📜

намо тасса бхагавато арахато самма̄самбуддхасса

суттавандана̄

1.

дхамматтха ¶ десана̄ ведха,

чатугамбхӣра дуддасам̣;

дхаммам̣ локасса десентам̣,

дхаммара̄джам̣ нама̄махам̣;

2.

буддхо ¶ паччекабуддхо ча,

араха̄ чаккаваттӣти;

тхӯпа̄тхӯпа̄рахам̣ ванде,

чатутхӯпа̄рахесу там̣;

3.

петасеййо ¶ ка̄мабхогӣ,

сӣхасеййо татха̄гато;

сайантам̣ чатусеййесу,

чатуттхена наме джинам̣;

4.

ан̣д̣аджа̄ джала̄буджа̄ ча;

сам̣седаджо папа̄тика̄;

чатуйони париччхеда,

н̃а̄н̣авантам̣ наме джинам̣;

5.

сутабуддхонубуддхо ¶ ча,

паччеко джинабуддхоти;

чатуттхам̣ чатубуддхесу,

ванда̄ми локана̄йакам̣;

6.

ра̄хуггам̣ ¶ аттабха̄гӣнам̣,

мандха̄та̄ ка̄мабхогӣнам̣;

ма̄ро адхипатеййа̄нам̣,

буддхо локе садеваке;

чатуагга пан̃н̃аттӣнам̣,

аггапаттам̣ наме джинам̣.

7.

да̄нам̣ ¶ пийакатха̄ аттха,

чарийа̄ садисаттата̄;

чатусан̇гаха ваттхӯхи,

асан̇кхийесу джа̄тису;

локасса сан̇гахета̄рам̣,

ванда̄ми локана̄йакам̣;

8.

лобхо досо ча мохоти,

анто паччаттхике тайо;

дуджджайе ¶ саббаверӣхи,

сан̃джитам̣пи судхим̣ наме;

9.

джа̄ти пун̃н̃а махатта̄ни,

гун̣амахаттамуттамам̣;

тимахаттхехи сампаннам̣,

ванда̄ми локана̄йакам̣;

10.

хету ¶ пхала сампада̄йо,

саттупака̄расампада̄;

тисампада̄хи сампаннам̣,

ванда̄ми локана̄йакам̣.

11.

н̃а̄н̣аппаха̄на̄нубха̄ва,

сурӯпака̄расампада̄;

чатупхала сампада̄хи,

там̣ сампаннам̣ наме джинам̣.

12.

а̄сайо ¶ ча пайоготи,

саттупака̄ра сампада̄;

дувидха̄ йасса сампанна̄,

самма̄ мам̣ па̄ту со джино.

13.

махосадхе вессантаре,

паччхимабхавике татха̄;

тиджа̄тӣсу наме ва̄чам̣,

бха̄сентам̣ джа̄йанаккхан̣е.

14.

немимхи ¶ са̄дхине чева,

мандха̄тари ча гуттиле;

чатӯсу мануджаттена,

девалокам̣ гатам̣ наме.

15.

сан̇кха̄ро рӯпавика̄ро,

лаккхан̣ам̣ ва̄наниссат̣ам̣;

нибба̄нам̣ ¶ пан̃н̃аттичети,

пан̃ча н̃еййантагум̣ наме.

16.

путта да̄ра паричча̄га̄,

раджджан̇гам̣ джӣва ча̄гӣти;

пан̃ча маха̄паричча̄ге,

карам̣ судуккаре наме.

17.

рӯпан̃ча ¶ ведана̄ сан̃н̃а̄,

сан̇кха̄ра̄ вин̃н̃а̄н̣антиме;

пан̃чаккхандхе париджа̄нам̣,

типарин̃н̃а̄хи там̣ наме.

18.

манусса дева гатийо,

пето ча нирайо татха̄;

тираччха̄ноти пан̃чета̄,

чхиндантам̣ гатийо наме;

19.

девапутто ¶ килесо ча,

абхисан̇кха̄ра ма̄рако;

кхандхо маччӯти пан̃чете,

ма̄ре виджитавам̣ наме.

20.

пуребхаттам̣ паччха̄бхаттам̣,

пуриман̃чева маджджхимам̣;

паччхиманти сада̄ пан̃ча,

буддхакиччам̣ карам̣ наме.

21.

рӯпа̄ ¶ садда̄ гандха̄ раса̄,

пхот̣т̣хабба̄ ча манорама̄;

пан̃ча ка̄магун̣е хитва̄,

кхел̣ам̣ва ниггатам̣ наме.

22.

ра̄гасаллам̣ ¶ досасаллам̣,

моха̄ ма̄но ча дит̣т̣хӣти;

ванде ваджджа̄тиваджджантам̣,

пан̃часаллапанӯданам̣.

23.

дӣгхо маджджхима сам̣йутта̄,

ан̇гуттаро ча кхуддако;

ити пан̃ча ника̄йехи,

сувинентам̣ паджам̣ наме.

24.

иссарийам̣ ¶ йасо дхаммо,

ка̄мо сирӣ пайаттӣти;

бхагйехи чхахи сампаннам̣,

ванда̄ми локана̄йакам̣.

25.

пийа̄пийам̣ ¶ бхӯта̄бхӯтам̣,

аттха̄наттхам̣ йатха̄рахам̣;

мисса̄ чхасу сува̄чам̣ва,

бха̄сантам̣ аттхакам̣ наме.

26.

аласо ча пама̄до ча,

анут̣т̣ха̄нам̣ асам̣йамо;

нидда̄ тантӣти чхиддехи,

чхахи муттам̣ сада̄ наме.

27.

маха̄карун̣а̄сама̄патти ¶ ,

йамакаппа̄т̣иха̄рийам̣;

а̄сайа̄нусайе н̃а̄н̣ам̣,

индрийа̄на паропаре;

саббан̃н̃ута̄ на̄варан̣ам̣,

чха̄ са̄дха̄ран̣икам̣ наме.

28.

ка̄маччхандо ¶ ча бйа̄па̄до,

тхинамиддхан̃ча сам̣сайо;

авиджджуддхачча куккуччам̣,

чхавинӣваран̣ам̣ наме.

29.

иддхивидхам̣ диббасотам̣,

парачитта виджа̄нана̄;

пуббенива̄са̄нуссати ¶ ,

диббачаккха̄саваккхайо;

чхал̣абхин̃н̃а̄хи сампаннам̣,

ванда̄ми пурисуттамам̣.

30.

нӣла пӣта̄ ча ода̄та̄,

ман̃джит̣т̣ха̄ ча пабхассара̄;

лохита̄ти чха рам̣сӣхӣ,

виджджотантам̣ сада̄ наме.

31.

асса̄да̄дӣнаво ¶ чева,

ниссаран̣апхалам̣ татха̄;

упа̄йа̄н̣аттӣти чхадха̄,

саддхаммадесакам̣ наме.

32.

ра̄го ¶ досо ча мохо ча,

витаккачарийа̄ татха̄;

саддха̄ буддхӣти бха̄джентам̣,

та̄ чхал̣ечарийа̄ наме.

33.

раджатам̣ канакам̣ мутта̄,

ман̣и вел̣урийа̄ни ча;

ваджиран̃ча пава̄л̣анти,

сет̣т̣хи саттадхано вийа.

34.

саддха̄сӣлам̣ сутам̣ча̄го,

хирӣ оттаппийам̣ дханам̣,

пан̃н̃а̄дхананти самбуддхам̣,

ванде саттамаха̄дханам̣.

35.

чаккам̣ ¶ хаттхи ассо ман̣и,

гахапатиттхийо татха̄;

супарин̣а̄йакоча̄ти,

саттаратано чаккаваттӣва.

36.

сати дхаммавичайо ча,

татхева вӣрийам̣ пӣти;

пассаддхи ¶ сама̄дхупеккха̄,

саддхамма чаккаваттикам̣;

сатта боджджхан̇гаратанам̣,

нама̄ми пурисуттамам̣.

37.

йугандхаро ¶ ӣсадхаро,

каравӣко судассано;

неминдхаро винатако,

ассакан̣н̣о маха̄наге;

саттете хаттхарӯпам̣ва,

сампассантам̣ джинам̣ наме.

38.

кан̣н̣амун̣д̣о анотатто,

кун̣а̄ло ратхака̄рако;

сӣхаппапа̄та чхадданта̄,

манда̄кинӣ маха̄саре;

саттете ¶ саббатха̄ пассам̣,

дит̣т̣хева па̄тикам̣ наме.

39.

мануссаттам̣ лин̇гасампатти,

хету саттха̄радассанам̣;

паббаджджа̄ гун̣асампатти,

адхика̄ро ча чхандата̄;

ат̣т̣хадхамма самодха̄на̄,

бхинӣха̄рантагум̣ наме.

40.

висат̣т̣хам̣ ¶ ман̃джу вин̃н̃еййам̣,

саванӣйа̄виса̄рин̣а̄;

гамбхӣро биндунинна̄до,

ат̣т̣хан̇гикасарам̣ наме.

41.

чатта̄ри ¶ рӯпаджха̄на̄ни,

татхева̄рӯпаджха̄на̄ни;

та̄ сама̄паттийо ат̣т̣ха,

севантам̣ ручийа̄ наме.

42.

ан̣има̄ лан̇гхима̄ каммам̣,

махима̄ паттима̄ татха̄;

ӣсита̄ ¶ васита̄ чева,

йаттхака̄ма̄васа̄йита̄;

ат̣т̣хиссарийа пун̣н̣атта̄,

иссара̄тиссарам̣ наме.

43.

маномайиддхин̃а̄н̣ан̃ча ¶ ,

чхал̣абхин̃н̃а̄ випассана̄;

ат̣т̣хавиджджа̄хи сампаннам̣,

ванде тилокакетукам̣.

44.

джа̄ти джара̄ руджа̄ ка̄ло,

чатура̄па̄йадуккха̄ти;

ат̣т̣ха сам̣вегаваттхӯни,

бха̄сантам̣ вивидхам̣ наме.

45.

суттан̇гам̣ ¶ веййа̄каран̣ам̣,

геййам̣ га̄тха̄ ча джа̄такам̣;

аббхӯтадхамма ведалла̄,

уда̄намити вуттакам̣;

наван̇гам̣ саббалокасса,

дадантам̣ са̄санам̣ наме.

46.

йа̄ ¶ сама̄паттийо ат̣т̣ха,

ниродхо ча̄ти те нава,

анупуббавиха̄ре там̣,

севантам̣ ручийа̄ наме.

47.

екаттан̃чева на̄наттам̣,

ка̄йасан̃н̃ӣхи йогато,

чатта̄ро татха̄руппа̄ ча,

асан̃н̃ӣча̄ти те нава,

саттава̄се вибхаджитва̄,

пака̄сентам̣ наме джинам̣.

48.

сеййасса ¶ садисо сеййо,

хӣноти тивидхо видхо,

татха̄ садисахӣна̄нам̣,

нававидхе нудам̣ наме.

49.

анаттхам̣ ¶ ме чарати ча,

татха̄ чари чариссати,

миттасса аринотваттхам̣,

нава̄гха̄те джахам̣ наме.

50.

да̄нам̣ сӣлан̃ча никкхамам̣,

пан̃н̃а̄ вӣрийапан̃чамам̣,

кхантӣ ¶ саччамадхит̣т̣ха̄нам̣,

меттупеккха̄ти та̄даса,

пӯретва̄ па̄рамӣ ванде,

самма̄самбодхимаджджхавам̣;

51.

ка̄л̣а̄вакан̃ча ган̇геййам̣,

пан̣д̣арам̣ тамба пин̇галам̣,

гандха ман̇гала хеман̃ча,

упосатха чхаддантиме.

52.

дха̄рети дасапоса̄нам̣,

на̄го ка̄л̣а̄вако балам̣;

сахассакот̣ипоса̄нам̣ ¶ ;

чхаддантова̄рануттамо.

53.

даса сахассакот̣ӣнам̣,

поса̄нам̣ баладха̄ран̣ам̣;

чхадданта̄нам̣ дасаннан̃ча,

дасака̄йабалам̣ наме.

54.

т̣ха̄на̄т̣ха̄не ¶ випа̄ке ча,

магге саббаттхага̄минам̣;

на̄на̄дха̄тӯсу локесу,

адхимуттимхи па̄н̣инам̣;

55.

паропарийатте н̃а̄н̣ам̣,

индрийа̄нан̃ча па̄н̣инам̣;

джха̄на̄дӣсу н̃а̄н̣ам̣ пуббе,

нива̄се диббачаккху ча;

а̄саваккхайан̃а̄н̣анти,

дасабалан̃а̄н̣ам̣ наме.

56.

мӯлагандхо ¶ са̄ро пхеггу,

тачо папат̣ико расо;

паттам̣ пуппхам̣ пхалан̃чева,

гандхагандхоти сам̣варам̣;

сугандхам̣ дасагандхехи,

вилимпантам̣ сада̄ наме.

57.

сама̄дхи ¶ н̃а̄н̣авиппха̄ра̄,

адхит̣т̣ха̄нам̣ викуббана̄;

маномайа̄рийа̄ иддхи,

татха̄ каммавипа̄каджа̄.

58.

виджджа̄майа̄ пун̃н̃авато;

пайога паччайиддхити;

аггапатта дасиддхӣнам̣,

па̄т̣ихерам̣ карам̣ наме.

59.

мутта̄ ¶ ман̣и вел̣урийам̣,

сан̇кхо салло пава̄л̣акам̣;

суван̣н̣ам̣ раджатам̣ лохи,

тан̇ко маса̄рагалланти;

дасадха̄ ¶ ратанехиггам̣,

бхогим̣ пан̃н̃а̄ман̣им̣ наме.

60.

ситхилам̣ дханитам̣ дӣгхам̣,

рассан̃ча гарукам̣ лаху;

ниггахитам̣ вимуттан̃ча,

самбандхан̃ча ваваттхитам̣;

виварантам̣ наме дхаммам̣,

дасабйан̃джанабхедитам̣.

61.

паса̄доджо ¶ мадхурата̄,

самата̄ сукхума̄лата̄;

силесода̄рата̄ канти,

аттхабйатти сама̄дхайо;

даса саддагун̣опетам̣,

дхаммам̣ па̄ту карам̣ наме.

62.

лобхо ¶ досо мохо ма̄но,

уддхаччам̣ дит̣т̣хи сам̣сайо;

ахирикаманоттаппам̣,

тхинанти сабба да̄хаке;

килесе даса те саддхим̣,

ва̄сана̄йа джахам̣ наме.

63.

сатера̄ ¶ дан̣д̣аман̣ика̄,

маччхавилолагаггара̄;

суккха̄сани каписиса̄,

вичакка̄ сан̃н̃а куккут̣а̄;

нава̄санӣхи пха̄лентам̣,

тиббам̣ пан̃н̃а̄саним̣ наме.

64.

родана̄ ¶ кодха̄вудхо ча,

уджджхантиссарийам̣ татха̄;

пат̣исан̇кха̄нам̣,

кханти ат̣т̣хабалесу там̣;

патхавӣсадисам̣ ванде,

ат̣т̣хамена вина̄йакам̣.

65.

ка̄марого ¶ ча пат̣игхо,

ма̄но дит̣т̣хи ча сам̣сайо;

бхавара̄го авиджджа̄ти,

сатта̄нусайинам̣ наме.

66.

титтхийа̄пакатимаха̄са̄вака̄,

аггаса̄вака̄ паччекабуддхасамбуддха̄;

висит̣т̣хам̣ ¶ саббатха̄ чхасу,

пуббе нива̄са вин̃н̃ӯсу;

тилокамакут̣ам̣ наме.

67.

буддхачаккху саманта̄ ча,

н̃а̄н̣ам̣ йам̣ диббачаккху ча;

дхаммоти пан̃ча чаккхӯхи,

дасса̄вим̣ ма̄раджим̣ наме.

68.

кхуддака̄ ¶ кхан̣ика̄ оккантика̄ ча,

пхаран̣а̄ татха̄ уббега̄;

пан̃ча пӣтӣхи пинентам̣,

ручийа̄ ча нама̄махам̣.

69.

дуккхам̣ самудайасаччам̣,

ниродхо маггасаччакам̣;

чатусаччамабхиджа̄нам̣ ¶ ,

чатукиччехи там̣ наме.

70.

пӣл̣ана̄ сан̇кхататтхо ча,

тапо випарин̣а̄мана̄;

дуккхасаччам̣ чатуккехи,

вибхатта̄вим̣ муним̣ наме.

71.

а̄йӯханам̣ ¶ нида̄нан̃ча,

сам̣його палибодханам̣;

чатуккехи самудайам̣,

вибхатта̄вим̣ муним̣ наме.

72.

ниссаран̣ан̃ча вивеко,

асан̇кхата̄матам̣ татха̄;

ниродхан̃ча чатуккехи,

вибхатта̄вим̣ муним̣ наме.

73.

ниййа̄нико ¶ ча хетваттхо,

дассана̄дхипатеййакам̣;

маггасаччам̣ чатуккехи,

вибхатта̄вим̣ муним̣ наме.

74.

саттхако ¶ ча асаммохо,

саппа̄йо чева гочаро;

чатусампаджан̃н̃а̄ вина̄,

бха̄вим̣ наме татха̄гатам̣.

75.

пахина̄кхила дуккха̄хам̣,

бхаваса̄гара па̄рагум̣;

ванде са̄рагун̣опетам̣,

тенамхи бхавапа̄раго.

76.

рӯпа̄рӯпавила̄сагга ¶ ,

рӯпа̄чинтеййа сам̣йуттам̣;

ванде са̄рагун̣опетам̣,

тенамха̄туларӯпава̄.

77.

иддхи ¶ иддхи вила̄сагга,

иддхи чинтеййа сам̣йуттам̣;

ванде са̄рагун̣епетам̣,

тенамха̄ тулаиддхима̄.

78.

ва̄ча̄ ва̄ча̄ вила̄сагга,

ва̄ча̄ чинтеййа сам̣йуттам̣;

ванде са̄рагун̣опетам̣,

тенамха̄ тулава̄чако.

79.

н̃а̄н̣а ¶ н̃а̄н̣а вила̄сагга,

н̃а̄н̣а̄чинтеййа сам̣йуттам̣;

ванде са̄рагун̣опетам̣,

тенамха̄ тулан̃а̄н̣ава̄.

80.

саджджхам̣ хеман̃ча ратанам̣,

гехам̣ ваттхан̃ча бходжанам̣;

тадан̃н̃епи ¶ йатха̄читтам̣,

ма̄пеййа̄хам̣ наме джинам̣.

81.

саджджхам̣ хеман̃ча ратанам̣,

гехам̣ ваттхан̃ча бходжанам̣;

тадан̃н̃епи йатха̄читтам̣,

ма̄пеййам̣ каммаджиддхийа̄.

82.

саттабоджджхан̇га ¶ ратано,

саддха̄диратано муни;

сатиппабхутиратано,

ванде там̣ пурисуттамам̣.

83.

чакка̄дисаттаратанам̣,

мутта̄диратанам̣ субхам̣;

ваттхаппабхутиратанам̣,

чхандаккхан̣е лабха̄махам̣.

84.

сампун̣н̣ачиттасан̇каппо ¶ ,

йатха̄кан̇кхитама̄пако,

кеначинабхибхӯто йо,

сабба̄бхибхӯ наме джинам̣.

85.

сампун̣н̣ачиттасан̇каппо ¶ ,

йатха̄кан̇кхитама̄пако,

кеначинабхибхӯтамхи,

сабба̄бхибхӯ бхаве бхаве.

86.

даса чхаддантара̄джа̄ва,

даса ка̄йабало муни;

даса н̃а̄н̣аббалотулйо,

ванде там̣ саман̣уттамам̣.

87.

атика̄йаджаво ¶ буддхо,

ран̃н̃а̄джаванахам̣сато;

ка̄ катха̄ н̃а̄н̣авегасса,

ванде там̣ саман̣уттамам̣.

88.

чхаддантана̄гара̄джа̄ва,

бхаве бхаве махаббало;

ра̄джа̄джаванахам̣сова,

парамаггаджаво бхаве.

89.

удака̄ ¶ ка̄сача̄рӣ ча,

махинимуджджако джино;

ма̄пако ча йатха̄ читтам̣,

ванде там̣ н̃еййапа̄рагум̣.

90.

удака̄ ка̄сача̄рӣ ча,

махинимуджджако бхаве;

ма̄пако ча йатха̄читтам̣,

бхавасо каммаджиддхийа̄.

91.

га̄ме ¶ ване ча саббаттха,

девехи мануссехи ча;

а̄бхата̄нантала̄бхасса,

сада̄ йасса махесино;

паттала̄бхаггатам̣ локам̣,

там̣ ванде мунипун̇гавам̣.

92.

га̄ме ¶ ване ча саббаттха,

девехи мануссехи ча;

а̄бхата̄ нантала̄бхо ме,

сада̄ хоту бхава̄бхаве.

93.

пун̃н̃ассимасса теджена,

йатха̄ читтам̣ самиджджхату;

саббиччха̄ ¶ саббачинта̄ ча,

кхиппам̣ ме джа̄тиджа̄тийам̣.

94.

наттхӣти вачанам̣ дуккхам̣,

дехӣти вачанам̣ татха̄;

тасма̄ наттхӣти дехӣти,

ма̄ ме хоту бхава̄бхаве.

95.

саббам̣ ¶ паравасам̣ дуккхам̣,

саббамиссарийам̣ сукхам̣;

саббам̣ паравасаматтху,

саббамиссарийам̣ бхаве.

96.

витаккенто бхаджджака̄йо,

сабба̄вудха ва̄ран̣о ча;

чхадданта ва̄ран̣абало,

бхавеййам̣ джа̄тиджа̄ тийам̣.

97.

субхалаккхан̣асампанно ¶ ,

суван̣н̣аван̣н̣ава̄ бхаве;

брахмассаро каравика,

бха̄н̣ӣ ча джа̄тиджа̄тийам̣.

98.

бхӯримапан̃н̃о сиппа̄нам̣,

саббесам̣ кусало бхаве;

висаджджетум̣ саматтхова,

саббапуччха̄нам̣ т̣ха̄насо.

99.

вера̄дхам̣сӣйа ¶ бхога̄ ча,

ананта̄кхӣн̣а бхогава̄;

ананта̄бхаджджа парисо,

бхавасо па̄пун̣е сивам̣.

100.

ма̄ ¶ нассеййам̣ пасайхеййам̣,

уссуккехи пйахам̣ саха;

пан̃чаверехи кот̣ӣхи,

бхан̣д̣ам̣ ва̄ ака̄тука̄митам̣.

101.

мегхам̣ ва̄тан̃ча ратанам̣,

дхан̃н̃ам̣ ваттхан̃ча бходжанам̣;

саббиччхитам̣ тадан̃н̃ампи,

ма̄пеййам̣ каммаджиддхийа̄.

102.

пун̃н̃енетена ¶ нибба̄нам̣,

сантам̣ паппоми та̄вата̄;

бхавеййам̣ саббаджа̄тӣсу,

чатусампаттийа̄ сада̄;

чатучаккена сампанно,

саддхаммехи ча саттахи.

103.

самма̄дит̣т̣хи ¶ васупете,

куламхи сет̣т̣хасаммате,

саббасакката сам̣суддхе;

бхаве тихетусандхико.

104.

гха̄саччха̄данам̣ бхоган̃ча,

нева хаттхена ка̄туна,

бхун̃джеййамиддхийа̄твева,

ма̄петва̄ йа̄вадаттхакам̣.

105.

манусса̄нам̣ ¶ атиккамма,

дева̄нам̣ вийа бходжанам̣,

ваттхам̣ бхого ча ме хонту,

парива̄ра̄тисундара̄.

106.

даса̄суттам̣пи ме бхогам̣,

пан̃чавера̄ бхаве бхаве;

ма̄ган̣хеййун̃ча нассеййум̣,

асоко бхогахетуме.

107.

саббан̇гасубха ¶ сампанно,

син̇гӣниккха саван̣н̣а ва̄;

ба̄ттим̣са лаккхан̣ӯпето,

атаппана рӯпа ва̄ бхаве.

108.

ка̄йо чанданагандхо ча,

мукхам̣ уппалагандхикам̣;

ат̣т̣хан̇гико ¶ каравика,

ман̃джӯгхосо ча ме хоту.

109.

тиккха гамбхӣра пан̃н̃о ча,

ха̄са̄тиджавапан̃н̃ава̄,

бхӯри ниббедха пан̃н̃о ча;

саббапан̃хависаджджано.

111.

анто ¶ сол̣асавассасса,

типет̣акадхаро бхаве;

саббакаммесу сиппесу,

виджджа̄т̣ха̄несу па̄рагӯ.