📜

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀲𑀼𑀢𑁆𑀢𑀦𑁆𑀢𑀧𑀺𑀝𑀓

𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂

𑀲𑀁𑀕𑀸𑀬𑀦𑀲𑁆𑀲 𑀧𑀼𑀘𑁆𑀙𑀸 𑀯𑀺𑀲𑁆𑀲𑀚𑁆𑀚𑀦𑀸

𑀧𑀼𑀘𑁆𑀙𑀸 𑁋 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀆𑀯𑀼𑀲𑁄 𑀥𑀫𑁆𑀫𑀲𑀁𑀕𑀸𑀳𑀓𑀸 𑀫𑀳𑀸𑀓𑀲𑁆𑀲𑀧𑀸𑀤𑀬𑁄 𑀫𑀳𑀸𑀣𑁂𑀭𑀯𑀭𑀸 𑀧𑁄𑀭𑀸𑀡𑀲𑀁𑀕𑀻𑀢𑀺𑀓𑀸𑀭𑀸 𑀧𑀞𑀫𑀁 𑀯𑀺𑀦𑀬𑀧𑀺𑀝𑀓𑀁 𑀲𑀁𑀕𑀸𑀬𑀺𑀢𑁆𑀯𑀸 𑀲𑀼𑀢𑁆𑀢𑀦𑁆𑀢𑀧𑀺𑀝𑀓𑁂 𑀘 𑀤𑀻𑀖𑀫𑀚𑁆𑀛𑀺𑀫𑀲𑀁𑀬𑀼𑀢𑁆𑀢𑀲𑀗𑁆𑀔𑀸𑀢𑁂 𑀢𑀬𑁄 𑀦𑀺𑀓𑀸𑀬𑁂 𑀲𑀁𑀕𑀸𑀬𑀺𑀢𑁆𑀯𑀸 𑀢𑀤𑀦𑀦𑁆𑀢𑀭𑀁 𑀓𑀺𑀁 𑀦𑀸𑀫 𑀧𑀸𑀯𑀘𑀦𑀁 𑀲𑀁𑀕𑀸𑀬𑀺𑀁𑀲𑀼.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀪𑀦𑁆𑀢𑁂 𑀥𑀫𑁆𑀫𑀲𑀁𑀕𑀸𑀳𑀓𑀸 𑀫𑀳𑀸𑀓𑀲𑁆𑀲𑀧𑀸𑀤𑀬𑁄 𑀫𑀳𑀸𑀣𑁂𑀭𑀯𑀭𑀸 𑀧𑁄𑀭𑀸𑀡𑀲𑀁𑀕𑀻𑀢𑀺𑀓𑀸𑀭𑀸 𑀧𑀞𑀫𑀁 𑀯𑀺𑀦𑀬𑀁 𑀲𑀁𑀕𑀸𑀬𑀺𑀢𑁆𑀯𑀸 𑀲𑀼𑀢𑁆𑀢𑀦𑁆𑀢𑀧𑀺𑀝𑀓𑁂 𑀘 𑀤𑀻𑀖𑀫𑀚𑁆𑀛𑀺𑀫𑀲𑀁𑀬𑀼𑀢𑁆𑀢𑀲𑀗𑁆𑀔𑀸𑀢𑁂 𑀢𑀬𑁄 𑀦𑀺𑀓𑀸𑀬𑁂 𑀲𑀁𑀕𑀸𑀬𑀺𑀢𑁆𑀯𑀸 𑀢𑀤𑀦𑀦𑁆𑀢𑀭𑀁 𑀦𑀯𑀳𑀺 𑀘 𑀲𑀼𑀢𑁆𑀢𑀲𑀳𑀲𑁆𑀲𑁂𑀳𑀺 𑀧𑀜𑁆𑀘𑀳𑀺 𑀘 𑀲𑀼𑀢𑁆𑀢𑀲𑀢𑁆𑀢𑁂𑀳𑀺 𑀲𑀢𑁆𑀢𑀧𑀜𑁆𑀜𑀸𑀲𑀸𑀬 𑀘 𑀲𑀼𑀢𑁆𑀢𑁂𑀳𑀺 𑀧𑀝𑀺𑀫𑀡𑁆𑀟𑀺𑀢𑀁 𑀯𑀻𑀲𑀢𑀺𑀪𑀸𑀡𑀯𑀸𑀭𑀲𑀢𑀧𑀭𑀺𑀫𑀸𑀡𑀁 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑀁 𑀦𑀸𑀫 𑀧𑀸𑀯𑀘𑀦𑀁 𑀲𑀁𑀕𑀸𑀬𑀺𑀁𑀲𑀼.

𑀧𑀼𑀘𑁆𑀙𑀸 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂𑀧𑀺 𑀆𑀯𑀼𑀲𑁄 𑀏𑀓𑀓𑀦𑀺𑀧𑀸𑀢𑁄 𑀤𑀼𑀓𑀦𑀺𑀧𑀸𑀢𑁄 𑀢𑀺𑀓𑀦𑀺𑀧𑀸𑀢𑁄𑀢𑀺𑀆𑀤𑀺𑀦𑀸 𑀦𑀺𑀧𑀸𑀢𑀧𑀓𑀭𑀡𑀧𑀭𑀺𑀘𑁆𑀙𑁂𑀤𑀯𑀲𑁂𑀦 𑀏𑀓𑀸𑀤𑀲𑀯𑀺𑀥𑀸. 𑀢𑀢𑁆𑀣 𑀓𑀢𑀭𑀁 𑀦𑀺𑀧𑀸𑀢𑀧𑀓𑀭𑀡𑀁 𑀲𑀁𑀕𑀸𑀬𑀺𑀁𑀲𑀼.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀪𑀦𑁆𑀢𑁂 𑀏𑀓𑀸𑀤𑀲𑀲𑀼 𑀦𑀺𑀧𑀸𑀢𑀧𑀓𑀭𑀡𑀧𑀭𑀺𑀘𑁆𑀙𑁂𑀤𑁂𑀲𑀼 𑀏𑀓𑀓𑀦𑀺𑀧𑀸𑀢𑀁 𑀧𑀞𑀫𑀁 𑀲𑀁𑀕𑀸𑀬𑀺𑀁𑀲𑀼.

𑁧. 𑀭𑀽𑀧𑀸𑀤𑀺𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀏𑀓𑀓𑀦𑀺𑀧𑀸𑀢𑁂𑀧𑀺 𑀆𑀯𑀼𑀲𑁄 𑀭𑀽𑀧𑀸𑀤𑀺𑀯𑀕𑁆𑀕𑁄 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁄 𑀅𑀓𑀫𑁆𑀫𑀦𑀺𑀬𑀯𑀕𑁆𑀕𑁄𑀢𑀺𑀆𑀤𑀺𑀦𑀸 𑀯𑀕𑁆𑀕𑀪𑁂𑀤𑀯𑀲𑁂𑀦 𑀩𑀳𑀼𑀯𑀺𑀥𑀸. 𑀢𑀢𑁆𑀣 𑀓𑀢𑀭𑀁 𑀯𑀕𑁆𑀕𑀁 𑀧𑀞𑀫𑀁 𑀲𑀁𑀕𑀸𑀬𑀺𑀁𑀲𑀼.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀓𑀓𑀦𑀺𑀧𑀸𑀢𑁂 𑀪𑀦𑁆𑀢𑁂 𑀭𑀽𑀧𑀸𑀤𑀺𑀯𑀕𑁆𑀕𑁄 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁄𑀢𑀺𑀆𑀤𑀺𑀦𑀸 𑀯𑀻𑀲𑀢𑀺𑀬𑀸 𑀯𑀕𑁆𑀕𑁂𑀲𑀼 𑀭𑀽𑀧𑀸𑀤𑀺𑀯𑀕𑁆𑀕𑀁 𑀧𑀞𑀫𑀁 𑀲𑀁𑀕𑀸𑀬𑀺𑀁𑀲𑀼.

𑀧𑀼𑀘𑁆𑀙𑀸 𑁋 𑀲𑀸𑀥𑀼 𑀲𑀸𑀥𑀼 𑀆𑀯𑀼𑀲𑁄, 𑀫𑀬𑀫𑁆𑀧𑀺 𑀤𑀸𑀦𑀺 𑀆𑀯𑀼𑀲𑁄 𑀢𑀢𑁄𑀬𑁂𑀯 𑀧𑀝𑁆𑀞𑀸𑀬 𑀲𑀁𑀕𑀸𑀳𑀦𑀢𑁆𑀣𑀸𑀬 𑀲𑀁𑀕𑀻𑀢𑀺𑀧𑀼𑀩𑁆𑀩𑀗𑁆𑀕𑀫𑀸𑀦𑀺 𑀥𑀫𑁆𑀫𑀧𑀼𑀘𑁆𑀙𑀦𑀯𑀺𑀲𑁆𑀲𑀚𑁆𑀚𑀦𑀓𑀺𑀘𑁆𑀘𑀸𑀦𑀺 𑀆𑀯𑀳𑀺𑀢𑀼𑀁 𑀲𑀫𑀸𑀭𑀪𑀸𑀫. 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸 𑀚𑀸𑀦𑀢𑀸 𑀧𑀲𑁆𑀲𑀢𑀸 𑀅𑀭𑀳𑀢𑀸 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀭𑀽𑀧𑀸𑀤𑀺𑀯𑀕𑁆𑀕𑁂 𑀧𑀼𑀭𑀺𑀫𑀸𑀦𑀺 𑀧𑀜𑁆𑀘 𑀲𑀼𑀢𑁆𑀢𑀸𑀦𑀺 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 𑀭𑀽𑀧𑀸𑀤𑀺𑀕𑀭𑀼𑀓𑀸𑀦𑀁 𑀧𑀜𑁆𑀘𑀦𑁆𑀦𑀁 𑀧𑀼𑀭𑀺𑀲𑀸𑀦𑀁 𑀅𑀚𑁆𑀛𑀸𑀲𑀬𑀯𑀲𑁂𑀦 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀭𑀽𑀧𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀧𑀼𑀭𑀺𑀲𑀲𑁆𑀲 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀇𑀢𑁆𑀣𑀺𑀭𑀽𑀧𑀁, 𑀇𑀢𑁆𑀣𑀺𑀭𑀽𑀧𑀁 𑀪𑀺𑀓𑁆𑀔𑀯𑁂 𑀧𑀼𑀭𑀺𑀲𑀲𑁆𑀲 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀭𑀽𑀧𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀧𑀼𑀭𑀺𑀲𑀲𑁆𑀲 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀇𑀢𑁆𑀣𑀺𑀭𑀽𑀧𑀁, 𑀇𑀢𑁆𑀣𑀺𑀭𑀽𑀧𑀁 𑀪𑀺𑀓𑁆𑀔𑀯𑁂 𑀧𑀼𑀭𑀺𑀲𑀲𑁆𑀲 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺.

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀘𑁆𑀙𑀺𑀫𑀸𑀦𑀺 𑀧𑀜𑁆𑀘 𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀲𑁆𑀫𑀺𑀁𑀬𑁂𑀯 𑀪𑀦𑁆𑀢𑁂 𑀲𑀸𑀯𑀢𑁆𑀣𑀺𑀬𑀁 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 𑀭𑀽𑀧𑀸𑀤𑀺𑀕𑀭𑀼𑀓𑀸𑀦𑀁 𑀧𑀜𑁆𑀘𑀦𑁆𑀦𑀁 𑀇𑀢𑁆𑀣𑀻𑀦𑀁 𑀅𑀚𑁆𑀛𑀸𑀲𑀬𑀯𑀲𑁂𑀦 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀭𑀽𑀧𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀇𑀢𑁆𑀣𑀺𑀬𑀸 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀧𑀼𑀭𑀺𑀲𑀭𑀽𑀧𑀁, 𑀧𑀼𑀭𑀺𑀲𑀭𑀽𑀧𑀁 𑀪𑀺𑀓𑁆𑀔𑀯𑁂 𑀇𑀢𑁆𑀣𑀺𑀬𑀸 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀭𑀽𑀧𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀇𑀢𑁆𑀣𑀺𑀬𑀸 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀧𑀼𑀭𑀺𑀲𑀭𑀽𑀧𑀁, 𑀧𑀼𑀭𑀺𑀲𑀭𑀽𑀧𑀁 𑀪𑀺𑀓𑁆𑀔𑀯𑁂 𑀇𑀢𑁆𑀣𑀺𑀬𑀸 𑀘𑀺𑀢𑁆𑀢𑀁 𑀧𑀭𑀺𑀬𑀸𑀤𑀸𑀬 𑀢𑀺𑀝𑁆𑀞𑀢𑀺.

𑀦𑀻𑀢𑀢𑁆𑀣𑀯𑀲𑁂𑀦, 𑀦𑁂𑀬𑁆𑀬𑀢𑁆𑀣𑀯𑀲𑁂𑀦

𑀧𑀼𑀘𑁆𑀙𑀸 𑁋 𑀇𑀫𑀲𑁆𑀫𑀺𑀁 𑀆𑀯𑀼𑀲𑁄 𑀭𑀽𑀧𑀸𑀤𑀺𑀯𑀕𑁆𑀕𑁂 𑀪𑀕𑀯𑀢𑀸 𑀦𑀻𑀢𑀢𑁆𑀣𑀯𑀲𑁂𑀦 𑀓𑀺𑀁 𑀓𑀣𑀺𑀢𑀁, 𑀦𑁂𑀬𑁆𑀬𑀢𑁆𑀣𑀯𑀲𑁂𑀦 𑀧𑀦 𑀓𑀺𑀁 𑀜𑀸𑀧𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀫𑀲𑁆𑀫𑀺𑀁 𑀪𑀦𑁆𑀢𑁂 𑀭𑀽𑀧𑀸𑀤𑀺𑀯𑀕𑁆𑀕𑁂 𑀪𑀕𑀯𑀢𑀸 𑀦𑀻𑀢𑀢𑁆𑀣𑀯𑀲𑁂𑀦 𑀯𑀝𑁆𑀝𑀁 𑀓𑀣𑀺𑀢𑀁. 𑀦𑁂𑀬𑁆𑀬𑀢𑁆𑀣𑀯𑀲𑁂𑀦 𑀧𑀦 𑀯𑀺𑀯𑀝𑁆𑀝𑀫𑁆𑀧𑀺 𑀜𑀸𑀧𑀺𑀢𑀁.

𑁨. 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀤𑀼𑀢𑀺𑀬𑁄 𑀧𑀦 𑀆𑀯𑀼𑀲𑁄 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁄 𑀪𑀕𑀯𑀢𑀸 𑀓𑀢𑁆𑀣 𑀓𑀣𑀜𑁆𑀘 𑀪𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁂𑀦 𑀅𑀦𑀼𑀧𑁆𑀧𑀦𑁆𑀦𑁄 𑀯𑀸 𑀓𑀸𑀫𑀘𑁆𑀙𑀦𑁆𑀤𑁄 𑀉𑀧𑁆𑀧𑀚𑁆𑀚𑀢𑀺, 𑀉𑀧𑁆𑀧𑀦𑁆𑀦𑁄 𑀯𑀸 𑀓𑀸𑀫𑀘𑁆𑀙𑀦𑁆𑀤𑁄 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀲𑀼𑀪𑀦𑀺𑀫𑀺𑀢𑁆𑀢𑀁, 𑀲𑀼𑀪𑀦𑀺𑀫𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀅𑀬𑁄𑀦𑀺𑀲𑁄 𑀫𑀦𑀲𑀺𑀓𑀭𑁄𑀢𑁄 𑀅𑀦𑀼𑀧𑁆𑀧𑀦𑁆𑀦𑁄𑀘𑁂𑀯 𑀓𑀸𑀫𑀘𑁆𑀙𑀦𑁆𑀤𑁄 𑀉𑀧𑁆𑀧𑀚𑁆𑀚𑀢𑀺, 𑀉𑀧𑁆𑀧𑀦𑁆𑀦𑁄 𑀘 𑀓𑀸𑀫𑀘𑁆𑀙𑀦𑁆𑀤𑁄 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑁄.

𑀧𑀼𑀘𑁆𑀙𑀸 𑁋 𑀇𑀫𑀲𑁆𑀫𑀺𑀁 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑁂 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁂 𑀪𑀕𑀯𑀢𑀸 𑀓𑀺𑀁 𑀓𑀣𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀫𑀲𑁆𑀫𑀺𑀁 𑀧𑀦 𑀪𑀦𑁆𑀢𑁂 𑀤𑀼𑀢𑀺𑀬𑁂 𑀦𑀻𑀯𑀭𑀡𑀧𑁆𑀧𑀳𑀸𑀦𑀯𑀕𑁆𑀕𑁂 𑀪𑀕𑀯𑀢𑀸 𑀯𑀝𑁆𑀝𑀫𑁆𑀧𑀺 𑀯𑀺𑀯𑀝𑁆𑀝𑀫𑁆𑀧𑀺 𑀓𑀣𑀺𑀢𑀁.

𑁩. 𑀅𑀓𑀫𑁆𑀫𑀦𑀺𑀬𑀯

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀢𑀢𑀺𑀬𑁂 𑀅𑀓𑀫𑁆𑀫𑀦𑀺𑀬𑀯𑀕𑁆𑀕𑁂 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑀺𑀬𑁂 𑀪𑀦𑁆𑀢𑁂 𑀅𑀓𑀫𑁆𑀫𑀦𑀺𑀬𑀯𑀕𑁆𑀕𑁂 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀅𑀪𑀸𑀯𑀺𑀢𑀁 𑀅𑀓𑀫𑁆𑀫𑀦𑀺𑀬𑀁 𑀳𑁄𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀅𑀪𑀸𑀯𑀺𑀢𑀁 𑀅𑀓𑀫𑁆𑀫𑀦𑀺𑀬𑀁 𑀳𑁄𑀢𑀺. 𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀪𑀸𑀯𑀺𑀢𑀁 𑀓𑀫𑁆𑀫𑀦𑀺𑀬𑀁 𑀳𑁄𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁. 𑀘𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀪𑀸𑀯𑀺𑀢𑀁 𑀓𑀫𑁆𑀫𑀦𑀺𑀬𑀁 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑁪. 𑀅𑀤𑀦𑁆𑀢𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀘𑀢𑀼𑀢𑁆𑀣𑁂 𑀧𑀦𑀸𑀯𑀼𑀲𑁄 𑀅𑀤𑀦𑁆𑀢𑀯𑀕𑁆𑀕𑁂 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀘𑀢𑀼𑀢𑁆𑀣𑁂 𑀪𑀦𑁆𑀢𑁂 𑀅𑀤𑀦𑁆𑀢𑀯𑀕𑁆𑀕𑁂 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀅𑀤𑀦𑁆𑀢𑀁 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀅𑀤𑀦𑁆𑀢𑀁 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺. 𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀤𑀦𑁆𑀢𑀁 𑀫𑀳𑀢𑁄 𑀅𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁, 𑀘𑀺𑀢𑁆𑀢𑀁 𑀪𑀺𑀓𑁆𑀔𑀯𑁂 𑀤𑀦𑁆𑀢𑀁 𑀫𑀳𑀢𑁄 𑀅𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑁫. 𑀧𑀡𑀺𑀳𑀺𑀢𑀅𑀘𑁆𑀙𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀧𑀜𑁆𑀘𑀫𑁂 𑀆𑀯𑀼𑀲𑁄 𑀧𑀡𑀺𑀳𑀺𑀢𑀅𑀘𑁆𑀙𑀯𑀕𑁆𑀕𑁂 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀜𑁆𑀘𑀫𑁂 𑀪𑀦𑁆𑀢𑁂 𑀧𑀡𑀺𑀳𑀺𑀢𑀅𑀘𑁆𑀙𑀯𑀕𑁆𑀕𑁂 ‘‘𑀲𑁂𑀬𑁆𑀬𑀣𑀸𑀧𑀺 𑀪𑀺𑀓𑁆𑀔𑀯𑁂 𑀲𑀸𑀮𑀺𑀲𑀽𑀓𑀁 𑀯𑀸 𑀬𑀯𑀲𑀽𑀓𑀁 𑀯𑀸 𑀫𑀺𑀘𑁆𑀙𑀸𑀧𑀡𑀺𑀳𑀺𑀢𑀁 𑀳𑀢𑁆𑀣𑁂𑀦 𑀯𑀸 𑀧𑀸𑀤𑁂𑀦 𑀯𑀸 𑀅𑀓𑁆𑀓𑀦𑁆𑀢𑀁 𑀳𑀢𑁆𑀣𑀁 𑀯𑀸 𑀧𑀸𑀤𑀁 𑀯𑀸 𑀪𑁂𑀘𑁆𑀙𑀢𑀺, 𑀮𑁄𑀳𑀺𑀢𑀁 𑀯𑀸 𑀉𑀧𑁆𑀧𑀸𑀤𑁂𑀲𑁆𑀲𑀢𑀻𑀢𑀺 𑀦𑁂𑀢𑀁 𑀞𑀸𑀦 𑀯𑀺𑀚𑁆𑀚𑀢𑀺. 𑀢𑀁 𑀓𑀺𑀲𑁆𑀲𑀳𑁂𑀢𑀼, 𑀫𑀺𑀘𑁆𑀙𑀸𑀧𑀡𑀺𑀳𑀺𑀢𑀢𑁆𑀢𑀸 𑀪𑀺𑀓𑁆𑀔𑀯𑁂 𑀲𑀽𑀓𑀲𑁆𑀲. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀲𑁄 𑀯𑀢 𑀪𑀺𑀓𑁆𑀔𑀼 𑀫𑀺𑀘𑁆𑀙𑀸𑀧𑀡𑀺𑀳𑀺𑀢𑁂𑀦 𑀘𑀺𑀢𑁆𑀢𑁂𑀦 𑀅𑀯𑀺𑀚𑁆𑀚𑀁 𑀪𑁂𑀘𑁆𑀙𑀢𑀺, 𑀯𑀺𑀚𑁆𑀚𑀁 𑀉𑀧𑁆𑀧𑀸𑀤𑁂𑀲𑁆𑀲𑀢𑀺, 𑀦𑀺𑀩𑁆𑀩𑀸𑀦𑀁 𑀲𑀘𑁆𑀙𑀺𑀓𑀭𑀺𑀲𑁆𑀲𑀢𑀻𑀢𑀺 𑀦𑁂𑀢𑀁 𑀞𑀸𑀦𑀁 𑀯𑀺𑀚𑁆𑀚𑀢𑀺, 𑀢𑀁 𑀓𑀺𑀲𑁆𑀲 𑀳𑁂𑀢𑀼, 𑀫𑀺𑀘𑁆𑀙𑀸𑀧𑀡𑀺𑀳𑀺𑀢𑀢𑁆𑀢𑀸 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑁬. 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕𑁂 𑀆𑀯𑀼𑀲𑁄 𑀧𑀞𑀫 𑀤𑀼𑀢𑀺𑀬𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕𑁂 𑀪𑀦𑁆𑀢𑁂 𑀪𑀕𑀯𑀢𑀸 ‘‘𑀧𑀪𑀲𑁆𑀲𑀭𑀫𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁, 𑀢𑀜𑁆𑀘 𑀔𑁄 𑀆𑀕𑀦𑁆𑀢𑀼𑀓𑁂𑀳𑀺 𑀉𑀧𑀓𑁆𑀓𑀺𑀮𑁂𑀲𑁂𑀳𑀺 𑀉𑀧𑀓𑁆𑀓𑀺𑀮𑀺𑀝𑁆𑀞𑀁, 𑀢𑀁 𑀅𑀲𑁆𑀲𑀼𑀢𑀯𑀸 𑀧𑀼𑀣𑀼𑀚𑁆𑀚𑀦𑁄 𑀬𑀣𑀸𑀪𑀽𑀢𑀁 𑀦𑀧𑁆𑀧𑀚𑀸𑀦𑀸𑀢𑀺, 𑀢𑀲𑁆𑀫𑀸 ‘𑀅𑀲𑁆𑀲𑀼𑀢𑀯𑀢𑁄 𑀧𑀼𑀣𑀼𑀚𑁆𑀚𑀦𑀲𑁆𑀲 𑀘𑀺𑀢𑁆𑀢𑀪𑀸𑀯𑀦𑀸 𑀦𑀢𑁆𑀣𑀻’𑀢𑀺 𑀯𑀤𑀸𑀫𑀺. 𑀧𑀪𑀲𑁆𑀲𑀭𑀫𑀺𑀤𑀁 𑀪𑀺𑀓𑁆𑀔𑀯𑁂 𑀘𑀺𑀢𑁆𑀢𑀁, 𑀢𑀜𑁆𑀘 𑀔𑁄 𑀆𑀕𑀦𑁆𑀢𑀼𑀓𑁂𑀳𑀺 𑀉𑀧𑀓𑁆𑀓𑀺𑀮𑁂𑀲𑁂𑀳𑀺 𑀯𑀺𑀧𑁆𑀧𑀫𑀼𑀢𑁆𑀢𑀁, 𑀢𑀁 𑀲𑀼𑀪𑀯𑀸 𑀅𑀭𑀺𑀬𑀲𑀸𑀯𑀓𑁄 𑀬𑀣𑀸𑀪𑀽𑀢𑀁 𑀧𑀚𑀸𑀦𑀸𑀢𑀺. 𑀢𑀲𑁆𑀫𑀸 ‘𑀲𑀼𑀢𑀧𑀢𑁄 𑀅𑀭𑀺𑀬𑀲𑀸𑀯𑀓𑀲𑁆𑀲 𑀘𑀺𑀢𑁆𑀢𑀪𑀸𑀯𑀦𑀸 𑀅𑀢𑁆𑀣𑀻’𑀢𑀺 𑀯𑀤𑀸𑀫𑀻’’𑀢𑀺. 𑀏𑀯𑀁 𑀔𑁄 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀢𑀢𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀲𑀼𑀢𑁆𑀢𑀸𑀤𑀻𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑀢𑀺𑀬𑀲𑀼𑀢𑁆𑀢𑀸𑀤𑀻𑀦𑀺 𑀧𑀜𑁆𑀘𑀲𑀼𑀢𑁆𑀢𑀸𑀦𑀺 ‘‘𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀫𑀢𑁆𑀢𑀫𑁆𑀧𑀺 𑀘𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀫𑁂𑀢𑁆𑀢𑀸𑀘𑀺𑀢𑁆𑀢𑀁 𑀆𑀲𑁂𑀯𑀢𑀺, 𑀪𑀸𑀯𑁂𑀢𑀺, 𑀫𑀦𑀲𑀺𑀓𑀭𑁄𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀭𑀺𑀢𑁆𑀢𑀚𑁆𑀛𑀸𑀦𑁄 𑀯𑀺𑀳𑀭𑀢𑀺 𑀲𑀢𑁆𑀣𑀼𑀲𑀸𑀲𑀦𑀓𑀭𑁄 𑀑𑀯𑀸𑀤𑀧𑀢𑀺𑀓𑀭𑁄 𑀅𑀫𑁄𑀖𑀁 𑀭𑀝𑁆𑀞𑀧𑀺𑀡𑁆𑀟𑀁 𑀪𑀼𑀜𑁆𑀚𑀢𑀺, 𑀓𑁄 𑀧𑀦 𑀯𑀸𑀤𑁄 𑀬𑁂 𑀦𑀁 𑀩𑀳𑀼𑀮𑀻𑀓𑀭𑁄𑀦𑁆𑀢𑀺. 𑀬𑁂𑀓𑁂𑀘𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀅𑀓𑀼𑀲𑀮𑀸 𑀅𑀓𑀼𑀲𑀮𑀪𑀸𑀕𑀺𑀬𑀸 𑀅𑀓𑀼𑀲𑀮𑀧𑀓𑁆𑀔𑀺𑀓𑀸, 𑀲𑀩𑁆𑀩𑁂𑀢𑁂 𑀫𑀦𑁄𑀧𑀼𑀩𑁆𑀩𑀗𑁆𑀕𑀫𑀸, 𑀫𑀦𑁄 𑀢𑁂𑀲𑀁 𑀥𑀫𑁆𑀫𑀸𑀦𑀁 𑀧𑀞𑀫𑀁 𑀉𑀧𑁆𑀧𑀚𑁆𑀚𑀢𑀺, 𑀅𑀦𑁆𑀯𑀤𑁂𑀯 𑀅𑀓𑀼𑀲𑀮𑀸𑀥𑀫𑁆𑀫𑀸, 𑀬𑁂𑀓𑁂𑀘𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀓𑀼𑀲𑀮𑀸 𑀓𑀼𑀲𑀮𑀪𑀸𑀕𑀺𑀬𑀸 𑀓𑀼𑀲𑀮𑀧𑀓𑁆𑀔𑀺𑀓𑀸, 𑀲𑀩𑁆𑀩𑁂𑀢𑁂 𑀫𑀦𑁄𑀧𑀼𑀩𑁆𑀩𑀗𑁆𑀕𑀫𑀸, 𑀫𑀦𑁄 𑀢𑁂𑀲𑀁 𑀥𑀫𑁆𑀫𑀸𑀦𑀁 𑀧𑀞𑀫𑀁 𑀉𑀧𑁆𑀧𑀚𑁆𑀚𑀢𑀺, 𑀅𑀦𑁆𑀯𑀤𑁂𑀯 𑀓𑀼𑀲𑀮𑀸 𑀥𑀫𑁆𑀫𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀅𑀝𑁆𑀞𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫 𑀦𑀯𑀫 𑀤𑀲𑀫𑀲𑀼𑀢𑁆𑀢𑀸𑀦𑀺 𑀘 𑀯𑀻𑀭𑀺𑀬𑀸𑀭𑀫𑁆𑀪𑀸𑀤𑀺𑀯𑀕𑁆𑀕𑁂 𑀤𑀲𑀲𑀼𑀢𑁆𑀢𑀸𑀦𑀺 𑀘 𑀓𑀮𑁆𑀬𑀸𑀡𑀫𑀺𑀢𑁆𑀢𑀸𑀤𑀺𑀯𑀕𑁆𑀕𑁂 𑀧𑀞𑀫𑀲𑀼𑀢𑁆𑀢𑀜𑁆𑀘 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀅𑀝𑁆𑀞𑀫 𑀦𑀯𑀫 𑀤𑀲𑀫𑀲𑀼𑀢𑁆𑀢𑀸𑀦𑀺 𑀘 𑀯𑀻𑀭𑀺𑀬𑀸𑀭𑀫𑁆𑀪𑀸𑀤𑀺𑀯𑀕𑁆𑀕𑁂 𑀤𑀲𑀲𑀼𑀢𑁆𑀢𑀸𑀦𑀺 𑀘 𑀓𑀮𑁆𑀬𑀸𑀡𑀫𑀺𑀢𑁆𑀢𑀸𑀤𑀺𑀯𑀕𑁆𑀕𑁂 𑀧𑀞𑀫𑀲𑀼𑀢𑁆𑀢𑀜𑁆𑀘 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁂𑀦 𑀅𑀦𑀼𑀧𑁆𑀧𑀦𑁆𑀦𑀸 𑀯𑀸 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀉𑀧𑁆𑀧𑀦𑁆𑀦𑀸 𑀯𑀸 𑀓𑀼𑀲𑀮𑀸 𑀥𑀫𑁆𑀫𑀸 𑀧𑀭𑀺𑀳𑀸𑀬𑀦𑁆𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀧𑀫𑀸𑀤𑁄, 𑀧𑀫𑀢𑁆𑀢𑀲𑁆𑀲 𑀪𑀺𑀓𑁆𑀔𑀯𑁂 𑀅𑀦𑀼𑀧𑁆𑀧𑀦𑁆𑀦𑀸 𑀘𑁂𑀯 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀉𑀧𑁆𑀧𑀦𑁆𑀦𑀸 𑀘 𑀓𑀼𑀲𑀮𑀸 𑀥𑀫𑁆𑀫𑀸 𑀧𑀭𑀺𑀳𑀸𑀬𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀤𑀼𑀢𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀓𑀮𑁆𑀬𑀸𑀡𑀫𑀺𑀢𑁆𑀢𑀸𑀤𑀺𑀯𑀕𑁆𑀕𑁂 𑀆𑀯𑀼𑀲𑁄 𑀤𑀼𑀢𑀺𑀬 𑀢𑀢𑀺𑀬𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀮𑁆𑀬𑀸𑀡𑀫𑀺𑀢𑁆𑀢𑀸𑀤𑀺𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬 𑀢𑀢𑀺𑀬𑀲𑀼𑀢𑁆𑀢𑀸𑀦𑀺 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁂𑀦 𑀅𑀦𑀼𑀧𑁆𑀧𑀦𑁆𑀦𑀸 𑀯𑀸 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀉𑀧𑁆𑀧𑀦𑁆𑀦𑀸 𑀯𑀸 𑀓𑀼𑀲𑀮𑀸 𑀥𑀫𑁆𑀫𑀸 𑀧𑀭𑀺𑀳𑀸𑀬𑀦𑁆𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀅𑀦𑀼𑀬𑁄𑀕𑁄 𑀅𑀓𑀼𑀲𑀮𑀸𑀦𑀁 𑀥𑀫𑁆𑀫𑀸𑀦𑀁 𑀅𑀦𑀦𑀼𑀬𑁄𑀕𑁄 𑀓𑀼𑀲𑀮𑀸𑀦𑀁 𑀥𑀫𑁆𑀫𑀸𑀦’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀙𑀝𑁆𑀞𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀲𑀼𑀢𑁆𑀢𑀸𑀤𑀻𑀦𑀺 𑀘 𑀧𑀫𑀸𑀤𑀸𑀤𑀺𑀯𑀕𑁆𑀕𑁂 𑀧𑀞𑀫𑀲𑀼𑀢𑁆𑀢𑀜𑁆𑀘 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀙𑀝𑁆𑀞𑀲𑀼𑀢𑁆𑀢𑀸𑀤𑀻𑀦𑀺 𑀘 𑀧𑀫𑀸𑀤𑀸𑀤𑀺𑀯𑀕𑁆𑀕𑁂 𑀧𑀞𑀫𑀲𑀼𑀢𑁆𑀢𑀜𑁆𑀘 ‘‘𑀅𑀧𑁆𑀧𑀫𑀢𑁆𑀢𑀺𑀓𑀸 𑀏𑀲𑀸 𑀪𑀺𑀓𑁆𑀔𑀯𑁂 𑀧𑀭𑀺𑀳𑀸𑀦𑀺 𑀬𑀤𑀺𑀤𑀁 𑀜𑀸𑀢𑀺𑀧𑀭𑀺𑀳𑀸𑀦𑀺. 𑀏𑀢𑀁 𑀧𑀢𑀺𑀓𑀺𑀝𑁆𑀞𑀁 𑀪𑀺𑀓𑁆𑀔𑀯𑁂 𑀧𑀭𑀺𑀳𑀸𑀦𑀻𑀦𑀁 𑀬𑀤𑀺𑀤𑀁 𑀧𑀜𑁆𑀜𑀸𑀧𑀭𑀺𑀳𑀸𑀦𑀻𑀢𑀺. 𑀅𑀧𑁆𑀧𑀫𑀢𑁆𑀢𑀺𑀓𑀸 𑀏𑀲𑀸 𑀪𑀺𑀓𑁆𑀔𑀯𑁂 𑀯𑀼𑀤𑁆𑀥𑀺 𑀬𑀤𑀺𑀤𑀁 𑀜𑀸𑀢𑀺𑀯𑀼𑀤𑁆𑀥𑀺. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀯𑀼𑀤𑁆𑀥𑀻𑀦𑀁 𑀬𑀤𑀺𑀤𑀁 𑀧𑀜𑁆𑀜𑀸𑀯𑀼𑀤𑁆𑀥𑀺. 𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁 ‘𑀧𑀜𑁆𑀜𑀸𑀯𑀼𑀤𑁆𑀥𑀺𑀬𑀸 𑀯𑀤𑁆𑀥𑀺𑀲𑁆𑀲𑀸𑀫𑀸’𑀢𑀺. 𑀏𑀯𑀜𑁆𑀳𑀺 𑀯𑁄 𑀪𑀺𑀓𑁆𑀔𑀯𑁂 𑀲𑀺𑀓𑁆𑀔𑀺𑀢𑀩𑁆𑀩’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀧𑀫𑀸𑀤𑀸𑀤𑀺𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀧𑀫𑀸𑀤𑀸𑀤𑀺𑀯𑀕𑁆𑀕𑁂 𑀤𑀼𑀢𑀺𑀬𑀲𑀼𑀢𑁆𑀢𑀸𑀤𑀻𑀦𑀺 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁄 𑀏𑀯𑀁 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀧𑀫𑀸𑀤𑁄. 𑀧𑀫𑀸𑀤𑁄 𑀪𑀺𑀓𑁆𑀔𑀯𑁂 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺. 𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺, 𑀬𑁄 𑀏𑀯𑀁 𑀫𑀳𑀢𑁄 𑀅𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀅𑀧𑁆𑀧𑀫𑀸𑀤𑁄, 𑀅𑀧𑁆𑀧𑀫𑀸𑀤𑁄 𑀪𑀺𑀓𑁆𑀔𑀯𑁂 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀤𑀼𑀢𑀺𑀬 𑀧𑀫𑀸𑀤𑀸𑀤𑀺𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀤𑀼𑀢𑀺𑀬𑁂 𑀧𑀦𑀸𑀯𑀼𑀲𑁄 𑀧𑀫𑀸𑀤𑀸𑀤𑀺𑀯𑀕𑁆𑀕𑁂 𑀧𑀞𑀫𑀲𑀼𑀢𑁆𑀢𑀸𑀤𑀻𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀼𑀢𑀺𑀬𑁂 𑀪𑀦𑁆𑀢𑁂 𑀧𑀫𑀸𑀤𑀸𑀤𑀺𑀯𑀕𑁆𑀕𑁂 𑀅𑀚𑁆𑀛𑀢𑁆𑀢𑀺𑀓𑀁 𑀪𑀺𑀓𑁆𑀔𑀯𑁂 𑀅𑀗𑁆𑀕𑀦𑁆𑀢𑀺 𑀓𑀭𑀺𑀢𑁆𑀯𑀸 𑀦𑀸𑀜𑁆𑀜𑀁 𑀏𑀓𑀗𑁆𑀕𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀧𑀫𑀸𑀤𑁄. 𑀧𑀫𑀸𑀤𑁄 𑀪𑀺𑀓𑁆𑀔𑀯𑁂 𑀫𑀳𑀢𑁄 𑀅𑀦𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺. 𑀅𑀚𑁆𑀛𑀢𑁆𑀢𑀺𑀓𑀁 𑀪𑀺𑀓𑁆𑀔𑀯𑁂 𑀅𑀗𑁆𑀕𑀦𑁆𑀢𑀺 𑀓𑀭𑀺𑀢𑁆𑀯𑀸 𑀦𑀸𑀜𑁆𑀜𑀁 𑀏𑀓𑀗𑁆𑀕𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑀁 𑀏𑀯𑀁 𑀫𑀳𑀢𑁄 𑀅𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀅𑀧𑁆𑀧𑀫𑀸𑀤𑁄. 𑀅𑀧𑁆𑀧𑀫𑀸𑀤𑁄 𑀪𑀺𑀓𑁆𑀔𑀯𑁂 𑀫𑀳𑀢𑁄 𑀅𑀢𑁆𑀣𑀸𑀬 𑀲𑀁𑀯𑀢𑁆𑀢𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀤𑀲𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑁂𑀢𑁆𑀢𑀺𑀁𑀲𑀫𑀸𑀤𑀻𑀦𑀺𑀘 𑀤𑀲𑀲𑀼𑀢𑁆𑀢𑀸𑀦𑀺 𑀅𑀥𑀫𑁆𑀫𑀯𑀕𑁆𑀕𑁂 𑀘 𑀤𑀲𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑁂𑀢𑁆𑀢𑀺𑀁𑀲𑀫𑀸𑀤𑀻𑀦𑀺 𑀤𑀲𑀲𑀼𑀢𑁆𑀢𑀸𑀦𑀺 𑀘 𑀅𑀥𑀫𑁆𑀫𑀯𑀕𑁆𑀕𑁂 𑀤𑀲𑀲𑀼𑀢𑁆𑀢𑀸𑀦𑀺 𑀘 𑀬𑁂 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀅𑀥𑀫𑁆𑀫𑀁 ‘‘𑀥𑀫𑁆𑀫𑁄’’𑀢𑀺 𑀤𑀻𑀧𑁂𑀦𑁆𑀢𑀺, 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀩𑀳𑀼𑀚𑀦𑀅𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑀸 𑀩𑀳𑀼𑀚𑀦𑀅𑀲𑀼𑀔𑀸𑀬 𑀩𑀳𑀼𑀦𑁄 𑀚𑀦𑀲𑁆𑀲 𑀅𑀦𑀢𑁆𑀣𑀸𑀬 𑀅𑀳𑀺𑀢𑀸𑀬 𑀤𑀼𑀓𑁆𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁. 𑀩𑀳𑀼𑀜𑁆𑀘 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀅𑀧𑀼𑀜𑁆𑀜𑀁 𑀧𑀲𑀯𑀦𑁆𑀢𑀺, 𑀢𑁂 𑀘𑀺𑀫𑀁 𑀲𑀤𑁆𑀥𑀫𑁆𑀫𑀁 𑀅𑀦𑁆𑀢𑀭𑀥𑀸𑀧𑁂𑀦𑁆𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀘, 𑀬𑁂 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀅𑀥𑀫𑁆𑀫𑀁 ‘‘𑀅𑀥𑀫𑁆𑀫𑁄’’𑀢𑀺 𑀤𑀻𑀧𑁂𑀦𑁆𑀢𑀺, 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀩𑀳𑀼𑀚𑀦𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑀸 𑀩𑀳𑀼𑀚𑀦𑀲𑀼𑀔𑀸𑀬 𑀩𑀳𑀼𑀚𑀦𑁄 𑀚𑀦𑀲𑁆𑀲 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁. 𑀩𑀳𑀼𑀜𑁆𑀘 𑀢𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀧𑀼𑀜𑁆𑀜𑀁 𑀧𑀲𑀯𑀦𑁆𑀢𑀺, 𑀢𑁂 𑀘𑀺𑀫𑀁 𑀲𑀤𑁆𑀥𑀫𑁆𑀫𑀁 𑀞𑀧𑁂𑀦𑁆𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀘 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀏𑀓𑀧𑀼𑀕𑁆𑀕𑀮𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀏𑀓𑀧𑀼𑀕𑁆𑀕𑀮𑀯𑀕𑁆𑀕𑁂 𑀆𑀯𑀼𑀲𑁄 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀓𑀧𑀼𑀕𑁆𑀕𑀮𑀯𑀕𑁆𑀕𑁂 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀓𑀧𑀼𑀕𑁆𑀕𑀮𑁄 𑀪𑀺𑀓𑁆𑀔𑀯𑁂 𑀮𑁄𑀓𑁂 𑀉𑀧𑁆𑀧𑀚𑁆𑀚𑀫𑀸𑀦𑁄 𑀉𑀧𑁆𑀧𑀚𑁆𑀚𑀢𑀺 𑀩𑀳𑀼𑀚𑀦𑀳𑀺𑀢𑀸𑀬 𑀩𑀳𑀼𑀚𑀦𑀲𑀼𑀔𑀸𑀬 𑀮𑁄𑀓𑀸𑀦𑀼𑀓𑀫𑁆𑀧𑀸𑀬 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁. 𑀓𑀢𑀫𑁄 𑀏𑀓𑀧𑀼𑀕𑁆𑀕𑀮𑁄, 𑀢𑀣𑀸𑀕𑀢𑁄 𑀅𑀭𑀳𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄, 𑀅𑀬𑀁 𑀔𑁄 𑀪𑀺𑀓𑁆𑀔𑀯𑁂 𑀏𑀓𑀧𑀼𑀕𑁆𑀕𑀮𑁄 𑀮𑁄𑀓𑁂 𑀉𑀧𑁆𑀧𑀚𑁆𑀚𑀫𑀸𑀦𑁄 𑀉𑀧𑁆𑀧𑀚𑁆𑀚𑀢𑀺 𑀩𑀳𑀼𑀚𑀦𑀳𑀺𑀢𑀸𑀬 𑀩𑀳𑀼𑀚𑀦𑀲𑀼𑀔𑀸𑀬 𑀮𑁄𑀓𑀸𑀦𑀼𑀓𑀫𑁆𑀧𑀸𑀬 𑀅𑀢𑁆𑀣𑀸𑀬 𑀳𑀺𑀢𑀸𑀬 𑀲𑀼𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀦𑁆𑀢𑀺 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀏𑀢𑀤𑀕𑁆𑀕𑀯𑀕𑁆𑀕

𑀅𑀜𑁆𑀜𑀸𑀲𑀺𑀓𑁄𑀡𑁆𑀟𑀜𑁆𑀜 𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀏𑀢𑀤𑀯𑀕𑁆𑀕𑁂 𑀆𑀯𑀼𑀲𑁄 𑀆𑀕𑀢𑁂𑀲𑀼 𑀏𑀓𑀘𑀢𑁆𑀢𑀸𑀮𑀻𑀲𑀸𑀬 𑀣𑁂𑀭𑁂𑀲𑀼 𑀆𑀬𑀲𑁆𑀫𑀸 𑀅𑀜𑁆𑀜𑀸𑀲𑀺𑀓𑁄𑀡𑁆𑀟𑀜𑁆𑀜𑀢𑁆𑀣𑁂𑀭𑁄 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀪𑀦𑁆𑀢𑁂 𑀆𑀕𑀢𑁂𑀲𑀼 𑀏𑀓𑀘𑀢𑁆𑀢𑀸𑀮𑀻𑀲𑀸𑀬 𑀫𑀳𑀸𑀣𑁂𑀭𑁂𑀲𑀼 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀭𑀢𑁆𑀢𑀜𑁆𑀜𑀽𑀦𑀁 𑀬𑀤𑀺𑀤𑀁 𑀅𑀜𑁆𑀜𑀸𑀲𑀺𑀓𑁄𑀡𑁆𑀟𑀜𑁆𑀜𑁄’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀆𑀬𑀲𑁆𑀫𑀸 𑀅𑀜𑁆𑀜𑀸𑀲𑀺𑀓𑁄𑀡𑁆𑀟𑀜𑁆𑀜𑀢𑁆𑀣𑁂𑀭𑁄 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀅𑀕𑁆𑀕𑀲𑀸𑀯𑀓𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑁂𑀲𑀼 𑀏𑀓𑀘𑀢𑁆𑀢𑀸𑀮𑀻𑀲𑀸𑀬 𑀫𑀳𑀸𑀣𑁂𑀭𑁂𑀲𑀼 𑀆𑀬𑀲𑁆𑀫𑀸 𑀘 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁄 𑀥𑀫𑁆𑀫𑀲𑁂𑀦𑀸𑀧𑀢𑀺 𑀧𑀞𑀫𑁄 𑀅𑀕𑁆𑀕𑀲𑀸𑀯𑀓𑁄 𑀆𑀬𑀲𑁆𑀫𑀸 𑀘 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑀢𑁆𑀣𑁂𑀭𑁄 𑀤𑀼𑀢𑀺𑀬𑁄 𑀅𑀕𑁆𑀕𑀲𑀸𑀯𑀓𑁄 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁄 𑀥𑀫𑁆𑀫𑀲𑁂𑀦𑀸𑀧𑀢𑀺 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀫𑀳𑀸𑀧𑀜𑁆𑀜𑀸𑀦𑀁 𑀬𑀤𑀺𑀤𑀁 𑀲𑀸𑀭𑀺𑀧𑀼𑀢𑁆𑀢𑁄’’𑀢𑀺. 𑀆𑀬𑀲𑁆𑀫𑀸 𑀧𑀦 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑀢𑁆𑀣𑁂𑀭𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀇𑀤𑁆𑀥𑀺𑀫𑀦𑁆𑀢𑀸𑀦𑀁 𑀬𑀤𑀺𑀤𑀁 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑁄’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀇𑀤𑀁 𑀢𑁂 𑀆𑀲𑀦𑀁 𑀯𑀻𑀭, 𑀧𑀜𑁆𑀜𑀢𑁆𑀢𑀁 𑀢𑀯𑀦𑀼𑀘𑁆𑀙𑀯𑀺𑀁;

𑀫𑀫 𑀘𑀺𑀢𑁆𑀢𑀁 𑀧𑀲𑀸𑀤𑁂𑀦𑁆𑀢𑁄, 𑀦𑀺𑀲𑀻𑀤 𑀧𑀼𑀧𑁆𑀨𑀫𑀸𑀲𑀦𑁂.

𑀬𑁂 𑀯𑀢 𑀮𑁄𑀓𑁂 𑀅𑀭𑀳𑀦𑁆𑀢𑁄 𑀯𑀸 𑀅𑀭𑀳𑀢𑁆𑀢𑀫𑀕𑁆𑀕𑀁 𑀯𑀸 𑀲𑀫𑀸𑀧𑀦𑁆𑀦𑀸, 𑀅𑀬𑀁 𑀢𑁂𑀲𑀁 𑀪𑀺𑀓𑁆𑀔𑀼 𑀅𑀜𑁆𑀜𑀢𑀭𑁄.

𑀬𑀁𑀦𑀽𑀦𑀸𑀳𑀁 𑀇𑀫𑀁 𑀪𑀺𑀓𑁆𑀔𑀼𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀧𑀜𑁆𑀳𑀁 𑀧𑀼𑀘𑁆𑀙𑁂𑀬𑁆𑀬𑀁.

𑀬𑁂 𑀥𑀫𑁆𑀫𑀸 𑀳𑁂𑀢𑀼𑀧𑁆𑀧𑀪𑀯𑀸,

𑀢𑁂𑀲𑀁 𑀳𑁂𑀢𑀼𑀁 𑀢𑀣𑀸𑀕𑀢𑁄;

𑀆𑀳 𑀢𑁂𑀲𑀜𑁆𑀘 𑀬𑁄 𑀦𑀺𑀭𑁄𑀥𑁄,

𑀏𑀯𑀁𑀯𑀸𑀤𑀻 𑀫𑀳𑀸𑀲𑀫𑀡𑁄 𑁋

𑀮𑀪𑁂𑀬𑁆𑀬𑀸𑀫 𑀫𑀬𑀁 𑀪𑀦𑁆𑀢𑁂 𑀪𑀕𑀯𑀢𑁄 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑁆𑀚𑀁, 𑀮𑀪𑁂𑀬𑁆𑀬𑀸𑀫 𑀉𑀧𑀲𑀫𑁆𑀧𑀤𑀁.

𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀫𑀳𑀸𑀧𑀜𑁆𑀜𑀸𑀦𑀁 𑀬𑀤𑀺𑀤𑀁 𑀲𑀸𑀭𑀺𑀧𑀼𑀢𑁆𑀢𑁄.

𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀇𑀤𑁆𑀥𑀺𑀫𑀦𑁆𑀢𑀸𑀦𑀁 𑀬𑀤𑀺𑀤𑀁 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑁄.

𑀫𑀳𑀸𑀓𑀲𑁆𑀲𑀧𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀆𑀬𑀲𑁆𑀫𑀸 𑀧𑀦 𑀆𑀯𑀼𑀲𑁄 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀧𑀸𑀫𑁄𑀓𑁆𑀔𑀲𑀗𑁆𑀖𑀦𑀸𑀬𑀓𑀪𑀽𑀢𑁄 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀲𑀗𑁆𑀖𑀧𑀸𑀫𑁄𑀓𑁆𑀔𑀪𑀽𑀢𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀥𑀼𑀢𑀯𑀸𑀤𑀸𑀦𑀁 𑀬𑀤𑀺𑀤𑀁 𑀫𑀳𑀸𑀓𑀲𑁆𑀲𑀧𑁄’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑁂𑀲𑀼 𑀏𑀓𑀘𑀢𑁆𑀢𑀸𑀮𑀻𑀲𑀸𑀬 𑀫𑀳𑀸𑀣𑁂𑀭𑁂𑀲𑀼 𑀆𑀬𑀲𑁆𑀫𑀸 𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑁄 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀤𑀺𑀩𑁆𑀩𑀘𑀓𑁆𑀔𑀼𑀓𑀸𑀦𑀁 𑀬𑀤𑀺𑀤𑀁 𑀅𑀦𑀼𑀭𑀼𑀤𑁆𑀥𑁄’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀲𑀻𑀯𑀮𑀺𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀆𑀬𑀲𑁆𑀫𑀸 𑀧𑀦 𑀆𑀯𑀼𑀲𑁄 𑀲𑀻𑀯𑀮𑀺𑀢𑁆𑀣𑁂𑀭𑁄 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀲𑀻𑀯𑀮𑀺𑀢𑁆𑀣𑁂𑀭𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀮𑀸𑀪𑀻𑀦𑀁 𑀬𑀤𑀺𑀤𑀁 𑀲𑀻𑀯𑀮𑀻’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀯𑀢 𑀲𑁄 𑀪𑀕𑀯𑀸, 𑀬𑁄 𑀇𑀫𑀲𑁆𑀲 𑀏𑀯𑀭𑀽𑀧𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀳𑀸𑀦𑀸𑀬 𑀥𑀫𑁆𑀫𑀁 𑀤𑁂𑀲𑁂𑀢𑀺.

𑀲𑀼𑀧𑁆𑀧𑀝𑀺𑀧𑀦𑁆𑀦𑁄 𑀯𑀢 𑀢𑀲𑁆𑀲 𑀪𑀕𑀯𑀢𑁄 𑀲𑀸𑀯𑀓𑀲𑀗𑁆𑀖𑁄, 𑀬𑁄 𑀇𑀫𑀲𑁆𑀲 𑀏𑀯𑀭𑀽𑀧𑀲𑁆𑀲 𑀤𑀼𑀓𑁆𑀔𑀲𑁆𑀲 𑀧𑀳𑀸𑀦𑀸𑀬 𑀧𑀝𑀺𑀧𑀦𑁆𑀦𑁄.

𑀲𑀼𑀲𑀼𑀔𑀁 𑀯𑀢 𑀦𑀺𑀩𑁆𑀩𑀸𑀦𑀁, 𑀬𑀢𑁆𑀣𑀺𑀤𑀁 𑀏𑀯𑀭𑀽𑀧𑀁 𑀤𑀼𑀓𑁆𑀔𑀁 𑀦 𑀲𑀁𑀯𑀺𑀚𑁆𑀚𑀢𑀺 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀮𑀸𑀪𑀻𑀦𑀁 𑀬𑀤𑀺𑀤𑀁 𑀲𑀻𑀯𑀮𑀺’’ 𑀳𑀼 𑁋

𑀆𑀦𑀦𑁆𑀤𑀸𑀣𑁂𑀭𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀆𑀬𑀲𑁆𑀫𑀸 𑀧𑀦 𑀆𑀯𑀼𑀲𑁄 𑀆𑀦𑀦𑁆𑀤𑀢𑁆𑀣𑁂𑀭𑁄 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀥𑀫𑁆𑀫𑀯𑀺𑀲𑁆𑀲𑀚𑁆𑀚𑀓𑀣𑁂𑀭𑀪𑀽𑀢𑁄 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀆𑀦𑀦𑁆𑀤𑀢𑁆𑀣𑁂𑀭𑁄 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀥𑀫𑁆𑀫𑀯𑀺𑀲𑁆𑀲𑀚𑁆𑀚𑀓𑀪𑀽𑀢𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀩𑀳𑀼𑀲𑁆𑀲𑀼𑀢𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀲𑀢𑀺𑀫𑀦𑁆𑀢𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀕𑀢𑀺𑀫𑀦𑁆𑀢𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀥𑀺𑀢𑀺𑀫𑀦𑁆𑀢𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀉𑀧𑀝𑁆𑀞𑀸𑀓𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀧𑀜𑁆𑀘𑀲𑀼 𑀏𑀢𑀤𑀕𑁆𑀕𑀝𑁆𑀞𑀸𑀦𑁂𑀲𑀼 𑀞𑀧𑀺𑀢𑁄.

𑀲𑀢𑀲𑀳𑀲𑁆𑀲𑁂𑀦 𑀫𑁂 𑀓𑀻𑀢𑀁,

𑀲𑀢𑀲𑀳𑀲𑁆𑀲𑁂𑀦 𑀫𑀸𑀧𑀺𑀢𑀁;

𑀲𑁄𑀪𑀦𑀁 𑀦𑀸𑀫 𑀉𑀬𑁆𑀬𑀸𑀦𑀁;

𑀧𑀝𑀺𑀕𑁆𑀕𑀡𑁆𑀳 𑀫𑀳𑀸𑀫𑀼𑀦𑀺 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀩𑀳𑀼𑀲𑁆𑀲𑀼𑀢𑀸𑀦𑀁. 𑀲𑀢𑀺𑀫𑀦𑁆𑀢𑀸𑀦𑀁. 𑀕𑀢𑀺𑀫𑀦𑁆𑀢𑀸𑀦𑀁. 𑀥𑀺𑀢𑀺𑀫𑀦𑁆𑀢𑀸𑀦𑀁. 𑀉𑀧𑀝𑁆𑀞𑀸𑀓𑀸𑀦𑀁 𑀬𑀤𑀺𑀤𑀁 𑀆𑀦𑀦𑁆𑀤𑁄’’ 𑁋

𑀉𑀧𑀸𑀮𑀺𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑁂𑀲𑀼 𑀏𑀓𑀘𑀢𑁆𑀢𑀸𑀮𑀻𑀲𑀸𑀬 𑀫𑀳𑀸𑀣𑁂𑀭𑁂𑀲𑀼 𑀆𑀬𑀲𑁆𑀫𑀸 𑀉𑀧𑀸𑀮𑀺𑀢𑁆𑀣𑁂𑀭𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀯𑀺𑀦𑀬𑀯𑀺𑀲𑁆𑀲𑀚𑁆𑀚𑀓𑀪𑀽𑀢𑁄 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀉𑀧𑀸𑀮𑀺𑀢𑁆𑀣𑁂𑀭𑁄 𑀧𑀞𑀫𑀫𑀳𑀸𑀲𑀁𑀕𑀻𑀢𑀺𑀓𑀸𑀮𑁂 𑀯𑀺𑀦𑀬𑀯𑀺𑀲𑁆𑀲𑀚𑁆𑀚𑀓𑀪𑀽𑀢𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀪𑀺𑀓𑁆𑀔𑀽𑀦𑀁 𑀯𑀺𑀦𑀬𑀥𑀭𑀸𑀦𑀁 𑀬𑀤𑀺𑀤𑀁 𑀉𑀧𑀸𑀮𑀻’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀦𑀬𑁄 𑀯𑀸𑀲𑀬𑁄 𑀫𑀬𑁆𑀳𑀁,

𑀯𑀺𑀦𑀬𑁄 𑀞𑀸𑀦𑀘𑀗𑁆𑀓𑀫𑀁;

𑀓𑀧𑁆𑀧𑁂𑀫𑀺 𑀯𑀺𑀦𑀬𑁂 𑀯𑀸𑀲𑀁,

𑀯𑀺𑀦𑀬𑁄 𑀫𑀫 𑀕𑁄𑀘𑀭𑁄.

𑀫𑀳𑀸𑀧𑀚𑀸𑀧𑀢𑀺𑀕𑁄𑀢𑀫𑀻𑀣𑁂𑀭𑀻𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀯𑀼𑀲𑁄 𑀆𑀕𑀢𑀸𑀲𑀼 𑀢𑁂𑀭𑀲𑀲𑀼 𑀣𑁂𑀭𑀻𑀲𑀼 𑀫𑀳𑀸𑀧𑀚𑀸𑀧𑀢𑀺 𑀕𑁄𑀢𑀫𑀻𑀣𑁂𑀭𑀻 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀪𑀦𑁆𑀢𑁂 𑀆𑀕𑀢𑀸𑀲𑀼 𑀢𑁂𑀭𑀲𑀲𑀼 𑀣𑁂𑀭𑀻𑀲𑀼 𑀫𑀳𑀸𑀧𑀚𑀸𑀧𑀢𑀺𑀕𑁄𑀢𑀫𑀻𑀣𑁂𑀭𑀻 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀭𑀢𑁆𑀢𑀜𑁆𑀜𑀽𑀦𑀁 𑀬𑀤𑀺𑀤𑀁 𑀫𑀳𑀸𑀧𑀚𑀸𑀧𑀢𑀺 𑀕𑁄𑀢𑀫𑀻’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀭𑀢𑁆𑀢𑀜𑁆𑀜𑀽𑀦𑀁 𑀬𑀤𑀺𑀤𑀁 𑀫𑀳𑀸𑀧𑀚𑀸𑀧𑀢𑀺𑀕𑁄𑀢𑀫𑀻’’ 𑁋

𑀧𑀼𑀘𑁆𑀙𑀸 𑁋 𑀔𑁂𑀫𑀸𑀣𑁂𑀭𑀻 𑀧𑀦 𑀆𑀯𑀼𑀲𑁄 𑀅𑀕𑁆𑀕𑀲𑀸𑀯𑀺𑀓𑀸 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀔𑁂𑀫𑀸𑀣𑁂𑀭𑀻 𑀪𑀦𑁆𑀢𑁂 𑀧𑀞𑀫𑀸 𑀅𑀕𑁆𑀕𑀲𑀸𑀯𑀺𑀓𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀫𑀳𑀸𑀧𑀜𑁆𑀜𑀸𑀦𑀁 𑀬𑀤𑀺𑀤𑀁 𑀔𑁂𑀫𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀬𑁂 𑀭𑀸𑀕𑀭𑀢𑁆𑀢𑀸𑀦𑀼𑀧𑀢𑀦𑁆𑀢𑀺 𑀲𑁄𑀢𑀁,

𑀲𑀬𑀁𑀓𑀢𑀁 𑀫𑀓𑁆𑀓𑀝𑁄𑀯 𑀚𑀸𑀮𑀁,

𑀏𑀢𑀫𑁆𑀧𑀺 𑀙𑁂𑀢𑁆𑀯𑀸𑀦 𑀯𑀚𑀦𑁆𑀢𑀺 𑀥𑀻𑀭𑀸;

𑀅𑀦𑀧𑁂𑀓𑁆𑀔𑀺𑀦𑁄 𑀲𑀩𑁆𑀩𑀤𑀼𑀓𑁆𑀔𑀁 𑀧𑀳𑀸𑀬’’ 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀫𑀳𑀸𑀧𑀜𑁆𑀜𑀸𑀦𑀁 𑀬𑀤𑀺𑀤𑀁 𑀔𑁂𑀫𑀸’’ 𑁋

𑀧𑀼𑀘𑁆𑀙𑀸 𑁋 𑀉𑀧𑁆𑀧𑀮𑀯𑀡𑁆𑀡𑀸 𑀧𑀦 𑀆𑀯𑀼𑀲𑁄 𑀣𑁂𑀭𑀻 𑀤𑀼𑀢𑀺𑀬𑀅𑀕𑁆𑀕𑀲𑀸𑀯𑀺𑀓𑀸 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀉𑀧𑁆𑀧𑀮𑀯𑀡𑁆𑀡𑀸 𑀪𑀦𑁆𑀢𑁂 𑀣𑁂𑀭𑀻 𑀤𑀼𑀢𑀺𑀬𑀅𑀕𑁆𑀕𑀲𑀸𑀯𑀺𑀓𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀇𑀤𑁆𑀥𑀺𑀫𑀦𑁆𑀢𑀻𑀦𑀁 𑀬𑀤𑀺𑀤𑀁 𑀉𑀧𑁆𑀧𑀮𑀯𑀡𑁆𑀡𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀇𑀤𑁆𑀥𑀺𑀫𑀦𑁆𑀢𑀻𑀦𑀁 𑀬𑀤𑀺𑀤𑀁 𑀉𑀧𑁆𑀧𑀮𑀯𑀡𑁆𑀡𑀸’’ 𑁋

𑀧𑀝𑀸𑀘𑀸𑀭𑀸𑀣𑁂𑀭𑀻𑀪𑀺𑀓𑁆𑀔𑀼𑀦𑀻𑀫𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑀸𑀲𑀼 𑀢𑁂𑀭𑀲𑀲𑀼 𑀣𑁂𑀭𑀻𑀲𑀼 𑀧𑀝𑀸𑀘𑀸𑀭𑀸𑀦𑀸𑀫 𑀣𑁂𑀭𑀻 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀪𑀦𑁆𑀢𑁂 𑀆𑀕𑀢𑀸𑀲𑀼 𑀢𑁂𑀭𑀲𑀲𑀼 𑀣𑁂𑀭𑀺𑀓𑀸𑀲𑀼 𑀧𑀝𑀸𑀘𑀸𑀭𑀸 𑀣𑁂𑀭𑀻 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀯𑀺𑀦𑀬𑀥𑀭𑀸𑀦𑀁 𑀬𑀤𑀺𑀤𑀁 𑀧𑀝𑀸𑀘𑀸𑀭𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀉𑀪𑁄 𑀧𑀼𑀢𑁆𑀢𑀸 𑀓𑀸𑀮𑀗𑁆𑀓𑀢𑀸,

𑀧𑀦𑁆𑀣𑁂 𑀫𑀬𑁆𑀳𑀁 𑀧𑀢𑀻 𑀫𑀢𑁄;

𑀫𑀸𑀢𑀸𑀧𑀺𑀢𑀸 𑀘 𑀪𑀸𑀢𑀸 𑀘,

𑀏𑀓𑀘𑀺𑀢𑀓𑀲𑁆𑀫𑀺𑀁 𑀟𑀬𑁆𑀳𑀭𑁂’’ 𑁋

‘‘𑀘𑀢𑀽𑀲𑀼 𑀲𑀫𑀼𑀤𑁆𑀤𑁂𑀲𑀼 𑀚𑀮𑀁 𑀧𑀭𑀺𑀢𑁆𑀢𑀓𑀁,

𑀢𑀢𑁄 𑀩𑀳𑀼𑀁 𑀅𑀲𑁆𑀲𑀼𑀚𑀮𑀁 𑀅𑀦𑀧𑁆𑀧𑀓𑀁;

𑀤𑀼𑀓𑁆𑀔𑁂𑀦 𑀨𑀼𑀝𑁆𑀞𑀲𑁆𑀲 𑀦𑀭𑀲𑁆𑀲 𑀲𑁄𑀘𑀦𑀸,

𑀓𑀺𑀁 𑀓𑀸𑀭𑀡𑀸 𑀅𑀫𑁆𑀫 𑀢𑀼𑀯𑀁 𑀧𑀫𑀚𑁆𑀚𑀲𑀺’’ 𑁋

‘‘𑀦 𑀲𑀦𑁆𑀢𑀺 𑀧𑀼𑀢𑁆𑀢𑀸 𑀢𑀸𑀡𑀸𑀬,

𑀦 𑀧𑀺𑀢𑀸 𑀦𑀸𑀧𑀺 𑀩𑀦𑁆𑀥𑀯𑀸;

𑀅𑀦𑁆𑀢𑀓𑁂𑀦𑀸𑀥𑀺𑀧𑀦𑁆𑀦𑀲𑁆𑀲,

𑀦𑀢𑁆𑀣𑀺 𑀜𑀸𑀢𑀻𑀲𑀼 𑀢𑀸𑀡𑀢𑀸;

𑀏𑀢𑀫𑀢𑁆𑀣𑀯𑀲𑀁 𑀜𑀢𑁆𑀯𑀸, 𑀧𑀡𑁆𑀟𑀺𑀢𑁄 𑀲𑀻𑀮𑀲𑀁𑀯𑀼𑀢𑁄;

𑀦𑀺𑀩𑁆𑀩𑀸𑀦𑀕𑀫𑀦𑀁 𑀫𑀕𑁆𑀕𑀁, 𑀔𑀺𑀧𑁆𑀧𑀫𑁂𑀯 𑀯𑀺𑀲𑁄𑀥𑀬𑁂’’ 𑁋

‘‘𑀬𑁄 𑀘 𑀯𑀲𑁆𑀲𑀲𑀢𑀁 𑀚𑀻𑀯𑁂,

𑀅𑀧𑀲𑁆𑀲𑀁 𑀉𑀤𑀬𑀩𑁆𑀩𑀬𑀁;

𑀏𑀓𑀸𑀳𑀁 𑀚𑀻𑀯𑀺𑀢𑀁 𑀲𑁂𑀬𑁆𑀬𑁄,

𑀧𑀲𑁆𑀲𑀢𑁄 𑀉𑀤𑀬𑀩𑁆𑀩𑀬𑀁’’ 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀯𑀺𑀦𑀬𑀥𑀭𑀸𑀦𑀁 𑀬𑀤𑀺𑀤𑀁 𑀧𑀝𑀸𑀘𑀸𑀭𑀸’’ 𑁋

𑀥𑀫𑁆𑀫𑀤𑀺𑀦𑁆𑀦𑀸𑀣𑁂𑀭𑀻𑀪𑀺𑀓𑁆𑀔𑀼𑀦𑀻𑀫𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀥𑀫𑁆𑀫𑀤𑀺𑀦𑁆𑀦𑀸 𑀧𑀦 𑀆𑀯𑀼𑀲𑁄 𑀣𑁂𑀭𑀻 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀥𑀫𑁆𑀫𑀤𑀺𑀦𑁆𑀦𑀸 𑀪𑀦𑁆𑀢𑁂 𑀣𑁂𑀭𑀻 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀥𑀫𑁆𑀫𑀓𑀣𑀺𑀓𑀸𑀦𑀁 𑀬𑀤𑀺𑀤𑀁 𑀥𑀫𑁆𑀫𑀤𑀺𑀦𑁆𑀦𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀬𑀲𑁆𑀲 𑀧𑀼𑀭𑁂 𑀘 𑀧𑀘𑁆𑀙𑀸 𑀘,

𑀫𑀚𑁆𑀛𑁂𑀘 𑀦𑀢𑁆𑀣𑀺 𑀓𑀺𑀜𑁆𑀘𑀦𑀁;

𑀅𑀓𑀺𑀜𑁆𑀘𑀦𑀁 𑀅𑀦𑀸𑀤𑀸𑀦𑀁,

𑀢𑀫𑀳𑀁 𑀩𑁆𑀭𑀽𑀫𑀺 𑀩𑁆𑀭𑀸𑀳𑁆𑀫𑀡𑀁’’ 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀥𑀫𑁆𑀫𑀓𑀣𑀺𑀓𑀸𑀦𑀁 𑀬𑀤𑀺𑀤𑀁 𑀥𑀫𑁆𑀫𑀤𑀺𑀦𑁆𑀦𑀸’’ 𑁋

𑀬𑀲𑁄𑀥𑀭𑀸𑀣𑁂𑀭𑀻𑀪𑀺𑀓𑁆𑀔𑀼𑀦𑀻𑀫𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀪𑀤𑁆𑀤𑀓𑀘𑁆𑀘𑀸𑀦𑀸𑀦𑀸𑀫 𑀆𑀯𑀼𑀲𑁄 𑀬𑀲𑁄𑀥𑀭𑀸𑀣𑁂𑀭𑀻 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀪𑀤𑁆𑀤𑀓𑀘𑁆𑀘𑀸𑀦𑀸 𑀪𑀦𑁆𑀢𑁂 𑀬𑀲𑁄𑀥𑀭𑀸𑀣𑁂𑀭𑀻 𑀪𑀕𑀯𑀢𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀫𑀳𑀸𑀪𑀺𑀜𑁆𑀜𑀧𑀢𑁆𑀢𑀸𑀦𑀁 𑀬𑀤𑀺𑀤𑀁 𑀪𑀤𑁆𑀤𑀓𑀘𑁆𑀘𑀸𑀦𑀸’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀪𑀺𑀓𑁆𑀔𑀼𑀦𑀻𑀦𑀁 𑀫𑀳𑀸𑀪𑀺𑀜𑁆𑀜𑀧𑀢𑁆𑀢𑀸𑀦𑀁 𑀬𑀤𑀺𑀤𑀁 𑀪𑀤𑁆𑀤𑀓𑀘𑁆𑀘𑀸𑀦𑀸’’ 𑁋

𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑁂𑀲𑀼 𑀏𑀓𑀸𑀤𑀲𑀲𑀼 𑀉𑀧𑀸𑀲𑀓𑁂𑀲𑀼 𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀸𑀦𑀸𑀫 𑀯𑀸𑀡𑀺𑀚𑀸 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀸 𑀪𑀦𑁆𑀢𑁂 𑀯𑀸𑀡𑀺𑀚𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀧𑀞𑀫𑀁 𑀲𑀭𑀡𑀁 𑀕𑀘𑁆𑀙𑀦𑁆𑀢𑀸𑀦𑀁 𑀬𑀤𑀺𑀤𑀁 𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀸 𑀯𑀸𑀡𑀺𑀚𑀸’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑁂 𑀪𑀦𑁆𑀢𑁂 𑀫𑀬𑀁 𑀪𑀕𑀯𑀦𑁆𑀢𑀁 𑀲𑀭𑀡𑀁 𑀕𑀘𑁆𑀙𑀸𑀫 𑀥𑀫𑁆𑀫𑀜𑁆𑀘, 𑀉𑀧𑀸𑀲𑀓𑁂 𑀦𑁄 𑀪𑀕𑀯𑀸 𑀥𑀸𑀭𑁂𑀢𑀼 𑀅𑀚𑁆𑀚𑀢𑀕𑁆𑀕𑁂 𑀧𑀸𑀡𑀼𑀧𑁂𑀢𑁂 𑀲𑀭𑀡𑀁 𑀕𑀢𑁂’’ 𑀳𑀼 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀧𑀞𑀫𑀁 𑀲𑀭𑀡𑀁 𑀕𑀘𑁆𑀙𑀦𑁆𑀢𑀸𑀦𑀁 𑀬𑀤𑀺𑀤𑀁 𑀢𑀧𑀼𑀲𑁆𑀲𑀪𑀮𑁆𑀮𑀺𑀓𑀸 𑀯𑀸𑀡𑀺𑀚𑀸’’ 𑁋

𑀅𑀦𑀸𑀣𑀧𑀺𑀡𑁆𑀟𑀓𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸 𑀅𑀭𑀳𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑁂𑀲𑀼 𑀏𑀓𑀸𑀤𑀲𑀲𑀼 𑀉𑀧𑀸𑀲𑀓𑁂𑀲𑀼 𑀲𑀼𑀤𑀢𑁆𑀢𑁄 𑀕𑀳𑀧𑀢𑀺 𑀅𑀦𑀸𑀣𑀧𑀺𑀡𑁆𑀟𑀺𑀓𑁄 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀪𑀦𑁆𑀢𑁂 𑀆𑀕𑀢𑁂𑀲𑀼 𑀏𑀓𑀸𑀤𑀲𑀲𑀼 𑀉𑀧𑀸𑀲𑀓𑁂𑀲𑀼 𑀲𑀼𑀤𑀢𑁆𑀢𑁄 𑀕𑀳𑀧𑀢𑀺 𑀅𑀦𑀸𑀣𑀧𑀺𑀡𑁆𑀟𑀺𑀓𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀤𑀸𑀬𑀓𑀸𑀦𑀁 𑀬𑀤𑀺𑀤𑀁 𑀲𑀼𑀤𑀢𑁆𑀢𑁄 𑀕𑀳𑀧𑀢𑀺 𑀅𑀦𑀸𑀣𑀧𑀺𑀡𑁆𑀟𑀺𑀓𑁄’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀤𑀸𑀬𑀓𑀸𑀦𑀁 𑀬𑀤𑀺𑀤𑀁 𑀲𑀼𑀤𑀢𑁆𑀢𑁄 𑀕𑀳𑀧𑀢𑀺 𑀅𑀦𑀸𑀣𑀧𑀺𑀡𑁆𑀟𑀺𑀓𑁄𑁋

𑀲𑀽𑀭𑀫𑁆𑀩𑀝𑁆𑀞𑀉𑀧𑀸𑀲𑀓𑀸𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀲𑀽𑀭𑀫𑁆𑀩𑀝𑁆𑀞𑁄 𑀦𑀸𑀫 𑀆𑀯𑀼𑀲𑁄 𑀉𑀧𑀸𑀲𑀓𑁄 𑀪𑀕𑀯𑀢𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀽𑀭𑀫𑁆𑀩𑀝𑁆𑀞𑁄 𑀉𑀧𑀸𑀲𑀓𑁄 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀅𑀯𑁂𑀘𑁆𑀘𑀧𑁆𑀧𑀲𑀦𑁆𑀦𑀸𑀦𑀁 𑀬𑀤𑀺𑀤𑀁 𑀲𑀽𑀭𑀫𑁆𑀩𑀝𑁆𑀞𑁄’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑁄.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀓𑀸𑀦𑀁 𑀅𑀯𑁂𑀘𑁆𑀘𑀧𑁆𑀧𑀲𑀦𑁆𑀦𑀸𑀦𑀁 𑀬𑀤𑀺𑀤𑀁 𑀲𑀽𑀭𑀫𑁆𑀩𑀝𑁆𑀞𑁄’’ 𑀳𑀼 𑁋

𑀲𑀼𑀚𑀸𑀢𑀸 𑀉𑀧𑀸𑀲𑀺𑀓𑀸𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀯𑀼𑀲𑁄 𑀆𑀕𑀢𑀸𑀲𑀼 𑀤𑀲𑀲𑀼 𑀉𑀧𑀸𑀲𑀺𑀓𑀸𑀲𑀼 𑀲𑀼𑀚𑀸𑀢𑀸𑀦𑀸𑀫 𑀉𑀧𑀸𑀲𑀺𑀓𑀸 𑀲𑁂𑀦𑀺𑀬𑀥𑀻𑀢𑀸 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀼𑀚𑀸𑀢𑀸 𑀪𑀦𑁆𑀢𑁂 𑀲𑁂𑀦𑀺𑀬𑀥𑀻𑀢𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀧𑀞𑀫𑀁 𑀲𑀭𑀡𑀁 𑀕𑀘𑁆𑀙𑀦𑁆𑀢𑀻𑀦𑀁 𑀬𑀤𑀺𑀤𑀁 𑀲𑀼𑀚𑀸𑀢𑀸 𑀲𑁂𑀦𑀺𑀬𑀥𑀻𑀢𑀸’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀸 𑀫𑀬𑀁 𑀪𑀦𑁆𑀢𑁂 𑀪𑀕𑀯𑀦𑁆𑀢𑀁 𑀲𑀭𑀡𑀁 𑀕𑀘𑁆𑀙𑀸𑀫 𑀥𑀫𑁆𑀫𑀜𑁆𑀘 𑀪𑀺𑀓𑁆𑀔𑀼𑀲𑀗𑁆𑀖𑀜𑁆𑀘, 𑀉𑀧𑀸𑀲𑀺𑀓𑀸𑀬𑁄 𑀦𑁄 𑀪𑀕𑀯𑀸 𑀥𑀸𑀭𑁂𑀢𑀼 𑀅𑀚𑁆𑀚𑀢𑀕𑁆𑀕𑁂 𑀧𑀸𑀡𑀼𑀧𑁂𑀢𑀸 𑀲𑀭𑀡𑀁 𑀕𑀢𑀸’’ 𑀳𑀼 𑁋

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀧𑀞𑀫𑀁 𑀲𑀭𑀡𑀁 𑀕𑀘𑁆𑀙𑀦𑁆𑀢𑀻𑀦𑀁 𑀬𑀤𑀺𑀤𑀁 𑀲𑀼𑀚𑀸𑀢𑀸 𑀲𑁂𑀦𑀺𑀬𑀥𑀻𑀢𑀸’’ 𑁋

𑀯𑀺𑀲𑀸𑀔𑀸 𑀉𑀧𑀸𑀲𑀺𑀓𑀸𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀯𑀺𑀲𑀸𑀔𑀸 𑀧𑀦 𑀆𑀯𑀼𑀲𑁄 𑀉𑀧𑀸𑀲𑀺𑀓𑀸 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀯𑀺𑀲𑀸𑀔𑀸 𑀪𑀦𑁆𑀢𑁂 𑀉𑀧𑀸𑀲𑀺𑀓𑀸 𑀫𑀺𑀕𑀸𑀭𑀫𑀸𑀢𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀤𑀸𑀬𑀺𑀓𑀸𑀦𑀁 𑀬𑀤𑀺𑀤𑀁 𑀯𑀺𑀲𑀸𑀔𑀸 𑀫𑀺𑀕𑀸𑀭𑀫𑀸𑀢𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀤𑀸𑀬𑀺𑀓𑀸𑀦𑀁 𑀬𑀤𑀺𑀤𑀁 𑀯𑀺𑀲𑀸𑀔𑀸 𑀫𑀺𑀕𑀸𑀭𑀫𑀸𑀢𑀸’’ 𑀳𑀼 𑁋

𑀔𑀼𑀚𑁆𑀚𑀼𑀢𑁆𑀢𑀭𑀸 𑀉𑀧𑀸𑀲𑀺𑀓𑀸𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀏𑀓𑀓𑀦𑀺𑀧𑀸𑀢𑁂 𑀏𑀢𑀤𑀕𑁆𑀕𑀯𑀕𑁆𑀕𑁂 𑀆𑀕𑀢𑀸𑀲𑀼 𑀤𑀲𑀲𑀼 𑀉𑀧𑀸𑀲𑀺𑀓𑀸𑀲𑀼 𑀔𑀼𑀚𑁆𑀚𑀼𑀢𑁆𑀢𑀭𑀸𑀦𑀸𑀫 𑀉𑀧𑀸𑀲𑀺𑀓𑀸 𑀓𑀣𑀁 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀢𑀤𑀕𑁆𑀕𑀯𑀕𑁆𑀕𑁂 𑀪𑀦𑁆𑀢𑁂 𑀆𑀕𑀢𑀸𑀲𑀼 𑀤𑀲𑀲𑀼 𑀉𑀧𑀸𑀲𑀺𑀓𑀸𑀲𑀼 𑀔𑀼𑀚𑁆𑀚𑀼𑀢𑁆𑀢𑀭𑀸 𑀉𑀧𑀸𑀲𑀺𑀓𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀩𑀳𑀼𑀲𑁆𑀲𑀼𑀢𑀸𑀦𑀁 𑀬𑀤𑀺𑀤𑀁 𑀔𑀼𑀚𑁆𑀚𑀼𑀢𑁆𑀢𑀭𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀩𑀳𑀼𑀲𑁆𑀲𑀼𑀢𑀸𑀦𑀁 𑀬𑀤𑀺𑀤𑀁 𑀔𑀼𑀚𑁆𑀚𑀼𑀢𑁆𑀢𑀭𑀸’’ 𑀳𑀼 𑁋

𑀓𑀸𑀴𑀻𑀉𑀧𑀸𑀲𑀺𑀓𑀸𑀯𑀢𑁆𑀣𑀼

𑀧𑀼𑀘𑁆𑀙𑀸 𑁋 𑀓𑀸𑀴𑀻𑀦𑀸𑀫 𑀆𑀯𑀼𑀲𑁄 𑀉𑀧𑀸𑀲𑀺𑀓𑀸 𑀓𑀼𑀭𑀭𑀖𑀭𑀺𑀓𑀸 𑀓𑀣𑀁 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀸𑀴𑀻 𑀪𑀦𑁆𑀢𑁂 𑀉𑀧𑀸𑀲𑀺𑀓𑀸 𑀓𑀼𑀭𑀭𑀖𑀭𑀺𑀓𑀸 ‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀅𑀦𑀼𑀲𑁆𑀲𑀯𑀧𑁆𑀧𑀲𑀦𑁆𑀦𑀸𑀦𑀁 𑀬𑀤𑀺𑀤𑀁 𑀓𑀸𑀴𑀻 𑀉𑀧𑀸𑀲𑀺𑀓𑀸 𑀓𑀼𑀭𑀭𑀖𑀭𑀺𑀓𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀏𑀢𑀤𑀕𑁆𑀕𑀝𑁆𑀞𑀸𑀦𑁂 𑀞𑀧𑀺𑀢𑀸.

‘‘𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀫𑀫 𑀲𑀸𑀯𑀺𑀓𑀸𑀦𑀁 𑀉𑀧𑀸𑀲𑀺𑀓𑀸𑀦𑀁 𑀅𑀦𑀼𑀲𑁆𑀲𑀯𑀧𑁆𑀧𑀲𑀦𑁆𑀦𑀸𑀦𑀁 𑀬𑀤𑀺𑀤𑀁 𑀓𑀸𑀴𑀻 𑀉𑀧𑀸𑀲𑀺𑀓𑀸 𑀓𑀼𑀭𑀭𑀖𑀭𑀺𑀓𑀸’’ 𑁋

𑀅𑀝𑁆𑀞𑀸𑀦𑀧𑀸𑀴𑀺

𑀧𑀼𑀘𑁆𑀙𑀸 𑁋 𑀲𑀓𑀮𑀸𑀧𑀺 𑀆𑀯𑀼𑀲𑁄 𑀅𑀝𑁆𑀞𑀸𑀦𑀧𑀸𑀴𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀝𑁆𑀞𑀸𑀦𑀫𑁂𑀢𑀁 𑀪𑀺𑀓𑁆𑀔𑀯𑁂 𑀅𑀦𑀯𑀓𑀸𑀲𑁄, 𑀬𑀁 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀜𑁆𑀘𑀺𑀲𑀗𑁆𑀔𑀸𑀭𑀁 𑀦𑀺𑀘𑁆𑀘𑀢𑁄 𑀉𑀧𑀕𑀘𑁆𑀙𑁂𑀬𑁆𑀬, 𑀦𑁂𑀢𑀁 𑀞𑀸𑀦𑀁 𑀯𑀺𑀚𑁆𑀚𑀢𑀺. 𑀞𑀸𑀦𑀜𑁆𑀘 𑀔𑁄 𑀏𑀢𑀁 𑀪𑀺𑀓𑁆𑀔𑀯𑁂 𑀯𑀺𑀚𑁆𑀚𑀢𑀺, 𑀬𑀁 𑀧𑀼𑀣𑀼𑀚𑁆𑀚𑀦𑁄 𑀓𑀜𑁆𑀘𑀺𑀲𑀗𑁆𑀔𑀸𑀭𑀁 𑀦𑀺𑀘𑁆𑀘𑀢𑁄 𑀉𑀧𑀕𑀘𑁆𑀙𑁂𑀬𑁆𑀬, 𑀞𑀸𑀦𑀫𑁂𑀢𑀁 𑀯𑀺𑀚𑁆𑀚𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀲𑀓𑀮𑀸𑀧𑀺 𑀅𑀝𑁆𑀞𑀸𑀦𑀧𑀸𑀴𑀺 𑀪𑀸𑀲𑀺𑀢𑀸.

𑀏𑀓𑀥𑀫𑁆𑀫𑀧𑀸𑀴𑀺 𑀧𑀞𑀫𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀏𑀓𑀥𑀫𑁆𑀫𑀧𑀸𑀴𑀺𑀬𑀁 𑀆𑀯𑀼𑀲𑁄 𑀧𑀞𑀫𑀯𑀕𑁆𑀕𑁂 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸 𑀪𑀕𑀯𑀢𑀸 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀏𑀓𑀥𑀫𑁆𑀫𑀧𑀸𑀴𑀺𑀬𑀁 𑀪𑀦𑁆𑀢𑁂 𑀧𑀞𑀫𑀯𑀕𑁆𑀕𑁂 ‘‘𑀏𑀓𑀥𑀫𑁆𑀫𑁄 𑀪𑀺𑀓𑁆𑀔𑀯𑁂 𑀪𑀸𑀯𑀺𑀢𑁄 𑀩𑀳𑀼𑀮𑀻𑀓𑀢𑁄 𑀏𑀓𑀦𑁆𑀢𑀦𑀺𑀩𑁆𑀩𑀺𑀤𑀸𑀬 𑀯𑀺𑀭𑀸𑀕𑀸𑀬 𑀦𑀺𑀭𑁄𑀥𑀸𑀬 𑀉𑀧𑀲𑀫𑀸𑀬 𑀅𑀪𑀺𑀜𑁆𑀜𑀸𑀬 𑀲𑀫𑁆𑀩𑁄𑀥𑀸𑀬 𑀦𑀺𑀩𑁆𑀩𑀸𑀦𑀸𑀬 𑀲𑀁𑀯𑀢𑁆𑀢𑀢𑀺. 𑀓𑀢𑀫𑁄 𑀏𑀓𑀥𑀫𑁆𑀫𑁄, 𑀩𑀼𑀤𑁆𑀥𑀸𑀦𑀼𑀲𑁆𑀲𑀢𑀺, 𑀅𑀬𑀁 𑀔𑁄 𑀪𑀺𑀓𑁆𑀔𑀯𑁂 𑀏𑀓𑀥𑀫𑁆𑀫𑁄 𑀪𑀸𑀯𑀺𑀢𑁄 𑀩𑀳𑀼𑀮𑀻𑀓𑀢𑁄 𑀏𑀓𑀦𑁆𑀢𑀦𑀺𑀩𑁆𑀩𑀺𑀤𑀸𑀬 𑀯𑀺𑀭𑀸𑀕𑀸𑀬 𑀦𑀺𑀭𑁄𑀥𑀸𑀬 𑀉𑀧𑀲𑀫𑀸𑀬 𑀅𑀪𑀺𑀜𑁆𑀜𑀸𑀬 𑀲𑀫𑁆𑀩𑁄𑀥𑀸𑀬 𑀦𑀺𑀩𑁆𑀩𑀸𑀦𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸 𑀤𑁂𑀲𑀺𑀢𑀸.

𑀧𑀼𑀘𑁆𑀙𑀸 𑁋 𑀤𑀼𑀢𑀺𑀬𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀼𑀢𑀺𑀬𑀯𑀕𑁆𑀕𑁂 𑀪𑀦𑁆𑀢𑁂 𑀪𑀕𑀯𑀢𑀸 ‘‘𑀦𑀸𑀳𑀁 𑀪𑀺𑀓𑁆𑀔𑀯𑁂 𑀅𑀜𑁆𑀜𑀁 𑀏𑀓𑀥𑀫𑁆𑀫𑀫𑁆𑀧𑀺 𑀲𑀫𑀦𑀼𑀧𑀲𑁆𑀲𑀸𑀫𑀺, 𑀬𑁂𑀦 𑀅𑀦𑀼𑀧𑁆𑀧𑀦𑁆𑀦𑀸 𑀯𑀸 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀉𑀧𑁆𑀧𑀦𑁆𑀦𑀸 𑀯𑀸 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀦𑁆𑀢𑀺, 𑀬𑀣𑀬𑀺𑀤𑀁 𑀪𑀺𑀓𑁆𑀔𑀯𑁂 𑀫𑀺𑀘𑁆𑀙𑀸𑀤𑀺𑀝𑁆𑀞𑀺. 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀓𑀲𑁆𑀲 𑀪𑀺𑀓𑁆𑀔𑀯𑁂 𑀅𑀦𑀼𑀧𑁆𑀧𑀦𑁆𑀦𑀸 𑀘𑁂𑀯 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀉𑀧𑁆𑀧𑀦𑁆𑀦𑀸 𑀘 𑀅𑀓𑀼𑀲𑀮𑀸 𑀥𑀫𑁆𑀫𑀸 𑀪𑀺𑀬𑁆𑀬𑁄𑀪𑀸𑀯𑀸𑀬 𑀯𑁂𑀧𑀼𑀮𑁆𑀮𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺. 𑀏𑀯𑀫𑀸𑀤𑀺𑀓𑀸 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀢𑀢𑀺𑀬𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀢𑀢𑀺𑀬𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀜𑁆𑀘𑀫𑀸𑀤𑀻𑀦𑀺 𑀅𑀝𑁆𑀞 𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑀺𑀬𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀸𑀤𑀻𑀦𑀺 𑀅𑀝𑁆𑀞𑀲𑀼𑀢𑁆𑀢𑀸𑀦𑀺 ‘‘𑀤𑀼𑀭𑀓𑁆𑀔𑀸𑀢𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀯𑀺𑀦𑀬𑁂 𑀬𑁄 𑀘 𑀲𑀫𑀸𑀤𑀧𑁂𑀢𑀺, 𑀬𑀜𑁆𑀘 𑀲𑀫𑀸𑀤𑀧𑁂𑀢𑀺, 𑀬𑁄 𑀘 𑀲𑀫𑀸𑀤𑀧𑀺𑀢𑁄 𑀢𑀣𑀢𑁆𑀢𑀸𑀬 𑀧𑀝𑀺𑀧𑀚𑁆𑀚𑀢𑀺. 𑀲𑀩𑁆𑀩𑁂𑀢𑁂 𑀩𑀳𑀼𑀁 𑀅𑀧𑀼𑀜𑁆𑀜𑀁 𑀧𑀲𑀯𑀦𑁆𑀢𑀺. 𑀢𑀁𑀓𑀺𑀲𑁆𑀲𑀳𑁂𑀢𑀼, 𑀤𑀼𑀭𑀓𑁆𑀔𑀸𑀪𑀢𑁆𑀢𑀸 𑀪𑀺𑀓𑁆𑀔𑀯𑁂 𑀥𑀫𑁆𑀫𑀲𑁆𑀲. 𑀲𑁆𑀯𑀸𑀓𑁆𑀔𑀸𑀢𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀯𑀺𑀦𑀬𑁂 𑀬𑁄 𑀘 𑀲𑀫𑀸𑀤𑀧𑁂𑀢𑀺, 𑀬𑀜𑁆𑀘 𑀲𑀫𑀸𑀤𑀧𑁂𑀢𑀺, 𑀬𑁄 𑀘 𑀲𑀫𑀸𑀤𑀧𑀺𑀢𑁄, 𑀢𑀣𑀢𑁆𑀢𑀸𑀬 𑀧𑀝𑀺𑀧𑀚𑁆𑀚𑀢𑀺, 𑀲𑀩𑁆𑀩𑁂𑀢𑁂 𑀩𑀳𑀼𑀁 𑀧𑀼𑀜𑁆𑀜𑀁 𑀧𑀲𑀯𑀦𑁆𑀢𑀺. 𑀢𑀁𑀓𑀺𑀲𑁆𑀲𑀳𑁂𑀢𑀼 𑀲𑁆𑀯𑀸𑀓𑁆𑀔𑀸𑀢𑀢𑁆𑀢𑀸 𑀪𑀺𑀓𑁆𑀔𑀯𑁂 𑀥𑀫𑁆𑀫𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀅𑀧𑀭 𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀅𑀧𑀭𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀧𑀭𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀯𑀕𑁆𑀕𑁂 𑀪𑀦𑁆𑀢𑁂 ‘‘𑀅𑀘𑁆𑀙𑀭𑀸𑀲𑀗𑁆𑀖𑀸𑀢𑀫𑀢𑁆𑀢𑀫𑁆𑀧𑀺 𑀘𑁂 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀧𑀞𑀫𑀁 𑀛𑀸𑀦𑀁 𑀪𑀸𑀯𑁂𑀢𑀺, 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀭𑀺𑀢𑁆𑀢𑀚𑁆𑀛𑀸𑀦𑁄 𑀯𑀺𑀳𑀭𑀢𑀺 𑀲𑀢𑁆𑀣𑀼𑀲𑀸𑀲𑀦𑀓𑀭𑁄 𑀑𑀯𑀸𑀤𑀧𑀢𑀺𑀓𑀭𑁄 𑀅𑀫𑁄𑀖𑀁 𑀭𑀝𑁆𑀞𑀧𑀺𑀡𑁆𑀟𑀁 𑀪𑀼𑀜𑁆𑀚𑀢𑀺, 𑀓𑁄 𑀧𑀦 𑀯𑀸𑀤𑁄 𑀬𑁂 𑀦𑀁 𑀩𑀳𑀼𑀮𑀻𑀓𑀭𑁄𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀓𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀓𑀸𑀬𑀕𑀢𑀸𑀲𑀢𑀺𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀲𑀓𑀮𑁄𑀧𑀺 𑀆𑀯𑀼𑀲𑁄 𑀓𑀸𑀬𑀕𑀢𑀸𑀲𑀢𑀺𑀯𑀕𑁆𑀕𑁄 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀬𑀲𑁆𑀲 𑀓𑀲𑁆𑀲𑀘𑀺 𑀪𑀺𑀓𑁆𑀔𑀯𑁂 𑀫𑀳𑀸𑀲𑀫𑀼𑀤𑁆𑀤𑁄 𑀘𑁂𑀢𑀲𑀸 𑀨𑀼𑀝𑁄, 𑀅𑀦𑁆𑀢𑁄𑀕𑀥𑀸 𑀢𑀲𑁆𑀲 𑀓𑀼𑀦𑁆𑀦𑀤𑀺𑀬𑁄 𑀬𑀸𑀓𑀸𑀘𑀺 𑀲𑀫𑀼𑀤𑁆𑀤𑀗𑁆𑀕𑀫𑀸, 𑀏𑀯𑀫𑁂𑀯 𑀪𑀺𑀓𑁆𑀔𑀯𑁂 𑀬𑀲𑁆𑀲 𑀓𑀲𑁆𑀲𑀘𑀺 𑀓𑀸𑀬𑀕𑀢𑀸𑀲𑀢𑀺 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸, 𑀅𑀦𑁆𑀢𑁄𑀕𑀥𑀸 𑀢𑀲𑁆𑀲 𑀓𑀼𑀲𑀮𑀸 𑀥𑀫𑁆𑀫𑀸 𑀬𑁂𑀓𑁂𑀘𑀺 𑀯𑀺𑀚𑁆𑀚𑀸𑀪𑀸𑀕𑀺𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀲𑀓𑀮𑁄𑀧𑀺 𑀓𑀸𑀬𑀕𑀢𑀸𑀲𑀢𑀺𑀯𑀕𑁆𑀕𑁄 𑀪𑀸𑀲𑀺𑀢𑁄.

𑀅𑀫𑀢𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀲𑀓𑀮𑁄𑀧𑀺 𑀆𑀯𑀼𑀲𑁄 𑀅𑀫𑀢𑀯𑀕𑁆𑀕𑁄 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀫𑀢𑀁 𑀢𑁂 𑀪𑀺𑀓𑁆𑀔𑀯𑁂 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀺, 𑀬𑁂 𑀓𑀸𑀬𑀕𑀢𑀸𑀲𑀢𑀺𑀁 𑀦 𑀧𑀭𑀺𑀪𑀼𑀜𑁆𑀚𑀦𑁆𑀢𑀺. 𑀅𑀫𑀢𑀁 𑀢𑁂 𑀪𑀺𑀓𑁆𑀔𑀯𑁂 𑀧𑀭𑀺𑀪𑀼𑀜𑁆𑀚𑀦𑁆𑀢𑀺, 𑀬𑁂 𑀓𑀸𑀬𑀕𑀢𑀸𑀲𑀢𑀺𑀁 𑀧𑀭𑀺𑀪𑀼𑀜𑁆𑀚𑀦𑁆𑀢𑀺. 𑀅𑀫𑀢𑀁 𑀢𑁂 𑀪𑀺𑀓𑁆𑀔𑀯𑁂 𑀅𑀧𑀭𑀺𑀪𑀼𑀢𑁆𑀢𑀁, 𑀬𑁂𑀲𑀁 𑀓𑀸𑀬𑀕𑀢𑀸𑀲𑀢𑀺 𑀅𑀧𑀭𑀺𑀪𑀼𑀢𑁆𑀢𑀸. 𑀅𑀫𑀢𑀁 𑀢𑁂 𑀪𑀺𑀓𑁆𑀔𑀯𑁂 𑀧𑀭𑀺𑀪𑀼𑀢𑁆𑀢𑀁, 𑀬𑁂𑀲𑀁 𑀓𑀸𑀬𑀕𑀢𑀸𑀲𑀢𑀺 𑀧𑀭𑀺𑀪𑀼𑀢𑁆𑀢𑀸𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀲𑀓𑀮𑁄𑀧𑀺 𑀅𑀫𑀢𑀯𑀕𑁆𑀕𑁄 𑀪𑀸𑀲𑀺𑀢𑁄.

𑀓𑀫𑁆𑀫𑀓𑀭𑀡𑀯𑀕𑁆𑀕, 𑀯𑀚𑁆𑀚𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀤𑀼𑀓𑀦𑀺𑀧𑀸𑀢𑁂 𑀓𑀫𑁆𑀫𑀓𑀭𑀡𑀯𑀕𑁆𑀕𑁂 𑀧𑀞𑀫𑀁 𑀯𑀚𑁆𑀚𑀲𑀼𑀢𑁆𑀢𑀁 𑀓𑀢𑁆𑀣 𑀓𑀲𑁆𑀲 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸𑀦𑀁 𑀪𑀺𑀓𑁆𑀔𑀽𑀦𑀁 ‘‘𑀤𑁆𑀯𑁂𑀫𑀸𑀦𑀺 𑀪𑀺𑀓𑁆𑀔𑀯𑁂 𑀯𑀚𑁆𑀚𑀸𑀦𑀺. 𑀓𑀢𑀫𑀸𑀦𑀺 𑀤𑁆𑀯𑁂 𑀤𑀺𑀝𑁆𑀞𑀥𑀫𑁆𑀫𑀺𑀓𑀜𑁆𑀘 𑀯𑀚𑁆𑀚𑀁 𑀲𑀫𑁆𑀧𑀭𑀸𑀬𑀺𑀓𑀜𑁆𑀘 𑀯𑀚𑁆𑀚’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁 ‘‘𑀤𑀺𑀝𑁆𑀞𑀥𑀫𑁆𑀫𑀺𑀓𑀲𑁆𑀲 𑀯𑀚𑁆𑀚𑀲𑁆𑀲 𑀪𑀸𑀬𑀺𑀲𑁆𑀲𑀸𑀫, 𑀲𑀫𑁆𑀧𑀭𑀸𑀬𑀺𑀓𑀲𑁆𑀲 𑀯𑀚𑁆𑀚𑀲𑁆𑀲 𑀪𑀸𑀬𑀺𑀲𑁆𑀲𑀸𑀫, 𑀯𑀚𑁆𑀚𑀪𑀻𑀭𑀼𑀦𑁄 𑀪𑀯𑀺𑀲𑁆𑀲𑀸𑀫 𑀯𑀚𑁆𑀚𑀪𑀬𑀤𑀲𑁆𑀲𑀸𑀯𑀺𑀦𑁄’’𑀢𑀺. 𑀏𑀯𑀜𑁆𑀳𑀺 𑀔𑁄 𑀪𑀺𑀓𑁆𑀔𑀯𑁂 𑀲𑀺𑀓𑁆𑀔𑀺𑀢𑀩𑁆𑀩𑀁.

𑀧𑀥𑀸𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀧𑀥𑀸𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀲𑁆𑀲 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁𑀬𑁂𑀯 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸𑀦𑀁 𑀪𑀺𑀓𑁆𑀔𑀽𑀦𑀁 ‘‘𑀤𑁆𑀯𑁂𑀫𑀸𑀦𑀺 𑀪𑀺𑀓𑁆𑀔𑀯𑁂 𑀧𑀥𑀸𑀦𑀸𑀦𑀺 𑀤𑀼𑀭𑀪𑀺𑀲𑀫𑁆𑀪𑀯𑀸𑀦𑀺 𑀮𑁄𑀓𑀲𑁆𑀫𑀺𑀁. 𑀓𑀢𑀫𑀸𑀦𑀺 𑀤𑁆𑀯𑁂, 𑀬𑀜𑁆𑀘 𑀕𑀺𑀳𑀻𑀦𑀁 𑀅𑀕𑀸𑀭𑀁 𑀅𑀚𑁆𑀛𑀸𑀯𑀲𑀢𑀁 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑀸𑀦𑀼𑀧𑁆𑀧𑀸𑀤𑀦𑀢𑁆𑀣𑀁 𑀧𑀥𑀸𑀦𑀁, 𑀬𑀜𑁆𑀘 𑀅𑀕𑀸𑀭𑀲𑁆𑀫𑀸 𑀅𑀦𑀕𑀸𑀭𑀺𑀬𑀁 𑀧𑀩𑁆𑀩𑀚𑀺𑀢𑀸𑀦𑀁 𑀲𑀩𑁆𑀩𑀽𑀧𑀥𑀺𑀧𑀝𑀺𑀦𑀺𑀲𑁆𑀲𑀕𑁆𑀕𑀢𑁆𑀢𑀁 𑀧𑀥𑀸𑀦𑀁. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀧𑀥𑀸𑀦𑀸𑀦𑀺 𑀤𑀼𑀭𑀪𑀺𑀲𑀫𑁆𑀪𑀯𑀸𑀦𑀺 𑀮𑁄𑀓𑀲𑁆𑀫𑀺’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀧𑀦𑀻𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀧𑀦𑀻𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀢𑀧𑀦𑀻𑀬𑀸. 𑀓𑀢𑀫𑁂 𑀤𑁆𑀯𑁂, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑀲𑁆𑀲 𑀓𑀸𑀬𑀤𑀼𑀘𑁆𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀓𑀸𑀬 𑀲𑀼𑀘𑀭𑀺𑀢𑀁, 𑀯𑀘𑀻𑀤𑀼𑀘𑁆𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀯𑀘𑀻𑀲𑀼𑀘𑀭𑀺𑀢𑀁, 𑀫𑀦𑁄𑀤𑀼𑀘𑁆𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀫𑀦𑁄𑀲𑀼𑀘𑀭𑀺𑀢𑀁. 𑀲𑁄 ‘‘𑀓𑀸𑀬𑀤𑀼𑀘𑁆𑀘𑀭𑀺𑀢𑀁 𑀫𑁂 𑀓𑀢’’𑀦𑁆𑀢𑀺 𑀢𑀧𑁆𑀧𑀢𑀺, ‘‘𑀅𑀓𑀢𑀁 𑀫𑁂 𑀓𑀸𑀬𑀲𑀼𑀘𑀭𑀺𑀢’’𑀦𑁆𑀢𑀺 𑀢𑀧𑁆𑀧𑀢𑀺. 𑀯𑀘𑀻𑀤𑀼𑀘𑁆𑀘𑀭𑀺𑀢𑀁 (𑀧) ‘‘𑀫𑀦𑁄𑀤𑀼𑀘𑁆𑀘𑀭𑀺𑀢𑀁 𑀫𑁂 𑀓𑀢’’𑀦𑁆𑀢𑀺 𑀢𑀧𑁆𑀧𑀢𑀺, ‘‘𑀅𑀓𑀢𑀁 𑀫𑁂 𑀫𑀦𑁄𑀲𑀼𑀘𑀭𑀺𑀢’’𑀦𑁆𑀢𑀺 𑀢𑀧𑁆𑀧𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀥𑀫𑁆𑀫𑀸 𑀢𑀧𑀦𑀻𑀬𑀸𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀢𑀧𑀦𑀻𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀘𑀢𑀼𑀢𑁆𑀣𑀁 𑀧𑀦 𑀆𑀯𑀼𑀲𑁄 𑀅𑀢𑀧𑀦𑀻𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀘𑀢𑀼𑀢𑁆𑀣𑀁 𑀪𑀦𑁆𑀢𑁂 𑀅𑀢𑀧𑀦𑀻𑀬𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀅𑀢𑀧𑀦𑀻𑀬𑀸. 𑀓𑀢𑀫𑁂 𑀤𑁆𑀯𑁂, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑀲𑁆𑀲 𑀓𑀸𑀬𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑀁. 𑀯𑀘𑀻𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀯𑀘𑀻𑀤𑀼𑀘𑁆𑀘𑀭𑀺𑀢𑀁. 𑀫𑀦𑁄𑀲𑀼𑀘𑀭𑀺𑀢𑀁 𑀓𑀢𑀁 𑀳𑁄𑀢𑀺, 𑀅𑀓𑀢𑀁 𑀳𑁄𑀢𑀺 𑀫𑀦𑁄𑀤𑀼𑀘𑁆𑀘𑀭𑀺𑀢𑀁. 𑀲𑁄 ‘𑀓𑀸𑀬𑀲𑀼𑀘𑀭𑀺𑀢𑀁 𑀫𑁂 𑀓𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺, ‘𑀅𑀓𑀢𑀁 𑀫𑁂 𑀓𑀸𑀬𑀤𑀼𑀘𑁆𑀘𑀭𑀺𑀢’𑀦𑁆𑀢𑀺 𑀦𑀢𑀧𑁆𑀧𑀢𑀺. ‘𑀯𑀘𑀻𑀲𑀼𑀘𑀭𑀺𑀢𑀁…𑀧𑁂… 𑀫𑀦𑁄𑀲𑀼𑀘𑀭𑀺𑀢𑀁 𑀫𑁂 𑀓𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺. ‘𑀅𑀓𑀢𑀁 𑀫𑁂 𑀫𑀦𑁄𑀤𑀼𑀘𑁆𑀘𑀭𑀺𑀢’𑀦𑁆𑀢𑀺 𑀦 𑀢𑀧𑁆𑀧𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀥𑀫𑁆𑀫𑀸 𑀅𑀢𑀧𑀦𑀻𑀬𑀸’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀧𑀜𑁆𑀜𑀸𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀧𑀜𑁆𑀘𑀫𑀁 𑀧𑀦 𑀆𑀯𑀼𑀲𑁄 𑀉𑀧𑀜𑁆𑀜𑀸𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀜𑁆𑀘𑀫𑀁 𑀪𑀦𑁆𑀢𑁂 𑀉𑀧𑀜𑁆𑀜𑀸𑀢𑀲𑀼𑀢𑁆𑀢𑀁 ‘‘𑀤𑁆𑀯𑀺𑀦𑁆𑀦𑀸𑀳𑀁 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸𑀦𑀁 𑀉𑀧𑀜𑁆𑀜𑀸𑀲𑀺𑀁. 𑀬𑀸 𑀘 𑀅𑀲𑀦𑁆𑀢𑀼𑀝𑁆𑀞𑀺𑀢𑀸 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼, 𑀬𑀸 𑀘 𑀅𑀧𑁆𑀧𑀝𑀺𑀯𑀸𑀦𑀺𑀢𑀸 𑀧𑀥𑀸𑀦𑀲𑁆𑀫𑀺𑀁. 𑀅𑀧𑁆𑀧𑀝𑀺𑀯𑀸𑀦𑀺 𑀲𑀼𑀤𑀸𑀳𑀁 𑀪𑀺𑀓𑁆𑀔𑀯𑁂 𑀧𑀤𑀳𑀸𑀫𑀺 ‘𑀓𑀸𑀫𑀁-𑀢𑀘𑁄 𑀘 𑀦𑁆𑀳𑀸𑀭𑀼 𑀘 𑀅𑀝𑁆𑀞𑀺 𑀘 𑀅𑀯𑀲𑀺𑀲𑁆𑀲𑀢𑀼 𑀉𑀧𑀲𑀼𑀲𑁆𑀲𑀢𑀼 𑀲𑀭𑀻𑀭𑁂 𑀫𑀁𑀲𑀮𑁄𑀳𑀺𑀢𑀁, 𑀬𑀁 𑀢𑀁 𑀧𑀼𑀭𑀺𑀲𑀣𑀸𑀫𑁂𑀦 𑀧𑀼𑀭𑀺𑀲𑀯𑀻𑀭𑀺𑀬𑁂𑀦 𑀧𑀼𑀭𑀺𑀲𑀧𑀭𑀓𑁆𑀓𑀫𑁂𑀦 𑀧𑀢𑁆𑀢𑀩𑁆𑀩𑀁, 𑀦 𑀢𑀁 𑀅𑀧𑀸𑀧𑀼𑀡𑀺𑀢𑁆𑀯𑀸 𑀯𑀻𑀭𑀺𑀬𑀲𑁆𑀲 𑀲𑀡𑁆𑀞𑀸𑀦𑀁 𑀪𑀯𑀺𑀲𑁆𑀲𑀢𑀻’’𑀢𑀺. 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀭𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀦𑀯𑀫𑀁 𑀧𑀦 𑀆𑀯𑀼𑀲𑁄 𑀘𑀭𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀦𑀯𑀫𑀁 𑀪𑀦𑁆𑀢𑁂 𑀘𑀭𑀺𑀬𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀼𑀓𑁆𑀓𑀸 𑀮𑁄𑀓𑀁 𑀧𑀸𑀮𑁂𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀳𑀺𑀭𑀻𑀘 𑀑𑀢𑁆𑀢𑀧𑁆𑀧𑀜𑁆𑀘. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀲𑀼𑀓𑁆𑀓𑀸 𑀥𑀫𑁆𑀫𑀸 𑀮𑁄𑀓𑀁 𑀦 𑀧𑀸𑀮𑁂𑀬𑁆𑀬𑀼𑀁, 𑀦𑀬𑀺𑀥 𑀧𑀜𑁆𑀜𑀸𑀬𑁂𑀣 ‘𑀫𑀸𑀢𑀸’𑀢𑀺𑀯𑀸 ‘𑀫𑀸𑀢𑀼𑀘𑁆𑀙𑀸’𑀢𑀺𑀯𑀸 ‘𑀫𑀸𑀢𑀼𑀮𑀸𑀦𑀻’𑀢𑀺𑀯𑀸 ‘𑀆𑀘𑀭𑀺𑀬𑀪𑀭𑀺𑀬𑀸’𑀢𑀺𑀯𑀸 ‘𑀕𑀭𑀽𑀦𑀁 𑀤𑀸𑀭𑀸’𑀢𑀺’’𑀯𑀸𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀥𑀺𑀓𑀭𑀡𑀯𑀕𑁆𑀕, 𑀲𑀢𑁆𑀢𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀅𑀥𑀺𑀓𑀭𑀡𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀲𑀢𑁆𑀢𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀚𑀸𑀡𑀼𑀲𑁆𑀲𑁄𑀡𑀺𑀁 𑀩𑁆𑀭𑀸𑀳𑁆𑀫𑀡𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀚𑀸𑀡𑀼𑀲𑁆𑀲𑁄𑀡𑀺 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀓𑁄 𑀦𑀼 𑀔𑁄 𑀪𑁄 𑀕𑁄𑀢𑀫 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀦𑁆𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀓𑀢𑀢𑁆𑀢𑀸 𑀘 𑀩𑁆𑀭𑀸𑀳𑁆𑀫𑀡 𑀅𑀓𑀢𑀢𑁆𑀢𑀸 𑀘 𑀏𑀯𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑁄 𑀦𑀼 𑀔𑁄 𑀪𑁄 𑀕𑁄𑀢𑀫 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀦𑁆𑀢𑀺.

‘‘𑀓𑀢𑀢𑁆𑀢𑀸𑀘 𑀩𑁆𑀭𑀸𑀳𑁆𑀫𑀡 𑀅𑀓𑀢𑀢𑁆𑀢𑀸𑀘 𑀏𑀯𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀦𑁆𑀢𑀺’’ 𑁋

𑀓𑁄 𑀧𑀦 𑀪𑁄 𑀕𑁄𑀢𑀫 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀲𑀼𑀕𑀢𑀺𑀁 𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀦𑁆𑀢𑀺 𑁋

𑀓𑀢𑀢𑁆𑀢𑀸 𑀘 𑀩𑁆𑀭𑀸𑀳𑁆𑀫𑀡 𑀅𑀓𑀢𑀢𑁆𑀢𑀸 𑀘 𑀏𑀯𑀫𑀺𑀥𑁂𑀓𑀘𑁆𑀘𑁂 𑀲𑀢𑁆𑀢𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀲𑀼𑀕𑀢𑀺𑀁 𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑀦𑁆𑀢𑀺.

𑀦 𑀔𑁄 𑀅𑀳𑀁 𑀇𑀫𑀲𑁆𑀲 𑀪𑁄𑀢𑁄 𑀕𑁄𑀢𑀫𑀲𑁆𑀲 𑀲𑀁𑀔𑀺𑀢𑁆𑀢𑁂𑀦 𑀪𑀸𑀲𑀺𑀢𑀲𑁆𑀲 𑀯𑀺𑀢𑁆𑀣𑀸𑀭𑁂𑀦 𑀅𑀢𑁆𑀣𑀁 𑀅𑀯𑀺𑀪𑀢𑁆𑀢𑀲𑁆𑀲 𑀯𑀺𑀢𑁆𑀣𑀸𑀭𑁂𑀦 𑀅𑀢𑁆𑀣𑀁 𑁋

𑀲𑀸𑀥𑀼 𑀫𑁂 𑀪𑀯𑀁 𑀕𑁄𑀢𑀫𑁄 𑀢𑀣𑀸 𑀥𑀫𑁆𑀫𑀁 𑀤𑁂𑀲𑁂𑀢𑀼.

𑀅𑀝𑁆𑀞𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀲𑁆𑀲 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀆𑀬𑀲𑁆𑀫𑀢𑁄 𑀆𑀦𑀦𑁆𑀤𑀲𑁆𑀲 ‘‘𑀏𑀓𑀁𑀲𑁂𑀦𑀸𑀳𑀁 𑀆𑀦𑀦𑁆𑀤 𑀅𑀓𑀭𑀡𑀻𑀬𑀁 𑀯𑀤𑀸𑀫𑀺 𑀓𑀸𑀬𑀤𑀼𑀘𑁆𑀘𑀭𑀺𑀢𑀁 𑀫𑀦𑁄𑀤𑀼𑀘𑁆𑀘𑀭𑀺𑀢’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀏𑀓𑀁𑀲𑁂𑀦𑀸𑀳𑀁 𑀆𑀦𑀦𑁆𑀤 𑀓𑀭𑀡𑀻𑀬𑀁 𑀯𑀤𑀸𑀫𑀺 𑀓𑀸𑀬𑀲𑀼𑀘𑀭𑀺𑀢𑀁 𑀯𑀘𑀻𑀲𑀼𑀘𑀭𑀺𑀢𑀁 𑀫𑀦𑁄𑀲𑀼𑀘𑀭𑀺𑀢𑀁’’ 𑁋

𑀦𑀯𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀤𑀼𑀓𑀦𑀺𑀧𑀸𑀢𑁂 𑀅𑀥𑀺𑀓𑀭𑀡𑀯𑀕𑁆𑀕𑁂 𑀦𑀯𑀫𑀲𑀼𑀢𑁆𑀢𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀓𑀼𑀲𑀮𑀁 𑀪𑀺𑀓𑁆𑀔𑀯𑁂 𑀧𑀚𑀳𑀣, 𑀲𑀓𑁆𑀓𑀸 𑀪𑀺𑀓𑁆𑀔𑀯𑁂 𑀅𑀓𑀼𑀲𑀮𑀁 𑀧𑀚𑀳𑀺𑀢𑀼𑀁. 𑀦𑁄𑀘𑁂𑀤𑀁 𑀪𑀺𑀓𑁆𑀔𑀯𑁂 𑀲𑀓𑁆𑀓𑀸 𑀅𑀪𑀯𑀺𑀲𑁆𑀲 𑀅𑀓𑀼𑀲𑀮𑀁 𑀧𑀚𑀳𑀺𑀢𑀼𑀁, 𑀦𑀸𑀳𑀁 𑀏𑀯𑀁 𑀯𑀤𑁂𑀬𑁆𑀬𑀁 ‘‘𑀅𑀓𑀼𑀲𑀮𑀁 𑀪𑀺𑀓𑁆𑀔𑀯𑁂 𑀧𑀚𑀳𑀣𑀸’’𑀢𑀺. 𑀬𑀲𑁆𑀫𑀸 𑀘 𑀔𑁄 𑀪𑀺𑀓𑁆𑀔𑀯𑁂 𑀲𑀓𑁆𑀓𑀸 𑀅𑀓𑀼𑀲𑀮𑀁 𑀧𑀚𑀳𑀺𑀢𑀼𑀁, 𑀢𑀲𑁆𑀫𑀸𑀳𑀁 𑀏𑀯𑀁 𑀯𑀤𑀸𑀫𑀺 ‘‘𑀅𑀓𑀼𑀲𑀮𑀁 𑀪𑀺𑀓𑁆𑀔𑀯𑁂 𑀧𑀚𑀳𑀣𑀸’’𑀢𑀺. 𑀅𑀓𑀼𑀲𑀮𑀜𑁆𑀘 𑀳𑀺𑀤𑀁 𑀪𑀺𑀓𑁆𑀔𑀯𑁂 𑀧𑀳𑀻𑀦𑀁 𑀅𑀳𑀺𑀢𑀸𑀬 𑀤𑀼𑀓𑁆𑀔𑀸𑀬 𑀲𑀁𑀯𑀢𑁆𑀢𑁂𑀬𑁆𑀬, 𑀦𑀸𑀳𑀁 𑀏𑀯𑀁𑀯𑀤𑁂𑀬𑁆𑀬𑀁 ‘‘𑀅𑀓𑀼𑀲𑀮𑀁 𑀪𑀺𑀓𑁆𑀔𑀯𑁂 𑀧𑀚𑀳𑀣𑀸’’𑀢𑀺. 𑀬𑀲𑁆𑀫𑀸 𑀘 𑀔𑁄 𑀪𑀺𑀓𑁆𑀔𑀯𑁂 𑀅𑀓𑀼𑀲𑀮𑀁 𑀧𑀳𑀻𑀦𑀁 𑀳𑀺𑀢𑀸𑀬 𑀲𑀼𑀔𑀸𑀬 𑀲𑀁𑀯𑀢𑁆𑀢𑀢𑀺, 𑀢𑀲𑁆𑀫𑀸𑀳𑀁 𑀏𑀯𑀁 𑀯𑀤𑀸𑀫𑀺 ‘‘𑀅𑀓𑀼𑀲𑀮𑀁 𑀪𑀺𑀓𑁆𑀔𑀯𑁂 𑀧𑀚𑀳𑀣𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀲𑀫𑀲𑀼𑀢𑁆𑀢, 𑀏𑀓𑀸𑀤𑀲𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀏𑀓𑀸𑀤𑀲𑀫𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀲𑀫𑀏𑀓𑀸𑀤𑀲𑀫𑀲𑀼𑀢𑁆𑀢𑀸𑀦𑀺 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀤𑀼𑀦𑁆𑀦𑀺𑀓𑁆𑀔𑀺𑀢𑁆𑀢𑀜𑁆𑀘 𑀧𑀤𑀩𑁆𑀬𑀜𑁆𑀚𑀦𑀁 𑀅𑀢𑁆𑀣𑁄 𑀘 𑀤𑀼𑀦𑁆𑀦𑀻𑀢𑁄, 𑀤𑀼𑀦𑁆𑀦𑀺𑀓𑁆𑀔𑀺𑀢𑁆𑀢𑀲𑁆𑀲 𑀪𑀺𑀓𑁆𑀔𑀯𑁂 𑀧𑀤𑀩𑁆𑀬𑀜𑁆𑀚𑀦𑀲𑁆𑀲 𑀅𑀢𑁆𑀣𑁄𑀧𑀺 𑀤𑀼𑀦𑁆𑀦𑀬𑁄 𑀳𑁄𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺 𑀘. ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀞𑀺𑀢𑀺𑀬𑀸 𑀅𑀲𑀫𑁆𑀫𑁄𑀲𑀸𑀬 𑀅𑀦𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀲𑀼𑀦𑀺𑀓𑁆𑀔𑀺𑀢𑁆𑀢𑀜𑁆𑀘 𑀧𑀤𑀩𑁆𑀬𑀜𑁆𑀚𑀦𑀁 𑀅𑀢𑁆𑀣𑁄 𑀘 𑀲𑀼𑀦𑀻𑀢𑁄, 𑀲𑀼𑀦𑀺𑀓𑁆𑀔𑀺𑀢𑁆𑀢𑀲𑁆𑀲 𑀪𑀺𑀓𑁆𑀔𑀯𑁂 𑀧𑀤𑀩𑁆𑀬𑀜𑁆𑀚𑀦𑀲𑁆𑀲 𑀅𑀢𑁆𑀣𑁄𑀧𑀺 𑀲𑀼𑀦𑀬𑁄 𑀳𑁄𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀞𑀺𑀢𑀺𑀬𑀸 𑀅𑀲𑀫𑁆𑀫𑁄𑀲𑀸𑀬 𑀅𑀦𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺 𑀘. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀩𑀸𑀮𑀯𑀕𑁆𑀕

𑀤𑀼𑀢𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀩𑀸𑀮𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀩𑀸𑀮𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑀁 𑀅𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀤𑀼𑀝𑁆𑀞𑁄 𑀯𑀸 𑀤𑁄𑀲𑀦𑁆𑀢𑀭𑁄 𑀲𑀤𑁆𑀥𑁄 𑀯𑀸 𑀤𑀼𑀕𑁆𑀕𑀳𑀺𑀢𑁂𑀦. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀢𑀣𑀸𑀕𑀢𑀁 𑀅𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀻’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀢𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑀢𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑀁 𑀅𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀬𑁄 𑀘 𑀅𑀪𑀸𑀲𑀺𑀢𑀁 𑀅𑀮𑀧𑀺𑀢𑀁 𑀢𑀣𑀸𑀕𑀢𑁂𑀦 ‘𑀪𑀸𑀲𑀺𑀢𑀁 𑀮𑀧𑀺𑀢𑀁 𑀢𑀣𑀸𑀕𑀢𑁂𑀦𑀸’𑀢𑀺 𑀤𑀻𑀧𑁂𑀢𑀺. 𑀬𑁄 𑀘 𑀪𑀸𑀲𑀺𑀢𑀁 𑀮𑀧𑀺𑀢𑀁 𑀢𑀣𑀸𑀕𑀢𑁂𑀦 ‘𑀅𑀪𑀸𑀲𑀺𑀢𑀁 𑀅𑀮𑀧𑀺𑀢𑀁 𑀢𑀣𑀸𑀕𑀢𑁂𑀦𑀸𑀢𑀺’ 𑀤𑀻𑀧𑁂𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀢𑀣𑀸𑀕𑀢𑀁 𑀅𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀺. 𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑀁 𑀦𑀸𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀬𑁄 𑀘 𑀅𑀪𑀸𑀲𑀺𑀢𑀁 𑀅𑀮𑀧𑀺𑀢𑀁 𑀢𑀣𑀸𑀕𑀢𑁂𑀦 ‘𑀅𑀪𑀸𑀲𑀺𑀢𑀁 𑀅𑀮𑀧𑀺𑀢𑀁 𑀢𑀣𑀸𑀕𑀢𑁂𑀦𑀸’𑀢𑀺 𑀤𑀻𑀧𑁂𑀢𑀺. 𑀬𑁄 𑀘 𑀪𑀸𑀲𑀺𑀢𑀁 𑀮𑀧𑀺𑀢𑀁 𑀢𑀣𑀸𑀕𑀢𑁂𑀦 ‘𑀪𑀸𑀲𑀺𑀢𑀁 𑀮𑀧𑀺𑀢𑀁 𑀢𑀣𑀸𑀕𑀢𑁂𑀦𑀸’𑀢𑀺 𑀤𑀻𑀧𑁂𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀢𑀣𑀸𑀕𑀢𑀁 𑀦𑀸𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀻’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀢𑀼𑀢𑁆𑀣𑀯𑀕𑁆𑀕, 𑀧𑀜𑁆𑀘𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀧𑀜𑁆𑀘𑀫𑀲𑀼𑀢𑁆𑀢𑀸𑀦𑀺 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀘𑀢𑀼𑀢𑁆𑀣𑀧𑀜𑁆𑀘𑀫𑀲𑀼𑀢𑁆𑀢𑀸𑀦𑀺 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑀁 𑀅𑀩𑁆𑀪𑀸𑀘𑀺𑀓𑁆𑀔𑀦𑁆𑀢𑀺. 𑀓𑀢𑀫𑁂 𑀤𑁆𑀯𑁂, 𑀬𑁄 𑀘 𑀦𑁂𑀬𑁆𑀬𑀢𑁆𑀣𑀁 𑀲𑀼𑀢𑁆𑀢𑀦𑁆𑀢𑀁 ‘𑀦𑀻𑀢𑀢𑁆𑀣𑁄 𑀲𑀼𑀢𑁆𑀢𑀦𑁆𑀢𑁄’𑀢𑀺 𑀤𑀻𑀧𑁂𑀢𑀺, 𑀬𑁄 𑀘 𑀦𑀻𑀢𑀢𑁆𑀣𑀁 𑀲𑀼𑀢𑁆𑀢𑀦𑁆𑀢𑀁 ‘𑀦𑁂𑀬𑁆𑀬𑀢𑁆𑀣𑁄 𑀲𑀼𑀢𑁆𑀢𑀦𑁆𑀢𑁄’𑀢𑀺 𑀤𑀻𑀧𑁂𑀢𑀻’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀲𑀫𑀘𑀺𑀢𑁆𑀢𑀯𑀕𑁆𑀕, 𑀧𑀞𑀫𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀲𑀫𑀘𑀺𑀢𑁆𑀢𑀯𑀕𑁆𑀕𑁂 𑀆𑀯𑀼𑀲𑁄 𑀧𑀞𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀫𑀘𑀺𑀢𑁆𑀢𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀲𑀼𑀢𑁆𑀢𑀁 ‘‘𑀅𑀲𑀧𑁆𑀧𑀼𑀭𑀺𑀲𑀪𑀽𑀫𑀺𑀜𑁆𑀘 𑀯𑁄 𑀪𑀺𑀓𑁆𑀔𑀯𑁂 𑀤𑁂𑀲𑁂𑀲𑁆𑀲𑀸𑀫𑀺 𑀲𑀧𑁆𑀧𑀼𑀭𑀺𑀲𑀪𑀽𑀫𑀺𑀜𑁆𑀘, 𑀢𑀁 𑀲𑀼𑀡𑀸𑀣 𑀲𑀸𑀥𑀼𑀓𑀁 𑀫𑀦𑀲𑀺𑀓𑀭𑁄𑀣, 𑀪𑀸𑀲𑀺𑀲𑁆𑀲𑀸𑀫𑀻’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀼𑀢𑀺𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀼𑀢𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀼𑀢𑀺𑀬𑀲𑀼𑀢𑁆𑀢𑀁 ‘‘𑀤𑁆𑀯𑀺𑀦𑁆𑀦𑀸𑀳𑀁 𑀪𑀺𑀓𑁆𑀔𑀯𑁂 𑀦 𑀲𑀼𑀧𑁆𑀧𑀢𑀺𑀓𑀸𑀭 𑀯𑀤𑀸𑀫𑀺. 𑀓𑀢𑀫𑁂𑀲𑀁 𑀤𑁆𑀯𑀺𑀦𑁆𑀦𑀁, 𑀫𑀸𑀢𑀼 𑀘 𑀧𑀺𑀢𑀼 𑀘𑀸’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀫𑀘𑀺𑀢𑁆𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀲𑀫𑀘𑀺𑀢𑁆𑀢𑀲𑀼𑀢𑁆𑀢𑀁 𑀓𑀢𑁆𑀣 𑀓𑀲𑁆𑀲 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸𑀦𑀁 𑀪𑀺𑀓𑁆𑀔𑀽𑀦𑀁 ‘‘𑀅𑀚𑁆𑀛𑀢𑁆𑀢𑀲𑀁𑀬𑁄𑀚𑀦𑀜𑁆𑀘 𑀆𑀯𑀼𑀲𑁄 𑀧𑀼𑀕𑁆𑀕𑀮𑀁 𑀤𑁂𑀲𑁂𑀲𑁆𑀲𑀸𑀫𑀺 𑀩𑀳𑀺𑀤𑁆𑀥𑀸𑀲𑀁𑀬𑁄𑀚𑀦𑀜𑁆𑀘, 𑀢𑀁𑀲𑀼𑀡𑀸𑀣

𑀲𑀸𑀥𑀼𑀓𑀁 𑀫𑀦𑀲𑀺𑀓𑀭𑁄𑀣𑀸’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀆𑀬𑀲𑁆𑀫𑀢𑀸 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁂𑀦 𑀥𑀫𑁆𑀫𑀲𑁂𑀦𑀸𑀧𑀢𑀺𑀦𑀸 𑀪𑀸𑀲𑀺𑀢𑀁.

𑀑𑀯𑀸𑀤

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘 𑀆𑀯𑀼𑀲𑁄 𑀢𑀢𑁆𑀣 𑀪𑀕𑀯𑀸 𑀑𑀯𑀸𑀤𑀁 𑀅𑀤𑀸𑀲𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣 𑀪𑀦𑁆𑀢𑁂 𑀪𑀕𑀯𑀸 ‘‘𑀢𑀲𑁆𑀫𑀸𑀢𑀺𑀳 𑀲𑀸𑀭𑀺𑀧𑀼𑀢𑁆𑀢 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁 ‘𑀲𑀦𑁆𑀢𑀺𑀦𑁆𑀤𑁆𑀭𑀺𑀬𑀸 𑀪𑀯𑀺𑀲𑁆𑀲𑀸𑀫 𑀲𑀦𑁆𑀢𑀫𑀸𑀦𑀲𑀸’𑀢𑀺. 𑀏𑀯𑀜𑁆𑀳𑀺 𑀯𑁄 𑀲𑀸𑀭𑀺𑀧𑀼𑀢𑁆𑀢 𑀲𑀺𑀓𑁆𑀔𑀺𑀢𑀩𑁆𑀩’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀑𑀯𑀸𑀤𑀫𑀤𑀸𑀲𑀺.

‘‘𑀏𑀲𑁄 𑀪𑀦𑁆𑀢𑁂 𑀆𑀬𑀲𑁆𑀫𑀸 𑀲𑀸𑀭𑀺𑀧𑀼𑀢𑁆𑀢𑁄 𑀧𑀼𑀩𑁆𑀩𑀸𑀭𑀸𑀫𑁂 𑀫𑀺𑀕𑀸𑀭𑀫𑀸𑀢𑀼𑀧𑀸𑀲𑀸 𑀤𑁂 𑀪𑀺𑀓𑁆𑀔𑀽𑀦𑀁 𑀅𑀚𑁆𑀛𑀢𑁆𑀢𑀲𑀁𑀬𑁄𑀚𑀦𑀜𑁆𑀘 𑀧𑀼𑀕𑁆𑀕𑀮𑀁 𑀤𑁂𑀲𑁂𑀢𑀺 𑀩𑀳𑀺𑀤𑁆𑀥𑀸 𑀲𑀁𑀬𑁄𑀚𑀦𑀜𑁆𑀘’’ 𑁋

𑀲𑀸𑀥𑀼 𑀪𑀦𑁆𑀢𑁂 𑀪𑀕𑀯𑀸 𑀬𑁂𑀦 𑀆𑀬𑀲𑁆𑀫𑀸 𑀲𑀸𑀭𑀺𑀧𑀼𑀢𑁆𑀢𑁄 𑀢𑁂𑀦𑀼𑀧𑀲𑀗𑁆𑀓𑀫𑀢𑀼 𑀅𑀦𑀼𑀓𑀫𑁆𑀧𑀁 𑀉𑀧𑀸𑀤𑀸𑀬.

𑀢𑀸 𑀔𑁄 𑀧𑀦 𑀲𑀸𑀭𑀺𑀧𑀼𑀢𑁆𑀢 𑀤𑁂𑀯𑀢𑀸 𑀤𑀲𑀧𑀺 𑀳𑀼𑀢𑁆𑀯𑀸 𑀯𑀻𑀲𑀫𑁆𑀧𑀺 𑀳𑀼𑀢𑁆𑀯𑀸 𑀢𑀺𑀁𑀲𑀫𑁆𑀧𑀺 𑀳𑀼𑀢𑁆𑀯𑀸 𑀘𑀢𑁆𑀢𑀸𑀮𑀻𑀲𑀫𑁆𑀧𑀺 𑀳𑀼𑀢𑁆𑀯𑀸 𑀧𑀜𑁆𑀜𑀸𑀲𑀫𑁆𑀧𑀺 𑀳𑀼𑀢𑁆𑀯𑀸 𑀲𑀝𑁆𑀞𑀺𑀧𑀺 𑀳𑀼𑀢𑁆𑀯𑀸 𑀆𑀭𑀕𑁆𑀕𑀓𑁄𑀝𑀺𑀦𑀺𑀢𑀼𑀤𑀦𑀫𑀢𑁆𑀢𑁂𑀧𑀺 𑀢𑀺𑀝𑁆𑀞𑀦𑁆𑀢𑀺, 𑀦 𑀘 𑀅𑀜𑁆𑀜𑀫𑀜𑁆𑀜𑀁 𑀩𑁆𑀬𑀸𑀩𑀸𑀥𑁂𑀦𑁆𑀢𑀺𑁋

𑀢𑀲𑁆𑀫𑀸𑀢𑀺𑀳 𑀲𑀸𑀭𑀺𑀧𑀼𑀢𑁆𑀢 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁 𑀲𑀦𑁆𑀢𑀺𑀦𑁆𑀤𑁆𑀭𑀺𑀬𑀸 𑀪𑀯𑀺𑀲𑁆𑀲𑀸𑀫 𑀲𑀦𑁆𑀢𑀫𑀸𑀦𑀲𑀸.

𑀧𑀭𑀺𑀲𑀯𑀕𑁆𑀕

𑀉𑀢𑁆𑀢𑀸𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀤𑀼𑀓𑀦𑀺𑀧𑀸𑀢𑁂 𑀧𑀭𑀺𑀲𑀯𑀕𑁆𑀕𑁂 𑀧𑀞𑀫𑀁 𑀉𑀢𑁆𑀢𑀸𑀦𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀞𑀫𑀁 𑀪𑀦𑁆𑀢𑁂 𑀉𑀢𑁆𑀢𑀸𑀦𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑀸 𑀲𑀺𑀓𑁆𑀔𑀯𑁂 𑀧𑀭𑀺𑀲𑀸, 𑀓𑀢𑀫𑀸 𑀤𑁆𑀯𑁂, 𑀉𑀢𑁆𑀢𑀸𑀦𑀸 𑀘 𑀧𑀭𑀺𑀲𑀸 𑀕𑀫𑁆𑀪𑀻𑀭𑀸 𑀘 𑀧𑀭𑀺𑀲𑀸, 𑀓𑀢𑀫𑀸 𑀘 𑀪𑀺𑀓𑁆𑀔𑀯𑁂 𑀉𑀢𑁆𑀢𑀸𑀦𑀸 𑀧𑀭𑀺𑀲𑀸, 𑀇𑀥 𑀪𑀺𑀓𑁆𑀔𑀯𑁂 𑀬𑀲𑁆𑀲𑀁 𑀧𑀭𑀺𑀲𑀸𑀬𑀁 𑀪𑀺𑀓𑁆𑀔𑀽 𑀉𑀤𑁆𑀥𑀢𑀸 𑀳𑁄𑀦𑁆𑀢𑀺 𑀉𑀦𑁆𑀦𑀴𑀸 𑀘𑀧𑀮𑀸 𑀫𑀼𑀔𑀭𑀸 𑀯𑀺𑀓𑀺𑀡𑁆𑀡𑀯𑀸𑀘𑀸 𑀫𑀼𑀝𑁆𑀞𑀲𑁆𑀲𑀢𑀻 𑀅𑀲𑀫𑁆𑀧𑀚𑀸𑀦𑀸 𑀅𑀲𑀫𑀸𑀳𑀺𑀢𑀸 𑀯𑀺𑀩𑁆𑀪𑀦𑁆𑀢𑀘𑀺𑀢𑁆𑀢𑀸 𑀧𑀸𑀓𑀢𑀺𑀦𑁆𑀤𑁆𑀭𑀺𑀬𑀸. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀉𑀢𑁆𑀢𑀸𑀦𑀸 𑀧𑀭𑀺𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑁄𑀧𑀭𑀺𑀲𑀢𑁆𑀢𑀓

𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀇𑀫𑀸𑀲𑀁 𑀤𑁆𑀯𑀺𑀦𑁆𑀦𑀁 𑀧𑀭𑀺𑀲𑀸𑀦𑀁 𑀬𑀤𑀺𑀤𑀁 𑀕𑀫𑁆𑀪𑀻𑀭𑀸 𑀧𑀭𑀺𑀲𑀸.

𑀅𑀦𑀕𑁆𑀕𑀯𑀢𑀻𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀅𑀦𑀕𑁆𑀕𑀯𑀢𑀻𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑀢𑀺𑀬𑀁 𑀅𑀦𑀕𑁆𑀕𑀯𑀢𑀻𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑀸 𑀪𑀺𑀓𑁆𑀔𑀯𑁂 𑀧𑀭𑀺𑀲𑀸. 𑀓𑀢𑀫𑀸 𑀤𑁆𑀯𑁂, 𑀅𑀦𑀕𑁆𑀕𑀯𑀢𑀻 𑀘 𑀧𑀭𑀺𑀲𑀸 𑀅𑀕𑁆𑀕𑀯𑀢𑀻 𑀘 𑀧𑀭𑀺𑀲𑀸. 𑀓𑀢𑀫𑀸 𑀘 𑀪𑀺𑀓𑁆𑀔𑀯𑁂 𑀅𑀦𑀕𑁆𑀕𑀯𑀢𑀻 𑀧𑀭𑀺𑀲𑀸, 𑀇𑀥 𑀪𑀺𑀓𑁆𑀔𑀯𑁂 𑀬𑀲𑁆𑀲𑀁 𑀧𑀭𑀺𑀲𑀸𑀬𑀁 𑀣𑁂𑀭𑀸 𑀪𑀺𑀓𑁆𑀔𑀽 𑀩𑀸𑀳𑀼𑀮𑀺𑀓𑀸 𑀳𑁄𑀦𑁆𑀢𑀺 𑀲𑀸𑀣𑀮𑀺𑀓𑀸, 𑀑𑀓𑁆𑀓𑀫𑀦𑁂 𑀧𑀼𑀩𑁆𑀩𑀗𑁆𑀕𑀫𑀸, 𑀧𑀯𑀺𑀯𑁂𑀓𑁂 𑀦𑀺𑀓𑁆𑀔𑀺𑀢𑁆𑀢𑀥𑀼𑀭𑀸, 𑀦 𑀯𑀻𑀭𑀺𑀬𑀁 𑀆𑀭𑀪𑀦𑁆𑀢𑀺 𑀅𑀧𑁆𑀧𑀢𑁆𑀢𑀲𑁆𑀲 𑀧𑀢𑁆𑀢𑀺𑀬𑀸 𑀅𑀦𑀥𑀺𑀕𑀢𑀲𑁆𑀲 𑀅𑀥𑀺𑀕𑀫𑀸𑀬 𑀅𑀲𑀘𑁆𑀙𑀺𑀓𑀪𑀲𑁆𑀲 𑀲𑀘𑁆𑀙𑀺𑀓𑀺𑀭𑀺𑀬𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀑𑀓𑁆𑀓𑀸𑀘𑀺𑀢𑀯𑀺𑀦𑀻𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀑𑀓𑁆𑀓𑀸𑀘𑀺𑀢𑀯𑀺𑀦𑀻𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀙𑀝𑁆𑀞𑀁 𑀑𑀓𑁆𑀓𑀸𑀘𑀺𑀢𑀯𑀺𑀦𑀻𑀢𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑀸 𑀪𑀺𑀓𑁆𑀔𑀯𑁂 𑀧𑀭𑀺𑀲𑀸. 𑀓𑀢𑀫𑀸 𑀤𑁆𑀯𑁂, 𑀑𑀓𑁆𑀓𑀸𑀘𑀺𑀢𑀯𑀺𑀦𑀻𑀢𑀸 𑀧𑀭𑀺𑀲𑀸 𑀦𑁄 𑀧𑀝𑀺𑀧𑀼𑀘𑁆𑀙𑀸𑀯𑀺𑀦𑀻𑀢𑀸, 𑀧𑀝𑀺𑀧𑀼𑀘𑁆𑀙𑀸 𑀯𑀺𑀦𑀻𑀢𑀸 𑀧𑀭𑀺𑀲𑀸 𑀦𑁄 𑀑𑀓𑁆𑀓𑀸𑀘𑀺𑀢𑀯𑀺𑀦𑀻𑀢𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀕𑁆𑀕𑀮𑀯𑀕𑁆𑀕

𑀅𑀲𑀦𑁆𑀢𑀲𑀦𑁆𑀦𑀺𑀯𑀸𑀲𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀧𑀼𑀕𑁆𑀕𑀮𑀯𑀕𑁆𑀕𑁂 𑀆𑀯𑀼𑀲𑁄 𑀏𑀓𑀸𑀤𑀲𑀫𑀁 𑀅𑀲𑀦𑁆𑀢𑀲𑀦𑁆𑀦𑀺𑀯𑀸𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀼𑀕𑁆𑀕𑀮𑀯𑀕𑁆𑀕𑁂 𑀪𑀦𑁆𑀢𑁂 𑀏𑀓𑀸𑀤𑀲𑀫𑀁 𑀅𑀲𑀦𑁆𑀢𑀲𑀦𑁆𑀦𑀺𑀯𑀸𑀲𑀲𑀼𑀢𑁆𑀢𑀁 ‘‘𑀅𑀲𑀦𑁆𑀢𑀲𑀦𑁆𑀦𑀺𑀯𑀸𑀲𑀜𑁆𑀘 𑀯𑁄 𑀪𑀺𑀓𑁆𑀔𑀯𑁂 𑀤𑁂𑀲𑁂𑀲𑁆𑀲𑀸𑀫𑀺 𑀲𑀦𑁆𑀢𑀲𑀦𑁆𑀦𑀺𑀯𑀸𑀲𑀜𑁆𑀘, 𑀢𑀁 𑀲𑀼𑀡𑀸𑀣, 𑀲𑀸𑀥𑀼𑀓𑀁 𑀫𑀦𑀲𑀺𑀓𑀭𑁄𑀣 𑀪𑀸𑀲𑀺𑀲𑁆𑀲𑀸𑀫𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀼𑀔𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀲𑀼𑀔𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀼𑀔𑀯𑀕𑁆𑀕𑁂 𑀪𑀦𑁆𑀢𑁂 𑀪𑀕𑀯𑀢𑀸 ‘‘𑀤𑁆𑀯𑁂𑀫𑀸𑀦𑀺 𑀪𑀺𑀓𑁆𑀔𑀯𑁂 𑀲𑀼𑀔𑀸𑀦𑀺. 𑀓𑀢𑀫𑀸𑀦𑀺 𑀤𑁆𑀯𑁂, 𑀕𑀺𑀳𑀺𑀲𑀼𑀔𑀜𑁆𑀘 𑀧𑀩𑁆𑀩𑀚𑀺𑀢𑀲𑀼𑀔𑀜𑁆𑀘, 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀤𑁆𑀯𑁂 𑀲𑀼𑀔𑀸𑀦𑀺. 𑀏𑀢𑀤𑀕𑁆𑀕𑀁 𑀪𑀺𑀓𑁆𑀔𑀯𑁂 𑀇𑀫𑁂𑀲𑀁 𑀤𑁆𑀯𑀺𑀦𑁆𑀦𑀁 𑀲𑀼𑀔𑀸𑀦𑀁 𑀬𑀤𑀺𑀤𑀁 𑀧𑀩𑁆𑀩𑀚𑀺𑀢𑀲𑀼𑀔’’𑀦𑁆𑀢𑀺 𑀏𑀯𑀫𑀸𑀤𑀺𑀓𑀸 𑀥𑀫𑁆𑀫𑀤𑁂𑀲𑀦𑀸𑀬𑁄 𑀤𑁂𑀲𑀺𑀢𑀸.

𑀆𑀬𑀸𑀘𑀦𑀯𑀕𑁆𑀕

𑀧𑀼𑀘𑁆𑀙𑀸 𑁋 𑀆𑀬𑀸𑀘𑀦𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀪𑀕𑀯𑀢𑀸 𑀧𑀞𑀫𑀸𑀤𑀻𑀦𑀺 𑀘𑀢𑁆𑀢𑀸𑀭𑀺 𑀲𑀼𑀢𑁆𑀢𑀸𑀦𑀺 𑀓𑀣𑀁 𑀪𑀸𑀲𑀺𑀢𑀸𑀦𑀺.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀸𑀘𑀦𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀸𑀤𑀻𑀦𑀺 𑀘𑀢𑁆𑀢𑀸𑀭𑀺 𑀲𑀼𑀢𑁆𑀢𑀸𑀦𑀺 ‘‘𑀲𑀤𑁆𑀥𑁄 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀏𑀯𑀁 𑀲𑀫𑁆𑀫𑀸 𑀆𑀬𑀸𑀘𑀫𑀸𑀦𑁄 𑀆𑀬𑀸𑀘𑁂𑀬𑁆𑀬 𑀢𑀸𑀤𑀺𑀲𑁄 𑀳𑁄𑀫𑀺, 𑀬𑀸𑀤𑀺𑀲𑀸 𑀲𑀸𑀭𑀺𑀧𑀼𑀢𑁆𑀢𑀫𑁄𑀕𑁆𑀕𑀮𑁆𑀮𑀸𑀦𑀸’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀸𑀦𑀺.

𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢𑀁 ‘‘𑀤𑁆𑀯𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀩𑀸𑀮𑁄 𑀅𑀩𑁆𑀬𑀢𑁆𑀢𑁄 𑀅𑀲𑀧𑁆𑀧𑀼𑀭𑀺𑀲𑁄 𑀏𑀢𑀁 𑀉𑀧𑀳𑀢𑀁 𑀅𑀢𑁆𑀢𑀸𑀦𑀁 𑀧𑀭𑀺𑀳𑀭𑀢𑀺, 𑀲𑀸𑀯𑀚𑁆𑀚𑁄 𑀘 𑀳𑁄𑀢𑀺 𑀲𑀸𑀦𑀼𑀯𑀚𑁆𑀚𑁄 𑀘 𑀯𑀺𑀜𑁆𑀜𑀽𑀦𑀁, 𑀩𑀳𑀼𑀜𑁆𑀘 𑀅𑀧𑀼𑀜𑁆𑀜𑀁 𑀧𑀲𑀯𑀢𑀻’’𑀢𑀺, 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀧𑁆𑀧𑀲𑀸𑀤𑀦𑀻𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀤𑀼𑀓𑀦𑀺𑀧𑀸𑀢𑁂 𑀆𑀬𑀸𑀘𑀦𑀯𑀕𑁆𑀕𑁂 𑀙𑀝𑁆𑀞𑀁 𑀅𑀧𑁆𑀧𑀲𑀸𑀤𑀦𑀻𑀬𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀅𑀧𑁆𑀧𑀲𑀸𑀤𑀦𑀻𑀬𑀲𑀼𑀢𑁆𑀢𑀁 ‘‘𑀤𑁆𑀯𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀩𑀸𑀮𑁄 𑀅𑀩𑁆𑀬𑀢𑁆𑀢𑁄 𑀅𑀲𑀧𑁆𑀧𑀼𑀭𑀺𑀲𑁄 𑀏𑀢𑀁 𑀉𑀧𑀳𑀢𑀁 𑀅𑀢𑁆𑀢𑀸𑀦𑀁 𑀧𑀭𑀺𑀳𑀭𑀢𑀺, 𑀲𑀸𑀯𑀚𑁆𑀚𑁄 𑀘 𑀳𑁄𑀢𑀺 𑀲𑀸𑀦𑀼𑀯𑀚𑁆𑀚𑁄 𑀘 𑀯𑀺𑀜𑁆𑀜𑀽𑀦𑀁, 𑀩𑀳𑀼𑀜𑁆𑀘 𑀅𑀧𑀼𑀜𑁆𑀜𑀁 𑀧𑀲𑀯𑀢𑀺. 𑀓𑀢𑀫𑁂𑀳𑀺 𑀤𑁆𑀯𑀻𑀳𑀺, 𑀅𑀦𑀦𑀼𑀯𑀺𑀘𑁆𑀘 𑀅𑀧𑀭𑀺𑀬𑁄𑀕𑀸𑀳𑁂𑀢𑁆𑀯𑀸 𑀅𑀧𑁆𑀧𑀲𑀸𑀤𑀦𑀻𑀬𑁂 𑀞𑀸𑀦𑁂 𑀧𑀲𑀸𑀤𑀁 𑀉𑀧𑀤𑀁𑀲𑁂𑀢𑀺, 𑀅𑀦𑀦𑀼𑀯𑀺𑀘𑁆𑀘 𑀅𑀧𑀭𑀺𑀬𑁄 𑀕𑀸𑀳𑁂𑀢𑁆𑀯𑀸 𑀧𑀲𑀸𑀤𑀦𑀻𑀬𑁂 𑀞𑀸𑀦𑁂 𑀅𑀧𑁆𑀧𑀲𑀸𑀤𑀁 𑀉𑀧𑀤𑀁𑀲𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀫𑀸𑀢𑀸𑀧𑀺𑀢𑀼𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀫𑀸𑀢𑀸𑀧𑀺𑀢𑀼𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀲𑀢𑁆𑀢𑀫𑀁 𑀫𑀸𑀢𑀸𑀧𑀺𑀢𑀼𑀲𑀼𑀢𑁆𑀢𑀁 ‘‘𑀤𑁆𑀯𑀻𑀲𑀼 𑀪𑀺𑀓𑁆𑀔𑀯𑁂 𑀫𑀺𑀘𑁆𑀙𑀸 𑀧𑀝𑀺𑀧𑀚𑁆𑀚𑀫𑀸𑀦𑁄 𑀩𑀸𑀮𑁄 𑀅𑀩𑁆𑀬𑀢𑁆𑀢𑁄 𑀅𑀲𑀧𑁆𑀧𑀼𑀭𑀺𑀲𑁄 𑀏𑀢𑀁 𑀉𑀧𑀳𑀢𑀁 𑀅𑀢𑁆𑀢𑀸𑀦𑀁 𑀧𑀭𑀺𑀳𑀭𑀢𑀺, 𑀲𑀸𑀯𑀚𑁆𑀚𑁄 𑀘 𑀳𑁄𑀳𑀺 𑀲𑀸𑀦𑀼𑀯𑀚𑁆𑀚𑁄 𑀘 𑀯𑀺𑀜𑁆𑀜𑀽𑀦𑀁, 𑀩𑀳𑀼𑀜𑁆𑀘 𑀅𑀧𑀼𑀜𑁆𑀜𑀁 𑀧𑀲𑀯𑀢𑀺. 𑀓𑀢𑀫𑁂𑀲𑀼 𑀤𑁆𑀯𑀻𑀲𑀼, 𑀫𑀸𑀢𑀭𑀺 𑀘 𑀧𑀺𑀢𑀭𑀺 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀣𑀸𑀕𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀢𑀣𑀸𑀕𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀢𑀣𑀸𑀕𑀢𑀲𑀼𑀢𑁆𑀢𑀁 ‘‘𑀤𑁆𑀯𑀻𑀲𑀼 𑀪𑀺𑀓𑁆𑀔𑀯𑁂 𑀫𑀺𑀘𑁆𑀙𑀸𑀧𑀝𑀺𑀧𑀚𑁆𑀚𑀫𑀸𑀦𑁄 𑀩𑀸𑀮𑁄 𑀅𑀩𑁆𑀬𑀢𑁆𑀢𑁄 𑀅𑀲𑀧𑁆𑀧𑀼𑀭𑀺𑀲𑁄 𑀏𑀢𑀁 𑀉𑀧𑀳𑀢𑀁 𑀅𑀢𑁆𑀢𑀸𑀦𑀁 𑀧𑀭𑀺𑀳𑀭𑀢𑀺, 𑀲𑀸𑀯𑀚𑁆𑀚𑁄 𑀘 𑀳𑁄𑀢𑀺 𑀲𑀸𑀦𑀼𑀯𑀚𑁆𑀚𑁄 𑀘 𑀯𑀺𑀜𑁆𑀜𑀽𑀦𑀁, 𑀩𑀳𑀼𑀜𑁆𑀘 𑀅𑀧𑀼𑀜𑁆𑀜𑀁 𑀧𑀲𑀯𑀢𑀺. 𑀓𑀢𑀫𑁂𑀲𑀼 𑀤𑁆𑀯𑀻𑀲𑀼, 𑀢𑀣𑀸𑀕𑀢𑁂 𑀘 𑀢𑀣𑀸𑀕𑀢𑀲𑀸𑀯𑀓𑁂 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀺𑀓𑀦𑀺𑀧𑀸𑀢

𑀩𑀸𑀮𑀯𑀕𑁆𑀕, 𑀪𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀺𑀓𑀦𑀺𑀧𑀸𑀢𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀪𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀲𑁆𑀲 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸𑀦𑀁 ‘‘𑀬𑀸𑀦𑀺 𑀓𑀸𑀦𑀺𑀘𑀺 𑀪𑀺𑀓𑁆𑀔𑀯𑁂 𑀪𑀬𑀸𑀦𑀺 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀩𑁆𑀩𑀸𑀦𑀺 𑀢𑀸𑀦𑀺 𑀩𑀸𑀮𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑁄 𑀧𑀡𑁆𑀟𑀺𑀢𑀢𑁄. 𑀬𑁂 𑀓𑁂𑀘𑀺 𑀉𑀧𑁆𑀧𑀤𑁆𑀤𑀯𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀩𑁆𑀩𑁂𑀢𑁂 𑀩𑀸𑀮𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑁄 𑀧𑀡𑁆𑀟𑀺𑀢𑀢𑁄. 𑀬𑁂𑀓𑁂𑀘𑀺 𑀉𑀧𑀲𑀕𑁆𑀕𑀸 𑀉𑀧𑁆𑀧𑀚𑁆𑀚𑀦𑁆𑀢𑀺, 𑀲𑀩𑁆𑀩𑁂𑀢𑁂 𑀩𑀸𑀮𑀢𑁄 𑀉𑀧𑁆𑀧𑀚𑁆𑀚𑀦𑁆𑀢𑀺 𑀦𑁄 𑀧𑀡𑁆𑀟𑀺𑀢𑀢𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀺𑀦𑁆𑀢𑀻𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀘𑀺𑀦𑁆𑀢𑀻𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀘𑀺𑀦𑁆𑀢𑀻𑀲𑀼𑀢𑁆𑀢𑀁 ‘‘𑀢𑀻𑀡𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀩𑀸𑀮𑀲𑁆𑀲 𑀩𑀸𑀮𑀮𑀓𑁆𑀔𑀡𑀸𑀦𑀺 𑀩𑀸𑀮𑀦𑀺𑀫𑀺𑀢𑁆𑀢𑀸𑀦𑀺 𑀩𑀸𑀮𑀸𑀧𑀤𑀸𑀦𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺, 𑀇𑀥 𑀪𑀺𑀓𑁆𑀔𑀯𑁂 𑀩𑀸𑀮𑁄 𑀤𑀼𑀘𑁆𑀘𑀺𑀦𑁆𑀢𑀺𑀢𑀘𑀺𑀦𑁆𑀢𑀻 𑀘 𑀳𑁄𑀢𑀺 𑀤𑀼𑀩𑁆𑀪𑀸𑀲𑀺𑀢𑀪𑀸𑀲𑀻 𑀘 𑀤𑀼𑀓𑁆𑀓𑀝𑀓𑀫𑁆𑀫𑀓𑀸𑀭𑀻 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀘𑁆𑀘𑀬𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀅𑀘𑁆𑀘𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀅𑀘𑁆𑀘𑀬𑀲𑀼𑀢𑁆𑀢𑀁 ‘‘𑀢𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀩𑀸𑀮𑁄 𑀯𑁂𑀤𑀺𑀢𑀩𑁆𑀩𑁄. 𑀓𑀢𑀫𑁂𑀳𑀺 𑀢𑀻𑀳𑀺, 𑀅𑀘𑁆𑀘𑀬𑀁 𑀅𑀘𑁆𑀘𑀬𑀢𑁄 𑀤𑀺𑀲𑁆𑀯𑀸 𑀬𑀣𑀸𑀥𑀫𑁆𑀫𑀁 𑀦𑀧𑁆𑀧𑀝𑀺𑀓𑀭𑁄𑀢𑀺, 𑀧𑀭𑀲𑁆𑀲 𑀔𑁄 𑀧𑀦 𑀅𑀘𑁆𑀘𑀬𑀁 𑀤𑁂𑀲𑁂𑀦𑁆𑀢𑀲𑁆𑀲 𑀬𑀣𑀸𑀥𑀫𑁆𑀫𑀁 𑀦𑀧𑁆𑀧𑀝𑀺𑀕𑁆𑀕𑀡𑁆𑀳𑀸𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀫𑀮𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀫𑀮𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀲𑀫𑀁 𑀫𑀮𑀲𑀼𑀢𑁆𑀢𑀁 ‘‘𑀢𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀢𑀬𑁄 𑀫𑀮𑁂 𑀅𑀧𑁆𑀧𑀳𑀸𑀬 𑀬𑀣𑀸𑀪𑀢𑀁 𑀦𑀺𑀓𑁆𑀔𑀺𑀢𑁆𑀢𑁄 𑀏𑀯𑀁 𑀦𑀺𑀭𑀬𑁂. 𑀓𑀢𑀫𑁂𑀳𑀺 𑀢𑀻𑀳𑀺, 𑀤𑀼𑀲𑁆𑀲𑀻𑀮𑁄 𑀘 𑀳𑁄𑀢𑀺, 𑀤𑀼𑀲𑁆𑀲𑀻𑀮𑁆𑀬𑀫𑀮𑀜𑁆𑀘𑀲𑁆𑀲 𑀅𑀧𑁆𑀧𑀳𑀻𑀦𑀁 𑀳𑁄𑀢𑀺. 𑀇𑀲𑁆𑀲𑀼𑀓𑀻 𑀘 𑀳𑁄𑀢𑀺, 𑀇𑀲𑁆𑀲𑀸𑀫𑀮𑀜𑁆𑀘𑀲𑁆𑀲 𑀅𑀧𑁆𑀧𑀳𑀻𑀦𑀁 𑀳𑁄𑀢𑀺. 𑀫𑀘𑁆𑀙𑀭𑀻 𑀘 𑀳𑁄𑀢𑀺, 𑀫𑀘𑁆𑀙𑀭𑀫𑀮𑀜𑁆𑀘𑀲𑁆𑀲 𑀅𑀧𑁆𑀧𑀳𑀻𑀦𑀁 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀭𑀣𑀓𑀸𑀭𑀯𑀕𑁆𑀕, 𑀜𑀸𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀭𑀣𑀓𑀸𑀭𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀜𑀸𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀞𑀫𑀁 𑀪𑀦𑁆𑀢𑁂 𑀜𑀸𑀢𑀲𑀼𑀢𑁆𑀢𑀁 ‘‘𑀢𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀜𑀸𑀢𑁄 𑀪𑀺𑀓𑁆𑀔𑀼 𑀩𑀳𑀼𑀚𑀦𑀅𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄 𑀳𑁄𑀢𑀺 𑀩𑀳𑀼𑀚𑀦 𑀤𑀼𑀓𑁆𑀔𑀸𑀬 𑀩𑀳𑀼𑀦𑁄 𑀚𑀦𑀲𑁆𑀲 𑀅𑀦𑀢𑁆𑀣𑀸𑀬 𑀅𑀳𑀺𑀢𑀸𑀬 𑀤𑀼𑀓𑁆𑀔𑀸𑀬 𑀤𑁂𑀯𑀫𑀦𑀼𑀲𑁆𑀲𑀸𑀦𑀁. 𑀓𑀢𑀫𑁂𑀳𑀺 𑀢𑀻𑀳𑀺, 𑀅𑀦𑀦𑀼𑀮𑁄𑀫𑀺𑀓𑁂 𑀓𑀸𑀬𑀓𑀫𑁆𑀫𑁂 𑀲𑀫𑀸𑀤𑀧𑁂𑀢𑀺, 𑀅𑀦𑀦𑀼𑀮𑁄𑀫𑀺𑀓𑁂 𑀯𑀘𑀻𑀓𑀫𑁆𑀫𑁂 𑀲𑀫𑀸𑀤𑀧𑁂𑀢𑀺, 𑀅𑀦𑀦𑀼𑀮𑁄𑀫𑀺𑀓𑁂𑀲𑀼 𑀥𑀫𑁆𑀫𑁂𑀲𑀼 𑀲𑀫𑀸𑀤𑀧𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀆𑀲𑀁𑀲𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀆𑀲𑀁𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑀢𑀺𑀬𑀁 𑀆𑀲𑀁𑀲𑀲𑀼𑀢𑁆𑀢𑀁 ‘‘𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄 𑀦𑀺𑀭𑀸𑀲𑁄 𑀆𑀲𑀁𑀲𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀘𑁂𑀢𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀭𑀣𑀓𑀸𑀭𑀯𑀕𑁆𑀕𑁂 𑀧𑀜𑁆𑀘𑀫𑀁 𑀲𑀘𑁂𑀢𑀦𑀲𑀼𑀢𑁆𑀢𑀁 𑀓𑀢𑁆𑀣 𑀓𑀲𑁆𑀲 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀩𑀸𑀭𑀸𑀡𑀲𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑀸𑀦𑀁 𑀪𑀺𑀓𑁆𑀔𑀽𑀦𑀁 𑀆𑀭𑀩𑁆𑀪 ‘‘𑀪𑀽𑀢𑀧𑀼𑀩𑁆𑀩𑀁 𑀪𑀺𑀓𑁆𑀔𑀯𑁂 𑀭𑀸𑀚𑀸 𑀅𑀳𑁄𑀲𑀺 𑀲𑀘𑁂𑀢𑀦𑁄 𑀦𑀸𑀫, 𑀅𑀣 𑀔𑁄 𑀪𑀺𑀓𑁆𑀔𑀯𑁂 𑀭𑀸𑀚𑀸 𑀲𑀘𑁂𑀢𑀦𑁄 𑀭𑀣𑀓𑀸𑀭𑀁 𑀆𑀫𑀦𑁆𑀢𑁂𑀲𑀺 𑀇𑀢𑁄 𑀫𑁂 𑀲𑀫𑁆𑀫 𑀭𑀣𑀓𑀸𑀭 𑀙𑀦𑁆𑀦𑀁 𑀫𑀸𑀲𑀸𑀦𑀁 𑀧𑀘𑁆𑀘𑀬𑁂𑀦 𑀲𑀗𑁆𑀕𑀸𑀫𑁄 𑀪𑀯𑀺𑀲𑁆𑀲𑀢𑀺 𑀲𑀓𑁆𑀔𑀺𑀲𑁆𑀲𑀲𑀺 𑀫𑁂 𑀲𑀫𑁆𑀫 𑀭𑀣𑀓𑀸𑀭 𑀦𑀯𑀁 𑀘𑀓𑁆𑀓𑀬𑀼𑀕𑀁 𑀓𑀸𑀢𑀼’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀧𑀡𑁆𑀡𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀅𑀧𑀡𑁆𑀡𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀅𑀧𑀡𑁆𑀡𑀓𑀲𑀼𑀢𑁆𑀢𑀁 ‘‘𑀢𑀻𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀅𑀧𑀡𑁆𑀡𑀓𑀧𑀝𑀺𑀧𑀤𑀁 𑀧𑀝𑀺𑀧𑀦𑁆𑀦𑁄 𑀳𑁄𑀢𑀺, 𑀬𑁄𑀦𑀺 𑀘𑀲𑁆𑀲 𑀆𑀭𑀤𑁆𑀥𑀸 𑀳𑁄𑀢𑀺 𑀆𑀲𑀯𑀸𑀦𑀁 𑀔𑀬𑀸𑀬. 𑀓𑀢𑀫𑁂𑀳𑀺 𑀢𑀻𑀳𑀺, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀇𑀦𑁆𑀤𑁆𑀭𑀺𑀬𑁂𑀲𑀼 𑀕𑀼𑀢𑁆𑀢𑀤𑁆𑀯𑀸𑀭𑁄 𑀳𑁄𑀢𑀺, 𑀪𑁄𑀚𑀦𑁂 𑀫𑀢𑁆𑀢𑀜𑁆𑀜𑀽 𑀳𑁄𑀢𑀺, 𑀚𑀸𑀕𑀭𑀺𑀬𑀫𑀦𑀼𑀬𑀼𑀢𑁆𑀢𑁄 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑁂𑀯𑀮𑁄𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀤𑁂𑀯𑀮𑁄𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀤𑁂𑀯𑀮𑁄𑀓𑀲𑀼𑀢𑁆𑀢𑀁 ‘‘𑀲𑀘𑁂 𑀯𑁄 𑀪𑀺𑀓𑁆𑀔𑀯𑁂 𑀅𑀜𑁆𑀜𑀢𑀺𑀢𑁆𑀣𑀺𑀬𑀸 𑀧𑀭𑀺𑀩𑁆𑀩𑀸𑀚𑀓𑀸 𑀏𑀯𑀁 𑀧𑀼𑀘𑁆𑀙𑁂𑀬𑁆𑀬𑀼𑀁 ‘‘𑀤𑁂𑀯𑀮𑁄𑀓𑀽𑀧𑀧𑀢𑁆𑀢𑀺𑀬𑀸 𑀆𑀯𑀼𑀲𑁄 𑀲𑀫𑀡𑁂 𑀕𑁄𑀢𑀫𑁂 𑀩𑁆𑀭𑀳𑁆𑀫𑀘𑀭𑀺𑀬𑀁 𑀯𑀼𑀲𑁆𑀲𑀣𑀸’𑀢𑀺. 𑀦𑀦𑀼 𑀢𑀼𑀫𑁆𑀳𑁂 𑀪𑀺𑀓𑁆𑀔𑀯𑁂 𑀏𑀯𑀁 𑀧𑀼𑀝𑁆𑀞𑀸 𑀅𑀝𑁆𑀝𑀻𑀬𑁂𑀬𑁆𑀬𑀸𑀣 𑀳𑀭𑀸𑀬𑁂𑀬𑁆𑀬𑀸𑀣 𑀚𑀺𑀕𑀼𑀘𑁆𑀙𑁂𑀬𑁆𑀬𑀸𑀣𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀞𑀫 𑀧𑀸𑀧𑀡𑀺𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀧𑀞𑀫𑀧𑀸𑀧𑀡𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀦𑀯𑀫𑀁 𑀧𑀞𑀫𑀧𑀸𑀧𑀡𑀺𑀓𑀲𑀼𑀢𑁆𑀢𑀁 ‘‘𑀢𑀻𑀳𑀺 𑀪𑀺𑀓𑁆𑀔𑀯𑁂 𑀅𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀸𑀧𑀡𑀺𑀓𑁄 𑀅𑀪𑀩𑁆𑀩𑁄 𑀅𑀦𑀥𑀺𑀕𑀢𑀁 𑀯𑀸 𑀪𑁄𑀕𑀁 𑀅𑀥𑀺𑀕𑀦𑁆𑀢𑀼𑀁, 𑀅𑀥𑀺𑀕𑀢𑀁 𑀯𑀸 𑀪𑁄𑀕𑀁 𑀨𑀸𑀢𑀺𑀁 𑀓𑀸𑀢𑀼𑀁. 𑀓𑀢𑀫𑁂𑀳𑀺 𑀢𑀻𑀳𑀺, 𑀇𑀥 𑀪𑀺𑀓𑁆𑀔𑀯𑁂 𑀧𑀸𑀧𑀡𑀺𑀓𑁄 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦 𑀲𑀓𑁆𑀓𑀘𑁆𑀘𑀁 𑀓𑀫𑁆𑀫𑀦𑁆𑀢𑀁 𑀅𑀥𑀺𑀝𑁆𑀞𑀸𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀕𑁆𑀕𑀮𑀯𑀕𑁆𑀕

𑀕𑀺𑀮𑀸𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀧𑀼𑀕𑁆𑀕𑀮𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀕𑀺𑀮𑀸𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀼𑀕𑁆𑀕𑀮𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀕𑀺𑀮𑀸𑀦𑀲𑀼𑀢𑁆𑀢𑀁 ‘‘𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀕𑀺𑀮𑀸𑀦𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀕𑀺𑀮𑀸𑀦𑁄 𑀮𑀪𑀦𑁆𑀢𑁄 𑀯𑀸 𑀲𑀧𑁆𑀧𑀸𑀬𑀸𑀦𑀺 𑀪𑁄𑀚𑀦𑀸𑀦𑀺 𑀅𑀮𑀪𑀦𑁆𑀢𑁄 𑀯𑀸 𑀲𑀧𑁆𑀧𑀸𑀬𑀸𑀦𑀺 𑀪𑁄𑀚𑀦𑀸𑀦𑀺, 𑀮𑀪𑀦𑁆𑀢𑁄 𑀯𑀸 𑀲𑀧𑁆𑀧𑀸𑀬𑀸𑀦𑀺 𑀪𑁂𑀲𑀚𑁆𑀚𑀸𑀦𑀺 𑀅𑀮𑀪𑀦𑁆𑀢𑁄 𑀯𑀸 𑀲𑀧𑁆𑀧𑀸𑀬𑀸𑀦𑀺 𑀪𑁂𑀲𑀚𑁆𑀚𑀸𑀦𑀺, 𑀮𑀪𑀦𑁆𑀢𑁄 𑀯𑀸 𑀧𑀢𑀺𑀭𑀽𑀧𑀁 𑀉𑀧𑀝𑁆𑀞𑀸𑀓𑀁 𑀅𑀮𑀪𑀦𑁆𑀢𑁄 𑀯𑀸 𑀧𑀢𑀺𑀭𑀽𑀧𑀁 𑀉𑀧𑀝𑁆𑀞𑀸𑀓𑀁 𑀯𑀼𑀝𑁆𑀞𑀸𑀢𑀺 𑀢𑀫𑁆𑀳𑀸 𑀆𑀩𑀸𑀥𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀩𑀳𑀼𑀓𑀸𑀭𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀩𑀳𑀼𑀓𑀸𑀭𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀩𑀳𑀼𑀓𑀸𑀭𑀲𑀼𑀢𑁆𑀢𑀁 ‘‘𑀢𑀬𑁄 𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀧𑀼𑀕𑁆𑀕𑀮𑀲𑁆𑀲 𑀩𑀳𑀼𑀓𑀸𑀭𑀸. 𑀓𑀢𑀫𑁂 𑀢𑀬𑁄, 𑀬𑀁 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀁 𑀆𑀕𑀫𑁆𑀫 𑀧𑀼𑀕𑁆𑀕𑀮𑁄 𑀩𑀼𑀤𑁆𑀥𑀁 𑀲𑀭𑀡𑀁 𑀕𑀢𑁄 𑀳𑁄𑀢𑀺, 𑀥𑀫𑁆𑀫𑀁 𑀲𑀭𑀡𑀁 𑀕𑀢𑁄 𑀳𑁄𑀢𑀺, 𑀲𑀗𑁆𑀖𑀁 𑀲𑀭𑀡𑀁 𑀕𑀢𑁄 𑀳𑁄𑀢𑀺. 𑀅𑀬𑀁 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀇𑀫𑀲𑁆𑀲 𑀧𑀼𑀕𑁆𑀕𑀮𑀲𑁆𑀲 𑀩𑀳𑀼𑀓𑀸𑀭𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸 𑀚𑀸𑀦𑀢𑀸 𑀧𑀲𑁆𑀲𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀧𑀼𑀕𑁆𑀕𑀮𑀯𑀕𑁆𑀕𑁂 𑀲𑀢𑁆𑀢𑀫𑀁 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑀲𑀼𑀢𑁆𑀢𑀁 ‘‘𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀅𑀚𑁆𑀛𑀼𑀧𑁂𑀓𑁆𑀔𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀲𑁂𑀯𑀺𑀢𑀩𑁆𑀩𑁄 𑀪𑀚𑀺𑀢𑀩𑁆𑀩𑁄 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀦𑀲𑁂𑀯𑀺𑀢𑀩𑁆𑀩𑁄 𑀦𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 ‘‘𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄. 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀤𑀼𑀲𑁆𑀲𑀻𑀮𑁄 𑀳𑁄𑀢𑀺 𑀧𑀸𑀧𑀥𑀫𑁆𑀫𑁄 𑀅𑀲𑀼𑀘𑀺𑀲𑀗𑁆𑀓𑀲𑁆𑀲𑀭𑀲𑀫𑀸𑀘𑀸𑀭𑁄 𑀧𑀝𑀺𑀘𑁆𑀙𑀦𑁆𑀦𑀓𑀫𑁆𑀫𑀦𑁆𑀢𑁄 𑀅𑀲𑁆𑀲𑀫𑀡𑁄 𑀲𑀫𑀡𑀧𑀝𑀺𑀜𑁆𑀜𑁄 𑀅𑀩𑁆𑀭𑀳𑁆𑀫𑀘𑀸𑀭𑀻 𑀩𑁆𑀭𑀳𑁆𑀫𑀘𑀸𑀭𑀺𑀧𑀝𑀺𑀜𑁆𑀜𑁄 𑀅𑀦𑁆𑀢𑁄𑀧𑀽𑀢𑀺 𑀅𑀯𑀲𑁆𑀲𑀼𑀢𑁄 𑀓𑀲𑀫𑁆𑀩𑀼𑀚𑀸𑀢𑁄, 𑀏𑀯𑀭𑀽𑀧𑁄 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀚𑀺𑀕𑀼𑀘𑁆𑀙𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀅𑀚𑁆𑀛𑀼𑀧𑁂𑀓𑁆𑀔𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀅𑀚𑁆𑀛𑀼𑀧𑁂𑀓𑁆𑀔𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀓𑁄𑀥𑀦𑁄 𑀳𑁄𑀢𑀺 𑀉𑀧𑀸𑀬𑀸𑀲𑀩𑀳𑀼𑀮𑁄, 𑀅𑀧𑁆𑀧𑀫𑁆𑀧𑀺 𑀯𑀼𑀢𑁆𑀢𑁄 𑀲𑀫𑀸𑀦𑁄 𑀅𑀪𑀺𑀲𑀚𑁆𑀚𑀢𑀺 𑀓𑀼𑀧𑁆𑀧𑀢𑀺 𑀩𑁆𑀬𑀸𑀧𑀚𑁆𑀚𑀢𑀺 𑀧𑀢𑀺𑀢𑁆𑀣𑀻𑀬𑀢𑀺, 𑀓𑁄𑀧𑀜𑁆𑀘 𑀤𑁄𑀲𑀜𑁆𑀘 𑀅𑀧𑁆𑀧𑀘𑁆𑀘𑀬𑀜𑁆𑀘 𑀧𑀸𑀢𑀼𑀓𑀭𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀢𑀢𑁆𑀣 𑀅𑀚𑁆𑀛𑀼𑀧𑁂𑀓𑁆𑀔𑀺𑀢𑀩𑁆𑀩𑁄 𑀦 𑀲𑁂𑀯𑀺𑀢𑀩𑁆𑀩𑁄 𑀦 𑀪𑀚𑀺𑀢𑀩𑁆𑀩𑁄 𑀦 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀲𑁂𑀯𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀪𑀚𑀺𑀢𑀩𑁆𑀩𑁄 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 ‘‘𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀲𑁂𑀯𑀺𑀢𑀩𑁆𑀩𑁄 𑀪𑀚𑀺𑀢𑀩𑁆𑀩𑁄 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀲𑀻𑀮𑀯𑀸 𑀳𑁄𑀢𑀺 𑀓𑀮𑁆𑀬𑀸𑀡𑀥𑀫𑁆𑀫𑁄, 𑀏𑀯𑀭𑀽𑀧𑁄 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀲𑁂𑀯𑀺𑀢𑀩𑁆𑀩𑁄 𑀪𑀚𑀺𑀢𑀩𑁆𑀩𑁄 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀲𑁂𑀯𑀺𑀢𑀩𑁆𑀩𑁄 𑀧𑀼𑀕𑁆𑀕𑀮𑁄 𑀪𑀚𑀺𑀢𑀩𑁆𑀩𑁄 𑀧𑀬𑀺𑀭𑀼𑀧𑀸𑀲𑀺𑀢𑀩𑁆𑀩𑁄 𑀧𑀓𑀸𑀲𑀺𑀢𑁄.

𑀕𑀽𑀣𑀪𑀸𑀡𑀻𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀼𑀕𑁆𑀕𑀮𑀯𑀕𑁆𑀕𑁂 𑀅𑀝𑁆𑀞𑀫𑀁 𑀕𑀽𑀣𑀪𑀸𑀡𑀻𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀧𑀼𑀕𑁆𑀕𑀮𑀯𑀕𑁆𑀕𑁂 𑀅𑀝𑁆𑀞𑀫𑀁 𑀕𑀽𑀣𑀪𑀸𑀡𑀻𑀲𑀼𑀢𑁆𑀢𑀁 ‘‘𑀢𑀬𑁄 𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄, 𑀕𑀽𑀣𑀪𑀸𑀡𑀻 𑀧𑀼𑀧𑁆𑀨𑀪𑀸𑀡𑀻 𑀫𑀥𑀼𑀪𑀸𑀡𑀻’’𑀢𑀺 𑀏𑀯𑀁 𑀔𑁄 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀕𑀽𑀣𑀪𑀸𑀡𑀻𑀧𑀼𑀕𑁆𑀕𑀮

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀕𑀽𑀣𑀪𑀸𑀡𑀻𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀕𑀽𑀣𑀪𑀸𑀡𑀻, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀲𑀪𑀕𑁆𑀕𑀢𑁄 𑀯𑀸 𑀧𑀭𑀺𑀲𑀕𑁆𑀕𑀢𑁄 𑀯𑀸 𑀜𑀸𑀢𑀺𑀫𑀚𑁆𑀛𑀕𑀢𑁄𑀯𑀸 𑀧𑀽𑀕𑀫𑀚𑁆𑀛𑀕𑀢𑁄𑀯𑀸 𑀭𑀸𑀚𑀓𑀼𑀮𑀫𑀚𑁆𑀛𑀕𑀢𑁄𑀯𑀸 𑀅𑀪𑀺𑀦𑀻𑀢𑁄 𑀲𑀓𑁆𑀔𑀺𑀧𑀼𑀝𑁆𑀞𑁄 ‘‘𑀏𑀳𑀫𑁆𑀪𑁄 𑀧𑀼𑀭𑀺𑀲 𑀬𑀁 𑀚𑀸𑀦𑀸𑀲𑀺, 𑀢𑀁 𑀯𑀤𑁂𑀳𑀻’’𑀢𑀺. 𑀲𑁄 𑀅𑀚𑀸𑀦𑀁 𑀯𑀸 𑀆𑀳 ‘‘𑀚𑀸𑀦𑀸𑀫𑀻’’𑀢𑀺, 𑀚𑀸𑀦𑀁 𑀯𑀸 𑀆𑀳 ‘‘𑀦 𑀚𑀸𑀦𑀸𑀫𑀻’’𑀢𑀺, 𑀅𑀧𑀲𑁆𑀲𑀁 𑀯𑀸 𑀆𑀳 ‘‘𑀧𑀲𑁆𑀲𑀸𑀫𑀻’’𑀢𑀺, 𑀧𑀲𑁆𑀲𑀁 𑀯𑀸 𑀆𑀳 ‘‘𑀦 𑀧𑀲𑁆𑀲𑀸𑀫𑀻’’𑀢𑀺. 𑀇𑀢𑀺 𑀅𑀢𑁆𑀢𑀳𑁂𑀢𑀼 𑀯𑀸 𑀧𑀭𑀳𑁂𑀢𑀼 𑀯𑀸 𑀆𑀫𑀺𑀲𑀓𑀺𑀜𑁆𑀘𑀺𑀓𑁆𑀔𑀳𑁂𑀢𑀼 𑀯𑀸 𑀲𑀫𑁆𑀧𑀚𑀸𑀦𑀫𑀼𑀲𑀸 𑀪𑀸𑀲𑀺𑀢𑀸 𑀳𑁄𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀕𑀽𑀣𑀪𑀸𑀡𑀻𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀕𑀽𑀣𑀪𑀸𑀡𑀻𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀧𑀼𑀧𑁆𑀨𑀪𑀸𑀡𑀻𑀧𑀼𑀕𑁆𑀕𑀮

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀧𑀼𑀧𑁆𑀨𑀪𑀸𑀡𑀻𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀧𑀼𑀧𑁆𑀨𑀪𑀸𑀡𑀻, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀲𑀪𑀕𑁆𑀕𑀢𑁄 𑀯𑀸 𑀧𑀭𑀺𑀲𑀕𑁆𑀕𑀢𑁄 𑀯𑀸 𑀜𑀸𑀢𑀺𑀫𑀚𑁆𑀛𑀕𑀢𑁄 𑀯𑀸 𑀧𑀽𑀕𑀫𑀚𑁆𑀛𑀕𑀢𑁄𑀯𑀸 𑀭𑀸𑀚𑀓𑀼𑀮𑀫𑀚𑁆𑀛𑀕𑀢𑁄 𑀯𑀸 𑀅𑀪𑀺𑀦𑀻𑀢𑁄 𑀲𑀓𑁆𑀔𑀺𑀧𑀼𑀝𑁆𑀞𑁄 ‘‘𑀏𑀳𑀫𑁆𑀪𑁄 𑀧𑀼𑀭𑀺𑀲 𑀬𑀁 𑀧𑀚𑀸𑀦𑀸𑀲𑀺, 𑀢𑀁 𑀯𑀤𑁂𑀳𑀻’’𑀢𑀺. 𑀲𑁄 𑀅𑀚𑀸𑀦𑀁 𑀯𑀸 𑀆𑀳 ‘‘𑀦 𑀚𑀸𑀦𑀸𑀫𑀻’’𑀢𑀺, 𑀚𑀸𑀦𑀁 𑀯𑀸 𑀆𑀳 ‘‘𑀚𑀸𑀦𑀸𑀫𑀻’’𑀢𑀺, 𑀅𑀧𑀲𑁆𑀲𑀁 𑀯𑀸 𑀆𑀳 ‘‘𑀦 𑀧𑀲𑁆𑀲𑀸𑀫𑀻’’𑀢𑀺, 𑀧𑀲𑁆𑀲𑀁 𑀯𑀸 𑀆𑀳 ‘‘𑀧𑀲𑁆𑀲𑀸𑀫𑀻’’𑀢𑀺, 𑀇𑀢𑀺 𑀅𑀢𑁆𑀢𑀳𑁂𑀢𑀼 𑀯𑀸 𑀧𑀭𑀳𑁂𑀢𑀼 𑀯𑀸 𑀆𑀫𑀺𑀲𑀓𑀺𑀜𑁆𑀘𑀺𑀓𑁆𑀔𑀳𑁂𑀢𑀼 𑀯𑀸 𑀦 𑀲𑀫𑁆𑀧𑀚𑀸𑀦𑀫𑀼𑀲𑀸 𑀪𑀸𑀲𑀺𑀢𑀸 𑀳𑁄𑀢𑀺, 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀧𑀼𑀧𑁆𑀨𑀪𑀸𑀡𑀻𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀧𑀼𑀧𑁆𑀨𑀪𑀸𑀡𑀻𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀫𑀥𑀼𑀪𑀸𑀡𑀻𑀧𑀼𑀕𑁆𑀕𑀮

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀫𑀥𑀼𑀪𑀸𑀡𑀻 𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀫𑀥𑀼𑀪𑀸𑀡𑀻, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀨𑀭𑀼𑀲𑀁 𑀯𑀸𑀘𑀁 𑀧𑀳𑀸𑀬 𑀨𑀭𑀼𑀲𑀸𑀬 𑀯𑀸𑀘𑀸𑀬 𑀧𑀝𑀺𑀯𑀺𑀭𑀢𑁄

𑀳𑁄𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀢𑀢𑁆𑀣 𑀫𑀥𑀼𑀪𑀸𑀡𑀻 𑀧𑀼𑀕𑁆𑀕𑀮𑁄 𑀧𑀓𑀸𑀲𑀺𑀢𑁄.

𑀅𑀦𑁆𑀥𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀼𑀕𑁆𑀕𑀮𑀯𑀕𑁆𑀕𑁂 𑀦𑀯𑀫𑀁 𑀅𑀦𑁆𑀥𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀧𑀼𑀕𑁆𑀕𑀮𑀯𑀕𑁆𑀕𑁂 𑀦𑀯𑀫𑀁 𑀅𑀦𑁆𑀥𑀲𑀼𑀢𑁆𑀢𑀁 ‘‘𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄 𑀅𑀦𑁆𑀥𑁄 𑀏𑀓𑀘𑀓𑁆𑀔𑀼 𑀤𑁆𑀯𑀺𑀘𑀓𑁆𑀔𑀽’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀘𑁆𑀙𑀸 𑁋 𑀓𑀻𑀤𑀺𑀲𑁄 𑀆𑀯𑀼𑀲𑁄 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀅𑀦𑁆𑀥𑁄 𑀅𑀓𑁆𑀔𑀸𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀬𑀲𑁆𑀲 𑀪𑀦𑁆𑀢𑁂 𑀪𑁄𑀕𑁂𑀲𑀼 𑀘𑁂𑀯 𑀥𑀫𑁆𑀫𑁂𑀲𑀼 𑀘 𑀧𑀜𑁆𑀜𑀸𑀘𑀓𑁆𑀔𑀼 𑀦𑀢𑁆𑀣𑀺, 𑀏𑀤𑀺𑀲𑁄 𑀪𑀦𑁆𑀢𑁂 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀅𑀦𑁆𑀥𑁄 𑀅𑀓𑁆𑀔𑀸𑀢𑁄.

𑀧𑀼𑀘𑁆𑀙𑀸 𑁋 𑀓𑀻𑀤𑀺𑀲𑁄 𑀧𑀦 𑀆𑀯𑀼𑀲𑁄 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀏𑀓𑀘𑀓𑁆𑀔𑀼 𑀅𑀓𑁆𑀔𑀸𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀬𑀲𑁆𑀲 𑀪𑀦𑁆𑀢𑁂 𑀪𑁄𑀕𑁂𑀲𑀼𑀬𑁂𑀯 𑀧𑀜𑁆𑀜𑀸𑀘𑀓𑁆𑀔𑀼 𑀅𑀢𑁆𑀣𑀺 𑀦 𑀥𑀫𑁆𑀫𑁂𑀲𑀼. 𑀈𑀤𑀺𑀲𑁄 𑀪𑀦𑁆𑀢𑁂 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀏𑀓𑀘𑀓𑁆𑀔𑀼 𑀅𑀓𑁆𑀔𑀸𑀢𑁄.

𑀧𑀼𑀘𑁆𑀙𑀸 𑁋 𑀓𑀻𑀤𑀺𑀲𑁄 𑀧𑀦 𑀆𑀯𑀼𑀲𑁄 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀤𑁆𑀯𑀺𑀘𑀓𑁆𑀔𑀼 𑀅𑀓𑁆𑀔𑀸𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀬𑀲𑁆𑀲 𑀪𑀦𑁆𑀢𑁂 𑀪𑁄𑀕𑁂𑀲𑀼 𑀘𑁂𑀯 𑀥𑀫𑁆𑀫𑁂𑀲𑀼 𑀘 𑀧𑀜𑁆𑀜𑀸𑀘𑀓𑁆𑀔𑀼 𑀅𑀢𑁆𑀣𑀺, 𑀈𑀤𑀺𑀲𑁄 𑀪𑀦𑁆𑀢𑁂 𑀧𑀼𑀕𑁆𑀕𑀮𑁄 𑀢𑀢𑁆𑀣 𑀪𑀕𑀯𑀢𑀸 𑀤𑁆𑀯𑀺𑀘𑀓𑁆𑀔𑀼 𑀅𑀓𑁆𑀔𑀸𑀢𑁄.

𑀅𑀯𑀓𑀼𑀚𑁆𑀚𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸 𑀚𑀸𑀦𑀢𑀸 𑀧𑀲𑁆𑀲𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀧𑀼𑀕𑁆𑀕𑀮𑀯𑀕𑁆𑀕𑁂 𑀤𑀲𑀫𑀁 𑀅𑀯𑀓𑀼𑀚𑁆𑀚𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀲𑀫𑀁 𑀪𑀦𑁆𑀢𑁂 𑀅𑀯𑀓𑀼𑀚𑁆𑀚𑀲𑀼𑀢𑁆𑀢𑀁 ‘‘𑀢𑀬𑁄 𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄, 𑀅𑀯𑀓𑀼𑀚𑁆𑀚𑀧𑀜𑁆𑀜𑁄 𑀧𑀼𑀕𑁆𑀕𑀮𑁄 𑀉𑀘𑁆𑀙𑀗𑁆𑀕𑀧𑀜𑁆𑀜𑁄 𑀧𑀼𑀕𑁆𑀕𑀮𑁄 𑀧𑀼𑀣𑀼𑀧𑀜𑁆𑀜𑁄 𑀧𑀼𑀕𑁆𑀕𑀮𑁄. 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀅𑀯𑀓𑀼𑀚𑁆𑀚𑀧𑀜𑁆𑀜𑁄 𑀧𑀼𑀕𑁆𑀕𑀮𑁄. 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀆𑀭𑀸𑀫𑀁 𑀕𑀦𑁆𑀢𑀸 𑀳𑁄𑀢𑀺 𑀅𑀪𑀺𑀓𑁆𑀔𑀡𑀁 𑀪𑀺𑀓𑁆𑀔𑀽𑀦𑀁 𑀲𑀦𑁆𑀢𑀺𑀓𑁂 𑀥𑀫𑁆𑀫𑀲𑁆𑀲𑀯𑀦𑀸𑀬, 𑀢𑀲𑁆𑀲 𑀪𑀺𑀓𑁆𑀔𑀽 𑀥𑀫𑁆𑀫𑀁 𑀤𑁂𑀲𑁂𑀦𑁆𑀢𑀺𑀆𑀤𑀺𑀓𑀮𑁆𑀬𑀸𑀡𑀁 𑀫𑀚𑁆𑀛𑁂𑀓𑀮𑁆𑀬𑀸𑀡𑀁 𑀧𑀭𑀺𑀬𑁄𑀲𑀸𑀦𑀓𑀮𑁆𑀬𑀸𑀡𑀁 𑀲𑀸𑀢𑁆𑀣𑀁 𑀲𑀩𑁆𑀬𑀜𑁆𑀚𑀦𑀁 𑀓𑁂𑀯𑀮𑀧𑀭𑀺𑀧𑀼𑀡𑁆𑀡𑀁 𑀧𑀭𑀺𑀲𑀼𑀤𑁆𑀥𑀁 𑀩𑁆𑀭𑀳𑁆𑀫𑀘𑀭𑀺𑀬𑀁 𑀧𑀓𑀸𑀲𑁂𑀦𑁆𑀢𑀺. 𑀲𑁄 𑀢𑀲𑁆𑀫𑀺𑀁 𑀆𑀲𑀦𑁂 𑀦𑀺𑀲𑀺𑀦𑁆𑀦𑁄 𑀢𑀲𑁆𑀲𑀸 𑀓𑀣𑀸𑀬 𑀦𑁂𑀯𑀸𑀤𑀺𑀁 𑀫𑀦𑀲𑀺𑀓𑀭𑁄𑀢𑀺, 𑀦 𑀫𑀚𑁆𑀛𑀁 𑀫𑀦𑀲𑀺𑀓𑀭𑁄𑀢𑀺, 𑀦 𑀧𑀭𑀺𑀬𑁄𑀲𑀸𑀦𑀁 𑀫𑀦𑀲𑀺𑀓𑀭𑁄𑀢𑀺, 𑀯𑀼𑀝𑁆𑀞𑀺𑀢𑁄𑀧𑀺 𑀢𑀫𑁆𑀳𑀸 𑀆𑀲𑀦𑀸 𑀢𑀲𑁆𑀲𑀸 𑀓𑀣𑀸𑀬 𑀦𑁂𑀯𑀸𑀤𑀺𑀁 𑀫𑀦𑀲𑀺𑀓𑀭𑁄𑀢𑀺, 𑀦 𑀫𑀚𑁆𑀛𑀁 𑀫𑀦𑀲𑀺𑀓𑀭𑁄𑀢𑀺, 𑀦 𑀧𑀭𑀺𑀬𑁄𑀲𑀸𑀦𑀁 𑀫𑀦𑀲𑀺𑀓𑀭𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑁂𑀯𑀤𑀽𑀢𑀯𑀕𑁆𑀕, 𑀲𑀩𑁆𑀭𑀳𑁆𑀫𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀤𑁂𑀯𑀤𑀽𑀢𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀲𑀩𑁆𑀭𑀳𑁆𑀫𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑁂𑀯𑀤𑀽𑀢𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀲𑀩𑁆𑀭𑀳𑁆𑀫𑀓𑀲𑀼𑀢𑁆𑀢𑀁 ‘‘𑀲𑀩𑁆𑀭𑀳𑁆𑀫𑀓𑀸𑀦𑀺 𑀪𑀺𑀓𑁆𑀔𑀯𑁂 𑀢𑀸𑀦𑀺 𑀓𑀼𑀮𑀸𑀦𑀺, 𑀬𑁂𑀲𑀁 𑀧𑀼𑀢𑁆𑀢𑀸𑀦𑀁 𑀫𑀸𑀢𑀸𑀧𑀺𑀢𑀭𑁄 𑀅𑀚𑁆𑀛𑀸𑀕𑀸𑀭𑁂 𑀧𑀽𑀚𑀺𑀢𑀸 𑀳𑁄𑀦𑁆𑀢𑀺. 𑀲𑀧𑀼𑀩𑁆𑀩𑀘𑀭𑀺𑀬𑀓𑀸𑀦𑀺 𑀪𑀺𑀓𑁆𑀔𑀯𑁂 𑀢𑀸𑀦𑀺 𑀓𑀼𑀮𑀸𑀦𑀺, 𑀬𑁂𑀲𑀁 𑀧𑀼𑀢𑁆𑀢𑀸𑀦𑀁 𑀫𑀸𑀢𑀸𑀧𑀺𑀢𑀭𑁄 𑀅𑀚𑁆𑀛𑀸𑀕𑀸𑀭𑁂 𑀧𑀽𑀚𑀺𑀢𑀸 𑀳𑁄𑀦𑁆𑀢𑀺. 𑀆𑀳𑀼𑀦𑁂𑀬𑁆𑀬𑀸𑀦𑀺 𑀪𑀺𑀓𑁆𑀔𑀯𑁂 𑀢𑀸𑀦𑀺 𑀓𑀼𑀮𑀸𑀦𑀺, 𑀬𑁂𑀲𑀁 𑀧𑀼𑀢𑁆𑀢𑀸𑀦𑀁 𑀫𑀸𑀢𑀸𑀧𑀺𑀢𑀭𑁄 𑀅𑀚𑁆𑀛𑀸𑀕𑀸𑀭𑁂 𑀧𑀽𑀚𑀺𑀢𑀸 𑀳𑁄𑀦𑁆𑀢𑀺. 𑀩𑁆𑀭𑀳𑁆𑀫𑀸𑀢𑀺 𑀪𑀺𑀓𑁆𑀔𑀯𑁂 𑀫𑀸𑀢𑀸𑀧𑀺𑀢𑀽𑀦𑀁 𑀏𑀢𑀁 𑀅𑀥𑀺𑀯𑀘𑀦𑀁. 𑀧𑀼𑀩𑁆𑀩𑀸𑀘𑀭𑀺𑀬𑀸𑀢𑀺 𑀪𑀺𑀓𑁆𑀔𑀯𑁂 𑀫𑀸𑀢𑀸𑀧𑀺𑀢𑀽𑀦𑀁 𑀏𑀢𑀁 𑀅𑀥𑀺𑀯𑀘𑀦𑀁. 𑀆𑀳𑀼𑀦𑁂𑀬𑁆𑀬𑀸𑀢𑀺 𑀪𑀺𑀓𑁆𑀔𑀯𑁂 𑀏𑀢𑀁 𑀫𑀸𑀢𑀸𑀧𑀺𑀢𑀽𑀦𑀁 𑀅𑀥𑀺𑀯𑀘𑀦𑀁. 𑀢𑀁 𑀓𑀺𑀲𑁆𑀲 𑀳𑁂𑀢𑀼, 𑀩𑀳𑀼𑀓𑀸𑀭𑀸 𑀪𑀺𑀓𑁆𑀔𑀯𑁂 𑀫𑀸𑀢𑀸𑀧𑀺𑀢𑀭𑁄 𑀧𑀼𑀢𑁆𑀢𑀸𑀦𑀁 𑀆𑀧𑀸𑀤𑀓𑀸 𑀧𑁄𑀲𑀓𑀸 𑀇𑀫𑀲𑁆𑀲 𑀮𑁄𑀓𑀲𑁆𑀲 𑀤𑀲𑁆𑀲𑁂𑀢𑀸𑀭𑁄’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀩𑁆𑀭𑀳𑁆𑀫𑀸𑀢𑀺 𑀫𑀸𑀢𑀸𑀧𑀺𑀢𑀭𑁄, 𑀧𑀼𑀩𑁆𑀩𑀸𑀘𑀭𑀺𑀬𑀸𑀢𑀺 𑀯𑀼𑀘𑁆𑀘𑀭𑁂;

𑀆𑀳𑀼𑀦𑁂𑀬𑁆𑀬𑀸 𑀘 𑀧𑀼𑀢𑁆𑀢𑀸𑀦𑀁, 𑀧𑀚𑀸𑀬 𑀅𑀦𑀼𑀓𑀫𑁆𑀧𑀓𑀸;

𑀢𑀲𑁆𑀫𑀸 𑀳𑀺 𑀦𑁂 𑀦𑀫𑀲𑁆𑀲𑁂𑀬𑁆𑀬, 𑀲𑀓𑁆𑀓𑀭𑁂𑀬𑁆𑀬 𑀘 𑀧𑀡𑁆𑀟𑀺𑀢𑁄;

𑀅𑀦𑁆𑀦𑁂𑀦 𑀅𑀣 𑀧𑀸𑀦𑁂𑀦, 𑀯𑀢𑁆𑀣𑁂𑀦 𑀲𑀬𑀦𑁂𑀦 𑀘;

𑀉𑀘𑁆𑀙𑀸𑀤𑀦𑁂𑀦 𑀦𑁆𑀳𑀸𑀧𑀦𑁂𑀦, 𑀧𑀸𑀤𑀸𑀦𑀁 𑀥𑁄𑀯𑀦𑁂𑀦 𑀘;

𑀢𑀸𑀬 𑀦𑀁 𑀧𑀸𑀭𑀺𑀘𑀭𑀺𑀬𑀸𑀬, 𑀫𑀸𑀢𑀸𑀧𑀺𑀢𑀽𑀲𑀼 𑀧𑀡𑁆𑀟𑀺𑀢𑀸.

𑀇𑀥𑁂𑀯 𑀦𑀁 𑀧𑀲𑀁𑀲𑀦𑁆𑀢𑀺, 𑀧𑁂𑀘𑁆𑀘 𑀲𑀕𑁆𑀕𑁂 𑀧𑀫𑁄𑀤𑀢𑀻𑀢𑀺 𑁋

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀳𑀢𑁆𑀣𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀧𑀜𑁆𑀘𑀫𑀁 𑀪𑀦𑁆𑀢𑁂 𑀳𑀢𑁆𑀣𑀓𑀲𑀼𑀢𑁆𑀢𑀁 𑀆𑀴𑀯𑀺𑀬𑀁 𑀳𑀢𑁆𑀣𑀓𑀁 𑀆𑀴𑀯𑀓𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀳𑀢𑁆𑀣𑀓𑁄 𑀪𑀦𑁆𑀢𑁂 𑀆𑀴𑀯𑀓𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀓𑀘𑁆𑀘𑀺 𑀪𑀦𑁆𑀢𑁂 𑀪𑀕𑀯𑀸 𑀲𑀼𑀔𑀫𑀲𑀬𑀺𑀢𑁆𑀣𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀏𑀯𑀁 𑀓𑀼𑀫𑀸𑀭 𑀲𑀼𑀔𑀫𑀲𑀬𑀺𑀢𑁆𑀣 𑀬𑁂 𑀘 𑀧𑀦 𑀮𑁄𑀓𑁂 𑀲𑀼𑀔𑀁 𑀲𑁂𑀦𑁆𑀢𑀺, 𑀅𑀳𑀁 𑀢𑁂𑀲𑀁 𑀅𑀜𑁆𑀜𑀢𑀭𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀓𑀘𑁆𑀘𑀺 𑀪𑀦𑁆𑀢𑁂 𑀪𑀕𑀯𑀸 𑀲𑀼𑀔𑀫𑀲𑀬𑀺𑀢𑁆𑀣’’.

‘‘𑀏𑀯𑀁 𑀓𑀼𑀫𑀸𑀭 𑀲𑀼𑀔𑀫𑀲𑀬𑀺𑀢𑁆𑀣, 𑀬𑁂 𑀘 𑀧𑀦 𑀮𑁄𑀓𑁂 𑀲𑀼𑀔𑀁 𑀲𑁂𑀦𑁆𑀢𑀺, 𑀅𑀳𑀁 𑀢𑁂𑀲𑀁 𑀅𑀜𑁆𑀜𑀢𑀭𑁄’’.

‘‘𑀏𑀯𑀁 𑀓𑀼𑀫𑀸𑀭 𑀲𑀼𑀔𑀫𑀲𑀬𑀺𑀢𑁆𑀣, 𑀬𑁂 𑀘 𑀧𑀦 𑀮𑁄𑀓𑁂 𑀲𑀼𑀔𑀁 𑀲𑁂𑀦𑁆𑀢𑀺, 𑀅𑀳𑀁 𑀢𑁂𑀲𑀁 𑀅𑀜𑁆𑀜𑀢𑀭𑁄’’.

‘‘𑀲𑀩𑁆𑀩𑀤𑀸 𑀯𑁂 𑀲𑀼𑀔𑀁 𑀲𑁂𑀢𑀺,

𑀩𑁆𑀭𑀸𑀳𑁆𑀫𑀡𑁄 𑀧𑀭𑀺𑀦𑀺𑀩𑁆𑀩𑀼𑀢𑁄;

𑀬𑁄 𑀦 𑀮𑀺𑀫𑁆𑀧𑀢𑀺 𑀓𑀸𑀫𑁂𑀲𑀼,

𑀲𑀻𑀢𑀺𑀪𑀽𑀢𑁄 𑀦𑀺𑀭𑀽𑀧𑀥𑀺;

𑀲𑀩𑁆𑀩𑀸 𑀆𑀲𑀢𑁆𑀢𑀺𑀬𑁄 𑀙𑁂𑀢𑁆𑀯𑀸,

𑀯𑀺𑀦𑁂𑀬𑁆𑀬 𑀳𑀤𑀬𑁂 𑀤𑀭𑀁;

𑀉𑀧𑀲𑀦𑁆𑀢𑁄 𑀲𑀼𑀔𑀁 𑀲𑁂𑀢𑀺;

𑀲𑀦𑁆𑀢𑀺𑀁 𑀧𑀧𑁆𑀧𑀼𑀬𑁆𑀬 𑀘𑁂𑀢𑀲𑁄’’ 𑀳𑀼 𑁋

𑀤𑁂𑀯𑀤𑀽𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀤𑁂𑀯𑀤𑀽𑀢𑀯𑀕𑁆𑀕𑁂 𑀙𑀝𑁆𑀞𑀁 𑀤𑁂𑀯𑀤𑀽𑀢𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀤𑁂𑀯𑀤𑀽𑀢𑀲𑀼𑀢𑁆𑀢𑀁 ‘‘𑀢𑀻𑀡𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀤𑁂𑀯𑀤𑀽𑀢𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀓𑀸𑀬𑁂𑀦 𑀤𑀼𑀘𑁆𑀘𑀭𑀺𑀢𑀁 𑀘𑀭𑀢𑀺, 𑀯𑀸𑀘𑀸𑀬 𑀤𑀼𑀘𑁆𑀘𑀭𑀺𑀢𑀁 𑀘𑀭𑀢𑀺, 𑀫𑀦𑀲𑀸 𑀤𑀼𑀘𑁆𑀘𑀭𑀺𑀢𑀁 𑀘𑀭𑀢𑀺. 𑀲𑁄 𑀓𑀸𑀬𑁂𑀦 𑀤𑀼𑀘𑁆𑀘𑀭𑀺𑀢𑀁 𑀘𑀭𑀺𑀢𑁆𑀯𑀸 𑀯𑀸𑀘𑀸𑀬 𑀤𑀼𑀘𑁆𑀘𑀭𑀺𑀢𑀁 𑀘𑀭𑀺𑀢𑁆𑀯𑀸 𑀫𑀦𑀲𑀸 𑀤𑀼𑀘𑁆𑀘𑀭𑀺𑀢𑀁 𑀘𑀭𑀺𑀢𑁆𑀯𑀸 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀢𑀺. 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀦𑀺𑀭𑀬𑀧𑀸𑀮𑀸 𑀦𑀸𑀦𑀸𑀩𑀸𑀳𑀸𑀲𑀼 𑀕𑀳𑁂𑀢𑁆𑀯𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀤𑀲𑁆𑀲𑁂𑀦𑁆𑀢𑀺-𑀅𑀬𑀁 𑀤𑁂𑀯 𑀧𑀼𑀭𑀺𑀲𑁄 𑀅𑀫𑀢𑁆𑀢𑁂𑀬𑁆𑀬𑁄 𑀅𑀧𑁂𑀢𑁆𑀢𑁂𑀬𑁆𑀬𑁄 𑀅𑀲𑀸𑀫𑀜𑁆𑀜𑁄 𑀅𑀩𑁆𑀭𑀳𑁆𑀫𑀜𑁆𑀜𑁄, 𑀦 𑀓𑀼𑀮𑁂 𑀚𑁂𑀝𑁆𑀞𑀧𑀘𑀸𑀬𑀻, 𑀇𑀫𑀲𑁆𑀲 𑀤𑁂𑀯𑁄 𑀤𑀡𑁆𑀟𑀁 𑀧𑀡𑁂𑀢𑀽’’𑀢𑀺. 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀧𑀞𑀫𑀤𑁂𑀯𑀤𑀽𑀢 𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀬𑀫𑁄 𑀭𑀸𑀚𑀸 𑀧𑀞𑀫𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀢𑀺 𑀲𑀫𑀦𑀼𑀕𑀸𑀳𑀢𑀺 𑀲𑀫𑀦𑀼𑀪𑀸𑀲𑀢𑀺 ‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀧𑀞𑀫𑀁 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀧𑀞𑀫𑀤𑁂𑀯𑀤𑀽𑀢𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀧𑀞𑀫𑀁 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢𑀁’’.

𑀤𑀼𑀢𑀺𑀬 𑀤𑁂𑀯𑀤𑀽𑀢

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀤𑀼𑀢𑀺𑀬𑀤𑁂𑀯𑀤𑀽𑀢 𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀬𑀫𑁄 𑀭𑀸𑀚𑀸 𑀧𑀞𑀫𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀺𑀢𑁆𑀯𑀸 𑀲𑀫𑀦𑀼𑀕𑀸𑀳𑀺𑀢𑁆𑀯𑀸 𑀲𑀫𑀦𑀼𑀪𑀸𑀲𑀺𑀢𑁆𑀯𑀸 𑀤𑀼𑀢𑀺𑀬𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀢𑀺 𑀲𑀫𑀦𑀼𑀕𑀸𑀳𑀢𑀺 𑀲𑀫𑀦𑀼𑀪𑀸𑀲𑀢𑀺 ‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀤𑀼𑀢𑀺𑀬𑀁 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀤𑀼𑀢𑀺𑀬𑀸 𑀤𑁂𑀯𑀤𑀽𑀢𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀤𑀼𑀢𑀺𑀬 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢𑀁’’.

‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀇𑀢𑁆𑀣𑀻𑀁 𑀯𑀸 𑀧𑀼𑀭𑀺𑀲𑀁 𑀯𑀸 𑀆𑀩𑀸𑀥𑀺𑀓𑀁 𑀤𑀼𑀓𑁆𑀔𑀺𑀢𑀁 𑀩𑀸𑀴𑁆𑀳𑀕𑀺𑀮𑀸𑀦𑀁 𑀲𑀓𑁂 𑀫𑀼𑀢𑁆𑀢𑀓𑀭𑀻𑀲𑁂 𑀧𑀮𑀺𑀧𑀦𑁆𑀦𑀁 𑀲𑁂𑀫𑀸𑀦𑀁 𑀅𑀜𑁆𑀜𑁂𑀳𑀺 𑀯𑀼𑀝𑁆𑀞𑀸𑀧𑀺𑀬𑀫𑀸𑀦𑀁 𑀅𑀜𑁆𑀜𑁂𑀳𑀺 𑀲𑀁𑀯𑁂𑀲𑀺𑀬𑀫𑀸𑀦𑀁’’ 𑁋

𑀢𑀢𑀺𑀬 𑀤𑁂𑀯𑀤𑀽𑀢

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀢𑀢𑀺𑀬𑀤𑁂𑀯𑀤𑀽𑀢 𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀬𑀫𑁄 𑀭𑀸𑀚𑀸 𑀤𑀼𑀢𑀺𑀬𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀺𑀢𑁆𑀯𑀸 𑀲𑀫𑀦𑀼𑀕𑀸𑀳𑀺𑀢𑁆𑀯𑀸 𑀲𑀫𑀦𑀼𑀪𑀸𑀲𑀺𑀢𑁆𑀯𑀸 𑀢𑀢𑀺𑀬𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀢𑀺 𑀲𑀫𑀦𑀼𑀕𑀸𑀳𑀢𑀺 𑀲𑀫𑀦𑀼𑀪𑀸𑀲𑀢𑀺 ‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦𑀢𑁆𑀯𑀁 𑀫𑀦𑀼𑀲𑁆𑀲𑁂𑀲𑀼 𑀢𑀢𑀺𑀬𑀁 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢𑀦𑁆𑀢𑀺’’ 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀬𑀫𑀲𑁆𑀲 𑀭𑀜𑁆𑀜𑁄 𑀢𑀢𑀺𑀬𑀸 𑀤𑁂𑀯𑀤𑀽𑀢𑀲𑀫𑀦𑀼𑀬𑀼𑀜𑁆𑀚𑀦𑀸 𑀧𑀓𑀸𑀲𑀺𑀢𑀸.

‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀢𑀢𑀺𑀬𑀁 𑀤𑁂𑀯𑀤𑀽𑀢𑀁 𑀧𑀸𑀢𑀼𑀪𑀽𑀢𑀁’’.

‘‘𑀅𑀫𑁆𑀪𑁄 𑀧𑀼𑀭𑀺𑀲 𑀦 𑀢𑁆𑀯𑀁 𑀅𑀤𑁆𑀤𑀲 𑀫𑀦𑀼𑀲𑁆𑀲𑁂𑀲𑀼 𑀇𑀢𑁆𑀣𑀺𑀁 𑀯𑀸 𑀧𑀼𑀭𑀺𑀲𑀁 𑀯𑀸 𑀏𑀓𑀸𑀳𑀫𑀢𑀁 𑀯𑀸 𑀤𑁆𑀯𑀻𑀳𑀫𑀢𑀁 𑀯𑀸 𑀢𑀻𑀳𑀫𑀢𑀁 𑀯𑀸 𑀉𑀤𑁆𑀥𑀼𑀫𑀸𑀢𑀓𑀁 𑀯𑀺𑀦𑀻𑀮𑀓𑀁 𑀯𑀺𑀧𑀼𑀩𑁆𑀩𑀓𑀚𑀸𑀢𑀁’’ 𑁋

‘‘𑀦𑀸𑀲𑀓𑁆𑀔𑀺𑀲𑁆𑀲𑀁 𑀪𑀦𑁆𑀢𑁂 𑀧𑀫𑀸𑀤𑀲𑁆𑀲𑀁 𑀪𑀦𑁆𑀢𑁂’’ 𑁋

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀦𑁂𑀭𑀬𑀺𑀓𑀲𑁆𑀲 𑀲𑀢𑁆𑀢𑀲𑁆𑀲 𑀦𑀺𑀭𑀬 𑀤𑀼𑀓𑁆𑀔𑀧𑀝𑀺𑀲𑀁𑀯𑁂𑀤𑀦𑀸 𑀧𑀓𑀸𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 ‘‘𑀬𑀫𑁄 𑀭𑀸𑀚𑀸 𑀢𑀢𑀺𑀬𑀁 𑀤𑁂𑀯𑀤𑀽𑀢𑀁 𑀲𑀫𑀦𑀼𑀬𑀼𑀜𑁆𑀚𑀺𑀢𑁆𑀯𑀸 𑀲𑀫𑀦𑀼𑀕𑀸𑀳𑀺𑀢𑁆𑀯𑀸 𑀲𑀫𑀦𑀼𑀪𑀸𑀲𑀺𑀢𑁆𑀯𑀸 𑀢𑀼𑀡𑁆𑀳𑀻 𑀳𑁄𑀢𑀺. 𑀢𑀫𑁂𑀦𑀁 𑀪𑀺𑀓𑁆𑀔𑀯𑁂 𑀦𑀺𑀭𑀬𑀧𑀸𑀮𑀸 𑀧𑀜𑁆𑀘𑀯𑀺𑀥𑀩𑀦𑁆𑀥𑀦𑀁 𑀦𑀸𑀫 𑀓𑀸𑀭𑀡𑀁 𑀓𑀭𑁄𑀦𑁆𑀢𑀺, 𑀢𑀢𑁆𑀢𑀁 𑀅𑀬𑁄𑀔𑀺𑀮𑀁 𑀳𑀢𑁆𑀣𑁂 𑀕𑀫𑁂𑀦𑁆𑀢𑀺, 𑀢𑀢𑁆𑀢𑀁 𑀅𑀬𑁄𑀔𑀺𑀮𑀁 𑀤𑀼𑀢𑀺𑀬𑀲𑁆𑀫𑀺𑀁 𑀳𑀢𑁆𑀣𑁂 𑀕𑀫𑁂𑀦𑁆𑀢𑀺, 𑀢𑀢𑁆𑀢𑀁 𑀅𑀬𑁄𑀔𑀺𑀮𑀁 𑀧𑀸𑀤𑁂 𑀕𑀫𑁂𑀦𑁆𑀢𑀺, 𑀢𑀢𑁆𑀢𑀁 𑀅𑀬𑁄𑀔𑀺𑀮𑀁 𑀤𑀼𑀢𑀺𑀬𑀲𑁆𑀫𑀺𑀁 𑀧𑀸𑀤𑁂 𑀕𑀫𑁂𑀦𑁆𑀢𑀺, 𑀢𑀢𑁆𑀢𑀁 𑀅𑀬𑁄𑀔𑀺𑀮𑀁 𑀫𑀚𑁆𑀛𑁂𑀉𑀭𑀲𑁆𑀫𑀺𑀁 𑀕𑀫𑁂𑀦𑁆𑀢𑀺. 𑀲𑁄 𑀢𑀢𑁆𑀣 𑀤𑀼𑀓𑁆𑀔𑀸 𑀢𑀺𑀩𑁆𑀩𑀸 𑀔𑀭𑀸 𑀓𑀝𑀼𑀓𑀸 𑀯𑁂𑀤𑀦𑀸 𑀯𑁂𑀤𑀬𑀢𑀺, 𑀦 𑀘 𑀢𑀸𑀯 𑀓𑀸𑀮𑀁 𑀓𑀭𑁄𑀢𑀺, 𑀬𑀸𑀯 𑀦 𑀢𑀁 𑀧𑀸𑀧𑀓𑀫𑁆𑀫𑀁 𑀩𑁆𑀬𑀦𑁆𑀢𑀻𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀦𑁂𑀭𑀬𑀺𑀓𑀲𑁆𑀲 𑀦𑀺𑀭𑀬𑀤𑀼𑀓𑁆𑀔𑀧𑀝𑀺𑀲𑀁𑀯𑁂𑀤𑀦𑀸 𑀧𑀓𑀸𑀲𑀺𑀢𑀸.

𑀲𑀁𑀯𑁂𑀚𑀦𑀻𑀬𑀓𑀣𑀸

𑀧𑀼𑀘𑁆𑀙𑀸 𑁋 𑀓𑀣𑀁 𑀧𑀦𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀲𑀁𑀯𑁂𑀚𑀦𑀻𑀬𑀓𑀣𑀸 𑀓𑀣𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀪𑀽𑀢𑀧𑀼𑀩𑁆𑀩𑀁 𑀪𑀺𑀓𑁆𑀔𑀯𑁂 𑀬𑀫𑀲𑁆𑀲 𑀭𑀜𑁆𑀜𑁄 𑀏𑀢𑀤𑀳𑁄𑀲𑀺 ‘‘𑀬𑁂 𑀓𑀺𑀭 𑀪𑁄 𑀮𑁄𑀓𑁂 𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀓𑀭𑁄𑀦𑁆𑀢𑀺, 𑀢𑁂 𑀏𑀯𑀭𑀽𑀧𑀸 𑀯𑀺𑀯𑀺𑀥𑀸 𑀓𑀫𑁆𑀫𑀓𑀭𑀡𑀸 𑀓𑀭𑀻𑀬𑀦𑁆𑀢𑀺, 𑀅𑀳𑁄𑀯𑀢𑀸𑀳𑀁 𑀫𑀦𑀼𑀲𑁆𑀲𑀢𑁆𑀢𑀁 𑀮𑀪𑁂𑀬𑁆𑀬𑀁, 𑀢𑀣𑀸𑀕𑀢𑁄 𑀘 𑀮𑁄𑀓𑁂 𑀉𑀧𑁆𑀧𑀚𑁆𑀚𑁂𑀬𑁆𑀬 𑀅𑀭𑀳𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀲𑀁𑀯𑁂𑀚𑀦𑀻𑀬𑀓𑀣𑀸 𑀓𑀣𑀺𑀢𑀸.

‘‘𑀬𑁂 𑀓𑀺𑀭 𑀪𑁄 𑀮𑁄𑀓𑁂 𑀧𑀸𑀧𑀓𑀸𑀦𑀺 𑀓𑀫𑁆𑀫𑀸𑀦𑀺 𑀓𑀭𑁄𑀦𑁆𑀢𑀺’’.

‘‘𑀘𑁄𑀤𑀺𑀢𑀸 𑀤𑁂𑀯𑀤𑀽𑀢𑁂𑀳𑀺, 𑀬𑁂 𑀧𑀫𑀚𑁆𑀚𑀦𑁆𑀢𑀺 𑀫𑀸𑀡𑀯𑀸;

𑀢𑁂 𑀤𑀻𑀖𑀭𑀢𑁆𑀢𑀁 𑀲𑁄𑀘𑀦𑁆𑀢𑀺, 𑀳𑀻𑀦𑀓𑀸𑀬𑀽𑀧𑀕𑀸 𑀦𑀭𑀸.

𑀬𑁂 𑀘 𑀔𑁄 𑀤𑁂𑀯𑀤𑀽𑀢𑁂𑀳𑀺, 𑀲𑀦𑁆𑀢𑁄 𑀲𑀧𑁆𑀧𑀼𑀭𑀺𑀲𑀸 𑀇𑀥;

𑀘𑁄𑀤𑀺𑀢𑀸 𑀦 𑀧𑀫𑀚𑁆𑀚𑀦𑁆𑀢𑀺, 𑀅𑀭𑀺𑀬𑀥𑀫𑁆𑀫𑁂 𑀓𑀼𑀤𑀸𑀘𑀦𑀁.

𑀉𑀧𑀸𑀤𑀸𑀦𑁂 𑀪𑀬𑀁 𑀤𑀺𑀲𑁆𑀯𑀸, 𑀚𑀸𑀢𑀺𑀫𑀭𑀡𑀲𑀫𑁆𑀪𑀯𑁂;

𑀅𑀦𑀼𑀧𑀸𑀤𑀸 𑀯𑀺𑀫𑀼𑀘𑁆𑀘𑀦𑁆𑀢𑀺, 𑀚𑀸𑀢𑀺𑀫𑀭𑀡𑀲𑀗𑁆𑀔𑀬𑁂.

𑀢𑁂 𑀅𑀧𑁆𑀧𑀫𑀢𑁆𑀢𑀸 𑀲𑀼𑀔𑀺𑀦𑁄, 𑀤𑀺𑀝𑁆𑀞𑀥𑀫𑁆𑀫𑀸𑀪𑀺𑀦𑀺𑀩𑁆𑀩𑀼𑀢𑀸;

𑀲𑀩𑁆𑀩𑀯𑁂𑀭𑀪𑀬𑀸𑀢𑀻𑀢𑀸, 𑀲𑀩𑁆𑀩𑀤𑀼𑀓𑁆𑀔𑀁 𑀉𑀧𑀘𑁆𑀘𑀕𑀼𑀁’’ 𑀳𑀼 𑁋

𑀘𑀢𑀼𑀫𑀳𑀸𑀭𑀸𑀚𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀤𑁂𑀯𑀤𑀽𑀢𑀯𑀕𑁆𑀕𑁂 𑀅𑀝𑁆𑀞𑀫𑀁 𑀘𑀢𑀼𑀫𑀳𑀸𑀭𑀸𑀚𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀝𑁆𑀞𑀫𑀁 𑀪𑀦𑁆𑀢𑁂 𑀘𑀢𑀼𑀫𑀳𑀸𑀭𑀸𑀚𑀲𑀼𑀢𑁆𑀢𑀁 ‘‘𑀅𑀝𑁆𑀞𑀫𑀺𑀬𑀁 𑀪𑀺𑀓𑁆𑀔𑀯𑁂 𑀧𑀓𑁆𑀔𑀲𑁆𑀲 𑀘𑀢𑀼𑀦𑁆𑀦𑀁 𑀫𑀳𑀸𑀭𑀸𑀚𑀸𑀦𑀁 𑀅𑀫𑀘𑁆𑀘𑀸 𑀧𑀸𑀭𑀺𑀲𑀚𑁆𑀚𑀸 𑀇𑀫𑀁 𑀮𑁄𑀓𑀁 𑀅𑀦𑀼𑀯𑀺𑀘𑀭𑀦𑁆𑀢𑀺 𑀓𑀘𑁆𑀘𑀺 𑀩𑀳𑀽 𑀫𑀦𑀼𑀲𑁆𑀲𑀸 𑀫𑀦𑀼𑀲𑁆𑀲𑁂𑀲𑀼 𑀫𑀢𑁆𑀢𑁂𑀬𑁆𑀬𑀸 𑀧𑁂𑀢𑁆𑀢𑁂𑀬𑁆𑀬𑀸 𑀲𑀸𑀫𑀜𑁆𑀜𑀸 𑀩𑁆𑀭𑀳𑁆𑀫𑀜𑁆𑀜𑀸 𑀓𑀼𑀮𑁂 𑀚𑁂𑀝𑁆𑀞𑀧𑀘𑀸𑀬𑀺𑀦𑁄, 𑀉𑀧𑁄𑀲𑀣𑀁 𑀉𑀧𑀯𑀲𑀦𑁆𑀢𑀺 𑀧𑀝𑀺𑀚𑀸𑀕𑀭𑁄𑀦𑁆𑀢𑀺, 𑀧𑀼𑀜𑁆𑀜𑀸𑀦𑀺 𑀓𑀭𑁄𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀧𑁆𑀧𑀓𑀸 𑀔𑁄 𑀫𑀸𑀭𑀺𑀲𑀸 𑀫𑀦𑀼𑀲𑁆𑀲𑀸 𑀫𑀦𑀼𑀲𑁆𑀲𑁂𑀲𑀼 𑀫𑀢𑁆𑀢𑁂𑀬𑁆𑀬𑀸 𑀧𑁂𑀢𑁆𑀢𑁂𑀬𑁆𑀬𑀸 𑀲𑀸𑀫𑀜𑁆𑀜𑀸 𑀩𑁆𑀭𑀳𑁆𑀫𑀜𑁆𑀜𑀸 𑀓𑀼𑀮𑁂 𑀚𑁂𑀝𑁆𑀞𑀧𑀘𑀸𑀬𑀺𑀦𑁄, 𑀉𑀧𑁄𑀲𑀣𑀁 𑀉𑀧𑀯𑀲𑀦𑁆𑀢𑀺 𑀧𑀝𑀺𑀚𑀸𑀕𑀭𑁄𑀦𑁆𑀢𑀺, 𑀧𑀼𑀜𑁆𑀜𑀸𑀦𑀺 𑀓𑀭𑁄𑀦𑁆𑀢𑀺.

‘‘𑀤𑀺𑀩𑁆𑀩𑀸 𑀯𑀢 𑀪𑁄 𑀓𑀸𑀬𑀸 𑀧𑀭𑀺𑀳𑀸𑀬𑀺𑀲𑁆𑀲𑀦𑁆𑀢𑀺, 𑀧𑀭𑀺𑀧𑀽𑀭𑀺𑀲𑁆𑀲𑀦𑁆𑀢𑀺 𑀅𑀲𑀼𑀭 𑀓𑀸𑀬𑀸’’ 𑁋

𑀩𑀳𑀽 𑀔𑁄 𑀫𑀸𑀭𑀺𑀲𑀸 𑀫𑀦𑀼𑀲𑁆𑀲𑀸 𑀫𑀦𑀼𑀲𑁆𑀲𑁂𑀲𑀼 𑀫𑀢𑁆𑀢𑁂𑀬𑁆𑀬𑀸 𑀧𑁂𑀢𑁆𑀢𑁂𑀬𑁆𑀬𑀸 𑀲𑀸𑀫𑀜𑁆𑀜𑀸 𑀩𑁆𑀭𑀳𑁆𑀫𑀜𑁆𑀜𑀸 𑀓𑀼𑀮𑁂 𑀚𑁂𑀝𑁆𑀞𑀧𑀘𑀸𑀬𑀺𑀦𑁄, 𑀉𑀧𑁄𑀲𑀣𑀁 𑀉𑀧𑀯𑀲𑀦𑁆𑀢𑀺 𑀧𑀝𑀺𑀚𑀸𑀕𑀭𑁄𑀦𑁆𑀢𑀺, 𑀧𑀼𑀜𑁆𑀜𑀸𑀦𑀺 𑀓𑀭𑁄𑀦𑁆𑀢𑀺.

‘‘𑀤𑀺𑀩𑁆𑀩𑀸 𑀯𑀢 𑀪𑁄 𑀓𑀸𑀬𑀸 𑀧𑀭𑀺𑀧𑀽𑀭𑀺𑀲𑁆𑀲𑀦𑁆𑀢𑀺, 𑀧𑀭𑀺𑀳𑀸𑀬𑀺𑀲𑁆𑀲𑀦𑁆𑀢𑀺 𑀅𑀲𑀼𑀭 𑀓𑀸𑀬𑀸’’ 𑁋

𑀆𑀥𑀺𑀧𑀢𑁂𑀬𑁆𑀬𑀸𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀆𑀥𑀺𑀧𑀢𑁂𑀬𑁆𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀲𑀫𑀁 𑀆𑀥𑀺𑀧𑀢𑁂𑀬𑁆𑀬𑀲𑀼𑀢𑁆𑀢𑀁 ‘‘𑀢𑀻𑀡𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀆𑀥𑀺𑀧𑀢𑁂𑀬𑁆𑀬𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺, 𑀅𑀢𑁆𑀢𑀸𑀥𑀺𑀧𑀢𑁂𑀬𑁆𑀬𑀁 𑀮𑁄𑀓𑀸𑀥𑀺𑀧𑀢𑁂𑀬𑁆𑀬𑀁 𑀥𑀫𑁆𑀫𑀸𑀥𑀺𑀧𑀢𑁂𑀬𑁆𑀬𑀁. 𑀓𑀢𑀫𑀜𑁆𑀘 𑀪𑀺𑀓𑁆𑀔𑀯𑁂 𑀅𑀢𑁆𑀢𑀸𑀥𑀺𑀧𑀢𑁂𑀬𑁆𑀬𑀁, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀭𑀜𑁆𑀜𑀕𑀢𑁄 𑀯𑀸 𑀭𑀼𑀓𑁆𑀔𑀫𑀽𑀮𑀕𑀢𑁄 𑀯𑀸 𑀲𑀼𑀜𑁆𑀜𑀸𑀕𑀸𑀭𑀕𑀢𑁄 𑀯𑀸 𑀇𑀢𑀺 𑀧𑀝𑀺𑀲𑀜𑁆𑀘𑀺𑀓𑁆𑀔𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀩𑁆𑀭𑀸𑀳𑁆𑀫𑀡𑀯𑀕𑁆𑀕, 𑀧𑀭𑀺𑀩𑁆𑀩𑀸𑀚𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀧𑀭𑀺𑀩𑁆𑀩𑀸𑀚𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀧𑀭𑀺𑀩𑁆𑀩𑀸𑀚𑀓𑀲𑀼𑀢𑁆𑀢𑀁 𑀅𑀜𑁆𑀜𑀢𑀭𑀁 𑀩𑁆𑀭𑀸𑀳𑁆𑀫𑀡 𑀧𑀭𑀺𑀩𑁆𑀩𑀸𑀚𑀓𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀅𑀜𑁆𑀜𑀢𑀭𑁄 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑀧𑀭𑀺𑀩𑁆𑀩𑀸𑀚𑀓𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀲𑀦𑁆𑀦𑀺𑀝𑁆𑀞𑀺𑀓𑁄 𑀥𑀫𑁆𑀫𑁄 𑀲𑀦𑁆𑀤𑀺𑀝𑁆𑀞𑀺𑀓𑁄 𑀥𑀫𑁆𑀫𑁄𑀢𑀺 𑀪𑁄 𑀕𑁄𑀢𑀫 𑀯𑀼𑀘𑁆𑀘𑀢𑀺, 𑀓𑀺𑀢𑁆𑀢𑀸𑀯𑀢𑀸𑀦𑀼 𑀔𑁄 𑀪𑁄 𑀕𑁄𑀢𑀫 𑀲𑀦𑁆𑀤𑀺𑀝𑁆𑀞𑀺𑀓𑁄 𑀥𑀫𑁆𑀫𑁄 𑀳𑁄𑀢𑀺 𑀅𑀓𑀸𑀮𑀺𑀓𑁄 𑀏𑀳𑀺𑀧𑀲𑁆𑀲𑀺𑀓𑁄 𑀑𑀧𑀦𑁂𑀬𑁆𑀬𑀺𑀓𑁄 𑀧𑀘𑁆𑀘𑀢𑁆𑀢𑀁 𑀯𑁂𑀤𑀺𑀢𑀩𑁆𑀩𑁄 𑀯𑀺𑀜𑁆𑀜𑀽𑀳𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀭𑀢𑁆𑀢𑁄 𑀔𑁄 𑀩𑁆𑀭𑀸𑀳𑁆𑀫𑀡 𑀭𑀸𑀕𑁂𑀦 𑀅𑀪𑀺𑀪𑀽𑀢𑁄 𑀧𑀭𑀺𑀬𑀸𑀤𑀺𑀦𑁆𑀦𑀘𑀺𑀢𑁆𑀢𑁄 𑀅𑀢𑁆𑀢𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀧𑀭𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀉𑀪𑀬 𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀘𑁂𑀢𑀲𑀺𑀓𑀫𑁆𑀧𑀺 𑀤𑀼𑀓𑁆𑀔𑀁 𑀤𑁄𑀫𑀦𑀲𑁆𑀲𑀁 𑀧𑀝𑀺𑀲𑀁𑀯𑁂𑀤𑁂𑀢𑀺, 𑀭𑀸𑀕𑁂 𑀧𑀳𑀻𑀦𑁂 𑀦𑁂𑀯𑀢𑁆𑀢𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀦𑀧𑀭𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀦𑀉𑀪𑀬𑀩𑁆𑀬𑀸𑀩𑀸𑀥𑀸𑀬𑀧𑀺 𑀘𑁂𑀢𑁂𑀢𑀺, 𑀦𑀘𑁂𑀢𑀲𑀺𑀓𑀁 𑀤𑀼𑀓𑁆𑀔𑀁 𑀤𑁄𑀫𑀦𑀲𑁆𑀲𑀁 𑀧𑀝𑀺𑀲𑀁𑀯𑁂𑀤𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀯𑀘𑁆𑀙𑀕𑁄𑀢𑁆𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀯𑀘𑁆𑀙𑀕𑁄𑀢𑁆𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀯𑀘𑁆𑀙𑀕𑁄𑀢𑁆𑀢𑀲𑀼𑀢𑁆𑀢𑀁 𑀯𑀘𑁆𑀙𑀕𑁄𑀢𑁆𑀢𑀁 𑀧𑀭𑀺𑀩𑁆𑀩𑀸𑀚𑀓𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀯𑀘𑁆𑀙𑀕𑁄𑀢𑁆𑀢𑁄 𑀪𑀦𑁆𑀢𑁂 𑀧𑀭𑀺𑀩𑁆𑀩𑀸𑀚𑀓𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀲𑀼𑀢𑀁 𑀫𑁂𑀢𑀁 𑀪𑁄 𑀕𑁄𑀢𑀫 𑀲𑀫𑀡𑁄 𑀕𑁄𑀢𑀫𑁄 𑀏𑀯𑀫𑀸𑀳 ‘‘𑀫𑀬𑁆𑀳𑀫𑁂𑀯 𑀤𑀸𑀦𑀁 𑀤𑀸𑀢𑀩𑁆𑀩𑀁, 𑀦𑀸𑀜𑁆𑀜𑁂𑀲𑀁 𑀤𑀸𑀦𑀁 𑀤𑀸𑀢𑀩𑁆𑀩. (𑀧𑁂𑀬𑁆𑀬𑀸𑀮) 𑀅𑀦𑀩𑁆𑀪𑀓𑁆𑀔𑀸 𑀢𑀼𑀓𑀸𑀫𑀸𑀳𑀺 𑀫𑀬𑀁 𑀪𑀯𑀦𑁆𑀢𑀁 𑀕𑁄𑀢𑀫’’𑀦𑁆𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀬𑁂 𑀢𑁂 𑀯𑀘𑁆𑀙 𑀏𑀯𑀫𑀸𑀳𑀁𑀲𑀼 𑀲𑀫𑀡𑁄 𑀕𑁄𑀢𑀫𑁄 𑀏𑀯𑀫𑀸𑀳 𑀫𑀬𑁆𑀳𑀫𑁂𑀯 𑀤𑀸𑀦𑀁 𑀤𑀸𑀢𑀩𑁆𑀩𑀁, 𑀦𑀸𑀜𑁆𑀜𑁂𑀲𑀁 𑀤𑀸𑀢𑀩𑁆𑀩’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀗𑁆𑀕𑀸𑀭𑀯𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀲𑀗𑁆𑀕𑀸𑀭𑀯𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀲𑀫𑀁 𑀪𑀦𑁆𑀢𑁂 𑀲𑀗𑁆𑀕𑀸𑀭𑀯𑀲𑀼𑀢𑁆𑀢𑀁 𑀲𑀗𑁆𑀕𑀸𑀭𑀯𑀁 𑀩𑁆𑀭𑀸𑀳𑁆𑀫𑀡𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀲𑀗𑁆𑀕𑀸𑀭𑀯𑁄 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀫𑀬𑀫𑀲𑁆𑀲𑀼 𑀪𑁄 𑀕𑁄𑀢𑀫 𑀩𑁆𑀭𑀸𑀳𑁆𑀫𑀡𑀸 𑀦𑀸𑀫 𑀬𑀜𑁆𑀜𑀁 𑀬𑀚𑀸𑀫𑀧𑀺 𑀬𑀚𑀸𑀧𑁂𑀫𑀧𑀺, 𑀢𑀢𑁆𑀭 𑀪𑁄 𑀕𑁄𑀢𑀫 𑀬𑁄 𑀘𑁂𑀯 𑀬𑀚𑀢𑀺 𑀬𑁄 𑀘 𑀬𑀚𑀸𑀧𑁂𑀢𑀺, 𑀲𑀩𑁆𑀩𑁂 𑀢𑁂 𑀅𑀦𑁂𑀓𑀲𑀸𑀭𑀻𑀭𑀺𑀓𑀁 𑀧𑀼𑀜𑁆𑀜𑀧𑁆𑀧𑀝𑀺𑀧𑀤𑀁 𑀧𑀝𑀺𑀧𑀦𑁆𑀦𑀸 𑀳𑁄𑀦𑁆𑀢𑀺, 𑀬𑀤𑀺𑀤𑀁 𑀬𑀜𑁆𑀜𑀸𑀥𑀺𑀓𑀭𑀡𑀁, 𑀬𑁄𑀧𑀦𑀸𑀬𑀁 𑀪𑁄 𑀕𑁄𑀢𑀫 𑀬𑀲𑁆𑀲 𑀯𑀸 𑀓𑀼𑀮𑀸 𑀅𑀕𑀸𑀭𑀲𑁆𑀫𑀸 𑀅𑀦𑀕𑀸𑀭𑀺𑀬𑀁 𑀧𑀩𑁆𑀩𑀚𑀺𑀢𑁄 𑀏𑀓𑀫𑀢𑁆𑀢𑀸𑀦𑀁 𑀤𑀫𑁂𑀢𑀺, 𑀏𑀓𑀫𑀢𑁆𑀢𑀸𑀦𑀁 𑀲𑀫𑁂𑀢𑀺, 𑀏𑀓𑀫𑀢𑁆𑀢𑀸𑀦𑀁 𑀧𑀭𑀺𑀦𑀺𑀩𑁆𑀩𑀸𑀧𑁂𑀢𑀺, 𑀏𑀯𑀫𑀲𑁆𑀲𑀸𑀬𑀁 𑀏𑀓𑀲𑀸𑀭𑀻𑀭𑀺𑀓𑀁 𑀧𑀼𑀜𑁆𑀜𑀧𑁆𑀧𑀝𑀺𑀧𑀤𑀁 𑀧𑀝𑀺𑀧𑀦𑁆𑀦𑁄 𑀳𑁄𑀢𑀺, 𑀬𑀤𑀺𑀤𑀁 𑀧𑀩𑁆𑀩𑀚𑁆𑀚𑀸𑀥𑀺𑀓𑀭𑀡’’𑀦𑁆𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀢𑁂𑀦𑀳𑀺 𑀩𑁆𑀭𑀸𑀳𑁆𑀫𑀡 𑀢𑀜𑁆𑀜𑁂𑀯𑁂𑀢𑁆𑀣 𑀧𑀝𑀺𑀧𑀼𑀘𑁆𑀙𑀺𑀲𑁆𑀲𑀸𑀫𑀺, 𑀬𑀣𑀸 𑀢𑁂 𑀔𑀫𑁂𑀬𑁆𑀬, 𑀢𑀣𑀸 𑀦𑀁 𑀩𑁆𑀬𑀸𑀓𑀭𑁂𑀬𑁆𑀬𑀸𑀲𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀇𑀘𑁆𑀘𑀸𑀬𑀧𑀺 𑀪𑁄 𑀕𑁄𑀢𑀫 𑀏𑀯𑀁 𑀪𑀦𑁆𑀢𑁂 𑀅𑀦𑁂𑀓𑀲𑀸𑀭𑀻𑀭𑀺𑀓𑀸 𑀧𑀼𑀜𑁆𑀜𑀧𑁆𑀧𑀝𑀺𑀧𑀤𑀸 𑀳𑁄𑀢𑀺’’ 𑁋

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀼𑀢𑀺𑀬 𑀅𑀦𑀼𑀲𑀦𑁆𑀥𑀺𑀫𑁆𑀳𑀺 𑀪𑀕𑀯𑀢𑀸 𑀓𑀻𑀤𑀺𑀲𑀻 𑀥𑀫𑁆𑀫𑀤𑁂𑀲𑀦𑀸 𑀤𑁂𑀲𑀺𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀼𑀢𑀺𑀬𑁂 𑀅𑀦𑀼𑀲𑀦𑁆𑀥𑀺𑀫𑁆𑀳𑀺 𑀢𑀺𑀯𑀺𑀥𑀸 𑀧𑀸𑀝𑀺𑀳𑀸𑀭𑀺𑀬𑀸 𑀧𑀝𑀺𑀲𑀁𑀬𑀼𑀢𑁆𑀢𑀸 𑀥𑀫𑁆𑀫𑀤𑁂𑀲𑀦𑀸 𑀪𑀕𑀯𑀢𑀸 𑀤𑁂𑀲𑀺𑀢𑀸.

‘‘𑀲𑁂𑀬𑁆𑀬𑀣𑀸𑀧𑀺 𑀪𑀯𑀁 𑀕𑁄𑀢𑀫𑁄 𑀪𑀯𑀜𑁆𑀘𑀸𑀦𑀦𑁆𑀤𑁄, 𑀏𑀢𑁂 𑀫𑁂 𑀧𑀼𑀚𑁆𑀚𑀸 𑀏𑀢𑁂 𑀫𑁂 𑀧𑀸𑀲𑀁𑀲𑀸’’ 𑁋

‘‘𑀲𑁂𑀬𑁆𑀬𑀣𑀸𑀧𑀺 𑀪𑀯𑀁 𑀕𑁄𑀢𑀫𑁄 𑀪𑀯𑀜𑁆𑀘𑀸𑀦𑀦𑁆𑀤𑁄, 𑀏𑀢𑁂 𑀫𑁂 𑀧𑀼𑀚𑁆𑀚𑀸 𑀏𑀢𑁂 𑀫𑁂 𑀧𑀸𑀲𑀁𑀲𑀸’’ 𑁋

𑀫𑀳𑀸𑀯𑀕𑁆𑀕, 𑀯𑁂𑀦𑀸𑀕𑀧𑀼𑀭𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀫𑀸𑀢𑁂 𑀫𑀳𑀸𑀯𑀕𑁆𑀕𑁂 𑀢𑀢𑀺𑀬𑀁 𑀯𑁂𑀦𑀸𑀕𑀧𑀼𑀭𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑁄𑀲𑀮𑁂𑀲𑀼 𑀪𑀦𑁆𑀢𑁂 𑀯𑁂𑀦𑀸𑀕𑀧𑀼𑀭𑁂 𑀦𑀸𑀫 𑀩𑁆𑀭𑀸𑀳𑁆𑀫𑀡𑀸𑀦𑀁 𑀕𑀸𑀫𑁂 𑀯𑁂𑀦𑀸𑀕𑀧𑀼𑀭𑀺𑀓𑀁 𑀯𑀘𑁆𑀙𑀕𑁄𑀢𑁆𑀢𑀁 𑀩𑁆𑀭𑀸𑀳𑁆𑀫𑀡𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀯𑁂𑀦𑀸𑀕𑀧𑀼𑀭𑀺𑀓𑁄 𑀪𑀦𑁆𑀢𑁂 𑀯𑀘𑁆𑀙𑀕𑁄𑀢𑁆𑀢𑁄 𑀩𑁆𑀭𑀸𑀳𑁆𑀫𑀡𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀅𑀘𑁆𑀙𑀭𑀺𑀬𑀁 𑀪𑁄 𑀕𑁄𑀢𑀫, 𑀅𑀩𑁆𑀪𑀼𑀢𑀁 𑀪𑁄 𑀕𑁄𑀢𑀫, 𑀬𑀸𑀯𑀜𑁆𑀘𑀺𑀤𑀁 𑀪𑁄𑀢𑁄 𑀕𑁄𑀢𑀫𑀲𑁆𑀲 𑀯𑀺𑀧𑁆𑀧𑀲𑀦𑁆𑀦𑀸𑀦𑀺 𑀇𑀦𑁆𑀤𑁆𑀭𑀺𑀬𑀸𑀦𑀺, 𑀧𑀭𑀺𑀲𑀼𑀤𑁆𑀥𑁄 𑀙𑀯𑀺𑀯𑀡𑁆𑀡𑁄 𑀧𑀭𑀺𑀬𑁄𑀤𑀸𑀢𑁄 (𑀧𑁂𑀬𑁆𑀬𑀸𑀮) 𑀏𑀯𑀭𑀽𑀧𑀸𑀦𑀁 𑀦𑀽𑀦 𑀪𑀯𑀁 𑀕𑁄𑀢𑀫𑁄 𑀉𑀘𑁆𑀘𑀸𑀲𑀬𑀦 𑀫𑀳𑀸𑀲𑀬𑀦𑀸𑀦𑀁 𑀦𑀺𑀓𑀸𑀫𑀮𑀸𑀪𑀻 𑀅𑀓𑀺𑀘𑁆𑀙𑀮𑀸𑀪𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀬𑀸𑀦𑀺 𑀔𑁄 𑀧𑀦 𑀢𑀸𑀦𑀺 𑀩𑁆𑀭𑀸𑀳𑁆𑀫𑀡 𑀉𑀘𑁆𑀘𑀸𑀲𑀬𑀦 𑀫𑀳𑀸𑀲𑀬𑀦𑀸𑀦𑀺. 𑀲𑁂𑀬𑁆𑀬𑀣𑀺𑀤𑀁, 𑀆𑀲𑀦𑁆𑀤𑀺 𑀧𑀮𑁆𑀮𑀗𑁆𑀓𑁄 𑀕𑁄𑀦𑀓𑁄 𑀘𑀺𑀢𑁆𑀢𑀓𑁄 𑀧𑀝𑀺𑀓𑀸 𑀧𑀝𑀮𑀺𑀓𑀸 𑀢𑀽𑀮𑀺𑀓𑀸 𑀯𑀺𑀓𑀢𑀺𑀓𑀸 𑀉𑀤𑁆𑀤𑀮𑁄𑀫𑀻 𑀏𑀓𑀦𑁆𑀢𑀮𑁄𑀫𑀻 𑀓𑀝𑁆𑀝𑀺𑀲𑁆𑀲𑀁 𑀓𑁄𑀲𑁂𑀬𑁆𑀬𑀁 𑀓𑀼𑀝𑁆𑀝𑀓𑀁 𑀳𑀢𑁆𑀣𑀢𑁆𑀣𑀭𑀁 𑀅𑀲𑁆𑀲𑀢𑁆𑀣𑀭𑀁 𑀭𑀣𑀢𑁆𑀣𑀭𑀁 𑀅𑀚𑀺𑀦𑀧𑁆𑀧𑀯𑁂𑀡𑀻 𑀓𑀤𑀮𑀺𑀫𑀺𑀕𑀧𑀯𑀭𑀧𑀘𑁆𑀘𑀢𑁆𑀣𑀭𑀡𑀁 𑀲𑀉𑀢𑁆𑀢𑀭𑀘𑁆𑀙𑀤𑀁 𑀉𑀪𑀢𑁄𑀮𑁄𑀳𑀺𑀢𑀓𑀽𑀧𑀥𑀸𑀦𑀁. 𑀤𑀼𑀮𑁆𑀮𑀪𑀸𑀦𑀺 𑀢𑀸𑀦𑀺 𑀧𑀩𑁆𑀩𑀚𑀺𑀢𑀸𑀦𑀁, 𑀮𑀤𑁆𑀥𑀸 𑀘 𑀧𑀦 𑀦𑀓𑀧𑁆𑀧𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀅𑀘𑁆𑀙𑀭𑀺𑀬𑀁 𑀪𑁄 𑀕𑁄𑀢𑀫 𑀅𑀩𑁆𑀪𑀼𑀢𑀁 𑀪𑁄 𑀕𑁄𑀢𑀫’’.

𑀤𑀺𑀩𑁆𑀩 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀤𑀺𑀩𑁆𑀩𑀁 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀥𑀸𑀳𑀁 𑀩𑁆𑀭𑀸𑀳𑁆𑀫𑀡 𑀬𑀁 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀉𑀧𑀦𑀺𑀲𑁆𑀲𑀸𑀬 𑀯𑀺𑀳𑀭𑀸𑀫𑀺, 𑀲𑁄 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸 𑀧𑀢𑁆𑀢𑀘𑀻𑀯𑀭𑀫𑀸𑀤𑀸𑀬 𑀢𑀫𑁂𑀯 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀧𑀺𑀡𑁆𑀟𑀸𑀬 𑀧𑀯𑀺𑀲𑀸𑀫𑀺, 𑀲𑁄 𑀧𑀘𑁆𑀙𑀸𑀪𑀢𑁆𑀢𑀁 𑀧𑀺𑀡𑁆𑀟𑀧𑀸𑀢𑀧𑀝𑀺𑀓𑁆𑀓𑀦𑁆𑀢𑁄 𑀯𑀦𑀦𑁆𑀢𑀜𑁆𑀜𑁂𑀯 𑀧𑀯𑀺𑀲𑀸𑀫𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀤𑀺𑀩𑁆𑀩𑀁 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀩𑁆𑀭𑀳𑁆𑀫 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀩𑁆𑀭𑀳𑁆𑀫𑀁 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀥𑀸𑀳𑀁 𑀩𑁆𑀭𑀸𑀳𑁆𑀫𑀡𑀁 𑀬𑀁 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀉𑀧𑀦𑀺𑀲𑁆𑀲𑀸𑀬 𑀯𑀺𑀳𑀭𑀸𑀫𑀺, 𑀲𑁄 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸 𑀧𑀢𑁆𑀢𑀘𑀻𑀯𑀭𑀫𑀸𑀤𑀸𑀬 𑀢𑀫𑁂𑀯 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀧𑀺𑀡𑁆𑀟𑀸𑀬 𑀧𑀯𑀺𑀲𑀸𑀫𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀩𑁆𑀭𑀳𑁆𑀫𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀓𑀢𑀫𑀁 𑀧𑀦 𑀢𑀁 𑀪𑁄 𑀕𑁄𑀢𑀫 𑀩𑁆𑀭𑀳𑁆𑀫𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁.

𑀅𑀭𑀺𑀬 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀅𑀭𑀺𑀬𑀁 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀇𑀥𑀸𑀳𑀁 𑀩𑁆𑀭𑀸𑀳𑁆𑀫𑀡 𑀬𑀁 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀉𑀧𑀦𑀺𑀲𑁆𑀲𑀸𑀬 𑀯𑀺𑀳𑀭𑀸𑀫𑀺, 𑀲𑁄 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀦𑀺𑀯𑀸𑀲𑁂𑀢𑁆𑀯𑀸 𑀧𑀢𑁆𑀢𑀘𑀻𑀯𑀭𑀫𑀸𑀤𑀸𑀬 𑀢𑀫𑁂𑀯 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀧𑀺𑀡𑁆𑀟𑀸𑀬 𑀧𑀯𑀺𑀲𑀸𑀫𑀺. 𑀲𑁄 𑀧𑀘𑁆𑀙𑀸𑀪𑀢𑁆𑀢𑀁 𑀧𑀺𑀡𑁆𑀟𑀧𑀸𑀢 𑀧𑀝𑀺𑀓𑁆𑀓𑀦𑁆𑀢𑁄 𑀯𑀦𑀦𑁆𑀢𑀜𑁆𑀜𑁂𑀯 𑀧𑀯𑀺𑀲𑀸𑀫𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀅𑀭𑀺𑀬𑀁 𑀉𑀘𑁆𑀘𑀸𑀲𑀬𑀦𑀫𑀳𑀸𑀲𑀬𑀦𑀁 𑀤𑁂𑀲𑀺𑀢𑀁.

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀫𑀳𑀸𑀯𑀕𑁆𑀕𑁂 𑀧𑀜𑁆𑀘𑀫𑀁 𑀓𑁂𑀲𑀫𑀼𑀢𑁆𑀢𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑁄𑀲𑀮𑁂𑀲𑀼 𑀪𑀦𑁆𑀢𑁂 𑀓𑁂𑀲𑀫𑀼𑀢𑁆𑀢𑁂𑀦𑀸𑀫 𑀓𑀸𑀮𑀸𑀫𑀸𑀦𑀁 𑀦𑀺𑀕𑀫𑁂 𑀓𑁂𑀲𑀫𑀼𑀢𑁆𑀢𑀺𑀬𑁂 𑀓𑀸𑀮𑀸𑀫𑁂 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀓𑁂𑀲𑀫𑀼𑀢𑁆𑀢𑀺𑀬𑀸 𑀪𑀦𑁆𑀢𑁂 𑀓𑀸𑀮𑀸𑀫𑀸 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘𑀼𑀁 ‘‘𑀲𑀦𑁆𑀢𑀺 𑀪𑀦𑁆𑀢𑁂 𑀏𑀓𑁂 𑀲𑀫𑀡 𑀩𑁆𑀭𑀸𑀳𑁆𑀫𑀡𑀸 𑀓𑁂𑀲𑀫𑀼𑀢𑁆𑀢𑀁 𑀆𑀕𑀘𑁆𑀙𑀦𑁆𑀢𑀺, 𑀢𑁂 𑀲𑀓𑀁𑀬𑁂𑀯 𑀯𑀸𑀤𑀁 𑀤𑀻𑀧𑁂𑀦𑁆𑀢𑀺, 𑀚𑁄𑀢𑁂𑀦𑁆𑀢𑀺, 𑀧𑀭𑀧𑁆𑀧𑀯𑀸𑀤𑀁 𑀧𑀦 𑀔𑀼𑀁𑀲𑁂𑀦𑁆𑀢𑀺 𑀯𑀫𑁆𑀪𑁂𑀦𑁆𑀢𑀺 𑀧𑀭𑀺𑀪𑀯𑀦𑁆𑀢𑀺, 𑀑𑀫𑀓𑁆𑀔𑀺𑀁 𑀓𑀭𑁄𑀦𑁆𑀢𑀺, 𑀅𑀧𑀭𑁂𑀧𑀺 𑀪𑀦𑁆𑀢𑁂 𑀏𑀓𑁂 𑀲𑀫𑀡𑀩𑁆𑀭𑀸𑀳𑁆𑀫𑀡𑀸 𑀓𑁂𑀲𑀫𑀼𑀢𑁆𑀢𑀁 𑀆𑀕𑀘𑁆𑀙𑀦𑁆𑀢𑀺, 𑀢𑁂𑀧𑀺 𑀲𑀓𑀁𑀬𑁂𑀯 𑀯𑀸𑀤𑀁 𑀤𑀻𑀧𑁂𑀦𑁆𑀢𑀺 𑀚𑁄𑀢𑁂𑀦𑁆𑀢𑀺, 𑀧𑀭𑀧𑁆𑀧𑀯𑀸𑀤𑀁 𑀧𑀦 𑀔𑀼𑀁𑀲𑁂𑀦𑁆𑀢𑀺 𑀯𑀫𑁆𑀪𑁂𑀦𑁆𑀢𑀺 𑀧𑀭𑀺𑀪𑀯𑀦𑁆𑀢𑀺, 𑀑𑀫𑀓𑁆𑀔𑀺𑀁 𑀓𑀭𑁄𑀦𑁆𑀢𑀺. 𑀢𑁂𑀲𑀁 𑀦𑁄 𑀪𑀦𑁆𑀢𑁂 𑀅𑀫𑁆𑀳𑀸𑀓𑀁 𑀳𑁄𑀢𑁂𑀯 𑀓𑀗𑁆𑀔𑀸, 𑀳𑁄𑀢𑀺 𑀯𑀺𑀘𑀺𑀓𑀺𑀘𑁆𑀙𑀸 𑀓𑁄 𑀲𑀼 𑀦𑀸𑀫 𑀇𑀫𑁂𑀲𑀁 𑀪𑀯𑀢𑀁 𑀲𑀫𑀡𑀩𑁆𑀭𑀸𑀳𑁆𑀫𑀡𑀸𑀦𑀁 𑀲𑀘𑁆𑀘𑀁 𑀆𑀳, 𑀓𑁄 𑀫𑀼𑀲𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀅𑀮𑀜𑁆𑀳𑀺 𑀯𑁄 𑀓𑀸𑀮𑀸𑀫𑀸 𑀓𑀗𑁆𑀔𑀺𑀢𑀼𑀁 𑀅𑀮𑀁 𑀯𑀺𑀘𑀺𑀓𑀺𑀘𑁆𑀙𑀺𑀢𑀼𑀁, 𑀓𑀗𑁆𑀔𑀻𑀬𑁂𑀯 𑀧𑀦 𑀯𑁄 𑀞𑀸𑀦𑁂 𑀯𑀺𑀘𑀺𑀓𑀺𑀘𑁆𑀙𑀸 𑀉𑀧𑁆𑀧𑀦𑁆𑀦𑀸’’𑀢𑀺 𑀏𑀯 𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀧𑁄𑀲𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀫𑀳𑀸𑀯𑀕𑁆𑀕𑁂 𑀤𑀲𑀫𑀁 𑀉𑀧𑁄𑀲𑀣𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀯𑀺𑀲𑀸𑀔𑀁 𑀫𑀺𑀕𑀸𑀭𑀫𑀸𑀢𑀭𑀁 𑀆𑀭𑀩𑁆𑀪 ‘‘𑀢𑀬𑁄 𑀔𑁄 𑀫𑁂 𑀯𑀺𑀲𑀸𑀔𑁂 𑀉𑀧𑁄𑀲𑀣𑀸. 𑀓𑀢𑀫𑁂 𑀢𑀬𑁄. 𑀕𑁄𑀧𑀸𑀮𑀓𑀼𑀧𑁄𑀲𑀣𑁄 𑀦𑀺𑀕𑀡𑁆𑀞𑀼𑀧𑁄𑀲𑀣𑁄 𑀅𑀭𑀺𑀬𑀼𑀧𑁄𑀲𑀣𑁄’’𑀢𑀺 𑀏𑀯𑀁 𑀔𑁄 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀳𑀦𑁆𑀤 𑀓𑀼𑀢𑁄 𑀦𑀼 𑀢𑁆𑀯𑀁 𑀯𑀺𑀲𑀸𑀔𑁂 𑀆𑀕𑀘𑁆𑀙𑀲𑀺 𑀤𑀺𑀯𑀸 𑀤𑀺𑀯𑀲𑁆𑀲.

‘‘𑀢𑀬𑁄 𑀔𑁄 𑀫𑁂 𑀯𑀺𑀲𑀸𑀔𑁂 𑀉𑀧𑁄𑀲𑀣𑀸. 𑀓𑀢𑀫𑁂 𑀢𑀬𑁄, 𑀕𑁄𑀧𑀸𑀮𑀓𑀼𑀧𑁄𑀲𑀣𑁄 𑀦𑀺𑀕𑀡𑁆𑀞𑀼𑀧𑁄𑀲𑀣𑁄 𑀅𑀭𑀺𑀬𑀼𑀧𑁄𑀲𑀣𑁄’’ 𑁋

𑀕𑁄𑀧𑀸𑀮𑀓𑀉𑀧𑀼𑀕𑁆𑀕𑀮

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀕𑁄𑀧𑀸𑀮𑀓𑀼𑀧𑁄𑀲𑀣𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀣𑀜𑁆𑀘 𑀯𑀺𑀲𑀸𑀔𑁂 𑀕𑁄𑀧𑀸𑀮𑀓𑀼𑀧𑁄𑀲𑀣𑁄 𑀳𑁄𑀢𑀺, 𑀲𑁂𑀬𑁆𑀬𑀣𑀸𑀧𑀺 𑀯𑀺𑀲𑀸𑀔𑁂 𑀕𑁄𑀧𑀸𑀮𑀓𑁄 𑀲𑀸𑀬𑀦𑁆𑀳𑀲𑀫𑀬𑁂 𑀲𑀸𑀫𑀺𑀓𑀸𑀦𑀁 𑀕𑀸𑀯𑁄 𑀦𑀺𑀬𑁆𑀬𑀸𑀢𑁂𑀢𑁆𑀯𑀸 𑀇𑀢𑀺 𑀧𑀝𑀺𑀲𑀜𑁆𑀘𑀺𑀓𑁆𑀔𑀢𑀺 ‘‘𑀅𑀚𑁆𑀚 𑀔𑁄 𑀕𑀸𑀯𑁄 𑀅𑀫𑀼𑀓𑀲𑁆𑀫𑀺𑀜𑁆𑀘 𑀅𑀫𑀼𑀓𑀲𑁆𑀫𑀺𑀜𑁆𑀘 𑀧𑀤𑁂𑀲𑁂 𑀘𑀭𑀺𑀁𑀲𑀼, 𑀅𑀫𑀼𑀓𑀲𑁆𑀫𑀺𑀜𑁆𑀘 𑀅𑀫𑀼𑀓𑀲𑁆𑀫𑀺𑀜𑁆𑀘 𑀧𑀤𑁂𑀲𑁂 𑀧𑀸𑀦𑀻𑀬𑀸𑀦𑀺 𑀧𑀺𑀯𑀺𑀁𑀲𑀼.

𑀲𑁆𑀯𑁂 𑀤𑀸𑀦𑀺 𑀕𑀸𑀯𑁄 𑀅𑀫𑀼𑀓𑀲𑁆𑀫𑀺𑀜𑁆𑀘 𑀅𑀫𑀼𑀓𑀲𑁆𑀫𑀺𑀜𑁆𑀘 𑀧𑀤𑁂𑀲𑁂 𑀘𑀭𑀺𑀲𑁆𑀲𑀦𑁆𑀢𑀺, 𑀅𑀫𑀼𑀓𑀲𑁆𑀫𑀺𑀜𑁆𑀘 𑀅𑀫𑀼𑀓𑀲𑁆𑀫𑀺𑀜𑁆𑀘 𑀧𑀤𑁂𑀲𑁂 𑀧𑀸𑀦𑀻𑀬𑀸𑀦𑀺 𑀧𑀺𑀯𑀺𑀲𑁆𑀲𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀕𑁄𑀧𑀸𑀮𑀓𑀼𑀧𑁄𑀲𑀣𑁄 𑀧𑀓𑀸𑀲𑀺𑀢𑁄.

𑀦𑀺𑀕𑀡𑁆𑀞𑀉𑀧𑀼𑀕𑁆𑀕𑀮

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀦𑀺𑀕𑀡𑁆𑀞𑀼𑀧𑁄𑀲𑀣𑁄 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀣𑀜𑁆𑀘 𑀯𑀺𑀲𑀸𑀔𑁂 𑀦𑀺𑀕𑀡𑁆𑀞𑀼𑀧𑁄𑀲𑀣𑁄 𑀳𑁄𑀢𑀺, 𑀅𑀢𑁆𑀣𑀺 𑀯𑀺𑀲𑀸𑀔𑁂 𑀦𑀺𑀕𑀡𑁆𑀞𑀸𑀦𑀸𑀫 𑀲𑀫𑀡𑀚𑀸𑀢𑀺𑀓𑀸, 𑀢𑁂 𑀲𑀸𑀯𑀓𑀁 𑀏𑀯𑀁 𑀲𑀫𑀸𑀤𑀧𑁂𑀦𑁆𑀢𑀺, ‘‘𑀏𑀳𑀺𑀢𑁆𑀯𑀁 𑀅𑀫𑁆𑀪𑁄𑀧𑀼𑀭𑀺𑀲 𑀬𑁂 𑀧𑀼𑀭𑀢𑁆𑀣𑀺𑀫𑀸𑀬 𑀤𑀺𑀲𑀸𑀬 𑀧𑀸𑀡𑀸 𑀧𑀭𑀁 𑀬𑁄𑀚𑀦𑀲𑀢𑀁, 𑀢𑁂𑀲𑀼 𑀤𑀡𑁆𑀟𑀁 𑀦𑀺𑀓𑁆𑀔𑀺𑀧𑀸𑀳𑀺, 𑀬𑁂 𑀧𑀘𑁆𑀙𑀺𑀫𑀸𑀬 𑀤𑀺𑀲𑀸𑀬. 𑀬𑁂 𑀉𑀢𑁆𑀢𑀭𑀸𑀬 𑀤𑀺𑀲𑀸𑀬. 𑀬𑁂 𑀤𑀓𑁆𑀔𑀺𑀡𑀸𑀬 𑀤𑀺𑀲𑀸𑀬 𑀧𑀸𑀡𑀸 𑀧𑀭𑀁 𑀬𑁄𑀚𑀦𑀲𑀢𑀁, 𑀢𑁂𑀲𑀼 𑀤𑀡𑁆𑀟𑀁 𑀦𑀺𑀓𑁆𑀔𑀺𑀧𑀸𑀳𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀦𑀺𑀕𑀡𑁆𑀞𑀼𑀧𑁄𑀲𑀣𑁄 𑀧𑀓𑀸𑀲𑀺𑀢𑁄.

𑀏𑀳𑀺 𑀢𑁆𑀯𑀁 𑀅𑀫𑁆𑀪𑁄 𑀧𑀼𑀭𑀺𑀲.

𑀏𑀳𑀺 𑀢𑁆𑀯𑀁 𑀅𑀫𑁆𑀪𑁄 𑀧𑀼𑀭𑀺𑀲 𑀲𑀩𑁆𑀩𑀘𑁂𑀮𑀸𑀦𑀺 𑀦𑀺𑀓𑁆𑀔𑀺𑀧𑀺𑀢𑁆𑀯𑀸 𑀏𑀯𑀁 𑀯𑀤𑁂𑀳𑀺.

𑀦𑀸𑀳𑀁 𑀓𑁆𑀯𑀘𑀦𑀺 𑀓𑀲𑁆𑀲𑀘𑀺 𑀓𑀺𑀜𑁆𑀘𑀦𑀢𑀲𑁆𑀫𑀺𑀁, 𑀦 𑀘 𑀫𑀫 𑀓𑁆𑀯𑀘𑀦𑀺 𑀓𑀢𑁆𑀣𑀘𑀺 𑀓𑀺𑀜𑁆𑀘𑀦 𑀢𑀢𑁆𑀣𑀺.

𑀅𑀭𑀺𑀬𑀸 𑀉𑀧𑁄𑀲𑀣𑁄

𑀧𑀼𑀘𑁆𑀙𑀸 𑁋 𑀓𑀣𑀜𑁆𑀘𑀸𑀯𑀼𑀲𑁄 𑀢𑀢𑁆𑀣 𑀪𑀕𑀯𑀢𑀸 𑀅𑀭𑀺𑀬𑀼𑀧𑁄𑀲𑀣𑁄 𑀯𑀺𑀢𑁆𑀣𑀸𑀭𑁂𑀦 𑀯𑀺𑀪𑀚𑀺𑀢𑁆𑀯𑀸 𑀧𑀓𑀸𑀲𑀺𑀢𑁄.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀣𑀜𑁆𑀘 𑀯𑀺𑀲𑀸𑀔𑁂 𑀅𑀭𑀺𑀬𑀼𑀧𑁄𑀲𑀣𑁄 𑀳𑁄𑀢𑀺, 𑀉𑀧𑀓𑁆𑀓𑀺𑀮𑀺𑀝𑁆𑀞𑀲𑁆𑀲 𑀯𑀺𑀲𑀸𑀔𑁂 𑀘𑀺𑀢𑁆𑀢𑀲𑁆𑀲 𑀉𑀧𑀓𑁆𑀓𑀫𑁂𑀦 𑀧𑀭𑀺𑀬𑁄𑀤𑀧𑀦𑀸 𑀳𑁄𑀢𑀺. 𑀓𑀣𑀜𑁆𑀘 𑀯𑀺𑀲𑀸𑀔𑁂 𑀉𑀧𑀓𑁆𑀓𑀺𑀮𑀺𑀝𑁆𑀞𑀲𑁆𑀲 𑀘𑀺𑀢𑁆𑀢𑀲𑁆𑀲 𑀉𑀧𑀓𑁆𑀓𑀫𑁂𑀦 𑀧𑀭𑀺𑀬𑁄𑀤𑀧𑀦𑀸 𑀳𑁄𑀢𑀺. 𑀇𑀥 𑀯𑀺𑀲𑀸𑀔𑁂 𑀅𑀭𑀺𑀬𑀲𑀸𑀯𑀓𑁄 𑀢𑀣𑀸𑀕𑀢𑀁 𑀅𑀦𑀼𑀲𑁆𑀲𑀭𑀢𑀺 ‘‘𑀇𑀢𑀺𑀧𑀺 𑀲𑁄 𑀪𑀕𑀯𑀸 𑀅𑀭𑀳𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀯𑀺𑀚𑁆𑀚𑀸𑀘𑀭𑀡𑀲𑀫𑁆𑀧𑀦𑁆𑀦𑁄 𑀲𑀼𑀕𑀢𑁄 𑀮𑁄𑀓𑀯𑀺𑀤𑀽 𑀅𑀦𑀼𑀢𑁆𑀢𑀭𑁄 𑀧𑀼𑀭𑀺𑀲𑀤𑀫𑁆𑀫𑀲𑀸𑀭𑀣𑀺 𑀲𑀢𑁆𑀣𑀸 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀩𑀼𑀤𑁆𑀥𑁄 𑀪𑀕𑀯𑀸’’𑀢𑀺. 𑀢𑀲𑁆𑀲 𑀢𑀣𑀸𑀕𑀢𑀁 𑀅𑀦𑀼𑀲𑁆𑀲𑀭𑀢𑁄 𑀘𑀺𑀢𑁆𑀢𑀁 𑀧𑀲𑀻𑀤𑀢𑀺, 𑀧𑀸𑀫𑁄𑀚𑁆𑀚𑀁 𑀉𑀧𑁆𑀧𑀚𑁆𑀚𑀢𑀺, 𑀬𑁂 𑀘𑀺𑀢𑁆𑀢𑀲𑁆𑀲 𑀉𑀧𑀓𑁆𑀓𑀺𑀮𑁂𑀲𑀸 𑀢𑁂 𑀧𑀳𑀻𑀬𑀦𑁆𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀅𑀭𑀺𑀬𑁄 𑀉𑀧𑁄𑀲𑀣𑁄 𑀯𑀺𑀢𑁆𑀣𑀸𑀭𑁂𑀢𑁆𑀯𑀸 𑀧𑀓𑀸𑀲𑀺𑀢𑁄.

𑀧𑀼𑀘𑁆𑀙𑀸 𑁋 𑀏𑀯𑀁 𑀉𑀧𑀯𑀼𑀢𑁆𑀣𑀲𑁆𑀲 𑀧𑀦 𑀆𑀯𑀼𑀲𑁄 𑀅𑀭𑀺𑀬𑀼𑀧𑁄𑀲𑀣𑀲𑁆𑀲 𑀓𑀣𑀁 𑀫𑀳𑀧𑁆𑀨𑀮𑀢𑀸 𑀫𑀳𑀸𑀦𑀺𑀲𑀁𑀲𑀢𑀸 𑀯𑀼𑀢𑁆𑀢𑀸 𑀪𑀕𑀯𑀢𑀸.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀻𑀯𑀫𑀳𑀧𑁆𑀨𑀮𑀸 𑀳𑁄𑀢𑀺, 𑀓𑀻𑀯𑀫𑀳𑀸𑀦𑀺𑀲𑀁𑀲𑁄, 𑀓𑀻𑀯𑀫𑀳𑀸𑀚𑀼𑀢𑀺𑀓𑁄, 𑀓𑀻𑀯𑀫𑀳𑀸𑀯𑀺𑀧𑁆𑀨𑀸𑀭𑁄, 𑀲𑁂𑀬𑁆𑀬𑀣𑀸𑀧𑀺 𑀯𑀺𑀲𑀸𑀔𑁂 𑀬𑁄 𑀇𑀫𑁂𑀲𑀁 𑀲𑁄𑀴𑀲𑀦𑁆𑀦𑀁 𑀫𑀳𑀸𑀚𑀦𑀧𑀤𑀸𑀦𑀁 𑀧𑀳𑀽𑀢𑀭𑀢𑁆𑀢𑀚𑀦𑀧𑀤𑀸𑀦𑀁 𑀇𑀲𑁆𑀲𑀭𑀺𑀬𑀸𑀥𑀺𑀧𑀘𑁆𑀘𑀁 𑀭𑀚𑁆𑀚𑀁 𑀓𑀸𑀭𑁂𑀬𑁆𑀬, 𑀲𑁂𑀬𑁆𑀬𑀣𑀺𑀤𑀁 ‘‘𑀅𑀗𑁆𑀕𑀸𑀦𑀁 𑀫𑀕𑀥𑀸𑀦𑀁 𑀓𑀸𑀲𑀻𑀦𑀁 𑀓𑁄𑀲𑀮𑀸𑀦𑀁 𑀯𑀚𑁆𑀚𑀻𑀦𑀁 𑀫𑀮𑁆𑀮𑀸𑀦𑀁 𑀘𑁂𑀢𑀻𑀦𑀁 𑀯𑀗𑁆𑀕𑀸𑀦𑀁 𑀓𑀼𑀭𑀽𑀦𑀁 𑀧𑀜𑁆𑀘𑀸𑀮𑀸𑀦𑀁 𑀫𑀘𑁆𑀙𑀸𑀦𑀁 𑀲𑀽𑀭𑀲𑁂𑀦𑀸𑀦𑀁 𑀅𑀲𑁆𑀲𑀓𑀸𑀦𑀁 𑀅𑀯𑀦𑁆𑀢𑀻𑀦𑀁 𑀕𑀦𑁆𑀥𑀸𑀭𑀸𑀦𑀁 𑀓𑀫𑁆𑀩𑁄𑀚𑀸𑀦𑀁, 𑀅𑀝𑁆𑀞𑀗𑁆𑀕𑀲𑀫𑀦𑁆𑀦𑀸𑀕𑀢𑀲𑁆𑀲 𑀉𑀧𑁄𑀲𑀣𑀲𑁆𑀲 𑀏𑀢𑀁 𑀓𑀮𑀁 𑀦𑀸𑀕𑁆𑀖𑀢𑀺 𑀲𑁄𑀴𑀲𑀺’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀢𑀢𑁆𑀣 𑀪𑀕𑀯𑀢𑀸 𑀏𑀯𑀁 𑀉𑀧𑀯𑀼𑀢𑁆𑀣𑀲𑁆𑀲 𑀅𑀭𑀺𑀬𑀼𑀧𑁄𑀲𑀣𑀲𑁆𑀲 𑀫𑀳𑀧𑁆𑀨𑀮𑀢𑀸 𑀫𑀳𑀸𑀦𑀺𑀲𑀁𑀲𑀢𑀸 𑀯𑀼𑀢𑁆𑀢𑀸.

𑀆𑀦𑀦𑁆𑀤𑀯𑀕𑁆𑀕

𑀆𑀚𑀻𑀯𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀢𑀺𑀓𑀦𑀺𑀧𑀸𑀢𑁂 𑀆𑀦𑀦𑁆𑀤𑀯𑀕𑁆𑀕𑁂 𑀤𑀼𑀢𑀺𑀬𑀁 𑀆𑀚𑀻𑀯𑀓𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑁄𑀲𑀫𑁆𑀩𑀺𑀬𑀁 𑀪𑀦𑁆𑀢𑁂 𑀅𑀜𑁆𑀜𑀢𑀭𑀁 𑀆𑀚𑀻𑀯𑀓𑀲𑀸𑀯𑀓𑀁 𑀕𑀳𑀧𑀢𑀺𑀁 𑀆𑀭𑀩𑁆𑀪 𑀆𑀬𑀲𑁆𑀫𑀢𑀸 𑀆𑀦𑀦𑁆𑀤𑀢𑁆𑀣𑁂𑀭𑁂𑀦 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁂𑀦 𑀪𑀸𑀲𑀺𑀢𑀁. 𑀅𑀜𑁆𑀜𑀢𑀭𑁄 𑀪𑀦𑁆𑀢𑁂 𑀆𑀚𑀻𑀯𑀓𑀲𑀸𑀯𑀓𑁄 𑀕𑀳𑀧𑀢𑀺 𑀆𑀬𑀲𑁆𑀫𑀦𑁆𑀢𑀁 𑀆𑀦𑀦𑁆𑀤𑀁 𑀏𑀢𑀤𑀯𑁄𑀘 ‘‘𑀓𑁂𑀲𑀁 𑀦𑁄 𑀪𑀦𑁆𑀢𑁂 𑀆𑀦𑀦𑁆𑀤 𑀥𑀫𑁆𑀫𑁄 𑀲𑁆𑀯𑀸𑀓𑁆𑀔𑀸𑀢𑁄, 𑀓𑁂 𑀮𑁄𑀓𑁂 𑀲𑀼𑀧𑁆𑀧𑀝𑀺𑀧𑀦𑁆𑀦𑀸, 𑀓𑁂 𑀮𑁄𑀓𑁂 𑀲𑀼𑀓𑀢𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀢𑁂𑀦 𑀳𑀺 𑀕𑀳𑀧𑀢𑀺 𑀢𑀜𑁆𑀜𑁂𑀯𑁂𑀢𑁆𑀣 𑀧𑀝𑀺𑀧𑀼𑀘𑁆𑀙𑀺𑀲𑁆𑀲𑀸𑀫𑀺, 𑀬𑀣𑀸 𑀢𑁂 𑀔𑀫𑁂𑀬𑁆𑀬, 𑀢𑀣𑀸 𑀦𑀁 𑀩𑁆𑀬𑀸𑀓𑀭𑁂𑀬𑁆𑀬𑀸𑀲𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀆𑀬𑀲𑁆𑀫𑀢𑀸 𑀆𑀦𑀦𑁆𑀤𑀢𑁆𑀣𑁂𑀭𑁂𑀦 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁂𑀦 𑀪𑀸𑀲𑀺𑀢𑀁.

‘‘𑀓𑁂𑀲𑀁 𑀦𑁄 𑀪𑀦𑁆𑀢𑁂 𑀆𑀦𑀦𑁆𑀤 𑀥𑀫𑁆𑀫𑁄 𑀲𑁆𑀯𑀸𑀓𑁆𑀔𑀸𑀢𑁄, 𑀓𑁂 𑀮𑁄𑀓𑁂 𑀲𑀼𑀧𑁆𑀧𑀝𑀺𑀧𑀦𑁆𑀦𑀸, 𑀓𑁂 𑀮𑁄𑀓𑁂 𑀲𑀼𑀓𑀢𑀸’’.

‘‘𑀢𑀁 𑀓𑀺𑀁 𑀫𑀜𑁆𑀜𑀲𑀺 𑀕𑀳𑀧𑀢𑀺’’ 𑁋

‘‘𑀇𑀢𑀺 𑀔𑁄 𑀕𑀳𑀧𑀢𑀺 𑀢𑀬𑀸𑀯𑁂𑀢𑀁 𑀩𑁆𑀬𑀸𑀓𑀢𑀁’’ 𑁋

‘‘𑀅𑀪𑀺𑀓𑁆𑀓𑀦𑁆𑀢𑀁 𑀪𑀦𑁆𑀢𑁂, 𑀅𑀪𑀺𑀓𑁆𑀓𑀦𑁆𑀢𑀁 𑀪𑀦𑁆𑀢𑁂, 𑀲𑁂𑀬𑁆𑀬𑀣𑀸𑀧𑀺 𑀪𑀦𑁆𑀢𑁂 𑀦𑀺𑀓𑁆𑀓𑀼𑀚𑁆𑀚𑀺𑀢𑀁 𑀯𑀸 𑀉𑀓𑁆𑀓𑀼𑀚𑁆𑀚𑁂𑀬𑁆𑀬’’ 𑁋

𑀕𑀦𑁆𑀥𑀚𑀸𑀢𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀕𑀦𑁆𑀥𑀚𑀸𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀬𑀲𑁆𑀫𑀦𑁆𑀢𑀁 𑀪𑀦𑁆𑀢𑁂 𑀆𑀦𑀦𑁆𑀤𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀆𑀦𑀦𑁆𑀤𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀢𑀻𑀡𑀺𑀫𑀸𑀦𑀺 𑀪𑀦𑁆𑀢𑁂 𑀕𑀦𑁆𑀥𑀚𑀸𑀢𑀸𑀦𑀺, 𑀬𑁂𑀲𑀁 𑀅𑀦𑀼𑀯𑀸𑀢𑀁𑀬𑁂𑀯 𑀕𑀦𑁆𑀥𑁄 𑀕𑀘𑁆𑀙𑀢𑀺 𑀦𑁄 𑀧𑀝𑀺𑀯𑀸𑀢𑀁…𑀧𑁂… 𑀅𑀢𑁆𑀣𑀺 𑀦𑀼 𑀔𑁄 𑀪𑀦𑁆𑀢𑁂 𑀓𑀺𑀜𑁆𑀘𑀺 𑀕𑀦𑁆𑀥𑀚𑀸𑀢𑀁, 𑀬𑀲𑁆𑀲 𑀅𑀦𑀼𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀺 𑀧𑀝𑀺𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀺, 𑀅𑀦𑀼𑀯𑀸𑀢𑀧𑀝𑀺𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀅𑀢𑁆𑀣𑀸𑀦𑀦𑁆𑀤 𑀓𑀺𑀜𑁆𑀘𑀺 𑀕𑀦𑁆𑀥𑀚𑀸𑀢𑀁, 𑀬𑀲𑁆𑀲 𑀅𑀦𑀼𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀺, 𑀧𑀝𑀺𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀺, 𑀅𑀦𑀼𑀯𑀸𑀢𑀧𑀝𑀺𑀯𑀸𑀢𑀫𑁆𑀧𑀺 𑀕𑀦𑁆𑀥𑁄 𑀕𑀘𑁆𑀙𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀦 𑀧𑀼𑀧𑁆𑀨𑀕𑀦𑁆𑀥𑁄 𑀧𑀝𑀺𑀯𑀸𑀢𑀫𑁂𑀢𑀺;

𑀦 𑀘𑀦𑁆𑀤𑀦𑀁 𑀢𑀕𑀭𑀫𑀮𑁆𑀮𑀺𑀓𑀸 𑀯𑀸;

𑀲𑀢𑀜𑁆𑀘 𑀕𑀦𑁆𑀥𑁄 𑀧𑀝𑀺𑀯𑀸𑀢𑀫𑁂𑀢𑀺;

𑀲𑀩𑁆𑀩𑀸 𑀤𑀺𑀲𑀸 𑀲𑀧𑁆𑀧𑀼𑀭𑀺𑀲𑁄 𑀧𑀯𑀸𑀬𑀢𑀺;

𑀕𑀤𑁆𑀭𑀪𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀲𑀫𑀡𑀯𑀕𑁆𑀕𑁂 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀕𑀤𑁆𑀭𑀪𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀫𑀡𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀕𑀤𑁆𑀭𑀪𑀲𑀼𑀢𑁆𑀢𑀁 ‘‘𑀲𑁂𑀬𑁆𑀬𑀣𑀸𑀧𑀺 𑀪𑀺𑀓𑁆𑀔𑀯𑁂 𑀕𑀤𑁆𑀭𑀪𑁄 𑀕𑁄𑀕𑀡𑀁 𑀧𑀺𑀝𑁆𑀞𑀺𑀢𑁄 𑀧𑀺𑀝𑁆𑀞𑀺𑀢𑁄 𑀅𑀦𑀼𑀩𑀦𑁆𑀥𑁄 𑀳𑁄𑀢𑀺 ‘𑀅𑀳𑀫𑁆𑀧𑀺 𑀤𑀫𑁆𑀫𑁄 𑀅𑀳𑀫𑁆𑀧𑀺 𑀤𑀫𑁆𑀫𑁄’𑀢𑀺, 𑀢𑀲𑁆𑀲 𑀦 𑀢𑀸𑀤𑀺𑀲𑁄 𑀯𑀡𑁆𑀡𑁄 𑀳𑁄𑀢𑀺 𑀲𑁂𑀬𑁆𑀬𑀣𑀸𑀧𑀺 𑀕𑀼𑀦𑁆𑀦𑀁, 𑀦 𑀢𑀸𑀤𑀺𑀲𑁄 𑀲𑀭𑁄 𑀳𑁄𑀢𑀺 𑀲𑁂𑀬𑁆𑀬𑀣𑀸𑀧𑀺 𑀕𑀼𑀦𑁆𑀦𑀁, 𑀦 𑀢𑀸𑀤𑀺𑀲𑀁 𑀧𑀤𑀁 𑀳𑁄𑀢𑀺 𑀲𑁂𑀬𑁆𑀬𑀣𑀸𑀧𑀺 𑀕𑀼𑀦𑁆𑀦𑀁, 𑀲𑁄 𑀕𑁄𑀕𑀡𑀁𑀬𑁂𑀯 𑀧𑀺𑀝𑁆𑀞𑀺𑀢𑁄 𑀧𑀺𑀝𑁆𑀞𑀺𑀢𑁄 𑀅𑀦𑀼𑀩𑀦𑁆𑀥𑁄 𑀳𑁄𑀢𑀺 𑀅𑀳𑀫𑁆𑀧𑀺 𑀤𑀫𑁆𑀫𑁄 𑀅𑀳𑀫𑁆𑀧𑀺 𑀤𑀫𑁆𑀫𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁.

‘‘𑀢𑀺𑀩𑁆𑀩𑁄 𑀦𑁄 𑀙𑀦𑁆𑀤𑁄 𑀪𑀯𑀺𑀲𑁆𑀲𑀢𑀺 𑀅𑀥𑀺𑀲𑀻𑀮𑀲𑀺𑀓𑁆𑀔𑀸𑀲𑀫𑀸𑀤𑀸𑀦𑁂…𑀧𑁂… 𑀅𑀥𑀺𑀧𑀜𑁆𑀜𑀸𑀲𑀺𑀓𑁆𑀔𑀸𑀲𑀫𑀸𑀤𑀸𑀦𑁂’’ 𑁋

𑀲𑀗𑁆𑀓𑀯𑀸𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀏𑀓𑀸𑀤𑀲𑀫𑀁 𑀲𑀗𑁆𑀓𑀯𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑁄𑀲𑀮𑁂𑀲𑀼 𑀪𑀦𑁆𑀢𑁂 𑀲𑀗𑁆𑀓𑀯𑀸𑀬𑀁 𑀦𑀸𑀫 𑀓𑁄𑀲𑀮𑀸𑀦𑀁 𑀦𑀺𑀕𑀫𑁂 𑀓𑀲𑁆𑀲𑀧𑀕𑁄𑀢𑁆𑀢𑀁 𑀦𑀸𑀫 𑀪𑀺𑀓𑁆𑀔𑀼𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀓𑀲𑁆𑀲𑀧 𑀕𑁄𑀢𑁆𑀢𑁄 𑀪𑀦𑁆𑀢𑁂 𑀪𑀺𑀓𑁆𑀔𑀼 𑀪𑀕𑀯𑀢𑀺 𑀫𑀦𑁄𑀧𑀤𑀽𑀲𑀺𑀢𑁆𑀯𑀸 𑀪𑀕𑀯𑀢𑁄 𑀲𑀦𑁆𑀢𑀺𑀓𑁂 𑀅𑀘𑁆𑀘𑀬𑀁 𑀅𑀘𑁆𑀘𑀬𑀢𑁄 𑀤𑁂𑀲𑁂𑀲𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀣𑁂𑀭𑁄 𑀘𑁂𑀧𑀺 𑀓𑀲𑁆𑀲𑀧 𑀪𑀺𑀓𑁆𑀔𑀼 𑀦 𑀲𑀺𑀓𑁆𑀔𑀸𑀓𑀸𑀫𑁄 𑀦 𑀲𑀺𑀓𑁆𑀔𑀸𑀲𑀫𑀸𑀤𑀸𑀦𑀲𑁆𑀲 𑀯𑀡𑁆𑀡𑀯𑀸𑀤𑀻. 𑀬𑁂 𑀘𑀜𑁆𑀜𑁂 𑀪𑀺𑀓𑁆𑀔𑀽 𑀦 𑀲𑀺𑀓𑁆𑀔𑀸𑀓𑀸𑀫𑀸, 𑀢𑁂 𑀘 𑀦 𑀲𑀺𑀓𑁆𑀔𑀸𑀬 𑀲𑀫𑀸𑀤𑀧𑁂𑀢𑀺, 𑀬𑁂 𑀘𑀜𑁆𑀜𑁂 𑀪𑀺𑀓𑁆𑀔𑀽 𑀲𑀺𑀓𑁆𑀔𑀸𑀓𑀸𑀫𑀸 𑀢𑁂𑀲𑀜𑁆𑀘 𑀦 𑀯𑀡𑁆𑀡𑀁 𑀪𑀡𑀢𑀺 𑀪𑀽𑀢𑀁 𑀢𑀘𑁆𑀙𑀁 𑀓𑀸𑀮𑁂𑀦𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀮𑁄𑀡𑀓𑀧𑀮𑁆𑀮𑀯𑀕𑁆𑀕

𑀅𑀘𑁆𑀘𑀸𑀬𑀺𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀮𑁄𑀡𑀓𑀧𑀮𑁆𑀮𑀯𑀕𑁆𑀕𑁂 𑀧𑀞𑀫𑀁 𑀅𑀘𑁆𑀘𑀸𑀬𑀺𑀓𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀮𑁄𑀡𑀓𑀧𑀮𑁆𑀮𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀅𑀘𑁆𑀘𑀸𑀬𑀺𑀓𑀲𑀼𑀢𑁆𑀢𑀁 ‘‘𑀢𑀻𑀡𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀓𑀲𑁆𑀲𑀓𑀲𑁆𑀲 𑀕𑀳𑀧𑀢𑀺𑀲𑁆𑀲 𑀅𑀘𑁆𑀘𑀸𑀬𑀺𑀓𑀸𑀦𑀺 𑀓𑀭𑀡𑀻𑀬𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺, 𑀇𑀥 𑀪𑀺𑀓𑁆𑀔𑀯𑁂 𑀓𑀲𑁆𑀲𑀓𑁄 𑀕𑀳𑀧𑀢𑀺 𑀲𑀻𑀖𑀁 𑀲𑀻𑀖𑀁 𑀔𑁂𑀢𑁆𑀢𑀁 𑀲𑀼𑀓𑀝𑁆𑀞𑀁 𑀓𑀭𑁄𑀢𑀺 𑀲𑀼𑀫𑀢𑀺𑀓𑀢𑀁. 𑀲𑀻𑀖𑀁 𑀲𑀻𑀖𑀁 𑀔𑁂𑀢𑁆𑀢𑀁 𑀲𑀼𑀓𑀝𑁆𑀞𑀁 𑀓𑀭𑀺𑀢𑁆𑀯𑀸 𑀲𑀼𑀫𑀢𑀺𑀓𑀢𑀁 𑀲𑀻𑀖𑀁 𑀲𑀻𑀖𑀁 𑀩𑀻𑀚𑀸𑀦𑀺 𑀧𑀢𑀺𑀝𑁆𑀞𑀸𑀧𑁂𑀢𑀺. 𑀲𑀻𑀖𑀁 𑀲𑀻𑀖𑀁 𑀩𑀻𑀚𑀸𑀦𑀺 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀲𑀻𑀖𑀁 𑀲𑀻𑀖𑀁 𑀉𑀤𑀓𑀁 𑀅𑀪𑀺𑀦𑁂𑀢𑀺𑀧𑀺 𑀅𑀧𑀦𑁂𑀢𑀺𑀧𑀺. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀢𑀻𑀡𑀺 𑀓𑀲𑁆𑀲𑀓𑀲𑁆𑀲 𑀕𑀳𑀧𑀢𑀺𑀲𑁆𑀲 𑀅𑀘𑁆𑀘𑀸𑀬𑀺𑀓𑀸𑀦𑀺 𑀓𑀭𑀡𑀻𑀬𑀸𑀦𑀺’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀫𑁆𑀩𑁄𑀥𑀯𑀕𑁆𑀕

𑀭𑀼𑀡𑁆𑀡𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀲𑀫𑁆𑀩𑁄𑀥𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀧𑀜𑁆𑀘𑀫𑀁 𑀭𑀼𑀡𑁆𑀡𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀫𑁆𑀩𑁄𑀥𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀭𑀼𑀡𑁆𑀡𑀲𑀼𑀢𑁆𑀢𑀁 ‘‘𑀭𑀼𑀡𑁆𑀡𑀫𑀺𑀤𑀁 𑀪𑀺𑀓𑁆𑀔𑀯𑁂 𑀅𑀭𑀺𑀬𑀲𑁆𑀲 𑀯𑀺𑀦𑀬𑁂 𑀬𑀤𑀺𑀤𑀁 𑀕𑀻𑀢𑀁, 𑀉𑀫𑁆𑀫𑀢𑁆𑀢𑀓𑀫𑀺𑀤𑀁 𑀪𑀺𑀓𑁆𑀔𑀯𑁂 𑀅𑀭𑀺𑀬𑀲𑁆𑀲 𑀯𑀺𑀦𑀬𑁂 𑀬𑀤𑀺𑀤𑀁 𑀦𑀘𑁆𑀘𑀁, 𑀓𑁄𑀫𑀸𑀭𑀓𑀫𑀺𑀤𑀁 𑀪𑀺𑀓𑁆𑀔𑀯𑁂 𑀅𑀭𑀺𑀬𑀲𑁆𑀲 𑀯𑀺𑀦𑀬𑁂 𑀬𑀤𑀺𑀤𑀁 𑀅𑀢𑀺𑀯𑁂𑀮𑀁 𑀤𑀦𑁆𑀢𑀯𑀺𑀤𑀁𑀲𑀓𑀳𑀲𑀺𑀢𑀁. 𑀢𑀲𑁆𑀫𑀸𑀢𑀺𑀳 𑀪𑀺𑀓𑁆𑀔𑀯𑁂 𑀲𑁂𑀢𑀼𑀖𑀸𑀢𑁄 𑀕𑀻𑀢𑁂 𑀲𑁂𑀢𑀼𑀖𑀸𑀢𑁄 𑀦𑀘𑁆𑀘𑁂, 𑀅𑀮𑀁 𑀯𑁄 𑀥𑀫𑁆𑀫𑀧𑁆𑀧𑀫𑁄𑀤𑀺𑀢𑀸𑀦𑀁 𑀲𑀢𑀁 𑀲𑀺𑀢𑀁 𑀲𑀺𑀢𑀫𑀢𑁆𑀢𑀸𑀬𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀭𑀓𑁆𑀔𑀻𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀅𑀭𑀓𑁆𑀔𑀺𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀅𑀦𑀸𑀢𑀧𑀺𑀡𑁆𑀟𑀺𑀓𑀁 𑀕𑀳𑀧𑀢𑀺𑀁 𑀆𑀭𑀩𑁆𑀪 ‘‘𑀘𑀺𑀢𑁆𑀢𑁂 𑀕𑀳𑀧𑀢𑀺 𑀅𑀭𑀓𑁆𑀔𑀺𑀢𑁂 𑀓𑀸𑀬𑀓𑀫𑁆𑀫𑀫𑁆𑀧𑀺 𑀅𑀭𑀓𑁆𑀔𑀺𑀢𑀁 𑀳𑁄𑀢𑀺, 𑀯𑀘𑀻𑀓𑀫𑁆𑀫𑀫𑁆𑀧𑀺. 𑀫𑀦𑁄𑀓𑀫𑁆𑀫𑀫𑁆𑀧𑀺 𑀅𑀭𑀓𑁆𑀔𑀺𑀢𑀁 𑀳𑁄𑀢𑀺. 𑀢𑀲𑁆𑀲 𑀅𑀭𑀓𑁆𑀔𑀺𑀢𑀓𑀸𑀬𑀓𑀫𑁆𑀫𑀦𑁆𑀢𑀲𑁆𑀲 𑀅𑀭𑀓𑁆𑀔𑀺𑀢𑀯𑀘𑀻𑀓𑀫𑁆𑀫𑀦𑁆𑀢𑀲𑁆𑀲 𑀅𑀭𑀓𑁆𑀔𑀺𑀢𑀫𑀦𑁄𑀓𑀫𑁆𑀫𑀦𑁆𑀢𑀲𑁆𑀲 𑀓𑀸𑀬𑀓𑀫𑁆𑀫𑀫𑁆𑀧𑀺 𑀅𑀯𑀲𑁆𑀲𑀼𑀢𑀁 𑀳𑁄𑀢𑀺, 𑀯𑀘𑀻𑀓𑀫𑁆𑀫𑀫𑁆𑀧𑀺 𑀅𑀯𑀲𑁆𑀲𑀼𑀢𑀁 𑀳𑁄𑀢𑀺, 𑀫𑀦𑁄𑀓𑀫𑁆𑀫𑀫𑁆𑀧𑀺 𑀅𑀯𑀲𑁆𑀲𑀼𑀢𑀁 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀆𑀧𑀸𑀬𑀺𑀓𑀯𑀕𑁆𑀕

𑀅𑀧𑀡𑁆𑀡𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀆𑀧𑀸𑀬𑀺𑀓𑀯𑀕𑁆𑀕𑁂 𑀆𑀯𑀼𑀲𑁄 𑀙𑀝𑁆𑀞𑀁 𑀅𑀧𑀡𑁆𑀡𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀆𑀧𑀸𑀬𑀺𑀓𑀯𑀕𑁆𑀕𑁂 𑀪𑀦𑁆𑀢𑁂 𑀙𑀝𑁆𑀞𑀁 𑀅𑀧𑀡𑁆𑀡𑀓𑀲𑀼𑀢𑁆𑀢𑀁 ‘‘𑀢𑀺𑀲𑁆𑀲𑁄 𑀇𑀫𑀸 𑀪𑀺𑀓𑁆𑀔𑀯𑁂 𑀯𑀺𑀧𑀢𑁆𑀢𑀺𑀬𑁄. 𑀓𑀢𑀫𑀸 𑀢𑀺𑀲𑁆𑀲𑁄 𑀲𑀻𑀮𑀯𑀺𑀧𑀢𑁆𑀢𑀺, 𑀘𑀺𑀢𑁆𑀢𑀯𑀺𑀧𑀢𑁆𑀢𑀺, 𑀤𑀺𑀝𑁆𑀞𑀺𑀯𑀺𑀧𑀢𑁆𑀢𑀺. 𑀓𑀢𑀫𑀸 𑀘 𑀪𑀺𑀓𑁆𑀔𑀯𑁂 𑀲𑀻𑀮𑀯𑀺𑀧𑀢𑁆𑀢𑀺, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀸𑀡𑀸𑀢𑀺𑀧𑀸𑀢𑀻 𑀳𑁄𑀢𑀺…𑀧𑁂… 𑀲𑀫𑁆𑀨𑀧𑁆𑀧𑀮𑀸𑀧𑀻 𑀳𑁄𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀲𑀻𑀮𑀯𑀺𑀧𑀢𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀼𑀲𑀺𑀦𑀸𑀭𑀯𑀕𑁆𑀕

𑀓𑀼𑀲𑀺𑀦𑀸𑀭𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀓𑀼𑀲𑀺𑀦𑀸𑀭𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀧𑀞𑀫𑀁 𑀓𑀼𑀲𑀺𑀦𑀸𑀭𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀓𑀼𑀲𑀺𑀦𑀸𑀭𑀸𑀬𑀁 𑀪𑀦𑁆𑀢𑁂 𑀩𑀮𑀺𑀳𑀭𑀡𑁂 𑀯𑀦𑀲𑀡𑁆𑀟𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀜𑁆𑀜𑀢𑀭𑀁 𑀕𑀸𑀫𑀁 𑀯𑀸 𑀦𑀺𑀕𑀫𑀁 𑀯𑀸 𑀉𑀧𑀦𑀺𑀲𑁆𑀲𑀸𑀬 𑀯𑀺𑀳𑀭𑀢𑀺, 𑀢𑀫𑁂𑀦𑀁 𑀕𑀳𑀧𑀢𑀺 𑀯𑀸 𑀕𑀳𑀧𑀢𑀺𑀧𑀼𑀢𑁆𑀢𑁄 𑀯𑀸 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀲𑁆𑀯𑀸𑀢𑀦𑀸𑀬 𑀪𑀢𑁆𑀢𑁂𑀦 𑀦𑀺𑀫𑀦𑁆𑀢𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀳𑀢𑁆𑀣𑀓𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀳𑀢𑁆𑀣𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑁂𑀦 𑀲𑀤𑁆𑀥𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀳𑀢𑁆𑀣𑀓𑁂𑀦 𑀤𑁂𑀯𑀧𑀼𑀢𑁆𑀢𑁂𑀦 𑀲𑀤𑁆𑀥𑀺𑀁 ‘‘𑀬𑁂 𑀢𑁂 𑀳𑀢𑁆𑀣𑀓 𑀥𑀫𑁆𑀫𑀸 𑀧𑀼𑀩𑁆𑀩𑁂 𑀫𑀦𑀼𑀲𑁆𑀲𑀪𑀽𑀢𑀲𑁆𑀲 𑀧𑀯𑀢𑁆𑀢𑀺𑀦𑁄 𑀅𑀳𑁂𑀲𑀼𑀁, 𑀅𑀧𑀺𑀦𑀼 𑀢𑁂 𑀢𑁂 𑀥𑀫𑁆𑀫𑀸 𑀏𑀢𑀭𑀳𑀺 𑀧𑀯𑀢𑁆𑀢𑀺𑀦𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀦𑀼𑀭𑀼𑀤𑁆𑀥𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀅𑀦𑀼𑀭𑀼𑀤𑁆𑀥𑀲𑀼𑀢𑁆𑀢𑀁 𑀓𑀁 𑀆𑀭𑀩𑁆𑀪 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀅𑀝𑁆𑀞𑀫𑀁 𑀪𑀦𑁆𑀢𑁂 𑀅𑀦𑀼𑀭𑀼𑀤𑁆𑀥𑀲𑀼𑀢𑁆𑀢𑀁 𑀆𑀬𑀲𑁆𑀫𑀦𑁆𑀢𑀁 𑀅𑀦𑀼𑀭𑀼𑀤𑁆𑀥𑀢𑁆𑀣𑁂𑀭𑀁 𑀆𑀭𑀩𑁆𑀪 𑀆𑀬𑀲𑁆𑀫𑀢𑀸 𑀲𑀸𑀭𑀺𑀧𑀼𑀢𑁆𑀢𑀢𑁆𑀣𑁂𑀭𑁂𑀦 𑀥𑀫𑁆𑀫𑀲𑁂𑀦𑀸𑀧𑀢𑀺𑀦𑀸 ‘‘𑀬𑀁 𑀔𑁄 𑀢𑁂 𑀆𑀯𑀼𑀲𑁄 𑀅𑀦𑀼𑀭𑀼𑀤𑁆𑀥𑀁 𑀏𑀯𑀁 𑀳𑁄𑀢𑀺 ‘𑀅𑀳𑀁 𑀤𑀺𑀩𑁆𑀩𑁂𑀦 𑀘𑀓𑁆𑀔𑀼𑀦𑀸 𑀯𑀺𑀲𑀼𑀤𑁆𑀥𑁂𑀦 𑀅𑀢𑀺𑀓𑁆𑀓𑀦𑁆𑀢𑀫𑀸𑀦𑀼𑀲𑀓𑁂𑀦 𑀲𑀳𑀲𑁆𑀲𑀁 𑀮𑁄𑀓𑀁 𑀯𑁄𑀮𑁄𑀓𑁂𑀫𑀻’𑀢𑀺, 𑀇𑀤𑀁 𑀢𑁂 𑀫𑀸𑀦𑀲𑁆𑀫𑀺𑀁’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀸𑀲𑀺𑀢𑀁.

‘‘𑀲𑀸𑀥𑀼 𑀯𑀢𑀸𑀬𑀲𑁆𑀫𑀸 𑀅𑀦𑀼𑀭𑀼𑀤𑁆𑀥𑁄 𑀇𑀫𑁂 𑀢𑀬𑁄 𑀥𑀫𑁆𑀫𑁂 𑀧𑀳𑀸𑀬 𑀇𑀫𑁂 𑀢𑀬𑁄 𑀥𑀫𑁆𑀫𑁂 𑀅𑀫𑀦𑀲𑀺𑀓𑀭𑀺𑀢𑁆𑀯𑀸 𑀅𑀫𑀢𑀸𑀬 𑀥𑀸𑀢𑀼𑀬𑀸 𑀘𑀺𑀢𑁆𑀢𑀁 𑀉𑀧𑀲𑀁𑀳𑀭𑀢𑀼’’ 𑁋

𑀓𑀼𑀲𑀺𑀦𑀸𑀭𑀯𑀕𑁆𑀕

𑀧𑀝𑀺𑀘𑁆𑀙𑀦𑁆𑀦𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀢𑀺𑀓𑀦𑀺𑀧𑀸𑀢𑁂 𑀓𑀼𑀲𑀺𑀦𑀸𑀭𑀯𑀕𑁆𑀕𑁂 𑀦𑀯𑀫𑀁 𑀧𑀝𑀺𑀘𑁆𑀙𑀦𑁆𑀦𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀦𑀯𑀫𑀁 𑀪𑀦𑁆𑀢𑁂 𑀧𑀝𑀺𑀘𑁆𑀙𑀦𑁆𑀦𑀲𑀼𑀢𑁆𑀢𑀁 ‘‘𑀢𑀻𑀡𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀧𑀝𑀺𑀘𑁆𑀙𑀦𑁆𑀦𑀸𑀦𑀺 𑀆𑀯𑀳𑀦𑁆𑀢𑀺 𑀦𑁄 𑀯𑀺𑀯𑀝𑀸𑀦𑀺. 𑀓𑀢𑀫𑀸𑀦𑀺 𑀢𑀻𑀡𑀺, 𑀫𑀸𑀢𑀼𑀕𑀸𑀫𑁄 𑀪𑀺𑀓𑁆𑀔𑀯𑁂 𑀧𑀝𑀺𑀘𑁆𑀙𑀦𑁆𑀦𑁄 𑀆𑀯𑀳𑀢𑀺 𑀦𑁄 𑀯𑀺𑀯𑀝𑁄, 𑀩𑁆𑀭𑀸𑀳𑁆𑀫𑀡𑀸𑀦𑀁 𑀪𑀺𑀓𑁆𑀔𑀯𑁂 𑀫𑀦𑁆𑀢𑀸 𑀧𑀝𑀺𑀘𑁆𑀙𑀦𑁆𑀦𑀸 𑀆𑀯𑀳𑀦𑁆𑀢𑀺 𑀦𑁄 𑀯𑀺𑀯𑀝𑀸, 𑀫𑀺𑀘𑁆𑀙𑀸𑀤𑀺𑀝𑁆𑀞𑀺 𑀪𑀺𑀓𑁆𑀔𑀯𑁂 𑀧𑀝𑀺𑀘𑁆𑀙𑀦𑁆𑀦𑀸 𑀆𑀯𑀳𑀢𑀺 𑀦𑁄 𑀯𑀺𑀯𑀝𑀸. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀢𑀻𑀡𑀺 𑀧𑀝𑀺𑀘𑁆𑀙𑀦𑁆𑀦𑀸𑀦𑀺 𑀆𑀯𑀳𑀦𑁆𑀢𑀺 𑀦𑁄 𑀯𑀺𑀯𑀝𑀸𑀦𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀮𑁂𑀔𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀮𑁂𑀔𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀲𑀫𑀁 𑀪𑀦𑁆𑀢𑁂 𑀮𑁂𑀔𑀲𑀼𑀢𑁆𑀢𑀁 ‘‘𑀢𑀬𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀢𑀬𑁄, 𑀧𑀸𑀲𑀸𑀡𑀮𑁂𑀔𑀽𑀧𑀫𑁄 𑀧𑀼𑀕𑁆𑀕𑀮𑁄 𑀧𑀣𑀯𑀺𑀮𑁂𑀔𑀽𑀧𑀫𑁄 𑀧𑀼𑀕𑁆𑀕𑀮𑁄 𑀉𑀤𑀓𑀮𑁂𑀔𑀽𑀧𑀫𑁄 𑀧𑀼𑀕𑁆𑀕𑀮𑁄. 𑀓𑀢𑀫𑁄 𑀘 𑀪𑀺𑀓𑁆𑀔𑀯𑁂 𑀧𑀸𑀲𑀸𑀡 𑀮𑁂𑀔𑀽𑀧𑀫𑁄 𑀧𑀼𑀕𑁆𑀕𑀮𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀅𑀪𑀺𑀡𑁆𑀳𑀁 𑀓𑀼𑀚𑁆𑀛𑀢𑀺, 𑀲𑁄 𑀘 𑀔𑁆𑀯𑀲𑁆𑀲 𑀓𑁄𑀥𑁄 𑀤𑀻𑀖𑀭𑀢𑁆𑀢𑀁 𑀅𑀦𑀼𑀲𑁂𑀢𑀺. 𑀲𑁂𑀬𑁆𑀬𑀣𑀸𑀧𑀺 𑀪𑀺𑀓𑁆𑀔𑀯𑁂 𑀧𑀸𑀲𑀸𑀡𑀮𑁂𑀔𑀸 𑀦 𑀔𑀺𑀧𑁆𑀧𑀁 𑀮𑀼𑀚𑁆𑀚𑀢𑀺 𑀯𑀸𑀢𑁂𑀦 𑀯𑀸 𑀉𑀤𑀓𑁂𑀦 𑀯𑀸, 𑀘𑀺𑀭𑀝𑁆𑀞𑀺𑀢𑀺𑀓𑀸 𑀳𑁄𑀢𑀺, 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀇𑀥𑁂𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀅𑀪𑀺𑀡𑁆𑀳𑀁 𑀓𑀼𑀚𑁆𑀛𑀢𑀺, 𑀲𑁄 𑀘 𑀔𑁆𑀯𑀲𑁆𑀲 𑀓𑁄𑀥𑁄 𑀤𑀻𑀖𑀭𑀢𑁆𑀢𑀁 𑀅𑀦𑀼𑀲𑁂𑀢𑀺. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀧𑀸𑀲𑀸𑀡𑀮𑁂𑀔𑀽𑀧𑀫𑁄 𑀧𑀼𑀕𑁆𑀕𑀮𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀬𑁄𑀥𑀸𑀚𑀻𑀯𑀯𑀕𑁆𑀕

𑀓𑁂𑀲𑀓𑀫𑁆𑀩𑀮𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀓𑁂𑀲𑀓𑀫𑁆𑀩𑀮𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀓𑁂𑀲𑀓𑀫𑁆𑀩𑀮𑀲𑀼𑀢𑁆𑀢𑀁 ‘‘𑀲𑁂𑀬𑁆𑀬𑀣𑀸𑀧𑀺 𑀪𑀺𑀓𑁆𑀔𑀯𑁂 𑀬𑀸𑀦𑀺 𑀓𑀸𑀦𑀺𑀘𑀺 𑀢𑀦𑁆𑀢𑀸𑀯𑀼𑀢𑀸𑀦𑀁 𑀯𑀢𑁆𑀣𑀸𑀦𑀁, 𑀓𑁂𑀲𑀓𑀫𑁆𑀩𑀮𑁄 𑀢𑁂𑀲𑀁 𑀧𑀝𑀺𑀓𑀺𑀝𑁆𑀞𑁄 𑀅𑀓𑁆𑀔𑀸𑀬𑀢𑀺. 𑀓𑁂𑀲𑀓𑀫𑁆𑀩𑀮𑁄 𑀪𑀺𑀓𑁆𑀔𑀯𑁂 𑀲𑀻𑀢𑁂 𑀲𑀻𑀢𑁄 𑀉𑀡𑁆𑀳𑁂 𑀉𑀡𑁆𑀳𑁄 𑀤𑀼𑀩𑁆𑀩𑀡𑁆𑀡𑁄 𑀤𑀼𑀕𑁆𑀕𑀦𑁆𑀥𑁄 𑀤𑀼𑀓𑁆𑀔𑀲𑀫𑁆𑀨𑀲𑁆𑀲𑁄. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀬𑀸𑀦𑀺𑀓𑀸𑀦𑀺𑀘𑀺 𑀧𑀼𑀣𑀼𑀲𑀫𑀡𑀩𑁆𑀭𑀸𑀳𑁆𑀫𑀡𑀯𑀸𑀤𑀸𑀦𑀁, 𑀫𑀓𑁆𑀔𑀮𑀺𑀯𑀸𑀤𑁄 𑀢𑁂𑀲𑀁 𑀧𑀝𑀺𑀓𑀺𑀝𑁆𑀞𑁄 𑀅𑀓𑁆𑀔𑀸𑀬𑀢𑀻𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀫𑀗𑁆𑀕𑀮𑀯𑀕𑁆𑀕

𑀯𑀦𑁆𑀤𑀦𑀸𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀫𑀗𑁆𑀕𑀮𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀦𑀯𑀫𑀁 𑀯𑀦𑁆𑀤𑀦𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀫𑀗𑁆𑀕𑀮𑀯𑀕𑁆𑀕𑁂 𑀪𑀦𑁆𑀢𑁂 𑀦𑀯𑀫𑀁 𑀯𑀦𑁆𑀤𑀦𑀸𑀲𑀼𑀢𑁆𑀢𑀁 ‘‘𑀢𑀺𑀲𑁆𑀲𑁄 𑀇𑀫𑀸 𑀪𑀺𑀓𑁆𑀔𑀯𑁂 𑀯𑀦𑁆𑀤𑀦𑀸. 𑀓𑀢𑀫𑀸 𑀢𑀺𑀲𑁆𑀲𑁄, 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸. 𑀇𑀫𑀸 𑀔𑁄 𑀪𑀺𑀓𑁆𑀔𑀯𑁂 𑀢𑀺𑀲𑁆𑀲𑁄 𑀯𑀦𑁆𑀤𑀦𑀸’’𑀢𑀺, 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀢𑀺𑀲𑁆𑀲𑁄 𑀇𑀫𑀸 𑀪𑀺𑀓𑁆𑀔𑀯𑁂 𑀯𑀦𑁆𑀤𑀦𑀸. 𑀓𑀢𑀫𑀸 𑀢𑀺𑀲𑁆𑀲𑁄, 𑀓𑀸𑀬𑁂𑀦 𑀯𑀸𑀘𑀸𑀬 𑀫𑀦𑀲𑀸. 𑀇𑀫𑀸 𑀔𑁄 𑀪𑀺𑀓𑁆𑀔𑀯𑁂 𑀢𑀺𑀲𑁆𑀲𑁄 𑀯𑀦𑁆𑀤𑀦𑀸’’.

𑀧𑀼𑀩𑁆𑀩𑀡𑁆𑀳𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀢𑀢𑁆𑀣𑁄 𑀆𑀯𑀼𑀲𑁄 𑀤𑀲𑀫𑀁 𑀧𑀼𑀩𑁆𑀩𑀡𑁆𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀤𑀲𑀫𑀁 𑀪𑀦𑁆𑀢𑁂 𑀧𑀼𑀩𑁆𑀩𑀡𑁆𑀳𑀲𑀼𑀢𑁆𑀢𑀁 ‘‘𑀬𑁂 𑀪𑀺𑀓𑁆𑀔𑀯𑁂 𑀲𑀢𑁆𑀢𑀸 𑀧𑀼𑀩𑁆𑀩𑀡𑁆𑀳𑀲𑀫𑀬𑀁 𑀓𑀸𑀬𑁂𑀦 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺, 𑀯𑀸𑀘𑀸𑀬 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺, 𑀫𑀦𑀲𑀸 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺. 𑀲𑀼𑀧𑀼𑀩𑁆𑀩𑀡𑁆𑀳𑁄 𑀪𑀺𑀓𑁆𑀔𑀯𑁂 𑀢𑁂𑀲𑀁 𑀲𑀢𑁆𑀢𑀸𑀦𑀁. 𑀬𑁂 𑀪𑀺𑀓𑁆𑀔𑀯𑁂 𑀲𑀢𑁆𑀢𑀸 𑀫𑀚𑁆𑀛𑀦𑁆𑀳𑀺𑀓𑀲𑀫𑀬𑀁…𑀧𑁂… 𑀲𑀸𑀬𑀦𑁆𑀳𑀲𑀫𑀬𑀁 𑀓𑀸𑀬𑁂𑀦 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺, 𑀯𑀸𑀘𑀸𑀬 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺, 𑀫𑀦𑀲𑀸 𑀲𑀼𑀘𑀭𑀺𑀢𑀁 𑀘𑀭𑀦𑁆𑀢𑀺. 𑀲𑀼𑀲𑀸𑀬𑀦𑁆𑀳𑁄 𑀪𑀺𑀓𑁆𑀔𑀯𑁂 𑀢𑁂𑀲𑀁 𑀲𑀢𑁆𑀢𑀸𑀦’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀼𑀦𑀓𑁆𑀔𑀢𑁆𑀢𑀁 𑀲𑀼𑀫𑀗𑁆𑀕𑀮𑀁, 𑀲𑀼𑀧𑁆𑀧𑀪𑀸𑀢𑀁 𑀲𑀼𑀳𑀼𑀝𑁆𑀞𑀺𑀢𑀁;

𑀲𑀼𑀔𑀡𑁄 𑀲𑀼𑀫𑀼𑀳𑀼𑀢𑁆𑀢𑁄 𑀘, 𑀲𑀼𑀬𑀺𑀝𑁆𑀞𑀁 𑀩𑁆𑀭𑀳𑁆𑀫𑀘𑀸𑀭𑀺𑀲𑀼.

𑀪𑀡𑁆𑀟𑀕𑀸𑀫𑀯𑀕𑁆𑀕

𑀅𑀦𑀼𑀩𑀼𑀤𑁆𑀥𑀲𑀼𑀢𑁆𑀢

𑀧𑀼𑀘𑁆𑀙𑀸 𑁋 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀧𑀦 𑀆𑀯𑀼𑀲𑁄 𑀪𑀡𑁆𑀟𑀕𑀸𑀫𑀯𑀕𑁆𑀕𑁂 𑀧𑀞𑀫𑀁 𑀅𑀦𑀼𑀩𑀼𑀤𑁆𑀥𑀲𑀼𑀢𑁆𑀢𑀁 𑀪𑀕𑀯𑀢𑀸 𑀲𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺𑀲𑁆𑀲𑀚𑁆𑀚𑀦𑀸 𑁋 𑀯𑀚𑁆𑀚𑀻𑀲𑀼 𑀪𑀦𑁆𑀢𑁂 𑀪𑀡𑁆𑀟𑀕𑀸𑀫𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀘𑀢𑀼𑀦𑁆𑀦𑀁 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸𑀦𑀁 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸 𑀏𑀯𑀫𑀺𑀤𑀁 𑀤𑀻𑀖𑀫𑀤𑁆𑀥𑀸𑀦𑀁 𑀲𑀦𑁆𑀥𑀸𑀯𑀺𑀢𑀁 𑀲𑀁𑀲𑀭𑀺𑀢𑀁 𑀫𑀫𑀜𑁆𑀘𑁂𑀯 𑀢𑀼𑀫𑁆𑀳𑀸𑀓𑀜𑁆𑀘. 𑀓𑀢𑀫𑁂𑀲𑀁 𑀘𑀢𑀼𑀦𑁆𑀦𑀁, 𑀅𑀭𑀺𑀬𑀲𑁆𑀲 𑀪𑀺𑀓𑁆𑀔𑀯𑁂 𑀲𑀻𑀮𑀲𑁆𑀲 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸 𑀏𑀯𑀫𑀺𑀤𑀁 𑀤𑀻𑀖𑀫𑀤𑁆𑀥𑀸𑀦𑀁 𑀲𑀦𑁆𑀥𑀸𑀯𑀺𑀢𑀁 𑀲𑀁𑀲𑀭𑀺𑀢𑀁 𑀫𑀫𑀜𑁆𑀘𑁂𑀯 𑀢𑀼𑀫𑁆𑀳𑀸𑀓𑀜𑁆𑀘. 𑀅𑀭𑀺𑀬𑀲𑁆𑀲 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀲𑁆𑀲…. 𑀅𑀭𑀺𑀬𑀸𑀬 𑀪𑀺𑀓𑁆𑀔𑀯𑁂 𑀧𑀜𑁆𑀜𑀸𑀬…. 𑀅𑀭𑀺𑀬𑀸𑀬 𑀪𑀺𑀓𑁆𑀔𑀯𑁂 𑀯𑀺𑀫𑀼𑀢𑁆𑀢𑀺𑀬𑀸 𑀅𑀦𑀦𑀼𑀩𑁄𑀥𑀸 𑀅𑀧𑁆𑀧𑀝𑀺𑀯𑁂𑀥𑀸 𑀏𑀯𑀫𑀺𑀤𑀁 𑀤𑀻𑀖𑀫𑀤𑁆𑀥𑀸𑀦𑀁 𑀲𑀦𑁆𑀥𑀸𑀯𑀺𑀢𑀁 𑀲𑀁𑀲𑀭𑀺𑀢𑀁 𑀫𑀫𑀜𑁆𑀘𑁂𑀯 𑀢𑀼𑀫𑁆𑀳𑀸𑀓𑀜𑁆𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀧𑁆𑀧𑀲𑁆𑀲𑀼𑀢𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀅𑀧𑁆𑀧𑀲𑁆𑀲𑀼𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣 𑀪𑀦𑁆𑀢𑁂 𑀙𑀝𑁆𑀞𑀁 𑀅𑀧𑁆𑀧𑀲𑁆𑀲𑀼𑀢𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀅𑀧𑁆𑀧𑀲𑁆𑀲𑀼𑀢𑁄 𑀲𑀼𑀢𑁂𑀦 𑀅𑀦𑀼𑀧𑀧𑀦𑁆𑀦𑁄, 𑀅𑀧𑁆𑀧𑀲𑁆𑀲𑀼𑀢𑁄 𑀲𑀼𑀢𑁂𑀦 𑀉𑀧𑀧𑀦𑁆𑀦𑁄, 𑀩𑀳𑀼𑀲𑁆𑀲𑀼𑀢𑁄 𑀲𑀼𑀢𑁂𑀦 𑀅𑀦𑀼𑀧𑀧𑀦𑁆𑀦𑁄, 𑀩𑀳𑀼𑀲𑁆𑀲𑀼𑀢𑁄 𑀲𑀼𑀢𑁂𑀦 𑀉𑀧𑀧𑀦𑁆𑀦𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀭𑀯𑀕𑁆𑀕

𑀘𑀭𑀲𑀼𑀢𑁆𑀢

𑀧𑀼 𑁋 𑀘𑀭𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀘𑀭𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀘𑀭𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀘𑀭𑀲𑀼𑀢𑁆𑀢𑀁 ‘‘𑀘𑀭𑀢𑁄 𑀘𑁂𑀧𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼𑀦𑁄 𑀉𑀧𑁆𑀧𑀚𑁆𑀚𑀢𑀺 𑀓𑀸𑀫𑀯𑀺𑀢𑀓𑁆𑀓𑁄 𑀯𑀸 𑀩𑁆𑀬𑀸𑀧𑀸𑀤𑀯𑀺𑀢𑀓𑁆𑀓𑁄 𑀯𑀸 𑀯𑀺𑀳𑀺𑀁𑀲𑀸𑀯𑀺𑀪𑀢𑁆𑀢𑁄 𑀯𑀸, 𑀢𑀁 𑀘𑁂 𑀪𑀺𑀓𑁆𑀔𑀼 𑀅𑀥𑀺𑀯𑀸𑀲𑁂𑀢𑀺 𑀦𑀧𑁆𑀧𑀚𑀳𑀢𑀺 𑀦 𑀯𑀺𑀦𑁄𑀤𑁂𑀢𑀺 𑀦 𑀩𑁆𑀬𑀦𑁆𑀢𑀻𑀓𑀭𑁄𑀢𑀺 𑀦 𑀅𑀦𑀪𑀸𑀯𑀁 𑀕𑀫𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀭𑀼𑀯𑁂𑀮𑀯𑀕𑁆𑀕

𑀮𑁄𑀓𑀲𑀼𑀢𑁆𑀢

𑀧𑀼 𑁋 𑀢𑁂𑀦𑀸𑀯𑀼𑀲𑁄…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀉𑀭𑀼𑀯𑁂𑀮𑀯𑀕𑁆𑀕𑁂 𑀢𑀢𑀺𑀬𑀁 𑀮𑁄𑀓𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀉𑀭𑀼𑀯𑁂𑀮𑀯𑀕𑁆𑀕𑁂 𑀪𑀦𑁆𑀢𑁂 𑀢𑀢𑀺𑀬𑀁 𑀮𑁄𑀓𑀲𑀼𑀢𑁆𑀢𑀁 ‘‘𑀮𑁄𑀓𑁄 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑁂𑀦 𑀅𑀪𑀺𑀲𑀫𑁆𑀩𑀼𑀤𑁆𑀥𑁄, 𑀮𑁄𑀓𑀲𑁆𑀫𑀸 𑀢𑀣𑀸𑀕𑀢𑁄 𑀯𑀺𑀲𑀁𑀬𑀼𑀢𑁆𑀢𑁄, 𑀮𑁄𑀓𑀲𑀫𑀼𑀤𑀬𑁄 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑁂𑀦 𑀅𑀪𑀺𑀲𑀫𑁆𑀩𑀼𑀤𑁆𑀥𑁄, 𑀮𑁄𑀓𑀲𑀫𑀼𑀤𑀬𑁄 𑀢𑀣𑀸𑀕𑀢𑀲𑁆𑀲 𑀧𑀳𑀻𑀦𑁄, 𑀮𑁄𑀓𑀦𑀺𑀭𑁄𑀥𑁄 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑁂𑀦 𑀅𑀪𑀺𑀲𑀫𑁆𑀩𑀼𑀤𑁆𑀥𑁄 𑀮𑁄𑀓𑀦𑀺𑀭𑁄𑀥𑁄 𑀢𑀣𑀸𑀕𑀢𑀲𑁆𑀲 𑀲𑀘𑁆𑀙𑀺𑀓𑀢𑁄, 𑀮𑁄𑀓𑀦𑀺𑀭𑁄𑀥𑀕𑀸𑀫𑀺𑀦𑀻 𑀧𑀝𑀺𑀧𑀤𑀸 𑀪𑀺𑀓𑁆𑀔𑀯𑁂 𑀢𑀣𑀸𑀕𑀢𑁂𑀦 𑀅𑀪𑀺𑀲𑀫𑁆𑀩𑀼𑀤𑁆𑀥𑀸, 𑀮𑁄𑀓𑀦𑀺𑀭𑁄𑀥𑀕𑀸𑀫𑀺𑀦𑀺 𑀧𑀝𑀺𑀧𑀤𑀸 𑀢𑀣𑀸𑀕𑀢𑀲𑁆𑀲 𑀪𑀸𑀯𑀺𑀢𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀦𑁆𑀢𑁄 𑀤𑀫𑀬𑀢𑀁 𑀲𑁂𑀝𑁆𑀞𑁄,

𑀲𑀦𑁆𑀢𑁄 𑀲𑀫𑀬𑀢𑀁 𑀇𑀲𑀺;

𑀫𑀼𑀢𑁆𑀢𑁄 𑀫𑁄𑀘𑀬𑀢𑀁 𑀅𑀕𑁆𑀕𑁄,

𑀢𑀺𑀡𑁆𑀡𑁄 𑀢𑀸𑀭𑀬𑀢𑀁 𑀯𑀭𑁄𑁋

𑀲𑀩𑁆𑀩𑀁 𑀮𑁄𑀓𑀁 𑀅𑀪𑀺𑀜𑁆𑀜𑀸𑀬,

𑀲𑀩𑁆𑀩𑀁 𑀮𑁄𑀓𑁂 𑀬𑀣𑀸𑀢𑀣𑀁;

𑀲𑀩𑁆𑀩𑀁 𑀮𑁄𑀓𑀁 𑀯𑀺𑀲𑀁𑀬𑀼𑀢𑁆𑀢𑁄,

𑀲𑀩𑁆𑀩𑀮𑁄𑀓𑁂 𑀅𑀦𑀽𑀧𑀬𑁄.

𑀲 𑀯𑁂 𑀲𑀩𑁆𑀩𑀸𑀪𑀺𑀪𑀽 𑀥𑀻𑀭𑁄,

𑀲𑀩𑁆𑀩𑀕𑀦𑁆𑀣𑀧𑁆𑀧𑀫𑁄𑀘𑀦𑁄;

𑀧𑀼𑀝𑁆𑀞’𑀲𑁆𑀲 𑀧𑀭𑀫𑀸 𑀲𑀦𑁆𑀢𑀺,

𑀦𑀺𑀩𑁆𑀩𑀸𑀦𑀁 𑀅𑀓𑀼𑀢𑁄 𑀪𑀬𑀁.

𑀏𑀲 𑀔𑀻𑀡𑀸𑀲𑀯𑁄 𑀩𑀼𑀤𑁆𑀥𑁄,

𑀅𑀦𑀻𑀖𑁄 𑀙𑀺𑀦𑁆𑀦𑀲𑀁𑀲𑀬𑁄;

𑀲𑀩𑁆𑀩𑀓𑀫𑁆𑀫𑀓𑁆𑀔𑀬𑀁 𑀧𑀢𑁆𑀢𑁄,

𑀯𑀺𑀫𑀼𑀢𑁆𑀢𑁄 𑀉𑀧𑀥𑀺𑀲𑀗𑁆𑀔𑀬𑁂;

𑀏𑀲 𑀲𑁄 𑀪𑀕𑀯𑀸 𑀩𑀼𑀤𑁆𑀥𑁄,

𑀏𑀲 𑀲𑀻𑀳𑁄 𑀅𑀦𑀼𑀢𑁆𑀢𑀭𑁄;

𑀲𑀤𑁂𑀯𑀓𑀲𑁆𑀲 𑀮𑁄𑀓𑀲𑁆𑀲,

𑀩𑁆𑀭𑀳𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑀬𑀻.

𑀇𑀢𑀺 𑀤𑁂𑀯𑀸 𑀫𑀦𑀼𑀲𑁆𑀲𑀸 𑀘,

𑀬𑁂 𑀩𑀼𑀤𑁆𑀥𑀁 𑀲𑀭𑀡𑀁 𑀕𑀢𑀸;

𑀲𑀗𑁆𑀕𑀫𑁆𑀫 𑀢𑀁 𑀦𑀫𑀲𑁆𑀲𑀦𑁆𑀢𑀺,

𑀫𑀳𑀦𑁆𑀢𑀁 𑀯𑀻𑀢𑀲𑀸𑀭𑀤𑀁.

𑀤𑀦𑁆𑀢𑁄 𑀤𑀫𑀬𑀢𑀁 𑀲𑁂𑀝𑁆𑀞𑁄,

𑀲𑀦𑁆𑀢𑁄 𑀲𑀫𑀬𑀢𑀁 𑀇𑀲𑀺;

𑀫𑀼𑀢𑁆𑀢𑁄 𑀫𑁄𑀘𑀬𑀢𑀁 𑀅𑀕𑁆𑀕𑁄,

𑀢𑀺𑀡𑁆𑀡𑁄 𑀢𑀸𑀭𑀬𑀢𑀁 𑀯𑀭𑁄.

𑀇𑀢𑀺 𑀳𑁂𑀢𑀁 𑀦𑀫𑀲𑁆𑀲𑀦𑁆𑀢𑀺,

𑀫𑀳𑀦𑁆𑀢𑀁 𑀯𑀻𑀢𑀲𑀸𑀭𑀤𑀁;

𑀲𑀤𑁂𑀯𑀓𑀲𑁆𑀫𑀺𑀁 𑀮𑁄𑀓𑀲𑁆𑀫𑀺𑀁,

𑀦𑀢𑁆𑀣𑀺 𑀫𑁂 𑀧𑀝𑀺𑀧𑀼𑀕𑁆𑀕𑀮𑁄𑁋

𑀩𑁆𑀭𑀳𑁆𑀫𑀘𑀭𑀺𑀬𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀩𑁆𑀭𑀳𑁆𑀫𑀘𑀭𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀜𑁆𑀘𑀫𑀁 𑀪𑀦𑁆𑀢𑁂 𑀩𑁆𑀭𑀳𑁆𑀫𑀘𑀭𑀺𑀬𑀲𑀼𑀢𑁆𑀢𑀁 ‘‘𑀦𑀬𑀺𑀤𑀁 𑀪𑀺𑀓𑁆𑀔𑀯𑁂 𑀩𑁆𑀭𑀳𑁆𑀫𑀘𑀭𑀺𑀬𑀁 𑀯𑀼𑀲𑁆𑀲𑀢𑀺 𑀚𑀦𑀓𑀼𑀳𑀦𑀢𑁆𑀣𑀁, 𑀦 𑀚𑀦𑀮𑀧𑀦𑀢𑁆𑀣𑀁, 𑀦 𑀮𑀸𑀪𑀲𑀓𑁆𑀓𑀸𑀭𑀲𑀺𑀮𑁄𑀓𑀸𑀦𑀺𑀲𑀁𑀲𑀼𑀢𑁆𑀢𑀁, 𑀦 𑀇𑀢𑀺𑀯𑀸𑀤𑀧𑁆𑀧𑀫𑁄𑀓𑁆𑀔𑀸𑀦𑀺𑀲𑀁𑀲𑀢𑁆𑀣𑀁, 𑀦 ‘𑀇𑀢𑀺 𑀫𑀁 𑀚𑀦𑁄 𑀚𑀸𑀦𑀸𑀢𑀽’𑀢𑀺. 𑀅𑀣 𑀔𑁄 𑀇𑀤𑀁 𑀪𑀺𑀓𑁆𑀔𑀯𑁂 𑀩𑁆𑀭𑀳𑁆𑀫𑀘𑀭𑀺𑀬𑀁 𑀯𑀼𑀲𑁆𑀲𑀢𑀺 𑀲𑀁𑀯𑀭𑀢𑁆𑀣𑀁 𑀧𑀳𑀸𑀦𑀢𑁆𑀣𑀁 𑀯𑀺𑀭𑀸𑀕𑀢𑁆𑀣𑀁 𑀦𑀺𑀭𑁄𑀥𑀢𑁆𑀣’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀭𑀺𑀬𑀯𑀁𑀲𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀅𑀭𑀺𑀬𑀯𑀁𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀅𑀭𑀺𑀬𑀯𑀁𑀲𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀅𑀭𑀺𑀬𑀯𑀁𑀲𑀸 𑀅𑀕𑁆𑀕𑀜𑁆𑀜𑀸 𑀭𑀢𑁆𑀢𑀜𑁆𑀜𑀸 𑀯𑀁𑀲𑀜𑁆𑀜𑀸 𑀧𑁄𑀭𑀸𑀡𑀸, 𑀅𑀲𑀁𑀓𑀺𑀡𑁆𑀡𑀸 𑀅𑀲𑀁𑀓𑀺𑀡𑁆𑀡𑀧𑀼𑀩𑁆𑀩𑀸𑀦 𑀲𑀁𑀓𑀻𑀬𑀺𑀲𑁆𑀲𑀦𑁆𑀢𑀺, 𑀅𑀧𑁆𑀧𑀝𑀺𑀓𑀼𑀝𑁆𑀞𑀸 𑀲𑀫𑀡𑁂𑀳𑀺 𑀩𑁆𑀭𑀸𑀳𑁆𑀫𑀡𑁂𑀳𑀺 𑀯𑀺𑀜𑁆𑀜𑀽𑀳𑀺. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀲𑀦𑁆𑀢𑀼𑀝𑁆𑀞𑁄 𑀳𑁄𑀢𑀺 𑀇𑀢𑀭𑀻𑀢𑀭𑁂𑀦 𑀘𑀻𑀯𑀭𑁂𑀦, 𑀇𑀢𑀭𑀻𑀢𑀭𑀘𑀻𑀯𑀭𑀲𑀦𑁆𑀢𑀼𑀝𑁆𑀞𑀺𑀬𑀸 𑀘 𑀯𑀡𑁆𑀡𑀯𑀸𑀤𑀻, 𑀦 𑀘 𑀘𑀻𑀯𑀭𑀳𑁂𑀢𑀼 𑀅𑀦𑁂𑀲𑀦𑀁 𑀅𑀧𑁆𑀧𑀢𑀺𑀭𑀽𑀧𑀁 𑀆𑀧𑀚𑁆𑀚𑀢𑀺, 𑀅𑀮𑀤𑁆𑀥𑀸 𑀘 𑀘𑀻𑀯𑀭𑀁 𑀦 𑀧𑀭𑀺𑀢𑀲𑁆𑀲𑀢𑀺, 𑀮𑀤𑁆𑀥𑀸 𑀘 𑀘𑀻𑀯𑀭𑀁 𑀅𑀕𑀥𑀺𑀢𑁄 𑀅𑀫𑀼𑀘𑁆𑀙𑀺𑀢𑁄 𑀅𑀦𑀚𑁆𑀛𑁄𑀧𑀦𑁆𑀦𑁄 𑀆𑀤𑀻𑀦𑀯𑀤𑀲𑁆𑀲𑀸𑀯𑀻 𑀦𑀺𑀲𑁆𑀲𑀭𑀡𑀧𑀜𑁆𑀜𑁄 𑀧𑀭𑀺𑀪𑀼𑀜𑁆𑀚𑀢𑀺, 𑀢𑀸𑀬 𑀘 𑀧𑀦 𑀇𑀢𑀭𑀻𑀢𑀭𑀘𑀻𑀯𑀭𑀲𑀦𑁆𑀢𑀼𑀝𑁆𑀞𑀺𑀬𑀸 𑀦𑁂𑀯𑀢𑁆𑀢𑀸𑀦𑀼𑀓𑁆𑀓𑀁𑀲𑁂𑀢𑀺 𑀦𑁄 𑀧𑀭𑀁 𑀯𑀫𑁆𑀪𑁂𑀢𑀺. 𑀬𑁄 𑀳𑀺 𑀢𑀢𑁆𑀣 𑀤𑀓𑁆𑀔𑁄 𑀅𑀦𑀮𑀲𑁄 𑀲𑀫𑁆𑀧𑀚𑀸𑀦𑁄 𑀧𑀝𑀺𑀲𑁆𑀲𑀪𑁄, 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀧𑁄𑀭𑀸𑀡𑁂 𑀅𑀕𑁆𑀕𑀜𑁆𑀜𑁂 𑀅𑀭𑀺𑀬𑀯𑀁𑀲𑁂 𑀞𑀺𑀢𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀓𑁆𑀓𑀯𑀕𑁆𑀕

𑀘𑀓𑁆𑀓𑀲𑀼𑀢𑁆𑀢

𑀧𑀼 𑁋 𑀘𑀓𑁆𑀓𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀘𑀓𑁆𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀘𑀓𑁆𑀓𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀘𑀓𑁆𑀓𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀘𑀓𑁆𑀓𑀸𑀦𑀺, 𑀬𑁂𑀳𑀺 𑀲𑀫𑀦𑁆𑀦𑀸𑀕𑀢𑀸𑀦𑀁 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀘𑀢𑀼𑀘𑀓𑁆𑀓𑀁 𑀯𑀢𑁆𑀢𑀢𑀺, 𑀬𑁂𑀳𑀺 𑀲𑀫𑀦𑁆𑀦𑀸𑀕𑀢𑀸 𑀤𑁂𑀯𑀫𑀦𑀼𑀲𑁆𑀲𑀸 𑀦𑀘𑀺𑀭𑀲𑁆𑀲𑁂𑀯 𑀫𑀳𑀦𑁆𑀢𑀢𑁆𑀢𑀁 𑀯𑁂𑀧𑀼𑀮𑁆𑀮𑀢𑁆𑀢𑀁 𑀧𑀸𑀧𑀼𑀡𑀦𑁆𑀢𑀺 𑀪𑁄𑀕𑁂𑀲𑀼. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀧𑀢𑀺𑀭𑀽𑀧𑀤𑁂𑀲𑀯𑀸𑀲𑁄 𑀲𑀧𑁆𑀧𑀼𑀭𑀺𑀲𑀸𑀯𑀲𑁆𑀲𑀬𑁄 𑀅𑀢𑁆𑀢𑀲𑀫𑁆𑀫𑀸𑀧𑀡𑀺𑀥𑀺 𑀧𑀼𑀩𑁆𑀩𑁂 𑀘 𑀓𑀢𑀧𑀼𑀜𑁆𑀜𑀢𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀗𑁆𑀕𑀳𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀲𑀗𑁆𑀕𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀲𑀗𑁆𑀕𑀳𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀲𑀗𑁆𑀕𑀳𑀯𑀢𑁆𑀣𑀽𑀦𑀺. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀤𑀸𑀦𑀁 𑀧𑁂𑀬𑁆𑀬𑀯𑀚𑁆𑀚𑀁 𑀅𑀢𑁆𑀣𑀘𑀭𑀺𑀬𑀸 𑀲𑀫𑀸𑀦𑀢𑁆𑀢𑀢𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀻𑀳𑀲𑀼𑀢𑁆𑀢

𑀧𑀼 𑁋 𑀪𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀲𑀻𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀢𑀢𑀺𑀬𑀁 𑀲𑀻𑀳𑀲𑀼𑀢𑁆𑀢𑀁 ‘‘𑀲𑀻𑀳𑁄 𑀪𑀺𑀓𑁆𑀔𑀯𑁂 𑀫𑀺𑀕𑀭𑀸𑀚𑀸 𑀲𑀸𑀬𑀦𑀼𑀲𑀫𑀬𑀁 𑀆𑀲𑀬𑀸 𑀦𑀺𑀓𑁆𑀔𑀫𑀢𑀺, 𑀆𑀲𑀬𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀯𑀺𑀚𑀫𑁆𑀪𑀢𑀺, 𑀯𑀺𑀚𑀫𑁆𑀪𑀺𑀢𑁆𑀯𑀸 𑀲𑀫𑀦𑁆𑀢𑀸 𑀘𑀢𑀼𑀤𑁆𑀤𑀺𑀲𑀸 𑀅𑀦𑀼𑀯𑀺𑀮𑁄𑀓𑁂𑀢𑀺, 𑀲𑀫𑀦𑁆𑀢𑀸 𑀘𑀢𑀼𑀤𑁆𑀤𑀺𑀲𑀸 𑀅𑀦𑀼𑀯𑀺𑀮𑁄𑀓𑁂𑀢𑁆𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀲𑀻𑀳𑀦𑀸𑀤𑀁 𑀦𑀤𑀢𑀺, 𑀢𑀺𑀓𑁆𑀔𑀢𑁆𑀢𑀼𑀁 𑀲𑀻𑀳𑀦𑀸𑀤𑀁 𑀦𑀤𑀺𑀢𑁆𑀯𑀸 𑀕𑁄𑀘𑀭𑀸𑀬 𑀧𑀓𑁆𑀓𑀫𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑁄𑀡𑀲𑀼𑀢𑁆𑀢

𑀧𑀼 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀘𑀓𑁆𑀓𑀯𑀕𑁆𑀕𑁂 𑀙𑀝𑁆𑀞𑀁 𑀤𑁄𑀡𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀅𑀦𑁆𑀢𑀭𑀸 𑀘 𑀪𑀦𑁆𑀢𑁂 𑀉𑀓𑁆𑀓𑀝𑁆𑀞𑀁 𑀅𑀦𑁆𑀢𑀭𑀸 𑀘 𑀲𑁂𑀢𑀩𑁆𑀬𑀁 𑀤𑁄𑀡𑀁 𑀩𑁆𑀭𑀸𑀳𑁆𑀫𑀡𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀤𑁄𑀡𑁄 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀤𑁂𑀯𑁄 𑀦𑁄 𑀪𑀯𑀁 𑀪𑀯𑀺𑀲𑁆𑀲𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀦 𑀔𑁄 𑀅𑀳𑀁 𑀩𑁆𑀭𑀸𑀳𑁆𑀫𑀡 𑀤𑁂𑀯𑁄 𑀪𑀯𑀺𑀲𑁆𑀲𑀸𑀫𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀅𑀘𑁆𑀙𑀭𑀺𑀬𑀁 𑀯𑀢 𑀪𑁄, 𑀅𑀩𑁆𑀪𑀼𑀢𑀁 𑀯𑀢 𑀪𑁄, 𑀦 𑀯𑀢𑀺𑀫𑀸𑀦𑀺 𑀫𑀦𑀼𑀲𑁆𑀲𑀪𑀽𑀢𑀲𑁆𑀲 𑀧𑀤𑀸𑀦𑀺 𑀪𑀯𑀺𑀲𑁆𑀲𑀦𑁆𑀢𑀺’’.

‘‘𑀤𑁂𑀯𑁄 𑀦𑁄 𑀪𑀯𑀁 𑀪𑀯𑀺𑀲𑁆𑀲𑀢𑀺’’.

‘‘𑀦 𑀔𑁄 𑀅𑀳𑀁 𑀩𑁆𑀭𑀸𑀳𑁆𑀫𑀡 𑀤𑁂𑀯𑁄 𑀪𑀯𑀺𑀲𑁆𑀲𑀫𑀺’’.

‘‘𑀕𑀦𑁆𑀥𑀩𑁆𑀩𑁄 𑀦𑁄 𑀪𑀯𑀁 𑀪𑀯𑀺𑀲𑁆𑀲𑀢𑀺’’.

‘‘𑀦 𑀔𑁄 𑀅𑀳𑀁 𑀩𑁆𑀭𑀸𑀳𑁆𑀫𑀡 𑀕𑀦𑁆𑀥𑀩𑁆𑀩𑁄 𑀪𑀯𑀺𑀲𑁆𑀲𑀸𑀫𑀺’’.

𑀉𑀚𑁆𑀚𑀬𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀉𑀚𑁆𑀚𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀦𑀯𑀫𑀁 𑀪𑀦𑁆𑀢𑁂 𑀉𑀚𑁆𑀚𑀬𑀲𑀼𑀢𑁆𑀢𑀁 ‘‘𑀦 𑀔𑁄 𑀅𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀬𑀜𑁆𑀜𑀁 𑀯𑀡𑁆𑀡𑁂𑀫𑀺, 𑀦 𑀧𑀦𑀸𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀬𑀜𑁆𑀜𑀁 𑀦 𑀯𑀡𑁆𑀡𑁂𑀫𑀺. 𑀬𑀣𑀸𑀭𑀽𑀧𑁂 𑀔𑁄 𑀩𑁆𑀭𑀸𑀳𑁆𑀫𑀡 𑀬𑀜𑁆𑀜𑁂 𑀕𑀸𑀯𑁄 𑀳𑀜𑁆𑀜𑀦𑁆𑀢𑀺, 𑀅𑀚𑁂𑀴𑀓𑀸 𑀳𑀜𑁆𑀜𑀦𑁆𑀢𑀺, 𑀓𑀼𑀓𑁆𑀓𑀼𑀝𑀲𑀽𑀓𑀭𑀸 𑀳𑀜𑁆𑀜𑀦𑁆𑀢𑀺, 𑀯𑀺𑀯𑀺𑀥𑀸 𑀧𑀸𑀡𑀸 𑀲𑀗𑁆𑀖𑀸𑀢𑀁 𑀆𑀧𑀚𑁆𑀚𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀪𑀯𑀫𑁆𑀧𑀺 𑀦𑁄 𑀕𑁄𑀢𑀫𑁄 𑀬𑀜𑁆𑀜𑀁 𑀯𑀡𑁆𑀡𑁂𑀢𑀺’’.

𑀭𑁄𑀳𑀺𑀢𑀲𑁆𑀲𑀯𑀕𑁆𑀕

𑀲𑀫𑀸𑀥𑀺𑀪𑀸𑀯𑀦𑀸𑀲𑀼𑀢𑁆𑀢

𑀧𑀼 𑁋 𑀭𑁄𑀳𑀺𑀢𑀲𑁆𑀲𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀲𑀫𑀸𑀥𑀺𑀪𑀸𑀯𑀦𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀭𑁄𑀳𑀺𑀢𑀲𑁆𑀲𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀲𑀫𑀸𑀥𑀺𑀪𑀸𑀯𑀦𑀸𑀲𑀼𑀢𑁆𑀢𑀁 ‘‘𑀘𑀢𑀲𑁆𑀲𑁄 𑀇𑀫𑀸 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀪𑀸𑀯𑀦𑀸, 𑀓𑀢𑀫𑀸 𑀘𑀢𑀲𑁆𑀲𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀪𑀸𑀯𑀦𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀤𑀺𑀝𑁆𑀞𑀥𑀫𑁆𑀫𑀲𑀼𑀔𑀯𑀺𑀳𑀸𑀭𑀸𑀬 𑀲𑀁𑀯𑀢𑁆𑀢𑀢𑀺, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀪𑀸𑀯𑀦𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀜𑀸𑀡𑀤𑀲𑁆𑀲𑀦𑀧𑁆𑀧𑀝𑀺𑀮𑀸𑀪𑀸𑀬 𑀲𑀁𑀯𑀢𑁆𑀢𑀢𑀺, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀪𑀸𑀯𑀦𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀲𑀢𑀺𑀲𑀫𑁆𑀧𑀚𑀜𑁆𑀜𑀸𑀬 𑀲𑀁𑀯𑀢𑁆𑀢𑀢𑀺, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀲𑀫𑀸𑀥𑀺𑀪𑀸𑀯𑀦𑀸 𑀪𑀸𑀯𑀺𑀢𑀸 𑀩𑀳𑀼𑀮𑀻𑀓𑀢𑀸 𑀆𑀲𑀯𑀸𑀦𑀁 𑀔𑀬𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀜𑁆𑀳𑀩𑁆𑀬𑀸𑀓𑀭𑀡𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀧𑀜𑁆𑀳𑀩𑁆𑀬𑀸𑀓𑀭𑀡𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀧𑀜𑁆𑀳𑀩𑁆𑀬𑀸𑀓𑀭𑀡𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀧𑀜𑁆𑀳𑀩𑁆𑀬𑀸𑀓𑀭𑀡𑀸𑀦𑀺. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀜𑁆𑀳𑁄 𑀏𑀓𑀁𑀲𑀩𑁆𑀬𑀸𑀓𑀭𑀡𑀻𑀬𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀜𑁆𑀳𑁄 𑀯𑀺𑀪𑀚𑁆𑀚𑀩𑁆𑀬𑀸𑀓𑀭𑀡𑀻𑀬𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀜𑁆𑀳𑁄 𑀧𑀝𑀺𑀧𑀼𑀘𑁆𑀙𑀸𑀩𑁆𑀬𑀸𑀓𑀭𑀡𑀻𑀬𑁄, 𑀅𑀢𑁆𑀣𑀺 𑀪𑀺𑀓𑁆𑀔𑀯𑁂 𑀧𑀜𑁆𑀳𑁄 𑀞𑀧𑀦𑀻𑀬𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀜𑁆𑀜𑀸𑀪𑀺𑀲𑀦𑁆𑀤𑀯𑀕𑁆𑀕

𑀧𑀞𑀫𑀲𑀁𑀯𑀸𑀲𑀲𑀼𑀢𑁆𑀢

𑀧𑀼 𑁋 𑀧𑀼𑀜𑁆𑀜𑀸𑀪𑀺𑀲𑀦𑁆𑀤𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀢𑀢𑀺𑀬𑀁 𑀲𑀁𑀯𑀸𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀧𑀼𑀜𑁆𑀜𑀸𑀪𑀺𑀲𑀦𑁆𑀤𑀯𑀕𑁆𑀕𑁂 𑀪𑀦𑁆𑀢𑁂 𑀢𑀢𑀺𑀬𑀁 𑀲𑀁𑀯𑀸𑀲𑀲𑀼𑀢𑁆𑀢𑀁 𑀅𑀦𑁆𑀢𑀭𑀸 𑀘 𑀫𑀥𑀼𑀭𑀁 𑀅𑀦𑁆𑀢𑀭𑀸 𑀘 𑀯𑁂𑀭𑀜𑁆𑀚𑀁 𑀲𑀫𑁆𑀩𑀳𑀼𑀮𑁂 𑀕𑀳𑀧𑀢𑀬𑁄 𑀘 𑀕𑀳𑀧𑀢𑀸𑀦𑀺𑀬𑁄 𑀘 𑀆𑀭𑀩𑁆𑀪 ‘‘𑀘𑀢𑁆𑀢𑀸𑀭𑁄𑀫𑁂 𑀕𑀳𑀧𑀢𑀬𑁄 𑀲𑀁𑀯𑀸𑀲𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀙𑀯𑁄 𑀙𑀯𑀸𑀬 𑀲𑀤𑁆𑀥𑀺𑀁 𑀲𑀁𑀯𑀲𑀢𑀺, 𑀙𑀯𑁄 𑀤𑁂𑀯𑀺𑀬𑀸 𑀲𑀤𑁆𑀥𑀺𑀁 𑀲𑀁𑀯𑀲𑀢𑀺, 𑀤𑁂𑀯𑁄 𑀙𑀯𑀸𑀬 𑀲𑀤𑁆𑀥𑀺𑀁 𑀲𑀁𑀯𑀲𑀢𑀺, 𑀤𑁂𑀯𑁄 𑀤𑁂𑀯𑀺𑀬𑀸 𑀲𑀤𑁆𑀥𑀺𑀁 𑀲𑀁𑀯𑀲𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀞𑀫𑀲𑀫𑀚𑀻𑀯𑀻𑀲𑀼𑀢𑁆𑀢

𑀧𑀼 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀧𑀼𑀜𑁆𑀜𑀸𑀪𑀺𑀲𑀦𑁆𑀤𑀯𑀕𑁆𑀕𑁂 𑀧𑀜𑁆𑀘𑀫𑀁 𑀲𑀫𑀚𑀻𑀯𑀺𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀜𑁆𑀘𑀫𑀁 𑀪𑀦𑁆𑀢𑁂 𑀲𑀫𑀚𑀻𑀯𑀺𑀲𑀼𑀢𑁆𑀢𑀁 ‘‘𑀆𑀓𑀗𑁆𑀔𑁂𑀬𑁆𑀬𑀼𑀁 𑀘𑁂 𑀕𑀳𑀧𑀢𑀬𑁄 𑀉𑀪𑁄 𑀚𑀸𑀦𑀺𑀧𑀢𑀬𑁄 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀜𑁆𑀜𑀫𑀜𑁆𑀜𑀁 𑀧𑀲𑁆𑀲𑀺𑀢𑀼𑀁, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀜𑁆𑀜𑀫𑀜𑁆𑀜𑀁 𑀧𑀲𑁆𑀲𑀺𑀢𑀼𑀁, 𑀉𑀪𑁄𑀯 𑀅𑀲𑁆𑀲𑀼 𑀲𑀫𑀲𑀤𑁆𑀥𑀸 𑀲𑀫𑀲𑀻𑀮𑀸 𑀲𑀫𑀘𑀸𑀕𑀸 𑀲𑀫𑀧𑀜𑁆𑀜𑀸, 𑀢𑁂 𑀤𑀺𑀝𑁆𑀞𑁂 𑀘𑁂𑀯 𑀥𑀫𑁆𑀫𑁂 𑀅𑀜𑁆𑀜𑀫𑀜𑁆𑀜𑀁 𑀧𑀲𑁆𑀲𑀦𑁆𑀢𑀺, 𑀅𑀪𑀺𑀲𑀫𑁆𑀧𑀭𑀸𑀬𑀜𑁆𑀘 𑀅𑀜𑁆𑀜𑀫𑀜𑁆𑀜𑀁 𑀧𑀲𑁆𑀲𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀢𑁆𑀢𑀓𑀫𑁆𑀫𑀯𑀕𑁆𑀕

𑀆𑀦𑀡𑁆𑀬𑀲𑀼𑀔𑀲𑀼𑀢𑁆𑀢

𑀧𑀼 𑁋 𑀧𑀢𑁆𑀢𑀓𑀫𑁆𑀫𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀆𑀦𑀡𑁆𑀬𑀲𑀼𑀔𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀧𑀢𑁆𑀢𑀓𑀫𑁆𑀫𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀆𑀦𑀡𑁆𑀬𑀲𑀼𑀔𑀲𑀼𑀢𑁆𑀢𑀁 𑀲𑀸𑀯𑀢𑁆𑀣𑀺𑀬𑀁 𑀅𑀦𑀸𑀣𑀧𑀺𑀡𑁆𑀟𑀺𑀓𑀁 𑀕𑀳𑀧𑀢𑀺𑀁 𑀆𑀭𑀩𑁆𑀪 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀕𑀳𑀧𑀢𑀺 𑀲𑀼𑀔𑀸𑀦𑀺 𑀅𑀥𑀺𑀕𑀫𑀦𑀻𑀬𑀸𑀦𑀺 𑀕𑀺𑀳𑀺𑀦𑀸 𑀓𑀸𑀫𑀪𑁄𑀕𑀺𑀦𑀸 𑀓𑀸𑀮𑁂𑀦 𑀓𑀸𑀮𑀁 𑀲𑀫𑀬𑁂𑀦 𑀲𑀫𑀬𑀁 𑀉𑀧𑀸𑀤𑀸𑀬. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀅𑀢𑁆𑀣𑀺𑀲𑀼𑀔𑀁 𑀪𑁄𑀕𑀲𑀼𑀔𑀁 𑀅𑀦𑀡𑁆𑀬𑀲𑀼𑀔𑀁 𑀅𑀦𑀯𑀚𑁆𑀚𑀲𑀼𑀔’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀆𑀦𑀡𑁆𑀬𑀲𑀼𑀔𑀁 𑀜𑀢𑁆𑀯𑀸𑀦, 𑀅𑀣𑁄 𑀅𑀢𑁆𑀣𑀺𑀲𑀼𑀔𑀁 𑀧𑀭𑀁;

𑀪𑀼𑀜𑁆𑀚𑀁 𑀪𑁄𑀕𑀲𑀼𑀔𑀁 𑀫𑀘𑁆𑀘𑁄, 𑀢𑀢𑁄 𑀧𑀜𑁆𑀜𑀸 𑀯𑀺𑀧𑀲𑁆𑀲𑀢𑀺;

𑀯𑀺𑀧𑀲𑁆𑀲𑀫𑀸𑀦𑁄 𑀚𑀸𑀦𑀸𑀢𑀺, 𑀉𑀪𑁄 𑀪𑀸𑀕𑁂 𑀲𑀼𑀫𑁂𑀥𑀲𑁄;

𑀅𑀦𑀯𑀚𑁆𑀚𑀲𑀼𑀔𑀲𑁆𑀲𑁂𑀢𑀁, 𑀓𑀮𑀁 𑀦𑀸𑀕𑁆𑀖𑀢𑀺 𑀲𑁄𑀴𑀲𑀺𑀁𑁋

𑀅𑀧𑁆𑀧𑀡𑁆𑀡𑀓𑀯𑀕𑁆𑀕

𑀲𑀧𑁆𑀧𑀼𑀭𑀺𑀲𑀲𑀼𑀢𑁆𑀢

𑀧𑀼 𑁋 𑀅𑀧𑀡𑁆𑀡𑀓𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀢𑀢𑀺𑀬𑀁 𑀲𑀧𑁆𑀧𑀼𑀭𑀺𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀅𑀧𑀡𑁆𑀡𑀓𑀯𑀕𑁆𑀕𑁂 𑀪𑀦𑁆𑀢𑁂 𑀢𑀢𑀺𑀬𑀁 𑀲𑀧𑁆𑀧𑀼𑀭𑀺𑀲𑀲𑀼𑀢𑁆𑀢𑀁 ‘‘𑀘𑀢𑀽𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀅𑀲𑀧𑁆𑀧𑀼𑀭𑀺𑀲𑁄 𑀯𑁂𑀤𑀺𑀢𑀩𑁆𑀩𑁄. 𑀓𑀢𑀫𑁂𑀳𑀺 𑀘𑀢𑀽𑀳𑀺, 𑀇𑀥 𑀪𑀺𑀓𑁆𑀔𑀯𑁂 𑀅𑀲𑀧𑁆𑀧𑀼𑀭𑀺𑀲𑁄 𑀬𑁄 𑀳𑁄𑀢𑀺 𑀧𑀭𑀲𑁆𑀲 𑀅𑀯𑀡𑁆𑀡𑁄 𑀢𑀁 𑀅𑀧𑀼𑀝𑁆𑀞𑁄𑀧𑀺 𑀧𑀸𑀢𑀼 𑀓𑀭𑁄𑀢𑀺 𑀓𑁄 𑀧𑀦 𑀯𑀸𑀤𑁄 𑀧𑀼𑀝𑁆𑀞𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀥𑀼𑀦𑀸𑀕𑀢𑀯𑀥𑀼𑀓𑀸𑀲𑀫𑁂𑀦 𑀘𑁂𑀢𑀲𑀸 𑀯𑀺𑀳𑀭𑀺𑀲𑁆𑀲𑀸𑀫’’ 𑁋

𑀅𑀘𑀺𑀦𑁆𑀢𑁂𑀬𑁆𑀬𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀅𑀘𑀺𑀦𑁆𑀢𑁂𑀬𑁆𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀅𑀘𑀺𑀦𑁆𑀢𑁂𑀬𑁆𑀬𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀅𑀘𑀺𑀦𑁆𑀢𑁂𑀬𑁆𑀬𑀸𑀦𑀺 𑀦 𑀘𑀺𑀦𑁆𑀢𑁂𑀢𑀩𑁆𑀩𑀸𑀦𑀺, 𑀬𑀸𑀦𑀺 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀩𑀼𑀤𑁆𑀥𑀸𑀦𑀁 𑀪𑀺𑀓𑁆𑀔𑀯𑁂 𑀩𑀼𑀤𑁆𑀥𑀯𑀺𑀲𑀬𑁄 𑀅𑀘𑀺𑀦𑁆𑀢𑁂𑀬𑁆𑀬𑁄 𑀦 𑀘𑀺𑀦𑁆𑀢𑁂𑀢𑀩𑁆𑀩𑁄, 𑀬𑀁 𑀘𑀺𑀦𑁆𑀢𑁂𑀦𑁆𑀢𑁄 𑀉𑀫𑁆𑀫𑀸𑀤𑀲𑁆𑀲 𑀯𑀺𑀖𑀸𑀢𑀲𑁆𑀲 𑀪𑀸𑀕𑀻 𑀅𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀫𑀘𑀮𑀯𑀕𑁆𑀕

𑀢𑀫𑁄𑀢𑀫𑀲𑀼𑀢𑁆𑀢

𑀧𑀼 𑁋 𑀫𑀘𑀮𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀢𑀫𑁄𑀢𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀫𑀘𑀮𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀢𑀫𑁄𑀢𑀫𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀢𑀫𑁄𑀢𑀫𑀧𑀭𑀸𑀬𑀡𑁄, 𑀢𑀫𑁄𑀚𑁄𑀢𑀺𑀧𑀭𑀸𑀬𑀡𑁄, 𑀚𑁄𑀢𑀺𑀢𑀫𑀧𑀭𑀸𑀬𑀡𑁄, 𑀚𑁄𑀢𑀺𑀚𑁄𑀢𑀺𑀧𑀭𑀸𑀬𑀡𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀲𑀼𑀭𑀯𑀕𑁆𑀕

𑀅𑀲𑀼𑀭𑀲𑀼𑀢𑁆𑀢

𑀧𑀼 𑁋 𑀢𑁂𑀦𑀸𑀯𑀼𑀲𑁄 𑀪𑀕𑀯𑀢𑀸…𑀧𑁂… 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀅𑀲𑀼𑀭𑀯𑀕𑁆𑀕𑁂 𑀧𑀞𑀫𑀁 𑀅𑀲𑀼𑀭𑀲𑀼𑀢𑁆𑀢𑀁 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀅𑀲𑀼𑀭𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀅𑀲𑀼𑀭𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀅𑀲𑀼𑀭𑁄 𑀅𑀲𑀼𑀭𑀧𑀭𑀺𑀯𑀸𑀭𑁄, 𑀅𑀲𑀼𑀭𑁄 𑀤𑁂𑀯𑀧𑀭𑀺𑀯𑀸𑀭𑁄, 𑀤𑁂𑀯𑁄 𑀅𑀲𑀼𑀭𑀧𑀭𑀺𑀯𑀸𑀭𑁄, 𑀤𑁂𑀯𑁄 𑀤𑁂𑀯𑀧𑀭𑀺𑀯𑀸𑀭𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀫𑀸𑀥𑀺𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀲𑀫𑀸𑀥𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀘𑀢𑀼𑀢𑁆𑀣𑀁 𑀪𑀦𑁆𑀢𑁂 𑀲𑀫𑀸𑀥𑀺𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀮𑀸𑀪𑀻 𑀳𑁄𑀢𑀺 𑀅𑀚𑁆𑀛𑀢𑁆𑀢𑀁 𑀘𑁂𑀢𑁄𑀲𑀫𑀣𑀲𑁆𑀲 𑀦 𑀮𑀸𑀪𑀻 𑀅𑀥𑀺𑀧𑀜𑁆𑀜𑀸𑀥𑀫𑁆𑀫𑀯𑀺𑀧𑀲𑁆𑀲𑀦𑀸𑀬. 𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁄 𑀮𑀸𑀪𑀻 𑀳𑁄𑀢𑀺 𑀅𑀥𑀺𑀧𑀜𑁆𑀜𑀸𑀥𑀫𑁆𑀫𑀯𑀺𑀧𑀲𑁆𑀲𑀦𑀸𑀬, 𑀦 𑀮𑀸𑀪𑀻 𑀅𑀚𑁆𑀛𑀢𑁆𑀢𑀁 𑀘𑁂𑀢𑁄𑀲𑀫𑀣𑀲𑁆𑀲. 𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀦 𑀘𑁂𑀯 𑀮𑀸𑀪𑀻 𑀳𑁄𑀢𑀺 𑀅𑀚𑁆𑀛𑀢𑁆𑀢𑀁 𑀘𑁂𑀢𑁄𑀲𑀫𑀣𑀲𑁆𑀲, 𑀦 𑀘 𑀮𑀸𑀪𑀻 𑀅𑀥𑀺𑀧𑀜𑁆𑀜𑀸𑀥𑀫𑁆𑀫𑀯𑀺𑀧𑀲𑁆𑀲𑀦𑀸𑀬. 𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀧𑀼𑀕𑁆𑀕𑀮𑁄 𑀮𑀸𑀪𑀻 𑀘𑁂𑀯 𑀳𑁄𑀢𑀺 𑀅𑀚𑁆𑀛𑀢𑁆𑀢𑀁 𑀘𑁂𑀢𑁄𑀲𑀫𑀣𑀲𑁆𑀲, 𑀮𑀸𑀪𑀻 𑀘 𑀅𑀥𑀺𑀧𑀜𑁆𑀜𑀸𑀥𑀫𑁆𑀫𑀯𑀺𑀧𑀲𑁆𑀲𑀦𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀭𑀸𑀕𑀯𑀺𑀦𑀬𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀭𑀸𑀕𑀯𑀺𑀦𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀭𑀸𑀕𑀯𑀺𑀦𑀬𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀅𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄 𑀦𑁄 𑀧𑀭𑀳𑀺𑀢𑀸𑀬, 𑀧𑀭𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄 𑀦𑁄 𑀅𑀢𑁆𑀢𑀳𑀺𑀢𑀸𑀬, 𑀦𑁂𑀯𑀢𑁆𑀢𑀳𑀺𑀢𑀸𑀬 𑀧𑀝𑀺𑀧𑀦𑁆𑀦𑁄 𑀦𑁄 𑀧𑀭𑀳𑀺𑀢𑀸𑀬, 𑀅𑀢𑁆𑀢𑀳𑀺𑀢𑀸𑀬 𑀘𑁂𑀯 𑀧𑀝𑀺𑀧𑀦𑁆𑀦𑁄 𑀧𑀭𑀳𑀺𑀢𑀸𑀬 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀯𑀮𑀸𑀳𑀓𑀯𑀕𑁆𑀕

𑀧𑀞𑀫𑀯𑀮𑀸𑀳𑀓𑀲𑀼𑀢𑁆𑀢

𑀧𑀼 𑁋 𑀯𑀮𑀸𑀳𑀓𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀯𑀮𑀸𑀳𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀯𑀮𑀸𑀳𑀓𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀕𑀚𑁆𑀚𑀺𑀢𑀸 𑀦𑁄 𑀯𑀲𑁆𑀲𑀺𑀢𑀸, 𑀯𑀲𑁆𑀲𑀺𑀢𑀸 𑀦𑁄 𑀕𑀚𑁆𑀚𑀺𑀢𑀸, 𑀦𑁂𑀯 𑀕𑀚𑁆𑀚𑀺𑀢𑀸 𑀦𑁄 𑀯𑀲𑁆𑀲𑀺𑀢𑀸, 𑀕𑀚𑁆𑀚𑀺𑀢𑀸 𑀘 𑀯𑀲𑁆𑀲𑀺𑀢𑀸 𑀘. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀯𑀮𑀸𑀳𑀓𑀸. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀯𑀮𑀸𑀳𑀓𑀽𑀧𑀫𑀸 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀸𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀕𑀚𑁆𑀚𑀺𑀢𑀸 𑀦𑁄 𑀯𑀲𑁆𑀲𑀺𑀢𑀸, 𑀯𑀲𑁆𑀲𑀺𑀢𑀸 𑀦𑁄 𑀕𑀚𑁆𑀚𑀺𑀢𑀸, 𑀦𑁂𑀯 𑀕𑀚𑁆𑀚𑀺𑀢𑀸 𑀦𑁄 𑀯𑀲𑁆𑀲𑀺𑀢𑀸, 𑀕𑀚𑁆𑀚𑀺𑀢𑀸 𑀘 𑀯𑀲𑁆𑀲𑀺𑀢𑀸 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀤𑀓𑀭𑀳𑀤𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀉𑀤𑀓𑀭𑀳𑀤𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀘𑀢𑀼𑀢𑁆𑀣 𑀪𑀦𑁆𑀢𑁂 𑀉𑀤𑀓𑀭𑀳𑀤𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀉𑀤𑀓𑀭𑀳𑀤𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀉𑀢𑁆𑀢𑀸𑀦𑁄 𑀕𑀫𑁆𑀪𑀻𑀭𑁄𑀪𑀸𑀲𑁄, 𑀕𑀫𑁆𑀪𑀻𑀭𑁄 𑀉𑀢𑁆𑀢𑀸𑀦𑁄𑀪𑀸𑀲𑁄, 𑀉𑀢𑁆𑀢𑀸𑀦𑁄 𑀉𑀢𑁆𑀢𑀸𑀦𑁄𑀪𑀸𑀲𑁄, 𑀕𑀫𑁆𑀪𑀻𑀭𑁄 𑀕𑀫𑁆𑀪𑀻𑀭𑁄𑀪𑀸𑀲𑁄, 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀉𑀤𑀓𑀭𑀳𑀤𑀸. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀉𑀤𑀓𑀭𑀳𑀤𑀽𑀧𑀫𑀸 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀉𑀢𑁆𑀢𑀸𑀦𑁄 𑀕𑀫𑁆𑀪𑀻𑀭𑁄𑀪𑀸𑀲𑁄, 𑀕𑀫𑁆𑀪𑀻𑀭𑁄 𑀉𑀢𑁆𑀢𑀸𑀦𑁄𑀪𑀸𑀲𑁄, 𑀉𑀢𑁆𑀢𑀸𑀦𑁄 𑀉𑀢𑁆𑀢𑀸𑀦𑁄𑀪𑀸𑀲𑁄, 𑀕𑀫𑁆𑀪𑀻𑀭𑁄 𑀕𑀫𑁆𑀪𑀻𑀭𑁄𑀪𑀸𑀲𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀫𑀽𑀲𑀺𑀓𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀫𑀽𑀲𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀫𑀽𑀲𑀺𑀓𑀲𑀼𑀢𑁆𑀢𑀁 ‘‘𑀘𑀢𑀲𑁆𑀲𑁄 𑀇𑀫𑀸 𑀪𑀺𑀓𑁆𑀔𑀯𑁂 𑀫𑀽𑀲𑀺𑀓𑀸. 𑀓𑀢𑀫𑀸 𑀘𑀢𑀲𑁆𑀲𑁄, 𑀕𑀸𑀥𑀁 𑀓𑀢𑁆𑀢𑀸 𑀦𑁄 𑀯𑀲𑀺𑀢𑀸, 𑀯𑀲𑀺𑀢𑀸 𑀦𑁄 𑀕𑀸𑀥𑀁 𑀓𑀢𑁆𑀢𑀸, 𑀦𑁂𑀯 𑀕𑀸𑀥𑀁 𑀓𑀢𑁆𑀢𑀸 𑀦𑁄 𑀯𑀲𑀺𑀢𑀸, 𑀕𑀸𑀥𑀁 𑀓𑀢𑁆𑀢𑀸 𑀘 𑀯𑀲𑀺𑀢𑀸 𑀘. 𑀇𑀫𑀸 𑀔𑁄 𑀪𑀺𑀓𑁆𑀔𑀯𑁂 𑀘𑀢𑀲𑁆𑀲𑁄 𑀫𑀽𑀲𑀺𑀓𑀸. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀫𑀽𑀲𑀺𑀓𑀽𑀧𑀫𑀸 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺𑀁. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀕𑀸𑀥𑀁 𑀓𑀢𑁆𑀢𑀸 𑀦𑁄 𑀯𑀲𑀺𑀢𑀸, 𑀯𑀲𑀺𑀢𑀸 𑀦𑁄 𑀕𑀸𑀥𑀁 𑀓𑀢𑁆𑀢𑀸, 𑀦𑁂𑀯 𑀕𑀸𑀥𑀁 𑀓𑀢𑁆𑀢𑀸 𑀦𑁄 𑀯𑀲𑀺𑀢𑀸, 𑀕𑀸𑀥𑀁 𑀓𑀢𑁆𑀢𑀸 𑀘 𑀯𑀲𑀺𑀢𑀸 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀩𑀮𑀻𑀩𑀤𑁆𑀥𑀲𑀼𑀢𑁆𑀢

𑀧𑀼 𑁋 𑀲𑀁𑀕𑀻𑀢𑀸𑀧𑀺 𑀆𑀯𑀼𑀲𑁄 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑀢𑁄 𑀓𑀸𑀦𑀺𑀘𑀺 𑀲𑀼𑀢𑁆𑀢𑀸𑀦𑀺 𑀉𑀤𑁆𑀥𑀭𑀺𑀢𑁆𑀯𑀸 𑀧𑀝𑀺𑀧𑀼𑀘𑁆𑀙𑀺𑀲𑁆𑀲𑀸𑀫𑀺 𑀩𑀳𑀼𑀚𑀦𑀲𑁆𑀲 𑀲𑀼𑀢𑀯𑀼𑀟𑁆𑀠𑀺𑀬𑀸. 𑀲𑀁𑀕𑀻𑀢𑁂 𑀆𑀯𑀼𑀲𑁄 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀯𑀮𑀸𑀳𑀓𑀯𑀕𑁆𑀕𑁂 𑀅𑀝𑁆𑀞𑀫𑀁 𑀩𑀮𑀻𑀩𑀤𑁆𑀥𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀯𑀮𑀸𑀳𑀓𑀯𑀕𑁆𑀕𑁂 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀩𑀮𑀻𑀩𑀤𑁆𑀥𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀩𑀮𑀻𑀩𑀤𑁆𑀥𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀲𑀕𑀯𑀘𑀡𑁆𑀟𑁄 𑀦𑁄 𑀧𑀭𑀕𑀯𑀘𑀡𑁆𑀟𑁄, 𑀧𑀭𑀕𑀯𑀘𑀡𑁆𑀟𑁄 𑀦𑁄 𑀲𑀕𑀯𑀘𑀡𑁆𑀟𑁄, 𑀲𑀕𑀯𑀘𑀡𑁆𑀟𑁄 𑀘 𑀧𑀭𑀕𑀯𑀘𑀡𑁆𑀟𑁄 𑀘, 𑀦𑁂𑀯 𑀲𑀕𑀯𑀘𑀡𑁆𑀟𑁄 𑀦𑁄 𑀧𑀭𑀕𑀯𑀘𑀡𑁆𑀟𑁄. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀩𑀮𑀻𑀩𑀤𑁆𑀥𑀸. 𑀏𑀯𑀫𑁂𑀯 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀩𑀮𑀻𑀩𑀤𑁆𑀥𑀽𑀧𑀫𑀸 𑀧𑀼𑀕𑁆𑀕𑀮𑀸 𑀲𑀦𑁆𑀢𑁄 𑀲𑀁𑀯𑀺𑀚𑁆𑀚𑀫𑀸𑀦𑀸 𑀮𑁄𑀓𑀲𑁆𑀫𑀺’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑁂𑀲𑀺𑀲𑀼𑀢𑁆𑀢

𑀧𑀼 𑁋 𑀓𑁂𑀲𑀺𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀓𑁂𑀲𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀓𑁂𑀲𑀺𑀁 𑀪𑀦𑁆𑀢𑁂 𑀅𑀲𑁆𑀲𑀤𑀫𑁆𑀫𑀲𑀸𑀭𑀣𑀺𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀓𑁂𑀲𑀺 𑀪𑀦𑁆𑀢𑁂 𑀅𑀲𑁆𑀲𑀤𑀫𑁆𑀫𑀲𑀸𑀭𑀣𑀺 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀪𑀕𑀯𑀸 𑀧𑀦 𑀪𑀦𑁆𑀢𑁂 𑀅𑀦𑀼𑀢𑁆𑀢𑀭𑁄 𑀧𑀼𑀭𑀺𑀲𑀤𑀫𑁆𑀫𑀲𑀸𑀭𑀣𑀺, 𑀓𑀣𑀁 𑀧𑀦 𑀪𑀦𑁆𑀢𑁂 𑀪𑀕𑀯𑀸 𑀧𑀼𑀭𑀺𑀲𑀤𑀫𑁆𑀫𑀁 𑀯𑀺𑀦𑁂𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀅𑀳𑀁 𑀔𑁄 𑀓𑁂𑀲𑀺 𑀧𑀼𑀭𑀺𑀲𑀤𑀫𑁆𑀫𑀁 𑀲𑀡𑁆𑀳𑁂𑀦𑀧𑀺 𑀯𑀺𑀦𑁂𑀫𑀺, 𑀨𑀭𑀼𑀲𑁂𑀦𑀧𑀺 𑀯𑀺𑀦𑁂𑀫𑀺, 𑀲𑀡𑁆𑀳𑀨𑀭𑀼𑀲𑁂𑀦𑀧𑀺 𑀯𑀺𑀦𑁂𑀫𑀺. 𑀢𑀢𑁆𑀭𑀺𑀤𑀁 𑀓𑁂𑀲𑀺 𑀲𑀡𑁆𑀳𑀲𑁆𑀫𑀺𑀁 𑁋 𑀇𑀢𑀺 𑀓𑀸𑀬𑀲𑀼𑀘𑀭𑀺𑀢𑀁 𑀇𑀢𑀺 𑀓𑀸𑀬𑀲𑀼𑀘𑀭𑀺𑀢𑀲𑁆𑀲 𑀯𑀺𑀧𑀸𑀓𑁄, 𑀇𑀢𑀺 𑀯𑀘𑀻𑀲𑀼𑀘𑀭𑀺𑀢𑀁 𑀇𑀢𑀺 𑀯𑀘𑀻𑀲𑀼𑀘𑀭𑀺𑀢𑀲𑁆𑀲 𑀯𑀺𑀧𑀸𑀓𑁄, 𑀇𑀢𑀺 𑀫𑀦𑁄𑀲𑀼𑀘𑀭𑀺𑀢𑀁 𑀇𑀢𑀺 𑀫𑀦𑁄𑀲𑀼𑀘𑀭𑀺𑀢𑀲𑁆𑀲 𑀯𑀺𑀧𑀸𑀓𑁄, 𑀇𑀢𑀺 𑀤𑁂𑀯𑀸 𑀇𑀢𑀺 𑀫𑀦𑀼𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀢𑁆𑀯𑀁 𑀔𑁄𑀲𑀺 𑀓𑁂𑀲𑀺 𑀧𑀜𑁆𑀜𑀸𑀢𑁄 𑀅𑀲𑁆𑀲𑀤𑀫𑁆𑀫𑀲𑀸𑀭𑀣𑀻𑀢𑀺, 𑀓𑀣𑀁 𑀧𑀦 𑀢𑁆𑀯𑀁 𑀓𑁂𑀲𑀺 𑀅𑀲𑁆𑀲𑀤𑀫𑁆𑀫𑀲𑀸𑀭𑀣𑀺’’ 𑁋

‘‘𑀅𑀳𑀁 𑀔𑁄 𑀪𑀦𑁆𑀢𑁂 𑀅𑀲𑁆𑀲𑀤𑀫𑁆𑀫𑀁 𑀲𑀡𑁆𑀳𑁂𑀦𑀧𑀺 𑀯𑀺𑀦𑁂𑀫𑀺, 𑀨𑀭𑀼𑀲𑁂𑀦𑀧𑀺 𑀯𑀺𑀦𑁂𑀫𑀺, 𑀲𑀡𑁆𑀳𑀨𑀭𑀼𑀲𑁂𑀦𑀧𑀺 𑀯𑀺𑀦𑁂𑀫𑀺’’ 𑁋

‘‘𑀲𑀘𑁂 𑀢𑁂 𑀓𑁂𑀲𑀺 𑀅𑀲𑁆𑀲𑀤𑀫𑁆𑀫𑁄 𑀲𑀡𑁆𑀳𑁂𑀦 𑀯𑀺𑀦𑀬𑀁 𑀦 𑀉𑀧𑁂𑀢𑀺, 𑀨𑀭𑀼𑀲𑁂𑀦 𑀯𑀺𑀦𑀬𑀁 𑀦 𑀉𑀧𑁂𑀢𑀺, 𑀲𑀡𑁆𑀳𑀨𑀭𑀼𑀲𑁂𑀦 𑀯𑀺𑀦𑀬𑀁 𑀦 𑀉𑀧𑁂𑀢𑀺, 𑀓𑀺𑀦𑁆𑀢𑀺 𑀦𑀁 𑀓𑀭𑁄𑀲𑀺’’ 𑁋

‘‘𑀪𑀕𑀯𑀸 𑀧𑀦 𑀪𑀦𑁆𑀢𑁂 𑀅𑀦𑀼𑀢𑁆𑀢𑀭𑁄 𑀧𑀼𑀭𑀺𑀲𑀤𑀫𑁆𑀫𑀲𑀸𑀭𑀣𑀺, 𑀓𑀣𑀁 𑀧𑀦 𑀪𑀦𑁆𑀢𑁂 𑀪𑀕𑀯𑀸 𑀧𑀼𑀭𑀺𑀲𑀤𑀫𑁆𑀫𑀁 𑀯𑀺𑀦𑁂𑀢𑀺’’ 𑁋

𑀦 𑁦.𑁦𑁦𑁮𑁭 𑀔𑁄 𑀪𑀦𑁆𑀢𑁂 𑀪𑀕𑀯𑀢𑁄 𑀧𑀸𑀡𑀸𑀢𑀺𑀧𑀸𑀢𑁄 𑀓𑀧𑁆𑀧𑀢𑀺, 𑀅𑀣 𑀘 𑀧𑀦 𑀪𑀕𑀯𑀸 𑀏𑀯𑀫𑀸𑀳 ‘‘𑀳𑀦𑀸𑀫𑀺 𑀦𑀁 𑀓𑁂𑀲𑀻’’𑀢𑀺.

𑀅𑀢𑁆𑀢𑀸𑀦𑀼𑀯𑀸𑀤𑀲𑀼𑀢𑁆𑀢

𑀧𑀼 𑁋 𑀪𑀬𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀅𑀢𑁆𑀢𑀸𑀦𑀼𑀯𑀸𑀤𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀪𑀬𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀅𑀢𑁆𑀢𑀸𑀦𑀼𑀯𑀸𑀤𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀪𑀬𑀸𑀦𑀺. 𑀓𑀢𑀫𑀸𑀦𑀺 𑀘𑀢𑁆𑀢𑀸𑀭𑀺, 𑀅𑀢𑁆𑀢𑀸𑀦𑀼𑀯𑀸𑀤𑀪𑀬𑀁 𑀧𑀭𑀸𑀦𑀼𑀯𑀸𑀤𑀪𑀬𑀁 𑀤𑀡𑁆𑀟𑀪𑀬𑀁 𑀤𑀼𑀕𑁆𑀕𑀢𑀺𑀪𑀬’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀥𑀫𑁆𑀫𑀓𑀣𑀺𑀓𑀲𑀼𑀢𑁆𑀢

𑀧𑀼 𑁋 𑀇𑀤𑀸𑀦𑀺 𑀆𑀯𑀼𑀲𑁄 𑀩𑀳𑀼𑀚𑀦𑀲𑁆𑀲 𑀲𑀼𑀢𑀯𑀼𑀟𑁆𑀠𑀺𑀬𑀸 𑀲𑀁𑀕𑀻𑀢𑀸 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑀢𑁄𑀧𑀺 𑀓𑀸𑀦𑀺𑀘𑀺 𑀲𑀼𑀢𑁆𑀢𑀸𑀦𑀺 𑀉𑀤𑁆𑀥𑀭𑀺𑀢𑁆𑀯𑀸 𑀧𑀝𑀺𑀧𑀼𑀘𑁆𑀙𑀺𑀲𑁆𑀲𑀸𑀫𑀺, 𑀲𑀁𑀕𑀻𑀢𑁂 𑀆𑀯𑀼𑀲𑁄 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀧𑀼𑀕𑁆𑀕𑀮𑀯𑀕𑁆𑀕𑁂 𑀦𑀯𑀫𑀁 𑀥𑀫𑁆𑀫𑀓𑀣𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀼𑀕𑁆𑀕𑀮𑀯𑀕𑁆𑀕𑁂 𑀪𑀦𑁆𑀢𑁂 𑀦𑀯𑀫𑀁 𑀥𑀫𑁆𑀫𑀓𑀣𑀺𑀓𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀓𑀣𑀺𑀓𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀇𑀥 𑀪𑀺𑀓𑁆𑀔𑀯𑁂 𑀏𑀓𑀘𑁆𑀘𑁄 𑀥𑀫𑁆𑀫𑀓𑀣𑀺𑀓𑁄 𑀅𑀧𑁆𑀧𑀜𑁆𑀘 𑀪𑀸𑀲𑀢𑀺 𑀅𑀲𑀳𑀺𑀢𑀜𑁆𑀘, 𑀧𑀭𑀺𑀲𑀸 𑀘𑀲𑁆𑀲 𑀦 𑀓𑀼𑀲𑀮𑀸 𑀳𑁄𑀢𑀺 𑀲𑀳𑀺𑀢𑀸𑀲𑀳𑀺𑀢𑀲𑁆𑀲. 𑀏𑀯𑀭𑀽𑀧𑁄 𑀪𑀺𑀓𑁆𑀔𑀯𑁂 𑀥𑀫𑁆𑀫𑀓𑀣𑀺𑀓𑁄 𑀏𑀯𑀭𑀽𑀧𑀸𑀬 𑀧𑀭𑀺𑀲𑀸𑀬 𑀥𑀫𑁆𑀫𑀓𑀣𑀺𑀓𑁄𑀢𑁆𑀯𑁂𑀯 𑀲𑀗𑁆𑀔𑀁 𑀕𑀘𑁆𑀙𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀭𑁄𑀕𑀲𑀼𑀢𑁆𑀢

𑀧𑀼 𑁋 𑀇𑀦𑁆𑀤𑁆𑀭𑀺𑀬𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀭𑁄𑀕𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀭𑁄𑀕𑀲𑀼𑀢𑁆𑀢𑀁 ‘‘𑀤𑁆𑀯𑁂𑀫𑁂 𑀪𑀺𑀓𑁆𑀔𑀯𑁂 𑀭𑁄𑀕𑀸. 𑀓𑀢𑀫𑁂 𑀤𑁆𑀯𑁂, 𑀓𑀸𑀬𑀺𑀓𑁄 𑀘 𑀭𑁄𑀕𑁄, 𑀘𑁂𑀢𑀲𑀺𑀓𑁄 𑀘 𑀭𑁄𑀕𑁄. 𑀤𑀺𑀲𑁆𑀲𑀦𑁆𑀢𑀺 𑀪𑀺𑀓𑁆𑀔𑀯𑁂 𑀲𑀢𑁆𑀢𑀸 𑀓𑀸𑀬𑀺𑀓𑁂𑀦 𑀭𑁄𑀕𑁂𑀦 𑀏𑀓𑀫𑁆𑀧𑀺 𑀯𑀲𑁆𑀲𑀁 𑀆𑀭𑁄𑀕𑁆𑀬𑀁 𑀧𑀝𑀺𑀚𑀸𑀦𑀫𑀸𑀦𑀸 𑀤𑁆𑀯𑁂𑀧𑀺 𑀯𑀲𑁆𑀲𑀸𑀦𑀺 𑀢𑀻𑀡𑀺𑀧𑀺 𑀯𑀲𑁆𑀲𑀸𑀦𑀺 𑀘𑀢𑁆𑀢𑀸𑀭𑀺𑀧𑀺 𑀯𑀲𑁆𑀲𑀸𑀦𑀺 𑀧𑀜𑁆𑀘𑀧𑀺 𑀯𑀲𑁆𑀲𑀸𑀦𑀺 𑀤𑀲𑀧𑀺 𑀯𑀲𑁆𑀲𑀸𑀦𑀺 𑀯𑀻𑀲𑀫𑁆𑀧𑀺 𑀯𑀲𑁆𑀲𑀸𑀦𑀺 𑀢𑀺𑀁𑀲𑀫𑁆𑀧𑀺 𑀯𑀲𑁆𑀲𑀸𑀦𑀺 𑀘𑀢𑁆𑀢𑀸𑀭𑀻𑀲𑀫𑁆𑀧𑀺 𑀯𑀲𑁆𑀲𑀸𑀦𑀺 𑀧𑀜𑁆𑀜𑀸𑀲𑀫𑁆𑀧𑀺 𑀯𑀲𑁆𑀲𑀸𑀦𑀺 𑀆𑀭𑁄𑀕𑁆𑀬𑀁 𑀧𑀝𑀺𑀚𑀸𑀦𑀫𑀸𑀦𑀸 𑀯𑀲𑁆𑀲𑀲𑀢𑀫𑁆𑀧𑀺 𑀪𑀺𑀬𑁆𑀬𑁄𑀧𑀺 𑀆𑀭𑁄𑀕𑁆𑀬𑀁 𑀧𑀝𑀺𑀚𑀸𑀦𑀫𑀸𑀦𑀸. 𑀢𑁂 𑀪𑀺𑀓𑁆𑀔𑀯𑁂 𑀲𑀢𑁆𑀢𑀸 𑀲𑀼𑀤𑀼𑀮𑁆𑀮𑀪𑀸 𑀮𑁄𑀓𑀲𑁆𑀫𑀺𑀁, 𑀬𑁂 𑀘𑁂𑀢𑀲𑀺𑀓𑁂𑀦 𑀭𑁄𑀕𑁂𑀦 𑀫𑀼𑀳𑀼𑀢𑁆𑀢𑀫𑁆𑀧𑀺 𑀆𑀭𑁄𑀕𑁆𑀬𑀁 𑀧𑀝𑀺𑀚𑀸𑀦𑀦𑁆𑀢𑀺 𑀅𑀜𑁆𑀜𑀢𑁆𑀭 𑀔𑀻𑀡𑀸𑀲𑀯𑁂𑀳𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀢𑁆𑀢𑀸𑀭𑁄𑀫𑁂 𑁦.𑁦𑁦𑁯𑁬 𑀪𑀺𑀓𑁆𑀔𑀯𑁂 𑀧𑀩𑁆𑀩𑀚𑀺𑀢𑀲𑁆𑀲 𑀭𑁄𑀕𑀸.

𑀬𑀼𑀕𑀦𑀤𑁆𑀥𑀲𑀼𑀢𑁆𑀢

𑀧𑀼 𑁋 𑀧𑀝𑀺𑀧𑀤𑀸𑀯𑀕𑁆𑀕𑁂 𑀆𑀯𑀼𑀲𑁄 𑀤𑀲𑀫𑀁 𑀬𑀼𑀕𑀦𑀤𑁆𑀥𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀓𑁄𑀲𑀫𑁆𑀩𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀬𑁄 𑀳𑀺 𑀓𑁄𑀘𑀺 𑀆𑀯𑀼𑀲𑁄 𑀪𑀺𑀓𑁆𑀔𑀼 𑀯𑀸 𑀪𑀺𑀓𑁆𑀔𑀼𑀦𑀻 𑀯𑀸 𑀫𑀫 𑀲𑀦𑁆𑀢𑀺𑀓𑁂 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑀺𑀁 𑀩𑁆𑀬𑀸𑀓𑀭𑁄𑀢𑀺, 𑀲𑀩𑁆𑀩𑁄 𑀲𑁄 𑀘𑀢𑀽𑀳𑀺 𑀫𑀕𑁆𑀕𑁂𑀳𑀺 𑀏𑀢𑁂𑀲𑀁 𑀯𑀸 𑀅𑀜𑁆𑀜𑀢𑀭𑁂𑀦𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀆𑀬𑀲𑁆𑀫𑀢𑀸 𑀆𑀦𑀦𑁆𑀤𑀢𑁆𑀣𑁂𑀭𑁂𑀦 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁂𑀦 𑀪𑀸𑀲𑀺𑀢𑀁.

𑀧𑀸𑀝𑀺𑀪𑁄𑀕𑀲𑀼𑀢𑁆𑀢

𑀧𑀼 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀧𑀸𑀝𑀺𑀪𑁄𑀕𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀧𑀸𑀝𑀺𑀪𑁄𑀕𑀲𑀼𑀢𑁆𑀢𑀁 ‘‘𑀘𑀢𑀼𑀦𑁆𑀦𑀁 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸𑀦𑀁 𑀦𑀢𑁆𑀣𑀺 𑀓𑁄𑀘𑀺 𑀧𑀸𑀝𑀺𑀪𑁄𑀕𑁄 𑀲𑀫𑀡𑁄 𑀯𑀸 𑀩𑁆𑀭𑀸𑀳𑁆𑀫𑀡𑁄 𑀯𑀸 𑀤𑁂𑀯𑁄 𑀯𑀸 𑀫𑀸𑀭𑁄 𑀯𑀸 𑀩𑁆𑀭𑀳𑁆𑀫𑀸 𑀯𑀸 𑀓𑁄𑀘𑀺 𑀯𑀸 𑀮𑁄𑀓𑀲𑁆𑀫𑀺’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀼𑀢𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀲𑀼𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀭𑀸𑀚𑀕𑀳𑁂 𑀪𑀦𑁆𑀢𑁂 𑀯𑀲𑁆𑀲𑀓𑀸𑀭𑀁 𑀩𑁆𑀭𑀸𑀳𑁆𑀫𑀡𑀁 𑀫𑀕𑀥𑀫𑀳𑀸𑀫𑀢𑁆𑀢𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀯𑀲𑁆𑀲𑀓𑀸𑀭𑁄 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑁄 𑀫𑀕𑀥𑀫𑀳𑀸𑀫𑀢𑁆𑀢𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀅𑀳𑀜𑁆𑀳𑀺 𑀪𑁄 𑀕𑁄𑀢𑀫 𑀏𑀯𑀁𑀯𑀸𑀤𑀻 𑀏𑀯𑀁𑀤𑀺𑀝𑁆𑀞𑀺 𑀬𑁄 𑀓𑁄𑀘𑀺 𑀤𑀺𑀝𑁆𑀞𑀁 𑀪𑀸𑀲𑀢𑀺 ‘𑀏𑀯𑀁 𑀫𑁂 𑀤𑀺𑀝𑁆𑀞’𑀦𑁆𑀢𑀺, 𑀦𑀢𑁆𑀣𑀺 𑀢𑀢𑁄 𑀤𑁄𑀲𑁄. 𑀬𑁄 𑀓𑁄𑀘𑀺 𑀲𑀼𑀢𑀁 𑀪𑀸𑀲𑀢𑀺 ‘𑀏𑀯𑀁 𑀫𑁂 𑀲𑀼𑀢’𑀦𑁆𑀢𑀺, 𑀦𑀢𑁆𑀣𑀺 𑀢𑀢𑁄 𑀤𑁄𑀲𑁄’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀦𑀸𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀤𑀺𑀝𑁆𑀞𑀁 ‘𑀪𑀸𑀲𑀺𑀢𑀩𑁆𑀩’𑀦𑁆𑀢𑀺 𑀯𑀤𑀸𑀫𑀺, 𑀦 𑀧𑀦𑀸𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀤𑀺𑀝𑁆𑀞𑀁 ‘𑀦 𑀪𑀸𑀲𑀺𑀢𑀩𑁆𑀩’𑀦𑁆𑀢𑀺 𑀯𑀤𑀸𑀫𑀺, 𑀦𑀸𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀲𑀼𑀢𑀁 ‘𑀪𑀸𑀲𑀺𑀢𑀩𑁆𑀩’𑀦𑁆𑀢𑀺 𑀯𑀤𑀸𑀫𑀺, 𑀦 𑀧𑀦𑀸𑀳𑀁 𑀩𑁆𑀭𑀸𑀳𑁆𑀫𑀡 𑀲𑀩𑁆𑀩𑀁 𑀲𑀼𑀢𑀁 ‘𑀦 𑀪𑀸𑀲𑀺𑀢𑀩𑁆𑀩’𑀦𑁆𑀢𑀺 𑀯𑀤𑀸𑀫𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀪𑀬𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀘𑀢𑀼𑀢𑁆𑀣𑀁 𑀅𑀪𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀅𑀪𑀬𑀲𑀼𑀢𑁆𑀢𑀁 𑀚𑀸𑀡𑀼𑀲𑁆𑀲𑁄𑀡𑀺𑀁 𑀩𑁆𑀭𑀸𑀳𑁆𑀫𑀡𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀚𑀸𑀡𑀼𑀲𑁆𑀲𑁄𑀡𑀺 𑀪𑀦𑁆𑀢𑁂 𑀩𑁆𑀭𑀸𑀳𑁆𑀫𑀡𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀦𑀢𑁆𑀣𑀺 𑀬𑁄 𑀫𑀭𑀡𑀥𑀫𑁆𑀫𑁄 𑀲𑀫𑀸𑀦𑁄 𑀦 𑀪𑀸𑀬𑀢𑀺, 𑀦 𑀲𑀦𑁆𑀢𑀸𑀲𑀁 𑀆𑀧𑀚𑁆𑀚𑀢𑀺 𑀫𑀭𑀡𑀲𑁆𑀲𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀅𑀢𑁆𑀣𑀺 𑀩𑁆𑀭𑀸𑀳𑁆𑀫𑀡 𑀫𑀭𑀡𑀥𑀫𑁆𑀫𑁄 𑀲𑀫𑀸𑀦𑁄 𑀪𑀸𑀬𑀢𑀺, 𑀲𑀦𑁆𑀢𑀸𑀲𑀁 𑀆𑀧𑀚𑁆𑀚𑀢𑀺 𑀫𑀭𑀡𑀲𑁆𑀲. 𑀅𑀢𑁆𑀣𑀺 𑀧𑀦 𑀩𑁆𑀭𑀸𑀳𑁆𑀫𑀡 𑀫𑀭𑀡𑀥𑀫𑁆𑀫𑁄 𑀲𑀫𑀸𑀦𑁄 𑀦 𑀪𑀸𑀬𑀢𑀺, 𑀦 𑀲𑀦𑁆𑀢𑀸𑀲𑀁 𑀆𑀧𑀚𑁆𑀚𑀢𑀺 𑀫𑀭𑀡𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑁄𑀢𑀸𑀦𑀼𑀕𑀢𑀲𑀼𑀢𑁆𑀢

𑀧𑀼 𑁋 𑀫𑀳𑀸𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀲𑁄𑀢𑀸𑀦𑀼𑀕𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀫𑀳𑀸𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀲𑁄𑀢𑀸𑀦𑀼𑀕𑀢𑀲𑀼𑀢𑁆𑀢𑀁 ‘‘𑀲𑁄𑀢𑀸𑀦𑀼𑀕𑀢𑀸𑀦𑀁 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸𑀦𑀁 𑀯𑀘𑀲𑀸 𑀧𑀭𑀺𑀘𑀺𑀢𑀸𑀦𑀁 𑀫𑀦𑀲𑀸𑀦𑀼𑀧𑁂𑀓𑁆𑀔𑀺𑀢𑀸𑀦𑀁 𑀤𑀺𑀝𑁆𑀞𑀺𑀬𑀸 𑀲𑀼𑀧𑁆𑀧𑀝𑀺𑀯𑀺𑀤𑁆𑀥𑀸𑀦𑀁 𑀘𑀢𑁆𑀢𑀸𑀭𑁄 𑀆𑀦𑀺𑀲𑀁𑀲𑀸 𑀧𑀸𑀝𑀺𑀓𑀗𑁆𑀔𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀬𑀁 𑀯𑀸 𑀲𑁄 𑀥𑀫𑁆𑀫𑀯𑀺𑀦𑀬𑁄, 𑀬𑀢𑁆𑀣𑀸𑀳𑀁 𑀧𑀼𑀩𑁆𑀩𑁂 𑀩𑁆𑀭𑀳𑁆𑀫𑀘𑀭𑀺𑀬𑀁 𑀅𑀘𑀭𑀺𑀁.

𑀪𑀤𑁆𑀤𑀺𑀬𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀫𑀳𑀸𑀯𑀕𑁆𑀕𑁂 𑀢𑀢𑀺𑀬𑀁 𑀪𑀤𑁆𑀤𑀺𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀯𑁂𑀲𑀸𑀮𑀺𑀬𑀁 𑀪𑀦𑁆𑀢𑁂 𑀪𑀤𑁆𑀤𑀺𑀬𑀁 𑀮𑀺𑀘𑁆𑀙𑀯𑀺 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀪𑀤𑁆𑀤𑀺𑀬𑁄 𑀪𑀦𑁆𑀢𑁂 𑀮𑀺𑀘𑁆𑀙𑀯𑀺 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀲𑀼𑀢𑀁 𑀫𑁂𑀢𑀁 𑀪𑀦𑁆𑀢𑁂 ‘𑀫𑀸𑀬𑀸𑀯𑀻 𑀲𑀫𑀡𑁄 𑀕𑁄𑀢𑀫𑁄 𑀆𑀯𑀝𑁆𑀝𑀦𑀺𑀁 𑀫𑀸𑀬𑀁 𑀚𑀸𑀦𑀸𑀢𑀺, 𑀬𑀸𑀬 𑀅𑀜𑁆𑀜𑀢𑀺𑀢𑁆𑀣𑀺𑀬𑀸𑀦𑀁 𑀲𑀸𑀯𑀓𑁂 𑀆𑀯𑀝𑁆𑀝𑁂𑀢𑀻’𑀢𑀺. 𑀬𑁂 𑀢𑁂 𑀪𑀦𑁆𑀢𑁂 𑀏𑀯𑀫𑀸𑀳𑀁𑀲𑀼 ‘𑀫𑀸𑀬𑀸𑀯𑀻 𑀲𑀫𑀡𑁄 𑀕𑁄𑀢𑀫𑁄 𑀆𑀯𑀝𑁆𑀝𑀦𑀺𑀁 𑀫𑀸𑀬𑀁 𑀚𑀸𑀦𑀸𑀢𑀺, 𑀬𑀸𑀬 𑀅𑀜𑁆𑀜𑀢𑀺𑀢𑁆𑀣𑀺𑀬𑀸𑀦𑀁 𑀲𑀸𑀯𑀓𑁂 𑀆𑀯𑀝𑁆𑀝𑁂𑀢𑀻’𑀢𑀺…𑀧𑁂… 𑀅𑀦𑀩𑁆𑀪𑀓𑁆𑀔𑀸𑀢𑀼𑀓𑀸𑀫𑀸 𑀳𑀺 𑀫𑀬𑀁 𑀪𑀦𑁆𑀢𑁂 𑀪𑀕𑀯𑀦𑁆𑀢’’𑀦𑁆𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀏𑀣 𑀢𑀼𑀫𑁆𑀳𑁂 𑀪𑀤𑁆𑀤𑀺𑀬 𑀫𑀸 𑀅𑀦𑀼𑀲𑁆𑀲𑀯𑁂𑀦 𑀫𑀸 𑀧𑀭𑀫𑁆𑀧𑀭𑀸𑀬 𑀫𑀸 𑀇𑀢𑀺𑀓𑀺𑀭𑀸𑀬 𑀫𑀸 𑀧𑀺𑀝𑀓𑀲𑀫𑁆𑀧𑀤𑀸𑀦𑁂𑀦 𑀫𑀸 𑀢𑀓𑁆𑀓𑀳𑁂𑀢𑀼 𑀫𑀸 𑀦𑀬𑀳𑁂𑀢𑀼 𑀫𑀸 𑀆𑀓𑀸𑀭𑀯𑀺𑀢𑀓𑁆𑀓𑁂𑀦 𑀫𑀸 𑀤𑀺𑀝𑁆𑀞𑀺𑀦𑀺𑀚𑁆𑀛𑀸𑀦𑀓𑁆𑀔𑀦𑁆𑀢𑀺𑀬𑀸 𑀫𑀸 𑀪𑀩𑁆𑀩𑀭𑀽𑀧𑀢𑀸𑀬 𑀫𑀸 𑀲𑀫𑀡𑁄 𑀦𑁄 𑀕𑀭𑀽𑀢𑀺. 𑀬𑀤𑀸 𑀢𑀼𑀫𑁆𑀳𑁂 𑀪𑀤𑁆𑀤𑀺𑀬 𑀅𑀢𑁆𑀢𑀦𑀸𑀯 𑀚𑀸𑀦𑁂𑀬𑁆𑀬𑀸𑀣 ‘𑀇𑀫𑁂 𑀥𑀫𑁆𑀫𑀸 𑀅𑀓𑀼𑀲𑀮𑀸, 𑀇𑀫𑁂 𑀥𑀫𑁆𑀫𑀸 𑀲𑀸𑀯𑀚𑁆𑀚𑀸, 𑀇𑀫𑁂 𑀥𑀫𑁆𑀫𑀸 𑀯𑀺𑀜𑁆𑀜𑀽 𑀕𑀭𑀳𑀺𑀢𑀸, 𑀇𑀫𑁂 𑀥𑀫𑁆𑀫𑀸 𑀲𑀫𑀢𑁆𑀢𑀸 𑀲𑀫𑀸𑀤𑀺𑀦𑁆𑀦𑀸 𑀅𑀳𑀺𑀢𑀸𑀬 𑀤𑀼𑀓𑁆𑀔𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’𑀢𑀺. 𑀅𑀣 𑀢𑀼𑀫𑁆𑀳𑁂 𑀪𑀤𑁆𑀤𑀺𑀬 𑀧𑀚𑀳𑁂𑀬𑁆𑀬𑀸𑀣𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼 𑁋 𑀇𑀫𑀺𑀲𑁆𑀲𑀸 𑀘 𑀧𑀦 𑀆𑀯𑀼𑀲𑁄 𑀤𑁂𑀲𑀦𑀸𑀬 𑀤𑁂𑀲𑀺𑀢𑀸𑀬 𑀪𑀤𑁆𑀤𑀺𑀬𑀲𑁆𑀲 𑀮𑀺𑀘𑁆𑀙𑀯𑀺𑀲𑁆𑀲 𑀓𑀻𑀤𑀺𑀲𑁄 𑀥𑀫𑁆𑀫𑀲𑀯𑀦𑀸𑀦𑀺𑀲𑀁𑀲𑁄 𑀅𑀥𑀺𑀕𑀢𑁄. 𑀓𑀣𑀜𑁆𑀘 𑀦𑀁 𑀪𑀕𑀯𑀸 𑀅𑀦𑀼𑀬𑀼𑀜𑁆𑀚𑀺𑀢𑁆𑀯𑀸 𑀢𑀁 𑀯𑀘𑀦𑀁 𑀯𑀺𑀦𑀺𑀯𑁂𑀞𑁂𑀲𑀺.

𑀯𑀺 𑁋 𑀇𑀫𑀺𑀲𑁆𑀲𑀸 𑀪𑀦𑁆𑀢𑁂 𑀥𑀫𑁆𑀫𑀤𑁂𑀲𑀦𑀸𑀬 𑀤𑁂𑀲𑀺𑀢𑀸𑀬 𑀪𑀤𑁆𑀤𑀺𑀬𑀲𑁆𑀲 𑀮𑀺𑀘𑁆𑀙𑀯𑀺𑀲𑁆𑀲 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀗𑁆𑀔𑀸𑀢𑁄 𑀥𑀫𑁆𑀫𑀲𑀯𑀦𑀸𑀦𑀺𑀲𑀁𑀲𑁄 𑀅𑀥𑀺𑀕𑀢𑁄. 𑀅𑀧𑀺 𑀦𑀼 𑀢𑀸𑀳𑀁 𑀪𑀤𑁆𑀤𑀺𑀬 𑀏𑀯𑀁 𑀅𑀯𑀘𑀁 ‘‘𑀏𑀳𑀺 𑀫𑁂 𑀢𑁆𑀯𑀁 𑀪𑀤𑁆𑀤𑀺𑀬 𑀲𑀸𑀯𑀓𑁄 𑀳𑁄𑀳𑀺, 𑀅𑀳𑀁 𑀲𑀢𑁆𑀣𑀸 𑀪𑀯𑀺𑀲𑁆𑀲𑀸𑀫𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀘 𑀦𑀁 𑀪𑀦𑁆𑀢𑁂 𑀪𑀕𑀯𑀸 𑀧𑀝𑀺𑀧𑀼𑀘𑁆𑀙𑀺𑀢𑁆𑀯𑀸 𑀅𑀦𑀼𑀬𑀼𑀜𑁆𑀚𑀺𑀢𑁆𑀯𑀸 𑀢𑀁 𑀯𑀘𑀦𑀁 𑀯𑀺𑀦𑀺𑀯𑁂𑀞𑁂𑀲𑀺.

𑀫𑀮𑁆𑀮𑀺𑀓𑀸𑀤𑁂𑀯𑀻𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀫𑀮𑁆𑀮𑀺𑀓𑀸𑀤𑁂𑀯𑀻𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀫𑀮𑁆𑀮𑀺𑀓𑀸𑀤𑁂𑀯𑀺𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀫𑀮𑁆𑀮𑀺𑀓𑀸 𑀪𑀦𑁆𑀢𑁂 𑀤𑁂𑀯𑀻 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀓𑁄 𑀦𑀼 𑀔𑁄 𑀪𑀦𑁆𑀢𑁂 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁄 𑀫𑀸𑀢𑀼𑀕𑀸𑀫𑁄 𑀤𑀼𑀩𑁆𑀩𑀡𑁆𑀡𑀸 𑀘 𑀳𑁄𑀢𑀺 𑀤𑀼𑀭𑀽𑀧𑀸 𑀲𑀼𑀧𑀸𑀧𑀺𑀓𑀸 𑀤𑀲𑁆𑀲𑀦𑀸𑀬, 𑀤𑀮𑀺𑀤𑁆𑀤𑀸 𑀘 𑀳𑁄𑀢𑀺 𑀅𑀧𑁆𑀧𑀲𑁆𑀲𑀓𑀸 𑀅𑀧𑁆𑀧𑀪𑁄𑀕𑀸 𑀅𑀧𑁆𑀧𑁂𑀲𑀓𑁆𑀔𑀸 𑀘…𑀧𑁂… 𑀓𑁄 𑀧𑀦 𑀪𑀦𑁆𑀢𑁂 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄, 𑀬𑁂𑀦 𑀫𑀺𑀥𑁂𑀓𑀘𑁆𑀘𑁄 𑀫𑀸𑀢𑀼𑀕𑀸𑀫𑁄 𑀅𑀪𑀺𑀭𑀽𑀧𑀸 𑀘 𑀳𑁄𑀢𑀺 𑀤𑀲𑁆𑀲𑀦𑀻𑀬𑀸 𑀧𑀸𑀲𑀸𑀤𑀺𑀓𑀸 𑀧𑀭𑀫𑀸𑀬 𑀯𑀡𑁆𑀡𑀧𑁄𑀓𑁆𑀔𑀭𑀢𑀸𑀬 𑀲𑀫𑀦𑁆𑀦𑀸𑀕𑀢𑀸, 𑀅𑀟𑁆𑀠𑀸 𑀘 𑀳𑁄𑀢𑀺 𑀫𑀳𑀤𑁆𑀥𑀦𑀸 𑀫𑀳𑀸𑀪𑁄𑀕𑀸 𑀫𑀳𑁂𑀲𑀓𑁆𑀔𑀸 𑀘𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀇𑀥 𑀫𑀮𑁆𑀮𑀺𑀓𑁂 𑀫𑀸𑀢𑀼𑀕𑀸𑀫𑁄 𑀓𑁄𑀥𑀦𑀸 𑀳𑁄𑀢𑀺 𑀉𑀧𑀸𑀬𑀸𑀲𑀩𑀳𑀼𑀮𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀲𑀓𑀫𑁆𑀫𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀘𑀢𑀼𑀓𑁆𑀓𑀦𑀺𑀧𑀸𑀢𑁂 𑀲𑀧𑁆𑀧𑀼𑀭𑀺𑀲𑀯𑀕𑁆𑀕𑁂 𑀘𑀢𑀼𑀢𑁆𑀣𑀁 𑀤𑀲𑀓𑀫𑁆𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀧𑁆𑀧𑀼𑀭𑀺𑀲𑀯𑀕𑁆𑀕𑁂 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀤𑀲𑀓𑀫𑁆𑀫𑀲𑀼𑀢𑁆𑀢𑀁 ‘‘𑀅𑀲𑀧𑁆𑀧𑀼𑀭𑀺𑀲𑀜𑁆𑀘 𑀯𑁄 𑀪𑀺𑀓𑁆𑀔𑀯𑁂 𑀤𑁂𑀲𑁂𑀲𑁆𑀲𑀸𑀫𑀺 𑀅𑀲𑀧𑁆𑀧𑀼𑀭𑀺𑀲𑁂𑀦 𑀅𑀲𑀧𑁆𑀧𑀼𑀭𑀺𑀲𑀢𑀭𑀜𑁆𑀘 𑀲𑀧𑁆𑀧𑀼𑀭𑀺𑀲𑀜𑁆𑀘 𑀲𑀧𑁆𑀧𑀼𑀭𑀺𑀲𑁂𑀦 𑀲𑀧𑁆𑀧𑀼𑀭𑀺𑀲𑀢𑀭𑀜𑁆𑀘, 𑀢𑀁 𑀲𑀼𑀡𑀸𑀣 𑀲𑀸𑀥𑀼𑀓𑀁 𑀫𑀦𑀲𑀺 𑀓𑀭𑁄𑀣𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀭𑀺𑀲𑀸𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀭𑀺𑀲𑀸𑀯𑀕𑁆𑀕𑁂 𑀧𑀞𑀫𑀁 𑀧𑀭𑀺𑀲𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀭𑀺𑀲𑀸𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀧𑀭𑀺𑀲𑀸𑀲𑀼𑀢𑁆𑀢𑀁 ‘‘𑀘𑀢𑁆𑀢𑀸𑀭𑁄𑀫𑁂 𑀪𑀺𑀓𑁆𑀔𑀯𑁂 𑀧𑀭𑀺𑀲𑀤𑀽𑀲𑀦𑀸. 𑀓𑀢𑀫𑁂 𑀘𑀢𑁆𑀢𑀸𑀭𑁄, 𑀪𑀺𑀓𑁆𑀔𑀼 𑀪𑀺𑀓𑁆𑀔𑀯𑁂 𑀤𑀼𑀲𑁆𑀲𑀻𑀮𑁄 𑀧𑀸𑀧𑀥𑀫𑁆𑀫𑁄 𑀧𑀭𑀺𑀲𑀤𑀽𑀲𑀦𑁄, 𑀪𑀺𑀓𑁆𑀔𑀼𑀦𑀻 𑀪𑀺𑀓𑁆𑀔𑀯𑁂 𑀤𑀼𑀲𑁆𑀲𑀻𑀮𑀸 𑀧𑀸𑀧𑀥𑀫𑁆𑀫𑀸 𑀧𑀭𑀺𑀲𑀤𑀽𑀲𑀦𑀸, 𑀉𑀧𑀸𑀲𑀓𑁄 𑀪𑀺𑀓𑁆𑀔𑀯𑁂 𑀤𑀼𑀲𑁆𑀲𑀻𑀮𑁄 𑀧𑀸𑀧𑀥𑀫𑁆𑀫𑁄 𑀧𑀭𑀺𑀲𑀤𑀽𑀲𑀦𑁄, 𑀉𑀧𑀸𑀲𑀺𑀓𑀸 𑀪𑀺𑀓𑁆𑀔𑀯𑁂 𑀤𑀼𑀲𑁆𑀲𑀻𑀮𑀸 𑀧𑀸𑀧𑀥𑀫𑁆𑀫𑀸 𑀧𑀭𑀺𑀲𑀤𑀽𑀲𑀦𑀸. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀘𑀢𑁆𑀢𑀸𑀭𑁄 𑀧𑀭𑀺𑀲𑀤𑀽𑀲𑀦𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑁂𑀔𑀩𑀮𑀯𑀕𑁆𑀕

𑀲𑀁𑀔𑀺𑀢𑁆𑀢𑀲𑀼𑀢𑁆𑀢

𑀧𑀼 𑁋 𑀧𑀜𑁆𑀘𑀓𑀦𑀺𑀧𑀸𑀢𑁂 𑀧𑀦 𑀆𑀯𑀼𑀲𑁄 𑀧𑀞𑀫𑁂 𑀲𑁂𑀔𑀩𑀮𑀯𑀕𑁆𑀕𑁂 𑀧𑀞𑀫𑀁 𑀲𑀁𑀔𑀺𑀢𑁆𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀫𑁆𑀩𑀳𑀼𑀮𑁂 𑀪𑀺𑀓𑁆𑀔𑀽 𑀆𑀭𑀩𑁆𑀪 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀲𑁂𑀔𑀩𑀮𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀲𑀤𑁆𑀥𑀸𑀩𑀮𑀁 𑀳𑀺𑀭𑀻𑀩𑀮𑀁 𑀑𑀢𑁆𑀢𑀧𑁆𑀧𑀩𑀮𑀁 𑀯𑀻𑀭𑀺𑀬𑀩𑀮𑀁 𑀧𑀜𑁆𑀜𑀸𑀩𑀮𑀁. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀲𑁂𑀔𑀩𑀮𑀸𑀦𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀼𑀓𑁆𑀔𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀤𑀼𑀓𑁆𑀔𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑀺𑀬𑀁 𑀪𑀦𑁆𑀢𑁂 𑀤𑀼𑀓𑁆𑀔𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀪𑀺𑀓𑁆𑀔𑀼 𑀤𑀺𑀝𑁆𑀞𑁂𑀯 𑀥𑀫𑁆𑀫𑁂 𑀤𑀼𑀓𑁆𑀔𑀁 𑀯𑀺𑀳𑀭𑀢𑀺 𑀲𑀯𑀺𑀖𑀸𑀢𑀁 𑀲𑀉𑀧𑀸𑀬𑀸𑀲𑀁 𑀲𑀧𑀭𑀺𑀴𑀸𑀳𑀁 𑀓𑀸𑀬𑀲𑁆𑀲 𑀘 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀤𑀼𑀕𑁆𑀕𑀢𑀺 𑀧𑀸𑀝𑀺𑀓𑀗𑁆𑀔𑀸. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀲𑀤𑁆𑀥𑁄 𑀳𑁄𑀢𑀺 𑀅𑀳𑀺𑀭𑀺𑀓𑁄 𑀳𑁄𑀢𑀺, 𑀅𑀦𑁄𑀢𑁆𑀢𑀧𑁆𑀧𑀻 𑀳𑁄𑀢𑀺, 𑀓𑀼𑀲𑀻𑀢𑁄 𑀳𑁄𑀢𑀺, 𑀤𑀼𑀧𑁆𑀧𑀜𑁆𑀜𑁄 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀫𑀸𑀧𑀢𑁆𑀢𑀺𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀲𑀫𑀸𑀧𑀢𑁆𑀢𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀲𑀫𑀸𑀧𑀢𑁆𑀢𑀺𑀲𑀼𑀢𑁆𑀢𑀁 ‘‘𑀦 𑀢𑀸𑀯 𑀪𑀺𑀓𑁆𑀔𑀯𑁂 𑀅𑀓𑀼𑀲𑀮𑀲𑁆𑀲 𑀲𑀫𑀸𑀧𑀢𑁆𑀢𑀺 𑀳𑁄𑀢𑀺, 𑀬𑀸𑀯 𑀲𑀤𑁆𑀥𑀸 𑀧𑀘𑁆𑀘𑀼𑀧𑀝𑁆𑀞𑀺𑀢𑀸 𑀳𑁄𑀢𑀺 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼. 𑀬𑀢𑁄 𑀘 𑀔𑁄 𑀪𑀺𑀓𑁆𑀔𑀯𑁂 𑀲𑀤𑁆𑀥𑀸 𑀅𑀦𑁆𑀢𑀭𑀳𑀺𑀢𑀸 𑀳𑁄𑀢𑀺 𑀅𑀲𑀤𑁆𑀥𑀺𑀬𑀁 𑀧𑀭𑀺𑀬𑀼𑀝𑁆𑀞𑀸𑀬 𑀢𑀺𑀝𑁆𑀞𑀢𑀺, 𑀅𑀣 𑀅𑀓𑀼𑀲𑀮𑀲𑁆𑀲 𑀲𑀫𑀸𑀧𑀢𑁆𑀢𑀺 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀸𑀫𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀓𑀸𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀓𑀸𑀫𑀲𑀼𑀢𑁆𑀢𑀁 ‘‘𑀬𑁂𑀪𑀼𑀬𑁆𑀬𑁂𑀦 𑀪𑀺𑀓𑁆𑀔𑀯𑁂 𑀲𑀢𑁆𑀢𑀸 𑀓𑀸𑀫𑁂𑀲𑀼 𑀮𑀴𑀺𑀢𑀸. 𑀅𑀲𑀺𑀢𑀩𑁆𑀬𑀸𑀪𑀗𑁆𑀕𑀺𑀁 𑀪𑀺𑀓𑁆𑀔𑀯𑁂 𑀓𑀼𑀮𑀧𑀼𑀢𑁆𑀢𑁄 𑀑𑀳𑀸𑀬 𑀅𑀕𑀸𑀭𑀲𑁆𑀫𑀸 𑀅𑀦𑀕𑀸𑀭𑀺𑀬𑀁 𑀧𑀩𑁆𑀩𑀚𑀺𑀢𑁄 𑀳𑁄𑀢𑀺, 𑀲𑀤𑁆𑀥𑀸𑀧𑀩𑁆𑀩𑀚𑀺𑀢𑁄 𑀓𑀼𑀮𑀧𑀼𑀢𑁆𑀢𑁄𑀢𑀺 𑀅𑀮𑀁 𑀯𑀘𑀦𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀯𑀺𑀫𑀼𑀢𑁆𑀢𑀸𑀬𑀢𑀦𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀧𑀜𑁆𑀘𑀓𑀦𑀺𑀧𑀸𑀢𑁂 𑀧𑀜𑁆𑀘𑀗𑁆𑀕𑀺𑀓𑀯𑀕𑁆𑀕𑁂 𑀙𑀝𑁆𑀞𑀁 𑀯𑀺𑀫𑀼𑀢𑁆𑀢𑀸𑀬𑀢𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀜𑁆𑀘𑀗𑁆𑀕𑀺𑀓𑀯𑀕𑁆𑀕𑁂 𑀪𑀦𑁆𑀢𑁂 𑀙𑀝𑁆𑀞𑀁 𑀯𑀺𑀫𑀼𑀢𑁆𑀢𑀸𑀬𑀢𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀯𑀺𑀫𑀼𑀢𑁆𑀢𑀸𑀬𑀢𑀦𑀸𑀦𑀺, 𑀬𑀢𑁆𑀣 𑀪𑀺𑀓𑁆𑀔𑀼𑀦𑁄 𑀅𑀧𑁆𑀧𑀫𑀢𑁆𑀢𑀲𑁆𑀲 𑀆𑀢𑀸𑀧𑀺𑀦𑁄 𑀧𑀳𑀺𑀢𑀢𑁆𑀢𑀲𑁆𑀲 𑀯𑀺𑀳𑀭𑀢𑁄 𑀅𑀯𑀺𑀫𑀼𑀢𑁆𑀢𑀁 𑀯𑀸 𑀘𑀺𑀢𑁆𑀢𑀁 𑀯𑀺𑀫𑀼𑀘𑁆𑀘𑀢𑀺, 𑀅𑀧𑀭𑀺𑀓𑁆𑀔𑀻𑀡𑀸 𑀯𑀸 𑀆𑀲𑀯𑀸 𑀧𑀭𑀺𑀓𑁆𑀔𑀬𑀁 𑀕𑀘𑁆𑀙𑀦𑁆𑀢𑀺, 𑀅𑀦𑀦𑀼𑀧𑁆𑀧𑀢𑁆𑀢𑀁 𑀯𑀸 𑀅𑀦𑀼𑀢𑁆𑀢𑀭𑀁 𑀬𑁄𑀕𑀓𑁆𑀔𑁂𑀫𑀁 𑀅𑀦𑀼𑀧𑀸𑀧𑀼𑀡𑀸𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀗𑁆𑀓𑀫𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀘𑀗𑁆𑀓𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀦𑀯𑀫𑀁 𑀪𑀦𑁆𑀢𑁂 𑀘𑀗𑁆𑀓𑀫𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀘𑀗𑁆𑀓𑀫𑁂 𑀆𑀦𑀺𑀲𑀁𑀲𑀸. 𑀓𑀢𑀫𑁂 𑀧𑀜𑁆𑀘, 𑀅𑀤𑁆𑀥𑀸𑀦𑀓𑁆𑀔𑀫𑁄 𑀳𑁄𑀢𑀺, 𑀧𑀥𑀸𑀦𑀓𑁆𑀔𑀫𑁄 𑀳𑁄𑀢𑀺, 𑀅𑀧𑁆𑀧𑀸𑀩𑀸𑀥𑁄 𑀳𑁄𑀢𑀺, 𑀅𑀲𑀺𑀢𑀁 𑀧𑀻𑀢𑀁 𑀔𑀸𑀬𑀺𑀢𑀁 𑀲𑀸𑀬𑀺𑀢𑀁 𑀲𑀫𑁆𑀫𑀸 𑀧𑀭𑀺𑀡𑀸𑀫𑀁 𑀕𑀘𑁆𑀙𑀢𑀺, 𑀘𑀗𑁆𑀓𑀫𑀸𑀥𑀺𑀕𑀢𑁄 𑀲𑀫𑀸𑀥𑀺 𑀘𑀺𑀭𑀝𑁆𑀞𑀺𑀢𑀺𑀓𑁄 𑀳𑁄𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀘𑀗𑁆𑀓𑀫𑁂 𑀆𑀦𑀺𑀲𑀁𑀲𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀼𑀫𑀦𑀲𑀼𑀢𑁆𑀢

𑀧𑀼 𑁋 𑀲𑀼𑀫𑀦𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀲𑀼𑀫𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀲𑀸𑀯𑀢𑁆𑀣𑀺𑀬𑀁 𑀪𑀦𑁆𑀢𑁂 𑀲𑀼𑀫𑀦𑀁 𑀭𑀸𑀚𑀓𑀼𑀫𑀸𑀭𑀺𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀲𑀼𑀫𑀦𑀸 𑀪𑀦𑁆𑀢𑁂 𑀭𑀸𑀚𑀓𑀼𑀫𑀸𑀭𑀻 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀇𑀥𑀲𑁆𑀲𑀼 𑀪𑀦𑁆𑀢𑁂 𑀪𑀕𑀯𑀢𑁄 𑀤𑁆𑀯𑁂 𑀲𑀸𑀯𑀓𑀸 𑀲𑀫𑀲𑀤𑁆𑀥𑀸 𑀲𑀫𑀲𑀻𑀮𑀸 𑀲𑀫𑀧𑀜𑁆𑀜𑀸 𑀏𑀓𑁄 𑀤𑀸𑀬𑀓𑁄 𑀏𑀓𑁄 𑀅𑀤𑀸𑀬𑀓𑁄. 𑀢𑁂 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀲𑀼𑀕𑀢𑀺𑀁 𑀲𑀕𑁆𑀕𑀁 𑀮𑁄𑀓𑀁 𑀉𑀧𑀧𑀚𑁆𑀚𑁂𑀬𑁆𑀬𑀼𑀁. 𑀤𑁂𑀯𑀪𑀽𑀢𑀸𑀦𑀁 𑀧𑀦 𑀦𑁂𑀲𑀁 𑀪𑀦𑁆𑀢𑁂 𑀲𑀺𑀬𑀸 𑀯𑀺𑀲𑁂𑀲𑁄 𑀲𑀺𑀬𑀸 𑀦𑀸𑀦𑀸𑀓𑀭𑀡’’𑀦𑁆𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀬𑁄 𑀲𑁄 𑀲𑀼𑀫𑀦𑁂 𑀤𑀸𑀬𑀓𑁄, 𑀲𑁄 𑀅𑀫𑁆𑀳𑀁 𑀅𑀤𑀸𑀬𑀓𑀁 𑀤𑁂𑀯𑀪𑀽𑀢𑁄 𑀲𑀫𑀸𑀦𑁄 𑀧𑀜𑁆𑀘𑀳𑀺 𑀞𑀸𑀦𑁂𑀳𑀺 𑀅𑀥𑀺𑀕𑀡𑁆𑀳𑀸𑀢𑀺, 𑀤𑀺𑀩𑁆𑀩𑁂𑀦 𑀆𑀬𑀼𑀦𑀸 𑀤𑀺𑀩𑁆𑀩𑁂𑀦 𑀯𑀡𑁆𑀡𑁂𑀦 𑀤𑀺𑀩𑁆𑀩𑁂𑀦 𑀲𑀼𑀔𑁂𑀦 𑀤𑀺𑀩𑁆𑀩𑁂𑀦 𑀬𑀲𑁂𑀦 𑀤𑀺𑀩𑁆𑀩𑁂𑀦 𑀆𑀥𑀺𑀧𑀢𑁂𑀬𑁆𑀬𑁂𑀦. 𑀬𑁄 𑀲𑁄 𑀲𑀼𑀫𑀦𑁂 𑀤𑀸𑀬𑀓𑁄, 𑀲𑁄 𑀅𑀫𑁆𑀳𑀁 𑀅𑀤𑀸𑀬𑀓𑀁 𑀤𑁂𑀯𑀪𑀽𑀢𑁄 𑀲𑀫𑀸𑀦𑁄 𑀇𑀫𑁂𑀳𑀺 𑀧𑀜𑁆𑀘𑀳𑀺 𑀞𑀸𑀦𑁂𑀳𑀺 𑀅𑀥𑀺𑀕𑀡𑁆𑀳𑀸𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

‘‘𑀬𑀣𑀸𑀧𑀺 𑀘𑀦𑁆𑀤𑁄 𑀯𑀺𑀫𑀮𑁄, 𑀕𑀘𑁆𑀙𑀁 𑀆𑀓𑀸𑀲𑀥𑀸𑀢𑀼𑀬𑀸;

𑀲𑀩𑁆𑀩𑁂 𑀢𑀸𑀭𑀸𑀕𑀡𑁂 𑀮𑁄𑀓𑁂, 𑀆𑀪𑀸𑀬 𑀅𑀢𑀺𑀭𑁄𑀘𑀢𑀺;

𑀢𑀣𑁂𑀯 𑀲𑀻𑀮𑀲𑀫𑁆𑀧𑀦𑁆𑀦𑁄, 𑀲𑀤𑁆𑀥𑁄 𑀧𑀼𑀭𑀺𑀲𑀧𑀼𑀕𑁆𑀕𑀮𑁄;

𑀲𑀩𑁆𑀩𑁂 𑀫𑀘𑁆𑀙𑀭𑀺𑀦𑁄 𑀮𑁄𑀓𑁂, 𑀘𑀸𑀕𑁂𑀦 𑀅𑀢𑀺𑀭𑁄𑀘𑀢𑀺’’𑁋

𑀉𑀕𑁆𑀕𑀳𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀉𑀕𑁆𑀕𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑀺𑀬𑀁 𑀪𑀦𑁆𑀢𑁂 𑀉𑀕𑁆𑀕𑀳𑀲𑀼𑀢𑁆𑀢𑀁 𑀪𑀤𑁆𑀤𑀺𑀬𑁂 𑀉𑀕𑁆𑀕𑀳𑀁 𑀫𑁂𑀡𑁆𑀟𑀓𑀦𑀢𑁆𑀢𑀸𑀭𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀉𑀕𑁆𑀕𑀳𑁄 𑀪𑀦𑁆𑀢𑁂 𑀫𑁂𑀡𑁆𑀟𑀓𑀦𑀢𑁆𑀢𑀸 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀇𑀫𑀸 𑀫𑁂 𑀪𑀦𑁆𑀢𑁂 𑀓𑀼𑀫𑀸𑀭𑀺𑀬𑁄 𑀧𑀢𑀺𑀓𑀼𑀮𑀸𑀦𑀺 𑀕𑀫𑀺𑀲𑁆𑀲𑀦𑁆𑀢𑀺, 𑀑𑀯𑀤𑀢𑀼 𑀢𑀸𑀲𑀁 𑀪𑀦𑁆𑀢𑁂 𑀪𑀕𑀯𑀸, 𑀅𑀦𑀼𑀲𑀸𑀲𑀢𑀼 𑀢𑀸𑀲𑀁 𑀪𑀦𑁆𑀢𑁂 𑀪𑀕𑀯𑀸, 𑀬𑀁 𑀢𑀸𑀲𑀁 𑀅𑀲𑁆𑀲 𑀤𑀻𑀖𑀭𑀢𑁆𑀢𑀁 𑀳𑀺𑀢𑀸𑀬 𑀲𑀼𑀔𑀸𑀬𑀸’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀢𑀲𑁆𑀫𑀸𑀢𑀺𑀳 𑀓𑀼𑀫𑀸𑀭𑀺𑀬𑁄 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁’’ 𑀬𑀲𑁆𑀲 𑀯𑁄 𑀫𑀸𑀢𑀸𑀧𑀺𑀢𑀭𑁄 𑀪𑀢𑁆𑀢𑀼𑀦𑁄 𑀤𑀲𑁆𑀲𑀦𑁆𑀢𑀺 𑀅𑀢𑁆𑀣𑀓𑀸𑀫𑀸 𑀳𑀺𑀢𑁂𑀲𑀺𑀦𑁄 𑀅𑀦𑀼𑀓𑀫𑁆𑀧𑀓𑀸 𑀅𑀦𑀼𑀓𑀫𑁆𑀧𑀁 𑀉𑀧𑀸𑀤𑀸𑀬, 𑀢𑀲𑁆𑀲 𑀪𑀯𑀺𑀲𑁆𑀲𑀸𑀫 𑀧𑀼𑀩𑁆𑀩𑀼𑀝𑁆𑀞𑀸𑀬𑀺𑀦𑁄 𑀧𑀘𑁆𑀙𑀸𑀦𑀺𑀧𑀸𑀢𑀺𑀦𑀺𑀬𑁄 𑀓𑀺𑀁 𑀓𑀸𑀭𑀧𑀝𑀺𑀲𑁆𑀲𑀸𑀯𑀺𑀦𑀺𑀬𑁄 𑀫𑀦𑀸𑀧𑀘𑀸𑀭𑀺𑀦𑀺𑀬𑁄 𑀧𑀺𑀬𑀯𑀸𑀤𑀺𑀦𑀺𑀬𑁄’𑀢𑀺. 𑀏𑀯𑀜𑁆𑀳𑀺 𑀯𑁄 𑀓𑀼𑀫𑀸𑀭𑀺𑀬𑁄 𑀲𑀺𑀓𑁆𑀔𑀺𑀢𑀩𑁆𑀩’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀻𑀳𑀲𑁂𑀦𑀸𑀧𑀢𑀺𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀲𑀼𑀫𑀦𑀯𑀕𑁆𑀕𑁂 𑀘𑀢𑀼𑀢𑁆𑀣𑀁 𑀲𑀻𑀳𑀲𑁂𑀦𑀸𑀧𑀢𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀯𑁂𑀲𑀸𑀮𑀺𑀬𑀁 𑀪𑀦𑁆𑀢𑁂 𑀲𑀻𑀳𑀁 𑀲𑁂𑀦𑀸𑀧𑀢𑀺𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀲𑀻𑀳𑁄 𑀪𑀦𑁆𑀢𑁂 𑀲𑁂𑀦𑀸𑀧𑀢𑀺 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀲𑀓𑁆𑀓𑀸 𑀦𑀼 𑀔𑁄 𑀪𑀦𑁆𑀢𑁂 𑀲𑀦𑁆𑀤𑀺𑀝𑁆𑀞𑀺𑀓𑀁 𑀤𑀸𑀦𑀨𑀮𑀁 𑀧𑀜𑁆𑀜𑀸𑀧𑁂𑀢𑀼’’𑀦𑁆𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀲𑀓𑁆𑀓𑀸 𑀲𑀻𑀳, 𑀤𑀸𑀬𑀓𑁄 𑀲𑀻𑀳 𑀤𑀸𑀦𑀧𑀢𑀺 𑀩𑀳𑀼𑀦𑁄 𑀚𑀦𑀲𑁆𑀲 𑀧𑀺𑀬𑁄 𑀳𑁄𑀢𑀺 𑀫𑀦𑀸𑀧𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀸𑀮𑀤𑀸𑀦𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀓𑀸𑀮𑀤𑀸𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀓𑀸𑀮𑀤𑀸𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀓𑀸𑀮𑀤𑀸𑀦𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀆𑀕𑀦𑁆𑀢𑀼𑀓𑀲𑁆𑀲 𑀤𑀸𑀦𑀁 𑀤𑁂𑀢𑀺, 𑀕𑀫𑀺𑀓𑀲𑁆𑀲 𑀤𑀸𑀦𑀁 𑀤𑁂𑀢𑀺, 𑀕𑀺𑀮𑀸𑀦𑀲𑁆𑀲 𑀤𑀸𑀦𑀁 𑀤𑁂𑀢𑀺, 𑀤𑀼𑀩𑁆𑀪𑀺𑀓𑁆𑀔𑁂 𑀤𑀸𑀦𑀁 𑀤𑁂𑀢𑀺, 𑀬𑀸𑀦𑀺 𑀢𑀸𑀦𑀺 𑀦𑀯𑀲𑀲𑁆𑀲𑀸𑀦𑀺 𑀦𑀯𑀨𑀮𑀸𑀦𑀺, 𑀢𑀸𑀦𑀺 𑀧𑀞𑀫𑀁 𑀲𑀻𑀮𑀯𑀦𑁆𑀢𑁂𑀲𑀼 𑀧𑀢𑀺𑀝𑁆𑀞𑀸𑀧𑁂𑀢𑀺. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀓𑀸𑀮𑀤𑀸𑀦𑀸𑀦𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀪𑁄𑀚𑀦𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀪𑁄𑀚𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀪𑁄𑀚𑀦𑀲𑀼𑀢𑁆𑀢𑀁 ‘‘𑀪𑁄𑀚𑀦𑀁 𑀪𑀺𑀓𑁆𑀔𑀯𑁂 𑀤𑀤𑀫𑀸𑀦𑁄 𑀤𑀸𑀬𑀓𑁄 𑀧𑀝𑀺𑀕𑁆𑀕𑀸𑀳𑀓𑀸𑀦𑀁 𑀧𑀜𑁆𑀘 𑀞𑀸𑀦𑀸𑀦𑀺 𑀤𑁂𑀢𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀆𑀬𑀼𑀁 𑀤𑁂𑀢𑀺, 𑀯𑀡𑁆𑀡𑀁 𑀤𑁂𑀢𑀺, 𑀲𑀼𑀔𑀁 𑀤𑁂𑀢𑀺, 𑀩𑀮𑀁 𑀤𑁂𑀢𑀺, 𑀧𑀝𑀺𑀪𑀸𑀦𑀁 𑀤𑁂𑀢𑀺. 𑀆𑀬𑀼𑀁 𑀔𑁄 𑀧𑀦 𑀤𑀢𑁆𑀯𑀸 𑀆𑀬𑀼𑀲𑁆𑀲 𑀪𑀸𑀕𑀻 𑀳𑁄𑀢𑀺 𑀤𑀺𑀩𑁆𑀩𑀲𑁆𑀲 𑀯𑀸 𑀫𑀸𑀦𑀼𑀲𑀲𑁆𑀲 𑀯𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀼𑀢𑁆𑀢𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀧𑀼𑀢𑁆𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀦𑀯𑀫𑀁 𑀪𑀦𑁆𑀢𑁂 𑀧𑀼𑀢𑁆𑀢𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀞𑀸𑀦𑀸𑀦𑀺 𑀲𑀫𑁆𑀧𑀲𑁆𑀲𑀦𑁆𑀢𑁄 𑀫𑀸𑀪𑀸𑀧𑀺𑀢𑀭𑁄 𑀧𑀼𑀢𑁆𑀢𑀁 𑀇𑀘𑁆𑀙𑀦𑁆𑀢𑀺 𑀓𑀼𑀮𑁂 𑀚𑀸𑀬𑀫𑀸𑀦𑀁. 𑀓𑀢𑀫𑀸𑀦𑀺 𑀧𑀜𑁆𑀘,

𑀪𑀢𑁄 𑀯𑀸 𑀦𑁄 𑀪𑀭𑀺𑀲𑁆𑀲𑀢𑀺, 𑀓𑀺𑀘𑁆𑀘𑀁 𑀯𑀸 𑀦𑁄 𑀓𑀭𑀺𑀲𑁆𑀲𑀢𑀺, 𑀓𑀼𑀮𑀯𑀁𑀲𑁄 𑀘𑀺𑀭𑀁 𑀞𑀲𑁆𑀲𑀢𑀺, 𑀤𑀸𑀬𑀚𑁆𑀚𑀁 𑀧𑀝𑀺𑀧𑀚𑁆𑀚𑀺𑀲𑁆𑀲𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀦𑀸𑀭𑀤𑀲𑀼𑀢𑁆𑀢

𑀧𑀼 𑁋 𑀫𑀼𑀡𑁆𑀟𑀭𑀸𑀚𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀤𑀲𑀫𑀁 𑀦𑀸𑀭𑀤𑀲𑀼𑀢𑁆𑀢𑀁 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑁂𑀦 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀧𑀸𑀝𑀮𑀺𑀧𑀼𑀢𑁆𑀢𑁂 𑀪𑀦𑁆𑀢𑁂 𑀫𑀼𑀡𑁆𑀟𑀁 𑀭𑀸𑀚𑀸𑀦𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀫𑀼𑀡𑁆𑀟𑀲𑁆𑀲 𑀪𑀦𑁆𑀢𑁂 𑀭𑀜𑁆𑀜𑁄 𑀪𑀤𑁆𑀤𑀸 𑀤𑁂𑀯𑀻 𑀓𑀸𑀮𑀗𑁆𑀓𑀢𑀸 𑀳𑁄𑀢𑀺 𑀧𑀺𑀬𑀸 𑀫𑀦𑀸𑀧𑀸. 𑀲𑁄 𑀪𑀤𑁆𑀤𑀸𑀬 𑀤𑁂𑀯𑀺𑀬𑀸 𑀓𑀸𑀮𑀗𑁆𑀓𑀢𑀸𑀬 𑀧𑀺𑀬𑀸𑀬 𑀫𑀦𑀸𑀧𑀸𑀬 𑀦𑁂𑀯 𑀦𑁆𑀳𑀸𑀬𑀢𑀺 𑀦 𑀯𑀺𑀮𑀺𑀫𑁆𑀧𑀢𑀺 𑀦 𑀪𑀢𑁆𑀢𑀁 𑀪𑀼𑀜𑁆𑀚𑀢𑀺, 𑀦 𑀓𑀫𑁆𑀫𑀦𑁆𑀢𑀁 𑀧𑀬𑁄𑀚𑁂𑀢𑀺, 𑀭𑀢𑁆𑀢𑀺𑀦𑁆𑀤𑀺𑀯𑀁 𑀪𑀤𑁆𑀤𑀸𑀬 𑀤𑁂𑀯𑀺𑀬𑀸 𑀲𑀭𑀻𑀭𑁂 𑀅𑀚𑁆𑀛𑁄𑀫𑀼𑀘𑁆𑀙𑀺𑀢𑁄. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀫𑀳𑀸𑀭𑀸𑀚 𑀅𑀮𑀩𑁆𑀪𑀦𑀻𑀬𑀸𑀦𑀺 𑀞𑀸𑀦𑀸𑀦𑀺 𑀲𑀫𑀡𑁂𑀦 𑀯𑀸 𑀩𑁆𑀭𑀸𑀳𑁆𑀫𑀡𑁂𑀦 𑀯𑀸 𑀤𑁂𑀯𑁂𑀦 𑀯𑀸 𑀫𑀸𑀭𑁂𑀦 𑀯𑀸 𑀩𑁆𑀭𑀳𑁆𑀫𑀼𑀦𑀸 𑀯𑀸 𑀓𑁂𑀦𑀘𑀺 𑀯𑀸 𑀮𑁄𑀓𑀲𑁆𑀫𑀺’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀆𑀬𑀲𑁆𑀫𑀢𑀸 𑀦𑀸𑀭𑀤𑀢𑁆𑀣𑁂𑀭𑁂𑀦 𑀭𑀜𑁆𑀜𑁄 𑀧𑀲𑁂𑀦𑀤𑀺𑀲𑁆𑀲 𑀓𑁄𑀲𑀮𑀲𑁆𑀲 𑀪𑀕𑀯𑀢𑀸 𑀤𑁂𑀲𑀺𑀢𑀦𑀺𑀬𑀸𑀫𑁂𑀦 𑀤𑁂𑀲𑀺𑀢𑀁.

𑀓𑁄 𑀦𑀸𑀫𑁄 𑀅𑀬𑀁 𑀪𑀦𑁆𑀢𑁂 𑀥𑀫𑁆𑀫𑀧𑀭𑀺𑀬𑀸𑀬𑁄.

𑀢𑀕𑁆𑀖 𑀪𑀦𑁆𑀢𑁂 𑀲𑁄𑀓𑀲𑀮𑁆𑀮𑀳𑀭𑀡𑁄.

𑀲𑀫𑀬𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀦𑀻𑀯𑀭𑀡𑀯𑀕𑁆𑀕𑁂 𑀘𑀢𑀼𑀢𑁆𑀣𑀁 𑀲𑀫𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀦𑀻𑀯𑀭𑀡𑀯𑀕𑁆𑀕𑁂 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀲𑀫𑀬𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀅𑀲𑀫𑀬𑀸 𑀧𑀥𑀸𑀦𑀸𑀬. 𑀓𑀢𑀫𑁂 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀚𑀺𑀡𑁆𑀡𑁄 𑀳𑁄𑀢𑀺 𑀚𑀭𑀸𑀬𑀸𑀪𑀺𑀪𑀽𑀢𑁄. 𑀅𑀬𑀁 𑀪𑀺𑀓𑁆𑀔𑀯𑁂 𑀧𑀞𑀫𑁄 𑀅𑀲𑀫𑀬𑁄 𑀧𑀥𑀸𑀦𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀞𑀸𑀦𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀞𑀸𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀢𑁆𑀢𑀫𑀁 𑀪𑀦𑁆𑀢𑁂 𑀞𑀸𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀞𑀸𑀦𑀸𑀦𑀺 𑀅𑀪𑀺𑀡𑁆𑀳𑀁 𑀧𑀘𑁆𑀘𑀯𑁂𑀓𑁆𑀔𑀺𑀢𑀩𑁆𑀩𑀸𑀦𑀺 𑀇𑀢𑁆𑀣𑀺𑀬𑀸 𑀯𑀸 𑀧𑀼𑀭𑀺𑀲𑁂𑀦 𑀯𑀸 𑀕𑀳𑀝𑁆𑀞𑁂𑀦 𑀯𑀸 𑀧𑀩𑁆𑀩𑀚𑀺𑀢𑁂𑀦 𑀯𑀸. 𑀓𑀢𑀫𑀸𑀦𑀺 𑀧𑀜𑁆𑀘, 𑀚𑀭𑀸𑀥𑀫𑁆𑀫𑁄𑀫𑁆𑀳𑀺 𑀚𑀭𑀁 𑀅𑀦𑀢𑀻𑀢𑁄𑀢𑀺 𑀅𑀪𑀺𑀡𑁆𑀳𑀁 𑀧𑀘𑁆𑀘𑀯𑁂𑀓𑁆𑀔𑀺𑀢𑀩𑁆𑀩𑀁 𑀇𑀢𑁆𑀣𑀺𑀬𑀸 𑀯𑀸 𑀧𑀼𑀭𑀺𑀲𑁂𑀦 𑀯𑀸 𑀕𑀳𑀝𑁆𑀞𑁂𑀦 𑀯𑀸 𑀧𑀩𑁆𑀩𑀚𑀺𑀢𑁂𑀦 𑀯𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀥𑀫𑁆𑀫𑀯𑀺𑀳𑀸𑀭𑀻𑀲𑀼𑀢𑁆𑀢

𑀧𑀼 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀢𑀢𑀺𑀬𑀁 𑀥𑀫𑁆𑀫𑀯𑀺𑀳𑀸𑀭𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀪𑀦𑁆𑀢𑁂 𑀢𑀢𑀺𑀬𑀁 𑀥𑀫𑁆𑀫𑀯𑀺𑀳𑀸𑀭𑀺𑀲𑀼𑀢𑁆𑀢𑀁 ‘‘𑀇𑀥 𑀪𑀺𑀓𑁆𑀔𑀼 𑀪𑀺𑀓𑁆𑀔𑀼 𑀥𑀫𑁆𑀫𑀁 𑀧𑀭𑀺𑀬𑀸𑀧𑀼𑀡𑀸𑀢𑀺 𑀲𑀼𑀢𑁆𑀢𑀁 𑀕𑁂𑀬𑁆𑀬𑀁 𑀯𑁂𑀬𑁆𑀬𑀸𑀓𑀭𑀡𑀁 𑀕𑀸𑀣𑀁 𑀉𑀤𑀸𑀦𑀁 𑀤𑀼𑀢𑀺𑀯𑀼𑀢𑁆𑀢𑀓𑀁 𑀚𑀸𑀢𑀓𑀁 𑀅𑀩𑁆𑀪𑀼𑀢𑀥𑀫𑁆𑀫𑀁 𑀯𑁂𑀤𑀮𑁆𑀮𑀁, 𑀲𑁄 𑀢𑀸𑀬 𑀥𑀫𑁆𑀫𑀧𑀭𑀺𑀬𑀢𑁆𑀢𑀺𑀬𑀸 𑀤𑀺𑀯𑀲𑀁 𑀅𑀢𑀺𑀦𑀸𑀫𑁂𑀢𑀺, 𑀭𑀺𑀜𑁆𑀘𑀢𑀺 𑀧𑀝𑀺𑀲𑀮𑁆𑀮𑀸𑀦𑀁, 𑀦𑀸𑀦𑀼𑀬𑀼𑀜𑁆𑀚𑀢𑀺 𑀅𑀚𑁆𑀛𑀢𑁆𑀢𑀁 𑀘𑁂𑀢𑁄𑀲𑀫𑀣𑀁. 𑀅𑀬𑀁 𑀯𑀼𑀘𑁆𑀘𑀢𑀺 𑀪𑀺𑀓𑁆𑀔𑀼 𑀪𑀺𑀓𑁆𑀔𑀼 𑀧𑀭𑀺𑀬𑀢𑁆𑀢𑀺𑀩𑀳𑀼𑀮𑁄 𑀦𑁄 𑀥𑀫𑁆𑀫𑀯𑀺𑀳𑀸𑀭𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀥𑀫𑁆𑀫𑀯𑀺𑀳𑀸𑀭𑀻 𑀥𑀫𑁆𑀫𑀯𑀺𑀳𑀸𑀭𑀻𑀢𑀺 𑀪𑀦𑁆𑀢𑁂 𑀯𑀼𑀘𑁆𑀘𑀢𑀺, 𑀓𑀺𑀢𑁆𑀢𑀸𑀯𑀢𑀸 𑀦𑀼 𑀔𑁄 𑀪𑀦𑁆𑀢𑁂 𑀪𑀺𑀓𑁆𑀔𑀼 𑀥𑀫𑁆𑀫𑀯𑀺𑀳𑀸𑀭𑀻 𑀳𑁄𑀢𑀺.

𑀤𑀼𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀅𑀝𑁆𑀞𑀫𑀁 𑀤𑀼𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀤𑀼𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀅𑀦𑀸𑀕𑀢𑀪𑀬𑀸𑀦𑀺 𑀲𑀫𑁆𑀧𑀲𑁆𑀲𑀫𑀸𑀦𑁂𑀦 𑀅𑀮𑀫𑁂𑀯 𑀪𑀺𑀓𑁆𑀔𑀼𑀦𑀸 𑀅𑀧𑁆𑀧𑀫𑀢𑁆𑀢𑁂𑀦 𑀆𑀢𑀸𑀧𑀺𑀦𑀸 𑀧𑀳𑀺𑀢𑀢𑁆𑀢𑁂𑀦 𑀯𑀺𑀳𑀭𑀺𑀢𑀼𑀁 𑀅𑀧𑁆𑀧𑀢𑁆𑀢𑀲𑁆𑀲 𑀧𑀢𑁆𑀢𑀺𑀬𑀸 𑀅𑀦𑀥𑀺𑀕𑀢𑀲𑁆𑀲 𑀅𑀥𑀺𑀕𑀫𑀸𑀬 𑀅𑀲𑀘𑁆𑀙𑀺𑀓𑀢𑀲𑁆𑀲 𑀲𑀘𑁆𑀙𑀺𑀓𑀺𑀭𑀺𑀬𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀢𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀦𑀯𑀫𑀁 𑀓𑀢𑀺𑀬𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀅𑀦𑀸𑀕𑀢𑀪𑀬𑀸𑀦𑀺 𑀏𑀢𑀭𑀳𑀺 𑀅𑀲𑀫𑀼𑀧𑁆𑀧𑀦𑁆𑀦𑀸𑀦𑀺 𑀆𑀬𑀢𑀺𑀁 𑀲𑀫𑀼𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀺, 𑀢𑀸𑀦𑀺 𑀯𑁄 𑀧𑀝𑀺𑀩𑀼𑀚𑁆𑀛𑀺𑀢𑀩𑁆𑀩𑀸𑀦𑀺, 𑀧𑀝𑀺𑀩𑀼𑀚𑁆𑀛𑀺𑀢𑁆𑀯𑀸 𑀘 𑀢𑁂𑀲𑀁 𑀧𑀳𑀸𑀦𑀸𑀬 𑀯𑀸𑀬𑀫𑀺𑀢𑀩𑁆𑀩𑀁. 𑀓𑀢𑀫𑀸𑀦𑀺 𑀧𑀜𑁆𑀘, 𑀪𑀯𑀺𑀲𑁆𑀲𑀦𑁆𑀢𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀅𑀦𑀸𑀕𑀢𑀫𑀤𑁆𑀥𑀸𑀦𑀁 𑀅𑀪𑀸𑀯𑀺𑀢𑀓𑀸𑀬𑀸 𑀅𑀪𑀸𑀯𑀺𑀢𑀲𑀻𑀮𑀸 𑀅𑀪𑀸𑀯𑀺𑀢𑀘𑀺𑀢𑁆𑀢𑀸 𑀅𑀪𑀸𑀯𑀺𑀢𑀧𑀜𑁆𑀜𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀘𑀢𑀼𑀢𑁆𑀣𑀅𑀦𑀸𑀕𑀢𑀪𑀬𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀤𑀲𑀫𑀁 𑀘𑀢𑀼𑀢𑁆𑀣𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀬𑁄𑀥𑀸𑀚𑀻𑀯𑀯𑀕𑁆𑀕𑁂 𑀪𑀦𑁆𑀢𑁂 𑀤𑀲𑀫𑀁 𑀘𑀢𑀼𑀢𑁆𑀣𑀅𑀦𑀸𑀕𑀢𑀪𑀬𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀅𑀦𑀸𑀕𑀢𑀪𑀬𑀸𑀦𑀺 𑀏𑀢𑀭𑀳𑀺 𑀅𑀲𑀫𑀼𑀧𑁆𑀧𑀦𑁆𑀦𑀸𑀦𑀺 𑀆𑀬𑀢𑀺𑀁 𑀲𑀫𑀼𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀺, 𑀢𑀸𑀦𑀺 𑀯𑁄 𑀧𑀝𑀺𑀩𑀼𑀚𑁆𑀛𑀺𑀢𑀩𑁆𑀩𑀸𑀦𑀺, 𑀧𑀝𑀺𑀩𑀼𑀚𑁆𑀛𑀺𑀢𑁆𑀯𑀸 𑀘 𑀢𑁂𑀲𑀁 𑀧𑀳𑀸𑀦𑀸𑀬 𑀯𑀸𑀬𑀫𑀺𑀢𑀩𑁆𑀩’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀓𑀼𑀥𑀯𑀕𑁆𑀕

𑀲𑀻𑀳𑀲𑀼𑀢𑁆𑀢

𑀧𑀼 𑁋 𑀓𑀓𑀼𑀥𑀯𑀕𑁆𑀕𑁂 𑀆𑀯𑀼𑀲𑁄 𑀦𑀯𑀫𑀁 𑀲𑀻𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀓𑀓𑀼𑀥𑀯𑀕𑁆𑀕𑁂 𑀪𑀦𑁆𑀢𑁂 𑀦𑀯𑀫𑀁 𑀲𑀻𑀳𑀲𑀼𑀢𑁆𑀢𑀁 ‘‘𑀲𑀻𑀳𑁄 𑀪𑀺𑀓𑁆𑀔𑀯𑁂 𑀫𑀺𑀕𑀭𑀸𑀚𑀸 𑀲𑀸𑀬𑀦𑁆𑀳𑀲𑀫𑀬𑀁 𑀆𑀲𑀬𑀸 𑀦𑀺𑀓𑁆𑀔𑀫𑀢𑀺, 𑀆𑀲𑀬𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀯𑀺𑀚𑀫𑁆𑀪𑀢𑀺, 𑀯𑀺𑀚𑀫𑁆𑀪𑀺𑀢𑁆𑀯𑀸 𑀲𑀫𑀦𑁆𑀢𑀸 𑀘𑀢𑀼𑀤𑁆𑀤𑀺𑀲𑀁 𑀅𑀦𑀼𑀯𑀺𑀮𑁄𑀓𑁂𑀢𑀺, 𑀲𑀫𑀦𑁆𑀢𑀸 𑀘𑀢𑀼𑀤𑁆𑀤𑀺𑀲𑀁 𑀅𑀦𑀼𑀯𑀺𑀮𑁄𑀓𑁂𑀢𑁆𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀲𑀻𑀳𑀦𑀸𑀤𑀁 𑀦𑀤𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀦𑁆𑀥𑀓𑀯𑀺𑀦𑁆𑀤𑀯𑀕𑁆𑀕

𑀓𑀼𑀮𑀽𑀧𑀓𑀲𑀼𑀢𑁆𑀢

𑀧𑀼 𑁋 𑀅𑀦𑁆𑀥𑀓𑀯𑀺𑀦𑁆𑀤𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 ‘‘𑀧𑀞𑀫𑀁 𑀓𑀼𑀮𑀽𑀧𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀅𑀦𑁆𑀥𑀓𑀯𑀺𑀦𑁆𑀤𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀓𑀼𑀮𑀽𑀧𑀓𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀓𑀼𑀮𑀽𑀧𑀓𑁄 𑀪𑀺𑀓𑁆𑀔𑀼 𑀓𑀼𑀮𑁂𑀲𑀼 𑀅𑀧𑁆𑀧𑀺𑀬𑁄 𑀘 𑀳𑁄𑀢𑀺 𑀅𑀫𑀦𑀸𑀧𑁄 𑀘 𑀅𑀕𑀭𑀼 𑀘 𑀅𑀪𑀸𑀯𑀦𑀻𑀬𑁄 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀦𑁆𑀥𑀓𑀯𑀺𑀦𑁆𑀤𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀅𑀦𑁆𑀥𑀓𑀯𑀺𑀦𑁆𑀤𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀫𑀕𑀥𑁂𑀲𑀼 𑀪𑀦𑁆𑀢𑁂 𑀅𑀦𑁆𑀥𑀓𑀯𑀺𑀦𑁆𑀤𑁂 𑀆𑀬𑀲𑁆𑀫𑀦𑁆𑀢𑀁 𑀆𑀦𑀦𑁆𑀤𑀁 𑀆𑀭𑀩𑁆𑀪 ‘‘𑀬𑁂 𑀢𑁂 𑀆𑀦𑀦𑁆𑀤 𑀪𑀺𑀓𑁆𑀔𑀽 𑀦𑀯𑀸 𑀅𑀘𑀺𑀭𑀧𑀩𑁆𑀩𑀚𑀺𑀢𑀸 𑀅𑀥𑀼𑀦𑀸𑀕𑀢𑀸 𑀇𑀫𑀁 𑀥𑀫𑁆𑀫𑀯𑀺𑀦𑀬𑀁, 𑀢𑁂 𑀯𑁄 𑀆𑀦𑀦𑁆𑀤 𑀪𑀺𑀓𑁆𑀔𑀽 𑀧𑀜𑁆𑀘𑀲𑀼 𑀥𑀫𑁆𑀫𑁂𑀲𑀼 𑀲𑀫𑀸𑀤𑀧𑁂𑀢𑀩𑁆𑀩𑀸 𑀦𑀺𑀯𑁂𑀲𑁂𑀢𑀩𑁆𑀩𑀸 𑀧𑀢𑀺𑀝𑁆𑀞𑀸𑀧𑁂𑀢𑀩𑁆𑀩𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀕𑀺𑀮𑀸𑀦𑀯𑀕𑁆𑀕

𑀲𑀢𑀺𑀲𑀽𑀧𑀝𑁆𑀞𑀺𑀢𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀕𑀺𑀮𑀸𑀦𑀯𑀕𑁆𑀕𑁂 𑀤𑀼𑀢𑀺𑀬𑀁 𑀲𑀢𑀺𑀲𑀽𑀧𑀝𑁆𑀞𑀺𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀕𑀺𑀮𑀸𑀦𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀲𑀢𑀺𑀲𑀽𑀧𑀝𑁆𑀞𑀺𑀢𑀲𑀼𑀢𑁆𑀢𑀁 ‘‘𑀬𑁄 𑀳𑀺 𑀓𑁄𑀘𑀺 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀯𑀸 𑀪𑀺𑀓𑁆𑀔𑀼𑀦𑀻 𑀯𑀸 𑀧𑀜𑁆𑀘 𑀥𑀫𑁆𑀫𑁂 𑀪𑀸𑀯𑁂𑀢𑀺, 𑀧𑀜𑁆𑀘 𑀥𑀫𑁆𑀫𑁂 𑀩𑀳𑀼𑀮𑀻𑀓𑀭𑁄𑀢𑀺, 𑀢𑀲𑁆𑀲 𑀤𑁆𑀯𑀺𑀦𑁆𑀦𑀁 𑀨𑀮𑀸𑀦𑀁 𑀅𑀜𑁆𑀜𑀢𑀭𑀁 𑀨𑀮𑀁 𑀧𑀸𑀝𑀺𑀓𑀗𑁆𑀔𑀁 ‘𑀤𑀺𑀝𑁆𑀞𑁂𑀯 𑀥𑀫𑁆𑀫𑁂 𑀅𑀜𑁆𑀜𑀸, 𑀲𑀢𑀺 𑀯𑀸 𑀉𑀧𑀸𑀤𑀺𑀲𑁂𑀲𑁂 𑀅𑀦𑀸𑀕𑀸𑀫𑀺𑀢𑀸’. 𑀓𑀢𑀫𑁂 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼𑀦𑁄 𑀅𑀚𑁆𑀛𑀢𑁆𑀢𑀜𑁆𑀜𑁂𑀯 𑀲𑀢𑀺𑀲𑀽𑀧𑀝𑁆𑀞𑀺𑀢𑀸 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀧𑀝𑁆𑀞𑀸𑀓𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀢𑀢𑀺𑀬𑀁 𑀉𑀧𑀝𑁆𑀞𑀸𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑀺𑀬𑀁 𑀪𑀦𑁆𑀢𑁂 𑀉𑀧𑀝𑁆𑀞𑀸𑀓𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀕𑀺𑀮𑀸𑀦𑁄 𑀤𑀽𑀧𑀝𑁆𑀞𑀸𑀓𑁄 𑀳𑁄𑀢𑀺. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀅𑀲𑀧𑁆𑀧𑀸𑀬𑀓𑀸𑀭𑀻 𑀳𑁄𑀢𑀺, 𑀲𑀧𑁆𑀧𑀸𑀬𑁂 𑀫𑀢𑁆𑀢𑀁 𑀦 𑀚𑀸𑀦𑀸𑀢𑀺, 𑀪𑁂𑀲𑀚𑁆𑀚𑀁 𑀦𑀧𑁆𑀧𑀝𑀺𑀲𑁂𑀯𑀺𑀢𑀸 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀦𑀸𑀬𑀼𑀲𑁆𑀲𑀸𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀅𑀦𑀸𑀬𑀼𑀲𑁆𑀲𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀧𑀜𑁆𑀘𑀫𑀁 𑀪𑀦𑁆𑀢𑁂 𑀅𑀦𑀸𑀬𑀼𑀲𑁆𑀲𑀸𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀅𑀦𑀸𑀬𑀼𑀲𑁆𑀲𑀸. 𑀓𑀢𑀫𑁂 𑀧𑀜𑁆𑀘, 𑀅𑀲𑀧𑁆𑀧𑀸𑀬𑀓𑀸𑀭𑀻 𑀳𑁄𑀢𑀺, 𑀲𑀧𑁆𑀧𑀸𑀬𑁂 𑀫𑀢𑁆𑀢𑀁 𑀦 𑀚𑀸𑀦𑀸𑀢𑀺, 𑀅𑀧𑀭𑀺𑀡𑀢𑀪𑁄𑀚𑀻 𑀘 𑀳𑁄𑀢𑀺, 𑀅𑀓𑀸𑀮𑀘𑀸𑀭𑀻 𑀘 𑀳𑁄𑀢𑀺, 𑀅𑀩𑁆𑀭𑀳𑁆𑀫𑀘𑀸𑀭𑀻 𑀘. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀥𑀫𑁆𑀫𑀸 𑀅𑀦𑀸𑀬𑀼𑀲𑁆𑀲𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀫𑀡𑀲𑀼𑀔𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀲𑀫𑀡𑀲𑀼𑀔𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀅𑀝𑁆𑀞𑀫𑀁 𑀪𑀦𑁆𑀢𑁂 𑀲𑀫𑀡𑀲𑀼𑀔𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀲𑀫𑀡𑀤𑀼𑀓𑁆𑀔𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀅𑀲𑀦𑁆𑀢𑀼𑀝𑁆𑀞𑁄 𑀳𑁄𑀢𑀺 𑀇𑀢𑀭𑀻𑀢𑀭𑁂𑀦 𑀘𑀻𑀯𑀭𑁂𑀦, 𑀅𑀲𑀦𑁆𑀢𑀼𑀝𑁆𑀞𑁄 𑀳𑁄𑀢𑀺 𑀇𑀢𑀭𑀻𑀢𑀭𑁂𑀦 𑀧𑀺𑀡𑁆𑀟𑀧𑀸𑀢𑁂𑀦, 𑀅𑀲𑀦𑁆𑀢𑀼𑀝𑁆𑀞𑁄 𑀳𑁄𑀢𑀺 𑀇𑀢𑀭𑀻𑀢𑀭𑁂𑀦 𑀲𑁂𑀦𑀸𑀲𑀦𑁂𑀦, 𑀅𑀲𑀦𑁆𑀢𑀼𑀝𑁆𑀞𑁄 𑀳𑁄𑀢𑀺 𑀇𑀢𑀭𑀻𑀢𑀭𑁂𑀦 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁂𑀦, 𑀅𑀦𑀪𑀺𑀭𑀢𑁄 𑀘 𑀩𑁆𑀭𑀳𑁆𑀫𑀘𑀭𑀺𑀬𑀁 𑀘𑀭𑀢𑀺. 𑀇𑀫𑀸𑀦𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀲𑀫𑀡𑀤𑀼𑀓𑁆𑀔𑀸𑀦𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀩𑁆𑀬𑀲𑀦𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀩𑁆𑀬𑀲𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀤𑀲𑀫𑀁 𑀪𑀦𑁆𑀢𑁂 𑀩𑁆𑀬𑀲𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀩𑁆𑀬𑀲𑀦𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀜𑀸𑀢𑀺𑀩𑁆𑀬𑀲𑀦𑀁 𑀪𑁄𑀕𑀩𑁆𑀬𑀲𑀦𑀁 𑀭𑁄𑀕𑀩𑁆𑀬𑀲𑀦𑀁 𑀲𑀻𑀮𑀩𑁆𑀬𑀲𑀦𑀁 𑀤𑀺𑀝𑁆𑀞𑀺𑀩𑁆𑀬𑀲𑀦’’𑀦𑁆𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀭𑀸𑀚𑀯𑀕𑁆𑀕

𑀧𑀢𑁆𑀣𑀦𑀸𑀲𑀼𑀢𑁆𑀢

𑀧𑀼 𑁋 𑀭𑀸𑀚𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀙𑀝𑁆𑀞𑀁 𑀧𑀢𑁆𑀣𑀦𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀭𑀸𑀚𑀯𑀕𑁆𑀕𑁂 𑀪𑀦𑁆𑀢𑁂 𑀙𑀝𑁆𑀞𑀁 𑀧𑀢𑁆𑀣𑀦𑀸𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀅𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀭𑀜𑁆𑀜𑁄 𑀔𑀢𑁆𑀢𑀺𑀬𑀲𑁆𑀲 𑀫𑀼𑀤𑁆𑀥𑀸𑀯𑀲𑀺𑀢𑁆𑀢𑀲𑁆𑀲 𑀚𑁂𑀝𑁆𑀞𑁄 𑀧𑀼𑀢𑁆𑀢𑁄 𑀑𑀧𑀭𑀚𑁆𑀚𑀁 𑀧𑀢𑁆𑀣𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀧𑁆𑀧𑀼𑀭𑀺𑀲𑀤𑀸𑀦𑀲𑀼𑀢𑁆𑀢

𑀧𑀼 𑁋 𑀢𑀺𑀓𑀡𑁆𑀟𑀓𑀻𑀯𑀕𑁆𑀕𑁂 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀲𑀧𑁆𑀧𑀼𑀭𑀺𑀲𑀤𑀸𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀺𑀓𑀡𑁆𑀟𑀓𑀻𑀯𑀕𑁆𑀕𑁂 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀲𑀧𑁆𑀧𑀼𑀭𑀺𑀲𑀤𑀸𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸𑀦𑀺 𑀪𑀺𑀓𑁆𑀔𑀯𑁂 𑀲𑀧𑁆𑀧𑀼𑀭𑀺𑀲𑀤𑀸𑀦𑀸𑀦𑀺. 𑀓𑀢𑀫𑀸𑀦𑀺 𑀧𑀜𑁆𑀘, 𑀲𑀤𑁆𑀥𑀸𑀬 𑀤𑀸𑀦𑀁 𑀤𑁂𑀢𑀺, 𑀲𑀓𑁆𑀓𑀘𑁆𑀘𑀁 𑀤𑀸𑀦𑀁 𑀤𑁂𑀢𑀺, 𑀓𑀸𑀮𑁂𑀦 𑀤𑀸𑀦𑀁 𑀤𑁂𑀢𑀺, 𑀅𑀦𑀼𑀕𑁆𑀕𑀳𑀺𑀢𑀘𑀺𑀢𑁆𑀢𑁄 𑀤𑀸𑀦𑀁 𑀤𑁂𑀢𑀺, 𑀅𑀢𑁆𑀢𑀸𑀦𑀜𑁆𑀘 𑀧𑀭𑀜𑁆𑀘 𑀅𑀦𑀼𑀧𑀳𑀘𑁆𑀘 𑀤𑀸𑀦𑀁 𑀤𑁂𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀤𑁆𑀥𑀫𑁆𑀫𑀯𑀕𑁆𑀕

𑀧𑀞𑀫𑀲𑀫𑁆𑀫𑀢𑁆𑀢𑀦𑀺𑀬𑀸𑀫𑀲𑀼𑀢𑁆𑀢

𑀧𑀼 𑁋 𑀲𑀤𑁆𑀥𑀫𑁆𑀫𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀲𑀫𑁆𑀫𑀢𑁆𑀢𑀦𑀺𑀬𑀸𑀫𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀤𑁆𑀥𑀫𑁆𑀫𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀲𑀫𑁆𑀫𑀢𑁆𑀢𑀦𑀺𑀬𑀸𑀫𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀲𑀼𑀦𑀓𑁆𑀔𑁄𑀧𑀺 𑀲𑀤𑁆𑀥𑀫𑁆𑀫𑀁 𑀅𑀪𑀩𑁆𑀩𑁄 𑀦𑀺𑀬𑀸𑀫𑀁 𑀑𑀓𑁆𑀓𑀫𑀺𑀢𑀼𑀁 𑀓𑀼𑀲𑀮𑁂𑀲𑀼 𑀥𑀫𑁆𑀫𑁂𑀲𑀼 𑀲𑀫𑁆𑀫𑀢𑁆𑀢𑀁. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀓𑀣𑀁 𑀧𑀭𑀺𑀪𑁄𑀢𑀺, 𑀓𑀣𑀺𑀓𑀁 𑀧𑀭𑀺𑀪𑁄𑀢𑀺, 𑀅𑀢𑁆𑀢𑀸𑀦𑀁 𑀧𑀭𑀺𑀪𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀞𑀫𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀘𑀢𑀼𑀢𑁆𑀣𑀁 𑀧𑀞𑀫𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀘𑀢𑀼𑀢𑁆𑀣𑀁 𑀧𑀞𑀫𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀦 𑀲𑀓𑁆𑀓𑀘𑁆𑀘𑀁 𑀥𑀫𑁆𑀫𑀁 𑀲𑀼𑀡𑀦𑁆𑀢𑀺, 𑀦 𑀲𑀓𑁆𑀓𑀘𑁆𑀘𑀁 𑀥𑀫𑁆𑀫𑀁 𑀧𑀭𑀺𑀬𑀸𑀧𑀼𑀡𑀦𑁆𑀢𑀺, 𑀦 𑀲𑀓𑁆𑀓𑀘𑁆𑀘𑀁 𑀥𑀫𑁆𑀫𑀁 𑀥𑀸𑀭𑁂𑀦𑁆𑀢𑀺, 𑀦 𑀲𑀓𑁆𑀓𑀘𑁆𑀘𑀁 𑀥𑀸𑀢𑀸𑀦𑀁 𑀥𑀫𑁆𑀫𑀸𑀦𑀁 𑀅𑀢𑁆𑀣𑀁 𑀉𑀧𑀧𑀭𑀺𑀓𑁆𑀔𑀦𑁆𑀢𑀺, 𑀦 𑀲𑀓𑁆𑀓𑀘𑁆𑀘𑀁 𑀅𑀢𑁆𑀣𑀫𑀜𑁆𑀜𑀸𑀬 𑀥𑀫𑁆𑀫𑀫𑀜𑁆𑀜𑀸𑀬 𑀥𑀫𑁆𑀫𑀸𑀦𑀼𑀥𑀫𑁆𑀫𑀁 𑀧𑀝𑀺𑀧𑀚𑁆𑀚𑀦𑁆𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀼𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀤𑀼𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀤𑀼𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀥𑀫𑁆𑀫𑀁 𑀦 𑀧𑀭𑀺𑀬𑀸𑀧𑀼𑀡𑀦𑁆𑀢𑀺 𑀲𑀼𑀢𑁆𑀢𑀁 𑀕𑁂𑀬𑁆𑀬𑀁 𑀯𑁂𑀬𑁆𑀬𑀸𑀓𑀭𑀡𑀁 𑀕𑀸𑀣𑀁 𑀉𑀤𑀸𑀦𑀁 𑀇𑀢𑀺𑀯𑀼𑀢𑁆𑀢𑀓𑀁 𑀚𑀸𑀢𑀓𑀁 𑀅𑀩𑁆𑀪𑀼𑀢𑀥𑀫𑁆𑀫𑀁 𑀯𑁂𑀤𑀮𑁆𑀮𑀁. 𑀅𑀬𑀁 𑀪𑀺𑀓𑁆𑀔𑀯𑁂 𑀧𑀞𑀫𑁄 𑀥𑀫𑁆𑀫𑁄 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀢𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀢𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀙𑀝𑁆𑀞𑀁 𑀢𑀢𑀺𑀬𑀲𑀤𑁆𑀥𑀫𑁆𑀫𑀲𑀫𑁆𑀫𑁄𑀲𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀥𑀫𑁆𑀫𑀸 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀦𑁆𑀢𑀺. 𑀓𑀢𑀫𑁂 𑀧𑀜𑁆𑀘, 𑀇𑀥 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀽 𑀤𑀼𑀕𑁆𑀕𑀳𑀺𑀢𑀁 𑀲𑀼𑀢𑁆𑀢𑀦𑁆𑀢𑀁 𑀧𑀭𑀺𑀬𑀸𑀧𑀼𑀡𑀦𑁆𑀢𑀺 𑀤𑀼𑀦𑁆𑀦𑀺𑀓𑁆𑀔𑀺𑀢𑁆𑀢𑀳𑀺 𑀧𑀤𑀩𑁆𑀬𑀜𑁆𑀚𑀦𑁂𑀳𑀺. 𑀤𑀼𑀦𑁆𑀦𑀺𑀓𑁆𑀔𑀺𑀢𑁆𑀢𑀲𑁆𑀲 𑀪𑀺𑀓𑁆𑀔𑀯𑁂 𑀧𑀤𑀩𑁆𑀬𑀜𑁆𑀚𑀦𑀲𑁆𑀲 𑀅𑀢𑁆𑀣𑁄𑀧𑀺 𑀤𑀼𑀦𑁆𑀦𑀬𑁄 𑀳𑁄𑀢𑀺. 𑀅𑀬𑀁 𑀪𑀺𑀓𑁆𑀔𑀯𑁂 𑀧𑀞𑀫𑁄 𑀥𑀫𑁆𑀫𑁄 𑀲𑀤𑁆𑀥𑀫𑁆𑀫𑀲𑁆𑀲 𑀲𑀫𑁆𑀫𑁄𑀲𑀸𑀬 𑀅𑀦𑁆𑀢𑀭𑀥𑀸𑀦𑀸𑀬 𑀲𑀁𑀯𑀢𑁆𑀢𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀼𑀓𑁆𑀓𑀢𑀸𑀲𑀼𑀢𑁆𑀢

𑀧𑀼 𑁋 𑀅𑀗𑁆𑀕𑀼𑀢𑁆𑀢𑀭𑀦𑀺𑀓𑀸𑀬𑁂 𑀆𑀯𑀼𑀲𑁄 𑀧𑀜𑁆𑀘𑀓𑀦𑀺𑀧𑀸𑀢𑁂 𑀲𑀤𑁆𑀥𑀫𑁆𑀫𑀯𑀕𑁆𑀕𑁂 𑀲𑀢𑁆𑀢𑀫𑀁 𑀤𑀼𑀓𑁆𑀓𑀣𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀲𑀤𑁆𑀥𑀫𑁆𑀫𑀯𑀕𑁆𑀕𑁂 𑀪𑀦𑁆𑀢𑁂 𑀲𑀢𑁆𑀢𑀫𑀁 𑀤𑀼𑀓𑁆𑀓𑀣𑀸𑀲𑀼𑀢𑁆𑀢𑀁 ‘‘𑀧𑀜𑁆𑀘𑀦𑁆𑀦𑀁 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑀸𑀦𑀁 𑀓𑀣𑀸 𑀤𑀼𑀓𑁆𑀓𑀣𑀸 𑀧𑀼𑀕𑁆𑀕𑀮𑁂 𑀧𑀼𑀕𑁆𑀕𑀮𑀁 𑀉𑀧𑀦𑀺𑀥𑀸𑀬. 𑀓𑀢𑀫𑁂𑀲𑀁 𑀧𑀜𑁆𑀘𑀦𑁆𑀦𑀁, 𑀅𑀲𑁆𑀲𑀤𑁆𑀥𑀲𑁆𑀲 𑀪𑀺𑀓𑁆𑀔𑀯𑁂 𑀲𑀤𑁆𑀥𑀸𑀓𑀣𑀸 𑀤𑀼𑀓𑁆𑀓𑀣𑀸, 𑀤𑀼𑀲𑁆𑀲𑀻𑀮𑀲𑁆𑀲 𑀲𑀻𑀮𑀓𑀣𑀸 𑀤𑀼𑀓𑁆𑀓𑀣𑀸, 𑀅𑀧𑁆𑀧𑀲𑁆𑀲𑀼𑀢𑀲𑁆𑀲 𑀩𑀸𑀳𑀼𑀲𑀘𑁆𑀘𑀓𑀣𑀸 𑀤𑀼𑀓𑁆𑀓𑀣𑀸, 𑀫𑀘𑁆𑀙𑀭𑀺𑀲𑁆𑀲 𑀘𑀸𑀕𑀓𑀣𑀸 𑀤𑀼𑀓𑁆𑀓𑀣𑀸, 𑀤𑀼𑀧𑁆𑀧𑀜𑁆𑀜𑀲𑁆𑀲 𑀧𑀜𑁆𑀜𑀸𑀓𑀣𑀸 𑀤𑀼𑀓𑁆𑀓𑀣𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀤𑀸𑀬𑀻𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀉𑀤𑀸𑀬𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀓𑁄𑀲𑀫𑁆𑀩𑀺𑀬𑀁 𑀪𑀦𑁆𑀢𑁂 𑀆𑀬𑀲𑁆𑀫𑀦𑁆𑀢𑀁 𑀉𑀤𑀸𑀬𑀺𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀉𑀤𑀸𑀬𑀻 𑀫𑀳𑀢𑀺𑀬𑀸 𑀕𑀻𑀳𑀺𑀧𑀭𑀺𑀲𑀸𑀬 𑀧𑀭𑀺𑀯𑀼𑀢𑁄 𑀥𑀫𑁆𑀫𑀁 𑀤𑁂𑀲𑁂𑀦𑁆𑀢𑁄 𑀦𑀺𑀲𑀺𑀦𑁆𑀦𑁄 𑀳𑁄𑀢𑀺. 𑀅𑀤𑁆𑀤𑀲𑀸 𑀔𑁄 𑀆𑀬𑀲𑁆𑀫𑀸 𑀆𑀦𑀦𑁆𑀤𑁄 𑀆𑀬𑀲𑁆𑀫𑀦𑁆𑀢𑀁 𑀉𑀤𑀸𑀬𑀺𑀁 𑀫𑀳𑀢𑀺𑀬𑀸 𑀕𑀺𑀳𑀺𑀧𑀭𑀺𑀲𑀸𑀬 𑀧𑀭𑀺𑀯𑀼𑀢𑀁 𑀥𑀫𑁆𑀫𑀁 𑀤𑁂𑀲𑁂𑀦𑁆𑀢𑀁 𑀦𑀺𑀲𑀺𑀦𑁆𑀦𑀁. 𑀤𑀺𑀲𑁆𑀯𑀸 𑀬𑁂𑀦 𑀪𑀕𑀯𑀸 𑀢𑁂𑀦𑀼𑀧𑀲𑀗𑁆𑀓𑀫𑀺, 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀪𑀕𑀯𑀦𑁆𑀢𑀁 𑀅𑀪𑀺𑀯𑀸𑀤𑁂𑀢𑁆𑀯𑀸 𑀏𑀓𑀫𑀦𑁆𑀢𑀁 𑀦𑀺𑀲𑀻𑀤𑀺. 𑀏𑀓𑀫𑀦𑁆𑀢𑀁 𑀦𑀺𑀲𑀺𑀦𑁆𑀦𑁄 𑀔𑁄 𑀆𑀬𑀲𑁆𑀫𑀸 𑀆𑀦𑀦𑁆𑀤𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀆𑀬𑀲𑁆𑀫𑀸 𑀪𑀦𑁆𑀢𑁂 𑀉𑀤𑀸𑀬𑀻 𑀫𑀳𑀢𑀺𑀬𑀸 𑀕𑀺𑀳𑀺𑀧𑀭𑀺𑀲𑀸𑀬 𑀧𑀭𑀺𑀯𑀼𑀢𑁄 𑀥𑀫𑁆𑀫𑀁 𑀤𑁂𑀲𑁂𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀦 𑀔𑁄 𑀆𑀦𑀦𑁆𑀤 𑀲𑀼𑀓𑀭𑀁 𑀧𑀭𑁂𑀲𑀁 𑀥𑀫𑁆𑀫𑀁 𑀤𑁂𑀲𑁂𑀢𑀼𑀁, 𑀧𑀭𑁂𑀲𑀁 𑀆𑀦𑀦𑁆𑀤 𑀥𑀫𑁆𑀫𑀁 𑀤𑁂𑀲𑁂𑀦𑁆𑀢𑁂𑀦 𑀧𑀜𑁆𑀘 𑀥𑀫𑁆𑀫𑁂 𑀅𑀚𑁆𑀛𑀢𑁆𑀢𑀁 𑀉𑀧𑀝𑁆𑀞𑀸𑀧𑁂𑀢𑁆𑀯𑀸 𑀧𑀭𑁂𑀲𑀁 𑀥𑀫𑁆𑀫𑁄 𑀤𑁂𑀲𑁂𑀢𑀩𑁆𑀩𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀆𑀖𑀸𑀢𑀯𑀕𑁆𑀕

𑀧𑀞𑀫𑀆𑀖𑀸𑀢𑀧𑀝𑀺𑀯𑀺𑀦𑀬𑀲𑀼𑀢𑁆𑀢

𑀧𑀼 𑁋 𑀆𑀖𑀸𑀢𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀆𑀖𑀸𑀢𑀧𑀝𑀺𑀯𑀺𑀦𑀬𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀆𑀖𑀸𑀢𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀆𑀖𑀸𑀢𑀧𑀝𑀺𑀯𑀺𑀦𑀬𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀖𑀸𑀢𑀧𑀝𑀺𑀯𑀺𑀦𑀬𑀸, 𑀬𑀢𑁆𑀣 𑀪𑀺𑀓𑁆𑀔𑀼𑀦𑁄 𑀉𑀧𑁆𑀧𑀦𑁆𑀦𑁄 𑀆𑀖𑀸𑀢𑁄 𑀲𑀩𑁆𑀩𑀲𑁄 𑀧𑀝𑀺𑀯𑀺𑀦𑁂𑀢𑀩𑁆𑀩𑁄. 𑀓𑀢𑀫𑁂 𑀧𑀜𑁆𑀘, 𑀬𑀲𑁆𑀫𑀺𑀁 𑀪𑀺𑀓𑁆𑀔𑀯𑁂 𑀧𑀼𑀕𑁆𑀕𑀮𑁂 𑀆𑀖𑀸𑀢𑁄 𑀚𑀸𑀬𑁂𑀣, 𑀫𑁂𑀢𑁆𑀢𑀸 𑀢𑀲𑁆𑀫𑀺𑀁 𑀧𑀼𑀕𑁆𑀕𑀮𑁂 𑀪𑀸𑀯𑁂𑀢𑀩𑁆𑀩𑀸, 𑀏𑀯𑀁 𑀢𑀲𑁆𑀫𑀺𑀁 𑀧𑀼𑀕𑁆𑀕𑀮𑁂 𑀆𑀖𑀸𑀢𑁄 𑀧𑀝𑀺𑀯𑀺𑀦𑁂𑀢𑀩𑁆𑀩𑁄’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀉𑀧𑀸𑀲𑀓𑀯𑀕𑁆𑀕

𑀘𑀡𑁆𑀟𑀸𑀮𑀲𑀼𑀢𑁆𑀢

𑀧𑀼 𑁋 𑀉𑀧𑀸𑀲𑀓𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀘𑀡𑁆𑀟𑀸𑀮𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀉𑀧𑀸𑀲𑀓𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀘𑀡𑁆𑀟𑀸𑀮𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀉𑀧𑀸𑀲𑀓𑁄 𑀉𑀧𑀸𑀲𑀓𑀘𑀡𑁆𑀟𑀸𑀮𑁄 𑀘 𑀳𑁄𑀢𑀺 𑀉𑀧𑀸𑀲𑀓𑀫𑀮𑀜𑁆𑀘 𑀉𑀧𑀸𑀲𑀓𑀧𑀢𑀺𑀓𑀼𑀝𑁆𑀞𑁄 𑀘𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀧𑀻𑀢𑀺𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀙𑀝𑁆𑀞𑀁 𑀧𑀻𑀢𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀙𑀝𑁆𑀞𑀁 𑀪𑀦𑁆𑀢𑁂 𑀧𑀻𑀢𑀺𑀲𑀼𑀢𑁆𑀢𑀁 𑀲𑀸𑀯𑀢𑁆𑀣𑀺𑀬𑀁 𑀅𑀦𑀸𑀣𑀧𑀺𑀡𑁆𑀟𑀺𑀓𑀁 𑀕𑀳𑀧𑀢𑀺𑀁 𑀆𑀭𑀩𑁆𑀪 ‘‘𑀢𑀼𑀫𑁆𑀳𑁂 𑀔𑁄 𑀕𑀳𑀧𑀢𑀺 𑀪𑀺𑀓𑁆𑀔𑀼𑀲𑀗𑁆𑀖𑀁 𑀧𑀘𑁆𑀘𑀼𑀧𑀝𑁆𑀞𑀺𑀢𑀸 𑀘𑀻𑀯𑀭 𑀧𑀺𑀡𑁆𑀟𑀧𑀸𑀢 𑀲𑁂𑀦𑀸𑀲𑀦 𑀕𑀺𑀮𑀸𑀦𑀧𑀘𑁆𑀘𑀬𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁂𑀦. 𑀦 𑀔𑁄 𑀕𑀳𑀧𑀢𑀺 𑀢𑀸𑀯𑀢𑀓𑁂𑀦𑁂𑀯 𑀢𑀼𑀝𑁆𑀞𑀺 𑀓𑀭𑀡𑀻𑀬𑀸 ‘‘𑀫𑀬𑀁 𑀪𑀺𑀓𑁆𑀔𑀼𑀲𑀗𑁆𑀖𑀁 𑀧𑀘𑁆𑀘𑀼𑀧𑀝𑁆𑀞𑀺𑀢𑀸 𑀘𑀻𑀯𑀭𑀧𑀺𑀡𑁆𑀟𑀧𑀸𑀢𑀲𑁂𑀦𑀸𑀲𑀦𑀕𑀺𑀮𑀸𑀦 𑀧𑀘𑁆𑀘𑀬 𑀪𑁂𑀲𑀚𑁆𑀚𑀧𑀭𑀺𑀓𑁆𑀔𑀸𑀭𑁂𑀦𑀸’’𑀢𑀺. 𑀢𑀲𑁆𑀫𑀸𑀢𑀺𑀳 𑀕𑀳𑀧𑀢𑀺 𑀏𑀯𑀁 𑀲𑀺𑀓𑁆𑀔𑀺𑀢𑀩𑁆𑀩𑀁 ‘‘𑀓𑀺𑀦𑁆𑀤𑀺 𑀫𑀬𑀁 𑀓𑀸𑀮𑁂𑀦 𑀓𑀸𑀮𑀁 𑀧𑀯𑀺𑀯𑁂𑀓𑀁 𑀧𑀻𑀢𑀺𑀁 𑀉𑀧𑀲𑀫𑁆𑀧𑀚𑁆𑀚 𑀯𑀺𑀳𑀭𑁂𑀬𑁆𑀬𑀸𑀫𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀯𑀡𑀺𑀚𑁆𑀚𑀸𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀯𑀡𑀺𑀚𑁆𑀚𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀲𑀢𑁆𑀢𑀫𑀁 𑀯𑀡𑀺𑀚𑁆𑀚𑀸𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑀸 𑀪𑀺𑀓𑁆𑀔𑀯𑁂 𑀯𑀡𑀺𑀚𑁆𑀚𑀸 𑀉𑀧𑀸𑀲𑀓𑁂𑀦 𑀅𑀓𑀭𑀡𑀻𑀬𑀸. 𑀓𑀢𑀫𑀸 𑀧𑀜𑁆𑀘, 𑀲𑀢𑁆𑀣𑀯𑀡𑀺𑀚𑁆𑀚𑀸 𑀲𑀢𑁆𑀢𑀯𑀡𑀺𑀚𑁆𑀚𑀸 𑀫𑀁𑀲𑀯𑀡𑀺𑀚𑁆𑀚𑀸 𑀫𑀚𑁆𑀚𑀯𑀡𑀺𑀚𑁆𑀚𑀸 𑀯𑀺𑀲𑀯𑀡𑀺𑀚𑁆𑀚𑀸. 𑀇𑀫𑀸 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀯𑀡𑀺𑀚𑁆𑀚𑀸 𑀉𑀧𑀸𑀲𑀓𑁂𑀦 𑀅𑀓𑀭𑀡𑀻𑀬𑀸’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀕𑀯𑁂𑀲𑀻𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀤𑀲𑀫𑀁 𑀕𑀯𑁂𑀲𑀻𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀢𑁆𑀣 𑀓𑀁 𑀆𑀭𑀩𑁆𑀪 𑀓𑀺𑀲𑁆𑀫𑀺𑀁 𑀯𑀢𑁆𑀣𑀼𑀲𑁆𑀫𑀺𑀁 𑀓𑀣𑀜𑁆𑀘 𑀪𑀸𑀲𑀺𑀢𑀁.

𑀯𑀺 𑁋 𑀤𑀲𑀫𑀁 𑀪𑀦𑁆𑀢𑁂 𑀕𑀯𑁂𑀲𑀻𑀲𑀼𑀢𑁆𑀢𑀁 𑀓𑁄𑀲𑀮𑁂𑀲𑀼 𑀆𑀬𑀲𑁆𑀫𑀦𑁆𑀢𑀁 𑀆𑀦𑀦𑁆𑀤𑀢𑁆𑀣𑁂𑀭𑀁 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑀁 𑀆𑀭𑀩𑁆𑀪 𑀪𑀸𑀲𑀺𑀢𑀁. 𑀆𑀬𑀲𑁆𑀫𑀸 𑀪𑀦𑁆𑀢𑁂 𑀆𑀦𑀦𑁆𑀤𑀢𑁆𑀣𑁂𑀭𑁄 𑀥𑀫𑁆𑀫𑀪𑀡𑁆𑀟𑀸𑀕𑀸𑀭𑀺𑀓𑁄 𑀪𑀕𑀯𑀦𑁆𑀢𑀁 𑀏𑀢𑀤𑀯𑁄𑀘 ‘‘𑀓𑁄 𑀦𑀼 𑀔𑁄 𑀪𑀦𑁆𑀢𑁂 𑀳𑁂𑀢𑀼 𑀓𑁄 𑀧𑀘𑁆𑀘𑀬𑁄 𑀪𑀕𑀯𑀢𑁄 𑀲𑀺𑀢𑀲𑁆𑀲 𑀧𑀸𑀢𑀼𑀓𑀫𑁆𑀫𑀸𑀬, 𑀦 𑀅𑀓𑀸𑀭𑀡𑁂𑀦 𑀢𑀣𑀸𑀕𑀢𑀸 𑀲𑀺𑀢𑀁 𑀧𑀸𑀢𑀼𑀓𑀭𑁄𑀦𑁆𑀢𑀻’’𑀢𑀺. 𑀢𑀲𑁆𑀫𑀺𑀁 𑀪𑀦𑁆𑀢𑁂 𑀯𑀢𑁆𑀣𑀼𑀲𑁆𑀫𑀺𑀁 ‘‘𑀪𑀽𑀢𑀧𑀼𑀩𑁆𑀩𑀁 𑀆𑀦𑀦𑁆𑀤 𑀇𑀫𑀲𑁆𑀫𑀺𑀁 𑀧𑀤𑁂𑀲𑁂 𑀦𑀕𑀭𑀁 𑀅𑀳𑁄𑀲𑀺 𑀇𑀤𑁆𑀥𑀜𑁆𑀘𑁂𑀯 𑀨𑀻𑀢𑀜𑁆𑀘 𑀩𑀳𑀼𑀚𑀦𑀁 𑀆𑀓𑀺𑀡𑁆𑀡𑀫𑀦𑀼𑀲𑁆𑀲𑀁, 𑀢𑀁 𑀔𑁄 𑀧𑀦𑀸𑀦𑀦𑁆𑀤 𑀦𑀕𑀭𑀁 𑀓𑀲𑁆𑀲𑀧𑁄 𑀪𑀕𑀯𑀸 𑀅𑀭𑀳𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀉𑀧𑀦𑀺𑀲𑁆𑀲𑀸𑀬 𑀯𑀺𑀳𑀸𑀲𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀯𑀸𑀘𑀸𑀲𑀼𑀢𑁆𑀢

𑀧𑀼 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀯𑀸𑀘𑀸𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀩𑁆𑀭𑀸𑀳𑁆𑀫𑀡𑀯𑀕𑁆𑀕𑁂 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀯𑀸𑀘𑀸𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑀸 𑀯𑀸𑀘𑀸 𑀲𑀼𑀪𑀸𑀲𑀺𑀢𑀸 𑀳𑁄𑀢𑀺 𑀦𑁄 𑀤𑀼𑀩𑁆𑀪𑀸𑀲𑀺𑀢𑀸, 𑀅𑀦𑀯𑀚𑁆𑀚𑀸 𑀘 𑀅𑀦𑀦𑀼𑀯𑀚𑁆𑀚𑀸 𑀘 𑀯𑀺𑀜𑁆𑀜𑀽𑀦𑀁. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀓𑀸𑀮𑁂𑀦 𑀪𑀸𑀲𑀺𑀢𑀸 𑀳𑁄𑀢𑀺, 𑀲𑀘𑁆𑀘𑀸 𑀘 𑀪𑀸𑀲𑀺𑀢𑀸 𑀳𑁄𑀢𑀺, 𑀲𑀡𑁆𑀳𑀸 𑀘 𑀪𑀸𑀲𑀺𑀢𑀸 𑀳𑁄𑀢𑀺, 𑀅𑀢𑁆𑀣𑀲𑀁𑀳𑀺𑀢𑀸 𑀘 𑀪𑀸𑀲𑀺𑀢𑀸 𑀳𑁄𑀢𑀺, 𑀫𑁂𑀢𑁆𑀢𑀸𑀘𑀺𑀢𑁆𑀢𑁂𑀦 𑀘 𑀪𑀸𑀲𑀺𑀢𑀸 𑀳𑁄𑀢𑀺, 𑀇𑀫𑁂𑀳𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘𑀳𑀺 𑀅𑀗𑁆𑀕𑁂𑀳𑀺 𑀲𑀫𑀦𑁆𑀦𑀸𑀕𑀢𑀸 𑀯𑀸𑀘𑀸 𑀲𑀼𑀪𑀸𑀲𑀺𑀢𑀸 𑀳𑁄𑀢𑀺 𑀦𑁄 𑀤𑀼𑀩𑁆𑀪𑀸𑀲𑀺𑀢𑀸, 𑀅𑀦𑀯𑀚𑁆𑀚𑀸 𑀘 𑀅𑀦𑀦𑀼𑀯𑀚𑁆𑀚𑀸 𑀘 𑀯𑀺𑀜𑁆𑀜𑀽𑀦’’𑀦𑁆𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀼𑀮𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀓𑀼𑀮𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀦𑀯𑀫𑀁 𑀓𑀼𑀮𑀲𑀼𑀢𑁆𑀢𑀁 ‘‘𑀬𑀁 𑀪𑀺𑀓𑁆𑀔𑀯𑁂 𑀲𑀻𑀮𑀯𑀦𑁆𑀢𑁄 𑀧𑀩𑁆𑀩𑀚𑀺𑀢𑀸 𑀓𑀼𑀮𑀁 𑀉𑀧𑀲𑀗𑁆𑀓𑀫𑀦𑁆𑀢𑀺, 𑀢𑀢𑁆𑀣 𑀫𑀦𑀼𑀲𑁆𑀲𑀸 𑀧𑀜𑁆𑀘𑀳𑀺 𑀞𑀸𑀦𑁂𑀳𑀺 𑀩𑀳𑀼𑀁 𑀧𑀼𑀜𑁆𑀜𑀁 𑀧𑀲𑀯𑀦𑁆𑀢𑀺. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀬𑀲𑁆𑀫𑀺𑀁 𑀪𑀺𑀓𑁆𑀔𑀯𑁂 𑀲𑀫𑀬𑁂 𑀲𑀻𑀮𑀯𑀦𑁆𑀢𑁂 𑀧𑀩𑁆𑀩𑀚𑀺𑀢𑁂 𑀓𑀼𑀮𑀁 𑀉𑀧𑀲𑀗𑁆𑀓𑀫𑀦𑁆𑀢𑁂 𑀫𑀦𑀼𑀲𑁆𑀲𑀸 𑀤𑀺𑀲𑁆𑀯𑀸 𑀘𑀺𑀢𑁆𑀢𑀸𑀦𑀺 𑀧𑀲𑀸𑀤𑁂𑀦𑁆𑀢𑀺, 𑀲𑀕𑁆𑀕𑀲𑀁𑀯𑀢𑁆𑀢𑀦𑀺𑀓𑀁 𑀪𑀺𑀓𑁆𑀔𑀯𑁂 𑀢𑀁 𑀓𑀼𑀮𑀁 𑀢𑀲𑁆𑀫𑀺𑀁 𑀲𑀫𑀬𑁂 𑀧𑀝𑀺𑀧𑀤𑀁 𑀧𑀝𑀺𑀧𑀦𑁆𑀦𑀁 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀓𑀺𑀫𑀺𑀮𑀯𑀕𑁆𑀕

𑀥𑀫𑁆𑀫𑀲𑁆𑀲𑀯𑀦𑀲𑀼𑀢𑁆𑀢

𑀧𑀼 𑁋 𑀓𑀺𑀫𑀺𑀮𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀤𑀼𑀢𑀺𑀬𑀁 𑀥𑀫𑁆𑀫𑀲𑁆𑀲𑀯𑀦𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀓𑀺𑀫𑀺𑀮𑀯𑀕𑁆𑀕𑁂 𑀪𑀦𑁆𑀢𑁂 𑀤𑀼𑀢𑀺𑀬𑀁 𑀥𑀫𑁆𑀫𑀲𑁆𑀲𑀯𑀦𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀦𑀺𑀲𑀁𑀲𑀸 𑀥𑀫𑁆𑀫𑀲𑁆𑀲𑀯𑀦𑁂. 𑀓𑀢𑀫𑁂 𑀧𑀜𑁆𑀘, 𑀅𑀲𑁆𑀲𑀼𑀢𑀁 𑀲𑀼𑀡𑀸𑀢𑀺, 𑀲𑀼𑀢𑀁 𑀧𑀭𑀺𑀬𑁄𑀤𑀸𑀧𑁂𑀢𑀺, 𑀓𑀗𑁆𑀔𑀁 𑀯𑀺𑀢𑀭𑀢𑀺, 𑀤𑀺𑀝𑁆𑀞𑀺𑀁 𑀉𑀚𑀼𑀁 𑀓𑀭𑁄𑀢𑀺, 𑀘𑀺𑀢𑁆𑀢𑀫𑀲𑁆𑀲 𑀧𑀲𑀻𑀤𑀢𑀺, 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀆𑀦𑀺𑀲𑀁𑀲𑀸 𑀥𑀫𑁆𑀫𑀲𑁆𑀲𑀯𑀦𑁂’’𑀢𑀺 𑀏𑀯𑀁 𑀔𑁄 𑀪𑀦𑁆𑀢𑁂 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀓𑁆𑀓𑁄𑀲𑀓𑀯𑀕𑁆𑀕

𑀅𑀓𑁆𑀔𑀦𑁆𑀢𑀺𑀲𑀼𑀢𑁆𑀢

𑀧𑀼 𑁋 𑀅𑀓𑁆𑀓𑁄𑀲𑀓𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀜𑁆𑀘𑀫𑀁 𑀅𑀓𑁆𑀔𑀦𑁆𑀢𑀺𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀅𑀓𑁆𑀓𑁄𑀲𑀓𑀯𑀕𑁆𑀕𑁂 𑀪𑀦𑁆𑀢𑁂 𑀧𑀜𑁆𑀘𑀫𑀁 𑀅𑀓𑁆𑀔𑀦𑁆𑀢𑀺𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀤𑀻𑀦𑀯𑀸 𑀅𑀓𑁆𑀔𑀦𑁆𑀢𑀺𑀬𑀸. 𑀓𑀢𑀫𑁂 𑀧𑀜𑁆𑀘, 𑀩𑀳𑀼𑀦𑁄 𑀚𑀦𑀲𑁆𑀲 𑀅𑀧𑁆𑀧𑀺𑀬𑁄 𑀳𑁄𑀢𑀺 𑀅𑀫𑀦𑀸𑀧𑁄, 𑀯𑁂𑀭𑀩𑀳𑀼𑀮𑁄 𑀘 𑀳𑁄𑀢𑀺, 𑀯𑀚𑁆𑀚𑀩𑀳𑀼𑀮𑁄 𑀘, 𑀲𑀫𑁆𑀫𑀽𑀴𑁆𑀳𑁄 𑀓𑀸𑀮𑀁 𑀓𑀭𑁄𑀢𑀺, 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀧𑀸𑀲𑀸𑀤𑀺𑀓𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀅𑀝𑁆𑀞𑀫𑀁 𑀅𑀧𑀸𑀲𑀸𑀤𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀅𑀝𑁆𑀞𑀫𑀁 𑀅𑀧𑀸𑀲𑀸𑀤𑀺𑀓𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀤𑀻𑀦𑀯𑀸 𑀅𑀧𑀸𑀲𑀸𑀤𑀺𑀓𑁂. 𑀓𑀢𑀫𑁂 𑀧𑀜𑁆𑀘, 𑀅𑀧𑁆𑀧𑀲𑀦𑁆𑀦𑀸 𑀦𑀧𑁆𑀧𑀲𑀻𑀤𑀦𑁆𑀢𑀺, 𑀧𑀲𑀦𑁆𑀦𑀸𑀦𑀜𑁆𑀘 𑀏𑀓𑀘𑁆𑀘𑀸𑀦𑀁 𑀅𑀜𑁆𑀜𑀣𑀢𑁆𑀢𑀁 𑀳𑁄𑀢𑀺, 𑀲𑀢𑁆𑀣𑀼𑀲𑀸𑀲𑀦𑀁 𑀅𑀓𑀢𑀁 𑀳𑁄𑀢𑀺, 𑀧𑀘𑁆𑀙𑀺𑀫𑀸 𑀚𑀦𑀢𑀸 𑀤𑀺𑀝𑁆𑀞𑀸𑀦𑀼𑀕𑀢𑀺𑀁 𑀆𑀧𑀚𑁆𑀚𑀢𑀺, 𑀘𑀺𑀢𑁆𑀢𑀫𑀲𑁆𑀲 𑀦𑀧𑁆𑀧𑀲𑀻𑀤𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀆𑀤𑀻𑀦𑀯𑀸 𑀅𑀧𑀸𑀲𑀸𑀤𑀺𑀓𑁂’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀆𑀯𑀸𑀲𑀺𑀓𑀯𑀕𑁆𑀕

𑀆𑀯𑀸𑀲𑀺𑀓𑀲𑀼𑀢𑁆𑀢

𑀧𑀼 𑁋 𑀆𑀯𑀸𑀲𑀺𑀓𑀯𑀕𑁆𑀕𑁂 𑀧𑀦𑀸𑀯𑀼𑀲𑁄 𑀧𑀞𑀫𑀁 𑀆𑀯𑀸𑀲𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀆𑀯𑀸𑀲𑀺𑀓𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀆𑀯𑀸𑀲𑀺𑀓𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀆𑀯𑀸𑀲𑀺𑀓𑁄 𑀪𑀺𑀓𑁆𑀔𑀼 𑀅𑀪𑀸𑀯𑀦𑀻𑀬𑁄 𑀳𑁄𑀢𑀺. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀦 𑀆𑀓𑀧𑁆𑀧𑀲𑀫𑁆𑀧𑀦𑁆𑀦𑁄 𑀳𑁄𑀢𑀺 𑀦 𑀯𑀢𑁆𑀢𑀲𑀫𑁆𑀧𑀦𑁆𑀦𑁄, 𑀦 𑀩𑀳𑀼𑀲𑁆𑀲𑀼𑀢𑁄 𑀳𑁄𑀢𑀺 𑀦 𑀲𑀼𑀢𑀥𑀭𑁄, 𑀦 𑀧𑀝𑀺𑀲𑀮𑁆𑀮𑁂𑀔𑀺𑀢𑀸 𑀳𑁄𑀢𑀺 𑀦 𑀧𑀝𑀺𑀲𑀮𑁆𑀮𑀸𑀦𑀸𑀭𑀸𑀫𑁄, 𑀦 𑀓𑀮𑁆𑀬𑀸𑀡𑀯𑀸𑀘𑁄 𑀳𑁄𑀢𑀺 𑀦 𑀓𑀮𑁆𑀬𑀸𑀡𑀯𑀸𑀓𑁆𑀓𑀭𑀡𑁄, 𑀤𑀼𑀧𑁆𑀧𑀜𑁆𑀜𑁄 𑀳𑁄𑀢𑀺 𑀚𑀴𑁄 𑀏𑀴𑀫𑀽𑀕𑁄. 𑀇𑀫𑁂𑀳𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀆𑀯𑀸𑀲𑀺𑀓𑁄 𑀪𑀺𑀓𑁆𑀔𑀼 𑀅𑀪𑀸𑀯𑀦𑀻𑀬𑁄 𑀳𑁄𑀢𑀻’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀲𑀢𑁆𑀢𑀫𑀁 𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀲𑀢𑁆𑀢𑀫𑀁 𑀅𑀯𑀡𑁆𑀡𑀸𑀭𑀳𑀲𑀼𑀢𑁆𑀢𑀁 ‘‘𑀧𑀜𑁆𑀘𑀳𑀺 𑀪𑀺𑀓𑁆𑀔𑀯𑁂 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀆𑀯𑀸𑀲𑀺𑀓𑁄 𑀪𑀺𑀓𑁆𑀔𑀼 𑀬𑀣𑀸𑀪𑀢𑀁 𑀦𑀺𑀓𑁆𑀔𑀺𑀢𑁆𑀢𑁄 𑀏𑀯𑀁 𑀦𑀺𑀭𑀬𑁂. 𑀓𑀢𑀫𑁂𑀳𑀺 𑀧𑀜𑁆𑀘𑀳𑀺, 𑀅𑀦𑀦𑀼𑀯𑀺𑀘𑁆𑀘 𑀅𑀧𑀭𑀺𑀬𑁄𑀕𑀸𑀳𑁂𑀢𑁆𑀯𑀸 𑀅𑀯𑀡𑁆𑀡𑀸𑀭𑀳𑀲𑁆𑀲 𑀯𑀡𑁆𑀡𑀁 𑀪𑀸𑀲𑀢𑀺, 𑀅𑀦𑀦𑀼𑀯𑀺𑀘𑁆𑀘 𑀅𑀧𑀭𑀺𑀬𑁄𑀕𑀸𑀳𑁂𑀢𑁆𑀯𑀸 𑀯𑀡𑁆𑀡𑀸𑀭𑀳𑀲𑁆𑀲 𑀅𑀯𑀡𑁆𑀡𑀁 𑀪𑀸𑀲𑀢𑀺, 𑀆𑀯𑀸𑀲𑀫𑀘𑁆𑀙𑀭𑀻 𑀳𑁄𑀢𑀺 𑀆𑀯𑀸𑀲𑀧𑀮𑀺𑀕𑁂𑀥𑀻, 𑀓𑀼𑀮𑀫𑀘𑁆𑀙𑀭𑀻 𑀳𑁄𑀢𑀺 𑀓𑀼𑀮𑀧𑀮𑀺𑀕𑁂𑀥𑀺, 𑀲𑀤𑁆𑀥𑀸𑀤𑁂𑀬𑁆𑀬𑀁 𑀯𑀺𑀦𑀺𑀧𑀸𑀢𑁂𑀢𑀺. 𑀇𑀫𑁂𑀳𑀺 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘𑀳𑀺 𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀆𑀯𑀸𑀲𑀺𑀓𑁄 𑀪𑀺𑀓𑁆𑀔𑀼 𑀬𑀣𑀸𑀪𑀢𑀁 𑀦𑀺𑀓𑁆𑀔𑀺𑀢𑁆𑀢𑁄 𑀏𑀯𑀁 𑀦𑀺𑀭𑀬𑁂’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀤𑀼𑀘𑁆𑀘𑀭𑀺𑀢𑀯𑀕𑁆𑀕

𑀧𑀞𑀫𑀤𑀼𑀘𑁆𑀘𑀭𑀺𑀢𑀲𑀼𑀢𑁆𑀢

𑀧𑀼 𑁋 𑀤𑀼𑀘𑁆𑀘𑀭𑀺𑀢𑀯𑀕𑁆𑀕𑁂 𑀧𑀦 𑀆𑀯𑀼𑀲𑁄 𑀧𑀞𑀫𑀁 𑀤𑀼𑀘𑁆𑀘𑀭𑀺𑀢𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀤𑀼𑀘𑁆𑀘𑀭𑀺𑀢𑀯𑀕𑁆𑀕𑁂 𑀪𑀦𑁆𑀢𑁂 𑀧𑀞𑀫𑀁 𑀤𑀼𑀘𑁆𑀘𑀭𑀺𑀢𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀤𑀻𑀦𑀯𑀸 𑀤𑀼𑀘𑁆𑀘𑀭𑀺𑀢𑁂. 𑀓𑀢𑀫𑁂 𑀧𑀜𑁆𑀘, 𑀅𑀢𑁆𑀢𑀸𑀧𑀺 𑀅𑀢𑁆𑀢𑀸𑀦𑀁 𑀉𑀧𑀯𑀤𑀢𑀺, 𑀅𑀦𑀼𑀯𑀺𑀘𑁆𑀘 𑀯𑀺𑀜𑁆𑀜𑀽 𑀕𑀭𑀳𑀦𑁆𑀢𑀺, 𑀧𑀸𑀧𑀓𑁄 𑀓𑀺𑀢𑁆𑀢𑀺𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀘𑁆𑀙𑀢𑀺, 𑀲𑀫𑁆𑀫𑀽𑀴𑁆𑀳𑁄 𑀓𑀸𑀮𑀁 𑀓𑀭𑁄𑀢𑀺, 𑀓𑀸𑀬𑀲𑁆𑀲 𑀪𑁂𑀤𑀸 𑀧𑀭𑀁 𑀫𑀭𑀡𑀸 𑀅𑀧𑀸𑀬𑀁 𑀤𑀼𑀕𑁆𑀕𑀢𑀺𑀁 𑀯𑀺𑀦𑀺𑀧𑀸𑀢𑀁 𑀦𑀺𑀭𑀬𑀁 𑀉𑀧𑀧𑀚𑁆𑀚𑀢𑀺. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀆𑀤𑀻𑀦𑀯𑀸 𑀤𑀼𑀘𑁆𑀘𑀭𑀺𑀢𑁂’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.

𑀲𑀺𑀯𑀣𑀺𑀓𑀲𑀼𑀢𑁆𑀢

𑀧𑀼 𑁋 𑀢𑀢𑁆𑀣𑁂𑀯 𑀆𑀯𑀼𑀲𑁄 𑀦𑀯𑀫𑀁 𑀲𑀺𑀯𑀣𑀺𑀓𑀲𑀼𑀢𑁆𑀢𑀁 𑀪𑀕𑀯𑀢𑀸 𑀓𑀣𑀁 𑀪𑀸𑀲𑀺𑀢𑀁.

𑀯𑀺 𑁋 𑀢𑀢𑁆𑀣𑁂𑀯 𑀪𑀦𑁆𑀢𑁂 𑀦𑀯𑀫𑀁 𑀲𑀺𑀯𑀣𑀺𑀓𑀲𑀼𑀢𑁆𑀢𑀁 ‘‘𑀧𑀜𑁆𑀘𑀺𑀫𑁂 𑀪𑀺𑀓𑁆𑀔𑀯𑁂 𑀆𑀤𑀻𑀦𑀯𑀸 𑀲𑀺𑀯𑀣𑀺𑀓𑀸𑀬. 𑀓𑀢𑀫𑁂 𑀧𑀜𑁆𑀘, 𑀅𑀲𑀼𑀘𑀺, 𑀤𑀼𑀕𑁆𑀕𑀦𑁆𑀥𑀸, 𑀲𑀧𑁆𑀧𑀝𑀺𑀪𑀬𑀸, 𑀯𑀸𑀴𑀸𑀦𑀁 𑀅𑀫𑀦𑀼𑀲𑁆𑀲𑀸𑀦𑀁 𑀆𑀯𑀸𑀲𑁄, 𑀩𑀳𑀼𑀦𑁄 𑀚𑀦𑀲𑁆𑀲 𑀆𑀭𑁄𑀤𑀦𑀸. 𑀇𑀫𑁂 𑀔𑁄 𑀪𑀺𑀓𑁆𑀔𑀯𑁂 𑀧𑀜𑁆𑀘 𑀆𑀤𑀻𑀦𑀯𑀸 𑀲𑀺𑀯𑀣𑀺𑀓𑀸𑀬𑀸’’𑀢𑀺 𑀏𑀯𑀫𑀸𑀤𑀺𑀦𑀸 𑀪𑀕𑀯𑀢𑀸 𑀪𑀸𑀲𑀺𑀢𑀁.