📜
𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲
𑀥𑀫𑁆𑀫𑀦𑀻𑀢𑀺
𑀯𑀦𑁆𑀤𑀺𑀢𑁆𑀯𑀸 𑀭𑀢𑀦𑀁 𑀲𑁂𑀝𑁆𑀞𑀁 ¶ , 𑀦𑀺𑀲𑁆𑀲𑀸𑀬 𑀧𑀼𑀩𑁆𑀩𑀓𑁂 𑀕𑀭𑀼𑀁;
𑀦𑀺𑀢𑀺𑀥𑀫𑁆𑀫𑀁𑀧𑀯𑀓𑁆𑀔𑀸𑀫𑀺, 𑀲𑀩𑁆𑀩𑀮𑁄𑀓𑀲𑀼𑀔𑀸𑀯𑀳𑀁.
𑀆𑀘𑀭𑀺𑀬𑁄𑀘𑀲𑀺𑀧𑁆𑀧𑀜𑁆𑀘, 𑀧𑀜𑁆𑀜𑀸𑀲𑀼𑀢𑀁𑀓𑀣𑀸𑀥𑀦𑀁;
𑀤𑁂𑀲𑁄𑀘𑀦𑀺𑀲𑁆𑀲𑀬𑁄𑀫𑀺𑀢𑁆𑀢𑀁, 𑀤𑀼𑀚𑁆𑀚𑀦𑁄𑀲𑀼𑀚𑀦𑁄𑀩𑀮𑀁.
𑀇𑀢𑁆𑀣𑀻𑀧𑀼𑀢𑁆𑀢𑁄𑀘𑀤𑀸𑀲𑁄𑀘 ¶ , 𑀖𑀭𑀸𑀯𑀸𑀲𑁄𑀓𑀢𑀸𑀓𑀢𑁄;
𑀜𑀸𑀢𑀩𑁆𑀩𑁄𑀘𑀅𑀮𑀗𑁆𑀓𑀸𑀭𑁄, 𑀭𑀸𑀚𑀥𑀫𑁆𑀫𑁄𑀧𑀲𑁂𑀯𑀓𑁄;
𑀤𑀼𑀓𑀸𑀤𑀺𑀫𑀺𑀲𑁆𑀲𑀓𑁄𑀘𑁂𑀯, 𑀧𑀓𑀺𑀡𑁆𑀡𑀓𑁄𑀢𑀺𑀫𑀸𑀢𑀺𑀓𑀸.
𑀓𑀺𑀦𑁆𑀢𑁂𑀳𑀺𑀧𑀸𑀤𑀲𑀼𑀲𑁆𑀲𑀲𑀸 ¶ , 𑀬𑁂𑀲𑀁𑀦𑀢𑁆𑀣𑀺𑀕𑀭𑀽𑀦𑀺𑀳;
𑀬𑁂𑀢𑀧𑁆𑀧𑀸𑀤𑀭𑀚𑁄𑀓𑀺𑀡𑁆𑀡𑀸, 𑀢𑁂𑀯𑀲𑀸𑀥𑀽𑀯𑀺𑀯𑁂𑀓𑀺𑀦𑁄.
𑀯𑀺𑀦𑀸𑀕𑀭𑀽𑀧𑀤𑁂𑀲𑀦𑁆𑀢𑀁, 𑀩𑀸𑀮𑁄𑀮𑀗𑁆𑀓𑀢𑁆𑀢𑀼𑀫𑀺𑀘𑁆𑀙𑀢𑀺;
𑀲𑀫𑁆𑀧𑀸𑀧𑀼𑀡𑁂𑀦𑀯𑀺𑀜𑁆𑀜𑀽𑀳𑀺, 𑀳𑀲𑀪𑀸𑀯𑀁𑀓𑀣𑀁𑀦𑀼𑀲𑁄.
𑀉𑀝𑁆𑀞𑀸𑀦𑀸𑀉𑀧𑀝𑁆𑀞𑀸𑀦𑀸𑀘, 𑀲𑀼𑀲𑁆𑀲𑀼𑀲𑀸𑀧𑀭𑀺𑀘𑀸𑀭𑀺𑀓𑀸;
𑀲𑀓𑁆𑀓𑀘𑁆𑀘𑀁𑀲𑀺𑀧𑁆𑀧𑀼𑀕𑁆𑀕𑀳𑀡𑀁, 𑀕𑀭𑀼𑀁𑀆𑀭𑀸𑀥𑀬𑁂𑀩𑀼𑀥𑁄.
𑀉𑀧𑀚𑁆𑀛𑀸𑀘𑀭𑀺𑀬𑀸𑀦𑀜𑁆𑀘 ¶ , 𑀫𑀸𑀢𑀸𑀧𑀺𑀢𑀽𑀦𑀫𑁂𑀯𑀘;
𑀲𑀓𑁆𑀓𑀘𑁆𑀘𑀁𑀬𑁄𑀦𑀼𑀧𑀝𑁆𑀞𑀸𑀢𑀺, 𑀲𑀼𑀢𑁄𑀧𑀺𑀢𑀲𑁆𑀲𑀢𑀸𑀤𑀺𑀲𑁄.
𑀉𑀧𑀚𑁆𑀛𑀸𑀘𑀭𑀺𑀬𑀸𑀦𑀜𑁆𑀘, 𑀫𑀸𑀢𑀸𑀧𑀺𑀢𑀽𑀦𑀫𑁂𑀯𑀘;
𑀲𑀓𑁆𑀓𑀘𑁆𑀘𑀁𑀬𑁄𑀉𑀧𑀝𑁆𑀞𑀸𑀢𑀺, 𑀲𑀼𑀢𑁄𑀧𑀺𑀢𑀲𑁆𑀲𑀢𑀸𑀤𑀺𑀲𑁄;
𑀲𑀫𑁆𑀫𑀸𑀉𑀧𑀧𑀭𑀺𑀓𑁆𑀔𑀺𑀢𑁆𑀯𑀸;
𑀅𑀓𑁆𑀔𑀭𑁂𑀲𑀼𑀧𑀤𑁂𑀲𑀼𑀘;
𑀘𑁄𑀭𑀖𑀸𑀢𑁄𑀲𑀺𑀲𑁆𑀲𑁄𑀲𑀺𑀬𑀸,
𑀕𑀭𑀼𑀘𑁄𑀭𑀝𑁆𑀝𑀓𑀸𑀭𑀓𑁄.
𑀧𑀡𑁆𑀟𑀺𑀢𑁄𑀲𑀼𑀢𑀲𑀫𑁆𑀧𑀦𑁆𑀦𑁄 ¶ , 𑀬𑀢𑁆𑀣𑀅𑀢𑁆𑀣𑀻𑀢𑀺 𑀘𑁂𑀲𑀼𑀢𑁄;
𑀫𑀳𑀼𑀲𑁆𑀲𑀸𑀳𑁂𑀦𑀢𑀁𑀞𑀸𑀦𑀁, 𑀕𑀦𑁆𑀢𑀩𑁆𑀩𑀁𑀯𑀲𑀼𑀢𑁂𑀲𑀺𑀦𑀸.
𑀲𑀼𑀔𑀁𑀭𑀼𑀓𑁆𑀔𑀲𑁆𑀲𑀙𑀸𑀬𑀸𑀯, 𑀢𑀢𑁄𑀜𑀸𑀢𑀺𑀫𑀸𑀢𑀸𑀧𑀺𑀢𑀼;
𑀢𑀢𑁄𑀆𑀘𑀭𑀺𑀬𑁄𑀭𑀜𑁆𑀜𑁄, 𑀢𑀢𑁄𑀚𑀺𑀦𑀲𑁆𑀲𑀲𑀸𑀲𑀦𑀁.
𑀧𑀸𑀲𑀸𑀡𑀙𑀢𑁆𑀢𑀁𑀕𑀭𑀼𑀓𑀁, 𑀢𑀢𑁄𑀤𑁂𑀯𑀸𑀦𑀘𑀺𑀓𑁆𑀔𑀦𑀁;
𑀢𑀢𑁄𑀯𑀼𑀟𑁆𑀠𑀸𑀦𑀫𑁄𑀯𑀸𑀤𑁄, 𑀢𑀢𑁄𑀚𑀺𑀦𑀲𑁆𑀲𑀲𑀸𑀲𑀦𑀁.
𑀢𑀼𑀮𑀁𑀲𑀮𑁆𑀮𑀳𑀼𑀓𑀁𑀮𑁄𑀓𑁂 ¶ , 𑀢𑀢𑁄𑀘𑀧𑀮𑀚𑀸𑀢𑀺𑀓𑁄;
𑀢𑀢𑁄𑀯𑀼𑀟𑁆𑀠𑀸𑀦𑀦𑁄𑀯𑀸𑀤𑁄, 𑀬𑀢𑀺𑀥𑀫𑁆𑀫𑁂𑀧𑀫𑀸𑀤𑀓𑁄.
𑀲𑀼𑀢𑀺𑀲𑀫𑁆𑀫𑀼𑀢𑀺𑀲𑀗𑁆𑀔𑁆𑀬𑀸𑀘, 𑀬𑁄𑀕𑀸𑀦𑀺𑀢𑀺𑀯𑀺𑀲𑁂𑀲𑀓𑀸;
𑀕𑀦𑁆𑀥𑀩𑁆𑀩𑀸𑀕𑀡𑀺𑀓𑀸𑀘𑁂𑀯, 𑀥𑀦𑀼𑀩𑁂𑀤𑀸𑀘𑀧𑀽𑀭𑀡𑀸.
𑀢𑀺𑀓𑀺𑀘𑁆𑀙𑀸𑀇𑀢𑀺𑀳𑀸𑀲𑀸𑀘 ¶ , 𑀚𑁄𑀢𑀺𑀫𑀸𑀬𑀸𑀘𑀙𑀦𑁆𑀤𑀢𑀺;
𑀓𑁂𑀢𑀼𑀫𑀦𑁆𑀢𑀸𑀘𑀲𑀤𑁆𑀤𑀸𑀘, 𑀲𑀺𑀧𑁆𑀧𑀸𑀝𑁆𑀞𑀸𑀭𑀲𑀓𑀸𑀇𑀫𑁂.
𑀅𑀮𑀲𑀲𑁆𑀲𑀓𑀼𑀢𑁄𑀲𑀺𑀧𑁆𑀧𑀁, 𑀅𑀲𑀺𑀧𑁆𑀧𑀲𑁆𑀲𑀓𑀼𑀢𑁄𑀥𑀦𑀁;
𑀅𑀥𑀦𑀲𑁆𑀲𑀓𑀼𑀢𑁄𑀫𑀺𑀢𑁆𑀢𑀁, 𑀅𑀫𑀺𑀢𑁆𑀢𑀲𑁆𑀲𑀓𑀼𑀢𑁄𑀲𑀼𑀔𑀁;
𑀅𑀲𑀼𑀔𑀲𑁆𑀲𑀓𑀼𑀢𑁄𑀧𑀼𑀜𑁆𑀜𑀁, 𑀅𑀧𑀼𑀜𑁆𑀜𑀲𑁆𑀲𑀓𑀼𑀢𑁄𑀦𑀺𑀩𑁆𑀩𑀸𑀦𑀁.
𑀲𑀺𑀧𑁆𑀧𑀁𑀲𑀫𑀁𑀥𑀦𑀁𑀦𑀢𑁆𑀣𑀺, 𑀲𑀺𑀧𑁆𑀧𑀁𑀘𑁄𑀭𑀸𑀦𑀕𑀡𑁆𑀳𑀦𑁆𑀢𑀺;
𑀇𑀥𑀮𑁄𑀓𑁂𑀲𑀺𑀧𑁆𑀧𑀁𑀫𑀺𑀢𑁆𑀢𑀁, 𑀧𑀭𑀮𑁄𑀓𑁂𑀲𑀼𑀔𑀸𑀯𑀳𑀁.
𑀩𑁄𑀥𑀧𑀼𑀢𑁆𑀭𑀲𑀤𑀸𑀯𑀺𑀢𑁆𑀬𑀁 ¶ , 𑀫𑀸𑀔𑁂𑀤𑀸𑀘𑀭𑀺𑀬𑀁𑀕𑀭𑀼𑀁;
𑀲𑀤𑁂𑀲𑁂𑀧𑀽𑀚𑀺𑀢𑁄𑀭𑀸𑀚𑀸, 𑀩𑀼𑀥𑁄𑀲𑀩𑁆𑀩𑀢𑁆𑀣𑀧𑀽𑀚𑀺𑀢𑁄.
𑀩𑁄𑀥𑀧𑀼𑀢𑁆𑀭𑀓𑀺𑀫𑀸𑀮𑀲𑁆𑀲𑁂, 𑀅𑀩𑁄𑀥𑁄𑀪𑀸𑀭𑀯𑀸𑀳𑀓𑁄;
𑀩𑁄𑀥𑀓𑁄𑀧𑀽𑀚𑀺𑀢𑁄 𑀮𑁄𑀓𑁂, 𑀩𑁄𑀥𑀧𑀼𑀢𑁆𑀭𑀤𑀺𑀦𑁂𑀤𑀺𑀦𑁂.
𑀭𑀽𑀧𑀬𑁄𑀩𑁆𑀩𑀦𑁆𑀦𑀲𑀫𑁆𑀧𑀦𑁆𑀦𑀸, 𑀯𑀺𑀲𑀸𑀮𑀓𑀼𑀮𑀲𑀫𑁆𑀪𑀯𑀸;
𑀯𑀺𑀢𑁆𑀬𑀸𑀳𑀻𑀦𑀸𑀦𑀲𑁄𑀪𑀦𑁆𑀢𑀺, 𑀦𑀺𑀕𑀦𑁆𑀥𑀸𑀇𑀯𑀓𑀺𑀁𑀲𑀼𑀓𑀸.
𑀫𑀸𑀢𑀸𑀲𑀢𑁆𑀭𑀼𑀭𑀼𑀧𑀺𑀢𑀸𑀘 ¶ , 𑀩𑀸𑀮𑀓𑀸𑀮𑁂𑀦𑀲𑀺𑀓𑁆𑀔𑀺𑀢;
𑀦 𑀲𑁄𑀪𑀢𑀺𑀲𑀪𑀸𑀫𑀚𑁆𑀛𑁂, 𑀳𑀁𑀲𑀫𑀚𑁆𑀛𑁂𑀩𑀓𑁄𑀬𑀣𑀸.
𑀕𑀼𑀡𑁄𑀲𑁂𑀝𑁆𑀞𑀗𑁆𑀕𑀢𑀁𑀬𑀸𑀢𑀺, 𑀦𑀉𑀘𑁆𑀘𑁂𑀲𑀬𑀦𑁂𑀯𑀲𑁂;
𑀧𑀸𑀲𑀸𑀤𑀲𑀻𑀔𑀭𑁂𑀯𑀸𑀲𑁄, 𑀓𑀸𑀓𑁄𑀓𑀺𑀁𑀕𑀭𑀼𑀴𑁄𑀲𑀺𑀬𑀸.
𑀲𑀩𑁆𑀩𑀲𑀼𑀢𑀫𑀥𑀺𑀬𑀢𑁂, 𑀳𑀻𑀦𑀫𑀼𑀓𑁆𑀓𑀝𑁆𑀞𑀫𑀚𑁆𑀛𑀺𑀫𑁂;
𑀲𑀩𑁆𑀩𑀲𑁆𑀲𑀅𑀢𑁆𑀣𑀁𑀚𑀸𑀦𑁂𑀬𑁆𑀬, 𑀦𑀘𑀲𑀩𑁆𑀩𑀁𑀧𑀬𑁄𑀚𑀬𑁂.
𑀦𑀮𑁄𑀓𑁂𑀲𑁄𑀪𑀢𑁂𑀫𑀼𑀴𑁆𑀳𑁄 ¶ ,
𑀓𑁂𑀯𑀮𑀢𑁆𑀢𑀧𑀲𑀁𑀲𑀓𑁄;
𑀅𑀧𑀺𑀲𑀫𑁆𑀧𑀺𑀳𑀺𑀢𑁄𑀓𑀽𑀧𑁂,
𑀓𑀢𑀯𑀺𑀚𑁆𑀚𑁄𑀧𑀓𑀸𑀲𑀺𑀢𑁄.
𑀫𑀤𑀦𑁆𑀢𑀤𑀫𑀦𑀁𑀲𑀢𑁆𑀣𑀁, 𑀔𑀮𑀸𑀦𑀁𑀓𑀼𑀭𑀼𑀢𑁂𑀫𑀤𑀁;
𑀘𑀓𑁆𑀔𑀼𑀲𑀗𑁆𑀔𑀸𑀭𑀓𑀁𑀢𑁂𑀚𑀁, 𑀉𑀮𑀽𑀓𑀸𑀦𑀫𑀺𑀯𑀦𑁆𑀥𑀓𑀁.
𑀪𑁄𑀚𑀦𑀁𑀫𑁂𑀣𑀼𑀦𑀁𑀦𑀺𑀤𑁆𑀤𑀸,
𑀕𑀯𑁂𑀧𑁄𑀲𑁂𑀘𑀯𑀺𑀚𑁆𑀚𑀢𑀺;
𑀯𑀺𑀚𑁆𑀚𑀸𑀯𑀺𑀲𑁂𑀲𑁄𑀧𑁄𑀲𑀲𑁆𑀲,
𑀢𑀁𑀳𑀻𑀦𑁄𑀕𑁄𑀲𑀫𑁄𑀪𑀯𑁂.
𑀬𑁄𑀲𑀺𑀲𑁆𑀲𑁄𑀲𑀺𑀧𑁆𑀧𑀮𑁄𑀪𑁂𑀦 ¶ , 𑀩𑀳𑀼𑀁𑀩𑀳𑀼𑀁𑀯𑀕𑀡𑁆𑀳𑀸𑀢𑀺;
𑀫𑀼𑀕𑁄𑀯𑀲𑀼𑀧𑀺𑀦𑀁𑀧𑀲𑁆𑀲𑀁, 𑀦𑀲𑀓𑁆𑀓𑀸𑀓𑀣𑀺𑀢𑀼𑀁 𑀧𑀭𑀁.
𑀲𑀼𑀲𑁆𑀲𑀼𑀲𑀸𑀲𑀼𑀢𑀯𑀟𑁆𑀠𑀦𑀸, 𑀧𑀜𑁆𑀜𑀸𑀬𑀯𑀟𑁆𑀠𑀦𑀁𑀲𑀼𑀢𑀁;
𑀧𑀜𑁆𑀜𑀸𑀬𑀅𑀢𑁆𑀣𑀁𑀚𑀸𑀦𑀦𑁆𑀢𑀺, 𑀜𑀸𑀢𑁄𑀅𑀢𑁆𑀣𑁄𑀲𑀼𑀔𑀸𑀯𑀳𑁄.
𑀅𑀦𑀸𑀕𑀢𑀁𑀪𑀬𑀁𑀤𑀺𑀲𑁆𑀯𑀸 ¶ , 𑀤𑀽𑀭𑀢𑁄𑀧𑀭𑀺𑀯𑀚𑁆𑀚𑀬𑁂;
𑀆𑀕𑀢𑀜𑁆𑀘𑀪𑀬𑀁𑀤𑀺𑀲𑁆𑀯𑀸, 𑀅𑀪𑀺𑀢𑁄𑀳𑁄𑀢𑀺𑀧𑀡𑁆𑀟𑀺𑀢𑁄.
𑀮𑁄𑀪𑀁𑀓𑁄𑀥𑀁𑀫𑀤𑀁𑀫𑀸𑀦𑀁, 𑀢𑀦𑁆𑀤𑀺𑀁𑀇𑀲𑁆𑀲𑀁𑀧𑀫𑀢𑁆𑀢𑀓𑀁;
𑀲𑁄𑀡𑁆𑀟𑀁𑀦𑀺𑀤𑁆𑀤𑀸𑀮𑀼𑀓𑀁𑀫𑀓𑁆𑀔𑀁, 𑀫𑀘𑁆𑀙𑁂𑀭𑀜𑁆𑀘𑀚𑀳𑁂𑀩𑀼𑀥𑁄.
𑀲𑀤𑁆𑀥𑀸𑀳𑀺𑀭𑀺𑀘𑀑𑀢𑁆𑀢𑀧𑁆𑀧𑀁, 𑀩𑀸𑀳𑀼𑀲𑀘𑁆𑀘𑀁𑀯𑀺𑀭𑀁𑀲𑀢𑀺;
𑀧𑀜𑁆𑀜𑀸𑀘𑀲𑀢𑁆𑀢𑀥𑀫𑁆𑀫𑁂𑀳𑀺, 𑀲𑀫𑁆𑀧𑀦𑁆𑀦𑁄𑀧𑀡𑁆𑀟𑀺𑀢𑁄𑀫𑀢𑁄.
𑀤𑀺𑀝𑁆𑀞𑁂𑀥𑀫𑁆𑀫𑁂𑀘𑀬𑁄𑀅𑀢𑁆𑀣𑁄 ¶ ,
𑀬𑁄𑀘𑀢𑁆𑀣𑁄𑀲𑀫𑁆𑀧𑀭𑀸𑀬𑀺𑀓𑁄;
𑀅𑀢𑁆𑀣𑀸𑀪𑀺𑀲𑀫𑀬𑀸𑀥𑀻𑀭𑁄,
𑀧𑀡𑁆𑀟𑀺𑀢𑁄𑀢𑀺𑀧𑀯𑀼𑀘𑁆𑀘𑀢𑀺.
𑀲𑀪𑀸𑀯𑀲𑀤𑀺𑀲𑀁𑀯𑀸𑀓𑁆𑀬𑀁, 𑀲𑀪𑀸𑀯𑀲𑀤𑀺𑀲𑀁𑀧𑀺𑀬𑀁;
𑀲𑀪𑀸𑀯𑀲𑀤𑀺𑀲𑀁𑀓𑁄𑀥𑀁, 𑀬𑁄𑀚𑀸𑀦𑀸𑀢𑀺𑀲𑀧𑀡𑁆𑀟𑀺𑀢𑁄.
𑀪𑀽𑀧𑀸𑀮𑁄𑀧𑀡𑁆𑀟𑀺𑀢𑁄𑀦𑀺𑀘𑁆𑀘𑀁, 𑀦𑁂𑀯𑀢𑀼𑀮𑁆𑀬𑁄𑀓𑀼𑀤𑀸𑀘𑀦𑀁;
𑀲𑀤𑁂𑀲𑁂𑀧𑀽𑀚𑀺𑀢𑁄𑀭𑀸𑀚𑀸, 𑀩𑀼𑀥𑁄𑀲𑀩𑁆𑀩𑀢𑁆𑀣𑀧𑀽𑀚𑀺𑀢𑁄.
𑀧𑀡𑁆𑀟𑀺𑀢𑀲𑁆𑀲𑀧𑀲𑀁𑀲𑀸𑀬 ¶ , 𑀤𑀡𑁆𑀟𑁄𑀩𑀸𑀮𑁂𑀦𑀤𑀺𑀬𑁆𑀬𑀢𑁂;
𑀧𑀡𑁆𑀟𑀺𑀢𑁄𑀧𑀡𑁆𑀟𑀺𑀢𑁂𑀦𑁂𑀯, 𑀯𑀡𑁆𑀡𑀺𑀢𑁄𑀯𑀲𑀼𑀯𑀡𑁆𑀡𑀺𑀢𑁄.
𑀅𑀢𑁆𑀢𑀦𑀸𑀬𑀤𑀺𑀏𑀓𑁂𑀦, 𑀯𑀺𑀦𑀺𑀣𑁂𑀦𑀫𑀳𑀸𑀚𑀦𑀸;
𑀯𑀺𑀦𑀬𑀁𑀬𑀦𑁆𑀢𑀺𑀲𑀩𑁆𑀩𑁂𑀧𑀺, 𑀓𑁄𑀥𑀁𑀦𑀸𑀲𑁂𑀬𑁆𑀬𑀧𑀡𑁆𑀟𑀺𑀢𑁄.
𑀲𑀭𑀻𑀭𑀲𑁆𑀲𑀕𑀼𑀡𑀸𑀦𑀜𑁆𑀘, 𑀤𑀽𑀭𑀫𑀘𑁆𑀘𑀦𑁆𑀢𑀫𑀦𑁆𑀢𑀭𑀁;
𑀲𑀭𑀻𑀭𑀁𑀔𑀡𑀯𑀺𑀤𑁆𑀥𑀁𑀲𑀺, 𑀕𑀼𑀡𑀸𑀢𑀼𑀓𑀧𑁆𑀧𑀞𑀸𑀬𑀺𑀦𑁄.
𑀅𑀢𑁆𑀣𑀁𑀫𑀳𑀦𑁆𑀢𑀫𑀸𑀧𑀚𑁆𑀚𑀁, 𑀯𑀺𑀚𑁆𑀚𑀁𑀲𑀫𑁆𑀧𑀢𑁆𑀢𑀺𑀫𑁂𑀯𑀘;
𑀯𑀺𑀘𑀭𑁂𑀬𑁆𑀬𑀸𑀫𑀸𑀦𑀣𑀤𑁆𑀥𑁄, 𑀧𑀡𑁆𑀟𑀺𑀢𑁄𑀲𑁄𑀧𑀯𑀼𑀘𑁆𑀘𑀢𑀺.
𑀦𑀸𑀮𑀩𑁆𑀪𑀫𑀢𑀺𑀧𑀢𑁆𑀣𑁂𑀦𑁆𑀢𑀺 ¶ , 𑀦𑀝𑁆𑀞𑀫𑁆𑀧𑀺𑀦𑀘𑀲𑁄𑀘𑀭𑁂;
𑀯𑀺𑀧𑁆𑀧𑀢𑁆𑀬𑀜𑁆𑀘𑀦𑀫𑀼𑀬𑁆𑀳𑀦𑁆𑀢𑀺, 𑀬𑁂𑀦𑀭𑀸𑀢𑁂𑀯𑀧𑀡𑁆𑀟𑀺𑀢𑀸.
𑀕𑀡𑁆𑀞𑀺𑀞𑀸𑀦𑁂𑀏𑀓𑀧𑀤𑁂, 𑀦𑀸𑀢𑀺𑀫𑀜𑁆𑀜𑁂𑀬𑁆𑀬𑀧𑀡𑁆𑀟𑀺𑀢𑁄;
𑀓𑀺𑀫𑀓𑁆𑀓𑁄𑀯𑁂𑀴𑀼𑀧𑀩𑁆𑀪𑀸𑀭𑁄, 𑀢𑀺𑀫𑀳𑀸𑀤𑀻𑀧𑀪𑀸𑀦𑀼𑀤𑁄.
𑀕𑀼𑀡𑀤𑁄𑀲𑁂𑀲𑀼𑀦𑁂𑀓𑁂𑀦, 𑀅𑀢𑁆𑀣𑀺𑀓𑁄𑀘𑀺𑀯𑀺𑀯𑀚𑁆𑀚𑀺𑀢𑁄;
𑀲𑀼𑀔𑀼𑀫𑀸𑀮𑀧𑀤𑀼𑀫𑀲𑁆𑀲, 𑀦𑀴𑀁𑀪𑀯𑀢𑀺𑀓𑀓𑁆𑀔𑀴𑀁.
𑀲𑀼𑀫𑀳𑀦𑁆𑀢𑀸𑀦𑀺𑀲𑀢𑁆𑀣𑀸𑀦𑀺, 𑀥𑀸𑀭𑀬𑀦𑁆𑀢𑀸𑀩𑀳𑀼𑀲𑁆𑀲𑀼𑀢𑀸;
𑀙𑁂𑀤𑀸𑀬𑁄𑀲𑀁𑀲𑀬𑀸𑀦𑀦𑁆𑀢𑀼, 𑀓𑁆𑀮𑀺𑀲𑁆𑀲𑀦𑁆𑀢𑀺𑀮𑁄𑀪𑀫𑁄𑀳𑀺𑀢𑀸.
𑀤𑁄𑀲𑀁𑀧𑀺𑀲𑀕𑀼𑀡𑁂𑀤𑀺𑀲𑁆𑀯𑀸 ¶ , 𑀕𑀼𑀡𑀯𑀸𑀤𑀻𑀯𑀤𑀦𑁆𑀢𑀺𑀦;
𑀦𑀮𑁄𑀓𑁄𑀯𑀺𑀚𑁆𑀚𑀫𑀸𑀦𑀫𑁆𑀧𑀺𑀘𑀦𑁆𑀤𑁂𑀧𑀲𑁆𑀲𑀢𑀺𑀮𑀜𑁆𑀚𑀦𑀁.
𑀲𑀓𑀺𑀁𑀧𑀺𑀯𑀺𑀜𑁆𑀜𑀽𑀥𑀻𑀭𑁂𑀦, 𑀓𑀭𑁄𑀢𑀺𑀲𑀳𑀲𑀗𑁆𑀕𑀫𑀁;
𑀅𑀢𑁆𑀢𑀢𑁆𑀣𑀜𑁆𑀘𑀧𑀭𑀢𑁆𑀣𑀜𑁆𑀘, 𑀦𑀺𑀩𑁆𑀩𑀸𑀦𑀦𑁆𑀢𑀁𑀲𑀼𑀔𑀁𑀮𑀪𑁂.
𑀦𑀤𑀻𑀢𑀻𑀭𑁂𑀝𑁆𑀞𑀺𑀢𑁂𑀓𑀽𑀧𑁂, 𑀅𑀭𑀡𑀺𑀢𑀸𑀮𑀯𑀡𑁆𑀟𑀓𑁂;
𑀦𑀯𑀤𑀸𑀧𑀸𑀤𑀺𑀦𑀢𑁆𑀣𑀻𑀢𑀺, 𑀦𑀫𑀼𑀔𑁂𑀯𑀘𑀦𑀁𑀢𑀣𑀸.
𑀧𑀡𑁆𑀟𑀺𑀢𑁄𑀅𑀧𑀼𑀝𑁆𑀞𑁄𑀪𑁂𑀭𑀻 ¶ , 𑀧𑀚𑁆𑀚𑀼𑀦𑁆𑀦𑁄𑀳𑁄𑀢𑀺𑀧𑀼𑀘𑁆𑀙𑀺𑀢𑁄;
𑀩𑀸𑀮𑁄𑀧𑀼𑀝𑁆𑀞𑁄𑀅𑀧𑀼𑀝𑁆𑀞𑁄𑀧𑀺, 𑀩𑀳𑀼𑀁𑀯𑀺𑀓𑀢𑁆𑀣𑀢𑁂𑀲𑀤𑀸.
𑀕𑀼𑀡𑀲𑀫𑁆𑀧𑀦𑁆𑀦𑀮𑀗𑁆𑀓𑀸𑀭𑁄, 𑀲𑀩𑁆𑀩𑀲𑀢𑁆𑀢𑀳𑀺𑀢𑀸𑀯𑀳𑁄;
𑀧𑀭𑀢𑁆𑀢𑀢𑁆𑀣𑀁𑀦𑀘𑀭𑁂𑀬𑁆𑀬, 𑀓𑀼𑀢𑁄𑀲𑁄𑀧𑀡𑁆𑀟𑀺𑀢𑁄𑀪𑀯𑁂.
𑀲𑀧𑀭𑀢𑁆𑀣𑀁𑀘𑀭𑁂𑀥𑀻𑀭𑁄, 𑀅𑀲𑀓𑁆𑀓𑁄𑀦𑁆𑀢𑁄𑀲𑀓𑀁𑀘𑀭𑁂;
𑀢𑀫𑁆𑀧𑀺𑀘𑁂𑀯𑀅𑀲𑀓𑁆𑀓𑁄𑀦𑁆𑀢𑁄, 𑀧𑀸𑀧𑀸𑀢𑁆𑀢𑀸𑀦𑀁𑀯𑀺𑀬𑁄𑀚𑀬𑁂.
𑀲𑀩𑁆𑀩𑀁𑀲𑀼𑀡𑀸𑀢𑀺𑀲𑁄𑀢𑁂𑀦 ¶ , 𑀲𑀩𑁆𑀩𑀁𑀧𑀲𑁆𑀲𑀢𑀺𑀘𑀓𑁆𑀔𑀼𑀦𑀸;
𑀦𑀘𑀤𑀺𑀝𑁆𑀞𑀁𑀲𑀼𑀢𑀁𑀥𑀻𑀭𑁄, 𑀲𑀩𑁆𑀩𑀺𑀘𑁆𑀙𑀺𑀢𑀼𑀫𑀭𑀳𑀢𑀺.
𑀘𑀓𑁆𑀔𑀼𑀫𑀸𑀲𑁆𑀲𑀬𑀣𑀸𑀅𑀦𑁆𑀥𑁄, 𑀲𑁄𑀢𑀯𑀸𑀩𑀥𑀺𑀭𑁄𑀬𑀣𑀸;
𑀧𑀜𑁆𑀜𑀸𑀯𑀸𑀧𑀺𑀬𑀣𑀸𑀫𑀼𑀕𑁄, 𑀩𑀮𑀯𑀸𑀤𑀼𑀩𑁆𑀩𑀮𑁄𑀭𑀺𑀯;
𑀅𑀣𑀅𑀢𑁆𑀣𑁂𑀲𑀫𑀼𑀧𑁆𑀧𑀦𑁆𑀦𑁂, 𑀲𑀬𑁂𑀬𑁆𑀬𑀫𑀢𑀲𑀸𑀬𑀺𑀢𑀁.
𑀅𑀢𑀺𑀚𑀸𑀢𑀁𑀫𑀦𑀼𑀚𑀸𑀢𑀁, 𑀧𑀼𑀢𑁆𑀢𑀫𑀺𑀘𑁆𑀙𑀦𑁆𑀢𑀺𑀧𑀡𑁆𑀟𑀺𑀢𑀸;
𑀅𑀯𑀚𑀸𑀢𑀁𑀦𑀇𑀘𑁆𑀙𑀦𑁆𑀢𑀺, 𑀬𑁄𑀳𑁄𑀢𑀺𑀓𑀼𑀮𑀙𑀺𑀦𑁆𑀦𑀓𑁄.
𑀢𑀬𑁄𑀯𑀧𑀡𑁆𑀟𑀺𑀢𑀸𑀲𑀢𑁆𑀣𑁂 ¶ , 𑀅𑀳𑀫𑁂𑀯𑀸𑀢𑀺𑀯𑀸𑀤𑀺𑀘;
𑀅𑀳𑀫𑀧𑀺𑀢𑀺𑀯𑀸𑀤𑀻𑀘, 𑀦𑀸𑀳𑀦𑁆𑀢𑀺𑀘𑀇𑀫𑁂𑀢𑀬𑁄;
𑀦𑀲𑀸𑀲𑀪𑀸𑀬𑀢𑁆𑀣𑀦𑀲𑀦𑁆𑀢𑀺𑀲𑀦𑁆𑀢𑁄,
𑀦𑀢𑁂𑀲𑀦𑁆𑀢𑁄𑀬𑁂𑀦𑀯𑀤𑀦𑁆𑀢𑀺𑀥𑀫𑁆𑀫𑀁;
𑀭𑀸𑀕𑀜𑁆𑀘𑀤𑁄𑀲𑀜𑁆𑀘𑀧𑀳𑀸𑀬𑀫𑁄𑀳𑀁,
𑀥𑀫𑁆𑀫𑀁𑀪𑀡𑀦𑁆𑀢𑀸𑀯𑀪𑀯𑀦𑁆𑀢𑀺𑀲𑀦𑁆𑀢𑁄.
𑀩𑀸𑀮𑁂𑀘𑀼𑀫𑁆𑀫𑀢𑁆𑀢𑀓𑁂𑀪𑀽𑀧𑁂, 𑀕𑀼𑀭𑀼𑀫𑀸𑀢𑀸𑀧𑀺𑀢𑀽𑀲𑁆𑀯𑀧𑀺;
𑀲𑀗𑁆𑀖𑁂𑀚𑁂𑀞𑁂𑀘𑀪𑀸𑀢𑀭𑀺, 𑀦𑀤𑁄𑀲𑀸𑀓𑀭𑀺𑀬𑀸𑀩𑀼𑀥𑀸.
𑀅𑀢𑁆𑀢𑀦𑀸𑀫𑀦𑁄𑀢𑀸𑀧𑀜𑁆𑀘 ¶ , 𑀖𑀭𑁂𑀤𑀼𑀘𑁆𑀘𑀭𑀺𑀢𑀸𑀦𑀺𑀘;
𑀯𑀜𑁆𑀘𑀦𑀜𑁆𑀘𑀅𑀯𑀫𑀸𑀦𑀁, 𑀫𑀢𑀺𑀫𑀸𑀦𑀧𑀓𑀸𑀲𑀬𑁂.
𑀧𑀭𑀤𑀸𑀭𑀁𑀚𑀦𑁂𑀢𑁆𑀢𑀺𑀁𑀯, 𑀮𑁂𑀟𑁆𑀟𑀼𑀁𑀯𑀧𑀭𑀲𑀦𑁆𑀢𑀓𑀁;
𑀅𑀢𑁆𑀢𑀸𑀯𑀲𑀩𑁆𑀩𑀲𑀢𑁆𑀢𑀸𑀦𑀁, 𑀬𑁄𑀧𑀲𑁆𑀲𑀢𑀺𑀲𑀧𑀡𑁆𑀟𑀺𑀢𑁄.
𑀲𑀞𑁂𑀦𑀫𑀺𑀢𑁆𑀢𑀁𑀓𑀮𑀼𑀲𑁂𑀦𑀥𑀫𑁆𑀫𑀁,
𑀧𑀭𑁄𑀧𑀢𑀸𑀧𑁂𑀦𑀲𑀫𑀺𑀤𑁆𑀥𑀺𑀪𑀸𑀯𑀁;
𑀲𑀼𑀔𑁂𑀦𑀯𑀺𑀚𑁆𑀚𑀁𑀨𑀭𑀼𑀲𑁂𑀦𑀦𑀸𑀭𑀺𑀁,
𑀇𑀘𑁆𑀙𑀦𑁆𑀢𑀺𑀬𑁂𑀢𑁂𑀦𑀘𑁂𑀯𑀧𑀡𑁆𑀟𑀺𑀢𑀸.
𑀦𑀺𑀧𑀼𑀡𑁂𑀲𑀼𑀳𑀫𑁂𑀲𑁂𑀬𑁆𑀬 ¶ , 𑀯𑀺𑀘𑀺𑀦𑀺𑀢𑁆𑀯𑀸𑀲𑀼𑀢𑀢𑁆𑀣𑀺𑀓𑁄;
𑀲𑀢𑁆𑀢𑀁𑀳𑀼𑀓𑁆𑀔𑀮𑀺𑀬𑀁𑀧𑀓𑁆𑀓𑀁, 𑀪𑀸𑀚𑀦𑁂𑀧𑀺𑀢𑀣𑀸𑀪𑀯𑁂.
𑀯𑀲𑀼𑀁𑀕𑀡𑁆𑀳𑀦𑁆𑀢𑀺𑀤𑀽𑀭𑀝𑁆𑀞𑀸, 𑀧𑀩𑁆𑀩𑀢𑁂𑀭𑀢𑀦𑁄𑀘𑀺𑀢𑁂;
𑀦𑀫𑀺𑀮𑀓𑁆𑀔𑀸𑀲𑀫𑀻𑀧𑀝𑁆𑀞𑀸, 𑀏𑀯𑀁𑀩𑀸𑀮𑀸𑀩𑀳𑀼𑀲𑁆𑀲𑀼𑀢𑁂.
𑀳𑀺𑀭𑀜𑁆𑀜𑁂𑀦𑀫𑀺𑀕𑀸𑀦𑀁𑀯 ¶ , 𑀲𑀼𑀲𑀻𑀮𑁂𑀦𑀅𑀲𑀻𑀮𑀺𑀦𑁄;
𑀅𑀥𑀫𑁆𑀫𑀺𑀓𑀲𑁆𑀲𑀥𑀫𑁂𑀦, 𑀩𑀸𑀮𑀸𑀦𑀫𑁆𑀧𑀺𑀲𑀼𑀢𑁂𑀦𑀓𑀺𑀁.
𑀅𑀧𑁆𑀧𑀲𑁆𑀲𑀼𑀢𑀸𑀬𑀁𑀧𑀼𑀭𑀺𑀲𑁄, 𑀩𑀮𑀺𑀩𑀤𑁆𑀥𑁄𑀯𑀚𑀻𑀯𑀢𑀺;
𑀫𑀁𑀲𑀸𑀦𑀺𑀢𑀲𑁆𑀲𑀯𑀟𑁆𑀠𑀦𑁆𑀢𑀺, 𑀧𑀜𑁆𑀜𑀸𑀢𑀲𑁆𑀲𑀦𑀯𑀟𑁆𑀠𑀢𑀺.
𑀅𑀧𑁆𑀧𑀲𑁆𑀲𑀼𑀢𑁄𑀲𑀼𑀢𑀁𑀅𑀧𑁆𑀧𑀁, 𑀩𑀳𑀼𑀫𑀜𑁆𑀜𑀢𑀺𑀫𑀸𑀦𑀺𑀓𑁄;
𑀲𑀺𑀦𑁆𑀥𑀽𑀤𑀓𑀁𑀅𑀧𑀲𑁆𑀲𑀦𑁆𑀢𑁄, 𑀓𑀽𑀧𑁂𑀲𑁄𑀬𑀁𑀯𑀫𑀡𑁆𑀟𑀼𑀓𑁄.
𑀢𑀤𑀫𑀺𑀦𑀸𑀧𑀺𑀚𑀸𑀦𑀸𑀣 ¶ , 𑀲𑁄𑀩𑁆𑀪𑁂𑀲𑀼𑀧𑀢𑀻𑀭𑁂𑀲𑀼𑀘;
𑀲𑀡𑀦𑁆𑀢𑀸𑀬𑀦𑁆𑀢𑀺𑀓𑀼𑀲𑁄𑀩𑁆𑀪𑀸, 𑀢𑀼𑀡𑁆𑀳𑀻𑀬𑀦𑁆𑀢𑀺𑀫𑀳𑁄𑀤𑀥𑀻.
𑀲𑀼𑀪𑀸𑀲𑀺𑀢𑀁𑀉𑀢𑁆𑀢𑀫𑀫𑀸𑀳𑀼𑀲𑀦𑁆𑀢𑁄,
𑀥𑀫𑁆𑀫𑀁𑀪𑀡𑁂𑀦𑀸𑀥𑀫𑁆𑀫𑀁, 𑀢𑀁𑀤𑀼𑀢𑀺𑀬𑀁;
𑀧𑀺𑀬𑀁𑀪𑀡𑁂𑀦𑀸𑀧𑀺𑀬𑀁𑀢𑀁𑀢𑀢𑀺𑀬𑀁,
𑀲𑀘𑁆𑀘𑀁𑀪𑀡𑁂𑀦𑀸𑀮𑀺𑀓𑀁𑀢𑀁𑀘𑀢𑀼𑀢𑁆𑀣𑀁.
𑀲𑀻𑀳𑀫𑁂𑀤𑀸𑀲𑀼𑀯𑀡𑁆𑀡𑁂𑀯 ¶ , 𑀦𑀘𑀢𑀺𑀝𑁆𑀞𑀦𑁆𑀢𑀺𑀭𑀘𑀢𑁂;
𑀧𑀡𑁆𑀟𑀺𑀢𑀸𑀦𑀁𑀓𑀣𑀸𑀯𑀸𑀓𑁆𑀬𑀁 𑀦𑀘𑀢𑀺𑀝𑁆𑀞𑀢𑀺𑀤𑀼𑀚𑁆𑀚𑀦𑁂.
𑀫𑀳𑀸𑀢𑁂𑀚𑁄𑀧𑀺𑀢𑁂𑀚𑁄𑀬𑀁, 𑀫𑀢𑁆𑀢𑀺𑀓𑀁𑀦𑀫𑀼𑀤𑀼𑀁𑀓𑀭𑁂;
𑀆𑀧𑁄𑀧𑀸𑀧𑁂𑀢𑀺𑀫𑀼𑀤𑀼𑀓𑀁, 𑀲𑀸𑀥𑀼𑀯𑀸𑀘𑀸𑀘𑀓𑀓𑁆𑀔𑀴𑀁;
𑀫𑀼𑀤𑀼𑀦𑀸𑀯𑀭𑀺𑀧𑀼𑀁𑀚𑁂𑀢𑀺, 𑀫𑀼𑀤𑀼𑀦𑀸𑀚𑁂𑀢𑀺𑀤𑀸𑀭𑀼𑀡𑀁;
𑀦𑀸𑀲𑀺𑀤𑁆𑀥𑀺𑀫𑀼𑀤𑀼𑀦𑀸𑀓𑀺𑀜𑁆𑀘𑀺, 𑀬𑀢𑁄𑀢𑁄𑀫𑀼𑀤𑀼𑀦𑀸𑀚𑀬𑁂.
𑀘𑀦𑁆𑀤𑀦𑀁 ¶ 𑀲𑀻𑀢𑀮𑀁 𑀮𑁄𑀓𑁂, 𑀢𑀢𑁄 𑀘𑀦𑁆𑀤𑀁𑀯 𑀲𑀻𑀢𑀮𑀁;
𑀘𑀦𑁆𑀤𑀦 𑀘𑀦𑁆𑀤 𑀲𑀻𑀢𑀫𑁆𑀳𑀸, 𑀲𑀸𑀥𑀼𑀯𑀸𑀓𑁆𑀬𑀁 𑀲𑀼𑀪𑀸𑀲𑀺𑀢𑀁.
𑀲𑀻𑀢𑀯𑀸𑀘𑁄 𑀩𑀳𑀼𑀫𑀺𑀢𑁆𑀢𑁄, 𑀨𑀭𑀼𑀲𑁄𑀢𑀼 𑀅𑀫𑀺𑀢𑁆𑀢𑀓𑁄;
𑀉𑀧𑀫𑀁 𑀏𑀢𑁆𑀣 𑀜𑀸𑀢𑀩𑁆𑀩𑀸, 𑀘𑀦𑁆𑀤𑀲𑀽𑀭𑀺𑀬𑀭𑀸𑀚𑀼𑀦𑀁.
𑀧𑀢𑁆𑀢𑀓𑀮𑁆𑀮𑁄𑀤𑀺𑀢𑀁𑀅𑀧𑁆𑀧𑀁, 𑀯𑀸𑀓𑁆𑀬𑀁𑀲𑀼𑀪𑀸𑀲𑀺𑀢𑀁𑀪𑀯𑁂;
𑀔𑀼𑀤𑁆𑀤𑀺𑀢𑀲𑁆𑀲𑀓𑀤𑀦𑁆𑀦𑀫𑁆𑀧𑀺, 𑀪𑀼𑀢𑁆𑀢𑀁𑀲𑀸𑀤𑀼𑀭𑀲𑁄𑀪𑀯𑁂.
𑀲𑀢𑁆𑀣𑀓𑀸𑀧𑀺𑀩𑀳𑀼𑀯𑀸𑀘𑀸 ¶ , 𑀦𑀸𑀤𑀭𑀸𑀩𑀳𑀼𑀪𑀸𑀡𑀺𑀦𑁄;
𑀲𑁄𑀧𑀓𑀸𑀭𑀫𑁆𑀧𑁆𑀬𑀼𑀤𑀸𑀲𑀻𑀦𑀁, 𑀦𑀦𑀼𑀤𑀺𑀝𑁆𑀞𑀁𑀦𑀤𑀻𑀚𑀮𑀁.
𑀦𑀸𑀢𑀺𑀯𑁂𑀮𑀁𑀧𑀪𑀸𑀲𑁂𑀬𑁆𑀬, 𑀦𑀢𑀼𑀡𑁆𑀳𑀺𑀲𑀩𑁆𑀩𑀤𑀸𑀲𑀺𑀬𑀸;
𑀅𑀯𑀺𑀓𑀺𑀡𑁆𑀡𑀁𑀫𑀺𑀢𑀁𑀯𑀸𑀓𑁆𑀬𑀁, 𑀧𑀢𑁆𑀢𑀓𑀸𑀮𑁂𑀉𑀤𑀻𑀭𑀬𑁂.
𑀇𑀘𑁆𑀙𑀺𑀢𑀩𑁆𑀩𑁂𑀲𑀼𑀓𑀫𑁆𑀫𑁂𑀲𑀼, 𑀯𑀸𑀘𑀸𑀬𑀓𑀼𑀲𑀮𑀁𑀫𑀽𑀮𑀁;
𑀯𑀸𑀘𑀸𑀬𑀓𑀼𑀲𑀮𑁂𑀦𑀝𑁆𑀞𑁂, 𑀇𑀘𑁆𑀙𑀺𑀢𑀩𑁆𑀩𑀁𑀦𑀲𑀺𑀚𑁆𑀛𑀢𑀺.
𑀳𑀢𑁆𑀣𑀧𑀸𑀤𑀸𑀲𑀺𑀭𑁄𑀧𑀺𑀝𑁆𑀞𑀺, 𑀓𑀼𑀘𑁆𑀙𑀺𑀧𑀜𑁆𑀘𑀇𑀫𑁂𑀚𑀦𑀸;
𑀫𑀼𑀔𑀫𑁂𑀯𑀽𑀧𑀲𑁂𑀯𑀦𑁆𑀢𑀺, 𑀲𑀤𑀸𑀯𑀅𑀦𑀼𑀲𑀸𑀲𑀺𑀢𑀸.
𑀲𑀤𑁆𑀥𑀸𑀥𑀦𑀁𑀲𑀻𑀮𑀥𑀦𑀁 ¶ , 𑀳𑀺𑀭𑀺𑀑𑀢𑁆𑀢𑀧𑁆𑀧𑀺𑀬𑀁𑀥𑀦𑀁;
𑀲𑀼𑀢𑀥𑀦𑀜𑁆𑀘𑀘𑀸𑀕𑁄𑀘, 𑀧𑀜𑁆𑀜𑀸𑀯𑁂𑀲𑀢𑁆𑀢𑀫𑀁𑀥𑀦𑀁.
𑀇𑀢𑁆𑀣𑀻𑀦𑀜𑁆𑀘𑀥𑀦𑀁𑀭𑀽𑀧𑀁, 𑀧𑀼𑀭𑀺𑀲𑀸𑀦𑀁𑀥𑀦𑀁𑀓𑀼𑀮𑀁;
𑀉𑀭𑀕𑀸𑀦𑀁𑀥𑀦𑀁𑀯𑀺𑀲𑀁, 𑀪𑀽𑀧𑀸𑀮𑀸𑀦𑀁𑀥𑀦𑀁𑀩𑀮𑀁;
𑀪𑀺𑀓𑁆𑀔𑀽𑀦𑀜𑁆𑀘𑀥𑀦𑀁𑀲𑀻𑀮𑀁, 𑀩𑁆𑀭𑀳𑁆𑀫𑀡𑀸𑀦𑀁𑀥𑀦𑀁𑀯𑀺𑀚𑁆𑀚𑀸.
𑀦𑀭𑀽𑀧𑀁𑀦𑀘𑀧𑀜𑁆𑀜𑀸𑀡𑀁 ¶ , 𑀦𑀘𑀓𑀼𑀮𑀜𑁆𑀘𑀲𑀫𑁆𑀪𑀯𑁄;
𑀓𑀸𑀮𑀯𑀺𑀧𑁆𑀧𑀢𑁆𑀢𑀺𑀲𑀫𑁆𑀧𑀢𑁆𑀢𑁂, 𑀥𑀦𑀫𑁂𑀯𑀯𑀺𑀲𑁂𑀲𑀓𑀁.
𑀥𑀦𑀳𑀻𑀦𑀁𑀘𑀚𑁂𑀫𑀺𑀢𑁆𑀢𑀸, 𑀧𑀼𑀢𑁆𑀢𑀤𑀸𑀭𑀸𑀲𑀳𑁄𑀤𑀭𑀸;
𑀥𑀦𑀯𑀦𑁆𑀢𑀁𑀯𑀲𑁂𑀯𑀦𑁆𑀢𑀺, 𑀥𑀦𑀁𑀮𑁄𑀓𑁂𑀫𑀳𑀸𑀲𑀔𑀸.
𑀲𑀢𑁆𑀢𑀸𑀲𑀤𑀽𑀧𑀲𑁂𑀯𑀦𑁆𑀢𑀺, 𑀲𑁄𑀤𑀓𑀁𑀯𑀸𑀧𑀺𑀆𑀤𑀺𑀓𑀁;
𑀲𑀪𑁄𑀕𑀁𑀲𑀥𑀦𑀜𑁆𑀘𑁂𑀯, 𑀢𑀼𑀘𑁆𑀙𑀸𑀢𑁂𑀘𑁂𑀚𑀳𑀦𑁆𑀢𑀺𑀢𑁂.
𑀅𑀢𑁆𑀢𑀦𑀸𑀯𑀓𑀢𑀸𑀮𑀓𑁆𑀔𑀻 ¶ , 𑀅𑀮𑀓𑁆𑀔𑀻𑀅𑀢𑁆𑀢𑀦𑀸𑀓𑀢𑀸;
𑀦𑀳𑀺𑀮𑀓𑁆𑀔𑀺𑀁𑀅𑀮𑀓𑁆𑀔𑀺𑀜𑁆𑀘, 𑀅𑀜𑁆𑀜𑁄𑀅𑀜𑁆𑀜𑀲𑁆𑀲𑀓𑀸𑀭𑀺𑀢𑁄.
𑀥𑀦𑀯𑀸𑀚𑁄𑀢𑀺𑀬𑁄𑀭𑀸𑀚𑀸, 𑀦𑀤𑀻𑀯𑁂𑀚𑁆𑀚𑁄𑀢𑀣𑀸𑀇𑀫𑁂;
𑀧𑀜𑁆𑀘𑀬𑀢𑁆𑀣𑀦𑀯𑀺𑀚𑁆𑀚𑀦𑁆𑀢𑀺, 𑀦𑀢𑀢𑁆𑀣𑀤𑀺𑀯𑀲𑀁𑀯𑀲𑁂.
𑀬𑀢𑁆𑀣𑀤𑁂𑀲𑁂𑀦𑀲𑀫𑀸𑀦𑁄 ¶ , 𑀦𑀧𑀻𑀢𑀺𑀦𑀘𑀩𑀦𑁆𑀥𑀯𑁄;
𑀦𑀘𑀯𑀺𑀚𑁆𑀚𑀸𑀕𑀫𑁄𑀓𑁄𑀘𑀺, 𑀦𑀢𑀢𑁆𑀣𑀤𑀺𑀯𑀲𑀁𑀯𑀲𑁂.
𑀅𑀫𑀸𑀦𑀦𑀸𑀬𑀢𑁆𑀣𑀲𑀺𑀬𑀸, 𑀲𑀦𑁆𑀢𑀸𑀦𑀁𑀅𑀯𑀫𑀸𑀦𑀦𑀁;
𑀳𑀻𑀦𑀲𑀫𑀸𑀦𑀦𑀸𑀯𑀸𑀧𑀺, 𑀦𑀢𑀢𑁆𑀣𑀤𑀺𑀯𑀲𑀁𑀯𑀲𑁂.
𑀤𑁂𑀲𑀫𑁄𑀲𑀚𑁆𑀚𑀕𑀘𑁆𑀙𑀦𑁆𑀢𑀺, 𑀲𑀻𑀳𑀸𑀲𑀧𑁆𑀧𑀼𑀭𑀺𑀲𑀸𑀕𑀚𑀸;
𑀢𑀢𑁆𑀢𑁂𑀯𑀦𑀺𑀥𑀦𑀁𑀬𑀦𑁆𑀢𑀺, 𑀓𑀸𑀓𑀸𑀓𑀸𑀧𑀼𑀭𑀺𑀲𑀸𑀫𑀺𑀕𑀸.
𑀬𑀢𑁆𑀣𑀸𑀮𑀲𑁄𑀘𑀤𑀓𑁆𑀔𑁄𑀘 ¶ , 𑀲𑀽𑀭𑁄𑀪𑀺𑀭𑀼𑀲𑀫𑀧𑀽𑀚𑀸;
𑀦𑀲𑀦𑁆𑀢𑁄𑀢𑀢𑁆𑀣𑀯𑀲𑀦𑁆𑀢𑀺, 𑀅𑀯𑀺𑀲𑁂𑀲𑀓𑀭𑁂𑀦𑀓𑁄.
𑀘𑀮𑀢𑁆𑀬𑁂𑀓𑁂𑀦𑀧𑀸𑀤𑁂𑀦, 𑀢𑀺𑀝𑁆𑀞𑀢𑁆𑀬𑁂𑀓𑁂𑀦𑀧𑀡𑁆𑀟𑀺𑀢𑁄;
𑀦𑀸𑀲𑀫𑀺𑀓𑁆𑀔𑁆𑀬𑀧𑀭𑀁𑀞𑀸𑀦𑀁, 𑀧𑀼𑀩𑁆𑀩𑀫𑀸𑀬𑀢𑀦𑀁𑀘𑀚𑁂.
𑀞𑀸𑀦𑀪𑀝𑁆𑀞𑀸𑀦𑀲𑁄𑀪𑀦𑁆𑀢𑁂, 𑀤𑀦𑁆𑀢𑀸𑀓𑁂𑀲𑀸𑀦𑀔𑀸𑀦𑀭𑀸;
𑀇𑀢𑀺𑀯𑀺𑀜𑁆𑀜𑀸𑀬𑀫𑀢𑀺𑀫𑀸, 𑀲𑀞𑀸𑀦𑀁𑀦𑀮𑀳𑀼𑀁𑀘𑀚𑁂.
𑀕𑀼𑀡𑁄𑀲𑀩𑁆𑀩𑀜𑁆𑀜𑀼𑀢𑀼𑀮𑁆𑀬𑁄𑀧𑀺, 𑀲𑀻𑀤𑀢𑁆𑀬𑁂𑀓𑁄𑀅𑀦𑀺𑀲𑁆𑀲𑀬𑁄;
𑀅𑀦𑀕𑁆𑀖𑀁𑀭𑀢𑀦𑀁𑀫𑀡𑀺, 𑀳𑁂𑀫𑀁𑀦𑀺𑀲𑁆𑀲𑀸𑀬𑀲𑁄𑀪𑀢𑁂.
𑀦𑀲𑁂𑀯𑁂𑀨𑀭𑀼𑀲𑀁𑀲𑀸𑀫𑀺𑀁, 𑀢𑀁𑀧𑀺𑀲𑁂𑀯𑁂𑀦𑀫𑀘𑁆𑀙𑀭𑀺𑀁;
𑀢𑀢𑁄𑀦𑀺𑀕𑁆𑀕𑀡𑁆𑀳𑀺𑀓𑀁𑀲𑀸𑀫𑀺𑀁, 𑀦𑁂𑀯𑀸𑀧𑀕𑁆𑀕𑀡𑁆𑀳𑀺𑀓𑀁𑀢𑀢𑁄.
𑀧𑀭𑁄𑀓𑁆𑀔𑁂𑀕𑀼𑀡𑀳𑀦𑁆𑀢𑀸𑀭𑀁 ¶ , 𑀧𑀘𑁆𑀘𑀓𑁆𑀔𑁂𑀧𑀺𑀬𑀪𑀸𑀡𑀺𑀦𑀁;
𑀢𑀸𑀤𑀺𑀲𑀁𑀦𑁄𑀧𑀲𑁂𑀯𑁂𑀬𑁆𑀬, 𑀯𑀺𑀲𑀓𑀼𑀫𑁆𑀪𑀁𑀧𑀮𑁄𑀪𑀺𑀢𑀁.
𑀧𑀺𑀝𑁆𑀞𑀺𑀢𑁄𑀓𑁆𑀓𑀁𑀦𑀺𑀲𑁂𑀯𑁂𑀬𑁆𑀬, 𑀦𑀺𑀲𑁂𑀯𑁂𑀅𑀕𑁆𑀕𑀺𑀓𑀼𑀘𑁆𑀙𑀺𑀦𑀸;
𑀲𑀸𑀫𑀻𑀦𑀁𑀲𑀩𑁆𑀩𑀓𑀸𑀬𑁂𑀦, 𑀧𑀭𑀮𑁄𑀓𑀁𑀅𑀫𑀼𑀴𑁆𑀳𑀓𑁄.
𑀦𑀲𑁂𑀯𑁂𑀓𑀢𑀧𑀸𑀧𑀫𑁆𑀳𑀺, 𑀦 𑀲𑁂𑀯𑀸𑀮𑀺𑀓𑀯𑀸𑀤𑀦𑁂;
𑀦𑀲𑁂𑀯𑁂𑀅𑀢𑁆𑀢𑀤𑀢𑁆𑀣𑀫𑁆𑀳𑀺, 𑀦𑀲𑁂𑀯𑁂𑀅𑀢𑀺𑀲𑀦𑁆𑀢𑀓𑁂.
𑀫𑀳𑀦𑁆𑀢𑀁𑀦𑀺𑀲𑁆𑀲𑀬𑀁𑀓𑀢𑁆𑀯𑀸 ¶ , 𑀔𑀼𑀤𑁆𑀤𑀓𑁄𑀧𑀺𑀫𑀳𑀸𑀪𑀯𑁂;
𑀳𑁂𑀫𑀧𑀩𑁆𑀩𑀢𑀁𑀦𑀺𑀲𑁆𑀲𑀸𑀬, 𑀳𑁂𑀫𑀧𑀓𑁆𑀔𑀻𑀪𑀯𑀦𑁆𑀢𑀺𑀢𑁂.
𑀅𑀲𑀳𑀸𑀬𑁄𑀲𑀫𑀢𑁆𑀢𑁄𑀧𑀺, 𑀢𑁂𑀚𑀲𑀻𑀓𑀺𑀁𑀓𑀭𑀺𑀲𑁆𑀲𑀢𑀺;
𑀦𑀺𑀯𑀸𑀢𑀲𑀡𑁆𑀞𑀺𑀢𑁄𑀅𑀕𑁆𑀕𑀺, 𑀲𑀬𑀫𑁂𑀯𑀽𑀧𑀲𑀫𑁆𑀫𑀢𑀺.
𑀭𑀼𑀓𑁆𑀔𑀸𑀲𑀼𑀪𑀽𑀫𑀺𑀦𑀺𑀲𑁆𑀲𑀸𑀬, 𑀧𑀼𑀧𑁆𑀨𑀨𑀮𑀁𑀧𑀯𑀟𑁆𑀠𑀢𑀺;
𑀲𑀧𑁆𑀧𑀽𑀭𑀺𑀲𑀽𑀧𑀦𑀺𑀲𑁆𑀲𑀸𑀬, 𑀫𑀳𑀸𑀧𑀼𑀜𑁆𑀜𑀁𑀧𑀯𑀟𑁆𑀠𑀢𑀺.
𑀅𑀦𑀮𑀲𑁄𑀅𑀘𑀡𑁆𑀟𑀺𑀓𑁆𑀓𑁄 ¶ , 𑀅𑀲𑀝𑁆𑀞𑁄𑀲𑀼𑀘𑀺𑀲𑀘𑁆𑀘𑀯𑀸;
𑀅𑀮𑀼𑀤𑁆𑀥𑁄𑀅𑀢𑁆𑀣𑀓𑀸𑀫𑁄𑀘, 𑀢𑀫𑀼𑀢𑁆𑀢𑀁𑀉𑀢𑁆𑀢𑀫𑁄𑀦𑀭𑁄.
𑀅𑀳𑀺𑀢𑁂𑀧𑀝𑀺𑀲𑁂𑀥𑁄𑀘, 𑀳𑀺𑀢𑁂𑀲𑀼𑀘𑀦𑀺𑀬𑁄𑀚𑀓𑁄;
𑀩𑁆𑀬𑀲𑀦𑁂𑀘𑀸𑀧𑀭𑀺𑀘𑁆𑀘𑀸𑀕𑁄, 𑀲𑀗𑁆𑀔𑁂𑀧𑀁𑀫𑀺𑀢𑁆𑀢𑀮𑀓𑁆𑀔𑀡𑀁.
𑀆𑀢𑀼𑀭𑁂𑀩𑁆𑀬𑀲𑀦𑁂𑀲𑀘𑁂 ¶ , 𑀤𑀼𑀩𑁆𑀪𑀺𑀓𑁆𑀔𑁂𑀧𑀭𑀯𑀺𑀕𑁆𑀕𑀳𑁂;
𑀭𑀸𑀚𑀤𑁆𑀯𑀸𑀭𑁂𑀲𑀼𑀲𑀸𑀦𑁂𑀘, 𑀲𑀗𑁆𑀔𑁂𑀧𑀁𑀫𑀺𑀢𑁆𑀢𑀮𑀓𑁆𑀔𑀺𑀡𑀁.
𑀳𑀺𑀢𑁂𑀲𑀦𑁄𑀲𑀼𑀫𑀺𑀢𑁆𑀢𑁄𑀘, 𑀯𑀺𑀜𑁆𑀜𑀽𑀘𑀤𑀼𑀮𑁆𑀮𑀪𑁄𑀚𑀦𑁄;
𑀬𑀣𑁄𑀲𑀥𑀜𑁆𑀘𑀲𑀸𑀤𑀼𑀜𑁆𑀘, 𑀭𑁄𑀕𑀳𑀸𑀭𑀻𑀘𑀲𑀚𑁆𑀚𑀦𑁄.
𑀬𑁄𑀥𑀼𑀯𑀸𑀦𑀺𑀧𑀭𑀺𑀘𑀚𑁆𑀚, 𑀅𑀥𑀼𑀯𑀸𑀦𑁄𑀧𑀲𑁂𑀯𑀢𑀺;
𑀥𑀼𑀯𑀸𑀦𑀺𑀢𑀲𑁆𑀲𑀦𑀲𑁆𑀲𑀦𑁆𑀢𑀺, 𑀅𑀥𑀼𑀯𑁂𑀲𑀼𑀓𑀣𑀸𑀯𑀓𑀸.
𑀮𑀼𑀤𑁆𑀥𑀫𑀢𑁆𑀣𑁂𑀦𑀕𑀡𑁆𑀳𑁂𑀬𑁆𑀬 ¶ , 𑀣𑀤𑁆𑀥𑀫𑀜𑁆𑀚𑀣𑀺𑀓𑀫𑁆𑀫𑀼𑀦𑀸;
𑀙𑀦𑁆𑀤𑀸𑀦𑀼𑀯𑀢𑁆𑀢𑀺𑀬𑀸𑀫𑀼𑀴𑁆𑀳𑀁, 𑀬𑀣𑀸𑀪𑀽𑀢𑁂𑀦𑀧𑀡𑁆𑀟𑀺𑀢𑀁.
𑀲𑀘𑁆𑀘𑀸𑀪𑀺𑀓𑁆𑀔𑀡𑀲𑀁𑀲𑀕𑁆𑀕𑀸, 𑀅𑀲𑀫𑁄𑀲𑀭𑀡𑁂𑀦𑀘;
𑀏𑀢𑁂𑀦𑀫𑀺𑀢𑁆𑀢𑀸𑀚𑀺𑀭𑀦𑁆𑀢𑀺, 𑀅𑀓𑀸𑀮𑁂𑀬𑀸𑀘𑀦𑁂𑀦𑀘.
𑀢𑀲𑁆𑀫𑀸𑀦𑀸𑀪𑀺𑀓𑁆𑀔𑀡𑀁𑀕𑀘𑁆𑀙𑁂, 𑀦𑀘𑀕𑀘𑁆𑀙𑁂𑀘𑀺𑀭𑀸𑀘𑀺𑀭𑀁;
𑀓𑀸𑀮𑁂𑀦𑀬𑀸𑀘𑀁𑀬𑀸𑀘𑁂𑀬𑁆𑀬, 𑀏𑀯𑀁𑀫𑀺𑀢𑁆𑀢𑀸𑀦𑀚𑀻𑀬𑀭𑁂.
𑀬𑁂𑀦𑀫𑀺𑀢𑁆𑀢𑁂𑀦𑀲𑀁𑀲𑀕𑁆𑀕𑀸 ¶ , 𑀬𑁄𑀕𑀓𑁆𑀔𑁂𑀫𑁄𑀯𑀺𑀳𑀻𑀬𑀢𑀺;
𑀧𑀼𑀩𑁆𑀩𑁂𑀯𑀚𑁆𑀛𑀪𑀯𑀁𑀢𑀲𑁆𑀲, 𑀭𑀓𑁆𑀔𑁂𑀬𑁆𑀬𑀕𑁆𑀕𑀺𑀁𑀯𑀧𑀡𑁆𑀟𑀺𑀢𑁄.
𑀬𑁂𑀦𑀫𑀺𑀢𑁆𑀢𑁂𑀦𑀲𑀁𑀲𑀕𑁆𑀕𑀸, 𑀬𑁄𑀕𑀓𑁆𑀔𑁂𑀫𑁄𑀧𑀯𑀟𑁆𑀠𑀢𑀺;
𑀓𑀭𑁂𑀬𑁆𑀬𑀢𑁆𑀢𑀲𑀫𑀁𑀯𑀼𑀢𑁆𑀢𑀺𑀁, 𑀲𑀩𑁆𑀩𑀓𑀺𑀘𑁆𑀘𑁂𑀲𑀼𑀧𑀡𑁆𑀟𑀺𑀢𑁄.
𑀧𑀩𑁆𑀩𑁂𑀧𑀩𑁆𑀩𑁂𑀓𑀫𑁂𑀦𑀼𑀘𑁆𑀙𑀼, 𑀯𑀺𑀲𑁂𑀲𑀭𑀲𑀯𑀸𑀕𑁆𑀕𑀢𑁄;
𑀢𑀣𑀸𑀲𑀼𑀫𑁂𑀢𑁆𑀢𑀺𑀓𑁄𑀲𑀸𑀥𑀼, 𑀯𑀺𑀧𑀭𑀺𑀢𑁆𑀢𑁄𑀯𑀤𑀼𑀚𑁆𑀚𑀦𑁄.
𑀢𑁂𑀦𑁂𑀯𑀫𑀼𑀦𑀺𑀦𑀸𑀯𑀼𑀢𑁆𑀢𑀁 ¶ , 𑀥𑀫𑁆𑀫𑀸𑀬𑁂𑀓𑁂𑀘𑀺𑀮𑁄𑀓𑀺𑀬𑀸;
𑀢𑀢𑀸𑀮𑁄𑀓𑀼𑀢𑁆𑀢𑀭𑀸𑀘𑁂𑀯, 𑀥𑀫𑁆𑀫𑀸𑀦𑀺𑀩𑁆𑀩𑀸𑀦𑀕𑀸𑀫𑀺𑀦𑁄.
𑀓𑀮𑁆𑀬𑀸𑀡𑀫𑀺𑀢𑁆𑀢𑀫𑀸𑀕𑀫𑁆𑀫, 𑀲𑀩𑁆𑀩𑁂𑀢𑁂𑀳𑁄𑀦𑁆𑀢𑀺𑀧𑀸𑀡𑀺𑀦𑀁;
𑀢𑀲𑁆𑀫𑀸𑀓𑀮𑁆𑀬𑀸𑀡𑀫𑀺𑀢𑁆𑀢𑁂𑀲𑀼, 𑀓𑀸𑀢𑀩𑁆𑀩𑀁𑀳𑀺𑀲𑀤𑀸𑀤𑀭𑀁.
𑀬𑁄𑀳𑀯𑁂𑀓𑀢𑀜𑁆𑀜𑀽𑀓𑀢𑀯𑁂𑀤𑀺𑀥𑀻𑀭𑁄,
𑀓𑀮𑁆𑀬𑀸𑀡𑀫𑀺𑀢𑁆𑀢𑁂𑀤𑀴𑁆𑀳𑀪𑀢𑁆𑀢𑀺𑀘𑀳𑁄𑀢𑀺;
𑀤𑀼𑀓𑁆𑀔𑀺𑀢𑀲𑁆𑀲𑀲𑀓𑁆𑀓𑀘𑁆𑀘𑀁𑀓𑀭𑁄𑀢𑀺𑀓𑀺𑀘𑁆𑀘𑀁,
𑀢𑀩𑁆𑀪𑀸𑀯𑀁𑀲𑀧𑁆𑀧𑀼𑀭𑀺𑀲𑀁𑀯𑀤𑀦𑁆𑀢𑀺𑀮𑁄𑀓𑁂.
𑀳𑀺𑀢𑀓𑀸𑀭𑁄𑀧𑀭𑁄𑀩𑀦𑁆𑀥𑀼 ¶ , 𑀩𑀦𑁆𑀥𑀽𑀧𑀺𑀅𑀳𑀺𑀢𑁄𑀧𑀭𑁄;
𑀅𑀳𑀺𑀢𑁄𑀤𑁂𑀳𑀚𑁄𑀩𑁆𑀬𑀸𑀥𑀺, 𑀳𑀺𑀢𑀫𑀸𑀭𑀜𑁆𑀜𑀫𑁄𑀲𑀥𑀁.
𑀧𑀤𑀼𑀫𑀁𑀯𑀫𑀼𑀔𑀬𑀲𑁆𑀲, 𑀯𑀸𑀘𑀸𑀘𑀦𑁆𑀤𑀦𑀲𑀻𑀢𑀮𑀁;
𑀫𑀥𑀼𑀢𑀺𑀝𑁆𑀞𑀢𑀺𑀚𑀺𑀯𑁆𑀳𑀕𑁆𑀕𑁂, 𑀳𑀤𑀬𑁂𑀲𑀼𑀳𑀮𑀸𑀳𑀮𑀁;
𑀢𑀸𑀤𑀺𑀲𑀁𑀦𑁄𑀧𑀲𑁂𑀯𑁂𑀬𑁆𑀬, 𑀢𑀁𑀫𑀺𑀢𑁆𑀢𑀁𑀧𑀭𑀺𑀯𑀚𑁆𑀚𑀬𑁂.
𑀓𑀢𑁆𑀯𑀸𑀦𑀓𑀼𑀲𑀮𑀁𑀓𑀫𑁆𑀫𑀁 ¶ , 𑀓𑀢𑁆𑀯𑀸𑀦, 𑀓𑀼𑀲𑀮𑀁𑀧𑀼𑀭𑁂;
𑀲𑀼𑀔𑀺𑀢𑀁𑀤𑀼𑀓𑁆𑀔𑀺𑀢𑀁𑀳𑁄𑀦𑁆𑀢𑀁, 𑀲𑁄𑀩𑀸𑀮𑁄𑀬𑁄𑀦𑀧𑀲𑁆𑀲𑀢𑀺.
𑀓𑀸𑀮𑀓𑁆𑀔𑁂𑀧𑁂𑀦𑀳𑀸𑀧𑁂𑀢𑀺, 𑀤𑀸𑀦𑀲𑀻𑀮𑀸𑀤𑀺𑀓𑀁𑀚𑀴𑁄;
𑀅𑀣𑀺𑀭𑀁𑀧𑀺𑀣𑀺𑀭𑀁𑀫𑀜𑁆𑀜𑁂, 𑀅𑀢𑁆𑀢𑀸𑀦𑀁𑀲𑀲𑁆𑀲𑀢𑀻𑀲𑀫𑀁.
𑀩𑀸𑀮𑁄𑀥𑀧𑀸𑀧𑀓𑀁𑀓𑀢𑁆𑀯𑀸, 𑀦𑀢𑀁𑀙𑀝𑁆𑀝𑀺𑀢𑀼𑀫𑀼𑀲𑁆𑀲𑀳𑁂;
𑀓𑀺𑀁𑀩𑁆𑀬𑀕𑁆𑀖𑀆𑀤𑀺𑀕𑀘𑁆𑀙𑀦𑁆𑀢𑁄, 𑀧𑀤𑀁𑀫𑀓𑁆𑀔𑁂𑀢𑀼𑀫𑀼𑀲𑁆𑀲𑀳𑁂.
𑀦𑀺𑀤𑁆𑀥𑀦𑁄𑀧𑀺𑀘𑀓𑀸𑀫𑁂𑀢𑀺 ¶ , 𑀤𑀼𑀩𑁆𑀩𑀮𑁄𑀯𑁂𑀭𑀺𑀓𑀁𑀓𑀭𑁄;
𑀫𑀦𑁆𑀤𑀲𑀢𑁆𑀣𑁄𑀯𑀺𑀯𑀸𑀤𑀢𑁆𑀣𑀻, 𑀢𑀺𑀯𑀺𑀥𑀁𑀫𑀼𑀴𑁆𑀳𑀮𑀓𑁆𑀔𑀡𑀁.
𑀅𑀦𑀯𑁆𑀳𑀸𑀬𑀁𑀕𑀫𑀬𑀦𑁆𑀢𑁄, 𑀅𑀧𑀼𑀘𑁆𑀙𑀸𑀩𑀳𑀼𑀪𑀸𑀲𑀓𑁄;
𑀅𑀢𑁆𑀢𑀕𑁆𑀕𑀼𑀡𑀁𑀧𑀲𑀁𑀲𑀦𑁆𑀢𑀺, 𑀢𑀺𑀯𑀺𑀥𑀁𑀳𑀻𑀦𑀮𑀓𑁆𑀔𑀡𑀁.
𑀬𑀣𑀸𑀘𑀼𑀝𑁆𑀝𑀫𑁆𑀧𑀭𑀸𑀧𑀓𑁆𑀓𑀸, 𑀩𑀳𑀺𑀭𑀢𑁆𑀢𑀓𑀫𑁂𑀯𑀘;
𑀅𑀦𑁆𑀢𑁄𑀓𑀺𑀫𑀺𑀮𑀧𑀽𑀭𑀡𑁄, 𑀏𑀯𑀁𑀤𑀼𑀚𑁆𑀚𑀦𑀥𑀫𑁆𑀫𑀢𑀸.
𑀬𑀤𑀽𑀦𑀓𑀁𑀲𑀡𑀢𑀺𑀢𑀁, 𑀬𑀁𑀧𑀽𑀭𑀁𑀲𑀦𑁆𑀢𑀫𑁂𑀯𑀢𑀁;
𑀅𑀟𑁆𑀠𑀓𑀼𑀫𑁆𑀪𑀼𑀧𑀫𑁄𑀩𑀸𑀮𑁄, 𑀬𑀁𑀧𑀽𑀭𑀓𑀼𑀫𑁆𑀪𑁄𑀯𑀧𑀡𑁆𑀟𑀺𑀢𑁄.
𑀩𑀼𑀥𑁂𑀳𑀺𑀲𑀸𑀲𑀫𑀸𑀦𑁄𑀧𑀺 ¶ , 𑀔𑀮𑁄𑀩𑀳𑀼𑀢𑀓𑁂𑀢𑀯𑁄;
𑀖𑀁𑀲𑀺𑀬𑀫𑀸𑀦𑁄𑀧𑀗𑁆𑀕𑀸𑀭𑁄, 𑀦𑀺𑀮𑀫𑀢𑁆𑀢𑀁𑀦𑀺𑀕𑀘𑁆𑀙𑀢𑀺.
𑀫𑀼𑀴𑁆𑀳𑀲𑀺𑀲𑁆𑀲𑁄𑀧𑀤𑁂𑀲𑁂𑀦, 𑀓𑀼𑀦𑀸𑀭𑀻𑀪𑀭𑀡𑁂𑀦𑀘;
𑀔𑀮𑀲𑀢𑁆𑀢𑀽𑀳𑀺𑀲𑀁𑀬𑁄𑀕𑀸, 𑀧𑀡𑁆𑀟𑀺𑀢𑁄𑀧𑁆𑀬𑀯𑀲𑀻𑀤𑀢𑀺.
𑀘𑀸𑀭𑀼𑀢𑀸𑀧𑀭𑀤𑀸𑀭𑀸𑀬, 𑀥𑀦𑀁𑀮𑁄𑀓𑀢𑀧𑀢𑁆𑀢𑀺𑀬𑀸;
𑀧𑀲𑀼𑀢𑀁𑀲𑀸𑀥𑀼𑀦𑀸𑀲𑀸𑀬, 𑀔𑀮𑁂𑀔𑀮𑀢𑀭𑀸𑀕𑀼𑀡𑀸.
𑀇𑀢𑁄𑀳𑀸𑀲𑀢𑀭𑀁𑀮𑁄𑀓𑁂 ¶ , 𑀓𑀺𑀜𑁆𑀘𑀺𑀢𑀲𑁆𑀲𑀦𑀯𑀺𑀚𑁆𑀚𑀢𑀺;
𑀤𑀼𑀚𑁆𑀚𑀦𑁄𑀢𑀺𑀘𑀬𑀁𑀆𑀳, 𑀲𑀼𑀚𑀦𑀁𑀤𑀼𑀚𑁆𑀚𑀦𑁄𑀲𑀬𑀁.
𑀦𑀯𑀺𑀦𑀸𑀧𑀭𑀯𑀸𑀤𑁂𑀦, 𑀭𑀫𑀦𑁆𑀢𑀺𑀤𑀼𑀚𑁆𑀚𑀦𑀸𑀔𑀮𑀼;
𑀦𑀲𑀸𑀲𑀩𑁆𑀩𑀭𑀲𑁂𑀪𑀼𑀢𑁆𑀯𑀸, 𑀯𑀺𑀦𑀸𑀲𑀼𑀤𑁆𑀥𑁂𑀦𑀢𑀼𑀲𑁆𑀲𑀢𑀺.
𑀢𑀧𑁆𑀧𑀢𑁂𑀬𑀸𑀢𑀺𑀲𑀫𑁆𑀩𑀦𑁆𑀥𑀁, 𑀤𑁆𑀭𑀯𑀁𑀪𑀯𑀢𑁆𑀬𑀯𑀦𑀢𑀁;
𑀫𑀼𑀤𑀼𑀤𑀼𑀚𑁆𑀚𑀦𑀘𑀺𑀢𑁆𑀢𑀁𑀦 𑀓𑀺𑀁𑀮𑁄𑀳𑁂𑀦𑀧𑀫𑀻𑀬𑀢𑁂.
𑀢𑀲𑁆𑀫𑀸𑀤𑀼𑀚𑁆𑀚𑀦𑀲𑀁𑀲𑀕𑁆𑀕𑀁 ¶ , 𑀆𑀲𑀺𑀯𑀻𑀲𑀫𑀺𑀯𑁄𑀭𑀕𑀁;
𑀆𑀭𑀓𑀸𑀧𑀭𑀺𑀯𑀚𑁆𑀚𑁂𑀬𑁆𑀬, 𑀪𑀽𑀢𑀓𑀸𑀫𑁄𑀯𑀺𑀘𑀓𑁆𑀔𑀡𑁄.
𑀤𑀼𑀚𑁆𑀚𑀦𑁂𑀦𑀳𑀺𑀲𑀁𑀲𑀕𑁆𑀕𑀁, 𑀲𑀢𑁆𑀢𑀼𑀢𑀸𑀧𑀺𑀦𑀬𑀼𑀚𑁆𑀚𑀢𑀺;
𑀢𑀢𑁆𑀢𑁄𑀯𑀟𑀬𑁆𑀳𑀢𑁆𑀬𑀗𑁆𑀕𑀸𑀭𑁄, 𑀲𑀦𑁆𑀢𑁄𑀓𑀸𑀴𑀸𑀬𑀢𑀁𑀓𑀭𑁄;
𑀤𑀼𑀚𑁆𑀚𑀦𑁄𑀯𑀚𑁆𑀚𑀦𑀻𑀬𑁄𑀯, 𑀯𑀺𑀚𑁆𑀚𑀸𑀬𑀸𑀮𑀗𑁆𑀓𑀢𑁄𑀧𑀺𑀘𑁂;
𑀫𑀡𑀺𑀦𑀸𑀮𑀗𑁆𑀓𑀢𑁄𑀲𑀦𑁆𑀢𑁄, 𑀲𑀩𑁆𑀩𑁄𑀓𑀺𑀁𑀦𑀼𑀪𑀬𑀁𑀓𑀭𑁄.
𑀅𑀕𑁆𑀕𑀺𑀦𑁄𑀤𑀳𑀢𑁄𑀤𑀸𑀬𑀁, 𑀲𑀔𑀸𑀪𑀯𑀢𑀺𑀫𑀸𑀮𑀼𑀢𑁄;
𑀲𑁄𑀏𑀯𑀤𑀻𑀧𑀁𑀦𑀸𑀲𑁂𑀢𑀺, 𑀔𑀮𑁂𑀦𑀢𑁆𑀣𑁂𑀯𑀫𑀺𑀢𑁆𑀢𑀢𑀸.
𑀲𑀩𑁆𑀩𑁄𑀤𑀼𑀝𑁆𑀞𑁄𑀔𑀮𑁄𑀤𑀼𑀝𑁆𑀞𑁄 ¶ , 𑀲𑀩𑁆𑀩𑀸𑀤𑀼𑀝𑁆𑀞𑀢𑀭𑁄𑀔𑀮𑁄;
𑀫𑀦𑁆𑀢𑁄𑀲𑀥𑁂𑀳𑀺𑀲𑁄𑀲𑀩𑁆𑀩𑁄, 𑀔𑀮𑁄𑀓𑁂𑀦𑀼𑀧𑀲𑀫𑁆𑀫𑀢𑀺.
𑀳𑀤𑀬𑀝𑁆𑀞𑁂𑀦𑀲𑀼𑀢𑁂𑀦, 𑀔𑀮𑁄𑀦𑁂𑀯𑀲𑀼𑀲𑀻𑀮𑀯𑀸;
𑀫𑀥𑀼𑀦𑀸𑀓𑁄𑀝𑀭𑀝𑁆𑀞𑁂𑀦, 𑀦𑀺𑀫𑁆𑀩𑁄𑀓𑀺𑀁𑀫𑀥𑀼𑀭𑁄𑀪𑀯𑁂.
𑀅𑀲𑀢𑀁𑀲𑀫𑁆𑀧𑀬𑁄𑀕𑁂𑀦, 𑀲𑀦𑁆𑀢𑁄𑀧𑀺𑀅𑀲𑀦𑁆𑀢𑁄𑀪𑀯𑁂;
𑀫𑀕𑁆𑀕𑁄𑀓𑀘𑀯𑀭𑀬𑀼𑀢𑁆𑀢𑁄, 𑀉𑀚𑀼𑀫𑁆𑀧𑀺𑀅𑀲𑀸𑀥𑀼𑀪𑀯𑁂.
𑀧𑀼𑀢𑀺𑀫𑀘𑁆𑀙𑀁𑀓𑀼𑀲𑀕𑁆𑀕𑁂𑀦 ¶ , 𑀬𑁄𑀦𑀭𑁄𑀉𑀧𑀦𑀬𑁆𑀳𑀢𑀺;
𑀓𑀼𑀲𑀸𑀧𑀺𑀧𑀼𑀢𑀺𑀁𑀯𑀸𑀬𑀦𑁆𑀢𑀺, 𑀏𑀯𑀁𑀩𑀸𑀮𑀼𑀧𑀲𑁂𑀯𑀦𑀸.
𑀩𑀸𑀮𑀁𑀦𑀧𑀲𑁆𑀲𑁂𑀦𑀲𑀼𑀡𑁂, 𑀦𑀘𑀩𑀸𑀲𑁂𑀦𑀲𑀁𑀯𑀲𑁂;
𑀩𑀸𑀮𑁂𑀦𑀸𑀮𑀸𑀧𑀲𑀮𑁆𑀮𑀸𑀧𑀁, 𑀦𑀓𑀭𑁂𑀦𑀘𑀭𑁄𑀘𑀬𑁂.
𑀅𑀦𑀬𑀁𑀦𑁂𑀢𑀺𑀤𑀼𑀫𑁆𑀫𑁂𑀥𑁄, 𑀅𑀥𑀼𑀭𑀸𑀬𑀦𑀺𑀬𑀼𑀜𑁆𑀚𑀢𑀺;
𑀤𑀼𑀦𑁆𑀦𑀬𑁄𑀲𑁂𑀬𑁆𑀬𑀲𑁄𑀳𑁄𑀢𑀺, 𑀲𑀫𑁆𑀫𑀸𑀯𑀼𑀢𑁆𑀢𑁄𑀧𑀺𑀓𑀼𑀧𑁆𑀧𑀢𑀺;
𑀯𑀺𑀦𑀬𑀁𑀲𑁄𑀦𑀚𑀸𑀦𑀸𑀢𑀺, 𑀲𑀸𑀥𑀼𑀲𑁂𑀦𑀅𑀤𑀲𑁆𑀲𑀦𑀁.
𑀬𑀸𑀯𑀚𑀻𑀯𑀁𑀧𑀺𑀘𑁂𑀩𑀸𑀮𑁄 ¶ , 𑀧𑀡𑁆𑀟𑀺𑀢𑀁𑀧𑀬𑀺𑀭𑀽𑀧𑀸𑀲𑀺;
𑀦𑀲𑁄𑀥𑀫𑁆𑀫𑀁𑀯𑀺𑀚𑀸𑀦𑀸𑀢𑀺, 𑀤𑀩𑁆𑀩𑀺𑀲𑀽𑀧𑀭𑀲𑀁𑀬𑀣𑀸.
𑀨𑀮𑀁𑀯𑁂𑀓𑀤𑀮𑀺𑀁𑀳𑀦𑁆𑀢𑀺, 𑀳𑀦𑁆𑀢𑀺𑀯𑁂𑀴𑀼𑀦𑀴𑀁𑀨𑀮𑀁;
𑀲𑀓𑁆𑀓𑀸𑀭𑁄𑀓𑀸𑀧𑀼𑀭𑀺𑀲𑀁𑀳𑀦𑁆𑀢𑀺, 𑀕𑀩𑁆𑀪𑁄𑀅𑀲𑁆𑀲𑀢𑀭𑀺𑀁𑀬𑀣𑀸.
𑀲𑀼𑀦𑀔𑁄𑀲𑀼𑀦𑀔𑀁𑀤𑀺𑀲𑁆𑀯𑀸, 𑀤𑀦𑁆𑀢𑀁𑀤𑀲𑁆𑀲𑁂𑀢𑀺𑀳𑀺𑀁𑀲𑀺𑀢𑀼𑀁;
𑀤𑀼𑀚𑁆𑀚𑀦𑁄𑀤𑀼𑀚𑁆𑀚𑀦𑀁𑀤𑀺𑀲𑁆𑀯𑀸, 𑀭𑁄𑀲𑀬𑀁𑀳𑀺𑀁𑀲𑀫𑀺𑀘𑁆𑀙𑀢𑀺.
𑀫𑀡𑁆𑀟𑀽𑀓𑁄𑀧𑀺𑀦𑀼𑀓𑁆𑀓𑁄𑀲𑀻𑀳𑁄 ¶ , 𑀲𑀼𑀓𑀭𑁄𑀧𑀺𑀦𑀼𑀓𑁆𑀓𑁄𑀤𑀻𑀧𑀺;
𑀩𑀺𑀮𑀸𑀭𑁄𑀲𑀤𑀺𑀲𑁄𑀩𑁆𑀬𑀕𑁆𑀖𑁄, 𑀤𑀼𑀧𑁆𑀧𑀜𑁆𑀜𑁄𑀧𑀺𑀦𑀧𑀜𑁆𑀜𑀯𑀸.
𑀫𑀡𑁆𑀟𑀽𑀓𑁄𑀧𑀺𑀲𑀻𑀳𑁄𑀯𑀺𑀬,
𑀓𑀸𑀓𑁄𑀕𑀡𑁆𑀳𑁂𑀧𑀺𑀜𑁆𑀜𑁂𑀧𑀺𑀜𑁆𑀜𑁂;
𑀩𑀸𑀮𑁄𑀘𑀧𑀡𑁆𑀟𑀺𑀢𑁄𑀯𑀺𑀬,
𑀥𑀻𑀭𑁄𑀧𑀼𑀘𑁆𑀙𑁂𑀯𑀬𑁂𑀯𑀬𑁂.
𑀓𑀸𑀓𑁄𑀤𑀼𑀝𑁆𑀞𑁄𑀲𑀓𑀼𑀡𑁂𑀲𑀼, 𑀖𑀭𑁂𑀤𑀼𑀝𑁆𑀞𑁄𑀘𑀫𑀽𑀲𑀺𑀓𑁄;
𑀯𑀸𑀦𑀭𑁄𑀘𑀯𑀦𑁂𑀤𑀼𑀝𑁆𑀞𑁄, 𑀫𑀦𑀼𑀲𑁆𑀲𑁂𑀲𑀼𑀘𑀩𑁆𑀭𑀳𑁆𑀫𑀡𑁄.
𑀢𑀺𑀡𑀸𑀦𑀺𑀪𑀽𑀫𑀺𑀘𑁄𑀤𑀓𑀁 ¶ , 𑀘𑀢𑀼𑀢𑁆𑀣𑀁𑀯𑀸𑀓𑁆𑀬𑀲𑀼𑀝𑁆𑀞𑀼𑀢𑀁;
𑀏𑀢𑀸𑀦𑀺𑀳𑀺𑀲𑀢𑀁𑀕𑁂𑀳𑁂, 𑀦𑁄𑀙𑀺𑀚𑁆𑀚𑀦𑁆𑀢𑁂𑀓𑀤𑀸𑀘𑀺𑀧𑀺.
𑀅𑀫𑁆𑀩𑀼𑀁𑀧𑀺𑀯𑀦𑁆𑀢𑀺𑀦𑁄𑀦𑀚𑁆𑀚𑁄, 𑀭𑀼𑀓𑁆𑀔𑀸𑀔𑀸𑀤𑀦𑁆𑀢𑀺𑀦𑁄𑀨𑀮𑀁;
𑀫𑁂𑀖𑁄𑀓𑀤𑀸𑀘𑀺𑀦𑁄𑀲𑀲𑁆𑀲𑀁, 𑀧𑀭𑀢𑁆𑀣𑀸𑀬𑀲𑀢𑀁𑀥𑀦𑀁.
𑀕𑀼𑀡𑀸𑀓𑀼𑀩𑁆𑀩𑀦𑁆𑀢𑀺𑀤𑀽𑀢𑀢𑁆𑀢𑀁 ¶ , 𑀤𑀽𑀭𑁂𑀧𑀺𑀯𑀲𑀢𑀁𑀲𑀢𑀁;
𑀓𑁂𑀝𑀓𑁂𑀕𑀦𑁆𑀥𑀫𑀸𑀖𑀸𑀬, 𑀕𑀘𑁆𑀙𑀦𑁆𑀢𑀺𑀪𑀫𑀭𑀸𑀲𑀬𑀁.
𑀆𑀓𑀺𑀡𑁆𑀡𑁄𑀧𑀺𑀅𑀲𑀩𑁆𑀪𑀻𑀥, 𑀅𑀲𑀁𑀲𑀝𑁆𑀞𑁄𑀯𑀪𑀤𑁆𑀤𑀓𑁄;
𑀩𑀳𑀼𑀦𑀸𑀲𑀦𑁆𑀦𑀚𑀸𑀢𑁂𑀦, 𑀕𑀘𑁆𑀙𑁂 𑀦𑀉𑀫𑁆𑀫𑀢𑁆𑀢𑀓𑁂𑀦.
𑀧𑀸𑀧𑀫𑀺𑀢𑁆𑀢𑁂𑀯𑀺𑀯𑀚𑁆𑀚𑁂𑀢𑁆𑀯𑀸, 𑀪𑀚𑁂𑀬𑁆𑀬𑀼𑀢𑁆𑀢𑀫𑀧𑀼𑀕𑁆𑀕𑀮𑀁;
𑀑𑀯𑀸𑀤𑁂𑀘𑀲𑁆𑀲𑀢𑀺𑀝𑁆𑀞𑁂𑀬𑁆𑀬, 𑀧𑀢𑁆𑀣𑀦𑁆𑀢𑁄𑀅𑀘𑀮𑀁𑀲𑀼𑀔𑀁.
𑀬𑀣𑀸𑀘𑀧𑀦𑀲𑀸𑀧𑀓𑁆𑀓𑀸, 𑀩𑀳𑀺𑀲𑀡𑁆𑀟𑀓𑀫𑁂𑀯𑀘;
𑀅𑀦𑁆𑀢𑁄𑀅𑀫𑀢𑀧𑀽𑀭𑀡𑁄, 𑀏𑀯𑀁 𑀲𑀼𑀚𑀦𑀥𑀫𑁆𑀫𑀢𑀸.
𑀢𑀕𑁆𑀕𑀭𑀜𑁆𑀚𑀧𑀮𑀸𑀲𑁂𑀦 ¶ , 𑀬𑁄𑀦𑀭𑁄𑀉𑀧𑀦𑀬𑁆𑀳𑀢𑀺;
𑀧𑀢𑁆𑀢𑀸𑀧𑀺𑀕𑀦𑁆𑀥𑀁𑀯𑀸𑀬𑀦𑁆𑀢𑀺, 𑀏𑀯𑀁𑀥𑀻𑀭𑀼𑀧𑀲𑁂𑀯𑀦𑀸.
𑀥𑀻𑀭𑀁𑀧𑀲𑁆𑀲𑁂𑀲𑀼𑀡𑁂𑀥𑀻𑀭𑀁, 𑀥𑀻𑀭𑁂𑀦𑀲𑀳𑀲𑀁𑀯𑀲𑁂;
𑀥𑀻𑀭𑁂𑀦𑀸𑀮𑀸𑀧𑀲𑀮𑁆𑀮𑀸𑀧𑀁, 𑀢𑀁𑀓𑀭𑁂𑀢𑀜𑁆𑀘𑀭𑁄𑀘𑀬𑁂.
𑀦𑀬𑀁𑀦𑀬𑀢𑀺 𑀫𑁂𑀥𑀸𑀯𑀻, 𑀅𑀥𑀼𑀭𑀸𑀬𑀦𑀬𑀼𑀚𑁆𑀚𑀢𑀺;
𑀲𑀼𑀦𑀬𑁄𑀲𑁂𑀬𑁆𑀬𑀲𑁄𑀳𑁄𑀢𑀺, 𑀲𑀫𑁆𑀫𑀸𑀯𑀼𑀢𑁆𑀢𑁄𑀦𑀓𑀼𑀧𑁆𑀧𑀢𑀺;
𑀯𑀺𑀦𑀬𑀁𑀲𑁄𑀧𑀚𑀸𑀦𑀸𑀢𑀺, 𑀲𑀸𑀥𑀼𑀢𑁂𑀦𑀲𑀫𑀸𑀕𑀫𑁄.
𑀅𑀧𑁆𑀧𑀓𑁂𑀦𑀧𑀺𑀘𑁂𑀯𑀺𑀜𑁆𑀜𑀽 ¶ , 𑀧𑀡𑁆𑀟𑀺𑀢𑀁𑀧𑀬𑀺𑀭𑀽𑀧𑀸𑀲𑀺;
𑀔𑀺𑀧𑁆𑀧𑀁𑀥𑀫𑁆𑀫𑀁𑀯𑀺𑀚𑀸𑀦𑀸𑀢𑀺, 𑀚𑀺𑀯𑁆𑀳𑀸𑀲𑀽𑀧𑀭𑀲𑀁𑀬𑀣𑀸.
𑀩𑀸𑀳𑀼𑀩𑀮𑀜𑁆𑀘𑀅𑀫𑀘𑁆𑀘𑀁, 𑀪𑁄𑀕𑀁𑀅𑀪𑀺𑀚𑀘𑁆𑀘𑀁𑀩𑀮𑀁;
𑀇𑀫𑁂𑀳𑀺𑀘𑀢𑀼𑀩𑀮𑁂𑀳𑀺, 𑀧𑀜𑁆𑀜𑀸𑀯𑁂𑀲𑁂𑀞𑀢𑀁𑀩𑀮𑀁.
𑀩𑀮𑀁𑀧𑀓𑁆𑀔𑀻𑀦𑀫𑀸𑀓𑀸𑀲𑁄 ¶ , 𑀫𑀘𑁆𑀙𑀸𑀦𑀁𑀉𑀤𑀓𑀁𑀩𑀮𑀁;
𑀤𑀼𑀩𑁆𑀩𑀮𑀲𑁆𑀲𑀩𑀮𑀁𑀭𑀸𑀚𑀸, 𑀓𑀼𑀫𑀸𑀭𑀸𑀦𑀁𑀭𑀼𑀤𑀁𑀩𑀮𑀁.
𑀩𑀮𑀁𑀘𑀦𑁆𑀤𑁄𑀩𑀮𑀁𑀲𑀽𑀭𑁄, 𑀩𑀮𑀁𑀲𑀫𑀡𑀩𑁆𑀭𑀳𑁆𑀫𑀡𑀸;
𑀩𑀮𑀁𑀯𑁂𑀮𑀁𑀲𑀫𑀼𑀤𑁆𑀤𑀲𑁆𑀲, 𑀩𑀮𑀁𑀢𑀺𑀩𑀮𑀫𑀺𑀢𑁆𑀣𑀺𑀬𑀸.
𑀲𑀧𑀸𑀤𑀸𑀦𑀁𑀩𑀮𑀁𑀲𑀻𑀳𑁄, 𑀢𑀢𑁄𑀧𑀼𑀴𑀼𑀯𑀓𑁄𑀩𑀮𑀁;
𑀢𑀢𑁄𑀓𑀺𑀧𑁆𑀧𑀺𑀮𑀺𑀓𑁄𑀦𑀭𑁄, 𑀭𑀸𑀚𑀸𑀲𑀩𑁆𑀩𑁂𑀲𑀫𑀦𑁆𑀢𑀢𑁄.
𑀕𑀢𑀺𑀫𑀺𑀕𑀸𑀦𑀁𑀧𑀯𑀦𑀁, 𑀆𑀓𑀸𑀲𑁄𑀧𑀓𑁆𑀔𑀺𑀦𑀁𑀕𑀢𑀺;
𑀯𑀺𑀭𑀸𑀕𑁄𑀕𑀢𑀺𑀥𑀫𑁆𑀫𑀸𑀦𑀁, 𑀦𑀺𑀩𑁆𑀩𑀸𑀦𑀸𑀭𑀳𑀢𑀁𑀕𑀢𑀺.
𑀘𑀭𑁂𑀬𑁆𑀬𑀓𑀼𑀮𑀚𑀁𑀧𑀜𑁆𑀜𑁄 ¶ , 𑀯𑀺𑀭𑀽𑀧𑀫𑀯𑀺𑀓𑀜𑁆𑀜𑀓𑀁;
𑀳𑀻𑀦𑀸𑀬𑀧𑀺𑀲𑀼𑀭𑀽𑀧𑀸𑀬, 𑀯𑀺𑀯𑀸𑀳𑀲𑀤𑀺𑀲𑀁𑀓𑀭𑁂.
𑀲𑀸𑀫𑀸𑀫𑀺𑀕𑀓𑁆𑀔𑀻𑀲𑀼𑀓𑁂𑀲𑀻, 𑀢𑀦𑀼𑀫𑀚𑁆𑀛𑀺𑀫𑀤𑀦𑁆𑀢𑀯𑀸;
𑀤𑀲𑁆𑀲𑀦𑀻𑀬𑀸𑀫𑀼𑀔𑀯𑀡𑁆𑀡𑀸, 𑀕𑀫𑁆𑀪𑀻𑀭𑀦𑀸𑀪𑀺𑀯𑀸𑀘𑀓𑀸;
𑀲𑀼𑀲𑀻𑀮𑀸𑀯𑀸𑀬𑀫𑀢𑀺𑀘, 𑀳𑀻𑀦𑀓𑀼𑀮𑀁𑀧𑀺𑀯𑀸𑀳𑀬𑁂.
𑀲𑀼𑀢𑁆𑀢𑁄𑀫𑀸𑀢𑀸𑀯𑀪𑁄𑀚𑁂𑀲𑀺 ¶ , 𑀪𑀭𑀡𑁂𑀲𑀼𑀘𑀥𑀸𑀢𑀺𑀬𑁄;
𑀓𑀫𑁆𑀫𑁂𑀲𑀼𑀲𑀓𑀧𑀦𑁆𑀢𑀺 𑀘, 𑀓𑀢𑀓𑀫𑁆𑀫𑁂𑀲𑀼𑀥𑀸𑀢𑀺𑀦𑀁.
𑀥𑀫𑁆𑀫𑁂𑀲𑀼𑀧𑀢𑀺𑀝𑁆𑀞𑀸𑀦𑀺𑀘𑁆𑀘𑀁, 𑀲𑀬𑀦𑁂𑀲𑀼𑀘𑀯𑀡𑁆𑀡𑀺𑀪𑀸;
𑀓𑀼𑀮𑁂𑀲𑀼𑀪𑀸𑀢𑀭𑀁𑀯𑀸𑀘𑀻, 𑀬𑀸𑀦𑀸𑀭𑀻𑀲𑁂𑀝𑁆𑀞𑀲𑀫𑁆𑀫𑀢𑀸.
𑀬𑁄𑀦𑀁𑀪𑀭𑀢𑀺𑀲𑀩𑁆𑀩𑀤𑀸 ¶ , 𑀦𑀺𑀘𑁆𑀘𑀁𑀆𑀢𑀸𑀧𑀺𑀉𑀲𑁆𑀲𑀼𑀓𑁄;
𑀲𑀩𑁆𑀩𑀓𑀸𑀫𑀳𑀭𑀁𑀧𑁄𑀲𑀁, 𑀪𑀢𑁆𑀢𑀸𑀭𑀁𑀦𑀸𑀢𑀺𑀫𑀜𑁆𑀜𑀢𑀺.
𑀦𑀘𑀸𑀧𑀺𑀲𑁆𑀯𑀢𑁆𑀣𑀺𑀪𑀢𑁆𑀢𑀸𑀭𑀁, 𑀇𑀘𑁆𑀙𑀸𑀘𑀸𑀭𑁂𑀦𑀭𑁄𑀲𑀬𑁂;
𑀪𑀢𑁆𑀢𑀼𑀘𑀕𑀭𑀼𑀦𑁄𑀲𑀩𑁆𑀩𑁂, 𑀧𑀢𑀺𑀧𑀽𑀚𑁂𑀢𑀺𑀧𑀡𑁆𑀟𑀺𑀢𑀸.
𑀉𑀝𑁆𑀞𑀸𑀳𑀺𑀓𑀸𑀅𑀦𑀮𑀲𑁆𑀲𑀸, 𑀲𑀗𑁆𑀕𑀸𑀳𑀺𑀓𑀸𑀧𑀭𑀺𑀚𑀦𑁂;
𑀪𑀢𑁆𑀢𑀼𑀫𑀦𑀸𑀧𑀁𑀘𑀭𑀢𑀺, 𑀲𑀫𑁆𑀪𑀢𑀫𑀦𑀼𑀭𑀓𑁆𑀔𑀢𑀺.
𑀏𑀯𑀁𑀯𑀢𑁆𑀢𑀢𑀺𑀬𑀸𑀦𑀸𑀭𑀻, 𑀪𑀢𑁆𑀢𑀼𑀙𑀦𑁆𑀤𑀯𑀲𑀸𑀦𑀼𑀕𑀸;
𑀫𑀦𑀸𑀧𑀸𑀦𑀸𑀫𑀢𑁂𑀤𑁂𑀯𑀸, 𑀬𑀢𑁆𑀣𑀲𑀸𑀉𑀧𑀧𑀚𑁆𑀚𑀢𑀺.
𑀇𑀢𑁆𑀣𑀺𑀬𑁂𑀓𑀘𑁆𑀘𑀺𑀬𑁄𑀯𑀸𑀧𑀺 ¶ , 𑀲𑁂𑀬𑁆𑀬𑀸𑀯𑀼𑀢𑁆𑀢𑀸𑀯𑀫𑀼𑀦𑀺𑀦𑀸;
𑀪𑀡𑁆𑀟𑀸𑀦𑀁𑀉𑀢𑁆𑀢𑀫𑀸𑀇𑀢𑁆𑀣𑀻, 𑀅𑀕𑁆𑀕𑀼𑀧𑀝𑁆𑀞𑀸𑀬𑀺𑀓𑀸𑀢𑀺𑀧𑀺.
𑀫𑀸𑀢𑀭𑀸𑀥𑀻𑀢𑀭𑀸𑀯𑀸𑀧𑀺, 𑀪𑀕𑀺𑀦𑀺𑀬𑀸𑀯𑀺𑀘𑀓𑁆𑀔𑀡𑁄;
𑀦𑀯𑀺𑀯𑀺𑀢𑁆𑀢𑀸𑀲𑀦𑁂𑀫𑀦𑁆𑀢𑁂, 𑀦𑀸𑀭𑀻𑀫𑀸𑀬𑀸𑀯𑀺𑀦𑀻𑀦𑀦𑀼.
𑀯𑀺𑀚𑁆𑀚𑀼𑀢𑀸𑀦𑀜𑁆𑀘𑀮𑁄𑀮𑀢𑁆𑀢𑀁, 𑀲𑀢𑁆𑀣𑀸𑀦𑀜𑁆𑀘𑀸𑀢𑀺𑀢𑀺𑀓𑁆𑀔𑀡𑀁;
𑀲𑀺𑀗𑁆𑀖𑀢𑀁𑀯𑀸𑀬𑀼𑀢𑁂𑀚𑀸𑀦𑀁, 𑀅𑀦𑀼𑀓𑀼𑀩𑁆𑀩𑀦𑁆𑀢𑀺𑀦𑀸𑀭𑀺𑀬𑁄.
𑀤𑀺𑀕𑀼𑀡𑁄𑀣𑀻𑀦𑀫𑀸𑀳𑀸𑀭𑁄 ¶ ,
𑀩𑀼𑀤𑁆𑀥𑀺𑀘𑀸𑀧𑀺𑀘𑀢𑀼𑀕𑁆𑀕𑀼𑀡𑁄;
𑀙𑀕𑀼𑀡𑁄𑀳𑁄𑀢𑀺𑀯𑀸𑀬𑀸𑀫𑁄,
𑀓𑀸𑀫𑁄𑀢𑁆𑀯𑀝𑁆𑀞𑀕𑀼𑀡𑁄𑀪𑀯𑁂.
𑀏𑀓𑀫𑁂𑀓𑀸𑀬𑀇𑀢𑁆𑀣𑀺𑀬𑀸, 𑀅𑀝𑁆𑀞𑀅𑀝𑁆𑀞𑀧𑀢𑀺𑀦𑁄𑀲𑀺𑀬𑀼𑀁;
𑀲𑀽𑀭𑁄𑀘𑀧𑀮𑀯𑀦𑁆𑀢𑁄𑀘, 𑀲𑀩𑁆𑀩𑀓𑀸𑀫𑀭𑀲𑀸𑀳𑀭𑀸;
𑀓𑀭𑁂𑀬𑁆𑀬𑀦𑀯𑀫𑁂𑀙𑀦𑁆𑀤𑀁, 𑀉𑀦𑁆𑀦𑀢𑁆𑀢𑀸𑀳𑀺𑀦𑀧𑀽𑀭𑀢𑀺.
𑀯𑀺𑀯𑀸𑀤𑀲𑀻𑀮𑀻𑀉𑀲𑁆𑀲𑀼𑀬𑀸 ¶ , 𑀧𑀲𑁆𑀲𑀦𑁆𑀢𑀢𑀡𑁆𑀳𑀺𑀓𑀸𑀕𑀢𑀸;
𑀅𑀫𑀺𑀢𑀸𑀪𑀼𑀜𑁆𑀚𑀦𑀸𑀦𑀺𑀤𑁆𑀤𑀸, 𑀲𑀢𑀁𑀧𑀼𑀢𑁆𑀢𑀁𑀧𑀺𑀢𑀁𑀚𑀳𑁂.
𑀮𑀧𑀦𑁆𑀢𑀻𑀲𑀤𑁆𑀥𑀺𑀫𑀜𑁆𑀜𑁂𑀦, 𑀧𑀲𑁆𑀲𑀦𑁆𑀢𑀜𑁆𑀜𑀁𑀲𑀯𑀺𑀩𑁆𑀪𑀫𑀸;
𑀘𑀺𑀢𑁆𑀢𑀓𑀁𑀘𑀺𑀦𑁆𑀢𑀬𑀦𑁆𑀢𑀜𑁆𑀜𑀁, 𑀦𑀸𑀭𑀻𑀦𑀁𑀦𑀸𑀫𑀓𑁄𑀧𑀺𑀬𑁄.
𑀕𑀡𑁆𑀳𑁂𑀬𑁆𑀬𑀯𑀸𑀢𑀁𑀚𑀸𑀮𑁂𑀦, 𑀲𑀸𑀕𑀭𑀫𑁂𑀓𑀧𑀸𑀡𑀺𑀦𑀸;
𑀑𑀲𑀺𑀜𑁆𑀘𑁂𑀬𑁆𑀬𑀘𑀢𑀸𑀴𑁂𑀦, 𑀲𑀓𑁂𑀦𑀚𑀦𑀬𑁂𑀭𑀯𑀁;
𑀧𑀫𑀸𑀤𑀸𑀲𑀼𑀯𑀺𑀲𑀚𑁆𑀚𑁂𑀬𑁆𑀬, 𑀇𑀢𑁆𑀣𑀺𑀬𑁂𑀲𑀸𑀯𑀥𑀫𑁆𑀫𑀢𑀸.
𑀚𑀺𑀯𑁆𑀳𑀸𑀲𑀳𑀲𑁆𑀲𑀺𑀓𑁄𑀬𑁄𑀳𑀺 ¶ , 𑀚𑀻𑀯𑁂𑀯𑀲𑁆𑀲𑀲𑀢𑀁𑀦𑀭𑁄;
𑀢𑁂𑀦𑀦𑀺𑀓𑀫𑁆𑀫𑀼𑀦𑀸𑀯𑀼𑀢𑁆𑀢𑁄, 𑀣𑀺𑀤𑁄𑀲𑁄𑀓𑀺𑀁𑀔𑀬𑀁𑀕𑀢𑁄.
𑀧𑀜𑁆𑀘𑀞𑀸𑀦𑀸𑀦𑀺𑀲𑀫𑁆𑀧𑀲𑁆𑀲𑀁 ¶ , 𑀧𑀼𑀢𑁆𑀢𑀫𑀺𑀘𑁆𑀙𑀦𑁆𑀢𑀺𑀧𑀡𑁆𑀟𑀺𑀢𑀸;
𑀪𑀢𑁄𑀯𑀸𑀦𑁄𑀪𑀭𑀺𑀲𑁆𑀲𑀢𑀺, 𑀓𑀺𑀘𑁆𑀘𑀁𑀯𑀸𑀦𑁄𑀓𑀭𑀺𑀲𑁆𑀲𑀢𑀺.
𑀓𑀼𑀮𑀯𑀁𑀲𑁄𑀘𑀺𑀭𑀁𑀢𑀺𑀝𑁆𑀞𑁂, 𑀤𑀸𑀬𑀚𑁆𑀚𑀁𑀧𑀢𑀺𑀧𑀚𑁆𑀚𑀢𑀺;
𑀅𑀣𑀯𑀸𑀧𑀦𑀧𑁂𑀢𑀸𑀦𑀁, 𑀤𑀓𑁆𑀔𑀺𑀡𑀸𑀦𑀼𑀧𑀤𑀲𑁆𑀲𑀢𑀺.
𑀅𑀢𑀺𑀚𑀸𑀢𑀫𑀦𑀼𑀚𑀸𑀢𑀁, 𑀧𑀼𑀢𑁆𑀢𑀫𑀺𑀘𑁆𑀙𑀦𑁆𑀢𑀺𑀧𑀡𑁆𑀟𑀺𑀢𑀸;
𑀅𑀯𑀚𑀸𑀢𑀁𑀦𑀇𑀘𑁆𑀙𑀦𑁆𑀢𑀺, 𑀬𑁄𑀳𑁄𑀢𑀺𑀓𑀼𑀮𑀙𑀺𑀦𑁆𑀦𑀓𑁄.
𑀏𑀓𑀽𑀤𑀭𑀲𑀫𑀼𑀧𑁆𑀧𑀦𑁆𑀦𑀸, 𑀦𑀪𑀯𑀦𑁆𑀢𑀺𑀲𑀫𑀲𑁆𑀲𑀫𑀸;
𑀦𑀸𑀦𑀸𑀯𑀡𑁆𑀡𑀸𑀦𑀸𑀦𑀸𑀘𑀭𑀸, 𑀬𑀣𑀸𑀩𑀤𑀭𑀓𑀡𑁆𑀟𑀓𑀸.
𑀅𑀤𑀫𑁆𑀫𑁂𑀩𑀳𑀯𑁄𑀤𑁄𑀲𑁂 ¶ , 𑀤𑀫𑁆𑀫𑁂𑀢𑀼𑀩𑀳𑀯𑁄𑀕𑀼𑀡𑁂;
𑀢𑀲𑁆𑀫𑀸𑀧𑀼𑀢𑁆𑀢𑀜𑁆𑀘𑀲𑀺𑀲𑁆𑀲𑀜𑁆𑀘, 𑀤𑀫𑁆𑀫𑀓𑀸𑀮𑁂𑀯𑀤𑀫𑁆𑀫𑀬𑁂.
𑀑𑀯𑀸𑀤𑁂𑀬𑁆𑀬𑀸𑀦𑀼𑀲𑀸𑀲𑁂𑀬𑁆𑀬,
𑀅𑀲𑀧𑁆𑀧𑀸𑀬𑀸𑀦𑀺𑀯𑀸𑀭𑀬𑁂;
𑀤𑀦𑁆𑀢𑁄𑀳𑀺𑀬𑁄𑀧𑀺𑀬𑁄𑀳𑁄𑀢𑀺,
𑀅𑀤𑀦𑁆𑀢𑁄𑀳𑁄𑀢𑀺𑀅𑀧𑁆𑀧𑀺𑀬𑁄.
𑀧𑀼𑀢𑁆𑀢𑀁𑀯𑀸𑀪𑀸𑀢𑀭𑀁𑀤𑀼𑀝𑁆𑀞𑀁, 𑀅𑀦𑀼𑀲𑀸𑀲𑁂𑀬𑁆𑀬𑀦𑁄𑀚𑀳𑁂;
𑀓𑀺𑀁𑀦𑀼𑀙𑁂𑀚𑁆𑀚𑀁𑀳𑀢𑁆𑀣𑀧𑀸𑀤𑀁, 𑀮𑀺𑀢𑁆𑀢𑀅𑀲𑀼𑀘𑀺𑀦𑀸𑀲𑀺𑀬𑀸.
𑀅𑀦𑁆𑀢𑁄𑀚𑀸𑀢𑁄𑀥𑀦𑀓𑁆𑀓𑀺𑀢𑁄 ¶ , 𑀤𑀸𑀲𑀩𑁆𑀬𑁄𑀧𑀕𑀢𑁄𑀲𑀬𑀁;
𑀤𑀸𑀲𑀸𑀓𑀭𑀫𑀭𑀸𑀦𑀺𑀢𑁄, 𑀇𑀘𑁆𑀘𑁂𑀯𑀁𑀘𑀢𑀼𑀥𑀸𑀲𑀺𑀬𑀼𑀁.
𑀤𑀸𑀲𑀸𑀧𑀜𑁆𑀘𑁂𑀯𑀘𑁄𑀭𑀬𑁆𑀬, 𑀲𑀔𑀜𑀸𑀢𑀢𑁆𑀢𑀲𑀤𑀺𑀲𑀸;
𑀢𑀣𑀸𑀯𑀺𑀜𑁆𑀜𑀽𑀳𑀺𑀯𑀺𑀜𑁆𑀜𑁂𑀬𑁆𑀬, 𑀫𑀺𑀢𑁆𑀢𑀸𑀤𑀸𑀭𑀸𑀘𑀩𑀦𑁆𑀥𑀯𑀸.
𑀤𑀼𑀝𑁆𑀞𑀤𑀸𑀭𑁂𑀦𑀅𑀫𑀺𑀢𑁆𑀬𑀸 ¶ , 𑀤𑀸𑀲𑁄𑀘𑀼𑀢𑁆𑀢𑀭𑀯𑀸𑀘𑀓𑁄;
𑀲𑀲𑀧𑁆𑀧𑁂𑀘𑀖𑀭𑁂𑀯𑀸𑀲𑁄, 𑀫𑀘𑁆𑀘𑀼𑀫𑁂𑀯𑀦𑀲𑀁𑀲𑀬𑁄.
𑀬𑀲𑀁𑀮𑀸𑀪𑀁𑀧𑀢𑁆𑀣𑀬𑀦𑁆𑀢𑀁, 𑀦𑀭𑀁𑀯𑀚𑁆𑀚𑀦𑁆𑀢𑀺𑀤𑀽𑀭𑀢𑁄;
𑀢𑀲𑁆𑀫𑀸𑀅𑀦𑀧𑁂𑀓𑁆𑀔𑀺𑀢𑁆𑀯𑀸𑀦, 𑀢𑀁𑀫𑀕𑁆𑀕𑀁𑀫𑀕𑁆𑀕𑀬𑁂𑀩𑀼𑀥𑁄.
𑀔𑀮𑀁𑀲𑀸𑀮𑀁𑀧𑀲𑀼𑀁𑀔𑁂𑀢𑁆𑀢𑀁 ¶ , 𑀕𑀦𑁆𑀢𑀸𑀘𑀲𑁆𑀲𑀅𑀪𑀺𑀓𑁆𑀔𑀡𑀁;
𑀫𑀺𑀢𑀁𑀥𑀜𑁆𑀜𑀁𑀦𑀺𑀥𑀸𑀧𑁂𑀬𑁆𑀬, 𑀫𑀺𑀢𑀜𑁆𑀘𑀧𑀸𑀘𑀬𑁂𑀖𑀭𑁂.
𑀅𑀜𑁆𑀚𑀦𑀸𑀦𑀁𑀔𑀬𑀁𑀤𑀺𑀲𑁆𑀯𑀸, 𑀯𑀫𑁆𑀫𑀺𑀓𑀸𑀦𑀜𑁆𑀘𑀲𑀜𑁆𑀘𑀬𑀁;
𑀫𑀥𑀽𑀦𑀜𑁆𑀘𑀲𑀫𑀸𑀳𑀸𑀭𑀁, 𑀧𑀡𑁆𑀟𑀺𑀢𑁄𑀖𑀭𑀫𑀸𑀯𑀲𑁂.
𑀲𑀬𑀁𑀆𑀬𑀁𑀯𑀬𑀁𑀚𑀜𑁆𑀜𑀸, 𑀲𑀬𑀁𑀚𑀜𑁆𑀜𑀸𑀓𑀢𑀸𑀓𑀢𑀁;
𑀦𑀺𑀕𑁆𑀕𑀡𑁆𑀳𑁂𑀦𑀺𑀕𑁆𑀕𑀡𑁆𑀳𑀸𑀭𑀳𑀁, 𑀧𑀕𑁆𑀕𑀡𑁆𑀳𑁂𑀧𑀕𑁆𑀕𑀡𑁆𑀳𑀸𑀭𑀳𑀁.
𑀏𑀓𑀬𑀸𑀫𑁄𑀦𑀭𑀸𑀥𑀺𑀧𑁆𑀧𑁄 ¶ ,
𑀤𑁆𑀯𑀺𑀬𑀸𑀫𑁄𑀧𑀡𑁆𑀟𑀺𑀢𑁄𑀦𑀭𑁄;
𑀢𑀬𑁄𑀬𑀸𑀫𑁄𑀖𑀭𑀸𑀯𑀸𑀲𑁄𑀘,
𑀘𑀢𑀼𑀬𑀸𑀫𑁄𑀘𑀤𑀼𑀕𑁆𑀕𑀢𑁄.
𑀬𑁄𑀘𑀩𑀦𑁆𑀥𑀼𑀳𑀺𑀢𑁂𑀬𑀼𑀢𑁆𑀢𑁄,
𑀲𑁄𑀧𑀺𑀢𑀸𑀬𑁄𑀘𑀧𑁄𑀲𑀓𑁄;
𑀢𑀁𑀫𑀺𑀢𑁆𑀢𑀁𑀬𑀢𑁆𑀣𑀯𑀺𑀲𑀸𑀲𑁄,
𑀪𑀭𑀺𑀬𑀸𑀬𑀢𑁆𑀣𑀦𑀺𑀩𑁆𑀩𑀼𑀢𑀺.
𑀲𑀤𑁆𑀥𑀸𑀧𑁂𑀫𑁂𑀲𑀼𑀲𑀦𑁆𑀢𑁂𑀲𑀼, 𑀦𑀕𑀡𑁂𑀫𑀸𑀲𑀓𑀁𑀲𑀢𑀁;
𑀲𑀤𑁆𑀥𑀸𑀧𑁂𑀫𑁂𑀅𑀲𑀦𑁆𑀢𑁂𑀲𑀼, 𑀫𑀸𑀲𑀓𑀁𑀧𑀺𑀲𑀢𑀁𑀕𑀡𑁂.
𑀬𑀸𑀘𑀓𑁄𑀅𑀧𑀺𑀬𑁄𑀳𑁄𑀢𑀺 ¶ , 𑀬𑀸𑀘𑀁𑀅𑀤𑀤𑀫𑀧𑁆𑀧𑀺𑀬𑀁;
𑀢𑀲𑁆𑀫𑀸𑀲𑁂𑀝𑁆𑀞𑀦𑀭𑁄𑀮𑁄𑀓𑁂, 𑀥𑀦𑀁𑀲𑀺𑀧𑁆𑀧𑀁𑀧𑀭𑀺𑀕𑁆𑀕𑀳𑁂.
𑀲𑀩𑁆𑀩𑀤𑀸𑀧𑀺𑀥𑀦𑀁𑀭𑀓𑁆𑀔𑁂, 𑀤𑀸𑀭𑀁𑀭𑀓𑁆𑀔𑁂𑀥𑀦𑀁𑀧𑀺𑀘;
𑀤𑀸𑀭𑀁𑀥𑀦𑀜𑁆𑀘𑀅𑀢𑁆𑀢𑀸𑀦𑀁, 𑀭𑀓𑁆𑀔𑀸𑀬𑁂𑀯𑀲𑀤𑀸𑀪𑀯𑁂.
𑀦𑀲𑀸𑀥𑀸𑀭𑀡𑀤𑀸𑀭𑀲𑁆𑀲, 𑀦𑀪𑀼𑀜𑁆𑀚𑁂𑀲𑀸𑀤𑀼𑀫𑁂𑀓𑀓𑁄;
𑀦𑀲𑁂𑀯𑁂𑀮𑁄𑀓𑀸𑀬𑀢𑀺𑀓𑀁, 𑀦𑁂𑀢𑀁𑀧𑀜𑁆𑀜𑀸𑀬𑀯𑀟𑁆𑀠𑀦𑀁.
𑀲𑀻𑀮𑀯𑀸𑀯𑀢𑁆𑀢𑀲𑀫𑁆𑀧𑀦𑁆𑀦𑁄 ¶ , 𑀅𑀧𑁆𑀧𑀫𑀢𑁆𑀢𑁄𑀯𑀺𑀘𑀓𑁆𑀔𑀡𑁄;
𑀦𑀺𑀯𑀸𑀢𑀯𑀼𑀢𑁆𑀢𑀺𑀅𑀣𑀤𑁆𑀥𑁄, 𑀲𑀽𑀭𑀢𑁄𑀲𑀔𑀺𑀮𑁄𑀫𑀼𑀤𑀼.
𑀲𑀗𑁆𑀕𑀳𑁂𑀢𑀸𑀯𑀫𑀺𑀢𑁆𑀢𑀸𑀦𑀁, 𑀲𑀁𑀯𑀺𑀪𑀸𑀕𑀻𑀯𑀺𑀚𑀸𑀦𑀯𑀸;
𑀢𑀧𑁆𑀧𑁂𑀬𑁆𑀬𑀅𑀦𑁆𑀦𑀧𑀸𑀦𑁂𑀦, 𑀲𑀤𑀸𑀲𑀫𑀡𑀩𑁆𑀭𑀳𑁆𑀫𑀡𑀸.
𑀥𑀫𑁆𑀫𑀓𑀸𑀫𑁄𑀲𑀼𑀢𑀤𑁆𑀥𑀭𑁄, 𑀪𑀯𑁂𑀬𑁆𑀬𑀧𑀭𑀺𑀧𑀼𑀘𑁆𑀙𑀸𑀓𑁄;
𑀲𑀓𑁆𑀓𑀘𑁆𑀘𑀁𑀧𑀬𑀺𑀭𑀽𑀧𑀸𑀲𑁂, 𑀲𑀻𑀮𑀯𑀦𑁆𑀢𑁂𑀩𑀳𑀼𑀲𑁆𑀲𑀼𑀢𑁂.
𑀧𑀼𑀩𑁆𑀩𑀲𑀺𑀭𑁄𑀲𑀺𑀫𑁂𑀥𑀸𑀯𑀻 ¶ , 𑀤𑀻𑀖𑀸𑀬𑀼𑀤𑀓𑁆𑀔𑀺𑀡𑀁𑀲𑀺𑀭𑁄;
𑀧𑀘𑁆𑀙𑀺𑀫𑁄𑀘𑀺𑀢𑁆𑀢𑀲𑀦𑁆𑀢𑁄𑀲𑀺, 𑀫𑀭𑀡𑀁𑀉𑀢𑁆𑀢𑀭𑁄𑀪𑀯𑁂.
𑀆𑀬𑀼𑀫𑀸𑀧𑀸𑀘𑀺𑀦𑀁𑀫𑀽𑀔𑀁, 𑀥𑀦𑀯𑀸𑀤𑀓𑁆𑀔𑀺𑀡𑀁𑀪𑀯𑁂;
𑀧𑀘𑁆𑀙𑀺𑀫𑀁𑀬𑀲𑀲𑀻𑀪𑀼𑀜𑁆𑀚𑁂, 𑀦𑁄𑀪𑀼𑀜𑁆𑀚𑁂𑀉𑀢𑁆𑀢𑀭𑀁𑀫𑀼𑀔𑀁;
𑀪𑀼𑀢𑁆𑀯𑀸𑀦𑀺𑀲𑀻𑀤𑀦𑀁𑀣𑀽𑀮𑀁, 𑀢𑀺𑀝𑁆𑀞𑀦𑁆𑀢𑁄𑀩𑀮𑀯𑀟𑁆𑀠𑀦𑁄;
𑀆𑀬𑀼𑀫𑀸𑀘𑀗𑁆𑀓𑀫𑁄𑀲𑀺𑀬𑀸, 𑀥𑀸𑀯𑀦𑁆𑀢𑁄𑀭𑁄𑀕𑀯𑀚𑁆𑀚𑀺𑀢𑁄.
𑀬𑁄𑀘𑀲𑀺𑀢𑀜𑁆𑀘𑀉𑀡𑁆𑀳𑀜𑁆𑀘 ¶ , 𑀢𑀺𑀡𑀸𑀪𑀺𑀬𑁆𑀬𑁄𑀦𑀫𑀜𑁆𑀜𑀢𑀺;
𑀓𑀭𑀁𑀧𑀼𑀭𑀺𑀲𑀓𑀺𑀘𑁆𑀘𑀸𑀦𑀺, 𑀲𑁄𑀲𑀼𑀔𑀸𑀦𑀯𑀺𑀳𑀸𑀬𑀢𑀺.
𑀯𑀺𑀲𑀫𑁆𑀳𑀸𑀫𑀢𑀫𑀸𑀤𑁂𑀬𑁆𑀬, 𑀅𑀲𑀼𑀤𑁆𑀥𑀫𑁆𑀳𑀸𑀧𑀺𑀓𑀜𑁆𑀘𑀦𑀁;
𑀦𑀻𑀘𑀫𑁆𑀳𑀸𑀧𑁆𑀬𑀼𑀢𑁆𑀢𑀫𑁄𑀯𑀺𑀚𑁆𑀚𑀁, 𑀭𑀢𑀦𑀣𑀺𑀁𑀧𑀺𑀤𑀼𑀓𑁆𑀓𑀼𑀮𑀸.
𑀕𑀼𑀬𑁆𑀳𑀫𑀢𑁆𑀣𑀫𑀲𑀫𑁆𑀩𑀼𑀤𑁆𑀥𑀁, 𑀲𑀫𑁆𑀩𑁄𑀥𑀬𑀢𑀺𑀬𑁄𑀦𑀭𑁄;
𑀫𑀦𑁆𑀢𑀪𑁂𑀤𑀪𑀬𑀸𑀢𑀲𑁆𑀲, 𑀤𑀸𑀲𑀪𑀽𑀢𑁄𑀢𑀺𑀢𑀺𑀓𑁆𑀔𑀢𑀺.
𑀅𑀜𑁆𑀜𑀸𑀢𑀯𑀸𑀲𑀯𑀲𑀢𑀸, 𑀚𑀸𑀢𑀯𑁂𑀤𑀲𑀫𑁂𑀦𑀧𑀺;
𑀔𑀫𑀺𑀢𑀩𑁆𑀩𑀁𑀲𑀧𑀜𑁆𑀜𑁂𑀦, 𑀅𑀧𑀺𑀤𑀸𑀲𑀲𑁆𑀲𑀢𑀚𑁆𑀚𑀺𑀢𑀁.
𑀥𑀦𑀥𑀜𑁆𑀜𑀧𑀬𑁄𑀕𑁂𑀲𑀼 ¶ , 𑀢𑀣𑀸𑀯𑀺𑀚𑁆𑀚𑀸𑀕𑀫𑁂𑀲𑀼𑀘;
𑀤𑀽𑀢𑁂𑀘𑀩𑁆𑀬𑀸𑀳𑀸𑀭𑁂𑀲𑀼, 𑀘𑀢𑁆𑀢𑁄𑀮𑀚𑁆𑀚𑀁𑀲𑀤𑀸𑀪𑀯𑁂.
𑀦𑀳𑀺𑀓𑁄𑀘𑀺𑀓𑀢𑁂𑀓𑀺𑀘𑁆𑀘𑁂, 𑀓𑀢𑁆𑀢𑀸𑀭𑀁𑀲𑀫𑀧𑁂𑀓𑁆𑀔𑀢𑁂;
𑀢𑀲𑁆𑀫𑀸𑀲𑀩𑁆𑀩𑀸𑀦𑀺𑀓𑀫𑁆𑀫𑀸𑀦𑀺, 𑀲𑀸𑀯𑀲𑁂𑀲𑀸𑀦𑀺𑀓𑀸𑀭𑀬𑁂.
𑀉𑀧𑀓𑀸𑀭𑀁𑀳𑀺𑀢𑁂𑀦𑁂𑀯, 𑀲𑀢𑁆𑀢𑀼𑀦𑀸𑀲𑀢𑁆𑀢𑀼𑀫𑀼𑀤𑁆𑀥𑀭𑁂;
𑀧𑀸𑀤𑀮𑀕𑁆𑀕𑀁𑀓𑀭𑀝𑁆𑀞𑁂𑀦, 𑀓𑀡𑁆𑀟𑀓𑁂𑀦𑁂𑀯𑀓𑀡𑁆𑀟𑀓𑀁.
𑀦𑀫𑁂𑀦𑀫𑀦𑁆𑀢𑀲𑁆𑀲𑀪𑀚𑁂𑀪𑀚𑀦𑁆𑀢𑀁 ¶ ,
𑀓𑀺𑀘𑁆𑀘𑀸𑀦𑀺𑀓𑀼𑀩𑁆𑀩𑀲𑁆𑀲𑀓𑀭𑁂𑀬𑁆𑀬𑀓𑀺𑀘𑁆𑀘𑀁;
𑀦𑀸𑀦𑀢𑁆𑀣𑀓𑀸𑀫𑀲𑁆𑀲𑀓𑀭𑁂𑀬𑁆𑀬𑀅𑀢𑁆𑀣𑀁,
𑀅𑀲𑀫𑁆𑀪𑀚𑀦𑁆𑀢𑀁𑀧𑀺𑀦𑀲𑀫𑁆𑀪𑀚𑁂𑀬𑁆𑀬.
𑀯𑀚𑁂𑀘𑀚𑀦𑁆𑀢𑀺𑀲𑀺𑀦𑁂𑀳𑀸𑀓𑀺𑀭𑀺𑀬𑀸,
𑀅𑀧𑁂𑀫𑀘𑀺𑀢𑁆𑀢𑁂𑀦 𑀦𑀲𑀫𑁆𑀪𑀚𑁂𑀬𑁆𑀬;
𑀤𑀺𑀚𑁄𑀯𑀤𑀼𑀫𑀁𑀔𑀺𑀡𑀨𑀮𑀁𑀜𑀢𑁆𑀯𑀸,
𑀅𑀜𑁆𑀜𑀁𑀅𑀧𑁂𑀓𑁆𑀔𑁂𑀬𑁆𑀬𑀫𑀳𑀸𑀳𑀺𑀮𑁄𑀓𑁄.
𑀘𑀚𑁂𑀏𑀓𑀁𑀓𑀼𑀮𑀲𑁆𑀲𑀢𑁆𑀣𑀁, 𑀕𑀸𑀫𑀲𑁆𑀲𑀢𑁆𑀣𑀁𑀓𑀼𑀮𑀁𑀘𑀚𑁂,
𑀕𑀸𑀫𑀁𑀚𑀦𑀧𑀤𑀲𑁆𑀲𑀢𑁆𑀣𑀁, 𑀅𑀢𑁆𑀢𑀢𑁆𑀣𑀁𑀧𑀣𑀯𑀺𑀁𑀘𑀚𑁂.
𑀥𑀦𑀁𑀘𑀚𑁂𑀅𑀗𑁆𑀕𑀁𑀯𑀭𑀲𑁆𑀲𑀳𑁂𑀢𑀼 ¶ ,
𑀅𑀗𑁆𑀕𑀁𑀘𑀚𑁂𑀚𑀻𑀯𑀺𑀢𑀁𑀭𑀓𑁆𑀔𑀫𑀸𑀦𑁄;
𑀥𑀦𑀁𑀅𑀗𑁆𑀕𑀁𑀚𑀻𑀯𑀺𑀢𑀜𑁆𑀘𑀸𑀧𑀺𑀲𑀩𑁆𑀩𑀁,
𑀘𑀚𑁂𑀦𑀭𑁄𑀥𑀫𑁆𑀫𑀫𑀦𑀼𑀲𑁆𑀲𑀭𑀦𑁆𑀢𑁄.
𑀅𑀳𑀸𑀕𑀘𑁆𑀙𑀦𑁆𑀢𑀺𑀳𑀸𑀬𑀦𑁆𑀢𑀸, 𑀲𑀢𑁆𑀢𑀸𑀦𑀫𑀺𑀳𑀚𑀻𑀯𑀺𑀢𑀁;
𑀢𑀲𑁆𑀫𑀸𑀳𑀺𑀫𑀸𑀧𑀫𑀢𑁆𑀢𑀢𑀁, 𑀕𑀘𑁆𑀙𑀦𑁆𑀢𑀼𑀚𑀺𑀦𑀲𑀸𑀲𑀦𑁂.
𑀏𑀢𑁂𑀲𑀺𑀬𑁆𑀬𑁄𑀲𑀫𑀸𑀬𑀦𑁆𑀢𑀺 ¶ , 𑀲𑀦𑁆𑀢𑀺𑀢𑁂𑀲𑀁𑀦𑀚𑀻𑀭𑀢𑀺;
𑀬𑁄𑀅𑀥𑀺𑀧𑁆𑀧𑀦𑁆𑀦𑀁𑀲𑀳𑀢𑀺, 𑀬𑁄𑀘𑀚𑀸𑀦𑀸𑀢𑀺𑀤𑁂𑀲𑀦𑀁.
𑀅𑀕𑁆𑀕𑀺𑀆𑀧𑁄𑀇𑀢𑁆𑀣𑀻𑀫𑀼𑀴𑁆𑀳𑁄, 𑀲𑀧𑁆𑀧𑁄𑀭𑀸𑀚𑀓𑀼𑀮𑀸𑀦𑀺𑀘;
𑀧𑀬𑀢𑀦𑁄𑀯𑀕𑀦𑁆𑀢𑀩𑁆𑀩𑁄, 𑀫𑀘𑁆𑀘𑀼𑀧𑀸𑀡𑀳𑀭𑀸𑀦𑀺𑀢𑀺.
𑀲𑀢𑁆𑀣𑀁𑀲𑀼𑀦𑀺𑀘𑁆𑀙𑀺𑀢𑀫𑀧𑀻𑀢𑀺𑀯𑀺𑀘𑀺𑀦𑁆𑀢𑀦𑀻𑀬𑀁,
𑀲𑀸𑀭𑀸𑀥𑀺𑀢𑁄𑀧𑁆𑀬𑀯𑀦𑀺𑀧𑁄𑀧𑀭𑀺𑀲𑀗𑁆𑀓𑀦𑀻𑀬𑁄;
𑀳𑀢𑁆𑀣𑀗𑁆𑀕𑀢𑀸𑀧𑀺𑀬𑀼𑀯𑀢𑀻𑀧𑀭𑀺𑀭𑀓𑁆𑀔𑀦𑀻𑀬𑀸,
𑀲𑀢𑁆𑀣𑀸𑀯𑀦𑀻𑀧𑀬𑀼𑀯𑀢𑀻𑀲𑀼𑀓𑀼𑀢𑁄𑀯𑀲𑀻𑀢𑀁.
𑀉𑀲𑁆𑀲𑀸𑀳𑁄𑀭𑀺𑀧𑀼𑀯𑀫𑀺𑀢𑁆𑀢𑀁 ¶ , 𑀅𑀮𑀲𑁄𑀫𑀺𑀢𑁆𑀢𑀁𑀯𑀭𑀺𑀧𑀼,
𑀯𑀺𑀲𑀁𑀯𑀺𑀬𑀸𑀫𑀢𑀁𑀯𑀺𑀚𑁆𑀚𑀸, 𑀧𑀫𑀸𑀤𑁄𑀅𑀫𑀢𑀁𑀯𑀺𑀲𑀁.
𑀯𑀳𑁂𑀅𑀫𑀺𑀢𑁆𑀢𑀁𑀔𑀦𑁆𑀥𑁂𑀦, 𑀬𑀸𑀯𑀓𑀸𑀮𑁂𑀅𑀦𑀸𑀕𑀢𑁂;
𑀢𑀫𑁂𑀯𑀆𑀕𑀢𑁂𑀓𑀸𑀮𑁂, 𑀪𑀺𑀦𑁆𑀤𑁂𑀓𑀼𑀫𑁆𑀪𑀁𑀯𑀲𑀺𑀮𑀸𑀬𑀁.
𑀲𑀺𑀗𑁆𑀕𑀺𑀁𑀧𑀜𑁆𑀜𑀸𑀲𑀳𑀢𑁆𑀣𑁂𑀦 ¶ , 𑀲𑀢𑁂𑀦𑀯𑀸𑀳𑀦𑀁𑀘𑀚𑁂;
𑀳𑀢𑁆𑀣𑀻𑀦𑀦𑁆𑀢𑀼𑀲𑀳𑀲𑁆𑀲𑁂𑀦, 𑀤𑁂𑀲𑀘𑀚𑁆𑀚𑁂𑀦𑀤𑀼𑀚𑁆𑀚𑀦𑀁.
𑀧𑀘𑁆𑀘𑀓𑁆𑀔𑁂𑀕𑀭𑀯𑁄𑀲𑀁𑀲𑁂, 𑀧𑀭𑁄𑀓𑁆𑀔𑁂𑀫𑀺𑀢𑁆𑀢𑀩𑀦𑁆𑀥𑀯𑁂;
𑀓𑀫𑁆𑀫𑀦𑁆𑀢𑁂𑀘𑀤𑀸𑀲𑀪𑀘𑁆𑀘𑁂, 𑀧𑀼𑀢𑁆𑀢𑀤𑀸𑀭𑁂𑀲𑀁𑀲𑁂𑀫𑀢𑁂.
𑀲𑀺𑀦𑁂𑀲𑀺𑀧𑁆𑀧𑀁𑀲𑀺𑀦𑁂𑀥𑀦𑀁, 𑀲𑀺𑀦𑁂𑀧𑀩𑁆𑀩𑀢𑀫𑀸𑀭𑀼𑀳𑁂;
𑀲𑀺𑀦𑁂𑀓𑀸𑀫𑁄𑀘𑀓𑁄𑀥𑁄𑀘, 𑀇𑀫𑁂𑀧𑀜𑁆𑀘𑀲𑀺𑀦𑁂𑀲𑀺𑀦𑁂.
𑀲𑀢𑀁𑀘𑀓𑁆𑀔𑀼𑀲𑀢𑀁𑀓𑀡𑁆𑀡𑀸 ¶ , 𑀦𑀸𑀬𑀓𑀲𑁆𑀲𑀲𑀼𑀢𑁄𑀲𑀤𑀸;
𑀢𑀣𑀸𑀧𑀺𑀅𑀦𑁆𑀥𑀩𑀥𑀺𑀭𑁄, 𑀏𑀲𑀸𑀦𑀸𑀬𑀓𑀥𑀫𑁆𑀫𑀢𑀸.
𑀩𑀳𑀽𑀦𑀁𑀅𑀧𑁆𑀧𑀲𑀸𑀭𑀸𑀦𑀁, 𑀲𑀸𑀫𑀕𑁆𑀕𑀺𑀬𑀸𑀢𑀺𑀤𑀼𑀚𑁆𑀚𑀬𑁄;
𑀢𑀺𑀡𑁂𑀦𑀯𑀝𑁆𑀝𑀢𑁂𑀭𑀚𑁆𑀚𑀼, 𑀢𑁂𑀦𑀦𑀸𑀕𑁄𑀧𑀺𑀩𑀦𑁆𑀥𑀢𑁂.
𑀉𑀧𑁆𑀧𑀚𑁆𑀚𑀢𑁂𑀲𑀘𑁂𑀓𑁄𑀥𑁄, 𑀆𑀯𑀚𑁆𑀚𑁂𑀓𑀓𑀘𑀽𑀧𑀫𑀁;
𑀉𑀧𑁆𑀧𑀚𑁆𑀚𑀢𑁂𑀭𑀲𑁂𑀢𑀡𑁆𑀳𑀸, 𑀧𑀼𑀢𑁆𑀢𑀫𑀁𑀲𑀽𑀧𑀫𑀁𑀲𑀭𑁂.
𑀤𑀸𑀦𑀁𑀲𑀺𑀦𑁂𑀳𑀪𑁂𑀲𑀚𑁆𑀚𑀁, 𑀫𑀘𑁆𑀙𑁂𑀭𑀁𑀤𑁄𑀲𑀦𑁄𑀲𑀥𑀁;
𑀤𑀸𑀦𑀁𑀬𑀲𑀲𑁆𑀲𑀺𑀪𑁂𑀲𑀚𑁆𑀚𑀁, 𑀫𑀘𑁆𑀙𑁂𑀭𑀁𑀓𑀧𑁆𑀧𑀦𑁄𑀲𑀥𑀁.
𑀥𑀦𑀫𑀺𑀘𑁆𑀙𑁂𑀯𑀡𑀺𑀚𑁆𑀚𑁂𑀬𑁆𑀬 ¶ , 𑀲𑀺𑀧𑁆𑀧𑀫𑀺𑀘𑁆𑀙𑁂𑀩𑀳𑀼𑀲𑁆𑀲𑀼𑀢𑁂;
𑀧𑀼𑀢𑁆𑀢𑀫𑀺𑀘𑁆𑀙𑁂𑀦𑀸𑀭𑀺𑀓𑀜𑁆𑀜𑁂, 𑀭𑀸𑀚𑀸𑀫𑀘𑁆𑀘𑀁𑀇𑀘𑁆𑀙𑀸𑀕𑀢𑁂.
𑀫𑀳𑀦𑁆𑀢𑀁𑀯𑀝𑁆𑀝𑀭𑀼𑀓𑁆𑀔𑀸𑀤𑀺𑀁, 𑀔𑀼𑀤𑁆𑀤𑀩𑀻𑀚𑀁𑀩𑀳𑀼𑀧𑁆𑀨𑀮𑀁;
𑀲𑀓𑁆𑀔𑀺𑀁𑀓𑀢𑁆𑀯𑀸𑀉𑀤𑀺𑀓𑁆𑀔𑁂𑀬𑁆𑀬, 𑀧𑀼𑀜𑁆𑀜𑀧𑀸𑀧𑀁𑀓𑀭𑁄𑀦𑀭𑁄.
𑀕𑀭𑀼𑀓𑀸𑀢𑀩𑁆𑀩𑀧𑁄𑀲𑁂𑀲𑀼, 𑀦𑀻𑀘𑀯𑀼𑀢𑁆𑀢𑀺𑀁𑀓𑀭𑁄𑀢𑀺𑀬𑁄;
𑀦𑀻𑀘𑀢𑁆𑀢𑀁𑀲𑁄𑀧𑀳𑀦𑁆𑀢𑁆𑀯𑀸𑀦, 𑀉𑀢𑁆𑀢𑀫𑀢𑁆𑀣𑁂𑀧𑀢𑀺𑀝𑁆𑀞𑀢𑀺.
𑀉𑀢𑁆𑀢𑀫𑀁𑀧𑀡𑀺𑀧𑀸𑀢𑁂𑀦 ¶ , 𑀲𑀽𑀭𑀁𑀪𑁂𑀤𑁂𑀦𑀯𑀺𑀚𑀬𑁂;
𑀳𑀻𑀦𑀫𑀧𑁆𑀧𑀧𑀤𑀸𑀦𑁂𑀦, 𑀯𑀺𑀓𑁆𑀓𑀫𑁂𑀦𑀲𑀫𑀁𑀚𑀬𑁂.
𑀦𑀢𑁆𑀢𑀤𑁄𑀲𑀁𑀧𑀭𑁂𑀚𑀜𑁆𑀜𑀸, 𑀚𑀜𑁆𑀜𑀸𑀤𑁄𑀲𑀁𑀧𑀭𑀲𑁆𑀲𑀢𑀼;
𑀓𑀼𑀫𑁆𑀫𑁄𑀕𑀼𑀬𑁆𑀳𑀸𑀇𑀯𑀗𑁆𑀕𑀸𑀦𑀺, 𑀧𑀭𑀪𑀸𑀯𑀜𑁆𑀘𑀮𑀓𑁆𑀔𑀬𑁂.
𑀉𑀲𑁆𑀲𑀽𑀭𑀲𑁂𑀬𑁆𑀬𑀁𑀆𑀮𑀲𑁆𑀬𑀁 ¶ , 𑀘𑀡𑁆𑀟𑀺𑀓𑁆𑀓𑀁𑀤𑀻𑀖𑀲𑀼𑀢𑁆𑀢𑀺𑀬𑀁;
𑀏𑀓𑀲𑁆𑀲𑀤𑁆𑀥𑀸𑀦𑀕𑀫𑀦𑀁, 𑀧𑀭𑀤𑀸𑀭𑀼𑀧𑀲𑁂𑀯𑀦𑀁;
𑀏𑀢𑀁𑀩𑁆𑀭𑀳𑁆𑀫𑀡𑀲𑁆𑀲𑁂𑀯𑀲𑁆𑀲𑀼, 𑀅𑀦𑀢𑁆𑀣𑀸𑀬𑀪𑀯𑀺𑀲𑁆𑀲𑀢𑀺.
𑀲𑀼𑀭𑀸𑀬𑁄𑀕𑁄𑀯𑀺𑀓𑀸𑀮𑁄𑀘, 𑀲𑀫𑀚𑁆𑀚𑀸𑀦𑀖𑀭𑀗𑁆𑀕𑀢𑁄;
𑀔𑀺𑀟𑁆𑀟𑀥𑀼𑀢𑁆𑀢𑁄𑀧𑀸𑀧𑀫𑀺𑀢𑁆𑀢𑁄, 𑀅𑀮𑀲𑁄𑀲𑁄𑀇𑀫𑁂𑀚𑀦𑀸;
𑀫𑀳𑀸𑀪𑁄𑀕𑀸𑀯𑀺𑀦𑀲𑁆𑀲𑀦𑁆𑀢𑀺, 𑀳𑀻𑀦𑀪𑀸𑀯𑀲𑁆𑀲𑀺𑀤𑀁𑀨𑀮𑀁.
𑀅𑀢𑀺𑀲𑀻𑀢𑀁𑀅𑀢𑀺𑀉𑀡𑁆𑀳𑀁, 𑀅𑀢𑀺𑀲𑀸𑀬𑀫𑀺𑀤𑀁𑀅𑀳𑀼;
𑀇𑀢𑀺𑀯𑀺𑀲𑁆𑀲𑀝𑁆𑀞𑀓𑀫𑁆𑀫𑀦𑁆𑀢𑁂, 𑀔𑀡𑀸𑀅𑀘𑁆𑀘𑀦𑁆𑀢𑀺𑀫𑀸𑀡𑀯𑁂.
𑀧𑀭𑀦𑀸𑀲𑀦𑀢𑁄𑀦𑀝𑁆𑀞𑁄 ¶ , 𑀧𑀼𑀭𑁂𑀯𑀧𑀭𑀦𑀸𑀲𑀓𑁄;
𑀲𑀺𑀗𑁆𑀖𑀁𑀯𑀆𑀦𑀲𑀁𑀬𑀸𑀢𑀺, 𑀢𑀺𑀡𑁄𑀧𑀸𑀲𑀸𑀤𑀛𑀸𑀧𑀓𑁄.
𑀦𑀯𑀺𑀲𑀸𑀲𑁂𑀅𑀫𑀺𑀢𑁆𑀢𑀲𑁆𑀲, 𑀫𑀺𑀢𑁆𑀢𑀜𑁆𑀘𑀸𑀧𑀺𑀦𑀯𑀺𑀲𑀸𑀲𑁂;
𑀓𑀤𑀸𑀘𑀺𑀓𑀼𑀧𑁆𑀧𑀺𑀢𑁄𑀫𑀺𑀢𑁆𑀢𑁄, 𑀲𑀩𑁆𑀩𑀤𑁄𑀲𑀧𑀓𑀸𑀲𑀓𑁄.
𑀓𑀼𑀤𑁂𑀲𑀜𑁆𑀘𑀓𑀼𑀫𑀺𑀢𑁆𑀢𑀜𑁆𑀘, 𑀓𑀼𑀲𑀫𑁆𑀩𑀦𑁆𑀥𑀁𑀓𑀼𑀩𑀦𑁆𑀥𑀯𑀁;
𑀓𑀼𑀤𑀸𑀭𑀜𑁆𑀘𑀓𑀼𑀭𑀸𑀚𑀸𑀦𑀁, 𑀤𑀽𑀭𑀢𑁄𑀧𑀭𑀺𑀯𑀚𑁆𑀚𑀬𑁂.
𑀓𑀓𑁆𑀓𑀝𑁄𑀅𑀲𑀻𑀲𑁄𑀬𑀸𑀢𑀺 ¶ , 𑀲𑀩𑁆𑀩𑀸𑀧𑀤𑁄𑀯𑀕𑀘𑁆𑀙𑀢𑀺;
𑀅𑀣𑀦𑀻𑀓𑀼𑀓𑁆𑀓𑀼𑀝𑀻𑀧𑀼𑀢𑁆𑀢𑀸, 𑀧𑀼𑀭𑀺𑀲𑁂𑀦𑀸𑀯𑀫𑀜𑁆𑀜𑀭𑁂.
𑀳𑀻𑀦𑀧𑀼𑀢𑁆𑀢𑁄𑀭𑀸𑀚𑀸𑀫𑀘𑁆𑀘𑁄, 𑀩𑀸𑀮𑀧𑀼𑀢𑁆𑀢𑁄𑀧𑀺𑀧𑀡𑁆𑀟𑀺𑀢𑁄;
𑀅𑀥𑀦𑀲𑁆𑀲𑀧𑀼𑀢𑁆𑀢𑁄𑀲𑁂𑀝𑁆𑀞𑀺, 𑀧𑀼𑀭𑀺𑀲𑁂𑀦𑀸𑀯𑀫𑀜𑁆𑀜𑀭𑁂.
𑀬𑁂𑀦𑀫𑀺𑀘𑁆𑀙𑀢𑀺𑀲𑀫𑁆𑀩𑀦𑁆𑀥𑀁, 𑀢𑁂𑀦𑀢𑀻𑀡𑀺𑀦𑀓𑀸𑀭𑀬𑁂;
𑀯𑀺𑀯𑀸𑀤𑀫𑀢𑁆𑀣𑀲𑀫𑁆𑀩𑀦𑁆𑀥𑀁, 𑀧𑀭𑁄𑀓𑁆𑀔𑁂𑀤𑀸𑀭𑀤𑀲𑁆𑀲𑀦𑀁.
𑀇𑀡𑀲𑁂𑀲𑁄𑀅𑀕𑁆𑀕𑀺𑀲𑁂𑀲𑁄 ¶ ,
𑀲𑀢𑁆𑀭𑀼𑀲𑁂𑀲𑁄𑀢𑀣𑁂𑀯𑀘;
𑀧𑀼𑀦𑀧𑁆𑀧𑀼𑀦𑀫𑁆𑀧𑀺𑀯𑀟𑁆𑀠𑀦𑁆𑀢𑀺,
𑀢𑀲𑁆𑀫𑀸𑀲𑁂𑀲𑀁𑀦𑀓𑀸𑀭𑀬𑁂.
𑀓𑀼𑀮𑀚𑀸𑀢𑁄𑀓𑀼𑀮𑀧𑀼𑀢𑁆𑀢𑁄, 𑀓𑀼𑀮𑀯𑀁𑀲𑀲𑀼𑀭𑀓𑁆𑀔𑀺𑀢𑁄;
𑀅𑀢𑁆𑀢𑀦𑀸𑀤𑀼𑀓𑁆𑀔𑀧𑀢𑁆𑀢𑁄𑀧𑀺, 𑀳𑀻𑀦𑀓𑀫𑁆𑀫𑀁𑀦𑀓𑀸𑀭𑀬𑁂.
𑀲𑀫𑀺𑀤𑁆𑀥𑁄𑀥𑀦𑀥𑀜𑁆𑀜𑁂𑀦, 𑀦𑀓𑀝𑁆𑀞𑁄𑀤𑀢𑀺𑀡𑀕𑁆𑀕𑀺𑀳𑀺;
𑀲𑀩𑁆𑀩𑀢𑁄𑀤𑀼𑀕𑁆𑀕𑀢𑁄𑀦𑀝𑁆𑀞𑁄, 𑀢𑀲𑁆𑀫𑀸𑀦𑀤𑀼𑀓𑁆𑀓𑀝𑀁𑀓𑀭𑁂.
𑀦𑀕𑀡𑀲𑁆𑀲𑀕𑁆𑀕𑀣𑁄𑀕𑀘𑁆𑀙𑁂 ¶ , 𑀲𑀺𑀤𑁆𑀥𑁂𑀓𑀫𑁆𑀫𑁂𑀲𑀫𑀁𑀨𑀮𑀁;
𑀓𑀫𑁆𑀫𑀯𑀺𑀧𑁆𑀧𑀢𑁆𑀢𑀺𑀘𑁂𑀳𑁄𑀢𑀺, 𑀨𑀭𑀼𑀲𑀁𑀢𑀲𑁆𑀲𑀪𑀸𑀲𑀬𑁂.
𑀩𑀸𑀮𑀓𑁆𑀓𑁄𑀧𑁂𑀢𑀥𑀽𑀫𑁄𑀘, 𑀯𑀼𑀟𑁆𑀠𑀺𑀢𑁆𑀣𑀺𑀧𑀮𑁆𑀮𑀮𑁄𑀤𑀓𑀁;
𑀆𑀬𑀼𑀓𑁆𑀔𑀬𑀓𑀭𑀁𑀦𑀺𑀘𑁆𑀘𑀁, 𑀭𑀢𑁆𑀢𑁄𑀘𑀤𑀥𑀺𑀪𑁄𑀚𑀦𑀁.
𑀇𑀢𑁆𑀣𑀻𑀦𑀁𑀤𑀼𑀚𑁆𑀚𑀦𑀸𑀦𑀜𑁆𑀘, 𑀯𑀺𑀲𑀸𑀲𑁄𑀦𑁄𑀧𑀧𑀚𑁆𑀚𑀢𑁂;
𑀯𑀺𑀲𑁂𑀲𑀺𑀕𑀺𑀫𑁆𑀳𑀺𑀦𑀤𑀺𑀬𑀁, 𑀭𑁄𑀕𑁂𑀭𑀸𑀚𑀓𑀼𑀮𑀫𑁆𑀳𑀺𑀘.
𑀅𑀬𑀼𑀢𑁆𑀢𑀓𑀫𑁆𑀫𑀸𑀭𑀪𑀦𑀁𑀯𑀺𑀭𑁄𑀥𑁄 ¶ ,
𑀲𑀗𑁆𑀖𑀲𑁆𑀲𑀬𑀼𑀤𑁆𑀥𑀜𑁆𑀘𑀫𑀳𑀸𑀩𑀮𑁂𑀳𑀺;
𑀯𑀺𑀲𑀸𑀲𑀓𑀫𑁆𑀫𑀁𑀧𑀫𑀤𑀸𑀲𑀼𑀦𑀺𑀘𑁆𑀘𑀁,
𑀤𑁆𑀯𑀸𑀭𑀸𑀦𑀺𑀫𑀘𑁆𑀘𑀼𑀲𑁆𑀲𑀯𑀤𑀦𑁆𑀢𑀺𑀯𑀺𑀤𑁆𑀯𑀸.
𑀣𑀺𑀬𑁄𑀲𑁂𑀯𑁂𑀬𑁆𑀬𑀦𑀘𑁆𑀘𑀦𑁆𑀢𑀁, 𑀲𑀸𑀤𑀼𑀪𑀼𑀜𑁆𑀚𑁂𑀬𑁆𑀬𑀦𑀸𑀳𑀺𑀢𑀁;
𑀧𑀽𑀚𑀬𑁂𑀫𑀸𑀦𑀬𑁂𑀯𑀼𑀟𑁆𑀠𑁂, 𑀕𑀭𑀼𑀁𑀫𑀸𑀬𑀸𑀬𑀦𑁄𑀪𑀚𑁂.
𑀯𑀺𑀦𑀸𑀲𑀢𑁆𑀣𑀁𑀦𑀕𑀘𑁆𑀙𑁂𑀬𑁆𑀬, 𑀲𑀽𑀭𑁄𑀲𑀗𑁆𑀕𑀸𑀫𑀪𑀽𑀫𑀺𑀬𑀁;
𑀧𑀡𑁆𑀟𑀺𑀢𑁆𑀯𑀤𑁆𑀥𑀕𑀽𑀯𑀸𑀡𑀺𑀚𑁆𑀚𑁄, 𑀯𑀺𑀤𑁂𑀲𑀕𑀫𑀦𑁄𑀢𑀣𑀸.
𑀤𑁂𑀳𑀻𑀢𑀺𑀯𑀘𑀦𑀤𑁆𑀯𑀸𑀭𑀸 ¶ , 𑀤𑁂𑀳𑀝𑁆𑀞𑀸𑀧𑀜𑁆𑀘𑀤𑁂𑀯𑀢𑀸;
𑀲𑀚𑁆𑀚𑀦𑀺𑀬𑁆𑀬𑀦𑁆𑀢𑀺𑀥𑀺𑀓𑀺𑀢𑁆𑀢𑀺, 𑀫𑀢𑀺𑀳𑀻𑀭𑀺𑀲𑀺𑀭𑀻𑀧𑀺𑀘.
𑀦𑀢𑁆𑀣𑀻𑀢𑀺𑀯𑀘𑀦𑀁𑀤𑀼𑀓𑁆𑀔𑀁, 𑀤𑁂𑀳𑀻𑀢𑀺𑀯𑀘𑀦𑀁𑀢𑀣𑀸;
𑀯𑀸𑀓𑁆𑀬𑀦𑀢𑁆𑀣𑀻𑀢𑀺𑀤𑁂𑀳𑀻𑀢𑀺, 𑀫𑀸𑀪𑀯𑁂𑀬𑁆𑀬𑀪𑀯𑀸𑀪𑀯𑁂.
𑀬𑀢𑁆𑀣𑀯𑁄𑀲𑀁𑀦𑀚𑀸𑀦𑀦𑁆𑀢𑀺, 𑀚𑀸𑀢𑀺𑀬𑀸𑀯𑀺𑀦𑀬𑁂𑀦𑀯𑀸;
𑀦𑀢𑀢𑁆𑀣𑀫𑀸𑀦𑀁𑀓𑀺𑀭𑀺𑀬𑀸, 𑀚𑀦𑁂𑀯𑀲𑀫𑀜𑁆𑀜𑀸𑀢𑀓𑁂.
𑀫𑀸𑀢𑀸𑀳𑀻𑀦𑀲𑁆𑀲𑀤𑀼𑀩𑁆𑀪𑀸𑀲𑀸 ¶ , 𑀧𑀺𑀢𑀸𑀳𑀻𑀦𑀲𑁆𑀲𑀤𑀼𑀓𑁆𑀭𑀺𑀬𑀸;
𑀉𑀪𑁄𑀫𑀸𑀢𑀸𑀧𑀺𑀢𑀸𑀳𑀻𑀦𑀸, 𑀤𑀼𑀩𑁆𑀪𑀸𑀲𑀸𑀘𑀤𑀼𑀓𑁆𑀓𑀺𑀭𑀺𑀬𑀸.
𑀫𑀸𑀢𑀸𑀲𑁂𑀝𑁆𑀞𑀲𑁆𑀲𑀲𑀼𑀪𑀸𑀲𑀸,
𑀧𑀺𑀢𑀸𑀲𑁂𑀝𑁆𑀞𑀲𑁆𑀲𑀲𑀼𑀓𑀺𑀭𑀺𑀬𑀸;
𑀉𑀪𑁄𑀫𑀸𑀢𑀸𑀧𑀺𑀢𑀸𑀲𑁂𑀝𑁆𑀞𑀸,
𑀲𑀼𑀪𑀸𑀲𑀸𑀘𑀲𑀼𑀓𑀺𑀭𑀺𑀬𑀸.
𑀅𑀢𑀺𑀤𑀻𑀖𑁄𑀫𑀳𑀸𑀫𑀼𑀴𑁆𑀳𑁄 ¶ , 𑀫𑀚𑁆𑀛𑀺𑀫𑁄𑀘𑀯𑀺𑀘𑀓𑁆𑀔𑀡𑁄;
𑀯𑀸𑀲𑀼𑀤𑁂𑀯𑀁𑀧𑀼𑀭𑁂𑀓𑁆𑀔𑀺𑀢𑁆𑀯𑀸, 𑀲𑀩𑁆𑀩𑁂𑀯𑀸𑀫𑀦𑀓𑀸𑀲𑀞𑀸.
𑀆𑀘𑀸𑀭𑁄𑀓𑀼𑀮𑀫𑀓𑁆𑀔𑀸𑀢𑀺, 𑀤𑁂𑀲𑀫𑀓𑁆𑀔𑀢𑀺𑀪𑀸𑀲𑀺𑀢𑀁;
𑀲𑀫𑁆𑀪𑀯𑁄𑀧𑁂𑀫𑀫𑀓𑁆𑀔𑀸𑀢𑀺, 𑀤𑁂𑀳𑀫𑀓𑁆𑀔𑀸𑀢𑀺𑀪𑁄𑀚𑀦𑀁.
𑀚𑀮𑀧𑁆𑀧𑀫𑀸𑀡𑀁𑀓𑀼𑀫𑀼𑀤𑀦𑀸𑀴𑀁,
𑀓𑀼𑀮𑀧𑁆𑀧𑀫𑀸𑀡𑀁𑀓𑀭𑀡𑀓𑀫𑁆𑀫𑀁;
𑀧𑀜𑁆𑀜𑀸𑀧𑀫𑀸𑀡𑀁𑀓𑀣𑀺𑀢𑀯𑀸𑀓𑁆𑀬𑀁,
𑀪𑀽𑀫𑀺𑀧𑁆𑀧𑀫𑀸𑀡𑀁𑀪𑀚𑁆𑀚𑀮𑀢𑀺𑀡𑀁.
𑀚𑀯𑁂𑀦𑀪𑀤𑁆𑀭𑀁𑀚𑀸𑀦𑀦𑁆𑀢𑀺 ¶ , 𑀯𑀳𑁂𑀦𑀘𑀩𑀮𑀺𑀩𑀤𑁆𑀥𑀁;
𑀤𑀼𑀳𑁂𑀦𑀥𑁂𑀦𑀼𑀚𑀸𑀦𑀦𑁆𑀢𑀺, 𑀪𑀸𑀲𑀫𑀸𑀦𑁂𑀦𑀧𑀡𑁆𑀟𑀺𑀢𑀁.
𑀚𑀸𑀦𑁂𑀬𑁆𑀬𑀧𑁂𑀲𑀦𑁂𑀪𑀘𑁆𑀘𑀁 𑀩𑀦𑁆𑀥𑀯𑀁𑀧𑀺𑀪𑀬𑀸𑀕𑀫𑁂,
𑀩𑁆𑀬𑀲𑀦𑁂𑀘𑀢𑀣𑀸𑀫𑀺𑀢𑁆𑀢𑀁, 𑀤𑀸𑀭𑀜𑁆𑀘𑀯𑀺𑀪𑀯𑀓𑁆𑀔𑀬𑁂.
𑀯𑀺𑀦𑀸𑀲𑀢𑁆𑀣𑀁𑀦𑀚𑀸𑀦𑀦𑁆𑀢𑀺, 𑀓𑀸𑀮𑀁𑀲𑀩𑁆𑀩𑁂𑀧𑀺𑀚𑁄𑀢𑀺𑀓𑀸;
𑀓𑀼𑀓𑁆𑀓𑀼𑀝𑀸𑀧𑀦𑀚𑀸𑀦𑀦𑁆𑀢𑀺, 𑀢𑀢𑁄𑀭𑀼𑀓𑁆𑀔𑀸𑀢𑀢𑁄𑀪𑁆𑀯𑀸𑀧𑀸.
𑀧𑀣𑀯𑀻𑀪𑀽𑀲𑀦𑀁𑀫𑁂𑀭𑀼 ¶ , 𑀭𑀢𑁆𑀢𑀺𑀬𑀸𑀪𑀽𑀲𑀦𑀁𑀲𑀲𑀻;
𑀚𑀦𑀸𑀦𑀁𑀪𑀽𑀲𑀦𑀁𑀭𑀸𑀚𑀸, 𑀲𑁂𑀦𑀸𑀦𑀁𑀪𑀽𑀲𑀦𑀁𑀕𑀚𑁄.
𑀲𑀻𑀮𑀢𑀸𑀲𑁄𑀪𑀢𑁂𑀭𑀽𑀧𑀁,
𑀘𑀸𑀭𑀺𑀢𑀸𑀲𑁄𑀪𑀢𑁂𑀓𑀼𑀮𑀁;
𑀲𑀧𑀼𑀧𑁆𑀨𑀸𑀲𑁄𑀪𑀢𑁂𑀭𑀜𑁆𑀜𑀁,
𑀲𑀕𑀚𑀸𑀲𑁄𑀪𑀢𑁂𑀩𑀮𑀁.
𑀓𑁄𑀓𑀺𑀮𑀸𑀦𑀁𑀲𑀤𑁆𑀤𑀁𑀭𑀽𑀧𑀁 ¶ , 𑀦𑀸𑀭𑀻𑀭𑀽𑀧𑀁𑀧𑀢𑀺𑀩𑁆𑀩𑀢𑀁;
𑀯𑀺𑀚𑁆𑀚𑀸𑀭𑀽𑀧𑀁𑀅𑀭𑀽𑀧𑀸𑀦𑀁, 𑀔𑀫𑀸𑀭𑀽𑀧𑀁𑀢𑀧𑀲𑁆𑀲𑀺𑀦𑀁.
𑀓𑀺𑀲𑀸𑀲𑁄𑀪𑀸𑀢𑀧𑀲𑁆𑀲𑀻𑀘,
𑀣𑀽𑀮𑀸𑀲𑁄𑀪𑀸𑀘𑀢𑀼𑀧𑁆𑀧𑀤𑀸;
𑀯𑀺𑀚𑁆𑀚𑀸𑀲𑁄𑀪𑀸𑀫𑀦𑀼𑀲𑁆𑀲𑀸𑀘,
𑀇𑀢𑁆𑀣𑀻𑀲𑁄𑀪𑀸𑀘𑀲𑀸𑀫𑀺𑀓𑀸.
𑀭𑀢𑁆𑀢𑀺𑀳𑀻𑀦𑁄𑀦𑀘𑀦𑁆𑀤𑀭𑁄, 𑀊𑀫𑀺𑀳𑀻𑀦𑁄𑀦𑀲𑀸𑀕𑀭𑁄;
𑀳𑀁𑀲𑀳𑀻𑀦𑁄𑀦𑀲𑀁𑀨𑀼𑀮𑁆𑀮𑁄, 𑀇𑀢𑁆𑀣𑀺𑀳𑀻𑀦𑁄𑀦𑀧𑀼𑀭𑀺𑀲𑁄.
𑀯𑀢𑁆𑀣𑀳𑀻𑀦𑀁𑀦𑀮𑀗𑁆𑀓𑀸𑀭𑀁 ¶ , 𑀧𑀢𑀺𑀳𑀻𑀦𑀸𑀦𑀦𑀸𑀭𑀺𑀓𑀸;
𑀲𑀺𑀧𑁆𑀧𑀳𑀻𑀦𑁄𑀦𑀧𑀼𑀭𑀺𑀲𑁄, 𑀥𑁂𑀦𑀼𑀳𑀻𑀦𑀁𑀦𑀪𑁄𑀚𑀦𑀁.
𑀤𑀻𑀧𑀓𑁂𑀤𑀻𑀧𑀓𑁄𑀘𑀦𑁆𑀤𑁄, 𑀦𑀸𑀭𑀺𑀓𑁂𑀤𑀻𑀧𑀓𑁄𑀧𑀢𑀺;
𑀢𑀺𑀮𑁄𑀓𑁂𑀤𑀻𑀧𑀓𑁄𑀥𑀫𑁆𑀫𑁄, 𑀲𑀼𑀧𑀼𑀢𑁆𑀢𑁄𑀓𑀼𑀮𑀤𑀻𑀧𑀓𑁄.
𑀅𑀧𑀼𑀢𑁆𑀢𑀓𑀁𑀖𑀭𑀁𑀲𑀼𑀜𑁆𑀜𑀁, 𑀤𑁂𑀲𑀁𑀲𑀼𑀜𑁆𑀜𑀁𑀅𑀭𑀸𑀚𑀺𑀓𑀁;
𑀅𑀧𑀜𑁆𑀜𑀲𑁆𑀲𑀫𑀼𑀔𑀁𑀲𑀼𑀜𑁆𑀜𑀁, 𑀲𑀩𑁆𑀩𑀲𑀼𑀜𑁆𑀜𑀁𑀤𑀮𑀺𑀤𑁆𑀤𑀓𑀁.
𑀲𑁄𑀢𑀁𑀲𑀼𑀢𑁂𑀦𑁂𑀯𑀦𑀓𑀼𑀡𑁆𑀟𑀮𑁂𑀦 ¶ ,
𑀤𑀸𑀦𑁂𑀦𑀧𑀸𑀡𑀻𑀦𑀢𑀼𑀓𑀗𑁆𑀓𑀡𑁂𑀦;
𑀆𑀪𑀸𑀢𑀺𑀓𑀸𑀬𑁄𑀧𑀼𑀭𑀺𑀲𑀼𑀢𑁆𑀢𑀫𑀲𑁆𑀲,
𑀧𑀭𑁄𑀧𑀓𑀸𑀭𑁂𑀦𑀦𑀘𑀦𑁆𑀤𑀦𑁂𑀦.
𑀤𑀸𑀦𑀁𑀲𑀻𑀮𑀁𑀧𑀭𑀺𑀘𑁆𑀘𑀸𑀕𑀁 ¶ , 𑀅𑀚𑁆𑀚𑀯𑀁𑀫𑀤𑁆𑀤𑀯𑀁𑀢𑀧𑀁;
𑀅𑀓𑁄𑀥𑀁𑀅𑀯𑀺𑀳𑀺𑀁𑀲𑀜𑁆𑀘, 𑀔𑀦𑁆𑀢𑀻𑀘𑀅𑀯𑀺𑀭𑁄𑀥𑀦𑀁;
𑀤𑀲𑁂𑀢𑁂𑀥𑀫𑁆𑀫𑁂𑀭𑀸𑀚𑀸𑀦𑁄, 𑀅𑀧𑁆𑀧𑀫𑀢𑁆𑀢𑁂𑀦𑀥𑀸𑀭𑁂𑀬𑁆𑀬𑀼𑀁.
𑀤𑀸𑀦𑀁𑀅𑀢𑁆𑀣𑀘𑀭𑀺𑀬𑀸𑀧𑀺𑀬, 𑀯𑀸𑀘𑀸𑀅𑀢𑁆𑀢𑀲𑀫𑀁𑀧𑀺𑀘;
𑀲𑀗𑁆𑀕𑀳𑀸𑀘𑀢𑀼𑀭𑁄𑀇𑀫𑁂, 𑀫𑀼𑀦𑀺𑀦𑁆𑀤𑁂𑀦𑀧𑀓𑀸𑀲𑀺𑀢𑀸.
𑀯𑀦𑁂𑀫𑀺𑀕𑀸𑀦𑀮𑀪𑀦𑁆𑀢𑀺, 𑀫𑀢𑀸𑀪𑀬𑀸𑀦𑀺𑀤𑁆𑀤𑀲𑀼𑀔𑀁;
𑀭𑀸𑀚𑀸𑀦𑁄𑀧𑀺𑀦𑀮𑀪𑀦𑁆𑀢𑀺, 𑀉𑀢𑁆𑀢𑀭𑀣𑀸𑀫𑀪𑀻𑀢𑀢𑁄;
𑀲𑀁𑀲𑀸𑀭𑀪𑀬𑀪𑀺𑀢𑁂𑀦, 𑀦𑀭𑀫𑀦𑁆𑀢𑀺𑀬𑁂𑀧𑀡𑁆𑀟𑀺𑀢𑀸.
𑀔𑀫𑀸𑀚𑀸𑀕𑀭𑀺𑀬𑀼𑀝𑁆𑀞𑀸𑀦𑀁 ¶ , 𑀲𑀁𑀯𑀺𑀪𑀸𑀕𑁄𑀤𑀬𑀺𑀓𑁆𑀔𑀦𑀸;
𑀦𑀸𑀬𑀓𑀲𑁆𑀲𑀕𑀼𑀡𑀸𑀏𑀢𑁂, 𑀇𑀘𑁆𑀙𑀺𑀢𑀩𑁆𑀩𑀸𑀳𑀺𑀢𑀢𑁆𑀣𑀺𑀦𑁄.
𑀧𑀭𑀺𑀪𑀽𑀢𑁄𑀫𑀼𑀤𑀼𑀳𑁄𑀢𑀺, 𑀅𑀢𑀺𑀢𑀺𑀓𑁆𑀔𑀜𑁆𑀘𑀯𑁂𑀭𑀯𑀸;
𑀏𑀢𑀜𑁆𑀘𑀉𑀪𑀬𑀁𑀜𑀢𑁆𑀯𑀸, 𑀅𑀦𑀼𑀫𑀚𑁆𑀛𑀁𑀲𑀫𑀸𑀘𑀭𑁂.
𑀦𑁂𑀓𑀦𑁆𑀢𑀫𑀼𑀤𑀼𑀦𑀸𑀲𑀓𑁆𑀓𑀸, 𑀏𑀓𑀦𑁆𑀢𑀢𑀺𑀔𑀺𑀡𑁂𑀦𑀯𑀸;
𑀫𑀳𑀢𑁆𑀢𑁂𑀝𑁆𑀞𑀧𑀺𑀢𑀼𑀅𑀢𑁆𑀢𑀁, 𑀢𑀲𑁆𑀫𑀸𑀉𑀪𑀬𑀫𑀸𑀘𑀭𑁂.
𑀓𑀲𑁆𑀲𑀓𑁄𑀯𑀸𑀡𑀺𑀚𑁄𑀫𑀘𑁆𑀘𑁄 ¶ , 𑀲𑀫𑀡𑁄𑀲𑀼𑀢𑀲𑀻𑀮𑀯𑀸;
𑀢𑁂𑀲𑀼𑀯𑀺𑀧𑀼𑀮𑀚𑀸𑀢𑁂𑀲𑀼, 𑀭𑀝𑁆𑀞𑀁𑀧𑀺𑀯𑀺𑀧𑀼𑀮𑀁𑀲𑀺𑀬𑀸.
𑀢𑁂𑀲𑀼𑀤𑀼𑀩𑁆𑀩𑀮𑀚𑀸𑀢𑁂𑀲𑀼, 𑀭𑀝𑁆𑀞𑀁𑀧𑀺𑀤𑀼𑀩𑁆𑀩𑀮𑀁𑀲𑀺𑀬𑀸;
𑀲𑀭𑀝𑁆𑀞𑀁𑀯𑀺𑀧𑀼𑀮𑀁𑀢𑀲𑁆𑀫𑀸, 𑀥𑀸𑀭𑁂𑀬𑁆𑀬𑀭𑀝𑁆𑀞𑀪𑀸𑀭𑀯𑀸.
𑀫𑀳𑀸𑀭𑀼𑀓𑁆𑀔𑀲𑁆𑀲𑀨𑀮𑀺𑀦𑁄, 𑀆𑀫𑀁𑀙𑀺𑀦𑁆𑀤𑀢𑀺𑀬𑁄𑀨𑀮𑀁;
𑀭𑀲𑀜𑁆𑀘𑀲𑁆𑀲𑀦𑀚𑀸𑀦𑀸𑀢𑀺, 𑀩𑀻𑀚𑀜𑁆𑀘𑀲𑁆𑀲𑀯𑀺𑀦𑀲𑁆𑀲𑀢𑀺.
𑀫𑀳𑀸𑀭𑀼𑀓𑁆𑀔𑀽𑀧𑀫𑀁𑀭𑀝𑁆𑀞𑀁, 𑀅𑀥𑀫𑁆𑀫𑁂𑀦𑀧𑀲𑀸𑀲𑀢𑀺;
𑀭𑀲𑀜𑁆𑀘𑀲𑁆𑀲𑀦𑀚𑀸𑀦𑀸𑀢𑀺, 𑀭𑀝𑁆𑀞𑀜𑁆𑀘𑀸𑀧𑀺𑀯𑀺𑀦𑀲𑁆𑀲𑀢𑀺.
𑀫𑀳𑀸𑀭𑀼𑀓𑁆𑀔𑀲𑁆𑀲𑀨𑀮𑀺𑀦𑁄 ¶ , 𑀧𑀓𑁆𑀓𑀁𑀙𑀺𑀦𑁆𑀤𑀢𑀺𑀬𑁄𑀨𑀮𑀁;
𑀭𑀲𑀜𑁆𑀘𑀲𑁆𑀲𑀯𑀺𑀚𑀸𑀦𑀸𑀢𑀺, 𑀩𑀻𑀚𑀜𑁆𑀘𑀲𑁆𑀲𑀦𑀦𑀲𑁆𑀲𑀢𑀺.
𑀫𑀳𑀸𑀭𑀼𑀓𑁆𑀔𑀽𑀧𑀫𑀁𑀭𑀝𑁆𑀞𑀁, 𑀥𑀫𑁆𑀫𑁂𑀦 𑀬𑁄𑀧𑀲𑀸𑀲𑀢𑀺;
𑀭𑀲𑀜𑁆𑀘𑀲𑁆𑀲𑀯𑀺𑀚𑀸𑀦𑀸𑀢𑀺, 𑀭𑀝𑁆𑀞𑀜𑁆𑀘𑀸𑀧𑀺𑀦𑀦𑀲𑁆𑀲𑀢𑀺.
𑀬𑁄𑀘𑀭𑀸𑀚𑀸𑀚𑀦𑀧𑀤𑀁, 𑀅𑀥𑀫𑁆𑀫𑁂𑀦𑀧𑀲𑀸𑀲𑀢𑀺;
𑀲𑀩𑁆𑀩𑁄𑀲𑀥𑀻𑀳𑀺𑀲𑁄𑀭𑀸𑀚𑀸, 𑀯𑀺𑀭𑀼𑀤𑁆𑀥𑁄𑀳𑁄𑀢𑀺𑀔𑀢𑁆𑀢𑀺𑀬𑁄.
𑀢𑀣𑁂𑀯𑀦𑁂𑀕𑀫𑁂𑀳𑀺𑀁𑀲𑀁 ¶ , 𑀬𑁂𑀬𑀼𑀢𑁆𑀢𑀸𑀓𑀬𑀯𑀺𑀓𑁆𑀓𑀬𑁂;
𑀑𑀚𑀸𑀤𑀸𑀦𑀩𑀮𑀺𑀓𑀸𑀭𑁂, 𑀲𑀓𑁄𑀲𑁂𑀦𑀯𑀺𑀭𑀼𑀚𑁆𑀛𑀢𑀺.
𑀧𑀳𑀸𑀭𑀯𑀭𑀔𑁂𑀢𑁆𑀢𑀜𑁆𑀜𑀽, 𑀲𑀗𑁆𑀕𑀸𑀫𑁂𑀓𑀢𑀦𑀺𑀲𑁆𑀲𑀫𑁂;
𑀉𑀲𑁆𑀲𑀺𑀢𑁂𑀳𑀺𑀁𑀲𑀬𑀁𑀭𑀸𑀚𑀸, 𑀲𑀩𑀮𑁂𑀦𑀯𑀺𑀭𑀼𑀚𑁆𑀛𑀢𑀺.
𑀢𑀣𑁂𑀯𑀇𑀲𑀬𑁄𑀳𑀺𑀁𑀲𑀁, 𑀲𑀁𑀬𑀫𑁂𑀩𑁆𑀭𑀳𑁆𑀫𑀘𑀸𑀭𑀺𑀬𑁄;
𑀅𑀥𑀫𑁆𑀫𑀘𑀸𑀭𑀺𑀔𑀢𑁆𑀢𑀺𑀬𑁄, 𑀲𑀲𑀕𑁆𑀕𑁂𑀦𑀯𑀺𑀭𑀼𑀚𑁆𑀛𑀢𑀺.
𑀲𑀬𑀁𑀓𑀢𑀸𑀦𑀧𑀭𑁂𑀦 ¶ , 𑀫𑀳𑀸𑀦𑀚𑁆𑀚𑁄𑀚𑀼𑀯𑀗𑁆𑀓𑀢𑀸;
𑀇𑀲𑁆𑀲𑀭𑁂𑀦𑀢𑀣𑀸𑀭𑀜𑁆𑀜𑀸, 𑀲𑀭𑀝𑁆𑀞𑁂𑀅𑀥𑀺𑀧𑀘𑁆𑀘𑀢𑁆𑀢𑀸.
𑀧𑀼𑀢𑁆𑀢𑁄𑀧𑀸𑀧𑀁𑀓𑀢𑁄𑀫𑀸𑀢𑀸,
𑀲𑀺𑀲𑁆𑀲𑁄𑀧𑀸𑀧𑀁𑀓𑀢𑁄𑀕𑀭𑀼;
𑀦𑀸𑀕𑀭𑁂𑀳𑀺𑀓𑀢𑁄𑀭𑀸𑀚𑀸,
𑀭𑀸𑀚𑀸𑀧𑀸𑀧𑀁𑀧𑀼𑀭𑁄𑀳𑀺𑀢𑁄.
𑀧𑀼𑀜𑁆𑀜𑀸𑀧𑀼𑀜𑁆𑀜𑀁𑀓𑀭𑁄𑀦𑁆𑀢𑁂𑀲𑀼, 𑀙𑀪𑀸𑀕𑁄𑀏𑀓𑀤𑁂𑀲𑀓𑀁;
𑀭𑀸𑀚𑀸𑀮𑀪𑀢𑀺𑀲𑀩𑁆𑀩𑁂𑀳𑀺, 𑀢𑀲𑁆𑀫𑀸𑀧𑀸𑀧𑀸𑀦𑀺𑀯𑀸𑀭𑀬𑁂;
𑀧𑀼𑀜𑁆𑀜𑀫𑁂𑀯𑀧𑀯𑀟𑁆𑀠𑁂𑀦𑁆𑀢𑁄, 𑀚𑀦𑀓𑀸𑀬𑀁𑀧𑀲𑀸𑀲𑀬𑁂.
𑀩𑀸𑀮𑀲𑁆𑀲𑀚𑀻𑀯𑀺𑀢𑀁𑀅𑀧𑁆𑀧𑀁 ¶ , 𑀧𑀡𑁆𑀟𑀺𑀢𑀲𑁆𑀲𑀩𑀳𑀼𑀢𑀭𑀁;
𑀚𑀦𑀓𑀸𑀬𑀲𑁆𑀲𑀭𑀸𑀚𑀸𑀯, 𑀭𑀸𑀚𑀥𑀫𑁆𑀫𑁄𑀯𑀭𑀸𑀚𑀼𑀦𑀁.
𑀅𑀦𑀸𑀬𑀓𑀸𑀯𑀺𑀦𑀲𑁆𑀲𑀦𑁆𑀢𑀺, 𑀦𑀲𑁆𑀲𑀦𑁆𑀢𑀺𑀩𑀳𑀼𑀦𑀸𑀬𑀓𑀸;
𑀣𑀺𑀦𑀸𑀬𑀓𑀸𑀯𑀺𑀦𑀲𑁆𑀲𑀦𑁆𑀢𑀺, 𑀦𑀲𑁆𑀲𑀦𑁆𑀢𑀺𑀲𑀼𑀲𑀼𑀦𑀸𑀬𑀓𑀸.
𑀓𑀘𑁆𑀙𑀧𑀻𑀦𑀜𑁆𑀘𑀫𑀘𑁆𑀙𑀻𑀦𑀁, 𑀓𑀼𑀓𑁆𑀓𑀼𑀝𑀻𑀦𑀜𑁆𑀘𑀥𑁂𑀦𑀼𑀦𑀁;
𑀧𑀼𑀢𑁆𑀢𑀧𑁄𑀲𑁄𑀬𑀣𑀸𑀳𑁄𑀢𑀺, 𑀢𑀣𑀸𑀫𑀘𑁆𑀘𑁂𑀲𑀼𑀭𑀸𑀚𑀼𑀦𑀁.
𑀦𑀳𑀺𑀭𑀸𑀚𑀓𑀼𑀮𑀁𑀧𑀢𑁆𑀢𑁄 ¶ , 𑀅𑀜𑁆𑀜𑀸𑀢𑁄𑀮𑀪𑀢𑁂𑀬𑀲𑀁;
𑀦𑀸𑀲𑀽𑀭𑁄𑀦𑀸𑀢𑀺𑀤𑀼𑀫𑁆𑀫𑁂𑀥𑁄, 𑀦𑀧𑀫𑀢𑁆𑀢𑁄𑀓𑀼𑀤𑀸𑀘𑀦𑀁.
𑀬𑀤𑀸𑀲𑀻𑀮𑀜𑁆𑀘𑀧𑀜𑁆𑀜𑀜𑁆𑀘 ¶ , 𑀲𑁄𑀘𑁂𑀬𑁆𑀬𑀜𑁆𑀘𑀸𑀥𑀺𑀕𑀘𑁆𑀙𑀢𑀺;
𑀅𑀣𑀯𑀺𑀲𑀸𑀲𑀺𑀢𑁄𑀢𑀫𑁆𑀳𑀺, 𑀕𑀼𑀬𑁆𑀳𑀜𑁆𑀘𑀲𑁆𑀲𑀦𑀭𑀓𑁆𑀔𑀢𑀺.
𑀤𑀺𑀯𑀸𑀯𑀸𑀬𑀤𑀺𑀯𑀸𑀭𑀢𑁆𑀢𑀺𑀁, 𑀭𑀸𑀚𑀓𑀺𑀘𑁆𑀘𑁂𑀲𑀼𑀧𑀡𑁆𑀟𑀺𑀢𑁄;
𑀅𑀚𑁆𑀛𑀺𑀝𑁆𑀞𑁄𑀦𑀯𑀺𑀓𑀧𑁆𑀧𑁂𑀬𑁆𑀬, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀭𑀜𑁆𑀜𑀸𑀲𑀫𑀓𑀁𑀯𑀢𑁆𑀣𑀁, 𑀦𑀫𑀸𑀮𑀁𑀦𑀯𑀺𑀮𑁂𑀧𑀦𑀁;
𑀆𑀓𑀧𑁆𑀧𑀁𑀲𑀭𑀓𑀼𑀢𑁆𑀢𑀺𑀁𑀯𑀸, 𑀦𑀭𑀜𑁆𑀜𑀸𑀲𑀤𑀺𑀲𑀫𑀸𑀘𑀭𑁂.
𑀓𑀺𑀴𑁂𑀭𑀸𑀚𑀸𑀅𑀫𑀘𑁆𑀘𑁂𑀳𑀺 ¶ , 𑀪𑀭𑀺𑀬𑀸𑀧𑀭𑀺𑀯𑀸𑀭𑀺𑀢𑁄;
𑀦𑀸𑀫𑀘𑁆𑀘𑁄𑀭𑀸𑀚𑀪𑀭𑀺𑀬𑀸, 𑀪𑀸𑀯𑀁𑀓𑀼𑀩𑁆𑀩𑁂𑀣𑀧𑀡𑁆𑀟𑀺𑀢𑁄.
𑀅𑀦𑀼𑀤𑁆𑀥𑀢𑁄𑀅𑀘𑀧𑀮𑁄, 𑀦𑀺𑀧𑀓𑁄𑀲𑀁𑀯𑀼𑀢𑀺𑀦𑁆𑀤𑁆𑀭𑀺𑀬𑁄;
𑀫𑀦𑁄𑀧𑀡𑀺𑀥𑀺𑀲𑀫𑁆𑀧𑀦𑁆𑀦𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀸𑀲𑁆𑀲𑀪𑀭𑀺𑀬𑀸𑀓𑀺𑀴𑁂𑀬𑁆𑀬, 𑀦𑀫𑀦𑁆𑀢𑁂𑀬𑁆𑀬𑀭𑀳𑁄𑀕𑀢𑁄;
𑀦𑀸𑀲𑁆𑀲𑀓𑁄𑀲𑁂𑀥𑀦𑀁𑀕𑀡𑁆𑀳𑁂, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦 ¶ 𑀦𑀺𑀤𑁆𑀤𑀁𑀩𑀳𑀼𑀁𑀫𑀜𑁆𑀜𑁂𑀬𑁆𑀬, 𑀦𑀫𑀤𑀸𑀬𑀲𑀼𑀭𑀁𑀧𑀺𑀯𑁂;
𑀦𑀸𑀲𑀤𑀸𑀬𑁂𑀫𑀺𑀕𑁂𑀳𑀜𑁆𑀜𑁂, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀸𑀲𑁆𑀲𑀧𑀺𑀝𑁆𑀞𑀁𑀦𑀧𑀮𑁆𑀮𑀗𑁆𑀓𑀁, 𑀦𑀓𑁄𑀘𑁆𑀙𑀁𑀦𑀦𑀸𑀯𑀁𑀭𑀣𑀁;
𑀲𑀫𑁆𑀫𑀢𑁄𑀫𑁆𑀳𑀻𑀢𑀺𑀆𑀭𑀼𑀴𑁆𑀳𑁂, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀸𑀢𑀺𑀤𑀽𑀭𑁂𑀪𑀚𑁂𑀭𑀜𑁆𑀜𑁄, 𑀦𑀘𑁆𑀘𑀸𑀲𑀦𑁆𑀦𑁂𑀯𑀺𑀘𑀓𑁆𑀔𑀡𑁄;
𑀲𑀫𑀼𑀔𑀸𑀘𑀲𑁆𑀲𑀢𑀺𑀝𑁆𑀞𑁂𑀬𑁆𑀬, 𑀲𑀦𑁆𑀢𑀲𑀦𑁆𑀢𑁄𑀲𑀪𑀢𑁆𑀢𑀼𑀦𑁄.
𑀦𑀫𑁂𑀭𑀸𑀚𑀸𑀲𑀔𑀸𑀳𑁄𑀢𑀺 ¶ 𑁬, 𑀦𑀭𑀸𑀚𑀸𑀳𑁄𑀢𑀺𑀫𑁂𑀣𑀼𑀦𑁄;
𑀔𑀺𑀧𑁆𑀧𑀁𑀓𑀼𑀚𑁆𑀛𑀦𑁆𑀢𑀺𑀭𑀸𑀚𑀸𑀦𑁄, 𑀲𑀼𑀮𑁂𑀦𑀓𑁆𑀔𑀺𑀯𑀖𑀝𑁆𑀝𑀺𑀢𑀁.
𑀦𑀧𑀽𑀚𑀺𑀢𑁄𑀫𑀜𑁆𑀜𑀫𑀸𑀦𑁄, 𑀫𑁂𑀥𑀸𑀯𑀻𑀧𑀡𑁆𑀟𑀺𑀢𑁄𑀦𑀭𑁄;
𑀨𑀭𑀼𑀲𑀁𑀧𑀢𑀺𑀫𑀦𑁆𑀢𑁂𑀬𑁆𑀬, 𑀭𑀸𑀚𑀸𑀦𑀁𑀧𑀭𑀺𑀲𑀁𑀕𑀢𑀁.
𑀮𑀤𑁆𑀥𑀤𑁆𑀯𑀸𑀭𑁄𑀮𑀪𑁂𑀤𑁆𑀯𑀸𑀭𑀁, 𑀦𑁂𑀯𑀭𑀸𑀚𑀽𑀲𑀼𑀯𑀻𑀲𑀬𑁂;
𑀅𑀕𑁆𑀕𑀺𑀁𑀯𑀲𑀁𑀬𑀢𑁄𑀢𑀺𑀝𑁆𑀞𑁂, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀧𑀼𑀢𑁆𑀢𑀁𑀯𑀸𑀪𑀸𑀢𑀭𑀁𑀯𑀸𑀧𑀺 ¶ , 𑀲𑀫𑁆𑀧𑀕𑁆𑀕𑀡𑁆𑀳𑀸𑀢𑀺𑀔𑀢𑁆𑀢𑀺𑀬𑁄;
𑀕𑀸𑀫𑁂𑀳𑀺𑀦𑀺𑀕𑀫𑁂𑀳𑀺𑀯𑀸, 𑀭𑀝𑁆𑀞𑁂𑀳𑀺𑀚𑀦𑀧𑀤𑁂𑀳𑀺;
𑀢𑀼𑀡𑁆𑀳𑀺𑀪𑀽𑀢𑁄𑀯𑀼𑀤𑀺𑀓𑁆𑀔𑁂𑀬𑁆𑀬, 𑀦𑀪𑀡𑁂𑀙𑁂𑀓𑀧𑀸𑀧𑀓𑀁.
𑀳𑀢𑁆𑀣𑀸𑀭𑁄𑀳𑁂𑀅𑀦𑀺𑀓𑀝𑁆𑀞𑁂, 𑀭𑀣𑀺𑀓𑁂𑀧𑀢𑁆𑀢𑀺𑀓𑀸𑀭𑀓𑁂;
𑀢𑁂𑀲𑀁𑀓𑀫𑁆𑀫𑀸𑀯𑀥𑀸𑀦𑁂𑀦, 𑀭𑀸𑀚𑀸𑀯𑀟𑁆𑀠𑁂𑀢𑀺𑀯𑁂𑀢𑁆𑀢𑀦𑀁;
𑀦𑀢𑁂𑀲𑀁𑀅𑀦𑁆𑀢𑀭𑀸𑀕𑀘𑁆𑀙𑁂, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀘𑀸𑀧𑁄𑀯𑀽𑀦𑀽𑀤𑀭𑁄𑀘𑀲𑁆𑀲 ¶ , 𑀯𑀁𑀲𑁄𑀯𑀸𑀧𑀺𑀧𑀓𑀫𑁆𑀧𑀬𑁆𑀬𑁂;
𑀧𑀝𑀺𑀮𑁄𑀫𑀁𑀦𑀯𑀢𑁆𑀢𑁂𑀬𑁆𑀬, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀘𑀸𑀧𑁄𑀯𑀽𑀦𑀽𑀤𑀭𑁄𑀘𑀲𑁆𑀲, 𑀫𑀘𑁆𑀙𑁄𑀯𑀲𑁆𑀲𑀅𑀚𑀺𑀯𑁆𑀳𑀓𑁄;
𑀅𑀪𑀸𑀲𑀁𑀦𑀺𑀧𑀓𑁄𑀲𑀽𑀭𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀩𑀸𑀴𑁆𑀳𑀁𑀇𑀢𑁆𑀣𑀺𑀁𑀕𑀘𑁆𑀙𑁂𑀬𑁆𑀬, 𑀲𑀫𑁆𑀧𑀲𑁆𑀲𑀁 𑀢𑁂𑀚𑀲𑀗𑁆𑀔𑀬𑀁;
𑀓𑀸𑀲𑀁𑀲𑀸𑀲𑀁𑀣𑀤𑁆𑀥𑀸𑀩𑀮𑀁, 𑀔𑀻𑀡𑀫𑁂𑀥𑁄𑀦𑀺𑀕𑀘𑁆𑀙𑀢𑀺.
𑀦𑀸𑀢𑀺𑀯𑁂𑀮𑀁𑀧𑀪𑀸𑀲𑁂𑀬𑁆𑀬 ¶ , 𑀦𑀢𑀼𑀡𑁆𑀳𑀺𑀲𑀩𑁆𑀩𑀤𑀸𑀲𑀺𑀬𑀸;
𑀅𑀯𑀺𑀢𑀺𑀡𑁆𑀡𑀁𑀫𑀺𑀢𑀁𑀯𑀸𑀘𑀁, 𑀧𑀢𑁆𑀣𑀓𑀸𑀮𑁂𑀉𑀤𑀻𑀭𑀬𑁂.
𑀅𑀓𑁄𑀥𑀦𑁄𑀅𑀲𑀗𑁆𑀖𑀝𑁆𑀝𑁄,
𑀲𑀘𑁆𑀘𑁄𑀲𑀡𑁆𑀳𑁄𑀅𑀧𑁂𑀲𑀼𑀡𑁄;
𑀲𑀫𑁆𑀨𑀁𑀕𑀺𑀭𑀁𑀦𑀪𑀸𑀲𑁂𑀬𑁆𑀬,
𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀫𑀸𑀢𑀸𑀧𑀺𑀢𑀼𑀪𑀭𑁄𑀅𑀲𑁆𑀲 ¶ , 𑀓𑀼𑀮𑁂𑀚𑁂𑀝𑁆𑀞𑀸𑀧𑀘𑀸𑀬𑀺𑀓𑁄;
𑀳𑀺𑀭𑀺𑀑𑀢𑁆𑀢𑀧𑁆𑀧𑀲𑀫𑁆𑀧𑀦𑁆𑀦𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀯𑀺𑀦𑀺𑀢𑁄𑀲𑀺𑀧𑁆𑀧𑀯𑀸𑀤𑀦𑁆𑀢𑁄, 𑀬𑀢𑀢𑁆𑀢𑁄𑀦𑀺𑀬𑀢𑁄𑀫𑀼𑀤𑀼;
𑀅𑀧𑁆𑀧𑀫𑀢𑁆𑀢𑁄𑀲𑀼𑀘𑀺𑀤𑀓𑁆𑀔𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀦𑀺𑀯𑀸𑀢𑀯𑀼𑀢𑁆𑀢𑀺𑀯𑀼𑀟𑁆𑀠𑁂𑀲𑀼 ¶ , 𑀲𑀧𑁆𑀧𑀢𑀺𑀲𑁆𑀲𑁄𑀲𑀕𑀸𑀭𑀯𑁄;
𑀲𑀽𑀭𑀢𑁄𑀲𑀼𑀔𑀲𑀁𑀯𑀸𑀲𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀆𑀭𑀓𑀸𑀧𑀭𑀺𑀯𑀚𑁆𑀚𑁂𑀬𑁆𑀬, 𑀲𑀜𑁆𑀜𑀺𑀢𑀼𑀁𑀧𑀳𑀺𑀢𑀁𑀚𑀦𑀁;
𑀪𑀢𑁆𑀢𑀸𑀭𑀫𑁂𑀯𑀼𑀤𑀺𑀓𑁆𑀔𑁂𑀬𑁆𑀬, 𑀦𑀘𑀅𑀜𑁆𑀜𑀲𑁆𑀲𑀭𑀸𑀚𑀺𑀦𑁄.
𑀲𑀫𑀡𑁂𑀩𑁆𑀭𑀳𑁆𑀫𑀡𑁂𑀘𑀸𑀧𑀺, 𑀲𑀻𑀮𑀯𑀦𑁆𑀢𑁂𑀩𑀳𑀼𑀲𑁆𑀲𑀼𑀢𑁂;
𑀲𑀓𑁆𑀓𑀘𑁆𑀘𑀁𑀧𑀬𑀺𑀭𑀽𑀧𑀸𑀲𑁂, 𑀅𑀦𑁆𑀦𑀧𑀸𑀦𑁂𑀦𑀢𑀧𑁆𑀧𑀬𑁆𑀬𑁂;
𑀆𑀲𑀚𑁆𑀚𑀧𑀜𑁆𑀳𑁂𑀧𑀼𑀘𑁆𑀙𑁂𑀬𑁆𑀬, 𑀆𑀓𑀗𑁆𑀔𑀁𑀯𑀼𑀟𑁆𑀠𑀺𑀫𑀢𑁆𑀢𑀦𑁄.
𑀤𑀺𑀦𑁆𑀦𑀧𑀼𑀩𑁆𑀩𑀁𑀦𑀳𑀸𑀧𑁂𑀬𑁆𑀬 ¶ , 𑀤𑀸𑀦𑀁𑀲𑀫𑀡𑀩𑁆𑀭𑀳𑁆𑀫𑀡𑁂;
𑀦𑀘𑀓𑀺𑀜𑁆𑀘𑀺𑀦𑀺𑀯𑀸𑀭𑁂𑀬𑁆𑀬, 𑀤𑀸𑀦𑀓𑀸𑀮𑁂𑀯𑀡𑀺𑀩𑁆𑀩𑀓𑁂.
𑀧𑀜𑁆𑀜𑀸𑀯𑀸𑀯𑀼𑀟𑁆𑀠𑀺𑀲𑀫𑁆𑀧𑀦𑁆𑀦𑁄, 𑀯𑀺𑀥𑀸𑀦𑀯𑀺𑀥𑀺𑀓𑁄𑀯𑀺𑀤𑁄;
𑀓𑀸𑀮𑀜𑁆𑀜𑀽𑀲𑀫𑀬𑀜𑁆𑀜𑀽𑀘, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀉𑀝𑁆𑀞𑀸𑀢𑀸𑀓𑀫𑁆𑀫𑀘𑁂𑀭𑁂𑀲𑀼, 𑀅𑀧𑁆𑀧𑀫𑀢𑁆𑀢𑁄𑀯𑀺𑀘𑀓𑁆𑀔𑀡𑁄;
𑀲𑀼𑀲𑀁𑀯𑀺𑀳𑀺𑀢𑀓𑀫𑁆𑀫𑀦𑁆𑀢𑁄, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀔𑀮𑀁𑀲𑀸𑀮𑀁𑀧𑀲𑀼𑀁𑀔𑁂𑀢𑁆𑀢𑀁 ¶ , 𑀕𑀦𑁆𑀢𑀸𑀘𑀲𑁆𑀲𑀅𑀪𑀺𑀓𑁆𑀔𑀡𑀁;
𑀫𑀺𑀢𑀁𑀥𑀜𑁆𑀜𑀁𑀦𑀺𑀥𑀸𑀧𑁂𑀬𑁆𑀬, 𑀫𑀺𑀢𑀜𑁆𑀘𑀧𑀸𑀘𑀬𑁂𑀖𑀭𑁂.
𑀧𑀼𑀢𑁆𑀢𑀁𑀯𑀸𑀪𑀸𑀢𑀭𑀁𑀯𑀸𑀧𑀺, 𑀲𑀻𑀮𑁂𑀲𑀼𑀅𑀲𑀫𑀸𑀳𑀺𑀢𑀁;
𑀅𑀦𑀗𑁆𑀕𑀯𑀸𑀳𑀺𑀢𑁂𑀩𑀸𑀮𑀸, 𑀬𑀣𑀸𑀧𑁂𑀢𑀸𑀢𑀣𑁂𑀯𑀢𑁂;
𑀘𑁄𑀴𑀜𑁆𑀘𑀦𑁂𑀲𑀁𑀧𑀺𑀡𑁆𑀟𑀜𑁆𑀘, 𑀆𑀲𑀦𑀜𑁆𑀘𑀧𑀤𑀸𑀧𑀭𑁂.
𑀤𑀸𑀲𑁂𑀓𑀫𑁆𑀫𑀓𑀭𑁂𑀧𑁄𑀲𑁂 ¶ , 𑀲𑀻𑀮𑁂𑀲𑀼𑀲𑀼𑀲𑀫𑀸𑀳𑀺𑀢𑁂;
𑀤𑀓𑁆𑀔𑁂𑀉𑀝𑁆𑀞𑀸𑀦𑀲𑀫𑁆𑀧𑀦𑁆𑀦𑁂, 𑀅𑀥𑀺𑀧𑀘𑁆𑀘𑀫𑁆𑀳𑀺𑀞𑀸𑀧𑀬𑁂.
𑀲𑀻𑀮𑀯𑀸𑀘𑀅𑀮𑁄𑀪𑁄𑀘, 𑀅𑀦𑀼𑀭𑀼𑀢𑁆𑀢𑁄𑀘𑀭𑀸𑀚𑀺𑀦𑁄;
𑀆𑀯𑀻𑀭𑀳𑁄𑀳𑀺𑀢𑁄𑀘𑀲𑁆𑀲, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀙𑀦𑁆𑀤𑀜𑁆𑀜𑀽𑀭𑀸𑀚𑀺𑀦𑁄𑀅𑀲𑁆𑀲, 𑀘𑀺𑀢𑁆𑀢𑀝𑁆𑀞𑁄𑀘𑀲𑁆𑀲𑀭𑀸𑀚𑀺𑀦𑁄;
𑀅𑀲𑀗𑁆𑀓𑀼𑀲𑀓𑀯𑀼𑀢𑁆𑀢𑀺𑀲𑁆𑀲, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀉𑀘𑁆𑀙𑀸𑀤𑀦𑁂𑀦𑁆𑀳𑀸𑀧𑀦𑁂𑀘 ¶ , 𑀥𑁄𑀢𑁂𑀧𑀸𑀤𑁂𑀅𑀤𑁄𑀲𑀺𑀭𑀁;
𑀆𑀳𑀢𑁄𑀧𑀺𑀦𑀓𑀼𑀧𑁆𑀧𑁂𑀬𑁆𑀬, 𑀲𑀭𑀸𑀚𑀯𑀲𑀢𑀺𑀁𑀯𑀲𑁂.
𑀓𑀼𑀫𑁆𑀪𑀺𑀜𑁆𑀳𑀺𑀧𑀜𑁆𑀚𑀮𑀺𑀁𑀓𑁆𑀭𑀺𑀬𑀸, 𑀘𑀸𑀢𑀜𑁆𑀘𑀸𑀧𑀺𑀧𑀤𑀓𑁆𑀔𑀺𑀡𑀁;
𑀓𑀺𑀫𑁂𑀯𑀲𑀩𑁆𑀩𑀓𑀸𑀫𑀸𑀦𑀁, 𑀦𑀤𑀸𑀤𑀁𑀥𑀻𑀭𑀫𑀼𑀢𑁆𑀢𑀫𑀁.
𑀬𑁄𑀤𑁂𑀢𑀺𑀲𑀬𑀦𑀁𑀯𑀢𑁆𑀣𑀁, 𑀬𑀸𑀦𑀁𑀆𑀯𑀲𑀢𑀁𑀖𑀭𑀁;
𑀧𑀚𑁆𑀚𑀼𑀦𑁆𑀦𑁄𑀭𑀺𑀯𑀪𑀽𑀢𑀸𑀦𑀁, 𑀪𑁄𑀕𑁂𑀳𑀺𑀅𑀪𑀺𑀯𑀲𑁆𑀲𑀢𑀺.
𑀤𑁆𑀯𑁂𑀯𑀺𑀫𑁂𑀓𑀡𑁆𑀟𑀓𑀸𑀢𑀺𑀓𑁆𑀔𑀸 ¶ , 𑀲𑀭𑀻𑀭𑀧𑀭𑀺𑀲𑁄𑀲𑀺𑀢𑀸;
𑀓𑀸𑀫𑁂𑀢𑀺𑀦𑀺𑀤𑁆𑀥𑀦𑁄𑀬𑁄𑀘, 𑀬𑁄𑀘𑀓𑀼𑀧𑁆𑀧𑀢𑁆𑀬𑀦𑀺𑀲𑁆𑀲𑀭𑁄.
𑀅𑀥𑀦𑀲𑁆𑀲𑀭𑀲𑀁𑀔𑀸𑀤𑀸, 𑀅𑀩𑀮𑀲𑁆𑀲𑀳𑀢𑀸𑀳𑀢𑀸;
𑀅𑀧𑀜𑁆𑀜𑀲𑁆𑀲𑀓𑀣𑀸𑀯𑀸𑀓𑁆𑀬𑀸, 𑀢𑀺𑀯𑀺𑀥𑀁𑀳𑀻𑀦𑀮𑀓𑁆𑀔𑀡𑀁.
𑀧𑀣𑀩𑁆𑀬𑀸𑀫𑀥𑀼𑀭𑀸𑀢𑀻𑀡𑀺 ¶ , 𑀉𑀘𑁆𑀙𑀼𑀦𑀸𑀭𑀻𑀲𑀼𑀪𑀸𑀲𑀺𑀢𑀁;
𑀉𑀘𑁆𑀙𑀼𑀦𑀸𑀭𑀻𑀲𑀼𑀢𑀧𑁆𑀧𑀦𑁆𑀢𑀺, 𑀦𑀢𑀧𑁆𑀧𑀦𑁆𑀢𑀺𑀲𑀼𑀪𑀸𑀲𑀺𑀢𑀁.
𑀧𑀣𑀩𑁆𑀬𑀸𑀢𑀻𑀡𑀺𑀭𑀢𑀦𑀸𑀦𑀺, 𑀲𑀗𑁆𑀕𑀳𑀸𑀦𑀺𑀫𑀳𑀻𑀢𑀮𑁂;
𑀲𑀺𑀧𑁆𑀧𑀁𑀥𑀜𑁆𑀜𑀜𑁆𑀘𑀫𑀺𑀢𑁆𑀢𑀜𑁆𑀘, 𑀪𑀯𑀦𑁆𑀢𑀺𑀭𑀢𑀦𑀸𑀇𑀫𑁂.
𑀓𑀮𑁆𑀬𑀸𑀡𑀫𑀺𑀢𑁆𑀢𑀁𑀓𑀦𑁆𑀢𑀸𑀭𑀁, 𑀬𑀼𑀤𑁆𑀥𑀁𑀲𑀪𑀸𑀬𑀪𑀸𑀲𑀺𑀢𑀼𑀁;
𑀅𑀲𑀢𑁆𑀣𑀸𑀕𑀦𑁆𑀢𑀼𑀫𑀺𑀘𑁆𑀙𑀦𑁆𑀢𑀺, 𑀫𑀼𑀴𑁆𑀳𑀸𑀢𑁂𑀘𑀢𑀼𑀭𑁄𑀚𑀦𑀸.
𑀚𑀻𑀯𑀦𑁆𑀢𑁄𑀧𑀺𑀫𑀢𑀸𑀧𑀜𑁆𑀘 ¶ , 𑀩𑁆𑀬𑀸𑀲𑁂𑀦𑀧𑀭𑀺𑀓𑀺𑀢𑁆𑀢𑀺𑀢𑀸;
𑀤𑀼𑀓𑁆𑀔𑀺𑀢𑁄𑀩𑁆𑀬𑀸𑀥𑀺𑀢𑁄𑀧𑀓𑁆𑀔𑁄, 𑀇𑀡𑀯𑀸𑀦𑀺𑀢𑁆𑀬𑀲𑁂𑀯𑀓𑁄.
𑀘𑀓𑁆𑀔𑀼𑀤𑁆𑀯𑀸𑀭𑀸𑀤𑀺𑀓𑀁𑀙𑀓𑁆𑀓𑀁, 𑀲𑀁𑀯𑀼𑀢𑁄𑀲𑀧𑀜𑁆𑀜𑁄𑀦𑀭𑁄;
𑀙𑀩𑁆𑀩𑀺𑀥𑁄𑀳𑁄𑀢𑀺𑀲𑀻𑀮𑁂𑀦, 𑀅𑀲𑀻𑀮𑁂𑀦𑀸𑀧𑀺𑀙𑀩𑁆𑀩𑀺𑀥𑁄.
𑀦𑀺𑀤𑁆𑀤𑀸𑀮𑀼𑀓𑁄𑀧𑀫𑀸𑀤𑁄𑀘, 𑀲𑀼𑀔𑀺𑀢𑁄𑀭𑁄𑀕𑀯𑀸𑀮𑀲𑁄;
𑀦𑀺𑀘𑁆𑀙𑀦𑁆𑀤𑁄𑀘𑀓𑀫𑁆𑀫𑀸𑀭𑀸𑀫𑁄, 𑀲𑀢𑁆𑀢𑁂𑀢𑁂𑀲𑀢𑁆𑀣𑀯𑀚𑁆𑀚𑀺𑀢𑀸.
𑀓𑀼𑀮𑀚𑁄𑀧𑀜𑁆𑀜𑀯𑀸𑀙𑀦𑁆𑀤𑁄 ¶ , 𑀳𑀺𑀭𑁄𑀢𑁆𑀢𑀧𑁆𑀧𑁄𑀲𑀼𑀢𑀤𑁆𑀥𑀭𑁄;
𑀅𑀢𑁆𑀣𑀓𑀸𑀫𑁄𑀲𑀼𑀭𑀓𑁆𑀔𑁄𑀘, 𑀅𑀝𑁆𑀞𑁂𑀢𑁂𑀲𑀢𑁆𑀣𑀬𑀼𑀚𑁆𑀚𑀺𑀢𑀸.
𑀓𑀼𑀮𑀲𑁂𑀝𑁆𑀞𑁄𑀲𑀧𑀜𑁆𑀜𑁄𑀘, 𑀯𑀼𑀟𑁆𑀠𑀺𑀲𑀽𑀭𑁄𑀘𑀲𑀻𑀮𑀯𑀸;
𑀩𑀳𑀼𑀲𑁆𑀲𑀼𑀢𑁄𑀯𑀼𑀝𑁆𑀞𑀸𑀦𑁄𑀘, 𑀫𑀻𑀭𑁄𑀲𑀼𑀕𑀢𑀺𑀕𑀸𑀫𑀺𑀓𑁄;
𑀦𑀯𑁂𑀢𑁂𑀲𑀼𑀚𑀦𑀸𑀲𑁂𑀝𑁆𑀞𑀸, 𑀧𑀸𑀧𑀸𑀢𑁆𑀢𑀸𑀦𑀁𑀦𑀺𑀯𑀸𑀭𑀬𑁂.
𑀩𑀼𑀤𑁆𑀥𑁄𑀧𑀘𑁆𑀘𑁂𑀓𑀩𑀼𑀤𑁆𑀥𑁄𑀘, 𑀅𑀭𑀳𑀸𑀅𑀕𑁆𑀕𑀲𑀸𑀯𑀓𑁄;
𑀫𑀸𑀢𑀸𑀧𑀺𑀢𑀸𑀕𑀭𑀼𑀲𑀢𑁆𑀣𑀸, 𑀤𑀸𑀬𑀓𑁄𑀥𑀫𑁆𑀫𑀤𑁂𑀲𑀓𑁄;
𑀧𑀡𑁆𑀟𑀺𑀢𑁂𑀳𑀺𑀇𑀫𑁂𑀤𑀲, 𑀦 𑀤𑀼𑀩𑁆𑀪𑀦𑁆𑀢𑀻𑀢𑀺𑀚𑀸𑀦𑀺𑀬𑀸.
𑀥𑀫𑁆𑀫𑀢𑁆𑀣𑀓𑀸𑀫𑀫𑁄𑀓𑁆𑀔𑀸𑀦𑀁 ¶ , 𑀧𑀸𑀡𑁄𑀲𑀁𑀲𑀺𑀤𑁆𑀥𑀺𑀓𑀸𑀭𑀡𑀁;
𑀢𑀁𑀦𑀺𑀖𑀸𑀢𑁄𑀓𑀺𑀁𑀦𑀺𑀳𑀢𑁄, 𑀭𑀓𑁆𑀔𑀺𑀢𑁄𑀓𑀺𑀁𑀦𑀭𑀓𑁆𑀔𑀢𑀺.
𑀲𑀣𑀁𑀤𑀻𑀖𑀸𑀬𑀼𑀓𑁄𑀲𑀩𑁆𑀩 ¶ , 𑀲𑀢𑁆𑀢𑀸𑀦𑀁𑀲𑀼𑀔𑀓𑀸𑀭𑀡𑀁;
𑀅𑀲𑀣𑀁𑀧𑀦𑀲𑀩𑁆𑀩𑁂𑀲𑀁, 𑀤𑀼𑀓𑁆𑀔𑀳𑁂𑀢𑀼𑀦𑀲𑀁𑀲𑀬𑁄.
𑀬𑀦𑁆𑀢𑀕𑀢𑁄𑀉𑀘𑁆𑀙𑀼𑀭𑀲𑀁, 𑀦𑀚𑀳𑀸𑀢𑀺𑀕𑀚𑁄𑀢𑀣𑀸;
𑀲𑀗𑁆𑀕𑀸𑀫𑁂𑀲𑀼𑀕𑀢𑁄𑀮𑀺𑀴𑀁, 𑀲𑀼𑀲𑁆𑀲𑀼𑀢𑁂𑀦𑀸𑀧𑀺𑀘𑀦𑁆𑀤𑀦𑀁.
𑀲𑀸𑀭𑀕𑀦𑁆𑀥𑀁𑀦𑀚𑀳𑀸𑀢𑀺, 𑀤𑀼𑀓𑁆𑀔𑀧𑀢𑁆𑀢𑁄𑀧𑀺𑀧𑀡𑁆𑀟𑀺𑀢𑁄;
𑀦𑀚𑀳𑀸𑀢𑀺𑀲𑀢𑀁𑀥𑀫𑁆𑀫𑀁, 𑀲𑀼𑀔𑀓𑀸𑀮𑁂𑀓𑀣𑀸𑀯𑀓𑀸.
𑀅𑀢𑁆𑀢𑀸𑀩𑀦𑁆𑀥𑀼𑀫𑀦𑀼𑀲𑁆𑀲𑀸𑀦𑀁, 𑀭𑀺𑀧𑀼𑀅𑀢𑁆𑀢𑀸𑀯𑀚𑀦𑁆𑀢𑀼𑀦𑀁;
𑀅𑀢𑁆𑀢𑀸𑀯𑀦𑀺𑀬𑀢𑁄𑀜𑀸𑀢𑀺, 𑀅𑀢𑁆𑀢𑀸𑀯𑀦𑀺𑀬𑀢𑁄𑀭𑀺𑀧𑀼.
𑀅𑀢𑁆𑀢𑀸𑀦𑀁𑀧𑀭𑀺𑀘𑁆𑀘𑀸𑀕𑁂𑀦 ¶ , 𑀬𑀁𑀦𑀺𑀲𑁆𑀲𑀺𑀢𑀸𑀦𑀼𑀭𑀓𑁆𑀔𑀦𑀁;
𑀓𑀭𑁄𑀦𑁆𑀢𑀺𑀲𑀚𑁆𑀚𑀦𑀸𑀬𑁂𑀯, 𑀦𑀢𑀁𑀦𑀺𑀢𑀺𑀫𑀸𑀢𑀸𑀫𑀢𑀁.
𑀲𑀢𑁆𑀣𑀓𑀩𑁆𑀩𑀯𑀺𑀘𑀸𑀭𑁂𑀦, 𑀓𑀸𑀮𑁄𑀕𑀘𑁆𑀙𑀢𑀺𑀥𑀻𑀫𑀢𑀁;
𑀩𑁆𑀬𑀲𑀦𑁂𑀦𑀅𑀲𑀸𑀥𑀽𑀦𑀁, 𑀦𑀺𑀤𑁆𑀤𑀸𑀬𑀓𑀮𑀳𑁂𑀦𑀯𑀸.
𑀪𑀫𑀭𑀸𑀧𑀼𑀧𑁆𑀨𑀫𑀺𑀘𑁆𑀙𑀦𑁆𑀢𑀺, 𑀧𑀼𑀢𑀺𑀫𑀺𑀘𑁆𑀙𑀦𑁆𑀢𑀺𑀫𑀓𑁆𑀔𑀺𑀓𑀸;
𑀲𑀼𑀚𑀸𑀦𑀸𑀕𑀼𑀡𑀫𑀺𑀘𑁆𑀙𑀦𑁆𑀢𑀺, 𑀤𑁄𑀲𑀫𑀺𑀘𑁆𑀙𑀦𑁆𑀢𑀺𑀤𑀼𑀚𑁆𑀚𑀦𑀸.
𑀦𑀫𑀦𑁆𑀢𑀺𑀨𑀮𑀺𑀦𑁄𑀭𑀼𑀓𑁆𑀔𑀸 ¶ , 𑀦𑀫𑀢𑁂𑀯𑀩𑀼𑀥𑀸𑀚𑀦𑀸;
𑀲𑀼𑀓𑁆𑀔𑀓𑀝𑁆𑀞𑀜𑁆𑀘𑀫𑀼𑀴𑁆𑀳𑁄𑀘, 𑀦𑁂𑀯𑀦𑀫𑀦𑁆𑀢𑀺𑀪𑀺𑀚𑁆𑀚𑀢𑁂.
𑀲𑀘𑁂𑀲𑀦𑁆𑀢𑁄𑀯𑀺𑀯𑀸𑀤𑀢𑀺, 𑀔𑀺𑀧𑁆𑀧𑀲𑀦𑁆𑀥𑀺𑀬𑀭𑁂𑀧𑀼𑀦;
𑀩𑀸𑀮𑁄𑀧𑀢𑁆𑀢𑀸𑀯𑀪𑀺𑀚𑁆𑀚𑀦𑁆𑀢𑀺, 𑀦𑀢𑁂𑀲𑀫𑀢𑀫𑀸𑀕𑀫𑀼𑀁.
𑀅𑀧𑁆𑀧𑀫𑁆𑀧𑀺𑀲𑀸𑀥𑀽𑀦𑀁𑀥𑀦𑀁, 𑀓𑀽𑀧𑀸𑀯𑀸𑀭𑀺𑀯𑀦𑀺𑀲𑁆𑀲𑀬𑁄;
𑀩𑀳𑀼𑀓𑀁𑀧𑀺𑀅𑀲𑀸𑀥𑀽𑀦𑀁, 𑀦𑀘𑀯𑀸𑀭𑀺𑀯𑀅𑀡𑁆𑀡𑀯𑁂.
𑀲𑁄𑀓𑀞𑀸𑀦𑀲𑀳𑀲𑁆𑀲𑀸𑀦𑀺 ¶ , 𑀪𑀬𑀞𑀸𑀦𑀲𑀢𑀸𑀦𑀺𑀘;
𑀤𑀺𑀯𑀲𑁂𑀤𑀺𑀯𑀲𑁂𑀫𑀼𑀴𑁆𑀳𑀁, 𑀆𑀯𑀻𑀲𑀦𑁆𑀢𑀺𑀦𑀧𑀡𑁆𑀟𑀺𑀢𑀁.
𑀤𑀼𑀝𑁆𑀞𑀘𑀺𑀢𑁆𑀢𑁄𑀧𑀦𑀸𑀳𑀺𑀲𑁆𑀲, 𑀓𑁄𑀥𑁄𑀧𑀸𑀲𑀸𑀡𑀮𑁂𑀔𑀺𑀢𑁄;
𑀓𑀼𑀘𑁆𑀙𑀺𑀢𑀩𑁆𑀩𑁄𑀲𑀼𑀚𑀦𑀲𑁆𑀲, 𑀚𑀮𑁂𑀮𑁂𑀔𑀸𑀘𑀺𑀭𑀝𑁆𑀞𑀺𑀢𑀸.
𑀦𑀺𑀤𑀼𑀮𑀼𑀓𑁄𑀅𑀲𑀦𑁆𑀢𑀼𑀝𑁆𑀞𑁄, 𑀅𑀓𑀢𑀜𑁆𑀜𑀽𑀘𑀪𑀺𑀭𑀼𑀓𑁄;
𑀲𑀓𑁆𑀓𑁄𑀦𑁆𑀢𑀺𑀦𑀲𑀫𑀸𑀘𑀸𑀭𑀁, 𑀲𑀺𑀓𑁆𑀔𑀺𑀢𑀼𑀁𑀢𑁂𑀓𑀤𑀸𑀘𑀺𑀧𑀺.
𑀲𑀸𑀥𑀼𑀢𑁆𑀢𑀁𑀲𑀼𑀚𑀦𑀲𑀫𑀸𑀕𑀫𑀸𑀔𑀮𑀸𑀦𑀁 ¶ ,
𑀲𑀸𑀥𑀽𑀦𑀁𑀦𑀔𑀮𑀲𑀫𑀸𑀕𑀫𑀸𑀔𑀮𑀢𑁆𑀢𑀁;
𑀆𑀫𑁄𑀤𑀁𑀓𑀼𑀲𑀼𑀫𑀪𑀯𑀁𑀤𑀥𑀸𑀢𑀺𑀪𑀽𑀫𑀺,
𑀪𑀽𑀕𑀦𑁆𑀥𑀁𑀦𑀘𑀓𑀼𑀲𑀼𑀫𑀸𑀦𑀺𑀥𑀸𑀭𑀬𑀦𑁆𑀢𑀺.
𑀕𑀼𑀡𑀫𑀤𑁆𑀥𑀺𑀲𑀫𑀁𑀫𑀓𑁆𑀔𑁂, 𑀧𑀭𑁂𑀦𑀓𑀮𑀳𑁂𑀲𑀢𑀺;
𑀅𑀤𑁆𑀥𑀺𑀲𑀫𑀁𑀧𑀓𑀸𑀲𑁂𑀦𑁆𑀢𑀁, 𑀅𑀦𑀼𑀫𑀢𑁆𑀢𑀁𑀧𑀺𑀤𑁄𑀲𑀓𑀁.
𑀤𑁄𑀲𑀁𑀧𑀭𑀲𑁆𑀲𑀧𑀲𑁆𑀲𑀦𑁆𑀢𑀺, 𑀅𑀢𑁆𑀢𑀤𑁄𑀲𑀁𑀦𑀧𑀲𑁆𑀲𑀢𑀺;
𑀢𑀺𑀮𑀫𑀢𑁆𑀢𑀁𑀧𑀭𑀤𑁄𑀲𑀁, 𑀦𑀸𑀴𑀺𑀓𑁂𑀭𑀁𑀦𑀧𑀲𑁆𑀲𑀢𑀺.
𑀓𑁄𑀥𑁄𑀅𑀢𑁆𑀣𑀁𑀦𑀚𑀸𑀦𑀸𑀢𑀺 ¶ , 𑀓𑁄𑀥𑁄𑀥𑀫𑁆𑀫𑀁𑀦𑀧𑀲𑁆𑀲𑀢𑀺;
𑀅𑀦𑁆𑀥𑀢𑀫𑀁𑀢𑀤𑀸𑀳𑁄𑀢𑀺, 𑀬𑀁𑀓𑁄𑀥𑁄𑀲𑀳𑀢𑁂𑀦𑀭𑀁.
𑀓𑁄𑀥𑁄𑀅𑀩𑁆𑀪𑀦𑁆𑀢𑀭𑁂𑀚𑀸𑀢𑁄, 𑀥𑀼𑀯𑀁𑀦𑀸𑀲𑁂𑀢𑀺𑀓𑁄𑀥𑀦𑀁;
𑀯𑀢𑁆𑀣𑀸𑀮𑀗𑁆𑀓𑀸𑀭𑀧𑀼𑀡𑁆𑀡𑀸𑀬𑀁, 𑀫𑀜𑁆𑀚𑀼𑀲𑀸𑀬𑀁𑀲𑀺𑀔𑀻𑀬𑀣𑀸.
𑀭𑀸𑀕𑁄𑀦𑀸𑀫𑀫𑀦𑁄𑀲𑀮𑁆𑀮𑀁, 𑀕𑀼𑀡𑀯𑀭𑀢𑁆𑀢𑀘𑁄𑀭𑀓𑁄;
𑀭𑀸𑀳𑀼𑀯𑀺𑀚𑁆𑀚𑀸𑀲𑀲𑀗𑁆𑀓𑀺𑀲𑁆𑀲, 𑀢𑀧𑁄𑀥𑀦𑀳𑀼𑀢𑀸𑀲𑀦𑁄.
𑀦𑀢𑀺𑀢𑁆𑀢𑀺𑀭𑀸𑀚𑀸𑀥𑀦𑁂𑀦 ¶ , 𑀧𑀡𑁆𑀟𑀺𑀢𑁄𑀧𑀺𑀲𑀼𑀪𑀸𑀲𑀺𑀢𑁂;
𑀘𑀓𑁆𑀔𑀽𑀧𑀺𑀧𑀺𑀬𑀤𑀲𑁆𑀲𑀦𑁂, 𑀲𑀸𑀕𑀭𑁄𑀧𑀺𑀫𑀳𑀸𑀚𑀮𑁂.
𑀅𑀲𑀦𑁆𑀢𑀼𑀝𑁆𑀞𑁄𑀬𑀢𑀺𑀦𑀝𑁆𑀞𑁄, 𑀲𑀦𑁆𑀢𑀼𑀝𑁆𑀞𑁄𑀧𑀺𑀫𑀳𑀻𑀧𑀢𑀺;
𑀲𑀲𑀚𑁆𑀚𑀸𑀕𑀡𑀺𑀓𑀸𑀦𑀝𑁆𑀞𑀸, 𑀦𑀺𑀮𑀚𑁆𑀚𑀸𑀲𑀼𑀓𑀼𑀮𑀕𑀢𑀸.
𑀪𑀽𑀧𑀸𑀡𑁆𑀡𑀯𑀕𑁆𑀕𑀺𑀣𑀻𑀲𑀺𑀧𑁆𑀧𑀻, 𑀅𑀪𑀺𑀚𑁆𑀛𑀸𑀮𑀼𑀘𑀧𑀼𑀕𑁆𑀕𑀮𑁄;
𑀏𑀢𑁂𑀲𑀁𑀫𑀳𑀺𑀘𑁆𑀙𑀦𑁆𑀢𑀸𑀦𑀁, 𑀫𑀳𑀺𑀘𑁆𑀙𑀢𑀸𑀅𑀦𑀺𑀘𑁆𑀙𑀺𑀢𑀸.
𑀆𑀭𑁄𑀕𑁆𑀬𑀁𑀧𑀭𑀫𑀁𑀮𑀸𑀪𑀁 ¶ , 𑀲𑀦𑁆𑀢𑀼𑀝𑁆𑀞𑀻𑀧𑀭𑀫𑀁𑀥𑀦𑀁;
𑀯𑀺𑀲𑀸𑀲𑁄𑀧𑀭𑀫𑀁𑀜𑀸𑀢𑀺, 𑀦𑀺𑀩𑁆𑀩𑀸𑀦𑀁𑀧𑀭𑀫𑀁𑀲𑀼𑀔𑀁.
𑀤𑀼𑀕𑁆𑀕𑀢𑀁𑀕𑀘𑁆𑀙𑀪𑁄𑀮𑀸𑀪, 𑀮𑀸𑀪𑁄𑀮𑀸𑀪𑁂𑀦𑀧𑀽𑀭𑀢𑀺;
𑀣𑀮𑁂𑀧𑀯𑀼𑀝𑁆𑀞𑀧𑀚𑁆𑀚𑀼𑀦𑁆𑀦, 𑀆𑀧𑁄𑀆𑀧𑁂𑀦𑀧𑀽𑀭𑀢𑀺.
𑀩𑁄𑀥𑀬𑀦𑁆𑀢𑀺𑀦𑀬𑀸𑀘𑀦𑁆𑀢𑀺, 𑀤𑁂𑀳𑀻𑀢𑀺𑀧𑀘𑁆𑀙𑀺𑀫𑀸𑀚𑀦𑀸;
𑀧𑀲𑁆𑀲𑀯𑀢𑁆𑀣𑀼𑀁𑀅𑀤𑀸𑀦𑀲𑁆𑀲, 𑀫𑀸𑀪𑀯𑀢𑀽𑀢𑀺𑀈𑀤𑀺𑀲𑁄.
𑀲𑁂𑀮𑁂𑀲𑁂𑀮𑁂𑀦𑀫𑀸𑀡𑀺𑀓𑀁 ¶ , 𑀕𑀚𑁂𑀕𑀚𑁂𑀦𑀫𑀼𑀢𑁆𑀢𑀺𑀓𑀁;
𑀯𑀦𑁂𑀯𑀦𑁂𑀦𑀘𑀦𑁆𑀤𑀦𑀁, 𑀞𑀸𑀦𑁂𑀞𑀸𑀦𑁂𑀦𑀧𑀡𑁆𑀟𑀺𑀢𑀁.
𑀲𑀢𑁂𑀲𑀼𑀚𑀸𑀬𑀢𑁂𑀲𑀽𑀭𑁄, 𑀲𑀳𑀲𑁆𑀲𑁂𑀲𑀼𑀘𑀧𑀡𑁆𑀟𑀺𑀢𑁄;
𑀯𑀸𑀓𑁆𑀬𑀁𑀲𑀢𑀲𑀳𑀲𑁆𑀲𑁂𑀲𑀼, 𑀘𑀸𑀕𑁄𑀪𑀯𑀢𑀺𑀯𑀸𑀦𑀯𑀸.
𑀚𑀺𑀦𑁂𑀦𑀆𑀕𑀢𑀁𑀲𑀽𑀭𑀁, 𑀥𑀦𑀜𑁆𑀘𑀕𑁂𑀳𑀫𑀸𑀕𑀢𑀁;
𑀚𑀺𑀡𑁆𑀡𑀅𑀦𑁆𑀦𑀁𑀧𑀲𑀁𑀲𑁂𑀬𑁆𑀬, 𑀤𑀸𑀭𑀜𑁆𑀘𑀕𑀢𑀬𑁄𑀩𑁆𑀩𑀦𑀁.
𑀧𑁄𑀢𑁆𑀣𑀓𑁂𑀲𑀼𑀘𑀬𑀁𑀲𑀺𑀧𑁆𑀧𑀁 ¶ , 𑀧𑀭𑀳𑀢𑁆𑀣𑁂𑀲𑀼𑀬𑀁𑀥𑀦𑀁;
𑀬𑀤𑀸𑀇𑀘𑁆𑀙𑁂𑀲𑀫𑀼𑀧𑁆𑀧𑀦𑁆𑀦𑁂, 𑀦𑀢𑀁𑀲𑀺𑀧𑁆𑀧𑀁𑀦𑀢𑀁𑀥𑀦𑀁.
𑀯𑀸𑀘𑀸𑀯𑀼𑀥𑀸𑀘𑀭𑀸𑀚𑀸𑀦𑁄, 𑀲𑀘𑁆𑀘𑀸𑀯𑀼𑀥𑀸𑀘𑀲𑀫𑀡𑀸;
𑀥𑀦𑀸𑀯𑀼𑀥𑀸𑀲𑁂𑀝𑁆𑀞𑀺𑀦𑁄𑀘, 𑀕𑁄𑀡𑀸𑀯𑀼𑀥𑀸𑀤𑀮𑀺𑀤𑁆𑀤𑀓𑀸.
𑀉𑀓𑁆𑀓𑀝𑁆𑀞𑁂𑀲𑀽𑀭𑀫𑀺𑀘𑁆𑀙𑀦𑁆𑀢𑀺, 𑀓𑁄𑀮𑀸𑀳𑀮𑁂𑀲𑀼𑀪𑀸𑀲𑀺𑀢𑀁;
𑀧𑀺𑀬𑀁𑀅𑀦𑁆𑀦𑀜𑁆𑀘𑀧𑀸𑀦𑀜𑁆𑀘, 𑀅𑀢𑁆𑀣𑀓𑀺𑀘𑁆𑀘𑁂𑀲𑀼𑀧𑀡𑁆𑀟𑀺𑀢𑀁.
𑀓𑀧𑀡𑁂𑀢𑀸𑀭𑀬𑁂𑀫𑀺𑀢𑁆𑀢𑀁 ¶ , 𑀤𑀼𑀩𑁆𑀪𑀺𑀓𑁆𑀔𑁂𑀥𑀜𑁆𑀜𑀁𑀥𑀸𑀭𑀬𑁂;
𑀲𑀪𑀸𑀬𑀁𑀥𑀸𑀭𑀬𑁂𑀲𑀺𑀧𑁆𑀧𑀁, 𑀲𑀗𑁆𑀕𑀳𑀸𑀦𑀺𑀫𑀳𑀻𑀢𑀮𑁂.
𑀤𑀼𑀩𑁆𑀪𑀺𑀓𑁆𑀔𑁂𑀅𑀦𑁆𑀦𑀤𑀸𑀦𑀜𑁆𑀘, 𑀲𑀼𑀪𑀺𑀓𑁆𑀔𑁂𑀘𑀳𑀺𑀭𑀜𑁆𑀜𑀤𑀁;
𑀪𑀬𑁂𑀘𑀪𑀬𑀥𑀸𑀢𑀸𑀭𑀁, 𑀲𑀩𑁆𑀩𑁂𑀲𑀁𑀯𑀭𑀫𑀁𑀯𑀭𑀁.
𑀳𑀁𑀲𑁄𑀫𑀚𑁆𑀛𑁂𑀦𑀓𑀸𑀓𑀸𑀦𑀁, 𑀲𑀻𑀳𑁄𑀕𑀼𑀦𑁆𑀦𑀁𑀦𑀲𑁄𑀪𑀢𑁂;
𑀕𑀤𑁆𑀭𑀪𑀸𑀦𑀁𑀦𑀢𑀼𑀭𑀗𑁆𑀕𑁄, 𑀩𑀸𑀮𑀸𑀦𑀜𑁆𑀘𑀦𑀧𑀡𑁆𑀟𑀺𑀢𑁄.
𑀦𑀲𑁄𑀭𑀸𑀚𑀸𑀬𑁄𑀅𑀚𑁂𑀬𑁆𑀬𑀁 ¶ , 𑀚𑀺𑀦𑀸𑀢𑀺𑀦𑀲𑁄𑀲𑀔𑀸𑀭𑀁;
𑀬𑁄𑀅𑀬𑀼𑀢𑁆𑀢𑁂𑀦𑀚𑀺𑀦𑀸𑀢𑀺, 𑀦𑀲𑀸𑀪𑀭𑀺𑀬𑀸𑀧𑀢𑀺𑀦𑁄;
𑀯𑀺𑀭𑁄𑀥𑀢𑀺𑀦𑀢𑁂𑀧𑀼𑀢𑁆𑀢𑀸, 𑀬𑁂𑀦𑀪𑀭𑀦𑁆𑀢𑀺 𑀚𑀺𑀡𑁆𑀡.
𑀦𑀢𑁆𑀣𑀺𑀯𑀺𑀚𑁆𑀚𑀸𑀲𑀫𑀁𑀫𑀺𑀢𑁆𑀢𑀁, 𑀦𑀢𑁆𑀣𑀺𑀩𑁆𑀬𑀸𑀥𑀺𑀲𑀫𑁄𑀭𑀺𑀧𑀼;
𑀦𑀢𑁆𑀣𑀺𑀅𑀢𑁆𑀢𑀲𑀫𑀁𑀧𑁂𑀫𑀁, 𑀦𑀢𑁆𑀣𑀺𑀓𑀫𑁆𑀫𑀧𑀭𑀁𑀩𑀮𑀁.
𑀇𑀢𑁆𑀣𑀺𑀫𑀺𑀲𑁆𑀲𑁄𑀓𑀼𑀢𑁄𑀲𑀻𑀮𑀁,
𑀫𑀁𑀲𑀪𑀓𑁆𑀔𑁄𑀓𑀼𑀢𑁄𑀤𑀬𑀁;
𑀲𑀼𑀭𑀸𑀧𑀸𑀦𑁄𑀓𑀼𑀢𑁄𑀲𑀘𑁆𑀘𑀁,
𑀫𑀳𑀸𑀓𑁄𑀥𑁄𑀓𑀼𑀢𑁄𑀢𑀧𑀁.
𑀓𑁆𑀯𑀸𑀢𑀺𑀪𑀸𑀭𑁄𑀲𑀫𑀢𑁆𑀣𑀸𑀦𑀁 ¶ , 𑀓𑀺𑀁𑀤𑀽𑀭𑁄𑀩𑁆𑀬𑀯𑀳𑀸𑀭𑀺𑀦𑀁;
𑀓𑁄𑀯𑀺𑀤𑁂𑀲𑁄𑀲𑀯𑀺𑀚𑁆𑀚𑀸𑀦𑀁, 𑀓𑁄𑀧𑀭𑁄𑀧𑀺𑀬𑀯𑀸𑀤𑀺𑀦𑀁.
𑀤𑀼𑀩𑁆𑀪𑀺𑀓𑁆𑀔𑁄𑀓𑀲𑀺𑀦𑁄𑀦𑀢𑁆𑀣𑀺, 𑀲𑀦𑁆𑀢𑀸𑀦𑀁𑀦𑀢𑁆𑀣𑀺𑀧𑀸𑀧𑀓𑁄;
𑀫𑀼𑀕𑀲𑁆𑀲𑀓𑀮𑀳𑁄𑀦𑀢𑁆𑀣𑀺, 𑀦𑀢𑁆𑀣𑀺𑀚𑀸𑀕𑀭𑀢𑁄𑀪𑀬𑀁.
𑀩𑀸𑀮𑀺𑀢𑁆𑀣𑀻𑀫𑀓𑁆𑀔𑀺𑀓𑀸𑀢𑀼𑀡𑁆𑀟𑀺, 𑀇𑀲𑀻𑀦𑀜𑁆𑀘𑀓𑀫𑀡𑁆𑀟𑀮𑀼;
𑀲𑁂𑀢𑀫𑁆𑀩𑀼𑀨𑀮𑀁𑀢𑀫𑁆𑀩𑀼𑀮𑀁, 𑀦𑁄𑀚𑁆𑀛𑀺𑀝𑁆𑀞𑀫𑀼𑀧𑀚𑀸𑀬𑀢𑁄.
𑀧𑀜𑁆𑀘𑀭𑀢𑁆𑀬𑀸𑀲𑀼𑀕𑀦𑁆𑀥𑀩𑁆𑀩𑀸 ¶ , 𑀲𑀢𑁆𑀢𑀭𑀢𑁆𑀬𑀸𑀥𑀦𑀼𑀕𑁆𑀕𑀳𑀸;
𑀏𑀓𑀫𑀸𑀲𑀸𑀲𑀼𑀪𑀭𑀺𑀬𑀸, 𑀅𑀟𑁆𑀠𑀫𑀸𑀲𑀸𑀲𑀺𑀲𑁆𑀲𑀸𑀫𑀮𑀸.
𑀫𑀮𑀺𑀢𑁆𑀣𑀺𑀬𑀸𑀤𑀼𑀘𑁆𑀘𑀭𑀺𑀢𑀁, 𑀫𑀘𑁆𑀙𑁂𑀭𑀁𑀤𑀤𑀢𑁄𑀫𑀮𑀁;
𑀫𑀮𑀸𑀯𑁂𑀮𑀸𑀫𑀓𑀸𑀥𑀫𑁆𑀫𑀸, 𑀅𑀲𑁆𑀫𑀺𑀁𑀮𑁄𑀓𑁂𑀧𑀭𑀫𑁆𑀳𑀺𑀘;
𑀫𑀮𑀁𑀫𑀮𑀢𑀭𑀁𑀢𑀢𑁄, 𑀅𑀯𑀺𑀚𑁆𑀚𑀸𑀧𑀭𑀫𑀁𑀫𑀮𑀁.
𑀲𑀼𑀢𑀲𑁆𑀲𑀭𑀓𑁆𑀔𑀸𑀲𑀩𑁆𑀩𑀤𑀸𑀪𑀺𑀬𑁄𑀕𑁄,
𑀓𑀼𑀮𑀲𑁆𑀲𑀯𑀢𑁆𑀣𑀁𑀧𑀼𑀭𑀺𑀲𑀲𑁆𑀲𑀯𑀺𑀚𑁆𑀚𑀸;
𑀭𑀜𑁆𑀜𑁄𑀧𑀫𑀸𑀤𑁄𑀧𑀲𑀫𑁄𑀥𑀦𑀲𑁆𑀲,
𑀇𑀢𑁆𑀣𑀻𑀦𑀦𑁆𑀢𑀼𑀦𑀢𑁆𑀣𑁂𑀯𑀚𑀸𑀢𑀼𑀭𑀓𑁆𑀔𑀸.
𑀲𑀢𑁆𑀢𑀸𑀦𑀁𑀚𑀭𑀢𑀸𑀳𑀦𑁆𑀢𑀺 ¶ , 𑀢𑀡𑁆𑀳𑀸𑀳𑀦𑁆𑀢𑀺𑀲𑀩𑁆𑀩𑀲𑀼𑀔𑀁;
𑀲𑀩𑁆𑀩𑀩𑀮𑀁𑀘𑀺𑀦𑁆𑀢𑀸𑀳𑀦𑁆𑀢𑀺, 𑀤𑀬𑀸𑀳𑀦𑁆𑀢𑀺𑀲𑀓𑀁𑀥𑀦𑀁.
𑀦𑀻𑀘𑁂𑀯𑀸𑀲𑁄𑀲𑀺𑀭𑀺𑀁𑀳𑀦𑁆𑀢𑀺, 𑀳𑀦𑁆𑀢𑀺𑀕𑀭𑀼𑀁𑀘𑀬𑀸𑀘𑀓𑁄;
𑀧𑀲𑀁𑀲𑀸𑀲𑀼𑀕𑀼𑀡𑀁𑀳𑀦𑁆𑀢𑀺, 𑀳𑀦𑁆𑀢𑀺𑀘𑀺𑀢𑁆𑀢𑀁𑀅𑀲𑀜𑁆𑀜𑀢𑀸.
𑀅𑀲𑀦𑀁𑀪𑀬𑀫𑀦𑁆𑀢𑀸𑀦𑀁 ¶ , 𑀫𑀘𑁆𑀘𑀸𑀦𑀁𑀫𑀭𑀡𑀁𑀪𑀬𑀁;
𑀉𑀢𑁆𑀢𑀫𑀸𑀦𑀦𑁆𑀢𑀼𑀲𑀩𑁆𑀩𑁂𑀲𑀁, 𑀅𑀯𑀫𑀸𑀦𑀁𑀧𑀭𑀁𑀪𑀬𑀁.
𑀲𑀽𑀭𑀺𑀬𑁄𑀢𑀧𑀦𑀁𑀢𑀧𑁄, 𑀦𑀲𑀦𑁆𑀢𑀺𑀧𑀭𑀺𑀯𑀸𑀭𑀺𑀢𑀸;
𑀘𑀦𑁆𑀤𑀭𑀁𑀲𑀻𑀢𑀮𑀁𑀚𑀸𑀢𑀁, 𑀢𑀸𑀭𑀓𑀸𑀧𑀭𑀺𑀯𑀸𑀭𑀺𑀢𑀸;
𑀉𑀧𑀫𑀸𑀏𑀢𑁆𑀣𑀜𑀸𑀢𑀩𑁆𑀩𑀸, 𑀲𑀽𑀭𑀺𑀬𑀘𑀦𑁆𑀤𑀭𑀸𑀚𑀼𑀦𑀁.
𑀅𑀮𑀲𑁄𑀫𑀦𑁆𑀤𑀩𑀼𑀤𑁆𑀥𑀺𑀘, 𑀲𑀼𑀔𑀺𑀢𑁄𑀭𑁄𑀕𑀧𑀻𑀴𑀺𑀢𑁄;
𑀦𑀺𑀤𑁆𑀤𑀸𑀭𑁄𑀫𑀁𑀲𑀯𑀟𑁆𑀠𑀦𑁄, 𑀲𑀼𑀪𑀓𑁆𑀔𑁄𑀘𑀯𑀺𑀮𑀼𑀤𑁆𑀥𑀓𑁄.
𑀧𑀫𑀸𑀤𑁄𑀚𑀸𑀬𑀢𑁂𑀫𑀤𑀸, 𑀧𑀫𑀸𑀤𑀸𑀚𑀸𑀬𑀢𑁂𑀔𑀬𑁄;
𑀔𑀬𑀸𑀤𑁄𑀲𑀸𑀧𑀯𑀟𑁆𑀠𑀦𑁆𑀢𑀺, 𑀫𑀤𑀁𑀓𑀺𑀁𑀦𑀚𑀳𑁂𑀩𑀼𑀥𑁄.
𑀬𑀸𑀤𑀺𑀲𑀁𑀯𑀧𑁆𑀧𑀢𑁂𑀩𑀻𑀚𑀁 ¶ , 𑀢𑀸𑀤𑀺𑀲𑀁𑀨𑀮𑀁𑀲𑀫𑁆𑀧𑀢𑁆𑀢𑁄;
𑀓𑀮𑁆𑀬𑀸𑀡𑀓𑀸𑀭𑀺𑀓𑀮𑁆𑀬𑀸𑀡𑀁, 𑀧𑀸𑀧𑀓𑀸𑀭𑀻𑀘𑀧𑀸𑀧𑀓𑀁.
𑀧𑀼𑀜𑁆𑀜𑀸𑀧𑀸𑀧𑀨𑀮𑀁𑀬𑁄𑀘𑁂, 𑀦𑀲𑀤𑁆𑀤𑀳𑀢𑀺𑀲𑀘𑁆𑀘𑀢𑁄;
𑀲𑁄𑀯𑁂𑀲𑀓𑀸𑀦𑀦𑀁𑀔𑀺𑀧𑁆𑀧𑀁, 𑀆𑀤𑀸𑀲𑀢𑀮𑀫𑀸𑀦𑀬𑁂.
𑀲𑀫𑁆𑀧𑀭𑀸𑀬𑀺𑀓𑀢𑁆𑀣𑁂𑀬𑁄 ¶ , 𑀦𑀲𑀤𑁆𑀤𑀳𑀢𑀺𑀘𑁂𑀧𑀺𑀲𑁄;
𑀆𑀯𑀸𑀲𑁂𑀲𑀧𑁆𑀧𑀕𑀸𑀫𑀻𑀦𑀁, 𑀫𑁄𑀓𑁆𑀔𑀪𑁂𑀓𑀺𑀁𑀦𑀧𑀲𑁆𑀲𑀢𑀺.
𑀲𑀤𑁆𑀥𑀸𑀳𑀺𑀭𑀺𑀘𑀑𑀢𑁆𑀢𑀧𑁆𑀧𑀁, 𑀩𑀸𑀳𑀼𑀲𑀘𑁆𑀘𑀁𑀯𑀺𑀭𑀁𑀲𑀢𑀺;
𑀧𑀜𑁆𑀜𑀸𑀘𑀲𑀢𑁆𑀢𑀥𑀫𑁆𑀫𑁂𑀳𑀺, 𑀲𑀫𑁆𑀧𑀦𑁆𑀦𑁄𑀧𑀡𑁆𑀟𑀺𑀢𑁄𑀫𑀢𑁄.
𑀭𑀯𑀺𑀫𑀽𑀮𑀁𑀲𑀲𑀻𑀔𑀦𑁆𑀥𑀁, 𑀲𑁄𑀭𑀺𑀅𑀗𑁆𑀕𑀸𑀘𑀧𑀢𑁆𑀢𑀺𑀓𑀁;
𑀩𑀼𑀤𑁆𑀥𑀁𑀧𑀼𑀧𑁆𑀨𑀁𑀕𑀭𑀼𑀩𑀻𑀚𑀁, 𑀪𑀭𑀕𑀼𑀨𑀮𑀫𑁂𑀯𑀘.
𑀧𑁄𑀢𑁆𑀣𑀓𑀸𑀤𑀻𑀦𑀺𑀔𑁂𑀢𑁆𑀢𑀁𑀯 ¶ , 𑀮𑁂𑀔𑀸𑀦𑀺𑀬𑀼𑀕𑀦𑀗𑁆𑀕𑀮𑀁;
𑀅𑀓𑁆𑀔𑀭𑀸𑀦𑀺𑀩𑀻𑀚𑀁𑀓𑀢𑁆𑀯𑀸, 𑀘𑀭𑀦𑁆𑀢𑁄𑀧𑀡𑁆𑀟𑀺𑀢𑁄𑀪𑀯𑁂.
𑀅𑀓𑁆𑀔𑀭𑀁𑀏𑀓𑀫𑁂𑀓𑀜𑁆𑀘, 𑀩𑀼𑀤𑁆𑀥𑀭𑀽𑀧𑀁𑀲𑀫𑀁𑀲𑀺𑀬𑀸;
𑀢𑀲𑁆𑀫𑀸𑀳𑀺𑀧𑀡𑁆𑀟𑀺𑀢𑁄𑀧𑁄𑀲𑁄, 𑀮𑀺𑀔𑁂𑀬𑁆𑀬𑀧𑀺𑀝𑀓𑀢𑁆𑀢𑀬𑀁.
𑀤𑀼𑀕𑁆𑀕𑀢𑀺𑀁𑀦𑀸𑀪𑀺𑀚𑀸𑀬𑁂𑀬𑁆𑀬, 𑀧𑀺𑀝𑀓𑀢𑁆𑀢𑀬𑀓𑀸𑀭𑀓𑁄;
𑀩𑀳𑀼𑀓𑁆𑀔𑀢𑁆𑀢𑀼𑀁𑀘𑀓𑁆𑀓𑀯𑀢𑁆𑀢𑀺, 𑀭𑀸𑀚𑀸𑀘𑀢𑀼𑀤𑀻𑀧𑀸𑀥𑀺𑀧𑁄.
𑀧𑀤𑁂𑀲𑀭𑀚𑁆𑀚𑀁𑀯𑀺𑀧𑀼𑀮𑀁, 𑀕𑀡𑀦𑀸𑀢𑁄𑀅𑀲𑀗𑁆𑀔𑁆𑀬𑁂𑀬𑁄;
𑀙𑀓𑀸𑀫𑀸𑀯𑀘𑀭𑁄𑀤𑁂𑀯, 𑀭𑀸𑀚𑀸𑀳𑁄𑀢𑀺𑀩𑀳𑀼𑀓𑁆𑀔𑀢𑁆𑀢𑀼𑀁.
𑀤𑀸𑀦𑀸𑀤𑀻𑀦𑀺𑀘𑀧𑀼𑀜𑁆𑀜𑀸𑀦𑀺 ¶ , 𑀓𑀭𑁄𑀦𑁆𑀢𑁄𑀩𑁄𑀥𑀺𑀅𑀗𑁆𑀓𑀼𑀭𑁄;
𑀪𑀯𑀸𑀲𑀩𑁆𑀩𑀗𑁆𑀕𑀲𑀫𑁆𑀧𑀦𑁆𑀦𑁄, 𑀢𑀺𑀮𑁄𑀓𑀧𑀽𑀚𑀺𑀢𑁄𑀪𑀯𑁂.
𑀅𑀤𑁆𑀥𑁂𑀫𑀳𑀤𑁆𑀥𑀦𑁂𑀨𑀺𑀢𑁂, 𑀚𑀸𑀬𑀭𑁂𑀓𑀼𑀮𑀫𑀼𑀢𑁆𑀢𑀫𑁂;
𑀉𑀢𑁆𑀢𑀫𑁂𑀦𑁂𑀯𑀲𑀁𑀯𑀸𑀲𑁄, 𑀧𑀺𑀝𑀓𑀢𑁆𑀢𑀬𑀯𑀸𑀘𑀓𑁄.
𑀏𑀓𑀓𑁆𑀔𑀭𑀨𑀮𑁂𑀦𑀳𑀺, 𑀧𑀺𑀝𑀓𑀢𑁆𑀢𑀬𑀓𑀸𑀭𑀓𑁄;
𑀘𑀢𑀼𑀭𑀸𑀲𑀻𑀢𑀺𑀲𑀳𑀲𑁆𑀲𑀁, 𑀮𑀪𑀦𑁆𑀢𑀺𑀧𑀯𑀭𑀁𑀲𑀼𑀔𑀁.
𑀅𑀧𑁆𑀧𑀓𑁂𑀦𑀸𑀧𑀺𑀫𑁂𑀥𑀸𑀯𑀻, 𑀧𑀸𑀪𑀢𑁂𑀦𑀯𑀺𑀘𑀓𑁆𑀔𑀡𑁄;
𑀲𑀫𑀼𑀝𑁆𑀞𑀸𑀧𑁂𑀢𑀺𑀅𑀢𑁆𑀢𑀸𑀦𑀁, 𑀅𑀦𑀼𑀫𑀕𑁆𑀕𑀺𑀯𑀲𑀦𑁆𑀥𑀫𑀁.
𑀤𑀼𑀓𑁆𑀔𑀁𑀧𑀸𑀧𑀲𑁆𑀲𑀧𑀼𑀜𑁆𑀜𑀲𑁆𑀲 ¶ , 𑀲𑀼𑀔𑀁𑀫𑀺𑀲𑁆𑀲𑀲𑁆𑀲𑀫𑀺𑀲𑁆𑀲𑀓𑀁;
𑀲𑀩𑁆𑀩𑀁𑀲𑀤𑀺𑀲𑀓𑀁𑀬𑀸𑀢𑀺, 𑀜𑀸𑀢𑀩𑁆𑀩𑀁𑀓𑀫𑁆𑀫𑀼𑀦𑁄𑀨𑀮𑀁.
𑀘𑁄𑀤𑁂𑀦𑁆𑀢𑁄𑀘𑀢𑀼𑀪𑀸𑀕𑀸𑀘, 𑀓𑀫𑁆𑀫𑀓𑀸𑀭𑀸𑀢𑀬𑁄𑀪𑀸𑀕𑀸;
𑀲𑀸𑀫𑀺𑀦𑁄𑀲𑀫𑀪𑀸𑀕𑀸𑀘, 𑀏𑀓𑀪𑀸𑀕𑀸𑀦𑀼𑀫𑁄𑀤𑀦𑀸.
𑀅𑀦𑀢𑁆𑀢𑀲𑁆𑀲𑀯𑀸𑀓𑁆𑀬𑀸𑀧𑀭𑀫𑀁𑀢𑀼𑀡𑁆𑀳𑀺 ¶ ,
𑀅𑀲𑀦𑁆𑀢𑀫𑀺𑀢𑁆𑀢𑀸𑀧𑀭𑀫𑀁𑀏𑀓𑀁;
𑀲𑀼𑀭𑀽𑀧𑀤𑀸𑀭𑀸𑀯𑀭𑀫𑀦𑁆𑀥𑀸,
𑀤𑀽𑀭𑁂𑀓𑀮𑀸𑀪𑀸𑀯𑀭𑀫𑀲𑁆𑀲𑀲𑀼𑀓𑁆𑀔𑀁.
𑀳𑀻𑀦𑀘𑀚𑁆𑀚𑁄𑀧𑀺𑀘𑁂 𑀳𑁄𑀢𑀺, 𑀉𑀝𑁆𑀞𑀸𑀢𑀸𑀥𑀻𑀢𑀺𑀫𑀸𑀦𑀭𑁄;
𑀲𑀻𑀮𑀆𑀘𑀸𑀭𑀲𑀫𑁆𑀧𑀦𑁆𑀦𑁄, 𑀦𑀺𑀲𑁂𑀅𑀕𑁆𑀕𑀺𑀯𑀪𑀸𑀲𑀢𑀺.
𑀦𑀘𑀚𑁆𑀚𑀯𑀲𑀮𑁄𑀳𑁄𑀢𑀺,
𑀦𑀘𑀚𑁆𑀚𑀳𑁄𑀢𑀺𑀩𑁆𑀭𑀳𑁆𑀫𑀡𑁄;
𑀓𑀫𑁆𑀫𑀼𑀦𑀸𑀯𑀲𑀮𑁄𑀳𑁄𑀢𑀺,
𑀓𑀫𑁆𑀫𑀼𑀦𑀸𑀳𑁄𑀢𑀺𑀩𑁆𑀭𑀳𑁆𑀫𑀡𑁄.
𑀧𑀣𑀯𑀻𑀯𑁂𑀴𑀼𑀓𑀁𑀧𑀢𑁆𑀢𑀁 ¶ , 𑀘𑀓𑁆𑀓𑀯𑀸𑀴𑀁𑀲𑀼𑀘𑀺𑀧𑁆𑀨𑀮𑀁;
𑀲𑀺𑀦𑁂𑀭𑀼𑀯𑀫𑁆𑀫𑀺𑀓𑀁𑀔𑀼𑀤𑁆𑀤𑀁, 𑀲𑀫𑀼𑀤𑁆𑀤𑁄𑀧𑀸𑀢𑀺𑀢𑀁𑀬𑀣𑀸.
𑀏𑀓𑁂𑀦𑁂𑀯𑀘𑀓𑀧𑁆𑀧𑁂𑀦, 𑀫𑀸𑀢𑀼𑀔𑀻𑀭𑀁𑀦𑀲𑀜𑁆𑀘𑀬𑀁;
𑀢𑀢𑁄𑀢𑀼𑀲𑀫𑀼𑀤𑁆𑀤𑁄𑀘𑀸𑀧𑀺, 𑀅𑀢𑀺𑀭𑁂𑀓𑀢𑀭𑀁𑀩𑀳𑀼𑀁.
𑀩𑁆𑀭𑀳𑁆𑀫𑀸𑀢𑀺𑀫𑀸𑀢𑀸𑀧𑀻𑀢𑀭𑁄, 𑀧𑀼𑀩𑁆𑀩𑀸𑀘𑀭𑀺𑀬𑀸𑀯𑀼𑀘𑁆𑀘𑀢𑁂;
𑀆𑀳𑀼𑀦𑁂𑀬𑁆𑀬𑀸𑀘𑀧𑀼𑀢𑁆𑀢𑀸𑀦𑀁, 𑀧𑀚𑀸𑀦𑀫𑀦𑀼𑀓𑀫𑁆𑀧𑀓𑀸.
𑀢𑀲𑁆𑀫𑀸𑀳𑀺𑀦𑁂𑀦𑀫𑀲𑁆𑀲𑁂𑀬𑁆𑀬 ¶ , 𑀲𑀓𑁆𑀓𑀭𑁂𑀬𑁆𑀬𑀘𑀧𑀡𑁆𑀟𑀺𑀢𑁄;
𑀅𑀦𑁆𑀦𑁂𑀦𑀅𑀣𑁄𑀧𑀸𑀦𑁂𑀦, 𑀯𑀢𑁆𑀣𑁂𑀦𑀲𑀬𑀦𑁂𑀦𑀘.
𑀉𑀘𑁆𑀙𑀸𑀤𑀦𑁂𑀦𑀦𑁆𑀳𑀸𑀧𑁂𑀦, 𑀧𑀸𑀤𑀸𑀦𑀁𑀥𑁄𑀯𑀦𑁂𑀦𑀘;
𑀉𑀝𑁆𑀞𑀸𑀬𑀧𑀸𑀤𑀘𑀭𑀺𑀬𑀸, 𑀉𑀧𑀝𑁆𑀞𑀸𑀧𑁂𑀬𑁆𑀬𑀧𑀡𑁆𑀟𑀺𑀢𑁄;
𑀇𑀥𑁂𑀯𑀦𑀁𑀧𑀲𑀁𑀲𑀦𑁆𑀢𑀺, 𑀧𑀘𑁆𑀘𑀲𑀕𑁆𑀕𑁂𑀧𑀫𑁄𑀤𑀢𑀺.
𑀏𑀓𑀲𑁆𑀲𑁂𑀓𑁂𑀦𑀓𑀧𑁆𑀧𑁂𑀦 ¶ , 𑀧𑀼𑀕𑁆𑀕𑀮𑀲𑁆𑀲𑀝𑁆𑀞𑀺𑀲𑀜𑁆𑀘𑀬𑁄;
𑀲𑀫𑀁𑀧𑀩𑁆𑀩𑀢𑀭𑀸𑀲𑀺𑀫𑁆𑀳𑀺, 𑀇𑀢𑀺𑀯𑀼𑀢𑁆𑀢𑀁𑀫𑀳𑁂𑀲𑀺𑀦𑀸.
𑀲𑀩𑁆𑀩𑀤𑀸𑀦𑀁𑀥𑀫𑁆𑀫𑀤𑀸𑀦𑀁𑀚𑀺𑀦𑀸𑀢𑀺;
𑀲𑀩𑁆𑀩𑀭𑀲𑀁𑀥𑀫𑁆𑀫𑀭𑀲𑁄𑀚𑀺𑀦𑀸𑀢𑀺,
𑀲𑀩𑁆𑀩𑀭𑀢𑀺𑀁𑀥𑀫𑁆𑀫𑀭𑀢𑀺𑀚𑀺𑀦𑀸𑀢𑀺;
𑀲𑀩𑁆𑀩𑀤𑀼𑀓𑁆𑀔𑀁𑀢𑀡𑁆𑀳𑀓𑁆𑀔𑀬𑁄𑀚𑀺𑀦𑀸𑀢𑀺.
𑀅𑀧𑁆𑀧𑀫𑀸𑀤𑀭𑀢𑀸𑀳𑁄𑀣, 𑀲𑀘𑀺𑀢𑁆𑀢𑀫𑀦𑀼𑀭𑀓𑁆𑀔𑀣;
𑀤𑀼𑀓𑁆𑀔𑀸𑀉𑀤𑁆𑀥𑀭𑀣𑀢𑁆𑀢𑀸𑀦𑀁, 𑀧𑀗𑁆𑀓𑁂𑀲𑀦𑁆𑀦𑀁𑀯𑀓𑀼𑀜𑁆𑀚𑀭𑀁.
𑀘𑀚𑀤𑀼𑀚𑁆𑀚𑀦𑀲𑀁𑀲𑀕𑁆𑀕𑀁 ¶ , 𑀪𑀚𑀲𑀸𑀥𑀼𑀲𑀫𑀸𑀕𑀫𑀁;
𑀓𑀭𑀧𑀼𑀜𑁆𑀜𑀫𑀳𑁄𑀭𑀢𑁆𑀢𑀺𑀁, 𑀲𑀭𑀦𑀺𑀘𑁆𑀘𑀫𑀦𑀺𑀘𑁆𑀘𑀢𑀁.
𑀅𑀦𑀺𑀘𑁆𑀘𑀸𑀯𑀢𑀲𑀗𑁆𑀔𑀸𑀭𑀸, 𑀉𑀧𑁆𑀧𑀸𑀤𑀯𑀬𑀥𑀫𑁆𑀫𑀺𑀦𑁄;
𑀉𑀧𑁆𑀧𑀚𑁆𑀚𑀺𑀢𑁆𑀯𑀸𑀦𑀺𑀭𑀼𑀚𑁆𑀛𑀦𑁆𑀢𑀺, 𑀢𑁂𑀲𑀁𑀯𑀽𑀧𑀲𑀫𑁄𑀲𑀼𑀔𑁄.
𑀦𑀳𑀺𑀥𑀫𑁆𑀫𑁄𑀅𑀥𑀫𑁆𑀫𑁄𑀘, 𑀉𑀪𑁄𑀲𑀫𑀯𑀺𑀧𑀸𑀓𑀺𑀦𑁄;
𑀅𑀥𑀫𑁆𑀫𑁄𑀦𑀺𑀭𑀬𑀁𑀦𑁂𑀢𑀺, 𑀥𑀫𑁆𑀫𑁄𑀧𑀸𑀧𑁂𑀢𑀺𑀲𑀼𑀕𑁆𑀕𑀢𑀺𑀁.
𑀲𑀫𑀲𑀻𑀲𑀁𑀲𑀫𑀧𑀸𑀤𑀁 ¶ , 𑀅𑀦𑁆𑀢𑀭𑀜𑁆𑀘𑀲𑀫𑀁𑀲𑀫𑀁;
𑀇𑀤𑀁𑀫𑀦𑀲𑀺𑀦𑀺𑀥𑀸𑀬, 𑀮𑀺𑀔𑁂𑀬𑁆𑀬𑀧𑀺𑀝𑀓𑀢𑁆𑀢𑀬𑀦𑁆𑀢𑀺.