📜
નમો તસ્સ ભગવતો અરહતો સમ્માસમ્બુદ્ધસ્સ
મહાપણામપાઠ
(બુદ્ધવન્દના)
સો ¶ , કો; ને, સં;
સત્થા, નેસં; ખેમં, દાતા;
હેળાત-ક્કારો સો; જન્તૂનં, નો મા નુ;
સો લોકન્ધં, હન્ત્વા નક્કો;
સત્તમ્બોજં, બોધેતા નુ.
જિનસૂરિયો, તિભવનભે;
મુહતિમિરં, અભિતપયે.
જેનો જિનમૂલે, દિસ્વા જનકાયં;
સંસારનિમુગ્ગં, સબ્બઞ્ઞુત મિચ્છં.
હિત્વા કરુપેતં, મોક્ખં પણિધાનં;
વત્તેસિ દયાણા, યો તં મુનિ વન્દે.
સુતાયુભરિયા મે, ધનઙ્ગમપિ ચજ્જં.
ચિનં બુધિનિદાને, અગા મુનિયં મેતં.
સો સસજાતિય દેહં, ચજ્જિય દાનવરઞ્ચ;
નાગુસભો વરસીલં, પૂરયિ સમ્પરિચાગો.
નેક્ખમ્મગ્ગં રાજા હુત્વા, સેનબ્બિદ્વા પઞ્ઞાસેટ્ઠં;
વેદેહિન્દો વીરુક્કંસં, ખન્તીવાદી ખન્તીસેટ્ઠં.
સો સુતસોમો તથગં, તેમિય ધિટ્ઠાનવરં;
એકભુગો મેત્તવરં, લોમહસોપેક્ખતરં.
પારમી ¶ તિદુક્કરાવ, પૂરિયાન સેટ્ઠબોધિ;
પાપુણિત્થ યો અનન્ત-ધમ્મસારદં નમામિ.
પહાય ચક્કવત્તિકં, કરોપનીત મદ્દિયં;
ભુસિધરે સસેનકં, અજેનિ પાપિમં નમે.
અથુત્તરં જયાકરં, બહૂપકારતં જિનો;
પટિચ્ચ નિમ્મિસક્ખિભિ, ઉદિક્ખતે નમામિ તં.
ચઙ્કમે મરુવિમતિ યો, છિન્દયં કમિ રતનિયે;
ઇદ્ધિપાટિહિરણકરો, ચક્ખુમં તમભિપણમે.
અથ રતનઘરે બુદ્ધો, છદિધિતિ જનયં સઙ્ખ્યં;
સીમીસા તમભિધમ્મં યો, સુરનરમહિતં વન્દે.
નિગ્રોધન્તિક નુબ્ભવી સુખં, ધમ્મં યો વિચિનં નધીવરો;
કિચ્છાલદ્ધ મનઞ્ઞબોધિયં, વન્દે તં સુગતં નિગ્રોચરં.
સબ્ભોગેહિ થ મુચલિન્દેન,
નાગિન્દેન રહસિ પાવુત્તો;
સોખ્યં યો નુભવિ વિમુત્તિંતં,
વન્દે મારાજિ અતુલપ્પઞ્ઞો.
કારુણિકો રાજાયતને યો,
ભોજ મુળારં ભોજ્જરસેકં;
વાસ મકા નન્તગ્ગુણધારો,
એકગતો વન્દામિ મહેસી.
કેય્યં કેય્યં અભિજયકેતું,
જેય્યં જેય્યં વરજયપાનં;
પેય્યં પેય્યં સુવિચિ નમે તં,
નેય્યં નેય્યં સમતમુપેક્ખિં.
સત્ત ચ સત્તાહે વિજિતાવી,
ખેપિય નિગ્રોધં પુન ગન્ત્વા;
ધમ્મસુદુદ્દસ્યં પતિ જાતો,
ધમ્મકથા પ્પોસુક્ક વિતક્કો.
મરુગણેહિ ¶ બ્રહ્મુના સમં,
રતનદામમેરુણા દદા;
સમભિયાચિતો પટિસ્સવં,
દસબલો નમામિ દેસિતું.
ગન્ત્વા ઇસિપ્પાતક્કાનનઞ્ચ,
સત્થા મિગદ્દાયં દેસયિત્થ;
સચ્ચપ્પકારં યો ધમ્મચક્ક-
સુત્તં નમે છબ્બીધંસુ તાવ.
રઞ્ઞો મગધસ્સ કતપ્પટિઞ્ઞો,
ગન્ત્વાનથ રાજગહં વિનેતિ;
સત્તે મલરોગયુતે ગદગ્ગં,
પાયેતુન તં પણમે ભિસક્કં.
સક્યાધિવાસે કપિલે સઞ્ઞતિં,
માનદ્ધજં ભિન્દિય મિદ્ધિવાતા;
ધમ્મામતં પાયિ પિતુપ્પભુતિ,
વન્દામિ સક્યિન્દ મનોમદસ્સિં.
અનાથપિણ્ડોતિ વ્હયેન નન્ત-
દ્ધનં ચજિત્વા સુકતે વિહારે;
વિહાસિ ભિય્યો જનતા હિતત્થં,
સુધમ્મભેરિં વદયં ભિવન્દે.
ઉપેતપુઞ્ઞં વરલક્ખણોકં-
ણોકં વિસુદ્ધં જલિતપ્પદીમં;
દીપં પજાનં અનિઘં નવજ્જં-
નવજ્જવાચં સુગતં નમામિ.
મુનિભાનુ ધમ્મપભાહિ જન-
મ્બુજ મુદ્ધતન્ધતમો સુતપો;
કરુણારુણો સમબોધયિ યો,
ભવિસીતલત્તપનો પણમે.
ઇન્દુ વિયમ્બરમજ્ઝતલે યો,
રાજતિ તારગણેન મુનિન્દો;
અરિયગણપ્પરિતો તિભવે તં,
સાદર મુગ્ગતસોભ મવન્દિ.
મૂલામૂલા ¶ તિંસતિપારમિયો,
સાખાસાખા મજ્ઝિમજ્ઝાનકાયા;
પત્તાપત્તા બુદ્ધચક્ખુનિ યસ્સ,
પુપ્ફાપુપ્ફા કારુણા મગ્ગખન્ધો.
સારાસારા યમકા ફેગ્ગુભિઞ્ઞા,
સબ્બાલમ્બઙ્કુરકં સીલવણ્ટં;
સેસાધમ્મા મધુપક્કપ્ફલાનિ,
રંસીછલ્લી સુતચા લક્ખણાનિ.
છાયુપગા સું પુથુનરદેવા,
મારજિદીપઙ્કર મહિજાતં;
પત્થતનન્તઞ્ચ કુસલબીજં,
એકરુહં પાદપમુનિ વન્દે.
મારતિત્થિયરિપું તમઞ્ચ યો,
ધંસયં નગરધમ્મ માપયં;
સીલનીવરણ દ્વારકોટ્ઠકં,
એસિકાપરમસદ્ધ મુત્તમં.
દ્વારપાલસુયતં સતિટાલં,
ઞાણચચ્ચર સિઘાટપદિદ્ધિં;
ધમ્મમગ્ગકુટિસાલ સહિત્તં,
ધમ્મસેનપતિસારિજભૂતં.
દુતિયસુતપરોહિતં મહા-
ધુતગુણધરમગ્ઘ દસ્સિકં;
વિનયચિનક ધમ્મરક્ખકં,
તિભવપતિક ધમ્મરાજિયં.
સુતં સુતં સબ્બધિ સજ્જનંજનં,
મિતં મિતં નન્તગુણાલયં લયં;
હુતં હુતં જન્તુનમાનમં નમં,
ભવે ભવે તેભવમઙ્ગલં ગલં.
લોકાભિરામં રમણેય્યવેદુરં,
લોકન્તગું અન્તુભયાનુપાગતં;
લોકદ્ધજં માનધજપ્પહારકં,
લોકગ્ગરું અગ્ગરુ પચ્ચયે નમે.
મકુટગ્ગફલં ¶ નયનઞ્ચનિકં,
સવનબ્ભુસનં વદનબ્ભુસનં;
ગલમણ્ડનમિદ્ધિ મનઞ્ઞુરસં,
કિરિયઞ્ઞુદરં દ્વિખણઞ્ઞુકરં.
કટિવિભૂસન મજ્ઝિમઞ્ઞણકં,
દયવિલેપન ધારણમણ્ડનં;
પટખિલઞ્ઞુનિવત્થ મનુત્તરં,
મુનિમરુત્તમ મેક મહં નમે.
સતિવર સુચકં ઇબ્ભગ્ગપઞ્ઞં,
સુવીરિયવસુવાહં પીતિસેલં;
ગહપતિસમથગ્ગં થીપસદ્ધિં,
અસણિયસુનુપેક્ખં સત્તભોગં.
ચતુદિસિકિદ્ધિપ્પદ મસહાયં,
સુપરિવુતં ખત્તિયવિરજાનં;
સુચિપરિસં દેવનર મનાપં,
દસબલચક્કાધિપતિ ભિવન્દે.
સમાધિબ્બહિદ્ધં સતિચ્છટ્ઠસેલં,
વિરપ્પઞ્ચમા જીવમજ્ઝં સુકમ્મ-
ત્તતિયં સુવાચાદુતિયં ભિસેટ્ઠં,
સમાતક્કપુબ્બઞ્ચ સત્તપ્પવારં.
વિવિધઞાણપભુતિબ્બસાકરં,
બહુમહિદ્ધિક મરૂન માસયં;
ધુંવપભાજલિતરામણેય્યકં,
સુગતનેરુનગરાજ માનમે.
સીલજ્જલં રતનધમ્મ માકરં,
ભિઞ્ઞાવિચિં સતિકુલટ્ઠિ ગમ્ભિરં;
વિત્થિણ્ણઞાણ મરિયોદજાસયં,
અટ્ઠમ્બીધચ્છરિયકં અસન્દનં.
બહુનજ્જમોસરણ મેકરસં,
દુરુપગ્ગમં અચિતસમ્ભરિનં;
પુથુપોતપુઞ્ઞવતમેવ નમે,
દ્વીપદુત્તમણ્ણવ નદિન્દવરં.
અભિનિહરધનું ¶ ગુણપારમિં,
નળમતિમનબાજરહમ્મુખા;
ધિતિસમિતસરેન સુધારયં,
મલમ ગગણ મેકપવેદના.
યો પાવેધેસિં અગ્ગમગ્ગઞ્ચ તૂણિં,
ધમ્માલઙ્કારબ્બમ્મ મેકબ્બલં તં;
નેત્તિંસાનન્તઞાણ ગીરેલ્લિમન્તં,
સબ્બઞ્ઞુસ્સાસં ઇદ્ધિદણ્ડં નમામિ.
વરતપવુટ્ઠિ સુબીજકસદ્ધા,
મતિયુગનઙ્ગલ હીરુતપીસા;
સુસમથરજ્જુ સતિદ્વિજતુત્તં,
વીરિયદુરાવહ સચ્ચનિદાનં.
વતિસંવરં સોરતમોચનઞ્ચં,
સરણા નિવત્તબ્બહનત્થં યસ્સ;
અમતપ્ફલં નેકરસેહુપેતં,
સુગતં મહાકસ્સક માભિવન્દે.
દેવગ્ગો તિદસપુરે વરાસને યો,
દેવાનં જનિકપભુતિનં ભિધમ્મં;
બાલક્કોવ લળયમાચલે તિમાસં,
દેસેસ્યા પરવિસયં નમે અજેય્યો.
મહાયસો વિવિધસુભપ્પકાસકં,
કુરૂસુ યો અમિતગુણો તમોનુદો;
પરપ્પવાદહરિ સુભાનુયોગિનં,
નમામિ તં કથયિ સતિપ્પઠાનકં.
સમથકપલિકો સસ્નેહસમ્માસતિ,
પરમમતિગિની સવટ્ટિપરક્કમો;
સકલજુતિકરો સુધમ્મપદીપકો,
ઇમ મુપજલિતો જિનેન નમામહં.
વિગતગતમલં મલગતવિગતં,
મહિત હિતમનં મનહિતમહિતં;
વિભવભવકરં કરભવવિભવં,
સુજન જનગુણં ગુણજનસુજનં.
સીલગ્ગદણ્ડવિચિતં ¶ સુસમાધિપત્તં,
સોભાસમુજ્જલ મનન્તગ ઞાણસીખં;
સદ્ધમ્મસેટ્ઠરતનઞ્ચ તિલોકકેતું,
વન્દામિ લોચનભિસેક સુસોભયુત્તં.
વિનયનય મનયવિનય મનમિતં,
વિજયજય મજયવિજય મતુલિતં;
વિભજભજ મભજવિભજ મનનકં,
વિસમસમ મસમવિસમ મભિનમે.
પરમરમ મરમપરમ મતિગુણં,
પગહગતિ મગતિપગત મમમકં;
પચયચય મચયપપય મનણકં,
પકતકત મકતપકત મચલકં.
ઉજુક મયનમગ્ગે મોક્ખદેસં નિયાસિ,
વરરથકુજરેન ચમ્મચક્કેન સત્થા;
હિરિતપદુકપાલમ્બેન ધમ્મસ્સુતેન,
સતિનિવરયુતેન પ્પાટિહિરદ્ધજેન.
અવિહનનક્ખિના સુયમ નેમુપક્ખરા,
ઉદરિયમબ્ભિના પરિપુરઙ્ગસચ્ચિના;
કુસલવિભૂસિના નિમદકુપ્પરેન યો,
અખરનતેસિના ગુપિતસિલનન્દના.
અનુસનુઘાતિના મતિપુરેજવેન કાલ-
ઞ્ઞુતમતિસારિકે ન ચ વિસારદત્થિદણ્ડા;
સતિતુદ ધીતિરસ્મિ મનદમ્મસિન્ધવેન,
વિનયગણે નમામિ ત મતુલ્યસત્થવાહં.
યમક્કગ્ગિજાલં પરવિસય મચ્છેરસહિતં,
દુદિટ્ઠન્ધુબ્બાહં યુગગહણતિત્થીન મકરી;
બહૂનં મજ્ઝે યો રતનકમને પાટિહરિયં,
જયક્કેતુસ્સાપિ ત મભિનમિ કણ્ટમ્બસમિપે.
નખજુતિરજં ચક્કઙ્ગોપેત પાદવરમ્બુજં,
સુભસિરિમતો રંસિજાલઙ્ગુલિદસસંસુભિં;
પવરસિરસા દેવાદેવા સદા ન પિલન્ધયું,
ત મતિવ મનોરમ્મં તિત્તીકરા નમિ યસ્સ કે.
બુદ્ધોપ્યેકો ¶ નિધનગુણિનો વણ્ણયે યાવજીવં,
કામં અઞ્ઞં કથમભણ માસું ખિયેથા યુકપ્પો;
ન ત્વેવા યં ખય મુપવજ્જે યસ્સ વણ્ણો અનન્તો,
તં સબ્બઞ્ઞું સકલરિરી નેકનાથં નમામિ.
પાદિદીપાદં દ્વિનયનદિજં ધમ્મકાયં ધિસોણ્ડં,
ભાણીસોણ્ડગ્ગં સરણસિરસિં મગ્ગાવાલં સુભઙ્ગં;
સીલાલઙ્કારં વિમલિભવુ તં સત્તતિટ્ઠિધિદબ્બં,
નાથેભિન્દગ્ગં ફલકરિણુકં મોક્ખભોજં નમામિ.
મલાલોળુલ્લોલં અતિભયજનં દુગ્ગસંસારસિન્દું,
ફિયબ્ભાનિગ્ગાહો સિવતટમુખો નાવિ કજ્જેટ્ઠનાથો;
પદપ્પારક્કામં બહુજનગણં એકમગ્ગત્તરમ્હિ,
સમારોપેત્વા મત્તરિ ત મતુલસાદરઞ્ચા ભિવન્દે.
બ્યામંસુગ્ઘનધાર મક્કુળુસતબ્ભાણુજ્જલન્તત્તનં,
ઉક્કંસજ્જુતિ કેતુમાલવિચિતં સદ્ધમ્મજોતિન્ધરં;
બુન્દિન્નિગ્ગતપજ્જલન્ત દિધિતિં અજ્જત્થના યાવ ચ,
વન્દેતં મુનિ સક્યપુઙ્ગવ મહં પુણ્ણિન્દુવત્તમ્પિ ચ.
સત્તમંતમં વિનાસકંસકં દદં વિનેય્યકાનમેવ,
ભાવનંવનં ધુલીકરં કરં તિદુક્કરં પજાભિભુઞ્જ;
ગારવંરવં મનોહરંહરં નરાનરાનયં નમામિ,
સાદરંદરં વિનોદકંદકં પવસ્સકં પજાનમિવ.
બુદ્ધો નિગ્રોધબિમ્બો મુદુકરચરણો બ્રહ્મઘોસેણિજઙ્ઘો,
કોસચ્છાદઙ્ગજાતો પુનરપિ સુગતો સુપ્પતિટ્ઠિતપાદો;
મુદોદાતુણ્ણલોમો અથમપિ સુગતો બ્રહ્મુજુગ્ગત્તભાવો,
નીલક્ખી દીઘપણ્હી સુખુમમલછવી થોમ્યરસ્સગ્ગસગ્ગી.
ચત્તાલીસગ્ગદન્તો સમકલપનજો અન્તરંસપ્પપીણો,
ચક્કેનઙ્કીતપાદો અવિરળદસનો મારજુસ્સઙ્ખપાદો;
તિટ્ઠન્તોનોમેન્તો ભયકરમુદુના જણ્ણુકાના મસન્તો,
વટ્ટક્ખન્ધો જિનો ગોતરુણપખુમકો સીહપુબ્બડ્ઢુકાયો.
સત્તપ્પીણો ચ દીઘઙ્ગુલં મથ સુગતો લોમકૂપેકલોમો,
સમ્પન્નોદાતદાઠો કનકસમતચો નીલમુદ્ધગ્ગલોમો;
સમ્બુદ્ધો થૂલજિવ્હો અથ સીહહનુકો જાલિકપ્પાદહત્થો,
નાથો ઉણ્હીસસીસો ઇતિ ગુણસહિતં તં મહેસિં નમામિ.
વટ્ટચિતાનુપુબ્બકસુભઙ્ગુલી ¶ રુહિરમટ્ઠતુઙ્ગનખકો,
નિગ્ગુળગોપ્ફકો સમપદો સીહોસભિભ હંસસન્નિભકમો;
દક્ખિણતાવતક્કમિ સમન્તમણ્ડલ નિગણ્ઠિ જાણુસુભકો,
બ્યઞ્જનપુણ્ણપોસતનુ નાભિગમ્ભીર અછિદ્દદક્ખિણવટો.
દ્વિરદકરપ્પકાસુરુભુજો સુવિબ્ભજનુપુબ્બમટ્ઠઅનુના-
નુનઅલિનાનુપુબ્બરુચિર ત્તિલાદિરહિતબ્બિસુદ્ધતનુકો;
દસસતકોટિ હત્થિબલધારણો કનકતુઙ્ગનાસિકસુભો,
સુરુહિરદન્તમંસથ સુચિસિનિદ્ધદસનો થ લોકસરણો.
સુદ્ધપસાદિન્દ્રિ ચ વટ્ટતરદાઠો રુહિરોટ્ઠ ચ સુરનરનાથો,
આયતસોભબ્બદનો થ મુનિ ગમ્ભીરુજુકાયતસુરુચિરલેખો;
બ્યામપભામણ્ડલબુન્દિ સુપુરગ્ગણ્ણિ ચ આયતવિસટસુભક્ખી,
પઞ્ચપસાદક્ખિ ચ કુઞ્ચિકસુભગ્ગપખુમો મુદુતનુરુણજિવ્હો.
સોમ્મસિનિદ્ધ ત્યુજ્જલકોમલ વરુણવિમલતનુ ચ અમિતગુણો,
કોમલ દક્ખિણાવટ અઞ્જનભિદસરિસનિલક મુદુતનુરુહો;
દક્ખિણવટ્ટકોમલ સણુસમસુનિલ અલુલિત સિરરુહિ જિનો,
સોભણસણ્ઠાનો થ સિનિદ્ધસિરરુહિ ચ સુપચિતસતકુસલ જો.
નિગ્ગુળોનિગ્ગન્તિચ્છત્તસ્સરિસઅતિસુભગસિર ચાયતારુચિ કણ્ણકો,
સોસણ્ઠાનસ્સણ્હાહારાનુકમપહુતભમુથ સુઆયતબ્ભમુકો ચ સો;
સુગ્ગન્ધગ્ગત્તો મુદ્ધિચાથ વદનિ ચ પુથુલકનલાટ આયતસોભણો,
અસ્સાસપ્પસ્સાસાતિસ્સણુ ધરમસમસમ નમિ કેતુમાલવિચિત્તકં.
બુદ્ધુપ્પાદો કિમઙ્ગં અતિદુલભતરં ઘોસમત્તમ્પિ લોકે,
તસ્મા નાનપ્પકારં સપરહિતસુખં વિદ્ધસૂ પત્થયન્તા;
યાતિટ્ઠત્થાવ હં તં સુરનરસરણં અન્તરાયપ્પહાનં,
પુઞ્ઞક્ખેત્તેકભૂતં સુગતમવિરતં સાધુ વન્દન્તુ સન્તો.
ખેત્તવરઙ્ગતત્થુતિપુરે જવપણમ તેજસા ઇધ ભવે,
રોગભયાદ્યુપદ્દવહતો અનુનસુખ ભોગપુઞ્ઞમતિકો;
દેવમનુસ્સભોગપવરં પરત્થનુભાવઞ્ચ અન્તિમભવે,
અઞ્ઞતરો તિબોધિપવરે ભવિસ્સતિ યથાસયં કતનતો.
પુઞ્ઞેનાનેન ¶ સોહં નિપુણજવમતિ પેમવાચો સખીલો,
સદ્ધો કલ્યાણમિત્તોતિસરણગમનો સીલવા ચાગયોગો;
હિરોત્તપ્પી સુદક્ખો અવિતસુચરિતો ધિતિમા સચ્ચભાણી,
બાહુસ્સચ્ચિ વિભાગિ સપરહિતકરો વગ્ગુરાવો ભિરુપો.
દીઘજ્જીવિ નિરોગો સુચિકુલપસ્સુતો ધમ્મરત્તો વિરત્તો,
નિચ્ચાપલ્યો કતઞ્ઞુ અતિમુદુજુમનો સાધુભાવાદિવિઞ્ઞૂ;
ધમ્માજીવો ભવેય્યં બહુકુસલરતો અપ્પકોધો અલુદ્ધો,
એવઞ્ચઞ્ઞં કરેય્યં પણિધિ ચરિમકે મોક્ખનિબ્બાનભાગી.
(૧) મહાકથં બુદ્ધઘોસો, તનુમેવ કરંઅપિ;
ચજં હેય્યા દિયા દેય્યં, અકરિત્થ યથા તથા.
(૨) મહાપણામપોરાણં, કિઞ્ચિ એવ પુનપ્પુનં;
કામોક્કમં દુધારઞ્ચ, ચજં દેય્યા દિયઞ્ઞત્થ.
(૩) સુતજ્જય અનુભવ-ટ્ઠપનત્થેન લઞ્છિના;
સુતેન ગરુનાનેન, કતોયં પણામો નવો.
(૪) એકક્ખરાય ગાથાયો, યાવ છબ્બિસતક્ખરા;
જાતિય પજ્જસત્તત્યા, સઙ્ખતો ચતુરાધિકા.
(૫) અટ્ઠાધિકા સહેવુય્યો- જનાદીહિ મિદં નતં;
યથાવુત્તત્થકા કામા, યે નિચ્ચં ધારયન્તુ તે.
રાજાતિરાજાતિમનોહરો યો,
દેવાતિદેવાતિગુણોઘધારી;
બ્રહ્માતિબ્રહ્માતિભવન્તગૂ તં,
સઙ્ઘાતિસઙ્ઘાતિવિરાવ વન્દે.
અનઙ્ગનઙ્ગં નરદેવદેવં,
અનિઞ્જનિઞ્જં ભયતાણતાણં;
અનણ્ડનણ્ડઞ્ચ અનાથનાથં,
ખયન્તયન્તં પણમામિ મામિ.
તમ્બસિનિદ્ધતુઙ્ગનખકો નુંવટ્ટસુચિતુરઙ્ગુલિ ચ મુનિસો,
સીહુસભોભહંસસમગો નિગૂળસમ ગોપ્ફકાયતમુખો;
કોમલદક્ખાણાવટતનુરુહો સુચિમલુજ્જલાભસરિરો,
પઞ્ચપસાદયુત્તનયનો સુગન્ધમુખતુઙ્ગનાસિકયુતો.
કોટિસહસ્સનાગબલિકો ¶ સુરત્તમધરો સુવટ્ટદસનો,
આયતસણુલોમભમૂકો મુદુત્તનુકરત્ત જિવ્હસહિતો;
છત્તસમાનસોભણસિરો સુકેસવર કેતુમાલવિચિતો,
ઇચ્ચનુબ્યઞ્જનેભિ સહિતં મુનિન્દપવરં નમામિ સિરસા.
સકલમલેહિ સો મુનિ સુદૂરતાય ચ મલારિનિં હતતયા,
તિભવરથે સમાનિતમનારકાનિ ચ નમાલયો નરવરો;
મલકરણે રહારહ મનન્તઞેય્ય મભિજાનના મુનિ તથા,
ચરણયુતો તિવિજ્જિ ચ સુવાચતા સુગમના જનેસુ સુગતો.
લોકવિદૂ સો નિતલોકતયતા સાકલતો અસમનરદમા સો,
સારથિ જિનો અનુસાસનકરો સત્થવહો દુપથતરણસત્તા;
બુજ્ઝતિ સામં ચતુસચ્ચમખિલં બોધયિ જન્તુગણમિતિ ચ બુદ્ધો,
ભાકરઆભાફુટપઙ્કજસમો મગ્ગિયઞાણફુવિકસિતો ચ.
ભગ્ગકિલેસો સો ભગવા તિભવ વમિત ગમન સુજન ભજનતો,
સો ભજિ સદ્ધમ્મે પવિભત્ત સરસ છભગયુત ગરુકરણિયતો;
સત્તનિકાયે કેનપિતુલ્યગુણમપમિત સિરિઘંનજુતિસુસુભં,
દેવનરાનં એકપતિટ્ઠ મવિતથુતિયસ મસકિ મભંનમે.
બુદ્ધુપ્પાદો કિમ્મઙ્ગં ભો અતિદુલભતરમિધ ભવે સુઘોસ મપાપરો,
તસ્મા પત્થેન્તા સબ્બઞ્ઞું વિવિધહિતસુખ મનધિકં નમન્તુ ચ સાધવો;
પુઞ્ઞેનાનેનેતે દિટ્ઠે ભયઅઘંપીળનટ્ઠ વિરહિતા પરત્થ ચુભો સુભે,
ભુત્વાનન્તે વે હેસ્સન્તે અવિકલસુખસિરિમતિકા અનુત્તર ભાગિનો.
સો ચક્કોપેતપાદો મુદુભુજચરણો સુપ્પતિટ્ઠિતપાદો,
એણીજઙ્ઘો ચ બુદ્ધો કનકનિભતચો આયતપણ્હિ નાથો;
કોસોનદ્ધઙ્ગજાતો અતિસુધુમછવી જાલિકપ્પાનહેટ્ઠા,
ઉસ્સઙ્ખપાદયુત્તો અભિનિલનયનો આયતઙ્ગુલિયોગો.
ઠિતો ¶ ખો નો નમન્તો કિરુભયપુથુનાજાણુયો આમસન્તો,
લોમકૂપેકેકલોમો સમતલદસનો અઞ્જનુદ્ધગ્ગલોમો;
બ્રહ્મદ્દેહુજ્જુગત્તો અવિરળમુખતો સત્તકઙ્ગુસ્સદો સો,
નિગ્રોધપ્પારિબિમ્બો મિગપતિહનુકો સીહપુબ્બડ્ઢકાયો.
પુણ્ણત્તાલીસદન્તો સુપહુતરસનો સોભણોદાતદાઠો,
સણ્હોદાતુણ્ણલોમો સમવટલગલો અન્તરંસપિણો સો;
બ્રહ્મગ્ઘોસો મુનિન્દો પુનપિ ગુપખુમો ઉણ્હિસસમ્ફુલ્લસીસો,
બાત્તિંસઙ્ગોપસોભં મુદુરસહણી લોકજેટ્ઠં નમે તં.
મહાપણામ નિટ્ઠિતા.
તિગુમ્બચેતિય થોમના
નમો તસ્સ ભગવતો અરહતો સમ્માસમ્બુદ્ધસ્સ
યો ¶ દીપઙ્કરમૂલમ્હિ, પદં હત્તગતં ચજિ;
સમ્માસમ્બોધિ માકઙ્ખં, વન્દે તસ્સ સિરોરુહં.
(પથ્યાવત્તગાથા).
પૂરેત્વા બોધિસમ્ભાર-મહેસં યો અનુત્તરં;
અલત્થ બુદ્ધત્તં તસ્સ, કેસધાતુવરં નમે.
(પથ્યાવત્તગાથા).
લદ્ધા બુદ્ધત્તં છઠાન-મતિક્કમ્મ પવેદયિ;
વિમુત્તિં રાજાયતને, તસ્સ કેસવરં નમે.
(રકાર ભકારવિપુલા પથ્યાવત્તગાથા).
તત્થ સક્કદત્તિયમ્પિ, નાગલતં હરીતકં;
અનોતત્તોદકં ભુઞ્જિ, વન્દે તસ્સ સિરોરુહં.
(રકારવિપુલા પથ્યાવત્તગાથા).
તદા ¶ મુગ્ગસેલપત્તં, મહારાજૂહિ દિન્નકં;
તથાગતો પટિગ્ગણ્હિ, વન્દામિ તસ્સ સીસજં.
(રકારવિપુલા પથ્યાવત્તગાથા).
તદા દ્વિન્નં દ્વેભાતિક-જનેહિ મધુપિણ્ડિકં;
પરિભુઞ્જેસિ મન્થમ્પિ, તસ્સ સીસસિરિં નમે.
(તકારવિપુલા પથ્યાવત્તગાથા).
યો તપુસ્સભલ્લિકાનં, તદા દ્વિસરણં અદા;
લોકમ્હિ સબ્બપઠમં, તસ્સ સીરિવહં નમે.
(રકાર નકાર વિપુલાપથ્યાવત્તગાથા).
તદા ¶ તત્થુપટ્ઠકાનં, તેસં કેસે અદા અઠ;
લોકહિત મપેક્ખન્તો, નાથો યો તસ્સ તે નમે.
(રકારવિપુલા પથ્યાવત્તગાથા).
તેપિ તં આહારિત્વાન, પોક્ખરબ્બતિયં કરું;
સજીવકેસ ચેતિયં, નમેતં સબ્બપુબ્બકં.
(મકારવિપુલા પથ્યાવત્તગાથા).
ઉપોસથુપોસથમ્હિ, મુઞ્ચન્તં નીલરસ્મિયો;
ભગવાવ લોકઅત્થં, કરોન્તં તં સદા નમે.
(રકારવિપુલા પથ્યાવત્તગાથા).
ચૂળામણિદુસ્સચેત્યં ¶ , કાલમ્હિ બોધિસત્તકે;
બુદ્ધકાલે ઇદં સબ્બ-પઠમં તં નમામહં.
(રકારવિપુલા પથ્યાવત્તગાથા).
નમામહં વન્દામહં, પૂજેમહં સિરોરુહં;
પુઞ્ઞમિદં ભવતુ મે, પચ્ચયો આસવક્ખયે.
(તકાર નકારવિપુલા પથ્યાવત્તગાથા).
તિગુમ્બચેતિયથોમના નિટ્ઠિતા.
વાસમાલિનીક્ય
નમો તસ્સ ભગવતો અરહતો સમ્માસમ્બુદ્ધસ્સ
વુડ્ઢોપિ ¶ જિનાનં, બુદ્ધોસિ વિજાનં;
પુબ્બોદિતિ માહં, કુબ્બોમિ વિમાનં.
(તનુમજ્ઝાગાથા)
મહાસમતકૂલં, નરાપવરપૂજં;
જહા અભયપૂરં, નમા કનકરૂપં.
(કુમારલલિતાગાથા)
નરાસભસુબુદ્ધં ¶ , પજામતનુરુત્તં;
દયાકરમુદુત્તં, નમામ હ ઉસુક્કં.
(કુમારલલિતાગાથા)
હિતં વહસુસીલો, પમોદતિ સુખત્તે;
નમે તમપબુદ્ધં, જિનં ગતસુખન્તં.
(કુમારલલિતાગાથા)
બન્ધુ ચ સન્તકિલેસો, યો પિતવણ્ણપભાસો;
ગોતમગોત્તસુઞ્ઞતો, તસ્સ નમો નરસીહો.
(ચિત્રપદાગાથા)
બુદ્ધં ¶ સુદ્ધં લોકેસીતં, ઉક્કં યુત્તં યોગે હં;
વન્તાતીતં ઓઘે સીદં, વન્દાપીહં સોકેહીહં.
(વિજ્જુમ્માલાગાથા)
ભોગવતી યોપખમી, સીતદયા લોકસખા;
ધાતુતયે કિત્તિ સ વે, દાતુ જયે-તસ્સ ચ મે;
(માણવકગાથા)
માનિતો લુખો રુતોથ, સન્નિભો સુભો સુખો ચ;
જાનિતો ધરો નમો ચ, તસ્સ યો થુતો ગુણોવ.
(સમાનિકાગાથા)
જયં ¶ ધજં પજાપુગે, ઠિતં લિલં મહાસુખે;
સુભં ફુટં પભં નમે, હિતં સુખં દદાતુ મે.
(પમાણિકાગાથા)
પુણ્ણપુઞ્ઞજનિતસુભં, જાતિઞાતિથુતિયગુણં;
ભેદવેરવિમલજિનં, ઞાણપાદચરણ-મહં.
(હલમુખીગાથા)
સતિ મતિ સુચિ યો-ભાસો, થુતિ મુનિ સુખિતો કાયો;
મનુજપુમસુતો નાથો, જયવર મુ-સભો દાતો.
(ભુજગસુસુગાથા)
યો ¶ બુદ્ધો પવરો લિલો પુગે,
લોકુત્તો અભયો ઠિતો સુખે;
ઉત્તિણ્ણં નિસભં હિતં વહે,
મોનિન્દં વિમલં જિનં નમે.
(સુદ્ધવિરાજિતગાથા)
દેવિન્દં વરગણથેરિન્દં,
નિટ્ઠાનં ભવજનનિબ્બાનં;
નિદ્દોસં રણરજનિપ્ફોટં,
વન્દે-હં સુભમુખસોણ્ણેમં.
(પણવગાથા)
ગોતમગોત્તે ¶ કેતુવ ઞાતં,
લોકજખેત્તે મેરુવ જાતં;
થન્દિલજેટ્ઠે ભેદિતમારં,
પણ્ડિતમજ્ઝે મેધિવ ભાણં;
મન્તિય વન્દે સેવિતનાથં.
(રુમ્મવતીગાથા)
બુદ્ધો સુક્કો અમિતગુણીસો,
યુત્તો મુત્તો સસિવ તિમીતો;
ખે યો તેજો તપસિવ અક્કો,
ફેલો થેતો તવ નમકારો.
(મત્તાગાથા)
યો ¶ જિતમારે વે અજિ સબ્બં,
થો મિતસારે હે-ધિતપત્તં;
સંસિતપુણ્ણો સો નમિ તસ્સ,
પણ્ડિતફુલ્લો સો મતિકસ્સ.
(ચમ્પકમાલાગાથા)
કનકરૂપ ¶ મૂપમેય્યકં,
પવરસૂર પૂજસેવતં;
કમલભૂમ ધૂરદેસકં,
નરમરૂપ રૂ નમે ત-હં.
(મનોરમાગાથા)
દેવે ગતે દ્વેવારા ગમાસિ,
સેલે ચલે યે ઞાતા પચાયિ;
ઉદ્ધં તલે તેવાસં અકાસિ,
બુદ્ધં મતે એસાહં નમામિ.
(ઉબ્ભાસકન્તગાથા)
ઉક્કે સુનુતં પુથુકઞ્ચ થેરં,
વુત્તે સુખુમં ઉજુકં તથેતં;
દિબ્બે પટિમં કિરિયં વદેતં,
ઇદ્ધે મહિતં કથિતં નમેહં.
(ઉપટ્ઠિતગાથા)
૨૦. દિબ્બસ્સ ¶ પૂરે પવરેહિ ગુત્તો,
સિદ્ધત્થ ભૂતે નગરેહિ વુટ્ઠો;
સઙ્કસ્સ પૂરે મ-ગણેહિ બુદ્ધો,
અઞ્ઞત્થ પૂજે પનમે નિ કુબ્બો.
(ઇન્દવજિરાગાથા)
સુભં થુતં યો રજતં બલત્થં,
યુગં હુતં સો કનકં કમત્થં;
ચિતં ઠિતં લોહિતકં મનાપં,
લિલં ઇતં સોરચિ તં નમાહં.
(ઉપેન્દવજિરાગાથા)
પિનિતં ¶ વિણં સખિલં યજિ તં,
સુસુખં ધુજં બિલુવં નિયુતં;
ઠપિયં સિમં થુનુતં પુથુલં,
નમિ હં ખિણં સુખુમં મુદુકં.
(સુમુખીગાથા)
સોગતિ ¶ બોધયિં ગાહિય પત્તં,
ઓતરિ સોનમિ જાનિત અત્થં;
ભૂપતિ પૂજયિ સાકિય વંસં,
સૂજધિ ઊપધિ ભાસિત ધમ્મં.
(દોધકગાથા)
ચત્તારો-મે યાચિતે સો પવુત્થે,
લદ્ધા ભોગે કામિતે ઓઘમુત્તે;
કત્તા તોસે-તં નમે ચોલયુત્તે,
તત્થા-લોકે તંપતે ખો પદુક્કે.
(સાલિનીગાથા)
સત્તા-લોકો ¶ સરિતો યો ધજુક્કં,
તત્થા-ગોપો રચિયો-નોજ-મુદ્ધં;
ભદ્દા-સોકો-પચિતો-ભો પબુદ્ધં,
સદ્ધાયોગો ભજિ સો-હો-નમુચ્ચં.
(વાતોમ્પીગાથા)
ઞાતમરૂનં ઉપરિ ઠિતાનં,
વાલપસૂકં હુવતિ જિનાનં;
દેવસુયામો જિનમિતિ ઞાતો,
તેન સુખા-ભો વિનમિ ઇદા સો.
(સિરીગાથા)
પુણ્ણકેન ¶ કુસુમેન સેવતં,
કુઞ્જરેવ થુનુતેન ખે ગતં;
સુન્દરેન નમિ તેન મે જયં,
પુઞ્ઞતેજકરિ-ધેસ વે દદં.
(રથોદ્ધતાગાથા)
માતુ આયુ ખિણુ-કે ઇહ પુબ્બે,
તાસુ સાધુ વિસુતે-દિસકુચ્ચે;
વાત તાલ ખચિતેનિ-ધ સોણ્ણે,
‘‘તાત તાત’’ યજિ તે-તિસ વન્દે.
(સ્વાગતગાથા)
ઉપરિ ¶ કમલયોનિ સોભિતં,
જુહતિ ધવલજોતિ-દોસિતં;
સુકરિ ય-મતબોધિ-મોચિતં,
સુનમિ ચરણલોકિ-ધો-રિમં.
(ભદ્દિકાગાથા)
વને ¶ જિનો યો વિનયં સુપેક્ખિ-મં,
મતે ઠિતો-ભો દિજકં દુબજ્જિતં;
અઘે-નિધો ખોભિ-તરં મુને-ચ્છિ-દં,
નમે-ભિતો બોધિમહં લુખ-જ્ઝિતં.
(વંસટ્ઠગાથા)
યો જાતિ-દોમાની-મુપાસિ લમ્બિ તં,
કોધેહિ લોકેહિ દુભાસિ પણ્ડિતં;
પૂરેપિ મૂલેપિ પહાસિ દિટ્ઠિકં,
સબ્બેહિ પત્તેહિ નમામિ ઇચ્છિતં.
(ઇન્દવંસાગાથા)
વેરઞ્જકે ¶ પૂરવરે વિભૂસિતે,
નેલઞ્જને દૂમવને વિકૂજિતે;
ખેમઙ્કરે થૂલતરે વિદૂ સિતે,
એત-ઙ્ગમે પૂન નમે વિરૂપિ વે.
(ઇન્દવંસાગાથા)
અધુનાપિ સ સારિસુતો નિમલં,
તમુપાસિ મતાપિ કુતો ચિ નયં;
કરુણાયિ ધ યાચિ બુધો વિનયં,
ગરુકાપિ નમામિ સુ-યો જિત-હં.
(તોટકગાથા)
જનવરો ¶ મુનિ સો સરિતો વને,
વસભતો ઉદિતો-પરિ ગોતમે;
ગમનસો ગુણિકો ગમિ-તો નમે,
નગર-દો જુતિ-મો ઘતિતો-સથે.
(દુતવિલમ્બિતગાથા)
ભગવતિ ¶ કુટિગારે યો નિસિન્ને,
ધનવતિ સુવિસાલે-કો ઇસિન્દે;
ય-મલભિ મુનિ લાભે મોલિછિન્ને,
સ પનમિ જુતિ-માસે-તો કિલિન્ને.
(પુટગાથા)
પઠપિત-મિચ્ચસ્સ સિદતુ સબ્બં,
પઠમિ-ધ સિક્ખસ્સ હિતસુખત્થં;
પવદિય ગિદ્ધસ્સ ખિણલુખત્થં,
પનમિ ચ કિચ્ચસ્સ સિખમુકપ્પં.
(કુસુમવિચિત્તાગાથા)
નિલોભાસિ ¶ ધૂમેહિ યુ-ચ્ચો વિલાસે,
ઠિતો ચા-ભિ ભૂ તેહિ રુક્ખો-દિગાહે;
યિ-તો તાનિ પૂરેપિ લુદ્ધો દ્વિવારે,
જિનો-કાસિ પૂજેમિ બુદ્ધો હિતા-સે.
(ભુજઙ્ગપ્પયાતગાથા)
જનરમે ¶ દસસરે વિસાલકે,
મુનિવરે કુટિઘરે-રિયાપથે;
ધુતતરે-સુભકથે ચજિ સ વે,
તતિયકે-ત-મિધ વે ઠપિ નમે.
(પિયંવદાગાથા)
વેસાલિકે તુ વસિ કાતુ ચાતુકં,
તે ઞાહિ તેસુ લભિ-ધા-મુકા-મુકં;
નેગામિકેસુ ભજિ ફાસુ સા-યુકં,
એતા-ધિકેસુ નમિ-કાસુ-દા-તુલં.
(લલિતાગાથા)
વદિ ¶ સુપ્પિયો દુવચનં તમતો,
સહિ મુત્તિકો ગુણકથં તથતો;
ગમિ માણવો દુરપથં ચરતો,
નમિ સાધવો બુધવરં પરસો.
(પમિતક્ખરાગાથા)
યુ-પગમિ વિમલો સખિલો તદા,
યુવવતિ-પિવનો રમિ યો બ્રહ્મા;
એકસયિ ¶ ઠિતતો કથિ ખો ગુણે,
એસ નમિ જિન-મો પધિ-દો-જુકે.
(ઉજ્જલાગાથા)
જાનં સબ્બેસં દેસિ યો ખો-ધિમુત્તં,
આનન્દત્થેરં વેદિતો ચોળિસુત્તં;
કાયસ્સમ્મુખે કાતુનો-લોકિયં-સે,
ઠાન-સ્સ-પ્પુગે કારુણો હોતિ વન્દે.
(વેસ્સદેવી ગાથા)
સુકથિય ¶ મજ્ઝિમસીલ-મપરં,
યુ-પચિત-મેત્થિ-ધ ચીર-મનયં;
બુધયિ ચ ભજ્જિત-મીણવતરં,
સુનમિ પવજ્જિત-મીહ-મમલં.
(તામરસગાથા)
મહકઞ્હિ સીલમ્પિ અભાસિ કન્તે,
બ્રહ્મથન્દિલી મમ્હિ મનાપિ રમ્મે;
ચલકમ્પિ ગીરમ્પિ કદાચિ અમ્બે,
વરપણ્ડિ ખીણમ્પિ નમામિ તં વે.
(કમલાગાથા)
મોહન્તે ¶ જિનિ પઠમે જયે જિતાયં,
સોરમ્મે ઇસિપતને વને નિવાસં.
ખોભન્તે કિરિ સકલે વદે વિલાસં,
ઘોરંવે વિનિદમને નમે જિના-હં.
(પહાસિનીગાથા)
દિવારકં બજનગરં ફિતં વસે,
નિસાય તં જનગણનં ઠિતં મતે;
વિજાનકં તમજટકં સિતં વને,
હિતાવહં નરપવરં ઇમં નમે.
(રુચિરગાથા)
રચિત-મવિરલં ¶ મનુસ્સ મથા પણં,
પસિય તતિયકં ચતુત્થ મકા સયં;
કરિત-મધિકતં અખુબ્ભમલા સભં,
જહિતગતિપરં પનુજ્જ નમામ-હં.
(પરાજિતાગાથા)
નગર-મજય-મેસ નિવસિ થ પરે,
મહતિ સ મણિકે સકુણકુજવને;
યપતિ વસતિ વે હિતસિવવહને,
સુરત મુભયમે-સિત મિમ પનમે.
(પહરણકલિકાગાથા)
છટ્ઠં ¶ વસે અથુ-દ તત્થ વને મુને સં,
સબ્બં ધરે મકુલપબ્બતકે ઉપેદં;
ચત્તં મલે મનુજ મત્થવસે સુદેસં,
ભત્તં નમે લહુક મપ્પ મરે ધુને તં.
(વસન્તતિલકગાથા)
નુન ¶ ઉપવસતિ ઇધ થ પુન પરિમે,
સુખગુણમહતિ તિદસપુર અજિતે;
યુગનુત મવદિ વિતથ મુઘતરિ વે,
હુતથુન મનમિ સિમદ તુલ મરિયે.
(સસિકલાગાથા)
જિનપતિ સુસુમારં ભેસકલ્લાવને-સં,
નિવસતિ પુથુઞાણં ખ્વે-સ નન્દાલયે-તં;
વિમલ-મિ ધુ-જુકાયં ભેદસન્તાપ-સેસં,
વિજહ-પિ સુખુમાલં એસમન્તા નમે-હં.
(માલિનીગાથા)
મહતિ ¶ સુકન્તિયે અથ ચ તત્થ સીતલે,
વસતિ કુસમ્બિયે નવમવસ્સ-પી-તરે;
અવહિ સુખ-ન્તિમે પજહ-મત્થ-મી-ધ વે,
પનમિ નુદં હિને સકલસત્થવસયે.
(પભદ્દકગાથા)
યુધવતિ પાલિલેય્યક વને પહાય નાગે,
ઉપઠહિ નાગિ-ધે-સ દસમે જહાય બાલે;
સુખવસિ કાયિકે ચ મનકે તદાસ સાતે,
યુત-મધિ વાહિતે ચ પનમે પયાત મારે.
(વાણિનીગાથા)
ઇતો ¶ પત્તે નાળે વસતિ દિજગામેપિ દસમે,
હિતોપત્થેના-યેક અધિકિ-ધ વાદેહિ વદકે;
વિલોમત્થેહા-નેક-સહિ ઠિત-માઘેપિ સમયે,
વિયોગત્થે-તા-નેજ-મપિ પિહવાસેહિ પનમે.
(સિખરણીગાથા)
દ્વિઅધિકિ-તરે ¶ વેરઞ્જાયં તતો દસમં પરે,
નિવસિ નિલકે ખેદઙ્ઘાતં કરો પરમં વને;
કિલમિ ઇધ વે વેહઙ્ગાનં મનોરમકં વસે,
વિરજિ-સિગણે મેધઙ્કારં અસોકદદં નમે.
(હિરિણીગાથા)
યો સમ્પુણ્ણે ઉપરિ તિરસે ચાલિયે પબ્બતેપિ,
સોભં ફુલ્લે સુવસિ ઇતરે કામિતે અપ્પમેહિ;
સાવત્થિક્કેનુ-દ ચતુદસે કારિતે આલયેપિ,
કામો-ચ્છિદ્દે તુ ભય મુનમે ઞાતિમે દ્વારકેહિ.
(મન્દક્કન્તાગાથા)
સક્કો ¶ કપ્પિલે કરિય મદકે નિગ્ગહો યોતિ પઞ્ચે,
દક્ખો કપ્પિયે વસિધ યમકે ઇદ્ધકો ભોહિ અઞ્ઞે;
યક્ખો દબ્બિકે દમિય નગરે સોળસે-તોપિ વઙ્કે,
અગ્ગો-ઘત્તિતે પચિય પનમે બોધકે મોનિપઞ્ઞે.
(કુસુમિતલતાવેલ્લિતગાથા)
દુલદ્ધે ¶ પૂરે યોપરિ ચ દસતો રાજગેહં ભજન્તો,
તુ સત્તે કૂલે ખો કરિ ધ યપતો વાસમેજં જહન્તો;
દુમટ્ઠે પૂનેસો રમિત-ચલતો ટ્ઠારસેતં દદં સો,
ગુણસ્સે વૂપેતો નમિધ કરભો કાયખેદં સહન્તો.
(મેઘવિપ્ફુજ્જિતગાથા)
ચાલીયે ¶ પરિમે તથેવ અચલે-કૂનેપિ વીસે લિલં,
ભાગી ચે સ હિતે પગેવ પવસે સૂરેહિ નિસેવિતં;
કારિતે રમિકે પરે ચ નગરે પૂરેપિ વીસે ઇમં,
હારિતે વસિમે જહેન પનમે મૂલેપિ ખીણે જિતં.
(સદ્દૂલવિક્કીલિતગાથા)
પઞ્ચપઞ્ચ-માકરે તતોપિ પિણ્ડકેન જેતકાનને ચ,
અઞ્ઞમઞ્ઞ-માદરેન યો નિસિન્નકેન તે ચ માપયેવ;
પુબ્બપુબ્બઆરામે પયોજિ-પાસિકાય વારમાવસેધ,
સુદ્ધસુદ્ધ-મામલેન પોરિયાતિમાય માનસા નમેસ.
(વુત્તગાથા)
પુઞ્ઞેના’નેન ¶ સંસારમુપધિ સુચિ સપ્પૂરિસે વો પસેવે,
તેહા દિન્નં સુગાહો સુચિપરિસઉપેતો અરોગો ભવેય્યં;
દીઘાયૂકો મહાપઞ્ઞ યસધનસુલાભો ચ કલ્યાણમિત્તો,
લોકાદિબ્બો ચ મગ્ગો સમમતિપરિવારોવ નિબ્બાનપત્તો.
(સદ્ધરાગાથા)
ક.
નસ્સતિ ¶ સાસને છનવુતાધિકે ચ તિવિસે સતે કલિયુગે,
દ્વેસતચુદ્દસાધિકસહસ્સકે સકલરટ્ઠકં ખુભિ ગતે;
ભાતિકયુદ્ધકેન નગરં તદા ભવતિ છારિકા યતિગણો,
દુક્ખગતો મહાપહરણેહિ જિવિતખયમ્પિ એતિ પિટકે.
(ભદ્દકગાથા)
ખ.
ઉદિસક ¶ ચેત્યકેપિ વિકિરિય નાસતિ ધ સો થિરો સગણતો,
વિજહિય પુરતો ત્તરવનેક કુમ્ભકરગામકં નિવસયે;
સતગણકેહિ તત્થ જનકોપિ ‘‘ભોત ઇધ વાસ સબ્બયતિનં,
ઉપટ્ઠહમી’’તિ તમ્હિ કતિપાહનં વસતિ ખો વિમંસિય સુખં.
(લલિતગાથા)
ગ.
તત્થ અરઞ્ઞે રમિતો સુચરિ સદ્ધમ્મ-તિમાનિ સુયતીહિ તિપીકો,
ધૂરસુયુત્તો પરિગાહિય સુજાતો સુપટ્ઠાતિ કુનદિત-મુયાનં;
સો સતમચ્ચેહિ કતં નગરિ દં તસ્સ ચ પાચિન રહ ધિકકોસે,
પચ્ચયનાયાસુ દ છાયબહુકો સુદ્ધયતિપિ ઇધ વસનકાલે.
(તનુગાથા)
ઘ.
ફગ્ગુણમાસે છદિને રચિય નિટ્ઠંવ ગતો પરમરિ ઇમિના-યં,
સિજ્ઝતુ પેમં વત રક્ખતુ સુદેવો ઉદ વડ્ઢતુ જિનવચને તં;
વાસમાલિની નિટ્ઠિતા.