ан̃н̃а > сан̇га̄йана-пуччха виссаджджана̄

пуччха̄ – пат̣хамамаха̄сам̣гӣтика̄ле ¶ а̄вусо дхаммасам̣га̄хака̄ маха̄кассапа̄дайо маха̄тхеравара̄ дӣгханика̄йам̣ сам̣га̄йитва̄ таданантарам̣ ким̣ на̄ма па̄вачанам̣ сам̣га̄йим̣су.

виссаджджана̄ – пат̣хамамаха̄сам̣гӣтика̄ле бханте дхаммасам̣га̄хака̄ маха̄кассапа̄дайо маха̄тхеравара̄ дӣгханика̄йам̣ сам̣га̄йитва̄ таданантарам̣ маджджхимам̣ на̄ма ника̄йам̣ сам̣га̄йим̣су.

пуччха̄ – маджджхиманика̄йо ¶ на̄ма а̄вусо мӯлапан̣н̣а̄сако маджджхима пан̣н̣а̄сако упарипан̣н̣а̄сакоти пан̣н̣а̄сакавасена тивидхо, таттха катарам̣ пан̣н̣а̄сакам̣ пат̣хамам̣ сам̣га̄йим̣су.

виссаджджана̄ – тӣсу бханте пан̣н̣а̄сакесу мӯлапан̣н̣а̄сакам̣ на̄ма па̄вачанам̣ дхаммасам̣га̄хака̄ маха̄тхеравара̄ пат̣хамам̣ сам̣га̄йим̣су.

пуччха̄ – мӯлапан̣н̣а̄сакепи ¶ а̄вусо пан̃чавагга̄ пан̣н̣а̄са ча сутта̄ни, тесу катарам̣ ваггам̣ катаран̃ча суттам̣ пат̣хамам̣ сам̣га̄йим̣су.

виссаджджана̄ – мӯлапан̣н̣а̄саке бханте пан̃часу ваггесу пат̣хамам̣ мӯлапарийа̄йаваггам̣ пан̣н̣а̄сакесу ча суттесу пат̣хамам̣ мӯлапарийа̄йасуттам̣ сам̣га̄йим̣су.

са̄дху а̄вусо майампи да̄ни татойева пат̣т̣ха̄йа сам̣гӣтипуббан̇гама̄ни пуччха̄виссаджджанакичча̄ни ка̄тум̣ сама̄рабха̄ма.

пуччха̄ – тена а̄вусо бхагавата̄ джа̄ната̄ пассата̄ арахата̄ самма̄самбуддхена мӯлапарийа̄йасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – уккат̣т̣ха̄йам̣ бханте пан̃часате бра̄хман̣акула̄ паббаджите а̄раббха бха̄ситам̣, пан̃часата̄ бханте бра̄хман̣акула̄ паббаджита̄ ¶ бхиккхӯ парийаттим̣ нисса̄йа ма̄нам̣ уппа̄десум̣, тасмим̣ бханте ваттхусмим̣ бха̄ситам̣.

пуччха̄ – там̣ пана̄вусо суттам̣ бхагавата̄ катихи ва̄рехи катихи ча антогадхападехи вибхаджитва̄ бха̄ситам̣.

виссаджджана̄ – там̣ ¶ пана бханте мӯлапарийа̄йасуттам̣ бхагавата̄ ат̣т̣хахи ча ва̄рехи чатувӣсатийа̄ ча антогадхападехи вибхаджитва̄ деситам̣.

пуччха̄ – дутийам̣ пана̄вусо сабба̄савасуттам̣ бхагавата̄ каттха кам̣ а̄раббха бха̄ситам̣.

виссаджджана̄ – сабба̄савасуттам̣ пана бханте бхагавата̄ са̄ваттхийам̣ самбахуле бхиккхӯ а̄раббха бха̄ситам̣.

пуччха̄ – таттха̄вусо ¶ бхагавата̄ а̄сава̄ катихи пака̄рехи вибхаджитва̄ дассита̄.

виссаджджана̄ – саттахи бханте пака̄рехи вибхаджитва̄ а̄сава̄ бхагавата̄ пака̄сита̄.

пуччха̄ – дхаммада̄йа̄дасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, бхагавато ча бханте бхиккхусан̇гхасса ча тада̄ маха̄ла̄бхасакка̄ро удапа̄ди, тасмим̣ бханте ваттхусмим̣ бха̄ситам̣.

пуччха̄ – таттха̄вусо ¶ две анусандхайо, тесу пат̣хаме анусандхимхи катхам̣ бхагавата̄ бхиккхӯнам̣ ова̄до динно.

виссаджджана̄ – пат̣хаме бханте анусандхимхи дхаммада̄йа̄да̄ ме бхиккхаве бхаватха ма̄ а̄мисада̄йа̄да̄, аттхи ме тумхесу анукампа̄, кинти ме са̄вака̄ дхаммада̄йа̄да̄ бхавеййум̣ но а̄мисада̄йа̄да̄ти евама̄дина̄ бхагавата̄ бхиккхӯнам̣ ова̄до динно.

дхаммада̄йа̄да̄ ¶ ме бхиккхаве бхаватха ма̄ а̄мисада̄йа̄да̄, аттхи ме тумхесу анукампа̄ кинти ме са̄вака̄ дхаммада̄йа̄да̄ бхавеййум̣, но а̄мисада̄йа̄да̄.

пуччха̄ – дутийе ¶ пана̄вусо анусандхимхи а̄йасмата̄ са̄рипуттаттхерена дхаммасена̄патина̄ кӣдисӣ дхаммадесана̄ вибхаджитва̄ пака̄сита̄.

виссаджджана̄ – дутийе пана бханте анусандхимхи а̄йасмата̄ са̄рипуттаттхерена дхаммасена̄патина̄ саттху павивиттасса вихарато са̄вака̄нам̣ вивекам̣ ананусиккхатам̣ тӣхи т̣ха̄нехи га̄райутам̣, анусиккханта̄нан̃ча тӣхи т̣ха̄нехи па̄сам̣сатам̣, сол̣аса ча па̄паке дхамме тесан̃ча паха̄на̄йа маджджхима̄ пат̣ипада̄ вибхаджитва̄ пака̄сита̄.

пуччха̄ – бхайабхеравасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте джа̄н̣уссон̣им̣ бра̄хман̣ам̣ а̄раббха бха̄ситам̣, джа̄н̣уссон̣и бханте бра̄хман̣о бхагавантам̣ упасан̇камитва̄ етадавоча ‘‘йе ме бхо готама кулапутта̄ бхавантам̣ готамам̣ уддисса саддха̄ ага̄расма̄ анага̄рийам̣ паббаджита̄, бхавам̣ тесам̣ готамо пуббан̇гамо, бхавам̣

тесам̣ ¶ готамо бахука̄ро, бхавам̣ тесам̣ готамо сама̄дапета̄, бхото ча пана готамасса са̄ джаната̄ дит̣т̣ха̄нугатим̣ а̄паджджатӣ’’ти, тасмим̣ бханте ваттхусмим̣ бха̄ситам̣.

пуччха̄ – анан̇ган̣асуттам̣ ¶ пана̄вусо каттха кам̣ а̄раббха кена бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣.

пуччха̄ – а̄кан̇кхеййасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – ваттхасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – саллекхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ маха̄чундам̣ а̄раббха бха̄ситам̣, а̄йасма̄ маха̄чундо бханте бхагавантам̣ упасан̇камитва̄ етадавоча ‘‘йа̄ има̄ бханте анекавихита̄ дит̣т̣хийо локе уппаджджанти, аттава̄дапат̣исам̣йутта̄ ва̄ локава̄дапат̣исам̣йутта̄ ва̄, а̄димева ну кхо бханте бхиккхуно манасикарото евамета̄сам̣ дит̣т̣хӣнам̣ паха̄нам̣ хоти, евамета̄сам̣ дит̣т̣хӣнам̣ пат̣иниссагго хотӣ’’ти, тасмим̣ бханте ваттхусмим̣ бха̄ситам̣.

пуччха̄ – таттха ¶ ча а̄вусо кати парийа̄йа̄ кати ча антогадхапада̄ни бхагавата̄ вибхаджитва̄ пака̄сита̄ни.

виссаджджана̄ – таттха бханте пан̃ча парийа̄йа̄ чатучатта̄лӣса ча антогадхапада̄ни бхагавата̄ виттха̄рена бха̄сита̄ни.

пуччха̄ – самма̄дит̣т̣хисуттам̣ ¶ пана̄вусо каттха кам̣ а̄раббха кена бха̄ситам̣.

виссаджджана̄ – бхагавато бханте вачанам̣ арахато самма̄самбуддхасса.

виссаджджана̄ – парампара̄йа бханте а̄бхатам̣.

пуччха̄ – маха̄сатипат̣т̣ха̄насуттам̣ ¶ пана̄вусо йога̄вачара̄нам̣ бахупака̄ратта̄ дӣгханика̄йе ча идха ча̄ти двӣсу ника̄йесу пора̄н̣акехи сам̣гӣтика̄рехи двиккхаттум̣ сам̣га̄йитва̄ виттха̄рена патит̣т̣ха̄питам̣, там̣ амхехи дӣгханика̄йе йатха̄нуппаттавасена пуччхитан̃ча виссаджджитан̃ча. татха̄пи йога̄вачара̄нам̣ бахупака̄ратта̄йева там̣ ¶ ида̄нипи йатха̄нуппаттавасена пуна пуччхисса̄ми, там̣ панетам̣ а̄вусо маха̄сатипат̣т̣ха̄насуттам̣ бхагавата̄ каттха кам̣ а̄раббха бха̄ситам̣.

виссаджджана̄ – курӯсу бханте камма̄садхамме на̄ма курӯнам̣ нигаме самбахуле бхиккхӯ а̄раббха бха̄ситам̣.

пуччха̄ – катхан̃ча̄вусо ¶ таттха а̄на̄па̄нассати ка̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – идха бхиккхаве бхиккху аран̃н̃агато ва̄ руккхамӯлагато ва̄ сун̃н̃а̄га̄рагато ва̄ нисӣдати паллан̇кам̣ а̄бхуджитва̄ уджум̣ ка̄йам̣ пан̣идха̄йа паримукхам̣ сатим̣ упат̣т̣хапетва̄ со сатова ассасати, сатова пассасати, дӣгхам̣ ва̄ ассасанто ‘дӣгхам̣ ассаса̄мӣ’ти паджа̄на̄ти, дӣгхам̣ ва̄ пассасанто ‘дӣгхам̣ пассаса̄мӣ’ти паджа̄на̄ти, евама̄дина̄ бханте таттха а̄на̄па̄нассати ка̄йа̄нупассана̄ бхагавата̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха ирийа̄патхака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху гаччханто ва̄ гаччха̄мӣти паджа̄на̄ти, т̣хито ва̄ т̣хитомхӣти паджа̄на̄ти, нисинно ва̄ нисинномхӣти паджа̄на̄ти, сайа̄но ва̄ сайа̄номхӣти паджа̄на̄ти, евама̄дина̄ бханте бхагавата̄ ирийа̄патхака̄йа̄нупассана̄ бха̄вана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха сампаджан̃н̃ака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху абхикканте пат̣икканте сампаджа̄нака̄рӣ хоти, а̄локите вилоките сампаджа̄нака̄рӣ хоти, самин̃джите паса̄рите сампаджа̄нака̄рӣ хоти, сан̇гха̄т̣ипаттачӣварадха̄ран̣е сампаджа̄нака̄рӣ хоти, асите пӣте кха̄йите са̄йите сампаджа̄нака̄рӣ хоти, учча̄рапасса̄вакамме сампаджа̄нака̄рӣ хоти, гате т̣хите нисинне сутте джа̄гарите бха̄сите тун̣хӣбха̄ве сампаджа̄нака̄рӣ хоти, евама̄дина̄ бханте бхагавата̄ таттха сампаджан̃н̃ака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха пат̣икӯламанасика̄рака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху имамева ка̄йам̣ уддхам̣ па̄датала̄ адхо кесаматтхака̄ тачапарийантам̣ пӯрам̣ на̄наппака̄расса асучино паччавеккхати аттхи имасмим̣ ка̄йе кеса̄лома̄ накха̄ данта̄ тачо евама̄дина̄ бханте таттха бхагавата̄ пат̣икӯламанасика̄рака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха дха̄туманасика̄рака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху имамева ка̄йам̣ йатха̄т̣хитам̣ йатха̄пан̣ихитам̣ дха̄тусо паччавеккхати аттхи имасмим̣ ка̄йе патхавӣдха̄ту а̄подха̄ту теджодха̄ту ва̄йодха̄ту евама̄дина̄ бханте бхагавата̄ дха̄туманасика̄рака̄йа̄нупассана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха нава сиватхикака̄йа̄нупассана̄ бхагавата̄ вибхаджитва̄ пака̄сита̄.

виссаджджана̄ – пуна чапарам̣ бхиккхаве бхиккху сеййатха̄пи пассеййа сарӣрам̣ сиватхика̄йа чхад̣д̣итам̣ ека̄хаматам̣ ва̄ двӣхаматам̣ ва̄ тӣхаматам̣ ва̄ уддхума̄такам̣ винӣлакам̣ випуббакаджа̄там̣ со имамева ка̄йам̣ упасам̣харати ‘‘айампи кхо ка̄йо евам̣дхаммо евам̣бха̄вӣ евам̣анатӣто’’ти евама̄дина̄ бханте таттха бхагавата̄ нава сиватхикака̄йа̄нупассана̄ бха̄вана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха ведана̄нупассана̄ бхагавата̄ вибхаджитва̄ десита̄.

виссаджджана̄ – идха бхиккхаве бхиккху сукхам̣ ва̄ веданам̣ ведайама̄но ‘‘сукхам̣ веданам̣ ведайа̄мӣ’’ти паджа̄на̄ти, дуккхам̣ ва̄ веданам̣ ведайама̄но ‘‘дуккха веданам̣ ведайа̄мӣ’’ти паджа̄на̄ти, адуккхамасукхам̣ ва̄ веданам̣ ведайама̄но ‘‘адуккхамасукхам̣ веданам̣ ведайа̄мӣ’’ти паджа̄на̄ти, евама̄дина̄ бханте таттха бхагавата̄ ведана̄нупассана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха читта̄нупассана̄ бхагавата̄ вибхаджитва̄ десита̄.

виссаджджана̄ – идха бхиккхаве бхиккху сара̄гам̣ ва̄ читтам̣ ‘‘сара̄гам̣ читта’’нти паджа̄на̄ти, вӣтара̄гам̣ ва̄ читтам̣ ‘‘вӣтара̄гам̣ читта’’нти паджа̄на̄ти, садосам̣ ва̄ вӣтадосам̣ ва̄ самохам̣ ва̄ вӣтамохам̣ ва̄ сам̣кхиттам̣ ва̄ читтам̣ ‘‘сам̣кхиттам̣ читта’’нти паджа̄на̄ти, виккхиттам̣ ва̄ читтам̣ ‘‘виккхиттам̣ читта’’нти паджа̄на̄ти, евама̄дина̄ таттха бхагавата̄ читта̄нупассана̄ вибхаджитва̄ пака̄сита̄.

пуччха̄ – катхан̃ча̄вусо ¶ таттха дхамма̄нупассана̄ бхагавата̄ вибхаджитва̄ десита̄, там̣ сан̇кхепаматтенева виссаджджехи.

виссаджджана̄ – идха бхиккхаве бхиккху дхаммесу дхамма̄нупассӣ вихарати, пан̃часу нӣваран̣есу евама̄дина̄ бханте таттха бхагавата̄ пан̃чахи паббехи дхамма̄нупассана̄ вибхаджитва̄ пака̄сита̄.

пуччха̄ – чӯл̣анасӣхана̄дасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте парихӣнала̄бхасакка̄ре на̄на̄титтхийе а̄раббха бха̄ситам̣, на̄на̄титтхийа̄ бханте парихӣнала̄бхасакка̄ра̄ тесу тесу т̣ха̄несу паридевим̣су, чатассо ча бханте париса̄ бхагавато екаматтхам̣ а̄рочесум̣, тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ бхагавата̄ джа̄ната̄ пассата̄ арахата̄ самма̄самбуддхена маха̄сӣхана̄дасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте сунаккхаттам̣ личчхавипуттам̣ а̄раббха бха̄ситам̣, сануккхатто бханте личчхавипутто ачирапакканто хоти имасма̄ дхаммавинайа̄, со веса̄лийам̣ парисати евам̣ ва̄чам̣ бха̄сати ¶ ‘‘наттхи саман̣асса готамасса уттаримануссадхамма̄ аламарийан̃а̄н̣адассанависесо, таккапарийа̄хатам̣ саман̣о готамо дхаммам̣ десети вӣмам̣са̄нучаритам̣ сайам̣ пат̣ибха̄нам̣. йасса ча кхва̄сса аттха̄йа дхаммо десито, со ниййа̄ти таккарасса самма̄ дуккхаккхайа̄йа̄’’ти, етаматтхам̣ бханте а̄йасма̄ са̄рипутто бхагавато а̄рочеси, тасмим̣ бханте ваттхусмим̣ бха̄ситам̣.

пуччха̄ – кати ¶ пана̄вусо таттха бхагавата̄ татха̄гатасса татха̄гатабала̄ни вибхаджитва̄ пака̄сита̄ни, йехи балехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

виссаджджана̄ – даса бханте татха̄гатасса татха̄гатабала̄ни бхагавата̄ вибхаджитва̄ пака̄сита̄ни, йехи балехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

пуччха̄ – катхан̃ча̄вусо ¶ таттха бхагавата̄ чатувераджджан̃а̄н̣а̄ни вибхаджитва̄ пака̄сита̄ни, йехи веса̄раджджехи саманна̄гато татха̄гато а̄сабхам̣ т̣ха̄нам̣ пат̣иджа̄на̄ти, париса̄су сӣхана̄дам̣ надати, брахмачаккам̣ паваттети.

виссаджджана̄ – кхӣн̣а̄савасса те пат̣иджа̄нато име а̄сава̄ апариккхӣн̣а̄ти татра вата мам̣ саман̣о ва̄ бра̄хман̣о ва̄ дево ва̄ ма̄ро ва̄ брахма̄ ва̄ кочи ва̄ локасмим̣ сахадхаммена пат̣ичодессатӣти нимиттаметам̣ са̄рипутта на саманупасса̄ми, етамахам̣ са̄рипутта нимиттам̣ асаманупассанто кхемаппатто абхайаппатто веса̄раджджаппатто вихара̄ми. евама̄дина̄ бханте таттха чатувеса̄раджджан̃а̄н̣а̄ни бхагавата̄ виттха̄рена вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ пан̃чагатипариччхедан̃а̄н̣ам̣ вибхаджитва̄ пака̄ситам̣.

виссаджджана̄ – пан̃ча кхо има̄ са̄рипутта гатийо, катама̄ пан̃ча, нирайо тираччха̄найони петтивисайо манусса̄ дева̄, евама̄дина̄ бханте бхагавата̄ таттха пан̃чагатипариччхедакан̃а̄н̣ам̣ вибхаджитва̄ пака̄ситам̣.

пуччха̄ – катхан̃ча̄вусо ¶ таттха татха̄гато аттано пан̃н̃а̄веййаттийа̄ апариха̄ним̣ пака̄сеси.

виссаджджана̄ – санти кхо пана са̄рипутта еке саман̣абра̄хман̣а̄ евам̣ва̄дино евам̣дит̣т̣хино йа̄вадева̄йам̣ бхавам̣ пурисо дахаро хоти, евама̄дина̄ бханте таттха татха̄гато аттано пан̃н̃а̄веййаттийа̄ апариха̄ним̣ пака̄сеси.

пуччха̄ – маха̄дуккхаккхандхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ан̃н̃атиттхийе а̄раббха бха̄ситам̣, самбахула̄ бханте ан̃н̃атиттхийа̄ бхиккхӯ етадавочум̣ ‘‘саман̣о а̄вусо готамо ка̄ма̄нам̣ парин̃н̃ам̣ пан̃н̃апети, майампи ка̄ма̄нам̣ парин̃н̃ам̣ пан̃н̃апема, саман̣о а̄вусо готамо рӯпа̄нам̣ ¶ ведана̄нам̣ парин̃н̃ам̣ пан̃н̃апети, майампи рӯпа̄нам̣ ведана̄нам̣ парин̃н̃ам̣ пан̃н̃апема, идха но а̄вусо ко висесо, ко адхиппайа̄со, ким̣ на̄на̄каран̣ам̣ саман̣асса ва̄ готамасса амха̄кам̣ ва̄ йадидам̣ дхаммадесана̄йа ва̄ дхаммадесанам̣ ануса̄санийа̄ ва̄ ануса̄сани’’нти, етаматтхам̣ бхиккхӯ бхагавато а̄рочесум̣, тасмим̣ бханте ваттхусмим̣ бха̄ситам̣.

пуччха̄ – чӯл̣адуккхаккхандхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте капилаваттхусмим̣ маха̄на̄мам̣ саккам̣ а̄раббха бха̄ситам̣, маха̄на̄мо бханте сакко бхагавантам̣ упасан̇камитва̄ етадавоча ‘‘дӣгхаратта̄хам̣ бханте бхагавата̄ евам̣ дхаммам̣ деситам̣ а̄джа̄на̄ми ‘лобхо читтасса упаккилесо, досо читтасса упаккилесо, мохо читтасса упаккилесо’ти, еван̃ча̄хам̣ бханте бхагавата̄ дхаммам̣ деситам̣ а̄джа̄на̄ми ‘лобхо читтасса упаккилесо, досо читтасса упаккилесо, мохо читтасса упаккилесо’ти. атха ча пана ме екада̄ лобхадхамма̄пи читтам̣ парийа̄да̄йа тит̣т̣ханти, досадхамма̄пи читтам̣ парийа̄да̄йа тит̣т̣ханти, мохадхамма̄пи читтам̣ парийа̄да̄йа тит̣т̣ханти, тасса майхам̣ бханте евам̣ хоти ‘ко су на̄ма ме дхаммо аджджхаттам̣ аппахино ¶ , йена ме екада̄ лобхадхамма̄пи читтам̣ парийа̄да̄йа тит̣т̣ханти, досадхамма̄пи читтам̣ парийа̄да̄йа тит̣т̣ханти, мохадхамма̄пи читтам̣ парийа̄да̄йа тит̣т̣хантӣ’ти’’, тасмим̣ бханте ваттхусмим̣ бха̄ситам̣.

пуччха̄ – анума̄насуттам̣ ¶ пана̄вусо каттха кам̣ а̄раббха кена бха̄ситам̣.

виссаджджана̄ – бхаггесу бханте сусума̄рагире бхесакал̣а̄ване а̄йасмата̄ маха̄моггалла̄наттхерена самбахуле бхиккхӯ а̄раббха бха̄ситам̣.

пуччха̄ – четокхиласуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – ванапаттхасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – мадхупин̣д̣икасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте дан̣д̣апа̄н̣им̣ саккам̣ а̄раббха бха̄ситам̣, дан̣д̣апа̄н̣и бханте сакко бхагавантам̣ упасан̇камитва̄ етадавоча ‘‘ким̣ ва̄дӣ саман̣о кимаккха̄йӣ’’ти, тасмим̣ бханте ваттхусмим̣ бха̄ситам̣.

пуччха̄ – дведха̄витаккасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – витаккасан̣т̣ха̄насуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – тена̄вусо ¶ бхагавата̄…пе… самма̄самбуддхена какачӯпамасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ мол̣ийапхаггунам̣ а̄раббха бха̄ситам̣, а̄йасма̄ бханте мол̣ийапхаггуно бхиккхунӣхи саддхим̣ ¶ ативелам̣ сам̣сат̣т̣хо вихарати, тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо а̄йасмато мол̣ийапхаггунасса там̣ бхагавато ова̄дам̣ сутва̄ катхам̣ читтам̣ уппаннам̣, катхан̃джа бхагава̄ уттари бхиккхӯна ова̄дамада̄си.

виссаджджана̄ – атха кхо бханте мол̣ийапхаггунасса бхагавато имам̣ ова̄дам̣ сутва̄ бхиккхунисам̣саггато орамисса̄ми вирамисса̄мӣтипи читтам̣ на уппаннам̣, асам̣варамева бханте читтам̣ уппаннам̣, бхагава̄ ча бханте а̄ра̄дхайим̣су вата ме бхиккхаве бхиккхӯ екам̣ самайам̣ читтам̣, евама̄дина̄ уттари бхиккхӯнам̣ ова̄дамада̄си.

убхато ¶ дан̣д̣акена чепи бхиккхаве какачена чора̄ очарака̄ ан̇гаман̇га̄ни окантеййум̣.

пуччха̄ – алагаддӯпамасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте арит̣т̣хам̣ бхиккхум̣ гаддхаба̄дхипуббам̣ а̄раббха бха̄ситам̣, арит̣т̣хасса бханте бхиккхуно гаддхаба̄дхипуббасса еварӯпам̣ па̄пакам̣ дит̣т̣хигатам̣ уппаннам̣ ‘‘татха̄хам̣ бхагавата̄ дхаммам̣ деситам̣ а̄джа̄да̄ми, йатха̄ йеме антара̄йика̄ дхамма̄ вутта̄ бхагавата̄, те пат̣исевато на̄лам̣ антара̄йа̄йа̄’’ти, тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо а̄йасмато арит̣т̣хасса гаддхаба̄дхипуббасса катхам̣ четасо паривитакко удапа̄ди, катхан̃ча бхагава̄ уттари бхиккхунам̣ дхаммадесанам̣ паваттеси.

виссаджджана̄ – атха кхо бханте арит̣т̣хасса бхиккхуно гаддхаба̄дхипуббасса ‘‘кин̃ча̄пи мам̣ бхагава̄ могхапурисава̄дена вадеси, на кхо пана ме маггапхала̄нам̣ упаниссайо на хоти, сва̄хам̣ а̄рабхитва̄ гхат̣т̣етва̄ маггапхала̄ни ниббаттесса̄мӣ’’ти, евам̣ кхо бханте четасо паривитакко удапа̄ди, бхагава̄ ча бханте дуппан̃н̃асса алагаддӯпамам̣ дассетва̄ алагаддӯпамам̣ парийаттин̃ча дассетва̄ пан̃н̃авато алагаддӯпама̄йа ча куллӯпама̄йа ча пан̃н̃авато ниссаран̣апарийаттим̣ дассетва̄ чха ча дит̣т̣хит̣т̣ха̄на̄ни, тесан̃ча чханнам̣ дит̣т̣хит̣т̣ха̄на̄нам̣ винивет̣хана̄ка̄рам̣ дассетва̄ парийоса̄не ча кхандхакаммат̣т̣ха̄нам̣ арахаттаникӯт̣ена дассетва̄ уттари бхиккхӯнам̣ дхаммакатхам̣ паваттеси.

пуччха̄ – дхаммикасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ кума̄ракассапам̣ а̄раббха бха̄ситам̣. а̄йасма̄ бханте кума̄ракассапо бхагавантам̣ упасан̇камитва̄ ваммикапан̃хам̣ пуччхи, тасмим̣ бханте ваттхусмим̣ бха̄ситам̣.

пуччха̄ – ратхавинӣтасуттам̣ ¶ пана̄вусо каттха кена бха̄ситам̣.

виссаджджана̄ – са̄ваттхийам̣ бханте а̄йасмата̄ ча са̄рипуттаттхерена дхаммасена̄патина̄ а̄йасмата̄ ча пун̣н̣ена манта̄н̣ипуттена ан̃н̃аман̃н̃ам̣ пуччха̄виссаджджанавасена бха̄ситам̣.

пуччха̄ – нива̄пасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – имасмим̣ ¶ а̄вусо сутте ко нива̄по ко нева̄пико ка̄ нева̄пикапариса̄ ка̄ мигаджа̄та̄ катхан̃четисса̄ упама̄йа аттхо дат̣т̣хаббо.

виссаджджана̄ – имасмим̣ бханте сутте нива̄поти кхо бханте пан̃чаннетам̣ ка̄магун̣а̄нам̣ адхивачанам̣, нева̄пикоти кхо бханте ма̄рассетам̣ па̄пимато адхивачанам̣, нева̄пикапариса̄ти кхо бханте ма̄рапариса̄йетам̣ адхивачанам̣, мигаджа̄та̄ти кхо бханте саман̣абра̄хман̣а̄наметам̣ адхивачанам̣, имасмим̣ бханте сутте етасса аттхо евам̣ дат̣т̣хаббо.

пуччха̄ – кена̄вусо ¶ бхагавата̄…пе… самма̄самбуддхена па̄сара̄сисуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, самбахула̄ бханте бхиккхӯ раммакасса бра̄хман̣асса ассаме бхагавантам̣ а̄раббха дхаммийа̄ катха̄йа саннисӣдим̣су, тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо тесам̣ самбахула̄нам̣ бхиккхӯнам̣ дхаммийа̄ катха̄йа саннисинна̄нам̣ кӣдисам̣ дхаммакатхам̣ катхеси.

виссаджджана̄ – са̄дху бхиккхаве етам̣ кхо бхиккхаве тумха̄кам̣ патирӯпам̣ кулапутта̄нам̣ саддха̄ ага̄расма̄ анага̄рийам̣ паббаджита̄нам̣, йам̣ тумхе дхаммийа̄ катха̄йа саннисӣдеййа̄тха, саннипатита̄нам̣ во бхиккхаве двайам̣ каран̣ӣйам̣ дхаммӣ ва̄ катха̄ арийо ва̄ тун̣хӣбха̄во. двема̄ бхиккхаве парийесана̄ арийа̄ ча парийесана̄ анарийа̄ ча парийесана̄. евама̄дина̄ бханте бхагава̄ саннипатита̄нам̣ тесам̣ бхиккхӯнам̣ арийапарийесанан̃ча анарийапарийесанан̃ча вибхаджитва̄ десеси.

пуччха̄ – катхан̃ча̄вусо ¶ бхагава̄ аттана̄пи анарийапарийесанам̣ паха̄йа арийапарийесана̄йа парийеситабха̄вам̣ пака̄сеси.

виссаджджана̄ – ахампи судам̣ бхиккхаве пуббева самбодха̄ анабхисамбуддхо бодхисаттова сама̄но аттана̄ джа̄тидхаммо сама̄но джа̄тидхаммам̣йева парийеса̄ми, аттана̄ джара̄дхаммо бйа̄дхидхаммо маран̣адхаммо сокадхаммо сам̣килесадхаммо сама̄но сам̣килесадхаммам̣йева парийеса̄ми. евама̄дина̄ бханте бхагава̄ аттана̄пи анарийапарийесанам̣ паха̄йа арийапарийесана̄йа парийеситабха̄вам̣ пака̄сеси.

пуччха̄ – евам̣ ¶ пат̣хама̄бхисамбуддхасса а̄вусо бхагавато аджапа̄ланигродхаруккхамӯле нисиннасса дхаммадесана̄йа катасаннит̣т̣ха̄насса кӣдисо

четасо ¶ паривитакко удапа̄ди, катхан̃ча дхаммадесана̄йа ча̄рика̄ ахоси, катхан̃ча пат̣хама̄ дхаммадесана̄ ахоси.

виссаджджана̄ – ‘‘касса ну кхо ахам̣ пат̣хамам̣ дхаммам̣ десеййам̣, ко имам̣ дхаммам̣ кхиппамева а̄джа̄ниссатӣ’’ти евам̣ кхо бханте бхагавато пат̣хама̄бхисамбуддхасса аджапа̄ланигродхамӯле дхаммадесана̄йа катасаннит̣т̣ха̄насса паривитакко удапа̄ди, атха бханте бхагава̄ урувела̄йам̣ йатха̄бхирантам̣ вихаритва̄ йена ба̄ра̄н̣асӣ, тена падаса̄йева ча̄рикам̣ пакка̄ми дхаммадесана̄йа, двеме бхиккхаве анта̄ паббаджитена на севитабба̄, катаме две, йо ча̄йам̣ ка̄месу ка̄масукхаллика̄нуйого хӣно га̄ммо потхуджджанико анарийо анаттасам̣хито, евама̄дина̄ бханте бхагавато пат̣хама̄ дхаммадесана̄ ахоси.

пуччха̄ – катхан̃ча̄вусо ¶ бхагава̄ па̄сара̄сиупама̄йа там̣ десанам̣ паринит̣т̣ха̄песи.

виссаджджана̄ – пан̃чиме бхиккхаве ка̄магун̣а̄, катаме пан̃ча, чаккхувин̃н̃еййа̄ рӯпа̄ ит̣т̣ха̄ канта̄ мана̄па̄ пийарӯпа̄ ка̄мӯпасам̣хита̄ раджанӣйа̄. сотавин̃н̃еййа̄ садда̄. гха̄навин̃н̃еййа̄ гандха̄. дживха̄вин̃н̃еййа̄ раса̄. ка̄йавин̃н̃еййа̄ пхот̣т̣хабба̄ ит̣т̣ха̄ канта̄ мана̄па̄ пийарӯпа̄ ка̄мӯпасам̣хита̄ раджанӣйа̄. име кхо бхиккхаве пан̃ча ка̄магун̣а̄. йе хи кечи бхиккхаве саман̣а̄ ва̄ бра̄хман̣а̄ ва̄ име ка̄магун̣е гатхита̄ муччхита̄ аджджхопанна̄ ана̄дӣнавадасса̄вино аниссаран̣апан̃н̃а̄ парибхун̃джанти, те евамассу ведитабба̄ ‘‘анайама̄панна̄ бйа̄санама̄панна̄ йатха̄ка̄макаран̣ӣйа̄ па̄пимато’’, евама̄дина̄ бханте бхагава̄ па̄сара̄сиупама̄йа дхаммадесанам̣ паринит̣т̣ха̄песи.

пуччха̄ – тена̄вусо ¶ джа̄ната̄…пе… самма̄самбуддхена чӯл̣ахаттхипадопамасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте джа̄н̣уссон̣им̣ бра̄хман̣ам̣ а̄раббха бха̄ситам̣. джа̄н̣уссон̣и бханте бра̄хман̣о бхагавантам̣ упасан̇камитва̄ йа̄ватако ахоси пилотикена парибба̄джакена саддхим̣ катха̄салла̄по, там̣ саббам̣ бхагавато а̄рочеси, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ бхагава̄ хаттхипадопамам̣ виттха̄рена парипӯретва̄ десеси.

виссаджджана̄ – ‘‘на кхо бра̄хман̣а етта̄вата̄ хаттхипадопамо виттха̄рена парипӯро хоти, апи ча бра̄хман̣а йатха̄ хаттхипадопамо виттха̄рена парипӯро хоти, там̣ сун̣а̄хи са̄дхукам̣ манасикарохи бха̄сисса̄мӣ’’ти, евама̄дина̄ бханте бхагава̄ хаттхипадопамам̣ парипӯретва̄ бра̄хман̣асса джа̄н̣уссон̣исса десеси.

пуччха̄ – маха̄хаттхипадопамасуттам̣ ¶ пана̄вусо каттха кам̣ а̄раббха кена бха̄ситам̣.

пуччха̄ – маха̄са̄ропамасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте девадаттам̣ а̄раббха бха̄ситам̣, девадатто бханте сан̇гхам̣ бхиндитва̄ рухируппа̄дакаммам̣ катва̄ ачирапакканто хоти, тасмим̣ бханте ваттхусмим̣ бха̄ситам̣.

пуччха̄ – чӯл̣аса̄ропамасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте пин̇галакоччхам̣ бра̄хман̣ам̣ а̄раббха бха̄ситам̣, пин̇галакоччхо бханте бра̄хман̣о бхагавантам̣ упасан̇камитва̄ пан̃хам̣ пуччхи, тасмим̣ бханте ваттхусмим̣ бха̄ситам̣.

пуччха̄ – чӯл̣агосин̇гасуттам̣ ¶ пана̄вусо бхагавата̄ каттха кена саддхим̣ бха̄ситам̣.

виссаджджана̄ – на̄бхике бханте госин̇гаса̄лаванада̄йе а̄йасмата̄ ануруддхаттхерена саддхим̣ бха̄ситам̣.

пуччха̄ – маха̄госин̇гасуттам̣ пана̄вусо бхагавата̄ каттха кена саддхим̣ бха̄ситам̣.

виссаджджана̄ – госин̇гаса̄лаванада̄йе бханте а̄йасмата̄ ча са̄рипуттаттхерена дхаммасена̄патина̄ а̄йасмата̄ ча маха̄моггалла̄наттхерена саддхим̣ бха̄ситам̣.

пуччха̄ – маха̄гопа̄лакасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – чӯл̣агопа̄лакасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – ваджджӣсу бханте уккачела̄йам̣ ган̇га̄йа надийа̄ тӣре самбахуле бхиккхӯ а̄раббха бха̄ситам̣.

пуччха̄ – тена̄вусо ¶ джа̄ната̄…пе… самма̄самбуддхена чӯл̣асаччакасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте саччакам̣ ниган̣т̣хапуттам̣ а̄раббха бха̄ситам̣, саччако ниган̣т̣хапутто махатийа̄ личчхавипариса̄йа саддхим̣ йена бхагава̄ тенупасан̇ками, упасан̇камитва̄ бхагавантам̣ етадавоча ‘‘катхам̣ пана бхавам̣ готамо са̄ваке винети, катхам̣ бха̄га̄ ча пана бхото готамасса са̄вакесу ануса̄санӣ бахула̄ паваттатӣ’’ти, атха бханте бхагавата̄ аниччава̄де ча анаттава̄де ча пака̄сите саччако ниган̣т̣хапутто патхавӣупамам̣ дассетва̄ аттано аттава̄дам̣ пака̄сеси, тасмим̣ бханте ваттхусмим̣ бха̄ситам̣.

пуччха̄ – евам̣ ¶ а̄вусо саччакена ниган̣т̣хапуттена маха̄патхавӣупамам̣ дассетва̄ аттава̄де пака̄сите катхам̣ бхагава̄ там̣ аттава̄дам̣ пуна патит̣т̣ха̄петва̄ самануйун̃джи самануга̄хи саманубха̄си.

виссаджджана̄ – ‘‘нану твам̣ аггивессана евам̣ вадеси, рӯпам̣ ме атта̄, ведана̄ ме атта̄, сан̃н̃а̄ ме атта̄, сан̇кха̄ра̄ ме атта̄, вин̃н̃а̄н̣ам̣ ме атта̄’’ти, евам̣ кхо бханте бхагава̄ саччакам̣ ниган̣т̣хапуттам̣ там̣ аттава̄дам̣ патит̣т̣ха̄песи. патит̣т̣ха̄петва̄ ча пана бханте бхагава̄ ‘‘тена хи аггивессана тан̃н̃еветтха пат̣ипуччхисса̄ми, йатха̄ те кхамеййа, татха̄ там̣ бйа̄кареййа̄сӣ’’ти евама̄дина̄ бханте бхагава̄ саччакам̣ ниган̣т̣хапуттам̣ самануйун̃джи самануга̄хи саманубха̄си.

пуччха̄ – евам̣ ¶ кхо а̄вусо саччаке ниган̣т̣хапутте тун̣хӣбхӯте адхомукхе паджджха̄йанте аппат̣ибха̄не нисинне думмукхо на̄ма личчхавипутто бхагавантам̣ ким̣ вачанам̣ авоча.

виссаджджана̄ – евам̣ бханте саччаке ниган̣т̣хапутте тун̣хӣбхӯте ман̇кубхӯте паттаккхандхе адхомукхе паджджха̄йанте аппат̣ибха̄не думмукхо личчхавипутто ¶ бхагавантам̣ етадавоча ‘‘упама̄ мам̣ бхагава̄ пат̣ибха̄тӣ’’ти.

пуччха̄ – атха ¶ кхо а̄вусо саччако ниган̣т̣хапутто бхагавантам̣ кӣдисам̣ пан̃хам̣ пуччхи, катхан̃ча там̣ бхагава̄ бйа̄ка̄си.

виссаджджана̄ – атха кхо бханте саччако ниган̣т̣хапутто думмукхам̣ личчхавим̣ апаса̄детва̄ бхагавантам̣ секхан̃ча асекхан̃ча пан̃хам̣ пуччхи, бхагава̄ ча бханте ‘‘идха аггивессана мама са̄вако йам̣ кин̃чи рӯпам̣ атӣта̄на̄гатапаччуппаннам̣ аджджхаттам̣ ва̄ бахиддха̄ ва̄ ол̣а̄рикам̣ ва̄ сукхумам̣ ва̄ хӣнам̣ ва̄ пан̣ӣтам̣ ва̄ йам̣ дӯре сантике ва̄’’ евама̄дина̄ секхан̃ча асекхан̃ча пуггалам̣ вибхаджитва̄ бйа̄ка̄си.

буддхо ¶ со бхагава̄ бодха̄йа дхаммам̣ десети.

данто со бхагава̄ даматха̄йа дхаммам̣ десети.

санто со бхагава̄ саматха̄йа дхаммам̣ десети.

тин̣н̣о со бхагава̄ таран̣а̄йа дхаммам̣ десети.

париниббуто со бхагава̄ паринибба̄на̄йа дхаммам̣ десети.

пуччха̄ – маха̄саччакасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте саччакам̣йева ниган̣т̣хапуттам̣ а̄раббха бха̄ситам̣. саччако бханте ниган̣т̣хапутто апарадивасе бхагавантам̣ упасан̇камитва̄ бхагавато са̄ваке а̄саджджа бха̄вана̄двайапат̣исам̣йуттам̣ ва̄чам̣ бха̄сати, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ бхагава̄ саччакам̣ ниган̣т̣хапуттам̣ пат̣ипуччхитва̄ бха̄вана̄двайам̣ вибхаджджа катхеси.

виссаджджана̄ – атха кхо бханте бхагава̄ ‘‘кинти пана те аггивессана ка̄йабха̄вана̄ сута̄’’ти евама̄дина̄ саччакам̣ ниган̣т̣хапуттам̣ пат̣ипуччхитва̄, катхан̃ча аггивессана абха̄витака̄йо ча хоти абха̄витачитто ча евама̄дина̄ бха̄вана̄двайам̣ вибхаджитва̄ бйа̄ка̄си.

пуччха̄ – атха ¶ кхо а̄вусо саччако ниган̣т̣хапутто бхагавантам̣ ким̣ вачанам̣ авоча, катхан̃ча бхагава̄ падха̄нака̄ле аттана̄анубхӯтапубба̄ парамуккам̣сагата̄ сукхадуккхаведана̄йо пака̄сеси, йа̄пи бхагавато читтам̣ на парийа̄да̄йа ат̣т̣хам̣су.

виссаджджана̄ – атха кхо бханте саччако ниган̣т̣хапутто бхагавантам̣ етадавоча ‘‘на хи нӯна бхото готамасса уппаджджати, татха̄ рӯпа̄ сукха̄ведана̄, йатха̄рӯпа̄ уппанна̄ сукха̄ведана̄ читтам̣ парийа̄да̄йа тит̣т̣хеййа, на хи нӯна бхото готамасса уппаджджати татха̄рӯпа̄ дуккха̄ ведана̄, йатха̄рӯпа̄ уппанна̄ дуккха̄ ведана̄ читтам̣ парийа̄да̄йа тит̣т̣хеййа̄’’ти атха кхо бхагава̄ ‘‘кин̃хи но сийа̄ аггивессана, идха ме ¶ аггивессена пуббева самбодха̄ анабхисамбуддхасса бодхисаттассева сато етадахоси, евама̄дина̄ бханте бхагава̄ падха̄нака̄ле аттана̄нубхӯтапубба̄ парамуккам̣сагата̄ сукхадуккхаведана̄йо виттха̄рена, йа̄пи бхагавато читтам̣ на парийа̄да̄йа ат̣т̣хам̣су.

пуччха̄ – тена̄вусо ¶ бхагавата̄ джа̄ната̄…пе… самма̄самбуддхена чӯл̣атан̣ха̄сан̇кхайасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте саккам̣ дева̄наминдам̣ а̄раббха бха̄ситам̣. сакко бханте дева̄наминдо бхагавантам̣ упасан̇камитва̄ етадавоча ‘‘китта̄вата̄нукхо бханте бхиккху сам̣кхиттена тан̣ха̄сан̇кхайавимутто хоти аччантанит̣т̣хо аччантайогаккхеми ¶ аччантабрахмача̄рӣ аччантапарийоса̄но сет̣т̣хо деваманусса̄на’’нти. тасмим̣ бханте ваттхусмим̣ бха̄ситам̣.

китта̄вата̄ ¶ ну кхо бханте бхиккху сам̣кхиттена тан̣ха̄сан̇кхайавимутто хоти аччантанит̣т̣хо аччантайогаккхемӣ аччантабрахмача̄рӣ аччантапарийа̄са̄но сет̣т̣хо деваманусса̄нам̣ –

пуччха̄ – маха̄тан̣ха̄сан̇кхайасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте са̄тим̣ бхиккхум̣ кеват̣т̣апуттам̣ а̄раббха бха̄ситам̣. са̄тисса бханте бхиккхуно кеват̣т̣апуттасса еварӯпам̣ па̄пакам̣ дит̣т̣хигатам̣ уппаннам̣ хоти ‘‘татха̄хам̣ бхагавата̄ дхаммам̣ деситам̣ а̄джа̄на̄ми, йатха̄ тадевидам̣ вин̃н̃а̄н̣ам̣ сандха̄вати ¶ сам̣сарати анан̃н̃а’’нти. тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо бхагава̄ катхам̣ бхиккхӯ а̄мантетва̄ ча пат̣ипуччхитва̄ ча анаттабха̄вадӣпикам̣ дхаммакатхам̣ катхеси.

виссаджджана̄ – атха бханте бхагава̄ бхиккхӯ ‘‘там̣ ким̣ ман̃н̃атха бхиккхаве, апина̄йам̣ са̄ти бхиккху кеват̣т̣апутто усмӣкатопи исмим̣ дхаммавинайе’’ти а̄мантетва̄, тумхепи ме бхиккхаве евам̣ дхаммам̣ деситам̣ а̄джа̄на̄тхатйа̄дина̄ бхиккхӯ пат̣ипуччхитва̄ ча йам̣ йадева бхиккхаве паччайам̣ пат̣ичча уппаджджати вин̃н̃а̄н̣ам̣, тена тенева вин̃н̃а̄н̣ам̣ твева сан̇кхйам̣ гаччхати, чаккхун̃ча пат̣ичча рӯпе ¶ ча уппаджджати вин̃н̃а̄н̣ам̣ чаккхувин̃н̃а̄н̣ам̣ твева сан̇кхйам̣ гаччхати, евама̄дина̄ бханте анаттата̄дӣпикам̣ дхаммим̣ катхам̣ катхеси.

пуччха̄ – маха̄ассапурасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ан̇гесу бханте ассапуре на̄ма ан̇га̄нам̣ нигаме бахӯ мануссе саддхе пасанне а̄рабббха бха̄ситам̣. бахӯ бханте манусса̄ саддха̄ пасанна̄ бхиккхусан̇гхам̣ саккаччам̣ упат̣т̣хахим̣су, саббака̄лан̃ча ратанаттайапат̣исам̣йуттам̣ ван̣н̣акатхам̣йева катхайим̣су. тасмим̣ бханте ваттхусмим̣ бха̄ситам̣.

пуччха̄ – катаме ¶ а̄вусо таттха бхагавата̄ дхамма̄ саман̣акаран̣а̄ ча бра̄хман̣акаран̣а̄ ча уттаруттари пан̣ӣтапан̣ӣта̄ десита̄.

виссаджджана̄ – хироттаппа̄ ¶ парисуддхака̄йасама̄ча̄ро парисуддхавачӣсама̄ча̄ро парисуддхаманосама̄ча̄ро парисуддха̄джӣво индрийесу гуттадва̄рата̄ бходжанематтан̃н̃ута̄ джа̄гарийа̄нуйого сатисампаджан̃н̃ам̣ нӣваран̣аппаха̄нам̣ чатта̄ри ча джха̄на̄ни тиссо ча виджджа̄ име кхо бханте таттха бхагавата̄ саман̣акаран̣а̄ ча бра̄хман̣акаран̣а̄ ча уттаруттари пан̣ӣтапан̣ӣта̄ дхамма̄ десита̄.

пуччха̄ – чӯл̣аассапурасуттам̣ ¶ пана̄вусо бхагавата̄ катта кам̣ а̄раббха бха̄ситам̣.

виссаджджана̄ – тасмим̣йева бханте ассапуре нигаме тейева мануссе саддхе пасанне а̄раббха бха̄ситам̣, тасмим̣йева бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагавата̄ саман̣аса̄мӣчиппат̣ипада̄ ча ассаман̣аса̄мӣчиппат̣ипада̄ ча вибхаджитва̄ десита̄.

виссаджджана̄ – ‘‘катхан̃ча бхиккхаве бхиккху на саман̣аса̄мӣчиппат̣ипадам̣ пат̣ипанно хоти, йасса кассачи бхиккхаве бхиккхуно абхиджджха̄лусса абхиджджха̄ аппахӣна̄ хоти, бйа̄панначиттасса бйа̄па̄до аппахӣно хотӣ’’ти евама̄дина̄ ча. катхан̃ча бхиккхаве бхиккху саман̣аса̄мӣчиппат̣ипадам̣ пат̣ипанно хоти, йасса кассачи бхиккхаве бхиккхуно абхиджджха̄лусса абхиджджха̄ пахӣна̄ хоти, бйа̄панначиттасса бйа̄па̄до пахӣно хоти евама̄дина̄ ча бханте бхагавата̄ таттха саман̣аса̄мӣчиппат̣ипада̄ ча ассаман̣аса̄мӣчиппат̣ипада̄ ча виттха̄рена вибхаджитва̄ десита̄.

пуччха̄ – са̄леййакасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косалесу бханте са̄ла̄йам̣ на̄ма бра̄хман̣ага̄ме са̄леййаке бра̄хман̣агахапатике а̄раббха бха̄ситам̣. са̄леййака̄ бханте бра̄хман̣агахапатика̄ бхагавантам̣ упасан̇камитва̄ етадавочум̣ ‘‘ко ну кхо бхо готама хету ко паччайо, йена мидхекачче сатта̄ ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджанти, ко пана бхо готама хету ко паччайо, йена мидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти. тасмим̣ бханте ваттхусмим̣ бха̄ситам̣.

пуччха̄ – веран̃джакасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте веран̃джаке бра̄хман̣агахапатике а̄раббха бха̄ситам̣. веран̃джака̄ бханте бра̄хман̣агахапатика̄ бхагавантам̣ упасан̇камитва̄ етадавочум̣ ‘‘ко ну кхо бхо готама хету ко паччайо, йена мидхекачче сатта̄ ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджанти, ко пана бхо готама хету ко паччайо, йена мидхекачче сатта̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджантӣ’’ти. тасмим̣ бханте ваттхусмим̣ бха̄ситам̣.

пуччха̄ – маха̄ведалласуттам̣ пана̄вусо каттха кена бха̄ситам̣.

виссаджджана̄ – са̄ваттхийам̣ бханте а̄йасмата̄ маха̄кот̣т̣хикена пут̣т̣хена а̄йасмата̄ са̄рипуттаттхерена дхаммасена̄патина̄ бха̄ситам̣.

пуччха̄ – чӯл̣аведалласуттам̣ ¶ пана̄вусо каттха кена бха̄ситам̣.

виссаджджана̄ – ра̄джагахе бханте виса̄кхена упа̄сакена пут̣т̣ха̄йа дхаммадинна̄йа тхерийа̄ бха̄ситам̣.

пуччха̄ – чӯл̣адхаммасама̄да̄насуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – маха̄дхаммасама̄да̄насуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – вӣмам̣сакасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – косамбийасуттам̣ пана̄вусо каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косамбийам̣ бханте косамбике бхиккхӯ а̄раббха бха̄ситам̣. косамбика̄ бханте бхиккхӯ бхан̣д̣анаджа̄та̄ калахаджа̄та̄ вива̄да̄панна̄ ¶ ан̃н̃аман̃н̃ам̣ мукхасаттӣхи витуданта̄ вихаранти. тасмим̣ бханте ваттхусмим̣ бха̄ситам̣.

пуччха̄ – брахманимантаникасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – ма̄ратаджджанӣйасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – саккесу бханте сусума̄рагире бхесакал̣а̄ване мигада̄йе а̄йасмата̄ маха̄моггалла̄нена ма̄рам̣ па̄пимантам̣ а̄раббха бха̄ситам̣. ма̄ро бханте па̄пима̄ а̄йасмато маха̄моггалла̄насса куччхигато хоти кот̣т̣хаманупавит̣т̣хо. тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ джа̄ната̄…пе… самма̄самбуддхена кандаракасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – чампа̄йам̣ бханте гаггара̄йа поккхаран̣ийа̄ тӣре пессан̃ча хаттха̄рохапуттам̣ кандаракан̃ча парибба̄джакам̣ а̄раббха бха̄ситам̣, кандарако бханте парибба̄джако бхагавато ча бхиккхусан̇гхасса ча ван̣н̣ам̣ абха̄си, пессо ча бханте хаттха̄рохапутто бхагавато ча дхаммадесана̄йа ча ван̣н̣ам̣ абха̄си. тасмим̣ бханте ваттхусмим̣ бха̄ситам̣.

пуччха̄ – евам̣ ¶ кхо а̄вусо кандаракена парибба̄джакена бхагавато ча бхиккхусан̇гхасса ча абхиппасаннена ван̣н̣е бха̄сите катхам̣ бхагава̄ там̣ самануджа̄нитва̄ дхаммадесана̄рамбхам̣ а̄рабхи, катхан̃ча пессо хаттха̄рохапутто бхагавато ча дхаммадесана̄йа ча ван̣н̣ам̣ абха̄си ¶ , катхан̃ча пессасса хаттха̄рохапуттасса аджджха̄сайа̄нурӯпам̣ дхаммам̣ десеси.

виссаджджана̄ – евам̣ кхо бханте кандаракена парибба̄джакена бхагавато ча бхиккхусан̇гхасса ча абхиппасаннена ван̣н̣е бха̄сите ‘‘еваметам̣ кандарака еваметам̣ кандарака’’ евама̄дина̄ бхагава̄ там̣ самануджа̄нитва̄ ‘‘санти хи кандарака бхиккхӯ имасмим̣ бхиккхусан̇гхе араханто кхӣн̣а̄сава̄ вуситаванто катакаран̣ӣйа̄ охитабха̄ра̄ ануппаттасадаттха̄ париккхӣн̣абхавасам̣йоджана̄ саммадан̃н̃а̄ вимутта̄’’ти евама̄дина̄ дхаммадесанам̣ сама̄рабхи. атха кхо бханте пессо хаттха̄рохапутто ‘‘аччхарийам̣ бханте аббхутам̣ бханте йа̄ва супан̃н̃атта̄ чиме бханте бхагавата̄ чатта̄ро сатипат̣т̣ха̄на̄ сатта̄нам̣ висуддхийа̄ сокапаридева̄нам̣ саматиккама̄йа дуккхадоманасса̄нам̣ аттхан̇гама̄йа н̃а̄йасса адхигама̄йа нибба̄насса саччхикирийа̄йа̄’’ти евама̄дина̄ бхагавато ча дхаммадесана̄йа ван̣н̣ам̣ абха̄си, бхагава̄пи бханте ‘‘гаханан̃хетам̣ песса йадидам̣ манусса̄, утта̄накан̃хетам̣ песса йадидам̣ пасаво’’тиа̄дина̄ пессасса хаттха̄рохапуттасса аджджха̄сайа̄нурӯпам̣ дхаммакатхам̣ десеси.

пуччха̄ – там̣ ¶ пана̄вусо дхаммадесанам̣ сутва̄ пессасса хаттха̄рохапуттасса кӣдисо а̄нисам̣со адхигато, катхан̃ча бхагава̄ там̣ пуггалачатуккадесанам̣ сам̣кхиттена бха̄ситам̣, бхиккхӯнам̣ виттха̄рена вибхаджитва̄ десеси.

виссаджджана̄ – там̣ кхо пана бханте дхаммам̣ сутва̄ пессасса хаттха̄рохапуттасса две а̄нисам̣са̄ адхигата̄ сан̇гхе ча паса̄до сатипат̣т̣ха̄напариггахан̣ӯпа̄йо ¶ ча абхинаво. бхагава̄ ча бханте там̣ пуггалачатуккадесанам̣ бхиккхӯхи йа̄чито ‘‘катамо ча бхиккхаве пуггало аттапарита̄пана̄нуйогамануйутто’’тиа̄дина̄ сам̣кхиттена бха̄ситам̣, виттха̄рена аттхам̣ авибхаттам̣. виттха̄рена вибхаджитва̄ десеси.

пуччха̄ – ат̣т̣хакана̄гарасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – веса̄лийам̣ бханте вел̣увага̄маке гахапатим̣ ат̣т̣хакана̄гарам̣ а̄раббха а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣. дасамо бханте гахапати ат̣т̣хакана̄гаро а̄йасмантам̣ а̄нандам̣ упасан̇камитва̄ етадавоча ‘‘аттхи ну кхо бханте а̄нанда тена бхагавата̄ джа̄ната̄ пассата̄ арахата̄ самма̄самбуддхена екадхаммо аккха̄то, йаттха бхиккхуно аппаматтасса а̄та̄пино пахитаттасса вихарато авимуттан̃чева читтам̣ вимуччати, апариккхин̣а̄ ча а̄сава̄ париккхайам̣ гаччханти, анануппаттан̃ча ануттарам̣ йогаккхемам̣ анупа̄пун̣а̄тӣ’’ти, тасмим̣ бханте ваттхусмим̣ бха̄ситам̣.

пуччха̄ – секхасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – саккесу бханте капилаваттхусмим̣ сантха̄га̄ре а̄йасмата̄ а̄нандаттхерена дхаммабхан̣д̣а̄га̄рикена ка̄пилаваттхаве сакйе а̄раббха бха̄ситам̣. бхагава̄ бханте ка̄пилаваттхаве сакйе бахудевараттим̣ дхаммийа̄ катха̄йа сандассетва̄ сама̄дапетва̄ самуттеджетва̄ сампахам̣сетва̄ а̄йасмантам̣ а̄нандам̣ а̄мантеси ‘‘пат̣ибха̄ту там̣ а̄нанда ка̄пилаваттхава̄нам̣ сакйа̄нам̣ секхо па̄т̣ипадо, пит̣т̣хи ме а̄гила̄йати, тамахам̣ а̄йамисса̄мӣ’’ти. тасмим̣ бханте ваттхусмим̣ бха̄ситам̣.

пуччха̄ – поталийасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ан̇гуттара̄песу бханте а̄пан̣е на̄ма ан̇гуттара̄па̄нам̣ нигаме поталийам̣ гахапатим̣ пат̣иккхиттасаббакаммантам̣ а̄раббха бха̄ситам̣. поталийо бханте гахапати пат̣иккхиттасаббакамманто йена бхагава̄ тенупасан̇ками, упасан̇каманто бхагавата̄ гахапатива̄дена самуда̄чарийама̄но купито анаттамано бхагавантам̣ етадавоча ‘‘тайидам̣ бхо готама наччханнам̣ тайидам̣ наппатирӯпам̣, йам̣ мам̣ твам̣ гахапатива̄дена самуда̄чарасӣ’’ти. тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ бхагава̄ ка̄ма̄нам̣ а̄дӣнавам̣ виттха̄рена пака̄сетва̄ арийасса винайе воха̄расамуччхедам̣ дассеси.

виссаджджана̄ – атха бханте бхагава̄ арийасса винайе воха̄расамуччхеда̄йа ат̣т̣ха дхамме вибхаджитва̄ ‘‘сеййатха̄пи гахапати куккуро джигхаччха̄дуббалйапарето гогха̄такасӯнам̣ паччупат̣т̣хито асса’’ евама̄дина̄ ка̄месу а̄дӣнавам̣ дассетва̄ парийоса̄не тӣхи виджджа̄хи арийасса винайе воха̄расамуччхедам̣ саббенасаббам̣ саббатха̄саббам̣ воха̄расамуччхедам̣ виттха̄рена вибхаджитва̄ десеси.

пуччха̄ – тена̄вусо ¶ бхагавата̄…пе… самма̄самбуддхена джӣвакасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе ¶ бханте джӣвакам̣ кома̄рабхаччам̣ а̄раббха бха̄ситам̣. джӣвако бханте кома̄рабхаччо бхагавантам̣ упасан̇камитва̄ етадавоча ‘‘сутам̣ метам̣ бханте саман̣ам̣ готамам̣ уддисса па̄н̣ам̣ а̄рабханти, там̣ саман̣о готамо джа̄нам̣ уддисса катам̣ мам̣сам̣ парибхун̃джати пат̣ичча камманти. йе те бханте евама̄хам̣су ‘саман̣ам̣ готамам̣ уддисса па̄н̣ам̣ а̄рабханти, там̣ саман̣о готамо джа̄нам̣ уддисса катам̣ мам̣сам̣ парибхун̃джати пат̣ичча камма’нти, каччи те бханте бхагавато вуттава̄дино на ча бхагавантам̣ абхӯтена аббха̄чиккханти, дхаммасса ча̄нудхаммам̣ бйа̄каронти, на ча кочи сахадхаммико ва̄да̄нува̄до га̄райхам̣ т̣ха̄нам̣ а̄гаччхатӣ’’ти. тасмим̣ бханте ваттхусмим̣ бха̄ситам̣.

пуччха̄ – упа̄лисуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – на̄л̣анда̄йам̣ бханте упа̄лим̣ гахапатим̣ а̄раббха бха̄ситам̣. упа̄ли бханте гахапати бхагавантам̣ упасан̇камитва̄ етадавоча ‘‘а̄гама̄ нукхвидха бханте дӣгхатапассӣ ниган̣т̣хо’’ти, евама̄дина̄ ча бханте упа̄ли гахапати бхагавато пат̣исандха̄рам̣ катва̄ аттано а̄чарийасса ниган̣т̣хасса на̄т̣апуттасса ва̄дам̣ пака̄сеси, ва̄дам̣ ван̣н̣еси. тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо бхагава̄ упа̄лим̣ гахапатим̣ тасмим̣ ва̄де катхам̣ самануйун̃джӣ самануга̄хӣ саманубха̄сӣ, катхан̃часса упа̄йам̣ дассетва̄ йатха̄бхӯтам̣ аттхам̣ н̃а̄песи.

виссаджджана̄ – атха кхо бханте бхагава̄ упа̄лим̣ гахапатим̣ ‘‘саче кхо твам̣ гахапати сачче патит̣т̣ха̄йа мантеййа̄си, сийа̄ но еттха катха̄салла̄по’’ти упа̄лим̣ гахапатим̣ катхам̣ самут̣т̣ха̄петва̄ ‘‘там̣ ¶ ким̣ман̃н̃аси гахапати, идхасса ниган̣т̣хо а̄ба̄дхико дуккхито ба̄н̃хагила̄но сӣтодакапариккхитто ун̣ходакапат̣исевӣ, со сӣтодакам̣ алабхама̄но ка̄лан̇кареййа̄’’ти евама̄дина̄ бханте бхагава̄ чатта̄ро упа̄йе дассетва̄ упа̄лим̣ гахапатим̣ йатха̄бхӯтаматтхам̣ н̃а̄песи.

пуччха̄ – евам̣ ¶ кхо а̄вусо упа̄ли гахапати бхагавата̄ сан̃н̃а̄пито имасмим̣ дхаммавинайе пасанно кӣдисам̣ пасанна̄ка̄рам̣ ака̄си, катхан̃ча бхагава̄ там̣ пуна ануса̄ситва̄ уттари винеси.

виссаджджана̄ – ‘‘пурименева̄хам̣ бханте опаммена бхагавато аттамано абхираддхо, апича̄хам̣ има̄ни бхагавато вичитра̄ни пан̃хапат̣ибха̄на̄ни сотука̄мо, ева̄хам̣ бхагавантам̣ паччанӣкам̣ ка̄таббам̣ аман̃н̃исса’’нти, евама̄дина̄ бханте упа̄ли гахапати бхагавата̄ вин̃н̃а̄пито имасмим̣ дхаммавинайе пасанно пасанна̄ка̄рам̣ ака̄си. таттха бхагава̄ ча бханте ‘‘анувиччака̄рам̣ кхо гахапати карохи, анувиччака̄ро тумха̄диса̄нам̣ н̃а̄таманусса̄нам̣ са̄дху хотӣ’’ти евама̄дина̄ пуна ануса̄ситва̄ уттари йа̄ва дхаммачаккхупат̣ила̄бха̄ винеси.

пуччха̄ – катхан̃ча̄вусо ¶ ниган̣т̣хасса на̄т̣апуттасса упа̄лисса гахапатисса нивесанам̣ гантва̄ а̄вӣмам̣сана̄ ча упа̄лисса гахапатисса паччуттара̄ катха̄ ча ахоси.

виссаджджана̄ – ‘‘умматтоси твам̣ гахапати даттоси твам̣ гахапатӣ’’ти евама̄дина̄ бханте ниган̣т̣хасса на̄т̣апуттасса упа̄лисса гахапатисса нивесанам̣ гантва̄ вӣмам̣са̄ ча ‘‘бхаддика̄ бханте а̄ват̣т̣анӣма̄йа̄ калйа̄н̣ӣ бханте а̄ват̣т̣анӣма̄йа̄ти’’ евама̄дина̄ упа̄лисса гахапатисса паччуттаракатха̄ ча ахоси.

пуччха̄ – куккураватикасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – колийесу бханте халиддавасане на̄ма колийа̄нам̣ нигаме пун̣н̣ан̃ча колийапуттам̣ говатикам̣ ачелан̃ча сенийам̣ куккураватикам̣ а̄раббха бха̄ситам̣. пун̣н̣о бханте колийа путто говатико бхагавантам̣ етадавоча ‘‘айам̣ бханте ачело сенийо куккураватико дуккарака̄рако чхама̄никкхиттам̣ бходжанам̣ бхун̃джати, тасса там̣ куккураватам̣ дӣгхараттам̣ саматтам̣ сама̄диннам̣, тасса ка̄ гати, ко абхисампара̄йо’’ти, тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ джа̄ната̄…пе… самма̄самбуддхена абхайара̄джакума̄расуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе ме бханте абхайам̣ ра̄джакума̄рам̣ а̄раббха бха̄ситам̣. абхайо бханте ра̄джакума̄ро бхагавантам̣ упасан̇камитва̄ етадавоча ‘‘бха̄сеййа ну кхо бханте татха̄гато там̣ ва̄чам̣, йа̄ са̄ ва̄ча̄ паресам̣ аппийа̄ амана̄па̄’’ти, тасмим̣ бханте ваттхусмим̣ бха̄ситам̣.

пуччха̄ – бахуведанӣйасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантан̃ча уда̄йим̣ пан̃чакан̇ган̃ча тхапатим̣ а̄раббха бха̄ситам̣, пан̃чакан̇го бханте тхапати а̄йасмантам̣ уда̄йим̣ упасан̇камитва̄ веданам̣ пуччхи, а̄йасма̄ бханте уда̄йӣ пан̃чакан̇гам̣ тхапатим̣ етадавоча ‘‘тиссо кхо тхапати ведана̄ вутта̄ бхагавата̄ сукха̄ ведана̄ дуккха̄ ведана̄ адуккхамасукха̄ ведана̄’’ти. евам̣ вутте бханте пан̃чакан̇го тхапати а̄йасмантам̣ уда̄йим̣ етадавоча ‘‘на кхо бханте уда̄йи тиссо ведана̄ вутта̄ бхагавата̄, две ведана̄ вутта̄ бхагавата̄ сукха̄ ведана̄ дуккха̄ ведана̄, йа̄йам̣ бханте адуккхамасукха̄ ведана̄, сантасмим̣ еса̄ пан̣ӣте сукхе вутта̄ бхагавата̄’’ти. нева асаккхи кхо бханте а̄йасма̄ уда̄йӣ пан̃чакан̇гам̣ тхапатим̣ сан̃н̃а̄петум̣, на пана асаккхи пан̃чакан̇го тхапати а̄йасмантам̣ уда̄йим̣ сан̃н̃а̄петум̣. ассоси кхо а̄йасма̄ а̄нандо а̄йасмато уда̄йисса пан̃чакан̇гена тхапатина̄ саддхим̣ имам̣ катха̄салла̄пам̣, атха кхо бханте а̄йасма̄ а̄нандо йа̄ватако ахоси ¶ а̄йасмато уда̄йисса пан̃чакан̇гена тхапатина̄ саддхим̣ катха̄салла̄по, там̣ саббам̣ бхагавато а̄рочеси. тасмим̣ бханте ваттхусмим̣ бха̄ситам̣.

пуччха̄ – апан̣н̣акасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косалесу бханте са̄ла̄йам̣ на̄ма косала̄нам̣ бра̄хман̣ага̄ме са̄леййаке бра̄хман̣агахапатике а̄раббха бха̄ситам̣. самбахула̄ бханте ан̃н̃атиттхийа̄ са̄леййака̄нам̣ ¶ бра̄хман̣агахапатика̄нам̣ аттано аттано миччха̄дит̣т̣хийо пат̣игган̣ха̄песум̣ угган̣ха̄песум̣. те пана бханте са̄леййака̄ бра̄хман̣агахапатика̄ екадит̣т̣хийампи патит̣т̣ха̄тум̣ на саккхим̣су. тасмим̣ бханте ваттхусмим̣ бха̄ситам̣.

пуччха̄ – татра ¶ а̄вусо бхагавата̄ пат̣хамам̣ миччха̄ва̄до ча самма̄ва̄до ча катхам̣ вибхаджитва̄ пака̄сито.

виссаджджана̄ – татра бханте бхагавата̄ ‘‘санти гахапатайо еке саман̣абра̄хман̣а̄ евам̣ва̄дино евам̣дит̣т̣хино наттхи диннам̣ наттхи йит̣т̣хам̣ наттхи хутам̣ наттхи сукатадуккат̣а̄нам̣ камма̄нам̣ пхалам̣ випа̄ко’’ти евама̄дина̄ пат̣хамам̣ миччха̄ва̄до ча самма̄ва̄до ча вибхаджитва̄ пака̄сито.

пуччха̄ – таттха ¶ а̄вусо бхагавата̄ миччха̄ва̄дӣнан̃ча досо самма̄ва̄дӣнан̃ча гун̣о катхам̣ вича̄ретва̄ пака̄сито.

виссаджджана̄ – таттха бханте бхагавата̄ ‘‘татра гахапатайо йете саман̣абра̄хман̣а̄ евам̣ва̄дино евам̣дит̣т̣хино наттхи диннам̣ наттхи йит̣т̣хам̣ наттхи хутам̣ наттхи сукатадуккат̣а̄нам̣ камма̄нам̣ пхалам̣ випа̄ко’’ти евама̄дина̄ бханте миччха̄ва̄дӣнан̃ча досо самма̄ва̄дӣнан̃ча гун̣о бхагавата̄ вича̄ретва̄ пака̄сито.

пуччха̄ – катхан̃ча̄вусо ¶ таттха бхагавата̄ вин̃н̃уно пурисапуггаласса пат̣исан̃чиккхан̣а̄ пака̄сита̄.

виссаджджана̄ – татра ¶ гахапатайо вин̃н̃ӯ пурисо ити пат̣исан̃чиккхатӣти евама̄дина̄ бханте таттха бхагавата̄ вин̃н̃уно пурисапуггаласса пат̣исан̃чиккхан̣а̄ пака̄сита̄.

пуччха̄ – катхан̃ча̄вусо ¶ бхагавата̄ ан̃н̃есупи миччха̄ва̄дасамма̄ва̄десу апан̣н̣акапат̣ипада̄ вича̄ретва̄ пака̄сита̄, там̣ сан̇кхепато катхеси.

виссаджджана̄ – йатхева бханте пат̣хаме ва̄де, евамева кхо бханте акирийава̄да̄дӣсу чатӯсу ча миччха̄ва̄десу досам̣ кирийава̄да̄дӣсу ча чатӯсу самма̄ва̄десу гун̣ам̣, таттха ча вин̃н̃уно пурисасса пат̣исан̃чиккхан̣а̄ка̄рам̣ дассетва̄ бхагавата̄ апан̣н̣акапат̣ипада̄ пака̄сита̄.

пуччха̄ – амбалат̣т̣хикара̄хулова̄дасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – ра̄джагахе бханте а̄йасмантам̣ ра̄хулам̣ а̄раббха бха̄ситам̣.

пуччха̄ – маха̄ра̄хулова̄дасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ ра̄хулам̣ а̄раббха бха̄ситам̣. а̄йасма̄ бханте ра̄хуло бхагавато чева аттано ча аттабха̄васампаттим̣ нисса̄йа гехасситам̣ чхандара̄гам̣ уппа̄деси. тасмим̣ бханте ваттхусмим̣ бха̄ситам̣.

пуччха̄ – чӯл̣ама̄лукйасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ ма̄лукйапуттам̣ а̄раббха бха̄ситам̣. а̄йасма̄ бханте ма̄лукйапутто аттано павивиттасса рахогатасса пат̣исаллӣнасса четасо паривитаккам̣ бхагавато а̄рочеси. тасмим̣ бханте ваттхусмим̣ бха̄ситам̣.

пуччха̄ – маха̄ма̄лукйасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – тасмим̣йева бханте са̄ваттхийам̣ а̄йасмантам̣ маха̄ма̄лукйапуттам̣ а̄раббха бха̄ситам̣.

пуччха̄ – тена̄вусо ¶ бхагавата̄…пе… самма̄самбуддхена бхадда̄лисуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ бхадда̄лим̣ а̄раббха бха̄ситам̣. а̄йасма̄ бханте бхадда̄ли бхагавата̄ сиккха̄паде пан̃н̃а̄пийама̄не бхиккхусан̇гхе сиккхам̣ сама̄дийама̄не анусса̄хам̣ паведеси. тасмим̣ бханте ваттхусмим̣ бха̄ситам̣.

аччайо ¶ мам̣ бханте аччагама̄ йатха̄ба̄лам̣ йатха̄мӯл̣хам̣ йатха̄акусалам̣, йохам̣ бхагавата̄ сиккха̄паде пан̃н̃а̄пийама̄не бхиккхусан̇гхе сиккхам̣ сама̄дийама̄не анусса̄хам̣ паведесим̣, тасса ме бханте бхагава̄ аччайам̣ аччайато пат̣игган̣ха̄ту а̄йатим̣ сам̣вара̄йа –

пуччха̄ – атха ¶ кхо а̄вусо а̄йасма̄ бхадда̄ли бхагавантам̣ кӣдисам̣ пан̃хам̣ пуччхи, катхан̃часса бхагава̄ там̣ вибхаджитва̄ бйа̄ка̄си.

виссаджджана̄ – атха кхо бханте а̄йасма̄ бхадда̄ли ‘‘ко ну кхо бханте хету, ко паччайо, йена мидхекаччам̣ бхиккхум̣ пасайу пасайу ка̄ран̣ам̣ каронтӣ’’ти евама̄дина̄ бхагавантам̣ пан̃хам̣ апуччхи. бхагава̄ ча бханте ‘‘идха бхадда̄ли екаччо бхиккху абхин̣ха̄паттико хоти, а̄паттибахуло’’ евама̄дина̄ а̄йасмато бхадда̄лисса вибхаджитва̄ бйа̄ка̄си.

пуччха̄ – тада̄пи ¶ кхо а̄вусо а̄йасма̄ бхадда̄ли пунапи бхагавантам̣ кӣдисам̣ пан̃хам̣ пуччхи, катхан̃часса бхагава̄ тампи вибхаджитва̄ бйа̄ка̄си.

виссаджджана̄ – тада̄пи бханте а̄йасма̄ бхадда̄ли ‘‘ко ну кхо бханте хету, ко паччайо, йена пуббе аппатара̄ни чева сиккха̄пада̄ни ахесум̣, бахутара̄ ча бхиккхӯ ан̃н̃а̄йа сан̣д̣ахим̣су. ко пана бханте хету, ко паччайо йена етарахи бахутара̄ни чева сиккха̄пада̄ни хонти аппатара̄ ча бхиккхӯ ан̃н̃а̄йа сан̣д̣ахантӣ’’ти бхагавантам̣ пунапи пан̃хам̣ апуччхи. бхагава̄ ча бханте ‘‘еваметам̣ бхадда̄ли хоти, саттесу ха̄йама̄несу саддхамме антарадха̄йама̄не бахутара̄ни хонти аппатара̄ ча бхиккхӯ ан̃н̃а̄йа сан̣д̣ахантӣ’’ти, евама̄дина̄ а̄йасмато бхадда̄лисса вибхаджитва̄ вибхаджитва̄ бйа̄ката̄.

пуччха̄ – лат̣укикопамасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ан̇гуттара̄песу бханте а̄пан̣е на̄ма ан̇гуттара̄па̄нам̣ нигаме а̄йасмантам̣ уда̄йим̣ а̄раббха бха̄ситам̣. а̄йасма̄ бханте уда̄йӣ бхагавантам̣ упасан̇камитва̄ етадавоча ‘‘идха майхам̣ бханте рахогатасса пат̣исаллӣнасса евам̣ четасо паривитакко удапа̄ди ‘‘бахӯнам̣ вата но бхагава̄ дуккхадхамма̄нам̣ апахатта̄, бахӯнам̣ вата но бхагава̄ сукхадхамма̄нам̣ упахатта̄, бахӯнам̣ вата но бхагава̄ акусала̄нам̣ дхамма̄нам̣ апахатта̄, бахӯнам̣ вата но бхагава̄ кусала̄нам̣ дхамма̄нам̣ упахатта̄’ти’’. тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо бхагава̄ кӣдисӣ упама̄йо дассетва̄ бхиккхӯнам̣ ова̄дам̣ ада̄си.

виссаджджана̄ – атха кхо бханте бхагава̄ лат̣укикопамам̣ хаттхина̄гопамам̣ далиддапурисопамам̣ гахапатикопаманти чатассо упама̄йо дассетва̄ бхиккхӯнам̣ ова̄дамада̄си.

пуччха̄ – еван̃ча̄вусо ¶ бхагава̄ чатӯхи упама̄хи бхиккхӯнам̣ ова̄дам̣ датва̄ катхам̣ уттари дхаммадесанам̣ павад̣д̣хеси.

виссаджджана̄ – евам̣ кхо бханте бхагава̄ чатӯхи упама̄хи бхиккхӯнам̣ ова̄дам̣ датва̄ ‘‘чатта̄ро ме уда̄йи пуггала̄ санто сам̣виджджама̄на̄ локасмим̣’’нти евама̄дина̄ уттари бхиккхӯнам̣ дхаммакатхам̣ павад̣д̣хеси.

пуччха̄ – ча̄тумасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ча̄тума̄йам̣ бханте а̄йасманта̄нам̣ са̄рипуттамоггала̄наттхера̄нам̣ саддхивиха̄рике адхуна̄ паббаджите самбахуле бхиккхӯ а̄раббха бха̄ситам̣. са̄рипуттамоггалла̄наппамукха̄ни бханте пан̃чаматта̄ни бхиккхусата̄ни ча̄тумам̣ ануппатта̄ни хонти бхагавантам̣ дассана̄йа, те ча а̄гантука̄ бхиккхӯ нева̄сикехи бхиккхӯхи саддхим̣ пат̣исаммодама̄на̄ сена̄сана̄ни пан̃н̃а̄пайама̄на̄ паттачӣвара̄ни пат̣иса̄майама̄на̄ учча̄садда̄ маха̄садда̄ ахесум̣. тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагава̄ бхиккхӯнам̣ ова̄дам̣ ада̄си.

виссаджджана̄ – чатта̄рима̄ни бхиккхаве бхайа̄ни удакороханте па̄тикан̇кхитабба̄нӣти евама̄дина̄ бханте бхагава̄ таттха бхиккхӯнам̣ ова̄дам̣ ада̄си.

пуччха̄ – нал̣акапа̄насуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – нал̣акапа̄не бханте ануруддхаттхераппамукхе самбахуле абхин̃н̃а̄те абхин̃н̃а̄те кулапутте а̄раббха бха̄ситам̣.

пуччха̄ – голийа̄нисуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – ра̄джагахе бханте а̄йасмантам̣ голийа̄ним̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣. а̄йасма̄ бханте голийа̄ни а̄ран̃н̃ико падасама̄ча̄ро сан̇гхамаджджхе осат̣о хоти кеначидева каран̣ӣйена, тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ бхагавата̄…пе… самма̄самбуддхена кӣт̣а̄гирисуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ка̄сӣсу бханте кӣт̣а̄гирисмим̣ ка̄сӣнам̣ нигаме ассаджипунаббасуке бхиккхӯ а̄раббха бха̄ситам̣. ассаджипунаббасука̄ бханте бхиккхӯ бхиккхӯхи сахадхаммикам̣ вуччама̄на̄ евама̄хам̣су ‘‘майам̣ кхо а̄вусо са̄йан̃чева бхун̃джа̄ма па̄то ча дива̄ ча вика̄ле, те майам̣ са̄йан̃чева бхун̃джама̄на̄ па̄то ча дива̄ ча вика̄ле аппа̄ба̄дхатан̃ча сан̃джа̄на̄ма аппа̄тан̇катан̃ча лахут̣т̣ха̄нан̃ча балан̃ча пха̄сувиха̄ран̃ча, те майам̣ ким̣ сандит̣т̣хикам̣ хитва̄ ка̄ликам̣ анудха̄висса̄ма, са̄йан̃чева майам̣ бхун̃джисса̄ма па̄то ча дива̄ ча вика̄ле’’ти. тасмим̣ бханте ваттхусмим̣ бха̄ситам̣.

пуччха̄ – тевиджджаваччхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте ваччхаготтам̣ парибба̄джакам̣ а̄раббха бха̄ситам̣. ваччхаготто бханте парибба̄джако бхагавантам̣ етадавоча ‘‘сутам̣ ме бханте саман̣о готамо саббан̃н̃ӯ саббадасса̄вӣ апарисесам̣ н̃а̄н̣адассанам̣ пат̣иджа̄на̄ти, чарато ча ме тит̣т̣хато ча суттасса ча джа̄гарасса ча сататам̣ самитам̣ н̃а̄н̣адассанам̣ паччупат̣т̣хита’’нти. йе те бханте евама̄хам̣су ‘‘саман̣о готамо саббан̃н̃ӯ саббадасса̄вӣ апарисесам̣ н̃а̄н̣адассанам̣ пат̣иджа̄на̄ти, чарато ча ме тит̣т̣хато ча суттасса ча джа̄гарасса ча сататам̣ самитам̣ н̃а̄н̣адассанам̣ паччупат̣т̣хита’’нти. каччи те бханте бхагавато вуттава̄дино, на ча бхагавантам̣ абхӯтена аббха̄чиккханти, дхаммасса ча̄нудхаммам̣ бйа̄каронти, на ча кочи сахадхаммико ва̄да̄нува̄до га̄райхам̣ т̣ха̄нам̣ а̄гаччхатӣ’’ти. тасмим̣ бханте ваттхусмим̣ бха̄ситам̣.

пуччха̄ – аггиваччхасуттам̣ ¶ пана̄вусо каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ваччхаготтам̣ парибба̄джакам̣ бха̄ситам̣. ваччхаготто бханте парибба̄джако бхагавантам̣ упасан̇камитва̄ ‘‘ким̣ ну кхо бхо готама ‘сассато локо идамева саччам̣ могхаман̃н̃а’нти евам̣дит̣т̣хи бхавам̣ готамо’’ти евама̄дикам̣ пан̃хам̣ апуччхи. тасмим̣ бханте ваттхусмим̣ бха̄ситам̣.

пуччха̄ – маха̄ваччхасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте ваччхаготтам̣йева парибба̄джакам̣ а̄раббха бха̄ситам̣. ваччхаготто бханте парибба̄джако бхагавантам̣ упасан̇камитва̄ ¶ етадавоча ‘‘дӣгхаратта̄хам̣ бхота̄ готамена сахакатхӣ, са̄дху ме бхавам̣ готамо сам̣кхиттена кусала̄кусалам̣ десетӯ’’ти. тасмим̣ бханте ваттхусмим̣ бха̄ситам̣.

пуччха̄ – евам̣ ¶ вутте кхо а̄вусо ваччхаготто парибба̄джако имасмим̣ дхаммавинайе пасанно хутва̄ кӣдисам̣ пасанна̄ка̄рам̣ ака̄си, катхан̃часса дхамма̄бхисамайо ахоси.

виссаджджана̄ – евам̣ вутте бханте ваччхаготто парибба̄джако ‘‘саче хи бхо готама имам̣ дхаммам̣ бхавам̣йева готамо а̄ра̄дхако абхависса, но ча кхо бхиккхӯ а̄ра̄дхака̄ абхависсам̣су, евамидам̣ брахмачарийам̣ апарипӯрам̣ абхависса тенан̇гена̄’’ти евама̄дина̄ имасмим̣ дхаммавинайе пасанно пасанна̄ка̄рамака̄си. йа̄ва арахаттан̃часса дхамма̄бхисамайо ахоси.

пуччха̄ – дӣгханакхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте дӣгханакхам̣ парибба̄джакам̣ а̄раббха бха̄ситам̣. дӣгханакхо бханте парибба̄джако бхагавантам̣ упасан̇камитва̄ етадавоча ‘‘ахан̃хи бхо готама евам̣ва̄дӣ евам̣дит̣т̣хи саббам̣ ме наккхаматӣ’’ти. тасмим̣ бханте ваттхусмим̣ бха̄ситам̣.

пуччха̄ – имасмим̣ ¶ ча пана̄вусо веййа̄каран̣асмим̣ бхан̃н̃ама̄не кесам̣ пуггала̄нам̣ висеса̄дхигамо ахоси.

виссаджджана̄ – имасмин̃ча пана бханте веййа̄каран̣асмим̣ бхан̃н̃ама̄не а̄йасмато са̄рипуттасса анупа̄да̄йа а̄савехи читтам̣ вимуччи, дӣгханакхасса пана парибба̄джакасса тасмим̣йева а̄сане вираджам̣ вӣтамалам̣ дхаммачаккхум̣ удапа̄ди йам̣кин̃чи самудайадхаммам̣, саббам̣ там̣ ниродхадхамма’’нти.

пуччха̄ – ма̄ган̣д̣ийасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – курӯсу бханте камма̄садхамме на̄ма курӯнам̣ нигаме бха̄радва̄джа готтасса бра̄хман̣асса агйа̄га̄ре тин̣асантха̄раке ма̄ган̣д̣ийам̣ парибба̄джакам̣ а̄раббха бха̄ситам̣. ма̄ган̣д̣ийо бханте парибба̄джако бхагавантам̣ ‘‘бхӯнаху саман̣о готамо’’ти вадеси, тасмим̣ бханте ват̣т̣хусмим̣ бха̄ситам̣.

пуччха̄ – катхан̃ча̄вусо ¶ бхагава̄ таттха ма̄ган̣д̣ийасса парибба̄джакасса самануйун̃джитва̄ самануйун̃джитва̄ дхаммам̣ десеси.

виссаджджана̄ – ‘‘чаккхум̣ кхо ма̄ган̣д̣ийа рӯпа̄ратам̣ рӯпасаммудитам̣, там̣ татха̄гатасса дантам̣ гуттам̣ раккхитам̣ сам̣вутам̣, тасса ча сам̣вара̄йа дхаммам̣ десетӣ’’ти евама̄дина̄ бханте таттха бхагава̄ ма̄ган̣д̣ийасса парибба̄джакасса самануйун̃джитва̄ самануйун̃джитва̄ дхаммам̣ десеси.

пуччха̄ – евам̣ ¶ кхо а̄вусо ма̄ган̣д̣ийена парибба̄джакена ‘‘накин̃чи бхо готама̄’’ти йатха̄бхӯтам̣ пат̣иссуте катхам̣ бхагава̄ аттанопи на кин̃чи кеначипи ваттаббатам̣ пака̄сеси.

виссаджджана̄ – евам̣ кхо бханте ма̄ган̣д̣ийена парибба̄джакена накин̃чи бхоготама̄ти йатха̄бхӯтам̣ пат̣иссуте ‘‘ахам̣ кхо пана ма̄ган̣д̣ийа пуббе ага̄рийабхӯто сама̄но пан̃чахи ка̄магун̣ехи самаппито саман̇гӣбхӯто парича̄ресим̣ чаккхувин̃н̃еййахи рӯпехи ит̣т̣хехи мана̄пехи пийарӯпехи ка̄мӯпасам̣хитехи раджанӣйехӣ’’ти евама̄дина̄ бхагава̄ аттанопи на кин̃чи кеначипи ваттаббатам̣ пака̄сеси.

пуччха̄ – имасмим̣ ¶ сутте парийоса̄напуччхам̣ пуччхисса̄ми иман̃ча пана̄вусо дхаммадесанам̣ сутва̄ ма̄ган̣д̣ийо парибба̄джако имасмим̣ дхаммавинайе пасанно хутва̄ кӣдисам̣ пасанна̄ка̄рамака̄си.

виссаджджана̄ – имам̣ ¶ ча пана бханте дхаммадесанам̣ сутва̄ ма̄ган̣д̣ийо парибба̄джако ‘абхиккантам̣ бхо готама абхиккантам̣ бхо готама̄’’ти евама̄дина̄ имасмим̣ дхаммавинайе пасанно пасанна̄ка̄рамака̄си.

пуччха̄ – сандакасуттам̣ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – косамбийам̣ ¶ бханте сандакам̣ парибба̄джакам̣ а̄раббха а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣. сандако бханте парибба̄джако а̄йасмантам̣ а̄нандам̣ етадавоча ‘‘са̄дхувата бхавантам̣йева а̄нандам̣ пат̣ибха̄ту саке а̄чарийа ке дхаммикатха̄’’ти, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха чатта̄ро абрахмачарийава̄са̄ а̄йасмата̄ а̄нандаттхерена дхаммабхан̣д̣а̄га̄рикена вича̄ретва̄ пака̄сита̄.

виссаджджана̄ – идха сандака екаччо саттха̄ евам̣ва̄дӣ хоти евам̣дит̣т̣хи наттхи диннам̣, наттхи йит̣т̣хам̣, наттхи хутам̣, наттхи сукатадуккат̣а̄нам̣ камма̄нам̣ пхалам̣випа̄ко, наттхи айам̣локо, наттхи паролоко, наттхи ма̄та̄, наттхи пита̄, наттхи сатта̄ опапа̄тика̄ти

евама̄дина̄ ¶ бханте таттха а̄йасмата̄ а̄нандаттхерена дхаммабхан̣д̣а̄га̄рикена чатта̄ро абрахмачарийава̄са̄ вича̄ретва̄ пака̄сита̄.

пуччха̄ – катхан̃ча̄вусо ¶ таттха чатта̄ри анасса̄сика̄ни брахмачарийа̄ни а̄йасмата̄ а̄нандаттхерена дхаммабхан̣д̣а̄га̄рикена вича̄ретва̄ пака̄сита̄ни.

виссаджджана̄ – идха ¶ сандака екаччо саттха̄ саббан̃н̃ӯ саббадасса̄вӣ апарисесам̣ н̃а̄н̣адассанам̣ пат̣иджа̄на̄ти ‘‘чарато ча ме тит̣т̣хато ча суттасса ча джа̄гарасса ча сататам̣ самитам̣ н̃а̄н̣адассанам̣ паччупат̣т̣хита’’нти евама̄дина̄ бханте таттха а̄йасмата̄ а̄нандаттхерена дхаммабхан̣д̣а̄га̄рикена чатта̄ри анасса̄сика̄ни брахмачарийа̄ни вибхаджитва̄ пака̄сита̄ни.

¶ кхо а̄вусо сандако парибба̄джако а̄йасмантам̣ а̄нандаттхерам̣ катхам̣ пуччхи, татхан̃часса̄йасма̄нандаттхеро бйа̄ка̄си.

виссаджджана̄ – атха кхо бханте сандако парибба̄джако ‘‘со пана бхо а̄нанда саттха̄ ким̣ва̄дӣ ким̣ аккха̄йӣ’’ти евама̄дина̄ а̄йасмантам̣ а̄нандаттхерам̣ пуччхи, а̄йасма̄ ча бханте а̄нандаттхеро ‘‘идха сандака татха̄гато локе уппаджджати арахам̣ самма̄самбуддхо виджджа̄чаран̣асампанно’’ти евама̄дина̄ сандакасса парибба̄джакасса вибхаджитва̄ вибхаджитва̄ бйа̄ка̄си.

пуччха̄ – иман̃ча ¶ пана̄вусо дхаммадесанам̣ сутва̄ сандако парибба̄джако имасмим̣ дхаммавинайе пасанно кӣдисам̣ пасанна̄ка̄рамака̄си.

виссаджджана̄ – иман̃ча ¶ бханте дхаммадесанам̣ сутва̄ сандако парибба̄джако ‘‘аччхарийам̣ бхо а̄нанда, аббхутам̣ бхо а̄нанда, на ча на̄ма садхаммоккам̣сана̄ бхависсати, на парадхаммавамбхана̄, а̄йатане ча дхаммадесана̄, та̄ва бахука̄ ча ниййа̄та̄ро пан̃н̃а̄йиссантӣ’’ти евама̄дина̄ имасмим̣ дхаммавинайе пасанно пасанна̄ка̄рамака̄си.

пуччха̄ – маха̄сакулуда̄йисуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте сакулуда̄йим̣ парибба̄джакам̣ а̄раббха бха̄ситам̣. сакулуда̄йӣ бханте парибба̄джако пурима̄ни диваса̄ни пуриматара̄ни котӯхаласа̄ла̄йам̣ на̄на̄титтхийа̄нам̣ саман̣абра̄хман̣а̄нам̣ йа̄ватако ахоси бхагавантан̃ча чха ча саттха̄ро а̄раббха катха̄салла̄по, там̣ саббам̣ бхагавато а̄рочеси. тасмим̣ бханте ваттхусмим̣ бха̄ситам̣.

пуччха̄ – саман̣амун̣д̣икасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте угга̄хама̄на парибба̄джакам̣ саман̣амун̣д̣ика̄путтам̣ а̄раббха бха̄ситам̣. угга̄хама̄но бханте парибба̄джако саман̣амун̣д̣ика̄путто пан̃чакан̇гам̣ тапатим̣ етадавоча ‘‘чатӯхи кхо ахам̣ гахапати дхаммехи саманна̄гатам̣ пурисапуггалам̣ пан̃н̃апеми сампаннакусалам̣ парамакусалам̣ уттамапаттипаттам̣ саман̣ам̣ айоджджха’’нти, тасмим̣ бханте ваттхусмим̣ бха̄ситам̣.

пуччха̄ – чӯл̣асакулуда̄йӣсуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе ¶ бханте сакулуда̄йим̣ парибба̄джакам̣ а̄раббха бха̄ситам̣, сакулуда̄йӣ бханте парибба̄джако бхагавантам̣ етадавоча ‘‘йада̄хам̣ бханте имам̣ парисам̣ анупасан̇канто хоми, атха̄йам̣ париса̄ анекавихитам̣ тираччха̄накатхам̣ катхенти нисинна̄ хоти. йада̄ ча кхо ахам̣ бханте имам̣ парисам̣ упасан̇каманто хоми, атха̄йам̣ париса̄ маман̃н̃ева мукхам̣ уллокентӣ нисинна̄ хоти ‘йам̣ но саман̣о уда̄йӣ дхаммам̣ бха̄сиссати, там̣ сосса̄ма̄’ти, йада̄ пана бханте бхагава̄ имам̣ парисам̣ упасан̇канто хоти, атха̄хан̃чева айан̃ча париса̄ бхагавато мукхам̣ уллокента̄ нисинна̄ хома йам̣ но бхагава̄ дхаммам̣ бха̄сиссати, там̣ сосса̄ма̄’’ти, тасмим̣ бханте ваттхусмим̣ бха̄ситам̣.

пуччха̄ – векханасасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте векханасам̣ парибба̄джакам̣ а̄раббха бха̄ситам̣, векханасо бханте парибба̄джако бхагавато сантике уда̄нам̣ уда̄неси ‘‘айам̣ парамо ван̣н̣о айам̣ парамо ван̣н̣о’’ти, тасмим̣ бханте ваттхусмим̣ бха̄ситам̣.

пуччха̄ – гхат̣ика̄расуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косалесу бханте гхат̣ика̄расса кумбхака̄расса гхараваттхупадесе а̄йасмантам̣ а̄нандам̣ а̄раббха бха̄ситам̣. бхагава̄ бханте тасмим̣ бхӯмипадесе ситам̣ па̄тва̄ка̄си, а̄йасма̄ ча а̄нандо бхагавантам̣ етадавоча ‘‘ко ну кхо бханте хету ко паччайо бхагавато ситасса па̄тукамма̄йа, на ака̄ран̣ена татха̄гата̄ ситам̣ па̄тукаронтӣ’’ти, тасмим̣ бханте ваттхусмим̣ бха̄ситам̣.

пуччха̄ – рат̣т̣хапа̄ласуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – курӯсу бханте ра̄джа̄нам̣ корабйам̣ а̄раббха а̄йасмата̄ рат̣т̣хапа̄латтхерена бха̄ситам̣. ра̄джа̄ бханте корабйо а̄йасмантам̣ рат̣т̣хапа̄лам̣ етадавоча ‘‘чатта̄рима̄ни бхо рат̣т̣хапа̄ла па̄риджун̃н̃а̄ни, йехи па̄риджун̃н̃ехи саманна̄гата̄ идхекачче кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ ана̄га̄рийам̣ паббаджантӣ’’ти евама̄дикам̣ вачанам̣ авоча, тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо а̄йасма̄ рат̣т̣хапа̄латтхеро ран̃н̃о корабйасса катхам̣ пат̣хамам̣ дхаммуддесам̣ виттха̄ретва̄ пака̄сеси.

виссаджджана̄ – атха кхо бханте а̄йасма̄ рат̣т̣хапа̄латтхеро ‘‘там̣ ким̣ ман̃н̃аси маха̄ра̄джа твам̣ вӣсативассуддесикопи пан̣н̣авӣсативассуддесикопи хаттхисмимпи ката̄вӣ ассасмимпи ката̄вӣ ратхасмимпи ката̄вӣ дханусмимпи ката̄вӣ тхарусмимпи ката̄вӣ ӯрубалӣ ба̄хубалӣ аламатто сан̇га̄ма̄вачаро’’ти евама̄дина̄ пат̣хамам̣ дхаммуддесам̣ виттха̄ретва̄ пака̄сеси.

пуччха̄ – катхам̣ ¶ пана̄вусо а̄йасма̄ рат̣т̣хапа̄латтхеро ран̃н̃о корабйасса дутийампи дхаммуддесам̣ виттха̄ретва̄ пака̄сеси.

виссаджджана̄ – ‘‘там̣ ¶ ким̣ ман̃н̃аси маха̄ра̄джа, аттхи те кочи ануса̄йико а̄ба̄дхо’’ти евама̄дина̄ бханте а̄йасма̄ рат̣т̣хапа̄ло ран̃н̃о корабйасса дутийам̣ дхаммуддесам̣ виттха̄ретва̄ пака̄сеси.

пуччха̄ – катхам̣ ¶ пана̄вусо а̄йасма̄ рат̣т̣хапа̄латтхеро ран̃н̃о корабйасса татийампи дхаммуддесам̣ виттха̄ретва̄ пака̄сеси.

виссаджджана̄ – ‘‘там̣ ¶ ким̣ ман̃н̃аси маха̄ра̄джа, йатха̄ твам̣ етарахи пан̃чахи ка̄магун̣ехи самаппито саман̇гӣбхӯто парича̄реси, лаччхаси твам̣ параттха̄пи евамева̄хам̣ имехева пан̃чахи ка̄магун̣ехи самаппито саман̇гӣбхӯто парича̄ремӣ’’ти евама̄дина̄ бханте а̄йасма̄ рат̣т̣хапа̄ло ран̃н̃о корабйасса татийам̣ дхаммуддесам̣ виттха̄ретва̄ пака̄сеси.

пуччха̄ – чатуттхампи ¶ кхо а̄вусо дхаммуддесам̣ а̄йасма̄ рат̣т̣хапа̄латтхеро ран̃н̃о корабйасса катхам̣ виттха̄ретва̄ пака̄сеси.

виссаджджана̄ – ‘‘там̣ ким̣ ман̃н̃аси маха̄ра̄джа, пхӣтам̣ курум̣ аджджха̄васасӣ’’ти евама̄дина̄ бханте а̄йасма̄ рат̣т̣хапа̄латтхеро ран̃н̃о корабйасса чатуттхам̣ дхаммуддесам̣ виттха̄ретва̄ пака̄сеси.

пуччха̄ – магхадевасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – митхила̄йам̣ бханте магхадеваамбаване а̄йасмантам̣ а̄нандам̣ а̄раббха бха̄ситам̣. бхагава̄ бханте ан̃н̃атарасмим̣ падесе ситам̣ па̄тва̄ка̄си, а̄йасма̄ а̄нандо бхагавантам̣ етадавоча ‘‘ко ну кхо бханте ко паччайо бхагавато ситасса па̄тукамма̄йа, на ака̄ран̣ена татха̄гата̄ ситам̣ па̄тукаронтӣ’’ти, тасмим̣ бханте ваттхусмим̣ бха̄ситам̣.

пуччха̄ – мадхурасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – мадхура̄йам̣ бханте ра̄джа̄нам̣ ма̄дхурам̣ авантипуттам̣ а̄раббха а̄йасмата̄ маха̄качча̄наттхерена бха̄ситам̣, ра̄джа̄ бханте ма̄дхуро авантипутто а̄йасмантам̣ маха̄качча̄нам̣ етадавоча ‘‘брахман̣а̄ бхо качча̄на евама̄хам̣су бра̄хман̣ова сет̣т̣хо ван̣н̣о, хӣно ан̃н̃о ван̣н̣о. бра̄хман̣ова сукко ван̣н̣о, кан̣хо ан̃н̃о ван̣н̣о. бра̄хман̣а̄ва суджджханти ¶ , но абра̄хман̣а̄. бра̄хман̣а̄ва брахмуно путта̄ ораса̄ мукхато джа̄та̄ брахмаджа̄ брахманиммита̄ брахмада̄йа̄да̄ти. идха бхавам̣ качча̄но кимаккха̄йӣ’’ти. тасмим̣ бханте ваттхусмим̣ бха̄ситам̣.

пуччха̄ – бодхира̄джакума̄расуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – бхаггесу бханте сусума̄рагире бодхим̣ ра̄джакума̄рам̣ а̄раббха бха̄ситам̣. бодхи бханте ра̄джакума̄ро бхагавантам̣ етадавоча ‘‘майам̣ кхо бханте евам̣ хоти. на кхо сукхена сукхам̣ адхигантаббам̣, дуккхена кхо сукхам̣ адхигантабба’’нти, тасмим̣ бханте ваттхусмим̣ бха̄ситам̣.

пуччха̄ – евам̣ ¶ вутте кхо а̄вусо бодхи ра̄джакума̄ро бхагавантам̣ катхам̣ пуччхи, катхан̃часса бхагава̄ бйа̄ка̄си.

виссаджджана̄ – евам̣ вутте бханте бодхира̄джакума̄ро бхагавантам̣ етадавоча ‘‘кӣва чирена ну кхо бханте бхиккху татха̄гатам̣ вина̄йакам̣ лабхама̄но йассаттха̄йа кулапутта̄ саммадева ага̄расма̄ анага̄рийам̣ паббаджанти, тадануттарам̣ брахмачарийапарийоса̄нам̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихареййа̄’’ти, бхагава̄ ча бханте ‘‘тена хи ра̄джакума̄ра там̣йеветтха пат̣ипуччхисса̄ми, йатха̄ те кхамеййа, татха̄ нам̣ бйа̄кареййа̄сӣ’’ти, евама̄дина̄ вибхаджитва̄ бйа̄ка̄си.

пуччха̄ – иман̃ча ¶ пана̄вусо дхаммадесанам̣ сутва̄ бодхира̄джакума̄ро имиссам̣ дхаммадесана̄йам̣ пасанно кӣдисам̣ пасанна̄ка̄рамака̄си.

виссаджджана̄ – иман̃ча пана бханте дхаммадесанам̣ сутва̄ бодхира̄джакума̄ро ‘‘ахо буддхо ахо дхаммо ахо дхаммасса сва̄ккха̄тата̄, йатра хи на̄ма са̄йаманусит̣т̣хо, па̄то висесам̣ адхигамиссати, па̄таманусит̣т̣хо са̄йам̣ висесам̣ адхигамиссатӣ’’ти евама̄дина̄ имиссам̣ дхаммадесана̄йам̣ пасанно пасанна̄ка̄рамака̄си.

пуччха̄ – ан̇гулима̄ласуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ ан̇гулима̄латтхерам̣ а̄раббха бха̄ситам̣. а̄йасма̄ бханте ан̇гулима̄латтхеро бхагавантам̣ етадавоча ‘‘идха̄хам̣ бханте пуббан̣хасамайам̣ нива̄сетва̄ паттачӣварама̄да̄йа са̄ваттхим̣ пин̣д̣а̄йа па̄висим̣, аддасам̣ кхо ахам̣ бханте са̄ваттхийам̣ сапада̄нам̣ пин̣д̣а̄йа чарама̄но ан̃н̃атарам̣ иттхим̣ мӯл̣хагаббхам̣ вигха̄тагаббхам̣ дисва̄на майхам̣ етадахоси ‘‘килиссанти вата бхо сатта̄, килиссанти вата бхо сатта̄’’ти, тасмим̣ бханте ваттхусмим̣ бха̄ситам̣.

пуччха̄ – пийаджа̄тикасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ан̃н̃атарам̣ гахапатим̣ а̄раббха бха̄ситам̣, са̄ваттхийам̣ бханте ан̃н̃атарасса гахапатисса екапуттако пийо мана̄по ка̄лан̇като хоти, тасса ка̄лам̣ кирийа̄йа нева камманта̄ пат̣ибханти, на бхаттам̣ пат̣ибха̄ти, со а̄л̣а̄ханам̣ гантва̄ кандати ‘‘кахам̣ екапуттака кахам̣ екапуттака̄’’ти, тасмим̣ бханте ваттхусмим̣ бха̄ситам̣.

пуччха̄ – ба̄хитика ¶ суттам̣ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – са̄ваттхийам̣ бханте ра̄джа̄нам̣ пасенадим̣ косалам̣ а̄раббха а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣. ра̄джа̄ бханте пасенади косало а̄йасмантам̣ а̄нандам̣ етадавоча ‘‘ким̣ ну кхо бханте а̄нанда собхагава̄ татха̄рӯпам̣ ка̄йасама̄ча̄рам̣ сама̄чареййа, йвасса ка̄йасама̄ча̄ро опа̄рамбхо саман̣ехи бра̄хман̣ехӣ’’ти, тасмим̣ бханте ваттхусмим̣ бха̄ситам̣.

пуччха̄ – дхаммачетийасуттам̣ ¶ пана̄вусо бхагавата̄ каттха кена саддхим̣ бха̄ситам̣.

виссаджджана̄ – саккесу бханте меда̄л̣упе на̄ма сакйа̄нам̣ нигаме ран̃н̃а̄ пасенадина̄ косалена саддхим̣ бха̄ситам̣.

пуччха̄ – кан̣н̣акаттхаласуттам̣ ¶ пана̄вусо бхагавата̄ каттха кена саддхим̣ бха̄ситам̣.

виссаджджана̄ – урун̃н̃а̄йам̣ бханте кан̣н̣акаттхале мигада̄йе ран̃н̃а̄ пасенадина̄ косалена саддхим̣ бха̄ситам̣.

пуччха̄ – тена̄вусо бхагавата̄…пе… самма̄самбуддхена брахма̄йусуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – видехесу ¶ бханте митхила̄йам̣ магхадеваамбаване брахма̄йум̣ бра̄хман̣ам̣ а̄раббха бха̄ситам̣. брахма̄йу бханте бра̄хман̣о бхагавантам̣ упасан̇камитва̄ ат̣т̣хапан̃ха̄ни пуччхи, тасмим̣ бханте ваттхусмим̣ бха̄ситам̣.

пуччха̄ – таттха ¶ а̄вусо уттаро ма̄н̣аво катхам̣ бхагавато дваттим̣самаха̄пурисалаккхан̣ехи саманна̄гататам̣ аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – таттха бханте уттаро ма̄н̣аво ‘‘суппатит̣т̣хитапа̄до кхо пана со бхавам̣ готамо, идампи тасса бхото готамасса маха̄пурисасса маха̄пурисалаккхан̣ам̣ бхаватӣ’’ти евама̄дина̄ бхагавато дваттим̣самаха̄пурисалаккхан̣ехи саманна̄гататам̣ аттано а̄чарийасса брахма̄йусса бра̄хман̣асса сампат̣иведеси.

пуччха̄ – апарампи ¶ а̄вусо уттаро ма̄н̣аво бхагавато гаманака̄ле кӣдисам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – апарампи бханте уттаро ма̄н̣аво бхагавато гаманака̄ле пат̣хамам̣ даккхин̣ам̣ па̄дуддхаран̣а̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

пуччха̄ – апарампи ¶ а̄вусо уттаро ма̄н̣аво бхагавато антарагхарам̣ пависанака̄ле кӣдисам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – апарампи бханте уттаро ма̄н̣аво бхагавато антарагхарам̣ пависанака̄ле на ка̄йасса уннамана̄дикам̣ па̄са̄дикам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

пуччха̄ – апарампи ¶ а̄вусо уттаро ма̄н̣аво бхагавато бходжанака̄ле кӣдисам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – апарампи бханте уттаро ма̄н̣аво бхагавато бходжанака̄ле паттодака̄дикам̣ пат̣иггахан̣а̄дика̄ле на паттасса уннамана̄дикам̣ бхагавато па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

пуччха̄ – апарампи ¶ а̄вусо уттаро ма̄н̣аво бхагавато бхутта̄вика̄ле кӣдисам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – апарампи бханте уттаро ма̄н̣аво бхагавато бхутта̄вика̄ле паттодана̄дикам̣ пат̣игган̣ха̄дика̄ле на паттасса уннамана̄дикам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

пуччха̄ – апарампи ¶ а̄вусо уттаро ма̄н̣аво бхагавато чӣварадха̄ран̣е ча а̄ра̄магатака̄ле ча дхаммадесана̄ка̄ле ча саббаирийа̄патхесу ча кӣдисам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

виссаджджана̄ – апарампи ¶ бханте уттаро ма̄н̣аво бхагавато чӣварадха̄ран̣ака̄ле ча а̄ра̄магатака̄ле ча саббесу ча ирийа̄патхесу на аччуккат̣т̣ха̄дикам̣ па̄са̄дикам̣ а̄ка̄рам̣ дисва̄ ча саллаккхетва̄ ча аттано а̄чарийасса брахма̄йусса бра̄хман̣асса сампат̣иведеси.

пуччха̄ – катхан̃ча̄вусо ¶ брахма̄йу брахман̣о бхагавантам̣ пуччхи, катхан̃часса бхагава̄ бйа̄ка̄си.

виссаджджана̄ – ‘‘катхам̣ кхо бра̄хман̣о хоти, катхам̣ бхавати ведагӯ. тевиджджо бхо катхам̣ хоти, соттийо кинти вуччати. арахам̣ бхо катхам̣ хоти, катхам̣ бхавати кевалӣ. муни ча бхо катхам̣ хоти, буддхо кинти павуччатӣ’’ти – евам̣ кхо бханте брахма̄йу бра̄хман̣о бхагавантам̣ пан̃хам̣ апуччхи. бхагава̄ бханте–

‘‘пуббенива̄сам̣ йо веди, сагга̄па̄йан̃ча пассати;

атхо джа̄тиккхайам̣ патто, абхин̃н̃а̄восито муни;

читтам̣ висуддхам̣ джа̄на̄ти, муттам̣ ра̄гехи саббасо;

пахӣнаджа̄тимаран̣о, брахмачарийасса кевалӣ;

па̄рагӯ саббадхамма̄нам̣, буддхо та̄дӣ павуччатӣ’’ти –

евам̣ кхо бханте бхагава̄ брахма̄йусса бра̄хман̣асса вибхаджитва̄ бйа̄ка̄си.

пуччха̄ – иман̃ча ¶ пана̄вусо бхагавато бйа̄каран̣ам̣ сутва̄ брахма̄йу бра̄хман̣о бхагавати кӣдисам̣ нипаччака̄рам̣ ака̄си, катхан̃часса бхагава̄ пунапи анупуббим̣ дхаммакатхам̣ катхеси.

виссаджджана̄ – иман̃ча ¶ пана бханте бхагавато бйа̄каран̣ам̣ сутва̄ брахма̄йу бра̄хман̣о ут̣т̣ха̄йа̄сана̄ екам̣сам̣ уттара̄сан̇гам̣ каритва̄ бхагавато па̄десу сираса̄ нипатитва̄ бхагавато па̄да̄ни мукхена ча паричумбати, па̄н̣ӣхи ча парисамба̄хати, на̄ман̃ча са̄вети ‘‘брахма̄йу ахам̣ бхо готама бра̄хман̣о, брахма̄йу ахам̣ бхо готама бра̄хман̣о’’ти, евам̣ параманипаччака̄рам̣ ака̄си, бхагава̄ ча бханте да̄накатхам̣ сӣлакатхам̣ саггакатхам̣ ка̄ма̄нам̣ а̄дӣнавам̣ ока̄рам̣ сам̣килесам̣ неккхамме а̄нисам̣сам̣ пака̄сеси, евам̣ кхо бханте брахма̄йусса бра̄хман̣асса бхагава̄ анупуббим̣ катхам̣ катхеси.

пуччха̄ – иман̃ча ¶ пана̄вусо даммадесанам̣ сутва̄ брахма̄йусса бра̄хман̣асса кӣдисо дхамма̄бхисамайо ахоси.

виссаджджана̄ – иман̃ча ¶ пана бханте дхаммадесанам̣ сутва̄ брахма̄йусса бра̄хман̣асса тасмим̣йева а̄сане вираджам̣ вӣтамалам̣ дхаммачаккхум̣ удапа̄ди ‘‘йам̣кин̃чи самудайадхаммам̣ саббам̣ там̣ ниродхадхамма’’нти.

пуччха̄ – селасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ан̇гуттара̄песу бханте а̄пан̣е на̄ма ан̇гуттара̄па̄нам̣ нигамеселам̣ бра̄хман̣ам̣ а̄раббха бха̄ситам̣. село бханте бра̄хман̣о сапарисо бхагавантам̣ упасан̇камитва̄ бхагавантам̣ саммукха̄ са̄руппа̄хи га̄тха̄хи абхиттхави, тасмим̣ бханте ваттхусмим̣ бха̄ситам̣.

парипун̣н̣ака̄йо ¶ суручи, суджа̄то ча̄рудассано;

суван̣н̣аван̣н̣оси бхагава̄, сусуккада̄т̣хоси вӣрийава̄;

нарасса хи суджа̄тасса, йе бхаванти вийан̃чана̄;

саббе те тава ка̄йасмим̣, маха̄пурисалаккхан̣а̄.

пуччха̄ – ассала̄йанасуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ассала̄йанам̣ ма̄н̣авам̣ а̄раббха бха̄ситам̣, ассала̄йано бханте ма̄н̣аво махата̄ бра̄хман̣аган̣ена саддхим̣ бхагавантам̣ упасан̇камитва̄ етадавоча ‘‘бра̄хман̣а̄ бхо готама евама̄хам̣су ‘бра̄хман̣ова сет̣т̣хо ван̣н̣о, хӣно ан̃н̃о ван̣н̣о. бра̄хман̣ова сукко ван̣н̣о, кан̣хо ¶ ан̃н̃о ван̣н̣о. бра̄хман̣а̄ва суджджханти, но абра̄хман̣а̄. бра̄хман̣а̄ва брахмуно путта̄ ораса̄ мукхато джа̄та̄ брахмаджа̄ брахманиммита̄ брахмада̄йа̄да̄’ти, идха бхавам̣ готамо кима̄ха̄’’ти, тасмим̣ бханте ваттхусмим̣ бха̄ситам̣.

пуччха̄ – гхот̣амукхасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – ба̄ра̄н̣асийам̣ бханте кхемийамбаване гхот̣амукхам̣ бра̄хман̣ам̣ а̄раббха а̄йасмата̄ уденена бха̄ситам̣. гхот̣амукхо бханте бра̄хман̣о а̄йасмантам̣ уденам̣ чан̇камантам̣ анучан̇камама̄но евама̄ха ‘‘амбхо саман̣а наттхи дхаммико париббаджо, евам̣ ме еттха хоти, тан̃ча кхо бхавантарӯпа̄нам̣ ва̄ адассана̄, йо ва̄ панеттха дхамма̄’’ти, тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ бхагавата̄…пе… самма̄самбуддхена чан̇кӣсуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косалесу бханте опа̄са̄де на̄ма косала̄нам̣ нигаме ка̄пат̣икам̣ ма̄н̣авам̣ а̄раббха бха̄ситам̣, ка̄пат̣ико бханте ма̄н̣аво бхагавантам̣ етадавоча ‘‘йадидам̣ бхо готама бра̄хман̣а̄нам̣ пора̄н̣ам̣ мантападам̣ итихитихапарампара̄йа пит̣акасампада̄йа, таттха ча бра̄хман̣а̄ екам̣сена нит̣т̣хам̣ гаччханти ‘идамева саччам̣ могхаман̃н̃а’нти, идха бхавам̣ готамо кима̄ха̄’’ти, тасмим̣ бханте ваттхусмим̣ бха̄ситам̣.

пуччха̄ – есука̄рӣсуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте есука̄рим̣ бра̄хман̣ам̣ а̄раббха бха̄ситам̣, есука̄рӣ бханте бра̄хман̣о бхагавантам̣ упасан̇камитва̄ етадавоча ‘‘бра̄хман̣а̄ бхо готама чатассо па̄ричарийа̄ пан̃н̃апенти, бра̄хман̣асса па̄ричарийам̣ пан̃н̃апенти, кхаттийасса па̄ричарийам̣ пан̃н̃апенти, вессасса па̄ричарийам̣ пан̃н̃апенти, суддасса па̄ричарийам̣ пан̃н̃апентӣ’’ти, тасмим̣ бханте ваттхусмим̣ бха̄ситам̣.

пуччха̄ – дханан̃джа̄нисуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – ра̄джагахе бханте дханан̃джа̄ним̣ бра̄хман̣ам̣ а̄раббха а̄йасмата̄ са̄рипуттаттхерена дхаммасена̄патина̄ бха̄ситам̣, дханан̃джа̄ни бханте бра̄хман̣о пама̄давиха̄рам̣ виха̄си, тасмим̣ бханте ваттхусмим̣ бха̄ситам̣.

пуччха̄ – атха ¶ кхо а̄вусо а̄йасма̄ са̄рипуттаттхеро дхаммасена̄пати катхам̣ дханан̃джа̄ним̣ бра̄хман̣ам̣ пуччхи, катхан̃ча со а̄йасмато са̄рипуттаттхерасса дхаммасена̄патисса а̄рочеси.

виссаджджана̄ – ‘‘качча̄си дханан̃джа̄ни аппаматто’’ти, евам̣ кхо бханте а̄йасма̄ са̄рипуттаттхеро дхаммасена̄пати дханан̃джа̄ним̣ бра̄хман̣ам̣ пуччхи, дханан̃джа̄ни ча бханте бра̄хман̣о ‘‘куто бхо са̄рипутта амха̄кам̣ аппама̄до, йесам̣ но ма̄та̄питаро посетабба̄’’ти, евама̄дина̄ а̄йасмато са̄рипуттасса дхаммасена̄патисса а̄рочеси.

пуччха̄ – евам̣ ¶ вутте кхо а̄вусо а̄йасма̄ са̄рипуттаттхеро дхаммасена̄пати дханан̃джа̄нисса бра̄хман̣асса кӣдисам̣ дхаммакатхам̣ катхеси.

виссаджджана̄ – евам̣ вутте бханте а̄йасма̄ са̄рипуттаттхеро дхаммасена̄пати ‘‘там̣ ким̣ ман̃н̃аси дханан̃джа̄ни, идхекаччо ма̄та̄питӯнам̣ хету адхаммача̄рӣ висамача̄рӣ асса, таменам̣ адхаммачарийа̄ висамачарийа̄хету нирайам̣ нирайапа̄ла̄ упакад̣д̣хеййу’’нти, евама̄дина̄ дханан̃джа̄нисса бра̄хман̣асса дхаммакатхам̣ катхеси.

пуччха̄ – пуна ¶ пи а̄вусо а̄йасма̄ са̄рипуттаттхеро дхаммасена̄пати катхам̣ дханан̃джа̄нисса бра̄хман̣асса апаренапи парийа̄йена ануса̄саним̣ ада̄си.

виссаджджана̄ – пунапи бханте а̄йасма̄ са̄рипуттаттхеро дхаммасена̄пати ‘‘там̣ ким̣ ман̃н̃аси дханан̃джа̄ни, йо ва̄ ма̄та̄питӯнам̣ хету адхаммача̄рӣ висамача̄рӣ асса, йо ва̄ ма̄та̄питӯнам̣ хету дхаммача̄рӣ самача̄рӣ асса, катамам̣ сеййо’’ти, евама̄дина̄ дханан̃джа̄нисса бра̄хман̣асса апаренапи парийа̄йена ова̄дамада̄си.

пуччха̄ – апарабха̄ге ¶ пи а̄вусо а̄йасма̄ са̄рипуттаттхеро дхаммасена̄пати катхам̣ дханан̃джа̄нисса бра̄хман̣асса маран̣асамайе дхаммакатхам̣ катхеси, катхан̃часса абхисампара̄йо ахоси.

виссаджджана̄ – апарабха̄ге ¶ пи бханте а̄йасма̄ са̄рипуттаттхеро дхаммасена̄пати дханан̃джа̄нисса бра̄хман̣асса маран̣асамайепи чатта̄ро брахмавиха̄ре десеси, дханан̃джа̄ни ча бханте бра̄хман̣о ка̄йасса бхеда̄ парам̣ маран̣а̄ брахмалокӯпаго ахоси.

пуччха̄ – ва̄сет̣т̣хасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – иччха̄нан̇гале бханте ва̄сет̣т̣хам̣ ма̄н̣авам̣ а̄раббха бха̄ситам̣. ва̄сет̣т̣хо бханте ма̄н̣аво бхагавантам̣ га̄тха̄хи аджджхабха̄си –

‘‘анун̃н̃а̄тапат̣ин̃н̃а̄та̄, тевиджджа̄ майамасмубхо;

ахам̣ поккхараса̄тисса, та̄руккхасса̄йам̣ ма̄н̣аво.

тевиджджа̄нам̣ йадаккха̄там̣, татра кевалинесмасе;

падакасма̄ веййа̄каран̣а̄, джаппе а̄чарийаса̄диса̄;

тесам̣ но джа̄тива̄дасмим̣, вива̄до аттхи готама.

джа̄тийа̄ бра̄хман̣о хоти, бха̄радва̄джо ити бха̄сати;

ахан̃ча каммуна̄ брӯми, евам̣ джа̄на̄хи чаккхума.

тена саккома н̃а̄петум̣, ан̃н̃ам̣ман̃н̃ам̣ майам̣ убхо;

бхавантам̣ пут̣т̣хума̄гама̄, самбуддхам̣ ити виссутам̣.

чандам̣ йатха̄ кхайа̄тӣтам̣, печча пан̃джалика̄ джана̄;

вандана̄ намассанти, евам̣ локасмим̣ готамам̣.

чаккхум̣ ¶ локе самуппаннам̣, майам̣ пуччха̄ма готамам̣;

джа̄тийа̄ бра̄хман̣о хоти, уда̄ху бхавати каммуна̄;

аджа̄натам̣ но пабрӯхи, йатха̄ джа̄нему бра̄хман̣анти.

пуччха̄ – субхасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте субхам̣ ма̄н̣авам̣ тодеййапуттам̣ а̄раббха бха̄ситам̣. субхо бханте ма̄н̣аво тодеййапутто бхагавантам̣ упасан̇камитва̄ етадавоча ‘‘бра̄хман̣а̄ бхо готама евама̄хам̣су’ гахат̣т̣хо а̄ра̄дхако хоти н̃а̄йам̣ дхаммам̣ кусалам̣, на паббаджито а̄ра̄дхако хоти н̃а̄йам̣ дхаммам̣ кусаланти, идха бхавам̣ готамо кима̄ха̄’’ти, тасмим̣ бханте ваттхусмим̣ бха̄ситам̣.

пуччха̄ – пуна ¶ пи а̄вусо субхо ма̄н̣аво тодеййапутто катхам̣ бхагавантам̣ пуччхи, катхан̃ча бхагава̄ вибхаджджа бйа̄ка̄си.

виссаджджана̄ – ‘‘бра̄хман̣а̄ бхо готама евама̄хам̣су ‘махат̣т̣хамидам̣ маха̄киччам̣ маха̄дхикаран̣ам̣ маха̄сама̄рамбхам̣, гхара̄ва̄сакаммат̣т̣ха̄нам̣ махаппхалам̣ хоти. аппат̣т̣хамидам̣ аппакиччам̣ аппа̄дхикаран̣ам̣ аппасама̄рамбхам̣, паббаджджа̄ каммат̣т̣ха̄нам̣ аппапхалам̣ хотӣ’ти. идха бхавам̣ готамо кима̄ха̄’’ти. евам̣ кхо бханте субхо ма̄н̣аво тодеййапутто пунапи бхагавантам̣ пуччхи. бхагава̄ ча бханте ‘‘еттха̄пи кхо ахам̣ ма̄н̣ава вибхаджджава̄да̄, на̄хаметтха екам̣сава̄доти’’ евама̄дина̄ вибхаджджа бйа̄ка̄си.

пуччха̄ – сан̇га̄равасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – косалесу бханте чан̃чаликаппе на̄ма га̄ме сан̇га̄равам̣ ма̄н̣авам̣ а̄раббха бха̄ситам̣, сан̇га̄раво бханте ма̄н̣аво бхагавантам̣ етадавоча ‘‘санти кхо бхо готама еке саман̣абра̄хман̣а̄ дит̣т̣хадхамма̄бхин̃н̃а̄воса̄напа̄рамиппатта̄ а̄дибрахмачарийам̣ пат̣иджа̄нанти. татра бхо готама йе те саман̣абра̄хман̣а̄ дит̣т̣хадхамма̄бхин̃н̃а̄воса̄напа̄рамиппатта̄ а̄дибрахмачарийам̣ пат̣иджа̄нанти, тесам̣ бхавам̣ готамо катамо’’ти, тасмим̣ бханте ваттхусмим̣ бха̄ситам̣.

пуччха̄ – тена̄вусо ¶ бхагавата̄ джа̄ната̄ пассата̄ арахата̄ самма̄самбуддхена девадахасуттам̣ каттха кам̣ а̄раббха бха̄ситам̣.

виссаджджана̄ – саккесу бханте девадахе на̄ма сакйа̄нам̣ нигаме самма хуле бхиккхӯ а̄раббха бха̄ситам̣.

пуччха̄ – пан̃чаттайасуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – кинтисуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – писина̄ра̄йам̣ бханте балихаран̣е на̄ма ванасан̣д̣е самбахуле бхиккхӯ а̄раббха бха̄ситам̣.

пуччха̄ – таттха ¶ а̄вусо бхагава̄ катхам̣ пат̣хамам̣ бхиккхӯ пат̣ипуччхитва̄ ова̄дамада̄си, йо бахуджанасса аттха̄йа хита̄йа сукха̄йа сам̣ваттати.

виссаджджана̄ – таттха бханте бхагава̄ ‘‘кинти во бхиккхаве майи хоти, чӣварахету ва̄ саман̣о готамо дхаммам̣ десети, пин̣д̣апа̄тахету ва̄, сена̄санахету ва̄, итибхава̄бхавахету ва̄ саман̣о готамо дхаммам̣ десетӣ’’ти бхиккхӯ пуччхитва̄ ‘‘тасма̄тиха бхиккхаве йе во майа̄ дхамма̄ абхин̃н̃а̄ десита̄. сеййатхидам̣, чатта̄ро сатипат̣т̣ха̄на̄ чатта̄ро саммаппадха̄на̄ чатта̄ро иддхипа̄да̄ пан̃чиндрийа̄ни пан̃ча бала̄ни сатта боджджхан̇га̄ арийо ат̣т̣хан̇гико магго. таттха саббехева самаггехи саммодама̄нехи авивадама̄нехи сиккхитаббам̣’’ евама̄дина̄ бханте бхиккхӯнам̣ ова̄дамада̄си.

пуччха̄ – катхан̃ча̄вусо ¶ бхагава̄ таттха дутийампи бхиккхӯнам̣ ова̄дам̣ ада̄си. йо бахуджанасса аттха̄йа хита̄йа сукха̄йа сам̣ваттати.

виссаджджана̄ – таттха бханте бхагава̄ ‘‘тесан̃ча во бхиккхаве самагга̄нам̣ саммодама̄на̄нам̣ авивадама̄на̄нам̣ сиккхатам̣ сийа̄ ан̃н̃атарасса бхиккхуно а̄патти, сийа̄ вӣтиккамо. татра бхиккхаве на чодана̄йа таритаббам̣ пуггало упапариккхитаббо’’ти евама̄дина̄ бхиккхӯнам̣ дутийампи ова̄дамада̄си.

пуччха̄ – катхан̃ча̄вусо ¶ бхагава̄ таттха татийампи бхиккхӯнам̣ ова̄дам̣ ада̄си, йо бахуджанасса аттха̄йа хита̄йа сукха̄йа сам̣ваттати.

виссаджджана̄ – ‘‘тесан̃ча во бхиккхаве самагга̄нам̣ саммодама̄на̄нам̣ авивадама̄на̄нам̣ сиккхатам̣ ан̃н̃аман̃н̃асса вачӣсам̣ха̄ро уппаджджеййа дит̣т̣хипал̣а̄со четасо а̄гха̄то аппаччайо анабхираддхӣ’’ти евама̄дина̄ бханте бхагава̄ таттха татийампи бхиккхӯнам̣ ова̄дамада̄си.

пуччха̄ – тена̄вусо ¶ бхиккхуна̄ евам̣ саттху ова̄да̄нуса̄саника̄рина̄ а̄йасма̄ ну те бхиккху акусала̄ вут̣т̣ха̄петва̄ кусале патит̣т̣ха̄петӣти парехи пут̣т̣хена катхам̣ самма̄ бйа̄карама̄нена бйа̄ка̄таббам̣.

виссаджджана̄ – ‘‘идха̄хам̣ а̄вусо йена бхагава̄ тенупасан̇камим̣, тасса ме бхагава̄ дхаммам̣ десеси, та̄хам̣ дхаммам̣ сутва̄ тесам̣ бхиккхӯнам̣ абха̄сим̣, там̣ те бхиккхӯ дхаммам̣ сутва̄ акусала̄ вут̣т̣хахим̣су кусале патит̣т̣хахим̣сӯ’’ти. евам̣ кхо бханте тена бхиккхуна̄ евам̣ саттху ова̄да̄нуса̄саника̄рина̄ парехи пут̣т̣хена самма̄ бйа̄карама̄нена бйа̄ка̄таббам̣.

пуччха̄ – са̄мага̄масуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте са̄мага̄ме на̄ма сакйа̄нам̣ нигаме а̄йасмантан̃ча а̄нандам̣ а̄йасмантан̃ча чундам̣ а̄раббха бха̄ситам̣, а̄йасма̄ ча бханте а̄нандо а̄йасма̄ ча чундо йена бхагава̄ тенупасан̇камису, упасан̇камитва̄ бхагавантам̣ абхива̄детва̄ екамантам̣ нисӣдим̣су, екамантам̣ нисинно кхо а̄йасма̄ а̄нандо бхагавантам̣ етадавоча ‘‘айам̣ бханте чундо саман̣уддесо евама̄ха ‘ниган̣т̣хо бханте на̄т̣апутто па̄ва̄йам̣ адхуна̄ ка̄лан̇като, тасса ка̄лан̇кирийа̄йа бхинна̄ ниган̣т̣ха̄ дведхикаджа̄та̄ бхан̣д̣анаджа̄та̄ калахаджа̄та̄ вива̄да̄панна̄ ан̃н̃аман̃н̃ам̣ мукхасаттӣхи витуданта̄ вихаранти…пе… ¶ бхиннатхӯпе аппат̣исаран̣е’ти. тасса майхам̣ бханте евам̣ хоти ‘ма̄хева бхагавато аччайена сан̇гхе вива̄до уппаджджи, сва̄сса вива̄до бахуджанаахита̄йа бахуджанаасукха̄йа бахуно джанасса анаттха̄йа ахита̄йа дуккха̄йа деваманусса̄на’нти’’. тасмим̣ бханте ваттхусмим̣ бха̄ситам̣.

пуччха̄ – сунаккхаттасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – веса̄лийам̣ бханте сунаккхаттам̣ личчхавипуттам̣ а̄раббха бха̄ситам̣, сунаккхатто бханте личчхавипутто бхагавантам̣ упасан̇камитва̄ етадавоча ‘‘сутам̣ метам̣ бханте самбахулехи кира бхиккхӯхи бхагавато сантике ан̃н̃а̄ бйа̄ката̄ кхӣн̣а̄ джа̄ти, вуситам̣ брахмачарийам̣, катам̣ каран̣ӣйам̣, на̄парам̣ иттхатта̄йа̄ти паджа̄на̄ма̄ти. каччи те бханте бхиккхӯ саммадева ан̃н̃ам̣ бйа̄кам̣су, уда̄ху сантеттхекачче бхиккхӯ адхима̄нена ан̃н̃ам̣ бйа̄кам̣сӯ’’ти, тасмим̣ бханте ваттхусмим̣ бха̄ситам̣.

пуччха̄ – а̄нен̃джасаппа̄йасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

пуччха̄ – ган̣акамоггалла̄насуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ган̣акамоггалла̄нам̣ бра̄хман̣ам̣ а̄раббха бха̄ситам̣, ган̣акамоггалла̄но бханте бра̄хман̣о бхагавантам̣ упасан̇камитва̄ етадавоча ‘‘сеййа̄тха̄пи бхо готама имасса мига̄рама̄тупа̄са̄дасса диссати анупуббасиккха̄ анупуббакирийа̄ анупуббапат̣ипада̄ йадидам̣ йа̄ва паччхимасопа̄накал̣евара̄…пе… сакка̄ нукхо бхо готама имасмимпи дхаммавинайе евамева анупуббасиккха̄ анупуббакирийа̄ анупуббапат̣ипада̄ пан̃н̃апету’’нти, тасмим̣ бханте ваттхусмим̣ бха̄ситам̣.

пуччха̄ – евам̣ ¶ вутте кхо а̄вусо ган̣акамоггалла̄но бра̄хман̣о бхагавантам̣ ким̣ авоча, катхан̃часса бхагава̄ бйа̄ка̄си.

виссаджджана̄ – евам̣ вутте бханте ган̣акамоггалла̄но бра̄хман̣о бхагавантам̣ етадавоча ‘‘ким̣ ну кхо бхото готамасса са̄вака̄ бхота̄ готамена евам̣ овадӣйама̄на̄ евам̣ ануса̄сӣйама̄на̄ саббе аччантам̣ нит̣т̣хам̣ нибба̄нам̣ а̄родхенти, уда̄ху екачче на̄ра̄дхентӣ’’ти, бхагава̄ ча бханте ‘‘аппекачче кхо бра̄хман̣а мама са̄вака̄ майа̄ евам̣ овадӣйама̄на̄ евам̣ ануса̄сӣйама̄на̄ аччантам̣ нит̣т̣хам̣ нибба̄нам̣ а̄ра̄дхенти, екачче на̄ра̄дхентӣ’’ти евама̄дина̄ ган̣акамоггалла̄насса бра̄хман̣асса бйа̄ка̄си.

пуччха̄ – иман̃ча ¶ пана̄вусо дхаммадесанам̣ сутва̄ ган̣ако моггалла̄но имасмим̣ дхаммавинайе пасанно кӣдисам̣ пасанна̄ка̄рамака̄си.

виссаджджана̄ – иман̃ча пана бханте дхаммадесанам̣ сутва̄ ган̣акамоггалла̄но бра̄хман̣о ‘‘йе ме бхо готама пуггала̄ асаддха̄ джӣвикаттха̄ на саддха̄ ага̄расма̄ анага̄рийам̣ паббаджита̄’’ти евама̄дина̄ имасмим̣ дхаммавинайе пасанно пасанна̄ка̄рамака̄си.

пуччха̄ – гопакамоггалла̄насуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – ра̄джагахе бханте гопакамоггалла̄нам̣ бра̄хман̣ам̣ а̄раббха а̄йасмата̄ а̄нандаттхерена дхаммабхан̣д̣а̄га̄рикена бха̄ситам̣, гопакамоггалла̄но бханте бра̄хман̣о а̄йасмантам̣ а̄нандам̣ етадавоча ‘‘аттхи ну кхо бхо а̄нанда екабхиккхупи техи дхаммехи саббена саббам̣ саббатха̄ саббам̣ саманна̄гато, йехи дхаммехи саманна̄гато со бхавам̣ готамо ахоси арахам̣ самма̄самбуддхо’’ти, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха а̄йасмата̄ а̄нандаттхерена дхаммабхан̣д̣а̄га̄рикена бхиккхуно паса̄данӣйа̄ дхамма̄ пака̄сита̄, йе тена бхагавата̄ джа̄ната̄ пассата̄ арахата̄ самма̄самбуддхена аккха̄та̄. йехи ча саманна̄гатам̣ бхиккхум̣ ан̃н̃е бхиккхӯ саккареййум̣ гарум̣ кареййум̣ ма̄неййум̣ пӯджеййум̣ саккатва̄ гарум̣ катва̄ упанисса̄йа вихареййум̣.

виссаджджана̄ – идха бра̄хман̣а бхиккху сӣлава̄ хоти, па̄тимоккхасам̣варасам̣вуто вихарати а̄ча̄рагочарасампанно ан̣уматтесу ваджджесу бхайадасса̄вӣ, сама̄да̄йа сиккхати сиккха̄падесу, бахуссуто хоти сутадхаро сутасанничайо, йеме дхамма̄ а̄дикалйа̄н̣а̄ маджджхекалйа̄н̣а̄ парийоса̄накалйа̄н̣а̄ са̄ттхам̣ сабйан̃джанам̣ кевалапарипун̣н̣ам̣ парисуддхам̣ брахмачарийам̣ абхиваданти, татха̄рӯпасса дхамма̄ бахуссута̄ хонти дха̄та̄ вачаса̄ паричита̄ манаса̄нупеккхита̄ дит̣т̣хийа̄ суппат̣ивиддха̄ти евама̄дина̄ бханте таттха а̄йасмата̄ а̄нандаттхерена дхаммабхан̣д̣а̄га̄рикена даса паса̄данӣйа̄ дхамма̄ пака̄сита̄. йе тена бхагата̄ джа̄ната̄ пассата̄ арахата̄ самма̄самбуддхена аккха̄та̄, йехи саманна̄гатам̣ бхиккхум̣ етарахи бхиккхӯ саккареййум̣ гарум̣ кареййум̣ ма̄неййум̣ пӯджеййум̣ саккатва̄ гарум̣ катва̄ упанисса̄йа вихареййум̣.

пуччха̄ – евам̣ ¶ вутте кхо а̄вусо вассака̄ро бра̄хман̣о магадхамаха̄матто кӣдисам̣ пасам̣са̄вачанам̣ катхеси, катхан̃часса а̄йасма̄ а̄нандаттхеро дхаммабхан̣д̣а̄га̄рико там̣ вачанам̣ пат̣исодхетва̄ пака̄сеси.

виссаджджана̄ – евам̣ ¶ вутте вассака̄ро бра̄хман̣о магадхамаха̄матто упанандам̣ сена̄патим̣ а̄мантеси ‘‘там̣ ким̣ ман̃н̃аси бхавам̣ сена̄пати, йади ме бхонто сакка̄таббам̣ саккаронти, гарум̣ ка̄таббам̣ гарум̣ каронти, ма̄нетаббам̣ ма̄ненти, пӯджетаббам̣ пӯджентӣ’’ти евама̄дикам̣ пасам̣са̄вачанам̣ катхеси, а̄йасма̄ ча бханте а̄нандо ‘‘на ча кхо бра̄хман̣а со бхагава̄ саббам̣ джха̄нам̣ ван̣н̣еси, напи со бхагава̄ саббам̣ джха̄нам̣ на ван̣н̣есӣ’’ти евама̄дина̄ там̣ вачанам̣ пат̣исодхетва̄ пака̄сеси.

пуччха̄ – маха̄пун̣н̣амасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте ан̃н̃атарам̣ сат̣т̣химатта̄нам̣ падха̄нӣйабхиккхӯнам̣ сан̇гхаттхерам̣ бхиккхум̣ а̄раббха бха̄ситам̣, ан̃н̃атаро бханте

сат̣т̣химатта̄нам̣ ¶ падха̄нӣйабхиккхӯнам̣ сан̇гхаттхеро бхиккху ут̣т̣ха̄йа̄сана̄ екам̣сам̣ чӣварам̣ катва̄ йена бхагава̄ тенан̃джалим̣ пан̣а̄метва̄ бхагавантам̣ етадавоча ‘‘пуччхеййа̄хам̣ бханте бхагавантам̣ кин̃чидева десам̣, саче ме бхагава̄ ока̄сам̣ кароти пан̃хасса веййа̄каран̣а̄йа̄’’ти, тасмим̣ бханте ваттхусмим̣ бха̄ситам̣.

пуччха̄ – чӯл̣апун̣н̣амасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – катхан̃ча̄вусо ¶ таттха бхагавата̄ асаппурисаан̇га̄ни вибхаджитва̄ пака̄сита̄ни.

виссаджджана̄ – асаппурисо бхиккхаве ассаддхаммасаманна̄гато хоти, асаппурисабхатти хоти, асаппурисачинтӣ хоти, асаппурисамантӣ хоти, асаппурисава̄чо хоти, асаппурисакамманто хоти, асаппурисадит̣т̣хи хоти, асаппурисада̄нам̣ детӣти евама̄дина̄ бханте таттха бхагавата̄ ат̣т̣ха асаппурисаан̇га̄ни вибхаджитва̄ пака̄сита̄ни.

пуччха̄ – катхам̣ ¶ пана̄вусо бхагавата̄ таттха саппурисаан̇га̄ни вибхаджитва̄ пака̄сита̄ни.

виссаджджана̄ – саппурисо бхиккхаве саддхаммасаманна̄гато хоти, саппурисабхатти хоти, саппурисачинтӣ хоти, саппурисамантӣ хоти, саппурисава̄чо хоти, саппурисакамманто хоти, саппурисадит̣т̣хи хоти, саппурисада̄нам̣ детӣти евама̄дина̄ бханте бхагавата̄ таттха ат̣т̣хавидха̄ни саппурисан̇га̄ни вибхаджитва̄ пака̄сита̄ни.

пуччха̄ – анупадасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, самбахула̄ бханте бхиккхӯ а̄йасмато са̄рипуттасса дхаммасена̄патисса сабха̄га̄ тасмим̣ самайе саннипатим̣су, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагавата̄ а̄йасмато са̄рипуттасса дхаммасена̄патисса анупададхаммавипассана̄ виттха̄рена вибхаджитва̄ пака̄сита̄.

виссаджджана̄ – пан̣д̣ито бхиккхаве са̄рипутто маха̄пан̃н̃о бхиккхаве са̄рипутто путхупан̃н̃о бхиккхаве са̄рипутто ха̄сапан̃н̃о ¶ бхиккхаве са̄рипутто тиккхапан̃н̃о бхиккхаве са̄рипутто джаванапан̃н̃о бхиккхаве са̄рипутто ниббедхикапан̃н̃о бхиккхаве са̄рипутто са̄рипутто бхиккхаве ад̣д̣хама̄сам̣ анупададхаммавипассанам̣ випассатӣти евама̄дина̄ бханте таттха бхагавата̄ а̄йасмато са̄рипуттасса дхаммасена̄патисса анупададхаммавипассана̄ виттха̄рена пака̄сита̄.

пуччха̄ – тена̄вусо…пе… ¶ самма̄самбуддхена чхаббисодханасуттам̣ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – саппурисасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – севитабба̄севитаббасуттам̣ ¶ пана̄вусо бхагавата̄ каттха кам̣ а̄раббха кена саддхим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ са̄рипуттаттхерена дхаммасена̄патина̄ саддхим̣ бха̄ситам̣.

пуччха̄ – бахудха̄тукасуттам̣ ¶ пана̄вусо каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – исигилисуттам̣ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – ра̄джагахе бханте исигилисмим̣ паббате самбахуле бхиккхӯ а̄раббха бха̄ситам̣.

пуччха̄ – маха̄чатта̄рӣсакасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – а̄на̄па̄нассатисуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, тхера̄ бханте бхиккхӯ наве бхиккхӯ оваданти ануса̄санти, аппекачче тхера̄ бхиккхӯ дасапи бхиккхӯ оваданти ануса̄санти, аппекачче тхера̄ бхиккхӯ вӣсампи бхиккхӯ оваданти ануса̄санти, аппекачче тхера̄ бхиккхӯ тим̣сампи бхиккхӯ оваданти ануса̄санти, аппекачче тхера̄ бхиккхӯ чатта̄рӣсампи бхиккхӯ оваданти ануса̄санти, те ча бханте нава̄ бхиккхӯ тхерехи бхиккхӯхи овадийама̄на̄ ануса̄сийама̄на̄ ул̣а̄рам̣ пуббена̄парам̣ висесам̣ джа̄нанти, тасмим̣ бханте ваттхусмим̣ бха̄ситам̣.

пуччха̄ – ка̄йагата̄сатисуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣, самбахула̄нам̣ бханте бхиккхӯнам̣ паччха̄бхаттам̣ пин̣д̣апа̄тапат̣икканта̄нам̣ упат̣т̣ха̄наса̄ла̄йам̣ саннисинна̄нам̣ саннипатита̄нам̣ айамантаракатха̄ удапа̄ди ‘‘аччхарийам̣ а̄вусо, аббхутам̣ а̄вусо, йа̄ван̃чидам̣ тена бхагавата̄ джа̄ната̄ пассата̄ арахата̄ самма̄самбуддхена ка̄йагата̄сати бха̄вита̄ бахулӣката̄ махаппхала̄ вутта̄ маха̄нисам̣са̄’’ти, тасмим̣ бханте ваттхусмим̣ бха̄ситам̣.

пуччха̄ – сан̇кха̄рӯпапаттисуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – катхан̃ча̄вусо таттха бхагавата̄ сан̇кха̄рӯпапаттийо вибхаджитва̄ пака̄сита̄.

виссаджджана̄ – идха бхиккхаве бхиккху саддха̄йа саманна̄гато хоти, сӣлена саманна̄гато хоти, сутена саманна̄гато хоти, ча̄гена саманна̄гато хоти, пан̃н̃а̄йа саманна̄гато хоти, тасса евам̣ хоти ‘‘ахо вата̄хам̣ ка̄йасса бхеда̄ парам̣ маран̣а̄ кхаттийамаха̄са̄ла̄нам̣ сахабйатам̣ упападжджеййа’’нти евама̄дина̄ бханте таттха бхагавата̄ сан̇кха̄рӯпапаттийо вибхаджитва̄ пака̄сита̄.

пуччха̄ – чӯл̣асун̃н̃атасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте а̄йасмантам̣ а̄нандам̣ а̄раббха бха̄ситам̣, а̄йасма̄ бханте а̄нандо са̄йанхасамайам̣ пат̣исалла̄на̄ вут̣т̣хито бхагавантам̣ етадавоча ‘‘екамидам̣ бханте самайам̣ бхагава̄ саккесу вихарати нагаракам̣ на̄ма сакйа̄нам̣ нигамо, таттха ме бханте бхагавато саммукха̄ сутам̣, саммукха̄ пат̣иггахитам̣, сун̃н̃ата̄виха̄рена̄хам̣ а̄нанда етарахи бахулам̣ вихара̄мӣти каччи метам̣ бханте суссутам̣ суггахитам̣ суманасикатам̣ сӯпадха̄рита’’нти, тасмим̣ бханте ваттхусмим̣ бха̄ситам̣.

пуччха̄ – маха̄сун̃н̃атасуттам̣ ¶ пана̄вуто бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – саккесу бханте капилаваттхусмим̣ а̄йасмантам̣ а̄нандам̣ а̄раббха бха̄ситам̣, а̄йасма̄ бханте а̄нандо самбахулехи бхиккхӯхи саддхим̣ гхат̣а̄йа саккасса виха̄ре чӣваракаммам̣ кароти, тасмим̣ бханте ваттхусмим̣ бха̄ситам̣.

пуччха̄ – аччхарийааббхутасуттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ кена саддхим̣ бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха а̄йасмата̄ а̄нандаттхерена дхаммабхан̣д̣а̄га̄рикена саддхим̣ бха̄ситам̣. самбахула̄нам̣ бханте бхиккхӯнам̣ паччха̄бхаттам̣ пин̣д̣апа̄тапат̣икканта̄нам̣ упат̣т̣ха̄наса̄ла̄йам̣ саннисинна̄нам̣ саннипатита̄нам̣ айамантаракатха̄ удапа̄ди ‘‘аччхарийам̣ а̄вусо, аббхутам̣ а̄вусо татха̄гатасса махиддхиката̄ маха̄нубха̄вата̄. йатра хи на̄ма татха̄гато атӣте буддхе париниббуте чхиннапапан̃че чхиннават̣уме парийа̄диннават̣т̣е саббадуккхавӣтиватте джа̄ниссати. евам̣джачча̄ те бхагаванто ахесум̣ итипи, евам̣на̄ма̄ те бхагаванто ахесум̣ итипи, евам̣готта̄ те бхагаванто ахесум̣ итипи, евам̣сӣла̄ те бхагаванто ахесум̣ итипи, евам̣дхамма̄ те бхагаванто ахесум̣ итипи, евам̣пан̃н̃а̄ ¶ те бхагаванто ахесум̣ итипи, евам̣виха̄рӣ те бхагаванто ахесум̣ итипи, евам̣вимутта̄ те бхагаванто ахесум̣ итипӣ’’ти, тасмим̣ бханте ваттхусмим̣ бха̄ситам̣.

пуччха̄ – ба̄куласуттам̣ ¶ пана̄вусо каттха кам̣ а̄раббха кена бха̄ситам̣.

виссаджджана̄ – ра̄джагахе бханте ачелам̣ кассапам̣ а̄раббха а̄йасмата̄ ба̄кулаттхерена бха̄ситам̣.

пуччха̄ – дантабхӯмисуттам̣ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте джайасенам̣ ра̄джакума̄рам̣ а̄раббха бха̄ситам̣. джайасено бханте ра̄джакума̄ро ачираватам̣ саман̣уддесам̣ упасан̇камитва̄ етадавоча ‘‘сутам̣ метам̣ бхо аггивессана идха бхиккху аппаматто а̄та̄пӣ пахитатто вихаранто пхусеййа ¶ читтасса екаггата’’нти, тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагавата̄ ачираватасса саман̣уддесасса самасса̄сетва̄ дхаммадесана̄найо пака̄сито.

виссаджджана̄ – там̣ кутеттха аггивессана лаббха̄, йам̣ там̣ неккхаммена н̃а̄таббам̣ неккхаммена дат̣т̣хаббам̣ неккхаммена паттаббам̣ неккхаммена саччхика̄таббам̣, там̣ вата джайасено ра̄джакума̄ро ка̄мамаджджхе васанто ка̄ме парибхун̃джанто ка̄мавитаккехи кхаджджама̄но ка̄мапарил̣а̄хена парид̣айхама̄но ка̄мапарийосана̄йа уссуко уссати ва̄ даккхати ва̄ саччхи ва̄ кариссатӣти нетам̣ т̣ха̄нам̣ виджджатӣти евам̣ кхо бханте бхагавато ачираватасса саман̣уддесасса самасса̄сетва̄, сеййатха̄писсу аггивессана две хаттхидамма̄ ва̄ ассадамма̄ва̄ годамма̄ ва̄ суданта̄ сувинӣта̄ти евама̄дина̄ бханте бхагавата̄ ачираватасса саман̣уддесасса десана̄найо пака̄сито.

пуччха̄ – катхан̃ча̄вусо ¶ таттха бхагава̄ две упама̄йо дассетва̄ татуттари дхаммадесанам̣ павад̣д̣хети.

виссаджджана̄ – сеййатха̄пи аггивессана ра̄джа̄кхаттийо муддха̄васитто на̄гаваникам̣ а̄мантетӣти евама̄дина̄ бханте бхагава̄ уттарипи дхаммадесанам̣ павад̣д̣хеси.

пуччха̄ – тена̄вусо…пе… ¶ самма̄самбуддхена бхӯмиджасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – ра̄джагахе бханте джайасенам̣ ра̄джакума̄рам̣ а̄раббха бха̄ситам̣, джайасено бханте ра̄джакума̄ро а̄йасмантам̣ бхӯмиджам̣ етадавоча ‘‘санти бхо бхӯмиджа еке саман̣абра̄хман̣а̄ евам̣ва̄дино евам̣дит̣т̣хино ‘а̄сан̃чепи каритва̄ брахмачарийам̣ чаранти, абхабба̄ пхаласса адхигама̄йа. ана̄сан̃чепи каритва̄ брахмачарийам̣ чаранти, абхабба̄ пхаласса адхигама̄йа. а̄сан̃ча ана̄сан̃чепи каритва̄ брахмачарийам̣ чаранти, абхабба̄ пхаласса адхигама̄йа ¶ . нева̄сам̣ на̄на̄сан̃чепи каритва̄ брахмачарийам̣ чаранти, а̄бхабба̄ пхаласса адхигама̄йа̄’ти. идха бхото бхӯмиджасса саттха̄ ким̣ва̄дӣ кимаккха̄йӣ’’ти тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагавата̄ а̄йасмато бхӯмиджаттхерасса там̣ бйа̄каран̣ам̣ самануджа̄нитва̄ татуттари дхаммадесана̄найо парипӯретва̄ пака̄сито.

виссаджджана̄ – таггха твам̣ бхӯмиджа евам̣ пут̣т̣хо евам̣ бйа̄карама̄но вуттава̄дӣ чева ме хоси, на ча мам̣ абхӯтена аббха̄чиккхаси, евама̄дина̄ бханте бхагавата̄ а̄йасмато бхӯмиджасса там̣ вачанам̣ самануджа̄нитва̄ ‘‘йехи кехичи бхӯмиджа саман̣а̄ ва̄ бра̄хман̣а̄ ва̄ миччха̄дит̣т̣хино миччха̄сан̇каппа̄ миччха̄ва̄ча̄ миччха̄камманта̄ миччха̄а̄джӣва̄ миччха̄ва̄йа̄ма̄ миччха̄сатӣ миччха̄сама̄дхино, те а̄сан̃чепи каритва̄ брахмачарийам̣ чаранти, абхабба̄ пхаласса адхигама̄йа̄’’ти евама̄дина̄ бханте бхагавата̄ а̄йасмато бхӯмиджасса уттари десана̄найо парипӯретва̄ пака̄сито.

пуччха̄ – ануруддхасуттам̣ ¶ пана̄вусо каттха кам̣ а̄раббха кисмим̣ ваттхусмим̣ кена бха̄ситам̣.

виссаджджана̄ – са̄ваттхийам̣ бханте пан̃чакан̇гам̣ тхапатим̣ а̄раббха а̄йасмата̄ ануруддхаттхерена бха̄ситам̣, пан̃чакан̇го бханте тхапати а̄йасмантам̣ ануруддхам̣ етадавоча ‘‘идха мам̣ бханте тхера̄ бхиккхӯ упасан̇камитва̄ евама̄хам̣су ‘аппама̄н̣ам̣ гахапати четовимуттим̣ бха̄вехӣ’ти, екачче тхера̄ евама̄хам̣су ‘махаггатам̣ гахапати четовимуттим̣ бха̄вехӣ’’ти, йа̄ ча̄йам̣ бханте аппама̄н̣а̄ четовимутти йа̄ ча махаггата̄ четовимутти, име дхамма̄ на̄наттха̄ чева на̄на̄бйан̃джана̄ ча, уда̄ху екаттха̄ бйан̃джанамева на̄нанти’’ тасмим̣ бханте ваттхусмим̣ бха̄ситам̣.

пуччха̄ – упаккилесасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – па̄чӣнавам̣сада̄йе бханте а̄йасмантам̣ ануруддхаттхерам̣ а̄раббха бха̄ситам̣.

пуччха̄ – ба̄лапан̣д̣итасуттам̣ ¶ пана̄вусо бхагавата̄ каттха кам̣ а̄раббха бха̄ситам̣.

виссаджджана̄ – са̄ваттхийам̣ бханте самбахуле бхиккхӯ а̄раббха бха̄ситам̣.

пуччха̄ – катхан̃ча̄вусо таттха бхагавата̄ ба̄ласса ба̄лалаккхан̣а̄ни ча ба̄ласса дит̣т̣хева дхамме дуккхадоманассаппат̣исам̣ведана̄ ча пака̄сита̄.

виссаджджана̄ – тӣн̣има̄ни бхиккхаве ба̄ласса ба̄лалаккхан̣а̄ни ба̄ланимитта̄ни ба̄ла̄пада̄на̄ни. катама̄ни тӣн̣и. идха бхиккхаве ба̄ло дуччинтитачинтӣ ¶ ча хоти дуббха̄ситабха̄сӣ ча дуккат̣акаммака̄рӣ ча̄ти евама̄дина̄ бханте таттха бхагавата̄ ба̄ласса ба̄лалаккхан̣а̄ни ча ба̄ласса дит̣т̣хева дхамме дуккхадоманассаппат̣исам̣ведана̄ ча пака̄сита̄.

пуччха̄ – катхан̃ча̄вусо ¶ таттха бхагавата̄ ба̄ласса сампара̄йо ча таттха нирайе ба̄ласса дуккхадоманассапат̣исам̣ведана̄ ча пака̄сита̄.

виссаджджана̄ – са кхо со бхиккхаве ба̄ло ка̄йена дуччаритам̣ чаритва̄ ва̄ча̄йа дуччаритам̣ чаритва̄ манаса̄ дуччаритам̣ чаритва̄ ка̄йасса бхеда̄парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджатӣти евама̄дина̄ бханте таттха бхагавата̄ ба̄ласса сампара̄йо ча таттха ча ба̄ласса нирайе дуккхадоманассаппат̣исам̣ведана̄ пака̄сита̄.

пуччха̄ – катхан̃ча̄вусо ¶ таттха бхагавата̄ ба̄ласса тираччха̄найонийам̣ дуккхадоманассапат̣исам̣ведана̄ пака̄сита̄.

виссаджджана̄ – санти бхиккхаве тираччха̄нагата̄ па̄н̣а̄ тин̣абхаккха̄ те алла̄нипи тин̣а̄ни суккха̄нипи тин̣а̄ни дантуллехакам̣ кха̄дантӣти евама̄дина̄ бханте таттха бхагавата̄ ба̄ласса тираччха̄найонийам̣ дуккхадоманассаппат̣исам̣ведана̄ пака̄сита̄.

пуччха̄ – катхан̃ча̄вусо ¶ таттха бхагавата̄ ба̄лена саким̣ винипа̄тагатена пуна мануссаттадуллабхата̄ пака̄сита̄.

виссаджджана̄ – сеййатха̄пи бхиккхаве пурисо екаччхиггалам̣ йугам̣ маха̄самудде паккхипеййа, таменам̣ пураттхимо ва̄то паччхимена сам̣хареййа̄ти евама̄дина̄ бханте таттха бхагавата̄ ба̄лена саким̣ винипа̄тагатена пуна мануссаттасса дуллабхата̄ пака̄сита̄.

пуччха̄ – катхан̃ча̄вусо ¶ таттха бхагавата̄ ба̄ласса када̄чи карахачи дӣгхасса аддхуно аччайена мануссаттам̣ а̄гатассапи дуккхабахулата̄ пака̄сита̄.

виссаджджана̄ – са кхо со бхиккхаве ба̄ло саче када̄чи карахачи дӣгхасса аддхуно аччайена мануссаттам̣ а̄гаччхатӣти евама̄дина̄ бханте таттха бхагавата̄ ба̄ласса када̄чи карахачи дӣгхасса аддхуно аччайена мануссаттам̣ а̄гатассапи дуккхабахулата̄ пака̄сита̄.

пуччха̄ – катхан̃ча̄вусо ¶ таттха бхагавата̄ пан̣д̣итасса пан̣д̣италаккхан̣а̄ни ча пан̣д̣итасса дит̣т̣хева дхамме сукхасоманассаппат̣исам̣ведана̄ ча пака̄сита̄.

виссаджджана̄ – тӣн̣има̄ни бхиккхаве пан̣д̣итасса пан̣д̣италаккхан̣а̄ни пан̣д̣итанимитта̄ни пан̣д̣ита̄пада̄на̄ни. катама̄ни тӣн̣и. идха бхиккхаве пан̣д̣ито сучинтитачинтӣ ча хоти субха̄ситабха̄сӣ ча сукатакаммака̄рӣ ча̄ти евама̄дина̄ бханте таттха бхагавата̄

пан̣д̣итасса ¶ пан̣д̣италаккхан̣а̄ни ча дит̣т̣хева дхамме пан̣д̣итасса сукхасоманассапат̣исам̣ведана̄ ча пака̄сита̄.

пуччха̄ – катхан̃ча̄вусо ¶ таттха бхагавата̄ пан̣д̣итасса сампара̄йо ча таттха сагге сукхасоманассаппат̣исам̣ведана̄ ча пака̄сита̄.

виссаджджана̄ – са кхо со бхиккхаве пан̣д̣ито ка̄йена сучаритам̣ чаритва̄ ва̄ча̄йа манаса̄ сучаритам̣ чаритва̄ ка̄йасса бхеда̄ парам̣ маран̣а̄ сугатим̣ саггам̣ локам̣ упападжджатӣти евама̄дина̄ бханте таттха бхагавата̄ пан̣д̣итасса сампара̄йо ча сагге ча пан̣д̣итасса сукхасоманассаппанисам̣ведана̄ пака̄сита̄.

пуччха̄ – катхан̃ча̄вусо ¶ таттха бхагавата̄ пан̣д̣итасса када̄чи карахачи дӣгхасса аддхуно аччайена мануссаттам̣ а̄гатассапи сукхабахулата̄ пака̄сита̄.

виссаджджана̄ – са кхо со бхиккхаве пан̣д̣ито саче када̄чи карахачи дӣгхасса аддхуно аччайена мануссаттам̣ а̄гаччхати, йа̄ни та̄ни учча̄кула̄ни кхаттийамаха̄са̄лакулам̣ ва̄ бра̄хман̣амаха̄са̄лакулам̣ ва̄ гахапатимаха̄са̄лакулам̣ ва̄ татха̄рӯпе куле пачча̄джа̄йатӣти евама̄дина̄ бханте таттха бхагавата̄ пан̣д̣итасса када̄чи карахачи дӣгхасса аддхуно аччайена мануссаттам̣ а̄гатассапи сукхабахулата̄ пака̄сита̄.

пуччха̄ – тена̄вусо ¶ джа̄ната̄ пассата̄…пе… самма̄самбуддхена чӯл̣акаммавибхан̇гасуттам̣ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – са̄ваттхийам̣ бханте субхам̣ ма̄н̣авам̣ тодеййапуттам̣ а̄раббха бха̄ситам̣. субхо бханте ма̄н̣аво тодеййапутто бхагавантам̣ упасан̇камитва̄ етадавоча ‘‘ко ну кхо бхо готама хету ко паччайо, йена манусса̄нам̣йева сатам̣ мануссабхӯта̄нам̣ диссанти хӣнаппан̣ӣтата̄. диссанти хи бхо готама манусса̄ аппа̄йука̄, диссанти дӣгха̄йука̄. диссанти бавха̄ба̄дха̄, диссанти аппа̄ба̄дха̄. диссанти дуббан̣н̣а̄, диссанти ван̣н̣аванто. диссанти аппесаккха̄, диссанти махесаккха̄. диссанти аппабхога̄, диссанти маха̄бхога̄. диссанти нӣчакулӣна̄, диссанти учча̄кулӣна̄. диссанти дуппан̃н̃а̄, диссанти пан̃н̃аванто. ко ну кхо бхо готама хету ко паччайо, йена манусса̄нам̣йева сатам̣ мануссабхӯта̄нам̣ диссанти хӣнаппан̣ӣтата̄’’ти тасмим̣ бханте ваттхусмим̣ бха̄ситам̣.

пуччха̄ – катхан̃ча̄вусо ¶ таттха бхагавата̄ сатта̄нам̣ дӣгха̄йукааппа̄йукасам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ па̄н̣а̄типа̄тӣ хоти, луддо лохитапа̄н̣и хатапахате нивит̣т̣хо адайа̄панно па̄н̣абхӯтесӯти евама̄дина̄ бханте таттха бхагавата̄ аппа̄йукадӣгха̄йукасам̣ваттанака̄ни камма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ сатта̄нам̣ аппа̄ба̄дхабавха̄ба̄дхасам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ¶ ма̄н̣ава екаччо иттхӣ ва̄ пурисо ва̄ сатта̄нам̣ вихет̣т̣хакаджа̄тико хоти па̄н̣ина̄ ва̄ лед̣д̣уна̄ва̄ дан̣д̣енава̄ саттхена ва̄ти евама̄дина̄ бханте таттха бхагавата̄ сатта̄нам̣ аппа̄ба̄дхабавха̄ба̄дхасам̣ваттанакакамма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ сатта̄нам̣ суван̣н̣адуббан̣н̣асам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ кодхано хоти упа̄йа̄сабахуло, аппампи вутто сама̄но абхисаджджати куппати бйа̄паджджати патит̣т̣хийати, копан̃ча досан̃ча аппаччайан̃ча па̄тукаротӣти евама̄дина̄ бханте таттха бхагавата̄ сатта̄нам̣ суван̣н̣адуббан̣н̣асам̣ваттанакакамма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ сатта̄нам̣ махесаккха аппесаккхасам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ исса̄манако хоти, парала̄бхасакка̄ра гарука̄ра ма̄нанавандана пӯджа̄су иссати упадуссати иссам̣ бандхатӣти евама̄дина̄ бханте таттха бхагавата̄ сатта̄нам̣ аппесаккхамахесаккхасам̣ваттанака̄ни камма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ маха̄бхогааппабхогасам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ на да̄та̄ хоти, саман̣асса ва̄ бра̄хман̣асса ва̄ аннам̣ па̄нам̣ ваттам̣ йа̄нам̣ ма̄ла̄гандха вилепанам̣ сеййавасатхападӣпеййанти евама̄дина̄ бханте таттха бхагавата̄ маха̄бхогааппабхогасам̣ваттанакакамма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ сатта̄нам̣ учча̄кулӣна нӣчакулӣнасам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ тхаддхо хоти атима̄ни абхива̄детаббам̣ на абхива̄дети, паччут̣т̣ха̄таббам̣ на паччут̣т̣хети, а̄сана̄рахасса на а̄санам̣ дети, магга̄рахасса на маггам̣ дети, сакка̄таббам̣ на саккароти, гарука̄таббам̣ на гарукароти, ма̄нетаббам̣ ма̄нети, пӯджетаббам̣ на пӯджетӣти евама̄дина̄ бханте таттха бхагавата̄ сатта̄нам̣ учча̄кулӣна нӣчакулӣнасам̣ваттанакакамма̄ни вибхаджитва̄ пака̄сита̄ни.

пуччха̄ – катхан̃ча̄вусо ¶ таттха бхагавата̄ сатта̄нам̣ маха̄пан̃н̃адуппан̃н̃асам̣ваттанакакамма̄ни вибхаджитва̄ пака̄сита̄ни.

виссаджджана̄ – идха ма̄н̣ава екаччо иттхӣ ва̄ пурисо ва̄ саман̣ам̣ ва̄ бра̄хман̣ам̣ ва̄ упасан̇камитва̄ на парипуччхита̄ хоти ‘‘ким̣ бханте кусалам̣, ким̣ акусалам̣. ким̣ са̄ваджджам̣, ким̣ анаваджджам̣. ким̣ севитаббам̣, ким̣ на севитаббам̣. ким̣ ме карӣйама̄нам̣ дӣгхараттам̣ ахита̄йа дуккха̄йа хоти, ким̣ ва̄ пана ме карӣйама̄нам̣ ¶ дӣгхараттам̣ хита̄йа сукха̄йа хотӣ’’ти евама̄дина̄ бханте таттха бхагавата̄ сатта̄нам̣ маха̄пан̃н̃адуппан̃н̃асам̣ваттанакакамма̄ни вибхаджитва̄ пака̄сита̄ни.

пуччха̄ – индрийабха̄вана̄суттам̣ ¶ пана̄вусо бхагавата̄ каттха кам̣ а̄раббха кисмим̣ ваттхусмим̣ бха̄ситам̣.

виссаджджана̄ – гаджан̇гала̄йам̣ бханте уттарам̣ на̄ма ма̄н̣авам̣ па̄ра̄сивийантева̄сим̣ а̄раббха бха̄ситам̣, уттаро бханте ма̄н̣аво па̄ра̄сивийантева̄сӣ бхагавата̄ пут̣т̣хо бхагавантам̣ етадавоча ‘‘идха бхо готама чаккхуна̄ рӯпам̣ на пассати, сотена саддам̣ на сун̣а̄ти. евам̣ кхо бхо готама десети па̄ра̄сивийо бра̄хман̣о са̄вака̄нам̣ индрийабха̄вана’’нти. тасмим̣ бханте ваттхусмим̣ бха̄ситам̣.