📜

નમો તસ્સ ભગવતો અરહતો સમ્માસમ્બુદ્ધસ્સ

લક્ખણાતો

બુદ્ધથોમનાગાથા

૧.

ભવાભવેસુ નેકેસુ,

પૂરેસિ તિંસપારમી;

ચરિયાયોચ સમ્બુદ્ધો,

પરિચ્ચાગેજહંસદા.

૨.

વેસ્સન્તરત્તભાવમ્હિ,

ઠિતોમદ્દિં પિસોઅદા;

નિજંકણ્હાજિનંજાલિં,

વિયંવઙ્કતપબ્બતે.

૩.

તતોચવિત્વાતુસિતે,

પુરેઉપ્પજ્જિપુઞ્ઞવા;

રૂપાદિદસઠાનેહિ,

અઞ્ઞેદેવેઅતિક્કમિ.

૪.

ચક્કવાળસહસ્સેહિ,

દસહાગમ્મસબ્બસો;

યાચિતોદેવબ્રહ્મૂહિ,

બુદ્ધભાવમનોનતો.

૫.

વિલોકનાનિસોપઞ્ચ,

વિલોકેત્વાસિરિન્ધરો;

તતોચવિત્વામાયાય,

ઉપ્પજ્જિસાકિયેકુલે.

૬.

વિસાખપુણ્ણમેસેટ્ઠે,

વિજાયિલુમ્બિનીવને;

સીહનાદંપનાદેન્તો,

સત્તપાદંગતોતદા.

૮.

વિરોચિંસુતદાકાસે,

તારોચન્દદિવાકરા;

રતનાનિચભૂમટ્ઠા,

નાનાપુપ્ફાચપુપ્ફરે.

૮.

સીતાયન્તિ અવીચગ્ગી,

ખુપ્પિપાસાચસોહિતા;

લોકન્તરેમહાપભા,

અન્ધાપસ્સન્તિતાવદે.

૯.

અઘટ્ટિતાવાદિતાનિ,

તૂરિયાનિચઅમ્બરે;

મધુરેનપનાદિંસુ,

યસંસરેનતાવદે.

૧૦.

થુતિગીતાનિગાયન્તા,

દેવાચકમલાસના;

સમ્મોદેન્તાવઅટ્ઠંસુ,

બુદ્ધઙ્કુરસ્સસન્તિકે.

૧૧.

કુમારોચારુધાતીહિ,

તોસિતારાજમન્દિરે;

વુદ્ધોસિસુસુખંખેમં,

સક્યકઞ્ઞાનમન્તરે.

૧૨.

સોળસવસ્સિકોસક્ય,

નન્દનોપિતરાસતા;

રાજત્તેઅભિસિત્તોસિ,

મોદેસિતુવનત્તયે.

૧૩.

નન્દનાનંસોવણ્ણ,

વણ્ણસોભંયસોધરં;

સોકારેસિમહેસિત્તં,

લોકનેત્તરસાયનં.

૧૪.

એકૂનતિંસમેવસ્સે,

વિસાખપુણ્ણમેવરે;

સહસેનાયઉય્યાસિ,

યાનેનુય્યાનમણ્ડલં.

૧૫.

નિમિત્તેચતુરોદિસ્વા,

પુત્તસ્સચવિજાયનં;

સુત્વાઉબ્બિગ્ગચિત્તેન,

નરમિત્થપુરેતહિં.

૧૬.

પચ્ચાગમ્મપુરંતમ્હા,

પત્તોપાસાદમણ્ડલં;

નિપ્પજ્જિદેવરાજાવ,

સયનેસોમહારહે.

૧૭.

સુન્દરીતંપુરક્ખિત્વા,

નચ્ચગીતેનતોસયું;

એવંપિસોનરમિત્વા,

આહુનિક્ખમમાનસો.

૧૮.

પથમંરાહુલંપુત્તં,

પસ્સિત્વાનિક્ખમામહં;

ઇતિચિન્તિયમાનેસો,

અગાજાયાનિવેસનં;

૧૯.

થપેત્વાપાદદુમ્મારે,

ગીવમન્તોપવેસયં;

ઓલોકયંસપસ્સિત્થ,

નિપ્પન્નંતંસમાતરં.

૨૦.

ગણ્હેય્યંતંઅપનેત્વા,

બાહુંચેદેવિયાઅહં;

નદદેનિક્ખમોકાસં,

પબુજ્ઝિત્વાયસોધરા.

૨૧.

બુદ્ધપત્તોવપસ્સેય્યં,

રાહુલંઇતિચિન્તિય;

કણ્ડકંઆરુહિત્વાન,

તમ્હાછન્નેનનિક્ખમિ.

૨૨.

દ્વારાસયાવિવરિંસુ,

દેવતાદ્વારમણ્ડલં;

રતનુક્કાસહસ્સાનિ,

જાલયિંસુમરૂતહિં.

૨૩.

માનિક્ખમસ્સુસિદ્ધત્થ,

ઇતોત્વંસત્તમેદિને;

ભવિસ્સસેચક્કવત્તી,

ઇતિનીવારિપાપિમા.

૨૪.

તગ્ઘજાનામિતંમાર,

ઇધમાતિટ્ઠપક્કમ;

ઇતિમારં પલાપેત્વા,

વિસ્સટ્ઠોસોઅભિક્કમિ.

૨૫.

પત્વાનોમનદીતીરં,

પુનાગમેસિતુરગં;

છન્નઞ્ચનગરં બિમ્બા;

દેવિલાપટિવેદિતું.

૨૬.

બન્ધિતંયસોધરાય,

મોળિંસુગન્ધવાસિતં;

છેત્વાખગ્ગેનતિણ્હેન,

ઉક્ખિપિત્થતમમ્બરે.

૨૭.

અટ્ઠસેટ્ઠપરિક્ખારે,

ધારેત્વાબ્રહ્મુનાભતે;

હિત્વારાજારહંદુસ્સં,

સમણત્થમુપાગમિ.

૨૮.

કરોન્તોદુક્કરંકમ્મં,

છબ્બસ્સાનિપરક્કમો;

ઓળારિકન્નપાનેહિ;

દેહંયાપેસિઠીતિયા.

૨૯.

વિસાખપુણ્ણમેહેમ,

પાતિંપાયસપૂરિતં;

સુજાતાયાભતંગય્હ,

નેરઞ્ચરમુપાગમિ.

૩૦.

નેરઞ્ચરાયતીરમ્હિ,

સુત્વાપાયાસમુત્તમં;

પટિયત્થવરમગ્ગેન,

બોધિમણ્ડમુપાગમિ.

૩૧.

જયાસનેપલ્લઙ્કમ્હિ,

ઠિતોધિટ્ઠેસિધીતિમા;

નવીરિયંજહિસ્સામિ,

અપત્તોઇતિબુદ્ધતં.

૩૨.

દેવિન્દોધમયંસઙ્ખં,

સેતચ્છત્તંપિતામહો;

ધારયંવાદેન્તોવીણં,

પઞ્ચસીખોઠિતોતહિં.

૩૩.

થુતિગીતાનિગાયન્તી,

અટ્ઠાસુંદેવસુન્દરી;

ગહેત્વાહેમમઞ્જૂસા,

સુરપુપ્ફેહિપૂરિતા.

૩૪.

અનત્થમેન્તેસૂરિયે,

મારસેનંપલાપયી;

અરુણુગ્ગમનેકાલે,

પત્તોસિબુદ્ધતંવરં.

૩૫.

પટ્ઠાનંસમ્મસન્તસ્સ,

નાથસ્સદેહતોસુભા;

છબ્બણ્ણભાનિચ્છધન્તિ,

વિધાવન્તિ તહિં તહિં.

૩૬.

નીલાનીલાપિતાપીતા,

રત્તારત્તાચનિચ્છરે;

સેતાસેતાચમઞ્ચિટ્ઠા,

તમ્હાતમ્હાપભસ્સરા.

૩૭.

બુદ્ધપત્તોપિબોધેય્ય,

ધમ્મગમ્ભીરતંજિનો;

નિસામેત્વાનદેસેતું,

નિરુસ્સાહમુપાગતો.

૩૮.

સહમ્પતિતદાબ્રહ્મા,

દેસનાયાભિયાચતિ;

તેનસોપથમંસેટ્ઠં,

ધમ્મચક્કમદેસયિ.

૩૯.

એકવસ્સોવસમ્બુદ્ધો,

વરેફગ્ગુણપુણ્ણમે;

સક્યાનંનગરંગઞ્છી,

સાવકેહિપુરક્ખતો.

૪૦.

સમાગમમ્હિઞાતીનં,

વસ્સાપેસિસુસીતલં;

મહામેઘઞ્ચદેસેસિ,

વેસ્સન્તરસ્સજાતકં.

૪૧.

ગન્ત્વાસાવકયુગેન,

યસોધરાયમન્દિરં;

તંતોસેત્વાનદેસેસિ,

ચન્દકિન્નરજાતકં.

૪૨.

વસિત્વાસત્તમેવસ્સે,

તાવતિંસે સિલાસને;

અભિધમ્મેન તોસેસિ,

દેવબ્રહ્મગણંબહું.

૪૩.

પત્થરંઞાણજાલેન,

લોકંલોકેસિસબ્બદા;

બોધેતુંબોધિયાભાય;

બોધેય્યજનપઙ્કજં.

૪૪.

બોધનેય્યંજનંદિસ્વા,

ચક્કવાળપરંપરા;

ગન્ત્વાપિવિબોધેસિ,

બુદ્ધસેટ્ઠોસુબોધિમા.

૪૫.

બકાદિકેચબ્રહ્માનો,

યક્ખેચાળવકાદિકે;

પુરિન્દદાદિકેદેવે,

સૂચિલોમાદિરક્ખસે.

૪૬.

જાણુસોણાદિકેનેકે,

બ્રાહ્મણેચાવિકક્ખળે;

ચૂળોદરાદિકેનાગે,

ધનપાલાદિકેગજે.

૪૭.

બુદ્ધામયંતિમઞ્ઞન્તે,

તિત્થિયેનેકલદ્ધિકે;

દમેસિદમતંસેટ્ઠો,

પરવાદપ્પમદ્દનો.

૪૮.

અનુબ્યઞ્જનસમ્પન્નો,

એસબાત્તિંસલક્ખણો;

બ્યામપ્પભાપરિક્ખિત્તો,

કેતુમાલાસિલઙ્ખતો.

૪૯.

ચતુરાસીતિસહસ્સ,

ધમ્મક્ખન્ધેસદેસયિ;

પઞ્ચતાથીસવસ્સાનિ,

તિલોકસ્સહિતાયવે.

૫૦.

બુદ્ધકિચ્ચંકરોન્તોસો,

વહંલોકહિતંવરં;

મોચયંબન્ધનાસત્તે,

કાલંખેપેતિસબ્બદા.

૫૧.

યહિં આસીતિકોનાથો,

નિબ્બુતોવરમઞ્જકે;

મહાસાલવનેરમ્મે,

મલ્લાનંનિગમેતહિં.

૫૨.

અગ્ગિક્ખન્ધોવલોકસ્મિં,

જાલેત્વાનસસાવકો;

નિબ્બાયિત્થસઙ્ખતાનં,

પકાસેન્તોઅનિચ્ચતંતિ.

‘‘નમોતેભગવાનાથ,

નમોતેજયતંજય;

નમોતેસિરિસમ્પન્ન,

નમોતેલોકનન્દન.’’

બુદ્ધવન્દના

૧.

દેવલોકા ચવિત્વાન,

મહામાયાય કુચ્છિયં;

ઉપ્પજ્જિ ગુરુવારમ્હિ,

વન્દેતં સક્યપુઙ્ગવં.

૨.

દસમા સચ્ચયે નેસો,

વિજાયિ માતુકુચ્છિતો;

સુક્કવારે લુમ્બિનિયં,

વન્દે તં લોકપૂજિતં.

૩.

ચક્કવત્તિસિરિં હિત્વા,

મહાસિનિક્ખમં સુધી;

નિક્ખમી ચન્દવારમ્હિ,

નમે તં મુનિકુઞ્જરં.

૪.

અસ્સત્થબોધિમૂલમ્હિ,

પલ્લઙ્કે અપરાજિતે;

પત્તો સબ્બઞ્ઞુતં નાથો,

નમે તં બુધવાસરે.

૫.

પઞ્ચવગ્ગિયમુખાનં,

દેવાનં મિગદાવને;

સોરિવારે ધમ્મચક્કં,

વત્તેસિ તં જિનં નમે.

૬.

સબ્બસઙ્ખતધમ્માનં,

પકાસિયઅનિચ્ચતં;

નિબ્બુતંઅઙ્ગવારમ્હિ,

નમાધિઅમતન્દદં.

૭.

સૂરિયવારે સોણ્ણાય,

દોણિયા જિનવિગ્ગહો;

અગ્ગિનુજ્જલિતો તસ્સ,

નમે ધાતુસરીરકં.

ઉણ્ણાલોમિકનાથ વન્દના

ઉણ્ણાલોધિકનાથસ્સ,

ઉણ્ણાય ભમુકન્તરે;

વજિરાવિય સોભન્તિ,

નિક્ખન્તિ યો સુપણ્ડરા.

વજિરગ્ઘનકાયસ્સ,

નાથસ્સ દેહતો સુભા;

વજિરેય્યા નિચ્છરન્તિ;

વિજ્જૂવ ગગણન્તરે.

રિનિન્દમન્દહાસેન,

દાઠાય નિચ્છરા પભા;

વિપ્ફૂરિસા દિસાસબ્બા,

વજિરાયન્તિ પણ્ડરા.