📜

𑀥𑀸𑀢𑀼𑀧𑀸𑀞 ¶ 𑀯𑀺𑀮𑀸𑀲𑀺𑀦𑀺𑀬𑀸

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲

𑁧.

𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥 𑀲𑀽𑀭𑀺𑀬𑁄 𑀬𑁄 𑀲𑀫𑁆𑀩𑁄𑀥𑁄 𑀤𑀬𑁄 𑀤𑀺𑀢𑁄;

𑀚𑀕𑀼 𑀧𑀗𑁆𑀓𑀚 𑀲𑀗𑁆𑀖𑀸𑀢𑁂 𑀩𑁄𑀥𑀬𑀻 𑀧𑀡𑀫𑀸𑀫𑀺 𑀢𑀁.

𑁨.

𑀲𑀤𑁆𑀥𑀫𑁆𑀫𑀪𑀸𑀦𑀼 𑀬𑁄 𑀮𑁄𑀓𑀸 𑀮𑁄𑀓𑀁 𑀓𑀢𑁆𑀯𑀸𑀦 𑀥𑀻 𑀢𑀫𑀁;

𑀥𑀁𑀲𑀬𑀻 𑀫𑀼𑀦𑀺𑀦𑀸 𑀲𑀫𑁆𑀫𑀸 𑀧𑀸𑀢𑀼𑀪𑀽𑀢𑁄 𑀦𑀫𑀸𑀫𑀺 𑀢𑀁.

𑁩.

𑀲𑀺𑀮𑀕𑀦𑁆𑀥𑀲𑀫𑀸𑀓𑀺𑀡𑁆𑀡𑁄 𑀩𑀼𑀤𑁆𑀥𑁄 𑀲𑀤𑁆𑀥𑀫𑁆𑀫𑀳𑀸𑀬 𑀬𑁄;

𑀲𑀗𑁆𑀖𑀢𑁄𑀬𑀭𑀼𑀳𑁄 𑀧𑀸𑀡 𑀮𑀻 𑀢𑁄𑀲𑁂𑀲𑀺 𑀦𑀫𑀸𑀫𑀺 𑀢𑀁-

𑁪.

𑀦𑀢𑁆𑀯𑀸 𑀫𑀫 𑀕𑀭𑀼𑀁𑀯𑀸𑀲𑀺 𑀧𑀤𑀼𑀫𑀸𑀭𑀸𑀫 𑀦𑀸𑀫𑀓𑀁;

𑀧𑀸𑀴𑀺𑀁 𑀦𑀺𑀲𑁆𑀲𑀸𑀬 𑀓𑀲𑁆𑀲𑀸 𑀳𑀁 𑀥𑀸𑀢𑀼𑀧𑀸𑀞𑀯𑀺𑀮𑀸𑀲𑀺𑀦𑀺-

𑁫.

𑀇𑀫𑀜𑁆𑀳𑀺 𑀕𑀦𑁆𑀣𑀓𑀭𑀡𑀁 𑀲𑀢𑁆𑀣𑀸𑀕𑀫𑀦𑀬𑁂 𑀭𑀢𑁄;

𑀫𑀽𑀓𑀮𑀁𑀕𑀫𑀼 𑀲𑀗𑁆𑀔𑀸𑀢𑁂 𑀕𑀸𑀫𑁂 𑀲𑀚𑁆𑀚𑀦𑀓𑀸𑀭𑀺𑀢𑁂-

𑁬.

𑀲𑀼𑀯𑀺𑀲𑀼𑀤𑁆𑀥𑀸𑀭𑀸𑀫𑀦𑀸𑀫 𑀯𑀺𑀳𑀸𑀭𑀫𑁆𑀳𑀺 𑀦𑀺𑀯𑀸𑀲𑀓𑁄;

𑀢𑀲𑁆𑀫𑀺𑀁 𑀧𑀥𑀸𑀦 𑀣𑁂𑀭𑁄 𑀲𑀺 𑀓𑀢𑀜𑁆𑀜𑀽 𑀲𑀦𑁆𑀢𑀯𑀼𑀢𑁆𑀢𑀺 𑀬𑁄-

𑁭.

𑀕𑀼𑀡𑀸𑀮𑀗𑁆𑀓𑀸𑀭𑀦𑀸𑀫𑁄 𑀲𑁄 𑀣𑁂𑀭𑁄 𑀣𑁂𑀭𑀦𑁆𑀯𑀬𑁂 𑀭𑀢𑁄;

𑀬𑀸𑀘𑀺 𑀫𑀁 𑀅𑀪𑀺𑀕𑀦𑁆𑀢𑁆𑀯𑀸𑀦 𑀫𑀺𑀢𑁆𑀢𑁄 𑀫𑁂 𑀯𑀗𑁆𑀓𑀫𑀸𑀦𑀲𑁄.

𑁮.

𑀩𑀼𑀤𑁆𑀥𑁄 𑀳𑁂𑀲𑁆𑀲𑀁 𑀬𑀤𑀸 𑀮𑁄𑀓𑁂 𑀦𑀺𑀤𑁆𑀤𑁂𑀲𑁄 𑀳𑀁 𑀢𑀤𑀸 𑀇𑀢𑀺;

𑀧𑀸𑀧𑀼𑀡𑀺𑀲𑁆𑀲 𑀫𑀳𑀗𑁆𑀓𑀸𑀭𑀁 𑀓𑁄 𑀯𑀸𑀤𑁄 𑀧𑀦𑀺 𑀳𑀦𑁆𑀢𑀭𑁂-

𑀅𑀧𑁆𑀧𑀘𑁆𑀘𑀬𑁄 ¶ 𑀧𑀭𑁄 𑀳𑁄𑀢𑀺 𑀪𑀽𑀯𑀸𑀤𑀺 𑀕𑀡𑀢𑁄 𑀲𑀢𑀺;

𑀲𑀼𑀤𑁆𑀥𑀓𑀢𑁆𑀢𑀼 𑀓𑀺𑀭𑀬𑀸𑀔𑁆𑀬𑀸𑀦𑁂 𑀲𑀩𑁆𑀩𑀥𑀸𑀢𑀼𑀓 𑀦𑀺𑀲𑁆𑀲𑀺𑀢𑀁-

𑀧𑀬𑀼𑀢𑁆𑀢𑁄 ¶ 𑀓𑀢𑁆𑀢𑀼𑀦𑀸 𑀬𑁄𑀕𑁂 𑀞𑀺𑀢𑁄 𑀬𑁂𑀯𑀸 𑀧𑁆𑀧𑀥𑀸𑀦𑀺𑀬𑁂;

𑀓𑀺𑀭𑀬𑀁 𑀲𑀸𑀥𑁂𑀢𑀺 𑀏𑀢𑀲𑁆𑀲 𑀤𑀻𑀧𑀓𑀁 𑀲𑀸𑀲𑀦𑁂 𑀧𑀤𑀁-

𑀓𑀭𑀡 𑀯𑀘𑀦𑀁𑀬𑁂𑀯 𑀬𑁂𑀪𑀼𑀬𑁆𑀬𑁂𑀦 𑀧𑀤𑀺𑀲𑁆𑀲𑀢𑀺;

𑀆𑀔𑁆𑀬𑀸𑀢𑁂 𑀓𑀸𑀭𑀺𑀢𑀝𑁆𑀞𑀸𑀦𑀁 𑀲𑀦𑁆𑀥𑀸𑀬 𑀓𑀣𑀺𑀢𑀁 𑀇𑀤𑀁;

𑀦 𑀦𑀸𑀫𑁂 𑀓𑀸𑀭𑀢𑀝𑁆𑀞𑀸𑀦𑀁 𑀩𑁄𑀥𑁂𑀢𑀸 𑀇𑀢𑀺𑀆𑀤𑀺𑀓𑀁-

𑀲𑀼𑀦𑀔𑁂𑀳𑀺𑀧𑀺 𑀔𑀸𑀤𑀸𑀧𑁂𑀦𑁆𑀢𑀺 𑀇𑀘𑁆𑀘𑀸𑀤𑀺𑀦𑀺 𑀧𑀤𑀸𑀦𑀺𑀢𑀼;

𑀆𑀳𑀭𑀺𑀢𑁆𑀯𑀸𑀦 𑀤𑀻𑀧𑁂𑀬𑁆𑀬 𑀧𑀬𑁄𑀕 𑀓𑀼𑀲𑀮𑁄 𑀩𑀼𑀥𑁄-𑀬𑀻.

𑀓𑀣𑀺𑀢𑁄 ¶ 𑀲𑀘𑁆𑀘 𑀲𑀗𑁆𑀔𑁂𑀧𑁂 𑀧𑀘𑁆𑀘𑀦𑁆𑀢 𑀯𑀘𑀦𑁂𑀦 𑀯𑁂;

𑀪𑀼𑀬𑁆𑀬𑀢𑁂 𑀇𑀢𑀺 𑀲𑀤𑁆𑀤𑀲𑁆𑀲 𑀲𑀫𑁆𑀩𑀦𑁆𑀥𑁄 𑀪𑀸𑀯𑀤𑀻𑀧𑀦𑁄-

𑀦𑀺𑀤𑁆𑀤𑁂𑀲𑀧𑀸𑀴𑀺𑀬𑀁 𑀭𑀽𑀧𑀁 𑀯𑀺𑀳𑁄𑀢𑀺 𑀯𑀺𑀳𑀯𑀻𑀬𑀢𑀺;

𑀇𑀢𑀺 𑀤𑀲𑁆𑀲𑀦𑀢𑁄𑀯𑀸𑀧𑀺 𑀧𑀘𑁆𑀘𑀢𑁆𑀢𑀯𑀘𑀦𑀁 𑀣𑀺𑀭𑀁-

𑀢𑀣𑀸 𑀥𑀚𑀕𑁆𑀕𑀲𑀼𑀢𑁆𑀢𑀦𑁆𑀢𑁂 𑀫𑀼𑀦𑀺𑀦𑀸 𑀳𑀘𑁆𑀘 𑀪𑀸𑀲𑀺𑀢𑁂;

𑀲𑁄 𑀧𑀳𑀻𑀬𑀺𑀲𑁆𑀲𑀢𑀺 𑀇𑀢𑀺 𑀧𑀸𑀴𑀺𑀤𑀲𑁆𑀲𑀦𑀢𑁄𑀧𑀺𑀘-

𑀧𑀸𑀭𑀫𑀺𑀢𑀸𑀦𑀼 𑀪𑀸𑀯𑁂𑀦 𑀫𑀳𑁂𑀲𑀻𑀦𑀁𑀯 𑀤𑁂𑀳𑀢𑁄;

𑀲𑀦𑁆𑀦𑀺 𑀦𑀺𑀧𑁆𑀨𑀸𑀤𑀦𑀸 𑀦𑁂𑀯 𑀲𑀓𑁆𑀓𑀝𑀸𑀤𑀺 𑀯𑀘𑁄 𑀯𑀺𑀬-

𑀧𑀘𑁆𑀘𑀢𑁆𑀢 𑀤𑀲𑁆𑀲𑀦𑁂𑀦𑁂𑀯 𑀧𑀼𑀭𑀺𑀲𑀢𑁆𑀢𑀬 𑀬𑁄𑀚𑀦𑀁;

𑀏𑀓𑀯𑀘𑀦𑀺𑀓𑀜𑁆𑀘𑀸𑀧𑀺 𑀩𑀳𑀼𑀯𑀘𑀦𑀺𑀓𑀫𑁆𑀧𑀺𑀘;

𑀓𑀸𑀢𑀩𑁆𑀩 𑀫𑀺𑀢𑀺 𑀦𑁄 𑀔𑀦𑁆𑀢𑀻 𑀧𑀭𑀲𑁆𑀲𑀧𑀤𑀆𑀤𑀺𑀓𑁂-

𑀪𑀸𑀯𑁂 𑀓𑀺𑀭𑀬𑀸𑀧𑀤𑀁 𑀦𑀸𑀫 𑀧𑀸𑀴𑀺𑀬𑀸 𑀅𑀢𑀺𑀤𑀼𑀤𑁆𑀤𑀲𑀁;

𑀢𑀲𑁆𑀫𑀸 𑀢𑀕𑁆𑀕𑀳𑀡𑀽𑀧𑀸𑀬𑁄 𑀯𑀼𑀢𑁆𑀢𑁄 𑀏𑀢𑁆𑀢𑀸𑀯𑀢𑀸 𑀫𑀬𑀸-𑀬𑀻.

𑀬𑀁 ¶ 𑀢𑀺𑀓𑀸𑀮𑀁 𑀢𑀺𑀧𑀼𑀭𑀺𑀲𑀁 𑀓𑀺𑀭𑀬𑀸𑀯𑀸𑀘𑀺 𑀢𑀺𑀓𑀸𑀭𑀓𑀁;

𑀅𑀢𑁆𑀢𑀺𑀮𑀺𑀗𑁆𑀕𑀁 𑀤𑁆𑀯𑀺𑀯𑀘𑀦𑀁 𑀢 𑀤𑀸𑀔𑁆𑀬𑀸𑀢𑀦𑁆𑀢𑀺 𑀯𑀼𑀘𑁆𑀘𑀢𑀺-𑀬𑀻.

𑀆𑀔𑁆𑀬𑀸𑀢 ¶ 𑀲𑀸𑀕𑀭 𑀫𑀣 𑀚𑁆𑀚𑀢𑀦𑀺 𑀢𑀭𑀗𑁆𑀕𑀁,

𑀥𑀸𑀢𑀼𑀚𑁆𑀚𑀮𑀁 𑀯𑀺𑀓𑀭𑀡 𑀕𑀫 𑀓𑀸𑀮𑀫𑀻𑀦𑀁;

𑀮𑁄𑀧𑀸 𑀦𑀼𑀩𑀦𑁆𑀥 𑀭𑀬 𑀫𑀢𑁆𑀣 𑀯𑀺𑀪𑀸𑀕𑀢𑀻𑀭𑀁,

𑀥𑀻𑀭𑀸 𑀢𑀭𑀦𑁆𑀢𑀺 𑀓𑀯𑀺𑀦𑁄 𑀧𑀼𑀣𑀼 𑀩𑀼𑀤𑁆𑀥𑀺 𑀦𑀸𑀯𑀸-𑀬𑀻.

𑀘𑀓𑁆𑀔𑀓𑁆𑀔𑀻 ¶ 𑀦𑀬𑀦𑀁 𑀦𑁂𑀢𑁆𑀢𑀁 𑀮𑁄𑀘𑀦𑀁 𑀤𑀺𑀝𑁆𑀞𑀺 𑀤𑀲𑁆𑀲𑀦𑀁;

𑀧𑁂𑀓𑁆𑀔𑀦𑀁 𑀅𑀘𑁆𑀙𑀺 𑀧𑀫𑁆𑀳𑀦𑁆𑀢𑀼 𑀧𑀔𑀼𑀫𑀦𑁆𑀢𑀺 𑀧𑀯𑀼𑀘𑁆𑀘𑀢𑀺-𑀬𑀺.

‘‘𑀧𑀩𑁆𑀩𑀸𑀚𑀺𑀢𑁄 ¶ 𑀲𑀓𑀸 𑀭𑀝𑁆𑀞𑀸, 𑀅𑀜𑁆𑀜𑀁 𑀚𑀦𑀧𑀤𑀁 𑀕𑀢𑁄,

𑀫𑀳𑀦𑁆𑀢𑀁 𑀓𑁄𑀝𑁆𑀞𑀁 𑀓𑀬𑀺𑀭𑀸𑀣, 𑀤𑀼𑀭𑀼𑀢𑁆𑀢𑀸𑀦𑀁 𑀦𑀺𑀯𑁂𑀢𑀯𑁂’’-

𑀧𑁄𑀭𑀸𑀡 ¶ 𑀫𑁂𑀢𑀁 𑀅𑀢𑀼𑀮 𑀦𑁂𑀢𑀁 𑀅𑀚𑁆𑀚𑀢𑀦𑀸𑀫𑀺𑀯,

𑀦𑀺𑀦𑁆𑀤𑀦𑁆𑀢𑀺 𑀢𑀼𑀡𑁆𑀳𑀺 𑀫𑀸𑀲𑀻𑀦𑀁 𑀦𑀺𑀦𑁆𑀤𑀦𑁆𑀢𑀺 𑀩𑀳𑀼𑀪𑀸𑀡𑀺𑀦𑀁;

𑀫𑀺𑀢𑀪𑀸𑀡𑀺𑀦𑀫𑁆𑀧𑀺 𑀦𑀺𑀦𑁆𑀤𑀦𑁆𑀢𑀺 𑀦𑀢𑁆𑀣𑀺 𑀮𑁄𑀓𑁂 𑀅𑀦𑀺𑀦𑁆𑀤𑀺𑀢𑁄-

𑀦𑀕𑀭𑀁 ¶ 𑀬𑀣𑀸 𑀧𑀘𑁆𑀘𑀦𑁆𑀢𑀁 ‘‘𑀕𑀼𑀢𑁆𑀢𑀁’’ 𑀲𑀦𑁆𑀢𑀭𑀩𑀸𑀳𑀺𑀬𑀁,

𑀏𑀯𑀁 ‘𑀕𑁄𑀧𑁂𑀣’ 𑀅𑀢𑁆𑀢𑀸𑀦𑀁, 𑀔𑀡𑁂 𑀯𑁂 𑀫𑀸 𑀉𑀧𑀘𑁆𑀘𑀕𑀸-

𑀥𑀺𑀭𑀢𑁆𑀣𑀼 ¶ 𑀢𑀁 𑀯𑀺𑀲𑀯𑀦𑁆𑀢𑀁, 𑀬𑀫𑀳𑀁 𑀚𑀻𑀯𑀺𑀢 𑀓𑀸𑀭𑀡𑀸,

𑀯𑀦𑁆𑀢𑀁 𑀧𑀘𑁆𑀙𑀸 𑀯𑀫𑀺𑀲𑁆𑀲𑀸𑀫𑀺, 𑀫𑀢𑀁 𑀫𑁂 𑀚𑀺𑀯𑀺𑀢𑀁 𑀯𑀭𑀁-

𑀯𑀺𑀮𑀼𑀧𑁆𑀧𑀢𑁂𑀯 ¶ 𑀧𑀼𑀭𑀺𑀲𑁄, 𑀬𑀸𑀯𑀲𑁆𑀲 𑀉𑀧𑀓𑀧𑁆𑀧𑀢𑀺,

𑀬𑀤𑀸 𑀘𑀜𑁆𑀜𑁂 𑀯𑀺𑀮𑀼𑀫𑁆𑀧𑀦𑁆𑀢𑀻, 𑀲𑁄 𑀯𑀺𑀮𑀼𑀢𑁆𑀢𑁄 𑀯𑀺𑀮𑀼𑀫𑁆𑀧𑀢𑀻-

‘‘𑀅𑀧𑁆𑀧𑀫𑀸𑀤𑁄 ¶ 𑀅𑀫𑀢𑀧𑀤𑀁, 𑀧𑀫𑀸𑀤𑁄 𑀫𑀘𑁆𑀘𑀼𑀦𑁄 𑀧𑀤𑀁,

𑀅𑀧𑁆𑀧𑀫𑀢𑁆𑀢𑀸 𑀦 𑀫𑀻𑀬𑀦𑁆𑀢𑀺, 𑀬𑁂 𑀧𑀫𑀢𑁆𑀢𑀸 𑀬𑀣𑀸𑀫𑀢𑀸’’.

𑁧. ¶

𑀜𑀸𑀡𑀯𑀺𑀫𑀮 𑀢𑀺𑀲𑁆𑀲𑀸𑀔𑁆𑀬𑁄, 𑀬𑁄 𑀫𑀳𑀸𑀲𑀗𑁆𑀖 𑀦𑀸𑀬𑀓𑁄,

𑀫𑀭𑀫𑁆𑀫𑀯𑀁𑀲𑀁 𑀆𑀤𑁄𑀘, 𑀤𑀻𑀧𑁂 𑀲𑀡𑁆𑀞𑀸𑀧𑀬𑀻 𑀇𑀥-

𑁨.

𑀢𑀲𑁆𑀲 𑀧𑀥𑀸𑀦 𑀲𑀺𑀲𑁆𑀲𑁄𑀲𑀺, 𑀧𑀸𑀴𑀺 𑀬𑀝𑁆𑀞𑀓𑀣𑀸 𑀯𑀺𑀤𑀽,

𑀥𑀫𑁆𑀫𑀥𑀸𑀭 𑀲𑀫𑀜𑁆𑀜𑀸𑀢𑁄, 𑀬𑁄 𑀫𑀳𑀸 𑀲𑀗𑁆𑀖𑀲𑀸𑀫𑀺𑀓𑁄-

𑁩.

𑀬𑁄 𑀢𑀲𑁆𑀲 𑀫𑀼𑀔𑁆𑀬𑀲𑀺𑀁𑀲𑁆𑀲𑀸 𑀲𑀺, 𑀥𑀫𑁆𑀫𑁂 𑀲𑀢𑁆𑀣𑁂𑀯 𑀓𑁄𑀯𑀺𑀤𑁄,

𑀜𑀸𑀡𑀸𑀦𑀦𑁆𑀤 𑀫𑀳𑀸𑀣𑁂𑀭𑁄, 𑀔𑁂 𑀫𑀸 𑀯𑀺𑀬 𑀲𑀼𑀧𑀸𑀓𑀝𑁄-

𑁪.

𑀯𑀺𑀫𑀮𑀲𑀸𑀭 𑀢𑀺𑀲𑁆𑀲𑀸𑀔𑁆𑀬𑁄, 𑀫𑀳𑀸𑀲𑀁𑀲𑀸𑀥𑀺𑀧𑁄 𑀓𑀯𑀺,

𑀲𑀺𑀲𑁆𑀲𑁄𑀲𑀺 𑀤𑀼𑀢𑀺𑀬𑁄 𑀢𑀲𑁆𑀲, 𑀧𑀭𑀺𑀬𑀢𑁆𑀢𑀺 𑀯𑀺𑀲𑀸𑀭𑀤𑁄-

𑁫.

𑀧𑀤𑀼𑀫𑀸𑀭𑀸𑀫 𑀦𑀸𑀫𑁄 𑀫𑁂, 𑀆𑀘𑁂𑀭𑁄 𑀣𑁂𑀭𑀧𑀼𑀗𑁆𑀕𑀯𑁄,

𑀢𑀢𑀺𑀬𑁄 𑀢𑀲𑁆𑀲 𑀲𑀺𑀲𑁆𑀲𑁄 𑀲𑀺 𑀲𑀺𑀓𑁆𑀔𑀸𑀕𑀸𑀭𑀯 𑀲𑀜𑁆𑀜𑀼𑀢𑁄-

𑁬.

𑀲𑀗𑁆𑀖𑀸𑀥𑀺𑀧𑁄𑀘 𑀯𑀺𑀫𑀮, 𑀲𑀸𑀭𑀸𑀔𑁆𑀬𑁄 𑀣𑁂𑀭𑀓𑀼𑀜𑁆𑀚𑀭𑁄,

𑀧𑀤𑀼𑀫𑀸𑀭𑀸𑀫 𑀯𑀺𑀔𑁆𑀬𑀸𑀢, 𑀫𑀳𑀸𑀣𑁂𑀭𑁄 𑀘𑀺𑀫𑁂 𑀤𑀼𑀯𑁂-

𑁭.

𑀥𑀫𑁆𑀫𑀸𑀥𑀸𑀭 𑀫𑀳𑀸𑀲𑀗𑁆𑀖, 𑀲𑀸𑀫𑀺𑀦𑁄𑀘 𑀉𑀧𑀦𑁆𑀢𑀺𑀓𑁂,

𑀜𑀸𑀡𑀸𑀦𑀦𑁆𑀤 𑀫𑀳𑀸𑀣𑁂𑀭, 𑀲𑁆𑀲𑀦𑁆𑀢𑀺𑀓𑁂𑀯 𑀲𑀫𑀼𑀕𑁆𑀕𑀳𑀼𑀁-

𑁮. ¶

𑀢𑁂𑀲𑀼 𑀔𑁄 𑀧𑀤𑀼𑀫𑀸𑀭𑀸𑀫 𑀫𑀳𑀸𑀣𑁂𑀭𑁄 𑀅𑀯𑀁 𑀫𑀫𑀁,

𑀲𑀺𑀓𑁆𑀔𑀬𑀺 𑀲𑀤𑁆𑀤 𑀲𑀢𑁆𑀣𑁂𑀘, 𑀧𑀸𑀴𑀺𑀬𑀝𑁆𑀞𑀓𑀣𑀸𑀲𑀼 𑀘-

𑁯.

𑀢𑀲𑁆𑀫𑀺𑀁 𑀤𑀺𑀯𑀗𑁆𑀕𑀢𑁂 𑀧𑀘𑁆𑀙𑀸, 𑀙𑀦𑁆𑀤𑁄 𑀯𑁆𑀬𑀸𑀓𑀭𑀡𑀸𑀤𑀺𑀓𑀁,

𑀯𑀺𑀫𑀮𑀲𑀸𑀭 𑀫𑀳𑀸𑀣𑁂𑀭, 𑀲𑁆𑀲𑀦𑁆𑀢𑀺𑀓𑁂𑀘 𑀲𑀫𑀼𑀕𑁆𑀕𑀳𑀺𑀁-

𑁧𑁦.

𑀢𑀲𑁆𑀲 𑀔𑁄 𑀧𑀤𑀼𑀫𑀸𑀭𑀸𑀫 𑀫𑀳𑀸𑀣𑁂𑀭𑀲𑁆𑀲 𑀥𑀻𑀫𑀢𑁄,

𑀲𑀺𑀲𑁆𑀲𑁂𑀦 𑀜𑀸𑀡𑀢𑀺𑀮𑀓 𑀣𑁂𑀭𑁂𑀦 𑀲𑀁𑀲𑀲𑀸𑀫𑀺𑀦𑀸-

𑁧𑁧.

𑀩𑀼𑀤𑁆𑀥𑀲𑁆𑀲 𑀧𑀭𑀺𑀦𑀺𑀩𑁆𑀩𑀸𑀡 𑀯𑀻𑀲𑀳𑀲𑁆𑀲𑁂 𑀘𑀢𑀼𑀲𑁆𑀲𑀢𑁂,

𑀲 𑀲𑀢𑁆𑀢𑀢𑁆𑀬𑀸𑀥𑀺𑀓𑁂 𑀯𑀲𑁆𑀲𑁂 𑀚𑁂𑀝𑁆𑀞𑀫𑀸𑀲𑁂 𑀫𑀦𑁄𑀭𑀫𑁂-

𑁧𑁨.

𑀅𑀝𑁆𑀞𑀫𑀺𑀬𑀁 𑀓𑀸𑀴𑀧𑀓𑁆𑀔𑁂, 𑀓𑀢𑀸𑀬𑀁 𑀫𑀢𑀺𑀲𑀽𑀤𑀦𑀻,

𑀥𑀸𑀢𑀼𑀧𑀸𑀞𑀢𑁆𑀣 𑀩𑁄𑀥𑀸𑀬 𑀥𑀸𑀢𑀼𑀧𑀸𑀞 𑀯𑀺𑀮𑀸𑀲𑀺𑀦𑀻-

𑁧𑁩.

𑀆𑀤𑀺 𑀫𑀼𑀤𑁆𑀤𑀸𑀧𑀦𑀁 𑀅𑀲𑁆𑀲𑀸, 𑀕𑀼𑀡𑀸𑀮𑀗𑁆𑀓𑀸𑀭 𑀦𑀸𑀫𑀺𑀦𑁄,

𑀑𑀦𑁄𑀚𑀺𑀢𑀁, 𑀫𑀫𑀸𑀬𑀢𑁆𑀢𑀁 𑀢𑀢𑁄𑀧𑀭𑀺 𑀢𑀧𑀲𑁆𑀲𑀺𑀦𑁄-

𑁧𑁪.

𑀲𑀺𑀲𑁆𑀲𑁄 𑀫𑀬𑁆𑀳𑀁 𑀕𑀼𑀦𑀸𑀦𑀦𑁆𑀤𑁄 𑀉𑀦𑀸𑀓𑀼𑀭𑀼𑀯 𑀕𑀸𑀫𑀚𑁄,

𑀫𑀫𑀼 𑀧𑀢𑁆𑀣𑀫𑁆𑀳𑀺𑀢𑁄 𑀆𑀲𑀺, 𑀕𑀡𑁆𑀞𑀺𑀝𑁆𑀞𑀸𑀦𑁂𑀲𑀦𑀸𑀤𑀺𑀢𑁄;

𑁧𑁫.

𑀩𑀲𑁆𑀢𑁆𑀬𑀁 𑀲𑀫𑀜𑁆𑀜𑀓𑁄 𑀭𑀸𑀚𑀸, 𑀫𑀘𑁆𑀘𑁄 𑀫𑀫 𑀧𑀺𑀢𑀸 𑀅𑀳𑀼,

𑀑𑀦𑁆𑀢𑀻𑀦𑁆𑀬𑀸 𑀯𑀻 𑀲𑀦𑀸𑀫𑀸 𑀫𑁂 𑀫𑀸𑀢𑀸 𑀲𑁂𑀦𑀸𑀧𑀢𑀸𑀦𑁆𑀬𑀦𑀼𑁋

𑁧𑁬.

𑀆𑀘𑁂𑀭𑀸 𑀘𑁂𑀯 𑀧𑀸𑀘𑁂𑀭𑀸, 𑀚𑀦𑀓𑁄 𑀚𑀦𑀦𑀻𑀯 𑀫𑁂,

𑀤𑁂𑀯𑀸 𑀘𑁂𑀢𑁆𑀬𑀗𑁆𑀕𑀺𑀦𑁄 𑀲𑀩𑁆𑀩𑁂, 𑀦𑁂𑀦𑀧𑀧𑁆𑀧𑁄𑀦𑁆𑀢𑀼 𑀦𑀺𑀩𑁆𑀩𑀼𑀢𑀺𑀦𑁆𑀢𑀺-

𑀥𑀸𑀢𑀼𑀧𑀸𑀞𑀯𑀺𑀮𑀸𑀲𑀺𑀦𑀺𑀬𑀸 𑀲𑀫𑀸𑀧𑁆𑀢𑀬𑀺.