ан̃н̃а > сан̇га̄йана-пуччха виссаджджана̄

пуччха̄ – пат̣хамамаха̄дхаммасам̣гӣтика̄ле ¶ а̄вусо дхаммасам̣га̄хака̄ маха̄кассапа̄дайо маха̄тхеравара̄ пат̣хамам̣ винайам̣ сам̣га̄йитва̄ таданантарам̣ кам̣ на̄ма па̄вачанам̣ сам̣га̄йим̣су.

виссаджджана̄ – пат̣хамамаха̄дхаммасам̣гӣтийам̣ бханте дхаммасам̣га̄хака̄ маха̄кассапа̄дайо маха̄тхеравара̄ пат̣хамам̣ винайам̣ сам̣га̄йитва̄ таданантарам̣ дхаммам̣ сам̣га̄йим̣су.

пуччха̄ – дхаммо ¶ на̄ма а̄вусо суттанта̄бхидхаммавасена дувидхо, таттха катарам̣ дхаммам̣ пат̣хамам̣ сам̣га̄йим̣су.

виссаджджана̄ – двӣсу бханте дхаммесу суттанта̄бхидхаммапит̣акесу пат̣хамам̣ суттантам̣ пит̣акам̣ дхаммам̣ сам̣га̄йим̣су.

пуччха̄ – суттантапит̣аке ¶ пи а̄вусо дӣгхамаджджхимасам̣йуттаан̇гуттаракхуддаканика̄йавасена пан̃ча ника̄йа̄, тесу пат̣хамам̣ катарам̣ ника̄йам̣ сам̣га̄йим̣су.

виссаджджана̄ – пан̃часу бханте ника̄йесу пат̣хамам̣ дӣгханика̄йам̣ сам̣га̄йим̣су.

пуччха̄ – дӣгханика̄йепи а̄вусо тайо вагга̄ чатуттим̣са̄ ча сутта̄ни, тесу катарам̣ ваггам̣ катаран̃ча суттам̣ пат̣хамам̣ сам̣га̄йим̣су.

виссаджджана̄ – дӣгханика̄йепи бханте тӣсу ваггесу пат̣хамам̣ сӣлаккхандхаваггам̣, чатуттим̣сатийа̄ ча суттесу пат̣хамам̣ брахмаджа̄ласуттам̣ сам̣га̄йим̣су.

пуччха̄ – са̄дху ¶ са̄дху а̄вусо майампи да̄ни татойева пат̣т̣ха̄йа сам̣га̄йитум̣ пуббакичча̄ни сама̄рабха̄ма…, тена̄вусо бхагавата̄ джа̄ната̄ пассата̄ арахата̄ самма̄самбуддхена брахмаджа̄ласуттам̣ каттха бха̄ситам̣.

виссаджджана̄ – антара̄ ча бханте ра̄джагахам̣ антара̄ ча на̄л̣андам̣ амбалат̣т̣хика̄йам̣ ра̄джа̄га̄раке бха̄ситам̣.

пуччха̄ – кам̣ ¶ а̄вусо а̄раббха бха̄ситам̣.

виссаджджана̄ – суппийан̃ча бханте парибба̄джакам̣ брахмадаттан̃ча ма̄н̣авам̣ а̄раббха бха̄ситам̣.

пуччха̄ – кисмим̣ а̄вусо ваттхусмим̣ бха̄ситам̣.

виссаджджана̄ – ван̣н̣а̄ван̣н̣е бханте, суппийо хи бханте анекапарийа̄йена буддхасса аван̣н̣ам̣ бха̄сати дхаммасса аван̣н̣ам̣ бха̄сати сан̇гхасса аван̣н̣ам̣ бха̄сати, суппийасса пана парибба̄джакасса антева̄сӣ брахмадатто ма̄н̣аво анекапарийа̄йена буддхасса ван̣н̣ам̣ бха̄сати дхаммасса ван̣н̣ам̣ бха̄сати сан̇гхасса ван̣н̣ам̣ бха̄сати, тасмим̣ бханте ваттхусмим̣ бха̄ситам̣.

пуччха̄ – кати ¶ а̄вусо таттха анусандхайо.

виссаджджана̄ – тайо бханте таттха анусандхайо, еко аван̣н̣а̄нусандхи, две ван̣н̣а̄нусандхийо.

пуччха̄ – таттха̄вусо пат̣хаме анусандхимхи катхам̣ бхагавата̄ бха̄ситам̣, там̣ сам̣кхепато катхехи.

виссаджджана̄ – пат̣хаме бханте анусандхимхи аван̣н̣е манопадосам̣ нива̄ретва̄, таттха ча а̄дӣнавам̣ дассетва̄, таттха пат̣ипаджджитабба̄ка̄ро бхагавата̄ бха̄сито.

мамам̣ ¶ ва̄ бхиккхаве паре аван̣н̣ам̣ бха̄сеййум̣, дхаммасса ва̄ аван̣н̣ам̣ бха̄сеййум̣ сан̇гхасса ва̄ аван̣н̣ам̣ бха̄сеййум̣, татра тумхехи на а̄гха̄то аппаччайо на четасо анабхираддхи каран̣ӣйа̄…

пуччха̄ – са̄дху ¶ са̄дху а̄вусо, са̄дху кхо бхагава̄ аттана̄ парамуккам̣ са̄гатакхантӣгун̣асаманна̄гато аттано са̄вакабхӯте амхепи таттха сама̄да̄песи, аттана̄ ча локадхаммесу анин̃джанасабха̄во амха̄кампи татхатта̄йа ова̄дамада̄си, дутийепана̄вусо анусандхимхи катхам̣ бхагавата̄ бха̄ситам̣, тампи сам̣кхепато пака̄сехи.

виссаджджана̄ – дутийе пана бханте анусандхимхи ван̣н̣е четасо уппила̄витаттам̣ ниседхетва̄, таттха ча а̄дӣнавам̣ дассетва̄, таттха ча пат̣ипаджджана̄ка̄рам̣ дассетва̄, путхуджджанасса ван̣н̣абхӯмибхӯта̄ни тӣн̣и сӣла̄ни виттха̄рато бхагавата̄ бха̄сита̄ни.

мамам̣ ¶ ва̄ бхиккхаве паре ван̣н̣ам̣ бха̄сеййум̣, дхаммасса ва̄ ван̣н̣ам̣ бха̄сеййум̣, сан̇гхасса ва̄ ван̣н̣ам̣ бха̄сеййум̣, татра тумхехи на а̄нандо на соманассам̣ на четасо абхираддхи каран̣ӣйа̄ –

пуччха̄ – са̄дху ¶ са̄дху а̄вусо, са̄дху кхо бхагава̄ аттана̄ парамуккам̣сагатасупарисуддхасӣласаманна̄гато, там̣ аттано супарисуддхасӣлам̣ дассетва̄ парепи таттха нийоджеси, татийе пана̄вусо анусандхимхи катхам̣ бхагавата̄ бха̄ситам̣, там̣ сам̣кхепато пака̄сехи.

виссаджджана̄ – татийе пана бханте анусандхимхи два̄сат̣т̣хи дит̣т̣хийо саббан̃н̃ута н̃а̄н̣ена виттха̄рато вибхаджитва̄, та̄сан̃ча чха пхасса̄йатанападат̣т̣ха̄набха̄вам̣ вибха̄ветва̄, миччха̄дит̣т̣хигатика̄дхит̣т̣ха̄ нан̃ча ват̣т̣ам̣ катхетва̄, йуттайогабхиккхуадхит̣т̣ха̄нан̃ча виват̣т̣ам̣ катхетва̄, миччха̄дит̣т̣хигатикасса десана̄джа̄лато авимуттабха̄вам̣ ¶ десана̄джа̄лато вимуттасса наттхикабха̄ван̃ча вибха̄ветва̄, аттано ча каттхачи апарийа̄паннабха̄вам̣ дассетва̄, упа̄дисесанибба̄надха̄тум̣ па̄петва̄ десана̄ бхагавата̄ нит̣т̣ха̄пита̄.

уччхиннабха̄ванеттико ¶ бхиккхаве татха̄гатасса ка̄йо тит̣т̣хати, йа̄васса ка̄йо т̣хассати та̄ва нам̣ даккханти деваманусса̄, ка̄йасса бхеда̄ уддхам̣ джӣвитапарийа̄да̄на̄ на нам̣ даккханти деваманусса̄.

пуччха̄ – са̄дху ¶ са̄дху а̄вусо, са̄дху кхо бхагава̄ аттана̄ два̄сат̣т̣хи дит̣т̣хийо ча чха пхасса̄йатана̄ни ча два̄даса пат̣иччасамуппа̄дан̇га̄ни ча саббасо париджа̄нитва̄ тесам̣ париджа̄нанаттха̄йа паресампи татхатта̄йа дхаммам̣ пака̄сети, суттан̃ча на̄ма а̄вусо чатуннам̣ суттаниккхепа̄нам̣ ан̃н̃атаравасенева никкхиттам̣, тасма̄ тесу идам̣ суттам̣ катарена суттаниккхепена бхагавата̄ никкхиттам̣.

виссаджджана̄ – чатӯсу бханте суттаниккхепесу ат̣т̣хуппаттиниккхепана идам̣ суттам̣ никкхиттам̣.

виссаджджана̄ – бхагавато бханте вачанам̣ арахато самма̄самбуддхасса.

виссаджджана̄ – парампара̄йа бханте а̄бхатам̣.

пуччха̄ – аттхи ну кхо а̄вусо еттха кочи вираддхадоса̄, йена паччхима̄ джана̄ миччха̄аттхам̣ ган̣хеййум̣.

пуччха̄ – тена̄вусо ¶ бхагавата̄…пе… самма̄самбуддхена са̄ман̃н̃апхаласуттам̣ каттха бха̄ситам̣.

виссаджджана̄ – ра̄джагахе бханте джӣвакасса кома̄рабхаччасса амбаване бха̄ситам̣.

пуччха̄ – кена̄вусо саддхим̣ бхагавата̄ бха̄ситам̣.

виссаджджана̄ – ран̃н̃а̄ бханте ма̄гадхена аджа̄тасаттуна̄ ведехипуттена саддхим̣ бха̄ситам̣.

пуччха̄ – там̣ ¶ пана̄вусо суттам̣ чатуннам̣ суттаниккхепа̄нам̣ катарена суттаниккхепена бхагавата̄ никкхиттам̣.

виссаджджана̄ – чатуннам̣ бханте суттаниккхепа̄нам̣ пуччха̄васикена суттаниккхепена никкхитам̣ бхагавата̄.

пуччха̄ – са̄ пана̄вусо пуччха̄ кена̄ка̄рена самуппанна̄.

виссаджджана̄ – ра̄джа̄ бханте ма̄гадхо аджа̄сатту ведехипутто тадахупосатхе паннарасе комудийа̄ ча̄тума̄синийа̄ пун̣н̣а̄йа пун̣н̣ама̄йа раттийа̄ йена бхагава̄ тенупасам̣ками, упасам̣камитва̄ бхагавантам̣ дит̣т̣хева дхамме сам̣дит̣т̣хикам̣ са̄ман̃н̃апхалам̣ пуччхи, евам̣ кхо са̄ бханте пуччха̄ уппанна̄.

рамман̣ӣйа̄ ¶ вата бхо досина̄ ратти, абхирӯпа̄ вата бхо досина̄ ратти, дассанӣйа̄ вата бхо досина̄ ратти, па̄са̄дика̄ вата бхо досина̄ ратти, лаккхан̃н̃а̄ вата бхо досина̄ ратти….

кам̣ нукхваджджа саман̣ам̣ ва̄ бра̄хман̣ам̣ ва̄ пайирупа̄сеййа̄ма….

йам̣ ¶ но пайирупасато читтам̣ пасӣдеййа….

айам̣ ¶ дева амха̄кам̣ бхагава̄ арахам̣ самма̄самбуддхо амха̄кам̣ амбаване вихарати.

там̣ кхо пана бхагавантам̣ евам̣ калйа̄н̣о киттисаддо аббхуггато ‘‘итипи со бхагава̄ арахам̣ самма̄самбуддхо виджджа̄чаран̣асампанно сугато локавидӯ ануттаропурисадаммаса̄ратхи саттха̄деваманусса̄нам̣ буддхо бхагава̄’’ти.

там̣ дево бхагавантам̣ пайирупа̄сату, аппевана̄ма девасса бхагавантам̣ пайирупа̄сато читтам̣ пасӣдеййа.

тена хи самма джӣвака хаттхийа̄на̄ни каппа̄пехи.

каппита̄ни ¶ кхо те дева хаттхийа̄на̄ни, йасса да̄ни ка̄лам̣ ман̃н̃аси.

киччи мам̣ самма джӣвака на ван̃чеси, каччи мам̣ самма джӣвака на паламбхеси….

ма̄ бха̄йи маха̄ра̄джа, ма̄ бха̄йи маха̄ра̄джа….

на там̣ дева ван̃чеми, на там̣ дева паламбха̄ми….

есо ¶ маха̄ра̄джа бхагава̄, есо маха̄ра̄джа бхагава̄ маджджхимам̣ тхамбхам̣ нисса̄йа пураттха̄бхимукхо нисинно пураккхато бхиккхусан̇гхасса….

имина̄ ме упасамена удайабхаддо кума̄ро саманна̄гато хоту…

агама̄ ¶ кхо твам̣ маха̄ра̄джа йатха̄ пемам̣.

пуччхеййа̄махам̣ бханте бхагавантам̣ кин̃чидева десам̣ саче ме бхагава̄ ока̄сам̣ кароти пан̃хасса веййа̄каран̣а̄йа.

йатха̄ ¶ ну кхо има̄ни бханте путхусиппа̄йатана̄ни, сеййатхидам̣, хаттха̄роха̄ асса̄роха̄ ратхика̄ дхануггаха̄ челака̄ чалака̄ пин̣д̣ада̄йака̄ (пеййа̄ла) ган̣ака̄ муддика̄, ан̃н̃а̄нипи евам̣ гатика̄ни путхусиппа̄йатана̄ни, те тена сиппена сандит̣т̣хикам̣ сиппапхалам̣ джӣванти, те тена атта̄нам̣ сукхенти пӣн̣енти, ма̄та̄питаро сукхенти, пӣн̣енти, путтада̄рам̣ сукхенти пӣн̣енти, митта̄мачче сукхенти пӣн̣енти саман̣абра̄хман̣есу уддхаггикам̣ даккхин̣ам̣ патит̣т̣хапенти соваггикам̣ сукхавипа̄кам̣ саггасам̣ваттаникам̣, сакка̄ ну кхо бханте евамева дит̣т̣хева дхамме сандит̣т̣хикам̣ са̄ман̃н̃апхалам̣ пан̃н̃апетум̣.

пуччха̄ – тада̄ ¶ а̄вусо катхам̣ бхагавата̄ ра̄джа̄ аджа̄тасатту ведехи путто пат̣ипуччхито катхан̃ча тена бхагавато а̄рочитам̣.

виссаджджана̄ – ‘‘абхиджа̄на̄си но твам̣ маха̄ра̄джа имам̣ пан̃хам̣ ан̃н̃е саман̣абра̄хман̣е пуччхита̄ти, абхиджа̄на̄махам̣ бханте ан̃н̃е саман̣абра̄хман̣е пуччхита̄ти, йатха̄катхам̣ пана те маха̄ра̄джа бйа̄карим̣су, саче те агару, бха̄сассӯти на кхо ме бханте гару, йаттхасса бхагава̄ нисинно бхавантарӯпо ва̄ти, тенехи маха̄ра̄джа бха̄сассӯ’’ти, евам̣ кхо бханте тада̄ бхагавата̄ ра̄джа̄ ма̄гадхо аджа̄тасатту ведехи путто пат̣ипуччхито, евам̣ кхо бханте тена тада̄ бхагавато а̄рочитам̣.

пуччха̄ – катхан̃ча̄вусо ¶ пӯран̣акассапасса сантике пуччха̄виссаджджана̄ ахоси.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена пӯран̣о кассапо тенупасан̇ками, упасан̇камитва̄ пӯран̣ам̣ кассапам̣ сандит̣т̣хикам̣ са̄ман̃н̃апхалам̣ пуччхи, атха кхо бханте пӯран̣о кассапо карото кхо маха̄ра̄джа ка̄райато, чхиндато чхеда̄пайато, пачато па̄ча̄пайато, сочайато соча̄пайато (пеййа̄ла) карото на карӣйати па̄пам̣ тйа̄дина̄ ран̃н̃о ма̄гадхасса аджа̄тасаттусса ведехипуттасса сам̣дит̣т̣хи кам̣ са̄ман̃н̃апхалам̣ пут̣т̣хо сама̄но акирийам̣ бйа̄ка̄си, евам̣ кхо бханте пӯран̣асса кассапасса сантике пуччха̄виссаджджана̄ ахоси.

ниссирико ¶ вата а̄вусо пӯран̣асса кассапасса ва̄до анаттхасам̣хито джигуччханӣйо ативийа бхайа̄нако, йе тасса вачанам̣ сотаббам̣ саддха̄таббам̣ ман̃н̃еййум̣, тесам̣ там̣ асса дӣгхараттам̣ ахита̄йа дуккха̄йа, еттакенева аджджа майам̣ пуччха̄виссаджджанам̣ тхапесса̄ма.

пуччха̄ – пуримадивасе а̄вусо майа̄ са̄ман̃н̃апхаласуттасса нида̄напарийа̄панна̄ни пуччхитаббат̣т̣ха̄на̄ни ка̄ничи ка̄ничи пуччхита̄ни, тайа̄ ча сут̣т̣ху виссаджджита̄ни, аджджа пана йатха̄нуппаттамаккхалигоса̄йа ва̄дато пат̣т̣ха̄йа пуччхисса̄ми, маккхали пана а̄вусо

госа̄ло ¶ ран̃н̃а̄ ма̄гадхена аджа̄тасаттуна̄ ведехипуттена сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена маккхалигоса̄ло тенупасам̣ками, упасам̣камитва̄ маккхалим̣ госа̄лам̣ сандит̣т̣хикам̣ са̄ман̃н̃апхалам̣ пуччхи, атха кхо бханте маккхалигоса̄ло ра̄джа̄нам̣ ма̄гадхам̣ аджа̄тасаттум̣ ведехипуттам̣ етадавоча ‘‘наттхи маха̄ра̄джа хету наттхи паччайо сатта̄нам̣ сам̣килеса̄йа, ахетӯ апаччайа̄ сатта̄ сам̣килиссанти. наттхи маха̄ра̄джа хету наттхи паччайо сатта̄нам̣ висуддхийа̄, ахетӯ апаччайа̄ сатта̄ висуджджханти, (пеййа̄ла) чулла̄сӣти маха̄каппино сатасахасса̄ни, йа̄ни ба̄ле ча пан̣д̣ите ча сандха̄витва̄ сам̣саритва̄ дуккхассантам̣ кариссанти, таттха наттхи ‘имина̄хам̣ сӣлена ва̄ ватена ва̄ тапена ва̄ брахмачарийена ва̄ апарипаккам̣ ва̄ каммам̣ парипа̄чесса̄ми, парипаккам̣ ва̄ каммам̣ пхусса пхусса бйантим̣ карисса̄мӣ’ти хевам̣ наттхи. дон̣амите сукхадуккхе, парийантакате сам̣са̄ре наттхи ха̄йанавад̣д̣хане, наттхи уккам̣са̄вакам̣се. сеййатха̄пи на̄ма суттапут̣т̣хе кхитте ниббет̣хийама̄намева палети, евамева ба̄ле ча пан̣д̣ите ча сандха̄витва̄ сам̣саритва̄ дуккхассантам̣ кариссантӣ’’ти, иттхам̣ кхо бханте ран̃н̃о ма̄гадхасса аджа̄тасаттусса ведехипуттасса маккхалигоса̄ло сандит̣т̣хикам̣ са̄ман̃н̃апхалам̣ пут̣т̣хо сама̄но сам̣са̄расуддхим̣ бйа̄ка̄си.

айампи ¶ а̄вусо ва̄до ниссирикойева анаттхасам̣хито джигуччханӣйо ати вийа бхайа̄нако, йе тасса вачанам̣ сотаббам̣ саддха̄таббам̣ ман̃н̃еййум̣, тесам̣ там̣ асса дӣгхараттам̣ ахита̄йа дуккха̄йа.

пуччха̄ – атха̄парампи ¶ пуччха̄ми, аджито пана а̄вусо кесакамбало ран̃н̃а̄ ма̄гадхена аджа̄тасаттуна̄ ведехипуттена сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена аджито кесакамбало тенупасан̇ками, упасан̇камитва̄ аджитам̣ кесакамбалам̣ сандит̣т̣хикам̣ са̄ман̃н̃апхалам̣ пуччхи, атха кхо бханте аджито кесакамбало ра̄джа̄нам̣ ма̄гадхам̣ аджа̄тасаттум̣ ведехипуттам̣ етадавоча ‘‘наттхи маха̄ра̄джа диннам̣, наттхи йит̣т̣хам̣, наттхи хутам̣, наттхи сукатадуккат̣а̄нам̣ камма̄нам̣ пхалам̣ випа̄ко, наттхи айам̣ локо, наттхи паро локо, наттхи ма̄та̄, наттхи пита̄, наттхи сатта̄ опапа̄тика̄, наттхи локе саман̣абра̄хман̣а̄ саммаггата̄ самма̄пат̣ипанна̄, йе иман̃ча локам̣ паран̃ча локам̣ сайам̣ абхин̃н̃а̄ саччхикатва̄ паведенти. (пеййа̄ла) ба̄ле ча пан̣д̣ите ча ка̄йасса бхеда̄ уччхиджджанти винассантӣ’’ти. иттхам̣ кхо бханте ран̃н̃о ма̄гадхасса аджа̄тасаттусса ведехипуттасса аджито кесакамбало ¶ сандит̣т̣хикам̣ са̄ман̃н̃апхалам̣ пут̣т̣хо сама̄но уччхедам̣ бйа̄ка̄си.

айампи ¶ кхо а̄вусо ниссирикойева, анаттхасам̣хито джигуччханӣйо ати вийа бхайа̄нако, йе тасса вачанам̣ сотаббам̣ саддха̄таббам̣ ман̃н̃еййум̣, тесам̣ там̣ асса дӣгхараттам̣ ахита̄йа дуккха̄йа.

пуччха̄ – атха̄парампи ¶ пуччха̄ми, пакудхо пана а̄вусо качча̄йано ран̃н̃а̄ ма̄гадхена аджа̄тасаттуна̄ ведехипуттена сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена пакудхо качча̄йано тенупасан̇ками, упасан̇камитва̄ пакудхам̣ качча̄йанам̣ сандит̣т̣хикам̣ са̄ман̃н̃апхалам̣ пуччхи, атха кхо бханте пакудхо качча̄йано ра̄джа̄нам̣ ма̄гадхам̣ аджа̄саттум̣ ведехипуттам̣ етадавоча ‘‘саттиме маха̄ра̄джа ка̄йа̄ акат̣а̄ акат̣авидха̄ аниммита̄ анимма̄та̄ ван̃ча̄ кӯт̣ат̣т̣ха̄ есикат̣т̣ха̄йита̄, те на ин̃джанти, на випарин̣а̄менти, на ан̃н̃аман̃н̃ам̣ бйа̄ба̄дхенти, на̄лам̣ ан̃н̃аман̃н̃асса сукха̄йа ва̄ дуккха̄йа ва̄ сукхадуккха̄йа ва̄. катаме сатта, патхавӣка̄йо, а̄пока̄йо, теджока̄йо ¶ ва̄йока̄йо, сукхе, дуккхе, джӣве саттаме. име саттака̄йа̄ акат̣а̄ акат̣авидха̄ аниммита̄ анимма̄та̄ ван̃чйа̄ кӯт̣ат̣т̣ха̄ есикат̣т̣ха̄йита̄, те на ин̃джанти, на випарин̣а̄менти, на ан̃н̃аман̃н̃ам̣ бйа̄ба̄дхенти, на̄лам̣ ан̃н̃аман̃н̃асса сукха̄йа ва̄ дуккха̄йа ва̄ сукхадуккха̄йа ва̄. таттха наттхи ханта̄ ва̄ гха̄тета̄ ва̄, сота̄ ва̄ са̄вета̄ ва̄, вин̃н̃а̄та̄ ва̄ вин̃н̃а̄пета̄ ва̄, йопи тин̣хена саттхена сӣсам̣ чхиндати, на кочи кин̃чи дживита̄ воропети, саттаннам̣твева ка̄йа̄намантарена саттхам̣ вивараманупататӣ’’ти. иттхам̣ кхо бханте ран̃н̃о ма̄гадхасса аджа̄тасаттусса ведехипуттасса пакудхо качча̄йано са̄ман̃н̃апхалам̣ пут̣т̣хо сама̄но ан̃н̃ена ан̃н̃ам̣ бйа̄ка̄си.

айампи ¶ кхо а̄вусо ва̄до пуримава̄довийа ниссирикойева анаттхасам̣хито джигуччханӣйо ативийа бхайа̄нако.

пуччха̄ – атха̄парампи пуччха̄ми, ниган̣т̣хо пана̄вусо на̄т̣апутто ран̃н̃а̄ ма̄гадхена аджа̄тасаттуна̄ ведехипуттена сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена ниган̣т̣хо на̄т̣апутто тенупасам̣ками, упасам̣камитва̄ ниган̣т̣хам̣ на̄т̣апуттам̣ сандит̣т̣хикам̣ са̄ман̃н̃апхалам̣ пуччхи, атха кхо ниган̣т̣хо на̄т̣апутто ра̄джа̄нам̣ ма̄гадхам̣ аджа̄тасаттум̣ ведехипуттам̣ етадавоча, ‘‘идха маха̄ра̄джа ниган̣т̣хо ча̄туйа̄масам̣варасам̣вуто хоти, катхан̃ча маха̄ра̄джа

ниган̣т̣хо ¶ ча̄туйа̄масам̣варасам̣вуто хоти, идха маха̄ра̄джа ниган̣т̣хо саббава̄рива̄рито ча хоти, саббава̄рийутто ча, саббава̄ридхуто ча, саббава̄рипхут̣о ча. евам̣ кхо маха̄ра̄джа ниган̣т̣хо ча̄туйа̄масам̣варасам̣вуто хоти, йато кхо маха̄ра̄джа ниган̣т̣хо евам̣ ча̄туйа̄масам̣варасам̣вуто хоти. айам̣ вуччати маха̄ра̄джа ниган̣т̣хо гататто ча йататто ча т̣хитатто ча̄’’ти. иттхам̣ кхо бханте ран̃н̃о ма̄гадхасса аджа̄тасаттусса ведехипуттасса ниган̣т̣хо на̄т̣апутто сандит̣т̣хикам̣ са̄ман̃н̃апхалам̣ пут̣т̣хо сама̄но ча̄туйа̄масам̣варам̣ бйа̄ка̄си.

етасса ¶ пана̄вусо ва̄де кочи са̄сана̄нуломава̄до аттхи, асуддхаладдхита̄йа пана есопи ва̄до джигуччханӣйойева, сеййатха̄пи бходжанам̣ гӯтхамиссам̣ га̄райхойева а̄рака̄ париваджджитаббойева, сеййатха̄пи висасам̣сат̣т̣хо а̄па̄нӣйакам̣со.

пуччха̄ – атха̄парампи ¶ пуччха̄ми, сан̃чайо пана̄вусо белат̣т̣хапутто сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – екамидам̣ бханте самайам̣ ра̄джа̄ ма̄гадхо аджа̄тасатту ведехипутто йена сан̃чайо белат̣т̣хапутто тенупасан̇ками, упасан̇камитва̄ сан̃чайам̣ белат̣т̣хапуттам̣ етадавоча, ‘‘йатха̄ ну кхо има̄ни бхо сан̃чайа путхусиппа̄йатана̄ни, сеййатхидам̣, хаттха̄роха̄ ассароха̄…пе… сакка̄ ну кхо бхо сан̃чайа евамева дит̣т̣хева дхамме сандит̣т̣хикам̣ са̄ман̃н̃апхалам̣ пан̃н̃апету’’нти, евам̣ вутте бханте сан̃чайо белат̣т̣хапутто ра̄джа̄нам̣ ма̄гадхам̣ аджа̄тасаттум̣ ведехипуттам̣ етадавоча.

‘‘аттхи паролокоти ити че мам̣ пуччхаси, аттхи паро локоти ити че ме асса, аттхи паро

локоти ¶ ити те нам̣ бйа̄кареййам̣, евантипи ме но, татха̄типи ме но, ан̃н̃атха̄типи ме но, нотипи ме но, но нотипи ме но…пе… нева хоти на на хоти татха̄гато парам̣ маран̣а̄ти ити че мам̣ пуччхаси, нева хоти на на хоти татха̄гато парам̣ маран̣а̄ти ити че ме асса, нева хоти на на хоти татха̄гато парам̣ маран̣а̄ти ити те нам̣ бйа̄кареййам̣, евантипи ме но, татха̄типи ме но, ан̃н̃атха̄типи ме но, нотипи ме но, но нотипи ме но’’ти. иттхам̣ кхо бханте ран̃н̃о ма̄гадхасса аджа̄тасаттусса ведехипуттасса сан̃чайо белат̣т̣хапутто сандит̣т̣хикам̣ са̄ман̃н̃апхалам̣ пут̣т̣хо сама̄но виккхепам̣ бйа̄ка̄си.

саббепи ¶ а̄вусо ете чханнам̣ саттха̄ра̄нам̣ ва̄да̄ ниссирика̄йева джигуччханӣйа̄йева анаттхасам̣хита̄йева, ба̄ла̄нам̣ бхиййосо матта̄йа саммоха̄йа сам̣ваттанти анаттха̄йа.

аджджа ¶ пана а̄вусо ка̄ло атикканто, свейева бхагавата̄ вуттам̣ пан̣ӣтам̣ пасат̣т̣хам̣ сандит̣т̣хикапхалам̣ пуччха̄ма.

пуччха̄ – пуримадивасесу а̄вусо са̄ман̃н̃апхаласуттасса пуббабха̄ге йа̄ва чхасаттха̄рамиччха̄ва̄дапарийоса̄нам̣ пуччханависсаджджанам̣ амхехи катам̣, аджджа пана йатха̄нуппаттам̣ бхагавата̄ деситаса̄ман̃н̃апхаласутта̄дхика̄ре пуччха̄виссаджджанам̣ карисса̄ма. бхагава̄ пана а̄вусо ран̃н̃а̄ ма̄гадхена аджа̄тасаттуна̄ ведехипуттена сандит̣т̣хикам̣ са̄ман̃н̃апхалам̣ пут̣т̣хо катхам̣ бйа̄ка̄си.

виссаджджана̄ – бхагава̄ бханте тидха̄ вибхаджитва̄ ран̃н̃о ма̄гадхасса аджа̄тасаттусса ведехипуттасса сандит̣т̣хикам̣ са̄ман̃н̃апхалам̣ пут̣т̣хо бйа̄ка̄си.

пуччха̄ – катхан̃ча̄вусо ¶ бхагава̄ ран̃н̃о ма̄гадхасса аджа̄тасаттуно ведехипуттасса пат̣хамам̣ сандит̣т̣хикам̣ са̄ман̃н̃апхалам̣ десеси.

виссаджджана̄ – да̄сам̣ бханте паббаджитам̣ упама̄бха̄вена ниддиситва̄ ран̃н̃о ма̄гадхасса аджа̄тасаттусса ведехипуттасса бхагава̄ пат̣хамам̣ сандит̣т̣хикам̣ са̄ман̃н̃апхалам̣ десеси.

сохам̣ ¶ бханте бхагавантампи пуччха̄ми, йатха̄ ну кхо има̄ни бханте путхусиппа̄йатана̄ни сеййатхидам̣…пе… сакка̄ ну кхо бханте ева мева дит̣т̣хева дхамме сандит̣т̣хикам̣ са̄ман̃н̃апхалам̣ пан̃н̃апетум̣ –

аччхарийам̣ ¶ а̄вусо аббхутам̣ а̄вусо, йа̄ва сва̄кха̄тасса буддхаса̄санасса махиддхиката̄ маха̄нубха̄вата̄, йатрахи на̄ма да̄сопи нихӣнаджаччо евам̣ сва̄кха̄те буддхаса̄сане паббаджитва̄ аттано иссарабхӯтена ран̃н̃а̄пи ванданӣйаттам̣ гарукаран̣ӣйаттам̣ па̄пун̣иссати, супан̃н̃аттаметам̣ бхагавата̄ пат̣хамам̣ сандит̣т̣хикапхалам̣.

пуччха̄ – катхам̣ ¶ пана̄вусо бхагава̄ ран̃н̃о ма̄гадхасса аджа̄тасаттуно ведехипуттасса дутийам̣ сандит̣т̣хикам̣ са̄ман̃н̃апхалам̣ десеси.

виссаджджана̄ – кассакам̣ бханте паббаджитам̣ упама̄бха̄вена дассетва̄ бхагава̄ ран̃н̃о ма̄гадхасса аджа̄тасаттусса ведехипуттасса сандит̣т̣хикам̣ са̄ман̃н̃апхалам̣ десеси.

аччхарийам̣ ¶ а̄вусо аббхутам̣ а̄вусо, йа̄ва буддхаса̄санасса сва̄кха̄тата̄ махиддхиката̄ маха̄нубха̄вата̄, йатрахи на̄ма касса копи гун̣арахито евам̣ сва̄кха̄те буддхаса̄сане паббаджитва̄ рат̣т̣хадхипатина̄ мануссалоке девабхӯтена ран̃н̃а̄пи гарукаран̣ӣйатам̣ ванданӣйатам̣ па̄пун̣иссати, супан̃н̃аттаметам̣ а̄вусо бхагавата̄ дутийам̣ сандит̣т̣хикапхалам̣.

пуччха̄ – катхан̃ча̄ ¶ пана̄вусо бхагава̄ пуримехи сандит̣т̣хикаса̄ман̃н̃апхалехи абхиккантатаран̃ча пан̣ӣтатаран̃ча сандит̣т̣хикам̣ са̄ман̃н̃апхалам̣ ран̃н̃о десеси.

виссаджджана̄ – бхагава̄ бханте буддхуппа̄дато пат̣т̣ха̄йа кулапуттасса паббаджита бха̄вам̣, тасса ча сӣласампадам̣, тасса ча индрийесу гуттадва̄ратам̣, арийан̃часатисампаджан̃н̃ам̣, арийан̃ча сантут̣т̣хим̣, пан̃чаннан̃ча нӣваран̣а̄нам̣ паха̄нам̣, чатта̄ри ча джха̄на̄ни, ат̣т̣ха ча виджджа̄йо, та̄хи та̄хи упама̄хи виттха̄рато вибхаджитва̄ ран̃н̃о ма̄гадхасса аджа̄тасаттусса ведехипуттасса сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

сакка̄ ¶ пана бханте дит̣т̣хева дхамме сандит̣т̣хикам̣ са̄ман̃н̃апхалам̣, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча пан̃н̃апетум̣.

сакка̄ маха̄ра̄джа̄, тена хи маха̄ра̄джа сун̣охи са̄дхукам̣ манасикарохи бха̄сисса̄ми.

пуччха̄ – катхан̃ча ¶ пана̄вусо бхиккху сӣласампанно хоти, катхан̃ча бхагава̄ ран̃н̃о ма̄гадхасса аджа̄тасаттуно ведехипуттасса чӯл̣асӣлам̣ вибхаджитва̄ десеси.

виссаджджана̄ – ‘‘катхан̃ча ¶ маха̄ра̄джа бхиккху сӣласампанно хоти. идха маха̄ра̄джа бхиккху па̄н̣а̄типа̄там̣ паха̄йа па̄н̣а̄типа̄та̄ пат̣ивирато хоти нихитадан̣д̣о нихитасаттхо ладжджӣ дайа̄панно, саббапа̄н̣абхӯтахита̄нукампӣ вихарати. идамписса хоти сӣласмим̣’’ евама̄дина̄ бханте бхагава̄ ран̃н̃о ма̄гадхасса аджа̄тасаттусса ведехипуттасса чхаббӣсатийа̄ а̄ка̄рехи чӯл̣асӣлам̣ вибхаджитва̄ десеси.

са̄дху ¶ са̄дху а̄вусо, са̄дху са̄дху а̄вусо йам̣ бхиккху евам̣ сва̄кха̄те буддхаса̄сане саддха̄пабба̄джито имина̄ ча чӯл̣асӣлена саманна̄гато вихареййа.

суве йатха̄нуппаттат̣т̣ха̄нато пат̣т̣ха̄йа пуччха̄виссаджджанам̣ карисса̄ма.

пуччха̄ – катхам̣ пана̄вусо ран̃н̃о ма̄гадхасса аджа̄тасаттуно ведехипуттасса маджджхимасӣлан̃ча маха̄сӣлан̃ча вибхаджитва̄ десеси.

виссаджджана̄ – ‘‘йатха̄ ва̄ панеке бхонто саман̣абра̄хман̣а̄ саддха̄деййа̄ни бходжана̄ни бхун̃джитва̄ те еварӯпам̣ бӣджага̄мабхӯтага̄масама̄рамбхам̣ ануйутта̄ вихаранти. сеййатхидам̣. мӯлабӣджам̣ кхандхабӣджам̣ пхал̣убӣджам̣ аггабӣджам̣ бӣджабӣджамева пан̃чамам̣, ити еварӯпа̄ бӣджага̄мабхӯтага̄масама̄рамбха̄ пат̣ивирато хоти. идамписса хоти сӣласмим̣’’ евама̄дина̄ бханте бхагава̄ ран̃н̃о ма̄гадхасса аджа̄тасаттусса ведехипуттасса маджджхимасӣлан̃ча маха̄сӣлан̃ча виттха̄рато вибхаджитва̄ десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄сане саддха̄паббаджито евам̣ арийена сӣлена саманна̄гато вихареййа.

пуччха̄ – катхам̣ пана̄вусо арийам̣ индрийасам̣варан̃ча арийам̣ сатисампаджан̃н̃ан̃ча арийам̣ сантосан̃ча бхагава̄ ран̃н̃о ма̄гадхасса аджа̄тасаттусса вибхаджитва̄ десеси.

виссаджджана̄ – идха маха̄ра̄джа бхиккху чаккхуна̄ рӯпам̣ дисва̄ на нимиттагга̄хӣ хоти нанубйан̃джанагга̄хӣ, йатва̄дхикаран̣аменам̣ чаккхундрийам̣ асам̣вутам̣ вихарантам̣ абхиджджха̄доманасса̄ па̄пака̄ акусала̄ дхамма̄ анва̄ссавеййум̣, тасса сам̣вара̄йа пат̣ипаджджати, раккхати чаккхундрийам̣, чаккхундрийе сам̣варам̣ а̄паджджати, евама̄дина̄ ча.

идха маха̄ра̄джа бхиккху сатисампаджан̃н̃ена саманна̄гато хоти, абхикканте пат̣икканте сампаджанака̄рӣ хоти,

а̄локите ¶ вилоките сампаджа̄нака̄рӣ хоти, самин̃джите паса̄рите сампаджа̄нака̄рӣ хоти, сан̇гха̄т̣ипаттачӣварадха̄ран̣е сампаджа̄нака̄рӣ хоти, асите пӣте кха̄йите са̄йите сампаджа̄нака̄рӣ хоти, учча̄рапасса̄вакамме сампаджа̄нака̄рӣ хоти, гате т̣хите нисинне сутте джа̄гарите бха̄сите тун̣хӣбха̄ве сампаджа̄нака̄рӣ хоти, евам̣ кхо маха̄ра̄джа бхиккху сатисампаджан̃н̃ена саманна̄гато хоти.

катхан̃ча маха̄ра̄джа бхиккху сантут̣т̣хо хоти, идха маха̄ра̄джа бхиккху сантут̣т̣хо хоти ка̄йапариха̄рикена чӣварена куччхипариха̄рикена пин̣д̣апа̄тена.

евама̄дина̄ бханте бхагава̄ ран̃н̃о ма̄гадхасса аджа̄тасаттусса ведехипуттасса арийан̃ча индрийесугуттадва̄ратам̣ арийан̃ча сатисампаджан̃н̃ам̣ арийан̃ча сантосам̣ вибхаджитва̄ десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄сане саддха̄паббаджито имина̄ ча арийена индрийасам̣варена саманна̄гато, имина̄ ча арийена сатисампаджан̃н̃ена

саманна̄гато ¶ , има̄йа ча арийа̄йа сантут̣т̣хийа̄ саманна̄гато вихареййа.

пуччха̄ – катхам̣ пана̄вусо бхагава̄ ран̃н̃о ма̄гадхасса аджа̄тасаттусса ведехипуттасса нӣваран̣апаха̄нам̣ вибхаджитва̄ десеси.

виссаджджана̄ – со евам̣ арийена сӣлаккхандхена саманна̄гато, арийена индрийасам̣варена саманна̄гато, арийена сатисампаджан̃н̃ена саманна̄гато, арийа̄йа сантут̣т̣хийа̄ саманна̄гато, вивиттам̣ сена̄санам̣ бхаджати аран̃н̃ам̣ руккхамӯлам̣ паббатам̣ кандарам̣ гиригухам̣ суса̄нам̣ ванапаттам̣ аббхока̄сам̣ пала̄лапун̃джам̣. со паччха̄бхаттам̣ пин̣д̣апа̄тапат̣икканто нисӣдати паллан̇кам̣ а̄бхун̃джитва̄ уджум̣ ка̄йам̣ пан̣идха̄йа паримукхам̣ сатим̣ упат̣т̣хапетва̄. со абхиджджхам̣ локе паха̄йа вигата̄бхиджджхена четаса̄ вихарати…пе… тассиме пан̃ча нӣваран̣е пахӣне аттани саманупассато па̄моджджам̣ джа̄йати, памудитасса пӣти джа̄йати, пӣтиманасса ка̄йо пассамбхати, пассаддхака̄йо ¶ сукхам̣ ведехи, сукхино читтам̣ сама̄дхийати. евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса нӣваран̣аппаха̄нам̣ вибхаджитва̄ виттха̄рато десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄сане саддха̄паббаджито евам̣ пан̃чанӣваран̣е паджахитва̄ техи читтам̣ висодхетва̄ вихареййа.

пуччха̄ – катхан̃ча̄вусо ¶ бхагава̄ ран̃н̃о ма̄гадхасса аджа̄тасаттусса ведехипуттасса пат̣хамам̣ сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со вивиччева ка̄мехи вивичча акусалехи дхаммехи савитаккам̣ савича̄рам̣ вивекаджам̣ пӣтисукхам̣ пат̣хамам̣ джха̄нам̣ упасампаджджа вихарати…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча

пан̣ӣтатаран̃ча ¶ . евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса пат̣хамам̣ сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄санасан̇кха̄те дхаммавинайе паббаджитва̄ евам̣ пат̣хамам̣ джха̄нам̣

упасампаджджа ¶ вивекаджена пӣтисукхена аттано ка̄йам̣ абхисандеййа парисандеййа парипӯреййа.

пуччха̄ – катхан̃ча̄вусо ¶ бхагава̄ дутийан̃ча татийан̃ча чатуттхан̃ча сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – пуна ча парам̣ маха̄ра̄джа бхиккху витаккавича̄ра̄нам̣ вӯпасама̄ аджджхаттам̣ сампаса̄данам̣ четасо екодибха̄вам̣ авитаккам̣ авича̄рам̣ сама̄дхиджам̣ пӣтисукхам̣ дутийам̣джха̄нам̣ упасампаджджа вихарати евама̄дина̄ бханте бхагава̄ ран̃н̃о ма̄гадхасса аджа̄тасаттусса ведехипуттасса дутийан̃ча татийан̃ча чатуттхан̃ча сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄санасан̇кха̄те дхаммавинайе саддха̄паббаджито евам̣ дутийаджха̄нан̃ча татийаджха̄нан̃ча чатуттхаджха̄нан̃ча упасампаджджа техи джха̄насукхехи аттано ка̄йам̣ абхисандетва̄ парисандетва̄ парипӯретва̄ вихареййа.

пуччха̄ – катхан̃ча ¶ пана̄вусо бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нан̃джаппатте н̃а̄н̣адассана̄йа читтам̣ абхинӣхарати абхининна̄мети, со евам̣ паджа̄на̄ти ‘‘айам̣ кхо ме ка̄йо рӯпӣ ча̄тумаха̄бхӯтико ма̄та̄петтикасамбхаво оданакумма̄сӯпачайо аниччуччха̄данапаримадданабхеданавиддхам̣санадхаммо, идан̃ча пана ме вин̃н̃а̄н̣ам̣ еттха ситам̣ еттха пат̣ибандханти…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

сун̃н̃а̄рам̣га̄ ¶ павит̣т̣хасса, сантачиттасса бхиккхуно. ама̄нусӣ ратӣ хоти, самма̄дхаммам̣ випассато.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄санасан̇кха̄те дхаммавинайе саддха̄паббаджито евам̣ н̃а̄н̣адассанам̣ уппа̄детва̄ евам̣ н̃а̄н̣адассанена саманна̄гато хутва̄ вихареййа.

пуччха̄ – катхан̃ча̄вусо ¶ бхагава̄ апарампи сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нан̃джаппатте маномайам̣ ка̄йам̣ абхинимма̄на̄йа читтам̣ абхинӣхарати абхининна̄мети, со имамха̄ ка̄йа̄ ан̃н̃ам̣ ка̄йам̣ абхиниммина̄ти рӯпим̣ маномайам̣ саббан̇гапаччан̇гим̣ ахӣниндрийам̣ евама̄дина̄ бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

са̄дху ¶ са̄дху а̄вусо, са̄дху кхо а̄вусо йам̣ бхиккху евам̣ сва̄кха̄те буддхаса̄санасан̇кха̄те дхаммавинайе саддха̄паббаджито евам̣ висесена маномайан̃а̄н̣ена саманна̄гато вихареййа.

пуччха̄ – бхагава̄ ¶ а̄вусо ран̃н̃о ма̄гадхасса аджа̄тасаттусса ведехипуттасса джха̄начатуккасан̇кха̄тан̃ча пат̣хама дутийа виджджа̄сан̇кха̄тан̃ча сандит̣т̣хикам̣ са̄ман̃н̃апхалам̣ дассетва̄, апарам̣ кӣдисам̣ сам̣ндит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нан̃джаппатте иддхивидха̄йа читтам̣ абхинӣхарати абхининна̄мети, со анекавихитам̣ иддхивидхам̣ паччанубхоти, екопи хутва̄ бахудха̄ хоти, бахудха̄пи хутва̄ еко хоти…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча̄ти. иттхам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

аччхарийам̣ ¶ а̄вусо аббхутам̣ а̄вусо, йа̄ва буддхаса̄санасса сва̄кха̄тата̄, йатрахи на̄ма евам̣ сва̄кха̄те буддхаса̄сане паббаджитва̄ са̄вакопи самма̄пат̣ипанно евам̣ махиддхикам̣ евам̣ маха̄нубха̄вам̣ иддхивидхан̃а̄н̣ампи паччанубхоссати.

пуччха̄ – катхам̣ ¶ пана̄вусо бхагава̄ апарампи сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нан̃джаппатте дибба̄йа сотадха̄туйа̄ читтам̣ абхинӣхарати абхининна̄мети, со дибба̄йа сотадха̄туйа̄ висуддха̄йа атикканта ма̄нусика̄йа убхо садде сун̣а̄ти диббе ча ма̄нусе ча йе дӯре сантике ча…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

аччхарийам̣ ¶ а̄вусо, аббхутам̣ а̄вусо, йа̄ва буддхаса̄санасса сва̄кха̄тата̄, йатрахи на̄ма евам̣ сва̄кха̄те буддхаса̄сане саддха̄паббаджито самма̄пат̣ипанно са̄вакопи евам̣ висесам̣ диббасотан̃а̄н̣ам̣ пат̣илабхиссати.

пуччха̄ – катхам̣ пана̄вусо бхагава̄ апарампи сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те. анан̇ган̣е вигатӯпаккилесе мудубхӯте камманийе т̣хите

а̄нан̃джаппатте ¶ четопарийан̃а̄н̣а̄йа читтам̣ абхинӣхарати абхининна̄мети, со парасатта̄нам̣ парапуггала̄нам̣ четаса̄ чето паричча паджа̄на̄ти, сара̄гам̣ ва̄ читтам̣ сара̄гам̣ читтанти паджа̄на̄ти, вӣтара̄гам̣ ва̄ читтам̣ вӣтара̄гам̣ читтанти паджа̄на̄ти…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

аччхарийам̣ ¶ а̄вусо, аббхутам̣ а̄вусо, йа̄ва буддхаса̄санасса сва̄кха̄тата̄, йатрахи на̄ма евам̣ сва̄кха̄те буддхаса̄сане паббаджито самма̄пат̣ипанно са̄вакопи евам̣ висесам̣ четопарийан̃а̄н̣ам̣ пат̣илабхиссати.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нан̃джаппатте пуббенива̄са̄нуссатин̃а̄н̣а̄йа читтам̣ абхинӣхарати абхининна̄мети, со анекавихитам̣ пуббенива̄сам̣ ануссарати, сеййатхидам̣, екампиджа̄тим̣ двепи джа̄тийо…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. евам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

аччхарийам̣ ¶ а̄вусо, аббхутам̣ а̄вусо, йа̄ва буддхаса̄санасса сва̄кха̄тата̄, йатрахи на̄ма евам̣ сва̄кха̄те буддхаса̄сане паббаджитва̄ са̄вакопи самма̄пат̣ипанно евам̣ висесам̣ пуббенива̄сан̃а̄н̣ам̣ пат̣илабхиссати.

пуччха̄ – катхан̃ча пана̄вусо бхагава̄ сандит̣т̣хикам̣ са̄ман̃н̃апхалам̣ десеси, пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нен̃джаппатте сатта̄нам̣ чутӯпапа̄тан̃а̄н̣а̄йа читтам̣ абхинӣхарати ¶ абхининна̄мети, со диббена чаккхуна̄ висуддхена атиккантама̄нусакена сатте пассати чавама̄не упападжджама̄не хӣне пан̣ӣте суван̣н̣е дуббан̣н̣е сугате дуггате йатха̄каммупаге сатте паджа̄на̄ти…пе… идампи кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. иттхам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса апарампи сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

аччхарийам̣ ¶ а̄вусо, аббхутам̣ а̄вусо, йа̄ва буддхаса̄санасса сва̄кха̄тата̄, йатрахи на̄ма евам̣ сва̄кха̄те буддхаса̄сане паббаджито са̄вакопи самма̄пат̣ипанно евам̣ висесам̣ диббачаккхун̃а̄н̣ам̣ пат̣илабхиссати.

пуччха̄ – катхам̣ ¶ пана̄вусо бхагава̄ парийоса̄не уттаритарам̣ са̄ман̃н̃апхалам̣ десеси.

виссаджджана̄ – со евам̣ сама̄хите читте парисуддхе парийода̄те анан̇ган̣е вигатӯпаккилесе мудубхӯте камманийе т̣хите а̄нен̃джаппатте а̄сава̄нам̣ кхайан̃а̄н̣а̄йа читтам̣ абхинӣхарати абхининна̄мети…пе… идам̣ кхо маха̄ра̄джа сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча. имасма̄ ча пана маха̄ра̄джа сандит̣т̣хика̄ са̄ман̃н̃апхала̄ ан̃н̃ам̣ сандит̣т̣хикам̣ са̄ман̃н̃апхалам̣ уттаритарам̣ ва̄ пан̣ӣтатарам̣ ва̄ наттхӣти. иттхам̣ кхо бханте бхагава̄ ран̃н̃о ма̄гадхасса аджа̄тасаттусса ведехипуттасса парийоса̄нам̣ сандит̣т̣хикам̣ са̄ман̃н̃апхалам̣ пуримехи сандит̣т̣хикехи са̄ман̃н̃апхалехи абхиккантатаран̃ча пан̣ӣтатаран̃ча десеси.

са̄дху ¶ са̄дху а̄вусо, са̄дху кхо а̄вусо, йам̣ бхиккху буддхаса̄сане саддха̄паббаджито евам̣ сва̄кха̄те дхаммавинайе самма̄пат̣ипанно а̄саваккхайан̃а̄н̣ам̣ па̄пун̣итва̄ дуккхассантам̣ кароти.

пуччха̄ – катхам̣ ¶ пана̄вусо ра̄джа̄ ма̄гадхо аджа̄тасатту ведехипутто имисса̄ десана̄йа парийоса̄не бхагавати ча десана̄йан̃ча пасанно пасанна̄ка̄рам̣ ака̄си, кӣдисан̃ча а̄нисам̣сам̣ пат̣илабхи.

виссаджджана̄ – евам̣ вутте бханте ма̄гадхо аджа̄тасатту ведехипутто бхагавантам̣ етадавоча, абхиккантам̣ бханте, абхиккантам̣ бханте, сеййатха̄пи бханте никкуджджитам̣ ва̄ уккуджджеййа, пат̣иччханнам̣ ва̄ вивареййа…пе… аджджатагге па̄н̣н̣упетам̣ саран̣ам̣ гатанти, айан̃хи бханте ра̄джа̄ питума̄ритака̄лато пат̣т̣ха̄йа нева раттим̣ на дива̄ ниддам̣ пат̣илабхати, саттха̄рам̣ пана упасан̇камитва̄ има̄йа мадхура̄йа оджавантийа̄ дхаммадесана̄йа сутака̄лато пат̣т̣ха̄йа ниддам̣ пат̣илабхати, тин̣н̣ам̣ ратана̄нам̣ маха̄сакка̄рамака̄си, путхуджджаника̄йа саддха̄йа саманна̄гато на̄ма имина̄ ран̃н̃а̄ садисо на̄хоси, ана̄гате пана виджита̄вӣ на̄ма паччекабуддхо хутва̄ паринибба̄йиссати. евам̣ кхо бханте ра̄джа̄ ма̄гадхо аджа̄тасатту ведехипутто ¶ десана̄парийоса̄не пасанно пасанна̄ка̄рамака̄си, идисан̃ча бханте маха̄нисам̣сам̣ пат̣илабхи.

пуччха̄ – тена̄вусо ¶ бхагава̄ джа̄ната̄ арахата̄ пассата̄ самма̄самбуддхена амбат̣т̣хам̣ т̣а̄ма суттам̣ каттха кам̣ а̄раббха бха̄ситам̣.

виссаджджана̄ – косалесу бханте джанападе иччха̄нан̇гале на̄ма косала̄нам̣ бра̄хман̣ага̄ме амбат̣т̣хам̣ на̄ма ма̄н̣авам̣ бра̄хман̣асса поккхараса̄тисса антева̄сим̣ а̄раббха бха̄ситам̣.

пуччха̄ – сон̣адан̣д̣ам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – ан̇гесу бханте джанападе чампа̄йам̣ сон̣адан̣д̣ам̣ бра̄хман̣ам̣ а̄раббха бха̄ситам̣.

пуччха̄ – кӯт̣адантам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – магадхесу бханте кха̄н̣умате на̄ма бра̄хман̣ага̄ме кӯт̣аданта бра̄хман̣ам̣ а̄раббха бха̄ситам̣.

пуччха̄ – маха̄лим̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – веса̄лийам̣ бханте от̣т̣хаддхам̣ на̄ма личчхавим̣ а̄раббха бха̄ситам̣.

пуччха̄ – джа̄лийам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – косамбийам̣ бханте две паббаджите а̄раббха бха̄ситам̣.

пуччха̄ – маха̄сӣхана̄дам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – урун̃н̃а̄йам̣ бханте кан̣н̣акатхале ачелам̣ кассапам̣ а̄раббха бха̄ситам̣.

пуччха̄ – пот̣т̣хапа̄дам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте пот̣т̣хапа̄дан̃ча парибба̄джакам̣ читтан̃ча хаттхиса̄рипуттам̣ а̄раббха бха̄ситам̣.

пуччха̄ – субхасуттам̣ ¶ пана̄вусо каттха кам̣ а̄раббха кена бха̄ситам̣.

виссаджджана̄ – са̄ваттхийам̣ бханте а̄йасмата̄ а̄нандена дхаммабхан̣д̣а̄га̄рикена субхам̣ ма̄н̣авам̣ тодеййапуттам̣ а̄раббха бха̄ситам̣.

пуччха̄ – кеват̣т̣ам̣ ¶ пана̄вусо суттам̣ бхагавата̄ каттха кам̣ а̄раббха бха̄ситам̣.

виссаджджана̄ – на̄л̣анда̄ йам̣ бханте кеват̣т̣ам̣ гахапатипуттам̣ а̄раббха бха̄ситам̣.

пуччха̄ – лохиччасутта ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – косалесу бханте джанападе са̄лаватика̄йам̣ лохиччам̣ бра̄хман̣ам̣ а̄раббха бха̄ситам̣.

пуччха̄ – тевиджджасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – косалесу бханте манаса̄кат̣е на̄ма косала̄нам̣ бра̄хман̣ага̄ме ва̄сет̣т̣хам̣ бха̄радва̄джам̣ ма̄н̣авам̣ а̄раббха бха̄ситам̣.

пуччха̄ – тена ¶ а̄вусо бхагавата̄ джа̄ната̄ пассата̄ арахата̄ самма̄самбуддхена маха̄пада̄насуттам̣ дӣгханика̄йе маха̄вагге пора̄н̣акехи сан̇гитика̄рехи пат̣хамам̣ сан̇гитам̣ бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, самбахула̄нам̣ бханте бхиккхӯнам̣ паччха̄бхаттам̣ пин̣д̣апа̄тапат̣икканта̄нам̣ ман̣д̣алама̄л̣е саннисинна̄нам̣ саннипатита̄нам̣ пуббенива̄сапат̣исам̣йутта̄ дхаммӣкатха̄ удапа̄ди, итипи пуббенива̄со итипи пуббенива̄соти, тасмим̣ бханте ваттхусмим̣ бха̄ситам̣.

пуччха̄ – маха̄нида̄насуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – курӯсу бханте камма̄садхамме на̄ма курӯнам̣ нигаме а̄йасмантам̣ а̄нандам̣ а̄раббха бха̄ситам̣, а̄йасма̄ бханте а̄нандо бхагавантам̣ упасан̇камитва̄ етадавоча ‘‘аччхарийам̣ бханте, аббхутам̣ бханте, йа̄ва гамбхӣроча̄йам̣ бханте пат̣иччасамуппа̄до

гамбхӣра̄вабха̄со ¶ ча, атха ча пана ме утта̄накутта̄нако вийа кха̄йатӣ’’ти, тасмим̣ бханте ваттхусмим̣ бха̄ситам̣.

пуччха̄ – маха̄паринибба̄насуттам̣ ¶ пана̄вусо бахуанусандхикам̣, бахудесана̄ сан̇гахам̣, буддхасса бхагавато паринибба̄на̄саннавассе паваттаат̣т̣хуппаттидӣпакавачанапабандхабхӯтам̣, тасма̄ там̣ антара̄бхедавасена вибхаджджа париччхиджджа париччхиджджа пуччхисса̄ми, таттха̄вусо бхагавата̄ пат̣хамам̣

ра̄джӯнам̣ ¶ апариха̄нийадхаммадесана̄ каттха кам̣ а̄раббха кисмим̣ ваттхусмим̣ бха̄сита̄.

виссаджджана̄ – ра̄джагахе бханте вассака̄рам̣ бра̄хман̣ам̣ магадхамаха̄маттам̣ а̄раббха бха̄сита̄, вассака̄ро бханте бра̄хман̣о магадхамаха̄матто бхагавантам̣ упасан̇камитва̄ етадавоча ‘‘ра̄джа̄ бхо готама ма̄гадхо аджа̄тасатту ведехипутто ваджджӣ абхийа̄тука̄мо со евама̄ха ахам̣ химе ваджджӣ евам̣ махиддхике евам̣ маха̄нубха̄ве уччхеччха̄ми ваджджӣ вина̄сесса̄ми ваджджӣ анайабйасанам̣ а̄па̄десса̄мӣ ваджджӣ’’ти тасмим̣ бханте ваттхусмим̣ бха̄сита̄.

пуччха̄ – бхиккхӯнам̣ ¶ пана̄вусо апариха̄нийадхаммадесана̄ бхагавата̄ каттха кисмим̣ ваттхусмим̣ бха̄сита̄.

виссаджджана̄ – тасмим̣йева бханте ра̄джагахе тасмим̣йева ваттхусмим̣ бха̄сита̄.

пуччха̄ – дхамма̄да̄со ¶ а̄вусо дхаммапарийа̄йо бхагавата̄ каттха кам̣ а̄раббха кисмим̣ ваттхусмим̣ бха̄сито.

виссаджджана̄ – на̄тике бханте гин̃джака̄васатхе а̄йасмантам̣ а̄нанда а̄раббха бха̄сито, а̄йасма̄ бханте а̄нандо бхагавантам̣ упасан̇камитва̄ на̄тикийа̄нам̣ два̄дасаннам̣ пуггала̄нам̣ гатиабхисампара̄йам̣ пуччхи, тасмим̣ бханте ваттхусмим̣ бха̄сито.

пуччха̄ – аттадӣпадхаммадесана̄ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄сита̄.

виссаджджана̄ – веса̄лийам̣ бханте вел̣увага̄маке а̄йасмантам̣ а̄нандам̣ а̄раббха бха̄сита̄, а̄йасма̄ бханте а̄нандо бхагавато гила̄навут̣т̣хитасса ачиравут̣т̣хитасса гелан̃н̃а̄ бхагавато гелан̃н̃ена аттано кхедапаттака̄ран̣ам̣ а̄рочеси, тасмим̣ бханте ваттхусмим̣ бха̄сита̄.

‘‘тасма̄тиха̄нанда ¶ аттадӣпа̄ вихаратха аттасаран̣а̄ анан̃н̃асаран̣а̄’’.

пуччха̄ – бхагавата̄ а̄вусо пурима дутийадивасе пуччхитависсаджджитаккамена аттадӣпадхаммадесанан̃ча ан̃н̃а̄ни ча дхаммадесана̄ни катхетва̄ паринит̣т̣хита саббабуддхакиччена а̄йусан̇кха̄ро каттха оссат̣т̣хо.

виссаджджана̄ – веса̄лийам̣ бханте ча̄па̄ле четийе ма̄рена па̄пимата̄ йа̄чито бхагава̄ сатена сампаджа̄нена а̄йусан̇кха̄ро оссат̣т̣хо.

‘‘паринибба̄ту ¶ да̄ни бханте бхагава̄, паринибба̄ту сугато, паринибба̄на ка̄ло да̄ни бханте бхагавато.

аппосукко твам̣ па̄пима хоти, на чирам̣ татха̄гатасса паринибба̄нам̣ бхависсати, ито тин̣н̣ам̣ ма̄са̄нам̣ аччайена татха̄гато паринибба̄йиссати.

пуччха̄ – чатумаха̄падесадхаммадесана̄ ¶ пана̄вусо бхагавата̄ каттха бха̄сита̄.

виссаджджана̄ – бхоганагаре бханте а̄нанде четийе бха̄сита̄.

парипакко ¶ вайо майхам̣, париттам̣ мама джӣвитам̣. паха̄йа во гамисса̄ми, катам̣ ме саран̣аматтано.

пуччха̄ – чатусам̣веджанӣйакатха̄ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄сита̄.

виссаджджана̄ – кусина̄ра̄йам̣ бханте а̄йасмантам̣ а̄нандам̣ а̄раббха бха̄сита̄, а̄йасма̄ бханте а̄нандо бхагавантам̣ етадавоча ‘‘пуббе бханте диса̄су вассам̣вут̣т̣ха̄ бхиккхӯ а̄гаччханти татха̄гатам̣ дассана̄йа, те майам̣ лабха̄ма манобха̄ванӣйе бхиккхӯ дассана̄йа, лабха̄ма пайирупа̄сана̄йа. бхагавато пана майам̣ бханте аччайена на лабхисса̄ма манобха̄ванӣйе бхиккхӯ дассана̄йа, на лабхисса̄ма пайирупа̄сана̄йа̄’’ти, тасмим̣ бханте ваттхусмим̣ бха̄сита̄.

йехи ¶ кечи а̄нанда четийача̄рикам̣ а̄хин̣д̣анта̄ пасанначитта̄ ка̄лам̣ кариссанти, саббете ка̄йасса бхеда̄ парам̣ маран̣а̄ сугатим̣ саггам̣ локам̣ упападжджиссанти ху –

пуччха̄ – катхан̃ча̄вусо ¶ бхагава̄ бхиккхӯнам̣ ма̄туга̄месу пат̣ипаджджитаббаваттам̣ катхеси.

виссаджджана̄ – адассанам̣ а̄нанда̄ти ча ана̄ла̄по а̄нанда̄ти ча сати а̄нанда упат̣т̣хаббетабба̄ти ча евам̣ кхо бханте бхагава̄ ма̄туга̄месу пат̣ипаджджитабба̄ка̄рам̣ катхеси.

пуччха̄ – маха̄судассанасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – тиссам̣йева бханте кусина̄ра̄йам̣ а̄йасмантам̣ а̄нандам̣ а̄раббха бха̄ситам̣, а̄йасма̄ бханте а̄нандо бхагавантам̣ етадавоча ‘‘ма̄ бханте бхагава̄ имасмим̣ кхуддаканагараке

уджджан̇галанагараке ¶ са̄кха̄нагараке паринибба̄йи. санти бханте ан̃н̃а̄ни маха̄нагара̄ни. сеййатхидам̣, чампа̄, ра̄джагахам̣, са̄ваттхӣ, са̄кетам̣, косамбӣ, ба̄ра̄н̣асӣ, еттха бхагава̄ паринибба̄йату, еттха бахӯ кхаттийамаха̄са̄ла̄ бра̄хман̣а маха̄са̄ла̄ гахапати маха̄са̄ла̄ татха̄гате абхиппасанна̄. те татха̄гатасса сарӣрапӯджам̣ кариссантӣ’’ти, тасмим̣ бханте ваттхусмим̣ бха̄ситам̣.

пуччха̄ – бхагава̄ ¶ а̄вусо пуримадивасе пуччхита виссаджджитаккамена маха̄судассана суттантам̣ десетва̄ субхаддам̣на̄ма парибба̄джакам̣ буддхавенеййесу паччхимаса̄вакабхӯтам̣ катхам̣ винеси.

виссаджджана̄ – йасмим̣ кхо субхадда дхаммавинайе арийо ат̣т̣хан̇гико магго на упалаббхати, саман̣опи таттха на упалаббхати, дутийопи таттха саман̣о на упалаббхати, татийопи таттха саман̣о на упалаббхати, чатуттхопи таттха саман̣о на упалаббхати (пеййа̄ла). име ча субхадда бхиккхӯ самма̄ вихареййум̣, асун̃н̃о локо арахантехи асса, евам̣ кхо бханте бхагава̄ субхаддам̣ парибба̄джакам̣ буддхавенеййесу паччхимам̣ саккхиса̄вакам̣ винеси.

пуччха̄ – паччхиме ¶ пана̄вусо ка̄ле бхагава̄ а̄йасмато а̄нандасса кӣдисам̣ вачанам̣ катхетва̄, катхан̃ча бхиккхӯ пава̄ретва̄, кӣдисан̃ча бхиккхӯнам̣ вачанам̣ а̄мантетва̄, катхан̃ча анупа̄дисеса̄йа нибба̄надха̄туйа̄ паринибба̄йи.

виссаджджана̄ – бхагава̄ бханте паччхиме ка̄ле а̄йасмато а̄нандасса сийа̄ кхо пана̄нанда тумха̄кам̣ евамасса атӣтасаттхукам̣ па̄вачанам̣ наттхи но саттха̄ти евама̄дикам̣ вачанам̣ катхетва̄, сийа̄ кхо пана бхиккхаве екабхиккхусса̄пи кан̇кха̄ ва̄ вимати ва̄ буддхе ва̄ дхамме ва̄ сан̇гхе ва̄ магге ва̄ пат̣ипада̄йа ва̄ти евама̄дина̄ бхиккхӯ пава̄ретва̄, хандада̄ни бхиккхаве а̄мантайа̄ми во, вайадхамма̄ сан̇кха̄ра̄ аппама̄дена сампа̄детха̄ти паччхиман̃ча ова̄давачанам̣ бхиккхӯнам̣ а̄мантетва̄, нава анупуббасама̄паттийо ануломам̣ пат̣иломам̣ сама̄паджджитва̄, чатуттхаджджха̄на̄ вут̣т̣хахитва̄ саманантара̄ анупа̄дисеса̄йа нибба̄надха̄туйа̄ паринибба̄йи.

на̄вусо ¶ а̄нанда бхагава̄ париниббуто, сан̃н̃а̄ведайита ниродхам̣ сама̄панно.

пуччха̄ – маха̄судассанасуттам̣ ¶ пана̄вусо пуримадивасе пуччхитан̃ча виссаджджитан̃ча, джанавасабхасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – на̄тике бханте гин̃джака̄васатхе а̄йасмантам̣ а̄нандам̣ а̄раббха бха̄ситам̣, а̄йасма̄ бханте а̄нандо ма̄гадхаке парича̄раке а̄раббха бхагавато саммукха̄ парикатхам̣ катхеси, тасмим̣ бханте ваттхусмим̣ бха̄ситам̣.

пуччха̄ – маха̄говиндасуттам̣ ¶ пана̄вусо бхагавата̄ каттха бха̄ситам̣.

виссаджджана̄ – ра̄джагахе бханте бха̄ситам̣.

пуччха̄ – маха̄самайасуттам̣ ¶ пана̄вусо бхагавата̄ каттха бха̄ситам̣.

виссаджджана̄ – саккесу бханте капилаваттхусмим̣ бха̄ситам̣.

пуччха̄ – саккапан̃хасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – магадхесу бханте па̄чӣнато ра̄джагахасса амбасан̣д̣а̄ на̄ма бра̄хман̣ага̄мо, тассуттарато ведийаке паббате индаса̄лагуха̄йам̣ саккам̣ дева̄наминдам̣ а̄раббха бха̄ситам̣, сакко бханте дева̄наминдо бхагавантам̣ упасан̇камитва̄ пан̃хам̣ пуччхи, тасмим̣ бханте ваттхусмим̣ бха̄ситам̣.

пуччха̄ – маха̄сатипат̣т̣ха̄насуттам̣ ¶ пана̄вусо бхагавата̄ каттха бха̄ситам̣.

виссаджджана̄ – курӯсу бханте камма̄садхамме на̄ма курӯнам̣ нигаме бха̄ситам̣.

пуччха̄ – па̄йа̄си ¶ суттам̣ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – косалесу бханте сетабйа̄на̄ма косала̄нам̣ нагарам̣ уттарена сетабйам̣ сим̣сапа̄ване а̄йасмата̄ кума̄ракассапена па̄йа̄сим̣ ра̄джан̃н̃ам̣ а̄раббха бха̄ситам̣, па̄йа̄сисса бханте ра̄джан̃н̃асса еварӯпам̣ па̄пакам̣ дит̣т̣хигатам̣ уппаннам̣ хоти, итипи наттхи паролоко наттхи сатта̄ опапа̄тика̄ наттхи сукатадуккат̣а̄нам̣ камма̄нам̣ пхалам̣ випа̄коти, тасмим̣ бханте ваттхусмим̣ бха̄ситам̣.

пуччха̄ – таттха̄вусо ¶ па̄йа̄сисса ра̄джан̃н̃асса дит̣т̣хипака̄сана̄ча а̄йасмато кума̄ракассапаттхерасса дит̣т̣хивинивет̣т̣ханакатха̄ ча анекава̄рам̣ а̄гата̄, таттха̄вусо пат̣хамам̣ па̄йа̄си ра̄джан̃н̃о аттано дит̣т̣хим̣ катхам̣ пака̄сеси, катхан̃ча̄йасма̄ кума̄ракассапо там̣ миччха̄дит̣т̣хим̣ винивет̣хеси.

виссаджджана̄ – па̄йа̄си бханте ра̄джан̃н̃о а̄йасмантам̣ кума̄ракассапам̣ упасан̇камитва̄ етадавоча ‘‘ахан̃хи бхо кассапа евам̣ ва̄дӣ евам̣ дит̣т̣хӣ итипи наттхи паролоко, наттхи сатта̄ опапа̄тика̄, наттхи сукатадуккат̣а̄нам̣ камма̄нам̣ пхалам̣ випа̄ко’’ки, евам̣ кхо бханте па̄йа̄сира̄джан̃н̃о аттано миччха̄дит̣т̣хим̣ а̄йасмато кума̄ракассапасса сантике пака̄сеси. а̄йасма̄ ча кума̄ракассапо саккхика̄ран̣ам̣ чандимасӯрийаупамам̣ дассетва̄ па̄йа̄сисса ра̄джан̃н̃асса там̣ па̄пакам̣ дит̣т̣хигатам̣ винивет̣хеси.

са̄дху ¶ са̄дху а̄вусо, са̄дху кхо а̄вусо а̄йасма̄ кума̄ракассапо па̄йа̄сисса ра̄джан̃н̃асса миччха̄дит̣т̣хикасса саддхаммавимукхибхӯтасса паччаккхато паралокам̣ дассетва̄ там̣ миччха̄дит̣т̣хим̣ винивет̣хеси.

пуччха̄ – атха пана̄вусо па̄йа̄сира̄джан̃н̃о дутийампи кӣдисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, катхан̃ча̄йасма̄ кума̄ракассапо там̣ миччха̄ва̄дам̣ сахадхаммена суниггахам̣ ниггахетва̄ дхаммава̄дам̣ патит̣т̣ха̄песи.

виссаджджана̄ – дутийе пана бханте па̄йа̄сира̄джан̃н̃о аттано митта̄мачче н̃а̄тиса̄лохите дуччаритасаман̇гино ка̄лам̣кате са̄дхакапарийа̄йам̣ дассетва̄ аттано миччха̄ва̄дам̣ патит̣т̣ха̄песи ¶ , а̄йасма̄ ча кума̄ракассапо чораупама̄йа там̣ миччха̄ва̄дам̣ сахадхаммена суниггахам̣ ниггахетва̄ дхаммава̄дам̣ патит̣т̣ха̄песи.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо уппаннам̣ параппава̄дам̣ сахадхаммена суниггахам̣ ниггахетва̄ дхаммава̄дам̣ патит̣т̣ха̄песи.

пуччха̄ – атха пана̄вусо па̄йа̄сира̄джан̃н̃о татийампи кӣдисам̣ са̄дхака парийа̄йам̣ дассетва̄ аттанова̄дам̣ патит̣т̣ха̄песи, катхан̃ча̄йасма̄ кума̄ракассапо там̣ миччха̄ва̄дам̣ сахадхаммена суниггаха ниггахетва̄ дхаммава̄дам̣ патит̣т̣ха̄песи.

виссаджджана̄ – татийампана ¶ бханте па̄йа̄сира̄джан̃н̃о аттано митта̄мачче н̃а̄тиса̄лохите сучаритасаман̇гино ка̄лам̣кате дассетва̄ аттано миччха̄ва̄дам̣ патит̣т̣ха̄песи, а̄йасма̄ ча кума̄ракассапо гӯтхакӯпе патапурисопама̄йа там̣ миччха̄ва̄дам̣ сахадхаммена суниггахитам̣ ниггахетва̄ дхаммава̄дам̣ патит̣т̣ха̄песи.

пуччха̄ – а̄йасмата̄ а̄вусо кума̄ракассапена пуримадивасе пуччхитависсаджджитаккамена гӯтхакӯпапурисаупама̄йа миччха̄ва̄дам̣ пат̣иккхипитва̄ дхаммава̄де патит̣т̣ха̄пийама̄не пийа̄сира̄джан̃н̃о

чатуттхам̣ ¶ ва̄ пан̃чамам̣ ва̄ кӣдисам̣ са̄дхакапарийа̄йам̣ дассетва̄ аттанова̄дам̣ патит̣т̣ха̄песи, катхан̃ча̄йасма̄ кума̄ракассапо сахадхаммена там̣ миччха̄ва̄дам̣ пат̣иккхипитва̄ дхаммава̄дам̣ патит̣т̣ха̄песи.

виссаджджана̄ – па̄йа̄си бханте ра̄джан̃н̃о а̄йасмата̄ кума̄ракассапена гӯтхакӯпе нимуггапурисо пама̄йа миччха̄ва̄дам̣ суниггахитам̣ ниггахетва̄ дхаммава̄де патит̣т̣ха̄пите чатуттхам̣ ва̄ пан̃чамам̣ ва̄ аттано митта̄мачче н̃а̄тиса̄лохите сама̄динна пан̃часӣле са̄дхакапарийа̄йам̣ дассетва̄ аттано миччха̄ва̄дам̣ патит̣т̣ха̄песи. а̄йасма̄ ча кума̄ракассапо та̄ватим̣садевопама̄йа ча джаччандхопама̄йа ча̄ти двӣхи упама̄хи там̣ па̄пакам̣ дит̣т̣хигатам̣ сахадхаммена суниггахитам̣ ниггахетва̄, дхаммава̄дам̣ патит̣т̣ха̄песи.

са̄дху ¶ са̄дху а̄вусо, са̄дху кхо а̄вусо йам̣ кума̄ракассапо па̄йа̄сисса ра̄джан̃н̃асса две упама̄йо дассетва̄ уппаннам̣ па̄пакам̣ миччха̄ва̄дам̣ сахадхаммена саниггахам̣ ниггахетва̄ дхаммава̄дам̣ патит̣т̣ха̄песи.

пуччха̄ – атха пана̄вусо па̄йа̄сира̄джан̃н̃о чхат̣т̣хам̣пи кӣдисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, катхан̃ча̄йасма̄ кума̄ракассапо сахадхаммена там̣ миччха̄ва̄дам̣ суниггахам̣ ниггахетва̄ дхаммава̄дам̣ патит̣т̣ха̄песи.

виссаджджана̄ – чхат̣т̣хам̣ пана бханте па̄йа̄сира̄джан̃н̃о сӣлаванте саман̣абра̄хман̣е калйа̄н̣адхамме джӣвитука̄ме амаритука̄ме

сукхака̄ме ¶ дуккхапат̣икӯле са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, а̄йасма̄ча кума̄ракассапо габбхинӣ упама̄йа там̣ миччха̄ва̄дам̣ сахадхаммена суниггахитам̣ ниггахетва̄ дхаммава̄дам̣ патит̣т̣ха̄песи.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо габбхинӣупамам̣ дассетва̄ там̣ миччха̄ва̄дам̣ пат̣иккхипитва̄ дхаммава̄дам̣ патит̣т̣ха̄песи.

пуччха̄ – атха пана̄вусо па̄йа̄сира̄джан̃н̃о саттамам̣пи кӣдисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, катхан̃ча̄йасма̄ кума̄ракассапо там̣ миччха̄ва̄дам̣ сахадхаммена суниггахам̣ ниггахетва̄ дхаммава̄дам̣ патит̣т̣ха̄песи.

виссаджджана̄ – саттамам̣ пана бханте па̄йа̄сира̄джан̃н̃о куббхийам̣ паккхипитва̄ ма̄ритапурисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, а̄йасма̄ча кума̄ракассапо супинакӯпама̄йа там̣ миччха̄ва̄дам̣ сахадхаммена суниггахитам̣ ниггахетва̄ дхаммава̄дам̣ патит̣т̣ха̄песи.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо супинакӯпамам̣ дассетва̄ уппаннам̣ миччха̄ва̄дам̣ сахадхаммена суниггахам̣ ниггахетва̄ дхаммава̄дам̣ патит̣т̣ха̄песи.

пуччха̄ – атха ¶ пана̄вусо па̄йа̄сира̄джан̃н̃о ат̣т̣хамампи навамампи катхетаббам̣ катхетва̄ дасамам̣ кӣдисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, катхан̃ча̄йасма̄ кума̄ракассапо сахадхаммена там̣ миччха̄ва̄дам̣ пат̣иниссаджджа̄песи.

виссаджджана̄ – ат̣т̣хамампи бханте навамампи па̄йа̄сира̄джан̃н̃о йам̣ ва̄ там̣ ва̄ парийа̄йам̣ дассетва̄ аттано ва̄дам̣ патит̣т̣ха̄песи, дасамам̣ пана бханте па̄йа̄сира̄джан̃н̃о чхавиа̄дӣни чхиндитва̄ ма̄ритапурисам̣ са̄дхакапарийа̄йам̣ дассетва̄ аттано ва̄дам̣ патит̣т̣ха̄песи, а̄йасма̄ ча кума̄ракассапо аггикаджат̣илопама̄йа там̣ миччха̄ва̄дам̣ сахадхаммена суниггахитам̣ ниггахетва̄ дхаммава̄дам̣ патит̣т̣ха̄песи.

пат̣иниссаджджетам̣ ¶ ра̄джан̃н̃а па̄пакам̣ дит̣т̣хигатам̣. пат̣иниссаджджетам̣ ра̄джан̃н̃а па̄пакам̣ дит̣т̣хигатам̣.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо опа̄йикам̣ упамам̣ дассетва̄ там̣ па̄пикам̣ миччха̄дит̣т̣хим̣ пат̣иниссаджджа̄песи, йам̣ тасса бхавеййа дӣгхараттам̣ хита̄йа сукха̄йа.

пуччха̄ – а̄йасмата̄ а̄вусо кума̄ракассапена пуримадивасе пуччхитависсаджджита̄ка̄рена па̄йа̄сисса ра̄джан̃н̃асса аггикаджат̣илопамам̣ дассетва̄ тасмим̣ па̄паке дит̣т̣хигате пат̣иниссаджджа̄пите со та̄ва тхерасса вачанам̣ ана̄дийитва̄ кӣдисан̃ча паччанӣкакатхам̣ катхеси, катхан̃ча тхеро карун̣а̄сӣталахадайо хутва̄ апарампи упамам̣ дассетва̄ там̣ па̄пакам̣ дит̣т̣хигатам̣ пат̣иниссаджджа̄песи.

виссаджджана̄ – па̄йа̄си бханте ра̄джан̃н̃о а̄йасмата̄ кума̄ракассапена аггикаджат̣илопамам̣ дассетва̄ там̣ па̄пакам̣ дит̣т̣хигатам̣ пат̣иниссаджджа̄пите кин̃ча̄пи бхавам̣ кассапо евама̄ха, атха кхо нева̄хам̣ саккоми идам̣ па̄пакам̣ дит̣т̣хигатам̣ пат̣иниссаджджитунти евама̄дикам̣ паччанӣкакатхам̣ катхеси, тхеро ча бханте кума̄ракассапо две саттхава̄хопамам̣ дассетва̄ там̣ па̄пакам̣ миччха̄ва̄дам̣ пат̣иниссаджджа̄песи.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо па̄йа̄сисса ра̄джан̃н̃асса две саттхава̄хопамампи дассетва̄ там̣ па̄пакам̣ дит̣т̣хигатам̣ пат̣иниссаджджа̄песи, тан̃хи тасса ча тадануйа̄йӣнан̃ча бхавеййа дӣгхараттам̣ хита̄йа сукха̄йа.

пуччха̄ – евам̣ ¶ пана̄вусо а̄йасмата̄ кума̄ракассапена йатха̄ вутта̄хи бахӯхи упама̄хи ча апара̄хи гӯтхабха̄рикааккхадхуттакопама̄хи ча тасмим̣ па̄паке дит̣т̣хигате виссаджджа̄пите со та̄ва тхерасса вачанам̣ ана̄дийитва̄ва паччхимапат̣иккхепавасена кӣдисам̣ паччанӣкакатхам̣ катхеси, катхан̃ча тхеро карун̣а̄сӣталахадайо хутва̄ паччхимампи упамам̣ дассетва̄ там̣ па̄пакам̣ дит̣т̣хигатам̣ пат̣иниссаджджа̄песи.

виссаджджана̄ – па̄йа̄си бханте ра̄джан̃н̃о евам̣ тхерена на̄на̄упама̄хи тасмим̣ па̄паке дит̣т̣хигате пат̣иниссаджджа̄питепи пуриманайенева тхерасса паччанӣкакатхам̣ катхеси, тхеропи ча бханте паччхимам̣ са̄н̣абха̄рикӯпамам̣ дассетва̄ карун̣а̄сӣталахадайо там̣ па̄пакам̣ дит̣т̣хигатам̣ пат̣иниссаджджа̄песи.

са̄дху ¶ са̄дху а̄вусо, са̄дху кхо а̄вусо йам̣ а̄йасма̄ кума̄ракассапо па̄йа̄сисса ра̄джан̃н̃асса са̄н̣абха̄рикопамампи дассетва̄ там̣ па̄пакам̣ дит̣т̣хигатам̣ пат̣иниссаджджа̄песи, тан̃хи тасса ча тадануйа̄йӣнан̃ча бхавеййа дӣгхараттам̣ хита̄йа сукха̄йа.

пуччха̄ – има̄йа ¶ пана̄вусо паччхимика̄йа са̄н̣абха̄рикопама̄йа дассита̄йа па̄йа̄сира̄джан̃н̃о тхерасса дхаммадесана̄нубха̄вена имасмим̣ дхаммавинайе пасанно хутва̄ кӣдисам̣ пасанна̄ка̄рамака̄си, катхан̃ча а̄йасмантам̣ кума̄ракассапам̣ ануса̄саним̣ йа̄чи, катхан̃ча̄йасма̄ кума̄ракассапо ануса̄си.

виссаджджана̄ – има̄йа ча пана бханте упама̄йа дассита̄йа па̄йа̄си ра̄джан̃н̃о ‘‘пурименева ахам̣ опаммена бхото кассапасса аттамано абхираддхо евама̄дина̄ бханте па̄йа̄сира̄джан̃н̃о имасмим̣ дхаммавинайе а̄йасмато кума̄ракассапасса дхаммадесана̄йа пасанно пасанна̄ка̄рамака̄си. иччха̄ми ча̄хам̣ бхо кассапа маха̄йан̃н̃ам̣ йаджитум̣, ануса̄сату мам̣ бхавам̣ кассапо йам̣ мамасса дӣгхараттам̣ хита̄йа сукха̄йа̄ти па̄йа̄си ра̄джан̃н̃о а̄йасмантам̣ кума̄ракассапам̣ ануса̄саним̣ йа̄чи, а̄йасма̄ ча бханте кума̄ракассапо дуккхетте дуббхӯме павуттабӣджопама̄йа дуссӣлесу диннада̄насса на махаппхалабха̄вам̣ дассетва̄ сукхетте субхӯме павуттабӣджопама̄йа сӣлавантесу диннада̄насса махаппхалабха̄вам̣ дассетва̄ па̄йа̄сим̣ ра̄джан̃н̃амануса̄си.

пуччха̄ – катхан̃ча̄вусо ¶ па̄йа̄сира̄джан̃н̃о да̄нам̣ ада̄си, катхан̃часса сампара̄йо ахоси.

виссаджджана̄ – па̄йа̄си бханте ра̄джан̃н̃о асаккаччам̣ да̄намада̄си, асахаттха̄ да̄намада̄си, ачиттӣкатам̣ да̄намада̄си, апавиддхам̣ да̄намада̄си, со асаккаччам̣ да̄нам̣ датва̄ асахаттха̄ да̄нам̣ датва̄ ачиттӣкатам̣ да̄нам̣ датва̄ апавиддхам̣ да̄нам̣ датва̄ ка̄йассабхеда̄ парам̣ маран̣а̄ ча̄тумаха̄ра̄джика̄нам̣ дева̄нам̣ сахабйатам̣ упападжджи сун̃н̃ам̣ серӣсакам̣ вима̄нам̣.

пуччха̄ – тена̄вусо ¶ бхагавата̄ джа̄ната̄ пассата̄ арахата̄ самма̄самбуддхена па̄тхийавагге пат̣хамам̣ па̄тхийасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – маллесу бханте анупийе на̄ма малла̄нам̣ нигаме бхаггаваготтам̣ парибба̄джакам̣ а̄раббха бха̄ситам̣, бхаггаваготто бханте парибба̄джако бхагавантам̣ етадавоча ‘‘пурима̄ни бханте диваса̄ни пуриматара̄ни сунаккхатто личчхавипутто йена̄хам̣ тенупасан̇ками, упасан̇камитва̄ мам̣ етадавоча ‘‘паччаккха̄то да̄ни майа̄ бхаггава бхагава̄, на да̄на̄хам̣ бхагавантам̣ уддисса вихара̄мӣ’ти, качче там̣ бханте татхева, йатха̄ сунаккхатто, личчхавипутто авача̄’’ти, тасмим̣ бханте ваттхусмим̣ бха̄ситам̣.

пуччха̄ – удумбарикасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте нигродхам̣ парибба̄джакам̣ а̄раббха бха̄ситам̣, нигродхо бханте парибба̄джако бхагавато параммукха̄ бхагавантам̣йева а̄раббха анекавихитам̣ абхӯтакатхам̣ катхеси, тасмим̣ ваттхусмим̣ бха̄ситам̣.

пуччха̄ – чаккаваттисуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – магадхесу бханте ма̄тула̄йам̣ самбахуле бхиккхӯ а̄раббха аттаджджха̄сайена суттаниккхепена бхагавата̄ бха̄ситам̣.

пуччха̄ – агган̃н̃асуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте пубба̄ра̄ме мига̄рама̄тупа̄са̄де ва̄сет̣т̣хам̣ паббаджитам̣ а̄раббха бха̄ситам̣, бра̄хман̣а̄ бханте ва̄сет̣т̣ха бха̄радва̄дже паббаджите аккосанти парибха̄санти аттарӯпа̄йа

парибха̄са̄йа ¶ парипун̣н̣а̄йа но апарипун̣н̣а̄йа, тасмим̣ бханте ваттхусмим̣ бха̄ситам̣.

пуччха̄ – сампаса̄данӣйа суттам̣ пана̄вусо каттха кена бха̄ситам̣.

виссаджджана̄ – на̄л̣анда̄йам̣ бханте па̄ва̄рикамбаване а̄йасмата̄ са̄рипуттена бха̄ситам̣.

пуччха̄ – па̄са̄дикасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте ведхан̃н̃а̄на̄ма сакйа̄нам̣ амбаване па̄са̄де чундам̣ саман̣уддесам̣ а̄раббха бха̄ситам̣, чундо бханте саман̣уддесо па̄ва̄йам̣ ниган̣т̣хасса на̄т̣апуттасса ка̄лам̣ кирийа̄йа бхинна̄нам̣ ниган̣т̣ха̄нам̣ дведхикаджа̄та̄нам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ ан̃н̃аман̃н̃ам̣ мукхасаттӣхи витуджджанака̄ран̣ам̣ а̄йасмато а̄нандасса а̄рочеси, а̄йасма̄ ча бханте а̄нандо бхагавато етаматтхам̣ а̄рочеси, тасмим̣ бханте ваттхусмим̣ бха̄ситам̣.

пуччха̄ – лаккхан̣асуттам̣ ¶ пана̄вусо бхагавата̄ каттха бха̄ситам̣.

виссаджджана̄ – са̄ваттхийам̣ бханте джетаванамаха̄виха̄ре бха̄ситам̣.

пуччха̄ – син̇га̄ласуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте син̇га̄лам̣ гахапатипуттам̣ а̄раббха бха̄ситам̣, син̇га̄ло бханте гахапатипутто ка̄лассева ут̣т̣ха̄йа ра̄джагаха̄ никкхамитва̄ аллаваттхо аллакесо пан̃джалико путхудиса̄ намассати пураттхимам̣ дисам̣ даккхин̣ам̣ дисам̣ паччхимам̣ дисам̣ уттарам̣ дисам̣ хет̣т̣химам̣ дисам̣ упаримам̣ дисам̣, тасмим̣ бханте ваттхусмим̣ бха̄ситам̣.

пуччха̄ – а̄т̣а̄на̄т̣ийасуттам̣ ¶ пана̄вусо бхагавата̄ каттха кисмим̣ ваттхусмим̣ бха̄ситам̣.

виссаджджана̄ – ра̄джагахе ¶ бханте гиджджхакӯт̣е паббате бха̄ситам̣, бхагавати бханте ра̄джагахе вихарати чатта̄ро маха̄ра̄джа̄но чатуддисам̣ раккхам̣ т̣хапетва̄ чатуддисам̣ гумбам̣ т̣хапетва̄ чатуддисам̣ оваран̣ам̣ т̣хапетва̄ кевалакаппам̣ гиджджхакӯт̣апаббатам̣ обха̄сетва̄ йена бхагава̄ тенупасан̇камим̣су, упасан̇камитва̄ бхагавантам̣ абхива̄детва̄ екамантам̣ нисӣдим̣су, екамантам̣ нисинно кхо бханте вессаван̣о маха̄ра̄джа̄ а̄т̣а̄на̄т̣ийам̣ раккхам̣ бхагавато а̄рочеси бхиккхӯнам̣ бхиккхунӣнам̣ упа̄сака̄нам̣ упа̄сика̄нам̣ пха̄сувиха̄ра̄йа, тасмим̣ бханте ваттхусмим̣ бха̄ситам̣.

пуччха̄ – сан̇гӣти ¶ суттам̣ пана̄вусо каттха кена бха̄ситам̣.

виссаджджана̄ – па̄ва̄йам̣ бханте а̄йасмата̄ са̄рипуттена бха̄ситам̣.

пуччха̄ – дасуттарасуттам̣ пана̄вусо каттха кена бха̄ситам̣.

виссаджджана̄ – дасуттарасуттам̣ бханте чампа̄йам̣ гаггара̄йа поккхаран̣ийа̄ тӣре а̄йасмата̄ са̄рипуттена бха̄ситам̣.

виссаджджана̄ – секкха̄ ча бханте путхуджджанакалйа̄н̣ака̄ ча сиккханти.

виссаджджана̄ – араханто бханте сиккхитасиккха̄.

виссаджджана̄ – бхагавато бханте вачанам̣ арахато самма̄самбуддхасса.

виссаджджана̄ – парампара̄йа бханте а̄бхатам̣.