸𑀦𑀺. 𑀲𑀩𑁆𑀩𑀁, 𑀲𑀩𑁆𑀩𑁂 𑀲𑀩𑁆𑀩𑀸𑀦𑀺. 𑀦𑀸𑀤𑀻𑀲𑀼 𑀧𑀼𑀫𑁂𑀯. 𑀓𑀢𑀭𑀓𑀢𑀫𑀉𑀪𑀬𑀸 𑀢𑀻𑀲𑀼 𑀮𑀺𑀗𑁆𑀕𑁂𑀲𑀼 𑀲𑀩𑁆𑀩𑀲𑀫𑀸. 𑀏𑀯𑀁 𑀇𑀢𑀭𑀅𑀜𑁆𑀜𑀲𑀤𑁆𑀤𑀸. 𑀲𑁆𑀲𑀸+𑀲𑁆𑀲𑀁𑀲𑀼 𑀯𑀺𑀲𑁂𑀲𑁄.

𑁫𑁨. 𑀲𑁆𑀲𑀁+𑀲𑁆𑀲𑀸+𑀲𑁆𑀲𑀸𑀬𑁂𑀲𑁆𑀯𑀺-𑀢𑀭𑁂+𑀓+𑀜𑁆𑀜𑁂+𑀢𑀺+𑀫𑀸𑀦+𑀫𑀺

𑀲𑁆𑀲𑀫𑀸𑀤𑀻𑀲𑀼 𑀇𑀢𑀭+𑀏𑀓+𑀅𑀜𑁆𑀜+𑀏𑀢+𑀇𑀫 𑀇𑀘𑁆𑀘𑁂𑀢𑁂𑀲𑀁 𑀇 𑀳𑁄𑀢𑀺 𑀦𑀺𑀘𑁆𑀘𑀁. 𑀇𑀢𑀭𑀺𑀲𑁆𑀲𑀸 𑀇𑀢𑀭𑀸𑀬, 𑀅𑀜𑁆𑀜𑀺𑀲𑁆𑀲𑀸 𑀅𑀜𑁆𑀜𑀸𑀬, 𑀅𑀜𑁆𑀜𑀸𑀲𑀁 ¶ 𑀅𑀜𑁆𑀜𑀸𑀲𑀸𑀦𑀁. 𑀅𑀜𑁆𑀜𑀺𑀲𑁆𑀲𑀁 𑀅𑀜𑁆𑀜𑀸𑀬𑀁 𑀅𑀜𑁆𑀜𑀸𑀬. 𑀅𑀜𑁆𑀜𑀢𑀭+𑀜𑁆𑀜𑀢𑀫𑀸 𑀮𑀺𑀗𑁆𑀕𑀢𑁆𑀢𑀬𑁂 𑀲𑀩𑁆𑀩𑀲𑀫𑀸.

𑀏𑀢𑁂𑀳𑀺 𑀙𑀳𑀺 𑀲𑀯𑀺𑀲𑀬𑁂 𑀏𑀝 𑀯𑀸 𑀳𑁄𑀢𑀻𑀢𑀺 𑀬𑁄𑀲𑁆𑀲 𑀏𑀝, 𑀧𑀼𑀩𑁆𑀩𑁂 𑀧𑀼𑀩𑁆𑀩𑀸. 𑀪𑁄 𑀧𑀼𑀩𑁆𑀩 𑀧𑀼𑀩𑁆𑀩𑀸, 𑀧𑀼𑀩𑁆𑀩𑁂 𑀧𑀼𑀩𑁆𑀩𑀸. 𑀧𑀼𑀩𑁆𑀩𑀁, 𑀧𑀼𑀩𑁆𑀩𑁂. 𑀧𑀼𑀩𑁆𑀩𑁂𑀦. 𑀲𑁂𑀲𑀁 𑀲𑀩𑁆𑀩𑀮𑀺𑀗𑁆𑀕𑁂 𑀲𑀩𑁆𑀩𑀲𑀫𑀁. 𑀏𑀯𑀁 𑀧𑀭𑀸𑀤𑀬𑁄 𑀧𑀜𑁆𑀘.

𑁧𑁩𑁯. 𑀦𑀸+𑀜𑁆𑀜𑀜𑁆𑀘 𑀦𑀸𑀫+𑀧𑁆𑀧𑀥𑀸𑀦𑀸

𑀢𑀁𑀦𑀸𑀫𑀪𑀽𑀢𑁂𑀳𑀺 𑀅𑀧𑁆𑀧𑀥𑀸𑀦𑁂𑀳𑀺 𑀘 𑀲𑀩𑁆𑀩𑀸𑀤𑀻𑀳𑀺 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦 𑀳𑁄𑀢𑀺. 𑀢𑁂 𑀲𑀩𑁆𑀩𑀸, 𑀲𑀩𑁆𑀩𑀦𑀸𑀫𑀸 𑀢𑁂𑀢𑀺 𑀅𑀢𑁆𑀣𑁄. 𑀢𑁂 𑀧𑀺𑀬𑀲𑀩𑁆𑀩𑀸, 𑀢𑁂 𑀅𑀢𑀺𑀲𑀩𑁆𑀩𑀸. 𑀦𑀸𑀫𑀪𑀽𑀢𑁂 𑀘 𑀅𑀜𑁆𑀜𑀧𑀤𑀢𑁆𑀣𑀸𑀤𑁄 𑀅𑀧𑁆𑀧𑀥𑀸𑀦𑀯𑀺𑀲𑀬𑁂 𑀘 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀦𑀺𑀲𑁂𑀥𑁂𑀦 ‘‘𑀧𑀭𑀫𑀲𑀩𑁆𑀩𑁂 𑀢𑀺𑀝𑁆𑀞𑀦𑁆𑀢𑀺’’ 𑀢𑁆𑀬𑀸𑀤𑀺𑀢𑁄 𑀧𑀥𑀸𑀦𑀧𑀤𑀦𑁆𑀢𑀢𑁄 𑀏𑀝𑀆𑀤𑀬𑁄 𑀳𑁄𑀦𑁆𑀢𑀺, 𑀯𑀺𑀲𑁂𑀲𑀦𑀲𑀫𑀸𑀲𑀲𑁆𑀲 𑀉𑀢𑁆𑀢𑀭𑀧𑀤𑀢𑁆𑀣𑀧𑀥𑀸𑀦𑀢𑁆𑀢𑀸.

𑀢𑀢𑀺𑀬𑀢𑁆𑀣𑁂𑀦 𑀬𑁄𑀕𑁂 𑀘 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦 𑀳𑁄𑀢𑀺. 𑀫𑀸𑀲𑁂𑀦 𑀧𑀼𑀩𑁆𑀩𑀸 𑀫𑀸𑀲𑀧𑀼𑀩𑁆𑀩𑀸 𑀇𑀘𑁆𑀘𑀸𑀤𑀺.

𑀘𑀢𑁆𑀣𑀲𑀫𑀸𑀲𑀯𑀺𑀲𑀬𑁂 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦 𑀳𑁄𑀢𑀺. 𑀤𑀓𑁆𑀔𑀺𑀡𑀼𑀢𑁆𑀢𑀭𑀧𑀼𑀩𑁆𑀩𑀸𑀦𑀦𑁆𑀢𑀺𑀆𑀤𑀺.

𑀇𑀢𑀺 ¶ 𑀘𑀢𑁆𑀣𑀲𑀫𑀸𑀲𑁂 𑀲𑀩𑁆𑀩𑀸𑀤𑀺𑀓𑀸𑀭𑀺𑀬𑀁 𑀦 𑀳𑁄𑀢𑀺, 𑀦𑀺𑀘𑁆𑀘𑁂𑀦 𑀏𑀝𑀆𑀤𑁂𑀲𑀧𑁆𑀧𑀲𑀗𑁆𑀕𑁂 𑀅𑀬𑀁 𑀲𑀫𑁆𑀧𑀢𑁆𑀢𑀯𑀺𑀪𑀸𑀲𑀸. 𑀧𑀼𑀩𑁆𑀩𑀼𑀢𑁆𑀢𑀭𑁂 𑀧𑀼𑀩𑁆𑀩𑀼𑀢𑁆𑀢𑀭𑀸. 𑀲𑁂𑀲𑀁 𑀲𑀼𑀕𑀢𑀲𑀫𑀁.

𑀬𑁄, 𑀬𑁂. 𑀬𑀸, 𑀬𑀸𑀬𑁄. 𑀬𑀁, 𑀬𑀸𑀦𑀺 𑀇𑀘𑁆𑀘𑀸𑀤𑀺 𑀲𑀩𑁆𑀩𑀲𑀫𑀁. 𑀬𑀸𑀤𑀻𑀦+𑀫𑀸𑀮𑀧𑀦𑁂 𑀭𑀽𑀧𑀁 𑀦 𑀲𑀫𑁆𑀪𑀯𑀢𑀺.

𑀢𑁆𑀬+𑀢𑁂+𑀢𑀸𑀦+𑀫𑀦𑀧𑀼𑀁𑀲𑀓𑀸𑀦𑀁 𑀢𑀲𑁆𑀲 𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺. 𑀲𑁆𑀬𑁄, 𑀢𑁆𑀬𑁂. 𑀲𑁆𑀬𑀸, 𑀢𑁆𑀬𑀸, 𑀢𑁆𑀬𑀸𑀬𑁄. 𑀢𑁆𑀬𑀁, 𑀢𑁆𑀬𑀸𑀦𑀺 𑀇𑀘𑁆𑀘𑀸𑀤𑀺 𑀲𑀩𑁆𑀩𑀲𑀫𑀁.

𑀢𑀲𑀤𑁆𑀤𑀲𑁆𑀲 𑀢𑀲𑁆𑀲 𑀦𑁄 𑀯𑀸 𑀳𑁄𑀢𑀺 𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼. ‘‘𑀢𑁆𑀬+𑀢𑁂+𑀢𑀸𑀦𑀁 𑀢𑀲𑁆𑀲𑀸’’𑀢𑀺 𑀘 𑀏𑀢𑁆𑀣 𑀢𑁆𑀬𑀸𑀤𑀻𑀦𑀁 𑀢𑀓𑀸𑀭𑀕𑁆𑀕𑀳𑀡𑀁 𑀲𑁆𑀬𑀸 𑀲𑀸 𑀏𑀲𑀸 𑀦𑀸𑀬𑁄𑀢𑀺 𑀇𑀢𑁆𑀣𑀺𑀬𑀁 𑀲𑀩𑁆𑀩𑀲𑀫𑀸 𑀳𑁄𑀢𑀻𑀢𑀺. 𑀦𑁂 𑀢𑁂. 𑀦𑀁 𑀢𑀁, 𑀦𑁂 𑀢𑁂. 𑀦𑁂𑀦 𑀢𑁂𑀦𑁂, 𑀦𑁂𑀳𑀺 𑀦𑁂𑀪𑀺 𑀢𑁂𑀳𑀺 𑀢𑁂𑀪𑀺.

𑁧𑁩𑁨. 𑀝 𑀲𑀲𑁆𑀫𑀸𑀲𑁆𑀫𑀺𑀁𑀲𑁆𑀲𑀸𑀬𑀲𑁆𑀲𑀁𑀲𑁆𑀲𑀸𑀲𑀁𑀫𑁆𑀳𑀸𑀫𑁆𑀳𑀺𑀲𑁆𑀯𑀺+𑀫𑀲𑁆𑀲 𑀘

‘‘𑀝 𑀲+𑀲𑁆𑀫𑀸+𑀲𑁆𑀫𑀺𑀁+𑀦𑀁𑀲𑁆𑀫𑀺+𑀫𑀲𑁆𑀲 𑀘𑀸’’𑀢𑀺 𑀯𑀼𑀢𑁆𑀢𑁂𑀧𑀺 𑀢𑁂𑀲𑀁 𑀯𑀺𑀪𑀢𑁆𑀢𑀻𑀦𑀁 𑀆𑀤𑁂𑀲𑁂𑀲𑀼 𑀲𑁆𑀲𑀸𑀬𑀸𑀤𑀻𑀲𑀼 𑀧𑀭𑁂𑀲𑀼 ‘‘𑀢𑀤𑀸𑀤𑁂𑀲𑀸 𑀢𑀤𑀺𑀯 ¶ 𑀪𑀯𑀦𑁆𑀢𑀻’’𑀢𑀺 𑀜𑀸𑀬𑀸 𑀝𑀸𑀤𑁂𑀲𑁂 𑀲𑀺𑀤𑁆𑀥𑁂𑀧𑀺 𑀬𑀸𑀤𑀺𑀆𑀤𑁂𑀲𑀦𑁆𑀢𑀭𑁂 𑀧𑀭𑁂 𑀦𑀺𑀯𑀢𑁆𑀢𑀦𑀢𑁆𑀣𑀁 𑀲𑁆𑀲𑀸𑀤𑀻𑀦𑀁 𑀕𑀳𑀡𑀁.

𑀲𑀸𑀤𑀻𑀲𑁆𑀯𑀺+𑀫𑀲𑁆𑀲 𑀢𑀲𑀤𑁆𑀤𑀢𑀓𑀸𑀭𑀲𑁆𑀲 𑀘 𑀝𑁄 𑀯𑀸 𑀳𑁄𑀢𑀺. 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁄. 𑀏𑀯+𑀫𑀼𑀧𑀭𑀺𑀧𑀺. 𑀅𑀲𑁆𑀲 𑀦𑀲𑁆𑀲 𑀢𑀲𑁆𑀲, 𑀦𑁂𑀲𑀁 𑀦𑁂𑀲𑀸𑀦𑀁 𑀢𑁂𑀲𑀁 𑀢𑁂𑀲𑀸𑀦𑀁. 𑀅𑀫𑁆𑀳𑀸 𑀅𑀲𑁆𑀫𑀸 𑀦𑀫𑁆𑀳𑀸 𑀦𑀲𑁆𑀫𑀸 𑀢𑀫𑁆𑀳𑀸 𑀢𑀲𑁆𑀫𑀸. 𑀅𑀫𑁆𑀳𑀺 𑀅𑀲𑁆𑀫𑀺𑀁 𑀦𑀫𑁆𑀳𑀺 𑀦𑀲𑁆𑀫𑀺𑀁 𑀢𑀫𑁆𑀳𑀺 𑀢𑀲𑁆𑀫𑀺𑀁, 𑀦𑁂𑀲𑀼 𑀢𑁂𑀲𑀼.

𑀇𑀢𑁆𑀣𑀺𑀬𑀁 𑀲𑀸, 𑀦𑀸 𑀦𑀸𑀬𑁄 𑀢𑀸 𑀢𑀸𑀬𑁄. 𑀦𑀁 𑀢𑀁, 𑀦𑀸 𑀦𑀸𑀬𑁄 𑀢𑀸 𑀢𑀸𑀬𑁄. 𑀦𑀸𑀫𑁆𑀳𑀺 𑁋

𑀖𑀧𑀲𑀜𑁆𑀜𑁂𑀳𑀺 𑀢+𑀏𑀢+𑀇𑀫+𑀅𑀫𑀽𑀳𑀺 𑀏𑀓𑀢𑁆𑀢𑁂 𑀦𑀸𑀤𑀻𑀦𑀁 𑀲𑁆𑀲𑀸 𑀯𑀸 𑀳𑁄𑀢𑀺. 𑀅𑀦𑁆𑀢𑀲𑁆𑀲𑀭𑀸𑀦𑀁 𑀖𑀧𑀯𑁄𑀳𑀸𑀭𑁂𑀦 𑀢𑀁𑀲𑀳𑀘𑀭𑀺𑀢𑀸𑀧𑀺 𑀲𑀤𑁆𑀤𑀸 ‘‘𑀓𑀼𑀦𑁆𑀢𑁂 𑀧𑀯𑁂𑀲𑀬𑀸’’𑀢𑀺 𑀜𑀸𑀬𑀸 𑀕𑀬𑁆𑀳𑀦𑁆𑀢𑀻𑀢𑀺 ‘‘𑀖𑀧𑀲𑀜𑁆𑀜𑁂𑀳𑀺 𑀢+𑀏𑀢+𑀇𑀫+𑀅𑀫𑀽𑀳𑀻’’𑀢𑀺 𑀯𑀼𑀢𑁆𑀢𑀁. 𑀯𑀸𑀝𑀸𑀤𑁂𑀲𑁂 𑀅𑀲𑁆𑀲𑀸 𑀦𑀲𑁆𑀲𑀸 𑀦𑀸𑀬.

𑀲𑁆𑀲𑀁𑀲𑁆𑀲𑀸𑀲𑁆𑀲𑀸 𑀬𑁂𑀲𑀼 𑀢𑀲𑁆𑀲 𑀯𑀸 𑀇 𑀳𑁄𑀢𑀺. 𑀢𑀺𑀲𑁆𑀲𑀸 𑀢𑀲𑁆𑀲𑀸 𑀢𑀸𑀬, 𑀦𑀸𑀳𑀺 𑀦𑀸𑀪𑀺 𑀢𑀸𑀳𑀺 𑀢𑀸𑀪𑀺. 𑀲𑀲𑁆𑀲 𑀯𑀸 𑀲𑁆𑀲𑀸𑀫𑁆𑀳𑀺 𑀅𑀲𑁆𑀲𑀸 𑀦𑀲𑁆𑀲𑀸 𑀢𑀺𑀲𑁆𑀲𑀸 𑀢𑀲𑁆𑀲𑀸.

𑁫𑁪. 𑀢𑁂+𑀢𑀺+𑀫𑀸𑀢𑁄 𑀲𑀲𑁆𑀲 𑀲𑁆𑀲𑀸𑀬

𑀢𑀸+𑀏𑀢𑀸+𑀇𑀫𑀸𑀢𑁄 𑀲𑀲𑁆𑀲 𑀲𑁆𑀲𑀸𑀬𑁄 𑀳𑁄𑀢𑀺 𑀯𑀸. 𑀅𑀲𑁆𑀲𑀸𑀬 𑀦𑀲𑁆𑀲𑀸𑀬 𑀢𑀺𑀲𑁆𑀲𑀸𑀬 𑀢𑀲𑁆𑀲𑀸𑀬, ‘‘𑀖𑀧𑀢𑁂’’𑀘𑁆𑀘𑀸𑀤𑀺𑀦𑀸 𑀬𑀸𑀤𑁂𑀲𑁂 ¶ 𑀦𑀸𑀬 𑀢𑀸𑀬. 𑀦𑀁𑀯𑀘𑀦𑀲𑁆𑀲 𑀲+𑀫𑀸𑀤𑁂𑀲𑁂 𑀢𑀓𑀸𑀭𑀲𑁆𑀲 𑀘 𑀯𑀸 𑀝𑀸𑀤𑁂𑀲𑁂 𑀆𑀲𑀁 𑀦𑀸𑀲𑀁 𑀦𑀸𑀲𑀸𑀦𑀁 𑀢𑀸𑀲𑀁 𑀢𑀸𑀲𑀸𑀦𑀁. 𑀲𑀢𑁆𑀢𑀫𑀺𑀬𑀁 𑀅𑀲𑁆𑀲𑀁 𑀅𑀲𑁆𑀲𑀸 𑀦𑀲𑁆𑀲𑀁 𑀦𑀲𑁆𑀲𑀸 𑀦𑀸𑀬𑀁 𑀦𑀸𑀬 𑀢𑀺𑀲𑁆𑀲𑀁 𑀢𑀺𑀲𑁆𑀲𑀸 𑀢𑀲𑁆𑀲𑀁 𑀢𑀲𑁆𑀲𑀸 𑀢𑀸𑀬𑀁 𑀢𑀸𑀬, 𑀦𑀸𑀲𑀼 𑀢𑀸𑀲𑀼.

𑀦𑀧𑀼𑀁𑀲𑀓𑁂 𑀦𑀁 𑀢𑀁, 𑀦𑀸𑀦𑀺 𑀢𑀸𑀦𑀺. 𑀦𑀁 𑀢𑀁, 𑀦𑁂 𑀦𑀸𑀦𑀺 𑀢𑁂 𑀢𑀸𑀦𑀺. 𑀲𑁂𑀲𑀁 𑀧𑀼𑀫𑁂𑀯.

‘‘𑀬𑀁𑀢𑀁𑀲𑀤𑁆𑀤𑀸 𑀦𑀺𑀘𑁆𑀘𑀲𑀫𑁆𑀩𑀦𑁆𑀥𑀸’’𑀢𑀺 𑀜𑀸𑀬𑀸 𑀬𑀁𑀲𑀤𑁆𑀤𑁂𑀦 𑀅𑀦𑀺𑀬𑀫𑀺𑀢𑀢𑁆𑀣𑀁 𑀢𑀁𑀲𑀤𑁆𑀤𑁄 𑀦𑀺𑀬𑀫𑁂𑀢𑀺.

𑀧𑀲𑀺𑀤𑁆𑀥𑁂 𑀅𑀦𑀼𑀪𑀽𑀢𑀢𑁆𑀣𑁂, 𑀧𑀓𑁆𑀓𑀦𑁆𑀢𑀯𑀺𑀲𑀬𑁂 𑀢𑀣𑀸;

𑀬𑀁𑀲𑀤𑁆𑀤+𑀫𑀦𑀧𑁂𑀓𑁆𑀔𑁂𑀯, 𑀢𑀁𑀲𑀤𑁆𑀤𑁄 𑀬𑀼𑀚𑁆𑀚𑀢𑁂 𑀲𑀤𑀸𑀢𑀺 𑁋

𑀯𑀼𑀢𑁆𑀢𑀢𑁆𑀢𑀸 𑀏𑀢𑁆𑀣𑁂𑀯 𑀢𑀁𑀲𑀤𑁆𑀤𑁄 𑀬𑀁𑀲𑀤𑁆𑀤𑀁 𑀦𑀸𑀧𑁂𑀓𑁆𑀔𑀢𑀺. 𑀬𑀣𑀸𑀓𑁆𑀓𑀫𑀁 𑀢𑀢𑁆𑀭𑀺+𑀤+𑀫𑀼𑀤𑀸𑀳𑀭𑀡𑀁 𑁋

(.) ‘‘𑀦𑀫𑁄 𑀢𑀲𑁆𑀲𑀸’’𑀢𑀺 𑀘, (.) ‘‘𑀅𑀕𑁆𑀕𑀺𑀫𑁆𑀧+𑀓𑁆𑀔𑀺𑀦𑀸…𑀧𑁂… 𑀜𑀸𑀢𑀓𑀸𑀭𑀻 𑀳𑀺 𑀲𑁄 𑀚𑀺𑀦𑁄’’𑀢𑀺 𑀘, (..) 𑀧𑀼𑀭𑀺𑀫𑀕𑀸𑀣𑀸𑀬 𑀯𑀼𑀢𑁆𑀢𑀫𑀼𑀦𑀺𑀲𑀤𑁆𑀤+𑀫𑀧𑁂𑀓𑁆𑀔𑀺𑀢𑁆𑀯𑀸 ‘‘𑀲𑀯𑀸𑀲𑀦𑁂 𑀓𑀺𑀮𑁂𑀲𑁂 𑀲𑁄’’𑀢𑀺 𑀘.

𑀏𑀲𑁄, 𑀏𑀢𑁂. 𑀏𑀲𑀸, 𑀏𑀢𑀸 𑀏𑀢𑀸𑀬𑁄, 𑀏𑀢𑀁, 𑀏𑀢𑀸𑀦𑀺 𑀇𑀘𑁆𑀘𑀸𑀤𑀺 𑀝+𑀦𑀸𑀤𑁂𑀲𑀸𑀪𑀸𑀯𑁄𑀯 𑀯𑀺𑀲𑁂𑀲𑁄.

𑁧𑁨𑁭. 𑀲𑀺𑀫𑁆𑀳+𑀦𑀧𑀼𑀁𑀲𑀓𑀲𑁆𑀲𑀸+𑀬𑀁

𑀇𑀫𑀲𑀤𑁆𑀤𑀲𑁆𑀲 𑀅𑀦𑀧𑀼𑀁𑀲𑀓𑀲𑁆𑀲 𑀅𑀬𑀁 𑀳𑁄𑀢𑀺 𑀲𑀺𑀫𑁆𑀳𑀺. 𑀅𑀬𑀁, 𑀇𑀫𑁂. 𑀇𑀫𑀁, 𑀇𑀫𑁂.

𑀇𑀫𑀲𑀤𑁆𑀤𑀲𑁆𑀲 ¶ 𑀅𑀦𑀺𑀢𑁆𑀣𑀺𑀬𑀁 𑀦𑀸𑀫𑁆𑀳𑀺 𑀅𑀦+𑀇𑀫𑀺𑀇𑀘𑁆𑀘𑀸𑀤𑁂𑀲𑀸 𑀳𑁄𑀦𑁆𑀢𑀺. ‘‘𑀅𑀢𑁂+𑀦𑀸’’𑀢𑀺 𑀏𑀦𑁂 𑀅𑀦𑁂𑀦 𑀇𑀫𑀺𑀦𑀸. 𑀳𑀺𑀫𑁆𑀳𑀺 𑁋

𑁧𑁨𑁫. 𑀇𑀫𑀲𑁆𑀲𑀸+𑀦𑀺𑀢𑁆𑀣𑀺𑀬𑀁 𑀝𑁂

𑀇𑀫𑀲𑁆𑀲𑀸+𑀦𑀺𑀢𑁆𑀣𑀺𑀬𑀁 𑀝𑁂 𑀳𑁄𑀢𑀺 𑀯𑀸 𑀲𑀼+𑀦𑀁+𑀳𑀺𑀲𑀼. ‘‘𑀦𑀸𑀫𑀕𑁆𑀕𑀳𑀡𑁂 𑀮𑀺𑀗𑁆𑀕𑀯𑀺𑀲𑀺𑀝𑁆𑀞𑀲𑁆𑀲𑀸𑀧𑀺 𑀕𑀳𑀡𑀁’’𑀢𑀺 𑀜𑀸𑀬𑀸 ‘𑀅𑀦𑀺𑀢𑁆𑀣𑀺𑀬𑀁’𑀢𑀺 𑀇𑀢𑁆𑀣𑀺𑀮𑀺𑀗𑁆𑀕𑀦𑀺𑀲𑁂𑀥𑀸 𑀇𑀫𑀲𑁆𑀲𑀸𑀢𑀺 𑀦𑀸𑀫𑀕𑁆𑀕𑀳𑀡𑀯𑀺𑀲𑀬𑁂 𑀮𑀺𑀗𑁆𑀕𑀯𑀺𑀲𑁂𑀲𑀺𑀢𑀲𑁆𑀲 𑀇𑀫𑀲𑀤𑁆𑀤𑀲𑁆𑀲𑀸𑀧𑀺 𑀕𑀳𑀡𑀁. 𑀢𑀲𑁆𑀲 𑀨𑀮𑀁 ‘‘𑀢𑀢𑀲𑁆𑀲 𑀦𑁄 𑀲𑀩𑁆𑀩𑀸𑀲𑀼’’ 𑀢𑁆𑀬𑀸𑀤𑁄 𑀮𑀺𑀗𑁆𑀕𑀢𑁆𑀢𑀬𑁂 𑀓𑀸𑀭𑀺𑀬𑀲𑀺𑀤𑁆𑀥𑀺. 𑀏𑀳𑀺 𑀏𑀪𑀺 𑀇𑀫𑁂𑀳𑀺 𑀇𑀫𑁂𑀪𑀺. ‘‘𑀝 𑀲𑀲𑁆𑀫𑀸𑀲𑁆𑀫𑀺’’𑀫𑀺𑀘𑁆𑀘𑀸𑀤𑀺𑀦𑀸 𑀲𑀩𑁆𑀩𑀲𑁆𑀲𑀺+𑀫𑀲𑁆𑀲 𑀯𑀸 𑀝𑀸𑀤𑁂𑀲𑁂 𑀅𑀲𑁆𑀲 𑀇𑀫𑀲𑁆𑀲, 𑀯𑀸 𑀝𑁂 𑀏𑀲𑀁 𑀏𑀲𑀸𑀦𑀁 𑀇𑀫𑁂𑀲𑀁 𑀇𑀫𑁂𑀲𑀸𑀦𑀁. 𑀅𑀫𑁆𑀳𑀸 𑀅𑀲𑁆𑀫𑀸 𑀇𑀫𑀫𑁆𑀳𑀸 𑀇𑀫𑀲𑁆𑀫𑀸. 𑀅𑀫𑁆𑀳𑀺 𑀅𑀲𑁆𑀫𑀺𑀁 𑀇𑀫𑀫𑁆𑀳𑀺 𑀇𑀫𑀲𑁆𑀫𑀺𑀁, 𑀏𑀲𑀼 𑀇𑀫𑁂𑀲𑀼.

𑀇𑀢𑁆𑀣𑀺𑀬𑀁 𑀅𑀬𑀁, 𑀇𑀫𑀸 𑀇𑀫𑀸𑀬𑁄. 𑀇𑀫𑀁, 𑀇𑀫𑀸 𑀇𑀫𑀸𑀬𑁄. 𑀦𑀸 ‘‘𑀲𑁆𑀲𑀸 𑀯𑀸 𑀢𑁂+𑀢𑀺+𑀫𑀸+𑀫𑀽𑀳𑀻’’𑀢𑀺 𑀲𑁆𑀲𑀸 𑀯𑀸, 𑀯𑀸 𑀝𑀸𑀤𑁂𑀲𑁂 ‘‘𑀲𑁆𑀲’’ 𑀫𑀺𑀘𑁆𑀘𑀸𑀤𑀺𑀦𑀸 𑀇𑀆𑀤𑁂𑀲𑁂 𑀘 𑀓𑀢𑁂 𑀅𑀲𑁆𑀲𑀸 𑀇𑀫𑀺𑀲𑁆𑀲𑀸 𑀇𑀫𑀸𑀬, 𑀇𑀫𑀸𑀳𑀺 𑀇𑀫𑀸𑀪𑀺. 𑀅𑀲𑁆𑀲𑀸 𑀇𑀫𑀺𑀲𑁆𑀲𑀸 𑀅𑀲𑁆𑀲𑀸𑀬 𑀇𑀫𑀺𑀲𑁆𑀲𑀸𑀬 𑀇𑀫𑀸𑀬. 𑀦𑀁𑀯𑀘𑀦𑀲𑁆𑀲 𑀲+𑀫𑀸𑀤𑁂𑀲𑁂 𑀇𑀫𑀲𑁆𑀲 𑀘 𑀯𑀸 𑀝𑀸𑀤𑁂𑀲𑁂 𑀅𑀲𑁆𑀲 ‘‘𑀲𑀼𑀦𑀁𑀳𑀺 𑀲𑀽’’𑀢𑀺 𑀤𑀻𑀖𑁂 𑀘 𑀓𑀢𑁂 𑀆𑀲𑀁, 𑀅𑀜𑁆𑀜𑀢𑁆𑀭 𑀇𑀫𑀸𑀲𑀁 𑀇𑀫𑀸𑀲𑀸𑀦𑀁. 𑀲𑀢𑁆𑀢𑀫𑀺𑀬𑀁 𑀅𑀲𑁆𑀲𑀁 𑀇𑀫𑀺𑀲𑁆𑀲𑀁 𑀅𑀲𑁆𑀲𑀸 𑀇𑀫𑀺𑀲𑁆𑀲𑀸 𑀇𑀫𑀸𑀬𑀁 𑀇𑀫𑀸𑀬, 𑀇𑀫𑀸𑀲𑀼.

𑀅𑀁𑀲𑀺𑀲𑀼 ¶ 𑀲𑀳 𑀢𑁂𑀳𑀺 𑀇𑀫𑀲𑁆𑀲𑀺+𑀤𑀁 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂. 𑀇𑀤𑀁 𑀇𑀫𑀁, 𑀇𑀫𑁂 𑀇𑀫𑀸𑀦𑀺. 𑀇𑀤𑀁 𑀇𑀫𑀁, 𑀇𑀫𑁂 𑀇𑀫𑀸𑀦𑀺. 𑀅𑀦𑁂𑀦 𑀇𑀫𑀺𑀦𑀸 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑁧𑁯𑁭. 𑀇𑀫𑁂+𑀢𑀸𑀦+𑀫𑁂𑀦𑀸+𑀦𑁆𑀯𑀸𑀤𑁂𑀲𑁂 𑀤𑀼𑀢𑀺𑀬𑀸𑀬𑀁

𑀇𑀫𑀏𑀢𑀲𑀤𑁆𑀤𑀸𑀦𑀁 𑀓𑀣𑀺𑀢𑀸𑀦𑀼𑀓𑀣𑀦𑀯𑀺𑀲𑀬𑁂 𑀤𑀼𑀢𑀺𑀬𑀸𑀬+𑀫𑁂𑀦𑀸𑀤𑁂𑀲𑁄 𑀳𑁄𑀢𑀺. 𑀇𑀫𑀁 𑀪𑀺𑀓𑁆𑀔𑀼𑀁 𑀯𑀺𑀦𑀬+𑀫𑀚𑁆𑀛𑀸𑀧𑀬, 𑀅𑀣𑁄 𑀏𑀦𑀁 𑀥𑀫𑁆𑀫+𑀫𑀚𑁆𑀛𑀸𑀧𑀬. 𑀇𑀫𑁂 𑀪𑀺𑀓𑁆𑀔𑀽 𑀯𑀺𑀦𑀬+𑀫𑀚𑁆𑀛𑀸𑀧𑀬, 𑀅𑀣𑁄 𑀏𑀦𑁂 𑀥𑀫𑁆𑀫+𑀫𑀚𑁆𑀛𑀸𑀧𑀬. 𑀏𑀯+𑀫𑁂𑀢𑀲𑁆𑀲 𑀘 𑀬𑁄𑀚𑀦𑀻𑀬𑀁.

𑀅𑀦𑀧𑀼𑀁𑀲𑀓𑀲𑁆𑀲𑀸+𑀫𑀼𑀲𑁆𑀲 𑀫𑀓𑀸𑀭𑀲𑁆𑀲 𑀲𑁄 𑀳𑁄𑀢𑀺 𑀲𑀺𑀫𑁆𑀳𑀺. 𑀅𑀲𑀼, 𑀬𑁄 𑁋

𑀦𑀺𑀬𑀫𑀲𑀼𑀢𑁆𑀢+𑀫𑀺𑀤𑀁, 𑀅𑀫𑀼𑀲𑀤𑁆𑀤𑀢𑁄 𑀬𑁄𑀦𑀁 𑀮𑁄𑀧𑁄 𑀳𑁄𑀢𑀺 𑀦𑀺𑀘𑁆𑀘𑀁 𑀧𑀼𑀮𑁆𑀮𑀺𑀗𑁆𑀕𑁂. 𑀤𑀻𑀖𑁂 𑀅𑀫𑀽. 𑀛𑀮𑀢𑁄 𑀬𑁄𑀦𑀁 ‘‘𑀮𑁄𑀧𑁄’’𑀢𑀺 𑀮𑁄𑀧𑁂 𑀲𑀺𑀤𑁆𑀥𑁂𑀧𑀺 𑀯𑁄+𑀧𑀯𑀸𑀤𑁄+𑀬+𑀫𑀸𑀭𑀫𑁆𑀪𑁄.

𑀆𑀭𑀫𑁆𑀪𑁄 𑀯𑀘𑀦𑀫𑁆𑀧𑀢𑁆𑀢𑀺, 𑀮𑀓𑁆𑀔𑀡𑀁 𑀬𑁄𑀕𑀮𑀓𑁆𑀔𑀡𑀁;

𑀯𑀸𑀓𑁆𑀬𑀁 𑀲𑀢𑁆𑀣𑀜𑁆𑀘 𑀇𑀘𑁆𑀘𑀸𑀤𑀺, 𑀲𑀼𑀢𑁆𑀢𑀸𑀦+𑀫𑀪𑀺𑀥𑀸𑀬𑀓𑀸.

𑀅𑀫𑀼𑀁, 𑀅𑀫𑀽. 𑀅𑀫𑀼𑀦𑀸, 𑀅𑀫𑀽𑀳𑀺 𑀅𑀫𑀽𑀪𑀺.

𑀅𑀫𑀼𑀲𑁆𑀫𑀸 ¶ 𑀲𑀲𑁆𑀲 𑀦𑁄 𑀦 𑀳𑁄𑀢𑀺. 𑀅𑀫𑀼𑀲𑁆𑀲, 𑀅𑀫𑀽𑀲𑀁 𑀅𑀫𑀽𑀲𑀸𑀦𑀁. ‘‘𑀦𑀸𑀲𑁆𑀫𑀸𑀲𑁆𑀲𑀸’’𑀢𑀺 𑀮𑀢𑁄 𑀲𑁆𑀫𑀸𑀲𑁆𑀲 𑀦𑀸, 𑀅𑀫𑀼𑀦𑀸 𑀅𑀫𑀼𑀫𑁆𑀳𑀸 𑀅𑀫𑀼𑀲𑁆𑀫𑀸. 𑀅𑀫𑀼𑀫𑁆𑀳𑀺 𑀅𑀫𑀼𑀲𑁆𑀫𑀺𑀁, 𑀅𑀫𑀽𑀲𑀼.

𑀇𑀢𑁆𑀣𑀺𑀬𑀁 𑀅𑀲𑀼, 𑀅𑀫𑀽 𑀅𑀫𑀼𑀬𑁄. 𑀅𑀫𑀼𑀁, 𑀅𑀫𑀽 𑀅𑀫𑀼𑀬𑁄. 𑀦𑀸, ‘‘𑀲𑁆𑀲𑀸 𑀯𑀸 𑀢𑁂+𑀢𑀺+𑀫𑀸+𑀫𑀽𑀳𑀻’’𑀢𑀺 𑀦𑀸𑀤𑁆𑀬𑁂𑀓𑀯𑀘𑀦𑀸𑀦𑀁 𑀲𑁆𑀲𑀸 𑀯𑀸, 𑀅𑀫𑀼𑀲𑁆𑀲𑀸 𑀅𑀫𑀼𑀬𑀸, 𑀅𑀫𑀽𑀳𑀺 𑀅𑀫𑀽𑀪𑀺. 𑀅𑀫𑀼𑀲𑁆𑀲𑀸 𑀅𑀫𑀼𑀬𑀸, 𑀅𑀫𑀽𑀲𑀁 𑀅𑀫𑀽𑀲𑀸𑀦𑀁. 𑀲𑀢𑁆𑀢𑀫𑀺𑀬𑀁 𑀅𑀫𑀼𑀲𑁆𑀲𑀁 𑀅𑀫𑀼𑀲𑁆𑀲𑀸 𑀅𑀫𑀼𑀬𑀁 𑀅𑀫𑀼𑀬𑀸, 𑀅𑀫𑀽𑀲𑀼.

𑀅𑀁𑀲𑀺𑀲𑀼 𑀲𑀳 𑀢𑁂𑀳𑀺 𑀅𑀫𑀼𑀲𑁆𑀲 𑀅𑀤𑀼𑀁 𑀳𑁄𑀢𑀺 𑀯𑀸 𑀦𑀧𑀼𑀁𑀲𑀓𑁂. 𑀅𑀤𑀼𑀁, 𑀲𑀺𑀮𑁄𑀧𑁄, 𑀅𑀫𑀼𑀁. ‘‘𑀛𑀮𑀸 𑀯𑀸’’𑀢𑀺 𑀯𑀸𑀦𑀺𑀆𑀤𑁂𑀲𑁂 𑀅𑀫𑀽𑀦𑀺 𑀅𑀫𑀽. 𑀅𑀤𑀼𑀁 𑀅𑀫𑀼𑀁, 𑀅𑀫𑀽𑀦𑀺 𑀅𑀫𑀽. 𑀅𑀫𑀼𑀦𑀸 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑀲𑀫𑀁.

𑀅𑀫𑀼 𑀏𑀯 𑀅𑀫𑀼𑀓𑁄𑀢𑀺 𑀲𑀓𑀢𑁆𑀣𑁂 𑀓𑀧𑀘𑁆𑀘𑀬𑁂 𑀢𑀤𑁆𑀥𑀺𑀢𑀯𑀼𑀢𑁆𑀢𑀺𑀢𑁆𑀢𑀸 ‘‘𑀏𑀓𑀢𑁆𑀣𑀢𑀸𑀬𑀁’’𑀢𑀺 𑀲𑀺𑀮𑁄𑀧𑁂 𑀘 𑀓𑀢𑁂 ‘‘𑀦𑀺𑀫𑀺𑀢𑁆𑀢𑀸𑀪𑀸𑀯𑁂 𑀦𑁂𑀫𑀺𑀢𑁆𑀢𑀺𑀓𑀲𑁆𑀲𑀸𑀪𑀸𑀯𑁄’’𑀢𑀺 𑀜𑀸𑀬𑀸 𑀦𑀺𑀫𑀺𑀢𑁆𑀢𑀪𑀽𑀢𑀲𑁆𑀲 𑀲𑀺𑀲𑁆𑀲𑀸+𑀪𑀸𑀯𑁂 𑀦𑁂𑀫𑀺𑀢𑁆𑀢𑀺𑀓𑀲𑁆𑀲 ‘‘𑀫𑀲𑁆𑀲𑀸+𑀫𑀼𑀲𑁆𑀲𑀸’’𑀢𑀺 𑀓𑀢𑁆𑀢𑀩𑁆𑀩𑀲𑁆𑀲 𑀲𑀓𑀸𑀭𑀲𑁆𑀲 𑀦𑀺𑀯𑀼𑀢𑁆𑀢𑀻𑀢𑀺 ‘𑀓𑁂 𑀯𑀸’𑀢𑀺 𑀯𑀺𑀓𑀧𑁆𑀧𑁂𑀦 𑀫𑀲𑁆𑀲 𑀲𑀓𑀸𑀭𑀢𑁆𑀣+ 𑀫𑀺𑀤+𑀫𑀸𑀭𑀤𑁆𑀥𑀁 ¶ . 𑀅𑀫𑀼𑀲𑁆𑀲 𑀫𑀲𑁆𑀲 𑀓𑁂 𑀲 𑀳𑁄𑀢𑀺 𑀯𑀸. 𑀅𑀲𑀼𑀓𑁄 𑀅𑀫𑀼𑀓𑀸, 𑀅𑀲𑀼𑀓𑀸 𑀅𑀫𑀼𑀓𑀸. 𑀅𑀲𑀼𑀓𑀁 𑀅𑀫𑀼𑀓𑀁 𑀇𑀘𑁆𑀘𑀸𑀤𑀺.

𑀲𑀩𑁆𑀩𑀸𑀲𑀼 𑀯𑀺𑀪𑀢𑁆𑀢𑀻𑀲𑀼 𑀓𑀺𑀲𑁆𑀲 𑀓𑁄 𑀳𑁄𑀢𑀺. 𑀲𑀺𑀲𑁆𑀲𑁄, 𑀓𑁄, 𑀓𑁂. 𑀓𑀁, 𑀓𑁂. 𑀓𑁂𑀦, 𑀓𑁂𑀳𑀺 𑀓𑁂𑀪𑀺.

𑁧𑁯𑁯. 𑀓𑀺 𑀲𑀲𑁆𑀫𑀺𑀁𑀲𑀼 𑀯𑀸 𑀦𑀺𑀢𑁆𑀣𑀺𑀬𑀁

𑀅𑀦𑀺𑀢𑁆𑀣𑀺𑀬𑀁 𑀓𑀺𑀲𑁆𑀲 𑀓𑀺 𑀯𑀸 𑀳𑁄𑀢𑀺 𑀲𑀲𑁆𑀫𑀺𑀁𑀲𑀼. 𑀓𑀺𑀲𑁆𑀲 𑀓𑀲𑁆𑀲, 𑀓𑁂𑀲𑀁 𑀓𑁂𑀲𑀸𑀦𑀁. 𑀓𑀫𑁆𑀳𑀸 𑀓𑀲𑁆𑀫𑀸. 𑀓𑀺𑀫𑁆𑀳𑀺 𑀓𑀺𑀲𑁆𑀫𑀺𑀁 𑀓𑀫𑁆𑀳𑀺 𑀓𑀲𑁆𑀫𑀺𑀁, 𑀓𑁂𑀲𑀼.

𑀇𑀢𑁆𑀣𑀺𑀬𑀁 𑀯𑀺𑀪𑀢𑁆𑀢𑀻𑀲𑀼 𑀧𑀭𑁂𑀲𑀼 𑀓𑀸𑀤𑁂𑀲𑁂 𑀓𑀢𑁂 𑀅𑀓𑀸𑀭𑀦𑁆𑀢𑀢𑁆𑀢𑀸 𑀫𑀚𑁆𑀛𑁂 𑀆𑀧𑀘𑁆𑀘𑀬𑀓𑀭𑀡+𑀫𑀯𑀺𑀭𑀼𑀤𑁆𑀥𑀦𑁆𑀢𑀺 𑀆, 𑀓𑀸, 𑀓𑀸𑀬𑁄. 𑀓𑀁, 𑀓𑀸 𑀓𑀸𑀬𑁄 𑀇𑀘𑁆𑀘𑀸𑀤𑀺 𑀲𑀩𑁆𑀩𑀸𑀯.

𑁨𑁦𑁦. 𑀓𑀺+𑀫𑀁𑀲𑀺𑀲𑀼 𑀲𑀳 𑀦𑀧𑀼𑀁𑀲𑀓𑁂

𑀅𑀁𑀲𑀺𑀲𑀼 𑀲𑀳 𑀢𑁂𑀳𑀺 𑀓𑀺𑀁 𑀲𑀤𑁆𑀤𑀲𑁆𑀲 𑀓𑀺𑀁𑀳𑁄𑀢𑀺 𑀦𑀧𑀼𑀁𑀲𑀓𑁂. 𑀓𑀸𑀤𑁂𑀲𑀲𑁆𑀲 𑀲𑀸𑀫𑀜𑁆𑀜𑀢𑁆𑀢𑀸 ‘‘𑀯𑀺𑀲𑁂𑀲𑀯𑀺𑀳𑀺𑀢𑀸 𑀯𑀺𑀥𑀬𑁄 𑀲𑀸𑀫𑀜𑁆𑀜𑀯𑀺𑀥𑀬𑁄 𑀦𑀺𑀲𑁂𑀥𑁂𑀦𑁆𑀢𑀻’’𑀢𑀺 𑀜𑀸𑀬𑀸 𑀓𑀺𑀁𑀆𑀤𑁂𑀲𑁂𑀦 𑀓𑀸𑀤𑁂𑀲𑀦𑀺𑀯𑀼𑀢𑁆𑀢𑀺. 𑀓𑀺𑀁, 𑀓𑀸𑀦𑀺. 𑀓𑀺𑀁, 𑀓𑁂 𑀓𑀸𑀦𑀺. 𑀓𑁂𑀦𑁂+𑀘𑁆𑀘𑀸𑀤𑀺 𑀧𑀼𑀩𑁆𑀩𑁂𑀯.

𑀏𑀓𑀲𑀤𑁆𑀤𑁄 ¶ 𑀲𑀁𑀔𑁆𑀬𑀸+𑀢𑀼𑀮𑁆𑀬+𑀜𑁆𑀜+𑀲𑀳𑀸𑀬𑀯𑀘𑀦𑁄. 𑀬𑀤𑀸 𑀲𑀁𑀔𑁆𑀬𑀸𑀯𑀘𑀦𑁄, 𑀢𑀤𑀸 𑀏𑀓𑀯𑀘𑀦𑀦𑁆𑀢𑁄, 𑀅𑀢𑁆𑀭 𑀏𑀓𑀲𑀤𑁆𑀤𑁄 𑀲𑀁𑀔𑁆𑀬𑁂𑀬𑁆𑀬𑀯𑀸𑀧𑀻. 𑀅𑀜𑁆𑀜𑀢𑁆𑀭 𑀢𑀼𑀮𑁆𑀬𑀸𑀤𑀻𑀲𑀼 𑀩𑀳𑀼𑀯𑀘𑀦𑀦𑁆𑀢𑁄𑀧𑀺. 𑀏𑀓𑁄, 𑀏𑀓𑁂. 𑀏𑀓𑀸, 𑀏𑀓𑀸 𑀏𑀓𑀸𑀬𑁄. 𑀏𑀓𑀁, 𑀏𑀓𑀸𑀦𑀺+𑀘𑁆𑀘𑀸𑀤𑀺 𑀲𑀩𑁆𑀩𑀲𑀫𑀁 𑀢𑀺𑀮𑀺𑀗𑁆𑀕𑁂.

𑀢𑀼𑀮𑁆𑀬𑁂 𑀏𑀓𑁄 𑀯𑀺𑀮𑀸𑀲𑁄 𑀤𑁆𑀯𑀺𑀦𑁆𑀦𑀁 𑀓𑀼𑀫𑀸𑀭𑀸𑀦𑀁, 𑀏𑀓𑁂 𑀯𑀡𑁆𑀡𑀲𑀤𑁆𑀤𑀸 𑀤𑁆𑀯𑀺𑀦𑁆𑀦𑀁 𑀓𑀼𑀫𑀸𑀭𑀸𑀦𑀁. 𑀅𑀜𑁆𑀜𑀢𑁆𑀣𑁂 𑀏𑀓𑁄 𑀆𑀘𑀭𑀺𑀬𑁄 𑀏𑀯+𑀫𑀸𑀳, 𑀏𑀓𑁂 𑀆𑀘𑀭𑀺𑀬𑀸 𑀏𑀯+𑀫𑀸𑀳𑀁𑀲𑀼. 𑀅𑀲𑀳𑀸𑀬𑀢𑁂 𑀏𑀓𑁄𑀯 𑀅𑀭𑀜𑁆𑀜𑀁 𑀧𑀯𑀺𑀲𑀺𑀢𑁆𑀯𑀸.

𑀏𑀓𑁄, 𑀏𑀓𑁂. 𑀏𑀓𑀸, 𑀏𑀓𑀸 𑀏𑀓𑀸𑀬𑁄. 𑀏𑀓𑀁 𑀏𑀓𑀸𑀦𑀺+𑀘𑁆𑀘𑀸𑀤𑀺 𑀲𑀩𑁆𑀩𑀲𑀫𑀁 𑀢𑀺𑀮𑀺𑀗𑁆𑀕𑁂. 𑀲𑁆𑀲𑀸+𑀲𑁆𑀲𑀁𑀲𑀼 𑀧𑀦 ‘‘𑀲𑁆𑀲’’𑀫𑀸𑀤𑀺𑀦𑀸 𑀇, 𑀏𑀓𑀺𑀲𑁆𑀲𑀸 𑀏𑀓𑀸𑀬, 𑀏𑀓𑀺𑀲𑁆𑀲𑀁 𑀏𑀓𑀸𑀬𑀁 𑀏𑀓𑀸𑀬.

𑀇𑀥 𑀅𑀢𑁆𑀢𑀧𑀭𑀕𑀸𑀭𑀯𑀯𑀲𑁂𑀦 𑀏𑀓𑀲𑁆𑀲𑀸𑀧𑀺 ‘‘𑀅𑀫𑁆𑀳𑀸𑀓𑀁 𑀭𑀜𑁆𑀜𑁄’’𑀢𑀺𑀧𑀺 ‘‘𑀏𑀓𑁂 𑀆𑀘𑀭𑀺𑀬𑀸’’𑀢𑀺𑀧𑀺 𑀩𑀳𑀼𑀯𑀘𑀦𑀲𑁆𑀲 𑀮𑁄𑀓𑁂𑀦 𑀇𑀘𑁆𑀙𑀺𑀢𑀢𑁆𑀢𑀸 𑀩𑀳𑀼𑀮𑀯𑀺𑀥𑀸𑀦𑀸 𑀩𑀳𑀼𑀯𑀘𑀦𑁂𑀦𑁂𑀯 𑀲𑀺𑀚𑁆𑀛𑀢𑀺.

𑀢𑀼𑀫𑁆𑀳+𑀅𑀫𑁆𑀳𑀲𑀤𑁆𑀤𑀸 𑀅𑀮𑀺𑀗𑁆𑀕𑀸, 𑀢𑀣𑀸 𑀉𑀪+𑀓𑀢𑀺+𑀤𑁆𑀯𑀺𑀲𑀤𑁆𑀤𑀸, 𑀧𑀜𑁆𑀘𑀸𑀤𑀬𑁄 𑀅𑀝𑁆𑀞𑀸𑀭𑀲𑀦𑁆𑀢𑀸 𑀘. 𑀢𑀼𑀫𑁆𑀳 𑀲𑀺, 𑀅𑀫𑁆𑀳 𑀲𑀺.

𑁨𑁧𑁨. 𑀢𑀼𑀫𑁆𑀳𑀲𑁆𑀲 𑀢𑀼𑀯𑀁𑀢𑁆𑀯+𑀫𑀫𑁆𑀳𑀺 𑀘

𑀅𑀫𑁆𑀳𑀺 𑀲𑀺𑀫𑁆𑀳𑀺 𑀘 𑀢𑀼𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀢𑀼𑀯𑀁+𑀢𑁆𑀯𑀁 𑀳𑁄𑀦𑁆𑀢𑀺. 𑀢𑀼𑀯𑀁 𑀢𑁆𑀯𑀁.

𑀲𑀺𑀫𑁆𑀳𑀺 𑀅𑀫𑁆𑀳𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀳𑀁 𑀳𑁄𑀢𑀺. 𑀅𑀳𑀁, 𑀬𑁂𑀯𑀲𑁆𑀯𑁂+𑀝, 𑀢𑀼 𑀫𑁆𑀳𑁂.

𑀬𑁄𑀲𑁆𑀯+𑀫𑁆𑀳𑀲𑁆𑀲 ¶ 𑀲𑀯𑀺𑀪𑀢𑁆𑀢𑀺𑀲𑁆𑀲 𑀫𑀬+𑀫𑀲𑁆𑀫𑀸 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀫𑀬𑀁 𑀅𑀫𑁆𑀳𑁂.

𑁨𑁨𑁭. 𑀅𑀁𑀫𑁆𑀳𑀺 𑀢𑀁+𑀫𑀁+𑀢𑀯𑀁+𑀫𑀫𑀁

𑀅𑀁𑀫𑁆𑀳𑀺 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀁+𑀫𑀁+𑀢𑀯𑀁+𑀫𑀫𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀁, 𑀫𑀁, 𑀢𑀯𑀁, 𑀫𑀫𑀁.

𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀧𑀘𑁆𑀘𑁂𑀓𑀁 𑀗𑀁+𑀗𑀸𑀓𑀁 𑀯𑀸 𑀳𑁄𑀦𑁆𑀢𑀺 𑀬𑁄𑀫𑁆𑀳𑀺 𑀤𑀼𑀢𑀺𑀬𑁂, 𑀢𑀼𑀫𑁆𑀳𑀁 𑀢𑀼𑀫𑁆𑀳𑀸𑀓𑀁 𑀢𑀼𑀫𑁆𑀳𑁂, 𑀅𑀫𑁆𑀳𑀁 𑀅𑀫𑁆𑀳𑀸𑀓𑀁 𑀅𑀫𑁆𑀳𑁂.

𑀦𑀸𑀲𑁆𑀫𑀸𑀲𑀼 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀸+𑀫𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. ‘‘𑀦𑀸𑀲𑁆𑀫𑀸𑀲𑀽’’𑀢𑀺 𑀩𑀳𑀼𑀯𑀘𑀦𑁂𑀲𑀼𑀧𑀺 𑀯𑀺𑀪𑀢𑁆𑀢𑀺𑀓𑁆𑀓𑀫+𑀫𑀦𑀧𑁂𑀓𑁆𑀔𑀺𑀢𑁆𑀯𑀸 𑀲𑀤𑁆𑀤𑀓𑁆𑀓𑀫𑁂𑀦 𑀧𑀘𑁆𑀘𑁂𑀓𑀁 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺.

𑁨𑁧𑁩. 𑀢𑀬𑀸𑀢𑀬𑀻𑀦𑀁 𑀢𑁆𑀯 𑀯𑀸 𑀢𑀲𑁆𑀲

𑀢𑀼𑀫𑁆𑀳𑀲𑁆𑀲 𑀢𑀬𑀸𑀢𑀬𑀻𑀦𑀁 𑀢𑀓𑀸𑀭𑀲𑁆𑀲 𑀢𑁆𑀯 𑀳𑁄𑀢𑀺 𑀯𑀸. 𑀢𑁆𑀯𑀬𑀸 𑀢𑀬𑀸, 𑀫𑀬𑀸. 𑀢𑀼𑀫𑁆𑀳𑁂𑀳𑀺 𑀢𑀼𑀫𑁆𑀳𑁂𑀪𑀺, 𑀅𑀫𑁆𑀳𑁂𑀳𑀺 𑀅𑀫𑁆𑀳𑁂𑀪𑀺.

𑁨𑁨𑁯. 𑀢𑀯+𑀫𑀫+𑀢𑀼𑀬𑁆𑀳𑀁+𑀫𑀬𑁆𑀳𑀁 𑀲𑁂

𑀲𑁂 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀏𑀢𑁂 𑀆𑀤𑁂𑀲𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀯 𑀢𑀼𑀬𑁆𑀳𑀁, 𑀫𑀫 𑀫𑀬𑁆𑀳𑀁.

𑁨𑁧𑁧. 𑀦𑀁𑀲𑁂𑀲𑁆𑀯+𑀲𑁆𑀫𑀸𑀓𑀁+𑀫𑀫𑀁.

𑀦𑀁𑀲𑁂𑀲𑁆𑀯+𑀫𑁆𑀳𑀲𑁆𑀲 ¶ 𑀲𑀯𑀺𑀪𑀢𑁆𑀢𑀺𑀲𑁆𑀲 𑀅𑀲𑁆𑀫𑀸𑀓𑀁+𑀫𑀫𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀫𑀫𑀁.

𑀦𑀁𑀫𑁆𑀳𑀺 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀢𑀢𑁆𑀢𑀻𑀦𑀁 𑀗𑀁+𑀗𑀸𑀓𑀁 𑀳𑁄𑀦𑁆𑀢𑀺 𑀧𑀘𑁆𑀘𑁂𑀓𑀁. 𑀢𑀼𑀫𑁆𑀳𑀁 𑀢𑀼𑀫𑁆𑀳𑀸𑀓𑀁 𑀅𑀫𑁆𑀳𑀁 𑀅𑀫𑁆𑀳𑀸𑀓𑀁 𑀅𑀲𑁆𑀫𑀸𑀓𑀁. 𑀓𑀘𑁆𑀘𑀸𑀬𑀦𑁂 𑀏𑀓𑀯𑀘𑀦𑀲𑁆𑀲 𑀅𑀁𑀯𑀺𑀥𑀸𑀦𑀢𑁆𑀣𑀁 𑀲𑀼𑀢𑁆𑀢+𑀫𑀸𑀭𑀤𑁆𑀥𑀁, 𑀏𑀢𑁆𑀣 𑀧𑀦 𑀅𑀢𑁆𑀢𑀕𑀸𑀭𑀯𑀯𑀲𑁂𑀦 𑀅𑀁𑀫𑁆𑀳𑀺 𑀢𑀼𑀫𑁆𑀳𑀁 𑀅𑀫𑁆𑀳𑀁𑀪𑀺 𑀲𑀺𑀚𑁆𑀛𑀦𑁆𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸.

𑀲𑁆𑀫𑀸𑀫𑁆𑀳𑀺 𑀢𑀼𑀫𑁆𑀳𑀲𑁆𑀲 𑀲𑀯𑀺𑀢𑀢𑁆𑀢𑀺𑀲𑁆𑀲 𑀢𑁆𑀯𑀫𑁆𑀳𑀸 𑀳𑁄𑀢𑀺 𑀯𑀸. 𑀢𑁆𑀯𑀫𑁆𑀳𑀸 𑀢𑁆𑀯𑀬𑀸 𑀢𑀬𑀸, 𑀫𑀬𑀸.

𑁨𑁨𑁬. 𑀲𑁆𑀫𑀺𑀫𑁆𑀳𑀺 𑀢𑀼𑀫𑁆𑀳𑀫𑁆𑀳𑀸𑀦𑀁 𑀢𑀬𑀺+𑀫𑀬𑀺

𑀲𑁆𑀫𑀺𑀫𑁆𑀳𑀺 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁𑀲𑀯𑀺𑀪𑀢𑁆𑀢𑀻𑀦𑀁 𑀢𑀬𑀺+𑀫𑀬𑀺 𑀳𑁄𑀢𑀺 𑀬𑀣𑀸𑀓𑁆𑀓𑀫𑀁. 𑀢𑁆𑀯𑀬𑀺 𑀢𑀬𑀺, 𑀫𑀬𑀺. 𑀢𑀼𑀫𑁆𑀳𑁂𑀲𑀼.

𑁨𑁦𑁩. 𑀲𑀼𑀫𑁆𑀳𑀸+𑀫𑁆𑀳𑀲𑁆𑀲𑀸+𑀲𑁆𑀫𑀸

𑀅𑀫𑁆𑀳𑀲𑁆𑀲 𑀅𑀲𑁆𑀫𑀸 𑀳𑁄𑀢𑀺 𑀯𑀸 𑀲𑀼𑀫𑁆𑀳𑀺. 𑀅𑀲𑁆𑀫𑀸𑀲𑀼 𑀅𑀫𑁆𑀳𑁂𑀲𑀼. 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢+𑀫𑀧𑁂𑀓𑁆𑀔𑀦𑁆𑀢𑀸 𑀯𑀓𑁆𑀔𑀫𑀸𑀦𑀁 𑀯𑀸𑀢𑀺 𑀇𑀤+𑀫𑁂𑀲𑀁 𑀮𑀓𑁆𑀔𑀡𑀁.

𑁨𑁩𑁨. 𑀅𑀧𑀸𑀤𑀸𑀤𑁄 𑀧𑀤𑀢𑁂+𑀓𑀯𑀸𑀓𑁆𑀬𑁂𑀢𑀺

𑀅𑀥𑀺𑀓𑀸𑀭𑁄. 𑀏𑀢𑁆𑀣 𑀧𑀸𑀤𑁄 𑀦𑀸𑀫 𑀕𑀸𑀣𑀸𑀬 𑀘𑀢𑀼𑀢𑁆𑀣𑀁𑀲𑁄, 𑀢𑀲𑁆𑀫𑀸 ‘‘𑀢𑀼𑀫𑁆𑀳𑁂𑀳𑀺 𑀧𑀼𑀜𑁆𑀜𑀁 𑀧𑀲𑀼𑀢𑀁 𑀅𑀦𑀧𑁆𑀧𑀓𑀁’’𑀢𑀺 𑀏𑀢𑁆𑀣 𑀯𑁄 𑀦 𑀳𑁄𑀢𑀺. 𑀏𑀢𑁆𑀣 𑀧𑀤𑀦𑁆𑀢𑀺 𑀯𑀼𑀢𑁆𑀢 𑀲𑀤𑁆𑀤𑁄 𑀲𑀪𑀸𑀯𑀢𑁄 𑁋

𑀆𑀓𑀸𑀲𑀯𑀸𑀬𑀼𑀧𑁆𑀧𑀪𑀯𑁄 ¶ 𑀲𑀭𑀻𑀭𑀸,

𑀲𑀫𑀼𑀘𑁆𑀘𑀭𑀁 𑀯𑀢𑁆𑀢+𑀫𑀼𑀧𑁂𑀢𑀺 𑀦𑀸𑀤𑁄;

𑀞𑀸𑀦𑀦𑁆𑀢𑀭𑁂 𑀲𑀼𑀧𑁆𑀧𑀝𑀺𑀳𑀜𑁆𑀜𑀫𑀸𑀦𑁄,

𑀯𑀡𑁆𑀡𑀢𑁆𑀢+𑀫𑀸𑀕𑀘𑁆𑀙𑀢𑀺 𑀲𑁄 𑀢𑀼 𑀲𑀤𑁆𑀤𑁄𑀢𑀺 𑁋

𑀯𑀼𑀢𑁆𑀢𑀢𑁆𑀢𑀸 𑀏𑀓𑁂𑀓𑁄 𑀯𑀡𑁆𑀡𑁄 𑀲𑀤𑁆𑀤𑁄 𑀦𑀸𑀫, 𑀢𑀩𑁆𑀩𑀡𑁆𑀡𑀲𑀫𑀽𑀳𑁄 𑀧𑀤𑀁, 𑀢𑀧𑁆𑀧𑀤𑀲𑀫𑀽𑀳𑁄 𑀯𑀸𑀓𑁆𑀬𑀜𑁆𑀘. 𑀢𑀣𑀸 𑀳𑀺 𑁋

𑀯𑀺𑀢𑀢𑁆𑀬𑀦𑁆𑀢𑀁 𑀧𑀤𑀁 𑀢𑀲𑁆𑀲, 𑀘 𑀬𑁄 𑀯𑀸𑀓𑁆𑀬𑀦𑁆𑀢𑀺 𑀫𑀦𑁆𑀯𑀬𑀁;

𑀉𑀧𑀘𑀸𑀭𑀸 𑀯𑀡𑁆𑀡𑀲𑀤𑁆𑀤-𑀯𑀸𑀘𑁆𑀘𑀁 𑀢𑀁 𑀦 𑀧𑀭𑀺𑀘𑁆𑀘𑀚𑁂.

𑀧𑀤𑀁 𑀘𑀢𑀼𑀩𑁆𑀩𑀺𑀥𑀁 𑀯𑀼𑀢𑁆𑀢𑀁, 𑀦𑀸𑀫𑀸+𑀔𑁆𑀬𑀸𑀢𑁄+𑀧𑀲𑀕𑁆𑀕𑀚𑀁;

𑀦𑀺𑀧𑀸𑀢𑀚𑀜𑁆𑀘 𑀢𑀜𑁆𑀜𑀽 𑀳𑀺, 𑀅𑀲𑁆𑀲𑁄 𑀔𑀮𑁆𑀯𑀸+𑀪𑀺𑀥𑀸𑀯𑀢𑀻𑀢𑀺.

𑀏𑀓𑀸𑀔𑁆𑀬𑀸𑀢𑁄 𑀧𑀤𑀘𑁆𑀘𑀬𑁄, 𑀲𑀺𑀬𑀸 𑀯𑀸𑀓𑁆𑀬𑀁 𑀲𑀓𑀸𑀭𑀓𑁄𑀢𑀺 𑁋

𑀯𑀼𑀢𑁆𑀢𑀁. 𑀢𑀲𑁆𑀫𑀸 ‘‘𑀯𑀺𑀪𑀢𑁆𑀬𑀦𑁆𑀢𑀁 𑀧𑀤𑀁, 𑀧𑀤𑀲𑀫𑀽𑀳𑁄 𑀯𑀸𑀓𑁆𑀬’’𑀦𑁆𑀢𑀺 𑀘 𑀯𑀼𑀘𑁆𑀘𑀢𑀺.

𑁨𑁩𑁩. 𑀬𑁄𑀦𑀁𑀳𑀺𑀲𑁆𑀯+𑀧𑀜𑁆𑀘𑀫𑁆𑀬𑀸 𑀯𑁄+𑀦𑁄

𑀅𑀧𑀜𑁆𑀘𑀫𑀺𑀬𑀸𑀬𑁄𑀦𑀁𑀳𑀺𑀲𑁆𑀯+𑀧𑀸𑀤𑀸𑀤𑁄 𑀯𑀢𑁆𑀢𑀫𑀸𑀦𑀸𑀦𑀁 𑀧𑀤𑀲𑁆𑀫𑀸 𑀧𑀭𑁂𑀲+𑀫𑁂𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀯𑁄+𑀦𑁄 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀕𑀸𑀫𑀁 𑀯𑁄 𑀕𑀘𑁆𑀙𑁂𑀬𑁆𑀬𑀸𑀣, 𑀕𑀸𑀫𑀁 𑀢𑀼𑀫𑁆𑀳𑁂 𑀕𑀘𑁆𑀙𑁂𑀬𑁆𑀬𑀸𑀣. 𑀕𑀸𑀫𑀁 𑀦𑁄 𑀕𑀘𑁆𑀙𑁂𑀬𑁆𑀬𑀸𑀫, 𑀕𑀸𑀫𑀁 𑀅𑀫𑁆𑀳𑁂 𑀕𑀘𑁆𑀙𑁂𑀬𑁆𑀬𑀸𑀫. 𑀧𑀳𑀸𑀬 𑀯𑁄 𑀕𑀫𑀺𑀲𑁆𑀲𑀸𑀫𑀺, 𑀫𑀸 𑀦𑁄 𑀯𑀺𑀓𑀦𑁆𑀢𑀺𑀁𑀲𑀼. 𑀤𑀻𑀬𑀢𑁂 𑀯𑁄, 𑀤𑀻𑀬𑀢𑁂 𑀢𑀼𑀫𑁆𑀳𑀁. 𑀤𑀻𑀬𑀢𑁂 ¶ 𑀦𑁄, 𑀤𑀻𑀬𑀢𑁂 𑀅𑀫𑁆𑀳𑀁. 𑀢𑀼𑀝𑁆𑀞𑁄+𑀲𑁆𑀫𑀺 𑀯𑁄 𑀧𑀓𑀢𑀺𑀬𑀸, 𑀢𑀼𑀝𑁆𑀞𑁄+𑀲𑁆𑀫𑀺 𑀢𑀼𑀫𑁆𑀳𑀁. 𑀲𑀢𑁆𑀣𑀸 𑀦𑁄 𑀪𑀕𑀯𑀸, 𑀏𑀲𑁄 𑀅𑀫𑁆𑀳𑀸𑀓𑀁 𑀲𑀢𑁆𑀣𑀸. 𑀓𑀢𑀁 𑀯𑁄, 𑀓𑀢𑀁 𑀢𑀼𑀫𑁆𑀳𑁂𑀳𑀺. 𑀓𑀢𑀁 𑀦𑁄, 𑀓𑀢𑀁 𑀅𑀫𑁆𑀳𑁂𑀳𑀺.

𑀦𑀸𑀫𑁆𑀳𑀺 𑀲𑁂 𑀘 𑀅𑀧𑀸𑀤𑀸𑀤𑁄 𑀯𑀢𑁆𑀢𑀫𑀸𑀦𑀸𑀦𑀁 𑀤𑀲𑁆𑀫𑀸 𑀧𑀭𑁂𑀲+𑀫𑁂𑀓𑀯𑀸𑀓𑁆𑀬𑁂 𑀞𑀺𑀢𑀸𑀦𑀁 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀲𑀯𑀺𑀪𑀢𑁆𑀢𑀻𑀦𑀁 𑀢𑁂+𑀫𑁂 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀓𑀢𑀁 𑀢𑁂, 𑀓𑀢𑀁 𑀢𑀬𑀸. 𑀓𑀢𑀁 𑀫𑁂, 𑀓𑀢𑀁 𑀫𑀬𑀸. 𑀤𑀻𑀬𑀢𑁂 𑀢𑁂, 𑀤𑀻𑀬𑀢𑁂 𑀢𑀯. 𑀤𑀻𑀬𑀢𑁂 𑀫𑁂, 𑀤𑀻𑀬𑀢𑁂 𑀫𑀫. 𑀥𑀦𑀁 𑀢𑁂, 𑀥𑀦𑀁 𑀢𑀯. 𑀥𑀦𑀁 𑀫𑁂, 𑀥𑀦𑀁 𑀫𑀫.

𑀘𑀸𑀤𑀻𑀳𑀺 𑀬𑁄𑀕𑁂 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀯𑁄+𑀦𑁄, 𑀢𑁂+𑀫𑁂 𑀦 𑀳𑁄𑀦𑁆𑀢𑀺. 𑀕𑀘𑁆𑀙𑀸𑀫 𑀢𑀼𑀫𑁆𑀳𑁂 𑀘 𑀫𑀬𑀜𑁆𑀘, 𑀧𑀲𑁆𑀲𑀢𑀺 𑀢𑀼𑀫𑁆𑀳𑁂 𑀘 𑀅𑀫𑁆𑀳𑁂 𑀘, 𑀓𑀢𑀁 𑀢𑀼𑀫𑁆𑀳𑁂𑀳𑀺 𑀘 𑀅𑀫𑁆𑀳𑁂𑀳𑀺 𑀘, 𑀤𑀻𑀬𑀢𑁂 𑀢𑀼𑀫𑁆𑀳𑀜𑁆𑀘 𑀅𑀫𑁆𑀳𑀜𑁆𑀘, 𑀥𑀦𑀁 𑀢𑀼𑀫𑁆𑀳𑀜𑁆𑀘 𑀅𑀫𑁆𑀳𑀜𑁆𑀘, 𑀓𑀢𑀁 𑀢𑀬𑀸 𑀘 𑀫𑀬𑀸 𑀘, 𑀤𑀻𑀬𑀢𑁂 𑀢𑀯 𑀘 𑀫𑀫 𑀘, 𑀥𑀦𑀁 𑀢𑀯 𑀘 𑀫𑀫 𑀘. 𑀏𑀯𑀁 𑀯𑀸𑀤𑀺𑀬𑁄𑀕𑁂𑀧𑀺.

𑀓𑀣𑀺𑀢𑀸𑀦𑀼𑀓𑀣𑀺𑀢𑀯𑀺𑀲𑀬𑁂 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀸𑀦𑀁 𑀆𑀤𑁂𑀲𑀸 𑀦𑀺𑀘𑁆𑀘𑀁 𑀳𑁄𑀦𑁆𑀢𑀺 𑀧𑀼𑀦𑀩𑁆𑀩𑀺𑀥𑀸𑀦𑀸. 𑀕𑀸𑀫𑁄 𑀢𑀼𑀫𑁆𑀳𑀁 𑀧𑀭𑀺𑀕𑁆𑀕𑀳𑁄, 𑀅𑀣𑁄 𑀚𑀦𑀧𑀤𑁄 𑀯𑁄 𑀧𑀭𑀺𑀕𑁆𑀕𑀳𑁄. 𑀅𑀦𑁆𑀯𑀸𑀤𑁂𑀲𑁂 𑀅𑀣𑁄 𑀅𑀣𑁄𑀢𑀺 𑀯𑀸𑀭𑀤𑁆𑀯𑀬𑀸𑀪𑀸𑀯𑀸 𑀦𑀺𑀘𑁆𑀘𑀦𑁆𑀢𑀺 𑀯𑀼𑀢𑁆𑀢𑀁. 𑀅𑀣𑁄𑀲𑀤𑁆𑀤𑁄 𑀓𑀣𑀺𑀢𑀲𑁆𑀲𑁂𑀯 𑀧𑀼𑀦 𑀓𑀣𑀦𑀢𑁄 𑀅𑀦𑁆𑀯𑀸𑀤𑁂𑀲𑀚𑁄𑀢𑀓𑁄.

𑁨𑁩𑁬. 𑀲𑀧𑀼𑀩𑁆𑀩𑀸 𑀧𑀞𑀫𑀦𑁆𑀢𑀸 𑀯𑀸

𑀯𑀺𑀚𑁆𑀚𑀫𑀸𑀦𑀧𑀼𑀩𑁆𑀩𑀲𑁆𑀫𑀸 ¶ 𑀧𑀞𑀫𑀦𑁆𑀢𑀸 𑀧𑀭𑁂𑀲𑀁 𑀢𑀼𑀫𑁆𑀳𑀸𑀫𑁆𑀳𑀸𑀦𑀁 𑀆𑀤𑁂𑀲𑀸 𑀯𑀸 𑀳𑁄𑀦𑁆𑀢𑀺 𑀅𑀦𑁆𑀯𑀸𑀤𑁂𑀲𑁂. 𑀕𑀸𑀫𑁂 𑀧𑀝𑁄 𑀢𑀼𑀫𑁆𑀳𑀸𑀓𑀁 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑁄 𑀯𑁄 𑀅𑀣𑁄 𑀦𑀕𑀭𑁂 𑀓𑀫𑁆𑀩𑀮𑁄 𑀢𑀼𑀫𑁆𑀳𑀸𑀓𑀁, 𑀅𑀣𑁄𑀢𑀺 𑀅𑀦𑀼𑀓𑀣𑀦𑀯𑀸𑀭𑀤𑁆𑀯𑀬𑀢𑁆𑀢𑀸 𑀯𑀺𑀓𑀧𑁆𑀧𑁄 𑀲𑀧𑀼𑀩𑁆𑀩𑀸𑀢𑀺 𑀓𑀺𑀁, 𑀧𑀝𑁄 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀓𑀫𑁆𑀩𑀮𑁄 𑀯𑁄. 𑀧𑀞𑀫𑀦𑁆𑀢𑀸𑀢𑀺 𑀓𑀺𑀁, 𑀧𑀝𑁄 𑀦𑀕𑀭𑁂 𑀢𑀼𑀫𑁆𑀳𑀸𑀓𑀁, 𑀅𑀣𑁄 𑀓𑀫𑁆𑀩𑀮𑁄 𑀕𑀸𑀫𑁂 𑀯𑁄.

𑀤𑀲𑁆𑀲𑀦𑀢𑁆𑀣𑁂 𑀆𑀮𑁄𑀯𑀘𑀦𑀯𑀚𑁆𑀚𑀺𑀢𑁂 𑀧𑀬𑀼𑀚𑁆𑀚𑀫𑀸𑀦𑁂 𑀢𑀼𑀫𑁆𑀳𑀅𑀫𑁆𑀳𑀸𑀦+𑀫𑀸𑀤𑁂𑀲𑀸 𑀦 𑀳𑁄𑀦𑁆𑀢𑀺. 𑀕𑀸𑀫𑁄 𑀢𑀼𑀫𑁆𑀳𑁂 𑀉𑀤𑁆𑀤𑀺𑀲𑁆𑀲 𑀆𑀕𑀢𑁄, 𑀕𑀸𑀫𑁄 𑀅𑀫𑁆𑀳𑁂 𑀉𑀤𑁆𑀤𑀺𑀲𑁆𑀲 𑀆𑀕𑀢𑁄. 𑀅𑀦𑀸𑀮𑁄𑀘𑀦𑁂𑀢𑀺 𑀓𑀺𑀁, 𑀕𑀸𑀫𑁄 𑀯𑁄 𑀆𑀮𑁄𑀘𑁂𑀢𑀺, 𑀕𑀸𑀫𑁄 𑀦𑁄 𑀆𑀮𑁄𑀘𑁂𑀢𑀺.

𑁨𑁩𑁯. 𑀆𑀫𑀦𑁆𑀢𑀡𑀁 𑀧𑀼𑀩𑁆𑀩+𑀫𑀲𑀦𑁆𑀢𑀁𑀯

𑀆𑀫𑀦𑁆𑀢𑀡𑀁 𑀧𑀼𑀩𑁆𑀩+𑀯𑀺𑀚𑁆𑀚𑀫𑀸𑀦𑀁 𑀯𑀺𑀬 𑀳𑁄𑀢𑀺 𑀢𑀼𑀫𑁆𑀳𑀸𑀫𑁆𑀳𑀸𑀦+𑀫𑀸𑀤𑁂𑀲𑀯𑀺𑀲𑀬𑁂. 𑀤𑁂𑀯𑀤𑀢𑁆𑀢 𑀢𑀯 𑀧𑀭𑀺𑀕𑁆𑀕𑀳𑁄. 𑀆𑀫𑀦𑁆𑀢𑀡𑀦𑁆𑀢𑀺 𑀓𑀺𑀁, 𑀓𑀫𑁆𑀩𑀮𑁄 𑀢𑁂 𑀧𑀭𑀺𑀕𑁆𑀕𑀳𑁄.

𑁨𑁪𑁦. 𑀦 𑀲𑀸𑀫𑀜𑁆𑀜𑀯𑀘𑀦+𑀫𑁂𑀓𑀢𑁆𑀣𑁂

𑀲𑀫𑀸𑀦𑀸𑀥𑀺𑀓𑀭𑀡𑁂 𑀧𑀭𑀢𑁄 𑀲𑀸𑀫𑀜𑁆𑀜𑀯𑀘𑀦+𑀫𑀸𑀫𑀦𑁆𑀢𑀡𑀁 𑀏𑀓𑀢𑁆𑀣𑁂 𑀅𑀲𑀦𑁆𑀢𑀁 𑀯𑀺𑀬 𑀦 𑀳𑁄𑀢𑀺 𑀫𑀸𑀡𑀯𑀓 𑀚𑀝𑀺𑀮𑀓 𑀢𑁂 𑀧𑀭𑀺𑀕𑁆𑀕𑀳𑁄. 𑀧𑀭𑀸𑀫𑀦𑁆𑀣𑀡𑁂 𑀅𑀲𑀢𑀺𑀧𑀺 𑀧𑀼𑀩𑁆𑀩+𑀫𑀼𑀧𑀸𑀤𑀸𑀬 𑀆𑀤𑁂𑀲𑁄.

𑀩𑀳𑀽𑀲𑀼 ¶ 𑀯𑀢𑁆𑀢𑀫𑀸𑀦+𑀫𑀸𑀫𑀦𑁆𑀢𑀡𑀁 𑀲𑀸𑀫𑀜𑁆𑀜𑀯𑀘𑀦+𑀫𑁂𑀓𑀢𑁆𑀣𑁂 𑀅𑀲𑀦𑁆𑀢𑀁 𑀯𑀺𑀬 𑀯𑀸 𑀦 𑀳𑁄𑀢𑀺. ‘‘𑀲𑀺𑀤𑁆𑀥𑁂 𑀲𑀢𑁆𑀬𑀸𑀭𑀫𑁆𑀪𑁄 𑀦𑀻𑀬𑀫𑀸𑀬 𑀯𑀸 𑀯𑀺𑀓𑀧𑁆𑀧𑀸𑀬𑀯𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀯𑀺𑀓𑀧𑁆𑀧𑀢𑁆𑀣+𑀫𑀺𑀤𑀁. 𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀢𑀼𑀫𑁆𑀳𑀸𑀓𑀁 𑀧𑀭𑀺𑀕𑁆𑀕𑀳𑁄, 𑀩𑁆𑀭𑀸𑀳𑁆𑀫𑀡𑀸 𑀕𑀼𑀡𑀯𑀦𑁆𑀢𑁄 𑀯𑁄 𑀧𑀭𑀺𑀕𑁆𑀕𑀳𑁄.

𑀉𑀪+𑀓𑀢𑀺𑀲𑀤𑁆𑀤𑀸 𑀩𑀳𑀼𑀯𑀘𑀦𑀦𑁆𑀢𑀸. ‘‘𑀉𑀪+𑀕𑁄𑀳𑀺 𑀝𑁄’’𑀢𑀺 𑀬𑁄𑀦𑀁 𑀝𑁄, 𑀉𑀪𑁄. 𑀓𑀣𑀁 ‘‘𑀉𑀪𑀬𑁄 𑀯𑀲𑁂𑀫𑀲𑁂’’𑀢𑀺, 𑀝𑁄𑀫𑁆𑀳𑀺 𑀬𑀓𑀸𑀭𑀸𑀕𑀫𑁄. 𑀉𑀪𑁄.

𑀉𑀪𑀲𑁆𑀲 𑀲𑀼𑀳𑀺𑀲𑁆𑀯𑁄 𑀳𑁄𑀢𑀺. 𑀉𑀪𑁄𑀳𑀺 𑀉𑀪𑁄𑀪𑀺.

𑀉𑀪𑀸 𑀦𑀁𑀯𑀘𑀦𑀲𑁆𑀲 𑀇𑀦𑁆𑀦𑀁 𑀳𑁄𑀢𑀺. 𑀉𑀪𑀺𑀦𑁆𑀦𑀁, 𑀉𑀪𑁄𑀲𑀼.

𑀓𑀢𑀺𑀫𑁆𑀳𑀸 𑀬𑁄𑀦𑀁 𑀝𑀺 𑀳𑁄𑀢𑀺. 𑀓𑀢𑀺, 𑀓𑀢𑀺. 𑀛𑀢𑁄 𑀬𑁄𑀮𑁄𑀧𑀧𑀲𑀗𑁆𑀕𑁂 𑀤𑀻𑀖𑀦𑀺𑀯𑀢𑁆𑀢𑀦𑀢𑁆𑀣𑀁 𑀝𑀺𑀆𑀤𑁂𑀲𑁄. 𑀓𑀢𑀻𑀳𑀺 𑀓𑀢𑀻𑀪𑀺. ‘‘𑀩𑀳𑀼𑀓𑀢𑀺𑀦𑁆𑀦𑀁’’𑀢𑀺 𑀦𑀼𑀓, 𑀓𑀢𑀺𑀦𑁆𑀦𑀁, 𑀓𑀢𑀻𑀲𑀼.

𑁧,𑁫𑁪. 𑀯𑀺𑀘𑁆𑀙𑀸+𑀪𑀺𑀓𑁆𑀔𑀜𑁆𑀜𑁂𑀲𑀼 𑀤𑁆𑀯𑁂

𑀯𑀺𑀘𑁆𑀙𑀸𑀬+𑀫𑀸𑀪𑀺𑀓𑁆𑀔𑀜𑁆𑀜𑁂 𑀘 𑀤𑁆𑀯𑁂 𑀭𑀽𑀧𑀸𑀦𑀺 𑀳𑁄𑀦𑁆𑀢𑀺. 𑀓𑁆𑀭𑀺𑀬𑀸+𑀕𑀼𑀡+𑀤𑀩𑁆𑀩𑁂𑀳𑀺 𑀩𑁆𑀬𑀸𑀧𑁂𑀢𑀼+𑀫𑀺𑀘𑁆𑀙𑀸 𑀯𑀺𑀘𑁆𑀙𑀸. 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀲𑀺𑀜𑁆𑀘𑀦𑁆𑀢𑀺, 𑀕𑀸𑀫𑁄 𑀕𑀸𑀫𑁄 𑀭𑀫𑀡𑀻𑀬𑁄, 𑀕𑀸𑀫𑁂 𑀕𑀸𑀫𑁂 𑀧𑀸𑀦𑀻𑀬𑀁. 𑀆𑀪𑀺𑀓𑁆𑀔𑀜𑁆𑀜𑀁=𑀧𑁄𑀦𑁄𑀧𑀼𑀜𑁆𑀜𑀁, 𑀧𑀘𑀢𑀺 𑀧𑀘𑀢𑀺, 𑀧𑀧𑀘𑀢𑀺 𑀧𑀧𑀘𑀢𑀺.

𑁧,𑁫𑁫. 𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑁂+𑀓𑀲𑁆𑀲

𑀯𑀺𑀘𑁆𑀙𑀸𑀬+𑀫𑁂𑀓𑀲𑁆𑀲 ¶ 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀳𑁄𑀢𑀺. 𑀏𑀓𑀲𑁆𑀲 𑀏𑀓𑀲𑁆𑀲𑀸𑀢𑀺 𑀤𑁆𑀯𑀺𑀢𑁆𑀢𑁂 𑀏𑀓𑁂𑀓𑀲𑁆𑀲. 𑀓𑀣𑀁 ‘‘𑀫𑀢𑁆𑀣𑀓𑀫𑀢𑁆𑀣𑀓𑁂𑀦𑀸’’𑀢𑀺, ‘‘𑀲𑁆𑀬𑀸𑀤𑀺𑀮𑁄𑀧𑁄 𑀧𑀼𑀩𑁆𑀩𑀲𑁆𑀲𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸, 𑀬𑁄𑀕𑀯𑀺𑀪𑀸𑀕𑀸 𑀘 𑀇𑀝𑁆𑀞𑀧𑀲𑀺𑀤𑁆𑀥𑀻𑀢𑀺.

𑁧,𑁫𑁬. 𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂

𑀲𑀩𑁆𑀩𑀸𑀤𑀻𑀦𑀁 𑀯𑀻𑀢𑀺𑀳𑀸𑀭𑁂 𑀤𑁆𑀯𑁂 𑀪𑀯𑀦𑁆𑀢𑀺. 𑀧𑀼𑀩𑁆𑀩𑀲𑁆𑀲 𑀲𑁆𑀬𑀸𑀤𑀺𑀮𑁄𑀧𑁄 𑀘, 𑀅𑀜𑁆𑀜𑀲𑁆𑀲 𑀅𑀜𑁆𑀜𑀲𑁆𑀲 𑀪𑁄𑀚𑀓𑀸 𑀅𑀜𑁆𑀜𑀫𑀜𑁆𑀜𑀲𑁆𑀲 𑀪𑁄𑀚𑀓𑀸, 𑀏𑀯𑀁 𑀇𑀢𑀭𑀻𑀢𑀭𑀲𑁆𑀲.

𑀢𑀼𑀭𑀺𑀢𑁂𑀦𑀸+𑀧𑀸𑀬𑀳𑁂𑀢𑀼𑀧𑀤𑀲𑁆𑀲𑀦𑀁 𑀲𑀫𑁆𑀪𑀫𑁄, 𑀢𑀲𑁆𑀫𑀺𑀁 𑀲𑀢𑀺 𑀯𑀢𑁆𑀢𑀼 𑀬𑀸𑀯𑀦𑁆𑀢𑁂𑀳𑀺 𑀲𑀤𑁆𑀤𑁂𑀳𑀺 𑀲𑁄+𑀢𑁆𑀣𑁄 𑀯𑀺𑀜𑁆𑀜𑀸𑀬𑀢𑁂, 𑀢𑀸𑀯𑀦𑁆𑀢𑁄 𑀧𑀬𑀼𑀚𑁆𑀚𑀦𑁆𑀢𑁂. 𑀲𑀧𑁆𑀧𑁄 𑀲𑀧𑁆𑀧𑁄 𑀲𑀧𑁆𑀧𑁄, 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼 𑀩𑀼𑀚𑁆𑀛𑀲𑁆𑀲𑀼, 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄, 𑀪𑀺𑀦𑁆𑀦𑁄 𑀪𑀺𑀓𑁆𑀔𑀼𑀲𑀗𑁆𑀖𑁄.

𑀪𑀬𑁂 𑀓𑁄𑀥𑁂 𑀧𑀲𑀁𑀲𑀸𑀬𑀁, 𑀢𑀼𑀭𑀺𑀢𑁂 𑀓𑁄𑀢𑀽𑀳𑀮+𑀘𑁆𑀙𑀭𑁂;

𑀳𑀸𑀲𑁂 𑀲𑁄𑀓𑁂 𑀧𑀲𑀸𑀤𑁂 𑀘, 𑀓𑀭𑁂 𑀆𑀫𑁂𑀟𑀺𑀢𑀁 𑀩𑀼𑀥𑁄.

𑀅𑀣 𑀲𑀗𑁆𑀔𑁆𑀬𑀸𑀲𑀤𑁆𑀤𑀸 𑀯𑀼𑀘𑁆𑀘𑀦𑁆𑀢𑁂. 𑀏𑀓𑀸𑀤𑀬𑁄 𑀅𑀝𑁆𑀞𑀸𑀭𑀲𑀦𑁆𑀢𑀸 𑀲𑀗𑁆𑀔𑁆𑀬𑁂𑀬𑁆𑀬𑀯𑀘𑀦𑀸. 𑀯𑀻𑀲𑀢𑀺𑀆𑀤𑀬𑁄 ‘‘𑀪𑀺𑀓𑁆𑀔𑀽𑀦𑀁 𑀯𑀻𑀲𑀢𑀻’’𑀢𑀺𑀆𑀤𑀻𑀲𑀼 𑀲𑀗𑁆𑀔𑁆𑀬𑀸𑀯𑀘𑀦𑀸, ‘‘𑀯𑀻𑀲𑀢𑀺 𑀪𑀺𑀓𑁆𑀔𑀯𑁄’’𑀢𑀺𑀆𑀤𑀻𑀲𑀼 𑀲𑀗𑁆𑀔𑁆𑀬𑁂𑀬𑁆𑀬𑀯𑀘𑀦𑀸. 𑀏𑀓𑀲𑀤𑁆𑀤𑁄 𑀲𑀩𑁆𑀩𑀸𑀤𑀻𑀲𑀼 𑀯𑀼𑀢𑁆𑀢𑁄𑀯. 𑀤𑁆𑀯𑀸𑀤𑀬𑁄 𑀅𑀝𑁆𑀞𑀸𑀭𑀲𑀦𑁆𑀢𑀸 𑀩𑀳𑀼𑀯𑀘𑀦𑀦𑁆𑀣𑀸𑀯.

𑁨𑁧𑁯. 𑀬𑁄𑀫𑁆𑀳𑀺 𑀤𑁆𑀯𑀺𑀦𑁆𑀦𑀁 𑀤𑀼𑀯𑁂+𑀤𑁆𑀯𑁂

𑀬𑁄𑀫𑁆𑀳𑀺 ¶ 𑀤𑁆𑀯𑀺𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑀼𑀯𑁂+𑀤𑁆𑀯𑁂 𑀳𑁄𑀦𑁆𑀢𑀺 𑀧𑀘𑁆𑀘𑁂𑀓𑀁. 𑀤𑀼𑀯𑁂 𑀤𑁆𑀯𑁂, 𑀤𑀼𑀯𑁂 𑀤𑁆𑀯𑁂, 𑀤𑁆𑀯𑀻𑀳𑀺 𑀤𑁆𑀯𑀻𑀪𑀺.

𑁨𑁨𑁦. 𑀤𑀼𑀯𑀺𑀦𑁆𑀦𑀁 𑀦𑀁𑀫𑁆𑀳𑀺 𑀯𑀸

𑀦𑀁𑀫𑁆𑀳𑀺 𑀤𑁆𑀯𑀺𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀤𑀼𑀯𑀺𑀦𑁆𑀦𑀁 𑀳𑁄𑀢𑀺 𑀯𑀸. 𑀤𑀼𑀯𑀺𑀦𑁆𑀦𑀁, 𑀅𑀜𑁆𑀜𑀢𑁆𑀭 𑁋

𑁪𑁭. 𑀦𑀁𑀫𑁆𑀳𑀺 𑀦𑀼𑀓 𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁

𑀤𑁆𑀯𑀸𑀤𑀻𑀦𑀁 𑀲𑀢𑁆𑀢𑀭𑀲𑀦𑁆𑀦𑀁 𑀲𑀗𑁆𑀔𑁆𑀬𑀸𑀦𑀁 𑀦𑀼𑀓 𑀳𑁄𑀢𑀺 𑀦𑀁𑀫𑁆𑀳𑀺 𑀯𑀺𑀪𑀢𑁆𑀢𑀺𑀫𑁆𑀳𑀺. 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀓𑀓𑀸𑀭𑁄 𑀅𑀦𑁆𑀢𑀸𑀯𑀬𑀯𑀢𑁆𑀣𑁄. 𑀏𑀢𑁆𑀣 𑀦𑀸𑀕𑀫𑁄 𑀯𑀺𑀪𑀢𑁆𑀢𑀺𑀲𑁆𑀲 𑀆𑀤𑁆𑀬𑀸𑀯𑀬𑀯𑁄 𑀘𑁂, ‘‘𑀆𑀕𑀫𑀸 𑀢𑀕𑁆𑀕𑀼𑀡𑀻𑀪𑀽𑀢𑀸 𑀢𑀕𑁆𑀕𑀳𑀡𑁂𑀦 𑀕𑀬𑁆𑀳𑀦𑁆𑀢𑁂’’𑀢𑀺 𑀜𑀸𑀬𑀸 𑀦𑀸𑀕𑀫𑁄𑀧𑀺 𑀢𑀁𑀕𑀳𑀡𑁂𑀦 𑀕𑀬𑁆𑀳𑀢𑀻𑀢𑀺 ‘‘𑀲𑀼𑀦𑀁𑀳𑀺𑀲𑀽’’𑀢𑀺 𑀤𑀻𑀖𑀧𑁆𑀧𑀲𑀗𑁆𑀕𑁂 𑀧𑀓𑀢𑀺𑀬𑀸 𑀅𑀦𑁆𑀢𑀸𑀯𑀬𑀯𑀪𑀽𑀢𑁂 𑀲𑀭𑀦𑁆𑀢𑀢𑀸 𑀦𑀢𑁆𑀣𑀻𑀢𑀺 𑀦 𑀤𑀻𑀖𑁄. 𑀤𑁆𑀯𑀺𑀦𑁆𑀦𑀁, 𑀤𑁆𑀯𑀻𑀲𑀼.

𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀺+𑀘𑀢𑀼𑀦𑁆𑀦𑀁 𑀢𑀬𑁄+𑀘𑀢𑁆𑀢𑀸𑀭𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀼𑀮𑁆𑀮𑀺𑀗𑁆𑀕𑁂. 𑀢𑀬𑁄, 𑀢𑀬𑁄, 𑀢𑀻𑀳𑀺 𑀢𑀻𑀪𑀺.

𑁪𑁯. 𑀡𑁆𑀡𑀁+𑀡𑁆𑀡𑀦𑁆𑀦𑀁 𑀢𑀺𑀢𑁄 𑀛𑀸

𑀛𑀲𑀜𑁆𑀜𑀺𑀢𑁄 𑀢𑀺𑀢𑁄 𑀦𑀁𑀯𑀘𑀦𑀲𑁆𑀲 𑀡𑁆𑀡𑀁+𑀡𑁆𑀡𑀦𑁆𑀦𑀁 𑀳𑁄𑀦𑁆𑀢𑀺. 𑀢𑀺𑀡𑁆𑀡𑀁 𑀢𑀺𑀡𑁆𑀡𑀦𑁆𑀦𑀁, 𑀢𑀻𑀲𑀼.

𑁨𑁦𑁫. 𑀢𑀺𑀲𑁆𑀲𑁄 𑀘𑀢𑀲𑁆𑀲𑁄 𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁

𑀯𑀺𑀪𑀢𑁆𑀢𑀺𑀲𑀳𑀺𑀢𑀸𑀦𑀁 𑀢𑀺𑀘𑀢𑀼𑀦𑁆𑀦𑀁 𑀬𑁄𑀫𑁆𑀳𑀺 𑀢𑀺𑀲𑁆𑀲𑁄+𑀘𑀢𑀲𑁆𑀲𑁄 𑀳𑁄𑀦𑁆𑀢𑀺 𑀇𑀢𑁆𑀣𑀺𑀬𑀁 𑀬𑀣𑀸𑀓𑁆𑀓𑀫𑀁. 𑀢𑀺𑀲𑁆𑀲𑁄, 𑀢𑀺𑀲𑁆𑀲𑁄, 𑀢𑀻𑀳𑀺 𑀢𑀻𑀪𑀺.

𑁨𑁦𑁪. 𑀦𑀁𑀫𑁆𑀳𑀺 𑀢𑀺𑀘𑀢𑀼𑀦𑁆𑀦+𑀫𑀺𑀢𑁆𑀣𑀺𑀬𑀁 𑀢𑀺𑀲𑁆𑀲+𑀘𑀢𑀲𑁆𑀲𑀸

𑀦𑀁𑀫𑁆𑀳𑀺 ¶ 𑀢𑀺𑀘𑀢𑀼𑀦𑁆𑀦𑀁 𑀢𑀺𑀲𑁆𑀲+𑀘𑀢𑀲𑁆𑀲𑀸 𑀳𑁄𑀦𑁆𑀢𑀺+𑀢𑁆𑀣𑀺𑀬𑀁 𑀬𑀣𑀸𑀓𑁆𑀓𑀫𑀁. 𑀦𑀁𑀫𑁆𑀳𑀻𑀢𑀺 𑀘𑀢𑀼𑀢𑁆𑀣𑀻𑀙𑀝𑁆𑀞𑀻𑀦𑀁 𑀲𑀸𑀫𑀜𑁆𑀜𑀯𑀘𑀦𑀁, 𑀦𑁄 𑀘𑁂 𑀦𑀁𑀲𑀽𑀢𑀺 𑀯𑀤𑀢𑀺, 𑀬𑀣𑀸𑀓𑁆𑀓𑀫𑀁𑀢𑀺 𑀲𑀤𑁆𑀤𑀤𑁆𑀯𑀬𑀸𑀧𑁂𑀓𑁆𑀔𑀁. 𑀏𑀯+𑀫𑀻𑀤𑀺𑀲+𑀫𑀜𑁆𑀜𑀫𑁆𑀧𑀺. 𑀢𑀺𑀲𑁆𑀲𑀦𑁆𑀦𑀁 𑀢𑀻𑀲𑀼.

𑁨𑁦𑁬. 𑀢𑀻𑀡𑀺+𑀘𑀢𑁆𑀢𑀸𑀭𑀺 𑀦𑀧𑀼𑀁𑀲𑀓𑁂

𑀬𑁄𑀫𑁆𑀳𑀺 𑀲𑀯𑀺𑀪𑀢𑁆𑀢𑀻𑀦𑀁 𑀢𑀺𑀘𑀢𑀼𑀦𑁆𑀦𑀁 𑀬𑀣𑀸𑀓𑁆𑀓𑀫𑀁 𑀢𑀻𑀡𑀺+𑀘𑀢𑁆𑀢𑀸𑀭𑀺 𑀳𑁄𑀦𑁆𑀢𑀺 𑀦𑀧𑀼𑀁𑀲𑀓𑁂. 𑀢𑀻𑀡𑀺, 𑀢𑀻𑀡𑀺, 𑀢𑀻𑀳𑀺 𑀇𑀘𑁆𑀘𑀸𑀤𑀺 𑀧𑀼𑀮𑁆𑀮𑀺𑀗𑁆𑀕𑁂𑀯.

𑀘𑀢𑀼𑀲𑁆𑀲 𑀲𑀯𑀺𑀪𑀢𑁆𑀢𑀺𑀲𑁆𑀲 𑀬𑁄𑀫𑁆𑀳𑀺 𑀘𑀢𑀼𑀭𑁄 𑀳𑁄𑀢𑀺 𑀯𑀸 𑀧𑀼𑀮𑁆𑀮𑀺𑀗𑁆𑀕𑁂. 𑀘𑀢𑀼𑀭𑁄 𑀘𑀢𑁆𑀢𑀸𑀭𑁄. 𑀓𑀣𑀁 ‘‘𑀘𑀢𑀼𑀭𑁄 𑀦𑀺𑀫𑀺𑀢𑁆𑀢𑁂 𑀦𑀸𑀤𑁆𑀤𑀲𑀸𑀲𑀺’’𑀦𑁆𑀢𑀺, 𑀮𑀺𑀗𑁆𑀕𑀯𑀺𑀧𑀮𑁆𑀮𑀸𑀲𑁂𑀦 𑀲𑀺𑀤𑁆𑀥𑀁, 𑀘𑀢𑁆𑀢𑀸𑀭𑀺 𑀦𑀺𑀫𑀺𑀢𑁆𑀢𑀸𑀦𑀻𑀢𑀺 𑀅𑀢𑁆𑀣𑁄. 𑀯𑀺𑀧𑀮𑁆𑀮𑀸𑀲𑁄 𑀢𑀺𑀯𑀺𑀥𑁄 𑀮𑀺𑀗𑁆𑀕𑀯𑀺𑀧𑀮𑁆𑀮𑀸𑀲𑁄 𑀯𑀘𑀦𑀯𑀺𑀧𑀮𑁆𑀮𑀸𑀲𑁄 𑀯𑀺𑀪𑀢𑁆𑀢𑀺𑀯𑀺𑀧𑀮𑁆𑀮𑀸𑀲𑁄𑀢𑀺. 𑀘𑀢𑀽𑀳𑀺 𑀘𑀢𑀽𑀪𑀺. 𑀘𑀢𑀼𑀦𑁆𑀦𑀁, 𑀘𑀢𑀽𑀲𑀼.

𑀇𑀢𑁆𑀣𑀺𑀬𑀁 𑀘𑀢𑀲𑁆𑀲𑁄. 𑀘𑀢𑀲𑁆𑀲𑁄. 𑀘𑀢𑀽𑀳𑀺 𑀘𑀢𑀽𑀪𑀺. 𑀘𑀢𑀲𑁆𑀲𑀦𑁆𑀦𑀁. 𑀘𑀢𑀲𑁆𑀲𑀦𑁆𑀦𑀁. 𑀘𑀢𑀽𑀲𑀼.

𑀦𑀧𑀼𑀁𑀲𑀓𑁂 𑀘𑀢𑁆𑀢𑀸𑀭𑀺. 𑀘𑀢𑁆𑀢𑀸𑀭𑀺. 𑀘𑀢𑀽𑀳𑀺 𑀘𑀢𑀽𑀪𑀺. 𑀇𑀘𑁆𑀘𑀸𑀤𑀺 𑀧𑀼𑀫𑁂𑀯.

𑁧𑁬𑁯. 𑀝 𑀧𑀜𑁆𑀘𑀸𑀤𑀻𑀳𑀺 𑀘𑀼𑀤𑁆𑀤𑀲𑀳𑀺

‘‘𑀲𑀼𑀢𑁆𑀢𑁂 𑀮𑀺𑀗𑁆𑀕𑀯𑀘𑀦𑀫𑀢𑁆𑀢’’𑀦𑁆𑀢𑀺 𑀜𑀸𑀬𑀸 𑀝-𑀇𑀢𑀺 𑀯𑀼𑀢𑁆𑀢𑀁. 𑀧𑀜𑁆𑀘𑀸𑀤𑀻𑀳𑀺 𑀘𑀼𑀤𑁆𑀤𑀲𑀳𑀺 𑀲𑀗𑁆𑀔𑁆𑀬𑀸𑀳𑀺 𑀬𑁄𑀦𑀁 𑀝 𑀳𑁄𑀢𑀺. 𑀧𑀜𑁆𑀘. 𑀧𑀜𑁆𑀘. 𑀬𑁄𑀦𑀁 𑀝𑀸+𑀝𑁂𑀦𑀺𑀯𑀢𑁆𑀣𑀦𑀢𑁆𑀣𑀁 𑀝-𑀯𑀺𑀥𑀸𑀦𑀁.

𑁯𑁦. 𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦+𑀫

𑀧𑀜𑁆𑀘𑀸𑀤𑀻𑀦𑀁 ¶ 𑀘𑀼𑀤𑁆𑀤𑀲𑀦𑁆𑀦𑀁 𑀲𑀼𑀦𑀁𑀳𑀺𑀲𑁆𑀯 𑀳𑁄𑀢𑀺. 𑀏𑀢𑁆𑀢+𑀤𑀻𑀖𑀸𑀧𑀯𑀸𑀤𑁄+𑀬𑀁. 𑀅𑀧𑀯𑀸𑀤𑀢𑀺 𑀩𑀸𑀥𑁂𑀢𑀻𑀢𑀺 𑀅𑀧𑀯𑀸𑀤𑁄. 𑀢𑀲𑁆𑀫𑀸 ‘‘𑀧𑀓𑀧𑁆𑀬𑀸𑀧𑀯𑀸𑀤𑀯𑀺𑀲𑀬𑀫𑀼𑀲𑁆𑀲𑀕𑁆𑀕𑀸 𑀅𑀪𑀺𑀦𑀺𑀯𑀺𑀲𑀦𑁆𑀢𑁂’’𑀢𑀺 𑀜𑀸𑀬𑀸 ‘‘𑀲𑀼𑀳𑀺𑀲𑁆𑀯+𑀲𑁆𑀲𑁂’’ ‘‘𑀲𑀼𑀦𑀁𑀳𑀺𑀲𑀼’’𑀢𑀺 𑀘 𑀉𑀲𑁆𑀲𑀕𑁆𑀕𑀸 ‘‘𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦+𑀫’’ 𑀇𑀢𑀺 𑀅𑀧𑀯𑀸𑀤𑀯𑀺𑀲𑀬𑀁 𑀦 𑀧𑀯𑀺𑀲𑀦𑁆𑀢𑀺, 𑀲𑀸𑀫𑀜𑁆𑀜𑀢𑁆𑀢𑀸. 𑀏𑀯+𑀫𑀼𑀧𑀭𑀺𑀧𑀺 ‘‘𑀧𑀜𑁆𑀘𑀫𑀺𑀬𑀁 𑀧𑀭𑀲𑁆𑀲’’ ‘‘𑀆𑀤𑀺𑀲𑁆𑀲𑀸’’𑀢𑀺. 𑀧𑀜𑁆𑀘𑀳𑀺 𑀧𑀜𑁆𑀘𑀪𑀺 𑀧𑀜𑁆𑀘𑀦𑁆𑀦𑀁. 𑀧𑀜𑁆𑀘𑀦𑁆𑀦𑀁. 𑀧𑀜𑁆𑀘𑀲𑀼. 𑀏𑀯𑀁 𑀙𑀸𑀤𑀬𑁄 𑀅𑀝𑁆𑀞𑀸𑀭𑀲𑀦𑁆𑀢𑀸.

‘‘𑀘𑀢𑁆𑀣𑁂’’𑀢𑀺 𑀏𑀓𑁄 𑀘 𑀤𑀲 𑀘𑀸𑀢𑀺 𑀘𑀢𑁆𑀢𑀲𑀫𑀸𑀲𑁂 ‘‘𑀅𑀫𑀸𑀤𑀻’’𑀢𑀺 𑀏𑀓𑁂𑀦 𑀅𑀥𑀺𑀓𑀸 𑀤𑀲𑀸𑀢𑀺 𑀢𑀢𑀺𑀬𑀸𑀲𑀫𑀸𑀲𑁂 𑀯𑀸 𑀓𑀢𑁂 ‘‘𑀏𑀓𑀢𑁆𑀣𑀢𑀸𑀬’’𑀦𑁆𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄. 𑀏𑀯+𑀫𑀼𑀧𑀭𑀺 𑀘.

𑀏𑀓𑀅𑀝𑁆𑀞𑀸𑀦𑀁 𑀆 𑀳𑁄𑀢𑀺 𑀤𑀲𑁂 𑀧𑀭𑁂.

𑀲𑀁𑀔𑁆𑀬𑀸𑀢𑁄 𑀧𑀭𑀲𑁆𑀲 𑀤𑀲𑀲𑁆𑀲 𑀭 𑀳𑁄𑀢𑀺 𑀯𑀺𑀪𑀸𑀲𑀸. 𑀲 𑀘 ‘‘𑀧𑀜𑁆𑀘𑀫𑀺𑀬𑀁 𑀧𑀭𑀲𑁆𑀲𑀸’’𑀢𑀺 𑀯𑀢𑁆𑀢𑀫𑀸𑀦𑁂 ‘‘𑀆𑀤𑀺𑀲𑁆𑀲𑀸’’𑀢𑀺 𑀤𑀓𑀸𑀭𑀲𑁆𑀲𑁂𑀯 𑀳𑁄𑀢𑀺. 𑀏𑀓𑀸𑀭𑀲 𑀏𑀓𑀸𑀤𑀲. 𑀏𑀓𑀸𑀭𑀲𑀳𑀺 𑀏𑀓𑀸𑀤𑀲𑀳𑀺. 𑀏𑀓𑀸𑀭𑀲𑀦𑁆𑀦𑀁 𑀏𑀓𑀸𑀤𑀲𑀦𑁆𑀦𑀁. 𑀏𑀓𑀸𑀭𑀲𑀲𑀼 𑀏𑀓𑀸𑀤𑀲𑀲𑀼. 𑀏𑀯+𑀫𑁂𑀓𑀸𑀤𑀲𑀇𑀘𑁆𑀘𑀸𑀤𑀺𑀧𑀺.

𑁩,𑁯𑁪. 𑀆 𑀲𑀁𑀔𑁆𑀬𑀸𑀬𑀸 𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂

𑀲𑀁𑀔𑁆𑀬𑀸𑀬+𑀫𑀼𑀢𑁆𑀢𑀭𑀧𑀤𑁂 ¶ 𑀤𑁆𑀯𑀺𑀲𑁆𑀲𑀸 𑀳𑁄𑀢𑀺 𑀅𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂.

𑀆𑀯𑀺𑀝𑁆𑀞𑀮𑀺𑀗𑁆𑀕𑀢𑁆𑀢𑀸 𑀲𑀁𑀔𑁆𑀬𑀸𑀬𑀁 𑀉𑀢𑁆𑀢𑀭𑀧𑀤𑁂 𑀲𑀮𑀺𑀗𑁆𑀕𑁂𑀦𑁂𑀯 𑀯𑀺𑀲𑁂𑀲𑀦𑀁 𑀪𑀯𑀢𑀺.

𑀲𑀼𑀤𑁆𑀥𑀁 𑀫𑀺𑀲𑁆𑀲𑀜𑁆𑀘 𑀲𑀁𑀓𑀺𑀡𑁆𑀡𑀁, 𑀉𑀧𑀲𑀚𑁆𑀚𑀦𑀫𑁂𑀯 𑀘;

𑀆𑀯𑀺𑀝𑁆𑀞+𑀫𑀣 𑀯𑀸+𑀩𑁆𑀬𑀢𑁆𑀢𑀁, 𑀙𑀥𑀸 𑀮𑀺𑀗𑁆𑀕𑀁 𑀯𑀺𑀯𑀁𑀬𑀢𑁂.

𑀏𑀢𑁆𑀣 𑀬𑀣𑀸𑀓𑁆𑀓𑀫𑀁 𑀭𑀼𑀓𑁆𑀔𑁄 𑀮𑀢𑀸 𑀧𑀡𑁆𑀡𑀁𑀢𑀺 𑀲𑀼𑀤𑁆𑀥𑀁. 𑀖𑀝𑁄 𑀖𑀝𑀻, 𑀯𑀚𑀺𑀭𑁄 𑀯𑀚𑀺𑀭𑀁, 𑀯𑁂𑀤𑀦𑀸 𑀯𑁂𑀤𑀦𑀁𑀢𑀺 𑀫𑀺𑀲𑁆𑀲𑀁. 𑀢𑀝𑁄 𑀢𑀝𑀻 𑀢𑀝𑀁𑀢𑀺 𑀲𑀁𑀓𑀺𑀡𑁆𑀡𑀁. 𑀲𑀼𑀓𑁆𑀓𑁄 𑀧𑀝𑁄, 𑀲𑀼𑀓𑁆𑀓𑀸 𑀧𑀝𑀺, 𑀲𑀼𑀓𑁆𑀓𑀁 𑀯𑀢𑁆𑀣𑀁𑀢𑀺 𑀉𑀧𑀲𑀚𑁆𑀚𑀦𑀁. 𑀭𑀸𑀚𑀸 𑀲𑀭𑀡𑀁, 𑀕𑀼𑀡𑁄 𑀧𑀫𑀸𑀡𑀁𑀢𑀺 𑀆𑀯𑀺𑀝𑁆𑀞𑀁. 𑀢𑀼𑀯𑀁 𑀅𑀳𑀁 𑀓𑀢𑀺 𑀧𑀜𑁆𑀘𑀸𑀢𑀺 𑀅𑀩𑁆𑀬𑀢𑁆𑀢𑀁. 𑀇𑀢𑀺 𑀮𑀺𑀗𑁆𑀕𑀁 𑀯𑁂𑀤𑀺𑀢𑀩𑁆𑀩𑀁. 𑀤𑁆𑀯𑀸𑀤𑀲.

𑀤𑁆𑀯𑀺𑀲𑁆𑀲 𑀩𑀸 𑀯𑀸 𑀳𑁄𑀢𑀺 𑀘𑀢𑁆𑀢𑀸𑀮𑀻𑀲𑀸 𑀤𑁄 𑀦𑀸𑀜𑁆𑀜𑀢𑁆𑀣𑁂. 𑀭𑀸𑀤𑁂 𑀲𑁂 𑀩𑀸𑀭𑀲.

𑀲𑀁𑀔𑁆𑀬𑀸𑀬+𑀫𑀼𑀢𑁆𑀢𑀭𑀧𑀤𑁂 𑀢𑀺𑀲𑁆𑀲 𑀏 𑀳𑁄𑀢+𑀲𑀢𑀸𑀤𑁄 𑀦𑀸+𑀜𑁆𑀜𑀢𑁆𑀣𑁂.

𑀙𑀢𑀻𑀳𑀺 𑀧𑀭𑀲𑁆𑀲 𑀤𑀲𑀲𑁆𑀲 𑀴𑁄 𑀳𑁄𑀢𑀺 𑀭𑁄 𑀘. 𑀢𑁂𑀴𑀲 𑀢𑁂𑀭𑀲.

𑀘𑀢𑀼𑀲𑁆𑀲 𑀘𑀼+𑀘𑁄 𑀳𑁄𑀦𑁆𑀢𑀺 𑀯𑀸 𑀤𑀲𑁂 𑀧𑀭𑁂. 𑀤𑁆𑀯𑀺𑀢𑁆𑀢𑁂 𑀘𑀼𑀤𑁆𑀤𑀲 𑀘𑁄𑀤𑁆𑀤𑀲 𑀘𑀢𑀼𑀤𑁆𑀤𑀲.

𑁩,𑁯𑁯. 𑀯𑀻𑀲𑀢𑀺𑀤𑀲𑁂𑀲𑀼 𑀧𑀜𑁆𑀘𑀲𑁆𑀲 𑀧𑀡𑁆𑀡+𑀧𑀦𑁆𑀦𑀸

𑀯𑀻𑀲𑀢𑀺 ¶ 𑀲𑁂𑀲𑀼 𑀧𑀭𑁂𑀲𑀼 𑀧𑀜𑁆𑀘𑀲𑁆𑀲 𑀧𑀡𑁆𑀡+𑀧𑀦𑁆𑀦𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀧𑀦𑁆𑀦𑀭𑀲 𑀧𑀜𑁆𑀘𑀤𑀲.

𑀙𑀲𑁆𑀲 𑀲𑁄-𑀇𑀘𑁆𑀘+𑀬+𑀫𑀸𑀤𑁂𑀲𑁄 𑀳𑁄𑀢𑀺 𑀲𑁂 𑀧𑀭𑁂. 𑀲𑁄𑀴𑀲 𑀲𑁄𑀭𑀲. 𑀲𑀢𑁆𑀢𑀭𑀲 𑀲𑀢𑁆𑀢𑀤𑀲. ‘‘𑀏𑀓𑀝𑁆𑀞𑀸𑀦+𑀫𑀸’’𑀢𑀺 𑀆, 𑀅𑀝𑁆𑀞𑀸𑀭𑀲 𑀅𑀝𑁆𑀞𑀸𑀤𑀲.

𑀊𑀦𑀸 𑀘 𑀲𑀸 𑀯𑀻𑀲𑀢𑀺 𑀘𑀸𑀢𑀺 ‘‘𑀯𑀺𑀲𑁂𑀲𑀦+𑀫𑁂𑀓𑀢𑁆𑀣𑁂𑀦𑁂’’𑀢𑀺 𑀯𑀺𑀲𑁂𑀲𑀦𑀲𑀫𑀸𑀲𑁂 ‘‘𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺+𑀢𑁆𑀣𑀻 𑀧𑀼𑀫𑁂+𑀯𑁂𑀓𑀢𑁆𑀣𑁂’’𑀢𑀺 𑀧𑀼𑀫𑀢𑁆𑀢𑁂 𑀘 𑀓𑀢𑁂 𑀏𑀓𑁂𑀦 𑀊𑀦𑀸 𑀯𑀻𑀲𑀢𑀻𑀢𑀺 𑀢𑀢𑀺𑀬𑀸𑀲𑀫𑀸𑀲𑁂 𑀏𑀓𑀽𑀦𑀯𑀻𑀲𑀢𑀺.

𑀯𑀻𑀲𑀢𑀺𑀆𑀤𑀬𑁄 𑀆𑀦𑀯𑀼𑀢𑀺𑀬𑀸 𑀇𑀢𑁆𑀣𑀺𑀮𑀺𑀗𑁆𑀕𑁂+𑀓𑀯𑀘𑀦𑀸. 𑀪𑁄 𑀏𑀓𑀽𑀦𑀯𑀻𑀲𑀢𑀺. 𑀏𑀓𑀽𑀦𑀯𑀻𑀲𑀢𑀺𑀁. 𑀏𑀓𑀽𑀦𑀯𑀻𑀲𑀢𑁆𑀬𑀸 𑀏𑀓𑀽𑀦𑀯𑀻𑀲𑀢𑀺𑀬𑀸. 𑀏𑀓𑀽𑀦𑀯𑀻𑀲𑀢𑁆𑀬𑀁 𑀏𑀓𑀽𑀦𑀯𑀻𑀲𑀢𑀺𑀬𑀁 𑀏𑀓𑀽𑀦𑀯𑀻𑀲𑀢𑁆𑀬𑀸 𑀏𑀓𑀽𑀦𑀯𑀻𑀲𑀢𑀺𑀬𑀸. 𑀫𑀢𑀺𑀲𑀫𑀁.

𑀏𑀯𑀁 𑀯𑀻𑀲𑀢𑀺, 𑀏𑀓𑀯𑀻𑀲𑀢𑀺, 𑀤𑁆𑀯𑀸𑀯𑀻𑀲𑀢𑀺 𑀩𑀸𑀯𑀻𑀲𑀢𑀺, 𑀢𑁂𑀯𑀻𑀲𑀢𑀺 𑀘𑀢𑀼𑀯𑀻𑀲𑀢𑀺𑀧𑁆𑀧𑀪𑀼𑀢𑀬𑁄. 𑀧𑀡𑁆𑀡𑀆𑀤𑁂𑀲𑁂 𑀧𑀡𑁆𑀡𑀯𑀻𑀲𑀢𑀺 𑀧𑀜𑁆𑀘𑀯𑀻𑀲𑀢𑀺. 𑀏𑀯𑀁 𑀙𑀩𑁆𑀩𑀻𑀲𑀢𑀺, 𑀲𑀢𑁆𑀢𑀯𑀻𑀲𑀢𑀺, 𑀅𑀝𑁆𑀞𑀯𑀻𑀲𑀢𑀺.

𑀏𑀓𑁂𑀦 𑀊𑀦𑀸 𑀢𑀺𑀁𑀲𑀢𑀺 𑀢𑀺𑀁𑀲𑀸 𑀯𑀸𑀢𑀺 𑀏𑀓𑀽𑀦𑀢𑀺𑀁𑀲𑀢𑀺 𑀏𑀓𑀽𑀦𑀢𑀺𑀁𑀲𑀸 𑀯𑀸. 𑀓𑀭𑀡𑁂 𑀏𑀓𑀽𑀦𑀢𑀺𑀁𑀲𑀸𑀬. 𑀏𑀓𑀽𑀦𑀢𑀺𑀁𑀲𑀸𑀬, 𑀏𑀓𑀽𑀦𑀢𑀺𑀁𑀲𑀸𑀬, 𑀏𑀓𑀽𑀦𑀢𑀺𑀁𑀲𑀸𑀬, 𑀏𑀓𑀽𑀦𑀢𑀺𑀁𑀲𑀸𑀬𑀁. 𑀏𑀯𑀁 𑀢𑀺𑀁𑀲𑀢𑀺𑀡𑀺𑀁𑀲𑀸𑀯𑀪𑀼𑀢𑀬𑁄 ¶ . 𑀢𑀺𑀁𑀲𑀸𑀲𑀤𑁆𑀤𑀲𑁆𑀲 𑀧𑀦 𑀲𑀺𑀮𑁄𑀧𑁂 ‘‘𑀤𑀻𑀖𑀲𑁆𑀲𑁄’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀭𑀲𑁆𑀲𑁄, 𑀢𑀺𑀁𑀲. 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀢𑀺𑀁𑀲𑀁. 𑀪𑁄𑀢𑀺𑀁𑀲𑁂+𑀘𑁆𑀘𑀸𑀤𑀺 𑀧𑀼𑀫𑁂𑀯.

𑀘𑀢𑁆𑀢𑀸𑀮𑀻𑀲𑀸𑀤𑀻𑀲𑀼𑀧𑀺 𑀬𑀣𑀸𑀲𑀫𑁆𑀪𑀯𑀁 𑀏𑀯𑀫𑁂𑀯. 𑀤𑁆𑀯𑀺𑀢𑁆𑀢𑁂 𑀏𑀓𑀢𑁆𑀢𑀺𑀁𑀲𑀢𑀺 𑀏𑀓𑀢𑁆𑀢𑀺𑀁𑀲𑀸. 𑀭𑀲𑁆𑀲𑀤𑁆𑀯𑀺𑀢𑁆𑀢𑁂 𑀤𑁆𑀯𑀢𑁆𑀢𑀺𑀁𑀲𑀢𑀺 𑀤𑁆𑀯𑀢𑁆𑀢𑀺𑀁𑀲. 𑀏𑀯𑀁 𑀢𑁂𑀢𑁆𑀢𑀺𑀁𑀲𑀢𑀺 𑀢𑁂𑀢𑁆𑀢𑀺𑀁𑀲𑀸𑀤𑀬𑁄 𑀬𑀸𑀯 𑀏𑀓𑀽𑀦𑀘𑀢𑁆𑀢𑀸𑀮𑀻𑀲𑀢𑀺 𑀏𑀓𑀽𑀦𑀘𑀢𑁆𑀢𑀸𑀮𑀻𑀲𑀸. 𑀘𑀢𑁆𑀢𑀸𑀮𑀻𑀲𑀸𑀬 𑀲𑀺𑀫𑁆𑀳𑀺 𑀘𑀢𑁆𑀢𑀸𑀭𑀻𑀲𑀸 𑀘𑀢𑁆𑀢𑀸𑀮𑀻𑀲𑀸 𑀘𑀢𑁆𑀢𑀸𑀮𑀻𑀲𑀁, 𑀪𑁄 𑀘𑀢𑁆𑀢𑀸𑀮𑀻𑀲𑁂+𑀘𑁆𑀘𑀸𑀤𑀺 𑀳𑁄𑀢𑀺. 𑀏𑀯𑀁 𑀏𑀓𑀘𑀢𑁆𑀢𑀸𑀭𑀻𑀲𑀸.

𑀅𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂 𑀘𑀢𑁆𑀢𑀸𑀮𑀻𑀲𑀸𑀤𑁄 𑀤𑁆𑀯𑀺𑀲𑁆𑀲 𑀏 𑀯𑀸 𑀳𑁄𑀢𑀺 𑀆 𑀘. 𑀤𑁆𑀯𑁂𑀘𑀢𑁆𑀢𑀸𑀮𑀻𑀲𑀸 𑀤𑁆𑀯𑁂𑀘𑀢𑁆𑀢𑀸𑀮𑀻𑀲 𑀤𑁆𑀯𑁂𑀘𑀢𑁆𑀢𑀸𑀮𑀻𑀲𑀁, 𑀏𑀯𑀁 𑀤𑁆𑀯𑀸𑀘𑀢𑁆𑀢𑀸𑀮𑀻𑀲-𑀇𑀘𑁆𑀘𑀸𑀤𑀺. 𑀤𑁆𑀯𑁂𑀘𑀢𑁆𑀢𑀸𑀭𑀻𑀲𑀸 𑀤𑁆𑀯𑁂𑀘𑀢𑁆𑀢𑀸𑀭𑀻𑀲 𑀤𑁆𑀯𑁂𑀘𑀢𑁆𑀢𑀸𑀭𑀻𑀲𑀁, 𑀏𑀯𑀁 𑀤𑁆𑀯𑀸𑀘𑀢𑁆𑀢𑀸𑀭𑀻𑀲𑀸 𑀤𑁆𑀯𑀸𑀘𑀢𑁆𑀢𑀸𑀭𑀻𑀲 𑀇𑀘𑁆𑀘𑀸𑀤𑀺. 𑀘𑀢𑁆𑀢𑀸𑀮𑀻𑀲𑀢𑀺 𑀏𑀓𑀘𑀢𑁆𑀢𑀸𑀮𑀻𑀲𑀢𑀺 𑀤𑁆𑀯𑁂𑀘𑀢𑁆𑀢𑀸𑀮𑀻𑀲𑀢𑀺 𑀤𑁆𑀯𑀸𑀘𑀢𑁆𑀢𑀸𑀮𑀻𑀲𑀢𑀺 𑀇𑀘𑁆𑀘𑀸𑀤𑀺 𑀏𑀓𑀽𑀦𑀯𑀻𑀲𑀢𑀺𑀲𑀫𑀁.

𑀅𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂 𑀘𑀢𑁆𑀢𑀸𑀮𑀻𑀲𑀸𑀤𑁄 𑀢𑀺𑀲𑁆𑀲𑁂 𑀳𑁄𑀢𑀺 𑀯𑀸. 𑀢𑁂𑀘𑀢𑁆𑀢𑀸𑀮𑀻𑀲𑀸 𑀢𑁂𑀘𑀢𑁆𑀢𑀸𑀮𑀻𑀲 𑀢𑁂𑀘𑀢𑁆𑀢𑀸𑀮𑀻𑀲𑀁. 𑀪𑁄 𑀢𑁂𑀘𑀢𑁆𑀢𑀸𑀮𑀻𑀲𑁂 𑀇𑀘𑁆𑀘𑀸𑀤𑀺 𑀳𑁄𑀢𑀺. 𑀏𑀯𑀁 𑀢𑀺𑀘𑀢𑁆𑀢𑀸𑀮𑀻𑀲𑀸 𑀢𑁂𑀘𑀢𑁆𑀢𑀸𑀭𑀻𑀲𑀸 𑀢𑀺𑀘𑀢𑁆𑀢𑀸𑀭𑀻𑀲𑀸 𑀇𑀘𑁆𑀘𑀸𑀤𑀺, 𑀢𑁂𑀘𑀢𑁆𑀢𑀸𑀮𑀻𑀲𑀢𑀺 𑀢𑀺𑀘𑀢𑁆𑀢𑀸𑀮𑀻𑀲𑀢𑀺 𑀇𑀘𑁆𑀘𑀸𑀤𑀺 𑀧𑀼𑀩𑁆𑀩𑁂𑀯.

𑀏𑀯𑀁 𑀘𑀢𑀼𑀘𑀢𑁆𑀢𑀸𑀮𑀻𑀲𑀸 𑀧𑀜𑁆𑀘𑀘𑀢𑁆𑀢𑀸𑀮𑀻𑀲𑀸 𑀘𑀢𑀼𑀘𑀢𑁆𑀢𑀸𑀮𑀻𑀲𑀢𑀺 𑀧𑀜𑁆𑀘𑀘𑀢𑁆𑀢𑀸𑀮𑀻𑀲𑀢𑀺 𑀇𑀘𑁆𑀘𑀸𑀤𑀺 𑀬𑀸𑀯 𑀏𑀓𑀽𑀦𑀧𑀜𑁆𑀜𑀸𑀲𑀸.

𑀧𑀜𑁆𑀜𑀸𑀲𑀸 ¶ 𑀧𑀜𑁆𑀜𑀸𑀲 𑀧𑀜𑁆𑀜𑀸𑀲𑀁 𑀇𑀘𑁆𑀘𑀸𑀤𑀺 𑀳𑁄𑀢𑀺. 𑀏𑀯𑀁 𑀤𑁆𑀯𑁂𑀧𑀜𑁆𑀜𑀸𑀲𑀸 𑀤𑁆𑀯𑀸𑀧𑀜𑁆𑀜𑀸𑀲𑀸 𑀤𑁆𑀯𑀺𑀧𑀜𑁆𑀜𑀸𑀲𑀸 𑀤𑁆𑀯𑁂𑀧𑀡𑁆𑀡𑀸𑀲𑀸 𑀤𑁆𑀯𑀸𑀧𑀡𑁆𑀡𑀸𑀲𑀸 𑀤𑁆𑀯𑀺𑀧𑀡𑁆𑀡𑀸𑀲𑀸. 𑀢𑁂𑀧𑀜𑁆𑀜𑀸𑀲𑀸 𑀢𑀺𑀧𑀜𑁆𑀜𑀸𑀲𑀸 𑀢𑀺𑀧𑀜𑁆𑀜𑀸𑀲𑀁 𑀢𑁂𑀧𑀡𑁆𑀡𑀸𑀲𑀸 𑀢𑀺𑀧𑀡𑁆𑀡𑀸𑀲𑀸. 𑀘𑀢𑀼𑀧𑀡𑁆𑀡𑀸𑀲𑀸 𑀧𑀜𑁆𑀘𑀧𑀡𑁆𑀡𑀸𑀲𑀸 𑀇𑀘𑁆𑀘𑀸𑀤𑀺 𑀬𑀸𑀯 𑀏𑀓𑀽𑀦𑀲𑀝𑁆𑀞𑀺.

𑀏𑀯𑀁 𑀲𑀝𑁆𑀞𑀺, 𑀏𑀓𑀲𑀝𑁆𑀞𑀺, 𑀤𑁆𑀯𑁂𑀲𑀝𑁆𑀞𑀺 𑀤𑁆𑀯𑀸𑀲𑀝𑁆𑀞𑀺 𑀤𑁆𑀯𑀺𑀲𑀝𑁆𑀞𑀺, 𑀢𑁂𑀲𑀝𑁆𑀞𑀺 𑀢𑀺𑀲𑀝𑁆𑀞𑀺, 𑀘𑀢𑀼𑀲𑀝𑁆𑀞𑀺 𑀧𑀜𑁆𑀘𑀲𑀝𑁆𑀞𑀺 𑀇𑀘𑁆𑀘𑀸𑀤𑀺 𑀬𑀸𑀯 𑀏𑀓𑀽𑀦𑀲𑀢𑁆𑀢𑀢𑀺.

𑀲𑀢𑁆𑀢𑀢𑀺, 𑀏𑀓𑀲𑀢𑁆𑀢𑀢𑀺, 𑀤𑁆𑀯𑁂𑀲𑀢𑁆𑀢𑀢𑀺 𑀤𑁆𑀯𑀸𑀲𑀢𑁆𑀢𑀢𑀺 𑀤𑁆𑀯𑀺𑀲𑀢𑁆𑀢𑀢𑀺, 𑀢𑁂𑀲𑀢𑁆𑀢𑀢𑀺 𑀢𑀺𑀲𑀢𑁆𑀢𑀢𑀺. 𑀤𑁆𑀯𑁂𑀲𑀢𑁆𑀢𑀭𑀺 𑀤𑁆𑀯𑀸𑀲𑀢𑁆𑀢𑀭𑀺 𑀤𑁆𑀯𑀺𑀲𑀢𑁆𑀢𑀭𑀺, 𑀘𑀢𑀼𑀲𑀢𑁆𑀢𑀢𑀺, 𑀧𑀜𑁆𑀘𑀲𑀢𑁆𑀢𑀢𑀺, 𑀘𑀢𑀼𑀲𑀢𑁆𑀢𑀭𑀺, 𑀧𑀜𑁆𑀘𑀲𑀢𑁆𑀢𑀭𑀻𑀢𑀺 𑀬𑀸𑀯 𑀏𑀓𑀽𑀦𑀸𑀲𑀻𑀢𑀺.

𑀅𑀲𑀻𑀢𑀺, 𑀏𑀓𑀸𑀲𑀻𑀢𑀺, 𑀤𑁆𑀯𑀸𑀲𑀻𑀢𑀺, 𑀬𑀸𑀕𑀫𑁂 𑀤𑁆𑀯𑀺𑀬𑀸𑀲𑀻𑀢𑀺, 𑀢𑁂𑀅𑀲𑀻𑀢𑀺 𑀢𑀺𑀬𑀸𑀲𑀻𑀢𑀺, 𑀘𑀢𑀼𑀭𑀸𑀲𑀻𑀢𑀺, 𑀧𑀜𑁆𑀘𑀸𑀲𑀻𑀢𑀺 𑀇𑀘𑁆𑀘𑀸𑀤𑀺 𑀬𑀸𑀯 𑀏𑀓𑀽𑀦𑀦𑀯𑀼𑀢𑀺.

𑀦𑀯𑀼𑀢𑀺, 𑀏𑀓𑀦𑀯𑀼𑀢𑀺, 𑀤𑁆𑀯𑁂𑀦𑀯𑀼𑀢𑀺 𑀤𑁆𑀯𑀸𑀦𑀯𑀼𑀢𑀺 𑀤𑁆𑀯𑀺𑀦𑀯𑀼𑀢𑀺, 𑀢𑁂𑀦𑀯𑀼𑀢𑀺 𑀢𑀺𑀦𑀯𑀼𑀢𑀺, 𑀘𑀢𑀼𑀦𑀯𑀼𑀢𑀺, 𑀧𑀜𑁆𑀘𑀦𑀯𑀼𑀢𑀺 𑀇𑀘𑁆𑀘𑀸𑀤𑀺 𑀬𑀸𑀯 𑀏𑀓𑀽𑀦𑀲𑀢𑀁, 𑀏𑀢𑀁 𑀦𑀧𑀼𑀁𑀲𑀓𑀮𑀺𑀗𑁆𑀕+𑀫𑁂𑀓𑀯𑀘𑀦𑀦𑁆𑀢𑀁.

𑀲𑀢𑀁, 𑀪𑁄 𑀲𑀢 𑀲𑀢𑀸, 𑀲𑀢𑀁, 𑀲𑀢𑀁. 𑀲𑀢𑁂𑀦, 𑀓𑀭𑀡𑁂 𑀲𑀢𑁂𑀦. 𑀲𑀢𑀲𑁆𑀲, 𑀲𑀢𑀸 𑀲𑀢𑀫𑁆𑀳𑀸 𑀲𑀢𑀲𑁆𑀫𑀸, 𑀲𑀢𑀲𑁆𑀲, 𑀲𑀢𑁂 𑀲𑀢𑀫𑁆𑀳𑀺 𑀲𑀢𑀲𑁆𑀫𑀺𑀁. 𑀏𑀯𑀁 𑀏𑀓𑀲𑀢𑀢𑁄 𑀧𑀪𑀼𑀢𑀺 𑀬𑀸𑀯 𑀲𑀳𑀲𑁆𑀲𑀁.

𑀓𑁄𑀝𑀺 𑀧𑀓𑁄𑀝𑀺 𑀓𑁄𑀝𑀺𑀧𑁆𑀧𑀓𑁄𑀝𑀺 𑀅𑀓𑁆𑀔𑁄𑀪𑀺𑀡𑀺𑀬𑁄 𑀇𑀢𑁆𑀣𑀺𑀮𑀺𑀗𑁆𑀕𑁂+𑀓𑀯𑀘𑀦𑀦𑁆𑀢𑀸. 𑀯𑀕𑁆𑀕𑀪𑁂𑀤𑁂 𑀢𑀼 𑀲𑀩𑁆𑀩𑀸𑀲𑀫𑁆𑀧𑀺 𑀲𑀁𑀔𑁆𑀬𑀸𑀦𑀁 𑀩𑀳𑀼𑀯𑀘𑀦𑁄𑀧𑀺 𑀳𑁄𑀢𑁂𑀯 ‘‘𑀤𑁆𑀯𑁂𑀯𑀻𑀲𑀢𑀺𑀬𑁄 𑀚𑀺𑀦𑀤𑀦𑁆𑀢𑀸’’ ‘‘𑀢𑀺𑀲𑁆𑀲𑁄 𑀯𑀻𑀲𑀢𑀺𑀬𑁄 𑀤𑀺𑀦𑀖𑀝𑀺𑀓𑀸’’ 𑀇𑀘𑁆𑀘𑀸𑀤𑀺.

𑀤𑀲𑀤𑀲𑀓𑀁 𑀲𑀢𑀁 𑀦𑀸𑀫, 𑀤𑀲𑀲𑀢𑀁 𑀲𑀳𑀲𑁆𑀲𑀁 𑀦𑀸𑀫, 𑀤𑀲𑀲𑀳𑀲𑁆𑀲𑀁 𑀦𑀳𑀼𑀢𑀁, 𑀤𑀲𑀦𑀳𑀼𑀢𑀁 𑀮𑀓𑁆𑀔𑀁, 𑀲𑀢𑀲𑀳𑀲𑁆𑀲𑀦𑁆𑀢𑀺𑀧𑀺 𑀯𑀼𑀘𑁆𑀘𑀢𑀺.

𑀮𑀓𑁆𑀔𑀲𑀢𑀁 ¶ 𑀓𑁄𑀝𑀺, 𑀓𑁄𑀝𑀺𑀮𑀓𑁆𑀔𑀲𑀢𑀁 𑀧𑀓𑁄𑀝𑀺, 𑀧𑀓𑁄𑀝𑀺𑀮𑀓𑁆𑀔𑀲𑀢𑀁 𑀓𑁄𑀝𑀺𑀧𑁆𑀧𑀓𑁄𑀝𑀺, 𑀏𑀯𑀁 𑀦𑀳𑀼𑀢𑀁, 𑀦𑀺𑀦𑁆𑀦𑀳𑀼𑀢𑀁, 𑀅𑀓𑁆𑀔𑁄𑀪𑀺𑀡𑀻, 𑀩𑀺𑀦𑁆𑀤𑀼, 𑀅𑀩𑁆𑀩𑀼𑀤𑀁, 𑀦𑀺𑀭𑀩𑁆𑀩𑀼𑀤𑀁, 𑀅𑀳𑀳𑀁, 𑀅𑀩𑀩𑀁, 𑀅𑀝𑀝𑀁, 𑀲𑁄𑀕𑀡𑁆𑀟𑀺𑀓𑀁, 𑀉𑀧𑁆𑀧𑀮𑀁, 𑀓𑀼𑀫𑀼𑀤𑀁, 𑀧𑀼𑀡𑁆𑀟𑀭𑀻𑀓𑀁, 𑀧𑀤𑀼𑀫𑀁, 𑀓𑀣𑀸𑀦𑀁, 𑀫𑀳𑀸𑀓𑀣𑀸𑀦𑀁, 𑀅𑀲𑀗𑁆𑀔𑁆𑀬𑁂𑀬𑁆𑀬𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀲𑀢𑀮𑀓𑁆𑀔𑀕𑀼𑀡𑀁 𑀯𑁂𑀤𑀺𑀢𑀩𑁆𑀩𑀁.

𑀇𑀘𑁆𑀘𑁂𑀯𑀁 𑀞𑀸𑀦𑀢𑁄 𑀞𑀸𑀦𑀁, 𑀲𑀢𑀮𑀓𑁆𑀔𑀕𑀼𑀡𑀁 𑀫𑀢𑀁;

𑀓𑁄𑀝𑀺𑀧𑁆𑀧𑀪𑀼𑀢𑀻𑀦𑀁 𑀯𑀻𑀲-𑀲𑀗𑁆𑀔𑁆𑀬𑀸𑀦𑀜𑁆𑀘 𑀬𑀣𑀸𑀓𑁆𑀓𑀫𑀦𑁆𑀢𑀺.

𑀅𑀣𑀸+𑀲𑀁𑀔𑁆𑀬𑀸 𑀯𑀼𑀘𑁆𑀘𑀢𑁂, 𑀅𑀩𑁆𑀬𑀬𑀦𑁆𑀢𑀺 𑀘 𑀯𑀼𑀘𑁆𑀘𑀢𑁂. 𑀢𑀁 𑀧𑀸𑀤𑀺 𑀘𑀸𑀤𑀺, 𑀉𑀧𑀲𑀕𑁆𑀕𑀦𑀺𑀧𑀸𑀢𑀸𑀢𑀺 𑀘 𑀤𑀼𑀯𑀺𑀥𑀁.

𑀧 𑀧𑀭𑀸 𑀅𑀧 𑀲𑀁 𑀅𑀦𑀼 𑀅𑀯 𑀑 𑀦𑀺 𑀤𑀼 𑀯𑀺 𑀅𑀥𑀺 𑀅𑀧𑀺 𑀅𑀢𑀺 𑀲𑀼 𑀉 𑀅𑀪𑀺 𑀧𑀢𑀺 𑀧𑀭𑀺 𑀉𑀧 𑀆 𑀇𑀫𑁂 𑀯𑀻𑀲𑀢𑀺 𑀧𑀸𑀤𑀬𑁄. 𑀧𑀸𑀤𑀬𑁄 𑀳𑀺 𑀚𑁄𑀢𑀓𑀸, 𑀦 𑀯𑀸𑀘𑀓𑀸.

𑀢𑀢𑁆𑀣 𑀧-𑀲𑀤𑁆𑀤𑁄 𑀧𑀓𑀸𑀭𑀸+𑀤𑀺𑀓𑀫𑁆𑀫, 𑀧𑀥𑀸𑀦+𑀦𑁆𑀢𑁄𑀪𑀸𑀯, 𑀯𑀺𑀬𑁄𑀕, 𑀢𑀧𑁆𑀧𑀭, 𑀪𑀼𑀲𑀢𑁆𑀣, 𑀲𑀫𑁆𑀪𑀯, 𑀢𑀺𑀢𑁆𑀢𑀺, 𑀅𑀦𑀸𑀯𑀺𑀮, 𑀧𑀢𑁆𑀣𑀦𑀸𑀤𑀻𑀲𑀼. 𑀬𑀣𑀸 𑀧𑀓𑀸𑀭𑁂-𑀧𑀜𑁆𑀜𑀸. 𑀆𑀤𑀺𑀓𑀫𑁆𑀫𑁂-𑀯𑀺𑀧𑁆𑀧𑀓𑀢𑀁, 𑀧𑀥𑀸𑀦𑁂-𑀧𑀡𑀻𑀢𑀁, 𑀅𑀦𑁆𑀢𑁄𑀪𑀸𑀯𑁂-𑀧𑀓𑁆𑀔𑀺𑀢𑁆𑀢𑀁, 𑀔𑀺𑀢𑁆𑀢𑀦𑁆𑀢𑀺 𑀧𑁂𑀭𑀡𑀁, 𑀧𑀓𑁆𑀔𑀺𑀢𑁆𑀢𑀦𑁆𑀢𑀺 𑀅𑀦𑁆𑀢𑁄𑀓𑀭𑀡𑀁, 𑀥𑀸𑀢𑁆𑀯𑀢𑁆𑀣𑀲𑁆𑀲 𑀩𑀸𑀥𑀺𑀢𑀢𑁆𑀢𑀸. 𑀯𑀼𑀢𑁆𑀣𑀜𑁆𑀳𑀺 𑁋

𑀥𑀸𑀢𑁆𑀯𑀢𑁆𑀣𑀁 𑀩𑀸𑀥𑀢𑁂 𑀓𑁄𑀘𑀺, 𑀓𑁄𑀘𑀺 𑀢𑀁 𑀅𑀦𑀼𑀯𑀢𑁆𑀢𑀢𑁂;

𑀢𑀫𑁂𑀯+𑀜𑁆𑀜𑁄 𑀯𑀺𑀲𑁂𑀲𑁂𑀢𑀺, 𑀉𑀧𑀲𑀕𑁆𑀕𑀕𑀢𑀻 𑀢𑀺𑀥𑀸𑀢𑀺.

𑀏𑀢𑁆𑀣 𑀘 ‘‘𑀅𑀦𑀼𑀭𑀼𑀤𑁆𑀥𑀓𑀸 𑀫𑁂 𑀲𑀗𑁆𑀕𑀸𑀫𑀬𑀼𑀤𑁆𑀥𑁂’’𑀢𑀺 𑀘 𑀇𑀫𑁂 𑀉𑀧𑀲𑀕𑁆𑀕𑀸 𑀥𑀸𑀢𑁆𑀯𑀢𑁆𑀣𑀁 𑀯𑀺𑀲𑁂𑀲𑁂𑀦𑁆𑀢𑀺 𑀦𑀸𑀫. 𑀯𑀺𑀬𑁄𑀕𑁂-𑀧𑀯𑀸𑀲𑀻, 𑀢𑀧𑁆𑀧𑀭𑁂-𑀧𑀸𑀘𑀭𑀺𑀬𑁄, 𑀪𑀼𑀲𑀢𑁆𑀣𑁂-𑀧𑀯𑀼𑀤𑁆𑀥𑀓𑀸𑀬𑁄, 𑀲𑀫𑁆𑀪𑀯𑁂-𑀳𑀺𑀫𑀯𑀦𑁆𑀢𑀸 𑀕𑀗𑁆𑀕𑀸 𑀧𑀪𑀯𑀢𑀺 ¶ , 𑀢𑀺𑀢𑁆𑀢𑀺𑀬𑀁-𑀧𑀳𑀽𑀢+𑀫𑀦𑁆𑀦𑀁, 𑀅𑀦𑀸𑀯𑀺𑀮𑁂-𑀧𑀲𑀦𑁆𑀦+𑀫𑀼𑀤𑀓𑀁, 𑀧𑀢𑁆𑀣𑀦𑁂-𑀧𑀡𑀺𑀳𑀺𑀢𑀁.

𑀧𑀭𑀸𑀇𑀢𑀺 𑀧𑀭𑀺𑀳𑀸𑀦𑀺, 𑀧𑀭𑀸𑀚𑀬, 𑀕𑀢𑀺, 𑀯𑀺𑀓𑁆𑀓𑀫𑀸+𑀫𑀲𑀦𑀸𑀤𑀻𑀲𑀼. 𑀬𑀣𑀸 𑀧𑀭𑀺𑀳𑀸𑀦𑀺𑀬𑀁-𑀧𑀭𑀸𑀪𑀯𑁄. 𑀧𑀭𑀸𑀚𑀬𑁂-𑀧𑀭𑀸𑀚𑀺𑀢𑁄, 𑀕𑀢𑀺𑀬𑀁-𑀧𑀭𑀸𑀬𑀦𑀁, 𑀯𑀺𑀓𑁆𑀓𑀫𑁂-𑀧𑀭𑀓𑁆𑀓𑀫𑀢𑀺, 𑀆𑀫𑀲𑀦𑁂-𑀅𑀗𑁆𑀕𑀲𑁆𑀲 𑀧𑀭𑀸𑀫𑀲𑀦𑀁.

𑀅𑀧𑀇𑀢𑀺 𑀅𑀧𑀕𑀢, 𑀕𑀭𑀳, 𑀯𑀚𑁆𑀚𑀦, 𑀧𑀽𑀚𑀸, 𑀧𑀤𑀼𑀲𑁆𑀲𑀦𑀸𑀤𑀻𑀲𑀼. 𑀬𑀣𑀸 𑀅𑀧𑀕𑀢𑁂-𑀅𑀧𑀫𑀸𑀦𑁄 𑀅𑀧𑁂𑀢𑁄, 𑀕𑀭𑀳𑁂-𑀅𑀧𑀕𑀩𑁆𑀪𑁄, 𑀯𑀚𑁆𑀚𑀦𑁂-𑀅𑀧𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀧𑀽𑀚𑀸𑀬𑀁-𑀯𑀼𑀤𑁆𑀥𑀸𑀧𑀘𑀸𑀬𑀻, 𑀧𑀤𑀼𑀲𑁆𑀲𑀦𑁂-𑀅𑀧𑀭𑀚𑁆𑀛𑀦𑁆𑀢𑀺.

𑀲𑀁𑀇𑀢𑀺 𑀲𑀫𑁄𑀥𑀸𑀦, 𑀲𑀫𑁆𑀫𑀸𑀲𑀫, 𑀲𑀫𑀦𑁆𑀢𑀪𑀸𑀯, 𑀲𑀁𑀕𑀢, 𑀲𑀁𑀔𑁂𑀧, 𑀪𑀼𑀲𑀢𑁆𑀣, 𑀲𑀳+𑀧𑁆𑀧𑀢𑁆𑀣, 𑀧𑀪𑀯𑀸+𑀪𑀺𑀫𑀼𑀔𑀪𑀸𑀯, 𑀯𑀺𑀥𑀸𑀦, 𑀧𑀼𑀦𑀧𑁆𑀧𑀼𑀦, 𑀓𑀭𑀡, 𑀲𑀫𑀺𑀤𑁆𑀥𑀸𑀤𑀻𑀲𑀼. 𑀬𑀣𑀸 𑀲𑀫𑁄𑀥𑀸𑀦𑁂-𑀲𑀦𑁆𑀥𑀺, 𑀲𑀫𑁆𑀫𑀸𑀲𑀫𑁂-𑀲𑀫𑀸𑀥𑀺, 𑀲𑀫𑁆𑀧𑀬𑀼𑀢𑁆𑀢𑁄, 𑀲𑀫𑀦𑁆𑀢𑀪𑀸𑀯𑁂-𑀲𑀁𑀓𑀺𑀡𑁆𑀡𑀁, 𑀲𑀫𑀼𑀮𑁆𑀮𑀧𑀦𑀸, 𑀲𑀁𑀕𑀢𑁂-𑀲𑀗𑁆𑀕𑀫𑁄, 𑀲𑀁𑀔𑁂𑀧𑁂-𑀲𑀫𑀸𑀲𑁄, 𑀪𑀼𑀲𑀢𑁆𑀣𑁂-𑀲𑀸𑀭𑀢𑁆𑀣𑁄, 𑀲𑀳𑀢𑁆𑀣𑁂-𑀲𑀁𑀯𑀸𑀲𑁄, 𑀅𑀧𑁆𑀧𑀢𑁆𑀣𑁂-𑀲𑀫𑀕𑁆𑀖𑁄, 𑀧𑀪𑀯𑁂-𑀲𑀫𑁆𑀪𑀯𑁄, 𑀅𑀪𑀺𑀫𑀼𑀔𑀪𑀸𑀯𑁂-𑀲𑀫𑁆𑀫𑀼𑀔𑀁. 𑀲𑀁𑀕𑀢𑁂-𑀲𑀁𑀕𑀡𑁆𑀳𑀸𑀢𑀺, 𑀯𑀺𑀥𑀸𑀦𑁂-𑀲𑀁𑀯𑀼𑀢𑀁, 𑀧𑀼𑀦𑀧𑁆𑀧𑀼𑀦𑀓𑀭𑀡𑁂-𑀲𑀦𑁆𑀥𑀸𑀯𑀢𑀺, 𑀲𑀫𑀺𑀤𑁆𑀥𑀺𑀬𑀁-𑀲𑀫𑁆𑀧𑀦𑁆𑀦𑁄.

𑀅𑀦𑀼𑀇𑀢𑀺 𑀅𑀦𑀼𑀕𑀢𑀸+𑀦𑀼𑀧𑀘𑁆𑀙𑀺𑀦𑁆𑀦, 𑀧𑀘𑁆𑀙𑀸𑀢𑁆𑀣, 𑀪𑀼𑀲𑀢𑁆𑀣, 𑀲𑀸𑀤𑀺𑀲𑁆𑀲, 𑀳𑀻𑀦, 𑀢𑀢𑀺𑀬𑀢𑁆𑀣, 𑀮𑀓𑁆𑀔𑀡𑀺+𑀢𑁆𑀣𑀫𑁆𑀪𑀽𑀢𑀓𑁆𑀔𑀸𑀦, 𑀪𑀸𑀕, 𑀯𑀺𑀘𑁆𑀙𑀸𑀤𑀻𑀲𑀼. 𑀅𑀦𑀼𑀕𑀢𑁂-𑀅𑀦𑁆𑀯𑁂𑀢𑀺, 𑀅𑀦𑀼𑀧𑀘𑁆𑀙𑀺𑀦𑁆𑀦𑁂-𑀅𑀦𑀼𑀲𑀬𑁄, 𑀧𑀘𑁆𑀙𑀸𑀢𑁆𑀣𑁂-𑀅𑀦𑀼𑀭𑀣𑀁, 𑀪𑀼𑀲𑀢𑁆𑀣𑁂-𑀅𑀦𑀼𑀭𑀢𑁆𑀢𑁄, 𑀲𑀸𑀤𑀺𑀲𑁆𑀲𑁂-𑀅𑀦𑀼𑀭𑀽𑀧𑀁, 𑀳𑀻𑀦𑁂-𑀅𑀦𑀼𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄, 𑀢𑀢𑀺𑀬𑀢𑁆𑀣𑁂-𑀦𑀤𑀺+𑀫𑀦𑁆𑀯𑀯𑀲𑀺𑀢𑀸 𑀲𑁂𑀦𑀸, 𑀮𑀓𑁆𑀔𑀡𑁂𑀭𑀼𑀓𑁆𑀔+𑀫𑀦𑀼𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼, 𑀇𑀢𑁆𑀣𑀫𑁆𑀪𑀽𑀢𑀔𑁆𑀬𑀸𑀦𑁂-𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭+𑀫𑀦𑀼 ¶ , 𑀪𑀸𑀕𑁂-𑀬+𑀤𑁂𑀢𑁆𑀣 𑀫𑀁 𑀅𑀦𑀼 𑀲𑀺𑀬𑀸, 𑀢𑀁 𑀤𑀻𑀬𑀢𑀼, 𑀯𑀺𑀘𑁆𑀙𑀸𑀬𑀁-𑀭𑀼𑀓𑁆𑀔𑀁 𑀭𑀼𑀓𑁆𑀔𑀁 𑀅𑀦𑀼 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄.

𑀅𑀯𑀇𑀢𑀺 𑀅𑀥𑁄𑀪𑀸𑀕, 𑀯𑀺𑀬𑁄𑀕, 𑀧𑀭𑀺𑀪𑀯, 𑀚𑀸𑀦𑀦, [𑀲𑀼𑀤𑁆𑀥𑀺] 𑀦𑀺𑀘𑁆𑀙𑀬, 𑀤𑁂𑀲, 𑀣𑁂𑀬𑁆𑀬𑀸𑀤𑀻𑀲𑀼. 𑀅𑀥𑁄𑀪𑀸𑀕𑁂-𑀅𑀯𑀓𑁆𑀔𑀺𑀢𑁆𑀢𑀘𑀓𑁆𑀔𑀼, 𑀯𑀺𑀬𑁄𑀕𑁂-𑀅𑀯𑀓𑁄𑀓𑀺𑀮𑀁 𑀯𑀦𑀁, 𑀧𑀭𑀺𑀪𑀯𑁂-𑀅𑀯𑀚𑀸𑀦𑀦𑀁, 𑀅𑀯𑀫𑀜𑁆𑀜𑀢𑀺, 𑀚𑀸𑀦𑀦𑁂-𑀅𑀯𑀕𑀘𑁆𑀙𑀢𑀺. [𑀲𑀼𑀤𑁆𑀥𑀺𑀬𑀁𑁋𑀯𑁄𑀤𑀸𑀦𑀁 (𑀭𑀽𑀧𑀲𑀺𑀤𑁆𑀥𑀺)], 𑀦𑀺𑀘𑁆𑀙𑀬𑁂-𑀅𑀯𑀥𑀸𑀭𑀡𑀁, 𑀤𑁂𑀲𑁂-𑀅𑀯𑀓𑀸𑀲𑁄, 𑀣𑁂𑀬𑁆𑀬𑁂-𑀅𑀯𑀳𑀸𑀭𑁄.

𑀑𑀇𑀢𑀺 𑀑𑀭𑁄𑀳𑀭𑀡, 𑀦𑀻𑀳𑀭𑀡, 𑀲𑀼𑀤𑁆𑀥𑀺𑀆𑀤𑀻𑀲𑀼 𑀤𑀺𑀲𑁆𑀲𑀢𑀺. 𑀑𑀭𑁄𑀳𑀡𑁂-𑀧𑀸𑀲𑀸𑀤𑀸 𑀑𑀭𑁄𑀳𑀢𑀺, 𑀦𑀻𑀳𑀭𑀡𑁂-𑀑𑀫𑀼𑀓𑁆𑀓𑀼𑀧𑀸𑀳𑀦𑁄, 𑀲𑀼𑀤𑁆𑀥𑀺𑀬𑀁-𑀑𑀤𑀸𑀢𑀁.

𑀦𑀺𑀇𑀢𑀺, 𑀦𑀺𑀲𑁆𑀲𑁂𑀲, 𑀦𑀺𑀕𑁆𑀕𑀢, 𑀦𑀻𑀳𑀭𑀡,+𑀦𑁆𑀢𑁄𑀧𑀯𑁂𑀲𑀦𑀸+𑀪𑀸𑀯, 𑀦𑀺𑀲𑁂𑀥𑀦, 𑀦𑀺𑀓𑁆𑀔𑀦𑁆𑀢, 𑀧𑀸𑀢𑀼𑀪𑀸𑀯𑀸+𑀯𑀥𑀸𑀭𑀡, 𑀯𑀺𑀪𑀚𑀦, 𑀉𑀧𑀫𑀼+𑀧𑀥𑀸𑀭𑀡𑀸+𑀯𑀲𑀸𑀦, 𑀙𑁂𑀓, 𑀦𑀻𑀳𑀭𑀡𑀸+𑀯𑀭𑀡𑀸𑀤𑀻𑀲𑀼. 𑀦𑀺𑀲𑁆𑀲𑁂𑀲𑁂-𑀦𑀺𑀭𑀼𑀢𑁆𑀢𑀺, 𑀦𑀺𑀕𑁆𑀕𑀢𑁂-𑀦𑀺𑀓𑁆𑀓𑀺𑀮𑁂𑀲𑁄, 𑀦𑀺𑀬𑁆𑀬𑀸𑀢𑀺, 𑀦𑀻𑀳𑀭𑀡𑁂-𑀦𑀺𑀤𑁆𑀥𑀸𑀭𑀡𑀁, 𑀅𑀦𑁆𑀢𑁄𑀧𑀯𑁂𑀲𑀦𑁂-𑀦𑀺𑀔𑀸𑀢𑁄, 𑀅𑀪𑀸𑀯𑁂-𑀦𑀺𑀫𑁆𑀫𑀓𑁆𑀔𑀺𑀓𑀁, 𑀦𑀺𑀲𑁂𑀥𑁂-𑀦𑀺𑀯𑀸𑀭𑁂𑀢𑀺, 𑀦𑀺𑀓𑁆𑀔𑀦𑁆𑀢𑁂-𑀦𑀺𑀩𑁆𑀩𑀸𑀦𑀁, 𑀧𑀸𑀢𑀼𑀪𑀸𑀯𑁂-𑀦𑀺𑀫𑁆𑀫𑀺𑀢𑀁, 𑀅𑀯𑀥𑀸𑀭𑀡𑁂-𑀦𑀺𑀘𑁆𑀙𑀬𑁄, 𑀯𑀺𑀪𑀚𑀦𑁂-𑀦𑀺𑀤𑁆𑀤𑁂𑀲𑁄. 𑀉𑀧𑀫𑀸𑀬𑀁-𑀦𑀺𑀤𑀲𑁆𑀲𑀦𑀁, 𑀉𑀧𑀥𑀸𑀭𑀡𑁂-𑀦𑀺𑀲𑀸𑀫𑀦𑀁, 𑀅𑀯𑀲𑀸𑀦𑁂-𑀦𑀺𑀝𑁆𑀞𑀺𑀢𑀁, 𑀙𑁂𑀓𑁂-𑀦𑀺𑀧𑀼𑀡𑁄, 𑀦𑀻𑀳𑀭𑀡𑁂-𑀦𑀻𑀳𑀭𑀢𑀺, 𑀇𑀲𑁆𑀲 𑀤𑀻𑀖𑁄. 𑀆𑀯𑀭𑀡𑁂-𑀦𑀻𑀯𑀭𑀡𑀁.

𑀤𑀼𑀇𑀢𑀺 𑀅𑀲𑁄𑀪𑀡𑀸+𑀪𑀸𑀯, 𑀓𑀼𑀘𑁆𑀙𑀺𑀢𑀸+𑀲𑀫𑀺𑀤𑁆𑀥𑀺, 𑀓𑀺𑀘𑁆𑀙, 𑀯𑀺𑀭𑀽𑀧𑀢𑀸𑀤𑀻𑀲𑀼. 𑀅𑀲𑁄𑀪𑀡𑁂-𑀤𑀼𑀕𑁆𑀕𑀦𑁆𑀥𑁄, 𑀅𑀪𑀸𑀯𑁂-𑀤𑀼𑀩𑁆𑀪𑀺𑀓𑁆𑀔𑀁, 𑀓𑀼𑀘𑁆𑀙𑀺𑀢𑁂 𑁋 𑀤𑀼𑀓𑁆𑀓𑀝𑀁 ¶ . 𑀅𑀲𑀫𑀺𑀤𑁆𑀥𑀺𑀬𑀁-𑀤𑀼𑀲𑁆𑀲𑀲𑁆𑀲𑀁, 𑀓𑀺𑀘𑁆𑀙𑁂-𑀤𑀼𑀓𑁆𑀓𑀭𑀁, 𑀯𑀺𑀭𑀽𑀧𑀢𑀸𑀬𑀁-𑀤𑀼𑀩𑁆𑀩𑀡𑁆𑀡𑁄 𑀤𑀼𑀫𑁆𑀫𑀼𑀔𑁄.

𑀯𑀺𑀇𑀢𑀺 𑀯𑀺𑀲𑁂𑀲, 𑀯𑀺𑀯𑀺𑀥, 𑀯𑀺𑀭𑀼𑀤𑁆𑀥, 𑀯𑀺𑀕𑀢, 𑀯𑀺𑀬𑁄𑀕, 𑀯𑀺𑀭𑀽𑀧𑀢𑀸𑀤𑀻𑀲𑀼. 𑀯𑀺𑀲𑁂𑀲𑁂-𑀯𑀺𑀫𑀼𑀢𑁆𑀢𑀺, 𑀯𑀺𑀲𑀺𑀝𑁆𑀞𑁄, 𑀯𑀺𑀯𑀺𑀥𑁂-𑀯𑀺𑀫𑀢𑀺, 𑀯𑀺𑀭𑀼𑀤𑁆𑀥𑁂-𑀯𑀺𑀯𑀸𑀤𑁄, 𑀯𑀺𑀕𑀢𑁂-𑀯𑀺𑀫𑀮𑀁, 𑀯𑀺𑀬𑁄𑀕𑁂-𑀯𑀺𑀧𑁆𑀧𑀬𑀼𑀢𑁆𑀢𑁄, 𑀯𑀺𑀭𑀽𑀧𑀢𑀸𑀬𑀁-𑀯𑀺𑀭𑀽𑀧𑁄.

𑀅𑀥𑀺𑀇𑀢𑀺 𑀅𑀥𑀺𑀓𑀺+𑀲𑁆𑀲𑀭𑀽+𑀧𑀭𑀺𑀪𑀸𑀯𑀸+𑀥𑀺𑀪𑀯𑀦+𑀚𑁆𑀛𑀸𑀬𑀸+𑀥𑀺𑀝𑁆𑀞𑀸𑀦, 𑀦𑀺𑀘𑁆𑀙𑀬, 𑀧𑀸𑀧𑀼𑀡𑀦𑀸𑀤𑀻𑀲𑀼. 𑀅𑀥𑀺𑀓𑁂-𑀅𑀥𑀺𑀲𑀻𑀮𑀁, 𑀇𑀲𑁆𑀲𑀭𑁂-𑀅𑀥𑀺𑀧𑀢𑀺, 𑀅𑀥𑀺 𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸, 𑀉𑀧𑀭𑀺𑀪𑀸𑀯𑁂-𑀅𑀥𑀺𑀭𑁄𑀳𑀢𑀺, 𑀧𑀣𑀯𑀺𑀁 𑀅𑀥𑀺𑀲𑁂𑀲𑁆𑀲𑀢𑀺, 𑀅𑀥𑀺𑀪𑀯𑀦𑁂-𑀅𑀥𑀺𑀪𑀯𑀢𑀺, 𑀅𑀚𑁆𑀛𑀸𑀬𑀦𑁂-𑀩𑁆𑀬𑀸𑀓𑀭𑀡+𑀫𑀥𑀻𑀢𑁂, 𑀅𑀥𑀺𑀝𑁆𑀞𑀸𑀦𑁂-𑀪𑀽𑀫𑀺𑀓𑀫𑁆𑀧𑀸𑀤𑀺𑀁 𑀅𑀥𑀺𑀝𑁆𑀞𑀸𑀢𑀺, 𑀦𑀺𑀘𑁆𑀙𑀬𑁂-𑀅𑀥𑀺𑀫𑁄𑀓𑁆𑀔𑁄, 𑀧𑀸𑀧𑀼𑀡𑀦𑁂-𑀪𑁄𑀕𑀓𑁆𑀔𑀦𑁆𑀥𑀁 𑀅𑀥𑀺𑀕𑀘𑁆𑀙𑀢𑀺.

𑀅𑀧𑀺𑀇𑀢𑀺 𑀲𑀫𑁆𑀪𑀸𑀯𑀦𑀸+𑀧𑁂𑀓𑁆𑀔𑀸, 𑀲𑀫𑀼𑀘𑁆𑀘𑀬, 𑀕𑀭𑀳, 𑀧𑀜𑁆𑀳𑀸𑀤𑀻𑀲𑀼. 𑀲𑀫𑁆𑀪𑀸𑀯𑀦𑀸𑀬𑀁-𑀅𑀧𑀺 𑀤𑀺𑀩𑁆𑀩𑁂𑀲𑀼 𑀓𑀸𑀫𑁂𑀲𑀼, 𑀫𑁂𑀭𑀼𑀫𑁆𑀧𑀺 𑀯𑀺𑀦𑀺𑀯𑀺𑀚𑁆𑀛𑀺𑀢𑁆𑀯𑀸 𑀕𑀘𑁆𑀙𑁂𑀬𑁆𑀬, 𑀅𑀧𑁂𑀓𑁆𑀔𑀸𑀬𑀁-𑀅𑀬𑀫𑁆𑀧𑀺 𑀥𑀫𑁆𑀫𑁄 𑀅𑀦𑀺𑀬𑀢𑁄, 𑀲𑀫𑀼𑀘𑁆𑀘𑀬𑁂-𑀇𑀢𑀺𑀧𑀺 𑀅𑀭𑀳𑀁, 𑀅𑀦𑁆𑀢𑀫𑁆𑀧𑀺 𑀅𑀦𑁆𑀢𑀕𑀼𑀡𑀫𑁆𑀧𑀺 𑀆𑀤𑀸𑀬, 𑀕𑀭𑀳𑁂-𑀅𑀧𑀺 𑀅𑀫𑁆𑀳𑀸𑀓𑀁 𑀧𑀡𑁆𑀟𑀺𑀢𑀓, 𑀧𑀜𑁆𑀳𑁂-𑀅𑀧𑀺 𑀪𑀦𑁆𑀢𑁂 𑀪𑀺𑀓𑁆𑀔𑀁 𑀮𑀪𑀺𑀢𑁆𑀣.

𑀅𑀢𑀺𑀇𑀢𑀺 𑀅𑀢𑀺𑀓𑁆𑀓𑀫𑀦𑀸+𑀢𑀺𑀓𑁆𑀓𑀦𑁆𑀢𑀸+𑀢𑀺𑀲𑀬, 𑀪𑀼𑀲𑀢𑁆𑀣𑀸𑀤𑀻𑀲𑀼. 𑀅𑀢𑀺𑀓𑁆𑀓𑀫𑁂-𑀅𑀢𑀺𑀭𑁄𑀘𑀢𑀺 𑀅𑀫𑁆𑀳𑁂𑀳𑀺, 𑀅𑀢𑀻𑀢𑁄, 𑀅𑀢𑀺𑀓𑁆𑀓𑀦𑁆𑀢𑁂-𑀅𑀘𑁆𑀘𑀦𑁆𑀢𑀁, 𑀅𑀢𑀺𑀲𑀬𑁂-𑀅𑀢𑀺𑀓𑀼𑀲𑀮𑁄, 𑀪𑀼𑀲𑀢𑁆𑀣𑁂-𑀅𑀢𑀺𑀓𑁄𑀥𑁄, 𑀅𑀢𑀺𑀯𑀼𑀤𑁆𑀥𑀺.

𑀲𑀼𑀇𑀢𑀺 𑀲𑁄𑀪𑀡, 𑀲𑀼𑀝𑁆𑀞𑀼, 𑀲𑀫𑁆𑀫𑀸, 𑀲𑀫𑀺𑀤𑁆𑀥𑀺, 𑀲𑀼𑀔𑀢𑁆𑀣𑀸𑀤𑀻𑀲𑀼. 𑀲𑁄𑀪𑀡𑁂-𑀲𑀼𑀕𑀦𑁆𑀥𑁄, 𑀲𑀼𑀝𑁆𑀞𑀼+𑀲𑀫𑁆𑀫𑀸𑀤𑀢𑁆𑀣𑁂𑀲𑀼-𑀲𑀼𑀝𑁆𑀞𑀼 𑀕𑀢𑁄 𑀲𑀼𑀕𑀢𑁄, 𑀲𑀫𑁆𑀫𑀸 ¶ 𑀕𑀢𑁄𑀢𑀺𑀧𑀺 𑀲𑀼𑀕𑀢𑁄, 𑀲𑀫𑀺𑀤𑁆𑀥𑀺𑀬𑀁-𑀲𑀼𑀪𑀺𑀓𑁆𑀔𑀁, 𑀲𑀼𑀔𑀢𑁆𑀣𑁂-𑀲𑀼𑀓𑀭𑁄.

𑀉𑀇𑀢𑀺 𑀉𑀕𑁆𑀕𑀢𑀼+𑀤𑁆𑀥𑀓𑀫𑁆𑀫, 𑀧𑀥𑀸𑀦, 𑀯𑀺𑀬𑁄𑀕, 𑀲𑀫𑁆𑀪𑀯, 𑀅𑀢𑁆𑀢𑀮𑀸𑀪, 𑀲𑀢𑁆𑀢𑀺, 𑀲𑀭𑀽𑀧𑀓𑀣𑀦𑀸𑀤𑀻𑀲𑀼. 𑀉𑀕𑁆𑀕𑀢𑁂-𑀉𑀕𑁆𑀕𑀘𑁆𑀙𑀢𑀺, 𑀉𑀤𑁆𑀥𑀓𑀫𑁆𑀫𑁂-𑀆𑀲𑀦𑀸 𑀉𑀝𑁆𑀞𑀺𑀢𑁄, 𑀉𑀓𑁆𑀔𑁂𑀧𑁄, 𑀧𑀥𑀸𑀦𑁂-𑀉𑀢𑁆𑀢𑀫𑁄, 𑀮𑁄𑀓𑀼𑀢𑁆𑀢𑀭𑁄, 𑀯𑀺𑀬𑁄𑀕𑁂-𑀉𑀩𑁆𑀪𑀸𑀲𑀺𑀢𑁄, 𑀲𑀫𑁆𑀪𑀯𑁂-𑀉𑀩𑁆𑀪𑀼𑀢𑁄, 𑀅𑀢𑁆𑀢𑀮𑀸𑀪𑁂-𑀉𑀧𑁆𑀧𑀦𑁆𑀦𑀁 𑀜𑀸𑀡𑀁, 𑀲𑀢𑁆𑀢𑀺𑀬𑀁-𑀉𑀲𑁆𑀲𑀳𑀢𑀺 𑀕𑀦𑁆𑀢𑀼𑀁, 𑀲𑀭𑀽𑀧𑀓𑀣𑀦𑁂-𑀉𑀤𑁆𑀤𑀺𑀲𑀢𑀺 𑀲𑀼𑀢𑁆𑀢𑀁.

𑀅𑀪𑀺𑀇𑀢𑀺 𑀅𑀪𑀺𑀫𑀼𑀔𑀪𑀸𑀯, 𑀯𑀺𑀲𑀺𑀝𑁆𑀞𑀸+𑀥𑀺𑀓𑀼+𑀤𑁆𑀥𑀓𑀫𑁆𑀫, 𑀓𑀼𑀮, 𑀲𑀸𑀭𑀼𑀧𑁆𑀧, 𑀯𑀦𑁆𑀤𑀦, 𑀮𑀓𑁆𑀔𑀡𑀺+𑀢𑁆𑀣𑀫𑁆𑀪𑀽𑀢𑀓𑁆𑀔𑀸𑀦, 𑀯𑀺𑀘𑁆𑀙𑀸𑀤𑀻𑀲𑀼. 𑀅𑀪𑀺𑀫𑀼𑀔𑀪𑀸𑀯𑁂-𑀅𑀪𑀺𑀫𑀼𑀔𑁄, 𑀅𑀪𑀺𑀓𑁆𑀓𑀫𑀢𑀺, 𑀯𑀺𑀲𑀺𑀝𑁆𑀞𑁂-𑀅𑀪𑀺𑀥𑀫𑁆𑀫𑁄, 𑀅𑀥𑀺𑀓𑁂-𑀅𑀪𑀺𑀯𑀲𑀢𑀺, 𑀉𑀤𑁆𑀥𑀓𑀫𑁆𑀫𑁂-𑀅𑀪𑀺𑀭𑀼𑀳𑀢𑀺. 𑀓𑀼𑀮𑁂-𑀅𑀪𑀺𑀚𑀸𑀢𑁄, 𑀲𑀸𑀭𑀼𑀧𑁆𑀧𑁂-𑀅𑀪𑀺𑀭𑀽𑀧𑁄, 𑀯𑀦𑁆𑀤𑀦𑁂-𑀅𑀪𑀺𑀯𑀸𑀤𑁂𑀢𑀺, 𑀮𑀓𑁆𑀔𑀡𑀸𑀤𑀻𑀲𑀼 𑀧𑀼𑀭𑀺𑀫𑀲𑀫𑀁.

𑀧𑀢𑀺𑀇𑀢𑀺 𑀧𑀝𑀺𑀕𑀢, 𑀧𑀝𑀺𑀮𑁄𑀫, 𑀧𑀝𑀺𑀦𑀺𑀥𑀺, 𑀧𑀝𑀺𑀤𑀸𑀦, 𑀦𑀺𑀲𑁂𑀥, 𑀦𑀺𑀯𑀢𑁆𑀢𑀦, 𑀲𑀸𑀤𑀺𑀲𑁆𑀲, 𑀧𑀝𑀺𑀓𑀭𑀡𑀸+𑀤𑀸𑀦, 𑀧𑀝𑀺𑀩𑁄𑀥, 𑀧𑀝𑀺𑀘𑁆𑀘, 𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀽𑀢𑀓𑁆𑀔𑀸𑀦, 𑀪𑀸𑀕, 𑀯𑀺𑀘𑁆𑀙𑀸𑀤𑀻𑀲𑀼. 𑀧𑀝𑀺𑀕𑀢𑁂-𑀧𑀘𑁆𑀘𑀓𑁆𑀔𑀁, 𑀧𑀝𑀺𑀮𑁄𑀫𑁂-𑀧𑀝𑀺𑀲𑁄𑀢𑀁, 𑀧𑀝𑀺𑀦𑀺𑀥𑀺𑀫𑁆𑀳𑀺-𑀆𑀘𑀭𑀺𑀬𑀢𑁄 𑀧𑀢𑀺 𑀲𑀺𑀲𑁆𑀲𑁄, 𑀧𑀝𑀺𑀤𑀸𑀦𑁂-𑀢𑁂𑀮𑀢𑁆𑀣𑀺𑀓𑀲𑁆𑀲 𑀖𑀢𑀁 𑀧𑀝𑀺𑀤𑀤𑀸𑀢𑀺, 𑀦𑀺𑀲𑁂𑀥𑁂-𑀧𑀝𑀺𑀲𑁂𑀥𑁂𑀢𑀺, 𑀦𑀺𑀯𑀢𑁆𑀢𑀦𑁂-𑀧𑀝𑀺𑀓𑁆𑀓𑀫𑀢𑀺, 𑀲𑀸𑀤𑀺𑀲𑁆𑀲𑁂-𑀧𑀝𑀺𑀭𑀽𑀧𑀓𑀁, 𑀧𑀝𑀺𑀓𑀭𑀡𑁂-𑀧𑀝𑀺𑀓𑀸𑀭𑁄, 𑀆𑀤𑀸𑀦𑁂-𑀧𑀝𑀺𑀕𑁆𑀕𑀡𑁆𑀳𑀸𑀢𑀺, 𑀧𑀝𑀺𑀩𑁄𑀥𑁂-𑀧𑀝𑀺𑀯𑁂𑀥𑁄, 𑀧𑀝𑀺𑀘𑁆𑀘𑁂-𑀧𑀘𑁆𑀘𑀬𑁄, 𑀮𑀓𑁆𑀔𑀡𑀸𑀤𑀻𑀲𑀼 𑀧𑀼𑀭𑀺𑀫𑀲𑀫𑀁.

𑀧𑀭𑀺𑀇𑀢𑀺 𑀲𑀫𑀦𑁆𑀢𑀢𑁄𑀪𑀸𑀯, 𑀧𑀭𑀺𑀘𑁆𑀙𑁂𑀤, 𑀯𑀚𑁆𑀚𑀦𑀸+𑀮𑀺𑀗𑁆𑀕𑀦, 𑀦𑀺𑀯𑀲𑀦, 𑀧𑀽𑀚𑀸, 𑀪𑁄𑀚𑀦𑀸+𑀯𑀚𑀸𑀦𑀦, 𑀤𑁄𑀲𑀓𑁆𑀔𑀸𑀦, 𑀮𑀓𑁆𑀔𑀡𑀸𑀤𑀻𑀲𑀼. 𑀲𑀫𑀦𑁆𑀣- 𑀢𑁄𑀪𑀸𑀯𑁂-𑀧𑀭𑀺𑀯𑀼𑀢𑁄 ¶ , 𑀧𑀭𑀺𑀘𑁆𑀙𑁂𑀤𑁂-𑀧𑀭𑀺𑀜𑁆𑀜𑁂𑀬𑁆𑀬𑀁, 𑀯𑀚𑁆𑀚𑀦𑁂-𑀧𑀭𑀺𑀳𑀭𑀢𑀺, 𑀆𑀮𑀺𑀗𑁆𑀕𑀦𑁂-𑀧𑀭𑀺𑀲𑁆𑀲𑀚𑀢𑀺, 𑀦𑀺𑀯𑀲𑀦𑁂-𑀬𑁄 𑀯𑀢𑁆𑀣𑀁 𑀧𑀭𑀺𑀤𑀳𑁂𑀲𑁆𑀲𑀢𑀺, 𑀧𑀽𑀚𑀸𑀬𑀁-𑀧𑀭𑀺𑀘𑀭𑀺𑀬𑀸, 𑀪𑁄𑀚𑀦𑁂-𑀪𑀺𑀓𑁆𑀔𑀼𑀁 𑀧𑀭𑀺𑀯𑀺𑀲𑀢𑀺, 𑀅𑀯𑀚𑀸𑀦𑀦𑁂-𑀧𑀭𑀺𑀪𑀯𑀢𑀺. 𑀤𑁄𑀲𑀓𑁆𑀔𑀸𑀦𑁂-𑀧𑀭𑀺𑀪𑀸𑀲𑀢𑀺, 𑀮𑀓𑁆𑀔𑀡𑀸𑀤𑀻𑀲𑀼-𑀭𑀼𑀓𑁆𑀔𑀁 𑀧𑀭𑀺 𑀯𑀺𑀚𑁆𑀚𑁄𑀢𑀢𑁂 𑀯𑀺𑀚𑁆𑀚𑀼 𑀇𑀘𑁆𑀘𑀸𑀤𑀺.

𑀉𑀧𑀇𑀢𑀺 𑀉𑀧𑀕𑀫𑀦, 𑀲𑀫𑀻𑀧𑀽+𑀧𑀧𑀢𑁆𑀢𑀺, 𑀲𑀸𑀤𑀺𑀲𑁆𑀲𑀸+𑀥𑀺𑀓𑀼+𑀧𑀭𑀺𑀪𑀸𑀯𑀸+𑀦𑀲𑀦, 𑀤𑁄𑀲𑀓𑁆𑀔𑀸𑀦, 𑀲𑀜𑁆𑀜𑀸, 𑀧𑀼𑀩𑁆𑀩𑀓𑀫𑁆𑀫, 𑀧𑀽𑀚𑀸, 𑀕𑀬𑁆𑀳𑀸𑀓𑀸𑀭, 𑀪𑀼𑀲𑀢𑁆𑀣𑀸𑀤𑀻𑀲𑀼. 𑀉𑀧𑀕𑀫𑀦𑁂-𑀦𑀺𑀲𑀺𑀦𑁆𑀦𑀁 𑀯𑀸 𑀉𑀧𑀦𑀺𑀲𑀻𑀤𑁂𑀬𑁆𑀬, 𑀲𑀫𑀻𑀧𑁂-𑀉𑀧𑀦𑀕𑀭𑀁, 𑀉𑀧𑀧𑀢𑁆𑀢𑀺𑀬𑀁-𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀢𑀺, 𑀅𑀣 𑀯𑀸 𑀉𑀧𑀧𑀢𑁆𑀢𑀺=𑀬𑀼𑀢𑁆𑀢𑀺, 𑀬𑀣𑀸 𑀉𑀧𑀧𑀢𑁆𑀢𑀺𑀢𑁄 𑀇𑀓𑁆𑀔𑀢𑀻𑀢𑀺 𑀉𑀧𑁂𑀓𑁆𑀔𑀸, 𑀲𑀸𑀤𑀺𑀲𑁆𑀲𑁂-𑀉𑀧𑀫𑀸𑀦𑀁, 𑀉𑀧𑀫𑀸, 𑀅𑀥𑀺𑀓𑁂-𑀉𑀧𑀔𑀸𑀭𑀺𑀬𑀁 𑀤𑁄𑀡𑁄, 𑀉𑀧𑀭𑀺𑀪𑀸𑀯𑁂-𑀉𑀧𑀲𑀫𑁆𑀧𑀦𑁆𑀦𑁄, 𑀅𑀦𑀲𑀦𑁂-𑀉𑀧𑀯𑀸𑀲𑁄, 𑀤𑁄𑀲𑀓𑁆𑀔𑀸𑀦𑁂-𑀧𑀭𑀁 𑀉𑀧𑀯𑀤𑀢𑀺, 𑀲𑀜𑁆𑀜𑀸𑀬𑀁-𑀉𑀧𑀥𑀸, 𑀉𑀧𑀲𑀕𑁆𑀕𑁄, 𑀧𑀼𑀩𑁆𑀩𑀓𑀫𑁆𑀫𑁂-𑀉𑀧𑀓𑁆𑀓𑀫𑁄, 𑀉𑀧𑀓𑀸𑀭𑁄, 𑀧𑀽𑀚𑀸𑀬𑀁-𑀩𑀼𑀤𑁆𑀥𑀼𑀧𑀝𑁆𑀞𑀸𑀓𑁄, 𑀫𑀸𑀢𑀼𑀧𑀝𑁆𑀞𑀸𑀦𑀁, 𑀕𑀬𑁆𑀳𑀸𑀓𑀸𑀭𑁂-𑀲𑁄𑀘𑁂𑀬𑁆𑀬𑀧𑀘𑁆𑀘𑀼𑀧𑀝𑁆𑀞𑀸𑀦𑀁, 𑀪𑀼𑀲𑀢𑁆𑀣𑁂-𑀉𑀧𑀸𑀤𑀸𑀦𑀁, 𑀉𑀧𑀸𑀬𑀸𑀲𑁄, 𑀉𑀧𑀦𑀺𑀲𑁆𑀲𑀬𑁄𑀢𑀺.

𑀆𑀇𑀢𑀺 𑀅𑀪𑀺𑀫𑀼𑀔𑀪𑀸𑀯𑀼+𑀤𑁆𑀥𑀓𑀫𑁆𑀫+𑀫𑀭𑀺𑀬𑀸𑀤𑀸+𑀪𑀺𑀯𑀺𑀥𑀺, 𑀧𑀢𑁆𑀢𑀺+𑀘𑁆𑀙𑀸, 𑀧𑀭𑀺𑀲𑁆𑀲𑀚𑀦, 𑀆𑀤𑀺𑀓𑀫𑁆𑀫, 𑀕𑀳𑀡, 𑀦𑀺𑀯𑀸𑀲𑀦, 𑀲𑀫𑀻𑀧, 𑀆𑀯𑁆𑀳𑀸𑀦𑀸𑀤𑀻𑀲𑀼. 𑀅𑀪𑀺𑀫𑀼𑀔𑀪𑀸𑀯𑁂-𑀆𑀕𑀘𑁆𑀙𑀦𑁆𑀢𑀺, 𑀉𑀤𑁆𑀥𑀓𑀫𑁆𑀫𑁂-𑀆𑀭𑁄𑀳𑀢𑀺, 𑀫𑀭𑀺𑀬𑀸𑀤𑀸𑀬𑀁-𑀆𑀧𑀩𑁆𑀩𑀢𑀸 𑀔𑁂𑀢𑁆𑀢𑀁, 𑀅𑀪𑀺𑀯𑀺𑀥𑀺𑀫𑁆𑀳𑀺-𑀆𑀓𑀼𑀫𑀸𑀭𑀁 𑀬𑀲𑁄 𑀓𑀘𑁆𑀘𑀸𑀬𑀦𑀲𑁆𑀲, 𑀧𑀢𑁆𑀢𑀺𑀬𑀁-𑀆𑀧𑀢𑁆𑀢𑀺𑀁 𑀆𑀧𑀦𑁆𑀦𑁄, 𑀇𑀘𑁆𑀙𑀸𑀬𑀁-𑀆𑀓𑀗𑁆𑀔𑀸, 𑀧𑀭𑀺𑀲𑁆𑀲𑀚𑀦𑁂-𑀆𑀮𑀺𑀗𑁆𑀕𑀦𑀁, 𑀆𑀤𑀺𑀓𑀫𑁆𑀫𑁂-𑀆𑀭𑀫𑁆𑀪𑁄, 𑀕𑀳𑀡𑁂-𑀆𑀤𑀻𑀬𑀢𑀺, 𑀆𑀮𑀺𑀗𑁆𑀕𑀢𑀺, (𑀆𑀮𑀺𑀫𑁆𑀧𑀢𑀺, 𑀭𑀽), 𑀦𑀺𑀯𑀸𑀲𑁂-𑀆𑀯𑀲𑀣𑁄, 𑀆𑀯𑀸𑀲𑁄, 𑀲𑀫𑀻𑀧𑁂-𑀆𑀲𑀦𑁆𑀦𑀁, 𑀆𑀯𑁆𑀳𑀸𑀦𑁂-𑀆𑀫𑀦𑁆𑀢𑁂𑀢𑀺.

𑀧 ¶ 𑀧𑀭𑀸+𑀧 𑀲+𑀫𑀦𑁆𑀯+𑀯, 𑀑 𑀦𑀺 𑀤𑀼 𑀭𑀪𑀺 𑀩𑁆𑀬𑀸+𑀥𑀺𑀲𑀼;

𑀅𑀢𑀺 𑀦𑀺 𑀧𑁆𑀧𑀢𑀺 𑀧𑀭𑀺 𑀅𑀧𑀬𑁄, 𑀉𑀧 𑀆 𑀇𑀢𑀺 𑀯𑀻𑀲𑀢𑀺;

𑀏𑀲 𑀳𑀺 𑀪𑁄 𑀉𑀧𑀲𑀕𑁆𑀕-𑀯𑀺𑀥𑀺+𑀓𑁆𑀓𑀫𑀢𑁄 𑀓𑀣𑀺𑀢𑁄.

𑀉𑀧𑀲𑀕𑁆𑀕+𑀦𑀺𑀧𑀸𑀢𑀸 𑀘, 𑀧𑀘𑁆𑀘𑀬𑀸 𑀘 𑀇𑀫𑁂 𑀢𑀬𑁄;

𑀦𑁂𑀓𑁂+𑀦𑁂𑀓𑀢𑁆𑀣𑀯𑀸𑀘𑀓𑀸, 𑀇𑀢𑀺 𑀦𑁂𑀭𑀼𑀢𑁆𑀢𑀺𑀓𑀸+𑀩𑁆𑀭𑀯𑀼𑀁.

𑀅𑀯𑀺𑀚𑁆𑀚𑀫𑀸𑀦𑀲𑀁𑀔𑁆𑀬𑁂𑀳𑀺 𑀧𑀭𑀸𑀲𑀁 𑀲𑀩𑁆𑀩𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁄 𑀳𑁄𑀢𑀺. 𑀦 𑀲𑀦𑁆𑀢𑀺 𑀏𑀓𑀯𑀘𑀦𑀸𑀤𑀺𑀲𑀁𑀔𑁆𑀬𑀸 𑀏𑀢𑁂𑀲𑀦𑁆𑀢𑀺 𑀅𑀲𑀁𑀔𑁆𑀬𑀸, 𑀢𑁂𑀲𑀁 𑀅𑀲𑀁𑀔𑁆𑀬𑀸𑀦𑀁 𑀯𑀺𑀪𑀢𑁆𑀢𑀻𑀦𑀁 𑀪𑁂𑀤𑁂 𑀅𑀲𑀢𑀺𑀧𑀺 𑀲𑁆𑀬𑀸𑀤𑀺𑀯𑀺𑀥𑀸𑀦𑀁 ‘‘𑀫𑀸 𑀦𑁄 𑀅𑀚𑁆𑀚 𑀯𑀺𑀓𑀦𑁆𑀢𑀺𑀁𑀲𑀽’’𑀢𑀺𑀆𑀤𑁄 𑀯𑀺𑀪𑀢𑁆𑀬𑀦𑁆𑀢𑀢𑁆𑀢𑀸 𑀧𑀤𑀢𑁆𑀢𑀲𑀺𑀤𑁆𑀥𑀻𑀢𑀺 𑀯𑁄+𑀦𑁄𑀆𑀤𑀻𑀦𑀁 𑀲𑀺𑀤𑁆𑀥𑀺𑀬𑀸 𑀘 𑀢𑁂𑀲𑀁 𑀧𑀞𑀫𑀸𑀤𑀺𑀅𑀢𑁆𑀣𑁂 𑀤𑀲𑁆𑀲𑀦𑀢𑁄 𑀘 𑀳𑁄𑀢𑀺. 𑀧𑀳𑀸𑀭𑁄 𑀧𑀭𑀸𑀪𑀯𑁄 𑀅𑀧𑀳𑀸𑀭𑁄 𑀲𑀁𑀳𑀸𑀭𑁄 𑀅𑀯𑀳𑀸𑀭𑁄 𑀑𑀳𑀸𑀭𑁄 𑀇𑀘𑁆𑀘𑀸𑀤𑀺 𑀳𑁄𑀢𑀺.

𑀉𑀧𑁂𑀘𑁆𑀘+𑀢𑁆𑀣𑀁 𑀲𑀚𑀦𑁆𑀢𑀻𑀢𑀺, 𑀉𑀧𑀲𑀕𑁆𑀕𑀸 𑀳𑀺 𑀧𑀸𑀤𑀬𑁄;

𑀘𑀸𑀤𑀻 𑀧𑀤𑀸𑀤𑀺𑀫𑀚𑁆𑀛𑀦𑁆𑀢𑁂, 𑀦𑀺𑀧𑀸𑀢𑀸 𑀦𑀺𑀧𑀢𑀦𑁆𑀢𑀻𑀢𑀺.

𑀲𑀫𑀼𑀘𑁆𑀘𑀬+𑀯𑀺𑀓𑀧𑁆𑀧𑀦+𑀧𑀝𑀺𑀲𑁂𑀥+𑀧𑀽𑀭𑀡𑀸𑀤𑀺𑀅𑀢𑁆𑀣𑀁 𑀅𑀲𑀢𑁆𑀢𑀯𑀸𑀘𑀺𑀓𑀁 𑀦𑁂𑀧𑀸𑀢𑀺𑀓𑀁.

𑀘-𑀇𑀢𑀺 𑀲𑀫𑀼𑀘𑁆𑀘𑀬𑀸+𑀦𑁆𑀯𑀸𑀘𑀬+𑀇𑀢𑀭𑁂𑀢𑀭𑀬𑁄𑀕+𑀲𑀫𑀸𑀳𑀸𑀭𑀸+𑀯𑀥𑀸𑀭𑀡𑀸𑀤𑀻𑀲𑀼. 𑀯𑀸-𑀇𑀢𑀺 𑀯𑀺𑀓𑀧𑁆𑀧𑀦𑀼+𑀧𑀫𑀸𑀦+𑀲𑀫𑀼𑀘𑁆𑀘𑀬+𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀸𑀤𑀻𑀲𑀼. 𑀦, 𑀦𑁄, 𑀫𑀸, 𑀅, 𑀅𑀮𑀁, 𑀳𑀮𑀁 𑀇𑀘𑁆𑀘𑁂𑀢𑁂 𑀧𑀝𑀺𑀲𑁂𑀥𑁂 ¶ . ‘‘𑀤𑁆𑀯𑁂 𑀧𑀝𑀺𑀲𑁂𑀥𑀸 𑀧𑀓𑀢𑀺𑀅𑀢𑁆𑀣𑀁 𑀕𑀫𑀬𑀦𑁆𑀢𑀻’’𑀢𑀺 𑀜𑀸𑀬𑀸 ‘‘𑀦 𑀢𑁂𑀲𑀁 𑀧𑀦 𑀭𑀽𑀧𑀸𑀦𑀁 𑀧𑀘𑁆𑀘𑀬𑀸 𑀦 𑀘 𑀳𑁄𑀦𑁆𑀢𑀻’’𑀢𑀺 𑀏𑀢𑁆𑀣 𑀦 𑀘 𑀦 𑀳𑁄𑀦𑁆𑀢𑀺-𑀳𑁄𑀦𑁆𑀢𑁂𑀯𑀸𑀢𑀺 𑀧𑀓𑀢𑀺𑀅𑀢𑁆𑀣𑀁 𑀕𑀫𑀬𑀢𑀺. 𑀅𑀮𑀁 𑀧𑀭𑀺𑀬𑀢𑁆𑀢𑀺+𑀪𑀽𑀲𑀦𑁂𑀲𑀼 𑀘.

𑀧𑀽𑀭𑀡𑀢𑁆𑀣𑀁 𑀤𑀼𑀯𑀺𑀥𑀁 𑀅𑀢𑁆𑀢𑀧𑀽𑀭𑀡𑀁 𑀧𑀤𑀧𑀽𑀭𑀡𑀜𑁆𑀘, 𑀢𑀢𑁆𑀣 𑀅𑀣, 𑀔𑀮𑀼, 𑀯𑀢, 𑀅𑀣𑁄, 𑀅𑀲𑁆𑀲𑀼, 𑀬𑀕𑁆𑀖𑁂, 𑀳𑀺, 𑀘𑀭𑀳𑀺, 𑀦𑀁, 𑀢𑀁, 𑀘, 𑀢𑀼, 𑀯𑀸, 𑀯𑁄, 𑀧𑀦, 𑀳𑀯𑁂, 𑀓𑀻𑀯, 𑀳, 𑀢𑀢𑁄, 𑀬𑀣𑀸, 𑀲𑀼𑀤𑀁, 𑀔𑁄, 𑀯𑁂, 𑀳𑀁, 𑀏𑀦𑀁, (𑀏𑀯𑀁, 𑀭𑀽) 𑀲𑁂𑀬𑁆𑀬𑀣𑀺𑀤𑀁 𑀇𑀘𑁆𑀘𑁂𑀯𑀫𑀸𑀤𑀺 𑀧𑀤𑀧𑀽𑀭𑀡𑁂. 𑀢𑀢𑁆𑀣 𑀅𑀣-𑀇𑀢𑀺 𑀧𑀜𑁆𑀳𑀸+𑀦𑀦𑁆𑀢𑀭𑀺𑀬𑀸+𑀥𑀺𑀓𑀸𑀭𑀸𑀤𑀻𑀲𑀼 𑀘. 𑀔𑀮𑀼-𑀇𑀢𑀺 𑀧𑀝𑀺𑀲𑁂𑀥𑀸+𑀯𑀥𑀸𑀭𑀡, 𑀧𑀲𑀺𑀤𑁆𑀥𑀻𑀲𑀼 𑀘. 𑀯𑀢+𑀇𑀢𑀺 𑀏𑀓𑀁𑀲, 𑀔𑁂𑀤𑀸+𑀦𑀼𑀓𑀫𑁆𑀧, 𑀲𑀁𑀓𑀧𑁆𑀧𑁂𑀲𑀼 𑀘. 𑀅𑀣𑁄-𑀇𑀢𑀺 𑀅𑀦𑁆𑀯𑀸𑀤𑁂𑀲𑁂 𑀘. 𑀳𑀺-𑀇𑀢𑀺 𑀳𑁂𑀢𑀼, 𑀅𑀯𑀥𑀸𑀭𑀡𑁂𑀲𑀼 𑀘. 𑀢𑀼-𑀇𑀢𑀺 𑀯𑀺𑀲𑁂𑀲, 𑀳𑁂𑀢𑀼, 𑀦𑀺𑀯𑀢𑁆𑀢𑀦𑀸𑀤𑀻𑀲𑀼 𑀘. 𑀧𑀦-𑀇𑀢𑀺 𑀯𑀺𑀲𑁂𑀲𑁂𑀧𑀺. 𑀳𑀯𑁂+𑀯𑁂 𑀇𑀘𑁆𑀘𑁂𑀢𑁂 𑀏𑀓𑀁𑀲𑀢𑁆𑀣𑁂𑀧𑀺. 𑀳𑀁-𑀯𑀺𑀲𑀸𑀤, 𑀯𑀺𑀫𑁆𑀳𑁂𑀲𑀼𑀧𑀺. (𑀯𑀺𑀲𑀸𑀤, 𑀲𑀫𑁆𑀪𑀯𑁂𑀲𑀼, 𑀭𑀽). 𑀲𑁂𑀬𑁆𑀬𑀣𑀺𑀤𑀁𑀢𑀺 𑀢𑀁 𑀓𑀢𑀫𑀁𑀢𑀺 𑀅𑀢𑁆𑀣𑁂𑀧𑀺.

𑀅𑀢𑁆𑀣𑀧𑀽𑀭𑀡𑀁 𑀤𑀼𑀯𑀺𑀥𑀁 𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀁 𑀅𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀜𑁆𑀘. 𑀅𑀢𑁆𑀣𑀺, 𑀲𑀓𑁆𑀓𑀸, 𑀮𑀩𑁆𑀪𑀸 𑀇𑀘𑁆𑀘𑁂𑀢𑁂 𑀧𑀞𑀫𑀸𑀬𑀁. 𑀆𑀯𑀼𑀲𑁄 𑀅𑀫𑁆𑀪𑁄 𑀳𑀫𑁆𑀪𑁄 𑀅𑀭𑁂 𑀳𑀭𑁂 𑀭𑁂 𑀚𑁂 𑀇𑀘𑁆𑀘𑁂𑀢𑁂 𑀆𑀫𑀦𑁆𑀢𑀡𑁂. 𑀤𑀺𑀯𑀸 𑀪𑀺𑀬𑁆𑀬𑁄 (𑀦𑀫𑁄, 𑀭𑀽) 𑀇𑀘𑁆𑀘𑁂𑀢𑁂 𑀧𑀞𑀫𑀸𑀤𑀼𑀢𑀺𑀬𑀸𑀲𑀼. 𑀲𑀬𑀁 𑀲𑀸𑀫𑀁 𑀲𑀁 𑀲𑀫𑁆𑀫𑀸 𑀓𑀺𑀦𑁆𑀢𑀺 𑀇𑀘𑁆𑀘𑁂𑀢𑁂 𑀢𑀢𑀺𑀬𑀢𑁆𑀣𑁂. 𑀲𑁄+𑀢𑁄+𑀥𑀸𑀧𑀘𑁆𑀘𑀬𑀦𑁆𑀢𑀸 𑀘 𑀲𑀼𑀢𑁆𑀢𑀲𑁄 𑀧𑀤𑀲𑁄 𑀅𑀦𑀺𑀘𑁆𑀘𑀢𑁄 𑀤𑀼𑀓𑁆𑀔𑀢𑁄 𑀏𑀓𑀥𑀸 𑀤𑁆𑀯𑀺𑀥𑀸 𑀇𑀘𑁆𑀘𑀸𑀤𑀺. 𑀢𑀯𑁂+𑀢𑀼𑀁 𑀧𑀘𑁆𑀘𑀬𑀦𑁆𑀢𑀸 𑀘𑀢𑀼𑀢𑁆𑀣𑀺𑀬𑀸𑀯, 𑀓𑀸𑀢𑀯𑁂 𑀤𑀸𑀢𑀯𑁂, 𑀓𑀸𑀢𑀼𑀁 𑀓𑀸𑀭𑁂𑀢𑀼𑀁, (𑀤𑀸𑀢𑀼𑀁, 𑀭𑀽) 𑀤𑀸𑀧𑁂𑀢𑀼𑀁 𑀇𑀘𑁆𑀘𑀸𑀤𑀺. 𑀲𑁄+𑀢𑁄𑀧𑀘𑁆𑀘𑀬𑀦𑁆𑀢𑀸 𑀧𑀜𑁆𑀘𑀫𑀺𑀬𑀢𑁆𑀣𑁂, 𑀤𑀻𑀖𑀲𑁄 𑀑𑀭𑀲𑁄 𑀭𑀸𑀚𑀢𑁄 𑀯𑀸 𑀘𑁄𑀭𑀢𑁄 𑀯𑀸 𑀇𑀘𑁆𑀘𑀸𑀤𑀺. 𑀢𑁄 𑀲𑀢𑁆𑀢- 𑀫𑁆𑀬𑀢𑁆𑀣𑁂𑀧𑀺 ¶ 𑀢𑁆𑀭+𑀢𑁆𑀣𑀸𑀤𑀺𑀧𑀘𑁆𑀘𑀬𑀦𑁆𑀢𑀸 𑀘, 𑀏𑀓𑀢𑁄 𑀧𑀼𑀭𑀢𑁄 𑀧𑀘𑁆𑀙𑀢𑁄 𑀧𑀲𑁆𑀲𑀢𑁄 𑀧𑀺𑀝𑁆𑀞𑀺𑀢𑁄 𑀧𑀸𑀤𑀢𑁄 𑀲𑀻𑀲𑀢𑁄 𑀅𑀕𑁆𑀕𑀢𑁄 𑀫𑀽𑀮𑀢𑁄, 𑀬𑀢𑁆𑀭 𑀬𑀢𑁆𑀣 𑀬𑀳𑀺𑀁 𑀢𑀢𑁆𑀭 𑀢𑀢𑁆𑀣 𑀢𑀳𑀺𑀁 𑀇𑀘𑁆𑀘𑀸𑀤𑀺. 𑀲𑀫𑀦𑁆𑀢𑀸 𑀲𑀸𑀫𑀦𑁆𑀢𑀸 𑀧𑀭𑀺𑀢𑁄 𑀅𑀪𑀺𑀢𑁄 𑀲𑀫𑀦𑁆𑀢𑀢𑁄 𑀏𑀓𑀚𑁆𑀛𑀁 𑀏𑀓𑀫𑀦𑁆𑀢𑀁 𑀳𑁂𑀝𑁆𑀞𑀸 𑀉𑀧𑀭𑀺 𑀉𑀤𑁆𑀥𑀁 𑀅𑀥𑁄 𑀢𑀺𑀭𑀺𑀬𑀁 𑀲𑀫𑁆𑀫𑀼𑀔𑀸 𑀧𑀭𑀫𑀼𑀔𑀸 𑀆𑀯𑀺 𑀭𑀳𑁄 𑀢𑀺𑀭𑁄 𑀉𑀘𑁆𑀘𑀁 𑀦𑀻𑀘𑀁 𑀅𑀦𑁆𑀢𑁄 𑀅𑀦𑁆𑀢𑀭𑀸 𑀅𑀦𑁆𑀢𑀭𑀁 𑀅𑀚𑁆𑀛𑀢𑁆𑀢𑀁 𑀩𑀳𑀺𑀤𑁆𑀥𑀸 𑀩𑀸𑀳𑀺𑀭𑀸 𑀩𑀸𑀳𑀺𑀭𑀁 𑀩𑀳𑀺 𑀑𑀭𑀁 𑀧𑀸𑀭𑀁 𑀆𑀭𑀸 𑀆𑀭𑀓𑀸 𑀧𑀘𑁆𑀙𑀸 𑀧𑀼𑀭𑁂 𑀳𑀼𑀭𑀁 𑀧𑁂𑀘𑁆𑀘 𑀇𑀘𑁆𑀘𑁂𑀢𑁂 𑀲𑀢𑁆𑀢𑀫𑀺𑀬𑀸. 𑀲𑀫𑁆𑀧𑀢𑀺 𑀆𑀬𑀢𑀺 𑀅𑀚𑁆𑀚 𑀅𑀧𑀭𑀚𑁆𑀛 𑀲𑀼𑀯𑁂 𑀲𑁆𑀯𑁂 𑀉𑀢𑁆𑀢𑀭𑀲𑀼𑀯𑁂 (𑀓𑀺𑀲𑀼, 𑀭𑀽) 𑀳𑀺𑀬𑁆𑀬𑁄 𑀧𑀭𑁂 (𑀧𑀭𑀲𑀼𑀯𑁂, 𑀭𑀽) 𑀲𑀚𑁆𑀚𑀼 𑀲𑀸𑀬𑀁 𑀧𑀸𑀢𑁄 𑀓𑀸𑀮𑀁 𑀓𑀮𑁆𑀮𑀁 𑀤𑀺𑀯𑀸 𑀭𑀢𑁆𑀢𑀁 𑀦𑀺𑀘𑁆𑀘𑀁 𑀲𑀢𑀢𑀁 𑀅𑀪𑀺𑀡𑁆𑀳𑀁 𑀅𑀪𑀺𑀓𑁆𑀔𑀡𑀁 𑀫𑀼𑀳𑀼𑀁 𑀫𑀼𑀳𑀼𑀢𑁆𑀢𑀁 𑀪𑀽𑀢𑀧𑀼𑀩𑁆𑀩𑀁 𑀧𑀼𑀭𑀸 𑀬𑀤𑀸 𑀢𑀤𑀸 (𑀓𑀤𑀸, 𑀭𑀽) 𑀇𑀘𑁆𑀘𑀸𑀤𑀬𑁄 𑀓𑀸𑀮𑀲𑀢𑁆𑀢𑀫𑀺𑀬𑀁. 𑀇𑀢𑀺 𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑀸𑀦𑀺.

𑀅𑀯𑀺𑀪𑀢𑁆𑀢𑀺𑀬𑀼𑀢𑁆𑀢𑁂𑀲𑀼 𑀅𑀧𑁆𑀧𑁂𑀯 𑀅𑀧𑁆𑀧𑁂𑀯𑀦𑀸𑀫 𑀦𑀼 𑀇𑀘𑁆𑀘𑁂𑀢𑁂 𑀲𑀁𑀲𑀬𑀢𑁆𑀣𑁂. 𑀅𑀤𑁆𑀥𑀸 𑀅𑀜𑁆𑀜𑀤𑀢𑁆𑀣𑀼 𑀢𑀕𑁆𑀖 𑀚𑀸𑀢𑀼 𑀓𑀸𑀫𑀁 𑀲𑀲𑀓𑁆𑀓𑀁 𑀇𑀘𑁆𑀘𑁂𑀢𑁂 𑀏𑀓𑀁𑀲𑀢𑁆𑀣𑁂. 𑀏𑀯𑀁 𑀇𑀢𑀺 𑀅𑀯𑀥𑀸𑀭𑀡𑁂. 𑀓𑀘𑁆𑀘𑀺 𑀦𑀼 𑀦𑀦𑀼 𑀓𑀣𑀁 (𑀓𑀺𑀁𑀲𑀼, 𑀭𑀽) 𑀓𑀺𑀁 𑀇𑀘𑁆𑀘𑁂𑀢𑁂 𑀧𑀼𑀘𑁆𑀙𑀦𑀢𑁆𑀣𑁂. 𑀏𑀯𑀁 𑀇𑀢𑀺 𑀇𑀢𑁆𑀣𑀁 𑀇𑀘𑁆𑀘𑁂𑀢𑁂 𑀦𑀺𑀤𑀲𑁆𑀲𑀦𑀢𑁆𑀣𑁂. 𑀇𑀢𑀺 𑀳𑁂𑀢𑀼+𑀯𑀸𑀓𑁆𑀬𑀧𑀭𑀺𑀲𑀫𑀢𑁆𑀢𑀻𑀲𑀼 𑀘. 𑀬𑀸𑀯 𑀢𑀸𑀯 𑀬𑀸𑀯𑀢𑀸 𑀢𑀸𑀯𑀢𑀸 𑀓𑀺𑀢𑁆𑀢𑀸𑀯𑀢𑀸 𑀏𑀢𑁆𑀢𑀸𑀯𑀢𑀸 𑀓𑀻𑀯 𑀇𑀘𑁆𑀘𑁂𑀢𑁂 𑀧𑀭𑀺𑀘𑁆𑀙𑁂𑀤𑀦𑀢𑁆𑀣𑁂. 𑀏𑀯𑀁 𑀲𑀸𑀳𑀼 𑀮𑀳𑀼 𑀑𑀧𑀸𑀬𑀺𑀓𑀁 𑀧𑀝𑀺𑀭𑀽𑀧𑀁 𑀆𑀫 𑀲𑀸𑀥𑀼 𑀇𑀘𑁆𑀘𑁂𑀢𑁂 𑀲𑀫𑁆𑀧𑀝𑀺𑀘𑁆𑀙𑀦𑀢𑁆𑀣𑁂. 𑀢𑀣𑀸 𑀬𑀣𑀸 𑀬𑀣𑁂𑀯 𑀢𑀣𑁂𑀯 𑀏𑀯𑀁 𑀏𑀯𑀫𑁂𑀯 𑀏𑀯𑀫𑁆𑀧𑀺 𑀬𑀣𑀸𑀧𑀺 𑀲𑁂𑀬𑁆𑀬𑀣𑀸𑀧𑀺 𑀲𑁂𑀬𑁆𑀬𑀣𑀸𑀧𑀺𑀦𑀸𑀫 𑀯𑀺𑀬 𑀇𑀯 𑀬𑀣𑀭𑀺𑀯 𑀢𑀣𑀭𑀺𑀯 𑀬𑀣𑀸𑀦𑀸𑀫 𑀢𑀣𑀸𑀦𑀸𑀫 𑀬𑀣𑀸𑀳𑀺 𑀢𑀣𑀸𑀳𑀺 𑀬𑀣𑀸𑀘 𑀢𑀣𑀸𑀘 𑀇𑀘𑁆𑀘𑁂𑀢𑁂 𑀧𑀝𑀺𑀪𑀸𑀕𑀢𑁆𑀣𑁂. 𑀬𑀣𑀸𑀇𑀢𑀺 𑀬𑁄𑀕𑁆𑀕𑀢𑀸+𑀯𑀺𑀘𑁆𑀙𑀸+𑀧𑀤𑀢𑁆𑀣𑀸𑀦𑀢𑀺𑀯𑀢𑁆𑀢𑀺+𑀦𑀺𑀤𑀲𑁆𑀲𑀦𑁂𑀲𑀼 𑀘. 𑀏𑀯𑀁𑀇𑀢𑀺 ¶ 𑀉𑀧𑀤𑁂𑀲+𑀧𑀜𑁆𑀳𑀸𑀤𑀻𑀲𑀼 𑀘. 𑀓𑀺𑀜𑁆𑀘𑀸𑀧𑀺𑀇𑀢𑀺 𑀅𑀦𑀼𑀕𑁆𑀕𑀳𑀢𑁆𑀣𑁂. 𑀥𑀺𑀇𑀢𑀺 𑀕𑀭𑀳𑁂. 𑀅𑀳𑁄𑀇𑀢𑀺 𑀕𑀭𑀳+𑀧𑀲𑀁𑀲𑀦+𑀧𑀢𑁆𑀣𑀦𑁂𑀲𑀼. 𑀦𑀸𑀫𑀇𑀢𑀺 𑀕𑀭𑀳+𑀧𑀲𑀁𑀲𑀦+𑀲𑀜𑁆𑀜𑀸+𑀧𑀜𑁆𑀳𑁂𑀲𑀼. 𑀲𑀸𑀥𑀽𑀢𑀺 𑀧𑀲𑀁𑀲𑀦+𑀬𑀸𑀘𑀦𑁂𑀲𑀼. 𑀇𑀗𑁆𑀖 𑀳𑀦𑁆𑀤 𑀇𑀘𑁆𑀘𑁂𑀢𑁂 𑀘𑁄𑀤𑀦𑀢𑁆𑀣𑁂. 𑀲𑀸𑀥𑀼 𑀲𑀼𑀝𑁆𑀞𑀼 𑀏𑀯𑀫𑁂𑀢𑀁𑀢𑀺 𑀅𑀦𑀼𑀫𑁄𑀤𑀦𑁂. 𑀓𑀺𑀭𑀇𑀢𑀺 𑀅𑀦𑀼𑀲𑁆𑀲𑀯𑀦+𑀅𑀲𑀤𑁆𑀥𑁂𑀬𑁆𑀬𑁂𑀲𑀼. 𑀦𑀼𑀦𑀇𑀢𑀺 𑀅𑀦𑀼𑀫𑀸𑀦𑀸+𑀦𑀼𑀲𑁆𑀲𑀭𑀡+𑀧𑀭𑀺𑀯𑀺𑀢𑀓𑁆𑀓𑁂𑀲𑀼. 𑀓𑀲𑁆𑀫𑀸𑀢𑀺 𑀓𑀸𑀭𑀡𑀧𑀼𑀘𑁆𑀙𑀦𑁂. 𑀬𑀲𑁆𑀫𑀸 𑀢𑀲𑁆𑀫𑀸 𑀢𑀣𑀸 𑀳𑀺 𑀢𑁂𑀦 𑀇𑀘𑁆𑀘𑁂𑀢𑁂 𑀓𑀸𑀭𑀡𑀘𑁆𑀙𑁂𑀤𑀦𑀢𑁆𑀣𑁂. 𑀲𑀳 𑀲𑀤𑁆𑀥𑀺𑀁 𑀅𑀫𑀸 (𑀲𑀫𑀁, 𑀭𑀽) 𑀇𑀢𑀺 𑀲𑀫𑀓𑁆𑀭𑀺𑀬𑀸𑀬𑀁. 𑀯𑀺𑀦𑀸 𑀭𑀺𑀢𑁂 𑀯𑀺𑀧𑁆𑀧𑀬𑁄𑀕𑁂. 𑀦𑀸𑀦𑀸 𑀧𑀼𑀣𑀼 𑀩𑀳𑀼𑀧𑀓𑀸𑀭𑁂. 𑀧𑀼𑀣𑀼 𑀯𑀺𑀲𑀼𑀁 𑀅𑀲𑀗𑁆𑀖𑀸𑀢𑁂 𑀘. 𑀤𑀼𑀝𑁆𑀞𑀼 𑀓𑀼 𑀓𑀼𑀘𑁆𑀙𑀸𑀬𑀁 (𑀚𑀺𑀕𑀼𑀘𑁆𑀙𑀸𑀬𑀁, 𑀭𑀽). 𑀧𑀼𑀦 𑀅𑀧𑁆𑀧𑀞𑀫𑁂. 𑀓𑀣𑀁 𑀘𑀺𑀓𑀺𑀘𑁆𑀙𑀢𑁆𑀣𑁂. 𑀥𑀸 𑀓𑁆𑀔𑀢𑁆𑀢𑀼𑀁 𑀲𑁄 𑀓𑀺𑀜𑁆𑀘𑀇𑀢𑀺 𑀲𑀁𑀔𑁆𑀬𑀸𑀯𑀺𑀪𑀸𑀕𑁂. 𑀈𑀲𑀓𑀁 𑀅𑀧𑁆𑀧𑀫𑀸𑀦𑁂𑀲𑀼 (𑀅𑀧𑁆𑀧𑀫𑀢𑁆𑀢𑁂, 𑀭𑀽). 𑀲𑀡𑀺𑀓𑀁 𑀫𑀦𑁆𑀤𑀢𑁆𑀣𑁂. 𑀔𑀺𑀧𑁆𑀧𑀁 𑀅𑀭𑀁 𑀮𑀳𑀼𑀁 𑀆𑀲𑀼 𑀢𑀼𑀡𑁆𑀳𑀁 𑀅𑀘𑀺𑀭𑀁 𑀲𑀻𑀖𑀢𑁆𑀣𑁂. 𑀘𑀺𑀭𑀁 𑀘𑀺𑀭𑀲𑁆𑀲𑀁 𑀤𑀻𑀖𑀓𑀸𑀮𑁂. 𑀘𑁂 𑀬𑀤𑀺 𑀲𑀁𑀓𑀸+𑀯𑀝𑁆𑀞𑀸𑀦𑁂. 𑀥𑀼𑀭𑀁 𑀣𑀺𑀭𑀸+𑀯𑀥𑀸𑀭𑀡𑁂𑀲𑀼 (𑀥𑀼𑀯𑀁 𑀣𑀺𑀭𑀸+𑀯𑀥𑀸𑀭𑀡𑁂𑀲𑀼, 𑀭𑀽). 𑀳𑀸 𑀯𑀺𑀲𑀸𑀤𑁂. 𑀢𑀼𑀡𑁆𑀳𑀻 𑀅𑀪𑀸𑀲𑀦𑁂. 𑀲𑀘𑁆𑀙𑀺 𑀧𑀘𑁆𑀘𑀓𑁆𑀔𑁂. 𑀫𑀼𑀲𑀸 𑀫𑀺𑀘𑁆𑀙𑀸𑀅𑀮𑀺𑀓𑀁 𑀅𑀲𑀘𑁆𑀘𑁂. 𑀲𑀼𑀯𑀢𑁆𑀣𑀺 𑀆𑀲𑀺𑀝𑁆𑀞𑁂 𑀇𑀘𑁆𑀘𑀸𑀤𑀺.

𑀢𑀼𑀦+𑀓𑁆𑀢𑁆𑀯𑀸𑀦+𑀓𑁆𑀢𑁆𑀯𑀸𑀧𑀘𑁆𑀘𑀬𑀦𑁆𑀢𑀸 𑀉𑀲𑁆𑀲𑀼𑀓𑁆𑀓𑀦𑀢𑁆𑀣𑁂 𑀪𑀯𑀦𑁆𑀢𑀺. 𑀬𑀣𑀸 𑀧𑀲𑁆𑀲𑀺𑀢𑀼𑀦 𑀧𑀲𑁆𑀲𑀺𑀬 𑀧𑀲𑁆𑀲𑀺𑀢𑁆𑀯𑀸𑀦 𑀧𑀲𑁆𑀲𑀺𑀢𑁆𑀯𑀸, 𑀤𑀺𑀲𑁆𑀯𑀸 𑀤𑀺𑀲𑁆𑀯𑀸𑀦 𑀤𑀲𑁆𑀲𑁂𑀢𑁆𑀯𑀸 𑀤𑀸𑀢𑀼𑀦 𑀤𑀢𑁆𑀯𑀸𑀦 𑀤𑀢𑁆𑀯𑀸 𑀉𑀧𑀸𑀤𑀸𑀬 𑀤𑀸𑀧𑁂𑀢𑁆𑀯𑀸 𑀯𑀺𑀜𑁆𑀜𑀸𑀬 𑀯𑀺𑀘𑁂𑀬𑁆𑀬 𑀯𑀺𑀦𑁂𑀬𑁆𑀬 𑀲𑀫𑁂𑀘𑁆𑀘 𑀦𑀺𑀳𑀘𑁆𑀘 𑀉𑀧𑁂𑀘𑁆𑀘 𑀆𑀭𑀩𑁆𑀪 𑀆𑀕𑀫𑁆𑀫 𑀇𑀘𑁆𑀘𑀸𑀤𑀺.

𑀯𑀺𑀪𑀢𑁆𑀢𑀺𑀬𑀸 ¶ 𑀓𑀢𑁄 𑀪𑁂𑀤𑁄, 𑀲𑀮𑀺𑀗𑁆𑀕𑀸𑀦𑀁 𑀪𑀯𑁂 𑀢𑀣𑀸;

𑀢𑀼𑀫𑁆𑀳𑀸𑀤𑀻𑀦𑀁 𑀢𑁆𑀯+𑀮𑀺𑀗𑁆𑀕𑁂𑀲𑀼, 𑀦𑁂𑀯+𑀢𑁆𑀣𑀺 𑀧𑀸𑀤𑀺+𑀘𑀸𑀤𑀺𑀦𑀁.

𑀏𑀯𑀁 𑀦𑀸𑀫𑀸𑀔𑁆𑀬𑀸𑀢𑁄𑀧𑀲𑀕𑁆𑀕𑁂𑀳𑀺 𑀯𑀺𑀦𑀺𑀫𑀼𑀢𑁆𑀢𑀁 𑀏𑀢𑀁 𑀦𑀺𑀧𑀸𑀢𑀧𑀤𑀁 𑀯𑁂𑀤𑀺𑀢𑀩𑁆𑀩𑀁.

𑀧𑀼𑀮𑁆𑀮𑀺𑀗𑁆𑀕𑀁 𑀇𑀢𑁆𑀣𑀺𑀮𑀺𑀗𑁆𑀕𑀜𑁆𑀘, 𑀦𑀧𑀼𑀁𑀲𑀓+𑀫𑀣𑀸+𑀧𑀭𑀁;

𑀢𑀺𑀮𑀺𑀗𑁆𑀕𑀜𑁆𑀘 𑀅𑀮𑀺𑀗𑁆𑀕𑀜𑁆𑀘, 𑀦𑀸𑀫𑀺𑀓𑀁 𑀧𑀜𑁆𑀘𑀥𑀸 𑀞𑀺𑀢𑀁.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀦𑀸𑀫𑀓𑀡𑁆𑀟𑁄 𑀤𑀼𑀢𑀺𑀬𑁄.

𑀅𑀣 ¶ 𑀯𑀺𑀪𑀢𑁆𑀢𑀻𑀦+𑀫𑀢𑁆𑀣𑀪𑁂𑀤𑀸 𑀯𑀼𑀘𑁆𑀘𑀦𑁆𑀢𑁂.

𑀢𑀢𑁆𑀣 𑀏𑀓𑀫𑁆𑀧𑀺 𑀅𑀢𑁆𑀣𑀁 𑀓𑀫𑁆𑀫𑀸𑀤𑀺𑀯𑀲𑁂𑀦 𑀏𑀓𑀢𑁆𑀢𑀸𑀤𑀺𑀯𑀲𑁂𑀦 𑀘 𑀯𑀺𑀪𑀚𑀦𑁆𑀢𑀻𑀢𑀺 𑀯𑀺𑀪𑀢𑁆𑀢𑀺𑀬𑁄, 𑀲𑁆𑀬𑀸𑀤𑀬𑁄. 𑀢𑀸 𑀧𑀦 𑀧𑀞𑀫𑀸𑀤𑀺𑀪𑁂𑀤𑁂𑀦 𑀲𑀢𑁆𑀢𑀯𑀺𑀥𑀸. 𑀢𑀸 𑀬𑀣𑀸 ‘‘𑀧𑀞𑀫𑀸+𑀢𑁆𑀣𑀫𑀢𑁆𑀢𑁂’’𑀢𑀺 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀲𑀺𑀲𑁆𑀲 𑀑𑀓𑀸𑀭+𑀮𑁄𑀧+𑀅-𑀫𑀸𑀤𑁂𑀲𑁂𑀲𑀼 𑀦𑀭𑁄 𑀇𑀢𑁆𑀣𑀻 𑀦𑀧𑀼𑀁𑀲𑀓𑀁.

𑀲𑀓𑀢𑁆𑀣+𑀤𑀩𑁆𑀩+𑀮𑀺𑀗𑁆𑀕𑀸𑀦𑀺, 𑀲𑀁𑀔𑁆𑀬𑀸+𑀓𑀫𑁆𑀫𑀸𑀤𑀺𑀧𑀜𑁆𑀘𑀓𑀁;

𑀦𑀸𑀫𑀢𑁆𑀣𑁄 𑀢𑀲𑁆𑀲 𑀲𑀸𑀫𑀜𑁆𑀜-𑀫𑀢𑁆𑀣𑀫𑀢𑁆𑀣𑀁 𑀧𑀯𑀼𑀘𑁆𑀘𑀢𑁂.

𑀚𑀸𑀢𑀺 𑀓𑁆𑀭𑀺𑀬𑀸 𑀕𑀼𑀡𑁄 𑀤𑀩𑁆𑀩𑀁, 𑀢𑀣𑀸 𑀦𑀸𑀫𑀦𑁆𑀢𑀺 𑀧𑀜𑁆𑀘𑀥𑀸;

𑀲𑀤𑁆𑀤𑀲𑁆𑀲+𑀢𑁆𑀣𑁄 𑀲 𑀲𑀤𑁆𑀤𑁄𑀧𑀺, 𑀧𑀜𑁆𑀘𑀥𑀸𑀯+𑀢𑁆𑀭 𑀪𑀺𑀚𑁆𑀚𑀢𑁂.

𑀓𑀣𑀁 𑀚𑀸𑀢𑀺𑀲𑀤𑁆𑀤𑁄 𑀕𑀼𑀡𑀲𑀤𑁆𑀤𑁄𑀢𑁆𑀬𑀸𑀤𑀺𑀦𑀸.

𑀪𑀺𑀦𑁆𑀦𑁂𑀲𑁆𑀯+𑀪𑀺𑀦𑁆𑀦𑀥𑀻+𑀲𑀤𑁆𑀤𑀸, 𑀲𑀩𑀮𑀸𑀤𑀻𑀲𑀼 𑀬𑀩𑁆𑀩𑀮𑀸;

𑀯𑀢𑁆𑀢𑀦𑁆𑀢𑁂 𑀚𑀸𑀢𑀺 𑀏𑀲𑀸+𑀲𑁆𑀲, 𑀫𑀸𑀮𑀸 𑀲𑀼𑀢𑁆𑀢+𑀫𑀺𑀯𑀸+𑀦𑁆𑀯𑀺𑀢𑀸.

𑀅𑀤𑀩𑁆𑀩𑀪𑀽𑀢𑀁 𑀓𑀢𑁆𑀢𑀸𑀤𑀺-𑀓𑀸𑀭𑀓𑀕𑁆𑀕𑀸𑀫𑀲𑀸𑀥𑀺𑀬𑀁;

𑀧𑀤𑀢𑁆𑀣𑀁 𑀓𑀢𑁆𑀢𑀼𑀓𑀫𑁆𑀫𑀝𑁆𑀞𑀁, 𑀓𑁆𑀭𑀺𑀬+𑀫𑀺𑀘𑁆𑀙𑀦𑁆𑀢𑀺 𑀢𑀩𑁆𑀩𑀺𑀤𑀽.

𑀤𑀩𑁆𑀩𑀲𑁆𑀲𑀺𑀢𑁄 𑀢𑀢𑁄 𑀪𑀺𑀦𑁆𑀦𑁄, 𑀦𑀺𑀫𑀺𑀢𑁆𑀢𑁄 𑀢𑀧𑁆𑀧𑀢𑀻𑀢𑀺𑀬𑀸;

𑀯𑀺𑀦𑀲𑁆𑀲𑀦𑀲𑀪𑀸𑀯𑁄 𑀘, 𑀦𑀺𑀕𑁆𑀕𑀼𑀡𑁄𑀯 𑀕𑀼𑀡𑁄+𑀘𑁆𑀘𑀢𑁂.

𑀏𑀢𑁆𑀣 ¶ 𑀧𑀝𑁄 𑀲𑀼𑀓𑁆𑀓𑁄𑀢𑀺 𑀯𑀺𑀦𑀲𑁆𑀲𑀦𑀲𑀪𑀸𑀯𑁄 𑀘 𑀘𑀲𑀤𑁆𑀤𑁂𑀦 𑀯𑀺𑀧𑀼𑀮𑁄 𑀆𑀓𑀸𑀲𑁄𑀢𑀺 𑀅𑀯𑀺𑀦𑀲𑁆𑀲𑀦𑀲𑀪𑀸𑀯𑁄 𑀘 𑀅𑀢𑁆𑀢𑀦𑀺 𑀯𑀺𑀲𑀼𑀁 𑀕𑀼𑀡𑀭𑀳𑀺𑀢𑁄 𑀕𑀼𑀡𑁄+𑀘𑁆𑀘𑀢𑁂 𑀢𑁆𑀬𑀢𑁆𑀣𑁄.

𑀬𑀁 𑀬𑀁 𑀯𑀺𑀲𑁂𑀲𑁆𑀲𑀢𑁂 𑀓𑀺𑀜𑁆𑀘𑀺, 𑀢𑀁 𑀢𑀁 𑀤𑀩𑁆𑀩+𑀫𑀺𑀳𑁄+𑀘𑁆𑀘𑀢𑁂;

𑀚𑀸𑀢𑁆𑀬𑀸𑀤𑀺𑀦𑁄𑀧𑁆𑀬+𑀢𑁄 𑀢𑀸𑀤𑀺, 𑀤𑀩𑁆𑀩𑀢𑁆𑀢𑀁 𑀧𑀭𑀺𑀓𑀧𑁆𑀧𑀢𑁂.

𑀏𑀢𑁆𑀣 𑀕𑁄𑀚𑀸𑀢𑀺 𑀅𑀲𑁆𑀲𑀚𑀸𑀢𑀻𑀢𑀺 𑀯𑀼𑀢𑁆𑀢𑁂 𑀚𑀸𑀢𑀺 𑀤𑀩𑁆𑀩𑀁. 𑀦𑀻𑀮𑁄 𑀕𑀼𑀡𑁄𑀢𑀺 𑀘 𑀕𑀼𑀡𑁄 𑀤𑀩𑁆𑀩𑀁. 𑀧𑀘𑀦𑀓𑁆𑀭𑀺𑀬𑀸𑀢𑀺 𑀘 𑀕𑀫𑀦𑀸𑀤𑀺𑀓𑁆𑀭𑀺𑀬𑀸𑀢𑁄 𑀯𑀺𑀲𑁂𑀲𑀺𑀬𑀢𑀻𑀢𑀺 𑀓𑁆𑀭𑀺𑀬𑀸𑀯 𑀤𑀩𑁆𑀩𑀁.

𑀦𑀸𑀫𑀭𑀽𑀧𑁂𑀦 𑀲𑀤𑀩𑁆𑀩𑁂, 𑀓𑁆𑀯𑀘𑀺 𑀲𑀜𑁆𑀜𑀻 𑀓𑀣𑀻𑀬𑀢𑁂;

𑀦𑀸𑀫𑀦𑁆𑀢𑀺 𑀢𑀁 𑀬𑀣𑀸 𑀘𑀺𑀢𑁆𑀢𑁄, 𑀲𑀜𑁆𑀜𑀸 𑀲𑀤𑁆𑀤𑁄 𑀢𑀼 𑀢𑀤𑁆𑀥𑀦𑀻.

𑀦𑀸𑀫𑀲𑁆𑀲 𑀤𑀩𑁆𑀩𑀢𑁆𑀢𑁂𑀧𑀺 𑀘𑀺𑀢𑁆𑀢𑁄𑀢𑁆𑀬𑀸𑀤𑀺 𑀦𑀸𑀫𑁂𑀦𑁂𑀯 𑀧𑀲𑀺𑀚𑁆𑀛𑀢𑀺, 𑀦𑁄 𑀖𑀝+𑀧𑀝𑀸𑀤𑀬𑁄𑀯 𑀤𑀩𑁆𑀩𑀢𑁆𑀢𑁂𑀦, 𑀢𑀲𑁆𑀫𑀸 𑀦𑀸𑀫+𑀫𑀺𑀢𑀺 𑀲𑀜𑁆𑀜𑀻 𑀓𑀣𑀻𑀬𑀢𑁂, 𑀢𑀁𑀯𑀸𑀘𑀓𑀢𑁆𑀢𑀸 𑀢𑀩𑁆𑀩𑀢𑀻 𑀘𑀺𑀢𑁆𑀢𑀸𑀤𑀺 𑀲𑀜𑁆𑀜𑀸𑀲𑀤𑁆𑀤𑁄𑀢𑀺 𑀦𑀺𑀘𑁆𑀙𑀺𑀬𑀢𑁂𑀬𑁆𑀬+𑀥𑀺𑀧𑁆𑀧𑀸𑀬𑁄.

𑀅𑀬𑀁 𑀧𑀜𑁆𑀘𑀯𑀺𑀥𑁄𑀧𑀺 𑀅𑀢𑁆𑀣𑁄 𑀲𑀤𑁆𑀤𑀢𑁆𑀣𑁄 𑀘𑁂𑀯 𑀲𑀸𑀫𑀢𑁆𑀣𑀺𑀬𑀸 𑀕𑀫𑁆𑀬𑀫𑀸𑀦𑀢𑁆𑀣𑁄 𑀘𑀸𑀢𑀺 𑀤𑀼𑀩𑁆𑀩𑀺𑀥𑁄. 𑀢𑀣𑀸 𑀳𑀺 ‘‘𑀧𑀻𑀦𑁄 𑀤𑀺𑀯𑀸 𑀦 𑀪𑀼𑀜𑁆𑀚𑁂𑀬𑁆𑀬’’𑀫𑀺𑀢𑀺 𑀪𑀼𑀢𑁆𑀢𑀺𑀦𑀺𑀭𑀸𑀓𑀢𑀺 𑀲𑀤𑁆𑀤𑀢𑁆𑀣𑁄. 𑀭𑀢𑁆𑀢𑀺𑀪𑀼𑀢𑁆𑀢𑀺 𑀢𑀼 𑀲𑀸𑀫𑀢𑁆𑀣𑀺𑀬𑀸+𑀯𑀕𑀫𑁆𑀬𑀢𑁂. 𑀢𑁂𑀦𑁂+𑀢𑀁 𑀯𑀼𑀘𑁆𑀘𑀢𑀺 𑁋

𑀅𑀢𑁆𑀣𑀧𑁆𑀧𑀢𑀻𑀢𑀺𑀬𑀁 𑀲𑀤𑁆𑀤-𑀩𑁆𑀬𑀸𑀧𑀸𑀭𑁄 𑀢𑀺𑀯𑀺𑀥𑁄 𑀪𑀯𑁂;

𑀫𑀼𑀔𑁆𑀬𑁄 𑀮𑀓𑁆𑀔𑀡+𑀩𑁆𑀬𑀜𑁆𑀚𑀦-𑀲𑀪𑀸𑀯𑁄 𑀘𑀸𑀢𑀺 𑀏𑀢𑁆𑀣 𑀢𑀼.

𑀫𑀼𑀔𑁆𑀬𑁄 𑀢𑀼 𑀦𑀺𑀭𑀦𑁆𑀢𑀭𑀢𑁆𑀣𑁂, 𑀮𑀓𑁆𑀔𑀡𑁄 𑀢𑀼 𑀢𑀺𑀭𑁄𑀳𑀺𑀢𑁂;

𑀅𑀢𑁆𑀣𑁂+𑀢𑀭𑁄 𑀢𑀼 𑀯𑀸𑀓𑁆𑀬𑀲𑁆𑀲, 𑀅𑀢𑁆𑀣𑁂𑀬𑁂𑀯 𑀧𑀯𑀢𑁆𑀢𑀢𑀺.

‘‘𑀫𑀜𑁆𑀘𑁂’’𑀢𑀺 ¶ 𑀦𑀺𑀭𑀦𑁆𑀢𑀭𑀢𑁆𑀣𑁂 𑀯𑀢𑁆𑀢𑀫𑀸𑀦𑁄 𑀫𑀼𑀔𑁆𑀬𑁄, ‘‘𑀫𑀜𑁆𑀘𑀸 𑀉𑀕𑁆𑀖𑁄𑀲𑀦𑁆𑀢𑀻’’𑀢𑀺 𑀢𑀺𑀭𑁄𑀳𑀺𑀢𑀢𑁆𑀣𑁂 𑀯𑀢𑁆𑀢𑀫𑀸𑀦𑁄 𑀮𑀓𑁆𑀔𑀡𑁄, 𑀕𑀸𑀣𑀸𑀤𑀺𑀲𑀓𑀮𑀯𑀸𑀓𑁆𑀬𑀲𑁆𑀲+𑀢𑁆𑀣𑁂 𑀯𑀢𑁆𑀢𑀫𑀸𑀦𑁄 𑀩𑁆𑀬𑀜𑁆𑀚𑀦𑀲𑀪𑀸𑀯𑁄.

𑀩𑁆𑀬𑀸𑀧𑀸𑀭𑀲𑁆𑀲 𑀧𑀪𑁂𑀤𑁂𑀦, 𑀢𑀺𑀥𑀸 𑀲𑀤𑁆𑀤𑁄𑀧𑀺 𑀯𑀸𑀘𑀓𑁄;

𑀮𑀓𑁆𑀔𑀡𑀺𑀓𑁄 𑀩𑁆𑀬𑀜𑁆𑀚𑀓𑁄𑀢𑀺, 𑀢𑀤𑀢𑁆𑀣𑁄𑀧𑀺 𑀢𑀺𑀥𑀸 𑀫𑀢𑁄.

𑀯𑀘𑁆𑀘𑁄 𑀮𑀓𑁆𑀔𑀡𑀺𑀓𑁄 𑀩𑁆𑀬𑀗𑁆𑀕𑁆𑀬𑁄, 𑀘𑁂𑀯𑀁 𑀲𑀤𑁆𑀤𑁄 𑀲𑀼𑀯𑀸𑀘𑀓𑁄;

𑀯𑀼𑀢𑁆𑀢𑀓𑀫𑁂𑀦 𑀚𑀸𑀢𑁆𑀬𑀸𑀤𑀺-𑀪𑁂𑀤𑁂𑀦 𑀧𑀜𑁆𑀘𑀥𑀸 𑀪𑀯𑁂𑀢𑀺.

𑀢𑀺 𑀆𑀫𑀦𑁆𑀢𑀡𑀸𑀥𑀺𑀓𑁂 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀪𑁄 𑀦𑀭, 𑀪𑁄 𑀇𑀢𑁆𑀣𑀺, 𑀪𑁄 𑀦𑀧𑀼𑀁𑀲𑀓.

𑀲𑀤𑁆𑀤𑁂𑀦𑀸+𑀪𑀺𑀫𑀼𑀔𑀻𑀓𑀸𑀭𑁄, 𑀯𑀺𑀚𑁆𑀚𑀫𑀸𑀦𑀲𑁆𑀲 𑀯𑀢𑁆𑀣𑀼𑀦𑁄;

𑀆𑀫𑀦𑁆𑀢𑀡𑀁 𑀯𑀺𑀥𑀸𑀢𑀩𑁆𑀩𑁂, 𑀦𑀢𑁆𑀣𑀺 ‘‘𑀭𑀸𑀚𑀸 𑀪𑀯𑁂’’𑀢𑀺+𑀤𑀁.

𑀓𑁆𑀭𑀺𑀬𑀸 𑀦𑀺𑀫𑀺𑀢𑁆𑀢𑀁 𑀓𑀸𑀭𑀓𑀦𑁆𑀢𑀼 𑀓𑀫𑁆𑀫, 𑀓𑀢𑁆𑀢𑀼, 𑀓𑀭𑀡, 𑀲𑀫𑁆𑀧𑀤𑀸𑀦, 𑀅𑀯𑀥𑀺, 𑀆𑀥𑀸𑀭𑀪𑁂𑀤𑁂𑀦 𑀙𑀩𑁆𑀩𑀺𑀥𑀁, 𑀢𑀁 𑀬𑀣𑀸 𑁋

𑀓𑀭𑀻𑀬𑀢𑀺 𑀓𑀢𑁆𑀢𑀼𑀓𑀺𑀭𑀺𑀬𑀸𑀬 𑀲𑀫𑁆𑀩𑀦𑁆𑀥𑀻𑀬𑀢𑀻𑀢𑀺 𑀓𑀫𑁆𑀫𑀁, 𑀢𑀲𑁆𑀫𑀺𑀁 𑀓𑀫𑁆𑀫𑀓𑀸𑀭𑀓𑁂 𑀤𑀼𑀢𑀺𑀬𑀸𑀯𑀺𑀪𑀢𑁆𑀢𑀺 𑀳𑁄𑀢𑀺. 𑀢𑀁 𑀢𑀺𑀯𑀺𑀥𑀁 𑀦𑀺𑀩𑁆𑀩𑀢𑁆𑀢𑀺, 𑀯𑀺𑀓𑀢𑀺, 𑀧𑀢𑁆𑀢𑀺 𑀪𑁂𑀤𑁂𑀦, 𑀢𑀢𑁆𑀣 𑀦𑀺𑀩𑁆𑀩𑀢𑁆𑀢𑀺𑀓𑀫𑁆𑀫𑁂 𑀫𑀸𑀢𑀸 𑀧𑀼𑀢𑁆𑀢𑀁 𑀯𑀺𑀚𑀸𑀬𑀢𑀺, 𑀆𑀳𑀸𑀭𑁄 𑀲𑀼𑀔𑀁 𑀚𑀦𑀬𑀢𑀺, 𑀓𑀝𑀁 𑀓𑀭𑁄𑀢𑀺 𑀤𑀢𑁆𑀢𑁄. 𑀯𑀺𑀓𑀢𑀺𑀬𑀁 𑀓𑀝𑁆𑀞+𑀫𑀗𑁆𑀕𑀸𑀭𑀁 𑀓𑀭𑁄𑀢𑀺, 𑀲𑀼𑀯𑀡𑁆𑀡𑀁 𑀓𑀝𑀓𑀁 𑀓𑀭𑁄𑀢𑀺, 𑀯𑀻𑀳𑀬𑁄 𑀮𑀼𑀦𑀸𑀢𑀺. 𑀧𑀢𑁆𑀢𑀺𑀬𑀁 𑀤𑀢𑁆𑀢𑁄 𑀖𑀭𑀁 𑀧𑀯𑀺𑀲𑀢𑀺, 𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺, 𑀥𑀫𑁆𑀫𑀁 𑀲𑀼𑀡𑀸𑀢𑀺, 𑀧𑀡𑁆𑀟𑀺𑀢𑁂 𑀧𑀬𑀺𑀭𑀼𑀧𑀸𑀲𑀢𑀺.

𑀦𑀺𑀩𑁆𑀩𑀢𑁆𑀢𑀺+𑀯𑀺𑀓𑀢𑀺+𑀧𑀢𑁆𑀢𑀺-𑀪𑁂𑀤𑀸 𑀓𑀫𑁆𑀫𑀁 𑀢𑀺𑀥𑀸 𑀫𑀢𑀁;

𑀓𑀢𑁆𑀢𑀼𑀓𑁆𑀭𑀺𑀬𑀸𑀪𑀺𑀕𑀫𑁆𑀫𑀦𑁆𑀢𑀁, 𑀲𑀼𑀔+𑀫𑀗𑁆𑀕𑀸𑀭𑀁+𑀖𑀭𑀁 𑀬𑀣𑀸𑀢𑀺.

𑀓𑀝𑀁 𑀓𑀭𑁄𑀢𑀺 𑀯𑀺𑀧𑀼𑀮𑀁 𑀤𑀲𑁆𑀲𑀦𑀻𑀬𑀦𑁆𑀢𑀺 𑀅𑀢𑁆𑀣𑁂𑀯 𑀕𑀼𑀡𑀬𑀼𑀢𑁆𑀢𑀲𑁆𑀲 𑀓𑀫𑁆𑀫𑀢𑀸, 𑀯𑀺𑀧𑀼𑀮𑀁 𑀓𑀭𑁄𑀢𑀺, 𑀤𑀲𑁆𑀲𑀦𑀻𑀬𑀁 𑀓𑀭𑁄𑀢𑀻𑀢𑀺 𑀓𑁆𑀭𑀺𑀬𑀸𑀬 𑀲𑀫𑁆𑀩𑀦𑁆𑀥𑀺𑀬𑀫𑀸𑀦𑀢𑁆𑀢𑀸. 𑀑𑀤𑀦𑁄 𑀧𑀘𑁆𑀘𑀢𑁂𑀢𑀺 𑀑𑀤𑀦𑀲𑀤𑁆𑀤𑀢𑁄 𑀓𑀫𑁆𑀫𑀢𑀸 𑀦𑀧𑁆𑀧𑀢𑀻𑀬𑀢𑁂, 𑀓𑀺𑀜𑁆𑀘𑀭𑀳𑀺 𑀆𑀔𑁆𑀬𑀸𑀢𑀢𑁄.

𑀇𑀘𑁆𑀙𑀺𑀢𑀓𑀫𑁆𑀫𑀁 𑀬𑀣𑀸-𑀕𑀸𑀯𑀼𑀁 𑀧𑀬𑁄 𑀤𑁄𑀳𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀬𑀸𑀘𑀢𑀺, 𑀕𑀸𑀯+𑀫𑀯 𑀭𑀼𑀦𑁆𑀥𑀢𑀺 𑀯𑀚𑀁, 𑀫𑀸𑀡𑀯𑀓𑀁 𑀫𑀕𑁆𑀕𑀁 𑀧𑀼𑀘𑁆𑀙𑀢𑀺, 𑀕𑁄𑀫𑀦𑁆𑀢𑀁 𑀕𑀸𑀯𑀁 𑀪𑀺𑀓𑁆𑀔𑀢𑁂, 𑀭𑀼𑀓𑁆𑀔+𑀫𑀯𑀘𑀺𑀦𑀸𑀢𑀺 𑀨𑀮𑀸𑀦𑀺, 𑀭𑀼𑀓𑁆𑀔𑀸𑀢𑁆𑀬𑀢𑁆𑀣𑁄. 𑀲𑀺𑀲𑁆𑀲𑀁 𑀥𑀫𑁆𑀫𑀁 𑀩𑁆𑀭𑀽𑀢𑁂. 𑀏𑀢𑁆𑀣 𑀧𑀬𑁄, 𑀕𑀸𑀯𑀁 𑀇𑀘𑁆𑀘𑀸𑀤𑀺 𑀇𑀘𑁆𑀙𑀺𑀢𑀁, 𑀕𑀸𑀯𑀼𑀁, 𑀕𑁄𑀫𑀦𑁆𑀢+𑀫𑀺𑀘𑁆𑀘𑀸𑀤𑀺 𑀅𑀦𑀺𑀘𑁆𑀙𑀺𑀢𑀁. 𑀏𑀯+𑀫𑀦𑀺𑀘𑁆𑀙𑀺𑀢𑁂𑀧𑀺 𑀓𑀡𑁆𑀝𑀓𑀁 𑀫𑀤𑁆𑀤𑀢𑀺, 𑀯𑀺𑀲𑀁 𑀕𑀺𑀮𑀢𑀺. 𑀬𑀁 𑀦𑁂𑀯𑀺+𑀘𑁆𑀙𑀺𑀢𑀁, 𑀦𑀸𑀧𑀺 𑀅𑀦𑀺𑀘𑁆𑀙𑀺𑀢𑀁, 𑀢𑀢𑁆𑀭𑀸𑀧𑀺 𑀕𑀸𑀫𑀁 𑀕𑀘𑁆𑀙𑀦𑁆𑀢𑁄 𑀭𑀼𑀓𑁆𑀔𑀫𑀽𑀮+𑀫𑀼𑀧𑀲𑀧𑁆𑀧𑀢𑀺.

𑀆𑀥𑀸𑀭𑁂 𑀅𑀥𑀺𑀲𑀺+𑀞𑀸+𑀲𑀸𑀦𑀁 𑀧𑀬𑁄𑀕𑁂 𑀘, 𑀧𑀣𑀯𑀺𑀁 𑀅𑀥𑀺𑀲𑁂𑀲𑁆𑀲𑀢𑀺, 𑀕𑀸𑀫+𑀫𑀥𑀺𑀢𑀺𑀝𑁆𑀞𑀢𑀺, 𑀭𑀼𑀓𑁆𑀔+𑀫𑀚𑁆𑀛𑀸𑀲𑀢𑁂𑀢𑀺. 𑀏𑀢𑁆𑀣 𑀧𑀣𑀯𑀺𑀦𑁆𑀢𑀺 𑀧𑀣𑀯𑀺𑀬𑀦𑁆𑀢𑀺 𑀅𑀢𑁆𑀣𑁄. 𑀏𑀯+𑀫𑀪𑀺, 𑀦𑀺𑀧𑀼𑀩𑁆𑀩𑀯𑀺𑀲𑀲𑁆𑀲𑀸𑀧𑀺, 𑀥𑀫𑁆𑀫+𑀫𑀪𑀺𑀦𑀺𑀯𑀺𑀲𑀢𑁂, 𑀥𑀫𑁆𑀫𑁂 𑀯𑀸. 𑀢𑀣𑀸 𑀉𑀧, 𑀦𑁆𑀯+𑀚𑁆𑀛𑀸+𑀧𑀼𑀩𑁆𑀩𑀯𑀲𑀢𑀺𑀲𑁆𑀲, 𑀕𑀸𑀫+𑀫𑀼𑀧𑀯𑀲𑀢𑀺, 𑀕𑀸𑀫+𑀫𑀦𑀼𑀯𑀲𑀢𑀺, 𑀯𑀺𑀳𑀸𑀭+𑀫𑀥𑀺𑀯𑀲𑀢𑀺, 𑀕𑀸𑀫+𑀫𑀸𑀯𑀲𑀢𑀺, 𑀅𑀕𑀸𑀭𑀁 𑀅𑀚𑁆𑀛𑀯𑀲𑀢𑀺, 𑀏𑀢𑁆𑀣 𑀕𑀸𑀫𑀦𑁆𑀢𑀺 𑀕𑀸𑀫𑁂𑀢𑁆𑀬𑀢𑁆𑀣𑁄. 𑀢𑀣𑀸 𑀢𑀧𑁆𑀧𑀸𑀦𑀸+𑀘𑀸𑀭𑁂𑀧𑀺, 𑀦𑀤𑀺𑀁 𑀧𑀺𑀩𑀢𑀺, 𑀕𑀸𑀫𑀁 𑀘𑀭𑀢𑀺, 𑀦𑀤𑀺𑀬𑀁𑀢𑁆𑀬𑀢𑁆𑀣𑁄. 𑀲𑀘𑁂 𑀫𑀁 𑀦𑀸𑀮𑀧𑀺𑀲𑁆𑀲𑀢𑀻𑀢𑀺 𑀫𑀬𑀸 𑀲𑀤𑁆𑀥𑀺𑀁𑀢𑁆𑀬𑀢𑁆𑀣𑁄. 𑀯𑀺𑀳𑀺𑀢𑀸𑀯 𑀧𑀝𑀺-𑀬𑁄𑀕𑁂𑀧𑀺 𑀤𑀼𑀢𑀺𑀬𑀸, 𑀧𑀝𑀺𑀪𑀦𑁆𑀢𑀼 𑀢𑀁 𑀘𑀼𑀦𑁆𑀤 𑀩𑁄𑀚𑁆𑀛𑀗𑁆𑀕𑀸, 𑀢𑀫𑁆𑀧𑀝𑀺 𑀩𑁄𑀚𑁆𑀛𑀗𑁆𑀕𑀸 𑀪𑀸𑀲𑀦𑁆𑀢𑀽𑀢𑀺 𑀅𑀢𑁆𑀣𑁄. 𑀉𑀧𑀫𑀸 𑀫𑀁 𑀧𑀢𑀺𑀪𑀸𑀢𑀺 ¶ , 𑀉𑀧𑀫𑀸 𑀫𑀁 𑀉𑀧𑀝𑁆𑀞𑀸𑀢𑀺𑀢𑁆𑀬𑀢𑁆𑀣𑁄. 𑀥𑀸𑀢𑀼𑀦𑀸𑀬𑀼𑀢𑁆𑀢𑁂 ‘‘𑀢𑀲𑁆𑀲 𑀦𑀧𑁆𑀧𑀝𑀺𑀪𑀸𑀢𑀻’’𑀢𑀺 𑀙𑀝𑁆𑀞𑀻.

𑁩. 𑀓𑀸𑀮𑀤𑁆𑀥𑀸𑀦+𑀫𑀘𑁆𑀘𑀦𑁆𑀢𑀲𑀁𑀬𑁄𑀕𑁂

𑀓𑀸𑀮𑀤𑁆𑀥𑀸𑀦𑀁 𑀤𑀩𑁆𑀩+𑀕𑀼𑀡+𑀓𑁆𑀭𑀺𑀬𑀸𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀢𑁂𑀳𑀺 𑀓𑀸𑀮𑀤𑁆𑀥𑀸𑀦𑀯𑀸𑀘𑀻𑀳𑀺 𑀤𑀼𑀢𑀺𑀬𑀸 𑀳𑁄𑀢𑀺. 𑀓𑀸𑀮𑁂-𑀲𑀢𑁆𑀢𑀸𑀳𑀁 𑀕𑀯𑀧𑀸𑀦𑀁, 𑀫𑀸𑀲𑀁 𑀫𑀁𑀲𑁄𑀤𑀦𑀁, 𑀲𑀭𑀤𑀁 𑀭𑀫𑀡𑀻𑀬𑀸 𑀦𑀤𑀻, 𑀲𑀩𑁆𑀩𑀓𑀸𑀮𑀁 𑀭𑀫𑀡𑀻𑀬𑀁 𑀦𑀦𑁆𑀤𑀦𑀁, 𑀢𑀬𑁄 𑀫𑀸𑀲𑁂 𑀅𑀪𑀺𑀥𑀫𑁆𑀫𑀁 𑀤𑁂𑀲𑁂𑀢𑀺. 𑀅𑀤𑁆𑀥𑀦𑀺-𑀬𑁄𑀚𑀦𑀁 𑀯𑀦𑀭𑀸𑀚𑀺, 𑀬𑁄𑀚𑀦𑀁 𑀤𑀻𑀖𑁄 𑀧𑀩𑁆𑀩𑀢𑁄, 𑀓𑁄𑀲𑀁 𑀲𑀚𑁆𑀛𑀸𑀬𑀢𑀺.

𑀧𑀼𑀩𑁆𑀩𑀦𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸, 𑀏𑀓𑀁 𑀲𑀫𑀬𑀁 𑀪𑀕𑀯𑀸, 𑀇𑀫𑀁 𑀭𑀢𑁆𑀢𑀺𑀁 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀦𑁄𑀢𑀺 𑀏𑀯𑀫𑀸𑀤𑀻𑀲𑀼 𑀓𑀸𑀮𑀯𑀸𑀘𑀻𑀳𑀺 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂 𑀤𑀼𑀢𑀺𑀬𑀸, 𑀩𑀳𑀼𑀮𑀁𑀯𑀺𑀥𑀸𑀦𑀸 𑀯𑀺𑀪𑀢𑁆𑀢𑀺𑀯𑀺𑀧𑀮𑁆𑀮𑀸𑀲𑁄 𑀯𑀸. 𑀫𑀸𑀲𑁂𑀦𑀸+𑀦𑀼𑀯𑀸𑀓𑁄+𑀥𑀻𑀢𑁄, 𑀓𑁄𑀲𑁂𑀦𑀸+𑀦𑀼𑀯𑀸𑀓𑁄+𑀥𑀻𑀢𑁄𑀢𑀺 𑀓𑀭𑀡𑀢𑁆𑀣𑁂 𑀢𑀢𑀺𑀬𑀸.

𑁪. 𑀕𑀢𑀺𑀩𑁄𑀥𑀸𑀳𑀸𑀭𑀲𑀤𑁆𑀤𑀢𑁆𑀣𑀸𑀓𑀫𑁆𑀫𑀓𑀪𑀚𑁆𑀚𑀸𑀤𑀻𑀦𑀁 𑀧𑀬𑁄𑀚𑁆𑀚𑁂

𑀕𑀢𑁆𑀬𑀢𑁆𑀣𑀸𑀦𑀁 𑀩𑁄𑀥𑀢𑁆𑀣𑀸𑀦𑀁 𑀆𑀳𑀸𑀭𑀢𑁆𑀣𑀸𑀦𑀁 𑀲𑀤𑁆𑀤𑀢𑁆𑀣𑀸𑀦+𑀫𑀓𑀫𑁆𑀫𑀓𑀸𑀦𑀁 𑀪𑀚𑁆𑀚𑀸𑀤𑀻𑀦𑀜𑁆𑀘 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺. 𑀤𑀢𑁆𑀢𑁄 𑀕𑀫𑀬𑀢𑀺 𑀫𑀸𑀡𑀯𑀓𑀁 𑀕𑀸𑀫𑀁, 𑀬𑀸𑀧𑀬𑀢𑀺 𑀯𑀸. 𑀕𑀼𑀭𑀼 𑀩𑁄𑀥𑀬𑀢𑀺 𑀫𑀸𑀡𑀯𑀓𑀁 𑀥𑀫𑁆𑀫𑀁, 𑀯𑁂𑀤𑀬𑀢𑀺 𑀯𑀸. 𑀫𑀸𑀢𑀸 𑀪𑁄𑀚𑀬𑀢𑀺 𑀧𑀼𑀢𑁆𑀢+𑀫𑁄𑀤𑀦𑀁, 𑀆𑀲𑀬𑀢𑀺 𑀯𑀸. 𑀕𑀼𑀭𑀼 𑀅𑀚𑁆𑀛𑀸𑀧𑀬𑀢𑀺 𑀲𑀺𑀲𑁆𑀲𑀁 𑀯𑁂𑀤𑀁, 𑀧𑀸𑀞𑀬𑀢𑀺 𑀯𑀸. 𑀧𑀬𑁄𑀚𑁆𑀚𑀢𑁄+𑀜𑁆𑀜𑀢𑁆𑀭 𑀓𑀫𑁆𑀫𑁂 𑀤𑀼𑀢𑀺𑀬𑀸. 𑀧𑁄𑀲𑁄 𑀆𑀲𑀬𑀢𑀺 𑀤𑀢𑁆𑀢𑀁, 𑀲𑀸𑀬𑀬𑀢𑀺 𑀯𑀸. 𑀧𑁄𑀲𑁄 𑀅𑀜𑁆𑀜𑀁 𑀪𑀚𑁆𑀚𑀸𑀧𑁂𑀢𑀺, 𑀅𑀜𑁆𑀜𑀁 𑀓𑁄𑀝𑁆𑀝𑀸𑀧𑁂𑀢𑀺, 𑀅𑀜𑁆𑀜𑀁 𑀲𑀦𑁆𑀣𑀭𑀸𑀧𑁂𑀢𑀺.

𑀳𑀭𑀸𑀤𑀻𑀦𑀁 ¶ 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀳𑁄𑀢𑀺 𑀯𑀸. 𑀧𑁄𑀲𑁄 𑀳𑀸𑀭𑁂𑀢𑀺 𑀪𑀸𑀭𑀁 𑀤𑀢𑁆𑀢𑀁, 𑀤𑀢𑁆𑀢𑁂𑀦𑁂𑀢𑀺 𑀯𑀸. 𑀤𑀲𑁆𑀲𑀬𑀢𑁂 𑀚𑀦𑀁 𑀭𑀸𑀚𑀸, 𑀚𑀦𑁂𑀦𑁂𑀢𑀺 𑀯𑀸. 𑀅𑀪𑀺𑀯𑀸𑀤𑀬𑀢𑁂 𑀕𑀼𑀭𑀼𑀁 𑀤𑀢𑁆𑀢𑀁, 𑀤𑀢𑁆𑀢𑁂𑀦𑁂𑀢𑀺 𑀯𑀸. 𑀅𑀚𑁆𑀛𑁄𑀳𑀸𑀭𑁂𑀢𑀺 𑀲𑀢𑁆𑀢𑀼𑀁 𑀤𑀢𑁆𑀢𑀁, 𑀤𑀢𑁆𑀢𑁂𑀦𑁂𑀢𑀺 𑀯𑀸. 𑀓𑀸𑀭𑁂𑀢𑀺 𑀤𑀢𑁆𑀢𑁄 𑀤𑀢𑁆𑀢𑀁, 𑀤𑀢𑁆𑀢𑁂𑀦𑁂𑀢𑀺 𑀯𑀸. 𑀧𑀓𑁆𑀔𑁂 𑀲𑀩𑁆𑀩𑀢𑁆𑀭 𑀓𑀢𑁆𑀢𑀭𑀺 𑀢𑀢𑀺𑀬𑀸.

𑀔𑀸𑀤𑀸𑀤𑀻𑀦𑀁 𑀧𑀬𑁄𑀚𑁆𑀚𑁂 𑀓𑀢𑁆𑀢𑀭𑀺 𑀤𑀼𑀢𑀺𑀬𑀸 𑀦 𑀳𑁄𑀢𑀺. 𑀕𑀢𑁆𑀬𑀢𑁆𑀣𑀸𑀤𑀻𑀲𑀼 𑀓𑁆𑀯𑀘𑀺 𑀧𑀝𑀺𑀲𑁂𑀥𑀢𑁆𑀣+𑀫𑀺𑀤𑀁. 𑀔𑀸𑀤𑀬𑀢𑀺 𑀤𑀢𑁆𑀢𑁄 𑀤𑀢𑁆𑀢𑁂𑀦, 𑀆𑀤𑀬𑀢𑀺 𑀤𑀢𑁆𑀢𑁂𑀦, 𑀅𑀯𑁆𑀳𑀸𑀧𑀬𑀢𑀺 𑀤𑀢𑁆𑀣𑁂𑀦, 𑀲𑀤𑁆𑀤𑀸𑀬𑀬𑀢𑀺 𑀤𑀢𑁆𑀢𑁂𑀦, 𑀦𑀸𑀬𑀬𑀢𑀺 𑀤𑀢𑁆𑀢𑁂𑀦, 𑀓𑀦𑁆𑀤𑀬𑀢𑀺 𑀤𑀢𑁆𑀢𑁂𑀦.

𑀥𑀺𑀆𑀤𑀻𑀳𑀺 𑀬𑀼𑀢𑁆𑀢𑀢𑁄 𑀤𑀼𑀢𑀺𑀬𑀸 𑀳𑁄𑀢𑀺. 𑀥𑀺+𑀭𑀢𑁆𑀣𑀼+𑀫𑀁 𑀧𑀼𑀢𑀺𑀓𑀸𑀬𑀁, 𑀅𑀦𑁆𑀢𑀭𑀸 𑀘 𑀭𑀸𑀚𑀕𑀳𑀁 𑀅𑀦𑁆𑀢𑀭𑀸 𑀘 𑀦𑀸𑀮𑀦𑁆𑀤𑀁, 𑀭𑀸𑀚𑀕𑀳𑀲𑁆𑀲 𑀘 𑀦𑀸𑀮𑀦𑁆𑀤𑀲𑁆𑀲 𑀘 𑀯𑀺𑀯𑀭𑀪𑀽𑀢𑁂 𑀫𑀚𑁆𑀛𑁂𑀢𑀺 𑀅𑀢𑁆𑀣𑁄. 𑀲𑀫𑀸𑀥𑀸𑀦+𑀫𑀦𑁆𑀢𑀭𑁂𑀦, 𑀫𑀼𑀘𑀮𑀺𑀦𑁆𑀤+𑀫𑀪𑀺𑀢𑁄 𑀲𑀭𑀁. 𑀙𑀝𑁆𑀞𑁆𑀬𑀢𑁆𑀣𑁂+𑀬𑀁 𑀤𑀼𑀢𑀺𑀬𑀸.

𑁮. 𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀽𑀢𑀯𑀺𑀘𑁆𑀙𑀸𑀲𑁆𑀯+𑀪𑀺𑀦𑀸

𑀮𑀓𑁆𑀔𑀡𑀸𑀤𑀻𑀲𑁆𑀯+𑀢𑁆𑀣𑁂𑀲𑀼 𑀅𑀪𑀺𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸 𑀳𑁄𑀢𑀺. 𑀭𑀼𑀓𑁆𑀔+𑀫𑀪𑀺𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄, 𑀏𑀢𑁆𑀣 𑀭𑀼𑀓𑁆𑀔𑁄 𑀮𑀓𑁆𑀔𑀡𑀁, 𑀘𑀦𑁆𑀤𑁄 𑀮𑀓𑁆𑀔𑀺𑀢𑀩𑁆𑀩𑁄, 𑀢𑀢𑁆𑀭 𑀅𑀪𑀺𑀦𑀸 𑀭𑀼𑀓𑁆𑀔𑀲𑁆𑀲 𑀮𑀓𑁆𑀔𑀡𑀯𑀼𑀢𑁆𑀢𑀺𑀢𑀸 𑀧𑀓𑀸𑀲𑀻𑀬𑀢𑀻𑀢𑀺 𑀭𑀼𑀓𑁆𑀔𑁄 𑀅𑀪𑀺𑀦𑀸 𑀬𑀼𑀢𑁆𑀢𑁄 𑀦𑀸𑀫. 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭+𑀫𑀪𑀺, 𑀫𑀸𑀢𑀭𑀺 𑀲𑀸𑀥𑀼𑀢𑁆𑀢𑀁 𑀧𑀢𑁆𑀢𑁄𑀢𑁆𑀬𑀢𑁆𑀣𑁄. 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁𑀅𑀪𑀺 𑀯𑀺𑀚𑁆𑀚𑁄𑀢𑀢𑁂 𑀘𑀦𑁆𑀤𑁄, 𑀭𑀼𑀓𑁆𑀔𑁂 𑀭𑀼𑀓𑁆𑀔𑁂𑀢𑁆𑀬𑀢𑁆𑀣𑁄.

𑀧𑀢𑀺𑀧𑀭𑀻𑀳𑀺 ¶ 𑀬𑀼𑀢𑁆𑀢𑀢𑁄 𑀮𑀓𑁆𑀔𑀡𑀸𑀤𑀻𑀲𑀼 𑀪𑀸𑀕𑁂 𑀘+𑀢𑁆𑀣𑁂 𑀤𑀼𑀢𑀺𑀬𑀸 𑀳𑁄𑀢𑀺. 𑀭𑀼𑀓𑁆𑀔𑀁𑀧𑀢𑀺 𑀯𑀺𑀚𑁆𑀚𑁄𑀢𑀢𑁂, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭𑀁𑀧𑀢𑀺, 𑀭𑀼𑀓𑁆𑀔𑀁 𑀭𑀼𑀓𑁆𑀔𑀁𑀧𑀢𑀺 𑀢𑀺𑀝𑁆𑀞𑀢𑀺, 𑀬+𑀤𑁂𑀢𑁆𑀣 𑀫𑀁 𑀧𑀢𑀺 𑀲𑀺𑀬𑀸, 𑀬𑁄 𑀫𑀫 𑀪𑀸𑀕𑁄, 𑀲𑁄 𑀤𑀻𑀬𑀢𑀼𑀢𑁆𑀬𑀢𑁆𑀣𑁄. 𑀏𑀯𑀁 𑀭𑀼𑀓𑁆𑀔𑀁𑀧𑀭𑀺𑀢𑁆𑀬𑀸𑀤𑀺𑀧𑀺.

𑀮𑀓𑁆𑀔𑀡𑀸𑀤𑀻𑀲𑀼 𑀤𑀼𑀢𑀺𑀬𑀸. 𑀭𑀼𑀓𑁆𑀔𑀫𑀦𑀼 𑀯𑀺𑀚𑁆𑀚𑁄𑀢𑀢𑁂, 𑀲𑀘𑁆𑀘𑀓𑀺𑀭𑀺𑀬+𑀫𑀦𑀼 𑀯𑀲𑁆𑀲𑀺, 𑀳𑁂𑀢𑀼 𑀘 𑀮𑀓𑁆𑀔𑀡𑀁 𑀪𑀯𑀢𑀺, 𑀲𑀸𑀥𑀼 𑀤𑁂𑀯𑀤𑀢𑁆𑀢𑁄 𑀫𑀸𑀢𑀭+𑀫𑀦𑀼, 𑀭𑀼𑀓𑁆𑀔𑀁 𑀭𑀼𑀓𑁆𑀔+𑀫𑀦𑀼 𑀯𑀺𑀚𑁆𑀚𑁄𑀢𑀢𑁂, 𑀬𑀤𑁂𑀢𑁆𑀣 𑀫𑀁𑀅𑀦𑀼 𑀲𑀺𑀬𑀸.

𑀲𑀳𑀢𑁆𑀣𑁂 𑀅𑀦𑀼𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸. 𑀧𑀩𑁆𑀩𑀢+𑀫𑀦𑀼 𑀢𑀺𑀝𑁆𑀞𑀢𑀺, 𑀧𑀩𑁆𑀩𑀢𑁂𑀦 𑀲𑀳 𑀢𑁆𑀬𑀢𑁆𑀣𑁄.

𑀳𑀻𑀦𑀢𑁆𑀣𑁂 𑀅𑀦𑀼𑀦𑀸 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸. 𑀅𑀦𑀼𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄 𑀪𑀺𑀓𑁆𑀔𑀽, 𑀲𑀸𑀭𑀺𑀧𑀼𑀢𑁆𑀢𑀢𑁄 𑀧𑀜𑁆𑀜𑀸𑀬 𑀳𑀻𑀦𑀸𑀢𑁆𑀬𑀢𑁆𑀣𑁄.

𑀳𑀻𑀦𑀢𑁆𑀣𑁂 𑀉𑀧𑁂𑀦 𑀬𑀼𑀢𑁆𑀢𑀫𑁆𑀳𑀸 𑀤𑀼𑀢𑀺𑀬𑀸. 𑀉𑀧𑀲𑀸𑀭𑀺𑀧𑀼𑀢𑁆𑀢𑀁 𑀧𑀜𑁆𑀜𑀯𑀦𑁆𑀢𑁄.

𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀓𑀸𑀭𑀓𑁂 𑀢𑀢𑀺𑀬𑀸 𑀳𑁄𑀢𑀺. 𑀚𑀺𑀦𑁂𑀦 𑀤𑁂𑀲𑀺𑀢𑁄 𑀥𑀫𑁆𑀫𑁄, 𑀩𑀼𑀤𑁆𑀥𑁂𑀦 𑀚𑀺𑀢𑁄 𑀫𑀸𑀭𑁄, 𑀅𑀳𑀺𑀦𑀸 𑀤𑀝𑁆𑀞𑁄 𑀦𑀭𑁄. 𑀬𑀢𑁆𑀣 ¶ 𑀓𑀸𑀭𑀡𑀓𑀸𑀭𑀡𑀫𑁆𑀧𑀺 𑀓𑀸𑀭𑀡𑀯𑀲𑁂𑀦 𑀯𑀼𑀘𑁆𑀘𑀢𑀺, 𑀢𑀢𑁆𑀣𑀸𑀧𑀺 𑀢𑀢𑀺𑀬𑀸, 𑀘𑁄𑀭𑁂𑀳𑀺 𑀕𑀸𑀫𑁄 𑀤𑀟𑁆𑀠𑁄, 𑀢𑀺𑀡𑁂𑀳𑀺 𑀪𑀢𑁆𑀢𑀁 𑀲𑀺𑀤𑁆𑀥𑀁, 𑀲𑀤𑁆𑀥𑁂𑀳𑀺 𑀓𑀸𑀭𑀺𑀢𑀸 𑀯𑀺𑀳𑀸𑀭𑀸.

𑀅𑀢𑁆𑀢𑀧𑀥𑀸𑀦𑁄 𑀓𑀺𑀭𑀺𑀬𑀁, 𑀬𑁄 𑀦𑀺𑀩𑁆𑀩𑀢𑁆𑀢𑁂𑀢𑀺 𑀓𑀸𑀭𑀓𑁄;

𑀅𑀧𑀬𑀼𑀢𑁆𑀢𑁄 𑀧𑀬𑀼𑀢𑁆𑀢𑁄 𑀯𑀸, 𑀲 𑀓𑀢𑁆𑀢𑀸𑀢𑀺 𑀧𑀯𑀼𑀘𑁆𑀘𑀢𑀺.

𑀓𑀭𑀡𑁂-𑀢𑀁 𑀧𑀦 𑀤𑀼𑀯𑀺𑀥𑀁 𑀅𑀚𑁆𑀛𑀢𑁆𑀢𑀺𑀓𑀩𑀸𑀳𑀺𑀭𑀯𑀲𑁂𑀦, 𑀬𑀣𑀸 𑀳𑀢𑁆𑀣𑁂𑀦 𑀓𑀫𑁆𑀫𑀁 𑀓𑀭𑁄𑀢𑀺, 𑀘𑀓𑁆𑀔𑀼𑀦𑀸 𑀭𑀽𑀧𑀁 𑀧𑀲𑁆𑀲𑀢𑀺, 𑀫𑀦𑀲𑀸 𑀥𑀫𑁆𑀫𑀁 𑀯𑀺𑀜𑁆𑀜𑀸𑀬𑀢𑀺. 𑀤𑀢𑁆𑀢𑁂𑀦 𑀯𑀺𑀳𑀬𑁄 𑀮𑀼𑀦𑀸𑀢𑀺, 𑀅𑀕𑁆𑀕𑀺𑀦𑀸 𑀓𑀼𑀝𑀺𑀁 𑀛𑀸𑀧𑁂𑀢𑀺.

𑀩𑀸𑀳𑀺𑀭𑀜𑁆𑀘 𑀢𑀣𑀸+𑀚𑁆𑀛𑀢𑁆𑀢𑀁, 𑀓𑀭𑀡𑀁 𑀤𑀼𑀯𑀺𑀥𑀁 𑀬𑀣𑀸;

𑀯𑀻𑀳𑀺𑀁 𑀮𑀼𑀦𑀸𑀢𑀺 𑀤𑀢𑁆𑀢𑁂𑀦, 𑀦𑁂𑀢𑁆𑀢𑁂𑀦 𑀘𑀦𑁆𑀤+𑀫𑀺𑀓𑁆𑀔𑀢𑁂.

𑀧𑀓𑀢𑀺𑀬𑀸 𑀅𑀪𑀺𑀭𑀽𑀧𑁄, 𑀕𑁄𑀢𑁆𑀢𑁂𑀦 𑀕𑁄𑀢𑀫𑁄 𑀇𑀘𑁆𑀘𑀸𑀤𑀺 𑀪𑀽𑀥𑀸𑀢𑀼𑀲𑁆𑀲 𑀲𑀫𑁆𑀪𑀯𑀸 𑀓𑀭𑀡𑁂 𑀢𑀢𑀺𑀬𑀸. 𑀢𑀣𑀸 𑀲𑀸𑀭𑀺𑀧𑀼𑀢𑁆𑀢𑁄𑀢𑀺 𑀦𑀸𑀫𑁂𑀦 𑀯𑀺𑀲𑁆𑀲𑀼𑀢𑁄, 𑀚𑀸𑀢𑀺𑀬𑀸 𑀔𑀢𑁆𑀢𑀺𑀬𑁄 𑀩𑀼𑀤𑁆𑀥𑁄, 𑀚𑀸𑀢𑀺𑀬𑀸 𑀲𑀢𑁆𑀢𑀯𑀲𑁆𑀲𑀺𑀓𑁄, 𑀲𑀺𑀧𑁆𑀧𑁂𑀦 𑀦𑀴𑀓𑀸𑀭𑁄 𑀲𑁄, 𑀏𑀓𑀽𑀦𑀢𑀺𑀁𑀲𑁄 𑀯𑀬𑀲𑀸, 𑀏𑀯𑀁 𑀲𑀫𑁂𑀦 𑀥𑀸𑀯𑀢𑀺, 𑀯𑀺𑀲𑀫𑁂𑀦 𑀥𑀸𑀯𑀢𑀺, 𑀤𑁆𑀯𑀺𑀤𑁄𑀡𑁂𑀦 𑀥𑀜𑁆𑀜𑀁 𑀓𑀺𑀡𑀸𑀢𑀺.

𑀲𑀳𑀢𑁆𑀣𑁂𑀦 𑀬𑁄𑀕𑁂 𑀢𑀢𑀺𑀬𑀸 𑀲𑀺𑀬𑀸. 𑀢𑀢𑀺𑀬𑀸𑀧𑀺 𑀙𑀝𑁆𑀞𑀻𑀯 𑀅𑀧𑁆𑀧𑀥𑀸𑀦𑁂 𑀏𑀯 𑀪𑀯𑀢𑀺. 𑀧𑀼𑀢𑁆𑀢𑁂𑀦 𑀲𑀳𑀸+𑀕𑀢𑁄, 𑀧𑀼𑀢𑁆𑀢𑁂𑀦 𑀲𑀤𑁆𑀥𑀺𑀁 𑀆𑀕𑀢𑁄, 𑀯𑀺𑀢𑀓𑁆𑀓𑁂𑀦 𑀲𑀳 𑀯𑀢𑁆𑀢𑀢𑀺, 𑀧𑀼𑀢𑁆𑀢𑁂𑀦 𑀲𑀳 𑀣𑀽𑀮𑁄, 𑀦𑀺𑀲𑀻𑀤𑀺 𑀪𑀕𑀯𑀸 𑀲𑀤𑁆𑀥𑀺𑀁 𑀪𑀺𑀓𑁆𑀔𑀼𑀲𑀗𑁆𑀖𑁂𑀦, 𑀲𑀳𑀲𑁆𑀲𑁂𑀦 𑀲𑀫𑀁 𑀫𑀺𑀢𑀸, 𑀲𑀩𑁆𑀩𑁂𑀳𑀺 𑀫𑁂 𑀧𑀺𑀬𑁂𑀳𑀺 𑀫𑀦𑀸𑀧𑁂𑀳𑀺 𑀦𑀸𑀦𑀸𑀪𑀸𑀯𑁄.

𑀮𑀓𑁆𑀔𑀡𑁂 ¶ 𑀯𑀢𑁆𑀢𑀫𑀸𑀦𑀢𑁄 𑀢𑀢𑀺𑀬𑀸. 𑀪𑀺𑀦𑁆𑀦𑁂𑀦 𑀲𑀻𑀲𑁂𑀦 𑀧𑀕𑁆𑀖𑀭𑀦𑁆𑀢𑁂𑀦 𑀮𑁄𑀳𑀺𑀢𑁂𑀦 𑀧𑀝𑀻𑀯𑀺𑀲𑁆𑀲𑀓𑁂 𑀉𑀚𑁆𑀛𑀸𑀧𑁂𑀲𑀺, 𑀊𑀦𑀧𑀜𑁆𑀘𑀩𑀦𑁆𑀥𑀦𑁂𑀦 𑀧𑀢𑁆𑀢𑁂𑀦 𑀅𑀜𑁆𑀜𑀁 𑀦𑀯𑀁 𑀧𑀢𑁆𑀢𑀁 𑀘𑁂𑀢𑀸𑀧𑁂𑀬𑁆𑀬, 𑀢𑀺𑀤𑀡𑁆𑀟𑀓𑁂𑀦 𑀧𑀭𑀺𑀩𑁆𑀩𑀸𑀚𑀓+𑀫𑀤𑁆𑀤𑀓𑁆𑀔𑀺, 𑀅𑀓𑁆𑀔𑀺𑀦𑀸 𑀓𑀸𑀡𑁄, 𑀳𑀢𑁆𑀣𑁂𑀦 𑀓𑀼𑀡𑀻, 𑀧𑀸𑀤𑁂𑀦 𑀔𑀜𑁆𑀚𑁄, 𑀧𑀺𑀝𑁆𑀞𑀺𑀬𑀸 𑀔𑀼𑀚𑁆𑀚𑁄. 𑀢𑁂𑀦 𑀳𑀺 𑀯𑀺𑀓𑀮𑀗𑁆𑀕𑁂𑀦 𑀯𑀺𑀓𑀮𑀗𑁆𑀕𑀺𑀦𑁄 𑀯𑀺𑀓𑀸𑀭𑁄 𑀮𑀓𑁆𑀔𑀺𑀬𑀢𑁂.

𑀯𑀸𑀲𑀸𑀤𑀺𑀮𑀓𑁆𑀔𑀡𑀓𑁆𑀭𑀺𑀬𑀸𑀬 𑀳𑁂𑀢𑀼𑀢𑁄 𑀢𑀢𑀺𑀬𑀸. 𑀅𑀦𑁆𑀦𑁂𑀦 𑀯𑀲𑀢𑀺, 𑀯𑀺𑀚𑁆𑀚𑀸𑀬 𑀯𑀲𑀢𑀺, 𑀦 𑀚𑀘𑁆𑀘𑀸 𑀯𑀲𑀮𑁄 𑀳𑁄𑀢𑀺, 𑀓𑀫𑁆𑀫𑀼𑀦𑀸 𑀯𑀲𑀮𑁄 𑀳𑁄𑀢𑀺, 𑀤𑀸𑀦𑁂𑀦 𑀪𑁄𑀕𑀯𑀸, 𑀆𑀘𑀸𑀭𑁂𑀦 𑀓𑀼𑀮𑀁, 𑀢𑁂𑀦 𑀧𑀸𑀡𑀺 𑀓𑀸𑀫𑀤𑀤𑁄.

𑀇𑀡𑁂 𑀳𑁂𑀢𑀼𑀫𑁆𑀳𑀺 𑀧𑀜𑁆𑀘𑀫𑀻 𑀯𑀸. 𑀲𑀢𑀲𑁆𑀫𑀸 𑀩𑀤𑁆𑀥𑁄, 𑀲𑀢𑁂𑀦 𑀯𑀸.

𑀧𑀭𑀗𑁆𑀕𑀪𑀽𑀢𑁂 𑀳𑁂𑀢𑀼𑀫𑁆𑀳𑀺 𑀧𑀜𑁆𑀘𑀫𑀻 𑀳𑁄𑀢𑀺 𑀯𑀸. 𑀚𑀴𑀢𑁆𑀢𑀸 𑀩𑀤𑁆𑀥𑁄, 𑀚𑀴𑀢𑁆𑀢𑁂𑀦𑀯𑀸, 𑀧𑀜𑁆𑀜𑀸𑀬 𑀫𑀼𑀢𑁆𑀢𑁄, 𑀳𑀼𑀢𑁆𑀯𑀸 𑀅𑀪𑀸𑀯𑀢𑁄 𑀅𑀦𑀺𑀘𑁆𑀘𑀸, 𑀲𑀗𑁆𑀔𑀸𑀭𑀦𑀺𑀭𑁄𑀥𑀸 𑀯𑀺𑀜𑁆𑀜𑀸𑀡𑀦𑀺𑀭𑁄𑀥𑁄. 𑀩𑀳𑀼𑀮𑀁𑀯𑀺𑀥𑀸𑀦𑀸 𑀲𑀢𑁆𑀢𑀫𑁆𑀬𑀢𑁆𑀣𑁂𑀳𑀺𑀧𑀺, 𑀢𑁂𑀦 𑀲𑀫𑀬𑁂𑀦, 𑀓𑀸𑀮𑁂𑀦 𑀥𑀫𑁆𑀫𑀲𑀸𑀓𑀘𑁆𑀙𑀸, 𑀧𑀼𑀭𑀢𑁆𑀣𑀺𑀫𑁂𑀦 𑀥𑀢𑀭𑀝𑁆𑀞𑁄, 𑀤𑀓𑁆𑀔𑀺𑀡𑁂𑀦 𑀯𑀺𑀭𑀽𑀴𑁆𑀳𑀓𑁄, 𑀉𑀢𑁆𑀢𑀭𑁂𑀦 𑀓𑀧𑀺𑀮𑀯𑀢𑁆𑀣𑀼, 𑀬𑁂𑀦 𑀪𑀕𑀯𑀸, 𑀢𑁂𑀦𑀼𑀧𑀲𑀗𑁆𑀓𑀫𑀺, 𑀲𑁄 𑀯𑁄 𑀫𑀫+𑀘𑁆𑀘𑀬𑁂𑀦 𑀲𑀢𑁆𑀣𑀸𑀢𑀺. 𑀫𑀸𑀲𑁂𑀦 𑀪𑀼𑀜𑁆𑀚𑀢𑀺, 𑀏𑀓𑀸𑀳𑁂𑀦𑁂𑀯 𑀩𑀸𑀭𑀸𑀡𑀲𑀺𑀁 𑀧𑀸𑀯𑀺𑀲𑀺, 𑀦𑀯𑀳𑀺 𑀫𑀸𑀲𑁂𑀳𑀺 𑀯𑀺𑀳𑀸𑀭𑀁 𑀓𑀸𑀭𑀸𑀧𑁂𑀲𑀺 ¶ , 𑀓𑀳𑀸𑀧𑀡𑁂𑀦 𑀊𑀦𑁄, 𑀥𑀦𑁂𑀦 𑀯𑀺𑀓𑀮𑁄, 𑀅𑀲𑀺𑀦𑀸 𑀓𑀮𑀳𑁄, 𑀆𑀘𑀸𑀭𑁂𑀦 𑀦𑀺𑀧𑀼𑀡𑁄, 𑀕𑀼𑀴𑁂𑀦 𑀫𑀺𑀲𑁆𑀲𑀓𑀁, 𑀯𑀸𑀘𑀸𑀬 𑀲𑀔𑀺𑀮𑁄, 𑀫𑀡𑀺𑀦𑀸 𑀅𑀢𑁆𑀣𑁄, 𑀥𑀦𑁂𑀦 𑀅𑀢𑁆𑀣𑁄, 𑀬𑁄𑀚𑀦𑁂𑀦 𑀕𑀘𑁆𑀙𑀢𑀺 𑀇𑀘𑁆𑀘𑀸𑀤𑀺 𑀳𑁂𑀢𑀼𑀫𑁆𑀳𑀺 𑀓𑀭𑀡𑁂 𑀯𑀸 𑀢𑀢𑀺𑀬𑀸. 𑀅𑀢𑁆𑀢𑀦𑀸𑀯 𑀅𑀢𑁆𑀢𑀸𑀦𑀁 𑀲𑀫𑁆𑀫𑀦𑁆𑀦𑀢𑀻𑀢𑀺 𑀧𑀘𑁆𑀘𑀢𑁆𑀢𑁂 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑀢𑁆𑀢𑀭𑀺 𑀢𑀢𑀺𑀬𑀸. 𑀏𑀯𑀁 𑀢𑀺𑀮𑁂𑀳𑀺 𑀔𑁂𑀢𑁆𑀢𑁂 𑀯𑀧𑀢𑀻𑀢𑀺 𑀓𑀫𑁆𑀫𑀢𑁆𑀣𑁂, 𑀲𑀼𑀫𑀼𑀢𑁆𑀢𑀸 𑀫𑀬𑀁 𑀢𑁂𑀦 𑀫𑀳𑀸𑀲𑀫𑀡𑁂𑀦𑀸𑀢𑀺 𑀧𑀜𑁆𑀘𑀫𑁆𑀬𑀢𑁆𑀣𑁂 𑀘.

𑀅𑀘𑁂𑀢𑀦𑀁 𑀲𑀘𑁂𑀢𑀦𑀁 𑀯𑀸 𑀧𑀝𑀺𑀕𑁆𑀕𑀸𑀳𑀓𑀪𑀸𑀯𑁂𑀦𑀸+𑀧𑁂𑀓𑁆𑀔𑀺𑀢𑀁, 𑀢𑀁 𑀲𑀫𑁆𑀧𑀤𑀸𑀦𑀁, 𑀢𑀜𑁆𑀘 𑀤𑀸-𑀤𑀸𑀦𑁂𑀢𑀺 𑀥𑀸𑀢𑀼𑀢𑁄 𑀩𑁆𑀬𑀧𑁆𑀧𑁂𑀦 𑀬𑀼𑀢𑁆𑀢𑀫𑁂𑀯, 𑀢𑀢𑁆𑀣 𑀘𑀢𑀼𑀢𑁆𑀣𑀻 𑀳𑁄𑀢𑀺. 𑀢𑀜𑁆𑀘 𑀤𑀻𑀬𑀫𑀸𑀦𑀲𑁆𑀲 𑀯𑀢𑁆𑀣𑀼𑀦𑁄 𑀅𑀦𑀺𑀯𑀸𑀭𑀡+𑀚𑁆𑀛𑁂𑀲𑀦𑀸+𑀦𑀼𑀫𑀢𑀺𑀢𑁄 𑀢𑀺𑀯𑀺𑀥𑁄, 𑀬𑀣𑀸 𑀩𑀼𑀤𑁆𑀥𑀲𑁆𑀲 𑀧𑀼𑀧𑁆𑀨𑀁 𑀤𑁂𑀢𑀺, 𑀩𑁄𑀥𑀺𑀭𑀼𑀓𑁆𑀔𑀲𑁆𑀲 𑀚𑀮𑀁 𑀤𑁂𑀢𑀺, 𑀬𑀸𑀘𑀓𑀲𑁆𑀲 𑀥𑀦𑀁 𑀤𑁂𑀢𑀺, 𑀪𑀺𑀓𑁆𑀔𑀽𑀦𑀁 𑀤𑀸𑀦𑀁 𑀤𑁂𑀢𑀺.

𑀅𑀦𑀺𑀭𑀸𑀓𑀭𑀡𑀸+𑀭𑀸𑀥-𑀦+𑀩𑁆𑀪𑀦𑀼𑀜𑁆𑀜𑀯𑀲𑁂𑀦 𑀳𑀺;

𑀲𑀫𑁆𑀧𑀤𑀸𑀦𑀁 𑀢𑀺𑀥𑀸 𑀯𑀼𑀢𑁆𑀢𑀁, 𑀭𑀼𑀓𑁆𑀔+𑀬𑀸𑀘𑀓+𑀪𑀺𑀓𑁆𑀔𑀯𑁄.

𑀆𑀥𑀸𑀭𑀯𑀺𑀯𑀓𑁆𑀔𑀸𑀬𑀁 𑀲𑀢𑁆𑀢𑀫𑀻𑀧𑀺, 𑀲𑀗𑁆𑀖𑁂 𑀕𑁄𑀢𑀫𑀺 𑀤𑁂𑀳𑀺, 𑀲𑀗𑁆𑀖𑁂 𑀤𑀺𑀦𑁆𑀦𑁂 𑀅𑀳𑀜𑁆𑀘𑁂𑀯 𑀧𑀽𑀚𑀺𑀢𑁄 𑀪𑀯𑀺𑀲𑁆𑀲𑀸𑀫𑀺, 𑀬𑀸 𑀧𑀮𑀸𑀮𑀫𑀬𑀁 𑀫𑀸𑀮𑀁, 𑀦𑀸𑀭𑀻 𑀤𑀢𑁆𑀯𑀸𑀦 𑀘𑁂𑀢𑀺𑀬𑁂𑀢𑀺.

𑀢𑀸𑀤𑀢𑁆𑀣𑁆𑀬𑁂 𑀘𑀢𑀼𑀢𑁆𑀣𑀻 𑀲𑀺𑀬𑀸. 𑀢𑀤𑀢𑁆𑀣𑀲𑁆𑀲 𑀪𑀸𑀯𑁂, 𑀢𑀸𑀤𑀢𑁆𑀣𑁆𑀬𑀁, 𑀢𑀲𑁆𑀫𑀺𑀁 𑀢𑀤𑀢𑁆𑀣𑀪𑀸𑀯𑁂 𑀚𑁄𑀢𑀦𑀻𑀬𑁂𑀯 𑀘𑀢𑀼𑀢𑁆𑀣𑀻 𑀲𑀺𑀬𑀸. 𑀢𑀤𑀢𑁆𑀣𑀲𑁆𑀲 𑀪𑀸𑀯𑁄𑀢𑀺 𑀦𑀺𑀫𑀺𑀢𑁆𑀢𑀦𑀺𑀫𑀺𑀢𑁆𑀢𑀻𑀲𑀫𑁆𑀩𑀦𑁆𑀥𑁂 ¶ 𑀙𑀝𑁆𑀞𑀻, 𑀢𑀲𑁆𑀫𑀸 𑀙𑀝𑁆𑀞𑀸𑀧𑀯𑀸𑀤𑁄+𑀬𑀁. 𑀲𑀫𑁂𑀧𑀺 𑀦𑀺𑀫𑀺𑀢𑁆𑀢𑀦𑀺𑀫𑀺𑀢𑁆𑀢𑀻𑀦𑀁 𑀲𑀫𑁆𑀩𑀦𑁆𑀥𑁂 𑀦𑀺𑀫𑀺𑀢𑁆𑀢𑀪𑀽𑀢𑀬𑀽𑀧𑀢𑁄𑀯 𑀘𑀢𑀼𑀢𑁆𑀣𑀻, 𑀦𑁄 𑀦𑀺𑀫𑀺𑀢𑁆𑀢𑀻𑀪𑀽𑀢𑀤𑀸𑀭𑀼𑀢𑁄. 𑀬𑀽𑀧𑀸𑀬 𑀤𑀸𑀭𑀼, 𑀧𑀸𑀓𑀸𑀬 𑀯𑀚𑀢𑀺, 𑀩𑀼𑀤𑁆𑀥𑀲𑁆𑀲𑀢𑁆𑀣𑀸𑀬 𑀚𑀻𑀯𑀺𑀢𑀁 𑀧𑀭𑀺𑀘𑁆𑀘𑀚𑀸𑀫𑀺, 𑀦𑁂𑀯 𑀤𑀯𑀸𑀬, 𑀦 𑀫𑀤𑀸𑀬, 𑀊𑀦𑀲𑁆𑀲 𑀧𑀸𑀭𑀺𑀧𑀽𑀭𑀺𑀬𑀸, 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀲𑀁𑀯𑀢𑁆𑀢𑀢𑀺, 𑀮𑁄𑀓𑀸𑀦𑀼𑀓𑀫𑁆𑀧𑀸𑀬, 𑀨𑀸𑀲𑀼 𑀯𑀺𑀳𑀸𑀭𑀸𑀬.

𑀇𑀘𑁆𑀘𑀸𑀬𑀁 𑀓𑀘𑁆𑀘𑀸𑀬𑀦𑁂 𑀉𑀧𑀭𑀺 𑀯𑀓𑁆𑀔𑀫𑀸𑀦𑀲𑁆𑀲 𑀘𑀢𑀼𑀢𑁆𑀣𑀻𑀢𑀺 𑀲𑀸𑀥𑀺𑀢𑀢𑁆𑀢𑀸 𑀇𑀥 𑀙𑀝𑁆𑀞𑀻𑀢𑀺 𑀤𑀻𑀧𑀦𑀢𑁆𑀣𑀁 𑀯𑀼𑀘𑁆𑀘𑀢𑁂 𑁋

𑀓𑀲𑁆𑀲 𑀲𑀸𑀤𑀼 𑀦𑀭𑀼𑀘𑁆𑀘𑀢𑀺, 𑀫𑀸 𑀅𑀬𑀲𑁆𑀫𑀦𑁆𑀢𑀸𑀦𑀫𑁆𑀧𑀺 𑀲𑀗𑁆𑀖𑀪𑁂𑀤𑁄 𑀭𑀼𑀘𑁆𑀘𑀺𑀢𑁆𑀣, 𑀔𑀫𑀢𑀺 𑀲𑀗𑁆𑀖𑀲𑁆𑀲, 𑀪𑀢𑁆𑀢+𑀫𑀲𑁆𑀲 𑀦𑀘𑁆𑀙𑀸𑀤𑁂𑀢𑀻𑀢𑀺 𑀙𑀝𑁆𑀞𑀻 𑀲𑀫𑁆𑀩𑀦𑁆𑀥𑀯𑀘𑀦𑀺𑀘𑁆𑀙𑀸𑀬𑀁, 𑀦 𑀘𑁂+𑀯𑀁 𑀯𑀺𑀭𑁄𑀥𑁄 𑀲𑀺𑀬𑀸, 𑀲𑀤𑀺𑀲𑀭𑀽𑀧𑀢𑁆𑀢𑀸, 𑀏𑀯𑀁𑀯𑀺𑀥𑁂𑀲𑀼 𑀘 𑀲𑀫𑁆𑀩𑀦𑁆𑀥𑀲𑁆𑀲 𑀲𑀤𑁆𑀤𑀺𑀓𑀸𑀦𑀼𑀫𑀢𑀢𑁆𑀢𑀸. 𑀢𑀣𑀸 𑀳𑀺 𑀪𑀸𑀕𑀯𑀼𑀢𑁆𑀢𑀺𑀬𑀸 ‘‘𑀉𑀧𑀧𑀤𑀯𑀺𑀪𑀢𑁆𑀢𑀺 𑀙𑀝𑁆𑀞𑀺𑀬𑀸+𑀧𑀯𑀸𑀤𑀸’’𑀢𑀺 𑀯𑀼𑀢𑁆𑀢𑀁, 𑀲𑀤𑁆𑀤𑀦𑁆𑀢𑀭𑁂 𑀯𑀺𑀳𑀺𑀢𑀸 𑀯𑀺𑀪𑀢𑁆𑀢𑀺 𑀉𑀧𑀧𑀤𑀯𑀺𑀪𑀢𑁆𑀢𑀺.

𑀓𑀲𑁆𑀲 𑀯𑀸 𑀢𑁆𑀯𑀁 𑀥𑀫𑁆𑀫𑀁 𑀭𑁄𑀘𑁂𑀲𑀻𑀢𑀺 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸, 𑀓𑀲𑁆𑀲 𑀯𑀸 𑀢𑀼𑀬𑁆𑀳𑀦𑁆𑀢𑀺 𑀅𑀯𑀢𑁆𑀯𑀸 𑀓𑀲𑁆𑀲 𑀯𑀸 𑀢𑁆𑀯𑀁 𑀥𑀫𑁆𑀫𑀁 𑀭𑁄𑀘𑁂𑀲𑀻𑀢𑀺 𑀅𑀢𑁆𑀣𑀫𑀢𑁆𑀢𑁂 𑀧𑀞𑀫𑀸𑀯𑀲𑁂𑀦 𑀩𑁆𑀬𑀪𑀺𑀘𑀸𑀭𑀤𑀲𑁆𑀲𑀦𑀸. 𑀏𑀯+𑀫𑀜𑁆𑀜𑀸𑀧𑀺 𑀯𑀺𑀜𑁆𑀜𑁂𑀬𑁆𑀬𑀸, 𑀧𑀭𑀢𑁄𑀧𑀺 𑀬𑀣𑀸𑀕𑀫𑀁.

𑀭𑀜𑁆𑀜𑁄 𑀲𑀢𑀁 𑀥𑀸𑀭𑁂𑀢𑀺 𑀭𑀜𑁆𑀜𑁄 𑀙𑀢𑁆𑀢𑀁 𑀥𑀸𑀭𑁂𑀢𑀻𑀢𑀺 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻𑀯. 𑀲𑀺𑀮𑀸𑀖=𑀓𑀣𑀦𑁂, 𑀏𑀯𑀁 𑀭𑀜𑁆𑀜𑁄 𑀲𑀺𑀮𑀸𑀖𑀢𑁂 𑀇𑀘𑁆𑀘𑀸𑀤𑀺, 𑀣𑀼𑀢𑀺𑀁 𑀓𑀭𑁄𑀢𑀻𑀢𑁆𑀬𑀢𑁆𑀣𑁄. 𑀳𑀦𑀼=𑀅𑀧𑀦𑀬𑀦𑁂, 𑀭𑀜𑁆𑀜𑁄 𑀳𑀦𑀼𑀢𑁂, 𑀯𑀜𑁆𑀘𑁂𑀢𑀻𑀢𑁆𑀬𑀢𑁆𑀣𑁄. 𑀉𑀧𑀢𑀺𑀝𑁆𑀞𑁂𑀬𑁆𑀬 𑀲𑀓𑁆𑀬𑀧𑀼𑀢𑁆𑀢𑀸𑀦𑀁 𑀯𑀟𑁆𑀠𑀓𑀻, 𑀉𑀧𑀕𑀘𑁆𑀙𑁂𑀬𑁆𑀬𑀸𑀢𑁆𑀬𑀢𑁆𑀣𑁄. 𑀲𑀧=𑀅𑀓𑁆𑀓𑁄𑀲𑁂, 𑀫𑀬𑁆𑀳𑀁 𑀲𑀧𑀢𑁂, 𑀲𑀘𑁆𑀘𑀁 𑀓𑀼𑀭𑀼𑀢𑁂𑀢𑁆𑀬𑀢𑁆𑀣𑁄 ¶ . 𑀥𑀭=𑀥𑀸𑀭𑀡𑁂, 𑀲𑀼𑀯𑀡𑁆𑀡𑀁 𑀢𑁂 𑀥𑀸𑀭𑀬𑀢𑁂, 𑀇𑀡𑀁 𑀢𑁂 𑀥𑀸𑀭𑀬𑀢𑀺, 𑀅𑀲𑁆𑀲 𑀭𑀜𑁆𑀜𑁄 𑀦𑀸𑀕𑀁 𑀥𑀸𑀭𑀬𑀸𑀫. 𑀧𑀺𑀳=𑀇𑀘𑁆𑀙𑀸𑀬𑀁, 𑀤𑁂𑀯𑀸𑀧𑀺 𑀢𑀲𑁆𑀲 𑀧𑀺𑀳𑀬𑀦𑁆𑀢𑀺 𑀢𑀸𑀤𑀺𑀦𑁄, 𑀢𑁂𑀲𑀁 𑀧𑀺𑀳𑀬𑀦𑁆𑀢𑀺 𑀲𑀫𑁆𑀩𑀼𑀤𑁆𑀥𑀸𑀦𑀁 𑀲𑀢𑀻𑀫𑀢𑀁, 𑀧𑀺𑀳𑀬𑀦𑁆𑀢𑀺=𑀧𑀢𑁆𑀣𑁂𑀦𑁆𑀢𑀺. 𑀢𑀲𑁆𑀲 𑀓𑀼𑀚𑁆𑀛 𑀫𑀳𑀸𑀯𑀻𑀭, 𑀬𑀤𑀺+𑀳𑀁 𑀢𑀲𑁆𑀲 𑀧𑀓𑀼𑀧𑁆𑀧𑁂𑀬𑁆𑀬𑀁, 𑀤𑀼𑀪𑀬𑀢𑀺 𑀤𑀺𑀲𑀸𑀦𑀁 𑀫𑁂𑀖𑁄, 𑀬𑁄 𑀫𑀺𑀢𑁆𑀢𑀸𑀦𑀁 𑀦 𑀤𑀽𑀪𑀢𑀺, 𑀬𑁄 𑀅𑀧𑁆𑀧𑀤𑀼𑀝𑁆𑀞𑀲𑁆𑀲 𑀦𑀭𑀲𑁆𑀲 𑀤𑀼𑀲𑁆𑀲𑀢𑀺. 𑀇𑀲𑁆𑀲=𑀇𑀲𑁆𑀲𑀸𑀬𑀁, 𑀢𑀺𑀢𑁆𑀣𑀺𑀬𑀸 𑀇𑀲𑁆𑀲𑀬𑀦𑁆𑀢𑀺 𑀲𑀫𑀡𑀸𑀦𑀁. 𑀉𑀲𑀽𑀬=𑀤𑁄𑀲𑀸𑀯𑀺𑀓𑀭𑀡𑁂, 𑀤𑀼𑀚𑁆𑀚𑀦𑀸 𑀕𑀼𑀡𑀯𑀦𑁆𑀢𑀸𑀦𑀁 𑀉𑀲𑁆𑀲𑀽𑀬𑀦𑁆𑀢𑀺, 𑀓𑀸 𑀉𑀲𑀼𑀬𑀸 𑀯𑀺𑀚𑀸𑀦𑀢𑀁. 𑀇𑀥+𑀲𑀺𑀥+𑀭𑀸𑀥+𑀲𑀸𑀥=𑀲𑀁𑀲𑀺𑀤𑁆𑀥𑀺𑀬𑀁, 𑀆𑀭𑀸𑀥𑁄 𑀫𑁂 𑀭𑀜𑁆𑀜𑁄, 𑀭𑀜𑁆𑀜𑁄 𑀪𑀸𑀕𑁆𑀬+𑀫𑀸𑀭𑀚𑁆𑀛𑀢𑀺, 𑀓𑁆𑀬𑀸+𑀳𑀁 𑀅𑀬𑁆𑀬𑀸𑀦𑀁 𑀅𑀧𑀭𑀚𑁆𑀛𑀸𑀫𑀺, 𑀆𑀬𑀲𑁆𑀫𑀢𑁄 𑀉𑀧𑀸𑀮𑀺𑀢𑁆𑀣𑁂𑀭𑀲𑁆𑀲 𑀉𑀧𑀲𑀫𑁆𑀧𑀤𑀸𑀧𑁂𑀓𑁆𑀔𑁄 𑀉𑀧𑀢𑀺𑀲𑁆𑀲𑁄. 𑀪𑀺𑀓𑁆𑀔𑀽 𑀪𑀕𑀯𑀢𑁄 𑀧𑀘𑁆𑀘𑀲𑁆𑀲𑁄𑀲𑀼𑀁, 𑀆𑀲𑀼𑀡𑀦𑁆𑀢𑀺 𑀩𑀼𑀤𑁆𑀥𑀲𑁆𑀲 𑀪𑀺𑀓𑁆𑀔𑀽, 𑀢𑀲𑁆𑀲 𑀪𑀺𑀓𑁆𑀔𑀼𑀦𑁄 𑀚𑀦𑁄𑀅𑀦𑀼𑀕𑀺𑀡𑀸𑀢𑀺, 𑀧𑀢𑀺𑀕𑀺𑀡𑀸𑀢𑀺, 𑀲𑀸𑀥𑀼𑀓𑀸𑀭𑀤𑀸𑀦𑀸𑀤𑀺𑀦𑀸 𑀢𑀁 𑀉𑀲𑁆𑀲𑀳𑀢𑀻𑀢𑁆𑀬𑀢𑁆𑀣𑁄. 𑀆𑀭𑁄𑀘𑀬𑀸𑀫𑀺 𑀯𑁄 𑀪𑀺𑀓𑁆𑀔𑀯𑁂, 𑀧𑀝𑀺𑀯𑁂𑀤𑀬𑀸𑀫𑀺 𑀯𑁄, 𑀆𑀫𑀦𑁆𑀢𑀬𑀸𑀫𑀺 𑀢𑁂 𑀫𑀳𑀸𑀭𑀸𑀚, 𑀥𑀫𑁆𑀫𑀁 𑀢𑁂 𑀤𑁂𑀲𑀺𑀲𑁆𑀲𑀸𑀫𑀺, 𑀤𑁂𑀲𑁂𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀥𑀫𑁆𑀫𑀁 𑀪𑀺𑀓𑁆𑀔𑀽𑀦𑀁, 𑀬𑀣𑀸 𑀦𑁄 𑀪𑀕𑀯𑀸 𑀩𑁆𑀬𑀸𑀓𑀭𑁂𑀬𑁆𑀬, 𑀦𑀺𑀭𑀼𑀢𑁆𑀢𑀺𑀁 𑀢𑁂 𑀧𑀯𑀓𑁆𑀔𑀸𑀫𑀺, 𑀅𑀮𑀁 𑀫𑁂 𑀭𑀚𑁆𑀚𑀁, 𑀅𑀮𑀁 𑀪𑀺𑀓𑁆𑀔𑀼 𑀧𑀢𑁆𑀢𑀲𑁆𑀲, 𑀅𑀮𑀁 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀅𑀭𑀳𑀢𑀺 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀅𑀮𑀁 𑀢𑁂 𑀇𑀥 𑀯𑀸𑀲𑁂𑀦, 𑀓𑀺𑀁 𑀫𑁂 𑀏𑀓𑁂𑀦 𑀢𑀺𑀡𑁆𑀡𑁂𑀦𑀸𑀢𑀺 𑀲𑀩𑁆𑀩𑀢𑁆𑀣 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻.

𑀏𑀯𑀁 𑀆𑀬𑀼 𑀪𑁄𑀢𑁄 𑀳𑁄𑀢𑀼, 𑀘𑀺𑀭𑀁 𑀚𑀻𑀯𑀺𑀢𑀁, 𑀪𑀤𑁆𑀤𑀁, 𑀓𑀮𑁆𑀬𑀸𑀡𑀁, 𑀅𑀢𑁆𑀣𑀁, 𑀧𑀬𑁄𑀚𑀦𑀁, 𑀓𑀼𑀲𑀮𑀁, 𑀅𑀦𑀸𑀫𑀬𑀁, 𑀳𑀺𑀢𑀁, 𑀧𑀢𑁆𑀣𑀁, 𑀲𑀼𑀔𑀁, 𑀲𑀸𑀢𑀁, 𑀪𑁄𑀢𑁄 𑀳𑁄𑀢𑀼, 𑀲𑀸𑀥𑀼 𑀲𑀫𑁆𑀫𑀼𑀢𑀺 𑀫𑁂 𑀢𑀲𑁆𑀲, 𑀧𑀼𑀢𑁆𑀢𑀲𑁆𑀲𑀸+𑀯𑀺𑀓𑀭𑁂𑀬𑁆𑀬 𑀕𑀼𑀬𑁆𑀳+𑀫𑀢𑁆𑀣𑀁, 𑀢𑀲𑁆𑀲 𑀫𑁂 𑀲𑀓𑁆𑀓𑁄 𑀧𑀸𑀢𑀼𑀭𑀳𑁄𑀲𑀺, 𑀢𑀲𑁆𑀲 𑀧𑀳𑀺𑀡𑁂𑀬𑁆𑀬, 𑀪𑀺𑀓𑁆𑀔𑀽𑀦𑀁 𑀤𑀽𑀢𑀁 𑀧𑀸𑀳𑁂𑀲𑀺, 𑀓𑀧𑁆𑀧𑀢𑀺 𑀲𑀫𑀡𑀸𑀦𑀁 𑀆𑀬𑁄𑀕𑁄 ¶ , 𑀏𑀓𑀲𑁆𑀲 𑀤𑁆𑀯𑀺𑀦𑁆𑀦𑀁 𑀢𑀺𑀡𑁆𑀡𑀁 𑀯𑀸 𑀧𑀳𑁄𑀢𑀺, 𑀉𑀧𑀫𑀁 𑀢𑁂 𑀓𑀭𑀺𑀲𑁆𑀲𑀸𑀫𑀺, 𑀅𑀜𑁆𑀚𑀮𑀺𑀁𑀢𑁂 𑀧𑀕𑁆𑀕𑀡𑁆𑀳𑀸𑀫𑀺, 𑀢𑀲𑁆𑀲 𑀨𑀸𑀲𑀼, 𑀮𑁄𑀓𑀲𑁆𑀲+𑀢𑁆𑀣𑁄, 𑀦𑀫𑁄 𑀢𑁂 𑀧𑀼𑀭𑀺𑀲𑀸𑀚𑀜𑁆𑀜, 𑀲𑁄𑀢𑁆𑀣𑀺 𑀢𑀲𑁆𑀲, 𑀲𑀫𑀢𑁆𑀣𑁄 𑀫𑀮𑁆𑀮𑁄 𑀫𑀮𑁆𑀮𑀲𑁆𑀲, 𑀢𑀲𑁆𑀲 𑀳𑀺𑀢𑀁, 𑀢𑀲𑁆𑀲 𑀲𑀼𑀔𑀁, 𑀲𑁆𑀯𑀸𑀕𑀢𑀁 𑀢𑁂 𑀫𑀳𑀸𑀭𑀸𑀚𑀸𑀢𑀺 𑀲𑀩𑁆𑀩𑀢𑁆𑀣 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻.

𑀧𑀤𑀢𑁆𑀣𑀸𑀯𑀥𑀺𑀲𑁆𑀫𑀸 𑀧𑀜𑁆𑀘𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀲𑀫𑁂𑀧𑁆𑀬+𑀧𑀕𑀫𑁂 𑀤𑁆𑀯𑀺𑀦𑁆𑀦𑀁, 𑀧𑀼𑀩𑁆𑀩𑀭𑀽𑀧𑀸 𑀬+𑀤𑀘𑁆𑀘𑀼𑀢𑀁;

𑀯𑀼𑀘𑁆𑀘𑀢𑁂 𑀢+𑀤𑀧𑀸𑀤𑀸𑀦𑀁, 𑀢𑀁 𑀘𑀮𑀸𑀘𑀮𑀢𑁄 𑀤𑁆𑀯𑀺𑀥𑀸;

𑀬𑀣𑀸+𑀲𑁆𑀲𑀸 𑀥𑀸𑀯𑀢𑀸 𑀧𑁄𑀲𑁄, 𑀧𑀢𑁄, 𑀭𑀼𑀓𑁆𑀔𑀸𑀨𑀮𑀦𑁆𑀢𑀺 𑀘.

𑀢𑀢𑁆𑀣 𑀘𑀮𑀸𑀯𑀥𑀺 𑀥𑀸𑀯𑀢𑀸 𑀅𑀲𑁆𑀲𑀸 𑀧𑀼𑀭𑀺𑀲𑁄 𑀧𑀢𑀢𑀺, 𑀅𑀘𑀮𑀸𑀯𑀥𑀺 𑀧𑀩𑁆𑀩𑀢𑀸 𑀑𑀢𑀭𑀦𑁆𑀢𑀺 𑀯𑀦𑀘𑀸𑀭𑀓𑀸𑀢𑀺.

𑀢𑀜𑁆𑀘 𑀅𑀯𑀥𑀺 𑀯𑀺𑀲𑀬𑀓𑁆𑀭𑀺𑀬𑀸𑀯𑀺𑀲𑁂𑀲𑀲𑁆𑀲 𑀦𑀺𑀤𑁆𑀤𑀺𑀝𑁆𑀞𑀢𑁆𑀢𑀸 𑀦𑀺𑀤𑁆𑀤𑀺𑀝𑁆𑀞𑀯𑀺𑀲𑀬𑀁, 𑀬𑀢𑁆𑀣 𑀅𑀧 𑀅𑀧𑀕𑀫𑀦𑀓𑁆𑀭𑀺𑀬𑀁 𑀉𑀧𑀸𑀢𑁆𑀢𑀁=𑀅𑀚𑁆𑀛𑀸𑀳𑀝𑀁 𑀯𑀺𑀲𑀬𑀁 𑀓𑀢𑁆𑀯𑀸 𑀧𑀯𑀢𑁆𑀢𑀢𑀺, 𑀢𑀁 𑀉𑀧𑀸𑀢𑁆𑀢𑀁. 𑀬𑀁 𑀓𑁂𑀦𑀘𑀺 𑀕𑀼𑀡𑁂𑀦 𑀉𑀓𑁆𑀓𑀁𑀲𑀺𑀬𑀢𑀺, 𑀢𑀁 𑀅𑀦𑀼𑀫𑁂𑀬𑁆𑀬𑀁. 𑀬𑀣𑀸 𑀕𑀸𑀫𑀸 𑀅𑀧𑁂𑀦𑁆𑀢𑀺 𑀫𑀼𑀦𑀬𑁄, 𑀦𑀕𑀭𑀸 𑀦𑀺𑀕𑁆𑀕𑀢𑁄 𑀭𑀸𑀚𑀸, 𑀧𑀸𑀧𑀸 𑀘𑀺𑀢𑁆𑀢𑀁 𑀦𑀺𑀯𑀸𑀭𑁂𑀦𑁆𑀢𑀺. 𑀯𑀮𑀸𑀳𑀓𑀸 𑀯𑀺𑀚𑁆𑀚𑁄𑀢𑀢𑁂, 𑀓𑀼𑀲𑀼𑀮𑀢𑁄 𑀧𑀘𑀢𑀻𑀢𑀺. 𑀏𑀢𑁆𑀣 𑀘 𑀯𑀴𑀸𑀳𑀓𑀸 𑀦𑀺𑀓𑁆𑀔𑀫𑁆𑀫, 𑀓𑀼𑀲𑀼𑀮𑀢𑁄 𑀅𑀧𑀦𑁂𑀢𑁆𑀯𑀸𑀢𑀺 𑀘 𑀧𑀼𑀩𑁆𑀩𑀓𑁆𑀭𑀺𑀬𑀸 𑀅𑀚𑁆𑀛𑀸𑀳𑀭𑀻𑀬𑀢𑀺. 𑀫𑀣𑀼𑀭𑀸 𑀧𑀸𑀝𑀮𑀺𑀧𑀼𑀢𑁆𑀢𑀓𑁂𑀳𑀺 𑀅𑀪𑀺𑀭𑀽𑀧𑀸𑀢𑀺 𑀅𑀦𑀼𑀫𑀻𑀬𑀢𑀺. 𑀯𑀼𑀢𑁆𑀢𑀜𑁆𑀳𑀺 𑁋

𑀦𑀺𑀤𑁆𑀤𑀺𑀝𑁆𑀞𑀯𑀺𑀲𑀬𑀁 𑀓𑀺𑀜𑁆𑀘𑀺, 𑀉𑀧𑀸𑀢𑁆𑀢𑀯𑀺𑀲𑀬𑀁 𑀢𑀣𑀸;

𑀅𑀦𑀼𑀫𑁂𑀬𑁆𑀬𑀯𑀺𑀲𑀬𑀜𑁆𑀘𑁂𑀢𑀺, 𑀢𑀺𑀥𑀸+𑀳𑀼 𑀅𑀯𑀥𑀺𑀁 𑀩𑀼𑀥𑀸𑀢𑀺.

𑀪𑀬𑀳𑁂𑀢𑀼𑀫𑁆𑀳𑀺-𑀘𑁄𑀭𑀸 ¶ 𑀪𑀬𑀁 𑀚𑀸𑀬𑀢𑀺, 𑀢𑀡𑁆𑀳𑀸𑀬 𑀚𑀸𑀬𑀢𑀺 𑀪𑀬𑀁, 𑀧𑀸𑀧𑀢𑁄 𑀉𑀢𑁆𑀢𑀲𑀢𑀺, 𑀦𑀢𑁆𑀣𑀺 𑀲𑁄𑀓𑁄 𑀓𑀼𑀢𑁄 𑀪𑀬𑀁. 𑀅𑀓𑁆𑀔𑀸𑀢𑀭𑀺-𑀉𑀧𑀚𑁆𑀛𑀸𑀬𑀸 𑀲𑀺𑀓𑁆𑀔𑀁 𑀕𑀡𑁆𑀳𑀸𑀢𑀺, 𑀆𑀘𑀭𑀺𑀬𑀫𑁆𑀳𑀸 𑀅𑀥𑀻𑀢𑁄 𑀲𑀼𑀡𑀸𑀢𑀺 𑀯𑀸. 𑀩𑀼𑀤𑁆𑀥𑀲𑁆𑀫𑀸 𑀧𑀭𑀸𑀚𑁂𑀦𑁆𑀢𑀺 𑀅𑀜𑁆𑀜𑀢𑀺𑀢𑁆𑀣𑀺𑀬𑀸, 𑀧𑀭𑀸𑀚𑀺𑀢𑀸 𑀪𑀯𑀦𑁆𑀢𑀻𑀢𑁆𑀬𑀢𑁆𑀣𑁄. 𑀳𑀺𑀫𑀯𑀢𑀸 𑀧𑀪𑀯𑀢𑀺 𑀕𑀗𑁆𑀕𑀸, 𑀅𑀘𑀺𑀭𑀯𑀢𑀺𑀬𑀸 𑀧𑀪𑀯𑀦𑁆𑀢𑀺 𑀓𑀼𑀦𑁆𑀦𑀤𑀺𑀬𑁄. 𑀉𑀭𑀲𑁆𑀫𑀸 𑀚𑀸𑀢𑁄 𑀧𑀼𑀢𑁆𑀢𑁄, 𑀓𑀫𑁆𑀫𑀢𑁄 𑀚𑀸𑀢𑀁 𑀇𑀦𑁆𑀤𑁆𑀭𑀺𑀬𑀁, 𑀉𑀧𑀚𑁆𑀛𑀸𑀬𑀸 𑀅𑀦𑁆𑀢𑀭𑀥𑀸𑀬𑀢𑀺 𑀲𑀺𑀲𑁆𑀲𑁄, 𑀫𑀸𑀢𑀸𑀧𑀺𑀢𑀽𑀳𑀺 𑀅𑀦𑁆𑀢𑀭𑀥𑀸𑀭𑀬𑀢𑀺 𑀧𑀼𑀢𑁆𑀢𑁄, 𑀦𑀺𑀮𑀻𑀬𑀢𑀻𑀢𑁆𑀬𑀢𑁆𑀣𑁄. 𑀤𑀽𑀭𑀢𑁆𑀣𑀬𑁄𑀕𑁂𑀓𑀻𑀯𑀤𑀽𑀭𑁄 𑀇𑀢𑁄 𑀦𑀴𑀓𑀸𑀭𑀕𑀸𑀫𑁄, 𑀢𑀢𑁄 𑀳𑀯𑁂 𑀤𑀽𑀭𑀢𑀭𑀁 𑀯𑀤𑀦𑁆𑀢𑀺, 𑀕𑀸𑀫𑀢𑁄 𑀦𑀸𑀢𑀺𑀤𑀽𑀭𑁂, 𑀆𑀭𑀓𑀸 𑀢𑁂 𑀫𑁄𑀖𑀧𑀼𑀭𑀺𑀲𑀸 𑀇𑀫𑀲𑁆𑀫𑀸 𑀥𑀫𑁆𑀫𑀯𑀺𑀦𑀬𑀸, 𑀆𑀭𑀓𑀸 𑀢𑁂𑀳𑀺 𑀪𑀕𑀯𑀸 𑀤𑀽𑀭𑀢𑁄𑀯 𑀦𑀫𑀲𑁆𑀲𑀦𑁆𑀢𑀺, 𑀅𑀤𑁆𑀤𑀲 𑀤𑀽𑀭𑀢𑁄𑀯 𑀆𑀕𑀘𑁆𑀙𑀦𑁆𑀢𑀁. 𑀅𑀦𑁆𑀢𑀺𑀓𑀢𑁆𑀣𑀬𑁄𑀕𑁂-𑀅𑀦𑁆𑀢𑀺𑀓𑀁 𑀕𑀸𑀫𑀸, 𑀆𑀲𑀦𑁆𑀦𑀁 𑀕𑀸𑀫𑀸, 𑀲𑀫𑀻𑀧𑀁 𑀕𑀸𑀫𑀸. 𑀧𑀭𑀺𑀫𑀸𑀡𑁂-𑀇𑀢𑁄 𑀫𑀣𑀼𑀭𑀸𑀬 𑀘𑀢𑀽𑀲𑀼 𑀬𑁄𑀚𑀦𑁂𑀲𑀼 𑀲𑀁𑀓𑀲𑁆𑀲𑀁, 𑀭𑀸𑀚𑀕𑀳𑀢𑁄 𑀧𑀜𑁆𑀘𑀘𑀢𑁆𑀢𑀸𑀮𑀻𑀲𑀬𑁄𑀚𑀦𑀫𑀢𑁆𑀣𑀓𑁂 𑀲𑀸𑀯𑀢𑁆𑀣𑀺. 𑀓𑀸𑀮𑀧𑀭𑀺𑀫𑀸𑀡𑁂-𑀇𑀢𑁄 𑀏𑀓𑀦𑀯𑀼𑀢𑀺𑀓𑀧𑁆𑀧𑀫𑀢𑁆𑀣𑀓𑁂, 𑀇𑀢𑁄 𑀯𑀲𑁆𑀲𑀲𑀢𑀲𑀳𑀲𑁆𑀲𑀲𑁆𑀲 𑀅𑀘𑁆𑀘𑀬𑁂𑀦 𑀩𑀼𑀤𑁆𑀥𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀺𑀲𑁆𑀲𑀢𑀺. 𑀧𑀸𑀲𑀸𑀤𑀸 𑀲𑀁𑀓𑀫𑁂𑀬𑁆𑀬, 𑀧𑀸𑀲𑀸𑀤𑀁 𑀅𑀪𑀺𑀭𑀼𑀳𑀺𑀢𑁆𑀯𑀸 𑀲𑀁𑀓𑀫𑁂𑀬𑁆𑀬𑀸𑀢𑀺 𑀅𑀢𑁆𑀣𑁄, 𑀢𑀣𑀸 𑀳𑀢𑁆𑀣𑀺𑀓𑁆𑀔𑀦𑁆𑀥𑀸 𑀲𑀁𑀓𑀫𑁂𑀬𑁆𑀬, 𑀅𑀪𑀺𑀥𑀫𑁆𑀫𑀸 𑀧𑀼𑀘𑁆𑀙𑀦𑁆𑀢𑀺, 𑀅𑀪𑀺𑀥𑀫𑁆𑀫𑀁 𑀲𑀼𑀢𑁆𑀯𑀸𑀢𑀺 𑀅𑀢𑁆𑀣𑁄, 𑀆𑀲𑀦𑀸 𑀯𑀼𑀝𑁆𑀞𑀳𑁂𑀬𑁆𑀬. 𑀤𑀺𑀲𑀢𑁆𑀣𑀯𑀸𑀘𑀻𑀳𑀺 𑀬𑁄𑀕𑁂-𑀇𑀢𑁄 𑀲𑀸 𑀧𑀼𑀭𑀺𑀫𑀸 𑀤𑀺𑀲𑀸, 𑀇𑀢𑁄 𑀲𑀸 𑀤𑀓𑁆𑀔𑀺𑀡𑀸 𑀤𑀺𑀲𑀸, 𑀅𑀯𑀻𑀘𑀺𑀢𑁄 𑀬𑀸𑀯 𑀪𑀯𑀕𑁆𑀕𑀁, 𑀉𑀤𑁆𑀥𑀁 𑀧𑀸𑀤𑀢𑀮𑀸, 𑀅𑀥𑁄 𑀓𑁂𑀲𑀫𑀢𑁆𑀣𑀓𑀸. 𑀯𑀺𑀪𑀚𑀦𑁂-𑀬𑀢𑁄 𑀧𑀡𑀻𑀢𑀢𑀭𑁄 𑀯𑀸 𑀯𑀺𑀲𑀺𑀝𑁆𑀞𑀢𑀭𑁄 𑀯𑀸 𑀦𑀢𑁆𑀣𑀺, 𑀅𑀢𑁆𑀢𑀤𑀦𑁆𑀢𑁄 𑀢𑀢𑁄 𑀯𑀭𑀁, 𑀓𑀺𑀜𑁆𑀘𑀸𑀧𑀺 𑀤𑀸𑀦𑀢𑁄 𑀲𑀻𑀮𑀁 𑀯𑀭𑀁, 𑀢𑀢𑁄 𑀫𑀬𑀸 𑀩𑀳𑀼𑀢𑀭𑀁 𑀲𑀼𑀢𑀁, 𑀲𑀻𑀮𑀫𑁂𑀯 𑀲𑀼𑀢𑀸 𑀲𑁂𑀬𑁆𑀬𑁄. 𑀆𑀭𑀢𑀺𑀧𑁆𑀧𑀬𑁄𑀕𑁂-𑀆𑀭𑀢𑀺 𑀯𑀺𑀭𑀢𑀺 𑀧𑀸𑀧𑀸, 𑀧𑀸𑀡𑀸𑀢𑀺𑀧𑀸𑀢𑀸 ¶ 𑀯𑁂𑀭𑀫𑀡𑀺, 𑀅𑀤𑀺𑀦𑁆𑀦𑀸𑀤𑀸𑀦𑀸 𑀧𑀝𑀺𑀯𑀺𑀭𑀢𑁄, 𑀅𑀧𑁆𑀧𑀝𑀺𑀯𑀺𑀭𑀢𑀸 𑀫𑀼𑀲𑀸𑀯𑀸𑀤𑀸. 𑀲𑀼𑀤𑁆𑀥𑀢𑁆𑀣𑀬𑁄𑀕𑁂-𑀮𑁄𑀪𑀦𑀻𑀬𑁂𑀳𑀺 𑀥𑀫𑁆𑀫𑁂𑀳𑀺 𑀲𑀼𑀤𑁆𑀥𑁄, 𑀫𑀸𑀢𑀼𑀢𑁄 𑀘 𑀧𑀺𑀢𑀼𑀢𑁄 𑀘 𑀲𑀼𑀤𑁆𑀥𑁄 𑀅𑀦𑀼𑀧𑀓𑁆𑀓𑀼𑀝𑁆𑀞𑁄. 𑀧𑀫𑁄𑀘𑀦𑀢𑁆𑀣𑀬𑁄𑀕𑁂-𑀧𑀭𑀺𑀫𑀼𑀢𑁆𑀢𑁄 𑀤𑀼𑀓𑁆𑀔𑀲𑁆𑀫𑀸𑀢𑀺 𑀯𑀤𑀸𑀫𑀺, 𑀫𑀼𑀢𑁆𑀢𑁄+𑀲𑁆𑀫𑀺 𑀫𑀸𑀭𑀩𑀦𑁆𑀥𑀦𑀸, 𑀦 𑀢𑁂 𑀫𑀼𑀘𑁆𑀘𑀦𑁆𑀢𑀺 𑀫𑀘𑁆𑀘𑀼𑀦𑀸, 𑀫𑀼𑀢𑁆𑀢𑁄+𑀳𑀁+𑀲𑀩𑁆𑀩𑀧𑀸𑀲𑁂𑀳𑀺. 𑀯𑀺𑀯𑁂𑀘𑀦𑁂-𑀯𑀺𑀯𑀺𑀘𑁆𑀘𑁂𑀯 𑀓𑀸𑀫𑁂𑀳𑀺, 𑀯𑀺𑀯𑀺𑀘𑁆𑀘 𑀅𑀓𑀼𑀲𑀮𑁂𑀳𑀺 𑀥𑀫𑁆𑀫𑁂𑀳𑀺. 𑀧𑀫𑀸𑀡𑀢𑁆𑀣𑁂-𑀆𑀬𑀸𑀫𑀢𑁄 𑀘 𑀯𑀺𑀢𑁆𑀣𑀸𑀭𑀢𑁄 𑀘 𑀬𑁄𑀚𑀦𑀁, 𑀕𑀫𑁆𑀪𑀻𑀭𑀢𑁄 𑀘 𑀧𑀼𑀣𑀼𑀮𑀢𑁄 𑀘 𑀬𑁄𑀚𑀦𑀁 𑀘𑀦𑁆𑀤𑀪𑀸𑀕𑀸𑀬 𑀧𑀭𑀺𑀫𑀸𑀡𑀁, 𑀧𑀭𑀺𑀓𑁆𑀔𑁂𑀧𑀢𑁄 𑀦𑀯𑀬𑁄𑀚𑀦𑀲𑀢𑀧𑀭𑀺𑀫𑀸𑀡𑁄 𑀫𑀚𑁆𑀛𑀺𑀫𑀤𑁂𑀲𑁄. 𑀧𑀼𑀩𑁆𑀩𑀸𑀤𑀺𑀬𑁄𑀕𑁂-𑀧𑀼𑀩𑁆𑀩𑁂𑀯 𑀫𑁂 𑀪𑀺𑀓𑁆𑀔𑀯𑁂 𑀲𑀫𑁆𑀩𑁄𑀥𑀸, 𑀇𑀢𑁄 𑀧𑀼𑀩𑁆𑀩𑁂 𑀦𑀸𑀳𑁄𑀲𑀺, 𑀢𑀢𑁄 𑀧𑀭𑀁 𑀧𑀘𑁆𑀘𑀦𑁆𑀢𑀺𑀫𑀸 𑀚𑀦𑀧𑀤𑀸, 𑀢𑀢𑁄 𑀅𑀧𑀭𑁂𑀦 𑀲𑀫𑀬𑁂𑀦. 𑀧𑀜𑁆𑀳𑁂-𑀓𑀼𑀢𑁄+𑀲𑀺 𑀢𑁆𑀯𑀁, 𑀓𑀼𑀢𑁄 𑀪𑀯𑀁, 𑀧𑀸𑀝𑀮𑀺𑀧𑀼𑀢𑁆𑀢𑀢𑁄. 𑀓𑀺𑀘𑁆𑀙𑀸 𑀮𑀤𑁆𑀥𑀦𑁆𑀢𑀺 𑀕𑀼𑀡𑁂 𑀧𑀜𑁆𑀘𑀫𑀻, 𑀓𑀺𑀘𑁆𑀙𑁂𑀦 𑀫𑁂 𑀅𑀥𑀺𑀕𑀢𑀦𑁆𑀢𑀺 𑀳𑁂𑀢𑀼𑀫𑁆𑀳𑀺 𑀓𑀭𑀡𑁂 𑀯𑀸 𑀢𑀢𑀺𑀬𑀸, 𑀏𑀯𑀁 𑀣𑁄𑀓𑀸 𑀫𑀼𑀢𑁆𑀢𑁄, 𑀣𑁄𑀓𑁂𑀦 𑀫𑀼𑀢𑁆𑀢𑁄𑀢𑀺.

𑀓𑀣𑀁 ‘‘𑀣𑁄𑀓𑀁 𑀘𑀮𑀢𑀻’’𑀢𑀺, 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑁂 𑀓𑀫𑁆𑀫𑀦𑀺 𑀤𑀼𑀢𑀺𑀬𑀸, 𑀣𑁄𑀓𑀁 𑀘𑀮𑀦𑀁 𑀓𑀭𑁄𑀢𑀻𑀢𑁆𑀬𑀢𑁆𑀣𑁄, 𑀣𑁄𑀓𑀦𑁆𑀢𑀺 𑀘𑀮𑀦𑀓𑁆𑀭𑀺𑀬𑀸𑀬 𑀯𑀺𑀲𑁂𑀲𑀦𑀢𑁆𑀢𑀸 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑀁.

𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑀁 𑀦𑀸𑀫, 𑀓𑀫𑁆𑀫𑀢𑁆𑀢𑁂+𑀓𑀢𑁆𑀢𑀲𑀡𑁆𑀞𑀺𑀢𑀸;

𑀦𑁆𑀬𑀸𑀬𑀲𑀺𑀤𑁆𑀥𑀁 𑀬𑀢𑁄 𑀢𑀲𑁆𑀫𑀸, 𑀢𑀤𑀢𑁆𑀣𑀁 𑀦 𑀯𑀺𑀲𑀼𑀁 𑀯𑀺𑀥𑀺.

𑀦𑁆𑀬𑀸𑀬𑀲𑀺𑀤𑁆𑀥𑀁𑀯=𑀘𑀮𑀦𑀦𑁆𑀢𑀺 𑀬𑀲𑁆𑀫𑀸 𑀪𑀸𑀯𑁂 𑀅𑀦𑁄, 𑀢𑀲𑁆𑀫𑀸 𑀪𑀸𑀯𑀲𑁆𑀲𑁂+𑀓𑀢𑁆𑀢𑀸 𑀏𑀓𑀯𑀘𑀦𑀦𑁆𑀢𑀺 𑀜𑀸𑀬𑀸 𑀏𑀓𑀢𑁆𑀢𑀜𑁆𑀘, 𑀪𑀸𑀯𑁂 𑀅𑀦𑀢𑁆𑀢𑀸 𑀦𑀧𑀼𑀁𑀲𑀓𑀢𑁆𑀢𑀜𑁆𑀘, 𑀓𑀭𑁄𑀢𑀺𑀓𑁆𑀭𑀺𑀬𑀸𑀬 𑀲𑀫𑁆𑀩𑀦𑁆𑀥𑁂𑀦 𑀓𑀫𑁆𑀫𑀢𑁆𑀢𑀜𑁆𑀘 𑀲𑀺𑀚𑁆𑀛𑀢𑀻𑀢𑀺. 𑀓𑀭+𑀪𑀽𑀥𑀸𑀢𑀯𑁄 𑀘 𑁋

𑀓𑀸𑀭𑀺𑀬𑀭𑀽𑀧𑀸𑀪𑀺𑀥𑀸𑀢𑁆𑀯𑀢𑁆𑀣𑀸 ¶ , 𑀲𑀩𑁆𑀩𑁂 𑀲𑀢𑁆𑀢𑀸𑀬 𑀬𑀼𑀚𑁆𑀚𑀭𑁂;

𑀢𑀢𑁄 𑀓𑁆𑀭𑀺𑀬𑀸 𑀘 𑀪𑀸𑀯𑁄 𑀘, 𑀲𑀸𑀫𑀜𑁆𑀜𑀁 𑀢𑁂𑀲𑀼 𑀕𑀫𑁆𑀬𑀢𑁂 𑁋

𑀢𑀺 𑀯𑀼𑀢𑁆𑀢𑀢𑁆𑀢𑀸 𑀬𑀼𑀚𑁆𑀚𑀦𑁆𑀢𑀺.

𑀣𑁄𑀓𑀢𑁆𑀣𑁂-𑀣𑁄𑀓𑀸 𑀫𑀼𑀘𑁆𑀘𑀢𑀺. 𑀲𑀩𑁆𑀩𑀢𑁆𑀣 𑀲𑀯𑀺𑀲𑀬𑁂 𑀧𑀜𑁆𑀘𑀫𑀻. 𑀏𑀢𑁆𑀣 ‘‘𑀯𑀺𑀯𑀓𑁆𑀔𑀸 𑀮𑁄𑀓𑀺𑀓𑀸 𑀲𑀸 𑀘, 𑀦 𑀲𑀓𑁆𑀓𑀸 𑀅𑀦𑀺𑀯𑀢𑁆𑀢𑀺𑀢𑀼𑀁’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀅𑀦𑀺𑀝𑁆𑀞𑀧𑁆𑀧𑀲𑀗𑁆𑀕𑁄 𑀦 𑀲𑀺𑀬𑀸. 𑀫𑀭𑀺𑀬𑀸𑀤𑀸𑀬𑀁-𑀆𑀧𑀩𑁆𑀩𑀢𑀸 𑀔𑁂𑀢𑁆𑀢𑀁. 𑀅𑀪𑀺𑀯𑀺𑀥𑀺𑀫𑁆𑀳𑀺-𑀆𑀩𑁆𑀭𑀳𑁆𑀫𑀮𑁄𑀓𑀸 𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀘𑁆𑀙𑀢𑀺, 𑀧𑀩𑁆𑀩𑀢𑀁 𑀯𑀚𑁆𑀚𑁂𑀢𑁆𑀯𑀸, 𑀩𑁆𑀭𑀳𑁆𑀫𑀮𑁄𑀓𑀫𑁆𑀳𑀺 𑀩𑁆𑀬𑀸𑀧𑁂𑀢𑁆𑀯𑀸𑀢𑀺 𑀘 𑀅𑀢𑁆𑀣𑁄. 𑀏𑀢𑁆𑀣 𑀯𑀚𑁆𑀚𑀫𑀸𑀦𑀲𑀻𑀫𑀸 𑀫𑀭𑀺𑀬𑀸𑀤𑀸, 𑀕𑀬𑁆𑀳𑀫𑀸𑀦𑀲𑀻𑀫𑀸 𑀅𑀪𑀺𑀯𑀺𑀥𑀺.

𑀯𑀚𑁆𑀚𑀦𑁂 𑀯𑀢𑁆𑀢𑀫𑀸𑀦𑁂𑀳𑀻 𑀅𑀧𑀧𑀭𑀻𑀳𑀺 𑀬𑁄𑀕𑁂 𑀧𑀜𑁆𑀘𑀫𑀻 𑀳𑁄𑀢𑀺. 𑀅𑀧𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀧𑀭𑀺𑀲𑀸𑀮𑀸𑀬 𑀆𑀬𑀦𑁆𑀢𑀺 𑀯𑀸𑀡𑀺𑀚𑀸, 𑀲𑀸𑀮𑀁 𑀯𑀚𑁆𑀚𑁂𑀢𑁆𑀯𑀸𑀢𑀺 𑀅𑀢𑁆𑀣𑁄.

𑁨𑁮. 𑀧𑀝𑀺𑀦𑀺𑀥𑀺𑀧𑀢𑀺𑀤𑀸𑀦𑁂𑀲𑀼 𑀧𑀢𑀺𑀦𑀸

𑀧𑀝𑀺𑀦𑀺𑀥𑀺𑀫𑁆𑀳𑀺 𑀧𑀢𑀺𑀤𑀸𑀦𑁂 𑀘 𑀯𑀢𑁆𑀢𑀫𑀸𑀦𑁂𑀦 𑀧𑀢𑀺𑀦𑀸 𑀬𑁄𑀕𑁂 𑀦𑀸𑀫𑀲𑁆𑀫𑀸 𑀧𑀜𑁆𑀘𑀫𑀻 𑀳𑁄𑀢𑀺. 𑀩𑀼𑀤𑁆𑀥𑀲𑁆𑀫𑀸 𑀧𑀢𑀺 𑀲𑀸𑀭𑀺𑀧𑀼𑀢𑁆𑀢𑁄, 𑀖𑀢+𑀫𑀲𑁆𑀲 𑀢𑁂𑀮𑀲𑁆𑀫𑀸 𑀧𑀢𑀺 𑀤𑀤𑀸𑀢𑀺.

𑀭𑀺𑀢𑁂𑀲𑀤𑁆𑀤𑀬𑁄𑀕𑁂 𑀦𑀸𑀫𑀲𑁆𑀫𑀸 𑀤𑀼𑀢𑀺𑀬𑀸 𑀳𑁄𑀢𑀺 𑀧𑀜𑁆𑀘𑀫𑀻 𑀘. 𑀭𑀺𑀢𑁂 𑀲𑀤𑁆𑀥𑀫𑁆𑀫𑀸, 𑀭𑀺𑀢𑁂 𑀲𑀤𑁆𑀥𑀫𑁆𑀫𑀁.

𑀯𑀺𑀦𑀸+𑀜𑁆𑀜𑀢𑁆𑀭𑀬𑁄𑀕𑁂 ¶ 𑀦𑀸𑀫𑀲𑁆𑀫𑀸 𑀢𑀢𑀺𑀬𑀸 𑀤𑀼𑀢𑀺𑀬𑀸 𑀧𑀜𑁆𑀘𑀫𑀻 𑀘. 𑀯𑀺𑀦𑀸 𑀯𑀸𑀢𑁂𑀦, 𑀯𑀺𑀦𑀸 𑀯𑀸𑀢𑀁, 𑀯𑀺𑀦𑀸 𑀯𑀸𑀢𑀲𑁆𑀫𑀸. 𑀅𑀜𑁆𑀜𑀢𑁆𑀭 𑀏𑀓𑁂𑀦 𑀧𑀺𑀡𑁆𑀟𑀧𑀸𑀢𑀦𑀻𑀳𑀸𑀭𑀓𑁂𑀦, 𑀅𑀜𑁆𑀜𑀢𑁆𑀭 𑀥𑀫𑁆𑀫𑀁, 𑀅𑀜𑁆𑀜𑀢𑁆𑀭 𑀥𑀫𑁆𑀫𑀸.

𑀏𑀢𑁂𑀳𑀺 𑀬𑁄𑀕𑁂 𑀢𑀢𑀺𑀬𑀸 𑀳𑁄𑀢𑀺 𑀧𑀜𑁆𑀘𑀫𑀻 𑀘. 𑀪𑀺𑀦𑁆𑀦𑀬𑁄𑀕𑀓𑀭𑀡𑀁 𑀤𑀼𑀢𑀺𑀬𑀸𑀦𑀺𑀯𑀢𑁆𑀢𑀦𑀢𑁆𑀣𑀁. 𑀧𑀼𑀣𑀕𑁂𑀯 𑀚𑀦𑁂𑀦, 𑀧𑀼𑀣𑀕𑁂𑀯 𑀚𑀦𑀲𑁆𑀫𑀸, 𑀚𑀦𑁂𑀦 𑀦𑀸𑀦𑀸, 𑀚𑀦𑀲𑁆𑀫𑀸 𑀦𑀸𑀦𑀸.

𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻 𑀳𑁄𑀢𑀺. 𑀭𑀜𑁆𑀜𑁄 𑀧𑀼𑀭𑀺𑀲𑁄𑀢𑀺 𑀯𑀼𑀢𑁆𑀢𑁂 𑀬𑀲𑁆𑀫𑀸 𑀭𑀸𑀚𑀸 𑀤𑀤𑀸𑀢𑀺, 𑀧𑀼𑀭𑀺𑀲𑁄 𑀕𑀡𑁆𑀳𑀸𑀢𑀺, 𑀢𑀲𑁆𑀫𑀸 𑀭𑀸𑀚𑀧𑀼𑀭𑀺𑀲𑁄𑀢𑀺 𑀯𑀺𑀜𑁆𑀜𑀸𑀬𑀢𑀺. 𑀏𑀯𑀫𑁂𑀯 𑀬𑁄 𑀬𑀲𑁆𑀲 𑀆𑀬𑀢𑁆𑀢𑁄 𑀲𑁂𑀯𑀓𑀸𑀤𑀺𑀪𑀸𑀯𑁂𑀦 𑀪𑀡𑁆𑀟𑀪𑀸𑀯𑁂𑀦 𑀯𑀸 𑀲𑀫𑀻𑀧+𑀲𑀫𑀽𑀳𑀸+𑀯𑀬𑀯+𑀯𑀺𑀓𑀸𑀭+𑀓𑀸𑀭𑀺𑀬+𑀅𑀯𑀢𑁆𑀣𑀸+𑀚𑀸𑀢𑀺+𑀕𑀼𑀡+𑀓𑁆𑀭𑀺𑀬𑀸𑀤𑀺𑀯𑀲𑁂𑀦 𑀯𑀸, 𑀞𑀸𑀦𑀻𑀯𑀲𑁂𑀦 𑀯𑀸, 𑀆𑀕𑀫𑀻𑀯𑀲𑁂𑀦 𑀯𑀸, 𑀲𑁄 𑀢𑀺𑀯𑀺𑀥𑁄𑀧𑀺 𑀅𑀢𑁆𑀣𑁄 𑀲𑀫𑁆𑀩𑀦𑁆𑀥𑁄 𑀦𑀸𑀫. 𑀯𑀼𑀢𑁆𑀢𑀜𑁆𑀳𑀺 𑁋

𑀓𑁆𑀭𑀺𑀬𑀸𑀓𑀸𑀭𑀓𑀲𑀜𑁆𑀚𑀸𑀢𑁄, 𑀅𑀲𑁆𑀲𑁂+𑀤𑀁𑀪𑀸𑀯𑀳𑁂𑀢𑀼𑀓𑁄;

𑀲𑀫𑁆𑀩𑀦𑁆𑀥𑁄 𑀦𑀸𑀫 𑀲𑁄 𑀅𑀢𑁆𑀣𑁄, 𑀢𑀢𑁆𑀣 𑀙𑀝𑁆𑀞𑀻 𑀯𑀺𑀥𑀻𑀬𑀢𑁂.

𑀧𑀸𑀭𑀢𑀦𑁆𑀢𑁆𑀬𑀜𑁆𑀳𑀺 𑀲𑀫𑁆𑀩𑀦𑁆𑀥𑁄, 𑀢𑀢𑁆𑀣 𑀙𑀝𑁆𑀞𑀻 𑀪𑀯𑁂 𑀢𑀺𑀢𑁄;

𑀉𑀧𑀸𑀥𑀺+𑀞𑀸𑀦𑁆𑀬𑀸+𑀕𑀫𑀺𑀢𑁄, 𑀦 𑀯𑀺𑀲𑁂𑀲𑁆𑀲𑀸𑀤𑀺𑀢𑁄 𑀢𑀺𑀢𑁄𑀢𑀺.

𑀉𑀧𑀸𑀥𑀺𑀲𑀗𑁆𑀔𑀸𑀢𑀯𑀺𑀲𑁂𑀲𑀦𑀢𑁄 𑀢𑀸𑀯-𑀭𑀜𑁆𑀜𑁄 𑀧𑀼𑀭𑀺𑀲𑁄. 𑀏𑀢𑁆𑀣 𑀘 𑀩𑁆𑀭𑀸𑀳𑁆𑀫𑀡𑀸𑀤𑀺𑀲𑀸𑀫𑀺𑀢𑁄 𑀦𑀺𑀯𑀢𑁆𑀢𑁂𑀢𑀻𑀢𑀺 𑀭𑀸𑀚𑀸 𑀯𑀺𑀲𑁂𑀲𑀦𑀁, 𑀧𑀼𑀭𑀺𑀲𑁄 𑀢𑁂𑀦 ¶ 𑀯𑀺𑀲𑁂𑀲𑀺𑀬𑀢𑀻𑀢𑀺 𑀯𑀺𑀲𑁂𑀲𑁆𑀲𑁄. 𑀪𑀡𑁆𑀟𑀲𑀫𑁆𑀩𑀦𑁆𑀥𑀢𑁄-𑀧𑀳𑀼𑀢𑀁 𑀫𑁂 𑀥𑀦𑀁 𑀲𑀓𑁆𑀓, 𑀏𑀓𑀲𑁆𑀲 𑀧𑀝𑀺𑀯𑀻𑀲𑁄, 𑀪𑀺𑀓𑁆𑀔𑀼𑀲𑁆𑀲 𑀧𑀢𑁆𑀢𑀘𑀻𑀯𑀭𑀁. 𑀲𑀫𑀻𑀧𑀢𑁄-𑀅𑀫𑁆𑀩𑀯𑀦𑀲𑁆𑀲 𑀅𑀯𑀺𑀤𑀽𑀭𑁂, 𑀦𑀺𑀩𑁆𑀩𑀸𑀦𑀲𑁆𑀲𑁂𑀯 𑀲𑀦𑁆𑀢𑀺𑀓𑁂. 𑀲𑀫𑀽𑀳𑁂-𑀲𑀼𑀯𑀡𑁆𑀡𑀲𑁆𑀲 𑀭𑀸𑀲𑀺, 𑀪𑀺𑀓𑁆𑀔𑀽𑀦𑀁 𑀲𑀫𑀽𑀳𑁄. 𑀅𑀯𑀬𑀯𑁂-𑀫𑀦𑀼𑀲𑁆𑀲𑀲𑁆𑀲𑁂𑀯 𑀢𑁂 𑀲𑀻𑀲𑀁, 𑀭𑀼𑀓𑁆𑀔𑀲𑁆𑀲 𑀲𑀸𑀔𑀸. 𑀯𑀺𑀓𑀸𑀭𑁂-𑀲𑀼𑀯𑀡𑁆𑀡𑀲𑁆𑀲 𑀯𑀺𑀓𑀢𑀺, 𑀪𑀝𑁆𑀞𑀥𑀜𑁆𑀜𑀸𑀦𑀁 𑀲𑀢𑁆𑀢𑀼. 𑀓𑀸𑀭𑀺𑀬𑁂-𑀬𑀯𑀲𑁆𑀲 𑀅𑀗𑁆𑀓𑀼𑀭𑁄, 𑀫𑁂𑀖𑀲𑁆𑀲 𑀲𑀤𑁆𑀤𑁄, 𑀧𑀼𑀢𑁆𑀢𑀸𑀧𑀺 𑀢𑀲𑁆𑀲 𑀩𑀳𑀯𑁄, 𑀓𑀫𑁆𑀫𑀸𑀦𑀁 𑀨𑀮𑀁 𑀯𑀺𑀧𑀸𑀓𑁄. 𑀅𑀯𑀢𑁆𑀣𑀸𑀬𑀁-𑀔𑀦𑁆𑀥𑀸𑀦𑀁 𑀧𑀸𑀢𑀼𑀪𑀸𑀯𑁄, 𑀚𑀭𑀸, 𑀪𑁂𑀤𑁄 𑀯𑀸. 𑀚𑀸𑀢𑀺𑀬𑀁-𑀫𑀦𑀼𑀲𑁆𑀲𑀲𑁆𑀲 𑀪𑀸𑀯𑁄, 𑀫𑀦𑀼𑀲𑁆𑀲𑀸𑀦𑀁 𑀚𑀸𑀢𑀺. 𑀕𑀼𑀡𑁂-𑀲𑀼𑀯𑀡𑁆𑀡𑀲𑁆𑀲 𑀯𑀡𑁆𑀡𑁄, 𑀯𑀡𑁆𑀡𑁄 𑀦 𑀔𑀻𑀬𑁂𑀣 𑀢𑀣𑀸𑀕𑀢𑀲𑁆𑀲 𑀩𑀼𑀤𑁆𑀥𑀲𑁆𑀲 𑀕𑀼𑀡𑀖𑁄𑀲𑁄, 𑀧𑀼𑀧𑁆𑀨𑀸𑀦𑀁 𑀕𑀦𑁆𑀥𑁄, 𑀨𑀮𑀸𑀦𑀁 𑀭𑀲𑁄, 𑀘𑀺𑀢𑁆𑀢𑀲𑁆𑀲 𑀨𑀼𑀲𑀦𑀸, 𑀲𑀺𑀧𑁆𑀧𑀺𑀓𑀸𑀦𑀁 𑀲𑀢𑀁 𑀦𑀢𑁆𑀣𑀺, 𑀢𑀺𑀮𑀸𑀦𑀁 𑀫𑀼𑀝𑁆𑀞𑀺, 𑀢𑁂𑀲𑀁 𑀲𑀫𑀸𑀬𑁄𑀕𑁄, 𑀲𑀦𑁆𑀥𑀺𑀦𑁄 𑀯𑀺𑀫𑁄𑀓𑁆𑀔𑁄, 𑀢𑀣𑀸𑀕𑀢𑀲𑁆𑀲 𑀧𑀜𑁆𑀜𑀸𑀧𑀸𑀭𑀫𑀺𑀁 𑀆𑀭𑀩𑁆𑀪, 𑀲𑀼𑀔𑀁 𑀢𑁂, 𑀤𑀼𑀓𑁆𑀔𑀁 𑀢𑁂, 𑀘𑁂𑀢𑀲𑁄 𑀧𑀭𑀺𑀯𑀺𑀢𑀓𑁆𑀓𑁄 𑀉𑀤𑀧𑀸𑀤𑀺, 𑀧𑀜𑁆𑀜𑀸𑀬 𑀧𑀝𑀼𑀪𑀸𑀯𑁄, 𑀭𑀽𑀧𑀲𑁆𑀲 𑀮𑀳𑀼𑀢𑀸, 𑀫𑀼𑀤𑀼𑀢𑀸 𑀯𑀸, 𑀉𑀧𑀘𑀬𑁄 𑀯𑀸. 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑁂-𑀧𑀸𑀤𑀲𑁆𑀲 𑀉𑀓𑁆𑀔𑁂𑀧𑀦𑀁, 𑀅𑀯𑀓𑁆𑀔𑁂𑀧𑀦𑀁 𑀯𑀸, 𑀳𑀢𑁆𑀣𑀲𑁆𑀲 𑀲𑀫𑀺𑀜𑁆𑀚𑀦𑀁, 𑀤𑀸𑀦𑀁, 𑀧𑀲𑀸𑀭𑀡𑀁, 𑀥𑀸𑀢𑀽𑀦𑀁 𑀕𑀫𑀦𑀁, 𑀞𑀸𑀦𑀁, 𑀦𑀺𑀲𑀚𑁆𑀚𑀸, 𑀲𑀬𑀦𑀁 𑀯𑀸, 𑀢𑀣𑀸𑀕𑀢𑀲𑁆𑀲 𑀦𑀸𑀫𑀕𑁄𑀢𑁆𑀢𑀸𑀤𑀺, 𑀢𑀲𑁆𑀲 𑀓𑀸𑀭𑀡𑀁, 𑀢𑀲𑁆𑀲 𑀫𑀸𑀢𑀸𑀧𑀺𑀢𑀭𑁄, 𑀢𑀲𑁆𑀲 𑀧𑀼𑀭𑀢𑁄 𑀧𑀸𑀢𑀼𑀭𑀳𑁄𑀲𑀺, 𑀦𑀕𑀭𑀲𑁆𑀲 𑀤𑀓𑁆𑀔𑀺𑀡𑀢𑁄, 𑀯𑀲𑁆𑀲𑀸𑀦𑀁 𑀢𑀢𑀺𑀬𑁂 𑀫𑀸𑀲𑁂, 𑀦 𑀢𑀲𑁆𑀲 𑀉𑀧𑀫𑀸, 𑀓𑀼𑀯𑁂𑀭𑀲𑁆𑀲 𑀩𑀮𑀺 𑀇𑀘𑁆𑀘𑀸𑀤𑀺. 𑀅𑀧𑀺 𑀘 𑁋

𑀕𑀸𑀯𑀲𑁆𑀲 𑀚𑀸𑀢𑀺, 𑀥𑀯𑀮𑁄, 𑀕𑀢𑀺, 𑀲𑀺𑀗𑁆𑀕𑀁, 𑀦𑀸𑀫𑀦𑁆𑀢𑀺+𑀥;

𑀤𑀩𑁆𑀩𑀲𑁆𑀲𑀸𑀧𑀺 𑀘 𑀚𑀸𑀢𑁆𑀬𑀸𑀤𑀺, 𑀯𑀺𑀲𑁂𑀲𑁆𑀲𑀸 𑀳𑁄𑀦𑁆𑀢𑀺 𑀓𑀸𑀫𑀢𑁄.

𑀕𑁄𑀢𑁆𑀢𑀜𑁆𑀘 ¶ 𑀲𑀩𑀮𑁄𑀤𑀺𑀲𑁆𑀲, 𑀧𑀸𑀓+𑀫𑀦𑁆𑀦𑀲𑁆𑀲 𑀲𑀼𑀓𑁆𑀓𑀢𑀸;

𑀧𑀝𑀲𑁆𑀲, 𑀲𑀺𑀗𑁆𑀕𑀁𑀫𑁂𑀡𑁆𑀟𑀲𑁆𑀲, 𑀦𑀸+𑀜𑁆𑀜𑁂𑀲𑀁𑀢𑀺 𑀯𑀺𑀲𑁂𑀲𑁆𑀲𑀢𑁂.

𑀞𑀸𑀦𑀺𑀢𑁄-𑀬𑀼𑀯𑀡𑁆𑀡𑀸𑀦+𑀫𑁂𑀑 𑀮𑀼𑀢𑁆𑀢𑀸. 𑀆𑀕𑀫𑀺𑀢𑁄-𑀲𑀼𑀜 𑀲𑀲𑁆𑀲. 𑀲𑀸𑀫𑀺𑀬𑁄𑀕𑁂-𑀤𑁂𑀯𑀸𑀦+𑀫𑀺𑀦𑁆𑀤𑁄, 𑀫𑀺𑀕𑀸𑀦𑀁 𑀭𑀸𑀚𑀸. 𑀭𑀼𑀚𑀸𑀤𑀺𑀬𑁄𑀕𑁂-𑀤𑁂𑀯𑀤𑀢𑁆𑀢𑀲𑁆𑀲 𑀭𑀼𑀚𑀢𑀺, 𑀢𑀲𑁆𑀲 𑀭𑁄𑀕𑁄 𑀉𑀧𑁆𑀧𑀚𑁆𑀚𑀺, 𑀫𑀳𑀸𑀲𑁂𑀦𑀸𑀧𑀢𑀻𑀦𑀁 𑀉𑀚𑁆𑀛𑀸𑀧𑁂𑀢𑀩𑁆𑀩𑀁, 𑀭𑀚𑀓𑀲𑁆𑀲 𑀯𑀢𑁆𑀣𑀁 𑀤𑀤𑀸𑀢𑀺, 𑀫𑀼𑀲𑀸𑀯𑀸𑀤𑀲𑁆𑀲 𑀑𑀢𑁆𑀢𑀧𑁆𑀧𑀁 𑀇𑀘𑁆𑀘𑀸𑀤𑀺. 𑀬𑀚𑀲𑁆𑀲 𑀬𑁄𑀕𑁂-𑀧𑀼𑀧𑁆𑀨𑀲𑁆𑀲 𑀩𑀼𑀤𑁆𑀥𑀲𑁆𑀲 𑀬𑀚𑀢𑀺, 𑀧𑀼𑀧𑁆𑀨𑁂𑀦𑀸𑀢𑁆𑀬𑀢𑁆𑀣𑁄. 𑀏𑀯𑀁 𑀖𑀢𑀲𑁆𑀲 𑀅𑀕𑁆𑀕𑀺𑀁 𑀚𑀼𑀳𑀢𑀺. 𑀲𑀼𑀳𑀺𑀢𑀢𑁆𑀣𑁂-𑀧𑀢𑁆𑀢𑀁 𑀑𑀤𑀦𑀲𑁆𑀲 𑀧𑀽𑀭𑁂𑀢𑁆𑀯𑀸, 𑀧𑀽𑀭𑀁 𑀦𑀸𑀦𑀸𑀧𑀓𑀸𑀭𑀲𑁆𑀲 𑀅𑀲𑀼𑀘𑀺𑀦𑁄, 𑀧𑀽𑀭𑀁 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀲𑁆𑀲, 𑀧𑀽𑀭𑀢𑀺 𑀩𑀸𑀮𑁄 𑀧𑀸𑀧𑀲𑁆𑀲. 𑀓𑀺𑀢𑀓𑀧𑁆𑀧𑀬𑁄𑀕𑁂-𑀩𑀳𑀼𑀮𑀁𑀯𑀺𑀥𑀸𑀦𑀸 𑀙𑀝𑁆𑀞𑀻, 𑀭𑀜𑁆𑀜𑁄 𑀲𑀫𑁆𑀫𑀢𑁄, 𑀧𑀽𑀚𑀺𑀢𑁄, 𑀲𑀓𑁆𑀓𑀢𑁄, 𑀅𑀧𑀘𑀺𑀢𑁄, 𑀫𑀸𑀦𑀺𑀢𑁄 𑀯𑀸, 𑀅𑀫𑀢𑀁 𑀢𑁂𑀲𑀁 𑀪𑀺𑀓𑁆𑀔𑀯𑁂 𑀅𑀧𑀭𑀺𑀪𑀼𑀢𑁆𑀢𑀁, 𑀬𑁂𑀲𑀁 𑀓𑀸𑀬𑀕𑀢𑀸 𑀲𑀢𑀺 𑀅𑀧𑀭𑀺𑀪𑀼𑀢𑁆𑀢𑀸, 𑀲𑀸𑀥𑀼𑀲𑀫𑁆𑀫𑀢𑁄 𑀩𑀳𑀼𑀚𑀦𑀲𑁆𑀲, 𑀲𑀼𑀧𑁆𑀧𑀝𑀺𑀯𑀺𑀤𑁆𑀥𑀸 𑀩𑀼𑀤𑁆𑀥𑀸𑀦𑀁 𑀥𑀫𑁆𑀫𑀥𑀸𑀢𑀼, 𑀥𑀫𑁆𑀫𑀲𑁆𑀲 𑀕𑀼𑀢𑁆𑀢𑁄 𑀫𑁂𑀥𑀸𑀯𑀻. 𑀓𑀫𑁆𑀫𑀢𑁆𑀣𑁂-𑀢𑀲𑁆𑀲 𑀪𑀯𑀦𑁆𑀢𑀺 𑀯𑀢𑁆𑀢𑀸𑀭𑁄, 𑀲𑀳𑀲𑀸 𑀓𑀫𑁆𑀫𑀲𑁆𑀲 𑀓𑀢𑁆𑀢𑀸𑀭𑁄, 𑀅𑀫𑀢𑀲𑁆𑀲 𑀤𑀸𑀢𑀸, 𑀪𑀺𑀦𑁆𑀦𑀸𑀦𑀁 𑀲𑀦𑁆𑀥𑀸𑀢𑀸, 𑀲𑀳𑀺𑀢𑀸𑀦𑀁 𑀅𑀦𑀼𑀧𑁆𑀧𑀤𑀸𑀢𑀸, 𑀩𑁄𑀥𑁂𑀢𑀸 𑀧𑀚𑀸𑀬, 𑀓𑀫𑁆𑀫𑀲𑁆𑀲 𑀓𑀸𑀭𑀓𑁄 𑀦𑀢𑁆𑀣𑀺, 𑀯𑀺𑀧𑀸𑀓𑀲𑁆𑀲 𑀘 𑀯𑁂𑀤𑀓𑁄, 𑀅𑀯𑀺𑀲𑀁𑀯𑀸𑀤𑀓𑁄 𑀮𑁄𑀓𑀲𑁆𑀲, 𑀘𑀢𑀼𑀦𑁆𑀦𑀁 𑀫𑀳𑀸𑀪𑀽𑀢𑀸𑀦𑀁 𑀉𑀧𑀸𑀤𑀸𑀬 𑀧𑀲𑀸𑀤𑁄. 𑀲𑀭𑀢𑀺+𑀘𑁆𑀙𑀸𑀬𑁄𑀕𑁂-𑀫𑀸𑀢𑀼 𑀲𑀭𑀢𑀺, 𑀦 𑀢𑁂𑀲𑀁 𑀓𑁄𑀘𑀺 𑀲𑀭𑀢𑀺, 𑀲𑀢𑁆𑀢𑀸𑀦𑀁 𑀓𑀫𑁆𑀫𑀧𑀘𑁆𑀘𑀬𑀸, 𑀧𑀼𑀢𑁆𑀢𑀲𑁆𑀲 𑀇𑀘𑁆𑀙𑀢𑀺. 𑀓𑀭𑁄𑀢𑀺𑀲𑁆𑀲 (𑀬𑁄𑀕𑁂) 𑁋 𑀉𑀤𑀓𑀲𑁆𑀲 𑀧𑀢𑀺𑀓𑀼𑀭𑀼𑀢𑁂, 𑀓𑀡𑁆𑀟𑀲𑁆𑀲 𑀧𑀢𑀺𑀓𑀼𑀭𑀼𑀢𑁂, 𑀅𑀪𑀺𑀲𑀗𑁆𑀔𑀭𑁄𑀢𑀻𑀢𑁆𑀬𑀢𑁆𑀣𑁄. 𑀧𑀜𑁆𑀘𑀫𑀺𑀬𑀢𑁆𑀣𑁂 𑀧𑀭𑀺𑀳𑀸𑀦𑀺𑀪𑀬𑀢𑁆𑀣𑀬𑁄𑀕𑁂𑀧𑀺 𑀙𑀝𑁆𑀞𑀻, 𑀅𑀲𑁆𑀲𑀯𑀦𑀢𑀸𑀬 𑀥𑀫𑁆𑀫𑀲𑁆𑀲 𑀧𑀭𑀺𑀬𑀸𑀬𑀦𑁆𑀢𑀺, 𑀓𑀺𑀦𑁆𑀦𑀼 𑀔𑁄 𑀅𑀳𑀁 𑀢𑀲𑁆𑀲 𑀲𑀼𑀔𑀲𑁆𑀲 𑀪𑀸𑀬𑀸𑀫𑀺, 𑀲𑀩𑁆𑀩𑁂 𑀢𑀲𑀦𑁆𑀢𑀺 𑀤𑀡𑁆𑀟𑀲𑁆𑀲, 𑀲𑀩𑁆𑀩𑁂 𑀪𑀸𑀬𑀦𑁆𑀢𑀺 ¶ 𑀫𑀘𑁆𑀘𑀼𑀦𑁄, 𑀪𑀻𑀢𑁄 𑀘𑀢𑀼𑀦𑁆𑀦𑀁 𑀆𑀲𑀻𑀯𑀺𑀲𑀸𑀦𑀁 𑀖𑁄𑀭𑀯𑀺𑀲𑀸𑀦𑀁 𑀇𑀘𑁆𑀘𑀸𑀤𑀺.

𑁪𑁦. 𑀢𑀼𑀮𑁆𑀬𑀢𑁆𑀣𑁂𑀦 𑀯𑀸 𑀢𑀢𑀺𑀬𑀸

𑀢𑀼𑀮𑁆𑀬𑀢𑁆𑀣𑁂𑀦 𑀬𑁄𑀕𑁂 𑀯𑀸 𑀙𑀝𑁆𑀞𑀻 𑀳𑁄𑀢𑀺 𑀢𑀢𑀺𑀬𑀸 𑀘. 𑀧𑀺𑀢𑀼 𑀢𑀼𑀮𑁆𑀬𑁄, 𑀧𑀺𑀢𑀭𑀸 𑀯𑀸, 𑀫𑀸𑀢𑀼 𑀢𑀼𑀮𑁆𑀬𑁄, 𑀫𑀸𑀢𑀭𑀸 𑀯𑀸.

𑀓𑀢𑁆𑀢𑀼𑀓𑀫𑁆𑀫𑀝𑁆𑀞𑀸𑀦𑀁 𑀦𑀺𑀲𑀚𑁆𑀚+𑀧𑀘𑀦𑀸𑀤𑀺𑀓𑁆𑀭𑀺𑀬𑀸𑀦𑀁 𑀬𑁄 𑀆𑀥𑀸𑀭𑁄, 𑀢𑀁 𑀆𑀥𑀸𑀭𑀓𑀸𑀭𑀓𑀁 𑀦𑀸𑀫. 𑀓𑀣𑀁 𑀓𑀝𑁂 𑀦𑀺𑀲𑀻𑀤𑀢𑀺 𑀤𑁂𑀯𑀤𑀢𑁆𑀢𑁄, 𑀣𑀸𑀮𑀺𑀬𑀁 𑀑𑀤𑀦𑀁 𑀧𑀘𑀢𑀺, 𑀤𑁂𑀯𑀤𑀢𑁆𑀢+𑀢𑀡𑁆𑀟𑀼𑀮𑀸𑀦𑀁 𑀓𑀢𑁆𑀢𑀼+𑀓𑀫𑁆𑀫𑀸𑀦𑀁 𑀥𑀸𑀭𑀡𑀢𑁄 𑀢𑀤𑀝𑁆𑀞𑀆𑀲𑀦+𑀧𑀘𑀦𑀓𑁆𑀭𑀺𑀬𑀁 𑀓𑀝+𑀣𑀸𑀮𑀺𑀬𑁄 𑀥𑀸𑀭𑁂𑀦𑁆𑀢𑀺 𑀦𑀸𑀫, 𑀢𑀲𑁆𑀫𑀺𑀁 𑀲𑀢𑁆𑀢𑀫𑀻𑀯𑀺𑀪𑀢𑁆𑀢𑀺 𑀳𑁄𑀢𑀺.

𑀲𑁄 𑀩𑁆𑀬𑀸𑀧𑀺𑀓𑁄, 𑀑𑀧𑀲𑀺𑀮𑁂𑀲𑀺𑀓𑁄, 𑀯𑁂𑀲𑀬𑀺𑀓𑁄, 𑀲𑀸𑀫𑀻𑀧𑀺𑀓𑁄𑀢𑀺 𑀘𑀢𑀼𑀩𑁆𑀩𑀺𑀥𑁄. 𑀢𑀢𑁆𑀣 𑀬𑁄 𑀆𑀥𑁂𑀬𑁆𑀬𑀲𑁆𑀲 𑀦𑀺𑀲𑁆𑀲𑁂𑀲𑀸𑀥𑀸𑀭𑀪𑀽𑀢𑁄, 𑀲𑁄 𑀩𑁆𑀬𑀸𑀧𑀺𑀓𑁄, 𑀬𑀣𑀸 𑀢𑀺𑀮𑁂𑀲𑀼 𑀢𑁂𑀮𑀁 𑀅𑀢𑁆𑀣𑀺, 𑀔𑀻𑀭𑁂𑀲𑀼 𑀚𑀮𑀁, 𑀤𑀥𑀺𑀫𑁆𑀳𑀺 𑀲𑀧𑁆𑀧𑀺. 𑀧𑀘𑁆𑀘𑁂𑀓𑀲𑀺𑀤𑁆𑀥𑀸𑀦𑀁 𑀪𑀸𑀯𑀸𑀦𑀁 𑀬𑀁 𑀆𑀥𑁂𑀬𑁆𑀬𑀪𑀸𑀯𑁂𑀦 𑀉𑀧𑀲𑀺𑀮𑁂𑀲𑀦𑀁 𑀅𑀮𑁆𑀮𑀻𑀬𑀦𑀁 𑀅𑀢𑁆𑀣𑀺, 𑀲𑁄 𑀑𑀧𑀲𑀺𑀮𑁂𑀲𑀺𑀓𑁄. 𑀬𑀣𑀸 𑀆𑀲𑀦𑁂 𑀦𑀺𑀲𑀺𑀦𑁆𑀦𑁄 𑀲𑀗𑁆𑀖𑁄, 𑀣𑀸𑀮𑀺𑀬𑀁 𑀑𑀤𑀦𑀁 𑀧𑀘𑀢𑀺, 𑀖𑀝𑁂 𑀉𑀤𑀓+𑀫𑀢𑁆𑀣𑀺, 𑀤𑀽𑀭𑁂 𑀞𑀺𑀢𑁄, 𑀲𑀫𑀻𑀧𑁂 𑀞𑀺𑀢𑁄. 𑀬𑀢𑁆𑀣 𑀲𑀫𑀻𑀧𑁂 𑀲𑀫𑀻𑀧𑀻𑀯𑁄𑀳𑀸𑀭𑀁 𑀓𑀢𑁆𑀯𑀸 𑀢𑀤𑀸𑀬𑀢𑁆𑀢𑀢𑀸𑀤𑀻𑀧𑀦𑀢𑁆𑀣𑀁 𑀆𑀥𑀸𑀭𑀪𑀸𑀯𑁄 𑀉𑀧𑀘𑀭𑀻𑀬𑀢𑀺, 𑀢𑀁 𑀲𑀸𑀫𑀻𑀧𑀺𑀓𑀁, 𑀬𑀣𑀸 𑀕𑀗𑁆𑀕𑀸𑀬𑀁 𑀖𑁄𑀲𑁄, 𑀕𑀗𑁆𑀕𑀸𑀬 𑀲𑀫𑀻𑀧𑁂 𑀯𑀚𑁄𑀢𑁆𑀬𑀢𑁆𑀣𑁄. 𑀲𑀸𑀯𑀢𑁆𑀣𑀺𑀬𑀁 𑀯𑀺𑀳𑀭𑀢𑀺 𑀚𑁂𑀢𑀯𑀦𑁂. 𑀬𑀢𑁆𑀣 𑀅𑀜𑁆𑀜𑀣𑀸𑀪𑀸𑀯𑀯𑀲𑁂𑀦 𑀤𑁂𑀲𑀦𑁆𑀢𑀭𑀸𑀯𑀘𑁆𑀙𑁂𑀤𑀯𑀲𑁂𑀦 𑀯𑀸 𑀆𑀥𑀸𑀭𑀧𑀭𑀺𑀓𑀧𑁆𑀧𑁄 ¶ , 𑀲𑁄 𑀯𑁂𑀲𑀬𑀺𑀢𑁄. 𑀬𑀣𑀸 𑀆𑀓𑀸𑀲𑁂 𑀲𑀓𑀼𑀡𑀸 𑀘𑀭𑀦𑁆𑀢𑀺, 𑀪𑀽𑀫𑀺𑀬𑀁 𑀫𑀦𑀼𑀲𑁆𑀲𑀸, 𑀚𑀮𑁂 𑀫𑀘𑁆𑀙𑀸, 𑀧𑀸𑀲𑀸𑀤𑁂𑀲𑀼 𑀧𑀢𑀺𑀢𑁄, 𑀧𑀸𑀧𑀲𑁆𑀫𑀺𑀁 𑀭𑀫𑀢𑀻 𑀫𑀦𑁄, 𑀧𑀲𑀦𑁆𑀦𑁄 𑀩𑀼𑀤𑁆𑀥𑀲𑀸𑀲𑀦𑁂, 𑀧𑀜𑁆𑀜𑀸𑀬 𑀲𑀸𑀥𑀼, 𑀯𑀺𑀦𑀬𑁂 𑀦𑀺𑀧𑀼𑀡𑁄, 𑀫𑀸𑀢𑀭𑀺 𑀲𑀸𑀥𑀼, 𑀧𑀺𑀢𑀭𑀺 𑀦𑀺𑀧𑀼𑀡𑁄.

𑀓𑀺𑀭𑀺𑀬𑀸 𑀓𑀢𑁆𑀢𑀼+𑀓𑀫𑁆𑀫𑀝𑁆𑀞𑀸, 𑀆𑀥𑀸𑀭𑀻𑀬𑀢𑀺 𑀬𑁂𑀦 𑀲𑁄;

𑀆𑀥𑀸𑀭𑁄 𑀘𑀢𑀼𑀥𑀸 𑀯𑀼𑀢𑁆𑀢𑁄, 𑀩𑁆𑀬𑀸𑀧𑀓𑀸𑀤𑀺𑀧𑁆𑀧𑀪𑁂𑀤𑀢𑁄.

𑀩𑁆𑀬𑀸𑀧𑀓𑁄 𑀢𑀺𑀮𑀔𑀻𑀭𑀸𑀤𑀺, 𑀓𑀝𑁄 𑀑𑀧𑀲𑀺𑀮𑁂𑀲𑀺𑀓𑁄;

𑀲𑀸𑀫𑀻𑀧𑀺𑀓𑁄 𑀢𑀼 𑀕𑀗𑁆𑀕𑀸𑀤𑀺, 𑀆𑀓𑀸𑀲𑁄 𑀯𑀺𑀲𑀬𑁄 𑀫𑀢𑁄.

𑀦𑀺𑀫𑀺𑀢𑁆𑀢𑀢𑁆𑀣𑁂 𑀲𑀢𑁆𑀢𑀫𑀻 𑀳𑁄𑀢𑀺. 𑀅𑀚𑀺𑀦𑀫𑁆𑀳𑀺 𑀳𑀜𑁆𑀜𑀢𑁂 𑀤𑀻𑀧𑀺, 𑀓𑀼𑀜𑁆𑀚𑀭𑁄 𑀤𑀦𑁆𑀢𑁂𑀲𑀼 𑀳𑀜𑁆𑀜𑀢𑁂, 𑀅𑀡𑀼𑀫𑀢𑁆𑀢𑁂𑀲𑀼 𑀯𑀚𑁆𑀚𑁂𑀲𑀼 𑀪𑀬𑀤𑀲𑁆𑀲𑀸𑀯𑀻, 𑀲𑀫𑁆𑀧𑀚𑀸𑀦𑀫𑀼𑀲𑀸𑀯𑀸𑀤𑁂 𑀧𑀸𑀘𑀺𑀢𑁆𑀢𑀺𑀬𑀁. 𑀲𑀩𑁆𑀩𑀢𑁆𑀣 𑀦𑀺𑀫𑀺𑀢𑁆𑀬𑀢𑁆𑀣𑁄.

𑀬𑀲𑁆𑀲 𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀯𑀢𑀺, 𑀢𑀢𑁄 𑀲𑀢𑁆𑀢𑀫𑀻. 𑀓𑀸𑀮𑁂 𑀕𑀸𑀯𑀻𑀲𑀼 𑀤𑀼𑀬𑁆𑀳𑀫𑀸𑀦𑀸𑀲𑀼𑀕𑀢𑁄, 𑀤𑀼𑀤𑁆𑀥𑀸𑀲𑀼 𑀆𑀕𑀢𑁄. 𑀏𑀢𑁆𑀣𑀕𑀫𑀦𑀓𑁆𑀭𑀺𑀬𑀸𑀬 𑀤𑁄𑀳𑀦𑀓𑁆𑀭𑀺𑀬𑀸𑀘𑀺𑀳𑀦𑀁, 𑀆𑀕𑀫𑀦𑀓𑁆𑀭𑀺𑀬𑀸𑀬 𑀤𑀼𑀤𑁆𑀥𑀸𑀓𑁆𑀭𑀺𑀬𑀸𑀘𑀺𑀳𑀦𑀁, 𑀏𑀯+𑀫𑀼𑀧𑀭𑀺𑀧𑀺. 𑀧𑀼𑀩𑁆𑀩𑀡𑁆𑀳𑀲𑀫𑀬𑁂 𑀕𑀢𑁄, 𑀲𑀸𑀬𑀦𑁆𑀳𑀲𑀫𑀬𑁂 𑀆𑀕𑀢𑁄, 𑀚𑀸𑀬𑀫𑀸𑀦𑁂 𑀔𑁄 𑀲𑀸𑀭𑀺𑀧𑀼𑀢𑁆𑀢 𑀩𑁄𑀥𑀺𑀲𑀢𑁆𑀢𑁂 𑀅𑀬𑀁 𑀤𑀲𑀲𑀳𑀲𑁆𑀲𑀻 𑀮𑁄𑀓𑀥𑀸𑀢𑀼 𑀲𑀫𑁆𑀧𑀓𑀫𑁆𑀧𑀺.

𑀧𑀸𑀲𑀸𑀡𑀸 𑀲𑀓𑁆𑀔𑀭𑀸 𑀘𑁂𑀯, 𑀓𑀞𑀮𑀸 𑀔𑀸𑀡𑀼𑀓𑀡𑁆𑀝𑀓𑀸;

𑀲𑀩𑁆𑀩𑁂 𑀫𑀕𑁆𑀕𑀸 𑀯𑀺𑀯𑀚𑁆𑀚𑀦𑁆𑀢𑀺, 𑀕𑀘𑁆𑀙𑀦𑁆𑀢𑁂 𑀮𑁄𑀓𑀦𑀸𑀬𑀓𑁂.

𑀇𑀫𑀲𑁆𑀫𑀺𑀁 ¶ 𑀲𑀢𑀺 𑀇𑀤𑀁 𑀳𑁄𑀢𑀺 𑀇𑀘𑁆𑀘𑀸𑀤𑀺. ‘‘𑀅𑀓𑀸𑀮𑁂 𑀯𑀲𑁆𑀲𑀢𑀻 𑀢𑀲𑁆𑀲, 𑀓𑀸𑀮𑁂 𑀢𑀲𑁆𑀲 𑀦 𑀯𑀲𑁆𑀲𑀢𑀻’’𑀢𑀺 𑀯𑀺𑀲𑀬𑀲𑀢𑁆𑀢𑀫𑀻.

𑀬𑀲𑁆𑀲 𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀯𑀢𑀺, 𑀢𑀢𑁄 𑀙𑀝𑁆𑀞𑀻 𑀳𑁄𑀢𑀺 𑀲𑀢𑁆𑀢𑀫𑀻 𑀘𑀸+𑀦𑀸𑀤𑀭𑁂 𑀕𑀫𑁆𑀬𑀫𑀸𑀦𑁂. 𑀅𑀓𑀸𑀫𑀓𑀸𑀦𑀁 𑀫𑀸𑀢𑀸𑀧𑀺𑀢𑀽𑀦𑀁 𑀭𑀼𑀤𑀦𑁆𑀢𑀸𑀦𑀁 𑀧𑀩𑁆𑀩𑀚𑀺, 𑀫𑀸𑀢𑀸𑀧𑀺𑀢𑀽𑀲𑀼 𑀭𑀼𑀤𑀦𑁆𑀢𑁂𑀲𑀼 𑀯𑀸. ‘‘𑀆𑀓𑁄𑀝𑀬𑀦𑁆𑀢𑁄 𑀲𑁄 𑀦𑁂𑀢𑀺, 𑀲𑀺𑀯𑀺𑀭𑀸𑀚𑀲𑁆𑀲 𑀧𑁂𑀓𑁆𑀔𑀢𑁂’’, ‘‘𑀫𑀘𑁆𑀘𑀼 𑀆𑀤𑀸𑀬 𑀕𑀘𑁆𑀙𑀢𑀺, 𑀧𑁂𑀓𑁆𑀔𑀫𑀸𑀦𑁂 𑀫𑀳𑀸𑀚𑀦𑁂’’.

𑀕𑀼𑀦𑁆𑀦𑀁 𑀲𑀸𑀫𑀻𑀢𑀺 𑀲𑀫𑁆𑀩𑀦𑁆𑀥𑁂 𑀙𑀝𑁆𑀞𑀻, 𑀕𑁄𑀲𑀼 𑀲𑀸𑀫𑀻𑀢𑀺 𑀯𑀺𑀲𑀬𑀲𑀢𑁆𑀢𑀫𑀻. 𑀏𑀯𑀁 𑀕𑀼𑀦𑁆𑀦𑀫𑀺𑀲𑁆𑀲𑀭𑁄, 𑀕𑁄𑀲𑁆𑀯𑀺+𑀲𑁆𑀲𑀭𑁄, 𑀕𑀼𑀦𑁆𑀦𑀁 𑀅𑀥𑀺𑀧𑀢𑀺, 𑀕𑁄𑀲𑀼 𑀅𑀥𑀺𑀧𑀢𑀺, 𑀕𑀼𑀦𑁆𑀦𑀁 𑀤𑀸𑀬𑀸𑀤𑁄, 𑀕𑁄𑀲𑀼 𑀤𑀸𑀬𑀸𑀤𑁄, 𑀕𑀼𑀦𑁆𑀦𑀁 𑀲𑀓𑁆𑀔𑀻, 𑀕𑁄𑀲𑀼 𑀲𑀓𑁆𑀔𑀻, 𑀕𑀼𑀦𑁆𑀦𑀁 𑀧𑀢𑀺𑀪𑀽, 𑀕𑁄𑀲𑀼 𑀧𑀢𑀺𑀪𑀽, 𑀕𑀼𑀦𑁆𑀦𑀁 𑀧𑀲𑀼𑀢𑁄, 𑀕𑁄𑀲𑀼 𑀧𑀲𑀼𑀢𑁄, 𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑀲𑁆𑀲, 𑀓𑀼𑀲𑀮𑀸 𑀦𑀘𑁆𑀘𑀕𑀻𑀢𑁂, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑀲𑁆𑀲, 𑀆𑀬𑀼𑀢𑁆𑀢𑁄 𑀓𑀝𑀓𑀭𑀡𑁂. 𑀢𑀣𑀸 𑀆𑀥𑀸𑀭𑀯𑀘𑀦𑀺𑀘𑁆𑀙𑀸𑀬𑀁 𑀲𑀢𑁆𑀢𑀫𑀻, 𑀪𑀺𑀓𑁆𑀔𑀽𑀲𑀼 𑀅𑀪𑀺𑀯𑀸𑀤𑁂𑀦𑁆𑀢𑀺, 𑀫𑀼𑀤𑁆𑀥𑀦𑀺 𑀘𑀼𑀫𑁆𑀩𑀺𑀢𑁆𑀯𑀸, 𑀩𑀸𑀳𑀸𑀲𑀼 𑀕𑀳𑁂𑀢𑁆𑀯𑀸, 𑀳𑀢𑁆𑀣𑁂𑀲𑀼 𑀧𑀺𑀡𑁆𑀟𑀸𑀬 𑀘𑀭𑀦𑁆𑀢𑀺, 𑀓𑀤𑀮𑀻𑀲𑀼 𑀕𑀚𑁂 𑀭𑀓𑁆𑀔𑀦𑁆𑀢𑀺, 𑀜𑀸𑀡𑀲𑁆𑀫𑀺𑀁 𑀧𑀲𑀦𑁆𑀦𑁄, 𑀜𑀸𑀡𑀲𑁆𑀫𑀺𑀁 𑀉𑀲𑁆𑀲𑀼𑀓𑁆𑀓𑁄𑀢𑀺 𑀯𑀺𑀲𑀬𑀲𑀢𑁆𑀢𑀫𑀻.

𑀚𑀸𑀢𑀺𑀕𑀼𑀡𑀓𑁆𑀭𑀺𑀬𑀸𑀳𑀺 𑀲𑀫𑀼𑀤𑀸𑀬𑀢𑁂+𑀓𑀤𑁂𑀲𑀲𑁆𑀲 𑀧𑀼𑀣𑀓𑁆𑀓𑀭𑀡𑀁 𑀦𑀺𑀤𑁆𑀥𑀸𑀭𑀡𑀁, 𑀬𑀢𑁄 𑀢𑀁 𑀓𑀭𑀻𑀬𑀢𑀺, 𑀢𑀢𑁄 𑀙𑀝𑁆𑀞𑀻𑀲𑀢𑁆𑀢𑀫𑀺𑀬𑁄 𑀳𑁄𑀦𑁆𑀢𑀺. 𑀲𑀸𑀮𑀬𑁄 𑀲𑀽𑀓𑀥𑀜𑁆𑀜𑀸𑀦𑀁 𑀧𑀣𑁆𑀬𑀢𑀫𑀸, 𑀲𑀽𑀓𑀥𑀜𑁆𑀜𑁂𑀲𑀼 𑀲𑀸𑀮𑀬𑁄 𑀧𑀣𑁆𑀬𑀢𑀫𑀸. 𑀓𑀡𑁆𑀳𑀸 𑀕𑀸𑀯𑀻𑀦𑀁 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀓𑀡𑁆𑀳𑀸 𑀕𑀸𑀯𑀻𑀲𑀼 ¶ 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸. 𑀕𑀘𑁆𑀙𑀢𑀁 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑀸, 𑀕𑀘𑁆𑀙𑀦𑁆𑀢𑁂𑀲𑀼 𑀥𑀸𑀯𑀦𑁆𑀢𑁄 𑀲𑀻𑀖𑀢𑀫𑀸.

𑀆𑀥𑀺𑀓𑁆𑀬𑁂 𑀅𑀢𑁆𑀣𑁂 𑀉𑀧𑁂𑀦 𑀬𑀼𑀢𑁆𑀢𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺. 𑀉𑀧𑀔𑀸𑀭𑀺𑀬𑀁 𑀤𑁄𑀡𑁄, 𑀔𑀸𑀭𑀺𑀬𑀸 𑀤𑁄𑀡𑁄 𑀅𑀥𑀺𑀓𑁄𑀢𑁆𑀬𑀢𑁆𑀣𑁄. 𑀢𑀣𑀸 𑀉𑀧𑀦𑀺𑀓𑁆𑀔𑁂 𑀓𑀳𑀸𑀧𑀡𑀁.

𑀲𑀸𑀫𑀺𑀪𑀸𑀯𑀢𑁆𑀣𑁂 𑀅𑀥𑀺𑀦𑀸 𑀬𑀼𑀢𑁆𑀢𑀫𑁆𑀳𑀸 𑀲𑀢𑁆𑀢𑀫𑀻 𑀳𑁄𑀢𑀺. 𑀅𑀥𑀺𑀩𑁆𑀭𑀳𑁆𑀫𑀤𑀢𑁆𑀢𑁂 𑀧𑀜𑁆𑀘𑀸𑀮𑀸, 𑀅𑀥𑀺𑀧𑀜𑁆𑀘𑀸𑀮𑁂𑀲𑀼 𑀩𑁆𑀭𑀳𑁆𑀫𑀤𑀢𑁆𑀢𑁄, 𑀩𑁆𑀭𑀳𑁆𑀫𑀤𑀢𑁆𑀢𑀺𑀲𑁆𑀲𑀭𑀸 𑀧𑀜𑁆𑀘𑀸𑀮𑀸𑀢𑀺 𑀅𑀢𑁆𑀣𑁄. 𑀅𑀥𑀺𑀤𑁂𑀯𑁂𑀲𑀼 𑀩𑀼𑀤𑁆𑀥𑁄, 𑀲𑀫𑁆𑀫𑀼𑀢𑀺𑀤𑁂𑀯𑀸𑀤𑀻𑀳𑀺 𑀩𑀼𑀤𑁆𑀥𑁄 𑀅𑀥𑀺𑀓𑁄𑀢𑁆𑀬𑀢𑁆𑀣𑁄.

𑀏𑀢𑁆𑀣 𑀘 𑀬𑀣𑀸𑀯𑀼𑀢𑁆𑀢𑁂𑀲𑀼 𑀅𑀢𑁆𑀣𑁂𑀲𑀼 𑀅𑀬𑀁 𑀪𑁂𑀤𑁄 𑁋

𑀓𑀸𑀭𑀓𑀁 𑀲𑀸𑀥𑀓𑀁 𑀦𑀺𑀩𑁆𑀩𑀢𑁆𑀢𑀓𑀁 𑀓𑁆𑀭𑀺𑀬𑀸𑀦𑀺𑀫𑀺𑀢𑁆𑀢𑀦𑁆𑀢𑀺 𑀅𑀢𑁆𑀣𑀢𑁄 𑀏𑀓𑀫𑁂𑀯, 𑀢𑀜𑁆𑀘 𑀤𑀡𑁆𑀟𑁄, 𑀥𑀯𑀮𑁄, 𑀧𑀘𑀦𑀁, 𑀘𑀺𑀢𑁆𑀢𑁄, 𑀕𑁄𑀢𑀺 𑀤𑀩𑁆𑀩+𑀕𑀼𑀡+𑀓𑁆𑀭𑀺𑀬𑀸+𑀦𑀸𑀫+𑀚𑀸𑀢𑀺𑀪𑁂𑀤𑁂𑀦 𑀧𑀜𑁆𑀘𑀯𑀺𑀥𑀫𑁆𑀧𑀺 𑀓𑀫𑁆𑀫+𑀓𑀢𑁆𑀢𑀸𑀤𑀺𑀯𑀲𑁂𑀦 𑀙𑀩𑁆𑀩𑀺𑀥𑀁, 𑀢𑀁 𑀲𑀢𑁆𑀢𑀺𑀓𑀸𑀭𑀓𑀁, 𑀢𑀤𑀸𑀥𑀸𑀭𑀪𑀽𑀢𑀤𑀩𑁆𑀩𑀸𑀤𑀬𑁄 𑀢𑀢𑁆𑀭𑀝𑁆𑀞𑀓𑀸𑀭𑀓𑀁, 𑀦 𑀫𑀼𑀔𑁆𑀬𑀢𑁄. 𑀫𑀼𑀔𑁆𑀬𑀢𑁄 𑀘𑁂 𑀳𑁄𑀦𑁆𑀢𑀺, 𑀢𑁂𑀲𑀁 𑀲𑀢𑁆𑀢𑀺𑀤𑀩𑁆𑀩𑀸𑀦𑀁 𑀅𑀜𑁆𑀜𑀫𑀜𑁆𑀜𑀩𑁆𑀬𑀸𑀯𑀝𑀭𑀽𑀧𑀢𑁆𑀢𑀸 𑀬𑁄 𑀆𑀥𑀸𑀭𑁄, 𑀲𑁄 𑀆𑀥𑀸𑀭𑁄𑀬𑁂𑀯, 𑀓𑀺𑀲𑁆𑀫𑀺𑀜𑁆𑀘𑀺𑀓𑀸𑀮𑁂 𑀓𑀭𑀡𑀁 𑀯𑀸 𑀓𑀢𑁆𑀢𑀼𑀭𑀽𑀧𑀪𑀽𑀢𑁄 𑀯𑀸 𑀦 𑀳𑁄𑀢𑀺, 𑀢𑀲𑁆𑀫𑀸 𑀣𑀸𑀮𑀺 𑀧𑀘𑀢𑀺, 𑀣𑀸𑀮𑀺𑀬𑀸 𑀧𑀘𑀢𑀺, 𑀣𑀸𑀮𑀺𑀬𑀁 𑀧𑀘𑀢𑀻𑀢𑁆𑀬𑀸𑀤𑀺𑀦𑀸 𑀏𑀓𑀲𑁆𑀲 𑀯𑀢𑁆𑀣𑀼𑀦𑁄 𑀓𑀢𑁆𑀢𑀼+𑀓𑀭𑀡𑀸+𑀥𑀸𑀭𑀪𑁂𑀤𑁄 𑀦 𑀲𑀺𑀬𑀸. 𑀲𑀢𑁆𑀢𑀺𑀧𑀓𑁆𑀔𑁂 𑀧𑀦 𑀤𑀩𑁆𑀩𑀸𑀤𑀻𑀦𑀁 𑀅𑀦𑁂𑀓𑀲𑀢𑁆𑀢𑀺𑀬𑀸 𑀆𑀥𑀸𑀭𑀢𑁆𑀢𑀸 𑀲𑀢𑁆𑀢𑀺𑀬𑀸 𑀤𑀩𑁆𑀩𑀸𑀤𑀬𑁄 𑀯𑀺𑀯𑀓𑁆𑀔𑀺𑀢𑀸 𑀢𑀁 𑀢𑀁 𑀓𑀸𑀭𑀓𑀁 𑀳𑁄𑀢𑀻𑀢𑀺 𑀤𑀩𑁆𑀩𑀸𑀤𑀻𑀦𑀁 𑀅𑀪𑁂𑀤𑁂𑀧𑀺 𑀓𑀸𑀭𑀓𑀪𑁂𑀤𑁄 𑀬𑀼𑀚𑁆𑀚𑀢𑁂. 𑀯𑀼𑀢𑁆𑀢𑀜𑁆𑀳𑀺 𑁋

𑀯𑀺𑀘𑀺𑀢𑁆𑀢𑀓𑀢𑁆𑀢𑀼𑀆𑀤𑀻𑀳𑀺 ¶ , 𑀲𑀁𑀬𑁄𑀕𑀸 𑀏𑀓𑀯𑀢𑁆𑀣𑀼𑀦𑁄;

𑀦𑀸𑀦𑀸𑀢𑁆𑀢𑀁 𑀬𑀼𑀚𑁆𑀚𑀢𑁂 𑀦𑀸𑀝𑁆𑀬-𑀪𑁂𑀤𑁂𑀦 𑀦𑀝𑀓𑀲𑁆𑀲𑀺+𑀯𑀸𑀢𑀺.

𑀣𑀸𑀮𑀺 𑀯𑀢𑁆𑀣𑀼𑀢𑁄 𑀏𑀓𑀸 𑀘𑁂𑀤𑀧𑀺 𑀲𑀢𑁆𑀢𑀺𑀓𑀸𑀭𑀓𑀪𑀽𑀢𑀓𑀢𑁆𑀢𑀼+𑀓𑀭𑀡𑀸+𑀥𑀸𑀭𑀸𑀤𑀻𑀦𑀁 𑀪𑁂𑀤𑁂𑀦 𑀪𑁂𑀤+𑀫𑀼𑀧𑀬𑀸𑀢𑀺, 𑀓𑀺𑀫𑀺𑀯 𑀭𑀸𑀫+𑀭𑀸𑀯𑀡𑀸𑀤𑀺𑀯𑁂𑀲𑀥𑀸𑀭𑀻𑀦𑀝𑀓𑁄 𑀢𑁂𑀲𑀁 𑀦𑀸𑀫𑀯𑀲𑁂𑀦 𑀭𑀸𑀫𑁄, 𑀭𑀸𑀯𑀡𑁄𑀢𑀺 𑀪𑁂𑀤+𑀫𑀼𑀧𑀬𑀸𑀢𑀺, 𑀢+𑀫𑀺𑀯𑀸𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀬𑀣𑁂+𑀓𑁄𑀧𑀺 𑀧𑀝𑁄 𑀲𑀼𑀢𑁆𑀢, 𑀧𑀻𑀢𑀸𑀤𑀺𑀕𑀼𑀡𑀲𑀁𑀬𑀼𑀢𑁄;

𑀲𑀼𑀓𑁆𑀓𑁄 𑀧𑀝𑁄𑀢𑀺 𑀧𑀻𑀢𑁄𑀢𑀺, 𑀪𑁂𑀤𑀁 𑀬𑀸𑀢𑁆𑀬𑁂+𑀯𑀫𑁂𑀯+𑀬𑀁.

𑀏𑀢𑁆𑀣 𑀘 𑀲𑀢𑁆𑀢𑀺𑀪𑀽𑀢𑀓𑀢𑁆𑀢𑀸𑀤𑀬𑁄 𑀫𑀼𑀔𑁆𑀬𑀓𑀸𑀭𑀓𑀁, 𑀢𑀁𑀬𑁄𑀕𑁂𑀦 𑀤𑀩𑁆𑀩𑀪𑀽𑀢𑀣𑀸𑀮𑀻 𑀕𑀼𑀡𑀓𑀸𑀭𑀓𑀁, 𑀢𑁂 𑀘 𑀓𑀣𑀁 𑀓𑁆𑀭𑀺𑀬𑀸𑀬 𑀓𑀸𑀭𑀓𑀸 𑀳𑁄𑀦𑁆𑀢𑀺. 𑀓𑀢𑁆𑀢𑀸 𑀅𑀢𑁆𑀢𑀦𑀸 𑀧𑀢𑀺𑀝𑁆𑀞𑀺𑀢𑀸𑀬 𑀳𑀲𑀢𑀺+𑀦𑀘𑁆𑀘𑀢𑀺𑀘𑁆𑀘𑀸𑀤𑀺𑀓𑁆𑀭𑀺𑀬𑀸𑀬 𑀦𑀺𑀫𑀺𑀢𑁆𑀢𑀁 𑀳𑁄𑀢𑀺. 𑀓𑀫𑁆𑀫𑀜𑁆𑀘 𑀅𑀢𑁆𑀢𑀦𑀸 𑀧𑀢𑀺𑀝𑁆𑀞𑀺𑀢𑀓𑁆𑀭𑀺𑀬𑀸𑀬 𑀢𑀤𑀢𑁆𑀣𑀪𑀽𑀢𑀇𑀦𑁆𑀥𑀦𑀸𑀤𑀻𑀦𑀺 𑀧𑀯𑀢𑁆𑀢𑁂𑀦𑁆𑀢𑀁 ‘‘𑀑𑀤𑀦𑀁 𑀧𑀘𑀢𑀻’’𑀢𑁆𑀬𑀸𑀤𑁄 𑀦𑀺𑀫𑀺𑀢𑁆𑀢𑀁. ‘𑀓𑀝𑁆𑀞𑁂𑀳𑀺 𑀧𑀘𑁆𑀘𑀢𑀻’𑀢𑁆𑀬𑀸𑀤𑁄 𑀓𑀝𑁆𑀞𑀸𑀦𑀺 𑀚𑀮𑀦𑀓𑁆𑀭𑀺𑀬𑀸𑀬 𑀲𑀸𑀥𑁂𑀢𑀩𑁆𑀩𑀧𑀸𑀓𑀲𑁆𑀲 𑀅𑀗𑁆𑀕𑀪𑀸𑀯𑁂𑀦 𑀦𑀺𑀫𑀺𑀢𑁆𑀢𑀁. ‘𑀨𑀭𑀲𑀼𑀦𑀸 𑀙𑀺𑀦𑁆𑀤𑀢𑀻’𑀢𑁆𑀬𑀸𑀤𑁄 𑀨𑀭𑀲𑀼 𑀘 𑀓𑀝𑁆𑀞𑀸𑀦𑀁 𑀤𑁆𑀯𑀺𑀥𑀸𑀧𑀯𑀢𑁆𑀢𑀺𑀬𑀸 𑀦𑀺𑀫𑀺𑀢𑁆𑀢𑀁. 𑀓𑀫𑁆𑀫𑀜𑁆𑀘 𑀓𑁆𑀭𑀺𑀬𑀸𑀬 𑀲𑀫𑁆𑀩𑀦𑁆𑀥𑀻𑀬𑀫𑀸𑀦𑀩𑁆𑀬𑀸𑀧𑁆𑀬𑁂 𑀲𑀢𑀺 𑀦𑀺𑀫𑀺𑀢𑁆𑀢𑀪𑀸𑀯𑁂𑀦 𑀓𑁆𑀭𑀺𑀬𑀸𑀬 𑀦𑀺𑀫𑀺𑀢𑁆𑀢𑀁. 𑀢𑀣𑀸 𑀲𑀫𑁆𑀧𑀤𑀸𑀦𑀸+𑀯𑀥𑀺+𑀆𑀥𑀸𑀭𑀸𑀦𑀁 ‘𑀕𑀸𑀯𑁄 𑀤𑀤𑀸𑀢𑀺’ ‘𑀕𑀸𑀫𑀲𑁆𑀫𑀸 𑀅𑀧𑀦𑀬𑀢𑀺’ ‘𑀣𑀸𑀮𑀺𑀬𑀁 𑀧𑀘𑀢𑀻’𑀢𑁆𑀬𑀸𑀤𑀻𑀲𑀼 𑀕𑁄𑀤𑀸𑀦𑀸+𑀧𑀦𑀬𑀦+𑀧𑀘𑀦𑀓𑁆𑀭𑀺𑀬𑀸𑀦𑀁 𑀦𑀺𑀫𑀺𑀢𑁆𑀢𑀢𑁆𑀢𑀸 𑀓𑁆𑀭𑀺𑀬𑀸𑀬 𑀦𑀺𑀫𑀺𑀢𑁆𑀢𑀸𑀦𑀺 𑀳𑁄𑀦𑁆𑀢𑀺. 𑀢𑁂𑀲𑀁 𑀬𑀣𑀸𑀲𑀓𑀁 𑀓𑁆𑀭𑀺𑀬𑀸𑀬 𑀧𑀯𑀢𑁆𑀢𑀓𑁄 𑀓𑀢𑁆𑀢𑀸, 𑀢𑀲𑁆𑀫𑀸 𑀲 𑀏𑀯 𑀧𑀥𑀸𑀦𑁄 𑀓𑀢𑁆𑀢𑀸𑀢𑀺 𑀯𑁄𑀳𑀸𑀭𑀁 ¶ 𑀮𑀪𑀢𑀺, 𑀅𑀜𑁆𑀜𑁂𑀲𑀁 𑀓𑀭𑀡𑀸𑀤𑀻𑀦𑀁 𑀓𑀢𑁆𑀢𑀼𑀪𑀸𑀯𑁂 𑀲𑀢𑀺𑀧𑀺 𑀅𑀧𑁆𑀧𑀥𑀸𑀦𑀢𑁆𑀢𑀸 𑀢𑀁 𑀦 𑀮𑀪𑀢𑀺.

𑀦𑀦𑀼 𑀲𑀸𑀫𑀕𑁆𑀬𑀫𑀻𑀦𑀸𑀬𑀁, 𑀓𑁆𑀭𑀺𑀬𑀸𑀲𑀺𑀤𑁆𑀥𑀺 𑀓𑀣𑀁 𑀯𑀤;

𑀏𑀓𑀲𑁆𑀲 𑀓𑀢𑁆𑀢𑀼𑀦𑁄 𑀏𑀯, 𑀲𑀩𑁆𑀩𑁂𑀲𑀁 𑀓𑀢𑁆𑀢𑀼𑀢𑀁 𑀯𑀺𑀦𑀸.

𑀲𑀩𑁆𑀩𑁂𑀲𑀁 𑀓𑀭𑀡𑀸𑀤𑀻𑀦𑀁, 𑀓𑀢𑁆𑀢𑀼𑀢𑀸𑀬 𑀯𑀺𑀬𑁄𑀕𑀢𑁄;

𑀓𑀭𑀡𑀸𑀤𑀻𑀦𑀁 𑀅𑀪𑀸𑀯𑀢𑁆𑀢𑀸, 𑀓𑀸𑀭𑀓𑀁 𑀦 𑀳𑀺 𑀙𑀩𑁆𑀩𑀺𑀥𑀦𑁆𑀢𑀺.

𑀬𑀤𑁆𑀬𑀧𑁆𑀬+𑀢𑁆𑀣𑀺 𑀳𑀺 𑀓𑀢𑁆𑀢𑀼𑀢𑁆𑀢𑀁, 𑀲𑀪𑀸𑀯𑀸 𑀓𑀭𑀡𑀸𑀤𑀺𑀲𑀼;

𑀓𑁆𑀭𑀺𑀬𑀸𑀲𑀺𑀤𑁆𑀥𑁆𑀬𑀸 𑀢𑀣𑀸𑀧𑁆𑀬𑁂+𑀢+𑀫𑀧𑁆𑀧𑀥𑀸𑀦𑀁 𑀧𑀭𑀗𑁆𑀕𑀢𑁄.

𑀏𑀢𑀁 𑀲𑀪𑀸𑀯𑀢𑁄 𑀉𑀧𑀮𑀩𑁆𑀪𑀫𑀸𑀦𑀁 𑀓𑀭𑀡𑀸𑀤𑀻𑀲𑀼 𑀓𑀢𑁆𑀢𑀼𑀢𑁆𑀢𑀁 𑀧𑀭𑁂𑀲𑀁 𑀓𑀭𑀡𑀸𑀤𑀻𑀦𑀁 𑀚𑀮𑀦+𑀥𑀸𑀭𑀡𑀸𑀤𑀺𑀓𑁆𑀭𑀺𑀬𑀸𑀬 𑀅𑀗𑁆𑀕𑀁 𑀉𑀧𑀸𑀬𑀢𑀺 𑀅𑀧𑁆𑀧𑀥𑀸𑀦𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀓𑀸𑀭𑀓𑀁 𑀙𑀩𑁆𑀩𑀺𑀥𑀁 𑀲𑀜𑁆𑀜𑀸-𑀯𑀲𑀸 𑀙𑀩𑁆𑀩𑀻𑀲𑀢𑀺𑀯𑀺𑀥𑀁;

𑀧𑀪𑁂𑀤𑀸 𑀲𑀢𑁆𑀢𑀥𑀸 𑀓𑀫𑁆𑀫𑀁, 𑀓𑀢𑁆𑀢𑀸 𑀧𑀜𑁆𑀘𑀯𑀺𑀥𑁄 𑀪𑀯𑁂.

𑀓𑀭𑀡𑀁 𑀤𑀼𑀯𑀺𑀥𑀁 𑀳𑁄𑀢𑀺, 𑀲𑀫𑁆𑀧𑀤𑀸𑀦𑀁 𑀢𑀺𑀥𑀸 𑀫𑀢𑀁;

𑀅𑀧𑀸𑀤𑀸𑀦𑀁 𑀧𑀜𑁆𑀘𑀯𑀺𑀥𑀁, 𑀆𑀥𑀸𑀭𑁄 𑀢𑀼 𑀘𑀢𑀼𑀩𑁆𑀩𑀺𑀥𑁄.

𑀧𑀘𑁆𑀘𑀢𑁆𑀢+𑀫𑀼𑀧𑀬𑁄𑀕𑀜𑁆𑀘, 𑀓𑀭𑀡𑀁 𑀲𑀫𑁆𑀧𑀤𑀸𑀦𑀺𑀬𑀁;

𑀦𑀺𑀲𑁆𑀲𑀓𑁆𑀓𑀁 𑀲𑀸𑀫𑀺𑀯𑀘𑀦𑀁, 𑀪𑀼𑀫𑁆𑀫+𑀫𑀸𑀮𑀧𑀦+𑀝𑁆𑀞𑀫𑀁𑀢𑀺.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀓𑀸𑀭𑀓𑀓𑀡𑁆𑀟𑁄 𑀢𑀢𑀺𑀬𑁄.

𑀅𑀣 ¶ 𑀦𑀸𑀫𑀸𑀦𑀫𑁂𑀯 𑀅𑀜𑁆𑀜𑀫𑀜𑁆𑀜𑀲𑀫𑁆𑀩𑀦𑁆𑀥𑀻𑀦𑀁 𑀲𑀫𑀸𑀲𑁄𑀢𑀺 𑀦𑀸𑀫𑀦𑀺𑀲𑁆𑀲𑀺𑀢𑀢𑁆𑀢𑀸, 𑀲𑀬𑀜𑁆𑀘 𑀦𑀸𑀫𑀺𑀓𑀢𑁆𑀢𑀸 𑀦𑀸𑀫𑀸𑀦𑀦𑁆𑀢𑀭𑀁 𑀲𑀫𑀸𑀲𑁄 𑀯𑀼𑀘𑁆𑀘𑀢𑁂.

𑁧. 𑀲𑁆𑀬𑀸𑀤𑀺 𑀲𑁆𑀬𑀸𑀤𑀺𑀦𑁂+𑀓𑀢𑁆𑀣𑀦𑁆𑀢𑀺

𑀇𑀤+𑀫𑀥𑀺𑀓𑀢𑀁 𑀯𑁂𑀤𑀺𑀢𑀩𑁆𑀩𑀁. 𑀧𑀼𑀩𑁆𑀩𑁂 𑀯𑀼𑀢𑁆𑀢𑀯𑀺𑀥𑀺𑀕𑁆𑀕𑀳𑀡𑀜𑀸𑀬𑁂𑀦 𑀲𑁆𑀬𑀸𑀤𑀻𑀢𑀺 𑀢𑀤𑀦𑁆𑀢𑀲𑁆𑀲 𑀕𑀳𑀡𑀁. 𑀲𑁄 𑀘 𑀪𑀺𑀦𑁆𑀦𑀢𑁆𑀣𑀸𑀦𑀁 𑀦𑀸𑀫𑀸𑀦+𑀫𑁂𑀓𑀢𑁆𑀣𑀻𑀪𑀸𑀯𑁄 𑀲𑀫𑀸𑀲𑁄𑀢𑀺 𑀯𑀼𑀘𑁆𑀘𑀢𑁂.

𑀧𑀼𑀩𑁆𑀩𑀲𑁆𑀲+𑀢𑁆𑀣𑀧𑀭𑀁 𑀬𑀲𑁆𑀲, 𑀅𑀜𑁆𑀜𑀢𑁆𑀣𑀧𑀭𑀫𑀜𑁆𑀘 𑀬𑀁;

𑀦𑀧𑀼𑀁𑀲𑀓𑀁 𑀪𑀯𑁂 𑀬𑀜𑁆𑀘, 𑀢+𑀤𑀸𑀲𑀁𑀔𑁆𑀬+𑀫𑀺𑀳𑁂+𑀲𑁆𑀲𑀢𑁂.

𑀲𑀢𑁆𑀣𑀦𑁆𑀢𑀭𑁂 𑀧𑀲𑀺𑀤𑁆𑀥𑀁 𑀬𑀁, 𑀅𑀩𑁆𑀬𑀬𑀻𑀪𑀸𑀯𑀦𑀸𑀫𑀢𑁄;

𑀉𑀧𑀓𑀼𑀫𑁆𑀪𑀁 𑀢𑀺𑀝𑁆𑀞𑀕𑀼 𑀘, 𑀧𑀸𑀢𑀫𑁂𑀖𑀁𑀢𑀺 𑀢𑀁 𑀬𑀣𑀸.

𑀅𑀲𑀗𑁆𑀔𑁆𑀬𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀯𑀺𑀪𑀢𑁆𑀬𑀸𑀤𑀻𑀦+𑀫𑀢𑁆𑀣𑁂 𑀯𑀢𑁆𑀢𑀫𑀸𑀦𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀁 𑀪𑀯𑀢𑀺. ‘‘𑀅𑀯𑀺𑀕𑁆𑀕𑀳𑁄 𑀦𑀺𑀘𑁆𑀘𑀲𑀫𑀸𑀲𑁄, 𑀧𑀤𑀦𑁆𑀢𑀭𑀯𑀺𑀕𑁆𑀕𑀳𑁄 𑀘𑁂’’𑀢𑀺 𑀧𑀤𑀦𑁆𑀢𑀭𑀯𑀺𑀕𑁆𑀕𑀳𑁄. 𑀇𑀢𑁆𑀣𑀻𑀲𑀼 𑀢𑀣𑀸 𑀧𑀯𑀢𑁆𑀢𑀸𑀢𑀺 𑀯𑀺𑀕𑁆𑀕𑀬𑁆𑀳 𑀯𑀺𑀪𑀢𑁆𑀬𑀢𑁆𑀣𑁂 𑀲𑀫𑀸𑀲𑁂 𑀓𑀢𑁂 𑁋

𑀏𑀓𑁄 𑀅𑀢𑁆𑀣𑁄 𑀬𑀲𑁆𑀲 𑀧𑀓𑀢𑀺𑀧𑀘𑁆𑀘𑀬𑀸𑀤𑀺𑀲𑀫𑀼𑀤𑀸𑀬𑀲𑁆𑀲 𑀲𑁄 𑀏𑀓𑀢𑁆𑀣𑁄. 𑀢𑀲𑁆𑀲 𑀪𑀸𑀯𑁄 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁 𑀏𑀓𑀢𑁆𑀣𑀢𑀸, 𑀈𑀬𑀸𑀤𑀺+𑀡𑀸𑀤𑀺+𑀲𑀫𑀸𑀲𑀯𑀺𑀥𑀸𑀦𑀁, 𑀢𑀲𑁆𑀫𑀺𑀁 𑀲𑀢𑀺 𑀲𑁆𑀬𑀸𑀤𑀺𑀮𑁄𑀧𑁄 𑀳𑁄𑀢𑀺.

𑀦𑀧𑀼𑀁𑀲𑀓𑀮𑀺𑀗𑁆𑀕𑁂 ¶ 𑀘 ‘‘𑀧𑀼𑀩𑁆𑀩𑀲𑁆𑀫𑀸+𑀫𑀸𑀤𑀺𑀢𑁄’’𑀢𑀺 𑀲𑀩𑁆𑀩𑀯𑀺𑀪𑀢𑁆𑀢𑀻𑀦𑀁 𑀮𑁄𑀧𑁂 𑀘 𑀓𑀢𑁂 𑀅𑀥𑀺𑀢𑁆𑀣𑀺 𑀢𑀺𑀝𑁆𑀞𑀢𑀺, 𑀪𑁄 𑀅𑀥𑀺𑀢𑁆𑀣𑀺, 𑀅𑀥𑀺𑀢𑁆𑀣𑀺 𑀧𑀲𑁆𑀲, 𑀅𑀥𑀺𑀢𑁆𑀣𑀺 𑀓𑀢𑀁, 𑀅𑀥𑀺𑀢𑁆𑀢𑀺 𑀘𑀭𑀢𑀺, 𑀅𑀥𑀺𑀢𑁆𑀣𑀺 𑀤𑁂𑀳𑀺, 𑀅𑀥𑀺𑀢𑁆𑀣𑀺 𑀅𑀧𑁂𑀳𑀺, 𑀅𑀥𑀺𑀢𑁆𑀣𑀺 𑀆𑀬𑀢𑁆𑀢𑀁, 𑀅𑀥𑀺𑀢𑁆𑀣𑀺 𑀧𑀢𑀺𑀝𑁆𑀞𑀺𑀢𑀁. 𑀏𑀯𑀁 𑀅𑀥𑀺𑀓𑀼𑀫𑀸𑀭𑀺, 𑀅𑀦𑁆𑀢𑀪𑀽𑀢𑀲𑁆𑀲 𑀅𑀧𑁆𑀧𑀥𑀸𑀦𑀲𑁆𑀲 𑀖𑀧𑀲𑁆𑀲 ‘‘𑀖𑀧𑀲𑁆𑀲+𑀦𑁆𑀢𑀲𑁆𑀲𑀸+𑀧𑁆𑀧𑀥𑀸𑀦𑀲𑁆𑀲𑀸’’𑀢𑀺 𑀧𑀲𑁆𑀲 𑀭𑀲𑁆𑀲𑁄.

𑀲𑀳=𑀲𑀫𑁆𑀧𑀦𑁆𑀦𑀁 𑀩𑁆𑀭𑀳𑁆𑀫𑀁 𑀲𑀩𑁆𑀭𑀳𑁆𑀫𑀁. 𑀯𑀼𑀢𑁆𑀢𑀦𑀬𑁂𑀦 𑀏𑀢𑁆𑀣 𑀘 𑀉𑀧𑀭𑀺 𑀘 𑀲𑀫𑀸𑀲𑀸𑀤𑀬𑁄 𑀳𑁄𑀦𑁆𑀢𑀺, 𑀏𑀢𑁆𑀣 ‘‘𑀅𑀓𑀸𑀮𑁂 𑀲𑀢𑀢𑁆𑀣𑁂’’𑀢𑀺 𑀲𑀳𑀲𑁆𑀲 𑀲𑀸𑀤𑁂𑀲𑁄. 𑀲𑁆𑀬𑀸𑀤𑀺𑀫𑁆𑀳𑀺 𑀓𑀢𑁂 ‘‘𑀧𑀼𑀩𑁆𑀩𑀲𑁆𑀫𑀸+𑀫𑀸𑀤𑀺𑀢𑁄’’𑀢𑀺 𑀲𑁆𑀬𑀸𑀤𑀻𑀦𑀁 𑀮𑁄𑀧𑁂 𑀘 𑀲𑀫𑁆𑀧𑀢𑁆𑀢𑁂 ‘‘𑀦𑀸+𑀢𑁄+𑀫𑀧𑀜𑁆𑀘𑀫𑀺𑀬𑀸’’𑀢𑀺 𑀅𑀧𑀜𑁆𑀘𑀫𑀺𑀬𑀸 𑀧𑀝𑀺𑀲𑁂𑀥𑁄 𑀘 𑀅𑀓𑀸𑀭𑀦𑁆𑀢𑀅𑀲𑀁𑀔𑁆𑀬𑀲𑀫𑀸𑀲𑀢𑁄 𑀧𑀭𑀸𑀲𑀁 𑀲𑀩𑁆𑀩𑀯𑀺𑀪𑀢𑁆𑀢𑀻𑀦𑀁 𑀅𑀁𑀆𑀤𑁂𑀲𑁄 𑀘 𑀳𑁄𑀢𑀺. 𑀏𑀯+𑀫𑀼𑀧𑀭𑀺𑀧𑀺.

𑀪𑀺𑀓𑁆𑀔𑀸𑀦𑀁 𑀲𑀫𑀺𑀤𑁆𑀥𑀺 𑀲𑀼𑀪𑀺𑀓𑁆𑀔𑀁, 𑀏𑀢𑁆𑀣 𑀖𑀲𑁆𑀲 𑀭𑀲𑁆𑀲𑁄. 𑀲𑀼𑀪𑀺𑀓𑁆𑀔𑀁 𑀢𑀺𑀝𑁆𑀞𑀢𑀺 𑀪𑁄 𑀲𑀼𑀪𑀺𑀓𑁆𑀔𑀁, 𑀲𑀼𑀪𑀺𑀓𑁆𑀔𑀁 𑀧𑀲𑁆𑀲. 𑀦𑀸+𑀲𑁆𑀫𑀺𑀁𑀲𑀼 ‘‘𑀯𑀸 𑀢𑀢𑀺𑀬𑀸 𑀲𑀢𑁆𑀢𑀫𑀻𑀦𑀁’’𑀢𑀺 𑀯𑀺𑀓𑀧𑁆𑀧𑁂𑀦 𑀅𑀁, 𑀲𑀼𑀪𑀺𑀓𑁆𑀔𑀁 𑀲𑀼𑀪𑀺𑀓𑁆𑀔𑁂𑀦 𑀯𑀸 𑀓𑀢𑀁, 𑀲𑀼𑀪𑀺𑀓𑁆𑀔𑀁 𑀲𑀼𑀪𑀺𑀓𑁆𑀔𑁂𑀦 𑀯𑀸 𑀘𑀭𑀢𑀺, 𑀲𑀼𑀪𑀺𑀓𑁆𑀔𑀁 𑀤𑁂𑀳𑀺. 𑀧𑀜𑁆𑀘𑀫𑀺𑀬𑀁 𑀅+𑀫𑀩𑁆𑀪𑀸𑀯𑀸 𑀲𑀼𑀪𑀺𑀓𑁆𑀔𑀸 𑀅𑀧𑀕𑀘𑁆𑀙, 𑀲𑀼𑀪𑀺𑀓𑁆𑀔+𑀫𑀸𑀬𑀢𑁆𑀢𑀁, 𑀲𑀼𑀪𑀺𑀓𑁆𑀔𑀁 𑀲𑀼𑀪𑀺𑀓𑁆𑀔𑁂 𑀯𑀸 𑀧𑀢𑀺𑀝𑁆𑀞𑀺𑀢𑀁.

𑀲𑀫𑀻𑀧𑀢𑁆𑀣𑁂-𑀓𑀼𑀫𑁆𑀪𑀲𑁆𑀲 𑀲𑀫𑀻𑀧𑀁 𑀉𑀧𑀓𑀼𑀫𑁆𑀪𑀁, 𑀏𑀯𑀁 𑀉𑀧𑀦𑀕𑀭𑀁, 𑀪𑁄 𑀉𑀧𑀓𑀼𑀫𑁆𑀪𑀁 𑀇𑀘𑁆𑀘𑀸𑀤𑀺.

𑀲𑀸𑀓𑀮𑁆𑀬𑁂-𑀢𑀺𑀡𑀫𑁆𑀧𑀺 𑀅𑀲𑁂𑀲𑁂𑀢𑁆𑀯𑀸𑀢𑀺 𑀲𑀢𑀺𑀡𑀁, 𑀢𑀺𑀡𑀫𑁆𑀧𑀺 𑀅𑀲𑁂𑀲𑁂𑀢𑁆𑀯𑀸 𑀅𑀚𑁆𑀛𑁄𑀳𑀭𑀡𑀻𑀬+𑀫𑀚𑁆𑀛𑁄𑀳𑀭𑀢𑀻𑀢𑁆𑀬𑀢𑁆𑀣𑁄. 𑀲𑁂𑀲𑀁 𑀲𑀩𑁆𑀭𑀳𑁆𑀫𑀲𑀫𑀁 ¶ . 𑀅𑀕𑁆𑀕𑀺𑀫𑁆𑀧𑀺 𑀅𑀲𑁂𑀲𑁂𑀢𑁆𑀯𑀸𑀢𑀺 𑀲𑀸𑀕𑁆𑀕𑀺, 𑀅𑀕𑁆𑀕𑀺𑀕𑀦𑁆𑀣𑀁𑀧𑀺 𑀅𑀲𑁂𑀲𑁂𑀢𑁆𑀯𑀸 𑀅𑀥𑀻𑀢𑁂𑀢𑁆𑀬𑀢𑁆𑀣𑁄. 𑀯𑀸𑀭𑀕𑁆𑀕𑀳𑀡𑀁 𑀅𑀥𑀺𑀢𑁆𑀣𑀺𑀲𑀫𑀁.

𑀅𑀪𑀸𑀯𑁄 𑀲𑀫𑁆𑀩𑀦𑁆𑀥𑀻𑀪𑁂𑀤𑀸 𑀩𑀳𑀼𑀯𑀺𑀥𑁄, 𑀢𑀢𑁆𑀭 𑀇𑀤𑁆𑀥𑀸𑀪𑀸𑀯𑁂𑀯𑀺𑀕𑀢𑀸 𑀇𑀤𑁆𑀥𑀺=𑀯𑀺𑀪𑀽𑀢𑀺 𑀲𑀤𑁆𑀤𑀺𑀓𑀸𑀦𑀦𑁆𑀢𑀺 𑀤𑀼𑀲𑁆𑀲𑀤𑁆𑀤𑀺𑀓𑀁. 𑀅𑀢𑁆𑀣𑀸𑀪𑀸𑀯𑁂𑀫𑀓𑁆𑀔𑀺𑀓𑀸𑀦𑀁 𑀅𑀪𑀸𑀯𑁄 𑀦𑀺𑀫𑁆𑀫𑀓𑁆𑀔𑀺𑀓𑀁, 𑀦𑀺𑀤𑁆𑀤𑀭𑀣𑀁, 𑀦𑀺𑀫𑁆𑀫𑀲𑀓𑀁. 𑀅𑀢𑀺𑀓𑁆𑀓𑀫𑀸𑀪𑀸𑀯𑁂-𑀅𑀢𑀺𑀕𑀢𑀸𑀦𑀺 𑀢𑀺𑀡𑀸𑀦𑀺 𑀦𑀺𑀢𑁆𑀢𑀺𑀡𑀁. 𑀉𑀧𑀪𑁄𑀕𑀲𑀫𑁆𑀩𑀦𑁆𑀥𑀻𑀯𑀢𑁆𑀢𑀫𑀸𑀦𑀓𑀸𑀮𑀲𑁆𑀲 𑀅𑀪𑀸𑀯𑁂-𑀅𑀢𑀺𑀕𑀢𑀁 𑀮𑀳𑀼𑀧𑀸𑀯𑀼𑀭𑀡𑀁 𑀅𑀢𑀺𑀮𑀳𑀼𑀧𑀸𑀯𑀼𑀭𑀡𑀁, 𑀮𑀳𑀼𑀧𑀸𑀯𑀼𑀭𑀡𑀲𑁆𑀲 𑀦𑀸+𑀬𑀁 𑀉𑀧𑀪𑁄𑀕𑀢𑀸 𑀮𑁄𑀢𑀺 𑀅𑀢𑁆𑀣𑁄.

𑀬𑀣𑀸𑀢𑁆𑀣𑁄+𑀦𑁂𑀓𑀯𑀺𑀥𑁄, 𑀢𑀢𑁆𑀭 𑀬𑁄𑀕𑁆𑀕𑀢𑀸𑀬𑀁-𑀬𑁄𑀕𑁆𑀕𑀁 𑀭𑀽𑀧+𑀫𑀦𑀼𑀭𑀽𑀧𑀁. 𑀯𑀺𑀘𑁆𑀙𑀸𑀬𑀁-𑀅𑀤𑁆𑀥𑀫𑀸𑀲𑀁 𑀅𑀤𑁆𑀥𑀫𑀸𑀲𑀁 𑀅𑀦𑀼 𑀅𑀦𑁆𑀯𑀤𑁆𑀥𑀫𑀸𑀲𑀁, 𑀏𑀯𑀁 𑀧𑀘𑁆𑀘𑀢𑁆𑀢𑀁. 𑀅𑀢𑁆𑀣𑀸𑀦𑀢𑀺𑀯𑀢𑁆𑀢𑀺𑀬𑀁-𑀲𑀢𑁆𑀢𑀺𑀁 𑀅𑀦𑀢𑀺𑀓𑁆𑀓𑀫𑁆𑀫 𑀬𑀣𑀸𑀲𑀢𑁆𑀢𑀺. 𑀏𑀯𑀁 𑀬𑀣𑀸𑀓𑁆𑀓𑀫𑀁, 𑀬𑀣𑀸𑀩𑀮𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀬𑀸 𑀬𑀸 𑀧𑀭𑀺𑀲𑀸 𑀬𑀣𑀸𑀧𑀭𑀺𑀲𑀸. 𑀲𑀤𑀺𑀲𑀢𑁆𑀣𑁂-𑀓𑀺𑀔𑀺𑀬𑀸 𑀓𑀡𑁆𑀳𑀯𑀺𑀘𑁆𑀙𑀺𑀢𑀥𑁂𑀦𑀼𑀬𑀸 𑀲𑀤𑀺𑀲𑁄 𑀲𑀓𑀺𑀔𑀺, 𑀲𑀳𑀲𑁆𑀲 𑀲𑀸𑀤𑁂𑀲𑁄. 𑀆𑀦𑀼𑀧𑀼𑀩𑁆𑀩𑀺𑀬𑀁-𑀚𑁂𑀝𑁆𑀞𑀸𑀦𑀼𑀓𑁆𑀓𑀫𑁂𑀦 𑀅𑀦𑀼𑀚𑁂𑀝𑁆𑀞𑀁.

𑀧𑀘𑁆𑀙𑀸𑀅𑀢𑁆𑀣𑁂-𑀭𑀣𑀲𑁆𑀲 𑀧𑀘𑁆𑀙𑀸 𑀅𑀦𑀼𑀭𑀣𑀁.

𑀬𑀼𑀕𑀧𑀤𑀢𑁆𑀣𑁂-𑀘𑀓𑁆𑀓𑁂𑀦 𑀲𑀳=𑀏𑀓𑀓𑀸𑀮𑀁 𑀲𑀘𑀓𑁆𑀓𑀁, 𑀘𑀓𑁆𑀓𑁂𑀦 𑀏𑀓𑀓𑁆𑀔𑀡𑁂 𑀦𑀺𑀥𑁂𑀢𑀻𑀢𑀺 𑀅𑀢𑁆𑀣𑁄.

𑀬𑀣𑀸𑀲𑀤𑁆𑀤𑁄 𑀢𑀼𑀮𑁆𑀬𑀢𑁆𑀣𑁂 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑁄 𑀦 𑀪𑀯𑀢𑀺. 𑀬𑀣𑀸 𑀤𑁂𑀯𑀤𑀢𑁆𑀢𑁄, 𑀢𑀣𑀸 𑀬𑀜𑁆𑀜𑀤𑀢𑁆𑀢𑁄. 𑀏𑀢𑁆𑀣 𑀉𑀧𑀫𑀸𑀦𑀪𑀽𑀢𑁄 𑀬𑀣𑀸𑀲𑀤𑁆𑀤𑁄 ‘𑀢𑀣𑀸 𑀬𑀜𑁆𑀜𑀤𑀢𑁆𑀢𑁄’𑀢𑀺 𑀉𑀧𑀫𑁂𑀬𑁆𑀬+𑀫𑀧𑁂𑀓𑁆𑀔𑀢𑀺, 𑀢𑀲𑁆𑀫𑀸 ‘‘𑀲𑀸𑀧𑁂𑀓𑁆𑀔+𑀫𑀲𑀫𑀢𑁆𑀣𑀁 𑀪𑀯𑀢𑀻’’𑀢𑀺 𑀜𑀸𑀬𑀸 𑀅𑀲𑀫𑀸𑀲𑁂 ¶ ‘‘𑀦 𑀢𑀼𑀮𑁆𑀬𑁂’’𑀢𑀺 𑀧𑀝𑀺𑀲𑁂𑀥𑁄 𑀓𑀺𑀫𑀢𑁆𑀣+𑀫𑀺𑀢𑀺 𑀘𑁂. 𑀬𑀲𑁆𑀫𑀸 ‘‘𑀬𑀣𑀸 𑀤𑁂𑀯𑀤𑀢𑁆𑀢𑁄’’𑀢𑀺 𑀲𑀫𑀼𑀤𑀸𑀬𑀫𑁂𑀯 𑀉𑀧𑀫𑀸𑀦𑀁 𑀪𑀯𑀢𑀺, 𑀦 𑀯𑀺𑀲𑀼𑀁 𑀬𑀣𑀸𑀲𑀤𑁆𑀤𑁄, 𑀢𑀲𑁆𑀫𑀸 𑀲𑀫𑀼𑀤𑀸𑀬𑀲𑁆𑀲𑁂𑀯 𑀉𑀧𑀫𑁂𑀬𑁆𑀬𑀲𑀸𑀧𑁂𑀓𑁆𑀔𑀢𑁆𑀢𑁂 𑀦 𑀅𑀲𑀸𑀫𑀢𑁆𑀣𑀺𑀬𑀢𑀸 𑀦 𑀯𑀺𑀲𑀼𑀁 𑀬𑀣𑀸𑀲𑀤𑁆𑀤𑀲𑁆𑀲, 𑀢𑀲𑁆𑀫𑀸 𑀲𑀸𑀤𑀺𑀲𑁆𑀲𑁂 𑀧𑀢𑁆𑀢𑀲𑀫𑀸𑀲𑀲𑁆𑀲 𑀧𑀝𑀺𑀲𑁂𑀥𑀢𑁆𑀣+𑀫𑀺𑀤𑀁. 𑀢𑀼𑀮𑁆𑀬𑀢𑁆𑀣𑁂𑀢𑀺 𑀯𑀢𑁆𑀢𑀩𑁆𑀩𑁂 𑀢𑀼𑀮𑁆𑀬𑀁 𑀯𑀺𑀦𑀸 𑀢𑀼𑀮𑁆𑀬𑀢𑀸 𑀦𑀢𑁆𑀣𑀻𑀢𑀺 𑀢𑀼𑀮𑁆𑀬𑀢𑁆𑀣𑁂𑀢𑀺 𑀅𑀯𑀢𑁆𑀯𑀸 𑀢𑀼𑀮𑁆𑀬𑁂𑀢𑀺 𑀯𑀼𑀢𑁆𑀢𑀁.

𑀬𑀣𑀸𑀓𑀣𑀜𑁆𑀘𑀺 𑀲𑀸𑀤𑀺𑀲𑁆𑀲𑀁, 𑀜𑀸𑀬𑀢𑁂 𑀬𑀢𑁆𑀣 𑀲𑀫𑁆𑀪𑀯𑀁;

𑀉𑀧𑀫𑀸 𑀦𑀸𑀫 𑀲𑀸 𑀢𑀲𑁆𑀲𑀸, 𑀧𑀧𑀜𑁆𑀘𑁄 𑀩𑀳𑀼𑀥𑀸 𑀪𑀯𑁂.

𑀬𑀸𑀯𑀲𑀤𑁆𑀤𑁄 𑀅𑀯𑀥𑀸𑀭𑀡𑁂 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑁄 𑀪𑀯𑀢𑀺. 𑀅𑀯𑀥𑀸𑀭𑀡𑀁=𑀏𑀢𑁆𑀢𑀓𑀢𑀸𑀧𑀭𑀺𑀘𑁆𑀙𑁂𑀤𑁄. 𑀬𑀸𑀯𑀦𑁆𑀢𑀸𑀦𑀺 𑀅𑀫𑀢𑁆𑀢𑀸𑀦𑀺=𑀪𑀸𑀚𑀦𑀸𑀦𑀺 𑀬𑀸𑀯𑀸𑀫𑀢𑁆𑀢𑀁, 𑀇𑀫𑀺𑀦𑀸 𑀲𑀫𑀸𑀲𑁂 𑀓𑀢𑁂 𑀲𑁂𑀲𑀁 𑀧𑀼𑀩𑁆𑀩𑀲𑀫𑀁. 𑀚𑀻𑀯𑀲𑁆𑀲 𑀬𑀢𑁆𑀢𑀓𑁄 𑀧𑀭𑀺𑀘𑁆𑀙𑁂𑀤𑁄 𑀬𑀸𑀯𑀚𑀻𑀯𑀁. 𑀬𑀸𑀯𑀢𑀸𑀬𑀼𑀓𑀁, ‘‘𑀲𑀓𑀢𑁆𑀣𑁂’’𑀢𑀺 𑀓𑀧𑀘𑁆𑀘𑀬𑁄. 𑀬𑀢𑁆𑀢𑀓𑁂𑀦 𑀅𑀢𑁆𑀣𑁄 𑀬𑀸𑀯𑀤𑀢𑁆𑀣𑀁.

𑁫. 𑀧𑀬𑁆𑀬𑀧𑀸 𑀩𑀳𑀺 𑀢𑀺𑀭𑁄 𑀧𑀼𑀭𑁂 𑀧𑀘𑁆𑀙𑀸 𑀯𑀸 𑀧𑀜𑁆𑀘𑀫𑁆𑀬𑀸

𑀧𑀭𑀺𑀆𑀤𑀬𑁄 𑀧𑀜𑁆𑀘𑀫𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀸 𑀳𑁄𑀦𑁆𑀢𑀺 𑀯𑀸. 𑀧𑀭𑀺 𑀧𑀩𑁆𑀩𑀢𑀸 𑀧𑀭𑀺𑀧𑀩𑁆𑀩𑀢𑀁. 𑀯𑀸𑀲𑁆𑀲 𑀯𑀸𑀓𑁆𑀬𑀯𑀺𑀓𑀧𑁆𑀧𑀢𑁆𑀣𑀢𑁆𑀢𑀸 𑀧𑀭𑀺 𑀧𑀩𑁆𑀩𑀢𑀸 𑀇𑀘𑁆𑀘𑀸𑀤𑀬𑁄𑀧𑀺 𑀳𑁄𑀦𑁆𑀢𑀺. 𑀅𑀧 𑀧𑀩𑁆𑀩𑀢𑀸 𑀅𑀧𑀧𑀩𑁆𑀩𑀢𑀁, 𑀆 𑀧𑀸𑀝𑀮𑀺𑀧𑀼𑀢𑁆𑀢𑀸 𑀆𑀧𑀸𑀝𑀮𑀺𑀧𑀼𑀢𑁆𑀢𑀁, 𑀩𑀳𑀺 𑀕𑀸𑀫𑀸 𑀩𑀳𑀺𑀕𑀸𑀫𑀁, 𑀢𑀺𑀭𑁄 𑀧𑀩𑁆𑀩𑀢𑀸 𑀢𑀺𑀭𑁄𑀧𑀩𑁆𑀩𑀢𑀁, 𑀧𑀼𑀭𑁂 𑀪𑀢𑁆𑀢𑀸 𑀧𑀼𑀭𑁂𑀪𑀢𑁆𑀢𑀁, 𑀧𑀘𑁆𑀙𑀸 𑀪𑀢𑁆𑀢𑀸 𑀧𑀘𑁆𑀙𑀸𑀪𑀢𑁆𑀢𑀁, 𑀲𑀩𑁆𑀩𑀁 𑀉𑀧𑀓𑀼𑀫𑁆𑀪𑀲𑀫𑀁, 𑀇𑀫𑀺𑀦𑀸 𑀲𑀫𑀸𑀲𑁄 𑀯𑀺𑀲𑁂𑀲𑁄. 𑀏𑀯+𑀫𑀼𑀧𑀭𑀺𑀲𑀼𑀢𑁆𑀢𑁂𑀧𑀺.

‘‘𑀅𑀲𑀁𑀔𑁆𑀬’’𑀫𑀺𑀘𑁆𑀘𑀸𑀤𑀺𑀦𑀸 𑀦𑀺𑀘𑁆𑀘𑀲𑀫𑀸𑀲𑀲𑁆𑀲 𑀯𑀺𑀓𑀧𑁆𑀧𑀢𑁆𑀣𑀁 𑀲𑀫𑀻𑀧𑀕𑁆𑀕𑀳𑀡𑀁. 𑀅𑀦𑀼𑀲𑀤𑁆𑀤𑁄 𑀲𑀸𑀫𑀻𑀧𑁆𑀬𑁂 𑀆𑀬𑀸𑀫𑁂 𑀘 𑀯𑀢𑁆𑀢𑀫𑀸𑀦𑁄 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑁄 𑀯𑀸 𑀳𑁄𑀢𑀺. 𑀏𑀢𑁆𑀣 𑀲𑀫𑀻𑀧𑀕𑁆𑀕𑀳𑀡𑀲𑁆𑀲 𑀪𑀸𑀯𑀧𑁆𑀧𑀥𑀸𑀦𑀢𑁆𑀢𑀸 𑀲𑀸𑀫𑀻𑀧𑁆𑀬𑀫𑁂𑀯 𑀕𑀫𑁆𑀬𑀢𑁂𑀢𑀺 𑀲𑀸𑀫𑀻𑀧𑁆𑀬𑁂𑀢𑀺 𑀯𑀼𑀢𑁆𑀢𑀁. 𑀯𑀦𑀲𑁆𑀲 𑀅𑀦𑀼=𑀲𑀫𑀻𑀧𑀁 𑀅𑀦𑀼𑀯𑀦𑀁, 𑀕𑀗𑁆𑀕𑀸𑀬 𑀅𑀦𑀼=𑀆𑀬𑀸𑀫𑁄 𑀅𑀦𑀼𑀕𑀗𑁆𑀕𑀁, 𑀕𑀗𑁆𑀕𑀸𑀬 𑀅𑀦𑀼 𑀯𑀸 𑀩𑀸𑀭𑀸𑀡𑀲𑀻.

𑀢𑀺𑀝𑁆𑀞𑀕𑀼𑀆𑀤𑀻𑀦𑀺 𑀅𑀜𑁆𑀜𑀢𑁆𑀣𑁂𑀦 𑀲𑀺𑀤𑁆𑀥𑀸𑀧𑀺 𑀅𑀲𑁆𑀫𑀺𑀁 𑀅𑀲𑀁𑀔𑁆𑀬𑀲𑀫𑀸𑀲𑁂 𑀦𑀺𑀧𑀸𑀢𑀺𑀬𑀦𑁆𑀢𑀺. 𑀢𑀺𑀝𑁆𑀞𑀦𑁆𑀢𑀺 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀢𑀺𑀝𑁆𑀞𑀦𑁆𑀢𑀲𑀤𑁆𑀤+𑀕𑁄𑀲𑀤𑁆𑀤𑁂𑀳𑀺 𑀧𑀞𑀫𑀸𑀬𑁄𑀫𑁆𑀳𑀺 𑀓𑀢𑁂 ‘‘𑀯𑀸+𑀦𑁂𑀓𑀜𑁆𑀜𑀢𑁆𑀣𑁂’’𑀢𑀺 𑀲𑀫𑀸𑀲𑁄, 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸 𑀮𑁄𑀧𑁂 𑀦𑀧𑀼𑀁𑀲𑀓𑀢𑁆𑀣𑁂 𑀘 𑀓𑀢𑁂 𑀲𑀺𑀫𑁆𑀳𑀺 𑀕𑁄𑀲𑁆𑀲 ‘‘𑀕𑁄𑀲𑁆𑀲𑀼’’𑀢𑀺 𑀉𑀓𑀸𑀭𑁂 ‘‘𑀧𑀼𑀩𑁆𑀩𑀲𑁆𑀫𑀸+𑀫𑀸𑀤𑀺𑀢𑁄’’𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄. 𑀏𑀯𑀁 𑀯𑀳𑀦𑁆𑀢𑀻 𑀕𑀸𑀯𑁄 𑀬𑀲𑁆𑀫𑀺𑀁 𑀓𑀸𑀮𑁂𑀢𑀺 𑀯𑀳𑀕𑁆𑀕𑀼 𑀇𑀘𑁆𑀘𑀸𑀤𑀺. 𑀯𑁂𑀮𑀸𑀧𑁆𑀧𑀓𑀸𑀲𑀓𑀧𑀸𑀢𑁄𑀆𑀤𑀻𑀦𑀫𑁆𑀧𑀺 𑀏𑀢𑁆𑀣𑁂𑀯 𑀲𑀗𑁆𑀕𑀳𑁄, 𑀧𑀸𑀢𑁄 𑀦𑀳𑀸𑀦𑀦𑁆𑀢𑀺 𑀲𑀢𑁆𑀢𑀫𑀻𑀅𑀫𑀸𑀤𑀺𑀲𑀫𑀸𑀲𑁂 𑀧𑀸𑀢𑀦𑀳𑀸𑀦𑀁, 𑀏𑀯𑀁 𑀲𑀸𑀬𑀦𑀳𑀸𑀦𑀁, 𑀧𑀸𑀢𑀓𑀸𑀮𑀁, 𑀲𑀸𑀬𑀓𑀸𑀮𑀁, 𑀧𑀸𑀢𑀫𑁂𑀖𑀁, 𑀲𑀸𑀬𑀫𑁂𑀖𑀁, 𑀧𑀸𑀢𑀫𑀕𑁆𑀕𑀁, 𑀲𑀸𑀬𑀫𑀕𑁆𑀕𑀁, 𑀏𑀢𑁆𑀣 ‘‘𑀏𑀑𑀦+𑀫 𑀯𑀡𑁆𑀡𑁂’’𑀢𑀺 𑀅𑀓𑀸𑀭𑁄, 𑀦𑀺𑀕𑁆𑀕𑀳𑀻𑀢𑀲𑁆𑀲 𑀮𑁄𑀧𑁄 𑀘 𑀳𑁄𑀢𑀺.

𑁮. 𑀑𑀭𑁂+𑀧𑀭𑀺+𑀧𑀝𑀺+𑀧𑀸𑀭𑁂+𑀫𑀚𑁆𑀛𑁂+𑀳𑁂𑀝𑁆𑀞𑀼+𑀤𑁆𑀥𑀸+𑀥𑁄+𑀦𑁆𑀢𑁄 𑀯𑀸 𑀙𑀝𑁆𑀞𑀺𑀬𑀸.

𑀑𑀭𑀸𑀤𑀬𑁄 𑀲𑀤𑁆𑀤𑀸 𑀙𑀝𑁆𑀞𑀺𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀸 𑀯𑀸 𑀳𑁄𑀦𑁆𑀢𑀺. 𑀑𑀭𑀁 𑀕𑀗𑁆𑀕𑀸𑀬 𑀑𑀭𑁂𑀕𑀗𑁆𑀕𑀸, 𑀉𑀧𑀭𑀺 𑀲𑀺𑀔𑀭𑀲𑁆𑀲 𑀉𑀧𑀭𑀺𑀲𑀺𑀔𑀭𑀁, 𑀧𑀝𑀺=𑀫𑀼𑀔𑀁 𑀲𑁄𑀢𑀲𑁆𑀲 ¶ 𑀧𑀝𑀺𑀲𑁄𑀢𑀁, 𑀧𑀸𑀭𑀁 𑀬𑀫𑀼𑀦𑀸𑀬 𑀧𑀸𑀭𑁂𑀬𑀫𑀼𑀦𑀁, 𑀫𑀚𑁆𑀛𑀁 𑀕𑀗𑁆𑀕𑀸𑀬 𑀫𑀚𑁆𑀛𑁂𑀕𑀗𑁆𑀕𑀁, 𑀳𑁂𑀝𑁆𑀞𑀸 𑀧𑀸𑀲𑀸𑀤𑀲𑁆𑀲 𑀳𑁂𑀝𑁆𑀞𑀸𑀧𑀸𑀲𑀸𑀤𑀁, 𑀉𑀤𑁆𑀥𑀁 𑀕𑀗𑁆𑀕𑀸𑀬 𑀉𑀤𑁆𑀥𑀕𑀗𑁆𑀕𑀁, 𑀅𑀥𑁄 𑀕𑀗𑁆𑀕𑀸𑀬 𑀅𑀥𑁄𑀕𑀗𑁆𑀕𑀁, 𑀅𑀦𑁆𑀢𑁄 𑀧𑀸𑀲𑀸𑀤𑀲𑁆𑀲 𑀅𑀦𑁆𑀢𑁄𑀧𑀸𑀲𑀸𑀤𑀁. 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸𑀯 𑀦𑀺𑀕𑁆𑀕𑀳𑀻𑀢𑀮𑁄𑀧𑁂 𑀘 𑀏𑀓𑀸𑀭𑁂 𑀘 𑀓𑀢𑁂 𑀑𑀭𑁂𑀘𑁆𑀘𑀸𑀤𑀺 𑀳𑁄𑀢𑀺.

𑀅+𑀫𑀸𑀤𑀺𑀲𑁆𑀬𑀸𑀤𑁆𑀬𑀦𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳 𑀩𑀳𑀼𑀮+𑀫𑁂𑀓𑀢𑁆𑀢𑀁 𑀳𑁄𑀢𑀺.

𑀉𑀢𑁆𑀢𑀭𑀲𑁆𑀲 𑀧𑀤𑀲𑁆𑀲+𑀢𑁆𑀣𑁄, 𑀧𑀥𑀸𑀦𑀁 𑀮𑀺𑀗𑁆𑀕+𑀫𑀲𑁆𑀲 𑀘;

𑀤𑀼𑀢𑀺𑀬𑀦𑁆𑀢𑀸𑀤𑀺𑀧𑀤𑁂𑀓𑀢𑁆𑀣𑁄, 𑀩𑀳𑀼𑀥𑀸 𑀢𑀁 𑀯𑀺𑀪𑀚𑁆𑀚𑀢𑁂.

𑀧𑀭𑁂𑀲+𑀫𑀺𑀲𑁆𑀲𑀢𑁂 𑀢𑀜𑁆𑀘, 𑀪𑀺𑀬𑁆𑀬𑁄 𑀢𑀧𑁆𑀧𑀼𑀭𑀺𑀲𑀸+𑀔𑁆𑀬𑀬𑀸;

𑀢𑀁 𑀬𑀣𑀸+𑀢𑁆𑀭 𑀭𑀸𑀚𑀸𑀧𑀘𑁆𑀘𑀁, 𑀓𑀢𑁆𑀣𑀘𑀻𑀢𑀺+𑀫𑀺𑀢𑀻𑀤𑀺𑀲𑀁.

𑀅+𑀫𑀸𑀤𑁆𑀬𑀦𑁆𑀢𑀸𑀦𑀁 𑀓𑀸𑀭𑀓𑀸𑀦𑀁 𑀅𑀓𑀸𑀭𑀓𑀸𑀦𑀜𑁆𑀘 𑀲𑀫𑀸𑀲𑁄 𑀓𑀢𑁆𑀣𑀘𑀺𑀫𑁂𑀯 𑀯𑀸 𑀳𑁄𑀢𑀺. 𑀢𑀜𑁆𑀘 𑀩𑀳𑀼𑀮𑀁𑀯𑀺𑀥𑀸𑀦𑁂𑀦𑀸𑀢𑀺 𑀤𑀝𑁆𑀞𑀩𑁆𑀩𑀁.

𑀢𑀢𑁆𑀣 𑀤𑀼𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄 𑀅𑀫𑀸𑀤𑀺 𑀕𑀢+𑀦𑀺𑀲𑁆𑀲𑀺𑀢𑀸+𑀢𑀻𑀢𑀸+𑀢𑀺𑀓𑁆𑀓𑀦𑁆𑀢+𑀧𑀢𑁆𑀢𑀸+𑀧𑀦𑁆𑀦𑀸𑀤𑀻𑀳𑀺 𑀪𑀯𑀢𑀺. 𑀲𑀭𑀡𑀁 𑀕𑀢𑁄𑀢𑀺 𑀲𑀫𑀸𑀲𑁂 𑀓𑀢𑁂 ‘‘𑀏𑀓𑀢𑁆𑀣𑀢𑀸𑀬𑀁’’𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑀸𑀤𑀺 𑀉𑀧𑀭𑀺 𑀲𑀩𑁆𑀩𑀢𑁆𑀣 𑀧𑀼𑀩𑁆𑀩𑀲𑀫𑀁. 𑀲𑀭𑀡𑀕𑀢𑁄, 𑀲𑀭𑀡𑀕𑀢𑀸. 𑀲𑀭𑀡𑀕𑀢𑀸, 𑀲𑀭𑀡𑀕𑀢𑀸𑀬𑁄. 𑀲𑀭𑀡𑀕𑀢𑀁 𑀓𑀼𑀮𑀁, 𑀲𑀭𑀡𑀕𑀢𑀸𑀦𑀺 𑀓𑀼𑀮𑀸𑀦𑀺 𑀇𑀘𑁆𑀘𑀸𑀤𑀺. 𑀅𑀭𑀜𑁆𑀜𑀕𑀢𑁄, 𑀪𑀽𑀫𑀺𑀕𑀢𑁄. 𑀥𑀫𑁆𑀫𑀁 𑀦𑀺𑀲𑁆𑀲𑀺𑀢𑁄 𑀥𑀫𑁆𑀫𑀦𑀺𑀲𑁆𑀲𑀺𑀢𑁄, 𑀅𑀢𑁆𑀣𑀦𑀺𑀲𑁆𑀲𑀺𑀢𑁄. 𑀪𑀯𑀁 𑀅𑀢𑀻𑀢𑁄 𑀪𑀯𑀸𑀢𑀻𑀢𑁄, 𑀓𑀸𑀮𑀸𑀢𑀻𑀢𑁄. 𑀧𑀫𑀸𑀡𑀁 𑀅𑀢𑀺𑀓𑁆𑀓𑀦𑁆𑀢𑀁 𑀧𑀫𑀸𑀡𑀸𑀢𑀺𑀓𑁆𑀓𑀦𑁆𑀢𑀁, 𑀮𑁄𑀓𑀸𑀢𑀺𑀓𑁆𑀓𑀦𑁆𑀢𑀁. 𑀲𑀼𑀔𑀁 𑀧𑀢𑁆𑀢𑁄 𑀲𑀼𑀔𑀧𑁆𑀧𑀢𑁆𑀢𑁄, 𑀤𑀼𑀓𑁆𑀔𑀧𑁆𑀧𑀢𑁆𑀢𑁄. 𑀲𑁄𑀢𑀁 𑀆𑀧𑀦𑁆𑀦𑁄 𑀲𑁄𑀢𑀸𑀧𑀦𑁆𑀦𑁄, 𑀦𑀺𑀭𑁄𑀥𑀲𑀫𑀸𑀧𑀦𑁆𑀦𑁄, 𑀫𑀕𑁆𑀕𑀧𑁆𑀧𑀝𑀺𑀧𑀦𑁆𑀦𑁄. 𑀭𑀣𑀁 𑀆𑀭𑀼𑀴𑁆𑀳𑁄 𑀭𑀣𑀸𑀭𑀼𑀴𑁆𑀳𑁄 ¶ . 𑀲𑀩𑁆𑀩𑀭𑀢𑁆𑀢𑀺𑀁 𑀲𑁄𑀪𑀡𑁄 𑀲𑀩𑁆𑀩𑀭𑀢𑁆𑀢𑀺𑀲𑁄𑀪𑀡𑁄, 𑀫𑀼𑀳𑀼𑀢𑁆𑀢𑀲𑀼𑀔𑀁. 𑀅𑀓𑀸𑀭𑀓𑀸𑀦𑀁 𑀲𑀫𑀸𑀲𑁄 𑀅𑀘𑁆𑀘𑀦𑁆𑀢𑀲𑀁𑀬𑁄𑀕𑁂. 𑀯𑀼𑀢𑁆𑀢𑀺𑀬𑁂𑀯𑁄+𑀧𑀧𑀤𑀲𑀫𑀸𑀲𑁂, 𑀢𑀲𑁆𑀲 𑀦𑀺𑀘𑁆𑀘𑀢𑁆𑀢𑀸. 𑀬𑀣𑀸 𑀓𑀫𑁆𑀫𑀁 𑀓𑀭𑁄𑀢𑀻𑀢𑀺 𑀓𑀫𑁆𑀫𑀓𑀸𑀭𑁄, 𑀓𑀼𑀫𑁆𑀪𑀓𑀸𑀭𑁄, 𑀅𑀢𑁆𑀣𑀁 𑀓𑀸𑀫𑁂𑀢𑀻𑀢𑀺 𑀅𑀢𑁆𑀣𑀓𑀸𑀫𑁄, 𑀥𑀫𑁆𑀫𑀓𑀸𑀫𑁄, 𑀥𑀫𑁆𑀫𑀁 𑀥𑀸𑀭𑁂𑀢𑀻𑀢𑀺 𑀥𑀫𑁆𑀫𑀥𑀭𑁄, 𑀯𑀺𑀦𑀬𑀥𑀭𑁄. 𑀲𑀸𑀦𑀁 𑀧𑀘𑀢𑀻𑀢𑀺 𑀲𑀧𑀸𑀓𑁄, 𑀢𑀦𑁆𑀢𑀁 𑀯𑀸𑀬𑀢𑀻𑀢𑀺 𑀢𑀦𑁆𑀢𑀯𑀸𑀬𑁄, 𑀯𑀭𑀁 𑀆𑀳𑀭𑀢𑀻𑀢𑀺 𑀯𑀭𑀸𑀳𑀭𑁄. 𑀦𑁆𑀢+𑀫𑀸𑀦+𑀓𑁆𑀢𑀯𑀦𑁆𑀢𑁂𑀳𑀺 𑀯𑀸𑀓𑁆𑀬𑀫𑁂𑀯. 𑀥𑀫𑁆𑀫𑀁 𑀲𑀼𑀡𑀦𑁆𑀢𑁄, 𑀥𑀫𑁆𑀫𑀁 𑀲𑀼𑀡𑀫𑀸𑀦𑁄, 𑀑𑀤𑀦𑀁 𑀪𑀼𑀢𑁆𑀢𑀯𑀸.

𑀢𑀢𑀺𑀬𑀸𑀢𑀧𑁆𑀧𑀼𑀭𑀺𑀲𑁄 𑀓𑀺𑀢𑀓+𑀧𑀼𑀩𑁆𑀩+𑀲𑀤𑀺𑀲+𑀲𑀫𑁄+𑀦𑀢𑁆𑀣+𑀓𑀮𑀳+𑀦𑀺𑀧𑀼𑀡+𑀫𑀺𑀲𑁆𑀲+𑀲𑀔𑀺𑀮𑀸𑀤𑀻𑀳𑀺. 𑀩𑀼𑀤𑁆𑀥𑁂𑀦 𑀪𑀸𑀲𑀺𑀢𑁄 𑀩𑀼𑀤𑁆𑀥𑀪𑀸𑀲𑀺𑀢𑁄 𑀥𑀫𑁆𑀫𑁄, 𑀏𑀯𑀁 𑀚𑀺𑀦𑀤𑁂𑀲𑀺𑀢𑁄. 𑀲𑀢𑁆𑀣𑀸𑀭𑀸 𑀯𑀡𑁆𑀡𑀺𑀢𑁄 𑀲𑀢𑁆𑀣𑀼𑀯𑀡𑁆𑀡𑀺𑀢𑁄. 𑀯𑀺𑀜𑁆𑀜𑀽𑀳𑀺 𑀕𑀭𑀳𑀺𑀢𑁄 𑀯𑀺𑀜𑁆𑀜𑀼𑀕𑀭𑀳𑀺𑀢𑁄, 𑀯𑀺𑀜𑁆𑀜𑀼𑀧𑁆𑀧𑀲𑀢𑁆𑀣𑁄, 𑀇𑀲𑁆𑀲𑀭𑀓𑀢𑀁, 𑀲𑀬𑀁 𑀓𑀢𑀁, 𑀲𑀼𑀓𑁂𑀳𑀺 𑀆𑀳𑀝𑀁 𑀲𑀼𑀓𑀸𑀳𑀝𑀁, 𑀭𑀜𑁆𑀜𑀸 𑀳𑀢𑁄 𑀭𑀸𑀚𑀳𑀢𑁄, 𑀭𑀸𑀚𑀧𑀻𑀴𑀺𑀢𑁄. 𑀅𑀕𑁆𑀕𑀺𑀦𑀸 𑀤𑀟𑁆𑀠𑁄 𑀅𑀕𑁆𑀕𑀺𑀤𑀟𑁆𑀠𑁄, 𑀲𑀧𑁆𑀧𑁂𑀦 𑀤𑀝𑁆𑀞𑁄 𑀲𑀧𑁆𑀧𑀤𑀝𑁆𑀞𑁄, 𑀲𑀮𑁆𑀮𑁂𑀳𑀺 𑀯𑀺𑀤𑁆𑀥𑁄 𑀲𑀮𑁆𑀮𑀯𑀺𑀤𑁆𑀥𑁄, 𑀇𑀘𑁆𑀙𑀸𑀬 𑀧𑀓𑀢𑁄 𑀇𑀘𑁆𑀙𑀸𑀧𑀓𑀢𑁄, 𑀲𑀻𑀮𑀲𑀫𑁆𑀧𑀦𑁆𑀦𑁄. 𑀏𑀯𑀁 𑀲𑀼𑀔𑀲𑀳𑀕𑀢𑀁, 𑀜𑀸𑀡𑀲𑀫𑁆𑀧𑀬𑀼𑀢𑁆𑀢𑀁, 𑀫𑀺𑀢𑁆𑀢𑀲𑀁𑀲𑀕𑁆𑀕𑁄, 𑀧𑀺𑀬𑀯𑀺𑀧𑁆𑀧𑀬𑁄𑀕𑁄, 𑀚𑀸𑀢𑀺𑀣𑀤𑁆𑀥𑁄, 𑀕𑀼𑀡𑀳𑀻𑀦𑁄, 𑀕𑀼𑀡𑀯𑀼𑀤𑁆𑀥𑁄, 𑀘𑀢𑀼𑀯𑀕𑁆𑀕𑀓𑀭𑀡𑀻𑀬𑀁, 𑀘𑀢𑀼𑀯𑀕𑁆𑀕𑀸𑀤𑀺𑀓𑀢𑁆𑀢𑀩𑁆𑀩𑀁. 𑀓𑀸𑀓𑁂𑀳𑀺 𑀧𑁂𑀬𑁆𑀬𑀸 𑀓𑀸𑀓𑀧𑁂𑀬𑁆𑀬𑀸, 𑀦𑀤𑀻. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯, 𑀉𑀭𑀲𑀸 𑀕𑀘𑁆𑀙𑀢𑀻𑀢𑀺 𑀉𑀭𑀕𑁄, 𑀧𑀸𑀤𑁂𑀦 𑀧𑀺𑀯𑀢𑀻𑀢𑀺 𑀧𑀸𑀤𑀧𑁄. 𑀓𑁆𑀯𑀘𑀺 𑀯𑀸𑀓𑁆𑀬𑀫𑁂𑀯, 𑀨𑀭𑀲𑀼𑀦𑀸 𑀙𑀺𑀦𑁆𑀦𑀯𑀸, 𑀓𑀸𑀓𑁂𑀳𑀺 𑀧𑀸𑀢𑀩𑁆𑀩𑀸, 𑀤𑀲𑁆𑀲𑀦𑁂𑀦 𑀧𑀳𑀸𑀢𑀩𑁆𑀩𑀸. 𑀧𑀼𑀩𑁆𑀩𑀸𑀤𑀺𑀬𑁄𑀕𑁂-𑀫𑀸𑀲𑁂𑀦 𑀧𑀼𑀩𑁆𑀩𑁄 𑀫𑀸𑀲𑀧𑀼𑀩𑁆𑀩𑁄. 𑀏𑀯𑀁 𑀫𑀸𑀢𑀼𑀲𑀤𑀺𑀲𑁄, 𑀫𑀸𑀢𑀼𑀲𑀫𑁄. 𑀏𑀓𑀽𑀦𑀯𑀻𑀲𑀢𑀺, 𑀲𑀻𑀮𑀯𑀺𑀓𑀮𑁄, 𑀅𑀲𑀺𑀓𑀮𑀳𑁄, 𑀯𑀸𑀘𑀸𑀦𑀺𑀧𑀼𑀡𑁄, 𑀬𑀸𑀯𑀓𑀸𑀮𑀺𑀓𑀲𑀫𑁆𑀫𑀺𑀲𑁆𑀲𑀁, 𑀯𑀸𑀘𑀸𑀲𑀔𑀺𑀮𑁄 ¶ . 𑀲𑀢𑁆𑀣𑀸𑀭𑀸 𑀲𑀤𑀺𑀲𑁄 𑀲𑀢𑁆𑀣𑀼𑀲𑀤𑀺𑀲𑁄, 𑀲𑀢𑁆𑀣𑀼𑀓𑀧𑁆𑀧𑁄, 𑀧𑀼𑀜𑁆𑀜𑁂𑀦 𑀅𑀢𑁆𑀣𑀺𑀓𑁄 𑀧𑀼𑀜𑁆𑀜𑀢𑁆𑀣𑀺𑀓𑁄, 𑀕𑀼𑀡𑀸𑀥𑀺𑀓𑁄. 𑀤𑀥𑀺𑀦𑀸 𑀉𑀧𑀲𑀺𑀢𑁆𑀢𑀁 𑀪𑁄𑀚𑀦𑀁 𑀤𑀥𑀺𑀪𑁄𑀚𑀦𑀁, 𑀕𑀼𑀴𑁂𑀦 𑀲𑀁𑀲𑀝𑁆𑀞𑁄 𑀑𑀤𑀦𑁄 𑀕𑀼𑀴𑁄𑀤𑀦𑁄. 𑀓𑀸𑀭𑀓𑀲𑀫𑁆𑀩𑀦𑁆𑀥𑁄 𑀓𑁆𑀭𑀺𑀬𑀸𑀬 𑀓𑀢𑁄, 𑀉𑀧𑀲𑀺𑀢𑁆𑀢𑀸𑀤𑀺𑀓𑁆𑀭𑀺𑀬𑀸𑀦𑀁 𑀅𑀧𑀜𑁆𑀜𑀸𑀬𑀦𑁂𑀧𑀺 𑀯𑀼𑀢𑁆𑀢𑀺𑀬𑁂𑀯𑁄+𑀧𑀲𑀺𑀢𑁆𑀢𑀸𑀤𑀺𑀓𑁆𑀭𑀺𑀬𑀸𑀦+𑀫𑀸𑀔𑁆𑀬𑀸𑀧𑀦𑀢𑁄 𑀦𑀢𑁆𑀣𑀸+𑀬𑀼𑀢𑁆𑀢𑀢𑁆𑀣𑀢𑀸. 𑀏𑀯𑀁 𑀔𑀻𑀭𑁄𑀤𑀦𑁄. 𑀅𑀲𑁆𑀲𑁂𑀦 𑀬𑀼𑀢𑁆𑀢𑁄 𑀭𑀣𑁄 𑀅𑀲𑁆𑀲𑀭𑀣𑁄, 𑀫𑀕𑁆𑀕𑀘𑀺𑀢𑁆𑀢𑀁, 𑀚𑀫𑁆𑀩𑀼𑀬𑀸 𑀧𑀜𑁆𑀜𑀸𑀢𑁄 𑀮𑀓𑁆𑀔𑀺𑀢𑁄 𑀤𑀻𑀧𑁄 𑀚𑀫𑁆𑀩𑀼𑀤𑀻𑀧𑁄, 𑀏𑀓𑁂𑀦 𑀅𑀥𑀺𑀓𑀸 𑀤𑀲 𑀏𑀓𑀸𑀤𑀲, 𑀚𑀸𑀢𑀺𑀬𑀸 𑀅𑀦𑁆𑀥𑁄 𑀚𑀘𑁆𑀘𑀦𑁆𑀥𑁄, 𑀧𑀓𑀢𑀺𑀬𑀸 𑀫𑁂𑀥𑀸𑀯𑀻 𑀧𑀓𑀢𑀺𑀫𑁂𑀥𑀸𑀯𑀻 𑀇𑀘𑁆𑀘𑀸𑀤𑀺.

𑀘𑀢𑀼𑀢𑁆𑀣𑀻𑀢𑀧𑁆𑀧𑀼𑀭𑀺𑀲𑁄 𑀢𑀤𑀢𑁆𑀣+𑀅𑀢𑁆𑀣+𑀳𑀺𑀢+𑀤𑁂𑀬𑁆𑀬𑀸𑀤𑀻𑀳𑀺. 𑀢𑀤𑀢𑁆𑀣𑁂-𑀓𑀣𑀺𑀦𑀲𑁆𑀲 𑀤𑀼𑀲𑁆𑀲𑀁 𑀓𑀣𑀺𑀦𑀤𑀼𑀲𑁆𑀲𑀁, 𑀓𑀣𑀺𑀦𑀘𑀻𑀯𑀭𑀲𑁆𑀲𑀸𑀢𑀺 𑀅𑀢𑁆𑀣𑁄. 𑀏𑀯𑀁 𑀘𑀻𑀯𑀭𑀤𑀼𑀲𑁆𑀲𑀁, 𑀘𑀻𑀯𑀭𑀫𑀽𑀮𑀁, 𑀬𑀸𑀕𑀼𑀬𑀸 𑀅𑀢𑁆𑀣𑀸𑀬 𑀢𑀡𑁆𑀟𑀼𑀮𑀸 𑀬𑀸𑀕𑀼𑀢𑀡𑁆𑀟𑀼𑀮𑀸, 𑀪𑀢𑁆𑀢𑀢𑀡𑁆𑀟𑀼𑀮𑀸, 𑀲𑀗𑁆𑀖𑀲𑁆𑀲 𑀅𑀢𑁆𑀣𑀸𑀬 𑀪𑀢𑁆𑀢𑀁 𑀲𑀗𑁆𑀖𑀪𑀢𑁆𑀢𑀁, 𑀆𑀕𑀦𑁆𑀢𑀼𑀓𑀪𑀢𑁆𑀢𑀁, 𑀏𑀯𑀁 𑀕𑀫𑀺𑀓𑀪𑀢𑁆𑀢𑀁, 𑀧𑀸𑀲𑀸𑀤𑀸𑀬 𑀤𑀩𑁆𑀩𑀁 𑀧𑀸𑀲𑀸𑀤𑀤𑀩𑁆𑀩𑀁. 𑀏𑀢𑁆𑀣 𑀘𑀸+𑀬𑀁 𑀦𑀺𑀘𑁆𑀘𑀲𑀫𑀸𑀲𑁄, 𑀢𑀲𑁆𑀲 𑀢𑀺𑀮𑀺𑀗𑁆𑀕𑀢𑀸 𑀘-𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀢𑁆𑀣𑁄 𑀯𑀺𑀳𑀸𑀭𑁄 𑀪𑀺𑀓𑁆𑀔𑀼𑀲𑀗𑁆𑀖𑀢𑁆𑀣𑁄 𑀯𑀺𑀳𑀸𑀭𑁄, 𑀪𑀺𑀓𑁆𑀔𑀼𑀲𑀗𑁆𑀖𑀢𑁆𑀣𑀸 𑀬𑀸𑀕𑀼, 𑀪𑀺𑀓𑁆𑀔𑀼𑀲𑀗𑁆𑀖𑀢𑁆𑀣𑀁 𑀘𑀻𑀯𑀭𑀁. 𑀬𑀲𑁆𑀲 𑀅𑀢𑁆𑀣𑁄 𑀬𑀤𑀢𑁆𑀣𑁄, 𑀬𑀤𑀢𑁆𑀣𑀸, 𑀬𑀤𑀢𑁆𑀣𑀁. 𑀏𑀯𑀁 𑀢𑀤𑀢𑁆𑀣𑁄, 𑀢𑀤𑀢𑁆𑀣𑀸, 𑀢𑀤𑀢𑁆𑀣𑀁. 𑀢𑀣𑀸 𑀮𑁄𑀓𑀳𑀺𑀢𑁄. 𑀩𑀼𑀤𑁆𑀥𑀲𑁆𑀲 𑀤𑁂𑀬𑁆𑀬𑀁 𑀩𑀼𑀤𑁆𑀥𑀤𑁂𑀬𑁆𑀬𑀁 𑀧𑀼𑀧𑁆𑀨𑀁. 𑀲𑀗𑁆𑀖𑀤𑁂𑀬𑁆𑀬𑀁 𑀘𑀻𑀯𑀭𑀁. 𑀇𑀥 𑀦 𑀳𑁄𑀢𑀺 ‘‘𑀲𑀗𑁆𑀖𑀲𑁆𑀲 𑀤𑀸𑀢𑀩𑁆𑀩𑀁’’.

𑀧𑀜𑁆𑀘𑀫𑀻𑀢𑀧𑁆𑀧𑀼𑀭𑀺𑀲𑁄 𑀅𑀧𑀕𑀫𑀦+𑀪𑀬+𑀯𑀺𑀭𑀢𑀺+𑀫𑁄𑀘𑀦𑀢𑁆𑀣𑀸𑀤𑀻𑀳𑀺. 𑀫𑁂𑀣𑀼𑀦𑀲𑁆𑀫𑀸 𑀅𑀧𑁂𑀢𑁄 𑀫𑁂𑀣𑀼𑀦𑀸𑀧𑁂𑀢𑁄, 𑀏𑀯𑀁 𑀧𑀮𑀸𑀧𑀕𑀢𑁄, 𑀦𑀕𑀭𑀦𑀺𑀕𑁆𑀕𑀢𑁄, 𑀧𑀺𑀡𑁆𑀟𑀧𑀸𑀢𑀧𑀝𑀺𑀓𑁆𑀓𑀦𑁆𑀢𑁄, 𑀓𑀸𑀫𑀢𑁄 𑀦𑀺𑀓𑁆𑀔𑀦𑁆𑀢𑀁 𑀓𑀸𑀫𑀦𑀺𑀓𑁆𑀔𑀦𑁆𑀢𑀁, 𑀭𑀼𑀓𑁆𑀔𑀕𑁆𑀕𑀸 𑀧𑀢𑀺𑀢𑁄 𑀭𑀼𑀓𑁆𑀔𑀕𑁆𑀕𑀧𑀢𑀺𑀢𑁄, 𑀲𑀸𑀲𑀦𑀘𑁆𑀘𑀼𑀢𑁄, 𑀆𑀧𑀢𑁆𑀢𑀺- 𑀯𑀼𑀝𑁆𑀞𑀸𑀦𑀁 ¶ , 𑀥𑀭𑀡𑀻𑀢𑀮𑀕𑁆𑀕𑀢𑁄, 𑀲𑀩𑁆𑀩𑀪𑀯𑁂𑀳𑀺 𑀦𑀺𑀲𑁆𑀲𑀝𑁄 𑀲𑀩𑁆𑀩𑀪𑀯𑀦𑀺𑀲𑁆𑀲𑀝𑁄. 𑀪𑀬𑀢𑀸𑀤𑀺𑀬𑁄𑀕𑁂-𑀭𑀸𑀚𑀢𑁄 𑀪𑀬𑀁 𑀭𑀸𑀚𑀪𑀬𑀁, 𑀘𑁄𑀭𑀪𑀬𑀁, 𑀅𑀫𑀦𑀼𑀲𑁆𑀲𑀪𑀬𑀁, 𑀅𑀕𑁆𑀕𑀺𑀪𑀬𑀁, 𑀧𑀸𑀧𑀪𑀻𑀢𑁄, 𑀧𑀸𑀧𑀪𑀻𑀭𑀼𑀓𑁄. 𑀅𑀓𑀢𑁆𑀢𑀩𑁆𑀩𑀢𑁄 𑀯𑀺𑀭𑀢𑀺 𑀅𑀓𑀢𑁆𑀢𑀩𑁆𑀩𑀯𑀺𑀭𑀢𑀺, 𑀏𑀯𑀁 𑀓𑀸𑀬𑀤𑀼𑀘𑁆𑀘𑀭𑀺𑀢𑀯𑀺𑀭𑀢𑀺, 𑀯𑀘𑀻𑀤𑀼𑀘𑁆𑀘𑀭𑀺𑀢𑀯𑀺𑀭𑀢𑀺. 𑀩𑀦𑁆𑀥𑀦𑀸 𑀫𑀼𑀢𑁆𑀢𑁄 𑀩𑀦𑁆𑀥𑀦𑀫𑀼𑀢𑁆𑀢𑁄, 𑀯𑀦𑀫𑀼𑀢𑁆𑀢𑁄, 𑀩𑀦𑁆𑀥𑀦𑀫𑁄𑀓𑁆𑀔𑁄. 𑀓𑀫𑁆𑀫𑀲𑀫𑀼𑀝𑁆𑀞𑀺𑀢𑀁, 𑀉𑀓𑁆𑀓𑀝𑁆𑀞𑀼𑀓𑁆𑀓𑀝𑁆𑀞𑀁, 𑀑𑀫𑀓𑁄𑀫𑀓𑀁. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯, 𑀓𑀫𑁆𑀫𑀢𑁄 𑀚𑀸𑀢𑀁 𑀓𑀫𑁆𑀫𑀚𑀁, 𑀏𑀯𑀁 𑀘𑀺𑀢𑁆𑀢𑀚𑀁, 𑀉𑀢𑀼𑀚𑀁, 𑀆𑀳𑀸𑀭𑀚𑀁. 𑀇𑀥 𑀦 𑀳𑁄𑀢𑀺 ‘𑀧𑀸𑀲𑀸𑀤𑀸 𑀧𑀢𑀺𑀢𑁄’.

𑀙𑀝𑁆𑀞𑀻𑀢𑀧𑁆𑀧𑀼𑀭𑀺𑀲𑁄 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀭𑀸𑀚𑀧𑀼𑀢𑁆𑀢𑁄, 𑀏𑀯𑀁 𑀭𑀸𑀚𑀧𑀼𑀭𑀺𑀲𑁄, 𑀆𑀘𑀭𑀺𑀬𑀧𑀽𑀚𑀓𑁄, 𑀩𑀼𑀤𑁆𑀥𑀲𑀸𑀯𑀓𑁄, 𑀩𑀼𑀤𑁆𑀥𑀭𑀽𑀧𑀁, 𑀚𑀺𑀦𑀯𑀘𑀦𑀁, 𑀲𑀫𑀼𑀤𑁆𑀤𑀖𑁄𑀲𑁄, 𑀥𑀜𑁆𑀜𑀸𑀦𑀁 𑀭𑀸𑀲𑀺 𑀥𑀜𑁆𑀜𑀭𑀸𑀲𑀺, 𑀧𑀼𑀧𑁆𑀨𑀕𑀦𑁆𑀥𑁄, 𑀨𑀮𑀭𑀲𑁄, 𑀓𑀸𑀬𑀲𑁆𑀲 𑀮𑀳𑀼𑀢𑀸 𑀓𑀸𑀬𑀮𑀳𑀼𑀢𑀸. 𑀫𑀭𑀡𑀲𑁆𑀲𑀢𑀺, 𑀭𑀼𑀓𑁆𑀔𑀫𑀽𑀮𑀁, 𑀅𑀬𑀲𑁆𑀲 𑀧𑀢𑁆𑀢𑁄 𑀅𑀬𑁄𑀧𑀢𑁆𑀢𑁄, 𑀏𑀢𑁆𑀣 ‘‘𑀫𑀦𑀸𑀤𑁆𑀬𑀸𑀧𑀸𑀤𑀻𑀦+𑀫𑁄 𑀫𑀬𑁂 𑀘𑁂’’𑀢𑀺 𑀑. 𑀏𑀯𑀁 𑀲𑀼𑀯𑀡𑁆𑀡𑀓𑀝𑀸𑀳𑀁, 𑀧𑀸𑀦𑀻𑀬𑀣𑀸𑀮𑀓𑀁, 𑀲𑀧𑁆𑀧𑀺𑀓𑀼𑀫𑁆𑀪𑁄, 𑀤𑁂𑀯𑀸𑀦𑀁 𑀭𑀸𑀚𑀸 𑀤𑁂𑀯𑀭𑀸𑀚𑀸. 𑀧𑀼𑀫𑀲𑁆𑀲 𑀮𑀺𑀗𑁆𑀕𑀁 𑀧𑀼𑀮𑁆𑀮𑀺𑀗𑁆𑀕𑀁, ‘‘𑀧𑀼𑀁 𑀧𑀼𑀫𑀲𑁆𑀲𑀯𑀸’’𑀢𑀺 𑀧𑀼𑀫𑀲𑁆𑀲 𑀧𑀼𑀁, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄, 𑀮𑀲𑁆𑀲 𑀤𑁆𑀯𑀺𑀪𑀸𑀯𑁄 𑀘. 𑀳𑀢𑁆𑀣𑀺𑀧𑀤𑀁, 𑀇𑀢𑁆𑀣𑀺𑀭𑀽𑀧𑀁, 𑀪𑀺𑀓𑁆𑀔𑀼𑀦𑀺𑀲𑀗𑁆𑀖𑁄, 𑀚𑀫𑁆𑀩𑀼𑀲𑀸𑀔𑀸, 𑀏𑀢𑁆𑀣 𑀈𑀓𑀸𑀭𑀽𑀓𑀸𑀭𑀸𑀦𑀁 𑀭𑀲𑁆𑀲𑁄. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀦𑁆𑀢+𑀫𑀸𑀦+𑀦𑀺𑀤𑁆𑀥𑀸𑀭𑀺𑀬+𑀧𑀽𑀭𑀡+𑀪𑀸𑀯+𑀢𑀺𑀢𑁆𑀢𑀢𑁆𑀣𑁂𑀳𑀺 𑀦 𑀳𑁄𑀢𑀺. 𑀫𑀫𑀸+𑀦𑀼𑀓𑀼𑀩𑁆𑀩𑀁, 𑀫𑀫𑀸+𑀦𑀼𑀓𑀼𑀭𑀼𑀫𑀸𑀦𑁄, 𑀕𑀼𑀦𑁆𑀦𑀁 𑀓𑀡𑁆𑀳𑀸 𑀲𑀫𑁆𑀧𑀦𑁆𑀦𑀔𑀻𑀭𑀢𑀫𑀸, 𑀲𑀺𑀲𑁆𑀲𑀸𑀦𑀁 𑀧𑀜𑁆𑀘𑀫𑁄, 𑀧𑀝𑀲𑁆𑀲 𑀲𑀼𑀢𑁆𑀢𑀢𑀸. 𑀓𑁆𑀯𑀘𑀺 𑀳𑁄𑀢𑁂𑀯 ‘𑀯𑀢𑁆𑀢𑀫𑀸𑀦𑀲𑀸𑀫𑀻𑀧𑁆𑀬𑀁’. 𑀩𑁆𑀭𑀸𑀳𑁆𑀫𑀡𑀲𑁆𑀲 𑀲𑀼𑀓𑁆𑀓𑀸 𑀤𑀦𑁆𑀢𑀸𑀢𑀺 𑀲𑀸𑀧𑁂𑀓𑁆𑀔𑀢𑀸𑀬 𑀦 𑀳𑁄𑀢𑀺. 𑀨𑀮𑀸𑀦𑀁 𑀢𑀺𑀢𑁆𑀢𑁄, 𑀨𑀮𑀸𑀦+𑀫𑀸𑀲𑀺𑀢𑁄, 𑀨𑀮𑀸𑀦𑀁 𑀲𑀼𑀳𑀺𑀢𑁄. ‘‘𑀩𑁆𑀭𑀸𑀳𑁆𑀫𑀡𑀲𑁆𑀲 𑀉𑀘𑁆𑀘𑀁 𑀕𑁂𑀳𑀁’’𑀢𑀺 𑀲𑀸𑀧𑁂𑀓𑁆𑀔𑀢𑀸𑀬 𑀦 𑀳𑁄𑀢𑀺. ‘‘𑀭𑀜𑁆𑀜𑁄 𑀧𑀸𑀝𑀮𑀺𑀧𑀼𑀢𑁆𑀢𑀓𑀲𑁆𑀲 𑀥𑀦𑀁’’𑀢𑀺 𑀥𑀦𑀲𑀫𑁆𑀩𑀦𑁆𑀥𑁂 ¶ 𑀙𑀝𑁆𑀞𑀻𑀢𑀺 𑀧𑀸𑀝𑀮𑀺𑀧𑀼𑀢𑁆𑀢𑀓𑁂𑀦 𑀲𑀫𑁆𑀩𑀦𑁆𑀥𑀸𑀪𑀸𑀯𑀸 𑀦 𑀳𑁄𑀢𑀺. ‘‘𑀭𑀜𑁆𑀜𑁄 𑀕𑁄 𑀘 𑀅𑀲𑁆𑀲𑁄 𑀘 𑀧𑀼𑀭𑀺𑀲𑁄 𑀘𑀸’’𑀢𑀺 𑀪𑀺𑀦𑁆𑀦𑀢𑁆𑀣𑀢𑀸𑀬 𑀯𑀸𑀓𑁆𑀬𑀫𑁂𑀯. 𑀭𑀜𑁆𑀜𑁄 𑀕𑀯𑀲𑁆𑀲𑀧𑀼𑀭𑀺𑀲𑀸 𑀭𑀸𑀚𑀕𑀯𑀲𑁆𑀲𑀧𑀼𑀭𑀺𑀲𑀸𑀢𑀺 𑀯𑀼𑀢𑁆𑀢𑀺 𑀳𑁄𑀢𑁂𑀯, 𑀏𑀓𑀢𑁆𑀣𑀻𑀪𑀸𑀯𑀸. 𑀲𑀫𑁆𑀩𑀦𑁆𑀥𑀻𑀲𑀤𑁆𑀤𑀸𑀦𑀁 𑀧𑀦 𑀦𑀺𑀘𑁆𑀘𑀲𑀸𑀧𑁂𑀓𑁆𑀔𑀢𑁆𑀢𑁂𑀧𑀺 𑀕𑀫𑀓𑀢𑁆𑀢𑀸 𑀲𑀫𑀸𑀲𑁄, 𑀕𑀫𑀓𑀢𑁆𑀢𑀫𑁆𑀧𑀺 𑀳𑀺 𑀲𑀫𑀸𑀲𑀲𑁆𑀲 𑀦𑀺𑀩𑀦𑁆𑀥𑀦𑀁, 𑀬𑀣𑀸 𑀤𑁂𑀯𑀤𑀢𑁆𑀢𑀲𑁆𑀲 𑀕𑀼𑀭𑀼𑀓𑀼𑀮𑀁, 𑀪𑀕𑀯𑀢𑁄 𑀲𑀸𑀯𑀓𑀲𑀗𑁆𑀖𑁄𑀢𑀺𑀆𑀤𑀺.

𑀲𑀢𑁆𑀢𑀫𑀻𑀢𑀧𑁆𑀧𑀼𑀭𑀺𑀲𑁄 𑀭𑀽𑀧𑁂 𑀲𑀜𑁆𑀜𑀸 𑀭𑀽𑀧𑀲𑀜𑁆𑀜𑀸, 𑀏𑀯𑀁 𑀭𑀽𑀧𑀲𑀜𑁆𑀘𑁂𑀢𑀦𑀸, 𑀲𑀁𑀲𑀸𑀭𑀤𑀼𑀓𑁆𑀔𑀁. 𑀘𑀓𑁆𑀔𑀼𑀫𑁆𑀳𑀺 𑀲𑀦𑁆𑀦𑀺𑀲𑁆𑀲𑀺𑀢𑀁 𑀯𑀺𑀜𑁆𑀜𑀸𑀡𑀁 𑀘𑀓𑁆𑀔𑀼𑀯𑀺𑀜𑁆𑀜𑀸𑀡𑀁. 𑀥𑀫𑁆𑀫𑁂 𑀭𑀢𑁄 𑀥𑀫𑁆𑀫𑀭𑀢𑁄, 𑀥𑀫𑁆𑀫𑀸𑀪𑀺𑀭𑀢𑀺, 𑀥𑀫𑁆𑀫𑀭𑀼𑀘𑀺, 𑀥𑀫𑁆𑀫𑀕𑀸𑀭𑀯𑁄, 𑀥𑀫𑁆𑀫𑁂𑀲𑀼 𑀦𑀺𑀭𑀼𑀢𑁆𑀢𑀺 𑀥𑀫𑁆𑀫𑀦𑀺𑀭𑀼𑀢𑁆𑀢𑀺, 𑀤𑀸𑀦𑀸𑀥𑀺𑀫𑀼𑀢𑁆𑀢𑀺, 𑀪𑀯𑀦𑁆𑀢𑀭𑀓𑀢𑀁. 𑀤𑀲𑁆𑀲𑀦𑁂 𑀅𑀲𑁆𑀲𑀸𑀤𑁄 𑀤𑀲𑁆𑀲𑀦𑀲𑁆𑀲𑀸𑀤𑁄. 𑀅𑀭𑀜𑁆𑀜𑁂 𑀯𑀸𑀲𑁄 𑀅𑀭𑀜𑁆𑀜𑀯𑀸𑀲𑁄, 𑀯𑀺𑀓𑀸𑀮𑀪𑁄𑀚𑀦𑀁, 𑀓𑀸𑀮𑀯𑀲𑁆𑀲𑀁, 𑀯𑀦𑀧𑀼𑀧𑁆𑀨𑀁, 𑀯𑀦𑀫𑀳𑀺𑀲𑁄, 𑀕𑀸𑀫𑀲𑀽𑀓𑀭𑁄, 𑀲𑀫𑀼𑀤𑁆𑀤𑀫𑀘𑁆𑀙𑀸, 𑀆𑀯𑀸𑀝𑀓𑀘𑁆𑀙𑀧𑁄, 𑀆𑀯𑀸𑀝𑀫𑀡𑁆𑀟𑀽𑀓𑁄, 𑀓𑀽𑀧𑀫𑀡𑁆𑀟𑀽𑀓𑁄, 𑀢𑀺𑀢𑁆𑀣𑀦𑀸𑀯𑀸. 𑀇𑀢𑁆𑀣𑀻𑀲𑀼 𑀥𑀼𑀢𑁆𑀢𑁄 𑀇𑀢𑁆𑀣𑀺𑀥𑀼𑀢𑁆𑀢𑁄, 𑀅𑀓𑁆𑀔𑀥𑀼𑀢𑁆𑀢𑁄. 𑀙𑀸𑀬𑀸𑀬𑀁 𑀲𑀼𑀓𑁆𑀔𑁄 𑀙𑀸𑀬𑀸𑀲𑀼𑀓𑁆𑀔𑁄, 𑀅𑀗𑁆𑀕𑀸𑀭𑀧𑀓𑁆𑀓𑀁, 𑀘𑀸𑀭𑀓𑀯𑀦𑁄. 𑀓𑁆𑀯𑀘𑀺 𑀯𑀼𑀢𑁆𑀢𑀺𑀬𑁂𑀯, 𑀯𑀦𑁂 𑀘𑀭𑀢𑀻𑀢𑀺 𑀯𑀦𑀘𑀭𑀓𑁄, 𑀓𑀼𑀘𑁆𑀙𑀺𑀫𑁆𑀳𑀺 𑀲𑀬𑀦𑁆𑀢𑀻𑀢𑀺 𑀓𑀼𑀘𑁆𑀙𑀺𑀲𑀬𑀸, 𑀣𑀮𑁂 𑀢𑀺𑀝𑁆𑀞𑀢𑀻𑀢𑀺 𑀣𑀮𑀝𑁆𑀞𑁄, 𑀚𑀮𑀝𑁆𑀞𑁄, 𑀧𑀩𑁆𑀩𑀢𑀝𑁆𑀞𑁄, 𑀫𑀕𑁆𑀕𑀝𑁆𑀞𑁄. 𑀧𑀗𑁆𑀓𑁂 𑀚𑀸𑀢𑀁 𑀧𑀗𑁆𑀓𑀚𑀁, 𑀲𑀭𑁄𑀭𑀼𑀳+𑀫𑀺𑀘𑁆𑀘𑀸𑀤𑀺. 𑀇𑀥 𑀦 𑀳𑁄𑀢𑀺, 𑀪𑁄𑀚𑀦𑁂 𑀫𑀢𑁆𑀢𑀜𑁆𑀜𑀼𑀢𑀸, 𑀇𑀦𑁆𑀤𑁆𑀭𑀺𑀬𑁂𑀲𑀼 𑀕𑀼𑀢𑁆𑀢𑀤𑁆𑀯𑀸𑀭𑀢𑀸, 𑀆𑀲𑀦𑁂 𑀦𑀺𑀲𑀺𑀦𑁆𑀦𑁄, 𑀆𑀲𑀦𑁂 𑀦𑀺𑀲𑀻𑀤𑀺𑀢𑀩𑁆𑀩𑀁.

𑀯𑀺𑀲𑁂𑀲𑀦𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀯𑀺𑀲𑁂𑀲𑁆𑀲𑁂𑀦 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀫𑀸𑀦𑀸𑀥𑀺𑀓𑀭𑀡𑁂𑀦𑀲𑀳𑁂+𑀓𑀢𑁆𑀣𑀁 𑀳𑁄𑀢𑀺.

𑀲𑀫𑀸𑀦𑀢𑁆𑀣𑁂 ¶ 𑀧𑀤𑁂 𑀬𑀢𑁆𑀣, 𑀪𑁂𑀤𑁆𑀬𑀪𑁂𑀤𑀓𑀯𑀸𑀘𑀓𑁂;

𑀯𑀺𑀲𑁂𑀲𑀦𑀲𑀫𑀸𑀲𑁄+𑀬𑀁, 𑀯𑀺𑀲𑁂𑀲𑁆𑀲𑀢𑁆𑀣𑀧𑀥𑀸𑀦𑀢𑁄.

𑀯𑀺𑀲𑁂𑀲𑁆𑀲𑀕𑀢+𑀫𑁂𑀯+𑀢𑁆𑀭, 𑀮𑀺𑀗𑁆𑀕+𑀫𑁂𑀢𑀁 𑀧𑀭𑀁 𑀢𑀢𑁄;

𑀓𑀫𑁆𑀫𑀥𑀸𑀭𑀬+𑀫𑀺𑀘𑁆𑀘𑁂+𑀲, 𑀲𑀫𑀸𑀲𑁄+𑀜𑁆𑀜𑁂𑀳𑀺 𑀲𑀜𑁆𑀜𑀺𑀢𑁄.

𑀲𑀼𑀢𑁆𑀢𑁂 𑀯𑀺𑀲𑁂𑀲𑁆𑀲𑁂𑀦𑀸𑀢𑀺 𑀅𑀯𑀼𑀢𑁆𑀢𑁂𑀧𑀺 𑀯𑀺𑀲𑁂𑀲𑀦𑀲𑁆𑀲 𑀲𑀫𑁆𑀩𑀦𑁆𑀥𑀻𑀲𑀤𑁆𑀤𑀢𑁆𑀢𑀸 𑀲𑀸𑀫𑀢𑁆𑀣𑀺𑀬𑀢𑁄 𑀮𑀩𑁆𑀪𑀫𑀸𑀦𑀆𑀓𑀟𑁆𑀠𑀺𑀢𑀲𑀤𑁆𑀤𑀁 𑀧𑀢𑀺 ‘‘𑀯𑀺𑀲𑁂𑀲𑁆𑀲𑁂𑀦𑀸’’𑀢𑀺 𑀯𑀼𑀢𑁆𑀢𑀁. 𑀯𑀼𑀢𑁆𑀢𑀜𑁆𑀘 𑁋

𑀲𑀸𑀫𑀜𑁆𑀜𑀯𑀢𑁆𑀣𑀼 𑀬𑀸 𑀯𑀢𑁆𑀣+𑀦𑁆𑀢𑀭𑀢𑁄 𑀢𑀼 𑀯𑀺𑀲𑁂𑀲𑀺𑀬;

𑀏𑀓𑀧𑁆𑀧𑀓𑀸𑀭𑁂 𑀞𑀧𑀦𑀸, 𑀯𑀺𑀲𑁂𑀲𑀦+𑀫𑀺𑀢𑀻+𑀭𑀺𑀢𑀁.

𑀏𑀓𑀧𑁆𑀧𑀓𑀸𑀭𑀕𑀁 𑀯𑀢𑁆𑀣𑀼, 𑀯𑀺𑀲𑁂𑀲𑁆𑀲𑀦𑁆𑀢𑀺 𑀧𑀯𑀼𑀘𑁆𑀘𑀢𑀺;

𑀧𑀤𑀸𑀦𑀺 𑀬𑀸𑀦𑀺 𑀬𑀸𑀦𑁂𑀯, 𑀲𑀫𑁆𑀩𑀦𑁆𑀥+𑀫𑀼𑀧𑀬𑀦𑁆𑀢𑀺+𑀳;

𑀕𑀫𑁆𑀬𑀢𑁂 𑀓𑀸𑀫𑀘𑀸𑀭𑁂𑀦, 𑀯𑀺𑀲𑁂𑀲𑀦+𑀯𑀺𑀲𑁂𑀲𑁆𑀲𑀢𑀸𑀢𑀺.

𑀏𑀢𑁆𑀣 𑀘 𑀉𑀧𑁆𑀧𑀮𑀤𑀩𑁆𑀩𑀁 𑀭𑀢𑁆𑀢𑀼𑀧𑁆𑀧𑀮𑀸𑀤𑀺𑀢𑁄 𑀯𑀺𑀲𑁂𑀲𑀬𑀢𑀻𑀢𑀺 𑀦𑀻𑀮𑀲𑀤𑁆𑀤𑁄 𑀯𑀺𑀲𑁂𑀲𑀦𑀁. 𑀢𑁂𑀦 𑀯𑀺𑀲𑁂𑀲𑀺𑀬𑀢𑀻𑀢𑀺 𑀉𑀧𑁆𑀧𑀮𑀲𑀤𑁆𑀤𑁄 𑀯𑀺𑀲𑁂𑀲𑁆𑀲𑀁. 𑀅𑀧𑀺 𑀘 𑀪𑀫𑀭+𑀗𑁆𑀕𑀸𑀭𑀸𑀤𑀺𑀲𑀸𑀫𑀜𑁆𑀜 𑀦𑀻𑀮𑀢𑁆𑀣𑀢𑁄 𑀯𑀺𑀲𑁂𑀲𑀺𑀬𑀢𑀻𑀢𑀺 𑀦𑀻𑀮𑀁 𑀯𑀺𑀲𑁂𑀲𑁆𑀲𑀁. 𑀦 𑀯𑀢𑁆𑀣𑀸𑀤𑀻𑀦𑀁, 𑀉𑀧𑁆𑀧𑀮𑀲𑁆𑀲𑁂𑀯𑀸𑀢𑀺 𑀯𑀺𑀲𑁂𑀲𑀦𑀢𑁄 𑀉𑀧𑁆𑀧𑀮𑀁 𑀯𑀺𑀲𑁂𑀲𑀦𑀁𑀢𑀺 𑀓𑀸𑀫𑀘𑀸𑀭𑁂𑀦𑁂𑀢𑀺 𑀯𑀼𑀢𑁆𑀢𑀁. 𑀅𑀧𑀺 𑀘 𑁋

𑀧𑀭𑀺𑀢𑁄 𑀅𑀬𑀦𑁆𑀢𑁆𑀬+𑀦𑁂𑀦+𑀢𑁆𑀣𑀸, 𑀧𑀭𑀺𑀬𑀸𑀬𑁄𑀢𑀺 𑀯𑀼𑀘𑁆𑀘𑀢𑀺;

𑀕𑁄𑀯𑀸𑀘𑀸𑀢𑀺 𑀧𑀯𑀼𑀢𑁆𑀢𑁂 𑀢𑀼, 𑀯𑀸𑀘𑀢𑁆𑀣𑁄 𑀢𑀼 𑀯𑀺𑀲𑁂𑀲𑀦𑀁.

𑀯𑀺𑀲𑁂𑀲𑁆𑀲𑁂 𑀤𑀺𑀲𑁆𑀲𑀫𑀸𑀦𑀸 𑀬𑀸, 𑀮𑀺𑀗𑁆𑀕+𑀲𑀁𑀔𑁆𑀬𑀸+𑀯𑀺𑀪𑀢𑁆𑀢𑀺𑀬𑁄;

𑀢𑀼𑀮𑁆𑀬𑀸𑀥𑀺𑀓𑀭𑀡𑁂 𑀪𑀺𑀬𑁆𑀬𑁄, 𑀓𑀢𑁆𑀢𑀩𑁆𑀩𑀸 𑀢𑀸 𑀯𑀺𑀲𑁂𑀲𑀦𑁂𑀢𑀺 𑁋

𑀯𑀼𑀢𑁆𑀢𑀢𑁆𑀢𑀸 𑀫𑀳𑀦𑁆𑀢𑁄+𑀘𑁆𑀘𑀸𑀤𑀻𑀲𑀼 𑀲𑀫𑀸𑀦𑀮𑀺𑀗𑁆𑀕𑀸𑀤𑀬𑁄 𑀤𑀝𑁆𑀞𑀩𑁆𑀩𑀸. 𑀪𑀺𑀬𑁆𑀬𑁄𑀢𑀺 𑀓𑀺𑀁, 𑀤𑁂𑀯𑀸 𑀧𑀫𑀸𑀡𑀁 𑀇𑀘𑁆𑀘𑀸𑀤𑀺.

𑀲𑁄 ¶ 𑀘 𑀙𑀩𑁆𑀩𑀺𑀥𑁄 𑀯𑀺𑀲𑁂𑀲𑀦𑀧𑀼𑀩𑁆𑀩𑀧𑀤𑁄, 𑀯𑀺𑀲𑁂𑀲𑀦𑀼𑀢𑁆𑀢𑀭𑀧𑀤𑁄, 𑀯𑀺𑀲𑁂𑀲𑀦𑁄𑀪𑀬𑀧𑀤𑁄, 𑀉𑀧𑀫𑀸𑀦𑀼𑀢𑁆𑀢𑀭𑀧𑀤𑁄, 𑀲𑀫𑁆𑀪𑀸𑀯𑀦𑀸𑀧𑀼𑀩𑁆𑀩𑀧𑀤𑁄, 𑀅𑀯𑀥𑀸𑀭𑀡𑀧𑀼𑀩𑁆𑀩𑀧𑀤𑁄𑀢𑀺.

𑀢𑀢𑁆𑀣 𑀯𑀺𑀲𑁂𑀲𑀦𑀧𑀼𑀩𑁆𑀩𑀧𑀤𑁂 𑀢𑀸𑀯-𑀫𑀳𑀦𑁆𑀢𑁄 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀯𑀸𑀓𑁆𑀬𑁂 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦 𑀲𑀫𑀸𑀲𑁄. ‘‘𑀝 𑀦𑁆𑀢+𑀦𑁆𑀢𑀽𑀦𑀁’’𑀢𑀺 𑀦𑁆𑀢𑀲𑁆𑀲 𑀝𑀸𑀤𑁂𑀲𑁂 𑀤𑀻𑀖𑁄 𑀳𑁄𑀢𑀺, 𑀫𑀳𑀸𑀧𑀼𑀭𑀺𑀲𑁄, 𑀫𑀳𑀸𑀧𑀼𑀭𑀺𑀲𑀸 𑀇𑀘𑁆𑀘𑀸𑀤𑀺.

𑀯𑀸𑀓𑁆𑀬𑁂 𑀢𑀼𑀮𑁆𑀬𑀸𑀥𑀺𑀓𑀭𑀡𑀪𑀸𑀯 𑀧𑀓𑀸𑀲𑀦𑀢𑁆𑀣𑀁 𑀘+𑀢-𑀲𑀤𑁆𑀤𑀧𑀬𑁄𑀕𑁄. 𑀯𑀼𑀢𑁆𑀢𑀺𑀬𑀦𑁆𑀢𑀼 𑀲𑀫𑀸𑀲𑁂𑀦𑁂𑀯 𑀢𑀧𑁆𑀧𑀓𑀸𑀲𑀦𑀢𑁄 𑀦 𑀢𑀧𑁆𑀧𑀬𑁄𑀕𑁄. 𑀏𑀯+𑀫𑀜𑁆𑀜𑀢𑁆𑀭𑀸𑀧𑀺 𑀯𑀼𑀢𑁆𑀢𑀢𑁆𑀣𑀸𑀦+𑀫𑀧𑁆𑀧𑀬𑁄𑀕𑁄. 𑀏𑀯𑀁 𑀫𑀳𑀸𑀯𑀻𑀭𑁄, 𑀫𑀳𑀸𑀫𑀼𑀦𑀺. 𑀫𑀳𑀦𑁆𑀢𑀜𑁆𑀘 𑀢𑀁 𑀩𑀮𑀜𑁆𑀘𑀸𑀢𑀺 𑀫𑀳𑀸𑀩𑀮𑀁, 𑀫𑀳𑀩𑁆𑀪𑀬𑀁. 𑀲𑀦𑁆𑀢𑁄 𑀘 𑀲𑁄 𑀧𑀼𑀭𑀺𑀲𑁄 𑀘𑀸𑀢𑀺 𑀲𑀧𑁆𑀧𑀼𑀭𑀺𑀲𑁄. 𑀢𑀣𑀸 𑀧𑀼𑀩𑁆𑀩𑀧𑀼𑀭𑀺𑀲𑁄, 𑀅𑀧𑀭𑀧𑀼𑀭𑀺𑀲𑁄, 𑀧𑀞𑀫𑀧𑀼𑀭𑀺𑀲𑁄, 𑀫𑀚𑁆𑀛𑀺𑀫𑀧𑀼𑀭𑀺𑀲𑁄, 𑀉𑀢𑁆𑀢𑀫𑀧𑀼𑀭𑀺𑀲𑁄, 𑀧𑀭𑀧𑀼𑀭𑀺𑀲𑁄, 𑀲𑁂𑀢𑀳𑀢𑁆𑀣𑀻, 𑀓𑀡𑁆𑀳𑀲𑀧𑁆𑀧𑁄, 𑀦𑀻𑀮𑀼𑀧𑁆𑀧𑀮𑀁, 𑀭𑀢𑁆𑀢𑀼𑀧𑁆𑀧𑀮𑀁, 𑀮𑁄𑀳𑀺𑀢𑀘𑀦𑁆𑀤𑀦𑀁. 𑀓𑁆𑀯𑀘𑀺 𑀦 𑀳𑁄𑀢𑀺, 𑀧𑀼𑀡𑁆𑀡𑁄 𑀫𑀦𑁆𑀢𑀸𑀦𑀻𑀧𑀼𑀢𑁆𑀢𑁄, 𑀘𑀺𑀢𑁆𑀢𑁄 𑀕𑀳𑀧𑀢𑀺. 𑀧𑀼𑀫𑀸 𑀘 𑀲𑁄 𑀓𑁄𑀓𑀺𑀮𑁄 𑀘𑀸𑀢𑀺 𑀧𑀼𑀗𑁆𑀓𑁄𑀓𑀺𑀮𑁄, 𑀉𑀢𑁆𑀢𑀭𑀧𑀤𑁂 𑀧𑀼𑀫𑀲𑁆𑀲 𑀧𑀼𑀁 𑀳𑁄𑀢𑀺. 𑀏𑀯𑀁 𑀧𑀼𑀦𑁆𑀦𑀸𑀕𑁄.

𑀔𑀢𑁆𑀢𑀺𑀬𑀸 𑀘 𑀲𑀸 𑀓𑀜𑁆𑀜𑀸 𑀘𑀸𑀢𑀺 𑀔𑀢𑁆𑀢𑀺𑀬𑀓𑀜𑁆𑀜𑀸.

𑁬𑁭. 𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺+𑀢𑁆𑀣𑀻 𑀧𑀼𑀫𑁂𑀯𑁂+𑀓𑀢𑁆𑀣𑁂𑀢𑀺

𑀪𑀸𑀲𑀺𑀢𑀧𑀼𑀫𑀸 𑀇𑀢𑁆𑀣𑀻 𑀧𑀼𑀫𑁂𑀯 𑀳𑁄𑀢𑀻𑀢𑀺 𑀧𑀼𑀫𑁆𑀪𑀸𑀯𑀸 𑀇𑀢𑁆𑀣𑀺𑀧𑀘𑁆𑀘𑀬𑀸𑀦𑀁 𑀦𑀺𑀯𑀢𑁆𑀢𑀺 𑀳𑁄𑀢𑀺. 𑀏𑀯𑀁 𑀭𑀢𑁆𑀢𑀮𑀢𑀸, 𑀤𑀼𑀢𑀺𑀬𑀪𑀺𑀓𑁆𑀔𑀸. 𑀩𑁆𑀭𑀸𑀳𑁆𑀫𑀡𑀻 𑀘 𑀲𑀸 𑀤𑀸𑀭𑀺𑀓𑀸 𑀘𑀸𑀢𑀺 𑀩𑁆𑀭𑀸𑀳𑁆𑀫𑀡𑀤𑀸𑀭𑀺𑀓𑀸, 𑀦𑀸𑀕𑀫𑀸𑀡𑀯𑀺𑀓𑀸. 𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁, 𑀓𑀼𑀫𑀸𑀭𑀺𑀭𑀢𑀦𑀁, 𑀲𑀫𑀡𑀺𑀧𑀤𑀼𑀫𑀁. 𑀪𑀸𑀲𑀺𑀢𑀧𑀼𑀫𑀸𑀢𑀺 𑀓𑀺𑀁, 𑀕𑀗𑁆𑀕𑀸𑀦𑀤𑀻, 𑀢𑀡𑁆𑀳𑀸𑀦𑀤𑀻 ¶ , 𑀧𑀣𑀯𑀻𑀥𑀸𑀢𑀼. 𑀧𑀼𑀭𑀢𑁆𑀣𑀺𑀫𑁄 𑀘 𑀲𑁄 𑀓𑀸𑀬𑁄 𑀘𑀸𑀢𑀺 𑀧𑀼𑀭𑀢𑁆𑀣𑀺𑀫𑀓𑀸𑀬𑁄. 𑀏𑀢𑁆𑀣 𑀘 𑀓𑀸𑀬𑁂𑀓𑀤𑁂𑀲𑁂 𑀓𑀸𑀬𑀲𑀤𑁆𑀤𑁄. 𑀏𑀯𑀁 𑀧𑀘𑁆𑀙𑀺𑀫𑀓𑀸𑀬𑁄, 𑀉𑀧𑀭𑀺𑀫𑀓𑀸𑀬𑁄, 𑀳𑁂𑀝𑁆𑀞𑀺𑀫𑀓𑀸𑀬𑁄, 𑀲𑀩𑁆𑀩𑀓𑀸𑀬𑁄, 𑀦𑀯𑀸𑀯𑀸𑀲𑁄, 𑀓𑀢𑀭𑀦𑀺𑀓𑀸𑀬𑁄, 𑀳𑁂𑀢𑀼𑀧𑀘𑁆𑀘𑀬𑁄. 𑀚𑀻𑀯𑀺𑀢𑀧𑁆𑀧𑀥𑀸𑀦𑀁 𑀦𑀯𑀓𑀁 𑀚𑀻𑀯𑀺𑀢𑀦𑀯𑀓+𑀫𑀺𑀘𑁆𑀘𑀸𑀤𑀺.

𑀯𑀺𑀲𑁂𑀲𑀦𑀼𑀢𑁆𑀢𑀭𑀧𑀤𑁂 𑀣𑁂𑀭𑀸+𑀘𑀭𑀺𑀬+𑀧𑀡𑁆𑀟𑀺𑀢𑀸 𑀯𑀺𑀲𑁂𑀲𑀦𑀁 𑀧𑀭𑀜𑁆𑀘 𑀪𑀯𑀢𑀺. 𑀬𑀣𑀸 𑀲𑀸𑀭𑀺𑀧𑀼𑀢𑁆𑀢𑁄 𑀘 𑀲𑁄 𑀣𑁂𑀭𑁄 𑀘𑀸𑀢𑀺 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁄, 𑀏𑀯𑀁 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑀢𑁆𑀣𑁂𑀭𑁄, 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁄, 𑀩𑀼𑀤𑁆𑀥𑀖𑁄𑀲𑀸𑀘𑀭𑀺𑀬𑁄, 𑀥𑀫𑁆𑀫𑀧𑀸𑀮𑀸𑀘𑀭𑀺𑀬𑁄, 𑀆𑀘𑀭𑀺𑀬𑀕𑀼𑀢𑁆𑀢𑀺𑀮𑁄 𑀯𑀸. 𑀫𑀳𑁄𑀲𑀥𑁄 𑀘 𑀲𑁄 𑀧𑀡𑁆𑀟𑀺𑀢𑁄 𑀘𑀸𑀢𑀺 𑀫𑀳𑁄𑀲𑀥𑀧𑀡𑁆𑀟𑀺𑀢𑁄, 𑀏𑀯𑀁 𑀯𑀺𑀥𑀼𑀭𑀧𑀡𑁆𑀟𑀺𑀢𑁄.

𑀯𑀺𑀲𑁂𑀲𑀦𑁄𑀪𑀬𑀧𑀤𑁂 𑀬𑀣𑀸-𑀲𑀻𑀢𑀜𑁆𑀘 𑀢𑀁 𑀉𑀡𑁆𑀳𑀜𑁆𑀘𑀸𑀢𑀺 𑀲𑀻𑀢𑀼𑀡𑁆𑀳𑀁, 𑀲𑀺𑀦𑀺𑀤𑁆𑀥𑁄 𑀘 𑀲𑁄 𑀉𑀡𑁆𑀳𑁄 𑀘𑀸𑀢𑀺 𑀲𑀺𑀦𑀺𑀤𑁆𑀥𑀼𑀡𑁆𑀳𑁄 𑀫𑀸𑀲𑁄. 𑀔𑀜𑁆𑀚𑁄 𑀘 𑀲𑁄 𑀔𑀼𑀚𑁆𑀚𑁄 𑀘𑀸𑀢𑀺 𑀔𑀜𑁆𑀚𑀔𑀼𑀚𑁆𑀚𑁄, 𑀏𑀯𑀁 𑀅𑀦𑁆𑀥𑀩𑀥𑀺𑀭𑁄, 𑀓𑀢𑀸𑀓𑀢𑀁, 𑀙𑀺𑀤𑁆𑀤𑀸𑀯𑀙𑀺𑀤𑁆𑀤𑀁, 𑀉𑀘𑁆𑀘𑀸𑀯𑀘𑀁, 𑀙𑀺𑀦𑁆𑀦𑀪𑀺𑀦𑁆𑀦𑀁, 𑀕𑀢𑀧𑀘𑁆𑀘𑀸𑀕𑀢𑀁. 𑀓𑁆𑀯𑀘𑀺 𑀧𑀼𑀩𑁆𑀩𑀓𑀸𑀮𑀲𑁆𑀲𑀸𑀧𑀺 𑀧𑀭𑀦𑀺𑀧𑀸𑀢𑁄, 𑀯𑀸𑀲𑀺𑀢𑁄 𑀘 𑀲𑁄 𑀮𑀺𑀢𑁆𑀢𑁄 𑀘𑀸𑀢𑀺 𑀮𑀺𑀢𑁆𑀢𑀯𑀸𑀲𑀺𑀢𑁄, 𑀏𑀯𑀁 𑀦𑀕𑁆𑀕𑀫𑀽𑀲𑀺𑀢𑁄, 𑀲𑀺𑀢𑁆𑀢𑀲𑀫𑁆𑀫𑀝𑁆𑀞𑁄, 𑀪𑀝𑁆𑀞𑀮𑀼𑀜𑁆𑀚𑀺𑀢𑁄.

𑀉𑀧𑀫𑀦𑀼𑀢𑁆𑀢𑀭𑀧𑀤𑁂 𑀉𑀧𑀫𑀸𑀦𑀪𑀽𑀢𑀁 𑀯𑀺𑀲𑁂𑀲𑀦𑀁 𑀧𑀭𑀁 𑀪𑀯𑀢𑀺, 𑀬𑀣𑀸 𑀲𑀻𑀳𑁄𑀢𑀺 𑀯𑀼𑀢𑁆𑀢𑁂 𑀉𑀧𑀘𑀭𑀺𑀢𑀸+𑀦𑀼𑀧𑀘𑀭𑀺𑀢𑀲𑀻𑀳𑀸𑀦𑀁 𑀲𑀸𑀫𑀜𑁆𑀜𑀧𑁆𑀧𑀢𑀻𑀢𑀺𑀬𑀁 𑀫𑀼𑀦𑀺𑀲𑀤𑁆𑀤𑁄 𑀯𑀺𑀲𑁂𑀲𑁂𑀢𑀺. 𑀏𑀢𑁆𑀣 𑀘 𑁋

𑀉𑀧𑀫𑀸𑀦𑁄+𑀧𑀫𑁂𑀬𑁆𑀬𑀸𑀦𑀁, 𑀲𑀥𑀫𑁆𑀫𑀢𑁆𑀢𑀁 𑀲𑀺𑀬𑁄+𑀧𑀫𑀸.

𑀲𑀸 𑀘 𑀯𑀢𑁆𑀣𑀼+𑀯𑀡𑁆𑀡+𑀆𑀓𑀸𑀭𑀸𑀦𑀁 𑀲𑀸𑀫𑁆𑀬𑁂𑀦 𑀳𑁄𑀢𑀺. 𑀲𑀻𑀳𑁄𑀯 𑀲𑀻𑀳𑁄, 𑀫𑀼𑀦𑀺 𑀘 𑀲𑁄 𑀲𑀻𑀳𑁄 𑀘𑀸𑀢𑀺 𑀫𑀼𑀦𑀺𑀲𑀻𑀳𑁄, 𑀫𑀼𑀦𑀺𑀯𑀲𑀪𑁄, 𑀫𑀼𑀦𑀺𑀧𑀼𑀗𑁆𑀕𑀯𑁄 ¶ , 𑀩𑀼𑀤𑁆𑀥𑀦𑀸𑀕𑁄, 𑀩𑀼𑀤𑁆𑀥𑀸𑀤𑀺𑀘𑁆𑀘𑁄. 𑀭𑀁𑀲𑀻 𑀯𑀺𑀬 𑀭𑀁𑀲𑀻, 𑀲𑀤𑁆𑀥𑀫𑁆𑀫𑁄 𑀘 𑀲𑁄 𑀭𑀁𑀲𑀻 𑀘𑀸𑀢𑀺 𑀲𑀤𑁆𑀥𑀫𑁆𑀫𑀭𑀁𑀲𑀻, 𑀏𑀯𑀁 𑀯𑀺𑀦𑀬𑀲𑀸𑀕𑀭𑁄. 𑀧𑀼𑀡𑁆𑀟𑀭𑀺𑀓𑀫𑀺𑀯 𑀧𑀼𑀡𑁆𑀟𑀭𑀺𑀓𑁄, 𑀲𑀫𑀡𑁄 𑀘 𑀲𑁄 𑀧𑀼𑀡𑁆𑀟𑀭𑀺𑀓𑁄 𑀘𑀸𑀢𑀺 𑀲𑀫𑀡𑀧𑀼𑀡𑁆𑀟𑀭𑀺𑀓𑁄, 𑀲𑀫𑀡𑀧𑀤𑀼𑀫𑁄. 𑀘𑀦𑁆𑀤𑁄 𑀯𑀺𑀬 𑀘𑀦𑁆𑀤𑁄, 𑀫𑀼𑀔𑀜𑁆𑀘 𑀢𑀁 𑀘𑀦𑁆𑀤𑁄 𑀘𑀸𑀢𑀺 𑀫𑀼𑀔𑀘𑀦𑁆𑀤𑁄, 𑀫𑀼𑀔𑀧𑀤𑀼𑀫𑀁 𑀇𑀘𑁆𑀘𑀸𑀤𑀺.

𑀲𑀫𑁆𑀪𑀸𑀯𑀦𑀸𑀧𑀼𑀩𑁆𑀩𑀧𑀤𑁂 𑀬𑀣𑀸-𑀥𑀫𑁆𑀫𑁄𑀢𑀺 𑀩𑀼𑀤𑁆𑀥𑀺 𑀥𑀫𑁆𑀫𑀩𑀼𑀤𑁆𑀥𑀺, 𑀏𑀯𑀁 𑀥𑀫𑁆𑀫𑀲𑀜𑁆𑀜𑀸, 𑀥𑀫𑁆𑀫𑀲𑀗𑁆𑀔𑀸𑀢𑁄, 𑀥𑀫𑁆𑀫𑀲𑀫𑁆𑀫𑀢𑁄, 𑀧𑀸𑀡𑀲𑀜𑁆𑀜𑀺𑀢𑀸, 𑀅𑀲𑀼𑀪𑀲𑀜𑁆𑀜𑀸, 𑀅𑀦𑀺𑀘𑁆𑀘𑀲𑀜𑁆𑀜𑀸, 𑀥𑀸𑀢𑀼𑀲𑀜𑁆𑀜𑀸, 𑀅𑀢𑁆𑀢𑀲𑀜𑁆𑀜𑀸, 𑀅𑀢𑁆𑀢𑀤𑀺𑀝𑁆𑀞𑀺 𑀇𑀘𑁆𑀘𑀸𑀤𑀺.

𑀅𑀯𑀥𑀸𑀭𑀡𑀧𑀼𑀩𑁆𑀩𑀧𑀤𑁂 𑀬𑀣𑀸-𑀕𑀼𑀡𑁄 𑀏𑀯 𑀥𑀦𑀁 𑀕𑀼𑀡𑀥𑀦𑀁, 𑀏𑀯𑀁 𑀲𑀤𑁆𑀥𑀸𑀥𑀦𑀁, 𑀲𑀻𑀮𑀥𑀦𑀁, 𑀧𑀜𑁆𑀜𑀸𑀭𑀢𑀦𑀁, 𑀘𑀓𑁆𑀔𑀼 𑀏𑀯 𑀇𑀦𑁆𑀤𑁆𑀭𑀺𑀬𑀁 𑀘𑀓𑁆𑀔𑀼𑀦𑁆𑀤𑁆𑀭𑀺𑀬𑀁, 𑀏𑀯𑀁 𑀘𑀓𑁆𑀔𑀸𑀬𑀢𑀦𑀁, 𑀘𑀓𑁆𑀔𑀼𑀥𑀸𑀢𑀼, 𑀘𑀓𑁆𑀔𑀼𑀤𑁆𑀯𑀸𑀭𑀁, 𑀭𑀽𑀧𑀸𑀭𑀫𑁆𑀫𑀡+𑀫𑀺𑀘𑁆𑀘𑀸𑀤𑀺.

𑀯𑀺𑀲𑁂𑀲𑀦+𑀯𑀺𑀲𑁂𑀲𑁆𑀲𑁂𑀳𑀺, 𑀓𑁆𑀭𑀺𑀬𑀸𑀬 𑀘 𑀲𑀳𑁂+𑀭𑀺𑀢𑁄;

𑀢𑁂𑀲𑀁 𑀪𑀸𑀯𑀁 𑀯𑀺𑀯𑁂𑀘𑁂𑀢𑀸, 𑀦𑀺𑀧𑀸𑀢𑁄 𑀩𑁆𑀬𑀯𑀘𑁆𑀙𑀺𑀦𑁆𑀤𑀢𑀺.

𑀅𑀬𑁄𑀕+𑀫𑀜𑁆𑀜𑀬𑁄𑀕𑀜𑁆𑀘, 𑀅𑀘𑁆𑀘𑀦𑁆𑀢𑀸𑀬𑁄𑀕+𑀫𑁂𑀯𑀺+𑀢𑀺;

𑀯𑀺𑀯𑀓𑁆𑀔𑀸𑀢𑁄 𑀧𑀬𑀼𑀢𑁆𑀢𑁄𑀧𑀺, 𑀏𑀯𑀢𑁆𑀣𑁄 𑀜𑀸𑀬𑀢𑁂 𑀬𑀢𑁄.

𑀩𑁆𑀬𑀯𑀘𑁆𑀙𑁂𑀤𑀨𑀮𑀁 𑀯𑀸𑀓𑁆𑀬𑀁, 𑀢𑀢𑁄 𑀘𑀺𑀢𑁆𑀢𑁄 𑀥𑀦𑀼𑀤𑁆𑀥𑀭𑁄;

𑀧𑀸𑀢𑁆𑀣𑁄 𑀥𑀦𑀼𑀤𑁆𑀥𑀭𑁄 𑀦𑀻𑀮𑀼+𑀧𑁆𑀧𑀮+𑀫𑀢𑁆𑀣𑀻𑀢𑀺 𑀢𑀁 𑀬𑀣𑀸.

𑀏𑀢𑁆𑀣 𑀦𑀺𑀧𑀸𑀢𑁄𑀢𑀺 𑀏𑀯-𑀇𑀢𑀺𑀦𑀺𑀧𑀸𑀢𑁄, 𑀅𑀧𑁆𑀧𑀬𑀼𑀢𑁆𑀢𑁄𑀧𑀺 𑀏𑀯𑀲𑀤𑁆𑀤𑁄 𑀏𑀯𑀁 𑀬𑁄𑀚𑁂𑀢𑀩𑁆𑀩𑁄 𑁋 ‘‘𑀘𑀺𑀢𑁆𑀢𑁄 𑀥𑀦𑀼𑀤𑁆𑀥𑀭𑁄 𑀏𑀯𑀸’’𑀢𑀺 𑀯𑀺𑀲𑁂𑀲𑀦𑁂𑀦 𑀬𑀼𑀢𑁆𑀢𑁄 𑀅𑀬𑁄𑀕𑀯𑀺𑀯𑀘𑁆𑀙𑁂𑀤𑀓𑁄, 𑀥𑀦𑀼𑀦𑀸 𑀬𑁄𑀕𑁂 𑀧𑀢𑀺𑀝𑁆𑀞𑀸𑀧𑀦𑀢𑁄 ‘‘𑀧𑀸𑀢𑁆𑀣𑁄 𑀏𑀯 𑀥𑀦𑀼𑀤𑁆𑀥𑀭𑁄’’𑀢𑀺 𑀯𑀺𑀲𑁂𑀲𑁆𑀲𑁂𑀦 𑀬𑀼𑀢𑁆𑀢𑁄 𑀅𑀜𑁆𑀜𑀬𑁄𑀕𑀯𑀺𑀯𑀘𑁆𑀙𑁂𑀤𑀓𑁄, 𑀥𑀦𑀼𑀤𑁆𑀥𑀭𑀢𑁆𑀢𑀲𑁆𑀲 𑀧𑀸𑀢𑁆𑀣𑀲𑀁𑀔𑀸𑀢𑀅𑀚𑁆𑀚𑀼𑀦𑁂 𑀏𑀯 𑀧𑀢𑀺𑀝𑁆𑀞𑀸𑀧𑀦𑀢𑁄. ‘‘𑀦𑀻𑀮𑀼𑀧𑁆𑀧𑀮+𑀫𑀢𑁆𑀣𑁂𑀯𑀸’’𑀢𑀺 ¶ 𑀓𑁆𑀭𑀺𑀬𑀸𑀬 𑀬𑀼𑀢𑁆𑀢𑁄 𑀅𑀘𑁆𑀘𑀦𑁆𑀢𑀸𑀬𑁄𑀕𑀯𑀺𑀯𑀘𑁆𑀙𑁂𑀤𑀓𑁄, 𑀦𑀻𑀮𑀼𑀧𑁆𑀧𑀮𑀲𑁆𑀲 𑀲𑀩𑁆𑀪𑀸𑀯𑁂𑀬𑁂𑀯 𑀧𑀢𑀺𑀝𑁆𑀞𑀸𑀧𑀦𑀢𑁄.

𑀏𑀓𑀢𑁆𑀣𑁂 𑀲𑀫𑀸𑀳𑀸𑀭𑁂 𑀲𑀁𑀔𑁆𑀬𑀸𑀤𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀪𑀯𑀢𑀺. 𑀢𑀬𑁄 𑀮𑁄𑀓𑀸 𑀲𑀫𑀸𑀳𑀝𑀸=𑀘𑀺𑀢𑁆𑀢𑁂𑀦 𑀲𑀫𑁆𑀧𑀺𑀡𑁆𑀟𑀺𑀢𑀸, 𑀢𑀺𑀡𑁆𑀡𑀁 𑀮𑁄𑀓𑀸𑀦𑀁 𑀲𑀫𑀸𑀳𑀸𑀭𑁄𑀢𑀺 𑀯𑀸 𑀯𑀸𑀓𑁆𑀬𑁂 𑀯𑀺𑀲𑁂𑀲𑀦𑀲𑀫𑀸𑀲𑁂 𑀓𑀢𑁂 𑀇𑀫𑀺𑀦𑀸 𑀦𑀧𑀼𑀁𑀲𑀓𑀢𑁆𑀢𑀁 𑀪𑀯𑀢𑀺. 𑀲𑀫𑀸𑀳𑀸𑀭𑀲𑁆𑀲𑁂+𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯, 𑀢𑀺𑀮𑁄𑀓𑀁, 𑀪𑁄 𑀢𑀺𑀮𑁄𑀓, 𑀢𑀺𑀮𑁄𑀓𑀁, 𑀢𑀺𑀮𑁄𑀓𑁂𑀦 𑀇𑀘𑁆𑀘𑀸𑀤𑀺. 𑀏𑀯𑀁 𑀢𑀬𑁄 𑀤𑀡𑁆𑀟𑀸 𑀢𑀺𑀤𑀡𑁆𑀟𑀁, 𑀢𑀻𑀡𑀺 𑀫𑀮𑀸𑀦𑀺 𑀲𑀫𑀸𑀳𑀝𑀸𑀦𑀺, 𑀢𑀺𑀡𑁆𑀡𑀁 𑀫𑀮𑀸𑀦𑀁 𑀲𑀫𑀸𑀳𑀸𑀭𑁄𑀢𑀺 𑀯𑀸 𑀢𑀺𑀫𑀮𑀁, 𑀢𑀺𑀮𑀓𑁆𑀔𑀡𑀁, 𑀘𑀢𑀼𑀲𑀘𑁆𑀘𑀁, 𑀧𑀜𑁆𑀘𑀲𑀺𑀓𑁆𑀔𑀸𑀧𑀤𑀁, 𑀙𑀝𑁆𑀞𑀸𑀬𑀢𑀦𑀁, 𑀲𑀢𑁆𑀢𑀸𑀳𑀁, 𑀅𑀝𑁆𑀞𑀲𑀻𑀮𑀁, 𑀦𑀯𑀮𑁄𑀓𑀼𑀢𑁆𑀢𑀭𑀁, 𑀤𑀲𑀲𑀻𑀮𑀁, 𑀲𑀢𑀬𑁄𑀚𑀦𑀁. 𑀤𑁆𑀯𑁂 𑀭𑀢𑁆𑀢𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀺𑀭𑀢𑁆𑀢𑀁.

𑀦𑀊𑀘𑁆𑀘𑁂𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀁 𑀳𑁄𑀢𑀺. 𑀜𑁆𑀜𑀓𑀸𑀭𑁄 ‘‘𑀝 𑀦𑀜𑀲𑁆𑀲𑀸’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄 ‘𑀧𑀸𑀫𑀦𑀧𑀼𑀢𑁆𑀢𑀸𑀤𑀻𑀲𑀼 𑀦𑀲𑁆𑀲 𑀝𑁄 𑀫𑀸 𑀳𑁄𑀢𑀽’𑀢𑀺. 𑀦 𑀩𑁆𑀭𑀸𑀳𑁆𑀫𑀡𑁄 𑀅𑀩𑁆𑀭𑀸𑀳𑁆𑀫𑀡𑁄, ‘‘𑀝 𑀦𑀜𑀲𑁆𑀲𑀸’’𑀢𑀺 𑀦𑀲𑁆𑀲 𑀝𑀸𑀤𑁂𑀲𑁄. 𑀜𑁆𑀜-𑀓𑀸𑀭𑁄 𑀏𑀢𑁆𑀣𑁂𑀯 𑀯𑀺𑀲𑁂𑀲𑀦𑀢𑁆𑀣𑁄.

𑀦-𑀦𑀺𑀲𑁂𑀥𑁄 𑀲𑀢𑁄 𑀬𑀼𑀢𑁆𑀢𑁄, 𑀤𑁂𑀲𑀸𑀤𑀺𑀦𑀺𑀬𑀫𑀁 𑀯𑀺𑀦𑀸;

𑀅𑀲𑀢𑁄 𑀯𑀸+𑀨𑀮𑁄 𑀢𑀲𑁆𑀫𑀸, 𑀓𑀣+𑀫𑀩𑁆𑀭𑀸𑀳𑁆𑀫𑀡𑁄𑀢𑀺𑀘𑁂.

𑀦𑀺𑀲𑁂𑀥𑀢𑁆𑀣𑀸𑀦𑀼𑀯𑀸𑀤𑁂𑀦, 𑀧𑀝𑀺𑀲𑁂𑀥𑀯𑀺𑀥𑀺 𑀓𑁆𑀯𑀘𑀺;

𑀧𑀭𑀲𑁆𑀲 𑀫𑀺𑀘𑁆𑀙𑀸𑀜𑀸𑀡𑀢𑁆𑀢𑀸+𑀔𑁆𑀬𑀸𑀧𑀦𑀸𑀬𑁄+𑀧𑀧𑀚𑁆𑀚𑀢𑁂.

𑀤𑀼𑀯𑀺𑀥𑁄 ¶ 𑀘+𑀲𑁆𑀲 𑀦𑀲𑁆𑀲 𑀅𑀢𑁆𑀣𑁄 𑀧𑀲𑀚𑁆𑀚𑀧𑀝𑀺𑀲𑁂𑀥+𑀧𑀭𑀺𑀬𑀼𑀤𑀸𑀲𑀯𑀲𑁂𑀦. 𑀢𑀢𑁆𑀣 𑀬𑁄 ‘‘𑀅𑀲𑀽𑀭𑀺𑀓𑀧𑀲𑁆𑀲𑀸𑀭𑀸𑀚𑀤𑀸𑀭𑀸’’𑀢𑀺𑀆𑀤𑀻𑀲𑀼 𑀯𑀺𑀬 𑀉𑀢𑁆𑀢𑀭𑀧𑀤𑀢𑁆𑀣𑀲𑁆𑀲 𑀲𑀩𑁆𑀩𑀤𑀸 𑀅𑀪𑀸𑀯𑀁 𑀤𑀻𑀧𑁂𑀢𑀺, 𑀲𑁄 𑀧𑀲𑀚𑁆𑀚𑀧𑀝𑀺𑀲𑁂𑀥𑀯𑀸𑀘𑀻 𑀦𑀸𑀫. 𑀬𑁄 𑀧𑀦 ‘‘𑀅𑀩𑁆𑀭𑀸𑀳𑁆𑀫𑀡+𑀫𑀸𑀦𑀬𑀸’’𑀢𑀺𑀆𑀤𑀻𑀲𑀼 𑀯𑀺𑀬 𑀉𑀢𑁆𑀢𑀭𑀧𑀤𑀢𑁆𑀣𑀁 𑀧𑀭𑀺𑀬𑀼𑀤𑀸𑀲𑀺𑀢𑁆𑀯𑀸 𑀧𑀝𑀺𑀓𑁆𑀔𑀺𑀧𑀺𑀢𑁆𑀯𑀸 𑀢𑀁𑀲𑀤𑀺𑀲𑁂 𑀯𑀢𑁆𑀣𑀼𑀫𑁆𑀳𑀺 𑀓𑀸𑀭𑀺𑀬𑀁 𑀧𑀝𑀺𑀧𑀸𑀤𑀬𑀢𑀺, 𑀲𑁄 𑀧𑀭𑀺𑀬𑀼𑀤𑀸𑀲𑀯𑀸𑀘𑀻 𑀦𑀸𑀫. 𑀯𑀼𑀢𑁆𑀢𑀜𑁆𑀘 𑁋

𑀧𑀲𑀚𑁆𑀚𑀧𑀝𑀺𑀲𑁂𑀥𑀲𑁆𑀲, 𑀮𑀓𑁆𑀔𑀡𑀁 𑀯𑀢𑁆𑀣𑀼𑀦𑀢𑁆𑀣𑀺𑀢𑀸;

𑀯𑀢𑁆𑀣𑀼𑀢𑁄+𑀜𑁆𑀜𑀢𑁆𑀭 𑀬𑀸 𑀯𑀼𑀢𑁆𑀢𑀺, 𑀧𑀭𑀺𑀬𑀼𑀤𑀸𑀲𑀮𑀓𑁆𑀔𑀡𑀁.

𑀬𑀢𑁆𑀭 𑀅𑀩𑁆𑀭𑀸𑀳𑁆𑀫𑀡𑀸𑀤𑀻𑀲𑀼, 𑀯𑀢𑁆𑀣𑀼𑀁 𑀧𑀭𑀺𑀬𑀼𑀤𑀲𑁆𑀲𑀢𑀺;

𑀢𑀓𑁆𑀭𑀺𑀬𑀸𑀬𑀼𑀢𑁆𑀢𑀭𑀸𑀚𑀸𑀤𑀺𑀁, 𑀯𑀤𑁂 𑀲𑁄 𑀧𑀭𑀺𑀬𑀼𑀤𑀸𑀲𑀓𑁄.

𑀧𑀲𑀚𑁆𑀚𑀧𑀝𑀺𑀲𑁂𑀥𑁄 𑀢𑀼, 𑀯𑀢𑁆𑀣𑀦𑁆𑀢𑀭+𑀫𑀦𑀸𑀤𑀺𑀬;

𑀓𑀺𑀜𑁆𑀘𑀺𑀯𑀢𑁆𑀣𑀼𑀦𑀺𑀲𑁂𑀥𑀲𑁆𑀲, 𑀧𑀲𑀗𑁆𑀕𑁄 𑀦 𑀪𑀯𑁂𑀬𑁆𑀬 𑀲𑁄.

𑀢𑀤𑀜𑁆𑀜𑀢𑁆𑀣𑁂 𑁋 𑀅𑀩𑁆𑀭𑀸𑀳𑁆𑀫𑀡𑁄, 𑀩𑁆𑀭𑀸𑀳𑁆𑀫𑀡𑀢𑁄 𑀅𑀜𑁆𑀜𑁄 𑀢𑀁𑀲𑀤𑀺𑀲𑁄𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀏𑀯𑀁 𑀅𑀫𑀦𑀼𑀲𑁆𑀲𑁄, 𑀅𑀲𑁆𑀲𑀫𑀡𑁄, 𑀦 𑀩𑁆𑀬𑀸𑀓𑀢𑀸 𑀅𑀩𑁆𑀬𑀸𑀓𑀢𑀸 𑀥𑀫𑁆𑀫𑀸. 𑀢𑀩𑁆𑀩𑀺𑀭𑀼𑀤𑁆𑀥𑀢𑁆𑀣𑁂-𑀦 𑀓𑀼𑀲𑀮𑀸 𑀅𑀓𑀼𑀲𑀮𑀸, 𑀓𑀼𑀲𑀮𑀧𑀝𑀺𑀧𑀓𑁆𑀔𑀸𑀢𑀺 𑀅𑀢𑁆𑀣𑁄. 𑀏𑀯𑀁 𑀅𑀮𑁄𑀪𑁄, 𑀅𑀫𑀺𑀢𑁆𑀢𑁄, 𑀅𑀬𑀁 𑀧𑀭𑀺𑀬𑀼𑀤𑀸𑀲𑀦𑀬𑁄. 𑀢𑀤𑀪𑀸𑀯𑁂-𑀦 𑀓𑀢𑁆𑀯𑀸 𑀅𑀓𑀢𑁆𑀯𑀸, 𑀅𑀓𑀸𑀢𑀼𑀦 𑀧𑀼𑀜𑁆𑀜𑀁, 𑀅𑀓𑀭𑁄𑀦𑁆𑀢𑁄, 𑀅𑀪𑀸𑀯𑁄 𑀪𑀯𑀢𑀺. 𑀅𑀬𑀁 𑀧𑀲𑀚𑁆𑀚𑀧𑀝𑀺𑀲𑁂𑀥𑀦𑀬𑁄.

𑀏𑀢𑁆𑀣 ¶ 𑀘 𑀉𑀪𑁄𑀲𑀼 𑀧𑀭𑀺𑀬𑀼𑀤𑀸𑀲𑁂 𑀩𑁆𑀭𑀸𑀳𑁆𑀫𑀡𑀸 𑀅𑀜𑁆𑀜𑁄 𑀩𑁆𑀭𑀸𑀳𑁆𑀫𑀡𑀥𑀫𑁆𑀫𑁂 𑀅𑀧𑁆𑀧𑀢𑀺𑀝𑁆𑀞𑀺𑀢𑁄 𑀔𑀢𑁆𑀢𑀺𑀬𑀸𑀤𑀺 𑀩𑁆𑀭𑀸𑀳𑁆𑀫𑀡𑀲𑀤𑀺𑀲𑁄𑀯 𑀅𑀩𑁆𑀭𑀸𑀳𑁆𑀫𑀡𑁄𑀢𑀺 𑀯𑀼𑀢𑁆𑀢𑁂 𑀧𑀢𑀻𑀬𑀢𑁂. 𑀇𑀢𑀭𑀲𑁆𑀫𑀺𑀁 𑀧𑀦 𑀧𑀓𑁆𑀔𑁂 𑀓𑁂𑀦𑀘𑀺 𑀲𑀁𑀲𑀬𑀦𑀺𑀫𑀺𑀢𑁆𑀢𑁂𑀦 𑀔𑀢𑁆𑀢𑀺𑀬𑀸𑀤𑁄 𑀩𑁆𑀭𑀸𑀳𑁆𑀫𑀡𑁄𑀢𑀺 𑀯𑀼𑀢𑁆𑀢𑀲𑁆𑀲 𑀫𑀺𑀘𑁆𑀙𑀸𑀜𑀸𑀡𑀦𑀺𑀯𑀼𑀢𑁆𑀢𑀺 𑀓𑀭𑀻𑀬𑀢𑀺 ‘‘𑀩𑁆𑀭𑀸𑀳𑁆𑀫𑀡𑁄+𑀬𑀁 𑀦 𑀪𑀯𑀢𑀺 𑀅𑀩𑁆𑀭𑀸𑀳𑁆𑀫𑀡𑁄’’𑀢𑀺, 𑀩𑁆𑀭𑀸𑀳𑁆𑀫𑀡𑀢𑁆𑀢𑀚𑁆𑀛𑀸𑀲𑀺𑀢𑁄 𑀦 𑀪𑀯𑀢𑀻𑀢𑁆𑀬𑀢𑁆𑀣𑁄. 𑀢𑀢𑁆𑀣 𑀲𑀤𑀺𑀲𑀢𑁆𑀢𑀁 𑀯𑀺𑀦𑀸 𑀫𑀺𑀘𑁆𑀙𑀸𑀜𑀸𑀡𑀸𑀲𑀫𑁆𑀪𑀯𑀸 𑀧𑀬𑁄𑀕𑀲𑀸𑀫𑀢𑁆𑀣𑀺𑀬𑀸 𑀘 𑀲𑀤𑀺𑀲𑀧𑀝𑀺𑀧𑀢𑁆𑀢𑀺, 𑀢𑀕𑁆𑀕𑀢𑀸 𑀘 𑀮𑀺𑀗𑁆𑀕+𑀲𑀗𑁆𑀔𑁆𑀬𑀸 𑀪𑀯𑀦𑁆𑀢𑀺. 𑀅𑀢𑁄𑀬𑁂𑀯 𑀉𑀘𑁆𑀘𑀢𑁂 ‘‘𑀦𑀜𑁆𑀜𑀺𑀯𑀬𑀼𑀢𑁆𑀢+𑀫𑀜𑁆𑀜𑀲𑀤𑀺𑀲𑀸𑀥𑀺𑀓𑀭𑀡𑁂, 𑀓𑀣𑀸 𑀳𑀺 𑀅𑀢𑁆𑀣𑀲𑀫𑁆𑀧𑀘𑁆𑀘𑀬𑁄’’𑀢𑀺.

𑀦𑀜𑀲𑀤𑁆𑀤𑀲𑁆𑀲 𑀲𑀭𑁂 𑀅𑀦, 𑀦 𑀅𑀲𑁆𑀲𑁄 𑀅𑀦𑀲𑁆𑀲𑁄, 𑀦 𑀅𑀭𑀺𑀬𑁄 𑀅𑀦𑀭𑀺𑀬𑁄. 𑀏𑀯𑀁 𑀅𑀦𑀺𑀲𑁆𑀲𑀭𑁄, 𑀅𑀦𑀺𑀝𑁆𑀞𑁄, 𑀅𑀦𑀸𑀲𑀯𑁄. 𑀦 𑀆𑀤𑀸𑀬 𑀅𑀦𑀸𑀤𑀸𑀬, 𑀅𑀦𑁄𑀮𑁄𑀓𑁂𑀢𑁆𑀯𑀸 𑀇𑀘𑁆𑀙𑀸𑀤𑀺. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀅𑀬𑀼𑀢𑁆𑀢𑀢𑁆𑀣𑁂𑀳𑀺 𑀓𑁂𑀳𑀺𑀘𑀺 𑀳𑁄𑀢𑀺. 𑀧𑀼𑀦 𑀦 𑀕𑀻𑀬𑀦𑁆𑀢𑀻𑀢𑀺 𑀅𑀧𑀼𑀦𑀕𑁂𑀬𑁆𑀬𑀸 𑀕𑀸𑀣𑀸, 𑀅𑀦𑁄𑀓𑀸𑀲𑀁 𑀓𑀸𑀭𑁂𑀢𑁆𑀯𑀸, 𑀅𑀫𑀽𑀮𑀸𑀫𑀽𑀮𑀁 𑀕𑀦𑁆𑀢𑁆𑀯𑀸, 𑀅𑀘𑀦𑁆𑀤𑀫𑀼𑀮𑁆𑀮𑁄𑀓𑀺𑀓𑀸𑀦𑀺 𑀫𑀼𑀔𑀸𑀦𑀺, 𑀅𑀲𑀤𑁆𑀥𑀪𑁄𑀚𑀻, 𑀅𑀮𑀯𑀡𑀪𑁄𑀚𑀻.

𑁧𑁩. 𑀓𑀼𑀧𑀸𑀤𑀬𑁄 𑀦𑀺𑀘𑁆𑀘+𑀫𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀺

𑀓𑀼𑀲𑀤𑁆𑀤𑁄 𑀧𑀸𑀤𑀬𑁄 𑀘 𑀲𑁆𑀬𑀸𑀤𑁆𑀬𑀦𑁆𑀢𑁂𑀦 𑀲𑀳𑁂+𑀓𑀢𑁆𑀣𑀸 𑀳𑁄𑀦𑁆𑀢𑀺 𑀦𑀺𑀘𑁆𑀘𑀁 𑀲𑁆𑀬𑀸𑀤𑀺𑀯𑀺𑀥𑀺𑀯𑀺𑀲𑀬𑀢𑁄+𑀜𑁆𑀜𑀢𑁆𑀣. 𑀏𑀢𑁆𑀣 𑀅𑀩𑁆𑀬𑀪𑀺𑀘𑀸𑀭𑀺𑀧𑀸𑀤𑀺𑀲𑀳𑀘𑀭𑀡𑀢𑁆𑀣𑁂𑀦 𑀓𑀼𑀇𑀢𑀺 𑀦𑀺𑀧𑀸𑀢𑁄𑀯, 𑀦 𑀧𑀣𑀯𑀻𑀯𑀸𑀘𑀓𑁄 𑀓𑀼𑀲𑀤𑁆𑀤𑁄. 𑀲𑁆𑀬𑀸𑀤𑀺𑀯𑀺𑀥𑀺𑀯𑀺𑀲𑀬𑁄 𑀦𑀸𑀫 ‘‘𑀮𑀓𑁆𑀔𑀡𑀺𑀢𑁆𑀣𑀫𑁆𑀪𑀽𑀢𑀸’’ 𑀤𑀺𑀦𑀸 𑀧𑀢𑀺𑀆𑀤𑀻𑀦𑀁 𑀯𑀺𑀲𑀬𑁂 𑀓𑀢𑀤𑀼𑀢𑀺𑀬𑀸, 𑀢𑀜𑁆𑀘 𑀅𑀦𑁆𑀯𑀤𑁆𑀥𑀫𑀸𑀲𑀦𑁆𑀢𑀺 𑀅𑀲𑀁𑀔𑁆𑀬𑀲𑀫𑀸𑀲+𑀫𑀺𑀯 𑀫𑀸 𑀳𑁄𑀢𑀽𑀢𑀺 ‘‘𑀅𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀻’’𑀢𑀺 𑀦𑀺𑀲𑁂𑀥𑁄. 𑀓𑀼𑀘𑁆𑀙𑀺𑀢𑁄 𑀩𑁆𑀭𑀸𑀳𑁆𑀫𑀡𑁄 𑀓𑀼𑀩𑁆𑀭𑀸𑀳𑁆𑀫𑀡𑁄, 𑀦𑀺𑀘𑁆𑀘𑀲𑀫𑀸𑀲𑀢𑁆𑀢𑀸 𑀅𑀲𑀧𑀤𑁂𑀦 𑀯𑀺𑀕𑁆𑀕𑀳𑁄.

𑁧𑁦𑁭. 𑀲𑀭𑁂 𑀓𑀤 𑀓𑀼𑀲𑁆𑀲𑀼+𑀢𑁆𑀢𑀭𑀢𑁆𑀣𑁂

𑀓𑀼𑀲𑁆𑀲𑀼+𑀢𑁆𑀢𑀭𑀢𑁆𑀣𑁂 ¶ 𑀯𑀢𑁆𑀢𑀫𑀸𑀦𑀲𑁆𑀲 𑀲𑀭𑀸𑀤𑁄 𑀉𑀢𑁆𑀢𑀭𑀧𑀤𑁂 𑀓𑀤𑀸𑀤𑁂𑀲𑁄 𑀳𑁄𑀢𑀺. 𑀈𑀲𑀓𑀁 𑀉𑀡𑁆𑀳𑀁 𑀓𑀤𑀼𑀡𑁆𑀳𑀁, 𑀓𑀼𑀘𑁆𑀙𑀺𑀢𑀁 𑀅𑀦𑁆𑀦𑀁 𑀓𑀤𑀦𑁆𑀦𑀁, 𑀓𑀤𑀲𑀦𑀁. 𑀲𑀭𑁂𑀢𑀺 𑀓𑀺𑀁, 𑀓𑀼𑀧𑀼𑀢𑁆𑀢𑀸, 𑀓𑀼𑀤𑀸𑀭𑀸, 𑀓𑀼𑀤𑀸𑀲𑀸, 𑀓𑀼𑀤𑀺𑀝𑁆𑀞𑀺.

𑀅𑀧𑁆𑀧𑀢𑁆𑀣𑁂 𑀯𑀢𑁆𑀢𑀫𑀸𑀦𑀲𑁆𑀲 𑀓𑀼𑀲𑁆𑀲 𑀓𑀸 𑀳𑁄𑀢𑀼+𑀢𑁆𑀢𑀭𑀧𑀤𑁂. 𑀅𑀧𑁆𑀧𑀓𑀁 𑀮𑀯𑀡𑀁 𑀓𑀸𑀮𑀯𑀡𑀁. 𑀏𑀯𑀁 𑀓𑀸𑀧𑀼𑀧𑁆𑀨𑀁.

𑀓𑀼𑀲𑁆𑀲 𑀓𑀸 𑀯𑀸. 𑀓𑀼𑀘𑁆𑀙𑀺𑀢𑁄 𑀧𑀼𑀭𑀺𑀲𑁄 𑀓𑀸𑀧𑀼𑀭𑀺𑀲𑁄, 𑀓𑀼𑀧𑀼𑀭𑀺𑀲𑁄 𑀯𑀸. 𑀧𑀓𑀝𑁆𑀞𑁄 𑀦𑀸𑀬𑀓𑁄 𑀧𑀦𑀸𑀬𑀓𑁄, 𑀧𑀥𑀸𑀦𑀁 𑀯𑀘𑀦𑀁 𑀧𑀸𑀯𑀘𑀦𑀁 𑀪𑀼𑀲𑀁 𑀯𑀤𑁆𑀥𑀁 𑀧𑀯𑀤𑁆𑀥𑀁 𑀲𑀭𑀻𑀭𑀁, 𑀲𑀫𑀁 𑀲𑀫𑁆𑀫𑀸 𑀯𑀸 𑀆𑀥𑀸𑀦𑀁 𑀲𑀫𑀸𑀥𑀸𑀦𑀁, 𑀯𑀺𑀯𑀺𑀥𑀸 𑀫𑀢𑀺 𑀯𑀺𑀫𑀢𑀺, 𑀯𑀺𑀯𑀺𑀥𑁄 𑀯𑀺𑀲𑀺𑀝𑁆𑀞𑁄 𑀯𑀸 𑀓𑀧𑁆𑀧𑁄 𑀯𑀺𑀓𑀧𑁆𑀧𑁄, 𑀅𑀥𑀺𑀓𑁄 𑀤𑁂𑀯𑁄 𑀅𑀢𑀺𑀤𑁂𑀯𑁄, 𑀏𑀯𑀁 𑀅𑀥𑀺𑀤𑁂𑀯𑁄, 𑀅𑀥𑀺𑀲𑀻𑀮𑀁. 𑀲𑀼𑀦𑁆𑀤𑀭𑁄 𑀕𑀦𑁆𑀥𑁄 𑀲𑀼𑀕𑀦𑁆𑀥𑁄, 𑀓𑀘𑁆𑀙𑀺𑀢𑁄 𑀕𑀦𑁆𑀥𑁄 𑀤𑀼𑀕𑁆𑀕𑀦𑁆𑀥𑁄, 𑀲𑀼𑀝𑁆𑀞𑀼 𑀓𑀢𑀁 𑀲𑀼𑀓𑀢𑀁, 𑀤𑀼𑀝𑁆𑀞𑀼 𑀓𑀢𑀁 𑀤𑀼𑀓𑁆𑀓𑀢𑀁 𑀅𑀪𑀺 𑀲𑀺𑀜𑁆𑀘𑀦𑀁 𑀅𑀪𑀺𑀲𑁂𑀓𑁄𑀢𑀺 𑀲𑀦𑀦𑁆𑀢𑁄, 𑀅𑀢𑀺𑀲𑀬𑁂𑀦 𑀓𑀢𑁆𑀯𑀸, 𑀓𑀢𑀁 𑀧𑀓𑀭𑀺𑀢𑁆𑀯𑀸, 𑀧𑀓𑀢𑀁, 𑀅𑀢𑀺𑀲𑀬𑁂𑀦 𑀣𑀼𑀢𑀁 𑀅𑀢𑀺𑀢𑁆𑀣𑀼𑀢𑀁, 𑀅𑀢𑀺𑀓𑁆𑀓𑀫𑁆𑀫 𑀣𑀼𑀢𑀁 𑀅𑀢𑀺𑀢𑁆𑀣𑀼𑀢𑀁, 𑀈𑀲𑀁 𑀓𑀴𑀸𑀭𑁄 𑀆𑀓𑀴𑀸𑀭𑁄, 𑀲𑀼𑀝𑁆𑀞𑀼 𑀩𑀤𑁆𑀥𑁄 𑀆𑀩𑀤𑁆𑀥𑁄.

𑀧𑀸𑀤𑀬𑁄 𑀕𑀢𑀸𑀤𑁆𑀬𑀢𑁆𑀣𑁂 𑀧𑀞𑀫𑀸𑀬

𑀧𑀕𑀢𑁄 𑀆𑀘𑀭𑀺𑀬𑁄 𑀧𑀸𑀘𑀭𑀺𑀬𑁄, 𑀏𑀯𑀁 𑀧𑀦𑁆𑀢𑁂𑀯𑀸𑀲𑀻.

𑀅𑀘𑁆𑀘𑀸𑀤𑀬𑁄 ¶ 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀤𑀼𑀢𑀺𑀬𑀸𑀬

𑀅𑀢𑀺𑀓𑁆𑀓𑀦𑁆𑀢𑁄 𑀫𑀜𑁆𑀘𑀁 𑀅𑀢𑀺𑀫𑀜𑁆𑀘𑁄. 𑀅𑀢𑀺𑀫𑀸𑀮𑁄, ‘‘𑀖𑀧𑀲𑁆𑀲+𑀦𑁆𑀢𑀲𑁆𑀲𑀸+𑀧𑁆𑀧𑀥𑀸𑀦𑀲𑁆𑀲𑀸’’𑀢𑀺 𑀫𑀸𑀮𑀸𑀲𑀤𑁆𑀤𑁂 𑀖𑀲𑁆𑀲 𑀭𑀲𑁆𑀲𑁄. 𑀏𑀯+𑀫𑀼𑀧𑀭𑀺𑀧𑀺 𑀖𑀧𑀸𑀦𑀁 𑀭𑀲𑁆𑀲𑁄.

𑀅𑀯𑀸𑀤𑀬𑁄 𑀓𑀼𑀝𑁆𑀞𑀸𑀤𑁆𑀬𑀢𑁆𑀣𑁂 𑀢𑀢𑀺𑀬𑀸𑀬

𑀅𑀯𑀓𑀼𑀝𑁆𑀞𑀁 𑀓𑁄𑀓𑀺𑀮𑀸𑀬 𑀯𑀦𑀁 𑀅𑀯𑀓𑁄𑀓𑀺𑀮𑀁, 𑀅𑀯𑀫𑀬𑀽𑀭𑀁. 𑀅𑀯𑀓𑀼𑀝𑁆𑀞𑀦𑁆𑀢𑀺 𑀧𑀭𑀺𑀘𑁆𑀘𑀢𑁆𑀢𑀁.

𑀧𑀭𑀺𑀬𑀸𑀤𑀬𑁄 𑀕𑀺𑀮𑀸𑀦𑀸𑀤𑁆𑀬𑀢𑁆𑀣𑁂 𑀘𑀢𑀼𑀢𑁆𑀣𑀺𑀬𑀸

𑀧𑀭𑀺𑀕𑀺𑀮𑀸𑀦𑁄+𑀚𑁆𑀛𑁂𑀦𑀸𑀬 𑀧𑀭𑀺𑀬𑀚𑁆𑀛𑁂𑀦𑁄.

𑀦𑁆𑀬𑀸𑀤𑀬𑁄 𑀓𑀦𑁆𑀢𑀸𑀤𑁆𑀬𑀢𑁆𑀣𑁂 𑀧𑀜𑁆𑀘𑀫𑀺𑀬𑀸

𑀦𑀺𑀓𑁆𑀔𑀦𑁆𑀢𑁄 𑀓𑁄𑀲𑀫𑁆𑀩𑀺𑀬𑀸 𑀦𑀺𑀓𑁆𑀓𑁄𑀲𑀫𑁆𑀩𑀺. 𑀅𑀲𑁆𑀬𑀸𑀤𑀺𑀯𑀺𑀥𑀺𑀫𑁆𑀳𑀻𑀢𑀺 𑀓𑀺𑀁, 𑀭𑀼𑀓𑁆𑀔𑀁 𑀧𑀢𑀺 𑀯𑀺𑀚𑁆𑀚𑁄𑀢𑀢𑁂.

𑀘𑀻𑀧𑀘𑁆𑀘𑀬𑀦𑁆𑀢𑁄 𑀓𑁆𑀭𑀺𑀬𑀢𑁆𑀣𑁂𑀳𑀺 𑀲𑁆𑀬𑀸𑀤𑁆𑀬𑀦𑁆𑀢𑁂𑀳𑀺 𑀲𑀳𑁂+𑀓𑀢𑁆𑀣𑁄 𑀳𑁄𑀢𑀺. 𑀅𑀫𑀮𑀻𑀦𑀁 𑀫𑀮𑀻𑀦𑀁 𑀓𑀭𑀺𑀢𑁆𑀯𑀸𑀢𑀺 𑀯𑀺𑀕𑁆𑀕𑀬𑁆𑀳 ‘‘𑀅𑀪𑀽𑀢𑀢𑀩𑁆𑀪𑀸𑀯𑁂 𑀓𑀭𑀸+𑀲+𑀪𑀽𑀬𑁄𑀕𑁂 𑀯𑀺𑀓𑀸𑀭𑀸𑀘𑀻’’𑀢𑀺 𑀘𑀻𑀧𑀘𑁆𑀘𑀬𑁂𑀓𑀢𑁂 𑀇𑀫𑀺𑀦𑀸 𑀲𑀫𑀸𑀲𑁄. 𑀏𑀢𑁆𑀣 𑀘-𑀓𑀸𑀭𑁄 ‘‘𑀘𑀻 𑀓𑁆𑀭𑀺𑀬𑀢𑁆𑀣𑁂𑀳𑀻’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄. ‘‘𑀧𑁆𑀬𑁄 𑀯𑀸 𑀢𑁆𑀯𑀸𑀲𑁆𑀲 𑀲𑀫𑀸𑀲𑁂’’𑀢𑀺 𑀧𑁆𑀬 𑀳𑁄𑀢𑀺, 𑀧-𑀓𑀸𑀭𑁄 ‘‘𑀧𑁆𑀬𑁂 𑀲𑀺𑀲𑁆𑀲𑀸’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄. 𑀫𑀮𑀺𑀦𑀻𑀓𑀭𑀺𑀬.

𑁧𑁫. 𑀪𑀽𑀲𑀦𑀸+𑀤𑀭𑀸+𑀦𑀸𑀤𑀭𑁂𑀲𑁆𑀯+𑀮𑀁+𑀲𑀸+𑀲𑀸𑀢𑀺

𑀪𑀽𑀲𑀦𑀸𑀤𑀻𑀲𑁆𑀯+𑀢𑁆𑀣𑁂𑀲𑁆𑀯+𑀮+𑀫𑀸𑀤𑀬𑁄 𑀲𑀤𑁆𑀤𑀸 𑀏𑀓𑀢𑁆𑀣𑀸 𑀳𑁄𑀦𑁆𑀢𑀺. 𑀅𑀮𑀁 𑀓𑀭𑀺𑀢𑁆𑀯𑀸 𑀲𑀓𑁆𑀓𑀭𑀺𑀢𑁆𑀯𑀸 𑀅𑀲𑀓𑁆𑀓𑀭𑀺𑀢𑁆𑀯𑀸𑀢𑀺 𑀯𑀺𑀕𑁆𑀕𑀬𑁆𑀳 𑀲𑀫𑀸𑀲𑁂 ¶ 𑀓𑀢𑁂 𑀧𑁆𑀬𑁂 𑀘 ‘‘𑀲𑀸 𑀲𑀸𑀥𑀺𑀓𑀭𑀸 𑀘 𑀘𑀭𑀺𑀘𑁆𑀘𑀸’’𑀢𑀺 𑀘𑀸𑀤𑁂𑀲𑁄 𑀧𑀭𑀭𑀽𑀧𑀜𑁆𑀘. 𑀅𑀮𑀁𑀓𑀭𑀺𑀬, 𑀲𑀓𑁆𑀓𑀘𑁆𑀘, 𑀅𑀲𑀓𑁆𑀓𑀘𑁆𑀘.

𑀅𑀦𑁂𑀓𑀁 𑀲𑁆𑀬𑀸𑀤𑁆𑀬𑀦𑁆𑀢𑀁 𑀅𑀜𑁆𑀜𑀲𑁆𑀲 𑀧𑀤𑀲𑁆𑀲 𑀅𑀢𑁆𑀣𑁂 𑀏𑀓𑀢𑁆𑀣𑀁 𑀯𑀸 𑀳𑁄𑀢𑀺.

𑀧𑀤𑀦𑁆𑀢𑀭𑀲𑁆𑀲 𑀬𑀲𑁆𑀲+𑀢𑁆𑀣𑁄, 𑀧𑀥𑀸𑀦𑀁 𑀮𑀺𑀗𑁆𑀕+𑀫𑀲𑁆𑀲 𑀘;

𑀲𑀫𑀸𑀲𑁄 𑀲𑁄+𑀬+𑀫𑀜𑁆𑀜𑀢𑁆𑀣𑁄, 𑀩𑀳𑀼𑀩𑁆𑀩𑀻𑀳𑀺𑀧𑀭𑀯𑁆𑀳𑀬𑁄.

𑀲𑁄 𑀘 𑀦𑀯𑀯𑀺𑀥𑁄 𑀤𑁆𑀯𑀺𑀧𑀤𑁄, 𑀪𑀺𑀦𑁆𑀦𑀸𑀥𑀺𑀓𑀭𑀡𑁄, 𑀢𑀺𑀧𑀤𑁄, 𑀦-𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁄, 𑀲𑀳𑀧𑀼𑀩𑁆𑀩𑀧𑀤𑁄, 𑀉𑀧𑀫𑀸𑀦𑀧𑀼𑀩𑁆𑀩𑀧𑀤𑁄, 𑀲𑀗𑁆𑀔𑁆𑀬𑁄𑀪𑀬𑀧𑀤𑁄, 𑀤𑀺𑀲𑀦𑁆𑀢𑀭𑀸𑀮𑀢𑁆𑀣𑁄, 𑀩𑁆𑀬𑀢𑀺𑀳𑀸𑀭𑀮𑀓𑁆𑀔𑀡𑁄 𑀘𑀸𑀢𑀺.

(𑀓) 𑀢𑀢𑁆𑀣 𑀤𑀼𑀢𑀺𑀬𑀢𑁆𑀣𑁂 𑀢𑀸𑀯-𑀆𑀕𑀢𑀸 𑀲𑀫𑀡𑀸 𑀇𑀫𑀁 𑀲𑀗𑁆𑀖𑀸𑀭𑀸𑀫𑀦𑁆𑀢𑀺 𑀆𑀕𑀢𑀲𑀫𑀡𑁄 𑀲𑀗𑁆𑀖𑀸𑀭𑀸𑀫𑁄. 𑀲𑁄 𑀘 𑀤𑀼𑀯𑀺𑀥𑁄 𑀢𑀕𑁆𑀕𑀼𑀡𑀸+𑀢𑀕𑁆𑀕𑀼𑀡𑀯𑀲𑁂𑀦. 𑀯𑀼𑀢𑁆𑀢𑀜𑁆𑀳𑀺 𑁋

𑀓𑀡𑁆𑀡𑁄+’ ‘𑀬𑀁 𑀤𑀺𑀝𑁆𑀞𑀲𑀸𑀕𑀭𑁄’.

𑀢𑁂𑀲𑀼 𑀬𑀢𑁆𑀣 𑀯𑀺𑀲𑁂𑀲𑀦𑀪𑀽𑀢𑁄 𑀅𑀢𑁆𑀣𑁄 𑀅𑀜𑁆𑀜𑀧𑀤𑀢𑁆𑀣𑀕𑁆𑀕𑀳𑀡𑁂𑀦 𑀕𑀬𑁆𑀳𑀢𑀺, 𑀲𑁄 𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄, 𑀬𑀣𑀸 ‘𑀮𑀫𑁆𑀩𑀓𑀡𑁆𑀡+𑀫𑀸𑀦𑀬𑀸’𑀢𑀺. 𑀬𑀢𑁆𑀣 𑀧𑀦 𑀦 𑀕𑀬𑁆𑀳𑀢𑀺, 𑀲𑁄 𑀅𑀢𑀕𑁆𑀕𑀼𑀡𑀲𑀁𑀯𑀺𑀜𑁆𑀜𑀸𑀡𑁄, 𑀬𑀣𑀸 ‘𑀩𑀳𑀼𑀥𑀦+𑀫𑀸𑀦𑀬𑀸’𑀢𑀺.

𑀇𑀥 𑀯𑀺𑀲𑁂𑀲𑀦𑀲𑁆𑀲 𑀧𑀼𑀩𑁆𑀩𑀦𑀺𑀧𑀸𑀢𑁄. 𑀏𑀢𑁆𑀣 𑀘 𑀆𑀕𑀢𑀲𑀤𑁆𑀤𑁄 𑀘 𑀲𑀫𑀡𑀲𑀤𑁆𑀤𑁄 𑀘 𑀅𑀢𑁆𑀢𑀦𑁄 𑀅𑀢𑁆𑀣𑁂 𑀅𑀝𑁆𑀞𑀢𑁆𑀯𑀸 𑀤𑀼𑀢𑀺𑀬𑀸𑀯𑀺𑀪𑀢𑁆𑀬𑀢𑁆𑀣𑀪𑀽𑀢𑁂 𑀲𑀗𑁆𑀖𑀸𑀭𑀸𑀫𑀲𑀗𑁆𑀔𑀸𑀢𑁂 𑀅𑀜𑁆𑀜𑀧𑀤𑀢𑁆𑀣𑁂 𑀯𑀢𑁆𑀢𑀦𑁆𑀢𑀺, 𑀢𑀢𑁄 𑀲𑀫𑀸𑀲𑁂𑀦𑁂𑀯 𑀓𑀫𑁆𑀫𑀢𑁆𑀣𑀲𑁆𑀲 𑀅𑀪𑀺𑀳𑀺𑀢𑀢𑁆𑀢𑀸 𑀧𑀼𑀦 𑀤𑀼𑀢𑀺𑀬𑀸 𑀦 𑀳𑁄𑀢𑀺. 𑀢𑀣𑀸 𑀆𑀕𑀢𑀲𑀫𑀡𑀸 𑀲𑀸𑀯𑀢𑁆𑀣𑀺, 𑀆𑀕𑀢𑀲𑀫𑀡𑀁 𑀚𑁂𑀢𑀯𑀦𑀁. 𑀧𑀝𑀺𑀧𑀦𑁆𑀦𑀸 𑀅𑀤𑁆𑀥𑀺𑀓𑀸 𑀬𑀁 𑀧𑀝𑀺𑀧𑀦𑁆𑀦𑀤𑁆𑀥𑀺𑀓𑁄 𑀧𑀣𑁄, 𑀅𑀪𑀺𑀭𑀽𑀴𑁆𑀳𑀸𑀯, 𑀡𑀺𑀚𑀸𑀬𑀁 𑀦𑀸𑀯𑀁 𑀲𑀸 𑀅𑀪𑀺𑀭𑀽𑀴𑁆𑀳𑀯𑀸𑀡𑀺𑀚𑀸 𑀦𑀸𑀯𑀸.

(𑀔) 𑀢𑀢𑀺𑀬𑀢𑁆𑀣𑁂-𑀚𑀺𑀢𑀸𑀦𑀺 𑀇𑀦𑁆𑀤𑁆𑀭𑀺𑀬𑀸𑀦𑀺 𑀬𑁂𑀦 𑀲𑁄 𑀚𑀺𑀢𑀺𑀦𑁆𑀤𑁆𑀭𑀺𑀬𑁄 𑀲𑀫𑀡𑁄, 𑀏𑀯𑀁 𑀤𑀺𑀝𑁆𑀞𑀥𑀫𑁆𑀫𑁄, 𑀧𑀢𑁆𑀢𑀥𑀫𑁆𑀫𑁄, 𑀓𑀢𑀓𑀺𑀘𑁆𑀘𑁄. 𑀯𑀺𑀚𑀺𑀢𑀸 𑀫𑀸𑀭𑀸 𑀅𑀦𑁂𑀦𑀸𑀢𑀺 𑀯𑀺𑀚𑀺𑀢𑀫𑀸𑀭𑁄 𑀪𑀕𑀯𑀸, 𑀧𑀝𑀺𑀯𑀺𑀤𑁆𑀥𑀲𑀩𑁆𑀩𑀥𑀫𑁆𑀫𑁄. 𑀓𑀭𑀡𑀢𑁆𑀣𑁂-𑀙𑀺𑀦𑁆𑀦𑁄 𑀭𑀼𑀓𑁆𑀔𑁄 𑀬𑁂𑀦 𑀲𑁄 𑀙𑀺𑀦𑁆𑀦𑀭𑀼𑀓𑁆𑀔𑁄 𑀨𑀭𑀲𑀼.

(𑀕) 𑀘𑀢𑀼𑀢𑁆𑀣𑀺𑀬𑀢𑁆𑀣𑁂-𑀤𑀺𑀦𑁆𑀦𑁄 𑀲𑀼𑀗𑁆𑀓𑁄 𑀬𑀲𑁆𑀲 𑀲𑁄 𑀤𑀺𑀦𑁆𑀦𑀲𑀼𑀗𑁆𑀓𑁄 𑀭𑀸𑀚𑀸, 𑀤𑀺𑀦𑁆𑀦𑀁 𑀪𑁄𑀚𑀦𑀁 𑀅𑀲𑁆𑀲𑀸𑀢𑀺 𑀤𑀺𑀦𑁆𑀦𑀪𑁄𑀚𑀦𑁄.

(𑀖) 𑀧𑀜𑁆𑀘𑀫𑀺𑀬𑀢𑁆𑀣𑁂-𑀦𑀺𑀕𑁆𑀕𑀢𑀸 𑀚𑀦𑀸 𑀬𑀲𑁆𑀫𑀸 𑀲𑁄 𑀦𑀺𑀕𑁆𑀕𑀢𑀚𑀦𑁄 𑀕𑀸𑀫𑁄, 𑀦𑀺𑀕𑁆𑀕𑀢𑁄 𑀅𑀬𑁄=𑀲𑀼𑀔𑀁 𑀬𑀲𑁆𑀫𑀸𑀢𑀺 𑀦𑀺𑀭𑀬𑁄, 𑀦𑀺𑀓𑁆𑀓𑀺𑀮𑁂- 𑀲𑁄 ¶ . 𑀅𑀧𑁂𑀢𑀁 𑀯𑀺𑀜𑁆𑀜𑀸𑀡𑀁 𑀅𑀲𑁆𑀫𑀸𑀢𑀺 𑀅𑀧𑁂𑀢𑀯𑀺𑀜𑁆𑀜𑀸𑀡𑁄 𑀫𑀢𑀓𑀸𑀬𑁄, 𑀅𑀧𑀕𑀢𑀪𑀬𑀪𑁂𑀭𑀯𑁄 𑀅𑀭𑀳𑀸.

(𑀗) 𑀙𑀝𑁆𑀞𑀺𑀬𑀢𑁆𑀣𑁂-𑀙𑀺𑀦𑁆𑀦𑀸 𑀳𑀢𑁆𑀣𑀸 𑀬𑀲𑁆𑀲 𑀲𑁄 𑀙𑀺𑀦𑁆𑀦𑀳𑀢𑁆𑀣𑁄. 𑀏𑀯𑀁 𑀧𑀭𑀺𑀧𑀼𑀡𑁆𑀡𑀲𑀗𑁆𑀓𑀧𑁆𑀧𑁄 𑀔𑀻𑀡𑀸𑀲𑀯𑁄, 𑀯𑀻𑀢𑁄 𑀭𑀸𑀕𑁄 𑀅𑀲𑁆𑀲𑀸𑀢𑀺 𑀯𑀻𑀢𑀭𑀸𑀕𑁄. 𑀤𑁆𑀯𑁂 𑀧𑀤𑀸𑀦𑀺 𑀅𑀲𑁆𑀲𑀸𑀢𑀺 𑀤𑁆𑀯𑀺𑀧𑀤𑁄, 𑀤𑁆𑀯𑀺𑀳𑀢𑁆𑀣𑁄 𑀧𑀝𑁄. 𑀢𑁂𑀯𑀺𑀚𑁆𑀚𑁄𑀢𑀺 𑀏𑀢𑁆𑀣 𑀢𑀺𑀯𑀺𑀚𑁆𑀚𑁄 𑀏𑀯𑀸𑀢𑀺 𑀲𑀓𑀢𑁆𑀣𑁂 𑀡𑁄 𑀯𑀼𑀤𑁆𑀥𑀺 𑀘. 𑀘𑀢𑀼𑀧𑁆𑀧𑀤𑁄, 𑀧𑀜𑁆𑀘 𑀘𑀓𑁆𑀔𑀽𑀦𑀺 𑀅𑀲𑁆𑀲𑀸𑀢𑀺 𑀧𑀜𑁆𑀘𑀘𑀓𑁆𑀔𑀼 𑀪𑀕𑀯𑀸, 𑀙𑀴𑀪𑀺𑀜𑁆𑀜𑁄, ‘‘𑀖𑀧𑀲𑁆𑀲𑀸’’𑀤𑀺𑀦𑀸 𑀭𑀲𑁆𑀲𑀢𑁆𑀢𑀁. 𑀦𑀯𑀗𑁆𑀕𑀁 𑀲𑀢𑁆𑀣𑀼𑀲𑀸𑀲𑀦𑀁. 𑀤𑀲𑀩𑀮𑁄, 𑀅𑀦𑀦𑁆𑀢𑀜𑀸𑀡𑁄. 𑀢𑀻𑀡𑀺 𑀤𑀲 𑀧𑀭𑀺𑀫𑀸𑀡+𑀫𑁂𑀲𑀁𑀢𑀺 𑀢𑀺𑀤𑀲𑀸 𑀤𑁂𑀯𑀸, 𑀇𑀥 𑀧𑀭𑀺𑀫𑀸𑀡𑀲𑀤𑁆𑀤𑀲𑀦𑁆𑀦𑀺𑀫𑀸𑀦𑀢𑁄 𑀤𑀲𑀲𑀤𑁆𑀤𑁄 𑀲𑀗𑁆𑀔𑁆𑀬𑀸𑀦𑁂 𑀯𑀢𑁆𑀢𑀢𑁂. 𑀅𑀬𑀁 𑀧𑀘𑁆𑀘𑀬𑁄 𑀏𑀢𑁂𑀲𑀦𑁆𑀢𑀺 𑀇𑀤𑀧𑁆𑀧𑀘𑁆𑀘𑀬𑀸, 𑀉𑀢𑁆𑀢𑀭𑀧𑀤𑁂 ‘‘𑀇𑀫𑀲𑁆𑀲𑀺+𑀤𑀁 𑀯𑀸’’𑀢𑀺 𑀇𑀫𑀲𑁆𑀲 𑀇𑀤𑀁. 𑀓𑁄 𑀧𑀪𑀯𑁄 𑀅𑀲𑁆𑀲𑀸𑀢𑀺 𑀓𑀺𑀁 𑀧𑀪𑀯𑁄 𑀓𑀸𑀬𑁄. 𑀯𑀺𑀕𑀢𑀁 𑀫𑀮𑀁 𑀅𑀲𑁆𑀲𑀸𑀢𑀺 𑀯𑀺𑀫𑀮𑁄, 𑀲𑀼𑀦𑁆𑀤𑀭𑁄 𑀕𑀦𑁆𑀥𑁄 𑀅𑀲𑁆𑀲𑀸𑀢𑀺 𑀲𑀼𑀕𑀦𑁆𑀥𑀁 𑀘𑀦𑁆𑀤𑀦𑀁, 𑀏𑀯𑀁 𑀲𑀼𑀲𑀻𑀮𑁄, 𑀲𑀼𑀫𑀼𑀔𑁄, 𑀓𑀼𑀘𑁆𑀙𑀺𑀢𑁄 𑀕𑀦𑁆𑀥𑁄 𑀅𑀲𑁆𑀲𑀸𑀢𑀺 𑀤𑀼𑀕𑁆𑀕𑀦𑁆𑀥𑀁 𑀓𑀼𑀡𑀧𑀁, 𑀤𑀼𑀫𑁆𑀫𑀼𑀔𑁄, 𑀤𑀼𑀝𑁆𑀞𑀼 𑀫𑀦𑁄 𑀅𑀲𑁆𑀲𑀸𑀢𑀺 𑀤𑀼𑀫𑁆𑀫𑀦𑁄, 𑀏𑀯𑀁 𑀤𑀼𑀲𑁆𑀲𑀻𑀮𑁄. 𑀢𑀧𑁄 𑀏𑀯 𑀥𑀦𑀁 𑀅𑀲𑁆𑀲𑀸𑀢𑀺 𑀢𑀧𑁄𑀥𑀦𑁄. 𑀔𑀦𑁆𑀢𑀺𑀲𑀗𑁆𑀔𑀸𑀢𑀁 𑀩𑀮𑀁 𑀅𑀲𑁆𑀲𑀸𑀢𑀺 𑀔𑀦𑁆𑀢𑀺𑀩𑀮𑁄. 𑀇𑀦𑁆𑀤𑁄𑀢𑀺 𑀦𑀸𑀫𑀁 𑀏𑀢𑀲𑁆𑀲𑀸𑀢𑀺 𑀇𑀦𑁆𑀤𑀦𑀸𑀫𑁄.

𑀙𑀦𑁆𑀤𑀚𑀸𑀢𑀸𑀤𑀻𑀲𑀼 𑀯𑀺𑀲𑁂𑀲𑀦𑀯𑀺𑀲𑁂𑀲𑀺𑀢𑀩𑁆𑀩𑀸𑀦𑀁 𑀬𑀣𑀺𑀘𑁆𑀙𑀺𑀢𑀢𑁆𑀢𑀸 𑀉𑀪𑀬𑀁 𑀧𑀼𑀩𑁆𑀩𑀁 𑀦𑀺𑀧𑀢𑀢𑀺, 𑀓𑀫𑀸𑀢𑀺𑀓𑁆𑀓𑀫𑁂 𑀧𑀬𑁄𑀚𑀦𑀸𑀪𑀸𑀯𑀸. 𑀚𑀸𑀢𑁄 𑀙𑀦𑁆𑀤𑁄 𑀅𑀲𑁆𑀲𑀸𑀢𑀺 𑀚𑀸𑀢𑀙𑀦𑁆𑀤𑁄, 𑀏𑀯𑀁 𑀙𑀦𑁆𑀤𑀚𑀸𑀢𑁄. 𑀲𑀜𑁆𑀚𑀸𑀢𑀧𑀻𑀢𑀺𑀲𑁄𑀫𑀦𑀲𑁆𑀲𑁄, 𑀧𑀻𑀢𑀺𑀲𑁄𑀫𑀦𑀲𑁆𑀲𑀲𑀜𑁆𑀚𑀸𑀢𑁄. 𑀫𑀸𑀲𑀚𑀸𑀢𑁄, 𑀚𑀸𑀢𑀫𑀸𑀲𑁄. 𑀙𑀺𑀦𑁆𑀦𑀳𑀢𑁆𑀣𑁄, 𑀳𑀢𑁆𑀣𑀙𑀺𑀦𑁆𑀦𑁄.

𑀤𑀻𑀖𑀸𑀚𑀗𑁆𑀖𑀸 ¶ 𑀅𑀲𑁆𑀲𑀸𑀢𑀺 𑀤𑀻𑀖𑀚𑀗𑁆𑀖𑁄, 𑀏𑀢𑁆𑀣 𑀧𑀼𑀫𑁆𑀪𑀸𑀯𑁄, ‘‘𑀖𑀧𑀲𑁆𑀲𑀸’’𑀤𑀺𑀦𑀸 𑀭𑀲𑁆𑀲𑁄 𑀘. 𑀢𑀣𑀸 𑀧𑀳𑀽𑀢𑀚𑀺𑀯𑁆𑀳𑁄. 𑀫𑀳𑀦𑁆𑀢𑀻 𑀧𑀜𑁆𑀜𑀸 𑀅𑀲𑁆𑀲𑀸𑀢𑀺 𑀫𑀳𑀸𑀧𑀜𑁆𑀜𑁄. ‘‘𑀇𑀢𑁆𑀣𑀺𑀬𑀁 𑀪𑀸𑀲𑀺𑀢𑀧𑀼𑀫𑀺+𑀢𑁆𑀣𑀻 𑀧𑀼𑀫𑁂+𑀯𑁂+𑀓𑀢𑁆𑀣𑁂’’𑀢𑀺 𑀯𑀻𑀧𑀘𑁆𑀘𑀬𑀸𑀪𑀸𑀯𑁂𑀦𑁆𑀢𑀲𑁆𑀲 𑀝𑀸𑀤𑁂𑀲𑁄 𑀭𑀲𑁆𑀲𑀢𑁆𑀢𑀜𑁆𑀘. 𑀇𑀢𑁆𑀣𑀺𑀬𑀦𑁆𑀢𑀺 𑀓𑀺𑀁, 𑀔𑀫𑀸𑀥𑀦𑁄. 𑀪𑀸𑀲𑀺𑀢𑀧𑀼𑀫𑀸𑀢𑀺 𑀓𑀺𑀁, 𑀲𑀤𑁆𑀥𑀸𑀥𑀼𑀭𑁄. 𑀧𑀜𑁆𑀜𑀸𑀧𑀓𑀢𑀺𑀓𑁄, 𑀧𑀜𑁆𑀜𑀸𑀯𑀺𑀲𑀼𑀤𑁆𑀥𑀺𑀓𑁄, 𑀏𑀢𑁆𑀣 ‘‘𑀮𑁆𑀢𑁆𑀯𑀺𑀢𑁆𑀣𑀺𑀬𑀽𑀳𑀺 𑀓𑁄’’𑀢𑀺 𑀓𑁄. 𑀕𑀡𑁆𑀟𑀻𑀯𑀥𑀦𑁆𑀯𑀸𑀢𑀺 𑀧𑀓𑀢𑀦𑁆𑀢𑀭𑁂𑀦 𑀲𑀺𑀤𑁆𑀥𑀁.

𑀦𑀸𑀦𑀸=𑀧𑁆𑀧𑀓𑀸𑀭𑀸 𑀤𑀼𑀫𑀸 𑀦𑀸𑀦𑀸𑀤𑀼𑀫𑀸, 𑀦𑀸𑀦𑀸𑀤𑀼𑀫𑁂𑀳𑀺 𑀧𑀢𑀺𑀢𑀸𑀦𑀺 𑀦𑀸𑀦𑀸𑀤𑀼𑀫𑀧𑀢𑀺𑀢𑀸𑀦𑀺, 𑀦𑀸𑀦𑀸𑀤𑀼𑀫𑀧𑀢𑀺𑀢𑀸𑀦𑀺 𑀘 𑀢𑀸𑀦𑀺 𑀧𑀼𑀧𑁆𑀨𑀸𑀦𑀺 𑀘𑁂𑀢𑀺 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀸𑀦𑀺, 𑀢𑁂𑀳𑀺 𑀯𑀸𑀲𑀺𑀢𑀸 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀸, 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀸𑀲𑀸𑀦𑀼𑀬𑀲𑁆𑀲𑀲𑁄 𑀦𑀸𑀦𑀸𑀤𑀼𑀫𑀧𑀢𑀺𑀢𑀧𑀼𑀧𑁆𑀨𑀯𑀸𑀲𑀺𑀢𑀲𑀸𑀦𑀼 𑀧𑀩𑁆𑀩𑀢𑁄, 𑀅𑀬𑀁 𑀯𑀺𑀲𑁂𑀲𑀦+𑀅𑀫𑀸𑀤𑀺𑀲𑀫𑀸𑀲𑀕𑀩𑁆𑀪𑁄 𑀢𑀼𑀮𑁆𑀬𑀸𑀥𑀺𑀓𑀭𑀡𑀅𑀜𑁆𑀜𑀧𑀤𑀢𑁆𑀣𑁄.

(𑀘) 𑀲𑀢𑁆𑀢𑀫𑁆𑀬𑀢𑁆𑀣𑁂-𑀲𑀫𑁆𑀧𑀦𑁆𑀦𑀸𑀦𑀺 𑀲𑀲𑁆𑀲𑀸𑀦𑀺 𑀬𑀲𑁆𑀫𑀺𑀁 𑀲𑁄 𑀲𑀫𑁆𑀧𑀦𑁆𑀦𑀲𑀲𑁆𑀲𑁄 𑀚𑀦𑀧𑀤𑁄. 𑀲𑀼𑀮𑀪𑁄 𑀧𑀺𑀡𑁆𑀟𑁄 𑀇𑀫𑀲𑁆𑀫𑀺𑀦𑁆𑀢𑀺 𑀲𑀼𑀮𑀪𑀧𑀺𑀡𑁆𑀟𑁄 𑀤𑁂𑀲𑁄. 𑀆𑀓𑀺𑀡𑁆𑀡𑀸 𑀫𑀦𑀼𑀲𑁆𑀲𑀸 𑀬𑀲𑁆𑀲𑀁 𑀲𑀸 𑀆𑀓𑀺𑀡𑁆𑀡𑀫𑀦𑀼𑀲𑁆𑀲𑀸 𑀭𑀸𑀚𑀥𑀸𑀦𑀻. 𑀩𑀳𑀯𑁄 𑀢𑀸𑀧𑀲𑀸 𑀏𑀢𑀲𑁆𑀫𑀺𑀦𑁆𑀢𑀺 𑀩𑀳𑀼𑀢𑀸𑀧𑀲𑁄 𑀅𑀲𑁆𑀲𑀫𑁄. 𑀉𑀧𑀘𑀺𑀢𑀁 𑀫𑀁𑀲𑀮𑁄𑀳𑀺𑀢𑀁 𑀅𑀲𑁆𑀫𑀺𑀦𑁆𑀢𑀺 𑀉𑀧𑀘𑀺𑀢𑀫𑀁𑀲𑀮𑁄𑀳𑀺𑀢𑀁 𑀲𑀭𑀻𑀭𑀁. 𑀩𑀳𑀯𑁄 𑀲𑀸𑀫𑀺𑀦𑁄 𑀅𑀲𑁆𑀫𑀺𑀦𑁆𑀢𑀺 𑀩𑀳𑀼𑀲𑀸𑀫𑀺𑀓𑀁 𑀦𑀕𑀭𑀁, 𑀩𑀳𑀽 𑀦𑀤𑀺𑀬𑁄 𑀅𑀲𑁆𑀫𑀺𑀦𑁆𑀢𑀺 𑀩𑀳𑀼𑀦𑀤𑀺𑀓𑁄, 𑀈𑀓𑀸𑀭𑀦𑁆𑀢𑀢𑁆𑀢𑀸 𑀓𑀧𑀘𑁆𑀘𑀬𑁄. 𑀏𑀯𑀁 𑀩𑀳𑀼𑀚𑀫𑁆𑀩𑀼𑀓𑀁 𑀯𑀦𑀁, 𑀩𑀳𑀯𑁄 𑀓𑀢𑁆𑀢𑀸𑀭𑁄 𑀅𑀲𑁆𑀫𑀺𑀁 𑀅𑀲𑁆𑀲 𑀯𑀸𑀢𑀺 𑀩𑀳𑀼𑀓𑀢𑁆𑀢𑀼𑀓𑁄 𑀤𑁂𑀲𑁄, 𑀏𑀯𑀁 𑀩𑀳𑀼𑀪𑀢𑁆𑀢𑀼𑀓𑁄, ‘‘𑀮𑁆𑀢𑁆𑀯𑀺𑀢𑁆𑀣𑀺𑀬𑀽𑀳𑀺 𑀓𑁄’’𑀢𑀺 𑀓𑁄.

𑁨. 𑀪𑀺𑀦𑁆𑀦𑀸𑀥𑀺𑀓𑀭𑀡𑁄 ¶ 𑀬𑀣𑀸-𑀏𑀓𑀭𑀢𑁆𑀢𑀺𑀁 𑀯𑀸𑀲𑁄 𑀅𑀲𑁆𑀲𑀸𑀢𑀺 𑀏𑀓𑀭𑀢𑁆𑀢𑀺𑀯𑀸𑀲𑁄, 𑀲𑀫𑀸𑀦𑁂𑀦 𑀚𑀦𑁂𑀦 𑀲𑀤𑁆𑀥𑀺𑀁 𑀯𑀸𑀲𑁄 𑀅𑀲𑁆𑀲𑀸𑀢𑀺 𑀲𑀫𑀸𑀦𑀯𑀸𑀲𑁄 𑀧𑀼𑀭𑀺𑀲𑁄. 𑀉𑀪𑀢𑁄 𑀩𑁆𑀬𑀜𑁆𑀚𑀦+𑀫𑀲𑁆𑀲𑀸𑀢𑀺 𑀉𑀪𑀢𑁄𑀩𑁆𑀬𑀜𑁆𑀚𑀦𑀓𑁄, 𑀯𑀺𑀪𑀢𑁆𑀬𑀮𑁄𑀧𑁄 ‘‘𑀯𑀸+𑀜𑁆𑀜𑀢𑁄’’𑀢𑀺 𑀓𑁄 𑀘, 𑀙𑀢𑁆𑀢𑀁 𑀧𑀸𑀡𑀺𑀫𑁆𑀳𑀺 𑀅𑀲𑁆𑀲𑀸𑀢𑀺 𑀙𑀢𑁆𑀢𑀧𑀸𑀡𑀺, 𑀏𑀯𑀁 𑀤𑀡𑁆𑀟𑀧𑀸𑀡𑀺, 𑀲𑀢𑁆𑀣𑀧𑀸𑀡𑀺, 𑀯𑀚𑀺𑀭𑀧𑀸𑀡𑀺, 𑀔𑀕𑁆𑀕𑀳𑀢𑁆𑀣𑁄, 𑀧𑀢𑁆𑀢𑀳𑀢𑁆𑀣𑁄, 𑀤𑀸𑀦𑁂 𑀅𑀚𑁆𑀛𑀸𑀲𑀬𑁄 𑀅𑀲𑁆𑀲𑀸𑀢𑀺 𑀤𑀸𑀦𑀚𑁆𑀛𑀸𑀲𑀬𑁄 𑀤𑀸𑀦𑀸𑀥𑀺𑀫𑀼𑀢𑁆𑀢𑀺𑀓𑁄, 𑀩𑀼𑀤𑁆𑀥𑀪𑀢𑁆𑀢𑀺𑀓𑁄, 𑀲𑀤𑁆𑀥𑀫𑁆𑀫𑀕𑀸𑀭𑀯𑁄 𑀇𑀘𑁆𑀘𑀸𑀤𑀺.

𑁩. 𑀢𑀺𑀧𑀤𑁄 𑀬𑀣𑀸-𑀧𑀭𑀓𑁆𑀓𑀫𑁂𑀦𑀸+𑀥𑀺𑀕𑀢𑀸 𑀲𑀫𑁆𑀧𑀤𑀸 𑀬𑁂𑀳𑀺 𑀢𑁂 𑀧𑀭𑀓𑁆𑀓𑀫𑀸𑀥𑀺𑀕𑀢𑀲𑀫𑁆𑀧𑀤𑀸 𑀫𑀳𑀸𑀧𑀼𑀭𑀺𑀲𑀸. 𑀏𑀯𑀁 𑀥𑀫𑁆𑀫𑀸𑀥𑀺𑀕𑀢𑀪𑁄𑀕𑀸. 𑀑𑀦𑀻𑀢𑁄 𑀧𑀢𑁆𑀢𑀢𑁄 𑀧𑀸𑀡𑀺 𑀬𑁂𑀦 𑀲𑁄 𑀑𑀦𑀻𑀢𑀧𑀢𑁆𑀢𑀧𑀸𑀡𑀺. 𑀲𑀻𑀳𑀲𑁆𑀲 𑀧𑀼𑀩𑁆𑀩𑀤𑁆𑀥𑀫𑀺𑀯 𑀓𑀸𑀬𑁄 𑀅𑀲𑁆𑀲𑀸𑀢𑀺 𑀲𑀻𑀳𑀧𑀼𑀩𑁆𑀩𑀤𑁆𑀥𑀓𑀸𑀬𑁄. 𑀫𑀢𑁆𑀢𑀸 𑀩𑀳𑀯𑁄 𑀫𑀸𑀢𑀗𑁆𑀕𑀸 𑀅𑀲𑁆𑀫𑀺𑀦𑁆𑀢𑀺 𑀫𑀢𑁆𑀢𑀩𑀳𑀼𑀫𑀸𑀢𑀗𑁆𑀕𑀁 𑀯𑀦𑀁.

𑁪. 𑀦-𑀦𑀺𑀧𑀸𑀢𑀧𑀼𑀩𑁆𑀩𑀧𑀤𑁄 𑀬𑀣𑀸-𑀦𑀢𑁆𑀣𑀺 𑀏𑀢𑀲𑁆𑀲 𑀲𑀫𑁄𑀢𑀺 𑀅𑀲𑁆𑀲𑀫𑁄, ‘‘𑀝 𑀦𑀜𑀲𑁆𑀲𑀸’’𑀢𑀺 𑀦𑀲𑁆𑀲 𑀝𑁄. 𑀏𑀯𑀁 𑀅𑀧𑁆𑀧𑀝𑀺𑀧𑀼𑀕𑁆𑀕𑀮𑁄, 𑀅𑀧𑀼𑀢𑁆𑀢𑀓𑁄, 𑀅𑀳𑁂𑀢𑀼𑀓𑁄, 𑀓𑀧𑀘𑁆𑀘𑀬𑁄, 𑀏𑀯+𑀫𑀼𑀧𑀭𑀺𑀧𑀺 𑀜𑁂𑀬𑁆𑀬𑀁. 𑀦𑀢𑁆𑀣𑀺 𑀲𑀁𑀯𑀸𑀲𑁄 𑀏𑀢𑁂𑀦𑀸𑀢𑀺 𑀅𑀲𑀁𑀯𑀸𑀲𑁄, 𑀦 𑀯𑀺𑀚𑁆𑀚𑀢𑁂 𑀯𑀼𑀝𑁆𑀞𑀺 𑀏𑀢𑁆𑀣𑀸𑀢𑀺 𑀅𑀯𑀼𑀝𑁆𑀞𑀺𑀓𑁄 𑀚𑀦𑀧𑀤𑁄, 𑀅𑀪𑀺𑀓𑁆𑀔𑀼𑀓𑁄 𑀯𑀺𑀳𑀸𑀭𑁄. 𑀏𑀯𑀁 𑀅𑀦𑀼𑀢𑁆𑀢𑀭𑁄 ‘‘𑀅𑀦 𑀲𑀭𑁂’’𑀢𑀺 𑀅𑀦, 𑀏𑀯𑀁 𑀅𑀦𑀦𑁆𑀢𑀁, 𑀅𑀦𑀸𑀲𑀯𑁄.

𑁫. 𑀧𑀞𑀫𑀸𑀢𑁆𑀣𑁂 𑀲𑀳𑀧𑀼𑀩𑁆𑀩𑀧𑀤𑁄 𑀬𑀣𑀸-𑀲𑀳 𑀳𑁂𑀢𑀼𑀦𑀸 𑀯𑀢𑁆𑀢𑀢𑀺 𑀲𑁄 𑀲𑀳𑁂𑀢𑀼𑀓𑁄 𑀲𑀳𑁂𑀢𑀼 𑀯𑀸, ‘‘𑀲𑀳𑀲𑁆𑀲 𑀲𑁄+𑀜𑁆𑀜𑀢𑁆𑀣𑁂’’𑀢𑀺 𑀲𑀳𑀲𑁆𑀲 𑀲𑁄, 𑀏𑀯𑀁 𑀲𑀧𑁆𑀧𑀻𑀢𑀺𑀓𑀸, 𑀲𑀧𑁆𑀧𑀘𑁆𑀘𑀬𑀸, 𑀲𑀓𑀺𑀮𑁂𑀲𑁄, 𑀲𑀉𑀧𑀸𑀤𑀸𑀦𑁄, 𑀲𑀧𑀭𑀺𑀯𑀸𑀭𑁄 𑀲𑀳𑀧𑀭𑀺𑀯𑀸𑀭𑁄 𑀯𑀸, 𑀲𑀳 𑀫𑀽𑀮𑁂𑀦 𑀉𑀤𑁆𑀥𑀝𑁄 𑀲𑀫𑀽𑀮𑀼𑀤𑁆𑀥𑀝𑁄 𑀭𑀼𑀓𑁆𑀔𑁄.

𑁬. 𑀉𑀧𑀫𑀸𑀦𑁄𑀧𑀫𑁂𑀬𑁆𑀬𑀚𑁄𑀢𑀓𑀇𑀯𑀬𑀼𑀢𑁆𑀢𑁄 ¶ 𑀉𑀧𑀫𑀸𑀦𑀧𑀼𑀩𑁆𑀩𑀧𑀤𑁄 𑀧𑀞𑀫𑀸𑀬 𑀬𑀣𑀸-𑀦𑀺𑀕𑁆𑀭𑁄𑀥𑁄 𑀇𑀯 𑀧𑀭𑀺𑀫𑀡𑁆𑀟𑀮𑁄 𑀬𑁄 𑀲𑁄 𑀦𑀺𑀕𑁆𑀭𑁄𑀥𑀧𑀭𑀺𑀫𑀡𑁆𑀟𑀮𑁄. 𑀲𑀗𑁆𑀔𑁄 𑀯𑀺𑀬 𑀧𑀡𑁆𑀟𑀭𑁄 𑀅𑀬𑀦𑁆𑀢𑀺 𑀲𑀗𑁆𑀔𑀧𑀡𑁆𑀟𑀭𑁄, 𑀓𑀸𑀓𑁄 𑀯𑀺𑀬 𑀲𑀽𑀭𑁄 𑀅𑀬𑀦𑁆𑀢𑀺 𑀓𑀸𑀓𑀲𑀽𑀭𑁄. 𑀘𑀓𑁆𑀔𑀼 𑀇𑀯 𑀪𑀽𑀢𑁄 𑀅𑀬𑀁 𑀧𑀭𑀫𑀢𑁆𑀣𑀤𑀲𑁆𑀲𑀦𑀢𑁄𑀢𑀺 𑀘𑀓𑁆𑀔𑀼𑀪𑀽𑀢𑁄 𑀪𑀕𑀯𑀸. 𑀏𑀯𑀁 𑀅𑀢𑁆𑀣𑀪𑀽𑀢𑁄, 𑀥𑀫𑁆𑀫𑀪𑀽𑀢𑁄, 𑀩𑁆𑀭𑀳𑁆𑀫𑀪𑀽𑀢𑁄, 𑀅𑀦𑁆𑀥𑀪𑀽𑀢𑁄. 𑀫𑀼𑀜𑁆𑀚𑀧𑀩𑁆𑀩𑀚𑀫𑀺𑀯 𑀪𑀽𑀢𑀸 𑀅𑀬𑀁 𑀫𑀼𑀜𑁆𑀚𑀧𑀩𑁆𑀩𑀚𑀪𑀽𑀢𑀸 𑀓𑀼𑀤𑀺𑀝𑁆𑀞𑀺. 𑀢𑀦𑁆𑀢𑀸𑀓𑀼𑀮𑀫𑀺𑀯 𑀚𑀸𑀢𑀸 𑀅𑀬𑀁𑀢𑀺 𑀢𑀦𑁆𑀢𑀸𑀓𑀼𑀮𑀚𑀸𑀢𑀸.

𑀙𑀝𑁆𑀞𑁆𑀬𑀢𑁆𑀣𑁂-𑀲𑀼𑀯𑀡𑁆𑀡𑀲𑁆𑀲 𑀯𑀡𑁆𑀡𑁄 𑀯𑀺𑀬 𑀯𑀡𑁆𑀡𑁄 𑀬𑀲𑁆𑀲 𑀲𑁄 𑀲𑀼𑀯𑀡𑁆𑀡𑀯𑀡𑁆𑀡𑁄 𑀪𑀕𑀯𑀸, 𑀫𑀚𑁆𑀛𑀧𑀤𑀮𑁄𑀧𑁄. 𑀦𑀸𑀕𑀲𑁆𑀲 𑀕𑀢𑀺 𑀯𑀺𑀬 𑀕𑀢𑀺 𑀅𑀲𑁆𑀲𑀸𑀢𑀺 𑀦𑀸𑀕𑀕𑀢𑀺. 𑀏𑀯𑀁 𑀲𑀻𑀳𑀕𑀢𑀺, 𑀦𑀸𑀕𑀯𑀺𑀓𑁆𑀓𑀫𑁄, 𑀲𑀻𑀳𑀯𑀺𑀓𑁆𑀓𑀫𑁄, 𑀲𑀻𑀳𑀳𑀦𑀼. 𑀏𑀡𑀺𑀲𑁆𑀲 𑀯𑀺𑀬 𑀚𑀗𑁆𑀖𑀸 𑀅𑀲𑁆𑀲𑀸𑀢𑀺 𑀏𑀡𑀺𑀚𑀗𑁆𑀖𑁄. 𑀩𑁆𑀭𑀳𑁆𑀫𑀼𑀦𑁄 𑀯𑀺𑀬 𑀲𑀭𑁄 𑀅𑀲𑁆𑀲𑀸𑀢𑀺 𑀩𑁆𑀭𑀳𑁆𑀫𑀲𑁆𑀲𑀭𑁄.

𑁭. 𑀯𑀸𑀲𑀤𑁆𑀤𑀢𑁆𑀣𑁂 𑀲𑀗𑁆𑀔𑁆𑀬𑀸𑀉𑀪𑀬𑀧𑀤𑁄 𑀬𑀣𑀸-𑀤𑁆𑀯𑁂 𑀯𑀸 𑀢𑀬𑁄 𑀯𑀸 𑀤𑁆𑀯𑀢𑁆𑀢𑀺, 𑀤𑁆𑀯𑀢𑁆𑀢𑀬𑁄 𑀘 𑀢𑁂 𑀧𑀢𑁆𑀢𑀸 𑀘𑁂𑀢𑀺 𑀤𑁆𑀯𑀢𑁆𑀢𑀺𑀧𑀢𑁆𑀢𑀸, ‘‘𑀢𑀺𑀲𑁆𑀯’’𑀇𑀢𑀺 𑀢𑀺𑀲𑀤𑁆𑀤𑁂 𑀧𑀭𑁂 𑀤𑁆𑀯𑀺𑀲𑁆𑀲 𑀅𑀢𑁆𑀢𑀁. 𑀤𑁆𑀯𑀻𑀳𑀁 𑀯𑀸 𑀢𑀻𑀳𑀁 𑀯𑀸 𑀤𑁆𑀯𑀻𑀳𑀢𑀻𑀳𑀁, 𑀙 𑀯𑀸 𑀧𑀜𑁆𑀘 𑀯𑀸 𑀯𑀸𑀘𑀸 𑀙𑀧𑁆𑀧𑀜𑁆𑀘𑀯𑀸𑀘𑀸, 𑀏𑀯𑀁 𑀲𑀢𑁆𑀢𑀝𑁆𑀞𑀫𑀸𑀲𑀸, 𑀏𑀓𑀬𑁄𑀚𑀦𑀤𑁆𑀯𑀺𑀬𑁄𑀚𑀦𑀸𑀦𑀺.

𑁮. 𑀤𑀺𑀲𑀦𑁆𑀢𑀭𑀸𑀮𑀢𑁆𑀣𑁄 𑀬𑀣𑀸-𑀧𑀼𑀩𑁆𑀩𑀲𑁆𑀲𑀸 𑀘 𑀤𑀓𑁆𑀔𑀺𑀡𑀲𑁆𑀲𑀸 𑀘 𑀤𑀺𑀲𑀸𑀬 𑀬𑀤𑀦𑁆𑀢𑀭𑀸𑀮𑀁 𑀲𑀸 𑀧𑀼𑀩𑁆𑀩𑀤𑀓𑁆𑀔𑀺𑀡𑀸 𑀯𑀺𑀤𑀺𑀲𑀸. 𑀏𑀢𑁆𑀣 𑁋

𑁬𑁯. 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂𑀢𑀺

𑀇𑀢𑁆𑀣𑀺𑀯𑀸𑀘𑀓𑀸 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂 𑀧𑀼𑀫𑁂𑀯 𑀳𑁄𑀦𑁆𑀢𑀺. 𑀏𑀯𑀁 𑀧𑀼𑀩𑁆𑀩𑀼𑀢𑁆𑀢𑀭𑀸, 𑀅𑀧𑀭𑀤𑀓𑁆𑀔𑀺𑀡𑀸, 𑀧𑀘𑁆𑀙𑀺𑀫𑀼𑀢𑁆𑀢𑀭𑀸. 𑀧𑀼𑀩𑁆𑀩𑀸 𑀘 𑀲𑀸 𑀤𑀓𑁆𑀔𑀺𑀡𑀸 𑀘𑁂𑀢𑀺 𑀯𑀸.

𑁯. 𑀩𑁆𑀬𑀢𑀺𑀳𑀸𑀭𑀮𑀓𑁆𑀔𑀡𑁄 ¶ 𑀬𑀣𑀸 𑁋 ‘‘𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀲𑀭𑀽𑀧𑀁’’𑀢𑀺 𑀲𑀼𑀢𑁆𑀢𑁂𑀦 𑀲𑀫𑀸𑀲𑁂 𑀓𑀢𑁂 𑀓𑁂𑀲𑁂𑀲𑀼 𑀘 𑀓𑁂𑀲𑁂𑀲𑀼 𑀘 𑀕𑀳𑁂𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀓𑁂𑀲𑀸𑀓𑁂𑀲𑀻, 𑀤𑀡𑁆𑀟𑁂𑀳𑀺 𑀘 𑀤𑀡𑁆𑀟𑁂𑀳𑀺 𑀘 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀤𑀡𑁆𑀟𑀸𑀤𑀡𑁆𑀟𑀻𑀢𑀺 𑀳𑁄𑀢𑀺. 𑀏𑀢𑁆𑀣 𑀘 ‘‘𑀘𑀻 𑀯𑀻𑀢𑀺𑀳𑀸𑀭𑁂’’𑀢𑀺 𑀘𑀻𑀧𑀘𑁆𑀘𑀬𑁂 ‘‘𑀘𑀺𑀲𑁆𑀫𑀺𑀁’’𑀢𑀺 𑀆𑀓𑀸𑀭𑁄, 𑀏𑀯𑀁 𑀫𑀼𑀝𑁆𑀞𑀸𑀫𑀼𑀝𑁆𑀞𑀻.

𑀲𑁄𑀪𑀡𑁄 𑀕𑀦𑁆𑀥𑁄 𑀲𑀼𑀕𑀦𑁆𑀥𑁄, 𑀲𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀼𑀕𑀦𑁆𑀥𑀻𑀳𑀺 𑀅𑀢𑁆𑀣𑀺𑀅𑀢𑁆𑀣𑁂 𑀈𑀧𑀘𑁆𑀘𑀬𑁂𑀦 𑀲𑀺𑀤𑁆𑀥𑀁. 𑀬𑀲𑁆𑀫𑀸 𑀘 𑀪𑀤𑁆𑀤𑀸𑀬 𑀓𑀸𑀧𑀺𑀮𑀸𑀦𑀺𑀬𑀸 𑀅𑀧𑀤𑀸𑀦𑁂 ‘‘𑀧𑀼𑀦𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸𑀦, 𑀲𑁄𑀥𑀬𑀺𑀢𑁆𑀯𑀸 𑀲𑀼𑀕𑀦𑁆𑀥𑀺𑀦𑀸’’𑀢𑀺 𑀯𑀼𑀢𑁆𑀢𑀁, 𑀢𑀲𑁆𑀫𑀸 𑀯𑀼𑀢𑁆𑀢𑀺𑀬𑀁 𑀇𑀓𑀸𑀭𑀦𑁆𑀢𑀲𑁆𑀲 𑀅𑀪𑀸𑀯𑀤𑀻𑀧𑀦𑀢𑁆𑀣𑀁 ‘‘𑀲𑀼𑀕𑀦𑁆𑀥𑀺 𑀤𑀼𑀕𑁆𑀕𑀦𑁆𑀥𑀻𑀢𑀺 𑀧𑀬𑁄𑀕𑀸 𑀦 𑀤𑀺𑀲𑁆𑀲𑀢𑀻’’𑀢𑀺 𑀯𑀼𑀢𑁆𑀢𑀁. 𑀲𑀼𑀕𑀦𑁆𑀥𑀺𑀦𑀸𑀢𑀺 𑀏𑀓𑀯𑀘𑀦𑁂 𑀭𑀲𑁆𑀲𑁄.

𑀅𑀦𑁂𑀓𑀁𑀲𑁆𑀬𑀸𑀤𑁆𑀬𑀦𑁆𑀢𑀁 𑀘𑀢𑁆𑀣𑁂 𑀏𑀓𑀢𑁆𑀣𑀁 𑀯𑀸 𑀳𑁄𑀢𑀺. 𑀲𑀫𑀼𑀘𑁆𑀘𑀬𑁄 𑀅𑀦𑁆𑀯𑀸𑀘𑀬𑁄 𑀇𑀢𑀭𑀻𑀢𑀭𑀬𑁄𑀕𑁄 𑀲𑀫𑀸𑀳𑀸𑀭𑁄𑀢𑀺 𑀘𑀲𑀤𑁆𑀤𑀲𑁆𑀲 𑀅𑀢𑁆𑀣𑁄 𑀘𑀢𑀼𑀩𑁆𑀩𑀺𑀥𑁄.

𑀢𑀢𑁆𑀣 𑀲𑀫𑀼𑀘𑁆𑀘𑀬𑀸+𑀦𑁆𑀯𑀸𑀘𑀬𑁂𑀲𑀼 𑀲𑀫𑀸𑀲𑁄 𑀦 𑀳𑁄𑀢𑀺, 𑀓𑁆𑀭𑀺𑀬𑀸𑀲𑀸𑀧𑁂𑀓𑁆𑀔𑀢𑀸𑀬 𑀦𑀸𑀫𑀸𑀦𑀁 𑀅𑀜𑁆𑀜𑀫𑀜𑁆𑀜𑀁 𑀅𑀬𑀼𑀢𑁆𑀢𑀢𑁆𑀣𑀢𑁆𑀢𑀸, 𑀬𑀣𑀸-𑀘𑀻𑀯𑀭𑀁 𑀧𑀺𑀡𑁆𑀟𑀧𑀸𑀢𑀜𑁆𑀘 𑀧𑀘𑁆𑀘𑀬𑀁 𑀲𑀬𑀦𑀸𑀲𑀦𑀁 𑀅𑀤𑀸𑀲𑀺, 𑀤𑀸𑀦𑀜𑁆𑀘 𑀤𑁂𑀳𑀺, 𑀲𑀻𑀮𑀜𑁆𑀘𑀭𑀓𑁆𑀔𑀸𑀳𑀺. 𑀇𑀢𑀭𑀻𑀢𑀭𑀬𑁄𑀕𑁂 𑀲𑀫𑀸𑀳𑀸𑀭𑁂 𑀘 𑀅𑀜𑁆𑀜𑀫𑀜𑁆𑀜𑀸𑀧𑁂𑀓𑁆𑀔𑀢𑁆𑀢𑀸 𑀲𑀫𑀸𑀲𑁄.

𑀉𑀪𑀬𑀢𑁆𑀣𑀧𑀥𑀸𑀦𑁂 𑀘𑀢𑁆𑀣𑁂 𑀓𑀣+𑀫𑁂𑀓𑀢𑁆𑀣𑀻𑀪𑀸𑀯𑁄 𑀲𑀫𑁆𑀪𑀯𑁂+𑀢𑀺 𑀘𑁂, 𑀯𑀼𑀢𑁆𑀢𑀜𑁆𑀳𑀺 𑁋

𑀲𑀧𑁆𑀧𑀥𑀸𑀦𑀸𑀧𑀺 𑀬𑀢𑁆𑀣+𑀢𑁆𑀣𑀸, 𑀫𑀺𑀣𑁄 𑀲𑀸𑀧𑁂𑀓𑁆𑀔𑀢𑀸 𑀇𑀯;

𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑀲𑀸𑀫𑀜𑁆𑀜𑀸, 𑀘𑀢𑁆𑀣𑁂+𑀓𑀢𑁆𑀣𑀁 𑀢+𑀤𑀼𑀘𑁆𑀘𑀢𑁂𑀢𑀺.

𑀬𑀲𑁆𑀫𑀸 ¶ 𑀏𑀓𑀢𑁆𑀣𑀻𑀪𑀸𑀯𑁂𑀧𑀺 𑀲𑀢𑀻𑀬𑀲𑀢𑀻𑀬𑀢𑁆𑀣𑁂 𑀧𑀥𑀸𑀦𑀁, 𑀢𑀲𑁆𑀫𑀸 𑀇𑀤𑀁 𑀯𑀼𑀘𑁆𑀘𑀢𑁂 𑁋

𑀦+𑀜𑁆𑀜𑀫𑀜𑁆𑀜𑀁 𑀯𑀺𑀲𑁂𑀲𑁂𑀦𑁆𑀢𑀺, 𑀘𑀢𑁆𑀣𑁂 𑀅𑀢𑁆𑀣𑀸 𑀧𑀤𑀸𑀦𑀺𑀯;

𑀲𑀢𑁆𑀣𑀯𑀼𑀢𑁆𑀬𑀻 𑀅𑀢𑁄 𑀢𑁂𑀲𑀁, 𑀧𑀥𑀸𑀦𑀢𑁆𑀣𑀁+𑀪𑀺𑀬𑀼𑀚𑁆𑀚𑀢𑁂.

𑀇𑀢𑀭𑀻𑀢𑀭𑀬𑁄𑀕𑁄 𑀘, 𑀲𑀫𑀸𑀳𑀸𑀭𑁄𑀢𑁆𑀬+𑀬𑀁 𑀤𑁆𑀯𑀺𑀥𑀸;

𑀲𑀫𑀸𑀲𑁄 𑀢𑀼 𑀇𑀫𑀁 𑀅𑀜𑁆𑀜𑁂, 𑀚𑀸𑀦𑀦𑁆𑀢𑁂 𑀤𑁆𑀯𑀦𑁆𑀤𑀦𑀸𑀫𑀢𑁄.

𑀇𑀢𑀭𑀻𑀢𑀭𑀬𑁄𑀕𑀲𑁆𑀫𑀺𑀁+𑀯𑀬𑀯𑀢𑁆𑀣𑀲𑁆𑀲 𑀲𑀫𑁆𑀪𑀯𑁄;

𑀲𑀫𑀼𑀤𑀸𑀬𑀢𑀺𑀭𑁄𑀪𑀸𑀯𑁄, 𑀧𑀭𑀁𑀯 𑀮𑀺𑀗𑁆𑀕+𑀫𑀲𑁆𑀲 𑀘.

𑀲𑀫𑀼𑀤𑀸𑀬𑀩𑁆𑀪𑀯𑁄 𑀬𑀲𑁆𑀫𑀺𑀁+𑀯𑀬𑀯𑀸 𑀘 𑀢𑀺𑀭𑁄𑀳𑀺𑀢𑀸;

𑀲𑀫𑀸𑀳𑀸𑀭𑁄𑀢𑁆𑀬+𑀬𑀁 𑀘𑀢𑁆𑀣𑁄, 𑀲𑁄 𑀘 𑀳𑁄𑀢𑀺 𑀦𑀧𑀼𑀁𑀲𑀓𑁂.

𑀇𑀢𑀭𑀻𑀢𑀭𑀬𑁄𑀕𑁄 𑀬𑀣𑀸-𑀲𑀸𑀭𑀺𑀧𑀼𑀢𑁆𑀢𑁄 𑀘 𑀫𑁄𑀕𑁆𑀕𑀮𑁆𑀮𑀸𑀦𑁄 𑀘 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸, 𑀪𑁄 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸 𑀇𑀘𑁆𑀘𑀸𑀤𑀺. 𑀅𑀯𑀬𑀯𑀧𑀥𑀸𑀦𑀢𑁆𑀢𑀸 𑀩𑀳𑀼𑀯𑀘𑀦𑀫𑁂𑀯. 𑀲𑀫𑀡𑀸 𑀘 𑀩𑁆𑀭𑀸𑀳𑁆𑀫𑀡𑀸 𑀘 𑀲𑀫𑀡𑀩𑁆𑀭𑀸𑀳𑁆𑀫𑀡𑀸, 𑀏𑀯𑀁 𑀩𑁆𑀭𑀸𑀳𑁆𑀫𑀡𑀕𑀳𑀧𑀢𑀺𑀓𑀸, 𑀔𑀢𑁆𑀢𑀺𑀬𑀩𑁆𑀭𑀸𑀳𑁆𑀫𑀡𑀸, 𑀤𑁂𑀯𑀫𑀦𑀼𑀲𑁆𑀲𑀸, 𑀘𑀦𑁆𑀤𑀺𑀫𑀲𑀽𑀭𑀺𑀬𑀸.

𑁬𑁪. 𑀯𑀺𑀚𑁆𑀚𑀸𑀬𑁄𑀦𑀺𑀲𑀫𑁆𑀩𑀦𑁆𑀥𑀻𑀦+𑀫𑀸 𑀢𑀢𑁆𑀭 𑀘𑀢𑁆𑀣𑁂𑀢𑀺

𑀯𑀺𑀚𑁆𑀚𑀸𑀲𑀫𑁆𑀩𑀦𑁆𑀥𑀻𑀦𑀁 𑀬𑁄𑀦𑀺𑀲𑀫𑁆𑀩𑀦𑁆𑀥𑀻𑀦𑀜𑁆𑀘 𑀘𑀢𑁆𑀣𑁂 𑀆 𑀳𑁄𑀢𑀻𑀢𑀺 𑀉𑀓𑀸𑀭𑀲𑁆𑀲 𑀆, 𑀳𑁄𑀢𑀸 𑀘 𑀧𑁄𑀢𑀸 𑀘 𑀳𑁄𑀢𑀸𑀧𑁄𑀢𑀸𑀭𑁄. 𑀏𑀯𑀁 𑀫𑀸𑀢𑀸𑀧𑀺𑀢𑀭𑁄.

𑀧𑀼𑀢𑁆𑀢𑁂 𑀉𑀢𑁆𑀢𑀭𑀧𑀤𑁂 𑀧𑀺𑀢𑀸𑀤𑀻𑀦+𑀫𑀸 𑀳𑁄𑀢𑀺 𑀘𑀢𑁆𑀣𑁂. 𑀧𑀺𑀢𑀸 𑀘 𑀧𑀼𑀢𑁆𑀢𑁄 𑀘 𑀧𑀺𑀢𑀸𑀧𑀼𑀢𑁆𑀢𑀸, 𑀏𑀯𑀁 𑀫𑀸𑀢𑀸𑀧𑀼𑀢𑁆𑀢𑀸.

𑀧𑀢𑀺𑀫𑁆𑀳𑀺 ¶ 𑀧𑀭𑁂 𑀚𑀸𑀬𑀸𑀬 𑀚𑀬𑀁 𑀳𑁄𑀢𑀺. 𑀚𑀸𑀬𑀸 𑀘 𑀧𑀢𑀺 𑀘 𑀚𑀬𑀫𑁆𑀧𑀢𑀬𑁄. 𑀚𑀸𑀦𑀺𑀧𑀢𑀻𑀢𑀺 𑀧𑀓𑀢𑀦𑁆𑀢𑀭𑁂𑀦 𑀲𑀺𑀤𑁆𑀥𑀁, 𑀚𑀸𑀦𑀺 𑀘 𑀧𑀢𑀺 𑀘 𑀚𑀸𑀦𑀺𑀧𑀢𑀺. 𑀏𑀯𑀁 𑀚𑀫𑁆𑀧𑀢𑀺 𑀤𑀫𑁆𑀧𑀢𑀻𑀢𑀺.

𑀓𑁆𑀯𑀘𑀺 𑀅𑀧𑁆𑀧𑀲𑀭𑀁 𑀧𑀼𑀩𑁆𑀩𑀁 𑀦𑀺𑀧𑀢𑀢𑀺, 𑀬𑀣𑀸-𑀘𑀦𑁆𑀤𑁄 𑀘 𑀲𑀽𑀭𑀺𑀬𑁄 𑀘 𑀘𑀦𑁆𑀤𑀲𑀽𑀭𑀺𑀬𑀸, 𑀦𑀺𑀕𑀫𑀸 𑀘 𑀚𑀦𑀧𑀤𑀸 𑀘 𑀦𑀺𑀕𑀫𑀚𑀦𑀧𑀤𑀸. 𑀏𑀯𑀁 𑀲𑀼𑀭𑀸𑀲𑀼𑀭𑀕𑀭𑀼𑀟𑀫𑀦𑀼𑀚𑀪𑀼𑀚𑀕𑀕𑀦𑁆𑀥𑀩𑁆𑀩𑀸.

𑀓𑁆𑀯𑀘𑀺 𑀇𑀯𑀡𑁆𑀡𑀼+𑀯𑀡𑁆𑀡𑀦𑁆𑀢𑀸𑀦𑀁 𑀧𑀼𑀩𑁆𑀩𑀦𑀺𑀧𑀸𑀢𑁄, 𑀬𑀣𑀸-𑀅𑀕𑁆𑀕𑀺𑀥𑀼𑀫𑀸, 𑀕𑀢𑀺𑀩𑀼𑀤𑁆𑀥𑀺𑀪𑀼𑀚𑀧𑀞𑀳𑀭𑀓𑀭𑀲𑀬𑀸, 𑀥𑀸𑀢𑀼𑀮𑀺𑀗𑁆𑀕𑀸𑀦𑀺.

𑀓𑁆𑀯𑀘𑀺 𑀲𑀭𑀸𑀤𑀺𑀅𑀓𑀸𑀭𑀦𑁆𑀢𑀁 𑀧𑀼𑀩𑁆𑀩𑀁 𑀦𑀺𑀧𑀢𑀢𑀺, 𑀬𑀣𑀸-𑀅𑀢𑁆𑀣𑀥𑀫𑁆𑀫𑀸, 𑀅𑀢𑁆𑀣𑀲𑀤𑁆𑀤𑀸, 𑀲𑀤𑁆𑀤𑀢𑁆𑀣𑀸 𑀯𑀸.

𑀅𑀜𑁆𑀜𑀫𑀜𑁆𑀜𑀲𑀸𑀧𑁂𑀓𑁆𑀔𑀸𑀦𑀫𑁂𑀯 𑀢𑀺𑀭𑁄𑀳𑀺𑀢𑀸𑀯𑀬𑀯𑀪𑁂𑀤𑁄 𑀲𑀫𑀼𑀤𑀸𑀬𑀧𑀥𑀸𑀦𑁄 𑀲𑀫𑀸𑀳𑀸𑀭𑁄, 𑀬𑀣𑀸-𑀙𑀢𑁆𑀢𑀜𑁆𑀘 𑀉𑀧𑀸𑀳𑀦𑀸 𑀘 𑀙𑀢𑁆𑀢𑀼𑀧𑀸𑀳𑀦𑀁.

𑀲𑀫𑀸𑀳𑀸𑀭𑁂 𑀲𑀩𑁆𑀩𑀢𑁆𑀣 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀪𑀯𑀢𑀺, 𑀲𑀫𑀸𑀳𑀸𑀭𑀲𑁆𑀲𑁂+𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯.

𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲 𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄. 𑀪𑁄 𑀙𑀢𑁆𑀢𑀼𑀧𑀸𑀳𑀦, 𑀙𑀢𑁆𑀢𑀼𑀧𑀸𑀳𑀦𑀁, 𑀙𑀢𑁆𑀢𑀼𑀧𑀸𑀳𑀦𑁂𑀦 𑀇𑀘𑁆𑀘𑀸𑀤𑀺.

𑀢𑁂 ¶ 𑀘 𑀲𑀫𑀸𑀳𑀸𑀭𑀺𑀢𑀭𑀻𑀢𑀭𑀬𑁄𑀕𑀸 𑀩𑀳𑀼𑀮𑀁𑀯𑀺𑀥𑀸𑀦𑀸 𑀦𑀺𑀬𑀢𑀯𑀺𑀲𑀬𑀸𑀬𑁂𑀯 𑀳𑁄𑀦𑁆𑀢𑀺, 𑀢𑀢𑁆𑀭𑀸+𑀬𑀁 𑀯𑀺𑀲𑀬𑀯𑀺𑀪𑀸𑀕𑁄-𑀦𑀺𑀭𑀼𑀢𑁆𑀢𑀺𑀧𑀺𑀝𑀓𑀸𑀕𑀢𑁄-𑀧𑀸𑀡𑀺+𑀢𑀽𑀭𑀺𑀬+𑀬𑁄𑀕𑁆𑀕+𑀲𑁂𑀦𑀗𑁆𑀕𑀸𑀦𑀁, 𑀦𑀺𑀘𑁆𑀘𑀯𑁂𑀭𑀻𑀦𑀁, 𑀲𑀗𑁆𑀔𑁆𑀬𑀸𑀧𑀭𑀺𑀫𑀸𑀡𑀲𑀜𑁆𑀜𑀸𑀦𑀁, 𑀔𑀼𑀤𑁆𑀤𑀚𑀦𑁆𑀢𑀼𑀓𑀸𑀦𑀁, 𑀧𑀘𑀦𑀘𑀡𑁆𑀟𑀸𑀮𑀸𑀦𑀁, 𑀘𑀭𑀡𑀲𑀸𑀥𑀸𑀭𑀡𑀸𑀦𑀁, 𑀏𑀓𑀚𑁆𑀛𑀸𑀬𑀦𑀧𑀸𑀯𑀘𑀦𑀸𑀦𑀁, 𑀮𑀺𑀗𑁆𑀕𑀯𑀺𑀲𑁂𑀲𑀸𑀦𑀁, 𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀸𑀦𑀁, 𑀤𑀺𑀲𑀸𑀦𑀁, 𑀦𑀤𑀻𑀦𑀜𑁆𑀘 𑀦𑀺𑀘𑁆𑀘𑀲𑀫𑀸𑀳𑀸𑀭𑁂𑀓𑀢𑁆𑀣𑀁 𑀪𑀯𑀢𑀺.

𑀧𑀸𑀡𑀗𑁆𑀕𑀸𑀦𑀁-𑀘𑀓𑁆𑀔𑀼 𑀘 𑀲𑁄𑀢𑀜𑁆𑀘 𑀘𑀓𑁆𑀔𑀼𑀲𑁄𑀢𑀁, 𑀫𑀼𑀔𑀜𑁆𑀘 𑀦𑀸𑀲𑀺𑀓𑀸 𑀘 𑀫𑀼𑀔𑀦𑀸𑀲𑀺𑀓𑀁, ‘‘𑀲𑁆𑀬𑀸𑀤𑀻𑀲𑀼 𑀭𑀲𑁆𑀲𑁄’’𑀢𑀺 𑀦𑀧𑀼𑀁𑀲𑀓𑁂 𑀯𑀢𑁆𑀢𑀫𑀸𑀦𑀲𑁆𑀲 𑀭𑀲𑁆𑀲𑁄. 𑀳𑀦𑀼 𑀘 𑀕𑀻𑀯𑀸 𑀘 𑀳𑀦𑀼𑀕𑀻𑀯𑀁, 𑀓𑀡𑁆𑀡𑀸 𑀘 𑀦𑀸𑀲𑀸 𑀘 𑀓𑀡𑁆𑀡𑀦𑀸𑀲𑀁, 𑀧𑀸𑀡𑀺 𑀘 𑀧𑀸𑀤𑁄 𑀘 𑀧𑀸𑀡𑀺𑀧𑀸𑀤𑀁, 𑀙𑀯𑀺 𑀘 𑀫𑀁𑀲𑀜𑁆𑀘 𑀮𑁄𑀳𑀺𑀢𑀜𑁆𑀘 𑀙𑀯𑀺𑀫𑀁𑀲𑀮𑁄𑀳𑀺𑀢𑀁, 𑀦𑀸𑀫𑀜𑁆𑀘 𑀭𑀽𑀧𑀜𑁆𑀘 𑀦𑀸𑀫𑀭𑀽𑀧𑀁, 𑀚𑀭𑀸 𑀘 𑀫𑀭𑀡𑀜𑁆𑀘 𑀚𑀭𑀸𑀫𑀭𑀡𑀁.

𑀢𑀽𑀭𑀺𑀬𑀗𑁆𑀕𑀸𑀦𑀁-𑀅𑀮𑀲𑁄 𑀘 𑀢𑀸𑀮𑀫𑁆𑀩𑀭𑁄 𑀘 𑀅𑀮𑀲𑀢𑀸𑀮𑀫𑁆𑀩𑀭𑀁, 𑀫𑀼𑀭𑀚𑁄 𑀘 𑀕𑁄𑀫𑀼𑀔𑁄 𑀘 𑀫𑀼𑀭𑀚𑀕𑁄𑀫𑀼𑀔𑀁, 𑀲𑀁𑀔𑁄 𑀘 𑀧𑀡𑀯𑁄 𑀘 𑀤𑁂𑀡𑁆𑀟𑀺𑀫𑁄 𑀘, 𑀲𑀁𑀔𑀸 𑀘 𑀧𑀡𑀯𑀸 𑀘 𑀤𑁂𑀡𑁆𑀟𑀺𑀫𑀸 𑀘𑀸𑀢𑀺 𑀯𑀸 𑀲𑀁𑀔𑀧𑀡𑀯𑀤𑁂𑀡𑁆𑀟𑀺𑀫𑀁, 𑀧𑀡𑀯𑀸𑀤𑀬𑁄 𑀤𑁆𑀯𑁂𑀧𑀺 𑀪𑁂𑀭𑀺𑀯𑀺𑀲𑁂𑀲𑀸, 𑀫𑀤𑁆𑀤𑀯𑀺𑀓𑁄 𑀘 𑀧𑀸𑀡𑀯𑀺𑀓𑁄 𑀘 𑀫𑀤𑁆𑀤𑀯𑀺𑀓𑀧𑀸𑀡𑀯𑀺𑀓𑀁, 𑀕𑀻𑀢𑀜𑁆𑀘 𑀯𑀸𑀤𑀺𑀢𑀜𑁆𑀘 𑀕𑀻𑀢𑀯𑀸𑀤𑀺𑀢𑀁, 𑀲𑀫𑁆𑀫𑀜𑁆𑀘 𑀢𑀸𑀴𑀜𑁆𑀘 𑀲𑀫𑁆𑀫𑀢𑀸𑀴𑀁, 𑀲𑀫𑁆𑀫𑀁𑀢𑀺 𑀓𑀁𑀲𑀢𑀸𑀮𑀁, 𑀢𑀸𑀴𑀁𑀢𑀺 𑀳𑀢𑁆𑀣𑀢𑀸𑀴𑀁.

𑀬𑁄𑀕𑁆𑀕𑀗𑁆𑀕𑀸𑀦𑀁-𑀨𑀸𑀮𑁄 𑀘 𑀧𑀸𑀘𑀦𑀜𑁆𑀘 𑀨𑀸𑀮𑀧𑀸𑀘𑀦𑀁, 𑀬𑀼𑀕𑀜𑁆𑀘 𑀦𑀗𑁆𑀕𑀮𑀜𑁆𑀘 𑀬𑀼𑀕𑀦𑀗𑁆𑀕𑀮𑀁.

𑀲𑁂𑀦𑀗𑁆𑀕𑀸𑀦𑀁-𑀳𑀢𑁆𑀣𑀺𑀦𑁄 𑀘 𑀅𑀲𑁆𑀲𑀸 𑀘 𑀳𑀢𑁆𑀣𑀺𑀅𑀲𑁆𑀲𑀁, 𑀭𑀣𑀸 𑀘 𑀧𑀢𑁆𑀢𑀺𑀓𑀸 𑀘 𑀭𑀣𑀧𑀢𑁆𑀢𑀺𑀓𑀁, 𑀅𑀲𑀺 𑀘 𑀲𑀢𑁆𑀢𑀺 𑀘 𑀢𑁄𑀫𑀭𑀜𑁆𑀘 𑀧𑀺𑀡𑁆𑀟𑀜𑁆𑀘 𑀅𑀲𑀺𑀲𑀢𑁆𑀢𑀺𑀢𑁄𑀫𑀭𑀧𑀺𑀡𑁆𑀟𑀁, 𑀅𑀲𑀺 𑀘 𑀘𑀫𑁆𑀫𑀜𑁆𑀘 𑀅𑀲𑀺𑀘𑀫𑁆𑀫𑀁, 𑀘𑀫𑁆𑀫𑀦𑁆𑀢𑀺 𑀲𑀭𑀯𑀸𑀭𑀡-𑀨𑀮𑀓𑀁 ¶ . 𑀥𑀦𑀼 𑀘 𑀓𑀮𑀸𑀧𑁄 𑀘 𑀥𑀦𑀼𑀓𑀮𑀸𑀧𑀁, 𑀓𑀮𑀸𑀧𑁄=𑀢𑀼𑀡𑀻𑀭𑀁. 𑀧𑀳𑀭𑀡𑀜𑁆𑀘 𑀆𑀯𑀭𑀡𑀜𑁆𑀘 𑀧𑀳𑀭𑀡𑀸𑀯𑀭𑀡𑀁.

𑀦𑀺𑀘𑁆𑀘𑀯𑁂𑀭𑀻𑀦𑀁-𑀅𑀳𑀺 𑀘 𑀦𑀓𑀼𑀮𑁄 𑀘, 𑀅𑀳𑀻 𑀘 𑀦𑀓𑀼𑀮𑀸 𑀘𑀸𑀢𑀺 𑀯𑀸 𑀅𑀳𑀺𑀦𑀓𑀼𑀮𑀁. 𑀏𑀯𑀁 𑀩𑀺𑀴𑀸𑀭𑀫𑀽𑀲𑀺𑀓𑀁, 𑀅𑀦𑁆𑀢𑀲𑁆𑀲 𑀭𑀲𑁆𑀲𑀢𑁆𑀢𑀁. 𑀓𑀸𑀓𑁄𑀮𑀼𑀓𑀁, 𑀲𑀧𑁆𑀧𑀫𑀡𑁆𑀟𑀽𑀓𑀁, 𑀕𑀭𑀼𑀴𑀲𑀧𑁆𑀧𑀁, 𑀦𑀸𑀕𑀲𑀼𑀧𑀡𑁆𑀡𑀁.

𑀲𑀗𑁆𑀔𑁆𑀬𑀸𑀧𑀭𑀺𑀫𑀸𑀡𑀲𑀜𑁆𑀜𑀸𑀦𑀁-𑀏𑀓𑀓𑀜𑁆𑀘 𑀤𑀼𑀓𑀜𑁆𑀘 𑀏𑀓𑀓𑀤𑀼𑀓𑀁. 𑀏𑀯𑀁, 𑀤𑀼𑀓𑀢𑀺𑀓𑀁, 𑀢𑀺𑀓𑀘𑀢𑀼𑀓𑁆𑀓𑀁, 𑀘𑀢𑀼𑀓𑁆𑀓𑀧𑀜𑁆𑀘𑀓𑀁. 𑀤𑀲𑀓𑀜𑁆𑀘 𑀏𑀓𑀸𑀤𑀲𑀓𑀜𑁆𑀘 𑀤𑀲𑁂𑀓𑀸𑀤𑀲𑀓𑀁, ‘‘𑀢𑀺𑀢𑀸𑀮𑀻𑀲’’ 𑀇𑀢𑀺 𑀘𑀓-𑀪𑀸𑀕𑀮𑁄𑀧𑀦𑀺𑀤𑁆𑀤𑁂𑀲𑁂𑀦 𑀓𑀓𑀸𑀭𑀲𑁆𑀲 𑀮𑁄𑀧𑁄.

𑀔𑀼𑀤𑁆𑀤𑀚𑀦𑁆𑀢𑀼𑀓𑀸𑀦𑀁-𑀓𑀻𑀝𑀸 𑀘 𑀧𑀝𑀗𑁆𑀕𑀸 𑀘 𑀓𑀻𑀝𑀧𑀝𑀗𑁆𑀕𑀁, 𑀓𑀻𑀝𑀸=𑀓𑀧𑀸𑀮𑀧𑀺𑀝𑁆𑀞𑀺𑀓𑀧𑀸𑀡𑀸. 𑀏𑀯𑀁 𑀓𑀼𑀦𑁆𑀣𑀓𑀺𑀧𑀺𑀮𑁆𑀮𑀺𑀓𑀁, 𑀟𑀁𑀲𑀸 𑀘 𑀫𑀓𑀲𑀸 𑀘 𑀟𑀁𑀲𑀫𑀓𑀲𑀁, 𑀫𑀓𑁆𑀔𑀺𑀓𑀸 𑀘 𑀓𑀺𑀧𑀺𑀮𑁆𑀮𑀺𑀓𑀸 𑀘 𑀫𑀓𑁆𑀔𑀺𑀓𑀓𑀺𑀧𑀺𑀮𑁆𑀮𑀺𑀓𑀁, 𑀓𑀻𑀝𑀸 𑀘 𑀲𑀭𑀺𑀁𑀲𑀧𑀸 𑀘 𑀓𑀻𑀝𑀲𑀭𑀺𑀁𑀲𑀧𑀁. 𑀢𑀢𑁆𑀣 𑀓𑀼𑀦𑁆𑀣𑀸=𑀲𑀼𑀔𑀼𑀫𑀓𑀺𑀧𑀺𑀮𑁆𑀮𑀺𑀓𑀸.

𑀔𑀼𑀤𑁆𑀤𑀚𑀦𑁆𑀢𑀼 𑀅𑀦𑀝𑁆𑀞𑀻 𑀯𑀸, 𑀅𑀣 𑀔𑁄 𑀔𑀼𑀤𑁆𑀤𑀓𑁄𑀧𑀺 𑀯𑀸;

𑀲𑀢𑀁 𑀯𑀸 𑀧𑀲𑀢𑁄 𑀬𑁂𑀲𑀁, 𑀓𑁂𑀘𑀺 𑀆𑀦𑀢𑀼𑀮𑀸 𑀇𑀢𑀺.

𑀧𑀘𑀦𑀘𑀡𑁆𑀟𑀸𑀮𑀸𑀦𑀁-𑀑𑀭𑀩𑁆𑀪𑀺𑀓𑀸 𑀘 𑀲𑀽𑀓𑀭𑀺𑀓𑀸 𑀘 𑀑𑀭𑀩𑁆𑀪𑀺𑀓𑀲𑀽𑀓𑀭𑀺𑀓𑀁, 𑀏𑀯𑀁 𑀲𑀸𑀓𑀼𑀦𑁆𑀢𑀺𑀓𑀫𑀸𑀕𑀯𑀺𑀓𑀁. 𑀲𑀧𑀸𑀓𑁄 𑀘 𑀘𑀡𑁆𑀟𑀸𑀮𑁄 𑀘 𑀲𑀧𑀸𑀓𑀘𑀡𑁆𑀟𑀸𑀮𑀁, 𑀧𑀼𑀓𑁆𑀓𑀼𑀲𑀙𑀯𑀟𑀸𑀳𑀓𑀁, 𑀯𑁂𑀦𑀭𑀣𑀓𑀸𑀭𑀁, 𑀢𑀢𑁆𑀣 𑀯𑁂𑀦𑀸=𑀢𑀘𑁆𑀙𑀓𑀸, 𑀭𑀣𑀓𑀸𑀭𑀸=𑀘𑀫𑁆𑀫𑀓𑀸𑀭𑀸.

𑀘𑀭𑀡𑀲𑀸𑀥𑀸𑀭𑀡𑀸𑀦𑀁-𑀅𑀢𑀺𑀲𑁄 𑀘 𑀪𑀸𑀭𑀤𑁆𑀯𑀸𑀚𑁄 𑀘 𑀅𑀢𑀺𑀲𑀪𑀸𑀭𑀤𑁆𑀯𑀸𑀚𑀁, 𑀓𑀝𑁆𑀞𑁄 𑀘 𑀓𑀧𑀸𑀮𑁄 𑀘 𑀓𑀝𑁆𑀞𑀓𑀧𑀸𑀮𑀁, 𑀲𑀻𑀮𑀜𑁆𑀘 𑀧𑀜𑁆𑀜𑀸𑀡𑀜𑁆𑀘 𑀲𑀻𑀮𑀧𑀜𑁆𑀜𑀸𑀡𑀁, 𑀲𑀫𑀣𑁄 𑀘 𑀯𑀺𑀧𑀲𑁆𑀲𑀦𑀸 𑀘 𑀲𑀫𑀣𑀯𑀺𑀧𑀲𑁆𑀲𑀦𑀁, 𑀯𑀺𑀚𑁆𑀚𑀸 𑀘 𑀘𑀭𑀡𑀜𑁆𑀘 𑀯𑀺𑀚𑁆𑀚𑀸𑀘𑀭𑀡𑀁, 𑀏𑀯𑀁 𑀦𑀸𑀫𑀭𑀽𑀧𑀁, 𑀳𑀺𑀭𑁄𑀢𑁆𑀢𑀧𑁆𑀧𑀁, 𑀲𑀢𑀺𑀲𑀫𑁆𑀧-𑀚𑀜𑁆𑀜𑀁 ¶ , 𑀮𑁄𑀪𑀫𑁄𑀳𑀁, 𑀤𑁄𑀲𑀫𑁄𑀳𑀁, 𑀅𑀳𑀺𑀭𑀺𑀓𑀸𑀦𑁄𑀢𑁆𑀢𑀧𑁆𑀧𑀁, 𑀣𑀺𑀦𑀫𑀺𑀤𑁆𑀥𑀁, 𑀉𑀤𑁆𑀥𑀘𑁆𑀘𑀓𑀼𑀓𑁆𑀓𑀼𑀘𑁆𑀘+𑀫𑀺𑀘𑁆𑀘𑀸𑀤𑀺.

𑀏𑀓𑀚𑁆𑀛𑀸𑀬𑀦𑀧𑀸𑀯𑀘𑀦𑀸𑀦𑀁-𑀤𑀻𑀖𑁄 𑀘 𑀫𑀚𑁆𑀛𑀺𑀫𑁄 𑀘 𑀤𑀻𑀖𑀫𑀚𑁆𑀛𑀺𑀫𑀁, 𑀏𑀯𑀁 𑀏𑀓𑀼𑀢𑁆𑀢𑀭 𑀲𑀁𑀬𑀼𑀢𑁆𑀢𑀓𑀁, 𑀔𑀦𑁆𑀥𑀓𑀯𑀺𑀪𑀗𑁆𑀕𑀁.

𑀮𑀺𑀗𑁆𑀕𑀯𑀺𑀲𑁂𑀲𑀸𑀦𑀁-𑀇𑀢𑁆𑀣𑀻 𑀘 𑀧𑀼𑀫𑀸 𑀘 𑀇𑀢𑁆𑀣𑀺𑀧𑀼𑀫𑀁, 𑀤𑀸𑀲𑀻 𑀘 𑀤𑀸𑀲𑁄 𑀘 𑀤𑀸𑀲𑀺𑀤𑀸𑀲𑀁, 𑀘𑀻𑀯𑀭𑀜𑁆𑀘 𑀧𑀺𑀡𑁆𑀟𑀧𑀸𑀢𑁄 𑀘 𑀲𑁂𑀦𑀸𑀲𑀦𑀜𑁆𑀘 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁄 𑀘 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀁, 𑀢𑀺𑀡𑀜𑁆𑀘 𑀓𑀝𑁆𑀞𑁄 𑀘 𑀲𑀸𑀔𑀸 𑀘 𑀧𑀮𑀸𑀲𑀜𑁆𑀘 𑀢𑀺𑀡𑀓𑀝𑁆𑀞𑀲𑀸𑀔𑀸𑀧𑀮𑀸𑀲𑀁. ‘‘𑀮𑀸𑀪𑀻 𑀳𑁄𑀢𑀺 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀸𑀦𑀁’’𑀢𑀺𑀧𑀺 𑀤𑀺𑀲𑁆𑀲𑀢𑀺.

𑀯𑀺𑀯𑀺𑀥𑀯𑀺𑀭𑀼𑀤𑁆𑀥𑀸𑀦𑀁-𑀓𑀼𑀲𑀮𑀜𑁆𑀘 𑀅𑀓𑀼𑀲𑀮𑀜𑁆𑀘 𑀓𑀼𑀲𑀮𑀸𑀓𑀼𑀲𑀮𑀁, 𑀏𑀯𑀁 𑀲𑀸𑀯𑀚𑁆𑀚𑀸𑀦𑀯𑀚𑁆𑀚𑀁, 𑀳𑀻𑀦𑀧𑀡𑀻𑀢𑀁, 𑀓𑀡𑁆𑀳𑀲𑀼𑀓𑁆𑀓𑀁, 𑀙𑁂𑀓𑀧𑀸𑀧𑀓𑀁, 𑀲𑀼𑀔𑀤𑀼𑀓𑁆𑀔𑀁, 𑀅𑀥𑀫𑀼𑀢𑁆𑀢𑀫𑀁, 𑀧𑀝𑀺𑀖𑀸𑀦𑀼𑀦𑀬𑀁, 𑀙𑀸𑀬𑀸𑀢𑀧𑀁, 𑀆𑀮𑁄𑀓𑀦𑁆𑀥𑀓𑀸𑀭𑀁. 𑀭𑀢𑁆𑀢𑀺𑀜𑁆𑀘 𑀤𑀺𑀯𑀸 𑀘 𑀭𑀢𑁆𑀢𑀺𑀦𑁆𑀤𑀺𑀯𑀁, ‘‘𑀭𑀢𑁆𑀢𑀺𑀦𑁆𑀤𑀺𑀯𑀤𑀸𑀭𑀕𑀯𑀘𑀢𑀼𑀭𑀲𑁆𑀲𑀸’’𑀢𑀺 𑀅𑀧𑀘𑁆𑀘𑀬𑁂 𑀓𑀢𑁂 𑀦𑀼𑀫𑀆𑀕𑀫𑁄. 𑀅𑀳𑁄 𑀘 𑀭𑀢𑁆𑀢𑀺 𑀘 𑀅𑀳𑁄𑀭𑀢𑁆𑀢𑀁, ‘‘𑀤𑀻𑀖𑀸+𑀳𑁄𑀯𑀲𑁆𑀲𑁂𑀓𑀤𑁂𑀲𑁂𑀳𑀺 𑀘 𑀭𑀢𑁆𑀬𑀸’’𑀢𑀺 𑀅𑀧𑀘𑁆𑀘𑀬𑁂 𑀓𑀢𑁂 ‘‘𑀫𑀦𑀸𑀤𑁆𑀬𑀸𑀧𑀸𑀤𑀻𑀦+𑀫𑁄 𑀫𑀬𑁂 𑀘𑁂’’𑀢𑀺 𑀑𑀓𑀸𑀭𑁄.

𑀤𑀺𑀲𑀸𑀦𑀁-𑀧𑀼𑀩𑁆𑀩𑀸 𑀘 𑀅𑀧𑀭𑀸 𑀘 𑀧𑀼𑀩𑁆𑀩𑀸𑀧𑀭𑀁, 𑀏𑀯𑀁 𑀧𑀼𑀭𑀢𑁆𑀣𑀺𑀫𑀧𑀘𑁆𑀙𑀺𑀫𑀁, 𑀤𑀓𑁆𑀔𑀺𑀡𑀼𑀢𑁆𑀢𑀭𑀁, 𑀧𑀼𑀩𑁆𑀩𑀤𑀓𑁆𑀔𑀺𑀡𑀁, 𑀧𑀼𑀩𑁆𑀩𑀼𑀢𑁆𑀢𑀭𑀁, 𑀅𑀧𑀭𑀤𑀓𑁆𑀔𑀺𑀡𑀁, 𑀅𑀧𑀭𑀼𑀢𑁆𑀢𑀭𑀁.

𑀦𑀤𑀻𑀦𑀁-𑀕𑀗𑁆𑀕𑀸 𑀘 𑀬𑀫𑀼𑀦𑀸 𑀘 𑀕𑀗𑁆𑀕𑀸𑀬𑀫𑀼𑀦𑀁, 𑀏𑀯𑀁 𑀫𑀳𑀻𑀲𑀭𑀪𑀽.

𑀢𑀺𑀡+𑀭𑀼𑀓𑁆𑀔+𑀧𑀲𑀼+𑀲𑀓𑀼𑀡+𑀥𑀦+𑀔𑀜𑁆𑀜+𑀩𑁆𑀬𑀜𑁆𑀚𑀦+𑀚𑀦𑀧𑀤𑀸𑀦𑀁 𑀯𑀸. 𑀢𑀺𑀡𑀯𑀺𑀲𑁂𑀲𑀸𑀦𑀁-𑀉𑀲𑀻𑀭𑀸𑀦𑀺 𑀘 𑀩𑀻𑀭𑀡𑀸𑀦𑀺 𑀘 𑀉𑀲𑀻𑀭𑀩𑀻𑀭𑀡𑀁 𑀉𑀲𑀻𑀭𑀩𑀻𑀭𑀡𑀸𑀦𑀺 𑀯𑀸. 𑀏𑀯𑀁 𑀫𑀼𑀜𑁆𑀚𑀧𑀩𑁆𑀩𑀚𑀁 𑀫𑀼𑀜𑁆𑀚𑀧𑀩𑁆𑀩𑀚𑀸𑀦𑀺 𑀯𑀸, 𑀓𑀸𑀲𑀓𑀼𑀲𑀁 𑀓𑀸𑀲𑀓𑀼𑀲𑀸 𑀯𑀸.

𑀭𑀼𑀓𑁆𑀔𑀯𑀺𑀲𑁂𑀲𑀸𑀦𑀁-𑀅𑀲𑁆𑀲𑀢𑁆𑀣𑀸 ¶ 𑀘 𑀓𑀧𑀺𑀝𑁆𑀞𑀸 𑀘 𑀅𑀲𑁆𑀲𑀢𑁆𑀣𑀓𑀧𑀺𑀝𑁆𑀞𑀁 𑀅𑀲𑁆𑀲𑀢𑁆𑀣𑀓𑀧𑀺𑀝𑁆𑀞𑀸 𑀯𑀸, 𑀏𑀯𑀁 𑀅𑀫𑁆𑀩𑀧𑀦𑀲𑀁 𑀅𑀫𑁆𑀩𑀧𑀦𑀲𑀸, 𑀔𑀤𑀺𑀭𑀧𑀮𑀸𑀲𑀁 𑀔𑀤𑀺𑀭𑀧𑀮𑀸𑀲𑀸, 𑀥𑀯𑀸𑀲𑁆𑀲𑀓𑀡𑁆𑀡𑀁 𑀥𑀯𑀸𑀲𑁆𑀲𑀓𑀡𑁆𑀡𑀸, 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀁 𑀧𑀺𑀮𑀓𑁆𑀔𑀦𑀺𑀕𑁆𑀭𑁄𑀥𑀸, 𑀲𑀸𑀓𑀲𑀸𑀮𑀁 𑀲𑀸𑀓𑀲𑀸𑀮𑀸.

𑀧𑀲𑀼𑀯𑀺𑀲𑁂𑀲𑀸𑀦𑀁-𑀕𑀚𑀸 𑀘 𑀕𑀯𑀚𑀸 𑀘 𑀕𑀚𑀕𑀯𑀚𑀁 𑀕𑀚𑀕𑀯𑀚𑀸 𑀯𑀸, 𑀅𑀚𑀸 𑀘 𑀏𑀴𑀓𑀸 𑀘 𑀅𑀚𑁂𑀴𑀓𑀁 𑀅𑀚𑁂𑀴𑀓𑀸, 𑀳𑀢𑁆𑀣𑀻 𑀘 𑀕𑀸𑀯𑁄 𑀘 𑀅𑀲𑁆𑀲𑀸 𑀘 𑀯𑀴𑀯𑀸 𑀘 𑀳𑀢𑁆𑀣𑀻𑀕𑀯𑀲𑁆𑀲𑀯𑀴𑀯𑀁 𑀳𑀢𑁆𑀣𑀻𑀕𑀯𑀲𑁆𑀲𑀯𑀴𑀯𑀸, 𑀭𑀲𑁆𑀲𑀢𑁆𑀢𑀁. 𑀏𑀯𑀁 𑀕𑁄𑀫𑀳𑀺𑀲𑀁 𑀕𑁄𑀫𑀳𑀺𑀲𑀸, 𑀏𑀡𑁂𑀬𑁆𑀬𑀯𑀭𑀸𑀳𑀁 𑀏𑀡𑁂𑀬𑁆𑀬𑀯𑀭𑀸𑀳𑀸, 𑀲𑀻𑀳𑀩𑁆𑀬𑀕𑁆𑀖𑀢𑀭𑀘𑁆𑀙𑀁 𑀲𑀻𑀳𑀩𑁆𑀬𑀕𑁆𑀖𑀢𑀭𑀘𑁆𑀙𑀸, 𑀓𑀼𑀓𑁆𑀓𑀼𑀝𑀲𑀽𑀓𑀭𑀁 𑀓𑀼𑀓𑁆𑀓𑀼𑀝𑀲𑀽𑀓𑀭𑀸, 𑀏𑀡𑁂𑀬𑁆𑀬𑀕𑁄𑀫𑀳𑀺𑀲𑀁 𑀏𑀡𑁂𑀬𑁆𑀬𑀕𑁄𑀫𑀳𑀺𑀲𑀸.

𑀲𑀓𑀼𑀡𑀯𑀺𑀲𑁂𑀲𑀸𑀦𑀁-𑀳𑀁𑀲𑀸 𑀘 𑀩𑀓𑀸 𑀘 𑀳𑀁𑀲𑀩𑀓𑀁 𑀳𑀁𑀲𑀩𑀓𑀸. 𑀏𑀯𑀁 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀁 𑀓𑀸𑀭𑀡𑁆𑀟𑀯𑀘𑀓𑁆𑀓𑀯𑀸𑀓𑀸, 𑀫𑀬𑀽𑀭𑀓𑁄𑀜𑁆𑀘𑀁 𑀫𑀬𑀽𑀭𑀓𑁄𑀜𑁆𑀘𑀸, 𑀲𑀼𑀓𑀲𑀸𑀮𑀺𑀓𑀁 𑀲𑀼𑀓𑀲𑀸𑀮𑀺𑀓𑀸, 𑀩𑀓𑀩𑀮𑀸𑀓𑀁 𑀩𑀓𑀩𑀮𑀸𑀓𑀸.

𑀥𑀦𑀸𑀦𑀁-𑀳𑀺𑀭𑀜𑁆𑀜𑀜𑁆𑀘 𑀲𑀼𑀯𑀡𑁆𑀡𑀜𑁆𑀘 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀁 𑀳𑀺𑀭𑀜𑁆𑀜𑀲𑀼𑀯𑀡𑁆𑀡𑀸𑀦𑀺. 𑀏𑀯𑀁 𑀚𑀸𑀢𑀭𑀽𑀧𑀭𑀚𑀢𑀁 𑀚𑀸𑀢𑀭𑀽𑀧𑀭𑀚𑀢𑀸𑀦𑀺, 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀯𑁂𑀴𑀼𑀭𑀺𑀬𑀁 𑀫𑀡𑀺𑀲𑀗𑁆𑀔𑀫𑀼𑀢𑁆𑀢𑀯𑁂𑀴𑀼𑀭𑀺𑀬𑀸.

𑀥𑀜𑁆𑀜𑀸𑀦𑀁-𑀲𑀸𑀮𑀻 𑀘 𑀬𑀯𑀸 𑀘 𑀲𑀸𑀮𑀺𑀬𑀯𑀁 𑀲𑀸𑀮𑀺𑀬𑀯𑀸 𑀯𑀸. 𑀏𑀯𑀁 𑀢𑀺𑀮𑀫𑀼𑀕𑁆𑀕𑀫𑀸𑀲𑀁 𑀢𑀺𑀮𑀫𑀼𑀕𑁆𑀕𑀫𑀸𑀲𑀸𑀦𑀺, 𑀦𑀺𑀧𑁆𑀧𑀸𑀯𑀓𑀼𑀮𑀢𑁆𑀣𑀁 𑀦𑀺𑀧𑁆𑀧𑀸𑀯𑀓𑀼𑀮𑀢𑁆𑀣𑀸.

𑀩𑁆𑀬𑀜𑁆𑀚𑀦𑀸𑀦𑀁-𑀲𑀸𑀓𑁄 𑀘 𑀲𑀼𑀯𑀸 𑀘 𑀲𑀸𑀓𑀲𑀼𑀯𑀁 𑀲𑀸𑀓𑀲𑀼𑀯𑀸. 𑀏𑀯𑀁 𑀕𑀩𑁆𑀬𑀫𑀸𑀳𑀺𑀲𑀁 𑀕𑀩𑁆𑀬𑀫𑀸𑀳𑀺𑀲𑀸, 𑀏𑀡𑁂𑀬𑁆𑀬𑀯𑀭𑀸𑀳𑀁 𑀏𑀡𑁂𑀬, 𑀯𑀭𑀸𑀳𑀸. 𑀫𑀺𑀕𑀫𑀬𑀽𑀭𑀁 𑀫𑀺𑀕𑀫𑀬𑀽𑀭𑀸.

𑀚𑀦𑀧𑀤𑀸𑀦𑀁-𑀓𑀸𑀲𑀺 ¶ 𑀘 𑀓𑁄𑀲𑀮𑀸 𑀘 𑀓𑀸𑀲𑀺𑀓𑁄𑀲𑀮𑀁 𑀓𑀸𑀲𑀺𑀓𑁄𑀲𑀮𑀸, 𑀯𑀚𑁆𑀚𑀻 𑀘 𑀫𑀮𑁆𑀮𑀸 𑀘 𑀯𑀚𑁆𑀚𑀺𑀫𑀮𑁆𑀮𑀁 𑀯𑀚𑁆𑀚𑀺𑀫𑀮𑁆𑀮𑀸, 𑀅𑀗𑁆𑀕𑀸 𑀘 𑀫𑀕𑀥𑀸 𑀘 𑀅𑀗𑁆𑀕𑀫𑀕𑀥𑀁 𑀅𑀗𑁆𑀕𑀫𑀕𑀥𑀸, 𑀏𑀯𑀁 𑀘𑁂𑀢𑀺𑀯𑀁𑀲𑀁 𑀘𑁂𑀢𑀺𑀯𑀁𑀲𑀸, 𑀫𑀘𑁆𑀙𑀲𑀽𑀭𑀲𑁂𑀦𑀁 𑀫𑀘𑁆𑀙𑀲𑀽𑀭𑀲𑁂𑀦𑀸, 𑀓𑀼𑀭𑀼𑀧𑀜𑁆𑀘𑀸𑀮𑀁 𑀓𑀼𑀭𑀼𑀧𑀜𑁆𑀘𑀸𑀮𑀸. 𑀦𑀸𑀫𑀜𑁆𑀘 𑀭𑀽𑀧𑀜𑁆𑀘 𑀦𑀸𑀫𑀭𑀽𑀧𑀜𑁆𑀘 𑀦𑀸𑀫𑀭𑀽𑀧𑀦𑀸𑀫𑀭𑀽𑀧𑀦𑁆𑀢𑀺 𑀘𑀢𑀼𑀭𑁂𑀓𑀧𑀜𑁆𑀘𑀯𑁄𑀓𑀸𑀭𑀯𑀲𑁂𑀦 𑀯𑀢𑁆𑀢𑀩𑁆𑀩𑁂 𑀩𑀳𑀼𑀮𑀸𑀥𑀺𑀓𑀸𑀭𑀸 𑀲𑀭𑀽𑀧𑁂𑀓𑀲𑁂𑀲𑀁 𑀓𑀢𑁆𑀯𑀸 𑀦𑀸𑀫𑀭𑀽𑀧𑀦𑁆𑀢𑀺 𑀯𑀼𑀢𑁆𑀢𑀁.

𑀏𑀢𑀲𑁆𑀫𑀺𑀁 𑀏𑀓𑀢𑁆𑀣𑀻𑀪𑀸𑀯𑀓𑀡𑁆𑀟𑁂 𑀬𑀁 𑀯𑀼𑀢𑁆𑀢𑀁 𑀧𑀼𑀩𑁆𑀩𑀁, 𑀢𑀤𑁂𑀯 𑀧𑀼𑀩𑁆𑀩𑀁 𑀦𑀺𑀧𑀢𑀢𑀺, 𑀓𑀫𑀸𑀢𑀺𑀓𑁆𑀓𑀫𑁂 𑀧𑀬𑁄𑀚𑀦𑀲𑁆𑀲𑀸+𑀪𑀸𑀯𑀸. 𑀓𑁆𑀯𑀘𑀺 𑀯𑀺𑀧𑀮𑁆𑀮𑀸𑀲𑁄𑀧𑀺 𑀳𑁄𑀢𑀺, 𑀩𑀳𑀼𑀮𑀸𑀥𑀺𑀓𑀸𑀭𑀢𑁄, 𑀤𑀦𑁆𑀢𑀸𑀦𑀁 𑀭𑀸𑀚𑀸 𑀭𑀸𑀚𑀤𑀦𑁆𑀢𑁄. 𑀘𑀢𑁆𑀣𑁂 𑀲𑀫𑀸𑀳𑀸𑀭𑁂 ‘‘𑀲𑀪𑀸𑀧𑀭𑀺𑀲𑀸𑀬𑀸’’𑀢𑀺 𑀜𑀸𑀧𑀓𑀸 𑀓𑁆𑀯𑀘𑀺 𑀦𑀧𑀼𑀁𑀲𑀓𑀮𑀺𑀗𑁆𑀕𑀁 𑀦 𑀪𑀯𑀢𑀺, 𑀆𑀥𑀺𑀧𑀘𑁆𑀘𑀜𑁆𑀘 𑀧𑀭𑀺𑀯𑀸𑀭𑁄 𑀘 𑀆𑀥𑀺𑀧𑀘𑁆𑀘𑀧𑀭𑀺𑀯𑀸𑀭𑁄. 𑀏𑀯𑀁 𑀙𑀦𑁆𑀤𑀧𑀸𑀭𑀺𑀲𑀼𑀤𑁆𑀥𑀺, 𑀧𑀝𑀺𑀲𑀦𑁆𑀥𑀺𑀧𑀯𑀢𑁆𑀢𑀺𑀬𑀁.

𑀧𑀸𑀧𑀸𑀤𑀻𑀳𑀺 𑀧𑀭𑀸 𑀬𑀸 𑀪𑀽𑀫𑀺, 𑀢𑀲𑁆𑀲𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀧𑀸𑀧𑀸 𑀪𑀽𑀫𑀺 𑀬𑀲𑁆𑀫𑀺𑀦𑁆𑀢𑀺 𑀧𑀸𑀧𑀪𑀽𑀫𑀁, 𑀚𑀸𑀢𑀺𑀬𑀸 𑀉𑀧𑀮𑀓𑁆𑀔𑀺𑀢𑀸 𑀪𑀽𑀫𑀺 𑀚𑀸𑀢𑀺𑀪𑀽𑀫𑀁.

𑀲𑀁𑀔𑁆𑀬𑀸𑀳𑀺 𑀧𑀭𑀸𑀬 𑀪𑀽𑀫𑀺𑀬𑀸 𑀅 𑀳𑁄𑀢𑀺. 𑀤𑁆𑀯𑁂 𑀪𑀽𑀫𑀺𑀬𑁄 𑀅𑀲𑁆𑀲 𑀤𑁆𑀯𑀺𑀪𑀽𑀫𑀁. 𑀏𑀯𑀁 𑀢𑀺𑀪𑀽𑀫𑀁.

𑀲𑀁𑀔𑁆𑀬𑀸𑀳𑀺 𑀧𑀭𑀸𑀲𑀁 𑀦𑀤𑀻𑀕𑁄𑀥𑀸𑀯𑀭𑀻𑀦𑀁 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀧𑀜𑁆𑀘𑀦𑁆𑀦𑀁 𑀦𑀤𑀻𑀦𑀁 𑀲𑀫𑀸𑀳𑀸𑀭𑁄 𑀧𑀜𑁆𑀘𑀦𑀤𑀁. 𑀏𑀯𑀁 𑀲𑀢𑁆𑀢𑀕𑁄𑀥𑀸𑀯𑀭𑀁.

𑁪𑁪. 𑀅𑀲𑀁𑀔𑁆𑀬𑁂𑀳𑀺 𑀘𑀸+𑀗𑁆𑀕𑀼𑀮𑁆𑀬𑀸+𑀦𑀸𑀜𑁆𑀜𑀸𑀲𑀁𑀔𑁆𑀬𑀢𑁆𑀣𑁂𑀲𑀼𑀢𑀺

𑀅𑀲𑀁𑀔𑁆𑀬𑁂𑀳𑀺 ¶ 𑀲𑀁𑀔𑁆𑀬𑀸𑀳𑀺 𑀘 𑀧𑀭𑀸𑀬 𑀅𑀗𑁆𑀕𑀼𑀮𑀺𑀬𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀦𑀺𑀕𑁆𑀕𑀢+𑀫𑀗𑁆𑀕𑀼𑀮𑀻𑀳𑀺 𑀦𑀺𑀭𑀗𑁆𑀕𑀼𑀮𑀁, 𑀤𑁆𑀯𑁂 𑀅𑀗𑁆𑀕𑀼𑀮𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀗𑁆𑀕𑀼𑀮𑀁. 𑀅𑀦𑀜𑁆𑀜𑀸𑀲𑀁𑀔𑁆𑀬𑀢𑁆𑀣𑁂𑀲𑀽𑀢𑀺 𑀓𑀺𑀁, 𑀧𑀜𑁆𑀘 𑀅𑀗𑁆𑀕𑀼𑀮𑀺𑀬𑁄 𑀅𑀲𑁆𑀫𑀺𑀁 𑀳𑀢𑁆𑀣𑁂𑀢𑀺 𑀧𑀜𑁆𑀘𑀗𑁆𑀕𑀼𑀮𑀺, 𑀅𑀗𑁆𑀕𑀼𑀮𑀺𑀬𑀸 𑀲𑀫𑀻𑀧𑀁 𑀉𑀧𑀗𑁆𑀕𑀼𑀮𑀺.

𑁪𑁫. 𑀤𑀻𑀖𑀸𑀳𑁄𑀯𑀲𑁆𑀲𑁂𑀓𑀤𑁂𑀲𑁂𑀳𑀺 𑀘 𑀭𑀢𑁆𑀢𑁆𑀬𑀸𑀢𑀺

𑀤𑀻𑀖𑀸𑀤𑀻𑀳𑀺 𑀧𑀭𑀸𑀬 𑀭𑀢𑁆𑀢𑀺𑀬𑀸 𑀅 𑀳𑁄𑀢𑀺. 𑀤𑀻𑀖𑀸 𑀘 𑀲𑀸 𑀭𑀢𑁆𑀢𑀺 𑀘𑀸𑀢𑀺 𑀤𑀻𑀖𑀭𑀢𑁆𑀢𑀁. 𑀅𑀳𑁄 𑀘 𑀭𑀢𑁆𑀢𑀺 𑀘 𑀅𑀳𑁄𑀭𑀢𑁆𑀢𑀁, 𑀆𑀧𑀸𑀤𑀺𑀢𑁆𑀢𑀸 𑀑. 𑀯𑀲𑁆𑀲𑀸𑀲𑀼 𑀭𑀢𑁆𑀢𑀺 𑀯𑀲𑁆𑀲𑀸𑀭𑀢𑁆𑀢𑀁. 𑀧𑀼𑀩𑁆𑀩𑀸 𑀘 𑀲𑀸 𑀭𑀢𑁆𑀢𑀺 𑀘𑀸𑀢𑀺 𑀧𑀼𑀩𑁆𑀩𑀭𑀢𑁆𑀢𑀁. 𑀏𑀯𑀁 𑀅𑀧𑀭𑀭𑀢𑁆𑀢𑀁, 𑀅𑀟𑁆𑀠𑀭𑀢𑁆𑀢𑀁, 𑀅𑀢𑀺𑀓𑁆𑀓𑀦𑁆𑀢𑁄 𑀭𑀢𑁆𑀢𑀺𑀁 𑀅𑀢𑀺𑀭𑀢𑁆𑀢𑁄. 𑀤𑁆𑀯𑁂 𑀭𑀢𑁆𑀢𑀺𑀬𑁄 𑀲𑀫𑀸𑀳𑀝𑀸 𑀤𑁆𑀯𑀺𑀭𑀢𑁆𑀢𑀁. 𑀅𑀦𑀜𑁆𑀜𑀸𑀲𑀁𑀔𑁆𑀬𑀢𑁆𑀣𑁂𑀲𑀼 𑀢𑁆𑀯𑁂𑀯, 𑀤𑀻𑀖𑀸 𑀭𑀢𑁆𑀢𑀺 𑀅𑀲𑁆𑀫𑀺𑀦𑁆𑀢𑀺 𑀤𑀻𑀖𑀭𑀢𑁆𑀢𑀺, 𑀳𑁂𑀫𑀦𑁆𑀢𑁄. 𑀭𑀢𑁆𑀢𑀺𑀬𑀸 𑀲𑀫𑀻𑀧𑀁 𑀉𑀧𑀭𑀢𑁆𑀢𑀺. 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑁆𑀯𑀘𑀺 𑀳𑁄𑀢𑁂𑀯, 𑀭𑀢𑁆𑀢𑀺𑀧𑀭𑀺𑀫𑀸𑀡𑀸𑀦𑀼𑀭𑀽𑀧𑀁 𑀬𑀣𑀸𑀭𑀢𑁆𑀢𑀁.

𑀕𑁄𑀲𑀤𑁆𑀤𑀸 𑀅𑀮𑁄𑀧𑀯𑀺𑀲𑀬𑁂 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺 𑀦 𑀘𑁂 𑀘𑀢𑁆𑀣𑀸𑀤𑀻𑀲𑀼 𑀲𑀫𑀸𑀲𑁄. 𑀭𑀜𑁆𑀜𑁄 𑀕𑁄 𑀭𑀸𑀚𑀕𑀯𑁄. 𑀧𑀭𑀫𑁄 𑀘 𑀲𑁄 𑀕𑁄 𑀘𑀸𑀢𑀺 𑀧𑀭𑀫𑀕𑀯𑁄. 𑀧𑀜𑁆𑀘𑀦𑁆𑀦𑀁 𑀕𑀼𑀦𑁆𑀦𑀁 𑀲𑀫𑀸𑀳𑀸𑀭𑁄 𑀧𑀜𑁆𑀘𑀕𑀯𑀁, ‘‘𑀕𑁄𑀲𑁆𑀲𑀸+𑀯𑀗’’𑀢𑀺 𑀅𑀯𑀗. 𑀢𑀁 𑀥𑀦+𑀫𑀲𑁆𑀲𑀸𑀢𑀺 𑀧𑀜𑁆𑀘𑀕𑀯𑀥𑀦𑁄. 𑀤𑀲𑀕𑀯𑀁.

𑁪𑁭. 𑀭𑀢𑁆𑀢𑀺𑀦𑁆𑀤𑀺𑀯+𑀤𑀸𑀭𑀕𑀯+𑀘𑀢𑀼𑀭𑀲𑁆𑀲𑀸

𑀏𑀢𑁂 𑀲𑀤𑁆𑀤𑀸 𑀅-𑀅𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀭𑀢𑁆𑀢𑀺 𑀘 𑀤𑀺𑀯𑀸 𑀘 𑀭𑀢𑁆𑀢𑀺𑀦𑁆𑀤𑀺𑀯𑀁, 𑀇𑀫𑀺𑀦𑀸𑀯 𑀦𑀼𑀫𑀸𑀕 𑀫𑀸. 𑀤𑀸𑀭𑀸 𑀘 𑀕𑀯𑁄 𑀘 𑀤𑀸𑀭𑀕𑀯𑀁. 𑀘𑀢𑀲𑁆𑀲𑁄 𑀅𑀲𑁆𑀲𑀺𑀬𑁄 𑀅𑀲𑁆𑀲 𑀘𑀢𑀼𑀭𑀲𑁆𑀲𑁄.

𑀅𑀦𑀼𑀕𑀯𑀁𑀢𑀺 ¶ 𑀦𑀺𑀧𑀘𑁆𑀘𑀢𑁂 𑀆𑀬𑀸𑀫𑁂𑀕𑀫𑁆𑀬𑀫𑀸𑀦𑁂. 𑀕𑀯𑀲𑁆𑀲 𑀆𑀬𑀸𑀫𑁄 𑀅𑀦𑀼𑀕𑀯𑀁 𑀲𑀓𑀝𑀁, 𑀅𑀲𑀗𑁆𑀔𑁆𑀬𑀲𑀫𑀸𑀲𑁄.

𑀅𑀓𑁆𑀔𑀺𑀲𑁆𑀫𑀸 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺 𑀅𑀜𑁆𑀜𑀢𑁆𑀣𑁂. 𑀯𑀺𑀲𑀸𑀮𑀸𑀦𑀺 𑀅𑀓𑁆𑀔𑀻𑀦𑀺 𑀬𑀲𑁆𑀲 𑀲𑁄 𑀯𑀺𑀲𑀸𑀮𑀓𑁆𑀔𑁄.

𑀅𑀗𑁆𑀕𑀼𑀮𑀦𑁆𑀢𑀸 𑀅𑀜𑁆𑀜𑀢𑁆𑀣𑁂 𑀤𑀸𑀭𑀼𑀫𑁆𑀳𑀺 𑀲𑀫𑀸𑀲𑀦𑁆𑀢𑁄 𑀅 𑀳𑁄𑀢𑀺. 𑀤𑁆𑀯𑁂 𑀅𑀗𑁆𑀕𑀼𑀮𑀺𑀬𑁄 𑀅𑀯𑀬𑀯𑀸 𑀅𑀲𑁆𑀲𑁂𑀢𑀺 𑀤𑁆𑀯𑀗𑁆𑀕𑀼𑀮𑀁 𑀤𑀸𑀭𑀼, 𑀏𑀯𑀁 𑀧𑀜𑁆𑀘𑀗𑁆𑀕𑀼𑀮𑀁. 𑀅𑀗𑁆𑀕𑀼𑀮𑀺𑀲𑀤𑀺𑀲𑀸𑀯𑀬𑀯𑀁 𑀥𑀜𑁆𑀜𑀸𑀤𑀻𑀦𑀁 𑀯𑀺𑀓𑁆𑀔𑁂𑀧𑀓𑀁 𑀤𑀸𑀭𑀽𑀢𑀺 𑀯𑀼𑀘𑁆𑀘𑀢𑁂.

𑀇𑀤𑀁 𑀲𑀩𑁆𑀩𑀢𑁆𑀣 𑀅𑀥𑀺𑀓𑀸𑀢𑀩𑁆𑀩𑀁.

𑀉𑀢𑁆𑀢𑀭𑀧𑀤𑁂 𑀇𑀫𑀲𑁆𑀲 𑀇𑀤𑀁, 𑀇𑀫𑀸𑀬 𑀅𑀢𑁆𑀣𑁄 𑀇𑀤𑀫𑀝𑁆𑀞𑁄, 𑀣𑀲𑁆𑀲 𑀞𑁄, 𑀇𑀤𑀫𑀝𑁆𑀞𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀇𑀤𑀫𑀝𑁆𑀞𑀻, 𑀇𑀤𑀫𑀝𑁆𑀞𑀺𑀦𑁄 𑀪𑀸𑀯𑁄 𑀇𑀤𑀫𑀝𑁆𑀞𑀺𑀢𑀸. 𑀇𑀫𑁂𑀲𑀁 𑀧𑀘𑁆𑀘𑀬𑀸 𑀇𑀤𑀧𑁆𑀧𑀘𑁆𑀘𑀬𑀸, 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀧𑀲𑁆𑀲 𑀘 𑀤𑁆𑀯𑀺𑀪𑀸𑀯𑁄.

𑀦𑁆𑀢𑀦𑁆𑀢𑀽𑀦𑀁 𑀉𑀢𑁆𑀢𑀭𑀧𑀤𑁂 𑀝 𑀳𑁄𑀢𑀺. 𑀪𑀯𑀦𑁆𑀢𑁄 𑀧𑀢𑀺𑀝𑁆𑀞𑀸 𑀅𑀫𑁆𑀳𑀦𑁆𑀢𑀺 𑀪𑀯𑀁𑀧𑀢𑀺𑀝𑁆𑀞𑀸 𑀫𑀬𑀁, 𑀦𑀺𑀕𑁆𑀕𑀳𑀻𑀢𑀸𑀕𑀫𑁄, 𑀯𑀕𑁆𑀕𑀦𑁆𑀢𑁄, 𑀬𑁄𑀲𑁆𑀲 𑀝𑀸 𑀘. 𑀪𑀕𑀯𑀸 𑀫𑀽𑀮𑀁 𑀏𑀢𑁂𑀲𑀁𑀢𑀺 𑀪𑀕𑀯𑀁𑀫𑀽𑀮𑀓𑀸 𑀦𑁄 𑀥𑀫𑁆𑀫𑀸.

𑀇𑀢𑀺 ¶ 𑀦𑁆𑀢𑀦𑁆𑀢𑀽𑀦𑀁 𑀅 𑀳𑁄𑀢𑀺. 𑀕𑀼𑀡𑀯𑀦𑁆𑀢𑁄 𑀧𑀢𑀺𑀝𑁆𑀞𑀸 𑀫𑀫𑀸𑀢𑀺 𑀕𑀼𑀡𑀯𑀦𑁆𑀢𑀧𑀢𑀺𑀝𑁆𑀞𑁄+𑀲𑁆𑀫𑀺.

𑀲𑀁𑀔𑁆𑀬𑀸𑀲𑀼 𑀧𑀭𑀲𑁆𑀲 𑀑, 𑀧𑀭𑁄 𑀲𑀢𑀲𑁆𑀫𑀸 𑀅𑀥𑀺𑀓𑀸 𑀧𑀭𑁄𑀲𑀢𑀁.

𑀧𑀼𑀣𑀲𑁆𑀲 𑀚𑀦𑁂 𑀉 𑀳𑁄𑀢𑀺. 𑀧𑀼𑀣𑀕𑁂𑀯𑀸+𑀬𑀁 𑀚𑀦𑁄𑀢𑀺 𑀧𑀼𑀣𑀼𑀚𑁆𑀚𑀦𑁄, 𑀚𑀲𑁆𑀲 𑀤𑁆𑀯𑀺𑀢𑁆𑀢𑀁.

𑀅𑀳𑁂 𑀆𑀬𑀢𑀦𑁂 𑀘 𑀉𑀢𑁆𑀢𑀭𑀧𑀤𑁂 𑀙𑀲𑁆𑀲 𑀲𑁄 𑀳𑁄𑀢𑀺 𑀯𑀸. 𑀲𑀸𑀳𑀁 𑀙𑀸𑀳𑀁, 𑀲𑀴𑀸𑀬𑀢𑀦𑀁 𑀙𑀴𑀸𑀬𑀢𑀦𑀁. (𑀲𑀫𑁆𑀩𑀭𑀁)

𑁬𑁩. 𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸𑀭𑀯𑀭𑀗

𑀮𑁆𑀢𑀼𑀧𑀘𑁆𑀘𑀬𑀦𑁆𑀢𑀸𑀦𑀁 𑀧𑀺𑀢𑀸𑀤𑀻𑀦𑀜𑁆𑀘 𑀬𑀣𑀸𑀓𑁆𑀓𑀫+𑀫𑀸𑀭𑀯𑀭𑀗 𑀯𑀸 𑀳𑁄𑀦𑁆𑀢𑀼+𑀢𑁆𑀢𑀭𑀧𑀤𑁂. 𑀲𑀢𑁆𑀣𑀼𑀦𑁄 𑀤𑀲𑁆𑀲𑀦𑀁 𑀲𑀢𑁆𑀣𑀸𑀭𑀤𑀲𑁆𑀲𑀦𑀁, 𑀓𑀢𑁆𑀢𑀸𑀭𑀦𑀺𑀤𑁆𑀤𑁂𑀲𑁄. 𑀫𑀸𑀢𑀭𑀧𑀺𑀢𑀭𑁄. 𑀯𑀸𑀢𑁆𑀯𑁂𑀯, 𑀲𑀢𑁆𑀣𑀼𑀤𑀲𑁆𑀲𑀦𑀁, 𑀫𑀸𑀢𑀼𑀚𑀸𑀬𑁄.

𑀧𑀘𑁆𑀘𑀬𑁂 𑀧𑀼𑀫𑀪𑀸𑀯𑁂 𑀅𑀢𑀺𑀲𑀬𑁂𑀦 𑀩𑁆𑀬𑀢𑁆𑀢𑀸 𑀩𑁆𑀬𑀢𑁆𑀢𑀢𑀭𑀸, 𑀩𑁆𑀬𑀢𑁆𑀢𑀢𑀫𑀸. ‘‘𑀢𑀲𑁆𑀲𑀁 𑀢𑀢𑁆𑀭, 𑀢𑀸𑀬 𑀢𑀢𑁄, 𑀢𑀲𑁆𑀲𑀁 𑀯𑁂𑀮𑀸𑀬𑀁 𑀢𑀤𑀸’’[‘‘… 𑀏𑀢𑁆𑀣𑀦𑁆𑀢𑀭𑁂 𑀭𑀽𑀧𑀸𑀦𑀺 𑀆𑀘𑀭𑀺𑀬𑀲𑀁𑀖𑀭𑀓𑁆𑀔𑀺𑀢 𑀫𑀳𑀸𑀲𑀸𑀫𑀺𑀢𑁆𑀣𑁂𑀭𑀫𑀢𑁂𑀦 𑀇𑀫𑀺𑀦𑀸𑀯 ‘‘𑀓𑁆𑀯𑀘𑀺 𑀧𑀘𑁆𑀘𑀬𑁂𑀢𑀺 𑀲𑀼𑀢𑁆𑀢𑁂𑀦 𑀲𑀺𑀤𑁆𑀥𑀸𑀦𑀺, 𑀢𑁂𑀦𑁂𑀯 𑀢𑀸𑀦𑀺 𑀇𑀫𑀲𑁆𑀫𑀺𑀁 𑀲𑀼𑀢𑁆𑀢𑁂 𑀉𑀤𑀸𑀳𑀝𑀸𑀦𑀺. 𑀆𑀘𑀭𑀺𑀬𑀫𑁄𑀕𑁆𑀕𑀮𑁆𑀮𑀸𑀦𑀫𑀳𑀸𑀣𑁂𑀭𑀫𑀢𑁂𑀦 𑀧𑀦𑁂+𑀢𑀸𑀦𑀺 ‘‘𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂𑀢𑀺 𑀲𑀼𑀢𑁆𑀢𑁂𑀦 𑀲𑀺𑀤𑁆𑀥𑀸𑀦𑀺. 𑀢𑁄𑀆𑀤𑀻𑀦𑀁 𑀯𑀺𑀪𑀢𑁆𑀬𑀢𑁆𑀣𑁂 𑀯𑀺𑀳𑀺𑀢𑀧𑀘𑁆𑀘𑀬𑀢𑁆𑀢𑀸, 𑀢𑀤𑀦𑁆𑀣𑀸𑀦𑀜𑁆𑀘 𑀡𑀸𑀤𑀺𑀯𑀼𑀢𑁆𑀢𑀺𑀢𑁆𑀢𑀸 𑀤𑁆𑀯𑀺𑀦𑁆𑀦𑀫𑁆𑀧𑀺 𑀣𑁂𑀭𑀸𑀦𑀁 𑀫𑀢𑀸 𑀅𑀯𑀺𑀭𑀼𑀤𑁆𑀥𑀸.]

𑀲𑀜𑁆𑀜𑀸𑀬+𑀫𑀼𑀤𑀓𑀲𑁆𑀲𑀼+𑀢𑁆𑀢𑀭𑀧𑀤𑁂 ¶ 𑀉𑀤𑀸𑀤𑁂𑀲𑁄 𑀳𑁄𑀢𑀺. 𑀉𑀤𑀥𑀺, 𑀉𑀤𑀧𑀸𑀦𑀁.

𑀓𑀼𑀫𑁆𑀪𑀸𑀤𑀻𑀲𑀼+𑀢𑁆𑀢𑀭𑀧𑀤𑁂𑀲𑀼 𑀉𑀤𑀓𑀲𑁆𑀲 𑀉𑀤𑀸𑀤𑁂𑀲𑁄 𑀯𑀸 𑀳𑁄𑀢𑀺. 𑀉𑀤𑀓𑀼𑀫𑁆𑀪𑁄, 𑀉𑀤𑀓𑀓𑀼𑀫𑁆𑀪𑁄. 𑀉𑀤𑀧𑀢𑁆𑀢𑁄 𑀉𑀤𑀓𑀧𑀢𑁆𑀢𑁄. 𑀉𑀤𑀩𑀺𑀦𑁆𑀤𑀼 𑀉𑀤𑀓𑀩𑀺𑀦𑁆𑀤𑀼. 𑀆𑀓𑀢𑀺𑀕𑀡𑁄+𑀬𑀁.

𑀲𑁄𑀢𑀸𑀤𑀻𑀲𑀼+𑀢𑁆𑀢𑀭𑀧𑀤𑁂𑀲𑀼 𑀉𑀤𑀓𑀲𑁆𑀲 𑀉𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀤𑀓𑀲𑁄𑀢𑀁, 𑀤𑀓𑀭𑀓𑁆𑀔𑀲𑁄.

𑀇𑀢𑁆𑀣𑀺𑀬𑀁 𑀯𑀢𑁆𑀢𑀫𑀸𑀦𑀢𑁄 𑀅𑀓𑀸𑀭𑀦𑁆𑀢𑀢𑁄 𑀦𑀸𑀫𑀲𑁆𑀫𑀸 𑀆𑀧𑀘𑁆𑀘𑀬𑁄 𑀳𑁄𑀢𑀺. 𑀥𑀫𑁆𑀫𑀤𑀺𑀦𑁆𑀦𑀸.

𑀦𑀤𑀸𑀤𑀻𑀳𑀺 𑀇𑀢𑁆𑀣𑀺𑀬𑀁 𑀯𑀻𑀧𑀘𑁆𑀘𑀬𑁄 𑀳𑁄𑀢𑀺. 𑀦𑀤𑀻 𑀫𑀳𑀻 𑀓𑀼𑀫𑀸𑀭𑀻 𑀢𑀭𑀼𑀡𑀻 𑀯𑀸𑀭𑀼𑀡𑀻 𑀕𑁄𑀢𑀫𑀻.

𑀕𑀸𑀯𑀻 𑀕𑁄. 𑀆𑀓𑀢𑀺𑀕𑀡𑁄+𑀬𑀁. 𑀯-𑀓𑀸𑀭𑁄 ‘‘𑀦𑁆𑀢𑀦𑁆𑀢𑀽𑀦𑀁 𑀯𑀻𑀫𑁆𑀳𑀺 𑀢𑁄 𑀯𑀸’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄.

𑀬𑀓𑁆𑀔𑀸𑀤𑀺𑀢𑁄 ¶ 𑀇𑀢𑁆𑀣𑀺𑀬𑀁 𑀇𑀦𑀻 𑀳𑁄𑀢𑀺 𑀯𑀻 𑀘. 𑀬𑀓𑁆𑀔𑀺𑀦𑀻 𑀬𑀓𑁆𑀔𑀻, 𑀦𑀸𑀕𑀺𑀦𑀻 𑀦𑀸𑀕𑀻, 𑀲𑀻𑀳𑀺𑀦𑀻 𑀲𑀻𑀳𑀻.

𑀆𑀭𑀸𑀫𑀺𑀓𑀸𑀤𑀺𑀢𑁄 𑀇𑀦𑀻 𑀳𑁄𑀢𑀺+𑀢𑁆𑀣𑀺𑀬𑀁. 𑀆𑀭𑀸𑀫𑀺𑀓𑀺𑀦𑀻, 𑀅𑀦𑀦𑁆𑀢𑀭𑀸𑀬𑀺𑀓𑀺𑀦𑀻.

𑀲𑀜𑁆𑀜𑀸𑀬𑀁 𑀫𑀸𑀦𑀼𑀲𑁄 𑀫𑀸𑀦𑀼𑀲𑀺𑀦𑀻, 𑀅𑀜𑁆𑀜𑀢𑁆𑀭 𑀫𑀸𑀦𑀼𑀲𑀻.

𑀇𑀢𑁆𑀣𑀺𑀬+𑀫𑀺𑀯𑀡𑁆𑀡𑀼𑀯𑀡𑁆𑀡𑀦𑁆𑀢𑁂𑀳𑀺 𑀦𑀻 𑀳𑁄𑀢𑀺 𑀩𑀳𑀼𑀮𑀁. 𑀲𑀤𑀸𑀧𑀬𑀢𑀧𑀸𑀡𑀺𑀦𑀻, 𑀤𑀡𑁆𑀟𑀺𑀦𑀻, 𑀪𑀺𑀓𑁆𑀔𑀼𑀦𑀻, 𑀔𑀢𑁆𑀢𑀩𑀦𑁆𑀥𑀼𑀦𑀻, 𑀧𑀭𑀘𑀺𑀢𑁆𑀢𑀯𑀺𑀤𑀼𑀦𑀻. 𑀫𑀸𑀢𑀼𑀆𑀤𑀺𑀢𑁄 𑀓𑀲𑁆𑀫𑀸 𑀦 𑀳𑁄𑀢𑀺, 𑀇𑀢𑁆𑀣𑀺𑀧𑀘𑁆𑀘𑀬𑀁 𑀯𑀺𑀦𑀸𑀧𑀺 𑀇𑀢𑁆𑀣𑀢𑁆𑀢𑀸𑀪𑀺𑀥𑀸𑀦𑀢𑁄.

𑀢𑁆𑀢𑀺𑀫𑁆𑀳𑀸+𑀜𑁆𑀜𑀢𑁆𑀣𑁂𑀬𑁂𑀯 𑀇𑀢𑁆𑀣𑀺𑀬𑀁 𑀦𑀻 𑀳𑁄𑀢𑀺 𑀩𑀳𑀼𑀮𑀁. 𑀲𑀸+𑀳𑀁 𑀅𑀳𑀺𑀁𑀲𑀸𑀭𑀢𑀺𑀦𑀻, 𑀢𑀲𑁆𑀲𑀸 𑀫𑀼𑀝𑁆𑀞𑀲𑁆𑀲𑀢𑀺𑀦𑀺𑀬𑀸, 𑀲𑀸 𑀕𑀸𑀯𑀻 𑀯𑀘𑁆𑀙𑀕𑀺𑀤𑁆𑀥𑀺𑀦𑀻. 𑀅𑀜𑁆𑀜𑀢𑁆𑀣𑁂𑀢𑀺 𑀓𑀺𑀁, 𑀥𑀫𑁆𑀫𑀭𑀢𑀺.

𑀖𑀭𑀡𑀺𑀧𑀪𑀼𑀢𑀬𑁄 𑀦𑀻𑀧𑀘𑁆𑀘𑀬𑀦𑁆𑀢𑀸 𑀲𑀸𑀥𑀯𑁄 𑀳𑁄𑀦𑁆𑀢𑀺. 𑀖𑀭+𑀫𑀲𑁆𑀲𑀸 𑀅𑀢𑁆𑀣𑀻𑀢𑀺 𑀈𑀫𑁆𑀳𑀺 ‘‘𑀬𑀼𑀯𑀡𑁆𑀡𑁂𑀳𑀺 𑀦𑀻’’𑀢𑀺 𑀦𑀻, 𑀖𑀭𑀡𑀻. 𑀇𑀫𑀺𑀦𑀸 𑀦𑀲𑁆𑀲 𑀡𑁄, 𑀈𑀲𑁆𑀲 𑀅𑀢𑁆𑀢𑀜𑁆𑀘.

𑀆𑀘𑀭𑀺𑀬𑀸 ¶ 𑀯𑀸 𑀬𑀮𑁄𑀧𑁄 𑀘 𑀇𑀢𑀺 𑀕𑀡𑀲𑀼𑀢𑁆𑀢𑁂𑀦 𑀦𑀺𑀬𑀸𑀫𑀺𑀢𑀢𑁆𑀢𑀸 𑀇𑀫𑀺𑀦𑀸𑀯 𑀦𑀻𑀫𑁆𑀳𑀺 𑀬𑀮𑁄𑀧𑁄 𑀘, 𑀆𑀘𑀭𑀺𑀦𑀻 𑀆𑀘𑀭𑀺𑀬𑀸.

𑁩𑁩. 𑀫𑀸𑀢𑀼𑀮𑀸𑀤𑀺𑀢𑁆𑀯𑀸+𑀦𑀻 𑀪𑀭𑀺𑀬𑀸𑀬𑀦𑁆𑀢𑀺

𑀫𑀸𑀢𑀼𑀮𑀸𑀤𑀺𑀢𑁄 𑀪𑀭𑀺𑀬𑀸𑀬+𑀫𑀸𑀦𑀻 𑀳𑁄𑀢𑀺. 𑀫𑀸𑀢𑀼𑀮𑀸𑀦𑀻, 𑀯𑀭𑀼𑀡𑀸𑀦𑀻, 𑀕𑀳𑀧𑀢𑀸𑀦𑀻, 𑀆𑀘𑀭𑀺𑀬𑀸𑀦𑀻.

𑀅𑀪𑀭𑀺𑀬𑀸𑀬𑀁 𑀔𑀢𑁆𑀢𑀺𑀬𑀸 𑀯𑀸 𑀇𑀢𑀺 𑀕𑀡𑀲𑀼𑀢𑁆𑀢𑁂𑀦 𑀦𑀺𑀬𑀫𑀺𑀢𑀢𑁆𑀢𑀸 𑀇𑀫𑀺𑀦𑀸 𑀯𑀸 𑀆𑀦𑀻, 𑀔𑀢𑁆𑀢𑀺𑀬𑀸𑀦𑀻. 𑀦𑀤𑀸𑀤𑀺𑀧𑀸𑀞𑀸 𑀪𑀭𑀺𑀬𑀸𑀬𑀦𑁆𑀢𑀼 𑀈, 𑀔𑀢𑁆𑀢𑀺𑀬𑀻.

𑁩𑁪. 𑀉𑀧𑀫𑀸+𑀲𑀁𑀳𑀺𑀢+𑀲𑀳𑀺𑀢+𑀲𑀜𑁆𑀜𑀢+𑀲𑀳+𑀲𑀨+𑀯𑀸𑀫+𑀮𑀓𑁆𑀔𑀡𑀸𑀤𑀺𑀢𑀽+𑀭𑀼𑀢𑀽𑀢𑀺

𑀊𑀭𑀼𑀲𑀤𑁆𑀤𑀢𑁄 𑀇𑀢𑁆𑀣𑀺𑀬+𑀫𑀽 𑀳𑁄𑀢𑀺. 𑀓𑀭𑀪𑁄 𑀯𑀺𑀬 𑀊𑀭𑀼 𑀬𑀲𑁆𑀲𑀸 𑀲𑀸 𑀓𑀭𑀪𑁄𑀭𑀽, 𑀲𑀁𑀳𑀺𑀢𑁄 𑀊𑀭𑀼 𑀅𑀲𑁆𑀲𑀸𑀢𑀺 𑀲𑀁𑀳𑀺𑀢𑁄𑀭𑀽, 𑀏𑀯𑀁 𑀲𑀳𑀺𑀢𑁄𑀭𑀽, 𑀲𑀜𑁆𑀜𑀢𑁄𑀭𑀽, 𑀲𑀳𑁄𑀭𑀽, 𑀲𑀨𑁄𑀭𑀽, 𑀯𑀸𑀫𑁄𑀭𑀽, 𑀮𑀓𑁆𑀔𑀡𑁄𑀭𑀽. 𑀊𑀢𑀺 𑀬𑁄𑀕𑀯𑀺𑀪𑀸𑀕𑀸 𑀩𑁆𑀭𑀳𑁆𑀫𑀩𑀦𑁆𑀥𑀽.

𑀬𑀼𑀯𑀲𑀤𑁆𑀤𑀢𑁄𑀢𑀺 𑀳𑁄𑀢𑀺+𑀢𑁆𑀣𑀺𑀬𑀁. 𑀬𑀼𑀯𑀢𑀺.

𑁩𑁬. 𑀦𑁆𑀢𑀦𑁆𑀢𑀽𑀦𑀁 𑀯𑀻𑀫𑁆𑀳𑀺 𑀢𑁄 𑀯𑀸𑀢𑀺

𑀯𑀻𑀫𑁆𑀳𑀺 𑀦𑁆𑀢𑀦𑁆𑀢𑀽𑀦𑀁 𑀢𑁄 𑀯𑀸 𑀳𑁄𑀢𑀺. 𑀕𑀘𑁆𑀙𑀢𑀻 𑀕𑀘𑁆𑀙𑀦𑁆𑀢𑀻, 𑀲𑀻𑀮𑀯𑀢 𑀲𑀻𑀮𑀯𑀦𑁆𑀢𑀻.

𑀯𑀻𑀫𑁆𑀳𑀺 ¶ 𑀪𑀯𑀢𑁄 𑀪𑁄𑀢𑀸𑀤𑁂𑀲𑁄 𑀯𑀸 𑀳𑁄𑀢𑀺. 𑀪𑁄𑀢𑀻 𑀪𑀯𑀦𑁆𑀢𑀻.

𑀯𑀻𑀫𑁆𑀳𑀺 𑀧𑀼𑀣𑀼𑀲𑁆𑀲 𑀧𑀣𑀯𑀧𑀼𑀣𑀯𑀸 𑀳𑁄𑀦𑁆𑀢𑀺. 𑀧𑀣𑀯𑀻 𑀧𑀼𑀣𑀯𑀻, 𑀞𑁂 𑀧𑀣𑀯𑀻.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀲𑀫𑀸𑀲𑀓𑀡𑁆𑀟𑁄 𑀘𑀢𑀼𑀢𑁆𑀣𑁄.

𑀲𑀫𑀸𑀲𑁄 ¶ 𑀧𑀤𑀲𑀁𑀔𑁂𑀧𑁄, 𑀧𑀤𑀧𑀘𑁆𑀘𑀬𑀲𑀁𑀳𑀺𑀢𑀁;

𑀢𑀤𑁆𑀥𑀺𑀢𑀁 𑀦𑀸𑀫 𑀳𑁄𑀢𑀻𑀢𑀺, 𑀯𑀺𑀜𑁆𑀜𑁂𑀬𑁆𑀬𑀁 𑀢𑁂𑀲+𑀫𑀦𑁆𑀢𑀭𑀁.

𑀙𑀝𑁆𑀞𑀻𑀬𑀦𑁆𑀢𑀸 𑀦𑀸𑀫𑀲𑁆𑀫𑀸 𑀯𑀸 𑀡𑀧𑀘𑁆𑀘𑀬𑁄 𑀳𑁄𑀢𑀺 𑀅𑀧𑀘𑁆𑀘𑁂+𑀪𑀺𑀥𑁂𑀬𑁆𑀬𑁂. 𑀅𑀧𑀘𑁆𑀘𑀲𑀤𑁆𑀤𑀲𑀫𑁆𑀩𑀦𑁆𑀥𑀺𑀢𑁆𑀢𑁂𑀦 𑀅𑀧𑀘𑁆𑀘𑀯𑀦𑁆𑀢𑀢𑁄 𑀓𑀢𑀲𑀭𑀧𑀘𑁆𑀘𑀬𑁄 𑀲𑀫𑀢𑁆𑀣𑁆𑀬𑀢𑁄 𑀙𑀝𑁆𑀞𑁆𑀬𑀦𑁆𑀢𑀢𑁄 𑀳𑁄𑀢𑀻𑀢𑀺 ‘‘𑀙𑀝𑁆𑀞𑀻𑀬𑀦𑁆𑀢𑀸 𑀦𑀸𑀫𑀲𑁆𑀫𑀸’’𑀢𑀺 𑀲𑀼𑀢𑁆𑀢𑁂 𑀅𑀯𑀼𑀢𑁆𑀢𑀫𑁆𑀧𑀺 𑀯𑀼𑀢𑁆𑀢𑀁. 𑀡𑀸𑀤𑀻𑀦𑀁 𑀢𑀤𑁆𑀥𑀺𑀢𑀦𑁆𑀢𑀺 𑀧𑀼𑀩𑁆𑀩𑀸𑀘𑀭𑀺𑀬𑀲𑀜𑁆𑀜𑀸. 𑀡𑀓𑀸𑀭𑁄 𑀯𑀼𑀤𑁆𑀥𑁆𑀬𑀢𑁆𑀣𑁄. 𑀏𑀯+𑀫𑀜𑁆𑀜𑀢𑁆𑀭𑀸𑀧𑀺. 𑀡𑀸𑀤𑀺𑀯𑀼𑀢𑁆𑀢𑀺𑀢𑁆𑀢𑀸 ‘‘𑀏𑀓𑀢𑁆𑀣𑀢𑀸𑀬𑀁’’𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄.

𑁧𑁨𑁪. 𑀲𑀭𑀸𑀦+𑀫𑀸𑀤𑀺𑀲𑁆𑀲𑀸+𑀬𑀼𑀯𑀡𑁆𑀡𑀲𑁆𑀲𑀸+𑀏𑀑 𑀡𑀸𑀦𑀼𑀩𑀦𑁆𑀥𑁂

𑀲𑀭𑀸𑀦+𑀫𑀸𑀤𑀺𑀪𑀽𑀢𑀸 𑀬𑁂 𑀅𑀓𑀸𑀭𑀺+𑀯𑀡𑁆𑀡𑀼+𑀯𑀡𑁆𑀡𑀸, 𑀢𑁂𑀲𑀁 𑀆+𑀏+𑀑 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀡𑀸𑀦𑀼𑀩𑀦𑁆𑀥𑁂𑀢𑀺 𑀅𑀓𑀸𑀭𑀲𑁆𑀲 𑀆𑀓𑀸𑀭𑁄. 𑀆+𑀏+𑀑𑀦𑀁 𑀯𑀼𑀤𑁆𑀥𑀻𑀢𑀺𑀧𑀺 𑀧𑀼𑀩𑁆𑀩𑀸𑀘𑀭𑀺𑀬𑀲𑀜𑁆𑀜𑀸. 𑀯𑀲𑀺𑀝𑁆𑀞𑀲𑁆𑀲𑀸+𑀧𑀘𑁆𑀘𑀁 𑀯𑀸𑀲𑀺𑀝𑁆𑀞𑁄. 𑀯𑀻𑀫𑁆𑀳𑀺 𑀯𑀸𑀲𑀺𑀝𑁆𑀞𑀻. 𑀯𑁂𑀢𑀺 𑀯𑀲𑀺𑀝𑁆𑀞𑀲𑁆𑀲𑀸+𑀧𑀘𑁆𑀘𑀁𑀢𑀺 𑀯𑀸𑀓𑁆𑀬𑀲𑁆𑀲 𑀘 𑀯𑀲𑀺𑀝𑁆𑀞𑀸𑀧𑀘𑁆𑀘𑀁𑀢𑀺 𑀲𑀫𑀸𑀲𑀲𑁆𑀲 𑀘 𑀯𑀺𑀓𑀧𑁆𑀧𑀢𑁆𑀣𑀁. 𑀲𑁄 𑀘 𑀯𑀸𑀲𑀤𑁆𑀤𑁄 𑀬𑀸𑀯 ‘‘𑀲𑀓𑀢𑁆𑀣𑁂’’𑀢𑀺 𑀅𑀥𑀺𑀓𑀭𑀻𑀬𑀢𑀺.

𑀦𑀧𑀼𑀁𑀲𑀓𑁂𑀦 𑀮𑀺𑀗𑁆𑀕𑁂𑀦, 𑀲𑀤𑁆𑀤𑁄+𑀤𑀸𑀳𑀼 𑀧𑀼𑀫𑁂𑀦 𑀯𑀸;

𑀦𑀺𑀤𑁆𑀤𑀺𑀲𑁆𑀲𑀢𑀻𑀢𑀺 𑀜𑀸𑀢𑀩𑁆𑀩+𑀫𑀯𑀺𑀲𑁂𑀲𑁂 𑀧𑀦𑀺+𑀘𑁆𑀙𑀺𑀢𑁂𑀢𑀺 𑁋

𑀯𑀼𑀢𑁆𑀢𑀢𑁆𑀣𑀸 𑀅𑀧𑀘𑁆𑀘𑀲𑀤𑁆𑀤𑀲𑁆𑀲 𑀦𑀧𑀼𑀁𑀲𑀓𑀢𑁆𑀣𑁂𑀧𑀺 𑀧𑀼𑀢𑁆𑀢𑀧𑀼𑀢𑁆𑀢𑀻𑀦𑀁 𑀤𑁆𑀯𑀺𑀦𑁆𑀦𑀫𑁆𑀧𑀺 𑀯𑀸𑀘𑀓𑁄 𑀳𑁄𑀢𑀺.

𑀡𑀸𑀤𑀬𑁄+𑀪𑀺𑀥𑁂𑀬𑁆𑀬𑀮𑀺𑀗𑁆𑀕𑀸 ¶ , 𑀅𑀧𑀘𑁆𑀘𑁂 𑀢𑁆𑀯+𑀦𑀧𑀼𑀁𑀲𑀓𑀸;

𑀦𑀧𑀼𑀁𑀲𑀓𑁂 𑀲𑀓𑀢𑁆𑀣𑁂 𑀡𑁆𑀬𑁄, 𑀪𑀺𑀬𑁆𑀬𑁄 𑀪𑀸𑀯𑀲𑀫𑀽𑀳𑀚𑀸;

𑀢𑀸 𑀢𑀼+𑀢𑁆𑀣𑀺𑀬+𑀫𑀲𑀁𑀔𑁆𑀬𑀸𑀦𑁂, 𑀢𑁆𑀯𑀸𑀤𑀺𑀘𑀻𑀧𑀘𑁆𑀘𑀬𑀦𑁆𑀢𑀓𑀸.

𑀪𑀸𑀭𑀤𑁆𑀯𑀸𑀚𑀲𑁆𑀲 𑀅𑀧𑀘𑁆𑀘𑀁=𑀧𑀼𑀢𑁆𑀢𑁄 𑀪𑀸𑀭𑀤𑁆𑀯𑀸𑀚𑁄, 𑀏𑀯𑀁 𑀯𑁂𑀲𑁆𑀲𑀸𑀫𑀺𑀢𑁆𑀢𑁄, 𑀕𑁄𑀢𑀫𑁄. 𑀏𑀢𑁆𑀣 𑀘 𑀅+𑀬𑀼𑀯𑀡𑁆𑀡𑀦𑁆𑀢𑀸𑀪𑀸𑀯𑀸 𑀆+𑀏+𑀑𑀦𑀁 𑀦 𑀯𑀼𑀤𑁆𑀥𑀺. 𑀯𑀸𑀲𑀼𑀤𑁂𑀯𑀲𑁆𑀲 𑀅𑀧𑀘𑁆𑀘𑀁 𑀯𑀸𑀲𑀼𑀤𑁂𑀯𑁄, 𑀩𑀮𑀤𑁂𑀯𑁄. 𑀘𑀺𑀢𑁆𑀢𑀓𑁄𑀢𑀺𑀆𑀤𑀻𑀲𑀼 𑀧𑀦 𑀲𑀁𑀬𑁄𑀕𑀦𑁆𑀢𑀢𑁆𑀢𑀸 ‘‘𑀲𑀁𑀬𑁄𑀕𑁂 𑀓𑁆𑀯𑀘𑀻’’𑀢𑀺 𑀓𑁆𑀯𑀘𑀺 𑀦 𑀯𑀼𑀤𑁆𑀥𑀺. 𑀉𑀧𑀕𑀼𑀦𑁄 𑀅𑀧𑀘𑁆𑀘𑀁 𑀑𑀧𑀕𑀯𑁄 𑀑𑀧𑀕𑀯𑀻. 𑀏𑀢𑁆𑀣 ‘‘𑀉𑀯𑀡𑁆𑀡𑀲𑁆𑀲𑀸+𑀯𑀗 𑀲𑀭𑁂’’𑀢𑀺 𑀉𑀓𑀸𑀭𑀲𑁆𑀲 𑀅𑀯𑀗.

𑀯𑀘𑁆𑀙𑀲𑁆𑀲𑀸+𑀧𑀘𑁆𑀘𑀦𑁆𑀢𑀺 𑀯𑀺𑀕𑁆𑀕𑀬𑁆𑀳 𑀧𑀼𑀩𑁆𑀩𑀲𑀼𑀢𑁆𑀢𑁂𑀦 𑀡𑀧𑀘𑁆𑀘𑀬𑁂 𑀓𑀢𑁂 𑀧𑀼𑀦 𑀯𑀘𑁆𑀙𑀲𑁆𑀲𑀸+𑀧𑀘𑁆𑀘𑀁𑀢𑀺 𑀯𑀺𑀕𑁆𑀕𑀳𑁄.

𑀯𑀘𑁆𑀙𑀸𑀤𑀻𑀳𑀺 𑀅𑀧𑀘𑁆𑀘𑀧𑀘𑁆𑀘𑀬𑀦𑁆𑀢𑁂𑀳𑀺 𑀕𑁄𑀢𑁆𑀢𑀸𑀤𑀻𑀳𑀺 𑀘 𑀲𑀤𑁆𑀤𑁂𑀳𑀺 𑀡𑀸𑀦+𑀡𑀸𑀬𑀦𑀧𑀘𑁆𑀘𑀬𑀸 𑀯𑀸 𑀳𑁄𑀦𑁆𑀢𑀺 𑀅𑀧𑀘𑁆𑀘𑁂. 𑀯𑀘𑁆𑀙𑀸𑀦𑁄, 𑀯𑀘𑁆𑀙𑀸𑀬𑀦𑁄, ‘‘𑀲𑀁𑀬𑁄𑀕𑁂 𑀓𑁆𑀯𑀘𑀻’’𑀢𑀺 𑀦 𑀯𑀼𑀤𑁆𑀥𑀺. 𑀓𑀢𑀺𑀲𑁆𑀲𑀸+𑀧𑀘𑁆𑀘𑀁 𑀓𑀘𑁆𑀘𑁄, ‘‘𑀡𑁆𑀬 𑀤𑀺𑀘𑁆𑀘𑀸𑀤𑀻𑀳𑀻’’𑀢𑀺 𑀡𑁆𑀬𑁄, ‘‘𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁’’𑀢𑀺 𑀅𑀓𑀸𑀭𑀮𑁄𑀧𑁂 𑀘𑀯𑀕𑁆𑀕𑀧𑀼𑀩𑁆𑀩𑀭𑀽𑀧𑀸𑀦𑀺. 𑀓𑀘𑁆𑀘𑀲𑁆𑀲𑀸+𑀧𑀘𑁆𑀘𑀁 𑀓𑀘𑁆𑀘𑀸𑀦𑁄, 𑀓𑀘𑁆𑀘𑀸𑀬𑀦𑁄, 𑀬𑀸𑀕𑀫𑁂 𑀓𑀸𑀢𑀺𑀬𑀸𑀦𑁄. 𑀫𑀼𑀕𑁆𑀕𑀲𑁆𑀲𑀸+𑀧𑀘𑁆𑀘𑀁=𑀦𑀢𑁆𑀢𑀸𑀤𑀻𑀢𑀺 𑀯𑀸𑀓𑁆𑀬𑁂 𑀯𑀼𑀤𑁆𑀥𑀺+𑀇𑀓𑀸𑀭𑀮𑁄𑀧+𑀧𑀼𑀩𑁆𑀩𑀭𑀽𑀧𑀸𑀦𑀺. 𑀫𑁄𑀕𑁆𑀕𑀮𑁆𑀮𑀲𑁆𑀲𑀸+𑀧𑀘𑁆𑀘𑀁𑀢𑀺 𑀧𑀼𑀦𑀡𑀸𑀦+𑀡𑀸𑀬𑀦𑀸 𑀳𑁄𑀦𑁆𑀢𑀺, 𑀫𑁄𑀕𑁆𑀕𑀮𑁆𑀮𑀸𑀦𑁄 𑀫𑁄𑀕𑁆𑀕𑀮𑁆𑀮𑀸𑀬𑀦𑁄. 𑀇𑀫𑁂 𑀘𑀢𑁆𑀢𑀸𑀭𑁄 𑀅𑀧𑀘𑁆𑀘𑀧𑀘𑁆𑀘𑀬𑀦𑁆𑀢𑀸. 𑀕𑁄𑀢𑁆𑀢𑀸𑀤𑀺𑀢𑁄 𑀬𑀣𑀸𑀲𑀓𑀝𑀲𑁆𑀲𑀸+𑀧𑀘𑁆𑀘𑀁 𑀦𑀢𑁆𑀢𑀸𑀤𑀻𑀳𑀺 𑀲𑀓𑀝𑀸𑀦𑁄 𑀲𑀓𑀝𑀸𑀬𑀦𑁄. 𑀓𑀡𑁆𑀳𑀲𑁆𑀲𑀸+𑀧𑀘𑁆𑀘𑀁 𑀦𑀢𑁆𑀢𑀸𑀤𑀺 𑀓𑀡𑁆𑀳𑀸𑀦𑁄 𑀓𑀡𑁆𑀳𑀸𑀬𑀦𑁄. 𑀏𑀯𑀁 𑀅𑀕𑁆𑀕𑀺𑀯𑁂𑀲𑁆𑀲𑀸𑀦𑁄 𑀅𑀕𑁆𑀕𑀺𑀯𑁂𑀲𑁆𑀲𑀸𑀬𑀦𑁄 ¶ , 𑀫𑀼𑀜𑁆𑀚𑀸𑀦𑁄 𑀫𑀼𑀜𑁆𑀚𑀸𑀬𑀦𑁄, 𑀓𑀼𑀜𑁆𑀚𑀸𑀦𑁄 𑀓𑀼𑀜𑁆𑀚𑀸𑀬𑀦𑁄. 𑀲𑀩𑁆𑀩𑀢𑁆𑀣 𑀲𑀁𑀬𑁄𑀕𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀆𑀓𑀢𑀺𑀕𑀡𑁄+𑀬𑀁.

𑁩. 𑀓𑀢𑁆𑀢𑀺𑀓𑀸𑀯𑀺𑀥𑀯𑀸𑀤𑀻𑀳𑀺 𑀡𑁂𑀬𑁆𑀬𑀡𑁂𑀭𑀸

𑀓𑀢𑁆𑀢𑀺𑀓𑀸𑀤𑀻𑀳𑀺 𑀯𑀺𑀥𑀯𑀸𑀤𑀻𑀳𑀺 𑀘 𑀡𑁂𑀬𑁆𑀬𑀡𑁂𑀭𑀧𑁆𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀯𑀸 𑀬𑀣𑀸𑀓𑁆𑀓𑀫𑀁. 𑀓𑀢𑁆𑀢𑀺𑀓𑀸𑀬 𑀅𑀧𑀘𑁆𑀘𑀁 𑀓𑀢𑁆𑀢𑀺𑀓𑁂𑀬𑁆𑀬𑁄, 𑀕𑀭𑀼𑀴𑁄 𑀯𑀺𑀦𑀢𑀸𑀬=𑀲𑀼𑀧𑀡𑁆𑀡𑀫𑀸𑀢𑀼𑀬𑀸 𑀅𑀧𑀘𑁆𑀘𑀁 𑀯𑁂𑀦𑀢𑁂𑀬𑁆𑀬𑁄. 𑀭𑁄𑀳𑀺𑀡𑀺𑀬𑀸 𑀅𑀧𑀘𑁆𑀘𑀁 𑀭𑁄𑀳𑀺𑀡𑁂𑀬𑁆𑀬𑁄, 𑀕𑀗𑁆𑀕𑀸𑀬 𑀅𑀧𑀘𑁆𑀘𑀁 𑀕𑀗𑁆𑀕𑁂𑀬𑁆𑀬𑁄. 𑀏𑀯𑀁 𑀪𑀸𑀕𑀺𑀦𑁂𑀬𑁆𑀬𑁄, 𑀦𑀸𑀤𑁂𑀬𑁆𑀬𑁄, 𑀅𑀦𑁆𑀢𑁂𑀬𑁆𑀬𑁄, 𑀆𑀳𑁂𑀬𑁆𑀬𑁄, 𑀓𑀸𑀧𑁂𑀬𑁆𑀬𑁄, 𑀲𑀼𑀘𑀺𑀬𑀸 𑀅𑀧𑀘𑁆𑀘𑀁 𑀲𑁄𑀘𑁂𑀬𑁆𑀬𑁄, 𑀩𑀸𑀮𑁂𑀬𑁆𑀬𑁄. 𑀡𑁂𑀭𑁂-𑀯𑀺𑀥𑀯𑀸𑀬 𑀅𑀧𑀘𑁆𑀘𑀁 𑀯𑁂𑀥𑀯𑁂𑀭𑁄. 𑀩𑀦𑁆𑀥𑀓𑀺𑀬𑀸=𑀅𑀪𑀺𑀲𑀸𑀭𑀺𑀓𑀸𑀬 𑀅𑀧𑀘𑁆𑀘𑀁 𑀩𑀦𑁆𑀥-𑀓𑁂𑀭𑁄. 𑀲𑀫𑀡𑀲𑁆𑀲 𑀉𑀧𑀚𑁆𑀛𑀸𑀬𑀲𑁆𑀲𑀸+𑀧𑀘𑁆𑀘𑀁 𑀲𑀸𑀫𑀡𑁂𑀭𑁄, 𑀦𑀸𑀴𑀺𑀓𑁂𑀭𑁄 𑀇𑀘𑁆𑀘𑀸𑀤𑀺.

𑀤𑀺𑀢𑀺𑀧𑁆𑀧𑀪𑀼𑀢𑀻𑀳𑀺 𑀡𑁆𑀬𑁄 𑀳𑁄𑀢𑀺 𑀅𑀧𑀘𑁆𑀘𑁂.

𑀲𑀁𑀬𑁄𑀕𑀯𑀺𑀲𑀬𑁂 𑀓𑁆𑀯𑀘𑀺 𑀆+𑀏+𑀑𑀯𑀼𑀤𑁆𑀥𑀺𑀬𑁄 𑀳𑁄𑀦𑁆𑀢𑀺 𑀡𑀸𑀦𑀼𑀩𑀦𑁆𑀥𑁂.

𑁧𑁩𑁧. 𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁

𑀅𑀯𑀡𑁆𑀡𑀺+𑀯𑀡𑁆𑀡𑀸𑀦𑀁 𑀮𑁄𑀧𑁄 𑀳𑁄𑀢𑀺 𑀬𑀓𑀸𑀭𑀸𑀤𑁄 𑀧𑀘𑁆𑀘𑀬𑁂. 𑀤𑀺𑀢𑀺𑀬𑀸=𑀅𑀲𑀼𑀭𑀫𑀸𑀢𑀼𑀬𑀸 𑀅𑀧𑀘𑁆𑀘𑀁 𑀤𑁂𑀘𑁆𑀘𑁄 𑀆𑀤𑀺𑀘𑁆𑀘𑁄. 𑀓𑀼𑀡𑁆𑀟𑀦𑀺𑀬𑀸 𑀅𑀧𑀘𑁆𑀘𑀁 𑀓𑁄𑀡𑁆𑀟𑀜𑁆𑀜𑁄, 𑀦𑀲𑁆𑀲 𑀜𑁆𑀜𑁂 𑀧𑀼𑀩𑁆𑀩𑀭𑀽𑀧𑀁. 𑀅𑀤𑀺𑀢𑀻𑀢𑀺 𑀤𑁂𑀯𑀫𑀸𑀢𑀸.

𑀪𑀸𑀢𑀼𑀦𑁄 ¶ 𑀅𑀧𑀘𑁆𑀘𑀁 𑀪𑀸𑀢𑀩𑁆𑀬𑁄, ‘‘𑀬𑀫𑁆𑀳𑀺 𑀕𑁄𑀲𑁆𑀲 𑀘𑀸’’𑀢𑀺 𑀬𑀫𑁆𑀳𑀺 𑀉𑀲𑁆𑀲 𑀅𑀯𑀗 𑀅𑀓𑀸𑀭𑀮𑁄𑀧𑀧𑀼𑀩𑁆𑀩𑀭𑀽𑀧𑀸𑀦𑀺.

𑀅𑀓𑀸𑀭𑀦𑁆𑀢𑀢𑁄 𑀡𑀺 𑀯𑀸 𑀳𑁄𑀢+𑀧𑀘𑁆𑀘𑁂 𑀩𑀳𑀼𑀮𑀁. 𑀆=𑀢𑀺 𑀦𑀸𑀫𑀯𑀺𑀲𑁂𑀲𑀦𑀢𑁆𑀢𑀸 𑀅-𑀓𑀸𑀭𑀦𑁆𑀢𑀢𑁄𑀢𑀺 𑀯𑀼𑀢𑁆𑀢𑀁. 𑀤𑀓𑁆𑀔𑀲𑁆𑀲𑀸+𑀧𑀘𑁆𑀘𑀁 𑀤𑀓𑁆𑀔𑀺, 𑀤𑀢𑁆𑀢𑀺, 𑀤𑁄𑀡𑀺, 𑀯𑀸𑀲𑀯𑀺, 𑀯𑀸𑀭𑀼𑀡𑀺. 𑀚𑀺𑀦𑀤𑀢𑁆𑀢𑀲𑁆𑀲𑀸+𑀧𑀘𑁆𑀘𑀁 𑀚𑁂𑀦𑀤𑀢𑁆𑀢𑀺, 𑀲𑀼𑀤𑁆𑀥𑁄𑀤𑀦𑀺, 𑀆𑀦𑀼𑀭𑀼𑀤𑁆𑀥𑀺 𑀇𑀘𑁆𑀘𑀸𑀤𑀺.

𑀭𑀸𑀚𑀢𑁄 𑀜𑁆𑀜𑁄 𑀯𑀸 𑀳𑁄𑀢+𑀧𑀘𑁆𑀘𑁂 𑀔𑀢𑁆𑀣𑀺𑀬𑀚𑀸𑀢𑀺𑀬𑀁 𑀕𑀫𑁆𑀬𑀫𑀸𑀦𑀸𑀬𑀁. 𑀭𑀜𑁆𑀜𑁄 𑀅𑀧𑀘𑁆𑀘𑀁 𑀭𑀸𑀚𑀜𑁆𑀜𑁄. 𑀚𑀸𑀢𑀻𑀬𑀦𑁆𑀢𑀺 𑀓𑀺𑀁, 𑀭𑀸𑀚𑀸𑀧𑀘𑁆𑀘𑀁.

𑀢𑀺𑀚𑀸𑀢𑀺𑀬𑀁 𑀅𑀧𑀘𑁆𑀘𑁂 𑀬+𑀇𑀬𑀸 𑀳𑁄𑀦𑁆𑀢𑀺. 𑀔𑀢𑁆𑀢𑀲𑁆𑀲𑀸+𑀧𑀘𑁆𑀘𑀁 𑀔𑀢𑁆𑀬𑁄 𑀔𑀢𑁆𑀢𑀺𑀬𑁄. 𑀚𑀸𑀢𑀺𑀬𑀁 𑀢𑁆𑀯𑁂𑀯, 𑀔𑀢𑁆𑀢𑀺.

𑀫𑀦𑀼𑀢𑁄 𑀚𑀸𑀢𑀺𑀲𑀫𑀼𑀤𑀸𑀬𑁂 𑀲𑁆𑀲+𑀲𑀡 𑀳𑁄𑀦𑁆𑀢𑀼+𑀧𑀘𑁆𑀘𑁂. 𑀫𑀦𑀼𑀦𑁄 𑀅𑀧𑀘𑁆𑀘𑀁 𑀫𑀦𑀼𑀲𑁆𑀲𑁄 𑀫𑀸𑀦𑀼𑀲𑁄, 𑀫𑀦𑀼𑀲𑁆𑀲𑀻 𑀫𑀸𑀦𑀼𑀲𑀻. 𑀚𑀸𑀢𑀺𑀬𑀁 𑀢𑁆𑀯𑁂𑀯, 𑀫𑀸𑀦𑀯𑁄, 𑀦𑀲𑁆𑀲 𑀡𑁄, 𑀫𑀸𑀡𑀯𑁄.

𑁯. 𑀚𑀦𑀧𑀤𑀦𑀸𑀫𑀲𑁆𑀫𑀸 𑀔𑀢𑁆𑀢𑀺𑀬𑀸 𑀭𑀜𑁆𑀜𑁂 𑀘 𑀡𑁄

𑀚𑀦𑀧𑀤𑀲𑁆𑀲 𑀬𑀁 𑀦𑀸𑀫𑀁, 𑀢𑀁 𑀦𑀸𑀫𑀲𑁆𑀫𑀸 𑀔𑀢𑁆𑀢𑀺𑀬𑀸 𑀅𑀧𑀘𑁆𑀘𑁂 𑀭𑀜𑁆𑀜𑁂 𑀘 𑀡𑁄 𑀳𑁄𑀢𑀺. 𑀧𑀜𑁆𑀘𑀸𑀮𑀸𑀦𑀁 𑀅𑀧𑀘𑁆𑀘𑀁 𑀭𑀸𑀚𑀸 𑀯𑀸 𑀧𑀜𑁆𑀘𑀸𑀮𑁄, 𑀓𑁄𑀲𑀮𑁄 ¶ , 𑀫𑀸𑀕𑀥𑁄, 𑀑𑀓𑁆𑀓𑀸𑀓𑁄. 𑀚𑀦𑀧𑀤𑀦𑀸𑀫𑀲𑁆𑀫𑀸𑀢𑀺 𑀓𑀺𑀁, 𑀤𑀸𑀲𑀭𑀣𑀺. 𑀔𑀢𑁆𑀢𑀺𑀬𑀸𑀢𑀺 𑀓𑀺𑀁, 𑀧𑀜𑁆𑀘𑀸𑀮𑀲𑁆𑀲 𑀩𑁆𑀭𑀸𑀳𑁆𑀫𑀡𑀲𑁆𑀲𑀸+𑀧𑀘𑁆𑀘𑀁 𑀧𑀜𑁆𑀘𑀸𑀮𑀺.

𑀓𑀼𑀭𑀼𑀲𑀺𑀯𑀻𑀳𑀺 𑀅𑀧𑀘𑁆𑀘𑁂 𑀭𑀜𑁆𑀜𑁂 𑀘 𑀡𑁆𑀬𑁄 𑀳𑁄𑀢𑀺. 𑀓𑀼𑀭𑀽𑀦𑀁 𑀅𑀧𑀘𑁆𑀘𑀁 𑀭𑀸𑀚𑀸 𑀯𑀸 𑀓𑁄𑀭𑀩𑁆𑀬𑁄. ‘‘𑀬𑀫𑁆𑀳𑀺 𑀕𑁄𑀲𑁆𑀲 𑀘𑀸’’𑀢𑀺𑀫𑀺𑀦𑀸 𑀅𑀯𑀗, 𑀩𑀓𑀸𑀭𑀧𑀼𑀩𑁆𑀩𑀭𑀽𑀧𑀸𑀦𑀺. 𑀲𑁂𑀩𑁆𑀩𑁄, 𑀇𑀮𑁄𑀧𑁄. (𑀅𑀧𑀘𑁆𑀘𑀢𑀤𑁆𑀥𑀺𑀢𑀁).

𑀭𑀸𑀕𑀯𑀸𑀘𑀻𑀢𑀢𑀺𑀬𑀦𑁆𑀢𑀢𑁄 𑀭𑀢𑁆𑀢+𑀫𑀺𑀘𑁆𑀘𑁂+𑀢𑀲𑁆𑀫𑀺𑀁 𑀅𑀢𑁆𑀢𑁂 𑀡𑁄 𑀳𑁄𑀢𑀺. 𑀓𑀼𑀲𑀼𑀫𑁆𑀪𑀸𑀤𑀻𑀳𑀺 𑀯𑀡𑁆𑀡𑀦𑁆𑀢𑀭𑀧𑀢𑁆𑀢𑀁 𑀭𑀢𑁆𑀢𑀁 𑀦𑀸𑀫. 𑀓𑀲𑀸𑀯𑁂𑀦 𑀭𑀢𑁆𑀢𑀁 𑀓𑀸𑀲𑀸𑀯𑀁. 𑀏𑀯𑀁 𑀓𑀼𑀲𑀼𑀫𑁆𑀪𑁂𑀦 𑀭𑀢𑁆𑀢𑀁 𑀓𑁄𑀲𑀼𑀫𑁆𑀪𑀁, 𑀳𑀸𑀮𑀺𑀤𑁆𑀤𑀁, 𑀧𑀢𑁆𑀢𑀗𑁆𑀕𑀁, 𑀫𑀜𑁆𑀚𑁂𑀝𑁆𑀞𑀁, 𑀓𑀼𑀗𑁆𑀓𑀼𑀫𑀁. 𑀇𑀥 𑀦 𑀳𑁄𑀢𑀺 𑀦𑀻𑀮𑀁 𑀧𑀻𑀢𑀦𑁆𑀢𑀺, 𑀕𑀼𑀡𑀯𑀘𑀦𑀢𑁆𑀢𑀸 𑀡𑁂𑀦 𑀯𑀺𑀦𑀸𑀧𑀺 𑀤𑀩𑁆𑀩𑀲𑁆𑀲𑀸+𑀪𑀺𑀥𑀸𑀦𑀢𑁄.

𑁧𑁨. 𑀦𑀓𑁆𑀔𑀢𑁆𑀢𑁂𑀦𑀺+𑀦𑁆𑀤𑀼𑀬𑀼𑀢𑁆𑀢𑁂𑀦 𑀓𑀸𑀮𑁂

𑀢𑀢𑀺𑀬𑀦𑁆𑀢𑀢𑁄 𑀦𑀓𑁆𑀔𑀢𑁆𑀢𑀸 𑀢𑁂𑀦 𑀮𑀓𑁆𑀔𑀺𑀢𑁂 𑀓𑀸𑀮𑁂 𑀡𑁄 𑀳𑁄𑀢𑀺, 𑀢𑀁 𑀘𑁂 𑀦𑀓𑁆𑀔𑀢𑁆𑀢+𑀫𑀺𑀦𑁆𑀤𑀼𑀬𑀼𑀢𑁆𑀢𑀁 𑀳𑁄𑀢𑀺. 𑀨𑀼𑀲𑁆𑀲𑁂𑀦 𑀇𑀦𑁆𑀤𑀼𑀬𑀼𑀢𑁆𑀢𑁂𑀦 𑀮𑀓𑁆𑀔𑀺𑀢𑀸 𑀧𑀼𑀡𑁆𑀡𑀫𑀸𑀲𑀻 𑀨𑀼𑀲𑁆𑀲𑀻 𑀭𑀢𑁆𑀢𑀺, 𑀨𑀼𑀲𑁆𑀲𑁄 𑀅𑀳𑁄, 𑀫𑀖𑀸𑀬 𑀇𑀦𑁆𑀤𑀼𑀬𑀼𑀢𑁆𑀢𑀸𑀬 𑀮𑀓𑁆𑀔𑀺𑀢𑀸 𑀧𑀼𑀡𑁆𑀡𑀫𑀸𑀲𑀻 𑀫𑀸𑀖𑀻, 𑀫𑀸𑀖𑁄.

𑁧𑁩. 𑀲𑀸+𑀲𑁆𑀲 𑀤𑁂𑀯𑀢𑀸 𑀧𑀼𑀡𑁆𑀡𑀫𑀸𑀲𑀻

𑀲𑁂𑀢𑀺 𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀙𑀝𑁆𑀞𑀺𑀬𑀢𑁆𑀣𑁂 𑀡𑁄 𑀳𑁄𑀢𑀺, 𑀬𑀁 𑀧𑀞𑀫𑀦𑁆𑀢𑀁, 𑀲𑀸 𑀘𑁂 𑀤𑁂𑀯𑀢𑀸 𑀧𑀼𑀡𑁆𑀡𑀫𑀸𑀲𑀻 𑀯𑀸. 𑀲𑀼𑀕𑀢𑁄 𑀤𑁂𑀯𑀢𑀸 𑀅𑀲𑁆𑀲 𑀲𑁄𑀕𑀢𑁄, 𑀫𑀸𑀳𑀺𑀦𑁆𑀤𑁄, 𑀬𑀸𑀫𑁄, 𑀯𑀸𑀭𑀼𑀡𑁄. 𑀩𑀼𑀤𑁆𑀥𑁄 𑀅𑀲𑁆𑀲 𑀤𑁂𑀯𑀢𑀸𑀢𑀺 ¶ 𑀩𑀼𑀤𑁆𑀥𑁄. 𑀨𑀼𑀲𑁆𑀲𑀻 𑀧𑀼𑀡𑁆𑀡𑀫𑀸𑀲𑀻 𑀅𑀲𑁆𑀲 𑀲𑀫𑁆𑀩𑀦𑁆𑀥𑀺𑀦𑀻𑀢𑀺 𑀨𑀼𑀲𑁆𑀲𑁄 𑀫𑀸𑀲𑁄. 𑀏𑀯𑀁 𑀫𑀸𑀖𑁄, 𑀨𑀕𑁆𑀕𑀼𑀦𑁄, 𑀘𑀺𑀢𑁆𑀢𑁄, 𑀯𑁂𑀲𑀸𑀔𑁄, 𑀚𑁂𑀝𑁆𑀞𑀫𑀽𑀮𑁄, 𑀆𑀲𑀸𑀴𑁆𑀳𑁄, 𑀲𑀸𑀯𑀡𑁄, 𑀧𑁄𑀝𑁆𑀞𑀧𑀸𑀤𑁄, 𑀅𑀲𑁆𑀲𑀬𑀼𑀚𑁄, 𑀓𑀢𑁆𑀢𑀺𑀓𑁄, 𑀫𑀸𑀕𑀲𑀺𑀭𑁄. 𑀧𑀼𑀡𑁆𑀡𑀫𑀸𑀲𑀻 𑀘 𑀪𑀢𑀓𑀫𑀸𑀲𑀲𑀫𑁆𑀩𑀦𑁆𑀥𑀺𑀦𑀻 𑀦 𑀳𑁄𑀢𑀺, 𑀧𑀼𑀡𑁆𑀡𑁄 𑀫𑀸 𑀅𑀲𑁆𑀲𑀦𑁆𑀢𑀺 𑀦𑀺𑀩𑁆𑀩𑀘𑀦𑀸, 𑀅𑀢𑁄 𑀏𑀯 𑀦𑀺𑀧𑀸𑀢𑀦𑀸 𑀡𑁄, 𑀲𑀸𑀕𑀫𑁄 𑀘.

𑁧𑁪. 𑀢+𑀫𑀥𑀻𑀢𑁂 𑀢𑀁 𑀚𑀸𑀦𑀸𑀢𑀺 𑀓+𑀡𑀺𑀓𑀸 𑀘

𑀤𑀼𑀢𑀺𑀬𑀦𑁆𑀢𑀢𑁄 𑀢+𑀫𑀥𑀻𑀢𑁂 𑀢𑀁 𑀚𑀸𑀦𑀸𑀢𑀻𑀢𑀺 𑀏𑀢𑁂𑀲𑁆𑀯+𑀢𑁆𑀣𑁂𑀲𑀼 𑀡𑁄 𑀳𑁄𑀢𑀺 𑀓𑁄 𑀡𑀺𑀓𑁄 𑀘. 𑀏𑀢𑁆𑀣 𑀘𑀲𑀤𑁆𑀤𑁄 𑀓𑁄 𑀘𑀡𑀺𑀓𑁄 𑀘 𑀳𑁄𑀢𑀻𑀢𑀺 𑀲𑀫𑀼𑀘𑁆𑀘𑀺𑀦𑁄, 𑀦𑁄 𑀡𑀧𑀘𑁆𑀘𑀬𑀁. 𑀩𑁆𑀬𑀸𑀓𑀭𑀡+𑀫𑀥𑀻𑀢𑁂 𑀚𑀸𑀦𑀸𑀢𑀻𑀢𑀺 𑀯𑀸 𑀯𑁂𑀬𑁆𑀬𑀸𑀓𑀭𑀡𑁄, 𑀯𑀺+𑀆+𑀓𑀭𑀡𑀦𑁆𑀢𑀺 𑀯𑀺𑀘𑁆𑀙𑀺𑀚𑁆𑀚 𑀓𑀢𑀬𑀸𑀤𑁂𑀲𑀲𑁆𑀲𑀺+𑀓𑀸𑀭𑀲𑁆𑀲 ‘‘𑀢𑀤𑀸𑀤𑁂𑀲𑀸 𑀢𑀤𑀻𑀯 𑀪𑀯𑀦𑁆𑀢𑀻’’𑀢𑀺 𑀜𑀸𑀬𑀸 ‘‘𑀲𑀭𑀸𑀦’’𑀫𑀺𑀘𑁆𑀘𑀸𑀤𑀺𑀦𑀸 𑀏𑀓𑀸𑀭𑁂 𑀬𑀸𑀕𑀫𑀤𑁆𑀯𑀺𑀢𑁆𑀢𑀸𑀦𑀺. 𑀏𑀯𑀁 𑀫𑁄𑀳𑀼𑀢𑁆𑀢𑁄, 𑀦𑁂𑀫𑀺𑀢𑁆𑀢𑁄, 𑀅𑀗𑁆𑀕𑀯𑀺𑀚𑁆𑀚𑁄, 𑀯𑀢𑁆𑀣𑀼𑀯𑀺𑀚𑁆𑀚𑁄, 𑀙𑀦𑁆𑀤𑀲𑁄, ‘‘𑀫𑀦𑀸, 𑀤𑀻𑀦𑀁 𑀲𑀓’’ 𑀇𑀢𑀺 𑀲𑀓𑀸𑀕𑀫𑁄. 𑀓𑀫𑀓𑁄, 𑀧𑀤𑀓𑁄, 𑀯𑁂𑀦𑀬𑀺𑀓𑁄, 𑀲𑀼𑀢𑁆𑀢𑀦𑁆𑀢𑀺𑀓𑁄, 𑀆𑀪𑀺𑀥𑀫𑁆𑀫𑀺𑀓𑁄. 𑀤𑁆𑀯𑀺𑀢𑀕𑁆𑀕𑀳𑀡𑀁 𑀅𑀚𑁆𑀛𑁂𑀦𑀚𑀸𑀦𑀦𑁂 𑀘 𑀯𑀺𑀲𑀼𑀁 𑀯𑀺𑀲𑀼𑀁 𑀧𑀘𑁆𑀘𑀬𑀯𑀺𑀥𑀸𑀦𑀢𑁆𑀣𑀁, 𑀅𑀚𑁆𑀛𑁂𑀦𑀯𑀺𑀲𑀬𑀤𑀲𑁆𑀲𑀦𑀢𑁆𑀣𑀁, 𑀧𑀲𑀺𑀤𑁆𑀥𑀼𑀧𑀲𑀁𑀳𑀭𑀡𑀢𑁆𑀣𑀜𑁆𑀘.

𑀙𑀝𑁆𑀞𑀺𑀬𑀦𑁆𑀢𑀸 𑀯𑀺𑀲𑀬𑁂 𑀤𑁂𑀲𑀲𑀭𑀽𑀧𑁂 𑀡𑁄 𑀳𑁄𑀢𑀺. 𑀯𑀲𑀸𑀢𑀻𑀦𑀁 𑀯𑀺𑀲𑀬𑁄 𑀤𑁂𑀲𑁄 𑀯𑀸𑀲𑀸𑀢𑁄. 𑀤𑁂𑀲𑁂𑀢𑀺 𑀓𑀺𑀁, 𑀘𑀓𑁆𑀔𑀼𑀲𑁆𑀲 𑀯𑀺𑀲𑀬𑁄 𑀭𑀽𑀧𑀁, 𑀤𑁂𑀯𑀤𑀢𑁆𑀢𑀲𑁆𑀲 𑀯𑀺𑀲𑀬𑁄+𑀦𑀼𑀯𑀸𑀓𑁄.

𑀢𑀺 𑀢𑀦𑁆𑀦𑀸𑀫𑁂 ¶ 𑀦𑀺𑀯𑀸𑀲𑁂 𑀤𑁂𑀲𑁂 𑀡𑁄 𑀳𑁄𑀢𑀺. 𑀲𑀺𑀯𑀻𑀦𑀁 𑀦𑀺𑀯𑀸𑀲𑁄 𑀤𑁂𑀲𑁄 𑀲𑁂𑀩𑁆𑀩𑁄. 𑀏𑀢𑁆𑀣 ‘‘𑀬𑀯𑀸 𑀲𑀭𑁂’’𑀢𑀺 𑀬𑀓𑀸𑀭𑁂 𑀩𑀓𑀸𑀭𑀧𑀼𑀩𑁆𑀩𑀭𑀽𑀧𑀸𑀦𑀺. 𑀯𑀸𑀲𑀸𑀢𑁄.

𑀡𑁄, 𑀯𑀺𑀤𑀺𑀲𑀸𑀬 𑀅𑀤𑀽𑀭𑀪𑀯𑀁 𑀯𑁂𑀤𑀺𑀲𑀁.

𑀢𑀢𑀺𑀬𑀦𑁆𑀢𑀸 𑀦𑀺𑀩𑁆𑀩𑀢𑁆𑀢𑀢𑁆𑀣𑁂 𑀡𑁄 𑀳𑁄𑀢𑀺. 𑀓𑀼𑀲𑀫𑁆𑀩𑁂𑀦 𑀦𑀺𑀩𑁆𑀩𑀢𑁆𑀢𑀸 𑀓𑁄𑀲𑀫𑁆𑀩𑀻 𑀦𑀕𑀭𑀁, 𑀏𑀯𑀁 𑀓𑀸𑀓𑀦𑁆𑀤𑀻, 𑀫𑀸𑀓𑀦𑁆𑀤𑀻, 𑀲𑀳𑀲𑁆𑀲𑁂𑀦 𑀦𑀺𑀩𑁆𑀩𑀢𑁆𑀢𑀸 𑀲𑀸𑀳𑀲𑁆𑀲𑀻 𑀧𑀭𑀺𑀔𑀸, 𑀳𑁂𑀢𑀼𑀫𑁆𑀳𑀺 𑀓𑀢𑁆𑀢𑀭𑀺 𑀓𑀭𑀡𑁂 𑀘 𑀬𑀣𑀸𑀬𑁄𑀕𑀁 𑀢𑀢𑀺𑀬𑀸.

𑀢𑀦𑁆𑀢𑀺 𑀧𑀞𑀫𑀦𑁆𑀢𑀸 𑀇𑀥𑀸𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀤𑁂𑀲𑁂 𑀢𑀦𑁆𑀦𑀸𑀫𑁂 𑀡𑁄 𑀳𑁄𑀢𑀺, 𑀬𑀁 𑀢𑀁 𑀧𑀞𑀫𑀦𑁆𑀢+𑀫𑀢𑁆𑀣𑀺 𑀘𑁂. 𑀉𑀤𑀼𑀫𑁆𑀩𑀭𑀸 𑀅𑀲𑁆𑀫𑀺𑀁 𑀤𑁂𑀲𑁂 𑀲𑀦𑁆𑀢𑀻𑀢𑀺 𑀑𑀤𑀼𑀫𑁆𑀩𑀭𑁄, 𑀩𑀸𑀤𑀭𑁄, 𑀧𑀩𑁆𑀩𑀚𑁄.

𑀲𑀢𑁆𑀢𑀫𑁆𑀬𑀦𑁆𑀢𑀸 𑀪𑀯𑀢𑁆𑀣𑁂 𑀡𑁄. 𑀉𑀤𑀓𑁂 𑀪𑀯𑁄 𑀑𑀤𑀓𑁄, 𑀑𑀭𑀲𑁄, 𑀚𑀸𑀦𑀧𑀤𑁄, 𑀫𑀸𑀕𑀥𑁄, 𑀓𑀸𑀧𑀺𑀮𑀯𑀢𑁆𑀣𑀯𑁄, 𑀓𑁄𑀲𑀫𑁆𑀩𑁄, 𑀫𑀦𑀲𑀺 𑀪𑀯𑀁 𑀫𑀸𑀦𑀲𑀁 𑀲𑀼𑀔𑀁, 𑀲𑀓𑀸𑀕𑀫𑁄. 𑀲𑀸𑀭𑀲𑁄 𑀲𑀓𑀼𑀡𑁄, 𑀲𑀸𑀭𑀲𑀻 𑀲𑀓𑀼𑀡𑀻, 𑀲𑀸𑀭𑀲𑀁 𑀧𑀼𑀧𑁆𑀨𑀁. 𑀫𑀺𑀢𑁆𑀢𑁂 𑀪𑀯𑀸 𑀫𑁂𑀢𑁆𑀢𑀸 𑀫𑁂𑀢𑁆𑀢𑀻 𑀯𑀸. 𑀧𑀼𑀭𑁂 𑀪𑀯𑀸 𑀧𑁄𑀭𑀻 𑀯𑀸𑀘𑀸. 𑀧𑀸𑀯𑀼𑀲𑁂 𑀪𑀯𑁄 𑀧𑀸𑀯𑀼𑀲𑁄 𑀫𑁂𑀖𑁄. 𑀧𑀸𑀯𑀼𑀲𑀸 ¶ 𑀭𑀢𑁆𑀢𑀺, 𑀧𑀸𑀯𑀼𑀲𑀁 𑀅𑀩𑁆𑀪𑀁. 𑀲𑀸𑀭𑀤𑁄, 𑀲𑀸𑀭𑀤𑀸, 𑀲𑀸𑀭𑀤𑀁 𑀧𑀼𑀧𑁆𑀨𑀁. 𑀫𑀸𑀥𑀼𑀭𑁄 𑀚𑀦𑁄, 𑀫𑀸𑀥𑀼𑀭𑀸 𑀕𑀡𑀺𑀓𑀸, 𑀫𑀸𑀥𑀼𑀭𑀁 𑀯𑀢𑁆𑀣𑀁.

𑀪𑀯𑀢𑁆𑀣𑁂 𑀢𑀦𑁄. 𑀅𑀚𑁆𑀚 𑀪𑀯𑁄 𑀅𑀚𑁆𑀚𑀢𑀦𑁄, 𑀲𑁆𑀯𑀸𑀢𑀦𑁄, 𑀳𑀺𑀬𑁆𑀬𑀢𑀦𑁄. ‘‘𑀏𑀑𑀦+𑀫 𑀯𑀡𑁆𑀡𑁂’’𑀢𑀺 𑀏𑀑𑀦𑀁 𑀅 𑀳𑁄𑀢𑀺.

𑀪𑀯𑀢𑁆𑀣𑁂 𑀡𑁄 𑀢𑀦𑁄 𑀘. 𑀏𑀢𑁆𑀣 𑀡𑀓𑀸𑀭𑁄 𑀅𑀯𑀬𑀯𑁄, 𑀦𑁂𑀯𑀸+𑀦𑀼𑀩𑀦𑁆𑀥𑁄. 𑀧𑀼𑀭𑀸𑀡𑁄, 𑀧𑀼𑀭𑀸𑀢𑀦𑁄.

𑀪𑀯𑀢𑁆𑀣𑁂 𑀅𑀘𑁆𑀘𑁄 𑀳𑁄𑀢𑀺. 𑀅𑀫𑀸=𑀲𑀳 𑀪𑀯𑁄 𑀅𑀫𑀘𑁆𑀘𑁄.

𑀪𑀯𑀢𑁆𑀣𑁂 𑀇𑀫𑁄, 𑀫𑀚𑁆𑀛𑁂 𑀪𑀯𑁄 𑀫𑀚𑁆𑀛𑀺𑀫𑁄. 𑀏𑀯𑀁 𑀅𑀦𑁆𑀢𑀺𑀫𑁄, 𑀳𑁂𑀝𑁆𑀞𑀺𑀫𑁄, 𑀉𑀧𑀭𑀺𑀫𑁄, 𑀑𑀭𑀺𑀫𑁄, 𑀧𑀸𑀭𑀺𑀫𑁄, 𑀧𑀘𑁆𑀙𑀺𑀫𑁄, 𑀅𑀩𑁆𑀪𑀦𑁆𑀢𑀭𑀺𑀥𑁄, 𑀧𑀘𑁆𑀘𑀦𑁆𑀢𑀺𑀫𑁄.

𑁨𑁫. 𑀓𑀡+𑀡𑁂𑀬𑁆𑀬+𑀡𑁂𑀬𑁆𑀬𑀓+𑀬𑀺+𑀬𑀸𑀢𑀺

𑀪𑀯𑀢𑁆𑀣𑁂 𑀓𑀡𑀆𑀤𑀬𑁄 𑀳𑁄𑀦𑁆𑀢𑀺. 𑀓𑀡-𑀓𑀼𑀲𑀺𑀦𑀸𑀭𑀸𑀬𑀁 𑀪𑀯𑁄 𑀓𑁄𑀲𑀺𑀦𑀸𑀭𑀓𑁄, 𑀫𑀸𑀕𑀥𑀓𑁄, 𑀆𑀭𑀜𑁆𑀜𑀓𑁄 𑀯𑀺𑀳𑀸𑀭𑁄, 𑀭𑀸𑀚𑀕𑀳𑀓𑁄, 𑀓𑁄𑀲𑀫𑁆𑀩𑀓𑁄, 𑀇𑀦𑁆𑀤𑀧𑀢𑁆𑀢𑀓𑁄, 𑀓𑀸𑀧𑀺𑀮𑀓𑁄, 𑀪𑀸𑀭𑀼𑀓𑀘𑁆𑀙𑀓𑁄, 𑀦𑀸𑀕𑀭𑀓𑁄. 𑀅𑀗𑁆𑀕𑁂𑀲𑀼 𑀚𑀸𑀢𑁄 𑀅𑀗𑁆𑀕𑀓𑁄, 𑀓𑁄𑀲𑀮𑀓𑁄, 𑀯𑁂𑀤𑁂𑀳𑀓𑁄, 𑀓𑀫𑁆𑀩𑁄𑀚𑀓𑁄, 𑀕𑀦𑁆𑀥𑀸𑀭𑀓𑁄, 𑀲𑁄𑀯𑀻𑀭𑀓𑁄, 𑀲𑀺𑀦𑁆𑀥𑀯𑀓𑁄, 𑀅𑀲𑁆𑀲𑀓𑁄 𑀇𑀘𑁆𑀘𑀸𑀤𑀺. 𑀡𑁂𑀬𑁆𑀬-𑀕𑀗𑁆𑀕𑁂𑀬𑁆𑀬𑁄, 𑀧𑀩𑁆𑀩𑀢𑁂𑀬𑁆𑀬𑁄, 𑀯𑀸𑀦𑁂𑀬𑁆𑀬𑁄. 𑀡𑁂𑀬𑁆𑀬𑀓-𑀓𑁄𑀲𑀮𑁂𑀬𑁆𑀬𑀓𑁄 ¶ , 𑀩𑀸𑀭𑀸𑀡𑀲𑁂𑀬𑁆𑀬𑀓𑁄, 𑀘𑀫𑁆𑀧𑁂𑀬𑁆𑀬𑀓𑁄, 𑀲𑀺𑀮𑀸𑀬 𑀚𑀸𑀢𑀁 𑀲𑁂𑀮𑁂𑀬𑁆𑀬𑀓𑀁, 𑀫𑀺𑀣𑀺𑀮𑁂𑀬𑁆𑀬𑀓𑁄. 𑀩𑀸𑀭𑀸𑀡𑀲𑁂𑀬𑁆𑀬𑀓𑁄𑀢𑁆𑀬𑀸𑀤𑀻𑀲𑀼 ‘‘𑀤𑀺𑀲𑁆𑀲𑀦𑁆𑀢+𑀜𑁆𑀜𑁂𑀧𑀺 𑀧𑀘𑁆𑀘𑀬𑀸’’𑀢𑀺 𑀏𑀬𑁆𑀬𑀓𑁄, 𑀏𑀯𑀁 𑀉𑀧𑀭𑀺 𑀲𑀼𑀢𑁆𑀢𑁂 𑀤𑀲𑁆𑀲𑀺𑀢𑀧𑀘𑁆𑀘𑀬𑀢𑁄 𑀯𑀺𑀲𑀼𑀁 𑀧𑀘𑁆𑀘𑀬𑁂 𑀤𑀲𑁆𑀲𑀺𑀢𑁂 𑀇𑀫𑀺𑀦𑀸 𑀲𑀼𑀢𑁆𑀢𑁂𑀦𑀸𑀢𑀺 𑀤𑀝𑁆𑀞𑀩𑁆𑀩𑀁. 𑀬-𑀕𑀫𑁆𑀫𑁄, 𑀬𑀫𑁆𑀳𑀺 𑀅𑀓𑀸𑀭𑀮𑁄𑀧𑁂 𑀧𑀼𑀩𑁆𑀩𑀭𑀽𑀧𑀁 𑀭𑀲𑁆𑀲𑁄 𑀘. 𑀤𑀺𑀩𑁆𑀩𑁄. 𑀇𑀬-𑀉𑀤𑀭𑀺𑀬𑁄, 𑀤𑀺𑀯𑀺𑀬𑁄, 𑀧𑀜𑁆𑀘𑀸𑀮𑀺𑀬𑁄, 𑀩𑁄𑀥𑀺𑀧𑀓𑁆𑀔𑀺𑀬𑁄, 𑀮𑁄𑀓𑀺𑀬𑁄.

𑀲𑀢𑁆𑀢𑀫𑁆𑀬𑀦𑁆𑀢𑀸 𑀪𑀯𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺. 𑀲𑀭𑀤𑁂 𑀪𑀯𑁄 𑀲𑀸𑀭𑀤𑀺𑀓𑁄 𑀤𑀺𑀯𑀲𑁄, 𑀲𑀸𑀭𑀤𑀺𑀓𑀸 𑀭𑀢𑁆𑀢𑀺.

𑁨𑁭. 𑀢+𑀫𑀲𑁆𑀲 𑀲𑀺𑀧𑁆𑀧𑀁 𑀲𑀻𑀮𑀁 𑀧𑀡𑁆𑀬𑀁 𑀧𑀳𑀭𑀡𑀁 𑀧𑀬𑁄𑀚𑀦𑀁

𑀧𑀞𑀫𑀦𑁆𑀢𑀸 𑀲𑀺𑀧𑁆𑀧𑀸𑀤𑀺𑀯𑀸𑀘𑀓𑀸 𑀅𑀲𑁆𑀲𑁂𑀢𑀺 𑀙𑀝𑁆𑀞𑁆𑀬𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺. 𑀯𑀻𑀡𑀸𑀯𑀸𑀤𑀦𑀁 𑀲𑀺𑀧𑁆𑀧+𑀫𑀲𑁆𑀲 𑀯𑁂𑀡𑀺𑀓𑁄, 𑀯𑀻𑀡𑀸𑀯𑀸𑀤𑀦𑀁 𑀅𑀪𑁂𑀤𑁄𑀧𑀘𑀸𑀭𑁂𑀦 𑀯𑀻𑀡𑀸 𑀦𑀸𑀫. 𑀫𑁄𑀤𑀺𑀗𑁆𑀕𑀺𑀓𑁄, 𑀯𑀁𑀲𑀺𑀓𑁄. 𑀧𑀁𑀲𑀼𑀓𑀽𑀮𑀥𑀸𑀭𑀡𑀁 𑀲𑀻𑀮+𑀫𑀲𑁆𑀲 𑀧𑀁𑀲𑀼𑀓𑀽𑀮𑀺𑀓𑁄, 𑀢𑁂𑀘𑀻𑀯𑀭𑀺𑀓𑁄. 𑀕𑀦𑁆𑀥𑁄 𑀧𑀡𑁆𑀬+𑀫𑀲𑁆𑀲 𑀕𑀦𑁆𑀥𑀺𑀓𑁄, 𑀢𑁂𑀮𑀺𑀓𑁄, 𑀕𑁄𑀴𑀺𑀓𑁄, 𑀧𑀽𑀯𑀺𑀓𑁄, 𑀧𑀡𑁆𑀡𑀺𑀓𑁄, 𑀢𑀫𑁆𑀩𑀼𑀮𑀺𑀓𑁄, 𑀮𑁄𑀡𑀺𑀓𑁄. 𑀘𑀸𑀧𑁄𑀧𑀳𑀭𑀡+𑀫𑀲𑁆𑀲 𑀘𑀸𑀧𑀺𑀓𑁄, 𑀢𑁄𑀫𑀭𑀺𑀓𑁄, 𑀫𑀼𑀕𑁆𑀕𑀭𑀺𑀓𑁄, 𑀫𑁄𑀲𑀮𑀺𑀓𑁄. 𑀉𑀧𑀥𑀺=𑀓𑁆𑀔𑀦𑁆𑀥𑀸𑀤𑀺 𑀧𑀬𑁄𑀚𑀦+𑀫𑀲𑁆𑀲 𑀑𑀧𑀥𑀺𑀓𑀁, 𑀲𑀸𑀢𑀺𑀓𑀁, 𑀲𑀸𑀳𑀲𑁆𑀲𑀺𑀓𑀁.

𑁨𑁮. 𑀢𑀁 𑀳𑀦𑁆𑀢+𑀭𑀳𑀢𑀺 𑀕𑀘𑁆𑀙𑀢𑀼+𑀜𑁆𑀙𑀢𑀺+𑀘𑀭𑀢𑀺

𑀤𑀼𑀢𑀺𑀬𑀦𑁆𑀢𑀸 𑀳𑀦𑁆𑀢𑀻𑀢𑀺 𑀏𑀯𑀫𑀸𑀤𑀻𑀲𑁆𑀯+𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺. 𑀧𑀓𑁆𑀔𑀺𑀦𑁄 𑀳𑀦𑁆𑀢𑀻𑀢𑀺 𑀧𑀓𑁆𑀔𑀺𑀓𑁄, 𑀲𑀸𑀓𑀼𑀡𑀺𑀓𑁄, 𑀫𑀸𑀬𑀽𑀭𑀺𑀓𑁄, 𑀫𑀘𑁆𑀙𑁂 𑀳𑀦𑁆𑀢𑀻𑀢𑀺 𑀫𑀘𑁆𑀙𑀺𑀓𑁄, 𑀫𑁂𑀦𑀺𑀓𑁄. 𑀫𑀺𑀕𑁂 𑀳𑀦𑁆𑀢𑀻𑀢𑀺 𑀫𑀸𑀕𑀯𑀺𑀓𑁄, 𑀯𑀓𑀸𑀭𑀸𑀕𑀫𑁄 ¶ . 𑀫𑀺𑀕𑀲𑁆𑀲 ‘‘𑀢𑀤𑀫𑀺𑀦𑀸’’𑀤𑀺𑀦𑀸 𑀫𑀕𑀯𑀸𑀤𑁂𑀲𑁂𑀧𑀺 𑀫𑀸𑀕𑀯𑀺𑀓𑁄. 𑀑𑀭𑀩𑁆𑀪𑀺𑀓𑁄, 𑀳𑀸𑀭𑀺𑀡𑀺𑀓𑁄. 𑀲𑀽𑀓𑀭𑀺𑀓𑁄𑀢𑀺 𑀇𑀓𑁄. 𑀲𑀢+𑀫𑀭𑀳𑀢𑀻𑀢𑀺 𑀲𑀸𑀢𑀺𑀓𑀁, 𑀲𑀦𑁆𑀤𑀺𑀝𑁆𑀞𑀺𑀓𑀁, 𑀏𑀳𑀺 𑀧𑀲𑁆𑀲 𑀯𑀺𑀥𑀺𑀁 𑀅𑀭𑀳𑀢𑀻𑀢𑀺 𑀏𑀳𑀺𑀧𑀲𑁆𑀲𑀺𑀓𑁄. 𑀏𑀢𑁆𑀣 𑀢𑁆𑀬𑀸𑀤𑁆𑀬𑀦𑁆𑀢𑀲𑀫𑀼𑀤𑀸𑀬𑀢𑁄 𑀅𑀦𑀼𑀓𑀭𑀡𑀢𑁆𑀢𑀸 𑀯𑀸 𑀢𑀤𑁆𑀥𑀺𑀢𑀲𑁆𑀲 𑀅𑀪𑀺𑀥𑀸𑀦𑀮𑀓𑁆𑀔𑀡𑀢𑁆𑀢𑀸 𑀯𑀸 𑀩𑀳𑀼𑀮𑀁𑀯𑀺𑀥𑀸𑀦𑁂𑀦 𑀯𑀸 𑀧𑀘𑁆𑀘𑀬𑁄. 𑀲𑀸𑀳𑀲𑁆𑀲𑀺𑀓𑁄, 𑀓𑀼𑀫𑁆𑀪𑀺𑀓𑁄, 𑀤𑁄𑀡𑀺𑀓𑁄, 𑀅𑀤𑁆𑀥𑀫𑀸𑀲𑀺𑀓𑁄, 𑀓𑀳𑀸𑀧𑀡𑀺𑀓𑁄, 𑀆𑀲𑀻𑀢𑀺𑀓𑀸 𑀕𑀸𑀣𑀸, 𑀦𑀸𑀯𑀼𑀢𑀺𑀓𑀸. 𑀲𑀳𑀲𑁆𑀲𑀺𑀬𑁄𑀢𑀺 𑀇𑀬𑁄. 𑀧𑀭𑀤𑀸𑀭𑀁 𑀕𑀘𑁆𑀙𑀢𑀻𑀢𑀺 𑀧𑀸𑀭𑀤𑀸𑀭𑀺𑀓𑁄, 𑀫𑀕𑁆𑀕𑀺𑀓𑁄, 𑀧𑀜𑁆𑀜𑀸𑀲𑀬𑁄𑀚𑀦𑀺𑀓𑁄, 𑀧𑀣𑀺𑀓𑁄. 𑀩𑀤𑀭𑁂 𑀉𑀜𑁆𑀙𑀢𑀻𑀢𑀺 𑀩𑀸𑀤𑀭𑀺𑀓𑁄, 𑀲𑀸𑀫𑀸𑀓𑀺𑀓𑁄. 𑀥𑀫𑁆𑀫𑀁 𑀘𑀭𑀢𑀻𑀢𑀺 𑀥𑀫𑁆𑀫𑀺𑀓𑁄, 𑀅𑀥𑀫𑁆𑀫𑀺𑀓𑁄.

𑀓𑀢𑀸𑀤𑀻𑀲𑁆𑀯+𑀢𑁆𑀣𑁂𑀲𑀼 𑀡𑀺𑀓𑁄. 𑀓𑀸𑀬𑁂𑀦 𑀓𑀢𑀁 𑀓𑀸𑀬𑀺𑀓𑀁, 𑀯𑀸𑀘𑀲𑀺𑀓𑀁, 𑀫𑀸𑀦𑀲𑀺𑀓𑀁𑀢𑀺 𑀲𑀓𑀸𑀕𑀫𑁄. 𑀯𑀸𑀢𑁂𑀦 𑀓𑀢𑁄 𑀆𑀩𑀸𑀥𑁄 𑀯𑀸𑀢𑀺𑀢𑁄, 𑀲𑁂𑀫𑁆𑀳𑀺𑀓𑁄, 𑀧𑀺𑀢𑁆𑀢𑀺𑀓𑁄. 𑀲𑀢𑁂𑀦 𑀓𑀻𑀢𑀁 𑀲𑀸𑀢𑀺𑀓𑀁, 𑀲𑀸𑀳𑀲𑁆𑀲𑀺𑀓𑀁, 𑀯𑀢𑁆𑀣𑁂𑀦 𑀓𑀻𑀢𑀁 𑀯𑀢𑁆𑀣𑀺𑀓𑀁, 𑀓𑀼𑀫𑁆𑀪𑀺𑀓𑀁, 𑀲𑁄𑀯𑀡𑁆𑀡𑀺𑀓𑀁, 𑀖𑀸𑀢𑀺𑀓𑀁. 𑀫𑀽𑀮𑀢𑁄𑀯 𑀧𑀘𑁆𑀘𑀬𑁄, 𑀅𑀫𑀽𑀮𑀯𑀸𑀘𑀺𑀢𑁆𑀢𑀸 𑀤𑁂𑀯𑀤𑀢𑁆𑀢𑁂𑀦 𑀓𑀻𑀢𑁄𑀢𑀺 𑀦 𑀳𑁄𑀢𑀺, 𑀢𑀤𑀢𑁆𑀣𑀸𑀧𑁆𑀧𑀢𑀻𑀢𑀺𑀬𑀸. 𑀯𑀭𑀢𑁆𑀣𑀸𑀬 𑀩𑀤𑁆𑀥𑁄 𑀯𑀸𑀭𑀢𑁆𑀢𑀺𑀓𑁄, 𑀆𑀬𑀲𑀺𑀓𑁄, 𑀧𑀸𑀲𑀺𑀓𑁄, 𑀲𑀼𑀢𑁆𑀢𑀺𑀓𑁄. 𑀖𑀢𑁂𑀦 𑀅𑀪𑀺𑀲𑀗𑁆𑀔𑀢𑀁 𑀲𑀁𑀲𑀝𑁆𑀞𑀁 𑀯𑀸 𑀖𑀸𑀢𑀺𑀓𑀁, 𑀕𑁄𑀴𑀺𑀓𑀁, 𑀤𑀥𑀺𑀓𑀁, 𑀫𑀸𑀭𑀻𑀘𑀺𑀓𑀁. 𑀚𑀸𑀮𑁂𑀦 𑀳𑀢𑁄 𑀳𑀦𑁆𑀢𑀻𑀢𑀺 𑀯𑀸 𑀚𑀸𑀮𑀺𑀓𑁄, 𑀩𑀸𑀮𑀺𑀲𑀺𑀓𑁄. 𑀅𑀓𑁆𑀔𑁂𑀳𑀺 𑀚𑀺𑀢𑀁 𑀅𑀓𑁆𑀔𑀺𑀓𑀁 𑀥𑀦𑀁, 𑀲𑀸𑀮𑀸𑀓𑀺𑀓𑀁, 𑀢𑀺𑀦𑁆𑀤𑀼𑀓𑀺𑀓𑁄, 𑀅𑀫𑁆𑀩𑀨𑀮𑀺𑀓𑁄. 𑀅𑀓𑁆𑀔𑁂𑀳𑀺 𑀚𑀬𑀢𑀺 𑀤𑀺𑀩𑁆𑀩𑀢𑀺 𑀯𑀸 𑀅𑀓𑁆𑀔𑀺𑀓𑁄. 𑀔𑀡𑀺𑀢𑁆𑀢𑀺𑀬𑀸 𑀔𑀦𑀢𑀻𑀢𑀺 ¶ 𑀔𑀸𑀡𑀺𑀢𑁆𑀢𑀺𑀓𑁄, 𑀓𑀼𑀤𑁆𑀤𑀸𑀮𑀺𑀓𑁄. 𑀤𑁂𑀯𑀤𑀢𑁆𑀢𑁂𑀦 𑀚𑀺𑀢𑀁, 𑀅𑀗𑁆𑀕𑀼𑀮𑁆𑀬𑀸 𑀔𑀦𑀢𑀻𑀢𑀺 𑀦 𑀳𑁄𑀢𑀺, 𑀢𑀤𑀢𑁆𑀣𑀸𑀦𑀯𑀕𑀫𑀸. 𑀉𑀴𑀼𑀫𑁆𑀧𑁂𑀦 𑀢𑀭𑀢𑀻𑀢𑀺 𑀑𑀴𑀼𑀫𑁆𑀧𑀺𑀓𑁄, 𑀉𑀴𑀼𑀫𑁆𑀧𑀺𑀓𑁄𑀢𑀺 𑀇𑀓𑁄. 𑀓𑀼𑀮𑁆𑀮𑀺𑀓𑁄, 𑀕𑁄𑀧𑀼𑀘𑁆𑀙𑀺𑀓𑁄, 𑀦𑀸𑀯𑀺𑀓𑁄. 𑀲𑀓𑀝𑁂𑀦 𑀘𑀭𑀢𑀻𑀢𑀺 𑀲𑀸𑀓𑀝𑀺𑀓𑁄, 𑀭𑀣𑀺𑀓𑁄. 𑀧𑀭𑀧𑁆𑀧𑀺𑀓𑁄𑀢𑀺 𑀇𑀓𑁄. 𑀔𑀦𑁆𑀥𑁂𑀦 𑀯𑀳𑀢𑀻𑀢𑀺 𑀔𑀦𑁆𑀥𑀺𑀓𑁄. 𑀅𑀁𑀲𑀺𑀓𑁄, 𑀲𑀻𑀲𑀺𑀓𑁄𑀢𑀺 𑀇𑀓𑁄. 𑀯𑁂𑀢𑀦𑁂𑀦 𑀚𑀻𑀯𑀢𑀻𑀢𑀺 𑀯𑁂𑀢𑀦𑀺𑀓𑁄, 𑀪𑀢𑀺𑀓𑁄, 𑀓𑀬𑀺𑀓𑁄, 𑀯𑀺𑀓𑁆𑀓𑀬𑀺𑀓𑁄, 𑀓𑀬𑀯𑀺𑀓𑁆𑀓𑀬𑀺𑀓𑁄𑀢𑀺 𑀇𑀓𑁄.

𑀘𑀢𑀼𑀢𑁆𑀣𑁆𑀬𑀦𑁆𑀢𑀸 𑀲𑀁𑀯𑀢𑁆𑀢𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂𑀡𑀺𑀓𑁄 𑀳𑁄𑀢𑀺. 𑀧𑀼𑀦𑀩𑁆𑀪𑀯𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀧𑁄𑀦𑁄𑀩𑁆𑀪𑀯𑀺𑀓𑁄, 𑀇𑀢𑁆𑀣𑀺𑀬𑀁 𑀧𑁄𑀦𑁄𑀩𑁆𑀪𑀯𑀺𑀓𑀸. 𑀮𑁄𑀓𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀮𑁄𑀓𑀺𑀓𑁄. 𑀲𑀼𑀝𑁆𑀞𑀼 𑀅𑀕𑁆𑀕𑁄𑀢𑀺 𑀲𑀕𑁆𑀕𑁄, 𑀲𑀕𑁆𑀕𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀲𑁄𑀯𑀕𑁆𑀕𑀺𑀓𑁄, 𑀲𑀲𑁆𑀲𑁄+𑀯𑀓 𑀢𑀤𑀫𑀺𑀦𑀸𑀤𑀻𑀧𑀸𑀞𑀸. 𑀥𑀦𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀥𑀜𑁆𑀜𑀁.

𑀧𑀜𑁆𑀘𑀫𑁆𑀬𑀦𑁆𑀢𑀸 𑀲𑀫𑁆𑀪𑀽𑀢+𑀫𑀸𑀕𑀢𑀦𑁆𑀢𑀺 𑀏𑀢𑁂𑀲𑁆𑀯+𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺. 𑀫𑀸𑀢𑀺𑀢𑁄 𑀲𑀫𑁆𑀪𑀽𑀢+𑀫𑀸𑀕𑀢𑀁𑀯𑀸+𑀢𑀺 𑀏𑀢𑁆𑀣 ‘‘𑀫𑀸𑀢𑀺𑀢𑁄 𑀘 𑀪𑀕𑀺𑀦𑀺𑀬𑀁𑀘𑁆𑀙𑁄’’𑀢𑀺 ‘‘𑀫𑀸𑀢𑀺𑀢𑁄’’𑀢𑀺 𑀪𑀸𑀕𑁂𑀦 𑀉𑀲𑁆𑀲 𑀇𑀫𑁆𑀳𑀺 𑀯𑀸𑀓𑁆𑀬𑀁, 𑀭𑀲𑁆𑀲𑀤𑁆𑀯𑀺𑀢𑁆𑀢𑁂𑀲𑀼 𑀫𑀢𑁆𑀢𑀺𑀓𑀁, 𑀧𑁂𑀢𑁆𑀢𑀺𑀓𑀁. 𑀡𑁆𑀬+𑀭𑀺𑀬𑀡+𑀭𑁆𑀬𑀧𑀘𑁆𑀘𑀬𑀸𑀧𑀺 𑀤𑀺𑀲𑁆𑀲𑀦𑁆𑀢𑀺. 𑀲𑀼𑀭𑀪𑀺𑀢𑁄 𑀲𑀫𑁆𑀪𑀽𑀢𑀁 𑀲𑁄𑀭𑀪𑁆𑀬𑀁. 𑀬𑀫𑁆𑀳𑀺 𑀣𑀜𑁆𑀜𑀁. 𑀉𑀪𑀬𑀢𑁆𑀣 ‘‘𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁’’𑀢𑀺 𑀮𑁄𑀧𑁄. 𑀭𑀺𑀬𑀡-𑀧𑀺𑀢𑀼𑀢𑁄 𑀲𑀫𑁆𑀪𑀽𑀢𑁄 𑀧𑁂𑀢𑁆𑀢𑀺𑀬𑁄, 𑀫𑀸𑀢𑀺𑀬𑁄, ‘‘𑀭𑀸𑀦𑀼𑀩𑀦𑁆𑀥𑁂+𑀦𑁆𑀢𑀲𑀭𑀸𑀤𑀺𑀲𑁆𑀲𑀸’’𑀢𑀺 𑀉𑀮𑁄𑀧𑁄, 𑀫𑀢𑁆𑀢𑀺𑀬𑁄. 𑀭𑁆𑀬𑀫𑁆𑀳𑀺-𑀉𑀮𑁄𑀧𑁄, 𑀘𑀯𑀕𑁆𑀕𑀧𑀼𑀩𑁆𑀩𑀭𑀽𑀧𑀸𑀦𑀺, 𑀫𑀘𑁆𑀘𑁄 𑀯𑀸.

𑁩𑁨. 𑀢𑀢𑁆𑀣 𑀯𑀲𑀢𑀺 𑀯𑀺𑀤𑀺𑀢𑁄 𑀪𑀢𑁆𑀢𑁄 𑀦𑀺𑀬𑀼𑀢𑁆𑀢𑁄

𑀲𑀢𑁆𑀢𑀫𑁆𑀬𑀦𑁆𑀢𑀸 ¶ 𑀯𑀲𑀢𑀻𑀢𑁆𑀯𑁂𑀯𑀫𑀸𑀤𑀻𑀲𑁆𑀯+𑀢𑁆𑀣𑁂𑀲𑀼 𑀡𑀺𑀓𑁄 𑀳𑁄𑀢𑀺. 𑀭𑀼𑀓𑁆𑀔𑀫𑀽𑀮𑁂 𑀯𑀲𑀢𑀻𑀢𑀺 𑀭𑀼𑀓𑁆𑀔𑀫𑀽𑀮𑀺𑀓𑁄, 𑀆𑀭𑀜𑁆𑀜𑀺𑀓𑁄, 𑀭𑀸𑀚𑀕𑀳𑀺𑀓𑁄, 𑀫𑀸𑀕𑀥𑀺𑀓𑁄, 𑀲𑁄𑀲𑀸𑀦𑀺𑀓𑁄. 𑀮𑁄𑀓𑁂 𑀯𑀺𑀤𑀺𑀢𑁄 𑀮𑁄𑀓𑀺𑀓𑁄. 𑀘𑀢𑀼𑀫𑀳𑀸𑀭𑀸𑀚𑁂𑀲𑀼 𑀪𑀢𑁆𑀢𑀸 𑀘𑀸𑀢𑀼𑀫𑁆𑀫𑀳𑀸𑀭𑀸𑀚𑀺𑀓𑀸. 𑀤𑁆𑀯𑀸𑀭𑁂 𑀦𑀺𑀬𑀼𑀢𑁆𑀢𑁄 𑀤𑁄𑀯𑀸𑀭𑀺𑀓𑁄, 𑀤𑀲𑁆𑀲𑁄𑀓 𑀢𑀤𑀫𑀺𑀦𑀸𑀤𑀺𑀧𑀸𑀞𑀸. 𑀪𑀡𑁆𑀟𑀸𑀕𑀸𑀭𑀺𑀓𑁄. 𑀇𑀓𑁂-𑀦𑀯𑀓𑀫𑁆𑀫𑀺𑀓𑁄, 𑀆𑀤𑀺𑀓𑀫𑁆𑀫𑀺𑀓𑁄. 𑀓𑀺𑀬𑁂-𑀚𑀸𑀢𑀺𑀓𑀺𑀬𑁄, 𑀅𑀦𑁆𑀥𑀓𑀺𑀬𑁄.

𑀙𑀝𑁆𑀞𑀺𑀬𑀦𑁆𑀢𑀸 𑀇𑀤+𑀫𑀺𑀘𑁆𑀘+𑀲𑁆𑀫𑀺𑀁 𑀅𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺. 𑀲𑀗𑁆𑀖𑀲𑁆𑀲 𑀇𑀤𑀁 𑀲𑀗𑁆𑀖𑀺𑀓𑀁, 𑀧𑀼𑀕𑁆𑀕𑀮𑀺𑀓𑀁, 𑀲𑀓𑁆𑀬𑀧𑀼𑀢𑁆𑀢𑀺𑀓𑁄, 𑀦𑀸𑀝𑀧𑀼𑀢𑁆𑀢𑀺𑀓𑁄, 𑀚𑁂𑀦𑀤𑀢𑁆𑀢𑀺𑀓𑁄. 𑀓𑀺𑀬𑁂-𑀲𑀲𑁆𑀲 𑀇𑀤𑀁 𑀲𑀓𑀺𑀬𑁄, 𑀧𑀭𑀓𑀺𑀬𑁄. 𑀦𑀺𑀬𑁂𑀅𑀢𑁆𑀢𑀦𑀺𑀬𑀁. 𑀓𑁂-𑀲𑀓𑁄, 𑀭𑀜𑁆𑀜𑁄 𑀇𑀤𑀁 𑀭𑀸𑀚𑀓𑀁 𑀪𑀡𑁆𑀟𑀁.

𑀙𑀝𑁆𑀞𑀺𑀬𑀦𑁆𑀢𑀸 𑀇𑀤+𑀫𑀺𑀘𑁆𑀘+𑀲𑁆𑀫𑀺𑀁 𑀅𑀢𑁆𑀣𑁂 𑀡𑁄 𑀳𑁄𑀢𑀺. 𑀓𑀘𑁆𑀘𑀸𑀬𑀦𑀲𑁆𑀲 𑀇𑀤𑀁 𑀓𑀘𑁆𑀘𑀸𑀬𑀦𑀁, 𑀩𑁆𑀬𑀸𑀓𑀭𑀡𑀁, 𑀲𑁄𑀕𑀢𑀁 𑀲𑀸𑀲𑀦𑀁, 𑀫𑀸𑀳𑀺𑀲𑀁 𑀫𑀁𑀲𑀸𑀤𑀺.

𑀕𑀯𑀸𑀤𑀻𑀳𑀺 𑀙𑀝𑁆𑀞𑀺𑀬𑀦𑁆𑀢𑁂𑀳𑀺 𑀇𑀤+𑀫𑀺𑀘𑁆𑀘+𑀲𑁆𑀫𑀺𑀁 𑀅𑀢𑁆𑀣𑁂 𑀬𑁄 𑀳𑁄𑀢𑀺. 𑀕𑀼𑀦𑁆𑀦𑀁 𑀇𑀤𑀁 𑀕𑀩𑁆𑀬𑀁, 𑀅𑀯𑀗, 𑀫𑀁𑀲𑀸𑀤𑀺. 𑀇𑀮𑁄𑀧𑁂 𑀓𑀩𑁆𑀩𑀁. 𑀤𑀼𑀦𑁄 𑀇𑀤𑀁 𑀤𑀩𑁆𑀩𑀁.

𑁩𑁬. 𑀧𑀺𑀢𑀺𑀢𑁄 𑀪𑀸𑀢𑀭𑀺 𑀭𑁂𑀬𑁆𑀬𑀡

‘‘𑀧𑀺𑀢𑀺𑀢𑁄 ¶ 𑀫𑀸𑀢𑀺𑀢𑁄’’𑀢𑀺 𑀢𑁂𑀦 𑀢𑁂𑀦 𑀲𑀼𑀢𑁆𑀢𑀦𑀺𑀧𑀸𑀢𑁂𑀦𑁂𑀯 𑀉𑀲𑁆𑀲 𑀇. 𑀧𑀺𑀢𑀼𑀲𑀤𑁆𑀤𑀸 𑀢𑀲𑁆𑀲 𑀪𑀸𑀢𑀭𑀺 𑀭𑁂𑀬𑁆𑀬𑀡. 𑀧𑀺𑀢𑀼 𑀪𑀸𑀢𑀸 𑀧𑁂𑀢𑁆𑀢𑁂𑀬𑁆𑀬𑁄.

𑁩𑁭. 𑀫𑀸𑀢𑀺𑀢𑁄 𑀘 𑀪𑀕𑀺𑀦𑀺𑀬𑀁 𑀘𑁆𑀙𑁄

𑀫𑀸𑀢𑀼𑀢𑁄 𑀘 𑀧𑀺𑀢𑀼𑀢𑁄 𑀘 𑀢𑁂𑀲𑀁 𑀪𑀕𑀺𑀦𑀺𑀬𑀁 𑀘𑁆𑀙𑁄 𑀳𑁄𑀢𑀺. 𑀫𑀸𑀢𑀼 𑀪𑀕𑀺𑀦𑀺 𑀫𑀸𑀢𑀼𑀘𑁆𑀙𑀸, 𑀧𑀺𑀢𑀼 𑀪𑀕𑀺𑀦𑀺 𑀧𑀺𑀢𑀼𑀘𑁆𑀙𑀸. 𑀓𑀣𑀁 ‘‘𑀫𑀸𑀢𑀼 𑀪𑀸𑀢𑀸 𑀫𑀸𑀢𑀼𑀮𑁄’’𑀢𑀺, ‘‘𑀫𑀸𑀢𑀼𑀮𑀸𑀤𑀺𑀢𑁆𑀯𑀸𑀦𑀻’’𑀢𑀺 𑀦𑀺𑀧𑀸𑀢𑀦𑀸 𑀮𑀧𑀘𑁆𑀘𑀬𑁄.

𑀫𑀸𑀢𑀸𑀧𑀺𑀢𑀽𑀳𑀺 𑀢𑁂𑀲𑀁 𑀫𑀸𑀢𑀸𑀧𑀺𑀢𑀽𑀲𑁆𑀯𑀸+𑀫𑀳𑁄 𑀳𑁄𑀢𑀺. 𑀫𑀸𑀢𑀼 𑀫𑀸𑀢𑀸 𑀫𑀸𑀢𑀸𑀫𑀳𑀻, 𑀫𑀸𑀢𑀼 𑀧𑀺𑀢𑀸 𑀫𑀸𑀢𑀸𑀫𑀳𑁄. 𑀧𑀺𑀢𑀼 𑀫𑀸𑀢𑀸 𑀧𑀺𑀢𑀸𑀫𑀳𑀻, 𑀧𑀺𑀢𑀼 𑀧𑀺𑀢𑀸 𑀧𑀺𑀢𑀸𑀫𑀳𑁄. 𑀦 𑀬𑀣𑀸𑀲𑀗𑁆𑀔𑁆𑀬𑀁 𑀧𑀘𑁆𑀘𑁂𑀓𑀸𑀪𑀺𑀲𑀫𑁆𑀩𑀦𑁆𑀥𑀢𑁄 𑀯𑀺𑀲𑀼𑀁 𑀯𑀺𑀲𑀼𑀁 𑀫𑀸𑀢𑀸𑀧𑀺𑀢𑀼𑀲𑀤𑁆𑀤𑁂𑀳𑀺 𑀢𑁂𑀲𑀁 𑀫𑀸𑀢𑀸𑀧𑀺𑀢𑀼𑀦𑁆𑀦𑀁 𑀅𑀢𑁆𑀣𑁂 𑀧𑀘𑁆𑀘𑀬𑁄 𑀳𑁄𑀢𑀺.

𑀫𑀸𑀢𑀸𑀧𑀺𑀢𑀽𑀳𑀺 𑀳𑀺𑀢𑁂 𑀭𑁂𑀬𑁆𑀬𑀡 𑀳𑁄𑀢𑀺. 𑀫𑀸𑀢𑀼 𑀳𑀺𑀢𑁄 𑀫𑀢𑁆𑀢𑁂𑀬𑁆𑀬𑁄, 𑀧𑁂𑀢𑁆𑀢𑁂𑀬𑁆𑀬𑁄.

𑁪𑁦. 𑀦𑀺𑀦𑁆𑀤𑀸+𑀜𑁆𑀜𑀸𑀢+𑀧𑁆𑀧 𑀧𑀝𑀺𑀪𑀸𑀕 𑀭𑀲𑁆𑀲 𑀤𑀬𑀸 𑀲𑀜𑁆𑀜𑀸𑀲𑀼 𑀓𑁄

𑀦𑀺𑀦𑁆𑀤𑀸𑀤𑀻𑀲𑁆𑀯+𑀢𑁆𑀣𑁂𑀲𑀼 𑀦𑀸𑀫𑀲𑁆𑀫𑀸 𑀓𑁄 𑀳𑁄𑀢𑀺. 𑀦𑀺𑀦𑁆𑀤𑀸𑀬𑀁-𑀦𑀺𑀦𑁆𑀤𑀺𑀢𑁄 𑀫𑀼𑀡𑁆𑀟𑁄 𑀫𑀼𑀡𑁆𑀟𑀓𑁄, 𑀏𑀯𑀁 𑀲𑀫𑀡𑀓𑁄, 𑀧𑀡𑁆𑀟𑀺𑀢𑀓𑁄, 𑀩𑁆𑀭𑀸𑀳𑁆𑀫𑀡𑀓𑁄 ¶ , 𑀯𑁂𑀬𑁆𑀬𑀸𑀓𑀭𑀡𑀓𑁄. 𑀅𑀜𑁆𑀜𑀸𑀢𑁂-𑀓𑀲𑁆𑀲𑀸+𑀬𑀁 𑀅𑀲𑁆𑀲𑁄 𑀅𑀲𑁆𑀲𑀓𑁄, 𑀧𑀬𑁄𑀕𑀲𑀸𑀫𑀢𑁆𑀣𑀺𑀬𑀸 𑀲𑀫𑁆𑀩𑀦𑁆𑀥𑀺𑀯𑀺𑀲𑁂𑀲𑀸𑀦𑀸𑀯𑀕𑀫𑁄+𑀯𑀕𑀫𑁆𑀬𑀢𑁂. 𑀅𑀧𑁆𑀧𑀢𑁆𑀣𑁂-𑀅𑀧𑁆𑀧𑀓𑀁 𑀢𑁂𑀮𑀁 𑀢𑁂𑀮𑀓𑀁, 𑀖𑀢𑀓𑀁. 𑀧𑀝𑀺𑀪𑀸𑀕𑀢𑁆𑀣𑁂-𑀳𑀢𑁆𑀣𑀻 𑀯𑀺𑀬 𑀳𑀢𑁆𑀣𑀺𑀓𑁄, 𑀅𑀲𑁆𑀲𑀓𑁄, 𑀩𑀮𑀻𑀩𑀤𑁆𑀥𑀓𑁄. ‘‘𑀇𑀫𑁂 𑀦𑁄 𑀳𑀢𑁆𑀣𑀺𑀓𑀸 𑀅𑀲𑁆𑀲𑀸, 𑀩𑀮𑀻𑀩𑀤𑁆𑀥𑀸 𑀘 𑀦𑁄 𑀇𑀫𑁂’’𑀢𑁆𑀬𑀸𑀤𑀺𑀧𑀸𑀞𑁂 ‘‘𑀮𑁄𑀧𑁄’’𑀢𑀺 𑀓𑀧𑀘𑁆𑀘𑀬𑀮𑁄𑀧𑁂𑀦 𑀯𑀸 𑀅𑀪𑁂𑀤𑁄𑀧𑀘𑀸𑀭𑁂𑀦 𑀯𑀸 𑀤𑀝𑁆𑀞𑀩𑁆𑀩𑀁, 𑀇𑀫𑁂 𑀘 𑀤𑀸𑀭𑀼𑀆𑀤𑀻𑀳𑀺 𑀓𑀢𑀭𑀽𑀧𑀸𑀦𑀺. 𑀭𑀲𑁆𑀲𑁂𑀭𑀲𑁆𑀲𑁄 𑀫𑀸𑀦𑀼𑀲𑁄 𑀫𑀸𑀦𑀼𑀲𑀓𑁄, 𑀭𑀼𑀓𑁆𑀔𑀓𑁄, 𑀧𑀺𑀮𑀓𑁆𑀔𑀓𑁄. 𑀤𑀬𑀸𑀬𑀁-𑀤𑀬𑀺𑀢𑁄=𑀦𑀼𑀓𑀫𑁆𑀧𑀺𑀢𑁄 𑀧𑀼𑀢𑁆𑀢𑁄 𑀧𑀼𑀢𑁆𑀢𑀓𑁄, 𑀯𑀘𑁆𑀙𑀓𑁄. 𑀲𑀜𑁆𑀜𑀸𑀬𑀁-𑀫𑁄𑀭𑁄 𑀯𑀺𑀬 𑀫𑁄𑀭𑀓𑁄, 𑀓𑀢𑀓𑁄, 𑀪𑀢𑀓𑁄.

𑁪𑁧. 𑀢+𑀫𑀲𑁆𑀲 𑀧𑀭𑀺𑀫𑀸𑀡𑀁 𑀡𑀺𑀓𑁄 𑀘

𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑀺𑀓𑁄 𑀳𑁄𑀢𑀺 𑀓𑁄 𑀘, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺. 𑀤𑁄𑀡𑀸𑀤𑀻𑀦𑀁 𑀧𑀭𑀺𑀫𑀺𑀢𑀯𑀻𑀳𑀸𑀤𑀻𑀦𑀁 𑀓𑀭𑀡𑀢𑁆𑀢𑀸 ‘‘𑀧𑀭𑀺𑀫𑀻𑀬𑀦𑁆𑀢𑁆𑀬+𑀦𑁂𑀦𑀸𑀢𑀺 𑀧𑀭𑀺𑀫𑀸𑀡’’𑀦𑁆𑀢𑀺 𑀳𑁄𑀢𑀺. 𑀤𑁄𑀡𑁄 𑀧𑀭𑀺𑀫𑀸𑀡+𑀫𑀲𑁆𑀲𑀸𑀢𑀺 𑀤𑁄𑀡𑀺𑀓𑁄 𑀯𑀻𑀳𑀺, 𑀔𑀸𑀭𑀲𑀢𑀺𑀓𑁄, 𑀔𑀸𑀭𑀲𑀳𑀲𑁆𑀲𑀺𑀓𑁄, 𑀆𑀲𑀻𑀢𑀺𑀓𑁄 𑀯𑀬𑁄, 𑀉𑀧𑀟𑁆𑀠𑀓𑀸𑀬𑁄 𑀧𑀭𑀺𑀫𑀸𑀡+𑀫𑀲𑁆𑀲 𑀉𑀧𑀟𑁆𑀠𑀓𑀸𑀬𑀺𑀓𑀁 𑀩𑀺𑀫𑁆𑀩𑁄𑀳𑀦𑀁. 𑀧𑀜𑁆𑀘𑀓𑀁, 𑀙𑀓𑁆𑀓𑀁.

𑀬𑀸𑀤𑀻𑀳𑀺 𑀧𑀞𑀫𑀦𑁆𑀢𑁂𑀳𑀺 𑀅𑀲𑁆𑀲𑁂𑀢𑀺 𑀙𑀝𑁆𑀞𑁆𑀬𑀢𑁆𑀣𑁂 𑀢𑁆𑀢𑀓𑁄 𑀳𑁄𑀢𑀺, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺. 𑀬𑀁 𑀧𑀭𑀺𑀫𑀸𑀡+𑀫𑀲𑁆𑀲 𑀬𑀢𑁆𑀢𑀓𑀁, 𑀢𑀢𑁆𑀢𑀓𑀁, ‘‘𑀏𑀢𑀲𑁆𑀲𑁂𑀝 𑀢𑁆𑀢𑀓𑁂’’𑀢𑀺 𑀏𑀢𑀲𑁆𑀲 𑀏𑀝, 𑀏𑀢𑁆𑀢𑀓𑀁. 𑀆𑀯𑀢𑀓𑁂-𑀬𑀁 𑀧𑀭𑀺𑀫𑀸𑀡+𑀫𑀲𑁆𑀲 𑀬𑀸𑀯𑀢𑀓𑁄, 𑀢𑀸𑀯𑀢𑀓𑁄.

𑀲𑀩𑁆𑀩𑀢𑁄 ¶ 𑀧𑀞𑀫𑀦𑁆𑀢𑀸 𑀬𑀸𑀤𑀻𑀳𑀺 𑀘 𑀅𑀲𑁆𑀲𑁂𑀢𑀺 𑀙𑀝𑁆𑀞𑁆𑀬𑀢𑁆𑀣𑁂 𑀆𑀯𑀦𑁆𑀢𑀼 𑀳𑁄𑀢𑀺, 𑀢𑀜𑁆𑀘𑁂 𑀧𑀞𑀫𑀦𑁆𑀢𑀁 𑀧𑀭𑀺𑀫𑀸𑀡𑀁 𑀪𑀯𑀢𑀺. 𑀲𑀩𑁆𑀩𑀁 𑀧𑀭𑀺𑀫𑀸𑀡+𑀫𑀲𑁆𑀲 𑀲𑀩𑁆𑀩𑀸𑀯𑀦𑁆𑀢𑀁, ‘‘𑀅𑀁𑀗𑀁 𑀦𑀧𑀼𑀁𑀲𑀓𑁂’’𑀢𑀺 𑀅𑀁. 𑀬𑀸𑀯𑀦𑁆𑀢𑀁, 𑀢𑀸𑀯𑀦𑁆𑀢𑀁.

𑁪𑁪. 𑀓𑀺𑀫𑁆𑀳𑀸 𑀭𑀢𑀺+𑀭𑀻𑀯+𑀭𑀻𑀯𑀢𑀓+𑀭𑀺𑀢𑁆𑀢𑀓𑀸

𑀓𑀺𑀫𑁆𑀳𑀸 𑀧𑀞𑀫𑀦𑁆𑀢𑀸 𑀅𑀲𑁆𑀲𑁂𑀢𑀺 𑀙𑀝𑁆𑀞𑁆𑀬𑀢𑁆𑀣𑁂 𑀭𑀢𑀺+𑀭𑀻𑀯+𑀭𑀻𑀯𑀢𑀓+𑀭𑀺𑀢𑁆𑀢𑀓𑀸 𑀳𑁄𑀦𑁆𑀢𑀺. 𑀓𑀺𑀁𑀲𑀗𑁆𑀔𑁆𑀬𑀸𑀦𑀁 𑀧𑀭𑀺𑀫𑀸𑀡+𑀫𑁂𑀲𑀁 𑀓𑀢𑀺, 𑀭𑀸𑀦𑀼𑀩𑀦𑁆𑀥𑀢𑁆𑀢𑀸 𑀇𑀁𑀪𑀸𑀕𑀮𑁄𑀧𑁄. 𑀓𑀻𑀯, 𑀓𑀻𑀯𑀢𑀓𑀁, 𑀓𑀺𑀢𑁆𑀢𑀓𑀁. 𑀭𑀻𑀯𑀦𑁆𑀢𑁄 𑀲𑀪𑀸𑀯𑀢𑁄 𑀅𑀲𑀁𑀔𑁆𑀬𑁄.

𑁪𑁫. 𑀲𑀜𑁆𑀚𑀸𑀢𑀁 𑀢𑀸𑀭𑀓𑀸𑀤𑀺𑀢𑁆𑀯𑀺+𑀢𑁄𑀢𑀺

𑀲𑀜𑁆𑀚𑀸𑀢𑀢𑁆𑀣𑁂 𑀇𑀢𑁄. 𑀢𑀸𑀭𑀓𑀸 𑀲𑀜𑁆𑀚𑀸𑀢𑀸 𑀅𑀲𑁆𑀲 𑀢𑀸𑀭𑀓𑀺𑀢𑀁 𑀕𑀕𑀦𑀁, 𑀧𑀼𑀧𑁆𑀨𑀸𑀦𑀺 𑀲𑀜𑁆𑀚𑀸𑀢𑀸𑀦𑀺 𑀅𑀲𑁆𑀲 𑀧𑀼𑀧𑁆𑀨𑀺𑀢𑁄 𑀭𑀼𑀓𑁆𑀔𑁄, 𑀧𑀮𑁆𑀮𑀯𑀺𑀢𑀸 𑀮𑀢𑀸.

𑀧𑀞𑀫𑀦𑁆𑀢𑀸 𑀫𑀸𑀦𑀯𑀼𑀢𑁆𑀢𑀺𑀢𑁄 𑀅𑀲𑁆𑀲𑁂𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀫𑀢𑁆𑀢𑁄 𑀳𑁄𑀢𑀺. 𑀧𑀮𑀁 𑀉𑀫𑁆𑀫𑀸𑀦+𑀫𑀲𑁆𑀲 𑀧𑀮𑀫𑀢𑁆𑀢𑀁. 𑀳𑀢𑁆𑀣𑁄 𑀧𑀡𑀸𑀫+𑀫𑀲𑁆𑀲 𑀳𑀢𑁆𑀣𑀫𑀢𑁆𑀢𑀁. 𑀲𑀢𑀁 𑀫𑀸𑀦+𑀫𑀲𑁆𑀲 𑀲𑀢𑀫𑀢𑁆𑀢𑀁. 𑀤𑁄𑀡𑁄 𑀧𑀭𑀺𑀫𑀸𑀡+𑀫𑀲𑁆𑀲 𑀤𑁄𑀡𑀫𑀢𑁆𑀢𑀁. 𑀅𑀪𑁂𑀤𑁄𑀧𑀘𑀸𑀭𑀸 𑀤𑁄𑀡𑁄𑀢𑀺𑀧𑀺 𑀳𑁄𑀢𑀺. 𑀫𑀻𑀬𑀢𑁂+𑀦𑁂𑀦𑀸𑀢𑀺 𑀫𑀸𑀦𑀁, 𑀫𑀸𑀦𑀲𑁆𑀲 𑀲𑀫𑁆𑀩𑀦𑁆𑀥𑀺𑀢𑁆𑀢𑀸 𑀙𑀝𑁆𑀞𑁆𑀬𑀦𑁆𑀢𑀪𑀽𑀢𑀸𑀦𑀫𑁂𑀯 𑀯𑀺𑀥𑀺 𑀳𑁄𑀢𑀺. 𑀏𑀢𑁆𑀣 𑀘 𑁋

𑀉𑀤𑁆𑀥𑀫𑀸𑀦𑀦𑁆𑀢𑀼 ¶ 𑀉𑀫𑁆𑀫𑀸𑀦𑀁, 𑀧𑀭𑀺𑀫𑀸𑀡𑀦𑁆𑀢𑀼 𑀲𑀩𑁆𑀩𑀢𑁄;

𑀧𑀫𑀸𑀡𑀁 𑀳𑁄𑀢𑀺 𑀆𑀬𑀸𑀫𑁄, 𑀲𑀁𑀔𑁆𑀬𑀸𑀲𑁂𑀲𑁄 𑀢𑀼 𑀲𑀩𑁆𑀩𑀢𑁄.

𑀉𑀤𑁆𑀥𑀫𑀸𑀦𑀯𑀼𑀢𑁆𑀢𑀺𑀢𑁄 𑀢𑀕𑁆𑀖𑁄 𑀳𑁄𑀢𑀺 𑀫𑀢𑁆𑀢𑁄 𑀘. 𑀚𑀡𑁆𑀡𑀼 𑀧𑀭𑀺𑀫𑀸𑀡+𑀫𑀲𑁆𑀲 𑀚𑀡𑁆𑀡𑀼𑀢𑀕𑁆𑀖𑀁, 𑀚𑀡𑁆𑀡𑀼𑀫𑀢𑁆𑀢𑀁.

𑀧𑀼𑀭𑀺𑀲𑀸 𑀡𑁄 𑀳𑁄𑀢𑀺 𑀫𑀢𑁆𑀢𑀸𑀤𑀬𑁄 𑀘. 𑀧𑀼𑀭𑀺𑀲𑁄 𑀧𑀭𑀺𑀫𑀸𑀡+𑀫𑀲𑁆𑀲 𑀧𑁄𑀭𑀺𑀲𑀁, 𑀧𑀼𑀭𑀺𑀲𑀫𑀢𑁆𑀢𑀁+𑀧𑀼𑀭𑀺𑀲𑀢𑀕𑁆𑀖𑀁.

𑀉𑀪𑀤𑁆𑀯𑀺𑀢𑀻𑀳𑀺 𑀅𑀯𑀬𑀯𑀯𑀼𑀢𑁆𑀢𑀻𑀳𑀺 𑀅𑀬𑁄 𑀳𑁄𑀢𑀺. 𑀉𑀪𑁄 𑀅𑀁𑀲𑀸 𑀅𑀲𑁆𑀲 𑀉𑀪𑀬𑀁, 𑀤𑁆𑀯𑀬𑀁, 𑀢𑀬𑀁. 𑀅𑀁𑀲𑀲𑀫𑁆𑀩𑀦𑁆𑀥𑁂𑀦 𑀲𑀫𑀼𑀤𑀸𑀬𑁂 𑀯𑀺𑀥𑀺 𑀳𑁄𑀢𑀻𑀢𑀺 𑀦 𑀉𑀪𑀬𑀸𑀤𑀺𑀢𑁄 𑀩𑀳𑀼𑀯𑀘𑀦𑀦𑁆𑀢𑀺 𑀘𑁂, ‘‘𑀭𑀸𑀳𑀼𑀦𑁄 𑀲𑀺𑀭𑁄’’ 𑀢𑁆𑀬𑀸𑀤𑁄 𑀅𑀪𑁂𑀤𑁂𑀧𑀺 𑀪𑁂𑀤𑀯𑀺𑀯𑀓𑁆𑀔𑀸𑀬 𑀮𑀩𑁆𑀪𑀫𑀸𑀦𑀢𑁄 𑀩𑀳𑀼𑀯𑀘𑀦𑀁 𑀳𑁄𑀢𑁂𑀯.

𑁫𑁦. 𑀲𑀗𑁆𑀔𑁆𑀬𑀸𑀬 𑀲𑀘𑁆𑀘𑀼+𑀢𑀻+𑀲𑀸+𑀲+𑀤𑀲𑀦𑁆𑀢𑀸𑀬𑀸+𑀥𑀺𑀓𑀸+𑀲𑁆𑀫𑀺𑀁 𑀲𑀢𑀲𑀳𑀲𑁆𑀲𑁂 𑀟𑁄

𑀲𑀢𑁆𑀬𑀦𑁆𑀢𑀸𑀬 𑀉𑀢𑁆𑀬𑀦𑁆𑀢𑀸𑀬 𑀈𑀲𑀦𑁆𑀢𑀸𑀬 𑀆𑀲𑀦𑁆𑀢𑀸𑀬 𑀤𑀲𑀦𑁆𑀢𑀸𑀬 𑀲𑀗𑁆𑀔𑁆𑀬𑀸𑀬 𑀧𑀞𑀫𑀦𑁆𑀢𑀸𑀬 𑀅𑀲𑁆𑀫𑀺𑀦𑁆𑀢𑀺 𑀲𑀢𑁆𑀢𑀫𑁆𑀬𑀢𑁆𑀣𑁂 𑀟𑁄 𑀳𑁄𑀢𑀺, 𑀲𑀸 𑀘𑁂 ¶ 𑀲𑀗𑁆𑀔𑁆𑀬𑀸 𑀅𑀥𑀺𑀓𑀸 𑀳𑁄𑀢𑀺, 𑀬+𑀤𑀲𑁆𑀫𑀺𑀦𑁆𑀢𑀺, 𑀢𑀁 𑀘𑁂 𑀲𑀢𑀁 𑀲𑀳𑀲𑁆𑀲𑀁 𑀲𑀢𑀲𑀳𑀲𑁆𑀲𑀁 𑀯𑀸 𑀳𑁄𑀢𑀺. 𑀯𑀻𑀲𑀢𑀺 𑀅𑀥𑀺𑀓𑀸 𑀅𑀲𑁆𑀫𑀺𑀁 𑀲𑀢𑁂𑀢𑀺 𑀯𑀻𑀲𑀁𑀲𑀢𑀁.

𑀟𑁂 𑀧𑀭𑁂 𑀲𑀢𑁆𑀬𑀦𑁆𑀢𑀲𑁆𑀲 𑀢𑀺𑀓𑀸𑀭𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀏𑀓𑀯𑀻𑀲𑀁𑀲𑀢𑀁 𑀲𑀳𑀲𑁆𑀲𑀁 𑀲𑀢𑀲𑀳𑀲𑁆𑀲𑀁 𑀯𑀸. 𑀢𑀺𑀁𑀲𑀢𑀺 𑀅𑀥𑀺𑀓𑀸 𑀅𑀲𑁆𑀫𑀺𑀁 𑀲𑀢𑀸𑀤𑀺𑀓𑁂𑀢𑀺 𑀢𑀺𑀁𑀲𑀲𑀢𑀁 𑀏𑀓𑀢𑀺𑀁𑀲𑀲𑀢𑀁 𑀇𑀘𑁆𑀘𑀸𑀤𑀺. 𑀉𑀢𑁆𑀬𑀦𑁆𑀢𑀸𑀬𑀦𑀯𑀼𑀢𑀺 𑀅𑀥𑀺𑀓𑀸 𑀅𑀲𑁆𑀫𑀺𑀁 𑀲𑀢𑀸𑀤𑀺𑀓𑁂𑀢𑀺 𑀦𑀯𑀼𑀢𑀁𑀲𑀢𑀁 𑀲𑀳𑀲𑁆𑀲𑀁 𑀲𑀢𑀲𑀳𑀲𑁆𑀲𑀁 𑀯𑀸. 𑀈𑀲𑀦𑁆𑀢𑀸𑀬-𑀘𑀢𑁆𑀢𑀸𑀮𑀻𑀲𑀁 𑀅𑀥𑀺𑀓𑀸 𑀅𑀲𑁆𑀫𑀺𑀁 𑀲𑀢𑁂 𑀲𑀳𑀲𑁆𑀲𑁂 𑀲𑀢𑀲𑀳𑀲𑁆𑀲𑁂𑀢𑀺 𑀘𑀢𑁆𑀢𑀸𑀮𑀻𑀲𑀲𑀢+𑀫𑀺𑀘𑁆𑀘𑀸𑀤𑀺. 𑀆𑀲𑀦𑁆𑀢𑀸𑀬 𑀏𑀯𑀁, 𑀧𑀜𑁆𑀜𑀸𑀲𑀁𑀲𑀢+𑀫𑀺𑀘𑁆𑀘𑀸𑀤𑀺. 𑀤𑀲𑀦𑁆𑀢𑀸𑀬-𑀏𑀓𑀸𑀤𑀲𑀁𑀲𑀢+𑀫𑀺𑀘𑁆𑀘𑀸𑀤𑀺.

𑁫𑁧. 𑀢𑀲𑁆𑀲 𑀧𑀽𑀭𑀡𑁂+𑀓𑀸𑀤𑀲𑀸𑀤𑀺𑀢𑁄 𑀯𑀸

𑀙𑀝𑁆𑀞𑀺𑀬𑀦𑁆𑀢𑀸𑀬𑁂+𑀓𑀸𑀤𑀲𑀸𑀤𑀺𑀓𑀸𑀬 𑀲𑀁𑀔𑁆𑀬𑀸𑀬 𑀟𑁄 𑀳𑁄𑀢𑀺 𑀧𑀽𑀭𑀡𑀢𑁆𑀣𑁂 𑀯𑀺𑀪𑀸𑀲𑀸. 𑀲𑀸 𑀲𑀁𑀔𑁆𑀬𑀸 𑀧𑀽𑀭𑀺𑀬𑀢𑁂 𑀬𑁂𑀦 𑀢𑀁 𑀧𑀽𑀭𑀡𑀁. 𑀏𑀓𑀸𑀤𑀲𑀦𑁆𑀦𑀁 𑀧𑀽𑀭𑀡𑁄 𑀏𑀓𑀸𑀤𑀲𑁄. 𑀅𑀜𑁆𑀜𑀢𑁆𑀭 ‘‘𑀫 𑀧𑀜𑁆𑀘𑀸𑀤𑀺𑀓𑀢𑀻𑀳𑀻’’𑀢𑀺 𑀫𑁄, 𑀏𑀓𑀸𑀤𑀲𑀫𑁄. 𑀯𑀻𑀲𑀢𑀺𑀬𑀸 𑀧𑀽𑀭𑀡𑁄 𑀯𑀻𑀲𑁄 𑀯𑀻𑀲𑀢𑀺𑀫𑁄, 𑀢𑀺𑀁𑀲𑁄, 𑀢𑀺𑀁𑀲𑀢𑀺𑀫𑁄. 𑀯𑀸𑀲𑀤𑁆𑀤𑀲𑁆𑀲 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀦𑀺𑀘𑁆𑀘𑀁 𑀘𑀢𑁆𑀢𑀸𑀮𑀻𑀲𑁄 𑀧𑀜𑁆𑀜𑀸𑀲𑁄.

𑀫𑀧𑀘𑁆𑀘𑀬𑁂 𑀧𑀜𑁆𑀘𑀫𑁄, 𑀧𑀜𑁆𑀘𑀫𑀻. 𑀲𑀢𑁆𑀢𑀫𑁄, 𑀲𑀢𑁆𑀢𑀫𑀻. 𑀅𑀝𑁆𑀞𑀫𑁄, 𑀅𑀝𑁆𑀞𑀫𑀻. 𑀓𑀢𑀺𑀫𑁄, 𑀓𑀢𑀺𑀫𑀻 𑀇𑀘𑁆𑀘𑀸𑀤𑀺.

𑀲𑀢𑀸𑀤𑀻𑀦𑀁 ¶ 𑀫𑁄 𑀘 𑀅𑀦𑁆𑀢𑀸𑀤𑁂𑀲𑁄 𑀇 𑀘. 𑀲𑀢𑀲𑁆𑀲 𑀧𑀽𑀭𑀡𑁄 𑀲𑀢𑀺𑀫𑁄, 𑀲𑀳𑀲𑁆𑀲𑀺𑀫𑁄.

𑀙𑀲𑀤𑁆𑀤𑀸 𑀧𑀽𑀭𑀡𑀢𑁆𑀣𑁂 𑀝𑁆𑀞+𑀝𑁆𑀞𑀫𑀸. 𑀙𑀦𑁆𑀦𑀁 𑀧𑀽𑀭𑀡𑁄 𑀙𑀝𑁆𑀞𑁄, 𑀙𑀝𑁆𑀞𑀫𑁄. 𑀇𑀢𑁆𑀣𑀺𑀬𑀁 𑀙𑀝𑁆𑀞𑀻, 𑀙𑀝𑁆𑀞𑀫𑀻. ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑁂𑀲𑁆𑀯𑁂+𑀲𑀁 𑀢𑀢𑀺𑀬𑀧𑀞𑀫𑀸’’𑀢𑀺 𑀦𑀺𑀧𑀸𑀢𑀦𑀸 𑀧𑀽𑀭𑀡𑀢𑁆𑀣𑁂 𑀤𑁆𑀯𑀺𑀢𑁄 𑀢𑀺𑀬𑁄 𑀤𑁆𑀯𑀺𑀲𑁆𑀲 𑀤𑀼 𑀘, 𑀢𑀺𑀘𑀢𑀽𑀳𑀺 𑀢𑀺𑀲𑁆𑀲 𑀅, 𑀢𑀺𑀬+𑀢𑁆𑀣𑀸 𑀘 𑀬𑀣𑀸𑀓𑁆𑀓𑀫𑀁, 𑀤𑀼𑀢𑀺𑀬𑁄 𑀢𑀢𑀺𑀬𑁄, 𑀘𑀢𑀼𑀢𑁆𑀣𑁄.

‘‘𑀲𑀢𑀺 𑀩𑁆𑀬𑀪𑀺𑀘𑀸𑀭𑁂 𑀯𑀺𑀲𑁂𑀲𑀦𑀁 𑀲𑀸𑀢𑁆𑀣𑀓𑀁’’𑀢𑀺 𑀜𑀸𑀬𑀸 𑀲𑀁𑀔𑁆𑀬𑀸𑀢𑁄 𑀯𑀺𑀲𑁂𑀲𑁂𑀢𑀼𑀁 ‘‘𑀅𑀲𑀳𑀸𑀬𑁂’’𑀢𑀺 𑀯𑀼𑀢𑁆𑀢𑀁. 𑀏𑀓𑀲𑁆𑀫𑀸 𑀅𑀲𑀳𑀸𑀬𑀢𑁆𑀣𑁂 𑀓+𑀆𑀓𑀻 𑀳𑁄𑀦𑁆𑀢𑀺 𑀯𑀸. 𑀏𑀓𑁄𑀯 𑀏𑀓𑀓𑁄, 𑀏𑀓𑀸𑀓𑀻, 𑀏𑀓𑁄 𑀯𑀸.

𑁫𑁬. 𑀯𑀘𑁆𑀙𑀸𑀤𑀻𑀳𑀺 𑀢𑀦𑀼𑀢𑁆𑀢𑁂 𑀢𑀭𑁄

𑀯𑀘𑁆𑀙𑀸𑀤𑀻𑀦𑀁 𑀲𑀪𑀸𑀯𑀲𑁆𑀲 𑀢𑀦𑀼𑀢𑁆𑀢𑁂=𑀓𑀺𑀜𑁆𑀘𑀺𑀫𑀢𑁆𑀢𑀸𑀯𑀲𑁂𑀲𑁂 𑀢𑀭𑁄 𑀳𑁄𑀢𑀺. 𑀲𑁄=𑀲𑀓𑁄 𑀪𑀸𑀯𑁄 𑀲𑀪𑀸𑀯𑁄 𑀅𑀢𑁆𑀢𑀦𑀺𑀬𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁. 𑀲𑀼𑀲𑀼𑀢𑁆𑀢𑀲𑁆𑀲 𑀢𑀦𑀼𑀢𑁆𑀢𑁂 𑀯𑀘𑁆𑀙𑀢𑀭𑁄, 𑀇𑀢𑁆𑀣𑀺𑀬𑀁 𑀯𑀘𑁆𑀙𑀢𑀭𑀻. 𑀬𑁄𑀩𑁆𑀩𑀦𑀲𑁆𑀲 𑀢𑀦𑀼𑀢𑁆𑀢𑁂 𑀑𑀓𑁆𑀔𑀢𑀭𑁄. 𑀑𑀓𑁆𑀔𑀸=𑀤𑀼𑀢𑀺𑀬𑀯𑀬𑀝𑁆𑀞𑀕𑁄𑀡𑁄. 𑀅𑀲𑁆𑀲𑀪𑀸𑀯𑀲𑁆𑀲 𑀢𑀦𑀼𑀢𑁆𑀢𑁂 𑀅𑀲𑁆𑀲𑀢𑀭𑁄. 𑀕𑀸𑀯𑁄𑀢𑀺 𑀚𑀸𑀢𑀺𑀲𑀸𑀫𑀢𑁆𑀣𑀺𑀬𑀲𑁆𑀲 𑀢𑀦𑀼𑀢𑁆𑀢𑁂 𑀉𑀲𑀪𑀢𑀭𑁄. 𑀏𑀢𑁆𑀣 𑀢𑀦𑀼𑀢𑁆𑀢𑀁 𑀅𑀧𑁆𑀧𑀩𑀮𑀢𑀸.

𑁫𑁭. 𑀓𑀺𑀫𑁆𑀳𑀸 𑀦𑀺𑀤𑁆𑀥𑀸𑀭𑀡𑁂 𑀭𑀢𑀭+𑀭𑀢𑀫𑀸

𑀓𑀺𑀁𑀲𑀤𑁆𑀤𑀸 ¶ 𑀦𑀺𑀤𑁆𑀥𑀸𑀭𑀡𑁂 𑀭𑀢𑀭+𑀭𑀢𑀫𑀸 𑀳𑁄𑀦𑁆𑀢𑀺. 𑀓𑁄 𑀏𑀯𑀸𑀢𑀺 𑀓𑀢𑀭𑁄 𑀪𑀯𑀢𑀁 𑀤𑁂𑀯𑀤𑀢𑁆𑀢𑁄, 𑀓𑀢𑀭𑁄 𑀪𑀯𑀢𑀁 𑀓𑀝𑁆𑀞𑁄. 𑀓𑀢𑀫𑁄 𑀪𑀯𑀢𑀁 𑀤𑁂𑀯𑀤𑀢𑁆𑀢𑁄, 𑀓𑀢𑀫𑁄 𑀪𑀯𑀢𑀁 𑀓𑀝𑁆𑀞𑁄. 𑀪𑀸𑀭𑀤𑁆𑀯𑀸𑀚𑀸𑀦𑀁 𑀓𑀢𑀫𑁄+𑀲𑀺 𑀩𑁆𑀭𑀳𑁆𑀫𑁂.

𑀤𑀢𑁆𑀢𑁂+𑀪𑀺𑀥𑁂𑀬𑁆𑀬𑁂 𑀮+𑀇𑀬𑀸 𑀳𑁄𑀦𑁆𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀫𑀦𑀼𑀲𑁆𑀲𑀲𑀜𑁆𑀜𑀸𑀬𑀁. 𑀤𑁂𑀯𑁂𑀦 𑀤𑀢𑁆𑀢𑁄 𑀤𑁂𑀯𑀮𑁄 𑀤𑁂𑀯𑀺𑀬𑁄, 𑀩𑁆𑀭𑀳𑁆𑀫𑀮𑁄 𑀩𑁆𑀭𑀳𑁆𑀫𑀺𑀬𑁄. 𑀲𑀻𑀯𑀮𑁄 𑀲𑀻𑀯𑀺𑀬𑁄 𑀲𑀺𑀲𑁆𑀲 𑀤𑀻𑀖𑁄. 𑀤𑁂𑀯+𑀩𑁆𑀭𑀳𑁆𑀫+𑀲𑀺𑀯𑀸𑀢𑀺 𑀢𑀦𑁆𑀦𑀸𑀫𑀓𑀸 𑀫𑀦𑀼𑀲𑁆𑀲𑀸. (𑀭𑀢𑁆𑀢𑀫𑀺𑀘𑁆𑀘𑀸𑀤𑀺𑀅𑀦𑁂𑀓𑀢𑁆𑀣𑀢𑀤𑁆𑀥𑀺𑀢𑀁).

𑁫𑁯. 𑀢𑀲𑁆𑀲 𑀪𑀸𑀯𑀓𑀫𑁆𑀫𑁂𑀲𑀼𑀢𑁆𑀢+𑀢𑀸+𑀢𑁆𑀢𑀦+𑀡𑁆𑀬+𑀡𑁂𑀬𑁆𑀬+𑀡𑀺+𑀬+𑀡𑀺𑀬𑀸

𑀙𑀝𑁆𑀞𑀺𑀬𑀦𑁆𑀢𑀸 𑀪𑀸𑀯𑁂 𑀓𑀫𑁆𑀫𑁂 𑀘 𑀢𑁆𑀢𑀸𑀤𑀬𑁄 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀦 𑀲𑀩𑁆𑀩𑁂 𑀧𑀘𑁆𑀘𑀬𑀸 𑀲𑀩𑁆𑀩𑀢𑁄 𑀳𑁄𑀦𑁆𑀢𑀺 𑀅𑀜𑁆𑀜𑀢𑁆𑀭𑀢𑁆𑀢+𑀢𑀸𑀳𑀺. 𑀪𑀯𑀦𑁆𑀢𑀺 𑀏𑀢𑀲𑁆𑀫𑀸 𑀩𑀼𑀤𑁆𑀥𑀺𑀲𑀤𑁆𑀤𑀸𑀢𑀺 𑀪𑀸𑀯𑁄 𑀲𑀤𑁆𑀤𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁. 𑀯𑀼𑀢𑁆𑀢𑀜𑁆𑀘 𑁋

𑀳𑁄𑀦𑁆𑀢𑁆𑀬+𑀲𑁆𑀫𑀸 𑀲𑀤𑁆𑀤𑀩𑀼𑀤𑁆𑀥𑀻𑀢𑀺, 𑀪𑀸𑀯𑁄 𑀢𑀁 𑀲𑀤𑁆𑀤𑀯𑀼𑀢𑁆𑀢𑀺𑀬𑀸;

𑀦𑀺𑀫𑀺𑀢𑁆𑀢𑀪𑀽𑀢𑀁 𑀦𑀸𑀫𑀜𑁆𑀘, 𑀚𑀸𑀢𑀺 𑀤𑀩𑁆𑀩𑀁 𑀓𑁆𑀭𑀺𑀬𑀸 𑀕𑀼𑀡𑁄𑀢𑀺.

𑀦𑀻𑀮𑀲𑁆𑀲 𑀧𑀝𑀲𑁆𑀲 𑀪𑀸𑀯𑁄 𑀦𑀻𑀮𑀢𑁆𑀢𑀁 𑀦𑀻𑀮𑀢𑀸𑀢𑀺 𑀕𑀼𑀡𑁄 𑀪𑀸𑀯𑁄. 𑀏𑀢𑁆𑀣 𑀦𑀻𑀮𑀕𑀼𑀡𑀯𑀲𑁂𑀦 𑀧𑀝𑁂 𑀦𑀻𑀮𑀲𑀤𑁆𑀤𑀲𑁆𑀲 𑀯𑀼𑀢𑁆𑀢𑀺𑀬𑀸 𑀧𑀝𑀩𑀼𑀤𑁆𑀥𑀺𑀬𑀸 𑀦𑀺𑀫𑀺𑀢𑁆𑀢𑀁 𑀪𑀸𑀯𑁄 𑀦𑀸𑀫. 𑀦𑀻𑀮𑀲𑁆𑀲 𑀕𑀼𑀡𑀲𑁆𑀲 𑀪𑀸𑀯𑁄 𑀦𑀻𑀮𑀢𑁆𑀢𑀁 𑀦𑀻𑀮𑀢𑀸𑀢𑀺 𑀦𑀻𑀮𑀕𑀼𑀡𑀚𑀸𑀢𑀺, 𑀏𑀢𑁆𑀣 𑀦𑀻𑀮𑀕𑀼𑀡𑀚𑀸𑀢𑀺 𑀦𑀺𑀫𑀺𑀢𑁆𑀢𑀁 𑀳𑀼𑀢𑁆𑀯𑀸 𑀦𑀻𑀮𑀲𑀤𑁆𑀤𑀲𑁆𑀲 𑀕𑀼𑀡𑀯𑀼𑀢𑁆𑀢𑀺𑀬𑀸 ¶ 𑀦𑀻𑀮𑀕𑀼𑀡𑀚𑀸𑀢𑀺 𑀦𑀺𑀫𑀺𑀢𑁆𑀢𑀁. 𑀕𑁄𑀢𑁆𑀢𑀁 𑀕𑁄𑀢𑀸𑀢𑀺 𑀕𑁄𑀚𑀸𑀢𑀺, 𑀏𑀢𑁆𑀣 𑀚𑀸𑀢𑀺𑀲𑀤𑁆𑀤𑀸𑀦𑀁 𑀤𑀩𑁆𑀩𑀯𑀼𑀢𑁆𑀢𑀺𑀬𑀸 𑀲𑀢𑀺 𑀚𑀸𑀢𑀺 𑀦𑀺𑀫𑀺𑀢𑁆𑀢𑀁. 𑀧𑀸𑀘𑀓𑀲𑁆𑀲 𑀪𑀸𑀯𑁄 𑀧𑀸𑀘𑀓𑀢𑁆𑀢𑀁𑀢𑀺 𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑀺𑀢𑁆𑀢𑀁 𑀪𑀸𑀯𑁄, 𑀏𑀢𑁆𑀣 𑀧𑀘𑀦𑀓𑁆𑀭𑀺𑀬𑀸𑀲𑀫𑁆𑀩𑀦𑁆𑀥𑀺𑀢𑁆𑀢𑀁 𑀪𑀸𑀯𑁄. 𑀤𑀡𑁆𑀟𑀺𑀢𑁆𑀢𑀁 𑀯𑀺𑀲𑀸𑀡𑀺𑀢𑁆𑀢𑀁 𑀭𑀸𑀚𑀧𑀼𑀭𑀺𑀲𑀢𑁆𑀢𑀁𑀢𑀺 𑀤𑀡𑁆𑀟+𑀯𑀺𑀲𑀸𑀡+𑀭𑀸𑀚𑀤𑀩𑁆𑀩𑀸𑀦𑀁 𑀲𑀫𑁆𑀩𑀦𑁆𑀥𑀺𑀢𑁆𑀢𑀁 𑀪𑀸𑀯𑁄, 𑀤𑀡𑁆𑀟𑀻𑀢𑁆𑀬𑀸𑀤𑀺𑀲𑀤𑁆𑀤𑀧𑀯𑀢𑁆𑀢𑀺𑀬𑀸 𑀦𑀺𑀫𑀺𑀢𑁆𑀢𑀢𑁆𑀢𑀸.

𑀤𑁂𑀯𑀤𑀢𑁆𑀢𑀲𑁆𑀲 𑀪𑀸𑀯𑁄 𑀤𑁂𑀯𑀤𑀢𑁆𑀢𑀢𑁆𑀢𑀁, 𑀘𑀦𑁆𑀤𑀢𑁆𑀢𑀁, 𑀲𑀽𑀭𑀺𑀬𑀢𑁆𑀢𑀁𑀢𑀺 𑀢𑀤𑀯𑀢𑁆𑀣𑀸 𑀯𑀺𑀲𑁂𑀲𑀲𑀸𑀫𑀜𑁆𑀜𑀁, 𑀤𑁂𑀯𑀤𑀢𑁆𑀢𑀲𑁆𑀲 𑀩𑀸𑀮𑀢𑀸𑀤𑀺𑀅𑀯𑀢𑁆𑀣𑀸𑀪𑁂𑀤𑁄, 𑀘𑀦𑁆𑀤𑀲𑁆𑀲 𑀓𑀮𑀸𑀤𑀺𑀅𑀯𑀢𑁆𑀣𑀪𑁂𑀤𑁄 𑀘, 𑀲𑀽𑀭𑀺𑀬𑀲𑁆𑀲 𑀫𑀦𑁆𑀤𑀧𑀝𑀼𑀢𑀸𑀤𑀺𑀅𑀯𑀢𑁆𑀣𑀸𑀪𑁂𑀤𑁄 𑀘 𑀲𑀸𑀫𑀜𑁆𑀜𑀁, 𑀢𑀤𑁂𑀢𑁆𑀣 𑀦𑀺𑀫𑀺𑀢𑁆𑀢𑀁. 𑀏𑀢𑁆𑀣 𑀯𑀺𑀚𑁆𑀚𑀫𑀸𑀦𑀧𑀤𑀢𑁆𑀣𑀸𑀦𑀁 𑀯𑀺𑀲𑀬𑀪𑀽𑀢𑀲𑀜𑁆𑀜𑀸𑀲𑀤𑁆𑀤𑀸𑀦𑀁 𑀧𑀯𑀢𑁆𑀢𑀺𑀦𑀺𑀫𑀺𑀢𑁆𑀢𑀁 𑀯𑀼𑀢𑁆𑀢𑀁. 𑀆𑀓𑀸𑀲𑀢𑁆𑀢𑀁 𑀅𑀪𑀸𑀯𑀢𑁆𑀢𑀁𑀢𑀺, 𑀢𑀢𑁆𑀣 𑀖𑀝𑀸𑀓𑀸𑀲+𑀧𑀻𑀞𑀭𑀸𑀓𑀸𑀲, 𑀧𑀝𑀸𑀪𑀸𑀯+𑀖𑀝𑀸𑀪𑀸𑀯𑀸𑀤𑀺𑀦𑀸 𑀉𑀧𑀘𑀭𑀺𑀢𑀪𑁂𑀤𑀲𑀸𑀫𑀜𑁆𑀜𑀁 𑀪𑀸𑀯𑁄.

𑀢𑁆𑀢𑀦-𑀧𑀼𑀣𑀼𑀚𑁆𑀚𑀦𑀢𑁆𑀢𑀦𑀁. 𑀯𑁂𑀤𑀦𑀸𑀬 𑀪𑀸𑀯𑁄 𑀯𑁂𑀤𑀦𑀢𑁆𑀢𑀦𑀁, 𑀭𑀲𑁆𑀲𑁄. 𑀏𑀯𑀁 𑀚𑀸𑀬𑀢𑁆𑀢𑀦𑀁, 𑀚𑀸𑀭𑀢𑁆𑀢𑀦𑀁.

𑀡𑁆𑀬-𑀅𑀮𑀲𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀆𑀮𑀲𑁆𑀬𑀁, 𑀏𑀢𑁆𑀣 ‘‘𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁’’𑀢𑀺 𑀅-𑀮𑁄𑀧𑁂 ‘‘𑀲𑀭𑀸𑀦+𑀫𑀸𑀤𑀺𑀲𑁆𑀲𑀸’’𑀤𑀺𑀦𑀸 𑀆𑀓𑀸𑀭𑁄, 𑀏𑀯+𑀫𑀼𑀧𑀭𑀺 𑀘. 𑀩𑁆𑀭𑀸𑀳𑁆𑀫𑀡𑀲𑁆𑀲 𑀪𑀸𑀯𑁄 𑀩𑁆𑀭𑀳𑁆𑀫𑀜𑁆𑀜𑀁, 𑀜𑁆𑀜𑀓𑀸𑀭𑀧𑀼𑀩𑁆𑀩𑀭𑀽𑀧𑀸𑀦𑀺. 𑀘𑀸𑀧𑀮𑁆𑀬𑀁, 𑀦𑁂𑀧𑀼𑀜𑁆𑀜𑀁, 𑀧𑁂𑀲𑀼𑀜𑁆𑀜𑀁, 𑀭𑀜𑁆𑀜𑁄 𑀪𑀸𑀯𑁄 𑀭𑀚𑁆𑀚𑀁, 𑀆𑀥𑀺𑀧𑀘𑁆𑀘𑀁, 𑀤𑀸𑀬𑀚𑁆𑀚𑀁, 𑀯𑁂𑀲𑀫𑁆𑀫𑀁, 𑀯𑁂𑀲𑀫𑀁, 𑀡𑀧𑀘𑁆𑀘𑀬𑁄. 𑀲𑀔𑀺𑀦𑁄 𑀪𑀸𑀯𑁄 𑀲𑀔𑁆𑀬𑀁, 𑀯𑀸𑀡𑀺𑀚𑁆𑀚𑀁, 𑀆𑀭𑁄𑀕𑁆𑀬𑀁, 𑀑𑀤𑀕𑁆𑀬𑀁, 𑀆𑀦𑀡𑁆𑀬𑀁, 𑀤𑀼𑀩𑁆𑀩𑀮𑁆𑀬𑀁, 𑀩𑀮𑁆𑀬𑀁, 𑀧𑀡𑁆𑀟𑀺𑀘𑁆𑀘𑀁, 𑀩𑀸𑀳𑀼𑀲𑁆𑀲𑀘𑁆𑀘𑀁, 𑀧𑁄𑀭𑁄𑀳𑀺𑀘𑁆𑀘𑀁. 𑀫𑀼𑀝𑁆𑀞𑀲𑁆𑀲𑀢𑀺𑀲𑁆𑀲 𑀪𑀸𑀯𑁄 𑀫𑀼𑀝𑁆𑀞𑀲𑁆𑀲𑀘𑁆𑀘𑀁, 𑀇𑀮𑁄𑀧𑁄. 𑀓𑁄𑀲𑀮𑁆𑀮𑀁, 𑀯𑁂𑀧𑀼𑀮𑁆𑀮𑀁. 𑀲𑀫𑀸𑀦𑀲𑁆𑀲 𑀪𑀸𑀯𑁄 𑀲𑀸𑀫𑀜𑁆𑀜𑀁, 𑀧𑁂𑀭𑀺𑀲𑁆𑀲𑀁, 𑀲𑁄𑀫𑀦𑀲𑁆𑀲𑀁, 𑀤𑁄𑀫𑀦𑀲𑁆𑀲𑀁, 𑀲𑁄𑀯𑀘𑀲𑁆𑀲𑀁, 𑀤𑁄𑀯𑀘𑀲𑁆𑀲𑀁, 𑀦𑀺𑀧𑀓𑀲𑁆𑀲 ¶ 𑀪𑀸𑀯𑁄 𑀦𑁂𑀧𑀓𑁆𑀓𑀁, 𑀆𑀥𑀺𑀓𑁆𑀓𑀁, 𑀤𑀼𑀪𑀕𑀲𑁆𑀲 𑀪𑀸𑀯𑁄 𑀤𑁄𑀪𑀕𑁆𑀕𑀁, 𑀲𑀭𑀽𑀧𑀲𑁆𑀲 𑀪𑀸𑀯𑁄 𑀲𑀸𑀭𑀼𑀧𑁆𑀧𑀁, 𑀑𑀧𑀫𑁆𑀫𑀁, 𑀲𑁄𑀔𑀼𑀫𑁆𑀫𑀁, 𑀢𑀣𑀲𑁆𑀲 𑀪𑀸𑀯𑁄 𑀢𑀘𑁆𑀙𑀁. 𑀤𑀼𑀫𑁆𑀫𑁂𑀥𑀲𑁆𑀲 𑀪𑀸𑀯𑁄 𑀤𑀼𑀫𑁆𑀫𑁂𑀚𑁆𑀛𑀁. 𑀪𑁂𑀲𑀚𑀲𑁆𑀲 𑀪𑀸𑀯𑁄 𑀪𑁂𑀲𑀚𑁆𑀚𑀁, 𑀩𑁆𑀬𑀸𑀯𑀝𑀲𑁆𑀲 𑀓𑀫𑁆𑀫𑀁 𑀯𑁂𑀬𑁆𑀬𑀸𑀯𑀘𑁆𑀘𑀁 𑀬𑀣𑀸 𑀯𑁂𑀬𑁆𑀬𑀸𑀓𑀭𑀡𑀁.

𑀡𑁂𑀬𑁆𑀬-𑀲𑀼𑀘𑀺𑀦𑁄 𑀪𑀸𑀯𑁄 𑀲𑁄𑀘𑁂𑀬𑁆𑀬𑀁, 𑀆𑀥𑀺𑀧𑀢𑁂𑀬𑁆𑀬𑀁, 𑀓𑀧𑀺𑀲𑁆𑀲 𑀪𑀸𑀯𑁄 𑀓𑀸𑀧𑁂𑀬𑁆𑀬𑀁. 𑀲𑀞𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀲𑀸𑀞𑁂𑀬𑁆𑀬𑀁.

𑀡-𑀕𑀭𑀽𑀦𑀁 𑀪𑀸𑀯𑁄 𑀕𑀸𑀭𑀯𑀁, 𑀉 𑀅𑀯𑀗. 𑀧𑀸𑀝𑀯𑀁, 𑀅𑀚𑁆𑀚𑀯𑀁, 𑀫𑀤𑁆𑀤𑀯𑀁, ‘‘𑀓𑁄𑀲𑀚𑁆𑀚𑀸’’𑀤𑀺𑀦𑀸 𑀉𑀲𑁆𑀲 𑀅𑀢𑁆𑀢𑀁 𑀤𑁆𑀯𑀺𑀢𑁆𑀢𑀜𑁆𑀘. 𑀧𑀭𑀫𑀸𑀦𑀁 𑀪𑀸𑀯𑁄 𑀧𑀸𑀭𑀫𑀻, 𑀯𑀻𑀧𑀘𑁆𑀘𑀬𑁄. 𑀲𑀫𑀕𑁆𑀕𑀸𑀦𑀁 𑀪𑀸𑀯𑁄 𑀲𑀸𑀫𑀕𑁆𑀕𑀻.

𑀇𑀬-𑀅𑀥𑀺𑀧𑀢𑀺𑀦𑁄 𑀪𑀸𑀯𑁄 𑀅𑀥𑀺𑀧𑀢𑀺𑀬𑀁, 𑀧𑀡𑁆𑀟𑀺𑀢𑀺𑀬𑀁, 𑀩𑀳𑀼𑀲𑁆𑀲𑀼𑀢𑀺𑀬𑀁, 𑀦𑀕𑁆𑀕𑀺𑀬𑀁, 𑀲𑀽𑀭𑀺𑀬𑀁.

𑀡𑀺𑀬-𑀅𑀮𑀲𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀆𑀮𑀲𑀺𑀬𑀁, 𑀢𑀸𑀮𑀼𑀲𑀺𑀬𑀁, 𑀫𑀦𑁆𑀤𑀺𑀬𑀁, 𑀤𑀓𑁆𑀔𑀺𑀬𑀁, 𑀧𑁄𑀭𑁄𑀳𑀺𑀢𑀺𑀬𑀁, 𑀯𑁂𑀬𑁆𑀬𑀢𑁆𑀢𑀺𑀬𑀁.

𑀓𑀣𑀁 𑀭𑀸𑀫𑀡𑀻𑀬𑀓𑀁𑀢𑀺, 𑀲𑀓𑀢𑁆𑀣𑁂 𑀓𑀦𑁆𑀢𑀸 𑀡𑁂𑀦 𑀲𑀺𑀤𑁆𑀥𑀸. 𑀓𑀫𑁆𑀫𑀁=𑀓𑁆𑀭𑀺𑀬𑀸, 𑀢𑀢𑁆𑀣 𑀅𑀮𑀲𑀲𑁆𑀲 𑀓𑀫𑁆𑀫𑀁 𑀅𑀮𑀲𑀢𑁆𑀢𑀁 𑀅𑀮𑀲𑀢𑀸 𑀅𑀮𑀲𑀢𑁆𑀢𑀦𑀁 𑀆𑀮𑀲𑁆𑀬𑀁 𑀆𑀮𑀲𑀺𑀬𑀁 𑀯𑀸.

𑀲𑀓𑀢𑁆𑀣𑁂𑀧𑀺 𑀬𑀣𑀸𑀬𑁄𑀕𑀁 𑀢𑁆𑀢𑀸𑀤𑀬𑁄 𑀳𑁄𑀦𑁆𑀢𑀺. 𑀬𑀣𑀸𑀪𑀽𑀢𑀫𑁂𑀯 𑀬𑀣𑀸𑀪𑀼𑀘𑁆𑀘𑀁, 𑀓𑀸𑀭𑀼𑀜𑁆𑀜𑀁, 𑀧𑀢𑁆𑀢𑀓𑀮𑁆𑀮𑀁. 𑀆𑀓𑀸𑀲𑀸𑀦𑀦𑁆𑀢𑀫𑁂𑀯 𑀆𑀓𑀸𑀲𑀸𑀦𑀜𑁆𑀘𑀁, 𑀏𑀢𑁆𑀣 𑀅𑀓𑀸𑀭𑀮𑁄𑀧𑁄, 𑀢𑀲𑁆𑀲 𑀘𑁂 𑀧𑀼𑀩𑁆𑀩𑀭𑀽𑀧𑁂 𑀘 𑀓𑀢𑁂 ‘‘𑀢𑀤𑀫𑀺𑀦𑀸’’𑀤𑀺𑀦𑀸 𑀦𑀲𑁆𑀲 𑀜𑁆𑀜𑁄 𑀘 𑀮𑁄𑀧𑁄 𑀘 𑀳𑁄𑀢𑀺, 𑀓𑀸𑀬𑀧𑀸𑀕𑀼𑀜𑁆𑀜𑀢𑀸.

𑀙𑀝𑁆𑀞𑀺𑀬𑀦𑁆𑀢𑀸 ¶ 𑀯𑀤𑁆𑀥𑀸 𑀤𑀸𑀲𑀸 𑀘 𑀩𑁆𑀬𑁄 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼. 𑀯𑀤𑁆𑀥𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀯𑀤𑁆𑀥𑀩𑁆𑀬𑀁, 𑀯𑀤𑁆𑀥𑀢𑀸. 𑀤𑀸𑀲𑀲𑁆𑀲 𑀪𑀸𑀯𑁄 𑀓𑀫𑁆𑀫𑀁 𑀯𑀸 𑀤𑀸𑀲𑀩𑁆𑀬𑀁, 𑀤𑀸𑀲𑁆𑀬𑀁, 𑀤𑀸𑀲𑀢𑀸. 𑀓𑀣𑀁 𑀯𑀤𑁆𑀥𑀯𑀁𑀢𑀺, 𑀡𑁂 𑀯𑀸𑀕𑀫𑁄.

𑀙𑀝𑁆𑀞𑀺𑀬𑀦𑁆𑀢𑀸 𑀬𑀼𑀯𑀲𑀤𑁆𑀤𑀸 𑀪𑀸𑀯𑀓𑀫𑁆𑀫𑁂𑀲𑀼 𑀦𑀡 𑀯𑀸 𑀳𑁄𑀢𑀺 𑀯𑀲𑁆𑀲 𑀩𑁄 𑀘. 𑀬𑀼𑀯𑀲𑁆𑀲 𑀪𑀸𑀯𑁄 𑀬𑁄𑀩𑁆𑀩𑀦𑀁, 𑀬𑀼𑀯𑀢𑁆𑀢𑀁 𑀬𑀼𑀯𑀢𑀸 𑀯𑀸.

𑀪𑀸𑀯𑁂 𑀯𑀸 𑀇𑀫𑁄. 𑀅𑀡𑀼𑀦𑁄 𑀪𑀸𑀯𑁄 𑀅𑀡𑀺𑀫𑀸, 𑀮𑀖𑀺𑀫𑀸, 𑀫𑀳𑀢𑁄 𑀪𑀸𑀯𑁄 𑀫𑀳𑀺𑀫𑀸. 𑀓𑀺𑀲𑀲𑁆𑀲 𑀪𑀸𑀯𑁄 𑀓𑀲𑀺𑀫𑀸.

𑁧𑁩𑁩. 𑀓𑀺𑀲+𑀫𑀳𑀢+𑀫𑀺𑀫𑁂 𑀓𑀲, 𑀫𑀳𑀸𑀢𑀺

𑀇𑀫𑀫𑁆𑀳𑀺 𑀫𑀳𑀢𑁄 𑀫𑀳𑁄 𑀘 𑀓𑀺𑀲𑀲𑁆𑀲 𑀓𑀲𑀸𑀤𑁂𑀲𑁄 𑀘 𑀳𑁄𑀢𑀺.

𑁬𑁩. 𑀪𑀸𑀯𑀸 𑀢𑁂𑀦 𑀦𑀺𑀩𑁆𑀩𑀢𑁆𑀢𑁂𑀢𑀺

𑀓𑁆𑀭𑀺𑀬𑀸𑀯𑀸𑀘𑀓𑀲𑀤𑁆𑀤𑀢𑁄 𑀇𑀫𑁄, 𑀧𑀸𑀓𑁂𑀦 𑀦𑀺𑀩𑁆𑀩𑀢𑁆𑀢𑀁 𑀧𑀸𑀓𑀺𑀫𑀁, 𑀲𑁂𑀓𑀺𑀫𑀁.

𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂 𑀡𑀸𑀦𑀼𑀩𑀦𑁆𑀥𑁂. 𑀓𑀼𑀲𑀻𑀢𑀲𑁆𑀲 𑀪𑀸𑀯𑁄𑀢𑀺 𑀪𑀸𑀯𑁂 𑀡𑁆𑀬𑁄 𑀳𑁄𑀢𑀺, 𑀇𑀫𑀺𑀦𑀸 𑀈𑀲𑁆𑀲 𑀅𑀓𑀸𑀭𑁂 𑀘 𑀢𑀲𑁆𑀲 𑀚𑁂 𑀘 ¶ 𑀓𑀢𑁂 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀁, 𑀓𑁄𑀲𑀚𑁆𑀚𑀁. 𑀉𑀚𑀼𑀦𑁄 𑀪𑀸𑀯𑁂 𑀅𑀚𑁆𑀚𑀯𑀁𑀢𑀺 𑀡𑁄, 𑀇𑀫𑀺𑀦𑀸 𑀉𑀲𑁆𑀲 𑀅𑀢𑁆𑀢𑀁, ‘‘𑀉𑀯𑀡𑁆𑀡𑀲𑁆𑀲𑀸+𑀯𑀗 𑀲𑀭𑁂’’𑀢𑀺 𑀅𑀯𑀗𑀆𑀤𑁂𑀲𑁂 𑀚𑀲𑁆𑀲 𑀤𑁆𑀯𑀺𑀢𑁆𑀢𑀁. 𑀧𑀭𑀺𑀲𑀸𑀲𑀼 𑀲𑀸𑀥𑀽𑀢𑀺 𑀯𑀸𑀓𑁆𑀬𑁂 ‘‘𑀡𑁆𑀬𑁄 𑀢𑀢𑁆𑀣 𑀲𑀸𑀥𑀽’’𑀢𑀺 𑀡𑁆𑀬𑁄, 𑀇𑀫𑀺𑀦𑀸 𑀚𑀸𑀕𑀫𑁄 𑀘, ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀆𑀲𑁆𑀲 𑀭𑀲𑁆𑀲𑁂 𑀘 𑀓𑀢𑁂 𑀚𑀲𑁆𑀲 𑀧𑀼𑀩𑁆𑀩𑀭𑀽𑀧𑀁, 𑀧𑀸𑀭𑀺𑀲𑀚𑁆𑀚𑁄. 𑀇𑀫𑀺𑀦𑀸 𑀓𑀫𑁂𑀦 𑀯𑀸𑀓𑁆𑀬𑁂𑀦𑁂𑀯 𑀲𑀤𑁆𑀤𑀲𑀺𑀤𑁆𑀥𑀺 𑀯𑁂𑀤𑀺𑀢𑀩𑁆𑀩𑀸. 𑀲𑀼𑀳𑀤𑀬𑁄𑀯 𑀲𑀼𑀳𑀚𑁆𑀚𑁄, 𑀢𑀲𑁆𑀲 𑀪𑀸𑀯𑁄 𑀲𑁄𑀳𑀚𑁆𑀚𑀁, 𑀇𑀫𑀺𑀦𑀸 𑀅𑀬𑀮𑁄𑀧𑁄. 𑀫𑀼𑀤𑀼𑀦𑁄 𑀪𑀸𑀯𑁄 𑀫𑀤𑁆𑀤𑀯𑀁, 𑀇𑀫𑀺𑀦𑀸 𑀉𑀲𑁆𑀲 𑀅𑀢𑁆𑀢𑀁. 𑀇𑀲𑀺𑀦𑁄 𑀇𑀤𑀁 𑀪𑀸𑀯𑁄 𑀯𑀸 𑀆𑀭𑀺𑀲𑁆𑀲𑀁, 𑀡𑁆𑀬𑀧𑀘𑁆𑀘𑀬𑁂 𑀇𑀫𑀺𑀦𑀸 𑀆𑀭𑀜𑀸𑀕𑀫𑁂 ‘‘𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁’’𑀢𑀺 𑀅𑀦𑁆𑀢𑀇𑀓𑀸𑀭𑀮𑁄𑀧𑁄 𑀘. 𑀉𑀲𑀪𑀲𑁆𑀲 𑀇𑀤𑀁 𑀪𑀸𑀯𑁄 𑀯𑀸 𑀆𑀲𑀪𑀁, 𑀇𑀫𑀺𑀦𑀸 𑀉𑀲𑁆𑀲 𑀆. 𑀆𑀚𑀸𑀦𑀻𑀬𑀲𑁆𑀲 𑀪𑀸𑀯𑁄 𑀆𑀚𑀜𑁆𑀜𑀁, 𑀇𑀫𑀺𑀦𑀸 𑀬𑀮𑁄𑀧𑁂 ‘‘𑀮𑁄𑀧𑁄+𑀯𑀡𑁆𑀡𑀺+𑀯𑀡𑁆𑀡𑀸𑀦𑀁’’𑀢𑀺 𑀈𑀓𑀸𑀭𑀮𑁄𑀧𑁄. 𑀣𑁂𑀦𑀲𑁆𑀲 𑀪𑀸𑀯𑁄 𑀣𑁂𑀬𑁆𑀬𑀁, 𑀇𑀫𑀺𑀦𑀸 𑀦𑀲𑁆𑀲 𑀬𑀓𑀸𑀭𑁄. 𑀩𑀳𑀼𑀲𑁆𑀲𑀼𑀢𑀲𑁆𑀲 𑀪𑀸𑀯𑁄 𑀩𑀸𑀳𑀼𑀲𑀘𑁆𑀘𑀁, 𑀇𑀫𑀺𑀦𑀸 𑀉𑀲𑁆𑀲 𑀅𑀓𑀸𑀭𑁄 𑀲𑀁𑀬𑁄𑀕𑀸𑀤𑀺𑀮𑁄𑀧𑁄. (𑀪𑀸𑀯𑀢𑀤𑁆𑀥𑀺𑀢𑀁).

𑁬𑁪. 𑀢𑀭+𑀢𑀫𑀺+𑀲𑁆𑀲𑀺𑀓𑀺+𑀬𑀺+𑀝𑁆𑀞𑀸+𑀢𑀺𑀲𑀬𑁂

𑀅𑀢𑀺𑀲𑀬𑁂 𑀯𑀢𑁆𑀢𑀫𑀸𑀦𑀢𑁄 𑀳𑁄𑀦𑁆𑀢𑁂+𑀢𑁂 𑀧𑀘𑁆𑀘𑀬𑀸. 𑀅𑀢𑀺𑀲𑀬𑁂𑀦 𑀧𑀸𑀧𑁄 𑀧𑀸𑀧𑀢𑀭𑁄 𑀧𑀸𑀧𑀢𑀫𑁄 𑀧𑀸𑀧𑀺𑀲𑁆𑀲𑀺𑀢𑁄 𑀧𑀸𑀧𑀺𑀬𑁄 𑀧𑀸𑀧𑀺𑀝𑁆𑀞𑁄, 𑀇𑀢𑁆𑀣𑀺𑀬𑀁 𑀧𑀸𑀧𑀢𑀭𑀸 𑀇𑀘𑁆𑀘𑀸𑀤𑀺. 𑀅𑀢𑀺𑀲𑀬𑀧𑁆𑀧𑀘𑁆𑀘𑀬𑀦𑁆𑀢𑀸𑀧𑀺 𑀅𑀢𑀺𑀲𑀬𑀧𑁆𑀧𑀘𑁆𑀘𑀬𑁄, 𑀅𑀢𑀺𑀲𑀬𑁂𑀦 𑀧𑀸𑀧𑀺𑀝𑁆𑀞𑁄 𑀧𑀸𑀧𑀺𑀝𑁆𑀞𑀢𑀭𑁄 𑀧𑀸𑀧𑀺𑀝𑁆𑀞𑀢𑀫𑁄. 𑀏𑀯𑀁 𑀧𑀝𑀼𑀢𑀭𑁄 𑀧𑀝𑀼𑀢𑀫𑁄, 𑀧𑀝𑀺𑀲𑁆𑀲𑀺𑀓𑁄, 𑀧𑀝𑀺𑀬𑁄, 𑀧𑀝𑀺𑀝𑁆𑀞𑁄, 𑀯𑀭𑀢𑀭𑁄 𑀇𑀘𑁆𑀘𑀸𑀤𑀺 𑀧𑀡𑀻𑀢𑀢𑀭𑁄 𑀇𑀘𑁆𑀘𑀸𑀤𑀺 𑀘.

𑁧𑁩𑁫. 𑀚𑁄 𑀯𑀼𑀤𑁆𑀥𑀲𑁆𑀲𑀺+𑀬𑀺+𑀝𑁆𑀞𑁂𑀲𑀼

𑀯𑀼𑀤𑁆𑀥𑀲𑁆𑀲 ¶ 𑀚𑁄 𑀳𑁄𑀢𑀺 𑀇𑀬𑀇𑀝𑁆𑀞𑁂𑀲𑀼. 𑀅𑀢𑀺𑀲𑀬𑁂𑀦 𑀯𑀼𑀤𑁆𑀥𑁄 𑀚𑁂𑀬𑁆𑀬𑁄 𑀚𑁂𑀝𑁆𑀞𑁄, 𑀚𑀸𑀤𑁂𑀲𑁂 𑀧𑀼𑀩𑁆𑀩𑀲𑀭𑀮𑁄𑀧𑁂 𑀮𑀼𑀢𑁆𑀢𑀸 𑀲𑀭𑀸 𑀇𑀲𑁆𑀲 𑀏𑀓𑀸𑀭𑁂 𑀘 𑀬𑀲𑁆𑀲 𑀤𑁆𑀯𑀺𑀢𑁆𑀢𑀁.

𑁧𑁩𑁬. 𑀩𑀸𑀴𑁆𑀳+𑀦𑁆𑀢𑀺𑀓+𑀧𑀲𑀢𑁆𑀣𑀸𑀦𑀁 𑀲𑀸𑀥+𑀦𑁂𑀤+𑀲𑀸

𑀇𑀬𑀇𑀝𑁆𑀞𑁂𑀲𑀼 𑀩𑀸𑀴𑁆𑀳+𑀦𑁆𑀢𑀺𑀓+𑀧𑀲𑀢𑁆𑀣𑀸𑀦𑀁 𑀲𑀸𑀥+𑀦𑁂𑀤+𑀲𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀅𑀢𑀺𑀲𑀬𑁂𑀦 𑀩𑀸𑀴𑁆𑀳𑁄 𑀲𑀸𑀥𑀺𑀬𑁄 𑀲𑀸𑀥𑀺𑀝𑁆𑀞𑁄. 𑀅𑀢𑀺𑀲𑀬𑁂𑀦 𑀅𑀦𑁆𑀢𑀺𑀓𑁄 𑀦𑁂𑀤𑀺𑀬𑁄 𑀦𑁂𑀤𑀺𑀝𑁆𑀞𑁄. 𑀅𑀢𑀺𑀲𑀬𑁂𑀦 𑀧𑀲𑀢𑁆𑀣𑁄 𑀲𑁂𑀬𑁆𑀬𑁄 𑀲𑁂𑀝𑁆𑀞𑁄, 𑀧𑀼𑀩𑁆𑀩𑁂𑀯 𑀲𑀭𑁂 𑀮𑀼𑀢𑁆𑀢𑁂 𑀇𑀲𑁆𑀲 𑀏 𑀤𑁆𑀯𑀺𑀢𑁆𑀢𑀜𑁆𑀘.

𑀇𑀬𑀇𑀝𑁆𑀞𑁂𑀲𑀼 𑀅𑀧𑁆𑀧𑀬𑀼𑀯𑀸𑀦𑀁 𑀓𑀡+𑀓𑀦𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀅𑀢𑀺𑀲𑀬𑁂𑀦 𑀅𑀧𑁆𑀧𑁄 𑀓𑀡𑀺𑀬𑁄 𑀓𑀡𑀺𑀝𑁆𑀞𑁄. 𑀅𑀢𑀺𑀲𑀬𑁂𑀦 𑀬𑀼𑀯𑀸 𑀓𑀦𑀺𑀬𑁄 𑀓𑀦𑀺𑀝𑁆𑀞𑁄.

𑁧𑁩𑁮. 𑀮𑁄𑀧𑁄 𑀯𑀻+𑀫𑀦𑁆𑀢𑀼+𑀯𑀦𑁆𑀢𑀽𑀦𑀦𑁆𑀢𑀺

𑀇𑀬𑀇𑀝𑁆𑀞𑁂𑀲𑀼 𑀯𑀻+𑀫𑀦𑁆𑀢𑀼+𑀯𑀦𑁆𑀢𑀽𑀦𑀁 𑀮𑁄𑀧𑁄. 𑀅𑀢𑀺𑀲𑀬𑁂𑀦 𑀫𑁂𑀥𑀸𑀯𑀻 𑀫𑁂𑀥𑀺𑀬𑁄 𑀫𑁂𑀥𑀺𑀝𑁆𑀞𑁄. 𑀅𑀢𑀺𑀲𑀬𑁂𑀦 𑀲𑀢𑀺𑀫𑀸 𑀲𑀢𑀺𑀬𑁄 𑀲𑀢𑀺𑀝𑁆𑀞𑁄. 𑀅𑀢𑀺𑀲𑀬𑁂𑀦 𑀕𑀼𑀡𑀯𑀸 𑀕𑀼𑀡𑀺𑀬𑁄 𑀕𑀼𑀡𑀺𑀝𑁆𑀞𑁄. 𑀏𑀢𑁆𑀣 𑀬𑀣𑀸𑀓𑁆𑀓𑀫𑀁 𑀫𑀦𑁆𑀢𑁆𑀯𑀢𑁆𑀣𑁂 𑀯𑀻+𑀫𑀦𑁆𑀢𑀼+𑀯𑀦𑁆𑀢𑀼 𑀳𑁄𑀢𑀺.

𑀮𑁆𑀮𑀧𑀘𑁆𑀘𑀬𑁄 ¶ 𑀳𑁄𑀢𑀺 𑀤𑀼𑀢𑀺𑀬𑀦𑁆𑀢𑀸 𑀢𑀦𑁆𑀦𑀺𑀲𑁆𑀲𑀺𑀢𑀢𑁆𑀣𑁂. 𑀯𑁂𑀤𑀁 𑀦𑀺𑀲𑁆𑀲𑀺𑀢𑀁 𑀯𑁂𑀤𑀮𑁆𑀮𑀁. 𑀤𑀼𑀝𑁆𑀞𑀼 𑀦𑀺𑀲𑁆𑀲𑀺𑀢𑀁 𑀤𑀼𑀝𑁆𑀞𑀼𑀮𑁆𑀮𑀁. 𑀯𑁂𑀤𑀦𑁆𑀢𑀺 𑀢𑀼𑀝𑁆𑀞𑀺. 𑀇𑀮𑁆𑀮𑁂 𑀲𑀗𑁆𑀔𑀸𑀭𑀁 𑀦𑀺𑀲𑁆𑀲𑀺𑀢𑀁 𑀲𑀗𑁆𑀔𑀸𑀭𑀺𑀮𑁆𑀮𑀁.

𑁬𑁬. 𑀢𑀲𑁆𑀲 𑀯𑀺𑀓𑀸𑀭𑀸𑀯𑀬𑀯𑁂𑀲𑀼 𑀡+𑀡𑀺𑀓+𑀡𑁂𑀬𑁆𑀬+𑀫𑀬𑀸

𑀧𑀓𑀢𑀺𑀬𑀸 𑀉𑀢𑁆𑀢𑀭+𑀫𑀯𑀢𑁆𑀣𑀦𑁆𑀢𑀭𑀁 𑀯𑀺𑀓𑀸𑀭𑁄. 𑀙𑀝𑁆𑀞𑀺𑀬𑀦𑁆𑀢𑀸 𑀦𑀸𑀫𑀲𑁆𑀫𑀸 𑀯𑀺𑀓𑀸𑀭𑁂+𑀯𑀬𑀯𑁂 𑀘 𑀡𑀸𑀤𑀬𑁄 𑀳𑁄𑀦𑁆𑀢𑀺 𑀩𑀳𑀼𑀮𑀁. 𑀡-𑀅𑀬𑀲𑁄 𑀯𑀺𑀓𑀸𑀭𑁄 𑀆𑀬𑀲𑀁 𑀩𑀦𑁆𑀥𑀦𑀁, 𑀲𑀓𑀸𑀕𑀫𑁄. 𑀉𑀤𑀼𑀫𑁆𑀩𑀭𑀲𑁆𑀲 𑀅𑀯𑀬𑀯𑁄 𑀯𑀺𑀓𑀸𑀭𑁄 𑀯𑀸 𑀑𑀤𑀼𑀫𑁆𑀩𑀭𑀁 𑀪𑀲𑁆𑀫𑀁 𑀧𑀡𑁆𑀡𑀁 𑀯𑀸. 𑀓𑀸𑀧𑁄𑀢𑀁 𑀫𑀁𑀲𑀁 𑀲𑀢𑁆𑀢𑀺 𑀯𑀸. 𑀡𑀺𑀓-𑀓𑀧𑁆𑀧𑀸𑀲𑀲𑁆𑀲 𑀯𑀺𑀓𑀸𑀭𑁄 𑀓𑀧𑁆𑀧𑀸𑀲𑀺𑀓𑀁 𑀯𑀢𑁆𑀣𑀁. 𑀡𑁂𑀬𑁆𑀬-𑀏𑀡𑀺𑀲𑁆𑀲 𑀯𑀺𑀓𑀸𑀭𑁄+𑀯𑀬𑀯𑁄 𑀯𑀸 𑀏𑀡𑁂𑀬𑁆𑀬𑀁. 𑀓𑁄𑀲𑀸𑀦𑀁 𑀯𑀺𑀓𑀸𑀭𑁄 𑀓𑁄𑀲𑁂𑀬𑁆𑀬𑀁 𑀯𑀢𑁆𑀣𑀁. 𑀫𑀬-𑀢𑀺𑀡𑀸𑀦𑀁 𑀯𑀺𑀓𑀸𑀭𑁄 𑀢𑀺𑀡𑀫𑀬𑀁, 𑀤𑀸𑀭𑀼𑀫𑀬𑀁, 𑀦𑀴𑀫𑀬𑀁, 𑀫𑀢𑁆𑀢𑀺𑀓𑀸𑀫𑀬𑀁, 𑀲𑀼𑀯𑀡𑁆𑀡𑀫𑀬𑁄 𑀭𑀣𑁄, 𑀭𑀽𑀧𑀺𑀬𑀫𑀬𑀁. ‘‘𑀅𑀜𑁆𑀜𑀲𑁆𑀫𑀺𑀁’’𑀢𑀺 𑀫𑀬𑁄, 𑀕𑀼𑀦𑁆𑀦𑀁 𑀓𑀭𑀻𑀲𑀁 𑀕𑁄𑀫𑀬𑀁.

𑀯𑀺𑀓𑀸𑀭𑀸𑀯𑀬𑀯𑁂𑀲𑀼 𑀚𑀢𑀼𑀢𑁄 𑀲𑁆𑀲𑀡 𑀯𑀸 𑀳𑁄𑀢𑀺. 𑀏𑀢𑁆𑀣 ‘‘𑀯𑀺𑀓𑀸𑀭𑀸𑀯𑀬𑀯𑁂𑀲𑀽’’𑀢𑀺 𑀯𑀢𑁆𑀢𑀦𑁆𑀢𑁂𑀲𑀼𑀧𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀯𑀺𑀓𑀸𑀭𑁂𑀬𑁂𑀯 𑀳𑁄𑀢𑀺. 𑀚𑀢𑀼𑀦𑁄 𑀯𑀺𑀓𑀸𑀭𑁄 𑀚𑀸𑀢𑀼𑀲𑁆𑀲𑀁 𑀚𑀢𑀼𑀫𑀬𑀁.

𑀩𑀳𑀼𑀮𑀁 𑀧𑀘𑁆𑀘𑀬𑀮𑁄𑀧𑁄𑀧𑀺. ‘‘𑀨𑀮𑀺𑀢𑀲𑁆𑀲 𑀭𑀼𑀓𑁆𑀔𑀲𑁆𑀲 𑀨𑀮+𑀫𑀯𑀬𑀯𑁄 𑀯𑀺𑀓𑀸𑀭𑁄 𑀘, 𑀧𑀮𑁆𑀮𑀯𑀺𑀢𑀲𑁆𑀲𑁂𑀯 𑀧𑀮𑁆𑀮𑀯𑀁’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀨𑀮𑀸𑀤𑀬𑁄 ¶ 𑀅𑀯𑀬𑀯𑀸 𑀯𑀺𑀓𑀸𑀭𑀸 𑀘 𑀳𑁄𑀦𑁆𑀢𑀺, 𑀢𑀲𑁆𑀫𑀸 𑀇𑀤𑀁 𑀯𑀼𑀘𑁆𑀘𑀢𑀺 𑀨𑀮𑀧𑀼𑀧𑁆𑀨𑀫𑀽𑀮𑁂𑀲𑀼 𑀯𑀺𑀓𑀸𑀭𑀸𑀯𑀬𑀯𑁂𑀲𑀼-𑀧𑀺𑀬𑀸𑀮𑀲𑁆𑀲 𑀨𑀮𑀸𑀦𑀺 𑀧𑀺𑀬𑀸𑀮𑀸𑀦𑀺, 𑀫𑀮𑁆𑀮𑀺𑀓𑀸𑀬 𑀧𑀼𑀧𑁆𑀨𑀸𑀦𑀺 𑀫𑀮𑁆𑀮𑀺𑀓𑀸, 𑀉𑀲𑀻𑀭𑀲𑁆𑀲 𑀫𑀽𑀮𑀁 𑀉𑀲𑀻𑀭𑀁. 𑀢𑀁𑀲𑀤𑁆𑀤𑁂𑀦 𑀯𑀸 𑀢𑀤𑀪𑀺𑀥𑀸𑀦𑀁 𑀅𑀪𑁂𑀤𑁄𑀧𑀘𑀸𑀭𑁂𑀦, 𑀢𑀲𑁆𑀫𑀸 𑀧𑀘𑁆𑀘𑀬𑀮𑁄𑀧𑀁 𑀯𑀺𑀦𑀸𑀧𑀺 𑀲𑀺𑀚𑁆𑀛𑀢𑀺.

𑀙𑀝𑁆𑀞𑀺𑀬𑀦𑁆𑀢𑀸 𑀲𑀫𑀽𑀳𑁂 𑀓𑀡+𑀡+𑀡𑀺𑀓𑀸 𑀳𑁄𑀦𑁆𑀢𑀺. 𑀕𑁄𑀢𑁆𑀢𑀧𑀘𑁆𑀘𑀬𑀦𑁆𑀢𑀸 𑀓𑀡-𑀭𑀸𑀚𑀜𑁆𑀜𑀸𑀦𑀁 𑀲𑀫𑀽𑀳𑁄 𑀭𑀸𑀚𑀜𑁆𑀜𑀓𑀁, 𑀫𑀸𑀦𑀼𑀲𑀓𑀁. 𑀉𑀓𑁆𑀔𑀸𑀤𑀻𑀳𑀺 𑀉𑀓𑁆𑀔𑀸𑀦𑀁 𑀲𑀫𑀽𑀳𑁄 𑀑𑀓𑁆𑀔𑀓𑀁, ‘‘𑀲𑀁𑀬𑁄𑀕𑁂 𑀓𑁆𑀯𑀘𑀻’’𑀢𑀺 𑀑𑀓𑀸𑀭𑁄. 𑀑𑀝𑁆𑀞𑀓𑀁. 𑀉𑀭𑀩𑁆𑀪𑀸𑀦𑀁 𑀲𑀫𑀽𑀳𑁄 𑀑𑀭𑀩𑁆𑀪𑀓𑀁. 𑀭𑀸𑀚𑀓𑀁, 𑀭𑀸𑀚𑀧𑀼𑀢𑁆𑀢𑀓𑀁, 𑀳𑀢𑁆𑀣𑀺𑀓𑀁, 𑀥𑁂𑀦𑀼𑀓𑀁, 𑀫𑀸𑀬𑀽𑀭𑀓𑀁, 𑀓𑀸𑀧𑁄𑀢𑀓𑀁, 𑀫𑀸𑀳𑀺𑀲𑀓𑀁. 𑀡-𑀓𑀸𑀓𑀸𑀦𑀁 𑀲𑀫𑀽𑀳𑁄 𑀓𑀸𑀓𑀁, 𑀪𑀺𑀓𑁆𑀔𑀁. 𑀡𑀺𑀓 𑀅𑀘𑀺𑀢𑁆𑀢𑀸-𑀅𑀧𑀽𑀧𑀸𑀦𑀁 𑀲𑀫𑀽𑀳𑁄 𑀆𑀧𑀽𑀧𑀺𑀓𑀁, 𑀲𑀁𑀓𑀼𑀮𑀺𑀓𑀁.

𑀲𑀫𑀽𑀳𑀢𑁆𑀣𑁂 𑀢𑀸. 𑀚𑀦𑀸𑀦𑀁 𑀲𑀫𑀽𑀳𑁄 𑀚𑀦𑀢𑀸, 𑀕𑀚𑀢𑀸, 𑀩𑀦𑁆𑀥𑀼𑀢𑀸, 𑀕𑀸𑀫𑀢𑀸, 𑀲𑀳𑀸𑀬𑀢𑀸, 𑀦𑀸𑀕𑀭𑀢𑀸. 𑀢𑀸𑀦𑁆𑀢𑀸 𑀲𑀪𑀸𑀯𑀢𑁄 𑀇𑀢𑁆𑀣𑀺𑀮𑀺𑀗𑁆𑀕𑀸.

𑀫𑀤𑀦𑀻𑀬𑀦𑁆𑀢𑀺 𑀓𑀭𑀡𑁂+𑀥𑀺𑀓𑀭𑀡𑁂 𑀯𑀸 𑀅𑀦𑀻𑀬𑁂𑀦 𑀲𑀺𑀤𑁆𑀥𑀁. 𑀥𑀽𑀫𑀸𑀬𑀺𑀢𑀢𑁆𑀢𑀦𑁆𑀢𑀺𑀓𑁆𑀢𑀦𑁆𑀢𑀸 𑀦𑀸𑀫𑀥𑀸𑀢𑀼𑀢𑁄 𑀢𑁆𑀢𑁂𑀦 𑀲𑀺𑀤𑁆𑀥𑀁, 𑀥𑀽𑀫𑁄 𑀯𑀺𑀬 𑀆𑀘𑀭𑀢𑀻𑀢𑀺 ‘‘𑀓𑀢𑁆𑀢𑀼𑀢𑀸+𑀬𑁄’’𑀢𑀺 𑀆𑀬𑁂 ‘‘𑀕𑀫𑀦𑀢𑁆𑀣𑀸𑀓𑀫𑁆𑀫𑀓𑀸𑀥𑀸𑀭𑁂 𑀘𑀸’’𑀢𑀺 𑀓𑁆𑀢𑀧𑀘𑁆𑀘𑀬𑁂 𑀊𑀆𑀕𑀫𑁂 𑀘 𑀓𑀢𑁂 𑀥𑀽𑀫𑀸𑀬𑀺𑀢𑀲𑁆𑀲 𑀪𑀸𑀯𑁄𑀢𑀺 𑀥𑀽𑀫𑀸𑀬𑀺𑀢𑀢𑁆𑀢𑀁.

𑀳𑀺𑀢𑀢𑁆𑀣𑁂 ¶ 𑀇𑀬𑁄. 𑀉𑀧𑀸𑀤𑀸𑀦𑀸𑀦𑀁 𑀳𑀺𑀢𑀁 𑀉𑀧𑀸𑀤𑀸𑀦𑀺𑀬𑀁.

𑀳𑀺𑀢𑀢𑁆𑀣𑁂 𑀲𑁆𑀲𑁄. 𑀘𑀓𑁆𑀔𑀼𑀦𑁄 𑀳𑀺𑀢𑀁 𑀘𑀓𑁆𑀔𑀼𑀲𑁆𑀲𑀁, 𑀆𑀬𑀼𑀲𑁆𑀲𑀁.

𑀲𑀢𑁆𑀢𑀫𑁆𑀬𑀦𑁆𑀢𑀸 𑀢𑀢𑁆𑀣 𑀲𑀸𑀥𑀽𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀡𑁆𑀬𑁄 𑀳𑁄𑀢𑀺. 𑀲𑀸𑀥𑀽𑀢𑀺 𑀓𑀼𑀲𑀮𑁄 𑀬𑁄𑀕𑁆𑀕𑁄 𑀳𑀺𑀢𑁄 𑀯𑀸. 𑀲𑀪𑀸𑀬𑀁 𑀓𑀼𑀲𑀮𑁄 𑀲𑀩𑁆𑀪𑁄, 𑀆𑀓𑀸𑀭𑀮𑁄𑀧𑁄. 𑀧𑀭𑀺𑀲𑀸𑀬𑀁 𑀲𑀸𑀥𑀼 𑀧𑀸𑀭𑀺𑀲𑀚𑁆𑀚𑁄, ‘‘𑀓𑁄𑀲𑀚𑁆𑀚𑀸’’𑀤𑀺𑀦𑀸 𑀚𑀸𑀕𑀫𑁂 𑀅𑀓𑀸𑀭𑀯𑀼𑀤𑁆𑀥𑀺. 𑀫𑁂𑀥𑀸𑀬 𑀳𑀺𑀢𑀁 𑀫𑁂𑀚𑁆𑀛𑀁 𑀖𑀢𑀁. 𑀧𑀸𑀤𑀸𑀦𑀁 𑀳𑀺𑀢𑀁 𑀧𑀚𑁆𑀚𑀁 𑀢𑁂𑀮𑀁. ‘‘𑀅𑀜𑁆𑀜𑀲𑁆𑀫𑀺𑀁’’𑀢𑀺 𑀡𑁆𑀬𑁄, 𑀭𑀣𑀁 𑀯𑀳𑀢𑀻𑀢𑀺 𑀭𑀘𑁆𑀙𑀸.

𑀓𑀫𑁆𑀫𑀲𑀤𑁆𑀤𑀸 𑀲𑀸𑀥𑁆𑀯𑀢𑁆𑀣𑁂 𑀦𑀺𑀬+𑀜𑁆𑀜𑀸 𑀳𑁄𑀦𑁆𑀢𑀺. 𑀓𑀫𑁆𑀫𑁂 𑀲𑀸𑀥𑀼 𑀓𑀫𑁆𑀫𑀦𑀺𑀬𑀁 𑀓𑀫𑁆𑀫𑀜𑁆𑀜𑀁.

𑀇𑀓𑁄. 𑀓𑀣𑀸𑀬𑀁 𑀓𑀼𑀲𑀮𑁄 𑀓𑀣𑀺𑀓𑁄. 𑀥𑀫𑁆𑀫𑀓𑀣𑀺𑀓𑁄, 𑀲𑀗𑁆𑀕𑀸𑀫𑀺𑀓𑁄, 𑀧𑀯𑀸𑀲𑀺𑀓𑁄, 𑀉𑀧𑀯𑀸𑀲𑀺𑀓𑁄.

𑀡𑁂𑀬𑁆𑀬𑁄. 𑀧𑀣𑁂 𑀳𑀺𑀢𑀁 𑀧𑀸𑀣𑁂𑀬𑁆𑀬𑀁, 𑀲𑀧𑀢𑀺𑀲𑁆𑀫𑀺𑀁 𑀳𑀺𑀢𑀁 𑀲𑀸𑀧𑀢𑁂𑀬𑁆𑀬𑀁 𑀥𑀦𑀁. 𑀧𑀤𑀻𑀧𑁂𑀬𑁆𑀬𑀁 𑀢𑁂𑀮𑀁.

𑀅𑀭𑀳𑀢𑁆𑀣𑁂 ¶ 𑀡𑁂𑀬𑁆𑀬𑁄. 𑀤𑀓𑁆𑀔𑀺𑀡𑀁 𑀅𑀭𑀳𑀢𑀻𑀢𑀺 𑀤𑀓𑁆𑀔𑀺𑀡𑁂𑀬𑁆𑀬𑁄.

𑀅𑀭𑀳𑀢𑁆𑀣𑁂 𑀢𑀼𑀫𑀦𑁆𑀢𑀸 𑀭𑀸𑀬𑁄 𑀯𑀸. 𑀖𑀸𑀢𑁂𑀢𑀼𑀁 𑀅𑀭𑀳𑀢𑀻𑀢𑀺 𑀖𑀸𑀢𑁂𑀢𑀸𑀬𑀁, ‘‘𑀭𑀸𑀦𑀼𑀩𑀦𑁆𑀥𑁂+𑀦𑁆𑀢𑀲𑀭𑀸𑀤𑀺𑀲𑁆𑀲𑀸’’𑀢𑀺 𑀉𑀁𑀮𑁄𑀧𑁄. 𑀚𑀸𑀧𑁂𑀢𑀸𑀬𑀁, 𑀧𑀩𑁆𑀩𑀸𑀚𑁂𑀢𑀸𑀬𑀁. 𑀯𑀸𑀢𑀺 𑀓𑀺𑀁, 𑀖𑀸𑀢𑁂𑀢𑀼𑀁. (𑀲𑀁𑀓𑀺𑀡𑁆𑀡𑀢𑀤𑁆𑀥𑀺𑀢𑀁).

𑁭𑁮. 𑀢+𑀫𑁂𑀢𑁆𑀣+𑀲𑁆𑀲+𑀢𑁆𑀣𑀻𑀢𑀺 𑀫𑀦𑁆𑀢𑀼

𑀧𑀞𑀫𑀦𑁆𑀢𑀸 𑀏𑀢𑁆𑀣 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀏𑀢𑁂𑀲𑁆𑀯+𑀢𑁆𑀣𑁂𑀲𑀼 𑀫𑀦𑁆𑀢𑀼 𑀳𑁄𑀢𑀺. 𑀕𑀸𑀯𑁄 𑀏𑀢𑁆𑀣 𑀤𑁂𑀲𑁂 𑀅𑀲𑁆𑀲 𑀯𑀸 𑀧𑀼𑀭𑀺𑀲𑀲𑁆𑀲 𑀲𑀦𑁆𑀢𑀻𑀢𑀺 𑀕𑁄𑀫𑀸, 𑀕𑁄𑀫𑀦𑁆𑀢𑁄 𑀇𑀘𑁆𑀘𑀸𑀤𑀺 𑀕𑀼𑀡𑀯𑀦𑁆𑀢𑀼𑀲𑀫𑀁.

𑀅𑀢𑁆𑀣𑀻𑀢𑀺 𑀯𑀢𑁆𑀢𑀫𑀸𑀦𑀓𑀸𑀮𑁄𑀧𑀸𑀤𑀸𑀦𑀢𑁄 𑀪𑀽𑀢𑀸𑀳𑀺 𑀪𑀯𑀺𑀲𑁆𑀲𑀦𑁆𑀢𑀻𑀳𑀺 𑀯𑀸 𑀕𑁄𑀳𑀺 𑀦 𑀕𑁄𑀫𑀸. 𑀓𑀣𑀁 𑀕𑁄𑀫𑀸 𑀆𑀲𑀺, 𑀕𑁄𑀫𑀸 𑀪𑀯𑀺𑀲𑁆𑀲𑀢𑀻𑀢𑀺. 𑀢𑀤𑀸𑀧𑀺 𑀯𑀢𑁆𑀢𑀫𑀸𑀦𑀸𑀳𑀺𑀬𑁂𑀯 𑀕𑁄𑀳𑀺 𑀕𑁄𑀫𑀸, 𑀆𑀲𑀺 𑀪𑀯𑀺𑀲𑁆𑀲𑀢𑀻𑀢𑀺 𑀧𑀤𑀦𑁆𑀢𑀭𑀸 𑀓𑀸𑀮𑀦𑁆𑀢𑀭𑀁. 𑀇𑀢𑀺𑀲𑀤𑁆𑀤𑀢𑁄 𑀯𑀺𑀲𑀬𑀦𑀺𑀬𑀫𑁄. 𑀯𑀼𑀢𑁆𑀢𑀜𑁆𑀳𑀺 𑁋

𑀧𑀳𑀽𑀢𑁂 𑀘 𑀧𑀲𑀁𑀲𑀸𑀬𑀁, 𑀦𑀺𑀦𑁆𑀤𑀸𑀬𑀜𑁆𑀘𑀸+𑀢𑀺𑀲𑀸𑀬𑀦𑁂;

𑀦𑀺𑀘𑁆𑀘𑀬𑁄𑀕𑁂 𑀘 𑀲𑀁𑀲𑀕𑁆𑀕𑁂, 𑀳𑁄𑀦𑁆𑀢𑀺+𑀫𑁂 𑀫𑀦𑁆𑀢𑀼𑀆𑀤𑀬𑁄𑀢𑀺.

𑁧𑁩𑁪. 𑀆𑀬𑀼𑀲𑁆𑀲𑀸+𑀬𑀲 𑀫𑀦𑁆𑀢𑀼𑀫𑁆𑀳𑀺

𑀫𑀦𑁆𑀢𑀼𑀫𑁆𑀳𑀺 𑀆𑀬𑀼𑀲𑁆𑀲 𑀆𑀬𑀲𑀸𑀤𑁂𑀲𑁄 𑀳𑁄𑀢𑀺. 𑀆𑀬𑀼 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀆𑀬𑀲𑁆𑀫𑀸. 𑀕𑁄 𑀅𑀲𑁆𑀲𑁄𑀢𑀺 𑀚𑀸𑀢𑀺𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦- 𑀲𑀸𑀫𑀢𑁆𑀣𑀺𑀬𑀸 ¶ 𑀫𑀦𑁆𑀢𑁆𑀯𑀸𑀤𑀬𑁄 𑀦 𑀳𑁄𑀦𑁆𑀢𑀺, 𑀢𑀣𑀸 𑀕𑀼𑀡𑀲𑀤𑁆𑀤𑀸𑀦𑀁 𑀲𑁂𑀢𑁄 𑀧𑀝𑁄𑀢𑀺. 𑀬𑁂𑀲𑀁 𑀢𑀼 𑀕𑀼𑀡𑀲𑀤𑁆𑀤𑀸𑀦𑀁 𑀤𑀩𑁆𑀩𑀸𑀪𑀺𑀥𑀸𑀦𑀲𑀸𑀫𑀢𑁆𑀣𑀺𑀬𑀁 𑀦𑀢𑁆𑀣𑀺, 𑀢𑁂𑀳𑀺 𑀳𑁄𑀦𑁆𑀢𑁂𑀯, 𑀩𑀼𑀤𑁆𑀥𑀺 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀩𑀼𑀤𑁆𑀥𑀺𑀫𑀸. ‘‘𑀯𑀦𑁆𑀢𑁆𑀯+𑀯𑀡𑁆𑀡𑀸’’𑀢𑀺 𑀯𑀦𑁆𑀢𑀼𑀫𑁆𑀳𑀺 𑀭𑀽𑀧𑀯𑀸 𑀭𑀲𑀯𑀸 𑀕𑀦𑁆𑀥𑀯𑀸 𑀲𑀤𑁆𑀤𑀯𑀸. ‘‘𑀤𑀡𑁆𑀟𑀸𑀤𑀺𑀢𑁆𑀯𑀺+𑀓𑀈 𑀯𑀸’’𑀢𑀺 𑀇𑀓+𑀈, 𑀭𑀲𑀻 𑀭𑀲𑀺𑀓𑁄, 𑀭𑀽𑀧𑀻 𑀭𑀽𑀧𑀺𑀓𑁄, 𑀕𑀦𑁆𑀥𑀻 𑀕𑀦𑁆𑀥𑀺𑀓𑁄𑀢𑀺.

𑀯𑀦𑁆𑀢𑀼. 𑀧𑀲𑀢𑁆𑀣𑀁 𑀲𑀻𑀮+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀲𑀻𑀮𑀯𑀸. 𑀧𑀳𑀼𑀢𑀸 𑀧𑀲𑀢𑁆𑀣𑀸 𑀯𑀸 𑀧𑀜𑁆𑀜𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀧𑀜𑁆𑀜𑀯𑀸.

𑁮𑁦. 𑀤𑀡𑁆𑀟𑀸𑀤𑀺𑀢𑁆𑀯𑀺+𑀓+𑀈 𑀯𑀸𑀢𑀺

𑀇𑀓+𑀈 𑀳𑁄𑀦𑁆𑀢𑀺 𑀯𑀸 𑀫𑀦𑁆𑀢𑀢𑁆𑀣𑁂. 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑀼𑀢𑁄𑀘𑀺𑀲𑀤𑁆𑀤𑀢𑁄 𑀤𑁆𑀯𑁂 𑀳𑁄𑀦𑁆𑀢𑀺, 𑀓𑀼𑀢𑁄 𑀘𑁂+𑀓𑀫𑁂𑀓𑀁𑀯. 𑀦𑀺𑀘𑁆𑀘𑀬𑀼𑀢𑁆𑀢𑁄 𑀤𑀡𑁆𑀟𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀤𑀡𑁆𑀟𑀺𑀓𑁄 𑀤𑀡𑁆𑀟𑀻. 𑀕𑀦𑁆𑀥𑀺𑀓𑁄 𑀕𑀦𑁆𑀥𑀻. 𑀯𑀸𑀢𑁆𑀯𑁂𑀯, 𑀤𑀡𑁆𑀟𑀯𑀸.

‘‘𑀉𑀢𑁆𑀢𑀫𑀺𑀡𑁂𑀯 𑀥𑀦𑀸 𑀇𑀓𑁄’’𑀢𑀺 𑀕𑀡𑀲𑀼𑀢𑁆𑀢𑁂𑀦 𑀇𑀓𑁄 𑀥𑀦𑀺𑀓𑁄. 𑀅𑀜𑁆𑀜𑁄 𑀥𑀦𑀻 𑀥𑀦𑀯𑀸.

‘‘𑀅𑀲𑀦𑁆𑀦𑀺𑀳𑀺𑀢𑁂 𑀅𑀢𑁆𑀣𑀸’’ 𑀅𑀲𑀦𑁆𑀦𑀺𑀳𑀺𑀢𑁄 𑀅𑀢𑁆𑀣𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀅𑀢𑁆𑀣𑀺𑀓𑁄 𑀅𑀢𑁆𑀣𑀻. 𑀲𑀦𑁆𑀦𑀺𑀳𑀺𑀢𑁂 𑀅𑀢𑁆𑀣𑀯𑀸. ‘‘𑀢𑀤𑀦𑁆𑀢𑀸 𑀘’’ 𑀧𑀼𑀜𑁆𑀜𑀢𑁆𑀣𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀧𑀼𑀜𑁆𑀜𑀢𑁆𑀣𑀺𑀓𑁄 𑀧𑀼𑀜𑁆𑀜𑀢𑁆𑀣𑀻.

‘‘𑀯𑀡𑁆𑀡𑀦𑁆𑀢𑀸 𑀈𑀬𑁂𑀯’’. 𑀩𑁆𑀭𑀳𑁆𑀫𑀯𑀡𑁆𑀡𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀩𑁆𑀭𑀳𑁆𑀫𑀯𑀡𑁆𑀡𑀻, 𑀤𑁂𑀯𑀯𑀡𑁆𑀡𑀻.

‘‘𑀳𑀢𑁆𑀣𑀤𑀦𑁆𑀢𑁂𑀳𑀺 ¶ 𑀚𑀸𑀢𑀺𑀬𑀁’’. 𑀳𑀢𑁆𑀣+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀳𑀢𑁆𑀣𑀻, 𑀤𑀦𑁆𑀢𑀻. 𑀅𑀜𑁆𑀜𑀢𑁆𑀭 𑀳𑀢𑁆𑀣𑀯𑀸 𑀤𑀦𑁆𑀢𑀯𑀸.

‘‘𑀯𑀡𑁆𑀡𑀢𑁄 𑀩𑁆𑀭𑀳𑁆𑀫𑀘𑀸𑀭𑀺𑀫𑁆𑀳𑀺’’. 𑀯𑀡𑁆𑀡𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀯𑀡𑁆𑀡𑀺𑀓𑁄 𑀩𑁆𑀭𑀳𑁆𑀫𑀘𑀸𑀭𑀻.

‘‘𑀧𑁄𑀓𑁆𑀔𑀭𑀸𑀤𑀺𑀢𑁄 𑀤𑁂𑀲𑁂’’. 𑀧𑁄𑀓𑁆𑀔𑀭𑀁 𑀚𑀮𑀁 𑀧𑀤𑀼𑀫𑀁 𑀯𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀧𑁄𑀓𑁆𑀔𑀭𑀻, ‘‘𑀬𑀼𑀯𑀡𑁆𑀡𑁂𑀳𑀺 𑀦𑀻’’𑀢𑀺 𑀦𑀻𑀫𑁆𑀳𑀺 ‘‘𑀖𑀭𑀡𑁆𑀬𑀸𑀤𑀬𑁄’’𑀢𑀺 𑀈𑀲𑁆𑀲 𑀅𑀢𑁆𑀢𑀁, 𑀦𑀲𑁆𑀲 𑀡𑁄 𑀘, 𑀧𑁄𑀓𑁆𑀔𑀭𑀡𑀻, 𑀉𑀧𑁆𑀧𑀮𑀺𑀦𑀻, 𑀓𑀼𑀫𑀼𑀤𑀺𑀦𑀻, 𑀪𑀺𑀲𑀺𑀦𑀻, 𑀫𑀼𑀮𑀸𑀮𑀺𑀦𑀻, 𑀲𑀸𑀮𑀼𑀓𑀺𑀦𑀻.

‘‘𑀓𑁆𑀯𑀘𑀸+𑀤𑁂𑀲𑁂𑀧𑀺’’. 𑀧𑀤𑀼𑀫+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀧𑀤𑀼𑀫𑀻 𑀧𑀤𑀼𑀫𑀺𑀦𑀻 𑀧𑀤𑀼𑀫𑀺𑀦𑀻𑀧𑀡𑁆𑀡𑀁. 𑀤𑁂𑀲𑀢𑁄+𑀜𑁆𑀜𑀢𑁆𑀭 𑀧𑁄𑀓𑁆𑀔𑀭𑀯𑀸 𑀳𑀢𑁆𑀣𑀻.

‘‘𑀦𑀸𑀯𑀸𑀬𑀺+𑀓𑁄’’ 𑀦𑀸𑀯𑀺𑀓𑁄. 𑀲𑀺𑀔𑀻, 𑀩𑀸𑀮𑀻, 𑀲𑀻𑀮𑀻, 𑀩𑀮𑀻.

‘‘𑀲𑀼𑀔𑀤𑀼𑀓𑁆𑀔𑀸 𑀈’’. 𑀲𑀼𑀔𑀻 𑀤𑀼𑀓𑁆𑀔𑀻. ‘‘𑀩𑀮𑀸 𑀩𑀸𑀳𑀽𑀭𑀼𑀧𑀼𑀩𑁆𑀩𑀸 𑀘’’. 𑀩𑀸𑀳𑀼𑀩𑀮𑀻, 𑀊𑀭𑀼𑀩𑀮𑀻.

𑀲𑁆𑀲𑀻. 𑀢𑀧𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀢𑀧𑀲𑁆𑀲𑀻, 𑀬𑀲𑀲𑁆𑀲𑀻, 𑀢𑁂𑀚𑀲𑁆𑀲𑀻, 𑀫𑀦𑀲𑁆𑀲𑀻, 𑀧𑀬𑀲𑁆𑀲𑀻. 𑀯𑀸𑀢𑁆𑀯𑁂𑀯, 𑀬𑀲𑀯𑀸.

𑀭𑁄. 𑀦𑀺𑀦𑁆𑀤𑀺𑀢𑀁 𑀫𑀼𑀔+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀫𑀼𑀔𑀭𑁄. 𑀲𑀼𑀲𑀺=𑀙𑀺𑀤𑁆𑀤𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀼𑀲𑀺𑀭𑁄. 𑀊𑀲𑁄=𑀔𑀸𑀭𑀫𑀢𑁆𑀢𑀺𑀓𑀸 𑀅𑀲𑁆𑀫𑀺𑀁 𑀅𑀢𑁆𑀣𑀻𑀢𑀺 𑀊𑀲𑀭𑁄 ¶ . 𑀫𑀥𑀼𑀭𑁄 𑀕𑀼𑀴𑁄, 𑀫𑀥𑀼𑀭𑀸 𑀲𑀓𑁆𑀔𑀭𑀸, 𑀫𑀥𑀼𑀭𑀁 𑀔𑀻𑀭𑀁. 𑀔𑀁=𑀕𑀻𑀯𑀸𑀬 𑀯𑀺𑀯𑀭𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀔𑀭𑁄 𑀕𑀤𑁆𑀭𑀪𑁄. 𑀓𑀼𑀜𑁆𑀚𑁄=𑀳𑀦𑀼 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀓𑀼𑀜𑁆𑀚𑀭𑁄. 𑀦𑀕𑀭𑁄.

‘‘𑀤𑀦𑁆𑀢𑀲𑁆𑀲 𑀘 𑀉𑀦𑁆𑀦𑀢𑀤𑀦𑁆𑀢𑁂’’𑀢𑀺 𑀕𑀡𑀲𑀼𑀢𑁆𑀢𑁂𑀦 𑀤𑀦𑁆𑀢𑀲𑁆𑀲 𑀉 𑀘, 𑀉𑀦𑁆𑀦𑀢𑀁 𑀤𑀦𑁆𑀢+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀤𑀦𑁆𑀢𑀼𑀭𑁄.

𑀪𑁄 𑀯𑀸. 𑀢𑀼𑀝𑁆𑀞𑀺 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀢𑀼𑀝𑁆𑀞𑀺𑀪𑁄, 𑀲𑀸𑀮𑀺𑀪𑁄, 𑀯𑀸𑀮𑀺𑀪𑁄.

𑀇𑀢𑀺 𑀯𑀸 𑀅 𑀳𑁄𑀢𑀺. 𑀅𑀢𑀺𑀲𑀬𑀸 𑀲𑀤𑁆𑀥𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀤𑁆𑀥𑁄, 𑀧𑀜𑁆𑀜𑁄, 𑀧𑀜𑁆𑀜𑀯𑀸, 𑀲𑀤𑁆𑀥𑀸 𑀓𑀜𑁆𑀜𑀸, 𑀲𑀤𑁆𑀥𑀁 𑀓𑀼𑀮𑀁.

𑀆𑀮𑀼 𑀯𑀸. 𑀅𑀪𑀺𑀚𑁆𑀛𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀅𑀪𑀺𑀚𑁆𑀛𑀸𑀮𑀼, 𑀲𑀻𑀢𑀸𑀮𑀼, 𑀥𑀚𑀸𑀮𑀼, 𑀤𑀬𑀸𑀮𑀼, 𑀤𑀬𑀸𑀯𑀸. 𑀅𑀪𑀺𑀚𑁆𑀛𑀸𑀮𑀼 𑀏𑀯 𑀅𑀪𑀺𑀚𑁆𑀛𑀸𑀮𑀼𑀓𑁄.

𑀇𑀮𑁄 𑀯𑀸. 𑀧𑀺𑀘𑁆𑀙+𑀫𑀲𑁆𑀲 𑀅𑀢𑁆𑀣𑀻𑀢𑀺 𑀧𑀺𑀘𑁆𑀙𑀺𑀮𑁄, 𑀧𑀺𑀘𑁆𑀙𑀯𑀸. 𑀨𑁂𑀡𑀺𑀮𑁄, 𑀚𑀝𑀺𑀮𑁄, 𑀢𑀼𑀡𑁆𑀟𑀺𑀮𑁄. 𑀦𑀺𑀦𑁆𑀤𑀺𑀢𑀸 𑀯𑀸𑀘𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀯𑀸𑀘𑀸𑀮𑁄𑀢𑀺 𑀧𑀭𑀲𑁆𑀲𑀭𑀮𑁄𑀧𑁄.

𑀯𑁄 ¶ 𑀳𑁄𑀢𑀺 𑀯𑀸. 𑀲𑀻𑀮𑀯𑁄, 𑀲𑀻𑀮𑀯𑀸. 𑀓𑁂𑀲𑀯𑁄, 𑀓𑁂𑀲𑀯𑀸.

‘‘𑀅𑀡𑁆𑀡𑀸 𑀦𑀺𑀘𑁆𑀘𑀁’’ 𑀅𑀡𑁆𑀡𑀯𑁄. ‘‘𑀕𑀡𑁆𑀟𑀻𑀭𑀸𑀚𑀻𑀳𑀺 𑀲𑀜𑁆𑀜𑀸𑀬𑀁’’ 𑀕𑀡𑁆𑀟𑀻=𑀫𑁂𑀡𑁆𑀟𑀲𑀺𑀗𑁆𑀕𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀕𑀡𑁆𑀟𑀻𑀯𑀁 𑀥𑀦𑀼, 𑀭𑀸𑀚𑀻𑀯𑀁 𑀧𑀗𑁆𑀓𑀚𑀁.

𑀯𑀻. 𑀫𑀸𑀬𑀸𑀯𑀻, 𑀫𑁂𑀥𑀸𑀯𑀻 𑀧𑀼𑀫𑀸. 𑀦𑀻𑀫𑁆𑀳𑀺 𑀫𑁂𑀥𑀸𑀯𑀺𑀦𑀻. 𑀫𑁂𑀥𑀸𑀯𑀻 𑀓𑀼𑀮𑀁, ‘‘𑀏𑀓𑀯𑀘𑀦𑀬𑁄𑀲𑁆𑀯+𑀖𑁄𑀦𑀁’’𑀢𑀺 𑀲𑀺𑀫𑁆𑀳𑀺 𑀭𑀲𑁆𑀲𑁄. 𑀏𑀯𑀁 𑀫𑀸𑀬𑀸𑀯𑀻.

𑀇𑀲𑁆𑀲𑀭𑁂+𑀪𑀺𑀥𑁂𑀬𑁆𑀬𑁂 𑀲𑀲𑀤𑁆𑀤𑀸 𑀆𑀫𑀻+𑀉𑀯𑀸𑀫𑀻 𑀳𑁄𑀦𑁆𑀢𑀺 𑀫𑀦𑁆𑀢𑁆𑀯𑀢𑁆𑀣𑁂. 𑀲𑀁=𑀆𑀬𑀢𑁆𑀢𑀁 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀸𑀫𑀻 𑀲𑀼𑀯𑀸𑀫𑀻. 𑀲𑀼𑀯𑀸𑀫𑀺𑀦𑀻 𑀓𑀜𑁆𑀜𑀸.

𑀮𑀓𑁆𑀔𑀻𑀲𑀤𑁆𑀤𑀸 𑀡𑁄 𑀳𑁄𑀢𑀺 𑀫𑀦𑁆𑀢𑁆𑀯𑀢𑁆𑀣𑁂 𑀅 𑀘+𑀦𑁆𑀢𑀲𑁆𑀲. 𑀮𑀓𑁆𑀔𑀻 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀮𑀓𑁆𑀔𑀡𑁄.

𑀅𑀗𑁆𑀕𑀲𑁆𑀫𑀸 𑀦𑁄 𑀳𑁄𑀢𑀺. 𑀓𑀮𑁆𑀬𑀸𑀡𑀸𑀦𑀺 𑀲𑁄𑀪𑀡𑀸𑀦𑀺 𑀅𑀗𑁆𑀕𑀸𑀦𑀺 𑀅𑀲𑁆𑀲𑀸 𑀅𑀢𑁆𑀣𑀻𑀢𑀺 𑀅𑀗𑁆𑀕𑀦𑀸.

𑀮𑁄𑀫𑀸 ¶ 𑀲𑁄, 𑀧𑀳𑀽𑀢𑀸 𑀮𑁄𑀫𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀮𑁄𑀫𑀲𑁄, 𑀮𑁄𑀫𑀲𑀸 𑀓𑀜𑁆𑀜𑀸.

𑀇𑀫+𑀇𑀬𑀸 𑀳𑁄𑀦𑁆𑀢𑀺, 𑀧𑀼𑀢𑁆𑀢𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀧𑀼𑀢𑁆𑀢𑀺𑀫𑁄, 𑀓𑀺𑀢𑁆𑀢𑀺𑀫𑁄, 𑀧𑀼𑀢𑁆𑀢𑀺𑀬𑁄, 𑀓𑀧𑁆𑀧𑀺𑀬𑁄, 𑀚𑀝𑀺𑀬𑁄, 𑀳𑀸𑀦𑀪𑀸𑀕𑀺𑀬𑁄, 𑀲𑁂𑀦𑀺𑀬𑁄. (𑀅𑀢𑁆𑀣𑁆𑀬𑀢𑁆𑀣𑀢𑀤𑁆𑀥𑀺𑀢𑀁).

𑀧𑀜𑁆𑀘𑀫𑁆𑀬𑀦𑁆𑀢𑀸 𑀩𑀳𑀼𑀮𑀁 𑀢𑁄 𑀳𑁄𑀢𑀺 𑀯𑀸. 𑀢𑁄𑀆𑀤𑀺𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑁆𑀨𑀦𑁆𑀦𑀦𑀺𑀧𑀸𑀢𑀸, 𑀢𑁂𑀳𑀺 𑀧𑀭𑀸𑀲𑀁 𑀯𑀺𑀪𑀢𑁆𑀢𑀻𑀦𑀁 ‘‘𑀅𑀲𑀁𑀔𑁆𑀬𑁂𑀳𑀺 𑀲𑀩𑁆𑀩𑀸𑀲𑀁’’𑀢𑀺 𑀮𑁄𑀧𑁄𑀯. 𑀕𑀸𑀫𑀢𑁄 𑀆𑀕𑀘𑁆𑀙𑀢𑀻𑀢𑀺 𑀕𑀸𑀫𑀲𑁆𑀫𑀸 𑀆𑀕𑀘𑁆𑀙𑀢𑀺, 𑀘𑁄𑀭𑀢𑁄 𑀪𑀸𑀬𑀢𑀻𑀢𑀺 𑀘𑁄𑀭𑁂𑀳𑀺 𑀪𑀸𑀬𑀢𑀺, 𑀲𑀢𑁆𑀣𑀢𑁄 𑀧𑀭𑀺𑀳𑀻𑀦𑁄 𑀲𑀢𑁆𑀣𑀸 𑀧𑀭𑀺𑀳𑀻𑀦𑁄. 𑀏𑀯𑀁 𑀧𑀼𑀭𑀺𑀲𑀢𑁄, 𑀭𑀸𑀚𑀢𑁄, 𑀅𑀕𑁆𑀕𑀺𑀢𑁄, 𑀳𑀢𑁆𑀣𑀺𑀢𑁄, 𑀳𑁂𑀢𑀼𑀢𑁄, 𑀬𑀼𑀢𑁆𑀢𑀺𑀢𑁄, 𑀇𑀢𑁆𑀣𑀺𑀢𑁄, 𑀪𑀺𑀓𑁆𑀔𑀼𑀦𑀺𑀢𑁄, 𑀬𑀸𑀕𑀼𑀢𑁄, 𑀚𑀫𑁆𑀩𑀼𑀢𑁄, 𑀘𑀺𑀢𑁆𑀢𑀢𑁄, 𑀆𑀬𑀼𑀢𑁄. 𑀲𑀩𑁆𑀩𑀸𑀤𑀺𑀢𑁄-𑀲𑀩𑁆𑀩𑀢𑁄, 𑀬𑀢𑁄, 𑀢𑀢𑁄 𑀇𑀘𑁆𑀘𑀸𑀤𑀺.

𑀢𑁄𑀫𑁆𑀳𑀺 𑀇𑀫𑀲𑁆𑀲 𑀝𑀺 𑀦𑀺𑀧𑀘𑁆𑀘𑀢𑁂 𑀏𑀢𑀲𑁆𑀲 𑀝+𑀏𑀝 𑀓𑀺𑀁 𑀲𑀤𑁆𑀤𑀲𑁆𑀲 𑀓𑀼𑀢𑁆𑀢𑀜𑁆𑀘. 𑀇𑀢𑁄 𑀇𑀫𑀲𑁆𑀫𑀸, 𑀅𑀢𑁄 𑀏𑀢𑁆𑀢𑁄 𑀏𑀢𑀲𑁆𑀫𑀸, 𑀓𑀼𑀢𑁄 𑀓𑀲𑁆𑀫𑀸.

𑀢𑁄. 𑀅𑀪𑀺𑀢𑁄, 𑀧𑀭𑀺𑀢𑁄, 𑀧𑀘𑁆𑀙𑀢𑁄, 𑀳𑁂𑀝𑁆𑀞𑀢𑁄.

𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 ¶ 𑀢𑁄 𑀳𑁄𑀢𑀺. 𑀆𑀤𑁄 𑀆𑀤𑀺𑀢𑁄, 𑀫𑀚𑁆𑀛𑀢𑁄, 𑀅𑀦𑁆𑀢𑀢𑁄, 𑀧𑀺𑀝𑁆𑀞𑀺𑀢𑁄, 𑀧𑀲𑁆𑀲𑀢𑁄, 𑀫𑀼𑀔𑀢𑁄. 𑀧𑀞𑀫𑀦𑁆𑀢𑀸 𑀬𑀢𑁄+𑀤𑀓𑀁 𑀢+𑀤𑀸𑀤𑀺𑀢𑁆𑀢𑀁, 𑀬𑀁 𑀉𑀤𑀓𑀁, 𑀢𑀤𑁂𑀯𑀸+𑀤𑀺𑀢𑁆𑀢𑀦𑁆𑀢𑀺 𑀅𑀢𑁆𑀣𑁄.

𑁯𑁯. 𑀲𑀩𑁆𑀩𑀸𑀤𑀺𑀢𑁄 𑀲𑀢𑁆𑀢𑀫𑁆𑀬𑀸 𑀢𑁆𑀭+𑀢𑁆𑀣𑀸

𑀲𑀩𑁆𑀩𑀸𑀤𑀻𑀳𑀺 𑀲𑀢𑁆𑀢𑀫𑁆𑀬𑀦𑁆𑀢𑁂𑀳𑀺 𑀢𑁆𑀭+𑀢𑁆𑀣𑀸 𑀯𑀸 𑀳𑁄𑀦𑁆𑀢𑀺. 𑀲𑀩𑁆𑀩𑀢𑁆𑀭 𑀲𑀩𑁆𑀩𑀢𑁆𑀣 𑀲𑀩𑁆𑀩𑀲𑁆𑀫𑀺𑀁, 𑀬𑀢𑁆𑀭 𑀬𑀢𑁆𑀣, 𑀢𑀢𑁆𑀭 𑀢𑀢𑁆𑀣 𑀇𑀘𑁆𑀘𑀸𑀤𑀺. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀦 𑀢𑀼𑀫𑁆𑀳𑀅𑀫𑁆𑀳𑁂𑀳𑀺.

𑁧𑁦𑁦. 𑀓𑀢𑁆𑀣𑁂+𑀢𑁆𑀣+𑀓𑀼𑀢𑁆𑀭𑀸+𑀢𑁆𑀭 𑀓𑁆𑀯𑁂+𑀳𑀺+𑀥

𑀏𑀢𑁂𑀳𑀺 ‘‘𑀲𑀩𑁆𑀩𑀸𑀤𑀺𑀢𑁄’’𑀢𑀺𑀆𑀤𑀺𑀦𑀸 𑀢𑁆𑀭+𑀢𑁆𑀣𑀸. 𑀲𑁂𑀲𑀸𑀤𑁂𑀲𑀸 𑀘 𑀧𑀘𑁆𑀘𑀬𑀸 𑀘 𑀇𑀫𑀺𑀦𑀸𑀯 𑀦𑀺𑀧𑀘𑁆𑀘𑀦𑁆𑀢𑁂. 𑀇𑀫𑀺𑀦𑀸 𑀓𑀺𑀲𑁆𑀲 𑀓+𑀓𑀼 𑀘, 𑀏𑀢𑀲𑁆𑀲 𑀝𑁂+𑀝𑀸 𑀘, 𑀯𑀧𑀘𑁆𑀘𑀬𑁂 𑀓𑀺𑀲𑁆𑀲 𑀇𑀮𑁄𑀧𑁄 𑀘, 𑀳+𑀥𑀧𑀘𑁆𑀘𑀬𑁂𑀲𑀼 𑀇𑀫𑀲𑁆𑀲 𑀝𑀺 𑀘 𑀦𑀺𑀧𑀘𑁆𑀘𑀢𑁂. 𑀓𑀲𑁆𑀫𑀺𑀁 𑀓𑀢𑁆𑀣 𑀓𑀼𑀢𑁆𑀭 𑀓𑁆𑀯, 𑀏𑀢𑀲𑁆𑀫𑀺𑀁 𑀏𑀢𑁆𑀣 𑀅𑀢𑁆𑀭, 𑀇𑀫𑀲𑁆𑀫𑀺𑀁 𑀇𑀳 𑀇𑀥.

𑀲𑀩𑁆𑀩𑀲𑁆𑀫𑀸 𑀥𑀺 𑀯𑀸. 𑀲𑀩𑁆𑀩𑀲𑁆𑀫𑀺𑀁 𑀲𑀩𑁆𑀩𑀥𑀺 𑀲𑀩𑁆𑀩𑀢𑁆𑀭.

𑀬𑀲𑀤𑁆𑀤𑀸 𑀳𑀺𑀁, 𑀬𑀲𑁆𑀫𑀺𑀁 𑀬𑀳𑀺𑀁 𑀬𑀢𑁆𑀭.

𑀢𑀲𑀤𑁆𑀤𑀸 𑀳𑀁 𑀳𑁄𑀢𑀺 𑀳𑀺𑀜𑁆𑀘. 𑀢𑀳𑀁 𑀢𑀳𑀺𑀁 𑀢𑀢𑁆𑀭.

𑀳𑀺𑀁 ¶ 𑀳𑀁 𑀦𑀺𑀧𑀘𑁆𑀘𑀦𑁆𑀢𑁂 𑀓𑀺𑀲𑁆𑀲 𑀓𑀼+𑀓𑀸 𑀘. 𑀓𑀼𑀳𑀺𑀁 𑀓𑀳𑀁. 𑀓𑀼𑀳𑀺𑀜𑁆𑀘𑀦𑀁𑀢𑀺 𑀦𑀺𑀧𑀸𑀢𑀦𑁆𑀢𑀭𑀁.

𑁧𑁦𑁫. 𑀲𑀩𑁆𑀩𑁂+𑀓+𑀜𑁆𑀜+𑀬+𑀢𑁂𑀳𑀺 𑀓𑀸𑀮𑁂 𑀤𑀸

𑀏𑀢𑁂𑀳𑀺 𑀓𑀸𑀮𑁂 𑀤𑀸 𑀳𑁄𑀢𑀺 𑀯𑀸. 𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀩𑁆𑀩𑀤𑀸, 𑀏𑀓𑀤𑀸, 𑀅𑀜𑁆𑀜𑀤𑀸, 𑀬𑀤𑀸, 𑀢𑀤𑀸.

𑁧𑁦𑁬. 𑀓𑀤𑀸 𑀓𑀼𑀤𑀸 𑀲𑀤𑀸+𑀥𑀼𑀦𑁂+𑀤𑀸𑀦𑀺

𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀲𑁆𑀫𑀺𑀁𑀓𑀸𑀮𑁂 𑀓𑀤𑀸 𑀓𑀼𑀤𑀸, 𑀲𑀩𑁆𑀩𑀲𑁆𑀫𑀺𑀁 𑀓𑀸𑀮𑁂 𑀲𑀤𑀸, 𑀇𑀫𑀲𑁆𑀫𑀺𑀁 𑀓𑀸𑀮𑁂 𑀅𑀥𑀼𑀦𑀸 𑀇𑀤𑀸𑀦𑀺.

𑁧𑁦𑁭. 𑀅𑀚𑁆𑀚 𑀲𑀚𑁆𑀚𑁆𑀯+𑀧𑀭𑀚𑁆𑀚𑁆𑀯𑁂+𑀢𑀭𑀳𑀺 𑀓𑀭𑀳𑀸

𑀧𑀓𑀢𑀺 𑀧𑀘𑁆𑀘𑀬𑁄 𑀆𑀤𑁂𑀲𑁄 𑀓𑀸𑀮𑀯𑀺𑀲𑁂𑀲𑁄𑀢𑀺 𑀲𑀩𑁆𑀩+𑀫𑁂𑀢𑀁 𑀦𑀺𑀧𑀸𑀢𑀦𑀸 𑀮𑀩𑁆𑀪𑀢𑀺. 𑀇𑀫𑀲𑁆𑀲 𑀝𑁄 𑀚𑁆𑀚𑁄 𑀘𑀸+𑀳𑀦𑀺 𑀦𑀺𑀧𑀘𑁆𑀘𑀦𑁆𑀢𑁂, 𑀅𑀲𑁆𑀫𑀺𑀁 𑀅𑀳𑀦𑀺 𑀅𑀚𑁆𑀚. 𑀲𑀫𑀸𑀦𑀲𑁆𑀲 𑀲-𑀪𑀸𑀯𑁄 𑀚𑁆𑀚𑀼 𑀘𑀸+𑀳𑀦𑀺. 𑀲𑀫𑀸𑀦𑁂 𑀅𑀳𑀦𑀺 𑀲𑀚𑁆𑀚𑀼. 𑀅𑀧𑀭𑀲𑁆𑀫𑀸 𑀚𑁆𑀚𑀼, 𑀅𑀧𑀭𑀲𑁆𑀫𑀺𑀁 𑀅𑀳𑀦𑀺 𑀅𑀧𑀭𑀚𑁆𑀚𑀼. 𑀇𑀫𑀲𑁆𑀲 𑀏𑀢𑁄, 𑀓𑀸𑀮𑁂 𑀭𑀳𑀺 𑀘, 𑀇𑀫𑀲𑁆𑀫𑀺𑀁𑀓𑀸𑀮𑁂 𑀏𑀢𑀭𑀳𑀺. 𑀓𑀺𑀁 𑀲𑀤𑁆𑀤𑀲𑁆𑀲 𑀓𑁄, 𑀭𑀳 𑀘𑀸+𑀦𑀚𑁆𑀚𑀢𑀦𑁂. 𑀓𑀲𑁆𑀫𑀺𑀁 𑀓𑀸𑀮𑁂 𑀓𑀭𑀳.

𑁧𑁦𑁮. 𑀲𑀩𑁆𑀩𑀸𑀤𑀻𑀳𑀺 𑀧𑀓𑀸𑀭𑁂 𑀣𑀸

𑀲𑀸𑀫𑀜𑁆𑀜𑀲𑁆𑀲 𑀪𑁂𑀤𑀓𑁄 𑀯𑀺𑀲𑁂𑀲𑁄 𑀧𑀓𑀸𑀭𑁄, 𑀢𑀲𑁆𑀫𑀺𑀁 𑀣𑀸𑀧𑀘𑁆𑀘𑀬𑁄 𑀳𑁄𑀢𑀺. 𑀲𑀩𑁆𑀩𑁂𑀦 𑀧𑀓𑀸𑀭𑁂𑀦 𑀲𑀩𑁆𑀩𑀣𑀸, 𑀬𑀣𑀸, 𑀢𑀣𑀸.

𑀓𑀺+𑀫𑀺𑀫𑁂𑀳𑀺 ¶ 𑀣𑀁𑀧𑀘𑁆𑀘𑀬𑁄, 𑀓+𑀇𑀢𑁆𑀢𑀁 𑀢𑁂𑀲𑀁 𑀬𑀣𑀸𑀓𑁆𑀓𑀫𑀁. 𑀓𑁂𑀦 𑀧𑀓𑀸𑀭𑁂𑀦 𑀓𑀣𑀁, 𑀇𑀫𑀺𑀦𑀸 𑀧𑀓𑀸𑀭𑁂𑀦 𑀇𑀢𑁆𑀣𑀁.

𑀧𑀓𑀸𑀭𑁂 𑀥𑀸 𑀳𑁄𑀢𑀺. 𑀤𑁆𑀯𑀻𑀳𑀺 𑀧𑀓𑀸𑀭𑁂𑀳𑀺 𑀤𑁆𑀯𑁂 𑀯𑀸 𑀧𑀓𑀸𑀭𑁂 𑀓𑀭𑁄𑀢𑀺 𑀤𑁆𑀯𑀺𑀥𑀸 𑀓𑀭𑁄𑀢𑀺, 𑀩𑀳𑀼𑀥𑀸 𑀓𑀭𑁄𑀢𑀺, 𑀏𑀓𑀁 𑀭𑀸𑀲𑀺𑀁 𑀧𑀜𑁆𑀘𑀧𑁆𑀧𑀓𑀸𑀭𑀁 𑀓𑀭𑁄𑀢𑀺 𑀧𑀜𑁆𑀘𑀥𑀸 𑀓𑀭𑁄𑀢𑀺. 𑀧𑀜𑁆𑀘𑀧𑁆𑀧𑀓𑀸𑀭+𑀫𑁂𑀓𑀧𑁆𑀧𑀓𑀸𑀭𑀁 𑀓𑀭𑁄𑀢𑀺 𑀏𑀓𑀥𑀸 𑀓𑀭𑁄𑀢𑀺.

𑀏𑀓𑀲𑁆𑀫𑀸 𑀧𑀓𑀸𑀭𑁂 𑀚𑁆𑀛𑀁 𑀯𑀸 𑀳𑁄𑀢𑀺. 𑀏𑀓𑁂𑀦 𑀧𑀓𑀸𑀭𑁂𑀦 𑀏𑀓𑀁 𑀯𑀸 𑀧𑀓𑀸𑀭𑀁 𑀓𑀭𑁄𑀢𑀺 𑀏𑀓𑀚𑁆𑀛𑀁 𑀓𑀭𑁄𑀢𑀺, 𑀏𑀓𑀥𑀸 𑀓𑀭𑁄𑀢𑀺 𑀯𑀸.

𑀏𑀥𑀸 𑀯𑀸. 𑀤𑁆𑀯𑀻𑀳𑀺 𑀧𑀓𑀸𑀭𑁂𑀳𑀺 𑀤𑁆𑀯𑁂 𑀯𑀸 𑀧𑀓𑀸𑀭𑁂 𑀓𑀭𑁄𑀢𑀺 𑀤𑁆𑀯𑁂𑀥𑀸, 𑀢𑁂𑀥𑀸. 𑀤𑁆𑀯𑀺𑀥𑀸 𑀢𑀺𑀥𑀸.

𑀧𑀓𑀸𑀭𑀯𑀢𑀺 𑀢𑀁𑀲𑀸𑀫𑀜𑁆𑀜𑀯𑀸𑀘𑀓𑀸 𑀲𑀤𑁆𑀤𑀸 𑀚𑀸𑀢𑀺𑀬𑁄 𑀳𑁄𑀢𑀺. 𑀧𑀝𑀼𑀚𑀸𑀢𑀺𑀬𑁄, 𑀫𑀼𑀤𑀼𑀚𑀸𑀢𑀺𑀬𑁄.

𑁧𑁧𑁪. 𑀯𑀸𑀭𑀲𑀗𑁆𑀔𑁆𑀬𑀸𑀬 𑀓𑁆𑀔𑀢𑁆𑀢𑀼𑀁

𑀯𑀸𑀭𑀲𑀫𑁆𑀩𑀦𑁆𑀥𑀺𑀦𑀺𑀬𑀸 𑀲𑀁𑀔𑁆𑀬𑀸𑀬 𑀓𑁆𑀔𑀢𑁆𑀢𑀼𑀁 𑀳𑁄𑀢𑀺. 𑀤𑁆𑀯𑁂 𑀯𑀸𑀭𑁂 𑀪𑀼𑀜𑁆𑀚𑀢𑀺 𑀤𑁆𑀯𑀺𑀓𑁆𑀔𑀢𑁆𑀢𑀼𑀁 𑀤𑀺𑀯𑀲𑀲𑁆𑀲 𑀪𑀼𑀜𑁆𑀚𑀢𑀺. 𑀯𑀸𑀭𑀕𑁆𑀕𑀳𑀡𑀁 𑀓𑀺𑀁, 𑀧𑀜𑁆𑀘 𑀪𑀼𑀜𑁆𑀚𑀢𑀺. 𑀲𑀗𑁆𑀔𑁆𑀬𑀸𑀬𑀸𑀢𑀺 𑀓𑀺𑀁, 𑀧𑀳𑀽𑀢𑁂 𑀯𑀸𑀭𑁂 𑀪𑀼𑀜𑁆𑀚𑀢𑀺.

𑀓𑁆𑀔𑀢𑁆𑀢𑀼𑀁 ¶ 𑀳𑁄𑀢𑀺. 𑀓𑀢𑀺 𑀯𑀸𑀭𑁂 𑀪𑀼𑀜𑁆𑀚𑀢𑀺 𑀓𑀢𑀺𑀓𑁆𑀔𑀢𑁆𑀢𑀼𑀁 𑀪𑀼𑀜𑁆𑀚𑀢𑀺.

𑁧𑁧𑁬. 𑀩𑀳𑀼𑀫𑁆𑀳𑀸 𑀥𑀸 𑀘 𑀧𑀘𑁆𑀘𑀸𑀲𑀢𑁆𑀢𑀺𑀬𑀁

𑀯𑀸𑀭𑀲𑀫𑁆𑀩𑀦𑁆𑀥𑀺𑀦𑀺𑀬𑀸 𑀩𑀳𑀼𑀲𑀁𑀔𑁆𑀬𑀸𑀬 𑀥𑀸 𑀳𑁄𑀢𑀺 𑀓𑁆𑀔𑀢𑁆𑀢𑀼𑀜𑁆𑀘, 𑀯𑀸𑀭𑀸𑀦𑀁 𑀘𑁂 𑀧𑀘𑁆𑀘𑀸𑀲𑀢𑁆𑀢𑀺 𑀳𑁄𑀢𑀺. 𑀩𑀳𑀼𑀯𑀸𑀭𑁂 𑀪𑀼𑀜𑁆𑀚𑀢𑀺 𑀩𑀳𑀼𑀥𑀸 𑀤𑀺𑀯𑀲𑀲𑁆𑀲 𑀪𑀼𑀜𑁆𑀚𑀢𑀺, 𑀩𑀳𑀼𑀓𑁆𑀔𑀢𑁆𑀢𑀼𑀁 𑀯𑀸. 𑀧𑀘𑁆𑀘𑀸𑀲𑀢𑁆𑀢𑀺𑀬𑀁𑀢𑀺 𑀓𑀺𑀁, 𑀩𑀳𑀼𑀓𑁆𑀔𑀢𑁆𑀢𑀼𑀁 𑀫𑀸𑀲𑀲𑁆𑀲 𑀪𑀼𑀜𑁆𑀚𑀢𑀺.

𑀓𑀺𑀁𑀧𑀘𑁆𑀘𑀬𑁄 𑀏𑀓𑀲𑁆𑀲 𑀲𑀸𑀤𑁂𑀲𑁄 𑀘 𑀦𑀺𑀧𑀘𑁆𑀘𑀢𑁂. 𑀏𑀓𑀁 𑀯𑀸𑀭𑀁 𑀪𑀼𑀜𑁆𑀚𑀢𑀺 𑀲𑀓𑀺𑀁 𑀪𑀼𑀜𑁆𑀚𑀢𑀺, 𑀏𑀓𑀓𑁆𑀔𑀢𑁆𑀢𑀼𑀁 𑀯𑀸.

𑀯𑀺𑀘𑁆𑀙𑀸𑀬𑀁 𑀧𑀓𑀸𑀭𑁂 𑀘 𑀲𑁄 𑀳𑁄𑀢𑀺. 𑀔𑀡𑁆𑀟𑀁 𑀔𑀡𑁆𑀟𑀁 𑀓𑀭𑁄𑀢𑀺 𑀔𑀡𑁆𑀟𑀲𑁄 𑀓𑀭𑁄𑀢𑀺. 𑀧𑀼𑀣𑀼𑀧𑁆𑀧𑀓𑀸𑀭𑁂𑀦 𑀧𑀼𑀣𑀼𑀲𑁄. 𑀲𑀩𑁆𑀩𑁂𑀦 𑀧𑀓𑀸𑀭𑁂𑀦 𑀲𑀩𑁆𑀩𑀲𑁄.

𑁧𑁧𑁯. 𑀅𑀪𑀽𑀢𑀢𑀩𑁆𑀪𑀸𑀯𑁂 𑀓𑀭𑀸+𑀲+𑀪𑀽𑀬𑁄𑀕𑁂 𑀯𑀺𑀓𑀸𑀭𑀸 𑀘𑀻

𑀅𑀯𑀢𑁆𑀣𑀸𑀯𑀢𑁄+𑀯𑀢𑁆𑀣𑀦𑁆𑀢𑀭𑁂𑀦𑀸+𑀪𑀽𑀢𑀲𑁆𑀲 𑀢𑀸𑀬𑀸+𑀯𑀢𑁆𑀣𑀸𑀬 𑀪𑀸𑀯𑁂 𑀓𑀭𑀸+𑀲+𑀪𑀽𑀳𑀺 𑀲𑀫𑁆𑀩𑀦𑁆𑀥𑁂 𑀲𑀢𑀺 𑀯𑀺𑀓𑀸𑀭𑀯𑀸𑀘𑀓𑀸𑀘𑀻 𑀳𑁄𑀢𑀺. 𑀅𑀥𑀯𑀮𑀁 𑀥𑀯𑀮𑀁 𑀓𑀭𑁄𑀢𑀺 𑀥𑀯𑀮𑀻 𑀓𑀭𑁄𑀢𑀺. 𑀅𑀥𑀯𑀮𑁄 𑀥𑀯𑀮𑁄 𑀲𑀺𑀬𑀸 𑀥𑀯𑀮𑀻 𑀲𑀺𑀬𑀸. 𑀅𑀥𑀯𑀮𑁄 𑀥𑀯𑀮𑁄 𑀪𑀯𑀢𑀺 𑀥𑀯𑀮𑀻 𑀪𑀯𑀢𑀺. 𑀅𑀪𑀽𑀢𑀢𑀩𑁆𑀪𑀸𑀯𑁂𑀢𑀺 𑀓𑀺𑀁, 𑀖𑀝𑀁 𑀓𑀭𑁄𑀢𑀺, 𑀤𑀥𑀺 𑀅𑀢𑁆𑀣𑀺, 𑀖𑀝𑁄 𑀪𑀯𑀢𑀺 ¶ . 𑀓𑀭𑀸𑀲𑀪𑀽𑀬𑁄𑀕𑁂𑀢𑀺 𑀓𑀺𑀁, 𑀅𑀥𑀯𑀮𑁄 𑀥𑀯𑀮𑁄 𑀚𑀸𑀬𑀢𑁂. 𑀯𑀺𑀓𑀸𑀭𑀸𑀢𑀺 𑀓𑀺𑀁, 𑀧𑀓𑀢𑀺𑀬𑀸 𑀫𑀸 𑀳𑁄𑀢𑀼, 𑀲𑀼𑀯𑀡𑁆𑀡𑀁 𑀓𑀼𑀡𑁆𑀟𑀮𑀻 𑀓𑀭𑁄𑀢𑀺. (𑀦𑀺𑀧𑀸𑀢𑀢𑀤𑁆𑀥𑀺𑀢𑀁).

𑁧𑁨𑁦. 𑀤𑀺𑀲𑁆𑀲𑀦𑁆𑀢+𑀜𑁆𑀜𑁂𑀧𑀺 𑀧𑀘𑁆𑀘𑀬𑀸𑀢𑀺

𑀯𑀼𑀢𑁆𑀢𑀢𑁄+𑀜𑁆𑀜𑁂𑀧𑀺 𑀧𑀘𑁆𑀘𑀬𑀸 𑀤𑀺𑀲𑁆𑀲𑀦𑁆𑀢𑀺. 𑀯𑀺𑀯𑀺𑀥𑀸 𑀫𑀸𑀢𑀭𑁄 𑀯𑀺𑀫𑀸𑀢𑀭𑁄𑀢𑀺 𑀯𑀺𑀲𑁂𑀲𑀦𑀲𑀫𑀸𑀲𑁄, 𑀢𑀸𑀲𑀁 𑀧𑀼𑀢𑁆𑀢𑀸 𑀯𑁂𑀫𑀸𑀢𑀺𑀓𑀸𑀢𑀺 𑀭𑀺𑀓𑀡𑀧𑀘𑁆𑀘𑀬𑁂 𑀭𑀸𑀦𑀼𑀩𑀦𑁆𑀥𑀢𑁆𑀢𑀸 𑀉𑀮𑁄𑀧𑁂 𑀯𑀼𑀤𑁆𑀥𑀺𑀫𑁆𑀳𑀺 𑀓𑀢𑁂 𑀯𑁂𑀫𑀸𑀢𑀺𑀓𑀸. 𑀧𑀣𑀁 𑀕𑀘𑁆𑀙𑀦𑁆𑀢𑀻𑀢𑀺 𑀧𑀣𑀸𑀯𑀺𑀦𑁄, 𑀆𑀯𑀻. 𑀇𑀲𑁆𑀲𑀸 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀇𑀲𑁆𑀲𑀼𑀓𑀻, 𑀉𑀓𑀻. 𑀥𑀼𑀭𑀁 𑀯𑀳𑀦𑁆𑀢𑀻𑀢𑀺 𑀥𑁄𑀭𑀬𑁆𑀳𑀸, 𑀬𑁆𑀳𑀡.

𑀲𑀸𑀫𑀜𑁆𑀜𑀜𑁆𑀘 𑀯𑀺𑀲𑁂𑀲𑁄 𑀘, 𑀪𑀸𑀯𑀚𑁄 𑀘 𑀦𑀺𑀧𑀸𑀢𑀚𑁄;

𑀇𑀢𑀺 𑀯𑀺𑀜𑁆𑀜𑀽𑀳𑀺 𑀯𑀺𑀜𑁆𑀜𑁂𑀬𑁆𑀬𑁄, 𑀢𑀤𑁆𑀥𑀺𑀢𑁄 𑀢𑀼 𑀘𑀢𑀼𑀩𑁆𑀩𑀺𑀥𑁄.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀡𑀸𑀤𑀺𑀓𑀡𑁆𑀟𑁄 𑀧𑀜𑁆𑀘𑀫𑁄.

𑀅𑀣 ¶ 𑀢𑁆𑀬𑀸𑀤𑀬𑁄 𑀓𑁆𑀭𑀺𑀬𑀸𑀯𑀸𑀘𑀻𑀳𑀺 𑀥𑀸𑀢𑀽𑀳𑀺 𑀯𑀼𑀘𑁆𑀘𑀦𑁆𑀢𑁂.

𑀓𑁆𑀭𑀺𑀬𑀁 𑀆𑀘𑀺𑀓𑁆𑀔𑀢𑀻𑀢𑀺 𑀆𑀔𑁆𑀬𑀸𑀢𑀦𑁆𑀢𑀺 𑀓𑁆𑀭𑀺𑀬𑀸𑀧𑀤𑀲𑁆𑀲 𑀧𑀼𑀩𑁆𑀩𑀸𑀘𑀭𑀺𑀬𑀲𑀜𑁆𑀜𑀸. 𑀓𑀸𑀮+𑀓𑀸𑀭𑀓+𑀧𑀼𑀭𑀺𑀲𑀧𑀭𑀺𑀤𑀻𑀧𑀓𑀁 𑀓𑁆𑀭𑀺𑀬𑀸𑀮𑀓𑁆𑀔𑀡𑀁 𑀢𑁆𑀬𑀸𑀤𑁆𑀬𑀦𑁆𑀢𑀁 𑀅𑀮𑀺𑀗𑁆𑀕𑀜𑁆𑀘, 𑀯𑀼𑀢𑁆𑀢𑀫𑁆𑀧𑀺 𑀘𑁂+𑀢𑀁 𑁋

𑀬𑀁 𑀢𑀺𑀓𑀸𑀮𑀁 𑀢𑀺𑀧𑀼𑀭𑀺𑀲𑀁, 𑀓𑁆𑀭𑀺𑀬𑀸𑀯𑀸𑀘𑀻 𑀢𑀺𑀓𑀸𑀭𑀓𑀁;

𑀅𑀢𑀺𑀮𑀺𑀗𑁆𑀕𑀁 𑀤𑁆𑀯𑀺𑀯𑀘𑀦𑀁, 𑀢+𑀤𑀸𑀔𑁆𑀬𑀸𑀢𑀦𑁆𑀢𑀺 𑀯𑀼𑀘𑁆𑀘𑀢𑀺.

𑁧𑁪. 𑀓𑁆𑀭𑀺𑀬𑀢𑁆𑀣𑀸 𑀩𑀳𑀼𑀮𑀁 𑁋𑀢𑀺

𑀘 𑀲𑀩𑁆𑀩𑀢𑁆𑀣 𑀯𑀢𑁆𑀢𑀢𑁂. 𑀓𑁆𑀭𑀺𑀬𑀸 𑀅𑀢𑁆𑀣𑁄 𑀏𑀢𑀲𑁆𑀲𑀸𑀢𑀺 𑀓𑁆𑀭𑀺𑀬𑀢𑁆𑀣𑁄 𑀥𑀸𑀢𑀼, 𑀲𑁄 𑀘 𑀤𑀼𑀯𑀺𑀥𑁄 𑀲𑀓𑀫𑁆𑀫𑀓𑀸+𑀓𑀫𑁆𑀫𑀓𑀯𑀲𑁂𑀦. 𑀢𑀢𑁆𑀣 𑀬𑀲𑁆𑀫𑀺𑀁 𑀓𑁆𑀭𑀺𑀬𑀢𑁆𑀣𑁂 𑀓𑀢𑁆𑀢𑀼𑀯𑀸𑀘𑀺𑀫𑁆𑀳𑀸 𑀓𑀫𑁆𑀫𑀁 𑀕𑀯𑁂𑀲𑀻𑀬𑀢𑁂, 𑀲𑁄 𑀲𑀓𑀫𑁆𑀫𑀓𑁄. 𑀇𑀢𑀭𑁄 𑀅𑀓𑀫𑁆𑀫𑀓𑁄.

𑀢𑀢𑁆𑀭 𑀲𑀓𑀫𑁆𑀫𑀓𑀸 𑀓𑀫𑁆𑀫𑀸𑀧𑁂𑀓𑁆𑀔𑀁 𑀓𑁆𑀭𑀺𑀬𑀁 𑀯𑀤𑀦𑁆𑀢𑀺, 𑀬𑀣𑀸 𑀓𑀝𑀁 𑀓𑀭𑁄𑀢𑀺, 𑀕𑀸𑀫𑀁 𑀕𑀘𑁆𑀙𑀢𑀺, 𑀑𑀤𑀦𑀁 𑀧𑀘𑀢𑀺. 𑀅𑀓𑀫𑁆𑀫𑀓𑀸 𑀓𑀫𑁆𑀫𑀦𑀺𑀭𑀧𑁂𑀓𑁆𑀔𑀁 𑀓𑁆𑀭𑀺𑀬𑀁 𑀯𑀤𑀦𑁆𑀢𑀺, 𑀬𑀣𑀸 𑀅𑀘𑁆𑀙𑀢𑀺 𑀲𑁂𑀢𑀺 𑀢𑀺𑀝𑁆𑀞𑀢𑀺. 𑀓𑁆𑀭𑀺𑀬𑀸𑀢𑀺 𑀘 𑀕𑀫𑀦𑀧𑀘𑀦𑀸𑀤𑀺𑀓𑁄 𑀅𑀲𑀢𑁆𑀢𑀲𑀫𑁆𑀫𑀢𑁄 𑀓𑀢𑁆𑀢𑀭𑀺 𑀓𑀫𑁆𑀫𑁂 𑀯𑀸 𑀧𑀢𑀺𑀝𑁆𑀞𑀺𑀢𑁄 𑀓𑀸𑀭𑀓𑀲𑀫𑀽𑀳𑀲𑀸𑀥𑀺𑀬𑁄 𑀧𑀤𑀢𑁆𑀣𑁄 𑀯𑀼𑀘𑁆𑀘𑀢𑀺. 𑀅𑀧𑀺 𑀘 𑁋

𑀓𑀭𑀡𑀁 𑀪𑀯𑀦𑀁 𑀘𑀸𑀧𑀺, 𑀓𑀭+𑀪𑀽𑀳𑀺 𑀓𑀣𑀻𑀬𑀢𑁂;

𑀢𑀢𑁄 𑀓𑁆𑀭𑀺𑀬𑀸𑀤𑀺𑀯𑀸𑀘𑀢𑁆𑀢𑀁, 𑀧𑀸𑀓𑀸𑀤𑀻𑀦𑀁 𑀓𑀣𑀁 𑀪𑀯𑁂.

𑀓𑀭+𑀪𑀽𑀥𑀸𑀢𑀽𑀳𑀺 𑀓𑀭𑀡𑀜𑁆𑀘 𑀪𑀯𑀦𑀜𑁆𑀘 𑀯𑀼𑀘𑁆𑀘𑀢𑀺, 𑀧𑀸𑀓+𑀕𑀫𑀦𑀸𑀤𑀻𑀳𑀺 𑀢𑁂𑀲𑀁 𑀓𑁆𑀭𑀺𑀬𑀸𑀪𑀯𑀦𑀸𑀦𑀁 𑀯𑀸𑀘𑁆𑀘𑀢𑁆𑀢𑀁 𑀓𑀣𑀁 𑀪𑀯𑀢𑀻𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. 𑀧𑀼𑀦𑀧𑀺 𑁋

𑀧𑀸𑀓𑀸𑀤𑀻𑀦𑀜𑁆𑀳𑀺 ¶ 𑀯𑀸𑀘𑁆𑀘𑀢𑁆𑀢𑀁, 𑀓𑀭𑀪𑀽𑀲𑀼 𑀦 𑀬𑀼𑀚𑁆𑀚𑀢𑀺;

𑀢𑀁 𑀩𑀳𑀼𑀢𑀭𑀯𑀸𑀘𑁆𑀘𑀢𑁆𑀢𑀁, 𑀧𑀸𑀓𑀸𑀤𑀻𑀲𑀼 𑀦 𑀬𑀼𑀚𑁆𑀚𑀢𑀺.

𑀓𑀸𑀭𑀺𑀬𑀭𑀽𑀧𑀸 𑀳𑀺 𑀥𑀸𑀢𑁆𑀯𑀢𑁆𑀣𑀸, 𑀲𑀢𑁆𑀢𑀸𑀬𑀼𑀢𑁆𑀢𑀸 𑀘 𑀢𑁂+𑀔𑀺𑀮𑀸;

𑀢𑀢𑁄 𑀓𑁆𑀭𑀺𑀬𑀸 𑀘 𑀪𑀸𑀯𑁄 𑀘, 𑀲𑀸𑀫𑀜𑁆𑀜𑀁 𑀢𑁂𑀲𑀼 𑀕𑀫𑁆𑀬𑀢𑁂.

𑁧. 𑀯𑀢𑁆𑀢𑀫𑀸𑀦𑁂𑀢𑀺 𑀅𑀦𑁆𑀢𑀺 𑀲𑀺 𑀣 𑀫𑀺 𑀫 𑀢𑁂 𑀅𑀦𑁆𑀢𑁂 𑀲𑁂 𑀯𑁆𑀳𑁂 𑀏 𑀫𑁆𑀳𑁂.

𑀯𑀢𑁆𑀢𑀫𑀸𑀦𑁂 𑀆𑀭𑀤𑁆𑀥𑀸𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀓𑁆𑀭𑀺𑀬𑀸𑀥𑀺𑀓𑀸𑀭𑀢𑁆𑀢𑀸 ‘‘𑀓𑁆𑀭𑀺𑀬𑀢𑁆𑀣𑀸’’𑀢𑀺 𑀯𑀼𑀢𑁆𑀢𑀁. 𑀢𑁂𑀲+𑀫𑀦𑀺𑀬𑀫𑁂 𑁋

𑀏𑀓𑀸𑀦𑁂𑀓𑁂𑀲𑀼 𑀢𑀼𑀫𑁆𑀳𑀅𑀫𑁆𑀳𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀢𑀤𑀜𑁆𑀜𑀲𑀤𑁆𑀤𑀯𑀘𑀦𑀻𑀬𑁂𑀲𑀼 𑀘 𑀓𑀸𑀭𑀓𑁂𑀲𑀼 𑀧𑀼𑀩𑁆𑀩𑀘𑁆𑀙𑀓𑁆𑀓𑀸𑀦𑀁 𑀧𑀭𑀘𑁆𑀙𑀓𑁆𑀓𑀸𑀦𑀜𑁆𑀘 𑀫𑀚𑁆𑀛𑀺𑀫𑀼+𑀢𑁆𑀢𑀫+𑀧𑀞𑀫𑀸 𑀤𑁆𑀯𑁂 𑀤𑁆𑀯𑁂 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀢𑁆𑀣𑀢𑀺 𑀅𑀦𑁆𑀢𑀻𑀢𑀺 𑀧𑀞𑀫𑀧𑀼𑀭𑀺𑀲𑁄, 𑀆𑀤𑁄 𑀦𑀺𑀤𑁆𑀤𑀺𑀝𑁆𑀞𑀢𑁆𑀢𑀸. 𑀲𑀺 𑀣 𑀇𑀢𑀺 𑀫𑀚𑁆𑀛𑀺𑀫𑀧𑀼𑀭𑀺𑀲𑁄, 𑀫𑀚𑁆𑀛𑁂 𑀦𑀺𑀤𑁆𑀤𑀺𑀝𑁆𑀞𑀢𑁆𑀢𑀸. 𑀫𑀺 𑀫 𑀇𑀢𑀺 𑀉𑀢𑁆𑀢𑀫𑀧𑀼𑀭𑀺𑀲𑁄. 𑀉𑀢𑁆𑀢𑀫𑀲𑀤𑁆𑀤𑁄+𑀬𑀁 𑀲𑀪𑀸𑀯𑀢𑁄 𑀢𑀺𑀧𑀪𑀼𑀢𑀻𑀦+𑀫𑀦𑁆𑀢+𑀫𑀸𑀳. 𑀧𑀭𑀘𑁆𑀙𑀓𑁆𑀓𑁂𑀧𑀺 𑀢𑁂 𑀅𑀦𑁆𑀢𑁂𑀢𑀺𑀆𑀤𑀺𑀦𑀸 𑀏𑀯𑀁 𑀬𑁄𑀚𑁂𑀢𑀩𑁆𑀩𑀁. 𑀏𑀯𑀁 𑀲𑁂𑀲𑁂𑀲𑀼 𑀪𑀯𑀺𑀲𑁆𑀲𑀢𑀺𑀆𑀤𑀻𑀲𑀼 𑀲𑀢𑁆𑀢𑀲𑀼 𑀧𑀘𑁆𑀘𑀬𑀯𑀺𑀥𑀸𑀦𑀲𑀼𑀢𑁆𑀢𑁂𑀲𑀼𑀧𑀺 𑀬𑁄𑀚𑁂𑀢𑀩𑁆𑀩𑀁.

𑀇𑀤𑀸𑀦𑀺 𑀪𑀽𑀯𑀸𑀤𑀻𑀦+𑀫𑀝𑁆𑀞𑀕𑀡𑀸𑀦𑀁 𑀪𑀽𑀯𑀸𑀤𑀺𑀕𑀡𑁂𑀲𑀼 𑀪𑀽=𑀲𑀢𑁆𑀢𑀸𑀬+𑀫𑀺𑀢𑀺 𑀧𑀞𑀫𑀥𑀸𑀢𑀼𑀢𑁄 𑀧𑀭𑀸 𑀢𑁆𑀬𑀸𑀤𑀬𑁄 𑀬𑁄𑀚𑀻𑀬𑀦𑁆𑀢𑁂. 𑀢𑀢𑁆𑀣 ‘‘𑀏𑀓𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 ¶ 𑀏𑀓𑀯𑀘𑀦𑀁’’𑀢𑀺 𑀢𑁆𑀬𑀸𑀤𑀻𑀲𑀼 𑀧𑀭𑀪𑀽𑀢𑁂𑀲𑀼 𑀓𑀢𑁆𑀢𑀼+𑀓𑀫𑁆𑀫+𑀪𑀸𑀯𑁂𑀲𑀼𑀬𑁂𑀯 𑀓𑁆𑀬𑀯𑀺𑀓𑀭𑀡𑀮𑀯𑀺𑀓𑀭𑀡𑀸 𑀳𑁄𑀦𑁆𑀢𑀻𑀢𑀺 ‘‘𑀓𑁆𑀬𑁄 𑀪𑀸𑀯𑀓𑀫𑁆𑀫𑁂𑀲𑁆𑀯+𑀧𑀭𑁄𑀓𑁆𑀔𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼’’ ‘‘𑀓𑀢𑁆𑀢𑀭𑀺 𑀮𑁄’’ 𑀇𑀘𑁆𑀘𑀸𑀤𑀺𑀦𑀸 𑀢𑁂𑀲𑀁 𑀯𑀺𑀓𑀭𑀡𑀸𑀦𑀁 𑀯𑀺𑀥𑀸𑀦𑀸 𑀢𑁆𑀬𑀸𑀤𑀬𑁄 𑀓𑀢𑁆𑀢𑀼+𑀓𑀫𑁆𑀫+𑀪𑀸𑀯𑁂𑀲𑁆𑀯𑁂𑀯 𑀯𑀺𑀜𑁆𑀜𑀸𑀬𑀦𑁆𑀢𑀻𑀢𑀺 𑀓𑀢𑁆𑀢𑀭𑀺 𑀢𑀺𑀫𑁆𑀳𑀺𑀮𑁄. 𑀓𑁂 𑀢𑁂 𑀯𑀺𑀓𑀭𑀡𑀸 𑁋

𑀧𑀼𑀩𑁆𑀩𑀸𑀧𑀭𑀪𑀸𑀕𑀝𑁆𑀞𑀸𑀦𑀸, 𑀪𑀺𑀦𑁆𑀦𑀥𑀸𑀢𑀼𑀯𑀺𑀪𑀢𑁆𑀢𑀺𑀬𑁄;

𑀦𑀺𑀲𑁆𑀲𑀸𑀬 𑀧𑀘𑁆𑀘𑀬𑀸 𑀳𑁄𑀦𑁆𑀢𑀺, 𑀏𑀢𑁂 𑀯𑀺𑀓𑀭𑀡𑀸 𑀲𑀺𑀬𑀼𑀁.

𑁫,𑁮𑁨. 𑀬𑀼𑀯𑀡𑁆𑀡𑀸𑀦+𑀫𑁂, 𑀑 𑀧𑀘𑁆𑀘𑀬𑁂

𑀇𑀯𑀡𑁆𑀡𑀼+𑀯𑀡𑁆𑀡𑀦𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀢𑀸𑀦𑀁 𑀏+𑀑 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁 𑀧𑀘𑁆𑀘𑀬𑁂𑀢𑀺 𑀊𑀲𑁆𑀲𑁄+𑀓𑀸𑀭𑁄.

𑀲𑀭𑁂 𑀧𑀭𑁂 𑀏𑀑𑀦+𑀫𑀬𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀢𑀺 𑀑𑀲𑁆𑀲 𑀅𑀯𑀸𑀤𑁂𑀲𑁄. 𑀲𑁄 𑀧𑀼𑀭𑀺𑀲𑁄 𑀲𑀸𑀥𑀼 𑀪𑀯𑀢𑀺, 𑀲𑀸 𑀇𑀢𑁆𑀣𑀻 𑀲𑀸𑀥𑀼 𑀪𑀯𑀢𑀺, 𑀘𑀺𑀢𑁆𑀢𑀁 𑀲𑀸𑀥𑀼 𑀪𑀯𑀢𑀺.

𑀉𑀢𑁆𑀢𑀢𑁆𑀢𑀸 𑀓𑀢𑁆𑀢𑀼 𑀆𑀔𑁆𑀬𑀸𑀢𑁂, 𑀢𑀢𑀺𑀬𑀸 𑀦 𑀘 𑀓𑀢𑁆𑀢𑀭𑀺;

𑀧𑀞𑀫𑀸𑀯𑀺𑀪𑀢𑁆𑀢𑀺 𑀳𑁄𑀢𑁂𑀯, 𑀅𑀢𑁆𑀣𑀫𑀢𑁆𑀢𑀁 𑀅𑀧𑁂𑀓𑁆𑀔𑀺𑀬.

𑀲𑀢𑀺𑀧𑀺 𑀓𑁆𑀭𑀺𑀬𑀸𑀬𑁂𑀓𑀢𑁆𑀢𑁂 𑀓𑀢𑁆𑀢𑀽𑀦𑀁 𑀩𑀳𑀼𑀢𑁆𑀢𑀸 ‘‘𑀩𑀳𑀼𑀫𑁆𑀳𑀺 𑀯𑀢𑁆𑀢𑀩𑁆𑀩𑁂 𑀩𑀳𑀼𑀯𑀘𑀦𑀁’’𑀢𑀺 𑀅𑀦𑁆𑀢𑀺.

𑀯𑀺𑀓𑀭𑀡𑀸𑀦𑀁 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀻𑀢𑀺 𑀮𑀯𑀺𑀓𑀭𑀡𑀲𑁆𑀲 𑀮𑁄𑀧𑁄, 𑀲𑁂𑀲𑀁 𑀧𑀼𑀭𑀺𑀫𑀲𑀤𑀺𑀲𑀁. 𑀢𑁂 𑀧𑀼𑀭𑀺𑀲𑀸 𑀪𑀯𑀦𑁆𑀢𑀺. 𑀫𑀚𑁆𑀛𑀺𑀫𑀧𑀼𑀭𑀺- 𑀲𑁂𑀓𑀯𑀘𑀦𑀁 ¶ 𑀲𑀺, 𑀢𑁆𑀯𑀁 𑀪𑀯𑀲𑀺. 𑀩𑀳𑀼𑀯𑀘𑀦𑀁 𑀣𑀧𑀘𑁆𑀘𑀬𑁄, 𑀢𑀼𑀫𑁆𑀳𑁂 𑀪𑀯𑀣. 𑀉𑀢𑁆𑀢𑀫𑀧𑀼𑀭𑀺𑀲𑁂𑀓𑀯𑀘𑀦𑀁 𑀫𑀺𑀧𑀘𑁆𑀘𑀬𑁄.

𑀅𑀓𑀸𑀭𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀳𑀺𑀫𑀺𑀫𑁂𑀲𑀼. 𑀅𑀳𑀁 𑀪𑀯𑀸𑀫𑀺. 𑀩𑀳𑀼𑀯𑀘𑀦𑀁 𑀫𑀧𑀘𑁆𑀘𑀬𑁄, 𑀫𑀬𑀁 𑀪𑀯𑀸𑀫. 𑀏𑀯𑀁 𑀧𑀭𑀘𑁆𑀙𑁂𑀓𑁆𑀓𑁂𑀧𑀺-𑀪𑀯𑀢𑁂, 𑀪𑀯𑀦𑁆𑀢𑁂. 𑀪𑀯𑀲𑁂, 𑀪𑀯𑀯𑁆𑀳𑁂. 𑀪𑀯𑁂, 𑀪𑀯𑀫𑁆𑀳𑁂. 𑀓𑁂𑀘𑀺 𑀤𑀻𑀖𑀁 𑀓𑀢𑁆𑀯𑀸 𑀧𑀞𑀦𑁆𑀢𑀺, ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀤𑀻𑀖𑁄, 𑀪𑀯𑀸𑀫𑁆𑀳𑁂.

𑀮𑀚𑁆𑀚𑀸 𑀲𑀢𑁆𑀢𑀸 𑀞𑀺𑀢𑀺 𑀚𑀸𑀕𑀭𑀡𑀁,

𑀯𑀼𑀤𑁆𑀥𑀺 𑀓𑁆𑀔𑀬 𑀚𑀻𑀯𑀺𑀢 𑀫𑀭𑀡𑀁;

𑀓𑀻𑀴𑀸 𑀭𑀼𑀘𑀺 𑀭𑁄𑀘𑀢𑁂 𑀇𑀢𑁆𑀬𑁂𑀯𑀁,

𑀯𑀼𑀢𑁆𑀢𑀸 𑀅𑀓𑀫𑁆𑀫𑀓𑀥𑀸𑀢𑀼 𑀲𑀩𑁆𑀩𑁂.

𑁋𑀢𑀺 𑀯𑀼𑀢𑁆𑀢𑀢𑁆𑀢𑀸 𑀓𑀫𑁆𑀫𑀁 𑀤𑀼𑀢𑀺𑀬𑀸 𑀦.

𑀧𑀘=𑀧𑀸𑀓𑁂, 𑀅𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀏𑀯+𑀫𑀼𑀧𑀭𑀺𑀧𑀺. 𑀧𑀘 𑀇𑀢𑀺 𑀞𑀺𑀢𑁂 𑀮𑀯𑀺𑀓𑀭𑀡𑀁, 𑀯𑀺𑀓𑀭𑀡𑀮𑁄𑀧𑀸𑀤𑀺 𑀧𑀼𑀭𑀺𑀫𑀲𑀫𑀁. 𑀲𑁄 𑀑𑀤𑀦𑀁 𑀧𑀘𑀢𑀺, 𑀢𑁂 𑀧𑀘𑀦𑁆𑀢𑀺. 𑀢𑁆𑀯𑀁 𑀧𑀘𑀲𑀺, 𑀢𑀼𑀫𑁆𑀳𑁂 𑀧𑀘𑀣. 𑀅𑀳𑀁 𑀧𑀘𑀸𑀫𑀺, 𑀫𑀬𑀁 𑀧𑀘𑀸𑀫. 𑀧𑀭𑀘𑁆𑀙𑀓𑁆𑀓𑁂-𑀧𑀘𑀢𑁂, 𑀧𑀘𑀦𑁆𑀢𑁂. 𑀧𑀘𑀲𑁂, 𑀧𑀘𑀯𑁆𑀳𑁂. 𑀧𑀘𑁂, 𑀧𑀘𑀸𑀫𑁆𑀳𑁂.

𑀯𑀺𑀧𑁆𑀧𑀝𑀺𑀲𑁂𑀥𑀦𑀁=𑀅𑀜𑁆𑀜𑀫𑀜𑁆𑀜𑀧𑀝𑀺𑀲𑁂𑀥𑀦𑀁 𑀯𑀺𑀧𑁆𑀧𑀝𑀺𑀲𑁂𑀥𑁄. 𑀧𑀞𑀫𑀫𑀚𑁆𑀛𑀺𑀫𑀧𑀼𑀭𑀺𑀲𑀸𑀦𑀁 𑀤𑁆𑀯𑀺𑀦𑁆𑀦𑀁 𑀏𑀓𑀢𑁆𑀣 𑀧𑀲𑀗𑁆𑀕𑁂 𑀫𑀚𑁆𑀛𑀺𑀫𑀧𑀼𑀭𑀺𑀲𑀩𑀳𑀼𑀯𑀘𑀦𑀁 𑀣𑀧𑀘𑁆𑀘𑀬𑁄. 𑀲𑁄 ¶ 𑀘 𑀧𑀘𑀢𑀺, 𑀢𑁆𑀯𑀜𑁆𑀘 𑀧𑀘𑀲𑀺, 𑀢𑀼𑀫𑁆𑀳𑁂 𑀧𑀘𑀣. 𑀢𑀼𑀮𑁆𑀬𑀩𑀮𑀯𑀺𑀭𑁄𑀥𑀺𑀦𑁄 𑀳𑀺 𑀯𑀺𑀧𑁆𑀧𑀝𑀺𑀲𑁂𑀥𑀸 𑀧𑀞𑀫𑀫𑀚𑁆𑀛𑀺𑀫𑀉𑀢𑁆𑀢𑀫𑀧𑀼𑀭𑀺𑀲𑀸𑀦𑀁 𑀢𑀺𑀡𑁆𑀡𑀁 𑀏𑀓𑀢𑁆𑀣 𑀧𑀲𑀗𑁆𑀕𑁂 𑀉𑀢𑁆𑀢𑀫𑀧𑀼𑀭𑀺𑀲𑀩𑀳𑀼𑀯𑀘𑀦𑀁 𑀳𑁄𑀢𑀺, 𑀲𑁄 𑀘 𑀧𑀘𑀢𑀺, 𑀢𑁆𑀯𑀜𑁆𑀘 𑀧𑀘𑀲𑀺, 𑀅𑀳𑀜𑁆𑀘 𑀧𑀘𑀸𑀫𑀺 𑀫𑀬𑀁 𑀧𑀘𑀸𑀫𑀸𑀢𑀺 𑀪𑀯𑀢𑀺.

𑁫,𑁧𑁭𑁩. 𑀕𑀫 𑀬𑀫𑀺+𑀲𑀸+𑀲 𑀤𑀺𑀲𑀸𑀦𑀁 𑀯𑀸 𑀘𑁆𑀙𑀗

𑀏𑀢𑁂𑀲𑀁 𑀥𑀸𑀢𑀽𑀦𑀁 𑀘𑁆𑀙𑀗 𑀯𑀸 𑀳𑁄𑀢𑀺 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀲𑁄 𑀕𑀸𑀫𑀁 𑀕𑀘𑁆𑀙𑀢𑀺. 𑀅𑀦𑁆𑀢𑀺 𑁋

𑁭𑁪. 𑀕𑀭𑀼𑀧𑀼𑀩𑁆𑀩𑀸 𑀭𑀲𑁆𑀲𑀸 𑀭𑁂+𑀦𑁆𑀢𑁂𑀦𑁆𑀢𑀻𑀦𑀁

𑀕𑀭𑀼𑀧𑀼𑀩𑁆𑀩𑀲𑁆𑀫𑀸 𑀭𑀲𑁆𑀲𑀸 𑀦𑁆𑀢𑁂+𑀦𑁆𑀢𑀻𑀦𑀁 𑀭𑁂 𑀯𑀸 𑀳𑁄𑀢𑀺.

𑀕𑀭𑀼𑀮𑀳𑀼𑀦𑀺𑀬𑀫𑁄 𑀪𑀯𑁂 𑀯𑀼𑀢𑁆𑀢𑀺;

𑀕𑀘𑁆𑀙𑀭𑁂 𑀕𑀘𑁆𑀙𑀦𑁆𑀢𑀺. 𑀢𑁆𑀯𑀁 𑀕𑀘𑁆𑀙𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀣. 𑀅𑀳𑀁 𑀕𑀘𑁆𑀙𑀸𑀫𑀺, 𑀫𑀬𑀁 𑀕𑀘𑁆𑀙𑀸𑀫. 𑀘𑁆𑀙𑀸𑀤𑁂𑀲𑀸𑀪𑀸𑀯𑀧𑀓𑁆𑀔𑁂 ‘‘𑀊 𑀮𑀲𑁆𑀲𑁂’’𑀢𑀺 𑀏𑀓𑀸𑀭𑁂 𑀕𑀫𑁂𑀢𑀺. 𑀧𑀭𑀮𑁄𑀧𑁂 𑀕𑀫𑁂𑀦𑁆𑀢𑀺. 𑀕𑀫𑁂𑀲𑀺, 𑀕𑀫𑁂𑀣. 𑀕𑀫𑁂𑀫𑀺, 𑀕𑀫𑁂𑀫. 𑀧𑀭𑀘𑁆𑀙𑀓𑁆𑀓𑁂𑀧𑀺 𑀲𑁄 𑀕𑀘𑁆𑀙𑀢𑁂, 𑀕𑀘𑁆𑀙𑀭𑁂 𑀕𑀘𑁆𑀙𑀦𑁆𑀢𑁂. 𑀕𑀘𑁆𑀙𑀲𑁂, 𑀕𑀘𑁆𑀙𑀯𑁆𑀳𑁂. 𑀕𑀘𑁆𑀙𑁂, 𑀕𑀘𑁆𑀙𑀸𑀫𑁆𑀳𑁂.

𑀧𑀼𑀭𑁂 𑀅𑀥𑀫𑁆𑀫𑁄 𑀤𑀺𑀩𑁆𑀩𑀢𑀺, 𑀧𑀼𑀭𑀸 𑀫𑀭𑀸𑀫𑀻𑀢𑀺 𑀘 𑀢𑀁𑀲𑀫𑀻𑀧𑁂 𑀢𑀩𑁆𑀩𑁄𑀳𑀸𑀭𑀽𑀧𑀘𑀸𑀭𑁂𑀦 𑀯𑀢𑁆𑀢𑀫𑀸𑀦𑀯𑀘𑀦𑀁. 𑀯𑀼𑀢𑁆𑀢𑀜𑁆𑀳𑀺 𑁋

𑀆𑀭𑀤𑁆𑀥𑀸+𑀦𑀺𑀝𑁆𑀞𑀺𑀢𑀁 ¶ 𑀓𑀺𑀘𑁆𑀘𑀁, 𑀯𑀢𑁆𑀢𑀫𑀸𑀦𑀦𑁆𑀢𑀺 𑀯𑀼𑀘𑁆𑀘𑀢𑀺;

𑀯𑀢𑁆𑀢𑀫𑀸𑀦𑀲𑀫𑀻𑀧𑀜𑁆𑀘, 𑀯𑀢𑁆𑀢𑀫𑀸𑀦𑀦𑁆𑀢𑀺 𑀯𑀼𑀘𑁆𑀘𑀢𑀺.

𑀕𑀗𑁆𑀕𑀸𑀘 𑀢𑀁𑀲𑀫𑀻𑀧𑀜𑁆𑀘, 𑀬𑀢𑁄 𑀕𑀗𑁆𑀕𑀸𑀢𑀺 𑀜𑀸𑀬𑀢𑁂;

𑀕𑀗𑁆𑀕𑀸𑀬𑀁 𑀧𑀸𑀢𑀼+𑀫𑀸𑀕𑀘𑁆𑀙, 𑀖𑁄𑀲𑁄 𑀕𑀗𑁆𑀕𑀸𑀬+𑀫𑀺𑀢𑁆𑀬𑀧𑀺.

𑀫𑀼𑀔𑁆𑀬𑀸+𑀫𑀼𑀔𑁆𑀬𑀢𑁆𑀣𑀪𑁂𑀤𑁂𑀦, 𑀯𑀢𑁆𑀢𑀫𑀸𑀦𑀁 𑀢𑀢𑁄 𑀤𑁆𑀯𑀺𑀥𑀸;

𑀫𑀼𑀔𑁆𑀬𑀜𑁆𑀳𑀺 𑀭𑀼𑀴𑁆𑀳𑀺+𑀫𑀸𑀧𑀦𑁆𑀦𑀁, 𑀢+𑀤𑀸𑀭𑁄𑀧𑀸 𑀅𑀫𑀼𑀔𑁆𑀬𑀢𑀸𑀢𑀺.

𑀧𑀼𑀭𑁂+𑀧𑀼𑀭𑀸𑀲𑀤𑁆𑀤𑁂𑀳𑀺 𑀯𑀸 𑀅𑀦𑀸𑀕𑀢𑀢𑀸 𑀕𑀫𑁆𑀬𑀢𑁂, 𑀢𑀤𑀸 𑀢𑀲𑁆𑀲 𑀯𑀢𑁆𑀢𑀫𑀸𑀦𑀢𑁆𑀢𑀸. 𑀓𑀸𑀮𑀩𑁆𑀬𑀢𑁆𑀢𑀬𑁄 𑀯𑀸 𑀏𑀲𑁄, 𑀪𑀯𑀦𑁆𑀢𑁆𑀬𑁂𑀯 𑀳𑀺 𑀓𑀸𑀮𑀦𑁆𑀢𑀭𑁂𑀧𑀺 𑀢𑁆𑀬𑀸𑀤𑀬𑁄 𑀩𑀸𑀳𑀼𑀮𑀓𑀸 ‘‘𑀲𑀦𑁆𑀢𑁂𑀲𑀼 𑀧𑀭𑀺𑀕𑀽𑀳𑀸𑀫𑀺’’ ‘‘𑀓𑀸𑀬𑀲𑁆𑀲 𑀪𑁂𑀤𑀸 𑀅𑀪𑀺𑀲𑀫𑁆𑀧𑀭𑀸𑀬𑀁, 𑀲𑀳𑀩𑁆𑀬𑀢𑀁 𑀕𑀘𑁆𑀙𑀢𑀺 𑀯𑀸𑀲𑀯𑀲𑁆𑀲’’ ‘‘𑀅𑀢𑀺𑀯𑁂𑀮𑀁 𑀦𑀫𑀲𑁆𑀲𑀺𑀲𑁆𑀲𑀁’’𑀢𑀺. ‘‘𑀓𑀼𑀢𑁄 𑀦𑀼 𑀢𑁆𑀯𑀁 𑀆𑀕𑀘𑁆𑀙𑀲𑀺, 𑀭𑀸𑀚𑀕𑀳𑀢𑁄 𑀆𑀕𑀘𑁆𑀙𑀸𑀫𑀻’’𑀢𑀺𑀆𑀤𑀻𑀲𑀼 𑀧𑀦 𑀧𑀘𑁆𑀘𑀼𑀧𑁆𑀧𑀦𑁆𑀦𑀲𑀫𑀻𑀧𑁂 𑀯𑀢𑁆𑀢𑀫𑀸𑀦𑀯𑀘𑀦𑀁.

𑁫,𑁧𑁭𑁫. 𑀕𑀫 𑀯𑀤 𑀤𑀸𑀦𑀁 𑀖𑀫𑁆𑀫 𑀯𑀚𑁆𑀚 𑀤𑀚𑁆𑀚𑀸

𑀕𑀫𑀸𑀤𑀻𑀦𑀁 𑀖𑀫𑁆𑀫𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀖𑀫𑁆𑀫𑀢𑀺, 𑀖𑀫𑁆𑀫𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀉𑀧𑀲𑀕𑁆𑀕𑀯𑀲𑀸 𑀓𑁄𑀘𑀺, 𑀅𑀓𑀫𑁆𑀫𑁄𑀧𑀺 𑀲𑀓𑀫𑁆𑀫𑀓𑁄;

𑀬𑀣𑀸+𑀪𑀺𑀪𑀽𑀬𑀢𑁂 𑀭𑀸𑀕𑁄, 𑀢𑀸𑀧𑀲𑁂𑀦 𑀫𑀳𑀺𑀤𑁆𑀥𑀺𑀦𑀸𑀢𑀺 𑁋

𑀯𑀼𑀢𑁆𑀢𑀢𑁆𑀢𑀸 𑀅𑀓𑀫𑁆𑀫𑀓𑀢𑁄 𑀓𑀫𑁆𑀫𑀦𑀺 𑀅𑀦𑀼𑀧𑀼𑀩𑁆𑀩𑀸 𑀪𑀽𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺.

𑁫,𑁧𑁭. 𑀓𑁆𑀬𑁄 ¶ 𑀪𑀸𑀯𑀓𑀫𑁆𑀫𑁂𑀲𑁆𑀯+𑀧𑀭𑁄𑀓𑁆𑀔𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼

𑀪𑀸𑀯𑀓𑀫𑁆𑀫𑀯𑀺𑀳𑀺𑀢𑁂𑀲𑀼 𑀧𑀭𑁄𑀓𑁆𑀔𑀸𑀯𑀚𑁆𑀚𑀺𑀢𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼 𑀧𑀭𑁂𑀲𑀼 𑀓𑁆𑀬𑁄 𑀳𑁄𑀢𑀺 𑀓𑁆𑀭𑀺𑀬𑀢𑁆𑀣𑀸. 𑀓𑀓𑀸𑀭𑁄+𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄. ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥+𑀦𑀸𑀕𑀫𑁂𑀲𑀽’’𑀢𑀺 𑀧𑀝𑀺𑀲𑁂𑀥𑀸 𑀑𑀓𑀸𑀭𑀸𑀪𑀸𑀯𑁄. 𑀅𑀦𑀼𑀪𑀽𑀬𑀢𑀺 𑀲𑀼𑀔𑀁 𑀤𑁂𑀯𑀤𑀢𑁆𑀢𑁂𑀦.

𑀆𑀔𑁆𑀬𑀸𑀢𑁂𑀦 𑀅𑀯𑀼𑀢𑁆𑀢𑀢𑁆𑀢𑀸, 𑀓𑀢𑁆𑀢𑀼𑀢𑁄 𑀢𑀢𑀺𑀬𑀸 𑀦 𑀢𑀼;

𑀤𑀼𑀢𑀺𑀬𑀸 𑀳𑁄𑀢𑀺 𑀓𑀫𑁆𑀫𑀲𑁆𑀲, 𑀯𑀼𑀢𑁆𑀢𑀢𑁆𑀢𑀸 𑀧𑀞𑀫𑀸𑀧𑀺+𑀥.

𑀅𑀦𑀼𑀪𑀽𑀬𑀦𑁆𑀢𑀺 𑀲𑀫𑁆𑀧𑀢𑁆𑀢𑀺𑀬𑁄 𑀢𑀬𑀸. 𑀅𑀦𑀼𑀪𑀽𑀬𑀲𑀺 𑀢𑁆𑀯𑀁 𑀤𑁂𑀯𑀤𑀢𑁆𑀢𑁂𑀦. 𑀅𑀦𑀼𑀪𑀽𑀬𑀣 𑀢𑀼𑀫𑁆𑀳𑁂. 𑀅𑀳𑀁 𑀅𑀦𑀼𑀪𑀽𑀬𑀸𑀫𑀺, 𑀢𑀬𑀸 𑀫𑀬𑀁 𑀅𑀦𑀼𑀪𑀽𑀬𑀸𑀫. 𑀤𑁆𑀯𑀺𑀢𑁆𑀢𑁂 𑀅𑀦𑀼𑀪𑀼𑀬𑁆𑀬𑀢𑀺+𑀘𑁆𑀘𑀸𑀤𑀺. 𑀏𑀯𑀁 𑀧𑀭𑀘𑁆𑀙𑀓𑁆𑀓𑁂.

𑀪𑀸𑀯𑁂 𑀅𑀤𑀩𑁆𑀩𑀯𑀼𑀢𑁆𑀢𑀺𑀦𑁄 𑀪𑀸𑀯𑀲𑁆𑀲 𑀏𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯. 𑀢𑀜𑁆𑀘 𑀧𑀞𑀫𑀧𑀼𑀭𑀺𑀲𑁂𑀓𑀯𑀘𑀦𑁂𑀬𑁂𑀯 𑀲𑀫𑁆𑀪𑀯𑀢𑀺, 𑀦𑁂𑀯+𑀜𑁆𑀜𑀁, 𑀩𑀳𑀼𑀮𑀁𑀯𑀺𑀥𑀸𑀦𑀸. 𑀪𑀽𑀬𑀢𑀺 𑀪𑀽𑀬𑀢𑁂 𑀤𑁂𑀯𑀤𑀢𑁆𑀢𑁂𑀦, 𑀲𑀫𑁆𑀧𑀢𑀺 𑀪𑀯𑀦𑀦𑁆𑀢𑁆𑀬𑀢𑁆𑀣𑁄.

𑀓𑁆𑀭𑀺𑀬𑀢𑁆𑀣𑀸 𑀓𑁆𑀬𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀜𑁄 𑀆𑀤𑁆𑀬𑀸𑀯𑀬𑀯𑀢𑁆𑀣𑁄. 𑀤𑁂𑀯𑀤𑀢𑁆𑀢𑁂𑀦 𑀑𑀤𑀦𑁄 𑀧𑀘𑀻𑀬𑀢𑀺 𑀧𑀘𑁆𑀘𑀢𑀺, 𑀭𑁂𑀆𑀤𑁂𑀲𑁂 𑀑𑀤𑀦𑀸 𑀧𑀘𑀻𑀬𑀭𑁂 𑀧𑀘𑀻𑀬𑀦𑁆𑀢𑀺, 𑀧𑀘𑁆𑀘𑀭𑁂 𑀧𑀘𑁆𑀘𑀦𑁆𑀢𑀺. 𑀘𑀯𑀕𑁆𑀕𑀧𑀼𑀩𑁆𑀩𑀭𑀽𑀧𑀸𑀦𑀺. 𑀢𑁆𑀯𑀁 𑀧𑀘𑀻𑀬𑀲𑀺 𑀧𑀘𑁆𑀘𑀲𑀺, 𑀢𑀼𑀫𑁆𑀳𑁂 𑀧𑀘𑀻𑀬𑀣 𑀧𑀘𑁆𑀘𑀣. 𑀅𑀳𑀁 𑀧𑀘𑀻𑀬𑀸𑀫𑀺 𑀧𑀘𑁆𑀘𑀸𑀫𑀺, 𑀫𑀬𑀁 𑀧𑀘𑀻𑀬𑀸𑀫 𑀧𑀘𑁆𑀘𑀸𑀫. 𑀧𑀭𑀘𑁆𑀙𑀓𑁆𑀓𑁂 𑀤𑁂𑀯𑀤𑀢𑁆𑀢𑁂𑀦 𑀑𑀤𑀦𑁄 𑀧𑀘𑀻𑀬𑀢𑁂 𑀇𑀘𑁆𑀘𑀸𑀤𑀺.

𑀕𑀫𑀺𑀢𑁄 ¶ 𑀓𑀫𑁆𑀫𑁂 𑀘𑁆𑀙𑀗 𑀘 𑀈𑀜𑀆𑀕𑀫𑁂 𑀘 𑀓𑀢𑁂 𑀢𑁂𑀦 𑀕𑀸𑀫𑁄 𑀕𑀘𑁆𑀙𑀻𑀬𑀢𑀺, 𑀕𑀸𑀫𑀸 𑀕𑀘𑁆𑀙𑀻𑀬𑀦𑁆𑀢𑀺. 𑀕𑀘𑁆𑀙𑀻𑀬𑀲𑀺, 𑀕𑀘𑁆𑀙𑀻𑀬𑀣. 𑀕𑀘𑁆𑀙𑀻𑀬𑀸𑀫𑀺, 𑀕𑀘𑁆𑀙𑀻𑀬𑀸𑀫. 𑀏𑀯𑀁 𑀧𑀭𑀘𑁆𑀙𑀓𑁆𑀓𑁂. 𑀕𑀫𑀻𑀬𑀢𑀺 𑀕𑀫𑁆𑀫𑀢𑀺, 𑀕𑀫𑀻𑀬𑀦𑁆𑀢𑀺 𑀕𑀫𑁆𑀫𑀦𑁆𑀢𑀺. 𑀕𑀫𑀻𑀬𑀲𑀺 𑀕𑀫𑁆𑀫𑀲𑀺, 𑀕𑀫𑀻𑀬𑀣 𑀕𑀫𑁆𑀫𑀣, 𑀕𑀫𑀻𑀬𑀸𑀫𑀺 𑀕𑀫𑁆𑀫𑀸𑀫𑀺, 𑀕𑀫𑀻𑀬𑀸𑀫 𑀕𑀫𑁆𑀫𑀸𑀫 𑀧𑀭𑀘𑁆𑀙𑀓𑁆𑀓𑁂𑀧𑀺 𑀏𑀯𑀁. 𑀢𑀣𑀸 𑀖𑀫𑁆𑀫𑀻𑀬𑀢𑀺, 𑀖𑀫𑁆𑀫𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀓𑁆𑀭𑀺𑀬𑀢𑁆𑀣𑀸 𑀓𑀢𑁆𑀢𑀭𑀺 𑀢𑁆𑀬𑀸𑀤𑀺, 𑀓𑀫𑁆𑀫𑀲𑁆𑀫𑀺𑀜𑁆𑀘 𑀲𑀓𑀫𑁆𑀫𑀓𑀸;

𑀪𑀸𑀯𑁂 𑀯𑀸+𑀓𑀫𑁆𑀫𑀓𑀸 𑀓𑀫𑁆𑀫𑀸+𑀯𑀘𑀦𑀺𑀘𑁆𑀙𑀸𑀬 𑀫𑀜𑁆𑀜𑀢𑁂.

𑀢𑀣𑀸 𑀳𑀺 𑀯𑀺𑀚𑁆𑀚𑀫𑀸𑀦𑀲𑁆𑀲𑀸𑀧𑀺 𑀓𑀫𑁆𑀫𑀸𑀲𑁆𑀲 𑀅𑀯𑀘𑀦𑀺𑀘𑁆𑀙𑀸𑀬𑀁 𑀇𑀤𑀁 𑀯𑀼𑀘𑁆𑀘𑀢𑀺 𑁋

𑀲𑀢𑁄𑀧𑀺 𑀦 𑀯𑀺𑀯𑀓𑁆𑀔𑀸+𑀲𑁆𑀲, 𑀅𑀲𑀢𑁄𑀧𑀺 𑀘 𑀲𑀸 𑀪𑀯𑁂;

𑀢𑀁 𑀬𑀣𑀸+𑀦𑀼𑀤𑀭𑀸 𑀓𑀜𑁆𑀜𑀸, 𑀯𑀜𑁆𑀛𑀸𑀯𑀤𑁆𑀥𑀺𑀢𑀓𑁄 𑀬𑀣𑀸.

𑀯𑀺𑀯𑀓𑁆𑀔𑀸 𑀮𑁄𑀓𑀺𑀓𑀸 𑀏𑀲𑀸, 𑀅𑀲𑀓𑁆𑀬+𑀫𑀢𑀺𑀯𑀢𑁆𑀢𑀺𑀢𑀼𑀁;

𑀓𑀣+𑀫𑁂𑀲 𑀯𑀺𑀧𑀭𑀺𑀬𑀸𑀲𑁄, 𑀮𑁄𑀓𑁄 𑀏𑀯𑀸+𑀦𑀬𑀼𑀚𑁆𑀚𑀢𑁂.

𑀪𑀯𑀺𑀲𑁆𑀲𑀢𑀺=𑀅𑀦𑀸𑀭𑀤𑁆𑀥𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺.

𑁩𑁫. 𑀅+𑀈+𑀲𑁆𑀲𑀸𑀤𑀻𑀦𑀁 𑀩𑁆𑀬𑀜𑁆𑀚𑀦𑀲𑁆𑀲𑀺𑀜

𑀓𑁆𑀭𑀺𑀬𑀢𑁆𑀣𑀸 𑀧𑀭𑁂𑀲𑀁 𑀅𑀆𑀤𑀻𑀦𑀁 𑀈𑀆𑀤𑀻𑀦𑀁 𑀲𑁆𑀲𑀸𑀤𑀻𑀦𑀜𑁆𑀘 𑀩𑁆𑀬𑀜𑁆𑀚𑀦𑀲𑁆𑀲𑀺+𑀜 𑀳𑁄𑀢𑀺 𑀯𑀺𑀪𑀸𑀲𑀸. 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀸+𑀬𑀁. 𑀲𑁆𑀲𑁂𑀢𑀺 𑀲𑁆𑀲𑀸𑀤𑀻𑀦𑀁 𑀲𑁆𑀲𑀢𑀺𑀆𑀤𑀻𑀦𑀜𑁆𑀘𑀸𑀯𑀬𑀯𑁄 𑀕𑀳𑀺𑀢𑁄, ‘‘𑀊𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀲𑀺𑀤𑁆𑀥𑁂𑀧𑀺 ¶ 𑀢𑁆𑀬𑀸𑀤𑀻𑀲𑀼 𑀏𑀢𑁂𑀲𑀫𑁂𑀯𑀸𑀢𑀺 𑀦𑀺𑀬𑀫𑀢𑁆𑀣𑁄+𑀬+𑀫𑀸𑀭𑀫𑁆𑀪𑁄. 𑀮𑀲𑁆𑀲𑀸𑀓𑀸𑀭𑀮𑁄𑀧𑁂 𑀑+𑀅𑀯𑀸𑀤𑁂𑀲𑁂 𑀪𑀯𑀺𑀲𑁆𑀲𑀢𑀺, 𑀪𑀯𑀺𑀲𑁆𑀲𑀦𑁆𑀢𑀺. 𑀪𑀯𑀺𑀲𑁆𑀲𑀲𑀺, 𑀪𑀯𑀺𑀲𑁆𑀲𑀣. 𑀪𑀯𑀺𑀲𑁆𑀲𑀸𑀫𑀺, 𑀪𑀯𑀺𑀲𑁆𑀲𑀸𑀫. 𑀪𑀯𑀺𑀲𑁆𑀲𑀢𑁂, 𑀪𑀯𑀺𑀲𑁆𑀲𑀦𑁆𑀢𑁂. 𑀪𑀯𑀺𑀲𑁆𑀲𑀲𑁂, 𑀪𑀯𑀺𑀲𑁆𑀲𑀯𑁆𑀳𑁂. 𑀪𑀯𑀺𑀲𑁆𑀲𑀁, 𑀪𑀯𑀺𑀲𑁆𑀲𑀸𑀫𑁆𑀳𑁂.

𑀓𑁆𑀬𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺 𑀲𑁆𑀲𑁂. 𑀲𑀼𑀔𑀁 𑀢𑀬𑀸 𑀅𑀦𑀼𑀪𑀯𑀺𑀲𑁆𑀲𑀢𑀺, 𑀅𑀦𑀼𑀪𑀯𑀺𑀲𑁆𑀲𑀦𑁆𑀢𑀺. 𑀅𑀦𑀼𑀪𑀯𑀺𑀲𑁆𑀲𑀲𑀺, 𑀅𑀦𑀼𑀪𑀯𑀺𑀲𑁆𑀲𑀣. 𑀅𑀦𑀼𑀪𑀯𑀺𑀲𑁆𑀲𑀸𑀫𑀺, 𑀅𑀦𑀼𑀪𑀯𑀺𑀲𑁆𑀲𑀸𑀫. 𑀅𑀜𑁆𑀜𑀢𑁆𑀭 𑀅𑀦𑀼𑀪𑀽𑀬𑀺𑀲𑁆𑀲𑀢𑀺, 𑀅𑀦𑀼𑀪𑀽𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀏𑀯𑀁 𑀧𑀭𑀘𑁆𑀙𑀓𑁆𑀓𑁂. 𑀪𑀸𑀯𑁂-𑀪𑀽𑀬𑀺𑀲𑁆𑀲𑀢𑀺 𑀪𑀽𑀬𑀺𑀲𑁆𑀲𑀢𑁂.

𑀓𑀢𑁆𑀢𑀭𑀺-𑀧𑀘𑀺𑀲𑁆𑀲𑀢𑀺, 𑀧𑀘𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀧𑀘𑀺𑀲𑁆𑀲𑀢𑀺 𑀑𑀤𑀦𑁄 𑀤𑁂𑀯𑀤𑀢𑁆𑀢𑁂𑀦, 𑀧𑀘𑀻𑀬𑀺𑀲𑁆𑀲𑀢𑀺, 𑀧𑀘𑁆𑀘𑀺𑀲𑁆𑀲𑀢𑀺. 𑀧𑀘𑁆𑀘𑀺𑀲𑁆𑀲𑀦𑁆𑀢𑀺 𑀑𑀤𑀦𑀸 𑀧𑀘𑀻𑀬𑀺𑀲𑁆𑀲𑀦𑁆𑀢𑀺, 𑀧𑀘𑀻𑀬𑀺𑀲𑁆𑀲𑀭𑁂, 𑀧𑀘𑁆𑀘𑀺𑀲𑁆𑀲𑀭𑁂, 𑀧𑀘𑁆𑀘𑀺𑀲𑁆𑀲𑀦𑁆𑀢𑀺.

𑀕𑀫𑀺𑀢𑁄 𑀓𑀢𑁆𑀢𑀭𑀺-𑀲𑁄 𑀕𑀘𑁆𑀙𑀺𑀲𑁆𑀲𑀢𑀺, 𑀢𑁂 𑀕𑀘𑁆𑀙𑀺𑀲𑁆𑀲𑀦𑁆𑀢𑀺. 𑀢𑁆𑀯𑀁 𑀕𑀘𑁆𑀙𑀺𑀲𑁆𑀲𑀲𑀺, 𑀢𑀼𑀫𑁆𑀳𑁂 𑀕𑀘𑁆𑀙𑀺𑀲𑁆𑀲𑀣. 𑀅𑀳𑀁 𑀕𑀘𑁆𑀙𑀺𑀲𑁆𑀲𑀸𑀫𑀺, 𑀫𑀬𑀁 𑀕𑀘𑁆𑀙𑀺𑀲𑁆𑀲𑀸𑀫. 𑀕𑀘𑁆𑀙𑀺𑀲𑁆𑀲𑀢𑁂, 𑀕𑀘𑁆𑀙𑀺𑀲𑁆𑀲𑀦𑁆𑀢𑁂. 𑀕𑀘𑁆𑀙𑀺𑀲𑁆𑀲𑀲𑁂, 𑀕𑀘𑁆𑀙𑀺𑀲𑁆𑀲𑀯𑁆𑀳𑁂. 𑀕𑀘𑁆𑀙𑀺𑀲𑁆𑀲𑀁, 𑀕𑀘𑁆𑀙𑀺𑀲𑁆𑀲𑀸𑀫𑁆𑀳𑁂. 𑀲𑀕𑁆𑀕𑀁 𑀕𑀫𑀺𑀲𑁆𑀲𑀢𑀺, 𑀕𑀫𑀺𑀲𑁆𑀲𑀦𑁆𑀢𑀺. 𑀕𑀫𑀺𑀲𑁆𑀲𑀲𑀺, 𑀕𑀫𑀺𑀲𑁆𑀲𑀣. 𑀕𑀫𑀺𑀲𑁆𑀲𑀸𑀫𑀺, 𑀕𑀫𑀺𑀲𑁆𑀲𑀸𑀫 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀕𑀘𑁆𑀙𑀺𑀬𑀺𑀲𑁆𑀲𑀢𑀺, 𑀕𑀘𑁆𑀙𑀺𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑁆𑀬𑀮𑁄𑀧𑁂 𑀕𑀫𑀺𑀲𑁆𑀲𑀢𑀺, 𑀕𑀫𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀢𑀣𑀸 𑀖𑀫𑁆𑀫𑀺𑀲𑁆𑀲𑀢𑀺 𑀖𑀫𑁆𑀫𑀻𑀬𑀺𑀲𑁆𑀲𑀢𑀺, 𑀖𑀫𑁆𑀫𑀺𑀲𑁆𑀲𑀦𑁆𑀢𑀺, 𑀖𑀫𑁆𑀫𑀻𑀬𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀦𑀸𑀫𑀲𑀤𑁆𑀤𑁂 ¶ 𑀦𑀺𑀧𑀸𑀢𑁂 𑀲𑀢𑀺 𑀕𑀭𑀳𑀸𑀬𑀁 𑀯𑀺𑀫𑁆𑀳𑀬𑁂 𑀘 𑀕𑀫𑁆𑀬𑀫𑀸𑀦𑁂 𑀲𑁆𑀲𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀇𑀫𑁂 𑀳𑀺 𑀦𑀸𑀫 𑀓𑀮𑁆𑀬𑀸𑀡𑀥𑀫𑁆𑀫𑀸 𑀧𑀝𑀺𑀚𑀸𑀦𑀺𑀲𑁆𑀲𑀦𑁆𑀢𑀺. 𑀏𑀢𑁆𑀣 ‘‘𑀚𑁆𑀬𑀸𑀤𑀻𑀳𑀺 𑀓𑁆𑀦𑀸’’𑀢𑀺 𑀓𑁆𑀦𑀸𑀯𑀺𑀓𑀭𑀡𑁂 ‘‘𑀜𑀸𑀲𑁆𑀲𑀦𑁂 𑀚𑀸’’𑀢𑀺 𑀚𑀸𑀤𑁂𑀲𑁄. 𑀦 𑀳𑀺 𑀦𑀸𑀫 𑀪𑀺𑀓𑁆𑀔𑀯𑁂 𑀢𑀲𑁆𑀲 𑀫𑁄𑀖𑀧𑀼𑀭𑀺𑀲𑀲𑁆𑀲 𑀧𑀸𑀡𑁂𑀲𑀼 𑀅𑀦𑀼𑀤𑁆𑀤𑀬𑀸 𑀪𑀯𑀺𑀲𑁆𑀲𑀢𑀺. 𑀓𑀣𑀜𑁆𑀳𑀺 𑀦𑀸𑀫 𑀲𑁄 𑀪𑀺𑀓𑁆𑀔𑀯𑁂 𑀫𑁄𑀖𑀧𑀼𑀭𑀺𑀲𑁄 𑀲𑀩𑁆𑀩𑀫𑀢𑁆𑀢𑀺𑀓𑀸𑀫𑀬𑀁 𑀓𑀼𑀝𑀺𑀓𑀁 𑀓𑀭𑀺𑀲𑁆𑀲𑀢𑀺. 𑀯𑀺𑀫𑁆𑀳𑀬𑁂-𑀅𑀘𑁆𑀙𑀭𑀺𑀬𑀁 𑀯𑀢 𑀪𑁄, 𑀅𑀩𑁆𑀪𑀼𑀢𑀁 𑀯𑀢 𑀪𑁄, 𑀲𑀦𑁆𑀢𑁂𑀦 𑀯𑀢 𑀪𑁄 𑀧𑀩𑁆𑀩𑀚𑀺𑀢𑀸 𑀯𑀺𑀳𑀸𑀭𑁂𑀦 𑀯𑀺𑀳𑀭𑀦𑁆𑀢𑀺, 𑀬𑀢𑁆𑀭 𑀳𑀺 𑀦𑀸𑀫 𑀲𑀜𑁆𑀜𑀻 𑀲𑀫𑀸𑀦𑁄 𑀚𑀸𑀕𑀭𑁄 𑀧𑀜𑁆𑀘𑀫𑀢𑁆𑀢𑀸𑀦𑀺 𑀲𑀓𑀝𑀲𑀢𑀸𑀦𑀺 𑀦𑀺𑀲𑁆𑀲𑀸𑀬 𑀦𑀺𑀲𑁆𑀲𑀸𑀬 𑀅𑀢𑀺𑀓𑁆𑀓𑀦𑁆𑀢𑀸𑀦𑀺 𑀦𑁂𑀯 𑀤𑀓𑁆𑀔𑀺𑀢𑀺, 𑀦 𑀧𑀦 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺. 𑀅𑀘𑁆𑀙𑀭𑀺𑀬𑀁 𑀅𑀦𑁆𑀥𑁄 𑀦𑀸𑀫 𑀧𑀩𑁆𑀩𑀢+𑀫𑀸𑀭𑁄𑀳𑀺𑀲𑁆𑀲𑀢𑀺, 𑀩𑀥𑀺𑀭𑁄 𑀦𑀸𑀫 𑀲𑀤𑁆𑀤𑀁 𑀲𑁄𑀲𑁆𑀲𑀢𑀺. (𑀪𑀯𑀺𑀲𑁆𑀲𑀦𑁆𑀢𑀺𑀧𑀘𑁆𑀘𑀬𑀦𑀬𑁄).

𑁪. 𑀪𑀽𑀢𑁂 𑀈 𑀉𑀁 𑀑 𑀢𑁆𑀣 𑀇𑀁 𑀫𑁆𑀳𑀸 𑀆 𑀊 𑀲𑁂 𑀯𑁆𑀳𑀁 𑀅 𑀫𑁆𑀳𑁂

𑀪𑀽𑀢𑁂 𑀧𑀭𑀺𑀲𑀫𑀢𑁆𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀈𑀆𑀤𑀬𑁄 𑀳𑁄𑀦𑁆𑀢𑀺. 𑀪𑀽𑀢𑀸𑀦𑀚𑁆𑀚𑀢𑀦𑁂 𑀉𑀧𑀭𑀺 𑀯𑀓𑁆𑀔𑀫𑀸𑀦𑀢𑁆𑀢𑀸 𑀇𑀫𑁂 𑀈𑀆𑀤𑀬𑁄 𑀪𑀽𑀢𑀚𑁆𑀚𑀢𑀦𑁂. ‘‘𑀲𑀼𑀯𑁄 𑀅𑀳𑁄𑀲𑀺 𑀆𑀦𑀦𑁆𑀤𑁄’’𑀢𑀺𑀆𑀤𑀻𑀲𑀼 𑀪𑀽𑀢𑀲𑀸𑀫𑀜𑁆𑀜𑁂𑀯 𑀪𑀯𑀦𑁆𑀢𑀺.

𑀅𑀳𑀲𑁆𑀲𑀼+𑀪𑀬𑀢𑁄 𑀅𑀟𑁆𑀠-𑀭𑀢𑁆𑀢𑀁 𑀯𑀸 𑀢𑀤𑀼𑀧𑀟𑁆𑀠𑀢𑀁;

𑀅𑀦𑁆𑀢𑁄𑀓𑀢𑁆𑀯𑀸𑀦 𑀯𑀺𑀜𑁆𑀜𑁂𑀬𑁆𑀬𑁄, 𑀅𑀳𑁄 𑀅𑀚𑁆𑀚𑀢𑀦𑁄 𑀇𑀢𑀺;

𑀢𑀤𑀜𑁆𑀜𑁄 𑀧𑀦 𑀬𑁄 𑀓𑀸𑀮𑁄, 𑀲𑁄+𑀦𑀚𑁆𑀚𑀢𑀦𑀲𑀜𑁆𑀜𑀺𑀢𑁄.

𑀆𑀆𑀤𑁄 ¶ 𑀈𑀆𑀤𑁄 𑀲𑁆𑀲𑀸𑀤𑁄 𑀘 𑀓𑁆𑀭𑀺𑀬𑀢𑁆𑀣𑀲𑁆𑀲 𑀯𑀸 𑀅𑀜 𑀳𑁄𑀢𑀻𑀢𑀺 𑀥𑀸𑀢𑀼𑀢𑁄 𑀧𑀼𑀩𑁆𑀩𑀁 𑀅𑀜. ‘‘𑀓𑀢𑁆𑀢𑀭𑀺 𑀮𑁄’’𑀢𑀺 𑀮𑁄, 𑀏𑀓𑀸𑀭+𑀅𑀯𑀸𑀤𑁂𑀲𑀸 𑀘.

𑁩𑁮. 𑀏𑀬𑁆𑀬𑀸𑀣+𑀲𑁆𑀲𑁂+𑀅+𑀆+𑀈+𑀣𑀸𑀦𑀁 𑀑+𑀅+𑀅𑀁+𑀢𑁆𑀣+𑀢𑁆𑀣𑁄+𑀯𑁆𑀳𑁄𑀓

𑀏𑀬𑁆𑀬𑀸𑀣𑀸𑀤𑀻𑀦𑀁 𑀑𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀢𑀺 𑀈𑀲𑁆𑀲𑀢𑁆𑀣𑁄, 𑀅𑀪𑀯𑀺𑀢𑁆𑀣𑁄, 𑀪𑀯𑀺𑀢𑁆𑀣𑁄, 𑀅𑀪𑀯𑀢𑁆𑀣𑁄, 𑀪𑀯𑀢𑁆𑀣𑁄. ‘‘𑀆 𑀈 𑀊 𑀫𑁆𑀳𑀸 𑀲𑁆𑀲𑀸 𑀲𑁆𑀲𑀫𑁆𑀳𑀸𑀦𑀁 𑀯𑀸’’𑀢𑀺 𑀈𑀲𑁆𑀲 𑀭𑀲𑁆𑀲𑀢𑁆𑀢𑀁. 𑀲𑁄 𑀅𑀪𑀯𑀺 𑀪𑀯𑀺, 𑀅𑀪𑀯𑀻 𑀪𑀯𑀻.

𑀢𑀺𑀉𑀁𑀲𑁆𑀲 𑀇𑀁𑀲𑀼+𑀅𑀁𑀲𑀼 𑀯𑀸 𑀳𑁄𑀦𑁆𑀢𑀺. 𑀅𑀪𑀯𑀺𑀁𑀲𑀼 𑀪𑀯𑀺𑀁𑀲𑀼, 𑀅𑀪𑀯𑀁𑀲𑀼 𑀪𑀯𑀁𑀲𑀼, 𑀅𑀪𑀯𑀼𑀁 𑀪𑀯𑀼𑀁.

𑀑𑀲𑁆𑀲 𑀅𑀆𑀤𑀬𑁄 𑀯𑀸 𑀳𑁄𑀦𑁆𑀢𑀺. 𑀅𑀪𑀯 𑀪𑀯, 𑀅𑀪𑀯𑀺 𑀪𑀯𑀺, 𑀇𑀜𑀸𑀕𑀫𑁂 𑀅𑀪𑀯𑀺𑀢𑁆𑀣 𑀪𑀯𑀺𑀢𑁆𑀣, 𑀅𑀪𑀯𑀢𑁆𑀣 𑀪𑀯𑀢𑁆𑀣, 𑀅𑀪𑀯𑀺𑀢𑁆𑀣𑁄 𑀪𑀯𑀺𑀢𑁆𑀣𑁄, 𑀅𑀪𑀯𑀢𑁆𑀣𑁄 𑀪𑀯𑀢𑁆𑀣𑁄.

𑀑𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀪𑀯𑀺𑀲𑀺 𑀪𑀯𑀺𑀲𑀺, 𑀅𑀪𑀯𑀲𑀺 𑀪𑀯𑀲𑀺. 𑀅𑀪𑀯𑁄 𑀪𑀯𑁄.

𑀏𑀲𑀁 ¶ 𑀉𑀜 𑀯𑀸 𑀳𑁄𑀢𑀺. 𑀈𑀆𑀤𑀺𑀲𑀫𑁆𑀩𑀦𑁆𑀥𑀻𑀦𑀫𑁂𑀯 𑀕𑀳𑀡𑀁. 𑀅𑀪𑀯𑀼𑀢𑁆𑀣 𑀪𑀯𑀼𑀢𑁆𑀣.

𑀇𑀁𑀲𑁆𑀲 𑀘 𑀲𑀺𑀜 𑀯𑀸 𑀳𑁄𑀢𑀺 𑀫𑁆𑀳𑀸𑀢𑁆𑀣𑀸𑀦𑀜𑁆𑀘 𑀩𑀳𑀼𑀮𑀁. 𑀇𑀓𑀸𑀭𑀜𑁆𑀜𑀓𑀸𑀭𑀸 𑀉𑀘𑁆𑀘𑀸𑀭𑀡𑀆𑀤𑁆𑀬𑀸𑀯𑀬𑀯𑀢𑁆𑀣𑀸. 𑀅𑀪𑀯𑀲𑀺𑀢𑁆𑀣 𑀪𑀯𑀲𑀺𑀢𑁆𑀣, 𑀅𑀪𑀯𑀺𑀢𑁆𑀣 𑀪𑀯𑀺𑀢𑁆𑀣, 𑀅𑀪𑀯𑀢𑁆𑀣 𑀪𑀯𑀢𑁆𑀣, 𑀅𑀪𑀯𑀺𑀲𑀺𑀁 𑀪𑀯𑀺𑀲𑀺𑀁, 𑀅𑀪𑀯𑀲𑀺𑀁 𑀪𑀯𑀲𑀺𑀁, 𑀅𑀪𑀯𑀺𑀁 𑀪𑀯𑀺𑀁. 𑀉𑀜𑀸𑀕𑀫𑁂 𑀆𑀲𑁆𑀲 𑀭𑀲𑁆𑀲𑁄. 𑀅𑀪𑀯𑀼𑀫𑁆𑀳 𑀪𑀯𑀼𑀫𑁆𑀳 𑀅𑀪𑀯𑀼𑀫𑁆𑀳𑀸 𑀪𑀯𑀼𑀫𑁆𑀳𑀸. 𑀲𑀺𑀜𑀸𑀕𑀫𑁂 𑀅𑀪𑀯𑀲𑀺𑀫𑁆𑀳 𑀪𑀯𑀲𑀺𑀫𑁆𑀳 𑀅𑀪𑀯𑀲𑀺𑀫𑁆𑀳𑀸 𑀪𑀯𑀲𑀺𑀫𑁆𑀳𑀸 𑀅𑀪𑀯𑀺𑀫𑁆𑀳 𑀪𑀯𑀺𑀫𑁆𑀳 𑀅𑀪𑀯𑀺𑀫𑁆𑀳𑀸 𑀪𑀯𑀺𑀫𑁆𑀳𑀸 𑀅𑀪𑀯𑀫𑁆𑀳 𑀪𑀯𑀫𑁆𑀳 𑀅𑀪𑀯𑀫𑁆𑀳𑀸 𑀪𑀯𑀫𑁆𑀳𑀸. 𑀧𑀭𑀘𑁆𑀙𑀓𑁆𑀓𑁂 𑁋 ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀢𑁆𑀣𑁂 𑀅𑀪𑀯𑀺𑀢𑁆𑀣 𑀪𑀯𑀺𑀢𑁆𑀣 𑀅𑀪𑀯𑀢𑁆𑀣 𑀪𑀯𑀢𑁆𑀣. 𑀭𑀲𑁆𑀲𑁂 𑀅𑀪𑀯𑀣 𑀪𑀯𑀣, 𑀅𑀪𑀯𑀸 𑀪𑀯𑀸, 𑀅𑀪𑀯𑀼 𑀪𑀯𑀼. 𑀅𑀪𑀯𑀺𑀲𑁂 𑀪𑀯𑀺𑀲𑁂, 𑀅𑀪𑀯𑀲𑁂 𑀪𑀯𑀲𑁂, 𑀅𑀪𑀯𑀺𑀯𑁆𑀳𑀁 𑀪𑀯𑀺𑀯𑁆𑀳𑀁 𑀅𑀪𑀯𑀯𑁆𑀳𑀁 𑀪𑀯𑀯𑁆𑀳𑀁, 𑀅𑀲𑁆𑀲 𑀅+𑀫𑀸𑀤𑁂𑀲𑁂 𑀅𑀪𑀯𑀁 𑀪𑀯𑀁 𑀅𑀪𑀯 𑀪𑀯, 𑀅𑀪𑀯𑀺𑀫𑁆𑀳𑁂 𑀪𑀯𑀺𑀫𑁆𑀳𑁂 𑀅𑀪𑀯𑀫𑁆𑀳𑁂 𑀪𑀯𑀫𑁆𑀳𑁂. 𑀓𑀫𑁆𑀫𑁂 𑀲𑀼𑀔𑀁 𑀢𑀬𑀸 𑀅𑀦𑀼𑀪𑀽𑀬𑀺𑀢𑁆𑀣𑁄 𑀅𑀦𑁆𑀯𑀪𑀽𑀬𑀢𑁆𑀣𑁄 𑀅𑀦𑀼𑀪𑀽𑀬𑀢𑁆𑀣𑁄 𑀅𑀦𑁆𑀯𑀪𑀽𑀲𑀺 𑀅𑀦𑀼𑀪𑀽𑀲𑀻 𑀅𑀦𑁆𑀯𑀪𑀽𑀬𑀻 𑀅𑀦𑀼𑀪𑀽𑀬𑀻, 𑀅𑀦𑁆𑀯𑀪𑀽𑀬𑀺𑀁𑀲𑀼 𑀅𑀦𑀼𑀪𑀽𑀬𑀺𑀁𑀲𑀼 𑀅𑀦𑁆𑀯𑀪𑀽𑀬𑀁𑀲𑀼 𑀅𑀦𑀼𑀪𑀽𑀬𑀁𑀲𑀼 𑀅𑀦𑁆𑀯𑀪𑀽𑀬𑀼𑀁 𑀅𑀦𑀼𑀪𑀽𑀬𑀼𑀁 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀢𑁂𑀦 𑀅𑀪𑀽𑀬𑀺𑀢𑁆𑀣𑁄 𑀪𑀽𑀬𑀺𑀢𑁆𑀣𑁄 𑀅𑀪𑀽𑀬𑀢𑁆𑀣𑁄 𑀪𑀽𑀬𑀢𑁆𑀣𑁄 𑀅𑀪𑀽𑀬𑀺 𑀪𑀽𑀬𑀺 𑀅𑀪𑀽𑀬𑀻 𑀪𑀽𑀬𑀻. 𑀢𑁂𑀦 𑀅𑀪𑀽𑀬𑀢𑁆𑀣 𑀪𑀽𑀬𑀢𑁆𑀣 𑀅𑀪𑀽𑀬 𑀪𑀽𑀬 𑀅𑀪𑀽𑀬𑀸 𑀪𑀽𑀬𑀸.

𑀲𑁄 𑀅𑀧𑀘𑀺𑀢𑁆𑀣𑁄 𑀧𑀘𑀺𑀢𑁆𑀣𑁄 𑀇𑀘𑁆𑀘𑀸𑀤𑀺 𑀓𑀢𑁆𑀢𑀼𑀲𑀫𑀁. 𑀓𑀫𑁆𑀫𑁂-𑀅𑀧𑀘𑀻𑀬𑀺𑀢𑁆𑀣𑁄 𑀧𑀘𑀻𑀬𑀺𑀢𑁆𑀣𑁄 𑀅𑀧𑀘𑀻𑀬𑀢𑁆𑀣𑁄 𑀧𑀘𑀻𑀬𑀢𑁆𑀣𑁄. 𑀘𑀯𑀕𑁆𑀕𑀧𑀼𑀩𑁆𑀩- 𑀭𑀽𑀧𑁂 ¶ 𑀅𑀧𑀘𑁆𑀘𑀺𑀢𑁆𑀣𑁄 𑀧𑀘𑁆𑀘𑀺𑀢𑁆𑀣𑁄 𑀅𑀧𑀘𑁆𑀘𑀢𑁆𑀣𑁄 𑀧𑀘𑁆𑀘𑀢𑁆𑀣𑁄 𑀅𑀧𑀘𑀻𑀬𑀺 𑀧𑀘𑀻𑀬𑀺 𑀅𑀧𑀘𑀻𑀬𑀻 𑀧𑀘𑀻𑀬𑀻 𑀅𑀧𑀘𑁆𑀘𑀺 𑀧𑀘𑁆𑀘𑀺 𑀅𑀧𑀘𑁆𑀘𑀻 𑀧𑀘𑁆𑀘𑀻, 𑀅𑀧𑀘𑀻𑀬𑀺𑀁𑀲𑀼 𑀧𑀘𑀻𑀬𑀺𑀁𑀲𑀼 𑀅𑀧𑀘𑀺𑀁𑀲𑀼 𑀧𑀘𑀺𑀁𑀲𑀼 𑀅𑀧𑀘𑀻𑀬𑀁𑀲𑀼 𑀧𑀘𑀻𑀬𑀁𑀲𑀼 𑀅𑀧𑀘𑁆𑀘𑀁𑀲𑀼 𑀧𑀘𑁆𑀘𑀁𑀲𑀼 𑀅𑀧𑀘𑀻𑀬𑀼𑀁 𑀧𑀘𑀻𑀬𑀼𑀁 𑀅𑀧𑀘𑁆𑀘𑀼𑀁 𑀧𑀘𑁆𑀘𑀼𑀁 𑀇𑀘𑁆𑀘𑀸𑀤𑀺 𑀓𑀢𑁆𑀢𑀼𑀲𑀫𑀁, 𑀧𑀼𑀩𑁆𑀩𑀭𑀽𑀧𑁄𑀯 𑀯𑀺𑀲𑁂𑀲𑁄.

𑀲𑁄 𑀕𑀸𑀫𑀁 𑀅𑀕𑀘𑁆𑀙𑀺𑀢𑁆𑀣𑁄 𑀕𑀘𑁆𑀙𑀺𑀢𑁆𑀣𑁄 𑀇𑀘𑁆𑀘𑀸𑀤𑀺 𑀧𑀼𑀭𑀺𑀫𑀲𑀫𑀁.

𑀟𑀁𑀲𑀲𑁆𑀲 𑀘 𑀕𑀫𑀺𑀲𑁆𑀲 𑀘 𑀜𑁆𑀙𑀗 𑀯𑀸 𑀳𑁄𑀢𑀺 𑀆+𑀈𑀆𑀤𑀻𑀲𑀼. 𑀅𑀕𑀜𑁆𑀙𑀺𑀢𑁆𑀣𑁄 𑀕𑀜𑁆𑀙𑀺𑀢𑁆𑀣𑁄 𑀅𑀕𑀜𑁆𑀙𑀢𑁆𑀣𑁄 𑀕𑀜𑁆𑀙𑀢𑁆𑀣𑁄 𑀅𑀕𑀜𑁆𑀙𑀺 𑀕𑀜𑁆𑀙𑀺 𑀅𑀕𑀜𑁆𑀙𑀻 𑀕𑀜𑁆𑀙𑀻 𑀇𑀘𑁆𑀘𑀸𑀤𑀺.

𑀆𑀆𑀤𑁄 𑀈𑀆𑀤𑁄 𑀘 𑀕𑀫𑀺𑀲𑁆𑀲 𑀆 𑀳𑁄𑀢𑀺 𑀯𑀸. 𑀲𑁄 𑀅𑀕𑀸 𑀅𑀕𑀫𑀺 𑀕𑀫𑀺 𑀅𑀕𑀫𑀺𑀢𑁆𑀣𑁄 𑀕𑀫𑀺𑀢𑁆𑀣𑁄 𑀅𑀕𑀫𑀢𑁆𑀣𑁄 𑀕𑀫𑀢𑁆𑀣𑁄. 𑀈𑀧𑀘𑁆𑀘𑀬𑁂 𑀮𑀲𑁆𑀲𑀸𑀓𑀸𑀭𑀲𑁆𑀲 ‘‘𑀳𑀺𑀫𑀺𑀫𑁂𑀲𑁆𑀯+𑀲𑁆𑀲𑀸’’𑀢𑀺 𑀏𑀢𑁆𑀣 ‘‘𑀅𑀲𑁆𑀲𑀸’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀤𑀻𑀖𑁂 ‘‘𑀤𑀻𑀖𑀸 𑀈𑀲𑁆𑀲𑀸’’𑀢𑀺 𑀈𑀲𑁆𑀲 𑀲𑀺𑀆𑀤𑁂𑀲𑁄, 𑀅𑀕𑀫𑀸𑀲𑀺 𑀅𑀕𑀫𑀺 𑀕𑀫𑀺 𑀅𑀕𑀫𑀻 𑀕𑀫𑀻, 𑀅𑀕𑀫𑀺𑀁𑀲𑀼 𑀕𑀫𑀺𑀁𑀲𑀼 𑀅𑀕𑀫𑀁𑀲𑀼 𑀕𑀫𑀁𑀲𑀼 𑀅𑀕𑀫𑀼𑀁 𑀕𑀫𑀼𑀁. 𑀑𑀲𑁆𑀲 𑀅𑀆𑀤𑁂𑀲𑁂 𑀅𑀚𑁆𑀛𑀕𑀼𑀁. 𑀢𑁆𑀯𑀁 𑀅𑀚𑁆𑀛𑀕𑀸 𑀧𑀭𑀲𑁆𑀲 𑀮𑁄𑀧𑁄. 𑀢𑀼𑀫𑁆𑀳𑁂 𑀅𑀚𑁆𑀛𑀕𑀼𑀢𑁆𑀣. 𑀅𑀳𑀁 𑀅𑀚𑁆𑀛𑀕𑀁, 𑀫𑀬𑀁 𑀅𑀚𑁆𑀛𑀕𑀫𑁆𑀳. 𑀧𑀭𑀘𑁆𑀙𑀓𑁆𑀓𑁂 𑁋 ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀢𑁆𑀣𑁂 𑀲𑁄 𑀅𑀕𑀘𑁆𑀙𑀺𑀢𑁆𑀣 𑀕𑀘𑁆𑀙𑀺𑀢𑁆𑀣 𑀅𑀕𑀜𑁆𑀙𑀺𑀢𑁆𑀣 𑀕𑀜𑁆𑀙𑀺𑀢𑁆𑀣 𑀅𑀕𑀫𑀺𑀢𑁆𑀣 𑀕𑀫𑀺𑀢𑁆𑀣 𑀅𑀕𑀫 𑀕𑀫 𑀅𑀕𑀫𑀸 𑀕𑀫𑀸. 𑀢𑁂 𑀅𑀕𑀫𑀽 𑀕𑀫𑀽, 𑀑𑀲𑁆𑀲 𑀆𑀆𑀤𑁂𑀲𑁂 𑀅𑀚𑁆𑀛𑀕𑀼𑀁. 𑀢𑁆𑀯𑀁 𑀅𑀕𑀫𑀺𑀲𑁂 𑀕𑀫𑀺𑀲𑁂. 𑀢𑀼𑀫𑁆𑀳𑁂 𑀅𑀕𑀫𑀺𑀯𑁆𑀳𑀁. ‘‘𑀏𑀬𑁆𑀬𑀸𑀣𑀸’’ 𑀤𑀺𑀦𑀸 𑀅+𑀫𑀸𑀤𑁂𑀲𑁂 𑀅𑀳𑀁 𑀅𑀕𑀫𑀁 𑀕𑀫𑀁 𑀅𑀚𑁆𑀛𑀕𑀁. 𑀫𑀬𑀁 𑀅𑀕𑀫𑀺𑀫𑁆𑀳𑁂 𑀕𑀫𑀺𑀫𑁆𑀳𑁂. 𑀓𑀫𑁆𑀫𑁂𑀅𑀕𑀘𑁆𑀙𑀻𑀬𑀺 𑀅𑀕𑀫𑀻𑀬𑀺, 𑀅𑀕𑀘𑁆𑀙𑀺𑀬𑀼𑀁 𑀅𑀕𑀫𑀺𑀬𑀼𑀁 𑀇𑀘𑁆𑀘𑀸𑀤𑀺. 𑀢𑀣𑀸 𑀅𑀖𑀫𑁆𑀫𑀻 𑀖𑀫𑁆𑀫𑀻 𑀇𑀘𑁆𑀘𑀸𑀤𑀺.

𑀫𑀸𑀬𑁄𑀕𑁂 ¶ 𑀲𑀢𑀺 𑀈𑀆𑀤𑀬𑁄 𑀆𑀆𑀤𑀬𑁄 𑀘 𑀯𑀸 𑀳𑁄𑀦𑁆𑀢𑀺. 𑀲𑀓𑀓𑀸𑀮𑀢𑁄 𑀓𑀸𑀮𑀦𑁆𑀢𑀭𑁂𑀧𑀺 𑀧𑀘𑁆𑀘𑀬𑀯𑀺𑀥𑀸𑀦𑀢𑁆𑀣𑁄+𑀬𑀁. 𑀫𑀸 𑀪𑀯𑀁 𑀅𑀪𑀯𑀺𑀢𑁆𑀣𑁄 𑀇𑀘𑁆𑀘𑀸𑀤𑀺. 𑀯𑀸𑀯𑀺𑀥𑀸𑀦𑀸𑀲𑁆𑀲𑀢𑁆𑀬𑀸𑀤𑀺+𑀏𑀬𑁆𑀬𑀸𑀤𑀺+𑀢𑁆𑀯𑀸𑀤𑀬𑁄𑀧𑀺 𑀳𑁄𑀦𑁆𑀢𑀺, 𑀫𑀸 𑀪𑀯𑀁 𑀪𑀯𑀺𑀲𑁆𑀲𑀢𑀺, 𑀫𑀸 𑀪𑀯𑀁 𑀪𑀯𑁂𑀬𑁆𑀬, 𑀫𑀸 𑀪𑀯𑀁 𑀪𑀯𑀢𑀼 𑀇𑀘𑁆𑀘𑀸𑀤𑀺. (𑀈𑀆𑀤𑀺𑀧𑀘𑁆𑀘𑀬𑀦𑀬𑁄).

𑁫. 𑀅𑀦𑀚𑁆𑀚𑀢𑀦𑁂 𑀆 𑀊𑀑 𑀢𑁆𑀣 𑀅 𑀫𑁆𑀳𑀸 𑀢𑁆𑀣 𑀢𑁆𑀣𑀼𑀁 𑀲𑁂 𑀯𑁆𑀳𑀁 𑀇𑀁 𑀫𑁆𑀳𑀲𑁂

𑀅𑀯𑀺𑀚𑁆𑀚𑀫𑀸𑀦𑀚𑁆𑀚𑀢𑀦𑁂 𑀪𑀽𑀢𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀆𑀆𑀤𑀬𑁄 𑀳𑁄𑀦𑁆𑀢𑀺 𑀯𑀸. ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀢𑁆𑀣𑁂 ‘‘𑀆 𑀈 𑀊 𑀫𑁆𑀳𑀸’’ 𑀇𑀘𑁆𑀘𑀸𑀤𑀺𑀦𑀸 𑀭𑀲𑁆𑀲𑁂 𑀘 𑀲𑁄 𑀅𑀪𑀯𑀢𑁆𑀣 𑀪𑀯𑀢𑁆𑀣 𑀅𑀪𑀯 𑀪𑀯 𑀅𑀪𑀯𑀸 𑀪𑀯𑀸, 𑀢𑁂 𑀅𑀪𑀯𑀼 𑀪𑀯𑀼 𑀅𑀪𑀯𑀽 𑀪𑀯𑀽. 𑀑, ‘‘𑀑𑀲𑁆𑀲𑀸’’𑀢𑀺𑀆𑀤𑀺𑀦𑀸 𑀅𑀆𑀤𑀬𑁄, 𑀅𑀪𑀯 𑀪𑀯 𑀅𑀪𑀯𑀺 𑀪𑀯𑀺 𑀅𑀪𑀯𑀢𑁆𑀣 𑀪𑀯𑀢𑁆𑀣 𑀅𑀪𑀯𑀢𑁆𑀣𑁄 𑀪𑀯𑀢𑁆𑀣𑁄, 𑀲𑀺𑀆𑀤𑁂𑀲𑁂 𑀅𑀪𑀯𑀲𑀺 𑀪𑀯𑀲𑀺 𑀅𑀪𑀯𑁄 𑀪𑀯𑁄. 𑀢𑀼𑀫𑁆𑀳𑁂 𑀅𑀪𑀯𑀢𑁆𑀣 𑀪𑀯𑀢𑁆𑀣. 𑀅𑀳𑀁 𑀅𑀪𑀯𑀁 𑀪𑀯𑀁 𑀅𑀪𑀯 𑀪𑀯, 𑀫𑀬𑀁 𑀅𑀪𑀯𑀫𑁆𑀳 𑀪𑀯𑀫𑁆𑀳 𑀅𑀪𑀯𑀫𑁆𑀳𑀸 𑀪𑀯𑀫𑁆𑀳𑀸. 𑀲𑁄 𑀅𑀪𑀯𑀢𑁆𑀣 𑀪𑀯𑀢𑁆𑀣. 𑀢𑁂 𑀅𑀪𑀯𑀢𑁆𑀣𑀼𑀁 𑀪𑀯𑀢𑁆𑀣𑀼𑀁. 𑀢𑁆𑀯𑀁 𑀅𑀪𑀯𑀲𑁂 𑀪𑀯𑀲𑁂. 𑀢𑀼𑀫𑁆𑀳𑁂 𑀅𑀪𑀯𑀯𑁆𑀳𑀁 𑀪𑀯𑀯𑁆𑀳𑀁. ‘‘𑀇𑀲𑁆𑀲 𑀘 𑀲𑀺𑀜’’𑀢𑀺 𑀲𑀺𑀁, 𑀅𑀳𑀁 𑀅𑀪𑀯𑀲𑀺𑀁 𑀪𑀯𑀲𑀺𑀁 𑀅𑀪𑀯𑀺𑀁 𑀪𑀯𑀺𑀁. 𑀫𑀬𑀁 𑀅𑀪𑀯𑀫𑁆𑀳𑀲𑁂 𑀪𑀯𑀫𑁆𑀳𑀲𑁂. 𑀓𑀫𑁆𑀫𑁂-𑀢𑁆𑀣𑁂 𑀲𑀼𑀔𑀁 𑀢𑀬𑀸 𑀅𑀦𑀼𑀪𑀽𑀬𑀺𑀢𑁆𑀣, 𑀇𑀜𑀸𑀕𑀫𑀸𑀪𑀸𑀯𑁂 𑀅𑀦𑀼𑀪𑀽𑀬𑀢𑁆𑀣 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀅𑀪𑀽𑀬𑀢𑁆𑀣 𑀪𑀽𑀬𑀢𑁆𑀣 𑀇𑀘𑁆𑀘𑀸𑀤𑀺.

𑀲𑁄 ¶ 𑀑𑀤𑀦𑀁 𑀅𑀧𑀘𑀢𑁆𑀣 𑀧𑀘𑀢𑁆𑀣 𑀇𑀘𑁆𑀘𑀸𑀤𑀺 𑀓𑀢𑁆𑀢𑀼𑀲𑀫𑀁. 𑀓𑀫𑁆𑀫𑁂-𑀅𑀧𑀘𑀻𑀬𑀢𑁆𑀣 𑀧𑀘𑀻𑀬𑀢𑁆𑀣 𑀅𑀧𑀘𑁆𑀘𑀢𑁆𑀣 𑀧𑀘𑁆𑀘𑀢𑁆𑀣 𑀅𑀧𑀘𑀻𑀬 𑀧𑀘𑀻𑀬 𑀅𑀧𑀘𑀻𑀬𑀸 𑀧𑀘𑀻𑀬𑀸 𑀅𑀧𑀘𑁆𑀘 𑀧𑀘𑁆𑀘 𑀅𑀧𑀘𑁆𑀘𑀸 𑀧𑀘𑁆𑀘𑀸. 𑀅𑀧𑀘𑀻𑀬𑀼 𑀧𑀘𑀻𑀬𑀼 𑀅𑀧𑀘𑀻𑀬𑀽 𑀧𑀘𑀻𑀬𑀽 𑀅𑀧𑀘𑁆𑀘𑀼 𑀧𑀘𑁆𑀘𑀼 𑀅𑀧𑀘𑁆𑀘𑀽 𑀧𑀘𑁆𑀘𑀽 𑀇𑀘𑁆𑀘𑀸𑀤𑀺. ‘‘𑀫𑀸𑀬𑁄𑀕𑁂 𑀈+𑀆𑀆𑀤𑀻’’𑀢𑀺 𑀫𑀸𑀬𑁄𑀕𑁂𑀧𑀺 𑀆𑀆𑀤𑀬𑁄, 𑀫𑀸 𑀪𑀯𑀁 𑀅𑀧𑀘𑁆𑀘𑀢𑁆𑀣 𑀇𑀘𑁆𑀘𑀸𑀤𑀺.

𑀢𑀣𑀸 𑀅𑀕𑀘𑁆𑀙𑀢𑁆𑀣 𑀕𑀘𑁆𑀙𑀢𑁆𑀣 𑀇𑀘𑁆𑀘𑀸𑀤𑀺 𑀧𑀼𑀭𑀺𑀫𑀲𑀫𑀁. 𑀢𑀣𑀸 𑀅𑀕𑀫𑀢𑁆𑀣 𑀕𑀫𑀢𑁆𑀣 𑀇𑀘𑁆𑀘𑀸𑀤𑀺𑀧𑀺 𑀅𑀖𑀫𑁆𑀫𑀢𑁆𑀣 𑀖𑀫𑁆𑀫𑀢𑁆𑀣 𑀇𑀘𑁆𑀘𑀸𑀤𑀺𑀧𑀺. (𑀅𑀦𑀚𑁆𑀚𑀢𑀦𑀧𑀘𑁆𑀘𑀬𑀦𑀬𑁄).

𑁬. 𑀧𑀭𑁄𑀓𑁆𑀔𑁂 𑀅 𑀉 𑀏 𑀢𑁆𑀣 𑀅 𑀫𑁆𑀳 𑀢𑁆𑀣 𑀭𑁂 𑀢𑁆𑀣𑁄 𑀯𑁆𑀳𑁄 𑀇 𑀫𑁆𑀳𑁂

𑀅𑀧𑀘𑁆𑀘𑀓𑁆𑀔𑁂 𑀪𑀽𑀢𑀸𑀦𑀚𑁆𑀚𑀢𑀦𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀅𑀆𑀤𑀬𑁄 𑀳𑁄𑀦𑁆𑀢𑀺. 𑀅𑀓𑁆𑀔𑀸𑀦𑀁=𑀇𑀦𑁆𑀤𑁆𑀭𑀺𑀬𑀸𑀦𑀁 𑀧𑀭𑀁 𑀧𑀭𑁄𑀓𑁆𑀔𑀁. 𑀢𑀲𑁆𑀫𑀺𑀁. ‘‘𑀅𑀧𑀭𑁄𑀓𑁆𑀔𑁂𑀲𑀽’’𑀢𑀺 𑀯𑀘𑀦𑀸 𑀓𑁆𑀬+𑀮𑀸𑀤𑀺𑀯𑀺𑀓𑀭𑀡𑀸 𑀦 𑀳𑁄𑀦𑁆𑀢𑀺.

𑀧𑀭𑁄𑀓𑁆𑀔𑀸𑀬𑀁 𑀧𑀞𑀫+𑀫𑁂𑀓𑀲𑁆𑀲𑀭𑀁 𑀲𑀤𑁆𑀤𑀭𑀽𑀧𑀁 𑀤𑁆𑀯𑁂 𑀪𑀯𑀢𑀺. ‘‘𑀪𑀽𑀲𑁆𑀲 𑀯𑀼𑀓’’ 𑀇𑀢𑀺𑀆𑀤𑀻𑀲𑀼 𑀯𑀼𑀓, 𑀪𑀽𑀯 𑀪𑀽𑀯 𑀇𑀢𑀺 𑀤𑁆𑀯𑀺𑀢𑁆𑀢𑁂 𑁋

𑁫,𑁭𑁫. 𑀮𑁄𑀧𑁄+𑀦𑀸𑀤𑀺𑀩𑁆𑀬𑀜𑁆𑀚𑀦𑀲𑁆𑀲

𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀆𑀤𑀺𑀢𑁄+𑀜𑁆𑀜𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄 𑀳𑁄𑀢𑀺.

𑀅𑀆𑀤𑀻𑀲𑀼 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀪𑀽𑀲𑁆𑀲 𑀅 𑀳𑁄𑀢𑀺.

𑁫,𑁭𑁮. 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀢𑀺𑀬𑀧𑀞𑀫𑀸

𑀤𑁆𑀯𑀺𑀢𑁆𑀢𑁂 ¶ 𑀧𑀼𑀩𑁆𑀩𑁂𑀲𑀁 𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀢𑀺𑀬𑀧𑀞𑀫𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁𑀢𑀺 𑀩𑀓𑀸𑀭𑁂 𑀲𑁄 𑀩𑀪𑀽𑀯 𑀓𑀺𑀭, 𑀢𑁂 𑀩𑀪𑀼𑀯𑀼 𑀓𑀺𑀭. 𑀢𑁆𑀯𑀁 𑀩𑀪𑀼𑀯𑁂 𑀓𑀺𑀭, 𑀇𑀜 𑀢𑀼𑀫𑁆𑀳𑁂 𑀩𑀪𑀼𑀯𑀺𑀢𑁆𑀣 𑀓𑀺𑀭. 𑀅𑀳𑀁 𑀩𑀪𑀼𑀯 𑀓𑀺𑀭, 𑀫𑀬𑀁 𑀩𑀪𑀼𑀯𑀺𑀫𑁆𑀳 𑀓𑀺𑀭. 𑀲𑁄 𑀩𑀪𑀼𑀯𑀺𑀢𑁆𑀣 𑀓𑀺𑀭, 𑀢𑁂 𑀩𑀪𑀼𑀯𑀺𑀭𑁂 𑀓𑀺𑀭. 𑀢𑁆𑀯𑀁 𑀩𑀪𑀼𑀯𑀺𑀢𑁆𑀣𑁄 𑀓𑀺𑀭, 𑀢𑀼𑀫𑁆𑀳𑁂 𑀩𑀪𑀼𑀯𑀺𑀯𑁆𑀳𑁄 𑀓𑀺𑀭. 𑀅𑀳𑀁 𑀩𑀪𑀼𑀯𑀺 𑀓𑀺𑀭, 𑀫𑀬𑀁 𑀩𑀪𑀼𑀯𑀺𑀫𑁆𑀳𑁂 𑀓𑀺𑀭. 𑀓𑀫𑁆𑀫𑁂-𑀅𑀦𑀼𑀧𑀪𑀼𑀯 𑀓𑀺𑀭 𑀇𑀘𑁆𑀘𑀸𑀤𑀺. 𑀪𑀸𑀯𑁂𑀩𑀪𑀼𑀯 𑀩𑀪𑀼𑀯𑀺𑀢𑁆𑀣 𑀓𑀺𑀭.

𑀧𑀧𑀘, 𑀧𑀧𑀘𑀼. 𑀧𑀧𑀘𑁂, 𑀇𑀜𑀸𑀕𑀫𑁂 𑀧𑀧𑀘𑀺𑀢𑁆𑀣. 𑀅𑀜𑁆𑀜𑀢𑁆𑀭 ‘‘𑀲𑀁𑀬𑁄𑀕𑀸𑀤𑀺𑀮𑁄𑀧𑁄’’𑀢𑀺 𑀮𑁄𑀧𑁄, 𑀧𑀧𑀘𑀺𑀢𑁆𑀣. 𑀧𑀧𑀘, 𑀧𑀧𑀘𑀺𑀫𑁆𑀳. 𑀧𑀧𑀘𑀺𑀢𑁆𑀣, 𑀧𑀧𑀘𑀺𑀭𑁂. 𑀧𑀧𑀘𑀺𑀢𑁆𑀣𑁄 𑀧𑀧𑀘𑀺𑀣𑁄, 𑀧𑀧𑀘𑀺𑀯𑁆𑀳𑁄. 𑀧𑀧𑀘𑀺, 𑀧𑀧𑀘𑀺𑀫𑁆𑀳𑁂. 𑀏𑀯𑀁 𑀓𑀫𑁆𑀫𑁂.

𑀅𑀆𑀤𑀺𑀧𑀘𑁆𑀘𑀬𑁂 𑀤𑁆𑀯𑀺𑀪𑀸𑀯𑁂 𑀅𑀦𑀸𑀤𑀺𑀩𑁆𑀬𑀜𑁆𑀚𑀦𑀮𑁄𑀧𑁂 𑀧𑀼𑀩𑁆𑀩𑀲𑁆𑀲 ‘‘𑀓𑀯𑀕𑁆𑀕𑀳𑀸𑀦𑀁 𑀘𑀯𑀕𑁆𑀕𑀚𑀸’’𑀢𑀺 𑀘𑀯𑀕𑁆𑀕𑀚𑀓𑀸𑀭𑁂 ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀤𑀻𑀖𑁂 𑀘 𑀓𑀢𑁂 𑀲𑁄 𑀕𑀸𑀫𑀁 𑀚𑀕𑀸𑀫 𑀓𑀺𑀭, 𑀚𑀕𑀫𑀼. 𑀚𑀕𑀫𑁂, 𑀚𑀕𑀫𑀺𑀢𑁆𑀣. 𑀚𑀕𑀫, 𑀚𑀕𑀫𑀺𑀫𑁆𑀳. 𑀚𑀕𑀫𑀺𑀢𑁆𑀣, 𑀚𑀕𑀫𑀺𑀭𑁂. 𑀚𑀕𑀫𑀺𑀢𑁆𑀣𑁄, 𑀚𑀕𑀫𑀺𑀯𑁆𑀳𑁄. 𑀚𑀕𑀫𑀺, 𑀚𑀕𑀫𑀺𑀫𑁆𑀳𑁂. 𑀏𑀯𑀁 𑀓𑀫𑁆𑀫𑁂.

𑀫𑀽𑀴𑁆𑀳𑀯𑀺𑀓𑁆𑀔𑀺𑀢𑁆𑀢𑀩𑁆𑀬𑀸𑀲𑀢𑁆𑀢𑀘𑀺𑀢𑁆𑀢𑁂𑀦 𑀅𑀢𑁆𑀢𑀦𑀸𑀧𑀺 𑀓𑁆𑀭𑀺𑀬𑀸 𑀓𑀢𑀸 𑀅𑀪𑀺𑀦𑀺𑀩𑁆𑀩𑀢𑁆𑀢𑀺𑀓𑀸𑀮𑁂+𑀦𑀼𑀧𑀮𑀤𑁆𑀥𑀸𑀲𑀫𑀸𑀦𑀸 𑀨𑀮𑁂𑀦𑀸+𑀦𑀼𑀫𑀻𑀬𑀫𑀸𑀦𑀸 𑀧𑀭𑁄𑀓𑁆𑀔𑀸𑀯 𑀯𑀢𑁆𑀣𑀼𑀢𑁄. 𑀢𑁂𑀦 𑀉𑀢𑁆𑀢𑀫𑀯𑀺𑀲𑀬𑁂𑀧𑀺 𑀧𑀬𑁄𑀕𑀲𑀫𑁆𑀪𑀯𑁄. (𑀧𑀭𑁄𑀓𑁆𑀔𑀸𑀧𑀘𑁆𑀘𑀬𑀦𑀬𑁄).

𑁭. 𑀬𑁆𑀬𑁄𑀤𑁄 ¶ 𑀯𑀸+𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸 𑀲𑁆𑀲𑀁𑀲𑀼 𑀲𑁆𑀲𑁂 𑀲𑁆𑀲𑀣 𑀲𑁆𑀲𑀁 𑀲𑁆𑀲𑀫𑁆𑀳𑀸 𑀲𑁆𑀲𑀣 𑀲𑁆𑀲𑀺𑀁𑀲𑀼𑀲𑁆𑀲𑀲𑁂𑀲𑁆𑀲𑀯𑁆𑀳𑁂𑀲𑁆𑀲𑀺𑀁 𑀲𑁆𑀲𑀸𑀫𑁆𑀳𑀲𑁂.

𑀏𑀬𑁆𑀬𑀸𑀤𑁄 𑀯𑀺𑀲𑀬𑁂 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸𑀤𑀬𑁄 𑀳𑁄𑀦𑁆𑀢𑀺. 𑀯𑀺𑀥𑀼𑀭𑀧𑀘𑁆𑀘𑀬𑁄𑀧𑀦𑀺𑀧𑀸𑀢𑀢𑁄 𑀓𑀸𑀭𑀡𑀯𑁂𑀓𑀮𑁆𑀮𑀢𑁄 𑀯𑀸 𑀓𑁆𑀭𑀺𑀬𑀸𑀢𑀺𑀧𑀢𑀦+𑀫𑀦𑀺𑀧𑁆𑀨𑀢𑁆𑀢𑀺 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺. 𑀏𑀢𑁂 𑀘 𑀲𑁆𑀲𑀸𑀤𑀬𑁄 𑀲𑀸𑀫𑀢𑁆𑀣𑀺𑀬𑀸 𑀅𑀢𑀻𑀢𑀸𑀦𑀸𑀕𑀢𑁂𑀲𑁆𑀯𑁂𑀯 𑀳𑁄𑀦𑁆𑀢𑀺, 𑀦 𑀯𑀢𑁆𑀢𑀫𑀸𑀦𑁂, 𑀢𑀢𑁆𑀭 𑀓𑁆𑀭𑀺𑀬𑀸𑀢𑀺𑀧𑀢𑁆𑀬𑀲𑀫𑁆𑀪𑀯𑀸. 𑀇𑀜𑀸𑀕𑀫𑁂 𑀲𑁆𑀲𑀸𑀲𑁆𑀲 𑀯𑀸 𑀭𑀲𑁆𑀲𑁂 𑀘 𑀲𑀘𑁂 𑀲𑁄 𑀧𑀞𑀫𑀯𑀬𑁂 𑀧𑀩𑁆𑀩𑀚𑁆𑀚𑀁 𑀅𑀮𑀪𑀺𑀲𑁆𑀲, 𑀅𑀭𑀳𑀸 𑀅𑀪𑀯𑀺𑀲𑁆𑀲 𑀪𑀯𑀺𑀲𑁆𑀲 𑀅𑀪𑀯𑀺𑀲𑁆𑀲𑀸 𑀪𑀯𑀺𑀲𑁆𑀲𑀸 𑀯𑀸, 𑀢𑁂 𑀘 𑀢𑀁 𑀅𑀮𑀪𑀺𑀲𑁆𑀲𑀁𑀲𑀼, 𑀅𑀭𑀳𑀦𑁆𑀢𑁄 𑀅𑀪𑀯𑀺𑀲𑁆𑀲𑀁𑀲𑀼 𑀪𑀯𑀺𑀲𑁆𑀲𑀁𑀲𑀼. ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀲𑁆𑀲𑁂𑀲𑁆𑀲 𑀯𑀸 𑀅𑀓𑀸𑀭𑁂 𑀢𑁆𑀯𑀁 𑀅𑀪𑀯𑀺𑀲𑁆𑀲 𑀪𑀯𑀺𑀲𑁆𑀲𑁂. 𑀢𑀼𑀫𑁆𑀳𑁂 𑀅𑀪𑀯𑀺𑀲𑁆𑀲𑀣. 𑀅𑀳𑀁 𑀅𑀪𑀯𑀺𑀲𑁆𑀲𑀁. 𑀭𑀲𑁆𑀲𑁂 𑀫𑀬𑀁 𑀅𑀪𑀯𑀺𑀲𑁆𑀲𑀫𑁆𑀳 𑀪𑀯𑀺𑀲𑁆𑀲𑀫𑁆𑀳 𑀅𑀪𑀯𑀺𑀲𑁆𑀲𑀫𑁆𑀳𑀸 𑀪𑀯𑀺𑀲𑁆𑀲𑀫𑁆𑀳𑀸. 𑀧𑀭𑀘𑁆𑀙𑀓𑁆𑀓𑁂-𑀲𑁄 𑀅𑀪𑀯𑀺𑀲𑁆𑀲𑀣, 𑀅𑀪𑀯𑀺𑀲𑁆𑀲𑀺𑀁𑀲𑀼. 𑀅𑀪𑀯𑀺𑀲𑁆𑀲𑀲𑁂, 𑀅𑀪𑀯𑀺𑀲𑁆𑀲𑀯𑁆𑀳𑁂. 𑀅𑀪𑀯𑀺𑀲𑁆𑀲𑀺𑀁, 𑀅𑀪𑀯𑀺𑀲𑁆𑀲𑀸𑀫𑁆𑀳𑀲𑁂.

𑀓𑀫𑁆𑀫𑁂-𑀢𑁂𑀦 𑀲𑀼𑀔𑀁 𑀅𑀦𑁆𑀯𑀪𑀯𑀺𑀲𑁆𑀲, 𑀅𑀦𑁆𑀯𑀪𑀯𑀺𑀲𑁆𑀲𑀁𑀲𑀼 𑀓𑁆𑀬𑀮𑁄𑀧𑁄. 𑀅𑀦𑁆𑀯𑀪𑀽𑀬𑀺𑀲𑁆𑀲 𑀅𑀦𑁆𑀯𑀪𑀽𑀬𑀺𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀢𑁂𑀦 𑀅𑀪𑀽𑀬𑀺𑀲𑁆𑀲 𑀪𑀽𑀬𑀺𑀲𑁆𑀲 𑀅𑀪𑀽𑀬𑀺𑀲𑁆𑀲𑀸 𑀪𑀽𑀬𑀺𑀲𑁆𑀲𑀸. 𑀅𑀪𑀽𑀬𑀺𑀲𑁆𑀲𑀣 𑀪𑀽𑀬𑀺𑀲𑁆𑀲𑀣.

𑀏𑀯𑀁 𑀢𑀡𑁆𑀟𑀼𑀮𑀸𑀤𑀺𑀲𑀸𑀥𑀦𑀁 𑀅𑀮𑀪𑀺𑀲𑁆𑀲, 𑀑𑀤𑀦𑀁 𑀅𑀧𑀘𑀺𑀲𑁆𑀲 𑀧𑀘𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑁂𑀦 𑀑𑀤𑀦𑁄 𑀅𑀧𑀘𑀺𑀲𑁆𑀲 𑀧𑀘𑀺𑀲𑁆𑀲 𑀅𑀧𑀘𑀺𑀲𑁆𑀲𑀸 𑀧𑀘𑀺𑀲𑁆𑀲𑀸 𑀅𑀧𑀘𑀻𑀬𑀺𑀲𑁆𑀲 𑀧𑀘𑀻𑀬𑀺𑀲𑁆𑀲 𑀅𑀧𑀘𑀻𑀬𑀺𑀲𑁆𑀲𑀸 𑀧𑀘𑀻𑀬𑀺𑀲𑁆𑀲𑀸 𑀅𑀧𑀘𑁆𑀘𑀺𑀲𑁆𑀲 𑀧𑀘𑁆𑀘𑀺𑀲𑁆𑀲 𑀅𑀧𑀘𑁆𑀘𑀺𑀲𑁆𑀲𑀸 𑀧𑀘𑁆𑀘𑀺𑀲𑁆𑀲𑀸 𑀇𑀘𑁆𑀘𑀸𑀤𑀺.

𑀲𑁄 𑀅𑀕𑀘𑁆𑀙𑀺𑀲𑁆𑀲 𑀕𑀘𑁆𑀙𑀺𑀲𑁆𑀲 𑀅𑀕𑀘𑁆𑀙𑀺𑀲𑁆𑀲𑀸 𑀕𑀘𑁆𑀙𑀺𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀘𑁆𑀙𑀸𑀤𑁂𑀲𑀸+𑀪𑀸𑀯𑁂 𑀅𑀕𑀫𑀺𑀲𑁆𑀲 𑀕𑀫𑀺𑀲𑁆𑀲 𑀅𑀕𑀫𑀺𑀲𑁆𑀲𑀸 𑀕𑀫𑀺𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀅𑀕𑀘𑁆𑀙𑀺𑀲𑁆𑀲 ¶ 𑀕𑀘𑁆𑀙𑀺𑀲𑁆𑀲 𑀅𑀕𑀘𑁆𑀙𑀻𑀬𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀅𑀕𑀫𑀺𑀲𑁆𑀲 𑀕𑀫𑀺𑀲𑁆𑀲 𑀅𑀕𑀫𑀻𑀬𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀢𑀣𑀸 𑀅𑀖𑀫𑁆𑀫𑀺𑀲𑁆𑀲 𑀇𑀘𑁆𑀘𑀸𑀤𑀺. (𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀧𑀘𑁆𑀘𑀬𑀦𑀬𑁄).

𑀳𑁂𑀢𑀼𑀪𑀽𑀢𑀸𑀬𑀁 𑀨𑀮𑀪𑀽𑀢𑀸𑀬𑀜𑁆𑀘 𑀓𑁆𑀭𑀺𑀬𑀸𑀬𑀁 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺 𑀯𑀸. 𑀮𑀯𑀺𑀓𑀭𑀡𑀯𑀼𑀤𑁆𑀥𑀺𑀆𑀤𑀺 𑀧𑀼𑀩𑁆𑀩𑀲𑀫𑀁. 𑀧𑀭𑀺𑀓𑀧𑁆𑀧𑁂 𑁋

𑁭𑁫. 𑀏𑀬𑁆𑀬𑁂+𑀬𑁆𑀬𑀸𑀲𑁂+𑀬𑁆𑀬𑀦𑁆𑀦𑀁 𑀝𑁂

𑀏𑀬𑁆𑀬+𑀏𑀬𑁆𑀬𑀸𑀲𑀺+𑀏𑀬𑁆𑀬+𑀫𑀺𑀘𑁆𑀘𑁂𑀲+𑀫𑁂 𑀯𑀸 𑀳𑁄𑀢𑀺. 𑀲𑁄 𑀤𑀸𑀦𑀺 𑀓𑀺𑀦𑁆𑀦𑀼 𑀔𑁄 𑀪𑀯𑁂, 𑀬𑀤𑀺 𑀲𑁄 𑀧𑀞𑀫𑀯𑀬𑁂 𑀧𑀩𑁆𑀩𑀚𑁂𑀬𑁆𑀬, 𑀅𑀭𑀳𑀸 𑀪𑀯𑁂𑀬𑁆𑀬.

𑀏𑀬𑁆𑀬𑀼+𑀫𑀺𑀘𑁆𑀘𑀲𑁆𑀲 𑀜𑀼𑀁 𑀯𑀸 𑀳𑁄𑀢𑀺. 𑀲𑀘𑁂 𑀲𑀁𑀔𑀸𑀭𑀸 𑀦𑀺𑀘𑁆𑀘𑀸 𑀪𑀯𑀼𑀁 𑀪𑀯𑁂𑀬𑁆𑀬𑀼𑀁, 𑀦 𑀦𑀺𑀭𑀼𑀚𑁆𑀛𑁂𑀬𑁆𑀬𑀼𑀁. 𑀬𑀤𑀺 𑀢𑁆𑀯𑀁 𑀪𑀯𑁂 𑀪𑀯𑁂𑀬𑁆𑀬𑀸𑀲𑀺. ‘‘𑀏𑀬𑁆𑀬𑀸𑀣𑀸’’ 𑀤𑀺𑀦𑀸 𑀅𑀲𑁆𑀲 𑀑𑀓𑀸𑀭𑁂 𑀢𑀼𑀫𑁆𑀳𑁂 𑀪𑀯𑁂𑀬𑁆𑀬𑀸𑀣𑁄 𑀪𑀯𑁂𑀬𑁆𑀬𑀸𑀣 𑀓𑀣+𑀫𑀳𑀁 𑀤𑁂𑀯𑁄 𑀪𑀯𑁂𑀬𑁆𑀬𑀸𑀫𑀺.

𑀏𑀬𑁆𑀬𑀸𑀫𑀲𑁆𑀲 𑀏𑀫𑀼 𑀯𑀸 𑀳𑁄𑀢𑀺 𑀉 𑀘. 𑀓𑀺𑀦𑁆𑀦𑀼 𑀔𑁄 𑀫𑀬𑀁 𑀪𑀯𑁂𑀫𑀼 𑀪𑀯𑁂𑀬𑁆𑀬𑀸𑀫𑀼 𑀪𑀯𑁂𑀬𑁆𑀬𑀸𑀫. 𑀧𑀭𑀘𑁆𑀙𑀓𑁆𑀓𑁂-𑀪𑀯𑁂𑀣, 𑀪𑀯𑁂𑀭𑀁. 𑀪𑀯𑁂𑀣𑁄, 𑀪𑀯𑁂𑀬𑁆𑀬𑀸𑀯𑁆𑀳𑁄. 𑀪𑀯𑁂 𑀪𑀯𑁂𑀬𑁆𑀬𑀁, 𑀪𑀯𑁂𑀬𑁆𑀬𑀸𑀫𑁆𑀳𑁂. 𑀓𑀫𑁆𑀫𑁂-𑀲𑀼𑀔𑀁 ¶ 𑀢𑀬𑀸 𑀅𑀦𑀼𑀪𑀼𑀬𑁆𑀬𑁂 𑀅𑀦𑀼𑀪𑀼𑀬𑁆𑀬𑁂𑀬𑁆𑀬, 𑀅𑀦𑀼𑀪𑀼𑀬𑁆𑀬𑀼𑀁 𑀅𑀦𑀼𑀪𑀽𑀬𑁂𑀬𑁆𑀬𑀼𑀁. 𑀢𑁂𑀦 𑀢𑁆𑀯𑀁 𑀅𑀦𑀼𑀪𑀽𑀬𑁂 𑀅𑀦𑀼𑀪𑀽𑀬𑁂𑀬𑁆𑀬𑀸𑀲𑀺, 𑀢𑀼𑀫𑁆𑀳𑁂 𑀅𑀦𑀼𑀪𑀽𑀬𑁂𑀬𑁆𑀬𑀸𑀣𑁄 𑀅𑀦𑀼𑀪𑀽𑀬𑁂𑀬𑁆𑀬𑀸𑀣. 𑀢𑁂𑀦𑀸+𑀳𑀁 𑀅𑀦𑀼𑀪𑀽𑀬𑁂𑀬𑁆𑀬𑀸𑀫𑀺, 𑀫𑀬𑀁 𑀅𑀦𑀼𑀪𑀽𑀬𑁂𑀫𑀼 𑀅𑀦𑀼𑀪𑀽𑀬𑁂𑀬𑁆𑀬𑀸𑀫𑀼 𑀅𑀦𑀼𑀪𑀽𑀬𑁂𑀬𑁆𑀬𑀸𑀫. 𑀧𑀭𑀘𑁆𑀙𑀓𑁆𑀓𑁂-𑀅𑀦𑀼𑀪𑀽𑀬𑁂𑀣 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀪𑀽𑀬𑁂 𑀪𑀽𑀬𑁂𑀬𑁆𑀬 𑀪𑀽𑀬𑁂𑀣.

𑀯𑀺𑀥𑀺𑀫𑁆𑀳𑀺-𑀲𑁄 𑀑𑀤𑀦𑀁 𑀧𑀘𑁂 𑀧𑀘𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀧𑀘𑀻𑀬𑁂 𑀧𑀘𑀻𑀬𑁂𑀬𑁆𑀬 𑀧𑀘𑁆𑀘𑁂 𑀧𑀘𑁆𑀘𑁂𑀬𑁆𑀬 𑀇𑀘𑁆𑀘𑀸𑀤𑀺.

𑀅𑀦𑀼𑀫𑀢𑀺𑀬𑀁-𑀲𑁄 𑀕𑀸𑀫𑀁 𑀕𑀘𑁆𑀙𑁂 𑀕𑀘𑁆𑀙𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀅𑀜𑁆𑀜𑀢𑁆𑀭 𑀕𑀫𑁂 𑀕𑀫𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀢𑀣𑀸 𑀖𑀫𑁆𑀫𑁂 𑀖𑀫𑁆𑀫𑁂𑀬𑁆𑀬 𑀇𑀘𑁆𑀘𑀸𑀤𑀺.

𑀧𑀸𑀢𑁄 𑀧𑀘𑁂𑀬𑁆𑀬 𑀘𑁂 𑀪𑀼𑀜𑁆𑀚𑁂, 𑀇𑀘𑁆𑀘𑁂+𑀢𑁆𑀣 𑀧𑀘𑀦𑀓𑁆𑀭𑀺𑀬𑀸;

𑀳𑁂𑀢𑀼𑀪𑀽𑀢𑀸𑀢𑀺 𑀯𑀺𑀜𑁆𑀜𑁂𑀬𑁆𑀬𑀸, 𑀨𑀮𑀁 𑀢𑁆𑀯+𑀦𑀼𑀪𑀯𑀓𑁆𑀭𑀺𑀬𑀸.

𑁧𑁧. 𑀲𑀢𑁆𑀢𑁆𑀬+𑀭𑀳𑁂𑀲𑁆𑀯𑁂+𑀬𑁆𑀬𑀸𑀤𑀻

𑀲𑀢𑁆𑀢𑀺𑀬𑀁 𑀅𑀭𑀳𑀢𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀪𑀯𑀁 𑀔𑀮𑀼 𑀧𑀢𑁆𑀢𑀁 𑀧𑀘𑁂𑀬𑁆𑀬, 𑀪𑀯𑀁 𑀲𑀢𑁆𑀢𑁄, 𑀪𑀯𑀁 𑀅𑀭𑀳𑁄.

𑀲𑀫𑁆𑀪𑀸𑀯𑀦𑁂 𑀕𑀫𑁆𑀬𑀫𑀸𑀦𑁂 𑀥𑀸𑀢𑀼𑀦𑀸 𑀯𑀼𑀘𑁆𑀘𑀫𑀸𑀦𑁂 𑀘 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺 𑀯𑀺𑀪𑀸𑀲𑀸. 𑀅𑀧𑀺 𑀪𑀯𑀁 𑀕𑀺𑀮𑀺𑀢𑀁 𑀧𑀸𑀲𑀸𑀡𑀁 𑀧𑀘𑁂𑀬𑁆𑀬 𑀉𑀤𑀭𑀕𑁆𑀕𑀺𑀦𑀸, 𑀲𑀫𑁆𑀪𑀸𑀯𑁂𑀫𑀺 𑀲𑀤𑁆𑀤𑀳𑀸𑀫𑀺 𑀪𑀯𑀁 𑀧𑀘𑁂𑀬𑁆𑀬, 𑀪𑀯𑀁 𑀧𑀘𑀺𑀲𑁆𑀲𑀢𑀺, 𑀪𑀯𑀁 𑀅𑀧𑀘𑀺.

𑀧𑀜𑁆𑀳𑀸𑀤𑀻𑀲𑀼 𑀓𑁆𑀭𑀺𑀬𑀢𑁆𑀣𑀢𑁄 𑀏𑀬𑁆𑀬𑀸𑀤𑀬𑁄 𑀳𑁄𑀦𑁆𑀢𑀺.

𑀧𑀜𑁆𑀳𑀸 ¶ 𑀲𑀁𑀧𑀼𑀘𑁆𑀙𑀦𑀁, 𑀇𑀝𑁆𑀞𑀸-𑀲𑀺𑀁𑀲𑀦𑀁 𑀬𑀸𑀘𑀦𑀁 𑀤𑀼𑀯𑁂;

𑀧𑀢𑁆𑀣𑀦𑀸, 𑀪𑀢𑁆𑀢𑀺𑀬𑀸 𑀯𑀸+𑀣, 𑀦 𑀯𑀸 𑀩𑁆𑀬𑀸𑀧𑀸𑀭𑀡𑀸 𑀯𑀺𑀥𑀺.

𑀧𑀜𑁆𑀳𑁂-𑀓𑀺𑀁 𑀲𑁄 𑀪𑀢𑁆𑀢𑀁 𑀧𑀘𑁂𑀬𑁆𑀬, 𑀉𑀤𑀸𑀳𑀼 𑀩𑁆𑀬𑀜𑁆𑀚𑀦𑀁. 𑀧𑀢𑁆𑀣𑀦𑀸𑀬𑀁-𑀅𑀳𑁄 𑀯𑀢 𑀲𑁄 𑀧𑀘𑁂𑀬𑁆𑀬 𑀘𑁂. 𑀯𑀺𑀥𑀺𑀫𑁆𑀳𑀺-𑀪𑀯𑀁 𑀧𑀢𑁆𑀢𑀁 𑀧𑀘𑁂𑀬𑁆𑀬. (𑀏𑀬𑁆𑀬𑀸𑀤𑀺𑀧𑀘𑁆𑀘𑀬𑀦𑀬𑁄).

𑁧𑁦. 𑀢𑀼 𑀅𑀦𑁆𑀢𑀼 𑀳𑀺 𑀣 𑀫𑀺 𑀫 𑀢𑀁 𑀅𑀦𑁆𑀢𑀁 𑀲𑁆𑀲𑀼 𑀯𑁆𑀳𑁄 𑀏 𑀆𑀫𑀲𑁂

𑀧𑀜𑁆𑀳𑀧𑀢𑁆𑀣𑀦𑀸𑀯𑀺𑀥𑀺𑀲𑁆𑀯𑁂+𑀢𑁂 𑀳𑁄𑀦𑁆𑀢𑀺 𑀓𑁆𑀭𑀺𑀬𑀢𑁆𑀣𑀢𑁄. 𑀆𑀲𑀺𑀁𑀲𑀦𑀢𑁆𑀣𑁂-𑀲𑁄 𑀲𑀼𑀔𑀻 𑀪𑀯𑀢𑀼, 𑀢𑁂 𑀲𑀼𑀔𑀺𑀢𑀸 𑀪𑀯𑀦𑁆𑀢𑀼.

𑀅𑀢𑁄 𑀧𑀭𑀲𑁆𑀲 𑀳𑀺𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺. 𑀢𑁆𑀯𑀁 𑀲𑀼𑀔𑀻 𑀪𑀯 𑀪𑀯𑀸𑀳𑀺, 𑀳𑀺𑀫𑁆𑀳𑀺 𑀤𑀻𑀖𑁄. ‘‘𑀏𑀬𑁆𑀬𑀸𑀣𑀸’’𑀤𑀺𑀦𑀸 𑀯𑁆𑀳𑁄𑀓, 𑀢𑀼𑀫𑁆𑀳𑁂 𑀲𑀼𑀔𑀺𑀢𑀸 𑀪𑀯𑀣𑀯𑁆𑀳𑁄 𑀪𑀯𑀣. 𑀅𑀳𑀁 𑀲𑀼𑀔𑀻 𑀪𑀯𑀸𑀫𑀺, 𑀫𑀬𑀁 𑀲𑀼𑀔𑀺𑀦𑁄 𑀪𑀯𑀸𑀫. 𑀧𑀭𑀘𑁆𑀙𑀓𑁆𑀓𑁂-𑀢𑀣𑀸 𑀪𑀯𑀢𑀁, 𑀪𑀯𑀦𑁆𑀢𑀁. 𑀪𑀯𑀲𑁆𑀲𑀼, 𑀪𑀯𑀯𑁆𑀳𑁄. 𑀪𑀯𑁂 𑀪𑀯𑀸𑀫𑀲𑁂. 𑀓𑀫𑁆𑀫𑁂-𑀢𑀬𑀸 𑀅𑀦𑀼𑀪𑀽𑀬𑀢𑀼, 𑀅𑀦𑀼𑀪𑀽𑀬𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀪𑀽𑀬𑀢𑀼, 𑀪𑀽𑀬𑀢𑀁.

𑀆𑀡𑀢𑁆𑀢𑀺𑀬𑀁-𑀤𑁂𑀯𑀤𑀢𑁆𑀢𑁄 𑀤𑀸𑀦𑀺 𑀑𑀤𑀦𑀁 𑀧𑀘𑀢𑀼, 𑀧𑀘𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑁂𑀦 𑀑𑀤𑀦𑁄 𑀧𑀘𑁆𑀘𑀢𑀼 𑀇𑀘𑁆𑀘𑀸𑀤𑀺. 𑀢𑀣𑀸 𑀲𑁄 𑀕𑀸𑀫𑀁 𑀕𑀘𑁆𑀙𑀢𑀼 𑀇𑀘𑁆𑀘𑀸𑀤𑀺. ‘‘𑀊 𑀮𑀲𑁆𑀲𑁂’’𑀢𑀺 𑀮𑀲𑁆𑀲𑁂+𑀓𑀸𑀭𑁂 𑀕𑀫𑁂𑀢𑀼, 𑀕𑀫𑁂𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀖𑀫𑁆𑀫𑀸𑀤𑁂𑀲𑁂 𑀖𑀫𑁆𑀫𑀢𑀼, 𑀖𑀫𑁆𑀫𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀕𑀘𑁆𑀙𑀻𑀬𑀢𑀼 𑀇𑀘𑁆𑀘𑀸𑀤𑀺. 𑀢𑀣𑀸 𑀕𑀫𑀻𑀬𑀢𑀼 𑀇𑀘𑁆𑀘𑀸𑀤𑀺.

𑀯𑀺𑀥𑀺𑀫𑁆𑀳𑀺-𑀮𑀲𑁆𑀲 𑀮𑁄𑀧𑁂 𑀮𑀼𑀢𑁆𑀢𑁂 𑀯𑀼𑀤𑁆𑀥𑀺, 𑀇𑀥 𑀧𑀩𑁆𑀩𑀢𑁄 𑀳𑁄𑀢𑀼.

𑀦𑀺𑀫𑀦𑁆𑀢𑀦𑁂-𑀅𑀥𑀺𑀯𑀸𑀲𑁂𑀣 ¶ 𑀢𑀼𑀫𑁆𑀳𑁂 𑀪𑀦𑁆𑀢𑁂 𑀪𑀕𑀯𑀸 𑀪𑁄𑀚𑀦𑀁, 𑀯𑀲𑀢𑀺𑀲𑁆𑀲 ‘‘𑀘𑀼𑀭𑀸𑀤𑀺𑀢𑁄 𑀡𑀻’’𑀢𑀺 𑀡𑀺𑀫𑁆𑀳𑀺 ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆, ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑 𑀧𑀘𑁆𑀘𑀬𑁂’’𑀢𑀺 𑀏 𑀘 𑀳𑁄𑀢𑀺. 𑀇𑀥 𑀦𑀺𑀲𑁆𑀲𑀻𑀤𑀢𑀼 𑀪𑀯𑀁, 𑀲𑀤𑀲𑁆𑀲 ‘‘𑀚𑀭+𑀲𑀤𑀸𑀦+𑀫𑀻𑀫 𑀯𑀸’’𑀢𑀺 𑀈𑀫, 𑀫𑀦𑀼𑀩𑀦𑁆𑀥𑀢𑁆𑀢𑀸 𑀅𑀦𑁆𑀢𑀲𑀭𑀢𑁄 𑀈𑀫.

𑀅𑀚𑁆𑀛𑁂𑀲𑀦𑁂-𑀤𑁂𑀲𑁂𑀢𑀼 𑀪𑀦𑁆𑀢𑁂 𑀪𑀕𑀯𑀸 𑀥𑀫𑁆𑀫𑀁, 𑀏𑀢𑁆𑀣 𑀘𑀼𑀭𑀸𑀤𑀺𑀢𑁆𑀢𑀸 𑀧𑀼𑀭𑀺𑀫𑀲𑀫𑀁.

𑀅𑀦𑀼𑀫𑀢𑀺𑀬𑀁-𑀧𑀼𑀘𑁆𑀙 𑀯𑀸𑀲𑀯 𑀫𑀁 𑀧𑀜𑁆𑀳𑀁, 𑀧𑀯𑀺𑀲𑀢𑀼 𑀪𑀯𑀁. 𑀏𑀢𑁆𑀣 𑀧𑀼𑀘𑁆𑀙𑀢𑁄 𑀳𑀺𑀲𑁆𑀲 𑀮𑁄𑀧𑁄. 𑀏𑀯𑀁 𑀦𑀺𑀲𑀻𑀤.

𑀧𑀢𑁆𑀣𑀦𑀸=𑀬𑀸𑀘𑀦𑀸, 𑀢𑀢𑁆𑀭-𑀤𑀤=𑀤𑀸𑀦𑁂, 𑀤𑀤𑀸𑀳𑀺 𑀫𑁂 𑀕𑀸𑀫𑀯𑀭𑀸𑀦𑀺 𑀧𑀜𑁆𑀘, 𑀤𑀸𑀢𑁄 𑀮𑀲𑁆𑀲 𑀏𑀓𑀸𑀭𑁂 𑀘 𑀏𑀓𑀁 𑀫𑁂 𑀦𑀬𑀦𑀁 𑀤𑁂𑀳𑀺.

𑀧𑀢𑁆𑀢𑀓𑀸𑀮𑁂-𑀲𑀫𑁆𑀧𑀢𑁆𑀢𑁄 𑀢𑁂 𑀓𑀸𑀮𑁄 𑀓𑀝𑀓𑀭𑀡𑁂, 𑀓𑀝𑀁 𑀓𑀭𑁄𑀢𑀼 𑀪𑀯𑀁. 𑀏𑀢𑁆𑀣 ‘‘𑀢𑀦𑀸𑀤𑀺𑀢𑁆𑀯𑁄’’𑀢𑀺 𑀑.

𑀢𑁆𑀯𑀸𑀤𑀻 𑀏𑀬𑁆𑀬𑀸𑀤𑀬𑁄 𑀯𑀢𑁆𑀢-𑀫𑀸𑀦𑀸 𑀲𑀫𑁆𑀧𑀢𑀺,+𑀦𑀸𑀕𑀢𑁂;

𑀪𑀯𑀺𑀲𑁆𑀲𑀢𑀺, 𑀧𑀭𑁄𑀓𑁆𑀔𑀸𑀤𑀺-𑀘𑀢𑁆𑀢𑀸𑀭𑁄+𑀢𑀻𑀢𑀓𑀸𑀮𑀺𑀓𑀸.

𑁫,𑁧𑁭𑁩. 𑀕𑀫 𑀬𑀫𑀺+𑀲𑀸+𑀲 𑀤𑀺𑀲𑀸𑀦𑀁 𑀯𑀸 𑀘𑁆𑀙𑀗

𑀏𑀢𑁂𑀲𑀁 𑀯𑀸 𑀘𑁆𑀙𑀗 𑀳𑁄𑀢𑀺𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀲𑁄 𑀲𑀕𑁆𑀕𑀁 𑀕𑀘𑁆𑀙𑀢𑀺 𑀕𑀫𑁂𑀢𑀺, 𑀕𑀘𑁆𑀙𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀕𑀘𑁆𑀙𑀻𑀬𑀢𑀺 𑀕𑀫𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀬𑀫=𑀉𑀧𑀭𑀫𑁂, 𑀧𑀭𑁄𑀓𑁆𑀔𑀸𑀅𑀦𑀚𑁆𑀚𑀢𑀦𑀭𑀽𑀧𑀸𑀦𑀺 𑀲𑀩𑁆𑀩𑀢𑁆𑀣 𑀧𑀬𑁄𑀕+𑀫𑀦𑀼𑀕𑀫𑁆𑀫 𑀬𑁄𑀚𑁂𑀢𑀩𑁆𑀩𑀸𑀦𑀺. 𑀦𑀺𑀧𑀼𑀩𑁆𑀩𑁄, 𑀦𑀺𑀬𑀘𑁆𑀙𑀢𑀺 𑀦𑀺𑀬𑀫𑀢𑀺, 𑀦𑀺𑀬𑀘𑁆𑀙𑀦𑁆𑀢𑀺 𑀦𑀺𑀬𑀫𑀦𑁆𑀢𑀺. 𑀲𑀁𑀧𑀼𑀩𑁆𑀩𑁄, ‘‘𑀬𑁂 𑀲𑀁𑀲𑁆𑀲𑀸’’𑀢𑀺 𑀜𑁆𑀜𑀢𑁆𑀢𑀁, 𑀲𑀜𑁆𑀜𑀫𑀢𑀺, 𑀲𑀜𑁆𑀜𑀫𑀦𑁆𑀢𑀺. 𑀓𑀫𑁆𑀫𑁂-𑀦𑀺𑀬𑀘𑁆𑀙𑀻𑀬𑀢𑀺 𑀦𑀺𑀬𑀫𑀻𑀬𑀢𑀺 𑀦𑀺𑀬𑀫𑁆𑀫𑀢𑀺, 𑀲𑀜𑁆𑀜𑀫𑀻𑀬𑀢𑀺 𑀯𑀸. 𑀢𑀣𑀸 ¶ 𑀦𑀺𑀬𑀘𑁆𑀙𑀺𑀲𑁆𑀲𑀢𑀺, 𑀲𑀜𑁆𑀜𑀫𑀺𑀲𑁆𑀲𑀢𑀺. 𑀦𑀺𑀬𑀘𑁆𑀙𑀺, 𑀲𑀁𑀬𑀫𑀺. 𑀦𑀺𑀬𑀘𑁆𑀙𑀺𑀲𑁆𑀲, 𑀲𑀁𑀬𑀫𑀺𑀲𑁆𑀲. 𑀦𑀺𑀬𑀘𑁆𑀙𑁂𑀬𑁆𑀬, 𑀲𑀁𑀬𑀫𑁂𑀬𑁆𑀬. 𑀦𑀺𑀬𑀘𑁆𑀙𑀢𑀼, 𑀲𑀜𑁆𑀜𑀫𑀢𑀼. 𑀇𑀲+𑀲𑀺𑀁𑀲=𑀇𑀘𑁆𑀙𑀸𑀬𑀁, 𑀲𑁄 𑀲𑀕𑁆𑀕𑀁 𑀇𑀘𑁆𑀙𑀢𑀺, 𑀇𑀘𑁆𑀙𑀦𑁆𑀢𑀺 𑀇𑀘𑁆𑀘𑀸𑀤𑀺. ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀯𑀼𑀤𑁆𑀥𑀺𑀫𑁆𑀳𑀺 𑀏𑀲𑀢𑀺, 𑀏𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀇𑀘𑁆𑀙𑀻𑀬𑀢𑀺, ‘‘𑀯𑀸 𑀓𑁆𑀯𑀘𑀻’’𑀢𑀺 𑀯𑀼𑀤𑁆𑀥𑀺𑀫𑁆𑀳𑀺 𑀏𑀲𑀻𑀬𑀢𑀺. 𑀧𑀼𑀩𑁆𑀩𑀭𑀽𑀧𑁂 𑀇𑀲𑁆𑀲𑀢𑀺 𑀇𑀲𑁆𑀲𑀢𑁂 𑀇𑀘𑁆𑀘𑀸𑀤𑀺. 𑀇𑀘𑁆𑀙𑀺𑀲𑁆𑀲𑀢𑀺 𑀏𑀲𑀺𑀲𑁆𑀲𑀢𑀺 𑀇𑀘𑁆𑀘𑀸𑀤𑀺. 𑀇𑀘𑁆𑀙𑀺 𑀏𑀲𑀺. 𑀇𑀘𑁆𑀙𑀺𑀲𑁆𑀲 𑀏𑀲𑀺𑀲𑁆𑀲. 𑀇𑀘𑁆𑀙𑁂𑀬𑁆𑀬 𑀏𑀲𑁂𑀬𑁆𑀬. 𑀇𑀘𑁆𑀙𑀢𑀼 𑀏𑀲𑀢𑀼 𑀇𑀘𑁆𑀘𑀸𑀤𑀺. 𑀆𑀲=𑀉𑀧𑀯𑁂𑀲𑀦𑁂, 𑀲𑁄 𑀆𑀲𑀦𑁂 𑀅𑀘𑁆𑀙𑀢𑀺 𑀇𑀘𑁆𑀘𑀸𑀤𑀺. ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀭𑀲𑁆𑀲𑁄, 𑀉𑀧𑀧𑀼𑀩𑁆𑀩𑁄, 𑀢𑀣𑀸 𑀉𑀧𑀸𑀲𑀢𑀺. 𑀅𑀘𑁆𑀙𑀺𑀲𑁆𑀲𑀢𑀺 𑀉𑀧𑀸𑀲𑀺𑀲𑁆𑀲𑀢𑀺. 𑀅𑀘𑁆𑀙𑀺 𑀉𑀧𑀸𑀲𑀺. 𑀅𑀘𑁆𑀙𑀺𑀲𑁆𑀲 𑀉𑀧𑀸𑀲𑀺𑀲𑁆𑀲. 𑀅𑀘𑁆𑀙𑁂𑀬𑁆𑀬 𑀉𑀧𑀸𑀲𑁂𑀬𑁆𑀬. 𑀅𑀘𑁆𑀙𑀢𑀼 𑀉𑀧𑀸𑀲𑀢𑀼 𑀇𑀘𑁆𑀘𑀸𑀤𑀺. 𑀤𑀺𑀲=𑀧𑁂𑀓𑁆𑀔𑀦𑁂, 𑀤𑀺𑀘𑁆𑀙𑀢𑀺 𑀤𑀺𑀘𑁆𑀙𑀦𑁆𑀢𑀺 𑀇𑀘𑁆𑀘𑀸𑀤𑀺 𑀲𑀩𑁆𑀩𑀁 𑀧𑀼𑀭𑀺𑀫𑀲𑀫𑀁. 𑀮𑀪=𑀮𑀸𑀪𑁂, 𑀇𑀢𑁄 𑀧𑀭𑀁 𑀯𑀺𑀲𑁂𑀲𑀝𑁆𑀞𑀸𑀦𑀫𑁂𑀯𑀯𑀓𑁆𑀔𑀸𑀫, 𑀲𑀩𑁆𑀩𑀯𑀸𑀭𑁄 𑀯𑀼𑀢𑁆𑀢𑀸𑀦𑀼𑀲𑀸𑀭𑁂𑀦 𑀕𑀳𑁂𑀢𑀩𑁆𑀩𑁄. 𑀮𑀪𑀢𑀺, 𑀮𑀪𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀓𑁆𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑀸𑀤𑀺𑀫𑁆𑀳𑀺 𑀓𑀢𑁂 𑀮𑀩𑁆𑀪𑀢𑀺 𑀇𑀘𑁆𑀘𑀸𑀤𑀺.

𑀮𑀪𑀲𑁆𑀫𑀸 𑀇𑀁 𑀈𑀦𑀁 𑀣𑀁+𑀣𑀸 𑀯𑀸 𑀳𑁄𑀦𑁆𑀢𑀺. 𑀲𑁄 𑀅𑀮𑀪𑀺𑀢𑁆𑀣 𑀮𑀪𑀺𑀢𑁆𑀣 𑀅𑀮𑀪𑀺 𑀮𑀪𑀺 𑀇𑀁 𑀧𑀘𑁆𑀘𑀬𑁂 𑀅𑀮𑀢𑁆𑀣𑀁 𑀅𑀮𑀪𑀺𑀁 𑀇𑀘𑁆𑀘𑀸𑀤𑀺.

𑁨𑁬. 𑀮𑀪 𑀯𑀲+𑀘𑁆𑀙𑀺𑀤 𑀪𑀺𑀤 𑀭𑀼𑀤𑀸𑀦𑀁 𑀘𑁆𑀙𑀗

𑀮𑀪𑀸𑀤𑀻𑀦𑀁 𑀘𑁆𑀙𑀗 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀮𑀘𑁆𑀙𑀢𑀺 𑀮𑀪𑀺𑀲𑁆𑀲𑀢𑀺, 𑀮𑀘𑁆𑀙𑀦𑁆𑀢𑀺 𑀮𑀪𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁 𑀲𑁆𑀲𑀸𑀪𑀸𑀕𑀲𑁆𑀲 𑀘𑁆𑀙𑀗𑀸𑀤𑁂𑀲𑁂 𑀅𑀮𑀘𑁆𑀙𑀸 𑀅𑀮𑀪𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀯𑀲=𑀦𑀺𑀯𑀸𑀲𑁂, 𑀯𑀘𑁆𑀙𑀢𑀺 𑀯𑀲𑀺𑀲𑁆𑀲𑀢𑀺. 𑀓𑀫𑁆𑀫𑁂-𑀩𑀳𑀼𑀮𑀸𑀥𑀺𑀓𑀸𑀭𑀸 ‘‘𑀅𑀲𑁆𑀲𑀽’’𑀢𑀺 𑀉𑀓𑀸𑀭𑁄 ¶ , 𑀧𑀼𑀩𑁆𑀩𑀭𑀽𑀧𑁂 𑀯𑀼𑀲𑁆𑀲𑀢𑀺 𑀯𑀼𑀲𑁆𑀲𑀺𑀲𑁆𑀲𑀢𑀺 𑀇𑀘𑁆𑀘𑀸𑀤𑀺. 𑀢𑀣𑀸 𑀅𑀯𑀘𑁆𑀙𑀸 𑀅𑀯𑀲𑀺𑀲𑁆𑀲𑀸. 𑀙𑀺𑀤=𑀤𑁆𑀯𑁂𑀥𑀸𑀓𑀭𑀡𑁂, 𑀙𑁂𑀘𑁆𑀙𑀢𑀺 𑀙𑀺𑀦𑁆𑀤𑀺𑀲𑁆𑀲𑀢𑀺, ‘‘𑀫𑀜𑁆𑀘 𑀭𑀼𑀥𑀸𑀤𑀻𑀦𑀁’’𑀢𑀺 𑀫𑀁 𑀮𑁄 𑀘. 𑀮𑀲𑁆𑀲 𑀮𑁄𑀧𑁄 𑀘. 𑀪𑀺𑀤=𑀯𑀺𑀤𑀸𑀭𑀡𑁂, 𑀪𑁂𑀘𑁆𑀙𑀢𑀺 𑀪𑀺𑀦𑁆𑀤𑀺𑀲𑁆𑀲𑀢𑀺. 𑀅𑀪𑁂𑀘𑁆𑀙𑀸 𑀅𑀪𑀺𑀦𑁆𑀤𑀺𑀲𑁆𑀲𑀸. 𑀭𑀼𑀤=𑀭𑁄𑀤𑀦𑁂, 𑀭𑀼𑀘𑁆𑀙𑀢𑀺 𑀭𑁄𑀤𑀺𑀲𑁆𑀲𑀢𑀺. 𑀅𑀭𑀼𑀘𑁆𑀙𑀸 𑀅𑀭𑁄𑀤𑀺𑀲𑁆𑀲𑀸 𑀇𑀘𑁆𑀘𑀸𑀤𑀺.

𑀅𑀜𑁆𑀜𑀧𑀘𑁆𑀘𑀬𑁂𑀧𑀺 𑀙𑀺𑀤𑀲𑁆𑀲 ‘‘𑀘𑁆𑀙𑀗’’ 𑀇𑀢𑀺 𑀬𑁄𑀕𑀯𑀺𑀪𑀸𑀕𑀸 𑀘𑁆𑀙𑀗, 𑀪𑀽𑀢𑁂 𑀊𑀁 𑀧𑀘𑁆𑀘𑀬𑁂 𑀅𑀘𑁆𑀙𑁂𑀘𑁆𑀙𑀼𑀁 𑀅𑀘𑁆𑀙𑀺𑀦𑁆𑀤𑀺𑀁𑀲𑀼. 𑀯𑀼𑀢𑁆𑀢𑀢𑁄 𑀅𑀜𑁆𑀜𑀥𑀸𑀢𑀽𑀦𑀜𑁆𑀘, 𑀕𑀫=𑀕𑀫𑀦𑁂, 𑀕𑀘𑁆𑀙𑀁 𑀕𑀘𑁆𑀙𑀺𑀲𑁆𑀲𑀁. 𑀅𑀜𑁆𑀜𑀧𑀘𑁆𑀘𑀬𑁂𑀧𑀺 𑀯𑀘=𑀩𑁆𑀬𑀢𑁆𑀢𑀯𑀘𑀦𑁂 𑀇𑀘𑁆𑀘𑀸𑀤𑀺, 𑀓𑀫𑁆𑀫𑁂-𑀩𑀳𑀼𑀮𑀸𑀥𑀺𑀓𑀸𑀭𑀸 𑀢𑁆𑀬𑀸𑀤𑀻𑀲𑀼 𑀧𑀭𑀪𑀽𑀢𑁂𑀲𑀼𑀧𑀺 𑀬𑀣𑀸𑀕𑀫𑀁 𑀯𑀘𑀸𑀤𑀻𑀦𑀜𑁆𑀘𑀲𑁆𑀲 ‘‘𑀯𑀘𑀸𑀤𑀻𑀦𑀁 𑀯𑀲𑁆𑀲𑀼𑀝 𑀯𑀸’’𑀢𑀺 𑀓𑀫𑁆𑀫𑁂 𑀉𑀝 𑀘 ‘‘𑀅𑀲𑁆𑀲𑀽’’𑀢𑀺 𑀅𑀲𑁆𑀲 𑀉 𑀘, 𑀢𑁂𑀦 𑀥𑀫𑁆𑀫𑁄 𑀉𑀘𑁆𑀘𑀢𑀺 𑀯𑀼𑀘𑁆𑀘𑀢𑀺, 𑀯𑀼𑀘𑁆𑀘𑀦𑁆𑀢𑀺 𑀇𑀘𑁆𑀘𑀸𑀤𑀺, 𑀬𑀲𑁆𑀲 𑀘 𑀧𑀼𑀩𑁆𑀩𑀭𑀽𑀧𑀁.

𑁨𑁭. 𑀪𑀼𑀚 𑀫𑀼𑀘 𑀯𑀘 𑀯𑀺𑀲𑀸𑀦𑀁 𑀓𑁆𑀔𑀗

𑀪𑀼𑀚𑀸𑀤𑀻𑀦𑀁 𑀓𑁆𑀔𑀗 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀯𑀓𑁆𑀔𑀢𑀺 𑀯𑀘𑀺𑀲𑁆𑀲𑀢𑀺, 𑀯𑀓𑁆𑀔𑀦𑁆𑀢𑀺 𑀯𑀘𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀈𑀆𑀤𑀻𑀲𑀼 𑀯𑀘𑀲𑁆𑀲 𑀑𑀫 𑀳𑁄𑀢𑀺. 𑀫𑀓𑀸𑀭𑀸𑀦𑀼𑀩𑀦𑁆𑀥𑀢𑁆𑀢𑀸 ‘‘𑀫𑀸𑀦𑀼𑀩𑀦𑁆𑀥𑁄 𑀲𑀭𑀸𑀦+𑀫𑀦𑁆𑀢𑀸 𑀧𑀭𑁄’’𑀢𑀺 𑀧𑀭𑀺𑀪𑀸𑀲𑀢𑁄 𑀲𑀭𑀸 𑀧𑀭𑁄. 𑀅𑀯𑁄𑀘𑀺, 𑀅𑀯𑁄𑀘𑀼𑀁, 𑀅𑀯𑁄𑀘𑁄 𑀇𑀘𑁆𑀘𑀸𑀤𑀺. 𑀅𑀦𑀚𑁆𑀚𑀢𑀦𑁂-𑀅𑀯𑀘 𑀅𑀯𑀘𑀸 𑀯𑀘𑀸 𑀇𑀘𑁆𑀘𑀸𑀤𑀺. 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁-𑀅𑀯𑀓𑁆𑀔𑀸 𑀅𑀯𑀘𑀺𑀲𑁆𑀲𑀸, 𑀅𑀯𑀓𑁆𑀔𑀺𑀁𑀲𑀼 𑀅𑀯𑀘𑀺𑀲𑁆𑀲𑀺𑀁𑀲𑀼 𑀇𑀘𑁆𑀘𑀸𑀤𑀺. 𑀯𑀘𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀯𑀼𑀘𑁆𑀘𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀢𑀣𑀸 𑀯𑀘𑀢𑀼, 𑀯𑀼𑀘𑁆𑀘𑀢𑀼 𑀇𑀘𑁆𑀘𑀸𑀤𑀺.

𑀪𑀼𑀚=𑀧𑀸𑀮𑀦𑀚𑁆𑀛𑁄𑀳𑀸𑀭𑁂𑀲𑀼 ¶ , ‘‘𑀪𑀼𑀚𑀸’’ 𑀤𑀺𑀦𑀸 𑀓𑁆𑀔𑀯𑀸𑀤𑁂𑀲𑁂 𑀪𑁄𑀓𑁆𑀔𑀢𑀺 𑀪𑀼𑀜𑁆𑀚𑀺𑀲𑁆𑀲𑀢𑀺.

𑀓𑀼𑀲=𑀅𑀓𑁆𑀓𑁄𑀲𑁂, 𑀆𑀧𑀼𑀩𑁆𑀩𑁄, 𑀢𑀲𑁆𑀲 𑀭𑀲𑁆𑀲𑁄 𑀘, 𑀅𑀓𑁆𑀓𑁄𑀲𑀢𑀺 𑀇𑀘𑁆𑀘𑀸𑀤𑀺 𑀜𑁂𑀬𑁆𑀬𑀁, 𑀮𑀯𑀺𑀓𑀭𑀡𑀮𑁄𑀧𑀯𑀼𑀤𑁆𑀥𑀺𑀬𑁄.

𑀓𑀼𑀲𑀸 𑀭𑀼𑀳𑀸 𑀘 𑀧𑀭𑀲𑁆𑀲 𑀈𑀲𑁆𑀲 𑀙𑀺 𑀯𑀸 𑀳𑁄𑀢𑀺. 𑀧𑀭𑀭𑀽𑀧𑀧𑀞𑀫𑀓𑁆𑀔𑀭𑀸𑀦𑀺, 𑀅𑀓𑁆𑀓𑁄𑀘𑁆𑀙𑀺 𑀅𑀓𑁆𑀓𑁄𑀲𑀺 𑀇𑀘𑁆𑀘𑀸𑀤𑀺. 𑀅𑀪𑀺𑀧𑀼𑀩𑁆𑀩𑁄 𑀭𑀼𑀳=𑀭𑁄𑀳𑀦𑁂, 𑀅𑀪𑀺𑀭𑀼𑀘𑁆𑀙𑀺 𑀅𑀪𑀺𑀭𑀼𑀳𑀺 𑀇𑀘𑁆𑀘𑀸𑀤𑀺.

𑀯𑀳=𑀧𑀸𑀧𑀼𑀡𑀦𑁂, 𑀯𑀳𑀢𑀺, 𑀯𑀳𑀦𑁆𑀢𑀺. 𑀓𑀫𑁆𑀫𑁂-𑀓𑁆𑀬𑁂 ‘‘𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄’’𑀢𑀺 𑀯𑀺𑀧𑀭𑀺𑀬𑀸𑀲𑁄, 𑀢𑁂𑀦 𑀲𑁄 𑀯𑀼𑀬𑁆𑀳𑀢𑀺, ‘‘𑀅𑀲𑁆𑀲𑀽’’𑀢𑀺 𑀉𑀢𑁆𑀢𑀁. 𑀯𑀳𑀺𑀲𑁆𑀲𑀢𑀺, 𑀯𑀼𑀬𑁆𑀳𑀺𑀲𑁆𑀲𑀢𑀺. 𑀅𑀯𑀳𑀺, 𑀅𑀯𑀼𑀬𑁆𑀳𑀺𑀢𑁆𑀣, 𑀅𑀯𑀼𑀳𑀺. 𑀅𑀯𑀳𑀺𑀲𑁆𑀲𑀸, 𑀯𑀼𑀬𑁆𑀳𑀻𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀯𑀳𑁂𑀬𑁆𑀬, 𑀯𑀼𑀬𑁆𑀳𑁂𑀬𑁆𑀬. 𑀯𑀳𑀢𑀼, 𑀯𑀼𑀬𑁆𑀳𑀢𑀼 𑀇𑀘𑁆𑀘𑀸𑀤𑀺.

𑀚𑀭 𑀫𑀭𑀸𑀦𑀁 𑀈𑀬𑀗 𑀯𑀸 𑀳𑁄𑀢𑀺 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼. 𑀚𑀻𑀬𑀢𑀺. ‘‘𑀚𑀭 𑀲𑀤𑀸𑀦+𑀫𑀻𑀫’’𑀢𑀺 𑀈𑀫𑀆𑀕𑀫𑁄 𑀮𑁄 𑀘, 𑀚𑀻𑀭𑀢𑀺. 𑀓𑀫𑁆𑀫𑁂-𑀚𑀻𑀭𑀻𑀬𑀢𑀺 𑀚𑀻𑀬𑀻𑀬𑀢𑀺. 𑀏𑀯𑀁 𑀚𑀻𑀬𑀺𑀲𑁆𑀲𑀢𑀺 𑀚𑀻𑀭𑀺𑀲𑁆𑀲𑀢𑀺, 𑀚𑀻𑀬𑀻𑀬𑀺𑀲𑁆𑀲𑀢𑀺 𑀚𑀻𑀭𑀻𑀬𑀺𑀲𑁆𑀲𑀢𑀺. 𑀅𑀚𑀻𑀬𑀺 𑀅𑀚𑀻𑀭𑀺, 𑀅𑀚𑀻𑀬𑀻𑀬𑀺 𑀅𑀚𑀻𑀭𑀻𑀬𑀺. 𑀅𑀚𑀻𑀬𑀺𑀲𑁆𑀲𑀸 𑀅𑀚𑀻𑀭𑀺𑀲𑁆𑀲𑀸, 𑀅𑀚𑀻𑀬𑀻𑀬𑀺𑀲𑁆𑀲𑀸 𑀅𑀚𑀻𑀭𑀻𑀬𑀺𑀲𑁆𑀲𑀸 𑀅𑀚𑀻𑀬𑀺𑀲𑁆𑀲𑀸 𑀅𑀚𑀻𑀭𑀻𑀬𑀺𑀲𑁆𑀲𑀸 𑀇𑀘𑁆𑀘𑀸𑀤𑀺. 𑀫𑀭=𑀧𑀸𑀡𑀘𑀸𑀕𑁂, 𑀈𑀬𑀗, 𑀫𑀻𑀬𑀢𑀺 𑀫𑀭𑀢𑀺, 𑀫𑀻𑀬𑀦𑁆𑀢𑀺 𑀫𑀭𑀦𑁆𑀢𑀺 𑀇𑀘𑁆𑀘𑀸𑀤𑀺.

𑁫,𑁧𑁨𑁪. 𑀤𑀺𑀲𑀲𑁆𑀲 ¶ 𑀧𑀲𑁆𑀲 𑀤𑀲𑁆𑀲 𑀤𑀲 𑀤 𑀤𑀓𑁆𑀔𑀸𑀢𑀺

𑀏𑀢𑁂 𑀆𑀤𑁂𑀲𑀸 𑀤𑀺𑀲𑀲𑁆𑀲 𑀯𑀸 𑀳𑁄𑀦𑁆𑀢𑀺. 𑀅𑀦𑁂𑀓𑀯𑀡𑁆𑀡𑀢𑁆𑀢𑀸 𑀲𑀩𑁆𑀩𑀸𑀤𑁂𑀲𑁄. 𑀧𑀲𑁆𑀲𑀢𑀺 𑀧𑀲𑁆𑀲𑀦𑁆𑀢𑀺, 𑀤𑀓𑁆𑀔𑀢𑀺 𑀤𑀓𑁆𑀔𑀦𑁆𑀢𑀺. 𑀓𑀫𑁆𑀫𑁂-𑀓𑁆𑀬𑁂 𑀧𑀼𑀩𑁆𑀩𑀭𑀽𑀧𑁄, 𑀤𑀺𑀲𑁆𑀲𑀢𑀺 𑀤𑀺𑀲𑁆𑀲𑀦𑁆𑀢𑀺, 𑀯𑀺𑀧𑀲𑁆𑀲𑀻𑀬𑀢𑀺 𑀤𑀓𑁆𑀔𑀻𑀬𑀢𑀺 𑀇𑀘𑁆𑀘𑀸𑀤𑀺.

𑁬,𑁬𑁯. 𑀤𑀓𑁆𑀔+𑀔+𑀳𑁂𑀢𑀺+𑀳𑁄𑀳𑀻𑀢𑀺 𑀮𑁄𑀧𑁄

𑀤𑀓𑁆𑀔𑀸𑀤𑀻𑀳𑀺 𑀆𑀤𑁂𑀲𑁂𑀳𑀺 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀮𑁄𑀧𑁄 𑀯𑀸 𑀳𑁄𑀢𑀺. 𑀤𑀓𑁆𑀔𑀢𑀺 𑀤𑀓𑁆𑀔𑀺𑀲𑁆𑀲𑀢𑀺. 𑀅𑀧𑀲𑁆𑀲𑀺 𑀧𑀲𑁆𑀲𑀺, 𑀅𑀧𑀲𑁆𑀲𑀺𑀁𑀲𑀼 𑀧𑀲𑁆𑀲𑀺𑀁𑀲𑀼 𑀅𑀧𑀲𑁆𑀲𑁄 𑀧𑀲𑁆𑀲𑁄, 𑀅𑀧𑀲𑁆𑀲𑀺𑀢𑁆𑀣 𑀧𑀲𑁆𑀲𑀺𑀢𑁆𑀣. 𑀅𑀧𑀲𑁆𑀲𑀺𑀁 𑀧𑀲𑁆𑀲𑀺𑀁, 𑀅𑀧𑀲𑁆𑀲𑀺𑀫𑁆𑀳 𑀧𑀲𑁆𑀲𑀺𑀫𑁆𑀳. 𑀢𑀣𑀸 𑀅𑀤𑀲𑁆𑀲𑀻 𑀤𑀲𑁆𑀲𑀻, 𑀅𑀤𑀲𑁆𑀲𑀺𑀁𑀲𑀼 𑀤𑀲𑁆𑀲𑀺𑀁𑀲𑀼 𑀇𑀘𑁆𑀘𑀸𑀤𑀺. 𑀅𑀦𑀚𑁆𑀚𑀢𑀦𑁂 𑀤𑀲𑀸𑀤𑁂𑀲𑁄, 𑀅𑀤𑁆𑀤𑀲𑀸 𑀅𑀤𑁆𑀤𑀲. 𑀅𑀤𑁆𑀤𑀸 𑀅𑀤𑁆𑀤 𑀇𑀘𑁆𑀘𑀸𑀤𑀺. 𑀅𑀧𑀲𑁆𑀲𑀺𑀲𑁆𑀲 𑀤𑀓𑁆𑀔𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀧𑀲𑁆𑀲𑁂𑀬𑁆𑀬 𑀤𑀓𑁆𑀔𑁂𑀬𑁆𑀬, 𑀧𑀲𑁆𑀲𑀢𑀼 𑀤𑀓𑁆𑀔𑀢𑀼 𑀇𑀘𑁆𑀘𑀸𑀤𑀺.

𑀲𑀤=𑀯𑀺𑀲𑀭𑀡𑀕𑀢𑁆𑀬𑀸𑀯𑀲𑀸𑀤𑀦𑀸𑀤𑀸𑀦𑁂𑀲𑀼, 𑀦𑀺𑀧𑀼𑀩𑁆𑀩𑁄, ‘‘𑀚𑀭𑀲𑀤𑀸𑀦+𑀫𑀻𑀫 𑀯𑀸’’𑀢𑀺 𑀈𑀫𑀆𑀕𑀫𑁄. 𑀦𑀺𑀲𑀻𑀤𑀢𑀺, 𑀦𑀺𑀲𑀻𑀤𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀦𑀺𑀲𑀚𑁆𑀚𑀢𑀺, 𑀦𑀺𑀲𑀚𑁆𑀚𑀢𑁂.

𑀬𑀚=𑀤𑁂𑀯𑀧𑀽𑀚𑀸𑀲𑀁𑀕𑀢𑀺𑀓𑀭𑀡𑀤𑀸𑀦𑁂𑀲𑀼, 𑀬𑀚𑀢𑀺, 𑀬𑀚𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂 𑁋

𑁫,𑁧𑁧𑁩. 𑀬𑀚𑀲𑁆𑀲 𑀬𑀲𑁆𑀲 𑀝𑀺+𑀬𑀻𑀢𑀺

𑀬𑀚𑀲𑁆𑀲 𑀬𑀲𑁆𑀲 𑀝𑀺+𑀬𑀻 𑀳𑁄𑀦𑁆𑀢𑀺 𑀓𑀸𑀦𑀼𑀩𑀦𑁆𑀥𑁂𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀢𑁆𑀬𑀸𑀤𑀺𑀯𑀺𑀲𑀬𑁂𑀧𑀺 𑀓𑁆𑀬𑁂 𑀧𑀼𑀩𑁆𑀩𑀭𑀽𑀧𑁂 𑀘 𑀇𑀚𑁆𑀚𑀢𑀺 𑀬𑀺𑀚𑁆𑀚𑀢𑀺 𑀫𑀬𑀸 𑀩𑀼𑀤𑁆𑀥𑁄. 𑀲𑁄 𑀬𑀚𑀺𑀲𑁆𑀲𑀢𑀺, 𑀢𑁂𑀦 𑀇𑀚𑁆𑀚𑀺𑀲𑁆𑀲𑀢𑁂 𑀬𑀺𑀚𑁆𑀚𑀺𑀲𑁆𑀲𑀢𑁂. 𑀲𑁄 𑀬𑀚𑀻 ¶ , 𑀢𑁂𑀦 𑀇𑀚𑁆𑀚𑀺 𑀬𑀺𑀚𑁆𑀚𑀺. 𑀲𑁄 𑀬𑀚𑀺𑀲𑁆𑀲𑀸, 𑀢𑁂𑀦 𑀇𑀚𑁆𑀚𑀺𑀲𑁆𑀲𑀸 𑀬𑀺𑀚𑁆𑀚𑀺𑀲𑁆𑀲𑀸. 𑀲𑁄 𑀬𑀚𑁂𑀬𑁆𑀬, 𑀢𑁂𑀦 𑀇𑀚𑁆𑀚𑁂𑀬𑁆𑀬 𑀬𑀺𑀚𑁆𑀚𑁂𑀬𑁆𑀬. 𑀲𑁄 𑀬𑀚𑀢𑀼, 𑀢𑁂𑀦 𑀇𑀚𑁆𑀚𑀢𑀼 𑀬𑀺𑀚𑁆𑀚𑀢𑀼 𑀇𑀘𑁆𑀘𑀸𑀤𑀺.

𑀯𑀤=𑀯𑀘𑀦𑁂, ‘‘𑀕𑀫𑀯𑀤𑀸’’ 𑀤𑀺𑀦𑀸 𑀯𑀤𑀲𑁆𑀲 𑀯𑀚𑁆𑀚𑀸𑀤𑁂𑀲𑁄 𑀯𑀸, 𑀮𑀲𑁆𑀲 ‘‘𑀊𑀮𑀲𑁆𑀲𑁂’’𑀢𑀺 𑀓𑁆𑀯𑀘𑀺 𑀏 𑀘, 𑀯𑀚𑁆𑀚𑀢𑀺 𑀯𑀤𑁂𑀢𑀺 𑀯𑀤𑀢𑀺, 𑀯𑀚𑁆𑀚𑁂𑀦𑁆𑀢𑀺 𑀯𑀤𑁂𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂 𑁋 ‘‘𑀓𑁆𑀬𑀲𑁆𑀲𑀸’’𑀢𑀺 𑀈𑀜, 𑀯𑀚𑁆𑀚𑀻𑀬𑀢𑀺 𑀯𑀚𑁆𑀚𑀢𑀺 𑀯𑀤𑀻𑀬𑀢𑀺, 𑀯𑀚𑁆𑀚𑀻𑀬𑀦𑁆𑀢𑀺 𑀯𑀚𑁆𑀚𑀦𑁆𑀢𑀺 𑀯𑀤𑀻𑀬𑀦𑁆𑀢𑀺. 𑀯𑀤𑀺𑀲𑁆𑀲𑀢𑀺, 𑀯𑀤𑀺𑀲𑁆𑀲𑀦𑁆𑀢𑀺. 𑀅𑀯𑀤𑀻 𑀯𑀤𑀻, 𑀅𑀯𑀤𑀺𑀁𑀲𑀼 𑀯𑀤𑀺𑀁𑀲𑀼. 𑀅𑀯𑀤𑀺𑀲𑁆𑀲 𑀯𑀤𑀺𑀲𑁆𑀲. 𑀯𑀚𑁆𑀚𑁂 𑀯𑀚𑁆𑀚𑁂𑀬𑁆𑀬 𑀯𑀤𑁂 𑀯𑀤𑁂𑀬𑁆𑀬, 𑀯𑀚𑁆𑀚𑁂𑀬𑁆𑀬𑀼𑀁 𑀯𑀤𑁂𑀬𑁆𑀬𑀼𑀁. 𑀯𑀚𑁆𑀚𑁂𑀢𑀼 𑀯𑀤𑁂𑀢𑀼 𑀯𑀤𑀢𑀼 𑀇𑀘𑁆𑀘𑀸𑀤𑀺 𑀬𑀣𑀸𑀕𑀫𑀁 𑀜𑁂𑀬𑁆𑀬𑀁.

𑀓𑀫𑀼=𑀧𑀤𑀯𑀺𑀓𑁆𑀔𑁂𑀧𑁂, ‘‘𑀧𑀭𑁄𑀓𑁆𑀔𑀸𑀬𑀜𑁆𑀘𑀸’’𑀢𑀺 𑀘𑀕𑁆𑀕𑀳𑀡𑁂𑀦 𑀓𑀫 𑀓𑀫 𑀇𑀢𑀺 𑀤𑁆𑀯𑀺𑀢𑁆𑀢𑁂 𑀅𑀦𑀸𑀤𑀺𑀩𑁆𑀬𑀜𑁆𑀚𑀦𑀮𑁄𑀧𑁂 𑀮𑀯𑀺𑀓𑀭𑀡𑁂 ‘‘𑀓𑀯𑀕𑁆𑀕𑀳𑀸’’ 𑀤𑀺𑀦𑀸 𑀓𑀲𑁆𑀲 𑀘𑁂 𑀦𑀺𑀕𑁆𑀕𑀳𑀻𑀢𑀸𑀕𑀫𑁂 𑀘 𑀓𑀢𑁂 𑀘𑀁𑀓𑀫𑀢𑀺 𑀓𑀫𑀢𑀺 𑀇𑀘𑁆𑀘𑀸𑀤𑀺. 𑀘𑀮=𑀓𑀫𑁆𑀧𑀦𑁂, 𑀘𑀁𑀘𑀮𑀢𑀺. 𑀚𑀮+𑀤𑀮=𑀤𑀺𑀢𑁆𑀢𑀺𑀬𑀁, 𑀤𑁆𑀯𑀺𑀢𑁆𑀢𑁂 𑀤𑀤𑁆𑀤𑀮𑁆𑀮𑀢𑀺 𑀇𑀘𑁆𑀘𑀸𑀤𑀺. (𑀲𑀯𑀼𑀤𑁆𑀥𑀺𑀓𑀪𑀽𑀯𑀸𑀤𑀺𑀦𑀬𑁄).

𑀳𑀽+𑀪𑀽=𑀲𑀢𑁆𑀢𑀸𑀬𑀁, 𑀢𑁆𑀬𑀸𑀤𑀻𑀲𑀼 ‘‘𑀓𑀢𑁆𑀢𑀭𑀺 𑀮𑁄’’𑀢𑀺 𑀮𑁄, 𑀢𑀲𑁆𑀲 𑀮𑁄𑀧𑁂 ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑 𑀧𑀘𑁆𑀘𑀬𑁂’’𑀢𑀺 𑀑𑀓𑀸𑀭𑁄. 𑀲𑁄 𑀳𑁄𑀢𑀺, 𑀢𑁂 𑀳𑁄𑀦𑁆𑀢𑀺. 𑀳𑁄𑀲𑀺, 𑀳𑁄𑀣. 𑀳𑁄𑀫𑀺, 𑀳𑁄𑀫 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀢𑁂𑀦 𑀳𑀽𑀬𑀢𑀺 𑀳𑀽𑀬𑀢𑁂.

𑁩𑁧. 𑀳𑀽𑀲𑁆𑀲 𑀳𑁂+𑀳𑁂𑀳𑀺+𑀳𑁄𑀳𑀺 𑀲𑁆𑀲𑀢𑁆𑀬𑀸𑀤𑁄

𑀳𑀽𑀲𑁆𑀲 𑀳𑁂𑀆𑀤𑀬𑁄 𑀳𑁄𑀦𑁆𑀢𑀺 𑀲𑁆𑀲𑀘𑁆𑀘𑀸𑀤𑁄. 𑀳𑁂𑀲𑁆𑀲𑀢𑀺 𑀳𑁂𑀳𑀺 𑀲𑁆𑀲𑀢𑀺 𑀳𑁄𑀳𑀺𑀲𑁆𑀲𑀢𑀺.

𑁬𑁯. 𑀤𑀓𑁆𑀔+𑀔+𑀳𑁂𑀳𑀺+𑀳𑁄𑀳𑀻𑀳𑀺 𑀮𑁄𑀧𑁄𑀢𑀺

𑀤𑀓𑁆𑀔𑀸𑀤𑀻𑀳𑀺 ¶ 𑀆𑀤𑁂𑀲𑁂𑀳𑀺 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀯𑀸 𑀮𑁄𑀧𑁄 𑀳𑁄𑀢𑀺. 𑀳𑁂𑀳𑀺𑀢𑀺 𑀳𑁂𑀳𑀺𑀲𑁆𑀲𑀢𑀺, 𑀳𑁄𑀳𑀺𑀢𑀺 𑀳𑁄𑀳𑀺𑀲𑁆𑀲𑀢𑀺. 𑀳𑁂𑀳𑀺𑀦𑁆𑀢𑀺 𑀳𑁂𑀳𑀺𑀲𑁆𑀲𑀦𑁆𑀢𑀺, 𑀳𑁄𑀳𑀺𑀦𑁆𑀢𑀺 𑀳𑁄𑀳𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀅𑀦𑀚𑁆𑀚𑀢𑀦𑁂 𑀈𑀫𑁆𑀳𑀺 𑀅𑀜𑀸𑀕𑀫𑁄, ‘‘𑀧𑀭𑁄 𑀓𑁆𑀯𑀘𑀻’’𑀢𑀺 𑀈𑀲𑁆𑀲 𑀮𑁄𑀧𑁄, 𑀲𑁄 𑀅𑀳𑀼. 𑀯𑀼𑀤𑁆𑀥𑀺𑀫𑁆𑀳𑀺 ‘‘𑀤𑀻𑀖𑀸 𑀈𑀲𑁆𑀲’’ 𑀇𑀢𑀺 𑀈𑀲𑁆𑀲 𑀲𑀺𑀆𑀤𑁂𑀲𑁄, 𑀲𑀼𑀯𑁄 𑀅𑀳𑁄𑀲𑀺 𑀆𑀦𑀦𑁆𑀤𑁄.

𑀳𑀽𑀢𑁄 𑀧𑀭𑀲𑁆𑀲 𑀉+𑀫𑀺𑀘𑁆𑀘𑀲𑁆𑀲 𑀭𑁂𑀲𑀼𑀁 𑀯𑀸 𑀳𑁄𑀢𑀺. 𑀭𑀓𑀸𑀭𑀸𑀦𑀼𑀩𑀦𑁆𑀥𑁄 ‘‘𑀭𑀸𑀦𑀼𑀩𑀦𑁆𑀥𑁂𑀦𑁆𑀢𑀲𑀭𑀸𑀤𑀺𑀲𑁆𑀲𑀸’’𑀢𑀺 𑀅𑀦𑁆𑀢𑀲𑀭𑀸𑀤𑀺𑀲𑁆𑀲 𑀮𑁄𑀧𑁄. 𑀅𑀳𑁂𑀲𑀼𑀁. 𑀑𑀓𑀸𑀭𑀯𑀼𑀤𑁆𑀥𑀺 𑀅𑀯𑀸𑀤𑁂𑀲𑁂 𑀅𑀳𑀯𑀼𑀁. 𑀑𑀲𑁆𑀲 𑀲𑀺𑀆𑀤𑁂𑀲𑁂 𑀅𑀳𑁄𑀲𑀺.

𑀇𑀫𑀺𑀘𑁆𑀘𑀲𑁆𑀲 𑀲𑀺𑀜 𑀳𑁄𑀢𑀺 𑀫𑁆𑀳𑀸𑀢𑁆𑀣𑀸𑀦𑀜𑁆𑀘 𑀩𑀳𑀼𑀮𑀁. 𑀜𑀸𑀓𑀸𑀭𑁄 𑀆𑀔𑁆𑀬𑀸𑀯𑀬𑀯𑀢𑁆𑀣𑁄 (𑀉𑀓𑀸𑀭𑁄) 𑀇𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄. ‘‘𑀅𑀈𑀲𑁆𑀲𑀸’’ 𑀤𑀺𑀦𑀸 𑀇𑀜𑀸𑀕𑀫𑁂 𑀢𑀼𑀫𑁆𑀳𑁂 𑀅𑀳𑁄𑀲𑀺𑀢𑁆𑀣, 𑀅𑀳𑁄𑀲𑀺. 𑀧𑀭𑀲𑁆𑀲𑀭𑀮𑁄𑀧𑁂 𑀭𑀲𑁆𑀲𑁂 𑀘 𑀅𑀳𑀼𑀁, 𑀅𑀳𑁄𑀲𑀺𑀫𑁆𑀳, 𑀅𑀳𑀼𑀫𑁆𑀳, 𑀭𑀲𑁆𑀲𑁄. 𑀪𑀸𑀯𑁂-𑀅𑀪𑀯𑀺, 𑀆𑀲𑁆𑀲𑀢𑁆𑀣𑀸𑀤𑁂𑀲𑁄, 𑀅𑀪𑀯𑀺𑀢𑁆𑀣. 𑀅𑀦𑀚𑁆𑀚𑀢𑀦𑁂 𑀆𑀊𑀆𑀤𑀺𑀧𑀘𑁆𑀘𑀬𑁂 𑀓𑀢𑁂 ‘‘𑀬𑀼𑀯𑀡𑁆𑀡𑀸𑀦+𑀫𑀺𑀬 𑀗𑀼𑀯𑀗 𑀲𑀭𑁂’’𑀢𑀺 𑀉𑀯𑀗𑀸𑀤𑁂𑀲𑁂 𑀅𑀳𑀼𑀯𑀸, 𑀅𑀳𑀼𑀯𑀼, 𑀅𑀳𑀼𑀯𑁄, 𑀅𑀳𑀼𑀯𑀢𑁆𑀣. 𑀅𑀲𑁆𑀲 𑀅𑀫𑀸𑀤𑁂𑀲𑁂 𑀅𑀳𑀼𑀁 𑀅𑀳𑀼𑀯𑀁, 𑀅𑀳𑀼𑀫𑁆𑀳 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀢𑁂𑀦 𑀅𑀳𑀼𑀬𑀺 𑀅𑀳𑀼𑀬𑀺𑀢𑁆𑀣. 𑀅𑀳𑀯𑀺𑀲𑁆𑀲𑀸, 𑀅𑀳𑀯𑀺𑀲𑁆𑀲𑀁𑀲𑀼 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀅𑀳𑀼𑀬𑀺𑀲𑁆𑀲, 𑀅𑀳𑀼𑀬𑀺𑀲𑁆𑀲𑀣. 𑀧𑀼𑀩𑁆𑀩𑀲𑁆𑀲𑀭𑀮𑁄𑀧𑁄, 𑀳𑁂𑀬𑁆𑀬 ¶ , 𑀳𑁂𑀬𑁆𑀬𑀼𑀁 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀳𑀽𑀬𑁂𑀬𑁆𑀬, 𑀳𑀽𑀬𑁂𑀣. 𑀳𑁄𑀢𑀼, 𑀳𑁄𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀳𑀽𑀬𑀢𑀼, 𑀳𑀽𑀬𑀢𑀁. 𑀅𑀦𑀼𑀧𑀼𑀩𑁆𑀩𑁂 𑀅𑀦𑀼𑀪𑁄𑀢𑀺 𑀇𑀘𑁆𑀘𑀸𑀤𑀺 𑀲𑀩𑁆𑀩𑀯𑀸𑀭𑁂𑀲𑀼 𑀬𑁄𑀚𑁂𑀢𑀩𑁆𑀩𑀁. 𑀪𑀸𑀯𑁂 𑀭𑀽𑀧𑀸𑀪𑀸𑀯𑀸. 𑀓𑀫𑁆𑀫𑁂-𑀅𑀦𑀼𑀪𑀽𑀬𑀢𑀺 𑀇𑀘𑁆𑀘𑀸𑀤𑀺 𑀯𑀺𑀲𑁂𑀲𑁄.

𑀲𑀺=𑀲𑀬𑁂, 𑀮𑀲𑁆𑀲 𑀮𑁄𑀧𑁄 𑀯𑀼𑀤𑁆𑀥𑀺, 𑀲𑁂𑀢𑀺. 𑀅𑀬𑀸𑀤𑁂𑀲𑁂 𑀲𑀬𑀢𑀺, 𑀲𑁂𑀦𑁆𑀢𑀺 𑀲𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀅𑀢𑀺𑀧𑀼𑀩𑁆𑀩𑁄, 𑀓𑁆𑀬𑁂 ‘‘𑀤𑀻𑀖𑁄 𑀲𑀭𑀲𑁆𑀲𑀸’’𑀢𑀺 𑀇𑀲𑁆𑀲 𑀤𑀻𑀖𑁂 𑀘 𑀓𑀢𑁂 𑀢𑁂𑀦 𑀅𑀢𑀺𑀲𑀻𑀬𑀢𑀺, 𑀅𑀢𑀺𑀲𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀢𑁂𑀦 𑀲𑀻𑀬𑀢𑀺, 𑀲𑀻𑀬𑀢𑁂. 𑀢𑀣𑀸 𑀪𑀯𑀺𑀲𑁆𑀲𑀢𑀺𑀆𑀤𑀻𑀲𑀼.

𑀦𑀻=𑀧𑀸𑀧𑀦𑁂, 𑀤𑁆𑀯𑀺𑀓𑀫𑁆𑀫𑀓𑁄+𑀬𑀁, 𑀅𑀚𑀁 𑀕𑀸𑀫𑀁 𑀦𑁂𑀢𑀺 𑀦𑀬𑀢𑀺, 𑀦𑁂𑀦𑁆𑀢𑀺 𑀦𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀦𑀻𑀬𑀢𑁂 𑀕𑀸𑀫𑀁 𑀅𑀚𑁄 𑀤𑁂𑀯𑀤𑀢𑁆𑀢𑁂𑀦 𑀇𑀘𑁆𑀘𑀸𑀤𑀺. 𑀢𑀣𑀸 𑀲𑁂𑀲𑁂𑀲𑀼𑀧𑀺 𑀬𑁄𑀚𑁂𑀢𑀩𑁆𑀩𑀁.

𑁫,𑁧𑁭𑁫. 𑀞𑀸𑀧𑀸𑀦𑀁 𑀢𑀺𑀝𑁆𑀞𑀧𑀺𑀯𑀸

𑀞𑀸𑀧𑀸𑀦𑀁 𑀢𑀺𑀝𑁆𑀞𑀧𑀺𑀯𑀸𑀳𑁄𑀦𑁆𑀢𑀺 𑀯𑀸 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀮𑀲𑁆𑀲 𑀮𑁄𑀧𑁂 𑀢𑀺𑀝𑁆𑀞𑀢𑀺, 𑀢𑀺𑀝𑁆𑀞𑀦𑁆𑀢𑀺, 𑀞𑀸𑀢𑀺, 𑀞𑀸𑀦𑁆𑀢𑀺.

𑁫,𑁧𑁩𑁧. 𑀧𑀸𑀤𑀺𑀢𑁄 𑀞𑀸𑀲𑁆𑀲 𑀯𑀸 𑀞𑀳𑁄 𑀓𑁆𑀯𑀘𑀺𑀢𑀺

𑀧𑀸𑀤𑀺𑀢𑁄 𑀧𑀭𑀲𑁆𑀲 𑀞𑀸𑀲𑁆𑀲 𑀓𑁆𑀯𑀘𑀺 𑀞𑀳𑁄 𑀳𑁄𑀢𑀺 𑀯𑀸. 𑀲𑀡𑁆𑀞𑀳𑀢𑀺, 𑀲𑀡𑁆𑀞𑀳𑀦𑁆𑀢𑀺. 𑀮𑀲𑁆𑀲𑁂, 𑀅𑀥𑀺𑀝𑁆𑀞𑁂𑀢𑀺, 𑀅𑀥𑀺𑀝𑁆𑀞𑁂𑀦𑁆𑀢𑀺. 𑀓𑀫𑁆𑀫𑁂 𑁋

𑁫,𑁧𑁩𑁭. 𑀅𑀜𑁆𑀜𑀸𑀤𑀺𑀲𑁆𑀲𑀸+𑀲𑁆𑀲𑀻 𑀓𑁆𑀬𑁂

𑀜𑀸𑀤𑀺𑀢𑁄+𑀜𑁆𑀜𑀲𑁆𑀲 𑀆𑀓𑀸𑀭𑀦𑁆𑀢𑀲𑁆𑀲 𑀓𑁆𑀭𑀺𑀬𑀢𑁆𑀣𑀲𑁆𑀲 𑀈 𑀳𑁄𑀢𑀺 𑀓𑁆𑀬𑁂. 𑀉𑀧𑀞𑀻𑀬𑀢𑀺, 𑀉𑀧𑀞𑀻𑀬𑀦𑁆𑀢𑀺. 𑀞𑀳𑀸𑀤𑁂𑀲𑁂 ‘‘𑀓𑁆𑀬𑀲𑁆𑀲𑀸’’𑀢𑀺 𑀈𑀜 ¶ , 𑀢𑁂𑀦 𑀧𑀢𑀺𑀝𑁆𑀞𑀳𑀻𑀬𑀢𑀺, 𑀧𑀢𑀺𑀝𑁆𑀞𑀳𑀻𑀬𑀦𑁆𑀢𑀺. 𑀪𑀸𑀯𑁂-𑀈𑀫𑁆𑀳𑀺 𑀞𑀻𑀬𑀢𑀺, 𑀞𑀻𑀬𑀢𑁂. 𑀢𑀣𑀸 𑀧𑀧𑀼𑀩𑁆𑀩𑁂 𑀧𑀢𑀺𑀝𑁆𑀞𑀺𑀲𑁆𑀲𑀢𑀺 𑀧𑀢𑀺𑀝𑁆𑀞𑀳𑀺𑀲𑁆𑀲𑀢𑀺. 𑀈𑀲𑁆𑀲 𑀲𑀺𑀫𑁆𑀳𑀺 𑀅𑀝𑁆𑀞𑀸𑀲𑀺, 𑀅𑀝𑁆𑀞𑀁𑀲𑀼, 𑀲𑀡𑁆𑀞𑀳𑀺, 𑀲𑀡𑁆𑀞𑀳𑀺𑀁𑀲𑀼. 𑀧𑀢𑀺𑀝𑁆𑀞𑀺𑀲𑁆𑀲 𑀧𑀢𑀺𑀝𑁆𑀞𑀳𑀺𑀲𑁆𑀲. 𑀢𑀺𑀝𑁆𑀞𑁂 𑀢𑀺𑀝𑁆𑀞𑁂𑀬𑁆𑀬, 𑀲𑀡𑁆𑀞𑁂 𑀲𑀡𑁆𑀞𑁂𑀬𑁆𑀬, 𑀲𑀡𑁆𑀞𑁂𑀬𑁆𑀬𑀼𑀁, 𑀲𑀡𑁆𑀞𑀳𑁂 𑀲𑀡𑁆𑀞𑀳𑁂𑀬𑁆𑀬. 𑀢𑀺𑀝𑁆𑀞𑀢𑀼 𑀞𑀸𑀢𑀼, 𑀲𑀡𑁆𑀞𑀳𑀢𑀼 𑀇𑀘𑁆𑀘𑀸𑀤𑀺.

𑀧𑀸=𑀧𑀸𑀦𑁂, 𑀧𑀺𑀯𑀸𑀤𑁂𑀲𑁂 𑀧𑀺𑀯𑀢𑀺. ‘‘𑀢𑀯𑀕𑁆𑀕𑀯𑀭𑀡𑀸’’ 𑀤𑁄 ‘‘𑀩𑀬𑀜𑀸’’𑀢𑀺 𑀬𑁄𑀕𑀯𑀺𑀪𑀸𑀕𑁂𑀦 𑀯𑀲𑁆𑀲 𑀩𑀓𑀸𑀭𑁄, 𑀧𑀺𑀩𑀢𑀺. 𑀓𑀫𑁆𑀫𑁂𑀧𑀻𑀬𑀢𑀺, 𑀧𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀅𑀢𑁆𑀣𑀺𑀢𑁄 𑀧𑀭𑀲𑁆𑀲 𑀢𑀲𑁆𑀲 𑀣𑁄 𑀳𑁄𑀢𑀺. 𑀧𑀭𑀭𑀽𑀧𑁂 𑀧𑀞𑀫𑀓𑁆𑀔𑀭𑀢𑀓𑀸𑀭𑁂 𑀘 𑀅𑀢𑁆𑀣𑀺. ‘‘𑀦𑁆𑀢+𑀫𑀸𑀦+𑀦𑁆𑀢𑀺+𑀬𑀺+𑀬𑀼𑀁𑀲𑁆𑀯𑀸+𑀤𑀺𑀮𑁄𑀧𑁄’’𑀢𑀺 𑀅𑀲𑁆𑀲 𑀮𑁄𑀧𑁄, 𑀲𑀦𑁆𑀢𑀺.

𑀅𑀢𑁆𑀣𑀺𑀲𑁆𑀲 𑀅𑀝 𑀳𑁄𑀢𑀺 𑀲𑀺𑀳𑀺𑀲𑀼. 𑀝𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄. 𑀢𑁆𑀯𑀁 𑀅𑀲𑀺. 𑀧𑀭𑀭𑀽𑀧𑀸𑀤𑀺𑀫𑁆𑀳𑀺 𑀓𑀢𑁂 𑀇𑀤𑀸𑀦𑀺 𑀢𑀼𑀫𑁆𑀳𑁂 𑀅𑀢𑁆𑀣.

𑁫𑁪. 𑀫𑀺𑀫𑀸𑀦𑀁 𑀯𑀸 𑀫𑁆𑀳𑀺𑀫𑁆𑀳𑀸 𑀘

𑀅𑀲𑀲𑁆𑀫𑀸 𑀧𑀭𑁂𑀲𑀁 𑀫𑀺𑀫𑀸𑀦𑀁 𑀫𑁆𑀳𑀺𑀫𑁆𑀳𑀸 𑀯𑀸 𑀳𑁄𑀦𑁆𑀢𑀺 𑀢𑀁𑀲𑀦𑁆𑀦𑀺𑀬𑁄𑀕𑁂𑀦 𑀅𑀲𑀲𑁆𑀲 𑀅𑀝 𑀘. 𑀅𑀫𑁆𑀳𑀺.

𑀏𑀲𑀼 ¶ 𑀫𑀺𑀫𑁂𑀲𑀼 𑀅𑀲𑀲𑁆𑀲 𑀲𑁄 𑀳𑁄𑀢𑀺, 𑀧𑀭𑀭𑀽𑀧𑀩𑀸𑀥𑀦𑀢𑁆𑀣𑀁. 𑀅𑀲𑁆𑀫𑀺, 𑀅𑀫𑁆𑀳 𑀅𑀲𑁆𑀫. 𑀪𑀯𑀺𑀲𑁆𑀲𑀢𑀺𑀧𑀘𑁆𑀘𑀬𑁂 𑁋

𑀧𑀭𑁄𑀓𑁆𑀔𑀸 𑀅-𑀆𑀤𑁄 𑀅𑀦𑀚𑁆𑀚𑀢𑀦 𑀆-𑀆𑀤𑁄 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀲𑁆𑀲𑀸-𑀆𑀤𑁄 𑀪𑀯𑀺𑀲𑁆𑀲𑀢𑀺𑀲𑁆𑀲𑀢𑁆𑀬𑀸𑀤𑁄 𑀘 𑀅𑀢𑁆𑀣𑀺𑀲𑁆𑀲 𑀪𑀼 𑀳𑁄𑀢𑀺. 𑀆𑀤𑁂𑀲𑀯𑀺𑀥𑀸𑀦𑀁 𑀅𑀲𑀲𑁆𑀲𑀸𑀧𑀬𑁄𑀕𑀢𑁆𑀣𑀁, 𑀓𑀺𑀲𑁆𑀫𑀺𑀜𑁆𑀘𑀺 𑀧𑀘𑁆𑀘𑀬𑀯𑀺𑀲𑁂𑀲𑁂, 𑀢𑀲𑁆𑀫𑀸 𑀅𑀲𑀺𑀢𑀩𑁆𑀩𑀦𑁆𑀢𑀺𑀆𑀤𑀺 𑀦 𑀪𑀯𑀢𑀺. 𑀪𑀯𑀺𑀲𑁆𑀲𑀢𑀺, 𑀪𑀯𑀺𑀲𑁆𑀲𑀦𑁆𑀢𑀺. 𑀅𑀪𑀯𑀸, 𑀅𑀪𑀯𑀼. 𑀓𑁆𑀭𑀺𑀬𑀸𑀢𑀺𑀧𑀢𑁆𑀢𑀺𑀬𑀁 𑀪𑀼𑀆𑀤𑁂𑀲𑁂 𑀅𑀪𑀯𑀺𑀲𑁆𑀲, 𑀅𑀪𑀯𑀺𑀲𑁆𑀲𑀁𑀲𑀼 𑀇𑀘𑁆𑀘𑀸𑀤𑀺. 𑀏𑀬𑁆𑀬𑀸𑀤𑀺𑀫𑁆𑀳𑀺 𑁋

𑁫𑁦. 𑀅𑀢𑁆𑀣𑀺𑀢𑁂+𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲+𑀲𑀼+𑀲+𑀲𑀣+𑀲𑀁+𑀲𑀸𑀫

𑀅𑀲=𑀪𑀼𑀯𑀺+𑀘𑁆𑀘𑀲𑁆𑀫𑀸 𑀧𑀭𑁂𑀲𑀁 𑀏𑀬𑁆𑀬𑀸𑀤𑀺𑀘𑁆𑀙𑀦𑁆𑀦𑀁 𑀲𑀸𑀤𑀬𑁄 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀧𑀭𑀭𑀽𑀧𑁂 𑀲𑁄 𑀅𑀲𑁆𑀲, 𑀢𑁂 𑀅𑀲𑁆𑀲𑀼. 𑀢𑁆𑀯𑀁 𑀅𑀲𑁆𑀲, 𑀢𑀼𑀫𑁆𑀳𑁂 𑀅𑀲𑁆𑀲𑀣. 𑀅𑀳𑀁 𑀅𑀲𑁆𑀲𑀁, 𑀫𑀬𑀁 𑀅𑀲𑁆𑀲𑀸𑀫. 𑀢𑁆𑀯𑀸𑀤𑀺𑀫𑁆𑀳𑀺 𑀲𑁄 𑀅𑀢𑀼, 𑀅𑀲𑁆𑀲 𑀮𑁄𑀧𑁂 𑀲𑀦𑁆𑀣𑀼, 𑀅𑀬𑀸𑀤𑁂𑀲𑁂 𑀢𑁆𑀯𑀁 𑀅𑀳𑀺, 𑀢𑀼𑀫𑁆𑀳𑁂 𑀅𑀢𑁆𑀣. 𑀅𑀫𑁆𑀳𑀺, 𑀅𑀫𑁆𑀳, 𑀲𑀸𑀤𑁂𑀲𑁂 𑀅𑀲𑁆𑀫𑀺 𑀅𑀲𑁆𑀫. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀅𑀚𑁆𑀚𑀢𑀦𑁂 𑀆𑀲𑀺, 𑀆𑀲𑀺𑀁𑀲𑀼, 𑀆𑀲𑀼𑀁 𑀇𑀘𑁆𑀘𑀸𑀤𑀻𑀧𑀺 𑀳𑁄𑀦𑁆𑀢𑀺.

𑀩𑁆𑀭𑀽𑀢𑁄 𑀧𑀭𑀲𑁆𑀲 𑀢𑀺𑀲𑁆𑀲 𑀈𑀜 𑀯𑀸 𑀳𑁄𑀢𑀺. 𑀯𑀼𑀤𑁆𑀥𑀺𑀅𑀯𑀸𑀤𑁂𑀲𑁂 𑀮𑀲𑁆𑀲 𑀮𑁄𑀧𑁂 𑀩𑁆𑀭𑀯𑀻𑀢𑀺.

𑀩𑁆𑀭𑀽𑀲𑁆𑀲 ¶ 𑀑 𑀦 𑀳𑁄𑀢𑀺 𑀩𑁆𑀬𑀜𑁆𑀚𑀦𑁂. 𑀩𑁆𑀭𑀽𑀢𑀺. 𑀉𑀯𑀗𑀸𑀤𑁂𑀲𑁂 𑀩𑁆𑀭𑀽𑀯𑀦𑁆𑀢𑀺.

𑀆𑀳𑀸 𑀧𑀭𑁂𑀲𑀁 𑀢𑀺+𑀅𑀦𑁆𑀢𑀻𑀦𑀁 𑀝+𑀝𑀽 𑀳𑁄𑀦𑁆𑀢𑀺. 𑀝𑀓𑀸𑀭𑀸 𑀲𑀩𑁆𑀩𑀸𑀤𑁂𑀲𑀢𑁆𑀣𑀸. 𑀅𑀢𑁄𑀬𑁂𑀯 𑀆𑀳𑀸 𑀧𑀭𑁂𑀲𑀁 𑀢𑀺𑀅𑀦𑁆𑀢𑀻𑀦𑀁 𑀝𑀝𑀽𑀯𑀺𑀥𑀸𑀦𑀜𑀸𑀧𑀓𑀸 𑀢𑀺𑀅𑀦𑁆𑀢𑀻𑀲𑀼 𑀩𑁆𑀭𑀽𑀲𑁆𑀲 𑀆𑀳𑁄. 𑀆𑀳, 𑀆𑀳𑀼. 𑀩𑁆𑀭𑀽𑀲𑀺, 𑀩𑁆𑀭𑀽𑀣. 𑀩𑁆𑀭𑀽𑀫𑀺, 𑀩𑁆𑀭𑀽𑀫 𑀇𑀘𑁆𑀘𑀸𑀤𑀺. 𑀩𑁆𑀭𑀯𑀺𑀲𑁆𑀲𑀢𑀺. 𑀅𑀩𑁆𑀭𑀯𑀺 𑀅𑀩𑁆𑀭𑀯𑀻, 𑀅𑀩𑁆𑀭𑀯𑀼𑀁. 𑀅𑀦𑀚𑁆𑀚𑀢𑀦𑁂 𑀅𑀩𑁆𑀭𑀯𑀸, 𑀅𑀩𑁆𑀭𑀯𑀼. 𑀧𑀭𑁄𑀓𑁆𑀔𑀸𑀬𑀁 𑁋

𑁧𑁬. 𑀅𑀆𑀤𑀻𑀲𑁆𑀯𑀸+𑀳𑁄 𑀩𑁆𑀭𑀽𑀲𑁆𑀲

𑀩𑁆𑀭𑀽𑀲𑁆𑀲 𑀆𑀳𑁄 𑀳𑁄𑀢𑀺 𑀧𑀭𑁄𑀓𑁆𑀔𑀸𑀅𑀆𑀤𑀻𑀲𑀼. 𑀲𑀼𑀧𑀺𑀦𑁂 𑀓𑀺𑀭 𑀲𑁄 𑀆𑀳, 𑀢𑁂 𑀆𑀳𑀼 𑀇𑀘𑁆𑀘𑀸𑀤𑀺. 𑀅𑀩𑁆𑀭𑀯𑀺𑀲𑁆𑀲. 𑀩𑁆𑀭𑀯𑁂 𑀩𑁆𑀭𑀯𑁂𑀬𑁆𑀬. 𑀯𑀼𑀤𑁆𑀥𑀺𑀧𑁆𑀧𑀝𑀺𑀲𑁂𑀥𑁂 𑀩𑁆𑀭𑀽𑀢𑀼, 𑀩𑁆𑀭𑀯𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀳𑀦=𑀳𑀺𑀁𑀲𑀸𑀬𑀁, 𑀢𑀺𑀫𑁆𑀳𑀺 𑀯𑀺𑀓𑀭𑀡𑀮𑁄𑀧𑁂 𑀲𑁄 𑀳𑀦𑀢𑀺 𑀳𑀦𑁆𑀢𑀺. 𑀢𑁂 𑀳𑀦𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀬𑁂 𑀦𑀲𑁆𑀲 𑀜𑁆𑀜𑁂 𑀧𑀼𑀩𑁆𑀩𑀭𑀽𑀧𑀁, 𑀢𑁂𑀦 𑀳𑀜𑁆𑀜𑀢𑀺, 𑀳𑀜𑁆𑀜𑀦𑁆𑀢𑀺 𑀳𑀜𑁆𑀜𑀭𑁂. 𑀢𑀣𑀸 𑀳𑀦𑀺𑀲𑁆𑀲𑀢𑀺 𑀇𑀘𑁆𑀘𑀸𑀤𑀺.

𑀳𑀦𑀸 𑀲𑁆𑀲𑀸𑀲𑁆𑀲 𑀙+𑀔𑀸 𑀯𑀸 𑀳𑁄𑀦𑁆𑀢𑀺. 𑀧𑀝𑀺𑀳𑀁𑀔𑀸𑀫𑀺 𑀧𑀝𑀺𑀳𑀦𑀺𑀲𑁆𑀲𑀸𑀫𑀺. 𑀳𑀁𑀙𑁂𑀫 𑀳𑀦𑀺𑀲𑁆𑀲𑀸𑀫. 𑀅𑀳𑀦𑀺, 𑀅𑀳𑀦𑀺𑀁𑀲𑀽𑀢𑀺𑀆𑀤𑀺 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀁. 𑀳𑀼𑀯𑀸𑀤𑀬𑁄

𑀳𑀼=𑀳𑀯𑀦𑁂 ¶ . 𑀢𑁆𑀬𑀸𑀤𑀻𑀲𑀼 𑀮𑁄. ‘‘𑀧𑀭𑁄𑀓𑁆𑀔𑀸𑀬𑀜𑁆𑀘𑀸’’𑀢𑀺 𑀘𑀕𑁆𑀕𑀳𑀡𑁂𑀦 𑀳𑀼 𑀳𑀼𑀢𑀺 𑀤𑁆𑀯𑀺𑀢𑁆𑀢𑀁, ‘‘𑀓𑀯𑀕𑁆𑀕𑀳𑀸𑀦𑀁 𑀘𑀯𑀕𑁆𑀕𑀚𑀸’’𑀢𑀺 𑀳𑀲𑁆𑀲 𑀚𑁄, 𑀮𑀮𑁄𑀧𑁄 𑀯𑀼𑀤𑁆𑀥𑀺 𑀘, 𑀚𑀼𑀳𑁄𑀢𑀺 𑀅𑀕𑁆𑀕𑀺𑀁, 𑀅𑀜𑁆𑀜𑀢𑁆𑀭 ‘‘𑀬𑀯𑀸 𑀲𑀭𑁂’’𑀢𑀺 𑀯𑀓𑀸𑀭𑁄, 𑀚𑀼𑀳𑁆𑀯𑀢𑀺. 𑀚𑀼𑀳𑁄𑀦𑁆𑀢𑀺. 𑀚𑀼𑀳𑁆𑀯𑀦𑁆𑀢𑀺. 𑀚𑀼𑀳𑁄𑀲𑀺 𑀚𑀼𑀳𑁆𑀯𑀲𑀺, 𑀚𑀼𑀳𑁄𑀣 𑀚𑀼𑀳𑁆𑀯𑀣. 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂 𑁋 ‘‘𑀤𑀻𑀖𑁄 𑀲𑀭𑀲𑁆𑀲𑀸’’𑀢𑀺 𑀤𑀻𑀖𑁂 𑀳𑀽𑀬𑀢𑀺 𑀢𑁂𑀦 𑀅𑀕𑁆𑀕𑀺 𑀇𑀘𑁆𑀘𑀸𑀤𑀺. 𑀚𑀼𑀳𑀺𑀲𑁆𑀲𑀢𑀺, 𑀚𑀼𑀳𑀺𑀲𑁆𑀲𑀦𑁆𑀢𑀺. 𑀅𑀚𑀼𑀳𑀯𑀺 𑀅𑀚𑀼𑀳𑁄𑀲𑀺, 𑀅𑀚𑀼𑀳𑀯𑀼𑀁 𑀅𑀚𑀼𑀳𑀯𑀺𑀁𑀲𑀼 𑀅𑀚𑀼𑀳𑀯𑀁𑀲𑀼 𑀅𑀚𑀼𑀳𑁄𑀲𑀼𑀁. 𑀅𑀚𑀼𑀳𑀺𑀲𑁆𑀲, 𑀅𑀚𑀼𑀳𑀺𑀲𑁆𑀲𑀁𑀲𑁆𑀲𑀼. 𑀚𑀼𑀳𑁂 𑀚𑀼𑀳𑁂𑀬𑁆𑀬. 𑀚𑀼𑀳𑁄𑀢𑀼, 𑀚𑀼𑀳𑁄𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀳𑀸=𑀘𑀸𑀕𑁂, 𑀧𑀼𑀭𑁂 𑀯𑀺𑀬 𑀤𑁆𑀯𑁂𑀪𑀸𑀯𑀙𑀸𑀤𑁂𑀲𑀮𑁄𑀧𑁂 ‘‘𑀭𑀲𑁆𑀲𑁄 𑀧𑀼𑀩𑁆𑀩𑀲𑁆𑀲𑀸’’𑀢𑀺 𑀧𑀼𑀩𑁆𑀩𑀲𑁆𑀲 𑀆𑀲𑁆𑀲 𑀭𑀲𑁆𑀲𑁄. 𑀚𑀳𑀸𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂 𑁋 ‘‘𑀅𑀜𑁆𑀜𑀸𑀤𑀺𑀲𑁆𑀲𑀸+𑀲𑁆𑀲𑀻 𑀓𑁆𑀬𑁂’’𑀢𑀺 𑀓𑁆𑀬𑁂 𑀆𑀲𑁆𑀲 𑀈, 𑀳𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀚𑀳𑀺𑀲𑁆𑀲𑀢𑀺. 𑀅𑀚𑀳𑀸𑀲𑀺, ‘‘𑀤𑀻𑀖𑀸 𑀈𑀲𑁆𑀲’’ 𑀇𑀢𑀺 𑀲𑀺, 𑀧𑀚𑀳𑀺, 𑀅𑀚𑀳𑀺𑀁𑀲𑀼 𑀅𑀚𑀳𑀁𑀲𑀼, 𑀧𑀚𑀳𑀺𑀁𑀲𑀼 𑀧𑀚𑀳𑀼𑀁. 𑀓𑀫𑁆𑀫𑁂-𑀧𑀳𑀻𑀬𑀺 𑀧𑀳𑀻𑀬𑀺𑀢𑁆𑀣. 𑀲𑁆𑀲𑀸𑀤𑀺+𑀏𑀬𑁆𑀬𑀸𑀤𑀺+𑀢𑁆𑀯𑀸𑀤𑀻𑀲𑀼𑀧𑀺 𑀜𑁂𑀬𑁆𑀬𑀸.

𑀤𑀸=𑀤𑀸𑀦𑁂, 𑀤𑁆𑀯𑀺𑀪𑀸𑀯𑀭𑀲𑁆𑀲𑀢𑁆𑀢𑀸𑀦𑀺, 𑀮𑀮𑁄𑀧𑁄, 𑀤𑀤𑀸𑀢𑀺, 𑀤𑀤𑀦𑁆𑀢𑀺 𑀇𑀘𑁆𑀘𑀸𑀤𑀺. ‘‘𑀕𑀫𑀯𑀤𑀸’’ 𑀤𑀺𑀦𑀸 𑀤𑀚𑁆𑀚𑀸𑀤𑁂𑀲𑁂 𑀤𑀚𑁆𑀚𑀢𑀺, 𑀤𑀚𑁆𑀚𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀮𑀲𑁆𑀲𑁂+𑀓𑀸𑀭𑁂 𑀤𑀸𑀦𑀁 𑀤𑁂𑀢𑀺 𑀇𑀘𑁆𑀘𑀸𑀤𑀺.

𑁨𑁨. 𑀤𑀸𑀲𑁆𑀲 𑀤𑀁 𑀯𑀸 𑀫𑀺𑀫𑁂𑀲𑁆𑀯+𑀤𑁆𑀯𑀺𑀢𑁆𑀢𑁂

𑀅𑀤𑁆𑀯𑀺𑀢𑁆𑀢𑁂 𑀯𑀢𑁆𑀢𑀫𑀸𑀦𑀲𑁆𑀲 𑀤𑀸𑀲𑁆𑀲 𑀤𑀁 𑀳𑁄𑀢𑀺 𑀯𑀸 𑀫𑀺𑀫𑁂𑀲𑀼. 𑀯𑀕𑁆𑀕𑀦𑁆𑀢𑀁, 𑀤𑀫𑁆𑀫𑀺 𑀤𑁂𑀫𑀺, 𑀤𑀫𑁆𑀫 𑀤𑁂𑀫. 𑀈𑀓𑀸𑀭𑁂 𑀤𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀅𑀦𑀸𑀕𑀢𑀢𑁆𑀣𑁂 𑀇𑀜𑀸𑀕𑀫𑁂 𑀲𑀭𑀡𑁄𑀧𑀸𑀤𑀺, 𑀤𑀤𑀺𑀲𑁆𑀲𑀢𑀺, 𑀤𑀤𑀺𑀲𑁆𑀲𑀦𑁆𑀢𑀺. 𑀤𑀚𑁆𑀚𑀺𑀲𑁆𑀲𑀢𑀺, 𑀤𑀚𑁆𑀚𑀺𑀲𑁆𑀲𑀦𑁆𑀢𑀺. 𑀮𑀯𑀺𑀓𑀭𑀡𑁂 ¶ 𑀤𑀲𑁆𑀲𑀢𑀺, 𑀤𑀲𑁆𑀲𑀦𑁆𑀢𑀺. 𑀅𑀚𑁆𑀚𑀢𑀦𑁂-𑀅𑀤𑀤𑀺, 𑀅𑀤𑀤𑀺𑀁𑀲𑀼, 𑀅𑀤𑀚𑁆𑀚𑀺, 𑀅𑀤𑀚𑁆𑀚𑀺𑀁𑀲𑀼, 𑀅𑀤𑀸𑀲𑀺, 𑀅𑀤𑀁𑀲𑀼. 𑀅𑀦𑀚𑁆𑀚𑀢𑀦𑁂-𑀅𑀤𑀤𑀸, 𑀅𑀤𑀤𑀼. 𑀓𑀸𑀮𑀸𑀢𑀺𑀧𑀢𑁆𑀢𑀺𑀬𑀁-𑀅𑀤𑀤𑀺𑀲𑁆𑀲 𑀅𑀤𑀚𑁆𑀚𑀺𑀲𑁆𑀲, 𑀮𑁂 𑀅𑀤𑀲𑁆𑀲, 𑀤𑀲𑁆𑀲𑀁𑀲𑀼. 𑀏𑀬𑁆𑀬𑀸𑀤𑀺𑀫𑁆𑀳𑀺-𑀤𑀤𑁂 𑀤𑀤𑁂𑀬𑁆𑀬 𑀤𑀚𑁆𑀚𑁂 𑀤𑀚𑁆𑀚𑁂𑀬𑁆𑀬. ‘‘𑀝𑀸’’𑀢𑀺 𑀩𑀳𑀼𑀮𑀸𑀥𑀺𑀓𑀸𑀭𑀸 𑀤𑀚𑁆𑀚𑀸𑀤𑁂𑀲𑀸 𑀧𑀭𑀲𑁆𑀲 𑀏𑀬𑁆𑀬𑀲𑁆𑀲 𑀝𑀸, 𑀤𑀚𑁆𑀚𑀸, 𑀤𑀚𑁆𑀚𑀼𑀁 𑀤𑀚𑁆𑀚𑁂𑀬𑁆𑀬𑀁 𑀤𑀤𑁂𑀬𑁆𑀬𑀼𑀁. 𑀢𑁆𑀯𑀸𑀤𑀻𑀲𑀼-𑀤𑀤𑀸𑀢𑀼, 𑀤𑀤𑀦𑁆𑀢𑀼, 𑀤𑀚𑁆𑀚𑀢𑀼, 𑀤𑀚𑁆𑀚𑀦𑁆𑀢𑀼, 𑀮𑀲𑁆𑀲𑁂+𑀓𑀸𑀭𑁂 𑀤𑁂𑀢𑀼, 𑀤𑁂𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀲𑀩𑁆𑀩𑀢𑁆𑀣 𑀓𑀫𑁆𑀫𑁂𑀧𑀺 𑀬𑁄𑀚𑀦𑀻𑀬𑀁.

𑀥𑀸=𑀥𑀸𑀭𑀡𑁂, 𑀢𑁆𑀬𑀸𑀤𑀺𑀫𑁆𑀳𑀺 𑀘𑀕𑁆𑀕𑀳𑀡𑁂𑀦 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀸𑀓𑀸𑀭𑀲𑁆𑀲 𑀭𑀲𑁆𑀲𑀢𑁆𑀢𑁂 𑀮𑀮𑁄𑀧𑁂 ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀢𑀺𑀬𑀧𑀞𑀫𑀸’’𑀢𑀺 𑀧𑀼𑀩𑁆𑀩𑀥𑀓𑀸𑀭𑀲𑁆𑀲 𑀤𑀓𑀸𑀭𑁂 𑀘 𑀓𑀢𑁂 𑀤𑀥𑀸𑀢𑀺, 𑀤𑀥𑀦𑁆𑀢𑀺. 𑀧𑀺𑀧𑀼𑀩𑁆𑀩𑁄, ‘‘𑀢𑀤𑀫𑀺𑀦𑀸’’ 𑀤𑀺𑀦𑀸 𑀆𑀲𑁆𑀲 𑀮𑁄𑀧𑁄, ‘‘𑀥𑀸𑀲𑁆𑀲 𑀳𑁄’’𑀢𑀺 𑀤𑁆𑀯𑀺𑀢𑁆𑀢𑁂 𑀧𑀭𑀲𑁆𑀲 𑀥𑀸𑀲𑁆𑀲 𑀳𑀓𑀸𑀭𑁄, 𑀤𑁆𑀯𑀸𑀭𑀁 𑀧𑀺𑀤𑀳𑀢𑀺, 𑀧𑀺𑀤𑀳𑀦𑁆𑀢𑀺. 𑀮𑀲𑁆𑀲𑁂+𑀓𑀸𑀭𑁂 𑀦𑀺𑀥𑁂𑀢𑀺, 𑀦𑀺𑀥𑁂𑀦𑁆𑀢𑀺. 𑀓𑀫𑁆𑀫𑁂-𑀯𑀺𑀥𑀻𑀬𑀢𑀺, 𑀯𑀺𑀥𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀥𑀲𑁆𑀲𑀢𑀺, 𑀧𑀺𑀤𑀳𑀺𑀲𑁆𑀲𑀢𑀺, 𑀧𑀭𑀺𑀤𑀳𑁂𑀲𑁆𑀲𑀢𑀺. 𑀅𑀥𑀸𑀲𑀺, 𑀧𑀺𑀤𑀳𑀺. 𑀅𑀥𑀲𑁆𑀲, 𑀧𑀺𑀤𑀳𑀺𑀲𑁆𑀲. 𑀤𑀥𑁂 𑀤𑀥𑁂𑀬𑁆𑀬, 𑀧𑀺𑀤𑀳𑁂 𑀧𑀺𑀤𑀳𑁂𑀬𑁆𑀬. 𑀤𑀤𑀸𑀢𑀼, 𑀧𑀺𑀤𑀳𑀢𑀼, 𑀦𑀺𑀥𑁂𑀢𑀼, 𑀦𑀺𑀥𑁂𑀦𑁆𑀢𑀼 𑀇𑀘𑁆𑀘𑀸𑀤𑀺. (𑀚𑀼𑀳𑁄𑀢𑁆𑀬𑀸𑀤𑀬𑁄).

𑀪𑀽𑀯𑀸𑀤𑀺 𑀘 𑀚𑀼𑀳𑀸𑀤𑀺 𑀘, 𑀳𑀼𑀯𑀸𑀤𑀺𑀥𑀸𑀢𑀯𑁄 𑀘𑀺+𑀫𑁂;

𑀲𑀯𑀼𑀤𑁆𑀥𑀺𑀓𑀪𑀽𑀯𑀸𑀤𑀻𑀳𑀺, 𑀢𑀺𑀥𑀸 𑀪𑁂𑀤𑀁 𑀉𑀧𑁂𑀦𑁆𑀢𑀺 𑀢𑁂.

𑀅𑀥𑀼𑀦𑀸 ¶ 𑀯𑀺𑀓𑀭𑀡𑀧𑀪𑁂𑀤𑀧𑀓𑀸𑀲𑀦𑀢𑁆𑀣𑀁 𑀭𑀼𑀥𑀸𑀤𑀻𑀦𑀁 𑀅𑀝𑁆𑀞𑀕𑀡𑀸𑀦𑀁 𑀓𑀸𑀦𑀺𑀘𑀺 𑀭𑀽𑀧𑀸𑀦𑀺 𑀉𑀤𑀸𑀳𑀭𑀺𑀬𑀦𑁆𑀢𑁂 𑁋

𑀭𑀼𑀥=𑀆𑀯𑀭𑀡𑁂, 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀏𑀯+𑀫𑀼𑀧𑀭𑀺𑀧𑀺 𑀲𑀩𑁆𑀩𑀕𑀡𑁂𑀲𑀼.

𑀭𑀼𑀥𑀸𑀤𑀺𑀓𑁄 𑀅𑀧𑀭𑁄𑀓𑁆𑀔𑁂𑀲𑀼 𑀓𑀢𑁆𑀢𑀼𑀯𑀺𑀳𑀺𑀢𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀼 𑀮𑁄 𑀳𑁄𑀢𑀺 𑀫𑀜𑁆𑀘+𑀦𑁆𑀢𑀲𑀭𑀸 𑀧𑀭𑁄. 𑀦𑀺𑀕𑁆𑀕𑀳𑀻𑀢𑀲𑁆𑀲 𑀯𑀕𑁆𑀕𑀦𑁆𑀢𑀁, ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀲𑀁𑀬𑁄𑀕𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀲𑁄 𑀫𑀕𑁆𑀕𑀁 𑀭𑀼𑀦𑁆𑀥𑀢𑀺, 𑀭𑀼𑀦𑁆𑀥𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀦𑀺𑀧𑀼𑀩𑁆𑀩𑁄 𑀓𑁆𑀬𑁄 𑀥𑀲𑁆𑀲 𑀘𑀯𑀕𑁆𑀕+𑀧𑀼𑀩𑁆𑀩𑀭𑀽𑀧+𑀢𑀢𑀺𑀬𑀓𑁆𑀔𑀭𑀚𑀓𑀸𑀭𑀸, 𑀢𑁂𑀦 𑀫𑀕𑁆𑀕𑁄 𑀦𑀺𑀭𑀼𑀚𑁆𑀛𑀢𑀺 𑀇𑀘𑁆𑀘𑀸𑀤𑀺. 𑀇𑀜𑀸𑀕𑀫𑁂 𑀭𑀼𑀦𑁆𑀥𑀺𑀲𑁆𑀲𑀢𑀺, 𑀦𑀺𑀭𑀼𑀚𑁆𑀛𑀺𑀲𑁆𑀲𑀢𑀺. 𑀅𑀭𑀼𑀦𑁆𑀥𑀺, 𑀅𑀭𑀼𑀦𑁆𑀥𑀺𑀁𑀲𑀼. 𑀦𑀺𑀭𑀼𑀚𑁆𑀛𑀺𑀢𑁆𑀣𑁄, 𑀦𑀺𑀭𑀼𑀚𑁆𑀛𑀺, 𑀦𑀺𑀭𑀼𑀚𑁆𑀛𑀺𑀁𑀲𑀼. 𑀅𑀭𑀼𑀦𑁆𑀥𑀺𑀲𑁆𑀲, 𑀅𑀭𑀼𑀦𑁆𑀥𑀺𑀲𑁆𑀲𑀁𑀲𑀼, 𑀦𑀺𑀭𑀼𑀚𑁆𑀛𑀺𑀲𑁆𑀲, 𑀦𑀺𑀭𑀼𑀚𑁆𑀛𑀺𑀲𑁆𑀲𑀁𑀲𑀼. 𑀭𑀼𑀦𑁆𑀥𑁂 𑀭𑀼𑀦𑁆𑀥𑁂𑀬𑁆𑀬, 𑀦𑀺𑀭𑀼𑀚𑁆𑀛𑁂 𑀦𑀺𑀭𑀼𑀚𑁆𑀛𑁂𑀬𑁆𑀬. 𑀭𑀼𑀦𑁆𑀥𑀢𑀼, 𑀭𑀼𑀦𑁆𑀥𑀦𑁆𑀢𑀼. 𑀢𑁆𑀯𑀁 𑀭𑀼𑀦𑁆𑀥 𑀭𑀼𑀦𑁆𑀥𑀸𑀳𑀺. 𑀦𑀺𑀭𑀼𑀚𑁆𑀛𑀢𑀼, 𑀦𑀺𑀭𑀼𑀚𑁆𑀛𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀙𑀺𑀤=𑀤𑁆𑀯𑁂𑀥𑀸𑀓𑀭𑀡𑁂, 𑀙𑀺𑀦𑁆𑀤𑀢𑀺, 𑀙𑀺𑀦𑁆𑀤𑀦𑁆𑀢𑀺. 𑀓𑀫𑁆𑀫𑁂-𑀙𑀺𑀚𑁆𑀚𑀢𑀺, 𑀙𑀺𑀚𑁆𑀚𑀦𑁆𑀢𑀺. 𑀪𑀯𑀺𑀲𑁆𑀲𑀢𑀺𑀧𑀘𑁆𑀘𑀬𑁂 𑁋 ‘‘𑀮𑀪 𑀯𑀲𑀘𑁆𑀙𑀺𑀤𑀸’’ 𑀤𑀺𑀦𑀸 𑀘𑁆𑀙𑀗𑀸𑀤𑁂𑀲𑁂 𑀙𑁂𑀘𑁆𑀙𑀢𑀺 𑀙𑀺𑀦𑁆𑀤𑀺𑀲𑁆𑀲𑀢𑀺. 𑀓𑀫𑁆𑀫𑁂-𑀧𑀼𑀩𑁆𑀩𑀭𑀽𑀧𑀁, 𑀙𑀺𑀚𑁆𑀚𑀺𑀲𑁆𑀲𑀢𑀺, 𑀙𑀺𑀚𑁆𑀚𑀺𑀲𑁆𑀲𑀦𑁆𑀢𑀺. 𑀅𑀙𑀺𑀦𑁆𑀤𑀺 𑀙𑀺𑀦𑁆𑀤𑀺, 𑀅𑀘𑁆𑀙𑁂𑀚𑁆𑀚𑀺, 𑀅𑀘𑁆𑀙𑁂𑀚𑁆𑀚𑀺𑀁𑀲𑀼. 𑀅𑀘𑁆𑀙𑀺𑀦𑁆𑀤𑀺𑀲𑁆𑀲𑀸 𑀅𑀙𑀺𑀚𑁆𑀚𑀺𑀲𑁆𑀲𑀸. 𑀙𑀺𑀦𑁆𑀤𑁂 𑀙𑀺𑀦𑁆𑀤𑁂𑀬𑁆𑀬, 𑀙𑀺𑀚𑁆𑀚𑁂 𑀙𑀺𑀚𑁆𑀚𑁂𑀬𑁆𑀬, 𑀙𑀺𑀦𑁆𑀤𑀢𑀼, 𑀙𑀺𑀦𑁆𑀤𑀦𑁆𑀢𑀼, 𑀙𑀺𑀚𑁆𑀚𑀢𑀼, 𑀙𑀺𑀚𑁆𑀚𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀪𑀼𑀚=𑀧𑀸𑀮𑀦𑀚𑁆𑀛𑁄𑀳𑀸𑀭𑁂𑀲𑀼, 𑀪𑀼𑀜𑁆𑀚𑀢𑀺, 𑀪𑀼𑀜𑁆𑀚𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀪𑀯𑀺𑀲𑁆𑀲𑀢𑀺𑀫𑁆𑀳𑀺 ‘‘𑀪𑀼𑀚+𑀫𑀼𑀘+𑀯𑀘+𑀯𑀺𑀲𑀸𑀦𑀁 𑀓𑁆𑀔𑀗’’𑀢𑀺 𑀥𑀸𑀢𑁆𑀯𑀦𑁆𑀢𑁂𑀦 𑀲𑀳 𑀲𑁆𑀲𑀲𑁆𑀲 ¶ 𑀓𑁆𑀔𑀗𑀸𑀤𑁂𑀲𑁂 𑀯𑀼𑀤𑁆𑀥𑀺, 𑀪𑁄𑀓𑁆𑀔𑀢𑀺, 𑀪𑀼𑀜𑁆𑀚𑀺𑀲𑁆𑀲𑀢𑀺, 𑀪𑁄𑀓𑁆𑀔𑀦𑁆𑀢𑀺, 𑀪𑀼𑀜𑁆𑀚𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀫𑀼𑀘=𑀫𑁄𑀘𑀦𑁂, 𑀫𑀼𑀘𑁆𑀘𑀢𑀺, 𑀫𑀼𑀘𑁆𑀘𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀫𑀼𑀘𑁆𑀘𑀢𑀺, 𑀫𑀼𑀘𑁆𑀘𑀦𑁆𑀢𑀺 𑀇𑀘𑁆𑀘𑀸𑀤𑀺. (𑀭𑀼𑀥𑀸𑀤𑀺𑀦𑀬𑁄).

𑀤𑀺𑀯=𑀓𑀻𑀴𑀸 𑀯𑀺𑀚𑀺𑀕𑀺𑀁𑀲𑀸 𑀯𑁄𑀳𑀸𑀭 𑀚𑀼𑀢𑀺 𑀣𑀼𑀢𑀺 𑀕𑀢𑀻𑀲𑀼,

𑀤𑀺𑀯𑀸𑀤𑀻𑀳𑀺 𑀓𑀢𑁆𑀢𑀭𑀺 𑀮𑀯𑀺𑀲𑀬𑁂 𑀬𑀓 𑀳𑁄𑀢𑀺. 𑀓𑀓𑀸𑀭𑁄 𑀓𑀸𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄, 𑀏𑀯+𑀫𑀼𑀧𑀭𑀺 𑀘. 𑀯𑀲𑁆𑀲 𑀩𑀓𑀸𑀭𑁂 𑀧𑀼𑀩𑁆𑀩𑀭𑀽𑀧𑀁, 𑀲𑁄 𑀚𑀼𑀢𑀁 𑀤𑀺𑀩𑁆𑀩𑀢𑀺, 𑀤𑀺𑀩𑁆𑀩𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀓𑁆𑀬𑁂 𑀢𑁂𑀦 𑀤𑀺𑀩𑁆𑀩𑀢𑀺, 𑀤𑀺𑀩𑁆𑀩𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀤𑀺𑀩𑁆𑀩𑀺𑀲𑁆𑀲𑀢𑀺, 𑀢𑁂𑀦 𑀤𑀺𑀩𑁆𑀩𑀺𑀲𑁆𑀲𑀢𑀺. 𑀅𑀤𑀺𑀩𑁆𑀩𑀺 𑀤𑀺𑀩𑁆𑀩𑀺. 𑀢𑁂𑀦 𑀅𑀤𑀺𑀩𑁆𑀩𑀺 𑀤𑀺𑀩𑁆𑀩𑀺. 𑀅𑀤𑀺𑀩𑁆𑀩𑀺𑀲𑁆𑀲. 𑀢𑁂𑀦 𑀅𑀤𑀺𑀩𑁆𑀩𑀺𑀲𑁆𑀲. 𑀤𑀺𑀩𑁆𑀩𑁂 𑀤𑀺𑀩𑁆𑀩𑁂𑀬𑁆𑀬. 𑀢𑁂𑀦 𑀤𑀺𑀩𑁆𑀩𑁂 𑀤𑀺𑀩𑁆𑀩𑁂𑀬𑁆𑀬. 𑀤𑀺𑀩𑁆𑀩𑀢𑀼. 𑀢𑁂𑀦 𑀤𑀺𑀩𑁆𑀩𑀢𑀼 𑀇𑀘𑁆𑀘𑀸𑀤𑀺.

𑀲𑀺𑀯=𑀢𑀦𑁆𑀢𑀼𑀲𑀦𑁆𑀢𑀸𑀦𑁂, 𑀲𑀺𑀩𑁆𑀩𑀢𑀺, 𑀲𑀺𑀩𑁆𑀩𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀧𑀤=𑀕𑀫𑀦𑁂, 𑀉𑀧𑀼𑀩𑁆𑀩𑁄, 𑀘𑀯𑀕𑁆𑀕𑀧𑀼𑀩𑁆𑀩𑀭𑀽𑀧𑀸𑀦𑀺, 𑀉𑀧𑁆𑀧𑀚𑁆𑀚𑀢𑀺, 𑀉𑀧𑁆𑀧𑀚𑁆𑀚𑀭𑁂 𑀉𑀧𑁆𑀧𑀚𑁆𑀚𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂𑀓𑁆𑀬𑁂 𑀢𑁂𑀦 𑀧𑀝𑀺𑀧𑀚𑁆𑀚𑀢𑁂 𑀇𑀘𑁆𑀘𑀸𑀤𑀺. 𑀪𑀸𑀯𑁂-𑀉𑀧𑁆𑀧𑀚𑁆𑀚𑀢𑁂 𑀢𑀬𑀸. 𑀩𑀼𑀥=𑀅𑀯𑀕𑀫𑀦𑁂, 𑀛𑀓𑀸𑀭𑀧𑀼𑀩𑁆𑀩𑀭𑀽𑀧𑀸𑀦𑀺 𑀬𑀓𑁆𑀔𑀭𑁂𑀲𑀼. 𑀥𑀫𑁆𑀫𑀁 𑀩𑀼𑀚𑁆𑀛𑀢𑀺, 𑀩𑀼𑀚𑁆𑀛𑀭𑁂 𑀩𑀼𑀚𑁆𑀛𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀫𑀬𑀸 𑀥𑀫𑁆𑀫𑁄 𑀩𑀼𑀚𑁆𑀛𑀢𑁂 𑀇𑀘𑁆𑀘𑀸𑀤𑀺. 𑀬𑀼𑀥=𑀲𑀫𑁆𑀧𑀳𑀸𑀭𑁂, 𑀬𑀼𑀚𑁆𑀛𑀢𑀺+𑀘𑁆𑀘𑀸𑀤𑀺. 𑀦𑀳=𑀩𑀦𑁆𑀥𑀦𑁂, ‘‘𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄’’𑀢𑀺 𑀬𑁂 𑀯𑀺𑀧𑀮𑁆𑀮𑀸𑀲𑁄, 𑀲𑀦𑁆𑀦𑀬𑁆𑀳𑀢𑀺+𑀘𑁆𑀘𑀸𑀤𑀺. 𑀫𑀦=𑀜𑀸𑀡𑁂, 𑀜𑁆𑀜𑀓𑀸𑀭+𑀧𑀼𑀩𑁆𑀩𑀭𑀽𑀧𑀸𑀦𑀺, 𑀫𑀜𑁆𑀜𑀢𑀺+𑀘𑁆𑀘𑀸𑀤𑀺. 𑀢𑀼𑀲=𑀢𑀼𑀝𑁆𑀞𑀺𑀫𑁆𑀳𑀺, 𑀧𑀼𑀩𑁆𑀩𑀭𑀽𑀧𑁂 𑀢𑀼𑀲𑁆𑀲𑀢𑀺+𑀘𑁆𑀘𑀸𑀤𑀺. 𑀲𑀫=𑀉𑀧𑀲𑀫𑁂, 𑀲𑀫𑁆𑀫𑀢𑀺+𑀘𑁆𑀘𑀸𑀤𑀺.

𑀚𑀦=𑀚𑀦𑀦𑁂 ¶ , ‘‘𑀚𑀦𑀺𑀲𑁆𑀲𑀸’’𑀢𑀺 𑀆 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀩𑀳𑀼𑀮𑀸𑀥𑀺𑀓𑀸𑀭𑀸, 𑀲𑁄 𑀚𑀸𑀬𑀢𑀺, 𑀚𑀸𑀬𑀦𑁆𑀢𑀺+𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀚𑀦𑀺𑀢𑀼𑀁 𑀧𑀬𑁄𑀚𑁂𑀢𑀻𑀢𑀺 ‘‘𑀧𑀬𑁄𑀚𑀓𑀩𑁆𑀬𑀸𑀧𑀸𑀭𑁂 𑀡𑀸𑀧𑀺 𑀘𑁂’’𑀢𑀺 𑀡𑀺𑀫𑁆𑀳𑀺 ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 𑀯𑀼𑀤𑁆𑀥𑀺𑀧𑀝𑀺𑀲𑁂𑀥𑁂 𑀓𑁆𑀬𑀫𑁆𑀳𑀺 ‘‘𑀤𑀻𑀖𑁄 𑀲𑀭𑀲𑁆𑀲𑀸’’𑀢𑀺 𑀤𑀻𑀖𑁂 𑀘 𑀓𑀢𑁂 𑀢𑁂𑀦 𑀚𑀦𑀻𑀬𑀢𑀺, 𑀚𑀦𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀲𑁄 𑀚𑀸𑀬𑀺𑀲𑁆𑀲𑀢𑀺. 𑀢𑁂𑀦 𑀚𑀦𑀺𑀲𑁆𑀲𑀢𑀺. 𑀲𑁄 𑀅𑀚𑀸𑀬𑀺, 𑀢𑁂𑀦 𑀅𑀚𑀦𑀻𑀬𑀺. 𑀲𑁄 𑀅𑀚𑀸𑀬𑀺𑀲𑁆𑀲, 𑀢𑁂𑀦 𑀅𑀚𑀦𑀻𑀬𑀺𑀲𑁆𑀲. 𑀲𑁄 𑀚𑀸𑀬𑁂 𑀚𑀸𑀬𑁂𑀬𑁆𑀬, 𑀢𑁂𑀦 𑀚𑀦𑀻𑀬𑁂𑀬𑁆𑀬. 𑀲𑁄 𑀚𑀸𑀬𑀢𑀼, 𑀢𑁂𑀦 𑀚𑀦𑀻𑀬𑀢𑀼 𑀇𑀘𑁆𑀘𑀸𑀤𑀺. (𑀤𑀺𑀯𑀸𑀤𑀺𑀦𑀬𑁄).

𑀢𑀼𑀤𑀸𑀤𑀻𑀳𑀺 𑀓𑀢𑁆𑀢𑀭𑀺 𑀮𑀯𑀺𑀲𑀬𑁂 𑀓𑁄 𑀳𑁄𑀢𑀺. 𑀢𑀼𑀤𑀢𑀺, 𑀢𑀼𑀤𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑀼𑀤𑁆𑀬𑀢𑀺 𑀢𑀼𑀚𑁆𑀚𑀢𑀺, 𑀢𑀼𑀤𑁆𑀬𑀭𑁂 𑀢𑀼𑀤𑁆𑀬𑀦𑁆𑀢𑀺, 𑀢𑀼𑀚𑁆𑀚𑀭𑁂 𑀢𑀼𑀚𑁆𑀚𑀦𑁆𑀢𑀺+𑀘𑁆𑀘𑀸𑀤𑀺. 𑀢𑀣𑀸 𑀢𑀼𑀤𑀺𑀲𑁆𑀲𑀢𑀺 𑀢𑀼𑀚𑁆𑀚𑀺𑀲𑁆𑀲𑀢𑀺. 𑀅𑀢𑀼𑀤𑀺, 𑀅𑀢𑀼𑀤𑀺𑀁𑀲𑀼, 𑀅𑀢𑀼𑀚𑁆𑀚𑀺. 𑀅𑀢𑀼𑀤𑀺𑀲𑁆𑀲 𑀅𑀢𑀼𑀚𑁆𑀚𑀺𑀲𑁆𑀲, 𑀢𑀼𑀤𑁂𑀬𑁆𑀬 𑀢𑀼𑀚𑁆𑀚𑁂𑀬𑁆𑀬. 𑀢𑀼𑀤𑀢𑀼, 𑀢𑀼𑀤𑀦𑁆𑀢𑀼, 𑀢𑀼𑀚𑁆𑀚𑀢𑀼 𑀇𑀘𑁆𑀘𑀸𑀤𑀺.

𑀯𑀺𑀲=𑀧𑀯𑁂𑀲𑀦𑁂, 𑀧𑀧𑀼𑀩𑁆𑀩𑁄. 𑀲𑁄 𑀕𑀸𑀫𑀁 𑀧𑀯𑀺𑀲𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀧𑀯𑀺𑀲𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀧𑀯𑀺𑀲𑀺𑀲𑁆𑀲𑀢𑀺. 𑀧𑀯𑀺𑀲𑀻𑀬𑀺𑀲𑁆𑀲𑀢𑀺. 𑀧𑀸𑀯𑀺𑀲𑀺, 𑀈𑀫𑁆𑀳𑀺 ‘‘𑀪𑀼𑀚𑀫𑀼𑀘𑀸’’ 𑀤𑀺𑀦𑀸 𑀬𑁄𑀕𑀯𑀺𑀪𑀸𑀕𑀸 𑀓𑁆𑀔𑀗. 𑀧𑀸𑀯𑀺𑀲𑀺, 𑀧𑀯𑀺𑀲𑀺 𑀧𑀸𑀯𑁂𑀓𑁆𑀔𑀺, 𑀧𑀣𑀯𑀺𑀁 𑀧𑀸𑀯𑀺𑀲𑀺𑀁𑀲𑀼 𑀧𑀯𑀺𑀲𑀺𑀁𑀲𑀼. 𑀧𑀸𑀯𑀺𑀲𑀻𑀬𑀺. 𑀧𑀸𑀯𑀺𑀲𑀺𑀲𑁆𑀲 𑀧𑀯𑀺𑀲𑀺𑀲𑁆𑀲. 𑀧𑀸𑀯𑀺𑀲𑀻𑀬𑀺𑀲𑁆𑀲. 𑀧𑀯𑀺𑀲𑁂 𑀧𑀯𑀺𑀲𑁂𑀬𑁆𑀬, 𑀯𑀺𑀓𑀭𑀡𑀮𑁄𑀧𑁄 ¶ 𑀧𑀯𑀺𑀲𑀻𑀬𑁂𑀬𑁆𑀬. 𑀧𑀯𑀺𑀲𑀢𑀼, 𑀧𑀯𑀺𑀲𑀻𑀬𑀢𑀼 𑀇𑀘𑁆𑀘𑀸𑀤𑀺. 𑀦𑀼𑀤𑀢𑀺. 𑀤𑀺𑀲=𑀉𑀘𑁆𑀘𑀸𑀭𑀡𑁂, 𑀉𑀤𑁆𑀤𑀺𑀲𑁆𑀲𑀢𑀺, 𑀮𑀺𑀔𑀢𑀺, 𑀢𑀼𑀲𑀢𑀺 𑀇𑀘𑁆𑀘𑀸𑀤𑀺. (𑀢𑀼𑀤𑀸𑀤𑀺𑀦𑀬𑁄).

𑀚𑁆𑀬𑀸𑀤𑀻𑀳𑀺 𑀓𑀢𑁆𑀢𑀭𑀺 𑀮𑀯𑀺𑀲𑀬𑁂 𑀓𑁆𑀦𑀸 𑀳𑁄𑀢𑀺. 𑀦 𑀯𑀼𑀤𑁆𑀥𑀺. 𑀓𑀺𑀮𑁂𑀲𑁂 𑀚𑀺𑀦𑀸𑀢𑀺, 𑀚𑀺𑀦𑀦𑁆𑀢𑀺. 𑀢𑁂𑀦 𑀓𑀺𑀮𑁂𑀲𑁄 𑀚𑀻𑀬𑀢𑀺, 𑀚𑀻𑀬𑀦𑁆𑀢𑀺, 𑀓𑁆𑀬𑁂 𑀤𑀻𑀖𑁄. 𑀚𑀺𑀦𑀺𑀲𑁆𑀲𑀢𑀺, 𑀚𑀺𑀦𑀺𑀲𑁆𑀲𑀦𑁆𑀢𑀺. 𑀅𑀚𑀺𑀦𑀺 𑀚𑀺𑀦𑀺. 𑀅𑀚𑀻𑀬𑀺, 𑀅𑀚𑀻𑀬𑀺𑀢𑁆𑀣. 𑀅𑀚𑀺𑀦𑀺𑀲𑁆𑀲. 𑀅𑀚𑀻𑀬𑀺𑀲𑁆𑀲. 𑀚𑀺𑀦𑁂𑀬𑁆𑀬. 𑀚𑀺𑀦𑀸𑀢𑀼 𑀇𑀘𑁆𑀘𑀸𑀤𑀺. 𑀘𑀺=𑀘𑀬𑁂, 𑀢𑀣𑀸 𑀘𑀺𑀦𑀸𑀢𑀺, 𑀘𑀺𑀦𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀜𑀸𑀥𑀸𑀢𑀼𑀲𑁆𑀲 𑀚𑀸 𑀳𑁄𑀢𑀺 𑀦𑀓𑀸𑀭𑁂. 𑀯𑀺𑀚𑀸𑀦𑀸𑀢𑀺.

𑁬𑁧. 𑀜𑀸𑀲𑁆𑀲 𑀲𑀦𑀸𑀲𑁆𑀲 𑀦𑀸𑀬𑁄 𑀢𑀺𑀫𑁆𑀳𑀺

𑀲𑀦𑀸𑀲𑁆𑀲 𑀜𑀸𑀲𑁆𑀲 𑀦𑀸𑀬𑁄 𑀯𑀸 𑀳𑁄𑀢𑀺 𑀢𑀺𑀫𑁆𑀳𑀺. 𑀦𑀸𑀬𑀢𑀺, 𑀯𑀺𑀚𑀸𑀦𑀸𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀯𑀺𑀜𑁆𑀜𑀸𑀬𑀢𑀺 𑀇𑀘𑁆𑀘𑀸𑀤𑀺. 𑀓𑁆𑀬𑁂 ‘‘𑀆𑀲𑁆𑀲𑁂 𑀘𑀸’’𑀢𑀺 𑀏𑀢𑁆𑀣 ‘‘𑀆𑀲𑁆𑀲𑁂’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀆𑀲𑁆𑀲 𑀏 𑀳𑁄𑀢𑀺, 𑀬𑀲𑁆𑀲 𑀤𑁆𑀯𑀺𑀢𑁆𑀢𑁂 𑀜𑁂𑀬𑁆𑀬𑀢𑀺, 𑀜𑁂𑀬𑁆𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀯𑀺𑀚𑀸𑀦𑀺𑀲𑁆𑀲𑀢𑀺, 𑀯𑀺𑀚𑀸𑀦𑀺𑀲𑁆𑀲𑀦𑁆𑀢𑀺. 𑀓𑀫𑁆𑀫𑁂 𑁋 ‘‘𑀓𑁆𑀬𑀲𑁆𑀲 𑀲𑁆𑀲𑁂’’𑀢𑀺 𑀓𑁆𑀬𑀮𑁄𑀧𑁂 𑀭𑀲𑁆𑀲𑁂 𑀘 𑀓𑀢𑁂 𑀜𑀸𑀲𑁆𑀲𑀢𑀺, 𑀜𑀸𑀲𑁆𑀲𑀦𑁆𑀢𑀺, 𑀯𑀺𑀜𑁆𑀜𑀸𑀬𑀺𑀲𑁆𑀲𑀢𑀺, 𑀧𑀜𑁆𑀜𑀸𑀬𑀺𑀲𑁆𑀲𑀢𑀺.

𑀜𑀸𑀢𑁄 𑀧𑀭𑀲𑁆𑀲 𑀲𑁆𑀲𑀲𑁆𑀲 𑀳𑀺 𑀯𑀸 𑀳𑁄𑀢𑀺 𑀓𑀫𑁆𑀫𑁂, 𑀧𑀜𑁆𑀜𑀸𑀬𑀺𑀳𑀺𑀢𑀺, 𑀧𑀜𑁆𑀜𑀸𑀬𑀺𑀳𑀺𑀦𑁆𑀢𑀺. 𑀅𑀜𑀸𑀕𑀫𑁂 𑀲𑀫𑀚𑀸𑀦𑀺, 𑀲𑀁𑀚𑀸𑀦𑀺, 𑀲𑀁𑀚𑀸𑀦𑀺𑀁𑀲𑀼. 𑀲𑀫𑀚𑀸- 𑀦𑀺𑀁𑀲𑀼 ¶ . 𑀓𑀫𑁆𑀫𑁂-𑀧𑀜𑁆𑀜𑀸𑀬𑀺, 𑀧𑀜𑁆𑀜𑀸𑀬𑀺𑀁𑀲𑀼. 𑀅𑀚𑀸𑀦𑀺𑀲𑁆𑀲. 𑀓𑀫𑁆𑀫𑁂-𑀅𑀜𑁆𑀜𑀸𑀬𑀺𑀲𑁆𑀲.

𑀜𑀸𑀢𑁄 𑀧𑀭𑀲𑁆𑀲 𑀏𑀬𑁆𑀬𑀲𑁆𑀲 𑀇𑀬𑀸+𑀜𑀸 𑀳𑁄𑀦𑁆𑀢𑀺 𑀯𑀸. 𑀚𑀸𑀦𑀺𑀬𑀸.

𑀜𑀸𑀤𑁂𑀲𑁂 𑀲𑀦𑀸𑀲𑁆𑀲 𑀜𑀸𑀲𑁆𑀲 𑀚𑀁 𑀯𑀸 𑀳𑁄𑀢𑀺. 𑀚𑀜𑁆𑀜𑀸, 𑀚𑀸𑀦𑁂𑀬𑁆𑀬, 𑀚𑀸𑀦𑁂𑀬𑁆𑀬𑀼𑀁. 𑀓𑀫𑁆𑀫𑁂-𑀧𑀜𑁆𑀜𑀸𑀬𑁂𑀬𑁆𑀬, 𑀧𑀜𑁆𑀜𑀸𑀬𑁂𑀬𑁆𑀬𑀼𑀁. 𑀯𑀺𑀚𑀸𑀦𑀸𑀢𑀼, 𑀯𑀺𑀚𑀸𑀦𑀦𑁆𑀣𑀼. 𑀓𑀫𑁆𑀫𑁂-𑀯𑀺𑀜𑁆𑀜𑀸𑀬𑀢𑀼 𑀇𑀘𑁆𑀘𑀸𑀤𑀺.

𑀫𑀸=𑀫𑀸𑀦𑁂, ‘‘𑀆 𑀈 𑀲𑁆𑀲𑀸𑀤𑀻𑀦𑀁 𑀩𑁆𑀬𑀜𑁆𑀚𑀦𑀲𑁆𑀲𑀺𑀜’’ 𑀇𑀢𑀺 𑀇𑀜𑀇𑀢𑀺 𑀬𑁄𑀕𑀯𑀺𑀪𑀸𑀕𑀸 𑀇𑀜𑀸𑀕𑀫𑁂 𑀧𑀼𑀩𑁆𑀩𑀲𑀭𑀮𑁄𑀧𑁄, 𑀫𑀺𑀦𑀸𑀢𑀺, 𑀫𑀺𑀦𑀦𑁆𑀢𑀺. 𑀓𑀫𑁆𑀫𑁂-𑀫𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀮𑀽=𑀙𑁂𑀤𑀦𑁂, ‘‘𑀓𑁆𑀡𑀸𑀓𑁆𑀦𑀸𑀲𑀼 𑀭𑀲𑁆𑀲𑁄’’𑀢𑀺 𑀥𑀸𑀢𑀼𑀲𑁆𑀲 𑀭𑀲𑁆𑀲𑁄, 𑀮𑀼𑀦𑀸𑀢𑀺, 𑀮𑀼𑀦𑀦𑁆𑀢𑀺. 𑀓𑀫𑁆𑀫𑁂-𑀮𑀽𑀬𑀢𑀺 𑀇𑀘𑁆𑀘𑀸𑀤𑀺. 𑀥𑀼=𑀓𑀫𑁆𑀧𑀦𑁂, 𑀥𑀼𑀦𑀸𑀢𑀺 𑀇𑀘𑁆𑀘𑀸𑀤𑀺. (𑀚𑁆𑀬𑀸𑀤𑀺𑀦𑀬𑁄).

𑀓𑁆𑀬𑀸𑀤𑀻𑀳𑀺 𑀮𑀯𑀺𑀲𑀬𑁂 𑀓𑁆𑀡𑀸 𑀳𑁄𑀢𑀺. ‘‘𑀓𑁆𑀡𑀸𑀓𑁆𑀦𑀸𑀲𑀼 𑀭𑀲𑁆𑀲𑁄’’𑀢𑀺 𑀭𑀲𑁆𑀲𑁂 𑀓𑀺𑀡𑀸𑀢𑀺, 𑀓𑀺𑀡𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀯𑀺𑀓𑁆𑀓𑀻𑀬𑀢𑀺, 𑀯𑀺𑀓𑁆𑀓𑀻𑀬𑀦𑁆𑀢𑀺. 𑀯𑀺𑀓𑁆𑀓𑀺𑀡𑀺𑀲𑁆𑀲𑀢𑀺, 𑀯𑀺𑀓𑁆𑀓𑀺𑀡𑀺𑀲𑁆𑀲𑀦𑁆𑀢𑀺. 𑀯𑀺𑀓𑁆𑀓𑀻𑀬𑀺𑀲𑁆𑀲𑀢𑀺, 𑀯𑀺𑀓𑁆𑀓𑀻𑀬𑀺𑀲𑁆𑀲𑀦𑁆𑀢𑀺. 𑀅𑀓𑀺𑀡𑀺, 𑀯𑀺𑀓𑁆𑀓𑀺𑀡𑀺, 𑀯𑀺𑀓𑁆𑀓𑀻𑀬𑀺. 𑀅𑀓𑀺𑀡𑀺𑀲𑁆𑀲, 𑀯𑀺𑀓𑁆𑀓𑀺𑀡𑀺𑀲𑁆𑀲. 𑀯𑀺𑀓𑁆𑀓𑀺𑀡𑁂 𑀯𑀺𑀓𑁆𑀓𑀺𑀡𑁂𑀬𑁆𑀬.

𑀯𑀺𑀓𑁆𑀓𑀻𑀬𑁂 ¶ . 𑀯𑀺𑀓𑁆𑀓𑀻𑀬𑁂𑀬𑁆𑀬. 𑀯𑀺𑀓𑁆𑀓𑀺𑀡𑀸𑀢𑀼, 𑀯𑀺𑀓𑁆𑀓𑀺𑀡𑀦𑁆𑀢𑀼, 𑀯𑀺𑀓𑁆𑀓𑀻𑀬𑀢𑀼, 𑀯𑀺𑀓𑁆𑀓𑀻𑀬𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀲𑀼=𑀲𑀯𑀦𑁂, 𑀲𑀼𑀡𑀸𑀢𑀺, 𑀲𑀼𑀡𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀲𑀓+𑀆𑀧𑀸𑀦𑀁 𑀓𑀼𑀓+𑀓𑀼𑀇𑀘𑁆𑀘𑁂𑀢𑁂 𑀆𑀕𑀫𑀸 𑀳𑁄𑀦𑁆𑀢𑀺 𑀡𑁂. 𑀲𑀓𑁆𑀓𑀼𑀡𑀸𑀢𑀺, 𑀲𑀓𑁆𑀓𑀼𑀡𑀦𑁆𑀢𑀺. 𑀲𑀓𑁆𑀓𑀼𑀦𑀸𑀢𑀺, 𑀲𑀓𑁆𑀓𑀼𑀦𑀦𑁆𑀢𑀺.

𑀲𑀓𑀲𑁆𑀫𑀸 𑀓𑁆𑀡𑀸𑀲𑁆𑀲 𑀓𑁆𑀔𑁄 𑀯𑀸 𑀳𑁄𑀢𑀺 𑀲𑁆𑀲𑁂. 𑀲𑀓𑁆𑀔𑀺𑀲𑁆𑀲𑀢𑀺, 𑀲𑀓𑁆𑀔𑀺𑀲𑁆𑀲𑀦𑁆𑀢𑀺.

𑀲𑀓𑀲𑁆𑀫𑀸 𑀓𑁆𑀡𑀸𑀲𑁆𑀲 𑀔𑁄 𑀯𑀸 𑀳𑁄𑀢𑀺 𑀈𑀆𑀤𑀻𑀲𑀼. 𑀅𑀲𑀓𑁆𑀔𑀺 𑀲𑀓𑁆𑀔𑀺, 𑀲𑀓𑁆𑀔𑀺𑀁𑀲𑀼. 𑀅𑀲𑀓𑁆𑀔𑀺𑀲𑁆𑀲, 𑀅𑀲𑀓𑁆𑀔𑀺𑀲𑁆𑀲𑀁𑀲𑀼. 𑀲𑀓𑁆𑀓𑀼𑀡𑁂 𑀲𑀓𑁆𑀓𑀼𑀡𑁂𑀬𑁆𑀬. 𑀲𑀓𑁆𑀓𑀼𑀡𑀸𑀢𑀼, 𑀲𑀓𑁆𑀓𑀼𑀡𑀦𑁆𑀢𑀼.

𑀅𑀧=𑀧𑀸𑀧𑀼𑀡𑀦𑁂, 𑀧𑀧𑀼𑀩𑁆𑀩𑁄, ‘‘𑀲𑀓𑀸+𑀧𑀸𑀦𑀁 𑀓𑀼𑀓+𑀓𑀼 𑀡𑁂’’𑀢𑀺 𑀓𑀼𑀓𑀢𑁂 𑀲𑀫𑁆𑀧𑀢𑁆𑀢𑀺 𑀧𑀸𑀧𑀼𑀡𑀸𑀢𑀺, 𑀧𑀸𑀧𑀼𑀡𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂𑀧𑀸𑀧𑀻𑀬𑀢𑀺, 𑀧𑀸𑀧𑀻𑀬𑀦𑁆𑀢𑀺. 𑀧𑀸𑀧𑀼𑀡𑀺𑀲𑁆𑀲𑀢𑀺, 𑀧𑀸𑀧𑀼𑀡𑀺𑀲𑁆𑀲𑀦𑁆𑀢𑀺. 𑀓𑀫𑁆𑀫𑁂-𑀧𑀸𑀧𑀻𑀬𑀺𑀲𑁆𑀲𑀢𑀺, 𑀧𑀸𑀧𑀻𑀬𑀺𑀲𑁆𑀲𑀦𑁆𑀢𑀺. 𑀧𑀸𑀧𑀼𑀡𑀺, 𑀧𑀸𑀧𑀼𑀡𑀺𑀁𑀲𑀼. 𑀓𑀫𑁆𑀫𑁂-𑀧𑀸𑀧𑀻𑀬𑀺, 𑀧𑀸𑀧𑀻𑀬𑀺𑀢𑁆𑀣. 𑀅𑀧𑀸𑀧𑀼𑀡𑀺𑀲𑁆𑀲. 𑀓𑀫𑁆𑀫𑁂-𑀅𑀧𑀸𑀧𑀻𑀬𑀺𑀲𑁆𑀲. 𑀧𑀸𑀧𑀼𑀡𑁂, 𑀧𑀸𑀧𑀼𑀡𑁂𑀬𑁆𑀬. 𑀓𑀫𑁆𑀫𑁂-𑀧𑀸𑀧𑀻𑀬𑁂𑀬𑁆𑀬. 𑀧𑀸𑀧𑀼𑀡𑀸𑀢𑀼, 𑀧𑀸𑀧𑀼𑀡𑀦𑁆𑀢𑀼. 𑀓𑀫𑁆𑀫𑁂-𑀧𑀸𑀧𑀻𑀬𑀢𑀼 𑀇𑀘𑁆𑀘𑀸𑀤𑀺. (𑀓𑁆𑀬𑀸𑀤𑀺𑀦𑀬𑁄).

𑀲𑀼𑀆𑀤𑀻𑀳𑀺 ¶ 𑀮𑀯𑀺𑀲𑀬𑁂 𑀓𑁆𑀡𑁄 𑀳𑁄𑀢𑀺. 𑀓𑀸𑀦𑀼𑀩𑀦𑁆𑀥𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀥𑀫𑁆𑀫𑀁 𑀲𑀼𑀡𑁄𑀢𑀺. 𑀧𑀭𑀲𑁆𑀲𑀭𑀮𑁄𑀧𑁂 𑀲𑀼𑀡𑁄𑀦𑁆𑀢𑀺. 𑀓𑀫𑁆𑀫𑁂-𑀓𑁆𑀬𑁂 𑀤𑀻𑀖𑁂 𑀲𑀽𑀬𑀢𑀺, 𑀲𑀽𑀬𑀦𑁆𑀢𑀺. 𑀤𑁆𑀯𑀺𑀢𑁆𑀢𑁂 𑀲𑀼𑀬𑁆𑀬𑀢𑀺 𑀲𑀼𑀬𑁆𑀬𑀦𑁆𑀢𑀺+𑀘𑁆𑀘𑀸𑀤𑀺. 𑀇𑀜𑀸𑀕𑀫𑁂 𑀲𑀼𑀡𑀺𑀲𑁆𑀲𑀢𑀺, 𑀲𑀼𑀡𑀺𑀲𑁆𑀲𑀦𑁆𑀢𑀺. 𑀓𑀫𑁆𑀫𑁂-𑀓𑁆𑀬𑀮𑁄𑀧𑁂 𑀯𑀼𑀤𑁆𑀥𑀺. 𑀲𑁄𑀲𑁆𑀲𑀢𑀺, 𑀲𑁄𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀅𑀲𑀼𑀡𑀺 𑀲𑀼𑀡𑀺, 𑀅𑀲𑀼𑀡𑀺𑀁𑀲𑀼 𑀲𑀼𑀡𑀺𑀁𑀲𑀼.

𑁬𑁦. 𑀢𑁂𑀲𑀼 𑀲𑀼𑀢𑁄 𑀓𑁆𑀡𑁄+𑀓𑁆𑀡𑀸𑀦𑀁 𑀭𑁄𑀝

𑀢𑁂𑀲𑀼 𑀈𑀆𑀤𑀻𑀲𑀼 𑀲𑀼𑀢𑁄 𑀧𑀭𑁂𑀲𑀁 𑀓𑁆𑀡𑁄+𑀓𑁆𑀡𑀸𑀦𑀁 𑀭𑁄𑀝 𑀯𑀸 𑀳𑁄𑀢𑀺. 𑀭𑀓𑀸𑀭𑁄 𑀅𑀦𑀼𑀩𑀦𑁆𑀥𑁄. 𑀝𑁄 𑀲𑀩𑁆𑀩𑀸𑀤𑁂𑀲𑀢𑁆𑀣𑁄. 𑀉𑀲𑁆𑀲 𑀮𑁄𑀧𑁂 𑀤𑁆𑀯𑀺𑀢𑁆𑀢𑀁 𑀈𑀲𑁆𑀲 𑀲𑀺 𑀘. 𑀅𑀲𑁆𑀲𑁄𑀲𑀺, 𑀅𑀲𑁆𑀲𑁄𑀲𑀺𑀁𑀲𑀼. ‘‘𑀇𑀁𑀲𑁆𑀲 𑀘 𑀲𑀺𑀜’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀲𑀺𑀜, 𑀅𑀲𑁆𑀲𑁄𑀲𑀺𑀁𑀲𑀼, 𑀧𑀘𑁆𑀘𑀲𑁆𑀲𑁄𑀲𑀼𑀁. 𑀅𑀲𑀼𑀬𑀺, 𑀅𑀲𑀼𑀬𑀺𑀢𑁆𑀣. 𑀅𑀲𑀼𑀡𑀺𑀲𑁆𑀲, 𑀢𑁂𑀦 𑀅𑀲𑀼𑀬𑀺𑀲𑁆𑀲. 𑀲𑀼𑀡𑁂 𑀲𑀼𑀡𑁂𑀬𑁆𑀬, 𑀲𑀼𑀡𑁂𑀬𑁆𑀬𑀁. 𑀢𑁂𑀦 𑀲𑀽𑀬𑁂 𑀲𑀽𑀬𑁂𑀬𑁆𑀬. 𑀲𑀼𑀡𑀸𑀢𑀼, 𑀲𑀼𑀡𑀦𑁆𑀢𑀼. 𑀲𑀽𑀬𑀢𑀼, 𑀲𑀽𑀬𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀕𑀺=𑀲𑀤𑁆𑀤𑁂, 𑀕𑀺𑀡𑁄𑀢𑀺. 𑀕𑀺𑀡𑀦𑁆𑀢𑀺. 𑀢𑁆𑀯𑀁 𑀕𑀺𑀡𑁄𑀲𑀺. 𑀕𑀺𑀡𑀺𑀲𑁆𑀲𑀢𑀺, 𑀕𑀺𑀡𑀺𑀲𑁆𑀲𑀦𑁆𑀢𑀺. 𑀅𑀕𑀺𑀡𑀺𑀲𑁆𑀲. 𑀕𑀺𑀡𑁂𑀬𑁆𑀬. 𑀕𑀺𑀡𑁄𑀢𑀼 𑀇𑀘𑁆𑀘𑀸𑀤𑀺. 𑀯𑀼=𑀲𑀁𑀯𑀭𑀡𑁂, 𑀆𑀯𑀼𑀡𑁄𑀢𑀺, 𑀆𑀯𑀼𑀡𑀦𑁆𑀢𑀺. 𑀆𑀯𑀼𑀡𑁄𑀲𑀺 𑀇𑀘𑁆𑀘𑀸𑀤𑀺. 𑀲𑁂𑀲𑁂𑀲𑀼𑀧𑀺 𑀬𑁄𑀚𑁂𑀢𑀩𑁆𑀩𑀁. (𑀲𑁆𑀯𑀸𑀤𑀺𑀦𑀬𑁄).

𑀢𑀦𑀸𑀤𑀺𑀢𑁄 𑀓𑀢𑁆𑀢𑀭𑀺 𑀮𑀯𑀺𑀲𑀬𑁂 𑀑 𑀳𑁄𑀢𑀺. 𑀓𑀺𑀢𑁆𑀢𑀺𑀁 𑀢𑀦𑁄𑀢𑀺, 𑀢𑀦𑁄𑀦𑁆𑀢𑀺 𑀇𑀘𑁆𑀘𑀸𑀤𑀺.

𑁭𑁬. 𑀑𑀯𑀺𑀓𑀭𑀡𑀲𑁆𑀲𑀼 𑀧𑀭𑀘𑁆𑀙𑀓𑁆𑀓𑁂

𑀑𑀯𑀺𑀓𑀭𑀡𑀲𑁆𑀲 ¶ 𑀉 𑀳𑁄𑀢𑀺 𑀧𑀭𑀘𑁆𑀙𑀓𑁆𑀓𑀯𑀺𑀲𑀬𑁂. 𑀢𑀦𑀼𑀢𑁂, 𑀢𑀦𑁆𑀯𑀦𑁆𑀢𑁂. 𑀢𑀦𑀼𑀲𑁂, 𑀢𑀦𑀼𑀯𑁆𑀳𑁂. 𑀢𑀦𑁆𑀯𑁂, 𑀢𑀦𑁆𑀯𑀫𑁆𑀳𑁂. 𑀓𑀫𑁆𑀫𑁂 𑁋

𑀢𑀦𑀲𑁆𑀲 𑀯𑀸 𑀆 𑀳𑁄𑀢𑀺 𑀓𑁆𑀬𑁂. 𑀧𑀧𑀼𑀩𑁆𑀩𑁄, 𑀧𑀢𑀸𑀬𑀢𑀺. 𑀧𑀢𑀜𑁆𑀜𑀢𑀺, 𑀧𑀢𑀸𑀬𑀭𑁂 𑀧𑀢𑀸𑀬𑀦𑁆𑀢𑀺 𑀧𑀢𑀜𑁆𑀜𑀭𑁂 𑀧𑀢𑀜𑁆𑀜𑀦𑁆𑀢𑀺+𑀘𑁆𑀘𑀸𑀤𑀺. 𑀢𑀣𑀸 𑀯𑀺𑀓𑀭𑀡𑀮𑁄𑀧𑁂 𑀇𑀜𑀸𑀕𑀫𑁂 𑀘 𑀢𑀦𑀺𑀲𑁆𑀲𑀢𑀺, 𑀢𑀦𑀺𑀲𑁆𑀲𑀦𑁆𑀢𑀺. 𑀧𑀢𑀸𑀬𑀺𑀲𑁆𑀲𑀢𑀺. 𑀅𑀢𑀦𑀺, 𑀅𑀢𑀦𑀺𑀁𑀲𑀼. 𑀅𑀢𑀦𑀺𑀲𑁆𑀲. 𑀧𑀢𑀸𑀬𑀺𑀲𑁆𑀲. 𑀢𑀦𑁂𑀬𑁆𑀬, 𑀢𑀦𑁂𑀬𑁆𑀬𑀼𑀁. 𑀢𑀦𑁄𑀢𑀼, 𑀢𑀦𑁄𑀦𑁆𑀢𑀼 𑀇𑀘𑁆𑀘𑀸𑀤𑀺.

𑁫,𑁧𑁭𑁭. 𑀓𑀭𑀲𑁆𑀲 𑀲𑁄𑀲𑁆𑀲 𑀓𑀼𑀩𑁆𑀩+𑀓𑀼𑀭𑀼+𑀓𑀬𑀺𑀭𑀸

𑀓𑀭𑀲𑁆𑀲 𑀲 𑀑𑀓𑀸𑀭𑀲𑁆𑀲 𑀓𑀼𑀩𑁆𑀩𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀓𑀼𑀩𑁆𑀩𑀢𑀺, 𑀓𑀼𑀩𑁆𑀩𑀦𑁆𑀢𑀺. 𑀓𑀭𑁄𑀢𑀺, 𑀓𑀭𑁄𑀦𑁆𑀢𑀺. 𑀓𑀭𑁄𑀲𑀺, 𑀓𑀭𑁄𑀣.

𑀓𑀭𑀲𑁆𑀲 𑀲 𑀑𑀓𑀸𑀭𑀲𑁆𑀲 𑀓𑀼𑀁 𑀯𑀸 𑀳𑁄𑀢𑀺 𑀫𑀺𑀫𑁂𑀲𑀼. 𑀓𑀼𑀫𑁆𑀫𑀺 𑀓𑀭𑁄𑀫𑀺. 𑀓𑀼𑀫𑁆𑀫 𑀓𑀭𑁄𑀫. 𑀧𑀭𑀘𑁆𑀙𑀓𑁆𑀓𑁂 𑀓𑀼𑀭𑀼𑀢𑁂 𑀓𑀼𑀩𑁆𑀩𑀢𑁂, 𑀓𑀼𑀩𑁆𑀩𑀦𑁆𑀢𑁂 𑀇𑀘𑁆𑀘𑀸𑀤𑀺. 𑀓𑀬𑀺𑀭𑀢𑀺, 𑀓𑀬𑀺𑀭𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀓𑁆𑀬𑀲𑁆𑀲 𑀤𑁆𑀯𑀺𑀢𑁆𑀢𑁂 𑀈𑀲𑁆𑀲 𑀭𑀲𑁆𑀲𑁄, 𑀓𑀭𑀺𑀬𑁆𑀬𑀢𑀺, 𑀓𑀭𑀻𑀬𑀢𑀺 𑀯𑀸 𑀇𑀘𑁆𑀘𑀸𑀤𑀺. ‘‘𑀢𑀯𑀕𑁆𑀕𑀯𑀭𑀡𑀸’’ 𑀤𑀺𑀦𑀸 ¶ 𑀬𑁂 𑀭𑀲𑁆𑀲 𑀬𑀓𑀸𑀭𑁂 𑀓𑀬𑁆𑀬𑀢𑀺, 𑀓𑀬𑁆𑀬𑀦𑁆𑀢𑀺. 𑀩𑀳𑀼𑀮𑀸𑀥𑀓𑀸𑀭𑀸 𑀓𑀫𑁆𑀫𑁂 𑀓𑁆𑀯𑀘𑀺 𑀇𑀫𑀺𑀦𑀸 𑀓𑀬𑀺𑀭𑀸𑀤𑁂𑀲𑁂 𑀢𑁂𑀦 𑀓𑀬𑀺𑀭𑀢𑀺, 𑀓𑀬𑀺𑀭𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀪𑀯𑀺𑀲𑁆𑀲𑀢𑀺𑀫𑁆𑀳𑀺 𑁋

𑀓𑀭𑀲𑁆𑀲 𑀲𑁄𑀲𑁆𑀲 𑀳𑀸𑀲𑁆𑀲 𑀘 𑀆𑀳𑀗 𑀯𑀸 𑀳𑁄𑀢𑀺 𑀲𑁆𑀲𑁂𑀦 𑀲𑀳. 𑀓𑀸𑀳𑀢𑀺, 𑀓𑀸𑀳𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀇𑀜𑀸𑀕𑀫𑁂 𑀓𑀸𑀳𑀺𑀢𑀺, 𑀓𑀸𑀳𑀺𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀆𑀳𑀗𑀸𑀤𑁂𑀲𑀸𑀪𑀸𑀯𑀧𑀓𑁆𑀔𑁂 𑀓𑀭𑀺𑀲𑁆𑀲𑀢𑀺, 𑀓𑀭𑀺𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀅𑀚𑁆𑀚𑀢𑀦𑁂 𑁋

𑀓𑀭𑀲𑁆𑀲 𑀲 𑀑𑀓𑀸𑀭𑀲𑁆𑀲 𑀓𑀸 𑀳𑁄𑀢𑀺 𑀯𑀸 𑀈𑀆𑀤𑀻𑀲𑀼.

𑀤𑀻𑀖𑀢𑁄 𑀧𑀭𑀲𑁆𑀲 𑀈𑀲𑁆𑀲 𑀲𑀺 𑀯𑀸 𑀳𑁄𑀢𑀺. 𑀅𑀓𑀸𑀲𑀺. 𑀈𑀮𑁄𑀧𑁂 𑀅𑀓𑀸, 𑀅𑀓𑀁𑀲𑀼. 𑀑𑀲𑁆𑀲 𑀲𑀺𑀆𑀤𑁂𑀲𑁂 𑀅𑀓𑀸𑀲𑀺. 𑀲𑀺𑀜𑀸𑀕𑀫𑁂 𑀅𑀓𑀸𑀲𑀺𑀢𑁆𑀣. 𑀅𑀓𑀸𑀲𑀺, 𑀅𑀓𑀸𑀲𑀺𑀁, 𑀅𑀓𑀸𑀲𑀺𑀫𑁆𑀳. 𑀅𑀜𑁆𑀜𑀢𑁆𑀭 𑀅𑀓𑀭𑀺𑀓𑀭𑀺, 𑀅𑀓𑀭𑀺𑀁𑀲𑀼 𑀓𑀭𑀺𑀁𑀲𑀼 𑀅𑀓𑀁𑀲𑀼 𑀇𑀘𑁆𑀘𑀸𑀤𑀺. 𑀢𑁂𑀦 𑀅𑀓𑀭𑀻𑀬𑀺 𑀇𑀘𑁆𑀘𑀸𑀤𑀺. 𑀅𑀓𑀭𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀅𑀓𑀭𑀻𑀬𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀏𑀬𑁆𑀬𑀸𑀤𑀺𑀫𑁆𑀳𑀺 ‘‘𑀓𑁆𑀯𑀘𑀺 𑀯𑀺𑀓𑀭𑀡𑀸𑀦𑀁’’𑀢𑀺 𑀑𑀯𑀺𑀓𑀭𑀡𑀮𑁄𑀧𑁂 𑀓𑀭𑁂𑀓𑀭𑁂𑀬𑁆𑀬, 𑀓𑀭𑁂𑀬𑁆𑀬𑀼𑀁 𑀇𑀘𑁆𑀘𑀸𑀤𑀺. 𑀓𑀼𑀩𑁆𑀩𑁂 𑀓𑀼𑀩𑁆𑀩𑁂𑀬𑁆𑀬 𑀇𑀘𑁆𑀘𑀸𑀤𑀺.

𑀓𑀬𑀺𑀭𑀸 𑀧𑀭𑀲𑁆𑀲 𑀏𑀬𑁆𑀬𑀲𑁆𑀲 𑀝𑀸 𑀳𑁄𑀢𑀺. 𑀲𑁄 𑀓𑀬𑀺𑀭𑀸.

𑁭𑁦. 𑀓𑀬𑀺𑀭𑁂+𑀬𑁆𑀬𑀲𑁆𑀲𑁂+𑀬𑁆𑀬𑀼𑀫𑀸𑀤𑀻𑀦𑀁

𑀓𑀬𑀺𑀭𑀸 ¶ 𑀧𑀭𑀲𑁆𑀲 𑀏𑀬𑁆𑀬𑀼𑀫𑀸𑀤𑀻𑀦𑀁 𑀏𑀬𑁆𑀬𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀓𑀬𑀺𑀭𑀼𑀁. 𑀢𑁆𑀯𑀁 𑀓𑀬𑀺𑀭𑀸𑀲𑀺, 𑀓𑀬𑀺𑀭𑀸𑀣. 𑀓𑀬𑀺𑀭𑀸𑀫𑀺, 𑀓𑀬𑀺𑀭𑀸𑀫.

𑀓𑀬𑀺𑀭𑀸 𑀧𑀭𑀲𑁆𑀲𑁂+𑀣𑀲𑁆𑀲 𑀆 𑀳𑁄𑀢𑀻𑀢𑀺𑀆𑀤𑀺𑀲𑁆𑀲 𑀏𑀲𑁆𑀲 𑀆 𑀳𑁄𑀢𑀺. 𑀓𑀬𑀺𑀭𑀸𑀣 𑀥𑀻𑀭𑁄. 𑀓𑀫𑁆𑀫𑁂-𑀓𑀭𑀺𑀬𑁂𑀬𑁆𑀬, 𑀓𑀭𑀺𑀬𑁂𑀬𑁆𑀬𑀼+𑀫𑀺𑀘𑁆𑀘𑀸𑀤𑀺. 𑀓𑀭𑁄𑀢𑀼 𑀓𑀼𑀭𑀼𑀢𑀼 𑀯𑀸, 𑀓𑀼𑀩𑁆𑀩𑀦𑁆𑀢𑀼 𑀓𑀭𑁄𑀦𑁆𑀢𑀼 𑀇𑀘𑁆𑀘𑀸𑀤𑀺. 𑀧𑀭𑀘𑁆𑀙𑀓𑁆𑀓𑁂-𑀓𑀼𑀭𑀼𑀢𑀁, 𑀓𑀼𑀩𑁆𑀩𑀦𑁆𑀢𑀁. 𑀓𑀼𑀭𑀼𑀲𑁆𑀲𑀼 𑀓𑀭𑀲𑁆𑀲𑀼 𑀇𑀘𑁆𑀘𑀸𑀤𑀺. ‘‘𑀏𑀑𑀦+𑀫 𑀯𑀡𑁆𑀡𑁂’’𑀢𑀺 𑀅𑀓𑀸𑀭𑁄. 𑀓𑀼𑀭𑀼𑀯𑁆𑀳𑁄, 𑀓𑀼𑀩𑁆𑀩𑁂, 𑀓𑀼𑀩𑁆𑀩𑀸𑀫𑀲𑁂. 𑀓𑀫𑁆𑀫𑁂-𑀓𑀭𑀻𑀬𑀢𑀼 𑀇𑀘𑁆𑀘𑀸𑀤𑀺.

𑀧𑀸𑀤𑀺𑀢𑁄 𑀧𑀭𑀲𑁆𑀲 𑀓𑀭𑀲𑁆𑀲 𑀓𑁆𑀯𑀘𑀺 𑀔 𑀳𑁄𑀢𑀺. 𑀅𑀪𑀺𑀲𑀗𑁆𑀔𑀭𑁄𑀢𑀺 𑀇𑀘𑁆𑀘𑀸𑀤𑀺. 𑀲𑀩𑁆𑀩𑀢𑁆𑀣 𑀬𑁄𑀚𑁂𑀢𑀩𑁆𑀩𑀁. ‘‘𑀢𑀤𑀫𑀺𑀦𑀸’’𑀤𑀺𑀦𑀸 𑀔𑀸𑀤𑁂𑀲𑁂 𑀅𑀪𑀺𑀲𑀁𑀔𑀸𑀲𑀻𑀢𑀺 𑀯𑀺𑀲𑁂𑀲𑁄. 𑀲𑀓=𑀲𑀢𑁆𑀢𑀺𑀬𑀁, 𑀲𑀓𑁆𑀓𑁄𑀢𑀺 𑀇𑀘𑁆𑀘𑀸𑀤𑀺. 𑀅𑀧=𑀧𑀸𑀧𑀼𑀡𑀦𑁂, 𑀧𑀧𑀼𑀩𑁆𑀩𑁄, 𑀧𑀧𑁆𑀧𑁄𑀢𑀺 𑀇𑀘𑁆𑀘𑀸𑀤𑀺. (𑀢𑀦𑀸𑀤𑀺𑀦𑀬𑁄).

𑀘𑀼𑀭𑀸𑀤𑀻𑀳𑀺 𑀓𑁆𑀭𑀺𑀬𑀢𑁆𑀣𑁂𑀳𑀺 𑀲𑀓𑀢𑁆𑀣𑁂 𑀡𑀺 𑀧𑀭𑁄 𑀳𑁄𑀢𑀺. ‘‘𑀡𑀺𑀡𑀸𑀧𑁆𑀬𑀸𑀧𑀻𑀳𑀺 𑀯𑀸’’𑀢𑀺 𑀯𑀺𑀓𑀧𑁆𑀧𑁂𑀦 𑀮𑁄. 𑀥𑀦𑀁 𑀘𑁄𑀭𑀬𑀢𑀺 𑀘𑁄𑀭𑁂𑀢𑀺 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀘𑁄𑀭𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀘𑁄𑀭𑀬𑀺𑀲𑁆𑀲𑀢𑀺 𑀘𑁄𑀭𑁂𑀲𑁆𑀲𑀢𑀺 ¶ 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀘𑁄𑀭𑀻𑀬𑀺𑀲𑁆𑀲𑀢𑀺 𑀇𑀘𑁆𑀘𑀸𑀤𑀺. 𑀅𑀘𑁄𑀭𑀬𑀺 𑀘𑁄𑀭𑀬𑀺 𑀅𑀘𑁄𑀭𑁂𑀲𑀺 𑀘𑁄𑀭𑁂𑀲𑀺 𑀇𑀘𑁆𑀘𑀸𑀤𑀺. 𑀅𑀘𑁄𑀭𑀬𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀅𑀘𑁄𑀭𑀻𑀬𑀺𑀲𑁆𑀲 𑀇𑀘𑁆𑀘𑀸𑀤𑀺. 𑀘𑁄𑀭𑀬𑁂 𑀘𑁄𑀭𑀬𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀘𑁄𑀭𑁂𑀢𑀼 𑀘𑁄𑀭𑁂𑀦𑁆𑀢𑀼 𑀇𑀘𑁆𑀘𑀸𑀤𑀺.

𑀘𑀺𑀦𑁆𑀢=𑀘𑀺𑀦𑁆𑀢𑀸𑀬𑀁, 𑀲𑀁𑀬𑁄𑀕𑀢𑁆𑀢𑀸 𑀦 𑀯𑀼𑀤𑁆𑀥𑀺, 𑀘𑀺𑀦𑁆𑀢𑁂𑀢𑀺 𑀘𑀺𑀦𑁆𑀢𑀬𑀢𑀺, 𑀘𑀺𑀦𑁆𑀢𑁂𑀦𑁆𑀢𑀺. 𑀓𑀫𑁆𑀫𑁂-𑀘𑀺𑀦𑁆𑀢𑀻𑀬𑀢𑀺, 𑀘𑀺𑀦𑁆𑀢𑀻𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀫𑀦𑁆𑀢=𑀕𑀼𑀢𑁆𑀢𑀪𑀸𑀲𑀦𑁂, 𑀫𑀦𑁆𑀢𑁂𑀢𑀺 𑀫𑀦𑁆𑀢𑀬𑀢𑀺 𑀇𑀘𑁆𑀘𑀸𑀤𑀺. 𑀧𑀸𑀮=𑀭𑀓𑁆𑀔𑀡𑁂, 𑀲𑁄 𑀥𑀫𑁆𑀫𑀁 𑀧𑀸𑀮𑁂𑀢𑀺 𑀧𑀸𑀮𑀬𑀢𑀺. 𑀢𑁂𑀦 𑀧𑀸𑀮𑀻𑀬𑀢𑀺+𑀘𑁆𑀘𑀸𑀤𑀺. (𑀘𑀼𑀭𑀸𑀤𑀺𑀦𑀬𑁄).

𑀪𑀽𑀯𑀸𑀤𑀺 𑀘 𑀭𑀼𑀥𑀸𑀤𑀺 𑀘, 𑀤𑀺𑀯𑀸𑀤𑀺 𑀘 𑀢𑀼𑀤𑀸𑀤𑀬𑁄;

𑀚𑁆𑀬𑀸𑀤𑀻 𑀓𑀺𑀬𑀸𑀤𑀻 𑀲𑁆𑀯𑀸𑀤𑀻 𑀘, 𑀢𑀦𑀸𑀤𑀻 𑀘 𑀘𑀼𑀭𑀸𑀤𑀬𑁄.

𑁫,𑁧. 𑀢𑀺𑀚+𑀫𑀸𑀦𑁂𑀳𑀺 𑀔+𑀲𑀸 𑀔𑀫𑀸+𑀯𑀻𑀫𑀁𑀲𑀸𑀲𑀼

𑀔𑀦𑁆𑀢𑀺𑀬𑀁 𑀢𑀺𑀚𑀸, 𑀯𑀻𑀫𑀁𑀲𑀸𑀬𑀁 𑀫𑀸𑀦𑀸 𑀘 𑀔+𑀲𑀧𑀘𑁆𑀘𑀬𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑀺𑀚=𑀦𑀺𑀲𑀸𑀦𑁂, 𑀅𑀓𑀸𑀭𑀲𑁆𑀲𑀸+𑀧𑀬𑁄𑀕𑁄. 𑀔𑁂 ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀧𑀢𑁆𑀢𑁂+𑀓𑀸𑀭𑀲𑁆𑀲 ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 𑀧𑀝𑀺𑀲𑁂𑀥𑁄. 𑀬𑀓𑀸𑀭𑀯𑀚𑁆𑀚𑀺𑀢𑀩𑁆𑀬𑀜𑁆𑀚𑀦𑀲𑁆𑀲 ‘‘𑀧𑀭𑀭𑀽𑀧+𑀫𑀬𑀓𑀸𑀭𑁂 𑀩𑁆𑀬𑀜𑁆𑀚𑀦𑁂’’𑀢𑀺 𑀧𑀭𑀭𑀽𑀧𑀜𑁆𑀘. ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑀸’’ 𑀤𑀺𑀦𑀸 𑀧𑀞𑀫𑀓𑁆𑀔𑀭𑀓𑀓𑀸𑀭𑁂 𑀘 ‘‘𑀔𑀙𑀲𑀸𑀦+𑀫𑁂𑀓𑀲𑁆𑀲𑀭𑁄+𑀤𑀺 𑀤𑁆𑀯𑁂’’𑀢𑀺 𑀢𑀺𑀓𑁆𑀔 𑀢𑀺𑀓𑁆𑀔 𑀇𑀢𑀺 𑀤𑁆𑀯𑀺𑀪𑀸𑀯𑁂 ‘‘𑀮𑁄𑀧𑁄+𑀦𑀸𑀤𑀺𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺𑀆𑀤𑀺𑀢𑁄+𑀜𑁆𑀜𑀲𑁆𑀲 𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁂 𑀘 𑀓𑀢𑁂 𑀢𑀺𑀢𑀺𑀓𑁆𑀔𑀸𑀥𑀸𑀢𑀼𑀢𑁄 𑀢𑁆𑀬𑀸𑀤𑀺𑀧𑀘𑁆𑀘𑀬+𑀮𑀯𑀺𑀓𑀭𑀡𑀸𑀦𑀺. 𑀢𑀺𑀢𑀺𑀓𑁆𑀔𑀢𑀺 𑀇𑀘𑁆𑀘𑀸𑀤𑀺 𑀧𑀼𑀭𑀺𑀫𑀲𑀫𑀁 ¶ . 𑀓𑀫𑁆𑀫𑁂-𑀢𑀺𑀢𑀺𑀓𑁆𑀔𑀻𑀬𑀢𑀺 𑀇𑀘𑁆𑀘𑀸𑀤𑀺. 𑀇𑀢𑁄 𑀧𑀭𑀁 𑀓𑀫𑁆𑀫𑁄𑀤𑀸𑀳𑀭𑀡𑀁 𑀦 𑀓𑀭𑀺𑀲𑁆𑀲𑀸𑀫.

𑀫𑀸𑀦=𑀧𑀽𑀚𑀸𑀬𑀁+𑀢𑀺𑀫𑀲𑁆𑀫𑀸 𑀲𑀧𑀘𑁆𑀘𑀬, 𑀤𑁆𑀯𑀺𑀢𑁆𑀢𑀸𑀤𑀺𑀫𑁆𑀳𑀺 𑀓𑀢𑁂 ‘‘𑀫𑀸𑀦𑀲𑁆𑀲 𑀯𑀻 𑀧𑀭𑀲𑁆𑀲 𑀘 𑀫𑀁’’𑀢𑀺 𑀧𑀼𑀩𑁆𑀩𑀫𑀸𑀦𑀲𑁆𑀲 𑀯𑀻 𑀘 𑀧𑀭𑀫𑀸𑀦𑀲𑁆𑀲 𑀫𑀜𑁆𑀘 𑀳𑁄𑀢𑀺. 𑀯𑀻𑀫𑀁𑀲𑀥𑀸𑀢𑀼𑀢𑁄 𑀢𑀺𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀓𑀢𑁂 𑀯𑀻𑀫𑀁𑀲𑀢𑀺 𑀇𑀘𑁆𑀘𑀸𑀤𑀺. 𑀢𑀺𑀢𑀺𑀓𑁆𑀔𑀺𑀲𑁆𑀲𑀢𑀺, 𑀯𑀻𑀫𑀁𑀲𑀺𑀲𑁆𑀲𑀢𑀺 𑀇𑀘𑁆𑀘𑀸𑀤𑀺. 𑀏𑀯+𑀫𑀼𑀧𑀭𑀺𑀧𑀺 𑀅𑀚𑁆𑀚𑀢𑀦𑀸𑀤𑀻𑀲𑀼𑀧𑀺 𑀬𑁄𑀚𑁂𑀢𑀩𑁆𑀩𑀁. 𑀧𑀬𑁄𑀚𑀓𑀢𑁆𑀢𑀸 𑀡𑀺, ‘‘𑀡𑀺𑀡𑀸𑀧𑁆𑀬𑀸𑀧𑀻𑀳𑀺 𑀯𑀸’’𑀢𑀺 𑀮𑀯𑀺𑀓𑀭𑀡𑀁, 𑀢𑁂𑀚𑀬𑀢𑀺 𑀢𑁂𑀚𑁂𑀢𑀺. 𑀢𑀣𑀸 𑀘𑀼𑀭𑀸𑀤𑀺𑀢𑁆𑀢𑀸 𑀦 𑀮𑀯𑀺𑀓𑀭𑀡𑀁, 𑀫𑀸𑀦𑀬𑀢𑀺 𑀫𑀸𑀦𑁂𑀢𑀺.

𑁫,𑁨. 𑀓𑀺𑀢𑀸 𑀢𑀺𑀓𑀺𑀘𑁆𑀙𑀸+𑀲𑀁𑀲𑀬𑁂𑀲𑀼 𑀙𑁄

𑀢𑀺𑀓𑀺𑀘𑁆𑀙𑀸𑀬𑀁 𑀲𑀁𑀲𑀬𑁂 𑀘 𑀯𑀢𑁆𑀢𑀫𑀸𑀦𑀸 𑀓𑀺𑀢𑀸 𑀙𑁄 𑀳𑁄𑀢𑀺. 𑀓𑀺𑀢=𑀦𑀺𑀯𑀸𑀲𑁂, 𑀙𑀧𑀘𑁆𑀘𑀬𑁂 𑀧𑀼𑀩𑁆𑀩𑁂𑀯 𑀧𑀭𑀭𑀽𑀧𑀸𑀤𑀺𑀫𑁆𑀳𑀺 𑀘 𑀓𑀢𑁂 ‘‘𑀓𑀺𑀢𑀲𑁆𑀲𑀸+𑀲𑀁𑀲𑀬𑁂 𑀯𑀸’’𑀢𑀺 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀢𑀺𑀆𑀤𑁂𑀲𑁂 𑀢𑀺𑀓𑀺𑀘𑁆𑀙𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄. 𑀢𑀺𑀓𑀺𑀘𑁆𑀙𑀢𑀺, 𑀢𑀺𑀓𑀺𑀘𑁆𑀙𑀦𑁆𑀢𑀺+𑀘𑁆𑀘𑀸𑀤𑀺. 𑀯𑀺𑀧𑀼𑀩𑁆𑀩𑀢𑁄 𑀓𑀺𑀢𑀸 𑀙𑀧𑁆𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀓𑀢𑁂 ‘‘𑀓𑀯𑀕𑁆𑀕𑀳𑀸𑀦𑀁 𑀘𑀯𑀕𑁆𑀕𑀚𑀸’’𑀢𑀺 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀓𑀲𑁆𑀲 𑀘𑁄. 𑀯𑀺𑀘𑀺𑀓𑀺𑀘𑁆𑀙𑀢𑀺, 𑀯𑀺𑀘𑀺𑀓𑀺𑀘𑁆𑀙𑀦𑁆𑀢𑀺+𑀘𑁆𑀘𑀸𑀤𑀺. 𑀧𑀬𑁄𑀚𑀓𑀢𑁆𑀢𑀸 𑀓𑁂𑀢𑀬𑀢𑀺+𑀘𑁆𑀘𑀸𑀤𑀺 𑀧𑀼𑀭𑀺𑀫𑀲𑀫𑀁.

𑁫,𑁩. 𑀦𑀺𑀦𑁆𑀤𑀸𑀬𑀁 𑀕𑀼𑀧+𑀩𑀥𑀸 𑀩𑀲𑁆𑀲 𑀪𑁄 𑀘

𑀦𑀺𑀦𑁆𑀤𑀸𑀬𑀁 𑀕𑀼𑀧+𑀩𑀥𑁂𑀳𑀺 𑀙𑁄 𑀳𑁄𑀢𑀺 𑀩𑀲𑁆𑀲 𑀪𑁄 𑀘. 𑀕𑀼𑀧=𑀭𑀓𑁆𑀔𑀦𑁂+𑀢𑀻𑀫𑀲𑁆𑀫𑀸 𑀙𑀧𑁆𑀧𑀘𑁆𑀘𑀬𑁂 ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 𑀑𑀢𑁆𑀢𑀸𑀪𑀸𑀯𑁂 𑀘 𑀧𑀭𑀭𑀽𑀧𑀸𑀤𑀺𑀫𑁆𑀳𑀺 ‘‘𑀓𑀯𑀕𑁆𑀕𑀳𑀸’’ 𑀤𑀺𑀦𑀸 𑀕𑀲𑁆𑀲 𑀚𑁂 𑀘 𑀓𑀢𑁂 ‘‘𑀕𑀼𑀧𑀺𑀲𑁆𑀲𑀼𑀲𑁆𑀲𑀸’’𑀢𑀺 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀉𑀲𑁆𑀲 𑀇 𑀳𑁄𑀢𑀺. 𑀢𑁆𑀬𑀸𑀤𑀺+𑀮𑀯𑀺𑀓𑀭𑀡𑀸𑀤𑀺𑀫𑁆𑀳𑀺 ¶ 𑀚𑀺𑀕𑀼𑀘𑁆𑀙𑀢𑀺 𑀇𑀘𑁆𑀘𑀸𑀤𑀺. 𑀦𑀺𑀦𑁆𑀤𑀸𑀬𑀁-𑀩𑀥=𑀩𑀦𑁆𑀥𑀦𑁂+𑀢𑀻𑀫𑀲𑁆𑀫𑀸 𑀙𑀧𑁆𑀧𑀘𑁆𑀘𑀬𑁂 𑀘 𑀇𑀫𑀺𑀦𑀸𑀯 𑀩𑀲𑁆𑀲 𑀪𑀓𑀸𑀭𑁂 𑀘 𑀧𑀭𑀭𑀽𑀧𑁂 𑀧𑀞𑀫𑀓𑁆𑀔𑀭𑁂 𑀪𑀘𑁆𑀙𑀪𑀘𑁆𑀙𑀇𑀢𑀺 𑀤𑁆𑀯𑀺𑀢𑁆𑀢𑁂 𑀅𑀦𑀸𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁂 ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑀸𑀦𑀁 𑀢𑀢𑀺𑀬𑀧𑀞𑀫𑀸’’𑀢𑀺 𑀤𑁆𑀯𑀺𑀢𑁆𑀢𑁂 𑀧𑀼𑀩𑁆𑀩𑀲𑁆𑀲 𑀪𑀲𑁆𑀲 𑀩𑀓𑀸𑀭𑁂 ‘‘𑀔𑀙𑀲𑁂𑀲𑁆𑀯𑀲𑁆𑀲𑀻’’𑀢𑀺 𑀇𑀓𑀸𑀭𑁂 𑀤𑀻𑀖𑁂 𑀘 𑀓𑀢𑁂 𑀩𑀻𑀪𑀘𑁆𑀙𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀩𑀻𑀪𑀘𑁆𑀙𑀢𑀺, 𑀩𑀻𑀪𑀘𑁆𑀙𑀦𑁆𑀢𑀺 𑀇𑀘𑁆𑀘𑀸𑀤𑀺. 𑀅𑀜𑁆𑀜𑀢𑁆𑀭 𑀕𑁄𑀧𑁂𑀢𑀺+𑀘𑁆𑀘𑀸𑀤𑀺.

𑁫,𑁪. 𑀢𑀼𑀁𑀲𑁆𑀫𑀸 𑀮𑁄𑀧𑁄 𑀘𑀺+𑀘𑁆𑀙𑀸𑀬𑀁 𑀢𑁂

𑀢𑀼𑀫𑀦𑁆𑀢𑀢𑁄 𑀇𑀘𑁆𑀙𑀸𑀬+𑀫𑀢𑁆𑀣𑁂 𑀢𑁂 𑀔+𑀲+𑀙𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁, 𑀢𑀼𑀁𑀧𑀘𑁆𑀘𑀬𑀲𑁆𑀲 𑀮𑁄𑀧𑁄 𑀘 𑀳𑁄𑀢𑀺, 𑀲𑀼𑀢𑀢𑁆𑀢𑀸. 𑀪𑀼𑀚=𑀧𑀸𑀮𑀦+𑀚𑁆𑀛𑁄𑀳𑀸𑀭𑁂𑀲𑀼. 𑀪𑁄𑀚𑀦𑀸𑀬𑀸𑀢𑀺 𑀯𑀺𑀕𑁆𑀕𑀬𑁆𑀳 ‘‘𑀢𑀼𑀁+𑀢𑀸𑀬𑁂’’𑀘𑁆𑀘𑀸𑀤𑀺𑀦𑀸 𑀢𑀼𑀁𑀧𑀘𑁆𑀘𑀬𑁂 ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀑𑀓𑀸𑀭𑁂 𑀧𑀭𑀭𑀽𑀧𑁂 𑀘 𑀓𑀢𑁂 𑀪𑁄𑀢𑁆𑀢𑀼+𑀫𑀺𑀘𑁆𑀙𑀢𑀻𑀢𑀺 𑀯𑀺𑀕𑁆𑀕𑀬𑁆𑀳 𑀇𑀫𑀺𑀦𑀸 𑀔𑀧𑀘𑁆𑀘𑀬𑁂 𑀢𑀼𑀁𑀧𑀘𑁆𑀘𑀬𑀲𑁆𑀲 𑀇𑀫𑀺𑀦𑀸 𑀘 𑀮𑁄𑀧𑁂 ‘‘𑀦𑀺𑀫𑀺𑀢𑁆𑀢𑀸𑀪𑀸𑀯𑁂 𑀦𑁂𑀫𑀺𑀢𑁆𑀢𑀺𑀓𑀲𑁆𑀲𑀸𑀧𑀺 𑀘 𑀅𑀪𑀸𑀯𑁄’’𑀢𑀺 𑀜𑀸𑀬𑀸 𑀧𑀭𑀭𑀽𑀧𑀑𑀓𑀸𑀭𑀸𑀦𑀁 𑀅𑀪𑀸𑀯𑁂 𑀔𑀲𑁆𑀲 𑀧𑀭𑀭𑀽𑀧+𑀔𑀓𑀸𑀭𑀸𑀤𑀺𑀫𑁆𑀳𑀺 𑀘 𑀓𑀢𑁂 𑀪𑀼𑀓𑁆𑀔 𑀪𑀼𑀓𑁆𑀔 𑀇𑀢𑀺 𑀤𑁆𑀯𑀺𑀢𑁆𑀢𑁂 𑀢𑀢𑀺𑀬𑀩𑀓𑀸𑀭𑁄 𑀳𑁄𑀢𑀺, 𑀩𑀼𑀪𑀼𑀓𑁆𑀔𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺, 𑀩𑀼𑀪𑀼𑀓𑁆𑀔𑀢𑀺, 𑀩𑀼𑀪𑀼𑀓𑁆𑀔𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀚𑀺=𑀚𑀬𑁂, 𑀚𑀬𑀦𑀸𑀬 𑀇𑀢𑀺 𑀯𑀺𑀕𑁆𑀕𑀬𑁆𑀳 𑀧𑀼𑀭𑁂 𑀯𑀺𑀬 𑀢𑀼𑀫𑀸𑀤𑀺𑀫𑁆𑀳𑀺 𑀓𑀢𑁂 𑀚𑁂𑀢𑀼+𑀫𑀺𑀘𑁆𑀙𑀢𑀻𑀢𑀺 𑀯𑀺𑀕𑁆𑀕𑀬𑁆𑀳 𑀲𑀧𑁆𑀧𑀘𑁆𑀘𑀬𑁂 𑀚𑀺𑀲 𑀚𑀺𑀲 𑀇𑀢𑀺 𑀤𑁆𑀯𑀺𑀢𑁆𑀢𑁂 𑀅𑀦𑀸𑀤𑀺𑀩𑁆𑀬𑀜𑁆𑀚𑀦𑀮𑁄𑀧𑁂 𑀤𑁆𑀯𑀺𑀢𑁆𑀢𑁂 𑀧𑀭𑀲𑁆𑀲 𑀚𑀺𑀲𑁆𑀲 ‘‘𑀚𑀺𑀳𑀭𑀸𑀦𑀁 𑀕𑀺𑀁’’𑀢𑀺 𑀕𑀺𑀁. 𑀚𑀺𑀕𑀺𑀁𑀲𑀥𑀸𑀢𑀼𑀢𑁄 𑀢𑁆𑀬𑀸𑀤𑀻𑀲𑀼 𑀚𑀺𑀕𑀺𑀁𑀲𑀢𑀺, 𑀚𑀺𑀕𑀺𑀁𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀖𑀲=𑀅𑀤𑀦𑁂 ¶ , 𑀖𑀲𑀺𑀢𑀼+𑀫𑀺𑀘𑁆𑀙𑀢𑀺 𑀙𑀧𑁆𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀧𑀼𑀭𑁂 𑀯𑀺𑀬 𑀓𑀢𑁂 𑀖𑀲𑁆𑀲 ‘‘𑀓𑀯𑀕𑁆𑀕𑀳𑀸’’𑀤𑀺𑀦𑀸 𑀛𑁂 𑀛𑀲𑁆𑀲 ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑀸’’ 𑀤𑀺𑀦𑀸 𑀚𑀓𑀸𑀭𑁂 ‘‘𑀔𑀙𑀲𑁂𑀲𑁆𑀯𑀲𑁆𑀲𑀻’’𑀢𑀺 𑀇𑀓𑀸𑀭𑁂 𑀘 𑀓𑀢𑁂 𑀚𑀺𑀖𑀘𑁆𑀙𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺. 𑀚𑀺𑀖𑀘𑁆𑀙𑀢𑀺, 𑀚𑀺𑀖𑀘𑁆𑀙𑀦𑁆𑀢𑀺+𑀘𑁆𑀘𑀸𑀤𑀺.

𑀇𑀘𑁆𑀙𑀸𑀓𑀫𑁆𑀫𑀢𑁄 𑀇𑀘𑁆𑀙𑀸𑀬+𑀫𑀢𑁆𑀣𑁂 𑀈𑀬𑀧𑀘𑁆𑀘𑀬𑁄 𑀳𑁄𑀢𑀺. 𑀧𑀼𑀢𑁆𑀢+𑀫𑀺𑀘𑁆𑀙𑀢𑀻𑀢𑀺 𑀈𑀬𑀧𑀘𑁆𑀘𑀬𑁂 𑀈𑀬𑀸𑀤𑀺𑀯𑀼𑀢𑁆𑀢𑀺𑀢𑁆𑀢𑀸 ‘‘𑀏𑀓𑀢𑁆𑀣𑀢𑀸𑀬𑀁’’𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄. 𑀧𑀼𑀢𑁆𑀢𑀻𑀬𑀢𑀺, 𑀧𑀼𑀢𑁆𑀢𑀻𑀬𑀦𑁆𑀢𑀺+𑀘𑁆𑀘𑀸𑀤𑀺.

𑀓𑀫𑁆𑀫𑀢𑁄 𑀉𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀈𑀬𑁄 𑀳𑁄𑀢𑀺. 𑀧𑀼𑀢𑁆𑀢+𑀫𑀺𑀯𑀸+𑀘𑀭𑀢𑀺 𑀧𑀼𑀢𑁆𑀢𑀻𑀬𑀢𑀺 𑀲𑀺𑀲𑁆𑀲𑀁, 𑀧𑀼𑀢𑁆𑀢𑀻𑀬𑀦𑁆𑀢𑀺+𑀘𑁆𑀘𑀸𑀤𑀺.

𑀈𑀬𑁄 𑀳𑁄𑀢𑀺. 𑀓𑀼𑀝𑀺𑀬+𑀫𑀺𑀯𑀸+𑀘𑀭𑀢𑀺 𑀓𑀼𑀝𑀻𑀬𑀢𑀺 𑀧𑀸𑀲𑀸𑀤𑁂. 𑀧𑀸𑀲𑀸𑀤𑁂𑀯𑀸+𑀘𑀭𑀢𑀺 𑀧𑀸𑀲𑀸𑀤𑀻𑀬𑀢𑀺 𑀓𑀼𑀝𑀺𑀬𑀁, 𑀧𑀸𑀲𑀸𑀤𑀻𑀬𑀦𑁆𑀢𑀺+𑀘𑁆𑀘𑀸𑀤𑀺.

𑀓𑀢𑁆𑀢𑀼𑀢𑁄+𑀧𑀫𑀸𑀦𑀸 𑀆𑀘𑀸𑀭𑀢𑁆𑀣𑁂 𑀆𑀬𑁄 𑀳𑁄𑀢𑀺. 𑀧𑀩𑁆𑀩𑀢𑁄 𑀇𑀯𑀸+𑀘𑀭𑀢𑀺 𑀲𑀻𑀮𑀸𑀤𑀺𑀕𑀼𑀡𑀬𑁄𑀕𑀢𑁄𑀢𑀺 𑀧𑀩𑁆𑀩𑀢𑀸𑀬𑀢𑀺 𑀬𑁄𑀕𑀻, 𑀧𑀩𑁆𑀩𑀢𑀸𑀬𑀥𑀸𑀢𑀼𑀢𑁄 𑀢𑁆𑀬𑀸𑀤𑀬𑁄.

𑀓𑀢𑁆𑀢𑀼𑀢𑁄 ¶ 𑀅𑀪𑀽𑀢𑀢𑀩𑁆𑀪𑀸𑀯𑁂 𑀆𑀬𑁄 𑀳𑁄𑀢𑀺 𑀩𑀳𑀼𑀮𑀁. 𑀪𑀼𑀲𑁄𑀢𑀺 𑀧𑀞𑀫𑀦𑁆𑀢𑀢𑁄 𑀅𑀪𑀼𑀲𑁄 𑀪𑀼𑀲𑁄 𑀪𑀯𑀢𑀻𑀢𑀺 𑀪𑀼𑀲𑀸𑀬𑀢𑀺, 𑀪𑀼𑀲𑀸𑀬𑀦𑁆𑀢𑀺 𑀇𑀘𑁆𑀘𑀸𑀤𑀺. ‘‘𑀯𑀺𑀘𑁆𑀙𑀸𑀪𑀺𑀓𑁆𑀔𑀜𑁆𑀜𑁂𑀲𑀼 𑀤𑁆𑀯𑁂’’𑀢𑀺 𑀆𑀪𑀺𑀓𑁆𑀔𑀜𑁆𑀜𑀢𑁆𑀣𑁂 𑀤𑁆𑀯𑀺𑀢𑁆𑀢𑁂 𑀅𑀧𑀝𑀧𑀝𑀸 𑀧𑀝𑀧𑀝𑀸 𑀪𑀯𑀢𑀻𑀢𑀺 𑀆𑀬𑁂 𑀧𑀝𑀧𑀝𑀸𑀬𑀢𑀺, 𑀧𑀝𑀧𑀝𑀸𑀬𑀦𑁆𑀢𑀺+𑀘𑁆𑀘𑀸𑀤𑀺. 𑀅𑀮𑁄𑀳𑀺𑀢𑁄 𑀮𑁄𑀳𑀺𑀢𑁄 𑀪𑀯𑀢𑀺 𑀮𑁄𑀳𑀺𑀢𑀸𑀬𑀢𑀺.

𑀲𑀤𑁆𑀤𑀸𑀤𑀻𑀳𑀺 𑀤𑀼𑀢𑀺𑀬𑀦𑁆𑀢𑁂𑀳𑀺 𑀓𑀭𑁄𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀆𑀬𑁄 𑀳𑁄𑀢𑀺. 𑀲𑀤𑁆𑀤𑀁 𑀓𑀭𑁄𑀢𑀺 𑀲𑀤𑁆𑀤𑀸𑀬𑀢𑀺. 𑀏𑀯𑀁 𑀯𑁂𑀭𑀸𑀬𑀢𑀺, 𑀓𑀮𑀳𑀸𑀬𑀢𑀺, 𑀥𑀽𑀧𑀸𑀬𑀢𑀺+𑀘𑁆𑀘𑀸𑀤𑀺.

𑀦𑀫𑁄𑀇𑀘𑁆𑀘𑀲𑁆𑀫𑀸 𑀓𑀭𑁄𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀅𑀲𑁆𑀲𑁄 𑀳𑁄𑀢𑀺. 𑀦𑀫𑁄 𑀓𑀭𑁄𑀢𑀻𑀢𑀺 𑀅𑀲𑁆𑀫𑀺𑀁 𑀅𑀢𑁆𑀣𑁂 𑀅𑀲𑁆𑀲𑀧𑀘𑁆𑀘𑀬𑁂 𑀢𑁆𑀬𑀸𑀤𑀬𑁄 𑀳𑁄𑀦𑁆𑀢𑀺, 𑀢𑀣𑀸𑀕𑀢𑀁 𑀦𑀫𑀲𑁆𑀲𑀢𑀺, 𑀦𑀫𑀲𑁆𑀲𑀦𑁆𑀢𑀺 𑀇𑀘𑁆𑀘𑀸𑀤𑀺.

𑁫,𑁧𑁨. 𑀥𑀸𑀢𑁆𑀯𑀢𑁆𑀣𑁂 𑀦𑀸𑀫𑀲𑁆𑀫𑀺

𑀦𑀸𑀫𑀲𑁆𑀫𑀸 𑀥𑀸𑀢𑁆𑀯𑀢𑁆𑀣𑁂 𑀩𑀳𑀼𑀮+𑀫𑀺 𑀳𑁄𑀢𑀺. 𑀳𑀢𑁆𑀣𑀺𑀦𑀸 𑀅𑀢𑀺𑀓𑁆𑀓𑀫𑀢𑀻𑀢𑀺 𑀇𑀧𑀘𑁆𑀘𑀬𑁂 𑀮𑀯𑀺𑀓𑀭𑀡+𑀏𑀓𑀸𑀭+𑀅𑀬𑀸𑀤𑁂𑀲𑁂𑀲𑀼 𑀓𑀢𑁂𑀲𑀼 𑀅𑀢𑀺𑀳𑀢𑁆𑀣𑀬𑀢𑀺. 𑀏𑀯𑀁 𑀯𑀻𑀡𑀸𑀬 𑀉𑀧𑀕𑀸𑀬𑀢𑀺 𑀉𑀧𑀯𑀻𑀡𑀸𑀬𑀢𑀺, 𑀯𑀺𑀦𑀬𑀁 𑀤𑀴𑁆𑀳𑀁 𑀓𑀭𑁄𑀢𑀺 𑀤𑀴𑁆𑀳𑀬𑀢𑀺, 𑀯𑀺𑀲𑀼𑀤𑁆𑀥𑀸 𑀳𑁄𑀢𑀺 𑀭𑀢𑁆𑀢𑀺 𑀯𑀺𑀲𑀼𑀤𑁆𑀥𑀸𑀬𑀢𑀺, 𑀓𑀼𑀲𑀮𑀁 𑀧𑀼𑀘𑁆𑀙𑀢𑀺 𑀓𑀼𑀲𑀮𑀸𑀬𑀢𑀺+𑀘𑁆𑀘𑀸𑀤𑀺.

𑀲𑀘𑁆𑀘𑀸𑀤𑀻𑀳𑀺 ¶ 𑀥𑀸𑀢𑁆𑀯𑀢𑁆𑀣𑁂 𑀆𑀧𑀺 𑀳𑁄𑀢𑀺. 𑀲𑀘𑁆𑀘+𑀫𑀸𑀘𑀺𑀓𑁆𑀔𑀢𑀻𑀢𑀺 𑀆𑀧𑀺𑀫𑁆𑀳𑀺 𑀢𑁆𑀬𑀸𑀤𑀺𑀧𑀘𑁆𑀘𑀬𑁂 ‘‘𑀡𑀺+𑀡𑀸𑀧𑁆𑀬𑀸+𑀤𑀻𑀳𑀺 𑀯𑀸’’𑀢𑀺 𑀮𑀯𑀺𑀓𑀭𑀡+𑀏+𑀅𑀬𑀸𑀤𑁂𑀲𑀸. 𑀲𑀘𑁆𑀘𑀸𑀧𑀬𑀢𑀺, 𑀲𑀘𑁆𑀘𑀸𑀧𑁂𑀢𑀺 𑀇𑀘𑁆𑀘𑀸𑀤𑀺. 𑀅𑀢𑁆𑀣+𑀫𑀸𑀘𑀺𑀓𑁆𑀔𑀢𑀺 𑀅𑀢𑁆𑀣𑀸𑀧𑀬𑀢𑀺. 𑀏𑀯𑀁 𑀯𑁂𑀤𑀸𑀧𑀬𑀢𑀺. 𑀲𑀼𑀓𑁆𑀔𑀁 𑀓𑀭𑁄𑀢𑀻𑀢𑀺 𑀲𑀼𑀓𑁆𑀔𑀸𑀧𑀬𑀢𑀺 𑀲𑀼𑀓𑁆𑀔𑀸𑀧𑁂𑀢𑀺 𑀇𑀘𑁆𑀘𑀸𑀤𑀺.

𑁫,𑁧𑁬. 𑀧𑀬𑁄𑀚𑀓𑀩𑁆𑀬𑀸𑀧𑀸𑀭𑁂 𑀡𑀸𑀧𑀺 𑀘

𑀓𑀢𑁆𑀢𑀸𑀭𑀁 𑀬𑁄 𑀧𑀬𑁄𑀚𑁂𑀢𑀺, 𑀢𑀲𑁆𑀲 𑀩𑁆𑀬𑀸𑀧𑀸𑀭𑁂 𑀓𑁆𑀭𑀺𑀬𑀢𑁆𑀣𑀸 𑀡𑀺+𑀡𑀸𑀧𑀻 𑀳𑁄𑀦𑁆𑀢𑀺 𑀩𑀳𑀼𑀮𑀁.

𑀡𑀺𑀧𑀘𑁆𑀘𑀬𑁄 𑀉𑀯𑀡𑁆𑀡𑀦𑁆𑀢𑀸, 𑀆𑀢𑁄 𑀡𑀸𑀧𑁂𑀯 𑀳𑁄𑀢𑀺+𑀳;

𑀤𑁆𑀯𑁂 𑀤𑁆𑀯𑁂+𑀓𑁄 𑀳𑁄𑀢𑀺 𑀯𑀸 𑀲𑁂𑀲𑁂, 𑀩𑀳𑀼𑀮𑀁𑀢𑁆𑀬𑀦𑀼𑀯𑀼𑀢𑁆𑀢𑀺𑀬𑀸.

𑀅𑀓𑀫𑁆𑀫𑀓𑀸𑀧𑀺 𑀳𑁄𑀦𑁆𑀢𑁂𑀯, 𑀡𑀺+𑀡𑀸𑀧𑁆𑀬𑀦𑁆𑀢𑀸 𑀲𑀓𑀫𑁆𑀫𑀓𑀸;

𑀲𑀓𑀫𑁆𑀫𑀓𑀸 𑀤𑁆𑀯𑀺𑀓𑀫𑁆𑀫𑀸+𑀲𑁆𑀲𑀼, 𑀤𑁆𑀯𑀺𑀓𑀫𑁆𑀫𑀸 𑀘 𑀢𑀺𑀓𑀫𑁆𑀫𑀓𑀸.

𑀢𑀲𑁆𑀫𑀸 𑀓𑀢𑁆𑀢𑀭𑀺 𑀓𑀫𑁆𑀫𑁂 𑀘, 𑀡𑀺+𑀡𑀸𑀧𑀻𑀦𑀁 𑀢𑀼 𑀲𑀫𑁆𑀪𑀯𑁄;

𑀦 𑀪𑀸𑀯𑁂 𑀲𑀼𑀤𑁆𑀥𑀓𑀢𑁆𑀢𑀸 𑀢𑀼, 𑀓𑀫𑁆𑀫𑀁 𑀳𑁄𑀢𑀺 𑀧𑀬𑁄𑀚𑀓𑁂.

𑀦𑀬𑀸𑀤𑀻𑀦𑀁 𑀧𑀥𑀸𑀦𑀜𑁆𑀘, 𑀅𑀧𑀥𑀸𑀦𑀁 𑀤𑀼𑀳𑀸𑀤𑀺𑀦𑀁;

𑀲𑀼𑀤𑁆𑀥𑀓𑀢𑁆𑀢𑀸 𑀡𑀺+𑀡𑀸𑀧𑀻𑀲𑀼, 𑀓𑀫𑁆𑀫+𑀫𑀓𑁆𑀔𑁆𑀬𑀸𑀢 𑀕𑁄𑀘𑀭𑀁.

𑀪𑀯𑀺𑀢𑀼𑀁 𑀧𑀬𑁄𑀚𑀬𑀢𑀻𑀢𑀺 𑀅𑀢𑁆𑀣𑁂 𑀇𑀫𑀺𑀦𑀸 𑀡𑀺𑀧𑁆𑀧𑀘𑁆𑀘𑀬𑁄. 𑀡𑀓𑀸𑀭𑁄 𑀡𑀸𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄. ‘‘𑀬𑀼𑀯𑀡𑁆𑀡𑀸𑀦+𑀫𑁂+𑀑 𑀧𑀘𑁆𑀘𑀬𑁂’’𑀢𑀺 𑀑𑀓𑀸𑀭𑁂 ‘‘𑀆𑀬𑀸+𑀯𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀡𑀸𑀦𑀼𑀩𑀦𑁆𑀥𑁂 𑀆𑀯𑀸𑀤𑁂𑀲𑁄. 𑀢𑁆𑀬𑀸𑀤𑀺𑀫𑁆𑀳𑀺 ‘‘𑀡𑀺+𑀡𑀸𑀧𑁆𑀬𑀸+𑀧𑀻𑀳𑀺 𑀯𑀸’’𑀢𑀺 𑀮𑀯𑀺𑀓𑀭𑀡𑁂 𑀏𑀓𑀸𑀭𑁂 ‘‘𑀏𑀑𑀦+𑀫𑀬𑀯𑀸 𑀲𑀭𑁂’’𑀢𑀺 𑀅𑀬𑀸𑀤𑁂𑀲𑁄. 𑀲𑁄 𑀲𑀫𑀸𑀥𑀺𑀁 𑀪𑀸𑀯𑀬𑀢𑀺 𑀪𑀸𑀯𑁂𑀢𑀺 ¶ , 𑀪𑀸𑀯𑀬𑀦𑁆𑀢𑀺 𑀪𑀸𑀯𑁂𑀦𑁆𑀢𑀺+𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑁂𑀦 𑀲𑀫𑀸𑀥𑀺 𑀪𑀸𑀯𑀻𑀬𑀢𑀺+𑀘𑁆𑀘𑀸𑀤𑀺. 𑀏𑀢𑁆𑀣 ‘‘𑀤𑀻𑀖𑁄 𑀲𑀭𑀲𑁆𑀲𑀸’’𑀢𑀺 𑀓𑁆𑀬𑁂 𑀇𑀓𑀸𑀭𑀲𑁆𑀲 𑀤𑀻𑀖𑁄. 𑀪𑀸𑀯𑀬𑀺𑀲𑁆𑀲𑀢𑀺 𑀪𑀸𑀯𑁂𑀲𑁆𑀲𑀢𑀺, 𑀪𑀸𑀯𑀬𑀺𑀲𑁆𑀲𑀦𑁆𑀢𑀺 𑀪𑀸𑀯𑁂𑀲𑁆𑀲𑀦𑁆𑀢𑀺+𑀘𑁆𑀘𑀸𑀤𑀺. 𑀅𑀚𑁆𑀚𑀢𑀦𑁂 𑀈𑀲𑁆𑀲 𑀲𑀺𑀫𑁆𑀳𑀺 𑀅𑀪𑀸𑀯𑁂𑀲𑀺 𑀪𑀸𑀯𑁂𑀲𑀺, 𑀅𑀪𑀸𑀯𑀬𑀺 𑀪𑀸𑀯𑀬𑀺, 𑀅𑀪𑀸𑀯𑀬𑀺𑀁𑀲𑀼 𑀪𑀸𑀯𑀬𑀺𑀁𑀲𑀼. 𑀧𑀭𑀲𑁆𑀲𑀭𑀮𑁄𑀧𑁂 𑀅𑀪𑀸𑀯𑁂𑀲𑀼𑀁 𑀪𑀸𑀯𑁂𑀲𑀼𑀁, 𑀅𑀪𑀸𑀯𑀬𑀁𑀲𑀼 𑀪𑀸𑀯𑀬𑀁𑀲𑀼, 𑀅𑀪𑀸𑀯𑀬𑀼𑀁 𑀪𑀸𑀯𑀬𑀼𑀁 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀅𑀪𑀸𑀯𑀻𑀬𑀺 𑀪𑀸𑀯𑀻𑀬𑀺 𑀇𑀘𑁆𑀘𑀸𑀤𑀺. 𑀅𑀪𑀸𑀯𑀺𑀲𑁆𑀲 𑀅𑀪𑀸𑀯𑀬𑀺𑀲𑁆𑀲, 𑀅𑀪𑀸𑀯𑀺𑀲𑁆𑀲𑀁𑀲𑀼 𑀅𑀪𑀸𑀯𑀬𑀺𑀲𑁆𑀲𑀁𑀲𑀼. 𑀓𑀫𑁆𑀫𑁂-𑀅𑀪𑀸𑀯𑀬𑀺𑀲𑁆𑀲𑀁 𑀇𑀘𑁆𑀘𑀸𑀤𑀺. 𑀪𑀸𑀯𑁂 𑀪𑀸𑀯𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀪𑀸𑀯𑀻𑀬𑁂𑀬𑁆𑀬 𑀇𑀘𑁆𑀘𑀸𑀤𑀺. 𑀪𑀸𑀯𑀬𑀢𑀼 𑀪𑀸𑀯𑁂𑀢𑀼 𑀇𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀪𑀸𑀯𑀻𑀬𑀢𑀼 𑀇𑀘𑁆𑀘𑀸𑀤𑀺.

𑀧𑀘𑀺𑀢𑀼𑀁 𑀧𑀬𑁄𑀚𑁂𑀢𑀻𑀢𑀺 𑀅𑀢𑁆𑀣𑁂 𑀡𑀺+𑀡𑀸𑀧𑀻 𑀳𑁄𑀦𑁆𑀢𑀺. 𑀲𑁄 𑀤𑁂𑀯𑀤𑀢𑁆𑀢𑁂𑀦 𑀑𑀤𑀦𑀁 𑀧𑀸𑀘𑀬𑀢𑀺 𑀧𑀸𑀘𑁂𑀢𑀺 𑀇𑀘𑁆𑀘𑀸𑀤𑀺, 𑀢𑀣𑀸 𑀧𑀸𑀘𑀸𑀧𑀬𑀢𑀺 𑀧𑀸𑀘𑀸𑀧𑁂𑀢𑀺+𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀲𑁄 𑀢𑁂𑀦 𑀤𑁂𑀯𑀤𑀢𑁆𑀢𑁂𑀦 𑀑𑀤𑀦𑁄 𑀧𑀸𑀘𑀻𑀬𑀢𑀺 𑀧𑀸𑀘𑀸𑀧𑀻𑀬𑀢𑀺+𑀘𑁆𑀘𑀸𑀤𑀺, 𑀪𑀯𑀺𑀲𑁆𑀲𑀢𑁆𑀬𑀸𑀤𑀻𑀲𑀼𑀧𑀺 𑀬𑁄𑀚𑁂𑀢𑀩𑁆𑀩𑀁.

𑀕𑀦𑁆𑀢𑀼𑀁 𑀧𑀬𑁄𑀚𑁂𑀢𑀻𑀢𑀺 𑀅𑀢𑁆𑀣𑁂 𑀲𑁄 𑀢𑀁 𑀧𑀼𑀭𑀺𑀲𑀁 𑀕𑀸𑀫𑀁 𑀕𑀫𑀬𑀢𑀺 𑀕𑀫𑁂𑀢𑀺 𑀕𑀘𑁆𑀙𑀸𑀧𑀬𑀢𑀺 𑀕𑀘𑁆𑀙𑀸𑀧𑁂𑀢𑀺+𑀘𑁆𑀘𑀸𑀤𑀺. 𑀓𑀫𑁆𑀫𑁂-𑀢𑁂𑀦 𑀲𑁄 𑀕𑀸𑀫𑀁 𑀕𑀫𑀻𑀬𑀢𑀺 𑀕𑀘𑁆𑀙𑀸𑀧𑀻𑀬𑀢𑀺+𑀘𑁆𑀘𑀸𑀤𑀺.

𑀕𑀼𑀳=𑀲𑀁𑀯𑀭𑀡𑁂, 𑀕𑀼𑀳𑀺𑀢𑀼𑀁 𑀧𑀬𑁄𑀚𑁂𑀢𑀻𑀢𑀺 𑀡𑀺𑀫𑁆𑀳𑀺 ‘‘𑀕𑀼𑀳𑀺𑀲𑁆𑀲 𑀲𑀭𑁂’’𑀢𑀺 𑀤𑀻𑀖𑁄. 𑀕𑀽𑀳𑀬𑀢𑀺, 𑀕𑀽𑀳𑀬𑀦𑁆𑀢𑀺 𑀇𑀘𑁆𑀘𑀸𑀤𑀺.

𑀤𑀺𑀲+𑀤𑀼𑀲=𑀅𑀧𑁆𑀧𑀻𑀢𑀺𑀬𑀁, 𑀤𑀼𑀲𑀺𑀢𑀼𑀁 𑀧𑀬𑁄𑀚𑁂𑀢𑀻𑀢𑀺 𑀡𑀺𑀫𑁆𑀳𑀺 ‘‘𑀡𑀺𑀫𑁆𑀳𑀺 𑀤𑀻𑀖𑁄 𑀤𑀼𑀲𑀲𑁆𑀲𑀸’’𑀢𑀺 𑀤𑀻𑀖𑁂 𑀤𑀽𑀲𑀬𑀢𑀺+𑀘𑁆𑀘𑀸𑀤𑀺.

𑀢𑀣𑀸 𑀇𑀘𑁆𑀙𑀦𑁆𑀢𑀁 𑀧𑀬𑁄𑀚𑀬𑀢𑀺 𑀇𑀘𑁆𑀙𑀸𑀧𑀬𑀢𑀺 𑀇𑀘𑁆𑀙𑀸𑀧𑁂𑀢𑀺, 𑀏𑀲𑀬𑀢𑀺 𑀏𑀲𑁂𑀢𑀺. 𑀦𑀺𑀬𑀘𑁆𑀙𑀦𑁆𑀢𑀁 𑀧𑀬𑁄𑀚𑀬𑀢𑀺 𑀦𑀺𑀬𑀫𑀬𑀢𑀺 𑀦𑀺𑀬𑀫𑁂𑀢𑀺. 𑀢𑀣𑀸 𑀆𑀲𑀬𑀢𑀺 ¶ 𑀆𑀲𑁂𑀢𑀺, 𑀅𑀘𑁆𑀙𑀸𑀧𑀬𑀢𑀺 𑀅𑀘𑁆𑀙𑀸𑀧𑁂𑀢𑀺. 𑀮𑀸𑀪𑀬𑀢𑀺 𑀮𑀸𑀪𑁂𑀢𑀺, 𑀏𑀯𑀁 𑀯𑀸𑀲𑀬𑀢𑀺 𑀯𑀸𑀲𑁂𑀢𑀺, 𑀯𑀸𑀲𑀸𑀧𑀬𑀢𑀺 𑀯𑀸𑀲𑀸𑀧𑁂𑀢𑀺. 𑀯𑀸𑀳𑀬𑀢𑀺 𑀯𑀸𑀳𑁂𑀢𑀺, 𑀯𑀸𑀳𑀸𑀧𑀬𑀢𑀺 𑀯𑀸𑀳𑀸𑀧𑁂𑀢𑀺+𑀘𑁆𑀘𑀸𑀤𑀺. 𑀏𑀯𑀁 𑀚𑀻𑀭𑀬𑀢𑀺, 𑀫𑀸𑀭𑀬𑀢𑀺, 𑀤𑀲𑁆𑀲𑀬𑀢𑀺 𑀇𑀘𑁆𑀘𑀸𑀤𑀺. 𑀳𑀽=𑀲𑀢𑁆𑀢𑀸𑀬𑀁, 𑀧𑀳𑁄𑀦𑁆𑀢𑀁 𑀧𑀬𑁄𑀚𑀬𑀢𑀺 𑀧𑀳𑀸𑀯𑀬𑀢𑀺 𑀧𑀳𑀸𑀯𑁂𑀢𑀺 𑀇𑀘𑁆𑀘𑀸𑀤𑀺. 𑀲𑀸𑀬𑀬𑀢𑀺 𑀲𑀸𑀬𑀸𑀧𑀬𑀢𑀺 𑀲𑀸𑀬𑀸𑀧𑁂𑀢𑀺. 𑀦𑀸𑀬𑀸𑀧𑀬𑀢𑀺 𑀦𑀸𑀬𑀸𑀧𑁂𑀢𑀺. 𑀧𑀢𑀺𑀝𑁆𑀞𑀸𑀧𑀬𑀢𑀺 𑀧𑀢𑀺𑀝𑁆𑀞𑀸𑀧𑁂𑀢𑀺. 𑀭𑀲𑁆𑀲𑁂 𑀧𑀢𑀺𑀝𑁆𑀞𑀧𑁂𑀢𑀺. 𑀳𑀦𑁆𑀢𑀼𑀁 𑀧𑀬𑁄𑀚𑀬𑀢𑀻𑀢𑀺 𑀡𑀺+𑀡𑀸𑀧𑀻, ‘‘𑀳𑀦𑀲𑁆𑀲 𑀖𑀸𑀢𑁄 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀖𑀸𑀢𑀸𑀤𑁂𑀲𑁂 𑀖𑀸𑀢𑀬𑀢𑀺 𑀖𑀸𑀢𑁂𑀢𑀺. 𑀢𑀣𑀸 𑀚𑀼𑀳𑀸𑀯𑀬𑀢𑀺 𑀚𑀼𑀳𑀸𑀯𑁂𑀢𑀺, 𑀚𑀳𑀸𑀧𑀬𑀢𑀺 𑀚𑀳𑀸𑀧𑁂𑀢𑀺. 𑀳𑀸𑀧𑀬𑀢𑀺 𑀳𑀸𑀧𑁂𑀢𑀺. 𑀤𑀸𑀧𑀬𑀢𑀺 𑀤𑀸𑀧𑁂𑀢𑀺. 𑀯𑀺𑀥𑀸𑀧𑀬𑀢𑀺 𑀯𑀺𑀥𑀸𑀧𑁂𑀢𑀺, 𑀧𑀺𑀤𑀳𑀸𑀧𑀬𑀢𑀺 𑀧𑀺𑀤𑀳𑀸𑀧𑁂𑀢𑀺. (𑀪𑀽𑀯𑀸𑀤𑀺𑀦𑀬𑁄).

𑀇𑀤𑀸𑀦𑀺 𑀭𑀼𑀥𑀸𑀤𑀺𑀅𑀝𑁆𑀞𑀕𑀡𑀸 𑀤𑀲𑁆𑀲𑀻𑀬𑀦𑁆𑀢𑁂-𑀭𑁄𑀥𑀬𑀢𑀺 𑀭𑁄𑀥𑁂𑀢𑀺. 𑀤𑁂𑀯𑀬𑀢𑀺 𑀤𑁂𑀯𑁂𑀢𑀺. 𑀢𑁄𑀤𑀬𑀢𑀺 𑀢𑁄𑀤𑁂𑀢𑀺. 𑀚𑀬𑀸𑀧𑀬𑀢𑀺 𑀚𑀬𑀸𑀧𑁂𑀢𑀺. 𑀯𑀺𑀓𑁆𑀓𑀬𑀢𑀺 𑀯𑀺𑀓𑁆𑀓𑀬𑀸𑀧𑁂𑀢𑀺. 𑀲𑀸𑀯𑀬𑀢𑀺 𑀲𑀸𑀯𑁂𑀢𑀺. 𑀯𑀺𑀢𑀸𑀦𑀬𑀢𑀺 𑀯𑀺𑀢𑀸𑀦𑁂𑀢𑀺. 𑀘𑁄𑀭𑀸𑀧𑀬𑀢𑀺 𑀘𑁄𑀭𑀸𑀧𑁂𑀢𑀺 𑀇𑀘𑁆𑀘𑀸𑀤𑀺.

𑀔𑀸𑀤𑀻𑀳𑀺 𑀧𑀘𑁆𑀘𑀬𑀦𑁆𑀢𑁂𑀳𑀺, 𑀅𑀧𑀺 𑀳𑁄𑀦𑁆𑀢𑀺 𑀡𑀺+𑀡𑀸𑀧𑀬𑁄;

𑀡𑀺+𑀡𑀸𑀧𑀺𑀦𑀸+𑀦𑀓𑀸𑀦𑀸𑀦𑀁, 𑀤𑀲𑁆𑀲𑀦𑀜𑁆𑀘𑁂𑀢𑁆𑀣 𑀲𑀸𑀥𑀦𑀁.

𑀢𑀺𑀢𑀺𑀓𑁆𑀔𑀦𑁆𑀢𑀁 𑀧𑀬𑁄𑀚𑀬𑀢𑀺 𑀢𑀺𑀢𑀺𑀓𑁆𑀔𑁂𑀢𑀺 𑀢𑀺𑀢𑀺𑀓𑁆𑀔𑀸𑀧𑁂𑀢𑀺, 𑀢𑀺𑀓𑀺𑀘𑁆𑀙𑀬𑀢𑀺 𑀢𑀺𑀓𑀺𑀘𑁆𑀙𑁂𑀢𑀺 𑀢𑀺𑀓𑀺𑀘𑁆𑀙𑀸𑀧𑀬𑀢𑀺 𑀢𑀺𑀓𑀺𑀘𑁆𑀙𑀸𑀧𑁂𑀢𑀺. 𑀏𑀯𑀁 𑀩𑀼𑀪𑀼𑀓𑁆𑀔𑁂𑀢𑀺 𑀩𑀼𑀪𑀼𑀓𑁆𑀔𑀸𑀧𑁂𑀢𑀺. 𑀧𑀩𑁆𑀩𑀢𑀸𑀬𑀬𑀢𑀺. 𑀧𑀼𑀢𑁆𑀢𑀻𑀬𑀬𑀢𑀺 𑀇𑀘𑁆𑀘𑀸𑀤𑀺. (𑀔𑀸𑀤𑀺𑀧𑀘𑁆𑀘𑀬𑀦𑀬𑁄).

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀢𑁆𑀬𑀸𑀤𑀺𑀓𑀡𑁆𑀟𑁄 𑀙𑀝𑁆𑀞𑁄.

𑀅𑀣 ¶ 𑀥𑀸𑀢𑀽𑀳𑀺𑀬𑁂𑀯 𑀪𑀸𑀯+𑀓𑀫𑁆𑀫+𑀓𑀢𑁆𑀢𑀼+𑀓𑀭𑀡𑀸𑀤𑀺𑀲𑀸𑀥𑀦𑀲𑀳𑀺𑀢𑀁 𑀔𑀸𑀤𑀺𑀯𑀺𑀥𑀸𑀦𑀁 𑀆𑀭𑀪𑀻𑀬𑀢𑁂 𑁋

‘‘𑀢𑀺𑀚𑀫𑀸𑀦𑁂𑀳𑀺 𑀔𑀲𑀸 𑀔𑀫𑀸𑀯𑀻𑀫𑀁𑀲𑀸𑀲𑀼’’ 𑀇𑀘𑁆𑀘𑀸𑀤𑀻𑀳𑀺 𑀧𑀘𑁆𑀘𑀬𑀯𑀺𑀥𑀸𑀦𑀜𑁆𑀘 𑀧𑀭𑀭𑀽𑀧𑀤𑁆𑀯𑀺𑀢𑁆𑀢𑀸𑀤𑀺𑀓𑀸𑀭𑀺𑀬𑀜𑁆𑀘 𑀢𑁆𑀬𑀸𑀤𑀺𑀓𑀡𑁆𑀟𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀜𑀸𑀢𑀩𑁆𑀩𑀁. 𑀢𑀺𑀢𑀺𑀓𑁆𑀔𑀦𑀁 𑀢𑀺𑀢𑀺𑀓𑁆𑀔𑀸, ‘‘𑀇𑀢𑁆𑀣𑀺𑀬+𑀫𑀡𑀓𑁆𑀢𑀺𑀓𑀬𑀓𑀬𑀸 𑀘’’ 𑀇𑀢𑀺 𑀲𑀼𑀢𑁆𑀢𑁂𑀦 𑀅𑀧𑀘𑁆𑀘𑀬𑁄 𑀘 ‘‘𑀇𑀢𑁆𑀣𑀺𑀬+𑀫𑀢𑁆𑀯𑀸’’𑀢𑀺 𑀆𑀧𑀘𑁆𑀘𑀬𑁄 𑀘 𑀳𑁄𑀢𑀺. 𑀢𑀣𑀸 𑀯𑀻𑀫𑀁𑀲𑀦𑀁 𑀯𑀻𑀫𑀁𑀲𑀸. ‘‘𑀓𑀺𑀢𑀸 𑀢𑀺𑀓𑀺𑀘𑁆𑀙𑀸𑀲𑀁𑀲𑀬𑁂𑀲𑀼 𑀙𑁄’’𑀢𑀺 𑀙𑀧𑁆𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀓𑀢𑁂 𑀢𑀺𑀓𑀺𑀘𑁆𑀙𑀦𑀁 𑀢𑀺𑀓𑀺𑀘𑁆𑀙𑀸, 𑀯𑀺𑀘𑀺𑀓𑀺𑀘𑁆𑀙𑀦𑀁 𑀯𑀺𑀘𑀺𑀓𑀺𑀘𑁆𑀙𑀸. 𑀕𑀼𑀧=𑀕𑁄𑀧𑀦𑁂, 𑀩𑀥=𑀩𑀦𑁆𑀥𑀦𑁂𑀢𑀺 𑀇𑀫𑁂𑀳𑀺 𑀥𑀸𑀢𑀽𑀳𑀺 ‘‘𑀦𑀺𑀦𑁆𑀤𑀸𑀬𑀁 𑀕𑀼𑀧+𑀩𑀥𑀸 𑀩𑀲𑁆𑀲 𑀪𑁄 𑀘’’ 𑀇𑀢𑀺 𑀙𑀧𑀘𑁆𑀘𑀬𑀸𑀤𑀺𑀫𑁆𑀳𑀺 𑀘 𑀤𑁆𑀯𑀺𑀢𑁆𑀢𑁂 𑀧𑀭𑀩𑀓𑀸𑀭𑀲𑁆𑀲 𑀇𑀫𑀺𑀦𑀸 𑀪𑀓𑀸𑀭𑁂 𑀘 𑀓𑀢𑁂 𑀅𑀧𑀘𑁆𑀘𑀬𑀸𑀤𑀺 𑀳𑁄𑀢𑀺. 𑀚𑀺𑀕𑀼𑀘𑁆𑀙𑀦𑀁 𑀚𑀺𑀕𑀼𑀘𑁆𑀙𑀸, 𑀩𑀻𑀪𑀘𑁆𑀙𑀦𑀁 𑀩𑀻𑀪𑀘𑁆𑀙𑀸. ‘‘𑀢𑀼𑀁𑀲𑁆𑀫𑀸 𑀮𑁄𑀧𑁄 𑀘𑀺+𑀘𑁆𑀙𑀸𑀬𑀁 𑀢𑁂’’ 𑀇𑀢𑀺 𑀇𑀘𑁆𑀙𑀸𑀬+𑀫𑀢𑁆𑀣𑁂 𑀔+𑀲+𑀙𑀧𑁆𑀧𑀘𑁆𑀘𑀬𑀸 𑀳𑁄𑀦𑁆𑀢𑀺. 𑀪𑀼𑀚=𑀧𑀸𑀮𑀦𑀚𑁆𑀛𑁄𑀳𑀸𑀭𑁂𑀲𑀼, 𑀩𑀼𑀪𑀼𑀓𑁆𑀔𑀦𑀁 𑀩𑀼𑀪𑀼𑀓𑁆𑀔𑀸. 𑀚𑀺=𑀚𑀬𑁂, 𑀚𑀺𑀕𑀺𑀁𑀲𑀦𑀁, 𑀚𑀺𑀕𑀺𑀁𑀲𑀸. 𑀖𑀲=𑀅𑀤𑀦𑁂, 𑀚𑀺𑀖𑀘𑁆𑀙𑀦𑀁 𑀚𑀺𑀖𑀘𑁆𑀙𑀸.

𑁨𑁭. 𑀪𑀸𑀯𑀓𑀫𑁆𑀫𑁂𑀲𑀼 𑀢𑀩𑁆𑀩𑀸𑀦𑀻𑀬𑀸

𑀢𑀩𑁆𑀩𑀅𑀦𑀻𑀬𑀸 𑀓𑁆𑀭𑀺𑀬𑀢𑁆𑀣𑀸 𑀧𑀭𑁂 𑀪𑀸𑀯𑀓𑀫𑁆𑀫𑁂𑀲𑀼 𑀪𑀯𑀦𑁆𑀢𑀺, 𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑀢𑁆𑀢𑀼𑀓𑀭𑀡𑀸𑀤𑀻𑀲𑀼𑀧𑀺. 𑀪𑀽=𑀲𑀢𑁆𑀢𑀸𑀬𑀁, ‘‘𑀬𑀼𑀯𑀡𑁆𑀡𑀸𑀦+𑀫𑁂 𑀑𑀧𑀘𑁆𑀘𑀬𑁂’’𑀢𑀺 𑀑𑀓𑀸𑀭𑁂 ‘‘𑀊𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀊𑀆𑀕𑀫𑁄, 𑀜𑁆𑀜𑀓𑀸𑀭𑁄 𑀆𑀤𑁆𑀬𑀸𑀯𑀬𑀯𑀢𑁆𑀣𑁄. 𑀑𑀲𑁆𑀲 ‘‘𑀏𑀑𑀦+ 𑀫𑀬𑀯𑀸 ¶ 𑀲𑀭𑁂’’𑀢𑀺 𑀅𑀯𑀸𑀤𑁂𑀲𑁄, 𑀪𑀽𑀬𑀢𑁂𑀢𑀺 𑀪𑀯𑀺𑀢𑀩𑁆𑀩𑀁 𑀪𑀯𑀢𑀸 𑀪𑀯𑀦𑀻𑀬𑀁. 𑀪𑀸𑀯𑀲𑁆𑀲𑁂+𑀓𑀢𑁆𑀢𑀸 𑀏𑀓𑀯𑀘𑀦𑀫𑁂𑀯, 𑀢𑀜𑁆𑀘 𑀦𑀧𑀼𑀁𑀲𑀓𑀮𑀺𑀗𑁆𑀕𑀁.

𑀤𑀩𑁆𑀩𑀫𑀺𑀯 𑀧𑀓𑀸𑀲𑀢𑀻𑀢𑀺-𑀩𑀳𑀼𑀯𑀘𑀦𑀜𑁆𑀘 𑀳𑁄𑀢𑀺.

𑀓𑀫𑁆𑀫𑁂-𑀅𑀪𑀺𑀧𑀼𑀩𑁆𑀩𑁄, 𑀅𑀪𑀺𑀪𑀽𑀬𑀢𑁂 𑀅𑀪𑀺𑀪𑀽𑀬𑀺𑀢𑁆𑀣 𑀅𑀪𑀺𑀪𑀽𑀬𑀺𑀲𑁆𑀲𑀢𑁂𑀢𑀺 𑀅𑀪𑀺𑀪𑀯𑀺𑀢𑀩𑁆𑀩𑁄 𑀓𑁄𑀥𑁄 𑀧𑀡𑁆𑀟𑀺𑀢𑁂𑀦, 𑀅𑀪𑀺𑀪𑀯𑀺𑀢𑀩𑁆𑀩𑀸 𑀢𑀡𑁆𑀳𑀸, 𑀅𑀪𑀺𑀪𑀯𑀺𑀢𑀩𑁆𑀩𑀁 𑀤𑀼𑀓𑁆𑀔𑀁. 𑀏𑀯𑀁 𑀅𑀪𑀺𑀪𑀯𑀦𑀻𑀬𑁄 𑀅𑀪𑀺𑀪𑀯𑀦𑀻𑀬𑀸 𑀅𑀪𑀺𑀪𑀯𑀦𑀻𑀬𑀁, 𑀓𑀫𑁆𑀫𑁂 𑀅𑀪𑀺𑀥𑁂𑀬𑁆𑀬𑀲𑁆𑀲𑁂𑀯 𑀮𑀺𑀗𑁆𑀕𑀯𑀘𑀦𑀸𑀦𑀺.

𑀯𑀺𑀲𑁂𑀲𑁆𑀲𑀮𑀺𑀗𑁆𑀕𑀸𑀢𑀩𑁆𑀩𑀸𑀤𑀻, 𑀢𑀢𑁆𑀣𑀸+𑀤𑁄 𑀧𑀜𑁆𑀘 𑀪𑀸𑀯𑀚𑀸;

𑀦𑀧𑀼𑀁𑀲𑀓𑁂 𑀲𑀺𑀬𑀼𑀁 𑀪𑀸𑀯𑁂, 𑀓𑁆𑀢𑁄 𑀘𑀸+𑀦𑁄 𑀅𑀓𑀢𑁆𑀢𑀭𑀺.

𑀪𑀸𑀯𑀲𑁆𑀫𑀺𑀁 𑀖𑀡 𑀧𑀼𑀫𑁂 𑀏𑀯𑀁, 𑀇𑀬𑀼𑀯𑀡𑁆𑀡𑀸 𑀕𑀳𑀸𑀤𑀺𑀚𑁄;

𑀅𑀧𑀘𑁆𑀘𑀬𑁄𑀧𑀺 𑀯𑀸+𑀲𑀁𑀔𑁆𑀬𑀸, 𑀢𑀼+𑀫𑀸𑀤𑀺𑀢𑁆𑀯𑀦𑁆𑀢𑀓𑀸 𑀲𑀺𑀬𑀼𑀁.

𑀇𑀢𑁄 𑀧𑀭𑀁 𑀉𑀧𑀲𑀕𑁆𑀕𑀧𑀼𑀩𑁆𑀩𑀢𑀸 𑀘 𑀓𑀸𑀮𑀢𑁆𑀢𑀬𑀲𑁆𑀲 𑀯𑀸𑀓𑁆𑀬𑀕𑀳𑀡𑀜𑁆𑀘 𑀯𑀼𑀢𑁆𑀢𑀦𑀬𑁂𑀦 𑀜𑀸𑀢𑀩𑁆𑀩𑀁, 𑀢𑀲𑁆𑀫𑀸 𑀅𑀦𑀼𑀭𑀽𑀧𑀯𑀸𑀓𑁆𑀬𑀫𑁂𑀯 𑀤𑀲𑁆𑀲𑀬𑀺𑀲𑁆𑀲𑀸𑀫 𑁋

𑀆𑀲=𑀉𑀧𑀯𑁂𑀲𑀦𑁂, 𑀆𑀲𑀦𑁂 𑀆𑀲𑀺𑀢𑀩𑁆𑀩𑀁 𑀢𑀬𑀸 𑀆𑀲𑀦𑀻𑀬𑀁. 𑀓𑀫𑁆𑀫𑁂-𑀉𑀧𑀸𑀲𑀻𑀬𑀢𑀻𑀢𑀺 𑀉𑀧𑀸𑀲𑀺𑀢𑀩𑁆𑀩𑁄 𑀕𑀼𑀭𑀼 𑀉𑀧𑀸𑀲𑀦𑀻𑀬𑁄. 𑀲𑀻=𑀲𑀬𑁂, 𑀏+𑀅𑀬𑀸𑀤𑁂𑀲𑀸, 𑀲𑀬𑀦𑀁 𑀲𑀬𑀺𑀢𑀩𑁆𑀩𑀁 𑀲𑀬𑀦𑀻𑀬𑀁 𑀢𑀬𑀸. 𑀅𑀢𑀺𑀲𑀻𑀬𑀢𑀻𑀢𑀺 𑀅𑀢𑀺𑀲𑀬𑀺𑀢𑀩𑁆𑀩𑁄 𑀓𑀝𑁄 𑀢𑁂 𑀅𑀢𑀺𑀲𑀬𑀦𑀻𑀬𑁄. 𑀧𑀤=𑀕𑀫𑀦𑁂, ‘‘𑀧𑀤𑀸𑀤𑀻𑀦𑀁 𑀓𑁆𑀯𑀘𑀻’’𑀢𑀺 𑀬𑀼𑀓, 𑀓𑀓𑀸𑀭𑁄 𑀓𑀸𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄, 𑀉𑀓𑀸𑀭𑁄 𑀉𑀘𑁆𑀘𑀸𑀭𑀡𑀢𑁆𑀣𑁄, 𑀤𑀲𑁆𑀲𑀚𑁄 𑀧𑀼𑀩𑁆𑀩𑀭𑀽𑀧𑀜𑁆𑀘, 𑀉𑀧𑁆𑀧𑀚𑁆𑀚𑀦𑀁 𑀉𑀧𑁆𑀧𑀚𑁆𑀚𑀺𑀢𑀩𑁆𑀩𑀁 𑀉𑀧𑁆𑀧𑀚𑁆𑀚𑀦𑀻𑀬𑀁. 𑀧𑀝𑀺𑀧𑀚𑁆𑀚𑀻𑀬𑀢𑀻𑀢𑀺 𑀧𑀝𑀺𑀧𑀚𑁆𑀚𑀺𑀢𑀩𑁆𑀩𑁄 𑀫𑀕𑁆𑀕𑁄 𑀧𑀝𑀺𑀧𑀚𑁆𑀚𑀦𑀻𑀬𑁄. 𑀩𑀼𑀥=𑀜𑀸𑀡𑁂, 𑀩𑀼𑀚𑁆𑀛𑀢𑁂𑀢𑀺 𑀩𑀼𑀚𑁆𑀛𑀺𑀢𑀩𑁆𑀩𑁄 ¶ 𑀥𑀫𑁆𑀫𑁄 𑀩𑀼𑀚𑁆𑀛𑀦𑀻𑀬𑁄. 𑀲𑀼=𑀲𑀯𑀦𑁂, 𑀲𑀽𑀬𑀢𑁂𑀢𑀺 𑀲𑁄𑀢𑀩𑁆𑀩𑁄 𑀥𑀫𑁆𑀫𑁄, 𑀜𑁆𑀜𑀺𑀫𑁆𑀳𑀺 𑀦𑀸𑀕𑀫𑁂 ‘‘𑀢𑀣𑀦𑀭𑀸𑀦𑀁 𑀝𑀞𑀡𑀮𑀸’’𑀢𑀺 𑀡𑁂 𑀘 𑀓𑀢𑁂 ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥+𑀦𑀸𑀕𑀫𑁂𑀲𑀽’’𑀢𑀺 𑀑𑀓𑀸𑀭𑀸𑀪𑀸𑀯𑁄. 𑀲𑀼𑀡𑀺𑀢𑀩𑁆𑀩𑁄, 𑀲𑀯𑀦𑀻𑀬𑁄. 𑀓𑀭=𑀓𑀭𑀡𑁂 𑁋

𑁯𑁫. 𑀧𑀭𑀭𑀽𑀧+𑀫𑀬𑀓𑀸𑀭𑁂 𑀩𑁆𑀬𑀜𑁆𑀚𑀦𑁂

𑀓𑁆𑀭𑀺𑀬𑀢𑁆𑀣𑀸𑀦+𑀫𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲 𑀧𑀭𑀭𑀽𑀧𑀁 𑀳𑁄𑀢𑀺 𑀬𑀓𑀸𑀭𑀢𑁄 𑀅𑀜𑁆𑀜𑀲𑁆𑀫𑀺𑀁 𑀩𑁆𑀬𑀜𑁆𑀚𑀦𑁂. 𑀓𑀭𑀻𑀬𑀢𑀻𑀢𑀺 𑀓𑀢𑁆𑀢𑀩𑁆𑀩𑁄 𑀥𑀫𑁆𑀫𑁄, 𑀓𑀢𑁆𑀢𑀩𑁆𑀩𑀸 𑀧𑀽𑀚𑀸, 𑀓𑀢𑁆𑀢𑀩𑁆𑀩𑀁 𑀓𑀼𑀲𑀮𑀁.

𑀢𑀼𑀫𑀸𑀤𑀻𑀲𑀼 𑀓𑀭𑀲𑁆𑀲𑀸 𑀳𑁄𑀢𑀺 𑀯𑀸. 𑀓𑀸𑀢𑀩𑁆𑀩𑀁 𑀳𑀺𑀢𑀁.

𑀭𑀦𑁆𑀢𑀢𑁄 𑀓𑁆𑀭𑀺𑀬𑀢𑁆𑀣𑀸 𑀧𑀘𑁆𑀘𑀬𑀦𑀓𑀸𑀭𑀲𑁆𑀲 𑀡 𑀳𑁄𑀢𑀺. 𑀓𑀭𑀡𑀻𑀬𑁄.

𑀪𑀭=𑀪𑀭𑀡𑁂, 𑀪𑀭𑀻𑀬𑀢𑀻𑀢𑀺 𑀪𑀭𑀺𑀢𑀩𑁆𑀩𑁄 𑀪𑀭𑀡𑀻𑀬𑁄. 𑀕𑀳=𑀉𑀧𑀸𑀤𑀸𑀦𑁂 ‘‘𑀫𑀁 𑀯𑀸 𑀭𑀼𑀥𑀸𑀤𑀻𑀦𑀁’’𑀢𑀺 𑀅𑀦𑁆𑀢𑀲𑀭𑀸 𑀧𑀭𑁄𑀫𑀁 𑀯𑀸 𑀳𑁄𑀢𑀺. 𑀫𑀓𑀸𑀭𑁄+𑀦𑀼𑀩𑀦𑁆𑀥𑁄. ‘‘𑀡𑁄 𑀦𑀺𑀕𑁆𑀕𑀳𑀻𑀢𑀲𑁆𑀲𑀸’’𑀢𑀺 𑀦𑀺𑀕𑁆𑀕𑀳𑀻𑀢𑀲𑁆𑀲 𑀡𑁄, 𑀲𑀁𑀕𑀬𑁆𑀳𑀢𑀻𑀢𑀺 𑀲𑀁𑀕𑀡𑁆𑀳𑀺𑀢𑀩𑁆𑀩𑁄 𑀲𑀁𑀕𑀡𑁆𑀳𑀦𑀻𑀬𑁄, ‘‘𑀢𑀣𑀦𑀭𑀸’’𑀤𑀺𑀦𑀸 𑀡𑀓𑀸𑀭𑁂 𑀕𑀳𑀡𑀻𑀬𑁄. 𑀭𑀫=𑀓𑀻𑀴𑀸𑀬𑀁, 𑀭𑀫𑀻𑀬𑀢𑀻𑀢𑀺 𑀭𑀫𑀡𑀻𑀬𑁄 𑀯𑀺𑀳𑀸𑀭𑁄. 𑀆𑀧=𑀧𑀸𑀧𑀼𑀡𑀦𑁂, ‘‘𑀲𑀓𑀸𑀧𑀸𑀦𑀁 𑀓𑀼𑀓𑀓𑀽 𑀡𑁂’’𑀢𑀺 𑀏𑀢𑁆𑀣 ‘𑀲𑀓𑀸𑀧𑀸𑀦𑀁 𑀓𑀼𑀓+𑀓𑀽’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀓𑀼, 𑀊𑀆𑀕𑀫𑁂 𑀦𑀸𑀕𑀫𑀲𑁆𑀲 𑀡𑁂 𑀘 𑀓𑀢𑁂 𑀧𑀸𑀧𑀻𑀬𑀢𑀻𑀢𑀺 𑀧𑀸𑀧𑀼𑀡𑀺𑀢𑀩𑁆𑀩𑁄. 𑀧𑀭𑀭𑀽𑀧𑁂 𑀧𑀢𑁆𑀢𑀩𑁆𑀩𑁄, 𑀧𑀸𑀧𑀼𑀡𑀦𑀻𑀬𑁄, 𑀧𑀸𑀧𑀦𑀻𑀬𑁄.

𑀫𑀓𑀸𑀭+𑀦𑀓𑀸𑀭𑀦𑁆𑀢𑀸𑀦𑀁 ¶ 𑀓𑁆𑀭𑀺𑀬𑀢𑁆𑀣𑀸𑀦𑀁 𑀦𑀺𑀕𑁆𑀕𑀳𑀻𑀢𑀁 𑀳𑁄𑀢𑁆𑀬+𑀬𑀓𑀸𑀭𑁂 𑀩𑁆𑀬𑀜𑁆𑀚𑀦𑁂. 𑀯𑀕𑁆𑀕𑀦𑁆𑀢𑀁, 𑀕𑀫𑀺𑀬𑀢𑀻𑀢𑀺 𑀕𑀦𑁆𑀢𑀩𑁆𑀩𑁄. 𑀕𑀫𑀺𑀢𑀩𑁆𑀩𑀁 𑀕𑀫𑀦𑀻𑀬𑀁. 𑀔𑀦=𑀔𑀡=𑀅𑀯𑀤𑀸𑀭𑀡𑁂, 𑀦𑀺𑀕𑁆𑀕𑀳𑀻𑀢𑀁 𑀯𑀕𑁆𑀕𑀦𑁆𑀢𑀢𑁆𑀢𑀜𑁆𑀘, 𑀔𑀜𑁆𑀜𑀢𑁂𑀢𑀺 𑀔𑀦𑁆𑀢𑀩𑁆𑀩𑀁 𑀆𑀯𑀸𑀝𑀁 𑀔𑀦𑀺𑀢𑀩𑁆𑀩𑀁 𑀔𑀦𑀦𑀻𑀬𑀁. 𑀳𑀦=𑀳𑀺𑀁𑀲𑀸𑀬𑀁, 𑀳𑀜𑁆𑀜𑀢𑁂𑀢𑀺 𑀳𑀦𑁆𑀢𑀩𑁆𑀩𑀁 𑀳𑀦𑀺𑀢𑀩𑁆𑀩𑀁 𑀳𑀦𑀦𑀻𑀬𑀁. 𑀫𑀦=𑀜𑀸𑀡𑁂, 𑀫𑀜𑁆𑀜𑀢𑁂𑀢𑀺 𑀫𑀦𑁆𑀢𑀩𑁆𑀩𑁄 𑀫𑀦𑀺𑀢𑀩𑁆𑀩𑁄. ‘‘𑀧𑀤𑀸𑀤𑀻𑀦𑀁 𑀓𑁆𑀯𑀘𑀻’’𑀢𑀺 𑀬𑀼𑀓, 𑀘𑀯𑀕𑁆𑀕𑀸𑀤𑀺𑀫𑁆𑀳𑀺 𑀓𑀢𑁂 𑀫𑀜𑁆𑀜𑀺𑀢𑀩𑁆𑀩𑀁 𑀫𑀜𑁆𑀜𑀦𑀻𑀬𑀁.

𑀧𑀽𑀚=𑀧𑀽𑀚𑀸𑀬𑀁, ‘‘𑀘𑀼𑀭𑀸𑀤𑀺𑀢𑁄 𑀡𑀻’’𑀢𑀺 𑀡𑀺𑀫𑁆𑀳𑀺 𑀜𑀼𑀓𑀸𑀭𑀲𑁆𑀲 𑀕𑀼𑀭𑀼𑀢𑁆𑀢𑀸 𑀑𑀓𑀸𑀭𑀸𑀯𑀼𑀢𑁆𑀢𑀺 ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑 𑀧𑀘𑁆𑀘𑀬𑁂’’𑀢𑀺 𑀏𑀓𑀸𑀭𑁂 𑀧𑀽𑀚𑁂𑀢𑀩𑁆𑀩𑁄 𑀊𑀫𑁆𑀳𑀺 𑀅𑀬𑀸𑀤𑁂𑀲𑁂 𑀧𑀽𑀚𑀬𑀺𑀢𑀩𑁆𑀩𑁄 𑀧𑀽𑀚𑀦𑀻𑀬𑁄 𑀪𑀕𑀯𑀸.

𑀓𑀢𑁆𑀢𑀭𑀺-𑀬𑀸=𑀧𑀸𑀧𑀼𑀡𑀦𑁂, 𑀦𑀻𑀬𑀢𑀻𑀢𑀺 𑀦𑀺𑀬𑁆𑀬𑀸𑀦𑀺𑀬𑁄 𑀫𑀕𑁆𑀕𑁄, 𑀕𑀘𑁆𑀙𑀦𑁆𑀢𑀻𑀢𑀺 𑀕𑀫𑀦𑀻𑀬𑀸 𑀪𑁄𑀕𑀸. 𑀓𑀭𑀡𑁂-𑀦𑀳=𑀲𑁄𑀘𑁂𑀬𑁆𑀬𑁂, 𑀦𑀳𑀸𑀬𑀦𑁆𑀢𑁆𑀬+𑀦𑁂𑀦𑀸𑀢𑀺 𑀦𑀳𑀸𑀦𑀻𑀬𑀁 𑀘𑀼𑀡𑁆𑀡𑀁. 𑀲𑀫𑁆𑀧𑀤𑀸𑀦𑁂-𑀤𑀸=𑀤𑀸𑀦𑁂, 𑀲𑀁+𑀧𑀧𑀼𑀩𑁆𑀩𑁄, 𑀲𑀫𑁆𑀫𑀸 𑀧𑀤𑀻𑀬𑀢𑁂 𑀅𑀲𑁆𑀲𑀸𑀢𑀺 𑀲𑀫𑁆𑀧𑀤𑀸𑀦𑀺𑀬𑁄 𑀩𑁆𑀭𑀸𑀳𑁆𑀫𑀡𑁄.

𑀪𑀸𑀯𑀓𑀫𑁆𑀫𑁂𑀲𑀼 𑀓𑁆𑀭𑀺𑀬𑀢𑁆𑀣𑀸 𑀧𑀭𑁄 𑀖𑁆𑀬𑀡 𑀳𑁄𑀢𑀺 𑀩𑀳𑀼𑀮𑀁. 𑀊𑀫𑁆𑀳𑀺 𑀓𑀢𑁆𑀢𑀩𑁆𑀩𑀁 𑀓𑀸𑀭𑀺𑀬𑀁. 𑀳𑀭=𑀳𑀭𑀡𑁂, 𑀳𑀭𑀻𑀬𑀢𑀻𑀢𑀺 𑀳𑀸𑀭𑀺𑀬𑀁. 𑀪𑀭=𑀪𑀭𑀡𑁂, 𑀪𑀭𑀺𑀢𑀩𑁆𑀩𑀁 𑀪𑀸𑀭𑀺𑀬𑀁. 𑀮𑀪=𑀮𑀸𑀪𑁂, ‘‘𑀯𑀕𑁆𑀕𑀮𑀲𑁂𑀳𑀺 𑀢𑁂’’𑀢𑀺 𑀧𑀼𑀩𑁆𑀩𑀭𑀽𑀧𑀪𑀓𑀸𑀭𑁂 ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑀸’’ 𑀤𑀺𑀦𑀸 𑀢𑀢𑀺𑀬𑀓𑁆𑀔𑀭𑁂 𑀘 𑀓𑀢𑁂 𑀮𑀪𑀺𑀢𑀩𑁆𑀩𑀁 𑀮𑀩𑁆𑀪𑀁.

𑁯𑁮. 𑀓𑀕𑀸 𑀘𑀚𑀸𑀦𑀁 𑀖𑀸𑀦𑀼𑀩𑀦𑁆𑀥𑁂

𑀖𑀸𑀦𑀼𑀩𑀦𑁆𑀥𑁂 ¶ 𑀘𑀓𑀸𑀭+𑀚𑀓𑀸𑀭𑀦𑁆𑀢𑀸𑀦𑀁 𑀓𑁆𑀭𑀺𑀬𑀢𑁆𑀣𑀸𑀦𑀁 𑀓+𑀕𑀸 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁.

𑀡𑀓𑀸𑀭𑀸𑀦𑀼𑀩𑀦𑁆𑀥𑁂 𑀧𑀘𑁆𑀘𑀬𑁂 𑀧𑀭𑁂 𑀉𑀧𑀦𑁆𑀢𑀲𑁆𑀲 𑀅𑀓𑀸𑀭𑀲𑁆𑀲 𑀆 𑀳𑁄𑀢𑀺. 𑀯𑀘𑀦𑀁 𑀯𑀼𑀘𑁆𑀘𑀢𑁂𑀢𑀺 𑀯𑀸𑀓𑁆𑀬𑀁. 𑀪𑀚=𑀲𑁂𑀯𑀸𑀬𑀁, 𑀪𑀚𑀦𑀻𑀬𑀁 𑀪𑀸𑀕𑁆𑀬𑀁, 𑀚𑀲𑁆𑀲 𑀕𑀓𑀸𑀭𑁄. 𑀘𑀺=𑀘𑀬𑁂, 𑀘𑀬𑀦𑀁 𑀘𑀻𑀬𑀢𑀻𑀢𑀺 𑀯𑀸 𑀘𑁂𑀬𑁆𑀬𑀁. 𑀬𑀲𑁆𑀲 𑀤𑁆𑀯𑀺𑀢𑁆𑀢𑀁.

𑀦𑀺𑀢𑁄 𑀧𑀭𑀲𑁆𑀲 𑀘𑀺𑀲𑁆𑀲 𑀙𑁄 𑀳𑁄𑀢𑀻𑀢𑀺𑀆𑀤𑀺𑀘𑀓𑀸𑀭𑀲𑁆𑀲 𑀙𑁄. 𑀯𑀺𑀦𑀺𑀘𑁆𑀙𑀬𑀢𑀻𑀢𑀺 𑀯𑀺𑀦𑀺𑀘𑁆𑀙𑁂𑀬𑁆𑀬𑀁, 𑀦𑀸𑀕𑀫𑁂 𑀯𑀺𑀦𑀺𑀘𑁆𑀙𑀺𑀦𑀺𑀢𑀩𑁆𑀩𑀁. 𑀏+𑀅𑀬𑀸𑀤𑁂𑀲𑁂𑀲𑀼 𑀯𑀺𑀦𑀺𑀘𑁆𑀙𑁂𑀢𑀩𑁆𑀩𑀁 𑀯𑀺𑀦𑀺𑀘𑁆𑀙𑀦𑀻𑀬𑀁. 𑀦𑀻=𑀧𑀸𑀧𑀦𑁂, 𑀦𑀻𑀬𑀢𑀻𑀢𑀺 𑀦𑁂𑀬𑁆𑀬𑁄 𑀦𑁂𑀬𑁆𑀬𑀸 𑀦𑁂𑀬𑁆𑀬𑀁, 𑀦𑁂𑀢𑀩𑁆𑀩𑀁.

𑀆𑀓𑀸𑀭𑀦𑁆𑀢𑀢𑁄 𑀓𑁆𑀭𑀺𑀬𑀢𑁆𑀣𑀸 𑀖𑁆𑀬𑀡 𑀳𑁄𑀢𑀺 𑀪𑀸𑀯𑀓𑀫𑁆𑀫𑁂𑀲𑀼 𑀆𑀲𑁆𑀲 𑀏 𑀘. 𑀤𑀸=𑀤𑀸𑀦𑁂, 𑀤𑀸𑀢𑀩𑁆𑀩𑀁 𑀤𑁂𑀬𑁆𑀬𑀁. 𑀧𑀸=𑀧𑀸𑀦𑁂, 𑀧𑀻𑀬𑀢𑀻𑀢𑀺 𑀧𑁂𑀬𑁆𑀬𑀁. 𑀫𑀸=𑀫𑀸𑀦𑁂, 𑀫𑀻𑀬𑀢𑀻𑀢𑀺 𑀫𑁂𑀬𑁆𑀬𑀁. 𑀜𑀸=𑀅𑀯𑀩𑁄𑀥𑀦𑁂, 𑀜𑀸𑀬𑀢𑀻𑀢𑀺 𑀜𑁂𑀬𑁆𑀬𑀁 𑀜𑀸𑀢𑀩𑁆𑀩𑀁, 𑀊𑀫𑁆𑀳𑀺 𑀦𑀸𑀕𑀫𑁄 ‘‘𑀜𑀸𑀲𑁆𑀲 𑀦𑁂+𑀚𑀸’’𑀢𑀺 𑀜𑀸𑀲𑁆𑀲 𑀚𑀸𑀤𑁂𑀲𑁂 𑀚𑀸𑀦𑀺𑀢𑀩𑁆𑀩𑀁, 𑀯𑀺𑀚𑀸𑀦𑀺𑀬𑀁. 𑀔𑀸=𑀧𑀓𑀣𑀦𑁂, 𑀲𑀁𑀔𑀸𑀢𑀩𑁆𑀩𑀁 𑀲𑀁𑀔𑁂𑀬𑁆𑀬𑀁.

𑀯𑀤𑀸𑀤𑀻𑀳𑀺 ¶ 𑀓𑁆𑀭𑀺𑀬𑀢𑁆𑀣𑁂𑀳𑀺 𑀬𑁄 𑀳𑁄𑀢𑀺 𑀩𑀳𑀼𑀮𑀁 𑀪𑀸𑀯𑀓𑀫𑁆𑀫𑁂𑀲𑀼. 𑀯𑀤=𑀯𑀘𑀦𑁂, 𑀯𑀤𑀦𑀁 𑀯𑀚𑁆𑀚𑀢𑀻𑀢𑀺 𑀯𑀸 𑀯𑀚𑁆𑀚𑀁. 𑀫𑀤=𑀉𑀫𑁆𑀫𑀸𑀤𑁂, 𑀫𑀤𑀦𑀁 𑀫𑀚𑁆𑀚𑀢𑁂 𑀅𑀦𑁂𑀦𑀸𑀢𑀺 𑀯𑀸 𑀫𑀚𑁆𑀚𑀁. 𑀕𑀫𑀦𑀁 𑀕𑀫𑁆𑀫𑀢𑁂𑀢𑀺 𑀯𑀸 𑀕𑀫𑁆𑀫𑀁. 𑀕𑀤=𑀯𑀘𑀦𑁂, 𑀕𑀚𑁆𑀚𑀢𑁂 𑀕𑀤𑀦𑀻𑀬𑀁 𑀯𑀸𑀢𑀺 𑀕𑀚𑁆𑀚𑀁. 𑀧𑀤=𑀕𑀫𑀦𑁂, 𑀧𑀚𑁆𑀚𑀦𑀻𑀬𑀁 𑀧𑀚𑁆𑀚𑀁 𑀕𑀸𑀣𑀸. 𑀅𑀤+𑀔𑀸𑀤=𑀪𑀓𑁆𑀔𑀦𑁂, 𑀔𑀚𑁆𑀚𑀢𑀻𑀢𑀺 𑀔𑀚𑁆𑀚𑀁 𑀔𑀸𑀤𑀦𑀻𑀬𑀁. 𑀤𑀫=𑀤𑀫𑀦𑁂, 𑀤𑀫𑁆𑀫𑀢𑁂𑀢𑀺 𑀤𑀫𑁆𑀫𑁄 𑀤𑀫𑀦𑀻𑀬𑁄.

𑀪𑀼𑀚𑀸+𑀦𑁆𑀦𑁂𑀢𑀺 𑀕𑀡𑀲𑀼𑀢𑁆𑀢𑁂𑀦 𑀅𑀦𑁆𑀦𑁂 𑀯𑀢𑁆𑀢𑀩𑁆𑀩𑁂 𑀬𑀧𑀘𑁆𑀘𑀬𑁄.

𑀮𑀳𑀼𑀪𑀽𑀢𑀲𑁆𑀲 𑀉𑀧𑀦𑁆𑀢𑀲𑁆𑀲 𑀇𑀬𑀼𑀯𑀡𑁆𑀡𑀲𑁆𑀲 𑀏𑀑 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀬𑀲𑁆𑀲 𑀧𑀼𑀩𑁆𑀩𑀭𑀽𑀧𑁂 𑀪𑀼𑀜𑁆𑀚𑀺𑀢𑀩𑁆𑀩𑁄𑀢𑀺 𑀪𑁄𑀚𑁆𑀚𑁄 𑀑𑀤𑀦𑁄, 𑀪𑁄𑀚𑁆𑀚𑀸 𑀬𑀸𑀕𑀼.

𑁩𑁧. 𑀓𑀺𑀘𑁆𑀘 𑀖𑀘𑁆𑀘 𑀪𑀘𑁆𑀘 𑀪𑀩𑁆𑀩 𑀮𑁂𑀬𑁆𑀬𑀸

𑀏𑀢𑁂 𑀲𑀤𑁆𑀤𑀸 𑀬𑀧𑀘𑁆𑀘𑀬𑀦𑁆𑀢𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀓𑀭=𑀓𑀭𑀡𑁂, 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸 𑀬𑁂 𑀓𑀺𑀘𑀸𑀤𑁂𑀲𑁂 𑀘 𑀓𑀢𑁂 𑀧𑀼𑀩𑁆𑀩𑀭𑀽𑀧𑀁, 𑀓𑀢𑁆𑀢𑀩𑁆𑀩𑀁 𑀓𑀺𑀘𑁆𑀘𑀁. 𑀳𑀦=𑀳𑀺𑀁𑀲𑀸𑀬𑀁, 𑀖𑀘𑁆𑀘𑀸𑀤𑁂𑀲𑀸𑀤𑀺𑀫𑁆𑀳𑀺 𑀓𑀢𑁂 𑀳𑀦𑀦𑀁 𑀳𑀜𑁆𑀜𑀢𑁂𑀢𑀺 𑀯𑀸 𑀖𑀘𑁆𑀘𑀁. 𑀪𑀭=𑀪𑀭𑀡𑁂, 𑀪𑀘𑁆𑀘𑀸𑀤𑁂𑀲𑀸𑀤𑀺𑀫𑁆𑀳𑀺 𑀓𑀢𑁂 𑀪𑀭𑀡𑀻𑀬𑁄 𑀪𑀘𑁆𑀘𑁄. 𑀪𑀽=𑀲𑀢𑁆𑀢𑀸𑀬𑀁, 𑀬𑀫𑁆𑀳𑀺 𑀑𑀓𑀸𑀭𑁂 𑀇𑀫𑀺𑀦𑀸 𑀅𑀯𑀸𑀤𑁂𑀲𑁂 𑀪𑀯𑀢𑀻𑀢𑀺 𑀪𑀩𑁆𑀩𑁄. 𑀮𑀺𑀳=𑀅𑀲𑁆𑀲𑀸𑀤𑀦𑁂, 𑀬𑀫𑁆𑀳𑀺 𑀇𑀫𑀺𑀦𑀸 𑀳𑀲𑁆𑀲 𑀬𑀓𑀸𑀭𑁂 𑀮𑁂𑀳𑀺𑀢𑀩𑁆𑀩𑀁 𑀮𑁂𑀬𑁆𑀬𑀁, 𑀏𑀓𑀸𑀭𑀯𑀼𑀤𑁆𑀥𑀺.

𑀕𑀼𑀳𑀸𑀤𑀻𑀳𑀺 ¶ 𑀓𑁆𑀭𑀺𑀬𑀢𑁆𑀣𑁂𑀳𑀺 𑀪𑀸𑀯𑀓𑀫𑁆𑀫𑁂𑀲𑀼 𑀬𑀓 𑀳𑁄𑀢𑀺. 𑀕𑀼𑀳=𑀲𑀁𑀯𑀭𑀡𑁂, ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀲𑀫𑁆𑀧𑀢𑁆𑀢𑀲𑁆𑀲 𑀑𑀓𑀸𑀭𑀲𑁆𑀲 ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑁂𑀲𑀽’’𑀢𑀺 𑀧𑀝𑀺𑀲𑁂𑀥𑁄. ‘‘𑀳𑀲𑁆𑀲 𑀯𑀺𑀧𑀮𑁆𑀮𑀸𑀲𑁄’’𑀢𑀺 𑀯𑀺𑀧𑀮𑁆𑀮𑀸𑀲𑁂 𑀕𑀼𑀳𑀦𑀁 𑀕𑀼𑀳𑀺𑀢𑀩𑁆𑀩𑀁 𑀕𑀼𑀬𑁆𑀳𑀁. 𑀤𑀼𑀳=𑀧𑀧𑀽𑀭𑀡𑁂, 𑀤𑁄𑀳𑀦𑀁 𑀤𑀼𑀬𑁆𑀳𑀢𑀻𑀢𑀺 𑀯𑀸 𑀤𑀼𑀬𑁆𑀳𑀁. 𑀲𑀸𑀲=𑀅𑀦𑀼𑀲𑀺𑀝𑁆𑀞𑀺𑀬𑀁 𑁋

𑀲𑀸𑀲𑀲𑁆𑀲 𑀲𑀺𑀲 𑀯𑀸 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂. 𑀧𑀼𑀩𑁆𑀩𑀭𑀽𑀧𑀁, 𑀲𑀸𑀲𑀻𑀬𑀢𑀻𑀢𑀺 𑀲𑀺𑀲𑁆𑀲𑁄.

𑀲𑀺𑀤𑁆𑀥𑀸 𑀏𑀯𑁂+𑀢𑁂 𑀢𑀩𑁆𑀩𑀸𑀤𑀬𑁄 𑀧𑁂𑀲𑀸+𑀢𑀺𑀲𑀕𑁆𑀕+𑀧𑁆𑀧𑀢𑁆𑀢𑀓𑀸𑀮𑁂𑀲𑀼 𑀕𑀫𑁆𑀬𑀫𑀸𑀦𑁂𑀲𑀼𑀧𑀺, 𑀲𑀸𑀫𑀜𑁆𑀜𑁂𑀦 𑀯𑀺𑀥𑀸𑀦𑀢𑁄. 𑀧𑁂𑀲𑀦𑀁 𑁋 ‘‘𑀓𑀢𑁆𑀢𑀩𑁆𑀩+𑀫𑀺𑀤𑀁 𑀪𑀯𑀢𑀸’’𑀢𑀺 𑀆𑀡𑀸𑀧𑀦𑀁 𑀅𑀚𑁆𑀛𑁂𑀲𑀦𑀜𑁆𑀘. 𑀅𑀢𑀺𑀲𑀕𑁆𑀕𑁄 𑀦𑀸𑀫 ‘‘𑀓𑀺+𑀫𑀺𑀤𑀁 𑀫𑀬𑀸 𑀓𑀢𑁆𑀢𑀩𑁆𑀩𑀁’’𑀢𑀺 𑀧𑀼𑀝𑁆𑀞𑀲𑁆𑀲 ‘‘𑀧𑀸𑀡𑁄 𑀦 𑀳𑀦𑁆𑀢𑀩𑁆𑀩𑁄’’𑀢𑀺𑀆𑀤𑀺𑀦𑀸 𑀧𑀝𑀺𑀧𑀢𑁆𑀢𑀺𑀤𑀲𑁆𑀲𑀦𑀫𑀼𑀔𑁂𑀦 𑀓𑀢𑁆𑀢𑀩𑁆𑀩𑀲𑁆𑀲 𑀅𑀦𑀼𑀜𑁆𑀜𑀸. 𑀧𑀢𑁆𑀢𑀓𑀸𑀮𑁄 𑀦𑀸𑀫 𑀲𑀫𑁆𑀧𑀢𑁆𑀢𑀲𑀫𑀬𑁄. 𑀬𑁄 𑀓𑀺𑀘𑁆𑀘𑀓𑀭𑀡𑀲𑀫𑀬𑀁 𑀉𑀧𑀧𑀭𑀺𑀓𑁆𑀔𑀺𑀢𑁆𑀯𑀸 𑀓𑀭𑁄𑀢𑀺, 𑀢𑀲𑁆𑀲 𑀲𑀫𑀬𑀸𑀭𑁄𑀘𑀦𑀁, 𑀦 𑀢𑀢𑁆𑀣 𑀅𑀚𑁆𑀛𑁂𑀲𑀦+𑀫𑀢𑁆𑀣𑀺. 𑀪𑁄𑀢𑀸 𑀔𑀮𑀼 𑀓𑀝𑁄 𑀓𑀢𑁆𑀢𑀩𑁆𑀩𑁄 𑀓𑀭𑀡𑀻𑀬𑁄 𑀓𑀸𑀭𑀺𑀬𑁄 𑀓𑀺𑀘𑁆𑀘𑁄’’ 𑀏𑀯𑀁 𑀢𑁆𑀯𑀬𑀸 𑀓𑀝𑁄 𑀓𑀢𑁆𑀢𑀩𑁆𑀩𑁄, 𑀪𑁄𑀢𑁄 𑀳𑀺 𑀧𑀢𑁆𑀢𑁄 𑀓𑀸𑀮𑁄 𑀓𑀝𑀓𑀭𑀡𑁂.

𑀏𑀯𑀁 𑀉𑀤𑁆𑀥𑀫𑀼𑀳𑀼𑀢𑁆𑀢𑁂𑀧𑀺 𑀯𑀢𑁆𑀢𑀫𑀸𑀦𑀢𑁄 𑀧𑁂𑀲𑀸𑀤𑀻𑀲𑀼 𑀲𑀺𑀤𑁆𑀥𑀸 𑀏𑀯. 𑀢𑀣𑀸 𑀅𑀭𑀳𑁂 𑀓𑀢𑁆𑀢𑀭𑀺 𑀲𑀢𑁆𑀢𑀺𑀯𑀺𑀲𑀺𑀝𑁆𑀞𑁂 𑀘 𑀧𑀢𑀻𑀬𑀫𑀸𑀦𑁂, 𑀆𑀯𑀲𑁆𑀲𑀓𑀸+𑀥𑀫𑀻𑀡𑀢𑀸𑀯𑀺𑀲𑀺𑀝𑁆𑀞𑁂 𑀘 𑀪𑀸𑀯𑀸𑀤𑁄 𑀲𑀺𑀤𑁆𑀥𑀸. 𑀉𑀤𑁆𑀥𑀁 𑀫𑀼𑀳𑀼𑀢𑁆𑀢𑀢𑁄-𑀪𑁄𑀢𑀸 𑀓𑀝𑁄 𑀓𑀢𑁆𑀢𑀩𑁆𑀩𑁄. 𑀪𑁄𑀢𑀸 𑀭𑀚𑁆𑀚𑀁 𑀓𑀸𑀢𑀩𑁆𑀩𑀁, 𑀪𑀯𑀁 𑀅𑀭𑀳𑁄. 𑀪𑁄𑀢𑀸 ¶ 𑀪𑀸𑀭𑁄 𑀯𑀳𑀺𑀢𑀩𑁆𑀩𑁄, 𑀪𑀯𑀁 𑀲𑀓𑁆𑀓𑁄. 𑀪𑁄𑀢𑀸 𑀅𑀯𑀲𑁆𑀲𑀁 𑀓𑀝𑁄 𑀓𑀢𑁆𑀢𑀩𑁆𑀩𑁄. 𑀪𑁄𑀢𑀸 𑀦𑀺𑀓𑁆𑀔𑁄 𑀤𑀸𑀢𑀩𑁆𑀩𑁄.

𑀓𑀢𑁆𑀢𑀭𑀺 𑀓𑀸𑀭𑀓𑁂 𑀓𑁆𑀭𑀺𑀬𑀢𑁆𑀣𑀸 𑀮𑁆𑀢𑀼+𑀡𑁆𑀓𑀸 𑀳𑁄𑀦𑁆𑀢𑀺. 𑀓𑀭=𑀓𑀭𑀡𑁂, 𑀧𑀭𑀭𑀽𑀧𑁂 ‘‘𑀮𑁆𑀢𑀼+𑀧𑀺𑀢𑀸𑀤𑀻𑀦+𑀫𑀸 𑀲𑀺𑀫𑁆𑀳𑀻’’𑀢𑀺 𑀆 𑀲𑀺𑀮𑁄𑀧𑁄 𑀘. 𑀓𑀭𑁄𑀢𑀻𑀢𑀺 𑀓𑀢𑁆𑀢𑀸. 𑀏𑀯𑀁 𑀪𑀭𑀢𑀻𑀢𑀺 𑀪𑀢𑁆𑀢𑀸. 𑀳𑀭𑀢𑀻𑀢𑀺 𑀳𑀢𑁆𑀢𑀸. 𑀪𑀺𑀤𑀢𑀻𑀢𑀺 𑀪𑁂𑀢𑁆𑀢𑀸, 𑀏𑀓𑀸𑀭𑁄, 𑀊𑀫𑁆𑀳𑀺 𑀪𑁂𑀤𑀺𑀢𑀸. 𑀙𑀺𑀦𑁆𑀤𑀢𑀻𑀢𑀺 𑀙𑁂𑀢𑁆𑀢𑀸. 𑀪𑁄𑀚𑀦𑀲𑁆𑀲 𑀤𑀸𑀢𑀸 𑀪𑁄𑀚𑀦𑀤𑀸𑀢𑀸. 𑀲𑀦𑁆𑀥𑀸𑀢𑀻𑀢𑀺 𑀲𑀦𑁆𑀥𑀸𑀢𑀸. 𑀯𑀘𑀢𑀻𑀢𑀺 𑀯𑀢𑁆𑀢𑀸. 𑀑𑀓𑀸𑀭𑀧𑀭𑀭𑀽𑀧𑁂𑀲𑀼 𑀪𑀼𑀜𑁆𑀚𑀢𑀻𑀢𑀺 𑀪𑁄𑀢𑁆𑀢𑀸. ‘‘𑀧𑀤𑀸𑀤𑀻𑀦𑀁 𑀓𑁆𑀯𑀘𑀻’’𑀢𑀺 𑀬𑀼𑀓𑀸𑀕𑀫𑁄, 𑀩𑀼𑀚𑁆𑀛𑀢𑀻𑀢𑀺 𑀩𑀼𑀚𑁆𑀛𑀺𑀢𑀸. 𑀚𑀸𑀦𑀸𑀢𑀻𑀢𑀺 𑀜𑀸𑀢𑀸. 𑀙𑀺𑀦𑁆𑀤𑀢𑀻𑀢𑀺 𑀙𑁂𑀢𑀸. 𑀲𑀼𑀡𑀸𑀢𑀻𑀢𑀺 𑀲𑁄𑀢𑀸. ‘‘𑀊+𑀮𑀲𑁆𑀲𑁂’’𑀢𑀺 𑀊𑀲𑁆𑀲 𑀏𑀓𑀸𑀭𑁂 𑀕𑀡𑁆𑀳𑀸𑀢𑀻𑀢𑀺 𑀕𑀳𑁂𑀢𑀸. 𑀪𑀯𑀢𑀻𑀢𑀺 𑀪𑀯𑀺𑀢𑀸. 𑀲𑀭𑀢𑀻𑀢𑀺 𑀲𑀭𑀺𑀢𑀸. ‘‘𑀫𑀦𑀸𑀦𑀁 𑀦𑀺𑀕𑁆𑀕𑀳𑀻𑀢𑀁’’𑀢𑀺 𑀫𑀲𑁆𑀲 𑀦𑀺𑀕𑁆𑀕𑀳𑀻𑀢𑁂 𑀯𑀕𑁆𑀕𑀦𑁆𑀢𑁂 𑀘 𑀕𑀘𑁆𑀙𑀢𑀻𑀢𑀺 𑀕𑀦𑁆𑀢𑀸. 𑀦𑀓𑀸𑀭𑀦𑁆𑀢𑀸𑀦𑀫𑁆𑀧𑀺 𑀦𑀺𑀕𑁆𑀕𑀳𑀻𑀢𑀁, 𑀔𑀦𑀢𑀻𑀢𑀺 𑀔𑀦𑁆𑀢𑀸. 𑀲𑀦𑀢𑀻𑀢𑀺 𑀲𑀦𑁆𑀢𑀸. 𑀫𑀜𑁆𑀜𑀢𑀻𑀢𑀺 𑀫𑀦𑁆𑀢𑀸. 𑀧𑀸𑀮𑁂𑀢𑀻𑀢𑀺 𑀧𑀸𑀮𑀬𑀺𑀢𑀸 𑀧𑀸𑀮𑁂𑀢𑀸, 𑀏𑀢𑁆𑀣 𑀘𑀼𑀭𑀸𑀤𑀺𑀢𑁆𑀢𑀸 𑀡𑀺.

𑀡𑀺𑀡𑀸𑀧𑀻𑀲𑀼-𑀪𑀸𑀯𑀬𑀢𑀻𑀢𑀺 𑀪𑀸𑀯𑀬𑀺𑀢𑀸 𑀪𑀸𑀯𑁂𑀢𑀸. 𑀏𑀯𑀁 𑀲𑀸𑀭𑀬𑀺𑀢𑀸 𑀲𑀸𑀭𑁂𑀢𑀸, 𑀤𑀸𑀧𑀬𑀺𑀢𑀸 𑀤𑀸𑀧𑁂𑀢𑀸, 𑀳𑀸𑀧𑀬𑀺𑀢𑀸 𑀳𑀸𑀧𑁂𑀢𑀸, 𑀦𑀺𑀭𑁄𑀥𑀬𑀺𑀢𑀸 𑀦𑀺𑀭𑁄𑀥𑁂𑀢𑀸, 𑀩𑁄𑀥𑀬𑀺𑀢𑀸 𑀩𑁄𑀥𑁂𑀢𑀸, 𑀜𑀸𑀧𑀬𑀺𑀢𑀸 𑀜𑀸𑀧𑁂𑀢𑀸, 𑀲𑀸𑀯𑀬𑀺𑀢𑀸 𑀲𑀸𑀯𑁂𑀢𑀸, 𑀕𑀸𑀳𑀬𑀺𑀢𑀸 𑀕𑀸𑀳𑁂𑀢𑀸, 𑀓𑀸𑀭𑀬𑀺𑀢𑀸 𑀓𑀸𑀭𑁂𑀢𑀸, 𑀓𑀸𑀭𑀸𑀧𑀬𑀺𑀢𑀸 𑀓𑀸𑀭𑀸𑀧𑁂𑀢𑀸 𑀇𑀘𑁆𑀘𑀸𑀤𑀺.

𑀡𑁆𑀓𑀧𑀘𑁆𑀘𑀬𑁂-𑀡𑀓𑀸𑀭𑁄 ¶ 𑀯𑀼𑀤𑁆𑀥𑁆𑀬𑀢𑁆𑀣𑁄. 𑀭𑀣𑀁 𑀓𑀭𑁄𑀢𑀻𑀢𑀺 𑀭𑀣𑀓𑀸𑀭𑀓𑁄, ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆 𑀅𑀫𑀸𑀤𑀺𑀲𑀫𑀸𑀲𑁄 𑀘. 𑀅𑀦𑁆𑀦𑀁 𑀤𑀤𑀸𑀢𑀻𑀢𑀺 𑀅𑀦𑁆𑀦𑀤𑀸𑀬𑀓𑁄. ‘‘𑀅𑀥𑀸𑀢𑀼𑀲𑁆𑀲 𑀓𑀸+𑀲𑁆𑀬𑀸𑀤𑀺𑀢𑁄 𑀖𑁂+𑀲𑁆𑀲𑀻’’𑀢𑀺 𑀖𑁂 𑀧𑀭𑁂 𑀅𑀲𑁆𑀲 𑀇𑀆𑀤𑁂𑀲𑁄, 𑀅𑀦𑁆𑀦𑀤𑀸𑀬𑀺𑀓𑀸, 𑀅𑀦𑁆𑀦𑀤𑀸𑀬𑀓𑀁 𑀓𑀼𑀮𑀁. ‘‘𑀆𑀲𑁆𑀲𑀸+𑀡𑀸𑀧𑀺𑀫𑁆𑀳𑀺 𑀬𑀼𑀓’’ 𑀇𑀢𑀺𑀡𑀸𑀧𑀺𑀢𑁄+𑀜𑁆𑀜𑀢𑁆𑀭 𑀬𑀼𑀓. 𑀮𑁄𑀓𑀁 𑀦𑁂𑀢𑀻𑀢𑀺 𑀮𑁄𑀓𑀦𑀸𑀬𑀓𑁄, 𑀏𑀓𑀸𑀭𑁂 ‘‘𑀆𑀬𑀸+𑀯𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆𑀬𑀸𑀤𑁂𑀲𑁄. 𑀏𑀯𑀁 𑀯𑀺𑀦𑁂𑀢𑀻𑀢𑀺 𑀯𑀺𑀦𑀸𑀬𑀓𑁄.

𑀅𑀓𑀫𑁆𑀫𑀼𑀧𑀧𑀤𑁂-𑀓𑀭𑁄𑀢𑀻𑀢𑀺 𑀓𑀸𑀭𑀓𑁄, 𑀏𑀯𑀁 𑀤𑀸𑀬𑀓𑁄 𑀦𑀸𑀬𑀓𑁄, 𑀑𑀓𑀸𑀭𑁂 𑀆𑀯𑀸𑀤𑁂𑀲𑁂 𑀲𑀼𑀡𑀸𑀢𑀻𑀢𑀺 𑀲𑀸𑀯𑀓𑁄. 𑀧𑀼𑀭𑁂 𑀯𑀺𑀬 𑀇𑀓𑀸𑀭𑁂 𑀲𑀸𑀯𑀺𑀓𑀸. 𑀮𑀼𑀦𑀸𑀢𑀻𑀢𑀺 𑀮𑀸𑀯𑀓𑁄. 𑀧𑀼=𑀧𑀯𑀦𑁂, 𑀧𑀼𑀦𑀸𑀢𑀻𑀢𑀺 𑀧𑀸𑀯𑀓𑁄. 𑀪𑀯𑀢𑀻𑀢𑀺 𑀪𑀸𑀯𑀓𑁄, 𑀉𑀧𑀸𑀲𑀢𑀻𑀢𑀺 𑀉𑀧𑀸𑀲𑀓𑁄. 𑀕𑀡𑁆𑀳𑀸𑀢𑀻𑀢𑀺 𑀕𑀸𑀳𑀓𑁄 𑀧𑀸𑀯𑀓𑁄, 𑀬𑀸𑀚𑀓𑁄. 𑀯𑀥=𑀳𑀺𑀁𑀲𑀸𑀬𑀁, 𑀯𑀥𑁂𑀢𑀻𑀢𑀺 𑀯𑀥𑀓𑁄, ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 𑀯𑀼𑀤𑁆𑀥𑀺𑀧𑀝𑀺𑀲𑁂𑀥𑁄. ‘‘𑀳𑀦𑀲𑁆𑀲 𑀖𑀸𑀢𑁄 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀖𑀸𑀢𑀸𑀤𑁂𑀲𑁄, 𑀳𑀦𑀢𑀻𑀢𑀺 𑀖𑀸𑀢𑀓𑁄. ‘‘𑀫𑀁 𑀯𑀸 𑀭𑀼𑀥𑀸𑀤𑀻𑀦𑀁’’𑀢𑀺 𑀫𑀁, 𑀭𑀼𑀦𑁆𑀥𑀓𑁄, 𑀕𑀼𑀭𑀼𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀢𑀣𑀸 𑀪𑀼𑀜𑁆𑀚𑀢𑀻𑀢𑀺 𑀪𑀼𑀜𑁆𑀚𑀓𑁄. 𑀆𑀬𑀲𑁆𑀲 𑀭𑀲𑁆𑀲𑁂 𑀓𑀺𑀡𑀸𑀢𑀻𑀢𑀺 𑀓𑀬𑀓𑁄. 𑀧𑀸𑀮𑁂𑀢𑀻𑀢𑀺 𑀧𑀸𑀮𑀓𑁄. 𑀧𑀽𑀚𑁂𑀢𑀻𑀢𑀺 𑀧𑀽𑀚𑀓𑁄.

𑀔𑀸𑀤𑀻𑀲𑀼-𑀢𑀺𑀢𑀺𑀓𑁆𑀔𑀢𑀻𑀢𑀺 𑀢𑀺𑀢𑀺𑀓𑁆𑀔𑀓𑁄. 𑀯𑀻𑀫𑀁𑀲𑀢𑀻𑀢𑀺 𑀯𑀻𑀫𑀁𑀲𑀓𑁄 𑀇𑀘𑁆𑀘𑀸𑀤𑀺. 𑀧𑀦𑀼𑀤𑀢𑀻𑀢𑀺 𑀧𑀦𑀽𑀤𑀓𑁄, ‘‘𑀩𑁆𑀬𑀜𑁆𑀚𑀦𑁂’’𑀘𑁆𑀘𑀸𑀤𑀺𑀦𑀸 𑀤𑀻𑀖𑁄. ‘‘𑀪𑀻𑀢𑁆𑀯𑀸+𑀦𑀓𑁄’’𑀢𑀺 𑀏𑀢𑁆𑀣 ‘𑀆𑀦𑀓𑁄’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀆𑀦𑀓𑁄, 𑀆𑀲𑁆𑀲 𑀭𑀲𑁆𑀲𑁂 𑀦𑀓𑀸𑀭𑀸𑀕𑀫𑁂 𑀘 ‘‘𑀜𑀸𑀲𑁆𑀲 𑀦𑁂 𑀚𑀸’’𑀢𑀺 𑀚𑀸𑀤𑁂𑀲𑁄, 𑀚𑀸𑀦𑀦𑀓𑁄. 𑀡𑀸𑀧𑀺𑀫𑁆𑀳𑀺 𑁋

𑀅𑀡-𑀇𑀢𑀺 ¶ 𑀤𑀡𑁆𑀟𑀓𑀥𑀸𑀢𑀼, 𑀆𑀡𑀸𑀧𑁂𑀢𑀻𑀢𑀺 𑀆𑀡𑀸𑀧𑀓𑁄. 𑀢𑀣𑀸 𑀲𑀜𑁆𑀜𑀸𑀧𑀓𑁄, 𑀧𑀢𑀺𑀝𑁆𑀞𑀸𑀧𑀓𑁄. 𑀲𑀁+𑀧 𑀧𑀼𑀩𑁆𑀩𑁄 𑀆𑀧=𑀧𑀸𑀧𑀼𑀡𑀦𑁂, 𑀦𑀺𑀩𑁆𑀩𑀸𑀦𑀁 𑀲𑀫𑁆𑀧𑀸𑀧𑁂𑀢𑀻𑀢𑀺 𑀦𑀺𑀩𑁆𑀩𑀸𑀦𑀲𑀫𑁆𑀧𑀸𑀧𑀓𑁄. 𑀓𑀸𑀭𑀸𑀧𑀓𑁄, 𑀓𑀸𑀭𑀸𑀧𑀺𑀓𑀸 𑀇𑀘𑁆𑀘𑀸𑀤𑀺.

𑀩𑀳𑀼𑀮𑀁𑀯𑀺𑀥𑀸𑀦𑀸 𑀓𑀫𑁆𑀫𑁂𑀧𑀺-𑀧𑀸𑀤𑁂𑀳𑀺 𑀳𑀭𑀻𑀬𑀢𑀻𑀢𑀺 𑀧𑀸𑀤𑀳𑀸𑀭𑀓𑁄. 𑀘𑀼𑀧=𑀫𑀦𑁆𑀤𑀕𑀫𑀦𑁂, 𑀕𑀮𑁂 𑀘𑀼𑀧𑁆𑀧𑀢𑀻𑀢𑀺 𑀕𑀮𑀘𑁄𑀧𑀓𑁄.

𑀲𑀺𑀤𑁆𑀥𑁄𑀯 𑀮𑁆𑀢𑀼 𑀅𑀭𑀳𑀸𑀤𑀻𑀲𑀼 ‘‘𑀪𑀯𑀁 𑀔𑀮𑀼 𑀓𑀜𑁆𑀜𑀸𑀬 𑀧𑀭𑀺𑀕𑁆𑀕𑀳𑀸𑀭𑀳𑁄’’𑀢𑀺 (𑀧𑀭𑀺𑀕𑁆𑀕𑀳𑀺𑀢𑀸). 𑀲𑀻𑀮𑀢𑁆𑀣𑁂-𑀉𑀧𑀸𑀤𑀸𑀦𑀲𑀻𑀮𑁄𑀢𑀺 𑀉𑀧𑀸𑀤𑀸𑀢𑀸. 𑀲𑀸𑀥𑀼 𑀕𑀘𑁆𑀙𑀢𑀻𑀢𑀺 𑀕𑀦𑁆𑀢𑀸. 𑀫𑀼𑀡𑁆𑀟𑀦𑀥𑀫𑁆𑀫𑀸 𑀫𑀼𑀡𑁆𑀟𑀦𑀸𑀘𑀸𑀭𑀸𑀢𑀺 𑀫𑀼𑀡𑁆𑀟𑀬𑀺𑀢𑀸𑀭𑁄, 𑀏𑀢𑁆𑀣 ‘‘𑀥𑀸𑀢𑁆𑀯𑀢𑁆𑀣𑁂 𑀦𑀸𑀫𑀲𑁆𑀫𑀻’’𑀢𑀺 𑀇𑀫𑁆𑀳𑀺 𑀊𑀆𑀕𑀫𑁂 𑀏+𑀅𑀬𑀸𑀤𑁂𑀲𑁂 𑀫𑀼𑀡𑁆𑀟𑀬𑀺𑀢𑀼𑀲𑀤𑁆𑀤𑀫𑁆𑀳𑀺 𑀆𑀭𑀗𑀸𑀤𑁂𑀲𑁂 𑀘 𑀓𑀢𑁂 𑀬𑁄𑀲𑁆𑀲 𑀝𑁄.

𑀓𑁆𑀭𑀺𑀬𑀢𑁆𑀣𑀸 𑀆𑀯𑀻 𑀳𑁄𑀢𑀺 𑀩𑀳𑀼𑀮𑀁 𑀓𑀢𑁆𑀢𑀭𑀺. ‘‘𑀤𑀺𑀲𑀲𑁆𑀲 𑀧𑀲𑁆𑀲+𑀤𑀲𑁆𑀲=𑀤𑀲+𑀤+𑀤𑀓𑁆𑀔𑀸’’𑀢𑀺 𑀤𑀲𑁆𑀲𑀸𑀤𑁂𑀲𑁄, 𑀪𑀬𑀁 𑀧𑀲𑁆𑀲𑀢𑀻𑀢𑀺 𑀪𑀬𑀤𑀲𑁆𑀲𑀸𑀯𑀻. 𑀦𑀻𑀫𑁆𑀳𑀺 𑀪𑀬𑀤𑀲𑁆𑀲𑀸𑀯𑀺𑀦𑀻. 𑀪𑀬𑀤𑀲𑁆𑀲𑀸𑀯𑀺 𑀘𑀺𑀢𑁆𑀢𑀁. 𑀅𑀧𑁆𑀧𑀯𑀺𑀲𑀬𑀢𑀸𑀜𑀸𑀧𑀦𑀢𑁆𑀣𑀁 𑀪𑀺𑀦𑁆𑀦𑀬𑁄𑀕𑀓𑀭𑀡𑀁. 𑀲𑀸𑀫𑀜𑁆𑀜𑀯𑀺𑀳𑀺𑀢𑀢𑁆𑀢𑀸 𑀲𑀻𑀮𑀸𑀤𑀻𑀲𑀼 𑀘 𑀳𑁄𑀢𑁂𑀯.

𑀆𑀲𑀺𑀁𑀲𑀸𑀬𑀁 𑀕𑀫𑁆𑀫𑀫𑀸𑀦𑀸𑀬𑀁 𑀓𑁆𑀭𑀺𑀬𑀢𑁆𑀣𑀸 𑀅𑀓𑁄 𑀳𑁄𑀢𑀺 𑀓𑀢𑁆𑀢𑀭𑀺. 𑀚𑀻𑀯=𑀧𑀸𑀡𑀥𑀸𑀭𑀡𑁂, 𑀚𑀻𑀯𑀢𑀽𑀢𑀺 𑀚𑀻𑀯𑀓𑁄. 𑀦𑀦𑁆𑀤=𑀲𑀫𑀺𑀤𑁆𑀥𑀺𑀬𑀁, 𑀦𑀦𑁆𑀤𑀢𑀽𑀢𑀺 𑀦𑀦𑁆𑀤𑀓𑁄. 𑀪𑀯𑀢𑀽𑀢𑀺 𑀪𑀯𑀓𑁄.

𑀓𑀭𑀢𑁄 ¶ 𑀓𑀢𑁆𑀢𑀭𑀺 𑀡 𑀦𑁄 𑀳𑁄𑀢𑀺. 𑀓𑀭𑁄𑀢𑀻𑀢𑀺 𑀓𑀸𑀭𑀡𑀁. 𑀓𑀢𑁆𑀢𑀭𑀻𑀢𑀺 𑀓𑀺𑀁, 𑀓𑀭𑁄𑀢𑀺 𑀅𑀦𑁂𑀦𑀸𑀢𑀺 𑀓𑀭𑀡𑀁.

𑀳𑀸𑀢𑁄 𑀯𑀻𑀳𑀺𑀲𑁆𑀫𑀺𑀁 𑀓𑀸𑀮𑁂 𑀘 𑀡𑀦𑁄 𑀳𑁄𑀢𑀺. ‘‘𑀆𑀲𑁆𑀲𑀸’’𑀢𑁆𑀬𑀸𑀤𑀺𑀦𑀸 𑀬𑀼𑀓, 𑀚𑀳𑀦𑁆𑀢𑀺 𑀉𑀤𑀓𑀁𑀢𑀺 𑀳𑀸𑀬𑀦𑀸 𑀯𑀻𑀳𑀬𑁄. 𑀚𑀳𑀸𑀢𑀺 𑀪𑀸𑀯𑁂 𑀧𑀤𑀢𑁆𑀣𑁂𑀢𑀺 𑀳𑀸𑀬𑀦𑁄 𑀲𑀁𑀯𑀘𑁆𑀙𑀭𑁄. 𑀯𑀻𑀳𑀺𑀓𑀸𑀮𑁂𑀲𑀽𑀢𑀺 𑀓𑀺𑀁, 𑀚𑀳𑀸𑀢𑀻𑀢𑀺 𑀳𑀸𑀢𑀸.

𑀯𑀺𑀤𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀓𑀓𑀸𑀭𑁄 ‘‘𑀓𑀽𑀢𑁄’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄. 𑀯𑀺𑀤𑀢𑀻𑀢𑀺 𑀯𑀺𑀤𑀽, 𑀮𑁄𑀓𑀯𑀺𑀤𑀽.

𑀯𑀺𑀧𑀼𑀩𑁆𑀩𑀸 𑀜𑀸𑀇𑀘𑁆𑀘+𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀯𑀺𑀚𑀸𑀦𑀸𑀢𑀻𑀢𑀺 𑀯𑀺𑀜𑁆𑀜𑀽.

𑀓𑀫𑁆𑀫𑀢𑁄 𑀧𑀭𑀸 𑀜𑀸𑀇𑀘𑁆𑀘+𑀲𑁆𑀫𑀸 𑀓𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀲𑀩𑁆𑀩𑀁 𑀚𑀸𑀦𑀸𑀢𑀻𑀢𑀺 𑀲𑀩𑁆𑀩𑀜𑁆𑀜𑀽. 𑀏𑀯𑀁 𑀫𑀢𑁆𑀢𑀜𑁆𑀜𑀽, 𑀥𑀫𑁆𑀫𑀜𑁆𑀜𑀽, 𑀅𑀢𑁆𑀣𑀜𑁆𑀜𑀽 𑀓𑀸𑀮𑀜𑁆𑀜𑀽, 𑀓𑀢𑀜𑁆𑀜𑀽 𑀇𑀘𑁆𑀘𑀸𑀤𑀺. (𑀪𑀺𑀓𑁆𑀔𑀽𑀢𑀺 𑀧𑀦 ‘‘𑀪𑀭𑀸𑀤𑀺’’ 𑀡𑁆𑀯𑀸𑀤𑀺𑀲𑀼𑀢𑁆𑀢𑁂𑀦 𑀲𑀺𑀤𑁆𑀥𑀁).

𑀓𑀫𑁆𑀫𑀢𑁄 𑀧𑀭𑀸 𑀓𑁆𑀭𑀺𑀬𑀢𑁆𑀣𑀸 𑀓𑁆𑀯𑀘𑀺 𑀅𑀡 𑀳𑁄𑀢𑀺 𑀓𑀢𑁆𑀢𑀭𑀺. 𑀓𑀼𑀫𑁆𑀪𑀁 𑀓𑀭𑁄𑀢𑀻𑀢𑀺 𑀓𑀼𑀫𑁆𑀪𑀓𑀸𑀭𑁄, 𑀅𑀫𑀸𑀤𑀺𑀲𑀫𑀸𑀲𑁄. 𑀇𑀢𑁆𑀣𑀺𑀬𑀁 𑀓𑀼𑀫𑁆𑀪𑀓𑀸𑀭𑀻. 𑀏𑀯𑀁 𑀓𑀫𑁆𑀫𑀓𑀸𑀭𑁄, 𑀫𑀸𑀲𑀸𑀓𑀸𑀭𑁄, 𑀓𑀝𑁆𑀞𑀓𑀸𑀭𑁄, 𑀭𑀣𑀓𑀸𑀭𑁄 𑀲𑀼𑀯𑀡𑁆𑀡𑀓𑀸𑀭𑁄 ¶ , 𑀲𑀼𑀢𑁆𑀢𑀓𑀸𑀭𑁄, 𑀯𑀼𑀢𑁆𑀢𑀺𑀓𑀸𑀭𑁄, 𑀝𑀻𑀓𑀸𑀓𑀸𑀭𑁄. 𑀲𑀭𑀁 𑀮𑀼𑀦𑀸𑀢𑀻𑀢𑀺 𑀲𑀭𑀮𑀸𑀯𑁄𑀢𑀺 𑀑+𑀅𑀯𑀸𑀤𑁂𑀲𑀸. 𑀫𑀦𑁆𑀢𑁂 𑀅𑀚𑁆𑀛𑀸𑀬𑀢𑀻𑀢𑀺 𑀫𑀦𑁆𑀣𑀚𑁆𑀛𑀸𑀬𑁄, 𑀇=𑀅𑀚𑁆𑀛𑁂𑀦𑀕𑀢𑀻𑀲𑀼, 𑀅𑀥𑀺𑀧𑀼𑀩𑁆𑀩𑁄, 𑀏+𑀅𑀬𑀸𑀤𑁂𑀲𑀸, 𑀅𑀥𑀺𑀦𑁄 𑀇𑀲𑁆𑀲 𑀬𑀓𑀸𑀭+𑀘𑀯𑀕𑁆𑀕𑀸𑀤𑀬𑁄 𑀘.

𑀩𑀳𑀼𑀮𑀸𑀥𑀺𑀓𑀸𑀭𑀸 𑀇𑀳 𑀦 𑀳𑁄𑀢𑀺 ‘‘𑀆𑀤𑀺𑀘𑁆𑀘𑀁 𑀧𑀲𑁆𑀲𑀢𑀺, 𑀳𑀺𑀫𑀯𑀦𑁆𑀢𑀁 𑀲𑀼𑀡𑁄𑀢𑀺, 𑀕𑀸𑀫𑀁 𑀕𑀘𑁆𑀙𑀢𑀺’’. 𑀓𑁆𑀯𑀘𑀻𑀢𑀺 𑀓𑀺𑀁, 𑀓𑀫𑁆𑀫𑀓𑀭𑁄, 𑀏𑀢𑁆𑀣 𑀅𑀧𑀘𑁆𑀘𑀬𑁄.

𑀓𑀫𑁆𑀫𑀢𑁄 𑀧𑀭𑀸 𑀕𑀫𑀸 𑀭𑀽 𑀳𑁄𑀢𑀺 𑀓𑀢𑁆𑀢𑀭𑀺. 𑀭𑀸𑀦𑀼𑀩𑀦𑁆𑀥𑀢𑁆𑀢𑀸 𑀅𑀫𑀪𑀸𑀕𑀮𑁄𑀧𑁄. 𑀯𑁂𑀤𑀁 𑀕𑀘𑁆𑀙𑀢𑀻𑀢𑀺 𑀯𑁂𑀤𑀕𑀽, 𑀏𑀯𑀁 𑀧𑀸𑀭𑀕𑀽.

𑀲𑀸𑀫𑀜𑁆𑀜𑀯𑀺𑀥𑀸𑀦𑀢𑁄 𑀲𑀻𑀮𑀸𑀤𑀻𑀲𑀼𑀧𑀺 𑀳𑁄𑀢𑀺. 𑀪𑀯𑀧𑀸𑀭𑀁 𑀕𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 𑀪𑀯𑀧𑀸𑀭𑀕𑀽. 𑀅𑀦𑁆𑀢𑀕𑀫𑀦𑀲𑀻𑀮𑁄 𑀅𑀦𑁆𑀢𑀕𑀽, 𑀏𑀯𑀁 𑀅𑀤𑁆𑀥𑀕𑀽.

𑁪𑁩. 𑀲𑀫𑀸𑀦+𑀜𑁆𑀜+𑀪𑀯𑀦𑁆𑀢+𑀬𑀸𑀤𑀺𑀢𑀽+𑀧𑀫𑀸𑀦𑀸 𑀤𑀺𑀲𑀸 𑀓𑀫𑁆𑀫𑁂 𑀭𑀻+𑀭𑀺𑀓𑁆𑀔+𑀓𑀸

𑀲𑀫𑀸𑀦𑀸𑀤𑀻𑀳𑀺 𑀬𑀸𑀤𑀻𑀳𑀺 𑀘𑁄+𑀧𑀫𑀸𑀦𑁂𑀳𑀺 𑀧𑀭𑀸 𑀤𑀺𑀲𑀸 𑀓𑀫𑁆𑀫𑀓𑀸𑀭𑀓𑁂 𑀭𑀻+𑀭𑀺𑀓𑁆𑀔+𑀓𑀸 𑀳𑁄𑀦𑁆𑀢𑀺. ‘‘𑀲𑁆𑀬𑀸𑀤𑀺 𑀲𑁆𑀬𑀸𑀤𑀺𑀦𑁂+𑀓𑀢𑁆𑀣𑀁’’𑀢𑀺 𑀲𑀫𑀸𑀲𑁂 ‘‘𑀭𑀸𑀦𑀼𑀩𑀦𑁆𑀥𑁂+𑀦𑁆𑀢𑀲𑀭𑀸𑀤𑀺𑀲𑁆𑀲𑀸’’𑀢𑀺 𑀤𑀺𑀲𑀲𑁆𑀲 𑀇𑀲𑀪𑀸𑀕𑀮𑁄𑀧𑁂 ‘‘𑀭𑀻𑀭𑀺𑀓𑁆𑀔𑀓𑁂𑀲𑀽’’𑀢𑀺 𑀲𑀫𑀸𑀦𑀲𑁆𑀲 𑀲𑀸𑀤𑁂𑀲𑁂 𑀘 𑀲𑀫𑀸𑀦𑁄 𑀯𑀺𑀬 𑀤𑀺𑀲𑁆𑀲𑀢𑀻𑀢𑀺 𑀲𑀤𑀻, 𑀲𑀤𑀺𑀓𑁆𑀔𑁄. 𑀓𑁂 𑁋 ‘‘𑀦 𑀢𑁂 𑀓𑀸𑀦𑀼𑀩𑀦𑁆𑀥𑀦𑀸𑀕𑀫𑁂𑀲𑀽’’𑀢𑀺 𑀏𑀢𑁆𑀢𑀸𑀪𑀸𑀯𑁄, 𑀲𑀤𑀺𑀲𑁄.

𑁧𑁨𑁫. 𑀲𑀫𑀸𑀦𑀸 𑀭𑁄 𑀭𑀻+𑀭𑀺𑀓𑁆𑀔+𑀓𑁂𑀲𑀼

𑀲𑀫𑀸𑀦𑀲𑀤𑁆𑀤𑀢𑁄 ¶ 𑀧𑀭𑀲𑁆𑀲 𑀤𑀺𑀲𑀲𑁆𑀲 𑀭 𑀳𑁄𑀢𑀺 𑀯𑀸 𑀭𑀻+𑀭𑀺𑀓𑁆𑀔+𑀓𑁂𑀲𑀽𑀢𑀺 𑀧𑀓𑁆𑀔𑁂 𑀤𑀲𑁆𑀲 𑀭𑀸𑀤𑁂𑀲𑁂 𑀲𑀭𑀻, 𑀲𑀭𑀺𑀓𑁆𑀔𑁄, 𑀲𑀭𑀺𑀲𑁄.

𑀭𑀻+𑀭𑀺𑀓𑁆𑀔+𑀓𑁂𑀲𑀼 𑀲𑀩𑁆𑀩𑀸𑀤𑀻𑀦+𑀫𑀸 𑀳𑁄𑀢𑀺. 𑀅𑀜𑁆𑀜𑁄 𑀯𑀺𑀬 𑀤𑀺𑀲𑁆𑀲𑀢𑀻𑀢𑀺 𑀅𑀜𑁆𑀜𑀸𑀤𑀻, 𑀅𑀜𑁆𑀜𑀸𑀤𑀺𑀓𑁆𑀔𑁄, 𑀅𑀜𑁆𑀜𑀸𑀤𑀺𑀲𑁄.

𑁩,𑁮𑁭. 𑀦𑁆𑀢+𑀓𑀺+𑀫𑀺+𑀫𑀸𑀦𑀁 𑀝𑀸+𑀓𑀻+𑀝𑀻

𑀭𑀻+𑀭𑀺𑀓𑁆𑀔+𑀓𑁂𑀲𑀼 𑀦𑁆𑀢+𑀓𑀺𑀁+𑀇𑀫𑀲𑀤𑁆𑀤𑀸𑀦𑀁 𑀝𑀸+𑀓𑀻+𑀝𑀻 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀝𑀓𑀸𑀭𑀸 𑀲𑀩𑁆𑀩𑀸𑀤𑁂𑀲𑀢𑁆𑀣𑀸. 𑀪𑀯𑀸𑀤𑀻 𑀪𑀯𑀸𑀤𑀺𑀓𑁆𑀔𑁄 𑀪𑀯𑀸𑀤𑀺𑀲𑁄, 𑀓𑀻𑀤𑀻 𑀓𑀻𑀤𑀺𑀓𑁆𑀔𑁄 𑀓𑀻𑀤𑀺𑀲𑁄, 𑀅𑀬𑀫𑀺𑀯 𑀤𑀺𑀲𑁆𑀲𑀢𑀻𑀢𑀺 𑀈𑀤𑀻 𑀈𑀤𑀺𑀓𑁆𑀔𑁄 𑀈𑀤𑀺𑀲𑁄. 𑀆𑀓𑀸𑀭𑁂 𑀬𑀸𑀤𑀻 𑀬𑀸𑀤𑀺𑀓𑁆𑀔𑁄 𑀬𑀸𑀤𑀺𑀲𑁄, 𑀢𑁆𑀬𑀸𑀤𑀻 𑀢𑁆𑀬𑀸𑀤𑀺𑀓𑁆𑀔𑁄 𑀢𑁆𑀬𑀸𑀤𑀺𑀲𑁄 𑀇𑀘𑁆𑀘𑀸𑀤𑀺.

𑁩,𑁮𑁮. 𑀢𑀼𑀫𑁆𑀳𑀸𑀫𑁆𑀳𑀸𑀦𑀁 𑀢𑀸𑀫𑁂+𑀓𑀲𑁆𑀫𑀺𑀁

𑀭𑀻+𑀭𑀺𑀓𑁆𑀔+𑀓𑁂𑀲𑀼 𑀢𑀼𑀫𑁆𑀳𑀸𑀫𑁆𑀳𑀸𑀦𑀁 𑀢𑀸𑀫𑀸 𑀳𑁄𑀦𑁆𑀢𑁂+𑀓𑀲𑁆𑀫𑀺𑀁 𑀬𑀣𑀸𑀓𑁆𑀓𑀫𑀁. 𑀢𑁆𑀯𑀁 𑀯𑀺𑀬 𑀤𑀺𑀲𑁆𑀲𑀢𑀺, 𑀅𑀬𑀁 𑀯𑀺𑀬 𑀤𑀺𑀲𑁆𑀲𑀢𑀻𑀢𑀺 𑀢𑀸𑀤𑀻 𑀫𑀸𑀤𑀻 𑀇𑀘𑁆𑀘𑀸𑀤𑀺. 𑀏𑀓𑀲𑁆𑀫𑀺𑀦𑁆𑀢𑀺 𑀓𑀺𑀁, 𑀢𑀼𑀫𑁆𑀳𑀸𑀤𑀺𑀲𑁄 𑀅𑀫𑁆𑀳𑀸𑀤𑀺𑀲𑁄.

𑀭𑀻𑀭𑀺𑀓𑁆𑀔𑀓𑀦𑁆𑀢𑀢𑁄+𑀜𑁆𑀜𑀲𑁆𑀫𑀺𑀁 𑀉𑀢𑁆𑀢𑀭𑀧𑀤𑁂 𑀢𑀼𑀫𑁆𑀳𑀸𑀫𑁆𑀳𑀸𑀦+𑀫𑁂𑀓𑀲𑁆𑀫𑀺𑀁 𑀢𑀁+𑀫𑀁 𑀳𑁄𑀦𑁆𑀢𑀺 𑀬𑀣𑀸𑀓𑁆𑀓𑀫𑀁. 𑀢𑁆𑀯𑀁 𑀤𑀻𑀧𑁄 𑀏𑀲𑀁, 𑀅𑀳𑀁 𑀤𑀻𑀧𑁄 𑀏𑀲𑀁𑀢𑀺 𑀅𑀜𑁆𑀜𑀧𑀤𑀢𑁆𑀣𑁂 𑀢𑀁𑀤𑀻𑀧𑀸 𑀫𑀁𑀤𑀻𑀧𑀸. 𑀢𑁆𑀯𑀁 𑀲𑀭𑀡+𑀫𑁂𑀲𑀁, 𑀅𑀳𑀁 𑀲𑀭𑀡+ 𑀫𑁂𑀲𑀦𑁆𑀢𑀺 ¶ 𑀢𑀁𑀲𑀭𑀡𑀸 𑀫𑀁𑀲𑀭𑀡𑀸. 𑀢𑀬𑀸 𑀬𑁄𑀕𑁄 𑀢𑀬𑁆𑀬𑁄𑀕𑁄, 𑀫𑀬𑀸 𑀬𑁄𑀕𑁄 𑀫𑀬𑁆𑀬𑁄𑀕𑁄𑀢𑀺 𑀅𑀫𑀸𑀤𑀺𑀲𑀫𑀸𑀲𑁂 𑀦𑀺𑀕𑁆𑀕𑀳𑀻𑀢𑀮𑁄𑀧𑁄.

𑀭𑀻+𑀭𑀺𑀓𑁆𑀔+𑀓𑁂𑀲𑀼 𑀏𑀢𑀲𑁆𑀲 𑀏𑀝 𑀯𑀸 𑀳𑁄𑀢𑀺. 𑀏𑀤𑀻 𑀏𑀢𑀸𑀤𑀻, 𑀏𑀤𑀺𑀓𑁆𑀔𑁄 𑀏𑀢𑀸𑀤𑀺𑀓𑁆𑀔𑁄, 𑀏𑀤𑀺𑀲𑁄 𑀏𑀢𑀸𑀤𑀺𑀲𑁄.

𑀪𑀸𑀯𑁂 𑀓𑀸𑀭𑀓𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀅 𑀖𑀡 𑀖 𑀓𑀸 𑀳𑁄𑀦𑁆𑀢𑀺 𑀩𑀳𑀼𑀮𑀁.

𑀅𑀧𑀘𑁆𑀘𑀬𑁄-𑀧𑀕𑁆𑀕𑀡𑁆𑀳𑀦𑀁 𑀧𑀕𑁆𑀕𑀳𑁄, 𑀏𑀯𑀁 𑀦𑀺𑀕𑁆𑀕𑀳𑁄, 𑀥𑀫𑁆𑀫𑀁 𑀥𑀸𑀭𑁂𑀢𑀻𑀢𑀺 𑀥𑀫𑁆𑀫𑀥𑀭𑁄, 𑀏𑀯𑀁 𑀯𑀺𑀦𑀬𑀥𑀭𑁄. 𑀢𑀣𑀸 𑀢𑀁 𑀓𑀭𑁄𑀢𑀻𑀢𑀺 𑀢𑀓𑁆𑀓𑀭𑁄, 𑀤𑁆𑀯𑀺𑀢𑁆𑀢𑀁. 𑀏𑀯𑀁 𑀳𑀺𑀢𑀓𑀭𑁄, 𑀤𑀺𑀯𑀲𑀓𑀭𑁄, 𑀤𑀺𑀦𑀓𑀭𑁄, 𑀤𑀺𑀯𑀸𑀓𑀭𑁄, 𑀦𑀺𑀲𑀸𑀓𑀭𑁄, 𑀥𑀦𑀼𑀁 𑀕𑀡𑁆𑀳𑀻𑀢𑀺 𑀥𑀦𑀼𑀕𑁆𑀕𑀳𑁄. 𑀏𑀯𑀁 𑀓𑀯𑀘𑀕𑁆𑀕𑀳𑁄. 𑀤𑀤=𑀤𑀸𑀦𑁂, 𑀲𑀩𑁆𑀩𑀓𑀸𑀫𑀁 𑀤𑀤𑀸𑀢𑀻𑀢𑀺 𑀲𑀩𑁆𑀩𑀓𑀸𑀫𑀤𑀤𑁄, 𑀲𑀩𑁆𑀩𑀤𑀤𑁄. 𑀆𑀢𑁄 ‘‘𑀧𑀭𑁄𑀓𑁆𑀔𑀸𑀬𑀜𑁆𑀘𑀸’’𑀢𑀺 𑀘𑀕𑁆𑀕𑀳𑀡𑁂𑀦 𑀤𑁆𑀯𑀺𑀢𑁆𑀢𑁂 ‘‘𑀭𑀲𑁆𑀲𑁄 𑀧𑀼𑀩𑁆𑀩𑀲𑁆𑀲𑀸’’𑀢𑀺 𑀭𑀲𑁆𑀲𑁂 𑀘 𑀅𑀦𑁆𑀦𑀁 𑀤𑀤𑀸𑀢𑀻𑀢𑀺 𑀅𑀦𑁆𑀦𑀤𑀤𑁄, 𑀏𑀯𑀁 𑀥𑀦𑀤𑁄. 𑀲𑀁𑀧𑀼𑀩𑁆𑀩𑁄 𑀥𑀸=𑀥𑀸𑀭𑀡𑁂, 𑀲𑀩𑁆𑀩𑀁 𑀲𑀦𑁆𑀥𑀳𑀢𑀻𑀢𑀺 𑀲𑀩𑁆𑀩𑀲𑀦𑁆𑀥𑁄. 𑀦𑀻=𑀧𑀸𑀧𑀦𑁂, 𑀯𑀺𑀧𑀼𑀩𑁆𑀩𑁄, 𑀯𑀺𑀦𑁂𑀲𑀺 𑀯𑀺𑀦𑁂𑀢𑀺 𑀯𑀺𑀦𑁂𑀲𑁆𑀲𑀢𑀺 𑀏𑀢𑁂𑀦 𑀏𑀢𑁆𑀣𑀸𑀢𑀺 𑀯𑀸 𑀯𑀺𑀦𑀬𑁄, 𑀏+𑀅𑀬𑀸𑀤𑁂𑀲𑀸. 𑀦𑀬𑀦𑀁 𑀦𑀬𑁄. 𑀲𑀺=𑀲𑁂𑀯𑀸𑀬𑀁, 𑀦𑀺𑀧𑀼𑀩𑁆𑀩𑁄, 𑀦𑀺𑀲𑁆𑀲𑀻𑀬𑀢𑀻𑀢𑀺 𑀦𑀺𑀲𑁆𑀲𑀬𑁄. 𑀲𑀺=𑀲𑀬𑁂, 𑀅𑀦𑀼𑀲𑀬𑀺 𑀅𑀦𑀼𑀲𑁂𑀢𑀺 𑀅𑀦𑀼𑀲𑁂𑀲𑁆𑀲𑀢𑀻𑀢𑀺 𑀅𑀦𑀼𑀲𑀬𑁄. 𑀇=𑀕𑀢𑀺𑀫𑁆𑀳𑀺, 𑀧𑀢𑀺𑀧𑀼𑀩𑁆𑀩𑁄, 𑀧𑀝𑀺𑀘𑁆𑀘 𑀏𑀢𑀲𑁆𑀫𑀸 𑀨𑀮+𑀫𑁂𑀢𑀻𑀢𑀺 𑀧𑀘𑁆𑀘𑀬𑁄. 𑀲𑀁+𑀉𑀧𑀼𑀩𑁆𑀩𑁄, 𑀤𑀸𑀕𑀫𑁂 𑀲𑀫𑀼𑀤𑀬𑁄 ¶ . 𑀘𑀺=𑀘𑀬𑁂, 𑀯𑀺𑀦𑀺𑀘𑁆𑀙𑀬𑀢𑁂+𑀦𑁂𑀦 𑀯𑀺𑀦𑀺𑀘𑁆𑀙𑀬𑀦𑀁 𑀯𑀸 𑀯𑀺𑀦𑀺𑀘𑁆𑀙𑀬𑁄, ‘‘𑀦𑀺𑀢𑁄 𑀘𑀺𑀲𑁆𑀲 𑀙𑁄’’𑀢𑀺 𑀘𑀺𑀲𑁆𑀲 𑀙𑁄. 𑀉𑀘𑁆𑀘𑀬𑀦𑀁 𑀉𑀘𑁆𑀘𑀬𑁄, 𑀲𑀁𑀘𑀬𑁄. 𑀔𑀺=𑀔𑀬𑁂, 𑀔𑀬𑀦𑀁 𑀔𑀬𑁄. 𑀚𑀺=𑀚𑀬𑁂, 𑀯𑀺𑀚𑀬𑀦𑀁 𑀯𑀺𑀚𑀬𑁄, 𑀚𑀬𑁄. 𑀓𑀻=𑀤𑀩𑁆𑀩𑀯𑀺𑀦𑀻𑀫𑀬𑁂, 𑀯𑀺𑀓𑁆𑀓𑀬𑀦𑀁 𑀯𑀺𑀓𑁆𑀓𑀬𑁄, 𑀓𑀬𑁄. 𑀮𑀻=𑀲𑀺𑀮𑁂𑀲𑀦𑁂, 𑀅𑀮𑁆𑀮𑀻𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀆𑀮𑀬𑁄, 𑀮𑀬𑁄. (𑀇𑀯𑀡𑁆𑀡𑀦𑁆𑀢𑀸).

𑀆𑀲𑀼𑀡𑀦𑁆𑀢𑀻𑀢𑀺 𑀅𑀲𑁆𑀲𑀯𑀸, 𑀆𑀲𑁆𑀲 𑀭𑀲𑁆𑀲𑁄. 𑀧𑀝𑀺𑀲𑁆𑀲𑀯𑀦𑀁 𑀧𑀝𑀺𑀲𑁆𑀲𑀯𑁄. 𑀲𑀼=𑀧𑀲𑁆𑀲𑀯𑀦𑁂, 𑀆𑀪𑀯𑀕𑁆𑀕𑀸 𑀲𑀯𑀦𑁆𑀢𑀻𑀢𑀺 𑀆𑀲𑀯𑀸. 𑀭𑀼=𑀲𑀤𑁆𑀤𑁄 𑀭𑀯𑀢𑀻𑀢𑀺 𑀭𑀯𑁄. 𑀪𑀯𑀢𑀻𑀢𑀺 𑀪𑀯𑁄. 𑀧𑀪𑀯𑀢𑀺 𑀏𑀢𑀲𑁆𑀫𑀸𑀢𑀺 𑀧𑀪𑀯𑁄. 𑀮𑀽=𑀙𑁂𑀤𑀦𑁂, 𑀮𑀯𑀦𑀁 𑀮𑀯𑁄. (𑀉𑀯𑀡𑁆𑀡𑀦𑁆𑀢𑀸).

𑀘𑀭=𑀘𑀭𑀡𑁂, 𑀲𑀁𑀘𑀭𑀡𑀁 𑀲𑀁𑀘𑀭𑁄. 𑀤𑀭=𑀯𑀺𑀤𑀸𑀭𑀡𑁂, 𑀆𑀤𑀭𑀦𑀁 𑀆𑀤𑀭𑁄. 𑀆𑀕𑀘𑁆𑀙𑀢𑀺 𑀆𑀕𑀫𑀦𑀁𑀢𑀺 𑀯𑀸 𑀆𑀕𑀫𑁄. 𑀲𑀧𑁆𑀧=𑀕𑀫𑀦𑁂, 𑀲𑀧𑁆𑀧𑀢𑀻𑀢𑀺 𑀲𑀧𑁆𑀧𑁄. 𑀤𑀺𑀩𑁆𑀩𑀢𑀻𑀢𑀺 𑀤𑁂𑀯𑁄. 𑀧𑀓𑁆𑀓𑀫𑀦𑀁 𑀧𑀓𑁆𑀓𑀫𑀢𑀻𑀢𑀺 𑀯𑀸 𑀧𑀓𑁆𑀓𑀫𑁄, 𑀏𑀯𑀁 𑀯𑀺𑀓𑁆𑀓𑀫𑁄. 𑀘𑀭=𑀘𑀭𑀡𑁂, 𑀯𑀦𑀁 𑀘𑀭𑀢𑀻𑀢𑀺 𑀯𑀦𑀘𑀭𑁄. 𑀓𑀸𑀫𑁄 𑀅𑀯𑀘𑀭𑀢𑀺 𑀏𑀢𑁆𑀣𑀸𑀢𑀺 𑀓𑀸𑀫𑀸𑀯𑀘𑀭𑁄 𑀮𑁄𑀓𑁄, 𑀓𑀸𑀫𑀸𑀯𑀘𑀭𑀸 𑀧𑀜𑁆𑀜𑀸, 𑀓𑀸𑀫𑀸𑀯𑀘𑀭𑀁 𑀘𑀺𑀢𑁆𑀢𑀁. 𑀕𑀸𑀯𑁄 𑀘𑀭𑀦𑁆𑀢𑀺 𑀏𑀢𑁆𑀣𑀸𑀢𑀺 𑀕𑁄𑀘𑀭𑁄. 𑀧𑀸𑀤𑁂𑀦 𑀧𑀺𑀯𑀢𑀻𑀢𑀺 𑀧𑀸𑀤𑀧𑁄. 𑀏𑀯𑀁 𑀓𑀘𑁆𑀙𑀧𑁄. 𑀲𑀺𑀭𑀲𑁆𑀫𑀺𑀁 𑀭𑀼𑀳𑀢𑀻𑀢𑀺 𑀲𑀺𑀭𑁄𑀭𑀼𑀳𑁄, 𑀫𑀦𑀸𑀤𑀺𑀢𑁆𑀢𑀸 𑀑. 𑀕𑀼𑀳𑀸𑀬𑀁 𑀲𑀬𑀢𑀻𑀢𑀺 𑀕𑀼𑀳𑀸𑀲𑀬𑀁 𑀘𑀺𑀢𑁆𑀢𑀁, 𑀏𑀯𑀁 𑀓𑀼𑀘𑁆𑀙𑀺𑀲𑀬𑀸 𑀯𑀸𑀢𑀸. 𑀧𑀩𑁆𑀩𑀢𑁂 𑀢𑀺𑀝𑁆𑀞𑀢𑀻𑀢𑀺 𑀧𑀩𑁆𑀩𑀢𑀝𑁆𑀞𑁄 𑀧𑀼𑀭𑀺𑀲𑁄, 𑀧𑀩𑁆𑀩𑀢𑀝𑁆𑀞𑀸 𑀦𑀤𑀻, 𑀧𑀩𑁆𑀩𑀢𑀝𑁆𑀞𑀁 𑀪𑀲𑁆𑀫𑀁. 𑀏𑀯𑀁 𑀣𑀮𑀝𑁆𑀞𑀁 𑀚𑀮𑀝𑁆𑀞𑀁.

𑀓𑀺𑀘𑁆𑀙𑀢𑁆𑀣𑁂 𑀤𑀼𑀫𑁆𑀳𑀺 𑀅𑀓𑀺𑀘𑁆𑀙𑀢𑁆𑀣𑁂 𑀲𑀼+𑀈𑀲𑀁+𑀲𑀼𑀔 𑀉𑀧𑀧𑀤𑁂𑀲𑀼-𑀤𑀼𑀓𑁆𑀔𑁂𑀦 𑀓𑀭𑀻𑀬𑀢𑀺 𑀓𑀭𑀡𑀁 𑀯𑀸 𑀤𑀼𑀓𑁆𑀓𑀭𑀁. 𑀏𑀯𑀁 𑀤𑀼𑀲𑁆𑀲𑀬𑁄, 𑀤𑀼𑀓𑁆𑀔𑁂𑀦 𑀪𑀭𑀻𑀬𑀢𑀻𑀢𑀺 𑀤𑀼𑀩𑁆𑀪𑀭𑁄 𑀫𑀳𑀺𑀘𑁆𑀙𑁄. 𑀏𑀯𑀁 𑀤𑀼𑀭𑀓𑁆𑀔𑀁 𑀘𑀺𑀢𑁆𑀢𑀁, 𑀤𑀼𑀤𑁆𑀤𑀲𑁄 𑀥𑀫𑁆𑀫𑁄, 𑀤𑀼𑀭𑀦𑀼𑀩𑁄𑀥𑁄 𑀥𑀫𑁆𑀫𑁄. 𑀈𑀲𑀁 𑀲𑀬𑀢𑀻𑀢𑀺 𑀈𑀲𑀁𑀲𑀬𑁄, 𑀏𑀯𑀁 ¶ 𑀲𑀼𑀔𑀲𑀬𑁄. 𑀈𑀲𑀁 𑀓𑀭𑀻𑀬𑀢𑀻𑀢𑀺 𑀈𑀲𑀓𑁆𑀓𑀭𑀁 𑀓𑀫𑁆𑀫𑀁. 𑀲𑀼𑀔𑁂𑀦 𑀓𑀭𑀻𑀬𑀢𑀻𑀢𑀺 𑀲𑀼𑀓𑀭𑀁 𑀧𑀸𑀧𑀁 𑀩𑀸𑀮𑁂𑀦. 𑀏𑀯𑀁 𑀲𑀼𑀪𑀭𑁄 𑀅𑀧𑁆𑀧𑀺𑀘𑁆𑀙𑁄, 𑀲𑀼𑀤𑀲𑁆𑀲𑀁 𑀧𑀭𑀯𑀚𑁆𑀚𑀁, 𑀲𑀼𑀩𑁄𑀥+𑀫𑀺𑀘𑁆𑀘𑀸𑀤𑀺. 𑀲𑀩𑁆𑀩𑀢𑁆𑀣 𑀧𑀸𑀤𑀺𑀅𑀫𑀸𑀤𑀺𑀲𑀫𑀸𑀲𑀸.

𑀖𑀡-𑀪𑀯𑀢𑀻𑀢𑀺 𑀪𑀸𑀯𑁄, 𑀑+𑀆𑀯𑀸𑀤𑁂𑀲𑀸. 𑀅𑀬=𑀇𑀢𑀺 𑀤𑀡𑁆𑀟𑀓𑀥𑀸𑀢𑀼, 𑀅𑀬𑀢𑀺 𑀇𑀢𑁄𑀢𑀺 𑀆𑀬𑁄, 𑀆𑀳𑀭𑀢𑀻𑀢𑀺 𑀆𑀳𑀸𑀭𑁄. 𑀉𑀧𑀳𑀦𑀢𑀻𑀢𑀺 𑀉𑀧𑀖𑀸𑀢𑁄, ‘‘𑀳𑀦𑀲𑁆𑀲 𑀖𑀸𑀢𑁄 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀖𑀸𑀢𑀸𑀤𑁂𑀲𑁄. 𑀭𑀜𑁆𑀚𑀢𑀻𑀢𑀺 𑀭𑀸𑀕𑁄, ‘‘𑀓𑀕𑀸 𑀘𑀚𑀸𑀦𑀁 𑀖𑀸𑀦𑀼𑀩𑀦𑁆𑀥𑁂’’𑀢𑀺 𑀚𑀲𑁆𑀲 𑀕𑁄. 𑀭𑀜𑁆𑀚𑀦𑁆𑀢𑀺 𑀅𑀦𑁂𑀦𑀸𑀢𑀺 𑀭𑀸𑀕𑁄. ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆, 𑀧𑀚𑁆𑀚𑀢𑁂+𑀦𑁂𑀦𑀸𑀢𑀺 𑀧𑀸𑀤𑁄. 𑀢𑀼𑀤=𑀩𑁆𑀬𑀣𑀦𑁂, 𑀧𑀢𑀼𑀚𑁆𑀚𑀢𑁂+𑀦𑁂𑀦𑀸𑀢𑀺 𑀧𑀢𑁄𑀤𑁄. 𑀚𑀭𑀻𑀬𑀢𑀺 𑀅𑀦𑁂𑀦𑀸𑀢𑀺 𑀚𑀸𑀭𑁄, 𑀏𑀯𑀁 𑀤𑀸𑀭𑁄. 𑀪𑀚𑀻𑀬𑀢𑀻𑀢𑀺 𑀪𑀸𑀕𑁄. 𑀏𑀯𑀁 𑀪𑀸𑀭𑁄. 𑀮𑀩𑁆𑀪𑀢𑀻𑀢𑀺 𑀮𑀸𑀪𑁄. 𑀯𑀺+𑀑𑀧𑀼𑀩𑁆𑀩𑁄, 𑀯𑁄𑀳𑀭𑀻𑀬𑀢𑀻𑀢𑀺 𑀯𑁄𑀳𑀸𑀭𑁄. 𑀤𑀺𑀬𑁆𑀬𑀢𑀻𑀢𑀺 𑀤𑀸𑀬𑁄, 𑀬𑀼𑀓. 𑀯𑀺𑀳𑀜𑁆𑀜𑀢𑀺 𑀏𑀢𑀲𑁆𑀫𑀸𑀢𑀺 𑀯𑀺𑀖𑀸𑀢𑁄. 𑀯𑀺𑀳𑀭𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀺𑀳𑀸𑀭𑁄. 𑀆𑀭𑀫𑀦𑁆𑀢𑀺 𑀏𑀢𑀲𑁆𑀫𑀺𑀦𑁆𑀢𑀺 𑀆𑀭𑀸𑀫𑁄. 𑀧𑀘𑀦𑀁 𑀯𑀸 𑀧𑀸𑀓𑁄, 𑀘𑀲𑁆𑀲 𑀓𑁄. 𑀘𑀚𑀦𑀁 𑀘𑀸𑀕𑁄. 𑀬𑀚𑀦𑀁 𑀬𑀸𑀕𑁄. 𑀭𑀚𑀦𑀁 𑀭𑀸𑀕𑁄.

𑀆+𑀧𑀭𑀻𑀳𑀺 𑀧𑀭𑀲𑁆𑀲 𑀤𑀳𑀲𑁆𑀲 𑀴𑁄 𑀳𑁄𑀢+𑀦+𑀖𑀡𑀲𑀼. 𑀧𑀭𑀺𑀤𑀳𑀦𑀁 𑀧𑀭𑀺𑀴𑀸𑀳𑁄. 𑀏𑀯𑀁 𑀤𑀸𑀳𑁄. 𑀪𑀜𑁆𑀚𑀦𑀁 𑀲𑀗𑁆𑀕𑁄. 𑀏𑀯𑀁 𑀲𑀗𑁆𑀕𑁄. 𑀲𑀁𑀔𑀭𑀦𑀁 𑀲𑀁𑀔𑀸𑀭𑁄, ‘‘𑀓𑀭𑁄𑀢𑀺𑀲𑁆𑀲 𑀔𑁄’’𑀢𑀺 𑀓𑀲𑁆𑀲 𑀔𑁄. 𑀏𑀯𑀁 𑀧𑀭𑀺𑀓𑁆𑀔𑀸𑀭𑁄. ‘‘𑀧𑀼𑀭𑀲𑁆𑀫𑀸’’𑀢𑀺 𑀓𑀭𑀲𑁆𑀲 𑀔𑁄, 𑀧𑀼𑀭𑁂𑀓𑁆𑀔𑀸𑀭𑁄, 𑀏𑀢𑁆𑀢𑀁 𑀢𑀤𑀫𑀺𑀦𑀸𑀤𑀺𑀧𑀸𑀞𑀸. 𑀏𑀯𑀁 𑀉𑀧𑀓𑀸𑀭𑁄, 𑀕𑀸𑀳𑁄.

𑀖-𑀯𑀘𑀢𑀻𑀢𑀺 ¶ 𑀯𑀓𑁄. 𑀲𑀺𑀘=𑀧𑀕𑁆𑀖𑀭𑀡𑁂, 𑀲𑁂𑀘𑀦𑀁 𑀲𑁂𑀓𑁄. 𑀏𑀯𑀁 𑀲𑁄𑀓𑁄, 𑀏𑀑𑀯𑀼𑀤𑁆𑀥𑀺𑀬𑁄. 𑀬𑀼𑀜𑁆𑀚𑀦𑀁 𑀬𑁄𑀕𑁄.

𑀓-𑀧𑀻=𑀢𑀧𑁆𑀧𑀦𑁂, 𑀧𑀻𑀦𑁂𑀢𑀻𑀢𑀺 𑀧𑀻𑀬𑁄, 𑀓𑀸𑀦𑀼𑀩𑀦𑁆𑀥𑀢𑁆𑀢𑀸 𑀦 𑀯𑀼𑀤𑁆𑀥𑀺, ‘‘𑀬𑀼𑀯𑀡𑁆𑀡𑀸𑀦+𑀫𑀺𑀬𑀗𑀼𑀯𑀗 𑀲𑀭𑁂’’𑀢𑀺 𑀇𑀬𑀗. 𑀔𑀺𑀧=𑀧𑁂𑀭𑀡𑁂, 𑀔𑀺𑀧𑀢𑀻𑀢𑀺 𑀔𑀺𑀧𑁄. 𑀪𑀼𑀜𑁆𑀚𑀦𑁆𑀢𑁆𑀬+𑀦𑁂𑀦𑀸𑀢𑀺 𑀪𑀼𑀚𑁄. 𑀬𑀼𑀥=𑀲𑀫𑁆𑀧𑀳𑀸𑀭𑁂 𑀆𑀬𑀼𑀚𑁆𑀛𑀦𑁆𑀢𑀺 𑀅𑀦𑁂𑀦𑀸𑀢𑀺 𑀆𑀬𑀼𑀥𑀁.

𑀤𑀸𑀥𑀸𑀢𑁄 𑀩𑀳𑀼𑀮+𑀫𑀺 𑀳𑁄𑀢𑀺 𑀪𑀸𑀯𑀓𑀸𑀭𑀓𑁂𑀲𑀼. 𑀤𑀸=𑀤𑀸𑀦𑁂, 𑀆𑀤𑀺𑀬𑀢𑀻𑀢𑀺𑀆𑀤𑀺. 𑀏𑀯𑀁 𑀉𑀧𑀸𑀤𑀺. 𑀥𑀸=𑀥𑀸𑀭𑀡𑁂, 𑀉𑀤𑀓𑀁 𑀤𑀥𑀸𑀢𑀻𑀢𑀺 𑀉𑀤𑀥𑀺, ‘‘𑀲𑀜𑁆𑀜𑀸𑀬+𑀫𑀼𑀤𑁄+𑀤𑀓𑀲𑁆𑀲𑀸’’𑀢𑀺 𑀉𑀤𑀓𑀲𑁆𑀲 𑀉𑀤𑀸𑀤𑁂𑀲𑁄. 𑀚𑀮𑀁 𑀥𑀺𑀬𑀢𑁂 𑀅𑀲𑁆𑀫𑀺𑀦𑁆𑀢𑀺 𑀚𑀮𑀥𑀺. 𑀯𑀸𑀮𑀸𑀦𑀺 𑀥𑀻𑀬𑀦𑁆𑀢𑀺 𑀅𑀲𑁆𑀫𑀺𑀦𑁆𑀢𑀺 𑀯𑀸𑀮𑀥𑀺. 𑀲𑀦𑁆𑀥𑀻𑀬𑀢𑀺 𑀲𑀦𑁆𑀥𑀸𑀢𑀻𑀢𑀺 𑀯𑀸 𑀲𑀦𑁆𑀥𑀺. 𑀥𑀻𑀬𑀢𑀻𑀢𑀺 𑀥𑀺. 𑀯𑀺𑀥𑀻𑀬𑀢𑀺 𑀯𑀺𑀥𑀸𑀢𑀺 𑀯𑀺𑀥𑀸𑀦𑀁 𑀯𑀸 𑀯𑀺𑀥𑀺. 𑀲𑀫𑁆𑀫𑀸 𑀲𑀫𑀁 𑀯𑀸 𑀘𑀺𑀢𑁆𑀢𑀁 𑀆𑀤𑀥𑀸𑀢𑀻𑀢𑀺 𑀲𑀫𑀸𑀥𑀺.

𑀯𑀫𑀸𑀤𑀻𑀳𑀺 𑀪𑀸𑀯𑀓𑀸𑀭𑀓𑁂𑀲𑁆𑀯+𑀣𑀼 𑀳𑁄𑀢𑀺. 𑀯𑀫=𑀉𑀕𑁆𑀕𑀺𑀭𑀡𑁂, 𑀯𑀫𑀦𑀁 𑀯𑀫𑀻𑀬𑀢𑀻𑀢𑀺 𑀯𑀸 𑀯𑀫𑀣𑀼. 𑀯𑁂𑀧+𑀓𑀫𑁆𑀧=𑀘𑀮𑀦𑁂, 𑀯𑁂𑀧𑀦𑀁 𑀯𑁂𑀧𑀣𑀼.

𑀓𑁆𑀭𑀺𑀬𑀢𑁆𑀣𑀸 𑀓𑁆𑀯𑀺 𑀳𑁄𑀢𑀺 𑀩𑀳𑀼𑀮𑀁 𑀪𑀸𑀯𑀓𑀸𑀭𑀓𑁂𑀲𑀼. 𑀓𑀓𑀸𑀭𑁄 𑀓𑀸𑀦𑀼𑀩𑀦𑁆𑀥𑀓𑀸𑀭𑀺𑀬𑀢𑁆𑀣𑁄.

𑀓𑁆𑀭𑀺𑀬𑀢𑁆𑀣𑀸 ¶ 𑀧𑀭𑀲𑁆𑀲 𑀓𑁆𑀯𑀺𑀲𑁆𑀲 𑀮𑁄𑀧𑁄 𑀳𑁄𑀢𑀺. 𑀲𑀫𑁆𑀪𑀯𑀢𑀻𑀢𑀺 𑀲𑀫𑁆𑀪𑀽. 𑀏𑀯𑀁 𑀯𑀺𑀪𑀯𑀢𑀻𑀢𑀺 𑀯𑀺𑀪𑀽, 𑀅𑀪𑀺𑀪𑀽, 𑀲𑀬𑀫𑁆𑀪𑀽. 𑀢𑀣𑀸 𑀥𑀼=𑀓𑀫𑁆𑀧𑀦𑁂, 𑀲𑀦𑁆𑀥𑀼𑀦𑀸𑀢𑀻𑀢𑀺 𑀲𑀦𑁆𑀥𑀼. 𑀯𑀺𑀪𑀸𑀢𑀻𑀢𑀺 𑀯𑀺𑀪𑀸. 𑀧𑀪𑀸𑀢𑀻𑀢𑀺 𑀧𑀪𑀸. 𑀲𑀁𑀕𑀫𑁆𑀫 𑀪𑀸𑀲𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑀪𑀸, ‘‘𑀓𑁆𑀯𑀺𑀫𑁆𑀳𑀺 𑀮𑁄𑀧𑁄+𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀅𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄. 𑀪𑀼𑀚𑁂𑀦 𑀕𑀘𑁆𑀙𑀢𑀻𑀢𑀺 𑀪𑀼𑀚𑀕𑁄. 𑀏𑀯𑀁 𑀉𑀭𑀕𑁄. 𑀢𑀼𑀭𑀁=𑀲𑀻𑀖𑀁 𑀕𑀘𑁆𑀙𑀢𑀻𑀢𑀺 𑀢𑀼𑀭𑀗𑁆𑀕𑁄. 𑀔𑁂𑀦 𑀕𑀘𑁆𑀙𑀢𑀻𑀢𑀺 𑀔𑀕𑁄. 𑀯𑀺𑀳𑀸𑀬𑀲𑁂 𑀕𑀘𑁆𑀙𑀢𑀻𑀢𑀺 𑀯𑀺𑀳𑀕𑁄, 𑀢𑀤𑀫𑀺𑀦𑀸𑀤𑀺𑀧𑀸𑀞𑀸 𑀯𑀺𑀳𑀸𑀤𑁂𑀲𑁄. 𑀦 𑀕𑀘𑁆𑀙𑀢𑀻𑀢𑀺 𑀦𑀕𑁄. 𑀏𑀯𑀁 𑀅𑀕𑁄, ‘‘𑀦𑀕𑁄 𑀯𑀸+𑀧𑁆𑀧𑀸𑀡𑀺𑀦𑀻’’𑀢𑀺 𑀯𑀺𑀓𑀧𑁆𑀧𑁂𑀦 𑀦𑀜𑀲𑀫𑀸𑀲𑁂 𑀝𑀸𑀤𑁂𑀲𑀦𑀺𑀲𑁂𑀥𑁄. 𑀚𑀦=𑀚𑀦𑀦𑁂, 𑀓𑀫𑁆𑀫𑀢𑁄 𑀚𑀸𑀢𑁄𑀢𑀺 𑀓𑀫𑁆𑀫𑀚𑁄, 𑀅𑀫𑀸𑀤𑀺𑀲𑀫𑀸𑀲𑁄, 𑀓𑀫𑁆𑀫𑀚𑁄 𑀯𑀺𑀧𑀸𑀓𑁄, 𑀓𑀫𑁆𑀫𑀚𑀸 𑀧𑀝𑀺𑀲𑀦𑁆𑀥𑀺, 𑀓𑀫𑁆𑀫𑀚𑀁 𑀭𑀽𑀧𑀁. 𑀏𑀯𑀁 𑀘𑀺𑀢𑁆𑀢𑀚𑀁, 𑀉𑀢𑀼𑀚𑀁, 𑀆𑀳𑀸𑀭𑀚𑀁. 𑀅𑀢𑁆𑀢𑀚𑁄 𑀧𑀼𑀢𑁆𑀢𑁄, 𑀯𑀸𑀭𑀺𑀫𑁆𑀳𑀺 𑀚𑀸𑀢𑁄 𑀯𑀸𑀭𑀺𑀚𑁄. 𑀏𑀯𑀁 𑀣𑀮𑀚𑁄. 𑀧𑀗𑁆𑀓𑀚𑀁. 𑀚𑀮𑀚𑀁. 𑀅𑀡𑁆𑀟𑀚𑀁. 𑀲𑀭𑀲𑀺𑀚𑀁, 𑀉𑀧𑀧𑀤𑀲𑀫𑀸𑀲𑁂 𑀩𑀳𑀼𑀮𑀁𑀯𑀺𑀥𑀸𑀦𑀸 𑀯𑀺𑀪𑀢𑁆𑀬𑀮𑁄𑀧𑁂 ‘‘𑀫𑀦𑀸𑀤𑀻𑀳𑀻’’𑀢𑀺𑀆𑀤𑀺𑀦𑀸 𑀲𑀺𑀆𑀤𑁂𑀲𑁄. 𑀤𑁆𑀯𑀺𑀓𑁆𑀔𑀢𑁆𑀢𑀼𑀁 𑀚𑀸𑀢𑁄 𑀤𑁆𑀯𑀺𑀚𑁄, ‘‘𑀢𑀤𑀫𑀺𑀦𑀸’’ 𑀤𑀺𑀦𑀸 𑀓𑁆𑀔𑀢𑁆𑀢𑀼𑀁𑀮𑁄𑀧𑁄. 𑀧𑀘𑁆𑀙𑀸 𑀚𑀸𑀢𑁄 𑀅𑀦𑀼𑀚𑁄. 𑀲𑀜𑁆𑀚𑀸𑀦𑀸𑀢𑀻𑀢𑀺 𑀲𑀜𑁆𑀜𑀸. 𑀧𑀚𑀸𑀦𑀸𑀢𑀻𑀢𑀺 𑀧𑀜𑁆𑀜𑀸. 𑀏𑀯𑀁 𑀧𑀢𑀺𑀝𑁆𑀞𑀸𑀢𑀻𑀢𑀺 𑀧𑀢𑀺𑀝𑁆𑀞𑀸. 𑀛𑀸=𑀘𑀺𑀦𑁆𑀢𑀸𑀬𑀁, 𑀧𑀭𑀲𑀫𑁆𑀧𑀢𑁆𑀢𑀺𑀁 𑀅𑀪𑀺𑀚𑁆𑀛𑀸𑀬𑀢𑀻𑀢𑀺 𑀅𑀪𑀺𑀚𑁆𑀛𑀸. 𑀳𑀺𑀢𑁂𑀲𑀺𑀢𑀁 𑀉𑀧𑀝𑁆𑀞𑀸𑀧𑁂𑀢𑁆𑀯𑀸 𑀛𑀸𑀬𑀢𑀻𑀢𑀺 𑀉𑀧𑀚𑁆𑀛𑀸. 𑀲𑁄 𑀏𑀯 𑀉𑀧𑀚𑁆𑀛𑀸𑀬𑁄, ‘‘𑀲𑀓𑀢𑁆𑀣𑁂’’𑀢𑀺 𑀬𑁄. 𑀲𑀫𑁆𑀫𑀸 𑀛𑀸𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑀁𑀛𑀸. 𑀓𑁆𑀯𑀺𑀤𑀦𑁆𑀢𑀸 𑀥𑀸𑀢𑁆𑀯𑀢𑁆𑀣𑀁 𑀦 𑀚𑀳𑀦𑁆𑀢𑀺, 𑀮𑀺𑀗𑁆𑀕𑀢𑁆𑀣𑀁 𑀧𑀝𑀺𑀧𑀸𑀤𑀬𑀦𑁆𑀢𑀺.

𑀓𑁆𑀭𑀺𑀬𑀢𑁆𑀣𑀸 ¶ 𑀪𑀸𑀯𑀓𑀸𑀭𑀓𑁂𑀲𑀼 𑀅𑀦𑁄 𑀳𑁄𑀢𑀺. 𑀦𑀦𑁆𑀤=𑀲𑀫𑀺𑀤𑁆𑀥𑀺𑀬𑀁, 𑀪𑀸𑀯𑁂-𑀦𑀦𑁆𑀤𑀺𑀬𑀢𑁂 𑀦𑀦𑁆𑀤𑀦𑀁. 𑀓𑀫𑁆𑀫𑁂-𑀅𑀦𑀦𑁆𑀤𑀻𑀬𑀺𑀢𑁆𑀣 𑀦𑀦𑁆𑀤𑀻𑀬𑀢𑀺 𑀦𑀦𑁆𑀤𑀻𑀬𑀺𑀲𑁆𑀲𑀢𑀺 𑀦𑀦𑁆𑀤𑀺𑀢𑀩𑁆𑀩𑀦𑁆𑀢𑀺 𑀯𑀸 𑀦𑀦𑁆𑀤𑀦𑀁 𑀯𑀦𑀁. 𑀕𑀳𑀦𑀁 𑀕𑀳𑀦𑀻𑀬𑀁 𑀯𑀸 𑀕𑀳𑀡𑀁, ‘‘𑀢𑀣𑀦𑀭𑀸’’ 𑀤𑀺𑀦𑀸 𑀦𑀲𑁆𑀲 𑀡𑁄. 𑀕𑀡𑁆𑀳𑀦𑀁, 𑀦𑀺𑀕𑁆𑀕𑀳𑀻𑀢𑀲𑁆𑀲 𑀦𑁄. 𑀘𑀭𑀺𑀢𑀩𑁆𑀩𑀁 𑀘𑀭𑀡𑀁. 𑀪𑀼𑀬𑀢𑁂 𑀪𑀯𑀦𑀁. 𑀳𑀼𑀬𑀢𑁂 𑀳𑀯𑀦𑀁. 𑀭𑀼𑀦𑁆𑀥𑀺𑀢𑀩𑁆𑀩𑀁 𑀭𑀼𑀦𑁆𑀥𑀦𑀁 𑀭𑁄𑀥𑀦𑀁 𑀯𑀸. 𑀪𑀼𑀜𑁆𑀚𑀺𑀢𑀩𑁆𑀩𑀁 𑀪𑀼𑀜𑁆𑀚𑀦𑀁 𑀪𑁄𑀚𑀦𑀁 𑀯𑀸. 𑀩𑀼𑀚𑁆𑀛𑀺𑀢𑀩𑁆𑀩𑀁 𑀩𑀼𑀚𑁆𑀛𑀦𑀁, ‘‘𑀧𑀤𑀸𑀤𑀻𑀦𑀁 𑀓𑁆𑀯𑀘𑀻’’𑀢𑀺 𑀬𑀼𑀓. 𑀩𑁄𑀥𑀦𑀁 𑀯𑀸. 𑀲𑀼𑀢𑀺 𑀲𑀼𑀬𑁆𑀬𑀢𑀺 𑀯𑀸 𑀲𑀯𑀦𑀁. 𑀧𑀸𑀧𑀻𑀬𑀢𑀻𑀢𑀺 𑀧𑀸𑀧𑀼𑀡𑀦𑀁, ‘‘𑀲𑀓𑀸𑀧𑀸𑀦𑀁 𑀓𑀼𑀓+𑀓𑀽’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀓𑀼𑀆𑀕𑀫𑁂 𑀦𑀸𑀕𑀫𑁂 𑀘 𑀢𑀲𑁆𑀲 𑀡𑁄 𑀘. 𑀧𑀸𑀮𑀻𑀬𑀢𑀻𑀢𑀺 𑀧𑀸𑀮𑀦𑀁 𑀇𑀘𑁆𑀘𑀸𑀤𑀺.

𑀓𑀢𑁆𑀢𑀭𑀺-𑀭𑀚𑀁 𑀳𑀭𑀢𑀻𑀢𑀺 𑀭𑀚𑁄𑀳𑀭𑀡𑀁 𑀢𑁄𑀬𑀁. 𑀯𑀺𑀚𑀸𑀦𑀸𑀢𑀻𑀢𑀺 𑀯𑀺𑀜𑁆𑀜𑀸𑀡𑀁. 𑀖𑀸=𑀕𑀦𑁆𑀥𑁄𑀧𑀸𑀤𑀸𑀦𑁂, 𑀖𑀸𑀬𑀢𑀻𑀢𑀺 𑀖𑀸𑀦𑀁. 𑀛𑀸=𑀘𑀺𑀦𑁆𑀢𑀸𑀬𑀁, 𑀛𑀸𑀬𑀢𑀻𑀢𑀺 𑀛𑀸𑀦𑀁. 𑀓𑀭𑁄𑀢𑀺 𑀅𑀦𑁂𑀦𑀸𑀢𑀺 𑀓𑀸𑀭𑀡𑀁, 𑀤𑀻𑀖𑁄. 𑀯𑀺𑀆𑀓𑀭𑀻𑀬𑀦𑁆𑀢𑀺 𑀏𑀢𑁂𑀦𑀸𑀢𑀺 𑀩𑁆𑀬𑀸𑀓𑀭𑀡𑀁. 𑀧𑀽𑀭𑀢𑀺+𑀦𑁂𑀦𑀸𑀢𑀺 𑀧𑀽𑀭𑀡𑀁. 𑀤𑀻𑀬𑀢𑁂+𑀦𑁂𑀦𑀸𑀢𑀺 𑀤𑀸𑀦𑀁. 𑀧𑀫𑀻𑀬𑀢𑁂+𑀦𑁂𑀦𑀸𑀢𑀺 𑀧𑀫𑀸𑀡𑀁. 𑀯𑀼𑀘𑁆𑀘𑀢𑁂+𑀦𑁂𑀦𑀸𑀢𑀺 𑀯𑀘𑀦𑀁. 𑀧𑀦𑀼𑀤𑀢𑀺 𑀧𑀦𑀼𑀚𑁆𑀚𑀢𑁂+𑀦𑁂𑀦𑀸𑀢𑀺 𑀯𑀸 𑀧𑀦𑀼𑀤𑀦𑀁. 𑀲𑀽𑀤=𑀧𑀕𑀭𑀡𑁂, 𑀲𑀽𑀤𑀢𑀺 𑀲𑀼𑀚𑁆𑀚𑀢𑁂+𑀦𑁂𑀦𑀸𑀢𑀺 𑀯𑀸 𑀲𑀽𑀤𑀦𑁄. 𑀲𑀼𑀡𑀸𑀢𑀺 𑀲𑀼𑀬𑀢𑁂+𑀦𑁂𑀦𑁂𑀢𑀺 𑀯𑀸 𑀲𑀯𑀦𑀁. 𑀮𑀼𑀬𑀢𑀺 𑀮𑀼𑀬𑀢𑁂+𑀦𑁂𑀦𑁂𑀢𑀺 𑀯𑀸 𑀮𑀯𑀦𑀁. 𑀏𑀯𑀁 𑀦𑀬𑀦𑀁. 𑀧𑀼𑀦𑀸𑀢𑀺 𑀧𑀼𑀬𑀢𑁂+𑀦𑁂𑀦𑁂𑀢𑀺 𑀯𑀸 𑀧𑀯𑀦𑁄. 𑀲𑀫𑁂𑀢𑀻𑀢𑀺 𑀲𑀫𑀡𑁄 𑀲𑀫𑀦𑀁 𑀯𑀸. 𑀢𑀣𑀸 𑀪𑀸𑀯𑁂𑀢𑀺 𑀪𑀸𑀯𑀻𑀬𑀢𑀺 𑀏𑀢𑀸𑀬𑀸𑀢𑀺 𑀯𑀸 𑀪𑀸𑀯𑀦𑀁. 𑀏𑀯𑀁 𑀧𑀸𑀘𑀦𑀁 𑀧𑀸𑀘𑀸𑀧𑀦𑀁 𑀇𑀘𑁆𑀘𑀸𑀤𑀺. ‘‘𑀅𑀦+𑀲𑀡𑀲𑁆𑀯𑀸 𑀧𑀭𑀻𑀳𑀺 𑀴𑁄’’𑀢𑀺 𑀴𑁄, 𑀆𑀴𑀸𑀳𑀦𑀁.

𑀅𑀥𑀺𑀓𑀭𑀡𑁂-𑀢𑀺𑀝𑁆𑀞𑀢𑀺 𑀅𑀲𑀺𑀦𑁆𑀢𑀺 𑀞𑀸𑀦𑀁. 𑀏𑀯𑀁 𑀲𑀬𑀦𑀁, 𑀲𑁂𑀦𑀁 𑀯𑀸 𑀆𑀲𑀦𑀁. 𑀅𑀥𑀺𑀓𑀭𑀻𑀬𑀢𑀺 𑀏𑀢𑁆𑀣𑀸𑀢𑀺 𑀅𑀥𑀺𑀓𑀭𑀡𑀁.

𑀲𑀫𑁆𑀧𑀤𑀸𑀦𑀸𑀧𑀸𑀤𑀸𑀦𑁂𑀲𑀼-𑀲𑀫𑁆𑀫𑀸 ¶ 𑀧𑀤𑀻𑀬𑀢𑁂 𑀬𑀲𑁆𑀲 𑀢𑀁 𑀲𑀫𑁆𑀧𑀤𑀸𑀦𑀁. 𑀅𑀧𑁂𑀘𑁆𑀘 𑀏𑀢𑀲𑁆𑀫𑀸 𑀆𑀤𑀤𑀸𑀢𑀻𑀢𑀺 𑀅𑀧𑀸𑀤𑀸𑀦𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀘𑀮𑀦𑀸𑀤𑀻𑀳𑀺𑀧𑀺 𑀲𑀻𑀮𑀲𑀸𑀥𑀼𑀥𑀫𑁆𑀫𑁂𑀲𑀼𑀧𑀺 𑀅𑀦𑁄, 𑀘𑀮𑀢𑀺 𑀲𑀻𑀮𑁂𑀦𑀸𑀢𑀺 𑀘𑀮𑀦𑁄 𑀏𑀯𑀁 𑀚𑀮𑀦𑁄, 𑀓𑁄𑀥𑀦𑁄, 𑀓𑁄𑀧𑀦𑁄. 𑀫𑀡𑁆𑀟=𑀪𑀼𑀲𑀦𑁂, 𑀫𑀡𑁆𑀟𑁂𑀢𑀺 𑀲𑀻𑀮𑁂𑀦𑀸𑀢𑀺 𑀫𑀡𑁆𑀟𑀦𑁄. 𑀏𑀯𑀁 𑀪𑀽𑀲𑀦𑁄. ‘‘𑀅𑀜𑁆𑀜𑀸𑀢𑁆𑀭𑀧𑀻’’𑀢𑀺 𑀑𑀓𑀸𑀭𑀦𑀺𑀲𑁂𑀥𑁄.

𑁪𑁯. 𑀇𑀢𑁆𑀣𑀺𑀬+𑀫+𑀡+𑀓𑁆𑀢𑀺+𑀓+𑀬𑀓+𑀬𑀸 𑀘

𑀇𑀢𑁆𑀣𑀺𑀮𑀺𑀗𑁆𑀕𑁂 𑀪𑀸𑀯𑁂 𑀓𑀸𑀭𑀓𑁂 𑀘 𑀓𑁆𑀭𑀺𑀬𑀢𑁆𑀣𑀸 𑀅𑀆𑀤𑀬𑁄 𑀳𑁄𑀦𑁆𑀢𑀺 𑀅𑀦𑁄 𑀘 𑀩𑀳𑀼𑀮𑀁.

𑀅-𑀚𑀭=𑀯𑀬𑁄𑀳𑀸𑀦𑀺𑀬𑀁, 𑀚𑀺𑀭𑀢𑀺 𑀚𑀺𑀭𑀡𑀁 𑀯𑀸 𑀚𑀭𑀸. ‘‘𑀇𑀢𑁆𑀣𑀺𑀬+𑀫+𑀢𑁆𑀯𑀸’’𑀢𑀺 𑀆𑀧𑀘𑁆𑀘𑀬𑁄. 𑀧𑀝𑀺𑀲𑀫𑁆𑀪𑀺𑀚𑁆𑀚𑀢𑀻𑀢𑀺 𑀧𑀝𑀺𑀲𑀫𑁆𑀪𑀺𑀤𑀸. 𑀧𑀝𑀺𑀧𑀚𑁆𑀚𑀢𑀺 𑀏𑀢𑀸𑀬𑀸𑀢𑀺 𑀧𑀝𑀺𑀧𑀤𑀸. 𑀏𑀯𑀁 𑀲𑀫𑁆𑀧𑀤𑀸, 𑀆𑀧𑀤𑀸. 𑀉𑀧𑀸𑀤𑀻𑀬𑀢𑀻𑀢𑀺 𑀉𑀧𑀸𑀤𑀸. 𑀇𑀓𑁆𑀔+𑀘𑀓𑁆𑀔=𑀤𑀲𑁆𑀲𑀦𑁂, 𑀉𑀧𑀇𑀓𑁆𑀔𑀢𑀻𑀢𑀺 𑀉𑀧𑁂𑀓𑁆𑀔𑀸. ‘‘𑀬𑀼𑀯𑀡𑁆𑀡𑀸𑀦+𑀫𑁂𑀑 𑀮𑀼𑀢𑁆𑀢𑀸’’𑀢𑀺 𑀏𑀓𑀸𑀭𑁄. 𑀘𑀺𑀦𑁆𑀢𑀦𑀁 𑀘𑀺𑀦𑁆𑀢𑀸. 𑀲𑀺𑀓𑁆𑀔=𑀯𑀺𑀚𑁆𑀚𑁄𑀧𑀸𑀤𑀸𑀦𑁂, 𑀲𑀺𑀓𑁆𑀔𑀦𑀁 𑀲𑀺𑀓𑁆𑀔𑀻𑀬𑀦𑁆𑀢𑀻𑀢𑀺 𑀯𑀸 𑀲𑀺𑀓𑁆𑀔𑀸. 𑀏𑀯𑀁 𑀪𑀺𑀓𑁆𑀔𑀸. 𑀇𑀘𑁆𑀙𑀦𑀁 𑀇𑀘𑁆𑀙𑀸. ‘‘𑀕𑀫𑀬𑀫𑀺’’𑀘𑁆𑀘𑀸𑀤𑀺𑀦𑀸 𑀘𑁆𑀙𑀗𑀸𑀤𑁂𑀲𑁄. 𑀧𑀼𑀘𑁆𑀙=𑀧𑀼𑀘𑁆𑀙𑀦𑁂, 𑀧𑀼𑀘𑁆𑀙𑀦𑀁 𑀧𑀼𑀘𑁆𑀙𑀸. 𑀫𑀺𑀥+𑀫𑁂𑀥=𑀲𑀗𑁆𑀕𑀫𑁂, 𑀅𑀧𑀞𑀺𑀢𑀥𑀸𑀢𑀼, 𑀫𑁂𑀥𑀦𑀁 𑀫𑁂𑀥𑀸. 𑀏𑀯𑀁 𑀕𑀼𑀥=𑀧𑀭𑀺𑀯𑁂𑀞𑀦𑁂, 𑀕𑁄𑀥𑀦𑀁 𑀕𑁄𑀥𑀸. 𑀢𑀺𑀢𑀺𑀓𑁆𑀔𑀦𑀁 𑀢𑀺𑀢𑀺𑀓𑁆𑀔𑀸. 𑀏𑀯𑀁 𑀯𑀻𑀫𑀁𑀲𑀸, 𑀚𑀺𑀕𑀼𑀘𑁆𑀙𑀸, 𑀧𑀺𑀧𑀸𑀲𑀸, 𑀧𑀼𑀢𑁆𑀢𑀺𑀬𑀸. 𑀈𑀳𑀦𑀁 𑀈𑀳𑀸.

𑀡-𑀓𑀭𑀡𑀁 𑀓𑀸𑀭𑀸, ‘‘𑀅𑀲𑁆𑀲𑀸 𑀡𑀸𑀦𑀼𑀩𑀦𑁆𑀥𑁂’’𑀢𑀺 𑀆 𑀳𑁄𑀢𑀺, 𑀏𑀯+𑀫𑀼𑀧𑀭𑀺𑀧𑀺. 𑀳𑀭𑀡𑀁 𑀳𑀸𑀭𑀸 𑀫𑀼𑀢𑁆𑀢𑀸𑀯𑀮𑀺. 𑀢𑀭𑀡𑀁 𑀢𑀸𑀭𑀸, 𑀥𑀭𑀡𑀁 𑀥𑀸𑀭𑀸. 𑀅𑀭𑀡𑀁 𑀆𑀭𑀸.

𑀬𑀣𑀸𑀓𑀣𑀜𑁆𑀘𑀺 𑀲𑀤𑁆𑀤𑀫𑁆𑀳𑀺, 𑀭𑀼𑀴𑁆𑀳𑀺𑀬𑀸 𑀅𑀢𑁆𑀣𑀦𑀺𑀘𑁆𑀙𑀬𑁄.

𑀓𑁆𑀢𑀺-𑀲𑀫𑁆𑀪𑀼𑀯𑀦𑀁 ¶ 𑀲𑀫𑁆𑀪𑀼𑀢𑀺. ‘‘𑀦 𑀢𑁂’’𑀘𑁆𑀘𑀸𑀤𑀺𑀦𑀸 𑀦 𑀯𑀼𑀤𑁆𑀥𑀺. 𑀲𑀯𑀦𑀁 𑀲𑀼𑀢𑀺. 𑀦𑀬𑀦𑀁 𑀦𑀬𑀢𑀺 𑀏𑀢𑀸𑀬𑀸𑀢𑀺 𑀯𑀸 𑀦𑀻𑀢𑀺. 𑀫𑀜𑁆𑀜𑀢𑀻𑀢𑀺 𑀫𑀢𑀺, ‘‘𑀕𑀫𑀸𑀤𑀺𑀭𑀸𑀦𑀁 𑀮𑁄𑀧𑁄𑀦𑁆𑀢𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀕𑀫𑀸𑀤𑀺𑀢𑁆𑀢𑀸 𑀦𑀮𑁄𑀧𑁄. 𑀕𑀫𑀦𑀁 𑀕𑀦𑁆𑀢𑀩𑁆𑀩𑀸𑀢𑀺 𑀯𑀸 𑀕𑀢𑀺. 𑀉𑀧𑀳𑀦𑀦𑀁 𑀉𑀧𑀳𑀢𑀺. 𑀭𑀫𑀦𑁆𑀢𑀺 𑀏𑀢𑀸𑀬 𑀭𑀫𑀦𑀁 𑀯𑀸 𑀭𑀢𑀺. 𑀢𑀦𑀦𑀁 𑀢𑀢𑀺. 𑀦𑀺𑀬𑀫𑀦𑀁 𑀦𑀺𑀬𑀢𑀺. 𑀪𑀼𑀜𑁆𑀚𑀦𑀁 𑀪𑀼𑀢𑁆𑀢𑀺. 𑀬𑀼𑀜𑁆𑀚𑀦𑀁 𑀬𑀼𑀢𑁆𑀢𑀺, 𑀧𑀭𑀭𑀽𑀧𑀁. 𑀏𑀯𑀁 𑀲𑀫𑀸𑀧𑀚𑁆𑀚𑀦𑀁 𑀲𑀫𑀸𑀧𑀚𑁆𑀚𑀢𑁂𑀢𑀺 𑀲𑀫𑀸𑀧𑀢𑁆𑀢𑀺. 𑀲𑀫𑁆𑀧𑀢𑁆𑀢𑀺. 𑀬𑀚=𑀤𑁂𑀯𑀧𑀽𑀚𑀸𑀲𑀗𑁆𑀕𑀢𑀺𑀓𑀭𑀡𑀤𑀸𑀦𑁂𑀲𑀼, 𑀬𑀚𑀦𑀁 𑀇𑀝𑁆𑀞𑀺, ‘‘𑀬𑀚𑀲𑁆𑀲 𑀬𑀲𑁆𑀲 𑀝𑀺𑀬𑀻’’𑀢𑀺 𑀝𑀺𑀆𑀤𑁂𑀲𑁄, ‘‘𑀧𑀼𑀘𑁆𑀙𑀸𑀤𑀺𑀢𑁄’’𑀢𑀺 𑀢𑀲𑁆𑀲 𑀞𑁄, 𑀧𑀭𑀭𑀽𑀧𑀧𑀞𑀫𑀓𑁆𑀔𑀭𑀸 𑀘. 𑀲𑀸𑀲𑀦𑀁 𑀲𑀺𑀝𑁆𑀞𑀺, ‘‘𑀲𑀸𑀲𑀲𑁆𑀲 𑀲𑀺𑀲 𑀯𑀸’’𑀢𑀺 𑀲𑀺𑀲, 𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞𑁄’’𑀢𑀺 𑀞𑀸𑀤𑁂𑀲𑁄. 𑀪𑁂𑀤𑀦𑀁 𑀪𑀺𑀚𑁆𑀚𑀢𑁂𑀢𑀺 𑀯𑀸 𑀪𑀺𑀢𑁆𑀢𑀺. 𑀪𑀚=𑀲𑁂𑀯𑀸𑀬𑀁, 𑀪𑀚𑀦𑀁 𑀪𑀢𑁆𑀢𑀺. 𑀢𑀦=𑀯𑀺𑀢𑁆𑀣𑀸𑀭𑁂, 𑀢𑀦𑁄𑀢𑀻𑀢𑀺 𑀢𑀦𑁆𑀢𑀺, 𑀦𑀲𑁆𑀲 𑀦𑀺𑀕𑁆𑀕𑀳𑀻𑀢𑀸𑀤𑀺.

𑀓-𑀕𑀼𑀳𑀦𑁆𑀢𑀻 𑀏𑀢𑁆𑀣𑀸𑀢𑀺 𑀕𑀼𑀳𑀸, 𑀑𑀓𑀸𑀭𑀦𑀺𑀯𑀼𑀢𑁆𑀢𑀺. 𑀭𑀼𑀚𑀢𑀻𑀢𑀺 𑀭𑀼𑀚𑀸. 𑀫𑁄𑀤𑀦𑁆𑀢𑀺 𑀏𑀢𑀸𑀬𑀸𑀢𑀺 𑀫𑀼𑀤𑀸 𑀦𑀸𑀫 𑀫𑀼𑀤𑀺𑀢𑀸.

𑀬𑀓-𑀯𑀺𑀤=𑀜𑀸𑀡𑁂, 𑀯𑀺𑀤𑀦𑀁 𑀯𑀺𑀤𑀦𑁆𑀢𑀺 𑀏𑀢𑀸𑀬𑀸𑀢𑀺 𑀯𑀸 𑀯𑀺𑀚𑁆𑀚𑀸, 𑀤𑀲𑁆𑀲 𑀚𑁂 𑀧𑀼𑀩𑁆𑀩𑀭𑀽𑀧𑀁. 𑀬𑀚𑀦𑀁 𑀇𑀚𑁆𑀚𑀸, 𑀝𑀺𑀆𑀤𑁂𑀲𑁄.

𑀬-𑀲𑀬𑀦𑁆𑀢𑀺 𑀏𑀢𑁆𑀣𑀸𑀢𑀺 𑀲𑁂𑀬𑁆𑀬𑀸, 𑀤𑁆𑀯𑀺𑀢𑁆𑀢𑀁. 𑀅𑀚=𑀯𑀚=𑀕𑀫𑀦𑁂, 𑀲𑀫𑀚𑀦𑀁 𑀲𑀫𑀚𑀦𑁆𑀢𑀺 𑀏𑀢𑁆𑀣𑀸𑀢𑀺 𑀯𑀸 𑀲𑀫𑀚𑁆𑀚𑀸. 𑀧𑀧𑀼𑀩𑁆𑀩𑁄, 𑀧𑀩𑁆𑀩𑀚𑀦𑀁 𑀧𑀩𑁆𑀩𑀚𑁆𑀚𑀸. 𑀢𑀯𑀕𑁆𑀕𑀯𑀭𑀡𑀸’’𑀤𑀺𑀫𑁆𑀳𑀺 ‘‘𑀘𑀯𑀕𑁆𑀕𑀩𑀬𑀜𑀸’’𑀢𑀺 𑀬𑁄𑀕𑀯𑀺𑀪𑀸𑀕𑁂𑀦 𑀯𑀲𑁆𑀲 𑀩𑁂 𑀤𑁆𑀯𑀺𑀢𑁆𑀢𑀁. 𑀊𑀫𑁆𑀳𑀺 𑀧𑀭𑀺𑀘𑀭𑀡𑀁 𑀧𑀭𑀺𑀘𑀭𑀺𑀬𑀸. 𑀚𑀸𑀕𑀭𑀡𑀁 𑀚𑀸𑀕𑀭𑀺𑀬𑀸.

𑀅𑀦-𑀧𑀬𑁄𑀚𑀓𑁂 ¶ 𑀓𑀸𑀭𑀺𑀬𑀥𑀸𑀢𑀼𑀢𑁄 𑀓𑀢𑁆𑀢𑀼𑀁 𑀧𑀬𑁄𑀚𑀦𑀁 𑀓𑀸𑀭𑀡𑀁, 𑀏𑀓𑀸𑀭𑀦𑀺𑀲𑁂𑀥𑁄 𑀦𑀲𑁆𑀲 𑀡𑁄 𑀘. 𑀏𑀯𑀁 𑀳𑀭𑀺𑀢𑀼𑀁 𑀧𑀬𑁄𑀚𑀦𑀁 𑀳𑀸𑀭𑀡𑀁. 𑀯𑀺𑀤=𑀅𑀦𑀼𑀪𑀯𑁂, 𑀯𑀺𑀢𑁆𑀢𑀺 𑀯𑁂𑀤𑀬𑀢𑀻𑀢𑀺 𑀯𑀸 𑀯𑁂𑀤𑀦𑀸. 𑀯𑀦𑁆𑀤=𑀅𑀪𑀺𑀯𑀸𑀤𑀦𑀣𑀼𑀢𑀻𑀲𑀼, 𑀯𑀦𑁆𑀤𑀦𑀁 𑀯𑀦𑁆𑀤𑀦𑀸. 𑀉𑀧𑀸𑀲𑀦𑀁 𑀉𑀧𑀸𑀲𑀦𑀸. 𑀘𑀺𑀢=𑀲𑀁𑀘𑁂𑀢𑀦𑀸𑀬𑀁, 𑀘𑁂𑀢𑀬𑀢𑀻𑀢𑀺 𑀘𑁂𑀢𑀦𑀸. 𑀤𑁂𑀲𑀺𑀬𑀢𑀻𑀢𑀺 𑀤𑁂𑀲𑀦𑀸. 𑀪𑀸𑀯𑀺𑀬𑀢𑀻𑀢𑀺 𑀪𑀸𑀯𑀦𑀸.

𑀚𑀸=𑀯𑀬𑁄𑀳𑀸𑀦𑀺𑀫𑁆𑀳𑀺, 𑀳𑀸=𑀘𑀸𑀕𑁂, 𑀇𑀫𑁂𑀳𑀺 𑀇𑀢𑁆𑀣𑀺𑀬𑀁 𑀦𑀺 𑀳𑁄𑀢𑀺. 𑀚𑀸𑀦𑀁=𑀯𑀬𑀧𑀭𑀺𑀧𑀸𑀓𑁄 𑀚𑀸𑀦𑀺. 𑀳𑀸𑀦𑀁 𑀳𑀸𑀦𑀺.

𑀓𑀭𑀢𑁄 𑀭𑀺𑀭𑀺𑀬𑁄 𑀳𑁄𑀢𑀺+𑀢𑁆𑀣𑀺𑀬𑀁. 𑀭𑀸𑀦𑀼𑀩𑀦𑁆𑀥𑀢𑁆𑀢𑀸 𑀅𑀭𑀮𑁄𑀧𑁂 𑀓𑀭𑀡𑀁 𑀓𑀺𑀭𑀺𑀬𑀸. ‘‘𑀓𑁆𑀭𑀺𑀬𑀸’’𑀢𑀺 ‘‘𑀢𑀼𑀁𑀢𑀸𑀬𑁂’’𑀘𑁆𑀘𑀸𑀤𑀺𑀫𑁆𑀳𑀺 ‘‘𑀓𑁆𑀭𑀺𑀬𑀸𑀬𑀁’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀭𑀺𑀬𑀭𑀫𑁆𑀳𑀺 𑀅𑀭𑀮𑁄𑀧𑁄, 𑀭𑀺𑀓𑀸𑀭𑁄 𑀓𑀓𑀸𑀭𑁂+𑀦𑀼𑀩𑀦𑁆𑀥𑁄 𑀳𑁄𑀢𑀺.

𑀥𑀸𑀢𑀼𑀲𑁆𑀲 𑀲𑀭𑀽𑀧𑁂+𑀪𑀺𑀥𑁂𑀬𑁆𑀬𑁂 𑀏𑀢𑁂 𑀳𑁄𑀦𑁆𑀢𑀺. 𑀯𑀘𑀇𑀘𑁆𑀘+𑀬𑀁 𑀥𑀸𑀢𑀼 𑀏𑀯 𑀯𑀘𑀺. 𑀏𑀯𑀁 𑀬𑀼𑀥𑀺. ‘‘𑀓𑀭𑁄𑀢𑀺𑀲𑁆𑀲 𑀔𑁄’’𑀢𑀺 𑀯𑀺𑀓𑀭𑀡𑀲𑁆𑀲 𑀜𑀸𑀧𑀺𑀢𑀢𑁆𑀢𑀸 ‘‘𑀓𑀢𑁆𑀢𑀭𑀺 𑀮𑁄’’𑀢𑀺 𑀮𑁄, 𑀧𑀘𑀢𑀺. 𑀅𑀓𑀸𑀭𑁄 𑀓𑀓𑀸𑀭𑁄𑀢𑀺 𑀖𑀡𑀦𑁆𑀢𑁂𑀦 𑀓𑀸𑀭𑀲𑀤𑁆𑀤𑁂𑀦 𑀙𑀝𑁆𑀞𑀻𑀲𑀫𑀸𑀲𑁄.

𑁫𑁩. 𑀲𑀻𑀮𑀸+𑀪𑀺𑀓𑁆𑀔𑀜𑁆𑀜𑀸+𑀯𑀲𑁆𑀲𑀓𑁂𑀲𑀼 𑀡𑀻

𑀓𑁆𑀭𑀺𑀬𑀢𑁆𑀣𑀸 ¶ 𑀡𑀻 𑀳𑁄𑀢𑀺 𑀲𑀻𑀮𑀸𑀤𑀻𑀲𑀼. 𑀲𑀁𑀲=𑀧𑀲𑀁𑀲𑀦𑁂, 𑀧𑀺𑀬𑀧𑀼𑀩𑁆𑀩𑁄, 𑀧𑀺𑀬𑀁 𑀧𑀲𑀁𑀲𑀢𑀺 𑀲𑀻𑀮𑁂𑀦𑀸𑀢𑀺 𑀧𑀺𑀬𑀧𑀲𑀁𑀲𑀻 𑀭𑀸𑀚𑀸. 𑀅𑀣 𑀯𑀸 𑀧𑀺𑀬𑀁 𑀧𑀲𑀁𑀲𑀢𑀺 𑀲𑀻𑀮𑁂𑀦 𑀯𑀸 𑀥𑀫𑁆𑀫𑁂𑀦 𑀯𑀸 𑀢𑀲𑁆𑀫𑀺𑀁 𑀲𑀸𑀥𑀼 𑀯𑀸𑀢𑀺 𑀧𑀺𑀬𑀧𑀲𑀁𑀲𑀻, 𑀧𑀺𑀬𑀧𑀲𑀁𑀲𑀦𑀻, 𑀧𑀺𑀬𑀧𑀲𑀁𑀲𑀺 𑀓𑀼𑀮𑀁, 𑀆𑀯𑀼𑀤𑁆𑀥𑀺𑀫𑁆𑀳𑀺 𑀢𑀣𑀸 𑀲𑀘𑁆𑀘𑀯𑀸𑀤𑀻, 𑀥𑀫𑁆𑀫𑀯𑀸𑀤𑀻. 𑀲𑀻𑀖𑀬𑀸𑀬𑀻𑀢𑀺 ‘‘𑀅𑀲𑁆𑀲𑀸+𑀡𑀸𑀧𑀺𑀫𑁆𑀳𑀻 𑀬𑀼𑀓’’ 𑀇𑀢𑀺 𑀬𑀼𑀓. 𑀧𑀸𑀧𑀓𑀸𑀭𑀻, 𑀫𑀸𑀮𑀓𑀸𑀭𑀻 𑀇𑀘𑁆𑀘𑀸𑀤𑀺. 𑀉𑀡𑁆𑀳𑀁 𑀪𑀼𑀜𑁆𑀚𑀢𑀺 𑀲𑀻𑀮𑁂𑀦𑀸𑀢𑀺 𑀉𑀡𑁆𑀳𑀪𑁄𑀚𑀻, ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀑𑀓𑀸𑀭𑁄.

𑀆𑀪𑀺𑀓𑁆𑀔𑀜𑁆𑀜𑁂-𑀧𑀼𑀦𑀧𑁆𑀧𑀼𑀦 𑀔𑀻𑀭𑀁 𑀧𑀺𑀯𑀢𑀻𑀢𑀺 𑀔𑀻𑀭𑀧𑀸𑀬𑀻, 𑀬𑀼𑀓. 𑀅𑀯𑀲𑁆𑀲𑀁 𑀓𑀭𑁄𑀢𑀻𑀢𑀺 𑀅𑀯𑀲𑁆𑀲𑀓𑀸𑀭𑀻. ‘‘𑀲𑁆𑀬𑀸𑀤𑀺 𑀲𑁆𑀬𑀸𑀤𑀺𑀦𑁂+𑀓𑀢𑁆𑀣𑀁’’𑀢𑀺 𑀲𑀫𑀸𑀲𑁂 𑀯𑀺𑀪𑀢𑁆𑀢𑀺𑀮𑁄𑀧𑁂 𑀘 𑀓𑀢𑁂 ‘‘𑀮𑁄𑀧𑁄’’𑀢𑀺 𑀦𑀺𑀕𑁆𑀕𑀳𑀻𑀢𑀮𑁄𑀧𑁄. 𑀲𑀢𑀦𑁆𑀤𑀸𑀬𑀻𑀢𑀺 𑀏𑀢𑁆𑀣 𑀩𑀳𑀼𑀮𑀁𑀯𑀺𑀥𑀸𑀦𑀸 𑀯𑀺𑀪𑀢𑁆𑀢𑀺𑀅𑀮𑁄𑀧𑁂 𑀅𑀫𑀸𑀤𑀺𑀲𑀫𑀸𑀲𑀧𑀝𑀺𑀲𑁂𑀥𑁂 𑀘 𑀓𑀢𑁂 𑀯𑀕𑁆𑀕𑀦𑁆𑀢𑀁.

𑀅𑀜𑁆𑀜𑀲𑁆𑀫𑀺𑀁 𑀅𑀢𑁆𑀣𑁂𑀧𑀺 ‘‘𑀡𑀻’’𑀢𑀺 𑀬𑁄𑀕𑀯𑀺𑀪𑀸𑀕𑁂𑀦 𑀲𑀺𑀤𑁆𑀥𑀁. 𑀲𑀸𑀥𑀼𑀓𑀸𑀭𑀻, 𑀩𑁆𑀭𑀳𑁆𑀫𑀘𑀸𑀭𑀻, 𑀅𑀲𑁆𑀲𑀤𑁆𑀥𑀪𑁄𑀚𑀻. 𑀧𑀡𑁆𑀟𑀺𑀢𑀁 𑀅𑀢𑁆𑀢𑀸𑀦𑀁 𑀫𑀜𑁆𑀜𑀢𑀻𑀢𑀺 𑀧𑀡𑁆𑀟𑀺𑀢𑀫𑀸𑀦𑀻, 𑀩𑀳𑀼𑀲𑁆𑀲𑀼𑀢𑀥𑀸𑀭𑀻 𑀇𑀘𑁆𑀘𑀸𑀤𑀺.

𑀲𑀸𑀥𑀼𑀓𑀭𑀡𑀁 𑀲𑀸𑀥𑀼𑀓𑀸𑀭𑁄, 𑀲𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀸𑀥𑀼𑀓𑀸𑀭𑀻𑀢𑀺 𑀖𑀡𑀦𑁆𑀢𑀸 𑀈.

𑁫𑁪. 𑀣𑀸𑀯𑀭𑀺+𑀢𑁆𑀢𑀭 𑀪𑀗𑁆𑀕𑀼𑀭 𑀪𑀺𑀤𑀼𑀭 𑀪𑀸𑀲𑀼𑀭 𑀪𑀲𑁆𑀲𑀭𑀸

𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂 𑀲𑀻𑀮𑁂 𑀕𑀫𑁆𑀬𑀫𑀸𑀦𑁂. 𑀇𑀫𑀺𑀦𑀸 𑀦𑀺𑀧𑀸𑀢𑀦𑀸 𑀯𑀭𑀧𑀘𑁆𑀘𑀬𑁄 𑀘 𑀣𑀸𑀲𑁆𑀲 𑀣𑁄 𑀘, 𑀢𑀺𑀝𑁆𑀞𑀢𑀺 𑀲𑀻𑀮𑁂𑀦𑀸𑀢𑀺 𑀣𑀸𑀯𑀭𑁄. 𑀇=𑀅𑀚𑁆𑀛𑁂𑀦𑀕𑀢𑀻𑀲𑀼 ¶ , 𑀢𑁆𑀢𑀭𑀧𑀘𑁆𑀘𑀬𑁄, 𑀕𑀘𑁆𑀙𑀢𑀺 𑀲𑀻𑀮𑁂𑀦𑀸𑀢𑀺 𑀇𑀢𑁆𑀢𑀭𑁄. 𑀪𑀜𑁆𑀚=𑀑𑀫𑀤𑁆𑀤𑀦𑁂, 𑀪𑀚𑁆𑀚𑀢𑁂 𑀲𑀬𑀫𑁂𑀯 𑀪𑀚𑁆𑀚𑀢𑀺 𑀯𑀸 𑀅𑀢𑁆𑀢𑀦𑀸 𑀅𑀢𑁆𑀢𑀸𑀦𑀦𑁆𑀢𑀺 𑀪𑀗𑁆𑀕𑀼𑀭𑁄, 𑀓𑀫𑁆𑀫𑁂 𑀓𑀢𑁆𑀢𑀭𑀺 𑀯𑀸 𑀕𑀼𑀭𑀧𑀘𑁆𑀘𑀬𑁄. 𑀪𑀺𑀚𑁆𑀚𑀢𑁂 𑀲𑀬𑀫𑁂𑀯 𑀪𑀺𑀦𑁆𑀤𑀢𑀺 𑀯𑀸 𑀅𑀢𑁆𑀢𑀸𑀦𑀦𑁆𑀢𑀺 𑀪𑀺𑀤𑀽𑀭𑁄, 𑀏𑀢𑁆𑀣 𑀓𑀽𑀭𑀧𑀘𑁆𑀘𑀬𑁄, 𑀓𑀓𑀸𑀭𑁄+𑀦𑀼𑀩𑀦𑁆𑀥𑁄. 𑀧𑀭𑀪𑀜𑁆𑀚𑀦𑀯𑀺𑀲𑀬𑁂𑀲𑀼𑀧𑀺 𑀉𑀤𑀸𑀳𑀭𑀡𑁂𑀲𑀼 𑀦 𑀳𑁄𑀢𑀺. 𑀢𑀢𑁆𑀣𑀸𑀧𑀺 𑀓𑁂𑀘𑀺 ‘‘𑀤𑁄𑀲𑀦𑁆𑀥𑀓𑀸𑀭𑀪𑀺𑀤𑀽𑀭𑁄’’𑀢𑀺 𑀇𑀤𑀁 𑀲𑀦𑁆𑀥𑀸𑀬 𑀇𑀘𑁆𑀙𑀦𑁆𑀢𑀺. 𑀪𑀸𑀲𑀢𑀺 𑀤𑀺𑀧𑁆𑀧𑀢𑀻𑀢𑀺 𑀪𑀸𑀲𑀼𑀭𑁄, 𑀉𑀭𑀧𑀘𑁆𑀘𑀬𑁄. 𑀲𑀭𑀧𑀘𑁆𑀘𑀬𑁂 𑀪𑀲𑁆𑀲𑀭𑁄, ‘‘𑀩𑁆𑀬𑀜𑁆𑀚𑀦𑁂 𑀤𑀻𑀖𑀭𑀲𑁆𑀲𑀸’’𑀢𑀺 𑀭𑀲𑁆𑀲𑁄. (𑀢𑁂𑀓𑀸𑀮𑀺𑀓𑀧𑁆𑀧𑀘𑁆𑀘𑀬𑀸).

𑁫𑁫. 𑀓𑀢𑁆𑀢𑀭𑀺 𑀪𑀽𑀢𑁂 𑀓𑁆𑀢𑀯𑀦𑁆𑀢𑀼+𑀓𑁆𑀢𑀸𑀯𑀻

𑀪𑀽𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀓𑁆𑀢𑀯𑀦𑁆𑀢𑀼+𑀓𑁆𑀢𑀸𑀯𑀻 𑀳𑁄𑀦𑁆𑀢𑀺 𑀓𑀢𑁆𑀢𑀭𑀺. 𑀯𑀺𑀚𑀺𑀦𑀻𑀢𑀺 𑀯𑀺𑀚𑀺𑀢𑀯𑀸 𑀯𑀺𑀚𑀺𑀢𑀸𑀯𑀻, 𑀓𑀸𑀦𑀼𑀩𑀦𑁆𑀥𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀕𑀼𑀡𑀯𑀦𑁆𑀢𑀼 𑀤𑀡𑁆𑀟𑀺𑀲𑀫𑀁. 𑀳𑀼=𑀳𑀯𑀦𑁂, 𑀅𑀕𑁆𑀕𑀺𑀁 𑀅𑀳𑀯𑀻𑀢𑀺 𑀳𑀼𑀢𑀯𑀸 𑀳𑀼𑀢𑀸𑀯𑀻, 𑀳𑀼𑀢𑀸𑀯𑀺𑀦𑀻 𑀳𑀼𑀢𑀯𑀸𑀦𑀻. ‘‘𑀪𑀽𑀢𑁂’’𑀢𑀺 𑀬𑀸𑀯 ‘‘𑀆𑀳𑀸𑀭𑀢𑁆𑀣𑀸’’𑀢𑀺 𑀅𑀥𑀺𑀓𑀸𑀭𑁄.

𑀪𑀸𑀯𑁂 𑀓𑀫𑁆𑀫𑁂 𑀘 𑀪𑀽𑀢𑁂 𑀓𑁆𑀢𑁄 𑀳𑁄𑀢𑀺. 𑀅𑀲𑀦𑀁 𑀆𑀲𑀺𑀢𑀁 𑀪𑀯𑀢𑀸, 𑀜𑀺. 𑀓𑀭𑀻𑀬𑀺𑀢𑁆𑀣𑀸𑀢𑀺 𑀓𑀢𑁄 𑀓𑀝𑁄 𑀪𑀯𑀢𑀸, ‘‘𑀕𑀫𑀸𑀤𑀺𑀭𑀸𑀦𑀁’’ 𑀢𑁆𑀬𑀸𑀤𑀺𑀦𑀸 𑀭𑀮𑁄𑀧𑁄. 𑀏𑀯+𑀫𑀼𑀧𑀭𑀺𑀧𑀺.

𑀓𑁆𑀭𑀺𑀬𑀸𑀭𑀫𑁆𑀪𑁂 𑀓𑀢𑁆𑀢𑀭𑀺𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘, 𑀧𑀓𑀭𑀻𑀢𑀺 𑀧𑀓𑀢𑁄 𑀪𑀯𑀁 𑀓𑀝𑀁. 𑀧𑀓𑀭𑀻𑀬𑀺𑀢𑁆𑀣𑀸𑀢𑀺 𑀧𑀓𑀢𑁄 𑀓𑀝𑁄 𑀪𑀯𑀢𑀸. 𑀧𑀲𑀼𑀧𑀻𑀢𑀺 ¶ 𑀧𑀲𑀼𑀢𑁆𑀢𑁄 𑀪𑀯𑀁. 𑀧𑀲𑀼𑀧𑀻𑀬𑀺𑀢𑁆𑀣𑀸𑀢𑀺 𑀧𑀲𑀼𑀢𑁆𑀢𑀁 𑀪𑀯𑀢𑀸, 𑀧𑀭𑀭𑀽𑀧𑀁.

𑁫𑁮. 𑀞𑀸+𑀲 𑀯𑀲 𑀲𑀺𑀮𑀺𑀲 𑀲𑀻 𑀭𑀼𑀳 𑀚𑀭 𑀚𑀦𑀻𑀳𑀺

𑀞𑀸𑀤𑀻𑀳𑀺 𑀓𑀢𑁆𑀢𑀭𑀺 𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘. 𑀉𑀧𑀝𑁆𑀞𑀸𑀲𑀻𑀢𑀺 𑀉𑀧𑀝𑁆𑀞𑀻𑀢𑁄 𑀪𑀯𑀁 𑀕𑀼𑀭𑀼𑀁. 𑀉𑀧𑀝𑁆𑀞𑀻𑀬𑀺𑀢𑁆𑀣𑀸𑀢𑀺 𑀉𑀧𑀝𑁆𑀞𑀺𑀢𑁄 𑀕𑀼𑀭𑀼 𑀪𑁄𑀢𑀸, ‘‘𑀞𑀸𑀲𑁆𑀲𑀻’’𑀢𑀺 𑀞𑀸𑀲𑁆𑀲 𑀇. 𑀏𑀯𑀁 𑀉𑀧𑀸𑀲𑀻𑀢𑀺 𑀉𑀧𑀸𑀲𑀺𑀢𑁄. 𑀉𑀧𑀸𑀲𑀻𑀬𑀺𑀢𑁆𑀣𑀸𑀢𑀺 𑀉𑀧𑀸𑀲𑀺𑀢𑁄. ‘‘𑀜𑀺 𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀜𑀺. 𑀅𑀦𑀼𑀯𑀼𑀲𑀺 𑀅𑀦𑀼𑀯𑀼𑀲𑀻𑀬𑀺𑀢𑁆𑀣𑀸𑀢𑀺 𑀯𑀸 𑀅𑀦𑀼𑀯𑀼𑀲𑀻𑀢𑁄. ‘‘𑀅𑀲𑁆𑀲𑀽’’𑀢𑀺 𑀅𑀲𑁆𑀲 𑀉𑀓𑀸𑀭𑁄. 𑀆𑀧𑀼𑀩𑁆𑀩𑁄 𑀲𑀺𑀮𑀺𑀲=𑀆𑀮𑀺𑀗𑁆𑀕𑀦𑁂, 𑀆𑀲𑀺𑀮𑁂𑀲𑀺 𑀆𑀲𑀺𑀮𑁂𑀲𑀻𑀬𑀺𑀢𑁆𑀣𑀸𑀢𑀺 𑀯𑀸 𑀆𑀲𑀺𑀮𑀺𑀝𑁆𑀞𑁄. ‘‘𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞𑁄’’𑀢𑀺 𑀞𑁂 𑀧𑀭𑀭𑀽𑀧𑀁 𑀧𑀞𑀫𑀓𑁆𑀔𑀭𑀜𑁆𑀘. 𑀅𑀥𑀺𑀲𑀬𑀺 𑀅𑀥𑀺𑀲𑀻𑀬𑀺𑀢𑁆𑀣𑀸𑀢𑀺 𑀯𑀸 𑀅𑀥𑀺𑀲𑀬𑀺𑀢𑁄 𑀔𑀝𑁄𑀧𑀺𑀓𑀁 𑀪𑀯𑀁, 𑀅𑀥𑀺𑀲𑀬𑀺𑀢𑀸 𑀔𑀝𑁄𑀧𑀺𑀓𑀸 𑀪𑁄𑀢𑀸. 𑀏𑀯𑀁 𑀆𑀭𑀼𑀳𑀺 𑀆𑀭𑀼𑀳𑀻𑀬𑀺𑀢𑁆𑀣𑀸𑀢𑀺 𑀯𑀸 𑀆𑀭𑀼𑀴𑁆𑀳𑁄 𑀭𑀼𑀓𑁆𑀔𑀁 𑀪𑀯𑀁, 𑀆𑀭𑀼𑀴𑁆𑀳𑁄 𑀭𑀼𑀓𑁆𑀔𑁄 𑀪𑁄𑀢𑀸, ‘‘𑀭𑀼𑀳𑀸𑀤𑀻𑀳𑀺 𑀳𑁄 𑀴 𑀘𑀸’’𑀢𑀺 𑀢𑀲𑁆𑀲 𑀳𑀓𑀸𑀭𑁄 𑀧𑀼𑀩𑁆𑀩𑀳𑀓𑀸𑀭𑀲𑁆𑀲 𑀘 𑀴𑁄. 𑀅𑀦𑀼𑀚𑀻𑀭𑀺 𑀅𑀦𑀼𑀚𑀻𑀭𑀻𑀬𑀺𑀢𑁆𑀣𑀸𑀢𑀺 𑀯𑀸 𑀅𑀦𑀼𑀚𑀺𑀡𑁆𑀡𑁄 𑀯𑀲𑀮𑀺𑀁 𑀪𑀯𑀁, 𑀅𑀦𑀼𑀚𑀺𑀡𑁆𑀡𑀸 𑀯𑀲𑀮𑀻 𑀪𑁄𑀢𑀸, ‘‘𑀢𑀭𑀸𑀤𑀻𑀳𑀺 𑀭𑀺𑀡𑁆𑀡𑁄’’𑀢𑀺 𑀓𑁆𑀢𑀲𑁆𑀲 𑀭𑀺𑀡𑁆𑀡𑀸𑀤𑁂𑀲𑁄 ‘‘𑀭𑀸𑀦𑀼𑀩𑀦𑁆𑀥𑁂’’𑀢𑁆𑀬𑀸𑀤𑀺𑀦𑀸 𑀅𑀭𑀪𑀸𑀕𑀲𑁆𑀲 𑀮𑁄𑀧𑁄 𑀘. 𑀅𑀦𑁆𑀯𑀚𑀸𑀬𑀺 𑀅𑀦𑁆𑀯𑀚𑀸𑀬𑀺𑀢𑁆𑀣𑀸𑀢𑀺 𑀯𑀸 𑀅𑀦𑀼𑀚𑀸𑀢𑁄 𑀫𑀸𑀡𑀯𑀓𑁄 𑀫𑀸𑀡𑀯𑀺𑀓𑀁, 𑀅𑀦𑀼𑀚𑀸𑀢𑀸 𑀫𑀸𑀡𑀯𑀺𑀓𑀸 𑀫𑀸𑀡𑀯𑀓𑁂𑀦, ‘‘𑀚𑀦𑀺𑀲𑁆𑀲𑀸’’𑀢𑀺 𑀦𑀲𑁆𑀲 𑀆.

𑁫𑁯. 𑀕𑀫𑀦𑀢𑁆𑀣𑀸+𑀓𑀫𑁆𑀫𑀓𑀸+𑀥𑀸𑀭𑁂 𑀘

𑀕𑀫𑀦𑀢𑁆𑀣𑀢𑁄 ¶ 𑀅𑀓𑀫𑁆𑀫𑀓𑀢𑁄 𑀘 𑀓𑁆𑀭𑀺𑀬𑀢𑁆𑀣𑀸 𑀆𑀥𑀸𑀭𑁂 𑀓𑁆𑀢𑁄 𑀳𑁄𑀢𑀺 𑀓𑀢𑁆𑀢𑀭𑀺 𑀘 𑀬𑀣𑀸𑀧𑀢𑁆𑀢𑀜𑁆𑀘. 𑀬𑀸=𑀧𑀸𑀧𑀼𑀡𑀦𑁂, 𑀬𑀸𑀢𑀯𑀦𑁆𑀢𑁄 𑀅𑀲𑁆𑀫𑀺𑀦𑁆𑀢𑀺 𑀬𑀸𑀢𑀁 𑀞𑀸𑀦𑀁. 𑀬𑀸𑀢𑀯𑀦𑁆𑀢𑁄 𑀬𑀸𑀢𑀸, 𑀬𑀸𑀦𑀁 𑀬𑀸𑀢𑀁. 𑀏𑀢𑁆𑀣 𑀲𑀦𑁆𑀢𑀫𑁆𑀧𑀺 𑀓𑀫𑁆𑀫𑀁 𑀅𑀦𑀺𑀘𑁆𑀙𑀺𑀢𑀁. 𑀬𑀸𑀬𑀺𑀢𑀸𑀢𑀺 𑀬𑀸𑀢𑁄 𑀧𑀣𑁄. ‘‘𑀬𑁂 𑀕𑀢𑁆𑀬𑀢𑁆𑀣𑀸, 𑀢𑁂 𑀩𑀼𑀤𑁆𑀥𑁆𑀬𑀢𑁆𑀣𑀸. 𑀬𑁂 𑀩𑀼𑀤𑁆𑀥𑁆𑀬𑀢𑁆𑀣𑀸, 𑀢𑁂 𑀕𑀢𑁆𑀬𑀢𑁆𑀣𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀢𑀣𑀮𑀓𑁆𑀔𑀡𑀁 𑀬𑀸𑀣𑀸𑀯𑀢𑁄 𑀆𑀕𑀢𑁄 𑀅𑀪𑀺𑀲𑀫𑁆𑀩𑀼𑀤𑁆𑀥𑁄𑀢𑀺 𑀢𑀣𑀸𑀕𑀢𑁄 𑀇𑀢𑀺𑀧𑀺 𑀳𑁄𑀢𑀺. 𑀆𑀲𑀺𑀢𑀯𑀦𑁆𑀢𑁄 𑀅𑀲𑁆𑀫𑀺𑀦𑁆𑀢𑀺 𑀆𑀲𑀺𑀢𑀁. 𑀆𑀲𑀺𑀢𑀯𑀦𑁆𑀢𑁄 𑀆𑀲𑀺𑀢𑀸. 𑀆𑀲𑀦+𑀫𑀸𑀲𑀺𑀢𑀁.

𑀅𑀚𑁆𑀛𑁄𑀳𑀸𑀭𑀢𑁆𑀣𑀸 𑀆𑀥𑀸𑀭𑁂 𑀓𑁆𑀢𑁄 𑀳𑁄𑀢𑀺 𑀬𑀣𑀸𑀧𑀢𑁆𑀢𑀜𑁆𑀘. 𑀪𑀼𑀢𑁆𑀢𑀯𑀦𑁆𑀢𑁄+𑀲𑁆𑀫𑀺𑀦𑁆𑀢𑀺 𑀪𑀼𑀢𑁆𑀢𑀁. 𑀏𑀯𑀁 𑀧𑀻𑀢𑀁, ‘‘𑀕𑀸𑀧𑀸𑀦+𑀫𑀻’’𑀢𑀺 𑀈. 𑀪𑀼𑀜𑁆𑀚𑀦𑀁 𑀪𑀼𑀢𑁆𑀢𑀁 𑀧𑀸𑀦𑀁 𑀧𑀻𑀢𑀁. 𑀪𑀼𑀜𑁆𑀚𑀻𑀬𑀺𑀢𑁆𑀣𑀸𑀢𑀺 𑀪𑀼𑀢𑁆𑀢𑁄 𑀑𑀤𑀦𑁄. 𑀏𑀯𑀁 𑀧𑀻𑀢𑀁 𑀉𑀤𑀓𑀁. 𑀅𑀓𑀢𑁆𑀢𑀢𑁆𑀣𑀁 𑀪𑀺𑀦𑁆𑀦𑀬𑁄𑀕𑀓𑀭𑀡𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀓𑀢𑁆𑀢𑀭𑀺𑀧𑀺 ‘‘𑀅𑀧𑀺𑀯𑀺𑀁𑀲𑀽𑀢𑀺 𑀧𑀻𑀢𑀸 𑀕𑀸𑀯𑁄’’𑀢𑀺 𑀳𑁄𑀢𑁂𑀯. 𑀲𑀺𑀤=𑀧𑀸𑀓𑁂, 𑀧𑀲𑁆𑀲𑀺𑀚𑁆𑀚𑀻𑀢𑀺 𑀧𑀲𑁆𑀲𑀦𑁆𑀦𑁄, ‘‘𑀕𑀫𑀦𑀢𑁆𑀣’’ 𑀤𑀺𑀦𑀸 𑀓𑁆𑀢𑁄, ‘‘𑀪𑀺𑀤𑀸’’ 𑀤𑀺𑀦𑀸 𑀢𑀲𑁆𑀲 𑀦𑁄 𑀧𑀭𑀭𑀽𑀧𑀜𑁆𑀘. 𑀅𑀫𑀜𑁆𑀜𑀺𑀢𑁆𑀣𑀸𑀢𑀺 𑀫𑀢𑁄. 𑀇𑀘𑁆𑀙𑀻𑀬𑀺𑀢𑁆𑀣𑀸𑀢𑀺 𑀇𑀝𑁆𑀞𑁄. 𑀅𑀩𑀼𑀚𑁆𑀛𑀺𑀢𑀸𑀢𑀺 𑀩𑀼𑀤𑁆𑀥𑁄, ‘‘𑀥𑁄 𑀥𑀳𑀪𑁂𑀳𑀻’’𑀢𑀺 𑀢𑀲𑁆𑀲 𑀥𑁄. 𑀧𑀽𑀚𑀻𑀬𑀺𑀢𑁆𑀣𑀸𑀢𑀺 𑀧𑀽𑀚𑀺𑀢𑁄, 𑀘𑀼𑀭𑀸𑀤𑀺𑀢𑁆𑀢𑀸 𑀡𑀺. 𑀏𑀯𑀁 𑀲𑀻𑀮𑀻𑀬𑀺𑀢𑁆𑀣𑀸𑀢𑀺 𑀲𑀻𑀮𑀺𑀢𑁄. 𑀭𑀓𑁆𑀔𑀻𑀬𑀺𑀢𑁆𑀣𑀸𑀢𑀺 𑀭𑀓𑁆𑀔𑀺𑀢𑁄. 𑀔𑀫𑀻𑀬𑀺𑀢𑁆𑀣𑀸𑀢𑀺 𑀔𑀦𑁆𑀢𑁄, 𑀫𑀲𑁆𑀲 𑀦𑀺𑀕𑁆𑀕𑀳𑀻𑀢𑀁. 𑀅𑀓𑁆𑀓𑁄𑀘𑁆𑀙𑀻𑀬𑀺𑀢𑁆𑀣𑀸𑀢𑀺 𑀅𑀓𑁆𑀓𑀼𑀝𑁆𑀞𑁄, 𑀆𑀲𑁆𑀲 𑀭𑀲𑁆𑀲𑁄. 𑀭𑀼𑀲=𑀭𑁄𑀲𑁂, 𑀅𑀭𑁄𑀲𑀻𑀢𑀺 𑀭𑀼𑀝𑁆𑀞𑁄, ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀓𑀢𑁆𑀢𑀭𑀺 𑀓𑁆𑀢𑁄. 𑀜𑀺𑀫𑁆𑀳𑀺 𑀭𑀼𑀲𑀺𑀢𑁄. 𑀳𑀭=𑀳𑀭𑀡𑁂, 𑀅𑀪𑀺+ 𑀯𑀺+𑀆𑀧𑀼𑀩𑁆𑀩𑁄 ¶ , 𑀅𑀪𑀺𑀩𑁆𑀬𑀸𑀳𑀭𑀻𑀬𑀺𑀢𑁆𑀣𑀸𑀢𑀺 𑀅𑀪𑀺𑀩𑁆𑀬𑀸𑀳𑀝𑁄. 𑀤𑀬=𑀤𑀸𑀦𑀕𑀢𑀺𑀳𑀺𑀁𑀲𑀸𑀤𑀸𑀦𑁂𑀲𑀼, 𑀅𑀤𑀬𑀻𑀬𑀺𑀢𑁆𑀣𑀸𑀢𑀺 𑀤𑀬𑀺𑀢𑁄. 𑀳𑀲=𑀆𑀮𑀺𑀓𑁆𑀬𑁂, 𑀅𑀳𑀲𑀻𑀢𑀺 𑀳𑀝𑁆𑀞𑁄. 𑀓𑀸𑀫𑀻𑀬𑀺𑀢𑁆𑀣𑀸𑀢𑀺 𑀓𑀦𑁆𑀢𑁄, ‘‘𑀡𑀺𑀡𑀸𑀧𑀻𑀦𑀁 𑀢𑁂𑀲𑀽’’𑀢𑀺 𑀏𑀢𑁆𑀣 ‘‘𑀡𑀺𑀡𑀸𑀧𑀻𑀦𑀁’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀘𑀼𑀭𑀸𑀤𑀺𑀡𑀺𑀮𑁄𑀧𑁄. 𑀲𑀁𑀬𑀫𑀻𑀢𑀺 𑀲𑀁𑀬𑀢𑁄. 𑀦𑀜𑀧𑀼𑀩𑁆𑀩𑁄, 𑀦 𑀫𑀭𑀻𑀢𑀺 𑀅𑀫𑀢𑁄, 𑀦𑀜𑀲𑀫𑀸𑀲𑁂 𑀦𑀲𑁆𑀲 𑀝𑁄.

𑀓𑀝𑁆𑀞𑀁 𑀤𑀼𑀓𑁆𑀔𑀁 𑀆𑀧𑀦𑁆𑀦𑁄𑀢𑀺 𑀨𑀮𑀪𑀽𑀢𑁂 𑀤𑀼𑀓𑁆𑀔𑁂 𑀓𑀝𑁆𑀞𑀲𑀤𑁆𑀤𑀲𑁆𑀲 𑀯𑀢𑁆𑀢𑀦𑀢𑁄 𑀨𑀮𑀲𑁆𑀲 𑀪𑀸𑀯𑀺𑀢𑁆𑀢𑀸 𑀪𑀽𑀢𑁂𑀬𑁂𑀯 𑀓𑁆𑀢𑁄. 𑀓𑀲=𑀕𑀢𑀺𑀳𑀺𑀁𑀲𑀸𑀯𑀺𑀮𑁂𑀔𑀦𑁂𑀲𑀼, 𑀅𑀓𑀲𑀺=𑀳𑀺𑀁𑀲𑀻𑀢𑀺 𑀓𑀝𑁆𑀞𑀁.

𑁧𑁫𑁦. 𑀪𑀺𑀤𑀸𑀤𑀺𑀢𑁄 𑀦𑁄 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁

𑀪𑀺𑀤𑀸𑀤𑀻𑀳𑀺 𑀧𑀭𑁂𑀲𑀁 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀦𑁄 𑀳𑁄𑀢𑀺. 𑀆𑀓𑀢𑀺𑀕𑀡𑁄+𑀬𑀁. ‘‘𑀓𑁆𑀢𑁄 𑀪𑀸𑀯𑀓𑀫𑁆𑀫𑁂𑀲𑀽’’𑀢𑀺 𑀓𑀫𑁆𑀫𑁂 𑀉𑀧𑀭𑀺 𑀲𑀩𑁆𑀩𑀢𑁆𑀣 𑀓𑁆𑀢𑁄. 𑀪𑀺𑀚𑁆𑀚𑀺𑀢𑁆𑀣𑁄𑀢𑀺 𑀪𑀺𑀦𑁆𑀦𑁄, 𑀢𑀲𑁆𑀲 𑀦𑁂 𑀧𑀭𑀭𑀽𑀧𑀁. 𑀅𑀪𑀺𑀦𑁆𑀤𑀻𑀢𑀺 𑀪𑀺𑀦𑁆𑀦𑀯𑀸, ‘‘𑀓𑀢𑁆𑀢𑀭𑀺 𑀪𑀽𑀢𑁂’’ 𑀘𑁆𑀘𑀸𑀤𑀺𑀦𑀸 𑀓𑁆𑀢𑀯𑀦𑁆𑀢𑀼. 𑀏𑀯+𑀫𑀼𑀧𑀭𑀺𑀧𑀺. 𑀙𑀺𑀚𑁆𑀚𑀺𑀢𑁆𑀣𑀸𑀢𑀺 𑀙𑀺𑀦𑁆𑀦𑁄. 𑀅𑀙𑀺𑀦𑁆𑀤𑀻𑀢𑀺 𑀙𑀺𑀦𑁆𑀦𑀯𑀸. 𑀙𑀤=𑀅𑀧𑀯𑀸𑀭𑀡𑁂, 𑀙𑀸𑀤𑀻𑀬𑀺𑀢𑁆𑀣𑀸𑀢𑀺 𑀙𑀦𑁆𑀦𑁄. 𑀅𑀙𑀸𑀤𑀬𑀻𑀢𑀺 𑀙𑀦𑁆𑀦𑀯𑀸, 𑀘𑀼𑀭𑀸𑀤𑀺𑀢𑁆𑀢𑀸 𑀡𑀺, 𑀢𑀲𑁆𑀲 ‘‘𑀡𑀺𑀡𑀸𑀧𑀻𑀦𑀁 𑀢𑁂𑀲𑀽’’𑀢𑀺 𑀏𑀢𑁆𑀣 ‘‘𑀡𑀺’’ 𑀇𑀢𑀺 𑀬𑁄𑀕𑀯𑀺𑀪𑀸𑀕𑀸 𑀮𑁄𑀧𑁄. 𑀔𑀺𑀤=𑀅𑀲𑀳𑀦𑁂, 𑀔𑀺𑀚𑁆𑀚𑀻𑀢𑀺 𑀔𑀺𑀦𑁆𑀦𑁄 𑀔𑀺𑀦𑁆𑀦𑀯𑀸, 𑀓𑀢𑁆𑀢𑀭𑀺. 𑀏𑀯+𑀫𑀼𑀧𑀭𑀺𑀧𑀺. 𑀉𑀧𑁆𑀧𑀚𑁆𑀚𑀻𑀢𑀺 𑀉𑀧𑁆𑀧𑀦𑁆𑀦𑁄 𑀉𑀧𑁆𑀧𑀦𑁆𑀦𑀯𑀸. 𑀲𑀺𑀤=𑀧𑀸𑀓𑁂, 𑀅𑀲𑀺𑀚𑁆𑀚𑀻𑀢𑀺 𑀲𑀺𑀦𑁆𑀦𑁄 𑀲𑀺𑀦𑁆𑀦𑀯𑀸. 𑀲𑀤=𑀯𑀺𑀲𑀭𑀡𑀕𑀢𑁆𑀬 𑀯𑀲𑀸𑀤𑀦𑀸𑀤𑀸𑀦𑁂𑀲𑀼, 𑀲𑀺𑀤𑀻𑀢𑀺 𑀲𑀦𑁆𑀦𑁄 𑀲𑀦𑁆𑀦𑀯𑀸. 𑀧𑀻𑀦𑀻𑀢𑀺 𑀧𑀻𑀦𑁄 𑀧𑀻𑀦𑀯𑀸. 𑀲𑀽=𑀧𑀲𑀯𑁂, 𑀲𑀽𑀦𑀻𑀢𑀺 𑀲𑀽𑀦𑁄. 𑀧𑀲𑀯𑀻𑀢𑀺 𑀲𑀽𑀦𑀯𑀸. 𑀤𑀻=𑀔𑀬𑁂, 𑀤𑀻𑀬𑀻𑀢𑀺 𑀤𑀻𑀦𑁄 𑀤𑀻𑀦𑀯𑀸. 𑀟𑀻+𑀮𑀻=𑀆𑀓𑀸𑀲𑀕𑀫𑀦𑁂, 𑀟𑀻𑀬𑀻𑀢𑀺 𑀟𑀻𑀦𑁄 𑀟𑀻𑀦𑀯𑀸. 𑀮𑀻𑀬𑀺 ¶ 𑀮𑁂𑀬𑀺 𑀅𑀮𑀻𑀬𑀻𑀢𑀺 𑀮𑀻𑀦𑁄 𑀮𑀻𑀦𑀯𑀸. 𑀅𑀮𑀼𑀬𑀻𑀢𑀺 𑀮𑀽𑀦𑁄 𑀮𑀽𑀦𑀯𑀸.

𑀤𑀸𑀢𑁄 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀇𑀦𑁆𑀦𑁄 𑀳𑁄𑀢𑀺. 𑀅𑀤𑀸𑀬𑀺𑀢𑁆𑀣𑀸𑀢𑀺 𑀤𑀺𑀦𑁆𑀦𑁄. 𑀅𑀤𑁆𑀤𑀻𑀢𑀺 𑀤𑀺𑀦𑁆𑀦𑀯𑀸.

𑀡𑁄. 𑀉𑀧𑀭𑀺 𑀲𑀩𑁆𑀩𑀢𑁆𑀣 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁𑀢𑀺 𑀬𑁄𑀚𑁂𑀢𑀩𑁆𑀩𑀁. 𑀓𑀺𑀭=𑀯𑀺𑀓𑀺𑀭𑀡𑁂, 𑀅𑀓𑀺𑀭𑀻𑀬𑀺𑀢𑁆𑀣𑀸𑀢𑀺 𑀓𑀺𑀡𑁆𑀡𑁄. 𑀅𑀓𑀺𑀭𑀻𑀢𑀺 𑀓𑀺𑀡𑁆𑀡𑀯𑀸. 𑀅𑀧𑀼𑀭𑀻𑀢𑀺 𑀧𑀼𑀡𑁆𑀡𑁄 𑀧𑀼𑀡𑁆𑀡𑀯𑀸. 𑀅𑀔𑀻𑀬𑀺𑀢𑁆𑀣𑀸𑀢𑀺 𑀔𑀻𑀡𑁄. 𑀅𑀔𑀻𑀬𑀻𑀢𑀺 𑀔𑀻𑀡𑀯𑀸.

𑀢𑀲𑁆𑀲 𑀭𑀺𑀡𑁆𑀡𑁄. 𑀭𑀓𑀸𑀭𑁄 𑀅𑀦𑁆𑀢𑀲𑀭𑀸𑀤𑀺𑀮𑁄𑀧𑀢𑁆𑀣𑁄. 𑀅𑀢𑀭𑀻𑀢𑀺 𑀢𑀺𑀡𑁆𑀡𑁄 𑀢𑀺𑀡𑁆𑀡𑀯𑀸. 𑀅𑀚𑀻𑀭𑀻𑀢𑀺 𑀚𑀺𑀡𑁆𑀡𑁄 𑀚𑀺𑀡𑁆𑀡𑀯𑀸. 𑀧𑀭𑀺𑀘𑀻𑀬𑀺𑀢𑁆𑀣𑀸𑀢𑀺 𑀘𑀺𑀡𑁆𑀡𑁄. 𑀧𑀭𑀺𑀘𑀻𑀬𑀻𑀢𑀺 𑀘𑀺𑀡𑁆𑀡𑀯𑀸. 𑀏𑀢𑁆𑀣 𑀘𑀺𑀲𑁆𑀲 𑀯𑀺𑀓𑀧𑁆𑀧𑀯𑀺𑀥𑀸𑀦𑀢𑁆𑀢𑀸 𑀧𑀦 𑀧𑀭𑀺𑀘𑀺𑀢+𑀉𑀧𑀘𑀺𑀢𑀸𑀤𑀬𑁄𑀧𑀺 𑀲𑀺𑀤𑁆𑀥𑀸 𑀏𑀯.

𑀪𑀜𑁆𑀚𑀸𑀤𑀺𑀢𑁄 𑀢𑀲𑁆𑀲 𑀕 𑀳𑁄𑀢𑀺. 𑀅𑀪𑀜𑁆𑀚𑀻𑀢𑀺 𑀪𑀕𑁆𑀕𑁄 𑀪𑀕𑁆𑀕𑀯𑀸. ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀓𑀢𑁆𑀢𑀭𑀺 𑀓𑁆𑀢𑀧𑀘𑁆𑀘𑀬𑁂 𑀢𑀲𑁆𑀲 𑀇𑀫𑀺𑀦𑀸 𑀕𑀓𑀸𑀭𑁂 𑀧𑀭𑀭𑀽𑀧𑀁 𑀦𑀺𑀕𑁆𑀕𑀳𑀻𑀢𑀮𑁄𑀧𑁄 𑀘. 𑀮𑀕=𑀲𑀗𑁆𑀕𑁂, 𑀅𑀮𑀕𑀻𑀢𑀺 𑀮𑀕𑁆𑀕𑁄 𑀮𑀕𑁆𑀕𑀯𑀸. 𑀫𑀼𑀚𑁆𑀚=𑀫𑀼𑀚𑁆𑀚𑀦𑁂, 𑀦𑀺𑀫𑀼𑀚𑁆𑀚𑀻𑀢𑀺 𑀦𑀺𑀫𑀼𑀕𑁆𑀕𑁄 𑀦𑀺𑀫𑀼𑀕𑁆𑀕𑀯𑀸, 𑀏𑀢𑁆𑀣 𑀲𑀁𑀬𑁄𑀕𑀸𑀤𑀺𑀮𑁄𑀧𑁄. 𑀯𑀻𑀚+𑀪𑀬𑀘𑀮𑀦𑁂𑀲𑀼, 𑀲𑀁𑀧𑀼𑀩𑁆𑀩𑁄, 𑀲𑀁𑀯𑀺𑀚𑁆𑀚𑀻𑀢𑀺 𑀲𑀁𑀯𑀺𑀕𑁆𑀕𑁄 𑀲𑀁𑀯𑀺𑀕𑁆𑀕𑀯𑀸.

𑀲𑀼𑀲𑀢𑁄 ¶ 𑀧𑀭𑁂𑀲𑀁 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀔𑁄 𑀳𑁄𑀢𑀺. 𑀲𑀼𑀲=𑀲𑁄𑀲𑁂. 𑀲𑀼𑀲𑁆𑀲𑀻𑀢𑀺 𑀲𑀼𑀓𑁆𑀔𑁄 𑀲𑀼𑀓𑁆𑀔𑀯𑀸.

𑀧𑀘𑀸 𑀧𑀭𑁂𑀲𑀁 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀓𑁄 𑀳𑁄𑀢𑀺. 𑀧𑀘𑁆𑀘𑀻𑀢𑀺 𑀧𑀓𑁆𑀓𑁄. 𑀧𑀘𑀻𑀢𑀺 𑀧𑀓𑁆𑀓𑀯𑀸.

𑀫𑀼𑀘𑀸 𑀧𑀭𑁂𑀲𑀁 𑀓𑁆𑀢+𑀓𑁆𑀢𑀯𑀦𑁆𑀢𑀽𑀦𑀁 𑀢𑀲𑁆𑀲 𑀓𑁄 𑀯𑀸 𑀳𑁄𑀢𑀺. 𑀫𑀼𑀘=𑀫𑁄𑀘𑀦𑁂, 𑀫𑀼𑀘𑁆𑀘𑀻𑀢𑀺 𑀫𑀼𑀓𑁆𑀓𑁄 𑀫𑀼𑀢𑁆𑀢𑁄. 𑀅𑀫𑀼𑀘𑀻𑀢𑀺 𑀫𑀼𑀓𑁆𑀓𑀯𑀸 𑀫𑀼𑀢𑁆𑀢𑀯𑀸. 𑀲𑀓𑁆𑀓𑁄-𑀢𑀺𑀡𑁆𑀯𑀸𑀤𑀻𑀲𑀼 ‘‘𑀇 𑀪𑀻 𑀓𑀸’’ 𑀤𑀺𑀦𑀸 𑀲𑀺𑀤𑁆𑀥𑀁. 𑀅𑀲𑀓𑁆𑀔𑀻𑀢𑀺 𑀲𑀓𑁆𑀓𑁄. 𑀓𑁆𑀢+𑀓𑁆𑀢𑀯𑀦𑁆𑀢𑀽𑀲𑀼 𑀲𑀢𑁆𑀢𑁄 𑀲𑀢𑁆𑀢𑀯𑀸𑀢𑁆𑀯𑁂𑀯 𑀳𑁄𑀢𑀺.

𑁧𑁦𑁬. 𑀫𑀼𑀳+𑀩𑀳𑀸𑀦𑀜𑁆𑀘 𑀢𑁂 𑀓𑀸𑀦𑀼𑀩𑀦𑁆𑀥𑁂+𑀢𑁆𑀯𑁂

𑀫𑀼𑀳+𑀩𑀳𑀸𑀦𑀁 𑀤𑀼𑀳𑀺𑀲𑁆𑀲 𑀘 𑀤𑀻𑀖𑁄 𑀳𑁄𑀢𑀺 𑀢𑀓𑀸𑀭𑀸𑀤𑁄 𑀓𑀸𑀦𑀼𑀩𑀦𑁆𑀥𑁂 𑀢𑁆𑀯𑀸𑀦+𑀢𑁆𑀯𑀸𑀯𑀚𑁆𑀚𑀺𑀢𑁂. 𑀫𑀼𑀳=𑀯𑁂𑀘𑀺𑀢𑁆𑀢𑁂, 𑀩𑀳+𑀩𑁆𑀭𑀳+𑀩𑁆𑀭𑀽𑀳 𑀯𑀼𑀤𑁆𑀥𑀺𑀬𑀁. 𑀫𑀼𑀬𑁆𑀳𑀺𑀢𑁆𑀢 𑀩𑀬𑁆𑀳𑀺𑀢𑁆𑀣𑀸𑀢𑀺 𑀫𑀽𑀴𑁆𑀳𑁄 𑀩𑀸𑀴𑁆𑀳𑁄, ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀅𑀓𑀫𑁆𑀫𑀓𑀢𑁆𑀢𑀸 𑀓𑀢𑁆𑀢𑀭𑀺 𑀓𑁆𑀢𑁂 𑀤𑀻𑀖𑁄 ‘‘𑀭𑀼𑀳𑀸𑀤𑀻𑀳𑀺 𑀳𑁄 𑀴 𑀘𑀸’’𑀢𑀺 𑀢𑀲𑁆𑀲 𑀳𑁄 𑀘 𑀳𑀲𑁆𑀲 𑀴𑁄 𑀘 𑀳𑁄𑀢𑀺. 𑀏𑀯𑀁 𑀕𑀽𑀴𑁆𑀳𑁄. ‘‘𑀓𑀸𑀦𑀼𑀩𑀦𑁆𑀥𑁂+𑀢𑁆𑀯𑁂’’𑀢𑀺 𑀬𑀸𑀯 ‘‘𑀲𑀸𑀲𑀲𑁆𑀲 𑀲𑀺𑀲 𑀯𑀸’’ 𑀢𑁆𑀬+𑀥𑀺𑀓𑀸𑀭𑁄.

𑀯𑀳𑀲𑁆𑀲 𑀉𑀲𑁆𑀲 𑀤𑀻𑀖𑁄 𑀳𑁄𑀢𑀺 𑀢𑁂. 𑀯𑀼𑀬𑁆𑀳𑀺𑀢𑁆𑀣𑀸𑀢𑀺 𑀯𑀽𑀴𑁆𑀳𑁄, ‘‘𑀅𑀲𑁆𑀲𑀽’’𑀢𑀺 𑀉𑀓𑀸𑀭𑁂 𑀇𑀫𑀺𑀦𑀸 𑀤𑀻𑀖𑁄.

𑀥𑀸=𑀥𑀸𑀭𑀡𑁂+𑀢𑀺𑀫𑀲𑁆𑀲 ¶ 𑀳𑀺 𑀳𑁄𑀢𑀺 𑀯𑀸 𑀢𑁂. 𑀦𑀺𑀥𑀻𑀬𑀺𑀢𑁆𑀣𑀸𑀢𑀺 𑀦𑀺𑀳𑀺𑀢𑁄. 𑀦𑀺𑀤𑀳𑀻𑀢𑀺 𑀦𑀺𑀳𑀺𑀢𑀯𑀸 𑀦𑀺𑀳𑀺𑀢𑀸𑀯𑀻.

𑁧𑁦𑁯. 𑀕𑀫𑀸𑀤𑀺𑀭𑀸𑀦𑀁 𑀮𑁄𑀧𑁄+𑀦𑁆𑀢𑀲𑁆𑀲

𑀕𑀫𑀸𑀤𑀻𑀦𑀁 𑀭𑀓𑀸𑀭𑀦𑁆𑀢𑀸𑀦𑀜𑁆𑀘 𑀅𑀦𑁆𑀢𑀲𑁆𑀲 𑀮𑁄𑀧𑁄 𑀳𑁄𑀢𑀺 𑀢𑁂. 𑀅𑀕𑀫𑀻𑀢𑀺 𑀕𑀢𑁄. 𑀔𑀜𑁆𑀜𑀺𑀢𑁆𑀣𑀸𑀢𑀺 𑀔𑀢𑁄, 𑀓𑀫𑁆𑀫𑁂. 𑀏𑀯𑀁 𑀳𑀜𑁆𑀜𑀺𑀢𑁆𑀣𑀸𑀢𑀺 𑀳𑀢𑁄. 𑀢𑀦=𑀯𑀺𑀢𑁆𑀣𑀸𑀭𑁂, 𑀢𑀜𑁆𑀜𑀺𑀢𑁆𑀣𑀸𑀢𑀺 𑀢𑀢𑁄. 𑀬𑀫=𑀉𑀧𑀭𑀫𑁂, 𑀲𑀁𑀬𑀫𑀻𑀢𑀺 𑀲𑀜𑁆𑀜𑀢𑁄, ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀓𑀢𑁆𑀢𑀭𑀺 𑀓𑁆𑀢𑁄, ‘‘𑀬𑁂 𑀲𑀁𑀲𑁆𑀲𑀸’’𑀢𑀺 𑀦𑀺𑀕𑁆𑀕𑀳𑀻𑀢𑀲𑁆𑀲 𑀜𑁄 𑀧𑀼𑀩𑁆𑀩𑀭𑀽𑀧𑀜𑁆𑀘. 𑀏𑀯𑀁 𑀅𑀭𑀫𑀻𑀢𑀺 𑀭𑀢𑁄. 𑀓𑀭𑀻𑀬𑀺𑀢𑁆𑀣𑀸𑀢𑀺 𑀓𑀢𑁄.

𑀯𑀘𑀸𑀤𑀻𑀦𑀁 𑀯𑀲𑁆𑀲 𑀉𑀝 𑀯𑀸 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀯𑀼𑀘𑁆𑀘𑀺𑀢𑁆𑀣𑀸𑀢𑀺 𑀉𑀢𑁆𑀢𑀁. 𑀅𑀲𑁆𑀲 𑀉 𑀯𑀼𑀢𑁆𑀢𑀁, 𑀉𑀪𑀬𑀢𑁆𑀣 𑀧𑀭𑀭𑀽𑀧𑀁. 𑀯𑀲=𑀦𑀺𑀯𑀸𑀲𑁂, 𑀯𑀲𑀦𑀁 𑀅𑀯𑀲𑀺 𑀯𑀲𑀺𑀁𑀲𑀼 𑀏𑀢𑁆𑀣𑀸𑀢𑀺 𑀯𑀸 𑀉𑀢𑁆𑀣𑀁 𑀯𑀼𑀢𑁆𑀣𑀁, ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀓𑁆𑀢𑁄, ‘‘𑀲𑀸𑀲 𑀯𑀲 𑀲𑀁𑀲 𑀲𑀁𑀲𑀸 𑀣𑁄’’𑀢𑀺 𑀢𑀲𑁆𑀲 𑀣𑁄.

𑀯𑀤𑁆𑀥𑀲𑁆𑀲 𑀅𑀲𑁆𑀲 𑀯𑀸 𑀉 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀅𑀯𑀤𑁆𑀥𑀻𑀢𑀺 𑀯𑀼𑀤𑁆𑀥𑁄 𑀯𑀤𑁆𑀥𑁄, 𑀓𑀢𑁆𑀢𑀭𑀺 𑀓𑁆𑀢𑁂 ‘‘𑀥𑁄 𑀥+𑀳𑀪𑁂𑀳𑀻’’𑀢𑀺 𑀢𑀲𑁆𑀲 𑀥𑁄, 𑀢𑀢𑀺𑀬𑀓𑁆𑀔𑀭𑀤𑁄 𑀘 𑀲𑀁𑀬𑁄𑀕𑀸𑀤𑀺𑀮𑁄𑀧𑁄 𑀘. 𑀯𑀼𑀢𑁆𑀢𑀻𑀢𑀺 ‘‘𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂’’𑀢𑀺 𑀬𑁄𑀕𑀯𑀺𑀪𑀸𑀕𑀸 𑀅𑀲𑁆𑀲 𑀉. 𑀯𑀢𑁆𑀢𑀻𑀢𑀺𑀧𑀺 𑀬𑀣𑀸𑀮𑀓𑁆𑀔𑀡𑀁.

𑀬𑀚𑀲𑁆𑀲 ¶ 𑀬𑀲𑁆𑀲 𑀝𑀺+𑀬𑀻 𑀳𑁄𑀦𑁆𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀬𑀚𑀦𑀁𑀢𑀺 𑀓𑁆𑀢𑁄, ‘‘𑀧𑀼𑀘𑁆𑀙𑀸𑀤𑀺𑀢𑁄’’𑀢𑀺 𑀢𑀲𑁆𑀲 𑀞𑁂 𑀧𑀭𑀭𑀽𑀧𑀸𑀤𑀺𑀫𑁆𑀳𑀺 𑀓𑀢𑁂 𑀇𑀝𑁆𑀞𑀁 𑀬𑀺𑀝𑁆𑀞𑀁.

𑀞𑀸𑀲𑁆𑀲 𑀇 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀅𑀝𑁆𑀞𑀸𑀲𑀻𑀢𑀺 𑀞𑀺𑀢𑁄.

𑀕𑀸+𑀧𑀸𑀦+𑀫𑀻 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀕𑀸𑀦𑀁 𑀕𑀻𑀢𑀁. 𑀧𑀸𑀦𑀁 𑀧𑀻𑀢𑀁. 𑀩𑀳𑀼𑀮𑀸𑀥𑀺𑀓𑀸𑀭𑀸 𑀧𑀺𑀢𑁆𑀯𑀸.

𑀚𑀦𑀺𑀲𑁆𑀲 𑀆 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀅𑀚𑀦𑀻𑀢𑀺 𑀚𑀸𑀢𑁄, ‘‘𑀙𑀝𑁆𑀞𑀺𑀬𑀦𑁆𑀢𑀲𑁆𑀲𑀸’’𑀢𑀺 𑀅𑀦𑁆𑀢𑀲𑁆𑀲 𑀆 𑀳𑁄𑀢𑀺.

𑀲𑀸𑀲𑀲𑁆𑀲 𑀲𑀺𑀲 𑀳𑁄𑀢𑀺 𑀓𑀸𑀦𑀼𑀩𑀦𑁆𑀥𑁂 𑀅𑀢𑁆𑀯𑁂. 𑀲𑀸𑀲𑀦𑀁𑀢𑀺 𑀓𑁆𑀢𑁄, 𑀢𑀲𑁆𑀲 ‘‘𑀲𑀸𑀲 𑀯𑀲 𑀲𑀁𑀲 𑀲𑀲𑀸 𑀣𑁄’’𑀢𑀺 𑀣𑁂 𑀧𑀭𑀭𑀽𑀧𑀁 𑀧𑀞𑀫𑀓𑁆𑀔𑀭𑁄 𑀘, ‘‘𑀢+𑀣+𑀦+𑀭𑀸’’ 𑀤𑀺𑀦𑀸 𑀢𑀲𑁆𑀲 𑀝𑁄. 𑀣𑀲𑁆𑀲 𑀞𑁄, 𑀲𑀺𑀝𑁆𑀞𑀁. 𑀅𑀜𑁆𑀜𑀢𑁆𑀭 𑀲𑀢𑁆𑀣𑀁. ‘‘𑀕𑀼𑀳𑀸𑀤𑀻𑀳𑀺 𑀬𑀓’’ 𑀇𑀢𑀺 𑀬𑀓𑀧𑀘𑁆𑀘𑀬𑁂 𑀲𑀸𑀲𑀻𑀬𑀢𑀻𑀢𑀺 𑀲𑀺𑀲𑁆𑀲𑁄. 𑀉𑀫𑁆𑀳𑀺 𑀲𑀸𑀲𑀺𑀬𑁄.

𑁧𑁪𑁦. 𑀲𑀸𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞𑁄

𑀲𑀓𑀸𑀭𑀦𑁆𑀢𑀸 𑀓𑁆𑀭𑀺𑀬𑀢𑁆𑀣𑀸 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞 𑀳𑁄𑀢𑀺. 𑀢𑀼𑀲𑁆𑀲𑀻𑀢𑀺 𑀢𑀼𑀝𑁆𑀞𑁄, ‘‘𑀕𑀫𑀦𑀢𑁆𑀣𑀸’’ 𑀤𑀺𑀦𑀸 𑀓𑁆𑀢𑁂 𑀇𑀫𑀺𑀦𑀸 𑀢𑀲𑁆𑀲 𑀞𑁂 ¶ 𑀧𑀭𑀭𑀽𑀧𑀸𑀤𑀺. 𑀏𑀯𑀁 𑀢𑀼𑀝𑁆𑀞𑀯𑀸. 𑀢𑀩𑁆𑀩+𑀓𑁆𑀢𑀻𑀲𑀼 𑀢𑁄𑀲𑀦𑀁 𑀢𑀼𑀝𑁆𑀞𑀩𑁆𑀩𑀁, ‘‘𑀅𑀜𑁆𑀜𑀢𑁆𑀭𑀸𑀧𑀻’’𑀢𑀺 𑀑𑀓𑀸𑀭𑀸𑀪𑀸𑀯𑁄. 𑀏𑀯𑀁 𑀢𑀼𑀝𑁆𑀞𑀺, 𑀓𑀸𑀦𑀼𑀩𑀦𑁆𑀥𑀢𑁆𑀢𑀸 𑀦 𑀯𑀼𑀤𑁆𑀥𑀺.

𑀓𑀲𑀲𑁆𑀫𑀸 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞 𑀳𑁄𑀢𑀺 𑀓𑀲𑀲𑁆𑀲 𑀯𑀸 𑀇𑀫 𑀘. 𑀓𑀲𑀻𑀬𑀺𑀢𑁆𑀣𑀸𑀢𑀺 𑀓𑀺𑀝𑁆𑀞𑀁. 𑀓𑀺𑀝𑁆𑀞𑀸𑀤𑀺𑀁 𑀯𑀺𑀬 𑀤𑀼𑀧𑁆𑀧𑀲𑀼𑀁, 𑀓𑀫𑁆𑀫𑁂 𑀓𑁆𑀢𑁄. 𑀇𑀫𑀸𑀪𑀸𑀯𑁂 𑀓𑀝𑁆𑀞𑀁, 𑀅𑀓𑀝𑁆𑀞𑀧𑀸𑀓𑀺𑀫𑀁 𑀲𑀸𑀮𑀺𑀁.

𑀏𑀢𑁂 𑀲𑀤𑁆𑀤𑀸 𑀦𑀺𑀧𑀘𑁆𑀘𑀦𑁆𑀢𑁂. 𑀥𑀁𑀲+𑀥𑀁𑀲𑀦𑁂, 𑀥𑀁𑀲𑀻𑀬𑀺𑀢𑁆𑀣𑀸𑀢𑀺 𑀥𑀲𑁆𑀢𑁄, 𑀩𑀺𑀦𑁆𑀤𑀼𑀮𑁄𑀧𑁄. 𑀉𑀢𑁆𑀭𑀲𑀻𑀢𑀺 𑀑𑀢𑁆𑀭𑀲𑁆𑀢𑁄.

𑀧𑀼𑀘𑁆𑀙𑀸𑀤𑀻𑀳𑀺 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀞 𑀳𑁄𑀢𑀺. 𑀧𑀼𑀘𑁆𑀙𑀻𑀬𑀺𑀢𑁆𑀣𑀸𑀢𑀺 𑀧𑀼𑀝𑁆𑀞𑁄. 𑀪𑀚𑁆𑀚=𑀧𑀸𑀓𑁂, 𑀪𑀚𑀻𑀬𑀺𑀢𑁆𑀣𑀸𑀢𑀺 𑀪𑀝𑁆𑀞𑁄, 𑀲𑀁𑀬𑁄𑀕𑀸𑀤𑀺𑀮𑁄𑀧𑁄. 𑀬𑀚𑀺𑀢𑁆𑀣𑀸𑀢𑀺 𑀬𑀺𑀝𑁆𑀞𑁄, ‘‘𑀬𑀚𑀲𑁆𑀲 𑀬𑀲𑁆𑀲 𑀝𑀺+𑀬𑀻’’𑀢𑀺 𑀬𑀺.

𑀏𑀢𑁂𑀳𑀺 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀣 𑀳𑁄𑀢𑀺. 𑀲𑀸𑀲𑀦𑀁 𑀲𑀸𑀲𑀻𑀬𑀺𑀢𑁆𑀣𑀸𑀢𑀺 𑀯𑀸 𑀲𑀢𑁆𑀣𑀁. 𑀯𑀲𑀦𑀁 𑀯𑀼𑀢𑁆𑀣𑀁, ‘‘𑀅𑀲𑁆𑀲𑀽’’𑀢𑀺 𑀉. 𑀧𑀲𑀁𑀲𑀦𑀁 𑀧𑀲𑀁𑀲𑀻𑀬𑀺𑀢𑁆𑀣𑀸𑀢𑀺 𑀯𑀸 𑀧𑀲𑀢𑁆𑀣𑀁. 𑀲𑀲=𑀕𑀢𑀺+𑀳𑀺𑀁𑀲𑀸+𑀧𑀸𑀡𑀦𑁂𑀲𑀼, 𑀲𑀲𑀦𑀁 𑀕𑀫𑀦𑀁 𑀳𑀺𑀁𑀲𑀦𑀁 𑀚𑀻𑀯𑀦𑀜𑁆𑀘 𑀲𑀢𑁆𑀣𑀁. 𑀅𑀦𑀼𑀲𑀸𑀲𑀻𑀬𑀺𑀢𑁆𑀣𑀸𑀢𑀺 𑀅𑀦𑀼𑀲𑀺𑀝𑁆𑀞𑁄, 𑀢𑁆𑀣𑀲𑁆𑀲 𑀝𑁆𑀞𑁄.

𑀥𑀓𑀸𑀭 ¶ 𑀳𑀓𑀸𑀭 𑀪𑀓𑀸𑀭𑀦𑁆𑀢𑁂𑀳𑀺 𑀧𑀭𑀲𑁆𑀲 𑀢𑀲𑁆𑀲 𑀥 𑀳𑁄𑀢𑀺. 𑀯𑀤𑁆𑀥𑀺𑀢𑁆𑀣𑀸𑀢𑀺 𑀓𑀫𑁆𑀫𑁂 𑀓𑁆𑀢𑁂 𑀢𑀲𑁆𑀲 𑀥𑀓𑀸𑀭𑀸𑀤𑀺𑀫𑁆𑀳𑀺 𑀘 ‘‘𑀯𑀤𑁆𑀥𑀲𑁆𑀲 𑀯𑀸’’𑀢𑀺 𑀉𑀓𑀸𑀭𑁂 𑀓𑀢𑁂 𑀲𑀁𑀬𑁄𑀕𑀸𑀤𑀺𑀮𑁄𑀧𑁄, 𑀯𑀼𑀤𑁆𑀥𑁄. 𑀤𑀼𑀬𑁆𑀳𑀺𑀢𑁆𑀣𑀸𑀢𑀺 𑀤𑀼𑀤𑁆𑀥𑀁. 𑀮𑀪𑀻𑀬𑀺𑀢𑁆𑀣𑀸𑀢𑀺 𑀮𑀤𑁆𑀥𑀁.

𑀤𑀳𑀸 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀠 𑀳𑁄𑀢𑀺. 𑀤𑀬𑁆𑀳𑀺𑀢𑁆𑀣𑀸𑀢𑀺 𑀤𑀟𑁆𑀠𑁄, 𑀧𑀭𑀭𑀽𑀧𑀸𑀤𑀺𑀫𑁆𑀳𑀺 𑀓𑀢𑁂 ‘‘𑀘𑀢𑀼𑀢𑁆𑀣𑀤𑀼𑀢𑀺𑀬𑁂’’ 𑀘𑁆𑀘𑀸𑀤𑀺𑀦𑀸 𑀟𑀓𑀸𑀭𑁄.

𑀩𑀳𑀸 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀠 𑀳𑁄𑀢𑀺 𑀩𑀳𑀲𑁆𑀲𑀼+𑀫 𑀘 𑀠𑀲𑀦𑁆𑀦𑀺𑀬𑁄𑀕𑁂𑀦. 𑀩𑀳+𑀩𑁆𑀭𑀳+𑀩𑁆𑀭𑀽𑀳=𑀯𑀼𑀤𑁆𑀥𑀺𑀬𑀁. 𑀅𑀩𑀳𑀻𑀢𑀺 𑀩𑀼𑀟𑁆𑀠𑁄.

𑀭𑀼𑀳𑀸𑀤𑀻𑀳𑀺 𑀧𑀭𑀲𑁆𑀲𑀸+𑀦𑀦𑁆𑀢𑀭𑀲𑁆𑀲 𑀢𑀲𑁆𑀲 𑀳 𑀳𑁄𑀢𑀺 𑀴𑁄 𑀘+𑀦𑁆𑀢𑀲𑁆𑀲. 𑀆𑀭𑀼𑀳𑀻𑀢𑀺 𑀆𑀭𑀼𑀴𑁆𑀳𑁄. 𑀕𑀼𑀬𑁆𑀳𑀺𑀢𑁆𑀣𑀸𑀢𑀺 𑀕𑀼𑀴𑁆𑀳𑁄. 𑀅𑀩𑀳𑀻𑀢𑀺 𑀩𑀸𑀴𑁆𑀳𑁄. 𑀤𑁆𑀯𑀻𑀲𑀼 ‘‘𑀫𑀼𑀳𑀩𑀳𑀸’’ 𑀤𑀺𑀦𑀸 𑀤𑀻𑀖𑁄.

𑀓𑁆𑀢𑀢𑀲𑁆𑀲 𑀳𑀓𑀸𑀭𑁄 𑀅𑀦𑁆𑀢𑀲𑁆𑀲 𑀯𑀸 𑀴𑁄 𑀘. 𑀅𑀫𑁄𑀳𑀻𑀢𑀺 𑀫𑀼𑀴𑁆𑀳𑁄, 𑀫𑀼𑀤𑁆𑀥𑁄, 𑀢𑀲𑁆𑀲 𑀥𑁄. (𑀅𑀢𑀻𑀢𑀓𑀸𑀮𑀺𑀓𑀧𑀘𑁆𑀘𑀬𑀯𑀺𑀥𑀸𑀦𑀁).

𑁬𑁪. 𑀦𑁆𑀢𑁄 𑀓𑀢𑁆𑀢𑀭𑀺 𑀯𑀢𑁆𑀢𑀫𑀸𑀦𑁂

𑀯𑀢𑁆𑀢𑀫𑀸𑀦𑀢𑁆𑀣𑁂 ¶ 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀦𑁆𑀢𑁄 𑀳𑁄𑀢𑀺 𑀓𑀢𑁆𑀢𑀭𑀺. 𑀢𑀺𑀝𑁆𑀞𑀢𑀻𑀢𑀺 𑀢𑀺𑀝𑁆𑀞𑀦𑁆𑀢𑁄, ‘‘𑀓𑀢𑁆𑀢𑀭𑀺 𑀮𑁄’’𑀢𑀺 𑀮𑁄, ‘‘𑀞𑀸𑀧𑀸𑀦𑀁 𑀢𑀺𑀝𑁆𑀞𑀧𑀺𑀯𑀸’’𑀢𑀺 𑀢𑀺𑀞𑀸𑀤𑁂𑀲𑁄. 𑀓𑀢𑁆𑀢𑀭𑀺 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀺𑀲𑀼 𑀇𑀫𑀺𑀦𑀸𑀯 𑀮𑁄.

𑀓𑀢𑁆𑀢𑀭𑀺 𑀫𑀸𑀦𑁄. 𑀢𑀺𑀝𑁆𑀞𑀫𑀸𑀦𑁄.

𑀪𑀸𑀯𑀓𑀫𑁆𑀫𑁂𑀲𑀼 𑀫𑀸𑀦𑁄. 𑀞𑀸𑀦𑀁 𑀞𑀻𑀬𑀫𑀸𑀦𑀁. ‘‘𑀓𑁆𑀬𑁄 𑀪𑀸𑀯𑀓𑀫𑁆𑀫𑁂𑀲𑁆𑀯+𑀧𑀭𑁄𑀓𑁆𑀔𑁂𑀲𑀼 𑀫𑀸𑀦+𑀦𑁆𑀢+𑀢𑁆𑀬𑀸𑀤𑀻𑀲𑀽’’𑀢𑀺 𑀪𑀸𑀯𑁂 𑀓𑀫𑁆𑀫𑁂 𑀘 𑀓𑁆𑀬𑁄. ‘‘𑀓𑁆𑀬𑀲𑁆𑀲𑀸’’𑀢𑀺 𑀈𑀫. 𑀧𑀘𑀻𑀬𑀢𑀻𑀢𑀺 𑀧𑀘𑁆𑀘𑀫𑀸 𑀦𑁄. 𑀓𑁆𑀬𑁂 𑀧𑀼𑀩𑁆𑀩𑀭𑀽𑀧𑀁.

𑀅𑀦𑀸𑀕𑀢𑁂 𑀅𑀢𑁆𑀣𑁂 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑁂𑀦𑁆𑀢𑀫𑀸𑀦𑀸 𑀲𑁆𑀲𑀧𑀼𑀩𑁆𑀩𑀸 𑀳𑁄𑀦𑁆𑀢𑀺, 𑀮𑁂 𑀆𑀲𑁆𑀲 𑀮𑁄𑀧𑁄, 𑀞𑀲𑁆𑀲𑀢𑀻𑀢𑀺 𑀞𑀲𑁆𑀲𑀦𑁆𑀢𑁄 𑀞𑀲𑁆𑀲𑀫𑀸𑀦𑁄. 𑀞𑀻𑀬𑀺𑀲𑁆𑀲𑀢𑀻𑀢𑀺 𑀞𑀻𑀬𑀺𑀲𑁆𑀲𑀫𑀸𑀦𑀁, 𑀓𑁆𑀬𑁂 𑀈, ‘‘𑀜𑀺𑀩𑁆𑀬𑀜𑁆𑀚𑀦𑀲𑁆𑀲𑀸’’𑀢𑀺 𑀜𑀺. 𑀅𑀲𑁆𑀲 𑀢𑁆𑀬𑀸𑀤𑀺𑀯𑀺𑀲𑀬𑀢𑁆𑀢𑀸 ‘‘𑀆𑀈𑀲𑁆𑀲𑀸’’ 𑀤𑀺𑀦𑀸 𑀇𑀜 𑀦 𑀳𑁄𑀢𑀺, 𑀅𑀈𑀳𑀺 𑀲𑀳𑀘𑀭𑀺𑀢𑀢𑁆𑀢𑀸 𑀲𑁆𑀲𑀸𑀲𑁆𑀲. 𑀧𑀘𑁆𑀘𑀺𑀲𑁆𑀲𑀢𑀻𑀢𑀺 𑀧𑀘𑁆𑀘𑀺𑀲𑁆𑀲𑀫𑀸𑀦𑁄 𑀑𑀤𑀦𑁄. ‘‘𑀭𑀸 𑀦𑀲𑁆𑀲 𑀡𑁄’’𑀢𑀺 𑀡𑁂 𑀧𑀢𑁆𑀢𑁂 𑁋

𑁫,𑁧𑁭𑁨. 𑀦 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀦𑀁

𑀭𑀦𑁆𑀢𑀢𑁄 ¶ 𑀧𑀭𑁂𑀲𑀁 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀦𑀁 𑀦𑀲𑁆𑀲 𑀡𑁄 𑀦 𑀳𑁄𑀢𑀺. 𑀓𑀭𑁄𑀢𑀻𑀢𑀺 𑀓𑀭𑁄𑀦𑁆𑀢𑁄 𑀓𑀼𑀭𑀼𑀫𑀸𑀦𑁄, ‘‘𑀢𑀦𑀸𑀤𑀺𑀢𑁆𑀯𑁄’’𑀢𑀺 𑀑.

𑁫,𑁧𑁭𑁩. 𑀕𑀫 𑀬𑀫𑀺+𑀲𑀸𑀲 𑀤𑀺𑀲𑀸𑀦𑀁 𑀯𑀸 𑀘𑁆𑀙𑀗

𑀏𑀢𑁂𑀲𑀁 𑀯𑀸 𑀘𑁆𑀙𑀗 𑀳𑁄𑀢𑀺 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀗-𑀦𑀼𑀩𑀦𑁆𑀥𑀢𑁆𑀢𑀸 𑀅𑀦𑁆𑀢𑀲𑁆𑀲 𑀳𑁄𑀢𑀺, 𑀕𑀘𑁆𑀙𑀦𑁆𑀢𑁄 𑀕𑀘𑁆𑀙𑀫𑀸𑀦𑁄. 𑀬𑀫=𑀉𑀧𑀭𑀫𑁂, 𑀬𑀘𑁆𑀙𑀦𑁆𑀢𑁄 𑀬𑀘𑁆𑀙𑀫𑀸𑀦𑁄. 𑀇𑀘𑁆𑀙𑀦𑁆𑀢𑁄 𑀇𑀘𑁆𑀙𑀫𑀸𑀦𑁄. 𑀆𑀲=𑀉𑀧𑀯𑁂𑀲𑀦𑁂, 𑀅𑀘𑁆𑀙𑀦𑁆𑀢𑁄 𑀅𑀘𑁆𑀙𑀫𑀸𑀦𑁄, ‘‘𑀩𑁆𑀬𑀜𑁆𑀚𑀦𑁂’’𑀘𑁆𑀘𑀸𑀤𑀺𑀦𑀸 𑀭𑀲𑁆𑀲𑁄. 𑀤𑀺𑀲=𑀅𑀢𑀺𑀲𑀚𑁆𑀚𑀦𑁂, 𑀤𑀺𑀘𑁆𑀙𑀦𑁆𑀢𑁄 𑀤𑀺𑀘𑁆𑀙𑀫𑀸𑀦𑁄. 𑀯𑀯𑀢𑁆𑀣𑀺𑀢𑀯𑀺𑀪𑀸𑀲𑀢𑁆𑀢𑀸 𑀯𑀸𑀲𑀤𑁆𑀤𑀲𑁆𑀲 𑀅𑀜𑁆𑀜𑀧𑀘𑁆𑀘𑀬𑁂𑀲𑀼 𑀘 𑀓𑁆𑀯𑀘𑀺, 𑀇𑀘𑁆𑀙𑀻𑀬𑀢𑀻𑀢𑀺 𑀇𑀘𑁆𑀙𑀺𑀢𑀩𑁆𑀩𑀁, 𑀇𑀘𑁆𑀙𑀦𑀁 𑀇𑀘𑁆𑀙𑀸, ‘‘𑀇𑀢𑁆𑀣𑀺𑀬+𑀫𑀡𑀸’’ 𑀤𑀺𑀦𑀸 𑀅𑀧𑁆𑀧𑀘𑁆𑀘𑀬𑁄. 𑀇𑀘𑁆𑀙𑀺𑀢𑀁, 𑀇𑀘𑁆𑀙𑀺𑀢𑀩𑁆𑀩𑀁, 𑀇𑀘𑁆𑀙𑀺𑀢𑀼𑀁. 𑀅𑀜𑁆𑀜𑁂𑀲𑀜𑁆𑀘 𑀬𑁄𑀕𑀯𑀺𑀪𑀸𑀕𑀸, 𑀧𑀯𑁂𑀘𑁆𑀙𑀦𑁆𑀢𑁄.

𑀏𑀢𑁂𑀲+𑀫𑀻𑀬𑀗 𑀯𑀸 𑀳𑁄𑀢𑀺 𑀦𑁆𑀢+𑀫𑀸𑀦+𑀢𑁆𑀬𑀸𑀤𑀻𑀲𑀼. 𑀚𑀻𑀬𑀦𑁆𑀢𑁄. ‘‘𑀚𑀭𑀲𑀤𑀸’’ 𑀤𑀺𑀘𑁆𑀘𑀸𑀤𑀺𑀦𑀸 𑀈𑀫. 𑀚𑀻𑀭𑀦𑁆𑀢𑁄. 𑀚𑀻𑀬𑀫𑀸𑀦𑁄 𑀚𑀻𑀭𑀫𑀸𑀦𑁄. 𑀫𑀻𑀬𑀦𑁆𑀢𑁄 𑀫𑀭𑀦𑁆𑀢𑁄, 𑀫𑀻𑀬𑀫𑀸𑀦𑁄 𑀫𑀭𑀫𑀸𑀦𑁄.

𑀞𑀸𑀧𑀸𑀦𑀁 𑀢𑀺𑀝𑁆𑀞𑀧𑀺𑀯𑀸 𑀳𑁄𑀦𑁆𑀢𑀺 𑀯𑀸 𑀦𑁆𑀢𑀸𑀤𑀻𑀲𑀼. 𑀢𑀺𑀝𑁆𑀞𑀦𑁆𑀢𑁄, 𑀢𑀺𑀝𑁆𑀞𑀫𑀸𑀦𑁄. 𑀧𑀺𑀯𑀦𑁆𑀢𑁄 𑀧𑀺𑀯𑀫𑀸𑀦𑁄.

𑁧𑁭𑁬. 𑀕𑀫+𑀯𑀤+𑀤𑀸𑀦𑀁 𑀖𑀫𑁆𑀫+𑀯𑀚𑁆𑀚+𑀤𑀚𑁆𑀚𑀸

𑀕𑀫𑀸𑀤𑀻𑀦𑀁 ¶ 𑀖𑀫𑁆𑀫𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢𑀸𑀤𑀻𑀲𑀼. 𑀖𑀫𑁆𑀫𑀦𑁆𑀢𑁄 𑀕𑀘𑁆𑀙𑀦𑁆𑀢𑁄, 𑀯𑀚𑁆𑀚𑀦𑁆𑀢𑁄 𑀯𑀤𑀦𑁆𑀢𑁄, 𑀤𑀚𑁆𑀚𑀦𑁆𑀢𑁄 𑀤𑀤𑀦𑁆𑀢𑁄.

𑁧𑁭𑁭. 𑀓𑀭𑀲𑁆𑀲 𑀲𑁄𑀲𑁆𑀲 𑀓𑀼𑀩𑁆𑀩 𑀓𑀼𑀭𑀼 𑀓𑀬𑀺𑀭𑀸

𑀓𑀭𑀲𑁆𑀲 𑀲𑀑𑀓𑀸𑀭𑀲𑁆𑀲 𑀓𑀼𑀩𑁆𑀩𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀦𑁆𑀢𑀸𑀤𑀻𑀲𑀼. 𑀓𑀼𑀩𑁆𑀩𑀦𑁆𑀢𑁄 𑀓𑀬𑀺𑀭𑀦𑁆𑀢𑁄 𑀓𑀭𑁄𑀦𑁆𑀢𑁄, 𑀏𑀯𑀁 𑀓𑀼𑀩𑁆𑀩𑀫𑀸𑀦𑁄 𑀇𑀘𑁆𑀘𑀸𑀤𑀺. 𑀅𑀜𑁆𑀜𑀢𑁆𑀭 ‘‘𑀫𑀸𑀦𑀲𑁆𑀲 𑀫𑀲𑁆𑀲𑀸’’𑀢𑀺 𑀫𑀸𑀦𑀲𑁆𑀲 𑀫𑀲𑁆𑀲 𑀮𑁄𑀧𑁂 𑀓𑀭𑀸𑀡𑁄. ‘‘𑀲𑁄𑀲𑁆𑀲𑀸’’𑀢𑀺 𑀯𑀼𑀢𑁆𑀢𑀢𑁆𑀢𑀸 𑀓𑀢𑁆𑀢𑀭𑀺𑀬𑁂𑀯.

𑀕𑀳𑀲𑁆𑀲 𑀯𑀸 𑀖𑁂𑀧𑁆𑀧𑁄 𑀳𑁄𑀢𑀺 𑀦𑁆𑀢𑀸𑀤𑀻𑀲𑀼. 𑀖𑁂𑀧𑁆𑀧𑀦𑁆𑀢𑁄 𑀖𑁂𑀧𑁆𑀧𑀫𑀸𑀦𑁄.

𑀕𑀳𑀲𑁆𑀲 𑀦𑀺𑀕𑁆𑀕𑀳𑀻𑀢𑀲𑁆𑀲 𑀡𑁄 𑀳𑁄𑀢𑀺, ‘‘𑀫𑀁 𑀯𑀸 𑀭𑀼𑀥𑀸𑀤𑀻𑀦𑀁’’𑀢𑀺 𑀫𑀁, 𑀕𑀡𑁆𑀳𑀺𑀢𑀩𑁆𑀩𑀁, 𑀕𑀡𑁆𑀳𑀺𑀢𑀼𑀁, 𑀕𑀡𑁆𑀳𑀦𑁆𑀢𑁄.

𑁧𑁩𑁦. 𑀦𑁆𑀢+𑀫𑀸𑀦+𑀦𑁆𑀢𑀺+𑀬𑀺+𑀬𑀼𑀁𑀲𑁆𑀯𑀸+𑀤𑀺𑀮𑁄𑀧𑁄𑀢𑀺

𑀆𑀤𑀺𑀮𑁄𑀧𑁄. 𑀅𑀲=𑀪𑀼𑀯𑀺, 𑀪𑀯𑀢𑀻𑀢𑀺 𑀲𑀦𑁆𑀢𑁄 𑀲𑀫𑀸𑀦𑁄.

𑁧𑁩𑁧. 𑀧𑀸𑀤𑀺𑀢𑁄 𑀞𑀸𑀲𑁆𑀲 𑀯𑀸 𑀞𑀳𑁄 𑀓𑁆𑀯𑀘𑀺𑀢𑀺

𑀞𑀸𑀲𑁆𑀲 𑀧𑀸𑀤𑀻𑀲𑀼 𑀞𑀳𑁄. 𑀲𑀡𑁆𑀞𑀳𑀦𑁆𑀢𑁄. 𑀲𑀦𑁆𑀢𑀺𑀝𑁆𑀞𑀦𑁆𑀢𑁄.

𑁬𑁧. 𑀢𑀼𑀁 𑀢𑀸𑀬𑁂 𑀢𑀯𑁂 𑀪𑀸𑀯𑁂 𑀪𑀯𑀺𑀲𑁆𑀲𑀢𑀺 𑀓𑁆𑀭𑀺𑀬𑀸𑀬𑀁 𑀢𑀤𑀢𑁆𑀣𑀸𑀬𑀁

𑀪𑀯𑀺𑀲𑁆𑀲𑀢𑀺𑀅𑀢𑁆𑀣𑁂 ¶ 𑀯𑀢𑁆𑀢𑀫𑀸𑀦𑀢𑁄 𑀓𑁆𑀭𑀺𑀬𑀢𑁆𑀣𑀸 𑀪𑀸𑀯𑁂 𑀢𑀼𑀫𑀸𑀤𑀬𑁄 𑀳𑁄𑀦𑁆𑀢𑀺 𑀓𑁆𑀭𑀺𑀬𑀸𑀬𑀁 𑀢𑀤𑀢𑁆𑀣𑀸𑀬𑀁 𑀧𑀢𑀻𑀬𑀫𑀸𑀦𑀸𑀬𑀁. 𑀓𑀭𑀡𑀸𑀬 𑀕𑀘𑁆𑀙𑀢𑀺 𑀓𑀸𑀢𑀼𑀁 𑀕𑀘𑁆𑀙𑀢𑀺. ‘‘𑀢𑀼𑀁𑀢𑀼𑀦𑀢𑀩𑁆𑀩𑁂𑀲𑀼 𑀯𑀸’’𑀢𑀺 𑀓𑀭𑀲𑁆𑀲 𑀯𑀸 𑀆 𑀳𑁄𑀢𑀺, 𑀧𑀼𑀩𑁆𑀩𑀭𑀽𑀧𑁂 𑀓𑀢𑁆𑀢𑀸𑀬𑁂. ‘‘𑀓𑀭𑀲𑁆𑀲𑀸 𑀢𑀯𑁂’’𑀢𑀺 𑀦𑀺𑀘𑁆𑀘𑀁 𑀆, 𑀓𑀸𑀢𑀯𑁂. 𑀦𑀺𑀧𑀸𑀢𑀢𑁆𑀢𑀸 ‘‘𑀅𑀲𑀗𑁆𑀔𑁆𑀬𑁂𑀳𑀺 𑀲𑀩𑁆𑀩𑀸𑀲𑀁’’𑀢𑀺 𑀘𑀢𑀼𑀢𑁆𑀣𑀻𑀲𑀲𑁆𑀲 𑀮𑁄𑀧𑁄. 𑀏𑀯+𑀫𑀼𑀧𑀭𑀺 𑀢𑀼𑀦𑀸𑀤𑀻𑀲𑀼. 𑀓𑀢𑁆𑀢𑀼𑀁 𑀓𑀸𑀫𑁂𑀢𑀻𑀢𑀺 𑀓𑀢𑁆𑀢𑀼𑀓𑀸𑀫𑁄, 𑀅𑀪𑀺𑀲𑀗𑁆𑀔𑀭𑀺𑀢𑀼+𑀫𑀸𑀓𑀗𑁆𑀔𑀢𑀺. 𑀲𑀤𑁆𑀥𑀫𑁆𑀫𑀁 𑀲𑀼𑀡𑀺𑀢𑀼𑀁, 𑀜𑀺𑀫𑁆𑀳𑀺 𑀦𑀸𑀕𑀫𑁂 𑀢𑀲𑁆𑀲 𑀡𑁄, 𑀦𑀸𑀕𑀫𑀢𑁆𑀢𑀸 𑀦 𑀯𑀼𑀤𑁆𑀥𑀺. 𑀲𑁄𑀢𑀯𑁂 𑀲𑁄𑀢𑀼𑀁 𑀲𑀼𑀡𑀺𑀢𑀼𑀁 𑀯𑀸 𑀧𑀢𑁆𑀣𑁂𑀳𑀺. 𑀏𑀯𑀁 𑀅𑀦𑀼𑀪𑀯𑀺𑀢𑀼𑀁, 𑀧𑀘𑀺𑀢𑀼𑀁. 𑀕𑀦𑁆𑀢𑀼𑀁, ‘‘𑀫𑀦𑀸𑀦𑀁 𑀦𑀺𑀕𑁆𑀕𑀳𑀻𑀢𑀁’’𑀢𑀺 𑀦𑀺𑀕𑁆𑀕𑀳𑀻𑀢𑀁. 𑀕𑀫𑀺𑀢𑀼𑀁, 𑀔𑀦𑁆𑀢𑀼𑀁, 𑀔𑀦𑀺𑀢𑀼𑀁, 𑀳𑀦𑁆𑀢𑀼𑀁, 𑀳𑀦𑀺𑀢𑀼𑀁, 𑀫𑀦𑁆𑀢𑀼𑀁, 𑀫𑀦𑀺𑀢𑀼𑀁, 𑀳𑀭𑀺𑀢𑀼𑀁, 𑀅𑀦𑀼𑀲𑁆𑀲𑀭𑀺𑀢𑀼𑀁 𑀇𑀘𑁆𑀙𑀢𑀺. 𑀢𑀣𑀸 𑀢𑀼𑀤𑀺𑀢𑀼𑀁, 𑀧𑀯𑀺𑀲𑀺𑀢𑀼𑀁, 𑀉𑀤𑁆𑀤𑀺𑀲𑀺𑀢𑀼𑀁, 𑀪𑁄𑀢𑁆𑀢𑀼𑀁, 𑀲𑀬𑀺𑀢𑀼𑀁, 𑀦𑁂𑀢𑀼𑀁, 𑀚𑀼𑀳𑁄𑀢𑀼𑀁, 𑀧𑀚𑀳𑀺𑀢𑀼𑀁, 𑀧𑀳𑀸𑀢𑀼𑀁, 𑀤𑀸𑀢𑀼𑀁, 𑀭𑁄𑀤𑁆𑀥𑀼𑀁, 𑀭𑀼𑀦𑁆𑀥𑀺𑀢𑀼𑀁, 𑀪𑁄𑀢𑁆𑀢𑀼𑀁, 𑀪𑀼𑀜𑁆𑀚𑀻𑀢𑀼𑀁, 𑀙𑁂𑀢𑁆𑀢𑀼𑀁, 𑀙𑀺𑀦𑁆𑀤𑀺𑀢𑀼𑀁, 𑀲𑀺𑀩𑁆𑀩𑀺𑀢𑀼𑀁, 𑀊𑀫𑁆𑀳𑀺 𑀯𑀲𑁆𑀲 𑀩𑁄, 𑀤𑁆𑀯𑀺𑀢𑁆𑀢𑀁, 𑀩𑀼𑀤𑁆𑀥𑀼𑀁, 𑀢𑀲𑁆𑀲 𑀥𑁄. 𑀩𑀼𑀚𑁆𑀛𑀺𑀢𑀼𑀁, 𑀬𑀼𑀓. 𑀚𑀸𑀦𑀺𑀢𑀼𑀁 𑀜𑀸=𑀅𑀯𑀩𑁄𑀥𑀦𑁂. 𑀚𑀦𑀺𑀢𑀼𑀁. 𑀚𑁂𑀢𑀼𑀁 𑀚𑀺𑀦𑀺𑀢𑀼𑀁. 𑀧𑀢𑁆𑀢𑀼𑀁 𑀧𑀸𑀧𑀼𑀡𑀺𑀢𑀼𑀁. 𑀓𑁂𑀢𑀼𑀁 𑀓𑀺𑀡𑀺𑀢𑀼𑀁. 𑀯𑀺𑀦𑀺𑀘𑁆𑀙𑁂𑀢𑀼𑀁, 𑀇𑀲𑁆𑀲 𑀏, 𑀯𑀺𑀦𑀺𑀘𑁆𑀙𑀺𑀦𑀺𑀢𑀼𑀁. 𑀕𑀳𑁂𑀢𑀼𑀁 𑀕𑀡𑁆𑀳𑀺𑀢𑀼𑀁. 𑀘𑁄𑀭𑀺𑀢𑀼𑀁 𑀘𑁄𑀭𑁂𑀢𑀼𑀁 𑀘𑁄𑀭𑀬𑀺𑀢𑀼𑀁, 𑀧𑀸𑀮𑁂𑀢𑀼𑀁 𑀧𑀸𑀮𑀬𑀺𑀢𑀼𑀁. 𑀧𑀬𑁄𑀚𑀓𑁂-𑀪𑀸𑀯𑁂𑀢𑀼𑀁 𑀪𑀸𑀯𑀬𑀺𑀢𑀼𑀁, 𑀓𑀸𑀭𑁂𑀢𑀼𑀁 𑀓𑀸𑀭𑀬𑀺𑀢𑀼𑀁 𑀓𑀸𑀭𑀸𑀧𑁂𑀢𑀼𑀁 𑀓𑀸𑀭𑀸𑀧𑀬𑀺𑀢𑀼𑀁 𑀇𑀘𑁆𑀙𑀢𑀺+𑀘𑁆𑀘𑀸𑀤𑀺.

𑀏𑀯𑀁 𑀓𑁆𑀭𑀺𑀬𑀢𑁆𑀣𑀓𑁆𑀭𑀺𑀬𑀸𑀬𑀁 𑀕𑀫𑁆𑀬𑀫𑀸𑀦𑀸𑀬𑀁, 𑀬𑀣𑀸 𑀲𑀼𑀩𑁄𑀤𑁆𑀥𑀼𑀁 𑀯𑀓𑁆𑀔𑀸𑀫𑀺, 𑀏𑀯𑀁 𑀤𑀝𑁆𑀞𑀼𑀁 𑀕𑀘𑁆𑀙𑀢𑀺, 𑀕𑀦𑁆𑀢𑀼+𑀫𑀸𑀭𑀪𑀢𑀺, 𑀕𑀦𑁆𑀢𑀼𑀁 𑀧𑀬𑁄𑀚𑁂𑀢𑀺, 𑀤𑀲𑁆𑀲𑁂𑀢𑀼+𑀫𑀸𑀳 𑀇𑀘𑁆𑀘𑀸𑀤𑀺.

𑀅𑀭𑀳𑀲𑀓𑁆𑀓𑀸𑀤𑀻𑀲𑀼𑀧𑀺 ¶ 𑀲𑀺𑀤𑁆𑀥𑀁, 𑀢𑀣𑀸 𑀓𑀸𑀮 𑀲𑀫𑀬𑀯𑁂𑀮𑀸𑀲𑀼. 𑀓𑁄 𑀢𑀁 𑀦𑀺𑀦𑁆𑀤𑀺𑀢𑀼+𑀫𑀭𑀳𑀢𑀺, 𑀭𑀸𑀚𑀸 𑀪𑀯𑀺𑀢𑀼+𑀫𑀭𑀳𑀢𑀺, 𑀅𑀭𑀳𑁄 𑀪𑀯𑀁 𑀯𑀢𑁆𑀢𑀼𑀁, 𑀲𑀓𑁆𑀓𑀸 𑀚𑁂𑀢𑀼𑀁 𑀥𑀦𑁂𑀦 𑀯𑀸, 𑀲𑀓𑁆𑀓𑀸 𑀮𑀤𑁆𑀥𑀼𑀁, 𑀪𑀲𑁆𑀲 𑀥𑁄. 𑀓𑀢𑁆𑀢𑀼𑀁 𑀲𑀓𑁆𑀔𑀺𑀲𑁆𑀲𑀢𑀺. 𑀪𑀩𑁆𑀩𑁄 𑀦𑀺𑀬𑀸𑀫𑀁 𑀑𑀓𑁆𑀓𑀫𑀺𑀢𑀼𑀁, 𑀅𑀪𑀩𑁆𑀩𑁄 𑀓𑀸𑀢𑀼𑀁. 𑀅𑀦𑀼𑀘𑁆𑀙𑀯𑀺𑀓𑁄 𑀪𑀯𑀁 𑀤𑀸𑀦𑀁 𑀧𑀝𑀺𑀕𑁆𑀕𑀳𑁂𑀢𑀼𑀁, 𑀇𑀤𑀁 𑀓𑀸𑀢𑀼𑀁 𑀅𑀦𑀼𑀭𑀽𑀧𑀁, 𑀤𑀸𑀦𑀁 𑀤𑀸𑀢𑀼𑀁 𑀬𑀼𑀢𑁆𑀢𑀁, 𑀤𑀸𑀢𑀼𑀁 𑀯𑀢𑁆𑀢𑀼𑀜𑁆𑀘 𑀮𑀪𑀢𑀺. 𑀏𑀯𑀁 𑀯𑀝𑁆𑀝𑀢𑀺 𑀪𑀸𑀲𑀺𑀢𑀼𑀁, 𑀙𑀺𑀦𑁆𑀤𑀺𑀢𑀼𑀁 𑀦 𑀘 𑀓𑀧𑁆𑀧𑀢𑀺 𑀇𑀘𑁆𑀘𑀸𑀤𑀺. 𑀢𑀣𑀸𑀓𑀸𑀮𑁄 𑀪𑀼𑀜𑁆𑀚𑀺𑀢𑀼𑀁, 𑀲𑀫𑀬𑁄 𑀪𑀼𑀜𑁆𑀚𑀺𑀢𑀼𑀁, 𑀯𑁂𑀮𑀸 𑀪𑀼𑀜𑁆𑀚𑀺𑀢𑀼𑀁.

𑀅𑀮𑀫𑀢𑁆𑀣𑁂𑀧𑀺 𑀲𑀺𑀤𑁆𑀥𑀁, 𑀅𑀮𑀫𑁂𑀯 𑀤𑀸𑀦𑀸𑀦𑀺 𑀤𑀸𑀢𑀼𑀁, 𑀅𑀮𑀫𑁂𑀯 𑀧𑀼𑀜𑁆𑀜𑀸𑀦𑀺 𑀓𑀸𑀢𑀼𑀁.

𑁬𑁨. 𑀧𑀝𑀺𑀲𑁂𑀥𑁂+𑀮𑀁𑀔𑀮𑀽𑀦𑀁 𑀓𑁆𑀢𑀼𑀦 𑀓𑁆𑀢𑁆𑀯𑀸𑀦 𑀓𑁆𑀢𑁆𑀯𑀸 𑀯𑀸

𑀅𑀮𑀁+𑀔𑀮𑀼𑀲𑀤𑁆𑀤𑀸𑀦𑀁 𑀧𑀝𑀺𑀲𑁂𑀥𑀦𑀢𑁆𑀣𑀸𑀦𑀁 𑀧𑀬𑁄𑀕𑁂 𑀓𑁆𑀢𑀼𑀦𑀸𑀤𑀬𑁄 𑀯𑀸 𑀳𑁄𑀦𑁆𑀢𑀺 𑀪𑀸𑀯𑁂. 𑀅𑀮𑀁𑀧𑀼𑀩𑁆𑀩𑁄, 𑀲𑀼=𑀲𑀯𑀦𑁂, 𑀅𑀮𑀁 𑀲𑀯𑀦𑀁 𑀓𑀢𑁆𑀯𑀸 𑀔𑀮𑀼 𑀲𑀯𑀦𑀁 𑀓𑀢𑁆𑀯𑀸𑀢𑀺 𑀅𑀮𑀁 𑀲𑁄𑀢𑀼𑀦 𑀔𑀮𑀼 𑀲𑁄𑀢𑀼𑀦 𑀅𑀮𑀁 𑀲𑀼𑀢𑁆𑀯𑀸𑀦 𑀔𑀮𑀼 𑀲𑀼𑀢𑁆𑀯𑀸𑀦 𑀅𑀮𑀁 𑀲𑀼𑀢𑁆𑀯𑀸 𑀔𑀮𑀼 𑀲𑀼𑀢𑁆𑀯𑀸. 𑀦𑀺𑀧𑀸𑀢𑀢𑁆𑀢𑀸 𑀲𑀺𑀮𑁄𑀧𑁄.

𑀏𑀓𑁄 𑀓𑀢𑁆𑀢𑀸 𑀬𑁂𑀲𑀁 𑀩𑁆𑀬𑀸𑀧𑀸𑀭𑀸𑀦𑀁, 𑀢𑁂𑀲𑀼 𑀬𑁄 𑀧𑀼𑀩𑁆𑀩𑁄, 𑀢𑀤𑀢𑁆𑀣𑀢𑁄 𑀓𑁆𑀭𑀺𑀬𑀢𑁆𑀣𑀸 𑀢𑀼𑀦𑀸𑀤𑀬𑁄 𑀳𑁄𑀦𑁆𑀢𑀺 𑀪𑀸𑀯𑁂. ‘‘𑀢𑀼𑀁𑀢𑀼𑀦𑀸’’ 𑀤𑀺𑀦𑀸 𑀓𑀭𑀲𑁆𑀲 𑀆, 𑀲𑁄 𑀓𑀸𑀢𑀼𑀦 𑀓𑀫𑁆𑀫𑀁 𑀕𑀘𑁆𑀙𑀢𑀺, 𑀅𑀓𑀸𑀢𑀼𑀦 𑀧𑀼𑀜𑁆𑀜𑀁 𑀓𑀺𑀮𑀺𑀲𑁆𑀲𑀦𑁆𑀢𑀺. 𑀭𑀮𑁄𑀧𑁂 𑀓𑀫𑁆𑀫𑀁 𑀓𑀢𑁆𑀯𑀸𑀦 𑀪𑀤𑁆𑀭𑀓𑀁, 𑀧𑀼𑀜𑁆𑀜𑀸𑀦𑀺 𑀓𑀢𑁆𑀯𑀸 𑀲𑀕𑁆𑀕𑀁 𑀕𑀘𑁆𑀙𑀢𑀺. 𑀅𑀪𑀺𑀲𑀗𑁆𑀔𑀭𑀡𑀁 𑀓𑀢𑁆𑀯𑀸 𑀅𑀪𑀺𑀲𑀗𑁆𑀔𑀭𑀺𑀢𑁆𑀯𑀸 𑀓𑀭𑀺𑀢𑁆𑀯𑀸 𑀯𑀸 ¶ . 𑀢𑀣𑀸 𑀲𑀺𑀩𑁆𑀩𑀺𑀢𑁆𑀯𑀸 𑀙𑀸𑀤𑀬𑀺𑀢𑁆𑀯𑀸 𑀚𑀸𑀦𑀺𑀢𑁆𑀯𑀸 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀲𑀼𑀢𑁆𑀯𑀸𑀦 𑀥𑀫𑁆𑀫𑀁 𑀫𑁄𑀤𑀢𑀺, 𑀲𑀼𑀡𑀺𑀢𑁆𑀯𑀸, 𑀧𑀢𑁆𑀯𑀸 𑀧𑀸𑀧𑀼𑀡𑀺𑀢𑁆𑀯𑀸, 𑀓𑀺𑀦𑀺𑀢𑁆𑀯𑀸, 𑀚𑁂𑀢𑁆𑀯𑀸 𑀚𑀺𑀦𑀺𑀢𑁆𑀯𑀸 𑀚𑀺𑀢𑁆𑀯𑀸, 𑀘𑁄𑀭𑁂𑀢𑁆𑀯𑀸 𑀘𑁄𑀭𑀬𑀺𑀢𑁆𑀯𑀸, 𑀧𑀽𑀚𑁂𑀢𑁆𑀯𑀸 𑀧𑀽𑀚𑀬𑀺𑀢𑁆𑀯𑀸, 𑀢𑀣𑀸 𑀫𑁂𑀢𑁆𑀢𑀁 𑀪𑀸𑀯𑁂𑀢𑁆𑀯𑀸 𑀪𑀸𑀯𑀬𑀺𑀢𑁆𑀯𑀸, 𑀯𑀺𑀳𑀸𑀭𑀁 𑀓𑀸𑀭𑁂𑀢𑁆𑀯𑀸 𑀓𑀸𑀭𑀬𑀺𑀢𑁆𑀯𑀸 𑀓𑀸𑀭𑀸𑀧𑁂𑀢𑁆𑀯𑀸 𑀓𑀸𑀭𑀸𑀧𑀬𑀺𑀢𑁆𑀯𑀸 𑀲𑀕𑁆𑀕𑀁 𑀕𑀫𑀺𑀲𑁆𑀲𑀦𑁆𑀢𑀺+𑀘𑁆𑀘𑀸𑀤𑀺. 𑀧𑀼𑀩𑁆𑀩𑁂𑀢𑀺 𑀓𑀺𑀁, 𑀪𑀼𑀜𑁆𑀚𑀢𑀺 𑀘 𑀧𑀘𑀢𑀺 𑀘. ‘‘𑀅𑀧𑀢𑁆𑀯𑀸 𑀦𑀤𑀺𑀁 𑀧𑀩𑁆𑀩𑀢𑁄, 𑀅𑀢𑀺𑀓𑁆𑀓𑀫𑁆𑀫 𑀧𑀩𑁆𑀩𑀢𑀁 𑀦𑀤𑀻’’𑀢𑀺𑀆𑀤𑀻𑀲𑀼 𑀪𑀽𑀥𑀸𑀢𑀼𑀲𑁆𑀲 𑀲𑀫𑁆𑀪𑀯𑀸 𑀏𑀓𑀓𑀢𑁆𑀢𑀼𑀓𑀢𑀸 𑀧𑀼𑀩𑁆𑀩𑀓𑀸𑀮𑀢𑀸 𑀘 𑀕𑀫𑁆𑀬𑀢𑁂. ‘‘𑀪𑀼𑀢𑁆𑀯𑀸 𑀪𑀼𑀢𑁆𑀯𑀸 𑀕𑀘𑁆𑀙𑀢𑀻’’𑀢𑀺 𑀇𑀫𑀺𑀦𑀸𑀯 𑀲𑀺𑀤𑁆𑀥𑀁, 𑀆𑀪𑀺𑀓𑁆𑀔𑀜𑁆𑀜𑀦𑁆𑀢𑀼 𑀤𑁆𑀯𑀺𑀩𑁆𑀩𑀘𑀦𑀸𑀯 𑀕𑀫𑁆𑀬𑀢𑁂. 𑀓𑀣𑀁 ‘‘𑀚𑀻𑀯𑀕𑁆𑀕𑀸𑀳𑀁 𑀅𑀕𑀸𑀳𑀬𑀺, 𑀓𑀸𑀬𑀧𑁆𑀧𑀘𑀸𑀮𑀓𑀁 𑀕𑀘𑁆𑀙𑀢𑀻’’𑀢𑀺, 𑀖𑀡𑀦𑁆𑀢𑁂𑀦 𑀓𑁆𑀭𑀺𑀬𑀸𑀯𑀺𑀲𑁂𑀲𑀦𑁂𑀦 𑀲𑀺𑀤𑁆𑀥𑀁, 𑀬𑀣𑀸 𑀑𑀤𑀦𑀧𑀸𑀓𑀁 𑀲𑀬𑀢𑀻𑀢𑀺.

𑁧𑁬𑁪. 𑀧𑁆𑀬𑁄 𑀯𑀸 𑀢𑁆𑀯𑀸𑀲𑁆𑀲 𑀲𑀫𑀸𑀲𑁂

𑀢𑁆𑀯𑀸𑀲𑁆𑀲 𑀯𑀸 𑀧𑁆𑀬𑁄 𑀳𑁄𑀢𑀺 𑀲𑀫𑀸𑀲𑁂. 𑀧𑀓𑀸𑀭𑁄 ‘‘𑀧𑁆𑀬𑁂 𑀲𑀺𑀲𑁆𑀲𑀸’’𑀢𑀺 𑀯𑀺𑀲𑁂𑀲𑀦𑀢𑁆𑀣𑁄. 𑀅𑀪𑀺𑀧𑀼𑀩𑁆𑀩𑁄 𑀧𑀸𑀤𑀺𑀲𑀫𑀸𑀲𑁄, 𑀅𑀪𑀺𑀯𑀤𑀦𑀁 𑀓𑀢𑁆𑀯𑀸 𑀅𑀪𑀺𑀯𑀸𑀤𑀺𑀬 𑀪𑀸𑀲𑀺𑀲𑁆𑀲𑀁. 𑀢𑀣𑀸 𑀅𑀪𑀺𑀪𑀼𑀬𑁆𑀬, 𑀤𑁆𑀯𑀺𑀢𑁆𑀢𑀭𑀲𑁆𑀲𑀸𑀦𑀺. 𑀲𑀺=𑀲𑀬𑁂 𑁋

𑀲𑀺𑀲𑁆𑀲 𑀆 𑀳𑁄𑀢𑀺 𑀧𑁆𑀬𑀸𑀤𑁂𑀲𑁂. 𑀦𑀺𑀲𑁆𑀲𑀬𑀦𑀁 𑀓𑀢𑁆𑀯𑀸 𑀦𑀺𑀲𑁆𑀲𑀸𑀬. 𑀧𑀼𑀩𑁆𑀩𑀭𑀽𑀧𑁂 𑀯𑀺𑀪𑀚𑁆𑀚 𑀯𑀺𑀪𑀚𑀺𑀬. 𑀤𑀺𑀲=𑀅𑀢𑀺𑀲𑀚𑁆𑀚𑀦𑁂, 𑀉𑀤𑁆𑀤𑀺𑀲𑁆𑀲. 𑀧𑀯𑀺𑀲𑁆𑀲 𑀧𑀯𑀺𑀲𑀺𑀬 𑀧𑀯𑀺𑀲𑀺𑀢𑁆𑀯𑀸, 𑀉𑀧𑀦𑀬, 𑀅𑀢𑀺𑀲𑁂𑀬𑁆𑀬 𑀅𑀢𑀺𑀲𑀬𑀺𑀢𑁆𑀯𑀸, 𑀑𑀳𑀸𑀬 𑀑𑀳𑀺𑀢𑁆𑀯𑀸. 𑀆𑀤𑀸𑀬, 𑀤𑀸𑀲𑁆𑀲𑀺+𑀬𑀗, 𑀆𑀤𑀺𑀬. 𑀧𑀝𑁆𑀞𑀸𑀬, 𑀯𑀺𑀘𑁂𑀬𑁆𑀬, 𑀯𑀺𑀜𑁆𑀜𑀸𑀬 𑀯𑀺𑀚𑀸𑀦𑀺𑀢𑁆𑀯𑀸, 𑀲𑀫𑀸𑀲𑁂𑀢𑀺 𑀓𑀺𑀁, 𑀧𑀢𑁆𑀯𑀸. 𑀓𑁆𑀯𑀘𑀸+ 𑀲𑀫𑀸𑀲𑁂𑀧𑀺 ¶ 𑀩𑀳𑀼𑀮𑀸𑀥𑀺𑀓𑀸𑀭𑀸, 𑀮𑀢𑀁 𑀤𑀦𑁆𑀢𑁂𑀳𑀺 𑀙𑀺𑀦𑁆𑀤𑀺𑀬. 𑀢𑀣𑀸 𑀪𑀼𑀜𑁆𑀚𑀺𑀢𑁆𑀯𑀸.

𑀢𑁆𑀯𑀸𑀲𑁆𑀲 𑀯𑀸 𑀢𑀼𑀁+𑀬𑀸𑀦𑀸 𑀳𑁄𑀦𑁆𑀢𑀺 𑀲𑀫𑀸𑀲𑁂 𑀓𑁆𑀯𑀘𑀺. 𑀅𑀪𑀺𑀳𑀭𑀡𑀁 𑀓𑀢𑁆𑀯𑀸 𑀅𑀪𑀺𑀳𑀝𑁆𑀞𑀼𑀁, 𑀅𑀪𑀺𑀳𑀭𑀺𑀢𑁆𑀯𑀸, 𑀧𑀸𑀤𑀺𑀲𑀫𑀸𑀲𑁄, ‘‘𑀧𑀼𑀘𑁆𑀙𑀸𑀤𑀺𑀢𑁄’’𑀢𑀺 𑀢𑀲𑁆𑀲 𑀞𑁄 𑀧𑀭𑀭𑀽𑀧𑀸𑀤𑀺 𑀘. 𑀅𑀦𑀼𑀫𑁄𑀤𑀦𑀁 𑀓𑀢𑁆𑀯𑀸 𑀅𑀦𑀼𑀫𑁄𑀤𑀺𑀬𑀸𑀦 𑀅𑀦𑀼𑀫𑁄𑀤𑀺𑀢𑁆𑀯𑀸 𑀯𑀸, 𑀓𑀸𑀦𑀼𑀩𑀦𑁆𑀥𑁂𑀧𑀺 ‘‘𑀯𑀸 𑀓𑁆𑀯𑀘𑀻’’𑀢𑀺 𑀯𑀺𑀓𑀧𑁆𑀧𑀢𑁆𑀢𑀸 ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀑𑀓𑀸𑀭𑁄. 𑀓𑁆𑀯𑀘𑀸+𑀲𑀫𑀸𑀲𑁂𑀧𑀺 𑀩𑀳𑀼𑀮𑀸𑀥𑀺𑀓𑀸𑀭𑀸, 𑀤𑀝𑁆𑀞𑀼𑀁, 𑀤𑀺𑀲𑀢𑁄 𑀢𑁆𑀯𑀸𑀲𑁆𑀲 𑀢𑀼𑀫𑀸𑀤𑁂𑀲𑁂 𑀤𑀺𑀲𑀲𑁆𑀲 𑀤𑀲. 𑀅𑀜𑁆𑀜𑀢𑁆𑀭 ‘‘𑀤𑀺𑀲𑀸 𑀯𑀸𑀦+𑀯𑀸 𑀲 𑀘𑀸’’𑀢𑀺 𑀢𑁆𑀯𑀸𑀲𑁆𑀲 𑀯𑀸𑀦+𑀯𑀸 𑀲 𑀳𑁄𑀦𑁆𑀢𑀺, 𑀤𑀺𑀲𑁆𑀯𑀸. 𑀏𑀯𑀁 𑀮𑀪𑀦𑀁 𑀓𑀢𑁆𑀯𑀸 𑀮𑀤𑁆𑀥𑀸 𑀥𑀦𑀁𑀢𑀺𑀆𑀤𑀻𑀲𑀼 𑀢𑀲𑁆𑀲 𑀥𑁄 𑀪𑀯𑀢𑀺.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀔𑀸𑀤𑀺𑀓𑀡𑁆𑀟𑁄 𑀲𑀢𑁆𑀢𑀫𑁄.

𑀬𑁂 ¶ 𑀦𑀦𑁆𑀢𑀢𑀦𑁆𑀢𑀭𑀢𑀦𑀸𑀓𑀭𑀫𑀦𑁆𑀣𑀦𑁂𑀦,

𑀫𑀦𑁆𑀣𑀸𑀘𑀮𑁄𑀮𑁆𑀮𑀲𑀺𑀢𑀜𑀸𑀡𑀯𑀭𑁂𑀦 𑀮𑀤𑁆𑀥𑀸;

𑀲𑀸𑀭𑀸𑀫𑀢𑀸+𑀢𑀺𑀲𑀼𑀔𑀺𑀢𑀸 𑀲𑀼𑀔𑀬𑀦𑁆𑀢𑀺 𑀘+𑀜𑁆𑀜𑁂,

𑀢𑁂 𑀫𑁂 𑀚𑀬𑀦𑁆𑀢𑀺 𑀕𑀼𑀭𑀯𑁄 𑀕𑀼𑀭𑀯𑁄 𑀕𑀼𑀡𑁂𑀳𑀺.

𑀬𑀲𑁆𑀲 𑀲𑀸𑀥𑀼𑀕𑀼𑀡𑀼𑀩𑁆𑀪𑀽𑀢-𑀓𑀺𑀢𑁆𑀢𑀺 𑀲𑀩𑁆𑀩𑀢𑁆𑀢 𑀧𑀢𑁆𑀣𑀝𑀸;

𑀫𑁄𑀕𑁆𑀕𑀮𑁆𑀮𑀸𑀦𑁄 𑀫𑀳𑀸𑀧𑀜𑁆𑀜𑁄, 𑀚𑀬𑀢𑀻 𑀲𑁄 𑀳 𑀲𑀩𑁆𑀩𑀤𑀸.

𑀧𑀭𑀫𑀧𑁆𑀧𑀺𑀘𑁆𑀙𑀢𑀸+𑀦𑁂𑀓-𑀲𑀦𑁆𑀢𑁄𑀲𑀽𑀧𑀲𑀫𑁂𑀲𑀺𑀦𑀁;

𑀲𑀼𑀘𑀺𑀲𑀮𑁂𑀔𑀯𑀼𑀢𑁆𑀢𑀻𑀦𑀁, 𑀲𑀤𑀸+𑀭𑀜𑁆𑀜𑀦𑀺𑀯𑀸𑀲𑀺𑀦𑀁.

𑀲𑀸𑀲𑀦𑀼𑀚𑁄𑀢𑀓𑀸𑀭𑀻𑀦+𑀫𑀸𑀘𑁂𑀭𑀢𑁆𑀢+𑀫𑀼𑀧𑀸𑀕𑀢𑀁;

𑀉𑀤𑀼𑀫𑁆𑀩𑀭𑀕𑀺𑀭𑀻𑀔𑁆𑀬𑀸𑀢𑀸+𑀬𑀢𑀦𑀁 𑀬𑀢𑀺𑀧𑀼𑀗𑁆𑀕𑀯𑀁.

𑀫𑁂𑀥𑀗𑁆𑀓𑀭𑁄𑀢𑀺 𑀆𑀔𑁆𑀬𑀸𑀢-𑀦𑀸𑀫𑀥𑁂𑀬𑁆𑀬𑀁 𑀢𑀧𑁄𑀥𑀦𑀁;

𑀣𑁂𑀭𑀁 𑀣𑀺𑀭𑀤𑀬𑀸 𑀫𑁂𑀥𑀸-𑀦𑀺𑀥𑀸𑀦𑀁 𑀲𑀸𑀥𑀼 𑀧𑀽𑀚𑀺𑀢𑀁.

𑀲𑀺𑀲𑁆𑀲𑀁 𑀲𑀳𑀸𑀬+𑀫𑀸𑀕𑀫𑁆𑀫, 𑀓𑀮𑁆𑀬𑀸𑀡𑀫𑀺𑀢𑁆𑀢+𑀫𑀢𑁆𑀢𑀦𑁄;

𑀲𑁄𑀥𑁂𑀢𑀼𑀁 𑀲𑀸𑀲𑀦𑀁 𑀲𑀢𑁆𑀣𑀼, 𑀧𑀭𑀓𑁆𑀓𑀫+𑀫𑀓𑀸𑀲𑀺 𑀬𑁄.

𑀲𑀗𑁆𑀖𑀭𑀓𑁆𑀔𑀺𑀢𑀦𑀸𑀫𑁂𑀦, 𑀫𑀳𑀸𑀣𑁂𑀭𑁂𑀦 𑀥𑀻𑀫𑀢𑀸;

𑀦𑀺𑀯𑀸𑀲𑀪𑀽𑀢𑁂𑀦𑀸+𑀦𑁂𑀓-𑀕𑀼𑀡𑀸𑀦+𑀧𑁆𑀧𑀺𑀘𑁆𑀙𑀢𑀸𑀤𑀺𑀦𑀁.

𑀫𑁄𑀕𑁆𑀕𑀮𑁆𑀮𑀸𑀦𑀩𑁆𑀬𑀸𑀓𑀭𑀡-𑀧𑀬𑁄𑀕𑀓𑁆𑀓𑀫𑀲𑀸𑀥𑀓𑀸;

𑀏𑀢𑁆𑀢𑀸𑀯𑀢𑀸 𑀓𑀢𑀸 𑀏𑀲𑀸, 𑀧𑀬𑁄𑀕𑀲𑀺𑀤𑁆𑀥𑀺 𑀦𑀺𑀝𑁆𑀞𑀺𑀢𑀸.

𑀢𑁂𑀦𑁂𑀯 ¶ 𑀭𑀘𑀺𑀢𑀸 𑀲𑀸𑀥𑀼, 𑀲𑀸𑀲𑀦𑁄𑀤𑀬𑀓𑀸𑀭𑀺𑀦𑀸;

𑀔𑀼𑀤𑁆𑀤𑀲𑀺𑀓𑁆𑀔𑀸𑀬 𑀝𑀻𑀓𑀸 𑀘, 𑀢𑀣𑀸 𑀲𑀫𑁆𑀩𑀦𑁆𑀥𑀘𑀺𑀦𑁆𑀢𑀦𑀸.

𑀲𑀼𑀲𑀤𑁆𑀤𑀲𑀺𑀤𑁆𑀥𑀺𑀁 𑀬𑁄 𑀬𑁄𑀕-𑀦𑀺𑀘𑁆𑀙𑀬𑀁 𑀲𑀩𑁆𑀪𑀺 𑀯𑀡𑁆𑀡𑀺𑀢𑀁;

𑀅𑀓𑀸 𑀲𑀼𑀩𑁄𑀥𑀸𑀮𑀗𑁆𑀓𑀸𑀭𑀁, 𑀢𑀣𑀸 𑀲𑀫𑁆𑀩𑀦𑁆𑀥𑀘𑀺𑀦𑁆𑀢𑀦𑀁.

𑀲𑀢𑁆𑀣𑀲𑀜𑁆𑀘𑀺𑀢𑀧𑀼𑀜𑁆𑀜𑁂𑀦, 𑀦𑀺𑀩𑁆𑀩𑀸𑀦𑀲𑀸𑀥𑀓𑀁 𑀳𑀺𑀢𑀁;

𑀲𑀸𑀥𑁂𑀦𑁆𑀢𑁄 𑀮𑁄𑀓𑀦𑀸𑀣𑀲𑁆𑀲, 𑀲𑀤𑁆𑀥𑀫𑁆𑀫𑁄 𑀢𑀺𑀝𑁆𑀞𑀢𑀁 𑀘𑀺𑀭𑀦𑁆𑀢𑀺.

𑀇𑀢𑀺 𑀲𑀗𑁆𑀖𑀭𑀓𑁆𑀔𑀺𑀢𑀫𑀳𑀸𑀲𑀸𑀫𑀺𑀣𑁂𑀭𑀧𑀸𑀤𑀯𑀺𑀭𑀘𑀺𑀢𑀸

(𑀯𑀺𑀲𑁂𑀲𑀮𑀓𑁆𑀔𑀡𑀁). 𑀬𑀣𑀸𑀯𑀼𑀢𑁆𑀢𑀸𑀦𑀁 𑀧𑀦 𑀧𑀬𑁄𑀕𑀲𑀺𑀤𑁆𑀥𑀺𑀦𑀺𑀕𑀫𑀦 𑀕𑀸𑀣𑀸𑀦𑀁 𑀏𑀓𑀸𑀤𑀲𑀦𑁆𑀦𑀁 𑀧𑀼𑀩𑁆𑀩𑁂𑀬𑁂𑀯 𑀯𑀓𑁆𑀔𑀫𑀸𑀦𑀸 𑀇𑀫𑀸 𑀕𑀸𑀣𑀸𑀬𑁄 𑀤𑀺𑀲𑁆𑀲𑀦𑁆𑀢𑀺 𑀧𑁄𑀭𑀸𑀡𑁂 𑀲𑀻𑀳𑀴𑀫𑀽𑀮𑀧𑀬𑁄𑀕𑀲𑀺𑀤𑁆𑀥𑀺𑀧𑀸𑀞𑁂. 𑀢𑀸 𑀘 𑀕𑀸𑀣𑀸𑀬𑁄 𑀧𑀘𑁆𑀙𑀸 𑀲𑀻𑀳𑀴𑀫𑀽𑀮𑀧𑀬𑁄𑀕𑀲𑀺𑀤𑁆𑀥𑀺𑀲𑀁𑀲𑁄𑀥𑀓𑁂𑀦 𑀫𑁂𑀥𑀗𑁆𑀓𑀭𑁄𑀢𑀺 𑀕𑀭𑀽𑀳𑀺 𑀕𑀳𑀺𑀢𑀦𑀸𑀫𑀥𑁂𑀬𑁆𑀬𑁂𑀦 𑀣𑁂𑀭𑁂𑀦 𑀧𑀓𑁆𑀔𑀺𑀢𑁆𑀢𑀸𑀢𑀺 𑀯𑁂𑀤𑀺𑀢𑀩𑁆𑀩𑀸, 𑀢𑀲𑁆𑀫𑀸 𑀫𑀬𑀁 𑀢𑀸 𑀕𑀸𑀣𑀸𑀬𑁄 𑀲𑀩𑁆𑀩𑀧𑀘𑁆𑀙𑀸𑀬𑁂𑀯 𑀇𑀫𑀲𑁆𑀫𑀺𑀁-𑀞𑀸𑀦𑁂 𑀞𑀧𑁂𑀫. 𑀢𑀸 𑀧𑀦 𑀕𑀸𑀣𑀸𑀬𑁄 𑀓𑀢𑀫𑀸𑀢𑀺 𑀘𑁂 𑁋

𑀘𑀸𑀕𑀯𑀺𑀓𑁆𑀓𑀫𑀲𑀤𑁆𑀥𑀸𑀦𑀼-𑀲𑀫𑁆𑀧𑀦𑁆𑀦𑀕𑀼𑀡𑀲𑀸𑀫𑀺𑀦𑁄;

𑀧𑀭𑀓𑁆𑀓𑀫𑀦𑀭𑀺𑀦𑁆𑀤𑀲𑁆𑀲, 𑀲𑀻𑀳𑀴𑀺𑀦𑁆𑀤𑀲𑁆𑀲 𑀥𑀻𑀫𑀢𑁄.

𑀅𑀢𑁆𑀭𑀚𑁂𑀦𑀸+𑀦𑀼𑀚𑀸𑀢𑁂𑀦, 𑀪𑀽𑀧𑀸𑀮𑀓𑀼𑀮𑀓𑁂𑀢𑀼𑀦𑀸;

𑀤𑀺𑀲𑀦𑁆𑀢𑀧𑀢𑁆𑀣𑀝𑁄𑀤𑀸𑀭-𑀯𑀺𑀓𑁆𑀓𑀫𑁂𑀦 𑀬𑀲𑀲𑁆𑀲𑀺𑀦𑀸.

𑀪𑀼𑀯𑀦𑁂𑀓𑀪𑀼𑀚𑀯𑁆𑀳𑁂𑀦, 𑀫𑀳𑀸𑀭𑀸𑀚𑁂𑀦 𑀥𑀻𑀫𑀢𑀸;

𑀘𑀢𑀼𑀧𑀘𑁆𑀘𑀬𑀤𑀸𑀦𑁂𑀦, 𑀲𑀢𑀢𑀁 𑀲𑀫𑀼𑀧𑀝𑁆𑀞𑀺𑀢𑁄.

‘‘𑀚𑀫𑁆𑀩𑀼𑀤𑁄𑀡𑀻’’𑀢𑀺 ¶ 𑀯𑀺𑀔𑁆𑀬𑀸𑀢𑀸 𑁋

𑀅𑀧𑁆𑀧𑀺𑀘𑁆𑀙𑀸𑀤𑀺𑀕𑀼𑀡𑀽𑀧𑁂𑀢𑁄, 𑀚𑀺𑀦𑀲𑀸𑀲𑀦𑀫𑀸𑀫𑀓𑁄;

𑀯𑀦𑁂𑀭𑀢𑀫𑀳𑀢𑁆𑀣𑁂𑀭𑁄, 𑀫𑁂𑀥𑀗𑁆𑀓𑀭𑀲𑀫𑀯𑁆𑀳𑀬𑁄.

𑀧𑀸𑀝𑀯𑀢𑁆𑀣𑀸𑀬 𑀪𑀺𑀓𑁆𑀔𑀽𑀦𑀁, 𑀯𑀺𑀦𑀬𑁂 𑀲𑀼𑀯𑀺𑀲𑀸𑀭𑀤𑁄;

𑀧𑀬𑁄𑀕𑀲𑀺𑀤𑁆𑀥𑀺𑀁 𑀲𑁄𑀥𑀬𑀺, 𑀲𑀤𑀸 𑀲𑀧𑁆𑀧𑀜𑁆𑀜𑀕𑁄𑀘𑀭𑀁.

𑀇𑀫𑀁 𑀮𑀺𑀔𑀺𑀢𑀧𑀼𑀜𑁆𑀜𑁂𑀦, 𑀫𑁂𑀢𑁆𑀢𑁂𑀓𑁆𑀬𑀁 𑀉𑀧𑀲𑀁𑀓𑀫𑀺;

𑀧𑀢𑀺𑀝𑁆𑀞𑀳𑀺𑀢𑁆𑀯𑀸 𑀲𑀭𑀡𑁂, 𑀲𑀼𑀧𑁆𑀧𑀢𑀺𑀝𑁆𑀞𑀸𑀫𑀺 𑀲𑀸𑀲𑀦𑁂𑀢𑀺.