📜

𑀣𑀼𑀧𑀯𑀁𑀲𑁄 ¶

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑀬𑀲𑁆𑀫𑀺𑀁 𑀲𑀬𑀺𑀁𑀲𑀼 𑀚𑀺𑀦𑀥𑀸𑀢𑀼𑀯𑀭𑀸 𑀲𑀫𑀦𑁆𑀢𑀸

𑀙𑀩𑁆𑀩𑀡𑁆𑀡 𑀭𑀁𑀲𑀺 𑀯𑀺𑀲𑀭𑁂𑀳𑀺 𑀲𑀫𑀼𑀚𑁆𑀚𑀮𑀦𑁆𑀢𑀸,

𑀦𑀺𑀫𑁆𑀫𑀸𑀬 𑀮𑁄𑀓𑀳𑀺𑀢𑀳𑁂𑀢𑀼 𑀚𑀺𑀦𑀲𑁆𑀲 𑀭𑀽𑀧𑀁

𑀢𑀁 𑀣𑀼𑀧𑀫𑀩𑁆𑀪𑀼𑀢 𑀢𑀫𑀁 𑀲𑀺𑀭𑀲𑀸 𑀦𑀫𑀺𑀢𑁆𑀯𑀸;

𑀘𑀓𑁆𑀔𑀸𑀫𑀳𑀁 𑀲𑀓𑀮 𑀮𑁄𑀓 𑀳𑀺𑀢𑀸𑀯𑀳𑀲𑁆𑀲

𑀣𑀼𑀧𑀲𑁆𑀲 𑀲𑀩𑁆𑀩 𑀚𑀦 𑀦𑀡𑁆𑀤𑀦 𑀓𑀸𑀭𑀡𑀲𑁆𑀲,

𑀯𑀁𑀲𑀁 𑀲𑀼𑀭𑀸𑀲𑀼𑀭 𑀦𑀭𑀺𑀡𑁆𑀤𑀯𑀭𑁂𑀳𑀺 𑀦𑀺𑀘𑁆𑀘𑀁

𑀲𑀫𑁆𑀧𑀽𑀚𑀺𑀢𑀲𑁆𑀲 𑀭𑀢𑀦𑀼𑀚𑁆𑀚𑀮 𑀣𑀽𑀧𑀺𑀓𑀲𑁆𑀲;

𑀓𑀺𑀜𑁆𑀘𑀸𑀧𑀺 𑀲𑁄 𑀬𑀢𑀺𑀚𑀦𑁂𑀦 𑀧𑀼𑀭𑀸𑀢𑀦𑁂𑀦

𑀅𑀢𑁆𑀯𑀸𑀬 𑀲𑀻𑀳𑀴𑀚𑀦𑀲𑁆𑀲 𑀓𑀢𑁄 𑀧𑀼𑀭𑀸𑀧𑀺,

𑀯𑀸𑀓𑁆𑀓𑁂𑀦 𑀲𑀺𑀳𑀴𑀪𑀯𑁂𑀦’𑀪𑀺𑀲𑀗𑁆𑀔𑀫𑀢𑁆𑀢𑀸

𑀅𑀢𑁆𑀣𑀁 𑀦 𑀲𑀸𑀥𑀳𑀢𑀺 𑀲𑀩𑁆𑀩𑀚𑀦𑀲𑁆𑀲 𑀲𑀫𑁆𑀫𑀸;

𑀬𑀲𑁆𑀫𑀸 𑀘 𑀫𑀸𑀕𑀥 𑀦𑀺𑀭𑀼𑀢𑁆𑀢𑀺𑀓𑀢𑁄𑀧𑀺 𑀣𑀽𑀧-

𑀯𑀁𑀲𑁄 𑀯𑀺𑀭𑀼𑀤𑁆𑀥𑀦𑀬 𑀲𑀤𑁆𑀤 𑀲𑀫𑀸𑀓𑀼𑀮𑁄 𑀲𑁄,

𑀯𑀢𑁆𑀢𑀩𑁆𑀩𑀫𑁂𑀯 𑀘 𑀩𑀳𑀼𑀫𑁆𑀧𑀺 𑀬𑀢𑁄 𑀦 𑀯𑀼𑀢𑁆𑀢𑀁

𑀢𑀫𑁆𑀳𑀸 𑀅𑀳𑀁 𑀧𑀼𑀦𑀧𑀺 𑀯𑀁𑀲𑀫𑀺’𑀫𑀁 𑀯𑀤𑀸𑀫𑀺;

𑀲𑀼𑀡𑀸𑀣 𑀲𑀸𑀥𑀯𑁄 𑀲𑀩𑁆𑀩𑁂 𑀧𑀭𑀺𑀧𑀼𑀡𑁆𑀡𑀫𑀦𑀸𑀓𑀼𑀮𑀁

𑀯𑀼𑀘𑁆𑀘𑀫𑀸𑀦𑀁 𑀫𑀬𑀸 𑀲𑀸𑀥𑀼 𑀯𑀁𑀲𑀁 𑀣𑀽𑀧𑀲𑁆𑀲 𑀲𑀢𑁆𑀣𑀼𑀦𑁄𑀢𑀺;

𑀢𑀢𑁆𑀣 𑀣𑀽𑀧𑀲𑁆𑀲 𑀯𑀁𑀲𑀁 𑀯𑀓𑁆𑀔𑀸𑀫𑀻𑀢𑀺 𑀏𑀢𑁆𑀣 𑀢𑀣𑀸𑀕𑀢𑁄 𑀅𑀭𑀳𑀁 𑀲𑀫𑁆𑀫𑀸 𑀲𑀫𑁆𑀩𑀼𑀤𑁆𑀥𑁄 𑀣𑀽𑀧𑀸𑀭𑀳𑁄, 𑀧𑀘𑁆𑀘𑁂𑀓𑀩𑀼𑀤𑁆𑀥𑁄 𑀣𑀽𑀧𑀸𑀭𑀳𑁄, 𑀢𑀣𑀸𑀕𑀢𑀲𑁆𑀲 𑀲𑀸𑀯𑀓𑁄 𑀣𑀽𑀧𑀸𑀭𑀳𑁄, 𑀭𑀸𑀚𑀸 𑀘𑀓𑁆𑀓𑀯𑀢𑁆𑀢𑀺 𑀣𑀽𑀧𑀸𑀭𑀳𑁄𑀢𑀺 𑀯𑀘𑀦𑀢𑁄 𑀣𑀽𑀧𑀸𑀭𑀳𑀸𑀦𑀁 𑀩𑀼𑀤𑁆𑀥𑀸𑀤𑀻𑀦𑀁 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀓𑀢 𑀘𑁂𑀢𑀺𑀬𑀁 𑀅𑀩𑁆𑀪𑀼𑀦𑀦 𑀢𑀝𑁆𑀞𑁂𑀦 ¶ 𑀣𑀽𑀧𑁄𑀢𑀺 𑀯𑀼𑀘𑁆𑀘𑀢𑀺, 𑀇𑀥 𑀧𑀦 𑀓𑀜𑁆𑀘𑀦 𑀫𑀸𑀮𑀺𑀓 𑀫𑀳𑀸𑀣𑀽𑀧𑁄 𑀅𑀥𑀺𑀧𑁆𑀧𑁂𑀢𑁄, 𑀲𑁄 𑀓𑀲𑁆𑀲 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀓𑀢𑁄𑀢𑀺 𑀘𑁂? 𑀬𑁄𑀤𑀻𑀧𑀗𑁆𑀓𑀭𑀸𑀤𑀻𑀦𑀁 𑀘𑀢𑀼𑀯𑀻𑀲𑀢𑀺𑀬𑀸 𑀩𑀼𑀤𑁆𑀥𑀸𑀦𑀁 𑀲𑀦𑁆𑀢𑀺𑀓𑁂 𑀮𑀤𑁆𑀥𑀯𑁆𑀬𑀸𑀓𑀭𑀡𑁄 𑀲𑀫𑀢𑀺𑀁𑀲𑀧𑀸𑀭𑀫𑀺𑀬𑁄 𑀧𑀽𑀭𑁂𑀢𑁆𑀯𑀸 𑀧𑀭𑀫𑀸𑀪𑀺𑀲𑀫𑁆𑀩𑁄𑀥𑀺𑀁 𑀧𑀢𑁆𑀯𑀸 𑀥𑀫𑁆𑀫𑀘𑀓𑁆𑀓𑀧𑁆𑀧𑀯𑀢𑁆𑀢𑀦𑀢𑁄 𑀧𑀝𑁆𑀞𑀸𑀬 𑀬𑀸𑀯 𑀲𑀼𑀳𑀤𑁆𑀤 𑀧𑀭𑀺𑀩𑁆𑀩𑀸𑀚𑀓 𑀯𑀺𑀦𑀬𑀸𑀦 𑀲𑀩𑁆𑀩 𑀩𑀼𑀤𑁆𑀥𑀓𑀺𑀘𑁆𑀘𑀸𑀦𑀺 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀅𑀦𑀼𑀧𑀸𑀤𑀺𑀬𑁂𑀲𑀸𑀬 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀧𑀭𑀺𑀦𑀺𑀩𑁆𑀩𑀼𑀢𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸 𑀲𑀫𑁆𑀩𑀼𑀤𑁆𑀥𑀲𑁆𑀲 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀓𑀢𑁄 𑀅𑀬𑀫𑁂𑀢𑁆𑀣 𑀲𑀗𑁆𑀔𑁂𑀧𑁄, 𑀯𑀺𑀢𑁆𑀣𑀸𑀭𑁄 𑀧𑀦 𑀯𑁂𑀤𑀺𑀢𑀩𑁆𑀩𑁄?

𑁨. 𑀇𑀢𑁄 𑀓𑀺𑀭 𑀓𑀧𑁆𑀧𑀲𑀢𑀲𑀳𑀲𑁆𑀲𑀸𑀥𑀺𑀓𑀸𑀦𑀁 𑀘𑀢𑀼𑀦𑁆𑀦𑀁 𑀅𑀲𑀗𑁆𑀔𑁂𑀬𑁆𑀬𑀸𑀦𑀁 𑀫𑀢𑁆𑀣𑀓𑁂 𑀅𑀫𑀭𑀯𑀢𑀻 𑀦𑀸𑀫 𑀦𑀕𑀭𑀁 𑀅𑀳𑁄𑀲𑀺. 𑀢𑀢𑁆𑀣 𑀲𑀼𑀫𑁂𑀥𑁄 𑀦𑀸𑀫 𑀩𑁆𑀭𑀸𑀳𑁆𑀫𑀡𑁄 𑀧𑀝𑀺𑀯𑀲𑀢𑀺. 𑀲𑁄 𑀅𑀜𑁆𑀜𑀁 𑀓𑀫𑁆𑀫𑀁 𑀅𑀓𑀢𑁆𑀯𑀸 𑀩𑁆𑀭𑀳𑁆𑀫𑀡𑀲𑀺𑀧𑁆𑀧𑀫𑁂𑀯 𑀉𑀕𑁆𑀕𑀡𑁆𑀳𑀺 𑀢𑀲𑁆𑀲 𑀤𑀳𑀭𑀓𑀸𑀮𑁂𑀬𑁂𑀯 𑀫𑀸𑀢𑀸𑀧𑀺𑀢𑀭𑁄 𑀓𑀸𑀮𑀫𑀓𑀁𑀲𑀼. 𑀅𑀣𑀲𑁆𑀲 𑀭𑀸𑀲𑀺𑀯𑀟𑁆𑀠𑀦𑀓𑁄 𑀅𑀫𑀘𑁆𑀘𑁄 𑀆𑀬 𑀧𑁄𑀢𑁆𑀣𑀓𑀁 𑀆𑀳𑀭𑀺𑀢𑁆𑀯𑀸 𑀲𑀼𑀯𑀡𑁆𑀡 𑀭𑀚𑀢 𑀫𑀡𑀺𑀫𑀼𑀢𑁆𑀢𑀸𑀤𑀺 𑀪𑀭𑀺𑀢𑁂 𑀕𑀩𑁆𑀪𑁂 𑀯𑀺𑀯𑀭𑀺𑀢𑁆𑀯𑀸 𑀏𑀢𑁆𑀢𑀓𑀁 𑀢𑁂 𑀓𑀼𑀫𑀸𑀭 𑀫𑀸𑀢𑀼 𑀲𑀦𑁆𑀢𑀓𑀁, 𑀏𑀢𑁆𑀢𑀓𑀁 𑀧𑀺𑀢𑀼𑀲𑀦𑁆𑀢𑀓𑀁, 𑀏𑀢𑁆𑀢𑀓𑀁 𑀅𑀬𑁆𑀬𑀓 𑀧𑀬𑁆𑀬𑀓𑀸𑀦𑀦𑁆𑀢𑀺 𑀬𑀸𑀯 𑀲𑀢𑁆𑀢𑀫𑀸 𑀓𑀼𑀮𑀧𑀭𑀺𑀯𑀝𑁆𑀝𑀸 𑀥𑀓𑀁 𑀆𑀘𑀺𑀓𑁆𑀔𑀺𑀢𑁆𑀯𑀸 𑀏𑀢𑀫𑁆𑀧𑀝𑀺𑀚𑀕𑁆𑀕𑀸𑀳𑀻𑀢𑀺 𑀆𑀳. 𑀲𑁄 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀅𑀕𑀸𑀭𑀁 𑀅𑀚𑁆𑀛𑀸𑀯𑀲𑀦𑁆𑀢𑁄 𑀏𑀓𑀤𑀺𑀯𑀲𑀁 𑀘𑀺𑀦𑁆𑀢𑁂𑀲𑀺.

𑁩. 𑀧𑀼𑀦𑀩𑁆𑀪𑀯𑁂 𑀧𑀝𑀺𑀲𑀡𑁆𑀥𑀺𑀕𑀳𑀡𑀁 𑀢𑀸𑀫 𑀤𑀼𑀓𑁆𑀔𑀁, 𑀢𑀣𑀸 𑀦𑀺𑀩𑁆𑀩𑀢𑁆𑀢 𑀦𑀺𑀩𑁆𑀩𑀢𑁆𑀢𑀝𑁆𑀞𑀸𑀦𑁂 𑀲𑀭𑀻𑀭𑀪𑁂𑀤𑀦𑀁 𑀅𑀳𑀜𑁆𑀘 𑀚𑀸𑀦𑀺𑀥𑀫𑁆𑀫𑁄 𑀚𑀭𑀸𑀥𑀫𑁆𑀫𑁄 𑀯𑁆𑀬𑀸𑀥𑀺𑀥𑀫𑁆𑀫𑁄 𑀫𑀭𑀡𑀥𑀫𑁆𑀫𑁄. 𑀏𑀯𑀁 𑀪𑀽𑀢𑁂𑀦 𑀫𑀬𑀸 𑀅𑀚𑀸𑀢𑀺 𑀅𑀚𑀭𑀁 𑀅𑀯𑁆𑀬𑀸𑀥𑀺𑀁 𑀅𑀫𑀭𑀡𑀁 𑀲𑀼𑀔𑀁 𑀲𑀻𑀢𑀮𑀁 𑀦𑀺𑀩𑁆𑀩𑀸𑀦𑀁 𑀕𑀯𑁂𑀲𑀺𑀢𑀼𑀁 𑀯𑀝𑁆𑀝𑀢𑀻𑀢𑀺 𑀦𑁂𑀓𑁆𑀔𑀫𑁆𑀫𑀓𑀸𑀭𑀡𑀁 𑀘𑀺𑀦𑁆𑀢𑁂𑀢𑁆𑀯𑀸 𑀧𑀼𑀦 𑀘𑀺𑀦𑁆𑀢𑁂𑀲𑀺 𑀇𑀫𑀁 𑀥𑀦𑀁 𑀲𑀩𑁆𑀩𑀁 𑀫𑀬𑁆𑀳𑀁 𑀧𑀺𑀢𑀼 𑀧𑀺𑀢𑀸𑀫𑀳𑀸𑀤𑀬𑁄 𑀧𑀭𑀮𑁄𑀓𑀁 𑀕𑀘𑁆𑀙𑀦𑁆𑀢𑀸 𑀏𑀓 𑀓𑀳𑀸𑀧𑀡𑀫𑁆𑀧𑀺 𑀕𑀳𑁂𑀢𑁆𑀯𑀸 𑀦𑀕𑀢𑀸 𑀫𑀬𑀸 𑀧𑀦 𑀕𑀳𑁂𑀢𑁆𑀯𑀸 𑀕𑀫𑀦𑀓𑀸𑀭𑀡𑀁 𑀓𑀸𑀢𑀼𑀁 𑀯𑀝𑁆𑀝𑀢𑀻𑀢𑀺 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀢𑁆𑀯𑀸 𑀫𑀳𑀸𑀚𑀦𑀲𑁆𑀲 𑀤𑀸𑀦𑀁 𑀤𑀢𑁆𑀯𑀸 𑀳𑀺𑀫𑀯𑀦𑁆𑀢𑀲𑁆𑀲 𑀧𑀯𑀺𑀲𑀺𑀢𑁆𑀯𑀸 𑀢𑀸𑀧𑀲 𑀧𑀩𑁆𑀩𑀚𑁆𑀚𑀁 𑀧𑀩𑁆𑀩𑀚𑀺𑀢𑁆𑀯𑀸 𑀲𑀢𑁆𑀢𑀸𑀳𑀩𑁆𑀪𑀦𑁆𑀢𑀭𑁂𑀬𑁂𑀯 𑀅𑀪𑀺𑀜𑁆𑀜𑀸 𑀘 𑀲𑀫𑀸𑀧𑀢𑁆𑀢𑀺𑀬𑁄 𑀘 𑀦𑀺𑀩𑁆𑀩𑀢𑁆𑀢𑁂𑀢𑁆𑀯 𑀲𑀫𑀸𑀧𑀢𑁆𑀢𑀺𑀲𑀼𑀔𑁂𑀦 𑀯𑀻𑀢𑀺𑀦𑀸𑀫𑁂𑀲𑀺.

𑀢𑀤𑀸 𑀤𑀻𑀧𑀗𑁆𑀓𑀭𑁄 𑀦𑀸𑀫 𑀲𑀢𑁆𑀣𑀸 𑀧𑀭𑀬𑀸𑀪𑀺𑀲𑀫𑁆𑀩𑁄𑀥𑀺𑀁 𑀧𑀢𑁆𑀯𑀸 𑀲𑀢𑁆𑀢 𑀲𑀢𑁆𑀢𑀸𑀳𑀁 𑀩𑁄𑀥𑀺𑀲𑀫𑀻𑀧𑁂𑀘𑁂𑀯 𑀯𑀺𑀢𑀺𑀦𑀸𑀫𑁂𑀢𑁆𑀯𑀸 𑀲𑀼𑀦𑀡𑁆𑀤𑀸𑀭𑀸𑀫𑁂 𑀥𑀫𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑁂𑀢𑁆𑀯𑀸 𑀓𑁄𑀝𑀺𑀲𑀢𑁆𑀢𑀸𑀦𑀁 𑀤𑁂𑀯𑀫𑀦𑀼𑀲𑁆𑀲𑀸𑀦𑀁 𑀥𑀫𑁆𑀫𑀫𑀢𑀁 𑀧𑀸𑀬𑁂𑀢𑁆𑀯𑀸 𑀘𑀸𑀢𑀼𑀤𑁆𑀤𑀻𑀧𑀺𑀓 𑀫𑀳𑀸𑀫𑁂𑀖𑁄 𑀯𑀺𑀬 𑀥𑀫𑁆𑀫𑀯𑀲𑁆𑀲𑀁 𑀯𑀲𑁆𑀲𑁂𑀦𑁆𑀢𑁄 𑀘𑀢𑀽𑀳𑀺 𑀔𑀻𑀡𑀸𑀲𑀬 𑀲𑀢𑀲𑀳𑀲𑁆𑀲𑁂𑀳𑀺 𑀧𑀭𑀺𑀯𑀼𑀢𑁄 𑀅𑀦𑀼𑀧𑀼𑀩𑁆𑀩𑁂𑀦 𑀘𑀸𑀭𑀓𑀁 𑀘𑀭𑀫𑀸𑀦𑁄 𑀭𑀫𑁆𑀫 𑀦𑀕𑀭𑀁 𑀧𑀢𑁆𑀯𑀸 𑀲𑀼𑀤𑀲𑁆𑀲𑀦 𑀫𑀳𑀸𑀯𑀺𑀳𑀸𑀭𑁂 𑀧𑀝𑀺𑀯𑀲𑀢𑀺 𑀢𑀤𑀸 𑀭𑀫𑁆𑀫𑀦𑀕𑀭𑀯𑀸𑀲𑀺𑀦𑁄 𑀲𑀧𑁆𑀧𑀺 𑀨𑀡𑀺𑀢𑀸𑀤𑀻𑀦𑀺 𑀪𑁂𑀲𑀚𑁆𑀚𑀸𑀦𑀺 𑀕𑀳𑁂𑀢𑁆𑀯𑀸 𑀧𑀼𑀧𑁆𑀨 𑀥𑀽𑀧 𑀕𑀡𑁆𑀥𑀳𑀢𑁆𑀣𑀸 𑀬𑁂𑀦 𑀩𑀼𑀤𑁆𑀥𑁄 𑀢𑁂𑀦𑀧𑀲𑀗𑁆𑀓𑀫𑀺𑀢𑁆𑀯𑀸 𑀲𑀢𑁆𑀣𑀸𑀭𑀁 𑀯𑀦𑁆𑀤𑀺𑀢𑁆𑀯𑀸 𑀧𑀼𑀧𑁆𑀨𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀏𑀓𑀫𑀦𑁆𑀢𑀁 𑀦𑀺𑀲𑀻𑀤𑀺𑀢𑁆𑀯𑀸 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀲𑁆𑀯𑀸𑀢𑀦𑀸𑀬 𑀪𑀕𑀯𑀦𑁆𑀢𑀁 𑀦𑀺𑀫𑀦𑁆𑀢𑁂𑀢𑁆𑀯𑀸 𑀉𑀝𑁆𑀞𑀸𑀬𑀸𑀲𑀦𑀸 𑀤𑀲𑀩𑀮𑀁 𑀧𑀤𑀓𑁆𑀔𑀻𑀦𑀁 𑀓𑀢𑁆𑀯𑀸 𑀧𑀓𑁆𑀓𑀫𑀺𑀁𑀲𑀼.

𑀢𑁂 ¶ 𑀧𑀼𑀦 𑀤𑀺𑀯𑀲𑁂 𑀅𑀲𑀤𑀺𑀲 𑀫𑀳𑀸𑀤𑀸𑀦𑀁 𑀲𑀚𑁆𑀚𑁂𑀢𑁆𑀯𑀸 𑀤𑀲𑀩𑀮𑀲𑁆𑀲 𑀆𑀕𑀫𑀦 𑀫𑀕𑁆𑀕𑀁 𑀲𑁄𑀥𑁂𑀦𑁆𑀢𑀺. 𑀢𑀲𑁆𑀫𑀺𑀁 𑀓𑀸𑀮𑁂 𑀲𑀼𑀫𑁂𑀥𑀢𑀸𑀧𑀲𑁄 𑀅𑀢𑁆𑀢𑀦𑁄 𑀅𑀲𑁆𑀲𑀫 𑀧𑀤𑀢𑁄 𑀉𑀕𑁆𑀕𑀦𑁆𑀢𑁆𑀯𑀸 𑀭𑀫𑁆𑀫𑀦𑀕𑀭𑀯𑀸𑀲𑀻𑀦𑀁 𑀢𑁂𑀲𑀁 𑀫𑀦𑀼𑀲𑁆𑀲𑀸𑀦𑀁 𑀉𑀧𑀭𑀺𑀪𑀸𑀕𑁂𑀦 𑀆𑀓𑀸𑀲𑁂𑀦 𑀕𑀘𑁆𑀙𑀦𑁆𑀢𑀸 𑀢𑁂 𑀳𑀝𑁆𑀞𑀧𑀳𑀝𑁆𑀞𑁂 𑀫𑀕𑁆𑀕𑀁 𑀲𑁄𑀥𑁂𑀦𑁆𑀢𑁂 𑀤𑀺𑀲𑁆𑀯𑀸 𑀓𑀺𑀦𑁆𑀦𑀼 𑀔𑁄 𑀓𑀸𑀭𑀡𑀦𑁆𑀢𑀺 𑀘𑀺𑀦𑁆𑀢𑁂𑀦𑁆𑀢𑁄 𑀲𑀩𑁆𑀩𑁂𑀲𑀁 𑀧𑀲𑁆𑀲𑀦𑁆𑀢𑀸𑀦𑀁𑀬𑁂𑀯 𑀆𑀓𑀸𑀲𑀢𑁄 𑀑𑀭𑀼 𑀏𑀓𑀫𑀦𑁆𑀢𑁂 𑀞𑀢𑁆𑀣𑀸𑀬𑀳 𑀢𑁂 𑀫𑀦𑀼𑀲𑁆𑀲𑁂 𑀧𑀼𑀘𑁆𑀙𑀺.’𑀳𑀫𑁆𑀪𑁄 𑀓𑀲𑁆𑀲 𑀧𑀦 𑀇𑀫𑀁 𑀫𑀕𑁆𑀕𑀁 𑀲𑁄𑀥𑁂𑀣𑀸’𑀢𑀺 𑀢𑁂 𑀆𑀳𑀁𑀲𑀼 𑀪𑀦𑁆𑀢𑁂 𑀲𑀼𑀫𑁂𑀥 𑀢𑀼𑀫𑁆𑀳𑁂 𑀓𑀺𑀁 𑀦𑀁 𑀚𑀸𑀦𑀸𑀣, 𑀤𑀻𑀧𑀗𑁆𑀓𑀭𑁄 𑀦𑀸𑀫 𑀲𑀢𑁆𑀣𑀸 𑀧𑀭𑀫𑀸𑀪𑀺𑀲𑀫𑁆𑀩𑁄𑀥𑀺𑀁 𑀧𑀢𑁆𑀯𑀸 𑀧𑀯𑀢𑁆𑀢𑀯𑀭 𑀥𑀫𑁆𑀫𑀘𑀓𑁆𑀓𑁄 𑀚𑀦𑀧𑀤 𑀘𑀸𑀭𑀺𑀓𑀁 𑀘𑀭𑀫𑀸𑀦𑁄 𑀅𑀦𑀼𑀓𑁆𑀓𑀫𑁂𑀦 𑀅𑀫𑁆𑀳𑀸𑀓𑀁 𑀦𑀕𑀭𑀁 𑀧𑀢𑁆𑀯𑀸 𑀲𑀼𑀤𑀲𑁆𑀲𑀦 𑀫𑀳𑀸𑀯𑀺𑀳𑀸𑀭𑁂 𑀧𑀝𑀺𑀯𑀲𑀢𑀺. 𑀫𑀬𑀁 𑀢𑀁 𑀪𑀕𑀯𑀦𑁆𑀢𑀁 𑀦𑀺𑀫𑀦𑁆𑀢𑀬𑀺𑀫𑁆𑀳 𑀢𑀲𑁆𑀲 𑀪𑀕𑀯𑀢𑁄 𑀆𑀕𑀫𑀦𑀫𑀕𑁆𑀕𑀁 𑀲𑁄𑀥𑁂𑀫𑀸𑀢𑀺. 𑀢𑀁 𑀲𑀼𑀢𑁆𑀯𑀸 𑀲𑀼𑀫𑁂𑀥𑀧𑀡𑁆𑀟𑀺𑀢𑁄 𑀘𑀺𑀦𑁆𑀢𑁂𑀲𑀺. 𑀩𑀼𑀤𑁆𑀥𑁄𑀢𑀺 𑀔𑁄 𑀧𑀦𑁂𑀲 𑀖𑁄𑀲𑁄𑀧𑀺 𑀤𑀼𑀮𑁆𑀮𑀪𑁄, 𑀧𑀕𑁂𑀯 𑀩𑀼𑀤𑁆𑀥𑀼𑀧𑁆𑀧𑀸𑀤𑁄 𑀢𑁂𑀦 𑀳𑀺 𑀫𑀬𑀸𑀧𑀺 𑀇𑀫𑁂𑀳𑀺 𑀫𑀦𑀼𑀲𑁆𑀲𑁂𑀳𑀺 𑀲𑀤𑁆𑀥𑀺𑀁 𑀤𑀲𑀩𑀮𑀲𑁆𑀲 𑀆𑀕𑀫𑀦𑀫𑀕𑁆𑀕𑀁 𑀲𑁄𑀥𑁂𑀢𑀼𑀁 𑀯𑀝𑁆𑀝𑀢𑀻𑀢𑀺 𑀲𑁄 𑀢𑁂 𑀫𑀦𑀼𑀲𑁆𑀲𑁂 𑀆𑀳, 𑀲𑀘𑁂 𑀪𑁄 𑀢𑀼𑀫𑁆𑀳𑁂 𑀇𑀫𑀁 𑀫𑀕𑁆𑀕 𑀩𑀼𑀤𑁆𑀥𑀲𑁆𑀲 𑀲𑁄𑀥𑁂𑀣 - 𑀲𑀬𑀳𑀫𑁆𑀧𑀺 𑀏𑀓𑀁 𑀑𑀓𑀸𑀲𑀁 𑀲𑀫𑁆𑀧𑀝𑀺𑀘𑁆𑀙𑀢𑁆𑀯𑀸 𑀅𑀬𑀁 𑀲𑀼𑀫𑁂𑀥𑀧𑀡𑁆𑀟𑀺𑀢𑁄 𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄𑀢𑀺 𑀚𑀸𑀦𑀦𑁆𑀢𑀸 𑀤𑀼𑀩𑁆𑀩𑀺𑀲𑁄𑀥𑀦𑀁 𑀉𑀤𑀓𑀲𑀫𑁆𑀪𑀺𑀦𑁆𑀦𑀁 𑀅𑀢𑀺𑀯𑀺𑀲𑀫𑀁 𑀏𑀓𑀁 𑀑𑀓𑀸𑀲𑀁 𑀲𑀮𑁆𑀮𑀓𑁆𑀔𑁂𑀢𑁆𑀯𑀸 𑀇𑀫𑀁 𑀳𑀓𑀸𑀲𑀁 𑀢𑀼𑀫𑁆𑀳𑁂 𑀲𑁄𑀥𑁂𑀣. 𑀅𑀮𑀗𑁆𑀓𑀭𑁄𑀣𑀸𑀢𑀺 𑀅𑀤𑀁𑀲𑀼.

𑀲𑀼𑀫𑁂𑀥𑀧𑀡𑁆𑀟𑀺𑀢𑁄 𑀩𑀼𑀤𑁆𑀥𑀸𑀭𑀫𑁆𑀫𑀡 𑀧𑀻𑀢𑀺𑀁 𑀉𑀧𑁆𑀧𑀸𑀤𑁂𑀢𑁆𑀯𑀸 𑀘𑀺𑀦𑁆𑀢𑁂𑀲𑀺. 𑀅𑀳𑀫𑁆𑀧𑀦𑀺𑀫𑀁 𑀑𑀓𑀸𑀲𑀁 𑀇𑀤𑁆𑀥𑀻𑀬𑀸 𑀧𑀭𑀫𑀤𑀲𑁆𑀲𑀦𑀻𑀬 𑀓𑀸𑀢𑀼𑀁 𑀧𑀳𑁄𑀫𑀺 𑀏𑀯𑀁 𑀓𑀢𑁄 𑀧𑀦 𑀫𑀁 𑀦 𑀧𑀭𑀺𑀢𑁄𑀲𑁂𑀢𑀺 𑀅𑀚𑁆𑀚 𑀧𑀦 𑀫𑀬𑀸 𑀓𑀸𑀬𑀯𑁂𑀬𑁆𑀬𑀸𑀯𑀘𑁆𑀘𑀁 𑀓𑀸𑀢𑀼𑀁 𑀯𑀝𑁆𑀝𑀢𑀺𑀢𑀺 𑀧𑀁𑀲𑀼𑀁 𑀆𑀳𑀭𑀺𑀢𑁆𑀯𑀸 𑀢𑀁 𑀧𑀳𑁂𑀲𑀁 𑀧𑀽𑀭𑁂𑀦𑀺, 𑀢𑀲𑁆𑀲 𑀧𑀦 𑀢𑀲𑁆𑀫𑀺𑀁 𑀧𑀤𑁂𑀲𑁂 𑀅𑀲𑁄𑀥𑀺𑀢𑁂 𑀚𑀬𑀲𑀼𑀫𑀦 𑀓𑀼𑀲𑀼𑀫 𑀲𑀤𑀺𑀲𑀺 𑀯𑀡𑁆𑀡𑀁 𑀤𑀼𑀧𑀝𑁆𑀝𑀘𑀻𑀯𑀭𑀁 𑀢𑀺𑀫𑀡𑁆𑀟𑀮𑀁 𑀧𑀝𑀺𑀘𑁆𑀙𑀸𑀤𑁂𑀢𑁆𑀯𑀸 𑀦𑀺𑀯𑀸𑀲𑁂𑀢𑁆𑀯𑀸 𑀢𑀲𑁆𑀲𑀼𑀧𑀭𑀺 𑀬𑀼𑀡𑁆𑀡𑀫𑀸𑀧𑀗𑁆𑀕𑁂𑀦 𑀓𑀼𑀲𑀼𑀫𑀓𑀮𑀸𑀧𑀁 𑀧𑀭𑀓𑁆𑀔𑀺𑀧𑀦𑁆𑀢𑁄 𑀯𑀺𑀬 𑀯𑀺𑀚𑁆𑀚𑀼𑀮𑁆𑀮𑀢𑀸 𑀲𑀲𑁆𑀲𑀻𑀭𑀻𑀓𑀁 𑀓𑀸𑀬𑀩𑀡𑁆𑀥𑀦𑀁 𑀩𑀡𑁆𑀥𑀺𑀢𑁆𑀯𑀸 𑀓𑀦𑀓 𑀕𑀺𑀭𑀺𑀲𑀺𑀔𑀭 𑀫𑀢𑁆𑀣𑀓𑁂 𑀮𑀸𑀔𑀸𑀭𑀲𑀁 𑀧𑀭𑀺𑀲𑀺𑀜𑁆𑀘𑀦𑁆𑀢𑁂 𑀯𑀺𑀬 𑀲𑀼𑀯𑀡𑁆𑀡𑀘𑁂𑀢𑀺𑀬𑀁 𑀧𑀯𑀸𑀴𑀚𑀸𑀮𑁂𑀦 𑀧𑀭𑀺𑀓𑁆𑀔𑀺𑀧𑀦𑁆𑀢𑁄 𑀯𑀺𑀬 𑀲𑀼𑀯𑀡𑁆𑀡𑀗𑁆𑀖𑀓𑀁 𑀭𑀢𑁆𑀢𑀓𑀫𑁆𑀩𑀮𑁂𑀦 𑀧𑀝𑀺𑀫𑀼𑀜𑁆𑀘𑀦𑁆𑀢𑁄 𑀯𑀺𑀬 𑀲𑀭𑀤 𑀲𑀫𑀬 𑀭𑀚𑀦𑀺𑀓𑀭𑀁 𑀭𑀢𑁆𑀢𑀯𑀮𑀸𑀳𑀓𑁂𑀦 𑀧𑀝𑀺𑀘𑁆𑀙𑀸𑀤𑁂𑀦𑁆𑀢𑁄 𑀯𑀺𑀬 𑀘 𑀮𑀸𑀔𑀸𑀭𑀲𑁂𑀦 𑀢𑀺𑀦𑁆𑀦 𑀓𑀺𑀁 𑀲𑀼𑀓𑀓𑁆𑀲𑀼𑀫𑀯𑀡𑁆𑀡𑀁 𑀭𑀢𑁆𑀢𑀯𑀭 𑀧𑀲𑀼𑀓𑀽𑀮 𑀘𑀻𑀯𑀭𑀁 𑀧𑀸𑀭𑀺𑀧𑀺𑀢𑁆𑀯𑀸 𑀕𑀡𑁆𑀥𑀓𑀽𑀕𑀺𑀤𑁆𑀯 𑀭𑀢𑁄 𑀓𑀦𑀓𑀕𑀼𑀳𑀸𑀢𑁄 𑀲𑀻𑀳𑁄 𑀯𑀺𑀬 𑀦𑀺𑀓𑁆𑀔𑀫𑀺𑀢𑁆𑀯𑀸 𑀚𑀴𑀪𑀺𑀜𑁆𑀜𑀸𑀦𑀁𑀬𑁂𑀯 𑀘𑀢𑀽𑀳𑀺 𑀔𑀻𑀡𑀸𑀲𑀯 𑀲𑀢𑀲𑀳𑀲𑁆𑀲𑁂𑀳𑀺 𑀧𑀭𑀺𑀯𑀼𑀢𑁄 𑀅𑀫𑀭𑀕𑀡 𑀧𑀭𑀺𑀯𑀼𑀢𑁄 𑀤𑀲𑀲𑀢𑀦𑀬𑀦𑁄 𑀯𑀺𑀬 𑀩𑁆𑀭𑀳𑁆𑀫𑀕𑀡𑀧𑀭𑀺𑀯𑀼𑀢𑁄 𑀫𑀳𑀸 𑀩𑁆𑀭𑀳𑁆𑀫𑀸 𑀯𑀺𑀬 𑀘 𑀅𑀧𑀭𑀺𑀫𑀺𑀢 𑀲𑀫𑀬 𑀲𑀫𑀼𑀧𑀘𑀺𑀢𑀸𑀬 𑀓𑀼𑀲𑀮𑀩𑀮𑀚𑀦𑀺𑀢𑀸𑀬 𑀅𑀦𑁄𑀧𑀫𑀬𑀸 𑀩𑀼𑀤𑁆𑀥𑀮𑀻𑀮𑀸𑀬 𑀢𑀸𑀭𑀸𑀕𑀡𑀧𑀭𑀺𑀯𑀼𑀢𑁄 ¶ 𑀲𑀭𑀤 𑀲𑀫𑀬 𑀭𑀚𑀦𑀺𑀓𑀭𑁄 𑀯𑀺𑀬 𑀕𑀕𑀦𑀢𑀮𑀁 𑀅𑀮𑀗𑁆𑀕𑀢 𑀧𑀝𑀺𑀬𑀢𑁆𑀢𑀁 𑀫𑀕𑁆𑀕𑀁 𑀧𑀝𑀺𑀧𑀚𑁆𑀚𑀺.

𑁫. 𑀲𑀼𑀫𑁂𑀥𑀢𑀸𑀧𑀲𑁄𑀧𑀺 𑀢𑁂𑀦 𑀅𑀮𑀗𑁆𑀓𑀢 𑀧𑀝𑀺𑀬𑀢𑁆𑀢𑁂𑀦 𑀫𑀕𑁆𑀕𑁂𑀦 𑀆𑀕𑀘𑁆𑀙𑀦𑁆𑀢𑀲𑁆𑀲 𑀤𑀻𑀧𑀗𑁆𑀓𑀭𑀲𑁆𑀲 𑀪𑀕𑀯𑀢𑁄 𑀤𑁆𑀯𑀢𑁆𑀢𑀺𑀁𑀲 𑀯𑀭𑀮𑀓𑁆𑀔𑀡 𑀧𑀢𑀺𑀫𑀡𑁆𑀟𑀺𑀢𑀁 𑀅𑀲𑀢𑀺𑀬𑀸 𑀅𑀦𑀼𑀩𑁆𑀬𑀜𑁆𑀚𑀦𑁂𑀳𑀺 𑀅𑀦𑀼𑀩𑁆𑀬𑀜𑁆𑀚𑀺𑀢𑀁 𑀩𑁆𑀬𑀸𑀫𑀧𑁆𑀧𑀳𑀸𑀧𑀭𑀺𑀓𑁆𑀔𑁂𑀧 𑀲𑀲𑁆𑀲𑀻𑀭𑀻𑀓𑀁 𑀇𑀡𑁆𑀤𑀦𑀻𑀮𑀫𑀡𑀺𑀲𑀁𑀓𑀸𑀲𑁄𑀆𑀓𑀸𑀲𑁂 𑀦𑀸𑀦𑀧𑁆𑀧𑀓𑀸𑀭𑀸 𑀯𑀺𑀚𑁆𑀚𑀼𑀮𑁆𑀮𑀢𑀸 𑀯𑀺𑀬 𑀙𑀩𑁆𑀩𑀡𑁆𑀡𑀩𑀼𑀤𑁆𑀥𑀭𑀁𑀲𑀺𑀬𑁄 𑀯𑀺𑀲𑁆𑀲𑀚𑁆𑀚𑁂𑀦𑁆𑀢𑀁 𑀭𑀽𑀧𑀕𑁆𑀕𑀧𑁆𑀧𑀢𑁆𑀢𑀁 𑀅𑀢𑁆𑀢𑀪𑀸𑀯𑀁 𑀑𑀮𑁄𑀓𑁂𑀢𑁆𑀯𑀸 𑀅𑀚𑁆𑀚 𑀫𑀬𑀸 𑀤𑀲𑀩𑀮𑀲𑁆𑀲 𑀚𑀻𑀯𑀺𑀢𑀧𑀭𑀺𑀘𑁆𑀘𑀸𑀕𑀁 𑀓𑀸𑀢𑀼𑀁 𑀯𑀝𑁆𑀝𑀢𑀺 𑀫𑀸 𑀪𑀕𑀯𑀸 𑀓𑀮𑀮𑁂 𑀅𑀓𑁆𑀓𑀫𑀺 𑀫𑀡𑀺𑀫𑀬𑀁 𑀮𑀓𑀲𑁂𑀢𑀼𑀁 𑀅𑀓𑁆𑀓𑀫𑀦𑁆𑀢𑁄 𑀯𑀺𑀬 𑀲𑀤𑁆𑀥𑀺𑀁 𑀘𑀢𑀽𑀳𑀺 𑀔𑀻𑀡𑀸𑀲𑀯 𑀲𑀢𑀲𑀳𑀲𑁆𑀲𑁂𑀳𑀺 𑀫𑀫 𑀧𑀺𑀝𑁆𑀞𑀺𑀁 𑀅𑀓𑁆𑀓𑀫𑀦𑁆𑀢𑁄 𑀕𑀘𑁆𑀙𑀢𑀼 𑀢𑀁 𑀫𑁂 𑀪𑀯𑀺𑀲𑁆𑀲𑀢𑀺 𑀤𑀻𑀖𑀭𑀢𑁆𑀢𑀁 𑀳𑀺𑀢𑀸𑀬 𑀲𑀼𑀔𑀸𑀬𑀸𑀢𑀺 𑀓𑁂𑀲𑁂 𑀫𑁄𑀘𑁂𑀢𑁆𑀯𑀸 𑀅𑀚𑀺𑀦𑀚𑀝𑀸 𑀯𑀸𑀓𑀘𑀻𑀭𑀸𑀦𑀺 𑀓𑀮𑁂𑀮 𑀧𑀢𑁆𑀣𑀭𑀺𑀢𑁆𑀯𑀸 𑀢𑀢𑁆𑀣𑁂𑀯 𑀓𑀮𑀮𑀧𑀺𑀝𑁆𑀞𑁂 𑀦𑀺𑀧𑀚𑁆𑀚𑀺 𑀦𑀺𑀧𑀦𑁆𑀦𑁄 𑀘 𑀲𑀘𑁂 𑀅𑀳𑀁 𑀇𑀘𑁆𑀙𑁂𑀬𑁆𑀬𑀁 𑀲𑀩𑁆𑀩𑀓𑀺𑀮𑁂𑀲𑁂 𑀛𑀸𑀧𑁂𑀢𑁆𑀯𑀸 𑀲𑀗𑁆𑀖𑀦𑀯𑀓𑁄 𑀳𑀼𑀢𑁆𑀯𑀸 𑀭𑀫𑁆𑀫𑀦𑀕𑀭𑀁 𑀧𑀯𑀺𑀲𑁂𑀬𑁆𑀬𑀁 𑀅𑀜𑁆𑀜𑀸𑀢𑀓𑀯𑁂𑀲𑁂𑀦 𑀧𑀦 𑀫𑁂 𑀓𑀺𑀮𑁂𑀲𑁂 𑀡𑁆𑀥𑀧𑁂𑀢𑁆𑀯𑀸 𑀦𑀺𑀩𑁆𑀩𑀸𑀦𑀧𑀢𑁆𑀢𑀺𑀬𑀸 𑀓𑀺𑀘𑁆𑀘𑀁 𑀦𑀢𑁆𑀣𑀺, 𑀬𑀁𑀦𑀽𑀦𑀸𑀳𑀁 𑀤𑀻𑀧𑀗𑁆𑀓𑀭 𑀤𑀲𑀩𑀮𑁄 𑀯𑀺𑀬 𑀧𑀭𑀫𑀸𑀪𑀺𑀲𑀫𑁆𑀩𑁄𑀥𑀺𑀁 𑀧𑀢𑁆𑀯𑀸 𑀥𑀫𑁆𑀫𑀦𑀸𑀯𑀁 𑀆𑀭𑁄𑀧𑁂𑀢𑁆𑀯𑀸 𑀫𑀳𑀸𑀚𑀦𑀁 𑀲𑀁𑀲𑀸𑀭𑀲𑀸𑀕𑀭𑀸 𑀉𑀢𑁆𑀢𑀸𑀭𑁂𑀢𑁆𑀯𑀸 𑀧𑀘𑁆𑀙𑀸 𑀧𑀭𑀺𑀦𑀺𑀩𑁆𑀩𑀸𑀬𑁂𑀬𑁆𑀬𑀁. 𑀇𑀤𑀁 𑀫𑁂 𑀧𑀢𑀺𑀭𑀼𑀧𑀦𑁆𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀅𑀝𑁆𑀞𑀥𑀫𑁆𑀫𑁂 𑀲𑀫𑁄𑀥𑀸𑀦𑁂𑀢𑁆𑀯𑀸 𑀩𑀼𑀤𑁆𑀥𑀪𑀸𑀯𑀸𑀬 𑀅𑀪𑀺𑀦𑀻𑀳𑀸𑀭𑀁 𑀓𑀢𑁆𑀯𑀸 𑀦𑀺𑀧𑀚𑁆𑀚.

𑀤𑀻𑀧𑀗𑁆𑀓𑀭𑁄𑀧𑀺 𑀪𑀕𑀯𑀸 𑀆𑀕𑀢𑁆𑀢𑁆𑀯𑀸 𑀲𑀼𑀫𑁂𑀥𑀧𑀡𑁆𑀟𑀺𑀢𑀲𑁆𑀲 𑀲𑀻𑀲𑀲𑀸𑀕𑁂 𑀞𑀢𑁆𑀯𑀸 𑀓𑀮𑀮𑀧𑀺𑀝𑁆𑀞𑁂 𑀦𑀺𑀧𑀦𑁆𑀦𑀁 𑀢𑀸𑀧𑀲𑀁 𑀤𑀺𑀲𑁆𑀯𑀸 𑀅𑀬𑀁 𑀢𑀸𑀧𑀲𑁄 𑀩𑀼𑀤𑁆𑀥𑀢𑁆𑀣𑀸𑀬 𑀅𑀪𑀺𑀦𑀻𑀳𑀸𑀭𑀁 𑀓𑀢𑁆𑀯𑀸 𑀦𑀺𑀧𑀦𑁆𑀢𑁄, 𑀇𑀚𑁆𑀛𑀺𑀲𑁆𑀲𑀢𑀺 𑀦𑀼 𑀔𑁄 𑀏𑀢𑀲𑁆𑀲 𑀧𑀢𑁆𑀣𑀦𑀸 𑀉𑀤𑀸𑀳𑀼 𑀦𑁄𑀢𑀺 𑀉𑀧𑀥𑀸𑀭𑁂𑀦𑁆𑀢𑁄 - 𑀅𑀦𑀸𑀕𑀢𑁂 𑀕𑁄𑀢𑀫𑁄 𑀦𑀸𑀫 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀜𑀢𑁆𑀯𑀸 𑀞𑀺𑀢𑀓𑁄𑀯 𑀧𑀭𑀺𑀲 𑀫𑀚𑁆𑀛𑁂 𑀯𑁆𑀬𑀸𑀓𑀸𑀲𑀺, 𑀧𑀲𑁆𑀲𑀣 𑀦𑁄 𑀢𑀼𑀫𑁆𑀳𑁂 𑀪𑀺𑀓𑁆𑀔𑀯𑁂 𑀇𑀫𑀁 𑀉𑀕𑁆𑀕𑀢𑀧𑀁 𑀢𑀸𑀧𑀲𑀁 𑀓𑀮𑀮𑀧𑀺𑀝𑁆𑀞𑁂 𑀦𑀺𑀧𑀦𑁆𑀦𑀦𑁆𑀢𑀺. 𑀏𑀯𑀁 𑀪𑀦𑁆𑀢𑁂, 𑀅𑀬𑀁 𑀬𑀺𑀤𑁆𑀥𑀢𑁆𑀣𑀸𑀬 𑀅𑀪𑀺𑀦𑀻𑀳𑀸𑀭𑀁 𑀓𑀢𑁆𑀯𑀸 𑀦𑀺𑀧𑀦𑁆𑀦𑁄 𑀲𑀫𑀺𑀚𑁆𑀛𑀺𑀲𑁆𑀲𑀢𑀺 𑀇𑀫𑀲𑁆𑀲 𑀧𑀢𑁆𑀣𑀢𑀸 𑀓𑀧𑁆𑀧𑀲𑀢 𑀲𑀳𑀲𑁆𑀲𑀸𑀥𑀺𑀓𑀸𑀦𑀁 𑀘𑀢𑀼𑀦𑁆𑀢𑀁 𑀅𑀲𑀗𑁆𑀔𑁂𑀬𑁆𑀬𑀸𑀦𑀁 𑀫𑀢𑁆𑀣𑀓𑁂 𑀕𑁄𑀢𑀫𑁄 𑀦𑀸𑀫 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀲𑀩𑁆𑀩𑀁 𑀯𑁆𑀬𑀸𑀓𑀸𑀲𑀺.

𑀯𑀼𑀢𑁆𑀢𑀜𑁆𑀳𑁂𑀢𑀁 𑀩𑀼𑀤𑁆𑀥𑀯𑀁𑀲𑁂.

𑀤𑀻𑀧𑀗𑁆𑀓𑀭𑁄 𑀮𑁄𑀓𑀯𑀺𑀤𑀽 - 𑀆𑀳𑀼𑀢𑀻𑀦𑀁 𑀧𑀝𑀺𑀕𑁆𑀕𑀳𑁄,

𑀉𑀲𑁆𑀲𑀻𑀲𑀓𑁂 𑀫𑀁 𑀞𑀢𑁆𑀯𑀸𑀦 - 𑀇𑀤𑀁 𑀯𑀘𑀦𑀫𑀩𑁆𑀭𑀯𑀺;

𑀧𑀲𑁆𑀲𑀣 𑀇𑀫𑀁 𑀢𑀸𑀧𑀲𑀁 - 𑀚𑀝𑀺𑀮 𑀉𑀕𑁆𑀕𑀢𑀸𑀧𑀲𑀁 𑀅𑀧𑀭𑀺𑀫𑁂𑀬𑁆𑀬𑁂 𑀇𑀢𑁄 𑀓𑀧𑁆𑀧𑁂 - 𑀅𑀬𑀁 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀺. 𑀅𑀳𑀼 𑀓𑀧𑀺𑀮𑀯𑀳𑀬𑀸 𑀭𑀫𑁆𑀫𑀸 - 𑀦𑀺𑀓𑁆𑀔𑀫𑀺𑀢𑁆𑀯𑀸 𑀢𑀣𑀸𑀕𑀢𑁄. 𑀧𑀥𑀸𑀦𑀁 𑀧𑀤𑀳𑀺𑀢𑁆𑀯𑀸𑀦 - 𑀓𑀢𑁆𑀯𑀸 𑀤𑀼𑀓𑁆𑀓𑀭 𑀓𑀸𑀭𑀺𑀓𑀁

𑀩𑀼𑀤𑁆𑀥𑁂 𑀮𑁄𑀓𑁂 - 𑀓𑁂𑀘𑀺.

𑀅𑀚𑀧𑀸𑀮 ¶ 𑀭𑀼𑀓𑁆𑀔𑀫𑀽𑀮𑀲𑁆𑀫𑀺𑀁 - 𑀦𑀺𑀲𑀻𑀤𑀺𑀢𑁆𑀯𑀸 𑀢𑀣𑀸𑀕𑀢𑁄,

𑀢𑀢𑁆𑀣 𑀧𑀸𑀬𑀸𑀲𑀫𑀕𑁆𑀕𑀬𑁆𑀳 - 𑀦𑁂𑀭𑀜𑁆𑀚𑀭𑀫𑀼𑀧𑁂𑀳𑁂𑀢𑀺;

𑀦𑁂𑀭𑀜𑁆𑀚𑀭𑀸𑀬 𑀢𑀻𑀭𑀫𑁆𑀳𑀺 - 𑀧𑀸𑀬𑀸𑀲𑀸𑀤𑀸𑀬 𑀲𑁄 𑀚𑀺𑀦𑁄,

𑀧𑀝𑀺𑀬𑀢𑁆𑀢𑀯𑀭𑀫𑀕𑁆𑀕𑁂𑀦 - 𑀩𑁄𑀥𑀺𑀫𑀽𑀮𑀜𑁆𑀳𑀺 𑀏𑀳𑀻𑀢𑀺;

𑀢𑀢𑁄 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 - 𑀩𑁄𑀥𑀺𑀫𑀡𑁆𑀟𑀁 𑀅𑀦𑀼𑀢𑁆𑀢𑀭𑁄

𑀅𑀲𑁆𑀲𑀢𑁆𑀣𑀭𑀸𑀓𑁆𑀔𑀫𑀽𑀮𑀫𑁆𑀳𑀺 - 𑀯𑀼𑀚𑁆𑀛𑀺𑀲𑁆𑀲𑀢𑀺 𑀫𑀳𑀸𑀬𑀲𑁄;

𑀇𑀫𑀲𑁆𑀲𑀚𑀦𑀺𑀓𑀸 𑀫𑀸𑀢𑀸 - 𑀫𑀸𑀬𑀸 𑀦𑀸𑀫 𑀪𑀯𑀺𑀲𑁆𑀲𑀢𑀺, 𑀧𑀺𑀢𑀸 𑀲𑀼𑀤𑁆𑀥𑁄𑀤𑀦𑁄 𑀦𑀸𑀫 - 𑀅𑀬𑀁 𑀳𑁂𑀲𑁆𑀲𑀢𑀺 𑀕𑁄𑀢𑀫𑁄. 𑀅𑀦𑀸𑀲𑀯𑀸 𑀯𑀻𑀢𑀭𑀸𑀕𑀸 - 𑀲𑀦𑁆𑀢𑀘𑀺𑀢𑁆𑀢𑀸 𑀲𑀫𑀸𑀳𑀺𑀢𑀸,

𑀓𑁄𑀮𑀺𑀢𑁄 𑀉𑀧𑀢𑀺𑀲𑁆𑀲𑁄 𑀘 - 𑀅𑀕𑁆𑀕𑀸 𑀳𑁂𑀲𑁆𑀲𑀦𑁆𑀢𑀺 𑀲𑀸𑀯𑀓𑀸;

𑀆𑀦𑀡𑁆𑀤𑁄 𑀦𑀸𑀫𑀼𑀧𑀝𑁆𑀞𑀸𑀓𑁄 - 𑀉𑀧𑀝𑁆𑀞𑀺𑀲𑁆𑀲𑀢𑀻’𑀫𑀁 𑀚𑀺𑀦𑀁;

𑀔𑁂𑀫𑀸 𑀉𑀧𑁆𑀧𑀮𑀯𑀡𑁆𑀡𑀸 𑀘 - 𑀅𑀕𑁆𑀕𑀸 𑀳𑁂𑀲𑁆𑀲𑀦𑁆𑀢𑀺 𑀲𑀸𑀯𑀺𑀓𑀸;

𑀅𑀦𑀸𑀲𑀯𑀸 𑀯𑀻𑀢𑀭𑀸𑀕𑀸 - 𑀲𑀦𑁆𑀢𑀘𑀺𑀢𑁆𑀢𑀸 𑀲𑀫𑀸𑀳𑀺𑀢𑀸;

𑀩𑁄𑀥𑀺 𑀢𑀲𑁆𑀲 𑀪𑀕𑀯𑀢𑁄 𑀅𑀲𑁆𑀲𑀢𑁆𑀣𑁄𑀢𑀺 𑀧𑀯𑀼𑀘𑁆𑀘𑀢𑀻’’𑀢𑀺.

𑀅𑀪𑀺𑀦𑀻𑀳𑀸𑀭 𑀓𑀣𑀸

𑁬. 𑀢𑀢𑁄 𑀤𑀻𑀧𑀗𑁆𑀓𑀭𑁄 𑀤𑀲𑀩𑀮𑁄 𑀩𑁄𑀥𑀺𑀲𑀢𑁆𑀢𑀁 𑀧𑀲𑀁𑀲𑀺𑀢𑁆𑀯𑀸 𑀅𑀝𑁆𑀞𑀳𑀺 𑀧𑀼𑀧𑁆𑀨 𑀫𑀼𑀝𑁆𑀞𑀻𑀳𑀺 𑀧𑀽𑀚𑁂𑀢𑁆𑀯𑀸 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀧𑀓𑁆𑀓𑀸𑀫𑀺. 𑀢𑁂𑀧𑀺 𑀘𑀢𑀽𑀲𑀢 𑀲𑀳𑀲𑁆𑀲 𑀔𑀻𑀡𑀸𑀲𑀯𑀸 𑀩𑁄𑀥𑀺𑀲𑀢𑁆𑀢𑀁 𑀧𑀼𑀧𑁆𑀨𑁂𑀳𑀺 𑀘 𑀕𑀡𑁆𑀥𑁂𑀳𑀺 𑀘 𑀧𑀽𑀚𑁂𑀢𑁆𑀯𑀸 𑀧𑀤𑀧𑁆𑀨𑀡𑀁 𑀓𑀢𑁆𑀯𑀸 𑀧𑀓𑁆𑀓𑀫𑀺𑀁𑀲𑀼. 𑀤𑁂𑀯𑀫𑀦𑀼𑀲𑁆𑀲𑀸 𑀘 𑀢𑀣𑁂𑀯 𑀧𑀽𑀚𑁂𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀅𑀣 𑀔𑁄 𑀩𑁄𑀥𑀺𑀲𑀢𑁆𑀢𑁄 𑀤𑀲𑀩𑀮𑀲𑁆𑀲 𑀯𑁆𑀬𑀸𑀓𑀭𑀡𑀁 𑀲𑀼𑀢𑁆𑀯𑀸 𑀩𑀼𑀤𑁆𑀥𑀪𑀸𑀯𑀁 𑀓𑀭𑀢𑀮𑀕𑀢𑀫𑀺𑀯 𑀫𑀜𑁆𑀜𑀫𑀸𑀦𑁄 𑀧𑀫𑀼𑀤𑀺𑀢 𑀳𑀤𑀬𑁄 𑀲𑀩𑁆𑀩𑁂𑀲𑀼 𑀧𑀝𑀺𑀓𑁆𑀓𑀦𑁆𑀢𑁂𑀲𑀼 𑀲𑀬𑀦𑀸 𑀯𑀼𑀝𑁆𑀞𑀸𑀬 𑀧𑀼𑀧𑁆𑀨𑀭𑀸𑀲𑀺 𑀫𑀢𑁆𑀣𑀓𑁂 𑀧𑀮𑁆𑀮𑀗𑁆𑀓𑀁 𑀆𑀪𑀼𑀚𑀺𑀢𑁆𑀯𑀸 𑀦𑀺𑀲𑀺𑀦𑁆𑀦𑁄 𑀩𑀼𑀤𑁆𑀥𑀓𑀸𑀭𑀓𑀥𑀫𑁆𑀫𑁂 𑀉𑀧𑀥𑀸𑀭𑁂𑀦𑁆𑀢𑁄 𑀓𑀳𑀦𑀦𑀼 𑀔𑁄 𑀩𑀼𑀤𑁆𑀥𑀓𑀸𑀭𑀓 𑀥𑀫𑁆𑀫𑀸, 𑀓𑀺𑀁 𑀉𑀤𑁆𑀥𑀁 𑀅𑀥𑁄 𑀤𑀺𑀲𑀸𑀲𑀼 𑀯𑀻𑀤𑀻𑀬𑀸𑀲𑀽𑀢𑀺 𑀅𑀦𑀼𑀓𑁆𑀓𑀫𑁂𑀦 𑀲𑀓𑀮𑀁 𑀥𑀫𑁆𑀫𑀥𑀸𑀢𑀼𑀁 𑀯𑀺𑀘𑀺𑀦𑀦𑁆𑀢𑁄 𑀧𑁄𑀭𑀸𑀡𑀓𑀩𑁄𑀥𑀺𑀲𑀢𑁆𑀢𑁂𑀳𑀺 𑀆𑀲𑁂𑀯𑀺𑀢 𑀦𑀺𑀲𑁂𑀯𑀺𑀢 𑀧𑀞𑀫𑀁 𑀤𑀸𑀦𑀧𑀸𑀭𑀫𑀺𑀁 𑀤𑀺𑀲𑁆𑀯𑀸 𑀢𑀢𑁆𑀣 𑀤𑀴𑀪𑀺𑀲𑀫𑀸𑀤𑀸𑀦 𑀓𑀢𑁆𑀯𑀸 𑀏𑀯𑀁 𑀅𑀦𑀼𑀓𑁆𑀓𑀫𑁂𑀦 𑀲𑀻𑀮 - 𑀦𑁂𑀓𑁆𑀔𑀫𑁆𑀫 - 𑀧𑀜𑁆𑀜𑀸 - 𑀯𑀻𑀭𑀺𑀬 - 𑀔𑀦𑁆𑀢𑀺 - 𑀲𑀘𑁆𑀘 - 𑀅𑀥𑀺𑀝𑁆𑀞𑀸𑀦 - 𑀫𑁂𑀢𑁆𑀢𑀸 - 𑀉𑀧𑁂𑀓𑁆𑀔𑀸 𑀧𑀸𑀭𑀫𑀺𑀬𑁄𑀘 𑀤𑀺𑀲𑁆𑀯𑀸 𑀢𑀢𑁆𑀣𑀤𑀴𑁆𑀳 𑀲𑀫𑀸𑀤𑀸𑀦𑀁 𑀓𑀢𑁆𑀯𑀸 𑀤𑁂𑀯𑀢𑀸𑀳𑀺 𑀅𑀪𑀺𑀢𑁆𑀣𑀼𑀢𑁄 𑀆𑀓𑀸𑀲𑀫𑀩𑀪𑀼𑀕𑁆𑀕𑀦𑀢𑁆𑀯 𑀳𑀺𑀫 𑀳𑀺𑀫𑀯𑀦𑁆𑀢𑀫𑁂𑀯 𑀅𑀕𑀫𑀸𑀲𑀺.

𑀤𑀻𑀧𑀗𑁆𑀓𑀭𑁄𑀧𑀺 𑀲𑀢𑁆𑀣𑀸 𑀘𑀢𑀽𑀳𑀺 𑀔𑀻𑀡𑀸𑀲𑀯 𑀲𑀢𑀲𑀳𑀲𑁆𑀲𑁂𑀳𑀺 𑀧𑀭𑀺𑀯𑀼𑀢𑁄 𑀭𑀫𑁆𑀫𑀦𑀕𑀭𑀯𑀸𑀲𑀻𑀳𑀺 𑀧𑀽𑀚𑀻𑀬𑀫𑀸𑀦𑁄 𑀤𑁂𑀯𑀢𑀸𑀳𑀺 𑀅𑀪𑀺𑀦𑀡𑁆𑀤𑀺𑀬𑀫𑀸𑀦𑁄 𑀅𑀮𑀗𑁆𑀓𑀢 𑀧𑀝𑀺𑀬𑀢𑁆𑀢𑁂𑀦 𑀫𑀕𑁆𑀕𑁂𑀦 𑀭𑀫𑁆𑀫𑀦𑀕𑀭𑀁 𑀧𑀯𑀺𑀲𑀺𑀢𑁆𑀯𑀸 𑀧𑀜𑁆𑀜𑀢𑁆𑀢𑀯𑀭𑀩𑀼𑀤𑁆𑀥𑀸𑀲𑀦𑁂 𑀦𑀺𑀲𑀻𑀤𑀺. 𑀪𑀺𑀓𑁆𑀔𑀼𑀲𑀗𑁆𑀖𑁄𑀧𑀺 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀧𑀢𑁆𑀢𑀸𑀲𑀦𑁂 𑀦𑀺𑀲𑀻𑀤𑀺. 𑀭𑀫𑁆𑀫𑀦𑀕𑀭𑀯𑀸𑀲𑀺𑀦𑁄𑀧𑀺 𑀉𑀧𑀸𑀲𑀓𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 ¶ 𑀤𑀢𑁆𑀯𑀸 𑀪𑀕𑀯𑀦𑁆𑀢𑀁 𑀪𑀼𑀢𑁆𑀢𑀸𑀯𑀺𑀁 𑀑𑀦𑀻𑀢 𑀧𑀢𑁆𑀢𑀧𑀸𑀡𑀺𑀁 𑀫𑀸𑀮𑀸𑀕𑀡𑁆𑀥𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀤𑀸𑀦𑀸𑀦𑀼𑀫𑁄𑀤𑀦𑀁 𑀲𑁄𑀢𑀼𑀓𑀸𑀫𑀸 𑀦𑀺𑀲𑀻𑀤𑀺𑀁𑀲𑀼. 𑀪𑀕𑀯𑀸𑀧𑀺 𑀢𑁂𑀲𑀁 𑀅𑀦𑀼𑀫𑁄𑀤𑀦𑀁 𑀓𑀭𑁄𑀦𑁆𑀢𑁄 𑀤𑀸𑀦𑀓𑀣𑀁 𑀲𑀻𑀮𑀓𑀣𑀁 𑀲𑀕𑁆𑀕𑀺𑀓𑀣𑀁 𑀓𑀸𑀫𑀸𑀦𑀁 𑀆𑀤𑀻𑀦𑀯𑀁 𑀑𑀓𑀸𑀭𑀁 𑀲𑀁𑀓𑀺𑀮𑁂𑀲𑀁 𑀦𑁂𑀓𑁆𑀔𑀫𑁆𑀫𑁂 𑀆𑀦𑀺𑀲𑀁𑀲𑀜𑁆𑀘 𑀧𑀓𑀸𑀲𑁂𑀢𑁆𑀯𑀸 𑀅𑀫𑀢 𑀧𑀭𑀺𑀬𑁄𑀲𑀸𑀦𑀁 𑀥𑀫𑁆𑀫𑀓𑀣𑀁 𑀓𑀣𑁂𑀲𑀺.

𑀏𑀯𑀁 𑀢𑀲𑁆𑀲 𑀫𑀳𑀚𑀦𑀲𑁆𑀲 𑀥𑀫𑁆𑀫𑀁 𑀤𑁂𑀲𑁂𑀢𑁆𑀯𑀸 𑀏𑀓𑀘𑁆𑀘𑁂 𑀲𑀭𑀡𑁂𑀲𑀼 𑀏𑀓𑀘𑁆𑀘𑁂 𑀧𑀜𑁆𑀘𑀲𑀼 𑀲𑀻𑀮𑁂𑀲𑀼 𑀏𑀓𑀘𑁆𑀘𑁂 𑀲𑁄𑀢𑀸𑀧𑀢𑁆𑀢𑀺𑀨𑀮𑁂 𑀏𑀓𑀘𑁆𑀘𑁂 𑀲𑀓𑀤𑀸𑀕𑀸𑀫𑀺 𑀨𑀮𑁂 𑀏𑀓𑀘𑁆𑀘𑁂 𑀅𑀦𑀸𑀕𑀸𑀫𑀻 𑀨𑀮𑁂 𑀏𑀓𑀘𑁆𑀘𑁂 𑀘𑀢𑀼𑀲𑀼𑀧𑀺 𑀨𑀮𑁂𑀲𑀼 𑀏𑀓𑀘𑁆𑀘𑁂 𑀢𑀻𑀲𑀼 𑀯𑀺𑀚𑁆𑀚𑀸𑀲𑀼 𑀏𑀓𑀘𑁆𑀘𑁂 𑀙𑀴𑀪𑀺𑀜𑁆𑀜𑀸𑀲𑀼 𑀏𑀓𑀘𑁆𑀘𑁂 𑀅𑀝𑁆𑀞𑀲𑀼 𑀲𑀫𑀸𑀧𑀢𑁆𑀢𑀺𑀲𑀼 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀉𑀝𑁆𑀞𑀸𑀬𑀸𑀲𑀦𑀸 𑀭𑀫𑁆𑀫𑀦𑀕𑀭𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀲𑀼𑀤𑀲𑁆𑀲𑀦 𑀫𑀳𑀸𑀯𑀺𑀳𑀸𑀭𑀫𑁂𑀯 𑀧𑀸𑀯𑀺𑀲𑀺.

𑀯𑀼𑀢𑁆𑀢𑀜𑁆𑀳𑁂𑀢𑀁

‘‘𑀢𑀤𑀸 𑀢𑁂 𑀪𑁄𑀚𑀬𑀺𑀢𑁆𑀯𑀸𑀦 - 𑀲𑀲𑀗𑁆𑀖𑀁 𑀮𑁄𑀓𑀦𑀸𑀬𑀓𑀁,

𑀉𑀨𑀕𑀙𑀼𑀜𑁆𑀜𑀁 𑀲𑀭𑀡𑀁 𑀢𑀲𑁆𑀲 - 𑀤𑀻𑀧𑀗𑁆𑀓𑀭𑀲𑁆𑀲 𑀲𑀢𑁆𑀣𑀼𑀦𑁄,

𑀲𑀭𑀡𑀸𑀕𑀫𑀦𑁂 𑀓𑀜𑁆𑀘𑀺 - 𑀦𑀺𑀯𑀲𑁂𑀢𑀺 𑀢𑀣𑀸𑀕𑀢𑁄

𑀓𑀜𑁆𑀘𑀺 𑀧𑀜𑁆𑀘𑀲𑀼 𑀲𑀻𑀮𑁂𑀲𑀼 - 𑀲𑀻𑀮𑁂 𑀤𑀲𑀯𑀺𑀥𑁂 𑀧𑀭𑀁;

𑀓𑀲𑁆𑀲𑀘𑀺 𑀤𑁂𑀢𑀺 𑀲𑀸𑀫𑀜𑁆𑀜𑀁 - 𑀘𑀢𑀼𑀭𑁄 𑀨𑀮𑀫𑀼𑀢𑁆𑀢𑀫𑁂,

𑀓𑀲𑁆𑀲𑀘𑀺 𑀅𑀲𑀣𑁂 𑀥𑀫𑁆𑀫𑁂 - 𑀤𑁂𑀢𑀺 𑀲𑁄 𑀧𑀝𑀺𑀲𑀫𑁆𑀪𑀺𑀤𑀸;

𑀓𑀲𑁆𑀲𑀘𑀺 𑀯𑀭𑀲𑀫𑀸𑀧𑀢𑁆𑀢𑀺𑀬𑁄 - 𑀅𑀝𑁆𑀞 𑀤𑁂𑀢𑀺 𑀦𑀭𑀸𑀲𑀪𑁄,

𑀢𑀺𑀲𑁆𑀲𑁄 𑀓𑀲𑁆𑀲𑀘𑀺 𑀯𑀺𑀚𑁆𑀚𑀸𑀬𑁄 - 𑀙𑀴𑀪𑀺𑀜𑁆𑀜 𑀧𑀯𑁂𑀘𑁆𑀙𑀢𑀺;

𑀢𑁂𑀦 𑀬𑁄𑀕𑁂𑀦 𑀚𑀦𑀓𑀸𑀬𑀁 - 𑀑𑀯𑀤𑁂𑀢𑀺 𑀫𑀳𑀸𑀫𑀼𑀦𑀺,

𑀢𑁂𑀦 𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀻 - 𑀮𑁄𑀓𑀦𑀸𑀣𑀲𑁆𑀲 𑀲𑀸𑀲𑀦𑀁;

𑀫𑀳𑀸𑀳𑀦𑀽𑀲𑀪𑀓𑁆𑀔𑀡𑁆𑀥𑁄 - 𑀤𑀻𑀧𑀗𑁆𑀓𑀭𑀲𑀦𑀸𑀫𑀓𑁄,

𑀩𑀳𑀽 𑀚𑀦𑁂 𑀢𑀸𑀭𑀬𑀢𑀺 - 𑀧𑀭𑀺𑀫𑁄𑀘𑁂𑀢𑀺 𑀤𑀼𑀕𑁆𑀕𑀢𑀺𑀁;

𑀩𑁄𑀥𑀦𑁂𑀬𑁆𑀬𑀁 𑀚𑀦𑀁 𑀤𑀺𑀲𑁆𑀯𑀸 - 𑀲𑀢𑀲𑀳𑀲𑁆𑀲𑁂𑀧𑀺 𑀬𑁄𑀚𑀦𑁂

𑀔𑀡𑁂𑀦 𑀉𑀧𑀕𑀦𑁆𑀢𑁆𑀯𑀸𑀦 - 𑀩𑁄𑀥𑁂𑀢𑀺 𑀢𑀁 𑀫𑀳𑀸𑀫𑀼𑀦𑀻’’𑀢𑀺;

𑀇𑀢𑀺 𑀲𑁄 𑀤𑀻𑀧𑀗𑁆𑀓𑀭𑁄 𑀲𑀢𑁆𑀣𑀸 𑀯𑀲𑁆𑀲𑀲𑀢 𑀲𑀳𑀲𑁆𑀲𑀸𑀦𑀺 𑀞𑀢𑁆𑀯𑀸 𑀲𑀢𑁆𑀢𑀸𑀦𑀁 𑀩𑀡𑁆𑀥𑀦𑀫𑁄𑀓𑁆𑀔𑀁 𑀓𑀼𑀭𑀼𑀫𑀸𑀦𑁄 𑀲𑀩𑁆𑀩𑀩𑀼𑀤𑁆𑀥𑀓𑀺𑀘𑁆𑀘𑀸𑀦𑀺 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀦𑀡𑁆𑀤𑀸𑀭𑀸𑀫𑁂 𑀅𑀦𑀼𑀧𑀸𑀤𑀺𑀲𑁂𑀲𑀸𑀬 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀦𑀳𑁂𑀯 𑀥𑀸𑀢𑀼𑀬𑁄 𑀢𑀲𑁆𑀲 - 𑀲𑀢𑁆𑀣𑀼𑀦𑁄 𑀯𑀺𑀓𑀺𑀭𑀺𑀁𑀲𑀼 𑀢𑀸. 𑀞𑀺𑀢𑀸 𑀏𑀓𑀖𑀦𑀸 𑀳𑀼𑀢𑁆𑀯𑀸 - 𑀲𑀼𑀯𑀡𑁆𑀡𑀧𑀝𑀺𑀫𑀸 𑀯𑀺𑀬 𑀲𑀓𑀮𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀫𑀦𑀼𑀲𑁆𑀲𑀸 𑀖𑀦𑀓𑁄𑀝𑀺𑀝𑀺𑀫𑀲𑀼𑀯𑀡𑁆𑀡𑀝𑁆𑀞𑀺𑀓𑀸𑀳𑀺 𑀏𑀯𑀁 𑀙𑀢𑁆𑀢𑀺𑀁𑀲 𑀬𑁄𑀚𑀦𑀺𑀓𑀁 𑀫𑀳𑀸𑀣𑀽𑀧𑀫𑀓𑀁𑀲𑀼 𑀦𑀺𑀯𑁂𑀤𑀲𑀺 - 𑀓𑁂𑀘𑀺.

𑀢𑁂𑀦 ¶ 𑀯𑀼𑀢𑁆𑀢𑀁

‘‘𑀤𑀻𑀧𑀗𑁆𑀓𑀭𑁄 𑀚𑀺𑀦𑁄 𑀲𑀢𑁆𑀣𑀸 - 𑀦𑀡𑁆𑀤𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀽𑀧𑁄 - 𑀙𑀢𑁆𑀢𑀺𑀁𑀲𑀼𑀩𑁆𑀩𑁂𑀥 𑀬𑁄𑀚𑀦𑁄‘‘;

‘‘𑀧𑀢𑁆𑀢 𑀘𑀻𑀯𑀭 𑀧𑀭𑀺𑀓𑁆𑀔𑀸𑀭 - 𑀧𑀭𑀺𑀪𑁄𑀕𑀜𑁆𑀚 𑀲𑀢𑁆𑀣𑀼𑀦𑁄,

𑀩𑁄𑀥𑀺𑀫𑀽𑀮𑁂 𑀢𑀤𑀸 𑀣𑀽𑀧𑁄 - 𑀢𑀻𑀡𑀺 𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑁭. 𑀤𑀻𑀧𑀗𑁆𑀓𑀭𑀲𑁆𑀲 𑀧𑀦 𑀪𑀕𑀯𑀢𑁄 𑀅𑀧𑀭𑀪𑀸𑀕𑁄 𑀏𑀓𑀁 𑀅𑀲𑀗𑁆𑀔𑁂𑀬𑁆𑀬𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀓𑁄𑀡𑁆𑀟𑀜𑁆𑀜𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀯𑀺𑀚𑀺𑀢𑀸𑀯𑀺 𑀦𑀸𑀫 𑀘𑀓𑁆𑀓𑀯𑀢𑁆𑀢𑀺 𑀳𑀼𑀢𑁆𑀯𑀸 𑀓𑁄𑀝𑀺𑀲𑀢𑀲𑀳𑀲𑁆𑀲 𑀲𑀗𑁆𑀔𑀲𑁆𑀲 𑀩𑀼𑀤𑁆𑀥 𑀧𑀫𑀼𑀔𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀅𑀤𑀸𑀬𑀺 𑀲𑀢𑁆𑀣𑀸 𑀩𑁄𑀥𑀺𑀲𑀢𑁆𑀢𑀁 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀭𑀺𑀢𑁆𑀯𑀸 𑀥𑀫𑁆𑀫𑀁 𑀤𑁂𑀲𑁂𑀲𑀺 𑀲𑁄 𑀲𑀢𑁆𑀣𑀼 𑀥𑀫𑁆𑀫𑀁𑀓𑀣𑀁 𑀲𑀼𑀢𑁆𑀯𑀸 𑀭𑀚𑁆𑀚𑀺 𑀦𑀺𑀬𑁆𑀬𑀸𑀤𑁂𑀢𑁆𑀯𑀸 𑀧𑀩𑁆𑀩𑀚𑀺 𑀲𑁄 𑀢𑀻𑀡𑀺 𑀧𑀺𑀝𑀓𑀸𑀦𑀺 𑀉𑀕𑁆𑀕𑀳𑁂𑀢𑁆𑀯𑀸 𑀅𑀝𑁆𑀞 𑀲𑀫𑀸𑀧𑀢𑁆𑀢𑀺𑀬𑁄 𑀧𑀜𑁆𑀘𑀅𑀪𑀺𑀜𑁆𑀜𑀸𑀬𑁄𑀘 𑀉𑀧𑁆𑀧𑀸𑀤𑁂𑀢𑁆𑀯𑀸 𑀅𑀧𑀭𑀺𑀳𑀻𑀦𑀚𑁆𑀛𑀸𑀦𑁄 𑀩𑁆𑀭𑀳𑁆𑀫𑀮𑁄𑀓𑁂 𑀦𑀺𑀩𑁆𑀩𑀢𑁆𑀢𑀺. 𑀲𑁄𑀧𑀺 𑀩𑀼𑀤𑁆𑀥𑁄 𑀯𑀲𑁆𑀲𑀲𑀢𑀲𑀳𑀲𑁆𑀲𑀸𑀦𑀺 𑀞𑀢𑁆𑀯𑀸 𑀲𑀩𑁆𑀩𑀩𑀼𑀤𑁆𑀥𑀓𑀺𑀘𑁆𑀘𑀸𑀦𑀺 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀘𑀡𑁆𑀤𑀸𑀭𑀸𑀫𑁂 𑀧𑀭𑀺𑀦𑀺𑀩𑁆𑀩𑀸𑀬𑀺 𑀢𑀲𑁆𑀲𑀸𑀧𑀺 𑀪𑀕𑀯𑀢𑁄 𑀥𑀸𑀢𑀼𑀬𑀸 𑀦 𑀯𑀺𑀓𑀺𑀭𑀺𑀁𑀲𑀼 𑀲𑀓𑀮𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀫𑀦𑀼𑀲𑁆𑀲𑀸 𑀲𑀫𑀸𑀕𑀦𑁆𑀢𑁆𑀯𑀸 𑀲𑀢𑁆𑀢𑀬𑁄𑀚𑀦𑀺𑀓𑀸𑀲𑀢𑁆𑀢𑀭𑀢𑀦𑀫𑀬𑀁 𑀳𑀭𑀺𑀢𑀸𑀮𑀫𑀦𑁄𑀲𑀺𑀮𑀸𑀬𑀫𑀢𑁆𑀢𑀺𑀓𑀸𑀓𑀺𑀘𑁆𑀘𑀁 𑀢𑁂𑀮 𑀲𑀧𑁆𑀧𑀻𑀳𑀺 𑀉𑀤𑀓𑀓𑀺𑀘𑁆𑀘𑀁 𑀓𑀢𑁆𑀯𑀸 𑀘𑁂𑀢𑀺𑀬𑀁 𑀦𑀺𑀝𑁆𑀞𑀸𑀧𑁂𑀲𑀼𑀁

𑀓𑁄𑀡𑁆𑀟𑀜𑁆𑀜𑁂 𑀓𑀺𑀭 𑀲𑀫𑁆𑀩𑀼𑀤𑁆𑀥𑁄 - 𑀘𑀡𑁆𑀤𑀸𑀭𑀸𑀫𑁂 𑀫𑀦𑁄𑀭𑀫𑁂,

𑀦𑀺𑀩𑁆𑀩𑀸𑀬𑀺 𑀘𑁂𑀢𑀺𑀬𑁄 𑀢𑀲𑁆𑀲 - 𑀲𑀢𑁆𑀢𑀬𑁄𑀚𑀦𑀺𑀓𑁄 𑀓𑀢𑁄𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀏𑀓𑀁 𑀅𑀲𑀁𑀗𑁆𑀔𑀬𑁆𑀬𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀏𑀓𑀲𑁆𑀫𑀺𑀁𑀬𑁂𑀯 𑀓𑀧𑁆𑀧𑁂 𑀘𑀢𑁆𑀢𑀸𑀭𑁄 𑀩𑀼𑀤𑁆𑀥𑀸 𑀉𑀧𑁆𑀧𑀚𑁆𑀚𑀺𑀁𑀲𑀼 - 𑀫𑀗𑁆𑀕𑀮𑁄 𑀲𑀼𑀫𑀦𑁄 𑀭𑁂𑀯𑀢𑁄 𑀬𑁄𑀳𑀺𑀢𑁄𑀢𑀺. 𑀫𑀗𑁆𑀕𑀮𑀲𑁆𑀲 𑀧𑀦 𑀪𑀕𑀯𑀢𑁄 𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑁄 𑀲𑀼𑀭𑀼𑀘𑀺 𑀦𑀸𑀫 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸 𑀲𑀢𑁆𑀣𑀸𑀭𑀁 𑀦𑀺𑀫𑀦𑁆𑀢𑁂𑀲𑁆𑀲𑀸𑀫𑀻𑀢𑀺 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀫𑀥𑀼𑀭 𑀥𑀫𑁆𑀫𑀁𑀓𑀢𑀁 𑀲𑀼𑀢𑁆𑀯𑀸 𑀲𑁆𑀯𑀸𑀢𑀦𑀸𑀬 𑀦𑀺𑀫𑀦𑁆𑀢𑁂𑀢𑁆𑀯𑀸 𑀓𑁄𑀝𑀺𑀲𑀢𑀲𑀳𑀲𑁆𑀲 𑀲𑀗𑁆𑀔𑀲𑁆𑀲 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀲𑀢𑁆𑀢𑀸𑀳𑀁 𑀕𑀯𑀧𑀸𑀦𑀁 𑀦𑀸𑀫 𑀤𑀸𑀦𑀫𑀤𑀸𑀲𑀺 𑀲𑀢𑁆𑀣𑀸 𑀅𑀦𑀼𑀫𑁄𑀤𑀦𑀁 𑀓𑀭𑁄𑀦𑁆𑀢𑁄 𑀫𑀳𑀸𑀧𑀼𑀭𑀺𑀲𑀁 𑀆𑀫𑀦𑁆𑀢𑁂𑀢𑁆𑀯𑀸 𑀢𑁆𑀯𑀁 𑀓𑀧𑁆𑀧𑀲𑀢𑀲𑀳𑀲𑁆𑀲𑀸𑀥𑀺𑀓𑀸𑀦𑀁 𑀤𑁆𑀯𑀦𑁆𑀦𑀁 𑀅𑀲𑀗𑁆𑀔𑁂𑀬𑁆𑀬𑀸𑀦𑀁 𑀫𑀢𑁆𑀣𑀓𑁂 𑀕𑁄𑀢𑀫𑁄 𑀦𑀸𑀫 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀲𑀻𑀢𑀺 𑀯𑁆𑀬𑀸𑀓𑀸𑀲𑀺 𑀫𑀳𑀸𑀧𑀼𑀭𑀺𑀲𑁄 𑀯𑁆𑀬𑀸𑀓𑀭𑀡𑀁 𑀲𑀼𑀢𑁆𑀯𑀸 𑀅𑀳𑀁 𑀓𑀺𑀭 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀸𑀫𑀺 𑀓𑁄 𑀫𑁂 𑀖𑀭𑀸𑀯𑀸𑀲𑁂𑀦 𑀅𑀢𑁆𑀣𑁄 𑀧𑀩𑁆𑀩𑀚𑀺𑀲𑁆𑀲𑀫𑀻𑀢𑀺 𑀘𑀺𑀦𑁆𑀢𑀢𑁆𑀯𑀸 𑀢𑀣𑀸𑀭𑀽𑀧𑀁 𑀲𑀫𑁆𑀧𑀢𑁆𑀢𑀺𑀁 𑀓𑁂𑀴𑀧𑀺𑀡𑁆𑀟𑀁 𑀯𑀻𑀬 𑀧𑀳𑀸𑀬 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺𑀢𑁆𑀯𑀸 𑀩𑀼𑀤𑁆𑀥𑀯𑀘𑀦𑀁 𑀉𑀕𑁆𑀕𑀡𑁆𑀳𑀺𑀢𑁆𑀯𑀸 𑀅𑀪𑀺𑀜𑁆𑀜𑀸 𑀘 𑀲𑀫𑀸𑀧𑀢𑁆𑀢𑀺𑀬𑁄 𑀘 𑀦𑀺𑀩𑁆𑀩𑀢𑁆𑀢𑁂𑀢𑁆𑀯𑀸 𑀆𑀬𑀼𑀧𑀭𑀺𑀬𑁄𑀲𑀸𑀦𑁂 𑀩𑁆𑀭𑀳𑁆𑀫𑀮𑁄𑀓𑁂 𑀦𑀺𑀩𑁆𑀩𑀢𑁆𑀢𑀺, 𑀢𑀲𑁆𑀫𑀺𑀫𑁆𑀧𑀺 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼, 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀧𑀼𑀩𑁆𑀩𑁂 𑀯𑀺𑀬 𑀢𑀺𑀁𑀲𑀬𑁄𑀚𑀦𑀓𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 ¶ 𑀯𑀼𑀢𑁆𑀢𑀁 ‘‘𑀉𑀬𑁆𑀬𑀸𑀦𑁂 𑀯𑀲𑀪𑁄 𑀦𑀸𑀫 - 𑀩𑀼𑀤𑁆𑀥𑁄 𑀦𑀺𑀩𑁆𑀩𑀸𑀬𑀺 𑀫𑀗𑁆𑀕𑀮𑁄, 𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀽𑀧𑁄 - 𑀢𑀺𑀁𑀲𑀬𑁄𑀚𑀦𑀫𑀼𑀕𑁆𑀕𑀺𑀢𑁄’’𑀢𑀺.

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀲𑀼𑀫𑀦𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺 𑀢𑀤𑀸 𑀫𑀳𑀸𑀲𑀢𑁆𑀢𑁄 𑀅𑀢𑀼𑀮𑁄 𑀦𑀸𑀫 𑀦𑀸𑀕𑀭𑀸𑀚𑀸 𑀳𑀼𑀢𑁆𑀯𑀸 𑀦𑀺𑀩𑁆𑀩𑀢𑁆𑀢𑀺-𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄 𑀲𑁄 𑀩𑀼𑀤𑁆𑀥𑁄 𑀉𑀧𑁆𑀧𑀦𑁆𑀦𑁄𑀢𑀺 𑀲𑀼𑀢𑁆𑀯𑀸 𑀜𑀸𑀢𑀺𑀲𑀗𑁆𑀖𑀧𑀭𑀺𑀯𑀼𑀢𑁄 𑀦𑀸𑀕𑀪𑀯𑀦𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀓𑁄𑀝𑀺𑀲𑀢𑀲𑀳𑀲𑁆𑀲 𑀪𑀺𑀓𑁆𑀔𑀼𑀧𑀭𑀺𑀯𑀸𑀭𑀲𑁆𑀲 𑀢𑀲𑁆𑀲 𑀪𑀕𑀯𑀢𑁄 𑀤𑀺𑀩𑁆𑀩𑀢𑀼𑀭𑀺𑀬𑁂𑀳𑀺 𑀉𑀧𑀳𑀸𑀭𑀁 𑀓𑀸𑀭𑁂𑀢𑁆𑀯𑀸 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑁂𑀢𑁆𑀯𑀸 𑀧𑀘𑁆𑀘𑁂𑀓𑀁 𑀤𑀼𑀲𑁆𑀲𑀬𑀼𑀕𑀸𑀦𑀺 𑀤𑀢𑁆𑀯𑀸 𑀲𑀭𑀡𑁂𑀲𑀼 𑀧𑀢𑀺𑀝𑁆𑀞𑀸𑀲𑀺 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀅𑀦𑀸𑀕𑀢𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀲𑀻𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀫𑀺𑀫𑁆𑀧𑀺 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀚𑀫𑁆𑀩𑀼𑀤𑀻𑀧𑀯𑀸𑀲𑀦𑁄 𑀧𑀼𑀩𑁆𑀩𑁂 𑀯𑀺𑀬 𑀘𑀢𑀼𑀬𑁄𑀚𑀦𑀺𑀓𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀲𑀼𑀫𑀦𑁄 𑀬𑀲𑀥𑀭𑁄 - 𑀩𑀼𑀤𑁆𑀥𑁄 𑀅𑀕𑁆𑀕𑀸𑀭𑀸𑀫𑀫𑁆𑀳 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀽𑀧𑁄 - 𑀘𑀢𑀼𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀭𑁂𑀯𑀢𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀅𑀢𑀺𑀤𑁂𑀯𑁄 𑀦𑀸𑀫 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸 𑀲𑀢𑁆𑀣𑀼 𑀥𑀫𑁆𑀫𑀤𑁂𑀲𑀦 𑀲𑀼𑀢𑁆𑀯𑀸 𑀲𑀭𑀡𑁂𑀲𑀼 𑀧𑀢𑀺𑀝𑁆𑀞𑀸𑀬 𑀲𑀺𑀭𑀲𑀺 𑀅𑀜𑁆𑀚𑀮𑀺𑀁 𑀧𑀕𑁆𑀕𑀳𑁂𑀢𑁆𑀯𑀸 𑀢𑀲𑁆𑀲 𑀲𑀢𑁆𑀣𑀼𑀦𑁄 𑀓𑀺𑀮𑁂𑀲𑀧𑁆𑀧𑀳𑀸𑀦𑁂 𑀯𑀡𑁆𑀡𑀁 𑀯𑀢𑁆𑀯𑀸 𑀉𑀢𑁆𑀢𑀭𑀸𑀲𑀗𑁆𑀖𑁂𑀦 𑀧𑀽𑀚𑀫𑀓𑀸𑀲𑀺. 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀺𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀫𑀺𑀁 𑀧𑀦 𑀩𑀼𑀤𑁆𑀥𑁂 𑀧𑀭𑀺𑀦𑀺𑀩𑁆𑀩𑀼𑀢𑁂 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀭𑁂𑀯𑀢𑁄 𑀧𑀯𑀭𑁄 𑀩𑀼𑀤𑁆𑀥𑁄 - 𑀦𑀺𑀩𑁆𑀩𑀼𑀢𑁄 𑀲𑁄 𑀫𑀳𑀸𑀧𑀼𑀭𑁂,

𑀥𑀸𑀢𑀼 𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀻 - 𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀲𑁄𑀪𑀺𑀢𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀅𑀚𑀺𑀢𑁄 𑀦𑀸𑀫 𑀩𑁆𑀭𑀸𑀳𑁆𑀫𑀡𑁄 𑀳𑀼𑀢𑁆𑀯𑀸 𑀲𑀢𑁆𑀣𑀼 𑀥𑀫𑁆𑀫𑀤𑁂𑀲𑀦𑀁 𑀲𑀼𑀢𑁆𑀯𑀸 𑀲𑀭𑀡𑁂𑀲𑀼 𑀧𑀢𑀺𑀝𑁆𑀝𑀸𑀬 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀅𑀤𑀸𑀲𑀺. 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀲𑀻𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲𑀸𑀧𑀺 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀲𑁄𑀪𑀺𑀢𑁄 𑀯𑀭𑀲𑀫𑁆𑀩𑀼𑀤𑁆𑀥𑁄 - 𑀲𑀻𑀳𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀥𑀸𑀢𑀼𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀻 - 𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀏𑀓𑀫𑀲𑀗𑁆𑀔𑁂𑀬𑁆𑀬𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀏𑀓𑀲𑁆𑀫𑀺𑀁𑀬𑁂𑀯 𑀓𑀧𑁆𑀧𑁂 𑀢𑀬𑁄 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 - 𑀅𑀦𑁄𑀫𑀤𑀲𑁆𑀲𑀺 𑀧𑀤𑀼𑀫𑁄 𑀦𑀸𑀭𑀤𑁄𑀢𑀺. 𑀅𑀦𑁄𑀫𑀤𑀲𑁆𑀲𑀺𑀲𑁆𑀲 𑀪𑀕𑀯𑀢𑁄 𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑁄 𑀏𑀓𑁄

𑁧. 𑀬𑀲𑀯𑀭𑁄 𑀥𑀻𑀭𑁄 - 𑀓𑁂𑀘𑀺.

𑀬𑀓𑁆𑀔 ¶ 𑀲𑁂𑀦𑀸𑀧𑀢𑀺 𑀅𑀳𑁄𑀲𑀺 𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄 𑀅𑀦𑁂𑀓 𑀓𑁄𑀝𑀺𑀲𑀢𑀲𑀳𑀲𑁆𑀲𑀸𑀦𑀁 𑀬𑀓𑁆𑀔𑀸𑀦𑀁 𑀅𑀥𑀺𑀧𑀢𑀺. 𑀲𑁄 𑀩𑀼𑀤𑁆𑀥𑁄 𑀉𑀧𑁆𑀧𑀦𑁆𑀦𑁄𑀢𑀺 𑀲𑀼𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀫𑀤𑀸𑀲𑀺 𑀲𑀢𑁆𑀣𑀸𑀧𑀺 𑀢𑀁 𑀅𑀦𑀸𑀕𑀢𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀲𑀻𑀢𑀺 𑀯𑁆𑀬𑀸𑀓𑀸𑀲𑀺. 𑀅𑀦𑁄𑀫𑀤𑀲𑁆𑀲𑀺𑀫𑁆𑀳𑀺 𑀧𑀦 𑀪𑀕𑀯𑀢𑀺 𑀧𑀭𑀺𑀦𑀺𑀩𑁆𑀩𑀼𑀢𑁂 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀧𑀜𑁆𑀘𑀯𑀻𑀲𑀬𑁄𑀚𑀦𑀓𑀁 𑀣𑀽𑀧𑀁 𑀓𑀭𑀺𑀁𑀲𑀼

𑀢𑁂𑀦 𑀯𑀼𑀢𑁆𑀢𑀁

‘‘𑀅𑀦𑁄𑀫𑀤𑀲𑁆𑀲𑀺 𑀚𑀺𑀦𑁄 𑀲𑀢𑁆𑀣𑀸 - 𑀥𑀫𑁆𑀫𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀽𑀧𑁄 - 𑀉𑀩𑁆𑀩𑁂𑀥𑀸 𑀧𑀡𑁆𑀡𑀼𑀯𑀻𑀲𑀢𑀻’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀧𑀤𑀼𑀫𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺 𑀢𑀣𑀸𑀕𑀢𑁂 𑀅𑀕𑀸𑀫𑀓𑀸𑀭𑀜𑁆𑀜𑁂 𑀯𑀺𑀳𑀭𑁂𑀦𑁆𑀢𑀸 𑀩𑁄𑀥𑀺𑀲𑀢𑁆𑀢𑁄 𑀲𑀻𑀳𑁄 𑀳𑀼𑀢𑁆𑀯𑀸 𑀲𑀢𑁆𑀣𑀸𑀭𑀁 𑀦𑀺𑀭𑁄𑀥𑀲𑀫𑀸𑀧𑀢𑁆𑀢𑀺𑀬𑀸 𑀲𑀫𑀸𑀧𑀦𑁆𑀦𑀁 𑀤𑀺𑀲𑁆𑀯𑀸 𑀧𑀲𑀦𑁆𑀦𑀘𑀺𑀢𑁆𑀢𑁄 𑀯𑀦𑁆𑀤𑀺𑀢𑁆𑀯𑀸 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀧𑀻𑀢𑀺𑀲𑁄𑀫𑀦𑀲𑁆𑀲𑀚𑀸𑀢𑁄 𑀢𑀺𑀓𑁆𑀔𑀢𑁆𑀢𑀼𑀁 𑀲𑀻𑀳𑀦𑀸𑀤𑀁 𑀦𑀤𑀺𑀢𑁆𑀯𑀸 𑀲𑀢𑁆𑀢𑀸𑀳𑀁 𑀩𑀼𑀤𑁆𑀥𑀸𑀭𑀫𑁆𑀫𑀡𑀁 𑀧𑀻𑀢𑀺𑀁 𑀅𑀯𑀺𑀚𑀳𑀺𑀢𑁆𑀯𑀸 𑀧𑀻𑀢𑀺𑀲𑀼𑀔𑁂𑀦𑁂𑀯 𑀕𑁄𑀘𑀭𑀸𑀬 𑀅𑀧𑀓𑁆𑀓𑀫𑀺𑀢𑁆𑀯𑀸 𑀚𑀺𑀯𑀺𑀢𑀧𑀭𑀺𑀘𑁆𑀘𑀸𑀕𑀁 𑀓𑀢𑁆𑀯𑀸 𑀧𑀬𑀺𑀭𑀼𑀧𑀸𑀲𑀫𑀸𑀦𑁄 𑀅𑀝𑁆𑀞𑀸𑀲𑀺 𑀲𑀢𑁆𑀣𑀸 𑀲𑀢𑁆𑀢𑀸𑀳𑀘𑁆𑀘𑀬𑁂𑀦 𑀦𑀺𑀭𑁄𑀥𑀸 𑀯𑀼𑀝𑁆𑀞𑀺𑀢𑁄 𑀲𑀻𑀳𑀁 𑀑𑀮𑁄𑀓𑁂𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑁂𑀧𑀺 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸 𑀲𑀗𑁆𑀖𑀁 𑀯𑀦𑁆𑀤𑀺𑀲𑁆𑀲𑀢𑀻‘‘𑀢𑀺 𑀪𑀺𑀓𑁆𑀔𑀼𑀲𑀗𑁆𑀖𑁄 𑀆𑀕𑀘𑁆𑀙𑀢𑀽𑀢𑀺 𑀘𑀺𑀦𑁆𑀢𑁂𑀲𑀺 𑀪𑀺𑀓𑁆𑀔𑀼 𑀢𑀸𑀯𑀤𑁂𑀯 𑀆𑀕𑀫𑀺𑀁𑀲𑀼 𑀲𑀻𑀳𑁄 𑀲𑀗𑁆𑀖𑁂 𑀘𑀺𑀢𑁆𑀢𑀁 𑀧𑀲𑀸𑀤𑁂𑀲𑀺. 𑀲𑀢𑁆𑀣𑀸 𑀢𑀲𑁆𑀲 𑀫𑀦𑀁 𑀑𑀮𑁄𑀓𑁂𑀢𑁆𑀯𑀸 𑀅𑀦𑀸𑀕𑀢𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀧𑀤𑀼𑀫𑁄 𑀚𑀺𑀦𑀯𑀭𑁄 𑀲𑀢𑁆𑀣𑀸 - 𑀥𑀫𑁆𑀫𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀥𑀸𑀢𑀼 𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺 - 𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀦𑀸𑀭𑀤𑁄 𑀦𑀸𑀫 𑀲𑀢𑁆𑀣𑀸 𑀅𑀳𑁄𑀲𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄, 𑀇𑀲𑀺𑀧𑀩𑁆𑀩𑀚𑁆𑀚𑀁 𑀧𑀩𑁆𑀩𑀚𑀺𑀢𑁆𑀯𑀸 𑀧𑀜𑁆𑀘𑀲𑀼 𑀅𑀪𑀺𑀜𑁆𑀜𑀸𑀲𑀼 𑀅𑀝𑁆𑀞𑀲𑀼𑀘 𑀲𑀫𑀸𑀧𑀢𑁆𑀢𑀺𑀲𑀼𑀘𑀺𑀡𑁆𑀡𑀯𑀲𑀻 𑀳𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀮𑁄𑀳𑀺𑀢 𑀘𑀡𑁆𑀤𑀦𑁂𑀦 𑀧𑀽𑀚𑀫𑀓𑀸𑀲𑀺 𑀲𑁄𑀧𑀺 𑀦𑀁 𑀅𑀦𑀸𑀕𑀢𑁄 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀦𑀸𑀭𑀤 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀏𑀓𑀖𑀦𑀸 𑀅𑀳𑁂𑀲𑀼𑀁. 𑀲𑀩𑁆𑀩𑁂 𑀤𑁂𑀯 𑀫𑀦𑀼𑀲𑁆𑀲𑀸 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀘𑀢𑀼𑀬𑁄𑀚𑀦𑀺𑀓𑀁 𑀣𑀽𑀧𑀁 𑀓𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀦𑀸𑀭𑀤𑁄 𑀚𑀺𑀦𑀯𑀲𑀪𑁄 - 𑀦𑀺𑀩𑁆𑀩𑀼𑀢𑁄 𑀲𑀼𑀤𑀲𑁆𑀲𑀦𑁂 𑀧𑀼𑀭𑁂,

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄 - 𑀘𑀢𑀼𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀏𑀓𑀫𑀲𑀗𑁆𑀔𑁂𑀬𑁆𑀬𑀫𑀢𑀺𑀓𑁆𑀓𑀫𑀺𑀢𑁆𑀯𑀸 𑀇𑀢𑁄 𑀓𑀧𑁆𑀧𑀲𑀢𑀲𑀳𑀲𑁆𑀲 𑀫𑀢𑁆𑀣𑀓𑁂 𑀏𑀓𑀲𑁆𑀫𑀺𑀁 𑀓𑀧𑁆𑀧𑁂 𑀧𑀤𑀼𑀫𑀼𑀢𑁆𑀢𑀭𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀚𑀝𑀺𑀮𑁄 𑀦𑀸𑀫 𑀫𑀳𑀸𑀭𑀝𑁆𑀞𑀺𑀓𑁄 𑀳𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀘𑀺𑀯𑀭𑀤𑀸𑀦𑀫𑀤𑀸𑀲𑀺. 𑀲𑁄𑀧𑀺 𑀢𑀁 𑀅𑀦𑀸𑀕𑀢𑁄 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺. ¶ 𑀧𑀤𑀼𑀫𑀼𑀢𑁆𑀢𑀭𑀲𑁆𑀲𑀸𑀧𑀺 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀏𑀓𑀖𑀦𑀸 𑀅𑀳𑁂𑀲𑀼𑀁. 𑀲𑀩𑁆𑀩𑁂 𑀤𑁂𑀯𑀫𑀦𑀼𑀲𑁆𑀲𑀸 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀤𑁆𑀯𑀸𑀤𑀲 𑀬𑁄𑀚𑀦𑀺𑀓𑀁 𑀫𑀳𑀸𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀧𑀤𑀼𑀫𑀼𑀢𑁆𑀢𑀭𑁄 𑀚𑀺𑀦𑁄 𑀩𑀼𑀤𑁆𑀥𑁄 - 𑀦𑀡𑁆𑀤𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄 - 𑀤𑁆𑀯𑀸𑀤𑀲𑀼𑀩𑁆𑀩𑁂𑀥𑀬𑁄𑀚𑀦𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀢𑀺𑀁𑀲𑀓𑀧𑁆𑀧 𑀲𑀳𑀲𑁆𑀲𑀸𑀦𑀺 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀲𑀼𑀫𑁂𑀥𑁄 𑀲𑀼𑀚𑀸𑀢𑁄 𑀘𑀸𑀢𑀺 𑀏𑀓𑀲𑁆𑀫𑀺𑀁 𑀓𑀧𑁆𑀧𑁂 𑀤𑁆𑀯𑁂 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀲𑀼𑀫𑁂𑀥𑀲𑁆𑀲 𑀧𑀦 𑀪𑀕𑀯𑀢𑁄 𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑁄 𑀉𑀢𑁆𑀢𑀭𑁄 𑀦𑀸𑀫 𑀫𑀸𑀦𑀯𑁄 𑀳𑀼𑀢𑁆𑀯𑀸 𑀦𑀺𑀤𑀳𑀺𑀢𑁆𑀯𑀸 𑀞𑀧𑀺𑀢𑀁𑀬𑁂𑀯 𑀅𑀲𑀻𑀢𑀺𑀓𑁄𑀝𑀺𑀥𑀦𑀁 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀲𑀭𑀡𑁂𑀲𑀼 𑀧𑀢𑀺𑀝𑁆𑀞𑀸𑀬 𑀦𑀺𑀓𑁆𑀔𑀫𑀺𑀢𑁆𑀯𑀸 𑀧𑀩𑁆𑀩𑀚𑀺 𑀲𑁄𑀧𑀺 𑀦𑀁 𑀅𑀦𑀸𑀕𑀢𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺. 𑀲𑀼𑀫𑁆𑀥𑁂𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼

𑀢𑁂𑀦 𑀯𑀼𑀢𑁆𑀢𑀁

‘‘𑀲𑀼𑀫𑁂𑀥𑁄 𑀚𑀺𑀦𑀯𑀭𑁄 𑀩𑀼𑀤𑁆𑀥𑁄 - 𑀫𑁂𑀥𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀥𑀸𑀢𑀼𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺 - 𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀲𑀼𑀚𑀸𑀢𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄𑀘𑀓𑁆𑀓𑀯𑀢𑁆𑀢𑀺𑀭𑀸𑀚𑀸 𑀳𑀼𑀢𑁆𑀯𑀸 𑀩𑀼𑀤𑁆𑀥𑁄 𑀉𑀧𑁆𑀧𑀦𑁆𑀦𑁄𑀢𑀺 𑀲𑀼𑀢𑁆𑀯𑀸 𑀉𑀧𑀲𑀁𑀓𑀫𑀺𑀢𑁆𑀯𑀸 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀲𑀤𑁆𑀥𑀺𑀁 𑀲𑀢𑁆𑀢𑀳𑀺 𑀭𑀢𑀦𑁂𑀳𑀺 𑀘𑀢𑀼𑀫𑀳𑀸𑀤𑀻𑀧𑀁 𑀭𑀚𑁆𑀚𑀁 𑀤𑀢𑁆𑀯𑀸 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺 𑀲𑀓𑀮𑀭𑀝𑁆𑀞𑀯𑀸𑀲𑀺𑀦𑁄 𑀭𑀝𑁆𑀞𑀼𑀧𑁆𑀧𑀸𑀤𑀁 𑀕𑀳𑁂𑀢𑁆𑀯𑀸 𑀆𑀭𑀸𑀫𑀺𑀓 𑀓𑀺𑀘𑁆𑀘𑀁 𑀲𑀸𑀥𑁂𑀦𑁆𑀢𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀦𑀺𑀘𑁆𑀘𑀁 𑀫𑀳𑀸𑀤𑀸𑀦𑀫𑀤𑀁𑀲𑀼. 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀅𑀦𑀸𑀕𑀢𑁂 𑀩𑀼𑀤𑁆𑀥𑁄𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀲𑀼𑀚𑀸𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀏𑀓𑀖𑀦𑀸 𑀅𑀳𑁂𑀲𑀼𑀁 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀢𑀺𑀕𑀸𑀯𑀼𑀢𑀁 𑀣𑀽𑀧𑀫𑀓𑀁𑀲𑀼

𑀢𑁂𑀦 𑀯𑀼𑀢𑁆𑀢𑀁

‘‘𑀲𑀼𑀚𑀸𑀢𑁄 𑀚𑀺𑀦𑀯𑀭𑁄 𑀩𑀼𑀤𑁆𑀥𑁄 𑀲𑀻𑀮𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀘𑁂𑀢𑀺𑀬𑁄 𑀢𑀲𑁆𑀲 - 𑀢𑀻𑀡𑀺 𑀕𑀸𑀯𑀼𑀢𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀅𑀝𑁆𑀞𑀸𑀭𑀲 𑀓𑀧𑁆𑀧𑀲𑀢𑀫𑀢𑁆𑀣𑀓𑁂 𑀏𑀓𑀲𑁆𑀫𑀺𑀁 𑀓𑀧𑁆𑀧𑁂 𑀧𑀺𑀬𑀤𑀲𑁆𑀲𑀺 𑀅𑀢𑁆𑀣𑀤𑀲𑁆𑀲𑀺 𑀥𑀫𑁆𑀫𑀤𑀲𑁆𑀲𑀺𑀢𑀺 𑀢𑀬𑁄 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀧𑀺𑀬𑀤𑀲𑁆𑀲𑀺 𑀩𑀼𑀤𑁆𑀥𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑁄 𑀓𑀲𑁆𑀲𑀧𑁄 𑀦𑀸𑀫 𑀫𑀸𑀡𑀯𑁄 𑀢𑀺𑀡𑁆𑀡𑀁 𑀯𑁂𑀤𑀸𑀦𑀁 𑀧𑀸𑀭𑀕𑀢𑁄 𑀳𑀼𑀢𑁆𑀯𑀸 𑀲𑀢𑁆𑀣𑀼 𑀥𑀫𑁆𑀫𑀤𑁂𑀲𑀦𑀁 𑀲𑀼𑀢𑁆𑀯𑀸 𑀓𑁄𑀝𑀺𑀲𑀢𑀲𑀳𑀲𑁆𑀲 𑀥𑀦 𑀧𑀭𑀺𑀘𑁆𑀘𑀸𑀕𑁂𑀦 𑀲𑀗𑁆𑀖𑀸𑀭𑀸𑀫𑀁 𑀓𑀸𑀭𑁂𑀢𑁆𑀯𑀸 𑀲𑀭𑀡𑁂𑀲𑀼 𑀘 𑀲𑀻𑀮𑁂𑀲𑀼 𑀘 𑀧𑀢𑀺𑀝𑁆𑀞𑀸𑀲𑀺 𑀅𑀣 𑀦𑀁 𑀲𑀢𑁆𑀣𑀸 𑀅𑀝𑁆𑀞𑀸𑀭𑀲 𑀓𑀧𑁆𑀧 𑀲𑀢𑀘𑁆𑀘𑀬𑁂𑀦 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀧𑀺𑀬𑀤𑀲𑁆𑀲𑀺𑀲𑁆𑀲 𑀪𑀕𑀯𑀢𑁄𑀧𑀺 𑀥𑀸𑀢𑀼𑀬𑁄 𑀏𑀓𑀖𑀦𑀸𑀯 𑀅𑀳𑁂𑀲𑀼𑀁 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀢𑀺𑀬𑁄𑀚𑀦𑀺𑀓𑀁 𑀫𑀳𑀸𑀣𑀽𑀧𑀫𑀓𑀁𑀲𑀼.

𑀢𑁂𑀦 ¶ 𑀯𑀼𑀢𑁆𑀢𑀁

‘‘𑀧𑀺𑀬𑀤𑀲𑁆𑀲𑀺 𑀫𑀼𑀦𑀺𑀯𑀭𑁄 - 𑀲𑀮𑀮𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀽𑀧𑁄 - 𑀢𑀻𑀡𑀺 𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀅𑀢𑁆𑀣𑀤𑀲𑁆𑀲𑀺 𑀦𑀸𑀫 𑀪𑀕𑀯𑀸 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄 𑀲𑀼𑀲𑀺𑀫𑁄 𑀦𑀸𑀫 𑀢𑀸𑀧𑀲𑁄 𑀳𑀼𑀢𑁆𑀯𑀸 𑀪𑀕𑀯𑀢𑁄 𑀲𑀦𑁆𑀢𑀺𑀓𑁂 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀧𑀲𑀻𑀤𑀺𑀢𑁆𑀯𑀸 𑀤𑀺𑀩𑁆𑀩𑀸𑀦𑀺 𑀫𑀡𑁆𑀤𑀸𑀭𑀯 𑀧𑀤𑀼𑀫𑀧𑀸𑀭𑀺𑀘𑁆𑀙𑀢𑁆𑀢𑀓𑀸𑀤𑀻𑀦𑀺 𑀧𑀼𑀧𑁆𑀨𑀸𑀦𑀺 𑀆𑀳𑀭𑀺𑀢𑁆𑀯𑀸 𑀘𑀸𑀢𑀼𑀤𑁆𑀯𑀻𑀧𑀺𑀓 𑀫𑀳𑀸𑀫𑁂𑀖𑁄 𑀯𑀺𑀬 𑀧𑀼𑀧𑁆𑀨𑀯𑀲𑁆𑀲𑀁 𑀯𑀲𑁆𑀲𑁂𑀢𑁆𑀯𑀸 𑀲𑀫𑀦𑁆𑀢𑀢𑁄 𑀧𑀼𑀧𑁆𑀨𑀫𑀡𑁆𑀟𑀧 𑀧𑀼𑀧𑁆𑀨𑀅𑀕𑀖𑀺𑀬 𑀢𑁄𑀭𑀡𑀸𑀤𑀻𑀦𑀺 𑀓𑀢𑁆𑀯𑀸 𑀫𑀡𑁆𑀤𑀸𑀭𑀯 𑀧𑀼𑀧𑁆𑀨𑀘𑁆𑀙𑀢𑁆𑀢𑁂𑀦 𑀤𑀲𑀩𑀮𑀁 𑀧𑀽𑀚𑁂𑀲𑀺 𑀲𑁄𑀧𑀺 𑀦𑀁 𑀪𑀕𑀯𑀸 𑀅𑀦𑀸𑀕𑀢𑁄 𑀕𑁄𑀢𑀫𑁄 𑀦𑀸𑀫 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑀸𑀓𑀸𑀲𑀺. 𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀅𑀢𑁆𑀣𑀤𑀲𑁆𑀲𑀺 𑀚𑀺𑀦𑀯𑀭𑁄 - 𑀅𑀦𑁄𑀫𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀥𑀸𑀢𑀼𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺 - 𑀢𑁂𑀲𑀼 𑀢𑁂𑀲𑀼 𑀘 𑀭𑀝𑁆𑀞𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀥𑀫𑁆𑀫𑀤𑀲𑁆𑀲𑀺 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀲𑀓𑁆𑀓𑀸 𑀤𑁂𑀯𑀭𑀸𑀚𑀸 𑀤𑀺𑀩𑁆𑀩𑀕𑀡𑁆𑀥𑀧𑀼𑀧𑁆𑀨𑁂𑀳𑀺 𑀘 𑀤𑀺𑀩𑁆𑀩𑀢𑀼𑀭𑀺𑀬𑁂𑀳𑀺 𑀘 𑀧𑀽𑀚𑀁 𑀅𑀓𑀸𑀲𑀺 𑀲𑁄𑀧𑀺 𑀦𑀁 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺. 𑀥𑀫𑁆𑀫𑀤𑀲𑁆𑀲𑀺𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀏𑀓𑀖𑀦𑀸 𑀅𑀳𑁂𑀲𑀼𑀁. 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀢𑀺𑀬𑁄𑀚𑀦𑀺𑀓𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀥𑀫𑁆𑀫𑀤𑀲𑁆𑀲𑀺 𑀫𑀳𑀸𑀯𑀻𑀭𑁄-𑀓𑁂𑀮𑀸𑀲𑀸𑀭𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀣𑀽𑀧𑀯𑀭𑁄 𑀢𑀲𑁆𑀲-𑀢𑀻𑀡𑀺 𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀘𑀢𑀼𑀦𑀯𑀼𑀢𑀺𑀓𑀧𑁆𑀧 𑀫𑀢𑁆𑀣𑀓𑁂 𑀏𑀓𑀲𑁆𑀫𑀺𑀁 𑀓𑀧𑁆𑀧𑁂 𑀏𑀓𑁄𑀯 𑀲𑀺𑀤𑁆𑀥𑀢𑁆𑀣𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀉𑀕𑁆𑀕𑀢𑁂𑀚𑁄 𑀅𑀪𑀺𑀜𑁆𑀜𑀸𑀩𑀮 𑀲𑀫𑁆𑀧𑀦𑁆𑀦𑁄 𑀫𑀗𑁆𑀕𑀮𑁄 𑀦𑀸𑀫 𑀢𑀸𑀧𑀲𑁄 𑀳𑀼𑀢𑁆𑀯𑀸 𑀫𑀳𑀸𑀚𑀫𑁆𑀩𑀼𑀨𑀮𑀁 𑀆𑀳𑀭𑀺𑀢𑁆𑀯𑀸 𑀢𑀣𑀸𑀕𑀲𑁆𑀲 𑀅𑀤𑀸𑀲𑀺 𑀲𑀢𑁆𑀣𑀸 𑀢𑀁 𑀨𑀮𑀁 𑀧𑀭𑀺𑀪𑀼𑀜𑁆𑀚𑀺𑀢𑁆𑀯𑀸 𑀘𑀢𑀼𑀦𑀯𑀼𑀢𑀺 𑀓𑀧𑁆𑀧𑀫𑀢𑁆𑀣𑀓𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲𑀸𑀧𑀺 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼, 𑀘𑀢𑀼𑀬𑁄𑀚𑀦𑀺𑀓𑀁 𑀭𑀢𑀦𑀫𑀬𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀲𑀺𑀤𑁆𑀥𑀢𑁆𑀢𑁄 𑀫𑀼𑀦𑀺𑀯𑀭𑁄 𑀩𑀼𑀤𑁆𑀥𑁄 𑀅𑀦𑁄𑀫𑀸𑀭𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄-𑀘𑀢𑀼𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀇𑀢𑁄 𑀤𑁆𑀯𑀸𑀦𑀯𑀼𑀢𑀺 𑀓𑀧𑁆𑀧𑀫𑀢𑁆𑀣𑀓𑁂 𑀢𑀺𑀲𑁆𑀲𑁄 𑀨𑀼𑀲𑁆𑀲𑁄𑀢𑀺 𑀏𑀓𑀲𑁆𑀫𑀺𑀁 𑀓𑀧𑁆𑀧𑁂 𑀤𑁂𑀯 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀢𑀺𑀲𑁆𑀲𑀲𑁆𑀲 𑀪𑀕𑀯𑀢𑁄 𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑀸 𑀫𑀳𑀸𑀪𑁄𑀕𑁄 𑀫𑀳𑀸𑀬𑀲𑁄 𑀲𑀼𑀚𑀸𑀢𑁄 𑀦𑀸𑀫 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸 𑀇𑀲𑀺𑀧𑀩𑁆𑀩𑀚𑁆𑀚𑀁 𑀧𑀩𑁆𑀩𑀚𑀺𑀢𑁆𑀯𑀸 𑀫𑀳𑀺𑀤𑁆𑀥𑀺𑀓𑀪𑀸𑀯𑀁 𑀧𑀢𑁆𑀯𑀸 𑀩𑀼𑀤𑁆𑀥𑁄 ¶ 𑀉𑀧𑁆𑀧𑀦𑁆𑀦𑁄𑀢𑀺 𑀲𑀼𑀢𑁆𑀯𑀸 𑀤𑀺𑀩𑁆𑀩𑀫𑀡𑁆𑀤𑀸𑀭𑀯 𑀧𑀤𑀼𑀫 𑀧𑀸𑀭𑀺𑀘𑁆𑀙𑀢𑁆𑀢 𑀧𑀼𑀧𑁆𑀨𑀸𑀦𑀺 𑀆𑀤𑀸𑀬 𑀘𑀢𑀼𑀧𑀭𑀺𑀲𑀫𑀚𑁆𑀛𑁂 𑀕𑀘𑁆𑀙𑀦𑁆𑀢𑀁 𑀢𑀣𑀸𑀕𑀢𑀁 𑀧𑀽𑀚𑁂𑀲𑀺. 𑀆𑀓𑀸𑀲𑁂 𑀧𑀼𑀧𑁆𑀨𑀯𑀺𑀢𑀸𑀦𑀫𑀺𑀯 𑀅𑀝𑁆𑀞𑀸𑀲𑀺 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀇𑀢𑁄 𑀤𑁆𑀯𑀸𑀦𑀯𑀼𑀢𑀺 𑀓𑀧𑁆𑀧𑀫𑀢𑁆𑀣𑀓𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺. 𑀢𑀲𑁆𑀲𑀸𑀧𑀺 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀢𑀺𑀬𑁄𑀚𑀦𑀺𑀓𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀢𑀺𑀲𑁆𑀲𑁄 𑀚𑀺𑀦𑀯𑀭𑁄 𑀩𑀼𑀤𑁆𑀥𑁄-𑀦𑀡𑁆𑀤𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄-𑀢𑀻𑀡𑀺 𑀬𑁄𑀚𑀦𑀫𑀼𑀲𑁆𑀲𑀺𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀨𑀼𑀲𑁆𑀲𑁄 𑀦𑀸𑀫 𑀩𑀼𑀤𑁆𑀥𑁄 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀯𑀺𑀚𑀺𑀢𑀸𑀯𑀺 𑀦𑀸𑀫 𑀔𑀢𑁆𑀢𑀺𑀬𑁄 𑀳𑀼𑀢𑁆𑀯𑀸 𑀫𑀳𑀸𑀭𑀚𑁆𑀚𑀁 𑀧𑀳𑀸𑀬 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺𑀢𑁆𑀯𑀸 𑀢𑀻𑀡𑀺 𑀧𑀺𑀝𑀓𑀸𑀦𑀺 𑀉𑀕𑁆𑀕𑀳𑁂𑀢𑁆𑀯𑀸 𑀫𑀳𑀸𑀚𑀦𑀲𑁆𑀲 𑀥𑀫𑁆𑀫𑀓𑀣𑀁 𑀓𑀣𑁂𑀢𑁆𑀯𑀸 𑀲𑀻𑀮𑀧𑀸𑀭𑀫𑀺𑀜𑁆𑀘 𑀧𑀽𑀭𑁂𑀲𑀺. 𑀲𑁄𑀧𑀺 𑀦𑀁 𑀩𑀼𑀤𑁆𑀥𑁄 𑀢𑀣𑁂𑀯 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀨𑀼𑀲𑁆𑀲𑁄 𑀚𑀺𑀦𑀯𑀭𑁄 𑀲𑀢𑁆𑀣𑀸-𑀲𑀼𑀦𑀦𑁆𑀤𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄

𑀥𑀸𑀢𑀼𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺-𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀇𑀢𑁄 𑀏𑀓𑀦𑀯𑀼𑀢𑀺 𑀓𑀧𑁆𑀧𑀫𑀢𑁆𑀣𑀓𑁂 𑀯𑀺𑀧𑀲𑁆𑀲𑀺 𑀦𑀸𑀫 𑀩𑀼𑀤𑁆𑀥𑁄 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄 𑀅𑀢𑀼𑀮𑁄 𑀦𑀸𑀫 𑀦𑀸𑀕𑀭𑀸𑀚𑀸 𑀳𑀼𑀢𑁆𑀯𑀸 𑀲𑀢𑁆𑀢𑀭𑀢𑀦 𑀔𑀘𑀺𑀢𑀁 𑀲𑁄𑀯𑀡𑁆𑀡𑀫𑀳𑀸𑀧𑀻𑀞𑀁 𑀪𑀕𑀯𑀢𑁄 𑀅𑀤𑀸𑀲𑀺 𑀲𑁄𑀧𑀺 𑀦𑀁 𑀇𑀢𑁄 𑀏𑀓𑀦𑀯𑀼𑀢𑀺𑀓𑀧𑁆𑀧𑀫𑀢𑁆𑀣𑀓𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀲𑀩𑁆𑀩𑁂 𑀤𑁂𑀯𑀫𑀦𑀼𑀲𑁆𑀲𑀸 𑀲𑀦𑁆𑀢𑀺𑀧𑀢𑀺𑀢𑁆𑀯𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀲𑀢𑁆𑀢𑀬𑁄𑀚𑀦𑀺𑀓𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀯𑀺𑀧𑀲𑁆𑀲𑀺 𑀚𑀺𑀦𑀯𑀭𑁄 𑀯𑀻𑀭𑁄-𑀲𑀼𑀫𑀺𑀢𑁆𑀢𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀲𑁄 𑀣𑀽𑀧𑀯𑀭𑁄-𑀲𑀢𑁆𑀢𑀬𑁄𑀚𑀦𑀺𑀓𑁄 𑀓𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀇𑀢𑁄 𑀏𑀓𑀢𑀺𑀁𑀲 𑀓𑀧𑁆𑀧𑀫𑀢𑁆𑀣𑀓𑁂 𑀲𑀺𑀔𑀻 𑀯𑁂𑀲𑁆𑀲𑀪𑀽𑀢𑀺 𑀤𑁆𑀯𑁂 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀲𑀺𑀔𑀺𑀲𑁆𑀲 𑀪𑀕𑀯𑀢𑁄 𑀓𑀸𑀮𑁂 𑀩𑁄𑀥𑀺𑀲𑀢𑁆𑀢𑁄 𑀅𑀭𑀺𑀡𑁆𑀤𑀫𑁄 𑀦𑀸𑀫 𑀭𑀸𑀚𑀸 𑀳𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀲𑀘𑀺𑀯𑀭𑀁 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑁂𑀢𑁆𑀯𑀸 𑀲𑀢𑁆𑀢𑀭𑀢𑀦 𑀧𑀢𑀺𑀫𑀡𑁆𑀟𑀺𑀢𑀁 𑀳𑀢𑁆𑀣𑀺𑀭𑀢𑀦𑀁 𑀤𑀢𑁆𑀯𑀸 𑀳𑀢𑁆𑀣𑀺𑀧𑁆𑀧𑀫𑀸𑀡𑀁 𑀓𑀢𑁆𑀯𑀸 𑀓𑀧𑁆𑀧𑀺𑀬 𑀪𑀡𑁆𑀟𑀫𑀤𑀸𑀲𑀺 𑀲𑁄𑀧𑀺 𑀦𑀁 𑀇𑀢𑁄 𑀏𑀓𑀢𑀺𑀁𑀲 𑀓𑀧𑁆𑀧𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺, 𑀲𑀺𑀔𑀺𑀲𑁆𑀲 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀏𑀓𑀖𑀦𑀸 𑀳𑀼𑀢𑁆𑀯𑀸 𑀅𑀝𑁆𑀞𑀁𑀲𑀼, 𑀲𑀓𑀮 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀧𑀦 𑀫𑀦𑀼𑀲𑁆𑀲𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀢𑀺𑀬𑁄𑀚𑀦𑀼𑀩𑁆𑀩𑁂𑀥𑀁 𑀲𑀢𑁆𑀢𑀭𑀢𑀦𑀫𑀬𑀁 𑀳𑀺𑀫𑀕𑀺𑀭𑀺 𑀲𑀤𑀺𑀲 𑀲𑁄𑀪𑀁 𑀣𑀽𑀧𑀫𑀓𑀁𑀲𑀼.

𑀲𑀺𑀔𑀻 ¶ 𑀫𑀼𑀦𑀺𑀯𑀭𑁄 𑀩𑀼𑀤𑁆𑀥𑁄-𑀤𑀼𑀲𑁆𑀲𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄-𑀢𑀻𑀡𑀺 𑀬𑁄𑀚𑀦𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀯𑁂𑀲𑁆𑀲𑀪𑀽 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀲𑀼𑀤𑀲𑁆𑀲𑀦𑁄 𑀦𑀸𑀫 𑀭𑀸𑀚𑀸 𑀳𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀲𑀘𑀻𑀯𑀭𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀢𑀲𑁆𑀲 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺𑀢𑁆𑀯𑀸 𑀆𑀘𑀸𑀭𑀕𑀼𑀡𑀲𑀫𑁆𑀧𑀦𑁆𑀦𑁄 𑀩𑀼𑀤𑁆𑀥𑀭𑀢𑀦𑁂 𑀘𑀺𑀢𑀢𑀻𑀓𑀸𑀭 𑀧𑀻𑀢𑀺 𑀩𑀳𑀼𑀮𑁄 𑀅𑀳𑁄𑀲𑀺 𑀲𑁂𑀧𑀺 𑀦𑀁 𑀲𑀢𑁆𑀣𑀸 𑀇𑀢𑁄 𑀏𑀓𑀢𑀺𑀁𑀲𑀓𑀧𑁆𑀧𑁂 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀯𑁆𑀬𑀸𑀓𑀸𑀲𑀺 𑀯𑁂𑀲𑁆𑀲𑀪𑀼𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀯𑁂𑀲𑁆𑀲𑀪𑀽 𑀚𑀺𑀦𑀯𑀭𑁄 𑀲𑀢𑁆𑀣𑀸-𑀔𑁂𑀫𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄;

𑀥𑀸𑀢𑀼𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺-𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀇𑀫𑀲𑁆𑀫𑀺𑀁 𑀓𑀧𑁆𑀧𑁂 𑀘𑀢𑁆𑀢𑀸𑀭𑁄 𑀩𑀼𑀤𑁆𑀥𑀸 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀓𑀓𑀼𑀲𑀡𑁆𑀥𑁄 𑀓𑁄𑀦𑀸𑀕𑀫𑀦𑁄 𑀓𑀲𑁆𑀲𑀧𑁄 𑀅𑀫𑁆𑀳𑀸𑀓𑀁 𑀪𑀕𑀯𑀸𑀢𑀺 𑀓𑀢𑀼𑀲𑀡𑁆𑀥𑀲𑁆𑀲 𑀧𑀦 𑀪𑀕𑀯𑀢𑁄 𑀓𑀸𑀮𑁄 𑀩𑁄𑀥𑀺𑀲𑀢𑁆𑀢𑁄 𑀔𑁂𑀫𑁄 𑀦𑀸𑀫 𑀭𑀸𑀚𑀸 𑀳𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀲𑁆𑀲 𑀲𑀗𑁆𑀖𑀲𑁆𑀲 𑀲𑀧𑀢𑁆𑀢𑀘𑀻𑀯𑀭𑀁 𑀤𑀸𑀦𑀜𑁆𑀘𑁂𑀯 𑀅𑀜𑁆𑀚𑀦𑀸𑀤𑀺 𑀪𑁂𑀲𑀚𑁆𑀚𑀸𑀦𑀺 𑀘 𑀤𑀢𑁆𑀯𑀸 𑀲𑀢𑁆𑀣𑀼 𑀥𑀫𑁆𑀫𑀤𑁂𑀲𑀦𑀁 𑀲𑀼𑀢𑁆𑀯𑀸 𑀧𑀩𑁆𑀩𑀚𑀺 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲 𑀧𑀦 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀲𑀩𑁆𑀩𑁂 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀕𑀸𑀯𑀼𑀢𑀼𑀩𑁆𑀩𑁂𑀥𑀁 𑀣𑀽𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀓𑀓𑀼𑀲𑀡𑁆𑀥𑁄 𑀚𑀺𑀦𑀯𑀭𑁄 - 𑀔𑁂𑀫𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀣𑀽𑀧𑀯𑀭𑁄-𑀕𑀸𑀯𑀼𑀢𑀁 𑀦𑀪𑀫𑀼𑀕𑁆𑀕𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀓𑁄𑀦𑀸𑀕𑀫𑀦𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀧𑀩𑁆𑀩𑀢𑁄 𑀦𑀸𑀫 𑀭𑀚𑀸 𑀳𑀼𑀢𑁆𑀯𑀸 𑀅𑀫𑀘𑁆𑀘𑀕𑀡 𑀧𑀭𑀺𑀯𑀼𑀢𑁄 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀕𑀦𑁆𑀢𑁆𑀯𑀸 𑀥𑀫𑁆𑀫𑀤𑁂𑀲𑀦𑀁 𑀲𑀼𑀢𑁆𑀯𑀸 𑀩𑀼𑀤𑁆𑀥𑀧𑀫𑀼𑀔𑀁 𑀪𑀺𑀓𑁆𑀔𑀼𑀲𑀗𑁆𑀖𑀁 𑀦𑀺𑀫𑀦𑁆𑀢𑁂𑀢𑁆𑀯𑀸 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑁂𑀢𑁆𑀯𑀸 𑀧𑀢𑁆𑀢𑀼𑀡𑁆𑀡𑀘𑀻𑀦𑀧𑀝𑁆𑀝 𑀓𑁄𑀲𑁂𑀬𑁆𑀬 𑀓𑀫𑁆𑀩𑀮 𑀤𑀼𑀓𑀼𑀮𑀸𑀦𑀺 𑀘𑁂𑀯 𑀲𑀼𑀯𑀡𑁆𑀡𑀧𑀝𑁆𑀝𑀓𑀜𑁆𑀘 𑀤𑀢𑁆𑀯𑀸 𑀲𑀢𑁆𑀣𑀼 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺. 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀯𑁆𑀬𑀸𑀓𑀸𑀲𑀺 𑀢𑀲𑁆𑀲 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀯𑀺𑀓𑀺𑀭𑀺𑀁𑀲𑀼

𑀢𑁂𑀦 𑀯𑀼𑀢𑁆𑀢𑀁

‘‘𑀓𑁄𑀦𑀸𑀕𑀫𑀦𑁄 𑀲𑀫𑁆𑀩𑀼𑀤𑁆𑀥𑁄 𑀧𑀩𑁆𑀩𑀢𑀸𑀭𑀸𑀫𑀫𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀥𑀸𑀢𑀼 𑀯𑀺𑀢𑁆𑀣𑀸𑀭𑀺𑀓𑀁 𑀆𑀲𑀺-𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄’’𑀢𑀺;

𑀢𑀲𑁆𑀲 𑀅𑀧𑀭𑀪𑀸𑀕𑁂 𑀓𑀲𑁆𑀲𑀧𑁄 𑀦𑀸𑀫 𑀲𑀢𑁆𑀣𑀸 𑀉𑀤𑀧𑀸𑀤𑀺. 𑀢𑀤𑀸 𑀩𑁄𑀥𑀺𑀲𑀢𑁆𑀢𑁄 𑀚𑁄𑀢𑀺𑀧𑀸𑀮𑁄 𑀦𑀸𑀫 𑀫𑀸𑀡𑀯𑁄 𑀳𑀼𑀢𑁆𑀯𑀸 𑀢𑀺𑀡𑁆𑀡𑀁 𑀯𑁂𑀤𑀸𑀦𑀁 𑀧𑀸𑀭𑀕𑀼𑀪𑀽𑀫𑀺𑀬𑀜𑁆𑀘𑁂𑀯 𑀅𑀦𑁆𑀢𑀮𑀺𑀓𑁆𑀔𑁂𑀯 𑀧𑀸𑀓𑀝𑁄 𑀖𑀝𑀻𑀓𑀸𑀭𑀲𑁆𑀲 𑀓𑀼𑀫𑁆𑀪𑀓𑀸𑀭𑀲𑁆𑀲 𑀫𑀺𑀢𑁆𑀢𑁄 𑀅𑀳𑁄𑀲𑀺. 𑀲𑁄 𑀢𑁂𑀦 𑀲𑀤𑁆𑀥𑀺𑀁 𑀲𑀢𑁆𑀣𑀸𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀥𑀫𑁆𑀫

𑀓𑀣𑀁 ¶ 𑀲𑀼𑀢𑁆𑀯𑀸 𑀧𑀩𑁆𑀩𑀚𑀺𑀢𑁆𑀯𑀸 𑀆𑀭𑀤𑁆𑀥𑀯𑀻𑀭𑀺𑀬𑁄 𑀢𑀻𑀡𑀺 𑀧𑀺𑀝𑀓𑀸𑀦𑀺 𑀉𑀕𑁆𑀕𑀳𑁂𑀢𑁆𑀯𑀸 𑀯𑀢𑁆𑀢𑀸 𑀯𑀢𑁆𑀢𑀲𑀫𑁆𑀧𑀢𑁆𑀢𑀺𑀬𑀸 𑀩𑀼𑀤𑁆𑀥𑀲𑀸𑀲𑀦𑀁 𑀲𑁄𑀪𑁂𑀲𑀺. 𑀲𑁄𑀧𑀺 𑀦𑀁 𑀲𑀢𑁆𑀣𑀸 𑀯𑁆𑀬𑀸𑀓𑀸𑀲𑀺. 𑀓𑀲𑁆𑀲𑀧𑀲𑁆𑀲 𑀧𑀦 𑀲𑀢𑁆𑀣𑀼𑀦𑁄 𑀥𑀸𑀢𑀼𑀬𑁄 𑀦 𑀯𑀺𑀓𑀺𑀭𑀺𑀁𑀲𑀼 𑀲𑀓𑀮 𑀚𑀫𑁆𑀩𑀼𑀤𑀻𑀧𑀯𑀸𑀲𑀺𑀦𑁄 𑀫𑀦𑀼𑀲𑁆𑀲𑀸 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀏𑀓𑁂𑀓𑀁 𑀲𑀼𑀯𑀡𑁆𑀡𑀝𑁆𑀞𑀺𑀓𑀁 𑀓𑁄𑀝𑀺 𑀅𑀕𑁆𑀖𑀦𑀓𑀁 𑀭𑀢𑀦𑀯𑀺𑀘𑀺𑀢𑁆𑀢𑀁 𑀩𑀳𑀺 𑀭𑀘𑀦𑀢𑁆𑀣𑀁 𑀏𑀓𑁂𑀓𑀁 𑀅𑀟𑁆𑀠𑀓𑁄𑀝𑀺 𑀅𑀕𑁆𑀖𑀦𑀓𑀁 𑀅𑀩𑁆𑀪𑀦𑁆𑀢𑀭 𑀧𑀽𑀭𑀡𑀢𑁆𑀣𑀁 𑀫𑀦𑁄𑀲𑀺𑀮𑀸𑀬 𑀫𑀢𑁆𑀢𑀺𑀓𑀸𑀓𑀺𑀘𑁆𑀘𑀁 𑀢𑁂𑀮𑁂𑀦 𑀉𑀤𑀓𑀓𑀺𑀘𑁆𑀘𑀁 𑀓𑀭𑁄𑀦𑁆𑀢𑀸 𑀬𑁄𑀚𑀦𑀼𑀩𑁆𑀩𑁂𑀥𑀁 𑀣𑀼𑀧𑀫𑀓𑀁𑀲𑀼.

𑀢𑁂𑀦 𑀯𑀼𑀢𑁆𑀢𑀁

‘‘𑀫𑀳𑀸𑀓𑀲𑁆𑀲𑀧𑁄 𑀚𑀺𑀦𑁄 𑀲𑀢𑁆𑀣𑀸-𑀲𑁂𑀢𑀯𑁆𑀬𑀸𑀬𑀜𑁆𑀳𑀺 𑀦𑀺𑀩𑁆𑀩𑀼𑀢𑁄,

𑀢𑀢𑁆𑀣𑁂𑀯 𑀢𑀲𑁆𑀲 𑀚𑀺𑀦𑀣𑀼𑀧𑁄-𑀬𑁄𑀚𑀦𑀼𑀩𑁆𑀩𑁂𑀥𑀫𑀼𑀕𑁆𑀕𑀢𑁄’’𑀢𑀺;

𑀏𑀢𑁆𑀣 𑀘

𑀤𑀻𑀧𑀗𑁆𑀓𑀭𑁄 𑀘 𑀓𑁄𑀡𑁆𑀟𑀜𑁆𑀜𑁄-𑀫𑀗𑁆𑀕𑀮𑁄 𑀲𑀼𑀫𑀦𑁄 𑀢𑀣𑀸,

𑀅𑀦𑁄𑀫𑀤𑀲𑁆𑀲𑀻 𑀩𑀼𑀤𑁆𑀥𑁄 𑀘-𑀦𑀸𑀭𑀤𑁄 𑀧𑀤𑀼𑀫𑀼𑀢𑁆𑀢𑀭𑁄;

𑀲𑀼𑀚𑀸𑀢𑁄 𑀧𑀺𑀬𑀤𑀲𑁆𑀲𑀻 𑀘-𑀥𑀫𑁆𑀫𑀤𑀲𑁆𑀲𑀺 𑀦𑀭𑀼𑀢𑁆𑀢𑀫𑁄,

𑀲𑀺𑀤𑁆𑀥𑀢𑁆𑀣𑀩𑀼𑀤𑁆𑀥𑁄 𑀢𑀺𑀲𑁆𑀲𑁄 𑀘-𑀯𑀺𑀧𑀲𑁆𑀲𑀺 𑀘 𑀲𑀺𑀔𑀻 𑀢𑀣𑀸;

𑀓𑀓𑀼𑀲𑀡𑁆𑀥𑁄 𑀓𑀲𑁆𑀲𑀧𑁄 𑀘𑀸𑀢𑀺-𑀲𑁄𑀴𑀲𑁂𑀢𑁂 𑀫𑀳𑁂𑀲𑀬𑁄,

𑀣𑀼𑀧𑀧𑁆𑀧𑀫𑀸𑀡𑀫𑁂𑀢𑁂𑀲𑀁 𑀧𑀸𑀮𑀺𑀬𑀁𑀬𑁂𑀯 𑀤𑀲𑁆𑀲𑀺𑀢𑀁;

𑀬𑀲𑁆𑀫𑀸 𑀢𑀲𑁆𑀫𑀸 𑀫𑀬𑀸 𑀲𑀸𑀥𑀽-𑀢𑁂 𑀲𑀩𑁆𑀩𑁂𑀧𑀺 𑀧𑀓𑀸𑀲𑀺𑀢𑀸,

𑀣𑀽𑀧𑀸 𑀲𑀤𑁆𑀥𑀸 𑀚𑀦𑀸 𑀲𑀸𑀥𑀽-𑀢𑁂 𑀯𑀦𑁆𑀤𑁂𑀬𑁆𑀬𑀣 𑀲𑀸𑀤𑀭𑀁;

𑀬𑁂𑀲𑀸𑀦𑀁 𑀧𑀦 𑀅𑀝𑁆𑀞𑀦𑁆𑀦𑀁 - 𑀲𑀼𑀕𑀢𑀸𑀦𑀁 𑀳𑀺𑀢𑁂𑀲𑀺𑀦𑀁

𑀥𑀸𑀢𑀼 𑀯𑀺𑀢𑁆𑀣𑀸𑀭𑀺𑀓𑀸 𑀆𑀲𑀼𑀁 - 𑀢𑁂𑀲𑀼 𑀢𑁂𑀲𑀼 𑀧𑀤𑁂𑀲𑀢𑁄𑀢𑀺;

𑀲𑀸𑀥𑀼𑀚𑀦 𑀫𑀦𑁄𑀧𑀲𑀸𑀤𑀦𑀢𑁆𑀣𑀸𑀬 𑀓𑀢𑁂 𑀣𑀽𑀧𑀯𑀁𑀲𑁂 𑀯𑀺𑀚𑁆𑀚𑀫𑀸𑀦𑀣𑀽𑀧𑀸𑀦𑀁 𑀩𑀼𑀤𑁆𑀥𑀸𑀦𑀁 𑀣𑀽𑀧𑀓𑀣𑀸 𑀘𑁂𑀯 𑀲𑀩𑁆𑀩𑁂𑀲𑀁 𑀲𑀦𑁆𑀢𑀺𑀓𑁂 𑀅𑀪𑀺𑀦𑀺𑀳𑀸𑀭𑀓𑀢𑀸𑀘𑁂. 𑀲𑀫𑀢𑁆𑀢𑀸.

𑀓𑀲𑁆𑀲𑀧𑀲𑁆𑀲 𑀧𑀦 𑀪𑀕𑀯𑀢𑁄 𑀅𑀧𑀭𑀪𑀸𑀕𑁂 𑀞𑀧𑁂𑀢𑁆𑀯𑀸 𑀇𑀫𑀁 𑀲𑀫𑁆𑀫𑀸 𑀲𑀫𑁆𑀩𑀼𑀤𑁆𑀥𑀁 𑀅𑀜𑁆𑀜𑁄 𑀩𑀼𑀤𑁆𑀥𑁄 𑀦𑀸𑀫 𑀦𑀢𑁆𑀣𑀺. 𑀏𑀯𑀁 𑀤𑀻𑀧𑀗𑁆𑀓𑀭𑀸𑀤𑀻𑀦𑀁 𑀘𑀢𑀼𑀯𑀻𑀲𑀢𑀺𑀬𑀸 𑀩𑀼𑀤𑁆𑀥𑀸𑀦𑀁 𑀲𑀦𑁆𑀢𑀺𑀓𑁂 𑀮𑀤𑁆𑀥𑀯𑁆𑀬𑀸𑀓𑀭𑀡𑁄 𑀩𑁄𑀥𑀺𑀲𑀢𑁆𑀢𑁄 𑀧𑀸𑀭𑀫𑀺𑀬𑁄 𑀧𑀽𑀭𑁂𑀢𑁆𑀯𑀸 𑀯𑁂𑀲𑁆𑀲𑀦𑁆𑀢𑀭𑀢𑁆𑀢𑀪𑀸𑀯𑁂 𑀞𑀺𑀢𑁄-

‘‘𑀅𑀘𑁂𑀢𑀦𑀸𑀬𑀁 𑀧𑀣𑀯𑀻-𑀅𑀯𑀺𑀜𑁆𑀜𑀸𑀬 𑀲𑀼𑀔𑀁 𑀤𑀼𑀔𑀁,

𑀲𑀸𑀧𑀺 𑀤𑀸𑀦𑀩𑀮𑁄 𑀫𑀬𑁆𑀳𑀁-𑀲𑀢𑁆𑀢𑀓𑁆𑀓𑀢𑁆𑀢𑀼𑀁 𑀧𑀓𑀫𑁆𑀧𑀣𑀸’’𑀢𑀺;

𑀏𑀯𑀁 𑀫𑀳𑀸𑀧𑀣𑀯𑀺 𑀓𑀫𑁆𑀧𑀦𑀸𑀦𑀺 𑀧𑀼𑀜𑁆𑀜𑀸𑀦𑀺 𑀓𑀢𑁆𑀯𑀸 𑀆𑀬𑀼𑀧𑀭𑀺𑀬𑁄𑀲𑀸𑀦𑁂 𑀢𑀢𑁄 𑀘𑀼𑀢𑁄 𑀢𑀼𑀲𑀺𑀢𑀪𑀯𑀦𑁂 𑀦𑀺𑀩𑁆𑀩𑀢𑁆𑀢𑀺 𑀢𑀢𑁆𑀣 𑀅𑀜𑁆𑀜𑁂 𑀤𑁂𑀯𑁂 𑀤𑀲𑀳𑀺 𑀞𑀸𑀦𑁂𑀳𑀺 𑀅𑀥𑀺𑀕𑀡𑁆𑀳𑀺𑀢𑁆𑀯𑀸 𑀬𑀸𑀯𑀢𑀸𑀬𑀼𑀓𑀁 𑀤𑀺𑀩𑁆𑀩𑀲𑀫𑁆𑀧𑀢𑁆𑀢𑀺𑀁 𑀅𑀦𑀼𑀪𑀯𑀦𑁆𑀢𑁄 𑀫𑀦𑀼𑀲𑁆𑀲𑀕𑀡𑀦𑀸𑀬 ¶ 𑀲𑀢𑁆𑀢𑀳𑀺 𑀤𑀺𑀯𑀲𑁂𑀳𑀺 𑀆𑀬𑀼𑀓𑁆𑀔𑀬𑀁 𑀧𑀸𑀧𑀼𑀡𑀺𑀲𑁆𑀲𑀢𑀺𑀢𑀺 𑀯𑀢𑁆𑀣𑀸𑀦𑀺 𑀓𑀺𑀴𑀺𑀲𑁆𑀲𑀦𑁆𑀢𑀺, 𑀫𑀸𑀮𑀸 𑀫𑀺𑀮𑀸𑀬𑀦𑁆𑀢𑀺, 𑀓𑀘𑁆𑀙𑁂𑀳𑀺 𑀲𑁂𑀤𑀸 𑀫𑀼𑀘𑁆𑀘𑀦𑁆𑀢𑀺, 𑀓𑀸𑀬𑁂𑀘𑁂𑀯 𑀤𑀼𑀩𑁆𑀩𑀡𑁆𑀡𑀺𑀬𑀁 𑀑𑀓𑁆𑀓𑀫𑀢𑀺. 𑀤𑁂𑀯𑁄 𑀤𑁂𑀯𑀸𑀲𑀦𑁂 𑀦𑀸𑀪𑀺𑀭𑀫𑀢𑀻𑀢𑀺 𑀇𑀫𑁂𑀲𑀼 𑀧𑀜𑁆𑀘𑀲𑀼 𑀧𑀼𑀩𑁆𑀩𑀦𑀺𑀫𑀺𑀢𑁆𑀢𑁂𑀲𑀼 𑀉𑀧𑁆𑀧𑀦𑁆𑀦𑁂𑀲𑀼 𑀢𑀸𑀦𑀺 𑀤𑀺𑀲𑁆𑀯𑀸𑀲𑀼𑀜𑁆𑀜𑀸𑀯𑀢 𑀦𑁄 𑀲𑀕𑁆𑀕𑀸 𑀪𑀯𑀺𑀲𑁆𑀲𑀦𑁆𑀢𑀺𑀢𑀺 𑀲𑀁𑀯𑁂𑀕𑀚𑀸𑀢𑀸𑀳𑀺 𑀤𑁂𑀯𑀢𑀸𑀳𑀺 𑀫𑀳𑀸𑀲𑀢𑁆𑀢𑀲𑁆𑀲 𑀧𑀸𑀭𑀫𑀺𑀦𑀁 𑀧𑀽𑀭𑀺𑀢𑀪𑀸𑀯𑀁 𑀜𑀢𑁆𑀯𑀸 𑀇𑀫𑀲𑁆𑀫𑀺𑀁 𑀇𑀤𑀸𑀦𑀺 𑀅𑀜𑁆𑀜𑀁 𑀤𑁂𑀯𑀮𑁄𑀓𑀁 𑀅𑀦𑀼𑀧𑀕𑀦𑁆𑀢𑁆𑀯𑀸 𑀫𑀦𑀼𑀲𑁆𑀲𑀮𑁄𑀓𑁂 𑀉𑀧𑁆𑀧𑀚𑁆𑀚𑀺𑀢𑁆𑀯𑀸 𑀩𑀼𑀤𑁆𑀥𑀪𑀸𑀯𑀁 𑀧𑀢𑁆𑀢𑁂 𑀧𑀼𑀜𑁆𑀜𑀸𑀦𑀺 𑀓𑀢𑁆𑀯𑀸 𑀘𑀼𑀢 𑀘𑀼𑀢𑀸 𑀤𑁂𑀯𑀮𑁄𑀓𑀁 𑀧𑀽𑀭𑁂𑀲𑁆𑀲𑀦𑁆𑀢𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸.

‘‘𑀬𑀢𑁄𑀳𑀁 𑀢𑀼𑀲𑀺𑀢𑁂 𑀓𑀸𑀬𑁂-𑀲𑀦𑁆𑀢𑀼𑀲𑀺𑀢𑁄 𑀦𑀸𑀫𑀳𑀁 𑀢𑀤𑀸,

𑀤𑀲𑀲𑀳𑀲𑁆𑀲𑀺 𑀲𑀫𑀸𑀕𑀦𑁆𑀢𑁆𑀯𑀸-𑀬𑀸𑀘𑀦𑁆𑀢𑀺 𑀧𑀜𑁆𑀚𑀮𑀻 𑀫𑀫𑀁;

𑀓𑀸𑀮𑁄𑀬𑀁𑀢𑁂 𑀫𑀳𑀸𑀯𑀻𑀭-𑀉𑀧𑁆𑀧𑀚𑁆𑀚 𑀫𑀸𑀢𑀼𑀓𑀼𑀘𑁆𑀙𑀺𑀬𑀁,

𑀲𑀤𑁂𑀯𑀓𑀁 𑀢𑀸𑀭𑀬𑀦𑁆𑀢𑁄-𑀩𑀼𑀚𑁆𑀛𑀲𑁆𑀲𑀼 𑀅𑀫𑀢𑀁 𑀧𑀤𑀦𑁆𑀢𑀺’’;

𑀏𑀯𑀁 𑀩𑀼𑀤𑁆𑀥𑀪𑀸𑀯𑀢𑁆𑀣𑀸𑀬 𑀆𑀬𑀸𑀘𑀺𑀢𑁄 𑀓𑀸𑀮𑀁-𑀤𑀻𑀧𑀁-𑀤𑁂𑀲𑀁 𑀓𑀼𑀮𑀁-𑀚𑀦𑁂𑀢𑁆𑀢𑀺𑀬𑀸 𑀆𑀬𑀼𑀧𑁆𑀧𑀫𑀸𑀡𑀦𑁆𑀢𑀺 𑀇𑀫𑀸𑀦𑀺 𑀧𑀜𑁆𑀘 𑀫𑀳𑀸𑀯𑀺𑀮𑁄𑀓𑀦𑀸𑀦𑀺 𑀯𑀺𑀮𑁄𑀓𑁂𑀢𑁆𑀯𑀸 𑀓𑀢𑀲𑀦𑁆𑀦𑀺𑀝𑁆𑀞𑀸𑀦𑁄 𑀢𑀢𑁄 𑀘𑀼𑀢𑁄 𑀲𑀓𑁆𑀬𑀭𑀸𑀚𑀓𑀼𑀮𑁂 𑀧𑀝𑀺𑀲𑀡𑁆𑀥𑀺𑀁𑀕𑀳𑁂𑀢𑁆𑀯𑀸 𑀢𑀢𑁆𑀣 𑀫𑀳𑀸𑀲𑀫𑁆𑀧𑀢𑁆𑀢𑀺𑀬𑀸 𑀧𑀭𑀺𑀳𑀭𑀺𑀬𑀫𑀸𑀦𑁄 𑀅𑀦𑀼𑀓𑁆𑀓𑀫𑁂𑀦 𑀪𑀤𑁆𑀤𑀁 𑀬𑁄𑀩𑁆𑀩𑀦𑀁 𑀅𑀦𑀼𑀧𑀸𑀧𑀼𑀡𑀺𑀢𑁆𑀯𑀸 𑀢𑀺𑀡𑁆𑀡𑀁 𑀉𑀢𑀽𑀦𑀁 𑀅𑀦𑀼𑀘𑁆𑀙𑀯𑀺𑀓𑁂𑀲𑀼 𑀢𑀻𑀲𑀼 𑀧𑀸𑀲𑀸𑀤𑁂𑀲𑀼 𑀤𑁂𑀯𑀮𑁄𑀓𑀲𑀺𑀭𑀺𑀁 𑀯𑀺𑀬 𑀭𑀚𑁆𑀚𑀲𑀺𑀭𑀺𑀁 𑀅𑀦𑀼𑀪𑀯𑀫𑀸𑀦𑁄 𑀉𑀬𑁆𑀬𑀸𑀦𑀓𑀻𑀴𑀸𑀬 𑀕𑀫𑀦𑀲𑀫𑀬𑁂 𑀅𑀦𑀼𑀓𑁆𑀓𑀫𑁂𑀦 𑀚𑀺𑀡𑁆𑀡 - 𑀯𑁆𑀬𑀸𑀥𑀺 - 𑀫𑀢𑀲𑀗𑁆𑀔𑀸𑀢𑁂 𑀢𑀬𑁄 𑀤𑁂𑀯𑀤𑀽𑀢𑁂 𑀤𑀺𑀲𑁆𑀯𑀸 𑀲𑀁𑀚𑀸𑀢 𑀲𑀁𑀯𑁂𑀕𑀸 𑀦𑀺𑀯𑀢𑁆𑀢𑀺𑀢𑁆𑀯𑀸 𑀘𑀢𑀼𑀢𑁆𑀣𑁂 𑀯𑀸𑀭𑁂 𑀧𑀩𑁆𑀩𑀚𑀺𑀢𑀁 𑀤𑀺𑀲𑁆𑀯𑀸 𑀲𑀸𑀥𑀼 𑀧𑀩𑁆𑀩𑀚𑁆𑀚𑀸𑀢𑀺 𑀧𑀩𑁆𑀩𑀚𑁆𑀚𑀸𑀬 𑀭𑀼𑀘𑀺𑀁 𑀉𑀧𑁆𑀧𑀸𑀤𑁂𑀢𑁆𑀯𑀸 𑀉𑀬𑁆𑀬𑀸𑀦𑀁 𑀕𑀦𑁆𑀢𑁆𑀯𑀸 𑀢𑀢𑁆𑀣 𑀤𑀺𑀯𑀲𑀁 𑀔𑁂𑀧𑁂𑀢𑁆𑀯𑀸 𑀫𑀗𑁆𑀕𑀮 𑀧𑁄𑀓𑁆𑀔𑀭𑀡𑀺𑀢𑀻𑀭𑁂 𑀦𑀺𑀲𑀺𑀦𑁆𑀦𑁄 𑀓𑀧𑁆𑀧𑀓 𑀯𑁂𑀲𑀁 𑀕𑀳𑁂𑀢𑁆𑀯𑀸 𑀆𑀕𑀢𑁂𑀦 𑀯𑀺𑀲𑁆𑀲𑀓𑀫𑁆𑀫 𑀤𑁂𑀯𑀧𑀼𑀢𑁆𑀢𑁂𑀦 𑀅𑀮𑀗𑁆𑀓𑀢 𑀧𑀝𑀺𑀬𑀢𑁆𑀢𑁄 𑀭𑀸𑀳𑀼𑀮𑀓𑀼𑀫𑀸𑀭𑀲𑁆𑀲 𑀧𑀸𑀢𑀲𑀸𑀲𑀦𑀁 𑀲𑀼𑀢𑁆𑀯𑀸 𑀧𑀼𑀢𑁆𑀢𑀲𑀺𑀦𑁂𑀳𑀲𑁆𑀲 𑀩𑀮𑀯𑀪𑀸𑀯𑀁 𑀜𑀢𑁆𑀯𑀸 𑀬𑀸𑀯 𑀇𑀫𑀁 𑀩𑀡𑁆𑀥𑀦𑀁 𑀦 𑀯𑀟𑁆𑀠𑀢𑀺 𑀢𑀸𑀯𑀤𑁂𑀯𑀦𑀁 𑀙𑀺𑀡𑁆𑀤𑀺𑀲𑁆𑀲𑀸𑀫𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀲𑀸𑀬𑀁 𑀦𑀕𑀭𑀁 𑀧𑀯𑀺𑀲𑀦𑁆𑀢𑁄-

‘‘𑀦𑀺𑀩𑁆𑀩𑀼𑀢𑀸 𑀦𑀽𑀦 𑀲𑀸 𑀫𑀸𑀢𑀸 - 𑀦𑀺𑀩𑁆𑀩𑀼𑀢𑁄 𑀦𑀽𑀦 𑀲𑁄 𑀧𑀺𑀢𑀸,

𑀦𑀺𑀩𑁆𑀩𑀼𑀢𑀸 𑀦𑀽𑀦 𑀲𑀸 𑀦𑀸𑀭𑀻 - 𑀬𑀲𑁆𑀲𑀸𑀬𑀁 𑀈𑀤𑀺𑀲𑁄 𑀧𑀢𑀺’’𑀢𑀺;

𑀓𑀺𑀲𑀸𑀕𑁄𑀢𑀫𑀺𑀬𑀸 𑀦𑀸𑀫 𑀧𑀺𑀢𑀼𑀘𑁆𑀙𑀸 𑀥𑀻𑀢𑀸𑀬 𑀪𑀸𑀲𑀺𑀢𑀁 𑀇𑀫𑀁 𑀕𑀸𑀣𑀸 𑀲𑀼𑀢𑁆𑀯𑀸 𑀇𑀳𑀁 𑀇𑀫𑀸𑀬 𑀦𑀺𑀩𑁆𑀩𑀼𑀢𑀧𑀤𑀁 𑀲𑀸𑀯𑀺𑀢𑁄𑀢𑀺 𑀕𑀻𑀯𑀢𑁄 𑀲𑀢𑀲𑀳𑀲𑁆𑀲𑀕𑁆𑀖𑀦𑀓𑀁 𑀫𑀼𑀢𑁆𑀢𑀸𑀳𑀸𑀭𑀁 𑀑𑀫𑀼𑀜𑁆𑀘𑀺𑀢𑁆𑀯𑀸 𑀢𑀲𑁆𑀲𑀸 𑀧𑁂𑀲𑁂𑀢𑁆𑀯𑀸 𑀅𑀢𑁆𑀢𑀦𑁄 𑀪𑀯𑀦𑀁 𑀧𑀯𑀺𑀲𑀺𑀢𑁆𑀯𑀸 𑀲𑀺𑀭𑀻𑀲𑀬𑀦𑁂 𑀦𑀺𑀧𑀦𑁆𑀦𑁄 𑀦𑀺𑀤𑁆𑀤𑀸𑀯𑀲 𑀕𑀢𑀸𑀦𑀁 𑀦𑀸𑀝𑀓𑀸𑀦𑀁 𑀯𑀺𑀧𑁆𑀧𑀓𑀸𑀭𑀁 𑀤𑀺𑀲𑁆𑀯𑀸 𑀦𑀺𑀩𑁆𑀩𑀺𑀦𑁆𑀦𑀳𑀤𑀬𑁄 𑀙𑀦𑁆𑀦𑀁 𑀉𑀝𑁆𑀞𑀸𑀧𑁂𑀢𑁆𑀯𑀸 𑀓𑀡𑁆𑀣𑀓𑀁 𑀆𑀳𑀸𑀭𑀸𑀧𑁂𑀢𑁆𑀯𑀸 𑀢𑀁 𑀆𑀭𑀼𑀬𑁆𑀳 𑀙𑀦𑁆𑀦𑀲𑀳𑀸𑀬𑁄 𑀤𑀲𑀲𑀳𑀲𑁆𑀲 𑀘𑀓𑁆𑀓𑀯𑀸𑀴 𑀤𑁂𑀯𑀢𑀸𑀳𑀺 𑀓𑀢 𑀧𑀭𑀺𑀯𑀸𑀭𑁄 𑀫𑀳𑀸𑀪𑀺𑀦𑀺𑀓𑁆𑀔𑀫𑀦𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀢𑁂𑀦𑁂𑀯 𑀭𑀢𑁆𑀢𑀸𑀯𑀲𑁂𑀲𑁂𑀦 𑀢𑀻𑀡𑀺 𑀭𑀚𑁆𑀚𑀸𑀦𑀺 𑀅𑀢𑀺𑀓𑁆𑀓𑀫𑁆𑀫 𑀅𑀦𑁄𑀫𑀸𑀬 𑀦𑀤𑀺𑀬𑀸 𑀧𑀭𑀢𑀻𑀭𑀁 𑀧𑀢𑁆𑀯𑀸 𑀅𑀲𑁆𑀲𑀸𑀧𑀺𑀝𑁆𑀞𑀺𑀢𑁄 𑀑𑀭𑀼𑀬𑁆𑀳 ¶ 𑀫𑀼𑀢𑁆𑀢𑀭𑀸𑀲𑀺 𑀲𑀤𑀺𑀲𑁂 𑀘𑀸𑀮𑀺𑀓𑀸𑀧𑀼𑀮𑀺𑀡𑁂 𑀞𑀢𑁆𑀯𑀸 𑀙𑀦𑁆𑀦𑀢𑁆𑀯𑀁 𑀫𑀬𑁆𑀳𑀁 𑀆𑀪𑀭𑀡𑀸𑀦𑀺 𑀘𑁂𑀯 𑀓𑀡𑁆𑀣𑀓𑀜𑁆𑀘 𑀆𑀤𑀸𑀬 𑀕𑀘𑁆𑀙𑀸𑀳𑀺 𑀆𑀪𑀭𑀡𑀸𑀦𑀺 𑀘 𑀓𑀡𑁆𑀣𑀓𑀜𑁆𑀘 𑀧𑀝𑀺𑀘𑁆𑀙𑀸𑀧𑁂𑀢𑁆𑀯𑀸 𑀤𑀓𑁆𑀔𑀺𑀡 𑀳𑀢𑁆𑀣𑁂𑀦 𑀫𑀗𑁆𑀕𑀮𑀔𑀕𑁆𑀕𑀫𑀸𑀤𑀸𑀬 𑀯𑀸𑀫𑀳𑀢𑁆𑀣𑁂𑀦 𑀫𑁄𑀮𑀺𑀬𑀸 𑀲𑀤𑁆𑀥𑀺𑀁 𑀘𑀽𑀴𑀁 𑀙𑀺𑀡𑁆𑀤𑀺𑀢𑁆𑀯𑀸 𑀲𑀘𑁂 𑀅𑀳𑀁 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀸𑀫𑀺 𑀆𑀓𑀸𑀲𑁂 𑀢𑀺𑀝𑁆𑀞𑀢𑀼 𑀦𑁄 𑀘𑁂 𑀪𑀽𑀫𑀺𑀬𑀁 𑀧𑀢𑀢𑀽𑀢𑀺 𑀆𑀓𑀸𑀲𑁂 𑀔𑀺𑀧𑀺 𑀘𑀼𑀴𑀸𑀫𑀡𑀻 𑀩𑀡𑁆𑀥𑀦𑀁 𑀬𑁄𑀚𑀦𑀧𑁆𑀧𑀫𑀸𑀡𑀁 𑀞𑀸𑀦𑀁𑀕𑀦𑁆𑀢𑁆𑀯𑀸 𑀆𑀓𑀸𑀲𑁂 𑀅𑀝𑁆𑀞𑀸𑀲𑀺 𑀅𑀣 𑀲𑀓𑁆𑀓𑁄 𑀤𑁂𑀯𑀭𑀸𑀚𑀸 𑀬𑁄𑀚𑀦𑀺𑀓𑁂𑀦 𑀭𑀢𑀦𑀘𑀗𑁆𑀕𑁄𑀝𑀓𑁂𑀦 𑀧𑀝𑀺𑀕𑁆𑀕𑀳𑁂𑀲𑀺.

𑀬𑀣𑀸𑀳

𑀙𑁂𑀢𑁆𑀯𑀸𑀦 𑀫𑁄𑀮𑀺𑀁 𑀯𑀭𑀕𑀦𑁆𑀥𑀯𑀸𑀲𑀺𑀢𑀁

𑀯𑁂𑀳𑀸𑀲𑀬𑀁 𑀉𑀓𑁆𑀔𑀺𑀧𑀺 𑀲𑀓𑁆𑀬𑀧𑀼𑀗𑁆𑀕𑀬𑀯𑁄,

𑀲𑀳𑀲𑁆𑀲𑀦𑁂𑀢𑁆𑀢𑁄 𑀲𑀺𑀭𑀲𑀸 𑀧𑀝𑀺𑀕𑁆𑀕𑀳𑀺

𑀲𑀼𑀯𑀡𑁆𑀡 𑀯𑀗𑁆𑀕𑁄𑀝𑀯𑀭𑁂𑀦 𑀯𑀸𑀲𑀯𑁄’𑀢𑀺;

𑀧𑀝𑀺𑀕𑁆𑀕𑀳𑁂𑀢𑁆𑀯𑀸 𑀘 𑀧𑀦 𑀤𑁂𑀯𑀮𑁄𑀓𑀁 𑀦𑁂𑀢𑁆𑀯𑀸 𑀲𑀼𑀦𑁂𑀭𑀼 𑀫𑀼𑀤𑁆𑀥𑀦𑀺 𑀢𑀺𑀬𑁄𑀚𑀦𑀧𑁆𑀧𑀫𑀸𑀡𑀁 𑀇𑀡𑁆𑀤𑀦𑀻𑀮𑀫𑀡𑀺𑀫𑀬𑀁 𑀘𑀼𑀴𑀸𑀫𑀡𑀺 𑀘𑁂𑀢𑀺𑀬𑀁 𑀦𑀸𑀫 𑀅𑀓𑀸𑀲𑀺 𑀅𑀣 𑀓𑀲𑁆𑀲𑀧 𑀩𑀼𑀤𑁆𑀥𑀓𑀸𑀮𑁂 𑀧𑁄𑀭𑀸𑀡 𑀲𑀳𑀸𑀬𑀓𑁄 𑀖𑀝𑀺𑀓𑀸𑀭 𑀫𑀳𑀸𑀩𑁆𑀭𑀳𑁆𑀫𑀸 𑀏𑀓𑀁 𑀩𑀼𑀤𑁆𑀥𑀦𑁆𑀢𑀭𑀁 𑀯𑀺𑀦𑀸𑀯𑀸𑀲𑀪𑀸𑀯𑀧𑁆𑀧𑀢𑁆𑀢𑁂𑀦 𑀫𑀢𑁆𑀢𑀪𑀸𑀯𑁄 𑀘𑀺𑀢𑁆𑀢𑁂𑀲𑀺. 𑀅𑀚𑁆𑀚 𑀫𑁂 𑀲𑀳𑀸𑀬𑀓𑁄 𑀫𑀳𑀸𑀪𑀺𑀦𑀺𑀓𑁆𑀔𑀫𑀦𑀁 𑀦𑀺𑀓𑁆𑀔𑀦𑁆𑀢𑁄 𑀲𑀫𑀡 𑀧𑀭𑀺𑀓𑁆𑀔𑀸𑀭𑀫𑀲𑁆𑀲 𑀕𑀳𑁂𑀢𑁆𑀯𑀸 𑀕𑀘𑁆𑀙𑀸𑀫𑀻𑀢𑀺-

‘‘𑀢𑀺𑀘𑀻𑀯𑀭𑀜𑁆𑀘 𑀧𑀢𑁆𑀢𑁄 𑀘 𑀯𑀸𑀲𑀺 𑀲𑀽𑀘𑀺 𑀘 𑀩𑀡𑁆𑀥𑀦𑀁,

𑀧𑀭𑀺𑀲𑁆𑀲𑀸𑀯𑀦 𑀅𑀝𑁆𑀞𑁂𑀢𑁂𑀦-𑀬𑀼𑀢𑁆𑀢𑀬𑁄𑀕𑀲𑁆𑀲 𑀪𑀺𑀓𑁆𑀔𑀼𑀦𑁄’’𑀢𑀺;

𑀇𑀫𑁂 𑀲𑀫𑀡𑀧𑀭𑀺𑀓𑁆𑀔𑀸𑀭𑁂 𑀆𑀳𑀭𑀺𑀢𑁆𑀯𑀸 𑀅𑀤𑀸𑀲𑀺 𑀫𑀳𑀸𑀧𑀼𑀭𑀺𑀲𑁄 𑀅𑀭𑀳𑀤𑁆𑀥𑀚𑀁 𑀦𑀺𑀯𑀸𑀲𑁂𑀢𑁆𑀯𑀸 𑀉𑀢𑁆𑀢𑀫𑀁 𑀧𑀩𑁆𑀩𑀚𑁆𑀚𑀸𑀯𑁂𑀲𑀁 𑀕𑀡𑁆𑀳𑀺𑀢𑁆𑀯𑀸 𑀲𑀸𑀝𑀓𑀬𑀼𑀕𑀮𑀁 𑀆𑀓𑀸𑀲𑁂 𑀔𑀺𑀧𑀺 𑀢𑀁 𑀩𑁆𑀭𑀳𑁆𑀫𑀸 𑀧𑀝𑀺𑀕𑁆𑀕𑀳𑁂𑀢𑁆𑀯𑀸 𑀩𑁆𑀭𑀳𑁆𑀫𑀮𑁄𑀓𑁂 𑀤𑁆𑀯𑀸𑀤𑀲𑀬𑁄𑀚𑀦𑀺𑀓𑀁 𑀲𑀩𑁆𑀩𑀭𑀢𑀦𑀫𑀬𑀁 𑀤𑀼𑀲𑁆𑀲𑀘𑁂𑀢𑀺𑀬𑀫𑀓𑀸𑀲𑀺.

‘‘𑀓𑀺𑀮𑁂𑀲 𑀅𑀧𑁆𑀧𑀳𑀻𑀡𑁂𑀧𑀺=𑀫𑀳𑀸𑀲𑀢𑁆𑀢𑀲𑁆𑀲 𑀢𑀁 𑀔𑀡𑁂,

𑀬𑀲𑁆𑀲𑀸𑀦𑀼𑀪𑀸𑀯𑀢𑁄 𑀏𑀯𑀁 𑀤𑀼𑀲𑁆𑀲𑀘𑀽𑀴𑀸 𑀳𑀺 𑀧𑀽𑀚𑀺𑀢𑀸

𑀢𑀲𑁆𑀫𑀸 𑀢𑀫𑁆𑀫 𑀫𑀳𑀸𑀩𑁄𑀥𑀺-𑀲𑀢𑁆𑀢𑀸𑀦𑀁 𑀧𑀝𑀺𑀧𑀢𑁆𑀢𑀺𑀬𑀁,

𑀦 𑀓𑀭𑁂𑀬𑁆𑀬 𑀫𑀳𑀼𑀲𑁆𑀲𑀸𑀳𑀁𑀯-𑀓𑁄 𑀳𑀺 𑀦𑀸𑀫 𑀩𑀼𑀥𑁄 𑀚𑀦𑁄’’𑀢𑀺;

𑀘𑀽𑀴𑀸𑀫𑀡𑀺𑀤𑀼𑀲𑁆𑀲 𑀣𑀼𑀧𑀤𑁆𑀯𑀬𑀓𑀣𑀸

𑁯. 𑀩𑁄𑀥𑀺𑀲𑀢𑁆𑀢𑁄 𑀧𑀩𑁆𑀩𑀚𑀺𑀢𑁆𑀯𑀸 𑀅𑀦𑀼𑀓𑁆𑀓𑀫𑁂𑀦 𑀭𑀸𑀚𑀕𑀳𑀁 𑀕𑀦𑁆𑀢𑁆𑀯𑀸 𑀢𑀢𑁆𑀣 𑀧𑀺𑀡𑁆𑀟𑀸𑀬 𑀘𑀭𑀺𑀢𑁆𑀯𑀸 𑀧𑀡𑁆𑀟𑀯 𑀧𑀩𑁆𑀩𑀢𑀧𑀩𑁆𑀪𑀸𑀭𑁂 𑀦𑀺𑀲𑀺𑀦𑁆𑀦𑁄 𑀫𑀕𑀥𑀭𑀸𑀚𑁂𑀦 𑀭𑀚𑁆𑀚𑁂𑀦 𑀦𑀺𑀫𑀦𑁆𑀢𑀺𑀬𑀫𑀸𑀦𑁄 𑀢𑀁 𑀧𑀝𑀺𑀓𑁆𑀔𑀺𑀧𑀺𑀢𑁆𑀯𑀸 𑀲𑀩𑁆𑀩𑀜𑁆𑀜𑀼𑀢𑀁 𑀧𑀢𑁆𑀯𑀸 𑀢𑀺𑀲𑁆𑀲𑀯𑀺𑀚𑀺𑀢𑀁 𑀆𑀕𑀫𑀦𑀢𑁆𑀣𑀸𑀬𑀢𑁂𑀦𑀕𑀳𑀺𑀢 𑀧𑀝𑀺𑀜𑁆𑀜𑁄 𑀆𑀴𑀸𑀭𑀁-𑀉𑀤𑁆𑀤𑀓𑀜𑁆𑀘 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 ¶ 𑀢𑁂𑀲𑀁 𑀲𑀦𑁆𑀢𑀺𑀓𑁂 𑀅𑀥𑀺𑀕𑀢𑀯𑀺𑀲𑁂𑀲𑁂𑀦 𑀅𑀧𑀭𑀺𑀢𑀼𑀝𑁆𑀞𑁄 𑀙𑀩𑁆𑀩𑀲𑁆𑀲𑀸𑀦𑀺 𑀫𑀳𑀸𑀧𑀥𑀸𑀦𑀁 𑀧𑀤𑀳𑀺𑀢𑁆𑀯𑀸 𑀯𑀺𑀲𑀸𑀔 𑀧𑀼𑀡𑁆𑀡𑀫 𑀤𑀺𑀯𑀲𑁂 𑀲𑁂𑀦𑀸𑀦𑀺𑀦𑀺𑀕𑀫𑁂 𑀲𑀼𑀚𑀸𑀢𑀸𑀬 𑀤𑀺𑀦𑁆𑀦𑀧𑀸𑀬𑀸𑀲𑀁 𑀧𑀭𑀺𑀪𑀼𑀜𑁆𑀚𑀺𑀢𑁆𑀯𑀸 𑀦𑁂𑀭𑀜𑁆𑀚𑀭𑀸𑀬 𑀦𑀤𑀺𑀬𑀸 𑀲𑀼𑀯𑀡𑁆𑀡𑀧𑀸𑀢𑀺𑀁 𑀧𑀯𑀸𑀳𑁂𑀢𑁆𑀯𑀸 𑀦𑁂𑀭𑀜𑁆𑀚𑀭𑀸𑀬 𑀢𑀻𑀭𑁂 𑀫𑀳𑀸𑀯𑀦𑀲𑀡𑁆𑀟𑁂 𑀦𑀸𑀦𑀸𑀲𑀫𑀸𑀧𑀢𑁆𑀢𑀻𑀳𑀺 𑀤𑀺𑀯𑀸𑀪𑀸𑀕𑀁 𑀯𑀺𑀢𑀺𑀦𑀸𑀫𑁂𑀢𑁆𑀯𑀸 𑀲𑀸𑀬𑀡𑁆𑀳 𑀲𑀫𑀬𑁂 𑀲𑁄𑀢𑁆𑀣𑀺𑀬𑁂𑀦 𑀤𑀺𑀦𑁆𑀦𑀁 𑀢𑀺𑀡𑀫𑀼𑀝𑁆𑀞𑀺𑀁 𑀕𑀳𑁂𑀢𑁆𑀯𑀸 𑀓𑀸𑀴𑁂𑀦 𑀦𑀸𑀕𑀭𑀸𑀚𑁂𑀦 𑀅𑀪𑀺𑀢𑁆𑀣𑀼𑀢𑀕𑀼𑀡𑁄 𑀩𑁄𑀥𑀺𑀫𑀡𑁆𑀟𑀁 𑀆𑀭𑀼𑀬𑁆𑀳 𑀢𑀺𑀡𑀸𑀦𑀺. 𑀲𑀢𑁆𑀣𑀭𑀺𑀢𑁆𑀯𑀸 𑀦 𑀢𑀸𑀯𑀻𑀫𑀁 𑀧𑀮𑁆𑀮𑀗𑁆𑀓𑀁 𑀪𑀺𑀡𑁆𑀤𑀺𑀲𑁆𑀲𑀸𑀫𑀺 𑀬𑀸𑀯 𑀫𑁂 𑀅𑀦𑀼𑀧𑀸𑀤𑀸𑀬 𑀆𑀲𑀯𑁂𑀳𑀺 𑀘𑀺𑀢𑁆𑀢𑀁 𑀯𑀺𑀫𑀼𑀘𑁆𑀘𑀺𑀲𑁆𑀲𑀢𑀻’’𑀢𑀺 𑀧𑀝𑀺𑀜𑁆𑀜𑀁 𑀓𑀢𑁆𑀯𑀸 𑀧𑀸𑀘𑀻𑀦 𑀤𑀸𑀲𑀸𑀪𑀺𑀫𑀼𑀔𑁄 𑀦𑀺𑀲𑀻𑀤𑀺𑀢𑁆𑀯𑀸-𑀲𑀽𑀭𑀺𑀬𑁂 𑀅𑀦𑀢𑁆𑀣𑀫𑀺𑀢𑁂𑀬𑁂𑀯 𑀫𑀸𑀭𑀩𑀮𑀁 𑀯𑀺𑀥𑀫𑁂𑀢𑁆𑀯𑀸 𑀧𑀞𑀫𑀬𑀸𑀫𑁂 𑀧𑀼𑀩𑁆𑀩𑁂 𑀦𑀺𑀯𑀸𑀲𑀜𑀸𑀡𑀁 𑀫𑀚𑁆𑀛𑀺𑀫𑀬𑀸𑀫𑁂 𑀘𑀼𑀢𑀽𑀧𑀧𑀸𑀢𑀜𑀸𑀡𑀁 𑀧𑀢𑁆𑀯𑀸 𑀧𑀘𑁆𑀙𑀺𑀫𑀬𑀸𑀫𑀸𑀯𑀲𑀸𑀦𑁂 𑀤𑀲𑀩𑀮 𑀘𑀢𑀼𑀯𑁂𑀲𑀸𑀭𑀚𑁆𑀚𑀸𑀤𑀺 𑀲𑀩𑁆𑀩𑀕𑀼𑀡𑀧𑀢𑀺𑀫𑀡𑁆𑀟𑀺𑀢𑀁𑀲𑀩𑁆𑀩𑀜𑁆𑀜𑀼𑀢𑀜𑀸𑀡𑀁 𑀧𑀝𑀺𑀯𑀺𑀚𑁆𑀛𑀺𑀢𑁆𑀯𑀸 𑀲𑀢𑁆𑀢 𑀲𑀢𑁆𑀢𑀸𑀳𑀁 𑀩𑁄𑀥𑀺𑀲𑀫𑀻𑀧𑁂𑀬𑁂𑀯 𑀯𑀻𑀢𑀺𑀦𑀸𑀫𑁂𑀢𑁆𑀯𑀸 𑀅𑀝𑁆𑀞𑀫𑁂 𑀲𑀢𑁆𑀢𑀸𑀳𑁂 𑀅𑀚𑀧𑀸𑀮 𑀦𑀺𑀕𑁆𑀭𑁄𑀥𑀫𑀽𑀮𑁂 𑀦𑀺𑀲𑀺𑀦𑁆𑀦𑁄 𑀥𑀫𑁆𑀫𑀕𑀫𑁆𑀪𑀻𑀭𑀢𑀸 𑀧𑀘𑁆𑀘𑀯𑁂𑀓𑁆𑀔𑀦𑁂𑀦 𑀅𑀧𑁆𑀧𑁄𑀲𑁆𑀲𑀼𑀓𑁆𑀓𑀢𑀁 𑀆𑀧𑀚𑁆𑀚𑀫𑀸𑀦𑁄 𑀤𑀲𑀤𑀳𑀲𑁆𑀲𑀻 𑀫𑀳𑀸𑀩𑁆𑀭𑀳𑁆𑀫 𑀧𑀭𑀺𑀯𑀸𑀭𑁂𑀦 𑀲𑀳𑀫𑁆𑀧𑀢𑀺 𑀫𑀳𑀸𑀩𑁆𑀭𑀳𑁆𑀫𑀼𑀦𑀸 𑀆𑀬𑀸𑀘𑀺𑀢 𑀥𑀫𑁆𑀫𑀤𑁂𑀲𑀦𑁄 𑀩𑀼𑀤𑁆𑀥𑀘𑀓𑁆𑀔𑀼𑀦𑀸 𑀮𑁄𑀓𑀁 𑀑𑀮𑁄𑀓𑁂𑀦𑁆𑀢𑁄 𑀩𑁆𑀭𑀳𑁆𑀫𑀼𑀦𑁄 𑀅𑀚𑁆𑀛𑁂𑀲𑀦𑀁 𑀆𑀤𑀸𑀬 𑀓𑀲𑁆𑀲 𑀦𑀼 𑀔𑁄 𑀧𑀞𑀫𑀁 𑀥𑀫𑁆𑀫𑀁 𑀤𑁂𑀲𑁂𑀬𑁆𑀬𑀦𑁆𑀢𑀺 𑀑𑀮𑁄𑀓𑁂𑀦𑁆𑀢𑁄 𑀆𑀴𑀸𑀭𑀼𑀤𑁆𑀤𑀓𑀸𑀦𑀁 𑀓𑀸𑀮𑀓𑀢𑀪𑀸𑀯𑀁 𑀜𑀢𑁆𑀯𑀸 𑀧𑀜𑁆𑀘𑀯𑀕𑁆𑀕𑀻𑀬𑀸𑀦𑀁 𑀪𑀺𑀓𑁆𑀔𑀼𑀦𑀁 𑀩𑀳𑀽𑀧𑀓𑀸𑀭𑀢𑀁 𑀅𑀦𑀼𑀲𑁆𑀲𑀭𑀺𑀢𑁆𑀯𑀸 𑀉𑀝𑁆𑀞𑀸𑀬𑀸𑀲𑀦𑀸 𑀓𑀸𑀲𑀺𑀧𑀼𑀭𑀁 𑀕𑀘𑁆𑀙𑀦𑁆𑀢𑁄 𑀅𑀦𑁆𑀢𑀭𑀸𑀫𑀕𑁆𑀕𑁂 𑀉𑀧𑀓𑁂𑀦 𑀲𑀤𑁆𑀥𑀺𑀁 𑀫𑀦𑁆𑀢𑁂𑀢𑁆𑀯𑀸 𑀆𑀲𑀸𑀴𑀳𑀺𑀧𑀼𑀡𑁆𑀡𑀫 𑀤𑀺𑀯𑀲𑁂 𑀇𑀲𑀺𑀧𑀢𑀦𑁂 𑀫𑀺𑀕𑀤𑀸𑀬𑁂 𑀧𑀜𑁆𑀘 𑀯𑀕𑁆𑀕𑀺𑀬𑀸𑀦𑀁 𑀪𑀺𑀓𑁆𑀔𑀼𑀦𑀁 𑀯𑀲𑀦𑀝𑁆𑀞𑀸𑀦𑀁 𑀧𑀢𑁆𑀯𑀸 𑀢𑁂 𑀅𑀦𑀦𑀼𑀘𑁆𑀙𑀯𑀺𑀓𑁂𑀦 𑀆𑀯𑀼𑀲𑁄 𑀯𑀸𑀤𑁂𑀦 𑀲𑀫𑀼𑀤𑀸𑀘𑀭𑀦𑁆𑀢𑁂 𑀅𑀜𑁆𑀜𑀸𑀧𑁂𑀢𑁆𑀯𑀸 𑀥𑀫𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑁂𑀦𑁆𑀢𑁄 𑀅𑀜𑁆𑀜𑀸𑀓𑁄𑀡𑁆𑀟𑀜𑁆𑀜𑀢𑁆𑀣𑁂𑀭𑀧𑀫𑀼𑀔𑁂 𑀅𑀝𑁆𑀞𑀸𑀭𑀲 𑀓𑁄𑀝𑀺𑀬𑁄 𑀅𑀫𑀢𑀧𑀸𑀦𑀁 𑀧𑀸𑀬𑁂𑀲𑀺.

𑀢𑀢𑁄 𑀧𑀝𑁆𑀞𑀸𑀬 𑀘𑀢𑁆𑀢𑀸𑀮𑀻𑀲 𑀲𑀁𑀯𑀘𑁆𑀙𑀭𑀸𑀦𑀺 𑀞𑀢𑁆𑀯𑀸 𑀘𑀢𑀼𑀭𑀸𑀲𑀻𑀢𑀺 𑀥𑀫𑁆𑀫𑀓𑁆𑀔𑀡𑁆𑀥 𑀲𑀳𑀲𑁆𑀲𑀸𑀦𑀺 𑀤𑁂𑀲𑁂𑀢𑁆𑀯𑀸 𑀕𑀡𑀦𑀧𑀣𑀫𑀢𑀻𑀢𑁂 𑀲𑀢𑁆𑀢𑁂 𑀪𑀯𑀓𑀦𑁆𑀢𑀸𑀭𑀢𑁄 𑀲𑀦𑁆𑀢𑀸𑀭𑁂𑀢𑁆𑀯𑀸 𑀲𑀩𑁆𑀩𑀩𑀼𑀤𑁆𑀥𑀓𑀺𑀘𑁆𑀘𑀸𑀦𑀺 𑀦𑀺𑀝𑁆𑀞𑀧𑁂𑀢𑁆𑀯𑀸 𑀓𑀼𑀲𑀺𑀦𑀸𑀭𑀸𑀬𑀁 𑀉𑀧𑀯𑀢𑁆𑀢𑀦𑁂 𑀫𑀮𑁆𑀮𑀸𑀦𑀁 𑀲𑀸𑀮𑀯𑀦𑁂 𑀬𑀫𑀓𑀲𑀸𑀮𑀸𑀦 𑀫𑀦𑁆𑀢𑀭𑁂 𑀉𑀢𑁆𑀢𑀲𑀻𑀲𑀓𑀁 𑀧𑀜𑁆𑀜𑀢𑁆𑀢𑁂 𑀫𑀜𑁆𑀘𑀓𑁂 𑀯𑀺𑀲𑀸𑀔𑀧𑀼𑀡𑁆𑀡𑀫 𑀤𑀺𑀯𑀲𑁂 𑀤𑀓𑁆𑀔𑀺𑀡𑁂𑀦 𑀧𑀲𑁆𑀲𑁂𑀦 𑀲𑀢𑁄 𑀲𑀫𑁆𑀧𑀚𑀸𑀦𑁄 𑀅𑀦𑀼𑀝𑁆𑀞𑀸𑀦𑀲𑁂𑀬𑁆𑀬𑀸𑀬 𑀦𑀺𑀧𑀚𑁆𑀚𑀺. 𑀢𑀤𑀸 𑀓𑀺𑀭 𑀪𑀕𑀯𑀢𑁄 𑀧𑀽𑀚𑀸𑀬 𑀬𑀫𑀓𑀲𑀸𑀮𑀸 𑀲𑀩𑁆𑀩𑀧𑀸𑀮𑀺𑀨𑀼𑀮𑁆𑀮𑀸 𑀫𑀽𑀮𑀢𑁄 𑀧𑀝𑁆𑀞𑀸𑀬 𑀬𑀸𑀯 𑀅𑀕𑁆𑀕𑀸 𑀏𑀓𑀘𑁆𑀙𑀦𑁆𑀦𑀸 𑀅𑀳𑁂𑀲𑀼𑀁. 𑀦 𑀓𑁂𑀯𑀮𑀜𑁆𑀘 𑀬𑀫𑀓𑀲𑀸𑀮𑀸𑀬𑁂𑀯 𑀲𑀩𑁆𑀩𑁂𑀧𑀺 𑀭𑀼𑀓𑁆𑀔𑀲𑀸𑀔𑀸 𑀲𑀩𑁆𑀩𑀧𑀸𑀮𑀺𑀨𑀼𑀮𑁆𑀮𑀸𑀯 𑀅𑀳𑁂𑀲𑀼𑀁.

𑀦 𑀓𑁂𑀯𑀮𑀜𑁆𑀘 𑀢𑀲𑁆𑀫𑀺𑀁𑀬𑁂𑀯 𑀉𑀬𑁆𑀬𑀸𑀦𑁂 𑀲𑀓𑀮𑁂𑀧𑀺 𑀤𑀲𑀲𑀳𑀲𑁆𑀲 𑀘𑀓𑁆𑀓𑀯𑀸𑀴𑁂 𑀨𑀮𑀼𑀧𑀕 𑀭𑀼𑀓𑁆𑀔𑀸 𑀨𑀮𑀁 𑀕𑀡𑁆𑀳𑀺𑀁𑀲𑀼. 𑀲𑀩𑁆𑀩𑀭𑀼𑀓𑁆𑀔𑀸𑀦𑀁 𑀔𑀡𑁆𑀥𑁂𑀲𑀼 𑀔𑀡𑁆𑀥 𑀧𑀤𑀼𑀫𑀸𑀦𑀺, ¶ 𑀯𑀮𑀮𑀻𑀲𑀼 𑀯𑀮𑀮𑀺𑀧𑀤𑀼𑀫𑀸𑀦𑀺. 𑀆𑀓𑀸𑀲𑁂 𑀉𑀮𑁆𑀮𑁄𑀓𑀧𑀤𑀼𑀫𑀸𑀦𑀺, 𑀧𑀣𑀯𑀺𑀢𑀮𑀁 𑀪𑀺𑀡𑁆𑀤𑀺𑀢𑁆𑀯𑀸 𑀤𑀡𑁆𑀟𑀓𑀧𑀤𑀼𑀫𑀸𑀦𑀺 𑀧𑀼𑀧𑁆𑀨𑀺𑀁𑀲𑀼. 𑀲𑀩𑁆𑀩𑁄 𑀫𑀳𑀸 𑀲𑀫𑀼𑀤𑁆𑀤𑁄 𑀧𑀜𑁆𑀘𑀯𑀡𑁆𑀡 𑀧𑀤𑀼𑀫𑀲𑀜𑁆𑀙𑀦𑁆𑀦𑁄 𑀅𑀳𑁄𑀲𑀺 𑀢𑀺𑀬𑁄𑀚𑀦 𑀲𑀳𑀲𑁆𑀲𑀯𑀺𑀢𑁆𑀣𑀢𑁄 𑀧𑀦 𑀳𑀺𑀫𑀯𑀸 𑀖𑀦𑀩𑀤𑁆𑀥𑀫𑁄𑀭𑀧𑀺𑀜𑁆𑀙𑀓𑀮𑀸𑀧𑁄 𑀯𑀺𑀬 𑀦𑀺𑀭𑀦𑁆𑀢𑀭𑀁 𑀫𑀸𑀮𑀸𑀤𑀸𑀫𑀕𑀯𑀓𑁆𑀔𑀺𑀢𑁄 𑀯𑀺𑀬 𑀲𑀼𑀝𑁆𑀞𑀼 𑀧𑀻𑀴𑁂𑀢𑁆𑀯𑀸 𑀆𑀩𑀤𑁆𑀥𑀧𑀼𑀧𑁆𑀨𑀯𑀝𑀁𑀲𑀓𑁄 𑀯𑀺𑀬 𑀲𑀼𑀧𑀽𑀭𑀺𑀢 𑀧𑀼𑀧𑁆𑀨𑀘𑀗𑁆𑀕𑁂𑀝𑀓𑀁 𑀯𑀺𑀬 𑀘 𑀅𑀢𑀺𑀭𑀫𑀡𑀻𑀬𑁄 𑀅𑀳𑁄𑀲𑀺.

𑀬𑀫𑀓𑀲𑀸𑀮𑀸 𑀪𑀼𑀫𑁆𑀫𑀤𑁂𑀯𑀢𑀸𑀦𑀺 𑀲𑀜𑁆𑀘𑀸𑀮𑀺𑀢𑀓𑁆𑀔𑀯𑀺𑀡𑁆𑀥𑀝𑀧𑀸 𑀢𑀣𑀸𑀕𑀢𑀲𑀭𑀻𑀭𑀲𑁆𑀲 𑀉𑀧𑀭𑀺𑀧𑀼𑀧𑁆𑀨𑀸𑀦𑀺 𑀯𑀺𑀓𑀺𑀭𑀦𑁆𑀢𑀺. 𑀤𑀺𑀩𑁆𑀩𑀸𑀦𑀺𑀧𑀺 𑀫𑀡𑁆𑀤𑀸𑀭𑀯 𑀧𑀼𑀧𑁆𑀨𑀸𑀦𑀺 𑀅𑀦𑁆𑀢𑀮𑀺𑀓𑁆𑀔𑀸 𑀧𑀢𑀦𑁆𑀢𑀺. 𑀢𑀸𑀦𑀺 𑀳𑁄𑀦𑁆𑀢𑀺 𑀲𑀼𑀯𑀡𑁆𑀡 𑀯𑀡𑁆𑀡𑀸𑀦𑀺 𑀧𑀡𑁆𑀡𑀘𑁆𑀙𑀢𑁆𑀢𑀧𑁆𑀧𑀫𑀸𑀡𑀸𑀦𑀺 𑀫𑀳𑀸𑀢𑀼𑀫𑁆𑀩𑀫𑀢𑁆𑀢𑀁 𑀭𑁂𑀡𑀼 𑀕𑀡𑁆𑀳𑀦𑁆𑀢𑀺 𑀦 𑀓𑁂𑀯𑀮𑀜𑁆𑀘 𑀫𑀡𑁆𑀤𑀸𑀭𑀯 𑀧𑀼𑀧𑁆𑀨𑀸𑀦𑁂𑀘, 𑀅𑀜𑁆𑀜𑀸𑀦𑀺𑀧𑀺 𑀲𑀩𑁆𑀩𑀸𑀦𑀺 𑀧𑀸𑀭𑀺𑀘𑁆𑀙𑀢𑁆𑀢𑀓 𑀧𑀼𑀧𑁆𑀨𑀸𑀤𑀻𑀦𑀺 𑀲𑀼𑀯𑀡𑁆𑀡𑀯𑀗𑁆𑀕𑁄𑀝𑀓𑀸𑀦𑀺 𑀭𑀚𑀢𑀘𑀗𑁆𑀕𑁄𑀝𑀓𑀸𑀦𑀺 𑀘 𑀧𑀽𑀭𑁂𑀢𑁆𑀯𑀸 𑀧𑀽𑀭𑁂𑀢𑁆𑀯𑀸 𑀢𑀺𑀤𑀲 𑀧𑀼𑀭𑁂𑀧𑀺 𑀩𑁆𑀭𑀳𑁆𑀫𑀮𑁄𑀓𑁂𑀧𑀺 𑀞𑀺𑀢𑀸𑀳𑀺 𑀤𑁂𑀯𑀢𑀸𑀳𑀺 𑀯𑀺𑀯𑀺𑀥𑀸𑀦𑀺 𑀅𑀦𑁆𑀢𑀭𑀸 𑀅𑀯𑀺𑀧𑁆𑀧𑀓𑀺𑀡𑁆𑀡𑀸𑀦𑁂𑀯 𑀳𑀼𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀧𑀢𑁆𑀢𑀓𑀺𑀁𑀚𑀓𑁆𑀔 𑀭𑁂𑀡𑀼 𑀘𑀼𑀡𑁆𑀡𑁂𑀳𑀺 𑀢𑀣𑀸𑀕𑀢𑀲𑁆𑀲 𑀲𑀭𑀻𑀭𑀫𑁂𑀯 𑀑𑀓𑀻𑀭𑀦𑁆𑀢𑀺 𑀦 𑀓𑁂𑀯𑀮𑀜𑁆𑀘 𑀤𑁂𑀯𑀢𑀸𑀦𑀁𑀬𑁂𑀯 𑀦𑀸𑀕 𑀲𑀼𑀧𑀡𑁆𑀡 𑀫𑀦𑀼𑀲𑁆𑀲𑀸𑀦𑀫𑁆𑀧𑀺 𑀉𑀧𑀓𑀧𑁆𑀧𑀦 𑀘𑀡𑁆𑀤𑀦 𑀘𑀼𑀡𑁆𑀡𑀸𑀦𑀺 𑀦 𑀓𑁂𑀯𑀮𑀜𑁆𑀘 𑀘𑀡𑁆𑀤𑀦𑀘𑀼𑀡𑁆𑀡𑀸𑀦𑁂𑀯 𑀓𑀸𑀴𑀸𑀦𑀼𑀲𑀸𑀭𑀻 𑀢𑀕𑀭 𑀮𑁄𑀳𑀺𑀢𑀘𑀡𑁆𑀤𑀦𑀸𑀤𑀺 𑀲𑀩𑁆𑀩𑀕𑀦𑁆𑀥𑀚𑀸𑀢𑀘𑀼𑀡𑁆𑀡𑀸𑀦𑀺, 𑀳𑀭𑀺𑀢𑀸𑀮𑀜𑁆𑀚𑀦 𑀲𑀼𑀯𑀡𑁆𑀡 𑀭𑀚𑀢 𑀘𑀼𑀡𑁆𑀡𑀸𑀦𑀺, 𑀲𑀩𑁆𑀩𑀕𑀦𑁆𑀥𑀯𑀸𑀲 𑀯𑀺𑀓𑀢𑀺𑀬𑁄 𑀲𑀼𑀯𑀡𑁆𑀡 𑀭𑀚𑀢𑀸𑀤𑀺𑀲𑀫𑀼𑀕𑁆𑀕𑁂 𑀧𑀽𑀭𑁂𑀢𑁆𑀯𑀸 𑀘𑀓𑁆𑀓𑀯𑀸𑀴 𑀫𑀼𑀔𑀯𑀝𑁆𑀝𑀺𑀆𑀤𑀺𑀲𑀼 𑀞𑀺𑀢𑀸𑀳𑀺 𑀤𑁂𑀯𑀢𑀸𑀳𑀺 𑀧𑀯𑀺𑀤𑁆𑀥𑀸 𑀅𑀦𑁆𑀢𑀭𑀸 𑀅𑀯𑀺𑀧𑁆𑀧𑀓𑀺𑀭𑀺𑀢𑁆𑀯𑀸 𑀢𑀣𑀸𑀕𑀢𑀲𑁆𑀲𑁂𑀯 𑀲𑀭𑀻𑀭𑀁 𑀑𑀓𑀺𑀭𑀦𑁆𑀢𑀺 𑀤𑀺𑀩𑁆𑀩𑀸𑀦𑀺𑀧𑀺 𑀢𑀼𑀭𑀺𑀬𑀸𑀦𑀺 𑀅𑀦𑁆𑀢𑀮𑀺𑀓𑁆𑀔𑁂 𑀯𑀚𑁆𑀚𑀦𑁆𑀢𑀺. 𑀦 𑀓𑁂𑀯𑀮𑀜𑁆𑀘 𑀢𑀸𑀦𑀺𑀬𑁂𑀯 𑀲𑀩𑁆𑀩𑀸𑀦𑀺𑀧𑀺 𑀢𑀦𑁆𑀢𑀺𑀩𑀤𑁆𑀥 𑀘𑀫𑁆𑀫𑀧𑀭𑀺𑀬𑁄𑀦𑀤𑁆𑀥 𑀲𑀼𑀲𑀺𑀭𑀸𑀤𑀺 𑀪𑁂𑀤𑀸𑀦𑀺 𑀤𑀲𑀲𑀳𑀲𑁆𑀲𑀘𑀓𑁆𑀓𑀯𑀸𑀴𑁂 𑀤𑁂𑀯-𑀦𑀸𑀕𑀯-𑀲𑀼𑀧𑀡𑁆𑀡-𑀫𑀦𑀼𑀲𑁆𑀲𑀸𑀦𑀁 𑀢𑀼𑀭𑀺𑀬𑀸𑀦𑀺 𑀏𑀓𑀘𑀓𑁆𑀓𑀯𑀸𑀴𑁂 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀅𑀦𑁆𑀢𑀮𑀺𑀓𑁆𑀔𑁂 𑀯𑀚𑁆𑀚𑀦𑁆𑀢𑀺.

𑀯𑀭𑀘𑀸𑀭𑀡𑀤𑁂𑀯𑀢𑀸 𑀓𑀺𑀭 𑀦𑀸𑀫𑁂𑀓𑀸 𑀤𑀻𑀖𑀸𑀬𑀼𑀓𑀸 𑀤𑁂𑀯𑀢𑀸 𑀫𑀳𑀸𑀧𑀼𑀭𑀺𑀲𑁄 𑀫𑀦𑀼𑀲𑁆𑀲𑀧𑀣𑁂 𑀦𑀺𑀩𑁆𑀩𑀢𑁆𑀢𑀺𑀢𑁆𑀯𑀸 𑀩𑀼𑀤𑁆𑀥𑁄 𑀪𑀯𑀺𑀲𑁆𑀲𑀢𑀻𑀢𑀺 𑀲𑀼𑀢𑁆𑀯 𑀧𑀝𑀺𑀲𑀡𑁆𑀥𑀺𑀤𑀺𑀯𑀲𑁂 𑀕𑀡𑁆𑀳𑀺𑀢𑁆𑀯𑀸 𑀕𑀫𑀺𑀲𑁆𑀲𑀸𑀫𑀸𑀢𑀺 𑀫𑀸𑀮𑀸 𑀕𑀦𑁆𑀣𑀺𑀢𑀼𑀁 𑀆𑀭𑀪𑀺𑀁𑀲𑀼 𑀢𑀸 𑀕𑀡𑁆𑀣𑀫𑀸𑀦𑀸𑀯 𑀫𑀳𑀸𑀧𑀼𑀭𑀺𑀲𑁂 𑀫𑀸𑀢𑀼𑀓𑀼𑀘𑁆𑀙𑀺𑀬𑀁 𑀦𑀺𑀩𑁆𑀩𑀢𑁆𑀢𑁂 𑀢𑀼𑀫𑁆𑀪𑁂 𑀓𑀲𑁆𑀲 𑀕𑀡𑁆𑀣𑀣𑀸𑀢𑀺 𑀯𑀼𑀢𑁆𑀢𑀸 𑀦 𑀢𑀸𑀯 𑀢𑀺𑀝𑁆𑀞𑀸𑀢𑀺 𑀓𑀼𑀘𑁆𑀙𑀺𑀢𑁄 𑀦𑀺𑀓𑁆𑀔𑀫𑀦 𑀤𑀺𑀯𑀲𑁂 𑀕𑀳𑁂𑀢𑁆𑀯𑀸 𑀕𑀫𑀺𑀲𑁆𑀲𑀸𑀫𑀸𑀢𑀺 𑀆𑀳𑀁𑀲𑀼 𑀧𑀼𑀦 𑀦𑀺𑀓𑁆𑀔𑁂𑀦𑁆𑀢𑁄𑀢𑀺 𑀲𑀼𑀢𑁆𑀯𑀸 𑀫𑀳𑀸𑀪𑀺𑀦𑀺𑀓𑁆𑀔𑀫𑀦𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺 𑀫𑀳𑀸𑀪𑀺𑀦𑀺𑀓𑁆𑀔𑀫𑀦𑀁 𑀦𑀺𑀓𑁆𑀔𑀦𑁆𑀢𑁄𑀢𑀺 𑀲𑀼𑀢𑁆𑀯𑀸 𑀅𑀪𑀺𑀲𑀫𑁆𑀩𑁄𑀥𑀺 𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺. 𑀅𑀚𑁆𑀚 𑀅𑀪𑀺𑀲𑀫𑁆𑀩𑀼𑀤𑁆𑀥𑁄𑀢𑀺 𑀲𑀼𑀢𑁆𑀯𑀸 𑀥𑀫𑁆𑀫𑀘𑀓𑁆𑀓𑀧𑁆𑀧𑀯𑀢𑁆𑀢𑀦𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺 𑀥𑀫𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑀬𑀻𑀢𑀺 𑀲𑀼𑀢𑁆𑀯𑀸 𑀬𑀫𑀓𑀧𑀸𑀝𑀺𑀳𑀸𑀭𑀺𑀬𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺. 𑀅𑀚𑁆𑀚 𑀬𑀫𑀓𑀧𑀸𑀝𑀺𑀳𑀸𑀭𑀺𑀬𑀁 𑀓𑀭𑀻𑀢𑀺 𑀲𑀼𑀢𑁆𑀯𑀸 𑀤𑁂𑀯𑁄 𑀭𑁄𑀳𑀦𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺. 𑀅𑀚𑁆𑀚 𑀤𑁂𑀯𑁄𑀭𑁄𑀳𑀦𑀁 𑀓𑀭𑀻𑀢𑀺 𑀲𑀼𑀢𑁆𑀯𑀸 𑀆𑀬𑀼𑀲𑀗𑁆𑀔𑀸𑀭𑁄𑀲𑁆𑀲𑀚𑁆𑀚𑀦𑁂 𑀕𑀫𑀺𑀲𑁆𑀲𑀸𑀫𑀸𑀢𑀺 𑀆𑀬𑀼𑀲𑀗𑁆𑀔𑀸𑀭𑀁 𑀑𑀲𑁆𑀲𑀚𑀻𑀢𑀺 𑀲𑀼𑀢𑁆𑀯𑀸 𑀦 𑀢𑀸𑀯 𑀦𑀺𑀝𑁆𑀞𑀸𑀢𑀺 𑀧𑀭𑀺𑀦𑀺𑀩𑁆𑀩𑀸𑀦𑀤𑀺𑀯𑀲𑁂 𑀕𑀫𑀺𑀲𑁆𑀲𑀸𑀫𑀸𑀢𑀺?

𑀅𑀚𑁆𑀚 ¶ 𑀪𑀕𑀯𑀸 𑀬𑀫𑀓𑀲𑀸𑀮𑀸𑀦𑀫𑀦𑁆𑀢𑀭𑁂 𑀤𑀓𑁆𑀔𑀺𑀡𑁂𑀦 𑀧𑀲𑁆𑀲𑁂𑀦 𑀲𑀢𑁄 𑀲𑀫𑁆𑀧𑀚𑀸𑀦𑁄 𑀲𑀻𑀳𑀲𑁂𑀬𑁆𑀬𑀁 𑀉𑀧𑀕𑀢𑁄 𑀩𑀮𑀯 𑀧𑀘𑁆𑀘𑀼𑀲𑀫𑀬𑁂 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀢𑀺 𑀢𑀼𑀫𑁆𑀳𑁂 𑀓𑀲𑁆𑀲 𑀕𑀡𑁆𑀣𑀣𑀸𑀢𑀺 𑀯𑀼𑀢𑁆𑀢𑀸 𑀧𑀦 𑀓𑀺𑀦𑁆𑀦𑀸𑀫𑁂𑀢𑀁 𑀅𑀚𑁆𑀚𑁂𑀯 𑀫𑀸𑀢𑀼𑀓𑀼𑀘𑁆𑀙𑀺𑀬𑀁 𑀧𑀝𑀺𑀲𑀡𑁆𑀥𑀺𑀁 𑀕𑀡𑁆𑀳𑀺 𑀅𑀚𑁆𑀚𑁂𑀯 𑀓𑀼𑀘𑁆𑀙𑀺𑀢𑁄 𑀦𑀺𑀓𑁆𑀔𑀦𑁆𑀢𑁄, 𑀅𑀚𑁆𑀚𑁂𑀯 𑀫𑀳𑀸𑀪𑀺𑀦𑀺𑀓𑁆𑀔𑀫𑀦𑀁 𑀦𑀺𑀓𑁆𑀔𑀫𑀺. 𑀅𑀚𑁆𑀚𑁂𑀯𑀩𑀼𑀤𑁆𑀥𑁄 𑀅𑀳𑁄𑀲𑀺 𑀅𑀚𑁆𑀚𑁂𑀯 𑀥𑀫𑁆𑀫𑀘𑀓𑁆𑀓𑀁 𑀧𑀯𑀢𑁆𑀢𑀬𑀺. 𑀅𑀚𑁆𑀚𑁂𑀯 𑀬𑀫𑀓𑀧𑀸𑀝𑀺𑀳𑀸𑀭𑀺𑀬𑀁 𑀅𑀓𑀸𑀲𑀺. 𑀅𑀚𑁆𑀚𑁂𑀯 𑀤𑁂𑀯𑀮𑁄𑀓𑀸 𑀑𑀢𑀺𑀦𑀡𑁆𑀡𑀸. 𑀅𑀚𑁆𑀚𑁂𑀯 𑀆𑀬𑀼𑀲𑀗𑁆𑀔𑀭𑀁 𑀑𑀲𑁆𑀲𑀚𑀺. 𑀅𑀚𑁆𑀚𑁂𑀯 𑀓𑀺𑀭 𑀧𑀭𑀺𑀦𑀺𑀩𑁆𑀩𑀼𑀢𑁄. 𑀦𑀦𑀼 𑀦𑀸𑀫 𑀤𑀼𑀢𑀺𑀬 𑀤𑀺𑀯𑀲𑁂 𑀬𑀸𑀕𑀼𑀧𑀸𑀦 𑀓𑀸𑀮𑀫𑀢𑁆𑀢𑀫𑁆𑀧𑀺 𑀞𑀸𑀢𑀩𑁆𑀩𑀁 𑀅𑀲𑁆𑀲, 𑀤𑀲 𑀧𑀸𑀭𑀫𑀺𑀬𑁄 𑀧𑀽𑀭𑁂𑀢𑁆𑀯𑀸 𑀩𑀼𑀤𑁆𑀥𑀢𑁆𑀢𑀁 𑀧𑀢𑁆𑀢𑀲𑁆𑀲 𑀦𑀸𑀫 𑀅𑀦𑀦𑀼𑀘𑁆𑀙𑀯𑀺𑀓𑀦𑁆𑀢𑀺 𑀅𑀧𑀭𑀺 𑀦𑀺𑀝𑁆𑀞𑀺𑀢𑀸𑀯 𑀫𑀸𑀮𑀸𑀬𑁄 𑀕𑀳𑁂𑀢𑁆𑀯𑀸 𑀆𑀕𑀫𑁆𑀫 𑀅𑀦𑁆𑀢𑁄 𑀘𑀓𑁆𑀓𑀯𑀸𑀴𑁂 𑀑𑀓𑀸𑀲𑀁 𑀆𑀮𑀪𑀫𑀸𑀦𑀸 𑀘𑀓𑁆𑀓𑀯𑀸𑀴 𑀫𑀼𑀔𑀯𑀝𑁆𑀝𑀺𑀬𑀁 𑀮𑀪𑀺𑀢𑁆𑀯𑀸 𑀆𑀥𑀸𑀯𑀦𑁆𑀢𑀺𑀬𑁄 𑀳𑀢𑁆𑀣𑁂𑀦 𑀳𑀢𑁆𑀣𑀁 𑀕𑀻𑀯𑀸𑀬 𑀕𑀻𑀯𑀁 𑀕𑀳𑁂𑀢𑁆𑀯𑀸 𑀢𑀻𑀡𑀺 𑀭𑀢𑀦𑀸𑀦𑀺 𑀆𑀭𑀩𑁆𑀪𑀤𑁆𑀯𑀢𑁆𑀢𑀺𑀁𑀲𑀫𑀳𑀧𑀼𑀭𑀺𑀲𑀮𑀓𑁆𑀔𑀡𑀸𑀦𑀺 𑀙𑀩𑁆𑀩𑀡𑁆𑀡𑀭𑀁𑀲𑀺𑀬𑁄 𑀤𑀲𑀧𑀸𑀭𑀫𑀺𑀬𑁄 𑀅𑀤𑁆𑀥𑀘𑁆𑀙𑀝𑁆𑀞𑀸𑀦𑀺 𑀚𑀸𑀢𑀓𑀲𑀢𑀸𑀦𑀺 𑀘𑀼𑀤𑁆𑀤𑀲𑁆𑀲 𑀩𑀼𑀤𑁆𑀥𑀜𑀸𑀡𑀸𑀦𑀺 𑀆𑀭𑀩𑁆𑀪 𑀕𑀸𑀬𑀺𑀢𑁆𑀯𑀸 𑀢𑀲𑁆𑀲 𑀢𑀲𑁆𑀲 𑀅𑀯𑀲𑀸𑀦𑁂 𑀲𑀳𑀸𑀬 𑀳𑁂 𑀲𑀳𑀸𑀬 𑀳𑁂𑀢𑀺 𑀯𑀤𑀦𑁆𑀢𑀺. 𑀇𑀤𑀫𑁂𑀢𑀁 𑀧𑀝𑀺𑀘𑁆𑀘𑀯𑀼𑀢𑁆𑀢𑀁-𑀤𑀺𑀩𑁆𑀩𑀸𑀦𑀺𑀧𑀺 𑀲𑀁𑀕𑀻𑀢𑀸𑀦𑀺 𑀅𑀦𑁆𑀢𑀮𑀺𑀓𑁆𑀔𑁂 𑀯𑀢𑁆𑀢𑀦𑁆𑀢𑀺𑀢𑀺.

𑀪𑀕𑀯𑀸 𑀧𑀦 𑀏𑀯𑀁 𑀫𑀳𑀢𑀺𑀬𑀸 𑀧𑀽𑀚𑀸𑀬 𑀯𑀢𑁆𑀢𑀫𑀸𑀦𑀬𑀸 𑀧𑀞𑀫𑀬𑀸𑀫𑁂 𑀫𑀮𑁆𑀮𑀸𑀦𑀁 𑀥𑀫𑁆𑀫𑀁 𑀤𑁂𑀲𑁂𑀲𑀺 𑀫𑀚𑁆𑀛𑀺𑀫𑀬𑀸𑀫𑁂 𑀲𑀼𑀪𑀤𑁆𑀤𑀲𑁆𑀲 𑀥𑀫𑁆𑀫𑀁 𑀤𑁂𑀲𑁂𑀢𑁆𑀯𑀸 𑀢𑀁 𑀫𑀕𑁆𑀕𑀨𑀮𑁂 𑀧𑀢𑀺𑀝𑁆𑀞𑀸𑀧𑁂𑀲𑀺 𑀧𑀘𑁆𑀙𑀺𑀫𑀬𑀸𑀫𑁂 𑀪𑀺𑀓𑁆𑀔𑀼 𑀑𑀯𑀤𑀺𑀢𑁆𑀯𑀸 𑀩𑀮𑀯 𑀧𑀘𑁆𑀘𑀽𑀲 𑀲𑀫𑀬𑁂 𑀫𑀳𑀸𑀧𑀣𑀯𑀺𑀁 𑀓𑀫𑁆𑀧𑁂𑀦𑁆𑀢𑁄 𑀅𑀦𑀼𑀧𑀸𑀤𑀺𑀲𑁂𑀲𑀸𑀬 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀧𑀭𑀺𑀦𑀺𑀩𑁆𑀩𑀸𑀬𑀺 𑀧𑀭𑀺𑀦𑀺𑀩𑁆𑀩𑀼𑀢𑁂 𑀧𑀦 𑀪𑀕𑀯𑀢𑀺 𑀮𑁄𑀓𑀦𑀸𑀣𑁂 𑀆𑀦𑀡𑁆𑀤𑀢𑁆𑀣𑁂𑀭𑁄 𑀫𑀮𑁆𑀮𑀭𑀸𑀚𑀼𑀦𑀁 𑀢𑀁 𑀧𑀯𑀢𑁆𑀢𑀺𑀁 𑀆𑀭𑁄𑀘𑁂𑀢𑀺 𑀢𑁂 𑀲𑀼𑀢𑁆𑀯𑀸𑀯 𑀕𑀡𑁆𑀥𑀫𑀸𑀮𑀁 𑀲𑀩𑁆𑀩𑀜𑁆𑀘 𑀢𑀸𑀮𑀸𑀯𑀘𑀭𑀁 𑀧𑀜𑁆𑀘 𑀘 𑀤𑀼𑀲𑁆𑀲𑀬𑀼𑀕𑀲𑀢𑀸𑀦𑀺 𑀆𑀤𑀸𑀬 𑀕𑀦𑁆𑀢𑁆𑀯𑀸 𑀪𑀕𑀯𑀢𑁄 𑀲𑀭𑀻𑀭𑀁 𑀦𑀘𑁆𑀘𑁂𑀳𑀺 - 𑀕𑀻𑀢𑁂𑀳𑀺 - 𑀯𑀸𑀤𑀺𑀢𑁂𑀳𑀺 - 𑀫𑀸𑀮𑁂𑀳𑀺 - 𑀕𑀡𑁆𑀥𑁂𑀳𑀺 𑀲𑀓𑁆𑀓𑀭𑁄𑀦𑁆𑀢𑀸 𑀕𑀭𑀼𑀓𑀭𑁄𑀦𑁆𑀢𑀸 𑀫𑀸𑀦𑁂𑀦𑁆𑀢𑀸 - 𑀧𑀽𑀚𑁂𑀦𑁆𑀢𑀸 𑀘𑁂𑀮𑀯𑀺𑀢𑀸𑀦𑀸𑀦𑀺 𑀓𑀭𑁄𑀦𑁆𑀢𑀸 𑀫𑀡𑁆𑀟𑀮 𑀫𑀸𑀮𑀸𑀦𑀺 𑀧𑀝𑀺𑀬𑀸𑀤𑁂𑀦𑁆𑀢𑀸 𑀏𑀯𑀁 𑀢𑀸 𑀤𑀺𑀯𑀲𑀁 𑀯𑀻𑀢𑀺𑀦𑀸𑀫𑁂𑀲𑀼𑀁.

𑀅𑀣 𑀤𑁂𑀯𑀢𑀸𑀦𑀜𑁆𑀘 𑀓𑁄𑀲𑀺𑀦𑀸𑀭𑀓𑀸𑀦𑀁 𑀫𑀮𑁆𑀮𑀸𑀦𑀜𑁆𑀘 𑀏𑀢𑀤𑀳𑁄𑀲𑀺-𑀅𑀢𑀺𑀯𑀺𑀓𑀸𑀮𑁄 𑀔𑁄 𑀅𑀚𑁆𑀚 𑀪𑀕𑀯𑀢𑁄 𑀲𑀭𑀻𑀭 𑀛𑀸𑀧𑁂𑀢𑀼𑀁, 𑀲𑁆𑀯𑁂𑀤𑀸𑀦𑀺 𑀪𑀕𑀯𑀢𑁄 𑀲𑀭𑀻𑀭𑀁 𑀛𑀧𑁂𑀲𑁆𑀲𑀸𑀫𑀸𑀢𑀺 𑀢𑀣𑀸 𑀤𑀼𑀢𑀺𑀬𑀫𑁆𑀧𑀺 𑀤𑀺𑀯𑀲𑀁 𑀯𑀻𑀢𑀺𑀦𑀸𑀫𑁂𑀲𑀼𑀁. 𑀢𑀣𑀸 𑀢𑀢𑀺𑀬𑀁 𑀘𑀢𑀼𑀢𑁆𑀣𑀁 𑀧𑀜𑁆𑀘𑀫𑀁 𑀙𑀝𑁆𑀞𑀫𑁆𑀧𑀺 𑀤𑀺𑀯𑀲𑀁 𑀯𑀻𑀢𑀺𑀦𑀸𑀫𑁂𑀲𑀼𑀁 𑀲𑀢𑁆𑀢 𑀫𑁂 𑀤𑀺𑀯𑀲𑁂 𑀤𑁂𑀯𑀢𑀸 𑀘 𑀤𑁄𑀲𑀺𑀦𑀸𑀭𑀓𑀸 𑀫𑀮𑁆𑀮𑀸 𑀘 𑀪𑀕𑀯𑀢𑁄 𑀲𑀭𑀻𑀭𑀁 𑀤𑀺𑀩𑁆𑀩𑁂𑀳𑀺 𑀫𑀸𑀦𑀼𑀲𑀓𑁂𑀳𑀺 𑀘 𑀦𑀘𑁆𑀙𑁂𑀳𑀺 - 𑀕𑀻𑀢𑁂𑀳𑀺 - 𑀯𑀸𑀤𑀺𑀢𑁂𑀳𑀺 - 𑀫𑀸𑀮𑁂𑀳𑀺 - 𑀕𑀡𑁆𑀥𑁂𑀳𑀺 𑀲𑀓𑁆𑀓𑀸𑀭𑁄𑀦𑁆𑀢𑁄 𑀕𑀭𑀼𑀓𑀭𑁄𑀦𑁆𑀢𑀸 𑀫𑀸𑀦𑁂𑀦𑁆𑀢𑀸 𑀧𑀽𑀚𑁂𑀦𑁆𑀢𑀸 𑀦𑀕𑀭𑀫𑀚𑁆𑀛𑁂𑀦 𑀦𑀻𑀳𑀭𑀺𑀢𑁆𑀯𑀸 𑀬𑀢𑁆𑀣 𑀫𑀓𑀼𑀝𑀩𑀡𑁆𑀥𑀦𑀁 𑀦𑀸𑀫 𑀫𑀮𑁆𑀮𑀸𑀦𑀁 𑀘𑁂𑀢𑀺𑀬𑀁 𑀢𑀢𑁆𑀣 𑀦𑀺𑀓𑁆𑀔𑀺𑀧𑀺𑀁𑀲𑀼

𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦 𑀓𑀼𑀲𑀺𑀦𑀸𑀭𑀸 𑀬𑀸𑀯 𑀲𑀦𑁆𑀥𑀺𑀲𑀫𑀮 𑀲𑀁𑀓𑀝𑀻𑀭𑀸𑀚𑀦𑁆𑀦𑀼𑀫𑀢𑁆𑀢𑁂𑀦 𑀑𑀥𑀺𑀦𑀸 𑀫𑀡𑁆𑀤𑀸𑀭𑀯 𑀧𑀼𑀧𑁆𑀨𑁂𑀦 𑀲𑀢𑁆𑀣𑀢𑀸 𑀳𑁄𑀢𑀺 𑀅𑀣 𑀔𑁄 𑀓𑁄𑀲𑀺𑀦𑀸𑀭𑀓𑀸 ¶ 𑀫𑀮𑁆𑀮𑀸 𑀪𑀕𑀯𑀢𑁄 𑀲𑀭𑀻𑀭𑀁 𑀘𑀓𑁆𑀓𑀯𑀢𑁆𑀢𑀺𑀲𑁆𑀲 𑀲𑀭𑀻𑀭𑀁 𑀯𑀺𑀬 𑀅𑀳𑀢𑁂𑀦 𑀯𑀢𑁆𑀣𑁂𑀦 𑀯𑁂𑀞𑁂𑀲𑀼𑀁 𑀅𑀳𑀢𑁂𑀦 𑀯𑀢𑁆𑀣𑁂𑀦 𑀯𑁂𑀞𑁂𑀢𑁆𑀯𑀸 𑀯𑀺𑀳𑀢𑁂𑀦 𑀓𑀧𑁆𑀧𑀸𑀲𑁂𑀦 𑀯𑁂𑀞𑁂𑀲𑀼𑀁 𑀯𑀺𑀳𑀢𑁂𑀦 𑀓𑀧𑁆𑀧𑀸𑀲𑁂𑀦 𑀯𑁂𑀞𑁂𑀢𑁆𑀯𑀸 𑀅𑀳𑀢𑁂𑀦 𑀯𑀢𑁆𑀣𑁂𑀦 𑀯𑁂𑀞𑁂𑀲𑀼𑀁. 𑀏𑀢𑁂𑀦𑁂𑀯 𑀦𑀬𑁂𑀦 𑀧𑀜𑁆𑀘𑀳𑀺𑀬𑀼𑀕𑀲𑀢𑁂𑀳𑀺 𑀯𑁂𑀞𑁂𑀢𑁆𑀯𑀸 𑀆𑀬𑀲𑀸𑀬 𑀢𑁂𑀮𑀤𑁄𑀡𑀺𑀬𑀸 𑀧𑀓𑁆𑀔𑀺𑀧𑀺𑀢𑁆𑀯𑀸 𑀅𑀜𑁆𑀜𑀺𑀲𑁆𑀲𑀸 𑀆𑀬𑀲𑀸𑀬 𑀤𑁄𑀡𑀺𑀬𑀸 𑀧𑀝𑀺𑀓𑀼𑀚𑁆𑀚𑁂𑀢𑁆𑀯𑀸 𑀲𑀩𑁆𑀩𑀕𑀦𑁆𑀥𑀸𑀦𑀁 𑀘𑀺𑀢𑀓𑀁 𑀓𑀭𑀺𑀢𑁆𑀯𑀸 𑀪𑀕𑀯𑀢𑁄 𑀲𑀭𑀻𑀭𑀁 𑀘𑀺𑀢𑀓𑀁 𑀆𑀭𑁄𑀧𑁂𑀲𑀼𑀁. 𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦 𑀆𑀬𑀲𑁆𑀫𑀸 𑀫𑀳𑀸 𑀓𑀲𑁆𑀲𑀧𑁄 𑀧𑀸𑀯𑀸𑀬 𑀓𑀼𑀲𑀺𑀦𑀸𑀭𑀁 𑀅𑀤𑁆𑀥𑀸𑀦𑀫𑀕𑁆𑀕 𑀧𑀝𑀺𑀧𑀦𑁆𑀦𑁄 𑀳𑁄𑀢𑀺 𑀫𑀳𑀢𑀸𑀪𑀺𑀓𑁆𑀔𑀼𑀲𑀗𑁆𑀖𑁂𑀦 𑀲𑀤𑁆𑀥𑀺𑀁 𑀧𑀜𑁆𑀘𑀫𑀢𑁆𑀢𑁂𑀳𑀺 𑀪𑀺𑀓𑁆𑀔𑀼𑀲𑀢𑁂𑀳𑀺 𑀢𑁂𑀦 𑀔𑁄 𑀧𑀦 𑀲𑀫𑀬𑁂𑀦 𑀣𑁂𑀭𑁂 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸 𑀲𑀕𑁆𑀕𑁂 𑀦𑀺𑀩𑁆𑀩𑀢𑁆𑀢𑀸 𑀤𑁂𑀯𑀢𑀸 𑀢𑀲𑁆𑀫𑀺𑀁 𑀲𑀫𑀸𑀕𑀫𑁂 𑀣𑁂𑀭𑀁 𑀅𑀤𑀺𑀲𑁆𑀯𑀸 𑀓𑀼𑀳𑀺𑀦𑁆𑀦𑀼 𑀔𑁄 𑀅𑀫𑁆𑀳𑀸𑀓𑀁 𑀓𑀼𑀮𑀼𑀧𑀕 𑀣𑁂𑀭𑁄𑀢𑀺 𑀆𑀯𑀚𑁆𑀚𑁂𑀦𑁆𑀢𑁄 𑀅𑀦𑁆𑀢𑀭𑀸𑀫𑀕𑁆𑀕𑀧𑀝𑀺𑀧𑀦𑁆𑀦𑀁 𑀤𑀺𑀲𑁆𑀯𑀸 𑀅𑀫𑁆𑀳𑀸𑀓𑀁 𑀓𑀼𑀮𑀼𑀧𑀕 𑀣𑁂𑀭𑁂 𑀅𑀯𑀡𑁆𑀤𑀺𑀢𑁂 𑀘𑀺𑀢𑀓𑁄 𑀫𑀸 𑀧𑀚𑁆𑀚𑀮𑀺𑀢𑁆𑀣𑀸𑀢𑀺 𑀅𑀥𑀺𑀝𑁆𑀞𑀺𑀳𑀺𑀁𑀲𑀼.

𑀅𑀣 𑀔𑁄 𑀘𑀢𑁆𑀢𑀸𑀭𑁄 𑀫𑀮𑁆𑀮𑀧𑀸𑀫𑁄𑀓𑁆𑀔𑀸 𑀲𑀻𑀲𑀁 𑀦𑀳𑀸𑀢𑀸 𑀅𑀳𑀢𑀸𑀦𑀺 𑀯𑀢𑁆𑀣𑀸𑀦𑀺 𑀦𑀺𑀘𑀢𑁆𑀣𑀸 𑀯𑀻 𑀲𑀁𑀭𑀢𑀦𑀲𑀢𑀺𑀓𑀁 𑀘𑀡𑁆𑀤𑀦𑀘𑀺𑀢𑀓𑀁 𑀆𑀮𑀺𑀫𑁆𑀧𑁂𑀲𑁆𑀲𑀸𑀫𑀸𑀢𑀺 𑀅𑀝𑁆𑀞𑀧𑀺 𑀲𑁄𑀮𑀲𑀧𑀺 𑀤𑁆𑀯𑀢𑁆𑀢𑀺𑀁𑀲𑀸𑀧𑀺 𑀚𑀦𑀸 𑀳𑀼𑀢𑁆𑀯𑀸 𑀬𑀫𑀓 𑀉𑀓𑁆𑀓𑀬𑁄 𑀕𑀳𑁂𑀢𑁆𑀯𑀸 𑀢𑀸𑀮𑀯𑀡𑁂𑀝𑀳𑀺 𑀯𑀺𑀚𑀦𑁆𑀢𑀸 𑀪𑀲𑁆𑀢𑀸𑀦𑀺 𑀥𑀫𑀦𑁆𑀢𑀸 𑀦 𑀲𑀓𑁆𑀓𑁄𑀦𑁆𑀢𑀺𑀬𑁂𑀯 𑀅𑀕𑁆𑀕𑀺𑀁 𑀕𑀸𑀳𑀸𑀧𑁂𑀢𑀼𑀁. 𑀅𑀣 𑀔𑁄 𑀓𑁄𑀲𑀺𑀦𑀸𑀭𑀓𑀸 𑀫𑀮𑁆𑀮𑀸 𑀘𑀺𑀢𑀓𑀲𑁆𑀲 𑀅𑀧𑀚𑁆𑀚𑀮𑀦 𑀓𑀸𑀭𑀡𑀁 𑀆𑀬𑀲𑁆𑀫𑀦𑁆𑀢𑀁 𑀅𑀦𑀼𑀭𑀼𑀤𑁆𑀥𑀁 𑀧𑀼𑀘𑁆𑀙𑀺𑀢𑁆𑀯𑀁 𑀤𑁂𑀯𑀢𑀸𑀦𑀁 𑀅𑀪𑀺𑀧𑁆𑀧𑀸𑀬𑀁 𑀲𑀼𑀢𑁆𑀯𑀸 𑀫𑀳𑀸𑀓𑀲𑁆𑀲𑀧𑁄 𑀓𑀺𑀭 𑀪𑁄 𑀧𑀜𑁆𑀘𑀳𑀺 𑀪𑀺𑀓𑁆𑀔𑀼𑀲𑀢𑁂𑀳𑀺 𑀲𑀤𑁆𑀥𑀺𑀁 𑀤𑀲𑀩𑀮𑀲𑁆𑀲 𑀧𑀸𑀤𑁂 𑀯𑀦𑁆𑀤𑀺𑀲𑁆𑀲𑀸𑀫𑀻𑀢𑀺 𑀆𑀕𑀘𑁆𑀙𑀢𑀺 𑀢𑀲𑁆𑀫𑀺𑀁 𑀓𑀺𑀭 𑀅𑀦𑀸𑀕𑀢𑁂 𑀘𑀺𑀢𑀓𑁄 𑀦 𑀧𑀚𑁆𑀚𑀮𑀢𑀺 𑀓𑀻𑀤𑀺𑀲𑁄 𑀪𑁄𑀲𑁄 𑀪𑀺𑀓𑁆𑀔𑀼 𑀓𑀸𑀮𑁄 𑀑𑀤𑀸𑀢𑁄 𑀤𑀻𑀖𑁄 𑀭𑀲𑁆𑀲𑁄 𑀏𑀯𑀭𑀽𑀧𑁂 𑀦𑀸𑀫 𑀪𑁄 𑀪𑀺𑀓𑁆𑀔𑀼𑀫𑁆𑀳𑀺 𑀞𑀺𑀢𑁄 𑀓𑀺𑀁 𑀤𑀲𑀩𑀮𑀲𑁆𑀲 𑀧𑀭𑀺𑀦𑀺𑀩𑁆𑀩𑀸𑀦𑀁 𑀦𑀸𑀫𑀸𑀢𑀺 𑀤𑁂𑀘𑀺 𑀕𑀡𑁆𑀥𑀫𑀸𑀮𑀸𑀤𑀺 𑀳𑀢𑁆𑀣𑀸 𑀧𑀝𑀺𑀧𑀣𑀁 𑀕𑀘𑁆𑀙𑀺𑀁𑀲𑀼 𑀓𑁂𑀘𑀺 𑀯𑀻𑀣𑀺𑀬𑁄 𑀯𑀺𑀘𑀺𑀢𑁆𑀢𑀸 𑀓𑀢𑁆𑀯𑀸 𑀆𑀕𑀫𑀦𑀫𑀕𑁆𑀕𑀁 𑀑𑀮𑁄𑀓𑀬𑀫𑀸𑀦𑀸 𑀅𑀝𑁆𑀞𑀁𑀲𑀼. 𑀅𑀣 𑀔𑁄 𑀆𑀬𑀲𑁆𑀫𑀸 𑀫𑀳𑀸𑀓𑀲𑁆𑀲𑀧𑁄 𑀬𑁂𑀦 𑀓𑀼𑀲𑀺𑀦𑀸𑀭𑀸 𑀫𑀓𑀽𑀝𑀩𑀡𑁆𑀥𑀦𑀁 𑀦𑀸𑀫 𑀫𑀮𑁆𑀮𑀸𑀦𑀁 𑀘𑁂𑀢𑀺𑀬𑀁, 𑀬𑁂𑀦 𑀪𑀕𑀯𑀢𑁄 𑀘𑀺𑀢𑀓𑁄 𑀢𑁂𑀦𑀼𑀧𑀲𑀗𑁆𑀓𑀫𑀺. 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀏𑀓𑀁𑀲𑀁 𑀘𑀻𑀯𑀭𑀁 𑀓𑀢𑁆𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀘𑀺𑀢𑀓𑀁 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀆𑀯𑀚𑁆𑀚𑁂𑀦𑁆𑀢𑁄𑀯 𑀲𑀮𑁆𑀮𑀓𑁆𑀔𑁂𑀲𑀺-𑀇𑀫𑀲𑁆𑀫𑀺𑀁 𑀞𑀸𑀦𑁂 𑀧𑀸𑀤𑀸𑀢𑀺 𑀢𑀢𑁂 𑀧𑀸𑀤𑀲𑀫𑀻𑀧𑁂 𑀞𑀢𑁆𑀯𑀸 𑀅𑀪𑀺𑀜𑁆𑀜𑀸𑀧𑀸𑀤𑀓𑀁 𑀘𑀢𑀼𑀢𑁆𑀣𑀚𑁆𑀛𑀸𑀦𑀁 𑀲𑀫𑀸𑀧𑀚𑁆𑀚𑀺𑀢𑁆𑀯𑀸 𑀯𑀼𑀝𑁆𑀞𑀸𑀬 𑀅𑀭𑀲𑀳𑀲𑁆𑀲 𑀧𑀢𑀺𑀫𑀡𑁆𑀟𑀺𑀢𑀸 𑀤𑀲𑀩𑀮𑀲𑁆𑀲 𑀧𑀸𑀤𑀸 𑀲𑀤𑁆𑀥𑀺𑀁 𑀓𑀧𑁆𑀧𑀸𑀲 𑀧𑀝𑀮𑁂𑀳𑀺 𑀧𑀜𑁆𑀘𑀤𑀼𑀲𑁆𑀲𑀬𑀼𑀕𑀲𑀢𑀸𑀦𑀺 𑀲𑀼𑀯𑀡𑁆𑀡𑀤𑁄𑀡𑀺𑀁 𑀯𑀡𑁆𑀤𑀦𑀘𑀺𑀢𑀓𑀜𑁆𑀘 𑀤𑁆𑀯𑁂𑀥𑀸 𑀓𑀢𑁆𑀯𑀸 𑀫𑀬𑁆𑀳𑀁 𑀉𑀢𑁆𑀢𑀫𑀗𑁆𑀕𑁂 𑀲𑀺𑀭𑀲𑀺 𑀧𑀢𑀺𑀝𑁆𑀞𑀳𑀦𑁆𑀢𑀽𑀢𑀺 𑀅𑀥𑀺𑀝𑁆𑀞𑀸𑀲𑀺 𑀲𑀳 𑀅𑀥𑀺𑀝𑁆𑀞𑀸𑀦 𑀘𑀺𑀢𑁆𑀢𑁂𑀦 𑀢𑀸𑀦𑀺 𑀤𑀼𑀲𑁆𑀲𑀬𑀼𑀕𑀸𑀤𑀺𑀦𑀺 𑀤𑁆𑀯𑁂𑀥𑀸 𑀓𑀢𑁆𑀯𑀸 𑀯𑀮𑀸𑀳𑀓𑀦𑁆𑀢𑀭𑀸 𑀧𑀼𑀡𑁆𑀡𑀘𑀡𑁆𑀤𑁄 𑀯𑀺𑀬 𑀧𑀸𑀤𑀸 𑀦𑀺𑀓𑁆𑀔𑀫𑀺𑀁𑀲𑀼.

𑀣𑁂𑀭𑁄 𑀯𑀺𑀓𑀲𑀺𑀢 𑀭𑀢𑁆𑀢𑀧𑀤𑀼𑀫 𑀲𑀤𑀺𑀲𑁂 𑀳𑀢𑁆𑀣𑁂 𑀧𑀲𑀸𑀭𑁂𑀢𑁆𑀯𑀸 𑀲𑀼𑀯𑀡𑁆𑀡𑀯𑀡𑁆𑀡𑁂 𑀲𑀢𑁆𑀣𑀼 𑀧𑀸𑀤𑁂 𑀬𑀸𑀯 𑀕𑁄𑀧𑁆𑀨𑀓𑀸 𑀩𑀸𑀴𑁆𑀳𑀁 𑀕𑀳𑁂𑀢𑁆𑀯 𑀅𑀢𑁆𑀢𑀦𑁄 𑀲𑀺𑀭𑀯𑀭𑁂 𑀧𑀢𑀺𑀝𑁆𑀞𑀸𑀧𑁂𑀲𑀺 𑀫𑀳𑀸𑀚𑀦𑁄 𑀢𑀁 𑀅𑀘𑁆𑀙𑀭𑀺𑀬𑀁 𑀤𑀺𑀲𑁆𑀯𑀸 𑀏𑀓𑀧𑁆𑀧𑀳𑀸𑀭𑁂 𑀦𑁂𑀯 𑀫𑀳𑀸𑀦𑀸𑀤𑀁 𑀦𑀤𑀺. 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀬𑀣𑀸𑀭𑀼𑀘𑀺𑀁 𑀯𑀡𑁆𑀤𑀺. 𑀏𑀯 𑀧𑀦 ¶ 𑀣𑁂𑀭𑁂𑀦 𑀘 𑀫𑀳𑀸𑀚𑀦𑁂𑀦 𑀘 𑀢𑁂𑀳𑀺 𑀘 𑀧𑀜𑁆𑀘𑀳𑀺 𑀪𑀺𑀓𑁆𑀔𑀼𑀲𑀢𑁂𑀳𑀺 𑀯𑀡𑁆𑀤𑀺𑀢 𑀫𑀢𑁆𑀢𑁂𑀣𑁂𑀭𑀲𑁆𑀲 𑀳𑀢𑁆𑀣𑀢𑁄 𑀫𑀼𑀜𑁆𑀘𑀺𑀢𑁆𑀯𑀸 𑀅𑀮𑀢𑁆𑀢𑀓 𑀯𑀡𑁆𑀡𑀸𑀦𑀺 𑀪𑀕𑀯𑀢𑁄 𑀧𑀸𑀤𑀢𑀸𑀮𑀸𑀦𑀺 𑀤𑀸𑀭𑀼𑀆𑀤𑀺𑀲𑀼 𑀓𑀺𑀜𑁆𑀘𑀺 𑀅𑀘𑀸𑀮𑁂𑀢𑁆𑀯𑀸𑀯 𑀬𑀣𑀸𑀝𑁆𑀞𑀸𑀦𑁂 𑀧𑀢𑀺𑀝𑁆𑀞𑀳𑀺𑀁𑀲𑀼. 𑀪𑀕𑀯𑀢𑁄 𑀧𑀸𑀤𑁂𑀲𑀼 𑀦𑀺𑀓𑁆𑀔𑀫𑀦𑁆𑀢𑁂𑀲𑀼 𑀯𑀸 𑀧𑀯𑀺𑀲𑀦𑁆𑀢𑁂𑀲𑀼 𑀯𑀸 𑀓𑀧𑁆𑀧𑀸𑀲𑀅𑀁𑀲𑀼 𑀯𑀸 𑀤𑀲𑀸𑀢𑀦𑁆𑀢𑀼 𑀯𑀸 𑀢𑁂𑀮𑀩𑀺𑀡𑁆𑀤𑀼 𑀯𑀸 𑀤𑀸𑀭𑀼𑀔𑀡𑁆𑀟𑀁 𑀯𑀸 𑀞𑀸𑀦𑀸 𑀘𑀮𑀺𑀢𑀁 𑀦𑀸𑀫 𑀦𑀸𑀳𑁄𑀲𑀺. 𑀲𑀩𑁆𑀩𑀁 𑀬𑀣𑀸𑀝𑁆𑀞𑀸𑀦𑁂 𑀞𑀺𑀢𑀫𑁂𑀯 𑀅𑀳𑁄𑀲𑀺. 𑀉𑀝𑁆𑀞𑀳𑀺𑀢𑁆𑀯𑀸 𑀧𑀦 𑀅𑀢𑁆𑀣𑀗𑁆𑀕𑀢𑁂 𑀘𑀡𑁆𑀤𑁂 𑀯𑀺𑀬 𑀲𑀽𑀭𑀺𑀬𑁂 𑀯𑀺𑀬 𑀘 𑀢𑀣𑀸𑀕𑀢𑀲𑁆𑀲 𑀧𑀸𑀤𑁂𑀲𑀼 𑀅𑀦𑁆𑀢𑀭𑀳𑀺𑀢𑁂𑀲𑀼 𑀫𑀳𑀸𑀚𑀦𑁄 𑀫𑀳𑀸𑀓𑀡𑁆𑀤𑀺𑀢𑀁 𑀓𑀡𑁆𑀤𑀺. 𑀧𑀭𑀺𑀦𑀺𑀩𑁆𑀩𑀼𑀢𑀓𑀸𑀮𑀢𑁄 𑀅𑀥𑀺𑀓𑀢𑀭𑀁 𑀓𑀸𑀭𑀼𑀜𑁆𑀜𑀁 𑀅𑀳𑁄𑀲𑀺 𑀅𑀣 𑀔𑁄 𑀤𑁂𑀯𑀸𑀢𑀸𑀦𑀼𑀪𑀸𑀯𑁂𑀦 𑀧𑀦𑁂𑀲 𑀘𑀺𑀢𑀓𑁂 𑀲𑀫𑀦𑁆𑀢𑀢𑁄 𑀏𑀓𑀧𑁆𑀧𑀳𑀸𑀭𑁂𑀦𑁂𑀯 𑀧𑀚𑁆𑀚𑀮𑀺. 𑀛𑀸𑀬𑀫𑀸𑀦𑀲𑁆𑀲 𑀪𑀕𑀯𑀢𑁄 𑀲𑀭𑀻𑀭𑀲𑁆𑀲 𑀙𑀯𑀺 𑀘𑀫𑁆𑀫 𑀫𑀁𑀲𑀸𑀤𑀻𑀦𑀁 𑀦𑁂𑀯 𑀙𑀸𑀭𑀺𑀓𑀸𑀫𑀢𑁆𑀢𑀫𑁆𑀧𑀺 𑀅𑀦𑁆𑀢𑀫𑀲𑁄 𑀧𑀜𑁆𑀜𑀸𑀬𑀺𑀢𑁆𑀣 𑀦 𑀫𑀲𑀺, 𑀲𑀼𑀫𑀦 𑀫𑀓𑀼𑀮 𑀲𑀤𑀺𑀲𑀸 𑀧𑀦 𑀥𑁄𑀢𑀫𑀼𑀢𑁆𑀢 𑀲𑀤𑀺𑀲𑀸 𑀲𑀼𑀯𑀡𑁆𑀡𑀲𑀤𑀺𑀲𑀸 𑀘 𑀥𑀸𑀢𑀼𑀬𑁄 𑀅𑀯𑀲𑀺𑀲𑁆𑀲𑀺𑀁𑀲𑀼.

𑀤𑀻𑀖𑀸𑀬𑀼𑀓 𑀩𑀼𑀤𑁆𑀥𑀸𑀦𑀜𑁆𑀳𑀺 𑀲𑀭𑀻𑀭𑀁 𑀲𑀼𑀯𑀡𑁆𑀡𑀓𑁆𑀔𑀡𑁆𑀥𑀲𑀤𑀺𑀲𑀁 𑀏𑀓𑀖𑀦𑀫𑁂𑀯 𑀳𑁄𑀢𑀺. 𑀪𑀕𑀯𑀸 𑀧𑀦 𑀅𑀳𑀁𑀦 𑀘𑀺𑀭𑀁 𑀞𑀢𑁆𑀯𑀸 𑀞𑀢𑁆𑀯𑀸 𑀧𑀭𑀺𑀦𑀺𑀩𑁆𑀩𑀸𑀬𑀸𑀫𑀺. 𑀫𑀬𑁆𑀳𑀁 𑀲𑀸𑀲𑀦𑀁 𑀦 𑀢𑀸𑀯 𑀲𑀩𑁆𑀩𑀢𑁆𑀣 𑀯𑀺𑀢𑁆𑀣𑀸𑀭𑀺𑀢𑀁, 𑀢𑀲𑁆𑀫𑀸 𑀧𑀭𑀺𑀦𑀺𑀩𑁆𑀩𑀼𑀢𑀲𑁆𑀲𑀧𑀺 𑀫𑁂 𑀲𑀸𑀲𑀲𑀫𑀢𑁆𑀢𑀫𑁆𑀧𑀺 𑀥𑀸𑀢𑀼𑀁 𑀕𑀳𑁂𑀢𑁆𑀯𑀸 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀯𑀲𑀦𑀝𑁆𑀞𑀸𑀦𑁂 𑀘𑁂𑀢𑀺𑀬𑀁 𑀓𑀢𑁆𑀯𑀸 𑀧𑀭𑀺𑀘𑀭𑀦𑁆𑀢𑁄 𑀫𑀳𑀸𑀚𑀦𑁄 𑀲𑀕𑁆𑀕𑀧𑀭𑀸𑀬𑀦𑁄 𑀳𑁄𑀢𑀺𑀢𑀺 𑀥𑀸𑀢𑀽𑀦𑀁 𑀯𑀺𑀓𑀺𑀭𑀡𑀁 𑀅𑀥𑀺𑀝𑁆𑀞𑀸𑀲𑀺. 𑀓𑀢𑀺 𑀧𑀦𑀲𑁆𑀲 𑀥𑀸𑀢𑀼𑀬𑁄 𑀯𑀺𑀧𑁆𑀧𑀓𑀺𑀡𑁆𑀡𑀸, 𑀓𑀢𑀺 𑀦 𑀯𑀺𑀧𑁆𑀧𑀓𑀺𑀡𑁆𑀡𑀸𑀢𑀺 𑀘𑀢𑀲𑁆𑀲𑁄 𑀤𑀸𑀝𑁆𑀞𑀸, 𑀤𑁆𑀯𑁂 𑀅𑀓𑁆𑀔𑀓𑀸, 𑀉𑀡𑁆𑀳𑀻𑀲𑀦𑁆𑀢𑀺 𑀇𑀫𑀸 𑀲𑀢𑁆𑀢𑀥𑀸𑀢𑀼𑀬𑁄 𑀦 𑀯𑀺𑀧𑁆𑀧𑀓𑀺𑀡𑁆𑀡𑀸. 𑀲𑁂𑀲𑀸 𑀯𑀺𑀧𑁆𑀧𑀓𑀺𑀭𑀺𑀁𑀲𑀼. 𑀢𑀢𑁆𑀣 𑀲𑀩𑁆𑀩𑀔𑀼𑀤𑁆𑀤𑀓𑀸 𑀥𑀸𑀢𑀼 𑀲𑀸𑀲𑀧 𑀩𑀻𑀚𑀫𑀢𑁆𑀢𑀸 𑀅𑀳𑁄𑀲𑀺 𑀫𑀳𑀸𑀥𑀸𑀢𑀼 𑀫𑀚𑁆𑀛𑁂 𑀪𑀺𑀦𑁆𑀦 𑀢𑀡𑁆𑀟𑀼𑀮𑀫𑀢𑁆𑀢𑀸. 𑀅𑀢𑀺𑀫𑀳𑀢𑀻 𑀫𑀚𑁆𑀛𑁂 𑀪𑀺𑀦𑁆𑀦𑀫𑀼𑀕𑁆𑀕 𑀩𑀻𑀚𑀫𑀢𑁆𑀢𑀸 𑀅𑀳𑁄𑀲𑀺.

𑀤𑀟𑁆𑀠𑁂 𑀔𑁄 𑀧𑀦 𑀪𑀕𑀯𑀢𑁄 𑀲𑀭𑀻𑀭𑁂 𑀆𑀓𑀸𑀲𑀢𑁄 𑀅𑀕𑁆𑀕𑀩𑀸𑀳𑀼𑀫𑀢𑁆𑀢𑀸𑀧𑀺 𑀚𑀗𑁆𑀖𑀫𑀢𑁆𑀢𑀸𑀧𑀺 𑀢𑀸𑀮𑀓𑁆𑀔𑀡𑁆𑀥𑀫𑀢𑁆𑀢𑀸𑀧𑀺 𑀉𑀤𑀓𑀥𑀸𑀭𑀸 𑀧𑀢𑀺𑀢𑁆𑀯𑀸 𑀘𑀺𑀢𑀓𑀁 𑀦𑀺𑀩𑁆𑀩𑀸𑀧𑁂𑀲𑀺 𑀦 𑀓𑁂𑀯𑀮𑀁 𑀆𑀓𑀸𑀲𑀢𑁄𑀬𑁂𑀯 𑀧𑀭𑀺𑀯𑀸𑀭𑁂𑀢𑁆𑀯𑀸 𑀞𑀺𑀢𑀲𑀸𑀮𑀭𑀼𑀓𑁆𑀔𑀸𑀦𑀫𑁆𑀧𑀺 𑀲𑀸𑀔𑀢𑁆𑀢𑀭 𑀯𑀺𑀝𑀧𑀦𑁆𑀢𑀭𑁂𑀳𑀺 𑀉𑀤𑀓𑀥𑀸𑀭𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀦𑀺𑀩𑁆𑀩𑀸𑀧𑁂𑀲𑀼𑀁, 𑀪𑀕𑀯𑀢𑁄 𑀘𑀺𑀢𑀓𑁄 𑀫𑀳𑀦𑁆𑀢𑁄, 𑀲𑀫𑀦𑁆𑀢𑀸 𑀧𑀣𑀯𑀺𑀁 𑀪𑀺𑀡𑁆𑀤𑀺𑀢𑁆𑀯𑀸 𑀢𑀁𑀗𑁆𑀕𑀮𑀲𑀻𑀲𑀫𑀢𑁆𑀢𑀸 𑀉𑀤𑀓𑀯𑀝𑁆𑀝𑀺 𑀏𑀴𑀺𑀓 𑀯𑀝𑀁𑀲𑀓 𑀲𑀤𑀺𑀲𑀸 𑀕𑀦𑁆𑀢𑁆𑀯𑀸 𑀘𑀺𑀢𑀓𑀫𑁂𑀯 𑀕𑀡𑁆𑀳𑀺 𑀫𑀮𑁆𑀮𑀭𑀸𑀚𑀸𑀦𑁄 𑀘 𑀲𑀼𑀯𑀡𑁆𑀡𑀖𑀝𑁂 𑀭𑀚𑀢𑀖𑀝𑁂 𑀘 𑀧𑀽𑀭𑁂𑀢𑁆𑀯𑀸 𑀆𑀪𑀢 𑀦𑀸𑀦𑀸𑀕𑀡𑁆𑀥𑁄𑀤𑀓𑁂𑀦 𑀲𑀼𑀯𑀡𑁆𑀡 𑀭𑀚𑀢𑀫𑀬𑁂𑀳𑀺 𑀅𑀝𑁆𑀞𑀤𑀦𑁆𑀢𑀓𑁂𑀳𑀺 𑀯𑀺𑀓𑀺𑀭𑀺𑀢𑁆𑀯𑀸 𑀘𑀡𑁆𑀤𑀦𑀘𑀺𑀢𑀓𑀁 𑀦𑀺𑀩𑁆𑀩𑀸𑀧𑁂𑀲𑀼𑀁. 𑀢𑀢𑁆𑀣 𑀘𑀺𑀢𑀓𑁂 𑀛𑀬𑀫𑀸𑀦𑁂 𑀧𑀭𑀺𑀯𑀸𑀭𑁂𑀢𑁆𑀯𑀸 𑀞𑀺𑀢 𑀲𑀸𑀮𑀭𑀼𑀓𑁆𑀔𑀸𑀦𑀁 𑀲𑀸𑀔𑀦𑁆𑀢𑀭𑁂𑀳𑀺 𑀯𑀺𑀝𑀧𑀦𑁆𑀢𑀭𑁂𑀳𑀺 𑀧𑀢𑁆𑀢𑀦𑁆𑀢𑀭𑁂𑀳𑀺 𑀘 𑀚𑀸𑀮𑁂 𑀉𑀕𑁆𑀕𑀘𑁆𑀙𑀦𑁆𑀢𑁂 𑀧𑀢𑁆𑀢𑀁 𑀯𑀸 𑀲𑀸𑀔𑀸 𑀯𑀸 𑀤𑀟𑁆𑀠𑀸 𑀦𑀸𑀫 𑀦𑀢𑁆𑀣𑀺 𑀓𑀺𑀧𑀺𑀮𑁆𑀮𑀺𑀓𑀸𑀧𑀺 𑀫𑀓𑁆𑀓𑀝𑀓𑀸𑀧𑀺 𑀧𑀸𑀡𑀓𑀸𑀧𑀺 𑀚𑀸𑀮𑀸𑀦𑀁 𑀅𑀦𑁆𑀢𑀭𑁂 𑀦𑁂𑀯 𑀯𑀺𑀘𑀭𑀦𑁆𑀢𑀺.

𑀆𑀓𑀸𑀲𑀢𑁄 𑀧𑀢𑀺𑀢 𑀉𑀤𑀓𑀥𑀸𑀭𑀸𑀲𑀼𑀧𑀺 𑀲𑀸𑀮𑀭𑀼𑀓𑁆𑀔𑁂𑀳𑀺 𑀦𑀺𑀓𑁆𑀔𑀦𑁆𑀢𑁆ौ𑀤𑀓𑀥𑀸𑀭𑀸𑀲𑀼𑀧𑀺 𑀧𑀣𑀯𑀺𑀁 𑀪𑀺𑀡𑁆𑀤𑀺𑀢𑁆𑀯𑀸 𑀦𑀺𑀓𑁆𑀔𑀦𑁆𑀢 𑀉𑀤𑀓𑀥𑀸𑀭𑀸𑀲𑀼𑀧𑀺 𑀥𑀫𑁆𑀫𑀢𑀸𑀯 𑀧𑀫𑀸𑀡𑀁 𑀏𑀯𑀁 ¶ 𑀘𑀺𑀢𑀓𑀁 𑀦𑀺𑀩𑁆𑀩𑀸𑀧𑁂𑀢𑁆𑀯𑀸 𑀧𑀦 𑀫𑀮𑁆𑀮𑀭𑀸𑀚𑀸𑀦𑁄 𑀲𑀦𑁆𑀣𑀸𑀕𑀸𑀭𑁂 𑀘𑀢𑀼𑀚𑀸𑀢𑀺𑀕𑀡𑁆𑀥 𑀧𑀭𑀺𑀪𑀡𑁆𑀟𑀁 𑀓𑀸𑀭𑁂𑀢𑁆𑀯𑀸 𑀮𑀸𑀚 𑀧𑀜𑁆𑀘𑀫𑀸𑀦𑀺 𑀧𑀼𑀧𑁆𑀨𑀸𑀦𑀺 𑀯𑀺𑀓𑀺𑀭𑀺𑀢𑁆𑀯𑀸 𑀉𑀧𑀭𑀺 𑀘𑁂𑀮𑀯𑀺𑀢𑀸𑀦𑀁 𑀩𑀡𑁆𑀥𑀸𑀧𑁂𑀢𑁆𑀯𑀸 𑀲𑀼𑀯𑀡𑁆𑀡𑀢𑀸𑀭𑀓𑀸𑀳𑀺 𑀔𑀘𑁂𑀢𑁆𑀯𑀸 𑀢𑀢𑁆𑀣 𑀕𑀡𑁆𑀥𑀤𑀸𑀫 𑀫𑀸𑀮𑀸𑀤𑀸𑀫 𑀭𑀢𑀦𑀤𑀸𑀫𑀸𑀦𑀺 𑀑𑀮𑀫𑁆𑀩𑁂𑀢𑁆𑀯𑀸 𑀲𑀢𑁆𑀣𑀸𑀕𑀸𑀭𑀢𑁄 𑀬𑀸𑀯 𑀫𑀓𑀼𑀝 𑀩𑀡𑁆𑀥𑀦 𑀲𑀗𑁆𑀔𑀸𑀢𑀸 𑀲𑀻𑀲𑀧𑁆𑀧𑀲𑀸𑀥𑀦 𑀫𑀗𑁆𑀕𑀮𑀲𑀸𑀮𑀸 𑀢𑀸𑀯 𑀉𑀪𑁄𑀳𑀺 𑀧𑀲𑁆𑀲𑁂𑀳𑀺 𑀲𑀸𑀡𑀺𑀓𑀺𑀮𑀜𑁆𑀚 𑀧𑀭𑀺𑀓𑁆𑀔𑁂𑀧𑀁 𑀓𑀸𑀭𑁂𑀢𑁆𑀯𑀸 𑀉𑀧𑀭𑀺 𑀘𑁂𑀮𑀯𑀺𑀢𑀸𑀦𑀁 𑀩𑀡𑁆𑀥𑀸𑀧𑁂𑀢𑁆𑀯𑀸 𑀲𑀼𑀯𑀡𑁆𑀡𑀢𑀸𑀭𑀓𑀸𑀳𑀺 𑀔𑀘𑁂𑀢𑁆𑀯𑀸 𑀢𑀢𑁆𑀣𑀸𑀧𑀺 𑀕𑀡𑁆𑀥𑀤𑀸𑀫 𑀫𑀸𑀮𑀸𑀤𑀸𑀫 𑀭𑀢𑀦𑀤𑀸𑀫𑀸𑀦𑀺 𑀑𑀮𑀫𑁆𑀩𑁂𑀢𑁆𑀯𑀸 𑀫𑀡𑀺𑀤𑀡𑁆𑀟𑁂𑀳𑀺 𑀧𑀜𑁆𑀘𑀯𑀡𑁆𑀡𑀥𑀚𑁂 𑀉𑀲𑁆𑀲𑀧𑁂𑀢𑁆𑀯𑀸 𑀲𑀫𑀦𑁆𑀢𑀸 𑀥𑀚𑀧𑀢𑀸𑀓𑀸 𑀧𑀺𑀭𑀺𑀓𑁆𑀔𑀺𑀧𑀺𑀢𑁆𑀯𑀸 𑀲𑀺𑀢𑁆𑀢𑀲𑀫𑁆𑀫𑀝𑁆𑀞𑀸𑀲𑀼 𑀯𑀻𑀣𑀺𑀲𑀼 𑀓𑀤𑀮𑀺𑀬𑁄 𑀧𑀼𑀡𑁆𑀡𑀖𑀝𑁂 𑀘 𑀞𑀧𑁂𑀢𑁆𑀯𑀸 𑀤𑀡𑁆𑀟𑀤𑀻𑀧𑀺𑀓𑀸 𑀚𑀸𑀮𑁂𑀢𑁆𑀯𑀸 𑀅𑀮𑀗𑁆𑀓𑀢 𑀳𑀢𑁆𑀣𑀺𑀓𑁆𑀔𑀡𑁆𑀥𑁂 𑀲𑀳𑀥𑀸𑀢𑀽𑀳𑀺 𑀲𑀼𑀯𑀡𑁆𑀡𑀤𑁄𑀡𑀺𑀁 𑀞𑀧𑁂𑀢𑁆𑀯𑀸 𑀫𑀸𑀮𑀸𑀕𑀡𑁆𑀥𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀲𑀸𑀥𑀼𑀓𑀻𑀴𑀁 𑀓𑀻𑀴𑀦𑁆𑀢𑀸 𑀅𑀦𑁆𑀢𑁄𑀦𑀕𑀭𑀁 𑀧𑀯𑁂𑀲𑁂𑀢𑁆𑀯𑀸 𑀲𑀦𑁆𑀣𑀸𑀕𑀸𑀭𑁂 𑀲𑀭𑀪𑀫𑀬 𑀧𑀮𑁆𑀮𑀗𑁆𑀓𑁂 𑀞𑀧𑁂𑀢𑁆𑀯𑀸 𑀉𑀧𑀭𑀺 𑀲𑁂𑀢𑀘𑁆𑀙𑀢𑁆𑀢𑀁 𑀥𑀸𑀭𑀬𑀺𑀢𑁆𑀯𑀸 𑀲𑀢𑁆𑀢𑀺 𑀳𑀢𑁆𑀣𑁂𑀳𑀺 𑀧𑀼𑀭𑀺𑀲𑁂𑀳𑀺 𑀧𑀭𑀺𑀓𑁆𑀔𑀺𑀧𑀸𑀧𑁂𑀢𑁆𑀯𑀸 𑀳𑀢𑁆𑀣𑀻𑀳𑀺 𑀓𑀼𑀫𑁆𑀪𑁂𑀦 𑀓𑀼𑀫𑁆𑀪𑀁 𑀧𑀳𑀭𑀦𑁆𑀢𑁂𑀳𑀺 𑀧𑀭𑀺𑀓𑁆𑀔𑀺𑀧𑀸𑀧𑁂𑀢𑁆𑀯𑀸 𑀢𑀢𑁄 𑀅𑀲𑁆𑀲𑁂𑀳𑀺 𑀕𑀻𑀯𑀸𑀬 𑀕𑀻𑀯𑀁 𑀧𑀳𑀭𑀦𑁆𑀢𑁂𑀳𑀺 𑀢𑀢𑁄 𑀭𑀣𑁂𑀳𑀺 𑀆𑀡𑀺𑀓𑁄𑀝𑀺𑀬𑀸 𑀆𑀡𑀺𑀓𑁄𑀝𑀺𑀁 𑀧𑀳𑀦𑁆𑀢𑁂𑀳𑀺 𑀢𑀢𑁄 𑀬𑁄𑀥𑁂𑀳𑀺 𑀩𑀸𑀳𑀽𑀳𑀺 𑀩𑀸𑀳𑀼𑀁 𑀧𑀳𑀭𑀦𑁆𑀢𑁂𑀳𑀺 𑀢𑁂𑀲𑀁 𑀧𑀭𑀺𑀬𑀦𑁆𑀢𑁂 𑀓𑁄𑀝𑀺𑀬𑀸 𑀓𑁄𑀝𑀺𑀁 𑀧𑀳𑀭𑀫𑀸𑀦𑁂𑀳𑀺 𑀥𑀦𑀽𑀳𑀺 𑀧𑀭𑀺𑀓𑁆𑀔𑀺𑀧𑀸𑀧𑁂𑀲𑀼𑀁.

𑀇𑀢𑀺 𑀲𑀫𑀦𑁆𑀢𑀸 𑀬𑁄𑀚𑀦𑀧𑁆𑀧𑀫𑀸𑀡𑀁 𑀞𑀸𑀦𑀁 𑀲𑀦𑁆𑀦𑀸𑀳𑀕𑀘𑁆𑀙𑀺𑀢𑀁 𑀯𑀺𑀬 𑀓𑀢𑁆𑀯𑀸 𑀆𑀭𑀓𑁆𑀔𑀁 𑀲𑀁𑀯𑀺𑀤𑀳𑀺𑀁𑀲𑀼. 𑀓𑀲𑁆𑀫𑀸 𑀧𑀦𑁂𑀢𑁂 𑀏𑀯𑀫𑀓𑀁𑀲𑀽𑀢𑀺. 𑀇𑀢𑁄 𑀧𑀼𑀭𑀺𑀫𑁂𑀲𑀼 𑀤𑁆𑀯𑀻𑀲𑀼 𑀲𑀢𑁆𑀢𑀸𑀳𑁂𑀲𑀼 𑀢𑁂 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀞𑀸𑀦𑀦𑀺𑀲𑀚𑁆𑀚𑁄𑀓𑀸𑀲𑀁 𑀓𑀭𑁄𑀦𑁆𑀢𑀸 𑀔𑀸𑀤𑀦𑀻𑀬 𑀪𑁄𑀚𑀦𑀻𑀬𑀁 𑀲𑀁𑀯𑀺𑀤𑀳𑀦𑁆𑀢𑀸 𑀲𑀸𑀥𑀼𑀓𑀻𑀴𑀸𑀬 𑀑𑀓𑀸𑀲𑀁 𑀦 𑀮𑀪𑀺𑀁𑀲𑀼 𑀢𑀢𑁄 𑀢𑁂𑀲𑀁 𑀅𑀳𑁄𑀲𑀺 - 𑀇𑀫𑀁 𑀲𑀢𑁆𑀢𑀸𑀳𑀁 𑀲𑀸𑀥𑀼𑀓𑀻𑀴𑀁 𑀓𑀻𑀴𑀺𑀲𑁆𑀲𑀸𑀫. 𑀞𑀸𑀦𑀁 𑀔𑁄 𑀧𑀦𑁂𑀢𑀁 𑀯𑀺𑀚𑁆𑀚𑀢𑀺 𑀬𑀁 𑀅𑀫𑁆𑀳𑀸𑀓𑀁 𑀧𑀫𑀢𑁆𑀢𑀪𑀸𑀯𑀁 𑀜𑀢𑁆𑀯𑀸 𑀓𑁄𑀘𑀻𑀤𑁂𑀯 𑀆𑀕𑀦𑁆𑀢𑁆𑀯𑀸 𑀥𑀸𑀢𑀼𑀬𑁄 𑀕𑀡𑁆𑀳𑀬𑁆𑀬-𑀢𑀲𑁆𑀫𑀸 𑀆𑀭𑀓𑁆𑀔𑀁 𑀞𑀧𑁂𑀢𑁆𑀯𑀸 𑀓𑀻𑀴𑀺𑀲𑁆𑀲𑀸𑀫𑀸𑀢𑀺 𑀢𑁂𑀦 𑀢𑁂 𑀏𑀯𑀫𑀓𑀁𑀲𑀼.

𑀅𑀣 𑀔𑁄 𑀅𑀲𑁆𑀲𑁄𑀲𑀺 𑀔𑁄 𑀭𑀸𑀚𑀸 𑀫𑀸𑀕𑀥𑁄 𑀅𑀚𑀸𑀢𑀲𑀢𑁆𑀢𑀼 𑀪𑀕𑀯𑀸 𑀓𑀺𑀭 𑀓𑀼𑀲𑀺𑀦𑀸𑀭𑀸𑀬𑀁 𑀧𑀭𑀺𑀦𑀺𑀩𑁆𑀩𑀼𑀢𑁄𑀢𑀺 𑀓𑀣𑀁 𑀅𑀲𑁆𑀲𑁄𑀲𑀺 𑀧𑀞𑀫𑀫𑁂𑀯𑀲𑁆𑀲 𑀅𑀫𑀘𑁆𑀘𑀸 𑀲𑀼𑀢𑁆𑀯𑀸 𑀘𑀺𑀦𑁆𑀢𑀬𑀺𑀁𑀲𑀼? 𑀲𑀢𑁆𑀣𑀸 𑀦𑀸𑀫 𑀧𑀭𑀺𑀦𑀺𑀩𑁆𑀩𑀼𑀢𑁄, 𑀦 𑀲𑁄 𑀲𑀓𑁆𑀓𑀸 𑀧𑀼𑀦 𑀆𑀳𑀭𑀺𑀁𑀢𑀼 𑀧𑁄𑀣𑀼𑀚𑁆𑀚𑀦𑀺𑀓 𑀲𑀤𑁆𑀥𑀸𑀬 𑀧𑀦 𑀅𑀫𑁆𑀳𑀸𑀓𑀁 𑀭𑀜𑁆𑀜𑀸 𑀲𑀤𑀺𑀲𑁄 𑀦𑀢𑁆𑀣𑀺. 𑀲𑀘𑁂 𑀏𑀲 𑀇𑀫𑀺𑀦𑀸𑀯 𑀦𑀺𑀬𑀸𑀫𑁂𑀦 𑀲𑀼𑀡𑀺𑀲𑁆𑀲𑀢𑀺, 𑀳𑀤𑀬𑀫𑀲𑁆𑀲 𑀏𑀴𑀺𑀲𑁆𑀲𑀢𑀺 𑀭𑀸𑀚𑀸 𑀔𑁄 𑀧𑀦𑀫𑁆𑀪𑁂𑀳𑀺 𑀅𑀦𑀼𑀭𑀓𑁆𑀔𑀺𑀢𑀩𑁆𑀩𑁄𑀢𑀺 𑀢𑁂 𑀢𑀺𑀲𑁆𑀲𑁄 𑀲𑀼𑀯𑀡𑁆𑀡𑀤𑁄𑀡𑀺𑀬𑁄 𑀆𑀳𑀭𑀺𑀢𑁆𑀯𑀸 𑀘𑀢𑀼𑀫𑀥𑀼𑀭𑀲𑁆𑀲 𑀧𑀽𑀭𑁂𑀢𑁆𑀯𑀸 𑀭𑀜𑁆𑀜𑁄 𑀲𑀦𑁆𑀢𑀺𑀓𑀁 𑀕𑀦𑁆𑀢𑁆𑀯𑀸 𑀏𑀢𑀤𑀯𑁄𑀘𑀼𑀁. 𑀤𑁆𑀯𑁂 𑀅𑀫𑁆𑀳𑁂𑀳𑀺 𑀲𑀼𑀧𑀺𑀦𑀓𑁄 𑀤𑀺𑀝𑁆𑀞𑁄 𑀢𑀲𑁆𑀲 𑀧𑀝𑀺𑀖𑀸𑀢𑀢𑁆𑀣𑀁 𑀢𑀼𑀫𑁆𑀳𑁂𑀳𑀺 𑀤𑀼𑀓𑀽𑀮𑀧𑀝𑁆𑀝𑀁 𑀦𑀺𑀯𑀸𑀲𑁂𑀢𑁆𑀯𑀸 𑀬𑀣𑀸 𑀦𑀸𑀲𑀸𑀧𑀼𑀝𑀫𑀢𑁆𑀢𑀁 𑀧𑀜𑁆𑀜𑀸𑀬𑀢𑀺 𑀏𑀯𑀁 𑀘𑀢𑀼𑀫𑀥𑀼𑀭𑀤𑁄𑀡𑀺𑀬𑀁 𑀦𑀺𑀧𑀚𑁆𑀚𑀺𑀢𑀼𑀁 𑀯𑀝𑁆𑀝𑀢𑀻𑀢𑀺. 𑀭𑀸𑀚𑀸 𑀅𑀢𑁆𑀣𑀯𑀭𑀓𑀸𑀦𑀁 𑀯𑀘𑀦𑀁 𑀲𑀼𑀢𑁆𑀯𑀸 𑀏𑀯𑀁 𑀳𑁄𑀢𑀼 𑀢𑀸𑀢𑀸’𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀢𑀣𑀸 𑀅𑀓𑀸𑀲𑀺.

𑀅𑀣𑁂𑀓𑁄 ¶ 𑀅𑀫𑀘𑁆𑀘𑁄 𑀅𑀮𑀗𑁆𑀓𑀸𑀭𑀁 𑀑𑀫𑀼𑀜𑁆𑀘𑀺𑀢𑁆𑀯𑀸 𑀓𑁂𑀲𑁂 𑀧𑀭𑀺𑀓𑀺𑀭𑀺𑀬 𑀬𑀸𑀬 𑀤𑀺𑀲𑀸𑀬 𑀲𑀢𑁆𑀣𑀸 𑀧𑀭𑀺𑀦𑀺𑀩𑁆𑀩𑀼𑀢𑁄 𑀢𑀤𑀪𑀺𑀫𑀼𑀔𑁄 𑀳𑀼𑀢𑁆𑀯𑀸 𑀅𑀜𑁆𑀚𑀮𑀺𑀫𑁆𑀧𑀕𑁆𑀕𑀬𑁆𑀳 𑀭𑀸𑀚𑀸𑀦𑀁 𑀆𑀳- 𑀤𑁂𑀯𑀫𑀭𑀡𑀢𑁄 𑀫𑀼𑀜𑁆𑀘𑀦𑀓𑀲𑀢𑁆𑀢𑁄 𑀦𑀸𑀫 𑀦𑀢𑁆𑀣𑀺. 𑀅𑀫𑁆𑀳𑀸𑀓𑀁 𑀆𑀬𑀼𑀯𑀤𑁆𑀥𑀓𑁂𑀦𑀸 𑀘𑁂𑀢𑀺𑀬𑀝𑁆𑀞𑀸𑀦𑀁 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑀁 𑀅𑀪𑀺𑀲𑁂𑀓𑀧𑀺𑀝𑁆𑀞𑀺𑀓𑀸 𑀪𑀕𑀯𑀸 𑀲𑀢𑁆𑀣𑀸 𑀓𑀼𑀲𑀺𑀦𑀸𑀭𑀸𑀬𑀁 𑀧𑀭𑀺𑀦𑀺𑀩𑁆𑀩𑀼𑀢𑁄𑀢𑀺 𑀭𑀸𑀚𑀸 𑀲𑀼𑀢𑁆𑀯𑀸 𑀯𑀺𑀲𑀜𑁆𑀜𑀻 𑀚𑀸𑀢𑁄 𑀘𑀢𑀼𑀫𑀥𑀼𑀭𑀤𑁄𑀡𑀺 𑀉𑀲𑀼𑀫𑀁 𑀫𑀼𑀜𑁆𑀘𑀺 𑀭𑀸𑀚𑀸𑀦𑀁 𑀉𑀓𑁆𑀔𑀺𑀧𑀺𑀢𑁆𑀯𑀸 𑀤𑀼𑀢𑀺𑀬𑀸𑀬 𑀤𑁄𑀡𑀺𑀬𑀸 𑀦𑀺𑀧𑀚𑁆𑀚𑀸𑀧𑁂𑀲𑀼𑀁 𑀲𑁄 𑀲𑀜𑁆𑀜𑀁 𑀮𑀪𑀺𑀢𑁆𑀯𑀸 𑀢𑀸𑀢 𑀓𑀺𑀁 𑀯𑀤𑀣𑀸𑀢𑀺 𑀧𑀼𑀘𑁆𑀙𑀺. 𑀲𑀢𑁆𑀣𑀸 𑀫𑀳𑀸𑀭𑀸𑀚 𑀧𑀭𑀺𑀦𑀺𑀩𑁆𑀩𑀼𑀢𑁄𑀢𑀺, 𑀧𑀼𑀦 𑀯𑀺𑀲𑀜𑁆𑀜𑀺 𑀚𑀸𑀢𑁄 𑀘𑀢𑀼𑀫𑀥𑀼𑀭𑀤𑁄𑀡𑀺𑀁 𑀉𑀲𑀼𑀫𑀁 𑀫𑀼𑀜𑁆𑀘𑀺. 𑀅𑀣 𑀦𑀁 𑀢𑀢𑁄𑀧𑀺 𑀉𑀓𑁆𑀔𑀺𑀧𑀺𑀢𑁆𑀯𑀸 𑀢𑀢𑀺𑀬𑀸𑀬 𑀤𑁄𑀡𑀺𑀬𑀸 𑀦𑀺𑀧𑀚𑁆𑀚𑀸𑀧𑁂𑀲𑀼𑀁 𑀲𑁄 𑀧𑀼𑀦 𑀲𑀜𑁆𑀜𑀁 𑀧𑀝𑀺𑀮𑀪𑀺𑀢𑁆𑀯𑀸 𑀢𑀸𑀢 𑀓𑀺𑀁 𑀯𑀤𑀣𑀸𑀢𑀺 𑀧𑀼𑀘𑁆𑀙𑀺 𑀲𑀢𑁆𑀣𑀸 𑀫𑀳𑀸𑀭𑀸𑀚 𑀧𑀭𑀺𑀦𑀺𑀩𑁆𑀩𑀼𑀢𑁄𑀢𑀺. 𑀭𑀸𑀚𑀸 𑀧𑀼𑀦 𑀯𑀺𑀲𑀜𑁆𑀜𑀻 𑀚𑀸𑀢𑁄 𑀘 𑀫𑀥𑀼𑀭𑀤𑁄𑀡𑀺 𑀉𑀲𑀼𑀫𑀁 𑀫𑀼𑀜𑁆𑀘𑀺.

𑀅𑀣 𑀦𑀁 𑀢𑀢𑁄𑀧𑀺 𑀉𑀓𑁆𑀔𑀺𑀧𑀺𑀢𑁆𑀯𑀸 𑀦𑀳𑀸𑀧𑁂𑀢𑁆𑀯𑀸 𑀫𑀢𑁆𑀣𑀓𑁂 𑀖𑀝𑁂𑀳𑀺 𑀉𑀤𑀓𑀁 𑀆𑀲𑀺𑀜𑁆𑀘𑀺𑀁𑀲𑀼 𑀭𑀸𑀚𑀸 𑀲𑀜𑁆𑀜𑀁 𑀧𑀝𑀺𑀮𑀪𑀺𑀢𑁆𑀯𑀸 𑀆𑀲𑀦𑀸 𑀉𑀝𑁆𑀞𑀸𑀬 𑀕𑀡𑁆𑀥𑀧𑀭𑀺𑀪𑀸𑀯𑀻𑀢𑁂 𑀫𑀡𑀺𑀯𑀡𑁆𑀡𑀓𑁂𑀲𑁂 𑀲𑀼𑀯𑀡𑁆𑀡𑀨𑀮𑀓 𑀯𑀡𑁆𑀡𑀸𑀬 𑀧𑀺𑀝𑁆𑀞𑀺𑀬𑀁 𑀧𑀓𑀺𑀭𑀺𑀢𑁆𑀯𑀸 𑀧𑀯𑀸𑀴𑀗𑁆𑀕𑀼𑀭𑀯𑀡𑁆𑀡𑀸𑀳𑀺 𑀲𑀼𑀯𑀝𑁆𑀝𑀺𑀢𑀗𑁆𑀕𑀼𑀮𑀻𑀳𑀺 𑀲𑀼𑀯𑀡𑁆𑀡𑀩𑀺𑀫𑁆𑀩𑀓 𑀯𑀡𑁆𑀡𑀁 𑀉𑀭𑀁 𑀲𑀁𑀲𑀺𑀩𑁆𑀩𑀦𑁆𑀢𑁄 𑀯𑀺𑀬 𑀕𑀳𑁂𑀢𑁆𑀯𑀸 𑀧𑀭𑀺𑀤𑁂𑀯𑀫𑀸𑀦𑁄 𑀉𑀫𑁆𑀫𑀢𑁆𑀢𑀓𑀯𑁂𑀲𑁂𑀦𑁂𑀯 𑀅𑀦𑁆𑀢𑀭𑀯𑀻𑀣𑀺𑀁 𑀑𑀢𑀺𑀡𑁆𑀡𑁄 𑀲𑁄 𑀅𑀮𑀗𑁆𑀓𑀢 𑀦𑀸𑀝𑀓 𑀧𑀭𑀺𑀯𑀼𑀢𑁄 𑀦𑀕𑀭𑀸 𑀦𑀺𑀓𑁆𑀔𑀫𑁆𑀫 𑀚𑀻𑀯𑀓𑀫𑁆𑀩𑀯𑀦𑀁 𑀕𑀦𑁆𑀢𑁆𑀯𑀸 𑀬𑀲𑁆𑀫𑀺𑀁 𑀞𑀸𑀦𑁂 𑀦𑀺𑀲𑀺𑀦𑁆𑀦𑁂𑀦 𑀪𑀕𑀯𑀢𑀸 𑀥𑀫𑁆𑀫𑁄 𑀤𑁂𑀲𑀺𑀢𑁄 𑀢𑀁 𑀑𑀮𑁄𑀓𑁂𑀢𑁆𑀯𑀸 𑀪𑀕𑀯𑀸 𑀲𑀩𑁆𑀩𑀜𑁆𑀜𑀼 𑀦𑀦𑀼 𑀫𑁂 𑀇𑀫𑀲𑁆𑀫𑀺𑀁 𑀞𑀸𑀦𑁂 𑀦𑀺𑀲𑀻𑀤𑀺𑀢𑁆𑀯𑀸 𑀥𑀫𑁆𑀫𑀁 𑀤𑁂𑀲𑀬𑀺𑀢𑁆𑀣 𑀢𑀼𑀫𑁆𑀳𑁂 𑀲𑁄𑀓𑀲𑀮𑁆𑀮𑀁 𑀯𑀺𑀦𑁄𑀤𑀬𑀺𑀢𑁆𑀣. 𑀢𑀼𑀫𑁆𑀳𑁂 𑀫𑀬𑁆𑀳𑀁 𑀲𑁄𑀓𑀲𑀮𑁆𑀮𑀁 𑀦𑀻𑀳𑀭𑀺𑀢𑁆𑀣. 𑀅𑀳𑀁 𑀢𑀼𑀫𑁆𑀳𑀸𑀓𑀁 𑀲𑀭𑀡𑀁 𑀕𑀢𑁄. 𑀇𑀤𑀸𑀦𑀺 𑀧𑀦 𑀫𑁂 𑀧𑀝𑀺𑀯𑀘𑀦𑀫𑁆𑀧𑀺 𑀦 𑀤𑁂𑀣 𑀪𑀕𑀯𑀸𑀢𑀺 𑀧𑀼𑀦𑀧𑁆𑀧𑀼𑀦 𑀧𑀭𑀺𑀤𑁂𑀯𑀺𑀢𑁆𑀯𑀸 𑀦𑀦𑀼 𑀪𑀕𑀯𑀸 𑀅𑀳𑀁 𑀅𑀜𑁆𑀜𑀤𑀸 𑀏𑀯𑀭𑀽𑀧𑁂 𑀓𑀸𑀮𑁂 𑀢𑀼𑀝𑁆𑀞𑁂 𑀫𑀳𑀸𑀪𑀺𑀓𑁆𑀔𑀼𑀲𑀗𑁆𑀖𑀧𑀭𑀺𑀯𑀸𑀭𑀸 𑀚𑀫𑁆𑀩𑀼𑀤𑀻𑀧𑀢𑀮𑁂 𑀘𑀸𑀭𑀺𑀓𑀁 𑀘𑀭𑀣𑀸𑀢𑀺 𑀲𑀼𑀡𑀸𑀫 𑀇𑀤𑀸𑀦𑀺 𑀧𑀦 𑀅𑀳𑀁 𑀢𑀼𑀫𑁆𑀳𑀸𑀓𑀁 𑀅𑀦𑀦𑀼𑀭𑀽𑀧𑀁 𑀅𑀬𑀼𑀢𑁆𑀢𑀁 𑀧𑀯𑀢𑁆𑀢𑀺𑀁 𑀲𑀼𑀡𑀸𑀫𑀻𑀢𑀺 𑀏𑀯𑀫𑀸𑀤𑀻𑀦𑀺 𑀘 𑀯𑀢𑁆𑀢𑀸 𑀲𑀝𑁆𑀞𑀺𑀫𑀢𑁆𑀢𑀸𑀳𑀺 𑀕𑀸𑀣𑀸𑀳𑀺 𑀪𑀕𑀯𑀢𑁄 𑀕𑀼𑀡𑀁 𑀅𑀦𑀼𑀲𑁆𑀲𑀭𑀺𑀢𑁆𑀯𑀸 𑀘𑀺𑀦𑁆𑀢𑁂𑀲𑀺 𑀫𑀫 𑀧𑀭𑀺𑀤𑁂𑀯𑀺𑀢𑁂 𑀦𑁂𑀯 𑀦 𑀲𑀺𑀚𑁆𑀛𑀢𑀺. 𑀤𑀲𑀩𑀮𑀲𑁆𑀲 𑀥𑀸𑀢𑀼𑀬𑁄 𑀆𑀳𑀭𑀸𑀧𑁂𑀲𑁆𑀲𑀸𑀫𑀺𑀢𑀺 𑀫𑀮𑁆𑀮𑀭𑀸𑀚𑀼𑀦𑀁 𑀤𑀽𑀢𑀜𑁆𑀘 𑀧𑀡𑁆𑀡𑀜𑁆𑀘 𑀧𑀸𑀳𑁂𑀲𑀺.

𑀪𑀕𑀯𑀸𑀧𑀺 𑀔𑀢𑁆𑀢𑀺𑀬𑁄, 𑀅𑀳𑀫𑁆𑀧𑀺 𑀔𑀢𑁆𑀢𑀺𑀬𑁄, 𑀅𑀳𑀫𑁆𑀧𑀺 𑀅𑀭𑀳𑀸𑀫𑀺 𑀪𑀕𑀯𑀢𑁄 𑀲𑀭𑀻𑀭𑀸𑀦𑀁 𑀣𑀽𑀧𑀜𑁆𑀘 𑀫𑀳𑀜𑁆𑀘 𑀓𑀸𑀭𑁂𑀢𑀼𑀦𑁆𑀢𑀺 𑀧𑁂𑀲𑁂𑀢𑁆𑀯𑀸 𑀧𑀦 𑀲𑀘𑁂 𑀤𑀲𑁆𑀲𑀦𑁆𑀢𑀺 𑀲𑀼𑀡𑁆𑀤𑀭𑀁, 𑀦𑁄 𑀘𑁂 𑀤𑀲𑁆𑀲𑀦𑁆𑀢𑀺 𑀆𑀳𑀭𑀡𑀼𑀧𑀸𑀬𑁂𑀦 𑀆𑀳𑀭𑀺𑀲𑁆𑀲𑀸𑀫𑀻𑀢𑀺 𑀘𑀢𑀼𑀭𑀗𑁆𑀕𑀺𑀦𑀺𑀁 𑀲𑁂𑀦𑀁 𑀲𑀦𑁆𑀦𑀬𑁆𑀳𑀺𑀢𑁆𑀯𑀸 𑀲𑀬𑀫𑁆𑀧𑀺 𑀦𑀺𑀓𑁆𑀔𑀦𑁆𑀢𑁄𑀬𑁂𑀯 𑀬𑀣𑀸 𑀘 𑀅𑀚𑀸𑀢𑀲𑀢𑁆𑀢𑀼 𑀏𑀯𑀁 𑀯𑁂𑀲𑀸𑀮𑀺𑀬𑀁 𑀮𑀺𑀘𑁆𑀙𑀯𑀺𑀭𑀸𑀚𑀸𑀦𑁄 𑀓𑀧𑀺𑀮𑀯𑀢𑁆𑀣𑀼𑀫𑁆𑀳𑀺 𑀲𑀓𑁆𑀬𑀭𑀸𑀚𑀸𑀦𑁄 𑀅𑀮𑁆𑀮𑀓𑀧𑁆𑀧𑀓𑁂 𑀩𑀼𑀮𑀬𑁄 𑀭𑀸𑀫𑀕𑀸𑀫𑀓𑁂 𑀓𑁄𑀴𑀺𑀬𑀸 𑀯𑁂𑀞𑀤𑀻𑀧𑀓𑁂 𑀩𑁆𑀭𑀸𑀳𑁆𑀫𑀡𑁄 𑀧𑀸𑀯𑀸𑀬𑀜𑁆𑀘 𑀫𑀮𑁆𑀮𑀸 𑀤𑀽𑀢𑀁 𑀧𑁂𑀲𑁂𑀢𑁆𑀯𑀸 𑀲𑀬𑀫𑁆𑀧𑀺 𑀘𑀢𑀼𑀭𑀗𑁆𑀕𑀺𑀦𑀺𑀬𑀸 𑀲𑁂𑀦𑀸𑀬 𑀦𑀺𑀓𑁆𑀔𑀫𑀺𑀁𑀲𑀼𑀬𑁂𑀯 𑀢𑀢𑁆𑀣 𑀧𑀸𑀘𑁂𑀬𑁆𑀬𑀓𑀸 𑀲𑀩𑁆𑀩𑁂𑀳𑀺 𑀆𑀲𑀦𑁆𑀦𑀢𑀭𑀸 𑀓𑀼𑀲𑀺𑀦𑀸𑀭𑀸𑀢𑁄 ¶ 𑀢𑀺𑀕𑀸𑀯𑀼𑀢𑀦𑁆𑀢𑀭𑁂 𑀦𑀕𑀭𑁂 𑀯𑀲𑀦𑁆𑀢𑀺. 𑀪𑀕𑀯𑀸𑀧𑀺 𑀧𑀸𑀯𑀁 𑀧𑀯𑀺𑀲𑀺𑀢𑁆𑀯𑀸 𑀓𑀼𑀲𑀺𑀦𑀸𑀭𑀁 𑀕𑀢𑁄. 𑀫𑀳𑀸𑀧𑀭𑀺𑀳𑀸𑀭𑀸 𑀧𑀦𑁂𑀢𑁂 𑀭𑀸𑀚𑀸𑀦𑁄 𑀧𑀭𑀺𑀳𑀸𑀭𑀸 𑀓𑀸𑀭𑁂𑀁𑀦𑁆𑀢𑀸𑀯 𑀧𑀘𑁆𑀙𑀢𑁄 𑀚𑀸𑀢𑀸. 𑀢𑁂 𑀲𑀩𑁆𑀩𑁂𑀧𑀺 𑀲𑀢𑁆𑀢𑀦𑀕𑀭𑀯𑀸𑀲𑀺𑀦𑁄 𑀆𑀕𑀢𑁆𑀢𑁆𑀯𑀸 𑀅𑀫𑁆𑀳𑀸𑀓𑀁 𑀥𑀸𑀢𑀼𑀬𑁄 𑀯𑀸 𑀤𑁂𑀦𑁆𑀢𑀼 𑀬𑀼𑀤𑁆𑀥𑀁 𑀯𑀸𑀢𑀺 𑀓𑀼𑀲𑀺𑀦𑀸𑀭𑀸 𑀦𑀕𑀭𑀁 𑀧𑀭𑀺𑀯𑀸𑀭𑀬𑀺𑀁𑀲𑀼.

𑀢𑀢𑁄 𑀫𑀮𑁆𑀮𑀭𑀸𑀚𑀸𑀦𑁄𑀏𑀢𑀤𑀯𑁄𑀘𑀼𑀁-𑀪𑀕𑀯𑀸𑀅𑀫𑁆𑀳𑀸𑀓𑀁𑀕𑀸𑀫𑀓𑁆𑀔𑁂𑀢𑁆𑀢𑁂 𑀧𑀭𑀺𑀦𑀺𑀩𑁆𑀩𑀼𑀢𑁄, 𑀦 𑀫𑀬𑀁 𑀲𑀢𑁆𑀣𑀼 𑀲𑀸𑀲𑀦𑀁 𑀧𑀳𑀺𑀡𑀺𑀫𑁆𑀳 𑀦 𑀕𑀢𑁆𑀢𑁆𑀯𑀸 𑀆𑀦𑀬𑀺𑀫𑁆𑀳. 𑀲𑀢𑁆𑀣𑀸 𑀧𑀲 𑀲𑀬𑀫𑁂𑀯 𑀆𑀕𑀦𑁆𑀢𑁆𑀯𑀸 𑀲𑀸𑀲𑀦𑀁 𑀧𑁂𑀲𑁂𑀢𑁆𑀯𑀸 𑀅𑀫𑁆𑀳𑁂 𑀧𑀓𑁆𑀓𑁄𑀲𑀧𑁂𑀲𑀺 𑀢𑀼𑀫𑁆𑀳𑁂𑀧𑀺 𑀔𑁄 𑀧𑀦 𑀬𑀁 𑀢𑀼𑀫𑁆𑀳𑀸𑀓𑀁 𑀕𑀸𑀫𑀓𑁆𑀔𑁂𑀢𑁆𑀢𑁂 𑀭𑀢𑀦𑀁 𑀉𑀧𑁆𑀧𑀚𑁆𑀚𑀢𑀺 𑀦 𑀢𑀁 𑀅𑀫𑁆𑀳𑀸𑀓𑀁 𑀤𑁂𑀣 𑀲𑀤𑁂𑀯𑀓𑁂 𑀮𑁄𑀓𑁂 𑀩𑀼𑀤𑁆𑀥𑀭𑀢𑀦𑀲𑀫𑀁 𑀭𑀢𑀦𑀁 𑀦𑀸𑀫 𑀦𑀢𑁆𑀣𑀺, 𑀏𑀯𑀭𑀽𑀧𑀁. 𑀉𑀢𑁆𑀢𑀫𑀁 𑀭𑀢𑀦𑀁 𑀮𑀪𑀺𑀢𑁆𑀯𑀸 𑀫𑀬𑀁 𑀦 𑀤𑀲𑁆𑀲𑀫𑀸𑀢𑀺 𑀏𑀯𑀁 𑀢𑁂 𑀓𑀮𑀳𑀁 𑀯𑀟𑁆𑀠𑁂𑀢𑁆𑀯𑀸 𑀦 𑀔𑁄 𑀧𑀦 𑀢𑀼𑀫𑁆𑀳𑁂𑀳𑀺𑀬𑁂𑀯 𑀫𑀸𑀢𑀼 𑀣𑀦𑀢𑁄 𑀔𑀺𑀭𑀁 𑀧𑀻𑀢𑀁, 𑀅𑀫𑁆𑀳𑁂𑀳𑀺𑀧𑀺 𑀧𑀻𑀢𑀁 𑀢𑀼𑀫𑁆𑀳𑁂𑀬𑁂𑀯 𑀧𑀼𑀭𑀺𑀲𑀸 𑀅𑀫𑁆𑀳𑁂 𑀦 𑀧𑀼𑀭𑀺𑀲𑀸 𑀳𑁄𑀢𑀼 𑀳𑁄𑀢𑀽𑀢𑀺 𑀅𑀜𑁆𑀜𑀫𑀜𑁆𑀜𑀁 𑀅𑀳𑀁𑀓𑀸𑀭𑀁 𑀓𑀢𑁆𑀯𑀸 𑀲𑀸𑀲𑀦 𑀧𑀝𑀺𑀲𑀸𑀲𑀦𑀁 𑀧𑁂𑀲𑁂𑀦𑁆𑀢𑀸 𑀅𑀜𑁆𑀜𑀫𑀜𑁆𑀜𑀁 𑀫𑀸𑀦𑀕𑀚𑁆𑀚𑀺𑀢𑀁 𑀕𑀚𑁆𑀚𑀺𑀁𑀲𑀼 𑀬𑀼𑀤𑁆𑀥𑁂 𑀧𑀦 𑀲𑀢𑀺 𑀓𑁄𑀲𑀺𑀦𑀸𑀭𑀓𑀸𑀦𑀁𑀬𑁂𑀯 𑀚𑀬𑁄 𑀅𑀪𑀯𑀺𑀲𑁆𑀲, 𑀓𑀲𑁆𑀫𑀸 𑀥𑀸𑀢𑀼𑀧𑀸𑀲𑀦𑀢𑁆𑀣𑀁 𑀆𑀕𑀢𑀸 𑀤𑁂𑀯𑀢𑀸 𑀢𑁂𑀲𑀁 𑀧𑀓𑁆𑀔𑀸𑀅𑀳𑁂𑀲𑀼𑀁.

𑀢𑀢𑁄 𑀤𑁄𑀡𑁄 𑀩𑁆𑀭𑀸𑀳𑁆𑀫𑀡𑁄 𑀇𑀫𑀁 𑀯𑀺𑀯𑀸𑀤𑀁 𑀲𑀼𑀢𑁆𑀯𑀸 𑀏𑀢𑁂 𑀭𑀸𑀚𑀸𑀦𑁄 𑀪𑀕𑀯𑀢𑁂 𑀧𑀭𑀺𑀦𑀺𑀩𑁆𑀩𑀼𑀢𑀝𑁆𑀞𑀸𑀦𑁂 𑀯𑀺𑀯𑀺𑀤𑀁 𑀓𑀭𑁄𑀦𑁆𑀢𑀺 𑀦 𑀔𑁄 𑀧𑀦𑁂𑀢𑀁 𑀧𑀢𑀺𑀭𑀽𑀧𑀁 𑀅𑀮𑀁 𑀇𑀫𑀺𑀦𑀸 𑀓𑀮𑀳𑁂𑀦 𑀘𑀽𑀧𑀲𑀫𑁂𑀲𑁆𑀲𑀸𑀫𑀺 𑀦 𑀦𑁆𑀢𑀺 𑀉𑀡𑁆𑀡𑀢𑀧𑁆𑀧𑀤𑁂𑀲𑁂 𑀞𑀢𑁆𑀯𑀸 𑀤𑁆𑀯𑁂𑀪𑀸𑀡𑀯𑀸𑀭𑀧𑀭𑀺𑀫𑀸𑀡𑀁 𑀤𑁄𑀡𑀕𑀚𑁆𑀚𑀺𑀢𑀁 𑀦𑀸𑀫 𑀅𑀯𑁄𑀘 𑀢𑀢𑁆𑀣 𑀧𑀝𑁆𑀞𑀫𑀓𑀪𑀸𑀡𑀯𑀸𑀭𑁂 𑀢𑀸𑀯 𑀏𑀓𑀧𑀤𑀫𑁆𑀧𑀺 𑀢𑁂 𑀦 𑀚𑀸𑀦𑀺𑀁𑀲𑀼 𑀤𑀼𑀢𑀺𑀬𑀓 𑀪𑀸𑀡𑀯𑀸𑀭 𑀧𑀭𑀺𑀬𑁄𑀲𑀸𑀦𑁂’𑀆𑀘𑀭𑀺𑀬𑀲𑁆𑀲 𑀯𑀺𑀬 𑀪𑁄𑀲𑀤𑁆𑀤𑁄, 𑀆𑀘𑀭𑀺𑀬𑀲𑁆𑀲 𑀯𑀺𑀬 𑀪𑁄 𑀲𑀤𑁆𑀤𑁄’𑀢𑀺 𑀲𑀩𑁆𑀩𑁂 𑀦𑀻 𑀭𑀯𑀸 𑀅𑀳𑁂𑀲𑀼𑀁 𑀲𑀓𑀮𑀚𑀫𑁆𑀩𑀼𑀤𑀻𑀧𑀢𑀮𑁂 𑀓𑀺𑀭 𑀓𑀼𑀮𑀖𑀭𑁂 𑀚𑀸𑀢𑁄 𑀬𑁂𑀪𑀼𑀬𑁆𑀬𑁂𑀦 𑀢𑀲𑁆𑀲 𑀦 𑀅𑀦𑁆𑀢𑁂𑀯𑀸𑀲𑀺𑀓𑁄 𑀦𑀸𑀫 𑀦𑀢𑁆𑀣𑀺 𑀅𑀣 𑀲𑁄 𑀢𑁂 𑀅𑀢𑁆𑀢𑀦𑁄 𑀯𑀘𑀦𑀁 𑀲𑀼𑀢𑁆𑀯𑀸 𑀢𑀼𑀡𑁆𑀳𑀻𑀪𑀽𑀢𑁂 𑀯𑀺𑀤𑀺𑀢𑁆𑀯𑀸 𑀧𑀼𑀦 𑀏𑀢𑀤𑀯𑁄𑀘

‘‘𑀲𑀼𑀡𑀦𑁆𑀢𑀼 𑀪𑁄𑀦𑁆𑀢𑁄 𑀫𑀫 𑀏𑀓𑀯𑀸𑀓𑁆𑀬𑀁

𑀅𑀫𑁆𑀳𑀸𑀓𑀁 𑀩𑀼𑀤𑁆𑀥𑁄 𑀅𑀳𑀼 𑀔𑀦𑁆𑀢𑀺𑀯𑀸𑀤𑁄,

𑀦 𑀳𑀺 𑀲𑀸𑀥𑀬𑀁 𑀉𑀢𑁆𑀢𑀫 𑀧𑀼𑀕𑁆𑀕𑀮𑀲𑁆𑀲

𑀲𑀭𑀻𑀭𑀪𑀗𑁆𑀕𑁂 𑀲𑀺𑀬𑀸 𑀲𑀫𑁆𑀧𑀳𑀸𑀭𑁄

𑀲𑀩𑁆𑀩𑁂𑀯 𑀪𑁄𑀦𑁆𑀢𑁄 𑀲𑀳𑀺𑀢𑀸 𑀲𑀫𑀕𑁆𑀕𑀸

𑀲𑀫𑁆𑀫𑁄𑀤𑀫𑀸𑀦𑀸 𑀓𑀭𑁄𑀫𑀝𑁆𑀞𑀪𑀸𑀕𑁂,

𑀯𑀺𑀢𑁆𑀣𑀸𑀭𑀺𑀓𑀸 𑀳𑁄𑀦𑁆𑀢𑀼 𑀤𑀺𑀲𑀸𑀬𑀼 𑀣𑀽𑀧𑀸

𑀩𑀳𑀼𑀚𑁆𑀚𑀦𑁄 𑀘𑀓𑁆𑀔𑀼𑀫𑀢𑁄 𑀧𑀲𑀦𑁆𑀦𑁄’’𑀢𑀺;

𑀢𑀢𑁆𑀭𑀸𑀬𑀫𑀢𑁆𑀣𑁄 ‘‘𑀅𑀫𑁆𑀳𑀸𑀓𑀁 𑀩𑀼𑀤𑁆𑀥𑁄 𑀅𑀳𑀼 𑀔𑀦𑁆𑀢𑀺𑀯𑀸𑀤𑁄‘‘𑀢𑀺 𑀩𑀼𑀤𑁆𑀥𑀪𑀽𑀫𑀺𑀁 𑀅𑀧𑁆𑀧𑀢𑁆𑀯𑀸𑀧𑀺 𑀧𑀸𑀭𑀫𑀺𑀬𑁄 𑀧𑀽𑀭𑁂𑀦𑁆𑀢𑁄 𑀔𑀦𑁆𑀢𑀺𑀯𑀸𑀤 𑀢𑀸𑀧𑀲𑀓𑀸𑀮𑁂 𑀥𑀫𑁆𑀫𑀧𑀸𑀮𑀓𑀼𑀫𑀸𑀭 𑀓𑀸𑀮𑁂 𑀙𑀤𑁆𑀤𑀦𑁆𑀢𑀳𑀢𑁆𑀣𑀺𑀓𑀸𑀮𑁂 𑀪𑀽𑀭𑀺𑀤𑀢𑁆𑀢 𑀦𑀸𑀕𑀭𑀸𑀚 𑀓𑀸𑀮𑁂 𑀘𑀫𑁆𑀧𑁂𑀬𑁆𑀬 ¶ 𑀦𑀸𑀕𑀭𑀸𑀚 𑀓𑀸𑀮𑁂 𑀲𑀗𑁆𑀔𑀧𑀸𑀮 𑀦𑀸𑀕𑀭𑀸𑀚 𑀓𑀸𑀮𑁂 𑀫𑀳𑀸𑀓𑀧𑀺𑀓𑀸𑀮𑁂 𑀅𑀜𑁆𑀜𑁂𑀲𑀼𑀧𑀺 𑀩𑀳𑀽𑀲𑀼 𑀚𑀸𑀢𑀓𑁂𑀲𑀼 𑀧𑀭𑁂𑀲𑀼 𑀓𑁄𑀧𑀁 𑀅𑀓𑀢𑁆𑀯𑀸 𑀔𑀦𑁆𑀢𑀺𑀫𑁂𑀯 𑀅𑀓𑀸𑀲𑀺. 𑀔𑀦𑁆𑀢𑀺𑀫𑁂𑀯 𑀯𑀡𑁆𑀡𑀬𑀺, 𑀓𑀺𑀫𑀗𑁆𑀕 𑀧𑀦 𑀏𑀢𑀭𑀳𑀺 𑀇𑀝𑁆𑀞𑀸𑀦𑀺𑀝𑁆𑀞𑁂𑀲𑀼 𑀢𑀸𑀤𑀺𑀮𑀓𑁆𑀔𑀡𑀁 𑀧𑀢𑁆𑀢𑁄 𑀲𑀩𑁆𑀩𑀣𑀸𑀧𑀺 𑀅𑀫𑁆𑀳𑀸𑀓𑀁 𑀩𑀼𑀤𑁆𑀥𑁄 𑀔𑀦𑁆𑀢𑀺𑀯𑀸𑀤𑁄 𑀅𑀳𑁄𑀲𑀺.

𑀢𑀲𑁆𑀲 𑀏𑀯𑀁 𑀯𑀺𑀥𑀲𑁆𑀲 𑀦 𑀳𑀺 𑀲𑀸𑀥𑀬 𑀉𑀢𑁆𑀢𑀫𑀧𑀼𑀕𑁆𑀕𑀮𑀲𑁆𑀲 𑀲𑀭𑀻𑀭𑀪𑀗𑁆𑀕𑁂 𑀲𑀺𑀬𑀸 𑀲𑀫𑁆𑀧𑀳𑀸𑀭𑁄, ‘‘𑀦 𑀳𑀺 𑀲𑀸𑀥𑀬𑀦𑁆𑀢𑀺‘‘𑀦 𑀳𑀺 𑀲𑀸𑀥𑀼 𑀅𑀬𑀁, ‘‘𑀲𑀭𑀻𑀭𑀪𑀗𑁆𑀕𑁂𑀢𑀺 𑀲𑀭𑀻𑀭 𑀪𑀗𑁆𑀕𑀦𑀺𑀫𑀺𑀢𑁆𑀢𑀁 𑀥𑀸𑀢𑀼𑀓𑁄𑀝𑁆𑀞𑀸𑀲𑀳𑁂𑀢𑀽𑀢𑀺 𑀅𑀢𑁆𑀣𑁄 ‘‘𑀲𑀺𑀬𑀸 𑀲𑀫𑁆𑀧𑀳𑀸𑀭𑁄‘‘𑀢𑀺 𑀆𑀬𑀼𑀥 𑀲𑀫𑁆𑀧𑀳𑀸𑀭𑁄 𑀦 𑀳𑀺 𑀲𑀸𑀥𑀼 𑀲𑀺𑀬𑀸𑀢𑀺 𑀯𑀼𑀢𑁆𑀢𑀁 𑀳𑁄𑀢𑀺. ‘‘𑀲𑀩𑁆𑀩𑁂𑀯 𑀪𑁄𑀦𑁆𑀢𑁄 𑀲𑀳𑀺𑀢𑀸‘‘𑀢𑀺 𑀲𑀩𑁆𑀩𑁂𑀯 𑀪𑀯𑀦𑁆𑀢𑁄 𑀲𑀳𑀺𑀢𑀸 𑀪𑁄𑀣 𑀫𑀸 𑀪𑀺𑀚𑁆𑀚𑀺𑀢𑁆𑀣. ‘‘𑀲𑀫𑀕𑁆𑀕𑀸𑀢𑀺‘‘ 𑀓𑀸𑀬𑁂𑀦 𑀯𑀸𑀘𑀸𑀬 𑀘 𑀏𑀓𑀲𑀦𑁆𑀦𑀺𑀧𑀸𑀢𑀸 𑀏𑀓𑀯𑀘𑀦𑀸 𑀲𑀫𑀕𑁆𑀕𑀸 𑀪𑁄𑀣 ‘‘𑀲𑀫𑁆𑀫𑁄𑀤𑀫𑀸𑀦𑀸‘‘𑀢𑀺 𑀘𑀺𑀢𑁆𑀢𑁂𑀦𑀸𑀧𑀺 𑀅𑀜𑁆𑀜𑀫𑀜𑁆𑀜𑀁 𑀫𑁄𑀤𑀫𑀸𑀦𑀸 𑀪𑁄𑀣.’𑀓𑀭𑁄𑀫𑀝𑁆𑀞𑀪𑀸𑀕𑁂‘‘𑀢𑀺 𑀪𑀕𑀯𑀢𑀸 𑀲𑀭𑀻𑀭𑀸𑀦𑀺 𑀅𑀝𑁆𑀞𑀪𑀸𑀕𑁂 𑀓𑀭𑁄𑀫. ‘‘𑀘𑀓𑁆𑀔𑀼𑀫𑀢𑁄‘‘𑀢𑀺 𑀧𑀜𑁆𑀘𑀳𑀺 𑀘𑀓𑁆𑀔𑀼𑀳𑀻 𑀘𑀓𑁆𑀔𑀼𑀢𑀸 𑀩𑀼𑀤𑁆𑀥𑀲𑁆𑀲, 𑀦 𑀓𑁂𑀯𑀮𑀁 𑀢𑀼𑀫𑁆𑀳𑁂𑀬𑁂𑀯 𑀩𑀳𑀼𑀚𑁆𑀚𑀦𑁄 𑀧𑀲𑀦𑁆𑀦𑁄 𑀢𑁂𑀲𑀼 𑀏𑀓𑁄𑀧𑀺 𑀮𑀤𑁆𑀥𑀼 𑀅𑀬𑀼𑀢𑁆𑀢𑁄 𑀦𑀸𑀫 𑀦𑀢𑁆𑀣𑀺𑀢𑀺 𑀩𑀳𑀼𑀁 𑀓𑀸𑀭𑀡𑀁 𑀯𑀢𑁆𑀯𑀸 𑀲𑀜𑁆𑀜𑀸𑀧𑁂𑀲𑀺.

𑀅𑀣 𑀲𑀩𑁆𑀩𑁂𑀧𑀺 𑀭𑀸𑀚𑀸𑀦𑁄 𑀏𑀯𑀫𑀸𑀳𑀁𑀲𑀼-𑀢𑁂𑀦 𑀳𑀺 𑀩𑁆𑀭𑀸𑀳𑁆𑀫𑀡 𑀢𑁆𑀯𑀜𑁆𑀜𑁂𑀯 𑀪𑀕𑀯𑀢𑁄 𑀲𑀭𑀻𑀭𑀸𑀦𑀺 𑀅𑀝𑁆𑀞𑀥𑀸 𑀲𑀫𑀁 𑀲𑀼𑀯𑀺𑀪𑀢𑁆𑀢𑀁 𑀯𑀺𑀪𑀚𑀸𑀳𑀻𑀢𑀺. 𑀏𑀯𑀁 𑀪𑁄𑀢𑀺 𑀔𑁄 𑀤𑁄𑀡𑁄 𑀩𑁆𑀭𑀸𑀳𑁆𑀫𑀡𑁄 𑀢𑁂𑀲𑀁 𑀭𑀸𑀚𑀽𑀦𑀁 𑀧𑀝𑀺𑀲𑁆𑀲𑀼𑀢𑁆𑀯𑀸 𑀥𑀸𑀢𑀼𑀬𑁄 𑀲𑀫𑀁 𑀲𑀼𑀯𑀺𑀪𑀢𑁆𑀢𑀁 𑀯𑀺𑀪𑀚𑀺.

𑀢𑀢𑁆𑀭𑀸𑀬𑀫𑀦𑀼𑀓𑁆𑀓𑀫𑁄 𑀤𑁄𑀡𑁄 𑀓𑀺𑀭 𑀢𑁂𑀲𑀁 𑀧𑀝𑀺𑀲𑁆𑀲𑀼𑀢𑁆𑀯𑀸 𑀲𑀼𑀯𑀡𑁆𑀡𑀤𑁄𑀡𑀺𑀁 𑀯𑀺𑀯𑀭𑀸𑀧𑁂𑀲𑀺. 𑀭𑀸𑀚𑀸𑀦𑁄 𑀆𑀕𑀦𑁆𑀢𑁆𑀯𑀸 𑀤𑁄𑀡𑀺𑀬𑀁 𑀬𑁂𑀯𑀢𑀸 𑀲𑀼𑀯𑀡𑁆𑀡𑀯𑀡𑁆𑀡𑀸 𑀥𑀸𑀢𑀼𑀬𑁄 𑀤𑀺𑀲𑁆𑀯𑀸 𑀪𑀕𑀯𑀸 𑀲𑀩𑁆𑀩𑀜𑁆𑀜𑀼 𑀧𑀼𑀩𑁆𑀩𑁂 𑀫𑀬𑀁 𑀢𑀼𑀫𑁆𑀳𑀸𑀓𑀁 𑀤𑁆𑀯𑀢𑁆𑀢𑀺𑀁𑀲 𑀮𑀓𑁆𑀔𑀡 𑀧𑀢𑀺𑀫𑀡𑁆𑀟𑀺𑀢𑀁 𑀙𑀩𑁆𑀩𑀡𑁆𑀡𑀩𑀼𑀤𑁆𑀥𑀭𑀲𑁆𑀫𑀺𑀔𑀘𑀺𑀢𑀁 𑀲𑀼𑀯𑀡𑁆𑀡𑀯𑀡𑁆𑀡𑀁 𑀲𑀭𑀻𑀭𑀁 𑀅𑀤𑁆𑀤𑀲𑀸𑀫 𑀇𑀤𑀸𑀦𑀺 𑀧𑀦 𑀲𑀼𑀯𑀡𑁆𑀡𑀯𑀡𑁆𑀡𑀸 𑀥𑀸𑀢𑀼𑀬𑁄𑀯 𑀅𑀯𑀲𑀺𑀝𑁆𑀞𑀸 𑀚𑀸𑀢𑀸, 𑀦 𑀬𑀼𑀢𑁆𑀢𑀫𑀺𑀤𑀁 𑀪𑀕𑀯𑀸 𑀢𑀼𑀫𑁆𑀳𑀸𑀓𑀦𑁆𑀢𑀺 𑀧𑀭𑀺𑀤𑁂𑀯𑀺𑀁𑀲𑀼. 𑀩𑁆𑀭𑀸𑀳𑁆𑀫𑀡𑁄 𑀢𑀲𑁆𑀫𑀺𑀁 𑀲𑀫𑀬𑁂 𑀢𑁂𑀲𑀁 𑀧𑀫𑀢𑁆𑀢𑀪𑀸𑀯𑀁 𑀜𑀢𑁆𑀯𑀸 𑀤𑀓𑁆𑀔𑀺𑀡𑀤𑀸𑀞𑀁 𑀕𑀳𑁂𑀢𑁆𑀯𑀸 𑀯𑁂𑀞𑀦𑁆𑀢𑀭𑁂 𑀞𑀧𑁂𑀲𑀺 𑀅𑀣 𑀧𑀘𑁆𑀙𑀸 𑀲𑀫𑀁 𑀲𑀼𑀯𑀺𑀪𑀢𑁆𑀢𑀁 𑀯𑀺𑀪𑀚𑀺. 𑀲𑀩𑁆𑀩𑀸𑀧𑀺 𑀥𑀸𑀢𑀼𑀬𑁄 𑀧𑀸𑀓𑀢𑀺𑀓 𑀦𑀸𑀴𑀺𑀬𑀸 𑀲𑁄𑀴𑀲 𑀦𑀸𑀴𑀺𑀬𑁄 𑀅𑀳𑁄𑀲𑀼𑀁. 𑀏𑀓𑁂𑀓 𑀦𑀕𑀭𑀯𑀸𑀲𑀺𑀦𑁄 𑀤𑁆𑀯𑁂 𑀤𑁆𑀯𑁂 𑀦𑀸𑀴𑀺𑀬𑁄 𑀮𑀪𑀺𑀁𑀲𑀼.

𑀩𑁆𑀭𑀸𑀳𑁆𑀫𑀡𑀲𑁆𑀲 𑀧𑀦 𑀥𑀸𑀢𑀼𑀬𑁄 𑀯𑀺𑀪𑀚𑀦𑁆𑀢𑀲𑁆𑀲𑁂𑀯 𑀲𑀓𑁆𑀓𑁄 𑀤𑁂𑀯𑀸𑀦𑀫𑀺𑀦𑁆𑀤𑁄 𑀓𑁂𑀦 𑀦𑀼 𑀔𑁄 𑀲𑀤𑁂𑀯𑀓𑀲𑁆𑀲 𑀮𑁄𑀓𑀲𑁆𑀲 𑀓𑀗𑁆𑀔𑀸𑀘𑁆𑀙𑁂𑀤𑀦𑀸𑀬 𑀘𑀢𑀼𑀲𑀘𑁆𑀘𑀓𑀣𑀸𑀬 𑀧𑀘𑁆𑀘𑀬𑀪𑀽𑀢𑀸 𑀪𑀕𑀯𑀢𑁄 𑀤𑀓𑁆𑀔𑀺𑀡𑀤𑀸𑀞𑀸 𑀕𑀳𑀺𑀢𑀸𑀢𑀺 𑀑𑀮𑁄𑀓𑁂𑀦𑁆𑀢𑁄 𑀩𑁆𑀭𑀸𑀳𑁆𑀫𑀡𑁂𑀦 𑀕𑀳𑀺𑀢𑀸𑀢𑀺 𑀤𑀺𑀲𑁆𑀯𑀸 𑀩𑁆𑀭𑀸𑀳𑁆𑀫𑀡𑁄 𑀤𑀸𑀞𑀸𑀬 𑀅𑀦𑀼𑀘𑁆𑀙𑀯𑀺𑀓𑀁 𑀲𑀓𑁆𑀓𑀸𑀭𑀁 𑀓𑀸𑀢𑀼𑀁 𑀦 𑀲𑀓𑁆𑀔𑀺𑀲𑁆𑀲𑀢𑀺 𑀕𑀡𑁆𑀳𑀸𑀫𑀺 𑀦𑀦𑁆𑀢𑀺 𑀯𑁂𑀞𑀦𑁆𑀢𑀭𑀢𑁄 𑀕𑀳𑁂𑀢𑁆𑀯𑀸 𑀲𑀼𑀯𑀡𑁆𑀡 𑀘𑀗𑁆𑀕𑁄𑀝𑀓𑁂 𑀞𑀧𑁂𑀢𑁆𑀯𑀸 𑀤𑁂𑀯𑀮𑁄𑀓𑀁 𑀦𑁂𑀢𑁆𑀯𑀸 𑀘𑀼𑀴𑀸𑀫𑀡𑀻 ¶ 𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀸𑀧𑁂𑀲𑀺 𑀩𑁆𑀭𑀸𑀳𑁆𑀫𑀡𑁄𑀧𑀺 𑀥𑀸𑀢𑀼𑀬𑁄 𑀯𑀺𑀪𑀚𑀺𑀢𑁆𑀯𑀸 𑀤𑀸𑀞𑀁 𑀅𑀧𑀲𑁆𑀲𑀦𑁆𑀢𑁄 𑀓𑁂𑀦 𑀫𑁂 𑀞𑀸 𑀕𑀳𑀺𑀢𑀸𑀢𑀺 𑀧𑀼𑀘𑁆𑀙𑀺𑀢𑀼𑀫𑁆𑀧𑀺 𑀦𑀸𑀲𑀓𑁆𑀔𑀺. 𑀦𑀦𑀼 𑀢𑀬𑀸 𑀥𑀸𑀢𑀼𑀬𑁄 𑀯𑀺𑀪𑀚𑀺𑀢𑀸, 𑀓𑀺𑀁 𑀢𑁆𑀯𑀁 𑀧𑀞𑀫𑀁𑀬𑁂𑀯 𑀅𑀢𑁆𑀢𑀦𑁄 𑀥𑀸𑀢𑀽𑀳𑀺 𑀅𑀢𑁆𑀣𑀺𑀪𑀸𑀯𑀁 𑀦 𑀅𑀜𑁆𑀜𑀸𑀲𑀻𑀢𑀺, 𑀅𑀢𑁆𑀢𑀦𑀺 𑀤𑁄𑀲𑀸𑀭𑁄𑀧𑀦𑀁 𑀲𑀫𑁆𑀧𑀲𑁆𑀲𑀫𑀸𑀦𑁄 𑀫𑀬𑁆𑀳𑀫𑁆𑀧𑀺 𑀓𑁄𑀝𑁆𑀞𑀸𑀲𑀁 𑀤𑁂𑀣𑀸𑀢𑀺 𑀯𑀢𑁆𑀢𑀼𑀫𑁆𑀧𑀺 𑀦𑀸𑀲𑀓𑁆𑀔𑀺.

𑀢𑀢𑁄 𑀅𑀬𑀁 𑀲𑀼𑀯𑀡𑁆𑀡𑀓𑀼𑀫𑁆𑀪𑁄𑀧𑀺 𑀥𑀸𑀢𑀼𑀕𑀢𑀺𑀓𑁄𑀬𑁂𑀯 𑀬𑁂𑀦 𑀢𑀣𑀸𑀕𑀢𑀲𑁆𑀲 𑀥𑀸𑀢𑀼𑀬𑁄 𑀫𑀺𑀦𑀺𑀢𑀸. 𑀇𑀫𑀲𑁆𑀲𑀸𑀳𑀁 𑀣𑀽𑀧𑀁 𑀓𑀭𑀺𑀲𑁆𑀲𑀸𑀫𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀇𑀫𑀁 𑀫𑁂 𑀪𑁄𑀦𑁆𑀢𑁄 𑀓𑀼𑀫𑁆𑀪𑀁 𑀤𑀤𑀦𑁆𑀢𑀽𑀢𑀺 𑀆𑀳 𑀢𑀢𑁄 𑀭𑀸𑀚𑀸𑀦𑁄 𑀩𑁆𑀭𑀸𑀳𑁆𑀫𑀡𑀲𑁆𑀲 𑀓𑀼𑀫𑁆𑀪𑀫𑀤𑀁𑀲𑀼 𑀧𑀺𑀧𑁆𑀨𑀮𑀺𑀯𑀦𑀺𑀬𑀸𑀧𑀺 𑀔𑁄 𑀫𑁄𑀭𑀺𑀬𑀸 𑀪𑀕𑀯𑀢𑁄 𑀧𑀭𑀺𑀦𑀺𑀩𑁆𑀩𑀼𑀢𑀪𑀸𑀯𑀁 𑀲𑀼𑀢𑁆𑀯𑀸 𑀪𑀕𑀯𑀸𑀧𑀺 𑀔𑀢𑁆𑀢𑀺𑀬𑁄, 𑀫𑀬𑀫𑁆𑀧𑀺 𑀔𑀢𑁆𑀢𑀺𑀬𑁄 𑀫𑀬𑀫𑁆𑀧𑀺, 𑀅𑀭𑀳𑀸𑀫 𑀮𑀪𑀺𑀢𑀼𑀁 𑀪𑀕𑀯𑀢𑁄 𑀲𑀭𑀻𑀭𑀸𑀦𑀁 𑀪𑀸𑀕𑀦𑁆𑀢𑀺 𑀤𑀽𑀢𑀁 𑀧𑁂𑀲𑁂𑀢𑁆𑀯𑀸 𑀬𑀼𑀤𑁆𑀥 𑀲𑀚𑁆𑀚𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀆𑀕𑀢𑀸 𑀢𑁂𑀲𑀁 𑀭𑀸𑀚𑀸𑀦𑁄 𑀏𑀯𑀫𑀸𑀳𑀁𑀲𑀼 - 𑀦𑀢𑁆𑀣𑀺 𑀪𑀕𑀯𑀢𑁄 𑀲𑀭𑀻𑀭𑀸𑀦𑀁 𑀪𑀸𑀕𑁄, 𑀯𑀺𑀪𑀢𑁆𑀢𑀸𑀦𑀺 𑀪𑀕𑀯𑀢𑁄 𑀲𑀭𑀻𑀭𑀸𑀦𑀺 𑀇𑀢𑁄 𑀅𑀗𑁆𑀕𑀸𑀭𑀁 𑀕𑀭𑀣𑀸𑀢𑀺. 𑀢𑁂 𑀢𑀢𑁄 𑀅𑀗𑁆𑀕𑀸𑀭𑀁 𑀳𑀭𑀺𑀁𑀲𑀼.

𑀅𑀣 𑀔𑁄 𑀭𑀸𑀚𑀸 𑀅𑀚𑀸𑀢𑀲𑀢𑁆𑀢𑀼 𑀓𑀼𑀲𑀺𑀦𑀸𑀭𑀸𑀬 𑀘 𑀭𑀸𑀚𑀕𑀳𑀲𑁆𑀲 𑀘 𑀅𑀦𑁆𑀢𑀭𑁂 𑀧𑀜𑁆𑀘𑀯𑀻𑀲𑀢𑀺 𑀬𑁄𑀚𑀦𑀫𑀕𑁆𑀕𑀁 𑀅𑀝𑁆𑀞 𑀉𑀲𑀪𑀯𑀺𑀢𑁆𑀣𑀢𑀁 𑀲𑀫𑀢𑀮𑀁 𑀓𑀸𑀭𑁂𑀢𑁆𑀯𑀸 𑀲𑀸𑀤𑀺𑀲𑀁 𑀫𑀮𑁆𑀮𑀭𑀸𑀚𑀸𑀦𑁄 𑀫𑀓𑀼𑀝𑀩𑀡𑁆𑀥𑀦𑀲𑁆𑀲 𑀘 𑀲𑀦𑁆𑀣𑀸𑀕𑀸𑀭𑀲𑁆𑀲 𑀘 𑀅𑀦𑁆𑀢𑀭𑁂 𑀧𑀽𑀚𑀁 𑀓𑀸𑀭𑁂𑀲𑀼𑀁 𑀢𑀸𑀤𑀺𑀲𑀁 𑀧𑀜𑁆𑀘𑀯𑀻𑀲𑀢𑀺𑀬𑁄𑀚𑀦𑁂𑀧𑀺 𑀫𑀕𑁆𑀕𑁂 𑀧𑀽𑀚𑀸 𑀓𑀸𑀭𑁂𑀢𑁆𑀯𑀸 𑀮𑁄𑀓𑀲𑁆𑀲 𑀅𑀦𑀼𑀓𑁆𑀓𑀡𑁆𑀞𑀦𑀢𑁆𑀣𑀁 𑀲𑀩𑁆𑀩𑀢𑁆𑀣 𑀅𑀦𑁆𑀢𑀭𑀸𑀧𑀡𑁂 𑀧𑀲𑀸𑀭𑁂𑀢𑁆𑀯𑀸 𑀲𑀼𑀯𑀡𑁆𑀡𑀤𑁄𑀡𑀺𑀬𑀁 𑀧𑀓𑁆𑀔𑀺𑀢𑁆𑀢𑀥𑀸𑀢𑀼𑀬𑁄 𑀲𑀢𑁆𑀢𑀺𑀧𑀜𑁆𑀚𑀭𑁂𑀦 𑀧𑀭𑀺𑀓𑁆𑀔𑀺𑀧𑀸𑀧𑁂𑀢𑁆𑀯𑀸 𑀅𑀢𑁆𑀢𑀦𑁄 𑀯𑀺𑀚𑀺𑀢𑁂 𑀧𑀜𑁆𑀘𑀬𑁄𑀚𑀦𑀲𑀢 𑀧𑀭𑀺𑀫𑀡𑁆𑀟𑀮𑁂 𑀫𑀦𑀼𑀲𑁆𑀲𑁂 𑀲𑀦𑁆𑀦𑀺𑀧𑀸𑀢𑀸𑀧𑁂𑀲𑀺.

𑀢𑁂 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀓𑀼𑀲𑀺𑀦𑀸𑀭𑀸𑀢𑁄 𑀥𑀸𑀢𑀼𑀓𑀻𑀴𑀁 𑀓𑀻𑀴𑀦𑁆𑀢𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀬𑀢𑁆𑀣 𑀬𑀢𑁆𑀣 𑀯𑀡𑁆𑀡𑀯𑀦𑁆𑀢𑀸𑀦𑀺 𑀧𑀼𑀧𑁆𑀨𑀸𑀦𑀺 𑀧𑀲𑁆𑀲𑀦𑁆𑀢𑀺, 𑀢𑀢𑁆𑀣 𑀢𑀢𑁆𑀣 𑀥𑀸𑀢𑀼𑀬𑁄 𑀲𑀢𑁆𑀢𑀺 𑀅𑀦𑁆𑀢𑀭𑁂 𑀞𑀧𑁂𑀢𑁆𑀯𑀸 𑀢𑁂𑀲𑀁 𑀧𑀼𑀧𑁆𑀨𑀸𑀦𑀁 𑀔𑀻𑀡𑀓𑀸𑀮𑁂 𑀕𑀘𑁆𑀙𑀦𑁆𑀢𑀺. 𑀭𑀣𑀲𑁆𑀲 𑀥𑀼𑀭𑀝𑁆𑀞𑀸𑀦𑀁 𑀧𑀘𑁆𑀙𑀺𑀫𑀝𑁆𑀞𑀸𑀦𑁂 𑀲𑀫𑁆𑀧𑀢𑁆𑀢𑁂 𑀲𑀢𑁆𑀢 𑀤𑀺𑀯𑀲𑁂 𑀲𑀸𑀥𑀼𑀓𑀻𑀴𑀁 𑀓𑀻𑀴𑀦𑁆𑀢𑀺 𑀏𑀯𑀁 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀆𑀕𑀘𑁆𑀙𑀦𑁆𑀢𑀸𑀦𑀁 𑀲𑀢𑁆𑀢𑀯𑀲𑁆𑀲𑀸𑀦𑀺 𑀲𑀢𑁆𑀢𑀫𑀸𑀲𑀸𑀦𑀺 𑀲𑀢𑁆𑀢 𑀘 𑀤𑀺𑀯𑀲𑀸𑀦𑀺 𑀯𑀺𑀢𑀺𑀯𑀢𑁆𑀢𑀸𑀦𑀺 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀓𑀸 𑀲𑀫𑀡𑀲𑁆𑀲 𑀕𑁄𑀢𑀫𑀲𑁆𑀲 𑀧𑀭𑀺𑀦𑀺𑀩𑁆𑀩𑀼𑀢 𑀓𑀸𑀮𑀢𑁄 𑀧𑀝𑁆𑀞𑀸𑀬 𑀩𑀮𑀓𑁆𑀓𑀸𑀭𑁂𑀦 𑀲𑀸𑀥𑀼𑀓𑀻𑀴𑀺𑀓𑀸𑀬 𑀉𑀧𑀤𑁆𑀤𑀼𑀢𑀫𑁆𑀳𑀸, 𑀲𑀩𑁆𑀩𑁂 𑀦𑁄 𑀓𑀫𑁆𑀫𑀦𑁆𑀢𑀸 𑀦𑀝𑁆𑀞𑀸𑀢𑀺 𑀉𑀚𑁆𑀛𑀸𑀬𑀦𑁆𑀢𑀸 𑀫𑀦𑀁 𑀧𑀤𑀽𑀲𑁂𑀢𑁆𑀯𑀸 𑀙𑀴𑀸𑀲𑀻𑀢𑀺𑀲𑀳𑀲𑁆𑀲𑀫𑀢𑁆𑀢𑀸 𑀅𑀧𑀸𑀬𑁂 𑀦𑀺𑀩𑁆𑀩𑀢𑁆𑀢𑀸, 𑀔𑀻𑀡𑀸𑀲𑀯 𑀆𑀯𑀚𑁆𑀚𑀺𑀢𑁆𑀯𑀸 𑀫𑀳𑀸𑀚𑀦𑁄 𑀫𑀦𑀁 𑀧𑀤𑀽𑀲𑁂𑀢𑁆𑀯𑀸 𑀅𑀧𑀸𑀬𑁂 𑀦𑀺𑀩𑁆𑀩𑀢𑁆𑀢𑁄𑀢𑀺 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀤𑀺𑀲𑁆𑀯𑀸 𑀥𑀸𑀢𑀼 𑀆𑀳𑀭𑀡𑀼𑀧𑀸𑀬𑀁 𑀓𑀭𑀺𑀲𑁆𑀲𑀸𑀫𑀸𑀢𑀺 𑀢𑀲𑁆𑀲 𑀲𑀦𑁆𑀢𑀺𑀓𑀁 𑀕𑀦𑁆𑀢𑁆𑀯𑀸 𑀢𑀫𑀢𑁆𑀣𑀁 𑀆𑀭𑁄𑀘𑁂𑀢𑁆𑀯𑀸 𑀥𑀸𑀢𑀼 𑀆𑀳𑀭𑀡𑀼𑀧𑀸𑀬𑀁 𑀓𑀸𑀭𑁄𑀳𑀺 𑀫𑀳𑀸𑀭𑀸𑀚𑀸𑀢𑀺 𑀆𑀳𑀁𑀲𑀼. 𑀲𑀓𑁆𑀓𑁄 𑀆𑀳 ‘‘𑀧𑀼𑀣𑀼𑀚𑁆𑀚𑀦𑁄 𑀦𑀸𑀫 𑀅𑀚𑀸𑀢𑀲𑀢𑁆𑀢𑀼𑀦𑀸 𑀲𑀫𑁄 𑀲𑀤𑁆𑀥𑁄 𑀦𑀢𑁆𑀣𑀺, 𑀦 𑀲𑁄 𑀫𑀫 𑀯𑀘𑀦𑀁 𑀓𑀭𑀺𑀲𑁆𑀲𑀢𑀺 𑀅𑀧𑀺 𑀘 𑀔𑁄 𑀫𑀸𑀭𑀯𑀺𑀪𑀺𑀲𑀓𑀲𑀤𑀺𑀲𑀁 𑀯𑀺𑀪𑀻𑀲𑀓𑀁 𑀤𑀲𑁆𑀲𑁂𑀲𑁆𑀲𑀸𑀫𑀺 𑀬𑀓𑁆𑀔 𑀕𑀸𑀳𑀓 𑀔𑀺𑀧𑀦𑀓 𑀅𑀭𑁄𑀘𑀓𑁂 𑀓𑀭𑀺𑀲𑁆𑀲𑀸𑀫𑀺 𑀢𑀼𑀫𑁆𑀳𑁂 ¶ ’𑀫𑀳𑀸𑀭𑀸𑀚 𑀅𑀫𑀦𑀼𑀲𑁆𑀲𑀸 𑀓𑀼𑀧𑀺𑀢𑀸, 𑀥𑀸𑀢𑀼𑀬𑁄 𑀆𑀳𑀭𑀸𑀧𑁂𑀣𑀸𑀢𑀺’. 𑀯𑀤𑁂𑀬𑁆𑀬𑀸𑀣 𑀏𑀯𑀁 𑀲𑁄 𑀆𑀳𑀭𑀸𑀧𑁂𑀲𑁆𑀲𑀢𑀻𑀢𑀺. 𑀅𑀣 𑀔𑁄 𑀲𑀓𑁆𑀓𑁄 𑀢𑀁 𑀲𑀩𑁆𑀩𑀁 𑀅𑀓𑀸𑀲𑀺.

𑀣𑁂𑀭𑀸𑀧𑀺 𑀭𑀸𑀚𑀸𑀦𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀫𑀳𑀸𑀭𑀸𑀚 𑀅𑀫𑀦𑀼𑀲𑁆𑀲𑀸 𑀓𑀼𑀧𑀺𑀢𑀁, 𑀥𑀸𑀢𑀼𑀬𑁄 𑀆𑀳𑀭𑀸𑀧𑁂𑀳𑀻𑀢𑀺 𑀪𑀡𑀺𑀁𑀲𑀼 𑀭𑀸𑀚𑀸 𑀦 𑀢𑀸𑀯 𑀪𑀦𑁆𑀢𑁂 𑀫𑀬𑁆𑀳𑀁 𑀘𑀺𑀢𑁆𑀢𑀁 𑀢𑀼𑀲𑁆𑀲𑀢𑀺. 𑀏𑀯𑀁 𑀲𑀦𑁆𑀢𑁂𑀧𑀺 𑀆𑀳𑀭𑀢𑀽𑀢𑀺 𑀆𑀳 𑀲𑀢𑁆𑀢𑀫𑁂 𑀤𑀺𑀯𑀲𑁂 𑀥𑀸𑀢𑀼𑀬𑁄 𑀆𑀳𑀭𑀺𑀁𑀲𑀼. 𑀏𑀯𑀁 𑀆𑀳𑀢𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀭𑀸𑀚𑀸 𑀭𑀸𑀚𑀕𑀳𑁂 𑀣𑀼𑀧𑀫𑀓𑀸𑀲𑀺 𑀇𑀢𑀭𑁂𑀧𑀺 𑀭𑀸𑀚𑀸𑀦𑁄 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀩𑀮𑀸𑀦𑀼𑀭𑀽𑀧𑁂𑀦 𑀦𑀻𑀳𑀭𑀺𑀢𑁆𑀯𑀸 𑀲𑀓𑀲𑀓𑀝𑁆𑀞𑀸𑀦𑁂 𑀣𑀽𑀧𑀫𑀓𑀁𑀲𑀼. 𑀤𑁄𑀡𑀺𑀧𑀺 𑀩𑁆𑀭𑀸𑀳𑁆𑀫𑀡𑁄 𑀧𑀺𑀨𑁆𑀨𑀮𑀻𑀯𑀦𑀺𑀬𑀸𑀧𑀺 𑀫𑁄𑀭𑀺𑀬𑀸 𑀲𑀓𑀲𑀓𑀝𑁆𑀞𑀸𑀦𑁂 𑀣𑀽𑀧𑀫𑀓𑀁𑀲𑀽𑀢𑀺.

𑀏𑀓𑁄 𑀣𑀽𑀧𑁄 𑀭𑀸𑀚𑀕𑀳𑁂 - 𑀏𑀓𑁄 𑀯𑁂𑀲𑀸𑀮𑀺𑀬𑀸 𑀧𑀼𑀭𑁂,

𑀏𑀓𑁄 𑀓𑀧𑀺𑀮𑀯𑀢𑁆𑀣𑀼𑀲𑁆𑀫𑀺𑀁 - 𑀏𑀓𑁄 𑀘 𑀅𑀮𑁆𑀮𑀓𑀧𑁆𑀧𑀓𑁂;

𑀏𑀓𑁄 𑀣𑀽𑀧𑁄 𑀭𑀸𑀫𑀕𑀸𑀫𑁂 - 𑀏𑀓𑁄 𑀘 𑀯𑁂𑀞𑀤𑀻𑀧𑀓𑁂,

𑀏𑀓𑁄 𑀧𑀸𑀘𑁂𑀬𑁆𑀬𑀓𑁂 𑀫𑀮𑁆𑀮𑁂 - 𑀏𑀓𑁄 𑀘 𑀓𑀼𑀲𑀺𑀦𑀸𑀭𑀓𑁂;

𑀬𑁂 𑀢𑁂 𑀲𑀸𑀭𑀻𑀭𑀺𑀓𑀸 𑀣𑀽𑀧𑀸 - 𑀚𑀫𑁆𑀩𑀼𑀯𑀤𑀻𑀧𑁂 𑀧𑀢𑀺𑀝𑁆𑀞𑀺𑀢𑀸;

𑀅𑀗𑁆𑀕𑀸𑀭𑀓𑀼𑀫𑁆𑀪𑀣𑀽𑀧𑁂𑀳𑀺 - 𑀤𑀲 𑀣𑀽𑀧𑀸 𑀪𑀯𑀦𑁆𑀢𑀺 𑀢𑁂;

𑀤𑀲𑀸𑀧𑀺 𑀣𑀽𑀧𑀸 𑀧𑀼𑀭𑀺𑀲𑀼𑀢𑁆𑀢𑀫𑀲𑁆𑀲 𑀬𑁂-

𑀬𑀣𑀸𑀦𑀼𑀭𑀽𑀧𑀁 𑀦𑀭𑀭𑀸𑀚 𑀧𑀽𑀚𑀺𑀢𑀸,

𑀲𑀩𑁆𑀩𑁂𑀦 𑀮𑁄𑀓𑁂𑀦 𑀲𑀤𑁂𑀯𑀓𑁂𑀦 𑀢𑁂-

𑀦𑀫𑀲𑁆𑀲𑀦𑁂𑀬𑁆𑀬𑀸𑀘 𑀪𑀯𑀦𑁆𑀢𑀺 𑀲𑀩𑁆𑀩𑀤𑀸𑀢𑀺;

𑀤𑀲𑀣𑀽𑀧𑀓𑀣𑀸

𑁧𑁦. 𑀏𑀯𑀁 𑀧𑀢𑀺𑀝𑁆𑀞𑀺𑀢𑁂𑀲𑀼 𑀧𑀦 𑀣𑀽𑀧𑁂𑀲𑀼 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁄 𑀥𑀸𑀢𑀽𑀦𑀁 𑀅𑀦𑁆𑀢𑀭𑀸𑀬𑀁 𑀤𑀺𑀲𑁆𑀯𑀸 𑀅𑀚𑀸𑀢𑀲𑀢𑁆𑀢𑀼𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀫𑀳𑀸𑀭𑀸𑀚 𑀏𑀓𑀁 𑀥𑀸𑀢𑀼𑀦𑀺𑀥𑀸𑀦𑀁 𑀓𑀸𑀢𑀼𑀁 𑀯𑀝𑁆𑀝𑀢𑀺𑀢𑀺 𑀆𑀳 𑀲𑀸𑀥𑀼 𑀪𑀦𑁆𑀢𑁂 𑀦𑀺𑀥𑀸𑀦𑀓𑀫𑁆𑀫𑀁 𑀢𑀸𑀯 𑀫𑀫 𑀳𑁄𑀢𑀼, 𑀥𑀸𑀢𑀼𑀬𑁄 𑀧𑀦 𑀓𑀣𑀁 𑀆𑀳𑀭𑀸𑀧𑁂𑀫𑀺𑀢𑀺. 𑀦 𑀫𑀳𑀸𑀭𑀸𑀚 𑀥𑀸𑀢𑀼 𑀆𑀳𑀭𑀡𑀁 𑀢𑀼𑀬𑁆𑀳𑀁 𑀪𑀸𑀭𑁄, 𑀅𑀫𑁆𑀳𑀸𑀓𑀁 𑀪𑀸𑀭𑁄𑀢𑀺. 𑀲𑀸𑀥𑀼 𑀪𑀦𑁆𑀢𑁂 𑀢𑀼𑀫𑁆𑀳𑁂 𑀥𑀸𑀢𑀼𑀬𑁄 𑀆𑀳𑀭𑀣. 𑀅𑀳𑀁 𑀥𑀸𑀢𑀼𑀦𑀺𑀥𑀸𑀦𑀁 𑀓𑀭𑀺𑀲𑁆𑀲𑀸𑀫𑀻𑀢𑀺. 𑀣𑁂𑀭𑁄 𑀢𑁂𑀲𑀁 𑀢𑁂𑀲𑀁 𑀭𑀸𑀚𑀓𑀼𑀮𑀸𑀦𑀁 𑀧𑀭𑀺𑀘𑀭𑀡𑀫𑀢𑁆𑀢𑀓𑀫𑁂𑀯 𑀞𑀧𑁂𑀢𑁆𑀯𑀸 𑀲𑁂𑀲𑁂𑀥𑀸𑀢𑀼𑀬𑁄 𑀆𑀳𑀭𑀺.

𑀭𑀸𑀫𑀕𑀸𑀫𑁂 𑀧𑀦 𑀥𑀸𑀢𑀼𑀬𑁄 𑀦𑀸𑀕𑀸 𑀕𑀡𑁆𑀳𑀺𑀁𑀲𑀼 𑀢𑀸𑀲𑀁 𑀅𑀦𑁆𑀢𑀭𑀸𑀬𑁄 𑀦𑀢𑁆𑀣𑀺, 𑀅𑀦𑀸𑀕𑀢𑁂 𑀮𑀗𑁆𑀓𑀸𑀤𑀻𑀧𑁂 𑀫𑀳𑀸𑀯𑀺𑀳𑀸𑀭𑁂 𑀫𑀳𑀸𑀘𑁂𑀢𑀺𑀬𑀫𑁆𑀳𑀺 𑀦𑀺𑀥𑀺𑀬𑀺𑀲𑁆𑀲 𑀦𑀻𑀢𑀺. 𑀢𑀸 𑀦 𑀆𑀳𑀭𑀺𑀢𑁆𑀣, 𑀲𑁂𑀲𑁂𑀳𑀺 𑀲𑀢𑁆𑀢𑀳𑀺 𑀦𑀕𑀭𑁂𑀳𑀺 𑀆𑀳𑀭𑀺𑀢𑁆𑀯𑀸 𑀭𑀸𑀚𑀕𑀳𑀲𑁆𑀲 𑀧𑀸𑀘𑀻𑀦 𑀤𑀓𑁆𑀔𑀺𑀦 𑀤𑀺𑀲𑀸𑀪𑀸𑀕𑁂 𑀞𑀧𑁂𑀢𑁆𑀯𑀸 𑀇𑀫𑀲𑁆𑀫𑀺𑀁 𑀞𑀸𑀦𑁂 𑀬𑁄 𑀧𑀸𑀲𑀸𑀡𑁄 𑀅𑀢𑁆𑀣𑀺, 𑀲𑁄 𑀅𑀦𑁆𑀢𑀭𑀥𑀸𑀬𑀢𑀼, 𑀧𑀁𑀲𑀼 𑀲𑀼𑀯𑀺𑀲𑀼𑀤𑁆𑀥𑀸 𑀳𑁄𑀢𑀼, 𑀉𑀤𑀓𑀜𑁆𑀘 𑀫𑀸 𑀉𑀝𑁆𑀞𑀳𑀢𑀽𑀢𑀺 𑀅𑀥𑀺𑀝𑁆𑀞𑀸𑀲𑀺.

𑀭𑀸𑀚𑀸 ¶ 𑀢𑀁 𑀞𑀸𑀦𑀁 𑀔𑀡𑀸𑀧𑁂𑀢𑁆𑀯𑀸 𑀢𑀢𑁄 𑀉𑀤𑁆𑀥𑀝 𑀧𑀁𑀲𑀼𑀦𑀸 𑀇𑀝𑁆𑀞𑀺𑀓𑀸 𑀓𑀸𑀭𑁂𑀢𑁆𑀯𑀸 𑀅𑀲𑀻𑀢𑀺 𑀫𑀳𑀸𑀲𑀸𑀯𑀓𑀸𑀦𑀁 𑀣𑀽𑀧𑁂 𑀓𑀸𑀭𑁂𑀢𑀺 𑀇𑀥 𑀭𑀸𑀚𑀸 𑀓𑀺𑀁 𑀓𑀸𑀭𑁂𑀳𑀻𑀢𑀺 𑀧𑀼𑀘𑁆𑀙𑀦𑁆𑀢𑀸𑀦𑀫𑁆𑀧𑀺 𑀫𑀳𑀸𑀲𑀸𑀯𑀓𑀸𑀦𑀁𑀘𑁂𑀢𑀺𑀬𑀸 𑀦𑀻𑀢𑀺 𑀯𑀤𑀦𑁆𑀢𑀺 𑀦 𑀓𑁄𑀘𑀺 𑀥𑀸𑀢𑀼𑀦𑀺𑀥𑀸𑀦𑀪𑀸𑀯𑀁 𑀚𑀸𑀦𑀸𑀢𑀺 𑀅𑀲𑀻𑀢𑀺𑀳𑀢𑁆𑀣𑀕𑀫𑁆𑀪𑀻𑀭𑁂 𑀧𑀦 𑀢𑀲𑁆𑀫𑀺𑀁 𑀧𑀤𑁂𑀲𑁂 𑀚𑀸𑀢𑁂 𑀳𑁂𑀝𑁆𑀞𑀸 𑀮𑁄𑀪𑀲𑀢𑁆𑀣𑀭𑀁 𑀲𑀢𑁆𑀣𑀭𑀸𑀧𑁂𑀢𑁆𑀯𑀸 𑀢𑀢𑁆𑀣 𑀣𑀽𑀧𑀸𑀭𑀸𑀫𑁂 𑀘𑁂𑀢𑀺𑀬 𑀖𑀭𑀧𑁆𑀧𑀫𑀸𑀡𑀁 𑀢𑀫𑁆𑀩𑀮𑁄𑀳𑀫𑀬𑀁 𑀕𑁂𑀳𑀁 𑀓𑀸𑀭𑀸𑀧𑁂𑀢𑁆𑀯𑀸 𑀅𑀝𑁆𑀞𑀝𑁆𑀞 𑀳𑀭𑀺 𑀘𑀡𑁆𑀤𑀦𑀸𑀤𑀺𑀫𑀬𑁂 𑀓𑀭𑀡𑁆𑀟𑁂 𑀘 𑀣𑀽𑀧𑁂 𑀘 𑀓𑀸𑀭𑀸𑀧𑁂𑀲𑀺.

𑀅𑀣 𑀔𑁄 𑀪𑀕𑀯𑀢𑁄 𑀥𑀸𑀢𑀼𑀬𑁄 𑀳𑀭𑀺𑀘𑀡𑁆𑀤𑀦 𑀓𑀭𑀡𑁆𑀟𑁂 𑀧𑀓𑁆𑀔𑀺𑀧𑀺𑀢𑁆𑀯𑀸 𑀢𑀁 𑀳𑀭𑀺𑀘𑀡𑁆𑀤𑀦𑀁 𑀓𑀭𑀡𑁆𑀟𑀁 𑀅𑀜𑁆𑀜𑀲𑁆𑀫𑀺𑀁 𑀳𑀭𑀺𑀘𑀡𑁆𑀤𑀦 𑀓𑀭𑀡𑁆𑀟𑁂 𑀢𑀫𑁆𑀧𑀺 𑀅𑀜𑁆𑀜𑀲𑁆𑀫𑀺𑀦𑁆𑀢𑀺 𑀏𑀯𑀁 𑀅𑀝𑁆𑀞 𑀳𑀭𑀺𑀘𑀡𑁆𑀤𑀦 𑀓𑀭𑀡𑁆𑀟𑁂 𑀏𑀓𑀢𑁄 𑀓𑀢𑁆𑀯𑀸 𑀏𑀢𑁂𑀦𑁂𑀯 𑀉𑀧𑀸𑀬𑁂𑀦 𑀅𑀝𑁆𑀞 𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀳𑀭𑀺𑀘𑀡𑁆𑀤𑀦 𑀣𑀽𑀧𑁂𑀲𑀼 𑀅𑀝𑁆𑀞 𑀳𑀭𑀺𑀘𑀡𑁆𑀤𑀦𑀣𑀽𑀧𑁂 𑀅𑀝𑁆𑀞𑀲𑀼 𑀮𑁄𑀳𑀺𑀢𑀘𑀡𑁆𑀤𑀦 𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞 𑀮𑁄𑀳𑀺𑀢𑀘𑀡𑁆𑀤𑀦𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀮𑁄𑀳𑀺𑀢𑀘𑀡𑁆𑀤𑀦𑀣𑀽𑀧𑁂𑀲𑀼, 𑀅𑀝𑁆𑀞𑀮𑁄𑀳𑀺𑀢 𑀘𑀡𑁆𑀤𑀦𑀣𑀽𑀧𑁂 𑀅𑀝𑁆𑀞𑀲𑀼 𑀤𑀦𑁆𑀢𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞 𑀤𑀦𑁆𑀢𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀤𑀦𑁆𑀢𑀣𑀽𑀧𑁂𑀲𑀼, 𑀅𑀝𑁆𑀞𑀤𑀦𑁆𑀢𑀣𑀽𑀧𑁂 𑀅𑀝𑁆𑀞𑀲𑀼𑀲𑀩𑁆𑀩 𑀭𑀢𑀦𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞 𑀲𑀩𑁆𑀩 𑀭𑀢𑀦𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀲𑀩𑁆𑀩𑀭𑀢𑀦𑀣𑀽𑀧𑁂𑀲𑀼, 𑀅𑀝𑁆𑀞 𑀲𑀩𑁆𑀩𑀭𑀢𑀦 𑀣𑀽𑀧𑁂 𑀅𑀝𑁆𑀞𑀲𑀼 𑀲𑀼𑀯𑀡𑁆𑀡𑀓𑀭𑀡𑁆𑀟𑁂𑀲𑀼. 𑀅𑀝𑁆𑀞𑀲𑀼𑀯𑀡𑁆𑀡𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀲𑀼𑀯𑀡𑁆𑀡𑀣𑀽𑀧𑁂𑀲𑀼, 𑀅𑀝𑁆𑀞𑀲𑀼𑀯𑀡𑁆𑀡𑀣𑀽𑀧𑁂 𑀅𑀝𑁆𑀞𑀲𑀼𑀭𑀚𑀢𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞 𑀭𑀚𑀢𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀭𑀚𑀢𑀣𑀽𑀧𑁂𑀲𑁂 𑀅𑀝𑁆𑀞 𑀭𑀚𑀢𑀣𑀽𑀧𑁂 𑀅𑀝𑁆𑀞𑀲𑀼 𑀫𑀡𑀺𑀓𑀭𑀡𑁆𑀟𑁂𑀲𑀼 𑀅𑀝𑁆𑀞𑀫𑀡𑀺𑀓𑀭𑁂𑀡𑁆𑀟𑀅𑀝𑁆𑀞𑀲𑀼𑀯𑀡𑁆𑀡𑀣𑀽𑀧𑁂𑀲𑀼, 𑀅𑀝𑁆𑀞 𑀫𑀡𑀺𑀣𑀽𑀧𑁂 𑀅𑀝𑁆𑀞𑀲𑀼 𑀮𑁄𑀳𑀺𑀢𑀗𑁆𑀓 𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞𑀮𑁄𑀳𑀺𑀢𑀗𑁆𑀓 𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀮𑁄𑀳𑀺𑀢𑀗𑁆𑀓𑀣𑀽𑀧𑁂𑀲𑀼, 𑀅𑀝𑁆𑀞 𑀮𑁄𑀳𑀺𑀢𑀗𑁆𑀓𑀣𑀽𑀧𑁂 𑀅𑀝𑁆𑀞𑀲𑀼 𑀫𑀲𑀸𑀭𑀕𑀮𑁆𑀮𑀣𑀽𑀧𑁂𑀲𑀼, 𑀅𑀝𑁆𑀞 𑀫𑀲𑀸𑀭𑀕𑀮𑁆𑀮𑀣𑀽𑀧𑁂 𑀅𑀝𑁆𑀞𑀲𑀼 𑀨𑀮𑀺𑀓 𑀓𑀭𑀡𑁆𑀟𑁂𑀲𑀼, 𑀅𑀝𑁆𑀞 𑀨𑀴𑀺𑀓 𑀓𑀭𑀡𑁆𑀟𑁂 𑀅𑀝𑁆𑀞𑀲𑀼 𑀨𑀴𑀺𑀓𑀣𑀽𑀧𑁂𑀲𑀼 𑀧𑀓𑁆𑀔𑀺𑀧𑀺 𑀲𑀩𑁆𑀩 𑀉𑀧𑀭𑀺𑀫𑀁 𑀨𑀴𑀺𑀓𑀘𑁂𑀢𑀺𑀬𑀁 𑀣𑀽𑀧𑀸𑀭𑀸𑀫 𑀘𑁂𑀢𑀺𑀬𑀧𑁆𑀧𑀫𑀸𑀡𑀁 𑀅𑀳𑁄𑀲𑀺.

𑀢𑀲𑁆𑀲 𑀉𑀧𑀭𑀺𑀲𑀩𑁆𑀩𑀭𑀢𑀦𑀫𑀬𑀁 𑀕𑁂𑀳𑀁 𑀓𑀸𑀭𑁂𑀲𑀺 𑀢𑀲𑁆𑀲 𑀉𑀧𑀭𑀺 𑀲𑀼𑀯𑀡𑁆𑀡𑀫𑀬𑀁, 𑀢𑀲𑁆𑀲 𑀉𑀧𑀭𑀺 𑀭𑀚𑀢𑀫𑀬𑀁, 𑀢𑀲𑁆𑀲 𑀉𑀧𑀭𑀺 𑀢𑀫𑁆𑀩𑀮𑁄𑀳𑀫𑀬𑀁 𑀕𑁂𑀳𑀁 𑀓𑀸𑀭𑁂𑀲𑀺 𑀢𑀢𑁆𑀣 𑀲𑀩𑁆𑀩𑀭𑀢𑀦𑀫𑀬𑀁 𑀯𑀸𑀮𑀼𑀓𑀁 𑀑𑀓𑀺𑀭𑀺𑀢𑁆𑀯𑀸 𑀚𑀮𑀚 𑀣𑀮𑀚 𑀧𑀼𑀧𑁆𑀨𑀸𑀦𑀁 𑀲𑀳𑀲𑁆𑀲𑀸𑀦𑀺 𑀯𑀺𑀧𑁆𑀧𑀓𑀺𑀭𑀺𑀢𑁆𑀯𑀸 𑀅𑀤𑁆𑀥𑀘𑁆𑀙𑀝𑁆𑀞𑀸𑀦𑀺 𑀚𑀸𑀢𑀓𑀲𑀢𑀸𑀦𑀺 𑀆𑀲𑀻𑀢𑀺 𑀫𑀳𑀸𑀣𑁂𑀭𑁂 𑀲𑀼𑀤𑁆𑀥𑁄𑀤𑀦 𑀫𑀳𑀸𑀭𑀸𑀚𑀸𑀦𑀁 𑀫𑀳𑀸𑀫𑀸𑀬𑀸𑀤𑁂𑀯𑀺𑀁 𑀲𑀢𑁆𑀢 𑀲𑀳𑀚𑀸𑀢𑁂 𑀲𑀩𑁆𑀩𑀸𑀦𑁂𑀢𑀸𑀦𑀺 𑀲𑀼𑀯𑀡𑁆𑀡𑀫𑀬𑀸𑀦𑁂𑀯 𑀓𑀸𑀭𑁂𑀲𑀺 𑀧𑀜𑁆𑀘𑀧𑀜𑁆𑀘𑀲𑀢𑁂 𑀲𑀼𑀯𑀡𑁆𑀡𑀭𑀚𑀢𑀫𑀬𑁂 𑀧𑀼𑀡𑁆𑀡𑀖𑀝𑁂 𑀞𑀧𑀸𑀧𑁂𑀲𑀺 𑀧𑀜𑁆𑀘𑀲𑀼𑀯𑀡𑁆𑀡𑀥𑀚𑀲𑀢𑁂 𑀧𑀜𑁆𑀘𑀲𑀢𑁂 𑀲𑀼𑀯𑀡𑁆𑀡𑀤𑀻𑀧𑀓𑁂 𑀘 𑀓𑀸𑀭𑀸𑀧𑁂𑀢𑁆𑀯𑀸 𑀲𑀼𑀕𑀡𑁆𑀥𑀢𑁂𑀮𑀲𑁆𑀲 𑀧𑀽𑀭𑁂𑀢𑁆𑀯𑀸 𑀢𑁂𑀲𑀼 𑀤𑀼𑀓𑀽𑀮𑀯𑀝𑁆𑀝𑀺𑀬𑁄 𑀞𑀧𑁂𑀲𑀺.

𑀅𑀣𑀸𑀬𑀲𑁆𑀫𑀸 𑀫𑀳𑀸𑀓𑀲𑁆𑀲𑀧𑁄 𑀫𑀸𑀮𑀸 𑀫𑀸 𑀫𑀺𑀮𑀸𑀬𑀦𑁆𑀢𑀼. 𑀕𑀡𑁆𑀥𑀸 𑀫𑀸 𑀯𑀺𑀦𑀲𑁆𑀲𑀦𑁆𑀢𑀼, 𑀤𑀻𑀧𑀸 𑀫𑀸 𑀯𑀺𑀚𑁆𑀛𑀸𑀬𑀦𑁆𑀢𑀽𑀢𑀺 𑀅𑀥𑀺𑀝𑁆𑀞𑀳𑀺𑀢𑁆𑀯𑀸 𑀲𑀼𑀯𑀡𑁆𑀡𑀧𑀝𑁆𑀝𑀅𑀓𑁆𑀔𑀭𑀸𑀦𑀺 𑀙𑀺𑀡𑁆𑀤𑀸𑀧𑁂𑀲𑀺. 𑀅𑀦𑀸𑀕𑀢𑁂 𑀧𑀺𑀬𑀤𑀸𑀲𑁄 𑀦𑀸𑀫 𑀓𑀼𑀫𑀸𑀭𑁄 𑀙𑀢𑁆𑀢𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 ¶ 𑀅𑀲𑁄𑀓𑁄 𑀦𑀸𑀫 𑀥𑀫𑁆𑀫𑀭𑀸𑀚𑀸 𑀪𑀯𑀺𑀲𑁆𑀲𑀢𑀺 𑀲𑁄 𑀇𑀫𑀁 𑀥𑀸𑀢𑀼𑀬𑁄 𑀯𑀺𑀢𑁆𑀣𑀸𑀭𑀺𑀓𑀸 𑀓𑀭𑀺𑀲𑁆𑀲𑀢𑀻𑀢𑀺 𑀭𑀸𑀚𑀸 𑀲𑀩𑁆𑀩𑀧𑀲𑀸𑀥𑀦𑁂𑀳𑀺 𑀧𑀽𑀚𑁂𑀢𑁆𑀯𑀸 𑀆𑀤𑀺𑀢𑁄 𑀧𑀝𑁆𑀞𑀸𑀬 𑀤𑁆𑀯𑀸𑀭𑀁 𑀧𑀺𑀤𑀳𑀦𑁆𑀢𑁄 𑀦𑀺𑀓𑁆𑀔𑀫𑀺 𑀢𑀫𑁆𑀩𑀮𑁄𑀳𑀤𑁆𑀯𑀸𑀭𑀁 𑀧𑀺𑀤𑀳𑀺𑀢𑁆𑀯𑀸 𑀆𑀯𑀺𑀜𑁆𑀚𑀦 𑀭𑀚𑁆𑀚𑀼𑀬𑀁 𑀓𑀼𑀜𑁆𑀘𑀺𑀓𑀫𑀼𑀤𑁆𑀤𑀺𑀓𑀁 𑀩𑀡𑁆𑀥𑀺 𑀢𑀢𑁆𑀣𑁂𑀯 𑀫𑀳𑀦𑁆𑀢𑀁 𑀫𑀡𑀺𑀓𑁆𑀔𑀡𑁆𑀥𑀁 𑀞𑀧𑁂𑀲𑀺 𑀅𑀦𑀸𑀕𑀢𑁂 𑀤𑀴𑀺𑀤𑁆𑀤𑀭𑀸𑀚𑀸𑀦𑁄 𑀇𑀫𑀁 𑀫𑀡𑀺𑀁 𑀕𑀳𑁂𑀢𑁆𑀯𑀸 𑀥𑀸𑀢𑀽𑀦𑀁 𑀲𑀓𑁆𑀓𑀸𑀭𑀁 𑀓𑀭𑁄𑀦𑁆𑀢𑀽𑀢𑀺 𑀅𑀓𑁆𑀔𑀭𑀸𑀦𑀺 𑀙𑀺𑀡𑁆𑀤𑀸𑀧𑁂𑀲𑀻.

𑀲𑀓𑁆𑀓𑁄 𑀤𑁂𑀯𑀭𑀸𑀚𑀸 𑀯𑀺𑀲𑁆𑀲𑀓𑀫𑁆𑀫𑀁 𑀆𑀫𑀦𑁆𑀢𑁂𑀢𑁆𑀯𑀸’𑀢𑀸𑀢, 𑀅𑀚𑀸𑀢𑀲𑀢𑁆𑀢𑀼𑀦𑀸 𑀥𑀸𑀢𑀼𑀦𑀺𑀥𑀸𑀦𑀁 𑀓𑀢𑀁. 𑀏𑀢𑁆𑀣 𑀆𑀭𑀓𑁆𑀔𑀁 𑀞𑀧𑁂𑀳𑀺’𑀢𑀺 𑀧𑀳𑀺𑀡𑀺 𑀲𑁄 𑀆𑀕𑀦𑁆𑀢𑁆𑀯𑀸 𑀯𑀸𑀴𑀲𑀗𑁆𑀖𑀸𑀝𑀬𑀦𑁆𑀢𑀁 𑀬𑁄𑀚𑁂𑀲𑀺. 𑀓𑀝𑁆𑀞𑀭𑀽𑀧𑀓𑀸𑀦𑀺 𑀢𑀲𑁆𑀫𑀺𑀁 𑀥𑀸𑀢𑀼𑀕𑀩𑁆𑀪𑁂 𑀨𑀴𑀺𑀓𑀯𑀡𑁆𑀡 𑀔𑀕𑁆𑀕𑁂 𑀕𑀳𑁂𑀢𑁆𑀯𑀸 𑀯𑀸𑀢𑀲𑀤𑀺𑀲𑁂𑀦 𑀯𑁂𑀕𑁂𑀦 𑀅𑀦𑀼𑀧𑀭𑀺𑀬𑀸𑀬𑀦𑁆𑀢𑀁 𑀬𑁄𑀚𑁂𑀢𑁆𑀯𑀸 𑀏𑀓𑀸𑀬 𑀏𑀯 𑀆𑀡𑀺𑀯𑀸 𑀩𑀡𑁆𑀥𑀺𑀢𑁆𑀯𑀸 𑀲𑀫𑀦𑁆𑀢𑀢𑁄 𑀕𑀺𑀜𑁆𑀚𑀓 𑀯𑀲𑀣𑀸𑀓𑀸𑀭𑁂𑀦 𑀲𑀺𑀮𑀸𑀧𑀭𑀺𑀓𑁆𑀔𑁂𑀧𑀁 𑀓𑀢𑁆𑀯𑀸 𑀉𑀧𑀭𑀺 𑀏𑀓𑀸𑀬 𑀧𑀺𑀤𑀳𑀺𑀢𑁆𑀯𑀸 𑀧𑀁𑀲𑀼𑀁 𑀧𑀓𑁆𑀔𑀺𑀧𑀺𑀢𑁆𑀯𑀸 𑀪𑀽𑀫𑀺𑀁 𑀲𑀫𑀁 𑀓𑀢𑁆𑀯𑀸 𑀢𑀲𑁆𑀲𑀼𑀧𑀭𑀺 𑀧𑀸𑀲𑀸𑀡𑀣𑀽𑀧𑀁 𑀧𑀢𑀺𑀝𑁆𑀞𑀸𑀧𑁂𑀲𑀺.

𑀥𑀸𑀢𑀼𑀦𑀺𑀥𑀸𑀦 𑀓𑀣𑀸

𑁧𑁧. 𑀏𑀯𑀁 𑀦𑀺𑀝𑁆𑀞𑀺𑀢𑁂 𑀥𑀸𑀢𑀼𑀦𑀺𑀥𑀸𑀦𑁂 𑀬𑀸𑀯𑀢𑀸𑀬𑀼𑀓𑀁 𑀞𑀢𑁆𑀯𑀸 𑀣𑁂𑀭𑁄 𑀧𑀭𑀺𑀦𑀺𑀩𑁆𑀩𑀼𑀢𑁄, 𑀭𑀸𑀚𑀸𑀧𑀺 𑀬𑀣𑀸𑀓𑀫𑁆𑀫𑀁 𑀕𑀢𑁄, 𑀢𑁂𑀧𑀺 𑀫𑀦𑀼𑀲𑁆𑀲𑀸 𑀓𑀸𑀮𑀓𑀢𑀸, 𑀅𑀧𑀭𑀪𑀸𑀕𑁂 𑀧𑀺𑀬𑀤𑀸𑀲𑁄 𑀓𑀼𑀫𑀸𑀭𑁄 𑀙𑀢𑁆𑀢𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 𑀅𑀲𑁄𑀓𑁄 𑀦𑀸𑀫 𑀥𑀫𑁆𑀫 𑀭𑀸𑀚𑀸 𑀳𑀼𑀢𑁆𑀯𑀸 𑀢𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀚𑀫𑁆𑀩𑀼𑀤𑀻𑀧𑁂 𑀘𑀢𑀼𑀭𑀸𑀲𑀻𑀢𑀺𑀬𑀸 𑀘𑁂𑀢𑀺𑀬 𑀲𑀳𑀲𑁆𑀲𑁂𑀲𑀼 𑀧𑀢𑀺𑀝𑁆𑀞𑀸𑀧𑁂𑀲𑀺. 𑀓𑀣𑀁 𑀩𑀺𑀡𑁆𑀤𑀼𑀲𑀸𑀭𑀲𑁆𑀲 𑀓𑀺𑀭 𑀏𑀓𑀲𑀢𑀁 𑀧𑀼𑀢𑁆𑀢𑀸 𑀅𑀳𑁂𑀲𑀼𑀁 𑀢𑁂 𑀲𑀩𑁆𑀩𑁂 𑀅𑀲𑁄𑀓𑁄 𑀅𑀢𑁆𑀢𑀦𑀸 𑀲𑀤𑁆𑀥𑀺𑀁 𑀏𑀓𑀫𑀸𑀢𑀺𑀓𑀁 𑀢𑀺𑀲𑁆𑀲 𑀓𑀼𑀫𑀸𑀭𑀁 𑀞𑀧𑁂𑀢𑁆𑀯𑀸 𑀖𑀸𑀢𑁂𑀲𑀺. 𑀖𑀸𑀢𑁂𑀦𑁆𑀢𑁄 𑀘𑀢𑁆𑀢𑀸𑀭𑀺 𑀯𑀲𑁆𑀲𑀸𑀦𑀺 𑀅𑀦𑀪𑀺𑀲𑀺𑀢𑁆𑀢𑁄 𑀭𑀚𑁆𑀚𑀁 𑀓𑀸𑀭𑁂𑀢𑁆𑀯𑀸 𑀘𑀢𑀼𑀦𑁆𑀦𑀁 𑀯𑀲𑁆𑀲𑀸𑀦𑀁 𑀅𑀘𑁆𑀘𑀬𑁂𑀦 𑀢𑀣𑀸𑀕𑀢𑀲𑁆𑀲 𑀧𑀭𑀺𑀦𑀺𑀩𑁆𑀩𑀸𑀦𑀢𑁄 𑀤𑁆𑀯𑀺𑀦𑁆𑀦𑀁 𑀯𑀲𑁆𑀲𑀲𑀢𑀸𑀦𑀁 𑀉𑀧𑀭𑀺 𑀅𑀝𑁆𑀞𑀸𑀭𑀲𑀫𑁂 𑀯𑀲𑁆𑀲𑁂 𑀲𑀓𑀮𑀚𑀫𑁆𑀩𑀼𑀤𑀻𑀧𑁂 𑀏𑀓𑀭𑀚𑁆𑀚𑀸𑀪𑀺𑀲𑁂𑀓𑀁 𑀧𑀸𑀧𑀼𑀡𑀺.

𑀅𑀪𑀺𑀲𑁂𑀓𑀸𑀦𑀼𑀪𑀸𑀯𑁂𑀦 𑀇𑀫𑀸 𑀭𑀸𑀚𑀺𑀤𑁆𑀥𑀺𑀬𑁄 𑀆𑀕𑀢𑀸 𑀫𑀳𑀸𑀧𑀣𑀯𑀺𑀬𑀸 𑀳𑁂𑀝𑁆𑀞𑀸 𑀬𑁄𑀚𑀦𑀧𑁆𑀧𑀫𑀸𑀡𑁂 𑀆𑀡𑀸 𑀧𑀯𑀢𑁆𑀢𑀺, 𑀢𑀣𑀸 𑀉𑀧𑀭𑀺 𑀆𑀓𑀸𑀲𑁂, 𑀅𑀦𑁄𑀢𑀢𑁆𑀢𑀤𑀳𑀢𑁄 𑀅𑀝𑁆𑀞𑀳𑀺 𑀓𑀸𑀚𑁂𑀳𑀺 𑀲𑁄𑀴𑀲 𑀧𑀸𑀦𑀻𑀬𑀖𑀝𑁂 𑀤𑀺𑀯𑀲𑁂 𑀤𑀺𑀯𑀲𑁂 𑀤𑁂𑀯𑀢𑀸 𑀆𑀳𑀭𑀦𑁆𑀢𑀺. 𑀬𑀢𑁄 𑀲𑀸𑀲𑀦𑁂 𑀉𑀧𑁆𑀧𑀦𑁆𑀦𑀲𑀤𑁆𑀥𑁄 𑀳𑀼𑀢𑁆𑀯𑀸 𑀅𑀝𑁆𑀞 𑀖𑀝𑁂 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀤𑀸𑀲𑀺 𑀤𑁆𑀯𑁂 𑀖𑀝𑁂 𑀲𑀝𑁆𑀞𑀺𑀫𑀢𑁆𑀢𑀸𑀦𑀁 𑀢𑀺𑀧𑀺𑀝𑀓 𑀪𑀺𑀓𑁆𑀔𑀼𑀦𑀁 𑀤𑁆𑀯𑁂𑀖𑀝𑁂 𑀅𑀕𑁆𑀕𑀫𑀳𑁂𑀲𑀺𑀬𑀸 𑀅𑀲𑀡𑁆𑀥𑀺𑀫𑀺𑀢𑁆𑀢𑀸𑀬 𑀘𑀢𑁆𑀢𑀸𑀭𑁄 𑀖𑀝𑁂 𑀅𑀢𑁆𑀢𑀦𑀸 𑀧𑀭𑀺𑀪𑀼𑀜𑁆𑀚𑀺. 𑀤𑁂𑀯𑀢𑀸 𑀏𑀯 𑀳𑀺𑀫𑀯𑀦𑁆𑀢𑁂 𑀦𑀸𑀕𑀮𑀢𑀸 𑀤𑀦𑁆𑀢𑀓𑀝𑁆𑀞 𑀦𑀸𑀫 𑀅𑀢𑁆𑀣𑀺 𑀲𑀺𑀦𑀺𑀤𑁆𑀥𑀸 𑀫𑀼𑀤𑀼𑀓𑀁 𑀭𑀲𑀯𑀦𑁆𑀢𑀁, 𑀢𑀁 𑀤𑀺𑀯𑀲𑁂 𑀤𑀺𑀯𑀲𑁂 𑀆𑀪𑀺𑀭𑀦𑁆𑀢𑀺 𑀬𑁂𑀦 𑀭𑀜𑁆𑀜𑁄 𑀘 𑀅𑀕𑁆𑀕𑀫𑀳𑁂𑀲𑀺𑀬𑀸 𑀘 𑀲𑁄𑀴𑀲𑀦𑁆𑀦𑀁 𑀦𑀸𑀝𑀓𑀲𑀳𑀲𑁆𑀲𑀸𑀦𑀁 𑀲𑀝𑁆𑀞𑀺𑀫𑀢𑁆𑀢𑀸𑀦𑀁 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀁 𑀤𑁂𑀯𑀲𑀺𑀓𑀁 𑀤𑀦𑁆𑀢𑀧𑁄𑀡𑀓𑀺𑀘𑁆𑀘𑀁 𑀦𑀺𑀧𑁆𑀨𑀚𑁆𑀚𑀺.

𑀤𑁂𑀯𑀲𑀺𑀓𑀫𑁂𑀯𑀲𑁆𑀲 ¶ 𑀤𑁂𑀯𑀢𑀸 𑀅𑀕𑀤𑀸𑀫𑀮𑀓𑀁 𑀅𑀕𑀤𑀳𑀭𑀻𑀝𑀓𑀁 𑀲𑀼𑀯𑀡𑁆𑀡𑀯𑀡𑁆𑀡𑀜𑁆𑀘 𑀕𑀡𑁆𑀥𑀲𑀫𑁆𑀧𑀦𑁆𑀦𑀁 𑀅𑀫𑁆𑀩𑀧𑀓𑁆𑀓𑀁 𑀆𑀳𑀭𑀦𑁆𑀢𑀺 𑀢𑀣𑀸 𑀙𑀤𑁆𑀤𑀦𑁆𑀢 𑀤𑀳𑀢𑁄 𑀧𑀜𑁆𑀘𑀯𑀡𑁆𑀡𑀁 𑀦𑀺𑀯𑀸𑀲𑀦 𑀧𑀸𑀭𑀼𑀧𑀡𑀁, 𑀧𑀻𑀢𑀓𑀯𑀡𑁆𑀡𑀁 𑀳𑀢𑁆𑀣𑀧𑀼𑀜𑁆𑀙𑀦𑀓 𑀧𑀝𑁆𑀝𑀁𑀤𑀺𑀩𑁆𑀩𑀜𑁆𑀘𑀚𑀸𑀦𑀓𑀁 𑀆𑀳𑀭𑀦𑁆𑀢𑀺 𑀤𑁂𑀯𑀲𑀺𑀓𑀫𑁂𑀯 𑀧𑀦𑀲𑁆𑀲 𑀅𑀦𑀼𑀮𑁂𑀧𑀕𑀡𑁆𑀥𑀁 𑀧𑀸𑀭𑀼𑀧𑀦𑀢𑁆𑀣𑀸𑀬 𑀅𑀲𑀼𑀢𑁆𑀢𑀫𑀬𑀺𑀓𑀁 𑀲𑀼𑀫𑀦𑀧𑀼𑀧𑁆𑀨𑀧𑀝𑀁 𑀫𑀳𑀸𑀭𑀳𑀜𑁆𑀘 𑀅𑀜𑁆𑀚𑀦𑀁 𑀦𑀸𑀕𑀪𑀯𑀦𑀢𑁄 𑀦𑀸𑀕𑀭𑀸𑀚𑀸𑀦𑁄 𑀆𑀳𑀭𑀦𑁆𑀢𑀺. 𑀙𑀤𑁆𑀤𑀦𑁆𑀢𑀤𑀳𑁂𑀬𑁂𑀯 𑀉𑀝𑁆𑀞𑀺𑀢𑀲𑁆𑀲 𑀲𑀸𑀮𑀺𑀦𑁄 𑀦𑀯 𑀘𑀸𑀳 𑀲𑀳𑀲𑁆𑀲𑀸𑀦𑀺 𑀤𑀺𑀯𑀲𑁂 𑀤𑀺𑀯𑀲𑁂 𑀲𑀼𑀯𑀸 𑀆𑀳𑀭𑀦𑁆𑀢𑀺. 𑀫𑀽𑀲𑀺𑀓𑀸 𑀦𑀺𑀢𑁆𑀣𑀼𑀲 𑀓𑀡𑁂 𑀓𑀭𑁄𑀦𑁆𑀢𑀺 𑀏𑀓𑁄𑀧𑀺 𑀔𑀡𑁆𑀟𑀢𑀡𑁆𑀟𑀼𑀮𑁄 𑀦 𑀳𑁄𑀢𑀺. 𑀭𑀜𑁆𑀜𑁄 𑀲𑀩𑁆𑀩𑀝𑁆𑀞𑀸𑀦𑁂𑀲𑀼 𑀅𑀬𑀫𑁂𑀯 𑀢𑀡𑁆𑀟𑀼𑀮𑁄 𑀧𑀭𑀺𑀪𑁄𑀕𑀁 𑀕𑀘𑁆𑀙𑀢𑀺. 𑀫𑀥𑀼𑀫𑀓𑁆𑀔𑀺𑀓𑀸 𑀫𑀥𑀼𑀁 𑀓𑀭𑁄𑀦𑁆𑀢𑀺. 𑀓𑀫𑁆𑀫𑀸𑀭𑀲𑀸𑀮𑀸𑀲𑀼 𑀅𑀘𑁆𑀙𑀸 𑀓𑀽𑀝𑀁 𑀧𑀳𑀭𑀦𑁆𑀢𑀺. 𑀤𑀻𑀧𑀺𑀓𑀸 𑀘𑀫𑁆𑀫𑀸𑀦𑀺 𑀘𑀸𑀮𑁂𑀦𑁆𑀢𑀺 𑀓𑀭𑀯𑀻𑀓 𑀲𑀓𑀼𑀡𑀸 𑀆𑀕𑀢𑁆𑀢𑁆𑀯𑀸 𑀫𑀥𑀼𑀭𑀲𑁆𑀲𑀭𑀁 𑀯𑀺𑀓𑀼𑀚𑁂𑀦𑁆𑀢𑀸 𑀭𑀜𑁆𑀜𑁄 𑀩𑀮𑀺𑀓𑀫𑁆𑀫𑀁 𑀓𑀭𑁄𑀦𑁆𑀢𑀺.

𑀇𑀫𑀸𑀳𑀺 𑀇𑀤𑁆𑀥𑀻𑀳𑀺 𑀲𑀫𑀦𑁆𑀦𑀸𑀕𑀢𑁄 𑀭𑀸𑀚𑀸𑀏𑀓 𑀤𑀺𑀯𑀲𑀁 𑀲𑀼𑀯𑀡𑁆𑀡 𑀲𑀗𑁆𑀔𑀮𑀺𑀓 𑀩𑀡𑁆𑀥𑀦𑀁 𑀧𑁂𑀲𑁂𑀢𑁆𑀯𑀸 𑀘𑀢𑀼𑀦𑁆𑀦𑀁 𑀩𑀼𑀤𑁆𑀥𑀸𑀦𑀁 𑀅𑀥𑀺𑀕𑀢 𑀭𑀽𑀧𑀤𑀲𑁆𑀲𑀦𑀁 𑀓𑀧𑁆𑀧𑀸𑀬𑀼𑀓𑀁 𑀫𑀳𑀸𑀓𑀸𑀴 𑀦𑀸𑀕𑀭𑀸𑀚𑀸𑀦𑀁 𑀆𑀦𑀬𑀺𑀢𑁆𑀯𑀸 𑀲𑁂𑀢𑀘𑁆𑀙𑀢𑁆𑀢𑀲𑁆𑀲 𑀳𑁂𑀝𑁆𑀞𑀸 𑀫𑀳𑀸𑀭𑀳𑁂 𑀧𑀮𑁆𑀮𑀗𑁆𑀓𑁂 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀅𑀦𑁂𑀓 𑀲𑀢𑀯𑀡𑁆𑀡𑁂𑀳𑀺 𑀚𑀮𑀚 𑀣𑀮𑀚 𑀧𑀼𑀧𑁆𑀨𑁂𑀳𑀺 𑀲𑀼𑀯𑀡𑁆𑀡𑀧𑀼𑀧𑁆𑀨𑁂𑀳𑀺 𑀘 𑀧𑀽𑀚𑀁 𑀓𑀢𑁆𑀯𑀸 𑀲𑀩𑁆𑀩𑀸𑀮𑀗𑁆𑀓𑀸𑀭 𑀧𑀢𑀺𑀫𑀡𑁆𑀟𑀺𑀢𑁂𑀳𑀺 𑀘 𑀲𑁄𑀴𑀲𑀳𑀺 𑀦𑀸𑀝𑀓 𑀲𑀳𑀲𑁆𑀲𑁂𑀳𑀺 𑀲𑀫𑀦𑁆𑀢𑀢𑁄 𑀧𑀭𑀺𑀓𑁆𑀔𑀺𑀧𑀺𑀢𑁆𑀯𑀸 𑀅𑀦𑀦𑁆𑀢𑀜𑀸𑀡𑀲𑁆𑀲 𑀢𑀸𑀯 𑀫𑁂 𑀲𑀤𑁆𑀥𑀫𑁆𑀫𑀯𑀭 𑀘𑀓𑁆𑀓𑀯𑀢𑁆𑀢𑀺𑀦𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀭𑀽𑀧𑀁 𑀇𑀫𑁂𑀲𑀁 𑀅𑀓𑁆𑀔𑀻𑀦𑀁 𑀆𑀧𑀸𑀣𑀁 𑀓𑀭𑁄𑀳𑀻𑀢𑀺 𑀦𑀺𑀩𑁆𑀩𑀢𑁆𑀢𑀸𑀲𑀻𑀢𑀺 𑀅𑀦𑀼𑀩𑁆𑀬𑀜𑁆𑀚𑀦 𑀧𑀢𑀺𑀫𑀡𑁆𑀟𑀺𑀢𑀁 𑀤𑁆𑀯𑀢𑁆𑀢𑀺𑀁𑀲 𑀫𑀳𑀸 𑀧𑀼𑀭𑀺𑀲 𑀮𑀓𑁆𑀔𑀡 𑀲𑀲𑁆𑀲𑀺𑀭𑀻𑀓𑀢𑀸𑀬 𑀯𑀺𑀓𑀲𑀺𑀢 𑀓𑀫𑀮𑀼𑀧𑁆𑀨𑀮 𑀧𑀼𑀡𑁆𑀟𑀭𑀻𑀓 𑀧𑀢𑀺𑀫𑀡𑁆𑀟𑀺𑀢𑀫𑀺𑀯 𑀲𑀮𑀺𑀮𑀢𑀮𑀁 𑀢𑀸𑀭𑀸𑀕𑀡𑀭𑀁𑀲𑀺𑀚𑀸𑀮 𑀯𑀺𑀲𑀭𑀯𑀺𑀧𑁆𑀨𑀼𑀢𑀲𑁄𑀪𑀸𑀲𑀫𑀼𑀚𑁆𑀚𑀮𑀫𑀺𑀯𑀕𑀕𑀦𑀢𑀮𑀁 𑀦𑀻𑀮-𑀧𑀻𑀢-𑀮𑁄𑀳𑀺𑀢𑀸𑀤𑀺 𑀪𑁂𑀤 𑀯𑀺𑀘𑀺𑀢𑁆𑀢𑀯𑀡𑁆𑀡𑀭𑀁𑀲𑀺 𑀯𑀺𑀦𑀤𑁆𑀥 𑀩𑁆𑀬𑀸𑀫𑀧𑁆𑀧𑀪𑀸 𑀧𑀭𑀺𑀓𑁆𑀔𑁂𑀧 𑀯𑀺𑀮𑀸𑀲𑀺𑀢𑀸𑀬 𑀲𑀜𑁆𑀛𑀧𑁆𑀧𑀪𑀸𑀦𑀼𑀭𑀸𑀕 𑀇𑀡𑁆𑀤𑀥𑀦𑀼 𑀯𑀺𑀚𑁆𑀚𑀼𑀮𑁆𑀮𑀢𑀸 𑀧𑀭𑀺𑀓𑁆𑀔𑀺𑀢𑁆𑀢𑀫𑀺𑀯 𑀓𑀦𑀓𑀕𑀺𑀭𑀺 𑀲𑀺𑀔𑀭𑀁 𑀦𑀸𑀦𑀸𑀯𑀺𑀭𑀸𑀕 𑀯𑀺𑀫𑀮𑀓𑁂𑀢𑀼𑀫𑀸𑀮𑀸 𑀲𑀫𑀼𑀚𑁆𑀚𑀮𑀺𑀢𑀘𑀸𑀭𑀼𑀫𑀢𑁆𑀣𑀓𑀲𑁄𑀪𑀁 𑀦𑀬𑀦𑀭𑀲𑀸𑀬𑀦𑀫𑀺𑀯 𑀩𑁆𑀭𑀳𑁆𑀫𑀤𑁂𑀯-𑀫𑀦𑀼𑀚 𑀦𑀸𑀕-𑀬𑀓𑁆𑀔 𑀕𑀡𑀸𑀦𑀁 𑀩𑀼𑀤𑁆𑀥𑀭𑀽𑀧𑀁 𑀧𑀲𑁆𑀲𑀦𑁆𑀢𑁄 𑀲𑀢𑁆𑀢𑀤𑀺𑀯𑀲𑀁 𑀅𑀓𑁆𑀔𑀺𑀧𑀽𑀚𑀁 𑀦𑀸𑀫 𑀅𑀓𑀸𑀲𑀺

𑀭𑀸𑀚𑀸 𑀓𑀺𑀭 𑀅𑀪𑀺𑀲𑁂𑀓𑀁 𑀧𑀸𑀧𑀼𑀡𑀺𑀢𑁆𑀯𑀸 𑀢𑀻𑀡𑀺𑀬𑁂𑀯 𑀲𑀁𑀯𑀘𑁆𑀙𑀭𑀸𑀦𑀺 𑀩𑀸𑀳𑀺𑀭𑀓 𑀧𑀸𑀲𑀡𑁆𑀟𑀁 𑀧𑀭𑀺𑀕𑀡𑁆𑀳𑀺 𑀘𑀢𑀼𑀢𑁆𑀣𑁂 𑀲𑀁𑀯𑀘𑁆𑀙𑀭𑁂 𑀩𑀼𑀤𑁆𑀥𑀲𑀸𑀲𑀦𑁂 𑀧𑀲𑀻𑀤𑀺𑀦𑀁 𑀩𑁆𑀭𑀸𑀳𑁆𑀫𑀡 𑀚𑀸𑀢𑀺𑀬 𑀧𑀸𑀲𑀡𑁆𑀟𑀸𑀦𑀜𑁆𑀘 𑀧𑀡𑁆𑀟𑀭𑀗𑁆𑀕 𑀧𑀭𑀺𑀩𑁆𑀩𑀸𑀚𑀓𑀸𑀦𑀜𑁆𑀘 𑀲𑀝𑁆𑀞𑀺𑀲𑀳𑀲𑁆𑀲𑀫𑀢𑁆𑀢𑀸𑀦𑀁 𑀦𑀺𑀘𑁆𑀘𑀪𑀢𑁆𑀢𑀁 𑀧𑀝𑁆𑀞𑀧𑁂𑀲𑀺.

𑀅𑀲𑁄𑀓𑁄 𑀧𑀺𑀢𑀭𑀸 𑀧𑀯𑀢𑁆𑀢𑀺𑀢𑀁 𑀤𑀸𑀦𑀁 𑀅𑀢𑁆𑀢𑀦𑁄 𑀅𑀦𑁆𑀢𑁂𑀧𑀼𑀭𑁂 𑀢𑀣𑁂𑀯 𑀤𑀤𑀫𑀸𑀦𑁄 𑀏𑀓𑀤𑀺𑀯𑀲𑀁 𑀲𑀻𑀳𑀧𑀜𑁆𑀚𑀭𑁂 𑀞𑀺𑀢𑁄 𑀉𑀧𑀲𑀫 𑀧𑀭𑀺𑀩𑀸𑀳𑀺𑀭𑁂𑀦 𑀆𑀘𑀸𑀭𑁂𑀦 ¶ 𑀪𑀼𑀜𑁆𑀚𑀫𑀸𑀦𑁂 𑀅𑀲𑀁𑀬𑀢𑀺𑀡𑁆𑀤𑁆𑀭𑀺𑀬𑁂 𑀅𑀯𑀺𑀦𑀺𑀢 𑀇𑀭𑀺𑀬𑀸𑀧𑀣𑁂 𑀤𑀺𑀲𑁆𑀯𑀸 𑀘𑀺𑀦𑁆𑀢𑁂𑀲𑀺 𑀈𑀤𑀺𑀲𑀁 𑀤𑀸𑀦𑀁 𑀉𑀧𑀧𑀭𑀺𑀓𑁆𑀔𑀺𑀢𑁆𑀯𑀸 𑀬𑀼𑀢𑁆𑀢𑀝𑁆𑀞𑀸𑀦𑁂 𑀤𑀸𑀢𑀼𑀁 𑀯𑀝𑁆𑀝𑀢𑀺𑀢𑀺 𑀏𑀯𑀁 𑀘𑀺𑀦𑁆𑀢𑁂𑀢𑁆𑀯𑀸 𑀅𑀫𑀘𑁆𑀘𑁂 𑀆𑀳. 𑀕𑀘𑁆𑀙𑀣 𑀪𑀡𑁂 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀲𑀸𑀥𑀼𑀲𑀫𑁆𑀫𑀢𑁂 𑀲𑀫𑀡 𑀩𑁆𑀭𑀸𑀳𑁆𑀫𑀡𑁂 𑀅𑀦𑁆𑀢𑁂𑀧𑀼𑀭𑀁 𑀅𑀢𑀺𑀳𑀭𑀣, 𑀤𑀸𑀦𑀁 𑀤𑀲𑁆𑀲𑀸𑀫𑀸𑀢𑀺 𑀅𑀫𑀘𑁆𑀘𑀸 𑀲𑀸𑀥𑀼 𑀤𑁂𑀯𑀸𑀢𑀺 𑀭𑀜𑁆𑀜𑁄 𑀧𑀝𑀺𑀲𑁆𑀲𑀼𑀢𑁆𑀯𑀸 𑀢𑁂 𑀢𑁂 𑀧𑀡𑁆𑀟𑀭𑀗𑁆𑀕 𑀧𑀭𑀺𑀩𑁆𑀩𑀸𑀚𑀓𑀸𑀚𑀻𑀯𑀓 𑀦𑀺𑀕𑀡𑁆𑀞𑀸𑀤𑀬𑁄 𑀆𑀦𑁂𑀢𑁆𑀯𑀸 𑀇𑀫𑁂 𑀫𑀳𑀸𑀭𑀸𑀚 𑀅𑀫𑁆𑀳𑀸𑀓𑀁 𑀅𑀭𑀳𑀦𑁆𑀢𑁄𑀢𑀺 𑀆𑀳𑀁𑀲𑀼.

𑀅𑀣 𑀭𑀸𑀚𑀸 𑀅𑀦𑁆𑀢𑁂𑀧𑀼𑀭𑁂 𑀉𑀘𑁆𑀘𑀸𑀯𑀘𑀸𑀦𑀺 𑀆𑀲𑀦𑀸𑀦𑀺 𑀧𑀜𑁆𑀜𑀸𑀧𑁂𑀢𑁆𑀯 𑀆𑀕𑀘𑁆𑀙𑀦𑁆𑀢𑀽𑀢𑀺 𑀯𑀢𑁆𑀯𑀸 𑀆𑀕𑀢𑀸𑀕𑀢𑁂 𑀆𑀳 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀅𑀦𑀼𑀭𑀽𑀧𑁂 𑀆𑀲𑀦𑁂 𑀦𑀺𑀲𑀻𑀤𑀣𑀸𑀢𑀺 𑀏𑀓𑀘𑁆𑀘𑁂 𑀪𑀤𑁆𑀤𑀧𑀻𑀞𑀓𑁂 𑀏𑀓𑀘𑁆𑀘𑁂 𑀨𑀮𑀓𑀧𑀻𑀞𑀓𑁂𑀲𑁂 𑀦𑀺𑀲𑀻𑀤𑀺𑀁𑀲𑀼. 𑀢𑀁 𑀤𑀺𑀲𑁆𑀯𑀸 𑀭𑀸𑀚𑀸 𑀦𑀢𑁆𑀣𑀺 𑀏𑀢𑁂𑀲𑀁 𑀅𑀦𑁆𑀢𑁂𑀲𑀸𑀭𑁄𑀢𑀺 𑀜𑀢𑁆𑀯𑀸 𑀢𑁂𑀲𑀁 𑀅𑀦𑀼𑀭𑀽𑀧𑀁 𑀔𑀸𑀤𑀦𑀻𑀬𑀁 𑀪𑁄𑀚𑀦𑀻𑀬𑀁 𑀤𑀢𑁆𑀯𑀸 𑀉𑀬𑁆𑀬𑁄𑀚𑁂𑀲𑀺.

𑀏𑀯𑀁 𑀕𑀘𑁆𑀙𑀦𑁆𑀢𑁂 𑀓𑀸𑀮𑁂 𑀏𑀓 𑀤𑀺𑀯𑀲𑀁 𑀲𑀻𑀳𑀧𑀜𑁆𑀚𑀭𑁂 𑀞𑀺𑀢𑁄 𑀅𑀤𑁆𑀤𑀲 𑀦𑀺𑀕𑁆𑀭𑁄𑀥 𑀲𑀸𑀫𑀡𑁂𑀭𑀁 𑀭𑀸𑀚𑀗𑁆𑀕𑀡𑁂𑀦 𑀕𑀘𑁆𑀙𑀦𑁆𑀢𑀁 𑀤𑀦𑁆𑀢𑀁 𑀕𑀼𑀢𑁆𑀢𑀁 𑀲𑀦𑁆𑀢𑀺𑀦𑁆𑀤𑁆𑀭𑀺𑀬𑀁 𑀇𑀭𑀺𑀬𑀸𑀧𑀣 𑀲𑀫𑁆𑀧𑀦𑁆𑀦𑀁. 𑀓𑁄 𑀧𑀦𑀸𑀬𑀁 𑀦𑀺𑀕𑁆𑀭𑁄𑀥𑁄 𑀦𑀸𑀫, 𑀩𑀺𑀡𑁆𑀤𑀼𑀲𑀸𑀭 𑀭𑀜𑁆𑀜𑁄 𑀚𑁂𑀝𑁆𑀞𑀧𑀼𑀢𑁆𑀢𑀲𑁆𑀲 𑀲𑀼𑀫𑀦𑀭𑀸𑀚 𑀓𑀼𑀫𑀸𑀭𑀲𑁆𑀲 𑀧𑀼𑀢𑁆𑀢𑁄. 𑀢𑀢𑁆𑀭𑀸𑀬𑀁 𑀆𑀦𑀼𑀧𑀼𑀩𑁆𑀩𑀻 𑀓𑀣𑀸-𑀩𑀺𑀡𑁆𑀤𑀼𑀲𑀸𑀭 𑀭𑀜𑁆𑀜𑁄 𑀓𑀺𑀭 𑀤𑀼𑀩𑁆𑀩𑀮𑀓𑀸𑀮𑁂𑀬𑁂𑀯 𑀅𑀲𑁄𑀓 𑀓𑀼𑀫𑀸𑀭𑁄 𑀅𑀢𑁆𑀢𑀦𑀸 𑀮𑀤𑁆𑀥𑀁 𑀉𑀚𑁆𑀚𑁂𑀦𑀺𑀭𑀚𑁆𑀚𑀁 𑀧𑀳𑀸𑀬 𑀆𑀕𑀦𑁆𑀢𑁆𑀯𑀸 𑀲𑀩𑁆𑀩𑀁 𑀦𑀕𑀭𑀁 𑀅𑀢𑁆𑀢𑀦𑁄 𑀳𑀢𑁆𑀣𑀕𑀢𑀁 𑀓𑀢𑁆𑀯𑀸 𑀲𑀼𑀫𑀦 𑀭𑀸𑀚𑀓𑀼𑀫𑀸𑀭𑀁 𑀅𑀕𑁆𑀕𑀳𑁂𑀲𑀺.

𑀢𑀁 𑀤𑀺𑀯𑀲𑀫𑁂𑀯 𑀲𑀼𑀫𑀦𑀲𑁆𑀲 𑀭𑀸𑀚𑀓𑀼𑀫𑀸𑀭𑀲𑁆𑀲 𑀲𑀼𑀫𑀦𑀸 𑀦𑀸𑀫 𑀤𑁂𑀯𑀻 𑀧𑀭𑀺𑀧𑀼𑀡𑁆𑀡𑀕𑀩𑁆𑀪𑀸 𑀅𑀳𑁄𑀲𑀺. 𑀲𑀸 𑀅𑀜𑁆𑀜𑀸𑀢𑀓𑀯𑁂𑀲𑁂𑀦 𑀦𑀺𑀓𑁆𑀔𑀫𑀺𑀢𑁆𑀯𑀸 𑀅𑀯𑀺𑀤𑀽𑀭𑁂 𑀅𑀜𑁆𑀜𑀢𑀭𑀁 𑀘𑀡𑁆𑀟𑀸𑀮𑀕𑀸𑀫𑀁 𑀲𑀦𑁆𑀥𑀸𑀬 𑀕𑀘𑁆𑀙𑀦𑁆𑀢𑀺, 𑀚𑁂𑀝𑁆𑀞𑀓 𑀘𑀡𑁆𑀟𑀸𑀮𑀲𑁆𑀲 𑀕𑁂𑀳𑀢𑁄 𑀅𑀯𑀺𑀤𑀽𑀭𑁂 𑀏𑀓𑀲𑁆𑀫𑀺𑀁 𑀦𑀺𑀕𑁆𑀭𑁄𑀥 𑀭𑀼𑀓𑁆𑀔𑁂 𑀅𑀥𑀺𑀯𑀢𑁆𑀣𑀸𑀬 𑀤𑁂𑀯𑀢𑀸𑀬 𑀇𑀢𑁄 𑀲𑀼𑀫𑀦𑁂𑀢𑀺 𑀯𑀳𑀦𑁆𑀢𑀺𑀬𑀸 𑀲𑀤𑁆𑀤𑀁 𑀲𑀼𑀢𑁆𑀯𑀸 𑀢𑀲𑁆𑀲𑀸 𑀲𑀫𑀻𑀧𑀁 𑀕𑀢𑀸 𑀤𑁂𑀯𑀢𑀸 𑀅𑀢𑁆𑀢𑀦𑁄 𑀆𑀦𑀼𑀪𑀸𑀯𑁂𑀦 𑀏𑀓𑀁 𑀲𑀸𑀮𑀁 𑀦𑀺𑀫𑁆𑀫𑀺𑀡𑀺𑀢𑁆𑀯𑀸 𑀏𑀢𑁆𑀣 𑀯𑀲𑀸𑀳𑀺𑀢𑀺 𑀧𑀤𑀸𑀲𑀺. 𑀲𑀸 𑀢𑀁 𑀲𑀸𑀮𑀁 𑀧𑀸𑀯𑀺𑀲𑀺. 𑀕𑀢𑀤𑀺𑀯𑀲𑁂𑀬𑁂𑀯 𑀧𑀼𑀢𑁆𑀢𑀁 𑀯𑀺𑀚𑀸𑀬𑀺.

𑀲𑀸 𑀢𑀲𑁆𑀲 𑀦𑀺𑀕𑁆𑀭𑁄𑀥 𑀤𑁂𑀯𑀢𑀸𑀬 𑀧𑀭𑀺𑀕𑁆𑀕𑀳𑀺𑀢𑀢𑁆𑀢𑀸 𑀦𑀺𑀕𑁆𑀭𑁄𑀥𑁄𑀢𑁆𑀯𑁂𑀯 𑀦𑀸𑀫𑀁 𑀅𑀓𑀸𑀲𑀺. 𑀚𑁂𑀝𑁆𑀞𑀓 𑀘𑀡𑁆𑀟𑀸𑀮𑁄 𑀤𑀝𑁆𑀞𑀤𑀺𑀯𑀲𑀢𑁄𑀧𑁆𑀧𑀪𑀽𑀢𑀺 𑀢𑀁 𑀅𑀢𑁆𑀢𑀦𑁄 𑀲𑀸𑀫𑀺𑀥𑀻𑀢𑀭𑀁 𑀯𑀺𑀬 𑀫𑀜𑁆𑀜𑀫𑀸𑀦𑁄 𑀦𑀺𑀩𑀤𑁆𑀥𑀁 𑀯𑀝𑁆𑀝𑀁 𑀧𑀝𑁆𑀞𑀧𑁂𑀲𑀺. 𑀭𑀸𑀚𑀥𑀻𑀢𑀸 𑀢𑀢𑁆𑀣 𑀲𑀢𑁆𑀢 𑀯𑀲𑁆𑀲𑀸𑀦𑀺 𑀯𑀲𑀺. 𑀦𑀺𑀕𑁆𑀭𑁄𑀥𑀓𑀼𑀫𑀸𑀭𑁄𑀧𑀺 𑀲𑀢𑁆𑀢𑀯𑀲𑁆𑀲𑀺𑀓𑁄 𑀚𑀸𑀢𑁄 𑀢𑀤𑀸 𑀫𑀳𑀸𑀯𑀭𑀼𑀡𑀢𑁆𑀣𑁂𑀭𑁄 𑀦𑀸𑀫 𑀏𑀓𑁄 𑀅𑀭𑀳𑀸 𑀤𑀸𑀭𑀓𑀲𑁆𑀲 𑀳𑁂𑀢𑀼𑀲𑀫𑁆𑀧𑀤𑀁 𑀤𑀺𑀲𑁆𑀯𑀸 𑀯𑀺𑀳𑀭𑀫𑀸𑀦𑁄 𑀲𑀢𑁆𑀢𑀯𑀲𑁆𑀲𑀺𑀓𑁄𑀤𑀸𑀦𑀺 𑀤𑀸𑀭𑀓𑁄 𑀓𑀸𑀮𑁄 𑀦𑀁 𑀧𑀩𑁆𑀩𑀸𑀚𑁂𑀢𑀼𑀦𑁆𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀭𑀸𑀚𑀥𑀻𑀢𑀬𑀸 𑀆𑀭𑁄𑀘𑀸𑀧𑁂𑀢𑁆𑀯𑀸 𑀦𑀺𑀕𑁆𑀭𑁄𑀥𑀓𑀼𑀫𑀸𑀭𑀁 𑀧𑀩𑁆𑀩𑀸𑀚𑁂𑀲𑀺. 𑀓𑀼𑀫𑀸𑀭𑁄 𑀔𑀼𑀭𑀕𑁆𑀕𑁂𑀬𑁂𑀯 𑀅𑀭𑀳𑀢𑁆𑀢𑀁 𑀧𑀸𑀧𑀼𑀡𑀺. 𑀲𑁄 𑀏𑀓𑀤𑀺𑀯𑀲𑀁 𑀧𑀸𑀢𑁄𑀯 𑀲𑀭𑀻𑀭𑀁 𑀧𑀝𑀺𑀚𑀕𑁆𑀕𑀺𑀢𑁆𑀯𑀸 𑀆𑀘𑀭𑀺𑀬𑀼𑀧𑀚𑁆𑀛𑀸𑀦𑀁 ¶ 𑀯𑀢𑁆𑀢𑀁 𑀓𑀢𑁆𑀯𑀸 𑀧𑀢𑁆𑀢𑀘𑀻𑀯𑀭𑀫𑀸𑀤𑀸𑀬 𑀫𑀸𑀢𑀼𑀉𑀧𑀸𑀲𑀺𑀓𑀸𑀬 𑀕𑁂𑀳𑀤𑁆𑀯𑀸𑀭𑀁 𑀕𑀘𑁆𑀙𑀸𑀫𑀻𑀢𑀺 𑀦𑀺𑀓𑁆𑀔𑀫𑀺 𑀫𑀸𑀢𑀼 𑀦𑀺𑀯𑁂𑀲𑀦𑀝𑁆𑀞𑀸𑀦𑀜𑁆𑀘𑀲𑁆𑀲 𑀤𑀓𑁆𑀔𑀺𑀡𑀤𑁆𑀯𑀸𑀭𑁂𑀦 𑀦𑀕𑀭𑀁 𑀧𑀯𑀺𑀲𑀺𑀢𑁆𑀯𑀸 𑀦𑀕𑀭𑀫𑀚𑁆𑀛𑁂𑀦 𑀕𑀦𑁆𑀢𑁆𑀯𑀸 𑀧𑀸𑀘𑀻𑀦𑀤𑁆𑀯𑀸𑀭𑁂𑀦 𑀦𑀺𑀓𑁆𑀔𑀫𑀺𑀢𑁆𑀯𑀸 𑀕𑀦𑁆𑀢𑀩𑁆𑀩𑀁 𑀳𑁄𑀢𑀺 𑀢𑁂𑀦 𑀘 𑀲𑀫𑀬𑁂𑀦 𑀅𑀲𑁄𑀓𑁄 𑀥𑀫𑁆𑀫𑀭𑀸𑀚𑀸 𑀧𑀸𑀘𑀻𑀦 𑀤𑀺𑀲𑀸𑀪𑀺𑀫𑀼𑀔𑁄 𑀲𑀻𑀳𑀧𑀜𑁆𑀚𑀭𑁂 𑀘𑀗𑁆𑀓𑀫𑀢𑀺.

𑀢𑀁 𑀔𑀡𑀁𑀬𑁂𑀯 𑀲𑀺𑀕𑁆𑀭𑁄𑀥𑁄 𑀲𑀸𑀫𑀡𑁂𑀭𑁄 𑀭𑀸𑀚𑀗𑁆𑀕𑀡𑀁 𑀧𑀸𑀧𑀼𑀡𑀺 𑀲𑀦𑁆𑀢𑀺𑀦𑁆𑀤𑁆𑀭𑀺𑀬𑁄 𑀲𑀦𑁆𑀢𑀫𑀸𑀦𑀲𑁄 𑀬𑀼𑀕𑀫𑀢𑁆𑀢𑀁 𑀧𑁂𑀓𑁆𑀔𑀫𑀸𑀦𑁄. 𑀢𑁂𑀦 𑀯𑀼𑀢𑁆𑀢𑀁. 𑀏𑀓𑀤𑀺𑀯𑀲𑀁 𑀲𑀻𑀳𑀧𑀜𑁆𑀚𑀭𑁂 𑀞𑀺𑀢𑁄 𑀅𑀤𑁆𑀤𑀲 𑀦𑀺𑀕𑁆𑀭𑁄𑀥𑀲𑀸𑀫𑀡𑁂𑀭𑀁 𑀭𑀸𑀚𑀗𑁆𑀕𑀡𑁂𑀦 𑀕𑀘𑁆𑀙𑀦𑁆𑀢𑀁 𑀤𑀦𑁆𑀢𑀁 𑀕𑀼𑀢𑁆𑀢𑀁 𑀲𑀦𑁆𑀢𑀺𑀦𑁆𑀤𑁆𑀭𑀺𑀬𑀁 𑀇𑀭𑀺𑀬𑀸𑀧𑀣 𑀲𑀫𑁆𑀧𑀦𑁆𑀦𑀦𑁆𑀢𑀺. 𑀤𑀺𑀲𑁆𑀯𑀸 𑀧𑀦𑀲𑁆𑀲 𑀏𑀢𑀤𑀳𑁄𑀲𑀺? 𑀅𑀬𑀁 𑀚𑀦𑁄 𑀲𑀩𑁆𑀩𑁄𑀧𑀺 𑀯𑀺𑀓𑁆𑀔𑀺𑀢𑁆𑀢𑀘𑀺𑀢𑁆𑀢𑁄𑀳𑀦𑁆𑀢𑀫𑀕𑀧𑀝𑀺𑀪𑀸𑀕𑁄, 𑀅𑀬𑀫𑁆𑀧𑀦 𑀤𑀸𑀭𑀓𑁄 𑀅𑀯𑀺𑀓𑁆𑀔𑀺𑀢𑁆𑀢𑀘𑀺𑀢𑁆𑀢𑁄 𑀅𑀢𑀺𑀯𑀺𑀬𑀲𑁆𑀲 𑀅𑀮𑁄𑀓𑀺𑀢 𑀯𑀺𑀮𑁄𑀓𑀺𑀢𑀁 𑀲𑀫𑁆𑀫𑀺𑀜𑁆𑀚𑀦 𑀧𑀲𑀸𑀭𑀡𑀜𑁆𑀘 𑀲𑁄𑀪𑀢𑀺, 𑀅𑀤𑁆𑀥𑀸 𑀏𑀢𑀲𑁆𑀲 𑀅𑀩𑁆𑀪𑀦𑁆𑀢𑀭𑁂 𑀮𑁄𑀓𑀼𑀢𑁆𑀢𑀭𑀥𑀫𑁆𑀫𑁄 𑀪𑀯𑀺𑀲𑁆𑀲𑀢𑀻𑀢𑀺 𑀭𑀜𑁆𑀜𑁄 𑀲𑀳𑀤𑀲𑁆𑀲𑀦𑁂𑀦𑁂𑀯 𑀲𑀸𑀫𑀡𑁂𑀭𑁂 𑀘𑀺𑀢𑁆𑀢𑀁 𑀧𑀲𑀻𑀤𑀺. 𑀧𑁂𑀫𑀁 𑀲𑀡𑁆𑀞𑀳𑀺 𑀓𑀲𑁆𑀫𑀸? 𑀧𑀼𑀩𑁆𑀩𑁂 𑀓𑀺𑀭 𑀧𑀼𑀜𑁆𑀜 𑀓𑀭𑀡𑀓𑀸𑀮𑁂 𑀏𑀲 𑀭𑀜𑁆𑀜𑁄 𑀚𑁂𑀝𑁆𑀞𑀪𑀸𑀢𑀸 𑀯𑀸𑀡𑀺𑀚𑀓𑁄 𑀅𑀳𑁄𑀲𑀺.

𑀅𑀣 𑀭𑀸𑀚𑀸 𑀲𑀜𑁆𑀚𑀸𑀢𑀧𑁂𑀫𑁄 𑀲𑀩𑀳𑀼𑀫𑀸𑀦𑁄 𑀲𑀸𑀫𑀡𑁂𑀭𑀁 𑀧𑀓𑁆𑀓𑁄𑀲𑀣𑀸𑀢𑀺 𑀅𑀫𑀘𑁆𑀘𑁂 𑀧𑁂𑀲𑁂𑀲𑀺 𑀅𑀢𑀺𑀘𑀺𑀭𑀸𑀬𑀢𑀻𑀢𑀺 𑀧𑀼𑀦 𑀤𑁆𑀯𑁂 𑀢𑀬𑁄 𑀧𑁂𑀲𑁂𑀲𑀺 𑀢𑀼𑀭𑀺𑀢𑀁 𑀆𑀕𑀘𑁆𑀙𑀢𑀽𑀢𑀺 𑀲𑀸𑀫𑀭𑀡𑁂𑀭𑁄 𑀅𑀢𑁆𑀢𑀦𑁄 𑀧𑀓𑀢𑀺𑀬𑀸 𑀏𑀯 𑀅𑀕𑀫𑀸𑀲𑀺 𑀭𑀸𑀚𑀸 𑀧𑀢𑀺𑀭𑀽𑀧𑀸𑀲𑀦𑀁 𑀜𑀢𑁆𑀯𑀸 𑀦𑀺𑀲𑀻𑀤𑀣𑀸𑀢𑀺 𑀆𑀳. 𑀇𑀢𑁄 𑀘𑀺𑀢𑁄 𑀘 𑀑𑀮𑁄𑀓𑁂𑀢𑁆𑀯𑀸 𑀦𑀢𑁆𑀣𑀺𑀤𑀸𑀦𑀺 𑀅𑀜𑁆𑀜𑁄 𑀪𑀺𑀓𑁆𑀔𑀼𑀢𑀺 𑀲𑀫𑀼𑀲𑁆𑀲𑀺𑀢 𑀲𑁂𑀢𑀘𑁆𑀙𑀢𑁆𑀢𑀁 𑀭𑀸𑀚𑀧𑀴𑁆𑀮𑀗𑁆𑀓𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀧𑀢𑁆𑀢𑀕𑀳𑀡𑀢𑁆𑀣𑀸𑀬 𑀭𑀜𑁆𑀜𑁄 𑀆𑀓𑀸𑀭𑀁 𑀤𑀲𑁆𑀲𑁂𑀲𑀺. 𑀭𑀸𑀚𑀸 𑀢𑀁 𑀧𑀮𑁆𑀮𑀗𑁆𑀓𑀁 𑀲𑀫𑀻𑀧𑀁 𑀕𑀘𑁆𑀙𑀦𑁆𑀢𑀁 𑀤𑀺𑀲𑁆𑀯𑀸 𑀏𑀯𑀁 𑀘𑀺𑀦𑁆𑀢𑁂𑀲𑀺. 𑀅𑀚𑁆𑀚𑁂𑀯𑀤𑀸𑀦𑀺 𑀅𑀬𑀁 𑀲𑀸𑀫𑀡𑁂𑀭𑁄 𑀇𑀫𑀲𑁆𑀲 𑀕𑁂𑀳𑀲𑁆𑀲 𑀲𑀸𑀫𑀺𑀓𑁄 𑀪𑀯𑀺𑀲𑁆𑀲𑀢𑀺. 𑀲𑀸𑀫𑀡𑁂𑀭𑁄 𑀭𑀜𑁆𑀜𑁄 𑀳𑀢𑁆𑀣𑁂 𑀧𑀢𑁆𑀢𑀁 𑀤𑀢𑁆𑀯𑀸 𑀧𑀮𑁆𑀮𑀗𑁆𑀓𑀁 𑀅𑀪𑀭𑀼𑀳𑀺𑀢𑁆𑀯𑀸 𑀦𑀺𑀲𑀻𑀤𑀺.

𑀭𑀸𑀚𑀸 𑀅𑀢𑁆𑀢𑀦𑁄 𑀅𑀢𑁆𑀣𑀸𑀬 𑀲𑀫𑁆𑀧𑀸𑀤𑀺𑀢𑀁 𑀲𑀩𑁆𑀩𑀁 𑀬𑀸𑀕𑀼-𑀓𑀚𑁆𑀚𑀓 𑀪𑀢𑁆𑀢 𑀯𑀺𑀓𑀢𑀺𑀁 𑀉𑀧𑀦𑀸𑀫𑁂𑀲𑀺. 𑀲𑀸𑀫𑀡𑁂𑀭𑁄 𑀅𑀢𑁆𑀢𑀦𑁄 𑀬𑀸𑀧𑀦𑀫𑀢𑁆𑀢𑀫𑁂𑀯 𑀲𑀫𑁆𑀧𑀝𑀺𑀘𑁆𑀙𑀺. 𑀪𑀢𑁆𑀢𑀓𑀺𑀘𑁆𑀘𑀸𑀯𑀲𑀸𑀦𑁂 𑀭𑀸𑀚𑀸 𑀆𑀳 𑀲𑀢𑁆𑀣𑀸𑀭𑀸 𑀢𑀼𑀫𑁆𑀳𑀸𑀓𑀁 𑀤𑀺𑀦𑁆𑀦𑁄𑀯𑀸𑀤𑀁 𑀚𑀸𑀦𑀸𑀣𑀸𑀢𑀺 𑀚𑀸𑀦𑀫𑀺 𑀫𑀳𑀸𑀭𑀸𑀚 𑀏𑀓𑀤𑁂𑀲𑁂𑀦𑀸𑀢𑀺. 𑀢𑀸𑀢, 𑀫𑀬𑁆𑀳𑀫𑁆𑀧𑀺 𑀦𑀁 𑀓𑀣𑁂𑀳𑀻𑀢𑀺 𑀲𑀸𑀥𑀼 𑀫𑀳𑀸𑀭𑀸𑀚𑀸𑀢𑀺 𑀭𑀜𑁆𑀜𑁄 𑀅𑀦𑀼𑀭𑀽𑀧𑀁 𑀥𑀫𑁆𑀫𑀧𑀤𑁂 𑀅𑀧𑁆𑀧𑀫𑀸𑀤 𑀯𑀕𑁆𑀕𑀁 𑀅𑀦𑀼𑀫𑁄𑀤𑀦𑀢𑁆𑀣𑀸𑀬 𑀅𑀪𑀸𑀲𑀺.

𑀭𑀸𑀚𑀸 𑀧𑀦 𑀅𑀧𑁆𑀧𑀫𑀸𑀤𑁄 𑀅𑀫𑀢𑀧𑀤𑀁, 𑀧𑀫𑀸𑀤𑁄 𑀫𑀘𑁆𑀘𑀼𑀦𑁄 𑀧𑀤𑀦𑁆𑀢𑀺 𑀲𑀼𑀢𑁆𑀯 𑀘, 𑀅𑀜𑁆𑀜𑀸𑀢𑀁 𑀢𑀸𑀢 𑀧𑀭𑀺𑀬𑁄𑀲𑀸𑀧𑁂𑀳𑀻𑀢𑀺 𑀆𑀳 𑀅𑀦𑀼𑀫𑁄𑀤𑀦𑀸𑀯𑀲𑀸𑀦𑁂 𑀤𑁆𑀯𑀢𑁆𑀢𑀺𑀁𑀲 𑀥𑀼𑀭𑀪𑀢𑁆𑀢𑀸𑀦𑀺 𑀮𑀪𑀺𑀢𑁆𑀯𑀸 𑀧𑀼𑀦 𑀤𑀺𑀯𑀲𑁂 𑀤𑁆𑀯𑀢𑁆𑀢𑀺𑀁𑀲 𑀪𑀺𑀓𑁆𑀔𑀼 𑀕𑀳𑁂𑀢𑁆𑀯𑀸 𑀭𑀸𑀚𑀦𑁆𑀢𑁂𑀧𑀼𑀭𑀁 𑀧𑀯𑀺𑀲𑀺𑀢𑁆𑀯𑀸 𑀪𑀢𑁆𑀢𑀓𑀺𑀘𑁆𑀘𑀫𑀓𑀸𑀲𑀺 𑀭𑀸𑀚𑀸 𑀅𑀜𑁆𑀜𑁂𑀧𑀺 𑀤𑁆𑀯𑀢𑁆𑀢𑀺𑀁𑀲 𑀪𑀺𑀓𑁆𑀔𑀼 𑀢𑀼𑀫𑁆𑀳𑁂𑀳𑀺 𑀲𑀤𑁆𑀥𑀺𑀁𑀬𑁂𑀯 𑀪𑀺𑀓𑁆𑀔𑀁 𑀕𑀡𑁆𑀳𑀦𑁆𑀢𑀽𑀢𑀺 𑀏𑀢𑁂𑀦𑁂𑀯 𑀉𑀧𑀸𑀬𑁂𑀦 𑀤𑀺𑀯𑀲𑁂 𑀤𑀺𑀯𑀲𑁂 𑀯𑀟𑁆𑀠𑀸𑀧𑁂𑀦𑁆𑀢𑁂 𑀲𑀝𑁆𑀞𑀺 ¶ 𑀲𑀳𑀲𑁆𑀲𑀸𑀦𑀁 𑀩𑁆𑀭𑀸𑀳𑁆𑀫𑀡 𑀧𑀭𑀺𑀩𑁆𑀩𑀸𑀚𑀓𑀸𑀦𑀁 𑀪𑀢𑁆𑀢𑀁 𑀉𑀧𑀘𑁆𑀙𑀺𑀡𑁆𑀤𑀺𑀢𑁆𑀯𑀸 𑀅𑀦𑁆𑀢𑁄 𑀦𑀺𑀯𑁂𑀲𑀦𑁂 𑀲𑀝𑁆𑀞𑀺𑀲𑀳𑀲𑁆𑀲𑀸𑀦𑀁 𑀪𑀺𑀓𑁆𑀔𑀼𑀦𑀁 𑀦𑀺𑀘𑁆𑀘𑀪𑀢𑁆𑀢𑀁 𑀧𑀝𑁆𑀞𑀧𑁂𑀲𑀺, 𑀦𑀺𑀕𑁆𑀭𑁄𑀥𑀢𑁆𑀣𑁂𑀭 𑀕𑀢𑁂𑀦𑁂𑀯 𑀧𑀲𑀸𑀤𑁂𑀦, 𑀦𑀺𑀕𑁆𑀭𑁄𑀥𑀢𑁆𑀣𑁂𑀭𑁄𑀧𑀺 𑀭𑀸𑀚𑀸𑀦𑀁 𑀲𑀧𑀭𑀺𑀲𑀁 𑀢𑀻𑀲𑀼 𑀲𑀭𑀡𑁂𑀲𑀼 𑀧𑀜𑁆𑀘𑀲𑀼 𑀘 𑀲𑀻𑀮𑁂𑀲𑀼 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀩𑀼𑀤𑁆𑀥𑀲𑀸𑀲𑀦𑁂 𑀧𑁄𑀣𑀼𑀚𑁆𑀚𑀦𑀺𑀓𑁂𑀦 𑀧𑀲𑀸𑀤𑁂𑀦 𑀅𑀘𑀮𑀧𑁆𑀧𑀲𑀸𑀤𑀁 𑀓𑀢𑁆𑀯𑀸 𑀧𑀢𑀺𑀝𑁆𑀞𑀸𑀧𑁂𑀲𑀺.

𑀧𑀼𑀦 𑀭𑀸𑀚 𑀅𑀲𑁄𑀓𑀸𑀭𑀸𑀫𑀁 𑀦𑀸𑀫 𑀫𑀳𑀸𑀯𑀺𑀳𑀸𑀭𑀁 𑀓𑀸𑀭𑀧𑁂𑀢𑁆𑀯𑀸 𑀲𑀝𑁆𑀞𑀺𑀲𑀳𑀲𑁆𑀲𑀸𑀦𑀁 𑀪𑀺𑀓𑁆𑀔𑀽𑀦𑀁 𑀪𑀢𑁆𑀢𑀁 𑀧𑀝𑁆𑀞𑀧𑁂𑀲𑀺. 𑀲𑀓𑀮𑀚𑀫𑁆𑀩𑀼𑀤𑀻𑀧𑁂 𑀘𑀢𑀼𑀭𑀸𑀲𑀻𑀢𑀺𑀬𑀸 𑀦𑀕𑀭𑀲𑀳𑀲𑁆𑀲𑁂𑀲𑀼 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀸𑀦𑀺 𑀓𑀸𑀭𑀸𑀧𑁂𑀲𑀺. 𑀘𑀢𑀼𑀭𑀸𑀲𑀻𑀢𑀺 𑀘𑁂𑀢𑀺𑀬𑀲𑀳𑀲𑁆𑀲 𑀧𑀢𑀺𑀫𑀡𑁆𑀟𑀺𑀢𑀸𑀦𑀺 𑀥𑀫𑁆𑀫𑁂𑀦𑁂𑀯 𑀦𑁄 𑀅𑀥𑀫𑁆𑀫𑁂𑀦, 𑀏𑀓𑀤𑀺𑀯𑀲𑀁 𑀓𑀺𑀭 𑀭𑀸𑀚𑀸 𑀅𑀲𑁄𑀓𑀸𑀭𑀸𑀫𑁂 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀲𑀝𑁆𑀞𑀺𑀲𑀳𑀲𑁆𑀲 𑀲𑀗𑁆𑀔𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀫𑀚𑁆𑀛𑁂 𑀦𑀺𑀲𑀚𑁆𑀚 𑀲𑀗𑁆𑀖𑀁 𑀘𑀢𑀽𑀳𑀺 𑀧𑀯𑁆𑀘𑀬𑁂𑀳𑀺 𑀧𑀯𑀸𑀭𑁂𑀢𑁆𑀯𑀸 𑀇𑀫𑀁 𑀧𑀜𑁆𑀳𑀁 𑀧𑀼𑀘𑁆𑀙𑀺 𑀪𑀦𑁆𑀢𑁂 𑀪𑀕𑀯𑀢𑁄 𑀤𑁂𑀲𑀺𑀢 𑀥𑀫𑁆𑀫𑁄 𑀦𑀸𑀫 𑀓𑀺𑀢𑁆𑀢𑀓𑁄 𑀳𑁄𑀢𑀻𑀢𑀺. 𑀫𑀳𑀸𑀭𑀸𑀚 𑀦𑀯 𑀅𑀗𑁆𑀕𑀸𑀦𑀺, 𑀔𑀡𑁆𑀤𑀢𑁄 𑀘𑀢𑀼𑀭𑀸𑀲𑀻𑀢𑀺 𑀥𑀫𑁆𑀫𑀓𑁆𑀔𑀡𑁆𑀥 𑀲𑀳𑀲𑁆𑀲𑀸𑀦𑀻𑀢𑀺.

𑀭𑀸𑀚𑀸 𑀥𑀫𑁆𑀫𑁂 𑀧𑀲𑀻𑀤𑀺𑀢𑁆𑀯𑀸 𑀏𑀓𑁂𑀓𑀁 𑀥𑀫𑁆𑀫𑀓𑁆𑀔𑀡𑁆𑀥𑀁 𑀏𑀓𑁂𑀓𑁂𑀦 𑀯𑀺𑀳𑀸𑀭𑁂𑀦 𑀧𑀽𑀚𑁂𑀲𑁆𑀲𑀸𑀫𑀻𑀢𑀺 𑀏𑀓𑀤𑀺𑀯𑀲𑀫𑁂𑀯 𑀙𑀦𑁆𑀦𑀯𑀼𑀢𑀺 𑀓𑁄𑀝𑀺𑀥𑀦𑀁 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀅𑀫𑀘𑁆𑀘𑁂 𑀆𑀡𑀸𑀧𑁂𑀲𑀺. 𑀏𑀣 𑀪𑀡𑁂 𑀏𑀓𑁂𑀓𑀲𑁆𑀫𑀺𑀁 𑀦𑀕𑀭𑁂 𑀏𑀓𑀫𑁂𑀓𑀁 𑀯𑀺𑀳𑀸𑀭𑀁 𑀓𑀸𑀭𑁂𑀦𑁆𑀢𑀸 𑀘𑀢𑀼𑀭𑀸𑀲𑀻𑀢𑀺𑀬𑀸 𑀦𑀕𑀭𑀲𑀳𑀲𑁆𑀲𑁂𑀲𑀼 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀸𑀦𑀺 𑀓𑀸𑀭𑀸𑀧𑁂𑀣𑀸𑀢𑀺 𑀲𑀬𑀜𑁆𑀘 𑀅𑀲𑁄𑀓𑀸𑀭𑀸𑀫𑁂 𑀅𑀲𑁄𑀓 𑀫𑀳𑀸𑀯𑀺𑀳𑀸𑀭𑀢𑁆𑀣𑀸𑀬 𑀓𑀫𑁆𑀫𑀁 𑀧𑀝𑁆𑀞𑀧𑁂𑀲𑀺.

𑀲𑀗𑁆𑀖𑁄 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑀁 𑀦𑀸𑀫 𑀫𑀳𑀺𑀤𑁆𑀥𑀺𑀬𑀁 𑀫𑀳𑀸𑀦𑀼𑀪𑀸𑀯𑀁 𑀔𑀻𑀡𑀸𑀲𑀯𑀁 𑀦𑀯𑀓𑀫𑁆𑀫𑀸𑀥𑀺𑀝𑁆𑀞𑀸𑀬𑀓𑀁 𑀅𑀤𑀸𑀲𑀺. 𑀣𑁂𑀭𑁄 𑀬𑀁 𑀬𑀁 𑀦 𑀦𑀺𑀝𑁆𑀞𑀸𑀢𑀺 𑀢𑀁 𑀢𑀁 𑀅𑀢𑁆𑀢𑀦𑁄 𑀆𑀦𑀼𑀪𑀸𑀯𑁂𑀦 𑀦𑀺𑀝𑁆𑀞𑀸𑀧𑁂𑀲𑀺. 𑀏𑀯𑀁 𑀢𑀻𑀳𑀺 𑀲𑀁𑀯𑀘𑁆𑀙𑀭𑁂𑀳𑀺 𑀯𑀺𑀳𑀸𑀭𑀓𑀫𑁆𑀫𑀁 𑀦𑀺𑀝𑁆𑀞𑀸𑀧𑁂𑀲𑀺. 𑀏𑀓𑀤𑀺𑀯𑀲𑀫𑁂𑀯 𑀲𑀩𑁆𑀩𑀦𑀕𑀭𑁂𑀳𑀺 𑀧𑀡𑁆𑀡𑀸𑀦𑀺 𑀆𑀕𑀫𑀺𑀁𑀲𑀼 𑀅𑀫𑀘𑁆𑀘𑀸 𑀭𑀜𑁆𑀜𑁄 𑀆𑀭𑁄𑀘𑁂𑀲𑀼𑀁. 𑀦𑀺𑀝𑁆𑀞𑀺𑀢𑀸𑀦𑀺 𑀤𑁂𑀯 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀸𑀦𑀻𑀢𑀺 𑀅𑀣 𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀪𑀦𑁆𑀢𑁂 𑀫𑀬𑀸 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀸𑀦𑀺 𑀓𑀸𑀭𑀺𑀢𑀸𑀦𑀺 𑀥𑀸𑀢𑀼𑀬𑁄𑀓𑀼𑀢𑁄 𑀮𑀪𑀺𑀲𑁆𑀲𑀸𑀫𑀻𑀢𑀺 𑀧𑀼𑀘 𑀧𑀼𑀘𑁆𑀙𑀺.

𑀫𑀳𑀸𑀭𑀸𑀚 𑀥𑀸𑀢𑀼𑀦𑀺𑀥𑀸𑀦𑀁 𑀦𑀸𑀫 𑀅𑀢𑁆𑀣𑀻𑀢𑀺 𑀲𑀼𑀡𑁄𑀫. 𑀦 𑀧𑀦 𑀧𑀜𑁆𑀜𑀸𑀬𑀢𑀺 𑀅𑀲𑀼𑀓𑀸𑀝𑁆𑀞𑀸𑀦𑁂𑀢𑀺 𑀭𑀸𑀚𑀸 𑀭𑀸𑀚𑀕𑀳𑁂 𑀘𑁂𑀢𑀺𑀬𑀁 𑀪𑀺𑀡𑁆𑀤𑀸𑀧𑁂𑀢𑁆𑀯𑀸 𑀥𑀸𑀢𑀼𑀁 𑀅𑀧𑀲𑁆𑀲𑀦𑁆𑀢𑁄 𑀧𑀝𑀺𑀧𑀸𑀓𑀢𑀺𑀬𑀁 𑀓𑀸𑀭𑁂𑀢𑁆𑀯𑀸 𑀪𑀺𑀓𑁆𑀔𑀼-𑀪𑀺𑀓𑁆𑀔𑀼𑀦𑀺𑀬𑁄-𑀉𑀧𑀸𑀲𑀓-𑀉𑀧𑀸𑀲𑀺𑀓𑀸𑀬𑁄𑀢𑀺 𑀘𑀢𑀲𑁆𑀲𑁄 𑀧𑀭𑀺𑀲𑀸 𑀕𑀳𑁂𑀢𑁆𑀯𑀸 𑀯𑁂𑀲𑀸𑀮𑀺𑀁 𑀕𑀢𑁄. 𑀢𑀢𑁆𑀭𑀸𑀧𑀺 𑀅𑀮𑀪𑀺𑀢𑁆𑀯𑀸 𑀓𑀧𑀺𑀴𑀯𑀢𑁆𑀣𑀼𑀁, 𑀢𑀢𑁆𑀭𑀸𑀧𑀺 𑀅𑀮𑀪𑀺𑀢𑁆𑀯𑀸 𑀭𑀸𑀫𑀕𑀸𑀫𑀁 𑀕𑀢𑁄, 𑀭𑀸𑀫𑀕𑀸𑀫𑁂 𑀦𑀸𑀕𑀸 𑀘𑁂𑀢𑀺𑀬𑀁 𑀪𑀺𑀡𑁆𑀤𑀺𑀢𑀼𑀁 𑀦 𑀅𑀤𑀁𑀲𑀼. 𑀘𑁂𑀢𑀺𑀬𑁂 𑀦𑀺𑀧𑀢𑀺𑀢 𑀓𑀼𑀤𑁆𑀤𑀸𑀮𑁄 𑀔𑀡𑁆𑀟𑀸𑀔𑀡𑁆𑀟𑀁 𑀳𑁄𑀢𑀺 𑀏𑀯𑀁 𑀢𑀢𑁆𑀭𑀸𑀧𑀺 𑀅𑀮𑀪𑀺𑀢𑁆𑀯𑀸 𑀅𑀮𑁆𑀮𑀓𑀧𑁆𑀧𑀁-𑀧𑀸𑀯𑀁-𑀓𑀼𑀲𑀺𑀦𑀸𑀭𑀦𑁆𑀢𑀺 𑀲𑀩𑁆𑀩𑀢𑁆𑀣 𑀘𑁂𑀢𑀺𑀬𑀸𑀢𑀺 𑀪𑀺𑀡𑁆𑀤𑀺𑀢𑁆𑀯𑀸 𑀥𑀸𑀢𑀼𑀁 𑀅𑀮𑀪𑀺𑀢𑁆𑀯𑀸 𑀧𑀝𑀺𑀧𑀸𑀓𑀢𑀺𑀓𑀸𑀦𑀺 ¶ 𑀓𑀢𑁆𑀯𑀸 𑀭𑀸𑀚𑀕𑀳𑀁 𑀕𑀦𑁆𑀢𑁆𑀯𑀸 𑀘𑀢𑀲𑁆𑀲𑁄 𑀧𑀭𑀺𑀲𑀸 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀅𑀢𑁆𑀣𑀺 𑀓𑁂𑀦𑀘𑀺 𑀲𑀼𑀢𑀧𑀼𑀩𑁆𑀩𑀁 𑀅𑀲𑀼𑀓𑀝𑁆𑀞𑀸𑀦𑁂 𑀦𑀸𑀫 𑀥𑀸𑀢𑀼 𑀦𑀺𑀥𑀸𑀦𑀦𑁆𑀢𑀺 𑀧𑀼𑀘𑁆𑀙𑀺.

𑀢𑀢𑁆𑀣𑁂𑀓𑁄 𑀯𑀺𑀲𑀁𑀯𑀲𑁆𑀲 𑀲𑀢𑀺𑀓𑁄 𑀣𑁂𑀭𑁄 𑀅𑀲𑀼𑀓𑀝𑁆𑀞𑀸𑀦𑁂 𑀥𑀸𑀢𑀼𑀦𑀺𑀥𑀸𑀦𑀦𑁆𑀢𑀺 𑀦 𑀚𑀸𑀦𑀸𑀫𑀺. 𑀫𑀬𑁆𑀳𑀁 𑀧𑀦 𑀧𑀺𑀢𑀸𑀫𑀳𑀢𑁆𑀣𑁂𑀭𑁄 𑀫𑀬𑀺 𑀲𑀢𑁆𑀢𑀯𑀲𑁆𑀲𑀺𑀓𑀓𑀸𑀮𑁂 𑀫𑀸𑀮𑀸𑀘𑀗𑁆𑀕𑁄𑀝𑀓𑀁 𑀕𑀸𑀳𑀸𑀧𑁂𑀢𑁆𑀯𑀸 𑀏𑀳𑀺 𑀲𑀸𑀫𑀡𑁂𑀭, 𑀅𑀲𑀼𑀓 𑀕𑀘𑁆𑀙𑀦𑁆𑀢𑀭𑁂 𑀧𑀸𑀲𑀸𑀦𑀣𑀽𑀧𑁄 𑀅𑀢𑁆𑀣𑀺, 𑀢𑀢𑁆𑀣 𑀕𑀘𑁆𑀙𑀸𑀫𑀸𑀢𑀺 𑀕𑀦𑁆𑀢𑁆𑀯𑀸 𑀧𑀽𑀚𑁂𑀢𑁆𑀯𑀸 𑀇𑀫𑀁 𑀞𑀸𑀦𑀁 𑀉𑀧𑀥𑀸𑀭𑁂𑀢𑀼𑀁 𑀯𑀝𑁆𑀝𑀢𑀺 𑀲𑀸𑀫𑀡𑁂𑀭𑁄𑀢𑀺 𑀆𑀳. 𑀅𑀳𑀁 𑀏𑀢𑁆𑀢𑀓𑀫𑁂𑀯 𑀚𑀸𑀦𑀸𑀫𑀺 𑀫𑀳𑀸𑀭𑀸𑀚𑀸𑀢𑀺 𑀆𑀳.

𑀭𑀸𑀚𑀸 𑀏𑀢𑀤𑁂𑀯 𑀞𑀸𑀦𑀦𑁆𑀢𑀺 𑀯𑀢𑁆𑀯𑀸 𑀕𑀘𑁆𑀙𑁂 𑀳𑀭𑀸𑀧𑁂𑀢𑁆𑀯𑀸 𑀧𑀸𑀲𑀸𑀡𑀣𑀽𑀧𑀁 𑀧𑀁𑀲𑀼𑀜𑁆𑀘 𑀅𑀧𑀦𑁂𑀢𑁆𑀯𑀸 𑀳𑁂𑀝𑁆𑀞𑀸 𑀲𑀼𑀥𑀸𑀪𑀽𑀫𑀺𑀁 𑀅𑀤𑁆𑀤𑀲. 𑀢𑀢𑁄 𑀲𑀼𑀥𑀜𑁆𑀘 𑀇𑀝𑁆𑀞𑀓𑀸𑀬𑁄 𑀘 𑀳𑀭𑀸𑀧𑁂𑀢𑁆𑀯𑀸 𑀅𑀦𑀼𑀧𑀼𑀩𑁆𑀩𑁂𑀦 𑀧𑀭𑀺𑀯𑁂𑀡𑀸 𑀑𑀭𑀼𑀬𑁆𑀳 𑀲𑀢𑁆𑀢 𑀭𑀢𑀦𑀯𑀸𑀮𑀺𑀓𑀁 𑀅𑀲𑀻𑀢𑀺 𑀳𑀢𑁆𑀣𑀸𑀦𑀺 𑀘 𑀓𑀝𑁆𑀞𑀭𑀽𑀧𑀸𑀦𑀺 𑀲𑀫𑁆𑀧𑀭𑀺𑀯𑀢𑁆𑀢𑀦𑁆𑀢𑀸𑀦𑀺 𑀅𑀤𑁆𑀤𑀲. 𑀲𑁄 𑀬𑀓𑁆𑀔 𑀤𑀸𑀲𑀓𑁂 𑀧𑀓𑁆𑀓𑁄𑀲𑀸𑀧𑁂𑀢𑁆𑀯𑀸 𑀩𑀮𑀺𑀓𑀫𑁆𑀫𑀁 𑀓𑀸𑀭𑁂𑀢𑁆𑀯𑀸𑀧𑀺 𑀦𑁂𑀯 𑀅𑀦𑁆𑀢𑀁 𑀦 𑀓𑁄𑀝𑀺𑀁 𑀧𑀦𑁆𑀦𑀦𑁆𑀢𑁄 𑀤𑁂𑀯𑀢𑀸 𑀦𑀫𑀲𑁆𑀲𑀫𑀸𑀦𑁄 𑀅𑀳𑀁 𑀇𑀫𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀘𑀢𑀼𑀭𑀸𑀲𑀻𑀢𑀺𑀬𑀸 𑀯𑀺𑀳𑀸𑀭𑀲𑀳𑀲𑁆𑀲𑁂𑀲𑀼 𑀦𑀺𑀤𑀳𑀺𑀢𑁆𑀯𑀸 𑀲𑀓𑁆𑀓𑀸𑀭𑀁 𑀓𑀭𑁄𑀫𑀺 𑀫𑀸 𑀤𑁂𑀯𑀢𑀸 𑀅𑀦𑁆𑀢𑀭𑀸𑀬𑀁 𑀓𑀭𑁂𑀦𑁆𑀢𑀽𑀢𑀺 𑀆𑀳.

𑀲𑀓𑁆𑀓𑁄 𑀤𑁂𑀯𑀭𑀸𑀚𑀸 𑀘𑀸𑀭𑀺𑀓𑀁 𑀘𑀭𑀦𑁆𑀢𑁄 𑀢𑀁 𑀤𑀺𑀲𑁆𑀯𑀸 𑀯𑀺𑀲𑁆𑀲𑀓𑀫𑁆𑀫𑀁 𑀆𑀫𑀦𑁆𑀢𑁂𑀢𑁆𑀯𑀸 𑀆𑀳. 𑀢𑀸𑀢, 𑀅𑀲𑁄𑀓𑁄 𑀥𑀫𑁆𑀫𑀭𑀸𑀚𑀸 𑀥𑀸𑀢𑀼𑀬𑁄 𑀦𑀻𑀳𑀭𑀺𑀲𑁆𑀲𑀸𑀫𑀻𑀢𑀺 𑀧𑀭𑀺𑀯𑁂𑀡𑀁 𑀑𑀢𑀺𑀡𑁆𑀡𑁄, 𑀕𑀦𑁆𑀢𑁆𑀯𑀸 𑀓𑀝𑁆𑀞𑀭𑀽𑀧𑀸𑀦𑀺 𑀳𑀸𑀭𑁂𑀳𑀻𑀢𑀺 𑀲𑁄 𑀧𑀜𑁆𑀘𑀘𑀽𑀴𑀕𑀸𑀫 𑀤𑀸𑀭𑀓𑀯𑁂𑀲𑁂𑀦𑀸𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀧𑀼𑀭𑀢𑁄 𑀥𑀦𑀼𑀓𑀳𑀢𑁆𑀣𑁄 𑀞𑀢𑁆𑀯𑀸 𑀳𑀸𑀭𑁂𑀫𑀺 𑀫𑀳𑀸𑀭𑀸𑀚𑀸𑀢𑀺 𑀆𑀳. 𑀳𑀭 𑀢𑀸𑀢𑀸𑀢𑀺. 𑀲𑀭𑀁 𑀕𑀳𑁂𑀢𑁆𑀯𑀸 𑀲𑀦𑁆𑀥𑀺𑀫𑁆𑀳𑀺𑀬𑁂𑀯 𑀯𑀺𑀚𑁆𑀛𑀺, 𑀲𑀩𑁆𑀩𑀁 𑀯𑀺𑀧𑁆𑀧𑀓𑀺𑀭𑀻𑀬𑀺𑀢𑁆𑀣.

𑀅𑀣 𑀭𑀸𑀚𑀸 𑀆𑀘𑀺𑀜𑁆𑀚𑀦𑁂 𑀩𑀤𑁆𑀥 𑀓𑀼𑀜𑁆𑀘𑀺𑀓 𑀫𑀼𑀤𑁆𑀤𑀺𑀓𑀁 𑀕𑀡𑁆𑀳𑀺, 𑀫𑀡𑀺𑀓𑁆𑀔𑀡𑁆𑀥𑀁 𑀧𑀲𑁆𑀲𑀺, 𑀅𑀦𑀸𑀕𑀢𑁂 𑀤𑀴𑀺𑀤𑁆𑀤𑀭𑀸𑀚𑀸𑀦𑁄 𑀇𑀫𑀁 𑀫𑀡𑀺𑀁 𑀕𑀳𑁂𑀢𑁆𑀯𑀸 𑀥𑀸𑀢𑀽𑀦𑀁 𑀲𑀓𑁆𑀓𑀸𑀭𑀁 𑀓𑀭𑁄𑀦𑁆𑀢𑀽𑀢𑀺 𑀧𑀦 𑀅𑀓𑁆𑀔𑀭𑀸𑀦𑀺 𑀤𑀺𑀲𑁆𑀯𑀸 𑀓𑀼𑀚𑁆𑀛𑀺𑀢𑁆𑀯𑀸 𑀫𑀸𑀤𑀺𑀲𑀁 𑀦𑀸𑀫 𑀭𑀸𑀚𑀸𑀦𑀁 𑀤𑀴𑀺𑀤𑁆𑀤𑀭𑀸𑀚𑀸𑀢𑀺 𑀘𑀢𑁆𑀢𑀼 𑀬𑀼𑀢𑁆𑀢𑀦𑁆𑀢𑀺 𑀧𑀼𑀦𑀧𑁆𑀧𑀼𑀦 𑀖𑀝𑁂𑀢𑁆𑀯𑀸 𑀤𑁆𑀯𑀸𑀭𑀁 𑀯𑀺𑀘𑀭𑀺𑀢𑁆𑀯𑀸 𑀅𑀦𑁆𑀢𑁄𑀕𑁂𑀳𑀁 𑀧𑀯𑀺𑀝𑁆𑀞𑁄. 𑀅𑀝𑁆𑀞𑀸𑀭𑀲 𑀯𑀲𑁆𑀲𑀸𑀥𑀺𑀓𑀸𑀦𑀁 𑀤𑁆𑀯𑀺𑀦𑁆𑀦𑀁 𑀯𑀲𑁆𑀲𑀲𑀢𑀸𑀦𑀁 𑀉𑀧𑀭𑀺 𑀆𑀭𑁄𑀧𑀺𑀢𑀤𑀻𑀧𑀸 𑀢𑀣𑁂𑀯 𑀧𑀚𑁆𑀚𑀮𑀦𑁆𑀢𑀺 𑀦𑀺𑀮𑀼𑀧𑁆𑀧𑀮 𑀧𑀼𑀧𑁆𑀨𑀸𑀦𑀺 𑀢𑀁 𑀔𑀡𑀁 𑀆𑀳𑀭𑀺𑀢𑁆𑀯𑀸 𑀆𑀭𑁄𑀧𑀺𑀢𑀸𑀦𑀺 𑀯𑀺𑀬, 𑀧𑀼𑀧𑁆𑀨𑀲𑀡𑁆𑀣𑀭𑁄 𑀢𑀁 𑀔𑀡𑀁 𑀲𑀦𑁆𑀣𑀢𑁄 𑀯𑀺𑀬, 𑀕𑀡𑁆𑀥𑀸 𑀢𑀁 𑀫𑀼𑀳𑀼𑀢𑁆𑀢𑀁 𑀧𑀺𑀁𑀲𑀺𑀢𑁆𑀯𑀸 𑀞𑀧𑀺𑀢𑀸 𑀯𑀺𑀬.

𑀭𑀸𑀚𑀸 𑀲𑀼𑀯𑀡𑁆𑀡𑀧𑀝𑁆𑀝𑀁 𑀕𑀳𑁂𑀢𑁆𑀯𑀸 𑀅𑀦𑀸𑀕𑀢𑁂 𑀧𑀺𑀬𑀤𑀸𑀲𑁄𑀦𑀸𑀫 𑀓𑀼𑀫𑀸𑀭𑁄 𑀙𑀢𑁆𑀢𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 𑀅𑀲𑁄𑀓𑁄 𑀦𑀸𑀫 𑀥𑀫𑁆𑀫𑀭𑀸𑀚𑀸 𑀪𑀯𑀺𑀲𑁆𑀲𑀢𑀺 𑀲𑁄 𑀇𑀫𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀯𑀺𑀢𑁆𑀣𑀸𑀭𑀺𑀓𑀸 𑀓𑀭𑀺𑀲𑁆𑀲𑀢𑀻𑀢𑀺 𑀯𑀸𑀘𑁂𑀢𑁆𑀯𑀸 𑀤𑀺𑀝𑁆𑀞𑁄’𑀳𑀁 𑀅𑀬𑁆𑀬𑁄𑀦 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁂𑀦𑀸𑀢𑀺 𑀯𑀢𑁆𑀯𑀸 𑀯𑀸𑀫𑀳𑀢𑁆𑀣𑀁 𑀆𑀪𑀼𑀚𑀺𑀢𑁆𑀯𑀸 𑀤𑀓𑁆𑀔𑀺𑀡𑀳𑀢𑁆𑀣𑁂𑀦 𑀅𑀧𑁆𑀧𑁄𑀞𑁂𑀲𑀺.

𑀲𑁄 𑀢𑀲𑁆𑀫𑀺𑀁 𑀞𑀸𑀦𑁂 𑀧𑀭𑀺𑀘𑀭𑀡𑀓 𑀥𑀸𑀢𑀼𑀫𑀢𑁆𑀢𑀓𑀫𑁂𑀯 𑀞𑀧𑁂𑀢𑁆𑀯𑀸 𑀲𑁂𑀲𑀥𑀸𑀢𑀼𑀬𑁄 𑀲𑀩𑁆𑀩𑀸 𑀕𑀳𑁂𑀢𑁆𑀯𑀸 𑀥𑀸𑀢𑀼𑀖𑀭𑀁 𑀧𑀼𑀩𑁆𑀩𑁂 𑀧𑀺𑀳𑀺𑀢𑀦𑀬𑁂𑀦𑁂𑀯 𑀧𑀺𑀤𑀳𑀺𑀢𑁆𑀯𑀸 ¶ 𑀲𑀩𑁆𑀩𑀁 𑀬𑀣𑀸 𑀧𑀓𑀢𑀺𑀬𑀸𑀯 𑀓𑀸𑀭𑁂𑀢𑁆𑀯𑀸 𑀉𑀧𑀭𑀺 𑀧𑀸𑀲𑀸𑀡𑀘𑁂𑀢𑀺𑀬𑀁 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀘𑀢𑀼𑀭𑀸𑀲𑀻𑀢𑀺𑀬𑀸 𑀯𑀺𑀳𑀸𑀭𑀲𑀳𑀲𑁆𑀲𑁂𑀲𑀼𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀲𑀺 𑀏𑀯𑀁 𑀚𑀫𑁆𑀩𑀼𑀤𑀻𑀧𑀢𑀮𑁂 𑀅𑀲𑁄𑀓𑁄 𑀥𑀫𑁆𑀫𑀭𑀸𑀚𑀸 𑀘𑀢𑀼𑀭𑀸𑀲𑀺𑀢𑀺 𑀘𑁂𑀢𑀺𑀬 𑀲𑀳𑀲𑁆𑀲𑀸𑀦𑀺 𑀓𑀸𑀭𑀸𑀧𑁂𑀲𑀺.

𑀲𑀩𑁆𑀩𑁂 𑀣𑀽𑀧𑀸 𑀲𑀩𑁆𑀩𑀮𑁄𑀓𑁂𑀓𑀤𑀻𑀧𑀸 𑀲𑀩𑁆𑀩𑁂𑀲𑀁 𑀬𑁂 𑀲𑀕𑁆𑀕𑀫𑁄𑀓𑁆𑀔𑀸𑀯𑀳𑀸 𑀘, 𑀳𑀺𑀢𑁆𑀯𑀸 𑀲𑀩𑁆𑀩𑀁 𑀓𑀺𑀘𑁆𑀘𑀫𑀜𑁆𑀜𑀁 𑀚𑀦𑁂𑀦 𑀯𑀡𑁆𑀤𑀬𑁆𑀬𑀸 𑀢𑁂 𑀲𑀩𑁆𑀩𑀣𑀸 𑀲𑀩𑁆𑀩𑀓𑀸𑀮𑀦𑁆𑀢𑀺.

𑀘𑀢𑀼𑀭𑀸𑀲𑀻𑀢𑀺 𑀲𑀳𑀲𑁆𑀲 𑀣𑀽𑀧𑀓𑀣𑀸

𑁧𑁨. 𑀏𑀯𑀁 𑀅𑀲𑁄𑀓𑁄 𑀥𑀫𑁆𑀫𑀭𑀸𑀚𑀸 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀫𑀳𑀁 𑀓𑀢𑁆𑀯𑀸 𑀫𑀳𑀸𑀣𑁂𑀭𑁄 𑀯𑀦𑁆𑀤𑀺𑀢𑁆𑀯𑀸 𑀧𑀼𑀘𑁆𑀙𑀺 𑀤𑀸𑀬𑀸𑀤𑁄𑀫𑁆𑀳𑀺 𑀪𑀦𑁆𑀢𑁂 𑀩𑀼𑀤𑁆𑀥𑀲𑀸𑀲𑀦𑁂’𑀢𑀺. 𑀓𑀺𑀲𑁆𑀲 𑀤𑀸𑀬𑀸𑀤𑁄 𑀢𑁆𑀯𑀁 𑀫𑀳𑀸𑀭𑀸𑀚, 𑀩𑀸𑀳𑀺𑀭𑀓𑁄 𑀢𑁆𑀯𑀁 𑀲𑀸𑀲𑀦𑀲𑁆𑀲𑀸𑀢𑀺. 𑀪𑀦𑁆𑀢𑁂 𑀙𑀦𑁆𑀦𑀯𑀼𑀢𑀺𑀓𑁄𑀝𑀺𑀥𑀦𑀁 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀘𑀢𑀼𑀭𑀸𑀲𑀻𑀢𑀺 𑀯𑀺𑀳𑀸𑀭𑀲𑀳𑀲𑁆𑀲𑀸𑀦𑀺 𑀲𑀘𑁂𑀢𑀺𑀬𑀸𑀦𑀺 𑀓𑀸𑀭𑀸𑀧𑁂𑀢𑁆𑀯𑀸 𑀅𑀳𑀁 𑀦 𑀤𑀸𑀬𑀸𑀤𑁄, 𑀅𑀜𑁆𑀜𑁂 𑀓𑁄 𑀤𑀸𑀬𑀸𑀤𑁄𑀢𑀺, 𑀧𑀘𑁆𑀘𑀬 𑀤𑀸𑀬𑀓𑁄 𑀦𑀸𑀫 𑀢𑁆𑀯𑀁 𑀫𑀳𑀸𑀭𑀸𑀚, 𑀬𑁄 𑀧𑀦 𑀅𑀢𑁆𑀢𑀦𑁄 𑀧𑀼𑀢𑁆𑀢𑀜𑁆𑀘 𑀥𑀻𑀢𑀭𑀜𑁆𑀘 𑀧𑀩𑁆𑀩𑀸𑀚𑁂𑀢𑀺, 𑀅𑀬𑀁 𑀲𑀸𑀲𑀦𑁂 𑀤𑀸𑀬𑀸𑀤𑁄 𑀦𑀸𑀫𑀸𑀢𑀺.

𑀏𑀯𑀁 𑀯𑀼𑀢𑁆𑀢𑁂 𑀅𑀲𑁄𑀓𑁄 𑀭𑀸𑀚𑀸 𑀲𑀸𑀲𑀦𑁂 𑀤𑀸𑀬𑀸𑀤𑀪𑀸𑀯𑀁 𑀧𑀢𑁆𑀣𑀬𑀫𑀸𑀦𑁄 𑀅𑀯𑀺𑀤𑀽𑀭𑁂 𑀞𑀺𑀢𑀁 𑀫𑀳𑀺𑀡𑁆𑀤𑀓𑀼𑀫𑀸𑀭𑀁 𑀤𑀺𑀲𑁆𑀯𑀸 𑀲𑀓𑁆𑀔𑀺𑀲𑁆𑀲𑀲𑀺𑀢𑁆𑀯𑀁 𑀢𑀸𑀢 𑀧𑀩𑁆𑀩𑀚𑀺𑀢𑀼𑀦𑁆𑀢𑀺 𑀆𑀳. 𑀓𑀼𑀫𑀸𑀭𑁄 𑀧𑀓𑀢𑀺𑀬𑀸 𑀧𑀩𑁆𑀩𑀚𑀺𑀢𑀼𑀓𑀸𑀫𑁄 𑀭𑀜𑁆𑀜𑁄 𑀯𑀘𑀦𑀁 𑀲𑀼𑀢𑁆𑀯𑀸 𑀅𑀢𑀺𑀯𑀺𑀬 𑀧𑀸𑀫𑁄𑀚𑁆𑀚𑀚𑀸𑀢𑁄 𑀧𑀩𑁆𑀩𑁆𑀚𑀸𑀫𑀺 𑀤𑁂𑀯, 𑀫𑀁 𑀧𑀩𑁆𑀩𑀸𑀚𑁂𑀢𑁆𑀯𑀸 𑀲𑀸𑀲𑀦𑁂 𑀤𑀸𑀬𑀸𑀤𑁄 𑀳𑁄𑀣𑀸𑀢𑀺 𑀆𑀳 𑀢𑁂𑀦 𑀘 𑀲𑀫𑀬𑁂𑀦 𑀭𑀸𑀚𑀥𑀻𑀢𑀸 𑀲𑀗𑁆𑀖𑀫𑀺𑀢𑁆𑀢𑀸𑀧𑀺 𑀢𑀲𑁆𑀫𑀺𑀁 𑀞𑀸𑀦𑁂 𑀞𑀺𑀢𑀸 𑀳𑁄𑀢𑀺 𑀢𑀁 𑀤𑀺𑀲𑁆𑀯𑀸 𑀆𑀳-’𑀢𑁆𑀯𑀫𑁆𑀧𑀺 𑀅𑀫𑁆𑀫 𑀧𑀩𑁆𑀩𑀚𑀺𑀢𑀼𑀁 𑀲𑀓𑁆𑀔𑀺𑀲𑁆𑀲𑀲𑀻’𑀢𑀺, 𑀲𑀸𑀥𑀼 𑀢𑀸𑀢𑀸𑀢𑀺 𑀲𑀫𑁆𑀧𑀝𑀺𑀘𑁆𑀙𑀺. 𑀭𑀸𑀚𑀸 𑀧𑀼𑀢𑁆𑀢 𑀦 𑀫𑀦𑀁 𑀮𑀪𑀺𑀢𑁆𑀯𑀸 𑀧𑀳𑀝𑁆𑀞𑀘𑀺𑀢𑁆𑀢𑁄 𑀪𑀺𑀓𑁆𑀔𑀼𑀲𑀗𑁆𑀖𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀪𑀦𑁆𑀢𑁂 𑀇𑀫𑁂 𑀤𑀸𑀭𑀓𑁂 𑀧𑀩𑁆𑀩𑀸𑀚𑁂𑀢𑁆𑀯𑀸 𑀫𑀁 𑀲𑀸𑀲𑀦𑁂 𑀤𑀸𑀬𑀸𑀤𑀁 𑀓𑀭𑁄𑀣𑀸𑀢𑀺 𑀲𑀗𑁆𑀖𑁄 𑀭𑀜𑁆𑀜𑁄 𑀯𑀘𑀦𑀁 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀓𑀼𑀫𑀸𑀭𑀁 𑀫𑁄𑀕𑁆𑀕𑀮𑀺𑀧𑀼𑀢𑁆𑀢 𑀢𑀺𑀲𑁆𑀲𑀢𑁆𑀣𑁂𑀭𑁂𑀦 𑀉𑀧𑀚𑁆𑀛𑀸𑀬𑁂𑀦 𑀫𑀳𑀸𑀤𑁂𑀯𑀢𑁆𑀣𑁂𑀭𑁂𑀦 𑀘 𑀆𑀘𑀭𑀺𑀬𑁂𑀦 𑀧𑀩𑁆𑀩𑀚𑁆𑀚𑀸𑀧𑁂𑀲𑀺. 𑀫𑀚𑁆𑀛𑀦𑁆𑀢𑀺𑀓𑀢𑁆𑀣𑁂𑀭𑁂𑀦 𑀆𑀘𑀭𑀺𑀬𑁂𑀦 𑀉𑀧𑀲𑀫𑁆𑀧𑀸𑀤𑁂𑀲𑀺 𑀉𑀧𑀲𑀫𑁆𑀧𑀤𑀸𑀫𑀸𑀮𑀓𑁂𑀬𑁂𑀯 𑀲𑀳𑀧𑀝𑀺𑀲𑀫𑁆𑀪𑀺𑀤𑀸𑀳𑀺 𑀅𑀭𑀳𑀢𑁆𑀢𑀁 𑀧𑀸𑀧𑀼𑀡𑀺.

𑀲𑀗𑁆𑀖𑀫𑀺𑀢𑁆𑀢𑀸𑀬𑀧𑀺 𑀭𑀸𑀚𑀥𑀻𑀢𑀸𑀬 𑀆𑀘𑀭𑀺𑀬𑀸 𑀆𑀬𑀼𑀧𑀸𑀮𑀢𑁆𑀣𑁂𑀭𑀺 𑀦𑀸𑀫, 𑀉𑀧𑀚𑁆𑀛𑀸𑀬𑀸 𑀧𑀦 𑀥𑀫𑁆𑀫𑀧𑀸𑀮𑀢𑁆𑀣𑁂𑀭𑀻 𑀦𑀸𑀫 𑀅𑀳𑁄𑀲𑀺. 𑀅𑀣 𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀉𑀧𑀲𑀫𑁆𑀧𑀦𑁆𑀦 𑀓𑀸𑀮𑀢𑁄𑀧𑁆𑀧𑀪𑀽𑀢𑀺 𑀅𑀢𑁆𑀢𑀦𑁄 𑀉𑀧𑀚𑁆𑀛𑀸𑀬𑀲𑁆𑀲𑁂𑀯 𑀲𑀦𑁆𑀢𑀺𑀓𑁂 𑀥𑀫𑁆𑀫𑀜𑁆𑀘 𑀯𑀺𑀦𑀬𑀜𑁆𑀘 𑀧𑀭𑀺𑀬𑀸𑀧𑀼𑀡𑀦𑁆𑀢𑁄 𑀤𑁆𑀯𑁂𑀧𑀺 𑀲𑀗𑁆𑀕𑀺𑀢𑀺𑀬𑁄 𑀆𑀭𑀼𑀴𑁆𑀳𑀁 𑀢𑀺𑀧𑀺𑀝𑀓 𑀲𑀗𑁆𑀕𑀳𑀻𑀢𑀁 𑀲𑀸𑀝𑁆𑀞𑀓𑀣𑀁 𑀣𑁂𑀭𑀯𑀸𑀤𑀁 𑀢𑀺𑀡𑁆𑀡𑀁 𑀯𑀲𑁆𑀲𑀸𑀦𑀁 𑀅𑀩𑁆𑀪𑀦𑁆𑀢𑀭𑁂 𑀉𑀕𑁆𑀕𑀳𑁂𑀢𑁆𑀯𑀸 𑀅𑀢𑁆𑀢𑀦𑁄 𑀉𑀧𑀚𑁆𑀛𑀸𑀬𑀲𑁆𑀲 𑀅𑀦𑁆𑀢𑁂𑀯𑀸𑀲𑀺𑀓𑀸𑀦𑀁 𑀲𑀳𑀲𑁆𑀲𑀫𑀢𑁆𑀢𑀸𑀦𑀁 𑀪𑀺𑀓𑁆𑀔𑀽𑀦𑀁 𑀧𑀸𑀫𑁄𑀓𑁆𑀔𑀁 𑀅𑀳𑁄𑀲𑀺.

𑀢𑁂𑀦 ¶ 𑀔𑁄 𑀧𑀦 𑀲𑀫𑀬𑁂𑀦 𑀫𑁄𑀕𑁆𑀕𑀮𑀺𑀧𑀼𑀢𑁆𑀢𑀢𑀺𑀲𑁆𑀲𑀢𑁆𑀣𑁂𑀭𑁄 𑀓𑀢𑁆𑀣 𑀦𑀼 𑀔𑁄 𑀅𑀦𑀸𑀕𑀢𑁂 𑀲𑀸𑀲𑀦𑀁 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀁 𑀕𑀯𑁂𑀬𑁆𑀬𑀸𑀢𑀺 𑀉𑀧𑀧𑀭𑀺𑀓𑁆𑀔𑀦𑁆𑀢𑁄 𑀧𑀘𑁆𑀘𑀦𑁆𑀢𑀺𑀫𑁂𑀲𑀼 𑀚𑀦𑀧𑀤𑁂𑀲𑀼 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀁 𑀪𑀯𑀺𑀲𑁆𑀲𑀢𑀻𑀢𑀺 𑀜𑀢𑁆𑀯𑀸 𑀢𑁂𑀲𑀁 𑀢𑁂𑀲𑀁 𑀪𑀺𑀓𑁆𑀔𑀽𑀦𑀁 𑀪𑀸𑀭𑀁 𑀓𑀢𑁆𑀯𑀸 𑀢𑁂 𑀢𑁂 𑀪𑀺𑀓𑁆𑀔𑀼 𑀢𑀢𑁆𑀣 𑀢𑀢𑁆𑀣 𑀧𑁂𑀲𑁂𑀲𑀺.

𑀫𑀚𑁆𑀛𑀦𑁆𑀢𑀺𑀓𑀢𑁆𑀣𑁂𑀭𑀁 𑀓𑀲𑁆𑀫𑀻𑀭 𑀕𑀡𑁆𑀥𑀸𑀭 𑀭𑀝𑁆𑀞𑀁𑀧𑁂𑀲𑁂𑀲𑀺 𑀢𑁆𑀯𑀁 𑀏𑀢𑀁 𑀭𑀝𑁆𑀞𑀁 𑀕𑀦𑁆𑀢𑁆𑀯𑀸 𑀢𑀢𑁆𑀣 𑀲𑀸𑀲𑀦𑀁 𑀧𑀢𑀺𑀝𑁆𑀞𑀸𑀧𑁂𑀳𑀻𑀢𑀺 𑀫𑀳𑀸𑀤𑁂𑀯𑀢𑁆𑀣𑁂𑀭𑀁 𑀢𑀣𑁂𑀯 𑀯𑀢𑁆𑀯𑀸 𑀫𑀳𑀺𑀁𑀲𑀓𑀫𑀡𑁆𑀟𑀮𑀁 𑀧𑁂𑀲𑁂𑀲𑀺. 𑀭𑀓𑁆𑀔𑀺𑀢𑀢𑁆𑀣𑁂𑀭𑀁𑀯𑀦𑀯𑀸𑀲𑀻𑀁, 𑀬𑁄𑀦𑀓𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀅𑀧𑀭𑀦𑁆𑀢𑀓𑀁, 𑀫𑀳𑀸𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀫𑀳𑀸𑀭𑀝𑁆𑀞𑀁 𑀫𑀳𑀸𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀬𑁄𑀦𑀓 𑀮𑁄𑀓𑀁. 𑀫𑀚𑁆𑀛𑀺𑀫𑀢𑁆𑀣𑁂𑀭𑀁 𑀳𑀺𑀫𑀯𑀦𑁆𑀢𑀤𑁂𑀲 𑀪𑀸𑀕𑀁, 𑀲𑁄𑀡𑀢𑁆𑀣𑁂𑀭𑀁-𑀉𑀢𑁆𑀢𑀭𑀢𑁆𑀣𑁂𑀭𑀜𑁆𑀘 𑀲𑀼𑀯𑀡𑁆𑀡𑀪𑀽𑀫𑀺𑀁. 𑀅𑀢𑁆𑀢𑀦𑁄 𑀲𑀤𑁆𑀥𑀺𑀯𑀺𑀳𑀸𑀭𑀺𑀓𑀁 𑀫𑀳𑀺𑀡𑁆𑀤𑀢𑁆𑀣𑁂𑀭𑀁 𑀇𑀝𑁆𑀝𑀺𑀬𑀢𑁆𑀣𑁂𑀭𑁂𑀦 𑀉𑀢𑁆𑀢𑀺𑀬𑀢𑁆𑀣𑁂𑀭𑁂𑀦 𑀪𑀤𑁆𑀤𑀲𑀸𑀮𑀢𑁆𑀣𑁂𑀭𑁂𑀦 𑀲𑀫𑁆𑀩𑀮𑀢𑁆𑀣𑁂𑀭𑁂𑀦 𑀘 𑀲𑀤𑁆𑀥𑀺𑀁 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀕𑀦𑁆𑀢𑁆𑀯𑀸 𑀏𑀢𑁆𑀣 𑀲𑀸𑀲𑀦𑀁 𑀧𑀢𑀺𑀝𑁆𑀞𑀸𑀧𑁂𑀣𑀸𑀢𑀺. 𑀲𑀩𑁆𑀩𑁂𑀧𑀺 𑀢𑀁 𑀢𑀁 𑀤𑀺𑀲𑀸𑀪𑀸𑀕𑀁 𑀕𑀘𑁆𑀙𑀦𑁆𑀢𑀸 𑀅𑀢𑁆𑀢𑀧𑀜𑁆𑀘𑀫𑀸 𑀅𑀕𑀫𑀺𑀁𑀲𑀼 𑀲𑀩𑁆𑀩𑁂𑀧𑀺 𑀣𑁂𑀭𑀸 𑀕𑀢𑀕𑀢𑀝𑁆𑀞𑀸𑀦𑁂 𑀫𑀦𑀼𑀲𑁆𑀲𑁂 𑀧𑀲𑀸𑀤𑁂𑀢𑁆𑀯𑀸 𑀲𑀸𑀲𑀦𑀁 𑀧𑀢𑀺𑀝𑁆𑀞𑀸𑀧𑁂𑀲𑀼𑀁.

𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀧𑀦 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀕𑀦𑁆𑀢𑁆𑀯𑀸 𑀲𑀸𑀲𑀦𑀁 𑀧𑀢𑀺𑀝𑁆𑀞𑀸𑀧𑁂𑀳𑀻𑀢𑀺 𑀉𑀧𑀚𑁆𑀛𑀸𑀬𑁂𑀦 𑀪𑀺𑀓𑁆𑀔𑀼𑀲𑀗𑁆𑀖𑁂𑀦 𑀘 𑀅𑀚𑁆𑀛𑀺𑀝𑁆𑀞𑁄 𑀓𑀸𑀮𑁄 𑀦𑀼 𑀔𑁄 𑀫𑁂 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀕𑀦𑁆𑀢𑀼𑀁 𑀦𑁄𑀢𑀺 𑀉𑀧𑀥𑀸𑀭𑁂𑀦𑁆𑀢𑁄 𑀫𑀼𑀝𑀲𑀻𑀯𑀭𑀜𑁆𑀜𑁄 𑀫𑀳𑀮𑁆𑀮𑀓𑀪𑀸𑀯𑀁 𑀘𑀺𑀦𑁆𑀢𑁂𑀲𑀺. 𑀅𑀬𑀁 𑀫𑀳𑀸𑀭𑀸𑀚𑀸 𑀫𑀳𑀮𑁆𑀮𑀓𑁄, 𑀦 𑀲𑀓𑁆𑀓𑀸 𑀇𑀫𑀁 𑀕𑀡𑁆𑀳𑀺𑀢𑁆𑀯𑀸 𑀲𑀸𑀲𑀦𑀁 𑀧𑀕𑁆𑀕𑀳𑁂𑀢𑀼𑀁, 𑀇𑀤𑀸𑀦𑀺 𑀧𑀦𑀲𑁆𑀲 𑀧𑀼𑀢𑁆𑀢𑁄 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲𑁄 𑀭𑀚𑁆𑀚𑀁 𑀓𑀸𑀭𑁂𑀲𑁆𑀲𑀢𑀺. 𑀢𑀁 𑀕𑀡𑁆𑀳𑀺𑀢𑁆𑀯𑀸 𑀲𑀓𑁆𑀓𑀸 𑀪𑀯𑀺𑀲𑁆𑀲𑀢𑀺 𑀲𑀸𑀲𑀦𑀁 𑀧𑀕𑁆𑀕𑀳𑁂𑀢𑀼𑀁, 𑀳𑀡𑁆𑀤 𑀬𑀸𑀯 𑀲𑁄 𑀲𑀫𑀬𑁄 𑀆𑀕𑀘𑁆𑀙𑀢𑀺 𑀢𑀸𑀯 𑀜𑀸𑀢𑀓𑁂 𑀑𑀮𑁄𑀓𑁂𑀫, 𑀧𑀼𑀦’𑀤𑀸𑀦𑀺 𑀇𑀫𑀁 𑀚𑀦𑀧𑀤𑀁 𑀆𑀕𑀘𑁆𑀙𑁂𑀬𑁆𑀬𑀸𑀫 𑀯𑀸 𑀦 𑀯𑀸𑀢𑀺.

𑀲𑁄 𑀏𑀯𑀁 𑀘𑀺𑀦𑁆𑀢𑁂𑀢𑁆𑀯𑀸 𑀉𑀧𑀚𑁆𑀛𑀸𑀬𑀜𑁆𑀘 𑀪𑀺𑀓𑁆𑀔𑀼𑀲𑀗𑁆𑀖𑀜𑁆𑀘 𑀯𑀦𑁆𑀤𑀺𑀢𑁆𑀯𑀸 𑀅𑀲𑁄𑀓𑀸𑀭𑀸𑀫𑀢𑁄 𑀦𑀺𑀓𑁆𑀔𑀫𑁆𑀫 𑀢𑁂𑀳𑀺 𑀇𑀝𑁆𑀝𑀺𑀬𑀸𑀤𑀻𑀳𑀺 𑀘𑀢𑀽𑀳𑀺 𑀣𑁂𑀭𑁂𑀳𑀺 𑀲𑀗𑁆𑀖𑀫𑀺𑀢𑁆𑀢𑀸𑀬 𑀧𑀼𑀢𑁆𑀢𑁂𑀦 𑀲𑀼𑀫𑀦𑀲𑀸𑀫𑀡𑁂𑀭𑁂𑀦 𑀪𑀡𑁆𑀟𑀼𑀓𑁂𑀦𑀓 𑀘 𑀉𑀧𑀸𑀲𑀓𑁂𑀦 𑀲𑀤𑁆𑀥𑀺𑀁 𑀭𑀸𑀚𑀕𑀳𑀦𑀕𑀭 𑀉𑀧𑀯𑀢𑁆𑀢𑀓𑁂 𑀤𑀓𑁆𑀔𑀺𑀡 𑀕𑀺𑀭𑀺𑀚𑀦𑀧𑀤𑁂 𑀘𑀸𑀭𑀺𑀓𑀁 𑀘𑀭𑀫𑀸𑀦𑁄 𑀜𑀸𑀢𑀓𑁂 𑀑𑀮𑁄𑀓𑁂𑀦𑁆𑀢𑁄 𑀙 𑀫𑀸𑀲𑁂 𑀅𑀢𑀺𑀓𑁆𑀓𑀸𑀫𑁂𑀲𑀺 𑀅𑀣𑀸𑀦𑀼𑀧𑀼𑀩𑁆𑀩𑁂𑀦 𑀫𑀸𑀢𑀼𑀦𑀺𑀯𑁂𑀲𑀦𑀝𑁆𑀞𑀸𑀦𑀁 𑀯𑁂𑀝𑀺𑀲 𑀦𑀕𑀭𑀁 𑀦𑀸𑀫 𑀲𑀫𑁆𑀧𑀢𑁆𑀢𑁄 𑀲𑀫𑁆𑀧𑀢𑁆𑀢𑀜𑁆𑀘 𑀧𑀦 𑀣𑁂𑀭𑀁 𑀤𑀺𑀲𑁆𑀯𑀸 𑀣𑁂𑀭𑀫𑀸𑀢𑀸 𑀤𑁂𑀯𑀻 𑀧𑀸𑀤𑁂 𑀲𑀺𑀭𑀲𑀸 𑀯𑀦𑁆𑀤𑀺𑀢𑁆𑀯𑀸 𑀪𑀺𑀓𑁆𑀔𑀁 𑀤𑀢𑁆𑀯𑀸 𑀣𑁂𑀭𑀁 𑀅𑀢𑁆𑀢𑀦𑀸 𑀓𑀢𑀁 𑀯𑁂𑀝𑀺𑀲𑀕𑀺𑀭𑀺 𑀯𑀺𑀳𑀸𑀭𑀁 𑀦𑀸𑀫 𑀆𑀭𑁄𑀧𑁂𑀲𑀺.

𑀣𑁂𑀭𑁄 𑀢𑀲𑁆𑀫𑀺𑀁 𑀯𑀺𑀳𑀸𑀭𑁂 𑀦𑀺𑀲𑀦𑁆𑀦𑁄 𑀘𑀺𑀦𑁆𑀢𑁂𑀲𑀺 𑀅𑀫𑁆𑀳𑀸𑀓𑀁 𑀇𑀥 𑀓𑀢𑁆𑀢𑀩𑁆𑀩 𑀓𑀺𑀘𑁆𑀘𑀁 𑀦𑀺𑀝𑁆𑀞𑀺𑀢𑀁. 𑀲𑀫𑀬𑁄 𑀦𑀼 𑀔𑁄 𑀇𑀤𑀸𑀦𑀺 𑀮𑀗𑁆𑀓𑀸𑀤𑀺𑀧𑀁 𑀕𑀦𑁆𑀢𑀼𑀦𑁆𑀢𑀺. 𑀢𑀢𑁄 𑀘𑀺𑀦𑁆𑀢𑁂𑀲𑀺-𑀅𑀦𑀼𑀪𑀯𑀢𑀼 𑀢𑀸𑀯 𑀫𑁂 𑀧𑀺𑀢𑀭𑀸 𑀧𑁂𑀲𑀺𑀢𑀁 𑀅𑀪𑀺𑀲𑁂𑀓𑀁 ¶ 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲𑁄 𑀭𑀢𑀦𑀢𑁆𑀢𑀬𑀕𑀼𑀡𑀜𑁆𑀘 𑀲𑀼𑀡𑀸𑀢𑀼, 𑀙𑀡𑀢𑁆𑀣𑀜𑁆𑀘 𑀦𑀕𑀭𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀫𑀺𑀲𑁆𑀲𑀓𑀧𑀩𑁆𑀩𑀢𑀁 𑀅𑀪𑀺𑀭𑀽𑀳𑀢𑀼 𑀢𑀤𑀸 𑀢𑀁 𑀢𑀢𑁆𑀣 𑀤𑀓𑁆𑀔𑀺𑀲𑁆𑀲𑀸𑀫𑀸𑀢𑀺. 𑀅𑀣𑀸𑀧𑀭𑀁 𑀏𑀓𑀫𑀸𑀲𑀁 𑀢𑀢𑁆𑀣𑁂𑀯 𑀯𑀸𑀲𑀁 𑀓𑀧𑁆𑀧𑁂𑀲𑀺.

𑀫𑀸𑀲𑀸𑀢𑀺𑀓𑁆𑀓𑀫𑁂 𑀲𑀓𑁆𑀓𑁄 𑀤𑁂𑀯𑀸𑀦𑀫𑀺𑀦𑁆𑀤𑁄 𑀫𑀳𑀺𑀡𑁆𑀤𑀢𑁆𑀣𑁂𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀏𑀢𑀤𑀯𑁄𑀘.’ 𑀓𑀸𑀮𑀓𑀢𑁄 𑀪𑀦𑁆𑀢𑁂 𑀫𑀼𑀝𑀲𑀻𑀯𑀭𑀸𑀚𑀸, 𑀇𑀤𑀸𑀦𑀺 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀸𑀚𑀸 𑀭𑀚𑁆𑀚𑀁 𑀓𑀸𑀭𑁂𑀢𑀺. 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁂𑀦 𑀘 𑀢𑀼𑀫𑁆𑀳𑁂 𑀯𑁆𑀬𑀸𑀓𑀢𑀸 𑀅𑀦𑀸𑀕𑀢𑁂 𑀫𑀳𑀺𑀡𑁆𑀤𑁄 𑀦𑀸𑀫 𑀪𑀺𑀓𑁆𑀔𑀼 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀧𑀲𑀸𑀤𑁂𑀲𑁆𑀲𑀢𑀻’𑀢𑀺. 𑀢𑀲𑁆𑀫𑀸 𑀢𑀺𑀳 𑀯𑁄 𑀪𑀦𑁆𑀢𑁂 𑀓𑀸𑀮𑁄 𑀤𑀻𑀧𑀯𑀭𑀁 𑀕𑀫𑀦𑀸𑀬, 𑀅𑀳𑀫𑁆𑀧𑀺 𑀯𑁄 𑀲𑀳𑀸𑀬𑁄 𑀪𑀯𑀺𑀲𑁆𑀲𑀸𑀫𑀻.

𑀣𑁂𑀭𑁄 𑀢𑀲𑁆𑀲 𑀯𑀘𑀦𑀁 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸𑀅𑀢𑁆𑀢𑀲𑀢𑁆𑀢𑀫𑁄 𑀯𑁂𑀝𑀺𑀲 𑀧𑀩𑁆𑀩𑀢𑀯𑀺𑀳𑀸𑀭𑀸 𑀯𑁂𑀳𑀸𑀲𑀁 𑀉𑀧𑁆𑀧𑀢𑀺𑀢𑁆𑀯 𑀅𑀦𑀼𑀭𑀸𑀥𑀧𑀼𑀭𑀲𑁆𑀲 𑀧𑀼𑀭𑀢𑁆𑀣𑀺𑀫𑀸𑀬 𑀤𑀺𑀲𑀸𑀬 𑀫𑀺𑀲𑁆𑀲𑀓𑀧𑀩𑁆𑀩𑀢𑁂 𑀧𑀢𑀺𑀝𑁆𑀞𑀳𑀺 𑀬𑀁 𑀏𑀢𑀭𑀳𑀺 𑀘𑁂𑀢𑀺𑀬𑀧𑀩𑁆𑀩𑀢𑁄𑀢𑀺𑀧𑀺 𑀲𑀜𑁆𑀚𑀸𑀦𑀦𑁆𑀢𑀺 𑀢𑀲𑁆𑀲𑀫𑀺𑀁 𑀤𑀺𑀯𑀲𑁂 𑀢𑀫𑁆𑀩𑀧𑀡𑁆𑀡𑀺𑀤𑀺𑀧𑁂 𑀚𑁂𑀝𑁆𑀞𑀫𑀽𑀮 𑀦𑀓𑁆𑀔𑀢𑁆𑀢𑀁 𑀦𑀸𑀫 𑀳𑁄𑀢𑀺 𑀭𑀸𑀚𑀸 𑀦𑀓𑁆𑀔𑀢𑁆𑀢𑀁 𑀖𑁄𑀲𑀸𑀧𑁂𑀢𑁆𑀯𑀸 𑀙𑀡𑀁 𑀓𑀭𑁄𑀣𑀸𑀢𑀺 𑀅𑀫𑀘𑁆𑀘𑁂 𑀆𑀡𑀸𑀧𑁂𑀢𑁆𑀯𑀸 𑀘𑀢𑁆𑀢𑀸𑀮𑀻𑀲 𑀧𑀼𑀭𑀺𑀲 𑀲𑀳𑀲𑁆𑀲𑀧𑀭𑀺𑀯𑀸𑀭𑁄 𑀦𑀕𑀭𑀫𑁆𑀪𑀸 𑀦𑀺𑀓𑁆𑀔𑀫𑀺𑀢𑁆𑀯𑀸 𑀬𑁂𑀦 𑀫𑀺𑀲𑁆𑀲𑀓𑀧𑀩𑁆𑀩𑀢𑁄 𑀢𑁂𑀦 𑀧𑀸𑀬𑀸𑀲𑀺 𑀫𑀺𑀕𑀯𑀁 𑀓𑀻𑀴𑀺𑀢𑀼𑀓𑀸𑀫𑁄 𑀅𑀣 𑀢𑀲𑁆𑀫𑀺𑀁 𑀧𑀩𑁆𑀩𑀢𑁂 𑀅𑀥𑀺𑀯𑀢𑁆𑀣𑀸 𑀤𑁂𑀯𑀢𑀸 𑀭𑀜𑁆𑀜𑁄 𑀣𑁂𑀭𑁂 𑀤𑀲𑁆𑀲𑁂𑀲𑁆𑀲𑀸𑀫𑀻𑀢𑀺 𑀭𑁄𑀳𑀺𑀢 𑀫𑀺𑀕𑀭𑀽𑀧𑀁 𑀕𑀳𑁂𑀢𑁆𑀯𑀸 𑀅𑀯𑀺𑀤𑀽𑀭𑁂 𑀢𑀺𑀡𑀧𑀡𑁆𑀡𑀸𑀦𑀺 𑀔𑀸𑀤𑀫𑀸𑀦𑀸 𑀯𑀺𑀬 𑀘𑀭𑀢𑀺.

𑀭𑀸𑀚𑀸 𑀤𑀺𑀲𑁆𑀯𑀸 𑀅𑀬𑀼𑀢𑁆𑀢𑀁 𑀤𑀸𑀦𑀺 𑀧𑀫𑀢𑁆𑀢𑀁 𑀯𑀺𑀚𑁆𑀛𑀺𑀢𑀼𑀦𑁆𑀢𑀺 𑀚𑀻𑀬𑀁 𑀧𑁄𑀞𑁂𑀲𑀺. 𑀫𑀕𑁄 𑀅𑀫𑁆𑀩𑀢𑁆𑀣𑀮𑀫𑀕𑁆𑀕𑀁 𑀕𑀳𑁂𑀢𑁆𑀯𑀸 𑀧𑀮𑀸𑀬𑀺𑀢𑀼𑀁 𑀆𑀭𑀪𑀺 𑀭𑀸𑀚𑀸𑀧𑀺 𑀧𑀺𑀝𑁆𑀞𑀺𑀢𑁄 𑀧𑀺𑀝𑁆𑀞𑀺𑀢𑁄 𑀅𑀦𑀼𑀩𑀡𑁆𑀥𑀦𑁆𑀢𑁄 𑀅𑀫𑁆𑀩𑀢𑁆𑀣𑀮𑀫𑁂𑀯 𑀆𑀭𑀼𑀳𑀺. 𑀫𑀺𑀕𑁄 𑀣𑁂𑀭𑀸𑀦𑀁 𑀅𑀯𑀺𑀤𑀽𑀭𑁂 𑀅𑀦𑁆𑀢𑀭𑀥𑀸𑀬𑀺.

𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀭𑀸𑀚𑀸𑀦𑀁 𑀅𑀯𑀺𑀤𑀽𑀭𑁂 𑀆𑀕𑀘𑁆𑀙𑀦𑁆𑀢𑀁’𑀫𑀫𑀁𑀬𑁂𑀯 𑀭𑀸𑀚𑀸 𑀧𑀲𑁆𑀲𑀢𑀼, 𑀫𑀸 𑀇𑀢𑀭𑁂’𑀢𑀺 𑀅𑀥𑀺𑀝𑁆𑀞𑀳𑀺𑀢𑁆𑀯𑀸’𑀢𑀺𑀲𑁆𑀲! 𑀢𑀺𑀲𑁆𑀲! 𑀇𑀢𑁄 𑀏𑀳𑀻’𑀢𑀺 𑀆𑀳. 𑀭𑀸𑀚𑀸 𑀲𑀼𑀢𑁆𑀯𑀸 𑀘𑀺𑀦𑁆𑀢𑁂𑀲𑀺-𑀇𑀫𑀲𑁆𑀫𑀺𑀁 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀚𑀸𑀢𑁄 𑀫𑀁 𑀢𑀺𑀲𑁆𑀲𑁄𑀢𑀺 𑀦𑀸𑀫𑀁 𑀕𑀳𑁂𑀢𑁆𑀯𑀸 𑀆𑀮𑀧𑀺𑀢𑀼𑀁 𑀲𑀫𑀢𑁆𑀣𑁄 𑀦𑀸𑀫 𑀦𑀢𑁆𑀣𑀺. 𑀅𑀬𑀫𑁆𑀧𑀦 𑀙𑀺𑀦𑁆𑀦𑀪𑀺𑀦𑁆𑀦𑀧𑀝𑀥𑀭𑁄 𑀪𑀡𑁆𑀟𑀼𑀓𑀸𑀲𑀸𑀯 𑀯𑀲𑀦𑁄 𑀫𑀁 𑀦𑀸𑀫𑁂𑀦 𑀆𑀮𑀧𑀢𑀺, 𑀓𑁄 𑀦𑀼 𑀔𑁄 𑀅𑀬𑀁 𑀪𑀯𑀺𑀲𑁆𑀲𑀢𑀺 𑀫𑀦𑀼𑀲𑁆𑀲𑁄 𑀯𑀸 𑀅𑀫𑀦𑀼𑀲𑁆𑀲𑁄 𑀯𑀸𑀢𑀺. 𑀣𑁂𑀭𑁄 𑀆𑀳.

𑀲𑀫𑀡𑀸 𑀫𑀬𑀁 𑀫𑀳𑀸𑀭𑀸𑀚 - 𑀥𑀫𑁆𑀫𑀭𑀸𑀚𑀲𑁆𑀲 𑀲𑀸𑀯𑀓𑀸,

𑀢𑀯𑁂𑀯 𑀅𑀦𑀼𑀓𑀫𑁆𑀧𑀸𑀬 - 𑀚𑀫𑁆𑀩𑀼𑀤𑀻𑀧𑀸 𑀇𑀥𑀸𑀕𑀢𑀸𑀢𑀺;

𑀢𑁂𑀦 𑀲𑀫𑀬𑁂𑀦 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀸𑀚𑀸 𑀘 𑀅𑀲𑁄𑀓𑀥𑀫𑁆𑀫𑀭𑀸𑀚𑀸 𑀘 𑀅𑀤𑀺𑀝𑁆𑀞 𑀲𑀳𑀸𑀬𑀓𑀸 𑀳𑁄𑀦𑁆𑀢𑀺. 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁂 𑀘 𑀧𑀼𑀜𑁆𑀜𑀸𑀦𑀼𑀪𑀸𑀯𑁂𑀦 𑀙𑀸𑀢𑀧𑀩𑁆𑀩𑀢𑀧𑀸𑀤𑁂 𑀏𑀓𑀲𑁆𑀫𑀺𑀁 𑀯𑁂𑀴𑀼𑀕𑀼𑀫𑁆𑀩𑁂 𑀢𑀺𑀲𑁆𑀲𑁄 𑀯𑁂𑀴𑀼𑀬𑀝𑁆𑀞𑀺𑀬𑁄 𑀦𑀺𑀩𑁆𑀩𑀢𑁆𑀢𑀺𑀁𑀲𑀼 𑀏𑀓𑀸 𑀮𑀢𑀸𑀬𑀝𑁆𑀞𑀺 𑀦𑀸𑀫, 𑀏𑀓𑀸 𑀧𑀼𑀧𑁆𑀨𑀬𑀝𑁆𑀞𑀺 𑀦𑀸𑀫 𑀏𑀓𑀸 𑀲𑀓𑀼𑀡𑀬𑀝𑁆𑀞𑀺 𑀦𑀸𑀫. 𑀢𑀸𑀲𑀼 𑀮𑀢𑀸𑀬𑀝𑁆𑀞𑀺 𑀲𑀬𑀁 𑀭𑀚𑀢𑀯𑀡𑁆𑀡𑀸 𑀳𑁄𑀢𑀺 𑀢𑀁 𑀅𑀮𑀗𑁆𑀓𑀭𑀺𑀢𑁆𑀯𑀸 𑀉𑀧𑁆𑀧𑀦𑁆𑀦𑀮𑀢𑀸 𑀓𑀜𑁆𑀘𑀦 𑀯𑀡𑁆𑀡𑀸 𑀔𑀸𑀬𑀢𑀺 𑀧𑀼𑀧𑁆𑀨𑀬𑀝𑁆𑀞𑀺𑀬𑀁 𑀧𑀦 ¶ 𑀦𑀻𑀮-𑀧𑀻𑀢-𑀮𑁄𑀳𑀺𑀢-𑀑𑀤𑀸𑀢-𑀓𑀸𑀴𑀯𑀡𑁆𑀡𑀸𑀦𑀺 𑀧𑀼𑀧𑁆𑀨𑀸𑀦𑀺 𑀲𑀼𑀘𑀺𑀪𑀢𑁆𑀢𑀯𑀡𑁆𑀝 𑀧𑀢𑁆𑀢 𑀓𑀺𑀜𑁆𑀚𑀓𑁆𑀔𑀸 𑀳𑀼𑀢𑁆𑀯𑀸 𑀔𑀸𑀬𑀦𑁆𑀢𑀺 𑀲𑀓𑀼𑀡𑀬𑀝𑁆𑀞𑀺𑀬𑀁 𑀳𑀁𑀲𑀓𑀼𑀓𑁆𑀓𑀼𑀝-𑀚𑀻𑀯𑀁𑀚𑀻𑀯𑀓𑀸𑀤𑀬𑁄 𑀲𑀓𑀼𑀡𑀸 𑀦𑀸𑀦𑀸𑀧𑁆𑀧𑀓𑀸𑀭𑀸𑀦𑀺 𑀘 𑀘𑀢𑀼𑀧𑁆𑀧𑀤𑀸𑀦𑀺 𑀲𑀚𑀻𑀯𑀸𑀦𑀺 𑀯𑀺𑀬 𑀔𑀸𑀬𑀦𑁆𑀢𑀺 𑀲𑀫𑀼𑀤𑁆𑀤𑀢𑁄𑀧𑀺𑀲𑁆𑀲 𑀫𑀼𑀢𑁆𑀢𑀸-𑀫𑀡𑀺-𑀯𑁂𑀴𑀼𑀭𑀺𑀬𑀸𑀤𑀺 𑀅𑀦𑁂𑀓𑀯𑀺𑀳𑀺𑀢𑀁 𑀭𑀢𑀦𑀁 𑀉𑀧𑁆𑀧𑀚𑁆𑀚𑀺.

𑀢𑀫𑁆𑀩𑀧𑀡𑁆𑀡𑀺𑀬𑀁 𑀧𑀦 𑀅𑀝𑁆𑀞𑀫𑀼𑀢𑁆𑀢𑀁 𑀉𑀧𑁆𑀧𑀚𑁆𑀚𑀺𑀁𑀲𑀼-𑀪𑀬𑀫𑀼𑀢𑁆𑀢𑀸 𑀕𑀚𑀫𑀼𑀢𑁆𑀢𑀸 𑀭𑀣𑀫𑀼𑀢𑁆𑀢𑀸 𑀆𑀫𑀮𑀓𑀫𑀼𑀢𑁆𑀢𑀸 𑀘𑀮𑀬𑀫𑀼𑀢𑁆𑀢𑀸 𑀅𑀗𑁆𑀕𑀼𑀮𑀻𑀯𑁂𑀞𑀓𑀫𑀼𑀢𑁆𑀢𑀸 𑀓𑀓𑀼𑀥𑀨𑀮𑀫𑀼𑀢𑁆𑀢𑀸 𑀧𑀸𑀓𑀢𑀺𑀓𑀫𑀼𑀢𑁆𑀢𑀸𑀢𑀺 𑀲𑁄 𑀢𑀸 𑀘 𑀬𑀝𑁆𑀞𑀺𑀬𑁄 𑀢𑀸 𑀘 𑀫𑀼𑀢𑁆𑀢𑀸𑀬𑁄 𑀅𑀜𑁆𑀜𑁆𑀘 𑀩𑀳𑀼𑀁 𑀭𑀢𑀦𑀁 𑀅𑀲𑁄𑀓𑀲𑁆𑀲 𑀥𑀫𑁆𑀫𑀭𑀜𑁆𑀜𑁄 𑀧𑀡𑁆𑀡𑀸𑀓𑀸𑀭𑀢𑁆𑀣𑀸𑀬 𑀧𑁂𑀲𑁂𑀲𑀺. 𑀅𑀲𑁄𑀓𑁄𑀧𑀺 𑀧𑀲𑀻𑀤𑀺𑀢𑁆𑀯𑀸 𑀧𑀜𑁆𑀘 𑀭𑀸𑀚𑀓𑀓𑀼𑀥𑀪𑀡𑁆𑀟𑀸𑀦𑀺𑀘𑁂𑀯 𑀅𑀜𑁆𑀜𑁂 𑀘 𑀅𑀪𑀺𑀲𑁂𑀓𑀢𑁆𑀣𑀸𑀬 𑀩𑀳𑀽𑀧𑀡𑁆𑀡𑀸𑀓𑀸𑀭𑁂 𑀧𑀳𑀺𑀡𑀺. 𑀦 𑀓𑁂𑀯𑀮𑀜𑁆𑀘 𑀏𑀢𑀁 𑀆𑀫𑀺𑀲 𑀧𑀡𑁆𑀡𑀸𑀓𑀸𑀭𑀁, 𑀇𑀫𑀁 𑀓𑀺𑀭 𑀥𑀫𑁆𑀫 𑀧𑀡𑁆𑀡𑀸𑀓𑀸𑀭𑀫𑁆𑀧𑀺 𑀧𑁂𑀲𑁂𑀲𑀺.

‘‘𑀅𑀳𑀁 𑀩𑀼𑀤𑁆𑀥𑀜𑁆𑀘 𑀥𑀫𑁆𑀫𑀜𑁆𑀘-𑀲𑀗𑁆𑀖𑀜𑁆𑀘 𑀲𑀭𑀡𑀁 𑀕𑀢𑁄,

𑀉𑀧𑀸𑀲𑀓𑀢𑁆𑀢𑀁 𑀯𑁂𑀤𑁂𑀲𑀺𑀁-𑀲𑀓𑁆𑀬𑀧𑀼𑀢𑁆𑀢𑀲𑁆𑀲 𑀲𑀸𑀲𑀦𑁂,

𑀇𑀫𑁂𑀲𑀼 𑀢𑀻𑀲𑀼 𑀯𑀢𑁆𑀣𑀽𑀲𑀼-𑀉𑀦𑁆𑀦𑀫𑁂𑀲𑀼 𑀦𑀭𑀼𑀢𑁆𑀢𑀫,

𑀘𑀺𑀢𑁆𑀢𑀁 𑀧𑀲𑀸𑀤𑀬𑀺𑀢𑁆𑀯𑀸𑀦-𑀲𑀤𑁆𑀥𑀸𑀬 𑀲𑀭𑀡𑀁 𑀯𑀚𑀸’𑀢𑀺;’’

𑀭𑀸𑀚𑀸 𑀅𑀯𑀺𑀭𑀲𑀼𑀢𑀁 𑀲𑀸𑀲𑀦𑀧𑀯𑀢𑁆𑀢𑀺𑀁 𑀅𑀦𑀼𑀲𑁆𑀲𑀭𑀫𑀸𑀦𑁄 𑀣𑁂𑀭𑀲𑁆𑀲 𑀢𑀁 ‘‘𑀲𑀫𑀡𑀸𑀫𑀬𑀁 𑀫𑀳𑀸𑀭𑀸𑀚 𑀥𑀫𑁆𑀫𑀭𑀸𑀚𑀲𑁆𑀲 𑀲𑀸𑀯𑀓𑀸‘‘𑀢𑀺 𑀯𑀘𑀦𑀁 𑀲𑀼𑀢𑁆𑀯𑀸 𑀅𑀬𑁆𑀬𑀸 𑀦𑀼 𑀔𑁄 𑀆𑀕𑀢𑀸𑀢𑀺 𑀢𑀸𑀯𑀤𑁂𑀯 𑀆𑀯𑀼𑀥𑀁 𑀦𑀺𑀓𑁆𑀔𑀺𑀧𑀺𑀢𑁆𑀯𑀸 𑀏𑀓𑀫𑀦𑁆𑀢𑀁 𑀦𑀺𑀲𑀻𑀤𑀺 𑀲𑀫𑁆𑀫𑁄𑀤𑀦𑀻𑀬𑀁 𑀓𑀣𑀁 𑀓𑀣𑀬𑀫𑀸𑀦𑁄, 𑀲𑀫𑁆𑀫𑁄𑀤𑀦𑀻𑀬𑀓𑀣𑀁 𑀓𑀼𑀭𑀼𑀫𑀸𑀦𑁂𑀬𑁂𑀯 𑀢𑀲𑁆𑀫𑀺𑀁 𑀢𑀸𑀦𑀺𑀧𑀺 𑀘𑀢𑁆𑀢𑀸𑀮𑀻𑀲 𑀧𑀼𑀭𑀺𑀲𑀲𑀳𑀲𑁆𑀲𑀸𑀦𑀺 𑀆𑀕𑀦𑁆𑀢𑁆𑀯𑀸 𑀢𑀁 𑀧𑀭𑀺𑀯𑀸𑀭𑁂𑀲𑀼𑀁. 𑀢𑀤𑀸 𑀣𑁂𑀭𑁄 𑀇𑀢𑀭𑁂𑀧𑀺 𑀚𑀦𑁂 𑀤𑀲𑁆𑀲𑁂𑀲𑀺.

𑀭𑀸𑀚𑀸 𑀤𑀺𑀲𑁆𑀯𑀸 𑀇𑀫𑁂 𑀓𑀤𑀸 𑀆𑀕𑀢𑀸𑀢𑀺 𑀧𑀼𑀘𑁆𑀙𑀺 𑀫𑀬𑀸 𑀲𑀤𑁆𑀥𑀺𑀁𑀬𑁂𑀯 𑀫𑀳𑀸 𑀭𑀸𑀚𑀸𑀢𑀺. 𑀇𑀤𑀸𑀦𑀺 𑀧𑀦 𑀚𑀫𑁆𑀩𑀼𑀤𑀻𑀧𑁂 𑀅𑀜𑁆𑀜𑁆𑀜𑁄𑀧𑀺 𑀏𑀯𑀭𑀽𑀧𑀸 𑀲𑀫𑀡𑀸 𑀲𑀦𑁆𑀢𑀻𑀢𑀺. 𑀫𑀳𑀸𑀭𑀸𑀚 𑀏𑀢𑀭𑀳𑀺 𑀚𑀫𑁆𑀩𑀼𑀤𑀻𑀧𑁄 𑀓𑀸𑀲𑀸𑀯 𑀧𑀚𑁆𑀚𑁄𑀢𑁄 𑀇𑀲𑀺𑀯𑀸𑀢𑀧𑀭𑀺𑀯𑀸𑀢𑁄, 𑀢𑀲𑁆𑀫𑀺𑀁-

‘‘𑀢𑁂 𑀯𑀺𑀚𑁆𑀚𑀸 𑀇𑀤𑁆𑀥𑀺𑀧𑀢𑁆𑀢𑀸 𑀘 𑀘𑁂𑀢𑁄𑀧𑀭𑀺𑀬𑀸𑀬 𑀓𑁄𑀘𑀺𑀤𑀸,

𑀔𑀻𑀡𑀸𑀲𑀸𑀯 𑀅𑀭𑀳𑀦𑁆𑀢𑁄-𑀩𑀳𑀽 𑀩𑀼𑀤𑁆𑀥𑀲𑁆𑀲 𑀲𑀸𑀯𑀓𑀸𑀢𑀺’’;

𑀅𑀣 𑀭𑀸𑀚𑀸 𑀪𑀦𑁆𑀢𑁂 𑀲𑁆𑀯𑁂 𑀭𑀣𑀁 𑀧𑁂𑀲𑁂𑀲𑁆𑀲𑀸𑀫𑀺. 𑀢𑀁 𑀅𑀪𑀺𑀭𑀽𑀳𑀺𑀢𑁆𑀯𑀸 𑀆𑀕𑀘𑁆𑀙𑁂𑀬𑁆𑀬𑀸𑀣𑀸𑀢𑀺 𑀯𑀢𑁆𑀯𑀸 𑀧𑀓𑁆𑀓𑀸𑀓𑀫𑀺 𑀣𑁂𑀭𑁄 𑀅𑀘𑀺𑀭𑀧𑀓𑁆𑀓𑀦𑁆𑀢𑀲𑁆𑀲 𑀭𑀜𑁆𑀜𑁄 𑀲𑀼𑀫𑀡𑀲𑀸𑀫𑀡𑁂𑀭𑀁 𑀆𑀫𑀦𑁆𑀢𑁂𑀲𑀺 𑀏𑀳𑀺 𑀢𑁆𑀯𑀁 𑀲𑀼𑀫𑀦 𑀥𑀫𑁆𑀫𑀲𑀯𑀦𑀓𑀸𑀮𑀁 𑀖𑁄𑀲𑁂𑀳𑀻𑀢𑀺 𑀲𑀸𑀫𑀡𑁂𑀭𑁄 𑀅𑀪𑀺𑀜𑁆𑀜𑀸𑀧𑀸𑀤𑀓𑀁 𑀘𑀢𑀼𑀢𑁆𑀣𑀚𑁆𑀛𑀸𑀦𑀁 𑀲𑀫𑀸𑀧𑀚𑁆𑀚𑀺𑀢𑁆𑀯𑀸 𑀯𑀼𑀝𑁆𑀞𑀸𑀬 𑀅𑀥𑀺𑀝𑁆𑀞𑀳𑀺𑀢𑁆𑀯𑀸 𑀲𑀫𑀸𑀳𑀺𑀢𑁂𑀦 𑀘𑀺𑀢𑁆𑀢𑁂𑀦 𑀲𑀓𑀮𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀲𑀸𑀘𑁂𑀦𑁆𑀢𑁄 𑀥𑀫𑁆𑀫𑀲𑀯𑀦𑀓𑀸𑀮𑀁 𑀖𑁄𑀲𑁂𑀲𑀺.

𑀲𑀸𑀫𑀡𑁂𑀭𑀲𑁆𑀲 𑀲𑀤𑁆𑀤𑀁 𑀲𑀼𑀢𑁆𑀯𑀸 𑀪𑀼𑀫𑁆𑀫𑀸 𑀤𑁂𑀯𑀢𑀸 𑀲𑀤𑁆𑀤𑀫𑀦𑀼𑀲𑁆𑀲𑀸𑀯𑁂𑀲𑀼, 𑀏𑀢𑁂𑀦𑀼𑀧𑀸𑀬𑁂𑀦 𑀬𑀸𑀯 𑀩𑁆𑀭𑀳𑁆𑀫𑀮𑁄𑀓𑀸 𑀲𑀤𑁆𑀤𑁄 𑀅𑀩𑁆𑀪𑀼𑀕𑁆𑀕𑀜𑁆𑀙𑀺. 𑀢𑁂𑀦 𑀲𑀤𑁆𑀤𑁂𑀦 ¶ 𑀫𑀳𑀸𑀤𑁂𑀯𑀢𑀸 𑀲𑀦𑁆𑀦𑀺𑀧𑀸𑀢𑁄 𑀅𑀳𑁄𑀲𑀺 𑀣𑁂𑀭𑁄 𑀫𑀳𑀦𑁆𑀢𑀁 𑀤𑁂𑀯𑀢𑀸 𑀲𑀦𑁆𑀢𑀺𑀧𑀸𑀢𑀁 𑀤𑀺𑀲𑁆𑀯𑀸 𑀲𑀫𑀘𑀺𑀢𑁆𑀢𑀲𑀼𑀢𑁆𑀢𑀦𑁆𑀢𑀁 𑀓𑀣𑁂𑀲𑀺. 𑀓𑀣𑀸 𑀧𑀭𑀺𑀬𑁄𑀲𑀸𑀦𑁂 𑀅𑀲𑀗𑁆𑀔𑁂𑀬𑁆𑀬𑀸𑀦𑀁 𑀤𑁂𑀯𑀸𑀦𑀁 𑀥𑀫𑁆𑀫𑀸𑀪𑀺𑀲𑀫𑀬𑁄 𑀅𑀳𑁄𑀲𑀺. 𑀩𑀳𑀽 𑀦𑀸𑀕 𑀲𑀼𑀧𑀡𑁆𑀡𑀸 𑀘 𑀲𑀭𑀡𑁂𑀲𑀼 𑀧𑀢𑀺𑀝𑁆𑀞𑀳𑀺𑀁𑀲𑀼. 𑀅𑀣 𑀢𑀲𑁆𑀲𑀸 𑀭𑀢𑁆𑀢𑀺𑀬𑀸 𑀅𑀘𑁆𑀘𑀬𑁂𑀦 𑀭𑀸𑀚𑀸 𑀣𑁂𑀭𑀸𑀦𑀁 𑀭𑀣𑀁 𑀧𑁂𑀲𑁂𑀲𑀺. 𑀣𑁂𑀭𑀸 𑀦 𑀫𑀬𑀁 𑀭𑀣𑀁 𑀆𑀭𑀼𑀳𑀸𑀫. 𑀕𑀘𑁆𑀙 𑀢𑁆𑀯𑀁, 𑀧𑀘𑁆𑀙𑀸 𑀫𑀬𑀁 𑀆𑀕𑀘𑁆𑀙𑀺𑀲𑁆𑀲𑀸𑀫𑀸𑀢𑀺 𑀯𑀢𑁆𑀯𑀸 𑀯𑁂𑀳𑀸𑀲𑀁 𑀅𑀩𑁆𑀪𑀼𑀕𑁆𑀕𑀦𑁆𑀢𑁆𑀯𑀸 𑀅𑀦𑀼𑀭𑀸𑀥𑀧𑀼𑀭𑀲𑁆𑀲 𑀧𑀘𑁆𑀙𑀺𑀫𑀤𑀺𑀲𑀸𑀬 𑀧𑀞𑀫𑀓 𑀘𑁂𑀢𑀺𑀬𑀝𑁆𑀞𑀸𑀦𑁂 𑀑𑀢𑀭𑀺𑀁𑀲𑀼.

𑀭𑀸𑀚𑀸𑀧𑀺 𑀲𑀸𑀭𑀣𑀺𑀁 𑀧𑁂𑀲𑁂𑀢𑁆𑀯𑀸 𑀅𑀦𑁆𑀢𑁄 𑀦𑀺𑀯𑁂𑀲𑀦𑁂 𑀫𑀡𑁆𑀟𑀧𑀁 𑀧𑀝𑀺𑀬𑀸𑀤𑁂𑀢𑁆𑀯𑀸 𑀘𑀺𑀦𑁆𑀢𑁂𑀲𑀺’ 𑀦𑀺𑀲𑀻𑀤𑀺𑀲𑁆𑀲𑀦𑁆𑀢𑀺 𑀦𑀼 𑀔𑁄 𑀅𑀬𑁆𑀬𑀸 𑀆𑀲𑀦𑁂 𑀦 𑀦𑀺𑀲𑀻𑀤𑀺𑀲𑁆𑀲𑀦𑁆𑀢𑀻‘‘𑀢𑀺. 𑀢𑀲𑁆𑀲𑁂𑀯𑀁 𑀘𑀺𑀦𑁆𑀢𑀬𑀦𑁆𑀢𑀲𑁆𑀲𑁂𑀯 𑀲𑀸𑀭𑀣𑀺 𑀦𑀕𑀭𑀤𑁆𑀯𑀸𑀭𑀁 𑀧𑀢𑁆𑀯𑀸 𑀅𑀤𑁆𑀤𑀲 𑀣𑁂𑀭𑁂 𑀧𑀞𑀫𑀢𑀭𑀁 𑀆𑀕𑀦𑁆𑀢𑁆𑀯𑀸 𑀓𑀸𑀬𑀩𑀡𑁆𑀥𑀦𑀁 𑀩𑀡𑁆𑀥𑀺𑀢𑁆𑀯𑀸 𑀘𑀻𑀯𑀭𑀁 𑀧𑀸𑀭𑀼𑀧𑀦𑁆𑀢𑁂, 𑀤𑀺𑀲𑁆𑀯𑀸 𑀅𑀢𑀺𑀯𑀺𑀬 𑀧𑀲𑀦𑁆𑀦𑀫𑀸𑀦𑀲𑁄 𑀳𑀼𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀆𑀭𑁄𑀘𑁂𑀲𑀺 𑀆𑀕𑀢𑀸 𑀤𑁂𑀯 𑀣𑁂𑀭𑀸𑀢𑀺.

𑀭𑀸𑀚𑀸 𑀭𑀣𑀁 𑀆𑀭𑀼𑀴𑁆𑀳𑀸𑀢𑀺 𑀧𑀼𑀘𑁆𑀙𑀺 𑀦 𑀆𑀭𑀽𑀴𑁆𑀳𑀸 𑀤𑁂𑀯, 𑀅𑀧𑀺 𑀘 𑀧𑀘𑁆𑀙𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀧𑀞𑀫𑀢𑀭𑀁 𑀆𑀕𑀦𑁆𑀢𑁆𑀯𑀸 𑀧𑀸𑀘𑀻𑀦𑀤𑁆𑀯𑀸𑀭𑁂 𑀞𑀺𑀢𑀸𑀢𑀺. 𑀭𑀸𑀚𑀸 𑀭𑀣𑀁 𑀦 𑀆𑀭𑀼𑀪𑀺𑀁𑀲𑀽𑀢𑀻 𑀲𑀼𑀢𑁆𑀯𑀸 𑀢𑁂𑀦 𑀳𑀺 𑀪𑀡𑁂 𑀪𑀼𑀫𑁆𑀫𑀢𑁆𑀣𑀭𑀡 𑀲𑀗𑁆𑀔𑁂𑀧𑁂𑀦 𑀆𑀲𑀦𑀸𑀦𑀺 𑀧𑀜𑁆𑀜𑀸𑀧𑁂𑀣𑀸𑀢𑀺 𑀯𑀢𑁆𑀯𑀸 𑀧𑀝𑀺𑀧𑀣𑀸 𑀆𑀕𑀫𑀸𑀲𑀺 𑀅𑀫𑀘𑁆𑀘𑀸 𑀧𑀣𑀯𑀺𑀬𑀁 𑀢𑀝𑁆𑀝𑀺𑀓𑀁 𑀧𑀜𑁆𑀜𑀸𑀧𑁂𑀢𑁆𑀯𑀸 𑀉𑀧𑀭𑀺 𑀓𑁄𑀚𑀯𑀓𑀸𑀤𑀻𑀦𑀺 𑀯𑀺𑀘𑀺𑀢𑁆𑀢𑀢𑁆𑀣𑀭𑀡𑀸𑀦𑀺 𑀧𑀜𑁆𑀜𑀸𑀧𑁂𑀲𑀼𑀁 𑀭𑀸𑀚𑀸𑀧𑀺 𑀕𑀦𑁆𑀢𑁆𑀯𑀸 𑀣𑁂𑀭𑁂 𑀯𑀦𑁆𑀤𑀺𑀢𑁆𑀯𑀸 𑀫𑀳𑀺𑀡𑁆𑀤𑀢𑁆𑀣𑁂𑀭𑀲𑁆𑀲 𑀳𑀢𑁆𑀣𑀢𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸 𑀫𑀳𑀢𑀺𑀬𑀸 𑀧𑀽𑀚𑀸𑀬 𑀘 𑀲𑀓𑁆𑀓𑀸𑀭𑁂𑀦 𑀘 𑀣𑁂𑀭𑁂 𑀧𑀡𑀻𑀢𑁂𑀦 𑀔𑀸𑀤𑀦𑀻𑀬𑁂𑀦 𑀪𑁄𑀚𑀦𑀻𑀬𑁂𑀦 𑀲𑀳𑀢𑁆𑀣𑀸 𑀲𑀦𑁆𑀢𑀧𑁆𑀧𑁂𑀢𑁆𑀯𑀸 𑀅𑀦𑀼𑀮𑀸𑀤𑁂𑀯𑀻 𑀧𑀫𑀼𑀔𑀸 𑀧𑀜𑁆𑀘 𑀇𑀢𑁆𑀣𑀺𑀲𑀢𑀸𑀦𑀺 𑀣𑁂𑀭𑀸𑀦𑀁 𑀅𑀪𑀺𑀯𑀸𑀤𑀦𑀁 𑀧𑀽𑀚𑀸𑀲𑀓𑁆𑀓𑀸𑀭𑀜𑁆𑀘 𑀓𑀸𑀭𑁄𑀦𑀢𑀽𑀢𑀺 𑀧𑀓𑁆𑀓𑁄𑀲𑀸𑀧𑁂𑀢𑁆𑀯𑀸 𑀏𑀓𑀫𑀦𑁆𑀢𑀁 𑀦𑀺𑀲𑀻𑀤𑀺. 𑀣𑁂𑀭𑁄 𑀭𑀜𑁆𑀜𑁄 𑀲𑀧𑀭𑀺𑀚𑀦𑀲𑁆𑀲 𑀥𑀫𑁆𑀫𑀭𑀢𑀦𑀯𑀲𑁆𑀲𑀁 𑀯𑀲𑁆𑀲𑁂𑀦𑁆𑀢𑁄 𑀧𑁂𑀢𑀯𑀢𑁆𑀣𑀼𑀁-𑀯𑀺𑀫𑀸𑀦𑀯𑀢𑁆𑀣𑀼𑀁-𑀲𑀘𑁆𑀘𑀲𑀁𑀬𑀼𑀢𑁆𑀢𑀜𑁆𑀘 𑀓𑀣𑁂𑀲𑀺. 𑀢𑀁 𑀲𑀼𑀢𑁆𑀯𑀸 𑀢𑀸𑀦𑀺𑀧𑀺 𑀧𑀜𑁆𑀘 𑀇𑀢𑁆𑀣𑀺𑀲𑀢𑀸𑀦𑀺 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀲𑀘𑁆𑀙𑀺𑀓𑀭𑀺𑀁𑀲𑀼.

𑀢𑀤𑀸 𑀦𑀸𑀕𑀭𑀸 𑀣𑁂𑀭𑀸𑀦𑀁 𑀕𑀼𑀡𑁂 𑀲𑀼𑀢𑁆𑀯𑀸 𑀣𑁂𑀭𑁂 𑀤𑀝𑁆𑀞𑀼𑀁 𑀦 𑀮𑀪𑀸𑀫𑀸𑀢𑀺 𑀉𑀧𑀓𑁆𑀓𑁄𑀲𑀦𑁆𑀢𑀺 𑀅𑀣 𑀭𑀸𑀚𑀸 𑀇𑀥 𑀑𑀓𑀸𑀲𑁄 𑀦𑀢𑁆𑀣𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸,’𑀕𑀘𑁆𑀙𑀣 𑀪𑀡𑁂 𑀳𑀢𑁆𑀣𑀺𑀲𑀸𑀮𑀁 𑀧𑀝𑀺𑀚𑀕𑁆𑀕𑀺𑀢𑁆𑀯𑀸 𑀯𑀸𑀮𑀼𑀓𑀁 𑀑𑀓𑀺𑀭𑀺𑀢𑁆𑀯𑀸 𑀧𑀜𑁆𑀘𑀯𑀡𑁆𑀡𑀸𑀦𑀺 𑀧𑀼𑀧𑁆𑀨𑀸𑀦𑀺 𑀯𑀺𑀓𑀺𑀭𑀺𑀢𑁆𑀯𑀸 𑀯𑀺𑀢𑀸𑀦𑀁 𑀩𑀡𑁆𑀥𑀺𑀢𑁆𑀯𑀸 𑀫𑀗𑁆𑀕𑀮 𑀳𑀢𑁆𑀣𑀺𑀝𑁆𑀞𑀸𑀦𑁂 𑀣𑁂𑀭𑀸𑀦𑀁 𑀆𑀲𑀦𑀸𑀦𑀺 𑀧𑀜𑁆𑀜𑀸𑀧𑁂𑀣𑀸’𑀢𑀺 𑀆𑀳, 𑀅𑀫𑀘𑁆𑀘𑀸 𑀢𑀣𑀸 𑀅𑀓𑀁𑀲𑀼.

𑀣𑁂𑀭𑁄 𑀢𑀢𑁆𑀣 𑀕𑀦𑁆𑀢𑁆𑀯𑀸 𑀦𑀺𑀲𑀻𑀤𑀺𑀢𑁆𑀯𑀸 𑀤𑁂𑀯𑀤𑀽𑀢𑀲𑀼𑀢𑁆𑀢𑀦𑁆𑀢𑀁 𑀓𑀣𑁂𑀲𑀺 𑀓𑀣𑀸 𑀧𑀭𑀺𑀬𑁄𑀲𑀸𑀦𑁂 𑀧𑀸𑀡𑀲𑀳𑀲𑁆𑀲𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑁂 𑀧𑀢𑀺𑀝𑁆𑀞𑀳𑀺 𑀢𑀣𑀸 𑀳𑀢𑁆𑀣𑀺𑀲𑀸𑀮𑀸 𑀲𑀫𑁆𑀩𑀸𑀥𑀸𑀢𑀺 𑀤𑀓𑁆𑀔𑀺𑀡𑀤𑁆𑀯𑀸𑀭𑁂 𑀦𑀡𑁆𑀤𑀦𑀼𑀬𑁆𑀬𑀸𑀦𑁂 𑀆𑀲𑀦𑀁 𑀧𑀜𑁆𑀜𑀸𑀧𑁂𑀲𑀼𑀁. 𑀣𑁂𑀭𑁄 𑀢𑀢𑁆𑀣 𑀦𑀺𑀲𑀻𑀤𑀺𑀢𑁆𑀯𑀸 𑀆𑀲𑀺𑀯𑀺𑀲𑁄𑀧𑀫 𑀲𑀼𑀢𑁆𑀢𑀦𑁆𑀢𑀁 𑀓𑀣𑁂𑀲𑀺. 𑀢𑀫𑁆𑀧𑀺 𑀲𑀼𑀢𑁆𑀯𑀸 𑀧𑀸𑀡𑀲𑀳𑀲𑁆𑀲𑀁 𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀧𑀝𑀺𑀮𑀪𑀺 𑀏𑀯𑀁 𑀆𑀕𑀢𑀤𑀺𑀯𑀲𑀢𑁄 ¶ 𑀤𑀼𑀢𑀺𑀬𑀤𑀺𑀯𑀲𑁂 𑀅𑀟𑁆𑀠𑀢𑁂𑀬𑁆𑀬𑀸𑀦𑀁 𑀧𑀸𑀡𑀲𑀳𑀲𑁆𑀲𑀸𑀦𑀁 𑀥𑀫𑁆𑀫𑀸𑀪𑀺𑀲𑀫𑀬𑁄 𑀅𑀳𑁄𑀲𑀺.

𑀣𑁂𑀭𑀲𑁆𑀲 𑀦𑀡𑁆𑀤𑀦𑀯𑀦𑁂 𑀆𑀕𑀢𑀸𑀕𑀢𑀸𑀳𑀺 𑀓𑀼𑀮𑀺𑀢𑁆𑀣𑀻𑀳𑀺 𑀓𑀼𑀮𑀲𑀼𑀡𑁆𑀳𑀸𑀳𑀺 𑀓𑀼𑀮𑀓𑀼𑀫𑀸𑀭𑀻𑀳𑀺 𑀲𑀤𑁆𑀥𑀺 𑀲𑀫𑁄𑀤𑀫𑀸𑀦𑀲𑁆𑀲𑁂𑀯 𑀲𑀸𑀬𑀡𑁆𑀳𑀲𑀫𑀬𑁄 𑀚𑀸𑀢𑁄, 𑀣𑁂𑀭𑁄 𑀓𑀸𑀮𑀁 𑀲𑀮𑁆𑀮𑀓𑁆𑀔𑁂𑀢𑁆𑀯𑀸 𑀕𑀘𑁆𑀙𑀸𑀫𑀺’𑀤𑀸𑀦𑀺 𑀫𑀺𑀲𑁆𑀲𑀓 𑀧𑀩𑁆𑀩𑀢𑀦𑁆𑀢𑀺 𑀉𑀝𑁆𑀞𑀳𑀺. 𑀅𑀫𑀘𑁆𑀘𑀸 𑀫𑀳𑀸𑀫𑁂𑀖𑀯𑀦𑀼𑀬𑁆𑀬𑀸𑀦𑁂 𑀣𑁂𑀭𑁂 𑀯𑀸𑀲𑁂𑀲𑀼𑀁 𑀭𑀸𑀚𑀸𑀧𑀺 𑀔𑁄 𑀢𑀲𑁆𑀲𑀸 𑀭𑀢𑁆𑀢𑀺𑀬𑀸 𑀅𑀘𑁆𑀘𑀬𑁂𑀦 𑀣𑁂𑀭𑀲𑁆𑀲 𑀲𑀫𑀻𑀧𑀁 𑀕𑀦𑁆𑀢𑁆𑀯𑀸 𑀲𑀼𑀔𑀲𑀬𑀺𑀢𑀪𑀸𑀯𑀁 𑀧𑀼𑀘𑁆𑀙𑀺𑀢𑁆𑀯𑀸 𑀓𑀧𑁆𑀧𑀢𑀺 𑀪𑀦𑁆𑀢𑁂 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀆𑀭𑀸𑀫𑁄𑀢𑀺 𑀧𑀼𑀘𑁆𑀙𑀺. 𑀣𑁂𑀭𑁄 𑀓𑀧𑁆𑀧𑀢𑀺 𑀫𑀳𑀸𑀭𑀸𑀚𑀸𑀢𑀺 𑀆𑀳.

𑀭𑀸𑀚𑀸 𑀢𑀼𑀝𑁆𑀞𑁄 𑀲𑀼𑀯𑀡𑁆𑀡 𑀪𑀺𑀁𑀓𑀸𑀭𑀁 𑀕𑀳𑁂𑀢𑁆𑀯𑀸 𑀣𑁂𑀭𑀲𑁆𑀲 𑀳𑀢𑁆𑀣𑁂 𑀉𑀤𑀓𑀁 𑀧𑀸𑀢𑁂𑀢𑁆𑀯𑀸 𑀫𑀳𑀸𑀫𑁂𑀖𑀯𑀦𑀼𑀬𑁆𑀬𑀸𑀦𑀁 𑀅𑀤𑀸𑀲𑀺 𑀣𑁂𑀭𑁄 𑀧𑀼𑀦𑀤𑀺𑀯𑀲𑁂𑀧𑀺 𑀭𑀸𑀚𑀕𑁂𑀳𑁂𑀬𑁂𑀯 𑀪𑀼𑀜𑁆𑀚𑀺𑀢𑁆𑀯𑀸 𑀦𑀡𑁆𑀤𑀦𑀯𑀦𑁂 𑀅𑀦𑀫𑀢𑀕𑁆𑀕𑀺𑀬𑀸𑀦𑀺 𑀓𑀣𑁂𑀲𑀺. 𑀧𑀼𑀦 𑀤𑀺𑀯𑀲𑁂 𑀅𑀕𑁆𑀕𑀺𑀓𑁆𑀔𑀡𑁆𑀥𑁄𑀧𑀫 𑀲𑀼𑀢𑁆𑀢𑀦𑁆𑀢𑀁 𑀓𑀣𑁂𑀲𑀺. 𑀏𑀢𑁂𑀦𑁂𑀯 𑀉𑀧𑀸𑀬𑁂𑀦 𑀲𑀢𑁆𑀢 𑀤𑀺𑀯𑀲𑀸𑀦𑀺 𑀓𑀣𑁂𑀲𑀺 𑀅𑀟𑁆𑀠 𑀦𑀘𑀫𑀸𑀦𑀁 𑀧𑀸𑀡𑀲𑀳𑀲𑁆𑀲𑀸𑀦𑀁 𑀥𑀫𑁆𑀫𑀸𑀪𑀺𑀲𑀫𑀬𑁄 𑀅𑀳𑁄𑀲𑀺. 𑀲𑀢𑁆𑀢𑀫𑁂 𑀤𑀺𑀯𑀲𑁂 𑀧𑀦 𑀣𑁂𑀭𑁄 𑀅𑀦𑁆𑀢𑁄𑀧𑀼𑀭𑁂 𑀭𑀜𑁆𑀜𑁄 𑀅𑀧𑁆𑀧𑀫𑀸𑀤 𑀲𑀼𑀢𑁆𑀢𑀦𑁆𑀢𑀁 𑀓𑀣𑀬𑀺𑀢𑁆𑀯𑀸 𑀘𑁂𑀢𑀺𑀬𑀕𑀺𑀭𑀺𑀫𑁂𑀯 𑀅𑀕𑀫𑀸𑀲𑀺.

𑀅𑀣 𑀔𑁄 𑀭𑀸𑀚𑀸 𑀣𑁂𑀭𑁄 𑀆𑀬𑀸𑀘𑀺𑀢𑁄 𑀲𑀬𑀫𑁂𑀯𑀸𑀕𑀢𑁄, 𑀢𑀲𑁆𑀫𑀸 𑀢𑀲𑁆𑀲 𑀅𑀦𑀸𑀧𑀼𑀘𑁆𑀙𑀸 𑀕𑀫𑀦𑀫𑁆𑀧𑀺 𑀪𑀯𑁂𑀬𑁆𑀬𑀸𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀭𑀣𑀁 𑀅𑀪𑀺𑀭𑀽𑀳𑀺𑀢𑁆𑀯𑀸, 𑀘𑁂𑀢𑀺𑀬𑀕𑀺𑀭𑀺𑀁 𑀅𑀕𑀫𑀸𑀲𑀺 𑀫𑀳𑀢𑀸 𑀭𑀸𑀚𑀸𑀦𑀼𑀪𑀸𑀯𑁂𑀦 𑀕𑀦𑁆𑀢𑁆𑀯𑀸 𑀣𑁂𑀭𑀸𑀦𑀁 𑀲𑀦𑁆𑀢𑀺𑀓𑀁 𑀉𑀧𑀲𑀗𑁆𑀓𑀫𑀦𑁆𑀢𑁄 𑀅𑀢𑀺𑀯𑀺𑀬 𑀓𑀺𑀮𑀦𑁆𑀢𑀭𑀽𑀧𑁄 𑀳𑀼𑀢𑁆𑀯𑀸 𑀉𑀧𑀲𑀗𑁆𑀓𑀫𑀺. 𑀢𑀢𑁄 𑀦𑀁 𑀣𑁂𑀭𑁄 𑀆𑀳 𑀓𑀲𑁆𑀫𑀸 𑀢𑁆𑀯𑀁 𑀫𑀳𑀸𑀭𑀸𑀚 𑀏𑀯𑀁 𑀓𑀺𑀮𑀫 𑀫𑀸𑀦𑁄 𑀆𑀕𑀢𑁄𑀢𑀺. 𑀢𑀼𑀫𑁆𑀳𑁂 𑀫𑀫 𑀕𑀸𑀴𑁆𑀳𑀁 𑀑𑀯𑀸𑀤𑀁 𑀤𑀢𑁆𑀯𑀸 𑀇𑀤𑀸𑀦𑀺 𑀕𑀦𑁆𑀢𑀼𑀓𑀸𑀫𑀸 𑀦𑀼𑀔𑁄𑀢𑀺 𑀚𑀸𑀦𑀦𑀢𑁆𑀣𑀁 𑀪𑀦𑁆𑀢𑁂𑀢𑀺. 𑀦 𑀫𑀬𑀁 𑀫𑀳𑀸𑀭𑀸𑀚 𑀕𑀦𑁆𑀢𑀼𑀓𑀸𑀫𑀸, 𑀅𑀧𑀺 𑀘 𑀯𑀲𑁆𑀲𑀼𑀧𑀦𑀸𑀬𑀺𑀓 𑀓𑀸𑀮𑁄𑀦𑀫𑀸𑀬𑀁 𑀲𑀫𑀡𑁂𑀦 𑀦𑀸𑀫 𑀯𑀲𑁆𑀲𑀼𑀧𑀦𑀸𑀬𑀺𑀓𑀁 𑀞𑀸𑀦𑀁 𑀜𑀸𑀢𑀼𑀁 𑀯𑀝𑁆𑀝𑀢𑀻𑀢𑀺. 𑀭𑀸𑀚𑀸𑀧𑀺 𑀔𑁄 𑀢𑀁𑀔𑀡𑀁𑀬𑁂𑀯 𑀓𑀭𑀡𑁆𑀟𑀓 𑀘𑁂𑀢𑀺𑀬𑀗𑁆𑀕𑀡𑀁 𑀧𑀭𑀺𑀓𑁆𑀔𑀺𑀧𑀺𑀢𑁆𑀯𑀸 𑀅𑀝𑁆𑀞𑀲𑀝𑁆𑀞𑀺𑀬𑀸 𑀮𑁂𑀡𑁂𑀲𑀼 𑀓𑀫𑁆𑀫𑀁 𑀧𑀝𑁆𑀞𑀧𑁂𑀢𑁆𑀯𑀸 𑀦𑀕𑀭𑀫𑁂𑀯 𑀅𑀕𑀫𑀸𑀲𑀺.

𑀢𑁂𑀧𑀺 𑀣𑁂𑀭𑁄 𑀫𑀳𑀸𑀚𑀦𑀁 𑀑𑀯𑀤𑀫𑀸𑀦𑀸 𑀘𑁂𑀢𑀺𑀬𑀕𑀺𑀭𑀺𑀫𑁆𑀳𑀺 𑀯𑀲𑁆𑀲𑀁 𑀯𑀲𑀺𑀁𑀲𑀼. 𑀅𑀣𑀸𑀬𑀲𑁆𑀫𑀸 𑀫𑀳𑀸𑀫𑀳𑀺𑀡𑁆𑀤𑁄 𑀯𑀼𑀢𑁆𑀣𑀯𑀲𑁆𑀲𑁄 𑀧𑀯𑀸𑀭𑁂𑀢𑁆𑀯𑀸 𑀓𑀢𑁆𑀢𑀺𑀓𑀧𑀼𑀡𑁆𑀡𑀫𑀸𑀬𑀁 𑀉𑀧𑁄𑀲𑀣𑀤𑀺𑀯𑀲𑁂 𑀭𑀸𑀚𑀸𑀦𑀁 𑀏𑀢𑀤𑀯𑁄𑀘 𑀘𑀺𑀭𑀤𑀺𑀝𑁆𑀞𑁄 𑀦𑁄 𑀫𑀳𑀸𑀭𑀸𑀚 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀅𑀪𑀺𑀯𑀸𑀤𑀦 𑀧𑀘𑁆𑀘𑀼𑀧𑀝𑁆𑀞𑀸𑀦 𑀅𑀜𑁆𑀚𑀮𑀺 𑀓𑀫𑁆𑀫 𑀲𑀸𑀫𑀻𑀘𑀺 𑀓𑀫𑁆𑀫 𑀓𑀭𑀡𑀝𑁆𑀞𑀸𑀦𑀁 𑀦𑀢𑁆𑀣𑀺, 𑀢𑁂𑀦𑀫𑁆𑀳𑀁 𑀉𑀓𑁆𑀓𑀡𑁆𑀞𑀺𑀢𑀸𑀢𑀺 𑀢𑀦𑀼 𑀪𑀦𑁆𑀢𑁂 𑀢𑀼𑀫𑁆𑀳𑁂 𑀅𑀯𑁄𑀘𑀼𑀢𑁆𑀣 𑀧𑀭𑀺𑀦𑀺𑀩𑁆𑀩𑀼𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄𑀢𑀺 𑀓𑀺𑀜𑁆𑀘𑀸𑀧𑀺 𑀫𑀳𑀸𑀭𑀸𑀚 𑀧𑀭𑀺𑀦𑀺𑀩𑁆𑀩𑀼𑀢𑁄, 𑀅𑀣𑀲𑁆𑀲 𑀲𑀭𑀻𑀭𑀥𑀸𑀢𑀼𑀬𑁄 𑀢𑀺𑀝𑁆𑀞𑀦𑁆𑀢𑀻𑀢𑀺. 𑀅𑀜𑁆𑀜𑀸 𑀢𑀫𑁆𑀪𑀦𑁆𑀢𑁂 𑀣𑀽𑀧𑀁 𑀧𑀢𑀺𑀝𑁆𑀞𑀸𑀧𑁂𑀫𑀺 𑀪𑀽𑀫𑀺𑀪𑀸𑀕𑀁 𑀯𑀺𑀘𑀺𑀦𑀣𑀸𑀢𑀺. 𑀅𑀧𑀺 𑀘 𑀥𑀸𑀢𑀼𑀬𑁄 𑀓𑀼𑀢𑁄 𑀮𑀘𑁆𑀙𑀸𑀫𑀻𑀢𑀺 𑀲𑀼𑀫𑀦𑁂𑀦 𑀲𑀤𑁆𑀥𑀺𑀁 𑀫𑀦𑁆𑀢𑁂𑀳𑀺 𑀫𑀳𑀸𑀭𑀸𑀚𑀸𑀢𑀺 𑀭𑀸𑀚𑀸 𑀲𑀼𑀫𑀦𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀧𑀼𑀘𑁆𑀙𑀺’𑀓𑀼𑀢𑁄𑀤𑀸𑀦𑀺 𑀪𑀦𑁆𑀢𑁂𑀥𑀸𑀢𑀼𑀬𑁄 𑀮𑀘𑁆𑀙𑀸𑀫𑀸’𑀢𑀺 𑀲𑀼𑀫𑀦𑁄 ¶ 𑀆𑀳-𑀅𑀧𑁆𑀧𑁄𑀲𑁆𑀲𑀼𑀓𑁆𑀓𑁄 𑀢𑁆𑀯𑀁 𑀫𑀳𑀸𑀭𑀸𑀚, 𑀯𑀻𑀣𑀺𑀬𑁄 𑀲𑁄𑀥𑀸𑀧𑁂𑀢𑁆𑀯𑀸 𑀥𑀚 𑀧𑀢𑀸𑀓 𑀧𑀼𑀡𑁆𑀡𑀖𑀝𑀸𑀤𑀻𑀳𑀺 𑀅𑀮𑀗𑁆𑀓𑀸𑀭𑀸𑀧𑁂𑀢𑁆𑀯𑀸 𑀲𑀧𑀭𑀺𑀚𑁆𑀚𑀦𑁄 𑀉𑀧𑁄𑀲𑀣𑀁 𑀲𑀫𑀸𑀤𑀺𑀬𑀺𑀢𑁆𑀯𑀸 𑀲𑀩𑁆𑀩𑀢𑀸𑀮𑀸𑀯𑀘𑀭𑁂 𑀉𑀧𑀝𑁆𑀞𑀧𑁂𑀢𑁆𑀯𑀸 𑀫𑀗𑁆𑀕𑀮𑀳𑀢𑁆𑀣𑀺𑀁 𑀲𑀩𑁆𑀩𑀸𑀮𑀗𑁆𑀓𑀸𑀭𑁂𑀳𑀺 𑀧𑀢𑀺𑀫𑀡𑁆𑀟𑀺𑀢𑀁 𑀓𑀸𑀭𑁂𑀢𑁆𑀯𑀸 𑀉𑀧𑀭𑀺 𑀯𑀲𑁆𑀲 𑀲𑁂𑀢𑀘𑁆𑀙𑀢𑁆𑀢𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 𑀲𑀸𑀬𑀡𑁆𑀳𑀲𑀫𑀬𑁂 𑀫𑀳𑀸𑀦𑀸𑀕𑀯𑀦𑀼𑀬𑁆𑀬𑀸𑀦𑀸𑀪𑀺𑀫𑀼𑀔𑁄 𑀬𑀸 𑀳𑀺 𑀅𑀤𑁆𑀥𑀸 𑀢𑀲𑁆𑀫𑀺𑀁 𑀞𑀸𑀦𑁂 𑀥𑀸𑀢𑀼𑀬𑁄 𑀮𑀘𑁆𑀙𑀲𑀺𑀢𑀺, 𑀭𑀸𑀚𑀸 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺. 𑀣𑁂𑀭𑁄 𑀘𑁂𑀢𑀺𑀬𑀕𑀺𑀭𑀺𑀫𑁂𑀯 𑀅𑀕𑀫𑀺𑀁𑀲𑀼.

𑀢𑀢𑁆𑀭𑀸𑀬𑀲𑁆𑀫𑀸 𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀲𑀼𑀫𑀦 𑀲𑀸𑀫𑀡𑁂𑀭𑀫𑀸𑀳- 𑀕𑀘𑁆𑀙 𑀢𑁆𑀯𑀁 𑀲𑀸𑀫𑀡𑁂𑀭 𑀚𑀫𑁆𑀩𑀼𑀤𑀻𑀧𑁂 𑀅𑀬𑁆𑀬𑀓𑀁 𑀅𑀲𑁄𑀓𑀥𑀫𑁆𑀫𑀭𑀸𑀚𑀸𑀦𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀫𑀫 𑀯𑀘𑀦𑁂𑀦 𑀏𑀯𑀁 𑀯𑀤𑁂𑀳𑀺’𑀲𑀳𑀸𑀬𑁄 𑀢𑁂 𑀫𑀳𑀸𑀭𑀸𑀚 𑀤𑁂𑀯𑀸𑀦𑀫𑁆𑀧𑀺𑀬 𑀢𑀺𑀲𑁆𑀲𑁄 𑀩𑀼𑀤𑁆𑀥𑀲𑀸𑀲𑀦𑁂 𑀧𑀲𑀦𑁆𑀦𑁄 𑀣𑀽𑀧𑀁 𑀧𑀢𑀺𑀝𑁆𑀞𑀸𑀧𑁂𑀢𑀼𑀓𑀸𑀫𑁄 𑀢𑀼𑀫𑁆𑀳𑀸𑀓𑀁 𑀓𑀺𑀭 𑀳𑀢𑁆𑀣𑁂 𑀪𑀕𑀯𑀢𑁄 𑀧𑀭𑀺𑀪𑀼𑀢𑁆𑀢𑀧𑀢𑁆𑀢𑁄 𑀘𑁂𑀯𑀥𑀸𑀢𑀼 𑀘 𑀅𑀢𑁆𑀣𑀺, 𑀢𑀫𑁆𑀫𑁂 𑀤𑁂𑀣𑀸’𑀢𑀺 𑀢𑀁 𑀕𑀳𑁂𑀢𑁆𑀯𑀸 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀢𑀼𑀫𑁆𑀳𑀸𑀓𑀁 𑀓𑀺𑀭 𑀫𑀳𑀸𑀭𑀸𑀚 𑀳𑀢𑁆𑀣𑁂 𑀤𑁆𑀯𑁂 𑀥𑀸𑀢𑀼𑀬𑁄 𑀅𑀢𑁆𑀣𑀺 𑀤𑀓𑁆𑀔𑀺𑀡𑀤𑀸𑀞𑀸 𑀘 𑀤𑀓𑁆𑀔𑀺𑀡𑀓𑁆𑀔𑀓𑀜𑁆𑀘, 𑀢𑀢𑁄𑀢𑀼𑀫𑁆𑀳𑁂 𑀤𑀓𑁆𑀔𑀺𑀡𑀤𑀸𑀞𑀁𑀧𑀽𑀚𑁂𑀣, 𑀤𑀓𑁆𑀔𑀺𑀡𑀓𑁆𑀔𑀓𑀁 𑀧𑀦 𑀫𑀬𑁆𑀳𑀁 𑀤𑁂𑀣𑀸𑀢𑀺, 𑀏𑀯𑀜𑁆𑀘 𑀦𑀁 𑀯𑀤𑁂𑀳𑀺 𑀓𑀲𑁆𑀫𑀸 𑀢𑁆𑀯𑀁 𑀫𑀳𑀸𑀭𑀸𑀚 𑀅𑀫𑁆𑀳𑁂 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀧𑀳𑀺𑀡𑀺𑀢𑁆𑀯𑀸 𑀧𑀫𑀚𑁆𑀚𑀺𑀢𑁆𑀣𑀸𑀢𑀺.

𑀲𑀸𑀥𑀼 𑀪𑀦𑁆𑀢𑁂𑀢𑀺 𑀔𑁄 𑀲𑀼𑀫𑀦𑁄 𑀣𑁂𑀭𑀲𑁆𑀲 𑀯𑀘𑀦𑀁 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀢𑀸𑀯𑀤𑁂𑀯 𑀧𑀢𑁆𑀢𑀘𑀻𑀯𑀭𑀫𑀸𑀤𑀸𑀬 𑀯𑁂𑀳𑀸𑀲𑀫𑀩𑁆𑀪𑀼𑀕𑁆𑀕𑀦𑁆𑀢𑁆𑀯𑀸 𑀧𑀸𑀝𑀮𑀺𑀧𑀼𑀢𑁆𑀢𑀤𑁆𑀯𑀸𑀭𑁂 𑀑𑀭𑀼𑀬𑁆𑀳 𑀭𑀜𑁆𑀜𑁄 𑀲𑀦𑁆𑀢𑀺𑀓𑀁 𑀕𑀦𑁆𑀢𑁆𑀯𑀸 𑀢𑀫𑀢𑁆𑀣𑀁 𑀆𑀭𑁄𑀘𑁂𑀲𑀺 𑀭𑀸𑀚𑀸 𑀢𑀼𑀝𑁆𑀞𑁄 𑀲𑀸𑀫𑀡𑁂𑀭𑀲𑁆𑀲 𑀳𑀢𑁆𑀣𑀢𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸 𑀪𑁄𑀚𑁂𑀢𑁆𑀯𑀸 𑀪𑀕𑀯𑀢𑁄 𑀧𑀢𑁆𑀢𑀁 𑀕𑀡𑁆𑀥𑁂𑀳𑀺 𑀉𑀩𑁆𑀩𑀝𑁆𑀝𑁂𑀢𑁆𑀯𑀸 𑀯𑀭𑀫𑀼𑀢𑁆𑀢𑀲𑀤𑀺𑀲𑀸𑀦𑀁 𑀥𑀸𑀢𑀽𑀦𑀁 𑀧𑀽𑀭𑁂𑀢𑁆𑀯𑀸 𑀅𑀤𑀸𑀲𑀺.

𑀲𑁄 𑀢𑀼𑀁 𑀕𑀳𑁂𑀢𑁆𑀯𑀸 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀉𑀧𑀲𑀗𑁆𑀓𑀫𑀺 𑀲𑀓𑁆𑀓𑁄 𑀤𑁂𑀯𑀸𑀭𑀸𑀚𑀸 𑀲𑀸𑀫𑀡𑁂𑀭𑀁 𑀤𑀺𑀲𑁆𑀯𑀸 𑀓𑀺𑀁 𑀪𑀦𑁆𑀢𑁂 𑀲𑀼𑀫𑀦 𑀆𑀳𑀺𑀡𑁆𑀟𑀲𑀻𑀢𑀺 𑀆𑀳. 𑀢𑁆𑀯𑀁 𑀫𑀳𑀸𑀭𑀸𑀚 𑀅𑀫𑁆𑀳𑁂 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀧𑀳𑀺𑀡𑀺𑀢𑁆𑀯𑀸 𑀓𑀲𑁆𑀫𑀸 𑀧𑀫𑀚𑁆𑀚𑀲𑀻𑀢𑀺, 𑀢𑀧𑁆𑀧𑀫𑀚𑁆𑀚𑀸𑀫𑀺 𑀪𑀦𑁆𑀢𑁂, 𑀯𑀤𑁂𑀳𑀺 𑀓𑀺𑀁 𑀓𑀭𑁄𑀫𑀻𑀢𑀺. 𑀢𑀼𑀫𑁆𑀳𑀸𑀓𑀁 𑀓𑀺𑀭 𑀳𑀢𑁆𑀣𑁂 𑀤𑁆𑀯𑁂 𑀥𑀸𑀢𑀼𑀬𑁄 𑀅𑀢𑁆𑀣𑀺 𑀤𑀓𑁆𑀔𑀺𑀡𑀤𑀸𑀞𑀸 𑀘 𑀤𑀓𑁆𑀔𑀺𑀡𑀓𑁆𑀔𑀓𑀜𑁆𑀘, 𑀢𑀢𑁄 𑀢𑀼𑀫𑁆𑀳𑁂 𑀤𑀓𑁆𑀔𑀺𑀡𑀤𑀸𑀞𑀁 𑀧𑀽𑀚𑁂𑀣 𑀤𑀓𑁆𑀔𑀺𑀡𑀓𑁆𑀔𑀓𑀁 𑀧𑀦 𑀫𑀬𑁆𑀳𑀁 𑀤𑁂𑀣𑀸𑀢𑀺. 𑀲𑀸𑀥𑀼 𑀪𑀦𑁆𑀢𑁂𑀢𑀺 𑀔𑁄 𑀲𑀓𑁆𑀓𑁄 𑀤𑁂𑀯𑀸𑀦𑀫𑀺𑀡𑁆𑀤𑁄 𑀬𑁄𑀚𑀦𑀧𑁆𑀧𑀫𑀸𑀦𑀁 𑀫𑀡𑀺𑀣𑀽𑀧𑀁 𑀉𑀕𑁆𑀖𑀸𑀝𑁂𑀢𑁆𑀯𑀸 𑀤𑀓𑁆𑀔𑀺𑀡𑀓𑁆𑀔𑀓𑀁 𑀦𑀻𑀳𑀭𑀺𑀢𑁆𑀯𑀸 𑀲𑀼𑀫𑀦𑀲𑁆𑀲 𑀅𑀤𑀸𑀲𑀺.

𑀲𑁄 𑀢𑀁 𑀕𑀳𑁂𑀢𑁆𑀯𑀸 𑀘𑁂𑀢𑀺𑀬𑀕𑀺𑀭𑀺𑀫𑁆𑀳𑀺𑀬𑁂𑀯 𑀧𑀢𑀺𑀝𑁆𑀞𑀸𑀲𑀺 𑀅𑀣 𑀔𑁄 𑀫𑀳𑀺𑀡𑁆𑀤𑀧𑀫𑀼𑀔𑀸 𑀲𑀩𑁆𑀩𑁂 𑀢𑁂 𑀫𑀳𑀸𑀦𑀸𑀕𑀸 𑀅𑀲𑁄𑀓𑀥𑀫𑁆𑀫𑀭𑀸𑀚𑁂𑀦 𑀤𑀺𑀦𑁆𑀦 𑀥𑀸𑀢𑀼𑀬𑁄 𑀘𑁂𑀢𑀺𑀬𑀕𑀺𑀭𑀺𑀬𑀫𑁆𑀳𑀺𑀬𑁂𑀯 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀤𑀓𑁆𑀔𑀺𑀡𑀓𑁆𑀔𑀓𑀁 𑀆𑀤𑀸𑀬 𑀯𑀟𑁆𑀠𑀫𑀸𑀦𑀓𑀘𑁆𑀙𑀸𑀬𑀸𑀬 𑀫𑀳𑀸𑀦𑀸𑀕 𑀯𑀦𑀼𑀬𑁆𑀬𑀸𑀦𑀫𑀕𑀫𑀁𑀲𑀼. 𑀭𑀸𑀚𑀸𑀧𑀺 𑀔𑁄 𑀲𑀼𑀫𑀦𑁂𑀦 𑀯𑀼𑀢𑁆𑀢𑀧𑁆𑀧𑀓𑀸𑀭𑀁 𑀧𑀽𑀚𑀸𑀲𑀓𑁆𑀓𑀸𑀭𑀁 𑀓𑀢𑁆𑀯𑀸 𑀳𑀢𑁆𑀣𑀺𑀓𑁆𑀔𑀡𑁆𑀥𑀯𑀭𑀕𑀢𑁄 𑀲𑀸𑀬𑀁 𑀫𑀗𑁆𑀕𑀮𑀳𑀢𑁆𑀣𑀺𑀫𑀢𑁆𑀣𑀓𑁂 𑀲𑁂𑀢𑀘𑁆𑀙𑀢𑁆𑀢𑀁 𑀥𑀸𑀭𑀬𑀫𑀸𑀦𑁄 𑀫𑀳𑀸𑀦𑀸𑀕 𑀯𑀦𑀼𑀬𑁆𑀬𑀸𑀦𑀁 𑀲𑀫𑁆𑀧𑀸𑀧𑀼𑀡𑀺.

𑀅𑀣𑀲𑁆𑀲 ¶ 𑀏𑀢𑀤𑀳𑁄𑀲𑀺- 𑀲𑀘𑁂 𑀅𑀬𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀥𑀸𑀢𑀼, 𑀙𑀢𑁆𑀢𑀁 𑀅𑀧𑀦𑀫𑀢𑀼, 𑀫𑀗𑁆𑀕𑀮𑀳𑀢𑁆𑀣𑀺 𑀚𑀡𑁆𑀡𑀼𑀓𑁂𑀳𑀺 𑀪𑀽𑀫𑀺𑀬𑀁 𑀧𑀢𑀺𑀝𑁆𑀞𑀸𑀳𑀢𑀼, 𑀥𑀸𑀢𑀼 𑀘𑀗𑁆𑀕𑁄𑀝𑀓𑀁 𑀫𑀬𑁆𑀳𑀁 𑀫𑀢𑁆𑀣𑀓𑁂 𑀧𑀢𑀺𑀝𑁆𑀞𑀳𑀢𑀽𑀢𑀺 𑀲𑀳 𑀭𑀜𑁆𑀜𑁄 𑀘𑀺𑀢𑁆𑀢𑀼𑀧𑁆𑀧𑀸𑀤𑁂𑀦 𑀙𑀢𑁆𑀢𑀁 𑀅𑀧𑀦𑀫𑀺 𑀳𑀢𑁆𑀣𑀺𑀚𑀡𑁆𑀡𑀼𑀓𑁂𑀳𑀺 𑀧𑀢𑀺𑀝𑁆𑀞𑀳𑀺 𑀥𑀸𑀢𑀼𑀘𑀗𑁆𑀕𑁄𑀝𑀓𑀁 𑀭𑀜𑁆𑀜𑁄 𑀫𑀢𑁆𑀣𑀓𑁂 𑀧𑀢𑀺𑀝𑁆𑀞𑀳𑀺 𑀭𑀸𑀚𑀸 𑀅𑀫𑀢𑁂𑀦𑁂𑀯𑀸𑀪𑀺𑀲𑀺𑀢𑁆𑀢𑀕𑀢𑁆𑀢𑁄 𑀧𑀭𑀫𑁂𑀦 𑀧𑀻𑀢𑀺𑀧𑀸𑀫𑁄𑀚𑁆𑀚𑁂𑀦 𑀲𑀫𑀦𑁆𑀦𑀸𑀕𑀢𑁄 𑀳𑀼𑀢𑁆𑀯𑀸 𑀧𑀼𑀘𑁆𑀙𑀺 𑀥𑀸𑀢𑀼𑀁 𑀪𑀦𑁆𑀢𑁂 𑀓𑀺𑀁 𑀓𑀭𑁄𑀫𑀻𑀢𑀺. 𑀳𑀢𑁆𑀣𑀺𑀓𑀼𑀫𑁆𑀪𑀺𑀬𑁂𑀯 𑀢𑀸𑀯 𑀫𑀳𑀸𑀭𑀸𑀚 𑀞𑀧𑁂𑀳𑀻𑀢𑀺. 𑀭𑀸𑀚𑀸 𑀥𑀸𑀢𑀼𑀯𑀗𑁆𑀕𑁄𑀝𑀓𑀁 𑀳𑀢𑁆𑀣𑀺𑀓𑀼𑀫𑁆𑀪𑁂 𑀞𑀧𑁂𑀲𑀺. 𑀧𑀫𑀼𑀤𑀺𑀢𑁄 𑀦𑀸𑀕𑁄 𑀓𑀼𑀜𑁆𑀘𑀦𑀸𑀤𑀁 𑀦𑀤𑀺 𑀫𑀳𑀸𑀫𑁂𑀖𑁄 𑀉𑀝𑁆𑀞𑀳𑀺𑀢𑁆𑀯𑀸 𑀧𑁄𑀓𑁆𑀔𑀭𑀯𑀲𑁆𑀲𑀁 𑀯𑀲𑀺𑀲𑀺 𑀉𑀓𑀤𑀧𑀭𑀺𑀬𑀦𑁆𑀢𑀁 𑀓𑀢𑁆𑀯𑀸 𑀫𑀳𑀸𑀪𑀽𑀫𑀺𑀘𑀸𑀮𑁄 𑀅𑀳𑁄𑀲𑀺 𑀧𑀘𑁆𑀘𑀦𑁆𑀢𑁂𑀧𑀺 𑀦𑀸𑀫 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀳𑀺𑀲𑁆𑀲𑀦𑁆𑀢𑀻𑀢𑀺.

𑀅𑀣 𑀲𑁄 𑀳𑀢𑁆𑀣𑀺𑀦𑀸𑀕𑁄 𑀅𑀦𑁂𑀓 𑀢𑀸𑀮𑀸𑀯𑀘𑀭𑀧𑀭𑀺𑀯𑀼𑀢𑁄 𑀅𑀢𑀺𑀯𑀺𑀬 𑀉𑀴𑀸𑀭𑁂𑀦 𑀧𑀽𑀚𑀸𑀲𑀓𑁆𑀓𑀸𑀭𑁂𑀦 𑀲𑀓𑁆𑀓𑀭𑀺𑀬𑀫𑀸𑀦𑁄 𑀧𑀘𑁆𑀙𑀺𑀫𑀤𑀺𑀲𑀸𑀪𑀺𑀫𑀼𑀔𑁄 𑀳𑀼𑀢𑁆𑀯𑀸 𑀅𑀧𑀲𑀓𑁆𑀓𑀦𑁆𑀢𑁄 𑀬𑀸𑀯 𑀦𑀕𑀭𑀲𑁆𑀲 𑀧𑀼𑀭𑀢𑁆𑀣𑀺𑀫 𑀤𑁆𑀯𑀸𑀭𑀁 𑀢𑀸𑀯 𑀕𑀦𑁆𑀢𑁆𑀯𑀸 𑀧𑀼𑀭𑀢𑁆𑀣𑀺𑀫𑁂𑀦 𑀤𑁆𑀯𑀸𑀭𑁂𑀦 𑀦𑀕𑀭𑀁 𑀧𑀯𑀺𑀲𑀺𑀢𑁆𑀯𑀸 𑀲𑀓𑀮𑀦𑀕𑀭𑁂 𑀉𑀴𑀸𑀭𑀸𑀬 𑀧𑀽𑀚𑀸𑀬 𑀓𑀬𑀺𑀭𑀸𑀫𑀸𑀦𑀸𑀬 𑀤𑀓𑁆𑀔𑀺𑀡𑀤𑁆𑀯𑀸𑀭𑁂𑀦 𑀦𑀺𑀓𑁆𑀔𑀫𑀺𑀢𑁆𑀯𑀸 𑀣𑀽𑀧𑀸𑀭𑀸𑀫𑀲𑁆𑀲 𑀧𑀘𑁆𑀙𑀺𑀫𑀤𑀺𑀲𑀸𑀪𑀸𑀕𑁂 𑀧𑀪𑁂𑀚𑀯𑀢𑁆𑀣𑀼 𑀦𑀸𑀫 𑀓𑀺𑀭 𑀅𑀢𑁆𑀣𑀺 𑀢𑀢𑁆𑀣 𑀕𑀦𑁆𑀢𑁆𑀯𑀸 𑀧𑀼𑀦 𑀣𑀽𑀧𑀸𑀭𑀸𑀫𑀸𑀪𑀺𑀫𑀼𑀔𑁄 𑀏𑀯 𑀧𑀝𑀺𑀦𑀺𑀯𑀢𑁆𑀢𑀺. 𑀲𑁄 𑀘 𑀧𑀼𑀭𑀺𑀫𑀓𑀸𑀦𑀁 𑀢𑀺𑀡𑁆𑀡𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸𑀦𑀁 𑀥𑀫𑁆𑀫𑀓𑀭𑀓𑀁 𑀓𑀸𑀬𑀩𑀡𑁆𑀥𑀦𑀁 𑀉𑀤𑀓𑀲𑀸𑀝𑀻𑀓𑀁 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀓𑀢𑀘𑁂𑀢𑀺𑀬𑀝𑁆𑀞𑀸𑀦𑀁 𑀳𑁄𑀢𑀻. 𑀢𑀤𑁂𑀢𑀁 𑀯𑀺𑀦𑀝𑁆𑀞𑁂𑀲𑀼𑀧𑀺 𑀘𑁂𑀢𑀺𑀬𑁂𑀲𑀼 𑀤𑁂𑀯𑀢𑀸𑀦𑀼𑀪𑀸𑀯𑁂𑀦 𑀓𑀡𑁆𑀝𑀓 𑀲𑀫𑀸𑀓𑀺𑀡𑁆𑀡𑀲𑀸𑀔𑀸𑀳𑀺 𑀦𑀸𑀦𑀸𑀕𑀘𑁆𑀙𑁂𑀳𑀺 𑀧𑀭𑀺𑀯𑀼𑀢𑀁 𑀢𑀺𑀝𑁆𑀞𑀢𑀺. 𑀫𑀸 𑀦𑀁 𑀓𑁄𑀘𑀺 𑀉𑀘𑁆𑀘𑀺𑀝𑁆𑀞𑀸 𑀲𑀼𑀯𑀺𑀫𑀮 𑀓𑀘𑀯𑀭𑁂𑀳𑀺 𑀲𑀦𑁆𑀤𑀼𑀲𑁂𑀲𑀻𑀢𑀺.

𑀅𑀣 𑀢𑀲𑁆𑀲 𑀳𑀢𑁆𑀣𑀺𑀦𑁄 𑀧𑀼𑀭𑀢𑁄 𑀕𑀦𑁆𑀢𑁆𑀯𑀸 𑀭𑀸𑀚𑀧𑀼𑀭𑀺𑀲𑀸 𑀲𑀩𑁆𑀩 𑀕𑀘𑁆𑀙𑁂 𑀙𑀺𑀡𑁆𑀤𑀺𑀢𑁆𑀯𑀸 𑀪𑀽𑀫𑀺𑀁 𑀲𑁄𑀥𑁂𑀢𑁆𑀯𑀸 𑀢𑀁 𑀳𑀢𑁆𑀣𑀢𑀮𑀲𑀤𑀺𑀲𑀁 𑀅𑀓𑀁𑀲𑀼. 𑀳𑀢𑁆𑀣𑀺𑀦𑀸𑀕𑁄 𑀕𑀦𑁆𑀢𑁆𑀯𑀸 𑀢𑀁 𑀞𑀸𑀦𑀁 𑀧𑀼𑀭𑀢𑁄 𑀓𑀢𑁆𑀯𑀸 𑀢𑀲𑁆𑀲 𑀧𑀘𑁆𑀙𑀺𑀫𑀤𑀺𑀲𑀸𑀪𑀸𑀕𑁂 𑀩𑁄𑀥𑀺𑀭𑀼𑀓𑁆𑀔𑀝𑁆𑀞𑀦𑁂 𑀅𑀝𑁆𑀞𑀸𑀲𑀺. 𑀅𑀣𑀲𑁆𑀲 𑀫𑀢𑁆𑀣𑀓𑀢𑁄 𑀥𑀸𑀢𑀼𑀁 𑀑𑀭𑁄𑀧𑁂𑀢𑀼𑀁 𑀆𑀭𑀪𑀺𑀁𑀲𑀼 𑀦𑀸𑀕𑁄 𑀑𑀭𑁄𑀧𑁂𑀢𑀼𑀁 𑀦 𑀤𑁂𑀢𑀺. 𑀣𑁂𑀭𑀁 𑀧𑀼𑀘𑁆𑀙𑀺, 𑀓𑀲𑁆𑀫𑀸 𑀪𑀦𑁆𑀢𑁂 𑀦𑀸𑀕𑁄 𑀥𑀸𑀢𑀼𑀁 𑀑𑀭𑁄𑀧𑁂𑀢𑀼𑀁 𑀦 𑀤𑁂𑀢𑀻𑀢𑀺

𑀆𑀭𑀼𑀴𑁆𑀳𑀁 𑀫𑀳𑀸𑀭𑀸𑀚 𑀑𑀭𑁄𑀧𑁂𑀢𑀼𑀁 𑀦 𑀯𑀝𑁆𑀝𑀢𑀺𑀢𑀺. 𑀢𑀲𑁆𑀫𑀺𑀜𑁆𑀘 𑀓𑀸𑀮𑁂 𑀅𑀪𑀬𑀯𑀸𑀧𑀺𑀬𑀸 𑀉𑀤𑀓𑀁 𑀚𑀺𑀦𑁆𑀦𑀁 𑀳𑁄𑀢𑀺 𑀲𑀫𑀦𑁆𑀢𑀸 𑀪𑀽𑀫𑀺 𑀨𑀮𑀺𑀢𑀸 𑀲𑀼𑀉𑀤𑁆𑀥𑀭𑀸 𑀫𑀢𑁆𑀢𑀺𑀓𑀧𑀺𑀡𑁆𑀟𑀸. 𑀢𑀢𑁄 𑀫𑀳𑀸𑀚𑀦𑁄 𑀲𑀻𑀖𑀲𑀻𑀖𑀁 𑀫𑀢𑁆𑀢𑀺𑀓𑀁 𑀆𑀳𑀭𑀺𑀢𑁆𑀯𑀸 𑀳𑀢𑁆𑀣𑀓𑀼𑀫𑁆𑀪𑀧𑁆𑀧𑀫𑀸𑀡𑀁 𑀯𑀢𑁆𑀣𑀼𑀫𑀓𑀸𑀲𑀺. 𑀢𑀸𑀯𑀤𑁂𑀯 𑀣𑀽𑀧𑀓𑀭𑀡𑀢𑁆𑀣𑀁 𑀇𑀝𑁆𑀞𑀺𑀓𑀸 𑀓𑀸𑀢𑀼𑀁 𑀆𑀭𑀪𑀺𑀁𑀲𑀼. 𑀬𑀸𑀯 𑀇𑀝𑁆𑀞𑀺𑀓𑀸 𑀧𑀭𑀺𑀦𑀺𑀝𑁆𑀞𑀦𑁆𑀢𑀺 𑀢𑀸𑀯 𑀳𑀢𑁆𑀣𑀺𑀦𑀸𑀕𑁄 𑀓𑀢𑀺𑀧𑀸𑀳𑀁 𑀤𑀺𑀯𑀸 𑀩𑁄𑀥𑀺𑀭𑀼𑀓𑁆𑀔𑀝𑁆𑀞𑀸𑀦𑁂 𑀳𑀢𑁆𑀣𑀺𑀲𑀸𑀮𑀸𑀬𑀁 𑀢𑀺𑀝𑁆𑀞𑀢𑀺. 𑀭𑀢𑁆𑀢𑀺𑀬𑀁 𑀣𑀽𑀧𑀧𑀢𑀺𑀝𑁆𑀞𑀸𑀦 𑀪𑀽𑀫𑀺𑀬𑀁 𑀧𑀭𑀺𑀬𑀸𑀬𑀢𑀺.

𑀅𑀣 𑀯𑀢𑁆𑀣𑀼𑀁 𑀯𑀺𑀦𑀸𑀧𑁂𑀢𑁆𑀯𑀸 𑀭𑀸𑀚𑀸 𑀣𑁂𑀭𑀁 𑀧𑀼𑀘𑁆𑀙𑀺, 𑀓𑀻𑀤𑀺𑀲𑁄 𑀪𑀦𑁆𑀢𑁂 𑀣𑀽𑀧𑁄 𑀓𑀸𑀢𑀩𑁆𑀩𑁄𑀢𑀺. 𑀯𑀻𑀳𑀺𑀭𑀸𑀲𑀺 𑀲𑀤𑀺𑀲𑁄 𑀫𑀳𑀸𑀭𑀸𑀚𑀸𑀢𑀺, 𑀲𑀸𑀥𑀼 𑀪𑀦𑁆𑀢𑁂𑀢𑀺 𑀭𑀸𑀚𑀸 𑀚𑀗𑁆𑀖𑀧𑁆𑀧𑀫𑀸𑀡𑀁 ¶ 𑀣𑀽𑀧𑀁 𑀘𑀺𑀦𑀸𑀧𑁂𑀢𑁆𑀯𑀸 𑀥𑀸𑀢𑀼𑀑𑀭𑁄𑀧𑀦𑀢𑁆𑀣𑀸𑀬 𑀫𑀳𑀸𑀲𑀓𑁆𑀓𑀸𑀭𑀁 𑀓𑀸𑀭𑁂𑀲𑀺.

𑀢𑀢𑁄 𑀲𑀓𑀮𑀦𑀸𑀕𑀭𑀸 𑀘 𑀚𑀸𑀦𑀧𑀤𑀸 𑀘 𑀥𑀸𑀢𑀼𑀫𑁆𑀳 𑀤𑀲𑁆𑀲𑀦𑀢𑁆𑀣𑀁 𑀲𑀦𑁆𑀢𑀺𑀧𑀢𑀺𑀁𑀲𑀼 𑀲𑀦𑁆𑀦𑀺𑀧𑀢𑀺𑀢𑁂 𑀘 𑀢𑀲𑁆𑀫𑀺𑀁 𑀫𑀳𑀸𑀚𑀦𑁂 𑀤𑀲𑀩𑀮𑀲𑁆𑀲 𑀥𑀸𑀢𑀼 𑀳𑀢𑁆𑀣𑀺𑀓𑀼𑀫𑁆𑀪𑀢𑁄 𑀲𑀢𑁆𑀢𑀢𑀸𑀮𑀧𑁆𑀧𑀫𑀸𑀦𑀁 𑀯𑁂𑀳𑀸𑀲𑀫𑀩𑁆𑀪𑀼𑀕𑁆𑀕𑀦𑁆𑀢𑁆𑀯𑀸 𑀬𑀫𑀓𑀧𑀸𑀝𑀺𑀳𑀸𑀭𑀺𑀬𑀁 𑀤𑀲𑁆𑀲𑁂𑀲𑀺. 𑀢𑁂𑀳𑀺 𑀢𑁂𑀳𑀺 𑀥𑀸𑀢𑀼𑀧𑁆𑀧𑀤𑁂𑀲𑁂𑀳𑀺 𑀙𑀩𑁆𑀩𑀡𑁆𑀡𑀭𑀁𑀲𑀺𑀬𑁄 𑀉𑀤𑀓𑀥𑀭𑀸 𑀘 𑀅𑀕𑁆𑀕𑀺𑀓𑁆𑀔𑀡𑁆𑀥𑀸 𑀘 𑀧𑀯𑀢𑁆𑀢𑀦𑁆𑀢𑀺. 𑀲𑀸𑀯𑀢𑁆𑀣𑀺𑀬𑀁 𑀕𑀡𑁆𑀟𑀫𑁆𑀩𑀫𑀽𑀮𑁂 𑀪𑀕𑀯𑀢𑀸 𑀤𑀲𑁆𑀲𑀺𑀢 𑀧𑀸𑀝𑀺𑀳𑀸𑀭𑀺𑀬 𑀲𑀤𑀺𑀲𑀁 𑀏𑀯 𑀧𑀸𑀝𑀺𑀳𑀸𑀭𑀺𑀬𑀁 𑀅𑀳𑁄𑀲𑀺. 𑀢𑀜𑁆𑀘 𑀔𑁄 𑀦𑁂𑀯 𑀣𑁂𑀭𑀸𑀦𑀼𑀪𑀸𑀯𑁂𑀦𑀦 𑀤𑁂𑀯𑀢𑀸𑀦𑀼𑀪𑀸𑀯𑁂𑀦, 𑀅𑀧𑀺 𑀘 𑀔𑁄 𑀩𑀼𑀤𑁆𑀥𑀸𑀦𑀁𑀬𑁂𑀯 𑀆𑀦𑀼𑀪𑀸𑀯𑁂𑀦 𑀪𑀕𑀯𑀸 𑀓𑀺𑀭 𑀥𑀭𑀫𑀸𑀦𑁄𑀯 𑀅𑀥𑀺𑀝𑁆𑀞𑀸𑀲𑀺 - 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀅𑀦𑀼𑀭𑀸𑀥𑀧𑀼𑀭𑀲𑁆𑀲 𑀤𑀓𑁆𑀔𑀺𑀡𑀤𑀺𑀲𑀸𑀪𑀸𑀕𑁂 𑀧𑀼𑀭𑀺𑀫𑀓𑀸𑀦𑀁 𑀢𑀺𑀡𑁆𑀡𑀁 𑀩𑀼𑀤𑁆𑀥𑀸𑀦𑀁 𑀘𑁂𑀢𑀺𑀬𑀝𑁆𑀞𑀸𑀦𑁂 𑀫𑀫 𑀤𑀓𑁆𑀔𑀺𑀡𑀓𑁆𑀔𑀓𑀥𑀸𑀢𑀼 𑀧𑀢𑀺𑀝𑁆𑀞𑀸𑀦 𑀤𑀺𑀯𑀲𑁂 𑀬𑀫𑀓𑀧𑀸𑀝𑀺𑀳𑀸𑀭𑀺𑀬𑀁 𑀳𑁄𑀢𑀽𑀢𑀺.

𑀏𑀯𑀁 𑀅𑀘𑀺𑀦𑁆𑀢𑀺𑀬𑀸 𑀩𑀼𑀤𑁆𑀥𑀸-𑀩𑀼𑀤𑁆𑀥𑀥𑀫𑁆𑀫𑀸 𑀅𑀘𑀺𑀦𑁆𑀢𑀺𑀬𑀸,

𑀅𑀘𑀺𑀦𑁆𑀢𑀺𑀬𑁂𑀲𑀼 𑀧𑀲𑀦𑁆𑀦𑀸𑀦𑀁-𑀯𑀺𑀧𑀸𑀓𑁄 𑀳𑁄𑀢𑀺 𑀅𑀘𑀺𑀦𑁆𑀢𑀺𑀬𑁄𑀢𑀺;

𑀥𑀸𑀢𑀼𑀲𑀭𑀻𑀭𑀢𑁄 𑀦𑀺𑀓𑁆𑀔𑀦𑁆𑀢 𑀉𑀤𑀓𑀨𑀼𑀲𑀺𑀢𑁂𑀳𑀺 𑀲𑀓𑀮𑁂𑀳𑀺 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀢𑀮𑁂 𑀦 𑀓𑁄𑀘𑀺 𑀅𑀨𑀼𑀝𑁆𑀞𑁄𑀓𑀸𑀲𑁄 𑀦𑀸𑀫 𑀅𑀳𑁄𑀲𑀺. 𑀏𑀯𑀫𑀲𑁆𑀲 𑀢𑀁 𑀥𑀸𑀢𑀼 𑀲𑀭𑀻𑀭𑀁 𑀉𑀤𑀓𑀨𑀼𑀲𑀺𑀢𑁂𑀳𑀺 𑀢𑀫𑁆𑀩𑀧𑀡𑁆𑀡𑀺𑀢𑁆𑀣𑀮𑀲𑁆𑀲 𑀧𑀭𑀺𑀤𑀸𑀳𑀁 𑀯𑀽𑀧𑀲𑀫𑁂𑀢𑁆𑀯𑀸 𑀫𑀳𑀸𑀚𑀦𑀲𑁆𑀲 𑀧𑀸𑀝𑀺𑀳𑀸𑀭𑀺𑀬𑀁 𑀤𑀲𑁆𑀲𑁂𑀢𑁆𑀯𑀸 𑀑𑀢𑀭𑀺𑀢𑁆𑀯𑀸 𑀭𑀜𑁆𑀜𑁄 𑀫𑀢𑁆𑀣𑀓𑁂 𑀧𑀢𑀺𑀝𑁆𑀞𑀸𑀲𑀺 𑀭𑀸𑀚𑀸 𑀲𑀨𑀮𑀁 𑀫𑀦𑀼𑀲𑁆𑀲𑀢𑁆𑀢𑀧𑀝𑀺𑀮𑀸𑀪𑀁 𑀫𑀜𑁆𑀜𑀫𑀸𑀦𑁄 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀁 𑀓𑀢𑁆𑀯𑀸 𑀥𑀸𑀢𑀼𑀁 𑀧𑀢𑀺𑀝𑁆𑀞𑀸𑀧𑁂𑀲𑀺. 𑀲𑀳 𑀥𑀸𑀢𑀼𑀧𑀢𑀺𑀝𑁆𑀞𑀸𑀦𑁂𑀦 𑀫𑀳𑀸𑀪𑀽𑀫𑀺𑀘𑀸𑀮𑁄 𑀅𑀳𑁄𑀲𑀺 𑀦𑀺𑀝𑁆𑀞𑀺𑀢𑁂 𑀧𑀦 𑀣𑀽𑀧𑁂 𑀭𑀸𑀚𑀸 𑀘 𑀭𑀸𑀚𑀸 𑀪𑀸𑀢𑀺𑀓𑀸 𑀘 𑀤𑁂𑀯𑀺𑀬𑁄 𑀘 𑀤𑁂-𑀦𑀸𑀕-𑀬𑀓𑁆𑀔𑀸𑀦𑀁 𑀯𑀺𑀫𑁆𑀪𑀬𑀓𑀭𑀁 𑀧𑀘𑁆𑀘𑁂𑀓𑀁 𑀣𑀽𑀧𑀫𑀓𑀁𑀲𑀼.

𑀏𑀯𑀁 𑀚𑀺𑀦𑁄 𑀥𑀸𑀢𑀼𑀲𑀭𑀻𑀭𑀓𑁂𑀦

𑀕𑀢𑁄𑀧𑀺 𑀲𑀦𑁆𑀢𑀺𑀁 𑀚𑀦𑀢𑀸𑀳𑀺𑀢𑀜𑁆𑀘,

𑀲𑀼𑀔𑀜𑁆𑀘 𑀥𑀫𑁆𑀫𑀸 𑀩𑀳𑀼𑀥𑀸 𑀓𑀭𑁂𑀬𑁆𑀬

𑀞𑀺𑀢𑁄 𑀳𑀺 𑀦𑀸𑀣𑁄𑀦𑀼𑀓𑀭𑀁 𑀓𑀭𑁂𑀬𑁆𑀬;

𑀲𑀸𑀥𑀼𑀚𑀦 𑀫𑀦𑁄𑀧𑀲𑀸𑀤𑀦𑀢𑁆𑀣𑀸𑀬 𑀓𑀢𑁂 𑀣𑀽𑀧𑀯𑀁𑀲𑁂 𑀣𑀽𑀧𑀸𑀭𑀸𑀫 𑀓𑀣𑀸,

𑁧𑁩. 𑀦𑀺𑀝𑁆𑀞𑀺𑀢𑀸𑀬 𑀧𑀦 𑀥𑀸𑀢𑀼𑀧𑀽𑀚𑀸𑀬 𑀧𑀢𑀺𑀝𑁆𑀞𑀺𑀢𑁂 𑀥𑀸𑀢𑀼𑀯𑀭𑁂 𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀫𑀳𑀸𑀫𑁂𑀖𑀯𑀦𑀼𑀬𑁆𑀬𑀸𑀦𑀫𑁂𑀯 𑀕𑀦𑁆𑀢𑁆𑀯𑀸𑀯𑀸𑀲𑀁 𑀓𑀧𑁆𑀧𑁂𑀲𑀺. 𑀢𑀲𑁆𑀫𑀺𑀁 𑀔𑁄 𑀧𑀦 𑀲𑀫𑀬𑁂 𑀅𑀦𑀼𑀮𑀸𑀤𑁂𑀯𑀻 𑀧𑀩𑁆𑀩𑀚𑀺𑀢𑀼𑀓𑀸𑀫𑀸 𑀳𑀼𑀢𑁆𑀯𑀸 𑀭𑀜𑁆𑀜𑁄 𑀆𑀭𑁄𑀘𑁂𑀲𑀺. 𑀭𑀸𑀚𑀸 𑀢𑀲𑁆𑀲𑀸 𑀯𑀘𑀦𑀁 𑀲𑀼𑀢𑁆𑀯𑀸 𑀣𑁂𑀭𑀁 𑀏𑀢𑀤𑀯𑁄𑀘? 𑀪𑀦𑁆𑀢𑁂 𑀅𑀦𑀼𑀮𑀸𑀤𑁂𑀯𑀻 𑀧𑀩𑁆𑀩𑀚𑀺𑀢𑀼𑀓𑀸𑀫𑀸, 𑀧𑀩𑁆𑀩𑀸𑀚𑁂𑀣 𑀦𑀦𑁆𑀢 𑀦 𑀫𑀳𑀸𑀭𑀸𑀚 𑀅𑀫𑁆𑀳𑀸𑀓𑀁 𑀫𑀸𑀢𑀼𑀕𑀸𑀫𑀁 𑀧𑀩𑁆𑀩𑀸𑀚𑁂𑀢𑀼𑀁 𑀓𑀧𑁆𑀧𑀢𑀺. 𑀧𑀸𑀝𑀮𑀺𑀧𑀼𑀢𑁆𑀢𑁂 𑀧𑀦 𑀫𑀬𑁆𑀳𑀁 𑀪𑀕𑀺𑀦𑀺 𑀲𑀗𑁆𑀖𑀫𑀺𑀢𑁆𑀢𑀸 𑀣𑁂𑀭𑀻 𑀦𑀸𑀫 𑀅𑀢𑁆𑀣𑀺, 𑀢𑀁 𑀧𑀓𑁆𑀓𑁄𑀲𑀸𑀧𑁂𑀳𑀺 𑀫𑀳𑀸𑀭𑀸𑀚, 𑀇𑀫𑀲𑁆𑀫𑀺𑀜𑁆𑀘 𑀤𑀻𑀧𑁂 𑀧𑀼𑀭𑀺𑀫𑀓𑀸𑀦𑀜𑁆𑀘 ¶ 𑀢𑀺𑀡𑁆𑀡𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸𑀦𑀁 𑀩𑁄𑀥𑀺 𑀧𑀢𑀺𑀝𑁆𑀞𑀁𑀲𑀺 𑀅𑀫𑁆𑀳𑀸𑀓𑀫𑁆𑀧𑀺 𑀪𑀕𑀯𑀢𑁄 𑀲𑀭𑀲 𑀭𑀁𑀲𑀺𑀚𑀸𑀮 𑀯𑀺𑀲𑁆𑀲𑀚𑁆𑀚𑀦𑀓𑁂𑀦 𑀩𑁄𑀥𑀺𑀦𑀸 𑀧𑀢𑀺𑀝𑁆𑀞𑀸𑀢𑀩𑁆𑀩𑀁, 𑀢𑀲𑁆𑀫𑀸 𑀲𑀸𑀲𑀦𑀁 𑀧𑀳𑀺𑀡𑁂𑀬𑁆𑀬𑀲𑀺 𑀬𑀣𑀸 𑀲𑀗𑁆𑀖𑀫𑀺𑀢𑁆𑀢𑀸 𑀩𑁄𑀥𑀺𑀁 𑀕𑀳𑁂𑀢𑁆𑀯𑀸 𑀆𑀕𑀘𑁆𑀙𑁂𑀬𑁆𑀬𑀸𑀢𑀺.

𑀭𑀸𑀚𑀸 𑀣𑁂𑀭𑀲𑁆𑀲 𑀯𑀘𑀦𑀁 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀅𑀫𑀘𑁆𑀘𑁂𑀳𑀺 𑀲𑀤𑁆𑀥𑀺𑀁 𑀫𑀦𑁆𑀢𑁂𑀦𑁆𑀢𑁄 𑀅𑀭𑀺𑀝𑁆𑀞𑀁 𑀦𑀸𑀫 𑀅𑀢𑁆𑀢𑀦𑁄 𑀪𑀸𑀕𑀺𑀦𑁂𑀬𑁆𑀬𑀁 𑀆𑀳 𑀲𑀓𑁆𑀔𑀺𑀲𑁆𑀲𑀲𑀺 𑀢𑁆𑀯𑀁 𑀢𑀸𑀢 𑀧𑀸𑀝𑀮𑀻𑀧𑀼𑀢𑁆𑀢𑀁 𑀕𑀦𑁆𑀢𑁆𑀯𑀸 𑀫𑀳𑀸𑀩𑁄𑀥𑀺𑀦𑀸 𑀲𑀤𑁆𑀥𑀺𑀁 𑀅𑀬𑁆𑀬𑀁 𑀲𑀗𑁆𑀖𑀫𑀺𑀢𑁆𑀢𑀢𑁆𑀣𑁂𑀭𑀺𑀁 𑀆𑀦𑁂𑀢𑀼𑀦𑁆𑀢𑀺 𑀲𑀓𑁆𑀔𑀺𑀲𑁆𑀲𑀸𑀫𑀺 𑀤𑁂𑀯 𑀲𑀘𑁂 𑀫𑁂 𑀧𑀩𑁆𑀩𑀚𑁆𑀚𑀁 𑀅𑀦𑀼𑀚𑀸𑀦𑀺𑀲𑁆𑀲𑀲𑀻𑀢𑀺.

𑀕𑀘𑁆𑀙 𑀢𑀸𑀢 𑀣𑁂𑀭𑀺𑀁 𑀆𑀦𑁂𑀢𑁆𑀯𑀸 𑀧𑀩𑁆𑀩𑀚𑁆𑀚𑀸𑀳𑀻𑀢𑀺. 𑀲𑁄 𑀭𑀜𑁆𑀜𑁄 𑀘 𑀣𑁂𑀭𑀺𑀲𑁆𑀲 𑀘 𑀲𑀸𑀲𑀦𑀁 𑀕𑀳𑁂𑀢𑁆𑀯𑀸 𑀣𑁂𑀭𑀲𑁆𑀲 𑀅𑀥𑀺𑀝𑁆𑀞𑀸𑀦𑀯𑀲𑁂𑀦 𑀏𑀓𑀤𑀺𑀯𑀲𑁂 𑀦 𑀚𑀫𑁆𑀩𑀼𑀓𑁄𑀮𑀧𑀝𑁆𑀝𑀦𑀁 𑀕𑀦𑁆𑀢𑁆𑀯𑀸 𑀦𑀸𑀯𑀁 𑀅𑀪𑀺𑀭𑀽𑀳𑀺𑀢𑁆𑀯 𑀲𑀫𑀼𑀤𑁆𑀤𑀁 𑀅𑀢𑀺𑀓𑁆𑀓𑀫𑀺𑀢𑁆𑀯𑀸 𑀧𑀸𑀝𑀮𑀻𑀧𑀼𑀢𑁆𑀢𑀁 𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀲𑀸𑀲𑀦𑀁 𑀆𑀘𑀺𑀓𑁆𑀔𑀺-𑀧𑀼𑀢𑁆𑀢𑁄 𑀢𑁂 𑀤𑁂𑀯 𑀫𑀳𑀺𑀡𑁆𑀤𑀣𑁂𑀭𑁄 𑀏𑀯𑀫𑀸𑀳. 𑀲𑀳𑀸𑀬𑀲𑁆𑀲 𑀓𑀺𑀭 𑀢𑁂 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲𑀲𑁆𑀲 𑀪𑀸𑀢𑀼𑀚𑀸𑀬𑀸 𑀅𑀦𑀼𑀮𑀸𑀤𑁂𑀯𑀻 𑀦𑀸𑀫 𑀧𑀩𑁆𑀩𑀚𑀺𑀢𑀼𑀓𑀸𑀫𑀸, 𑀢𑀁 𑀧𑀩𑁆𑀩𑀸𑀚𑁂𑀢𑀼𑀁 𑀅𑀬𑁆𑀬𑀁 𑀲𑀗𑁆𑀖𑀫𑀺𑀢𑁆𑀢𑀢𑁆𑀣𑁂𑀭𑀺𑀁 𑀧𑀳𑀺𑀡𑁂𑀬𑁆𑀬𑀸𑀣, 𑀅𑀬𑁆𑀬𑀸𑀬 𑀏𑀯 𑀘 𑀲𑀤𑁆𑀥𑀺𑀁 𑀫𑀳𑀸𑀩𑁄𑀥𑀺𑀦𑁆𑀢𑀺.

𑀣𑁂𑀭𑀲𑁆𑀲 𑀲𑀸𑀲𑀦𑀁 𑀆𑀭𑁄𑀘𑁂𑀢𑁆𑀯𑀸 𑀲𑀗𑁆𑀖𑀫𑀺𑀢𑁆𑀢𑀢𑁆𑀣𑁂𑀭𑀺𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀏𑀯𑀫𑀸𑀳. 𑀅𑀬𑁆𑀬𑁂 𑀢𑀼𑀫𑁆𑀳𑀸𑀓𑀁 𑀪𑀸𑀢𑀸 𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀫𑀁 𑀢𑀼𑀫𑁆𑀳𑀸𑀓𑀁 𑀲𑀦𑁆𑀢𑀺𑀓𑀁 𑀧𑁂𑀲𑁂𑀲𑀺 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁄 𑀪𑀸𑀢𑀼𑀚𑀸𑀬𑀸 𑀅𑀦𑀼𑀮𑀸𑀤𑁂𑀯𑀻 𑀦𑀸𑀫 𑀧𑀜𑁆𑀘𑀳𑀺 𑀓𑀜𑁆𑀜𑀸𑀲𑀢𑁂𑀳𑀺 𑀧𑀜𑁆𑀘𑀳𑀺 𑀘 𑀅𑀦𑁆𑀢𑁂𑀧𑀼𑀭𑀺𑀲𑀸 𑀲𑀢𑁂𑀳𑀺 𑀲𑀤𑁆𑀥𑀺𑀁 𑀧𑀩𑁆𑀩𑀚𑀺𑀢𑀼𑀓𑀸𑀫𑀸𑀢𑀺, 𑀢𑀁 𑀓𑀺𑀭 𑀆𑀕𑀦𑁆𑀢𑁆𑀯𑀸 𑀧𑀩𑁆𑀩𑀸𑀚𑁂𑀣𑀸𑀢𑀺.

𑀲𑀸 𑀢𑀸𑀯 𑀤𑁂𑀯 𑀢𑀼𑀭𑀺𑀢 𑀢𑀼𑀭𑀺𑀢𑀸 𑀕𑀦𑁆𑀢𑁆𑀯𑀸 𑀭𑀜𑁆𑀜𑀸 𑀢𑁆ै𑀫𑀢𑁆𑀣𑀁 𑀆𑀭𑁄𑀘𑁂𑀢𑁆𑀯𑀸 𑀕𑀘𑁆𑀙𑀸𑀫𑀳𑀁 𑀫𑀳𑀸𑀭𑀸𑀚 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀦𑁆𑀢𑀺 𑀆𑀳.

𑀢𑁂𑀦 𑀳𑀺 𑀅𑀫𑁆𑀫 𑀫𑀳𑀸𑀩𑁄𑀥𑀺𑀁 𑀕𑀳𑁂𑀢𑁆𑀯𑀸 𑀕𑀘𑁆𑀙𑀸𑀳𑀻𑀢𑀺 𑀯𑀢𑁆𑀯𑀸 𑀧𑀸𑀝𑀮𑀻𑀧𑀼𑀢𑁆𑀢𑀢𑁄 𑀬𑀸𑀯 𑀫𑀳𑀸𑀩𑁄𑀥𑀺 𑀢𑀸𑀯 𑀫𑀕𑁆𑀕𑀁 𑀧𑀝𑀺𑀚𑀕𑁆𑀕𑀸𑀧𑁂𑀢𑁆𑀯𑀸 𑀲𑀢𑁆𑀢𑀬𑁄𑀚𑀦𑀸𑀬𑀸𑀫𑀬 𑀢𑀺𑀬𑁄𑀚𑀦 𑀯𑀺𑀢𑁆𑀣𑀢𑀸𑀬 𑀫𑀳𑀢𑀺𑀬𑀸 𑀲𑁂𑀦𑀸𑀬 𑀧𑀸𑀝𑀮𑀺𑀧𑀼𑀢𑁆𑀢𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀅𑀭𑀺𑀬𑀲𑀗𑁆𑀖𑀁 𑀆𑀤𑀸𑀬 𑀫𑀳𑀸𑀩𑁄𑀥𑀺𑀲𑀫𑀻𑀧𑀁 𑀅𑀕𑀫𑀸𑀲𑀺.

𑀲𑁂𑀦𑀸𑀬 𑀲𑀫𑀼𑀲𑁆𑀲𑀺𑀢 𑀥𑀚𑀧𑀢𑀸𑀓𑀁 𑀦𑀸𑀦𑀸𑀭𑀢𑀦 𑀯𑀺𑀘𑀺𑀢𑁆𑀢𑀁 𑀅𑀦𑁂𑀓𑀸𑀮𑀗𑁆𑀓𑀸𑀭 𑀧𑀢𑀺𑀫𑀡𑁆𑀟𑀺𑀢𑀁 𑀦𑀸𑀦𑀸𑀯𑀺𑀥 𑀓𑀼𑀲𑀼𑀫 𑀲𑀫𑀸𑀓𑀺𑀡𑁆𑀡𑀁 𑀅𑀦𑁂𑀓 𑀢𑀼𑀭𑀺𑀬 𑀲𑀁𑀖𑁆𑀭𑀝𑁆𑀞𑀁 𑀫𑀳𑀸𑀩𑁄𑀥𑀺𑀁 𑀧𑀭𑀺𑀓𑁆𑀔𑀺𑀧𑀺 𑀢𑀢𑁄 𑀭𑀸𑀚𑀸 𑀧𑀼𑀧𑁆𑀨-𑀕𑀡𑁆𑀥-𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀅𑀝𑁆𑀞𑀲𑀼 𑀞𑀸𑀦𑁂𑀲𑀼 𑀯𑀦𑁆𑀤𑀺𑀢𑁆𑀯𑀸 𑀉𑀝𑁆𑀞𑀸𑀬 𑀅𑀜𑁆𑀚𑀮𑀺𑀫𑁆𑀧𑀕𑁆𑀕𑀬𑁆𑀳 𑀞𑀢𑁆𑀯𑀸 𑀲𑀘𑁆𑀘𑀯𑀘𑀦𑀓𑀺𑀭𑀺𑀬𑀸𑀬 𑀩𑁄𑀥𑀺𑀁 𑀕𑀡𑁆𑀳𑀺𑀢𑀼𑀓𑀸𑀫𑁄 𑀭𑀢𑀦𑀧𑀻𑀞𑀁 𑀆𑀭𑀼𑀬𑁆𑀳 𑀢𑀼𑀮𑀺𑀓𑀁 𑀕𑀳𑁂𑀢𑁆𑀯𑀸 𑀫𑀦𑁄𑀲𑀺𑀮𑀸𑀬 𑀮𑁂𑀔𑀁 𑀓𑀢𑁆𑀯𑀸 𑀬𑀤𑀺 𑀫𑀳𑀸𑀩𑁄𑀥𑀺𑀦𑀸 𑀮𑀗𑁆𑀓𑀸𑀤𑀻𑀧𑁂 𑀧𑀢𑀺𑀝𑁆𑀞𑀸𑀢𑀩𑁆𑀩𑀁, 𑀬𑀤𑀺 𑀘𑀸𑀳𑀁 𑀩𑀼𑀤𑁆𑀥𑀲𑀸𑀲𑀦𑁂 𑀦𑀺𑀩𑁆𑀩𑁂𑀫𑀢𑀺𑀓𑁄 𑀪𑀯𑁂𑀬𑁆𑀬𑀁, 𑀫𑀳𑀸𑀩𑁄𑀥𑀺 𑀲𑀬𑀫𑁂𑀯 𑀇𑀫𑀲𑁆𑀫𑀺𑀁 𑀲𑀼𑀯𑀡𑁆𑀡𑀓𑀝𑀸𑀳𑁂 𑀧𑀢𑀺𑀝𑁆𑀞𑀳𑀢𑀽𑀢𑀺 𑀲𑀘𑁆𑀘𑀓𑀺𑀭𑀺𑀬𑀫𑀓𑀸𑀲𑀺 𑀲𑀳 𑀲𑀘𑁆𑀘𑀓𑀺𑀭𑀺𑀬𑀸𑀬 ¶ 𑀩𑁄𑀥𑀺𑀲𑀸𑀔𑀸 𑀫𑀦𑁄𑀲𑀺𑀮𑀸𑀬 𑀧𑀭𑀺𑀘𑁆𑀙𑀺𑀦𑁆𑀦𑀝𑁆𑀞𑀸𑀦𑁂𑀳𑀺 𑀙𑀺𑀡𑁆𑀤𑀺𑀢𑁆𑀯𑀸 𑀕𑀡𑁆𑀥 𑀓𑀮𑀮 𑀧𑀽𑀭𑀲𑁆𑀲 𑀲𑀼𑀯𑀡𑁆𑀡𑀓𑀝𑀸𑀳𑀲𑁆𑀲 𑀉𑀧𑀭𑀺 𑀅𑀝𑁆𑀞𑀸𑀲𑀺.

𑀢𑀢𑁄 𑀭𑀸𑀚𑀸 𑀫𑀳𑀸𑀩𑁄𑀥𑀺𑀁 𑀩𑁄𑀥𑀺𑀫𑀡𑁆𑀟𑀢𑁄 𑀫𑀳𑀦𑁆𑀢𑁂𑀦 𑀲𑀓𑁆𑀓𑀸𑀭𑁂𑀦 𑀧𑀸𑀝𑀮𑀻𑀧𑀼𑀢𑁆𑀢𑀁 𑀆𑀦𑁂𑀢𑁆𑀯𑀸 𑀲𑀩𑁆𑀩𑀧𑀭𑀺𑀳𑀸𑀭𑀸𑀦𑀺 𑀤𑀢𑁆𑀯𑀸 𑀫𑀳𑀸𑀩𑁄𑀥𑀺𑀁 𑀕𑀗𑁆𑀕𑀸𑀬 𑀦𑀸𑀯𑀁 𑀆𑀭𑁄𑀧𑁂𑀢𑁆𑀯𑀸 𑀲𑀬𑀫𑁆𑀧𑀺 𑀦𑀕𑀭𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀯𑀺𑀜𑁆𑀛𑀸𑀝𑀯𑀺𑀁 𑀲𑀫𑀢𑀺𑀓𑁆𑀓𑀫𑁆𑀫 𑀅𑀦𑀼𑀧𑀼𑀩𑁆𑀩𑁂𑀦 𑀲𑀢𑁆𑀢𑀤𑀺𑀯𑀲𑁂𑀳𑀺 𑀢𑀸𑀫𑀮𑀺𑀢𑁆𑀢𑀺𑀁 𑀅𑀦𑀼𑀧𑁆𑀧𑀢𑁆𑀢𑁄 𑀅𑀦𑁆𑀢𑀭𑀫𑀕𑁆𑀕𑁂 𑀤𑁂𑀯-𑀦𑀸𑀕-𑀫𑀦𑀼𑀲𑁆𑀲𑀸 𑀉𑀴𑀸𑀭𑀁 𑀫𑀳𑀸𑀩𑁄𑀥𑀺 𑀧𑀽𑀚𑀫𑀓𑀁𑀲𑀼.

𑀭𑀸𑀚𑀸𑀧𑀺 𑀲𑀫𑀼𑀤𑁆𑀤𑀢𑀻𑀭𑁂 𑀲𑀢𑁆𑀢𑀤𑀺𑀯𑀲𑀸𑀦𑀺 𑀫𑀳𑀸𑀩𑁄𑀥𑀺𑀁 𑀞𑀧𑁂𑀢𑁆𑀯𑀸 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀁 𑀓𑀢𑁆𑀯𑀸 𑀩𑁄𑀥𑀺𑀫𑁆𑀧𑀺 𑀲𑀁𑀗𑁆𑀖𑀫𑀺𑀢𑁆𑀢𑀢𑁆𑀣𑁂𑀭𑀺𑀫𑁆𑀧𑀺 𑀲𑀧𑀭𑀺𑀯𑀸𑀭𑀁 𑀦𑀸𑀯𑀁 𑀆𑀭𑁄𑀧𑁂𑀢𑁆𑀯𑀸 𑀕𑀘𑁆𑀙𑀢𑀺 𑀯𑀢𑀭𑁂 𑀤𑀲𑀩𑀮𑀲𑁆𑀲 𑀲𑀭𑀲 𑀭𑀁𑀲𑀺𑀚𑀸𑀮𑀸 𑀫𑀼𑀜𑁆𑀘𑀫𑀸𑀦𑁄 𑀫𑀳𑀸𑀩𑁄𑀥𑀺 𑀭𑀼𑀓𑁆𑀔𑁄𑀢𑀺 𑀓𑀡𑁆𑀤𑀺𑀢𑁆𑀯𑀸 𑀅𑀜𑁆𑀚𑀮𑀺𑀫𑁆𑀧𑀕𑁆𑀕𑀳𑁂𑀢𑁆𑀯𑀸 𑀅𑀲𑁆𑀲𑀽𑀦𑀺 𑀧𑀯𑀢𑁆𑀢𑀬𑀫𑀸𑀦𑁄 𑀅𑀝𑁆𑀞𑀸𑀲𑀺 𑀲𑀸𑀧𑀺 𑀔𑁄 𑀫𑀳𑀸𑀩𑁄𑀥𑀺 𑀲𑀫𑀭𑀽𑀴𑁆𑀳𑀦𑀸𑀯𑀸 𑀧𑀲𑁆𑀲𑀢𑁄 𑀧𑀲𑁆𑀲𑀢𑁄 𑀫𑀳𑀸𑀭𑀸𑀚𑀲𑁆𑀲 𑀫𑀳𑀸𑀲𑀫𑀼𑀤𑁆𑀤𑀢𑀮𑀁 𑀧𑀓𑁆𑀔𑀡𑁆𑀤𑀺 𑀫𑀳𑀸𑀲𑀫𑀼𑀤𑁆𑀤𑁂𑀧𑀺 𑀲𑀫𑀦𑁆𑀢𑀸 𑀬𑁄𑀚𑀦𑀁 𑀯𑀻𑀘𑀺 𑀯𑀽𑀧𑀲𑀦𑁆𑀢𑀸 𑀧𑀜𑁆𑀘𑀯𑀡𑁆𑀡𑀸𑀦𑀺 𑀧𑀤𑀼𑀫𑀸𑀦𑀺 𑀧𑀼𑀧𑁆𑀨𑀺𑀢𑀸𑀦𑀺 𑀅𑀦𑁆𑀢𑀮𑀺𑀓𑁆𑀔𑁂 𑀤𑀺𑀩𑁆𑀩𑀢𑀼𑀭𑀺𑀬𑀸𑀦𑀺 𑀯𑀚𑁆𑀚𑀺𑀁𑀲𑀼 𑀆𑀓𑀸𑀲𑁂 𑀚𑀮 𑀣𑀮 𑀲𑀦𑁆𑀦𑀺𑀲𑁆𑀲𑀺𑀢𑀸𑀳𑀺 𑀤𑁂𑀯𑀢𑀸𑀳𑀺 𑀧𑀯𑀢𑁆𑀢𑀺𑀢𑀸 𑀅𑀢𑀺𑀯𑀺𑀬 𑀉𑀴𑀸𑀭 𑀧𑀽𑀚𑀸 𑀅𑀳𑁄𑀲𑀺. 𑀏𑀯𑀁 𑀫𑀳𑀢𑀺𑀬𑀸 𑀧𑀽𑀚𑀸𑀬 𑀲𑀸 𑀦𑀸𑀯𑀸 𑀚𑀫𑁆𑀩𑀼𑀓𑁄𑀮𑀧𑀝𑁆𑀝𑀦𑀁 𑀧𑀸𑀯𑀺𑀲𑀺.

𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀫𑀳𑀸𑀭𑀸𑀚𑀸𑀧𑀺 𑀉𑀢𑁆𑀢𑀭𑀤𑁆𑀯𑀸𑀭𑀢𑁄 𑀧𑀝𑁆𑀞𑀸𑀬 𑀬𑀸𑀯 𑀚𑀫𑁆𑀩𑀼𑀓𑁄𑀮𑀧𑀝𑁆𑀝𑀦𑀸 𑀫𑀕𑁆𑀕𑀁 𑀲𑁄𑀥𑀸𑀧𑁂𑀢𑁆𑀯𑀸 𑀅𑀮𑀗𑁆𑀓𑀸𑀭𑀸𑀧𑁂𑀢𑁆𑀯𑀸 𑀦𑀕𑀭𑀢𑁄 𑀦𑀺𑀓𑁆𑀔𑀫𑀦 𑀤𑀺𑀯𑀲𑁂 𑀉𑀢𑁆𑀢𑀭𑀤𑁆𑀯𑀸𑀭 𑀲𑀫𑀻𑀧𑁂 𑀲𑀤𑁆𑀤𑀲𑀸𑀮𑀸𑀯𑀢𑁆𑀣𑀼𑀲𑁆𑀫𑀺𑀁 𑀞𑀺𑀢𑁄 𑀢𑀸𑀬 𑀯𑀺𑀪𑀽𑀢𑀺𑀬𑀸 𑀫𑀳𑀸𑀲𑀫𑀼𑀤𑁆𑀤𑁂 𑀆𑀕𑀘𑁆𑀙𑀦𑁆𑀢𑀁𑀬𑁂𑀯 𑀫𑀳𑀸𑀩𑁄𑀥𑀺𑀁 𑀣𑁂𑀭𑀲𑁆𑀲𑀸𑀦𑀼𑀪𑀸𑀯𑁂𑀦 𑀤𑀺𑀲𑁆𑀯𑀸 𑀢𑀼𑀝𑁆𑀞𑀫𑀸𑀦𑀲𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀲𑀩𑁆𑀩𑀁 𑀫𑀕𑁆𑀕𑀁 𑀧𑀜𑁆𑀘𑀯𑀡𑁆𑀡𑁂𑀳𑀺 𑀧𑀼𑀧𑁆𑀨𑁂𑀳𑀺 𑀑𑀓𑀺𑀭𑀦𑁆𑀢𑁄 𑀅𑀦𑁆𑀢𑀭𑀦𑁆𑀢𑀭𑀸 𑀧𑀼𑀧𑁆𑀨𑀅𑀕𑁆𑀖𑀺𑀬𑀸𑀦𑀺 𑀞𑀧𑁂𑀦𑁆𑀢𑁄 𑀏𑀓𑀸𑀳𑁂𑀦𑁂𑀯 𑀚𑀫𑁆𑀩𑀼𑀓𑁄𑀮𑀧𑀝𑁆𑀝𑀦𑀁 𑀕𑀦𑁆𑀢𑁆𑀯𑀸 𑀲𑀩𑁆𑀩𑀢𑀸𑀮𑀸𑀯𑀘𑀭 𑀧𑀭𑀺𑀯𑀼𑀢𑁄 𑀧𑀼𑀧𑁆𑀨 𑀥𑀽𑀧𑀕𑀡𑁆𑀥𑀸𑀤𑀻𑀳𑀺 𑀧𑀽𑀚𑀬𑀫𑀸𑀦𑁄 𑀕𑀮𑀧𑁆𑀧𑀫𑀁𑀦𑀁 𑀉𑀤𑀓𑀁 𑀑𑀭𑀼𑀬𑁆𑀳 𑀆𑀕𑀢𑁄 𑀯𑀢 𑀭𑁂𑀤𑀲𑀩𑀮𑀲𑁆𑀲 𑀲𑀭𑀲 𑀭𑀁𑀲𑀺𑀚𑀸𑀮𑀁 𑀯𑀺𑀲𑁆𑀲𑀚𑁆𑀚𑀦𑀓𑁄 𑀩𑁄𑀥𑀺𑀭𑀼𑀓𑁆𑀔𑁄𑀢𑀺 𑀧𑀲𑀦𑁆𑀦𑀘𑀺𑀢𑁆𑀢𑁄 𑀫𑀳𑀸𑀩𑁄𑀥𑀺𑀁 𑀉𑀓𑁆𑀔𑀺𑀧𑀺𑀢𑁆𑀯𑀸 𑀉𑀢𑁆𑀢𑀫𑀗𑁆𑀕𑁂 𑀲𑀺𑀭𑀲𑁆𑀫𑀺𑀁 𑀧𑀢𑀺𑀝𑁆𑀞𑀧𑁂𑀢𑁆𑀯𑀸 𑀫𑀳𑀸𑀩𑁄𑀥𑀺𑀁 𑀧𑀭𑀺𑀯𑀸𑀭𑁂𑀢𑁆𑀯𑀸 𑀆𑀕𑀢𑁂𑀳𑀺 𑀲𑁄𑀴𑀲𑀳𑀺 𑀚𑀸𑀢𑀺𑀲𑀫𑁆𑀧𑀦𑁆𑀦𑀓𑀼𑀮𑁂𑀳𑀺 𑀲𑀤𑁆𑀥𑀺𑀁 𑀲𑀫𑀼𑀤𑁆𑀤𑀢𑁄 𑀧𑀘𑁆𑀘𑀼𑀢𑁆𑀢𑀭𑀺𑀢𑁆𑀯𑀸 𑀲𑀫𑀼𑀤𑁆𑀤𑀢𑀻𑀭𑁂 𑀩𑁄𑀥𑀺𑀁 𑀞𑀧𑁂𑀢𑁆𑀯𑀸 𑀢𑀻𑀡𑀺 𑀤𑀺𑀯𑀲𑀸𑀦𑀺 𑀲𑀓𑀮 𑀢𑀫𑁆𑀩𑀧𑀡𑁆𑀡𑀺 𑀭𑀚𑁆𑀚𑁂𑀦 𑀧𑀽𑀚𑁂𑀲𑀺.

𑀅𑀣 𑀘𑀢𑀼𑀢𑁆𑀣𑁂 𑀤𑀺𑀯𑀲𑁂 𑀫𑀳𑀸𑀩𑁄𑀥𑀺𑀁 𑀆𑀤𑀸𑀬 𑀉𑀴𑀸𑀭𑀁 𑀧𑀽𑀚𑀁 𑀓𑀼𑀭𑀼𑀫𑀸𑀦𑁄 𑀅𑀦𑀼𑀧𑀼𑀩𑁆𑀩𑁂𑀦 𑀅𑀦𑀼𑀭𑀸𑀥𑀧𑀼𑀭𑀁 𑀲𑀫𑁆𑀧𑀢𑁆𑀢𑁂 𑀅𑀦𑀼𑀭𑀸𑀥𑀧𑀼𑀭𑁂𑀧𑀺 𑀫𑀳𑀸𑀲𑀓𑁆𑀓𑀸𑀭𑀁 𑀓𑀢𑁆𑀯𑀸 𑀘𑀸𑀢𑀼𑀤𑁆𑀤𑀲𑀻 𑀤𑀺𑀯𑀲𑁂 𑀯𑀟𑁆𑀠𑀫𑀸𑀦𑀓𑀘𑁆𑀙𑀸𑀬𑀸𑀬 𑀫𑀳𑀸𑀩𑁄𑀥𑀺𑀁 𑀉𑀢𑁆𑀢𑀭𑀤𑁆𑀯𑀸𑀭𑁂𑀦 𑀧𑀯𑁂𑀲𑁂𑀢𑁆𑀯𑀸 𑀦𑀕𑀭𑀫𑀚𑁆𑀛𑀦 𑀅𑀢𑀺𑀳𑀭𑀺𑀢𑁆𑀯𑀸 𑀤𑀓𑁆𑀔𑀺𑀡𑀤𑁆𑀯𑀸𑀭𑁂𑀦 𑀦𑀺𑀓𑁆𑀔𑀫𑀺𑀢𑁆𑀯𑀸 𑀤𑀓𑁆𑀔𑀺𑀡𑀤𑁆𑀯𑀸𑀭𑀢𑁄 𑀧𑀜𑁆𑀘𑀥𑀦𑀼 𑀲𑀢𑀺𑀓𑁂 𑀞𑀸𑀦𑁂 𑀬𑀢𑁆𑀣 𑀅𑀫𑁆𑀳𑀸𑀓𑀁 ¶ 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑁄 𑀦𑀺𑀭𑁄𑀥 𑀲𑀫𑀸𑀧𑀢𑁆𑀢𑀺𑀁 𑀲𑀫𑀸𑀧𑀚𑁆𑀚𑀺𑀢𑁆𑀯𑀸 𑀦𑀺𑀲𑀻𑀤𑀺. 𑀧𑀼𑀭𑀺𑀫𑀓𑀸 𑀘 𑀢𑀬𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸 𑀲𑀫𑀸𑀧𑀢𑁆𑀢𑀺𑀁 𑀅𑀧𑁆𑀧𑁂𑀢𑁆𑀯𑀸 𑀦𑀺𑀲𑀻𑀤𑀺𑀁𑀲𑀼. 𑀬𑀢𑁆𑀣 𑀘 𑀓𑀓𑀼𑀲𑀡𑁆𑀥𑀲𑁆𑀲 𑀪𑀕𑀯𑀢𑁄 𑀲𑀺𑀭𑀻𑀲𑀩𑁄𑀥𑀺, 𑀓𑁄𑀦𑀸𑀕𑀫𑀦𑀲𑁆𑀲 𑀪𑀕𑀯𑀢𑁄 𑀉𑀤𑀼𑀫𑁆𑀩𑀭𑀩𑁄𑀥𑀺, 𑀓𑀲𑁆𑀲𑀧𑀲𑁆𑀲 𑀪𑀕𑀯𑀢𑁄 𑀦𑀺𑀕𑁆𑀭𑁄𑀥𑀩𑁄𑀥𑀺, 𑀧𑀢𑀺𑀝𑁆𑀞𑀸𑀧𑁂𑀲𑀺 -𑀢𑀲𑁆𑀫𑀺𑀁 𑀫𑀳𑀸𑀫𑁂𑀖𑀯𑀦𑀼𑀬𑁆𑀬𑀸𑀦𑀲𑁆𑀲 𑀢𑀺𑀮𑀓𑀪𑀽𑀢𑁂 𑀓𑀢𑀪𑀽𑀫𑀺 𑀧𑀭𑀺𑀓𑀫𑁆𑀫𑁂 𑀭𑀸𑀚𑀯𑀢𑁆𑀣𑀼𑀤𑁆𑀯𑀸𑀭𑀓𑁄𑀝𑁆𑀞𑀓𑀝𑁆𑀞𑀸𑀦𑁂 𑀫𑀳𑀸𑀩𑁄𑀥𑀺𑀁 𑀧𑀢𑀺𑀝𑁆𑀞𑀸𑀧𑁂𑀲𑀺.

𑀏𑀯𑀁 𑀮𑀗𑁆𑀓𑀸𑀳𑀺𑀢𑀢𑁆𑀣𑀸𑀬-𑀲𑀸𑀲𑀦𑀲𑁆𑀲𑀘 𑀯𑀼𑀤𑁆𑀥𑀺𑀬𑀸,

𑀫𑀳𑀸𑀫𑁂𑀖𑀯𑀦𑁂 𑀭𑀫𑁆𑀫𑁂-𑀫𑀳𑀸𑀩𑁄𑀥𑀺 𑀧𑀢𑀺𑀝𑁆𑀞𑀺𑀢𑁄𑀢𑀺;

𑀩𑁄𑀥𑀺 𑀆𑀕𑀫𑀦𑀓𑀣𑀸

𑁧𑁪. 𑀅𑀦𑀼𑀮𑀸𑀤𑁂𑀯𑀻 𑀧𑀜𑁆𑀘𑀳𑀺 𑀓𑀜𑁆𑀜𑀸𑀲𑀢𑁂𑀳𑀺 𑀧𑀜𑁆𑀘𑀳𑀺 𑀅𑀦𑁆𑀢𑁂𑀧𑀼𑀭𑀺𑀲𑀸 𑀲𑀢𑁂𑀳𑀻𑀢𑀺 𑀫𑀸𑀢𑀼𑀕𑀸𑀫𑀲𑀳𑀲𑁆𑀲𑁂𑀦 𑀲𑀤𑁆𑀥𑀺𑀁 𑀲𑀗𑁆𑀖𑀫𑀺𑀢𑁆𑀢𑀢𑁆𑀣𑁂𑀭𑀺𑀬𑀸 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺𑀢𑁆𑀯𑀸 𑀦𑀘𑀺𑀭𑀲𑁆𑀲𑁂𑀯 𑀲𑀧𑀭𑀺𑀯𑀸𑀭𑀸 𑀅𑀭𑀳𑀢𑁆𑀢𑁂 𑀧𑀢𑀺𑀝𑁆𑀞𑀸𑀲𑀺. 𑀅𑀭𑀺𑀝𑁆𑀞𑁄𑀧𑀺 𑀔𑁄 𑀭𑀜𑁆𑀜𑁄 𑀪𑀸𑀕𑀺𑀦𑁂𑀬𑁆𑀬𑁄 𑀧𑀜𑁆𑀘𑀳𑀺 𑀧𑀼𑀭𑀺𑀲 𑀲𑀢𑁂𑀳𑀺 𑀲𑀤𑁆𑀥𑀺𑀁 𑀣𑁂𑀭𑀲𑁆𑀲 𑀲𑀦𑁆𑀢𑀺𑀓𑁂 𑀧𑀩𑁆𑀩𑀚𑀺𑀢𑁆𑀯𑀸 𑀲𑀧𑀭𑀺𑀯𑀸𑀭𑁄 𑀦𑀘𑀺𑀭𑀲𑁆𑀲𑁂𑀯 𑀅𑀭𑀳𑀢𑁆𑀢𑁂 𑀧𑀢𑀺𑀝𑁆𑀞𑀸𑀲𑀺. 𑀅𑀣𑁂𑀓𑀤𑀺𑀯𑀲𑀁 𑀭𑀸𑀚𑀸 𑀩𑁄𑀥𑀺𑀁 𑀯𑀦𑁆𑀤𑀺𑀢𑁆𑀯𑀸 𑀣𑁂𑀭𑁂𑀦 𑀲𑀤𑁆𑀥𑀺𑀁 𑀣𑀽𑀧𑀸𑀭𑀸𑀫𑀁 𑀕𑀘𑁆𑀙𑀢𑀺. 𑀢𑀲𑁆𑀲 𑀮𑁄𑀳𑀧𑀸𑀲𑀸𑀤𑀝𑁆𑀞𑀸𑀦𑀁 𑀲𑀫𑁆𑀧𑀢𑁆𑀢𑀲𑁆𑀲 𑀧𑀼𑀭𑀺𑀲𑀸 𑀧𑀼𑀧𑁆𑀨𑀸𑀦𑀺 𑀆𑀳𑀭𑀺𑀁𑀲𑀼 𑀭𑀸𑀚𑀸 𑀣𑁂𑀭𑀲𑁆𑀲 𑀧𑀼𑀧𑁆𑀨𑀸𑀦𑀺 𑀅𑀤𑀸𑀲𑀺. 𑀣𑁂𑀭𑁄 𑀧𑀼𑀧𑁆𑀨𑁂𑀳𑀺 𑀮𑁄𑀳𑀧𑀸𑀲𑀸𑀤𑀝𑁆𑀞𑀸𑀦𑀁 𑀧𑀽𑀚𑁂𑀲𑀺 𑀧𑀼𑀧𑁆𑀨𑁂𑀲𑀼 𑀪𑀽𑀫𑀺𑀬𑀸 𑀧𑀢𑀺𑀢 𑀫𑀢𑁆𑀢𑁂𑀲𑀼 𑀫𑀳𑀸𑀪𑀽𑀫𑀺𑀘𑀸𑀮𑁄 𑀅𑀳𑁄𑀲𑀺?

𑀭𑀸𑀚𑀸 𑀓𑀲𑁆𑀫𑀸 𑀪𑀦𑁆𑀢𑁂 𑀪𑀽𑀫𑀺 𑀘𑀮𑀺𑀢𑀸𑀦𑀺 𑀧𑀼𑀘𑁆𑀙𑀺. 𑀇𑀫𑀲𑁆𑀫𑀺𑀁 𑀫𑀳𑀸𑀭𑀸𑀚 𑀑𑀓𑀸𑀲𑁂 𑀅𑀦𑀸𑀕𑀢𑁂 𑀲𑀗𑁆𑀖𑀲𑁆𑀲 𑀉𑀧𑁄𑀲𑀣𑀸𑀕𑀸𑀭𑀁 𑀪𑀯𑀺𑀲𑁆𑀲𑀢𑀺. 𑀢𑀲𑁆𑀲𑁂𑀢𑀁 𑀧𑀼𑀩𑁆𑀩𑀦𑀺𑀫𑀺𑀢𑁆𑀢𑀦𑁆𑀢𑀺 𑀆𑀳. 𑀧𑀼𑀦 𑀢𑀲𑁆𑀲 𑀫𑀳𑀸𑀘𑁂𑀢𑀺𑀬𑀝𑁆𑀞𑀸𑀦𑀁 𑀲𑀫𑁆𑀧𑀢𑁆𑀢𑀲𑁆𑀲 𑀘𑀫𑁆𑀧𑀓 𑀧𑀼𑀧𑁆𑀨𑀸𑀦𑀺 𑀅𑀪𑀺𑀳𑀭𑀺𑀁𑀲𑀼. 𑀢𑀸𑀦𑀺𑀧𑀺 𑀭𑀸𑀚𑀸 𑀣𑁂𑀭𑀲𑁆𑀲 𑀅𑀤𑀸𑀲𑀺. 𑀣𑁂𑀭𑁄 𑀫𑀳𑀸𑀘𑁂𑀢𑀺𑀬𑀝𑁆𑀞𑀸𑀦𑀁 𑀧𑀼𑀧𑁆𑀨𑁂𑀳𑀺 𑀧𑀽𑀚𑁂𑀢𑁆𑀯𑀸 𑀯𑀦𑁆𑀤𑀺 𑀢𑀸𑀯𑀤𑁂𑀯 𑀫𑀳𑀸𑀧𑀣𑀯𑀻 𑀲𑀁𑀓𑀫𑁆𑀧𑀺. 𑀭𑀸𑀚𑀸 𑀪𑀦𑁆𑀢𑁂 𑀓𑀲𑁆𑀫𑀸 𑀧𑀣𑀯𑀻 𑀓𑀫𑁆𑀧𑀺𑀢𑁆𑀣𑀸𑀢𑀺 𑀧𑀼𑀘𑁆𑀙𑀺. 𑀫𑀳𑀸𑀭𑀸𑀚 𑀇𑀫𑀲𑁆𑀫𑀺𑀁 𑀞𑀸𑀦𑁂 𑀅𑀦𑀸𑀕𑀢𑁂 𑀩𑀼𑀤𑁆𑀥𑀲𑁆𑀲 𑀪𑀕𑀯𑀢𑁄 𑀅𑀲𑀤𑀺𑀲𑁄 𑀫𑀳𑀸𑀣𑀽𑀧𑁄 𑀪𑀯𑀺𑀲𑁆𑀲𑀢𑀺. 𑀢𑀲𑁆𑀲𑁂𑀢𑀁 𑀧𑀼𑀩𑁆𑀩𑀦𑀺𑀫𑀺𑀢𑁆𑀢𑀦𑁆𑀢𑀺 𑀆𑀳. 𑀅𑀳𑀫𑁂𑀯 𑀓𑀭𑁄𑀫𑀺 𑀪𑀦𑁆𑀢𑁂𑀢𑀺. 𑀅𑀮𑀁 𑀫𑀳𑀸𑀭𑀸𑀚 𑀢𑀼𑀫𑁆𑀳𑀸𑀓𑀁 𑀅𑀜𑁆𑀜𑀁 𑀩𑀳𑀼𑀁 𑀓𑀫𑁆𑀫𑀁 𑀅𑀢𑁆𑀣𑀺. 𑀢𑀼𑀫𑁆𑀳𑀸𑀓𑀁 𑀧𑀦 𑀦𑀦𑁆𑀢𑀸 𑀤𑀼𑀝𑁆𑀞𑀕𑀸𑀫𑀡𑀻 𑀅𑀪𑀬𑁄 𑀦𑀸𑀫 𑀓𑀸𑀭𑁂𑀲𑁆𑀲𑀢𑀻𑀢𑀺.

𑀅𑀣 𑀭𑀸𑀚𑀸 𑀲𑀘𑁂 𑀪𑀦𑁆𑀢𑁂 𑀫𑀬𑁆𑀳𑀁 𑀦𑀦𑁆𑀢𑀸 𑀓𑀭𑀺𑀲𑁆𑀲𑀢𑀺. 𑀓𑀢𑀁𑀬𑁂𑀯 𑀫𑀬𑀸𑀢𑀺 𑀤𑁆𑀯𑀸𑀤𑀲𑀳𑀢𑁆𑀣𑀁 𑀧𑀸𑀲𑀸𑀡𑀢𑁆𑀣𑀫𑁆𑀳𑀁 𑀆𑀳𑀭𑀸𑀧𑁂𑀢𑁆𑀯𑀸 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁄 𑀦𑀢𑁆𑀢𑀸 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬𑁄 𑀦𑀸𑀫 𑀇𑀫𑀲𑁆𑀫𑀺𑀁 𑀧𑀤𑁂𑀲𑁂 𑀣𑀽𑀧𑀁 𑀓𑀭𑁄𑀢𑀻𑀢𑀺 𑀅𑀓𑁆𑀔𑀭𑀸𑀦𑀺 𑀮𑀺𑀔𑀸𑀧𑁂𑀢𑁆𑀯𑀸 𑀧𑀢𑀺𑀝𑁆𑀞𑀸𑀧𑁂𑀲𑀻𑀢𑀺 𑀅𑀣 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲𑀭𑀸𑀚𑀸 𑀘𑁂𑀢𑀺𑀬𑀧𑀧𑁆𑀧𑀢𑁂 𑀦𑀺𑀳𑀺𑀢𑀸 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥 𑀪𑀼𑀢𑁆𑀢 𑀧𑀢𑁆𑀢 𑀧𑀽𑀭𑁂𑀢𑁆𑀯𑀸 𑀆𑀳𑀝𑀸 𑀥𑀸𑀢𑀼𑀬𑁄𑀳𑀢𑁆𑀣𑀺𑀓𑁆𑀔𑀡𑁆𑀥𑁂𑀦 𑀆𑀳𑀭𑀸𑀧𑁂𑀢𑁆𑀯𑀸 𑀲𑀓𑀮𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 ¶ 𑀬𑁄𑀚𑀦𑁂 𑀬𑁄𑀚𑀦𑁂 𑀣𑀽𑀧𑀁 𑀓𑀸𑀭𑁂𑀢𑁆𑀯𑀸 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀲𑀺 𑀪𑀕𑀯𑀢𑁄 𑀧𑀢𑁆𑀢𑀁 𑀧𑀦 𑀭𑀸𑀚 𑀕𑁂𑀳𑁂𑀬𑀯 𑀞𑀧𑁂𑀢𑁆𑀯𑀸 𑀧𑀽𑀚𑀫𑀓𑀸𑀲𑀻𑀢𑀺.

𑀦𑀺𑀥𑀸𑀧𑁂𑀢𑁆𑀯𑀸𑀦 𑀲𑀫𑁆𑀩𑀼𑀤𑁆𑀥-𑀥𑀸𑀢𑀼𑀬𑁄 𑀧𑀢𑁆𑀢𑀫𑀢𑁆𑀢𑀓𑀸,

𑀓𑀸𑀭𑀸𑀧𑁂𑀲𑀺 𑀫𑀳𑀸𑀭𑀸𑀚-𑀣𑀽𑀧𑁂 𑀬𑁄𑀚𑀦 𑀬𑁄𑀚𑀦𑁂𑀢𑀺;

𑀬𑁄𑀚𑀦𑀣𑀽𑀧 𑀓𑀣𑀸

𑀅𑀣 𑀭𑀸𑀚𑀸 𑀅𑀜𑁆𑀜𑀸𑀦𑀺 𑀘 𑀩𑀳𑀽𑀦𑀺 𑀧𑀼𑀜𑁆𑀜𑀓𑀫𑁆𑀫𑀸𑀦𑀺 𑀓𑀢𑁆𑀯𑀸 𑀘𑀢𑁆𑀢𑀸𑀮𑀻𑀲 𑀯𑀲𑁆𑀲𑀸𑀦𑀺 𑀭𑀚𑁆𑀚𑀁 𑀓𑀸𑀭𑁂𑀲𑀺. 𑀢𑀲𑁆𑀲 𑀅𑀘𑁆𑀘𑀬𑁂𑀦 𑀢𑀁 𑀓𑀦𑀺𑀝𑁆𑀞𑁄 𑀉𑀢𑁆𑀢𑀺𑀬 𑀭𑀸𑀚𑀸 𑀤𑀲𑀯𑀲𑁆𑀲𑀸𑀦𑀺 𑀭𑀚𑁆𑀚𑀁 𑀓𑀸𑀭𑁂𑀲𑀺. 𑀢𑀲𑁆𑀲 𑀅𑀘𑁆𑀘𑀬𑁂𑀦 𑀢𑀁 𑀓𑀦𑀺𑀝𑁆𑀞𑁄 𑀫𑀳𑀸𑀲𑀻𑀯𑁄 𑀤𑀲𑀯𑀲𑁆𑀲𑀸𑀦𑁂𑀯 𑀭𑀚𑁆𑀚𑀁 𑀓𑀸𑀭𑁂𑀲𑀺 𑀢𑀲𑁆𑀲 𑀅𑀘𑁆𑀘𑀬𑁂𑀦 𑀢𑀲𑁆𑀲𑀸𑀧𑀺 𑀓𑀦𑀺𑀝𑁆𑀞𑁄 𑀲𑀽𑀭𑀢𑀺𑀲𑁆𑀲𑁄 𑀤𑀲𑀯𑀲𑁆𑀲𑀸𑀦𑁂𑀯 𑀭𑀚𑁆𑀚𑀁 𑀓𑀸𑀭𑁂𑀲𑀺 𑀢𑀢𑁄 𑀅𑀲𑁆𑀲𑀦𑀸𑀯𑀺𑀓 𑀧𑀼𑀢𑁆𑀢𑀸 𑀤𑁆𑀯𑁂 𑀤𑀫𑀺𑀴𑀸 𑀲𑀽𑀭𑀢𑀺𑀲𑁆𑀲𑀁 𑀕𑀳𑁂𑀢𑁆𑀯𑀸 𑀤𑁆𑀯𑁂𑀯𑀻𑀲 𑀯𑀲𑁆𑀲𑀸𑀦𑀺 𑀥𑀫𑁆𑀫𑁂𑀦 𑀭𑀚𑁆𑀚𑀁 𑀓𑀸𑀭𑁂𑀲𑀼𑀁. 𑀢𑁂 𑀕𑀳𑁂𑀢𑁆𑀯𑀸 𑀫𑀼𑀝𑀲𑀻𑀯𑀲𑁆𑀲 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀅𑀲𑁂𑀮𑁄 𑀦𑀸𑀫 𑀤𑀲𑀯𑀲𑁆𑀲𑀸𑀦𑀺 𑀭𑀚𑁆𑀚𑀁 𑀓𑀸𑀭𑁂𑀲𑀺 𑀅𑀣 𑀘𑁄𑀴𑀭𑀝𑁆𑀞𑀢𑁄 𑀅𑀕𑀦𑁆𑀢𑁆𑀯𑀸 𑀏𑀴𑀸𑀭𑁄 𑀦𑀸𑀫 𑀤𑀫𑀺𑀮𑁄 𑀅𑀲𑁂𑀮 𑀪𑀽𑀧𑀢𑀺𑀁 𑀕𑀳𑁂𑀢𑁆𑀯𑀸 𑀘𑀢𑀼𑀘𑀢𑁆𑀢𑀸𑀮𑀻𑀲 𑀯𑀲𑁆𑀲𑀸𑀦𑀺 𑀭𑀚𑁆𑀚𑀁 𑀓𑀸𑀭𑁂𑀲𑀺 𑀏𑀴𑀸𑀭𑀁 𑀕𑀳𑁂𑀢𑁆𑀯𑀸 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬𑁄 𑀭𑀸𑀚𑀸 𑀅𑀳𑁄𑀲𑀺.

𑀢𑀤𑀢𑁆𑀣𑀤𑀻𑀧𑀦𑀢𑁆𑀣𑀁 𑀅𑀬𑀫𑀦𑀼𑀧𑀼𑀩𑁆𑀩𑀓𑀣𑀸

𑁧𑁫. 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁄 𑀓𑀺𑀭 𑀤𑀼𑀢𑀺𑀬𑀪𑀸𑀢𑀺𑀓𑁄 𑀉𑀧𑀭𑀸𑀚𑀸 𑀫𑀳𑀸𑀦𑀸𑀕𑁄 𑀦𑀸𑀫 𑀅𑀳𑁄𑀲𑀺. 𑀅𑀣 𑀭𑀜𑁆𑀜𑁄 𑀤𑁂𑀯𑀻 𑀅𑀢𑁆𑀢𑀦𑁄 𑀧𑀼𑀢𑁆𑀢𑀲𑁆𑀲 𑀭𑀚𑁆𑀚𑀁 𑀇𑀘𑁆𑀙𑀦𑁆𑀢𑀺 𑀢𑀭𑀘𑁆𑀙𑀦𑀸𑀯𑀸 𑀯𑀸𑀧𑀺𑀁 𑀓𑀭𑁄𑀦𑁆𑀢𑀲𑁆𑀲 𑀉𑀧𑀭𑀸𑀚𑀲𑁆𑀲𑀯𑀺𑀲𑁂𑀦 𑀅𑀫𑁆𑀩𑀁 𑀬𑁄𑀚𑁂𑀢𑁆𑀯𑀸 𑀅𑀫𑁆𑀩𑀫𑀢𑁆𑀣𑀓𑁂 𑀞𑀧𑁂𑀢𑁆𑀯𑀸 𑀧𑁂𑀲𑁂𑀲𑀺 𑀤𑁂𑀯𑀺𑀬𑀺 𑀧𑀼𑀢𑁆𑀢𑁂, 𑀉𑀧𑀭𑀸𑀚𑁂𑀦 𑀲𑀤𑁆𑀥𑀺𑀁 𑀕𑀢𑁄 𑀪𑀸𑀚𑀦𑁂 𑀯𑀺𑀯𑀝𑁂 𑀲𑀬𑀫𑁂𑀯 𑀅𑀫𑀩𑀁 𑀕𑀳𑁂𑀢𑁆𑀯𑀸 𑀔𑀸𑀤𑀺𑀢𑁆𑀯𑀸 𑀓𑀸𑀮𑀫𑀓𑀸𑀲𑀺 𑀉𑀧𑀭𑀸𑀚𑀸 𑀢𑀁 𑀓𑀸𑀭𑀡𑀁 𑀜𑀢𑁆𑀯𑀸 𑀤𑁂𑀯𑀺𑀬𑀸 𑀪𑀻𑀢𑁄 𑀢𑀢𑁄𑀬𑁂𑀯 𑀅𑀢𑁆𑀢𑀦𑁄 𑀤𑁂𑀯𑀺𑀜𑁆𑀘 𑀩𑀮𑀯𑀸𑀳𑀦𑀜𑁆𑀘 𑀕𑀳𑁂𑀢𑁆𑀯𑀸 𑀭𑁄𑀳𑀡𑀁 𑀅𑀕𑀫𑀸𑀲𑀺. 𑀢𑀲𑁆𑀲 𑀅𑀕𑁆𑀕𑀫𑀳𑁂𑀲𑀺 𑀅𑀦𑁆𑀢𑀭𑀸𑀫𑀕𑁆𑀕𑁂 𑀬𑀝𑁆𑀝𑀸𑀮𑀯𑀺𑀳𑀸𑀭𑁂 𑀦𑀸𑀫 𑀧𑀼𑀢𑁆𑀢𑀁 𑀯𑀺𑀚𑀸𑀬𑀺 𑀢𑀲𑁆𑀲 𑀢𑀺𑀲𑁆𑀲𑁄𑀢𑀺 𑀪𑀸𑀢𑀼𑀦𑀸𑀫’𑀫𑀓𑀁𑀲𑀺.

𑀲𑁄 𑀢𑀢𑁄 𑀕𑀦𑁆𑀢𑁆𑀯𑀸 𑀫𑀳𑀸𑀕𑀸𑀫𑁂 𑀯𑀲𑀦𑁆𑀢𑁄 𑀭𑁄𑀳𑀡𑁂 𑀭𑀚𑁆𑀚𑀁 𑀓𑀸𑀭𑁂𑀲𑀺 𑀢𑀲𑁆𑀲 𑀅𑀘𑁆𑀘𑀬𑁂𑀦 𑀢𑀲𑁆𑀲 𑀧𑀼𑀢𑁆𑀢𑁄 𑀬𑀝𑁆𑀝𑀸𑀮𑀢𑀺𑀲𑁆𑀲𑁄 𑀫𑀳𑀸𑀕𑀸𑀫𑁂𑀬𑁂𑀯 𑀭𑀚𑁆𑀚𑀁 𑀓𑀸𑀭𑁂𑀲𑀺. 𑀢𑀲𑁆𑀲 𑀅𑀘𑁆𑀘𑀬𑁂𑀦 𑀢𑀲𑁆𑀲𑀸𑀧𑀺 𑀧𑀼𑀢𑁆𑀢𑁄 𑀕𑁄𑀞𑀸𑀪𑀬𑁄 𑀦𑀸𑀫 𑀢𑀢𑁆𑀣𑁂𑀯 𑀭𑀚𑁆𑀚𑀁 𑀓𑀸𑀭𑁂𑀲𑀺. 𑀕𑁄𑀞𑀸𑀪𑀬𑀲𑁆𑀲 𑀧𑀼𑀢𑁆𑀢𑁄 𑀓𑀸𑀓𑀯𑀡𑁆𑀡𑀢𑀺𑀲𑁆𑀲𑁄 𑀦𑀸𑀫 𑀢𑀢𑁆𑀣𑁂𑀯 𑀭𑀚𑁆𑀚𑀁 𑀓𑀸𑀭𑁂𑀲𑀺. 𑀓𑀸𑀓𑀯𑀡𑁆𑀡𑀢𑀺𑀲𑁆𑀲 𑀭𑀜𑁆𑀜𑁄 𑀓𑀺𑀭 𑀓𑀮𑁆𑀬𑀸𑀡𑀺𑀢𑀺𑀲𑁆𑀲 𑀭𑀜𑁆𑀜𑁄 𑀥𑀻𑀢𑀸 𑀯𑀺𑀳𑀸𑀭𑀫𑀳𑀸𑀤𑁂𑀯𑀻 𑀦𑀸𑀫 𑀅𑀕𑁆𑀕𑀫𑀳𑁂𑀲𑀺 𑀅𑀳𑁄𑀲𑀺 𑀲𑀸 𑀭𑀜𑁆𑀜𑁄 𑀧𑀺𑀬𑀸 𑀅𑀳𑁄𑀲𑀺 𑀫𑀦𑀸𑀧𑀸. 𑀭𑀸𑀚𑀸 𑀢𑀸𑀬 𑀲𑀤𑁆𑀥𑀺𑀁 𑀲𑀫𑀕𑁆𑀕𑀯𑀸𑀲𑀁 𑀯𑀲𑀦𑁆𑀢𑁄 𑀧𑀼𑀜𑁆𑀜𑀸𑀦𑀺 𑀓𑀭𑁄𑀦𑁆𑀢𑁄 𑀯𑀺𑀳𑀸𑀲𑀺. 𑀅𑀣𑁂𑀓𑀤𑀺𑀯𑀲𑀁 𑀤𑁂𑀯𑀻 𑀭𑀸𑀚𑀕𑁂𑀳𑁂𑀬𑁂𑀯 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀲𑀸𑀬𑀡𑁆𑀳𑀲𑀫𑀬𑁂 ¶ 𑀕𑀡𑁆𑀥𑀫𑀸𑀮𑀸𑀤𑀻𑀦𑀺 𑀕𑀸𑀳𑀸𑀧𑁂𑀢𑁆𑀯𑀸 𑀥𑀫𑁆𑀫𑀁 𑀲𑁄𑀢𑀼𑀁 𑀯𑀺𑀳𑀸𑀭𑀁𑀕𑀢𑀸, 𑀢𑀢𑁆𑀣 𑀦𑀺𑀧𑀦𑁆𑀦𑀁 𑀩𑀸𑀴𑁆𑀳𑀕𑀺𑀮𑀸𑀦𑀁 𑀆𑀲𑀦𑁆𑀦𑀫𑀭𑀡𑀁 𑀲𑀻𑀮𑀯𑀦𑁆𑀢𑀁 𑀲𑀸𑀫𑀡𑁂𑀭𑀁 𑀤𑀺𑀲𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀅𑀢𑁆𑀢𑀦𑁄 𑀲𑀫𑁆𑀧𑀢𑁆𑀢𑀺𑀁 𑀯𑀡𑁆𑀡𑁂𑀢𑁆𑀯𑀸 𑀫𑀫 𑀧𑀼𑀢𑁆𑀢𑀪𑀸𑀯𑀁 𑀧𑀢𑁆𑀣𑁂𑀣 𑀪𑀦𑁆𑀢𑁂𑀢𑀺 𑀬𑀸𑀘𑀺.

𑀲𑁄 𑀦 𑀇𑀘𑁆𑀙𑀺, 𑀬𑀸𑀧𑀺 𑀧𑀼𑀦𑀧𑁆𑀧𑀼𑀦 𑀬𑀸𑀘𑀺𑀬𑁂𑀯. 𑀲𑀸𑀫𑀡𑁂𑀭𑁄𑀧𑀺 𑀏𑀯𑀁 𑀲𑀦𑁆𑀢𑁂 𑀲𑀸𑀲𑀦𑀸𑀦𑀼𑀕𑁆𑀕𑀳𑀁 𑀓𑀸𑀢𑀼𑀁 𑀲𑀓𑁆𑀓𑀸𑀢𑀺𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀕𑀢𑀺𑀦𑀺𑀫𑀺𑀢𑁆𑀢𑀯𑀲𑁂𑀦 𑀉𑀧𑀝𑁆𑀞𑀺𑀢𑀫𑁆𑀧𑀺 𑀤𑁂𑀯𑀮𑁄𑀓𑀁 𑀙𑀟𑁆𑀟𑁂𑀢𑁆𑀯𑀸 𑀦𑀺𑀓𑀦𑁆𑀢𑀺𑀯𑀲𑁂𑀦 𑀲𑀼𑀯𑀡𑁆𑀡 𑀲𑀺𑀯𑀺𑀓𑀸𑀬 𑀕𑀘𑁆𑀙𑀦𑁆𑀢𑀺𑀬𑀸 𑀤𑁂𑀯𑀺𑀬𑀸 𑀓𑀼𑀘𑁆𑀙𑀺𑀫𑁆𑀳𑀺 𑀧𑀝𑀺𑀲𑀡𑁆𑀥𑀺𑀁 𑀕𑀡𑁆𑀳𑀺.

𑀲𑀸 𑀤𑀲𑀫𑀸𑀲𑀘𑁆𑀘𑀬𑁂𑀦 𑀧𑀼𑀢𑁆𑀢𑀁 𑀯𑀺𑀚𑀸𑀬𑀺. 𑀢𑀲𑁆𑀲 𑀕𑀸𑀫𑀡𑀺 𑀅𑀪𑀬𑁄𑀢𑀺 𑀦𑀸𑀫𑀁 𑀓𑀭𑀺𑀁𑀲𑀼. 𑀅𑀧𑀭𑀪𑀸𑀕𑁂 𑀅𑀧𑀭𑀫𑁆𑀧𑀺 𑀢𑀲𑁆𑀲 𑀢𑀺𑀲𑁆𑀲𑁄𑀢𑀺 𑀦𑀸𑀫𑀁 𑀓𑀭𑀺𑀁𑀲𑀼. 𑀕𑀸𑀫𑀡𑀺 𑀓𑀼𑀫𑀸𑀭𑁄 𑀓𑀫𑁂𑀦 𑀯𑀟𑁆𑀠𑁂𑀦𑁆𑀢𑁄 𑀲𑁄𑀴𑀲 𑀯𑀲𑁆𑀲𑀺𑀓𑁄 𑀳𑀼𑀢𑁆𑀯𑀸 𑀳𑀢𑁆𑀣𑀲𑁆𑀲 𑀣𑀭𑀸 𑀲𑀺𑀧𑁆𑀧𑁂𑀲𑀼 𑀓𑁄𑀯𑀺𑀤𑁄 𑀢𑁂𑀚𑁄𑀩𑀮 𑀧𑀭𑀓𑁆𑀓𑀫 𑀲𑀫𑁆𑀧𑀦𑁆𑀦𑁄 𑀅𑀳𑁄𑀲𑀺. 𑀅𑀣 𑀔𑁄 𑀓𑀸𑀓𑀯𑀡𑁆𑀡𑀢𑀺𑀲𑁆𑀲 𑀭𑀸𑀚𑀸 𑀦𑀡𑁆𑀥𑀺𑀫𑀺𑀢𑁆𑀢𑁄-𑀲𑀼𑀭𑀦𑀺𑀫𑁆𑀫𑀮𑁄-𑀫𑀳𑀸𑀲𑁂𑀦𑁄-𑀕𑁄𑀞𑀬𑀺𑀫𑁆𑀩𑀭𑁄-𑀣𑁂𑀭𑀧𑀼𑀢𑁆𑀢𑀸𑀪- 𑀬𑁄-𑀪𑀭𑀡𑁄-𑀯𑁂𑀴𑀼𑀲𑀼𑀫𑀦𑁄-𑀔𑀜𑁆𑀘𑀤𑁂𑀯𑁄-𑀨𑀼𑀲𑁆𑀲𑀤𑁂𑀯𑁄-𑀮𑀪𑀺𑀬𑁆𑀬𑀯𑀲𑀪𑁄𑀢𑀺 𑀇𑀫𑁂 𑀤𑀲𑀸𑀫𑀳𑀸𑀬𑁄𑀥𑁂 𑀧𑀼𑀢𑁆𑀢𑀲𑁆𑀲 𑀲𑀦𑁆𑀢𑀺𑀓𑁂 𑀞𑀧𑁂𑀢𑁆𑀯𑀸 𑀯𑀸𑀲𑁂𑀲𑀺.

𑀢𑁂𑀲𑀁 𑀉𑀧𑁆𑀧𑀢𑁆𑀢𑀺𑀓𑀣𑀸 𑀫𑀳𑀸𑀯𑀁𑀲𑀢𑁄 𑀕𑀳𑁂𑀢𑀩𑁆𑀩𑀸 𑀭𑀸𑀚𑀸 𑀤𑀲𑀫𑀳𑀸𑀬𑁄𑀥𑀸𑀦𑀁 𑀧𑀼𑀢𑁆𑀢𑀲𑁆𑀲 𑀲𑀓𑁆𑀓𑀸𑀭𑀲𑀫𑀁𑀲𑀓𑁆𑀓𑀸𑀭𑀁 𑀓𑀸𑀭𑁂𑀲𑀺 𑀢𑀺𑀲𑁆𑀲𑀓𑀼𑀫𑀸𑀭𑀁 𑀚𑀦𑀧𑀤 𑀭𑀓𑁆𑀔𑀦𑀢𑁆𑀣𑀸𑀬 𑀤𑀻𑀖𑀯𑀸𑀧𑀺𑀬𑀁 𑀞𑀧𑁂𑀲𑀺 𑀅𑀣𑁂𑀓𑀤𑀺𑀯𑀲𑀁 𑀕𑀸𑀫𑀺𑀡𑀻 𑀓𑀼𑀫𑀸𑀭𑁄 𑀅𑀢𑁆𑀢𑀦𑁄 𑀩𑀮𑀯𑀸𑀳𑀦 𑀲𑀫𑁆𑀧𑀢𑁆𑀢𑀺𑀁 𑀤𑀺𑀲𑁆𑀯𑀸 𑀤𑀫𑀺𑀴𑁂𑀳𑀺 𑀲𑀤𑁆𑀥𑀺𑀁 𑀬𑀼𑀚𑁆𑀛𑀲𑁆𑀲𑀸𑀫𑀻𑀢𑀺 𑀭𑀜𑁆𑀜𑁄 𑀓𑀣𑀸𑀧𑁂𑀲𑀺. 𑀭𑀸𑀚𑀸 𑀧𑀼𑀢𑁆𑀢𑀁 𑀅𑀦𑀼𑀭𑀓𑁆𑀔𑀦𑁆𑀢𑁄 𑀅𑀮𑀁 𑀑𑀭𑀕𑀗𑁆𑀕𑀦𑁆𑀢𑀺 𑀦𑀺𑀯𑀸𑀭𑁂𑀲𑀺. 𑀲𑁄 𑀬𑀸𑀯 𑀢𑀢𑀺𑀬𑀁 𑀓𑀣𑀸𑀧𑁂𑀲𑀺 𑀭𑀸𑀚𑀸 𑀓𑀼𑀚𑁆𑀛𑀺𑀢𑁆𑀯𑀸 𑀳𑁂𑀫𑀲𑀗𑁆𑀔𑀮𑀺𑀓𑀁 𑀓𑀭𑁄𑀣 𑀩𑀡𑁆𑀥𑀺𑀢𑁆𑀯𑀸 𑀭𑀓𑁆𑀔𑀺𑀲𑁆𑀲𑀸𑀫𑀻𑀢𑀺. 𑀅𑀪𑀬𑁄 𑀧𑀺𑀢𑀼 𑀭𑀜𑁆𑀜𑁄 𑀓𑀼𑀚𑁆𑀛𑀺𑀢𑁆𑀯𑀸 𑀧𑀮𑀸𑀬𑀺𑀢𑁆𑀯𑀸 𑀫𑀮𑀬𑀁 𑀅𑀕𑀫𑀸𑀲𑀺 𑀢𑀢𑁄 𑀧𑀝𑁆𑀞𑀸𑀬 𑀧𑀺𑀢𑀭𑀺 𑀤𑀼𑀝𑁆𑀞𑀢𑁆𑀢𑀸 𑀤𑀼𑀝𑁆𑀞𑀕𑀸𑀫𑀡𑀻𑀢𑀺 𑀧𑀜𑁆𑀜𑀸𑀢𑁄 𑀭𑀸𑀚𑀸 𑀧𑀼𑀢𑁆𑀢𑀸𑀦𑀁 𑀓𑀮𑀳𑀝𑁆𑀞𑀸𑀦𑀁 𑀆𑀕𑀫𑀦𑀢𑁆𑀣𑀸𑀬 𑀬𑁄𑀥𑁂𑀳𑀺 𑀲𑀧𑀣𑀁 𑀓𑀸𑀭𑁂𑀲𑀺.

𑀅𑀣 𑀓𑀸𑀓𑀯𑀡𑁆𑀡𑀢𑀺𑀲𑁆𑀲 𑀭𑀸𑀚𑀸 𑀘𑀢𑀼𑀲𑀝𑁆𑀞𑀺𑀯𑀺𑀳𑀸𑀭𑁂 𑀓𑀸𑀭𑁂𑀢𑁆𑀯𑀸 𑀘𑀢𑀼𑀲𑀝𑁆𑀞𑀺 𑀲𑀁𑀯𑀘𑁆𑀙𑀭𑀸𑀦𑁂𑀯 𑀞𑀢𑁆𑀯𑀸 𑀓𑀸𑀮𑀫𑀓𑀸𑀲𑀺 𑀢𑀺𑀲𑁆𑀲𑀓𑀼𑀫𑀸𑀭𑁄 𑀧𑀺𑀢𑀼𑀓𑀸𑀮𑀓𑀢𑀪𑀸𑀯𑀁 𑀲𑀼𑀢𑁆𑀯𑀸 𑀤𑀻𑀖𑀯𑀸𑀧𑀺𑀢𑁄 𑀆𑀕𑀦𑁆𑀢𑁆𑀯𑀸 𑀧𑀺𑀢𑀼 𑀲𑀭𑀻𑀭𑀓𑀺𑀘𑁆𑀘𑀁 𑀓𑀸𑀭𑁂𑀢𑁆𑀯𑀸 𑀫𑀸𑀢𑀭𑀁 - 𑀓𑀡𑁆𑀟𑀼𑀮 𑀳𑀢𑁆𑀣𑀺𑀜𑁆𑀘 𑀕𑀳𑁂𑀢𑁆𑀯𑀸 𑀪𑀸𑀢𑀼 𑀪𑀬𑀸 𑀤𑀻𑀖𑀯𑀸𑀧𑀺𑀁 𑀅𑀕𑀫𑀸𑀲𑀺. 𑀅𑀫𑀘𑁆𑀘𑀸 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀢𑀁 𑀧𑀯𑀢𑁆𑀢𑀺𑀁 𑀯𑀢𑁆𑀯𑀸 𑀤𑀼𑀝𑁆𑀞𑀕𑀸𑀫𑀡𑀺𑀢𑀺𑀲𑁆𑀲 𑀲𑀦𑁆𑀢𑀺𑀓𑀁 𑀧𑁂𑀲𑁂𑀲𑀼𑀁. 𑀲𑁄 𑀢𑀁 𑀲𑀸𑀲𑀦𑀁 𑀲𑀼𑀢𑁆𑀯𑀸 𑀪𑀼𑀢𑁆𑀢𑀲𑀸𑀮𑀁 𑀆𑀕𑀫𑁆𑀫 𑀪𑀸𑀢𑀼 𑀲𑀦𑁆𑀢𑀺𑀓𑀁 𑀤𑀽𑀢𑁂 𑀧𑁂𑀲𑁂𑀢𑁆𑀯𑀸 𑀢𑀢𑁄 𑀫𑀳𑀸𑀕𑀸𑀫𑀁 𑀆𑀕𑀦𑁆𑀢𑁆𑀯𑀸 𑀅𑀪𑀺𑀲𑁂𑀓𑀁 𑀧𑀢𑁆𑀯𑀸 𑀫𑀸𑀢𑀭𑀁 𑀓𑀡𑁆𑀟𑀼𑀮𑀳𑀢𑁆𑀣𑀺𑀜𑁆𑀘 𑀧𑁂𑀲𑁂𑀢𑀽𑀢𑀺 𑀬𑀸𑀯 𑀢𑀢𑀺𑀬𑀁 𑀪𑀸𑀢𑀼 𑀲𑀦𑁆𑀢𑀺𑀓𑀁 𑀮𑁂𑀔𑀸 𑀧𑁂𑀲𑁂𑀢𑁆𑀯𑀸 𑀅𑀧𑁂𑀲𑀦 𑀪𑀸𑀯𑀁 𑀜𑀢𑁆𑀯𑀸 𑀬𑀼𑀤𑁆𑀥𑀸𑀬 𑀦𑀺𑀓𑁆𑀔𑀫𑀺. 𑀓𑀼𑀫𑀸𑀭𑁄𑀧𑀺 𑀬𑀼𑀤𑁆𑀥𑀲𑀚𑁆𑀚𑁄𑀳𑀼𑀢𑁆𑀯𑀸𑀦𑀺𑀓𑁆𑀔𑀫𑀺. 𑀘𑀼𑀴𑀗𑁆𑀕𑀡𑀺𑀬 𑀧𑀺𑀝𑁆𑀞𑀺𑀬𑀁 𑀤𑁆𑀯𑀺𑀦𑁆𑀦𑀁 𑀪𑀸𑀢𑀽𑀦𑀁 𑀫𑀳𑀸𑀬𑀼𑀤𑁆𑀥𑀁 𑀅𑀳𑁄𑀲𑀺.

𑀢𑁂 ¶ 𑀓𑀺𑀭 𑀬𑁄𑀥𑀸 𑀲𑀧𑀣𑀲𑁆𑀲 𑀓𑀢𑀢𑁆𑀢𑀸 𑀢𑁂𑀲𑀁 𑀬𑀼𑀤𑁆𑀥𑁂 𑀲𑀳𑀸𑀬𑀸 𑀦 𑀪𑀯𑀺𑀁𑀲𑀼. 𑀢𑀤𑀸 𑀭𑀜𑁆𑀜𑁄 𑀅𑀦𑁂𑀓𑀲𑀳𑀲𑁆𑀲 𑀫𑀦𑀼𑀲𑁆𑀲𑀸 𑀫𑀭𑀺𑀁𑀲𑀼. 𑀭𑀸𑀚𑀸 𑀧𑀭𑀚𑁆𑀚𑀺𑀢𑁆𑀯𑀸 𑀢𑀺𑀲𑁆𑀲𑀸𑀫𑀘𑁆𑀘𑀁 𑀤𑀺𑀖𑀢𑀼𑀡𑀺𑀓𑀁 𑀯𑀴𑀯𑀜𑁆𑀘 𑀕𑀳𑁂𑀢𑁆𑀯𑀸 𑀧𑀮𑀸𑀬𑀺. 𑀓𑀼𑀫𑀸𑀭𑁄 𑀧𑀘𑁆𑀙𑀢𑁄 𑀧𑀘𑁆𑀙𑀢𑁄 𑀅𑀦𑀼𑀩𑀡𑁆𑀥𑀺. 𑀅𑀦𑁆𑀢𑀭𑁂 𑀪𑀺𑀓𑁆𑀔𑀼 𑀧𑀩𑁆𑀩𑀢𑀁 𑀫𑀸𑀧𑁂𑀲𑀼𑀁. 𑀢𑀁 𑀤𑀺𑀲𑁆𑀯𑀸 𑀓𑀼𑀫𑀸𑀭𑁄 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀓𑀫𑁆𑀫𑀦𑁆𑀢𑀺 𑀜𑀢𑁆𑀯𑀸 𑀦𑀺𑀯𑀢𑁆𑀢𑀺 𑀭𑀸𑀚𑀸 𑀧𑀮𑀸𑀬𑀺𑀢𑁆𑀯𑀸 𑀓𑀧𑁆𑀧𑀡𑁆𑀤𑀓𑀭 𑀦𑀤𑀺𑀬𑀸 𑀚𑀮𑀫𑀸𑀮𑀢𑀺𑀢𑁆𑀣𑀁 𑀦𑀸𑀫 𑀕𑀦𑁆𑀢𑁆𑀯𑀁 𑀙𑀸𑀢𑁄𑀫𑁆𑀳𑀺𑀢𑀺 𑀆𑀳. 𑀅𑀫𑀘𑁆𑀘𑁄 𑀲𑀼𑀯𑀡𑁆𑀡𑀲𑀭𑀓𑁂 𑀧𑀓𑁆𑀔𑀺𑀢𑁆𑀢𑀪𑀢𑁆𑀢𑀸 𑀦𑀺𑀳𑀭𑀺𑀢𑁆𑀯𑀸 𑀅𑀤𑀸𑀲𑀺.

𑀭𑀸𑀚𑀸 𑀓𑀸𑀮𑀁 𑀲𑀮𑁆𑀮𑀓𑁆𑀔𑁂𑀢𑁆𑀯𑀸 𑀲𑀗𑁆𑀖𑀲𑁆𑀲 𑀤𑀢𑁆𑀯𑀸 𑀪𑀼𑀜𑁆𑀚𑀸𑀫𑀺𑀢𑀺 𑀲𑀗𑁆𑀖𑀲𑁆𑀲-𑀅𑀫𑀘𑁆𑀘𑀲𑁆𑀲-𑀯𑀴𑀯𑀸𑀬-𑀅𑀢𑁆𑀢𑀦𑁄 𑀘𑀸𑀢𑀺 𑀘𑀢𑀼𑀪𑀸𑀕𑀁 𑀓𑀢𑁆𑀯𑀸 𑀓𑀸𑀮𑀸 𑀖𑁄𑀲𑀸𑀧𑁂𑀲𑀺 𑀢𑀤𑀸 𑀧𑀺𑀬𑀗𑁆𑀕𑀼𑀤𑀺𑀧𑀢𑁄 𑀓𑀼𑀝𑀼𑀫𑁆𑀩𑀺𑀬𑀢𑀺𑀲𑁆𑀲𑀢𑁆𑀣𑁂𑀭𑁄 𑀦𑀸𑀫 𑀆𑀕𑀦𑁆𑀢𑁆𑀯𑀸 𑀧𑀼𑀭𑀢𑁄 𑀅𑀝𑁆𑀞𑀸𑀲𑀺. 𑀭𑀸𑀚𑀸 𑀣𑁂𑀭𑀁 𑀤𑀺𑀲𑁆𑀯𑀸 𑀧𑀲𑀦𑁆𑀦𑀫𑀸𑀦𑀲𑁄 𑀲𑀗𑁆𑀖𑀲𑁆𑀲 𑀞𑀧𑀺𑀢𑀪𑀸𑀕𑀁 𑀅𑀢𑁆𑀢𑀦𑁄 𑀪𑀸𑀕𑀜𑁆𑀘 𑀣𑁂𑀭𑀲𑁆𑀲 𑀧𑀢𑁆𑀢𑁂 𑀧𑀓𑁆𑀔𑀺𑀧𑀺𑀁 𑀅𑀫𑀘𑁆𑀘𑁄𑀧𑀺 𑀅𑀢𑁆𑀢𑀦𑁄 𑀪𑀸𑀕𑀁 𑀧𑀓𑁆𑀔𑀺𑀧𑀺 𑀯𑀴𑀯𑀸𑀧𑀺 𑀤𑀸𑀢𑀼𑀓𑀸𑀫𑀸 𑀅𑀳𑁄𑀲𑀺. 𑀢𑀲𑁆𑀲𑀸𑀪𑀺𑀧𑁆𑀧𑀸𑀬𑀁 𑀜𑀢𑁆𑀯𑀸 𑀅𑀫𑀘𑁆𑀘𑁄 𑀢𑀲𑁆𑀲𑀸𑀧𑀺 𑀪𑀸𑀕𑀁 𑀧𑀢𑁆𑀢𑁂 𑀧𑀓𑁆𑀔𑀺𑀧𑀺.

𑀇𑀢𑀺 𑀲𑁄 𑀭𑀸𑀚𑀸 𑀣𑁂𑀭𑀲𑁆𑀲 𑀧𑀭𑀺𑀧𑀼𑀡𑁆𑀡 𑀪𑀢𑁆𑀢𑀧𑀢𑁆𑀢𑀁 𑀅𑀤𑀸𑀲𑀺. 𑀣𑁂𑀭𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸 𑀕𑀦𑁆𑀢𑁆𑀯𑀸 𑀕𑁄𑀢𑀫𑀢𑁆𑀣𑁂𑀭𑀲𑁆𑀲 𑀦𑀸𑀫 𑀅𑀤𑀸𑀲𑀺. 𑀲𑁄 𑀧𑀜𑁆𑀘𑀲𑀢 𑀪𑀺𑀓𑁆𑀔𑀼 𑀪𑁄𑀚𑁂𑀢𑁆𑀯𑀸 𑀧𑀼𑀦 𑀢𑀢𑁄 𑀮𑀤𑁆𑀥𑁂𑀳𑀺 𑀪𑀸𑀕𑁂𑀳𑀺 𑀧𑀢𑁆𑀢𑀧𑀽𑀭𑁂𑀢𑁆𑀯𑀸 𑀆𑀓𑀸𑀲𑁂 𑀔𑀺𑀧𑀺 𑀧𑀢𑁆𑀢𑁄 𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀧𑀼𑀭𑀢𑁄 𑀅𑀝𑁆𑀞𑀸𑀲𑀺 𑀢𑀺𑀲𑁆𑀲𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸 𑀭𑀸𑀚𑀸𑀦𑀁 𑀪𑁄𑀚𑁂𑀢𑁆𑀯𑀸 𑀢𑀢𑁄 𑀲𑀬𑀁 𑀪𑀼𑀜𑁆𑀚𑀺𑀢𑁆𑀯𑀸 𑀯𑀴𑀯𑀁 𑀪𑁄𑀚𑁂𑀲𑀺. 𑀢𑀢𑁄 𑀭𑀸𑀚𑀸 𑀲𑀦𑁆𑀦𑀸𑀳𑀁 𑀘𑀼𑀫𑁆𑀩𑀝𑀓𑀁 𑀓𑀢𑁆𑀯𑀸 𑀧𑀢𑁆𑀢𑀁 𑀯𑀺𑀲𑁆𑀲𑀚𑁆𑀚𑁂𑀲𑀺. 𑀢𑀢𑁄 𑀕𑀦𑁆𑀢𑁆𑀯𑀸 𑀣𑁂𑀭𑀲𑁆𑀲 𑀳𑀢𑁆𑀣𑁂 𑀧𑀢𑀺𑀝𑁆𑀞𑀸𑀲𑀺, 𑀭𑀸𑀚𑀸 𑀧𑀼𑀦 𑀫𑀳𑀸𑀕𑀸𑀫𑀁 𑀆𑀕𑀦𑁆𑀢𑁆𑀯𑀸 𑀲𑁂𑀦𑀁 𑀲𑀗𑁆𑀓𑀟𑁆𑀟𑀺𑀯𑁄 𑀲𑀝𑁆𑀞𑀺𑀲𑀳𑀲𑁆𑀲𑀩𑀮𑀸 𑀕𑀳𑁂𑀢𑁆𑀯𑀸 𑀧𑀼𑀦 𑀪𑀸𑀢𑀭𑀸 𑀲𑀤𑁆𑀥𑀺𑀁 𑀬𑀼𑀚𑁆𑀛𑀺 𑀢𑀤𑀸 𑀓𑀼𑀫𑀸𑀭𑀲𑁆𑀲 𑀅𑀦𑁂𑀓 𑀲𑀳𑀲𑁆𑀲𑀁 𑀫𑀦𑀼𑀲𑁆𑀲𑀸 𑀧𑀢𑀺𑀁𑀲𑀼.

𑀓𑀼𑀫𑀸𑀭𑁄 𑀧𑀮𑀸𑀬𑀺𑀢𑁆𑀯𑀸 𑀯𑀺𑀳𑀸𑀭𑀁 𑀧𑀯𑀺𑀲𑀺𑀢𑁆𑀯𑀸 𑀫𑀳𑀸𑀣𑁂𑀭𑀲𑁆𑀲 𑀕𑁂𑀳𑀁 𑀧𑀸𑀯𑀺𑀲𑀺.

𑀭𑀸𑀚𑀸 𑀧𑀘𑁆𑀙𑀢𑁄 𑀧𑀘𑁆𑀙𑀢𑁄 𑀅𑀦𑀼𑀩𑀡𑁆𑀥𑀦𑁆𑀢𑁄 𑀯𑀺𑀳𑀸𑀭𑀁 𑀧𑀯𑀺𑀝𑁆𑀞𑀪𑀸𑀯𑀁 𑀜𑀢𑁆𑀯𑀸 𑀦𑀺𑀯𑀢𑁆𑀢𑀺 𑀧𑀘𑁆𑀙𑀸 𑀣𑁂𑀭𑀸 𑀢𑁂 𑀉𑀪𑁄 𑀪𑀸𑀢𑀭𑁄 𑀅𑀜𑁆𑀜𑀫𑀜𑁆𑀜𑀁 𑀔𑀫𑀸𑀧𑁂𑀲𑀼𑀁. 𑀢𑀤𑀸 𑀭𑀸𑀚𑀸 𑀲𑀲𑁆𑀲𑀓𑀫𑁆𑀫𑀸𑀦𑀺 𑀓𑀸𑀭𑁂𑀢𑀼𑀁 𑀢𑀺𑀲𑁆𑀲𑀓𑀼𑀫𑀸𑀭𑀁 𑀤𑀻𑀖𑀯𑀸𑀧𑀺𑀫𑁂𑀯 𑀧𑀳𑀺𑀡𑀺𑀢𑁆𑀯𑀸 𑀲𑀬𑀫𑁆𑀧𑀺 𑀪𑁂𑀭𑀁 𑀘𑀭𑀸𑀧𑁂𑀢𑁆𑀯𑀸 𑀲𑀲𑁆𑀲𑀓𑀫𑁆𑀫𑀸𑀦𑀺 𑀓𑀸𑀭𑁂𑀲𑀺. 𑀅𑀣 𑀫𑀳𑀸𑀚𑀦𑀲𑁆𑀲 𑀲𑀗𑁆𑀕𑀳𑀁𑀓𑀢𑁆𑀯𑀸 𑀓𑀼𑀦𑁆𑀢𑁂 𑀥𑀸𑀢𑀼𑀁 𑀦𑀺𑀥𑀸𑀧𑁂𑀢𑁆𑀯𑀸 𑀩𑀮𑀯𑀸𑀳𑀦 𑀧𑀭𑀺𑀯𑀼𑀢𑁄 𑀢𑀺𑀲𑁆𑀲𑀸𑀭𑀸𑀫𑀁 𑀕𑀦𑁆𑀢𑁆𑀯𑀸 𑀲𑀗𑁆𑀖𑀁 𑀯𑀦𑁆𑀤𑀺𑀢𑁆𑀯𑀸 𑀪𑀦𑁆𑀢𑁂 𑀲𑀸𑀲𑀦𑀁 𑀚𑁄𑀢𑁂𑀢𑀼𑀁 𑀧𑀸𑀭𑀕𑀗𑁆𑀕𑀁 𑀕𑀫𑀺𑀲𑁆𑀲𑀸𑀫𑀺 𑀲𑀓𑁆𑀓𑀸𑀭𑁂𑀢𑀼𑀁 𑀅𑀫𑁆𑀳𑁂𑀳𑀺 𑀲𑀳𑀕𑀸𑀫𑀺𑀦𑁄 𑀪𑀺𑀓𑁆𑀔𑀼 𑀤𑁂𑀣𑀸𑀢𑀺 𑀆𑀳.

𑀲𑀗𑁆𑀖𑁄 𑀧𑀜𑁆𑀘𑀲𑀢𑀪𑀺𑀓𑁆𑀔𑀼 𑀅𑀤𑀸𑀲𑀺. 𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀕𑀳𑁂𑀢𑁆𑀯𑀸 𑀓𑀡𑁆𑀟𑀼𑀮𑀳𑀢𑁆𑀣𑀺𑀫𑀸𑀭𑀼𑀬𑁆𑀳 𑀬𑁄𑀥𑁂𑀳𑀺 𑀧𑀭𑀺𑀯𑀼𑀢𑁄 𑀫𑀳𑀢𑀸 𑀩𑀮𑀓𑀸𑀬𑁂𑀦 𑀬𑀼𑀤𑁆𑀥𑀸𑀬 ¶ 𑀦𑀺𑀓𑁆𑀔𑀫𑀺𑀢𑁆𑀯𑀸 𑀫𑀳𑀺𑀬𑀗𑁆𑀕𑀡𑀁 𑀆𑀕𑀦𑀦𑁆𑀢𑁆𑀯𑀸 𑀢𑀢𑁆𑀣 𑀤𑀫𑀺𑀴𑁂𑀳𑀺 𑀲𑀤𑁆𑀥𑀺𑀁 𑀬𑀼𑀚𑁆𑀛𑀦𑁆𑀢𑁄 𑀫𑀳𑀺𑀬𑀗𑁆𑀕𑀡𑁂 𑀓𑀜𑁆𑀘𑀼𑀓 𑀣𑀽𑀧𑀁 𑀓𑀸𑀭𑁂𑀲𑀺. 𑀢𑀲𑁆𑀲 𑀣𑀽𑀧𑀲𑁆𑀲 𑀯𑀺𑀪𑀸𑀯𑀦𑀢𑁆𑀣𑀁 𑀅𑀬𑀫𑀸𑀦𑀼𑀧𑀼𑀩𑁆𑀩𑀓𑀣𑀸.

𑁧𑁬. 𑀪𑀕𑀯𑀸 𑀓𑀺𑀭 𑀩𑁄𑀥𑀺𑀢𑁂 𑀦𑀯𑀫𑁂 𑀫𑀸𑀲𑁂 𑀇𑀫𑀁 𑀤𑀻𑀧𑀫𑀸𑀕𑀦𑁆𑀢𑁆𑀯𑀸 𑀕𑀗𑁆𑀕𑀸𑀢𑀻𑀭𑁂 𑀢𑀺𑀬𑁄𑀚𑀦𑀸𑀬𑀢𑁂 𑀬𑁄𑀚𑀦𑀯𑀺𑀢𑁆𑀣𑀢𑁂 𑀫𑀳𑀸𑀦𑀸𑀕𑀯𑀦𑀼𑀬𑁆𑀬𑀸𑀦𑁂 𑀬𑀓𑁆𑀔𑀲𑀫𑀸𑀕𑀫𑀁 𑀆𑀕𑀦𑁆𑀢𑁆𑀯𑀸 𑀢𑁂𑀲𑀁 𑀬𑀓𑁆𑀔𑀸𑀦𑀁 𑀉𑀧𑀭𑀺𑀪𑀸𑀕𑁂 𑀫𑀳𑀺𑀬𑀗𑁆𑀕𑀡 𑀣𑀽𑀧𑀲𑁆𑀲 𑀞𑀸𑀦𑁂 𑀯𑁂𑀳𑀸𑀲𑀬𑀁 𑀞𑀺𑀢𑁄 𑀯𑀼𑀝𑁆𑀞𑀺 𑀯𑀸𑀢𑀦𑁆𑀥𑀓𑀸𑀭𑀸𑀤𑀻𑀳𑀺 𑀬𑀓𑁆𑀔𑁂 𑀲𑀦𑁆𑀢𑀸𑀲𑁂𑀢𑁆𑀯𑀸 𑀢𑁂𑀳𑀺 𑀅𑀪𑀬𑀁 𑀬𑀸𑀘𑀺𑀢𑁄 𑀢𑀼𑀫𑁆𑀳𑀸𑀓𑀁 𑀅𑀪𑀬𑀁 𑀤𑀲𑁆𑀲𑀸𑀫𑀺 𑀢𑀼𑀫𑁆𑀳𑁂 𑀲𑀫𑀕𑁆𑀕𑀸 𑀫𑀬𑁆𑀳𑀁 𑀦𑀺𑀲𑀻𑀤𑀦𑀝𑁆𑀞𑀸𑀦𑀁 𑀤𑁂𑀣𑀸𑀢𑀺 𑀆𑀳.

𑀬𑀓𑁆𑀔𑀸, 𑀫𑀸𑀭𑀺𑀲 𑀢𑁂 𑀇𑀫𑀁 𑀲𑀓𑀮𑀤𑀻𑀧𑀁 𑀤𑁂𑀫𑀺. 𑀅𑀪𑀬𑀁 𑀦𑁄 𑀤𑁂𑀳𑀻𑀢𑀺 𑀆𑀳𑀁𑀲𑀼. 𑀢𑀢𑁄 𑀪𑀕𑀯𑀸 𑀢𑁂𑀲𑀁 𑀪𑀬𑀁 𑀅𑀧𑀦𑀼𑀤𑀺𑀢𑁆𑀯𑀸 𑀢𑁂𑀳𑀺 𑀤𑀺𑀦𑁆𑀦𑀪𑀪𑀽𑀫𑀺𑀬𑀁 𑀘𑀫𑁆𑀫𑀔𑀡𑁆𑀟𑀁 𑀧𑀢𑁆𑀣𑀭𑀺𑀢𑁆𑀯𑀸 𑀢𑀢𑁆𑀣 𑀦𑀺𑀲𑀺𑀦𑁆𑀦𑁄 𑀢𑁂𑀚𑁄𑀓𑀲𑀺𑀡𑀁 𑀲𑀫𑀸𑀧𑀚𑁆𑀚𑀺𑀢𑁆𑀯𑀸 𑀘𑀫𑁆𑀫𑀔𑀡𑁆𑀟𑀁 𑀲𑀫𑀦𑁆𑀢𑀢𑁄 𑀚𑀸𑀮𑁂𑀢𑁆𑀯𑀸 𑀯𑀟𑁆𑀠𑁂𑀲𑀺. 𑀢𑁂 𑀘𑀫𑁆𑀫𑀔𑀡𑁆𑀟𑁂𑀦 𑀅𑀪𑀺𑀪𑀽𑀦𑀸 𑀲𑀫𑀦𑁆𑀢𑀢𑁄 𑀲𑀸𑀕𑀭 𑀧𑀭𑀺𑀬𑀦𑁆𑀢𑁂 𑀭𑀸𑀲𑀺𑀪𑀽𑀢𑀸 𑀅𑀳𑁂𑀲𑀼𑀁 𑀪𑀕𑀯𑀸 𑀇𑀤𑁆𑀥𑀺𑀩𑀮𑁂𑀦 𑀕𑀺𑀭𑀺𑀤𑀻𑀧𑀁 𑀦𑀸𑀫 𑀇𑀥𑀸𑀦𑁂𑀢𑁆𑀯𑀸 𑀢𑀢𑁆𑀣 𑀬𑀓𑁆𑀔𑁂 𑀧𑀯𑁂𑀲𑁂𑀢𑁆𑀯𑀸 𑀤𑀻𑀧𑀁 𑀬𑀣𑀸𑀝𑁆𑀞𑀸𑀦𑁂 𑀞𑀧𑁂𑀢𑁆𑀯𑀸 𑀘𑀫𑁆𑀫𑀔𑀡𑁆𑀟𑀁 𑀲𑀗𑁆𑀔𑀺𑀧𑀺 𑀢𑀤𑀸 𑀤𑁂𑀯𑀢𑀸 𑀲𑀫𑀸𑀕𑀫𑁄 𑀅𑀳𑁄𑀲𑀺. 𑀢𑀲𑁆𑀫𑀺𑀁 𑀲𑀫𑀸𑀕𑀫𑁂 𑀪𑀕𑀯𑀸 𑀥𑀫𑁆𑀫𑀁 𑀤𑁂𑀲𑁂𑀲𑀺-𑀢𑀤𑀸.

‘‘𑀦𑁂𑀓𑁂𑀲𑀁 𑀧𑀸𑀡𑀓𑁄𑀝𑀻𑀦𑀁-𑀥𑀫𑁆𑀫𑀸𑀪𑀺𑀲𑀫𑀬𑁄 𑀅𑀳𑀽,

𑀲𑀭𑀡𑁂𑀲𑀼 𑀘 𑀲𑀻𑀮𑁂𑀲𑀼-𑀞𑀺𑀢𑀸 𑀆𑀲𑀼𑀁 𑀅𑀲𑀗𑁆𑀔𑀺𑀬𑀸;

𑀲𑁄𑀢𑀸𑀧𑀢𑁆𑀢𑀺𑀨𑀮𑀁 𑀧𑀢𑁆𑀯𑀸-𑀲𑁂𑀮𑁂 𑀲𑀼𑀫𑀦𑀓𑀽𑀝𑀓𑁂,

𑀫𑀳𑀸𑀲𑀼𑀫𑀦 𑀤𑁂𑀯𑀺𑀡𑁆𑀤𑁄-𑀧𑀽𑀚𑀺𑀬𑀁 𑀬𑀸𑀘𑀺 𑀧𑀽𑀙𑀺𑀬𑀁;

𑀲𑀺𑀭𑀁 𑀧𑀭𑀸𑀫𑀲𑀺𑀢𑁆𑀯𑀸𑀦-𑀦𑀺𑀮𑀸𑀫𑀮𑀲𑀺𑀭𑁄𑀭𑀼𑀳𑁂,

𑀧𑀸𑀡𑀺𑀫𑀢𑁆𑀢𑁂 𑀅𑀤𑀸 𑀓𑁂𑀲𑁂 𑀢𑀲𑁆𑀲 𑀧𑀸𑀡𑀺𑀳𑀺𑀢𑁄 𑀚𑀺𑀦𑁄;

𑀲𑁄 𑀢𑀁 𑀲𑀼𑀯𑀡𑁆𑀡𑀺𑀘𑀗𑁆𑀕𑁄𑀝𑀁-𑀘𑀭𑁂𑀦𑀸𑀤𑀸𑀬 𑀲𑀢𑁆𑀣𑀼𑀦𑁄, 𑀦𑀺𑀲𑀺𑀦𑁆𑀦𑀝𑁆𑀞𑀸𑀦 𑀭𑀘𑀺𑀢𑁂-𑀦𑀸𑀦𑀸𑀭𑀢𑀦𑀲𑀜𑁆𑀘𑀬𑁂.

𑀉𑀘𑁆𑀘𑀢𑁄 𑀲𑀢𑁆𑀢𑀭𑀢𑀦𑁂-𑀞𑀧𑁂𑀢𑁆𑀯𑀸𑀦 𑀲𑀺𑀭𑁄𑀭𑀼𑀳𑁂,

𑀢𑀁 𑀇𑀡𑁆𑀤𑀦𑀻𑀮 𑀣𑀽𑀧𑁂𑀦-𑀧𑀺𑀤𑀳𑁂𑀲𑀺 𑀦𑀫𑀲𑁆𑀲𑀺 𑀘’’;

𑀧𑀭𑀺𑀦𑀺𑀩𑁆𑀩𑀼𑀢𑁂 𑀧𑀦 𑀪𑀕𑀯𑀢𑀺 𑀥𑀫𑁆𑀫𑀲𑁂𑀦𑀸𑀧𑀢𑀺 𑀲𑀸𑀭𑀺 𑀧𑀼𑀢𑁆𑀢𑀢𑁆𑀣𑁂𑀭𑀲𑁆𑀲 𑀅𑀦𑁆𑀢𑁂𑀯𑀸𑀲𑀺𑀓𑁄 𑀲𑀭𑀪𑀽 𑀦𑀸𑀫𑁂𑀓𑁄 𑀣𑁂𑀭𑁄 𑀘𑀺𑀢𑀓𑀢𑁄 𑀕𑀻𑀯𑀝𑁆𑀞𑀺𑀥𑀸𑀢𑀼 𑀕𑀳𑁂𑀢𑁆𑀯𑀸 𑀪𑀺𑀓𑁆𑀔𑀼 𑀲𑀗𑁆𑀖𑀧𑀭𑀺𑀯𑀼𑀢𑁄 𑀆𑀕𑀦𑁆𑀢𑁆𑀯𑀸 𑀢𑀲𑁆𑀫𑀺𑀁𑀬𑁂𑀯 𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀫𑁂𑀖𑀯𑀡𑁆𑀡𑀧𑀸𑀲𑀸𑀡𑁂𑀳𑀺 𑀙𑀸𑀤𑁂𑀢𑁆𑀯𑀸 𑀤𑁆𑀯𑀸𑀤𑀲 𑀳𑀢𑁆𑀣𑀼𑀩𑁆𑀩𑁂𑀥𑀁 𑀣𑀽𑀧𑀁 𑀓𑀸𑀭𑁂𑀢𑁆𑀯𑀸 𑀧𑀓𑁆𑀓𑀸𑀫𑀺. 𑀅𑀣 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁄 𑀪𑀸𑀢𑀸 𑀘𑀽𑀴𑀸𑀪𑀬𑁄 𑀦𑀸𑀫 𑀢𑀁 𑀅𑀩𑁆𑀪𑀼𑀢𑀁 𑀘𑁂𑀢𑀺𑀬𑀁 𑀤𑀺𑀲𑁆𑀯𑀸 𑀢𑀺𑀁𑀲𑀳𑀢𑁆𑀣𑀼𑀩𑁆𑀩𑁂𑀥𑀁 𑀘𑁂𑀢𑀺𑀬𑀁 𑀓𑀸𑀭𑁂𑀲𑀺. 𑀇𑀤𑀸𑀦𑀺 𑀤𑀼𑀝𑁆𑀞𑀕𑀸𑀫𑀡𑀻𑀧𑀺 𑀅𑀪𑀬𑀭𑀸𑀚𑀸 𑀫𑀳𑀺𑀬𑀗𑁆𑀕𑀡𑀁 𑀆𑀕𑀦𑁆𑀢𑁆𑀯𑀸 𑀢𑀢𑁆𑀣 𑀤𑀫𑀺𑀴𑁂 𑀫𑀤𑁆𑀤𑀦𑁆𑀢𑁄 𑀅𑀲𑀺𑀢𑀺𑀳𑀢𑁆𑀣𑀼𑀩𑁆𑀩𑁂𑀥𑀁 𑀓𑀜𑁆𑀘𑀼𑀓𑀘𑁂𑀢𑀺𑀬𑀁 𑀓𑀸𑀭𑁂𑀢𑁆𑀯𑀸 𑀧𑀽𑀚𑀫𑀓𑀸𑀲𑀺.

𑀏𑀯𑀫𑀘𑁆𑀘𑀸𑀬𑀺𑀓𑀁 ¶ 𑀓𑀫𑁆𑀫𑀁-𑀓𑀭𑁄𑀦𑁆𑀢𑀸𑀧𑀺 𑀕𑀼𑀡𑀸𑀓𑀭𑀸, 𑀓𑀭𑁄𑀦𑁆𑀢𑀺 𑀧𑀼𑀜𑁆𑀜𑀁 𑀲𑀧𑁆𑀧𑀜𑁆𑀜𑀸-𑀲𑀁𑀲𑀸𑀭𑀪𑀲 𑀪𑀻𑀭𑀼𑀓𑀸𑀢𑀺.

𑀫𑀳𑀺𑀬𑀗𑁆𑀕𑀦 𑀣𑀽𑀧𑀓𑀣𑀸

𑁧𑁭. 𑀢𑀢𑁄 𑀭𑀸𑀚𑀸 𑀤𑀫𑀺𑀴𑁂𑀳𑀺 𑀲𑀤𑁆𑀥𑀺𑀁 𑀬𑀼𑀚𑁆𑀛𑀺𑀢𑁆𑀯𑀸 𑀙𑀢𑁆𑀢𑀤𑀫𑀺𑀴𑀁 𑀕𑀡𑁆𑀳𑀺𑀢𑁆𑀯𑀸 𑀢𑀢𑁆𑀭 𑀩𑀳𑀼 𑀤𑀫𑀺𑀴𑁂 𑀖𑀸𑀢𑁂𑀢𑁆𑀯𑀸 𑀅𑀫𑁆𑀩𑀢𑀺𑀢𑁆𑀣𑀁 𑀆𑀕𑀦𑁆𑀢𑁆𑀯𑀸 𑀅𑀫𑁆𑀩𑀤𑀫𑀺𑀴𑀁 𑀘𑀢𑀽𑀳𑀺 𑀫𑀸𑀲𑁂𑀳𑀺 𑀕𑀡𑁆𑀳𑀺. 𑀢𑀢𑁄 𑀑𑀭𑀼𑀬𑁆𑀳 𑀫𑀳𑀩𑁆𑀩𑀮𑁂 𑀲𑀢𑁆𑀢𑀤𑀫𑀺𑀴𑁂 𑀏𑀓𑀸𑀳𑁂𑀦𑁂𑀯 𑀕𑀡𑁆𑀳𑀺 𑀢𑀢𑁄 𑀅𑀦𑁆𑀢𑀭𑀲𑁄𑀩𑁆𑀪𑁂 𑀫𑀳𑀸𑀓𑁄𑀝𑁆𑀞 𑀤𑀫𑀺𑀴𑀁-𑀤𑁄𑀡𑀕𑀸𑀫𑁂 𑀕𑀯𑀭 𑀤𑀫𑀺𑀴𑀁-𑀳𑀸𑀮𑀓𑁄𑀮𑁂 𑀫𑀳𑀺𑀲𑁆𑀲𑀭𑀺𑀬 𑀤𑀫𑀺𑀴𑀁-𑀦𑀸𑀴𑀺𑀲𑁄𑀩𑁆𑀪𑁂 𑀦𑀸𑀴𑀺𑀓 𑀤𑀫𑀺𑀴𑀁-𑀤𑀺𑀖𑀸𑀪𑀲𑀕𑀮𑁆𑀮𑀫𑁆𑀳𑀺 𑀤𑀺𑀖𑀸𑀪𑀬 𑀤𑀫𑀺𑀴𑀁 𑀕𑀡𑁆𑀳𑀺. 𑀢𑀢𑁄 𑀓𑀘𑁆𑀙𑀢𑀺𑀢𑁆𑀣𑁂 𑀓𑀺𑀜𑁆𑀘𑀺𑀲𑀻𑀲 𑀤𑀫𑀺𑀴𑀁 𑀘𑀢𑀽𑀳𑀺 𑀫𑀸𑀲𑁂𑀳𑀺 𑀕𑀡𑁆𑀳𑀺 𑀢𑀢𑁄 𑀯𑁂𑀞 𑀦𑀕𑀭𑁂 𑀢𑀸𑀴 𑀤𑀫𑀺𑀴𑀁, 𑀪𑀸𑀡𑀓𑀤𑀫𑀺𑀴𑀜𑁆𑀘-𑀯𑀳𑀺𑀝𑁆𑀞𑁂 𑀯𑀳𑀺𑀝𑁆𑀞 𑀤𑀫𑀺𑀴𑀁=𑀕𑀸𑀫𑀡𑀺𑀫𑁆𑀳𑀺 𑀕𑀸𑀫𑀡𑀺 𑀤𑀫𑀺𑀴𑀁-𑀓𑀼𑀫𑁆𑀩𑀼𑀕𑀸𑀫𑀫𑁆𑀳𑀺 𑀓𑀼𑀫𑁆𑀩𑀼 𑀤𑀫𑀺𑀴𑀁-𑀦𑀡𑁆𑀤𑀺𑀓 𑀕𑀸𑀫𑀫𑁆𑀳𑀺 𑀦𑀡𑁆𑀤𑀺𑀓 𑀤𑀫𑀺𑀴𑀁-𑀔𑀸𑀡𑀼𑀕𑀸𑀫𑀫𑁆𑀳𑀺 𑀔𑀸𑀡𑀼 𑀤𑀫𑀺𑀴𑀁-𑀢𑀫𑁆𑀩𑀼𑀦𑁆𑀦𑀕𑀸𑀫𑀓𑁂 𑀫𑀸𑀢𑀼𑀮 𑀪𑀸𑀕𑀺𑀦𑁂𑀬𑁆𑀬𑁂 𑀤𑁆𑀯𑁂 𑀤𑀫𑀺𑀴𑁂 𑀕𑀡𑁆𑀳𑀺 𑀢𑀤𑀸-

‘‘𑀅𑀚𑀸𑀦𑀺𑀢𑁆𑀯𑀸 𑀲𑀓𑀁 𑀲𑁂𑀦𑀁-𑀖𑀸𑀢𑁂𑀦𑁆𑀢𑀺 𑀲𑀚𑀦𑀸 𑀇𑀢𑀺,

𑀲𑀼𑀢𑁆𑀯𑀸𑀦 𑀲𑀘𑁆𑀘𑀓𑀺𑀭𑀺𑀬𑀁-𑀅𑀓𑀭𑀺 𑀢𑀢𑁆𑀣 𑀪𑀼𑀧𑀢𑀺;

𑀭𑀚𑁆𑀚𑀲𑀼𑀔𑀸𑀬 𑀯𑀸𑀬𑀸𑀫𑁄-𑀦𑀸𑀬𑀁 𑀫𑀫 𑀓𑀤𑀸𑀧𑀺 𑀘,

𑀲𑀫𑁆𑀩𑀼𑀤𑁆𑀥𑀲𑀸𑀲𑀦𑀲𑁆𑀲𑁂𑀯-𑀞𑀧𑀦𑀸𑀬 𑀅𑀬𑀁 𑀫𑀫;

𑀢𑁂𑀦 𑀲𑀘𑁆𑀘𑁂𑀦 𑀫𑁂 𑀲𑁂𑀦𑀸-𑀓𑀸𑀬𑁄𑀧𑀕𑀢 𑀪𑀡𑁆𑀟𑀓𑀁,

𑀚𑀸𑀮𑀯𑀡𑁆𑀡𑀁𑀯 𑀳𑁄𑀢𑀽𑀢𑀺-𑀢𑀁 𑀢𑀣𑁂𑀯 𑀢𑀤𑀸 𑀅𑀳𑀼;’’

𑀏𑀯𑀁 𑀭𑀸𑀚𑀸 𑀕𑀗𑁆𑀕𑀸𑀢𑀻𑀭𑁂 𑀤𑀫𑀺𑀴𑁂 𑀖𑀸𑀢𑁂𑀲𑀺. 𑀖𑀸𑀢𑀺𑀢 𑀲𑁄 𑀲𑀩𑁆𑀩𑁂 𑀆𑀕𑀦𑁆𑀢𑁆𑀯𑀸 𑀯𑀺𑀚𑀺𑀢 𑀦𑀕𑀭𑁂 𑀧𑀯𑀺𑀲𑀺𑀁𑀲𑀼. 𑀢𑀤𑀸 𑀭𑀸𑀚𑀸 𑀯𑀺𑀚𑀺𑀢 𑀦𑀕𑀭𑀁 𑀕𑀡𑁆𑀳𑀺𑀢𑀼𑀁 𑀯𑀻𑀫𑀁𑀲𑀦𑀢𑁆𑀣𑀸𑀬 𑀆𑀕𑀘𑁆𑀙𑀦𑁆𑀢𑀁 𑀦𑀡𑁆𑀥𑀺𑀫𑀺𑀢𑁆𑀢𑀁 𑀤𑀺𑀲𑁆𑀯𑀸 𑀓𑀡𑁆𑀟𑀼𑀮𑀁 𑀫𑀼𑀜𑁆𑀘𑁂𑀲𑀺. 𑀓𑀡𑁆𑀟𑀼𑀮𑁄𑀧𑀺 𑀢𑀁 𑀕𑀡𑁆𑀳𑀺𑀢𑀼𑀁 𑀆𑀕𑀜𑁆𑀙𑀺 𑀢𑀤𑀸 𑀦𑀡𑁆𑀥𑀺𑀫𑀺𑀢𑁆𑀢𑁄 𑀳𑀢𑁆𑀣𑁂𑀢𑀳𑀺 𑀉𑀪𑁄 𑀤𑀦𑁆𑀢𑁂 𑀩𑀸𑀴𑁆𑀳𑀁 𑀕𑀳𑁂𑀢𑁆𑀯𑀸 𑀧𑀻𑀴𑁂𑀢𑁆𑀯𑀸 𑀉𑀓𑁆𑀓𑀼𑀝𑀺𑀓𑀁 𑀦𑀺𑀲𑀻𑀤𑀸𑀧𑁂𑀲𑀺. 𑀭𑀸𑀚𑀸 𑀉𑀪𑁄 𑀯𑀺𑀫𑀁𑀲𑁂𑀢𑁆𑀯𑀸 𑀯𑀺𑀚𑀺𑀢𑀦𑀕𑀭𑀁 𑀆𑀕𑀢𑁄. 𑀢𑀢𑁄 𑀤𑀓𑁆𑀔𑀺𑀡𑀤𑁆𑀯𑀸𑀭𑁂 𑀬𑁄𑀥𑀸𑀦𑀁 𑀫𑀳𑀸𑀲𑀗𑁆𑀕𑀸𑀫𑁄 𑀅𑀳𑁄𑀲𑀺 𑀧𑀼𑀭𑀢𑁆𑀣𑀺𑀫𑀤𑁆𑀯𑀸𑀭𑁂 𑀯𑁂𑀴𑀼𑀲𑀼𑀫𑀦𑁄 𑀅𑀲𑁆𑀲𑀁 𑀆𑀭𑀼𑀬𑁆𑀳 𑀩𑀳𑀽 𑀤𑀫𑀺𑀴𑁂 𑀖𑀸𑀢𑁂𑀲𑀺 𑀤𑀫𑀺𑀴𑀸 𑀅𑀦𑁆𑀢𑁄 𑀧𑀺𑀯𑀺𑀲𑀺𑀢𑁆𑀯𑀸 𑀤𑁆𑀯𑀸𑀭𑀁 𑀣𑀓𑁂𑀲𑀼𑀁. 𑀢𑀢𑁄 𑀭𑀸𑀚𑀸 𑀬𑁄𑀥𑁂 𑀯𑀺𑀲𑁆𑀲𑀚𑁆𑀚𑁂𑀲𑀺, 𑀓𑀡𑁆𑀟𑀼𑀮𑀳𑀢𑁆𑀣𑀺 𑀦𑀡𑁆𑀥𑀺𑀫𑀺𑀢𑁆𑀢𑁄 𑀲𑀼𑀭𑀦𑀺𑀫𑁆𑀫𑀮𑁄 𑀘 𑀤𑀓𑁆𑀔𑀺𑀡𑀤𑁆𑀯𑀸𑀭𑁂 𑀓𑀫𑁆𑀫𑀁 𑀓𑀭𑀺𑀁𑀲𑀼 𑀫𑀳𑀸𑀲𑁄𑀡𑁄 𑀕𑁄𑀞𑀬𑀺𑀫𑁆𑀩𑀭𑁄 𑀣𑁂𑀭𑀧𑀼𑀢𑁆𑀢𑀸𑀪𑀬𑁄 𑀘𑀸𑀢𑀺 𑀇𑀫𑁂 𑀢𑀬𑁄 𑀇𑀢𑀭𑁂𑀲𑀼 𑀢𑀻𑀲𑀼 𑀤𑁆𑀯𑀸𑀭𑁂𑀲𑀼 𑀓𑀫𑁆𑀫𑀁 𑀓𑀭𑀺𑀁𑀲𑀼.

𑀢𑀜𑁆𑀘 𑀦𑀕𑀭𑀁 𑀧𑀭𑀺𑀔𑀸𑀢𑁆𑀢𑀬 𑀧𑀭𑀺𑀓𑁆𑀔𑀺𑀢𑁆𑀢𑀁, 𑀤𑀴𑁆𑀳 𑀧𑀸𑀓𑀸𑀭 𑀕𑁄𑀧𑀼𑀭𑀁, 𑀅𑀬𑁄 𑀤𑁆𑀯𑀸𑀭𑀬𑀼𑀢𑁆𑀢𑀁 𑀅𑀳𑁄𑀲𑀺 𑀓𑀡𑁆𑀟𑀼𑀮𑁄 𑀚𑀸𑀡𑀼𑀳𑀺 𑀞𑀢𑁆𑀯𑀸 𑀲𑀺𑀮𑀸 𑀲𑀼𑀥𑀸 𑀇𑀝𑁆𑀞𑀓𑀸 𑀪𑀺𑀡𑁆𑀤𑀺𑀢𑁆𑀯𑀸 𑀅𑀬𑁄𑀤𑁆𑀯𑀸𑀭𑀁 𑀧𑀸𑀧𑀼𑀡𑀺 𑀢𑀤𑀸 𑀤𑀫𑀺𑀴𑀸 𑀕𑁄𑀧𑀼𑀭𑁂 𑀞𑀢𑁆𑀯𑀸 𑀦𑀸𑀦𑀸𑀯𑀼𑀥𑀸𑀦𑀺 ¶ 𑀔𑀺𑀧𑀺𑀁𑀲𑀼 𑀧𑀓𑁆𑀓 𑀅𑀬𑁄𑀕𑀼𑀴𑁂 𑀘𑁂𑀯𑀧𑀓𑁆𑀓𑀝𑁆𑀞𑀺𑀢 𑀲𑀺𑀮𑁂𑀲𑀜𑁆𑀘 𑀳𑀢𑁆𑀣𑀺𑀧𑀺𑀝𑁆𑀞𑀺𑀬𑀁 𑀧𑀓𑁆𑀔𑀺𑀧𑀺𑀁𑀲𑀼? 𑀢𑀤𑀸 𑀓𑀡𑁆𑀟𑀼𑀮𑁄 𑀯𑁂𑀤𑀦𑀝𑁆𑀝𑁄 𑀉𑀤𑀓𑀝𑁆𑀞𑀸𑀦𑀁 𑀕𑀦𑁆𑀢𑁆𑀯𑀸 𑀉𑀤𑀓𑁂 𑀑𑀕𑀸𑀳𑀺. 𑀢𑀤𑀸 𑀕𑁄𑀞𑀬𑀺𑀫𑁆𑀩𑀭𑁄 𑀦 𑀇𑀤𑀁 𑀲𑀼𑀭𑀸𑀧𑀸𑀦𑀁 𑀪𑀯𑀢𑀺. 𑀅𑀬𑁄𑀤𑁆𑀯𑀸𑀭 𑀯𑀺𑀖𑀸𑀝𑀦𑀁 𑀦𑀸𑀫, 𑀕𑀘𑁆𑀙 𑀤𑁆𑀯𑀸𑀭𑀁 𑀯𑀺𑀖𑀸𑀝𑁂𑀳𑀻𑀢𑀺 𑀆𑀳. 𑀢𑀁 𑀲𑀼𑀢𑁆𑀯𑀸 𑀚𑀸𑀢𑀸𑀪𑀺𑀫𑀸𑀢𑁄 𑀓𑀼𑀜𑁆𑀘𑀦𑀸𑀤𑀁 𑀓𑀢𑁆𑀯𑀸 𑀉𑀤𑀦 𑀉𑀕𑁆𑀕𑀫𑁆𑀫 𑀣𑀮𑁂 𑀅𑀝𑁆𑀞𑀸𑀲𑀺 𑀅𑀣 𑀳𑀢𑁆𑀣𑀺𑀯𑁂𑀚𑁆𑀚𑁄 𑀲𑀺𑀮𑁂𑀲𑀁 𑀥𑁄𑀯𑀺𑀢𑁆𑀯𑀸 𑀑𑀲𑀥𑀁 𑀅𑀓𑀸𑀲𑀺. 𑀢𑀢𑁄 𑀭𑀸𑀚𑀸 𑀳𑀢𑁆𑀣𑀺𑀁 𑀆𑀭𑀼𑀬𑁆𑀳 𑀧𑀸𑀡𑀺𑀦𑀸 𑀓𑀼𑀫𑁆𑀪𑁂 𑀧𑀭𑀸𑀫𑀲𑀺𑀢𑁆𑀯𑀸 𑀲𑀓𑀮 𑀮𑀗𑁆𑀓𑀸𑀢𑀮𑁂 𑀭𑀚𑁆𑀚𑀁 𑀢𑀯 𑀤𑀫𑁆𑀫𑀻𑀢𑀺 𑀢𑁄𑀲𑁂𑀢𑁆𑀯𑀸 𑀯𑀭𑀪𑁄𑀚𑀦𑀁 𑀪𑁄𑀚𑁂𑀢𑁆𑀯𑀸 𑀯𑀡𑀁 𑀲𑀸𑀝𑀓𑁂𑀦 𑀯𑁂𑀞𑁂𑀢𑁆𑀯𑀸 𑀲𑀼𑀯𑀫𑁆𑀫𑀻𑀢𑀁 𑀓𑀢𑁆𑀯𑀸 𑀯𑀫𑁆𑀫𑀧𑀺𑀝𑁆𑀞𑀺𑀬𑀁 𑀫𑀳𑀺𑀲𑀘𑀫𑁆𑀫𑀁 𑀲𑀢𑁆𑀢𑀕𑀼𑀡𑀁 𑀓𑀢𑁆𑀯𑀸 𑀩𑀡𑁆𑀥𑀺𑀢𑁆𑀯𑀸 𑀢𑀲𑁆𑀲𑀼𑀧𑀭𑀺 𑀢𑁂𑀮𑀘𑀫𑁆𑀫𑀁 𑀩𑀡𑁆𑀥𑀺𑀢𑁆𑀯𑀸 𑀢𑀁 𑀯𑀺𑀲𑁆𑀲𑀚𑁆𑀚𑁂𑀲𑀺 𑀲𑁄 𑀅𑀲𑀦𑀺 𑀯𑀺𑀬𑀕𑀚𑁆𑀚𑀦𑁆𑀢𑁄 𑀕𑀦𑁆𑀢𑁆𑀯𑀸 𑀤𑀸𑀞𑀸𑀳𑀺 𑀧𑀤𑀭𑀁 𑀯𑀺𑀚𑁆𑀛𑀺𑀢𑁆𑀯𑀸 𑀧𑀸𑀤𑁂𑀦 𑀉𑀫𑁆𑀫𑀸𑀭𑀁 𑀳𑀦𑀺. 𑀤𑁆𑀯𑀸𑀭𑀁 𑀩𑀸𑀳𑀸𑀳𑀺 𑀲𑀤𑁆𑀥𑀺𑀁 𑀅𑀬𑁄𑀤𑁆𑀯𑀸𑀭𑀁 𑀫𑀳𑀸𑀲𑀤𑁆𑀤𑁂𑀦 𑀪𑀽𑀫𑀺𑀬𑀁 𑀧𑀢𑀺. 𑀕𑁄𑀧𑀼𑀭𑁂 𑀤𑀩𑁆𑀩𑀲𑀫𑁆𑀪𑀸𑀭𑀁 𑀧𑀦 𑀳𑀢𑁆𑀣𑀺𑀧𑀺𑀝𑁆𑀞𑀺𑀬𑀁 𑀧𑀢𑀦𑁆𑀢𑀁 𑀤𑀺𑀲𑁆𑀯𑀸 𑀦𑀡𑁆𑀥𑀺𑀫𑀺𑀢𑁆𑀢𑁄 𑀩𑀸𑀳𑀸𑀳𑀺 𑀧𑀳𑀭𑀺𑀢𑁆𑀯𑀸 𑀧𑀯𑀝𑁆𑀝𑁂𑀲𑀺 𑀢𑀤𑀸 𑀓𑀡𑁆𑀟𑀼𑀮𑁄 𑀤𑀸𑀞𑀸𑀧𑀻𑀴𑀦𑀯𑁂𑀭𑀁 𑀙𑀟𑁆𑀠𑁂𑀲𑀺.

𑀢𑀢𑁄 𑀓𑀡𑁆𑀟𑀼𑀮𑁄 𑀅𑀢𑁆𑀢𑀦𑁄 𑀧𑀺𑀝𑁆𑀞𑀺𑀁 𑀆𑀭𑀽𑀳𑀦𑀢𑁆𑀣𑀸𑀬 𑀦𑀡𑁆𑀥𑀺𑀫𑀺𑀢𑁆𑀢𑀁 𑀑𑀮𑁄𑀓𑁂𑀲𑀺. 𑀲𑁄 𑀢𑀬𑀸 𑀓𑀢𑀫𑀕𑁆𑀕𑁂𑀦 𑀦 𑀧𑀯𑀺𑀲𑀺𑀲𑁆𑀲𑀸𑀫𑀻𑀢𑀺 𑀅𑀝𑁆𑀞𑀸𑀭𑀲 𑀳𑀢𑁆𑀣𑀼𑀩𑁆𑀩𑁂𑀥𑀁 𑀧𑀸𑀓𑀸𑀭𑀁 𑀩𑀸𑀳𑀼𑀦𑀸 𑀧𑀳𑀭𑀺𑀢𑁆𑀯𑀸 𑀅𑀝𑁆𑀞𑀼𑀲𑀳𑀧𑁆𑀧𑀫𑀸𑀡𑀁 𑀧𑀸𑀓𑀸𑀭𑀧𑁆𑀧𑀤𑁂𑀲𑀁 𑀧𑀸𑀢𑁂𑀢𑁆𑀯𑀸 𑀲𑀼𑀭𑀦𑀺𑀫𑁆𑀫𑀮𑀁 𑀑𑀮𑁄𑀓𑁂𑀲𑀺 𑀲𑁄𑀧𑀺 𑀢𑁂𑀦 𑀓𑀢𑀫𑀕𑁆𑀕𑀁 𑀅𑀦𑀺𑀘𑁆𑀙𑀦𑁆𑀢𑁄 𑀧𑀸𑀓𑀸𑀭𑀁 𑀮𑀟𑁆𑀟𑀻𑀢𑁆𑀯𑀸 𑀦𑀕𑀭𑀩𑁆𑀪𑀦𑁆𑀢𑀭𑁂 𑀧𑀢𑀺 𑀕𑁄𑀞𑀬𑀺𑀫𑁆𑀩𑀭𑁄𑀧𑀺 - 𑀲𑁄𑀡𑁄𑀧𑀺 - 𑀣𑁂𑀭𑀧𑀼𑀢𑁆𑀢𑀸𑀪𑀬𑁄𑀧𑀺 𑀏𑀓𑁂𑀓 𑀤𑁆𑀯𑀸𑀭𑀁 𑀪𑀺𑀡𑁆𑀤𑀺𑀢𑁆𑀯𑀸 𑀧𑀯𑀺𑀲𑀺𑀁𑀲𑀼-𑀢𑀢𑁄.

‘‘𑀳𑀢𑁆𑀣𑀺 𑀕𑀳𑁂𑀢𑁆𑀯𑀸 𑀭𑀣𑀘𑀓𑁆𑀓𑀁-𑀫𑀺𑀢𑁆𑀢𑁄 𑀲𑀓𑀝 𑀧𑀜𑁆𑀚𑀭𑀁,

𑀦𑀸𑀴𑀺𑀓𑁂𑀭𑀢𑀭𑀼𑀁 𑀕𑁄𑀞𑁄-𑀦𑀺𑀫𑁆𑀫𑀮𑁄 𑀔𑀕𑁆𑀕𑀫𑀼𑀢𑁆𑀢𑀫𑀁;

𑀢𑀸𑀮𑀭𑀼𑀓𑁆𑀔𑀁 𑀫𑀳𑀸𑀲𑁄𑀡𑁄-𑀣𑁂𑀭𑀧𑀼𑀢𑁆𑀢𑁄 𑀫𑀳𑀸𑀕𑀤𑀁,

𑀯𑀺𑀲𑀼𑀁 𑀯𑀺𑀲𑀼𑀁 𑀯𑀻𑀣𑀺𑀕𑀢𑀸-𑀤𑀫𑀺𑀴𑁂 𑀦𑀢𑁆𑀣 𑀘𑀼𑀡𑁆𑀡𑀬𑀼𑀁’’;

𑀏𑀯𑀁 𑀯𑀺𑀚𑀺𑀢𑀦𑀕𑀭𑀁 𑀘𑀢𑀽𑀳𑀺 𑀫𑀸𑀲𑁂𑀳𑀺 𑀪𑀺𑀡𑁆𑀤𑀺𑀢𑁆𑀯𑀸 𑀤𑀫𑀺𑀴𑁂 𑀫𑀸𑀭𑁂𑀢𑁆𑀯𑀸 𑀢𑀢𑁄 𑀕𑀭𑀺𑀮𑁄𑀓𑀁 𑀦𑀸𑀫 𑀕𑀦𑁆𑀢𑁆𑀯𑀸 𑀕𑀺𑀭𑀺𑀬 𑀤𑀫𑀺𑀴𑀁 𑀅𑀕𑁆𑀕𑀳𑁂𑀲𑀺. 𑀢𑀢𑁄 𑀫𑀳𑁂𑀮 𑀦𑀕𑀭𑀁 𑀕𑀦𑁆𑀢𑁆𑀯𑀸 𑀘𑀢𑀽𑀳𑀺 𑀫𑀸𑀲𑁂𑀳𑀺 𑀫𑀳𑁂𑀮 𑀭𑀸𑀚𑀸𑀦𑀁 𑀕𑀡𑁆𑀳𑀺𑀁 𑀢𑀢𑁄 𑀭𑀸𑀚𑀸 𑀅𑀦𑀼𑀭𑀼𑀥𑀧𑀼𑀭𑀁 𑀕𑀘𑁆𑀙𑀦𑁆𑀢𑁄 𑀧𑀭𑀺𑀢𑁄𑀓𑀸𑀲𑀧𑀩𑁆𑀩𑀢𑁂 𑀦𑀸𑀫 𑀔𑀡𑁆𑀥𑀸𑀯𑀸𑀭𑀁 𑀦𑀺𑀯𑀸𑀲𑁂𑀢𑁆𑀯𑀸 𑀢𑀢𑁆𑀣 𑀢𑀴𑀸𑀓𑀁 𑀓𑀸𑀭𑁂𑀢𑁆𑀯𑀸 𑀚𑁂𑀝𑁆𑀞𑀫𑀽𑀮𑀫𑀸𑀲𑀫𑁆𑀳𑀺 𑀉𑀤𑀓𑀓𑀻𑀴𑀁 𑀓𑀻𑀴𑀺. 𑀏𑀴𑀸𑀭𑁄𑀧𑀺 𑀤𑀼𑀝𑁆𑀞𑀕𑀸𑀫𑀡𑀺𑀲𑁆𑀲 𑀆𑀕𑀢𑀪𑀸𑀯𑀁 𑀲𑀼𑀢𑁆𑀯𑀸 𑀅𑀫𑀘𑁆𑀘𑁂𑀳𑀺 𑀲𑀤𑁆𑀥𑀺𑀁 𑀫𑀦𑁆𑀢𑁂𑀢𑁆𑀯𑀸 𑀲𑁆𑀯𑁂 𑀬𑀼𑀤𑁆𑀥𑀁 𑀓𑀭𑀺𑀲𑁆𑀲𑀸𑀫𑀸𑀢𑀺 𑀦𑀺𑀘𑁆𑀙𑀬𑀁 𑀅𑀓𑀸𑀲𑀺 𑀧𑀼𑀦𑀤𑀺𑀯𑀲𑁂 𑀲𑀦𑁆𑀦𑀤𑁆𑀥𑁄 𑀫𑀳𑀸𑀧𑀩𑁆𑀩𑀢 𑀳𑀢𑁆𑀣𑀺𑀁 𑀆𑀭𑀼𑀬𑁆𑀳 𑀫𑀳𑀸 𑀩𑀮𑀓𑀸𑀬 𑀧𑀭𑀺𑀯𑀼𑀢𑁄 𑀦𑀺𑀓𑁆𑀔𑀫𑀺. 𑀕𑀸𑀫𑀡𑀻𑀧𑀺 𑀫𑀸𑀢𑀭𑀸 𑀲𑀤𑁆𑀥𑀺𑀁 𑀫𑀦𑁆𑀢𑁂𑀢𑁆𑀯𑀸 𑀤𑁆𑀯𑀢𑁆𑀢𑀺𑀁𑀲 𑀩𑀮 𑀓𑁄𑀝𑁆𑀞𑀓𑁂 𑀓𑀸𑀭𑁂𑀢𑁆𑀯𑀸 𑀙𑀢𑁆𑀢𑀥𑀭𑁂 𑀭𑀸𑀚𑀭𑀽𑀧𑀓𑁂 𑀢𑀢𑁆𑀣 𑀢𑀢𑁆𑀣 𑀞𑀧𑁂𑀲𑀺. 𑀅𑀩𑁆𑀪𑀦𑁆𑀢𑀭 𑀓𑁄𑀝𑁆𑀞𑀓𑁂 𑀲𑀬𑀁 𑀅𑀝𑁆𑀞𑀸𑀲𑀺.

𑀢𑀢𑁄 ¶ 𑀲𑀗𑁆𑀕𑀸𑀫𑁂 𑀯𑀢𑁆𑀢𑀫𑀸𑀦𑁂 𑀏𑀴𑀸𑀭 𑀭𑀜𑁆𑀜𑁄 𑀤𑀻𑀖𑀚𑀢𑁆𑀢𑀼 𑀦𑀸𑀫 𑀫𑀳𑀸 𑀬𑁄𑀥𑁄 𑀔𑀕𑁆𑀕𑀨𑀮𑀓𑀁 𑀕𑀳𑁂𑀢𑁆𑀯𑀸 𑀪𑀽𑀫𑀺𑀢𑁄 𑀅𑀝𑁆𑀞𑀸𑀭𑀲 𑀳𑀢𑁆𑀣𑀁 𑀦𑀪𑀫𑀼𑀕𑁆𑀕𑀦𑁆𑀢𑁆𑀯𑀸 𑀭𑀸𑀚𑀭𑀽𑀧𑀁 𑀙𑀺𑀡𑁆𑀤𑀺𑀢𑁆𑀯𑀸 𑀧𑀞𑀫𑀁 𑀩𑀮 𑀓𑁄𑀝𑁆𑀞𑀓𑀁 𑀪𑀺𑀡𑁆𑀤𑀺 𑀏𑀯𑀁 𑀲𑁂𑀲𑁂𑀧𑀺 𑀩𑀮𑀓𑁄𑀝𑁆𑀞𑀓𑁂 𑀪𑀺𑀡𑁆𑀤𑀺𑀢𑁆𑀯𑀸 𑀫𑀳𑀸𑀕𑀫𑀡𑀺𑀦𑀸 𑀞𑀢𑀁 𑀩𑀮𑀓𑁄𑀝𑁆𑀞𑀓𑀁 𑀆𑀕𑀫𑀺. 𑀢𑀤𑀸 𑀲𑀼𑀭𑀦𑀺𑀫𑁆𑀫𑀮𑁄 𑀭𑀜𑁆𑀜𑁄 𑀧𑀭𑀺𑀕𑀘𑁆𑀙𑀦𑁆𑀢𑀁 𑀤𑀺𑀲𑁆𑀯𑀸 𑀅𑀢𑁆𑀢𑀦𑁄 𑀦𑀸𑀫𑀁 𑀲𑀸𑀯𑁂𑀢𑁆𑀯𑀸 𑀢𑀁 𑀅𑀓𑁆𑀓𑁄𑀲𑀺 𑀢𑀁 𑀲𑀼𑀢𑁆𑀯𑀸 𑀤𑀻𑀖𑀚𑀦𑁆𑀢𑀼 𑀧𑀞𑀫𑀁 𑀇𑀫𑀁 𑀫𑀸𑀭𑁂𑀫𑀻𑀢𑀺 𑀓𑀼𑀚𑁆𑀛𑀺𑀢𑁆𑀯𑀸 𑀆𑀓𑀲𑀫𑀩𑁆𑀪𑀼𑀕𑁆𑀕𑀦𑁆𑀢𑁆𑀯𑀸 𑀅𑀢𑁆𑀢𑀦𑁄𑀧𑀭𑀺 𑀑𑀢𑀭𑀦𑁆𑀢𑀁 𑀤𑀺𑀲𑁆𑀯𑀸 𑀲𑀭𑀦𑀺𑀫𑁆𑀫𑀮𑁄 𑀅𑀢𑁆𑀢𑀦𑁄 𑀨𑀮𑀓𑀁 𑀉𑀧𑀦𑀸𑀫𑁂𑀲𑀺. 𑀇𑀢𑀭𑁄𑀧𑀺 𑀨𑀮𑀓𑁂𑀦 𑀲𑀤𑁆𑀥𑀺𑀁 𑀢𑀁 𑀪𑀺𑀡𑁆𑀤𑀺𑀲𑁆𑀲 𑀫𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀨𑀮𑀓𑀁 𑀧𑀳𑀭𑀺. 𑀇𑀢𑀭𑁄 𑀨𑀮𑀓𑀁 𑀫𑀼𑀜𑁆𑀘𑀺, 𑀤𑀻𑀖𑀚𑀦𑁆𑀢𑀼 𑀨𑀮𑀓𑀁 𑀙𑀺𑀡𑁆𑀤𑀦𑁆𑀢𑁄 𑀪𑀽𑀫𑀺𑀬𑀁 𑀧𑀢𑀺. 𑀲𑀼𑀭𑀦𑀺𑀫𑁆𑀫𑀮𑁄 𑀢𑀁 𑀲𑀢𑁆𑀢𑀺𑀬𑀸 𑀧𑀳𑀭𑀺, 𑀨𑀼𑀲𑁆𑀲𑀤𑁂𑀯𑁄 𑀢𑀁 𑀔𑀡𑁂 𑀲𑀗𑁆𑀔𑀁 𑀥𑀫𑀺, 𑀅𑀲𑀦𑀺𑀲𑀤𑁆𑀤𑁄 𑀯𑀺𑀬 𑀅𑀳𑁄𑀲𑀺 𑀉𑀫𑁆𑀫𑀸𑀤𑀧𑁆𑀧𑀢𑁆𑀢𑀸 𑀯𑀺𑀬 𑀫𑀦𑀼𑀲𑁆𑀲𑀸 𑀅𑀳𑁂𑀲𑀼𑀁. 𑀢𑀢𑁄 𑀤𑀫𑀺𑀴 𑀲𑁂𑀦𑀸 𑀪𑀺𑀚𑁆𑀚𑀺𑀢𑁆𑀣, 𑀏𑀴𑀸𑀭𑁄 𑀧𑀮𑀸𑀬𑀺𑀢𑁆𑀣 𑀢𑀤𑀸𑀧𑀺 𑀩𑀳𑀼 𑀤𑀫𑀺𑀴𑁂 𑀖𑀸𑀢𑁂𑀲𑀼𑀁.

‘‘𑀢𑀢𑁆𑀣 𑀯𑀸𑀧𑀺𑀚𑀮𑀁 𑀆𑀲𑀺-𑀳𑀢𑀸𑀦𑀁 𑀮𑁄𑀳𑀺𑀢𑀸𑀯𑀺𑀮𑀁,

𑀢𑀲𑁆𑀫𑀸 𑀓𑀼𑀮𑀢𑁆𑀣𑀯𑀸𑀧𑀻𑀢𑀺-𑀦𑀸𑀫𑀢𑁄 𑀯𑀺𑀲𑁆𑀲𑀼𑀢𑀸 𑀅𑀳𑀽;

𑀘𑀭𑀸𑀧𑁂𑀢𑁆𑀯𑀸 𑀢𑀳𑀺𑀁 𑀪𑁂𑀭𑀺𑀁-𑀤𑀼𑀝𑁆𑀞𑀕𑀸𑀫𑀺𑀡𑀺 𑀪𑀽𑀧𑀢𑀺,

𑀦 𑀳𑀦𑀺𑀲𑁆𑀲𑀢𑀼 𑀏𑀴𑀸𑀭𑀁-𑀫𑀁 𑀫𑀼𑀜𑁆𑀘𑀺𑀬 𑀧𑀭𑁄 𑀇𑀢𑀺;

𑀲𑀦𑁆𑀦𑀤𑁆𑀥𑁄 𑀲𑀬𑀫𑀸𑀭𑀼𑀬𑁆𑀳-𑀲𑀦𑁆𑀦𑀤𑁆𑀥𑀁 𑀓𑀡𑁆𑀟𑀼𑀮𑀁 𑀓𑀭𑀺𑀁,

𑀏𑀴𑀸𑀭𑀁 𑀅𑀦𑀼𑀩𑀡𑁆𑀥𑀦𑁆𑀢𑁄-𑀤𑀓𑁆𑀔𑀺𑀡𑀤𑁆𑀯𑀸𑀭 𑀫𑀸𑀕𑀫𑀺;

𑀧𑀼𑀭𑁂 𑀤𑀓𑁆𑀔𑀺𑀡𑀪𑀸𑀕𑀫𑁆𑀳𑀺-𑀉𑀪𑁄 𑀬𑀼𑀚𑁆𑀛𑀺𑀁𑀲𑀼 𑀪𑀽𑀫𑀺𑀧𑀸,

𑀢𑁄𑀫𑀭𑀁 𑀔𑀺𑀧𑀺 𑀏𑀴𑀸𑀭𑁄-𑀕𑀸𑀫𑀡𑀺 𑀢𑀁 𑀅𑀯𑀜𑁆𑀘𑀬𑀺;

𑀯𑀺𑀚𑁆𑀛𑀸𑀧𑁂𑀲𑀺 𑀘 𑀤𑀦𑁆𑀢𑁂𑀳𑀺-𑀢𑀁 𑀳𑀢𑁆𑀣𑀺𑀁 𑀲𑀓𑀳𑀢𑁆𑀣𑀺𑀦𑀸,

𑀢𑁄𑀫𑀭𑀁 𑀔𑀺𑀧𑀺 𑀏𑀴𑀸𑀭𑁄-𑀲𑀳𑀢𑁆𑀣𑀺 𑀢𑀢𑁆𑀣 𑀲𑁄 𑀧𑀢𑀺;

𑀢𑀢𑁄 𑀯𑀺𑀚𑀺𑀢 𑀲𑀗𑁆𑀕𑀸𑀫𑁄-𑀲𑀬𑁄𑀕𑁆𑀕𑀩𑀮𑀯𑀸𑀳𑀦𑁄,

𑀮𑀗𑁆𑀓𑀸 𑀏𑀓𑀸𑀢𑀧𑀢𑁆𑀢𑀁 𑀲𑁄-𑀓𑀢𑁆𑀯𑀸𑀦 𑀧𑀸𑀯𑀺𑀲𑀺 𑀧𑀼𑀭𑀁;’’

𑀅𑀣 𑀭𑀸𑀚𑀸 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀢𑁆𑀯𑀸 𑀲𑀫𑀦𑁆𑀢𑀸 𑀬𑁄𑀚𑀦𑀧𑁆𑀧𑀫𑀸𑀡𑁂 𑀫𑀦𑀼𑀲𑁆𑀲𑁂 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀏𑀴𑀸𑀭 𑀭𑀜𑁆𑀜𑁄 𑀲𑀭𑀻𑀭𑀁 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀢𑁆𑀯𑀸 𑀓𑀽𑀝𑀸𑀕𑀸𑀭𑁂𑀦 𑀦𑁂𑀢𑁆𑀯𑀸 𑀛𑀸𑀧𑁂𑀢𑁆𑀯𑀸 𑀢𑀢𑁆𑀣 𑀢𑁂𑀘𑀺𑀬𑀁 𑀓𑀸𑀭𑁂𑀢𑁆𑀯𑀸 𑀧𑀭𑀺𑀳𑀸𑀭𑀫𑀤𑀸𑀲𑀺. 𑀅𑀚𑁆𑀚𑀧𑀺 𑀭𑀸𑀚𑀸𑀦𑁄 𑀢𑀁 𑀧𑀤𑁂𑀲𑀫𑁆𑀧𑀢𑁆𑀯𑀸 𑀪𑁂𑀭𑀺𑀁 𑀦 𑀯𑀸𑀤𑀸𑀧𑁂𑀦𑁆𑀢𑀺. 𑀏𑀯𑀁 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬 𑀫𑀳𑀸𑀭𑀸𑀚𑀸 𑀤𑁆𑀯𑀢𑁆𑀢𑀺𑀁𑀲 𑀤𑀫𑀺𑀴 𑀭𑀸𑀚𑀸𑀦𑁄 𑀫𑀸𑀭𑁂𑀢𑁆𑀯𑀸 𑀮𑀗𑁆𑀓𑀸𑀤𑀻𑀧𑀁 𑀏𑀓𑀘𑁆𑀙𑀢𑁆𑀢𑀫𑀓𑀸𑀲𑀺.

𑀬𑀤𑀸 𑀤𑀼𑀝𑁆𑀞𑀕𑀸𑀫𑀡𑀺 𑀯𑀺𑀚𑀺𑀢𑀁 𑀦𑀕𑀭𑀁 𑀕𑀡𑁆𑀳𑀺 𑀢𑀤𑀸 𑀤𑀻𑀖𑀚𑀦𑁆𑀢𑀼 𑀬𑁄𑀥𑁄 𑀏𑀴𑀸𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀅𑀢𑁆𑀢𑀦𑁄 𑀪𑀸𑀕𑀺𑀦𑁂𑀬𑁆𑀬𑀲𑁆𑀲 𑀪𑀮𑁆𑀮𑀼𑀓𑀲𑁆𑀲 𑀬𑁄𑀥 𑀪𑀸𑀯𑀁 𑀆𑀘𑀺𑀓𑁆𑀔𑀺𑀢𑁆𑀯𑀸 𑀇𑀥𑀸𑀕𑀫𑀦𑀢𑁆𑀣𑀸𑀬 𑀢𑀲𑁆𑀲 𑀲𑀦𑁆𑀢𑀺𑀓𑀁 𑀧𑁂𑀲𑁂𑀲𑀺. 𑀪𑀮𑁆𑀮𑀼𑀓𑁄𑀧𑀺 𑀏𑀴𑀸𑀭𑀲𑁆𑀲 𑀤𑀟𑁆𑀠𑀤𑀺𑀯𑀲𑀢𑁄 𑀲𑀢𑁆𑀢𑀫𑁂 𑀤𑀺𑀯𑀲𑁂 𑀲𑀝𑁆𑀞𑀺𑀬𑀸 𑀧𑀼𑀭𑀺𑀲 ¶ 𑀲𑀳𑀲𑁆𑀲𑁂𑀳𑀺 𑀲𑀤𑁆𑀥𑀺𑀁 𑀑𑀢𑀺𑀡𑁆𑀡𑁄 𑀭𑀜𑁆𑀜𑁄 𑀫𑀢𑀪𑀸𑀯𑀁 𑀲𑀼𑀢𑁆𑀯𑀸𑀧𑀺 𑀮𑀚𑁆𑀚𑀸𑀬 𑀬𑀼𑀚𑁆𑀛𑀺𑀲𑁆𑀲𑀸𑀫𑀻𑀢𑀺 𑀫𑀳𑀸𑀢𑀺𑀢𑁆𑀣𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀓𑁄𑀮𑀫𑁆𑀩𑀳𑀸𑀮𑀓𑁂 𑀦𑀸𑀫 𑀕𑀸𑀫𑁂 𑀔𑀡𑁆𑀥𑀸𑀯𑀸𑀭𑀁 𑀦𑀺𑀯𑁂𑀲𑁂𑀲𑀺. 𑀭𑀸𑀚𑀸𑀧𑀺 𑀢𑀲𑁆𑀲𑀸’𑀕𑀫𑀦𑀁 𑀲𑀼𑀢𑁆𑀯𑀸 𑀲𑀦𑁆𑀦𑀤𑁆𑀥𑁄 𑀓𑀡𑁆𑀟𑀼𑀮𑀁 𑀆𑀭𑀼𑀬𑁆𑀳 𑀬𑁄𑀥𑀧𑀭𑀺𑀯𑀼𑀢𑁄 𑀫𑀳𑀢𑀸 𑀩𑀮𑀓𑀸𑀬𑁂𑀦 𑀅𑀪𑀺𑀦𑀺𑀓𑁆𑀔𑀫𑀺. 𑀨𑀼𑀲𑁆𑀲𑀤𑁂𑀯𑁄𑀧𑀺 𑀧𑀜𑁆𑀘𑀸𑀯𑀼𑀥 𑀲𑀦𑁆𑀦𑀤𑁆𑀥𑁄 𑀭𑀜𑁆𑀜𑁄 𑀧𑀘𑁆𑀙𑀺𑀫𑀸𑀲𑀦𑁂 𑀦𑀺𑀲𑀻𑀤𑀺. 𑀪𑀮𑁆𑀮𑀼𑀓𑁄𑀧𑀺 𑀧𑀜𑁆𑀘𑀸𑀯𑀼𑀥 𑀲𑀦𑁆𑀦𑀤𑁆𑀥𑁄 𑀳𑀢𑁆𑀣𑀺𑀁 𑀆𑀭𑀼𑀬𑁆𑀳 𑀭𑀸𑀚𑀸𑀪𑀺𑀫𑀼𑀔𑁄 𑀅𑀕𑀜𑁆𑀙𑀺. 𑀢𑀤𑀸 𑀓𑀡𑁆𑀟𑀼𑀮𑁄 𑀢𑀲𑁆𑀲 𑀯𑁂𑀕𑀫𑀡𑁆𑀤𑀺 𑀪𑀸𑀯𑀢𑁆𑀣𑀁 𑀲𑀦𑀺𑀓𑀁 𑀲𑀦𑀺𑀓𑀁 𑀧𑀘𑁆𑀘𑁄𑀲𑀓𑀓𑀺 𑀲𑁂𑀦𑀸𑀧𑀺 𑀳𑀢𑁆𑀣𑀺𑀦𑀸 𑀲𑀤𑁆𑀥𑀺𑀁 𑀢𑀣𑁂𑀯 𑀧𑀘𑁆𑀘𑁄𑀲𑀓𑀓𑀺.

𑀭𑀸𑀚𑀸 𑀨𑀼𑀲𑁆𑀲𑀤𑁂𑀯𑀁 𑀆𑀳 𑀅𑀬𑀁 𑀳𑀢𑁆𑀣𑀺 𑀧𑀼𑀩𑁆𑀩𑁂 𑀅𑀝𑁆𑀞𑀯𑀻𑀲𑀢𑀺𑀬𑀸 𑀬𑀼𑀤𑁆𑀥𑁂𑀲𑀼 𑀅𑀧𑀘𑁆𑀘𑁄𑀲𑀓𑀓𑀺𑀢𑁆𑀯𑀸 𑀇𑀤𑀸𑀦𑀺 𑀓𑀲𑁆𑀫𑀸 𑀧𑀦 𑀧𑀘𑁆𑀘𑁄𑀲𑀓𑁆𑀓𑀢𑀻𑀢𑀺. 𑀲𑁄 𑀆𑀳𑀸𑀤𑁂𑀯. 𑀅𑀫𑁆𑀳𑀸𑀓𑀫𑁂𑀯 𑀚𑀬𑁄 𑀅𑀬𑀁 𑀕𑀚𑁄 𑀚𑀬𑀪𑀽𑀫𑀺𑀁 𑀅𑀯𑁂𑀓𑁆𑀔𑀦𑁆𑀢𑁄 𑀧𑀘𑁆𑀘𑁄𑀲𑀓𑁆𑀓𑀢𑀺 𑀚𑀬𑀪𑀽𑀫𑀺𑀁 𑀧𑀢𑁆𑀯𑀸 𑀞𑀲𑁆𑀲𑀢𑀻𑀢𑀺? 𑀦𑀸𑀕𑁄𑀧𑀺 𑀧𑀘𑁆𑀘𑁄𑀲𑀓𑀓𑀺𑀢𑁆𑀯 𑀧𑀼𑀭 𑀤𑁂𑀯𑀲𑁆𑀲 𑀧𑀲𑁆𑀲𑁂 𑀫𑀳𑀸𑀯𑀺𑀳𑀸𑀭 𑀲𑀻𑀫𑀦𑁆𑀢𑁂 𑀅𑀝𑁆𑀞𑀸𑀲𑀺.

𑀢𑀢𑁄 𑀪𑀮𑁆𑀮𑀼𑀓𑁄 𑀭𑀸𑀚𑀸𑀪𑀺𑀫𑀼𑀔𑀸 𑀆𑀕𑀦𑁆𑀢𑁆𑀯𑀸 𑀭𑀸𑀚𑀸𑀦𑀁 𑀉𑀧𑁆𑀧𑀡𑁆𑀟𑁂𑀲𑀺 𑀭𑀸𑀚𑀸𑀧𑀺 𑀔𑀕𑁆𑀕𑀢𑀮𑁂𑀦 𑀫𑀼𑀔𑀁 𑀧𑀺𑀥𑀸𑀬 𑀢𑀁 𑀅𑀓𑁆𑀓𑁄𑀲𑀺 𑀭𑀜𑁆𑀜𑁄 𑀫𑀼𑀔𑁂 𑀯𑀺𑀚𑁆𑀛𑀺𑀲𑁆𑀲𑀸𑀫𑀻𑀢𑀺 𑀲𑀭𑀁 𑀔𑀺𑀧𑀺. 𑀲𑁄 𑀔𑀕𑁆𑀕𑀢𑀮 𑀫𑀸𑀕𑀘𑁆𑀘𑀪𑀽𑀫𑀺𑀬𑀁 𑀧𑀢𑀺, 𑀪𑀮𑁆𑀮𑀼𑀓𑁄 𑀫𑀼𑀔𑁂 𑀯𑀺𑀤𑁆𑀥𑁂𑀲𑁆𑀫𑀺𑀢𑀺 𑀲𑀜𑁆𑀜𑀸𑀬 𑀉𑀓𑁆𑀓𑀼𑀝𑁆𑀞𑀺, 𑀅𑀓𑀸𑀲𑀺 𑀢𑀤𑀸 𑀭𑀜𑁆𑀜𑁄 𑀧𑀘𑁆𑀙𑀺𑀫𑀸𑀲𑀦𑁂 𑀦𑀺𑀲𑀺𑀦𑁆𑀦𑁄 𑀨𑀼𑀲𑁆𑀲𑀤𑁂𑀯𑁄 𑀭𑀜𑁆𑀜𑁄 𑀓𑀼𑀡𑁆𑀟𑀮𑀁 𑀖𑀝𑁂𑀦𑁆𑀢𑁄 𑀢𑀲𑁆𑀲 𑀫𑀼𑀔𑁂 𑀓𑀡𑁆𑀟𑀁 𑀧𑀸𑀢𑁂𑀲𑀺 𑀭𑀜𑁆𑀜𑁄 𑀧𑀸𑀤𑁂 𑀓𑀢𑁆𑀯𑀸 𑀧𑀢𑀫𑀸𑀦𑀲𑁆𑀲 𑀚𑀸𑀡𑀼𑀫𑁆𑀳𑀺 𑀅𑀧𑀭𑁂𑀦 𑀓𑀡𑁆𑀟𑁂𑀦 𑀯𑀺𑀚𑁆𑀛𑀺𑀢𑁆𑀯𑀸 𑀭𑀜𑁆𑀜𑁄 𑀲𑀻𑀲𑀁 𑀓𑀢𑁆𑀯𑀸 𑀧𑀸𑀢𑁂𑀲𑀺. 𑀭𑀸𑀚𑀸 𑀮𑀤𑁆𑀥𑀚𑀬𑁄 𑀦𑀕𑀭𑀁 𑀆𑀕𑀦𑁆𑀢𑁆𑀯𑀸 𑀲𑀭𑀁 𑀆𑀳𑀭𑀸𑀧𑁂𑀢𑁆𑀯𑀸 𑀧𑀼𑀗𑁆𑀔𑁂𑀦 𑀉𑀚𑀼𑀓𑀁 𑀞𑀧𑀸𑀧𑁂𑀢𑁆𑀯𑀸 𑀢𑀁 𑀧𑀫𑀸𑀡𑀁 𑀓𑀳𑀸𑀧𑀡𑀭𑀸𑀲𑀺𑀁 𑀓𑀢𑁆𑀯𑀸 𑀨𑀼𑀲𑁆𑀲𑀤𑁂𑀯𑀲𑁆𑀲 𑀅𑀤𑀸𑀲𑀺.

𑀏𑀯𑀁 𑀮𑀗𑁆𑀓𑀸𑀭𑀚𑁆𑀚𑀁 𑀏𑀓𑀘𑁆𑀙𑀢𑁆𑀢𑀁 𑀓𑀢𑁆𑀯𑀸 𑀭𑀸𑀚𑀸 𑀬𑁄𑀥𑀸𑀦𑀁 𑀬𑀣𑀸𑀦𑀼𑀭𑀽𑀧𑀁 𑀞𑀸𑀦𑀦𑁆𑀢𑀭𑀁 𑀅𑀤𑀸𑀲𑀺. 𑀣𑁂𑀭𑀧𑀼𑀢𑁆𑀢𑀸𑀪𑀬𑁄 𑀧𑀦 𑀤𑀻𑀬𑀫𑀸𑀦𑀁 𑀝𑁆𑀞𑀸𑀦𑀦𑁆𑀢𑀭𑀁 𑀦 𑀕𑀡𑁆𑀳𑀺 𑀓𑀲𑁆𑀫𑀸 𑀦 𑀕𑀡𑁆𑀳𑀲𑀺𑀢𑀺 𑀧𑀼𑀘𑁆𑀙𑀺𑀦𑁄 𑀬𑀼𑀤𑁆𑀥𑀁 𑀅𑀢𑁆𑀣𑀺 𑀫𑀳𑀸𑀭𑀸𑀚𑀸𑀢𑀺 𑀆𑀳𑀁. 𑀇𑀤𑀸𑀦𑀺 𑀏𑀓𑀭𑀚𑁆𑀚𑁂 𑀓𑀢𑁂 𑀓𑀺𑀁 𑀦𑀸𑀫 𑀬𑀼𑀤𑁆𑀥𑀦𑁆𑀢𑀺 𑀧𑀼𑀘𑁆𑀙𑀺𑀢𑁂 𑀓𑀺𑀮𑁂𑀲 𑀘𑁄𑀭𑁂𑀳𑀺 𑀬𑀼𑀚𑁆𑀛𑀺𑀲𑁆𑀲 𑀫𑀻𑀢𑀺 𑀆𑀳. 𑀭𑀸𑀚𑀸 𑀧𑀼𑀦𑀧𑁆𑀧𑀼𑀦𑀁 𑀦𑀺𑀯𑀸𑀭𑁂𑀲𑀺 𑀲𑁄𑀧𑀺 𑀧𑀼𑀦𑀧𑁆𑀧𑀼𑀦 𑀬𑀸𑀘𑀺𑀢𑁆𑀯𑀸 𑀭𑀸𑀚𑀸𑀦𑀼𑀜𑁆𑀜𑀸𑀬 𑀧𑀩𑁆𑀩𑀚𑀺𑀢𑁆𑀯𑀸 𑀯𑀺𑀧𑀲𑁆𑀲𑀦𑀸𑀬 𑀓𑀫𑁆𑀫𑀁 𑀓𑀭𑁄𑀦𑁆𑀢𑁄 𑀅𑀭𑀳𑀢𑁆𑀢𑀁 𑀧𑀢𑁆𑀯𑀸 𑀧𑀜𑁆𑀘 𑀔𑀻𑀡𑀸𑀲𑀯𑀲𑀢 𑀧𑀭𑀺𑀯𑀸𑀭𑁄 𑀅𑀳𑁄𑀲𑀺.

𑀢𑀢𑁄 𑀭𑀸𑀚𑀸 𑀅𑀢𑁆𑀢𑀦𑁄 𑀧𑀸𑀲𑀸𑀤𑀢𑀮𑁂 𑀲𑀺𑀭𑀻𑀲𑀬𑀦𑀕𑀢𑁄 𑀫𑀳𑀢𑀺𑀁 𑀲𑀫𑁆𑀧𑀢𑁆𑀢𑀺𑀁 𑀑𑀮𑁄𑀓𑁂𑀢𑁆𑀯𑀸 𑀅𑀓𑁆𑀔𑁄𑀪𑀺𑀡𑀺 𑀲𑁂𑀦𑀸𑀖𑀸𑀢𑀁 𑀅𑀦𑀼𑀲𑁆𑀲𑀭𑀺. 𑀅𑀦𑀼𑀲𑁆𑀲𑀭𑀦𑁆𑀢𑀲𑁆𑀲 𑀭𑀜𑁆𑀜𑁄 𑀫𑀳𑀦𑁆𑀢𑀁 𑀤𑁂𑀫𑀦𑀲𑁆𑀲𑀁 𑀉𑀧𑁆𑀧𑀚𑁆𑀚𑀺 𑀲𑀕𑁆𑀕 𑀫𑀕𑁆𑀕𑀦𑁆𑀢𑀭𑀸𑀬𑁄 𑀫𑁂 𑀪𑀯𑁂𑀬𑁆𑀬𑀸𑀢𑀺.

𑀢𑀤𑀸 𑀧𑀺𑀬𑀗𑁆𑀕𑀼𑀤𑀻𑀧𑁂 𑀅𑀭𑀳𑀦𑁆𑀢𑁄 𑀭𑀜𑁆𑀜𑁄 𑀧𑀭𑀺𑀘𑀺𑀢𑀓𑁆𑀓𑀁 𑀜𑀢𑁆𑀯𑀸 𑀢𑀁 𑀅𑀲𑁆𑀲𑀸𑀲𑁂𑀢𑀼𑀁 𑀅𑀝𑁆𑀞 𑀅𑀭𑀳𑀦𑁆𑀢𑁂 𑀧𑁂𑀲𑁆𑀲𑁂. 𑀢𑁂 𑀆𑀕𑀦𑁆𑀢𑁆𑀯𑀸 𑀆𑀕𑀢𑀪𑀸𑀯𑀸 𑀦𑀺𑀯𑁂𑀤𑁂𑀢𑁆𑀯𑀸 ¶ 𑀧𑀸𑀲𑀸𑀤𑀢𑀮𑀁 𑀅𑀪𑀺𑀭𑀼𑀳𑀺𑀁𑀲𑀼 𑀭𑀸𑀚𑀸 𑀣𑁂𑀭𑁂 𑀯𑀦𑁆𑀤𑀺𑀢𑁆𑀯𑀸 𑀆𑀲𑀦𑁂 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀆𑀕𑀢 𑀓𑀸𑀭𑀡𑀁 𑀧𑀼𑀘𑁆𑀙𑀺. 𑀣𑁂𑀭𑀸𑀧𑀺 𑀆𑀕𑀢 𑀓𑀸𑀭𑀡𑀁 𑀯𑀢𑁆𑀯𑀸 𑀭𑀜𑁆𑀜𑁄 𑀢𑁂𑀦 𑀓𑀫𑁆𑀫𑀼𑀦𑀸 𑀲𑀕𑁆𑀕-𑀫𑁄𑀓𑁆𑀔𑀦𑁆𑀢𑀭𑀸𑀬𑀪𑀸𑀯𑀁 𑀩𑁄𑀥𑁂𑀢𑁆𑀯 𑀧𑀓𑁆𑀓𑀫𑀺𑀁𑀲𑀼 𑀭𑀸𑀚𑀸 𑀢𑁂𑀲𑀁 𑀯𑀘𑀦𑀁 𑀲𑀼𑀢𑁆𑀯𑀸 𑀅𑀲𑁆𑀲𑀸𑀲𑀁 𑀧𑀝𑀺𑀮𑀪𑀺𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 (𑀢𑁂 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸) 𑀲𑀺𑀭𑀺𑀲𑀬𑀦𑀕𑀢𑁄 𑀧𑀼𑀦 𑀘𑀺𑀦𑁆𑀢𑁂𑀲𑀺.

𑀫𑀸𑀢𑀺𑀧𑀺𑀢𑀭𑁄 𑀔𑁄 𑀧𑀦 𑀫𑀸 𑀘𑁄 𑀓𑀤𑀸𑀘𑀺𑀧𑀺 𑀯𑀺𑀦𑀸 𑀲𑀗𑁆𑀖𑁂𑀦 𑀆𑀳𑀸𑀭𑀁 𑀪𑀼𑀜𑁆𑀚𑀣𑀸𑀢𑀺 𑀅𑀫𑁆𑀳𑁂𑀳𑀺 𑀲𑀧𑀣𑀁 𑀓𑀸𑀭𑁂𑀲𑀼𑀁 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀤𑀢𑁆𑀯𑀸 𑀪𑀼𑀢𑁆𑀢𑀁 𑀅𑀢𑁆𑀣𑀺 𑀦𑀼 𑀔𑁄 𑀦𑀢𑁆𑀣𑀺𑀢𑀺 𑀘𑀺𑀦𑁆𑀢𑀬𑀦𑁆𑀢𑁄 𑀲𑀢𑀺𑀲𑀫𑁆𑀫𑁄𑀲𑁂𑀦 𑀲𑀗𑁆𑀖𑀲𑁆𑀲 𑀅𑀤𑀢𑁆𑀯𑀸 𑀧𑀸𑀢𑀭𑀸𑀲𑀓𑀸𑀮𑁂 𑀧𑀭𑀺𑀪𑀼𑀢𑁆𑀢𑀁 𑀏𑀓𑀁𑀬𑁂𑀯 𑀫𑀭𑀺𑀘𑀯𑀝𑁆𑀝𑀺𑀁 𑀅𑀤𑁆𑀤𑀲. 𑀤𑀺𑀲𑁆𑀯𑀸 𑀘 𑀅𑀬𑀼𑀢𑁆𑀢𑀁 𑀫𑀬𑀸 𑀓𑀢𑀁 𑀤𑀡𑁆𑀟𑀓𑀫𑁆𑀫𑀁 𑀫𑁂 𑀓𑀸𑀢𑀩𑁆𑀩𑀦𑁆𑀢𑀻 𑀘𑀺𑀦𑁆𑀢𑁂𑀲𑀺 𑀅𑀣 𑀭𑀸𑀚𑀸 𑀙𑀢𑁆𑀢𑀫𑀗𑁆𑀕𑀮 𑀲𑀢𑁆𑀢𑀸𑀳𑁂 𑀯𑀻𑀢𑀺𑀯𑀢𑁆𑀢𑁂 𑀫𑀳𑀢𑀸 𑀭𑀸𑀚𑀸𑀦𑀼𑀪𑀸𑀯𑁂𑀦 𑀫𑀳𑀦𑁆𑀢𑁂𑀦 𑀓𑀻𑀴𑀸𑀯𑀺𑀥𑀸𑀦𑁂𑀦 𑀉𑀤𑀓𑀓𑀻𑀴𑀁 𑀓𑀻𑀴𑀺𑀢𑀼𑀁 𑀅𑀪𑀺𑀲𑀺𑀢𑁆𑀢𑀸𑀦𑀁 𑀭𑀸𑀚𑀼𑀦𑀁 𑀘𑀸𑀭𑀺𑀢𑁆𑀢𑀸𑀦𑀼 𑀧𑀸𑀮𑀦𑀢𑁆𑀣𑀜𑁆𑀘 𑀢𑀺𑀲𑁆𑀲𑀯𑀸𑀧𑀺𑀁 𑀅𑀕𑀫𑀸𑀲𑀺. 𑀭𑀜𑁆𑀜𑁄 𑀲𑀩𑁆𑀩𑀁 𑀧𑀭𑀺𑀘𑁆𑀙𑀤𑀁 𑀉𑀧𑀸𑀳𑀦𑀙𑀢𑁆𑀢𑀸𑀦𑀺 𑀘 𑀫𑀭𑀺𑀘𑀯𑀝𑁆𑀝𑀺 𑀯𑀺𑀳𑀸𑀭𑀝𑁆𑀞𑀸𑀦𑀫𑁆𑀳𑀺 𑀞𑀧𑀬𑀺𑀁𑀲𑀼.

𑀢𑀢𑁆𑀭𑀸𑀧𑀺 𑀣𑀽𑀧𑀝𑁆𑀞𑀸𑀦𑁂 𑀭𑀸𑀚𑀧𑀼𑀭𑀺𑀲𑀸 𑀭𑀜𑁆𑀜𑁄 𑀲𑀥𑀸𑀢𑀼𑀓𑀁 𑀓𑀼𑀦𑁆𑀢𑀁 𑀉𑀚𑀼𑀓𑀁 𑀞𑀧𑁂𑀲𑀼𑀁. 𑀭𑀸𑀚𑀸 𑀤𑀺𑀯𑀲𑀪𑀸𑀕𑀁 𑀑𑀭𑁄𑀥 𑀧𑀭𑀺𑀯𑀼𑀢𑁄 𑀓𑀻𑀴𑀺𑀢𑁆𑀯𑀸 𑀲𑀸𑀬𑀡𑁆𑀳𑁂 𑀚𑀸𑀢𑁂 𑀦𑀕𑀭𑀁 𑀕𑀫𑀺𑀲𑁆𑀲𑀸𑀫 𑀓𑀼𑀦𑁆𑀢𑀁 𑀯𑀟𑁆𑀠𑁂𑀣𑀸𑀢𑀺 𑀆𑀳. 𑀭𑀸𑀚𑀧𑀼𑀭𑀺𑀲𑀸 𑀓𑀼𑀦𑁆𑀢𑀁 𑀕𑀡𑁆𑀳𑀦𑁆𑀢𑀸 𑀘𑀸𑀮𑁂𑀢𑀼𑀁 𑀦𑀸𑀲𑀓𑁆𑀔𑀺𑀁𑀲𑀼 𑀭𑀸𑀚𑀲𑁂𑀦, 𑀢𑀁 𑀅𑀘𑁆𑀙𑀭𑀺𑀬𑀁 𑀤𑀺𑀲𑁆𑀯𑀸 𑀲𑀫𑀸𑀕𑀦𑁆𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀲𑀺 𑀭𑀸𑀚𑀸𑀧𑀺 𑀫𑀳𑀦𑁆𑀢𑀁 𑀅𑀘𑁆𑀙𑀭𑀺𑀬𑀁 𑀤𑀺𑀲𑁆𑀯𑀸 𑀳𑀝𑁆𑀞𑀫𑀸𑀦𑀲𑁄 𑀲𑀫𑀦𑁆𑀢𑀸 𑀆𑀭𑀓𑁆𑀔𑀁 𑀲𑀁𑀯𑀺𑀤𑀳𑀺𑀢𑁆𑀯𑀸 𑀦𑀕𑀭𑀁 𑀧𑀸𑀯𑀺𑀲𑀺.

𑀢𑀢𑁄 𑀭𑀸𑀚𑀸 𑀓𑀼𑀦𑁆𑀢𑀁 𑀧𑀭𑀺𑀓𑁆𑀔𑀺𑀧𑀸𑀧𑁂𑀢𑁆𑀯𑀸 𑀘𑁂𑀢𑀺𑀬𑀁 𑀢𑀁 𑀧𑀭𑀺𑀓𑁆𑀔𑀺𑀧𑀸𑀧𑁂𑀢𑁆𑀯𑀸 𑀯𑀺𑀳𑀸𑀭𑀜𑁆𑀘 𑀓𑀸𑀭𑁂𑀲𑀺. 𑀯𑀺𑀳𑀸𑀭𑁄 𑀢𑀻𑀳𑀺 𑀲𑀁𑀯𑀘𑁆𑀙𑀭𑁂𑀳𑀺 𑀦𑀺𑀝𑁆𑀞𑀸𑀲𑀺𑀁 𑀭𑀸𑀚𑀸 𑀯𑀺𑀳𑀸𑀭𑀫𑀳𑀢𑁆𑀣𑀸𑀬 𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀲𑀺 𑀪𑀺𑀓𑁆𑀔𑀽𑀦𑀁 𑀲𑀢𑀲𑀳𑀲𑁆𑀲𑀸𑀦𑀺 𑀪𑀺𑀓𑁆𑀔𑀼𑀦𑀻𑀦𑀁 𑀦𑀯𑀼𑀢𑀺 𑀲𑀳𑀲𑁆𑀲𑀸𑀦𑀺 𑀲𑀦𑁆𑀦𑀺𑀧𑀢𑀺𑀁𑀲𑀼 𑀢𑀲𑁆𑀫𑀺𑀁 𑀲𑀫𑀸𑀕𑀫𑁂 𑀭𑀸𑀚𑀸 𑀲𑀗𑁆𑀖𑀁 𑀯𑀦𑁆𑀤𑀺𑀢𑁆𑀯𑀸 𑀏𑀯𑀫𑀸𑀳 𑀪𑀦𑁆𑀢𑁂 𑀯𑀺𑀲𑁆𑀲𑀭𑀺𑀢𑁆𑀯𑀸 𑀯𑀺𑀦𑀸 𑀲𑀗𑁆𑀖𑁂𑀦 𑀫𑀭𑀺𑀘𑀯𑀝𑁆𑀝𑀺𑀓𑀁 𑀧𑀭𑀺𑀪𑀼𑀜𑁆𑀚𑀺𑀁 𑀢𑀤𑀢𑁆𑀣𑀁 𑀤𑀡𑁆𑀟𑀓𑀫𑁆𑀫𑀁 𑀫𑁂 𑀳𑁄𑀢𑀽𑀢𑀺-𑀲𑀘𑁂𑀢𑀺𑀬𑀁 𑀫𑀭𑀺𑀘𑀯𑀝𑁆𑀝𑀺𑀬𑀁 𑀯𑀺𑀳𑀸𑀭𑀁 𑀓𑀸𑀭𑁂𑀲𑀺𑀁 𑀧𑀢𑀺𑀕𑀡𑁆𑀳𑀸𑀢𑀼 𑀪𑀦𑁆𑀢𑁂 𑀲𑀗𑁆𑀖𑁄 𑀲𑀘𑁂𑀢𑀺𑀬𑀁 𑀯𑀺𑀳𑀸𑀭𑀦𑁆𑀢𑀺 𑀤𑀓𑁆𑀔𑀺𑀡𑁄𑀤𑀓𑀁 𑀧𑀸𑀢𑁂𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀯𑀺𑀳𑀸𑀭𑀁 𑀅𑀤𑀸𑀲𑀺.

𑀯𑀺𑀳𑀸𑀭𑀲𑁆𑀲 𑀲𑀫𑀦𑁆𑀢𑀢𑁄 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀦𑀺𑀲𑀻𑀤𑀦𑀢𑁆𑀣𑀸𑀬 𑀫𑀳𑀦𑁆𑀢𑀁 𑀫𑀡𑁆𑀟𑀧𑀁 𑀓𑀸𑀭𑁂𑀲𑀺 𑀫𑀡𑁆𑀟𑀧 𑀧𑀸𑀤𑀸 𑀅𑀪𑀬𑀯𑀸𑀧𑀺𑀬𑀸 𑀚𑀮𑁂 𑀧𑀢𑀺𑀝𑁆𑀞𑀺𑀢𑀸 𑀅𑀳𑁂𑀲𑀼𑀁. 𑀲𑁂𑀲𑁄𑀓𑀸𑀲𑁂 𑀓𑀣𑀸𑀘𑀦𑀢𑁆𑀣𑀺. 𑀢𑀢𑁆𑀣 𑀪𑀺𑀓𑁆𑀔𑀼𑀲𑀗𑁆𑀖𑀁 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀲𑀢𑁆𑀢𑀸𑀳𑀁 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀲𑀩𑁆𑀩𑀧𑀭𑀺𑀓𑁆𑀔𑀸𑀭𑀁 𑀅𑀤𑀸𑀲𑀺. 𑀢𑀢𑁆𑀣 𑀲𑀗𑁆𑀖𑀢𑁆𑀣𑁂𑀭𑁂𑀦 𑀮𑀤𑁆𑀥 𑀧𑀭𑀺𑀓𑁆𑀔𑀸𑀭𑁄 𑀲𑀢𑀲𑀳𑀲𑁆𑀲𑀕𑁆𑀖𑀦𑀓𑁄 𑀅𑀳𑁄𑀲𑀺.

𑀏𑀯𑀁- ¶

‘‘𑀬𑀼𑀤𑁆𑀥𑁂 𑀤𑀸𑀦𑁂 𑀘 𑀲𑀽𑀭𑁂𑀦-𑀲𑀽𑀭𑀺𑀦𑀸 𑀭𑀢𑀦𑀢𑁆𑀢𑀫𑁂,

𑀧𑀲𑀦𑁆𑀦𑀸𑀫𑀮𑀘𑀺𑀢𑁆𑀢𑁂𑀦-𑀲𑀸𑀲𑀦𑀼𑀚𑁆𑀚𑁄𑀢𑀦𑀢𑁆𑀣𑀺𑀦𑀸;

𑀭𑀜𑁆𑀜𑀸 𑀓𑀢𑀜𑁆𑀜𑀼𑀦𑀸 𑀢𑁂𑀦-𑀣𑀽𑀧𑀓𑀸𑀭𑀸𑀧𑀦𑀸𑀤𑀺𑀢𑁄,

𑀯𑀺𑀳𑀸𑀭𑀫𑀳𑀦𑀦𑁆𑀢𑀸𑀦𑀺 - 𑀧𑀽𑀚𑁂𑀢𑀼𑀁 𑀭𑀢𑀦𑀢𑁆𑀢𑀬𑀁;

𑀧𑀭𑀺𑀘𑁆𑀘𑀢𑁆𑀢𑀥𑀦𑀸𑀦𑁂𑀢𑁆𑀣-𑀅𑀦𑀕𑁆𑀖𑀸𑀦𑀺 𑀯𑀺𑀫𑀼𑀜𑁆𑀘𑀺𑀬,

𑀲𑁂𑀲𑀸𑀦𑀺 𑀳𑁄𑀦𑁆𑀢𑀺 𑀏𑀓𑀸𑀬-𑀊𑀦𑀸 𑀯𑀺𑀲𑀢𑀺𑀓𑁄𑀝𑀺𑀬𑁄;’’

𑀏𑀯𑀁 𑀲𑀧𑀜𑁆𑀜𑁄 𑀪𑀺𑀤𑀽𑀭𑁂 𑀅𑀲𑀸𑀭𑁂,

𑀤𑁂𑀳𑁂 𑀥𑀦𑁂 𑀲𑀗𑁆𑀕𑀫𑀢𑀺𑀓𑁆𑀓𑀫𑀺𑀢𑁆𑀯𑀸

𑀓𑀢𑁆𑀯𑀸𑀦 𑀧𑀼𑀜𑁆𑀜𑀁 𑀲𑀼𑀔𑀲𑀸𑀤𑀦𑀢𑁆𑀣𑀁,

𑀲𑀸𑀭𑀁 𑀕𑀳𑁂𑀢𑀼𑀁 𑀲𑀢𑀢𑀁 𑀬𑀢𑁂𑀬𑁆𑀬𑀸𑀢𑀺;

𑀫𑀭𑀻𑀘𑀯𑀝𑁆𑀝𑀺 𑀯𑀺𑀳𑀸𑀭𑀓𑀣𑀸

𑁧𑁮. 𑀢𑀢𑁄 𑀭𑀸𑀚𑀸 𑀘𑀺𑀦𑁆𑀢𑁂𑀲𑀺 𑀫𑀳𑀸𑀫𑀳𑀺𑀡𑁆𑀤𑀢𑁆𑀣𑁂𑀭𑁄 𑀓𑀺𑀭 𑀫𑀫 𑀅𑀬𑁆𑀬𑀓𑀲𑁆𑀲 𑀤𑁂𑀯𑀸𑀦𑀫𑁆𑀧𑀺𑀬𑀢𑀺𑀲𑁆𑀲 𑀭𑀜𑁆𑀜𑁄 𑀏𑀯𑀫𑀸𑀳. 𑀦𑀢𑁆𑀢𑀸 𑀢𑁂 𑀫𑀳𑀸𑀭𑀸𑀚 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬𑁄 𑀯𑀺𑀲𑀁 𑀳𑀢𑁆𑀣𑀲𑀢𑀺𑀓𑀁 𑀲𑁄𑀯𑀡𑁆𑀡𑀫𑀸𑀮𑀺𑀁 𑀣𑀽𑀧𑀁 𑀓𑀸𑀭𑁂𑀲𑁆𑀲𑀢𑀺. 𑀲𑀗𑁆𑀖𑀲𑁆𑀲 𑀘 𑀉𑀧𑁄𑀲𑀣𑀸𑀕𑀸𑀭𑀪𑀽𑀢𑀁 𑀦𑀯𑀪𑀽𑀫𑀓𑀁 𑀮𑁄𑀳𑀧𑀸𑀲𑀸𑀤𑀁 𑀓𑀸𑀭𑁂𑀲𑁆𑀲𑀢𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀘 𑀧𑀦 𑀑𑀮𑁄𑀓𑁂𑀦𑁆𑀢𑁄 𑀭𑀸𑀚𑀕𑁂𑀳𑁂 𑀓𑀭𑀡𑁆𑀟𑀓𑁂 𑀞𑀧𑀺𑀢𑀁 𑀲𑀼𑀯𑀡𑁆𑀡𑀧𑀝𑁆𑀝𑀮𑁂𑀔𑀁 𑀤𑀺𑀲𑁆𑀯𑀸 𑀢𑀁 𑀯𑀸𑀘𑁂𑀲𑀺. 𑀅𑀦𑀸𑀕𑀢𑁂 𑀘𑀢𑁆𑀢𑀸𑀮𑀻𑀲𑀁 𑀯𑀲𑁆𑀲𑀲𑀢𑀁 𑀅𑀢𑀺𑀓𑁆𑀓𑀫𑁆𑀫 𑀓𑀸𑀓𑀯𑀡𑁆𑀡𑀢𑀺𑀲𑁆𑀲𑀲𑁆𑀲 𑀧𑀼𑀢𑁆𑀢𑁄 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬𑁄 𑀇𑀤𑀜𑁆𑀘𑀺𑀤𑀜𑁆𑀘 𑀓𑀸𑀭𑁂𑀲𑁆𑀲𑀢𑀻𑀢𑀺 𑀲𑀼𑀢𑁆𑀯𑀸 𑀳𑀝𑁆𑀞𑁄 𑀉𑀤𑀕𑁆𑀕𑁄 𑀅𑀧𑁆𑀧𑁄𑀞𑁂𑀲𑀺-𑀅𑀬𑁆𑀬𑁂𑀦 𑀓𑀺𑀭 𑀯𑀢𑀫𑁆𑀳𑀺 𑀤𑀺𑀝𑁆𑀞𑁄 𑀫𑀳𑀸 𑀫𑀳𑀺𑀡𑁆𑀤𑁂𑀦𑀸𑀢𑀺.

𑀢𑀢𑁄 𑀧𑀸𑀢𑁄𑀯 𑀫𑀳𑀸𑀫𑁂𑀖𑀯𑀦𑀁 𑀕𑀦𑁆𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀏𑀢𑀤𑀯𑁄𑀘? 𑀪𑀦𑁆𑀢𑁂 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀉𑀧𑁄𑀲𑀣𑀸𑀕𑀸𑀭𑀁 𑀓𑀢𑁆𑀯𑀸 𑀤𑁂𑀯𑀯𑀺𑀫𑀸𑀦 𑀲𑀤𑀺𑀲𑀁 𑀧𑀸𑀲𑀸𑀤𑀁 𑀓𑀸𑀭𑁂𑀲𑁆𑀲𑀸𑀫𑀺 𑀤𑁂𑀯𑀮𑁄𑀓𑀁 𑀧𑁂𑀲𑁂𑀢𑁆𑀯𑀸 𑀧𑀝𑁂 𑀯𑀺𑀫𑀸𑀦𑀸𑀓𑀸𑀭𑀁 𑀮𑀺𑀔𑀸𑀧𑁂𑀢𑁆𑀯𑀸 𑀫𑁂 𑀤𑁂𑀣𑀸𑀢𑀺? 𑀲𑀗𑁆𑀖𑁄 𑀅𑀝𑁆𑀞 𑀔𑀻𑀡𑀸𑀲𑀯𑁂 𑀧𑁂𑀲𑁂𑀲𑀺. 𑀢𑁂 𑀢𑀸𑀯𑀢𑀺𑀁𑀲𑀪𑀯𑀦𑀁 𑀕𑀦𑁆𑀢𑁆𑀯𑀸 𑀤𑁆𑀯𑀸𑀤𑀲𑀬𑁄𑀚𑀦𑀼𑀩𑁆𑀩𑁂𑀥𑀸 𑀅𑀝𑁆𑀞𑀘𑀢𑁆𑀢𑀸𑀮𑀻𑀲 𑀬𑁄𑀚𑀦 𑀧𑀭𑀺𑀓𑁆𑀔𑁂𑀧𑀁 𑀓𑀽𑀝𑀸𑀕𑀸𑀭𑀁 𑀲𑀳𑀲𑁆𑀲 𑀧𑀢𑀺𑀫𑀡𑁆𑀟𑀺𑀢𑀁 𑀦𑀯𑀪𑀽𑀫𑀓𑀁 𑀲𑀳𑀲𑁆𑀲𑀕𑀩𑁆𑀪𑀁 𑀔𑀻𑀭𑀡 𑀤𑁂𑀯𑀥𑀻𑀢𑀸𑀬 𑀧𑀼𑀜𑁆𑀜𑀸𑀦𑀼𑀪𑀸𑀯𑀦𑀺𑀩𑁆𑀩𑀢𑁆𑀢𑀁 𑀆𑀓𑀸𑀲𑀝𑁆𑀞𑀁 𑀭𑀢𑀦𑀧𑀸𑀲𑀸𑀤𑀁 𑀑𑀮𑁄𑀓𑁂𑀢𑁆𑀯𑀸 𑀳𑀺𑀗𑁆𑀕𑀼𑀮𑀓𑁂𑀦 𑀧𑀝𑁂 𑀢𑀤𑀸𑀓𑀸𑀭𑀁 𑀮𑀺𑀔𑀺𑀢𑁆𑀯𑀸 𑀆𑀦𑁂𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀤𑀁𑀲𑀼 𑀲𑀗𑁆𑀖𑁄 𑀭𑀜𑁆𑀜𑁄 𑀧𑀸𑀳𑁂𑀲𑀺.

𑀢𑀁 𑀤𑀺𑀲𑁆𑀯𑀸 𑀭𑀸𑀚𑀸 𑀢𑀼𑀝𑁆𑀞𑀫𑀸𑀦𑀲𑁄 𑀢𑀤𑀸 𑀢𑀁 𑀮𑁂𑀔𑀢𑀼𑀮𑁆𑀬𑀁 𑀮𑁄𑀳𑀧𑀸𑀲𑀸𑀤𑀁 𑀓𑀸𑀭𑁂𑀲𑀺. 𑀓𑀫𑁆𑀫𑀦𑁆𑀢𑀸𑀭𑀫𑁆𑀪 𑀓𑀸𑀮𑁂 𑀧𑀦 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀅𑀝𑁆𑀞𑀲𑀢𑀲𑀳𑀲𑁆𑀲𑀸𑀦𑀺 𑀳𑀺𑀭𑀜𑁆𑀜𑀸𑀦𑀺 𑀞𑀧𑀸𑀧𑁂𑀲𑀺 𑀢𑀤𑀸 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀲𑀳𑀲𑁆𑀲 𑀲𑀳𑀲𑁆𑀲𑀁 𑀯𑀢𑁆𑀣𑀧𑀼𑀝𑀸𑀦𑀺 𑀘𑁂𑀯 𑀕𑀼𑀴-𑀢𑁂𑀮-𑀲𑀓𑁆𑀔𑀭-𑀫𑀥𑀼𑀧𑀼𑀭𑀸 𑀅𑀦𑁂𑀓𑀲𑀳𑀲𑁆𑀲𑀘𑀸𑀝𑀺𑀬𑁄 𑀘 ¶ 𑀞𑀧𑀸𑀧𑁂𑀲𑀺. 𑀧𑀸𑀲𑀸𑀤𑁂 𑀅𑀫𑀽𑀮𑀓𑁂𑀦 𑀓𑀫𑁆𑀫𑀁 𑀦 𑀓𑀸𑀢𑀩𑁆𑀩𑀦𑁆𑀢𑀺 𑀪𑁂𑀭𑀺𑀁 𑀘𑀸𑀭𑀧𑁂𑀢𑁆𑀯𑀸 𑀅𑀫𑀽𑀮𑀓𑁂𑀦 𑀓𑀢𑀓𑀫𑁆𑀫𑀁 𑀅𑀕𑁆𑀖𑀸𑀧𑁂𑀢𑁆𑀯𑀸 𑀓𑀸𑀭𑀓𑀸𑀦𑀁 𑀫𑀽𑀮𑀁 𑀤𑀸𑀧𑁂𑀲𑀺. 𑀧𑀸𑀲𑀸𑀤𑁄 𑀏𑀓𑁂𑀓𑁂𑀦 𑀧𑀲𑁆𑀲𑁂𑀦 𑀳𑀢𑁆𑀣𑀲𑀢 𑀳𑀢𑁆𑀣𑀲𑀢𑀧𑁆𑀧𑀫𑀸𑀡𑁄 𑀅𑀳𑁄𑀲𑀺 𑀢𑀣𑀸 𑀉𑀩𑁆𑀩𑁂𑀥𑀦, 𑀦𑀯𑀪𑀽𑀫𑀸𑀬𑁄 𑀘𑀲𑁆𑀲 𑀅𑀳𑁂𑀲𑀼𑀁 𑀏𑀓𑁂𑀓𑀺𑀲𑁆𑀲𑀸 𑀪𑀽𑀫𑀺𑀬𑀸 𑀲𑀢𑀁 𑀲𑀢𑀁 𑀓𑀽𑀝𑀸𑀕𑀸𑀭𑀸𑀦𑀺, 𑀢𑀸𑀦𑀺 𑀲𑀩𑁆𑀩𑀸𑀦𑀺𑀧𑀺 𑀭𑀢𑀦𑀔𑀘𑀺𑀢𑀸𑀦𑀺 𑀘𑁂𑀯 𑀲𑀼𑀯𑀡𑁆𑀡 𑀓𑀺𑀗𑁆𑀓𑀺𑀡𑀺𑀓𑀸𑀧𑀦𑁆𑀢𑀺 𑀧𑀭𑀺𑀓𑁆𑀔𑀺𑀢𑁆𑀢𑀸𑀦𑀺 𑀘 𑀅𑀳𑁂𑀲𑀼𑀁 𑀢𑁂𑀲𑀁 𑀓𑀽𑀝𑀸𑀕𑀸𑀭𑀸𑀦𑀺 𑀦𑀸𑀦𑀸𑀭𑀢𑀦 𑀪𑀽𑀲𑀺𑀓𑀸 𑀧𑀯𑀸𑀴 𑀯𑁂𑀤𑀺𑀓𑀸 𑀘𑁂𑀯, 𑀢𑀸𑀲𑀁 𑀧𑀤𑀼𑀫𑀸𑀦𑀺 𑀘 𑀦𑀸𑀦𑀸𑀭𑀢𑀦 𑀯𑀺𑀘𑀺𑀢𑁆𑀢𑀸𑀦𑁂𑀯 𑀅𑀳𑁂𑀲𑀼𑀁. 𑀢𑀣𑀸 𑀲𑀳𑀲𑁆𑀲𑀕𑀩𑁆𑀪𑀸 𑀘 𑀦𑀸𑀦𑀸𑀭𑀢𑀦 𑀔𑀘𑀺𑀢𑀸 𑀲𑀻𑀬𑀧𑀜𑁆𑀚𑀭 𑀯𑀺𑀪𑀽𑀲𑀺𑀢𑀸 𑀘. 𑀯𑁂𑀲𑁆𑀲𑀯𑀦𑀲𑁆𑀲 𑀦𑀸𑀭𑀺𑀯𑀸𑀪𑀦𑀬𑀸𑀦𑀁 𑀲𑀼𑀢𑁆𑀯𑀸 𑀢𑀤𑀸𑀓𑀸𑀭𑀁 𑀫𑀚𑁆𑀛𑁂 𑀭𑀢𑀦 𑀫𑀡𑁆𑀟𑀧𑀁 𑀓𑀸𑀭𑁂𑀲𑀺.

𑀲𑁄 𑀅𑀦𑁂𑀓𑁂𑀳𑀺 𑀭𑀢𑀦𑀢𑁆𑀣𑀫𑁆𑀪𑁂𑀳𑀺 𑀲𑀻𑀳𑀯𑁆𑀬𑀕𑁆𑀖𑀸𑀤𑀺 𑀭𑀽𑀧𑁂𑀳𑀺 𑀤𑁂𑀯𑀢𑀸 𑀭𑀽𑀧𑁂𑀳𑀺 𑀘 𑀧𑀢𑀺𑀫𑀡𑁆𑀟𑀺𑀢𑁄 𑀲𑀫𑀦𑁆𑀢𑀢𑁄 𑀑𑀮𑀫𑁆𑀩𑀓 𑀫𑀼𑀢𑁆𑀢𑀸 𑀚𑀸𑀮𑁂𑀦 𑀘 𑀧𑀭𑀺𑀓𑁆𑀔𑀺𑀢𑁆𑀢𑁄 𑀅𑀳𑁄𑀲𑀺 𑀧𑀯𑀸𑀴𑀯𑁂𑀤𑀺𑀓𑀸 𑀘𑀲𑁆𑀲 𑀧𑀼𑀩𑁆𑀩𑁂 𑀯𑀼𑀢𑁆𑀢𑀧𑁆𑀧𑀓𑀸𑀭𑀸𑀯 𑀲𑀢𑁆𑀢𑀭𑀢𑀦 𑀯𑀺𑀘𑀺𑀢𑁆𑀢𑀫𑀡𑁆𑀟𑀧 𑀫𑀚𑁆𑀛𑁂 𑀧𑀦 𑀏𑀴𑀺𑀓𑀫𑀬 𑀪𑀽𑀫𑀺𑀬𑀸 𑀤𑀦𑁆𑀢𑀫𑀬 𑀧𑀮𑁆𑀮𑀗𑁆𑀓𑁄 𑀅𑀳𑁄𑀲𑀺 𑀅𑀧𑀲𑁆𑀲𑁂𑀦𑀫𑁆𑀧𑀺 𑀤𑀦𑁆𑀢𑀫𑀬𑀫𑁂𑀯, 𑀲𑁄 𑀲𑀼𑀯𑀡𑁆𑀡𑀲𑀽𑀭𑀺𑀬𑀫𑀡𑁆𑀟𑀮𑁂𑀳𑀺 𑀭𑀚𑀢 𑀘𑀡𑁆𑀤 𑀫𑀡𑁆𑀟𑀮𑁂𑀳𑀺 𑀫𑀼𑀢𑁆𑀢𑀸𑀫𑀬 𑀢𑀸𑀭𑀓𑀸𑀳𑀺 𑀘 𑀯𑀺𑀘𑀺𑀢𑁆𑀢𑁄 𑀢𑀢𑁆𑀣 𑀢𑀢𑁆𑀣 𑀬𑀣𑀸𑀭𑀳𑀁 𑀦𑀸𑀦𑀸𑀭𑀢𑀦𑀫𑀬 𑀧𑀤𑀼𑀫𑀸𑀦𑀺 𑀘𑁂𑀯 𑀧𑀲𑀸𑀤 𑀚𑀦𑀓𑀸𑀦𑀺 𑀘 𑀚𑀸𑀢𑀓𑀸𑀦𑀺 𑀅𑀦𑁆𑀢𑀭𑀦𑁆𑀢𑀭𑀸 𑀲𑀼𑀯𑀡𑁆𑀡𑀮𑀢𑀸𑀬𑁄 𑀘 𑀓𑀸𑀭𑁂𑀲𑀺. 𑀢𑀢𑁆𑀣 𑀫𑀳𑀕𑁆𑀖𑀁 𑀧𑀘𑁆𑀘𑀢𑁆𑀣𑀭𑀡𑀁 𑀅𑀢𑁆𑀣𑀭𑀺𑀢𑁆𑀯𑀸 𑀫𑀦𑀼𑀜𑁆𑀜𑀁 𑀤𑀦𑁆𑀢 𑀯𑀺𑀚𑀦𑀺𑀁 𑀞𑀧𑁂𑀲𑀺. 𑀧𑀯𑀸𑀴𑀫𑀬 𑀧𑀸𑀤𑀼𑀓𑀸 𑀓𑀸𑀭𑁂𑀲𑀺. 𑀢𑀣𑀸 𑀧𑀮𑁆𑀮𑀗𑁆𑀓𑀲𑁆𑀲𑁄𑀧𑀭𑀺 𑀏𑀴𑀺𑀓𑀪𑀽𑀫𑀺𑀬𑀸 𑀧𑀢𑀺𑀝𑁆𑀞𑀺𑀢𑀁 𑀭𑀚𑀢𑀫𑀬𑀤𑀡𑁆𑀟𑀁 𑀲𑁂𑀢𑀘𑁆𑀘𑀢𑁆𑀢𑀁 𑀓𑀸𑀭𑁂𑀲𑀺. 𑀢𑀢𑁆𑀣 𑀲𑀢𑁆𑀢𑀭𑀢𑀦𑀫𑀬𑀸𑀦𑀺 𑀅𑀝𑁆𑀞𑀫𑀗𑁆𑀕𑀮𑀸𑀦𑀺 𑀅𑀦𑁆𑀢𑀭𑀦𑁆𑀢𑀭𑀸 𑀘 𑀫𑀡𑀺𑀫𑀼𑀢𑁆𑀢𑀸𑀫𑀬𑀸 𑀘𑀢𑀼𑀧𑁆𑀧𑀸𑀤 𑀧𑀦𑁆𑀢𑀺𑀬𑁄 𑀘 𑀓𑀸𑀭𑁂𑀲𑀺. 𑀙𑀢𑁆𑀢𑀦𑁆𑀢𑁂 𑀘𑀲𑁆𑀲 𑀭𑀢𑀦𑀫𑀬 𑀖𑀡𑁆𑀝𑀸𑀧𑀦𑁆𑀢𑀺𑀬𑁄 𑀑𑀮𑀫𑁆𑀩𑀺𑀁𑀲𑀼.

𑀧𑀸𑀲𑀸𑀤𑁄 𑀙𑀢𑁆𑀢𑀁 𑀧𑀮𑁆𑀮𑀗𑁆𑀓𑁄 𑀫𑀡𑁆𑀟𑀧𑁄 𑀘𑀸𑀢𑀺 𑀘𑀢𑁆𑀢𑀸𑀭𑁄 𑀅𑀦𑀕𑁆𑀖𑀸 𑀅𑀳𑁂𑀲𑀼𑀁 𑀫𑀳𑀕𑁆𑀖𑀸𑀦𑀺 𑀫𑀜𑁆𑀘𑀧𑀻𑀞𑀸𑀦𑀺 𑀧𑀜𑁆𑀜𑀢𑁆𑀯𑁄 𑀢𑀢𑁆𑀣 𑀫𑀳𑀕𑁆𑀖𑀸𑀦𑀺 𑀓𑀫𑁆𑀩𑀮𑀸𑀦𑀺 𑀪𑀼𑀫𑁆𑀫𑀢𑁆𑀣𑀭𑀡𑀸𑀦𑀺 𑀅𑀢𑁆𑀣𑀭𑀸𑀧𑁂𑀲𑀺 𑀆𑀯𑀫𑀦 𑀓𑀼𑀫𑁆𑀳𑀺 𑀉𑀴𑀼𑀗𑁆𑀓𑁄 𑀘 𑀲𑁄𑀯𑀡𑁆𑀡𑀫𑀬𑀸𑀬𑁂𑀯 𑀅𑀳𑁂𑀲𑀼𑀁. 𑀲𑁂𑀲 𑀧𑀭𑀺𑀪𑁄𑀕 𑀪𑀡𑁆𑀟𑁂𑀲𑀼 𑀯𑀢𑁆𑀢𑀩𑁆𑀩𑀫𑁂𑀯 𑀦𑀢𑁆𑀣𑀺 𑀤𑁆𑀯𑀸𑀭𑀓𑁄𑀝𑁆𑀞𑀓𑁄𑀧𑀺 𑀫𑀦𑁄𑀳𑀭 𑀧𑀸𑀓𑀸𑀭𑁂𑀦 𑀧𑀭𑀺𑀓𑁆𑀔𑀺𑀢𑁆𑀢𑁄. 𑀢𑀫𑁆𑀩𑀮𑁄𑀳𑀺𑀝𑁆𑀞𑀺𑀓𑀸𑀪𑀺 𑀧𑀦 𑀙𑀸𑀤𑀺𑀢𑀢𑁆𑀢𑀸 𑀧𑀸𑀲𑀸𑀤𑀲𑁆𑀲 𑀮𑁄𑀳𑀧𑀸𑀲𑀸𑀤𑁄𑀢𑀺 𑀯𑁄𑀳𑀸𑀭𑁄 𑀅𑀳𑁄𑀲𑀺.

𑀏𑀯𑀁 𑀢𑀸𑀯𑀢𑀺𑀁𑀲𑀪𑀯𑀦𑁂 𑀤𑁂𑀯𑀲𑀪𑀸 𑀯𑀺𑀬 𑀧𑀸𑀲𑀸𑀤𑀁 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀲𑀺. 𑀫𑀭𑀺𑀘𑀯𑀝𑁆𑀝𑀺 𑀯𑀺𑀳𑀸𑀭𑀫𑀕𑁂 𑀯𑀺𑀬 𑀲𑀗𑁆𑀖𑁄 𑀲𑀦𑁆𑀦𑀺𑀧𑀢𑀺. 𑀧𑀞𑀫𑀪𑀽𑀫𑀺𑀬𑀁 𑀧𑀼𑀣𑀼𑀚𑁆𑀚𑀦𑀸𑀬𑁂𑀯 𑀅𑀝𑁆𑀞𑀁𑀲𑀼 𑀤𑀼𑀢𑀺𑀬𑀪𑀽𑀫𑀺𑀬𑀸 𑀢𑁂𑀧𑀺𑀝𑀓𑀸, 𑀢𑀢𑀺𑀬𑀸𑀤𑀺𑀲𑀼 𑀢𑀻𑀲𑀼 𑀪𑀽𑀫𑀺𑀲𑀼 𑀓𑀫𑁂𑀦 𑀲𑁄𑀢𑀸𑀧𑀦𑁆𑀦 - 𑀲𑀓𑀤𑀸𑀕𑀸𑀫𑀺 - 𑀅𑀦𑀸𑀕𑀸𑀫𑀺𑀦𑁄, 𑀉𑀧𑀭𑀺 𑀘𑀢𑀼𑀲𑀼 𑀪𑀽𑀫𑀺𑀲𑀼 𑀔𑀻𑀡𑀸𑀲𑀯𑀸𑀬𑁂𑀯 𑀅𑀝𑁆𑀞𑀁𑀲𑀼. 𑀏𑀯𑀁 𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀲𑀗𑁆𑀖𑀲𑁆𑀲 𑀧𑀸𑀲𑀸𑀤𑀁 𑀤𑀢𑁆𑀯𑀸 𑀫𑀭𑀺𑀘𑀯𑀝𑁆𑀝𑀺 𑀯𑀺𑀳𑀸𑀭𑀫𑀳𑁂 𑀯𑀺𑀬 𑀲𑀢𑁆𑀢𑀸𑀳𑀁 𑀫𑀳𑀸𑀤𑀸𑀦𑀫𑀤𑀸𑀲𑀻𑀢𑀺.

‘‘𑀧𑀸𑀲𑀸𑀤𑀳𑁂𑀢𑀼 ¶ 𑀘𑀢𑁆𑀢𑀸𑀦𑀺-𑀫𑀳𑀸𑀘𑀸𑀕𑁂𑀦 𑀭𑀸𑀚𑀺𑀦𑀸,

𑀅𑀦𑀕𑁆𑀖𑀸𑀦𑀺 𑀞𑀧𑁂𑀢𑁆𑀯𑀸𑀦-𑀅𑀳𑁂𑀲𑀼𑀁 𑀢𑀺𑀁𑀲𑀓𑁄𑀝𑀺𑀬𑁄;’’

𑀧𑀳𑀸𑀬 𑀕𑀫𑀦𑀻𑀬𑀦𑁆𑀢𑀁-𑀤𑀢𑁆𑀯𑀸𑀦 𑀥𑀦𑀲𑀜𑁆𑀘𑀬𑀁,

𑀅𑀦𑀼𑀕𑀸𑀫𑀺𑀥𑀦𑀁 𑀤𑀸𑀦𑀁-𑀏𑀯𑀁 𑀓𑀼𑀩𑁆𑀩𑀦𑁆𑀢𑀺 𑀧𑀡𑁆𑀟𑀺𑀢𑀸;

𑁧𑁯. 𑀅𑀣𑁂𑀓𑀤𑀺𑀯𑀲𑀁 𑀭𑀸𑀚𑀸 𑀲𑀢𑀲𑀳𑀲𑁆𑀲𑀁 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀫𑀳𑀸𑀩𑁄𑀥𑀺 𑀧𑀽𑀚𑀁 𑀓𑀸𑀭𑁂𑀢𑁆𑀯𑀸 𑀦𑀕𑀭𑀁 𑀧𑀯𑀺𑀲𑀦𑁆𑀢𑁄 𑀣𑀽𑀧𑀝𑁆𑀞𑀸𑀦𑁂 𑀧𑀢𑀺𑀝𑁆𑀞𑀺𑀢𑀁 𑀲𑀺𑀮𑀸𑀣𑀽𑀧𑀁 𑀤𑀺𑀲𑁆𑀯𑀸 𑀫𑀳𑀺𑀡𑁆𑀤𑀢𑁆𑀣𑁂𑀭𑁂𑀦 𑀯𑀼𑀢𑁆𑀢𑀯𑀘𑀦𑀁 𑀅𑀦𑀼𑀲𑁆𑀲𑀭𑀺𑀢𑁆𑀯𑀸 𑀫𑀳𑀸𑀣𑀽𑀧𑀁 𑀓𑀸𑀭𑁂𑀲𑁆𑀲𑀸𑀫𑀻𑀢𑀺 𑀓𑀢𑀲𑀦𑁆𑀦𑀺𑀝𑁆𑀞𑀸𑀦𑁄 𑀦𑀕𑀭𑀁 𑀧𑀯𑀺𑀲𑀺𑀢𑁆𑀯𑀸 𑀫𑀳𑀁𑀢𑀮𑀁 𑀆𑀭𑀼𑀬𑁆𑀳 𑀲𑀼𑀪𑁄𑀚𑀦𑀁 𑀪𑀼𑀜𑁆𑀚𑀺𑀢𑁆𑀯𑀸 𑀲𑀺𑀭𑀺𑀲𑀬𑀦𑀕𑀢𑁄 𑀏𑀯𑀁 𑀘𑀺𑀦𑁆𑀢𑁂𑀲𑀺 𑀫𑀬𑀸 𑀤𑀫𑀺𑀴𑁂 𑀫𑀤𑁆𑀤𑀫𑀸𑀦𑁂𑀦 𑀅𑀬𑀁 𑀮𑁄𑀓𑁄 𑀅𑀢𑀺𑀯𑀺𑀬 𑀧𑀻𑀴𑀺𑀢𑁄, 𑀓𑁂𑀦 𑀦𑀼 𑀔𑁄 𑀉𑀧𑀸𑀬𑁂𑀦 𑀮𑁄𑀓𑀲𑁆𑀲 𑀧𑀺𑀴𑀦𑀁 𑀅𑀓𑀢𑁆𑀯𑀸 𑀥𑀫𑁆𑀫𑁂𑀦 𑀲𑀫𑁂𑀦 𑀫𑀳𑀸 𑀘𑁂𑀢𑀺𑀬𑀲𑁆𑀲 𑀅𑀦𑀼𑀘𑁆𑀙𑀯𑀺𑀓𑀁 𑀇𑀝𑁆𑀞𑀓𑀸 𑀉𑀧𑁆𑀧𑀸𑀤𑁂𑀲𑁆𑀲𑀸𑀫𑀻𑀢𑀺 𑀢𑀁 𑀘𑀺𑀦𑁆𑀢𑀺𑀢𑀁 𑀙𑀢𑁆𑀢𑀁 𑀅𑀥𑀺𑀯𑀢𑁆𑀣𑀸 𑀤𑁂𑀯𑀢𑀸 𑀚𑀸𑀦𑀺𑀢𑁆𑀯𑀸 𑀭𑀸𑀚𑀸 𑀏𑀯𑀁 𑀘𑀺𑀦𑁆𑀢𑁂𑀲𑀻𑀢𑀺 𑀉𑀕𑁆𑀖𑁄𑀲𑁂𑀲𑀺.

𑀧𑀭𑀫𑁆𑀧𑀭𑀸𑀬 𑀤𑁂𑀯𑀮𑁄𑀓𑁂𑀧𑀺 𑀓𑁄𑀮𑀸𑀳𑀮𑀫𑀳𑁄𑀲𑀺 𑀢𑀁 𑀜𑀢𑁆𑀯𑀸 𑀲𑀓𑁆𑀓𑁄 𑀤𑁂𑀯𑀭𑀸𑀚𑀁 𑀯𑀺𑀲𑁆𑀲𑀓𑀫𑁆𑀫𑀁 𑀆𑀫𑀦𑁆𑀢𑁂𑀢𑁆𑀯𑀸’𑀢𑀸𑀢! 𑀯𑀺𑀲𑁆𑀲 𑀓𑀫𑁆𑀫! 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬 𑀫𑀳𑀸𑀭𑀸𑀚𑀸 𑀫𑀳𑀸 𑀘𑁂𑀢𑀺𑀬𑀲𑁆𑀲 𑀇𑀝𑁆𑀞𑀓𑀢𑁆𑀣𑀸𑀬 𑀘𑀺𑀦𑁆𑀢𑁂𑀲𑀺. 𑀢𑁆𑀯𑀁 𑀕𑀦𑁆𑀢𑁆𑀯𑀸 𑀉𑀢𑁆𑀢𑀭𑀧𑀲𑁆𑀲𑁂 𑀦𑀕𑀭𑀢𑁄 𑀬𑁄𑀚𑀦𑀧𑁆𑀧𑀫𑀸𑀡𑁂 𑀞𑀸𑀦𑁂 𑀕𑀫𑁆𑀪𑀺𑀭 𑀦𑀤𑀺𑀬𑀸 𑀢𑀻𑀭𑁂 𑀇𑀝𑁆𑀞𑀓𑀸 𑀫𑀸𑀧𑁂𑀢𑁆𑀯𑀸 𑀏𑀳𑀺’𑀢𑀺 𑀧𑁂𑀲𑁂𑀲𑀺.

𑀢𑀁 𑀜𑀢𑁆𑀯𑀸 𑀯𑀺𑀲𑁆𑀲𑀓𑀫𑁆𑀫 𑀤𑁂𑀯𑀧𑀼𑀢𑁆𑀢𑁄 𑀆𑀕𑀦𑁆𑀢𑁆𑀯𑀸 𑀢𑀢𑁆𑀣𑁂𑀯 𑀫𑀳𑀸𑀘𑁂𑀢𑀺𑀬𑀸𑀦𑀼𑀘𑁆𑀙𑀯𑀺𑀓𑀁 𑀇𑀝𑁆𑀞𑀓𑀸 𑀫𑀸𑀧𑁂𑀢𑁆𑀯𑀸 𑀤𑁂𑀯𑀧𑀼𑀭𑀫𑁂𑀯 𑀕𑀢𑁄. 𑀧𑀼𑀦 𑀤𑀺𑀯𑀲𑁂 𑀏𑀓𑁄 𑀲𑀼𑀦𑀔𑀮𑀼𑀤𑁆𑀤𑁄 𑀲𑀼𑀦𑀔𑁂 𑀕𑀳𑁂𑀢𑁆𑀯𑀸 𑀅𑀭𑀜𑁆𑀜𑀁 𑀕𑀦𑁆𑀢𑁆𑀯𑀸 𑀢𑀢𑁆𑀣 𑀢𑀢𑁆𑀣 𑀯𑀺𑀘𑀭𑀦𑁆𑀢𑁄 𑀢𑀁 𑀞𑀸𑀦𑀁 𑀧𑀢𑁆𑀯𑀸 𑀇𑀝𑁆𑀞𑀓𑀸 𑀅𑀤𑀺𑀲𑁆𑀯𑀸 𑀘 𑀦𑀺𑀓𑁆𑀔𑀫𑀺. 𑀢𑀲𑁆𑀫𑀺𑀁 𑀔𑀡𑁂 𑀏𑀓𑀸 𑀪𑀼𑀫𑁆𑀫𑀸 𑀤𑁂𑀯𑀢𑀸 𑀢𑀲𑁆𑀲 𑀇𑀝𑁆𑀞𑀓𑀸 𑀤𑀲𑁆𑀲𑁂𑀢𑀼𑀁 𑀫𑀳𑀦𑁆𑀢𑀁 𑀕𑁄𑀥𑀸𑀯𑀡𑁆𑀡𑀁 𑀕𑀳𑁂𑀢𑁆𑀯𑀸 𑀮𑀼𑀤𑁆𑀤𑀲𑁆𑀲 𑀲𑀼𑀦𑀔𑀸𑀦𑀜𑁆𑀘 𑀅𑀢𑁆𑀢𑀸𑀦𑀁 𑀤𑀲𑁆𑀲𑁂𑀢𑁆𑀯𑀸 𑀢𑁂𑀳𑀺 𑀅𑀦𑀼𑀩𑀤𑁆𑀥𑁄 𑀇𑀝𑁆𑀞𑀓𑀸𑀪𑀺𑀫𑀼𑀔𑀁 𑀅𑀢𑁆𑀢𑁆𑀯𑀸 𑀅𑀦𑁆𑀢𑀭𑀥𑀸𑀬𑀺.

𑀲𑀼𑀦𑀔𑀮𑀼𑀤𑁆𑀤𑁄 𑀇𑀝𑁆𑀞𑀓𑀸 𑀤𑀺𑀲𑁆𑀯𑀸 𑀅𑀫𑁆𑀳𑀸𑀓𑀁 𑀭𑀸𑀚𑀸 𑀣𑀽𑀧𑀁 𑀓𑀸𑀭𑁂𑀢𑀼𑀓𑀸𑀫𑁄, 𑀫𑀳𑀦𑁆𑀢𑁄 𑀯𑀢 𑀦𑁄 𑀧𑀡𑁆𑀡𑀸𑀓𑀸𑀭𑁄 𑀮𑀤𑁆𑀥𑁄𑀢𑀺 𑀳𑀝𑁆𑀞𑀫𑀸𑀦𑀲𑁄 𑀧𑀼𑀦 𑀤𑀺𑀯𑀲𑁂 𑀧𑀸𑀢𑁄𑀘 𑀆𑀕𑀦𑁆𑀢𑁆𑀯𑀸 𑀅𑀢𑁆𑀢𑀦𑀸 𑀤𑀺𑀝𑁆𑀞𑀁 𑀇𑀝𑁆𑀞𑀓 𑀧𑀡𑁆𑀡𑀸𑀓𑀸𑀭𑀁 𑀭𑀜𑁆𑀜𑁄 𑀦𑀺𑀯𑁂𑀤𑁂𑀲𑀺. 𑀭𑀸𑀚𑀸 𑀢𑀁 𑀲𑀸𑀲𑀦𑀁 𑀲𑀼𑀢𑁆𑀯𑀸 𑀅𑀢𑁆𑀢𑀫𑀦𑁄 𑀳𑀼𑀢𑁆𑀯𑀸 𑀢𑀲𑁆𑀲 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀢𑁆𑀯𑀸 𑀢𑀁𑀬𑁂𑀯 𑀇𑀝𑁆𑀞𑀓 𑀕𑁄𑀧𑀦𑀁 𑀓𑀸𑀭𑁂𑀲𑀺. 𑀢𑀢𑁄 𑀭𑀸𑀚𑀸 𑀅𑀳𑀫𑁂𑀯 𑀇𑀝𑁆𑀞𑀓𑁄𑀮𑁄𑀓𑀦𑀢𑁆𑀣𑀸𑀬 𑀕𑀘𑁆𑀙𑀸𑀫𑀺 - 𑀓𑀼𑀦𑁆𑀢𑀁 𑀯𑀟𑁆𑀠𑁂𑀣𑀸𑀢𑀺 𑀆𑀳.

𑀢𑀲𑁆𑀫𑀺𑀁𑀬𑁂𑀯 𑀔𑀡𑁂 𑀧𑀼𑀦 𑀅𑀜𑁆𑀜𑀁 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼. 𑀦𑀕𑀭𑀢𑁄 𑀢𑀺𑀬𑁄𑀚𑀦𑀫𑀢𑁆𑀣𑀓𑁂 𑀞𑀸𑀦𑁂 𑀧𑀼𑀩𑁆𑀩𑀼𑀢𑁆𑀢𑀭𑀓𑀡𑁆𑀡𑁂 𑀆𑀘𑀸𑀭 𑀯𑀺𑀝𑁆𑀞𑀺𑀕𑀸𑀫𑁂 𑀢𑀺𑀬𑀸𑀫𑀭𑀢𑁆𑀢𑀺𑀁 𑀅𑀪𑀺𑀧𑁆𑀧𑀯𑀝𑁆𑀝𑁂 𑀤𑁂𑀯𑁂 𑀲𑁄𑀴𑀲 𑀓𑀭𑀻𑀲𑀧𑁆𑀧𑀫𑀸𑀡𑁂 𑀧𑀤𑁂𑀲𑁂 𑀲𑀼𑀯𑀡𑁆𑀡𑀩𑀻𑀚𑀸𑀦𑀺 𑀉𑀝𑁆𑀞𑀳𑀺𑀁𑀲𑀼. 𑀢𑀸𑀦𑀺 𑀧𑀫𑀸𑀡𑀢𑁄 𑀉𑀓𑁆𑀓𑀝𑁆𑀞𑀸𑀦𑀺 𑀯𑀺𑀤𑀢𑁆𑀣𑀺𑀧𑁆𑀧𑀫𑀸𑀡𑀸𑀦𑀺. 𑀑𑀫𑀓𑀸𑀦𑀺 𑀅𑀝𑁆𑀞𑀗𑁆𑀕𑀼𑀮𑀧𑁆𑀧𑀫𑀸𑀡𑀸𑀦𑀺 𑀅𑀳𑁂𑀲𑀼𑀁, 𑀅𑀣 𑀯𑀺𑀪𑀸𑀢𑀸𑀬 𑀭𑀢𑁆𑀢𑀺𑀬𑀸 ¶ 𑀕𑀸𑀫𑀯𑀸𑀲𑀺𑀦𑁄 𑀲𑀼𑀯𑀡𑁆𑀡𑀩𑀺𑀚𑀸𑀦𑀺 𑀤𑀺𑀲𑁆𑀯𑀸 𑀭𑀸𑀙𑀸’𑀭𑀳𑀁 𑀯𑀢 𑀪𑀡𑁆𑀟𑀁 𑀉𑀧𑁆𑀧𑀦𑁆𑀦𑀦𑁆𑀢𑀺 𑀲𑀫𑀦𑁆𑀢𑀢𑁄 𑀆𑀭𑀓𑁆𑀔𑀸 𑀲𑀁𑀯𑀺𑀤𑀳𑀺𑀢𑁆𑀯𑀸 𑀲𑀼𑀯𑀡𑁆𑀡𑀩𑀻𑀚𑀸𑀦𑀺 𑀧𑀸𑀢𑀺𑀬𑀁 𑀧𑀽𑀭𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀤𑀲𑁆𑀲𑁂𑀲𑀼𑀁 𑀭𑀸𑀚𑀸 𑀢𑁂𑀲𑀫𑁆𑀧𑀺 𑀬𑀣𑀸𑀭𑀳𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀢𑁆𑀯𑀸 𑀢𑁂𑀬𑁂𑀯 𑀲𑀼𑀯𑀡𑁆𑀡 𑀕𑁄𑀧𑀓𑁂 𑀅𑀓𑀸𑀲𑀺.

𑀅𑀣 𑀢𑀲𑁆𑀫𑀺𑀁𑀬𑁂𑀯 𑀔𑀡𑁂 𑀅𑀜𑁆𑀜𑀁 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼. 𑀦𑀕𑀭𑀢𑁄 𑀧𑀸𑀘𑀻𑀦𑀧𑀲𑁆𑀲𑁂 𑀲𑀢𑁆𑀢𑀬𑁄𑀚𑀦 𑀫𑀢𑁆𑀣𑀓𑁄 𑀞𑀸𑀦𑁂 𑀧𑀸𑀭𑀕𑀗𑁆𑀕𑀸𑀬 𑀢𑀫𑁆𑀩𑀯𑀺𑀝𑁆𑀞𑀺 𑀦𑀸𑀫 𑀚𑀦𑀧𑀤𑁂 𑀢𑀫𑁆𑀩𑀮𑁄𑀳𑀁 𑀉𑀧𑁆𑀧𑀚𑁆𑀚𑀺. 𑀕𑀸𑀫𑀺𑀓𑀸 𑀧𑀸𑀢𑀺𑀁 𑀧𑀽𑀭𑁂𑀢𑁆𑀯𑀸 𑀢𑀫𑁆𑀩𑀮𑁄𑀳𑀁 𑀕𑀳𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀤𑀲𑁆𑀲𑁂𑀲𑀼𑀁 𑀭𑀸𑀚𑀸 𑀬𑀣𑀸𑀦𑀼𑀭𑀽𑀧𑀁 𑀲𑀓𑁆𑀓𑀸𑀭𑀁 𑀢𑁂𑀲𑀫𑁆𑀧𑀺 𑀓𑀸𑀭𑁂𑀢𑁆𑀯𑀸 𑀢𑁂𑀬𑁂𑀯 𑀕𑁄𑀧𑀓𑁂 𑀅𑀓𑀸𑀲𑀺.

𑀢𑀤𑀦𑀦𑁆𑀢𑀭𑀁 𑀅𑀜𑁆𑀜𑀁 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼. 𑀧𑀼𑀭𑀢𑁄 𑀘𑀢𑀼𑀬𑁄𑀚𑀦𑀫𑀢𑁆𑀣𑀓𑁄 𑀞𑀸𑀦𑁂 𑀧𑀼𑀩𑁆𑀩𑀤𑀓𑁆𑀔𑀺𑀡 𑀓𑀡𑁆𑀡𑁂 𑀲𑀼𑀫𑀦𑀯𑀸𑀧𑀺𑀕𑀸𑀫𑁂 𑀉𑀧𑁆𑀧𑀮𑀓𑀼𑀭𑀼𑀯𑀺𑀡𑁆𑀤 𑀫𑀺𑀲𑁆𑀲𑀓𑀸 𑀩𑀳𑀽 𑀫𑀡𑀬𑁄 𑀉𑀧𑁆𑀧𑀚𑁆𑀚𑀺𑀁𑀲𑀼 𑀕𑀸𑀫𑀺𑀓𑀸 𑀧𑀸𑀢𑀺𑀁 𑀧𑀽𑀭𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀫𑀸𑀦𑀬𑁄 𑀭𑀜𑁆𑀜𑁄 𑀤𑀲𑁆𑀲𑁂𑀲𑀼𑀁. 𑀭𑀸𑀚𑀸 𑀢𑁂𑀲𑀫𑁆𑀧𑀺 𑀲𑀓𑁆𑀓𑀸𑀭𑀁 𑀓𑀸𑀭𑁂𑀢𑁆𑀯𑀸 𑀢𑁂𑀬𑁂𑀯 𑀕𑁄𑀧𑀓𑁂 𑀅𑀓𑀸𑀲𑀺.

𑀢𑀤𑀦𑀦𑁆𑀢𑀭𑀁 𑀅𑀜𑁆𑀜𑀫𑁆𑀧𑀺 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼. 𑀦𑀕𑀭𑀢𑁄 𑀤𑀓𑁆𑀔𑀺𑀡 𑀧𑀲𑁆𑀲𑁂 𑀅𑀝𑁆𑀞𑀬𑁄𑀚𑀦 𑀫𑀢𑁆𑀣𑀓𑁂 𑀞𑀸𑀦𑁂 𑀅𑀫𑁆𑀩𑀝𑁆𑀞𑀓𑁄𑀮 𑀚𑀦𑀧𑀤𑁂 𑀏𑀓𑀲𑁆𑀫𑀺𑀁 𑀮𑁂𑀡𑁂 𑀭𑀚𑀢𑀁 𑀉𑀧𑁆𑀧𑀚𑁆𑀚𑀺 𑀢𑀲𑁆𑀫𑀺𑀁 𑀲𑀫𑀬𑁂 𑀦𑀕𑀭𑀯𑀸𑀲𑀺𑀓𑁄 𑀏𑀓𑁄 𑀯𑀸𑀡𑀺𑀚𑁄 𑀩𑀳𑀽𑀳𑀺 𑀲𑀓𑀝𑁂𑀳𑀺 𑀳𑀴𑀺𑀤𑁆𑀤𑀺 𑀲𑀺𑀗𑁆𑀕𑀺𑀯𑁂𑀭𑀸𑀤𑀻𑀦𑀫𑀢𑁆𑀣𑀸𑀬 𑀫𑀮𑀬𑀁 𑀕𑀢𑁄, 𑀮𑁂𑀡𑀲𑁆𑀲 𑀅𑀯𑀺𑀤𑀽𑀭𑁂 𑀲𑀓𑀝𑀸𑀦𑀺 𑀫𑀼𑀜𑁆𑀘𑀺𑀢𑁆𑀯𑀸 𑀧𑀢𑁄𑀤𑀤𑀸𑀭𑀼𑀁 𑀧𑀭𑀺𑀬𑁂𑀲𑀦𑁆𑀢𑁄 𑀢𑀁 𑀧𑀩𑁆𑀩𑀢𑀁 𑀅𑀪𑀺𑀭𑀽𑀴𑁆𑀳𑁄 𑀏𑀓𑀁 𑀧𑀡𑀲𑀬𑀝𑁆𑀞𑀺𑀁 𑀅𑀤𑁆𑀤𑀲.

𑀢𑀲𑁆𑀲 𑀫𑀳𑀦𑁆𑀢𑀁 𑀘𑀸𑀝𑀺𑀧𑁆𑀧𑀫𑀸𑀡𑀁 𑀏𑀓𑀫𑁂𑀯 𑀧𑀡𑀲 𑀨𑀮𑀁 𑀦𑀭𑀼𑀡𑀬𑀝𑁆𑀞𑀺𑀁 𑀦𑀸𑀫𑁂𑀢𑁆𑀯𑀸 𑀳𑁂𑀝𑁆𑀞𑀸 𑀧𑀸𑀲𑀸𑀡𑀧𑀺𑀝𑁆𑀞𑀺𑀬𑀁 𑀅𑀝𑁆𑀞𑀸𑀲𑀺. 𑀲𑁄 𑀢𑀁 𑀨𑀮𑀪𑀸𑀭𑁂𑀦 𑀦𑀫𑀺𑀢𑀁 𑀤𑀺𑀲𑁆𑀯𑀸 𑀉𑀧𑀕𑀦𑁆𑀢𑁆𑀯𑀸 𑀳𑀢𑁆𑀣𑁂𑀦 𑀧𑀭𑀸𑀫𑀲𑀺𑀢𑁆𑀯𑀸 𑀧𑀓𑁆𑀓𑀪𑀸𑀯𑀁 𑀜𑀢𑁆𑀯𑀸 𑀯𑀡𑁆𑀝𑀁 𑀙𑀺𑀡𑁆𑀤𑀺 𑀧𑀡𑀲𑀬𑀝𑁆𑀞𑀺 𑀉𑀕𑁆𑀕𑀦𑁆𑀢𑁆𑀯𑀸 𑀬𑀝𑀸𑀝𑁆𑀞𑀸𑀦𑀁 𑀅𑀝𑁆𑀞𑀸𑀲𑀺 𑀯𑀸𑀡𑀺𑀚𑁄 𑀅𑀕𑁆𑀕𑀁 𑀤𑀢𑁆𑀯𑀸 𑀪𑀼𑀜𑁆𑀚𑀺𑀲𑁆𑀲𑀸𑀫𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀓𑀸𑀮𑀁 𑀖𑁄𑀲𑁂𑀲𑀺. 𑀢𑀤𑀸 𑀘𑀢𑁆𑀢𑀸𑀭𑁄 𑀔𑀻𑀡𑀸𑀲𑀯 𑀆𑀕𑀦𑁆𑀢𑁆𑀯𑀸 𑀢𑀲𑁆𑀲 𑀧𑀼𑀭𑀢𑁄 𑀧𑀸𑀢𑀼𑀭𑀳𑁂𑀲𑀼𑀁. 𑀯𑀸𑀡𑀺𑀚𑁄 𑀢𑁂 𑀤𑀺𑀲𑁆𑀯𑀸 𑀅𑀢𑁆𑀢𑀫𑀦𑁄 𑀧𑀸𑀤𑁂 𑀯𑀦𑁆𑀤𑀺𑀢𑁆𑀯𑀸 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀢𑀲𑁆𑀲 𑀨𑀮𑀲𑁆𑀲 𑀯𑀡𑁆𑀝𑀸𑀲𑀫𑀦𑁆𑀢𑀸 𑀯𑀸𑀲𑀺𑀬𑀸 𑀢𑀘𑁆𑀙𑁂𑀢𑁆𑀯𑀸 𑀅𑀧𑀲𑁆𑀲𑀬𑀁 𑀮𑀼𑀜𑁆𑀘𑀺𑀢𑁆𑀯𑀸 𑀅𑀧𑀦𑀸𑀫𑁂𑀲𑀺. 𑀲𑀫𑀦𑁆𑀢𑀢𑁄 𑀬𑀼𑀲𑀁 𑀑𑀢𑀭𑀺𑀢𑁆𑀯𑀸 𑀅𑀧𑀲𑁆𑀲𑀬𑀸𑀦𑀺𑀢𑀁 𑀆𑀯𑀸𑀝𑀁 𑀧𑀽𑀭𑁂𑀲𑀺 𑀯𑀸𑀡𑀺𑀚𑁄 𑀫𑀦𑁄𑀲𑀺𑀮𑁄𑀤𑀓𑀯𑀡𑁆𑀡 𑀧𑀡𑀲𑀬𑀼𑀲𑀁 𑀧𑀢𑁆𑀢𑁂 𑀧𑀽𑀭𑁂𑀢𑁆𑀯𑀸 𑀅𑀤𑀸𑀲𑀺. 𑀢𑁂 𑀔𑀻𑀡𑀸𑀲𑀯𑀸 𑀢𑀲𑁆𑀲 𑀧𑀲𑁆𑀲𑀦𑁆𑀢𑀲𑁆𑀲𑁂𑀯 𑀆𑀓𑀸𑀲𑀫𑀩𑁆𑀪𑀼𑀕𑁆𑀕𑀦𑁆𑀢𑁆𑀯𑀸 𑀧𑀓𑁆𑀓𑀫𑀺𑀁𑀲𑀼.

𑀲𑁄 𑀧𑀼𑀦 𑀓𑀸𑀮𑀁𑀖𑁄𑀲𑁂𑀲𑀺 𑀅𑀜𑁆𑀜𑁂 𑀘𑀢𑁆𑀢𑀭𑁄 𑀔𑀻𑀡𑀸𑀲𑀯𑀸 𑀆𑀕𑀫𑀺𑀁𑀲𑀼. 𑀢𑁂𑀲𑀫𑁆𑀧𑀺 𑀳𑀢𑁆𑀣𑀢𑁄 𑀧𑀢𑁆𑀢𑁂 𑀕𑀳𑁂𑀢𑁆𑀯𑀸 𑀲𑀼𑀯𑀡𑁆𑀡𑀯𑀡𑁆𑀡𑁂𑀳𑀺 𑀧𑀦 𑀲𑀫𑀺𑀜𑁆𑀚𑁂𑀳𑀺 𑀧𑀽𑀭𑁂𑀢𑁆𑀯𑀸 𑀅𑀤𑀸𑀲𑀺 𑀢𑁂𑀲𑀼 𑀢𑀬𑁄 𑀣𑁂𑀭𑀸 𑀆𑀓𑀸𑀲𑁂𑀦 𑀧𑀓𑁆𑀓𑀫𑀺𑀁𑀲𑀼 𑀇𑀢𑀭𑁄 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑁄 𑀦𑀸𑀫 𑀔𑀻𑀡𑀸𑀲𑀯𑁄 𑀢𑀲𑁆𑀲 𑀢𑀁 𑀭𑀚𑀢𑀁 ¶ 𑀤𑀲𑁆𑀲𑁂𑀢𑀼𑀓𑀸𑀫𑁄 𑀉𑀧𑀭𑀺 𑀧𑀩𑁆𑀩𑀢𑀸 𑀑𑀢𑀭𑀺𑀢𑁆𑀯𑀸 𑀢𑀲𑁆𑀲 𑀮𑁂𑀡𑀲𑁆𑀲 𑀅𑀯𑀺𑀤𑀽𑀭𑁂 𑀦𑀺𑀲𑀻𑀤𑀺𑀢𑁆𑀯𑀸 𑀧𑀡𑀲 𑀫𑀺𑀜𑁆𑀚𑀁 𑀧𑀭𑀺𑀪𑀼𑀜𑁆𑀚𑀢𑀺 𑀉𑀧𑀸𑀲𑀓𑁄 𑀣𑁂𑀭𑀲𑁆𑀲 𑀕𑀢𑀓𑀸𑀮𑁂 𑀅𑀯𑀲𑁂𑀲 𑀫𑀺𑀜𑁆𑀚𑀁 𑀅𑀢𑁆𑀢𑀦𑀸𑀧𑀺 𑀔𑀸𑀤𑀺𑀢𑁆𑀯𑀸 𑀲𑁂𑀲𑀓𑀁 𑀪𑀡𑁆𑀟𑀺𑀓𑀁 𑀓𑀢𑁆𑀯𑀸 𑀆𑀤𑀸𑀬 𑀕𑀘𑁆𑀙𑀦𑁆𑀢𑁄 𑀣𑁂𑀭𑀁 𑀤𑀺𑀲𑁆𑀯𑀸 𑀉𑀤𑀓𑀜𑁆𑀘 𑀧𑀢𑁆𑀢𑀥𑁄𑀯𑀦𑀲𑀸𑀔𑀜𑁆𑀘 𑀅𑀤𑀸𑀲𑀺.

𑀣𑁂𑀭𑁄𑀧𑀺 𑀮𑁂𑀡𑀤𑁆𑀯𑀸𑀭𑁂𑀦 𑀲𑀓𑀝 𑀲𑀫𑀻𑀧𑀕𑀸𑀫𑀺 𑀫𑀕𑁆𑀕𑀁 𑀫𑀸𑀧𑁂𑀢𑁆𑀯𑀸 𑀇𑀫𑀺𑀦𑀸 𑀫𑀕𑁆𑀕𑁂𑀦 𑀕𑀘𑁆𑀙 𑀉𑀧𑀸𑀲𑀓𑀸𑀢𑀺 𑀆𑀳. 𑀲𑁄 𑀣𑁂𑀭𑀁 𑀯𑀦𑁆𑀤𑀺𑀢𑁆𑀯𑀸 𑀢𑁂𑀦 𑀫𑀕𑁆𑀕𑁂𑀦 𑀕𑀘𑁆𑀙𑀦𑁆𑀢𑁄 𑀮𑁂𑀡𑀤𑁆𑀯𑀸𑀭𑀁 𑀧𑀢𑁆𑀯𑀸 𑀲𑀫𑀦𑁆𑀢𑀸 𑀮𑁂𑀡𑀁 𑀑𑀮𑁄𑀓𑁂𑀦𑁆𑀢𑁄 𑀢𑀁 𑀭𑀚𑀢𑀭𑀸𑀲𑀺𑀁 𑀤𑀺𑀲𑁆𑀯𑀸 𑀭𑀚𑀢𑀧𑀺𑀡𑁆𑀟𑀁 𑀕𑀳𑁂𑀢𑁆𑀯𑀸 𑀘𑀸𑀲𑀺𑀬𑀸 𑀙𑀺𑀡𑁆𑀤𑀺𑀢𑁆𑀯𑀸 𑀭𑀚𑀢𑀪𑀸𑀯𑀁 𑀜𑀢𑁆𑀯𑀸 𑀫𑀳𑀦𑁆𑀢𑀁 𑀲𑀚𑁆𑀛𑀧𑀺𑀡𑁆𑀟𑀁 𑀕𑀳𑁂𑀢𑁆𑀯𑀸 𑀲𑀓𑀝 𑀲𑀦𑁆𑀢𑀺𑀓𑀁 𑀕𑀦𑁆𑀢𑁆𑀯𑀸 𑀢𑀺𑀡𑁄𑀤𑀓 𑀲𑀫𑁆𑀧𑀦𑁆𑀦𑁂 𑀞𑀸𑀦𑁂 𑀲𑀓𑀝𑀸𑀦𑀺 𑀦𑀺𑀯𑁂𑀲𑁂𑀢𑁆𑀯𑀸 𑀮𑀳𑀼𑀁 𑀅𑀦𑀼𑀭𑀸𑀥𑀧𑀼𑀭𑀁 𑀕𑀦𑁆𑀢𑁆𑀯𑀸 𑀭𑀜𑁆𑀜𑁆𑀜𑁄 𑀤𑀲𑁆𑀲𑁂𑀢𑁆𑀯𑀸 𑀢𑀫𑀢𑁆𑀣𑀁 𑀦𑀺𑀯𑁂𑀤𑁂𑀲𑀺 𑀭𑀸𑀚𑀸 𑀢𑀲𑁆𑀲𑀸𑀧𑀺 𑀬𑀣𑀸𑀭𑀳𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀲𑀺.

𑀢𑀤𑀦𑁆𑀢𑀭𑀁 𑀅𑀜𑁆𑀜𑀫𑁆𑀧𑀺 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼 𑀦𑀕𑀭𑀢𑁄 𑀧𑀘𑁆𑀙𑀺𑀫 𑀤𑀺𑀲𑀸𑀪𑀸𑀕𑁂 𑀧𑀜𑁆𑀘 𑀬𑁄𑀚𑀦 𑀫𑀢𑁆𑀣𑀓𑁂 𑀞𑀸𑀦𑁂 𑀉𑀭𑀼𑀯𑁂𑀮 𑀧𑀩𑁆𑀩𑀢 𑀫𑀳𑀸𑀫𑀮𑀓𑀫𑀢𑁆𑀢𑀸 𑀧𑀘𑀸𑀴 𑀫𑀺𑀲𑁆𑀲𑀓𑀸 𑀲𑀝𑁆𑀞𑀺 𑀲𑀓𑀝𑀧𑁆𑀧𑀫𑀸𑀡𑀫𑀼𑀢𑁆𑀢𑀸 𑀲𑀫𑀼𑀤𑁆𑀤𑀢𑁄 𑀣𑀮𑀫𑀼𑀕𑁆𑀕𑀫𑀺𑀁𑀲𑀼 𑀓𑁂𑀯𑀝𑁆𑀝𑀸 𑀤𑀺𑀲𑁆𑀯𑀸 𑀭𑀸𑀚𑀸𑀭𑀳𑀁 𑀯𑀢 𑀪𑀡𑁆𑀟𑀁 𑀉𑀧𑁆𑀧𑀦𑁆𑀦𑀦𑁆𑀢𑀺 𑀭𑀸𑀲𑀺𑀁 𑀓𑀢𑁆𑀯𑀸 𑀆𑀭𑀓𑁆𑀔𑀁 𑀤𑀢𑁆𑀯𑀸 𑀧𑀸𑀢𑀺𑀁 𑀧𑀽𑀭𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀤𑀲𑁆𑀲𑁂𑀢𑁆𑀯𑀸 𑀢𑀫𑀢𑁆𑀣𑀁 𑀦𑀺𑀯𑁂𑀤𑁂𑀲𑀼𑀁. 𑀭𑀸𑀚𑀸 𑀢𑁂𑀲𑀫𑁆𑀧𑀺 𑀬𑀣𑀸𑀭𑀳𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀲𑀺.

𑀧𑀼𑀦 𑀅𑀜𑁆𑀜𑀁 𑀲𑀸𑀲𑀦𑀁 𑀆𑀳𑀭𑀺𑀁𑀲𑀼 𑀦𑀕𑀭𑀢𑁄 𑀧𑀘𑁆𑀙𑀺𑀫𑀼𑀢𑁆𑀢𑀭 𑀓𑀡𑁆𑀡𑁂 𑀲𑀢𑁆𑀢𑀬𑁄𑀚𑀦 𑀫𑀢𑁆𑀣𑀓𑁂 𑀞𑀸𑀦𑁂 𑀧𑁂𑀴𑀺𑀯𑀸𑀧𑀺 𑀕𑀸𑀫𑀲𑁆𑀲 𑀯𑀸𑀧𑀺𑀬𑀸 𑀑𑀢𑀺𑀡𑁆𑀡 𑀓𑀡𑁆𑀤𑀭𑁂 𑀧𑀼𑀮𑀺𑀦 𑀧𑀼𑀝𑁆𑀞𑁂 𑀦𑀺𑀲𑀤𑀧𑁄𑀢𑀧𑁆𑀧𑀫𑀸𑀡 𑀤𑀻𑀖𑀢𑁄 𑀯𑀺𑀤𑀢𑁆𑀣𑀺𑀘𑀢𑀼𑀭𑀗𑁆𑀕𑀼𑀮𑀸 𑀉𑀫𑁆𑀫𑀸𑀧𑀼𑀧𑁆𑀨𑀯𑀡𑁆𑀡𑀸 𑀘𑀢𑁆𑀢𑀸𑀭𑁄 𑀫𑀳𑀸𑀫𑀡𑀺 𑀉𑀧𑁆𑀧𑀚𑁆𑀚𑀺𑀁𑀲𑀼. 𑀅𑀣𑁂𑀓𑁄 𑀫𑀢𑁆𑀢𑁄 𑀦𑀸𑀫 𑀲𑀼𑀦𑀔𑀮𑀼𑀤𑁆𑀤𑁄 𑀲𑀼𑀦𑀔𑁂 𑀕𑀳𑁂𑀢𑁆𑀯𑀸 𑀢𑀢𑁆𑀣 𑀯𑀺𑀘𑀭𑀦𑁆𑀢𑁄 𑀢𑀁 𑀞𑀸𑀦𑀁 𑀧𑀢𑁆𑀯𑀸 𑀤𑀺𑀲𑁆𑀯𑀸 𑀭𑀸𑀚𑀸𑀭𑀳𑀁 𑀯𑀢 𑀪𑀡𑁆𑀟𑀦𑁆𑀢𑀺 𑀯𑀸𑀮𑀺𑀓𑀸𑀳𑀺 𑀧𑀝𑀺𑀘𑁆𑀙𑀸𑀤𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀦𑀺𑀯𑁂𑀤𑁂𑀲𑀺. 𑀭𑀸𑀚𑀸 𑀢𑀲𑁆𑀲𑀸𑀧𑀺 𑀬𑀣𑀸𑀭𑀳𑀁 𑀲𑀓𑁆𑀓𑀸𑀭𑀁 𑀓𑀸𑀭𑁂𑀲𑀺. 𑀏𑀯𑀁 𑀭𑀸𑀚𑀸 𑀣𑀽𑀧𑀢𑁆𑀣𑀸𑀬 𑀉𑀧𑁆𑀧𑀦𑁆𑀦𑀸𑀦𑀺 𑀇𑀝𑁆𑀞𑀓𑀸𑀤𑀻𑀦𑀺 𑀢𑀤𑀳𑁂𑀯 𑀅𑀲𑁆𑀲𑁄𑀲𑀺 𑀇𑀝𑁆𑀞𑀓 𑀭𑀚𑀢𑀸𑀦𑀁 𑀉𑀧𑁆𑀧𑀦𑁆𑀦𑀝𑁆𑀞𑀸𑀦𑀁 𑀢𑁂𑀦𑁂𑀯 𑀦𑀸𑀫𑀁 𑀮𑀪𑀺.

𑀣𑀽𑀧𑀲𑀸𑀥𑀦 𑀮𑀸𑀪𑀓𑀣𑀸

𑁨𑁦. 𑀅𑀣 𑀭𑀸𑀚𑀸 𑀣𑀽𑀧𑀢𑁆𑀣𑀸𑀬 𑀉𑀧𑁆𑀧𑀦𑁆𑀦𑀸𑀦𑀺 𑀲𑀼𑀯𑀡𑁆𑀡𑀸𑀤𑀻𑀦𑀺 𑀆𑀳𑀭𑀸𑀧𑁂𑀢𑁆𑀯𑀸 𑀪𑀡𑁆𑀟𑀸𑀕𑀸𑀭𑁂𑀲𑀼 𑀭𑀸𑀲𑀺𑀁 𑀓𑀸𑀭𑁂𑀲𑀺 𑀢𑀢𑁄 𑀲𑀩𑁆𑀩𑀲𑀫𑁆𑀪𑀸𑀭𑁂 𑀲𑀫𑀢𑁆𑀢𑁂 𑀯𑀺𑀲𑀸𑀔 𑀧𑀼𑀡𑁆𑀡𑀫𑀼𑀧𑁄𑀲𑀣𑀤𑀺𑀯𑀲𑁂 𑀧𑀢𑁆𑀢 𑀯𑀺𑀲𑀸𑀔 𑀦𑀓𑁆𑀔𑀢𑁆𑀢𑁂 𑀫𑀳𑀸𑀣𑀽𑀧𑀓𑀭𑀡𑀢𑁆𑀣𑀸𑀬 𑀪𑀽𑀫𑀺𑀧𑀭𑀺𑀓𑀫𑁆𑀫𑀁 𑀆𑀭𑀪𑀺. 𑀭𑀸𑀚𑀸 𑀣𑀼𑀧𑀝𑁆𑀞𑀸𑀦𑁂 𑀧𑀢𑀺𑀝𑁆𑀞𑀸𑀧𑀺𑀢𑀁 𑀲𑀺𑀮𑀸𑀣𑀽𑀧𑀁 𑀳𑀭𑀸𑀧𑁂𑀢𑁆𑀯𑀸 𑀣𑀺𑀭𑀪𑀸𑀯𑀢𑁆𑀣𑀸𑀬 𑀲𑀫𑀦𑁆𑀢𑀢𑁄 𑀳𑀢𑁆𑀣𑀺𑀧𑀸𑀓𑀸𑀭 𑀧𑀭𑀺𑀬𑀦𑁆𑀢𑀁 𑀕𑀫𑁆𑀪𑀻𑀭𑀢𑁄 𑀲𑀢𑀭𑀢𑀦𑀧𑁆𑀧𑀫𑀸𑀡𑀁 𑀪𑀽𑀫𑀺𑀁 𑀔𑀦𑀸𑀧𑁂𑀢𑁆𑀯𑀸 𑀧𑀁𑀲𑀼𑀁 𑀅𑀧𑀦𑁂𑀢𑁆𑀯𑀸 ¶ 𑀬𑁄𑀥𑁂𑀳𑀺 𑀕𑀼𑀴𑀧𑀸𑀲𑀸𑀡𑁂 𑀅𑀢𑁆𑀣𑀭𑀸𑀧𑁂𑀢𑁆𑀯𑀸 𑀓𑀫𑁆𑀫𑀸𑀭𑀓𑀽𑀝𑁂𑀳𑀺 𑀆𑀳𑀦𑀸𑀧𑁂𑀢𑁆𑀯𑀸 𑀘𑀼𑀡𑁆𑀡𑀯𑀺𑀘𑀼𑀡𑁆𑀡𑁂 𑀓𑀸𑀭𑁂𑀲𑀺.

𑀢𑀢𑁄 𑀘𑀫𑁆𑀫𑀯𑀺𑀦𑀤𑁆𑀥𑁂𑀳𑀺 𑀧𑀸𑀤𑁂𑀳𑀺 𑀫𑀳𑀸 𑀳𑀢𑁆𑀣𑀻𑀳𑀺 𑀫𑀤𑁆𑀤𑀸𑀧𑁂𑀢𑁆𑀯𑀸 𑀧𑀸𑀲𑀸𑀡𑀓𑁄𑀝𑁆𑀝𑀺𑀫𑀲𑁆𑀲𑀼𑀧𑀭𑀺 𑀦𑀯𑀦𑀻𑀢 𑀫𑀢𑁆𑀢𑀺𑀓𑀁 𑀅𑀢𑁆𑀣𑀭𑀸𑀧𑁂𑀲𑀺. 𑀆𑀓𑀸𑀲 𑀕𑀗𑁆𑀕𑀸𑀬𑀳𑀺 𑀢𑀺𑀧𑀢𑀺𑀢𑀝𑁆𑀞𑀸𑀦𑁂 𑀉𑀤𑀓𑀩𑀺𑀦𑁆𑀤𑀽𑀦𑀺 𑀉𑀕𑁆𑀕𑀦𑁆𑀢𑁆𑀯𑀸 𑀲𑀫𑀦𑁆𑀢𑀸 𑀢𑀺𑀁𑀲 𑀬𑁄𑀚𑀦𑀧𑁆𑀧𑀫𑀸𑀡𑀧𑀤𑁂𑀲𑁂 𑀧𑀢𑀦𑁆𑀢𑀺 𑀬𑀢𑁆𑀣 𑀲𑀬𑀜𑁆𑀚𑀸𑀢𑀲𑀸𑀮𑀻 𑀉𑀧𑁆𑀧𑀚𑁆𑀚𑀢𑁆𑀢𑀺 𑀢𑀁 𑀞𑀸𑀦𑀁 𑀦𑀺𑀘𑁆𑀘𑀫𑁂𑀯 𑀢𑀺𑀦𑁆𑀢𑀢𑁆𑀢𑀸 𑀦𑀺𑀦𑁆𑀢𑀲𑀻𑀲𑀓𑁄𑀴𑀁 𑀦𑀸𑀫 𑀙𑀸𑀢𑀁. 𑀢𑀢𑁆𑀣 𑀫𑀢𑁆𑀢𑀺𑀓𑀸 𑀲𑀼𑀔𑀼𑀫𑀼𑀢𑁆𑀢𑀸 𑀦𑀯𑀦𑀻𑀢 𑀫𑀢𑁆𑀢𑀺𑀓𑀸𑀢𑀺 𑀯𑀼𑀘𑁆𑀘𑀢𑀺.

𑀢𑀁 𑀢𑀢𑁄 𑀔𑀻𑀡𑀲𑀯𑀸 𑀲𑀸𑀫𑀡𑁂𑀭𑀸 𑀆𑀳𑀭𑀦𑁆𑀢𑀺 𑀢𑀸𑀬 𑀲𑀩𑁆𑀩𑀢𑁆𑀣 𑀫𑀢𑁆𑀢𑀺𑀓𑀸𑀓𑀺𑀘𑁆𑀘𑀦𑁆𑀢𑀺 𑀜𑀸𑀢𑀩𑁆𑀩𑀁. 𑀫𑀢𑁆𑀢𑀺𑀓𑁄𑀧𑀭𑀺 𑀇𑀝𑁆𑀞𑀓𑀸 𑀅𑀢𑁆𑀣𑀭𑀸𑀧𑁂𑀲𑀺. 𑀇𑀝𑁆𑀞𑀓𑁄𑀧𑀭𑀺 𑀔𑀭𑀲𑀼𑀓𑀫𑁆𑀫𑀁, 𑀢𑀲𑁆𑀲𑁄𑀧𑀭𑀺𑀓𑀼𑀭𑀼𑀯𑀺𑀡𑁆𑀤𑀧𑀸𑀲𑀸𑀡𑀁, 𑀢𑀲𑁆𑀲𑁄𑀧𑀭𑀺𑀅𑀬𑁄𑀚𑀸𑀮𑀁, 𑀢𑀲𑁆𑀲𑁄𑀧𑀭𑀺 𑀔𑀻𑀡𑀸𑀲𑀯 𑀲𑀸𑀫𑀡𑁂𑀭𑁂𑀳𑀺 𑀳𑀺𑀫𑀯𑀦𑁆𑀢𑀢𑁄 𑀆𑀳𑀝𑀁 𑀲𑀼𑀕𑀡𑁆𑀥𑀫𑀸𑀭𑀼𑀫𑁆𑀩𑀁, 𑀢𑀲𑁆𑀲𑁄𑀧𑀭𑀺 𑀔𑀻𑀭𑀧𑀸𑀲𑀸𑀡𑀁, 𑀢𑀲𑁆𑀲𑁄𑀧𑀭𑀺 𑀏𑀴𑀺𑀓𑀧𑀸𑀲𑀸𑀡𑀁, 𑀢𑀲𑁆𑀲𑁄𑀧𑀭𑀺 𑀲𑀻𑀮𑀁 𑀅𑀢𑁆𑀣𑀭𑀸𑀧𑁂𑀲𑀺. 𑀲𑀩𑁆𑀩𑀫𑀢𑁆𑀢𑀺𑀓𑀸𑀓𑀺𑀘𑁆𑀘𑁂 𑀦𑀯𑀦𑀻𑀢𑀫𑀢𑁆𑀢𑀺𑀓𑀸 𑀏𑀯 𑀅𑀳𑁄𑀲𑀺.

𑀲𑀺𑀮𑀸𑀲𑀢𑁆𑀣𑀸𑀭𑁄𑀧𑀭𑀺 𑀭𑀲𑁄𑀤𑀓 𑀲𑀦𑁆𑀢𑀺𑀦𑁆𑀢𑁂𑀦 𑀓𑀧𑀺𑀢𑁆𑀣 𑀦𑀺𑀬𑁆𑀬𑀸𑀲𑁂𑀦 𑀅𑀝𑁆𑀞𑀗𑁆𑀕𑀼𑀮𑀩𑀳𑀮𑀢𑀫𑁆𑀩𑀮𑁄𑀳𑀧𑀝𑁆𑀝𑀁, 𑀢𑀲𑁆𑀲𑁄𑀧𑀭𑀺 𑀢𑀺𑀮𑀢𑁂𑀮𑀬𑀦𑁆𑀢𑀺𑀦𑁆𑀢𑀸𑀬 𑀫𑀦𑁄𑀲𑀺𑀮𑀸𑀬 𑀲𑀢𑁆𑀢𑀗𑁆𑀕𑀼𑀮 𑀩𑀳𑀮𑀁 𑀭𑀚𑀢𑀧𑀝𑁆𑀝𑀁 𑀅𑀢𑁆𑀣𑀭𑀸𑀧𑁂𑀲𑀺 𑀏𑀯𑀁 𑀭𑀸𑀚𑀸 𑀲𑀩𑁆𑀩𑀸𑀓𑀸𑀭𑁂𑀦 𑀪𑀽𑀫𑀺𑀧𑀭𑀺𑀓𑀫𑁆𑀫𑀁 𑀓𑀸𑀭𑀸𑀧𑁂𑀢𑁆𑀯𑀸 𑀆𑀲𑀸𑀴𑀳𑀺 𑀲𑀼𑀓𑁆𑀓𑀧𑀓𑁆𑀔𑀲𑁆𑀲 𑀘𑀸𑀢𑀼𑀤𑁆𑀤𑀲 𑀤𑀺𑀯𑀲𑁂 𑀪𑀺𑀓𑁆𑀔𑀼𑀲𑀗𑁆𑀖𑀸 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀏𑀯𑀫𑀸𑀳. 𑀲𑁆𑀯𑁂 𑀧𑀼𑀡𑁆𑀡𑀫𑀼𑀧𑁄𑀲𑀣𑀤𑀺𑀯𑀲𑁂 𑀉𑀢𑁆𑀢𑀭𑀸𑀲𑀸𑀴𑁆𑀳 𑀦𑀓𑁆𑀔𑀢𑁆𑀢𑁂𑀦 𑀫𑀳𑀸𑀘𑁂𑀢𑀺𑀬𑁂 𑀫𑀗𑁆𑀕𑀮𑀺𑀝𑁆𑀞𑀓𑀁 𑀧𑀢𑀺𑀝𑁆𑀞𑀸𑀧𑁂𑀲𑁆𑀲𑀸𑀫𑀺 𑀲𑁆𑀯𑁂 𑀣𑀽𑀧𑀽𑀝𑁆𑀞𑀸𑀦𑁂 𑀲𑀩𑁆𑀩𑁄 𑀲𑀗𑁆𑀖𑁄 𑀲𑀦𑁆𑀢𑀺𑀧𑀢𑀢𑀽𑀢𑀺 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀲𑀺 𑀫𑀳𑀸𑀚𑀦𑁄 𑀉𑀧𑁄𑀲𑀣𑀺𑀓𑁄 𑀳𑀼𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀦𑀺 𑀕𑀳𑁂𑀢𑁆𑀯𑀸 𑀣𑀽𑀧𑀝𑁆𑀞𑀸𑀦𑁂 𑀲𑀦𑁆𑀦𑀺𑀧𑀢𑀢𑀽𑀢𑀺.

𑀢𑀢𑁄 𑀯𑀺𑀲𑀸𑀔𑀲𑀺𑀭𑀺 𑀤𑁂𑀯𑀦𑀸𑀫𑀓𑁂 𑀤𑁆𑀯𑁂 𑀅𑀫𑀘𑁆𑀘𑁂 𑀆𑀡𑀸𑀧𑁂𑀲𑀺. 𑀢𑀼𑀫𑁆𑀳𑁂 𑀕𑀦𑁆𑀢𑁆𑀯𑀸 𑀫𑀳𑀸 𑀘𑁂𑀢𑀺𑀬𑀝𑁆𑀞𑀸𑀦𑀁 𑀅𑀮𑀗𑁆𑀓𑀭𑁄𑀣𑀸𑀢𑀺. 𑀢𑁂 𑀕𑀦𑁆𑀢𑁆𑀯𑀸 𑀲𑀫𑀦𑁆𑀢𑀢𑁄 𑀭𑀚𑀢𑀧𑀝𑁆𑀝𑀯𑀡𑁆𑀡𑀯𑀸𑀮𑀼𑀓𑀁 𑀑𑀓𑀻𑀭𑀸𑀧𑁂𑀢𑁆𑀯𑀸 𑀮𑀸𑀚𑀧𑀜𑁆𑀘𑀫𑀓𑀸𑀦𑀺 𑀧𑀼𑀧𑁆𑀨𑀸𑀦𑀺 𑀯𑀺𑀓𑀺𑀭𑀺𑀢𑁆𑀯𑀸 𑀓𑀤𑀮𑀺𑀢𑁄𑀭𑀡𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 𑀧𑀼𑀡𑁆𑀡𑀖𑀝𑁂 𑀞𑀧𑀸𑀧𑁂𑀢𑁆𑀯𑀸 𑀫𑀡𑀺𑀯𑀡𑁆𑀡𑁂 𑀯𑁂𑀴𑀼𑀫𑁆𑀳𑀺 𑀧𑀜𑁆𑀘𑀧𑀡𑁆𑀡𑀥𑀚𑀁 𑀩𑀡𑁆𑀥𑀸𑀧𑁂𑀢𑁆𑀯𑀸 𑀕𑀡𑁆𑀥𑀲𑀫𑁆𑀧𑀦𑁆𑀦𑀸𑀦𑀺 𑀦𑀸𑀦𑀸𑀯𑀺𑀥 𑀓𑀼𑀲𑀼𑀫𑀸𑀦𑀺𑀲𑀡𑁆𑀣𑀭𑀸𑀧𑁂𑀢𑁆𑀯𑀸 𑀦𑀸𑀦𑀸𑀧𑁆𑀧𑀓𑀸𑀭𑁂𑀳𑀺 𑀢𑀁 𑀞𑀸𑀦𑀁 𑀅𑀮𑀗𑁆𑀓𑀭𑀺𑀁𑀲𑀼.

𑀅𑀣 𑀭𑀸𑀚𑀸 𑀲𑀓𑀮𑀦𑀕𑀭𑀜𑁆𑀘 𑀯𑀺𑀳𑀸𑀭𑀕𑀸𑀫𑀺 𑀫𑀕𑁆𑀕𑀜𑁆𑀘 𑀅𑀮𑀗𑁆𑀓𑀸𑀭𑀸𑀧𑁂𑀲𑀺 𑀧𑀪𑀸𑀢𑀸𑀬 𑀭𑀢𑁆𑀢𑀺𑀬𑀸 𑀦𑀕𑀭𑁂 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀫𑀲𑁆𑀲𑀼 𑀓𑀫𑁆𑀫𑀢𑁆𑀣𑀸𑀬 𑀦𑀳𑀸𑀧𑀺𑀢𑁂, 𑀦𑀳𑀸𑀧𑀦𑀢𑁆𑀣𑀸𑀬𑀦𑀳𑀸𑀧𑀦𑀓𑁂, 𑀅𑀮𑀗𑁆𑀓𑀸𑀭𑀢𑁆𑀣𑀸𑀬 𑀓𑀧𑁆𑀧𑀓𑁂𑀯 𑀦𑀸𑀦𑀸𑀯𑀺𑀭𑀸𑀕 𑀯𑀢𑁆𑀣 𑀕𑀡𑁆𑀥𑀫𑀸𑀮𑀸𑀤𑀻𑀦𑀺 𑀘 𑀲𑀽𑀧𑀯𑁆𑀬𑀜𑁆𑀚𑀦 𑀲𑀫𑁆𑀧𑀦𑁆𑀦𑀸𑀦𑀺 𑀫𑀥𑀼𑀭𑀪𑀢𑁆𑀢𑀸𑀦𑀺 𑀘 𑀞𑀧𑀸𑀧𑁂𑀢𑁆𑀯𑀸 𑀲𑀩𑁆𑀩𑁂 𑀦𑀕𑀭𑀸 𑀘 𑀚𑀸𑀦𑀧𑀤𑀸 𑀘 𑀬𑀣𑀸𑀭𑀼𑀘𑀺𑀁 𑀫𑀲𑁆𑀲𑀽𑀓𑀫𑁆𑀫𑀁 𑀓𑀸𑀭𑁂𑀢𑁆𑀯𑀸 𑀦𑀳𑀸𑀢𑁆𑀯𑀸 𑀪𑀼𑀜𑁆𑀚𑀺𑀢𑁆𑀯𑀸 𑀯𑀢𑁆𑀣𑀸𑀪𑀭𑀡𑀸𑀤𑀻𑀳𑀺 𑀅𑀮𑀗𑁆𑀓𑀭𑀺𑀢𑁆𑀯𑀸 𑀫𑀳𑀸𑀘𑁂𑀢𑀺𑀬𑀝𑁆𑀞𑀸𑀦𑀁 𑀆𑀕𑀘𑁆𑀙𑀦𑁆𑀢𑀽𑀢𑀺 𑀆𑀬𑀼𑀢𑁆𑀢𑀓𑁂𑀳𑀺 𑀆𑀭𑁄𑀘𑀸𑀧𑁂𑀲𑀺.

𑀲𑀬𑀫𑁆𑀧𑀺 ¶ 𑀲𑀩𑁆𑀩𑀸𑀪𑀭𑀡 𑀯𑀺𑀪𑀽𑀲𑀺𑀢𑁄 𑀘𑀢𑁆𑀢𑀸𑀮𑀻𑀲 𑀧𑀼𑀭𑀺𑀲 𑀲𑀳𑀲𑁆𑀲𑁂𑀳𑀺 𑀲𑀤𑁆𑀥𑀺𑀁 𑀉𑀧𑁄𑀲𑀓𑁄 𑀳𑀼𑀢𑁆𑀯𑀸 𑀅𑀦𑁂𑀓𑁂𑀳𑀺 𑀲𑀼𑀫𑀡𑁆𑀟𑀺𑀢 𑀧𑀲𑀸𑀥𑀺𑀢𑁂𑀳𑀺 𑀅𑀫𑀘𑁆𑀘𑁂𑀳𑀺 𑀕𑀳𑀺𑀢𑀸𑀭𑀓𑁆𑀔𑁄 𑀅𑀮𑀗𑁆𑀓𑀢𑀸𑀳𑀺 𑀤𑁂𑀯𑀓𑀜𑁆𑀜 𑀧𑀫𑀸𑀳𑀺 𑀦𑀸𑀝𑀓𑀺𑀢𑁆𑀣𑀺𑀳𑀺 𑀧𑀭𑀺𑀯𑀼𑀢𑁄 𑀅𑀫𑀭𑀕𑀡 𑀧𑀭𑀺𑀯𑀼𑀢𑁄 𑀤𑁂𑀯𑀭𑀸𑀚𑀸 𑀯𑀺𑀬 𑀅𑀢𑁆𑀢𑀦𑁄 𑀲𑀺𑀭𑀺𑀲𑀫𑁆𑀧𑀢𑁆𑀢𑀺𑀳𑀸 𑀫𑀳𑀸𑀚𑀦𑀁 𑀢𑁄𑀲𑀬𑀦𑁆𑀢𑁄 𑀅𑀦𑁂𑀓𑁂𑀳𑀺 𑀢𑀼𑀭𑀺𑀬 𑀲𑀗𑁆𑀖𑀼𑀝𑁆𑀞𑁂𑀳𑀺 𑀯𑀢𑁆𑀢𑀫𑀸𑀦𑁂𑀳𑀺 𑀅𑀧𑀭𑀡𑁆𑀳𑁂 𑀫𑀳𑀸𑀣𑀽𑀧𑀝𑁆𑀞𑀸𑀦𑀁 𑀉𑀧𑀕𑀜𑁆𑀚𑀺. 𑀫𑀳𑀸 𑀘𑁂𑀢𑀺𑀬𑀝𑁆𑀞𑀸𑀦 𑀫𑀗𑁆𑀕𑀮𑀢𑁆𑀣𑀸𑀬 𑀧𑀼𑀝𑀩𑀤𑁆𑀥𑀸𑀦𑀺 𑀯𑀢𑁆𑀣𑀸𑀦𑀺 𑀅𑀝𑁆𑀞𑀼𑀢𑁆𑀢𑀭 𑀲𑀳𑀲𑁆𑀲𑀁 𑀞𑀧𑀸𑀧𑁂𑀲𑀺. 𑀘𑀢𑀼𑀲𑀼 𑀧𑀲𑁆𑀲𑁂𑀲𑀼 𑀯𑀢𑁆𑀣𑀭𑀸𑀲𑀺𑀁 𑀓𑀸𑀭𑁂𑀲𑀺 𑀢𑁂𑀮-𑀫𑀥𑀼-𑀲𑀓𑁆𑀓𑀭-𑀨𑀸𑀡𑀺𑀢𑀸𑀤𑀻𑀦𑀺 𑀘 𑀞𑀧𑀸𑀧𑁂𑀲𑀺.

𑀅𑀣 𑀦𑀸𑀦𑀸𑀤𑁂𑀲𑀢𑁄 𑀩𑀳𑀽 𑀪𑀺𑀓𑁆𑀔𑀽 𑀆𑀕𑀫𑀺𑀁𑀲𑀼 𑀭𑀸𑀚𑀕𑀳𑀸 𑀲𑀫𑀦𑁆𑀢𑀸 𑀇𑀡𑁆𑀤𑀺𑀕𑀼𑀢𑁆𑀢𑀢𑁆𑀣𑁂𑀭𑁄 𑀦𑀸𑀫 𑀅𑀲𑀻𑀢𑀺 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺 𑀕𑀳𑁂𑀢𑁆𑀯𑀸 𑀆𑀓𑀸𑀲𑁂𑀦𑀸𑀕𑀜𑁆𑀙𑀺 𑀢𑀣𑀸 𑀩𑀸𑀭𑀸𑀡𑀲𑀺𑀬𑀁 𑀇𑀲𑀺𑀧𑀢𑀦𑁂 𑀫𑀳𑀸 𑀯𑀺𑀳𑀸𑀭𑀢𑁄 𑀥𑀫𑁆𑀫𑀲𑁂𑀦𑀢𑁆𑀣𑁂𑀭𑁄 𑀦𑀸𑀫 𑀤𑁆𑀯𑀸𑀤𑀲 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺. 𑀲𑀸𑀯𑀢𑁆𑀣𑀺𑀬𑀁 𑀚𑁂𑀢𑀯𑀦 𑀯𑀺𑀳𑀸𑀭𑀢𑁄 𑀧𑀺𑀬𑀤𑀲𑁆𑀲𑀺 𑀦𑀸𑀫 𑀣𑁂𑀭𑁄 𑀲𑀝𑁆𑀞𑀺 𑀪𑀺𑀓𑁆𑀔𑀼 𑀲𑀳𑀲𑁆𑀲𑀸𑀦𑀺 𑀯𑁂𑀲𑀸𑀮𑀺𑀬𑀁 𑀫𑀳𑀸 𑀯𑀦𑀢𑁄 𑀩𑀼𑀤𑁆𑀥𑀭𑀓𑁆𑀔𑀺𑀢𑀢𑁆𑀣𑁂𑀭𑁄 𑀅𑀝𑁆𑀞𑀸𑀭𑀲 𑀪𑀺𑀓𑁆𑀔𑀼 𑀲𑀳𑀲𑁆𑀲𑀸𑀦𑀺, 𑀓𑁄𑀲𑀫𑁆𑀩𑀺𑀬𑀁 𑀖𑁄𑀲𑀺𑀢𑀸𑀭𑀸𑀫𑀢𑁄 𑀫𑀳𑀸𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑁄 𑀢𑀺𑀁𑀲 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺. 𑀉𑀚𑁆𑀚𑁂𑀦𑀺𑀬𑀁 𑀤𑀓𑁆𑀔𑀺𑀡𑀕𑀺𑀭𑀺 𑀫𑀳𑀸 𑀯𑀺𑀳𑀸𑀭𑀢𑁄 𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑁄 𑀘𑀢𑁆𑀢𑀸𑀮𑀻𑀲 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺-𑀧𑀸𑀝𑀮𑀺𑀧𑀼𑀢𑁆𑀢𑁂 𑀅𑀲𑁄𑀓𑀸𑀭𑀸𑀫𑀢𑁄 𑀫𑀺𑀢𑁆𑀢𑀺𑀡𑁆𑀡𑀢𑁆𑀣𑁂𑀭𑁄 𑀪𑀺𑀓𑁆𑀔𑀽𑀦𑀁 𑀲𑀢𑀲𑀳𑀲𑁆𑀲𑀸𑀦𑀺 𑀲𑀝𑁆𑀞𑀺𑀜𑁆𑀘 𑀲𑀳𑀲𑁆𑀲𑀸𑀦𑀺 𑀕𑀡𑁆𑀥𑀸𑀭 𑀭𑀝𑁆𑀞𑀢𑁄 𑀅𑀢𑁆𑀢𑀺𑀦𑁆𑀦 𑀣𑁂𑀭𑁄 𑀦𑀸𑀫 𑀪𑀺𑀓𑁆𑀔𑀽𑀦𑀁 𑀤𑁆𑀯𑁂 𑀲𑀢𑀲𑀳𑀲𑁆𑀲𑀸𑀦𑀺 𑀅𑀲𑀻𑀢𑀺𑀜𑁆𑀘 𑀲𑀳𑀲𑁆𑀲𑀸𑀦𑀺. 𑀫𑀳𑀸𑀧𑀮𑁆𑀮𑀯 𑀪𑁄𑀕𑀢𑁄 𑀫𑀳𑀸𑀤𑁂𑀯𑀢𑁆𑀣𑁂𑀭𑁄 𑀪𑀺𑀓𑁆𑀔𑀽𑀦𑀁 𑀘𑀢𑁆𑀢𑀸𑀭𑀺 𑀲𑀢𑀲𑀳𑀲𑁆𑀲𑀸𑀦𑀺 𑀲𑀝𑁆𑀞𑀺𑀜𑁆𑀘 𑀲𑀳𑀲𑁆𑀲𑀸𑀦𑀺 𑀬𑁄𑀦𑀓𑀭𑀝𑁆𑀞𑁂 𑀅𑀮𑀲𑀡𑁆𑀤𑀸 𑀦𑀕𑀭𑀢𑁄 𑀬𑁄𑀦𑀓 𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑁄 𑀢𑀺𑀁𑀲 𑀪𑀺𑀓𑁆𑀔𑀼 𑀲𑀳𑀲𑁆𑀲𑀸𑀦𑀺. 𑀯𑀺𑀜𑁆𑀛𑀸𑀝𑀯𑀺𑀯𑀢𑁆𑀢𑀦𑀺𑀬 𑀲𑁂𑀦𑀸𑀲𑀦𑀢𑁄 𑀉𑀢𑁆𑀢𑀭𑀢𑁆𑀣𑁂𑀭𑁄 𑀅𑀲𑀻𑀢𑀺 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺. 𑀫𑀳𑀸𑀩𑁄𑀥𑀺𑀫𑀡𑁆𑀟 𑀯𑀺𑀳𑀸𑀭𑀢𑁄 𑀘𑀺𑀢𑁆𑀢𑀕𑀼𑀢𑁆𑀢𑀢𑁆𑀣𑁂𑀭𑁄 𑀢𑀺𑀁𑀲 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺 𑀯𑀦𑀯𑀸𑀲𑀺𑀪𑁄𑀕𑀢𑁄 𑀘𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑁄 𑀅𑀲𑀻𑀢𑀺 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺. 𑀓𑁂𑀮𑀸𑀲 𑀫𑀳𑀸𑀯𑀺𑀳𑀸𑀭𑀢𑁄 𑀲𑀼𑀭𑀺𑀪𑀕𑀼𑀢𑁆𑀢𑀢𑁆𑀣𑁂𑀭𑁄 𑀙𑀦𑁆𑀦𑀯𑀼𑀢𑀺 𑀲𑀳𑀲𑁆𑀲𑀸𑀦𑀺 𑀕𑀳𑁂𑀢𑁆𑀯𑀸 𑀆𑀓𑀸𑀲𑁂𑀦𑀸𑀕𑀜𑁆𑀙𑀺.

‘‘𑀪𑀺𑀓𑁆𑀔𑀽𑀦𑀁 𑀤𑀻𑀧𑀯𑀸𑀲𑀻𑀦𑀁-𑀆𑀕𑀢𑀸𑀦𑀜𑁆𑀘 𑀲𑀩𑁆𑀩𑀲𑁄,

𑀕𑀡𑀦𑀸𑀬 𑀧𑀭𑀺𑀘𑁆𑀙𑁂𑀤𑁄-𑀧𑁄𑀭𑀸𑀡𑁂𑀳𑀺 𑀦 𑀪𑀸𑀲𑀺𑀢𑁄;

𑀲𑀫𑀸𑀕𑀢𑀸𑀦𑀁 𑀪𑀺𑀓𑁆𑀔𑀽𑀦𑀁-𑀲𑀩𑁆𑀩𑁂𑀲𑀁 𑀢𑀁 𑀲𑀫𑀸𑀕𑀫𑁂,

𑀯𑀼𑀢𑁆𑀢𑀸 𑀔𑀻𑀡𑀸𑀲𑀯𑀸𑀬𑁂𑀯-𑀢𑁂 𑀙𑀦𑁆𑀦𑀯𑀼𑀢𑀺 𑀓𑁄𑀝𑀺𑀬𑁄;’’

𑀅𑀣 𑀲𑀗𑁆𑀖𑁄 𑀧𑀭𑀺𑀓𑁆𑀔𑀺𑀢𑁆𑀢 𑀧𑀯𑀸𑀴𑀯𑁂𑀤𑀺𑀓𑀸 𑀯𑀺𑀬 𑀫𑀚𑁆𑀛𑁂 𑀭𑀜𑁆𑀜𑁄 𑀑𑀓𑀸𑀲𑁂 𑀞𑀧𑁂𑀢𑁆𑀯𑀸 𑀅𑀜𑁆𑀜𑀫𑀜𑁆𑀜𑀁 𑀅𑀖𑀝𑁆𑀝𑁂𑀢𑁆𑀯𑀸 𑀅𑀝𑁆𑀞𑀸𑀲𑀺. 𑀧𑀸𑀘𑀺𑀦𑀧𑀲𑁆𑀲𑁂 𑀩𑀼𑀤𑁆𑀥𑀭𑀓𑁆𑀔𑀺𑀢𑀦𑀸𑀫𑀓𑁄 𑀔𑀻𑀡𑀸𑀲𑀸𑀯𑀢𑁆𑀣𑁂𑀭𑁄 𑀅𑀢𑁆𑀢𑀦𑀸𑀲𑀤𑀺𑀲𑀦𑀸𑀫𑀓𑁂 𑀧𑀜𑁆𑀘𑀲𑀢𑀔𑀻𑀡𑀸𑀲𑀯𑁂 𑀕𑀳𑁂𑀢𑁆𑀯𑀸 𑀅𑀝𑁆𑀞𑀸𑀲𑀺. 𑀢𑀣𑀸 𑀤𑀓𑁆𑀔𑀺𑀡𑀧𑀲𑁆𑀲𑁂 𑀧𑀘𑁆𑀙𑀺𑀫𑀧𑀲𑁆𑀲𑁂 𑀉𑀢𑁆𑀢𑀭𑀧𑀲𑁆𑀲𑁂 ¶ 𑀘 𑀥𑀫𑁆𑀫𑀭𑀓𑁆𑀔𑀺𑀢 - 𑀲𑀗𑁆𑀖𑀭𑀓𑁆𑀔𑀺𑀢 - 𑀆𑀦𑀡𑁆𑀤 𑀦𑀸𑀫𑀓𑀸 𑀔𑀻𑀡𑀸𑀲𑀯𑀢𑁆𑀣𑁂𑀭𑀸 𑀅𑀢𑁆𑀢𑀦𑀸 𑀲𑀤𑀺𑀲𑀦𑀸𑀫𑀓𑁂 𑀧𑀜𑁆𑀘𑀧𑀜𑁆𑀘𑀲𑀢 𑀔𑀻𑀡𑀸𑀲𑀯𑁂 𑀕𑀳𑁂𑀢𑁆𑀯𑀸 𑀅𑀝𑁆𑀞𑀁𑀲𑀼 𑀧𑀺𑀬𑀤𑀲𑁆𑀲𑀺 𑀦𑀸𑀫 𑀔𑀻𑀡𑀸𑀲𑀯𑀢𑁆𑀣𑁂𑀭𑁄 𑀫𑀳𑀸𑀪𑀺𑀓𑁆𑀔𑀼𑀲𑀗𑁆𑀖𑀁 𑀕𑀳𑁂𑀢𑁆𑀯𑀸 𑀧𑀼𑀩𑁆𑀩𑀼𑀢𑁆𑀢𑀭 𑀓𑀡𑁆𑀡𑁂 𑀅𑀝𑁆𑀞𑀸𑀲𑀺.

𑀭𑀸𑀚𑀸 𑀓𑀺𑀭 𑀲𑀗𑁆𑀖𑀫𑀚𑁆𑀛𑀁 𑀧𑀯𑀺𑀲𑀦𑁆𑀢𑁄𑀬𑁂𑀯 𑀲𑀘𑁂 𑀫𑀬𑀸 𑀓𑀬𑀺𑀭𑀫𑀸𑀦𑀁 𑀘𑁂𑀢𑀺𑀬𑀓𑀫𑁆𑀫𑀁 𑀅𑀦𑀦𑁆𑀢𑀭𑀸𑀬𑁂𑀦 𑀦𑀺𑀝𑁆𑀞𑀁 𑀕𑀘𑁆𑀙𑀢𑀺 𑀧𑀸𑀘𑀺𑀦-𑀤𑀓𑁆𑀔𑀺𑀡-𑀧𑀘𑁆𑀙𑀺𑀫-𑀉𑀢𑁆𑀢𑀭𑀧𑀲𑁆𑀲𑁂𑀲𑀼 𑀩𑀼𑀤𑁆𑀥𑀭𑀓𑁆𑀔𑀺𑀢-𑀘𑀫𑁆𑀫𑀭𑀓𑁆𑀔𑀺𑀢-𑀲𑀗𑁆𑀖𑀭𑀓𑁆𑀔𑀺𑀢-𑀆𑀦𑀡𑁆𑀤 𑀦𑀸𑀫𑀓𑀸 𑀣𑁂𑀭𑀸 𑀅𑀢𑁆𑀢𑀦𑀸𑀲𑀤𑀺𑀲𑀦𑀸𑀫𑀓𑁂 𑀧𑀜𑁆𑀘𑀧𑀜𑁆𑀘𑀲𑀢𑀪𑀺𑀓𑁆𑀔𑀼 𑀕𑀳𑁂𑀢𑁆𑀯𑀸 𑀢𑀺𑀝𑁆𑀞𑀦𑁆𑀢𑀼 𑀧𑀺𑀬𑀤𑀲𑁆𑀲𑀺 𑀦𑀸𑀫 𑀣𑁂𑀭𑁄 𑀧𑀼𑀩𑁆𑀩𑀼𑀢𑁆𑀢𑀭𑀓𑀡𑁆𑀡𑁂 𑀪𑀺𑀓𑁆𑀔𑀼𑀲𑀗𑁆𑀖𑀁 𑀕𑀳𑁂𑀢𑁆𑀯𑀸 𑀢𑀺𑀝𑁆𑀞𑀢𑀽𑀢𑀺 𑀘𑀺𑀦𑁆𑀢𑁂𑀲𑀺. 𑀣𑁂𑀭𑀸𑀧𑀺 𑀭𑀜𑁆𑀜𑁄 𑀅𑀥𑀺𑀧𑁆𑀧𑀸𑀬𑀁 𑀜𑀢𑁆𑀯𑀸 𑀢𑀣𑀸 𑀞𑀺𑀢𑀸𑀢𑀺 𑀯𑀤𑀦𑁆𑀢𑀻 𑀲𑀺𑀤𑁆𑀥𑀢𑁆𑀣𑁂𑀭𑁄 𑀧𑀦 𑀫𑀗𑁆𑀕𑀮𑁄-𑀲𑀼𑀫𑀦𑁄-𑀧𑀤𑀼𑀫𑁄-𑀲𑀻𑀯𑀮𑀺-𑀘𑀡𑁆𑀤𑀕𑀼𑀢𑁆𑀢𑁄-𑀲𑀽𑀭𑀺𑀬𑀕𑀼𑀢𑁆𑀢𑁄-𑀇𑀡𑁆𑀤𑀕𑀼- 𑀢𑁆𑀢𑁄-𑀲𑀸𑀕𑀭𑁄-𑀘𑀺𑀢𑁆𑀢𑀲𑁂𑀦𑁄 -𑀚𑀬𑀲𑁂𑀦𑁄-𑀅𑀘𑀮𑁄𑀢𑀺 𑀇𑀫𑁂𑀳𑀺 𑀏𑀓𑀸𑀤𑀲𑀳𑀺 𑀣𑁂𑀭𑁂𑀳𑀺 𑀧𑀭𑀺𑀯𑀼𑀢𑁄 𑀧𑀼𑀡𑁆𑀡𑀖𑀝𑁂 𑀧𑀽𑀭𑀢𑁄 𑀓𑀢𑁆𑀯𑀸 𑀧𑀼𑀭𑀢𑁆𑀣𑀸𑀪𑀺𑀫𑀼𑀔𑁄 𑀅𑀝𑁆𑀞𑀸𑀲𑀺.

𑀅𑀣 𑀭𑀸𑀚𑀸 𑀢𑀣𑀸 𑀞𑀺𑀢𑀁 𑀪𑀺𑀓𑁆𑀔𑀼𑀲𑀗𑁆𑀖𑀁 𑀤𑀺𑀲𑁆𑀯𑀸 𑀧𑀲𑀦𑁆𑀦𑀘𑀺𑀢𑁆𑀢𑁄 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀘𑀢𑀽𑀲𑀼 𑀞𑀸𑀦𑁂𑀲𑀼 𑀯𑀦𑁆𑀤𑀺𑀢𑁆𑀯𑀸 𑀧𑀼𑀡𑁆𑀡𑀲𑀝𑀝𑁆𑀞𑀸𑀦𑀁 𑀧𑀯𑀺𑀲𑀺𑀢𑁆𑀯𑀸 𑀲𑀼𑀬𑀡𑁆𑀡𑀔𑀻𑀮𑁂 𑀧𑀝𑀺𑀫𑀼𑀓𑁆𑀓𑀁𑀭𑀚𑀢𑀫𑀬𑀁 𑀧𑀭𑀺𑀩𑁆𑀪𑀫𑀦 𑀤𑀡𑁆𑀟𑀁 𑀯𑀺𑀚𑁆𑀚𑀫𑀸𑀦𑀫𑀸𑀢𑀸𑀧𑀺𑀢𑀽𑀦𑀁 𑀉𑀪𑀢𑁄 𑀲𑀼𑀚𑀸𑀢𑁂𑀦 𑀲𑀼𑀫𑀡𑁆𑀟𑀺𑀢 𑀧𑀲𑀸𑀥𑀺𑀢𑁂𑀦 𑀅𑀪𑀺𑀫𑀗𑁆𑀕𑀮 𑀲𑀫𑁆𑀫𑀢𑁂𑀦 𑀅𑀫𑀘𑁆𑀘𑀧𑀼𑀢𑁆𑀢𑁂𑀦 𑀕𑀸𑀳𑀸𑀧𑁂𑀢𑁆𑀯𑀸 𑀫𑀳𑀦𑁆𑀢𑀁 𑀘𑁂𑀢𑀺𑀬𑀸𑀯𑀝𑁆𑀝𑀁 𑀓𑀸𑀭𑁂𑀢𑀼𑀁 𑀆𑀭𑀪𑀺. 𑀢𑀣𑀸 𑀓𑀸𑀭𑁂𑀦𑁆𑀢𑀁 𑀧𑀦 𑀲𑀺𑀤𑁆𑀥𑀢𑁆𑀣𑀢𑁆𑀣𑁂𑀭𑁄 𑀦𑀺𑀯𑀸𑀭𑁂𑀲𑀺. 𑀏𑀯𑀁 𑀓𑀺𑀭𑀲𑁆𑀲 𑀅𑀳𑁄𑀲𑀺 - 𑀬𑀤𑀺 𑀫𑀳𑀸𑀭𑀸𑀚𑀸 𑀫𑀳𑀦𑁆𑀢𑀁 𑀘𑁂𑀢𑀺𑀬𑀁 𑀓𑀭𑁄𑀢𑀺, 𑀅𑀦𑀺𑀝𑁆𑀞𑀺𑀢𑁂𑀬𑁂𑀯 𑀫𑀭𑀺𑀲𑁆𑀲𑀢𑀺 𑀅𑀦𑀸𑀕𑀢𑁂 𑀤𑀼𑀧𑁆𑀧𑀭𑀺𑀳𑀭𑀺𑀬𑀜𑁆𑀘 𑀪𑀯𑀺𑀲𑁆𑀲𑀢𑀻𑀢𑀺. 𑀢𑀲𑁆𑀫𑀺𑀁 𑀔𑀡𑁂 𑀪𑀺𑀓𑁆𑀔𑀼𑀲𑀗𑁆𑀖𑁄 𑀫𑀳𑀸 𑀭𑀸𑀚 𑀣𑁂𑀭𑁄 𑀧𑀸𑀡𑁆𑀟𑀺𑀢𑁄, 𑀣𑁂𑀭𑀲𑁆𑀲 𑀯𑀘𑀦𑀁 𑀓𑀸𑀢𑀼𑀁 𑀯𑀝𑁆𑀝𑀢𑀻𑀢𑀺 𑀆𑀳.

𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀅𑀥𑀺𑀧𑁆𑀧𑀸𑀬𑀁 𑀜𑀢𑁆𑀯𑀸 𑀣𑁂𑀭𑁄 𑀓𑀭𑁄𑀢𑀻𑀢𑀺 𑀫𑀜𑁆𑀜𑀫𑀸𑀦𑁄 𑀓𑀻𑀤𑀺𑀲𑀁 𑀪𑀦𑁆𑀢𑁂 𑀧𑀫𑀸𑀡𑀁 𑀓𑀭𑁄𑀫𑀻𑀢𑀺 𑀆𑀳. 𑀣𑁂𑀭𑁄 𑀫𑀫 𑀕𑀢𑀕𑀢𑀝𑁆𑀞𑀸𑀦𑀢𑁄 𑀘𑁂𑀢𑀺𑀬𑀸𑀯𑀝𑁆𑀝𑀁 𑀓𑀭𑁄𑀳𑀻𑀢𑀺 𑀯𑀢𑁆𑀯𑀸 𑀉𑀧𑀤𑀺𑀲𑀦𑁆𑀢𑁄 𑀆𑀯𑀺𑀚𑁆𑀛𑀺𑀢𑁆𑀯𑀸 𑀅𑀕𑀫𑀸𑀲𑀺. 𑀭𑀸𑀚𑀸 𑀣𑁂𑀭𑀲𑁆𑀲 𑀯𑀼𑀢𑁆𑀢𑀦𑀬𑁂𑀦 𑀘𑁂𑀢𑀺𑀬𑀸𑀯𑀝𑁆𑀝𑀁 𑀓𑀸𑀭𑁂𑀢𑁆𑀯𑀸 𑀣𑁂𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀦𑀸𑀫𑀁 𑀧𑀼𑀘𑁆𑀙𑀺𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀯𑀫𑁆𑀩𑀢𑁆𑀯𑀸 𑀧𑀭𑀺𑀯𑀸𑀭𑁂𑀢𑁆𑀯𑀸 𑀞𑀺𑀢𑁂 𑀲𑁂𑀲 𑀏𑀓𑀸𑀤𑀲 𑀣𑁂𑀭𑁂 𑀘 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀧𑀽𑀚𑁂𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀢𑁂𑀲𑀁 𑀦𑀸𑀫𑀸𑀦𑀺 𑀘 𑀧𑀼𑀘𑁆𑀙𑀺𑀢𑁆𑀯𑀸 𑀧𑀭𑀺𑀩𑁆𑀪𑀫𑀦 𑀤𑀡𑁆𑀟𑀕𑀸𑀳𑀓𑀲𑁆𑀲 𑀅𑀫𑀘𑁆𑀘 𑀧𑀼𑀢𑁆𑀢𑀲𑁆𑀲 𑀢𑀸𑀫 𑀧𑀼𑀘𑁆𑀙𑀺.

𑀅𑀳𑀁 𑀤𑁂𑀯 𑀲𑀼𑀧𑁆𑀧𑀢𑀺𑀝𑁆𑀞𑀺𑀢 𑀩𑁆𑀭𑀳𑁆𑀫𑀸 𑀦𑀸𑀫𑀸𑀢𑀺 𑀯𑀼𑀢𑁆𑀢𑁂 𑀢𑀯 𑀧𑀺𑀢𑀸 𑀓𑀺𑀁 𑀦𑀸𑀫𑁄𑀢𑀺 𑀧𑀼𑀘𑁆𑀙𑀺𑀢𑁆𑀯𑀸𑀦 𑀦𑀡𑁆𑀤𑀺𑀲𑁂𑀦𑁄 𑀦𑀸𑀫𑀸𑀢𑀺 𑀯𑀼𑀢𑁆𑀢𑁂 𑀫𑀸𑀢𑀼𑀦𑀸𑀫𑀁 𑀧𑀼𑀘𑁆𑀙𑀺. 𑀲𑀼𑀫𑀦𑀸𑀤𑁂𑀯𑀻 𑀦𑀸𑀫𑀸𑀢𑀺 𑀯𑀼𑀢𑁆𑀢𑁂 𑀲𑀩𑁆𑀩𑁂𑀲𑀁 𑀦𑀸𑀫𑀸𑀦𑀺 𑀅𑀪𑀺𑀫𑀗𑁆𑀕𑀮𑀲𑀫𑁆𑀫𑀢𑀸𑀦𑀺, 𑀫𑀬𑀸 𑀓𑀬𑀭𑀫𑀸𑀦𑀁 𑀘𑁂𑀢𑀺𑀬𑀓𑀫𑁆𑀫𑀁 𑀅𑀯𑀲𑁆𑀲𑀁 𑀦𑀺𑀝𑁆𑀞𑀸𑀦𑀁 𑀕𑀘𑁆𑀙𑀢𑀺𑀢𑀺 𑀳𑀝𑁆𑀞𑁄 𑀅𑀳𑁄𑀲𑀺, 𑀢𑀢𑁄 𑀭𑀸𑀚𑀸 𑀫𑀚𑁆𑀛𑁂 𑀅𑀝𑁆𑀞 𑀲𑀼𑀯𑀡𑁆𑀡𑀖𑀝𑁂 ¶ 𑀭𑀚𑀢𑀖𑀝𑁂 𑀘 𑀞𑀧𑀸𑀧𑁂𑀢𑁆𑀯𑀸 𑀢𑁂 𑀧𑀭𑀺𑀯𑀸𑀭𑁂𑀢𑁆𑀯𑀸 𑀅𑀝𑁆𑀞𑀼𑀢𑁆𑀢𑀭𑀲𑀬𑀲𑁆𑀲 𑀧𑀼𑀡𑁆𑀡𑀖𑀝𑁂 𑀞𑀧𑀸𑀧𑁂𑀲𑀺.

𑀅𑀣 𑀅𑀝𑁆𑀞 𑀲𑀼𑀯𑀡𑁆𑀡𑀺𑀝𑁆𑀞𑀓𑀸 𑀞𑀧𑀸𑀧𑁂𑀲𑀺. 𑀢𑀸𑀲𑀼 𑀏𑀓𑁂𑀓𑀁 𑀧𑀭𑀺𑀯𑀸𑀭𑁂𑀢𑁆𑀯𑀸 𑀅𑀝𑁆𑀞𑀼𑀢𑁆𑀢𑀭𑀲𑀢 𑀅𑀝𑁆𑀞𑀼𑀢𑁆𑀢𑀭𑀲𑀢 𑀭𑀚𑀢𑀺𑀝𑁆𑀞𑀓𑀸𑀬𑁄. 𑀅𑀝𑁆𑀞𑀼𑀢𑁆𑀢𑀭𑀲𑀢 𑀅𑀝𑁆𑀞𑀼𑀢𑁆𑀢𑀭𑀲𑀢 𑀯𑀢𑁆𑀣𑀸𑀦𑀺 𑀘 𑀞𑀧𑀸𑀧𑁂𑀲𑀺. 𑀅𑀣 𑀲𑀼𑀧𑁆𑀧𑀢𑀺𑀝𑁆𑀞𑀺𑀢 𑀩𑁆𑀭𑀳𑁆𑀫𑀦𑀸𑀫𑁂𑀦 𑀅𑀫𑀘𑁆𑀘𑀧𑀼𑀢𑁆𑀢𑁂𑀦 𑀏𑀓𑀁 𑀲𑀼𑀯𑀡𑁆𑀡𑀺𑀝𑁆𑀞𑀓𑀁 𑀕𑀸𑀳𑀸𑀧𑁂𑀢𑁆𑀯𑀸 𑀢𑁂𑀦 𑀲𑀤𑀺𑀲 𑀦𑀸𑀫𑁂𑀳𑀺 𑀘 𑀚𑀻𑀯𑀫𑀸𑀦𑀓 𑀫𑀸𑀢𑀸𑀧𑀺𑀢𑀽𑀳𑀺 𑀲𑀢𑁆𑀢𑀳𑀺 𑀅𑀫𑀘𑁆𑀘𑀧𑀼𑀢𑁆𑀢𑁂𑀳𑀺 𑀲𑁂𑀲 𑀲𑀢𑁆𑀢𑀺𑀝𑁆𑀞𑀓𑀸𑀬𑁄 𑀕𑀸𑀳𑀸𑀧𑁂𑀲𑀺.

𑀢𑀲𑁆𑀫𑀺𑀁 𑀔𑀡𑁂 𑀫𑀺𑀢𑁆𑀢𑀢𑁆𑀣𑁂𑀭𑁄 𑀦𑀸𑀫 𑀧𑀼𑀭𑀢𑁆𑀣𑀺𑀫 𑀤𑀺𑀲𑀸𑀪𑀸𑀕𑁂 𑀧𑀭𑀺𑀩𑁆𑀪𑀫𑀺𑀢 𑀮𑁂𑀔𑀸𑀬 𑀪𑀽𑀫𑀺𑀬𑀁 𑀕𑀡𑁆𑀥𑀧𑀺𑀡𑁆𑀟𑀁 𑀞𑀧𑁂𑀲𑀺. 𑀚𑀬𑀲𑁂𑀦𑀢𑁆𑀣𑁂𑀭𑁄 𑀦𑀸𑀫 𑀉𑀤𑀓𑀁 𑀆𑀲𑀺𑀜𑁆𑀘𑀺𑀢𑁆𑀯𑀸 𑀲𑀦𑁆𑀢𑀺𑀦𑁆𑀢𑁂𑀢𑁆𑀯𑀸 𑀲𑀫𑀁 𑀅𑀓𑀸𑀲𑀺. 𑀲𑀼𑀧𑁆𑀧𑀢𑀺𑀝𑁆𑀞𑀺𑀢𑀩𑁆𑀭𑀳𑁆𑀫𑀸 𑀪𑀤𑁆𑀤 𑀦𑀓𑁆𑀔𑀢𑁆𑀢𑁂𑀦 𑀏𑀯𑀁 𑀦𑀸𑀦𑀸𑀯𑀺𑀥 𑀫𑀗𑁆𑀕𑀮𑀸𑀦𑀺𑀲𑀗𑁆𑀔𑀝𑀝𑁆𑀞𑀸𑀦𑁂 𑀧𑀞𑀫𑀁 𑀫𑀗𑁆𑀕𑀮𑀺𑀓𑀝𑁆𑀞𑀓𑀁 𑀧𑀢𑀺𑀝𑁆𑀞𑀸𑀧𑁂𑀲𑀺. 𑀲𑀼𑀫𑀦𑀢𑁆𑀣𑁂𑀭𑁄𑀦𑀸𑀫 𑀚𑀸𑀢𑀺𑀲𑀼𑀫𑀦𑀧𑀼𑀧𑁆𑀨𑁂𑀳𑀺 𑀢𑀁 𑀧𑀽𑀚𑁂𑀲𑀺. 𑀢𑀲𑁆𑀫𑀺𑀁 𑀔𑀡𑁂 𑀉𑀤𑀓𑀧𑀭𑀺𑀬𑀦𑁆𑀢𑀁 𑀓𑀢𑁆𑀯𑀸 𑀫𑀳𑀸𑀧𑀣𑀯𑀺 𑀓𑀫𑁆𑀧𑁄 𑀅𑀳𑁄𑀲𑀺. 𑀏𑀢𑁂𑀦𑁂𑀯 𑀦𑀬𑁂𑀦 𑀲𑁂𑀲 𑀲𑀢𑁆𑀢𑀺𑀝𑁆𑀞𑀓𑀸𑀬𑁄𑀧𑀺 𑀧𑀢𑀺𑀝𑁆𑀞𑀸𑀧𑁂𑀲𑀼𑀁.

𑀢𑀢𑁄 𑀭𑀸𑀚𑀸 𑀭𑀚𑀢𑀺𑀝𑁆𑀞𑀓𑀸𑀬𑁄𑀧𑀺 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀫𑀗𑁆𑀕𑀮𑀯𑀺𑀥𑀸𑀦𑀁 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀲𑀼𑀯𑀡𑁆𑀡𑀧𑁂𑀮𑀸𑀬𑀧𑀼𑀧𑁆𑀨𑀸𑀦𑀺 𑀕𑀸𑀳𑀸𑀧𑁂𑀢𑁆𑀯𑀸 𑀧𑀸𑀘𑀻𑀦𑀧𑀲𑁆𑀲𑁂 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀧𑀼𑀭𑀢𑁄 𑀞𑀺𑀢𑀁 𑀫𑀳𑀸 𑀩𑀼𑀤𑁆𑀥𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀣𑁂𑀭𑀲𑁆𑀲 𑀧𑀭𑀺𑀯𑀸𑀭𑁂𑀢𑁆𑀯𑀸 𑀞𑀺𑀢 𑀪𑀺𑀓𑁆𑀔𑀽𑀦𑀜𑁆𑀘 𑀦𑀸𑀫𑀸𑀦𑀺 𑀧𑀼𑀘𑁆𑀙𑀺𑀢𑁆𑀯𑀸 𑀢𑀢𑁄 𑀤𑀓𑁆𑀔𑀺𑀡𑀧𑀲𑁆𑀲𑁂 𑀞𑀺𑀢𑀁 𑀫𑀳𑀸𑀥𑀫𑁆𑀫𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀧𑀘𑁆𑀙𑀺𑀫𑀧𑀲𑁆𑀲𑁂 𑀞𑀺𑀢𑀁 𑀫𑀳𑀸𑀲𑀗𑁆𑀖𑀭𑀓𑁆𑀔𑀺𑀢𑀢𑁆𑀣𑁂𑀭𑀁 𑀉𑀢𑁆𑀢𑀭𑀧𑀲𑁆𑀲𑁂 𑀞𑀺𑀢𑀁 𑀆𑀦𑀡𑁆𑀤𑀢𑁆𑀣𑁂𑀭𑀜𑁆𑀘 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀧𑀜𑁆𑀘𑀧𑀢𑀺𑀝𑁆𑀞𑀺𑀢𑁂𑀦 𑀯𑀦𑁆𑀤𑀺𑀢𑁆𑀯𑀸 𑀢𑀣𑁂𑀯 𑀦𑀸𑀫𑀸𑀦𑀺 𑀧𑀼𑀘𑁆𑀙𑀺𑀢𑁆𑀯𑀸 𑀧𑀼𑀩𑁆𑀩𑀼𑀢𑁆𑀢𑀭 𑀓𑀡𑁆𑀡𑀁 𑀕𑀦𑁆𑀢𑁆𑀯𑀸 𑀢𑀢𑁆𑀣 𑀞𑀺𑀢𑀁 𑀧𑀺𑀬𑀤𑀲𑁆𑀲𑀺 𑀫𑀳𑀸𑀣𑁂𑀭𑀁 𑀯𑀦𑁆𑀤𑀺𑀢𑁆𑀯𑀸 𑀧𑀽𑀚𑁂𑀢𑁆𑀯𑀸 𑀦𑀸𑀫𑀸𑀦𑀺 𑀧𑀼𑀘𑁆𑀙𑀺𑀢𑁆𑀯𑀸 𑀲𑀦𑁆𑀢𑀺𑀓𑁂 𑀅𑀝𑁆𑀞𑀸𑀲𑀺.

𑀣𑁂𑀭𑁄 𑀫𑀗𑁆𑀕𑀮𑀁 𑀯𑀟𑁆𑀠𑁂𑀦𑁆𑀢𑁄 𑀭𑀜𑁆𑀜𑁄 𑀥𑀫𑁆𑀫𑀁 𑀤𑁂𑀲𑁂𑀲𑀺. 𑀫𑀗𑁆𑀕𑀮𑀧𑀭𑀺𑀬𑁄𑀲𑀸𑀦𑁂 𑀲𑀫𑁆𑀧𑀢𑁆𑀢 𑀕𑀺𑀳𑀺𑀧𑀭𑀺𑀲𑀸𑀲𑀼 𑀘𑀢𑁆𑀢𑀸𑀮𑀻𑀲 𑀲𑀳𑀲𑁆𑀲𑀸𑀦𑀺 𑀅𑀭𑀳𑀦𑁆𑀢𑁄 𑀧𑀢𑀺𑀝𑁆𑀞𑀳𑀺𑀁𑀲𑀼. 𑀘𑀢𑁆𑀢𑀸𑀮𑀻𑀲 𑀲𑀳𑀲𑁆𑀲𑀸𑀦𑀺 𑀲𑁄𑀢𑀸𑀧𑀢𑁆𑀢𑀺𑀨𑀮𑁄 𑀲𑀳𑀲𑁆𑀲𑀁 𑀲𑀓𑀤𑀸𑀕𑀸𑀫𑀺𑀨𑀮𑁂, 𑀲𑀳𑀲𑁆𑀲𑀁 𑀅𑀦𑀸𑀕𑀸𑀫𑀺𑀨𑀮𑁂, 𑀪𑀺𑀓𑁆𑀔𑀽𑀦𑀁 𑀧𑀦 𑀅𑀝𑁆𑀞𑀸𑀭𑀲𑀲𑀳𑀲𑁆𑀲𑀸𑀦𑀺 𑀅𑀭𑀳𑀢𑁆𑀢𑀁 𑀧𑀸𑀧𑀼𑀡𑀺𑀁𑀲𑀼. 𑀪𑀺𑀓𑁆𑀔𑀼𑀦𑀻𑀦𑀁 𑀘𑀢𑀼𑀤𑁆𑀤𑀲 𑀲𑀳𑀲𑁆𑀲𑀸𑀦𑀻𑀢𑀺.

𑀣𑀽𑀧𑀸𑀭𑀫𑁆𑀳 𑀓𑀣𑀸

𑁨𑁧. 𑀢𑀢𑁄 𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀯𑀦𑁆𑀤𑀺𑀢𑁆𑀯𑀸 𑀬𑀸𑀘 𑀫𑀳𑀸𑀘𑁂𑀢𑀺𑀬𑀁 𑀦𑀺𑀝𑁆𑀞𑀸𑀢𑀺𑀦𑀸𑀯 𑀫𑁂 𑀪𑀺𑀓𑁆𑀔𑀼𑀲𑀗𑁆𑀖𑁄 𑀪𑀺𑀓𑁆𑀔𑀁 𑀕𑀡𑁆𑀳𑀸𑀢𑀽𑀢𑀺 𑀆𑀳. 𑀪𑀺𑀓𑁆𑀔𑀽 𑀦𑀸𑀥𑀺𑀯𑀸𑀲𑁂𑀲𑀼, 𑀅𑀦𑀼𑀧𑀼𑀩𑁆𑀩𑁂𑀦 𑀬𑀸𑀘𑀦𑁆𑀢𑁄 𑀉𑀧𑀮𑁆𑀮𑀪𑀺𑀓𑁆𑀔𑀽𑀦𑀁 𑀲𑀢𑁆𑀢𑀸𑀳𑀁 𑀅𑀥𑀺𑀯𑀸𑀲𑀦𑀁 𑀮𑀪𑀺𑀢𑁆𑀯𑀸 𑀣𑀽𑀧𑀝𑁆𑀞𑀸𑀦𑀲𑁆𑀲 𑀲𑀫𑀦𑁆𑀢𑀢𑁄 𑀅𑀝𑁆𑀞𑀸𑀭𑀲𑀲𑀼 𑀞𑀸𑀦𑁂𑀲𑀼 𑀫𑀡𑁆𑀟𑀧𑁂 𑀓𑀸𑀭𑀬𑀺𑀢𑁆𑀯𑀸 ¶ 𑀪𑀺𑀓𑁆𑀔𑀼𑀲𑀗𑁆𑀖𑀁 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀲𑀢𑁆𑀢𑀸𑀳𑀁 𑀫𑀳𑀸𑀤𑀸𑀦𑀁 𑀤𑀢𑁆𑀯𑀸 𑀲𑀩𑁆𑀩𑁂𑀲𑀁𑀬𑁂𑀯 𑀢𑁂𑀮-𑀫𑀥𑀼-𑀧𑀸𑀡𑀺𑀢𑀸𑀤𑀺 𑀪𑁂𑀲𑀚𑁆𑀚𑀁 𑀤𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀯𑀺𑀲𑁆𑀲𑀚𑁆𑀚𑁂𑀲𑀺 𑀢𑀢𑁄 𑀦𑀕𑀭𑁂 𑀪𑁂𑀭𑀺𑀁𑀘𑀸𑀭𑀸𑀧𑁂𑀢𑁆𑀯𑀸 𑀲𑀩𑁆𑀩𑁂 𑀇𑀝𑁆𑀞𑀓 𑀯𑀟𑁆𑀠𑀓𑀺 𑀲𑀦𑁆𑀢𑀺𑀧𑀸𑀢𑁂𑀲𑀺. 𑀢𑁂 𑀧𑀜𑁆𑀘𑀲𑀢𑀫𑀢𑁆𑀢𑀸 𑀅𑀳𑁂𑀲𑀼𑀁.

𑀢𑁂𑀲𑀼 𑀏𑀓𑁄 𑀅𑀳𑀁 𑀭𑀜𑁆𑀜𑁄 𑀘𑀺𑀢𑁆𑀢𑀁 𑀆𑀭𑀸𑀥𑁂𑀢𑁆𑀯𑀸 𑀫𑀳𑀸𑀘𑁂𑀢𑀺𑀬𑀁 𑀓𑀸𑀢𑀼𑀁 𑀲𑀓𑁆𑀓𑁄𑀫𑀻𑀢𑀺 𑀭𑀸𑀚𑀸𑀦𑀁 𑀧𑀲𑁆𑀲𑀺 𑀭𑀸𑀚𑀸 𑀓𑀣𑀁 𑀓𑀭𑁄𑀲𑀻𑀢𑀺 𑀧𑀼𑀘𑁆𑀙𑀺. 𑀅𑀳𑀁 𑀤𑁂𑀯 𑀧𑁂𑀲𑀺𑀓𑀸𑀦𑀁 𑀲𑀢𑀁 𑀕𑀳𑁂𑀢𑁆𑀯𑀸 𑀏𑀓𑀸𑀳𑀁 𑀏𑀓𑀁 𑀧𑀁𑀲𑀼𑀲𑀓𑀝𑀁 𑀔𑁂𑀧𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀫𑀻𑀢𑀺 𑀆𑀳. 𑀭𑀸𑀚𑀸 𑀏𑀯𑀁 𑀲𑀢𑀺 𑀧𑀁𑀲𑀼𑀭𑀸𑀲𑀺𑀓𑀁 𑀪𑀯𑀺𑀲𑁆𑀲𑀢𑀺. 𑀢𑀺𑀡𑀭𑀼𑀓𑁆𑀔𑀸𑀤𑀻𑀦𑀺 𑀉𑀧𑁆𑀧𑀚𑁆𑀚𑀺𑀲𑁆𑀲𑀦𑁆𑀢𑀺 𑀅𑀤𑁆𑀥𑀸𑀦𑀁 𑀦𑀧𑁆𑀧𑀯𑀢𑁆𑀢𑀢𑀻𑀢𑀺 𑀢𑀁 𑀧𑀝𑀺𑀩𑀸𑀳𑀺.

𑀅𑀜𑁆𑀜𑁄 𑀅𑀳𑀁 𑀧𑀼𑀭𑀺𑀲𑀲𑀢𑀁 𑀕𑀳𑁂𑀢𑁆𑀯𑀸 𑀏𑀓𑀸𑀳𑀁 𑀏𑀓𑀁 𑀧𑀁𑀲𑀼𑀕𑀼𑀫𑁆𑀩𑀁 𑀔𑁂𑀧𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀫𑀻𑀢𑀺 𑀆𑀳.

𑀅𑀜𑁆𑀜𑁄 𑀧𑀁𑀲𑀽𑀦𑀁 𑀧𑀜𑁆𑀘𑀫𑁆𑀫𑀡𑀸𑀦𑀺 𑀔𑁂𑀧𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀫𑀻𑀢𑀺 𑀆𑀳.

𑀅𑀜𑁆𑀜𑁄 𑀤𑁆𑀯𑁂 𑀅𑀫𑁆𑀫𑀡𑀸𑀦𑀺 𑀔𑁂𑀧𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀫𑀻𑀢𑀺 𑀆𑀳. 𑀢𑁂𑀧𑀺 𑀭𑀸𑀚𑀸 𑀧𑀝𑀺𑀩𑀸𑀳𑀺𑀬𑁂𑀯.

𑀅𑀣 𑀅𑀜𑁆𑀜𑁄 𑀧𑀡𑁆𑀟𑀺𑀢𑁄 𑀇𑀝𑁆𑀞𑀓 𑀯𑀟𑁆𑀠𑀓𑀻 𑀅𑀳𑀁 𑀤𑁂𑀯 𑀉𑀤𑀼𑀓𑁆𑀔𑀮𑁂 𑀓𑁄𑀝𑁆𑀝𑁂𑀢𑁆𑀯𑀸 𑀲𑀼𑀧𑁆𑀧𑁂𑀳𑀺 𑀯𑀝𑁆𑀝𑁂𑀢𑁆𑀯𑀸 𑀦𑀺𑀲𑀤𑁂𑀧𑀺𑀁𑀲𑀺𑀢𑁆𑀯𑀸 𑀧𑀁𑀲𑀽𑀦𑀁 𑀏𑀓𑀫𑁆𑀫𑀡𑀁 𑀏𑀓𑀸𑀳𑁂𑀦𑁂𑀯 𑀔𑁂𑀧𑁂𑀢𑁆𑀯𑀸 𑀧𑁂𑀲𑀺𑀓𑀸𑀦𑀁 𑀲𑀢𑀁 𑀕𑀳𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀫𑀻𑀢𑀺 𑀆𑀳.

𑀭𑀸𑀚𑀸 𑀏𑀯𑀁 𑀲𑀢𑀺 𑀫𑀳𑀸𑀘𑁂𑀢𑀺𑀬𑁂 𑀢𑀺𑀡𑀸𑀤𑀻𑀦𑀺 𑀦 𑀪𑀯𑀺𑀲𑁆𑀲𑀦𑁆𑀢𑀺 𑀘𑀺𑀭𑀝𑁆𑀞𑀺𑀢𑀺𑀓𑀜𑁆𑀘 𑀪𑀯𑀺𑀲𑁆𑀲𑀢𑀺𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀧𑀼𑀦 𑀧𑀼𑀘𑁆𑀙𑀺-𑀓𑀺𑀁 𑀲𑀡𑁆𑀞𑀸𑀦𑀁 𑀧𑀦 𑀓𑀭𑀺𑀲𑁆𑀲𑀲𑀻𑀢𑀺.

𑀢𑀲𑁆𑀫𑀺𑀁 𑀔𑀡𑁂 𑀯𑀺𑀲𑁆𑀲𑀓𑀫𑁆𑀫 𑀤𑁂𑀯𑀧𑀼𑀢𑁆𑀢𑁄 𑀯𑀟𑁆𑀠𑀓𑀺𑀲𑁆𑀲 𑀲𑀭𑀻𑀭𑁂 𑀅𑀥𑀺𑀫𑀼𑀘𑁆𑀘𑀺. 𑀯𑀟𑁆𑀠𑀓𑀻 𑀲𑀼𑀯𑀡𑁆𑀡𑀧𑀸𑀢𑀺𑀁 𑀧𑀽𑀭𑁂𑀢𑁆𑀯𑀸 𑀉𑀤𑀓𑀫𑀸𑀳𑀭𑀸𑀧𑁂𑀢𑁆𑀯𑀸 𑀧𑀸𑀡𑀺𑀦𑀸 𑀉𑀤𑀓𑀁 𑀕𑀳𑁂𑀢𑁆𑀯𑀸 𑀉𑀤𑀓𑀧𑀺𑀝𑁆𑀞𑀺𑀬𑀁 𑀆𑀳𑀦𑀺. 𑀏𑀴𑀺𑀓𑀖𑀝 𑀲𑀤𑀺𑀲𑀁 𑀫𑀳𑀦𑁆𑀢𑀁 𑀉𑀤𑀓𑀩𑀼𑀩𑁆𑀩𑀼𑀮𑀁 𑀉𑀞𑁆𑀞𑀸𑀲𑀺. 𑀤𑁂𑀯 𑀈𑀤𑀺𑀲𑀁 𑀓𑀭𑁄𑀫𑀻𑀢𑀺 𑀆𑀳.

𑀭𑀸𑀚𑀸 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀢𑀲𑁆𑀲 𑀲𑀳𑀲𑁆𑀲𑀕𑁆𑀖𑀦𑀓𑀁 𑀲𑀸𑀝𑀓 𑀬𑀼𑀕𑀮𑀁, 𑀲𑀳𑀲𑁆𑀲𑀕𑁆𑀖𑀦𑀓𑀁𑀬𑁂𑀯 𑀧𑀼𑀡𑁆𑀡𑀓𑀁 𑀦𑀸𑀫 𑀲𑀼𑀯𑀡𑁆𑀡𑀸𑀮𑀗𑁆𑀓𑀸𑀭𑀁 𑀲𑀳𑀲𑁆𑀲𑀕𑁆𑀖𑀦𑀓𑀸 𑀧𑀸𑀤𑀼𑀓𑀸, 𑀤𑁆𑀯𑀸𑀤𑀲 𑀓𑀳𑀸𑀧𑀦 𑀲𑀳𑀲𑁆𑀲𑀸𑀦𑀺 𑀘 𑀤𑀢𑁆𑀯𑀸 𑀅𑀦𑀼𑀭𑀽𑀧𑀝𑁆𑀞𑀸𑀦𑁂 𑀕𑁂𑀳𑀜𑁆𑀘 𑀔𑁂𑀢𑁆𑀢𑀜𑁆𑀘 𑀤𑀸𑀧𑁂𑀲𑀺.

𑀢𑀢𑁄 𑀭𑀸𑀚𑀸𑀭𑀢𑁆𑀢𑀺𑀪𑀸𑀕𑁂 𑀘𑀺𑀦𑁆𑀢𑁂𑀲𑀺 𑀓𑀣𑀁 𑀦𑀸𑀫 𑀫𑀦𑀼𑀲𑁆𑀲𑁂 𑀅𑀧𑀻𑀮𑁂𑀢𑁆𑀯𑀸 𑀇𑀝𑁆𑀞𑀓𑀸 𑀆𑀳𑀭𑀸𑀧𑁂𑀬𑁆𑀬𑀦𑁆𑀢𑀺 𑀤𑁂𑀯𑀢𑀸 𑀭𑀜𑁆𑀜𑁄 𑀘𑀺𑀢𑁆𑀢𑀁 𑀜𑀢𑁆𑀯𑀸 𑀘𑁂𑀢𑀺𑀬𑀲𑁆𑀲 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀏𑀓𑁂𑀓𑀤𑀺𑀯𑀲𑀧𑁆𑀧𑀳𑁄𑀡𑀓𑀁 𑀓𑀢𑁆𑀯𑀸 𑀢𑀲𑁆𑀲𑀸𑀬𑁂𑀯 𑀭𑀢𑁆𑀢𑀺𑀬𑀸 𑀇𑀝𑁆𑀞𑀓𑀸𑀭𑀸𑀲𑀺𑀁 𑀅𑀓𑀁𑀲𑀼 𑀯𑀺𑀳𑀸𑀢𑀸𑀬 𑀭𑀢𑁆𑀢𑀺𑀬𑀸 𑀫𑀦𑀼𑀲𑁆𑀲𑀸 𑀤𑀺𑀲𑁆𑀯𑀸 𑀭𑀜𑁆𑀜𑁄 𑀆𑀭𑁄𑀘𑁂𑀲𑀼𑀁. 𑀭𑀸𑀚𑀸 𑀢𑀼𑀲𑁆𑀲𑀺𑀢𑁆𑀯𑀸 𑀯𑀟𑁆𑀠𑀓𑀺𑀁 𑀓𑀫𑁆𑀫𑁂 𑀧𑀝𑁆𑀞𑀧𑁂𑀲𑀺. 𑀤𑁂𑀯𑀢𑀸 𑀏𑀢𑁂𑀦𑁂𑀯 𑀦𑀬𑁂𑀦 𑀬𑀸𑀯 𑀫𑀳𑀸𑀘𑁂𑀢𑀺𑀬𑀲𑁆𑀲 𑀦𑀺𑀝𑁆𑀞𑀸𑀦𑀁 𑀢𑀸𑀯 𑀏𑀓𑁂𑀓𑀲𑁆𑀲 ¶ 𑀤𑀺𑀯𑀲𑀲𑁆𑀲 𑀧𑀳𑁄𑀡𑀓𑀁 𑀓𑀢𑁆𑀯𑀸 𑀇𑀝𑁆𑀞𑀓𑀸 𑀆𑀳𑀭𑀺𑀁𑀲𑀼. 𑀲𑀓𑀮𑀤𑀺𑀯𑀲𑀪𑀸𑀕𑁂 𑀓𑀫𑁆𑀫𑀁 𑀓𑀢𑀝𑁆𑀞𑀸𑀦𑁂 𑀫𑀢𑁆𑀢𑀺𑀓𑀸 𑀇𑀝𑁆𑀞𑀓 𑀘𑀼𑀡𑁆𑀡𑀁 𑀯𑀸𑀧𑀺 𑀦 𑀧𑀜𑁆𑀜𑀸𑀬𑀢𑀺. 𑀭𑀢𑁆𑀢𑀺𑀬𑀁 𑀤𑁂𑀯𑀢𑀸 𑀅𑀦𑁆𑀢𑀭𑀥𑀸𑀧𑁂𑀦𑁆𑀢𑀺.

𑀅𑀣 𑀭𑀸𑀚𑀸 𑀫𑀳𑀸𑀘𑁂𑀢𑀺𑀬𑁂𑀓𑀫𑁆𑀫𑀓𑀸𑀭𑀸𑀬𑀘𑀢𑀼𑀧𑀭𑀺𑀲𑀸𑀬𑀳𑀢𑁆𑀣 𑀓𑀫𑁆𑀫𑀫𑀽𑀮𑀢𑁆𑀣𑀁𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀏𑀓𑁂𑀓𑀲𑁆𑀫𑀺𑀁 𑀤𑁆𑀯𑀸𑀭𑁂 𑀲𑁄𑀴𑀲 𑀓𑀳𑀸𑀧𑀦 𑀲𑀳𑀲𑁆𑀲𑀸𑀦𑀺 𑀯𑀢𑁆𑀣𑀸𑀮𑀗𑁆𑀓𑀸𑀭-𑀕𑀦𑁆𑀥-𑀫𑀸𑀮-𑀢𑁂𑀮-𑀫𑀥𑀼-𑀨𑀸𑀡𑀺𑀢-𑀧𑀜𑁆𑀘𑀓𑀝𑀼𑀓 𑀪𑁂𑀲𑀚𑁆𑀚𑀸𑀦𑀺 𑀦𑀸𑀦𑀸𑀯𑀺𑀥 𑀲𑀽𑀧𑀯𑁆𑀬𑀜𑁆𑀚𑀦 𑀲𑀁𑀬𑀼𑀢𑁆𑀢𑀁 𑀪𑀢𑁆𑀢𑀁 𑀬𑀸𑀕𑀼𑀔𑀚𑁆𑀚𑀓𑀸𑀤𑀻𑀦𑀺 𑀅𑀝𑁆𑀞𑀯𑀺𑀥 𑀓𑀧𑁆𑀧𑀺𑀬𑀬 𑀧𑀸𑀦𑀓𑀸𑀦𑀺 𑀧𑀜𑁆𑀘𑀯𑀺𑀥 𑀫𑀼𑀔𑀯𑀸𑀲 𑀲𑀳𑀺𑀢 𑀢𑀸𑀫𑁆𑀩𑀽𑀮𑀸𑀦𑀺 𑀘 𑀞𑀧𑀸𑀧𑁂𑀢𑁆𑀯𑀸 𑀫𑀳𑀸𑀘𑁂𑀢𑀺𑀬𑁂 𑀓𑀫𑁆𑀫𑀁 𑀓𑀭𑁄𑀦𑁆𑀢𑀸𑀕𑀳𑀝𑁆𑀞𑀸 𑀯𑀸 𑀧𑀩𑁆𑀩𑀚𑀺𑀢𑀸 𑀯𑀸 𑀬𑀣𑀸𑀚𑁆𑀛𑀸𑀲𑀬𑀁 𑀕𑀡𑁆𑀳𑀦𑁆𑀢𑀼 𑀫𑀼𑀮𑀁 𑀅𑀕𑀳𑁂𑀢𑁆𑀯𑀸 𑀓𑀫𑁆𑀫𑀁 𑀓𑀭𑁄𑀦𑁆𑀢𑀸𑀦𑀁 𑀓𑀸𑀢𑀼𑀁 𑀦 𑀤𑁂𑀣𑀸𑀢𑀺 𑀆𑀡𑀸𑀧𑁂𑀲𑀺.

𑀅𑀣𑁂𑀓𑁄 𑀣𑁂𑀭𑁄 𑀘𑁂𑀢𑀺𑀬𑀓𑀫𑁆𑀫𑁂 𑀲𑀳𑀸𑀬 𑀪𑀸𑀯𑀁 𑀇𑀘𑁆𑀙𑀦𑁆𑀢𑁄 𑀓𑀫𑁆𑀫𑀓𑀭𑀡𑀝𑁆𑀞𑀸𑀦𑁂 𑀫𑀢𑁆𑀢𑀺𑀓𑀸 𑀲𑀤𑀺𑀲𑀁 𑀓𑀢𑁆𑀯𑀸 𑀅𑀢𑁆𑀢𑀸𑀦𑀁 𑀅𑀪𑀺𑀲𑀗𑁆𑀔𑀝𑀁 𑀫𑀢𑁆𑀢𑀺𑀓𑀸 𑀧𑀺𑀡𑁆𑀟𑀁 𑀏𑀓𑁂𑀦 𑀳𑀢𑁆𑀣𑁂𑀦 𑀕𑀳𑁂𑀢𑁆𑀯𑀸 𑀅𑀜𑁆𑀜𑁂𑀦 𑀫𑀸𑀮𑀸 𑀕𑀳𑁂𑀢𑁆𑀯𑀸 𑀫𑀳𑀸𑀘𑁂𑀢𑀺𑀬𑀗𑁆𑀕𑀡𑀁 𑀆𑀭𑀼𑀬𑁆𑀳 𑀭𑀸𑀚𑀓𑀫𑁆𑀫𑀺𑀓𑁂 𑀯𑀜𑁆𑀘𑁂𑀢𑁆𑀯𑀸 𑀯𑀟𑁆𑀠𑀓𑀺𑀲𑁆𑀲 𑀅𑀤𑀸𑀲𑀺. 𑀲𑁄 𑀕𑀡𑁆𑀳𑀦𑁆𑀢𑁄𑀯 𑀧𑀓𑀢𑀺𑀫𑀢𑁆𑀢𑀺 𑀓𑀸 𑀦𑀸 𑀪𑀯𑀢𑀻𑀢𑀺 𑀜𑀢𑁆𑀯𑀸 𑀣𑁂𑀭𑀲𑁆𑀲 𑀫𑀼𑀔𑀁 𑀑𑀮𑁄𑀓𑁂𑀲𑀺 𑀢𑀲𑁆𑀲𑀸𑀓𑀸𑀭𑀁 𑀜𑀢𑁆𑀯𑀸 𑀢𑀢𑁆𑀣 𑀓𑁄𑀮𑀸𑀳𑀮 𑀫𑀳𑁄𑀲𑀺 𑀅𑀦𑀼𑀓𑁆𑀓𑀫𑁂𑀦 𑀭𑀸𑀚𑀸 𑀲𑀼𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀯𑀟𑁆𑀠𑀓𑀺𑀁 𑀧𑀼𑀘𑁆𑀙𑀺-𑀢𑀼𑀬𑁆𑀳𑀁 𑀓𑀺𑀭 𑀪𑀡𑁂 𑀏𑀓𑁄 𑀪𑀺𑀓𑁆𑀔𑀼 𑀅𑀫𑀽𑀮𑀓 𑀫𑀢𑁆𑀢𑀺𑀓𑀸𑀧𑀺𑀡𑁆𑀟𑀁 𑀅𑀤𑀸𑀲𑀻𑀢𑀺.

𑀲𑁄 𑀏𑀯𑀫𑀸𑀳-𑀬𑁂𑀪𑀼𑀬𑁆𑀬𑁂𑀦 𑀅𑀬𑁆𑀬𑀸 𑀏𑀓𑁂𑀦 𑀳𑀢𑁆𑀣𑁂𑀦 𑀧𑀼𑀧𑁆𑀨𑀁 𑀏𑀓𑁂𑀦 𑀫𑀢𑁆𑀢𑀺𑀓𑀸𑀧𑀺𑀡𑁆𑀟𑁂 𑀕𑀳𑁂𑀢𑁆𑀯𑀸 𑀆𑀳𑀭𑀺𑀢𑁆𑀯𑀸 𑀤𑁂𑀦𑁆𑀢𑀺 𑀢𑁂𑀦𑀸𑀳𑀁 𑀅𑀚𑀸𑀦𑀺𑀢𑁆𑀯𑀸 𑀓𑀫𑁆𑀫𑁂 𑀉𑀧𑀦𑁂𑀲𑀺𑀁 ‘‘𑀅𑀬𑀁 𑀧𑀦 𑀆𑀕𑀦𑁆𑀢𑀼𑀓𑁄, 𑀅𑀬𑀁 𑀦𑁂𑀯𑀸𑀲𑀺𑀓𑁄𑀢𑀺 𑀏𑀢𑁆𑀢𑀓𑀁 𑀚𑀸𑀦𑀸𑀫𑀻𑀢𑀺.‘‘𑀢𑁂𑀦 𑀳𑀺 𑀢𑀁 𑀣𑁂𑀭𑀁 𑀇𑀫𑀲𑁆𑀲 𑀤𑀲𑁆𑀲𑁂𑀳𑀻𑀢𑀺 𑀏𑀓𑀁 𑀫𑀳𑀮𑁆𑀮𑀓 𑀩𑀮𑀢𑁆𑀣𑀁 𑀯𑀟𑁆𑀠𑀓𑀺𑀲𑁆𑀲 𑀲𑀦𑁆𑀢𑀺𑀓𑁂 𑀞𑀧𑁂𑀲𑀺 𑀯𑀟𑁆𑀠𑀓𑀻 𑀧𑀼𑀦 𑀆𑀕𑀢𑀓𑀸𑀮𑁂 𑀢𑀁 𑀣𑁂𑀭𑀁 𑀩𑀮𑀢𑁆𑀣𑀲𑁆𑀲 𑀤𑀲𑁆𑀲𑁂𑀲𑀺 𑀲𑁄 𑀢𑀁 𑀲𑀜𑁆𑀚𑀸𑀦𑀺𑀢𑁆𑀯𑀸 𑀭𑀜𑁆𑀜𑁄 𑀆𑀭𑁄𑀘𑁂𑀲𑀺.

𑀭𑀸𑀚𑀸 𑀢𑀲𑁆𑀲 𑀲𑀜𑁆𑀜𑀁 𑀅𑀤𑀸𑀲𑀺. 𑀢𑁄 𑀢𑁆𑀯𑀁 𑀢𑀬𑁄 𑀚𑀸𑀢𑀺𑀲𑀼𑀫𑀦 𑀫𑀓𑀼𑀮𑀓𑀼𑀫𑁆𑀪𑁂 𑀫𑀳𑀸𑀩𑁄𑀥𑀺 𑀅𑀗𑁆𑀕𑀡𑁂 𑀭𑀸𑀲𑀺𑀁 𑀓𑀢𑁆𑀯𑀸 𑀕𑀡𑁆𑀥𑀜𑁆𑀘 𑀞𑀧𑁂𑀢𑁆𑀯𑀸 𑀫𑀳𑀸𑀩𑁄𑀥𑀺 𑀅𑀗𑁆𑀕𑀡𑀁 𑀕𑀢 𑀓𑀸𑀮𑁂 𑀆𑀕𑀦𑁆𑀢𑀼𑀓𑀲𑁆𑀲 𑀣𑁂𑀭𑀲𑁆𑀲 𑀧𑀽𑀚𑀦𑀢𑁆𑀣𑀸𑀬 𑀭𑀜𑁆𑀜𑁄 𑀤𑀸𑀧𑀺𑀢𑀁 𑀕𑀡𑁆𑀥𑀫𑀸𑀮𑀸𑀦𑁆𑀢𑀺 𑀯𑀢𑁆𑀯𑀸 𑀤𑁂𑀳𑀻𑀢𑀺. 𑀩𑀮𑀢𑁆𑀣𑁄 𑀭𑀜𑁆𑀜𑁄 𑀯𑀼𑀢𑁆𑀢𑀦𑀬𑁂𑀦𑁂𑀯 𑀢𑀲𑁆𑀲 𑀩𑁄𑀥𑀺 𑀅𑀗𑁆𑀕𑀡𑀁 𑀕𑀢 𑀓𑀸𑀮𑁂 𑀢𑀁 𑀕𑀡𑁆𑀥𑀫𑀸𑀮𑀁 𑀅𑀤𑀸𑀲𑀺.

𑀲𑁄𑀧𑀺 𑀲𑁄𑀫𑀦𑀲𑁆𑀲𑀧𑁆𑀧𑀢𑁆𑀢𑁄 𑀳𑀼𑀢𑁆𑀯𑀸 𑀲𑁂𑀮𑀲𑀡𑁆𑀣𑀭𑀁 𑀥𑁄𑀯𑀺𑀢𑁆𑀯𑀸 𑀕𑀡𑁆𑀥𑁂𑀦 𑀧𑀭𑀺𑀪𑀡𑁆𑀟𑀁 𑀓𑀢𑁆𑀯𑀸 𑀲𑀺𑀮𑀸𑀲𑀦𑁆𑀣𑀭𑀁 𑀓𑀢𑁆𑀯𑀸 𑀧𑀼𑀧𑁆𑀨𑀁 𑀧𑀽𑀚𑁂𑀢𑁆𑀯𑀸 𑀘𑀢𑀼𑀲𑀼 𑀞𑀸𑀦𑁂𑀲𑀼 𑀯𑀦𑁆𑀤𑀺𑀢𑁆𑀯𑀸 𑀧𑀸𑀘𑀻𑀦𑀤𑁆𑀯𑀸𑀭𑁂 𑀅𑀜𑁆𑀚𑀮𑀺𑀁 𑀧𑀕𑁆𑀕𑀬𑁆𑀳 𑀧𑀻𑀢𑀺𑀁 𑀉𑀧𑁆𑀧𑀸𑀤𑁂𑀢𑁆𑀯𑀸 𑀧𑀼𑀧𑁆𑀨 𑀧𑀽𑀚𑀁 𑀑𑀮𑁄𑀓𑁂𑀦𑁆𑀢𑁄 𑀅𑀝𑁆𑀞𑀸𑀲𑀺.

𑀩𑀮𑀢𑁆𑀣𑁄 𑀢𑀲𑁆𑀫𑀺𑀁 𑀓𑀸𑀮𑁂 𑀢𑀁 𑀣𑁂𑀭𑀁 𑀉𑀧𑀲𑀗𑁆𑀓𑀫𑀺𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀏𑀯𑀫𑀸𑀳. 𑀪𑀦𑁆𑀢𑁂 𑀢𑀼𑀫𑁆𑀳𑀸𑀓𑀁 𑀘𑁂𑀢𑀺𑀬𑀓𑀫𑁆𑀫𑁂 𑀲𑀳𑀸𑀬𑀪𑀸𑀯𑀢𑁆𑀣𑀸𑀬 𑀤𑀺𑀦𑁆𑀦𑀲𑁆𑀲 𑀅𑀫𑀽𑀮𑀓 ¶ 𑀫𑀢𑁆𑀢𑀺𑀓𑀸𑀧𑀺𑀡𑁆𑀟𑀲𑁆𑀲 𑀫𑀽𑀮𑀁 𑀤𑀺𑀦𑁆𑀦𑀪𑀸𑀯𑀁 𑀭𑀸𑀚𑀸 𑀚𑀸𑀦𑀸𑀧𑁂𑀢𑀺 𑀅𑀢𑁆𑀢𑀦𑁄 𑀯𑀦𑁆𑀤𑀦𑁂𑀦 𑀯𑀦𑁆𑀤𑀸𑀧𑁂𑀢𑀻𑀢𑀺. 𑀢𑀁 𑀲𑀼𑀢𑁆𑀯𑀸 𑀣𑁂𑀭𑁄 𑀅𑀦𑀢𑁆𑀢𑀫𑀦𑁄 𑀅𑀳𑁄𑀲𑀺. 𑀩𑀮𑀢𑁆𑀣𑁄 𑀢𑀺𑀝𑁆𑀞𑀦𑁆𑀢𑀼 𑀪𑀦𑁆𑀢𑁂 𑀢𑀬𑁄 𑀲𑀼𑀫𑀦 𑀫𑀓𑀼𑀮 𑀓𑀼𑀫𑁆𑀪𑀸𑀢𑀢𑁆𑀢𑀓𑀸𑀦𑁂𑀯 𑀲𑀼𑀯𑀡𑁆𑀡𑀧𑀼𑀧𑁆𑀨𑀸𑀦𑀺𑀧𑀺 𑀏𑀢𑀁 𑀫𑀢𑁆𑀢𑀺𑀓𑀧𑀺𑀡𑁆𑀟𑀁 𑀦𑀸𑀕𑁆𑀖𑀦𑁆𑀢𑀺. 𑀘𑀺𑀢𑁆𑀢𑀁 𑀧𑀲𑀸𑀤𑁂𑀣 𑀪𑀦𑁆𑀢𑁂𑀢𑀺 𑀧𑀓𑁆𑀓𑀸𑀫𑀺.

𑀢𑀤𑀸 𑀓𑁄𑀝𑁆𑀞𑀺𑀯𑀸𑀮𑀚𑀦𑀧𑀤𑁂 𑀧𑀺𑀬𑀗𑁆𑀕𑀮𑁆𑀮 𑀯𑀺𑀳𑀸𑀭𑀯𑀸𑀲𑀻 𑀏𑀓𑁄 𑀣𑁂𑀭𑁄 𑀇𑀝𑁆𑀞𑀓𑀯𑀟𑁆𑀠𑀓𑀺𑀲𑁆𑀲 𑀜𑀸𑀢𑀓𑁄 𑀅𑀳𑁄𑀲𑀺. 𑀲𑁄 𑀆𑀕𑀦𑁆𑀢𑁆𑀯𑀸 𑀯𑀟𑁆𑀠𑀓𑀺𑀦𑀸 𑀲𑀤𑁆𑀥𑀺𑀁 𑀫𑀦𑁆𑀢𑁂𑀢𑁆𑀯𑀸 𑀤𑀻𑀖 𑀩𑀳𑀮 𑀓𑀺𑀭𑀺𑀬𑀢𑁄 𑀇𑀝𑁆𑀞𑀓𑀧𑁆𑀧𑀫𑀸𑀡𑀁 𑀚𑀸𑀦𑀺𑀢𑁆𑀯𑀸 𑀕𑀦𑁆𑀢𑁆𑀯𑀸 𑀲𑀳𑀢𑁆𑀣𑁂𑀦𑁂𑀯 𑀲𑀓𑁆𑀓𑀘𑁆𑀘𑀁 𑀫𑀢𑁆𑀢𑀺𑀓𑀁 𑀫𑀤𑁆𑀤𑀺𑀢𑁆𑀯𑀸 𑀇𑀝𑁆𑀞𑀓𑀁 𑀓𑀢𑁆𑀯𑀸 𑀧𑀘𑀺𑀢𑁆𑀯𑀸 𑀧𑀢𑁆𑀢𑀢𑁆𑀣𑀯𑀺𑀓𑀸𑀬 𑀧𑀓𑁆𑀔𑀺𑀧𑀺𑀢𑁆𑀯𑀸 𑀧𑀘𑁆𑀘𑀸𑀕𑀦𑁆𑀢𑁆𑀯𑀸 𑀏𑀓𑁂𑀦 𑀳𑀢𑁆𑀣𑁂𑀦 𑀭𑀜𑁆𑀜𑁄 𑀇𑀝𑁆𑀞𑀓𑀁 𑀏𑀓𑁂𑀦 𑀧𑀼𑀧𑁆𑀨𑀁 𑀕𑀳𑁂𑀢𑁆𑀯𑀸 𑀅𑀢𑁆𑀢𑀦𑁄 𑀇𑀝𑁆𑀞𑀓𑀸𑀲 𑀲𑀤𑁆𑀥𑀺𑀁 𑀭𑀜𑁆𑀜𑁄 𑀇𑀝𑁆𑀞𑀓𑀁 𑀅𑀤𑀸𑀲𑀺. 𑀯𑀟𑁆𑀠𑀓𑀻 𑀕𑀳𑁂𑀢𑁆𑀯𑀸 𑀓𑀫𑁆𑀫𑁂 𑀉𑀧𑀦𑁂𑀲𑀺.

𑀣𑁂𑀭𑁄 𑀲𑀜𑁆𑀚𑀸𑀢 𑀧𑀻𑀢𑀺 𑀲𑁄𑀫𑀦𑀲𑁆𑀲𑁄 𑀫𑀳𑀸𑀘𑁂𑀢𑀺𑀬𑁂 𑀓𑀫𑁆𑀫𑀁 𑀓𑀭𑁄𑀦𑁆𑀢𑁄 𑀇𑀝𑁆𑀞 𑀓𑀲𑀸𑀮𑀧𑀭𑀺𑀯𑁂𑀡𑁂 𑀯𑀲𑀢𑀺 𑀢𑀲𑁆𑀲 𑀢𑀁 𑀓𑀫𑁆𑀫𑀁 𑀧𑀸𑀓𑀝𑀁 𑀅𑀳𑁄𑀲𑀺. 𑀭𑀸𑀚𑀸 𑀯𑀟𑁆𑀠𑀓𑀺𑀁 𑀧𑀼𑀘𑁆𑀙𑀺-𑀪𑀡𑁂 𑀏𑀓𑁂𑀦 𑀓𑀺𑀭 𑀅𑀬𑁆𑀬𑁂𑀦 𑀅𑀫𑀽𑀮𑀺𑀓 𑀇𑀝𑁆𑀞𑀓𑀸 𑀤𑀺𑀦𑁆𑀦𑀸𑀢𑀺. 𑀲𑀘𑁆𑀘𑀁 𑀤𑁂𑀯, 𑀏𑀓𑁂𑀦 𑀅𑀬𑁆𑀬𑁂𑀦 𑀤𑀺𑀦𑁆𑀦 𑀇𑀝𑁆𑀞𑀓𑀸 𑀅𑀫𑁆𑀳𑀸𑀓𑀁 𑀇𑀝𑁆𑀞𑀓𑀸𑀬 𑀲𑀤𑀺𑀲𑀸𑀢𑀺 𑀓𑀫𑁆𑀫𑁂 𑀉𑀧𑀦𑁂𑀲𑀺𑀦𑁆𑀢𑀺 𑀆𑀳. 𑀧𑀼𑀦 𑀢𑀁 𑀇𑀝𑁆𑀞𑀓𑀁 𑀲𑀜𑁆𑀚𑀸𑀦𑀸𑀲𑀻𑀢𑀺 𑀭𑀜𑁆𑀜𑀸 𑀯𑀼𑀢𑁆𑀢𑁂 𑀜𑀸𑀢𑀓𑀸𑀦𑀼𑀕𑁆𑀕𑀳𑁂𑀦 𑀦 𑀚𑀸𑀦𑀸𑀫𑀻𑀢𑀺 𑀆𑀳.

𑀭𑀸𑀚𑀸 𑀬𑀤𑀺 𑀏𑀯𑀁 𑀢𑀁 𑀇𑀫𑀲𑁆𑀲 𑀤𑀦𑁆𑀦𑁂𑀳𑀻𑀢𑀺 𑀩𑀮𑀢𑁆𑀣𑀁 𑀞𑀧𑁂𑀲𑀺 𑀲𑁄 𑀢𑀁 𑀧𑀼𑀩𑁆𑀩𑁂 𑀯𑀺𑀬 𑀩𑀮𑀢𑁆𑀣𑀲𑁆𑀲 𑀤𑀲𑁆𑀲𑁂𑀲𑀺. 𑀩𑀮𑀢𑁆𑀣𑁄 𑀧𑀭𑀺𑀯𑁂𑀡𑀁 𑀕𑀦𑁆𑀢𑁆𑀯𑀸 𑀲𑀦𑁆𑀢𑀺𑀓𑁂 𑀦𑀺𑀲𑀻𑀤𑀺𑀢𑁆𑀯𑀸 𑀧𑀝𑀺𑀲𑀡𑁆𑀣𑀸𑀭𑀁 𑀓𑀢𑁆𑀯𑀸 𑀪𑀦𑁆𑀢𑁂 𑀢𑀼𑀫𑁆𑀳𑁂 𑀆𑀕𑀦𑁆𑀢𑀼𑀓𑀸 𑀦𑁂𑀯𑀸𑀲𑀺𑀓𑀸𑀢𑀺 𑀧𑀼𑀘𑁆𑀙𑀺. 𑀆𑀕𑀦𑁆𑀢𑀼𑀓𑁄𑀫𑁆𑀳𑀻 𑀉𑀧𑀸𑀲𑀓𑀸𑀢𑀺. 𑀓𑀢𑀭 𑀭𑀝𑁆𑀞𑀯𑀸𑀲𑀺𑀓𑁄 𑀪𑀦𑁆𑀢𑁂𑀢𑀺 𑀓𑁄𑀝𑁆𑀞𑀺𑀯𑀸𑀮𑀚𑀦𑀧𑀤𑁂 𑀧𑀺𑀬𑀗𑁆𑀕𑀮𑁆𑀮 𑀯𑀺𑀳𑀸𑀭𑀯𑀸𑀲𑀺𑀫𑁆𑀳𑀺 𑀉𑀧𑀸𑀲𑀓𑀸𑀢𑀺 𑀇𑀥𑁂𑀯 𑀯𑀲𑀣 𑀕𑀘𑁆𑀙𑀣𑀸𑀢𑀺. 𑀇𑀥 𑀦 𑀯𑀲𑀸𑀫 𑀅𑀲𑀼𑀓𑀤𑀺𑀯𑀲𑁂 𑀕𑀘𑁆𑀙𑀸𑀫𑀸𑀢𑀺 𑀆𑀳. 𑀩𑀮𑀢𑁆𑀣𑁄𑀧𑀺 𑀅𑀳𑀫𑁆𑀧𑀺 𑀢𑀼𑀫𑁆𑀳𑁂𑀳𑀺 𑀲𑀤𑁆𑀥𑀺𑀁 𑀆𑀕𑀫𑀺𑀲𑁆𑀲𑀸𑀫𑀺. 𑀫𑀬𑁆𑀳𑀫𑁆𑀧𑀺 𑀕𑀸𑀫𑁄 𑀏𑀢𑀲𑁆𑀫𑀺𑀁𑀬𑁂𑀯 𑀚𑀦𑀧𑀤𑁂 𑀅𑀲𑀼𑀓 𑀕𑀸𑀫𑁄 𑀦𑀸𑀫𑀸𑀢𑀺 𑀆𑀳. 𑀣𑁂𑀭𑁄 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺. 𑀩𑀮𑀢𑁆𑀣𑁄 𑀢𑀁 𑀧𑀯𑀢𑁆𑀢𑀺𑀁 𑀭𑀜𑁆𑀜𑁄 𑀦𑀺𑀯𑁂𑀤𑁂𑀲𑀺.

𑀭𑀸𑀚𑀸 𑀩𑀮𑀢𑁆𑀣𑀲𑁆𑀲 𑀲𑀳𑀲𑁆𑀲𑀕𑁆𑀖𑀦𑀓𑀁 𑀯𑀢𑁆𑀣𑀬𑀼𑀕𑀮𑀁 𑀫𑀳𑀕𑁆𑀖𑀁 𑀭𑀢𑁆𑀢𑀓𑀫𑁆𑀩𑀮𑀁 𑀉𑀧𑀸𑀳𑀦𑀬𑀼𑀕𑀁 𑀲𑀼𑀕𑀡𑁆𑀥𑀢𑁂𑀮𑀦𑀸𑀴𑀺𑀁 𑀅𑀜𑁆𑀜𑁆𑀘 𑀩𑀳𑀼𑀁 𑀲𑀫𑀡𑀧𑀭𑀺𑀓𑁆𑀔𑀸𑀭𑀁 𑀣𑁂𑀭𑀲𑁆𑀲 𑀤𑁂𑀳𑀻𑀢𑀺 𑀤𑀸𑀧𑁂𑀲𑀺 𑀲𑁄𑀧𑀺 𑀧𑀭𑀺𑀓𑁆𑀔𑀸𑀭𑀁 𑀕𑀳𑁂𑀢𑁆𑀯𑀸 𑀧𑀭𑀺𑀯𑁂𑀡𑀁 𑀕𑀦𑁆𑀢𑁆𑀯𑀸 𑀣𑁂𑀭𑁂𑀦 𑀲𑀤𑁆𑀥𑀺𑀁 𑀭𑀢𑁆𑀢𑀺𑀁 𑀯𑀲𑀺𑀢𑁆𑀯𑀸 𑀧𑀸𑀢𑁄 𑀲𑀤𑁆𑀥𑀺𑀁𑀬𑁂𑀯 𑀦𑀺𑀓𑁆𑀔𑀫𑀺𑀢𑁆𑀯𑀸 𑀅𑀦𑀼𑀧𑀼𑀩𑁆𑀩𑁂𑀦 𑀕𑀦𑁆𑀢𑁆𑀯𑀸 𑀧𑀺𑀬𑀗𑁆𑀕𑀮𑁆𑀮 𑀯𑀺𑀳𑀸𑀭𑀲𑁆𑀲 𑀤𑀺𑀲𑁆𑀲𑀫𑀸𑀦𑁂 𑀞𑀸𑀦𑁂 𑀲𑀻𑀢𑀘𑁆𑀙𑀸𑀬𑀸𑀬 𑀣𑁂𑀭𑀁 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀧𑀸𑀤𑁂 𑀥𑁄𑀯𑀺𑀢𑁆𑀯𑀸 𑀕𑀡𑁆𑀥𑀢𑁂𑀮𑁂𑀦 𑀫𑀓𑁆𑀔𑁂𑀢𑁆𑀯𑀸 𑀕𑀼𑀴𑁄𑀤𑀓𑀁 𑀧𑀸𑀬𑁂𑀢𑁆𑀯𑀸 𑀉𑀧𑀸𑀳𑀦𑀁 𑀧𑀝𑀺𑀫𑀼𑀜𑁆𑀘𑀺𑀢𑁆𑀯𑀸 𑀇𑀤𑀁 𑀫𑁂 𑀧𑀭𑀺𑀓𑁆𑀔𑀸𑀭𑀁 𑀓𑀼𑀮𑀽𑀧𑀕𑀣𑁂𑀭𑀲𑁆𑀲𑀢𑁆𑀣𑀸𑀬 𑀕𑀳𑀺𑀢𑀁, 𑀇𑀤𑀸𑀦𑀺 𑀢𑀼𑀫𑁆𑀳𑀸𑀓𑀁 𑀤𑀫𑁆𑀫𑀺, 𑀇𑀤𑀁 𑀧𑀦 𑀲𑀸𑀝𑀓𑀬𑀼𑀕𑀁 𑀫𑀫 𑀧𑀼𑀢𑁆𑀢𑀲𑁆𑀲 𑀫𑀗𑁆𑀕𑀮𑀢𑁆𑀣𑀸𑀬 𑀕𑀳𑀺𑀢𑀁, ¶ 𑀢𑀼𑀫𑁆𑀳𑁂 𑀘𑀻𑀯𑀭𑀁 𑀓𑀢𑁆𑀯𑀸 𑀧𑀸𑀭𑀼𑀧𑀣𑀸𑀢𑀺 𑀯𑀢𑁆𑀯𑀸 𑀣𑁂𑀭𑀲𑁆𑀲 𑀧𑀸𑀤𑀫𑀽𑀮𑁂 𑀞𑀧𑁂𑀲𑀺.

𑀣𑁂𑀭𑁄 𑀲𑀸𑀝𑀓𑀬𑀼𑀕𑀁 𑀧𑀢𑁆𑀢𑀢𑁆𑀣𑀯𑀺𑀓𑀸𑀬 𑀧𑀓𑁆𑀔𑀺𑀧𑀺𑀢𑁆𑀯𑀸 𑀲𑁂𑀲𑀧𑀭𑀺𑀓𑁆𑀔𑀸𑀭𑀁 𑀪𑀡𑁆𑀟𑀺𑀓𑀁 𑀓𑀢𑁆𑀯𑀸 𑀉𑀧𑀸𑀳𑀦𑀁 𑀆𑀭𑀼𑀬𑁆𑀳𑀁 𑀓𑀢𑁆𑀢𑀬𑀝𑁆𑀞𑀺𑀁 𑀕𑀳𑁂𑀢𑁆𑀯𑀸 𑀫𑀕𑁆𑀕𑀁 𑀧𑀝𑁆𑀧𑀚𑁆𑀚𑀺. 𑀩𑀮𑀢𑁆𑀣𑁄 𑀢𑁂𑀦 𑀲𑀤𑁆𑀥𑀺𑀁 𑀣𑁄𑀓𑀁 𑀕𑀦𑁆𑀢𑁆𑀯𑀸 ‘‘𑀢𑀺𑀝𑁆𑀞𑀣 𑀪𑀦𑁆𑀢𑁂, 𑀫𑀬𑁆𑀳𑀁 𑀅𑀬𑀁 𑀫𑀕𑁆𑀕𑁄‘‘𑀢𑀺 𑀯𑀢𑁆𑀯𑀸 𑀧𑀼𑀩𑁆𑀩𑁂 𑀯𑀼𑀢𑁆𑀢𑀦𑀬𑁂𑀦𑁂𑀯 𑀭𑀜𑁆𑀜𑁄 𑀲𑀸𑀲𑀦𑀁 𑀣𑁂𑀭𑀲𑁆𑀲 𑀆𑀭𑁄𑀘𑁂𑀲𑀺

𑀣𑁂𑀭𑁄 𑀢𑀁 𑀲𑀼𑀢𑁆𑀯𑀸 𑀫𑀳𑀦𑁆𑀢𑁂𑀦 𑀧𑀭𑀓𑁆𑀓𑀫𑁂𑀦 𑀓𑀢𑀓𑀫𑁆𑀫𑀁 𑀅𑀓𑀢𑀁 𑀯𑀺𑀬 𑀚𑀸𑀢𑀦𑁆𑀢𑀺 𑀤𑁄𑀫𑀦𑀲𑁆𑀲𑀧𑁆𑀧𑀢𑁆𑀢𑁄 𑀳𑀼𑀢𑁆𑀯𑀸 𑀅𑀲𑁆𑀲𑀼𑀥𑀸𑀭𑀁 𑀧𑀯𑀢𑁆𑀢𑁂𑀢𑁆𑀯𑀸’𑀉𑀧𑀸𑀲𑀓 𑀢𑀯 𑀧𑀭𑀺𑀓𑁆𑀔𑀸𑀭𑀁 𑀢𑁆𑀯𑀫𑁂𑀯 𑀕𑀡𑁆𑀳𑀸𑀳𑀻‘‘𑀢𑀺 𑀞𑀺𑀢𑀓𑁄𑀯 𑀲𑀩𑁆𑀩𑀸𑀧𑀭𑀺𑀓𑁆𑀔𑀸𑀭𑀁 𑀙𑀟𑁆𑀟𑁂𑀲𑀺 𑀩𑀮𑀢𑁆𑀣𑁄 𑀓𑀺𑀁 𑀦𑀸𑀫 𑀪𑀦𑁆𑀢𑁂 𑀯𑀤𑀣 𑀏𑀲 𑀭𑀸𑀚𑀸 𑀢𑀼𑀬𑁆𑀳𑀁 𑀪𑀯𑀕𑁆𑀕𑀧𑁆𑀧𑀫𑀸𑀡𑀁 𑀓𑀢𑁆𑀯𑀸 𑀧𑀘𑁆𑀘𑀬𑀁 𑀤𑁂𑀦𑁆𑀢𑁄𑀧𑀺 𑀢𑀯 𑀇𑀝𑁆𑀞𑀓𑀸𑀦𑀼𑀭𑀽𑀧𑀁 𑀓𑀸𑀢𑀼𑀁 𑀦 𑀲𑀓𑁆𑀓𑁄𑀢𑀺. 𑀓𑁂𑀯𑀮𑀁 𑀧𑀦 𑀫𑀳𑀸𑀘𑁂𑀢𑀺𑀬𑁂 𑀓𑀫𑁆𑀫𑀁 𑀅𑀜𑁆𑀜𑁂𑀲𑀁 𑀅𑀧𑀢𑁆𑀢𑀓𑀁 𑀓𑀢𑁆𑀯𑀸 𑀓𑀭𑁄𑀫𑀻𑀢𑀺 𑀅𑀥𑀺𑀧𑁆𑀧𑀸𑀬𑁂𑀦 𑀏𑀯𑀁 𑀓𑀸𑀭𑁂𑀢𑀺 𑀢𑀼𑀫𑁆𑀳𑁂 𑀧𑀦 𑀪𑀦𑁆𑀢𑁂 𑀅𑀢𑁆𑀢𑀦𑀸 𑀮𑀤𑁆𑀥𑀧𑀭𑀺𑀓𑁆𑀔𑀸𑀭𑀁 𑀕𑀳𑁂𑀢𑁆𑀯𑀸 𑀘𑀺𑀢𑁆𑀢𑀁 𑀧𑀲𑀸𑀤𑁂𑀣𑀸𑀢𑀺 𑀯𑀢𑁆𑀯𑀸 𑀣𑁂𑀭𑀁 𑀲𑀜𑁆𑀜𑀸𑀧𑁂𑀢𑁆𑀯𑀸 𑀧𑀓𑁆𑀓𑀸𑀫𑀺. 𑀇𑀫𑀲𑁆𑀫𑀺𑀁 𑀧𑀦 𑀘𑁂𑀢𑀺𑀬𑁂 𑀪𑀢𑀺𑀬𑀸 𑀓𑀫𑁆𑀫𑀁 𑀓𑀢𑁆𑀯𑀸 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸 𑀲𑀕𑁆𑀕𑁂 𑀦𑀺𑀩𑁆𑀩𑀢𑁆𑀢 𑀲𑀢𑁆𑀢𑀸𑀦𑀁 𑀧𑀫𑀸𑀡𑀁 𑀦𑀢𑁆𑀣𑀺.

𑀢𑀸𑀯𑀢𑀺𑀁𑀲 𑀪𑀯𑀦𑁂 𑀓𑀺𑀭 𑀦𑀺𑀩𑁆𑀩𑀢𑁆𑀢 𑀤𑁂𑀯𑀥𑀻𑀢𑀭𑁄 𑀅𑀢𑁆𑀢𑀦𑁄 𑀲𑀫𑁆𑀧𑀢𑁆𑀢𑀺𑀁 𑀑𑀮𑁄𑀓𑁂𑀢𑁆𑀯𑀸 𑀓𑁂𑀦 𑀦𑀼 𑀓𑁄 𑀓𑀫𑁆𑀫𑁂𑀦 𑀇𑀫𑀁 𑀲𑀫𑁆𑀧𑀢𑁆𑀢𑀺𑀁 𑀮𑀪𑀺𑀫𑁆𑀳𑀸𑀢𑀺 𑀆𑀯𑀚𑁆𑀚𑀫𑀸𑀦𑀸 𑀫𑀳𑀸𑀘𑁂𑀢𑀺𑀬𑁂 𑀪𑀢𑀺𑀬𑀸 𑀓𑀫𑁆𑀫𑀁 𑀓𑀢𑁆𑀯𑀸 𑀮𑀤𑁆𑀥𑀪𑀸𑀯𑀁 𑀜𑀢𑁆𑀯𑀸 𑀪𑀢𑀺𑀬𑀸 𑀓𑀢𑀓𑀫𑁆𑀫𑀲𑁆𑀲𑀸𑀧𑀺 𑀨𑀮𑀁 𑀈𑀤𑀺𑀲𑀁, 𑀅𑀢𑁆𑀢𑀦𑁄 𑀲𑀦𑁆𑀢𑀓𑁂𑀦 𑀓𑀫𑁆𑀫𑀨𑀮𑀁 𑀲𑀤𑁆𑀤𑀳𑀺𑀢𑁆𑀯𑀸 𑀓𑀢𑀓𑀫𑁆𑀫𑀲𑁆𑀲 𑀨𑀮𑀁 𑀓𑀻𑀤𑀺𑀲𑀁 𑀪𑀯𑀺𑀲𑁆𑀲𑀢𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀤𑀺𑀩𑁆𑀩𑀕𑀡𑁆𑀥𑀫𑀸𑀮𑀁 𑀆𑀤𑀸𑀬 𑀭𑀢𑁆𑀢𑀺𑀪𑀸𑀕𑁂 𑀆𑀕𑀦𑁆𑀢𑁆𑀯𑀸 𑀧𑀽𑀚𑁂𑀢𑁆𑀯𑀸 𑀘𑁂𑀢𑀺𑀬𑀁 𑀯𑀦𑁆𑀤𑀦𑁆𑀢𑀺.

𑀢𑀲𑁆𑀫𑀺𑀁 𑀔𑀡𑁂 𑀪𑀸𑀢𑀺𑀯𑀗𑁆𑀓𑀯𑀸𑀲𑀻 𑀫𑀳𑀸𑀲𑀻𑀯𑀢𑁆𑀣𑁂𑀭𑁄 𑀦𑀸𑀫 𑀘𑁂𑀢𑀺𑀬𑀁 𑀯𑀦𑁆𑀤𑀦𑀢𑁆𑀣𑀸𑀬 𑀕𑀢𑁄, 𑀢𑀸 𑀯𑀦𑁆𑀤𑀦𑁆𑀢𑀺𑀬𑁄 𑀤𑀺𑀲𑁆𑀯𑀸 𑀫𑀳𑀸𑀲𑀢𑁆𑀢𑀧𑀡𑁆𑀡𑀺𑀭𑀼𑀓𑁆𑀔𑀲𑀫𑀻𑀧𑁂 𑀞𑀺𑀢𑁄 𑀢𑀸𑀲𑀁 𑀬𑀣𑀸𑀭𑀼𑀘𑀺𑀁 𑀯𑀦𑁆𑀤𑀺𑀢𑁆𑀯𑀸 𑀕𑀫𑀦𑀓𑀸𑀮𑁂 𑀧𑀼𑀘𑁆𑀙𑀺? 𑀢𑀼𑀫𑁆𑀳𑀸𑀓𑀁 𑀲𑀭𑀻𑀭𑀸𑀮𑁄𑀓𑁂𑀦 𑀲𑀓𑀮𑀢𑀫𑁆𑀩𑀧𑀡𑁆𑀡𑀺𑀤𑀺𑀧𑁄 𑀏𑀓𑀸𑀮𑁄𑀓𑁄, 𑀓𑀺𑀁 𑀓𑀫𑁆𑀫𑀁 𑀓𑀭𑀺𑀢𑁆𑀣𑀸𑀢𑀺 𑀪𑀦𑁆𑀢𑁂 𑀅𑀫𑁆𑀳𑀸𑀓𑀁 𑀲𑀦𑁆𑀢𑀓𑁂 𑀓𑀢𑀓𑀫𑁆𑀫𑀁 𑀦𑀸𑀫 𑀦𑀢𑁆𑀣𑀺 𑀇𑀫𑀲𑁆𑀫𑀺𑀁 𑀘𑁂𑀢𑀺𑀬𑁂 𑀫𑀦𑀁 𑀧𑀲𑀸𑀤𑁂𑀢𑁆𑀯𑀸 𑀪𑀢𑀺𑀬𑀸 𑀓𑀫𑁆𑀫𑀁 𑀓𑀭𑀺𑀫𑁆𑀳𑀸𑀢𑀺 𑀆𑀳𑀁𑀲𑀼 𑀏𑀯𑀁 𑀩𑀼𑀤𑁆𑀥𑀲𑀸𑀲𑀦𑁂 𑀧𑀲𑀦𑁆𑀦𑀘𑀺𑀢𑁆𑀢𑁂𑀦 𑀪𑀢𑀺𑀬𑀸 𑀓𑀢𑀓𑀫𑁆𑀫𑀫𑁆𑀧𑀺 𑀫𑀳𑀧𑁆𑀨𑀮𑀁 𑀳𑁄𑀢𑀺. 𑀢𑀲𑁆𑀫𑀸-

‘‘𑀘𑀺𑀢𑁆𑀢𑀧𑁆𑀧𑀲𑀸𑀤𑀫𑀢𑁆𑀢𑁂𑀦-𑀲𑀼𑀕𑀢𑁂 𑀕𑀢𑀺 𑀉𑀢𑁆𑀢𑀫𑀸,

𑀮𑀩𑁆𑀪𑀢𑀻𑀢𑀺 𑀯𑀺𑀤𑀺𑀢𑁆𑀯𑀸𑀦-𑀣𑀽𑀧𑀧𑀽𑀚𑀁 𑀓𑀭𑁂 𑀩𑀼𑀤𑁆𑀥𑁄’’𑀢𑀺;

𑀏𑀯𑀁 𑀭𑀸𑀚𑀸 𑀘𑁂𑀢𑀺𑀬𑀓𑀫𑁆𑀫𑀁 𑀓𑀸𑀭𑀸𑀧𑁂𑀦𑁆𑀢𑁄 𑀧𑀼𑀧𑁆𑀨𑀥𑀸𑀦𑀢𑁆𑀢𑀬𑀁 𑀦𑀺𑀝𑁆𑀞𑀸𑀧𑁂𑀲𑀺. 𑀢𑀁 𑀔𑀻𑀡𑀸𑀲𑀯 𑀣𑀺𑀭𑀪𑀸𑀯𑀢𑁆𑀣𑀸𑀬 𑀪𑀽𑀫𑀺𑀲𑀫𑀁 𑀓𑀢𑁆𑀯𑀸 𑀑𑀲𑀻𑀤𑀸𑀧𑁂𑀲𑀼𑀁, 𑀏𑀯𑀁 𑀦𑀯𑀯𑀸𑀭𑁂 𑀘𑀺𑀢𑀁 𑀘𑀺𑀢𑀁 𑀑𑀲𑀻𑀤𑀸𑀧𑁂𑀲𑀼𑀁. 𑀭𑀸𑀚𑀸 𑀓𑀸𑀭𑀡𑀁 𑀅𑀚𑀸𑀦𑀦𑁆𑀢𑁄 𑀅𑀦𑀢𑁆𑀢𑀫𑀦𑁄 ¶ 𑀳𑀼𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀲𑀺. 𑀅𑀲𑀻𑀢𑀺 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺 𑀲𑀦𑁆𑀦𑀺𑀧𑀢𑀺𑀁𑀲𑀼 𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀧𑀼𑀘𑁆𑀙𑀺’𑀪𑀦𑁆𑀢𑁂 𑀫𑀳𑀸𑀘𑁂𑀢𑀺𑀬𑁂 𑀧𑀼𑀧𑁆𑀨𑀥𑀸𑀦𑀢𑁆𑀢𑀬𑀁 𑀦𑀯𑀯𑀸𑀭𑁂 𑀦 𑀚𑀸𑀦𑀸𑀫𑀻’𑀢𑀺 𑀪𑀺𑀓𑁆𑀔𑀼𑀲𑀗𑁆𑀖𑁄 𑀆𑀳 𑀫𑀳𑀸𑀭𑀸𑀚 𑀢𑀼𑀬𑁆𑀳𑀁 𑀓𑀫𑁆𑀫𑀲𑁆𑀲 𑀯𑀸 𑀚𑀻𑀯𑀺𑀢𑀲𑁆𑀲 𑀯𑀸 𑀅𑀦𑁆𑀢𑀭𑀸𑀬𑁄 𑀦𑀢𑁆𑀣𑀺. 𑀅𑀦𑀸𑀕𑀢𑁂 𑀣𑀺𑀭𑀪𑀸𑀯𑀢𑁆𑀣𑀸𑀬 𑀇𑀤𑁆𑀥𑀺𑀫𑀦𑁆𑀢𑁂𑀳𑀺 𑀑𑀲𑀻𑀤𑀸𑀧𑀺𑀢𑀁, 𑀇𑀢𑁄 𑀧𑀝𑁆𑀞𑀸𑀬 𑀦 𑀑𑀲𑀻𑀤𑀸𑀧𑁂𑀲𑁆𑀲𑀦𑁆𑀢𑀺. 𑀢𑁆𑀯𑀁 𑀅𑀜𑁆𑀜𑀣𑀢𑁆𑀢𑀁 𑀅𑀓𑀢𑁆𑀯𑀸 𑀫𑀳𑀸𑀣𑀽𑀧𑀁 𑀲𑀫𑀸𑀧𑁂𑀳𑀻𑀢𑀺. 𑀢𑀁 𑀲𑀼𑀢𑁆𑀯𑀸 𑀳𑀝𑁆𑀞𑁄 𑀭𑀸𑀚𑀸 𑀣𑀽𑀧𑀓𑀫𑁆𑀫𑀁 𑀓𑀸𑀭𑁂𑀲𑀺.

𑀤𑀲𑀧𑀼𑀧𑁆𑀨𑀥𑀸𑀦𑀸𑀦𑀺 𑀤𑀲𑀳𑀺 𑀇𑀝𑁆𑀞𑀓𑀸𑀓𑁄𑀝𑀻𑀳𑀺 𑀦𑀺𑀝𑁆𑀞𑀦𑀁 𑀕𑀫𑀺𑀁𑀲𑀼 𑀧𑀼𑀦 𑀧𑀼𑀧𑁆𑀨𑀥𑀸𑀦𑀢𑁆𑀢𑀬𑁂 𑀦𑀺𑀝𑁆𑀞𑀺𑀢𑁂 𑀪𑀺𑀓𑁆𑀔𑀼𑀲𑀗𑁆𑀖𑁄 𑀉𑀢𑁆𑀢𑀭-𑀲𑀼𑀫𑀦 𑀦𑀸𑀫𑀓𑁂 𑀤𑁆𑀯𑁂 𑀔𑀻𑀡𑀸𑀲𑀯 𑀲𑀸𑀫𑀡𑁂𑀭𑁂 𑀆𑀡𑀸𑀧𑁂𑀲𑀺. 𑀢𑀼𑀫𑁆𑀳𑁂 𑀲𑀫𑀘𑀢𑀼𑀭𑀲𑁆𑀲𑀁 𑀅𑀝𑁆𑀞𑀭𑀢𑀦 𑀩𑀳𑀮𑀁 𑀏𑀓𑁂𑀓 𑀧𑀲𑁆𑀲𑀢𑁄 𑀅𑀲𑀻𑀢𑀺 𑀅𑀲𑀺𑀢𑀺 𑀳𑀢𑁆𑀣𑀧𑁆𑀧𑀫𑀸𑀡𑀁 𑀙𑀫𑁂𑀤𑀓 𑀯𑀡𑁆𑀡𑀧𑀸𑀲𑀸𑀡𑁂 𑀆𑀳𑀭𑀣𑀸𑀢𑀺. 𑀢𑁂 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀉𑀢𑁆𑀢𑀭𑀓𑀼𑀭𑀼𑀁 𑀕𑀦𑁆𑀢𑁆𑀯𑀸 𑀘𑀼𑀢𑁆𑀢𑀧𑁆𑀧𑀓𑀸𑀭𑀧𑁆𑀧𑀫𑀸𑀡𑁂 𑀪𑀡𑁆𑀟𑀺𑀧𑀼𑀧𑁆𑀨𑀦𑀺𑀳𑁂𑀙 𑀫𑁂𑀤𑀯𑀡𑁆𑀡𑀧𑀸𑀲𑀸𑀡𑁂 𑀆𑀳𑀭𑀺𑀢𑁆𑀯𑀸 𑀏𑀓𑀁 𑀧𑀸𑀲𑀸𑀡𑀁 𑀥𑀸𑀢𑀼𑀕𑀩𑁆𑀪𑀲𑁆𑀲 𑀪𑀽𑀫𑀺𑀬𑀁 𑀅𑀢𑁆𑀣𑀭𑀺𑀢𑁆𑀯𑀸 𑀘𑀢𑁆𑀢𑀸𑀭𑁄 𑀧𑀸𑀲𑀸𑀡𑁂 𑀘𑀢𑀼𑀲𑀼 𑀧𑀲𑁆𑀲𑁂𑀲𑀼 𑀲𑀁𑀯𑀺𑀥𑀸𑀬 𑀅𑀧𑀭𑀁 𑀥𑀸𑀢𑀼𑀕𑀩𑁆𑀪𑀁 𑀧𑀺𑀤𑀳𑀦𑀢𑁆𑀣𑀸𑀬 𑀧𑀸𑀘𑀻𑀦 𑀤𑀺𑀲𑀸𑀪𑀸𑀕𑁂 𑀯𑀸𑀮𑀼𑀓 𑀧𑀸𑀓𑀸𑀭 𑀲𑀫𑀻𑀧𑁂 𑀅𑀤𑀺𑀲𑁆𑀲𑀫𑀸𑀦𑀁 𑀓𑀢𑁆𑀯𑀸 𑀞𑀧𑁂𑀲𑀼𑀁.

𑁨𑁨. 𑀢𑀢𑁄 𑀭𑀸𑀚𑀸 𑀥𑀸𑀢𑀼𑀕𑀩𑁆𑀪𑀲𑁆𑀲 𑀫𑀚𑁆𑀛𑁂 𑀲𑀩𑁆𑀩𑀭𑀢𑀦𑀫𑀬𑀁 𑀲𑀩𑁆𑀩𑀸𑀓𑀸𑀭𑀲𑀫𑁆𑀧𑀦𑁆𑀦𑀁 𑀫𑀦𑁄𑀳𑀭𑀁 𑀩𑁄𑀥𑀺𑀭𑀼𑀓𑁆𑀔𑀁 𑀓𑀸𑀭𑁂𑀲𑀺 𑀲𑁄 𑀳𑀺 𑀇𑀡𑁆𑀤𑀦𑀻𑀮𑀫𑀡𑀺𑀪𑀽𑀫𑀺𑀬𑀁 𑀧𑀢𑀺𑀝𑁆𑀞𑀺𑀢𑁄, 𑀢𑀲𑁆𑀲𑀫𑀽𑀮𑀸𑀦𑀺 𑀧𑀘𑀸𑀴𑀫𑀬𑀸𑀦𑀺, 𑀔𑀡𑁆𑀥𑁄 𑀲𑀺𑀭𑀺𑀯𑀘𑁆𑀙𑀸𑀤𑀻𑀳𑀺 𑀅𑀝𑁆𑀞𑀫𑀗𑁆𑀕𑀮𑀺𑀓𑁂𑀳𑀺 𑀧𑀼𑀧𑁆𑀨𑀧𑀦𑁆𑀢𑀺 𑀮𑀢𑀸𑀧𑀦𑁆𑀢𑀺 𑀘𑀢𑀼𑀧𑁆𑀧𑀤 𑀳𑀁𑀲𑀧𑀦𑁆𑀢𑀺𑀳𑀺 𑀘 𑀯𑀺𑀘𑀺𑀢𑁆𑀢𑁄 𑀅𑀝𑁆𑀞𑀸𑀭𑀲 𑀳𑀢𑁆𑀣𑀼𑀩𑁆𑀩𑁂𑀥𑁄 𑀭𑀚𑀢𑀫𑀬𑁄 𑀅𑀳𑁄𑀲𑀺.

𑀧𑀜𑁆𑀘𑀫𑀳𑀸𑀲𑀸𑀔𑀸𑀧𑀺 𑀅𑀝𑁆𑀞𑀸𑀭𑀲𑀳𑀢𑁆𑀣𑀸𑀘, 𑀧𑀢𑁆𑀢𑀸𑀧𑀺 𑀫𑀡𑀺𑀫𑀬𑀸𑀦𑀺, 𑀧𑀡𑁆𑀟𑀼𑀧𑀢𑁆𑀢𑀸𑀦𑀺, 𑀳𑁂𑀫𑀫𑀬𑀸𑀦𑀺, 𑀨𑀮𑀸 𑀧𑀯𑀸𑀴𑀫𑀬𑀸𑀦𑀺. 𑀢𑀣𑀸 𑀅𑀗𑁆𑀓𑀼𑀭𑁄𑀧𑀭𑀺 𑀘𑁂𑀮𑀯𑀺𑀢𑀸𑀦𑀁 𑀩𑀡𑁆𑀥𑀸𑀧𑁂𑀲𑀺. 𑀢𑀲𑁆𑀲 𑀅𑀦𑁆𑀢𑁂 𑀲𑀫𑀦𑁆𑀦𑀢𑁄 𑀫𑀼𑀢𑁆𑀢𑀫𑀬 𑀓𑀺𑀗𑁆𑀓𑀺𑀡𑀺𑀓𑀚𑀸𑀮𑀁 𑀑𑀮𑀫𑁆𑀩𑀢𑀺. 𑀲𑁆𑀯𑀡𑁆𑀡𑀖𑀡𑁆𑀝𑀸𑀧𑀦𑁆𑀢𑀺 𑀘 𑀲𑀼𑀯𑀡𑁆𑀡𑀤𑀸𑀫𑀸𑀦𑀺 𑀘 𑀢𑀳𑀺𑀁 𑀢𑀳𑀺𑀁 𑀑𑀮𑀫𑁆𑀩𑀦𑁆𑀢𑀺 𑀯𑀺𑀢𑀸𑀦𑀲𑁆𑀲 𑀘𑀢𑀼𑀲𑀼 𑀓𑀡𑁆𑀡𑁂𑀲𑀼 𑀦𑀯𑀲𑀢𑀲𑀳𑀲𑁆𑀲𑀕𑁆𑀖𑀦𑀓𑁄 𑀏𑀓𑁂𑀓𑁄 𑀫𑀼𑀢𑁆𑀢𑀸𑀓𑀮𑀸𑀧𑁄 𑀑𑀮𑀫𑁆𑀩𑀢𑀺. 𑀢𑀢𑁆𑀣 𑀬𑀣𑀸𑀦𑀼𑀭𑀽𑀧𑀁 𑀦𑀸𑀦𑀸𑀭𑀢𑀦 𑀓𑀢𑀸𑀦𑁂𑀯 𑀘𑀡𑁆𑀤-𑀲𑀽𑀭𑀺𑀬-𑀢𑀸𑀭𑀓𑀸𑀭𑀽𑀧𑀸𑀦𑀺 𑀧𑀤𑀼𑀫𑀸𑀦𑀺 𑀘 𑀅𑀧𑁆𑀧𑀺𑀢𑀸𑀦𑀺 𑀅𑀳𑁂𑀲𑀼𑀁. 𑀫𑀳𑀕𑁆𑀖𑀸𑀦𑀺 𑀅𑀦𑁂𑀓𑀯𑀡𑁆𑀡𑀸𑀦𑀺 𑀅𑀝𑁆𑀞𑀼𑀢𑁆𑀢𑀭 𑀲𑀳𑀲𑁆𑀲𑀸𑀦𑀺 𑀯𑀢𑁆𑀣𑀸𑀦𑀺 𑀑𑀮𑀫𑁆𑀩𑀺𑀁𑀲𑀼.

𑀢𑀢𑁄 𑀩𑁄𑀥𑀺𑀭𑀼𑀓𑁆𑀔𑀲𑁆𑀲 𑀲𑀫𑀦𑁆𑀢𑀢𑁄 𑀲𑀢𑁆𑀢 𑀭𑀢𑀦𑀫𑀬 𑀯𑁂𑀤𑀺𑀓𑀸 𑀓𑀸𑀭𑁂𑀢𑁆𑀯𑀸 𑀫𑀳𑀸𑀫𑀮𑀓 𑀫𑀼𑀢𑁆𑀢𑀸 𑀅𑀢𑁆𑀣𑀭𑀸𑀧𑁂𑀲𑀺 𑀫𑀼𑀢𑁆𑀢𑀸 𑀯𑁂𑀤𑀺𑀓𑀸𑀦𑀁 𑀅𑀦𑁆𑀢𑀭𑁂 𑀕𑀡𑁆𑀥𑁄𑀤𑀓 𑀧𑀼𑀡𑁆𑀡 𑀲𑀢𑁆𑀢𑀭𑀢𑀦𑀫𑀬 𑀧𑀼𑀡𑁆𑀡𑀖𑀝 𑀧𑀦𑁆𑀢𑀺𑀬𑁄 𑀞𑀧𑀸𑀧𑁂𑀲𑀺. 𑀢𑀸𑀲𑀼 𑀲𑀼𑀯𑀡𑁆𑀡𑀖𑀝𑁂 𑀧𑀯𑀸𑀴𑀫𑀬𑀸𑀦𑀺 𑀧𑀼𑀧𑁆𑀨𑀸𑀦𑀺 𑀅𑀳𑁂𑀲𑀼𑀁. 𑀧𑀯𑀸𑀴𑀖𑀝𑁂 𑀲𑀼𑀯𑀡𑁆𑀡𑀫𑀬𑀸𑀦𑀺 𑀧𑀼𑀧𑁆𑀨𑀸𑀦𑀺. 𑀫𑀡𑀺𑀖𑀝𑁂 𑀭𑀚𑀢𑀫𑀬𑀸𑀦𑀺 𑀧𑀼𑀧𑁆𑀨𑀸𑀦𑀺 ¶ 𑀭𑀚𑀢𑀖𑀝𑁂 𑀫𑀡𑀺𑀫𑀬𑀸𑀦𑀺𑀧𑀼𑀧𑁆𑀨𑀸𑀢𑀺. 𑀲𑀢𑁆𑀢𑀭𑀢𑀦𑀖𑀝𑁂 𑀲𑀢𑁆𑀢𑀭𑀢𑀦𑀫𑀬𑀸𑀦𑀺 𑀧𑀼𑀧𑁆𑀨𑀸𑀦𑀺 𑀅𑀳𑁂𑀲𑀼𑀁.

𑀩𑁄𑀥𑀺𑀭𑀼𑀓𑁆𑀔𑀲𑁆𑀲 𑀧𑀸𑀘𑀻𑀦 𑀤𑀺𑀲𑀸𑀪𑀸𑀕𑁂 𑀭𑀢𑀦𑀫𑀬𑁂 𑀓𑁄𑀝𑀺𑀅𑀕𑁆𑀖𑀦𑀓𑁂 𑀧𑀮𑁆𑀮𑀗𑁆𑀓𑁂 𑀖𑀦𑀓𑁄𑀝𑁆𑀝𑀺𑀫 𑀲𑀼𑀯𑀡𑁆𑀡𑀫𑀬𑀁 𑀩𑀼𑀤𑁆𑀥𑀧𑀝𑀺𑀫𑀁 𑀦𑀺𑀲𑀻𑀤𑀸𑀧𑁂𑀲𑀺. 𑀢𑀲𑁆𑀲𑀸 𑀧𑀝𑀺𑀫𑀸𑀬 𑀯𑀻𑀲𑀢𑀺 𑀦𑀔𑀸 𑀅𑀓𑁆𑀔𑀺𑀦𑀁 𑀲𑁂𑀢𑀝𑁆𑀞𑀸𑀦𑀸𑀦𑀺 𑀘 𑀨𑀴𑀓𑀫𑀬𑀸𑀦𑀺. 𑀳𑀢𑁆𑀣𑀢𑀮 𑀧𑀸𑀤𑀢𑀮 𑀤𑀦𑁆𑀢𑀸𑀯𑀭𑀡𑀸𑀦𑀺 𑀅𑀓𑁆𑀔𑀻𑀦𑀁 𑀭𑀢𑁆𑀢𑀝𑁆𑀞𑀸𑀢𑀸𑀦𑀺 𑀘 𑀧𑀯𑀸𑀴𑀫𑀬𑀸𑀦𑀺 𑀓𑁂𑀲 𑀪𑀫𑀼𑀓𑀸𑀦𑀺 𑀅𑀓𑁆𑀔𑀺𑀦𑀁 𑀓𑀸𑀴𑀓𑀝𑁆𑀞𑀸𑀦𑀸𑀦𑀺 𑀘 𑀇𑀡𑁆𑀤𑀦𑀻𑀮 𑀫𑀡𑀺𑀫𑀬𑀸𑀦𑀺 𑀉𑀡𑁆𑀡𑀸𑀮𑁄𑀫𑀁 𑀧𑀦𑀁 𑀭𑀚𑀢𑀫𑀬𑀁 𑀅𑀳𑁄𑀲𑀺. 𑀢𑀢𑁄 𑀲𑀳𑀫𑁆𑀧𑀢𑀺 𑀫𑀳𑀸 𑀩𑁆𑀭𑀳𑁆𑀫𑀸𑀦𑀁 𑀭𑀚𑀢𑀘𑁆𑀙𑀢𑁆𑀢𑀁 𑀥𑀸𑀭𑁂𑀢𑁆𑀯𑀸 𑀞𑀺𑀦𑀁 𑀓𑀸𑀭𑁂𑀲𑀺. 𑀢𑀢𑀸 𑀤𑁆𑀯𑀻𑀲𑀼 𑀤𑁂𑀯𑀮𑁄𑀓𑁂𑀲𑀼 𑀤𑁂𑀯𑀢𑀸𑀳𑀺 𑀲𑀤𑁆𑀥𑀺𑀁 𑀯𑀺𑀚𑀬𑀼𑀢𑁆𑀢𑀭𑀲𑀗𑁆𑀔𑀁 𑀕𑀳𑁂𑀢𑁆𑀯𑀸 𑀅𑀪𑀺𑀲𑁂𑀓𑀁 𑀤𑀤𑀫𑀸𑀦𑀁 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀧𑀜𑁆𑀘𑀲𑀺𑀔 𑀤𑁂𑀯𑀧𑀼𑀢𑁆𑀢𑀁 𑀩𑁂𑀴𑀼𑀯 𑀧𑀡𑁆𑀟𑀼 𑀯𑀻𑀡𑀫𑀸𑀤𑀸𑀬 𑀕𑀡𑁆𑀥𑀩𑁆𑀩𑀁 𑀓𑀼𑀭𑀼𑀫𑀸𑀦𑀁. 𑀫𑀳𑀸𑀓𑀸𑀴 𑀦𑀸𑀕𑀭𑀸𑀚𑀸𑀦𑀁 𑀦𑀸𑀕𑀓𑀜𑁆𑀜𑀸𑀧𑀭𑀺𑀯𑀼𑀢𑀁 𑀦𑀸𑀦𑀸𑀯𑀺𑀥𑁂𑀦𑀣𑀼𑀢𑀺𑀖𑁄𑀲𑁂𑀦 𑀢𑀣𑀸𑀕𑀢𑀁 𑀯𑀡𑁆𑀡𑁂𑀦𑁆𑀢𑀁 𑀓𑀸𑀭𑁂𑀲𑀺.

𑀯𑀲𑀯𑀢𑁆𑀢𑀺𑀫𑀸𑀭𑀫𑁆𑀧𑀦 𑀩𑀸𑀳𑀼𑀲𑀳𑀲𑁆𑀲𑀁 𑀫𑀸𑀧𑁂𑀢𑁆𑀯𑀸 𑀢𑀺𑀲𑀽𑀮 𑀫𑀼𑀕𑁆𑀕𑀭𑀸𑀤𑀺 𑀦𑀸𑀦𑀸𑀯𑀼𑀥𑀸𑀦𑀺 𑀕𑀳𑁂𑀢𑁆𑀯𑀸 𑀲𑀳𑀲𑁆𑀲𑀓𑀼𑀫𑁆𑀪𑀁 𑀕𑀺𑀭𑀺𑀫𑁂𑀔𑀮 𑀳𑀢𑁆𑀣𑀺𑀓𑁆𑀔𑀡𑁆𑀥 𑀫𑀸𑀭𑀼𑀬𑁆𑀳 𑀫𑀸𑀭𑀩𑀮𑀁 𑀧𑀭𑀺𑀯𑀸𑀭𑁂𑀢𑁆𑀯𑀸 𑀩𑁄𑀥𑀺𑀫𑀡𑁆𑀟𑀁 𑀆𑀕𑀦𑁆𑀢𑁆𑀯𑀸 𑀅𑀦𑁂𑀓 𑀪𑀺𑀁𑀲𑀦𑀓𑀁 𑀓𑀼𑀭𑀼𑀫𑀸𑀦𑀁 𑀓𑀸𑀭𑁂𑀲𑀺. 𑀲𑁂𑀲𑀸𑀲𑀼 𑀤𑀺𑀲𑀸𑀲𑀼 𑀧𑀸𑀘𑀻𑀦 𑀤𑀺𑀲𑀸𑀪𑀸𑀕𑁂 𑀧𑀮𑁆𑀮𑀗𑁆𑀓𑀲𑀤𑀺𑀲𑁂 𑀓𑁄𑀝𑀺 𑀓𑁄𑀝𑀺 𑀅𑀕𑁆𑀖𑀦𑀓𑁂 𑀢𑀬𑁄 𑀧𑀮𑁆𑀮𑀗𑁆𑀓𑁂 𑀅𑀢𑁆𑀣𑀭𑀸𑀧𑁂𑀢𑁆𑀯𑀸 𑀤𑀦𑁆𑀢𑀫𑀬𑀁 𑀤𑀡𑁆𑀟𑀁 𑀧𑀯𑀸𑀴𑀯𑀻𑀚𑀦𑀺𑀁 𑀞𑀧𑀸𑀧𑁂𑀲𑀺. 𑀩𑁄𑀥𑀺𑀓𑁆𑀔𑀡𑁆𑀥𑀁 𑀉𑀲𑁆𑀲𑀻𑀲𑀓𑁂 𑀓𑀢𑁆𑀯𑀸 𑀦𑀸𑀦𑀸𑀭𑀢𑀦𑀁 𑀫𑀡𑁆𑀟𑀺𑀢𑀁 𑀓𑁄𑀝𑀺𑀅𑀕𑁆𑀖𑀦𑀓𑀁 𑀭𑀚𑀢 𑀲𑀬𑀦𑀁 𑀅𑀢𑁆𑀣𑀭𑀸𑀧𑁂𑀲𑀺.

𑀤𑀲𑀩𑀮𑀲𑁆𑀲 𑀅𑀪𑀺𑀲𑀫𑁆𑀩𑁄𑀥𑀺𑀫𑁆𑀧𑀢𑁆𑀯𑀸 𑀅𑀦𑀺𑀫𑀺𑀲𑁂𑀦 𑀘𑀓𑁆𑀔𑀼𑀦𑀸 𑀩𑁄𑀥𑀺𑀧𑀮𑁆𑀮𑀗𑁆𑀓𑀁 𑀑𑀮𑁄𑀓𑀺𑀢𑀝𑁆𑀞𑀸𑀦𑀁 𑀲𑀢𑁆𑀢𑀸𑀳𑀫𑁂𑀯 𑀭𑀢𑀦𑀘𑀗𑁆𑀓𑀫𑁂 𑀘𑀗𑁆𑀓𑀫𑀺𑀢𑀝𑁆𑀞𑀸𑀦𑀁 𑀑𑀮𑁄𑀓𑀺𑀢𑀝𑁆𑀞𑀸𑀦𑀁 𑀲𑀢𑁆𑀢𑀸𑀳𑀫𑁂𑀯 𑀭𑀢𑀦𑀘𑀗𑁆𑀓𑀫𑁂 𑀘𑀗𑁆𑀓𑀫𑀺𑀢𑀝𑁆𑀞𑀸𑀦𑀁 𑀭𑀢𑀦𑀖𑀭𑀁 𑀧𑀯𑀺𑀲𑀺𑀢𑁆𑀯𑀸 𑀥𑀫𑁆𑀫𑀲𑀫𑁆𑀫𑀲𑀺𑀢𑀝𑁆𑀞𑀸𑀦𑀁 𑀫𑀼𑀘𑀮𑀺𑀡𑁆𑀤𑀫𑀽𑀮𑀁 𑀕𑀦𑁆𑀢𑁆𑀯𑀸 𑀦𑀺𑀲𑀺𑀦𑁆𑀦𑀲𑁆𑀲 𑀫𑀼𑀘𑀮𑀺𑀡𑁆𑀤𑁂𑀦 𑀦𑀸𑀕𑁂𑀦 𑀲𑀢𑁆𑀢𑀓𑁆𑀔𑀢𑁆𑀢𑀼𑀁 𑀪𑁄𑀕𑁂𑀳𑀺 𑀧𑀭𑀺𑀓𑁆𑀔𑀺𑀧𑀺𑀢𑁆𑀯𑀸 𑀉𑀧𑀭𑀺 𑀨𑀡𑀁 𑀓𑀢𑁆𑀯𑀸 𑀞𑀺𑀢𑀝𑁆𑀞𑀸𑀦𑀁, 𑀢𑀢𑁄 𑀅𑀚𑀧𑀸𑀮 𑀦𑀺𑀕𑁆𑀭𑁄𑀥 𑀫𑀽𑀮𑀁 𑀕𑀦𑁆𑀢𑁆𑀯𑀸 𑀦𑀺𑀲𑀺𑀦𑁆𑀦𑀝𑁆𑀞𑀸𑀦𑀁, 𑀢𑀢𑁄 𑀭𑀸𑀚𑀸𑀬𑀢𑀦𑀁 𑀪𑁄𑀚𑀦𑁂 𑀉𑀧𑀦𑀻𑀢𑁂 𑀘𑀢𑀼𑀫𑀳𑀸𑀭𑀸𑀚𑁂𑀳𑀺 𑀉𑀧𑀦𑀻𑀢 𑀧𑀢𑁆𑀢𑀧𑀝𑀺𑀕𑁆𑀕𑀳𑀡𑀁 𑀓𑀸𑀭𑁂𑀲𑀺.

𑀢𑀢𑁄 𑀩𑁆𑀭𑀳𑁆𑀫𑀸𑀬𑀸𑀘𑀦𑀁 𑀥𑀫𑁆𑀫𑀘𑀓𑁆𑀓𑀧𑁆𑀧𑀯𑀢𑁆𑀢𑀦𑀁 𑀲𑀲𑀧𑀩𑁆𑀩𑀚𑁆𑀚𑀁, 𑀪𑀤𑁆𑀤𑀯𑀕𑁆𑀕𑀺𑀬 𑀧𑀩𑁆𑀩𑀚𑁆𑀚𑀁, 𑀢𑁂𑀪𑀸𑀢𑀺𑀓 𑀚𑀝𑀺𑀮 𑀤𑀫𑀦𑀁, 𑀮𑀝𑁆𑀞𑀺𑀯𑀦𑀼𑀬𑁆𑀬𑀸𑀦𑁂 𑀩𑀺𑀫𑁆𑀩𑀺𑀲𑀸𑀭𑁄𑀧𑀕𑀫𑀡𑀁, 𑀭𑀸𑀚𑀕𑀳𑀧𑁆𑀧𑀯𑁂𑀲𑀦𑀁, 𑀯𑁂𑀴𑀼𑀯𑀦 𑀧𑀝𑀺𑀕𑁆𑀕𑀳𑀡𑀁 𑀅𑀲𑀻𑀢𑀺 𑀫𑀳𑀸𑀲𑀸𑀯𑀓𑁂 𑀘 𑀓𑀸𑀭𑁂𑀲𑀺 𑀢𑀢𑁄 𑀓𑀧𑀺𑀮𑀯𑀢𑁆𑀣𑀼𑀕𑀫𑀦𑀁 𑀭𑀢𑀦𑀘𑀗𑁆𑀓𑀫𑁂 𑀞𑀢𑀝𑁆𑀞𑀸𑀦𑀁, 𑀭𑀸𑀳𑀼𑀮𑀧𑀩𑁆𑀩𑀚𑁆𑀚𑀁, 𑀦𑀡𑁆𑀤𑁆𑀭𑀧𑀩𑁆𑀩𑀚𑁆𑀚𑀁 𑀚𑁂𑀢𑀯𑀦𑀧𑀝𑀺𑀕𑁆𑀕𑀳𑀡𑀁, 𑀕𑀡𑁆𑀟𑀫𑁆𑀩𑀫𑀽𑀮𑁂 𑀬𑀫𑀓 𑀧𑀸𑀝𑀺𑀳𑀸𑀭𑀺𑀓𑀁 𑀤𑁂𑀯𑀮𑁄𑀓𑁂.

‘‘𑀦𑀺𑀲𑀺𑀦𑁆𑀦𑁂’’𑀢𑀺 𑀓𑀢𑁆𑀣𑀘𑀺.

𑀅𑀪𑀺𑀥𑀫𑁆𑀫 ¶ 𑀤𑁂𑀲𑀦𑀸 𑀤𑁂𑀯𑁄𑀭𑁄𑀳𑀡 𑀧𑀸𑀝𑀻𑀳𑀻𑀭𑀁 𑀣𑁂𑀭𑀧𑀜𑁆𑀳 𑀲𑀫𑀸𑀕𑀫𑀜𑁆𑀘 𑀓𑀸𑀭𑁂𑀲𑀺.

𑀢𑀣𑀸 𑀫𑀳𑀸𑀲𑀫𑀬𑀲𑀼𑀢𑁆𑀢-𑀭𑀸𑀳𑀼𑀮𑁄𑀯𑀸𑀤 𑀲𑀼𑀢𑁆𑀢-𑀫𑀗𑁆𑀕𑀲𑀼𑀢𑁆𑀢𑀧𑀸𑀭𑀸𑀬𑀦 𑀲𑀼𑀢𑁆𑀢 𑀲𑀫𑀸𑀕𑀫𑀁 𑀥𑀦𑀧𑀸𑀮-𑀆𑀴𑀯𑀓-𑀅𑀗𑁆𑀕𑀼𑀮𑀺𑀫𑀸𑀮-𑀅𑀧𑀮𑀸𑀮 𑀤𑀫𑀦𑀁 𑀆𑀬𑀼𑀲𑀗𑁆𑀔𑀸𑀭 𑀯𑁄𑀲𑁆𑀲𑀚𑁆𑀚𑀦𑀁 𑀲𑀽𑀓𑀭𑀫𑀤𑁆𑀤𑀯 𑀧𑀭𑀺𑀕𑁆𑀕𑀳𑀡𑀁 𑀲𑀺𑀗𑁆𑀕𑀺𑀯𑀡𑁆𑀡 𑀯𑀢𑁆𑀣𑀬𑀼𑀕 𑀧𑀝𑀺𑀕𑁆𑀕𑀳𑀡𑀁 𑀧𑀲𑀦𑁆𑀦𑁄𑀤𑀓𑀧𑀸𑀦𑀁 𑀧𑀭𑀺𑀦𑀺𑀩𑁆𑀩𑀸𑀦𑀁 𑀤𑁂𑀯𑀫𑀦𑀼𑀲𑁆𑀲 𑀧𑀭𑀺𑀤𑁂𑀯𑀦𑀁 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑀲𑁆𑀲𑀪𑀕𑀯𑀢𑁄𑀧𑀸𑀤𑀯𑀡𑁆𑀤𑀦𑀁 𑀲𑀭𑀻𑀭 𑀗𑀳𑀦𑀁 𑀅𑀕𑁆𑀕𑀺𑀦𑀺𑀩𑁆𑀩𑀸𑀦𑀁 𑀆𑀴𑀸𑀳𑀦𑀲𑀓𑁆𑀓𑀸𑀭𑀁 𑀤𑁂𑀡𑁂𑀦 𑀩𑁆𑀭𑀸𑀳𑁆𑀫𑀡𑁂𑀦 𑀓𑀢𑀥𑀸𑀢𑀼 𑀯𑀺𑀪𑀸𑀕𑀜𑁆𑀘 𑀓𑀸𑀭𑁂𑀲𑀺.

𑀢𑀣𑀸 𑀅𑀤𑁆𑀥𑀘𑁆𑀙𑀝𑁆𑀞𑀸𑀦𑀺 𑀚𑀸𑀢𑀓𑀲𑀢𑀸𑀦𑀺 𑀓𑀸𑀭𑁂𑀲𑀺. 𑀯𑁂𑀲𑁆𑀲𑀦𑁆𑀢𑀭𑀚𑀸𑀢𑀓𑀁 𑀧𑀦 𑀓𑀸𑀭𑁂𑀦𑁆𑀢𑁄 𑀲𑀜𑁆𑀚𑀬 𑀫𑀳𑀸𑀭𑀸𑀚𑀁 𑀨𑀼𑀲𑀢𑀻𑀤𑁂𑀯𑀺𑀁 𑀫𑀤𑁆𑀤𑀺𑀤𑁂𑀯𑀺𑀁 𑀚𑀸𑀮𑀺𑀬 𑀓𑀼𑀫𑀸𑀭𑀁 𑀓𑀡𑁆𑀳𑀸𑀚𑀺𑀦𑀜𑁆𑀘 𑀓𑀸𑀭𑁂𑀲𑀺. 𑀢𑀢𑁄 𑀧𑀡𑁆𑀟𑀯 𑀳𑀢𑁆𑀣𑀺𑀤𑀸𑀦𑀁 𑀲𑀢𑁆𑀢 𑀲𑀢𑀓 𑀫𑀳𑀸𑀤𑀸𑀦𑀁 𑀦𑀕𑀭 𑀯𑀺𑀮𑁄𑀓𑀦𑀁 𑀲𑀺𑀦𑁆𑀥𑀯𑀤𑀸𑀦𑀁 𑀤𑁂𑀯𑀢𑀸𑀳𑀺 𑀭𑁄𑀳𑀺𑀢𑀣 𑀯𑀡𑁆𑀡𑁂𑀦 𑀭𑀣𑀲𑁆𑀲 𑀯𑀳𑀦𑀁 𑀭𑀣𑀤𑀸𑀦𑀁 𑀲𑀬𑀫𑁂𑀯𑁄𑀡𑀢 𑀤𑀼𑀫𑀢𑁄 𑀨𑀮𑀁 𑀕𑀳𑁂𑀢𑁆𑀯𑀸 𑀤𑀸𑀭𑀓𑀸𑀦𑀁 𑀫𑀥𑀼𑀫𑀁𑀲 𑀤𑀺𑀦𑁆𑀦 𑀦𑁂𑀲𑀸𑀤𑀲𑁆𑀲 𑀲𑀼𑀯𑀡𑁆𑀡 𑀲𑀽𑀘𑀺𑀤𑀸𑀦𑀁 𑀯𑀗𑁆𑀓𑀧𑀩𑁆𑀩𑀢𑀓𑀼𑀘𑁆𑀙𑀺𑀫𑁆𑀳𑀺 𑀧𑀩𑁆𑀩𑀚𑁆𑀚𑀸𑀯𑁂𑀲𑁂𑀦 𑀯𑀲𑀺𑀢𑀝𑁆𑀞𑀸𑀦𑀁 𑀧𑀽𑀚𑀓𑀲𑁆𑀲 𑀤𑀸𑀭𑀓𑀤𑀸𑀦𑀁 𑀲𑀓𑁆𑀓𑀩𑁆𑀭𑀸𑀳𑁆𑀫𑀡𑀲𑁆𑀲 𑀪𑀭𑀺𑀬𑀁𑀤𑀸𑀦𑀁 𑀧𑀽𑀚𑀓𑀲𑁆𑀲 𑀤𑁂𑀯𑀢𑀸𑀦𑀼𑀪𑀸𑀯𑁂𑀓 𑀤𑀸𑀭𑀓𑁂 𑀕𑀳𑁂𑀢𑁆𑀯𑀸 𑀕𑀦𑁆𑀢𑁆𑀯𑀸 𑀲𑀜𑁆𑀚𑀬 𑀦𑀭𑀺𑀡𑁆𑀤𑀲𑁆𑀲 𑀧𑀼𑀭𑀢𑁄 𑀕𑀢𑀝𑁆𑀞𑀸𑀦𑀁 𑀢𑀢𑁄 𑀯𑀗𑁆𑀓𑀧𑀩𑁆𑀩𑀢𑀓𑀼𑀘𑁆𑀙𑀺𑀬𑀁 𑀙𑀦𑁆𑀦𑀁 𑀔𑀢𑁆𑀢𑀺𑀬𑀸𑀦𑀁 𑀲𑀫𑀸𑀕𑀫𑀁 𑀯𑁂𑀲𑁆𑀲𑀦𑁆𑀢𑀭𑀲𑁆𑀲 𑀫𑀤𑁆𑀤𑀺𑀬𑀸 𑀘 𑀅𑀪𑀺𑀲𑁂𑀓𑀁 𑀧𑀢𑁆𑀢𑀝𑁆𑀞𑀸𑀦𑀁 𑀦𑀓𑀭𑀫𑁆𑀧𑀯𑀺𑀝𑁆𑀞𑁂 𑀲𑀢𑁆𑀢𑀭𑀢𑀦𑀯𑀲𑁆𑀲𑀁 𑀯𑀲𑁆𑀲𑀺𑀢𑀝𑁆𑀞𑀸𑀦𑀁 𑀢𑀢𑁄 𑀘𑀯𑀺𑀢𑁆𑀯𑀸 𑀢𑀼𑀲𑀺𑀢𑀧𑀼𑀭𑁂 𑀦𑀺𑀩𑁆𑀩𑀢𑁆𑀢𑀝𑁆𑀞𑀸𑀦𑀜𑁆𑀘 𑀲𑀩𑁆𑀩𑀁 𑀯𑀺𑀢𑁆𑀣𑀸𑀭𑁂𑀦 𑀓𑀸𑀭𑁂𑀲𑀺.

𑀢𑀢𑁄 𑀤𑀲 𑀲𑀳𑀲𑁆𑀲 𑀘𑀓𑁆𑀓𑀯𑀸𑀴𑀤𑁂𑀯𑀢𑀸𑀳𑀺 𑀩𑀼𑀤𑁆𑀥 𑀪𑀸𑀯𑀸𑀬 𑀆𑀬𑀸𑀘𑀺𑀢𑀝𑁆𑀞𑀸𑀦𑀁 𑀅𑀧𑀼𑀦𑀭𑀸𑀯𑀢𑁆𑀢𑀦𑀁 𑀫𑀸𑀢𑀼𑀓𑀼𑀘𑁆𑀙𑀺𑀑𑀓𑁆𑀓𑀫𑀦𑀁 𑀫𑀳𑀸𑀫𑀸𑀬𑀸𑀤𑁂𑀯𑀺𑀁 𑀲𑀼𑀤𑁆𑀥𑁄𑀤𑀦 𑀫𑀳𑀸𑀭𑀸𑀚𑀁 𑀮𑀼𑀫𑁆𑀩𑀺𑀦𑀻𑀯𑀦𑁂 𑀚𑀸𑀢𑀝𑁆𑀞𑀸𑀦𑀁 𑀅𑀦𑁆𑀢𑀮𑀺𑀓𑁆𑀔𑀢𑁄 𑀤𑁆𑀯𑀺𑀦𑁆𑀦𑀁 𑀉𑀤𑀓𑀥𑀸𑀭𑀸𑀦𑀁 𑀧𑀢𑀦𑀁 𑀉𑀢𑁆𑀢𑀭𑀸𑀪𑀺𑀫𑀼𑀔𑀁 𑀲𑀢𑁆𑀢𑀧𑀤𑀯𑀻𑀢𑀺𑀳𑀸𑀭 𑀕𑀫𑀦𑀁 𑀓𑀸𑀴𑀤𑁂𑀯𑀴𑀲𑁆𑀲 𑀚𑀝𑀸𑀫𑀢𑁆𑀣𑀓𑁂 𑀫𑀳𑀸𑀧𑀼𑀭𑀺𑀲𑀲𑁆𑀲 𑀧𑀸𑀤𑀧𑀢𑀺𑀝𑁆𑀞𑀸𑀦 𑀅𑀦𑀢𑀺𑀯𑀢𑁆𑀢𑀫𑀸𑀦𑀸𑀬 𑀚𑀫𑁆𑀩𑀼𑀘𑁆𑀙𑀸𑀬𑀸𑀬 𑀥𑀸𑀢𑀻𑀦𑀁 𑀧𑀫𑀸𑀤𑀁 𑀤𑀺𑀲𑁆𑀯𑀸 𑀲𑀺𑀭𑀺𑀲𑀬𑀦𑁂 𑀧𑀮𑁆𑀮𑀗𑁆𑀓𑁂 𑀦𑀺𑀲𑀻𑀤𑀺𑀢𑁆𑀯𑀸 𑀛𑀸𑀦𑀲𑀫𑀸𑀧𑀦𑁆𑀦𑀝𑁆𑀞𑀸𑀦𑀜𑁆𑀘 𑀓𑀸𑀭𑁂𑀲𑀺.

𑀢𑀢𑁄 𑀭𑀸𑀳𑀼𑀮 𑀫𑀸𑀢𑀭𑀁 𑀭𑀸𑀳𑀼𑀮 𑀪𑀤𑁆𑀤𑀓𑀜𑁆𑀘 𑀓𑀸𑀭𑁂𑀲𑀺 𑀢𑀢𑁄 𑀏𑀓𑀽𑀦 𑀢𑀺𑀁𑀲𑀯𑀲𑁆𑀲𑀓𑀸𑀮𑁂 𑀉𑀬𑁆𑀬𑀸𑀦𑁂 𑀓𑀻𑀴𑀢𑀢𑁆𑀣𑀸𑀬 𑀕𑀫𑀦 𑀲𑀫𑀬𑁂 𑀚𑀺𑀡𑁆𑀡 𑀯𑁆𑀬𑀸𑀥𑀺𑀢 𑀫𑀢 𑀲𑀗𑁆𑀔𑁆𑀬𑀸𑀢𑁂 𑀢𑀬𑁄 𑀤𑁂𑀯𑀤𑀽𑀢𑁂 𑀤𑀺𑀲𑁆𑀯𑀸 𑀦𑀺𑀯𑀢𑁆𑀢𑀦𑀝𑁆𑀞𑀸𑀦𑀁 𑀘𑀢𑀼𑀢𑁆𑀣𑀯𑀸𑀭𑁂 𑀧𑀩𑁆𑀩𑀚𑀺𑀢𑀭𑀽𑀧𑀁 𑀤𑀺𑀲𑁆𑀯𑀸 𑀲𑀸𑀥𑀼𑀧𑀩𑁆𑀩𑀚𑁆𑀚𑀸𑀢𑀺 𑀘𑀺𑀢𑁆𑀢𑀁 𑀉𑀧𑁆𑀧𑀸𑀤𑁂𑀢𑁆𑀯𑀸 𑀉𑀬𑁆𑀬𑀸𑀦𑀁 𑀕𑀦𑁆𑀢𑁆𑀯𑀸 𑀉𑀬𑁆𑀬𑀸𑀦𑀲𑀺𑀭𑀺𑀁 𑀅𑀦𑀼𑀪𑀯𑀺𑀢𑁆𑀯𑀸 𑀲𑀸𑀬𑀡𑁆𑀳 𑀲𑀫𑀬𑁂 𑀦𑀳𑀸𑀢𑁆𑀯𑀸 𑀫𑀗𑁆𑀕𑀮 𑀲𑀺𑀮𑀸𑀧𑀝𑁆𑀝𑁂 𑀦𑀺𑀲𑀺𑀦𑁆𑀦𑀫𑀢𑁆𑀢 𑀯𑀺𑀲𑁆𑀲𑀓𑀝𑁆𑀞𑀸𑀦𑀸 𑀅𑀮𑀗𑁆𑀓𑀭𑀡𑀝𑁆𑀞𑀸𑀡𑀁 𑀢𑀢𑁄 𑀫𑀚𑁆𑀛𑀺𑀫𑀭𑀢𑁆𑀢𑀺𑀬𑀁 𑀦𑀸𑀝𑀓𑀸𑀦𑀁 𑀯𑀺𑀧𑁆𑀧𑀓𑀸𑀭𑀁 𑀤𑀺𑀲𑁆𑀯𑀸 𑀓𑀡𑁆𑀣𑀓 𑀳𑀬 𑀯𑀭𑀫𑀸𑀭𑀼𑀬𑁆𑀳) 𑀫𑀳𑀸𑀪𑀺𑀦𑀺𑀓𑁆𑀔𑀫𑀡𑀁 𑀦𑀺𑀓𑁆𑀔𑀫𑀺𑀢𑀝𑁆𑀞𑀸𑀦𑀁 𑀤𑀲 𑀲𑀳𑀲𑁆𑀲) 𑀘𑀓𑁆𑀓𑀯𑀸𑀴 𑀤𑁂𑀯𑀢𑀸𑀳𑀺 𑀓𑀢 𑀧𑀽𑀚𑀸𑀯𑀺𑀥𑀺𑀁 𑀓𑀡𑁆𑀣𑀓𑀦𑀺𑀯𑀢𑁆𑀢𑀦 𑀘𑁂𑀢𑀺𑀬𑀝𑁆𑀞𑀸𑀦𑀁 ¶ 𑀅𑀦𑁄𑀫𑀸 𑀦𑀤𑀻𑀢𑀻𑀭𑁂 𑀧𑀩𑁆𑀩𑀚𑁆𑀚𑀁 𑀭𑀸𑀚𑀕𑀳𑀧𑁆𑀧𑀯𑁂𑀲𑀦𑀁 𑀧𑀡𑁆𑀟𑀯 𑀧𑀩𑁆𑀩𑀢𑀘𑁆𑀙 𑀬𑀸𑀬 𑀭𑀜𑁆𑀜𑁄 𑀩𑀺𑀫𑁆𑀩𑀺𑀲𑀸𑀭𑀫𑁆𑀫 𑀭𑀚𑁆𑀚𑀓𑀭𑀡𑀢𑁆𑀣𑀸𑀬 𑀆𑀬𑀸𑀘𑀦𑀁 𑀲𑀼𑀚𑀸𑀢𑀸𑀬 𑀤𑀺𑀦𑁆𑀦 𑀔𑀻𑀭𑀧𑀸𑀬𑀸𑀲 𑀧𑀝𑀺𑀕𑁆𑀕𑀳𑀡𑀁 𑀦𑁂𑀭𑀜𑁆𑀚𑀭𑀸𑀬 𑀦𑀤𑀺𑀬𑀸 𑀢𑀻𑀭𑁂 𑀧𑀸𑀬𑀸𑀲 𑀧𑀭𑀺𑀪𑁄𑀕𑀁 𑀦𑀤𑀺𑀬𑀸 𑀧𑀸𑀢𑀺𑀯𑀺𑀲𑁆𑀲𑀝𑁆𑀞𑀁 𑀧𑀸𑀝𑀺𑀳𑀸𑀭𑀺𑀬𑀁 𑀲𑀸𑀮𑀯𑀦𑁂 𑀤𑀺𑀯𑀸𑀯𑀺𑀳𑀸𑀭 𑀕𑀢𑀝𑁆𑀞𑀸𑀦𑀁 𑀲𑁄𑀢𑁆𑀣𑀺𑀬𑁂𑀦 𑀤𑀺𑀦𑁆𑀦 𑀓𑀼𑀲𑀢𑀺𑀡𑀧𑀝𑀺𑀕𑁆𑀕𑀳𑀡𑀁 𑀩𑁄𑀥𑀺𑀫𑀡𑁆𑀟𑀁 𑀆𑀭𑀼𑀬𑁆𑀳 𑀦𑀺𑀲𑀺𑀦𑁆𑀦𑀝𑁆𑀞𑀸𑀦𑀜𑁆𑀘 𑀲𑀩𑁆𑀩𑀁 𑀯𑀺𑀢𑁆𑀣𑀸𑀭𑁂𑀦 𑀓𑀸𑀭𑁂𑀲𑀺.

𑀢𑀢𑁄 𑀫𑀳𑀺𑀡𑁆𑀤𑀢𑁆𑀣𑁂𑀭 𑀧𑀫𑀼𑀔𑁂 𑀲𑀢𑁆𑀢 𑀲𑀳 𑀆𑀕𑀢𑁂 𑀘 𑀓𑀸𑀭𑀸𑀧𑁂𑀲𑀺. 𑀘𑀢𑀼𑀲𑀼 𑀤𑀺𑀲𑀸𑀲𑀼 𑀔𑀕𑁆𑀕𑀳𑀢𑁆𑀣𑁂 𑀘𑀢𑁆𑀢𑀸𑀭𑁄 𑀫𑀳𑀸𑀭𑀸𑀚𑀸𑀦𑁄 𑀓𑀸𑀭𑁂𑀲𑀺 𑀢𑀢𑁄 𑀤𑁆𑀯𑀢𑁆𑀢𑀺𑀁𑀲 𑀤𑁂𑀯𑀧𑀼𑀢𑁆𑀢𑁂 𑀢𑀢𑁄 𑀲𑀼𑀯𑀡𑁆𑀡 𑀤𑀡𑁆𑀟 𑀤𑀻𑀧𑀓𑀥𑀸𑀭𑀸 𑀤𑁆𑀯𑀢𑁆𑀢𑀺𑀁𑀲 𑀤𑁂𑀯𑀓𑀼𑀫𑀸𑀭𑀺𑀬𑁄 𑀢𑀢𑁄 𑀅𑀝𑁆𑀞𑀯𑀻𑀲𑀢𑀺 𑀬𑀓𑁆𑀔𑀲𑁂𑀦𑀸𑀧𑀢𑀺𑀦𑁄 𑀢𑀢𑁄 𑀅𑀜𑁆𑀚𑀮𑀺𑀁 𑀧𑀕𑁆𑀕𑀬𑁆𑀳 𑀞𑀺𑀢 𑀤𑁂𑀯𑀢𑀸𑀬𑁄 𑀢𑀢𑁄 𑀭𑀢𑀦𑀫𑀬 𑀧𑀼𑀧𑁆𑀧𑀓𑀮𑀸𑀧𑁂 𑀕𑀳𑁂𑀢𑁆𑀯𑀸 𑀞𑀺𑀢 𑀤𑁂𑀯𑀢𑀸𑀬𑁄 𑀢𑀢𑁄 𑀲𑀼𑀯𑀡𑁆𑀡𑀖𑀝𑁂 𑀕𑀳𑁂𑀢𑁆𑀯𑀸 𑀞𑀺𑀢𑀺 𑀤𑁂𑀯𑀢𑀸𑀬𑁄 𑀢𑀢𑁄 𑀦𑀘𑁆𑀘𑀦𑀓 𑀤𑁂𑀯𑀢𑀸𑀬𑁄 𑀢𑀢𑁄 𑀢𑀼𑀭𑀺𑀬𑀯𑀸𑀤𑀓 𑀤𑁂𑀯𑀢𑀸𑀬𑁄 𑀢𑀢𑁄 𑀧𑀘𑁆𑀘𑁂𑀓 𑀲𑀢𑀲𑀳𑀲𑁆𑀲𑀕𑁆𑀖𑀦𑀓𑁂 𑀤𑀲𑀳𑀢𑁆𑀣𑀧𑁆𑀧𑀫𑀸𑀡𑁂 𑀆𑀤𑀸𑀲𑁂 𑀕𑀳𑁂𑀢𑁆𑀯𑀸 𑀞𑀺𑀢 𑀤𑁂𑀯𑀢𑀸𑀬𑁄 𑀢𑀢𑁄 𑀢𑀣𑁂𑀯 𑀲𑀢𑀲𑀳𑀲𑁆𑀲𑀕𑁆𑀖𑀦𑀓 𑀧𑀼𑀧𑁆𑀨 𑀲𑀸𑀔𑀸𑀬𑁄 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀢𑀢𑁄 𑀘𑀡𑁆𑀤𑀫𑀡𑁆𑀟𑀮𑁂 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀲𑀽𑀭𑀺𑀬𑀫𑀡𑁆𑀟𑀮𑁂 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀢𑀢𑁄 𑀧𑀤𑀼𑀫𑀸𑀦𑀺 𑀕𑀳𑁂𑀢𑁆𑀯𑀸 𑀞𑀺𑀢 𑀤𑁂𑀯𑀢𑀸𑀬𑁄 𑀢𑀢𑁄 𑀙𑀢𑁆𑀢𑀸𑀦𑀺 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀢𑀢𑁄 𑀯𑀺𑀘𑀺𑀢𑁆𑀢𑀯𑁂𑀲𑀥𑀭𑁂 𑀫𑀮𑁆𑀮𑀤𑁂𑀯𑀧𑀼𑀢𑁆𑀢𑁂 𑀢𑀢𑁄 𑀤𑀼𑀲𑁆𑀲𑀧𑁄𑀞𑀦 𑀤𑁂𑀯𑀢𑀸𑀬𑁄 𑀢𑀢𑁄 𑀭𑀢𑀦𑀕𑁆𑀖𑀺𑀓𑁂 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀢𑀢𑁄 𑀥𑀫𑁆𑀫𑀘𑀓𑁆𑀓𑀸𑀓𑀺 𑀕𑀳𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀢𑀢𑁄 𑀔𑀕𑁆𑀕𑀥𑀭𑀸 𑀤𑁂𑀯𑀢𑀸𑀬𑁄 𑀢𑀢𑁄 𑀧𑀜𑁆𑀘𑀳𑀢𑁆𑀣𑀧𑁆𑀧𑀫𑀸𑀡 𑀕𑀡𑁆𑀥𑀺𑀢𑁂𑀮𑀧𑀽𑀭𑀺𑀢𑀸 𑀤𑀼𑀓𑀽𑀮𑀯𑀝𑁆𑀝𑀺𑀬𑀁 𑀧𑀚𑁆𑀚𑀮𑀺𑀢 𑀤𑀻𑀧𑀓𑀜𑁆𑀘𑀦𑀦 𑀧𑀸𑀢𑀺𑀬𑁄 𑀲𑀻𑀲𑁂𑀳𑀺 𑀥𑀸𑀭𑁂𑀢𑁆𑀯𑀸 𑀞𑀺𑀢𑀤𑁂𑀯𑀢𑀸𑀬𑁄 𑀘 𑀓𑀸𑀭𑀸𑀧𑁂𑀲𑀺.

𑀢𑀢𑁄 𑀘𑀢𑀼𑀲𑀼𑀓𑀡𑁆𑀡𑁂𑀲𑀼𑀨𑀴𑀺𑀓𑀫𑀬𑀅𑀕𑁆𑀖𑀺𑀬 𑀫𑀢𑁆𑀣𑀓𑁂 𑀘𑀢𑁆𑀢𑀸𑀭𑁄𑀫𑀳𑀸𑀫𑀡 𑀞𑀧𑀸𑀧𑁂𑀲𑀺 𑀘𑀢𑀼𑀲𑀼 𑀓𑀡𑁆𑀡𑁂𑀲𑀼 𑀲𑀼𑀯𑀡𑁆𑀡-𑀫𑀡𑀺-𑀫𑀼𑀢𑁆𑀢-𑀯𑀚𑀺𑀭𑀸𑀦𑀁 𑀘𑀢𑁆𑀢𑀸𑀭𑁄 𑀭𑀸𑀲𑀺𑀬𑁄 𑀓𑀸𑀭𑁂𑀲𑀺 𑀢𑀢𑁄 𑀫𑁂𑀖𑀯𑀡𑁆𑀡 𑀧𑀸𑀲𑀸𑀡𑀪𑀺𑀢𑁆𑀢𑀺𑀬𑀁 𑀯𑀺𑀚𑁆𑀚𑀼𑀮𑁆𑀮𑀢𑀸 𑀓𑀸𑀭𑁂𑀲𑀺 𑀢𑀢𑁄 𑀭𑀢𑀦 𑀮𑀢𑀸𑀬𑁄 𑀢𑀢𑁄 𑀘𑀸𑀴𑀯𑀺𑀚𑀢𑀺𑀬𑁄 𑀢𑀢𑁄 𑀦𑀺𑀮𑀼𑀧𑁆𑀧𑀮𑁂 𑀕𑀳𑁂𑀢𑁆𑀯𑀸 𑀞𑀺𑀢 𑀦𑀸𑀕𑀫𑀡𑀯𑀺𑀓𑀸𑀬𑁄 𑀓𑀸𑀭𑁂𑀲𑀺.

𑀭𑀸𑀚𑀸 𑀏𑀓𑁆𑀢𑀺𑀓𑀸𑀦𑀺 𑀭𑀽𑀧𑀓𑀸𑀦𑀺 𑀖𑀦𑀓𑁄𑀝𑁆𑀝𑀺𑀫 𑀲𑀼𑀯𑀡𑁆𑀡𑁂𑀳𑁂𑀯 𑀓𑀸𑀭𑁂𑀲𑀺. 𑀅𑀯𑀲𑁂𑀲𑀫𑁆𑀧𑀺 𑀧𑀽𑀚𑀸𑀯𑀺𑀥𑀺𑀁 𑀲𑀢𑁆𑀢𑀭𑀢𑀦𑁂𑀳𑁂𑀯 𑀓𑀸𑀭𑁂𑀲𑀻𑀢𑀺. 𑀏𑀢𑁆𑀣 𑀘 𑀯𑀼𑀢𑁆𑀢𑀧𑁆𑀧𑀓𑀸𑀭𑀫𑁆𑀧𑀦 𑀧𑀽𑀚𑀦𑀻𑀬𑀪𑀡𑁆𑀟𑀁 𑀅𑀦𑀦𑁆𑀢𑀫𑀧𑀭𑀺𑀫𑀸𑀡𑀁 𑀳𑁄𑀢𑀺 𑀢𑀣𑀸 𑀳𑀺 𑀅𑀫𑁆𑀩𑀧𑀸𑀲𑀸𑀦𑀯𑀸𑀲𑀻 𑀘𑀺𑀢𑁆𑀢𑀕𑀼𑀢𑁆𑀢𑀢𑁆𑀣𑁂𑀭𑁄𑀦𑀸𑀫 𑀳𑁂𑀝𑁆𑀞𑀸 𑀮𑁄𑀳𑀧𑀸𑀲𑀸𑀤𑁂 𑀲𑀦𑁆𑀦𑀺𑀧𑀢𑀺𑀢𑀸𑀦𑀁 𑀤𑁆𑀯𑀸𑀤𑀲𑀦𑁆𑀦𑀁 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀁 𑀥𑀫𑁆𑀫𑀁 𑀓𑀣𑁂𑀦𑁆𑀢𑁄 𑀭𑀣𑀯𑀺𑀦𑀻𑀢𑀲𑀼𑀢𑁆𑀢𑀁 𑀆𑀭𑀪𑀺𑀢𑁆𑀯𑀸 𑀫𑀳𑀸 𑀥𑀸𑀢𑀼𑀦𑀺𑀥𑀸𑀦𑀁 𑀯𑀡𑁆𑀡𑁂𑀦𑁆𑀢𑁄 𑀏𑀓𑀘𑁆𑀘𑁂 𑀦 𑀲𑀤𑁆𑀤𑀳𑀺𑀲𑁆𑀲𑀦𑁆𑀢𑀻𑀢𑀺 𑀫𑀜𑁆𑀜𑀫𑀸𑀦𑁄 𑀑𑀲𑀓𑁆𑀓𑀺𑀢𑁆𑀯𑀸 𑀓𑀣𑁂𑀲𑀺. 𑀢𑀲𑁆𑀫𑀺𑀁 𑀔𑀡𑁂 𑀓𑁄𑀝𑀧𑀩𑁆𑀩𑀢𑀯𑀸𑀲𑀻 𑀫𑀳𑀸𑀢𑀺𑀲𑁆𑀲𑀢𑁆𑀣𑁂𑀭𑁄 ¶ 𑀦𑀸𑀫 𑀔𑀻𑀡𑀸𑀲𑀯𑁄 𑀅𑀯𑀺𑀤𑀽𑀭𑁂 𑀦𑀺𑀲𑀻𑀤𑀺𑀢𑁆𑀯𑀸 𑀥𑀫𑁆𑀫𑀁 𑀲𑀼𑀡𑀦𑁆𑀢𑁄 𑀆𑀯𑀼𑀲𑁄 𑀥𑀫𑁆𑀫𑀓𑀣𑀺𑀓 𑀢𑀯 𑀓𑀣𑀸𑀢𑁄 𑀧𑀭𑀺𑀳𑀻𑀦𑀫𑁆𑀧𑀺 𑀅𑀢𑁆𑀣𑀺. 𑀅𑀧𑀘𑁆𑀘𑁄 𑀲𑀓𑀓𑀺𑀢𑁆𑀯𑀸 𑀯𑀺𑀢𑁆𑀣𑀸𑀭𑁂𑀦 𑀓𑀣𑁂𑀳𑀻𑀢𑀺 𑀆𑀳. 𑀅𑀣 𑀇𑀫𑀲𑁆𑀫𑀺𑀁𑀬𑁂𑀯 𑀤𑀻𑀧𑁂 𑀪𑀸𑀢𑀺𑀬 𑀫𑀳𑀸𑀭𑀸𑀚𑀸 𑀦𑀸𑀫 𑀲𑀤𑁆𑀤𑁄 𑀧𑀲𑀦𑁆𑀦𑁄 𑀅𑀳𑁄𑀲𑀺 𑀲𑁄 𑀲𑀸𑀬𑀁 𑀧𑀸𑀢𑀁 𑀫𑀳𑀘𑁂𑀢𑀺𑀬𑀁 𑀯𑀦𑁆𑀤𑀺𑀢𑁆𑀯𑀸𑀯 𑀪𑀼𑀜𑁆𑀚𑀢𑀺. 𑀏𑀓𑀤𑀺𑀯𑀲𑀁 𑀯𑀺𑀦𑀺𑀘𑁆𑀙𑀬𑁂 𑀦𑀺𑀲𑀻𑀤𑀺𑀢𑁆𑀯 𑀤𑀼𑀩𑁆𑀩𑀻𑀦𑀺𑀘𑁆𑀙𑀺𑀢𑀁 𑀅𑀝𑁆𑀝𑀁 𑀯𑀺𑀦𑀺𑀘𑁆𑀙𑀺𑀦𑀦𑁆𑀢𑁄 𑀅𑀢𑀺𑀲𑀸𑀬𑀁 𑀯𑀼𑀝𑁆𑀞𑀺𑀢𑁄 𑀣𑀽𑀧𑀯𑀡𑁆𑀤𑀦𑀁 𑀯𑀺𑀲𑁆𑀲𑀭𑀺𑀢𑁆𑀯𑀸 𑀪𑁄𑀚𑀦𑁂 𑀉𑀧𑀦𑀻𑀢𑁂 𑀳𑀢𑁆𑀣𑀁 𑀑𑀢𑀸𑀭𑁂𑀢𑁆𑀯𑀸 𑀫𑀦𑀼𑀲𑁆𑀲𑁂 𑀧𑀼𑀘𑁆𑀙𑀺𑀅𑀚𑁆𑀚 𑀫𑀬𑀸 𑀅𑀬𑁆𑀬𑀓𑁄 𑀯𑀦𑁆𑀤𑀺𑀢𑁄 𑀦 𑀯𑀦𑁆𑀤𑀺𑀢𑁄𑀢𑀺. 𑀧𑁄𑀭𑀸𑀡𑀓 𑀭𑀸𑀚𑀸𑀦𑁄 𑀳𑀺 𑀲𑀢𑁆𑀣𑀸𑀭𑀁 𑀅𑀬𑁆𑀬𑀓𑁄𑀢𑀺 𑀯𑀤𑀦𑁆𑀢𑀺. 𑀫𑀦𑀼𑀲𑁆𑀲𑀸 𑀦 𑀯𑀦𑁆𑀤𑀺𑀢𑁄 𑀤𑁂𑀯𑀸𑀢𑀺 𑀆𑀳𑀁𑀲𑀼.

𑀢𑀲𑁆𑀫𑀺𑀁 𑀔𑀡𑁂 𑀭𑀸𑀚𑀸 𑀳𑀢𑁆𑀣𑁂𑀦 𑀕𑀳𑀺𑀢 𑀪𑀢𑁆𑀢𑀧𑀺𑀡𑁆𑀟𑀁 𑀧𑀸𑀢𑀺𑀬𑀁 𑀧𑀸𑀢𑁂𑀢𑁆𑀯𑀸 𑀉𑀝𑁆𑀞𑀸𑀬 𑀤𑀓𑁆𑀔𑀺𑀡𑀤𑁆𑀯𑀸𑀭𑀁 𑀯𑀺𑀯𑀭𑀸𑀧𑁂𑀢𑁆𑀯𑀸 𑀆𑀕𑀦𑁆𑀢𑁆𑀯𑀸 𑀧𑀸𑀘𑀻𑀦 𑀤𑁆𑀯𑀸𑀭𑁂𑀦 𑀫𑀳𑀸𑀘𑁂𑀢𑀺𑀬𑀗𑁆𑀕𑀡𑀁 𑀆𑀭𑀼𑀬𑁆𑀳 𑀯𑀦𑁆𑀤𑀦𑁆𑀢𑁄 𑀅𑀦𑁆𑀢𑁄 𑀥𑀸𑀢𑀼𑀕𑀩𑁆𑀪𑁂 𑀔𑀻𑀡𑀸𑀲𑀯𑀸𑀦𑀁 𑀥𑀫𑁆𑀫𑀁 𑀑𑀲𑀸𑀭𑀡𑀲𑀤𑁆𑀤𑀁 𑀲𑀼𑀢𑁆𑀯𑀸 𑀤𑀓𑁆𑀔𑀺𑀡𑀤𑁆𑀯𑀸𑀭𑁂𑀢𑀺 𑀫𑀜𑁆𑀜𑀫𑀸𑀦𑁄 𑀢𑀢𑁆𑀣 𑀕𑀦𑁆𑀢𑁆𑀯𑀸 𑀅𑀤𑀺𑀲𑁆𑀯𑀸 𑀏𑀢𑁂𑀦𑁂𑀯 𑀦𑀬𑁂𑀦 𑀇𑀢𑀭𑀸𑀦𑀺𑀧𑀺 𑀤𑁆𑀯𑀸𑀭𑀸𑀦𑀺 𑀕𑀦𑁆𑀢𑁆𑀯𑀸 𑀢𑀢𑁆𑀣𑀸𑀧𑀺 𑀅𑀤𑀺𑀲𑁆𑀯𑀸 𑀅𑀬𑁆𑀬𑀸 𑀥𑀫𑁆𑀫𑀁 𑀑𑀲𑀸𑀭𑁂𑀦𑁆𑀢𑁄 𑀯𑀺𑀘𑀭𑀦𑁆𑀢𑀻𑀢𑀺 𑀫𑀜𑁆𑀜𑀫𑀸𑀦𑁄 𑀑𑀮𑁄𑀓𑀦𑀢𑁆𑀣𑀸𑀬 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀫𑀦𑀼𑀲𑁆𑀲𑁂 𑀞𑀧𑁂𑀢𑁆𑀯𑀸 𑀲𑀬𑀁 𑀧𑀼𑀦 𑀯𑀺𑀘𑀭𑀺𑀢𑁆𑀯𑀸 𑀅𑀧𑀲𑁆𑀲𑀦𑁆𑀢𑁄 𑀫𑀦𑀼𑀲𑁆𑀲𑁂 𑀧𑀼𑀘𑁆𑀙𑀺𑀢𑁆𑀯𑀸 𑀩𑀳𑀺𑀤𑁆𑀥𑀸 𑀦𑀢𑁆𑀣𑀺 𑀪𑀸𑀯𑀁 𑀜𑀢𑁆𑀯𑀸 𑀅𑀦𑁆𑀢𑁄 𑀥𑀸𑀢𑀼𑀕𑀩𑁆𑀪𑁂 𑀪𑀯𑀺𑀲𑁆𑀲𑀢𑀺𑀢𑀺 𑀲𑀦𑁆𑀦𑀺𑀝𑁆𑀞𑀸𑀦𑀁 𑀓𑀢𑁆𑀯𑀸 𑀧𑀸𑀘𑀻𑀦𑀤𑁆𑀯𑀸𑀭𑁂 𑀆𑀲𑀦𑁆𑀦𑀢𑀭𑁂 𑀫𑀳𑀸 𑀘𑁂𑀢𑀺𑀬𑀸𑀪𑀺𑀫𑀼𑀔𑁄 𑀳𑀢𑁆𑀣𑀧𑀸𑀤𑁂 𑀧𑀲𑀸𑀭𑁂𑀢𑁆𑀯𑀸 𑀚𑀻𑀯𑀺𑀢𑀼𑀁 𑀧𑀭𑀺𑀘𑁆𑀘𑀚𑀺𑀢𑁆𑀯𑀸 𑀤𑀴𑁆𑀳𑀲𑀫𑀸𑀤𑀸𑀦𑀁 𑀓𑀢𑁆𑀯𑀸 𑀦𑀺𑀧𑀚𑁆𑀚𑀺. 𑀲𑀘𑁂 𑀫𑀸 𑀅𑀬𑁆𑀬𑀸 𑀥𑀸𑀢𑀼𑀕𑀩𑁆𑀪𑀁 𑀦 𑀑𑀮𑁄𑀓𑀸𑀧𑁂𑀦𑁆𑀢𑀺-𑀲𑀢𑁆𑀢𑀸𑀳𑀁 𑀦𑀺𑀭𑀸𑀳𑀸𑀭𑁄 𑀳𑀼𑀢𑁆𑀯𑀸 𑀲𑀼𑀲𑁆𑀲𑀫𑀸𑀦𑁄 𑀪𑀽𑀲𑀫𑀼𑀝𑁆𑀞𑀺 𑀯𑀺𑀬 𑀯𑀺𑀧𑁆𑀧𑀓𑀺𑀭𑀺𑀬𑀫𑀸𑀦𑁄𑀧𑀺 𑀦 𑀉𑀝𑁆𑀞𑀳𑀺𑀲𑁆𑀲𑀸𑀫𑀻𑀢𑀺. 𑀢𑀲𑁆𑀲 𑀕𑀼𑀡𑀸𑀦𑀼𑀪𑀸𑀯𑁂𑀦 𑀲𑀓𑁆𑀓𑀲𑁆𑀲 𑀪𑀯𑀦𑀁 𑀉𑀡𑁆𑀳𑀸𑀓𑀸𑀭𑀁 𑀤𑀲𑁆𑀲𑁂𑀲𑀺.

𑀲𑀓𑁆𑀓𑁄 𑀆𑀯𑀚𑁆𑀚𑀦𑁆𑀢𑁄 𑀢𑀁 𑀓𑀸𑀭𑀡𑀁 𑀜𑀢𑁆𑀯𑀸 𑀅𑀕𑀦𑁆𑀢𑁆𑀯𑀸 𑀥𑀫𑁆𑀫𑀁 𑀑𑀲𑀸𑀭𑁂𑀦𑁆𑀢𑀸𑀦𑀁 𑀣𑁂𑀭𑀸𑀦𑀁 𑀏𑀯𑀫𑀸𑀳. 𑀅𑀬𑀁 𑀪𑀦𑁆𑀢𑁂 𑀭𑀸𑀚𑀸 𑀥𑀫𑁆𑀫𑀺𑀓𑁄 𑀩𑀼𑀤𑁆𑀥𑀲𑀸𑀲𑀦𑁂 𑀧𑀲𑀦𑁆𑀦𑁄 𑀇𑀫𑀲𑁆𑀫𑀺𑀁 𑀞𑀸𑀦𑁂 𑀲𑀚𑁆𑀛𑀸𑀬𑀦 𑀲𑀤𑁆𑀤𑀁 𑀲𑀼𑀢𑁆𑀯𑀸 𑀥𑀸𑀢𑀼𑀕𑀩𑁆𑀪𑀁 𑀅𑀧𑀲𑁆𑀲𑀺𑀢𑁆𑀯𑀸 𑀦 𑀉𑀝𑁆𑀞𑀳𑀺𑀲𑁆𑀲𑀸𑀫𑀻𑀢𑀺 𑀤𑀴𑁆𑀳𑀲𑀫𑀸𑀤𑀸𑀦𑀁 𑀓𑀢𑁆𑀯𑀸 𑀦𑀺𑀧𑀦𑁆𑀦𑁄 𑀲𑀘𑁂 𑀥𑀸𑀢𑀼𑀕𑀩𑁆𑀪𑀁 𑀦 𑀧𑀲𑁆𑀲𑀢𑀺 𑀢𑀢𑁆𑀣𑁂𑀯 𑀫𑀭𑀺𑀲𑁆𑀲𑀢𑀺. 𑀢𑀁 𑀧𑀯𑁂𑀲𑁂𑀢𑁆𑀯𑀸 𑀥𑀸𑀢𑀼 𑀕𑀩𑁆𑀪𑀁 𑀑𑀮𑁄𑀓𑀸𑀧𑁂𑀣𑀸𑀢𑀺. 𑀣𑁂𑀭𑀸𑀧𑀺 𑀢𑀲𑁆𑀲 𑀅𑀦𑀼𑀓𑀫𑁆𑀧𑀸𑀬 𑀥𑀸𑀢𑀼𑀕𑀩𑁆𑀪𑀁 𑀤𑀲𑁆𑀲𑁂𑀢𑀼𑀁 𑀏𑀓𑀁 𑀣𑁂𑀭𑀁 𑀆𑀡𑀸𑀧𑁂𑀲𑀼𑀁 𑀭𑀸𑀚𑀸𑀦𑀁 𑀆𑀦𑁂𑀢𑁆𑀯𑀸 𑀥𑀸𑀢𑀼𑀕𑀩𑁆𑀪𑀸 𑀑𑀮𑁄𑀓𑀸𑀧𑁂𑀢𑁆𑀯𑀸 𑀧𑁂𑀲𑁂𑀳𑀻𑀢𑀺. 𑀲𑁄 𑀭𑀜𑁆𑀜𑁄 𑀳𑀢𑁆𑀣𑁂 𑀕𑀳𑁂𑀢𑁆𑀯𑀸 𑀥𑀸𑀢𑀼𑀕𑀩𑁆𑀪𑀁 𑀧𑀯𑁂𑀲𑁂𑀢𑁆𑀯𑀸 𑀬𑀣𑀸𑀭𑀼𑀘𑀺𑀁 𑀯𑀦𑁆𑀤𑀸𑀧𑁂𑀢𑁆𑀯𑀸 𑀲𑀩𑁆𑀩𑀁 𑀲𑀮𑁆𑀮𑀓𑁆𑀔𑀺𑀢𑀓𑀸𑀮𑁂 𑀧𑁂𑀲𑁂𑀲𑀺 𑀭𑀸𑀚𑀸 𑀦𑀕𑀭𑀁 𑀕𑀦𑁆𑀢𑁆𑀯𑀸 𑀅𑀧𑀭𑁂𑀦 𑀲𑀫𑀬𑁂𑀦 𑀥𑀸𑀢𑀼𑀕𑀩𑁆𑀪𑁂 𑀅𑀢𑁆𑀢𑀦𑀸 𑀤𑀺𑀝𑁆𑀞𑀭𑀽𑀧𑀓𑁂𑀲𑀼 𑀏𑀓𑀤𑁂𑀲𑀸𑀦𑀺 𑀲𑀼𑀯𑀡𑁆𑀡𑀔𑀘𑀺𑀢𑀸𑀦𑀺 𑀓𑀸𑀭𑁂𑀢𑁆𑀯𑀸 𑀭𑀸𑀚𑀗𑁆𑀕𑀡𑁂 𑀫𑀳𑀦𑁆𑀢𑀁 𑀫𑀡𑁆𑀟𑀧𑀁 𑀓𑀸𑀭𑁂𑀢𑁆𑀯𑀸 𑀢𑀲𑁆𑀫𑀺𑀁 𑀫𑀡𑁆𑀟𑀧𑁂 ¶ 𑀢𑀸𑀦𑀺 𑀭𑀽𑀧𑀓𑀸𑀦𑀺 𑀲𑀁𑀯𑀺𑀤𑀳𑀸𑀧𑁂𑀢𑁆𑀯𑀸 𑀦𑀕𑀭𑁂 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀥𑀸𑀢𑀼𑀕𑀩𑁆𑀪𑁂 𑀫𑀬𑀸 𑀤𑀺𑀝𑁆𑀞𑀸𑀦𑀺 𑀲𑀼𑀯𑀡𑁆𑀡𑀭𑀽𑀧𑀓𑀸𑀦𑀺 𑀈𑀤𑀺𑀲𑀸𑀦𑀺 𑀆𑀳. 𑀢𑁂𑀲𑀁 𑀭𑀽𑀧𑀓𑀸𑀦𑀁 𑀦𑀺𑀬𑀸𑀫𑁂𑀦 𑀓𑀢𑀢𑁆𑀢𑀸 𑀦𑀺𑀬𑀸𑀫𑀓 𑀭𑀽𑀧𑀓𑀸𑀦𑀺 𑀦𑀸𑀫 𑀚𑀸𑀢𑀸𑀦𑀺.

𑀭𑀸𑀚𑀸 𑀲𑀁𑀯𑀘𑁆𑀙𑀭𑁂 𑀲𑀁𑀯𑀘𑁆𑀙𑀭𑁂 𑀢𑀸𑀦𑀺 𑀭𑀽𑀧𑀓𑀸𑀦𑀺 𑀦𑀻𑀳𑀭𑀸𑀧𑁂𑀢𑁆𑀯𑀸 𑀦𑀸𑀕𑀭𑀸𑀦𑀁 𑀤𑀲𑁆𑀲𑁂𑀲𑀺 𑀧𑀞𑀫𑀁 𑀤𑀲𑁆𑀲𑀺𑀢𑀓𑀸𑀮𑁂 𑀦𑀸𑀕𑀭𑀸 𑀧𑀲𑀻𑀤𑀺𑀢𑁆𑀯𑀸 𑀏𑀓𑁂𑀓 𑀓𑀼𑀮𑀢𑁄 𑀏𑀓𑁂𑀓𑀁 𑀤𑀸𑀭𑀓𑀁 𑀦𑀻𑀳𑀭𑀺𑀢𑁆𑀯𑀸 𑀧𑀩𑁆𑀩𑀸𑀚𑁂𑀲𑀼𑀁. 𑀧𑀼𑀦 𑀭𑀸𑀚𑀸 𑀅𑀬𑁆𑀬𑀸 𑀏𑀢𑀁 𑀧𑀓𑀸𑀭𑀁 𑀅𑀚𑀸𑀦𑀦𑀓𑀸 𑀩𑀳𑀽 𑀢𑁂𑀲𑀫𑁆𑀧𑀺 𑀆𑀭𑁄𑀘𑁂𑀲𑁆𑀲𑀸𑀫𑀻𑀢𑀺 𑀯𑀺𑀳𑀸𑀭𑀁 𑀕𑀦𑁆𑀢𑁆𑀯𑀸 𑀳𑁂𑀝𑁆𑀞𑀸 𑀮𑁄𑀳𑀧𑀸𑀲𑀸𑀤𑁂 𑀪𑀺𑀓𑁆𑀔𑀼𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀢𑁆𑀯𑀸 𑀲𑀬𑀁 𑀥𑀫𑁆𑀫𑀸𑀲𑀦𑀕𑀢𑁄 𑀢𑀺𑀬𑀸𑀫 𑀭𑀢𑁆𑀢𑀺𑀁 𑀥𑀸𑀢𑀼𑀕𑀩𑁆𑀪𑁂 𑀅𑀥𑀺𑀓𑀸𑀭𑀁 𑀓𑀣𑁂𑀢𑁆𑀯𑀸 𑀧𑀭𑀺𑀬𑁄𑀲𑀸𑀧𑁂𑀢𑀼𑀫𑀲𑀓𑁆𑀓𑀸𑀦𑁆𑀢𑁄𑀲𑁂𑀯 𑀉𑀝𑁆𑀞𑀸𑀲𑀺. 𑀢𑀢𑁆𑀣𑁂𑀓𑁄 𑀪𑀺𑀓𑁆𑀔𑀼 𑀭𑀸𑀚𑀸𑀦𑀁 𑀧𑀼𑀘𑁆𑀙𑀺-𑀫𑀳𑀸𑀭𑀸𑀚 𑀢𑁆𑀯𑀁 𑀧𑀸𑀢𑀭𑀸𑀲𑀪𑀢𑁆𑀢𑀁 𑀪𑀽𑀢𑁆𑀯𑀸 𑀆𑀕𑀢𑁄𑀲𑀺. 𑀢𑀺𑀬𑀸𑀫 𑀭𑀢𑁆𑀢𑀺𑀁 𑀯𑀡𑁆𑀡𑁂𑀦𑁆𑀢𑁄 𑀥𑀸𑀢𑀼𑀕𑀩𑁆𑀪𑁂 𑀧𑀽𑀚𑀸𑀯𑀺𑀥𑀺𑀫𑁆𑀧𑀺 𑀧𑀭𑀺𑀬𑁄𑀲𑀸𑀧𑁂𑀢𑀼𑀁 𑀦𑀸𑀲𑀓𑁆𑀔𑀺 𑀅𑀜𑁆𑀜𑀫𑁆𑀧𑀺 𑀩𑀳𑀼𑀁 𑀅𑀢𑁆𑀣𑀺𑀢𑀺.

𑀭𑀸𑀚𑀸 𑀓𑀺𑀁 𑀓𑀣𑁂𑀢 𑀪𑀦𑁆𑀢𑁂, 𑀢𑀼𑀫𑁆𑀳𑀸𑀓𑀁 𑀫𑀬𑀸 𑀓𑀣𑀺𑀢𑀁 𑀤𑀲𑀪𑀸𑀕𑁂𑀲𑀼 𑀏𑀓𑀪𑀸𑀕𑀫𑁆𑀧𑀺 𑀦𑀧𑁆𑀧𑀳𑁄𑀢𑀺. 𑀅𑀳𑀫𑁆𑀧𑀦 𑀫𑀬𑀸 𑀲𑀮𑁆𑀮𑀓𑁆𑀔𑀺𑀢 𑀫𑀢𑁆𑀢𑀫𑁂𑀯 𑀓𑀣𑁂𑀲𑀺𑀁. 𑀅𑀦𑀦𑁆𑀢𑀁 𑀪𑀦𑁆𑀢𑁂 𑀥𑀸𑀢𑀼𑀕𑀩𑁆𑀪𑁂 𑀧𑀽𑀚𑀸𑀯𑀺𑀥𑀸𑀦𑀦𑁆𑀢𑀺 𑀆𑀳 𑀏𑀯𑀁 𑀅𑀦𑀦𑁆𑀢𑀁 𑀧𑀽𑀚𑀦𑀻𑀬𑀪𑀡𑁆𑀟𑀁 𑀲𑀫𑀘𑀢𑀼𑀭𑀲𑁆𑀲𑁂 𑀏𑀓𑁂𑀓 𑀧𑀲𑁆𑀲𑀢𑁄 𑀅𑀲𑀻𑀢𑀺 𑀅𑀲𑀻𑀢𑀺 𑀳𑀢𑁆𑀣𑀧𑁆𑀧𑀫𑀸𑀡𑁂 𑀥𑀸𑀢𑀼𑀕𑀩𑁆𑀪𑁂 𑀦𑀺𑀭𑀦𑁆𑀢𑀭𑀁 𑀓𑀢𑁆𑀯𑀸 𑀧𑀼𑀭𑁂𑀢𑀼𑀫𑁆𑀧𑀺 𑀦 𑀲𑀼𑀓𑀭𑀁, 𑀧𑀕𑁂𑀯 𑀬𑀣𑀸𑀭𑀳𑀁 𑀲𑀁𑀯𑀺𑀥𑀸𑀢𑀼 𑀢𑀺𑀝𑁆𑀞𑀢𑀼 𑀢𑀸𑀯 𑀥𑀸𑀢𑀼𑀕𑀩𑁆𑀪𑁄 𑀬𑀸𑀯 𑀫𑀳𑀸𑀘𑁂𑀢𑀺𑀬𑁂 𑀯𑀸𑀮𑀼𑀓 𑀧𑀸𑀓𑀸𑀭 𑀧𑀭𑀺𑀘𑁆𑀙𑁂𑀤𑀸 𑀦𑀺𑀭𑀦𑁆𑀢𑀭𑀁 𑀧𑀼𑀭𑁂𑀢𑀼𑀫𑁆𑀧𑀺 𑀦 𑀲𑀓𑁆𑀓𑀸. 𑀢𑀲𑁆𑀫𑀸 𑀢𑀁 𑀲𑀩𑁆𑀩𑀁 𑀧𑀽𑀚𑀦𑀻𑀬𑀪𑀡𑁆𑀟𑀁 𑀢𑀢𑁆𑀣 𑀓𑀣𑀁 𑀕𑀡𑁆𑀳𑀻𑀢𑀺 𑀬𑀤𑁂𑀢𑁆𑀣 𑀯𑀢𑁆𑀢𑀩𑁆𑀩𑀁 𑀧𑁄𑀭𑀸𑀡𑁂𑀳𑀺 𑀯𑀼𑀢𑁆𑀢𑀫𑁂𑀯.

𑀦𑀺𑀕𑁆𑀭𑁄 𑀥𑀧𑀺𑀝𑁆𑀞𑀺 𑀢𑁂𑀧𑀺𑀝𑀓 𑀫𑀳𑀸𑀲𑀻𑀯𑀢𑁆𑀣𑁂𑀭𑁄 𑀓𑀺𑀭 𑀭𑀸𑀚𑀕𑁂𑀳𑁂 𑀦𑀺𑀲𑀺𑀤𑀺𑀢𑁆𑀯𑀸 𑀭𑀜𑁆𑀜𑁄 𑀤𑀲𑀩𑀮 𑀲𑀻𑀳𑀦𑀸𑀤𑀲𑀼𑀢𑀢𑀁 𑀓𑀣𑁂𑀦𑁆𑀢𑁄 𑀥𑀸𑀢𑀼𑀦𑀺𑀥𑀸𑀦𑀁 𑀯𑀡𑁆𑀡𑁂𑀢𑁆𑀯𑀸 𑀲𑀼𑀢𑁆𑀢𑀦𑁆𑀢𑀁 𑀯𑀺𑀦𑀺𑀯𑀝𑁆𑀝𑁂𑀲𑀺. 𑀭𑀸𑀚𑀸 𑀣𑁂𑀭𑀲𑁆𑀲 𑀏𑀯𑀫𑀸𑀳-𑀅𑀬𑀁 𑀪𑀦𑁆𑀢𑁂 𑀥𑀸𑀢𑀼𑀕𑀩𑁆𑀪𑀸 𑀲𑀫𑀘𑀢𑀼𑀭𑀲𑁆𑀲𑁄, 𑀏𑀓𑁂𑀓𑀧𑀲𑁆𑀲𑀢𑁄 𑀅𑀲𑀻𑀢𑀺 𑀅𑀲𑀻𑀢𑀺 𑀳𑀢𑁆𑀣𑀧𑁆𑀧𑀫𑀸𑀡𑁂 𑀏𑀢𑁆𑀢𑀓𑀸𑀦𑀺 𑀧𑀽𑀚𑀦𑀻𑀬 𑀪𑀡𑁆𑀟𑀸𑀦𑀺 𑀏𑀢𑁆𑀣 𑀝𑁆𑀞𑀺𑀢𑀸𑀦𑀻𑀢𑀺 𑀓𑁄 𑀲𑀤𑁆𑀤𑀳𑁂𑀲𑁆𑀲𑀢𑀺𑀢𑀺. 𑀣𑁂𑀭𑁄 𑀆𑀳. 𑀇𑀡𑁆𑀤𑀲𑀸𑀮𑀕𑀼𑀳𑀸𑀓𑀺𑀢𑁆𑀢𑀓𑀧𑁆𑀧𑀫𑀸𑀡𑀸𑀢𑀺 𑀢𑀬𑀸 𑀲𑀼𑀢𑀧𑀼𑀩𑁆𑀩𑀸𑀢𑀺. 𑀭𑀸𑀚𑀸 𑀔𑀼𑀤𑁆𑀤𑀓 𑀫𑀜𑁆𑀘𑀓𑀧𑁆𑀧𑀫𑀸𑀡𑀸 𑀪𑀦𑁆𑀢𑁂𑀢𑀺 𑀆𑀳. 𑀢𑀢𑁄 𑀣𑁂𑀭𑁄 𑀆𑀳, 𑀫𑀳𑀸𑀭𑀸𑀚 𑀅𑀫𑁆𑀳𑀸𑀓𑀁 𑀲𑀢𑁆𑀣𑀸𑀭𑀸 𑀲𑀓𑁆𑀓𑀲𑀲 𑀲𑀓𑁆𑀓 𑀧𑀜𑁆𑀳𑀲𑀼𑀢𑁆𑀢𑀦𑁆𑀢𑀁 𑀓𑀣𑀦𑀤𑀺𑀯𑀲𑁂 𑀕𑀼𑀳𑀸𑀬 𑀓𑀺𑀢𑁆𑀢𑀓𑀸 𑀧𑀭𑀺𑀲𑀸 𑀑𑀲𑀝𑀸𑀢𑀺 𑀲𑀼𑀢𑀧𑀼𑀩𑁆𑀩𑀸𑀢𑀺. 𑀭𑀸𑀚𑀸 𑀤𑁆𑀯𑀻𑀲𑀼 𑀪𑀦𑁆𑀢𑁂 𑀤𑁂𑀯𑀮𑁄𑀓𑁂𑀲𑀼 𑀤𑁂𑀯𑀢𑀸𑀢𑀺 𑀆𑀳. 𑀏𑀯𑀁 𑀲𑀦𑁆𑀢𑁂 𑀢𑀫𑁆𑀧𑀺 𑀅𑀲𑀤𑁆𑀤𑀳𑁂𑀬𑁆𑀬𑀁 𑀦𑀼 𑀫𑀳𑀸𑀭𑀸𑀚𑀸𑀢𑀺 𑀣𑁂𑀭𑁂𑀦 𑀯𑀼𑀢𑁆𑀢𑁂 𑀭𑀸𑀚𑀸 𑀢𑀁 𑀧𑀦 𑀤𑁂𑀯𑀸𑀦𑀁 𑀤𑁂𑀯𑀺𑀤𑁆𑀥𑀺𑀬𑀸 𑀅𑀳𑁄𑀲𑀺 𑀤𑁂𑀯𑀺𑀤𑁆𑀥𑀺 𑀦𑀸𑀫 𑀅𑀘𑀺𑀦𑁆𑀢𑁂𑀬𑁆𑀬𑀸 𑀪𑀦𑁆𑀢𑁂𑀢𑀺 𑀆𑀳.

𑀢𑀢𑁄 𑀣𑁂𑀭𑁄 𑀫𑀳𑀸𑀭𑀸𑀚 𑀢𑀁 𑀏𑀓𑀸𑀬𑀬𑁂𑀯 𑀤𑁂𑀯𑀺𑀤𑁆𑀥𑀺𑀬𑀸 𑀅𑀳𑁄𑀲𑀺. 𑀇𑀤𑀁 𑀧𑀦 𑀭𑀜𑁆𑀜𑁄 𑀭𑀸𑀚𑀺𑀤𑁆𑀥𑀺𑀬𑀸 𑀤𑁂𑀯𑀸𑀦𑀁 𑀤𑁂𑀯𑀺𑀤𑁆𑀥𑀺𑀬𑀸 𑀅𑀭𑀺𑀬𑀸𑀦𑀁 𑀅𑀭𑀺𑀬𑀺𑀤𑁆𑀥𑀺𑀬𑀸𑀢𑀺 𑀇𑀫𑀸𑀳𑀺 ¶ 𑀢𑀻𑀳𑀺 𑀇𑀤𑁆𑀥𑀻𑀳𑀺 𑀚𑀸𑀢𑀦𑁆𑀢𑀺 𑀅𑀯𑁄𑀘. 𑀭𑀸𑀚𑀸 𑀣𑁂𑀭𑀲𑁆𑀲 𑀯𑀘𑀦𑀁 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀣𑁂𑀭𑀁 𑀲𑁂𑀢𑀘𑁆𑀙𑀢𑁆𑀢𑁂𑀦 𑀧𑀽𑀚𑁂𑀢𑁆𑀯𑀸 𑀫𑀢𑁆𑀣𑀓𑁂 𑀙𑀢𑁆𑀢𑀁 𑀥𑀸𑀭𑁂𑀦𑁆𑀢𑁄 𑀫𑀳𑀸 𑀯𑀺𑀳𑀸𑀭𑀁 𑀆𑀦𑁂𑀢𑁆𑀯𑀸 𑀧𑀼𑀦 𑀫𑀳𑀸𑀘𑁂𑀢𑀺𑀬𑀲𑁆𑀲 𑀲𑀢𑁆𑀢𑀸𑀳𑀁 𑀙𑀢𑁆𑀢𑀁 𑀤𑀢𑁆𑀯𑀸 𑀚𑀸𑀢𑀺 𑀲𑀼𑀫𑀦𑀧𑀼𑀧𑁆𑀨 𑀧𑀽𑀚𑀁 𑀅𑀓𑀸𑀲𑀻𑀢𑀺. 𑀏𑀢𑀲𑁆𑀲𑀢𑁆𑀣𑀲𑁆𑀲 𑀲𑀸𑀥𑀦𑀢𑁆𑀣𑀫𑁂𑀯 𑀅𑀜𑁆𑀜𑀸𑀦𑀺𑀧𑀺 𑀩𑀳𑀽𑀦𑀺 𑀯𑀢𑁆𑀣𑀽𑀦𑀺 𑀤𑀲𑁆𑀲𑀺𑀢𑀸𑀦𑀺 𑀢𑀸𑀦𑀺 𑀓𑀺𑀦𑁆𑀢𑁂𑀳𑀻𑀢𑀺 𑀅𑀫𑁆𑀳𑁂 𑀉𑀧𑁂𑀓𑁆𑀔𑀺𑀢𑀸𑀦𑀺 𑀏𑀢𑁆𑀣 𑀘 𑀭𑀸𑀚𑀸 𑀫𑀳𑁂𑀲𑀓𑁆𑀔𑁄 𑀫𑀳𑀸𑀦𑀼𑀪𑀸𑀯𑁄 𑀧𑀽𑀭𑀺𑀢𑀧𑀸𑀭𑀫𑀺 𑀓𑀢𑀸𑀪𑀺𑀦𑀻𑀳𑀸𑀭𑁄𑀢𑀺 𑀢𑀲𑁆𑀲𑀯𑀲𑁂𑀦 𑀭𑀸𑀚𑀺𑀤𑁆𑀥𑀺𑀯𑁂𑀤𑀺𑀢𑀩𑁆𑀩𑀸 𑀲𑀓𑁆𑀓𑁂𑀦 𑀆𑀡𑀢𑁆𑀢𑁂𑀦 𑀯𑀺𑀲𑁆𑀲𑀓𑀫𑁆𑀫𑀼𑀦𑀸 𑀤𑁂𑀯𑀧𑀼𑀢𑁆𑀢𑁂𑀦 𑀆𑀤𑀺𑀢𑁄 𑀧𑀝𑁆𑀞𑀸𑀬 𑀆𑀯𑀺𑀲𑀺𑀢𑁆𑀯𑀸 𑀓𑀢𑀢𑁆𑀢𑀸 𑀢𑀲𑁆𑀲 𑀯𑀲𑁂𑀦 𑀤𑁂𑀯𑀺𑀤𑀥𑀺 𑀯𑁂𑀤𑀺𑀢𑀩𑁆𑀩𑀸, 𑀓𑀫𑁆𑀫𑀸𑀥𑀺𑀝𑁆𑀞𑀸𑀬𑀓 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑁄 𑀔𑀼𑀤𑁆𑀤𑀸𑀦𑀼𑀔𑀼𑀤𑁆𑀤𑀓𑀁 𑀓𑀫𑁆𑀫𑀁 𑀅𑀦𑀼𑀯𑀺𑀥𑀸𑀬𑀦𑁆𑀢𑁄 𑀓𑀸𑀭𑁂𑀲𑀺 𑀦 𑀓𑁂𑀯𑀮𑀁𑀣𑁂𑀭𑁄𑀬𑁂𑀯, 𑀲𑀩𑁆𑀩𑁂𑀧𑀺 𑀅𑀭𑀺𑀬𑀸 𑀅𑀢𑁆𑀢𑀦𑀸 𑀅𑀢𑁆𑀢𑀦𑀸 𑀓𑀢𑁆𑀢𑀩𑁆𑀩 𑀓𑀺𑀘𑁆𑀘𑁂𑀲𑀼 𑀉𑀲𑁆𑀲𑀼𑀓𑁆𑀓𑀫𑀸𑀧𑀦𑁆𑀦𑀸𑀬𑁂𑀯 𑀅𑀳𑁂𑀲𑀼𑀦𑁆𑀢𑀺 𑀇𑀫𑀸𑀳𑀺 𑀢𑀻𑀳𑀺 𑀇𑀤𑁆𑀥𑀻𑀳𑀺 𑀓𑀢𑀦𑁆𑀢𑀺 𑀯𑁂𑀤𑀺𑀢𑀩𑁆𑀩𑀁.

𑀯𑀼𑀢𑁆𑀢𑀜𑁆𑀳𑁂𑀢𑀁 𑀫𑀳𑀸𑀯𑀁𑀲𑁄.

𑀇𑀡𑁆𑀤𑀕𑀼𑀢𑁆𑀢 𑀫𑀳𑀸𑀣𑁂𑀭𑁄-𑀙𑀴𑀪𑀺𑀜𑁆𑀜𑁄 𑀫𑀳𑀸𑀫𑀢𑀺,

𑀓𑀫𑁆𑀫𑀸𑀥𑀺𑀝𑁆𑀞𑀸𑀬𑀓𑁄 𑀏𑀢𑁆𑀣-𑀲𑀩𑁆𑀩𑀁 𑀲𑀁𑀯𑀺𑀤𑀳𑀺 𑀇𑀫𑀁;

𑀲𑀩𑁆𑀩𑀁 𑀭𑀸𑀚𑀺𑀤𑁆𑀥𑀺𑀬𑀸 𑀏𑀢𑀁 𑀤𑁂𑀯𑀢𑀸𑀦𑀜𑁆𑀘 𑀇𑀤𑁆𑀥𑀺𑀬𑀸;

𑀇𑀤𑁆𑀥𑀺𑀬𑀸 𑀅𑀭𑀺𑀬𑀸𑀦𑀜𑁆𑀘-𑀅𑀲𑀫𑁆𑀩𑀸𑀥𑀸 𑀧𑀢𑀺𑀝𑁆𑀞𑀺𑀢’’𑀦𑁆𑀢𑀺;

𑀥𑀸𑀢𑀼𑀕𑀩𑁆𑀩 𑀭𑀽𑀧𑀯𑀡𑁆𑀡𑀦𑀸𑀓𑀣𑀸

𑁨𑁩. 𑀏𑀯𑀁 𑀭𑀸𑀚𑀸 𑀥𑀸𑀢𑀼𑀕𑀩𑁆𑀪𑁂 𑀓𑀢𑁆𑀢𑀩𑁆𑀩 𑀓𑀫𑁆𑀫𑀁 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀘𑀸𑀢𑀼𑀤𑁆𑀤𑀲𑀺 𑀤𑀺𑀯𑀲𑁂 𑀯𑀺𑀳𑀸𑀭𑀁 𑀕𑀦𑁆𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀲𑀦𑁆𑀦𑀺𑀧𑀸𑀢𑁂𑀲𑀺, 𑀲𑀦𑁆𑀦𑀺𑀧𑀢𑁆𑀢𑀺 𑀪𑀺𑀓𑁆𑀔𑀽 𑀢𑀺𑀁𑀲 𑀲𑀳𑀲𑁆𑀲𑀸𑀦𑀺 𑀅𑀳𑁂𑀲𑀼𑀁 𑀭𑀸𑀚𑀸 𑀪𑀺𑀓𑁆𑀔𑀼𑀲𑀗𑁆𑀖𑀁 𑀯𑀦𑁆𑀤𑀺𑀢𑁆𑀯𑀸 𑀏𑀯𑀫𑀸𑀳. 𑀥𑀸𑀢𑀼𑀕𑀩𑁆𑀪𑁂 𑀫𑀬𑀸 𑀓𑀢𑁆𑀢𑀩𑁆𑀩𑀓𑀫𑁆𑀫𑀁 𑀦𑀺𑀝𑁆𑀞𑀸𑀧𑀺𑀢𑀁, 𑀲𑁆𑀯𑁂 𑀆𑀲𑀸𑀴𑀪𑀺𑀫𑀼𑀧𑁄𑀲𑀣 𑀤𑀺𑀯𑀲𑁂 𑀉𑀢𑁆𑀢𑀭𑀲𑀸𑀴𑁆𑀳 𑀦𑀓𑁆𑀔𑀢𑁆𑀢𑁂𑀦 𑀥𑀸𑀢𑀼𑀦𑀺𑀥𑀸𑀦𑀁 𑀪𑀯𑀺𑀲𑁆𑀲𑀢𑀺 𑀥𑀸𑀢𑀼𑀬𑁄 𑀚𑀦𑀸𑀣 𑀪𑀦𑁆𑀢𑁂𑀢𑀺 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀪𑀸𑀭𑀁 𑀓𑀢𑁆𑀯𑀸 𑀦𑀕𑀭𑀫𑁂𑀯𑀸𑀕𑀜𑁆𑀚𑀺.

𑀅𑀣 𑀪𑀺𑀓𑁆𑀔𑀼𑀲𑀗𑁆𑀖𑁄 𑀥𑀸𑀢𑀼 𑀆𑀳𑀭𑀡𑀓𑀁 𑀪𑀺𑀓𑁆𑀔𑀼𑀁 𑀕𑀯𑁂𑀲𑀦𑁆𑀢𑁄 𑀧𑀽𑀚𑀸 𑀧𑀭𑀺𑀯𑁂𑀡 𑀯𑀸𑀲𑀺𑀓𑀁 𑀲𑁄𑀴𑀲 𑀯𑀲𑁆𑀲𑀼𑀤𑁆𑀤𑁂𑀲𑀺𑀓𑀁 𑀙𑀴𑀪𑀺𑀜𑁆𑀜𑀁 𑀲𑁄𑀡𑀼𑀢𑁆𑀢𑀭𑀁 𑀦𑀸𑀫 𑀲𑀸𑀫𑀡𑁂𑀭𑀁 𑀤𑀺𑀲𑁆𑀯𑀸 𑀢𑀁 𑀧𑀓𑁆𑀓𑁄𑀲𑀸𑀧𑁂𑀢𑁆𑀯𑀸 𑀆𑀯𑀼𑀲𑁄 𑀲𑁄𑀡𑀼𑀢𑁆𑀢𑀭 𑀭𑀸𑀚𑀸 𑀥𑀸𑀢𑀼𑀕𑀩𑁆𑀪𑀁 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀥𑀸𑀢𑀼 𑀆𑀪𑀭𑀡𑀁 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀪𑀸𑀭𑀫𑀓𑀸𑀲𑀺. 𑀢𑀲𑁆𑀫𑀸 𑀢𑀬𑀸 𑀥𑀸𑀢𑀼𑀬𑁄 𑀆𑀳𑀭𑀺𑀢𑀩𑁆𑀩𑀸𑀢𑀺 𑀆𑀳𑀭𑀸𑀫𑀺 𑀪𑀦𑁆𑀢𑁂 𑀥𑀸𑀢𑀼𑀬𑁄 𑀓𑀼𑀢𑁄 𑀮𑀘𑁆𑀙𑀸𑀫𑀻𑀢𑀺 𑀧𑀼𑀘𑁆𑀙𑀺 𑀢𑀲𑁆𑀲 𑀪𑀺𑀓𑁆𑀔𑀼𑀲𑀗𑁆𑀖𑁄 𑀏𑀯𑀫𑀸𑀳. 𑀆𑀯𑀼𑀲𑁄 𑀲𑁄𑀡𑀼𑀢𑁆𑀢𑀭 𑀢𑀢𑀸𑀕𑀢𑁄 𑀫𑀭𑀡𑀫𑀜𑁆𑀘𑁂 𑀦𑀺𑀧𑀦𑁆𑀦𑁄 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀆𑀫𑀦𑁆𑀢𑁂𑀢𑁆𑀯𑀸 𑀫𑀬𑁆𑀳𑀁 𑀅𑀝𑁆𑀞𑀤𑁄𑀡𑀧𑁆𑀧𑀫𑀸𑀡𑁂𑀲𑀼 𑀲𑀸𑀭𑀻𑀭𑀺𑀓 𑀥𑀸𑀢𑀼𑀲𑀼 𑀏𑀓𑀁 𑀤𑁄𑀡𑀁 𑀓𑁄𑀴𑀺𑀬𑀭𑀸𑀚𑀼𑀳𑀺 𑀲𑀓𑁆𑀓𑀢𑀁, 𑀅𑀦𑀸𑀕𑀢𑁂 𑀢𑀫𑁆𑀩𑀧𑀡𑁆𑀡𑀺 𑀤𑀻𑀧𑁂 𑀫𑀳𑀸𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀳𑀺𑀲𑁆𑀲𑀢𑀻𑀢𑀺 𑀆𑀳.

𑀅𑀣 ¶ 𑀪𑀕𑀯𑀢𑀺 𑀧𑀭𑀺𑀦𑀺𑀩𑁆𑀩𑀼𑀢𑁂 𑀤𑁄𑀡 𑀩𑁆𑀭𑀸𑀳𑁆𑀫𑀡𑁄 𑀥𑀸𑀢𑀼𑀬𑁄 𑀅𑀝𑁆𑀞 𑀓𑁄𑀝𑁆𑀞𑀸𑀲𑁂 𑀓𑀢𑁆𑀯𑀸 𑀅𑀝𑁆𑀞𑀦𑁆𑀦𑀁 𑀦𑀕𑀭𑀯𑀸𑀲𑀻𑀦𑀁 𑀅𑀤𑀸𑀲𑀺 𑀢𑁂 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀦𑀕𑀭𑁂 𑀘𑁂𑀢𑀺𑀬𑀁 𑀓𑀸𑀭𑁂𑀢𑁆𑀯𑀸 𑀧𑀭𑀺𑀳𑀭𑀺𑀁𑀲𑀼 𑀢𑁂𑀲𑀼 𑀭𑀸𑀫𑀕𑀸𑀫𑁂 𑀓𑁄𑀴𑀺𑀬𑁂𑀳𑀺 𑀓𑀢𑀘𑁂𑀢𑀺𑀬𑁂 𑀫𑀳𑁄𑀖𑁂𑀦 𑀪𑀺𑀦𑁆𑀦𑁂 𑀥𑀸𑀢𑀼𑀓𑀭𑀡𑁆𑀟𑀓𑁄 𑀲𑀫𑀼𑀤𑁆𑀤𑀁 𑀧𑀯𑀺𑀲𑀺𑀢𑁆𑀯𑀸 𑀭𑀢𑀦𑀯𑀸𑀮𑀼𑀓𑀸 𑀧𑀺𑀝𑁆𑀞𑁂 𑀙𑀩𑁆𑀩𑀡𑁆𑀡𑀭𑀁𑀲𑀺 𑀲𑀫𑀸𑀓𑀺𑀡𑁆𑀡𑁄 𑀅𑀝𑁆𑀞𑀸𑀲𑀺.

𑀦𑀸𑀕𑀸 𑀤𑀺𑀲𑁆𑀯𑀸 𑀫𑀜𑁆𑀚𑁂𑀭𑀺𑀓 𑀦𑀸𑀕 𑀪𑀯𑀦𑀁 𑀕𑀦𑁆𑀢𑁆𑀯𑀸 𑀫𑀳𑀸𑀓𑀸𑀴 𑀦𑀸𑀕 𑀭𑀜𑁆𑀜𑁄 𑀆𑀭𑁄𑀘𑁂𑀲𑀼𑀁 𑀲𑁄 𑀤𑀲𑀓𑁄𑀝𑀺 𑀦𑀸𑀕 𑀲𑀳𑀲𑁆𑀲 𑀧𑀭𑀺𑀯𑀼𑀢𑁄 𑀆𑀕𑀦𑁆𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀲𑀼𑀯𑀡𑁆𑀡-𑀧𑀯𑀸𑀴-𑀫𑀺𑀡𑀺-𑀭𑀚𑀢𑀥𑀚𑁂 𑀉𑀲𑁆𑀲𑀸𑀧𑁂𑀢𑁆𑀯𑀸 𑀧𑀜𑁆𑀘𑀗𑁆𑀕𑀺𑀓 𑀢𑀼𑀭𑀺𑀬 𑀧𑀕𑁆𑀕𑀳𑀻𑀢 𑀦𑀸𑀦𑀸𑀯𑀺𑀥 𑀦𑀸𑀕 𑀦𑀸𑀝𑀓𑀸𑀦𑀁 𑀫𑀚𑁆𑀛𑀳𑀢𑁄 𑀥𑀸𑀓𑀼𑀓𑀭𑀡𑁆𑀟𑀁 𑀫𑀡𑀺𑀘𑀗𑁆𑀕𑁄𑀝𑀓𑁂 𑀞𑀧𑁂𑀢𑁆𑀯𑀸 𑀲𑀻𑀲𑁂𑀦𑀸𑀤𑀸𑀬 𑀫𑀳𑀸𑀲𑀓𑁆𑀓𑀸𑀭 𑀲𑀫𑁆𑀫𑀸𑀦𑀁 𑀓𑀭𑁄𑀦𑁆𑀢𑁄 𑀦𑀸𑀕𑀪𑀯𑀦𑀁 𑀦𑁂𑀢𑁆𑀯𑀸 𑀙𑀦𑁆𑀦𑀯𑀼𑀢𑀺 𑀓𑁄𑀝𑀺𑀥𑀦𑁂 𑀧𑀽𑀚𑁂𑀢𑁆𑀯𑀸 𑀲𑀩𑁆𑀩𑀭𑀢𑀦𑁂𑀳𑀺 𑀘𑁂𑀢𑀺𑀬𑀜𑁆𑀘 𑀘𑁂𑀢𑀺𑀬𑀖𑀭𑀜𑁆𑀘 𑀫𑀸𑀧𑁂𑀢𑁆𑀯𑀸 𑀥𑀸𑀢𑀼𑀬𑁄 𑀧𑀭𑀺𑀳𑀭𑀢𑀺. 𑀫𑀳𑀸𑀓𑀲𑁆𑀲𑀧𑀢𑁆𑀣𑁂𑀭𑁄 𑀅𑀚𑀸𑀢𑀲𑀢𑁆𑀢𑀼𑀦𑁄 𑀥𑀸𑀢𑀼𑀦𑀺𑀥𑀸𑀦𑀁 𑀓𑀭𑁄𑀦𑁆𑀢𑁄 𑀭𑀸𑀫𑀕𑀸𑀫𑁂 𑀥𑀸𑀢𑀼𑀬𑁄 𑀞𑀧𑁂𑀢𑁆𑀯𑀸 𑀲𑁂𑀲 𑀥𑀸𑀢𑀼𑀬𑁄 𑀆𑀳𑀭𑀺𑀢𑁆𑀯𑀸 𑀅𑀤𑀸𑀲𑀺 𑀭𑀸𑀚𑀸 𑀭𑀸𑀫𑀕𑀸𑀫𑁂 𑀥𑀸𑀢𑀼𑀬𑁄 𑀓𑀲𑁆𑀫𑀸 𑀦𑀸𑀳𑀝𑀸𑀢𑀺 𑀧𑀼𑀘𑁆𑀙𑀺.

𑀣𑁂𑀭𑁄 𑀫𑀳𑀸𑀭𑀸𑀚 𑀢𑀸𑀲𑀁 𑀅𑀦𑁆𑀢𑀭𑀸𑀬𑁄 𑀦𑀢𑁆𑀣𑀺 𑀅𑀦𑀸𑀕𑀢𑁂 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀫𑀳𑀸𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀳𑀺𑀲𑁆𑀲𑀦𑁆𑀢𑀻𑀢𑀺 𑀆𑀳. 𑀅𑀲𑁄𑀓𑁄 𑀥𑀫𑁆𑀫𑀭𑀸𑀚𑀸𑀧𑀺 𑀥𑀸𑀢𑀼𑀦𑀺𑀥𑀸𑀦𑀁 𑀉𑀕𑁆𑀖𑀸𑀝𑁂𑀢𑁆𑀯𑀸 𑀑𑀮𑁄𑀓𑁂𑀦𑁆𑀢𑁄 𑀅𑀝𑁆𑀞𑀫𑀁 𑀥𑀸𑀢𑀼𑀤𑁄𑀡𑀁 𑀅𑀤𑀺𑀲𑁆𑀯𑀸 𑀅𑀧𑀭𑀁 𑀥𑀸𑀢𑀼𑀁 𑀤𑁄𑀡𑀁 𑀓𑀢𑁆𑀣 𑀪𑀦𑁆𑀢𑁂𑀢𑀺 𑀧𑀼𑀘𑁆𑀙𑀺 𑀫𑀳𑀸𑀭𑀸𑀚 𑀢𑀁 𑀓𑁄𑀴𑀺𑀬𑁂𑀳𑀺 𑀕𑀗𑁆𑀕𑀸𑀢𑀻𑀭𑁂 𑀓𑀢 𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀺𑀢𑀁, 𑀫𑀳𑁄𑀖𑁂𑀦 𑀘𑁂𑀢𑀺𑀬𑁂 𑀪𑀺𑀦𑁆𑀦𑁂 𑀫𑀳𑀸𑀲𑀫𑀼𑀤𑁆𑀤𑀁 𑀧𑀸𑀯𑀺𑀲𑀺.

𑀢𑀁 𑀦𑀸𑀕𑀸 𑀤𑀺𑀲𑁆𑀯𑀸 𑀅𑀢𑁆𑀢𑀦𑁄 𑀦𑀸𑀕𑀪𑀯𑀦𑀁 𑀦𑁂𑀢𑁆𑀯𑀸 𑀧𑀭𑀺𑀳𑀭𑀦𑁆𑀢𑀻𑀢𑀺 𑀔𑀻𑀡𑀸𑀲𑀯𑀸 𑀆𑀳𑀁𑀲𑀼 𑀭𑀸𑀚𑀸 𑀦𑀸𑀕𑀪𑀯𑀦𑀁 𑀦𑀸𑀫 𑀫𑀫 𑀆𑀡𑀸𑀧𑀯𑀢𑁆𑀢𑀦𑀝𑁆𑀞𑀸𑀦𑀁, 𑀢𑀫𑁆𑀧𑀺 𑀆𑀳𑀭𑀸𑀫𑀺 𑀪𑀦𑁆𑀢𑁂𑀢𑀺 𑀆𑀳. 𑀫𑀳𑀸𑀭𑀸𑀚 𑀢𑀸 𑀥𑀸𑀢𑀼𑀬𑁄 𑀅𑀦𑀸𑀕𑀢𑁂 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀫𑀳𑀸𑀘𑁂𑀢𑀺𑀬𑁂 𑀧𑀢𑀺𑀝𑁆𑀞𑀳𑀺𑀲𑁆𑀲𑀦𑁆𑀢𑀺𑀢𑀺 𑀦𑀺𑀯𑀸𑀭𑁂𑀲𑀼𑀁. 𑀢𑀲𑁆𑀫𑀸 𑀢𑁆𑀯𑀁 𑀫𑀜𑁆𑀙𑁂𑀭𑀺𑀓 𑀦𑀸𑀕 𑀪𑀯𑀦𑀁 𑀕𑀦𑁆𑀢𑁆𑀯𑀸 𑀢𑀁 𑀧𑀯𑀢𑁆𑀢𑀺𑀁 𑀦𑀸𑀕 𑀭𑀜𑁆𑀜𑁄 𑀦𑀺𑀯𑁂𑀤𑁂𑀢𑁆𑀯𑀸 𑀥𑀸𑀢𑀼𑀬𑁄 𑀆𑀳𑀭, 𑀲𑁆𑀯𑁂 𑀥𑀸𑀢𑀼 𑀦𑀺𑀥𑀸𑀦𑀁 𑀪𑀯𑀺𑀲𑁆𑀲𑀢𑀻𑀢𑀺. 𑀲𑁄𑀡𑀼𑀢𑁆𑀢𑀭𑁄 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀅𑀢𑁆𑀢𑀦𑁄 𑀧𑀭𑀺𑀯𑁂𑀡𑀁 𑀅𑀕𑀫𑀸𑀲𑀺.

𑀭𑀸𑀚𑀸𑀧𑀺 𑀦𑀕𑀭𑀁 𑀅𑀦𑁆𑀢𑁆𑀯𑀸 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀲𑀺- 𑀲𑁆𑀯𑁂 𑀥𑀸𑀢𑀼𑀦𑀺𑀥𑀸𑀦𑀁 𑀪𑀯𑀺𑀲𑁆𑀲𑀢𑀺 𑀦𑀸𑀕𑀭𑀸 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀯𑀺𑀪𑀯𑀸𑀦𑀼𑀭𑀽𑀧𑁂𑀦 𑀅𑀮𑀗𑁆𑀓𑀭𑀺𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀦𑀺 𑀕𑀳𑁂𑀢𑁆𑀯𑀸 𑀫𑀳𑀸𑀘𑁂𑀢𑀺𑀬𑀗𑁆𑀕𑀡𑀁 𑀑𑀢𑀭𑀦𑁆𑀢𑀼𑀢𑀺. 𑀲𑀓𑁆𑀓𑁄𑀧𑀺 𑀯𑀺𑀲𑁆𑀲𑀓𑀫𑁆𑀫𑀁 𑀆𑀡𑀸𑀧𑁂𑀲𑀺-𑀲𑁆𑀯𑁂 𑀫𑀳𑀸𑀘𑁂𑀢𑀺𑀬𑁂 𑀥𑀸𑀢𑀼𑀦𑀺𑀥𑀸𑀦𑀁 𑀪𑀯𑀺𑀲𑁆𑀲𑀢𑀺. 𑀲𑀓𑀮 𑀢𑀫𑁆𑀧𑀧𑀡𑁆𑀡𑀺𑀤𑀻𑀧𑀁 𑀅𑀮𑀗𑁆𑀓𑀭𑁄𑀳𑀻𑀢𑀺. 𑀲𑁄 𑀧𑀼𑀦𑀤𑀺𑀯𑀲𑁂 𑀏𑀓𑀽𑀦𑀬𑁄𑀚𑀦𑀲𑀢𑀺𑀓𑀁 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀁 𑀓𑀲𑀻𑀡𑀫𑀡𑁆𑀟𑀮𑀁 𑀯𑀺𑀬 𑀲𑀫𑀁 𑀓𑀢𑁆𑀯𑀸 𑀭𑀚𑀢𑀧𑀝𑁆𑀝𑀲𑀤𑀺𑀲𑀁 𑀯𑀸𑀮𑀼𑀓𑀸𑀓𑀺𑀡𑁆𑀡𑀁𑀧𑀜𑁆𑀘𑀯𑀡𑁆𑀡𑀧𑀼𑀧𑁆𑀨𑀲𑀫𑀸𑀓𑀽𑀮𑀁 𑀓𑀢𑁆𑀯𑀸 ¶ 𑀲𑀫𑀦𑁆𑀢𑀢𑁄 𑀧𑀼𑀡𑁆𑀡𑀖𑀝𑀧𑀦𑁆𑀢𑀺𑀬𑁄 𑀞𑀧𑀸𑀧𑁂𑀢𑁆𑀯𑀸 𑀲𑀸𑀡𑀻𑀳𑀺 𑀧𑀭𑀺𑀓𑁆𑀔𑀺𑀧𑀺𑀢𑁆𑀯𑀸 𑀉𑀧𑀭𑀺 𑀘𑁂𑀮𑀯𑀺𑀢𑀸𑀦𑀁 𑀩𑀡𑁆𑀥𑀺𑀢𑁆𑀯𑀸 𑀧𑀣𑀯𑀺𑀢𑀮𑁂 𑀣𑀮𑀧𑀤𑀼𑀫𑀸𑀦𑀺 𑀆𑀓𑀸𑀲𑁂 𑀑𑀮𑀫𑁆𑀩𑀓 𑀧𑀤𑀼𑀫𑀸𑀦𑀺 𑀤𑀲𑁆𑀲𑁂𑀢𑁆𑀯𑀸 𑀅𑀮𑀗𑁆𑀓𑀢 𑀤𑁂𑀯𑀲𑀪𑀁 𑀯𑀺𑀬 𑀲𑀚𑁆𑀚𑁂𑀲𑀺. 𑀫𑀳𑀸𑀲𑀫𑀼𑀤𑁆𑀤𑀜𑁆𑀘 𑀲𑀦𑁆𑀦𑀺𑀲𑀺𑀦𑁆𑀦𑀁 𑀧𑀜𑁆𑀘𑀯𑀺𑀥 𑀧𑀤𑀼𑀫𑀲𑀜𑁆𑀘𑀦𑁆𑀦𑀁 𑀅𑀓𑀸𑀲𑀺.

𑀥𑀸𑀢𑀼 𑀆𑀦𑀼𑀪𑀸𑀯𑁂𑀦 𑀲𑀓𑀮 𑀘𑀓𑁆𑀓𑀯𑀸𑀴𑀁 𑀕𑀩𑁆𑀪𑁄𑀓𑁆𑀓𑀫𑀦𑀸𑀪𑀺𑀲𑀫𑁆𑀩𑁄𑀥𑀺𑀓𑀸𑀮𑀸𑀤𑀺𑀲𑀼 𑀯𑀺𑀬 𑀲𑀚𑁆𑀚𑀺𑀢𑀁 𑀅𑀳𑁄𑀲𑀺 𑀦𑀸𑀕𑀭𑀸𑀧 𑀦𑀕𑀭 𑀯𑀻𑀣𑀺𑀬𑁄 𑀲𑀫𑁆𑀫𑀚𑁆𑀚𑀺𑀢𑁆𑀯𑀸 𑀫𑀼𑀢𑁆𑀢𑀸𑀨𑀮 𑀲𑀤𑀺𑀲𑀁 𑀯𑀸𑀮𑀼𑀓𑀁 𑀑𑀓𑀺𑀭𑀺𑀢𑁆𑀯𑀸 𑀮𑀸𑀚𑀧𑀜𑁆𑀘𑀫𑀓 𑀧𑀼𑀧𑁆𑀨𑀸𑀦𑀺 𑀲𑀫𑁄𑀓𑀺𑀭𑀺𑀢𑁆𑀯𑀸 𑀦𑀸𑀦𑀸𑀯𑀺𑀭𑀸𑀕 𑀥𑀚𑀧𑀝𑀸𑀓𑀸𑀬𑁄 𑀉𑀲𑁆𑀲𑀸𑀧𑁂𑀢𑁆𑀯𑀸 𑀲𑀼𑀯𑀡𑁆𑀡𑀖𑀝 𑀓𑀤𑀮𑀺𑀢𑁄𑀭𑀡 𑀫𑀸𑀮𑀕𑀖𑀺𑀓𑀸𑀤𑀻𑀳𑀺 𑀅𑀮𑀗𑁆𑀓𑀭𑀺𑀢𑁆𑀯𑀸 𑀦𑀕𑀭𑀁 𑀲𑀚𑁆𑀚𑁂𑀲𑀼. 𑀭𑀸𑀚𑀸 𑀦𑀕𑀭𑀲𑁆𑀲 𑀘𑀢𑀼𑀲𑀼 𑀤𑁆𑀯𑀸𑀭𑁂𑀲𑀼 𑀅𑀦𑀸𑀣𑀸𑀦𑀁 𑀫𑀦𑀼𑀲𑁆𑀲𑀸𑀦𑀁 𑀧𑀭𑀺𑀪𑁄𑀢𑁆𑀣𑀸𑀬 𑀦𑀸𑀦𑀸𑀧𑁆𑀧𑀓𑀸𑀭 𑀔𑀸𑀤𑀦𑀻𑀬 𑀪𑁄𑀚𑀦𑀻𑀬 𑀕𑀡𑁆𑀥𑀫𑀸𑀮 𑀯𑀢𑁆𑀣𑀸𑀪𑀭𑀡 𑀧𑀜𑁆𑀘𑀯𑀺𑀥𑀺 𑀫𑀼𑀥𑀯𑀸𑀲 𑀲𑀳𑀺𑀢 𑀢𑀸𑀫𑁆𑀩𑀼𑀮𑀸𑀦𑀺 𑀘 𑀞𑀧𑀸𑀧𑁂𑀲𑀺.

𑀅𑀣 𑀭𑀸𑀚𑀸 𑀲𑀩𑁆𑀩𑀸𑀪𑀭𑀡 𑀯𑀺𑀪𑀽𑀲𑀺𑀢𑁄 𑀓𑀼𑀫𑀼𑀤 𑀧𑀦𑁆𑀦𑀯𑀡𑁆𑀡 𑀘𑀢𑀼𑀲𑀺𑀡𑁆𑀥𑀯𑀬𑀼𑀢𑁆𑀢 𑀭𑀣𑀯𑀭𑀫𑀸𑀭𑀼𑀬𑁆𑀳 𑀅𑀮𑀗𑁆𑀓𑀢𑀁 𑀓𑀡𑁆𑀟𑀼𑀮𑀁 𑀳𑀢𑁆𑀣𑀺𑀁 𑀧𑀼𑀭𑀢𑁄 𑀓𑀢𑁆𑀯𑀸 𑀲𑀼𑀯𑀡𑁆𑀡𑀘𑀗𑁆𑀕𑁄𑀝𑀓𑀁 𑀲𑀻𑀲𑁂 𑀓𑀢𑁆𑀯𑀸 𑀲𑁂𑀢𑀘𑁆𑀙𑀢𑁆𑀢𑀲𑁆𑀲 𑀳𑁂𑀝𑁆𑀞𑀸 𑀅𑀝𑁆𑀞𑀸𑀲𑀺. 𑀢𑀲𑁆𑀫𑀺𑀁 𑀔𑀡𑁂 𑀲𑀓𑁆𑀓𑀁 𑀤𑁂𑀯𑀭𑀸𑀚𑀸𑀦𑀁 𑀤𑁂𑀯𑀘𑁆𑀙𑀭𑀸 𑀯𑀺𑀬 𑀦𑀸𑀦𑀸𑀪𑀭𑀡𑀯𑀺𑀪𑀽𑀲𑀺𑀢𑀸 𑀤𑁂𑀯𑀓𑀜𑁆𑀜𑀼𑀧𑀫𑀸 𑀅𑀦𑁂𑀓 𑀲𑀳𑀲𑁆𑀲 𑀦𑀸𑀝𑀓𑀺𑀢𑁆𑀣𑀺𑀬𑁄 𑀘𑁂𑀯 𑀤𑀲𑀫𑀳𑀸𑀬𑁄𑀥𑀸 𑀘 𑀘𑀢𑀼𑀭𑀗𑁆𑀕𑀺𑀦𑀻 𑀲𑁂𑀦𑀸 𑀘 𑀭𑀸𑀚𑀸𑀦𑀁 𑀧𑀭𑀺𑀯𑀸𑀭𑁂𑀲𑀼𑀁.

𑀢𑀣𑀸 𑀅𑀝𑁆𑀞𑀼𑀢𑁆𑀢𑀭 𑀲𑀳𑀲𑁆𑀲 𑀇𑀢𑁆𑀣𑀺𑀬𑁄 𑀘 𑀧𑀼𑀡𑁆𑀡𑀖𑀝𑁂 𑀕𑀭𑀳𑀢𑁆𑀯𑀸 𑀧𑀭𑀺𑀯𑀸𑀭𑁂𑀲𑀼𑀁. 𑀅𑀝𑁆𑀞𑀼𑀢𑁆𑀢𑀭 𑀲𑀳𑀲𑁆𑀲 𑀅𑀝𑁆𑀞𑀼𑀢𑁆𑀢𑀭 𑀲𑀭𑀲𑁆𑀲𑀧𑁆𑀧𑀫𑀸𑀡𑁂𑀬𑁂𑀯 𑀧𑀼𑀭𑀺𑀲𑀸 𑀘𑁂𑀯 𑀇𑀢𑁆𑀣𑀺𑀬𑁄 𑀘 𑀧𑀼𑀧𑁆𑀨𑀲𑀫𑀼𑀕𑁆𑀕𑀸𑀦𑀺 𑀤𑀡𑁆𑀟𑀤𑀻𑀧𑀺𑀓𑀸 𑀦𑀸𑀦𑀸𑀯𑀡𑁆𑀡 𑀥𑀚𑁂 𑀘 𑀕𑀳𑁂𑀢𑁆𑀯𑀸 𑀧𑀭𑀺𑀯𑀸𑀭𑁂𑀲𑀼𑀁. 𑀏𑀯𑀁 𑀭𑀸𑀚𑀸 𑀫𑀳𑀦𑁆𑀢𑁂𑀦 𑀭𑀸𑀚𑀸𑀦𑀼𑀪𑀸𑀯𑁂𑀦 𑀦𑀡𑁆𑀤𑀦𑀯𑀦𑀁 𑀦𑀺𑀓𑁆𑀔𑀦𑁆𑀢 𑀤𑁂𑀯𑀭𑀸𑀚𑀸 𑀯𑀺𑀬 𑀦𑀺𑀓𑁆𑀔𑀫𑀺. 𑀢𑀤𑀸 𑀦𑀸𑀦𑀸𑀯𑀺𑀥 𑀢𑀼𑀭𑀺𑀬 𑀖𑁄𑀲𑁂𑀳𑀺 𑀘𑁂𑀯 𑀳𑀢𑁆𑀣𑀲𑁆𑀲 𑀭𑀣 𑀲𑀤𑁆𑀤𑁂𑀳𑀺 𑀘 𑀫𑀳𑀸𑀧𑀣𑀯𑀺𑀪𑀺𑀚𑁆𑀚𑀦𑀸𑀓𑀸𑀭𑀧𑁆𑀧𑀢𑁆𑀢𑀸 𑀯𑀺𑀬 𑀅𑀳𑁄𑀲𑀺.

𑀢𑀲𑁆𑀫𑀺𑀁 𑀔𑀡𑁂 𑀲𑁄𑀡𑀼𑀢𑁆𑀢𑀭𑁄 𑀅𑀢𑁆𑀢𑀦𑁄 𑀧𑀭𑀺𑀯𑁂𑀡𑁂𑀬𑁂𑀯 𑀦𑀺𑀲𑀺𑀦𑁆𑀦𑁄 𑀢𑀼𑀭𑀺𑀬 𑀖𑁄𑀲𑁂𑀦 𑀭𑀜𑁆𑀜𑁄 𑀦𑀺𑀓𑁆𑀔𑀦𑁆𑀢𑀪𑀸𑀯𑀁 𑀜𑀢𑁆𑀯𑀸 𑀅𑀪𑀺𑀜𑁆𑀜𑀸𑀧𑀸𑀤𑀓𑀁 𑀘𑀢𑀼𑀢𑁆𑀣𑀚𑁆𑀛𑀸𑀦𑀁 𑀲𑀫𑀸𑀧𑀚𑁆𑀚𑀺𑀢𑁆𑀯𑀸 𑀅𑀥𑀺𑀝𑁆𑀞𑀬𑀸 𑀧𑀣𑀯𑀺𑀬𑀁 𑀦𑀺𑀫𑀼𑀚𑁆𑀚𑀺𑀢𑁆𑀯𑀸 𑀫𑀜𑁆𑀚𑁂𑀭𑀺𑀓 𑀦𑀸𑀕𑀪𑀯𑀦𑁂 𑀫𑀳𑀸𑀓𑀸𑀴𑀸𑀦𑀸𑀕𑀭𑀜𑁆𑀜𑁄 𑀧𑀼𑀭𑀢𑁄 𑀧𑀸𑀢𑀼𑀭𑀳𑁄𑀲𑀺. 𑀦𑀸𑀕𑀭𑀸𑀚𑀸 𑀲𑁄𑀡𑀼𑀢𑁆𑀢𑀭𑀁 𑀤𑀺𑀲𑁆𑀯𑀸 𑀉𑀝𑁆𑀞𑀸𑀬𑀸𑀲𑀦𑀸 𑀅𑀪𑀺𑀯𑀸𑀤𑁂𑀢𑁆𑀯𑀸 𑀕𑀡𑁆𑀥𑁄𑀤𑀓𑁂𑀦 𑀧𑀸𑀤𑁂 𑀥𑁄𑀯𑀺𑀢𑁆𑀯𑀸 𑀯𑀡𑁆𑀡 𑀕𑀡𑁆𑀥 𑀲𑀫𑁆𑀧𑀦𑁆𑀦 𑀓𑀼𑀲𑀼𑀫𑁂𑀳𑀺 𑀧𑀽𑀚𑁂𑀢𑁆𑀯𑀸 𑀏𑀓𑀸𑀫𑀦𑁆𑀢𑀁 𑀦𑀺𑀲𑀻𑀤𑀺𑀢𑁆𑀯𑀸 𑀓𑀼𑀢𑁄 𑀆𑀕𑀢𑀢𑁆𑀣 𑀪𑀦𑁆𑀢𑁂𑀢𑀺 𑀧𑀼𑀘𑁆𑀙𑀺 𑀢𑀫𑁆𑀩𑀧𑀡𑁆𑀡𑀺 𑀤𑀻𑀧𑀢𑁄 𑀆𑀕𑀢𑀫𑁆𑀳𑀸𑀳𑀺 𑀯𑀼𑀢𑁆𑀢𑁂 𑀓𑀺𑀫𑀢𑁆𑀣𑀸𑀬𑀸𑀢𑀺 𑀧𑀼𑀘𑁆𑀙𑀺.

𑀫𑀳𑀸𑀭𑀸𑀚 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬 𑀫𑀳𑀸𑀭𑀸𑀚𑀸 𑀫𑀳𑀸 𑀘𑁂𑀢𑀺𑀬𑀁 𑀓𑀸𑀭𑁂𑀦𑁆𑀢𑁄 𑀥𑀸𑀢𑀼𑀬𑁄 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀪𑀸𑀭𑀫𑀓𑀸𑀲𑀺. 𑀫𑀳𑀸𑀯𑀺𑀳𑀸𑀭𑁂 𑀢𑀺𑀁𑀲𑀫𑀢𑁆𑀢𑀸𑀦𑀺 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀺 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 𑀫𑀳𑀸𑀣𑀽𑀧𑀢𑁆𑀣𑀸𑀬 𑀞𑀧𑀺𑀢𑀥𑀸𑀢𑀼𑀬𑁄 ¶ 𑀫𑀳𑀸𑀓𑀸𑀴 𑀦𑀸𑀕 𑀭𑀜𑁆𑀜𑁄 𑀲𑀦𑁆𑀢𑀺𑀓𑁂 𑀞𑀺𑀢𑀸, 𑀢𑀲𑁆𑀲 𑀢𑀁 𑀧𑀯𑀢𑁆𑀢𑀺𑀁 𑀓𑀣𑁂𑀢𑁆𑀯𑀸 𑀥𑀸𑀢𑀼𑀬𑁄 𑀆𑀳𑀭𑀸𑀢𑀺 𑀫𑀁 𑀧𑁂𑀲𑁂𑀲𑀼𑀁, 𑀢𑀲𑁆𑀫𑀸 𑀇𑀥𑀸𑀕𑀢𑁄𑀫𑁆𑀳𑀻𑀢𑀺 𑀆𑀳.

𑀢𑀁 𑀲𑀼𑀢𑁆𑀯𑀸 𑀦𑀸𑀕𑀭𑀸𑀚𑀸 𑀧𑀩𑁆𑀩𑀢𑁂𑀦 𑀯𑀺𑀬 𑀅𑀚𑁆𑀛𑁄𑀢𑁆𑀣𑀝𑁄 𑀫𑀳𑀦𑁆𑀢𑁂𑀦 𑀫𑀤𑀸𑀫𑀦𑀲𑁆𑀲𑁂𑀦 𑀅𑀪𑀺𑀪𑀽𑀢𑁄 𑀏𑀯𑀁 𑀘𑀺𑀦𑁆𑀢𑁂𑀲𑀺 𑀫𑀬𑀁 𑀧𑀦 𑀇𑀫𑀸 𑀥𑀸𑀢𑀼𑀬𑁄 𑀧𑀽𑀚𑁂𑀢𑁆𑀯𑀸 𑀅𑀧𑀸𑀬𑀢𑁄 𑀫𑀼𑀜𑁆𑀘𑀺𑀢𑁆𑀯𑀸 𑀲𑀕𑁆𑀕𑁂 𑀦𑀺𑀩𑁆𑀩𑀢𑁆𑀢𑀺𑀲𑁆𑀲𑀫𑀸𑀢𑀺 𑀅𑀫𑀜𑁆𑀜𑀺𑀫𑁆𑀳. 𑀅𑀬𑀁 𑀧𑀦 𑀪𑀺𑀓𑁆𑀔𑀼 𑀫𑀳𑀺𑀤𑁆𑀥𑀺𑀓𑁄 𑀫𑀳𑀸𑀦𑀼𑀪𑀸𑀯𑁄, 𑀲𑀘𑁂 𑀇𑀫𑀸 𑀥𑀸𑀢𑀼𑀬𑁄 𑀇𑀫𑀲𑁆𑀫𑀺𑀁 𑀞𑀸𑀦𑁂 𑀞𑀺𑀢𑁄 𑀪𑀯𑁂𑀬𑁆𑀬𑀼𑀁, 𑀅𑀫𑁆𑀳𑁂 𑀅𑀪𑀺𑀪𑀯𑀺𑀢𑁆𑀯𑀸𑀧𑀺 𑀕𑀡𑁆𑀳𑀺𑀢𑀼𑀁 𑀲𑀓𑁆𑀓𑀼𑀡𑁂𑀬𑁆𑀬. 𑀥𑀸𑀢𑀼𑀬𑁄 𑀅𑀧𑀦𑁂𑀢𑀼𑀁 𑀯𑀝𑁆𑀝𑀢𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀧𑀭𑀺𑀲𑀁 𑀑𑀮𑁄𑀓𑁂𑀦𑁆𑀢𑁄 𑀧𑀭𑀺𑀲 𑀧𑀭𑀺𑀬𑀦𑁆𑀢𑁂 𑀞𑀺𑀢𑀁 𑀯𑀸𑀲𑀼𑀮𑀤𑀢𑁆𑀢𑀁 𑀦𑀸𑀫 𑀅𑀢𑁆𑀢𑀦𑁄 𑀪𑀸𑀕𑀺𑀦𑁂𑀬𑁆𑀬𑀁 𑀤𑀺𑀲𑁆𑀯𑀸 𑀢𑀲𑁆𑀲 𑀲𑀜𑁆𑀜𑀫𑀤𑀸𑀲𑀺 𑀲𑁄 𑀫𑀸𑀢𑀼𑀮𑀲𑁆𑀲 𑀅𑀥𑀺𑀧𑁆𑀧𑀸𑀬𑀁 𑀜𑀢𑁆𑀯𑀸 𑀘𑁂𑀢𑀺𑀬𑀖𑀭𑀁 𑀕𑀦𑁆𑀢𑁆𑀯𑀸 𑀥𑀸𑀢𑀼𑀓𑀭𑀡𑁆𑀟𑀓𑀁 𑀆𑀤𑀸𑀬 𑀕𑀺𑀮𑀺𑀢𑁆𑀯𑀸 𑀲𑀺𑀦𑁂𑀭𑀼𑀧𑀩𑁆𑀩𑀢 𑀧𑀸𑀤𑀫𑀽𑀮𑀁 𑀕𑀦𑁆𑀢𑁆𑀯𑀸-

𑀬𑁄𑀚𑀦𑀲𑀢𑀸𑀫𑀸𑀯𑀝𑁆𑀝𑀁 𑀤𑀻𑀖𑀁 𑀢𑀺𑀲𑀢 𑀬𑁄𑀚𑀦𑀁,

𑀨𑀡𑀸𑀦𑁂𑀓𑀲𑀳𑀲𑁆𑀲𑀸𑀦𑀺-𑀫𑀸𑀧𑀺𑀲𑀺𑀢𑁆𑀯𑀸 𑀫𑀳𑀺𑀤𑁆𑀥𑀺𑀓𑁄,

𑀲𑀺𑀦𑁂𑀭𑀼 𑀧𑀸𑀤𑀫𑀽𑀮𑀫𑁆𑀳𑀺-𑀥𑀼𑀫𑀸𑀬𑀦𑁆𑀢𑁄 𑀘 𑀧𑀚𑁆𑀚𑀮𑀁,

𑀆𑀪𑀼𑀚𑀺𑀢𑁆𑀯𑀸𑀦 𑀲𑁄 𑀪𑁄𑀕𑁂-𑀦𑀺𑀧𑀚𑁆𑀚𑀺 𑀯𑀸𑀮𑀼𑀓𑀸𑀢𑀮𑁂;

‘‘𑀅𑀦𑁂𑀓𑀸𑀦𑀺 𑀲𑀳𑀲𑁆𑀲𑀸𑀦𑀺-𑀅𑀢𑁆𑀢𑀦𑀸 𑀲𑀤𑀺𑀲𑁂 𑀅𑀳𑀺,

𑀫𑀸𑀧𑀬𑀺𑀢𑁆𑀯𑀸 𑀲𑀬𑀸𑀧𑁂𑀲𑀺-𑀲𑀫𑀦𑁆𑀢𑀸 𑀧𑀭𑀺𑀯𑀸𑀭𑀺𑀢𑁂,

𑀩𑀳𑀽 𑀤𑁂𑀯𑀸 𑀘 𑀦𑀸𑀕𑀸 𑀘-𑀑𑀲𑀭𑀺𑀁𑀲𑀼 𑀢𑀳𑀺𑀁 𑀢𑀤𑀸,

𑀬𑀼𑀤𑁆𑀥𑀁 𑀉𑀪𑀺𑀦𑁆𑀦𑀁 𑀦𑀸𑀕𑀸𑀦𑀁-𑀲𑀲𑁆𑀲𑀺𑀲𑁆𑀲𑀸𑀫 𑀫𑀬𑀁 𑀇𑀢𑀺;’’

𑀢𑀢𑁄 𑀦𑀸𑀕𑀭𑀸𑀚𑀸 𑀪𑀸𑀕𑀺𑀦𑁂𑀬𑁆𑀬𑁂𑀦 𑀥𑀸𑀢𑀼𑀬𑁄 𑀅𑀧𑀦𑀻𑀢𑀪𑀸𑀯𑀁 𑀜𑀢𑁆𑀯𑀸 𑀏𑀯𑀫𑀸𑀳- 𑀫𑀫 𑀲𑀦𑁆𑀢𑀺𑀓𑁂 𑀥𑀸𑀢𑀼𑀬𑁄 𑀦𑀢𑁆𑀣𑀺, 𑀢𑀼𑀫𑁆𑀳𑁂 𑀇𑀥 𑀧𑀧𑀜𑁆𑀘 𑀅𑀓𑀢𑁆𑀯𑀸 𑀲𑀻𑀖𑀁 𑀕𑀦𑁆𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀢𑀁 𑀧𑀯𑀢𑁆𑀢𑀺𑀁 𑀆𑀭𑁄𑀘𑁂𑀣 𑀪𑀺𑀓𑁆𑀔𑀼𑀲𑀗𑁆𑀖𑁄 𑀅𑀜𑁆𑀜𑀢𑁄 𑀥𑀸𑀢𑀼𑀁 𑀧𑀭𑀺𑀬𑁂𑀲𑀺𑀲𑁆𑀲𑀢𑀻𑀢𑀺 𑀲𑀸𑀫𑀡𑁂𑀭𑁄 𑀆𑀤𑀺𑀢𑁂 𑀧𑀝𑁆𑀞𑀸𑀬 𑀥𑀸𑀢𑀼 𑀆𑀕𑀫𑀦𑀁 𑀯𑀢𑁆𑀯𑀸 𑀥𑀸𑀢𑀼𑀬𑁄 𑀢𑀯 𑀲𑀦𑁆𑀢𑀺𑀓𑁂𑀬𑁂𑀯, 𑀧𑀧𑀜𑁆𑀘𑀁 𑀅𑀓𑀢𑁆𑀯𑀸 𑀤𑁂𑀳𑀻𑀢𑀺 𑀘𑁄𑀤𑁂𑀲𑀺.

𑀢𑀢𑁄 𑀦𑀸𑀕𑀭𑀸𑀚𑀸 𑀲𑀸𑀫𑀡𑁂𑀭𑁂𑀦 𑀫𑀽𑀮𑀫𑁆𑀳𑀺 𑀕𑀳𑀺𑀢𑀪𑀸𑀯𑀁 𑀜𑀢𑁆𑀯𑀸 𑀬𑁂𑀦 𑀓𑁂𑀦𑀘𑀺 𑀧𑀭𑀺𑀬𑀸𑀬𑁂𑀦 𑀥𑀸𑀢𑀼𑀬𑁄 𑀅𑀤𑀢𑁆𑀯𑀸𑀯 𑀧𑁂𑀲𑀺𑀢𑀼𑀁 𑀯𑀝𑁆𑀝𑀢𑀻𑀢𑀺 𑀘𑀺𑀦𑁆𑀢𑁂𑀢𑁆𑀯𑀸 𑀲𑀸𑀫𑀡𑁂𑀭𑀁 𑀥𑀸𑀢𑀼𑀖𑀭𑀁 𑀦𑁂𑀢𑁆𑀯𑀸 𑀘𑁂𑀢𑀺𑀬𑀜𑁆𑀘 𑀘𑁂𑀢𑀺𑀬𑀖𑀭𑀜𑁆𑀘 𑀤𑀲𑁆𑀲𑁂𑀲𑀺. 𑀢𑀁 𑀧𑀦 𑀘𑁂𑀢𑀺𑀬𑀜𑁆𑀘 𑀘𑁂𑀢𑀺𑀬𑀖𑀭𑀜𑁆𑀘 𑀲𑀩𑁆𑀩𑀭𑀢𑀦𑀫𑀬𑀫𑁂𑀯 𑀅𑀳𑁄𑀲𑀺.

𑀯𑀼𑀢𑁆𑀢𑀜𑁆𑀳𑁂𑀢𑀁 𑀫𑀳𑀸𑀯𑀁𑀲𑁂

‘‘𑀅𑀦𑁂𑀓𑀥𑀸 𑀅𑀦𑁂𑀓𑁂𑀳𑀺 𑀭𑀢𑀦𑁂𑀳𑀺 𑀲𑀼𑀲𑀗𑁆𑀔𑀢𑀁,

𑀘𑁂𑀢𑀺𑀬𑀁 𑀘𑁂𑀢𑀺𑀬𑀖𑀭𑀁-𑀧𑀲𑁆𑀲 𑀪𑀺𑀓𑁆𑀔𑀼 𑀲𑀼𑀦𑀺𑀫𑁆𑀫𑀺𑀢’’𑀦𑁆𑀢𑀺;

𑀤𑀲𑁆𑀲𑁂𑀢𑁆𑀯𑀸 𑀘 𑀧𑀦 𑀘𑁂𑀢𑀺𑀬𑀖𑀭𑀢𑁄 𑀑𑀭𑀼𑀬𑁆𑀳 𑀅𑀤𑁆𑀥𑀘𑀡𑁆𑀤𑀓𑀧𑀸𑀲𑀸𑀡𑁂 𑀧𑀯𑀸𑀴𑀧𑀤𑀼𑀫𑀫𑁆𑀳𑀺 𑀞𑀢𑁆𑀯𑀸 𑀇𑀫𑀲𑁆𑀲 𑀘𑁂𑀢𑀺𑀬𑀲𑁆𑀲 𑀘𑁂𑀢𑀺𑀬𑀖𑀭𑀲𑁆𑀲 𑀘 𑀅𑀕𑁆𑀖𑀁 𑀓𑀭𑁄𑀳𑀺 ¶ 𑀪𑀦𑁆𑀢𑁂𑀢𑀺 𑀆𑀳 𑀲𑀸𑀫𑀡𑁂𑀭𑁄 𑀦 𑀲𑀓𑁆𑀓𑁄𑀫 𑀫𑀳𑀸𑀭𑀸𑀚 𑀅𑀕𑁆𑀖𑀁 𑀓𑀸𑀢𑀼𑀁, 𑀲𑀓𑀮𑁂𑀧𑀺 𑀢𑀫𑁆𑀪𑀧𑀡𑁆𑀡𑀺𑀤𑀻𑀧𑁂 𑀭𑀢𑀦𑀸𑀦𑀺 𑀇𑀫𑀁 𑀅𑀤𑁆𑀥𑀘𑀡𑁆𑀤𑀓 𑀧𑀸𑀲𑀸𑀡𑀁 𑀦𑀸𑀕𑁆𑀖𑀢𑀻𑀢𑀺 𑀆𑀳.

𑀦𑀸𑀕𑀭𑀸𑀚𑀸 𑀏𑀯𑀁 𑀲𑀦𑁆𑀢𑁂 𑀫𑀳𑀸𑀲𑀓𑁆𑀓𑀸𑀭𑀝𑁆𑀞𑀸𑀦𑀢𑁄 𑀅𑀧𑁆𑀧𑀲𑀓𑁆𑀓𑀸𑀭𑀝𑁆𑀞𑀸𑀦𑀁 𑀥𑀸𑀢𑀽𑀦𑀁 𑀦𑀬𑀦𑀁 𑀅𑀬𑀼𑀢𑁆𑀢𑀁 𑀦𑀦𑀼 𑀪𑀺𑀓𑁆𑀔𑀽𑀢𑀺 𑀆𑀳. 𑀲𑀸𑀫𑀡𑁂𑀭𑁄 𑀏𑀯𑀫𑀸𑀳𑀫𑀳𑀸𑀭𑀸𑀚 𑀩𑀼𑀤𑁆𑀥𑀸 𑀦𑀸𑀫 𑀥𑀫𑁆𑀫𑀕𑀭𑀼𑀓𑀸, 𑀦 𑀆𑀫𑀺𑀲 𑀕𑀭𑀼𑀓𑀁, 𑀢𑀼𑀫𑁆𑀳𑁂𑀲𑀼 𑀘𑀓𑁆𑀓𑀯𑀸𑀴𑀧𑁆𑀧𑀫𑀸𑀡𑀁 𑀭𑀢𑀦𑀖𑀭𑀁 𑀫𑀸𑀧𑁂𑀢𑁆𑀯𑀸 𑀲𑀩𑁆𑀩𑀭𑀢𑀦𑀲𑁆𑀲 𑀧𑀽𑀭𑁂𑀢𑁆𑀯𑀸 𑀥𑀸𑀢𑀼𑀬𑁄 𑀧𑀭𑀺𑀳𑀭𑀦𑁆𑀢𑁂𑀲𑀼𑀧𑀺 𑀏𑀓𑀦𑀸𑀕𑁄𑀧𑀺 𑀥𑀫𑁆𑀫𑀸𑀪𑀺𑀲𑀫𑀬𑀁 𑀓𑀸𑀢𑀼𑀁 𑀲𑀫𑀢𑁆𑀣𑁄 𑀦𑀸𑀫 𑀦𑀢𑁆𑀣𑀺 𑀬𑀲𑁆𑀫𑀸-

‘‘𑀲𑀘𑁆𑀘𑀸𑀪𑀺𑀲𑀫𑀬𑁄 𑀦𑀸𑀕-𑀢𑀼𑀫𑁆𑀳𑀸𑀓𑀫𑁆𑀧𑀺 𑀦 𑀯𑀺𑀚𑁆𑀚𑀢𑀺. 𑀲𑀘𑁆𑀘𑀸𑀪𑀺𑀲𑀫𑀬𑀝𑁆𑀞𑀸𑀦𑀁-𑀦𑁂𑀢𑀼𑀁 𑀬𑀼𑀢𑁆𑀢𑀜𑁆𑀳𑀺 𑀥𑀸𑀢𑀼𑀬𑁄. 𑀲𑀁𑀲𑀸𑀭𑀤𑀼𑀓𑁆𑀔𑀫𑁄𑀓𑁆𑀔𑀸𑀬-𑀉𑀧𑁆𑀧𑀚𑁆𑀚𑀦𑁆𑀢 𑀢𑀣𑀸𑀕𑀢𑀸, 𑀩𑀼𑀤𑁆𑀥𑀲𑁆𑀲 𑀯𑁂𑀢𑁆𑀣𑀸𑀤𑀻𑀧𑁆𑀧𑀸𑀬𑁄-𑀢𑁂𑀦 𑀦𑁂𑀲𑁆𑀲𑀸𑀫𑀺 𑀥𑀸𑀢𑀼𑀬𑁄. 𑀥𑀸𑀢𑀼𑀦𑀺𑀥𑀸𑀦𑀁 𑀅𑀚𑁆𑀚𑁂𑀯-𑀲𑁄 𑀳𑀺 𑀭𑀸𑀚𑀸 𑀓𑀭𑀺𑀲𑁆𑀲𑀢𑀺.

𑀢𑀲𑁆𑀫𑀸 𑀧𑀧𑀜𑁆𑀘𑀫𑀓𑀭𑀺𑀢𑁆𑀯𑀸-𑀮𑀳𑀼𑀁 𑀫𑁂 𑀤𑁂𑀳𑀺 𑀥𑀸𑀢𑀼𑀬𑁂’’𑀢𑀺-𑀆𑀳. 𑀏𑀯𑀁 𑀯𑀼𑀢𑁆𑀢𑁂 𑀦𑀸𑀕𑀭𑀸𑀚𑀸 𑀅𑀧𑁆𑀧𑀝𑀺𑀳𑀸𑀦𑁄 𑀬𑀼𑀢𑁆𑀯𑀸 𑀅𑀢𑁆𑀢𑀦𑁄 𑀪𑀸𑀕𑀺𑀦𑁂𑀬𑁆𑀬𑁂𑀦 𑀥𑀸𑀢𑀼𑀬𑁄 𑀕𑁄𑀧𑀺𑀢𑁄𑀢𑀺 𑀫𑀜𑁆𑀜𑀫𑀸𑀦𑁄 𑀏𑀯𑀫𑀸𑀳. 𑀢𑀼𑀫𑁆𑀳𑁂 𑀪𑀦𑁆𑀢𑁂 𑀘𑁂𑀢𑀺𑀬𑁂 𑀥𑀸𑀢𑀽𑀦𑀁 𑀅𑀢𑁆𑀣𑀺𑀪𑀸𑀯𑀁 𑀯𑀸 𑀦𑀢𑁆𑀣𑀺𑀪𑀸𑀯𑀁 𑀯𑀸 𑀅𑀚𑀸𑀦𑀦𑁆𑀢𑀸 𑀤𑁂𑀳𑀺 𑀤𑁂𑀳𑀻𑀢𑀺 𑀯𑀤𑀣. 𑀅𑀳𑀁 𑀦𑀢𑁆𑀣𑀻𑀢𑀺 𑀯𑀤𑀸𑀫𑀺. 𑀲𑀘𑁂 𑀧𑀲𑁆𑀲𑀣 𑀕𑀳𑁂𑀢𑁆𑀯𑀸 𑀕𑀘𑁆𑀙𑀣𑀸𑀢𑀺. 𑀕𑀡𑁆𑀳𑀸𑀫𑀺 𑀫𑀳𑀸𑀭𑀸𑀚𑀸𑀢𑀺, 𑀕𑀡𑁆𑀳 𑀪𑀺𑀓𑁆𑀔𑀽𑀢𑀺. 𑀕𑀡𑁆𑀳𑀸𑀫𑀺 𑀫𑀳𑀸𑀭𑀸𑀚𑀸𑀢𑀺, 𑀕𑀡𑁆𑀳 𑀪𑀺𑀓𑁆𑀔𑀽𑀢𑀺 𑀢𑀺𑀓𑁆𑀔𑀢𑁆𑀢𑀼𑀁 𑀧𑀝𑀺𑀜𑁆𑀜𑀁 𑀕𑀳𑁂𑀢𑁆𑀯𑀸.

‘‘𑀲𑀼𑀔𑀼𑀫𑀁 𑀓𑀭𑀁 𑀫𑀸𑀧𑀬𑀺𑀢𑁆𑀯𑀸-𑀣𑀺𑀓𑁆𑀔𑀽 𑀢𑀢𑁆𑀭 𑀞𑀺𑀢𑁄𑀘 𑀲𑁄,

𑀪𑀸𑀕𑀺𑀦𑁂𑀬𑁆𑀬𑀲𑁆𑀲 𑀯𑀤𑀦𑁂-𑀳𑀢𑁆𑀣𑀫𑁆𑀧𑀓𑁆𑀔𑀺𑀧𑁆𑀧 𑀢𑀸𑀯𑀤𑁂,

𑀥𑀸𑀢𑀼𑀓𑀭𑀡𑁆𑀟𑀫𑀤𑀸𑀬-𑀢𑀺𑀝𑁆𑀞 𑀦𑀸𑀕𑀸𑀢𑀺 𑀪𑀸𑀲𑀺𑀳,

𑀦𑀺𑀫𑀼𑀚𑁆𑀚𑀺𑀢𑁆𑀯𑀸 𑀧𑀣𑀯𑀺𑀬𑀁-𑀧𑀭𑀺𑀯𑁂𑀡𑀫𑁆𑀳𑀺 𑀉𑀝𑁆𑀞𑀳𑀺;’’

𑀢𑀤𑀸 𑀲𑀸𑀫𑀡𑁂𑀭𑀲𑁆𑀲 𑀦𑀸𑀕𑁂𑀦 𑀲𑀤𑁆𑀥𑀺𑀁 𑀬𑀼𑀤𑁆𑀥𑀁 𑀧𑀲𑁆𑀲𑀺𑀲𑁆𑀲𑀸𑀫𑀸𑀢𑀺 𑀲𑀫𑀸𑀕𑀢𑀸 𑀤𑁂𑀯-𑀦𑀸𑀕 𑀧𑀭𑀺𑀲𑀸𑀧 𑀪𑀺𑀓𑁆𑀔𑀼𑀦𑀸𑀕𑀲𑁆𑀲 𑀯𑀺𑀚𑀬𑀁 𑀤𑀺𑀲𑁆𑀯𑀸 𑀳𑀝𑁆𑀞𑀸 𑀧𑀫𑁄𑀤𑀺𑀢𑁄 𑀥𑀸𑀢𑀼𑀬𑁄 𑀧𑀽𑀚𑀬𑀦𑁆𑀢𑀸𑀯 𑀢𑁂𑀦𑁂𑀯 𑀲𑀳 𑀆𑀕𑀫𑀼𑀁, 𑀦𑀸𑀕𑀭𑀸𑀚𑀸 𑀲𑀸𑀫𑀡𑁂𑀭𑀲𑁆𑀲 𑀕𑀢 𑀓𑀸𑀮𑁂 𑀪𑀺𑀓𑁆𑀔𑀼𑀁 𑀯𑀜𑁆𑀘𑁂𑀢𑁆𑀯𑀸 𑀧𑁂𑀲𑀺𑀢𑁄𑀫𑁆𑀳𑀻𑀢𑀺 𑀳𑀝𑁆𑀞𑀢𑀼𑀝𑁆𑀞𑁄 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀆𑀕𑀫𑀢𑁆𑀣𑀸𑀬 𑀪𑀸𑀕𑀺𑀦𑁂𑀬𑁆𑀬𑀲𑁆𑀲 𑀲𑀸𑀲𑀦𑀁 𑀧𑁂𑀲𑁂𑀲𑀺.

‘‘𑀪𑀸𑀕𑀺𑀦𑁂𑀬𑁆𑀬𑁄’𑀣 𑀓𑀼𑀘𑁆𑀙𑀺𑀫𑁆𑀳𑀺-𑀅𑀧𑀲𑁆𑀲𑀺𑀢𑁆𑀯𑀸 𑀓𑀭𑀡𑁆𑀟𑀓𑀁,

𑀧𑀭𑀺𑀤𑁂𑀯𑀫𑀸𑀦𑁄 𑀆𑀕𑀦𑁆𑀢𑁆𑀯𑀸-𑀫𑀸𑀢𑀼𑀮𑀲𑁆𑀲 𑀦𑀺𑀯𑁂𑀤𑀬𑀺;

𑀢𑀤𑀸 𑀲𑁄 𑀦𑀸𑀕𑀭𑀸𑀚𑀸𑀧𑀺-𑀯𑀜𑁆𑀘𑀺𑀢𑀫𑁆𑀳 𑀫𑀬𑀁 𑀇𑀢𑀺,

𑀧𑀭𑀺𑀤𑁂𑀯𑀺 𑀦𑀸𑀕𑀸 𑀲𑀩𑁆𑀩𑁂𑀧𑀺-𑀧𑀭𑀺𑀤𑁂𑀯𑀺𑀁𑀲𑀼 𑀧𑀺𑀡𑁆𑀟𑀺𑀢𑀸;’’

𑀢𑀢𑁄 ¶ 𑀦𑀸𑀕𑀪𑀯𑀦𑁂 𑀲𑀩𑁆𑀩𑁂 𑀦𑀸𑀕𑀸 𑀲𑀫𑀸𑀕𑀦𑁆𑀢𑁆𑀯𑀸 𑀓𑁂𑀲𑁂 𑀫𑀼𑀜𑁆𑀘𑀺𑀢𑁆𑀯𑀸 𑀉𑀪𑁄𑀳𑀺 𑀳𑀢𑁆𑀣𑁂𑀳𑀺 𑀳𑀤𑀬𑁂 𑀕𑀳𑁂𑀢𑁆𑀯𑀸 𑀦𑀻𑀮𑀼𑀧𑁆𑀧𑀮 𑀲𑀤𑀺𑀲𑁂𑀳𑀺 𑀦𑁂𑀢𑁆𑀢𑁂𑀳𑀺 𑀯𑀺𑀮𑀻𑀦 𑀲𑁄𑀓𑀫𑀺𑀯 𑀅𑀲𑁆𑀲𑀼𑀥𑀸𑀭𑀁 𑀧𑀯𑀢𑁆𑀢𑀬𑀫𑀸𑀦𑀸-

‘‘𑀧𑀭𑀺𑀤𑁂𑀯𑀫𑀸𑀦𑀸 𑀆𑀕𑀦𑁆𑀢𑁆𑀯𑀸-𑀦𑀸𑀕𑀸 𑀲𑀗𑁆𑀖𑀲𑁆𑀲 𑀲𑀦𑁆𑀢𑀺𑀓𑁂,

𑀩𑀳𑀼𑀥𑀸 𑀧𑀭𑀺𑀤𑁂𑀯𑀺𑀁𑀲-𑀥𑀸𑀢𑀸𑀳𑀭𑀡 𑀤𑀼𑀓𑁆𑀔𑀺𑀢𑀸’’𑀢𑀺;

𑀧𑀭𑀺𑀤𑁂𑀯𑀺𑀢𑁆𑀯𑀸 𑀘 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀏𑀯𑀫𑀸𑀳𑀁𑀲𑀼- 𑀪𑀦𑁆𑀢𑁂 𑀓𑀲𑁆𑀲𑀘𑀺 𑀧𑀻𑀴𑀁 𑀅𑀓𑀢𑁆𑀯𑀸 𑀅𑀫𑁆𑀳𑀸𑀓𑀁 𑀧𑀼𑀜𑁆𑀜𑀸𑀦𑀼𑀪𑀸𑀯𑁂𑀦 𑀮𑀪𑀺𑀢𑁆𑀯𑀸 𑀘𑀻𑀭𑀧𑀭𑀺𑀳𑀝 𑀥𑀸𑀢𑀼𑀬𑁄 𑀓𑀲𑁆𑀫𑀸 𑀅𑀦𑀯𑀲𑁂𑀲𑀁 𑀓𑀢𑁆𑀯𑀸 𑀅𑀳𑀭𑀸𑀧𑁂𑀣 𑀅𑀫𑁆𑀳𑀸𑀓𑀁 𑀲𑀕𑁆𑀕𑀫𑁄𑀓𑁆𑀔𑀦𑁆𑀢𑀭𑀸𑀬𑀁 𑀓𑀭𑁄𑀣𑀸𑀢𑀺.

’𑀢𑁂𑀲𑀁 𑀲𑀗𑁆𑀖𑁄’𑀦𑀼𑀓𑀫𑁆𑀧𑀸𑀬-𑀣𑁄𑀓𑀁 𑀥𑀸𑀢𑀼𑀫𑀤𑀸𑀧𑀬𑀺,

𑀢𑁂 𑀢𑁂𑀦 𑀢𑀼𑀝𑁆𑀞𑀸 𑀕𑀦𑁆𑀢𑁆𑀯𑀸𑀦-𑀧𑀽𑀚𑀸𑀪𑀡𑁆𑀟𑀸𑀦𑀺 𑀆𑀳𑀭𑀼𑀁;

𑀢𑀢𑁄 𑀲𑀓𑁆𑀓𑁄 𑀤𑁂𑀯𑀸𑀦𑀫𑀺𑀡𑁆𑀤𑁄 𑀯𑀺𑀲𑁆𑀲𑀓𑀫𑁆𑀫𑀁 𑀆𑀫𑀦𑁆𑀢𑁂𑀢𑁆𑀯𑀸 𑀲𑀸𑀫𑀡𑁂𑀭𑀲𑁆𑀲 𑀉𑀝𑁆𑀞𑀺𑀢𑀝𑁆𑀞𑀸𑀦𑁂 𑀲𑀢𑁆𑀢𑀭𑀢𑀦𑀫𑀬𑀁 𑀫𑀡𑁆𑀟𑀧𑀁 𑀫𑀸𑀧𑁂𑀳𑀻𑀢𑀺 𑀆𑀳. 𑀲𑁄 𑀢𑀲𑁆𑀫𑀺𑀬𑁂𑀯 𑀔𑀡𑁂 𑀫𑀡𑁆𑀟𑀧𑀁 𑀫𑀸𑀧𑁂𑀲𑀺 𑀅𑀣 𑀲𑀓𑁆𑀓𑁄 𑀤𑁆𑀯𑀻𑀲𑀼 𑀤𑁂𑀯𑀮𑁄𑀓𑁂𑀲𑀼 𑀤𑁂𑀯𑀧𑀭𑀺𑀲𑀸𑀬 𑀧𑀭𑀺𑀯𑀼𑀢𑁄 𑀲𑀼𑀯𑀡𑁆𑀡𑀘𑀗𑁆𑀕𑁄𑀝𑀓𑁂𑀦 𑀲𑀤𑁆𑀥𑀺𑀁 𑀭𑀢𑀦 𑀧𑀮𑁆𑀮𑀗𑁆𑀓𑀫𑀸𑀤𑀸𑀬 𑀆𑀕𑀦𑁆𑀢𑁆𑀯𑀸 𑀢𑀲𑁆𑀫𑀺𑀁 𑀫𑀡𑁆𑀟𑀧𑁂 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀲𑀸𑀫𑀡𑁂𑀭𑀲𑁆𑀲 𑀳𑀢𑁆𑀣𑀢𑁄 𑀥𑀸𑀢𑀼𑀓𑀭𑀡𑁆𑀟𑀓𑀁 𑀕𑀳𑁂𑀢𑁆𑀯𑀸 𑀢𑀲𑁆𑀫𑀺𑀁 𑀧𑀮𑁆𑀮𑀗𑁆𑀓𑁂 𑀧𑀢𑀺𑀝𑁆𑀞𑀸𑀧𑁂𑀲𑀺. 𑀢𑀤𑀸-

’𑀩𑁆𑀭𑀳𑁆𑀫𑀸 𑀙𑀢𑁆𑀢𑀫𑀥𑀸𑀭𑁂𑀲𑀺-𑀲𑀦𑁆𑀢𑀼𑀲𑀺𑀢𑁄 𑀯𑀸𑀮𑀯𑀺𑀚𑀦𑀺𑀁,

𑀫𑀡𑀺𑀢𑀸𑀮𑀯𑀡𑁆𑀝𑀁 𑀲𑀼𑀬𑀸𑀫𑁄-𑀲𑀓𑁆𑀓𑁄 𑀲𑀗𑁆𑀔𑀦𑁆𑀢𑀼 𑀲𑁄𑀤𑀓𑀁;

𑀘𑀢𑁆𑀢𑀸𑀭𑁄 𑀢𑀼 𑀫𑀳𑀸𑀭𑀸𑀚-𑀅𑀝𑁆𑀞𑀁𑀲𑀼 𑀔𑀕𑁆𑀕𑀧𑀸𑀡𑀺𑀦𑁄,

𑀲𑀫𑀼𑀕𑁆𑀕𑀳𑀢𑁆𑀣𑀸 𑀤𑁆𑀯𑀢𑁆𑀢𑀺𑀁𑀲𑀸-𑀤𑁂𑀯𑀧𑀼𑀢𑁆𑀢𑀸 𑀫𑀳𑀺𑀤𑁆𑀥𑀺𑀓𑀸;

𑀧𑀸𑀭𑀺𑀘𑁆𑀙𑀢𑁆𑀢𑀓 𑀧𑀼𑀧𑁆𑀨𑁂𑀳𑀺 𑀧𑀽𑀚𑀬𑀦𑁆𑀢𑀸 𑀢𑀳𑀺𑀁 𑀞𑀺𑀢𑀸,

𑀓𑀼𑀫𑀸𑀭𑀺𑀬𑁄𑀧𑀺 𑀤𑁆𑀯𑀢𑁆𑀢𑀺𑀁𑀲𑀸-𑀤𑀡𑁆𑀟𑀺𑀤𑀻𑀧𑀥𑀭𑀸 𑀞𑀺𑀢𑀸;

𑀧𑀮𑀸𑀧𑁂𑀢𑁆𑀯𑀸 𑀤𑀼𑀝𑁆𑀞𑀬𑀓𑁆𑀔𑁂-𑀬𑀓𑁆𑀔𑀲𑁂𑀦𑀸𑀧𑀢𑀺 𑀧𑀦

𑀅𑀝𑁆𑀞𑀯𑀻𑀲𑀢𑀺 𑀅𑀝𑁆𑀞𑀁𑀲𑀼-𑀆𑀭𑀓𑁆𑀔𑀁 𑀓𑀼𑀭𑀼𑀫𑀸𑀦𑀓𑀸;

𑀯𑀻𑀡𑀁 𑀯𑀸𑀤𑀬𑀫𑀸𑀦𑁄𑀯-𑀅𑀝𑁆𑀞𑀸 𑀧𑀜𑁆𑀘𑀲𑀺𑀔𑁄 𑀢𑀳𑀺𑀁,

𑀭𑀗𑁆𑀕𑀪𑀽𑀫𑀺𑀁 𑀫𑀸𑀧𑀬𑀺𑀢𑁆𑀯𑀸-𑀢𑀺𑀫𑁆𑀩𑀭𑀽 𑀢𑀼𑀭𑀺𑀬𑀖𑁄𑀲𑀯𑀸;

𑀅𑀦𑁂𑀓𑀸 𑀤𑁂𑀯𑀧𑀼𑀢𑁆𑀢𑀸 𑀘-𑀲𑀸𑀥𑀼𑀕𑀻𑀢𑀧𑁆𑀧𑀬𑁄𑀚𑀓𑀸,

𑀫𑀳𑀸𑀓𑀸𑀮𑁄 𑀦𑀸𑀕𑀭𑀸𑀚𑀸-𑀣𑀽𑀬𑀫𑀸𑀦𑁄 𑀅𑀦𑁂𑀓𑀥𑀸;

𑀤𑀺𑀩𑁆𑀩𑀢𑀼𑀭𑀺𑀬𑀸𑀦𑀺 𑀯𑀚𑁆𑀚𑀦𑁆𑀢𑀺-𑀤𑀺𑀩𑁆𑀩𑀲𑀗𑁆𑀕𑀺𑀢𑀺 𑀯𑀢𑁆𑀢𑀢𑀺,

𑀤𑀺𑀩𑁆𑀩𑀕𑀡𑁆𑀥𑀸 𑀘 𑀯𑀲𑁆𑀲𑀸𑀦𑀺-𑀯𑀲𑁆𑀲𑀸𑀧𑁂𑀦𑁆𑀢𑀺 𑀘 𑀤𑁂𑀯𑀢𑀸;

𑀢𑀤𑀸 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑁄 𑀫𑀸𑀭𑀲𑁆𑀲 𑀧𑀝𑀺𑀩𑀸𑀳𑀦𑀢𑁆𑀣𑀸𑀬 𑀘𑀓𑁆𑀓𑀯𑀸𑀴𑀧𑀭𑀺𑀬𑀦𑁆𑀢𑀁 𑀓𑀢𑁆𑀯𑀸 𑀆𑀓𑀸𑀲𑁂 𑀮𑁄𑀳𑀙𑀢𑁆𑀢𑀁 𑀫𑀸𑀧𑁂𑀲𑀺. 𑀧𑀜𑁆𑀘𑀦𑀺𑀓𑀸𑀬𑀺𑀓 𑀣𑁂𑀭𑀸 ¶ 𑀥𑀸𑀢𑀼𑀬𑁄 𑀧𑀭𑀺𑀯𑀸𑀭𑁂𑀢𑁆𑀯𑀸 𑀧𑀜𑁆𑀘𑀲𑀼 𑀞𑀸𑀦𑁂𑀲𑀼 𑀦𑀺𑀲𑀻𑀤𑀺𑀢𑁆𑀯𑀸 𑀕𑀡𑀲𑀚𑁆𑀛𑀸𑀬𑀫𑀓𑀁𑀲𑀼. 𑀢𑀲𑁆𑀫𑀺𑀁 𑀓𑀸𑀮𑁂 𑀭𑀸𑀚𑀸 𑀢𑀁 𑀞𑀦𑀁 𑀆𑀕𑀦𑁆𑀢𑁆𑀯𑀸 𑀲𑀺𑀲𑀢𑁄 𑀲𑀼𑀯𑀡𑁆𑀡 𑀘𑀗𑁆𑀕𑁄𑀝𑀓𑀁 𑀑𑀢𑀸𑀭𑁂𑀢𑁆𑀯𑀸 𑀥𑀸𑀢𑀼 𑀘𑀗𑁆𑀕𑁄𑀝𑀓𑀁 𑀅𑀢𑁆𑀢𑀦𑁄 𑀘𑀗𑁆𑀕𑁄𑀝𑀓𑁂 𑀞𑀧𑁂𑀢𑁆𑀯𑀸 𑀧𑀮𑁆𑀮𑀗𑁆𑀓𑁂 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯𑀸 𑀧𑀜𑁆𑀘𑀧𑀢𑀺𑀝𑁆𑀞𑀺𑀢𑁂𑀦 𑀯𑀦𑁆𑀤𑀺𑀢𑁆𑀯𑀸 𑀲𑀺𑀭𑀲𑀺 𑀅𑀜𑁆𑀚𑀮𑀺𑀁 𑀧𑀕𑁆𑀕𑀬𑁆𑀳 𑀅𑀓𑁆𑀔𑀻𑀦𑀺 𑀉𑀫𑁆𑀫𑀻𑀮𑁂𑀢𑁆𑀯𑀸 𑀑𑀮𑁄𑀓𑁂𑀦𑁆𑀢𑁄 𑀅𑀝𑁆𑀞𑀸𑀲𑀺. 𑀢𑀲𑁆𑀫𑀺𑀁 𑀔𑀡𑁂 𑀥𑀸𑀢𑀼𑀫𑀢𑁆𑀣𑀓𑁂 𑀲𑁂𑀢𑀘𑁆𑀙𑀢𑁆𑀢𑀁 𑀤𑀺𑀲𑁆𑀲𑀢𑀺 𑀙𑀢𑁆𑀢𑀕𑀸𑀳𑀓 𑀩𑁆𑀭𑀳𑁆𑀫𑀸 𑀦 𑀤𑀺𑀲𑁆𑀲𑀢𑀺. 𑀢𑀣𑀸 𑀢𑀸𑀮𑀯𑀡𑁆𑀝 𑀯𑀺𑀚𑀦𑀺 𑀆𑀤𑀬𑁄 𑀤𑀺𑀲𑁆𑀲𑀦𑁆𑀢𑀺 𑀕𑀸𑀳𑀓𑀸 𑀦 𑀤𑀺𑀲𑁆𑀲𑀦𑁆𑀢𑀺 𑀤𑀺𑀩𑁆𑀩𑀢𑀼𑀭𑀺𑀬𑀖𑁄𑀲 𑀲𑀗𑁆𑀕𑀺𑀢𑀺𑀬𑁄 𑀲𑀼𑀬𑁆𑀬𑀦𑁆𑀢𑀺 𑀕𑀡𑁆𑀥𑀩𑁆𑀩 𑀤𑁂𑀯𑀢𑀸 𑀦 𑀤𑀺𑀲𑁆𑀲𑀦𑁆𑀢𑀺. 𑀭𑀸𑀚𑀸 𑀏𑀢𑀁 𑀅𑀘𑁆𑀙𑀭𑀺𑀬𑀁 𑀤𑀺𑀲𑁆𑀯𑀸 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑀁 𑀏𑀯𑀫𑀸𑀳-𑀤𑁂𑀯𑀢𑀸 𑀤𑀺𑀩𑁆𑀩𑀙𑀢𑁆𑀢𑁂𑀦 𑀧𑀽𑀚𑁂𑀲𑀼𑀁 𑀅𑀳𑀁 𑀫𑀸𑀦𑀼𑀲 𑀓𑀘𑁆𑀙𑀢𑁆𑀢𑁂𑀦 𑀧𑀽𑀚𑁂𑀫𑀺 𑀪𑀦𑁆𑀦𑁂𑀢𑀺. 𑀣𑁂𑀭𑁄 𑀬𑀼𑀢𑁆𑀢𑀁 𑀫𑀳𑀸𑀭𑀸𑀚𑀸𑀢𑀺 𑀆𑀳. 𑀭𑀸𑀚𑀸 𑀅𑀢𑁆𑀢𑀦𑁄 𑀲𑀼𑀯𑀡𑁆𑀡𑀧𑀺𑀡𑁆𑀟𑀺𑀓𑁂 𑀲𑁂𑀢𑀘𑁆𑀙𑀢𑁆𑀢𑁂𑀦 𑀧𑀽𑀚𑁂𑀢𑁆𑀯𑀸 𑀲𑀼𑀯𑀡𑁆𑀡𑀪𑀺𑀁𑀓𑀸𑀭𑀁 𑀕𑀳𑁂𑀢𑁆𑀯𑀸 𑀅𑀪𑀺𑀲𑁂𑀓𑁄𑀤𑀓𑀁 𑀤𑀢𑁆𑀯𑀸 𑀢𑀁 𑀤𑀺𑀯𑀲𑀁 𑀲𑀓𑀮𑀢𑀫𑁆𑀩𑀧𑀡𑁆𑀡𑀺 𑀤𑀻𑀧𑁂 𑀭𑀚𑁆𑀚𑀁 𑀅𑀤𑀸𑀲𑀺.

𑀢𑀢𑁄 𑀲𑀩𑁆𑀩𑀢𑀼𑀭𑀺𑀬𑀸𑀦𑀺 𑀧𑀕𑁆𑀕𑀡𑁆𑀳𑀺𑀁𑀲𑀼, 𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀢𑁆𑀯 𑀫𑀳𑀦𑁆𑀢𑀁 𑀲𑀓𑁆𑀓𑀸𑀭𑀫𑀓𑀁𑀲𑀼 𑀧𑀼𑀦 𑀭𑀸𑀚𑀸 𑀣𑁂𑀭𑀁 𑀧𑀼𑀘𑁆𑀙𑀺 - 𑀅𑀫𑁆𑀳𑀸𑀓𑀁 𑀲𑀢𑁆𑀣𑀸 𑀤𑀺𑀩𑁆𑀩𑀫𑀸𑀦𑀼𑀲𑀓𑀸𑀦𑀺 𑀤𑁆𑀯𑁂 𑀙𑀢𑁆𑀢𑀸𑀦𑀺 𑀥𑀸𑀭𑁂𑀲𑀺 𑀪𑀦𑁆𑀢𑁂. 𑀦 𑀤𑁆𑀯𑁂 𑀙𑀢𑁆𑀢𑀸𑀦𑀺 𑀢𑀻𑀡𑀺 𑀙𑀢𑁆𑀢𑀸𑀦𑀺 𑀫𑀳𑀸𑀭𑀸𑀚𑀸𑀢𑀺. 𑀅𑀜𑁆𑀜𑀁 𑀙𑀢𑁆𑀢𑀁 𑀦𑀧𑀲𑁆𑀲𑀸𑀫𑀺 𑀪𑀦𑁆𑀦𑁂𑀢𑀺. 𑀲𑀻𑀮𑀧𑀢𑀺𑀝𑁆𑀞𑀁 𑀲𑀫𑀸𑀥𑀺𑀤𑀡𑁆𑀟𑀓𑀁 𑀇𑀡𑁆𑀤𑁆𑀭𑀺𑀬𑀲𑀮𑀸𑀓𑀁 𑀩𑀮𑀫𑀸𑀮𑀁 𑀫𑀕𑁆𑀕𑀨𑀮𑀧𑀢𑁆𑀢 𑀲𑀜𑁆𑀙𑀦𑁆𑀦𑀁 𑀯𑀺𑀫𑀼𑀢𑁆𑀢𑀺𑀯𑀭𑀲𑁂𑀢𑀘𑁆𑀙𑀢𑁆𑀢𑀁 𑀉𑀲𑁆𑀲𑀸𑀧𑁂𑀢𑁆𑀯𑀸 𑀜𑀸𑀡𑀸𑀪𑀺𑀲𑁂𑀓𑀫𑁆𑀧𑀢𑁆𑀢𑁄 𑀥𑀫𑁆𑀫𑀭𑀢𑀦 𑀘𑀓𑁆𑀓𑀁 𑀧𑀯𑀢𑁆𑀢𑁂𑀢𑁆𑀯𑀸 𑀤𑀲𑀲𑀳𑀲𑁆𑀲 𑀘𑀓𑁆𑀓𑀯𑀸𑀴𑁂𑀲𑀼 𑀩𑀼𑀤𑁆𑀥𑀭𑀚𑁆𑀚𑀁 𑀳𑀢𑁆𑀣𑀕𑀢𑀁 𑀓𑀢𑁆𑀯𑀸 𑀭𑀚𑁆𑀚𑀁 𑀓𑀸𑀭𑁂𑀲𑀻𑀢𑀺 𑀭𑀸𑀚𑀸 𑀢𑀻𑀡𑀺𑀘𑁆𑀙𑀢𑁆𑀢 𑀥𑀸𑀭𑀓𑀲𑁆𑀲 𑀲𑀢𑁆𑀣𑀼𑀦𑁄 𑀢𑀺𑀓𑁆𑀔𑀢𑁆𑀢𑀼𑀁 𑀭𑀚𑁆𑀚𑀁 𑀤𑀫𑁆𑀫𑀻𑀢𑀺 𑀢𑀺𑀓𑁆𑀔𑀢𑁆𑀢𑀼𑀁 𑀥𑀸𑀢𑀼𑀬𑁄 𑀭𑀚𑁆𑀚𑁂𑀦 𑀧𑀽𑀚𑁂𑀲𑀺.

𑀢𑀢𑁄 𑀭𑀸𑀚𑀸 𑀤𑁂𑀯𑀫𑀦𑀼𑀲𑁆𑀲𑁂𑀲𑀼 𑀤𑀺𑀩𑁆𑀩𑀕𑀡𑁆𑀥𑀫𑀸𑀮𑀸𑀤𑀻𑀳𑀺 𑀧𑀽𑀚𑁂𑀦𑁆𑀢𑁂𑀲𑀼 𑀅𑀦𑁂𑀓𑁂𑀲𑀼 𑀢𑀼𑀭𑀺𑀬𑀖𑁄𑀲 𑀲𑀗𑁆𑀕𑀺𑀢𑁂𑀲𑀼 𑀯𑀢𑁆𑀢𑀫𑀸𑀦𑁂𑀲𑀼 𑀥𑀸𑀢𑀼𑀓𑀭𑀡𑁆𑀟𑀓𑀁 𑀲𑀻𑀲𑁂𑀦𑀸𑀤𑀸𑀬 𑀭𑀢𑀦𑀫𑀡𑁆𑀟𑀧𑀢𑁄 𑀦𑀺𑀓𑁆𑀔𑀫𑀺𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖 𑀧𑀭𑀺𑀯𑀼𑀢𑁄 𑀫𑀳𑀸𑀘𑁂𑀢𑀺𑀬𑀁 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀧𑀸𑀘𑀻𑀦𑀤𑁆𑀯𑀸𑀭𑁂𑀦𑀸𑀭𑀼𑀬𑁆𑀳 𑀥𑀸𑀢𑀼𑀕𑀩𑁆𑀪𑀁 𑀑𑀢𑀭𑀺. 𑀢𑀢𑁄 𑀫𑀳𑀸𑀘𑁂𑀢𑀺𑀬𑀁 𑀧𑀭𑀺𑀯𑀸𑀭𑁂𑀢𑁆𑀯𑀸 𑀙𑀦𑁆𑀦𑀯𑀼𑀢𑀺 𑀓𑁄𑀝𑀺𑀧𑁆𑀧𑀫𑀸𑀡 𑀅𑀭𑀳𑀦𑁆𑀢𑁄 𑀅𑀝𑁆𑀞𑀁𑀲𑀼.

𑀭𑀸𑀚𑀸 𑀲𑀻𑀲𑀢𑁄 𑀥𑀸𑀢𑀼𑀓𑀭𑀡𑁆𑀟𑀓𑀁 𑀑𑀢𑀸𑀭𑁂𑀢𑁆𑀯𑀸 𑀫𑀳𑀸𑀭𑀳𑁂 𑀲𑀬𑀦𑀧𑀺𑀝𑁆𑀞𑁂 𑀞𑀧𑁂𑀲𑁆𑀲𑀸𑀫𑀻𑀢𑀺 𑀘𑀺𑀦𑁆𑀢𑁂𑀲𑀺 𑀢𑀲𑁆𑀫𑀺𑀁 𑀔𑀡𑁂 𑀥𑀸𑀢𑀼𑀓𑀭𑀡𑁆𑀟𑀓𑁄 𑀭𑀜𑁆𑀜𑁄 𑀲𑀻𑀲𑀢𑁄 𑀲𑀢𑁆𑀢 𑀢𑀸𑀮𑀧𑁆𑀧𑀫𑀸𑀡𑁂 𑀞𑀸𑀦𑁂 𑀕𑀦𑁆𑀢𑁆𑀯𑀸 𑀲𑀬𑀫𑁂𑀯 𑀯𑀺𑀘𑀭𑀺 𑀥𑀸𑀢𑀼𑀬𑁄 𑀆𑀓𑀸𑀲𑀫𑀼𑀕𑁆𑀕𑀦𑁆𑀢𑁆𑀯𑀸 𑀤𑁆𑀯𑀢𑁆𑀢𑀺𑀁𑀲 𑀫𑀳𑀸 𑀧𑀼𑀭𑀺𑀲𑀮𑀓𑁆𑀔𑀡 𑀅𑀲𑀺𑀢𑀺 𑀅𑀦𑀼𑀩𑁆𑀬𑀜𑁆𑀚𑀦𑀸 𑀩𑁆𑀬𑀸𑀫𑀧𑁆𑀧𑀪𑀸 𑀧𑀢𑀺𑀫𑀡𑁆𑀟𑀺𑀢𑀁 𑀓𑁂𑀢𑀼𑀫𑀸𑀮𑁄𑀧 𑀲𑁄𑀪𑀺𑀢𑀁 𑀦𑀺𑀮-𑀧𑀻𑀢-𑀮𑁄𑀳𑀺𑀢𑀸𑀤𑀺 𑀪𑁂𑀤 𑀯𑀺𑀘𑀺𑀢𑁆𑀭 𑀭𑀁𑀲𑀺𑀚𑀸𑀮𑀸 𑀲𑀫𑀼𑀚𑁆𑀚𑀮𑀁 𑀩𑀼𑀤𑁆𑀥𑀯𑁂𑀲𑀁 𑀕𑀳𑁂𑀢𑁆𑀯𑀸 𑀕𑀡𑁆𑀟𑀫𑁆𑀩𑀫𑀽𑀮𑁂 ¶ 𑀬𑀫𑀓 𑀧𑀸𑀝𑀺𑀳𑀸𑀭𑀺𑀬𑀁 𑀲𑀤𑀺𑀲 𑀬𑀫𑀓 𑀧𑀸𑀝𑀺𑀳𑀸𑀭𑀺𑀬𑀁 𑀅𑀓𑀁𑀲𑀼. 𑀢𑀁 𑀥𑀸𑀢𑀼𑀧𑀸𑀝𑀺𑀳𑀸𑀭𑀺𑀬𑀁 𑀤𑀺𑀲𑁆𑀯𑀸 𑀧𑀲𑀻𑀤𑀺𑀢𑁆𑀯𑀸 𑀅𑀭𑀳𑀢𑁆𑀢𑀫𑁆𑀧𑀢𑁆𑀢𑀸 𑀤𑁂𑀯𑀫𑀦𑀼𑀲𑁆𑀲𑀸 𑀤𑁆𑀯𑀸𑀤𑀲𑀓𑁄𑀝𑀺𑀬𑁄 𑀅𑀳𑁂𑀲𑀼𑀁. 𑀲𑁂𑀲𑀨𑀮𑀢𑁆𑀢𑀬𑀁 𑀧𑀢𑁆𑀢𑀸 𑀕𑀡𑀦𑀧𑀣𑀫𑀢𑀻𑀢𑀸 𑀅𑀳𑁂𑀲𑀼𑀁. 𑀏𑀯𑀁 𑀥𑀸𑀢𑀼𑀬𑁄 𑀅𑀦𑁂𑀓𑀥𑀸 𑀧𑀸𑀝𑀺𑀳𑀸𑀭𑀺𑀬𑀁 𑀤𑀲𑁆𑀲𑁂𑀢𑁆𑀯𑀸 𑀩𑀼𑀤𑁆𑀥𑀯𑁂𑀲𑀁 𑀯𑀺𑀲𑁆𑀲𑀚𑁆𑀚𑁂𑀢𑁆𑀯𑀸 𑀓𑀭𑀡𑁆𑀟𑀓𑀁 𑀧𑀯𑀺𑀲𑀺𑀢𑁆𑀯𑀸 𑀢𑁂𑀦 𑀲𑀤𑁆𑀥𑀺𑀁 𑀑𑀢𑀭𑀺𑀢𑁆𑀯𑀸 𑀭𑀜𑁆𑀜𑁄 𑀲𑀻𑀲𑁂 𑀧𑀢𑀺𑀝𑁆𑀞𑀳𑀺𑀁𑀲𑀼.

𑀭𑀸𑀚𑀸 𑀅𑀫𑀢𑁂𑀦 𑀯𑀺𑀬 𑀅𑀪𑀺𑀲𑀺𑀢𑁆𑀢𑁄 𑀲𑀨𑀮𑀁 𑀫𑀦𑀼𑀲𑁆𑀲𑀢𑁆𑀢 𑀧𑀝𑀺𑀮𑀸𑀪𑀁 𑀫𑀜𑁆𑀜𑀫𑀸𑀦𑁄 𑀉𑀪𑁄𑀳𑀺 𑀳𑀢𑁆𑀣𑁂𑀳𑀺 𑀥𑀸𑀢𑀼𑀓𑀭𑀡𑁆𑀟𑀓𑀁 𑀕𑀳𑁂𑀢𑁆𑀯𑀸 𑀦𑀸𑀝𑀓 𑀧𑀭𑀺𑀯𑀼𑀢𑁄 𑀅𑀮𑀗𑁆𑀓𑀢 𑀲𑀬𑀦 𑀲𑀫𑀻𑀧𑀁 𑀕𑀦𑁆𑀢𑁆𑀯𑀸 𑀥𑀸𑀢𑀼𑀘𑀗𑁆𑀕𑁄𑀝𑀓𑀁 𑀭𑀢𑀦𑀧𑀮𑁆𑀮𑀗𑁆𑀓𑁂 𑀞𑀧𑁂𑀢𑁆𑀯𑀸 𑀕𑀡𑁆𑀥𑀯𑀸𑀲𑀺𑀢𑁄𑀤𑀓𑁂𑀦 𑀳𑀢𑁆𑀣𑁂 𑀥𑁄𑀯𑀺𑀢𑁆𑀯𑀸 𑀯𑀢𑀼𑀚𑀸𑀢𑀺𑀬 𑀕𑀡𑁆𑀥𑁂𑀦 𑀉𑀩𑁆𑀩𑀝𑁆𑀝𑁂𑀢𑁆𑀯𑀸 𑀭𑀢𑀦𑀓𑀭𑀡𑁆𑀟𑀓𑀁 𑀯𑀺𑀘𑀭𑀺𑀢𑁆𑀯𑀸 𑀥𑀸𑀢𑀼𑀬𑁄 𑀕𑀳𑁂𑀢𑁆𑀯𑀸 𑀏𑀯𑀁 𑀘𑀺𑀦𑁆𑀢𑁂𑀲𑀺.

‘‘𑀅𑀦𑀸𑀓𑀼𑀮𑀸 𑀓𑁂𑀳𑀺𑀘𑀺𑀧𑀺 𑀬𑀤𑀺 𑀳𑁂𑀲𑁆𑀲𑀲𑁆𑀢𑀺 𑀥𑀸𑀢𑀼𑀬𑁄,

𑀚𑀦𑀲𑁆𑀲 𑀲𑀭𑀡𑀁 𑀳𑀼𑀢𑁆𑀯𑀸 𑀬𑀤𑀺 𑀞𑀲𑁆𑀲𑀦𑁆𑀢𑀺 𑀥𑀸𑀢𑀼𑀬𑁄;

𑀲𑀢𑁆𑀣𑀼𑀦𑀺𑀧𑀦𑁆𑀦𑀸 𑀓𑀸𑀭𑁂𑀦 𑀧𑀭𑀺𑀦𑀺𑀩𑁆𑀩𑀸𑀦 𑀫𑀜𑁆𑀘𑀓𑁂,

𑀦𑀺𑀧𑀚𑁆𑀚𑀦𑁆𑀢𑀼 𑀲𑀼𑀧𑀜𑁆𑀜𑀢𑁆𑀢𑁂-𑀲𑀬𑀦𑀫𑁆𑀳𑀺 𑀫𑀳𑀸𑀭𑀳𑁂’’𑀢𑀺;

𑀏𑀯𑀁 𑀘𑀺𑀦𑁆𑀢𑁂𑀢𑁆𑀯𑀸 𑀧𑀦 𑀯𑀭𑀲𑀬𑀦𑀧𑀺𑀝𑁆𑀞𑁂 𑀥𑀸𑀢𑀼𑀬𑁄 𑀞𑀧𑁂𑀲𑀺 𑀢𑀲𑁆𑀫𑀺𑀁 𑀔𑀡𑁂 𑀥𑀸𑀢𑀼𑀬𑁄 𑀭𑀜𑁆𑀜𑀸 𑀘𑀺𑀦𑁆𑀢𑀺𑀢 𑀦𑀺𑀬𑀸𑀫𑁂𑀦𑁂𑀯 𑀫𑀳𑀸𑀭𑀳𑁂 𑀲𑀬𑀦𑁂 𑀩𑀼𑀤𑁆𑀥𑀯𑁂𑀲𑁂𑀦 𑀲𑀬𑀺𑀁𑀲𑀼.

‘‘𑀆𑀲𑀸𑀴𑀳𑀺 𑀲𑀼𑀓𑁆𑀓𑀧𑀓𑁆𑀔𑀲𑁆𑀲 𑀧𑀦𑁆𑀦𑀭𑀲 𑀉𑀧𑁄𑀲𑀣𑁂,

𑀉𑀢𑁆𑀢𑀭𑀸𑀲𑀸𑀴𑁆𑀳 𑀦𑀓𑁆𑀔𑀢𑁆𑀢𑁂 𑀏𑀯𑀁 𑀥𑀸𑀢𑀼 𑀧𑀢𑀺𑀝𑁆𑀞𑀺𑀢𑀸;

𑀲𑀳 𑀥𑀸𑀢𑀼 𑀧𑀢𑀺𑀝𑁆𑀞𑀸𑀦𑀸 𑀅𑀓𑀫𑁆𑀧𑀺𑀢𑁆𑀣 𑀫𑀳𑀸𑀫𑀳𑀻, 𑀧𑀸𑀝𑀺𑀳𑀻𑀭𑀸𑀦𑀺 𑀦𑁂𑀓𑀸𑀦𑀺 𑀧𑀯𑀢𑁆𑀢𑀺𑀁𑀲𑀼 𑀅𑀦𑁂𑀓𑀥𑀸.’’

𑀢𑀤𑀳𑀺 𑀉𑀤𑀓𑀧𑀭𑀺𑀬𑀦𑁆𑀢𑀁 𑀓𑀢𑁆𑀯𑀸 𑀅𑀬𑀁 𑀫𑀳𑀸𑀧𑀣𑀯𑀻 𑀲𑀗𑁆𑀓𑀫𑁆𑀧𑀺 𑀲𑀫𑁆𑀧𑀓𑀫𑁆𑀧𑀺 𑀲𑀫𑁆𑀧𑀯𑁂𑀥𑀺, 𑀫𑀳𑀸𑀲𑀫𑀼𑀤𑁆𑀤𑁄 𑀲𑀗𑁆𑀔𑀽𑀪𑀺, 𑀆𑀓𑀸𑀲𑁂 𑀯𑀺𑀚𑁆𑀚𑀼𑀮𑁆𑀮𑀢𑀸 𑀦𑀺𑀘𑁆𑀙𑀭𑀺𑀁𑀲𑀼. 𑀔𑀡𑀺𑀓𑀯𑀲𑁆𑀲𑀁 𑀯𑀲𑁆𑀲𑀺, 𑀙 𑀤𑁂𑀯𑀮𑁄𑀓𑀸 𑀏𑀓𑀓𑁄𑀮𑀸𑀳𑀮 𑀫𑀳𑁄𑀲𑀺 𑀭𑀸𑀚𑀸 𑀏𑀢𑀁 𑀅𑀘𑁆𑀙𑀭𑀺𑀬𑀁 𑀤𑀺𑀲𑁆𑀯𑀸 𑀧𑀲𑀦𑁆𑀦𑁄 𑀅𑀢𑁆𑀢𑀦𑁄 𑀓𑀜𑁆𑀘𑀦 𑀫𑀸𑀮𑀺𑀓 𑀲𑁂𑀢𑀘𑁆𑀙𑀢𑁆𑀢𑁂𑀦 𑀥𑀸𑀢𑀼𑀬𑁄 𑀧𑀽𑀚𑁂𑀢𑁆𑀯𑀸 𑀢𑀫𑁆𑀩𑀧𑀡𑁆𑀡𑀺𑀤𑀺𑀧𑁂 𑀭𑀚𑁆𑀚𑀁 𑀲𑀢𑁆𑀢𑀸𑀳𑀁 𑀤𑀢𑁆𑀯𑀸 𑀢𑀺𑀁𑀲 𑀲𑀢𑀲𑀳𑀲𑁆𑀲𑀕𑁆𑀖𑀦𑀓𑀁 𑀅𑀮𑀗𑁆𑀓𑀸𑀭 𑀪𑀡𑁆𑀟𑀁 𑀑𑀫𑀼𑀜𑁆𑀘𑀺𑀢𑁆𑀯𑀸 𑀧𑀽𑀚𑁂𑀲𑀺. 𑀢𑀣𑀸 𑀲𑀩𑁆𑀩𑀸𑀧𑀺 𑀦𑀸𑀝𑀓𑀺𑀢𑁆𑀣𑀺𑀬𑁄 𑀅𑀫𑀘𑁆𑀘𑀸 𑀲𑁂𑀲 𑀫𑀳𑀸𑀚𑀦𑁄 𑀤𑁂𑀯𑀸 𑀘 𑀲𑀩𑁆𑀩𑀸𑀪𑀭𑀡𑀸𑀦𑀺 𑀧𑀽𑀚𑁂𑀲𑀼𑀁 𑀢𑀲𑁆𑀫𑀸-

𑀢𑀺𑀝𑁆𑀞𑀦𑁆𑀢𑀁 𑀲𑀼𑀕𑀢𑀁 𑀢𑀺𑀮𑁄𑀓𑀫𑀳𑀺𑀢𑀁 𑀬𑁄 𑀧𑀽𑀚𑀬𑁂 𑀲𑀸𑀤𑀭𑀁,

𑀬𑁄 𑀯𑀸 𑀲𑀸𑀲𑀧 𑀩𑀻𑀚𑀫𑀢𑁆𑀢𑀫𑁆𑀧𑀺 𑀢𑀁 𑀥𑀸𑀢𑀼𑀁 𑀦𑀭𑁄 𑀧𑀽𑀚𑀬𑁂;

𑀢𑁂𑀲𑀁 𑀧𑀼𑀜𑁆𑀜𑀨𑀮𑀁 𑀲𑀫𑀸𑀦𑀫𑀻𑀢𑀺 𑀢𑀁 𑀘𑀺𑀢𑁆𑀢𑀧𑁆𑀧𑀲𑀸𑀤𑁂 𑀲𑀫𑁂,

𑀜𑀢𑁆𑀯𑀸 𑀢𑀁 𑀧𑀭𑀺𑀦𑀺𑀩𑁆𑀩𑀼𑀢𑁂𑀧𑀺 𑀲𑀼𑀕𑀢𑁂 𑀥𑀸𑀢𑀼𑀁 𑀩𑀼𑀥𑁄 𑀧𑀽𑀚𑀬𑁂’𑀢𑀺;

𑀢𑀢𑁄 ¶ 𑀭𑀸𑀚𑀸 𑀘𑀻𑀯𑀭𑀯𑀢𑁆𑀣𑀸𑀦𑀺 𑀘𑁂𑀯 𑀕𑀼𑀴-𑀲𑀧𑁆𑀧𑀺 𑀆𑀤𑀺 𑀪𑁂𑀲𑀚𑁆𑀚𑀸𑀦𑀺 𑀘 𑀲𑀗𑁆𑀖𑀲𑁆𑀲 𑀤𑀢𑁆𑀯𑀸 𑀲𑀩𑁆𑀩𑀭𑀢𑁆𑀢𑀺𑀁 𑀕𑀡𑀲𑀚𑁆𑀛𑀸𑀬𑀁 𑀓𑀸𑀭𑁂𑀲𑀺 𑀧𑀼𑀦 𑀤𑀺𑀯𑀲𑁂 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀲𑀺 𑀫𑀳𑀸𑀚𑀦𑁄 𑀇𑀫𑀁 𑀲𑀢𑁆𑀢𑀸𑀳𑀁 𑀕𑀡𑁆𑀥𑀫𑀸𑀮𑀸𑀤𑀻𑀦𑀺 𑀆𑀤𑀺𑀬 𑀕𑀦𑁆𑀢𑁆𑀯𑀸 𑀥𑀸𑀢𑀼𑀬𑁄 𑀯𑀦𑁆𑀤𑀢𑀽𑀢𑀺 𑀇𑀡𑁆𑀤𑀕𑀼𑀢𑁆𑀢𑀢𑁆𑀣𑁂𑀭𑁄𑀧𑀺 𑀲𑀓𑀮 𑀢𑀫𑁆𑀩𑀧𑀡𑁆𑀡𑀺 𑀤𑀻𑀧𑁂 𑀫𑀦𑀼𑀲𑁆𑀲𑀸 𑀥𑀸𑀢𑀼𑀬𑁄 𑀯𑀦𑁆𑀤𑀺𑀢𑀼𑀓𑀸𑀫𑀸, 𑀢𑀁 𑀔𑀡𑀁𑀬𑁂𑀯 𑀆𑀕𑀦𑁆𑀢𑁆𑀯𑀸 𑀯𑀦𑁆𑀤𑀺𑀢𑁆𑀯𑀸 𑀬𑀣𑀸𑀝𑁆𑀞𑀸𑀦𑀁 𑀕𑀘𑁆𑀙𑀦𑁆𑀢𑀽𑀢𑀺 𑀅𑀥𑀺𑀝𑁆𑀞𑀸𑀲𑀺.

𑀢𑁂 𑀢𑀣𑁂𑀯 𑀥𑀸𑀢𑀼𑀬𑁄 𑀯𑀦𑁆𑀤𑀺𑀢𑁆𑀯𑀸 𑀕𑀫𑀺𑀁𑀲𑀼 𑀭𑀸𑀚𑀸 𑀲𑀢𑁆𑀢𑀸𑀳𑀁 𑀲𑀗𑁆𑀖𑀲𑁆𑀲 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑁂𑀢𑁆𑀯𑀸 𑀲𑀢𑁆𑀢𑀸𑀳𑀲𑁆𑀲 𑀅𑀘𑁆𑀘𑀬𑁂𑀦 𑀥𑀸𑀢𑀼𑀕𑀩𑁆𑀪𑁂 𑀫𑀬𑀸 𑀓𑀢𑁆𑀢𑀩𑁆𑀩𑀓𑀺𑀘𑁆𑀘𑀁 𑀦𑀺𑀝𑁆𑀞𑀸𑀧𑀺𑀢𑀁, 𑀥𑀸𑀢𑀼𑀕𑀩𑁆𑀪𑀁 𑀧𑀺𑀤𑀳𑀣 𑀪𑀦𑁆𑀢𑁂𑀢𑀺 𑀲𑀗𑁆𑀖𑀲𑁆𑀲 𑀆𑀭𑁄𑀘𑁂𑀲𑀺. 𑀲𑀗𑁆𑀖𑁄 𑀉𑀢𑁆𑀢𑀭𑀲𑀼𑀫𑀦 𑀲𑀸𑀫𑀡𑁂𑀭𑁂 𑀆𑀫𑀦𑁆𑀢𑁂𑀢𑁆𑀯𑀸 𑀢𑀼𑀫𑁆𑀳𑁂𑀳𑀺 𑀧𑀼𑀩𑁆𑀩𑁂 𑀆𑀳𑀝 𑀫𑁂𑀤𑀯𑀡𑁆𑀡 𑀧𑀸𑀲𑀸𑀡𑁂𑀦 𑀥𑀸𑀢𑀼 𑀕𑀩𑁆𑀪𑀁 𑀧𑀺𑀤𑀳𑀣𑀸𑀢𑀺 𑀆𑀳. 𑀢𑁂 𑀲𑀸𑀥𑀽𑀢𑀺 𑀲𑀫𑁆𑀧𑀝𑀺𑀘𑁆𑀙𑀺𑀢𑁆𑀯𑀸 𑀥𑀸𑀢𑀼𑀕𑀩𑁆𑀪𑀁 𑀧𑀺𑀤𑀳𑀺𑀁𑀲𑀼.

𑀢𑀢𑁄 𑀔𑀻𑀡𑀸𑀲𑀯𑀸 𑀥𑀸𑀢𑀼𑀕𑀩𑁆𑀪𑁂 𑀕𑀡𑁆𑀥𑀸 𑀫𑀸 𑀲𑀼𑀲𑀦𑁆𑀢𑀼 𑀫𑀸𑀮𑀸 𑀫𑀸 𑀫𑀺𑀮𑀸𑀬𑀦𑁆𑀢𑀼. 𑀤𑀻𑀧𑀸 𑀫𑀸 𑀦𑀺𑀩𑁆𑀩𑀸𑀬𑀦𑁆𑀢𑀼 𑀭𑀢𑀦𑀸𑀦𑀺 𑀫𑀸 𑀯𑀺𑀯𑀡𑁆𑀡𑀸𑀦𑀺 𑀳𑁄𑀦𑁆𑀢𑀼 𑀧𑀽𑀚𑀦𑀻𑀬𑀪𑀡𑁆𑀟𑀸𑀦𑀺 𑀫𑀸 𑀦𑀲𑁆𑀲𑀦𑁆𑀢𑀼. 𑀫𑁂𑀤𑀯𑀡𑁆𑀡 𑀧𑀸𑀲𑀸𑀡𑀸 𑀲𑀦𑁆𑀥𑀻𑀬𑀦𑁆𑀢𑀼, 𑀧𑀘𑁆𑀘𑀢𑁆𑀣𑀺𑀓𑀸𑀦𑀁 𑀑𑀓𑀸𑀲𑁄 𑀫𑀸 𑀳𑁄𑀢𑀽𑀢𑀺 𑀅𑀥𑀺𑀝𑁆𑀞𑀳𑀺𑀁𑀲𑀼.

𑀏𑀯𑀁 𑀭𑀸𑀚𑀸 𑀥𑀸𑀢𑀼 𑀦𑀺𑀥𑀸𑀧𑁂𑀢𑁆𑀯𑀸 𑀧𑀼𑀦 𑀦𑀕𑀭𑁂 𑀪𑁂𑀭𑀺𑀁 𑀘𑀭𑀸𑀧𑁂𑀲𑀺 𑀫𑀳𑀸 𑀘𑁂𑀢𑀺𑀬𑁂 𑀥𑀸𑀢𑀼𑀁 𑀦𑀺𑀥𑀸𑀧𑁂𑀢𑁆𑀯𑀸 𑀥𑀸𑀢𑀼𑀁 𑀆𑀳𑀭𑀺𑀢𑁆𑀯𑀸 𑀦𑀺𑀥𑀸𑀦𑀁 𑀓𑀭𑁄𑀦𑁆𑀢𑀽𑀢𑀺. 𑀫𑀳𑀸𑀚𑀦𑁄 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀩𑀮𑀸𑀦𑀼𑀭𑀽𑀧𑁂𑀦 𑀲𑀼𑀯𑀡𑁆𑀡 𑀭𑀚𑀢𑀸𑀤𑀺 𑀓𑀭𑀡𑁆𑀟𑁂 𑀓𑀸𑀭𑀸𑀧𑁂𑀢𑁆𑀯𑀸 𑀢𑀢𑁆𑀣 𑀥𑀸𑀢𑀼𑀬𑁄 𑀧𑀢𑀺𑀝𑁆𑀞𑀸𑀧𑁂𑀢𑁆𑀯𑀸 𑀥𑀸𑀢𑀼𑀦𑀺𑀥𑀸𑀦𑀲𑁆𑀲𑀼𑀧𑀭𑀺 𑀫𑁂𑀤𑀯𑀡𑁆𑀡 𑀧𑀸𑀲𑀸𑀡 𑀧𑀺𑀝𑁆𑀞𑀺𑀬𑀁 𑀦𑀺𑀤𑀳𑀺𑀁𑀲𑀼. 𑀲𑀩𑁆𑀩𑁂𑀳𑀺 𑀲𑀦𑁆𑀦𑀺𑀳𑀺𑀢 𑀥𑀸𑀢𑀼𑀬𑁄 𑀲𑀳𑀲𑁆𑀲𑀫𑀢𑁆𑀢𑀸 𑀅𑀳𑁂𑀲𑀼𑀦𑁆𑀢𑀺.

𑀇𑀢𑀺 𑀲𑀸𑀥𑀼𑀚𑀦 𑀫𑀦𑁄𑀧𑀲𑀸𑀤𑀦𑀢𑁆𑀣𑀸𑀬 𑀓𑀢𑁂 𑀣𑀽𑀧𑀯𑀁𑀲𑁂 𑀥𑀸𑀢𑀼𑀦𑀺𑀥𑀸𑀦 𑀓𑀣𑀸 𑀦𑀺𑀝𑁆𑀞𑀺𑀢𑀸.

𑁨𑁪. 𑀢𑀢𑁄 𑀭𑀸𑀚𑀸 𑀢𑀁 𑀲𑀩𑁆𑀩𑀁 𑀧𑀺𑀤𑀳𑁂𑀢𑁆𑀯𑀸 𑀘𑁂𑀢𑀺𑀬𑀁 𑀓𑀭𑁄𑀦𑁆𑀢𑁄 𑀉𑀤𑀭𑁂𑀦 𑀲𑀤𑁆𑀥𑀺𑀁 𑀘𑀢𑀼𑀭𑀲𑁆𑀲 𑀓𑁄𑀝𑁆𑀞𑀓𑀁 𑀦𑀺𑀝𑁆𑀞𑀸𑀧𑁂𑀲𑀺 𑀅𑀣 𑀙𑀢𑁆𑀢𑀓𑀫𑁆𑀫𑁂 𑀲𑀼𑀥𑀸𑀓𑀫𑁆𑀫𑁂 𑀘 𑀅𑀦𑀺𑀝𑁆𑀞𑀺𑀢𑁂𑀬𑁂𑀯 𑀫𑀸𑀭𑀡𑀦𑁆𑀢𑀺𑀓 𑀭𑁄𑀕𑁂𑀦 𑀕𑀺𑀮𑀸𑀦𑁄 𑀳𑀼𑀢𑁆𑀯𑀸 𑀤𑀻𑀖𑀯𑀸𑀧𑀺𑀢𑁄 𑀓𑀦𑀺𑀝𑁆𑀞𑀪𑀸𑀢𑀭𑀁 𑀧𑀓𑁆𑀓𑁄𑀲𑀸𑀧𑁂𑀢𑁆𑀯𑀸 𑀘𑁂𑀢𑀺𑀬𑁂 𑀅𑀦𑀺𑀝𑁆𑀞𑀺𑀢𑀁 𑀙𑀢𑁆𑀢𑀓𑀫𑁆𑀫𑀁 𑀲𑀼𑀥𑀸𑀓𑀫𑁆𑀫𑀜𑁆𑀘 𑀲𑀻𑀖𑀁 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀫𑀁 𑀢𑁄𑀲𑁂𑀳𑀺 𑀢𑀸𑀢𑀸𑀢𑀺 𑀆𑀳. 𑀲𑁄 𑀭𑀜𑁆𑀜𑁄 𑀤𑀼𑀩𑁆𑀩𑀮𑀪𑀸𑀯𑀁 𑀜𑀢𑁆𑀯𑀸 𑀅𑀦𑁆𑀢𑀭𑁂 𑀅𑀦𑀺𑀝𑁆𑀞𑀺𑀢𑀓𑀫𑁆𑀫𑀁 𑀓𑀸𑀢𑀼𑀁 𑀦 𑀲𑀓𑁆𑀓𑀸𑀢𑀺 𑀲𑀼𑀤𑁆𑀥𑀯𑀢𑁆𑀣𑁂𑀳𑀺 𑀓𑀜𑁆𑀘𑀼𑀓𑀁 𑀓𑀸𑀭𑁂𑀢𑁆𑀯𑀸 𑀘𑁂𑀢𑀺𑀬𑁂 𑀧𑀝𑀺𑀫𑀼𑀜𑁆𑀘𑀸𑀧𑁂𑀢𑁆𑀯𑀸 𑀘𑀺𑀢𑁆𑀢𑀓𑀸𑀭𑁂𑀳𑀺 𑀓𑀜𑁆𑀘𑀼𑀓 𑀫𑀢𑁆𑀣𑀓𑁂 𑀯𑁂𑀤𑀺𑀓𑀸 𑀘 𑀧𑀼𑀡𑁆𑀡𑀖𑀝 𑀧𑀜𑁆𑀘𑀗𑁆𑀕𑀼𑀮𑀺 𑀧𑀦𑁆𑀢𑀺𑀬𑁄 𑀘 𑀓𑀸𑀭𑀸𑀧𑁂𑀲𑀺.

𑀦𑀴𑀓𑀸𑀭𑁂𑀳𑀺 𑀯𑁂𑀴𑀼𑀫𑀬 𑀙𑀢𑁆𑀢𑀁 𑀓𑀸𑀭𑁂𑀢𑁆𑀯𑀸 𑀔𑀭𑀧𑀢𑁆𑀢𑀫𑀬𑁂 𑀘𑀡𑁆𑀤𑀲𑀽𑀭𑀺𑀬𑀫𑀡𑁆𑀟𑀮𑁂 𑀫𑀼𑀤𑁆𑀥𑀦𑀺 𑀯𑁂𑀤𑀺𑀓𑀸 𑀓𑀸𑀭𑁂𑀢𑁆𑀯𑀸 𑀮𑀸𑀔𑀸𑀓𑀼𑀓𑀼𑀝𑁆𑀞𑀓𑁂𑀳𑀺 𑀢𑀁 𑀯𑀺𑀘𑀺𑀢𑁆𑀢𑀁 𑀓𑀢𑁆𑀯𑀸 𑀣𑀽𑀧𑀓𑀫𑁆𑀫𑀁 𑀦𑀺𑀝𑁆𑀞𑀺𑀢𑀦𑁆𑀢𑀺 𑀭𑀜𑁆𑀜𑁄 𑀅𑀭𑁄𑀘𑁂𑀲𑀺 𑀭𑀸𑀚𑀸 𑀢𑁂𑀦 𑀳𑀺 𑀫𑀁 ¶ 𑀫𑀳𑀸𑀘𑁂𑀢𑀺𑀬𑀁 𑀤𑀲𑁆𑀲𑁂𑀳𑀻𑀢𑀺 𑀯𑀢𑁆𑀯𑀸 𑀲𑀺𑀯𑀺𑀓𑀸𑀬 𑀦𑀺𑀧𑀚𑁆𑀚𑀺𑀢𑁆𑀯𑀸 𑀘𑁂𑀢𑀺𑀬𑀸 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀤𑀓𑁆𑀔𑀺𑀡𑀤𑁆𑀯𑀸𑀭𑁂 𑀪𑀽𑀫𑀺𑀲𑀬𑀦𑀁 𑀧𑀜𑁆𑀜𑀸𑀧𑁂𑀢𑁆𑀯𑀸 𑀢𑀢𑁆𑀣 𑀦𑀺𑀧𑀦𑁆𑀦𑁄 𑀤𑀓𑁆𑀔𑀺𑀡𑁂𑀦 𑀧𑀲𑁆𑀲𑁂𑀦 𑀲𑀬𑀺𑀢𑁆𑀯𑀸 𑀫𑀳𑀸𑀣𑀽𑀧𑀁 𑀯𑀸𑀫𑀧𑀲𑁆𑀲𑁂𑀦 𑀲𑀬𑀺𑀢𑁆𑀯𑀸 𑀮𑁄𑀳𑀧𑀸𑀲𑀸𑀤𑀁 𑀑𑀮𑁄𑀓𑁂𑀦𑁆𑀢𑁄 𑀧𑀲𑀦𑁆𑀦 𑀘𑀺𑀢𑁆𑀢𑁄 𑀅𑀳𑁄𑀲𑀺. 𑀢𑀤𑀸 𑀭𑀜𑁆𑀜𑁄 𑀲𑀸𑀲𑀦𑀲𑁆𑀲 𑀩𑀳𑀽𑀧𑀓𑀸𑀭𑀪𑀸𑀯𑀁 𑀲𑀮𑁆𑀮𑀓𑁆𑀔𑁂𑀢𑁆𑀯𑀸 𑀕𑀺𑀮𑀸𑀦 𑀧𑀼𑀘𑁆𑀙𑀦𑀢𑁆𑀣𑀸𑀬 𑀢𑀢𑁄 𑀢𑀢𑁄 𑀆𑀕𑀢𑀸 𑀪𑀺𑀓𑁆𑀔𑀼 𑀙𑀦𑁆𑀦𑀯𑀼𑀢𑀺 𑀓𑁄𑀝𑀺𑀬𑁄 𑀭𑀸𑀚𑀸𑀦𑀁 𑀧𑀭𑀺𑀯𑀸𑀭𑁂𑀢𑁆𑀯𑀸 𑀅𑀝𑁆𑀞𑀁𑀲𑀼. 𑀢𑀢𑁄 𑀲𑀗𑁆𑀖𑁄 𑀯𑀕𑁆𑀕 𑀯𑀕𑁆𑀕𑀸 𑀳𑀼𑀢𑁆𑀯𑀸 𑀕𑀡𑀲𑀚𑁆𑀛𑀸𑀬𑀁 𑀅𑀓𑀸𑀲𑀺.

𑀭𑀸𑀚𑀸 𑀢𑀲𑁆𑀫𑀺𑀁 𑀲𑀫𑀸𑀕𑀫𑁂 𑀣𑁂𑀭𑀧𑀼𑀢𑁆𑀢𑀸𑀪𑀬𑀢𑁆𑀣𑁂𑀭𑀁 𑀅𑀤𑀺𑀲𑁆𑀯𑀸 𑀏𑀯𑀁 𑀘𑀺𑀦𑁆𑀢𑁂𑀲𑀺. 𑀲𑁄 𑀫𑀬𑀺 𑀤𑀫𑀺𑀴𑁂𑀳𑀺 𑀲𑀤𑁆𑀥𑀺𑀁 𑀅𑀝𑁆𑀞𑀯𑀻𑀲𑀢𑀺 𑀫𑀳𑀸𑀬𑀼𑀤𑁆𑀥𑁂 𑀓𑀬𑀺𑀭𑀫𑀸𑀲𑁂 𑀅𑀧𑀘𑁆𑀘𑁄𑀲𑀓𑀓𑀺𑀢𑁆𑀯𑀸 𑀇𑀤𑀸𑀦𑀺 𑀫𑀭𑀡𑀬𑀼𑀤𑁆𑀥𑁂 𑀯𑀢𑁆𑀢𑀫𑀸𑀡𑁂 𑀫𑀬𑁆𑀳𑀁 𑀧𑀭𑀸𑀚𑀬𑀁 𑀤𑀺𑀲𑁆𑀯𑀸 𑀫𑀜𑁆𑀜𑁂 𑀦𑀸𑀕𑀘𑁆𑀙𑀢𑀻𑀢𑀺. 𑀢𑀤𑀸 𑀣𑁂𑀭𑁄 𑀓𑀭𑀺𑀡𑁆𑀤 𑀦𑀤𑀻 𑀲𑀻𑀲𑁂 𑀧𑀚𑁆𑀚𑀮𑀺𑀢 𑀧𑀩𑁆𑀩𑀢𑁂 𑀯𑀲𑀦𑁆𑀢𑁄 𑀭𑀜𑁆𑀜𑁄 𑀧𑀭𑀺𑀯𑀺𑀢𑀓𑁆𑀓𑀁 𑀜𑀢𑁆𑀯𑀸 𑀧𑀜𑁆𑀘𑀲𑀢 𑀔𑀻𑀡𑀸𑀲𑀯 𑀧𑀭𑀺𑀯𑀼𑀲𑁂𑀢𑀸 𑀆𑀓𑀸𑀲𑁂𑀦𑀸𑀕𑀦𑁆𑀢𑁆𑀯𑀸 𑀭𑀜𑁆𑀜𑁄 𑀧𑀼𑀭𑀢𑁄 𑀧𑀸𑀢𑀼𑀭𑀳𑁄𑀲𑀺.

𑀭𑀸𑀚𑀸 𑀣𑁂𑀭𑀁 𑀤𑀺𑀲𑁆𑀯𑀸 𑀅𑀢𑁆𑀢𑀦𑁄 𑀧𑀼𑀭𑀢𑁄 𑀦𑀺𑀲𑀻𑀤𑀸𑀧𑁂𑀢𑁆𑀯𑀸 𑀏𑀯𑀫𑀸𑀳 𑀪𑀦𑁆𑀢𑁂 𑀢𑀼𑀫𑁆𑀳𑁂𑀳𑀺 𑀲𑀤𑁆𑀥𑀺𑀁 𑀤𑀲𑀫𑀳𑀸 𑀬𑁄𑀥𑁂 𑀕𑀳𑁂𑀢𑁆𑀯𑀸 𑀤𑀫𑀺𑀴𑁂𑀳𑀺 𑀲𑀤𑁆𑀥𑀺 𑀬𑀼𑀚𑁆𑀛𑀺𑀁. 𑀇𑀤𑀸𑀦𑀺 𑀏𑀓𑀓𑁄𑀯 𑀫𑀘𑁆𑀘𑀽𑀦𑀸 𑀲𑀤𑁆𑀥𑀺𑀁 𑀬𑀼𑀚𑁆𑀛𑀺𑀢𑀼𑀁 𑀆𑀭𑀪𑀺𑀁. 𑀫𑀘𑁆𑀘𑀼 𑀲𑀢𑁆𑀢𑀼𑀫𑁆𑀧𑀦 𑀧𑀭𑀸𑀚𑁂𑀢𑀼𑀁 𑀦 𑀲𑀓𑁆𑀓𑁄𑀫𑀻𑀢𑀺. 𑀢𑀢𑁄-

𑀣𑁂𑀭𑀧𑀼𑀢𑁆𑀢𑀸𑀪𑀬𑀢𑁆𑀣𑁂𑀭𑁄 𑀫𑀸 𑀪𑀸𑀬𑀺 𑀫𑀦𑀼𑀚𑀸𑀥𑀺𑀧,

𑀓𑀺𑀮𑁂𑀲 𑀲𑀢𑁆𑀢𑀼𑀁 𑀅𑀚𑀺𑀦𑀺𑀢𑁆𑀯𑀸 𑀅𑀚𑁂𑀬𑁆𑀬𑁄 𑀫𑀘𑁆𑀘𑀽𑀲𑀢𑁆𑀢𑀼𑀓𑁄;

𑀇𑀢𑀺 𑀯𑀢𑁆𑀯𑀸 𑀏𑀯𑀁 𑀅𑀦𑀼𑀲𑀸𑀲𑀺. 𑀫𑀳𑀸𑀭𑀸𑀚 𑀲𑀩𑁆𑀩𑁄𑀬𑁂𑀯 𑀮𑁄𑀓 𑀲𑀦𑁆𑀦𑀺𑀯𑀸𑀲𑁂 𑀚𑀸𑀢𑀺𑀬𑀸 𑀅𑀦𑀼𑀕𑀢𑁄, 𑀚𑀭𑀸𑀬 𑀅𑀦𑀼𑀲𑀝𑁄, 𑀯𑁆𑀬𑀸𑀥𑀺𑀦𑀸 𑀅𑀪𑀺𑀪𑀽𑀢𑁄, 𑀫𑀭𑀡𑁂𑀦 𑀅𑀩𑁆𑀪𑀸𑀳𑀢𑁄. 𑀢𑁂𑀢𑀸𑀳-

‘‘𑀬𑀣𑀸𑀧𑀺 𑀲𑁂𑀮𑀸 𑀯𑀺𑀧𑀼𑀮𑀸-𑀦𑀳𑀁 𑀆𑀳𑀘𑁆𑀘 𑀧𑀩𑁆𑀩𑀢𑀸,

𑀲𑀫𑀦𑁆𑀢𑀸 𑀅𑀦𑀼𑀧𑀭𑀺𑀬𑁂𑀬𑁆𑀬𑀼𑀁-𑀦𑀺𑀧𑁆𑀧𑁄𑀣𑁂𑀦𑁆𑀢𑀸 𑀘𑀢𑀼𑀤𑁆𑀤𑀺𑀲𑀁;

𑀏𑀯𑀁 𑀚𑀭𑀸 𑀘 𑀫𑀘𑁆𑀘𑀼 𑀘-𑀅𑀥𑀺𑀯𑀢𑁆𑀢𑀦𑁆𑀢𑀺 𑀧𑀸𑀡𑀺𑀦𑁄,

𑀔𑀢𑁆𑀢𑀺𑀬𑁄 𑀩𑁆𑀭𑀸𑀳𑁆𑀫𑀡𑁂 𑀯𑁂𑀲𑁆𑀲𑁂 𑀲𑀼𑀤𑁆𑀤𑁂 𑀘𑀡𑁆𑀟𑀸𑀮 𑀧𑀼𑀓𑁆𑀓𑀼𑀲𑁂,

𑀦 𑀓𑀺𑀜𑁆𑀘𑀺 𑀧𑀭𑀺𑀯𑀚𑁆𑀚𑁂𑀢𑀺-𑀲𑀩𑁆𑀩𑀫𑁂𑀯𑀸𑀪𑀺𑀫𑀤𑁆𑀤𑀢𑀺;

𑀦 𑀢𑀢𑁆𑀣 𑀳𑀢𑁆𑀣𑀺𑀦𑀁 𑀪𑀽𑀫𑀺-𑀦 𑀭𑀣𑀸𑀦𑀁 𑀦 𑀧𑀢𑁆𑀢𑀺𑀬𑀸,

𑀦 𑀘𑀸𑀧𑀺 𑀫𑀦𑁆𑀢𑀬𑀼𑀤𑁆𑀥𑁂𑀦-𑀲𑀓𑁆𑀓𑀸 𑀚𑁂𑀢𑀼𑀁 𑀥𑀦𑁂𑀦 𑀯𑀸’’𑀢𑀺;

𑀢𑀲𑁆𑀫𑀸 𑀇𑀤𑀁 𑀫𑀭𑀡𑀁 𑀦𑀸𑀫 𑀫𑀳𑀸𑀬𑀲𑀸𑀦𑀁 𑀫𑀳𑀸𑀲𑀫𑁆𑀫𑀢𑀸𑀤𑀻𑀦𑀁 𑀫𑀳𑀸 𑀧𑀼𑀜𑁆𑀜𑀸𑀦𑀁 𑀚𑁄𑀢𑀺𑀬𑀸𑀤𑀻𑀦𑀁 𑀫𑀳𑀸𑀣𑀸𑀫𑀸𑀦𑀁 𑀩𑀮𑀤𑁂𑀯𑀸𑀤𑀻𑀦𑀁 𑀇𑀤𑁆𑀥𑀺𑀫𑀦𑁆𑀢𑀸𑀦𑀁 𑀫𑀳𑀸𑀫𑁄𑀕𑁆𑀕𑀮𑁆𑀮𑀸𑀦𑀸𑀤𑀻𑀦𑀁 𑀧𑀜𑁆𑀜𑀸𑀯𑀦𑁆𑀢𑀸𑀦𑀁 𑀲𑀸𑀭𑀺𑀧𑀼𑀢𑁆𑀢𑀸𑀤𑀻𑀦𑀁 𑀲𑀬𑀫𑁆𑀪𑀽𑀜𑀸𑀡𑁂𑀦 𑀅𑀥𑀺𑀕𑀢 𑀲𑀘𑁆𑀘𑀸𑀦𑀁, 𑀧𑀘𑁆𑀘𑁂𑀓𑀩𑀼𑀤𑁆𑀥𑀸𑀦𑀁 𑀲𑀩𑁆𑀩𑀕𑀼𑀡𑀲𑀫𑀦𑁆𑀦𑀸𑀕𑀢𑀸𑀦𑀁 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀸𑀦𑀫𑁆𑀧𑀺 𑀉𑀧𑀭𑀺 𑀦𑀺𑀭𑀸𑀲𑀗𑁆𑀓𑀫𑁂𑀯 𑀧𑀢𑀢𑀺 𑀓𑀺𑀫𑀗𑁆𑀕𑀧𑀦𑀜𑁆𑀜𑁂𑀲𑀼 𑀲𑀢𑁆𑀢𑁂𑀲𑀼.

𑀢𑀲𑁆𑀫𑀸- ¶

𑀫𑀳𑀸𑀬𑀲𑀸 𑀭𑀸𑀚𑀯𑀭𑀸 𑀕𑀢𑀸 𑀢𑁂 𑀲𑀩𑁆𑀩𑁂 𑀫𑀳𑀸𑀲𑀫𑁆𑀫𑀢 𑀆𑀤𑀬𑁄𑀧𑀺,

𑀅𑀦𑀺𑀘𑁆𑀘𑀪𑀸𑀯𑀁 𑀩𑀮𑀤𑁂𑀯 𑀆𑀤𑀺 𑀫𑀳𑀸𑀩𑀮𑀸 𑀘𑁂𑀯 𑀢𑀣𑀸 𑀕𑀫𑀺𑀁𑀲𑀼;

𑀬𑁂 𑀧𑀼𑀜𑁆𑀜𑀯𑀦𑁆𑀢𑀸𑀦𑀺 𑀕𑀢𑀸 𑀧𑀲𑀺𑀤𑁆𑀥𑀺𑀁 𑀫𑀳𑀤𑁆𑀥𑀦𑀁 𑀚𑁄𑀢𑀺𑀬𑀫𑁂𑀡𑁆𑀟𑀓𑀸𑀤𑀻,

𑀉𑀧𑀸𑀯𑀺𑀲𑀺𑀁 𑀯𑀘𑁆𑀘𑀼𑀫𑀼𑀔𑀁 𑀲𑀪𑁄𑀕𑀸 𑀲𑀩𑁆𑀩𑁂𑀧𑀺 𑀢𑁂 𑀭𑀸𑀳𑀼𑀫𑀼𑀔𑀁 𑀲𑀲𑀻𑀯;

𑀬𑁄 𑀇𑀤𑁆𑀥𑀺𑀫𑀦𑁆𑀢𑁂𑀲𑀼 𑀢𑀣𑀸𑀕𑀢𑀲𑁆𑀲 𑀧𑀼𑀢𑁆𑀢𑁂𑀲𑀼𑀲𑁂𑀝𑁆𑀞𑁄 𑀇𑀢𑀺 𑀯𑀺𑀲𑁆𑀲𑀼𑀢𑁄𑀧𑀺,

𑀣𑁂𑀭𑁄 𑀫𑀳𑀸𑀭𑀸𑀚𑀲𑀳𑁂𑀯 𑀇𑀤𑁆𑀥𑀺𑀩𑀮𑁂𑀦 𑀲𑁄 𑀫𑀘𑁆𑀘𑀼𑀫𑀼𑀔𑀁 𑀧𑀯𑀺𑀝𑁆𑀞𑁄;

𑀲𑀩𑁆𑀩𑁂𑀲𑀼 𑀲𑀢𑁆𑀢𑁂𑀲𑀼 𑀚𑀺𑀦𑀁 𑀞𑀧𑁂𑀢𑁆𑀯𑀸 𑀦𑁂𑀯𑀢𑁆𑀣𑀺 𑀧𑀜𑁆𑀜𑀸𑀬 𑀲𑀫𑁄𑀧𑀺 𑀬𑁂𑀦,

𑀲𑁄 𑀥𑀫𑁆𑀫𑀲𑁂𑀦𑀸𑀧𑀢𑀺 𑀲𑀸𑀯𑀓𑁄𑀧𑀺 𑀕𑀢𑁄 𑀫𑀳𑀸𑀭𑀸𑀚 𑀅𑀦𑀺𑀘𑁆𑀘𑀢𑀁’𑀘;

𑀲𑀬𑀫𑁆𑀪𑀽𑀜𑀸𑀡𑀲𑁆𑀲 𑀩𑀮𑁂𑀦 𑀲𑀦𑁆𑀢𑀺𑀁 𑀕𑀢𑀸 𑀫𑀳𑀸𑀭𑀸𑀚 𑀲𑀬𑀫𑁆𑀪𑀽𑀦𑁄𑀧𑀺,

𑀲𑀩𑁆𑀩𑁂𑀧𑀺 𑀢𑁂 𑀜𑀸𑀡𑀩𑀮𑀽𑀧 𑀧𑀦𑁆𑀦𑀸 𑀅𑀦𑀺𑀘𑁆𑀘𑀢𑀁 𑀦𑁂𑀯 𑀅𑀢𑀺𑀓𑁆𑀓𑀫𑀺𑀁𑀲𑀼;

𑀢𑀺𑀮𑁄𑀓𑀦𑀸𑀣𑁄 𑀧𑀼𑀭𑀺𑀲𑀼𑀢𑁆𑀢𑀫𑁄 𑀲𑁄 𑀅𑀦𑀺𑀘𑁆𑀘𑀪𑀸𑀯𑀁 𑀲𑀫𑀢𑀺𑀓𑁆𑀓𑀫𑀺𑀢𑁆𑀯𑀸,

𑀦𑀸𑀲𑀓𑁆𑀔𑀺 𑀕𑀦𑁆𑀢𑀼𑀁 𑀲𑀼𑀕𑀢𑁄𑀧𑀺 𑀭𑀸𑀚 𑀅𑀜𑁆𑀜𑁂𑀲𑀼 𑀲𑀢𑁆𑀢𑁂𑀲𑀼 𑀓𑀣𑀸𑀯 𑀦𑀢𑁆𑀣𑀺;

𑀢𑀲𑁆𑀫𑀸 𑀫𑀳𑀸𑀭𑀸𑀚 𑀪𑀯𑁂𑀲𑀼 𑀲𑀢𑁆𑀢𑀸 𑀲𑀩𑁆𑀩𑁂𑀧𑀺 𑀦𑀸𑀲𑀼𑀁 𑀫𑀭𑀡𑀸 𑀯𑀺𑀫𑀼𑀢𑁆𑀢𑀸,

𑀲𑀩𑁆𑀩𑀫𑁆𑀧𑀺 𑀲𑀗𑁆𑀔𑀸𑀭𑀕𑀢𑀁 𑀅𑀦𑀺𑀘𑁆𑀘𑀁 𑀤𑀽𑀓𑁆𑀔𑀁 𑀅𑀦𑀢𑁆𑀢𑀸𑀢𑀺 𑀯𑀺𑀘𑀺𑀦𑁆𑀢𑀬𑀲𑁆𑀲𑀼;

‘‘𑀤𑀼𑀢𑀺𑀬𑁂 𑀅𑀢𑁆𑀢𑀪𑀸𑀯𑁂𑀧𑀺 𑀥𑀫𑁆𑀫𑀘𑁆𑀙𑀡𑁆𑀤𑁄 𑀫𑀳𑀸 𑀳𑀺 𑀢𑁂,

𑀉𑀧𑀝𑁆𑀞𑀺𑀢𑁂 𑀤𑁂𑀯𑀮𑁄𑀓𑁂 𑀳𑀺𑀢𑁆𑀯𑀸 𑀤𑀺𑀩𑁆𑀩𑀲𑀼𑀔𑀁 𑀢𑀼𑀯𑀁;

𑀇𑀥𑀸𑀕𑀫𑁆𑀫 𑀩𑀳𑀼𑀁 𑀧𑀼𑀜𑁆𑀜𑀁 𑀅𑀓𑀸𑀲𑀺 𑀘 𑀅𑀦𑁂𑀓𑀥𑀸,

𑀓𑀭𑀡𑀫𑁆𑀧𑁂𑀓 𑀭𑀚𑁆𑀚𑀲𑁆𑀲 𑀲𑀸𑀲𑀦𑀚𑁆𑀚𑁄𑀢𑀦𑀸𑀬 𑀢𑁂;

𑀫𑀳𑀸 𑀭𑀸𑀚 𑀓𑀢𑀁 𑀧𑀼𑀜𑁆𑀜𑀁 𑀬𑀸𑀯𑀚𑁆𑀚 𑀤𑀺𑀯𑀲𑀸 𑀢𑀬𑀸,

𑀲𑀩𑁆𑀩𑀁 𑀅𑀦𑀼𑀲𑁆𑀲𑀭𑁂𑀣𑁂𑀯 𑀲𑀼𑀔𑀁 𑀲𑀚𑁆𑀚𑀼 𑀪𑀯𑀺𑀲𑁆𑀲𑀢𑀺;

𑀢𑀁 𑀲𑀼𑀢𑁆𑀯𑀸 𑀢𑀼𑀝𑁆𑀞𑀫𑀸𑀦𑀲𑁄 𑀭𑀸𑀚𑀸 𑀪𑀦𑁆𑀢𑁂 𑀢𑀼𑀫𑁆𑀳𑁂 𑀫𑀘𑁆𑀘𑀼𑀬𑀼𑀤𑁆𑀥𑁂𑀧𑀺 𑀅𑀧𑀲𑁆𑀲𑀬𑀸𑀢𑀺 𑀯𑀢𑁆𑀯𑀸 𑀮𑀤𑁆𑀥𑀲𑁆𑀲𑀸𑀲𑁄 𑀧𑀼𑀜𑁆𑀜𑀧𑁄𑀢𑁆𑀣𑀓𑀁 𑀯𑀸𑀘𑁂𑀢𑀼𑀁 𑀆𑀡𑀸𑀧𑁂𑀲𑀺 𑀮𑁂𑀔𑀓𑁄 𑀧𑀼𑀜𑁆𑀜𑀧𑁄𑀢𑁆𑀣𑀓𑀁 𑀏𑀯𑀁 𑀯𑀸𑀘𑁂𑀲𑀺.

‘‘𑀏𑀓𑀽𑀦𑀲𑀢𑀯𑀺𑀳𑀸𑀭𑀸 𑀫𑀳𑀸𑀭𑀸𑀚𑁂𑀦 𑀓𑀸𑀭𑀺𑀢𑀸,

𑀏𑀓𑀽𑀦𑀲𑀢𑀓𑁄𑀝𑀻𑀳𑀺 𑀯𑀺𑀳𑀸𑀭𑁄 𑀫𑀭𑀺𑀘𑀝𑁆𑀝𑀺 𑀘;

𑀉𑀢𑁆𑀢𑀫𑁄 𑀮𑁄𑀳𑀧𑀸𑀲𑀸𑀤𑁄 𑀢𑀺𑀁𑀲𑀓𑁄𑀝𑀻𑀳𑀺 𑀓𑀸𑀭𑀺𑀢𑁄,

𑀫𑀳𑀸𑀣𑀽𑀧𑁂 𑀅𑀦𑀕𑁆𑀖𑀸𑀦𑀺 𑀓𑀸𑀭𑀺𑀢𑀸 𑀘𑀢𑀼𑀯𑀻𑀲𑀢𑀺;

𑀫𑀳𑀸𑀣𑀽𑀧𑀫𑁆𑀳𑀺 𑀲𑁂𑀲𑀸𑀦𑀺 𑀓𑀭𑀺𑀢𑀸𑀦𑀺 𑀲𑀼𑀩𑀼𑀤𑁆𑀥𑀺𑀦𑀸,

𑀓𑁄𑀝𑀺𑀲𑀳𑀲𑁆𑀲𑀁 𑀅𑀕𑁆𑀖𑀦𑁆𑀢𑀺 𑀫𑀳𑀸𑀭𑀸𑀚 𑀢𑀬𑀸 𑀧𑀼𑀦;

𑀓𑁄𑀴𑀫𑁆𑀩 𑀦𑀸𑀫 𑀫𑀮𑁂𑀬 𑀅𑀓𑁆𑀔𑀓𑁆𑀔𑀸𑀬𑀺𑀓 𑀙𑀸𑀢𑀓𑁂,

𑀓𑀼𑀡𑁆𑀟𑀮𑀸𑀦𑀺 𑀫𑀳𑀕𑁆𑀖𑀸𑀦𑀺 𑀤𑀼𑀯𑁂 𑀤𑀢𑁆𑀯𑀸𑀦 𑀕𑀡𑁆𑀳𑀺𑀬;

𑀔𑀻𑀡𑀸𑀲𑀯𑀸𑀦𑀁 ¶ 𑀧𑀜𑁆𑀘𑀦𑁆𑀦𑀁 𑀫𑀳𑀸𑀣𑁂𑀭𑀸𑀦𑀫𑀼𑀢𑁆𑀢𑀫𑁄,

𑀤𑀺𑀦𑁆𑀦𑁄 𑀧𑀲𑀦𑁆𑀦𑀘𑀺𑀢𑁆𑀢𑁂𑀦 𑀓𑀗𑁆𑀕𑀼 𑀅𑀫𑁆𑀩𑀺𑀮 𑀧𑀺𑀡𑁆𑀟𑀓𑁄;

𑀘𑀽𑀴𑀗𑁆𑀕𑀡𑀺𑀬 𑀬𑀼𑀤𑁆𑀥𑀫𑁆𑀳𑀺 𑀧𑀭𑀚𑁆𑀛𑀺𑀢𑁆𑀯𑀸 𑀧𑀮𑀸𑀬𑀢𑀸,

𑀓𑀸𑀮𑀁 𑀖𑁄𑀲𑀸𑀧𑀬𑀺𑀢𑁆𑀯𑀸𑀦 𑀆𑀕𑀢𑀲𑁆𑀲 𑀯𑀺𑀳𑀸𑀬𑀲𑀸;

𑀔𑀻𑀡𑀸𑀲𑀯𑀲𑁆𑀲 𑀬𑀢𑀺𑀦𑁄 𑀅𑀢𑁆𑀢𑀸𑀦𑀫𑀦𑀧𑁂𑀓𑁆𑀔𑀺𑀬,

𑀤𑀺𑀦𑁆𑀦𑀁 𑀲𑀭𑀓 𑀪𑀢𑁆𑀢𑀦𑁆𑀢𑀺 𑀧𑀼𑀜𑁆𑀜𑀧𑁄𑀢𑁆𑀣𑀁 𑀅𑀯𑀸𑀘𑀬𑀺;

𑁨𑁫. 𑀢𑀁 𑀲𑀼𑀢𑁆𑀯𑀸 𑀭𑀸𑀚𑀸 𑀢𑀼𑀲𑁆𑀲𑀺𑀢𑁆𑀯𑀸 𑀞𑀧𑁂𑀳𑀺 𑀞𑀧𑁂𑀳𑀺 𑀪𑀡𑁂𑀢𑀺 𑀯𑀢𑁆𑀯𑀸 𑀏𑀯𑀫𑀸𑀳. 𑀫𑀭𑀺𑀘𑀯𑀝𑁆𑀝𑀺 𑀯𑀺𑀳𑀸𑀭𑀫𑀳𑀲𑀢𑁆𑀢𑀸𑀳𑁂 𑀣𑀽𑀧𑀸𑀭𑀫𑁆𑀳𑀲𑀢𑁆𑀢𑀸𑀳𑁂 𑀘 𑀘𑀸𑀢𑀼𑀤𑁆𑀤𑀺𑀲 𑀉𑀪𑀢𑁄 𑀲𑀗𑁆𑀖𑀲𑁆𑀲 𑀫𑀳𑀸𑀭𑀳𑀁 𑀫𑀳𑀸𑀤𑀸𑀦𑀁 𑀧𑀯𑀢𑁆𑀢𑁂𑀲𑀺𑀁. 𑀘𑀢𑀼𑀯𑀻𑀲𑀢𑀺 𑀫𑀳𑀸𑀯𑀺𑀲𑀸𑀔𑀧𑀽𑀚𑀸 𑀓𑀸𑀭𑁂𑀲𑀺𑀁 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑁂 𑀫𑀳𑀸𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀢𑀺𑀓𑁆𑀔𑀢𑁆𑀢𑀼𑀁 𑀘𑀻𑀯𑀭𑀫𑀤𑀸𑀲𑀺𑀁 𑀲𑀢𑁆𑀢 𑀲𑀢𑁆𑀢 𑀤𑀻𑀦𑀸𑀦𑀺 𑀮𑀗𑁆𑀓𑀸 𑀭𑀚𑁆𑀚𑀁 𑀲𑀸𑀲𑀦𑀲𑁆𑀲 𑀧𑀜𑁆𑀘𑀓𑁆𑀔𑀢𑁆𑀢𑀼𑀁 𑀅𑀤𑀸𑀲𑀺𑀁 𑀲𑀧𑁆𑀧𑀺 𑀲𑀦𑁆𑀦𑀺𑀢𑁆𑀢 𑀲𑀼𑀧𑀭𑀺𑀲𑀼𑀤𑁆𑀥 𑀯𑀝𑁆𑀝𑀺𑀬𑀸 𑀤𑁆𑀯𑀸𑀤𑀲𑀞𑀸𑀦𑁂𑀲𑀼, 𑀲𑀢𑁆𑀢𑀁 𑀤𑀻𑀧𑀲𑀳𑀲𑁆𑀲𑀁 𑀚𑀸𑀮𑁂𑀲𑀺𑀁 𑀅𑀝𑁆𑀞𑀸𑀭𑀲𑁆𑀲𑀼 𑀞𑀸𑀦𑁂𑀲𑀼 𑀕𑀺𑀮𑀸𑀦𑀸𑀦𑀁 𑀯𑁂𑀚𑁆𑀚𑁂𑀳𑀺 𑀪𑁂𑀲𑀚𑁆𑀚𑀜𑁆𑀘 𑀪𑀢𑁆𑀢𑀜𑁆𑀘 𑀦𑀺𑀘𑁆𑀘𑀁 𑀤𑀸𑀧𑁂𑀲𑀺. 𑀘𑀢𑀼𑀘𑀢𑁆𑀢𑀸𑀮𑀻𑀲 𑀞𑀸𑀦𑁂𑀲𑀼 𑀢𑁂𑀮𑀼𑀮𑁆𑀮𑁄𑀧𑀓𑀜𑁆𑀘 𑀅𑀤𑀸𑀲𑀺𑀁. 𑀢𑀢𑁆𑀢𑀓𑁂𑀲𑀼𑀬𑁂𑀯 𑀞𑀸𑀦𑁂𑀲𑀼 𑀖𑀢𑀧𑀓𑁆𑀓𑀚𑀸𑀮𑀧𑀽𑀯𑁂 𑀪𑀢𑁆𑀢𑁂𑀦 𑀲𑀤𑁆𑀥𑀺𑀁 𑀦𑀺𑀘𑁆𑀘𑀁 𑀤𑀸𑀧𑁂𑀲𑀺𑀁.

𑀫𑀸𑀲𑁂 𑀫𑀸𑀲𑁂 𑀅𑀝𑁆𑀞𑀲𑀼 𑀉𑀧𑁄𑀲𑀣𑀤𑀺𑀯𑀲𑁂𑀲𑀼 𑀮𑀗𑁆𑀓𑀸𑀤𑀻𑀧𑁂 𑀲𑀩𑁆𑀩𑀯𑀺𑀳𑀸𑀭𑁂𑀲𑀼 𑀤𑀻𑀧𑀢𑁂𑀮𑀁 𑀤𑀸𑀧𑁂𑀲𑀺𑀁. 𑀆𑀫𑀺𑀲 𑀤𑀸𑀦𑀢𑁄 𑀥𑀫𑁆𑀫𑀤𑀸𑀦𑀁 𑀫𑀳𑀦𑁆𑀢𑀦𑁆𑀢𑀺 𑀲𑀼𑀢𑁆𑀯𑀸 𑀳𑁂𑀝𑁆𑀞𑀁 𑀮𑁄𑀳𑀧𑀸𑀲𑀸𑀤𑁂 𑀥𑀫𑁆𑀫𑀸𑀲𑀦𑁂 𑀦𑀺𑀲𑀻𑀤𑀺𑀢𑁆𑀯𑀸 𑀫𑀗𑁆𑀕𑀮 𑀲𑀼𑀢𑁆𑀢𑀁 𑀑𑀲𑀸𑀭𑁂𑀢𑀼𑀁 𑀆𑀭𑀪𑀺𑀢𑁆𑀯𑀸𑀧𑀺 𑀲𑀗𑁆𑀖 𑀕𑀸𑀭𑀯𑁂𑀦 𑀑𑀲𑀸𑀭𑁂𑀢𑀼𑀁 𑀦𑀸𑀲𑀓𑁆𑀔𑀺𑀁. 𑀢𑀢𑁄 𑀧𑀝𑁆𑀞𑀸𑀬 𑀥𑀫𑁆𑀫𑀤𑁂𑀲𑀓𑁂 𑀲𑀓𑁆𑀓𑀭𑀺𑀢𑁆𑀯𑀸 𑀲𑀩𑁆𑀩𑀯𑀺𑀳𑀸𑀭𑁂𑀲𑀼 𑀥𑀫𑁆𑀫𑀓𑀣𑀁 𑀓𑀣𑀸𑀧𑁂𑀲𑀺𑀁 𑀏𑀓𑁂𑀓𑀲𑁆𑀲 𑀥𑀫𑁆𑀫𑀓𑀣𑀺𑀓𑀲𑁆𑀲 𑀦𑀸𑀴 𑀦𑀸𑀴𑀺𑀧𑁆𑀧𑀫𑀸𑀡𑀸𑀦𑀺 𑀲𑀧𑁆𑀧𑀺𑀨𑀸𑀡𑀺𑀢 𑀲𑀓𑁆𑀔𑀭𑀸𑀦𑀺 𑀘𑀢𑀼𑀭𑀗𑁆𑀕𑀼𑀮 𑀫𑀼𑀝𑁆𑀞𑀺𑀧𑁆𑀧𑀫𑀸𑀡𑀁 𑀬𑀝𑁆𑀞𑀺𑀫𑀥𑀼𑀓𑀁 𑀲𑀸𑀝𑀓𑀤𑁆𑀯𑀬𑀜𑁆𑀘 𑀫𑀸𑀲𑀲𑁆𑀲 𑀅𑀝𑁆𑀞𑀲𑀼 𑀉𑀧𑁄𑀲𑀣 𑀤𑀺𑀲𑁂𑀲𑀼 𑀤𑀸𑀧𑁂𑀲𑀺𑀁. 𑀏𑀢𑀁 𑀲𑀩𑁆𑀩𑀫𑁆𑀧𑀺 𑀇𑀲𑁆𑀲𑀭𑀺𑀬𑁂 𑀞𑀢𑁆𑀯𑀸 𑀤𑀺𑀦𑁆𑀦𑀢𑁆𑀢𑀸 𑀫𑀫 𑀘𑀺𑀢𑁆𑀢𑀁 𑀲 𑀆𑀭𑀸𑀥𑁂𑀢𑀺. 𑀚𑀻𑀯𑀺𑀢𑀁 𑀧𑀦 𑀅𑀦𑀧𑁂𑀓𑁆𑀔𑀺𑀢𑁆𑀯𑀸 𑀤𑀼𑀕𑁆𑀕𑀢𑁂𑀦 𑀫𑀬𑀸 𑀤𑀺𑀦𑁆𑀦𑀤𑀸𑀦𑀤𑁆𑀯𑀬𑀫𑁂𑀯 𑀆𑀭𑀸𑀥𑁂𑀢𑀻𑀢𑀺.

𑀢𑀁 𑀲𑀼𑀢𑁆𑀯𑀸 𑀅𑀪𑀬𑀢𑁆𑀣𑁂𑀭𑁄 𑀫𑀳𑀸𑀭𑀸𑀚 𑀧𑀲𑀸𑀤𑀦𑀻𑀬𑀝𑁆𑀞𑀸𑀦𑁂𑀬𑁂𑀯 𑀧𑀲𑀸𑀤𑀁 𑀅𑀓𑀸𑀲𑀺 𑀢𑀁 𑀧𑀦 𑀧𑀺𑀡𑁆𑀟𑀧𑀸𑀢𑀤𑁆𑀯𑀬𑀁 𑀧𑀭𑀺𑀲𑁆𑀲 𑀧𑀻𑀴𑀁 𑀅𑀓𑀢𑁆𑀯𑀸 𑀮𑀤𑁆𑀥 𑀥𑀫𑁆𑀫𑀺𑀓 𑀧𑀘𑁆𑀘𑀬𑀢𑁆𑀢𑀸 𑀅𑀢𑁆𑀢𑀸𑀦𑀁 𑀅𑀦𑀯𑀮𑁄𑀓𑁂𑀢𑁆𑀯𑀸 𑀅𑀲𑀚𑁆𑀚𑀫𑀸𑀦𑁂𑀦 𑀤𑀺𑀦𑁆𑀦𑀢𑁆𑀢𑀸 𑀧𑀝𑀺𑀕𑁆𑀕𑀸𑀳𑀓𑀸𑀦𑀁 𑀬𑀸𑀯𑀤𑀢𑁆𑀣𑀁 𑀓𑀢𑁆𑀯𑀸 𑀤𑀺𑀦𑁆𑀦𑀢𑁆𑀢𑀸 𑀧𑀻𑀢𑀺𑀧𑀸𑀫𑁄𑀚𑁆𑀚𑀁𑀚𑀦𑀬𑀺𑀢𑁆𑀯𑀸 𑀩𑀮𑀯 𑀲𑀤𑁆𑀥𑀸𑀬 𑀤𑀺𑀦𑁆𑀦𑀢𑁆𑀢𑀸 𑀤𑁂𑀬𑁆𑀬𑀥𑀫𑁆𑀫𑀲𑁆𑀲 𑀦𑀺𑀭𑀯𑀲𑁂𑀲𑀁 𑀧𑀭𑀺𑀪𑁄𑀕𑀁 𑀕𑀢𑀢𑁆𑀢𑀸𑀢𑀺 𑀇𑀫𑁂𑀳𑀺 𑀧𑀜𑁆𑀘𑀳𑀺 𑀓𑀸𑀭𑀡𑁂𑀳𑀺 𑀫𑀳𑀦𑁆𑀢𑀢𑁆𑀢𑀺 𑀯𑀢𑁆𑀯𑀸 𑀫𑀳𑀸𑀭𑀸𑀚 𑀓𑀗𑁆𑀕𑀼 𑀅𑀫𑁆𑀩𑀺𑀮𑀺 𑀧𑀺𑀡𑁆𑀟𑀕𑀸𑀳𑀓𑀢𑁆𑀣𑁂𑀭𑁂𑀲𑀼 𑀫𑀮𑀺𑀬𑀫𑀳𑀸𑀤𑁂𑀯𑀢𑁆𑀣𑁂𑀭𑁄 𑀲𑀫𑀦𑁆𑀢𑀓𑀽𑀝𑁂 𑀧𑀜𑁆𑀘𑀦𑁆𑀦𑀁 𑀪𑀺𑀓𑁆𑀔𑀼𑀲𑀢𑀸𑀦𑀁 𑀤𑀢𑁆𑀯𑀸 𑀧𑀭𑀺𑀪𑀼𑀜𑁆𑀚𑀺 𑀧𑀣𑀯𑀺 𑀘𑀸𑀮𑀦𑀓 𑀥𑀫𑁆𑀫𑀕𑀼𑀢𑁆𑀢𑀢𑁆𑀣𑁂𑀭𑁄 𑀓𑀮𑁆𑀬𑀸𑀡𑀻𑀬 𑀯𑀺𑀳𑀸𑀭𑁂 𑀧𑀜𑁆𑀘𑀦𑁆𑀦𑀁 𑀪𑀺𑀓𑁆𑀔𑀼𑀲𑀢𑀸𑀦𑀁 𑀤𑀢𑁆𑀯𑀸 𑀧𑀭𑀺𑀪𑀼𑀜𑁆𑀚𑀺.

𑀢𑀮𑀗𑁆𑀕𑀭𑀯𑀸𑀲𑀻 ¶ 𑀥𑀫𑁆𑀫𑀕𑀼𑀢𑁆𑀢𑀢𑁆𑀣𑁂𑀭𑁄𑀧𑀺 𑀧𑀺𑀬𑀗𑁆𑀕𑀼𑀤𑀻𑀧𑁂 𑀤𑁆𑀯𑀸𑀤𑀲𑀦𑁆𑀦𑀁 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀁 𑀤𑀢𑁆𑀯𑀸 𑀧𑀭𑀺𑀪𑀼𑀜𑁆𑀚𑀺. 𑀫𑀗𑁆𑀕𑀡𑀯𑀸𑀲𑀻 𑀘𑀼𑀴𑀢𑀺𑀲𑁆𑀲𑀢𑁆𑀣𑁂𑀭𑁄 𑀓𑁂𑀮𑀸𑀲𑀓𑀽𑀝𑁂 𑀯𑀺𑀳𑀸𑀭𑁂 𑀲𑀝𑁆𑀞𑀺𑀲𑀳𑀲𑁆𑀲𑀸𑀦𑀁 𑀪𑀺𑀓𑁆𑀔𑀽𑀦𑀁 𑀤𑀢𑁆𑀯𑀸 𑀧𑀭𑀺𑀪𑀼𑀜𑁆𑀚𑀺 𑀫𑀳𑀸𑀪𑀕𑁆𑀕𑀢𑁆𑀣𑁂𑀭𑁄𑀧𑀺 𑀉𑀓𑁆𑀓𑀸𑀦𑀕𑀭 𑀯𑀺𑀳𑀸𑀭𑁂 𑀲𑀢𑁆𑀢𑀲𑀢𑀸𑀦𑀁 𑀪𑀺𑀓𑁆𑀔𑀽𑀦𑀁 𑀤𑀢𑁆𑀯𑀸 𑀧𑀭𑀺𑀪𑀼𑀜𑁆𑀚𑀺 𑀲𑀭𑀓 𑀪𑀢𑁆𑀢𑀕𑀸𑀳𑀓𑀢𑁆𑀣𑁂𑀭𑁄 𑀧𑀦 𑀧𑀺𑀬𑀗𑁆𑀕𑀼𑀤𑀻𑀧𑁂 𑀤𑁆𑀯𑀸𑀤𑀲𑀦𑁆𑀦𑀁 𑀪𑀺𑀓𑁆𑀔𑀼𑀲𑀳𑀲𑁆𑀲𑀸𑀦𑀁 𑀤𑀢𑁆𑀯𑀸 𑀧𑀭𑀺𑀪𑁄𑀕𑀫𑀓𑀸𑀲𑀻𑀢𑀺 𑀯𑀢𑁆𑀯𑀸 𑀭𑀜𑁆𑀜𑁄 𑀘𑀺𑀢𑁆𑀢𑀁 𑀳𑀸𑀲𑁂𑀲𑀺.

𑀭𑀸𑀚𑀸 𑀘𑀺𑀢𑁆𑀢𑀁 𑀧𑀲𑀸𑀤𑁂𑀢𑁆𑀯𑀸 𑀏𑀯𑀫𑀸𑀳-𑀅𑀳𑀫𑁆𑀪𑀦𑁆𑀢𑁂 𑀘𑀢𑀼𑀯𑀻𑀲𑀢𑀺 𑀯𑀲𑁆𑀲𑀸𑀦𑀺 𑀭𑀚𑁆𑀚𑀁 𑀓𑀸𑀭𑁂𑀦𑁆𑀢𑁄 𑀪𑀺𑀓𑁆𑀔𑀼𑀲𑀗𑁆𑀖𑀲𑁆𑀲 𑀧𑀳𑀽𑀧𑀓𑀸𑀭𑁄 𑀅𑀳𑁄𑀲𑀺𑀁. 𑀓𑀸𑀬𑁄𑀧𑀺 𑀫𑁂 𑀲𑀗𑁆𑀖𑀲𑁆𑀲 𑀉𑀧𑀓𑀸𑀭𑀓𑁄 𑀳𑁄𑀢𑀼 𑀲𑀗𑁆𑀖𑀤𑀸𑀲𑀲𑁆𑀲 𑀫𑁂 𑀲𑀭𑀻𑀭𑀁 𑀫𑀳𑀸𑀘𑁂𑀢𑀺𑀬𑀲𑁆𑀲 𑀤𑀲𑁆𑀲𑀦𑀝𑁆𑀞𑀸𑀦𑁂 𑀲𑀗𑁆𑀖𑀲𑁆𑀲 𑀓𑀫𑁆𑀫𑀫𑀸𑀮𑀓𑁂 𑀛𑀸𑀧𑁂𑀣𑀸𑀢𑀺. 𑀢𑀢𑁄 𑀓𑀦𑀺𑀝𑁆𑀞𑀁 𑀆𑀫𑀦𑁆𑀢𑁂𑀢𑁆𑀯𑀸’𑀢𑀸𑀢! 𑀢𑀺𑀲𑁆𑀲! 𑀫𑀳𑀸𑀣𑀽𑀧𑁂 𑀅𑀦𑀺𑀝𑁆𑀞𑀺𑀢𑀁 𑀓𑀫𑁆𑀫𑀁 𑀲𑀸𑀥𑀼𑀓𑀁 𑀦𑀺𑀝𑁆𑀞𑀸𑀧𑁂𑀲𑀺. 𑀲𑀸𑀬𑀁 𑀧𑀸𑀢𑁄 𑀘 𑀫𑀳𑀸𑀣𑀽𑀧𑁂 𑀧𑀼𑀧𑁆𑀨𑀧𑀽𑀚𑀁 𑀓𑀸𑀭𑁂𑀢𑁆𑀯𑀸 𑀢𑀺𑀓𑁆𑀔𑀢𑁆𑀢𑀼𑀁 𑀉𑀧𑀳𑀸𑀭𑀁 𑀓𑀸𑀭𑁂𑀳𑀺. 𑀫𑀬𑀸 𑀞𑀧𑀺𑀢𑀁 𑀤𑀸𑀦𑀯𑀝𑁆𑀝𑀁 𑀲𑀩𑁆𑀩𑀁 𑀅𑀧𑀭𑀺𑀳𑀸𑀧𑁂𑀢𑁆𑀯𑀸 𑀲𑀗𑁆𑀖𑀲𑁆𑀲 𑀓𑀢𑁆𑀢𑀩𑁆𑀩𑀓𑀺𑀘𑁆𑀘𑁂𑀲𑀼 𑀲𑀤𑀸 𑀅𑀧𑁆𑀧𑀫𑀢𑁆𑀢𑁄 𑀳𑁄𑀳𑀻’𑀢𑀺 𑀅𑀦𑀼𑀲𑀸𑀬𑀺𑀢𑁆𑀯𑀸 𑀢𑀼𑀡𑁆𑀳𑀺 𑀅𑀳𑁄𑀲𑀺.

𑀢𑀲𑁆𑀫𑀺𑀁 𑀔𑀡𑁂 𑀪𑀺𑀓𑁆𑀔𑀼 𑀕𑀡𑀲𑀚𑁆𑀛𑀸𑀬𑀁 𑀆𑀭𑀪𑀺𑀁𑀲𑀼 𑀤𑁂𑀯𑀢𑀸 𑀧𑀦 𑀙𑀤𑁂𑀯 𑀮𑁄𑀓𑀢𑁄 𑀙 𑀭𑀣𑁂 𑀕𑀳𑁂𑀢𑁆𑀯𑀸 𑀆𑀤𑀸𑀬 𑀧𑀝𑀺𑀧𑀸𑀝𑀺𑀬𑀸 𑀞𑀧𑁂𑀢𑁆𑀯𑀸 𑀫𑀳𑀸𑀭𑀸𑀚 𑀅𑀫𑁆𑀳𑀸𑀓𑀁 𑀤𑁂𑀯𑀮𑁄𑀓𑁄 𑀭𑀫𑀡𑀻𑀬𑁄, 𑀅𑀫𑁆𑀳𑀸𑀓𑀁 𑀤𑁂𑀯𑀮𑁄𑀓𑁄 𑀭𑀫𑀡𑀻𑀬𑁄𑀢𑀺 𑀯𑀢𑁆𑀯𑀸 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀤𑁂𑀯𑀮𑁄𑀓𑀁 𑀆𑀕𑀫𑀦𑀢𑁆𑀣𑀸𑀬 𑀬𑀸𑀘𑀺𑀁𑀲𑀼 𑀭𑀸𑀚𑀸 𑀢𑁂𑀲𑀁 𑀯𑀘𑀦𑀁 𑀲𑀼𑀢𑁆𑀯𑀸 𑀬𑀸𑀯𑀸𑀳𑀁 𑀥𑀫𑁆𑀫𑀁 𑀲𑀼𑀡𑀸𑀫𑀺- 𑀢𑀸𑀯 𑀅𑀥𑀺𑀯𑀸𑀲𑁂𑀣𑀸𑀢𑀺 𑀢𑁂 𑀳𑀢𑁆𑀣𑀲𑀜𑁆𑀜𑀸𑀬 𑀦𑀺𑀯𑀸𑀭𑁂𑀲𑀺 𑀲𑀗𑁆𑀖𑁄 𑀕𑀡𑀲𑀚𑁆𑀛𑀸𑀬𑀁 𑀦𑀺𑀯𑀸𑀭𑁂𑀲𑀻𑀢𑀺 𑀫𑀜𑁆𑀜𑀺𑀢𑁆𑀯𑀸 𑀲𑀚𑁆𑀛𑀸𑀬𑀁 𑀞𑀧𑀸𑀧𑁂𑀲𑀺.

𑀭𑀸𑀚𑀸 𑀓𑀲𑁆𑀫𑀸 𑀪𑀦𑁆𑀢𑁂 𑀕𑀡𑀲𑀚𑁆𑀛𑀸𑀬𑀁 𑀞𑀧𑁂𑀣𑀸𑀢𑀺 𑀆𑀳. 𑀫𑀳𑀸𑀭𑀸𑀚 𑀢𑀬𑀸 𑀳𑀢𑁆𑀣𑀲𑀜𑁆𑀜𑀸𑀬 𑀦𑀺𑀯𑀸𑀭𑀺𑀢𑀢𑁆𑀢𑀸𑀢𑀺. 𑀪𑀦𑁆𑀢𑁂 𑀢𑀼𑀫𑁆𑀳𑀸𑀓𑀁 𑀲𑀜𑁆𑀜𑀁 𑀦𑀸𑀤𑀸𑀲𑀺𑀁. 𑀤𑁂𑀯𑀢𑀸 𑀙𑀤𑁂𑀯𑀮𑁄𑀓𑀢𑁄 𑀙 𑀭𑀣𑁂 𑀆𑀦𑁂𑀢𑁆𑀯𑀸 𑀅𑀢𑁆𑀢𑀦𑁄 𑀅𑀢𑁆𑀢𑀦𑁄 𑀤𑁂𑀯𑀮𑁄𑀓𑀁 𑀕𑀦𑁆𑀢𑀼𑀁 𑀬𑀸𑀘𑀦𑁆𑀢𑀺 𑀢𑀲𑁆𑀫𑀸 𑀢𑁂𑀲𑀁 𑀬𑀸𑀯𑀸𑀳𑀁 𑀥𑀫𑁆𑀫𑀁 𑀲𑀼𑀡𑀸𑀫𑀺 𑀢𑀸𑀯 𑀆𑀕𑀫𑁂𑀣𑀸𑀢𑀺 𑀲𑀜𑁆𑀜𑀁 𑀅𑀤𑀸𑀲𑀺𑀦𑁆𑀢𑀺 𑀢𑀁 𑀲𑀼𑀢𑁆𑀯𑀸 𑀓𑁂𑀘𑀺 𑀅𑀬𑀁 𑀭𑀸𑀚𑀸 𑀫𑀭𑀡𑀪𑀬𑀪𑀺𑀢𑁄 𑀯𑀺𑀧𑁆𑀧𑀮𑀧𑀢𑀺, 𑀫𑀭𑀡𑀢𑁄 𑀅𑀪𑀸𑀬𑀦𑀓 𑀲𑀢𑁆𑀢𑁄 𑀦𑀸𑀫 𑀦𑀢𑁆𑀣𑀻𑀢𑀺 𑀫𑀜𑁆𑀜𑀺𑀁𑀲𑀼.

𑀢𑀢𑁄 𑀅𑀪𑀬𑀢𑁆𑀣𑁂𑀭𑁄 𑀆𑀳 𑀓𑀣𑀁 𑀫𑀳𑀸𑀭𑀸𑀚 𑀲𑀤𑁆𑀤𑀳𑀺𑀢𑀼𑀁 𑀲𑀓𑁆𑀓𑀸 𑀙 𑀤𑁂𑀯𑀮𑁄𑀓𑀢𑁄 𑀙 𑀭𑀣𑀸 𑀆𑀦𑀻𑀢𑀸𑀢𑀺 𑀢𑀁 𑀲𑀼𑀢𑁆𑀯𑀸 𑀭𑀸𑀚𑀸 𑀆𑀓𑀸𑀲𑁂 𑀧𑀼𑀧𑁆𑀨𑀤𑀸𑀫𑀸𑀦𑀺 𑀔𑀺𑀧𑀸𑀧𑁂𑀲𑀺. 𑀢𑀸𑀦𑀺 𑀕𑀦𑁆𑀢𑁆𑀯𑀸 𑀯𑀺𑀲𑀼𑀁 𑀭𑀣𑀥𑀼𑀭𑁂 𑀑𑀮𑀫𑁆𑀩𑀺𑀁𑀲𑀼 𑀫𑀳𑀸𑀚𑀦𑁄 𑀆𑀓𑀸𑀲𑁂 𑀑𑀮𑀫𑁆𑀩𑀦𑁆𑀢𑀸𑀦𑀺 𑀧𑀼𑀧𑁆𑀨𑀤𑀸𑀫𑀸𑀦𑀺 𑀤𑀺𑀲𑁆𑀯𑀸 𑀦𑀺𑀓𑁆𑀓𑀗𑁆𑀔𑁄 𑀅𑀳𑁄𑀲𑀺.

𑀢𑀢𑁄 𑀭𑀸𑀚𑀸 𑀣𑁂𑀭𑀁 𑀧𑀼𑀘𑁆𑀙𑀺-𑀓𑀢𑀫𑁄 𑀧𑀦 𑀪𑀦𑁆𑀢𑁂 𑀤𑁂𑀯𑀮𑁄𑀓𑁄 𑀭𑀫𑀡𑀻𑀬𑁄𑀢𑀺. 𑀢𑀼𑀲𑀺𑀢𑀪𑀯𑀦𑀁 𑀧𑀦 𑀫𑀳𑀸𑀭𑀸𑀚 𑀭𑀫𑀡𑀻𑀬𑀁, 𑀩𑀼𑀤𑁆𑀥𑀪𑀸𑀯𑀸𑀬 𑀲𑀫𑀬𑀁 𑀑𑀮𑁄𑀓𑁂𑀦𑁆𑀢𑁄 𑀫𑁂𑀢𑁆𑀢𑁂𑀬𑁆𑀬𑁄 𑀩𑁄𑀥𑀺𑀲𑀢𑁆𑀢𑁄𑀧𑀺 𑀢𑀲𑁆𑀫𑀺𑀁𑀬𑁂𑀯 𑀯𑀲𑀢𑀻𑀢𑀺 𑀆𑀳.

𑀢𑀁 ¶ 𑀲𑀼𑀢𑁆𑀯𑀸 𑀭𑀸𑀚𑀸 𑀢𑀲𑁆𑀫𑀺𑀁 𑀆𑀮𑀬𑀁 𑀓𑀢𑁆𑀯𑀸 𑀫𑀳𑀸𑀣𑀽𑀧𑀁 𑀑𑀮𑁄𑀓𑁂𑀦𑁆𑀢𑁄 𑀦𑀺𑀧𑀦𑁆𑀦𑁄𑀯 𑀘𑀯𑀺𑀢𑁆𑀯𑀸 𑀲𑀼𑀢𑁆𑀢𑀧𑁆𑀧𑀩𑀼𑀤𑁆𑀥𑁄 𑀯𑀺𑀬 𑀢𑀼𑀲𑀺𑀢 𑀪𑀯𑀦𑀢𑁄 𑀆𑀳𑀝. 𑀭𑀣𑁂 𑀦𑀺𑀩𑁆𑀩𑀢𑁆𑀢𑀺𑀢𑁆𑀯𑀸 𑀅𑀢𑁆𑀢𑀦𑁄 𑀓𑀢𑀧𑀼𑀜𑁆𑀜𑀲𑁆𑀲 𑀣𑀮𑀁 𑀫𑀳𑀸𑀚𑀦𑀲𑁆𑀲 𑀧𑀸𑀓𑀝𑀁 𑀓𑀸𑀢𑀼𑀁 𑀭𑀣𑁂𑀬𑁂𑀯 𑀞𑀢𑁆𑀯𑀸 𑀤𑀺𑀩𑁆𑀩𑀸𑀪𑀭𑀡 𑀯𑀺𑀪𑀽𑀲𑀺𑀢𑁄 𑀫𑀳𑀸𑀚𑀦𑀲𑁆𑀲 𑀧𑀲𑁆𑀲𑀦𑁆𑀢𑀲𑁆𑀲𑁂𑀯 𑀢𑀺𑀓𑁆𑀔𑀢𑁆𑀢𑀼𑀁 𑀫𑀳𑀸𑀣𑀽𑀧𑀁 𑀧𑀤𑀓𑁆𑀔𑀺𑀡𑀁 𑀓𑀢𑁆𑀯𑀸 𑀪𑀺𑀓𑁆𑀔𑀼𑀲𑀗𑁆𑀖𑀜𑁆𑀘 𑀯𑀦𑁆𑀤𑀺𑀢𑁆𑀯𑀸 𑀢𑀼𑀲𑀺𑀢𑀪𑀯𑀦𑀁 𑀅𑀕𑀫𑀸𑀲𑀺.

𑀏𑀯𑀁 𑀅𑀲𑀸𑀭𑁂 𑀦𑀺𑀘𑀬𑁂 𑀥𑀦𑀸𑀦𑀁 𑀅𑀦𑀺𑀘𑁆𑀘𑀲𑀗𑁆𑀖𑀁 𑀲𑀢𑁆𑀢𑀁 𑀲𑀧𑀜𑁆𑀜𑀸,

𑀓𑀢𑁆𑀯𑀦 𑀘𑀸𑀕𑀁 𑀭𑀢𑀦𑀢𑁆𑀢𑀬𑀫𑀳𑀺 𑀆𑀤𑀸𑀬 𑀲𑀸𑀭𑀁 𑀲𑀼𑀕𑀢𑀺𑀁 𑀯𑀚𑀦𑁆𑀢𑀺;

𑀭𑀜𑁆𑀜𑁄 𑀦𑀸𑀝𑀓𑀢𑁆𑀣𑀺𑀬𑁄 𑀫𑀢𑀪𑀸𑀯𑀁 𑀜𑀢𑁆𑀯𑀸 𑀬𑀢𑁆𑀣 𑀞𑀺𑀢𑀸 𑀫𑀓𑀼𑀴𑀁 𑀫𑁄𑀘𑀬𑀺𑀁𑀲𑀼 𑀢𑀢𑁆𑀣𑀁 𑀞𑀸𑀦𑁂 𑀓𑀢𑀲𑀸𑀮𑀸 𑀫𑀓𑀼𑀴𑀫𑀼𑀢𑁆𑀢𑀲𑀸𑀮𑀸𑀦𑀸𑀫𑀚𑀸𑀢𑀸. 𑀭𑀜𑁆𑀜𑁄 𑀲𑀭𑀻𑀭𑀲𑁆𑀫𑀺𑀁 𑀘𑀺𑀢𑀓𑀁 𑀆𑀭𑁄𑀧𑀺𑀢𑁂 𑀬𑀢𑁆𑀣 𑀫𑀳𑀸𑀚𑀦𑁄 𑀳𑀢𑁆𑀣𑁂 𑀧𑀕𑁆𑀕𑀳𑁂𑀢𑁆𑀯𑀸 𑀯𑀺𑀭𑀘𑀺. 𑀢𑀢𑁆𑀣 𑀓𑀢𑀲𑀸𑀮𑀸 𑀯𑀺𑀭𑀘𑀺𑀢𑁆𑀣𑀲𑀸𑀮𑀸 𑀦𑀸𑀫 𑀚𑀸𑀢𑀸. 𑀭𑀜𑁆𑀜𑁄 𑀲𑀭𑀻𑀭𑀁 𑀬𑀢𑁆𑀣 𑀛𑀸𑀧𑁂𑀲𑀼𑀁 - 𑀲𑁄 𑀲𑀻𑀫𑀸𑀫𑀸𑀮𑀓𑁄 𑀭𑀸𑀚𑀫𑀸𑀮𑀓𑁄 𑀦𑀸𑀫 𑀚𑀸𑀢𑁄. 𑀅𑀣 𑀭𑀜𑁆𑀜𑁄 𑀓𑀦𑀺𑀝𑁆𑀞𑀪𑀸𑀢𑀸 𑀲𑀤𑁆𑀥𑀸𑀢𑀺𑀲𑁆𑀲𑀫𑀳𑀸𑀭𑀸𑀚𑀸 𑀦𑀸𑀫 𑀳𑀼𑀢𑁆𑀯𑀸 𑀘𑁂𑀢𑀺𑀬𑁂 𑀅𑀦𑀺𑀝𑁆𑀞𑀢𑀁 𑀚𑀢𑁆𑀢𑀓𑀫𑁆𑀫𑀁 𑀲𑀼𑀥𑀸𑀓𑀫𑁆𑀫𑀜𑁆𑀘 𑀦𑀺𑀝𑁆𑀞𑀸𑀧𑁂𑀢𑁆𑀯𑀸 𑀣𑀽𑀧𑀫𑀓𑀸𑀲𑀻𑀢𑀺

𑀇𑀢𑀺 𑀲𑀸𑀥𑀼𑀚𑀦 𑀫𑀦𑁄𑀧𑀲𑀸𑀤𑀦𑀢𑁆𑀣𑀸𑀬 𑀓𑀢𑁂 𑀣𑀽𑀧𑀯𑀁𑀲𑁂 𑀫𑀳𑀸𑀘𑁂𑀢𑀺𑀬𑁂 𑀓𑀢𑀸 𑀦𑀺𑀝𑁆𑀞𑀺𑀢𑀸.

𑁨𑁬. 𑀏𑀢𑀭𑀳𑀺 𑀤𑀼𑀝𑁆𑀞𑀕𑀸𑀫𑀡𑀺 𑀅𑀪𑀬 𑀫𑀳𑀸𑀭𑀸𑀚𑀲𑁆𑀲 𑀧𑀺𑀢𑀸 𑀓𑀸𑀓𑀯𑀡𑁆𑀡𑀢𑀺𑀲𑁆𑀲 𑀭𑀸𑀚𑀸 𑀫𑁂𑀢𑁆𑀢𑁂𑀬𑁆𑀬𑀲𑁆𑀲 𑀪𑀕𑀯𑀢𑁄 𑀧𑀺𑀢𑀸 𑀪𑀯𑀺𑀲𑁆𑀲𑀢𑀺. 𑀯𑀺𑀳𑀸𑀭𑀫𑀳𑀸𑀤𑁂𑀯𑀻 𑀫𑀸𑀢𑀸 𑀪𑀯𑀺𑀲𑁆𑀲𑀢𑀺. 𑀤𑀼𑀝𑁆𑀞𑀕𑀸𑀫𑀺𑀡𑀺 𑀅𑀪𑀬𑁄 𑀅𑀕𑁆𑀕𑀲𑀸𑀯𑀓𑁄 𑀪𑀯𑀺𑀲𑁆𑀲𑀢𑀺. 𑀓𑀦𑀺𑀝𑁆𑀞𑁄 𑀤𑀼𑀢𑀺𑀬 𑀲𑀸𑀯𑀓𑁄 𑀪𑀯𑀺𑀲𑀲𑀢𑀺. 𑀭𑀜𑁆𑀜𑁄 𑀧𑀺𑀢𑀼𑀘𑁆𑀙𑀸 𑀅𑀦𑀼𑀴𑀸𑀤𑁂𑀯𑀻 𑀅𑀕𑁆𑀕𑀫𑀳𑁂𑀲𑀻 𑀪𑀯𑀺𑀲𑁆𑀲𑀢𑀺. 𑀭𑀜𑁆𑀜𑁄 𑀧𑀼𑀢𑁆𑀢𑁄 𑀲𑀸𑀮𑀺 𑀭𑀸𑀚𑀓𑀼𑀫𑀸𑀭𑁄 𑀧𑀼𑀢𑁆𑀢𑁄 𑀪𑀯𑀺𑀲𑁆𑀲𑀢𑀺. 𑀪𑀡𑁆𑀟𑀸𑀕𑀸𑀭𑀺𑀓 𑀲𑀗𑁆𑀖𑀸𑀫𑀘𑁆𑀘𑁄 𑀅𑀕𑁆𑀕𑀼𑀧𑀝𑁆𑀞𑀸𑀓𑁄 𑀪𑀯𑀺𑀲𑁆𑀲𑀢𑀺 𑀢𑀲𑁆𑀲𑀸𑀫𑀘𑁆𑀘𑀲𑁆𑀲 𑀥𑀻𑀢𑀸 𑀅𑀕𑁆𑀕𑀼𑀧𑀝𑁆𑀞𑀸𑀬𑀺𑀓𑀸 𑀪𑀯𑀺𑀲𑁆𑀲𑀢𑀻𑀢𑀺 𑀏𑀯𑀁 𑀲𑀩𑁆𑀩𑁂𑀧𑀺 𑀓𑀢𑀸𑀥𑀺𑀓𑀸𑀭𑀸 𑀳𑁂𑀢𑀼 𑀲𑀫𑁆𑀧𑀦𑁆𑀦𑀸 𑀢𑀲𑁆𑀲 𑀪𑀕𑀯𑀢𑁄 𑀥𑀫𑁆𑀫𑀁 𑀲𑀼𑀢𑁆𑀯𑀸 𑀤𑀼𑀓𑁆𑀔𑀲𑁆𑀲𑀦𑁆𑀢𑀁 𑀓𑀭𑀺𑀢𑁆𑀯𑀸 𑀅𑀦𑀼𑀧𑀸𑀤𑀺𑀲𑁂𑀲𑀸𑀬 𑀦𑀺𑀩𑁆𑀩𑀸𑀦𑀥𑀸𑀢𑀼𑀬𑀸 𑀧𑀭𑀺𑀦𑀺𑀩𑁆𑀩𑀸𑀬𑀺𑀲𑁆𑀲𑀦𑁆𑀢𑀻𑀢𑀺.

𑀏𑀢𑁆𑀢𑀸𑀯𑀢𑀸 𑀘

𑁨𑁭.

𑀫𑀳𑀺𑀡𑁆𑀤𑀲𑁂𑀦 𑀦𑀸𑀫𑀫𑁆𑀳𑀺 𑀯𑀲𑀦𑁆𑀢𑁄 𑀧𑀭𑀺𑀯𑁂𑀡𑀓𑁂,

𑀧𑀢𑁆𑀢𑀘𑀻𑀯𑀭𑀧𑀸𑀤𑁄? 𑀬𑁄 𑀧𑀺𑀝𑀓𑀢𑁆𑀢𑀬 𑀧𑀸𑀭𑀕𑁄;

𑀲𑀤𑁆𑀥𑀸𑀲𑀺𑀮𑀕𑀼𑀡𑀼𑀧𑁂𑀢𑁄 𑀲𑀩𑁆𑀩𑀲𑀢𑁆𑀢𑀳𑀺𑀢𑁂 𑀭𑀢𑁄,

𑀢𑁂𑀦 𑀲𑀸𑀥𑀼 𑀲𑀫𑀚𑁆𑀛𑀺𑀝𑁆𑀞𑁄 𑀬𑀫𑀳𑀁 𑀓𑀸𑀢𑀼𑀫𑀸𑀭𑀪𑀺𑀁;

𑀲𑁄𑀤𑀸𑀦𑀺 𑀦𑀺𑀝𑁆𑀞𑀁 𑀲𑀫𑁆𑀧𑀢𑁆𑀢𑁄 𑀣𑀽𑀧𑀯𑀁𑀲𑁄 𑀅𑀦𑀸𑀓𑀼𑀮𑁄,

𑀧𑀭𑀺𑀧𑀼𑀡𑁆𑀡𑁄 𑀲𑀗𑁆𑀔𑀣𑀸 𑀲𑀸𑀥𑀼 𑀧𑀡𑁆𑀟𑀺𑀢𑁂𑀳𑀺 𑀧𑀲𑀁𑀲𑀺𑀢𑁄;

𑀬𑀁 ¶ 𑀧𑀢𑁆𑀢𑀁 𑀓𑀼𑀲𑀮𑀁 𑀓𑀫𑁆𑀫𑀁 𑀓𑀭𑁄𑀦𑁆𑀢𑁂𑀦 𑀇𑀫𑀁 𑀫𑀬𑀁,

𑀢𑁂𑀦 𑀏𑀢𑁂𑀦 𑀧𑀼𑀜𑁆𑀜𑁂𑀦 𑀲𑀢𑁆𑀢𑀸 𑀕𑀘𑁆𑀙𑀦𑁆𑀢𑀼 𑀦𑀺𑀩𑁆𑀩𑀼𑀢𑀺𑀁;

𑀅𑀦𑀦𑁆𑀢𑀭𑀸𑀬𑁂𑀦 𑀬𑀣𑀸 𑀘 𑀲𑀺𑀤𑁆𑀥𑀺𑀁

𑀫𑀽𑀧𑀸𑀕𑀢𑁄 𑀣𑀽𑀧𑀯𑀭𑀲𑁆𑀲 𑀯𑀁𑀲𑁄,

𑀢𑀣𑁂𑀯 𑀲𑀤𑁆𑀥𑀫𑁆𑀫𑀲𑀺𑀢𑀸 𑀚𑀦𑀸𑀦𑀁

𑀫𑀦𑁄 𑀭𑀣𑀸 𑀲𑀻𑀖𑀫𑀼𑀧𑁂𑀦𑁆𑀢𑀼 𑀲𑀺𑀤𑁆𑀥𑀺𑀁;

𑀧𑀭𑀺𑀲𑀫𑁆𑀪𑀺𑀤𑀸𑀫𑀕𑁆𑀕𑀲𑁆𑀲 𑀬𑁂𑀦 𑀮𑀻𑀮𑀢𑁆𑀣 𑀤𑀻𑀧𑀦𑀺

𑀝𑀻𑀓𑀸 𑀯𑀺𑀭𑀘𑀺𑀢𑀸 𑀲𑀸𑀥𑀼 𑀲𑀤𑁆𑀥𑀫𑁆𑀫𑁄𑀤𑀬 𑀓𑀸𑀫𑀺𑀦𑀸;

𑀢𑀣𑀸 𑀧𑀓𑀭𑀡𑁂 𑀲𑀘𑁆𑀘𑀲𑀗𑁆𑀔𑁂𑀧𑁂 𑀅𑀢𑁆𑀣𑀤𑀻𑀧𑀦𑀸,

𑀥𑀻𑀫𑀢𑀸 𑀲𑀼𑀓𑀢𑀸 𑀬𑁂𑀦 𑀲𑀼𑀝𑁆𑀞𑀼 𑀲𑀻𑀳𑀴 𑀪𑀸𑀲𑀢𑁄

𑀯𑀺𑀲𑀼𑀤𑁆𑀥𑀺𑀫𑀕𑁆𑀕 𑀲𑀗𑁆𑀔𑁂𑀧𑁂 𑀬𑁂𑀦 𑀅𑀢𑁆𑀣𑀧𑁆𑀧𑀓𑀸𑀲𑀦𑀸,

𑀬𑁄𑀕𑀻 𑀦𑀫𑀼𑀧𑀓𑀸𑀭𑀸𑀬 𑀓𑀢𑀸 𑀲𑀻𑀳𑀴𑀪𑀸𑀲𑀢𑁄;

𑀧𑀭𑀓𑁆𑀓𑀫 𑀦𑀭𑀺𑀡𑁆𑀤𑀲𑁆𑀲 𑀲𑀩𑁆𑀩𑀪𑀽𑀧𑀸𑀦 𑀓𑁂𑀢𑀼𑀦𑁄,

𑀥𑀫𑁆𑀫𑀸𑀕𑀸𑀭𑁂 𑀦𑀺𑀬𑀼𑀢𑁆𑀢𑁄 𑀬𑁄 𑀧𑀺𑀝𑀓𑀢𑁆𑀢𑀬 𑀧𑀸𑀭𑀕𑁄;

𑀲𑀸𑀲𑀦𑀁 𑀲𑀼𑀝𑁆𑀞𑀺𑀢𑀁 𑀬𑀲𑁆𑀲 𑀅𑀦𑁆𑀢𑁂𑀯𑀸𑀲𑀺𑀓 𑀪𑀺𑀓𑁆𑀔𑀼𑀲𑀼,

𑀢𑁂𑀦 𑀯𑀸𑀘𑀺𑀲𑁆𑀲𑀭𑀢𑁆𑀣𑁂𑀭 𑀧𑀸𑀤𑁂𑀦 𑀮𑀺𑀔𑀺𑀢𑁄 𑀅𑀬𑀦𑁆𑀢𑀺;

𑀣𑀽𑀧𑀯𑀁𑀲𑁄 𑀦𑀺𑀝𑁆𑀞𑀺𑀢𑁄.