📜

નમો તસ્સ ભગવતો અરહતો સમ્માસમ્બુદ્ધસ્સ

બુદ્ધગુણગાથાવલી

યથેવ પુપ્ફરાસિમ્હા, ગન્થેય્ય માલા સોભના;

એવં બુદ્ધગુણગાથા, વિરચિં સહસ્સાધિકા.

સોપિ ભગવા અરહં, સમ્માસમ્બુદ્ધો સયમ્ભૂ;

વિજ્જાચરણસમ્પન્નો, બુદ્ધં તં પણમામ્યહં.૧.

પુરિસદમ્મસારથી, લોકવિદૂ અનુત્તરો;

સત્થાદેવમનુસ્સાનં, બુદ્ધં તં પણમામ્યહં.૨.

સુગતો સુગદો સામી, સુખદો સન્તિપદાયકો;

સબ્બલોકાનુકમ્પકો, બુદ્ધં તં પણમામ્યહં.૩.

વરો વરઞ્ઞૂ વરદો, વરુત્તમો વરાહરો;

વરધમ્મં અદેસયિ, બુદ્ધં તં પણમામ્યહં.૪.

મહામઙ્ગલમઙ્ગલ્યો, મઙ્ગલો મઙ્ગલાલયો;

મઙ્ગલાયતનો નાથો, બુદ્ધં તં પણમામ્યહં.૫.

મઙ્ગલિન્દો મઙ્ગલિકો, મહામઙ્ગલનાયકો;

મઙ્ગલધમ્મં દેસેસિ, બુદ્ધં તં પણમામ્યહં.૬.

મઙ્ગલગ્ગો મઙ્ગલઞ્ઞૂ, મઙ્ગલત્થપદાયકો;

મઙ્ગલપન્થદસ્સાવી, બુદ્ધં તં પણમામ્યહં.૭.

મઙ્ગલિચ્છો મઙ્ગલિદ્ધો, મઙ્ગલમભિવદ્ધનો;

મઙ્ગલેહિ પરિપુણ્ણો, બુદ્ધં તં પણમામ્યહં.૮.

મઙ્ગલાભા ઉજ્જોતેસિ, મઙ્ગલત્થપભાકરો;

મઙ્ગલાલોકમણ્ડિતો, બુદ્ધં તં પણમામ્યહં.૯.

મઙ્ગલત્થમનુપ્પત્તો, મઙ્ગલત્થપરાયણો;

સબ્બદા મઙ્ગલકરો, બુદ્ધં તં પણમામ્યહં.૧૦.

મઙ્ગલમગ્ગમન્વેસિ, પત્તો મઙ્ગલમુત્તમં;

મઙ્ગલાયનં દસ્સેતા, બુદ્ધં તં પણમામ્યહં.૧૧.

મઙ્ગલમહિમાધારી, મઙ્ગલકારી નાયકો;

સબ્બધિ મઙ્ગલદાતા, બુદ્ધં તં પણમામ્યહં.૧૨.

મઙ્ગલસ્સ કોવિદો ચ, અમઙ્ગલસ્સ કોવિદો;

પરમં મઙ્ગલં લદ્ધો, બુદ્ધં તં પણમામ્યહં.૧૩.

સબ્બમઙ્ગલસમ્પન્નો, મઙ્ગલઘોસઘોસકો;

મઙ્ગલુત્તમં દેસેસિ, બુદ્ધં તં પણમામ્યહં.૧૪.

મહામઙ્ગલત્થં મગ્ગી, લદ્ધો ધમ્મસુમઙ્ગલો;

મઙ્ગલ’દ્ધાનં ઞાપેસિ, બુદ્ધં તં પણમામ્યહં.૧૫.

અગારિકત્થં ઞાપેસિ, મહામઙ્ગલમુત્તમં;

ગિહી સહાયકો સામી, બુદ્ધં તં પણમામ્યહં.૧૬.

મહામઙ્ગલ’લઙ્કિતો, મહામઙ્ગલભૂસનો;

મહામઙ્ગલસેખરો, બુદ્ધં તં પણમામ્યહં.૧૭.

મહામઙ્ગલંસુમાલી, મઙ્ગલાભો સમુજ્જલો;

મઙ્ગલંસું ઉજ્જોતેસિ, બુદ્ધં તં પણમામ્યહં.૧૮.

મહગ્ઘ મઙ્ગલોદધિ, મહન્તમઙ્ગલણ્ણવો;

મહામઙ્ગલસાગરો, બુદ્ધં તં પણમામ્યહં.૧૯.

અમઙ્ગલનિસાહન્તા, મઙ્ગલભાનુભસ્સરો;

મઙ્ગલાલોકવિકિણ્ણો, બુદ્ધં તં પણમામ્યહં.૨૦.

બાહુસચ્ચો બુજ્ઝનકો, ધમ્મચક્ખુઉપ્પાદકો;

તિભવમઙ્ગલઙ્કારી, બુદ્ધં તં પણમામ્યહં.૨૧.

મહાવત્તા પવત્તા ચ, અત્થસ્સ નિન્નેતા પભૂ;

અમતસ્સ દાતા વિઞ્ઞૂ, બુદ્ધં તં પણમામ્યહં.૨૨.

દિવા તપતિ આદિચ્ચો, રત્તિં દિપ્પતિ ચન્દિમા;

રત્તિંદિવં તપિ નાથો, બુદ્ધં તં પણમામ્યહં.૨૩.

સન્નદ્ધો ખત્તિયો તપતિ, ઝાયી તપતિ બ્રાહ્મણો;

નિરન્તરં તપિ નાથો, બુદ્ધં તં પણમામ્યહં.૨૪.

દુક્ખદોમનસ્સનાસી, સોકપરિદેવક્ખયો;

જાતિમચ્ચુજરાતિગો, બુદ્ધં તં પણમામ્યહં.૨૫.

યથાવાદી તથાકારી, તથવાદી તથાગતો;

યથાકારી તથાવાદી, બુદ્ધં તં પણમામ્યહં.૨૬.

ભગ્ગરાગો ભગ્ગદોસો, ભગ્ગમોહો સો ભગવા;

ભગ્ગમાનો ભગ્ગમાયો, બુદ્ધં તં પણમામ્યહં.૨૭.

ભગ્ગકામો ભગ્ગકોધો, ભગ્ગકોપો ભગ્ગકુહો;

ભગ્ગકસાવો ભગ્ગિન્ધો, બુદ્ધં તં પણમામ્યહં.૨૮.

ભગ્ગજાતિ ભગ્ગમચ્ચૂ, ભગ્ગલોકો ભગ્ગભવો;

ભગ્ગસંસારો ભગ્ગોઘો, બુદ્ધં તં પણમામ્યહં.૨૯.

ભોગભગ્ગો સોકભગ્ગો, રોગભગ્ગો ભગ્ગરજો;

સૂલભગ્ગો સલ્લભગ્ગો, બુદ્ધં તં પણમામ્યહં.૩૦.

આસાભગ્ગો ઇસ્સાભગ્ગો, એજાભગ્ગો ભગ્ગજટા;

છન્દભગ્ગો બન્ધભગ્ગો, બુદ્ધં તં પણમામ્યહં.૩૧.

વીતરાગો વીતદોસો, વીતમોહો વીતાસવો;

વીતકામો વીતકોધો, બુદ્ધં તં પણમામ્યહં.૩૨.

વીતપાપો વીતપુઞ્ઞો, વીતભારો વીતમલો;

વીતવિકારો વીતિન્ધો, બુદ્ધં તં પણમામ્યહં.૩૩.

વન્તરાગો વન્તદોસો, વન્તમોહો વન્તમલો;

વન્તકસાવો વન્તીઘો, બુદ્ધં તં પણમામ્યહં.૩૪.

વન્તરાગો વન્તદોસો, વન્તમોહો વન્તમલો;

વન્તકસાવો વન્તીઘો, બુદ્ધં તં પણમામ્યહં.૩૫.

સગ્ગુરુ તિલોકગુરુ, સબ્બસત્તાનમગ્ગગુરૂ;

નેતારેસુ મહાનેતા, બુદ્ધં તં પણમામ્યહં.૩૬.

મહાગુરુ નરગુરુ, દેવગુરુ ગુરુત્તમો!

જેટ્ઠગુરુ સેટ્ઠગુરુ, બુદ્ધં તં પણમામ્યહં.૩૭.

વિસ્સગુરુ લોકગુરુ, ધમ્મગુરુ ગુરૂત્તમો;

નત્થિ એતાદિસો ગુરુ, બુદ્ધં તં પણમામ્યહં.૩૮.

મહાસત્થા મહાસોત્થિ, મહામિત્તો મહાસખા;

મહાકલ્યાણમિત્તો યો, બુદ્ધં તં પણમામ્યહં.૩૯.

મહાપઞ્ઞો મહાવિઞ્ઞૂ, મહાવિદ્વા મહાવિદૂ;

મહામેધાવી સુમેધો, બુદ્ધં તં પણમામ્યહં.૪૦.

મહાસુદ્ધો મહાભદ્દો, મહાદયો મહાસયો;

મહાદિબ્બો મહાભબ્બો, બુદ્ધં તં પણમામ્યહં.૪૧.

મહાવીરો મહાધીરો, મહાસૂરો મહબ્બલો;

મહામારચમૂ મદ્દિ, બુદ્ધં તં પણમામ્યહં.૪૨.

મહાજેટ્ઠો મહાસેટ્ઠો, મહગ્ગો મહાનાયકો;

મહાછેકો મહાદક્ખો, બુદ્ધં તં પણમામ્યહં.૪૩.

મહાબ્યત્તો મહાઞાતો, મહાખ્યાતો મહાયસી;

મહિદ્ધો મહાવિખ્યાતો, બુદ્ધં તં પણમામ્યહં.૪૪.

મહાતુટ્ઠો મહાહટ્ઠો, મહાજવો મહાજયો;

મહાસન્તુટ્ઠો વિસિટ્ઠો, બુદ્ધં તં પણમામ્યહં.૪૫.

મહાનાથો મહાસામી, મહાપભૂ મહાવિભૂ;

મહિસ્સરો બોધિસ્સરો, બુદ્ધં તં પણમામ્યહં.૪૬.

મહાવણ્ણો મહાકન્તો, મનોપિયો મનાપિકો;

મહાસોભનો મનુઞ્ઞો, બુદ્ધં તં પણમામ્યહં.૪૭.

મહાઝાયી મહાઞાણી, મહાધીમા મહાસુધી;

મહાવિભાવી મેધાવી, બુદ્ધં તં પણમામ્યહં.૪૮.

મહાખન્તી ચ તિતિક્ખો, મહાનિક્કઙ્ખો ધમ્મગૂ;

મહાસંયતો સંવુતો, બુદ્ધં તં પણમામ્યહં.૪૯.

મહાથોમિતો પૂજિતો, મહામાનિતો વન્દિતો;

મહાભિવાદિતો ભિય્યો, બુદ્ધં તં પણમામ્યહં.૫૦.

મહતત્થો મહત્થિકો, મહન્તત્થો મહત્તરો;

મહન્તો મહત્તપ્પત્તો, બુદ્ધં તં પણમામ્યહં.૫૧.

મહાલાભી મહાકારી, મહાદાયી મહાધની;

મહાવિજ્જો મહાપુજ્જો, બુદ્ધં તં પણમામ્યહં.૫૨.

મહાબુદ્ધિ મહાબુધા, મહાપબોધિપુઙ્ગવો;

મહાભવણ્ણવં તિણ્ણો, બુદ્ધં તં પણમામ્યહં.૫૩.

મહાનાગો મહાભાગો, મહાબાહો મહિદ્ધિકો;

મહાયોધો મહગ્ગતો, બુદ્ધં તં પણમામ્યહં.૫૪.

મહાદન્તો મહાસન્તો, મહાગણી મહાગુણી;

મહાસન્તિપદાયકો, બુદ્ધં તં પણમામ્યહં.૫૫.

મહાસીલો મહાચિત્તો, મહાબુધો મહેસિનો;

મહામોહોદધિં તિણ્ણો, બુદ્ધં તં પણમામ્યહં.૫૬.

મહાતપસ્સી ધમ્મેસી, મહાયસસ્સી નાયકો;

મહાપતાપી તેજસ્સી, બુદ્ધં તં પણમામ્યહં.૫૭.

મહાઆભો મહાપભો, મોહન્ધકારભિન્દકો;

ઞાણપદીપં દીપેસિ, બુદ્ધં તં પણમામ્યહં.૫૮.

મહાપસ્સદ્ધિદાયકો, મુનિરાજા મુનિસ્સરો;

સન્તિદદો સુખદદો, બુદ્ધં તં પણમામ્યહં.૫૯.

મહાનીવરણા’તીતો, મહામોહસમૂહતો;

મહોઘતિણ્ણો મોક્ખકો, બુદ્ધં તં પણમામ્યહં.૬૦.

મહાભવોપધિચત્તો, લોભદોસવિનાસકો;

મહારિપું નિમદ્દેસિ, બુદ્ધં તં પણમામ્યહં.૬૧.

મહા’ભિઞ્ઞાબલપ્પત્તો, મહામઞ્ઞિતનાસકો;

મહાસદ્ધમં નિદ્દિસિ, બુદ્ધં તં પણમામ્યહં.૬૨.

અહોરત્તિં સદાસુદ્ધો, મહાલોકગ્ગનાયકો;

સમત્તવિસ્સવિસ્સુતો, બુદ્ધં તં પણમામ્યહં.૬૩.

મહાઅવિજ્જાઉચ્છિન્નો, મહાઆસત્તિરિઞ્ચકો;

મહાજટા વિજટેસિ, બુદ્ધં તં પણમામ્યહં.૬૪.

મહાસૂલવિવત્તકો, મહાસલ્લવિનોદનો;

મહાસવં બ્યન્તિકરો, બુદ્ધં તં પણમામ્યહં.૬૫.

મહાપરક્કમી સૂરો, સબ્બથા અપરાજયો;

અચ્ચન્તઅભયો વીરો, બુદ્ધં તં પણમામ્યહં.૬૬.

મહાતણ્હાવીતિવત્તો, મહાસોકપનૂદનો;

મહાદુક્ખમતિક્કન્તો, બુદ્ધં તં પણમામ્યહં.૬૭.

મહામાનમતિક્કમો, મારસેનનિમ્મદ્દનો;

કમ્મક્લેસં નિજ્જરેસિ, બુદ્ધં તં પણમામ્યહં.૬૮.

મહાભવોદધિત્તિણ્ણો, પાપણ્ણવપારઙ્ગતો;

મહાસંસરણાતિગો, બુદ્ધં તં પણમામ્યહં.૬૯.

મહાસંયોજનાતીતો, મહાવટ્ટવિનાસકો;

મહાસંસારોઘતિણ્ણો, બુદ્ધં તં પણમામ્યહં.૭૦.

મહારાગવિરઞ્જકો, મહાદોસનિમ્મદ્દકો;

મહાસોતં વિસોસેસિ, બુદ્ધં તં પણમામ્યહં.૭૧.

મહામેત્તાવિહારી યો, મહાપુઞ્ઞો મહારહો;

મહાકરુણાસાગરો, બુદ્ધં તં પણમામ્યહં.૭૨.

મહાભવસિન્ધુલઙ્ઘી, ભવમુત્તો ભવન્તગૂ;

સોકસૂલસમુચ્છિન્નો, બુદ્ધં તં પણમામ્યહં.૭૩.

મહાવનપથાતીતો, મહાકન્તારપારગૂ;

મહાભવોઘનિત્તિણ્ણો, બુદ્ધં તં પણમામ્યહં.૭૪.

મહામગ્ગફલપ્પત્તો, સુપત્તો અમતોદધી;

ભવચક્કં વિભઞ્જેસિ, બુદ્ધં તં પણમામ્યહં.૭૫.

મહાસુબોધિસમ્પન્નો, મુત્તિમગ્ગસુભાવિતો;

ભવબન્ધનં ભઞ્જેસિ, બુદ્ધં તં પણમામ્યહં.૭૬.

મહાનન્દીસમુચ્છિન્નો, મહાકિલેસનિસ્સટો;

મહાપાપોઘમુત્તિણ્ણો, બુદ્ધં તં પણમામ્યહં.૭૭.

મહાપિહાપરિક્ખીણો, મહાસંયોજને નુદો;

સબ્બાસવે વિનોદેસિ, બુદ્ધં તં પણમામ્યહં.૭૮.

મોહતિમિરં ભઞ્જેસિ, સુરિયો’વ પભઙ્કરો;

મહાજુતિં પભાસેસિ, બુદ્ધં તં પણમામ્યહં.૭૯.

મહાભયં પદાલેસિ, છમ્ભચ્છિન્નો ભયનુદો;

મહાદુક્ખક્ખન્ધનુદો, બુદ્ધં તં પણમામ્યહં.૮૦.

મહાસત્તું વિનાસેસિ, સત્તિધારી મહાબલી;

મહાસિદ્ધો મહેસક્ખો, બુદ્ધં તં પણમામ્યહં.૮૧.

મહાતમં પનુદિ ચ, મહાજોતિપભાસકો;

આદિચ્ચો વિય દીપેસિ, બુદ્ધં તં પણમામ્યહં.૮૨.

મહાભોગપરિચ્ચાગી, તિણ્ણમહાતણ્હણ્ણવો;

મોહુદધિં પારઙ્ગતો, બુદ્ધં તં પણમામ્યહં.૮૩.

મહાભિઞ્ઞાબલપ્પત્તો, મહાપધાનનાયકો;

મહાબન્ધનવિમુત્તો, બુદ્ધં તં પણમામ્યહં.૮૪.

મહાબોધિમહણ્ણવો, મહાસમ્બોધિસાગરો;

મહાઞાણમહોદધિ, બુદ્ધં તં પણમામ્યહં.૮૫.

મહાભિસક્કો યતીન્દો, તણ્હારોગતિકિચ્છકો;

દુક્ખતો બહૂ મોચેસિ, બુદ્ધં તં પણમામ્યહં.૮૬.

મહામહિમામણ્ડિતો, છબ્બણ્ણરંસિધારકો;

મહાપભાય બ્યાપકો, બુદ્ધં તં પણમામ્યહં.૮૭.

મહાકરુણાસમ્પત્તો, સદા મેત્તાય’ભિરતો;

મહાજનહિતરતો, બુદ્ધં તં પણમામ્યહં.૮૮.

મહામિચ્છાદિટ્ઠિં હન્તા, મહાસદ્ધમ્મુદ્દેસકો;

મહાઅન્તકુપચ્છિન્નો, બુદ્ધં તં પણમામ્યહં.૮૯.

મહાસોકસલ્લકત્તો, મહાખીલવિસોધનો;

મહાસન્તિકરો લોકે, બુદ્ધં તં પણમામ્યહં.૯૦.

મહાપાપપઙ્કં ધોતા, મહાદુક્ખવિમોચકો;

મહાસજ્જનં સોધેસિ, બુદ્ધં તં પણમામ્યહં.૯૧.

મહાઅન્તકહન્તા યો, મચ્ચુસેનવિનાસકો;

મહાતણ્હં વિનોદેસિ, બુદ્ધં તં પણમામ્યહં.૯૨.

મહાદિટ્ઠિં વિદ્ધંસેસિ, પાપપુઞ્ઞસમૂહતો;

માનં માયઞ્ચ મદ્દેસિ, બુદ્ધં તં પણમામ્યહં.૯૩.

મહામોહં વિનાસેસિ, મહારાગનિરોધકો;

મહાદોસં નિદ્ધંસેસિ, બુદ્ધં તં પણમામ્યહં.૯૪.

વિચિત્રધમ્મકથિકો, અબ્ભુતમગ્ગુદ્દેસકો;

મહક્ખાતો મહાકથી, બુદ્ધં તં પણમામ્યહં.૯૫.

મહાવાદી કમ્મવાદી, મહાસક્યમુનીવરો;

મુનિપુઙ્ગવો મુનિન્દો, બુદ્ધં તં પણમામ્યહં.૯૬.

મહામોહનિસાનાસી, મહાપભા વિત્થારકો;

મહાજુણ્હા પજ્જોતેસિ, બુદ્ધં તં પણમામ્યહં.૯૭.

મહા’વિજ્જાનિસા હન્તા, વિજ્જારંસિવિભૂસિતો;

મહાધમ્માભા વિકરિ, બુદ્ધં તં પણમામ્યહં.૯૮.

મહામોહં નિમ્મદ્દેસિ, માયાજાલવિમોચનો;

મિચ્છાવાદં પમદ્દેસિ, બુદ્ધં તં પણમામ્યહં.૯૯.

આસવસોતં સોસેસિ, મહાવ્યાપાદમદ્દનો;

મોહમહોદધિતિણ્ણો, બુદ્ધં તં પણમામ્યહં.૧૦૦.

મહામોહમતિક્કન્તો, મહાસઙ્કાવિનોદનો;

મહાભવોઘનિત્તિણ્ણો, બુદ્ધં તં પણમામ્યહં.૧૦૧.

પાણાતિપાતા વિરતો, ચત્તદણ્ડો અહિંસકો;

અમિતમેત્તવારિધિ, બુદ્ધં તં પણમામ્યહં.૧૦૨.

અદિન્નાદાના વિરતો, અનિચ્છો અપરિગ્ગહો;

સબ્બસ્સ ચાગી વિરાગી, બુદ્ધં તં પણમામ્યહં.૧૦૩.

અબ્રહ્મચરિયાતીતો, કામભોગપરિચ્ચજો;

મારધીતામાનં મદ્દિ, બુદ્ધં તં પણમામ્યહં.૧૦૪.

કાયાનુરક્ખી સુદન્તો, વાચાનુરક્ખી સુબ્બતો;

મહાસીલેન સમ્પન્નો, બુદ્ધં તં પણમામ્યહં.૧૦૫.

સમ્માઆજીવસમ્પન્નો, સુદ્ધાચરણચારકો;

સીલસિરોમણિ સામી, બુદ્ધં તં પણમામ્યહં.૧૦૬.

સુભરો સીલસમ્પન્નો, સુદ્ધાચારસિરોમણી;

થામવા જવસમ્પન્નો, બુદ્ધં તં પણમામ્યહં.૧૦૭.

અવિકપ્પો અવિતક્કો, અવિચારો અચિન્તકો;

ચિત્તએકગ્ગતાપ્પત્તો, બુદ્ધં તં પણમામ્યહં.૧૦૮.

ઇન્દ્રિયાનિ સુરક્ખેસિ, સતો સંવરમાનસો;

સમ્માસમાહિતચિત્તો, બુદ્ધં તં પણમામ્યહં.૧૦૯.

પબલપઞ્ઞો પઞ્ઞઞ્ઞૂ, ગમ્ભીરપઞ્ઞાસોભનો;

સમ્પન્નપઞ્ઞો પઞ્ઞક્ખો, બુદ્ધં તં પણમામ્યહં.૧૧૦.

પહૂતપઞ્ઞો સુપઞ્ઞો, પુથુલપઞ્ઞો પઞ્ઞવા;

પગુણઞાણો ઞાણક્ખો, બુદ્ધં તં પણમામ્યહં.૧૧૧.

તિક્ખપઞ્ઞો ખિપ્પપઞ્ઞો, પુણ્ણપઞ્ઞો પઞ્ઞાપભૂ;

પઞ્ઞાનાથો પઞ્ઞાસામી, બુદ્ધં તં પણમામ્યહં.૧૧૨.

ધુવપઞ્ઞો ઠિતપઞ્ઞો, થિરપઞ્ઞો પઞ્ઞાદદો;

પરિયોદાતપઞ્ઞો યો, બુદ્ધં તં પણમામ્યહં.૧૧૩.

પઞ્ઞાય પારમીપ્પત્તો, અનન્તપઞ્ઞસેખરો;

પુઞ્ઞપારમીસમ્પન્નો, બુદ્ધં તં પણમામ્યહં.૧૧૪.

પઞ્ઞાધની પઞ્ઞાબલી, પઞ્ઞાસીલસમાહિતો;

પઞ્ઞાપતિ પઞ્ઞાધારી, બુદ્ધં તં પણમામ્યહં.૧૧૫.

પઞ્ઞવન્તો સુધીમન્તો, સીધપઞ્ઞો પઞ્ઞાનિધિ;

પઞ્ઞાવારિધિ પઞ્ઞગૂ, બુદ્ધં તં પણમામ્યહં.૧૧૬.

પગુણપઞ્ઞાકુસલો, અનન્તપઞ્ઞવા વિભૂ;

સેટ્ઠપઞ્ઞો જેટ્ઠપઞ્ઞો, બુદ્ધં તં પણમામ્યહં.૧૧૭.

પરિપુણ્ણપઞ્ઞો પુણ્ણો, પવરપઞ્ઞપારગૂ;

પઞ્ઞિસ્સરો ઞાણિસ્સરો, બુદ્ધં તં પણમામ્યહં.૧૧૮.

અચ્ચન્તઅમલપઞ્ઞો, સમ્પુણ્ણપટિભાનવા;

પટિવેધપઞ્ઞાધારી, બુદ્ધં તં પણમામ્યહં.૧૧૯.

અનોમપઞ્ઞો અનોમો, ભૂરિપઞ્ઞો પઞ્ઞવરો;

પરિસુદ્ધપઞ્ઞો સુદ્ધો, બુદ્ધં તં પણમામ્યહં.૧૨૦.

નિબ્બેધિકપઞ્ઞો નાથો, પટિબોધપઞ્ઞો પટૂ;

વિસુદ્ધપઞ્ઞો સંસુદ્ધો, બુદ્ધં તં પણમામ્યહં.૧૨૧.

પઞ્ઞાચક્ખુ ઞાણચક્ખુ, બુદ્ધચક્ખુ સુચક્ખુમા;

સમન્તચક્ખુ સમ્પુણ્ણો, બુદ્ધં તં પણમામ્યહં.૧૨૨.

પબલપઞ્ઞાસંયુત્તો, તિક્ખમેધો મેધામયો;

પુણ્ણાભિઞ્ઞા અઞ્ઞાતાવી, બુદ્ધં તં પણમામ્યહં.૧૨૩.

પઞ્ઞાવુધેન સમ્પન્નો, અજેય્યો અજિતો પભૂ;

જિનો અજિનિ પાપિમં, બુદ્ધં તં પણમામ્યહં.૧૨૪.

અસઙ્ખતમનુપ્પત્તો, પઞ્ઞા’ભરણભૂસિતો;

પરમત્થં પઞ્ઞાપેસિ, બુદ્ધં તં પણમામ્યહં.૧૨૫.

પઞ્ઞવા પઞ્ઞં પસારેસિ, ઞાણી ઞાણસંવડ્ઢનો;

અધમ્મધંસકો ધમ્મી, બુદ્ધં તં પણમામ્યહં.૧૨૬.

પઞ્ઞાસેખરો પઞ્ઞિન્દો, ઞાણિન્દો ઞાણસેખરો;

ધમ્મસેખરો ધમ્મિન્દો, બુદ્ધં તં પણમામ્યહં.૧૨૭.

જવનપઞ્ઞો જિતત્તો, સબ્બગન્થપ્પમોચનો;

ગણ્ઠિમુત્તો ગુત્તદ્વારો, બુદ્ધં તં પણમામ્યહં.૧૨૮.

બહુપઞ્ઞો બહુકારી, બહુઞાણી બહુગુણો;

બહુલગુણસમ્પન્નો, બુદ્ધં તં પણમામ્યહં.૧૨૯.

પઞ્ઞાવિમુત્તિસમ્પન્નો, મોહાતીતો દુક્ખાતિગો;

કિલેસસલ્લકન્તકો, બુદ્ધં તં પણમામ્યહં.૧૩૦.

બોધિહદયો સમ્બુદ્ધો, પઞ્ઞિન્દો પઞ્ઞમાનસો;

ઞાણચેતસો ઞાણાભો, બુદ્ધં તં પણમામ્યહં.૧૩૧.

ધુવસીલો ધુવચિત્તો, ધુવમેધો ધુવઙ્ગતો;

ધુવમુત્તો ધુવલદ્ધો, બુદ્ધં તં પણમામ્યહં.૧૩૨.

સીલબલી ચિત્તબલી, પઞ્ઞાબલી અઞ્ઞાબલી;

ધમ્મબલી ધીરબલી, બુદ્ધં તં પણમામ્યહં.૧૩૩.

સીલધની ચિત્તધની, પઞ્ઞાધની અઞ્ઞાધની;

ધમ્મધની ધીરધની, બુદ્ધં તં પણમામ્યહં.૧૩૪.

કાયાસંવરસંયતો, સંયતવાચાસંવરો;

ચિત્તસંવર સંયતો, બુદ્ધં તં પણમામ્યહં.૧૩૫.

સીલગ્ગો સમાધિપ્પત્તો, પઞ્ઞપ્પત્તો સુભાવિતો;

ધમ્મસુધારસં પાયી, બુદ્ધં તં પણમામ્યહં.૧૩૬.

સુસીલો સમાધિપ્પત્તો, પઞ્ઞાલઙ્કાર’લઙ્કતો;

ધમ્માભરણભૂસિતો, બુદ્ધં તં પણમામ્યહં.૧૩૭.

સમ્માસમાધિ’લઙ્કિતો, સીલપઞ્ઞવિભૂસતો;

સબ્બાભિઞ્ઞાબલપ્પત્તો, બુદ્ધં તં પણમામ્યહં.૧૩૮.

સુદ્ધસીલો સુદ્ધચિત્તો, સુદ્ધપઞ્ઞો સુદ્ધમનો;

સુદ્ધધમ્મં પકાસેસિ, બુદ્ધં તં પણમામ્યહં.૧૩૯.

સીલવા સુસમાહિતો, પઞ્ઞવા યસવા ઇસિ;

લોકવિસ્સુતો વિદિતો, બુદ્ધં તં પણમામ્યહં.૧૪૦.

સીલસમાધિસમ્પન્નો, વિધુરો પઞ્ઞપુઙ્ગવો;

સબ્બેસં સબ્બં બોધેસિ, બુદ્ધં તં પણમામ્યહં.૧૪૧.

અનન્તઞાણી નિજ્ઝાની, ઞાણસીસચૂળામણિ;

ઞાણક્ખો નરપામોક્ખો, બુદ્ધં તં પણમામ્યહં.૧૪૨.

નાયકાનં વરો નાથો, ઞાણિકો ઞાણપુણ્ણિકો;

ઞાણસમત્થો ઞાણટ્ઠો, બુદ્ધં તં પણમામ્યહં.૧૪૩.

ઞાણરામો ઞાણરતો, ગમ્ભીરઞાણકોવિદો;

ઞાણદસ્સનસમ્પન્નો, બુદ્ધં તં પણમામ્યહં.૧૪૪.

ઞાણસોભિતો ઞાણગ્ગૂ, ઞાણ’લઙ્કાર’લઙ્કતો;

ઞાણસિરોમણિ ઞાણી, બુદ્ધં તં પણમામ્યહં.૧૪૫.

ઞાણવન્તો ઞાણવરો, ઞાણનેરુ સુઞ્ઞાણવા;

ઞાણસિન્ધુ ઞાણોદધિ, બુદ્ધં તં પણમામ્યહં.૧૪૬.

ઞાણમોલિ ઞાણમુદ્ધો, ઞાણદીપો ઞાણસિખો;

ઞાણમેરુ ઞાણસિઙ્ગો, બુદ્ધં તં પણમામ્યહં.૧૪૭.

ગમ્ભીરઞ્ઞાણી મેધાવી, તિક્ખઞ્ઞાણી વિચક્ખણો;

અઞ્ઞાણમૂલં ભઞ્જેસિ, બુદ્ધં તં પણમામ્યહં.૧૪૮.

સબ્બઞાણી સબ્બઞ્ઞાતો, સત્થા સમ્મપવત્તકો;

સુદ્ધધમ્મં વિત્થારેસિ, બુદ્ધં તં પણમામ્યહં.૧૪૯.

સબ્બઞ્ઞુતઞાણપત્તો, સબ્બવિઞ્ઞૂ વિનાયકો;

નિબ્બાનસુખસમ્પત્તો, બુદ્ધં તં પણમામ્યહં.૧૫૦.

સબ્બઞ્ઞૂ સબ્બઞાણિકો, સબ્બતો મઞ્ઞનાજહો;

સબ્બમથિતવિક્ખીણો, બુદ્ધં તં પણમામ્યહં.૧૫૧.

સબ્બઞાણાધિપતિકો, સમત્થો પવરો પભૂ;

સબ્બતો ઞાણદસ્સાવી, બુદ્ધં તં પણમામ્યહં.૧૫૨.

દસબલાધિપો નાગો, અમિતઞાણાધિપતિ;

બહું ઇદ્ધિં અનુપ્પત્તો, બુદ્ધં તં પણમામ્યહં.૧૫૩.

પટિવેધઞાણયુત્તો, માયાપટપચ્છેદકો;

અવિજ્જં પરિધંસેસિ, બુદ્ધં તં પણમામ્યહં.૧૫૪.

મુત્તિઞાણં ગવેસિ યો, મગ્ગસચ્ચપકાસકો;

મગ્ગ’ક્ખાયી મગ્ગવિદૂ, બુદ્ધં તં પણમામ્યહં.૧૫૫.

સબ્બાઞ્ઞાણં વિનાસેસિ, મહાપઞ્ઞાનમુત્તમો;

બોધિઞાણમહાસિન્ધુ, બુદ્ધં તં પણમામ્યહં.૧૫૬.

સમ્માદસ્સનસમ્પત્તો, સમ્માઞાણપતિટ્ઠિતો;

સમ્માવિમુત્તિજિતત્તો, બુદ્ધં તં પણમામ્યહં.૧૫૭.

અરહા વિજ્જાસમ્પન્નો, ઞાણસિખરસેખરો;

પરમં સુખં સમ્પત્તો, બુદ્ધં તં પણમામ્યહં.૧૫૮.

પરમઞાણસમ્પન્નો, પવરપઞ્ઞાપુણ્ણિકો;

સમ્માવિમુત્તિં સમ્પત્તો, બુદ્ધં તં પણમામ્યહં.૧૫૯.

સબ્બદસ્સાવી સુઞ્ઞાણી, સબ્બકિચ્ચેસુ પણ્ડિતો;

સબ્બધિ સુગુણુપેતો, બુદ્ધં તં પણમામ્યહં.૧૬૦.

સંવેદના સંવેદિત્વા, સમ્માસમ્બોધિં બોધયિ;

સોકવિગતો સુમતો, બુદ્ધં તં પણમામ્યહં.૧૬૧.

વેદનાસુ વીતગિજ્ઝો, વેદનામુત્તો સબ્બથા;

વેદગૂ ચ વેદન્તગૂ, બુદ્ધં તં પણમામ્યહં.૧૬૨.

વિસ્સાસભૂમિ સત્તાનં, અન્ધાનં નયનૂપમો;

અરક્ખેય્યો આરક્ખકો, બુદ્ધં તં પણમામ્યહં.૧૬૩.

દુક્ખસક્ખી દુક્ખક્ખીણો, દુક્ખવિદૂ દુક્ખન્તગૂ;

દુક્ખપ્પહીનો દુક્ખઞ્ઞૂ, બુદ્ધં તં પણમામ્યહં.૧૬૪.

કાયસક્ખી ચિત્તસક્ખી, વેદનાનુસક્ખી સુખી;

ધમ્માનુસક્ખી સુસક્ખી, બુદ્ધં તં પણમામ્યહં.૧૬૫.

સન્તકાયો સન્તવાચો, સન્તચિત્તો સમાહિતો;

સબ્બૂપધિવૂપસન્તો, બુદ્ધં તં પણમામ્યહં.૧૬૬.

સમ્માસમાહિતચિત્તો, સમ્માસીલે પતિટ્ઠિતો;

સમ્માપઞ્ઞાપરિપુણ્ણો, બુદ્ધં તં પણમામ્યહં.૧૬૭.

નિખિલનિટ્ઠ’ધિગમો, અચ્ચારદ્ધવિપસ્સકો;

સમત્તસન્તિસમ્પત્તો, બુદ્ધં તં પણમામ્યહં.૧૬૮.

સબ્બકાયં સંવેદિત્વા, સબ્બધમ્મવિપસ્સકો;

ભવસંસારં રિઞ્ચેસિ, બુદ્ધં તં પણમામ્યહં.૧૬૯.

સબ્બદા સતિસમ્પન્નો, સમ્પજઞ્ઞરતો સદા;

સન્તતં સમણો સામી, બુદ્ધં તં પણમામ્યહં.૧૭૦.

સચ્ચદસ્સનદસ્સાવી, સચ્ચધમ્મવિપસ્સકો;

સચ્ચચક્કં પવત્તેસિ, બુદ્ધં તં પણમામ્યહં.૧૭૧.

ઝાનસોખુમ્મસમ્પન્નો, અત્તપણિધિપારગૂ;

ભવાદીનવદસ્સાવી, બુદ્ધં તં પણમામ્યહં.૧૭૨.

ચક્ખુમન્તો વતવન્તો, સીલવન્તો સુસીલવા;

મેધાવન્તો પઞ્ઞાવન્તો, બુદ્ધં તં પણમામ્યહં.૧૭૩.

વણ્ણવન્તો ગુણવન્તો, જુતિમન્તો જુતિધરો;

યસવન્તો કિત્તિમન્તો, બુદ્ધં તં પણમામ્યહં.૧૭૪.

સતિમન્તો યતિ સન્તો, મતિમન્તો મેધાવિનો;

પતાપવન્તો ધીમન્તો, બુદ્ધં તં પણમામ્યહં.૧૭૫.

યોગવન્તો ખેમવન્તો, પટિભાનવન્તો પભૂ;

હિરીમનો સિરીમનો, બુદ્ધં તં પણમામ્યહં.૧૭૬.

અત્તદન્તો અનુસ્સદો, ધીરધારી ધુરન્ધરો;

ધિતિમન્તો ધીસમ્પન્નો, બુદ્ધં તં પણમામ્યહં.૧૭૭.

થામવન્તો ઇદ્ધિમન્તો, દયાવન્તો દયાલયો;

કન્તિમન્તો રૂપવન્તો, બુદ્ધં તં પણમામ્યહં.૧૭૮.

ખન્તિમન્તો સન્તિમન્તો, ભગવન્તો સુકેવલી;

ઞાયવન્તો નયવન્તો, બુદ્ધં તં પણમામ્યહં.૧૭૯.

બોધિમન્તો બુદ્ધિમન્તો, બોધિઞાણો બોધિગુણો;

બોધિધમ્મમનુપ્પત્તો, બુદ્ધં તં પણમામ્યહં.૧૮૦.

મુત્તદોસો મેત્તાવન્તો, કરુણાવન્તો મોદિતો;

સબ્બથા ઉપેક્ખાવન્તો, બુદ્ધં તં પણમામ્યહં.૧૮૧.

યતવન્તો યતચારી, ખમવન્તો સુખેમિનો;

તપવન્તો તથવન્તો, બુદ્ધં તં પણમામ્યહં.૧૮૨.

પભાવવન્તો પુરિસો, પતાપી પટિભાનવા;

સદત્થપટિદીપકો, બુદ્ધં તં પણમામ્યહં.૧૮૩.

સઙ્ગછિન્નો રઙ્ગછિન્નો, રાગછિન્નો છિન્નરતી;

નન્દીછિન્નો તણ્હાછિન્નો, બુદ્ધં તં પણમામ્યહં.૧૮૪.

છિન્નાસઙ્કો છિન્નાતઙ્કો, છિન્નાકઙ્ખો છિન્નઙ્ગણો;

છિન્નસંયોજના સબ્બે, બુદ્ધં તં પણમામ્યહં.૧૮૫.

છિન્નાસઙ્ગો છિન્નાસત્તો, છિન્નાદાનો છિન્નાવિલો;

છિન્નલિત્તો છિન્નાલમ્બો, બુદ્ધં તં પણમામ્યહં.૧૮૬.

છિન્નકામો છિન્નકોધો, છિન્નકોપો છિન્નમદો;

છિન્નક્લેસો છિન્નખોભો, બુદ્ધં તં પણમામ્યહં.૧૮૭.

છિન્નપાપો છિન્નતાપો, છિન્નિચ્છો છિન્નસંસયો;

છિન્નસોતો છિન્નસ્નેહો, બુદ્ધં તં પણમામ્યહં.૧૮૮.

છિન્નભોગો છિન્નયોગો, છિન્નભીતિ છિન્નભયો;

છિન્નખન્ધો છિન્નછન્દો, બુદ્ધં તં પણમામ્યહં.૧૮૯.

ભિન્નાસઙ્કો ભિન્નાતઙ્કો, ભિન્નાકઙ્ખો ભિન્નુસ્સુકો;

ભિન્નાભિરતો ભિન્નાસો, બુદ્ધં તં પણમામ્યહં.૧૯૦.

ભિન્નખોભો ભિન્નદુક્ખો, ભિન્નક્લેસો ભિન્નખિલો;

ભિન્નાભિમાનો ભિન્નેજો, બુદ્ધં તં પણમામ્યહં.૧૯૧.

લોભભિન્નો લોલભિન્નો, રોસભિન્નો ભિન્નરણો;

નેહભિન્નો ખેદભિન્નો, બુદ્ધં તં પણમામ્યહં.૧૯૨.

ભોગભિન્નો સોકભિન્નો, રોગભિન્નો ભિન્નરજો;

સૂલભિન્નો સલ્લભિન્નો, બુદ્ધં તં પણમામ્યહં.૧૯૩.

સઙ્ગભિન્નો રઙ્ગભિન્નો, રાગભિન્નો ભિન્નરતી;

નન્દીભિન્નો તણ્હાભિન્નો, બુદ્ધં તં પણમામ્યહં.૧૯૪.

સબ્બભવાબાધભિન્નો, ભિન્નમહામોહતમો;

આધિભિન્નો વ્યાધિભિન્નો, બુદ્ધં તં પણમામ્યહં.૧૯૫.

ખિન્નગિદ્ધો ખિન્નમુદ્ધો, ખિન્નાભિલાસો ખિન્નિચ્છો;

ખિન્નલોભો ખિન્નાભિજ્ઝો, બુદ્ધં તં પણમામ્યહં.૧૯૬.

આસાખિન્નો ઇસ્સાખિન્નો, એજાખિન્નો ખિન્નઇણો;

છન્દખિન્નો બન્ધખિન્નો, બુદ્ધં તં પણમામ્યહં.૧૯૭.

કપ્પખિન્નો કાલખિન્નો, કિલેસખિન્નો સબ્બથા;

મૂલખિન્નો સૂલખિન્નો, બુદ્ધં તં પણમામ્યહં.૧૯૮.

તિણ્ણપાપો તિણ્ણપુઞ્ઞો, તિણ્ણમોહો તિણ્ણમલો;

તિણ્ણવિકારો તિણ્ણીણો, બુદ્ધં તં પણમામ્યહં.૧૯૯.

તિણ્ણદોસો તિણ્ણદોહો, તિણ્ણરાગો તિણ્ણમમો;

તિણ્ણતાપો તિણ્ણતાસો, બુદ્ધં તં પણમામ્યહં.૨૦૦.

તિણ્ણજાતિ તિણ્ણમચ્ચુ, તિણ્ણલોકો તિણ્ણભવો;

તિણ્ણોઘો તિણ્ણસંસારો, બુદ્ધં તં પણમામ્યહં.૨૦૧.

ચુણ્ણમોહો ચુણ્ણમક્ખો, ચુણ્ણમાનો ચુણ્ણમદો;

ચુણ્ણરાગો ચુણ્ણદોસો, બુદ્ધં તં પણમામ્યહં.૨૦૨.

ચુણ્ણકોધો ચુણ્ણકોપો, ચુણ્ણખોભો ચુણ્ણભયો;

ચુણ્ણસૂલો ચુણ્ણસલ્લો, બુદ્ધં તં પણમામ્યહં.૨૦૩.

પાપચુણ્ણો પુઞ્ઞચુણ્ણો, અહંચુણ્ણો ચુણ્ણમમો;

કઙ્ખાચુણ્ણો સઙ્કાચુણ્ણો, બુદ્ધં તં પણમામ્યહં.૨૦૪.

સંસારચક્કં ચુણ્ણેસિ, ભવરજ્જૂનિકન્તકો;

સબ્બસઙ્ખારવિચુણ્ણો, બુદ્ધં તં પણમામ્યહં.૨૦૫.

નિમ્મમો નિરહંકારો, નિરાલમ્બો નિરાલયો;

નિપ્પપઞ્ચો નિરારમ્ભો, બુદ્ધં તં પણમામ્યહં.૨૦૬.

નિરાસત્તો નિરાસંસો, નિસ્સંસયો નિરુસ્સુકો;

નિરાસવો નિરપેક્ખો, બુદ્ધં તં પણમામ્યહં.૨૦૭.

નિરાસઙ્કો નિરાતઙ્કો, નિરાકઙ્ખો નિરઙ્ગણો;

નિસ્સઙ્કિલિટ્ઠો નિક્કઙ્ખો, બુદ્ધં તં પણમામ્યહં.૨૦૮.

ન્હાતો ધોતો નિદ્ધોતો, નિબ્બુતો નિત્થરણિકો;

નિમ્મલો નિરોધપ્પત્તો, બુદ્ધં તં પણમામ્યહં.૨૦૯.

નિબ્ભયો નરનિસભો, નિક્કમ્પો નરકેસરી;

નરકુઞ્જરો નિચ્છમ્ભી, બુદ્ધં તં પણમામ્યહં.૨૧૦.

નિરાગો ચાપિ નિક્કોપો, નિચ્છુદ્ધો ચાપિ નિમ્મદો;

નિદ્દુક્ખો ચાપિ નિસ્સોકો, બુદ્ધં તં પણમામ્યહં.૨૧૧.

નાસકો તિત્થિયે નાના, નાનાવાદવિદ્ધંસકો;

નાનાદિટ્ઠિં નિવારેસિ, બુદ્ધં તં પણમામ્યહં.૨૧૨.

નન્દિક્ખયો નિબ્બનથો, નિરિચ્છકો નિરિન્ધનો;

નિસ્સટ્ઠમાનો નિત્તણ્હો, બુદ્ધં તં પણમામ્યહં.૨૧૩.

નિપ્પટિબદ્ધો નિબદ્ધો, નિરાબાધો નિરબ્બુદો;

નિરગ્ગલો નિક્કણ્ટકો, બુદ્ધં તં પણમામ્યહં.૨૧૪.

નિરુપતાપો નિપ્પાપો, નિપ્પિપાસો નિરાકુલો;

નિપ્પરિફન્દો નિરિઞ્જો, બુદ્ધં તં પણમામ્યહં.૨૧૫.

નિહતમાનો નેપુઞ્ઞો, નયનિયામઞાણિકો;

નિત્તિણ્ણકઙ્ખો નિસ્સઙ્કો, બુદ્ધં તં પણમામ્યહં.૨૧૬.

નિપ્પગબ્ભો નિપ્પટિઘો, નાતિમાનો નિરાવિલો;

નિબ્બાનપત્તો નિખિલો, બુદ્ધં તં પણમામ્યહં.૨૧૭.

નિરોસમાનો નિવેરો, નિક્કોધો ચ નિક્કુપિતો;

નિયામપ્પત્તો પમુદો, બુદ્ધં તં પણમામ્યહં.૨૧૮.

સુનિપુણો નયલદ્ધો, નિરાગુ નિબ્બાનગતો;

નમુચિધેય્યમચ્ચગો, બુદ્ધં તં પણમામ્યહં.૨૧૯.

નિલ્લોભમાનો નિસ્નેહો, નિક્કમનો નિક્કામનો;

નિરભિમાની નિલ્લુદ્ધો, બુદ્ધં તં પણમામ્યહં.૨૨૦.

નિરાગમાનો નિન્નેહો, નન્દીરાગવિનાસકો;

નિરિચ્છમાનો નિલ્લગ્ગો, બુદ્ધં તં પણમામ્યહં.૨૨૧.

નિદ્દોસમાનો નિમ્મક્ખો, ભવનેત્તિનિકન્તકો;

નિક્કસાવો નિક્કલુસો, બુદ્ધં તં પણમામ્યહં.૨૨૨.

નિક્કિલિસ્સકો નિક્કુપ્પો, નિચ્ચલો ચ નિચ્ચઞ્ચલો;

નિચ્ચપલો ચ નિલ્લોલો, બુદ્ધં તં પણમામ્યહં.૨૨૩.

નિક્કુહો ચ નિક્કુટિલો, નિબ્બિકારો નિબ્બિજ્જનો;

નિગ્ગણ્ઠો નિરાપરાધો, બુદ્ધં તં પણમામ્યહં.૨૨૪.

નિક્કુક્કુચ્ચો નિરુદ્ધચ્ચો, નિરાસો ચ ભવાભવે;

નિબ્બિચિકિચ્છો નિબ્બિજ્જો, બુદ્ધં તં પણમામ્યહં.૨૨૫.

નમુચિસેનસૂદકો, અનિમિત્તરતો યતી;

નિપુણો નિત્તિણ્ણઓઘો, બુદ્ધં તં પણમામ્યહં.૨૨૬.

નિક્ખીલો ચાપિ નિસ્સલ્લો, નિસ્સૂલો નિબ્બાનરતો;

નિપ્પમાદો નિબ્બન્ધનો, બુદ્ધં તં પણમામ્યહં.૨૨૭.

નિરભિમાનો નિમ્માનો, નિત્તણ્હમાનો નિચ્છલો;

નિક્કઙ્ખમાનો નિચ્છન્દો, બુદ્ધં તં પણમામ્યહં.૨૨૮.

નરવીરો નરધીરો, નરાજઞ્ઞો નરવરો;

નરનાગો નરસીહો, બુદ્ધં તં પણમામ્યહં.૨૨૯.

નરજેટ્ઠો નરસેટ્ઠો, નરુસભો નરુત્તમો;

નરદમ્મસુસારથી, બુદ્ધં તં પણમામ્યહં.૨૩૦.

વરનાથો નરનાથો, લોકનાથો લોકજિનો;

દેવનાથો બ્રહ્મનાથો, બુદ્ધં તં પણમામ્યહં.૨૩૧.

ઝાનનિરતો નિજ્ઝાયી, કિલેસવિસનાસકો;

સુખુમઝાનસમ્પન્નો, બુદ્ધં તં પણમામ્યહં.૨૩૨.

નિત્તણ્હમાનસો નાથો, સદા નિમ્મલમાનસો;

અલિત્તમાનસો ચાગી, બુદ્ધં તં પણમામ્યહં.૨૩૩.

નુન્નજાતિ નુન્નમચ્ચુ, નુન્નલોકો નુન્નભવો;

નુન્નવિભવો નુન્નોઘો, બુદ્ધં તં પણમામ્યહં.૨૩૪.

નુન્નાસઙ્કો નુન્નાતઙ્કો, નુન્નાસો ચ નુન્નુસ્સુકો;

નુન્નાભિરતો નુન્નિચ્છો, બુદ્ધં તં પણમામ્યહં.૨૩૫.

નુન્નાનુતાપો નુન્નાગુ, નુન્નદાહો નુન્નાસવો;

નુન્નમાનાભિમાનો યો, બુદ્ધં તં પણમામ્યહં.૨૩૬.

લોભનુદો લોલનુદો, રોસનુદો નુન્નમદો;

દિસનુદો દેસ્સનુદો, બુદ્ધં તં પણમામ્યહં.૨૩૭.

કમ્મનુદો ક્લેસનુદો, કલિનુદો નુન્નમલો;

સબ્બથા અવિજ્જાનુદો, બુદ્ધં તં પણમામ્યહં.૨૩૮.

સબ્બભવાબાધનુદો, નુન્નમહામોહતમો;

આધિનુદો વ્યાધિનુદો, બુદ્ધં તં પણમામ્યહં.૨૩૯.

લહુપઞ્ઞો પઞ્ઞણ્ણવો, કારુણો કરુણણ્ણવો;

મેધણ્ણવો મેત્તણ્ણવો, બુદ્ધં તં પણમામ્યહં.૨૪૦.

ઞાણનિધિ ઞાણણ્ણવો, ધમ્મનિધિ ધમ્મણ્ણવો;

ગુણનિધિ ગુણણ્ણવો, બુદ્ધં તં પણમામ્યહં.૨૪૧.

મુત્તાસઙ્ગો મુત્તાસઙ્કો, મુત્તાલમ્બો મુત્તાલયો;

મુત્તાસંસો મુત્તાસત્તો, બુદ્ધં તં પણમામ્યહં.૨૪૨.

મુત્તલાલસો મુત્તિન્ધો, મુત્તછમ્ભો મુત્તદરો;

મુત્તમચ્છરો મુત્તિચ્છો, બુદ્ધં તં પણમામ્યહં.૨૪૩.

મુત્તકામો મુત્તતણ્હો, મુત્તરાગો મુત્તપિહો;

મુત્તછન્દો મુત્તનન્દી, બુદ્ધં તં પણમામ્યહં.૨૪૪.

મુત્તગિદ્ધો મુત્તલુદ્ધો, મુત્તાભિલાસો મુત્તિઞ્જો;

મુત્તલોભો મુત્તાભિજ્ઝો, બુદ્ધં તં પણમામ્યહં.૨૪૫.

જાલમુત્તો’વ સકુણો, મુત્તાસો યો ભવાભવે;

સંયોજનેહિ વિમુત્તો, બુદ્ધં તં પણમામ્યહં.૨૪૬.

ચેતોવિમુત્તો ઝાનવા, પઞ્ઞાવિમુત્તો પઞ્ઞવા;

ઉભતોભાગ વિમુત્તો, બુદ્ધં તં પણમામ્યહં.૨૪૭.

સબ્બાયતનેહિ મુત્તો, મુનિન્દો પરિનિબ્બુતો;

જાતિસંસારવિમુત્તો, બુદ્ધં તં પણમામ્યહં.૨૪૮.

સબ્બકિલેસા વિમુત્તો, સબ્બદોમનસ્સચુતો;

સબ્બદોહવિનિમુત્તો, બુદ્ધં તં પણમામ્યહં.૨૪૯.

કામેસના વિનિમુત્તો, મુત્તો ચાપિ ભવેસના;

વિભવેસના વિમુત્તો, બુદ્ધં તં પણમામ્યહં.૨૫૦.

કામિઞ્જના વિનિમુત્તો, મુત્તો ચાપિ ભવિઞ્જના;

વિભવિઞ્જના વિમુત્તો, બુદ્ધં તં પણમામ્યહં.૨૫૧.

કામતણ્હા વિનિમુત્તો, ભવતણ્હાવિભઞ્જકો;

વિભવતણ્હાવિક્ખીણો, બુદ્ધં તં પણમામ્યહં.૨૫૨.

સબ્બકામરોગમુત્તો, ભવરોગભેસજ્જગૂ;

રાગરોગવિનિમુત્તો, બુદ્ધં તં પણમામ્યહં.૨૫૩.

દુક્ખમુત્તો સુખપ્પત્તો, અત્તમુત્તો અનત્તગૂ;

અનિચ્ચમુત્તો નિચ્ચઞ્ઞૂ, બુદ્ધં તં પણમામ્યહં.૨૫૪.

કોધમુત્તો કોપમુત્તો, ક્લેસમુત્તો મુત્તકુહો;

છન્દમુત્તો છલમુત્તો, બુદ્ધં તં પણમામ્યહં.૨૫૫.

માયામુત્તો મોહમુત્તો, મક્ખમુત્તો મુત્તમદો;

માનમુત્તો મુચ્છામુત્તો, બુદ્ધં તં પણમામ્યહં.૨૫૬.

દોસમુત્તો દોહમુત્તો, દેસ્સમુત્તો મુત્તદિસો;

દિટ્ઠિમુત્તો અઘમુત્તો, બુદ્ધં તં પણમામ્યહં.૨૫૭.

લોભમુત્તો લોલમુત્તો, રોસમુત્તો મુત્તરણો;

ખોભમુત્તો ખેદમુત્તો, બુદ્ધં તં પણમામ્યહં.૨૫૮.

ભોગમુત્તો સોકમુત્તો, રોગમુત્તો મુત્તરજો;

સૂલમુત્તો સલ્લમુત્તો, બુદ્ધં તં પણમામ્યહં.૨૫૯.

સઙ્ગમુત્તો રઙ્ગમુત્તો, રાગમુત્તો મુત્તરતી;

નન્દીમુત્તો તણ્હામુત્તો, બુદ્ધં તં પણમામ્યહં.૨૬૦.

ઇઞ્જામુત્તો ઇન્ધામુત્તો, ઇચ્છામુત્તો મુત્તપિહો;

એધમુત્તો એળમુત્તો, બુદ્ધં તં પણમામ્યહં.૨૬૧.

ઈતિમુત્તો ભીતિમુત્તો, છમ્ભમુત્તો મુત્તભયો;

આધિમુત્તો વ્યાધિમુત્તો, બુદ્ધં તં પણમામ્યહં.૨૬૨.

ગબ્બમુત્તો દમ્ભમુત્તો, કૂટમુત્તો મુત્તદરો;

ડાહમુત્તો દાહમુત્તો, બુદ્ધં તં પણમામ્યહં.૨૬૩.

કમ્યમુત્તો કિચ્ચમુત્તો, ભન્તિમુત્તો મુત્તભમો;

વટ્ટમુત્તો ઓઘમુત્તો, બુદ્ધં તં પણમામ્યહં.૨૬૪.

જાતિમુત્તો મચ્ચુમુત્તો, લોકમુત્તો મુત્તભવો;

નેહમુત્તો નેત્તિમુત્તો, બુદ્ધં તં પણમામ્યહં.૨૬૫.

આસામુત્તો ઇસ્સામુત્તો, એજામુત્તો મુત્તઇણો;

વાનમુત્તો પિહામુત્તો, બુદ્ધં તં પણમામ્યહં.૨૬૬.

સોતમુત્તો યોગમુત્તો, ફસ્સમુત્તો મુત્તરસો;

મૂલમુત્તો ભારમુત્તો, બુદ્ધં તં પણમામ્યહં.૨૬૭.

ઓરમુત્તો પારમુત્તો, ઘોરમુત્તો મુત્તગહો;

કપ્પમુત્તો કાલમુત્તો, બુદ્ધં તં પણમામ્યહં.૨૬૮.

પાપમુત્તો પુઞ્ઞમુત્તો, અહંમુત્તો મુત્તમમો;

કઙ્ખામુત્તો સઙ્કામુત્તો, બુદ્ધં તં પણમામ્યહં.૨૬૯.

થીનમુત્તો મિદ્ધમુત્તો, તાપમુત્તો મુત્તુપયો;

મુત્તુત્તાપો મુત્તુદ્ધચ્ચો, બુદ્ધં તં પણમામ્યહં.૨૭૦.

ખન્ધમુત્તો બન્ધમુત્તો, કલિમુત્તો મુત્તમલો;

સબ્બથા પિપાસામુત્તો, બુદ્ધં તં પણમામ્યહં.૨૭૧.

વિચારવિતક્કમુત્તો, સદા સમ્માસમાહિતો;

સમ્માપણિહિતચિત્તો, બુદ્ધં તં પણમામ્યહં.૨૭૨.

અન્વાહતચિત્તમુત્તો, મુત્તો સબ્બભયેહિ ચ;

ભીમમુત્તો ભેસ્મમુત્તો, બુદ્ધં તં પણમામ્યહં.૨૭૩.

યો પઞ્ઞત્તિં ઠપેત્વાન, પરમત્થસ્સ દસ્સનો;

વિપલ્લાસા વિપ્પમુત્તો, બુદ્ધં તં પણમામ્યહં.૨૭૪.

અભાવિતચિત્તમુત્તો, મુત્તો સબ્બદુક્ખેહિ ચ;

સબ્બૂપસગ્ગા વિમુત્તો, બુદ્ધં તં પણમામ્યહં.૨૭૫.

આકુલચિત્તવિમુત્તો, સબ્બદા થિરમાનસો;

અગ્ગલચિત્તવિમુત્તો, બુદ્ધં તં પણમામ્યહં.૨૭૬.

અબ્બુદચિત્તવિમુત્તો, સદા ભાવિતમાનસો;

પમાદચિત્તપમુત્તો, બુદ્ધં તં પણમામ્યહં.૨૭૭.

ઉપધિચિત્તવિમુત્તો, સદા નિય્યાનમાનસો;

ઉસ્સુકચિત્તવિમુત્તો, બુદ્ધં તં પણમામ્યહં.૨૭૮.

અપેક્ખાચિત્તવિમુત્તો, સદા ચિત્તનિરાલયો;

આરમ્ભચિત્તવિમુત્તો, બુદ્ધં તં પણમામ્યહં.૨૭૯.

સમ્માવિમુત્તો સમ્બુદ્ધો, સુવિમુત્તચિત્તો મુની;

સમ્મદઞ્ઞાપરિમુત્તો, બુદ્ધં તં પણમામ્યહં.૨૮૦.

અસઙ્કિલિટ્ઠચિત્તો યો, મુત્તો સબ્બભવેહિ ચ;

અભિનિવેસાભિમુત્તો, બુદ્ધં તં પણમામ્યહં.૨૮૧.

તિલોકતિમિરા મુત્તો, પઞ્ઞપ્પભાપભાસકો;

તિભવતણ્હા નિત્તિણ્ણો, બુદ્ધં તં પણમામ્યહં.૨૮૨.

પમદપ્પમુત્તો બ્યત્તો, ભાવનારતમાનસો;

ભવણ્ણવવિનિમુત્તો, બુદ્ધં તં પણમામ્યહં.૨૮૩.

સંસારસઙ્ખારા મુત્તો, વિકારમુત્તમાનસો;

નવસમુસ્સયમુત્તો, બુદ્ધં તં પણમામ્યહં.૨૮૪.

જાતિવ્યાધિજરામુત્તો, મરણમુત્તો મારજી;

પુનબ્ભવવિનિમુત્તો, બુદ્ધં તં પણમામ્યહં.૨૮૫.

અસુચિઅસુદ્ધિમુત્તો, નિચ્ચનિમ્મલમાનસો;

સુભાવિતચિત્તો સુદ્ધો, બુદ્ધં તં પણમામ્યહં.૨૮૬.

અવિજ્જાન્ધકારમુત્તો, વિજ્જાલોકપકાસકો;

અનવસેસઞાણઞ્ઞૂ, બુદ્ધં તં પણમામ્યહં.૨૮૭.

આસત્તિમુત્તો અલિત્તો, આસજ્જામુત્તચેતસો;

મોહમાનવિનિમુત્તો, બુદ્ધં તં પણમામ્યહં.૨૮૮.

ભવભોગવિપ્પમુત્તો, ભવસંયોજનચ્છિદો;

ભવભીતિભયાતીતો, બુદ્ધં તં પણમામ્યહં.૨૮૯.

કોપકોધવિનિમુત્તો, દોસદોહં વિસોસયી;

સોકસલ્લં વિચુણ્ણેસિ, બુદ્ધં તં પણમામ્યહં.૨૯૦.

બીજમુત્તો બલયુત્તો, સુબુજ્ઝિતા સુબુદ્ધિમા;

ગેધામુત્તો મેધાયુત્તો, બુદ્ધં તં પણમામ્યહં.૨૯૧.

સબ્બભવાબાધમુત્તો, મુત્તમહામોહતમો;

બાલ્યસઠતાવિમુત્તો, બુદ્ધં તં પણમામ્યહં.૨૯૨.

તસમુત્તો તાસમુત્તો, સન્તાસમુત્તો સબ્બથા;

સબ્બતસ્સનવિમુત્તો, બુદ્ધં તં પણમામ્યહં.૨૯૩.

ભવનેત્તિયા વિમુત્તો, ભવોઘમુત્તમાનસો;

સબ્બત્થ સંયોગમુત્તો, બુદ્ધં તં પણમામ્યહં.૨૯૪.

સબ્બકામયોગમુત્તો, સબ્બકામગ્ગિનિબ્બુતો;

સબ્બકામરતિમુત્તો, બુદ્ધં તં પણમામ્યહં.૨૯૫.

સબ્બેસાનં જટામુત્તો, વિમુત્તો સબ્બાસત્તિયા;

સબ્બાનુસયામુત્તો, બુદ્ધં તં પણમામ્યહં.૨૯૬.

સબ્બાસવા વિનિમુત્તો, સદા અલીનમાનસો;

સબ્બાસજ્જા વિપ્પમુત્તો, બુદ્ધં તં પણમામ્યહં.૨૯૭.

સબ્બાતઙ્કવિનિમુત્તો, સીહો અભયમાનસો;

સબ્બથા તસ્સનમુત્તો, બુદ્ધં તં પણમામ્યહં.૨૯૮.

સબ્બાસઙ્કા વિનિમુત્તો, અનવસ્સુતમાનસો;

સબ્બઠાને કિચ્છામુત્તો, બુદ્ધં તં પણમામ્યહં.૨૯૯.

સબ્બાલમ્બવિનિમુત્તો, સબ્બથા ભવભઞ્જકો;

સબ્બાનુસયા વિચ્છિન્નો, બુદ્ધં તં પણમામ્યહં.૩૦૦.

સબ્બાપેક્ખા વિપ્પમુત્તો, સદા અલિત્તચેતસો;

સબ્બાભિજ્ઝા વિનિમુત્તો, બુદ્ધં તં પણમામ્યહં.૩૦૧.

ઇઞ્જનાઇન્ધનામુત્તો, મુત્તોમોહમદેહિ ચ;

સબ્બલોભવિનિમુત્તો, બુદ્ધં તં પણમામ્યહં.૩૦૨.

સબ્બાક્કોસા વિનિમુત્તો, સમ્પુણ્ણમેત્તમાનસો;

કુપ્પનકુજ્ઝનમુત્તો, બુદ્ધં તં પણમામ્યહં.૩૦૩.

સબ્બથા સઙ્કોપમુત્તો, બ્યાપાદમુત્તો સબ્બદા;

સબ્બધિ પટિઘમુત્તો, બુદ્ધં તં પણમામ્યહં.૩૦૪.

સબ્બાભિલાસા વિમુત્તો, આકઙ્ખામુત્તો સબ્બથા;

સબ્બલાલસા વિમુત્તો, બુદ્ધં તં પણમામ્યહં.૩૦૫.

વિરોધાનુરોધમુત્તો, સઙ્ખોભમુત્તો સબ્બદા;

સબ્બાનુતાપા સુમુત્તો, બુદ્ધં તં પણમામ્યહં.૩૦૬.

સબ્બદા સમ્મોસમુત્તો, સમ્મોહમુત્તો સબ્બથા;

સબ્બધિ અવિજ્જામુત્તો, બુદ્ધં તં પણમામ્યહં.૩૦૭.

સબ્બઠાને વિબ્ભમમુત્તો, વિબ્ભન્તિમુત્તો સબ્બધિ;

સબ્બવિપલ્લાસમુત્તો, બુદ્ધં તં પણમામ્યહં.૩૦૮.

કટુકકસાયામુત્તો, કક્કસમુત્તો સબ્બથા;

સબ્બદા કલુસામુત્તો, બુદ્ધં તં પણમામ્યહં.૩૦૯.

સબ્બસ્સાદના વિમુત્તો, સંસટ્ઠમુત્તો સબ્બદા;

આસજ્જના વિનિમુત્તો, બુદ્ધં તં પણમામ્યહં.૩૧૦.

અહઙ્કારા વિનિમુત્તો, મમઙ્કારા મુત્તો મુની;

માનાવમાના વિમુત્તો, બુદ્ધં તં પણમામ્યહં.૩૧૧.

સબ્બગન્થવિનિમુત્તો, પલિઘમુત્તો સબ્બદા;

સબ્બાભિભૂ સબ્બમુત્તો, બુદ્ધં તં પણમામ્યહં.૩૧૨.

સબ્બસારમ્ભસુમુત્તો, પપઞ્ચમુત્તો સબ્બદા;

સબ્બૂપધિ વિનિમુત્તો, બુદ્ધં તં પણમામ્યહં.૩૧૩.

કોહઞ્ઞકોટિલ્લમુત્તો, ચાપલ્લમુત્તો સબ્બથા;

સબ્બથા વિદ્દેસમુત્તો, બુદ્ધં તં પણમામ્યહં.૩૧૪.

દોમનસ્સા વિનિમુત્તો, પળાસમુત્તમાનસો;

સબ્બસન્તાપા સુમુત્તો, બુદ્ધં તં પણમામ્યહં.૩૧૫.

સબ્બાભિમાના વિમુત્તો, સબ્બતાપેહિ મુચ્ચકો;

સબ્બધિ વિક્ખોભમુત્તો, બુદ્ધં તં પણમામ્યહં.૩૧૬.

સબ્બનીવરણામુત્તો, સિદ્ધો એકગ્ગમાનસો;

સમ્માપઞ્ઞો સમ્મામુત્તો, બુદ્ધં તં પણમામ્યહં.૩૧૭.

સબ્બાવિલા વિપ્પમુત્તો, સુદ્ધો સંસુદ્ધચેતસો;

કસાવકલઙ્કમુત્તો, બુદ્ધં તં પણમામ્યહં.૩૧૮.

સબ્બબ્યાપાદપ્પમુત્તો, સદા પસાદમાનસો;

સબ્બૂપનાહા વિમુત્તો, બુદ્ધં તં પણમામ્યહં.૩૧૯.

સબ્બથાપમાદમુત્તો, સમ્પજાનો સતિયુતો;

ભાવનાભિરતો યોગી, બુદ્ધં તં પણમામ્યહં.૩૨૦.

સબ્બાભિસજ્જના મુત્તો, સદા કારુઞ્ઞમાનસો;

સબ્બુપારમ્ભવિમુત્તો, બુદ્ધં તં પણમામ્યહં.૩૨૧.

સબ્બધિ રોસરહિતો, સબ્બધિ કરુણાનિધી;

સબ્બસાવજ્જા વિમુત્તો, બુદ્ધં તં પણમામ્યહં.૩૨૨.

સબ્બબાધાપરિમુત્તો, બન્ધમુત્તો ચ સબ્બથા;

કઙ્ખિચ્છાકણ્ટકમુત્તો, બુદ્ધં તં પણમામ્યહં.૩૨૩.

સબ્બારમ્ભવિનિમુત્તો, સદા સમિતમાનસો;

ખમ્ભનાખોભના મુત્તો, બુદ્ધં તં પણમામ્યહં.૩૨૪.

સબ્બસઙ્ખતા સુમુત્તો, અસઙ્ખત સુદસ્સનો;

ઉદ્ધચ્ચકુક્કુચ્ચામુત્તો, બુદ્ધં તં પણમામ્યહં.૩૨૫.

સબ્બબ્યસનવિમુત્તો, અબ્યાસત્ત સુમાનસો;

સબ્બસંસરણમુત્તો, બુદ્ધં તં પણમામ્યહં.૩૨૬.

સબ્બુપાદાનપમુત્તો, મુત્તો સબ્બમદેહિ ચ;

સબ્બાયતનેહિ સુઞ્ઞો, બુદ્ધં તં પણમામ્યહં.૩૨૭.

સબ્બપાસેહિ પમુત્તો, યો વિપ્પસન્નમાનસો;

સબ્બમાનાનુસયામુત્તો, બુદ્ધં તં પણમામ્યહં.૩૨૮.

સબ્બનેહવિનિમુત્તો, સદા અલિત્તચેતસો;

સબ્બાસતિવિનિમુત્તો, બુદ્ધં તં પણમામ્યહં.૩૨૯.

ચિત્તિઞ્જના વિનિમુત્તો, સદા ચિત્તનિરિન્ધનો;

સબ્બાસવા વિપ્પમુત્તો, બુદ્ધં તં પણમામ્યહં.૩૩૦.

સબ્બદા અકમ્પચિત્તો, થિરવિમુત્તમાનસો;

સબ્બવિક્ખેપવિમુત્તો, બુદ્ધં તં પણમામ્યહં.૩૩૧.

ભવસ્નેહા વિપ્પમુત્તો, વિમુત્તો તિભવોદધિ;

સબ્બાનુગિદ્ધિસુમુત્તો, બુદ્ધં તં પણમામ્યહં.૩૩૨.

ભવચક્કવિનિમુત્તો, સુદન્તો બહુસંયતો;

વિસઙ્ખારગતચિત્તો, બુદ્ધં તં પણમામ્યહં.૩૩૩.

સબ્બથા ભવિઞ્જામુત્તો, વન્તલોકામિસો ઇસિ;

ધારેસિ અન્તિમં દેહં, બુદ્ધં તં પણમામ્યહં.૩૩૪.

સબ્બાભિજ્ઝાવિનિમુત્તો, સન્તુટ્ઠો સુદ્ધમાનસો;

સંસારસાગરા મુત્તો, બુદ્ધં તં પણમામ્યહં.૩૩૫.

સબ્બધિ સબ્બતો મુત્તો, સબ્બઞ્ઞાતો સબ્બઞ્જયો;

સબ્બથા મુત્તો સુભદ્દો, બુદ્ધં તં પણમામ્યહં.૩૩૬.

સબ્બન્તરાયવિમુત્તો, અગ્ગલમુત્તો સબ્બધિ;

સબ્બબ્યવધાનમુત્તો, બુદ્ધં તં પણમામ્યહં.૩૩૭.

સબ્બતાપવિનિમુત્તો, સીતલો સીતિમાનસો;

ભવરાગગ્ગિવિમુત્તો, બુદ્ધં તં પણમામ્યહં.૩૩૮.

વઙ્કમુત્તો પઙ્કમુત્તો,?..ધમુત્તો મુત્તમનો;

સબ્બદા આતઙ્કમુત્તો, બુદ્ધં તં પણમામ્યહં.૩૩૯.

સબ્બથા સંસયમુત્તો, કમ્પમુત્તો વિસારદો;

અગ્ગિઇધુમવિમુત્તો, બુદ્ધં તં પણમામ્યહં.૩૪૦.

સબ્બદા ચણ્ડિક્કમુત્તો, દુસ્સનમુત્તો સબ્બથા;

સબ્બધિ સમ્પુણ્ણમુત્તો, બુદ્ધં તં પણમામ્યહં.૩૪૧.

ઉજુચિત્તો સુજૂચિત્તો, સમચિત્તો સમાચરો;

ધીતિચિત્તો વતચિત્તો, બુદ્ધં તં પણમામ્યહં.૩૪૨.

અલોભઅદોસચિત્તો, અલગ્ગચિત્તો સોભનો;

અમોહચિત્તો ધીચિત્તો, બુદ્ધં તં પણમામ્યહં.૩૪૩.

સાધુચિત્તો સુદ્ધચિત્તો, સોત્થિચિત્તો સતિયુતો;

ચારુચિત્તો સિવચિત્તો, બુદ્ધં તં પણમામ્યહં.૩૪૪.

ધમ્મચિત્તો અત્થચિત્તો, ધીરચિત્તો ચિત્તુત્તમો;

હિરિચિત્તો સિરિચિત્તો, બુદ્ધં તં પણમામ્યહં.૩૪૫.

હિતચિત્તો સુખચિત્તો, કલ્યાણચિત્તો કારુઞ્ઞો;

પીતિચિત્તો સીતિચિત્તો, બુદ્ધં તં પણમામ્યહં.૩૪૬.

પરમવિસુદ્ધચિત્તો, મુત્તચિત્તો યતિવરો;

યતચિત્તો વતચિત્તો, બુદ્ધં તં પણમામ્યહં.૩૪૭.

હટ્ઠચિત્તો તુટ્ઠચિત્તો, સેટ્ઠચિત્તો સુટ્ઠુત્તરો;

સન્તુટ્ઠચિત્તો પહટ્ઠો, બુદ્ધં તં પણમામ્યહં.૩૪૮.

સતિચિત્તો યતિચિત્તો, સમ્પજઞ્ઞો વિરિયવા;

સુમતિચિત્તો સપ્પઞ્ઞો, બુદ્ધં તં પણમામ્યહં.૩૪૯.

મેત્તચિત્તો દયાચિત્તો, કરુણચિત્તો કેવલી;

મોદિતો મદ્દવચિત્તો, બુદ્ધં તં પણમામ્યહં.૩૫૦.

સચ્ચચિત્તો તથચિત્તો, સુગુણચિત્તો સીલવા;

નિલ્લોભચિત્તો સુચિત્તો, બુદ્ધં તં પણમામ્યહં.૩૫૧.

નિદ્દોસચિત્તો નિદ્ધોતો, નિમ્મોહચિત્તો નિલ્લીનો;

નિમ્મલચિત્તો નિસ્સઙ્ગો, બુદ્ધં તં પણમામ્યહં.૩૫૨.

દિબ્બચિત્તો ભબ્બચિત્તો, દમ્મચિત્તો દસબલો;

ભબ્બભાવરતો ભબ્બો, બુદ્ધં તં પણમામ્યહં.૩૫૩.

ઞાણચિત્તો મેધાચિત્તો, વિજ્જાચિત્તો વિજ્જાધની;

પઞ્ઞાચિત્તો અઞ્ઞાચિત્તો, બુદ્ધં તં પણમામ્યહં.૩૫૪.

દિત્તિચિત્તો જુતિચિત્તો, જુણ્હચિત્તો આલોકદો;

કન્તિચિત્તો ખન્તિચિત્તો, બુદ્ધં તં પણમામ્યહં.૩૫૫.

અમલો ઓદાતચિત્તો, પસન્નચિત્તો પેસલો;

પાવનો પુનીતચિત્તો, બુદ્ધં તં પણમામ્યહં.૩૫૬.

જવચિત્તો બલચિત્તો, થામચિત્તો વિસારદો;

ઠિતચિત્તો થિરચિત્તો, બુદ્ધં તં પણમામ્યહં.૩૫૭.

ઓજચિત્તો તેજચિત્તો, યોધચિત્તો અવિચલો;

નિબ્ભયચિત્તો નિપ્ફન્દો, બુદ્ધં તં પણમામ્યહં.૩૫૮.

પગુણો સુપઞ્ઞચિત્તો, સંયતચિત્તો સંવુતો;

પસન્નચિત્તો પસ્સદ્ધો, બુદ્ધં તં પણમામ્યહં.૩૫૯.

ભદ્દચિત્તો મોક્ખચિત્તો, સબ્બસેટ્ઠો સત્તુત્તમો;

સોમનસ્સચિત્તો સન્તો, બુદ્ધં તં પણમામ્યહં.૩૬૦.

સન્તચિત્તો દન્તચિત્તો, વસીચિત્તો વુસિતવા;

સુચિચિત્તો રુચિચિત્તો, બુદ્ધં તં પણમામ્યહં.૩૬૧.

ગુત્તચિત્તો મુત્તચિત્તો, પસન્નચિત્તો ચિત્તુજૂ;

સુમનચિત્તો સુચિત્તો, બુદ્ધં તં પણમામ્યહં.૩૬૨.

સન્તચિત્તો સદાસન્તો, સદા સન્તુસિતો ઇસિ;

સબ્બત્થ સંવુતો સામી, બુદ્ધં તં પણમામ્યહં.૩૬૩.

રિત્તકામો રિત્તતણ્હો, રિત્તરાગો રિત્તરજો;

રિત્તછન્દો રિત્તનન્દી, બુદ્ધં તં પણમામ્યહં.૩૬૪.

રિત્તવેરો રિત્તરોસો, રિત્તુત્તાપો રિત્તાવિલો;

રિત્તકોધો રિત્તકોપો, બુદ્ધં તં પણમામ્યહં.૩૬૫.

સઙ્ગરિત્તો રઙ્ગરિત્તો, રાગરિત્તો રિત્તરતી;

નન્દીરિત્તો તણ્હારિત્તો, બુદ્ધં તં પણમામ્યહં.૩૬૬.

સબ્બભવાબાધરિત્તો, રિત્તમહામોહતમો;

સબ્બથા અવિજ્જારિત્તો, બુદ્ધં તં પણમામ્યહં.૩૬૭.

નન્દીસંયોજનરિત્તો, સબ્બસઙ્ગપરિચ્ચજો;

ઉત્તમત્થં હત્થગતો, બુદ્ધં તં પણમામ્યહં.૩૬૮.

ઇઞ્જારિત્તો ઇન્ધારિત્તો, ઇચ્છારિત્તો રિત્તઅઘો;

એધરિત્તો ગેધરિત્તો, બુદ્ધં તં પણમામ્યહં.૩૬૯.

અન્તગતો અન્તપ્પત્તો, પારપ્પત્તો પારઙ્ગતો;

કોટિગતો કોટિપ્પત્તો, બુદ્ધં તં પણમામ્યહં.૩૭૦.

ખેમપ્પત્તો ખેમઙ્ગતો, અગ્ગપ્પત્તો અગ્ગઙ્ગતો;

સિવપ્પત્તો સિવઙ્ગતો, બુદ્ધં તં પણમામ્યહં.૩૭૧.

પદપ્પત્તો ધુવપ્પત્તો, પરિસુદ્ધિપ્પત્તો પભૂ;

મગ્ગપ્પત્તો ફલપ્પત્તો, બુદ્ધં તં પણમામ્યહં.૩૭૨.

સારપ્પત્તો પારગતો, પરિયન્તપ્પત્તો વરો;

પરિયોદાતસમ્પત્તો, બુદ્ધં તં પણમામ્યહં.૩૭૩.

વિમલો વોદાતપ્પત્તો, નિબ્બાનપ્પત્તો નિમ્મલો;

અમલો અમતપ્પત્તો, બુદ્ધં તં પણમામ્યહં.૩૭૪.

ધમ્મપ્પત્તો ધમ્મયોગી, કુસલપ્પત્તો કેવલી;

લોકુત્તરપ્પત્તો પુજ્જો, બુદ્ધં તં પણમામ્યહં.૩૭૫.

પત્તવિજ્જો પત્તપઞ્ઞો, પત્તો સમ્બોધિમુત્તમં;

પત્તસન્તિ પત્તસુખો, બુદ્ધં તં પણમામ્યહં.૩૭૬.

પત્તધમ્મો પત્તબોધિ, પત્તમગ્ગો પત્તફલો;

પત્તઅમતો પત્તત્થો, બુદ્ધં તં પણમામ્યહં.૩૭૭.

પરમત્થસચ્ચં પત્તો, પત્તખેમો પત્તસિવો;

પત્તઅચ્ચુતો પત્તગ્ગો, બુદ્ધં તં પણમામ્યહં.૩૭૮.

પત્તઅનોમો પત્તિટ્ઠો, પત્તધુવો પત્તક્ખયો;

પત્તલોકુત્તરધમ્મો, બુદ્ધં તં પણમામ્યહં.૩૭૯.

પત્તઞાણો પત્તમેધો, પત્તધમ્મનિયામકો;

પત્તઅનન્તો પત્તન્તો, બુદ્ધં તં પણમામ્યહં.૩૮૦.

પત્તવિસુદ્ધિ પત્તિદ્ધિ, પત્તપ્પરમત્થપદો;

પત્તનિપુણત્થધમ્મો, બુદ્ધં તં પણમામ્યહં.૩૮૧.

પત્તકન્તિ પત્તવણ્ણો, પત્તકિત્તિ પત્તયસો;

પત્તપસ્સિદ્ધિ પખ્યાતો, બુદ્ધં તં પણમામ્યહં.૩૮૨.

સબ્બકપ્પપરિક્ખીણો, પરિમુત્તો પતાપવા;

સંસારોઘપારપ્પત્તો, બુદ્ધં તં પણમામ્યહં.૩૮૩.

નયપ્પત્તો વસીપ્પત્તો, સચ્છિકરણપારગૂ;

નિય્યાનં સુસચ્છિકતો, બુદ્ધં તં પણમામ્યહં.૩૮૪.

ભારભઞ્જકો ભદન્તો, ભુવનભોગભિન્દકો;

ભવમહણ્ણવં તિણ્ણો, બુદ્ધં તં પણમામ્યહં.૩૮૫.

દુક્કરે બોધિસ્સમ્ભારે, પૂરેત્વાન અસેસતો;

પત્તો સબ્બઞ્ઞુતં ઞાણં, બુદ્ધં તં પણમામ્યહં.૩૮૬.

સન્તિપત્તો સન્તિભૂતો, સીતલીભૂતો સબ્બધિ;

પરમં સુખં સમ્પત્તો, બુદ્ધં તં પણમામ્યહં.૩૮૭.

પન્નાસજ્જો પન્નાસત્તો, પન્નાલમ્બો પન્નાલયો;

પન્નસૂલો પન્નસલ્લો, બુદ્ધં તં પણમામ્યહં.૩૮૮.

પન્નાસઙ્કો પન્નાતઙ્કો, પન્નાકઙ્ખો પન્નઙ્ગણો;

પન્નાપેક્ખો પન્નાભિજ્ઝો, બુદ્ધં તં પણમામ્યહં.૩૮૯.

પન્નભારો કતકિચ્ચો, પુણ્ણઅભિઞ્ઞા વોસિતો;

સબ્બવોસિત વોસાનં, બુદ્ધં તં પણમામ્યહં.૩૯૦.

મનોગુત્તો વચીગુત્તો, કાયગુત્તો ગુત્તિવરો;

ગુત્તકમ્મો ગુત્તધમ્મો, બુદ્ધં તં પણમામ્યહં.૩૯૧.

ચિત્તગુત્તો ચિત્તદન્તો, સંતત ચિત્ત સંયતો;

ચિત્તમુત્તો ચિત્તસન્તો, બુદ્ધં તં પણમામ્યહં.૩૯૨.

ઇન્દ્રિયગુત્તો સુગુત્તો, અત્તપચ્ચક્ખો આસભો;

પચુરપઞ્ઞાસમ્પન્નો, બુદ્ધં તં પણમામ્યહં.૩૯૩.

કાયગુત્તો વચીગુત્તો, ચિત્તગુત્તો યો ગુત્તત્તો;

સબ્બિન્દ્રિયગુત્તો સામી, બુદ્ધં તં પણમામ્યહં.૩૯૪.

ધીરહદયો ધોરય્હો, સંવુતો સંયતમનો;

ગુત્તિન્દ્રિયો ગુત્તમાનો, બુદ્ધં તં પણમામ્યહં.૩૯૫.

ધિતિયુત્તો મતિયુત્તો, નીતિયુત્તો યુત્તનયો;

મગ્ગયુત્તો ફલયુત્તો, બુદ્ધં તં પણમામ્યહં.૩૯૬.

મગ્ગલદ્ધો અગ્ગલદ્ધો, અન્તલદ્ધો લદ્ધપથો;

પરમત્થસચ્ચલદ્ધો, બુદ્ધં તં પણમામ્યહં.૩૯૭.

ઇટ્ઠલદ્ધો સિદ્ધલદ્ધો, સીતિલદ્ધો લદ્ધસિવો;

દુલ્લભનિબ્બાનલદ્ધો, બુદ્ધં તં પણમામ્યહં.૩૯૮.

ધમ્મલદ્ધો અત્થલદ્ધો, મુત્તિલદ્ધો લદ્ધતથો;

પલદ્ધતિંસપારમી, બુદ્ધં તં પણમામ્યહં.૩૯૯.

સન્તિલદ્ધો ખન્તિલદ્ધો, કન્તિલદ્ધો લદ્ધયસો;

દિત્તિલદ્ધો કિત્તિલદ્ધો, બુદ્ધં તં પણમામ્યહં.૪૦૦.

દિબ્બલદ્ધો ભબ્બલદ્ધો, સબ્બલદ્ધો લદ્ધબલો;

સુદુદ્દસં સિવં લદ્ધો, બુદ્ધં તં પણમામ્યહં.૪૦૧.

સુદ્ધિલદ્ધો બુદ્ધિલદ્ધો, ઇદ્ધિલદ્ધો લદ્ધનિધી;

ઉપલદ્ધછળભિઞ્ઞો, બુદ્ધં તં પણમામ્યહં.૪૦૨.

કલ્યાણં કુસલં લદ્ધો, પીતિલદ્ધો લદ્ધસુખો;

ઉપલદ્ધઅમતસિન્ધૂ, બુદ્ધં તં પણમામ્યહં.૪૦૩.

ઉપલદ્ધયોગક્ખેમો, સોત્થિલદ્ધો લદ્ધધુવો;

દસબલલદ્ધો વીરો, બુદ્ધં તં પણમામ્યહં.૪૦૪.

બોધિલદ્ધો ઞાણલદ્ધો, મેધાલદ્ધો લદ્ધનયો;

પઞ્ઞાલદ્ધો વિજ્જાલદ્ધો, બુદ્ધં તં પણમામ્યહં.૪૦૫.

સુમતિલદ્ધો ધીલદ્ધો, લદ્ધવિમુત્તિસમ્પત્તી;

પરમ’પવગ્ગલદ્ધો, બુદ્ધં તં પણમામ્યહં.૪૦૬.

પુનીતં પવિત્તંલદ્ધો, લદ્ધઉત્તમમઙ્ગલો;

પરમં અવયં લદ્ધો, બુદ્ધં તં પણમામ્યહં.૪૦૭.

ઉક્કટ્ઠં કેવલં લદ્ધો, સુમુત્તિલદ્ધો સબ્બતો;

અનન્ત’નીતિકં લદ્ધો, બુદ્ધં તં પણમામ્યહં.૪૦૮.

સત્તબોજ્ઝઙ્ગુપલદ્ધો, લદ્ધઅભિઞ્ઞો સબ્બતો;

ભવતણ્હક્ખયં લદ્ધો, બુદ્ધં તં પણમામ્યહં.૪૦૯.

પરિસુદ્ધપન્થલદ્ધો, સચ્ચલદ્ધો અનૂપમો;

પરિપુણ્ણધમ્મલદ્ધો, બુદ્ધં તં પણમામ્યહં.૪૧૦.

સમ્પુણ્ણપરિઞ્ઞાલદ્ધો, અઞ્ઞાલદ્ધો સબ્બુત્તમો;

પટિસમ્ભિદાસુલદ્ધો, બુદ્ધં તં પણમામ્યહં.૪૧૧.

પચ્ચક્ખવિમુત્તિલદ્ધો, લદ્ધછળભિઞ્ઞાવરો;

પરિપુણ્ણસન્તિલદ્ધો, બુદ્ધં તં પણમામ્યહં.૪૧૨.

યથાભૂતસચ્ચલદ્ધો, તથતાલદ્ધો સબ્બધિ;

સમન્તસમતાલદ્ધો, બુદ્ધં તં પણમામ્યહં.૪૧૩.

નિમ્મલચક્ખુપલદ્ધો, વિમલવિજ્જાવારિધિ;

નિપુણત્થધમ્મલદ્ધો, બુદ્ધં તં પણમામ્યહં.૪૧૪.

થામલદ્ધો જવલદ્ધો, સમલદ્ધો પતાપવા;

લોકુત્તરસચ્ચલદ્ધો, બુદ્ધં તં પણમામ્યહં.૪૧૫.

ધિતિલદ્ધો સુચિલદ્ધો, સંસુદ્ધિલદ્ધો સુદ્ધિમા;

સુધાલદ્ધો સુમેધાવી, બુદ્ધં તં પણમામ્યહં.૪૧૬.

લદ્ધઅદ્ધો ભદ્દલદ્ધો, મોદલદ્ધો લદ્ધસુભો;

સબ્બત્થ સન્તોસલદ્ધો, બુદ્ધં તં પણમામ્યહં.૪૧૭.

તીરલદ્ધો પારલદ્ધો, સારલદ્ધો લદ્ધફલો;

મઙ્ગલમુત્તમં લદ્ધો, બુદ્ધં તં પણમામ્યહં.૪૧૮.

અંસુલદ્ધો રંસિલદ્ધો, ઓજલદ્ધો લદ્ધજુતી;

ઉગ્ગઅગ્ગઆભાલદ્ધો, બુદ્ધં તં પણમામ્યહં.૪૧૯.

પસંસાપસિદ્ધિલદ્ધો, વિસેસવિસ્સવિસ્સુતો;

પૂજનં થોમનં લદ્ધો, બુદ્ધં તં પણમામ્યહં.૪૨૦.

મોહન્ધકારવિમુત્તો, આલોકલદ્ધો લોકજી;

અપ્પમેય્યપ્પભાલદ્ધો, બુદ્ધં તં પણમામ્યહં.૪૨૧.

વિસલ્લો કુસલો સત્થા, કમ્માકમ્મસ્સકોવિદો;

પારગૂ સબ્બકમ્માનં, બુદ્ધં તં પણમામ્યહં.૪૨૨.

કુસલસ્સ કોવિદો ચ, અકુસલસ્સ કોવિદો;

કુસલસ્સુપસમ્પન્નો, બુદ્ધં તં પણમામ્યહં.૪૨૩.

ધમ્મસ્સ કોવિદો ચાપિ, અધમ્મસ્સાપિ કોવિદો;

પારગૂ સબ્બધમ્માનં, બુદ્ધં તં પણમામ્યહં.૪૨૪.

પુઞ્ઞસ્સ કોવિદો ચાપિ, અપુઞ્ઞસ્સાપિ કોવિદો;

પાપપુઞ્ઞમતિક્કન્તો, બુદ્ધં તં પણમામ્યહં.૪૨૫.

મગ્ગસ્સ કોવિદો ચાપિ, અમગ્ગસ્સાપિ કોવિદો;

અગ્ગમગ્ગમુગ્ઘાટેસિ, બુદ્ધં તં પણમામ્યહં.૪૨૬.

સુખસ્સ કોવિદો ચાપિ, દુક્ખસ્સ ચાપિ કોવિદો;

પરમસુખદસ્સાવી, બુદ્ધં તં પણમામ્યહં.૪૨૭.

ઇટ્ઠસ્સ કોવિદો ચાપિ, અનિટ્ઠસ્સાપિ કોવિદો;

પરમિટ્ઠં પઞ્ઞાપેસિ, બુદ્ધં તં પણમામ્યહં.૪૨૮.

અન્તસ્સ કોવિદો ચાપિ, અનન્તસ્સાપિ કોવિદો;

અનન્તઓભાસં સક્ખી, બુદ્ધં તં પણમામ્યહં.૪૨૯.

મતસ્સ કોવિદો ચાપિ, અમતસ્સાપિ કોવિદો;

અમતસ્સસિન્ધુલદ્ધો, બુદ્ધં તં પણમામ્યહં.૪૩૦.

નિચ્ચસ્સ કોવિદો ચાપિ, અનિચ્ચસ્સાપિ કોવિદો;

નિચ્ચસચ્ચં પકાસેસિ, બુદ્ધં તં પણમામ્યહં.૪૩૧.

ભવસ્સ કોવિદો ચાપિ, વિભવસ્સાપિ કોવિદો;

સબ્બસો ભવં ભઞ્જેસિ, બુદ્ધં તં પણમામ્યહં.૪૩૨.

રાગસ્સ કોવિદો ચાપિ, અરાગસ્સાપિ કોવિદો;

સબ્બરાગં વિરઞ્જેસિ, બુદ્ધં તં પણમામ્યહં.૪૩૩.

દોસસ્સ કોવિદો ચાપિ, અદોસસ્સાપિ કોવિદો;

સબ્બદોસં વિદ્ધંસેસિ, બુદ્ધં તં પણમામ્યહં.૪૩૪.

મોહસ્સ કોવિદો ચાપિ, અમોહસ્સાપિ કોવિદો;

સબ્બમોહવીતિવત્તો, બુદ્ધં તં પણમામ્યહં.૪૩૫.

વેરસ્સ કોવિદો ચાપિ, અવેરસ્સાપિ કોવિદો;

સબ્બવેરમતિક્કન્તો, બુદ્ધં તં પણમામ્યહં.૪૩૬.

ક્લેસસ્સ કોવિદો ચાપિ, નિક્લેસસ્સાપિ કોવિદો;

સબ્બકિલેસં ઝાપેસિ, બુદ્ધં તં પણમામ્યહં.૪૩૭.

તમસ્સ કોવિદો ચાપિ, આલોકસ્સાપિ કોવિદો;

લોકે આલોકં જોતેસિ, બુદ્ધં તં પણમામ્યહં.૪૩૮.

નેળસ્સ કોવિદો ચાપિ, અનેળસ્સાપિ કોવિદો;

અનેળકો અક્કિલેસો, બુદ્ધં તં પણમામ્યહં.૪૩૯.

સઙ્ગસ્સ કોવિદો ચાપિ, અસઙ્ગસ્સાપિ કોવિદો;

સબ્બસઙ્ગવિનિમુત્તો, બુદ્ધં તં પણમામ્યહં.૪૪૦.

કોવિદો ચ વેદનાય, અવેદનાય કોવિદો;

સબ્બસ્સ વેદનાતીતો, બુદ્ધં તં પણમામ્યહં.૪૪૧.

આરમ્ભસ્સ કોવિદો ચ, અનારમ્ભસ્સ કોવિદો;

સબ્બારમ્ભપરિચ્ચાગી, બુદ્ધં તં પણમામ્યહં.૪૪૨.

આલયસ્સ કોવિદો ચ, અનાલયસ્સ કોવિદો;

સબ્બાલયવિનિમુત્તો, બુદ્ધં તં પણમામ્યહં.૪૪૩.

આલમ્બસ્સ કોવિદો ચ, અનાલમ્બસ્સ કોવિદો;

સબ્બાલમ્બના વિગતો, બુદ્ધં તં પણમામ્યહં.૪૪૪.

તણ્હાય કોવિદો ચાપિ, વીતતણ્હાય કોવિદો;

તણ્હાજાલં વિદાલેસિ, બુદ્ધં તં પણમામ્યહં.૪૪૫.

માનસ્સ કોવિદો ચાપિ, અવમાનસ્સ કોવિદો;

માનાવમાનસમકો, બુદ્ધં તં પણમામ્યહં.૪૪૬.

કામસ્સ કોવિદો ચાપિ, નિક્કામસ્સાપિ કોવિદો;

સબ્બકામપરિક્ખીણો, બુદ્ધં તં પણમામ્યહં.૪૪૭.

કોપસ્સ કોવિદો ચાપિ, નિક્કોપસ્સાપિ કોવિદો;

સબ્બકોપગ્ગિનિબ્બુતો, બુદ્ધં તં પણમામ્યહં.૪૪૮.

કોધસ્સ કોવિદો ચાપિ, નિક્કોધસ્સાપિ કોવિદો;

કોધાનલં નિબ્બાપેસિ, બુદ્ધં તં પણમામ્યહં.૪૪૯.

છન્દસ્સ કોવિદો ચાપિ, નિચ્છન્દસ્સાપિ કોવિદો;

સબ્બભવચ્છન્દચ્છિન્નો, બુદ્ધં તં પણમામ્યહં.૪૫૦.

લોભસ્સ કોવિદો ચાપિ, નિલ્લોભસ્સાપિ કોવિદો;

લોભલાલસાનિલ્લિત્તો, બુદ્ધં તં પણમામ્યહં.૪૫૧.

સોકસ્સ કોવિદો ચાપિ, નિસ્સોકસ્સાપિ કોવિદો;

સોકસૂલં અબ્બાહેસિ, બુદ્ધં તં પણમામ્યહં.૪૫૨.

સ્નેહસ્સ કોવિદો ચાપિ, નિસ્નેહસ્સાપિ કોવિદો;

સબ્બસ્નેહા વિનિમુત્તો, બુદ્ધં તં પણમામ્યહં.૪૫૩.

ખોભસ્સ કોવિદો ચાપિ, નિક્ખોભસ્સાપિ કોવિદો;

સબ્બકમ્મખોભખીણો, બુદ્ધં તં પણમામ્યહં.૪૫૪.

સલ્લસ્સ કોવિદો ચાપિ, વિસલ્લસ્સાપિ કોવિદો;

સબ્બસલ્લં સન્દાલેસિ, બુદ્ધં તં પણમામ્યહં.૪૫૫.

ખયસ્સ કોવિદો ચાપિ, અક્ખયસ્સાપિ કોવિદો;

સબ્બથા અક્ખયં પત્તો, બુદ્ધં તં પણમામ્યહં.૪૫૬.

લોકસ્સ કોવિદો ચાપિ, લોકન્તસ્સાપિ કોવિદો;

લોકુત્તરં સચ્છિકતો, બુદ્ધં તં પણમામ્યહં.૪૫૭.

સુદ્ધસ્સ કોવિદો ચાપિ, અસુદ્ધસ્સાપિ કોવિદો;

સુદ્ધિમગ્ગં વિસોધેસિ, બુદ્ધં તં પણમામ્યહં.૪૫૮.

કાલસ્સ કોવિદો ચાપિ, અકાલસ્સાપિ કોવિદો;

કાલાનુસારી દેસેસિ, બુદ્ધં તં પણમામ્યહં.૪૫૯.

છલસ્સ કોવિદો ચાપિ, નિચ્છલસ્સાપિ કોવિદો;

સબ્બથા છલવિમુત્તો, બુદ્ધં તં પણમામ્યહં.૪૬૦.

સુમનસ્સ કોવિદો ચ, દુમ્મનસ્સાપિ કોવિદો;

સબ્બધિ સુમનો સન્તો, બુદ્ધં તં પણમામ્યહં.૪૬૧.

કોવિદો લોકચક્કસ્સ, ધમ્મચક્કસ્સ કોવિદો;

લોકચક્કં વિદ્ધંસેસિ, બુદ્ધં તં પણમામ્યહં.૪૬૨.

તીરસ્સ કોવિદો ચાપિ, પારસ્સ ચાપિ કોવિદો;

ઘોરં ઓઘં પારઙ્ગતો, બુદ્ધં તં પણમામ્યહં.૪૬૩.

બોધસ્સ કોવિદો ચાપિ, દુબ્બોધસ્સાપિ કોવિદો;

સબ્બથા સબ્બં બોધેસિ, બુદ્ધં તં પણમામ્યહં.૪૬૪.

યોગસ્સ કોવિદો ચાપિ, ખેમસ્સ ચાપિ કોવિદો;

યોગક્ખેમમનુપ્પત્તો, બુદ્ધં તં પણમામ્યહં.૪૬૫.

આવિલસ્સ કોવિદો ચ, અનાવિલસ્સ કોવિદો;

સબ્બાવિલં વિધોપેસિ, બુદ્ધં તં પણમામ્યહં.૪૬૬.

સંસયસ્સ કોવિદો ચ, અસંસયસ્સ કોવિદો;

સબ્બત્થ સંસયમુત્તો, બુદ્ધં તં પણમામ્યહં.૪૬૭.

સારજ્જસ્સ કોવિદો ચ, વિસારજ્જસ્સ કોવિદો;

વેસારજ્જઞાણુપેતો, બુદ્ધં તં પણમામ્યહં.૪૬૮.

વિકારસ્સ કોવિદો ચ, નિબ્બિકારસ્સ કોવિદો;

વિકારાનિ વિક્ખમ્ભેસિ, બુદ્ધં તં પણમામ્યહં.૪૬૯.

સમ્મોહસ્સ કોવિદો ચ, અસમ્મોહસ્સ કોવિદો;

સબ્બસમ્મોહા વિમુત્તો, બુદ્ધં તં પણમામ્યહં.૪૭૦.

સન્તાપસ્સ કોવિદો ચ, અસન્તાપસ્સ કોવિદો;

સન્તાપાનં સન્તિકરો, બુદ્ધં તં પણમામ્યહં.૪૭૧.

પટિઘસ્સ કોવિદો ચ, અપ્પટિઘસ્સ કોવિદો;

પટિઘસઞ્ઞાસુઞ્ઞો યો, બુદ્ધં તં પણમામ્યહં.૪૭૨.

આસવસ્સ કોવિદો ચ, અનાસવસ્સ કોવિદો;

સબ્બાસવપરિક્ખીણો, બુદ્ધં તં પણમામ્યહં.૪૭૩.

સુગુણસ્સ કોવિદો ચ, દુગ્ગુણસ્સાપિ કોવિદો;

સબ્બસુગુણસંયુત્તો, બુદ્ધં તં પણમામ્યહં.૪૭૪.

કલ્યાણસ્સ કોવિદો ચ, અકલ્યાણસ્સ કોવિદો;

કલ્યાણત્થમનુપ્પત્તો, બુદ્ધં તં પણમામ્યહં.૪૭૫.

વિપુલપઞ્ઞો પબલો, મગ્ગામગ્ગસ્સ કોવિદો;

પરમત્થધમ્મલદ્ધો, બુદ્ધં તં પણમામ્યહં.૪૭૬.

ચેતોસમથકોવિદો, ઝાનસમાધિકોવિદો;

સમાપત્તિસમાપન્નો, બુદ્ધં તં પણમામ્યહં.૪૭૭.

મગ્ગકોવિદો મગ્ગઞ્ઞૂ, ધમ્મઞ્ઞૂ ધમ્મકોવિદો;

અગ્ગકોવિદો અગ્ગઞ્ઞૂ, બુદ્ધં તં પણમામ્યહં.૪૭૮.

સમ્પજઞ્ઞસ્સ કોવિદો, સમ્માસતિયા કોવિદો;

સતિપટ્ઠાને કોવિદો, બુદ્ધં તં પણમામ્યહં.૪૭૯.

સત્તબોજ્ઝઙ્ગકોવિદો, સબ્બવિભઙ્ગકોવિદો;

વિજ્જાકોવિદો તેવિજ્જો, બુદ્ધં તં પણમામ્યહં.૪૮૦.

ચેતોવિમુત્તિકોવિદો, પઞ્ઞાવિમુત્તિકોવિદો;

ઉભતોવિમુત્તિપ્પત્તો, બુદ્ધં તં પણમામ્યહં.૪૮૧.

ઇદ્ધિપાદેસુ કોવિદો, ચેતોપરિયકોવિદો;

છળભિઞ્ઞાહિ સમ્પન્નો, બુદ્ધં તં પણમામ્યહં.૪૮૨.

અપ્પમઞ્ઞાસુ કોવિદો, અટ્ઠઙ્ગમગ્ગં પારગૂ;

સબ્બથા નિક્ખયપ્પત્તો, બુદ્ધં તં પણમામ્યહં.૪૮૩.

ધમ્મનિયામે કોવિદો, ધમ્મતાયપિ કોવિદો;

ધમ્મટ્ઠિતિયા કોવિદો, બુદ્ધં તં પણમામ્યહં.૪૮૪.

કાયસંવરસમ્પન્નો, ચિત્તસંવરકોવિદો;

વચીસંવરસંવુતો, બુદ્ધં તં પણમામ્યહં.૪૮૫.

લોકજેટ્ઠો લોકસેટ્ઠો, તિલોકજેટ્ઠો તેવિજ્જો;

પુરિસજેટ્ઠો વિસિટ્ઠો, બુદ્ધં તં પણમામ્યહં.૪૮૬.

સબ્બસેટ્ઠો સુધમ્મટ્ઠો, યોનિસો સબ્બનિગ્ગહો;

વિસંસગ્ગો વિસંસટ્ઠો, બુદ્ધં તં પણમામ્યહં.૪૮૭.

સબ્બજેટ્ઠો સબ્બસેટ્ઠો, સબ્બગ્ગો સબ્બનાયકો;

સબ્બનાથો સબ્બસામી, બુદ્ધં તં પણમામ્યહં.૪૮૮.

મચ્ચુજયી મારજયી, મારધેય્યવિદ્ધંસકો;

મારપાસં વિનાસેસિ, બુદ્ધં તં પણમામ્યહં.૪૮૯.

મચ્ચુહાયી મારહાયી, મચ્ચુધેય્યવિદ્ધંસકો;

મચ્ચુપાસં વિનાસેસિ, બુદ્ધં તં પણમામ્યહં.૪૯૦.

મારજયો મચ્ચુજયો, અન્તકધેય્યદ્ધંસકો;

મચ્ચુખેત્તં પદાલેસિ, બુદ્ધં તં પણમામ્યહં.૪૯૧.

પરક્કમપુણ્ણો વીરો, મારચમૂનિમ્મદ્દનો;

મચ્ચુતિણ્ણો મચ્ચુજિતો, બુદ્ધં તં પણમામ્યહં.૪૯૨.

મારમાયં વિમદ્દેસિ, મોહનમારઘાતકો;

મારમદનમદ્દનો, બુદ્ધં તં પણમામ્યહં.૪૯૩.

પબલો મારં મદ્દેસિ, સબલો મચ્ચુમદ્દકો;

નમુચિનાસકો નાગો, બુદ્ધં તં પણમામ્યહં.૪૯૪.

પાપીમારબલાનીકં, નિમ્મદ્દેસિ મહાજિનો;

પરં સુખં અધિપ્પત્તો, બુદ્ધં તં પણમામ્યહં.૪૯૫.

પાપજયો પુઞ્ઞજયો, અહંજયો જિતમમો;

કઙ્ખાજયો સઙ્કાજયો, બુદ્ધં તં પણમામ્યહં.૪૯૬.

જિતમોહો જિતમાયો, જિતમક્ખો મારઞ્જિતો;

જિતમચ્છરો જિતિચ્છો, બુદ્ધં તં પણમામ્યહં.૪૯૭.

જિતકોધો જિતકામો, જિતલોભો નન્દીજિતો;

જિતતણ્હો જિતરાગો, બુદ્ધં તં પણમામ્યહં.૪૯૮.

જિતવેરો જિતસ્નેહો, જિતમાનો જિતમદો;

જિતાતઙ્કો જિતાપેક્ખો, બુદ્ધં તં પણમામ્યહં.૪૯૯.

સબ્બદા વિજયી વીરો, સબ્બજિ સમણુત્તમો;

ખેમદાયકો ખેમિન્દો, બુદ્ધં તં પણમામ્યહં.૫૦૦.

સબ્બજિતો સબ્બવસી, સબ્બવિજયમઙ્ગલો;

સબ્બજયો સક્કસીહો, બુદ્ધં તં પણમામ્યહં.૫૦૧.

દન્તથીનો દન્તમિદ્ધો, દન્તપમાદો દન્તિઞ્જો;

દન્તારમ્ભો દન્તલીનો, બુદ્ધં તં પણમામ્યહં.૫૦૨.

દન્તછમ્ભો દન્તદરો, દન્તભીતિ દન્તભયો;

દન્તભેસ્મો દન્તભીમો, બુદ્ધં તં પણમામ્યહં.૫૦૩.

દોહદન્તો દોસદન્તો, દેસ્સદન્તો દન્તદિસો;

ડાહદન્તો દાહદન્તો, બુદ્ધં તં પણમામ્યહં.૫૦૪.

સમ્માપધાનો વિક્કન્તો, મહાવિક્કમમાનસો;

પરક્કમી મારઞ્જયો, બુદ્ધં તં પણમામ્યહં.૫૦૫.

સમ્માપધાનકુસલો, સંવુતો અતિસંયતો;

પારમિતાપરિપુણ્ણો, બુદ્ધં તં પણમામ્યહં.૫૦૬.

હિરોત્તપ્પી આતાપી ચ, સુદન્તો અતિસંવુતો;

સક્યસેટ્ઠો સબ્બજેટ્ઠો, બુદ્ધં તં પણમામ્યહં.૫૦૭.

દસબલધારી દળ્હો, ધીરો અસય્હસાહિનો;

પુરિસપુઙ્ગવો સૂરો, બુદ્ધં તં પણમામ્યહં.૫૦૮.

દ્વિપદુત્તમો દમકો, દન્તો દળ્હપરક્કમો;

દોસાપગતો દોસઞ્ઞૂ, બુદ્ધં તં પણમામ્યહં.૫૦૯.

ઉપક્કમી પરક્કમી, વિરિયારમ્ભો વિક્કમી;

પારમી પરિપૂરેસિ, બુદ્ધં તં પણમામ્યહં.૫૧૦.

પતાપી પારમીપ્પત્તો, પધાનિકો પગ્ગાહકો;

પાપીમારં પરાજેસિ, બુદ્ધં તં પણમામ્યહં.૫૧૧.

જવસત્તિસુસમ્પન્નો, સૂરો વિક્કમસેખરો;

ધિતિધારકો સુધીરો, બુદ્ધં તં પણમામ્યહં.૫૧૨.

વિક્કમો દુરતિક્કમો, અકિલન્તો પરક્કમો;

અમતાગધં સમ્પત્તો, બુદ્ધં તં પણમામ્યહં.૫૧૩.

સતિસાતચ્ચસમ્પન્નો, સમ્મપ્પધાન પારગૂ;

અરિયદસ્સનદસ્સી, બુદ્ધં તં પણમામ્યહં.૫૧૪.

સમ્માવિરિયસમ્પન્નો, સમ્માપધાનપારગૂ;

સબ્બત્થપ્પત્તો સિદ્ધત્થો, બુદ્ધં તં પણમામ્યહં.૫૧૫.

સૂરો વિજિતસઙ્ગામો, વીરો વિજિતવેરિકો;

ધીરો પુરિસધોરેય્યો, બુદ્ધં તં પણમામ્યહં.૫૧૬.

પૂરેસિ પારમી સબ્બા, નરાસભો પરક્કમી;

વિમુત્તજાતિમરણો, બુદ્ધં તં પણમામ્યહં.૫૧૭.

વિક્કમો ચ પરક્કમો, પાપકમ્મં પહાણકો;

પગ્ગાહકો ઉપક્કમો, બુદ્ધં તં પણમામ્યહં.૫૧૮.

સબ્બસત્તહિતત્થાય, પરિક્કામેસિ વિક્કમી;

મુત્તાયનં અન્વેસિ, બુદ્ધં તં પણમામ્યહં.૫૧૯.

ભવવટ્ટં સુઅચ્છેચ્છિ, નરસદ્દૂલો નિદ્દરો;

પરમિટ્ઠં સુસમ્પત્તો, બુદ્ધં તં પણમામ્યહં.૫૨૦.

હતમોહો હતમાયો, હતમક્ખો હતમદો;

હતમાનો હતમારો, બુદ્ધં તં પણમામ્યહં.૫૨૧.

દમ્ભહન્તા ગબ્બહન્તા, વટ્ટહન્તા અરહન્તો;

બીજહન્તા બાધાહન્તા, બુદ્ધં તં પણમામ્યહં.૫૨૨.

ભવનેત્તિં સમ્માહન્તા, સઙ્ખતમુત્તમાનસો;

સબ્બધિ અવિજ્જાહન્તા, બુદ્ધં તં પણમામ્યહં.૫૨૩.

સંવુતત્તો સંયતત્તો, સમિતત્તો સમાહિતો;

વિમુત્તત્તો વિરત્તત્તો, બુદ્ધં તં પણમામ્યહં.૫૨૪.

પાપઘચ્ચો પુઞ્ઞઘચ્ચો, અહંઘચ્ચો ઘચ્ચમમો;

કઙ્ખાઘચ્ચો સઙ્કાઘચ્ચો, બુદ્ધં તં પણમામ્યહં.૫૨૫.

કપ્પઘચ્ચો કાલઘચ્ચો, કિલેસઘચ્ચો સબ્બથા;

મૂલઘચ્ચો સૂલઘચ્ચો, બુદ્ધં તં પણમામ્યહં.૫૨૬.

ઘચ્ચજાતિ ઘચ્ચમચ્ચુ, ઘચ્ચલોકો ઘચ્ચભવો;

ઘચ્ચવિભવો ઘચ્ચોઘો, બુદ્ધં તં પણમામ્યહં.૫૨૭.

ઘચ્ચખોભો ઘચ્ચદુક્ખો, ઘચ્ચસલ્લો ઘચ્ચખિલો;

ઘચ્ચાભિમાનો ઘચ્ચેધો, બુદ્ધં તં પણમામ્યહં.૫૨૮.

દોસભઞ્જો દોહભઞ્જો, કામભઞ્જો ભઞ્જતમો;

દિટ્ઠિભઞ્જો દુક્ખભઞ્જો, બુદ્ધં તં પણમામ્યહં.૫૨૯.

ભોગભઞ્જો સોકભઞ્જો, રોગભઞ્જો ભઞ્જરજો;

સૂલભઞ્જો સલ્લભઞ્જો, બુદ્ધં તં પણમામ્યહં.૫૩૦.

ભઞ્જથીનો ભઞ્જમિદ્ધો, ભઞ્જબન્ધો ભઞ્જગ્ગલો;

ભઞ્જારમ્ભો ભઞ્જલીનો, બુદ્ધં તં પણમામ્યહં.૫૩૧.

ભઞ્જાસઙ્કો ભઞ્જાતઙ્કો, ભઞ્જાસંસો ભઞ્જુસ્સુકો;

ભઞ્જાભિરતો ભઞ્જિચ્છો, બુદ્ધં તં પણમામ્યહં.૫૩૨.

ભઞ્જાનુતાપો ભઞ્જાગુ, ભઞ્જઙ્ગણો ભઞ્જાસવો;

માનાભિમાનવિભઞ્જો, બુદ્ધં તં પણમામ્યહં.૫૩૩.

સલ્લભઞ્જો સૂલભઞ્જો, મૂલભઞ્જો ભઞ્જમલો;

સબ્બભવબન્ધભઞ્જો, બુદ્ધં તં પણમામ્યહં.૫૩૪.

કપ્પક્ખયો કાલક્ખયો, કિલેસક્ખયો સબ્બથા;

મૂલક્ખયો સૂલક્ખયો, બુદ્ધં તં પણમામ્યહં.૫૩૫.

દોસક્ખયો દોહક્ખયો, કામક્ખયો ખીણમદો;

દિટ્ઠિક્ખયો દુક્ખક્ખયો, બુદ્ધં તં પણમામ્યહં.૫૩૬.

કોધખીણો કોપખીણો, ક્લેસખીણો ખીણકુહો;

વેરખીણો દેસ્સખીણો, બુદ્ધં તં પણમામ્યહં.૫૩૭.

લોભખીણો લોલખીણો, રોસખીણો ખીણરણો;

કિચ્છાખીણો ઇચ્છાખીણો, બુદ્ધં તં પણમામ્યહં.૫૩૮.

ખીણરાગો ખીણદોસો, ખીણમોહો ખીણભવો;

ખીણમાનો ખીણમક્ખો, બુદ્ધં તં પણમામ્યહં.૫૩૯.

ખીણગેધો ખીણલોભો, ખીણકામો ચ ખીણિઞ્જો;

ખીણસારમ્ભો ખીણિન્ધો, બુદ્ધં તં પણમામ્યહં.૫૪૦.

ખીણાસયો ખીણબીજો, અવિરુળ્હિછન્દો વસી;

ખીણતણ્હો ખીણભિજ્ઝો, બુદ્ધં તં પણમામ્યહં.૫૪૧.

ખયાસઙ્કો ખયાતઙ્કો, ખયાકઙ્ખો ખયઙ્ગણો;

ખયાપેક્ખો ખયાભિજ્ઝો, બુદ્ધં તં પણમામ્યહં.૫૪૨.

ખયતણ્હો ખયલોભો, ખયસલ્લો ખયખિલો;

ખયભોગો ખયરોગો, બુદ્ધં તં પણમામ્યહં.૫૪૩.

ખયછમ્ભો ખયદરો, ખયભિસ્મા ખયભયો;

ખયસંસયો ખયિઞ્જો, બુદ્ધં તં પણમામ્યહં.૫૪૪.

ખયસંસટ્ઠો ખયોકો, ખયાગારો ખયગહો;

ખયસૂલો ખયમૂલો, બુદ્ધં તં પણમામ્યહં.૫૪૫.

અહઙ્ખયો મમઙ્ખયો, સઙ્ખતક્ખયો સબ્બધિ;

સઙ્કિલેસક્ખયપ્પત્તો, બુદ્ધં તં પણમામ્યહં.૫૪૬.

સુઞ્ઞતણ્હો સુઞ્ઞરાગો, સુઞ્ઞરઙ્ગો સુઞ્ઞરજો;

સુઞ્ઞછન્દો સુઞ્ઞનન્દી, બુદ્ધં તં પણમામ્યહં.૫૪૭.

સુઞ્ઞરોસો સુઞ્ઞદોસો, સુઞ્ઞદોહો સુઞ્ઞદહો;

સુઞ્ઞસાપો સુઞ્ઞતાપો, બુદ્ધં તં પણમામ્યહં.૫૪૮.

સુઞ્ઞકોધો સુઞ્ઞકોપો, સુઞ્ઞક્લેસો સુઞ્ઞકુહો;

સુઞ્ઞવેરી સુઞ્ઞસત્તુ, બુદ્ધં તં પણમામ્યહં.૫૪૯.

સુઞ્ઞજાતિ સુઞ્ઞમચ્ચુ, સુઞ્ઞલોકો સુઞ્ઞભવો;

સુઞ્ઞતા’ભિરતો સુગતો, બુદ્ધં તં પણમામ્યહં.૫૫૦.

ઈતિસુઞ્ઞો ભીતિસુઞ્ઞો, છમ્ભસુઞ્ઞો સુઞ્ઞભયો;

સબ્બથા સારજ્જસુઞ્ઞો, બુદ્ધં તં પણમામ્યહં.૫૫૧.

સુઞ્ઞગન્થો સુઞ્ઞરજ્જુ, સબ્બથા સુઞ્ઞબન્ધનો;

સુઞ્ઞદિટ્ઠિ સુઞ્ઞનેત્તિ, બુદ્ધં તં પણમામ્યહં.૫૫૨.

સલ્લસુઞ્ઞો સૂલસુઞ્ઞો, મૂલસુઞ્ઞો સુઞ્ઞમલો;

સબ્બાનુસયેહિ સુઞ્ઞો, બુદ્ધં તં પણમામ્યહં.૫૫૩.

સબ્બધિ સન્તાપસુઞ્ઞો, સન્તાસસુઞ્ઞો સબ્બથા;

તસસુઞ્ઞો તાસસુઞ્ઞો, બુદ્ધં તં પણમામ્યહં.૫૫૪.

આસાસુઞ્ઞો ઇસ્સાસુઞ્ઞો, એજાસુઞ્ઞો સુઞ્ઞઇણો;

છન્દસુઞ્ઞો બન્ધસુઞ્ઞો, બુદ્ધં તં પણમામ્યહં.૫૫૫.

પાપસુઞ્ઞો પુઞ્ઞસુઞ્ઞો, અહંસુઞ્ઞો સુઞ્ઞમમો;

કઙ્ખાસુઞ્ઞો સઙ્કાસુઞ્ઞો, બુદ્ધં તં પણમામ્યહં.૫૫૬.

સબ્બકમ્મજહો ચાગી, ચત્તાભિલાસો સબ્બધિ;

સબ્બથા ચત્તસંસટ્ઠો, બુદ્ધં તં પણમામ્યહં.૫૫૭.

દોસચાગી દોહચાગી, કુજ્ઝનચાગી ચત્તિન્ધો;

કોધચાગી કોપચાગી, બુદ્ધં તં પણમામ્યહં.૫૫૮.

સબ્બરાજભોગચાગી, મહાઓઘમુમ્મુજ્જકો;

પરમત્થધમ્મદસ્સી, બુદ્ધં તં પણમામ્યહં.૫૫૯.

ચત્તકામો ચત્તક્લેસો, ચત્તાસત્તો ચત્તાસવો;

ચત્તપાપો ચત્તુત્તાપો, બુદ્ધં તં પણમામ્યહં.૫૬૦.

ઈતિચુતો ભીતિચુતો, છમ્ભચુતો ચુત્તભયો;

ડાહચુતો દાહચુતો, બુદ્ધં તં પણમામ્યહં.૫૬૧.

સબ્બચત્તો સબ્બચજો, સબ્બચાગી સબ્બચ્ચગો;

સબ્બરિત્તો સબ્બઞ્જહો, બુદ્ધં તં પણમામ્યહં.૫૬૨.

અનાસઙ્કો અનાતઙ્કો, અનાકઙ્ખો અનઙ્ગણો;

સદા અસઙ્ગચેતસો, બુદ્ધં તં પણમામ્યહં.૫૬૩.

અનુસૂયો અનાસંસો, અનાસો ચ અનુસ્સુકો;

અનાસવો અનપેક્ખો, બુદ્ધં તં પણમામ્યહં.૫૬૪.

આકાસો વિય પઞ્ઞાય, અલિત્તો અનિલો યથા;

અનિસ્સિતો વિહાસિ યો, બુદ્ધં તં પણમામ્યહં.૫૬૫.

આરદ્ધવિરિયો આતાપી, ઉય્યુજ્જન્તો પધાનિકો;

અકુસીતો અનલસો, બુદ્ધં તં પણમામ્યહં.૫૬૬.

અનુપમો સત્થા જેટ્ઠો, સબ્બસેટ્ઠો ઓવાદકો;

અરિયધમ્મં અઞ્ઞાસિ, બુદ્ધં તં પણમામ્યહં.૫૬૭.

અમતેન અતપ્પિ લોકં, ધમ્મમેઘપવસ્સકો;

અસ્સાસેસિ યથા ચન્દો, બુદ્ધં તં પણમામ્યહં.૫૬૮.

અવિકમ્પી અનભીતો, અસન્તાસી અનાતુરો;

અભીરુકો યો અચ્છમ્ભી, બુદ્ધં તં પણમામ્યહં.૫૬૯.

અમચ્છરી અમાયાવી, અજેગુચ્છો અનિટ્ઠુરો;

અપ્પદુટ્ઠો અકુટિલો, બુદ્ધં તં પણમામ્યહં.૫૭૦.

અનભિજ્ઝો અપિહાલુ, અકુહકો અલોલુપો;

અનુપવજ્જો અમત્તો, બુદ્ધં તં પણમામ્યહં.૫૭૧.

અપ્પગબ્ભો અપ્પટિઘો, અપ્પાવિલો અમુચ્છિતો;

અપેસુણિકો અદોસો, બુદ્ધં તં પણમામ્યહં.૫૭૨.

અકોપો ચાપિ અદુટ્ઠો, વીતુસ્સુકો અદૂસકો;

વીતકોપો વીતકુહો, બુદ્ધં તં પણમામ્યહં.૫૭૩.

અકમ્પિતો અકમ્પકો, અવેરો અકુતોભયો;

સબ્બદા છમ્ભરહિતો, બુદ્ધં તં પણમામ્યહં.૫૭૪.

અનતિમાની અખિલો, અકુપ્પનો અકુજ્ઝનો;

અનભિસજ્જો અક્કોધો, બુદ્ધં તં પણમામ્યહં.૫૭૫.

અકક્કસો ચ અક્કોપો, અકટુકો અકૂટકો;

અપ્પદેસ્સો અનુન્નલો, બુદ્ધં તં પણમામ્યહં.૫૭૬.

અનપેક્ખી અનુપયો, અનાસઙ્ગો અનાવિલો;

અનલિત્તો અનાલમ્બો, બુદ્ધં તં પણમામ્યહં.૫૭૭.

અગ્ગમહત્તત્તો મુનિ, અભિનિબ્બુત્તત્તો યતી;

વિસુદ્ધો અભિસમ્બુદ્ધો, બુદ્ધં તં પણમામ્યહં.૫૭૮.

અબ્બૂળ્હસલ્લો અરજો, અક્ખદક્ખી અનાસવો;

અનોમદક્ખી અનણો, બુદ્ધં તં પણમામ્યહં.૫૭૯.

અત્થપતિટ્ઠો અત્થગૂ, અનપ્પઅત્થપારગૂ;

અચ્ચન્તો અત્થકુસલો, બુદ્ધં તં પણમામ્યહં.૫૮૦.

અરિયદ્ધાનં સમ્પત્તો, અત્થત્તો અત્થપણ્ડિતો;

મોચેસિ બન્ધનાસત્તે, બુદ્ધં તં પણમામ્યહં.૫૮૧.

અસજ્જમાનસો અલીનો, સદા અસઙ્ગમાનસો;

અપ્પમાદરતો નાથો, બુદ્ધં તં પણમામ્યહં.૫૮૨.

અસઙ્ગચિત્તો અક્લેસો, આસા યસ્સ ન વિજ્જતિ;

અસઙ્કિલિટ્ઠો અક્કુહો, બુદ્ધં તં પણમામ્યહં.૫૮૩.

ઉપેક્ખચિત્તો અચલો, ઉપાદાનક્ખયો ઉજૂ;

અભિનિબ્બિદો અપ્પિઞ્જો, બુદ્ધં તં પણમામ્યહં.૫૮૪.

અભિઞ્ઞાપારમીપત્તો, અભિપઞ્ઞો અભિગતો;

અનુપાદા વિમુત્તો યો, બુદ્ધં તં પણમામ્યહં.૫૮૫.

અવિરુદ્ધો અસારત્તો, સન્તિલદ્ધો અનપ્પકો;

અમિતઅમતપ્પત્તો, બુદ્ધં તં પણમામ્યહં.૫૮૬.

આકઙ્ખિઞ્જારિત્તો, અનુપાદાનો ઉત્તમો;

અપ્પનેહો ચ અપ્પિહો, બુદ્ધં તં પણમામ્યહં.૫૮૭.

અતિસીલો અતિસન્તો, અતિવિઞ્ઞૂ અરહતો;

અગ્ગત્થપત્તો અગ્ગત્તો, બુદ્ધં તં પણમામ્યહં.૫૮૮.

અધિસીલો અધિચિત્તો, અધિપઞ્ઞો અધિગતો;

અપલોકિતદસ્સાવી, બુદ્ધં તં પણમામ્યહં.૫૮૯.

અત્તદીપો અત્તસરણો, અત્તનાથો અધિવરો;

અચ્ચન્તુત્તમો અગ્ગભૂ, બુદ્ધં તં પણમામ્યહં.૫૯૦.

અનભિકઙ્ખો અનિચ્છો, અરાગો અનપેક્ખકો;

અનનુગિદ્ધો અલોભો, બુદ્ધં તં પણમામ્યહં.૫૯૧.

અનભિલાસો અનેધો, અવિરુળ્હિતણ્હો ઇસિ;

ઉચ્છિન્નરાગો અલગ્ગો, બુદ્ધં તં પણમામ્યહં.૫૯૨.

નટ્ઠરાગો નટ્ઠદોસો, નટ્ઠમોહો નટ્ઠમદો;

નટ્ઠકોધો નટ્ઠકોપો, બુદ્ધં તં પણમામ્યહં.૫૯૩.

વિનટ્ઠિઞ્જો વિનટ્ઠિન્ધો, વિનટ્ઠિચ્છો વિનટ્ઠિણો;

વિનટ્ઠાસા વિનટ્ઠિસ્સા, બુદ્ધં તં પણમામ્યહં.૫૯૪.

નટ્ઠકઙ્ખા નટ્ઠસઙ્કા, નટ્ઠભન્તિ નટ્ઠભમો;

નટ્ઠમાયા, નટ્ઠાવિજ્જા, બુદ્ધં તં પણમામ્યહં.૫૯૫.

અમાયો અપરિચ્છિન્નો, ઉજુકો અતિવિસ્સુતો;

અનોમચિત્તો અનેળો, બુદ્ધં તં પણમામ્યહં.૫૯૬.

અત્થપસ્સી અત્થચરો, અત્થક્ખાયી અત્થકરો;

અત્થકામો અત્તમનો, બુદ્ધં તં પણમામ્યહં.૫૯૭.

અબ્ભુતો ચ અચ્છરિયો, ચિત્તકથી ઓવાદકો!

અગ્ગમગ્ગં સુઅક્ખાસિ, બુદ્ધં તં પણમામ્યહં.૫૯૮.

અકલઙ્કો અકલુસો, અકસાવો અપણ્ણકો;

અકુક્કુચ્ચો ચ અકઙ્ખી, બુદ્ધં તં પણમામ્યહં.૫૯૯.

સબ્બસો વિજયો સૂરો, અભયો અભયપ્પદો;

અનાકુલો અપ્પભીતો, બુદ્ધં તં પણમામ્યહં.૬૦૦.

ઉપેક્ખકો ઉપસન્તો, અનુસયરિત્તો ઇસિ;

અપ્પટિબદ્ધો અબદ્ધો, બુદ્ધં તં પણમામ્યહં.૬૦૧.

અત્થચારી અત્થકારી, અત્થસારી અત્થરતો;

અત્થઞાણી અત્થભાણી, બુદ્ધં તં પણમામ્યહં.૬૦૨.

અનધિવરો અસોકો, ઉસભો ઇસિપુઙ્ગવો;

અનોમનામો અનોમો, બુદ્ધં તં પણમામ્યહં.૬૦૩.

અનવસ્સુતહદયો, અનન્વાહતચેતસો;

અનભિરતો અનિઞ્જો, બુદ્ધં તં પણમામ્યહં.૬૦૪.

અપ્પાસઙ્કો અપ્પાતઙ્કો, અપ્પાકઙ્ખો અપ્પઙ્ગણો;

અપ્પલોલો અપ્પકમ્પી, બુદ્ધં તં પણમામ્યહં.૬૦૫.

અત્થવિઞ્ઞૂ અત્થવિદૂ, અત્થકુસલો અત્થવા;

કુસલત્થમનુપ્પત્તો, બુદ્ધં તં પણમામ્યહં.૬૦૬.

અવિચલિતો અકુપ્પો, કેસરી’વ અછમ્ભિતો;

અવિકમ્પિતો અબ્ભયો, બુદ્ધં તં પણમામ્યહં.૬૦૭.

અકિઞ્ચનો અનાદાનો, અમતઞ્ઞૂ અમતોગધો;

અગ્ગફલમનુપ્પત્તો, બુદ્ધં તં પણમામ્યહં.૬૦૮.

અમિતઅનુગ્ગહં કત્વા, અકાલિકધમ્મદદો;

અચ્ચન્તુપકારી નાથો, બુદ્ધં તં પણમામ્યહં.૬૦૯.

અનુપલિત્તો લોકેન, તોયેન પદુમં યથા;

નિસ્સઙ્ગચિત્તો નિસ્સત્તો, બુદ્ધં તં પણમામ્યહં.૬૧૦.

અબ્બૂળ્હેસિકો ઇસિ, ઉક્ખિત્તપલિઘો ઉજૂ;

અનુદ્ધતો અતન્દિતો, બુદ્ધં તં પણમામ્યહં.૬૧૧.

અગિદ્ધો અલિત્તચિત્તો, આદીનવવિદાલકો;

પકતત્તો પહિતત્તો, બુદ્ધં તં પણમામ્યહં.૬૧૨.

અગ્ગપુઞ્ઞો અગ્ગવિઞ્ઞૂ, અગ્ગીસિ અગ્ગસેખરો;

અગ્ગમગ્ગમનુપ્પત્તો, બુદ્ધં તં પણમામ્યહં.૬૧૩.

અગ્ગગોચરો અગ્ગગૂ, અગ્ગત્થો અગ્ગદેસકો;

અગ્ગઞાણી અગ્ગભાણી, બુદ્ધં તં પણમામ્યહં.૬૧૪.

અગ્ગપઞ્ઞો અગ્ગટ્ઠિતો, અગ્ગસિદ્ધો અગ્ગયતી;

અગ્ગભૂતો અગ્ગપતિ, બુદ્ધં તં પણમામ્યહં.૬૧૫.

અગ્ગસમણો લોકગ્ગો, પઞ્ઞગ્ગો અગ્ગમગ્ગગૂ;

અગ્ગધમ્મં ઉગ્ઘાટેસિ, બુદ્ધં તં પણમામ્યહં.૬૧૬.

અગ્ગધમ્મમનુપ્પત્તો, અગ્ગધમ્મપ્પકાસકો;

અપાયદુક્ખં નાસેસિ, બુદ્ધં તં પણમામ્યહં.૬૧૭.

અગ્ગપુગ્ગલો અગ્ગગ્ગો, ઞાણગ્ગો ઞાણપુઙ્ગવો;

ધમ્મપુગ્ગલો ધમ્મગ્ગો, બુદ્ધં તં પણમામ્યહં.૬૧૮.

અગ્ગપસ્સી અગ્ગદસ્સી, અગ્ગપન્થપકાસકો;

અગ્ગેસી અગ્ગદસ્સાવી, બુદ્ધં તં પણમામ્યહં.૬૧૯.

અનન્તઝાની ઝાનિન્દો, અનન્તપઞ્ઞવારિધી;

અનન્તમેધાસમ્પન્નો, બુદ્ધં તં પણમામ્યહં.૬૨૦.

અનન્તવિજ્જાવારિધિ, અનન્તપઞ્ઞાસાગરો;

અનન્તકરુણાસિન્ધુ, બુદ્ધં તં પણમામ્યહં.૬૨૧.

સબ્બુત્તમો સત્તુત્તમો, સુમનો સમણુત્તમો;

જનુત્તમો જિનુત્તમો, બુદ્ધં તં પણમામ્યહં.૬૨૨.

કલ્યાણમિત્તો કલ્યાણો, મઙ્ગલમિત્તો મઙ્ગલો;

ધમ્મમિત્તો ધમ્મદદો, બુદ્ધં તં પણમામ્યહં.૬૨૩.

ધમ્મિટ્ઠો ચાપિ ધમ્મટ્ઠો, પઞ્ઞિટ્ઠો ચાપિ પઞ્ઞટ્ઠો;

સુદ્ધિટ્ઠો ચાપિ સુદ્ધટ્ઠો, બુદ્ધં તં પણમામ્યહં.૬૨૪.

કાયાસક્ખી ચિત્તસક્ખી, ધમ્મસક્ખી સક્ખીવરો;

વેદનાસક્ખી સુસક્ખી, બુદ્ધં તં પણમામ્યહં.૬૨૫.

સીઘપઞ્ઞો સુનિપુણો, સન્તિપત્તો સુખાધિપો;

કલ્યાણકારી કુસલો, બુદ્ધં તં પણમામ્યહં.૬૨૬.

સુસીલગ્ગો સુચિત્તગ્ગો, સુપઞ્ઞગ્ગો સુસોભિતો;

અગ્ગમત્થમનુપ્પત્તો, બુદ્ધં તં પણમામ્યહં.૬૨૭.

ઉપરિટ્ઠો ઉજ્જુગતો, ઉક્કટ્ઠો અમતાવહો;

અપ્પદમ્ભો અપ્પગબ્બો, બુદ્ધં તં પણમામ્યહં.૬૨૮.

અપ્પસોકો અપ્પરોગો, અપ્પભીતિ અપ્પભયો;

અપ્પપાપો અપ્પતાપો, બુદ્ધં તં પણમામ્યહં.૬૨૯.

અપ્પરોસો અપ્પદોસો, અપ્પદોહો અપ્પિન્ધનો;

અપ્પાભિસજ્જો અપ્પીઘો, બુદ્ધં તં પણમામ્યહં.૬૩૦.

અચ્ચન્તકરુણાકારી, અચ્ચન્તમેત્તચેતસો;

અચ્ચન્તમુદિતો સન્તો, બુદ્ધં તં પણમામ્યહં.૬૩૧.

એકપ્પત્તો એકનાથો, એકો અપ્પટિપુગ્ગલો;

એકોવ સબ્બલોકસ્મિં, બુદ્ધં તં પણમામ્યહં.૬૩૨.

અતુલિયો અતિતુલો, અદુતિયો અનુત્તરો;

અપ્પમેય્યો અપ્પટિમો, બુદ્ધં તં પણમામ્યહં.૬૩૩.

અતુલદસ્સી અતુલો, અસરિક્ખો અનુપમો;

અસમો યો અસદિસો, બુદ્ધં તં પણમામ્યહં.૬૩૪.

અમિતો અપરિમિતો, અમિતઞાણસાગરો;

અપરિત્તો અપ્પમાણો, બુદ્ધં તં પણમામ્યહં.૬૩૫.

અસીમો અસમસમો, અતુલ્યો અમિતગુણો;

અનુપમેય્યો અગાધો, બુદ્ધં તં પણમામ્યહં.૬૩૬.

નિપ્પરિચ્છિન્નો નિસ્સીમો, નપ્પમઞ્ઞો જિનવરો;

નપ્પમાણો નિરુપમો, બુદ્ધં તં પણમામ્યહં.૬૩૭.

નત્થિ અઞ્ઞો એતાદિસો, નિપકો એકપુગ્ગલો;

એકન્તસુખસંવેદી, બુદ્ધં તં પણમામ્યહં.૬૩૮.

અગ્ગવસભો અસમો, અસમપટિપુગ્ગલો;

એકકો એકપુરિસો, બુદ્ધં તં પણમામ્યહં.૬૩૯.

સબ્બત્થ આસત્તિસુઞ્ઞો, સબ્બથામુત્તમાનસો;

સબ્બદા એકસદિસો, બુદ્ધં તં પણમામ્યહં.૬૪૦.

પાપસૂલં વિભઞ્જેસિ, પાપમૂલસ્સ છેદકો;

પાપરજ્જું વિકન્તેસિ, બુદ્ધં તં પણમામ્યહં.૬૪૧.

પાપનેત્તિં નિજ્જરેસિ, પાપકમ્મવિનાસકો;

સબ્બપાપપરિક્ખીણો, બુદ્ધં તં પણમામ્યહં.૬૪૨.

સમૂલં ખણિતો પાપં, પાપવારિધિપારગૂ;

પાપગન્થિં વિમોચેસિ, બુદ્ધં તં પણમામ્યહં.૬૪૩.

પાપચક્કં વિચુણ્ણેત્વા, ધમ્મચક્કં પવત્તયી;

બહૂજને ઉદ્ધારેસિ, બુદ્ધં તં પણમામ્યહં.૬૪૪.

નિજ્જરેસિ પાપકમ્મં, મહાપાપોઘપારગૂ;

સબ્બપાપવીતિવત્તો, બુદ્ધં તં પણમામ્યહં.૬૪૫.

સબ્બપાપમતિક્કન્તો, સબ્બપાપસમૂહતો;

સબ્બપાપસમુચ્છિન્નો, બુદ્ધં તં પણમામ્યહં.૬૪૬.

પાપસોતં વિસોસેસિ, પાપતાપપનૂદનો;

પાપછન્દં વિચ્છિન્દેસિ, બુદ્ધં તં પણમામ્યહં.૬૪૭.

પાપતાસવિનિમુત્તો, પાપપાવકનિબ્બુતો;

પાપબન્ધં વિમોચેસિ, બુદ્ધં તં પણમામ્યહં.૬૪૮.

પાપસલ્લં વિચુણ્ણેસિ, પાપચક્કવિદાલકો;

પાપરોગસોકખીણો, બુદ્ધં તં પણમામ્યહં.૬૪૯.

પાપમોહપરિમુત્તો, પાપસંતાસનાસકો;

પાપખોભં વિક્ખમ્ભેસિ, બુદ્ધં તં પણમામ્યહં.૬૫૦.

કણ્હકલુસં ધોપેસિ, પાપમલપક્ખાલકો;

સબ્બક્લેસં વોદાપેસિ, બુદ્ધં તં પણમામ્યહં.૬૫૧.

પાપપરિળાહમુત્તો, વિમુત્તપાપતસ્સના;

પાપસન્તાપવિમુત્તો, બુદ્ધં તં પણમામ્યહં.૬૫૨.

પાપઉપધિમુચ્છિન્નો, પાપપલિઘભગ્ગવા;

પાપધેય્યવીતિવત્તો, બુદ્ધં તં પણમામ્યહં.૬૫૩.

પાપપુઞ્ઞપનૂદકો, ભવબન્ધનભઞ્જકો;

પાપકણ્ટકકન્તકો, બુદ્ધં તં પણમામ્યહં.૬૫૪.

સબ્બપાપં પદાલેસિ, સબ્બપાપં પરિચ્ચજી;

સબ્બપાપેહિ નિસ્સટો, બુદ્ધં તં પણમામ્યહં.૬૫૫.

સબ્બપાપં પવાહેસિ, સબ્બપાપજિગુચ્છકો;

સબ્બપાપેહિ વિમુત્તો, બુદ્ધં તં પણમામ્યહં.૬૫૬.

સબ્બપાપં વિરજ્જેસિ, સબ્બપાપનિદ્ધોતકો;

સબ્બપાપં નિદ્ધંસેસિ, બુદ્ધં તં પણમામ્યહં.૬૫૭.

પાપણ્ણવસમુત્તિણ્ણો, છિન્નભવસંયોજનો;

પુનબ્ભવપરિક્ખીણો, બુદ્ધં તં પણમામ્યહં.૬૫૮.

પાપપઙ્કં પક્ખાલેસિ, ધમ્મસોતપવાહકો;

સદ્ધમ્મં પતિટ્ઠાપેસિ, બુદ્ધં તં પણમામ્યહં.૬૫૯.

પાપુત્તાપં સમુચ્છિન્નો, મોહુત્તાપં સીતિકરો;

સબ્બુત્તાપં નિબ્બાપેસિ, બુદ્ધં તં પણમામ્યહં.૬૬૦.

પાપહારી તાપહારી, સુખકારી ખેમઙ્કરો;

મેત્તાવિહારી મારારી, બુદ્ધં તં પણમામ્યહં.૬૬૧.

સંયોજનપરિક્ખીણો, પાપતાપવિદ્ધંસકો;

અન્તિમભવસમ્પત્તો, બુદ્ધં તં પણમામ્યહં.૬૬૨.

પટિપદાપટિપન્નો, દુક્ખદાહપનૂદનો;

પાપતાપપરિક્ખીણો, બુદ્ધં તં પણમામ્યહં.૬૬૩.

પુઞ્ઞપાપપરિક્ખીણો, સોકસલ્લવિનોદનો;

પધાનપહિતત્તો યો, બુદ્ધં તં પણમામ્યહં.૬૬૪.

ચક્ખુમા સબ્બધમ્મેસુ, સબ્બપાપપ્પભઞ્જકો;

સબ્બસંયોજનહન્તા, બુદ્ધં તં પણમામ્યહં.૬૬૫.

સબ્બપાપં પક્ખાલેસિ, સબ્બકિલેસસોધકો;

સબ્બત્થ વિમલો સુદ્ધો, બુદ્ધં તં પણમામ્યહં.૬૬૬.

સબ્બપાપં નિમ્મદ્દેસિ, સબ્બતાપસમૂહતો;

સબ્બસન્તાપં હાપેસિ, બુદ્ધં તં પણમામ્યહં.૬૬૭.

સબ્બૂપધીનં નિસ્સગ્ગો, સબ્બાસાનં વિરજ્જકો;

સબ્બપાપં પભઞ્જેસિ, બુદ્ધં તં પણમામ્યહં.૬૬૮.

પારગૂ પારસમ્પત્તો, આસવસોતસોસકો;

સબ્બપાપં પહાસિ યો, બુદ્ધં તં પણમામ્યહં.૬૬૯.

સબ્બાસવં વિદ્ધંસેસિ, સબ્બમોહસમૂહતો;

સબ્બપાપં વિવજ્જેસિ, બુદ્ધં તં પણમામ્યહં.૬૭૦.

સબ્બાસા સમતિક્કન્તો, સબ્બરાગગ્ગિ નિબ્બુતો;

સબ્બપાપં પરિમદ્દિ, બુદ્ધં તં પણમામ્યહં.૬૭૧.

સબ્બકામભવતિણ્ણો, સબ્બવિભવવજ્જિતો;

સબ્બપાપુત્તાપક્ખીણો, બુદ્ધં તં પણમામ્યહં.૬૭૨.

સબ્બનીવરણાતીતો, સબ્બપાસપ્પમોચનો;

મારમરીચિકા ભઞ્જિ, બુદ્ધં તં પણમામ્યહં.૬૭૩.

સરણદાયકો સામી, પરિત્તાણપ્પદાયકો;

આરક્ખણદાતા સત્થા, બુદ્ધં તં પણમામ્યહં.૬૭૪.

સચ્ચસ્સ કોવિદો ચાપિ, અસચ્ચસ્સાપિ કોવિદો;

ચતુસચ્ચં ઉગ્ઘોસેસિ, બુદ્ધં તં પણમામ્યહં.૬૭૫.

ભદ્દસ્સ કોવિદો ચાપિ, અભદ્દસ્સાપિ કોવિદો;

સબ્બતો ભદ્દં દસ્સાવી, બુદ્ધં તં પણમામ્યહં.૬૭૬.

આકઙ્ખાય કોવિદો ચ, અનાકઙ્ખાય કોવિદો;

સબ્બેસુ ચ નિરાકઙ્ખો, બુદ્ધં તં પણમામ્યહં.૬૭૭.

લોલસ્સ કોવિદો ચાપિ, અલોલસ્સાપિ કોવિદો;

નિલ્લોભો અપિ નિલ્લોલો, બુદ્ધં તં પણમામ્યહં.૬૭૮.

પપઞ્ચસ્સ કોવિદો ચ, નિપ્પપઞ્ચસ્સ કોવિદો;

નિપ્પપઞ્ચો ચ નિચ્છલો, બુદ્ધં તં પણમામ્યહં.૬૭૯.

સબ્બે ધમ્મે પબોધેસિ, સબ્બપાપેહિ મોચકો;

સબ્બદુક્ખવીતિવત્તો, બુદ્ધં તં પણમામ્યહં.૬૮૦.

વિદુરો સબ્બધમ્મેસુ, પાપપ્પહાનપારગૂ;

સબ્બસઙ્ખારૂપસમો, બુદ્ધં તં પણમામ્યહં.૬૮૧.

સચ્ચધમ્મં વિત્થારેસિ, સબ્બપાપવિનાસકો;

પાપાયતના વિમુત્તો, બુદ્ધં તં પણમામ્યહં.૬૮૨.

સબ્બધમ્માનુપસ્સી યો, સબ્બપાપં વિસોસયી;

સબ્બતણ્હા પહાસિ યો, બુદ્ધં તં પણમામ્યહં.૬૮૩.

પાપપાસં પમોચેસિ, સબ્બધમ્માન વેદગૂ;

સબ્બુપધીહિ વિમુત્તો, બુદ્ધં તં પણમામ્યહં.૬૮૪.

ચક્કવત્તી ધમ્મરાજા, ધમ્મચક્કવિભૂસિતો;

અધમ્મચક્કં ચુણ્ણેસી, બુદ્ધં તં પણમામ્યહં.૬૮૫.

સદ્ધમ્મમુદ્ધાભિસિતો, ધમ્મમહારઞ્ઞો બુધો;

ધમ્મસાસન ઠાપેસિ, બુદ્ધં તં પણમામ્યહં.૬૮૬.

ધમ્મનાથો ધમ્મસ્સામી, ધમ્મીસો ધમ્મસાસકો;

ધમ્મસૂરો ધમ્મસત્થા, બુદ્ધં તં પણમામ્યહં.૬૮૭.

ધમ્મરઞ્ઞો ધમ્મપતિ, ધમ્મવત્તી ધમ્મિસ્સરો;

ધમ્મભૂપો ધમ્માધિપો, બુદ્ધં તં પણમામ્યહં.૬૮૮.

ધમ્મમહારાજાધિપો, સબ્બથા ધમ્મસમ્મતો;

ધમ્મસમત્થો ધમ્મીસો, બુદ્ધં તં પણમામ્યહં.૬૮૯.

ધમ્મતાણો ધમ્મલેણો, ધમ્મસરણદાયકો;

ધમ્મસક્કો ધમ્માસયો, બુદ્ધં તં પણમામ્યહં.૬૯૦.

ધમ્મદાતા ધમ્મતાતા, ધમ્મક્ખાતા ધમ્મસખા;

ધમ્મસુખો ધમ્મહિતો, બુદ્ધં તં પણમામ્યહં.૬૯૧.

ધમ્મનાગો ધમ્મસીહો, ધમ્માજઞ્ઞો ધમ્મુસભો;

ધમ્મધુરન્ધરો ધીરો, બુદ્ધં તં પણમામ્યહં.૬૯૨.

ધમ્મસિઙ્ગો ધમ્મતુઙ્ગો, ધમ્મમેરુ ધમ્મગિરિ;

ધમ્મકૂટો ધમ્મસીસો, બુદ્ધં તં પણમામ્યહં.૬૯૩.

ધમ્માદિચ્ચો ધમ્મપ્પભો, દિબ્બો ધમ્મવિભાકરો;

ધમ્મભાકરો ધમ્માભો, બુદ્ધં તં પણમામ્યહં.૬૯૪.

ધમ્મસિરોમણિ સામી, ધમ્મસિખરસેખરો;

ધમ્મચૂળામણિ ચારુ, બુદ્ધં તં પણમામ્યહં.૬૯૫.

ધમ્મભૂસનભૂસિતો, ધમ્માલઙ્કાર’લઙ્કિતો;

ધમ્માભરણસોભિતો, બુદ્ધં તં પણમામ્યહં.૬૯૬.

ધમ્મદીપો ધમ્મોભાસો, ધમ્મલોકો ધમ્મજુતિ;

ધમ્મપકાસો ધમ્મંસુ, બુદ્ધં તં પણમામ્યહં.૬૯૭.

ધમ્મગુત્તો પાપમુત્તો, ધમ્મયુત્તો ધમ્માલયો;

ધમ્મઞત્તો ધમ્મસઞ્ઞો, બુદ્ધં તં પણમામ્યહં.૬૯૮.

ધમ્મદસ્સી ધમ્મપસ્સી, ધમ્મપેક્ખી વિચક્ખણો;

ધમ્મવિપસ્સી સુપસ્સી, બુદ્ધં તં પણમામ્યહં.૬૯૯.

ધમ્મદક્ખી ધમ્મસક્ખી, ધમ્મરક્ખી ધમ્મધરો;

સદ્ધમ્મપેક્ખી ઉપેક્ખી, બુદ્ધં તં પણમામ્યહં.૭૦૦.

ધમ્મસઞ્ઞો ધમ્મપઞ્ઞો, ધમ્મઅભિઞ્ઞો ધમ્મઞ્ઞો;

ધઞ્ઞો ધમ્મપરાયણો, બુદ્ધં તં પણમામ્યહં.૭૦૧.

ધમ્મઞાણી ધમ્મભાણી, ધમ્મવાચી ધમ્મવિદૂ;

મન્તભાણી મધુભાણી, બુદ્ધં તં પણમામ્યહં.૭૦૨.

ધમ્મવા ધમ્મસમ્પન્નો, ઞાણવા ઞાણસાગરો;

પઞ્ઞવા પઞ્ઞાવારિધિ, બુદ્ધં તં પણમામ્યહં.૭૦૩.

ધમ્મક્ખો ધમ્મરક્ખકો, બુદ્ધક્ખો બોધિરક્ખકો;

પઞ્ઞક્ખો ચાપિ મેધક્ખો, બુદ્ધં તં પણમામ્યહં.૭૦૪.

અધમ્મમુત્તો ધમ્મભા, અઞ્ઞાણમુત્તો ઞાણભા;

અવિજ્જામુત્તો વિજ્જાભા, બુદ્ધં તં પણમામ્યહં.૭૦૫.

ધમ્મસિન્ધુ ધમ્મોદધિ, અનન્તધમ્મસાગરો;

સદ્ધમ્મરત્નાકરો, બુદ્ધં તં પણમામ્યહં.૭૦૬.

ધમ્મપટિભાનપ્પત્તો, ધમ્મપ્પટિપદાવિદૂ;

પટિસમ્ભિદામગ્ગઞ્ઞૂ, બુદ્ધં તં પણમામ્યહં.૭૦૭.

તુટ્ઠો ધમ્મસન્તુટ્ઠિતો, ધીરો ધમ્મપતિટ્ઠિતો;

અગ્ગપતિટ્ઠિતો અગ્ગો, બુદ્ધં તં પણમામ્યહં.૭૦૮.

મોક્ખદ્ધજં ઉન્નામેસિ, મારદ્ધજં ઓનામકો;

પાપહારી સોકહારી, બુદ્ધં તં પણમામ્યહં.૭૦૯.

સબ્બાસવં વિવજ્જિત્વા, પત્તધમ્મનિય્યાનિકો;

સમિદ્ધિગુણસમ્પન્નો, બુદ્ધં તં પણમામ્યહં.૭૧૦.

ધમ્મધારા પવાહેસિ, પાપધારાનિરોધકો;

અતિત્તાનં સુતોસેસિ, બુદ્ધં તં પણમામ્યહં.૭૧૧.

ધમ્મમેઘો પઞ્ઞામેઘો, ધમ્મામતં પવસ્સયી;

રજોજલ્લં વિધોવેસિ, બુદ્ધં તં પણમામ્યહં.૭૧૨.

ધમ્મઞત્તો ધમ્મક્ખાયી, ધમ્મમગ્ગસ્સ દેસકો;

ધમ્મિં ધમ્મં વિત્થારેસિ, બુદ્ધં તં પણમામ્યહં.૭૧૩.

સબ્બઞેય્યધમ્મં ઞત્વા, ઞત્તધમ્મં સુવિતરી;

અભિઞ્ઞાઞાણસમ્પુણ્ણો, બુદ્ધં તં પણમામ્યહં.૭૧૪.

સબ્બસદ્ધમ્મસમ્પત્તો, તિણ્ણસંસારસાગરો;

સબ્બપાપપરિમુત્તો, બુદ્ધં તં પણમામ્યહં.૭૧૫.

સિદ્ધધમ્મો સિદ્ધઅત્થો, સબ્બસંસારપૂજિતો;

સબ્બુત્તમો સમ્મચારી, બુદ્ધં તં પણમામ્યહં.૭૧૬.

ધમ્મકારી ધમ્મધારી, ધમ્મચારી ધમ્મયુતો;

ધમ્મસારી ધમ્મભાવી, બુદ્ધં તં પણમામ્યહં.૭૧૭.

ધમ્મજેટ્ઠો ધમ્મસેટ્ઠો, ધમ્મસુદ્ધો ધમ્મસુચી;

ધમ્મકેતુ ધમ્મદ્ધજો, બુદ્ધં તં પણમામ્યહં.૭૧૮.

ધમ્મકામો ધમ્મભૂતો, ધમ્માભિરમન્તો મુનિ;

ધમ્માનુરાગી વિરાગી, બુદ્ધં તં પણમામ્યહં.૭૧૯.

ધમ્મઞાતો પાપનુદો, ધમ્મવિહારી ધમ્મિકો;

દસ્સેસિ અમતં ધમ્મં, બુદ્ધં તં પણમામ્યહં.૭૨૦.

ધમ્મકાયો ધમ્મરૂપો, ધમ્મનામો ધમ્મમુદો;

ધમ્મપતિટ્ઠો મુત્તિટ્ઠો, બુદ્ધં તં પણમામ્યહં.૭૨૧.

ધમ્મધારકો ધોરેય્હો, ધમ્મપુણ્ણો’વ પુણ્ણિન્દુ;

અમતોગધં સમ્પત્તો, બુદ્ધં તં પણમામ્યહં.૭૨૨.

ધમ્મતિકિચ્છકો દક્ખો, વિસલ્લો સલ્લકન્તકો;

મહોપકારી ભિસક્કો, બુદ્ધં તં પણમામ્યહં.૭૨૩.

ધમ્મસક્કો ધમ્મસિદ્ધો, ધમ્મમકુટસોભનો;

ધમ્મકન્તો ધમ્મસન્તો, બુદ્ધં તં પણમામ્યહં.૭૨૪.

ધમ્માઞાણી ધમ્મકથી, ધમ્મદાયી મગ્ગદદો;

ધમ્મવિભૂ ધમ્મપભૂ, બુદ્ધં તં પણમામ્યહં.૭૨૫.

અમતધમ્મં ઞાપેસિ, સન્તારેસિ બહુજનં;

આતુરાનં તિકિચ્છકો, બુદ્ધં તં પણમામ્યહં.૭૨૬.

ધમ્મભાગી પાપચાગી, ધમ્મભજી પાપચ્ચજો;

ધમ્મરાગી ધમ્મરમો, બુદ્ધં તં પણમામ્યહં.૭૨૭.

ધમ્મવિઞ્ઞૂ ધમ્મવિદ્વા, ધમ્મવિજ્જો ધમ્મયુતો;

ધમ્મવત્તા ધમ્મવ્યત્તો, બુદ્ધં તં પણમામ્યહં.૭૨૮.

ધમ્માનુધમ્મધારકો, તાસાનુતાસનાસકો;

ભયાનુભયભઞ્જકો, બુદ્ધં તં પણમામ્યહં.૭૨૯.

વિસુદ્ધધમ્મધારકો, સબ્બધિ ઉપકારકો;

ચારુચરણચારકો, બુદ્ધં તં પણમામ્યહં.૭૩૦.

ધમ્મમકરન્દપાયી, મુદુચિત્તો મધુકરો;

સદ્ધમ્મસુધામથનો, બુદ્ધં તં પણમામ્યહં.૭૩૧.

એહિપસ્સિકં ધમ્મદદો, સન્દિટ્ઠિકમકાલિકં;

ઓપનયિકં સ્વાક્ખાતં, બુદ્ધં તં પણમામ્યહં.૭૩૨.

સુદ્ધધમ્મામતં પાયી, સુભુઞ્જેસિ મુત્તિફલં;

સન્તિભોજી સુખભક્ખી, બુદ્ધં તં પણમામ્યહં.૭૩૩.

માનિતો મહિમાવન્તો, મહિદ્ધિકો મહીયતો;

મહાસદ્ધમ્માધિપતિ, બુદ્ધં તં પણમામ્યહં.૭૩૪.

અત્તસરણમનુસાસિ, નેપક્કો અનુસાસકો;

ધમ્મસરણમનુસાસિ, બુદ્ધં તં પણમામ્યહં.૭૩૫.

બોધિપક્ખિયધમ્માનં, ભાવિતો બહુલીકતો;

સમ્માસમ્બોધિસમ્પત્તો, બુદ્ધં તં પણમામ્યહં.૭૩૬.

મતિમા ધિતિસમ્પન્નો, ધીરવરો સુધમ્મિકો;

ધમ્મટ્ઠપ્પટિસંયુત્તો, બુદ્ધં તં પણમામ્યહં.૭૩૭.

ધમ્મ’જ્ઝાસયકુસલો, ધમ્મેસુ અકથંકથી;

પરમત્થમનુપ્પત્તો, બુદ્ધં તં પણમામ્યહં.૭૩૮.

ધિતિબલો ધિતિધરો, ધિતિધારી ધીસેખરો;

ઉત્તમધમ્મેસી ધીરો, બુદ્ધં તં પણમામ્યહં.૭૩૯.

સબ્બસન્તાપં ધંસેસિ, સબ્બપાપવિનોદનો;

સબ્બધમ્મફલપ્પત્તો, બુદ્ધં તં પણમામ્યહં.૭૪૦.

વિરતો સબ્બપાપેહિ, સબ્બાધમ્મેહિ મુઞ્ચિતો;

સબ્બદુક્ખબ્યન્તિકરો, બુદ્ધં તં પણમામ્યહં.૭૪૧.

સબ્બધિ પાપવિમુત્તો, સુદ્ધધમ્મે પતિટ્ઠિતો;

સબ્બદુક્ખા પમોચેસિ, બુદ્ધં તં પણમામ્યહં.૭૪૨.

સબ્બપાપપ્પહીનો યો, સબ્બધમ્માન પારગૂ;

ઘોરદુક્ખોઘઉત્તિણ્ણો, બુદ્ધં તં પણમામ્યહં.૭૪૩.

સબ્બાધમ્મં વિદ્ધંસેસિ, સબ્બપાપક્ખયઙ્કરો;

કત્તકો સબ્બબન્ધાનં, બુદ્ધં તં પણમામ્યહં.૭૪૪.

સબ્બાધિધમ્મં પાલેસિ, સબ્બપાપપનૂદનો;

સબ્બદુક્ખં નિદ્ધંસેસિ, બુદ્ધં તં પણમામ્યહં.૭૪૫.

દુક્ખમોચકો મોક્ખદો, સમત્થો સત્થવાહકો;

પાપનાસી ધમ્મભાસી, બુદ્ધં તં પણમામ્યહં.૭૪૬.

ધમ્મભજો પાપચ્ચજો, રાગચ્ચજો ચાગભજો;

સુખભજો દુક્ખચ્ચજો, બુદ્ધં તં પણમામ્યહં.૭૪૭.

સમ્માજીવી ધમ્માજીવી, સુદ્ધાજીવી સુચિજીવી;

સીલજીવી સચ્ચાજીવી, બુદ્ધં તં પણમામ્યહં.૭૪૮.

પઞ્ઞાજીવી અઞ્ઞાજીવી, ઞાણાજીવી વરજીવી;

વિજ્જાજીવી વિઞ્ઞાજીવી, બુદ્ધં તં પણમામ્યહં.૭૪૯.

ખન્તિજીવી સન્તિજીવી, સૂજુજીવી ઉજુજીવી;

પીતિજીવી પીતિભોજી, બુદ્ધં તં પણમામ્યહં.૭૫૦.

દિબ્બાજીવી ભબ્બાજીવી, ભદ્દાજીવી સમજીવી;

મોદજીવી મેત્તાજીવી, બુદ્ધં તં પણમામ્યહં.૭૫૧.

ગુત્તાજીવી મુત્તાજીવી, દન્તાજીવી યતજીવી;

દક્ખાજીવી સેટ્ઠાજીવી, બુદ્ધં તં પણમામ્યહં.૭૫૨.

હિતજીવી સુખજીવી, ઝાનજીવી વતજીવી;

સુધાજીવી સુભાજીવી, બુદ્ધં તં પણમામ્યહં.૭૫૩.

વિસુદ્ધજીવી સંસુદ્ધો, સન્તુટ્ઠજીવી સુતુટ્ઠો;

પવરજીવી પકટ્ઠો, બુદ્ધં તં પણમામ્યહં.૭૫૪.

મેત્તાધારી મેત્તાચારી, મેત્તાકારી મેત્તાલયો;

મેત્તાસયો મેત્તાસારી, બુદ્ધં તં પણમામ્યહં.૭૫૫.

સન્તિધારી સન્તિકારી, સન્તિચારી સન્તિમનો;

સન્તિસારી સન્તિચિત્તો, બુદ્ધં તં પણમામ્યહં.૭૫૬.

ખન્તિધારી ખન્તિકારી, ખન્તિચારી ખન્તિમનો;

ખન્તિયુત્તો ખન્તિસારી, બુદ્ધં તં પણમામ્યહં.૭૫૭.

સુખકારી સુખચારી, સુખધારી સુખાવહો;

સુખસારી સુખચિત્તો, બુદ્ધં તં પણમામ્યહં.૭૫૮.

હિતકારી હિતધારી, હિતચારી હિતાવહો;

હિતસારી હિતેસિનો, બુદ્ધં તં પણમામ્યહં.૭૫૯.

પઞ્ઞાચારી પઞ્ઞાસારી, પઞ્ઞાધારી પઞ્ઞાલયો;

પઞ્ઞાભાનુ પઞ્ઞાદિચ્ચો, બુદ્ધં તં પણમામ્યહં.૭૬૦.

મેધાચારી મેધાસારી, મેધાધારી મેધાલયો;

મેધાચન્દો મેધાઇન્દો, બુદ્ધં તં પણમામ્યહં.૭૬૧.

મેત્તઙ્કરો મોદઙ્કરો, કુસલો કુસલઙ્કરો;

મેધાચારી મેધઙ્કરો, બુદ્ધં તં પણમામ્યહં.૭૬૨.

પભઙ્કરો દિવઙ્કરો, કારુઞ્ઞો કરુણઙ્કરો;

નિબ્ભીતો નિબ્ભયઙ્કરો, બુદ્ધં તં પણમામ્યહં.૭૬૩.

સિવઙ્કરો સુભઙ્કરો, સુખઙ્કરો હિતઙ્કરો;

સલ્લહરો સૂલહરો, બુદ્ધં તં પણમામ્યહં.૭૬૪.

મહાખેમઙ્કરો ખેમી, મહાપઞ્ઞઙ્કરો પભૂ;

મહાસન્તિકરો સન્તો, બુદ્ધં તં પણમામ્યહં.૭૬૫.

અનાથાનં ભવનાથો, ભીતાનં અભયઙ્કરો;

સરણઙ્કરો દીનાનં, બુદ્ધં તં પણમામ્યહં.૭૬૬.

દૂરદસ્સી દીઘદસ્સી, અન્તદસ્સી ભવન્તગૂ;

તીરદસ્સી પારદસ્સી, બુદ્ધં તં પણમામ્યહં.૭૬૭.

સારદસ્સી સચ્ચદસ્સી, સિવદસ્સી સુદસ્સિકો;

યોગદસ્સી ખેમદસ્સી, બુદ્ધં તં પણમામ્યહં.૭૬૮.

સન્તિદસ્સી સુખદસ્સી, સુદ્ધિદસ્સી સુદ્ધમનો;

અગ્ગદસ્સી ધુવદસ્સી, બુદ્ધં તં પણમામ્યહં.૭૬૯.

લોકુત્તરધમ્મદસ્સી, પરિયન્તદસ્સી ઇસી;

મગ્ગદસ્સી ફલદસ્સી, બુદ્ધં તં પણમામ્યહં.૭૭૦.

અત્થદસ્સી પથદસ્સી, અનોમદસ્સી સુદસ્સી;

પરમપસ્સી સુપસ્સી, બુદ્ધં તં પણમામ્યહં.૭૭૧.

ખયદસ્સી વયદસ્સી, નયદસ્સી સુદસ્સનો;

અક્ખયદસ્સી સુદસ્સી, બુદ્ધં તં પણમામ્યહં.૭૭૨.

અમતદસ્સી પચ્ચક્ખો, પેક્ખકો પરિસોધકો;

પટિસમ્ભિદાસમ્પત્તો, બુદ્ધં તં પણમામ્યહં.૭૭૩.

સબ્બધિ સબ્બદસ્સાવી, સબ્બપસ્સી સબ્બવિદૂ;

સબ્બં સમ્મા અભઞ્ઞાસિ, બુદ્ધં તં પણમામ્યહં.૭૭૪.

હન્ત્વા કામભવતણ્હા, વિભવતણ્હાભઞ્જકો;

સબ્બતણ્હા વિચુણ્ણેસિ, બુદ્ધં તં પણમામ્યહં.૭૭૫.

તણ્હાસંયોજનક્ખયો, તણ્હાસલ્લવિચુણ્ણકો;

તણ્હાપિહા પદાળેસિ, બુદ્ધં તં પણમામ્યહં.૭૭૬.

કામતણ્હાપરિક્ખીણો, ભવતણ્હાઉપચ્ચગો;

વિભવતણ્હાવિનટ્ઠો, બુદ્ધં તં પણમામ્યહં.૭૭૭.

તુટ્ઠિમન્તે તોસવન્તે, અતસ્સન્તે સુતપ્પયી;

તણ્હાતીતો સદાતિત્તો, બુદ્ધં તં પણમામ્યહં.૭૭૮.

કિલેસજાલવિદ્ધંસી, તણ્હામલપક્ખાલકો;

સંસારસોતં સોસેસિ, બુદ્ધં તં પણમામ્યહં.૭૭૯.

ઉપધિપટિનિસ્સગ્ગો, તણ્હાજાલપ્પભેદકો;

નીવરણે પવિજ્ઝેસિ, બુદ્ધં તં પણમામ્યહં.૭૮૦.

ગુહાસયપરિક્ખીણો, પહીનતણ્હાનિસ્સયો;

છિન્નઅવિજ્જાનુસયો, બુદ્ધં તં પણમામ્યહં.૭૮૧.

તણ્હાસલ્લં હનિત્વાન, તેવિજ્જો મચ્ચુહાયનો;

સમ્બોધિમુત્તમં પત્તો, બુદ્ધં તં પણમામ્યહં.૭૮૨.

તણ્હાજટા વિજટેસિ, સબ્બઠાને નેહનુદો;

નન્દીરાગં વિદ્ધંસેસિ, બુદ્ધં તં પણમામ્યહં.૭૮૩.

સબ્બાસાસમતિક્કન્તો, તણ્હાસોતવિસોસકો;

ધમ્મસોતં પવાહેસિ, બુદ્ધં તં પણમામ્યહં.૭૮૪.

સબ્બતણ્હક્ખયં પત્તો, સબ્બદુક્ખપ્પનૂદનો;

સબ્બુપધિ સન્દાલેસિ, બુદ્ધં તં પણમામ્યહં.૭૮૫.

સબ્બતણ્હા વિક્ખમ્ભેસિ, પટિપ્પસ્સદ્ધસબ્બિચ્છો;

સબ્બિઞ્જા સમુચ્છિન્દેસિ, બુદ્ધં તં પણમામ્યહં.૭૮૬.

સબ્બિઞ્જા પરિભઞ્જેસિ, સબ્બતણ્હાતિગો યતી;

સબ્બિચ્છા પરિચજ્જેસિ, બુદ્ધં તં પણમામ્યહં.૭૮૭.

તણ્હાસાગરનિત્તિણ્ણો, સબ્બમિચ્છમનિચ્છકો;

ચિત્તસલ્લં વિમોચેસિ, બુદ્ધં તં પણમામ્યહં.૭૮૮.

કમ્મવટ્ટં વિવજ્જેસિ, કમ્મક્લેસા અપગતો;

સબ્બત્થ સંવુતો સૂરો, બુદ્ધં તં પણમામ્યહં.૭૮૯.

અસત્તો ઉપસન્તત્તો, કામકોધભયાતિગો;

ભવકમ્મજહો છેકો, બુદ્ધં તં પણમામ્યહં.૭૯૦.

વિગતસારદો સીહો, છિન્નછમ્ભો છિન્નદરો;

ભવકમ્મક્ખયપ્પત્તો, બુદ્ધં તં પણમામ્યહં.૭૯૧.

કમ્મબીજાનિ ઝાપેસિ, મોહમૂલપલિખણો;

નિજ્જરેસિ અનુસયે, બુદ્ધં તં પણમામ્યહં.૭૯૨.

સબ્બકમ્મપરિક્ખીણો, સબ્બવિપાકનિજ્જરો;

સબ્બપુઞ્ઞપાપઞ્જહો, બુદ્ધં તં પણમામ્યહં.૭૯૩.

સબ્બકમ્મં કિલેસે ચ, અસેસમભિવાહયી;

સબ્બગણ્ઠિં વિમોચેસિ, બુદ્ધં તં પણમામ્યહં.૭૯૪.

સબ્બકમ્મેહિ વિમુત્તો, સબ્બકમ્મપરિચ્ચજો;

સબ્બકામગુણા’પેતો, બુદ્ધં તં પણમામ્યહં.૭૯૫.

અવિજ્જામૂલં ભિન્દેસિ, કમ્મયન્તવિઘાતકો;

સબ્બકમ્મક્ખયં પત્તો, બુદ્ધં તં પણમામ્યહં.૭૯૬.

નત્થિકવાદં મદ્દિત્વા, અત્થિકવાદં તિટ્ઠયિ;

સમ્માદિટ્ઠિં વિઞ્ઞાપેસિ, બુદ્ધં તં પણમામ્યહં.૭૯૭.

અજ્ઝત્તન્હાતકો નાથો, તિભવોઘપારઙ્ગતો;

સુભગો સબ્બથા સુદ્ધો, બુદ્ધં તં પણમામ્યહં.૭૯૮.

નાગવરો સીહવરો, સત્થવાહો સત્થુવરો;

ધીસાગરો ધીરધરો, બુદ્ધં તં પણમામ્યહં.૭૯૯.

તાપનુદો દુક્ખનુદો, સબ્બહિતસુખદદો;

વગ્ગુવદો પિયવદો, બુદ્ધં તં પણમામ્યહં.૮૦૦.

ચરણયુત્તો તેવિજ્જો, મૂલઘચ્ચસમૂહતો;

પચ્છિમજાતિસમ્પત્તો, બુદ્ધં તં પણમામ્યહં.૮૦૧.

તિભવદ્ધજ’ચ્છરિયો, તિલોકકેતુઅબ્ભુતો;

સદ્ધમ્મપતાકાસેટ્ઠો, બુદ્ધં તં પણમામ્યહં.૮૦૨.

યતિન્દ્રિયો સન્તિન્દ્રિયો, પસન્નપસાદિન્દ્રિયો;

સુભાવિતિન્દ્રિયો સન્તો, બુદ્ધં તં પણમામ્યહં.૮૦૩.

નભૂપમમેધાયુત્તો, ધિતિયુત્તો સેલસમો;

ખન્તિયુત્તો ધરાસમો, બુદ્ધં તં પણમામ્યહં.૮૦૪.

અપ્પમેય્યસિરિમન્તો, સન્તિલઙ્કાર’લઙ્કતો;

સુખાભરણભૂસિતો, બુદ્ધં તં પણમામ્યહં.૮૦૫.

તિંસપારમી સઞ્ચયિ, સુત્તિણ્ણો તિભવણ્ણવા;

અન્તિમજાતિયુત્તો યો, બુદ્ધં તં પણમામ્યહં.૮૦૬.

ભવાસવપરિઞ્ઞાતો, પાપુત્તાપવૂપસમો;

પરમસુખધિગતો, બુદ્ધં તં પણમામ્યહં.૮૦૭.

ભદ્દપ્પત્તો ભદ્દક્ખાયી, ભદ્દમગ્ગપ્પકાસકો;

ભદ્દક્ખો ભદ્દદસ્સાવી, બુદ્ધં તં પણમામ્યહં.૮૦૮.

મહામહિદ્ધિકો ધીમા, ભવાભવં બ્યન્તિકતો;

યો અમતપ્ફલં પત્તો, બુદ્ધં તં પણમામ્યહં.૮૦૯.

નિબ્બાનભાગી ભગવા, સન્તિપ્પત્તો સુભાગ્યવા;

પરમં સિવં સમ્પત્તો, બુદ્ધં તં પણમામ્યહં.૮૧૦.

આચારગુણસમ્પન્નો, સબ્બગુણાનમાકરો;

પુણ્ણિન્દુ વિય સમ્પુણ્ણો, બુદ્ધં તં પણમામ્યહં.૮૧૧.

નન્દીરાગપરિક્ખીણો, ઉપાદાનપ્પમોચનો;

નરોત્તમો યોગક્ખેમી, બુદ્ધં તં પણમામ્યહં.૮૧૨.

કિચ્ચકારી કતકિચ્ચો, કિચ્ચાકિચ્ચપ્પકાસકો;

કિચ્ચાધિકરણદક્ખો, બુદ્ધં તં પણમામ્યહં.૮૧૩.

સુપસ્સદ્ધો મુનિવરો, પગુણો મુનિપુઙ્ગવો;

ઇસિપુઙ્ગવો ઉત્તમો, બુદ્ધં તં પણમામ્યહં.૮૧૪.

પહીનભયભેરવો, પરિસાસુ વિસારદો;

નરસીહનાદં નદિ, બુદ્ધં તં પણમામ્યહં.૮૧૫.

પારગામી પારગતો, પવરો પરિયન્તગૂ;

લોકવિદૂ લોકન્તગૂ, બુદ્ધં તં પણમામ્યહં.૮૧૬.

પરમત્થપરિપુણ્ણો, પરમસચ્ચદસ્સનો;

નિબ્બાનં યો સચ્છિકતો, બુદ્ધં તં પણમામ્યહં.૮૧૭.

લાભાલાભે યસાયસે, સમ્માનઅવમાનને;

સબ્બત્થ સમકો સામી, બુદ્ધં તં પણમામ્યહં.૮૧૮.

પરમત્થપ્પત્તો ધીરો, પરમનિમ્મલોત્તમો;

ભવબન્ધં પમોચેસિ, બુદ્ધં તં પણમામ્યહં.૮૧૯.

પટિરૂપો પટિબુદ્ધો, સંસારપટિમોચકો;

પટિપસ્સદ્ધિસંયુત્તો, બુદ્ધં તં પણમામ્યહં.૮૨૦.

પઞ્ચક્ખન્ધપરિઞ્ઞાતો, પઞ્ઞાય પટિભાવિતો;

સબ્બમોહં નિમ્મદ્દેસિ, બુદ્ધં તં પણમામ્યહં.૮૨૧.

પધાનો પુરિસવરો, પારગવેસી પારગૂ;

પવિવેકમનુપ્પત્તો, બુદ્ધં તં પણમામ્યહં.૮૨૨.

સબ્બક્લેસક્ખયં પત્તો, સબ્બાનુસયદ્ધંસિતો;

સબ્બાસવે પહાસિ યો, બુદ્ધં તં પણમામ્યહં.૮૨૩.

સબ્બાવિજ્જા સઞ્છિન્દેસિ, તિક્ખવિજ્જાવુધન્ધરો;

સબ્બાસયં વિનાસેસિ, બુદ્ધં તં પણમામ્યહં.૮૨૪.

સબ્બસોકમતિક્કન્તો, સબ્બદુક્ખવિનાસકો;

સબ્બુપાયાસઉચ્છિન્નો, બુદ્ધં તં પણમામ્યહં.૮૨૫.

મુત્તિમગ્ગં પકાસેસિ, મુત્તિમગ્ગગવેસકો;

સબ્બભવબ્યાધિમુત્તો, બુદ્ધં તં પણમામ્યહં.૮૨૬.

યો ન લિમ્પતિ કામેસુ, આરગ્ગેરિવ સાસપો;

ભવાસત્તિવિસંયુત્તો, બુદ્ધં તં પણમામ્યહં.૮૨૭.

મુનિ મોનેય્ય સમ્પન્નો, બાહિતપાપો બ્રાહ્મણો;

સમણો સમતાવિનો, બુદ્ધં તં પણમામ્યહં.૮૨૮.

ભવાસવા વિધૂપિતો, કામાસવા વૂપસમો;

અવિજ્જાસવા વિગતો, બુદ્ધં તં પણમામ્યહં.૮૨૯.

પરિઞ્ઞેય્યં પરિઞ્ઞાતો, ભાવેતબ્બં ચ ભાવિતો;

પહાતબ્બં પહીનં યો, બુદ્ધં તં પણમામ્યહં.૮૩૦.

સન્તિસુખમનુપ્પત્તો, મુત્તિસોતપવાહકો;

બહૂ સત્તે પમોચેસિ, બુદ્ધં તં પણમામ્યહં.૮૩૧.

પરિઞ્ઞાપારગૂ ચાપિ, પહાનપારગૂ પભૂ;

ભાવનાપારગૂ વિભૂ, બુદ્ધં તં પણમામ્યહં.૮૩૨.

આસત્તિદોસરહિતો, વિપ્પમુત્તો નિરુપધિ;

ઓનદ્ધમુત્તો ઓમુત્તો, બુદ્ધં તં પણમામ્યહં.૮૩૩.

નિબ્બાનપત્તો સિદ્ધત્થો, પગબ્ભો પપઞ્ચજહો;

પબુદ્ધો પટિસરણો, બુદ્ધં તં પણમામ્યહં.૮૩૪.

મગ્ગટ્ઠો અપિ ફલટ્ઠો, મોહજાલસુફાલકો;

સુફાસુકો સુમુત્તિમા, બુદ્ધં તં પણમામ્યહં.૮૩૫.

બોધિરતનસમ્પન્નો, પવરભૂરિમેધસો;

બ્રાહ્મણો સમણો સાધુ, બુદ્ધં તં પણમામ્યહં.૮૩૬.

મિચ્છાદિટ્ઠિં પદાલેસિ, મિચ્છાચારનિમ્મદ્દકો;

મિચ્છાઞાણં નિવારેસિ, બુદ્ધં તં પણમામ્યહં.૮૩૭.

મોહજાલમતિક્કન્તો, દુટ્ઠન્તકસ્સ અન્તકો;

મારમદં નિમ્મદ્દેસિ, બુદ્ધં તં પણમામ્યહં.૮૩૮.

સિદ્ધત્થો સદત્થપત્તો, પરિપુણ્ણમનોરથો;

કતકિચ્ચો વૂપસન્તો, બુદ્ધં તં પણમામ્યહં.૮૩૯.

યસ્સ માયા ચ માનો ચ, મોહો મક્ખો ચ પાતિતો;

વારિ પોક્ખરપત્તા’વ, બુદ્ધં તં પણમામ્યહં.૮૪૦.

ઉળુરાજા’વ વિમલો, સુદ્ધચિત્તો અનાવિલો;

અસત્તો સુગતો નાથો, બુદ્ધં તં પણમામ્યહં.૮૪૧.

કામભવપ્પરિક્ખીણો, રૂપભવમુપચ્ચગો;

અરૂપભવં ભઞ્જેસિ, બુદ્ધં તં પણમામ્યહં.૮૪૨.

યસી યસઆભૂસિતો, મહેસી ઇસિકુઞ્જરો;

હિતેસી હિતસમ્ભવો, બુદ્ધં તં પણમામ્યહં.૮૪૩.

તપસ્સી ચાપિ તેજસ્સી, યસસ્સી ચ યસોધરો;

વિપસ્સી ચાપિ વિદસ્સી, બુદ્ધં તં પણમામ્યહં.૮૪૪.

અગ્ગમગ્ગગવેસી ચ, સુખેસિ સબ્બપાણિનં;

મહામુનિ મહેસી ચ, બુદ્ધં તં પણમામ્યહં.૮૪૫.

અત્થવિદૂ સચ્ચવિદૂ, લોકવિદૂ લોકન્તગૂ;

અદ્ધગૂ અદ્ધાનગતો, બુદ્ધં તં પણમામ્યહં.૮૪૬.

સોકસલ્લસત્તિચુણ્ણો, સબ્બુપાદાનઝાયકો;

મોહણ્ણવતિણ્ણો વીરો, બુદ્ધં તં પણમામ્યહં.૮૪૭.

ભયભેરવમતિક્કન્તો, અભીતો વીતસારદો;

સબ્બથા છમ્ભવિમુત્તો, બુદ્ધં તં પણમામ્યહં.૮૪૮.

નિપ્પપઞ્ચરતો નાથો, નિપ્પપઞ્ચં નિદ્દેસયિ;

સબ્બપ્પપઞ્ચં હાપેસિ, બુદ્ધં તં પણમામ્યહં.૮૪૯.

ઓવાદકો વિઞ્ઞાપકો, તારકો બહુપાણિનં;

દેસનાકુસલો સત્થા, બુદ્ધં તં પણમામ્યહં.૮૫૦.

સુદ્ધહદયો સંસુદ્ધો, વિમલો વિરજમાનસો;

ન્હાતકો નિમ્મલચિત્તો, બુદ્ધં તં પણમામ્યહં.૮૫૧.

વિક્ખીણજાતિસંસારો, અન્તિમદેહધારકો;

સંસારે અસંસરન્તો, બુદ્ધં તં પણમામ્યહં.૮૫૨.

દીપઙ્કરપાદમૂલે, મુત્તિં હત્થગતં ચજિ;

સમ્માસમ્બોધિમાકઙ્ખી, બુદ્ધં તં પણમામ્યહં.૮૫૩.

પિયવાચી પિયભાણી, પિયવાદી વચીવરો;

વગ્ગુવાચી વગ્ગુભાણી, બુદ્ધં તં પણમામ્યહં.૮૫૪.

થિરવાચો ખેમવાચો, પીતિવાચો સન્તિવદો;

અચ્છભાણી તચ્છભાણી, બુદ્ધં તં પણમામ્યહં.૮૫૫.

ઞાણભાસી ઞાણવિદૂ, કાલભાસી કાલવિદૂ;

સચ્ચભાસી સચ્ચવિદૂ, બુદ્ધં તં પણમામ્યહં.૮૫૬.

કરવીકભાણી ઞાણી, ગમ્ભીરધમ્મદેસકો;

ચિત્રકથિકો વિચિત્તો, બુદ્ધં તં પણમામ્યહં.૮૫૭.

સમ્માસમ્બોધિસમ્પન્નો, સદ્ધમ્મબલસોભિતો;

સમ્પન્નવિજ્જાચરણો, બુદ્ધં તં પણમામ્યહં.૮૫૮.

યસ્સાસવા ન વિજ્જન્તિ, વિમુત્તચિત્તો સબ્બદા;

પરમં પદં સમ્પત્તો, બુદ્ધં તં પણમામ્યહં.૮૫૯.

સમથપ્પત્તો સમણો, બ્રહ્મવિહારી બ્રાહ્મણો;

સબ્બમલં પબ્બાજેસિ, બુદ્ધં તં પણમામ્યહં.૮૬૦.

નન્દીભવપરિક્ખીણો, ભવોઘમોહમચ્ચગો;

સબ્બોત્તમમનુપ્પત્તો, બુદ્ધં તં પણમામ્યહં.૮૬૧.

પઞ્ચનીવરણાતીતો, સત્તવિસુદ્ધિધારણો;

સત્તબોજ્ઝઙ્ગકુસલો, બુદ્ધં તં પણમામ્યહં.૮૬૨.

સબ્બપારમી પૂરેત્વા, સુદ્ધધમ્મગવેસયી;

મોક્ખમગ્ગં પકાસેસિ, બુદ્ધં તં પણમામ્યહં.૮૬૩.

લોકાભિભૂ લોકજિતો, લોકઞ્ઞૂ લોકનાયકો;

તિલોકનાથો લોકીસો, બુદ્ધં તં પણમામ્યહં.૮૬૪.

સુવત્થિનામો સુનામો, સચ્ચનામો સુખાવહો;

સચ્ચસન્ધો સચ્ચવાદો, બુદ્ધં તં પણમામ્યહં.૮૬૫.

છન્દરાગવિપ્પહીનો, અમમો ચ અનાસયો;

અસત્તો સુગતો સુદ્ધો, બુદ્ધં તં પણમામ્યહં.૮૬૬.

પુણ્ણવોસિતવોસાનો, અભિઞ્ઞાબલવોસિતો;

જાતિમચ્ચુક્ખયં પત્તો, બુદ્ધં તં પણમામ્યહં.૮૬૭.

માયામોહસમુચ્છિન્નો, દોસદોહવિદાલકો;

લોભલાલસા ધંસેસિ, બુદ્ધં તં પણમામ્યહં.૮૬૮.

દોસસલ્લસમુચ્છિન્નો, અપ્પટિબદ્ધમાનસો;

દળ્હચિત્તો અસન્તાપી, બુદ્ધં તં પણમામ્યહં.૮૬૯.

પફુલ્લમાનસો સત્થા, સદા પસન્નમાનસો;

મુદિતમાનસો સામી, બુદ્ધં તં પણમામ્યહં.૮૭૦.

નિરજમાનસો નાથો, સદા વિમલમાનસો;

વિસુદ્ધમાનસો સુદ્ધો, બુદ્ધં તં પણમામ્યહં.૮૭૧.

તેજસ્સી ચ તેજધનો, તપસ્સી ચ તપોધનો;

ઞાણેસી ચ ઞાણધનો, બુદ્ધં તં પણમામ્યહં.૮૭૨.

પમોદિતો પમોદેસિ, તોસેસિ પરિતોસકો;

પરિરક્ખકો રક્ખેસિ, બુદ્ધં તં પણમામ્યહં.૮૭૩.

પુણ્ણવોસિતવોસાનો, અભિઞ્ઞાબલવોસિતો;

જાતિમચ્ચુક્ખયં પત્તો, બુદ્ધં તં પણમામ્યહં.૮૭૪.

માયામોહસમુચ્છિન્નો, દોસદોહવિદાલકો;

લોભલાલસા ધંસેસિ, બુદ્ધં તં પણમામ્યહં.૮૭૫.

દોસસલ્લસમુચ્છિન્નો, અપ્પટિબદ્ધમાનસો;

દળ્હચિત્તો અસન્તાપી, બુદ્ધં તં પણમામ્યહં.૮૭૬.

સહેતુધમ્મં ઞાપેસિ, આતાપી ઝાયી બ્રાહ્મણો;

સબ્બા કઙ્ખા વિનોદેસિ, બુદ્ધં તં પણમામ્યહં.૮૭૭.

સબ્બા કઙ્ખાયો વાપેસિ, આતાપી ઝાયી બ્રાહ્મણો;

પચ્ચયાનં ખયં વિદ્વા, બુદ્ધં તં પણમામ્યહં.૮૭૮.

મારસેના પરાજિત્વા, સુરિયો’વ ઓભાસસિ;

સચ્ચધમ્મમનુપ્પત્તો, બુદ્ધં તં પણમામ્યહં.૮૭૯.

તિંસપારમીપૂરેસિ, સબ્બલોકહિતઙ્કરો;

ચતુસચ્ચં અન્વેસયિ, બુદ્ધં તં પણમામ્યહં.૮૮૦.

ચતુસચ્ચં સચ્છિકત્વા, તણ્હાનં ખયમજ્ઝગા;

વિસઙ્ખારગતચિત્તો, બુદ્ધં તં પણમામ્યહં.૮૮૧.

ભદ્દકાયો ભદ્દવાચો, ભદ્દચિત્તો ભદ્દાસયો;

સમન્તભદ્દો સુભદ્દો, બુદ્ધં તં પણમામ્યહં.૮૮૨.

સન્તકાયો સન્તવાચો, સન્તવા સન્તચેતસો;

સન્તિસમુદ્દં સમ્પત્તો, બુદ્ધં તં પણમામ્યહં.૮૮૩.

લોકબન્ધુ લોકસામી, લોકાધિપો લોકિસ્સરો;

લોકમિત્તો લોકસખા, બુદ્ધં તં પણમામ્યહં.૮૮૪.

અક્ખરાનં સન્નિપાતે, પુબ્બાપરાનં પારગૂ;

નિરુત્તિપદકોવિદો, બુદ્ધં તં પણમામ્યહં.૮૮૫.

સન્તિસુખપદાયકો, વિજ્જાનિધિ વિનાયકો;

બાહૂજને સહાયકો, બુદ્ધં તં પણમામ્યહં.૮૮૬.

વિજયન્તો બોધિમૂળે, પત્તો સમ્બોધિમુત્તમં;

અન્તકસ્સ અન્તકરો, બુદ્ધં તં પણમામ્યહં.૮૮૭.

વિનયવાદી વિરત્તો, ધમ્મવાદી ધમ્મગતો;

અત્થવાદી અત્થપ્પત્તો, બુદ્ધં તં પણમામ્યહં.૮૮૮.

સન્તિવાદી મુદુવાદી, સચ્ચવાદી સચ્ચરતો;

ભૂતવાદી ભદ્દવાદી, બુદ્ધં તં પણમામ્યહં.૮૮૯.

યતકાયો યતવાચો, યતચિત્તો યતિન્દ્રિયો;

સબ્બવિધે યતો યતિ, બુદ્ધં તં પણમામ્યહં.૮૯૦.

નિરિચ્છો ચેવ છિન્નિચ્છો, વીતિચ્છો ઇચ્છાઉચ્છિન્નો;

ગતિચ્છો ઇચ્છાનિચ્છાતો, બુદ્ધં તં પણમામ્યહં.૮૯૧.

અચ્છચિત્તો અચ્છચારી, અનચ્છઇચ્છારિઞ્ચકો;

સબ્બિચ્છા’નિચ્છા ઉચ્છિન્નો, બુદ્ધં તં પણમામ્યહં.૮૯૨.

અચ્ચિતો અચ્ચિસજ્જિતો, અચ્ચુચ્ચો ચ અચ્ચુત્તમો;

અચ્ચુતં અકતં પત્તો, બુદ્ધં તં પણમામ્યહં.૮૯૩.

સુદ્ધો મગ્ગં વિસોધેસિ, સિદ્ધો સમણસેખરો;

બુદ્ધો બોધિં પકાસેસિ, બુદ્ધં તં પણમામ્યહં.૮૯૪.

પણીતો ચ પુનીતો ચ, પવિત્તો ચાપિ પાવનો;

પેસલો પવરો મેજ્ઝો, બુદ્ધં તં પણમામ્યહં.૮૯૫.

ખેમો ખીણપરિળાહો, ખેમયુત્તો ખેમકરો;

ખેમક્ખેત્તો ખેમટ્ઠાનો, બુદ્ધં તં પણમામ્યહં.૮૯૬.

ગતભોગો ગતરોગો, ગતસોકો ગતાવિલો;

ગતાનુતાપો ગતિન્ધો, બુદ્ધં તં પણમામ્યહં.૮૯૭.

પારગૂ સબ્બદુક્ખાનં, પરિઞ્ઞાણઞ્ચ પારગૂ;

નિરોધં સુસચ્છિકતો, બુદ્ધં તં પણમામ્યહં.૮૯૮.

સત્તવિસુદ્ધિસમ્પન્નો, સુદ્ધો વિસુદ્ધમાનસો;

વિમુત્તમાનસો વિદ્વા, બુદ્ધં તં પણમામ્યહં.૮૯૯.

ભવાભવે અનુભવિત્વા, પત્તો સુમુત્તિમુત્તમં;

બ્રહ્મચક્કં પવત્તેસિ, બુદ્ધં તં પણમામ્યહં.૯૦૦.

ભૂરિપઞ્ઞો ભૂરિમેધો, ભૂરિબોધિપકાસકો;

ભૂરિઞાણં પસારેસિ, બુદ્ધં તં પણમામ્યહં.૯૦૧.

ભારનિક્ખેપકો વીરો, ભવસિનેહનાસકો;

ભવનેત્તિં વિભઞ્જેસિ, બુદ્ધં તં પણમામ્યહં.૯૦૨.

ભાવિતત્તો ભવમુત્તો, ભાવિતો ભાવનારતો;

ભાવિતિન્દ્રિયો ભગવા, બુદ્ધં તં પણમામ્યહં.૯૦૩.

મહાભિસક્કો ભેસજ્જો, ભવરોગતિકિચ્છકો;

ભવોઘતારકો ભદ્દો, બુદ્ધં તં પણમામ્યહં.૯૦૪.

ભવાભવતણ્હાભગ્ગો, ભવાસત્તિવિભઞ્જકો;

ભવસંયોજનં છિન્દેસિ, બુદ્ધં તં પણમામ્યહં.૯૦૫.

ભવન્તદસ્સી સુભદ્દો, ભવગ્ગાતીતો નિબ્બુતો;

ભવન્તગૂ ભગવન્તો, બુદ્ધં તં પણમામ્યહં.૯૦૬.

ભાવિતો અરિયમગ્ગો, ભવબન્ધનસમૂહતો;

ભયભેરવં ભેદેસિ, બુદ્ધં તં પણમામ્યહં.૯૦૭.

ભાવેસિ કુસલં ધમ્મં, બોજ્ઝઙ્ગરતનિસ્સરો;

ભવસોતં તિણ્ણો નાથો, બુદ્ધં તં પણમામ્યહં.૯૦૮.

ભવસંયોજનં છેત્વા, ભવસઙ્ગાતિગો ઇસિ;

ભવસાગરમુત્તિણ્ણો, બુદ્ધં તં પણમામ્યહં.૯૦૯.

ભવયોગવીતિવત્તો, ભવસન્તાપનિબ્બુતો;

ભવમોહોદધિતિણ્ણો, બુદ્ધં તં પણમામ્યહં.૯૧૦.

ભવભોગવિસંયુત્તો, ભારમુત્તો ભવજયો;

ભવયોગવિપ્પમુત્તો, બુદ્ધં તં પણમામ્યહં.૯૧૧.

ભવભોગોઘનિત્તિણ્ણો, ભવજાલસન્દાલકો;

ભવસંસરણાતીતો, બુદ્ધં તં પણમામ્યહં.૯૧૨.

ભીરુતાણો ભીરુલેણો, ભીરુસરણદાયકો;

ભીરુઆરક્ખકો ભિય્યો, બુદ્ધં તં પણમામ્યહં.૯૧૩.

સબ્બાસરણસરણો, તાણો લેણો સુરક્ખકો;

જનાનં નન્દકો ભિય્યો, બુદ્ધં તં પણમામ્યહં.૯૧૪.

સબ્બાબાધં અચ્ચગમો, તણ્હાતિમિરન્તકરો;

કામાસવં પજહિ યો, બુદ્ધં તં પણમામ્યહં.૯૧૫.

સબ્બધમ્માભિસમ્બુદ્ધો, મોક્ખમગ્ગગન્વેસકો;

પરમત્થધમ્મપ્પત્તો, બુદ્ધં તં પણમામ્યહં.૯૧૬.

સબ્બધમ્મં સમ્બોધેસિ, અન્તકન્તકરો જિનો;

પરિયન્તધમ્મપ્પત્તો, બુદ્ધં તં પણમામ્યહં.૯૧૭.

સબ્બલોકં પરિઞ્ઞાસિ, સબ્બલોકપનૂદનો;

લોકુત્તરધમ્મપ્પત્તો, બુદ્ધં તં પણમામ્યહં.૯૧૮.

સબ્બલોકહિતત્થાય, બોધેસિ કરુણાપતી;

નિપુણત્થધમ્મપ્પત્તો, બુદ્ધં તં પણમામ્યહં.૯૧૯.

સબ્બઇદ્ધી અભિઞ્ઞાસિ, સબ્બતણ્હા નિરોધકો;

નિરોધં સક્ખિં અકાસિ, બુદ્ધં તં પણમામ્યહં.૯૨૦.

સબ્બસચ્ચં અભિઞ્ઞાસિ, સબ્બઞ્ઞૂ સમણુત્તમો;

પણ્ડિતો સબ્બધમ્મેસુ, બુદ્ધં તં પણમામ્યહં.૯૨૧.

સબ્બસિદ્ધત્થસિદ્ધો ચ, સમન્તભદ્દો સબ્બથા;

સબ્બુત્તમં ધમ્મં લદ્ધો, બુદ્ધં તં પણમામ્યહં.૯૨૨.

ઉપેતો બોધિધમ્મેહિ, વિમુત્તો સબ્બભવેહિ ચ;

ઇટ્ઠપત્તો મુત્તા’નિટ્ઠો, બુદ્ધં તં પણમામ્યહં.૯૨૩.

સબ્બાહારપરિઞ્ઞાતો, સબ્બાહારમનિસ્સિતો;

સબ્બાધારપરિચ્ચાગી, બુદ્ધં તં પણમામ્યહં.૯૨૪.

સબ્બમોહનિસા હન્ત્વા, સબ્બં રાગં દોસં નુદો;

સુદ્ધિધમ્મં પકાસેસિ, બુદ્ધં તં પણમામ્યહં.૯૨૫.

સબ્બકિલેસં સોસેસિ, સબ્બાદાનપનૂદનો;

સબ્બસોકં વિનાસેસિ, બુદ્ધં તં પણમામ્યહં.૯૨૬.

સબ્બિન્દ્રિયગુત્તો સામી, સબ્બકઙ્ખિચ્છાસંવુતો;

સબ્બલોકેસનાચાગી, બુદ્ધં તં પણમામ્યહં.૯૨૭.

સબ્બાસવપરિચ્ચાગી, જાતિમચ્ચુ નિવારયી;

ભવદુક્ખં વિદ્ધંસેસિ, બુદ્ધં તં પણમામ્યહં.૯૨૮.

સબ્બકમ્મક્લેસજહો, વીતસઙ્ખારચેતસો;

અન્તિમસારીરપ્પત્તો, બુદ્ધં તં પણમામ્યહં.૯૨૯.

સબ્બબન્ધં વિઘાતેસિ, સબ્બન્તરાયનાસકો;

બોધઞ્ઞૂ દુબ્બુદ્ધિમુત્તો, બુદ્ધં તં પણમામ્યહં.૯૩૦.

સબ્બમોહપરિક્ખીણો, સબ્બઞ્ઞૂ સબ્બકોવિદો;

સબ્બાભિભૂ સબ્બવિદૂ, બુદ્ધં તં પણમામ્યહં.૯૩૧.

સબ્બાભિનિવેસા સુઞ્ઞો, સબ્બગુણપતિટ્ઠિતો;

સબ્બક્લેસે વિસોધેસિ, બુદ્ધં તં પણમામ્યહં.૯૩૨.

સબ્બરાગં વિરાજેસિ, સબ્બદોસવિદ્ધંસકો;

સબ્બમોહવિનિમુત્તો, બુદ્ધં તં પણમામ્યહં.૯૩૩.

સબ્બદુક્ખપરિઞ્ઞાતો, સબ્બદુક્ખક્ખયઙ્કરો;

સબ્બધિ ભવભઞ્જનો, બુદ્ધં તં પણમામ્યહં.૯૩૪.

સબ્બદુક્ખમતિક્કન્તો, સબ્બદુક્ખસ્સ અન્તગૂ;

સબ્બદુક્ખપ્પહીનો ચ, બુદ્ધં તં પણમામ્યહં.૯૩૫.

સંસારસાગરુત્તિણ્ણો, સબ્બભવાન પારગૂ;

અન્તિમદેહં ધારેસિ, બુદ્ધં તં પણમામ્યહં.૯૩૬.

સબ્બથા આકઙ્ખાતીતો, સબ્બસઙ્ગાતિગો સુધી;

સબ્બેસુ અનૂપલિત્તો, બુદ્ધં તં પણમામ્યહં.૯૩૭.

ગિદ્ધિઞ્જહો તણ્હક્ખયો, સબ્બચાગેસુ સણ્ઠિતો;

સબ્બત્થ ઉપસમ્મતો, બુદ્ધં તં પણમામ્યહં.૯૩૮.

સબ્બામિત્તે વસીકત્વા, સબ્બજિનો સબ્બાભિભૂ;

સબ્બવેરવિપ્પમુત્તો, બુદ્ધં તં પણમામ્યહં.૯૩૯.

સબ્બભોગમતિક્કન્તો, સબ્બકામરતિચજો;

સબ્બકઙ્ખિચ્છા ઉચ્છિન્નો, બુદ્ધં તં પણમામ્યહં.૯૪૦.

સબ્બીતિયો વીતિવત્તો, સબ્બભીતિવિનાસકો;

સબ્બદોસદોહદન્તો, બુદ્ધં તં પણમામ્યહં.૯૪૧.

સબ્બકોપકોધખીણો, કામક્લેસમતિક્કમો;

સબ્બમોહમાયામુત્તો, બુદ્ધં તં પણમામ્યહં.૯૪૨.

સબ્બસંયોજને છેત્વા, સબ્બસંસય’પગતો;

સબ્બુપાદાનુપચ્છિન્નો, બુદ્ધં તં પણમામ્યહં.૯૪૩.

સબ્બાભિલાસા હાપેસિ, સબ્બક્લેસવિસોધકો;

સબ્બિઞ્જા પટિપ્પસ્સદ્ધો, બુદ્ધં તં પણમામ્યહં.૯૪૪.

સબ્બાદાનપરિચ્ચાગી, સબ્બસંયોજનાતિગો;

સબ્બસઙ્ગવિસંયુત્તો, બુદ્ધં તં પણમામ્યહં.૯૪૫.

સબ્બત્થ સુમનો સામી, સબ્બસોત્થિં પદાયકો;

સબ્બેસં સમ્પસીદેસિ, બુદ્ધં તં પણમામ્યહં.૯૪૬.

સબ્બાનલં નિબ્બાપેસિ, સબ્બસન્તાપમદ્દકો;

સબ્બધિ સુમુત્તો સન્તો, બુદ્ધં તં પણમામ્યહં.૯૪૭.

સબ્બાસવં પરિજાનિ, સબ્બબ્યાધિવિનાસકો;

સબ્બસોકક્ખયં પત્તો, બુદ્ધં તં પણમામ્યહં.૯૪૮.

સબ્બરાગતમં ધંસી, સબ્બદોસતમં નુદો;

સબ્બમોહતમં હન્તા, બુદ્ધં તં પણમામ્યહં.૯૪૯.

સબ્બધિ સબ્બત્થપ્પત્તો, સબ્બત્થદસ્સાવી ઇસિ;

સબ્બપાસણ્ડં મદ્દેસિ, બુદ્ધં તં પણમામ્યહં.૯૫૦.

સબ્બપારમીસમ્ભૂતો, સબ્બપરિઞ્ઞાપૂરિતો;

સબ્બઅભિઞ્ઞાસમ્પુણ્ણો, બુદ્ધં તં પણમામ્યહં.૯૫૧.

સબ્બદુક્ખક્ખયં પત્તો, સબ્બસોકમતિક્કમો;

સંસારસિન્ધુનિત્તિણ્ણો, બુદ્ધં તં પણમામ્યહં.૯૫૨.

સીલસમાધિસંયુત્તો, વિજ્જાવારિધિ પઞ્ઞવા;

સબ્બાસવાછિન્નભિન્નો, બુદ્ધં તં પણમામ્યહં.૯૫૩.

સબ્બતાપવિપ્પમુત્તો, સમુચ્છિન્નસબ્બૂપધિ;

સબ્બપપઞ્ચૂપસમો, બુદ્ધં તં પણમામ્યહં.૯૫૪.

સબ્બઅહઙ્કારમુત્તો, સબ્બમમઙ્કારક્ખયો;

સબ્બાસત્તિ વિપ્પમુત્તો, બુદ્ધં તં પણમામ્યહં.૯૫૫.

વિજિતસબ્બસઙ્ગામો, સબ્બત્થ અપરાજિતો;

સબ્બે વત્તેસિ સબ્બસો, બુદ્ધં તં પણમામ્યહં.૯૫૬.

સબ્બઞ્ઞૂ તિલોકસેટ્ઠો, સબ્બસંયોજના નુદો;

સબ્બઓઘે નિત્થરેસિ, બુદ્ધં તં પણમામ્યહં.૯૫૭.

સબ્બબન્ધવિનિમુત્તો, સબ્બગણ્ઠિવિખણ્ડિતો;

સબ્બપાસેહિ મોચેસિ, બુદ્ધં તં પણમામ્યહં.૯૫૮.

સબ્બગન્થસમુચ્છિન્નો, સબ્બયોગવિસંયુતો;

હતક્ખોભો હતાલયો, બુદ્ધં તં પણમામ્યહં.૯૫૯.

સબ્બસંયોજના સુઞ્ઞો, સબ્બવટ્ટવિનાસકો;

સબ્બજટા વિજટેસિ, બુદ્ધં તં પણમામ્યહં.૯૬૦.

સબ્બેસુ અનિચ્છાસઞ્ઞી, સબ્બાભિજ્ઝાતિગો ઇસિ;

સબ્બસંયોગ’સંયોગો, બુદ્ધં તં પણમામ્યહં.૯૬૧.

સબ્બસઙ્ખારેહિ રિત્તો, સબ્બાસત્તિ પનૂદનો;

સબ્બાકુસલપમુત્તો, બુદ્ધં તં પણમામ્યહં.૯૬૨.

સબ્બપકારસમ્પન્નો, સબ્બસમન્તભદ્દકો;

સબ્બાકારપરિપુણ્ણો, બુદ્ધં તં પણમામ્યહં.૯૬૩.

સબ્બ વિજ્જા અનુપ્પત્તો, સબ્બસુગુણસઙ્ગહો;

ભદ્દકો સુભદ્દકારી, બુદ્ધં તં પણમામ્યહં.૯૬૪.

સબ્બાસવે પરિઞ્ઞાતો, સબ્બાસવે બ્યન્તિકતો;

સબ્બેસં પરિચજ્જેસિ, બુદ્ધં તં પણમામ્યહં.૯૬૫.

સબ્બબન્ધવિપ્પમુત્તો, સબ્બસઙ્કપ્પપૂરિતો;

સબ્બક્ખેમં વિકાસેસિ, બુદ્ધં તં પણમામ્યહં.૯૬૬.

સબ્બત્થ કુસલો સત્થા, સબ્બત્થ કોવિદો વિદૂ;

સબ્બત્થ વિમલો સુદ્ધો, બુદ્ધં તં પણમામ્યહં.૯૬૭.

સબ્બોચ્ચ સબ્બતોભદ્દો, સબ્બથા મઞ્ઞિતં ચજો;

સમ્માદસ્સનસમ્પન્નો, બુદ્ધં તં પણમામ્યહં.૯૬૮.

અનવસેસઞાણઞ્ઞૂ, સબ્બતો સુવિજાનકો;

સબ્બઅઞ્ઞાણમુચ્છિન્નો, બુદ્ધં તં પણમામ્યહં.૯૬૯.

સબ્બઞ્ઞાસમ્પત્તો નાથો, આસત્તિરિત્તો સબ્બધિ;

સબ્બત્થ સબ્બવિસિટ્ઠો, બુદ્ધં તં પણમામ્યહં.૯૭૦.

સબ્બકિલેસેહિ સુઞ્ઞો, સબ્બગન્થિપ્પમોચકો;

સબ્બબન્ધં વિચ્છિન્દેસિ, બુદ્ધં તં પણમામ્યહં.૯૭૧.

સબ્બભવઉપચ્છિન્નો, ઉચ્છિન્નલોકબન્ધનો;

સબ્બઓઘં નિત્થરણો, બુદ્ધં તં પણમામ્યહં.૯૭૨.

નિત્તિણ્ણભવસાગરો, કતકિચ્ચો યતિસ્સરો;

સબ્બસો સીતલીભૂતો, બુદ્ધં તં પણમામ્યહં.૯૭૩.

સબ્બલોકમભિભૂતો, સબ્બલોકવિદૂ ઇસિ;

સબ્બલોકં સુદસ્સાવી, બુદ્ધં તં પણમામ્યહં.૯૭૪.

સબ્બલોકવિસંયુત્તો, સબ્બલોકવિરજ્જકો;

સબ્બલોકં નિરોધેસિ, બુદ્ધં તં પણમામ્યહં.૯૭૫.

સબ્બલોકે અનાસંસો, સબ્બલોકે અનૂપયો;

સબ્બલોકે સઙ્ગસુઞ્ઞો, બુદ્ધં તં પણમામ્યહં.૯૭૬.

સબ્બઅભિઞ્ઞા સમ્પત્તો, સબ્બધિ સુમતિવરો;

સબ્બસચ્ચં વિત્થારેસિ, બુદ્ધં તં પણમામ્યહં.૯૭૭.

સબ્બપારમીસમ્પન્નો, સબ્બગુણાનુપાગતો;

સબ્બથા પરિઞ્ઞાપત્તો, બુદ્ધં તં પણમામ્યહં.૯૭૮.

ભવસોતં વિસોસેસિ, સબ્બક્લેસમુપચ્ચગો;

સબ્બાસવં વિક્ખાલેસિ, બુદ્ધં તં પણમામ્યહં.૯૭૯.

સબ્બથા સમ્પટિનિસ્સજ્જિ, સબ્બં સન્તરબાહિરં;

સબ્બં સોત્થિં સચ્છિકતો, બુદ્ધં તં પણમામ્યહં.૯૮૦.

સબ્બપ્પપઞ્ચં પહાસિ યો, પરિચ્ચાગેસુ સણ્ઠિતો;

સબ્બસઙ્ગં વિવજ્જેસિ, બુદ્ધં તં પણમામ્યહં.૯૮૧.

સબ્બ’ન્તરાયવિહતો, સબ્બ’ઘાનલનિબ્બુતો;

સબ્બસારમ્ભં ભઞ્જેસિ, બુદ્ધં તં પણમામ્યહં.૯૮૨.

સબ્બાભિલાસા ઉચ્છિન્નો, સબ્બાભિમાનભિન્દકો;

સબ્બા’નુસયં નિસ્સટ્ઠો, બુદ્ધં તં પણમામ્યહં.૯૮૩.

સબ્બસંસટ્ઠવિચ્છિન્નો, સબ્બસંયોજના ચજો;

સબ્બગેધપભેદકો, બુદ્ધં તં પણમામ્યહં.૯૮૪.

સબ્બુપાદાનૂપસમો, સબ્બાકઙ્ખાવિખણ્ડિતો;

સબ્બસલ્લં વિચુણ્ણેસિ, બુદ્ધં તં પણમામ્યહં.૯૮૫.

સબ્બમોહં વિનોદેસિ, સબ્બમાનનિમદ્દકો;

સબ્બભીતિં વીતિવત્તો, બુદ્ધં તં પણમામ્યહં.૯૮૬.

કામાસત્તિં બ્યન્તિકતો, સબ્બછન્દસઞ્છિન્દકો;

સબ્બા ઇચ્છા ઉચ્છેદેસિ, બુદ્ધં તં પણમામ્યહં.૯૮૭.

સબ્બસમ્મોહં મદ્દેસિ, સબ્બસોતવિસોસકો;

સબ્બગન્થિં નિદ્ધંસેસિ, બુદ્ધં તં પણમામ્યહં.૯૮૮.

સબ્બિસ્સા સમતિક્કન્તો, સબ્બતો ઇઞ્જા રિઞ્ચકો;

સબ્બદોસદોહં હન્તા, બુદ્ધં તં પણમામ્યહં.૯૮૯.

સબ્બકોધમતિક્કન્તો, સબ્બકામનિમદ્દકો;

સબ્બમોહસમુચ્છિન્નો, બુદ્ધં તં પણમામ્યહં.૯૯૦.

ભવનેત્તિં સઞ્છિન્દેસિ, સબ્બભોગજિગુચ્છકો;

સબ્બબોધિગુણુપેતો, બુદ્ધં તં પણમામ્યહં.૯૯૧.

સબ્બત્થદોહાતીતો યો, સબ્બમાનાતિગો મુનિ;

સબ્બદોસં વિપ્પમુત્તો, બુદ્ધં તં પણમામ્યહં.૯૯૨.

સબ્બસંસયા વિમુત્તો, સબ્બસંયોજનાચુતો;

સબ્બસંસારોઘં તિણ્ણો, બુદ્ધં તં પણમામ્યહં.૯૯૩.

સબ્બમ્હિ અનૂપલિત્તો, સબ્બવિદૂ સબ્બાભિભૂ;

સબ્બન્તરાયવિક્ખીણો, બુદ્ધં તં પણમામ્યહં.૯૯૪.

સબ્બૂપધિમતિક્કન્તો, સબ્બાસવક્ખયઙ્કરો;

સીહો’વ અનુત્રાસો, બુદ્ધં તં પણમામ્યહં.૯૯૫.

સબ્બમમઙ્કારમુત્તો, સબ્બઅહંકારક્ખયો;

સબ્બદોસમતિક્કન્તો, બુદ્ધં તં પણમામ્યહં.૯૯૬.

સબ્બભવપથં ખિન્નો, સબ્બસઙ્ખારનિબ્બુતો;

સબ્બબન્ધનં ભઞ્જેસિ, બુદ્ધં તં પણમામ્યહં.૯૯૭.

સબ્બીઘા સમુગ્ઘાતેસિ, સબ્બિન્ધા પરિનિસ્સગો;

સબ્બિસ્સા પટિનિસ્સટ્ઠો, બુદ્ધં તં પણમામ્યહં.૯૯૮.

સબ્બગિદ્ધાગિજ્ઝાચાગી, સબ્બમોહમાયાનુદો;

સબ્બાભિજ્ઝા વિભઞ્જેસિ, બુદ્ધં તં પણમામ્યહં.૯૯૯.

સબ્બકોપકોધાતીતો, સબ્બદોસક્લેસચ્ચજો;

સબ્બદોહમતિક્કન્તો, બુદ્ધં તં પણમામ્યહં.૧૦૦૦.

સબ્બરાગં વિરજ્જેસિ, સબ્બદોસવિનાસકો;

સબ્બમોહમતિક્કન્તો, બુદ્ધં તં પણમામ્યહં.૧૦૦૧.

સબ્બમલં પક્ખાલેસિ, સબ્બસલ્લસન્દાલકો;

સબ્બખિલં વિદ્દાલેસિ, બુદ્ધં તં પણમામ્યહં.૧૦૦૨.

સબ્બભયમતિક્કન્તો, સબ્બભીતિબ્યન્તિકતો;

સબ્બછમ્ભિસમુચ્છિન્નો, બુદ્ધં તં પણમામ્યહં.૧૦૦૩.

સબ્બલોભઅબ્બુળ્હન્તો, સબ્બરજં વિરાજેસી;

સબ્બનન્દી વિચ્છિન્દેસિ, બુદ્ધં તં પણમામ્યહં.૧૦૦૪.

સબ્બસોકસમુચ્છિન્નો, સબ્બદોસવિસોસકો;

સબ્બનેત્તિં નિવારેસિ, બુદ્ધં તં પણમામ્યહં.૧૦૦૫.

સબ્બજાતિં નિજ્જરેસિ, સબ્બભવગ્ગિનિબ્બુતો;

સબ્બલોકમતિક્કન્તો, બુદ્ધં તં પણમામ્યહં.૧૦૦૬.

સબ્બસંસટ્ઠવિરતો, સબ્બસંસગ્ગઆરકો;

સબ્બાસત્તિનિરત્તકો, બુદ્ધં તં પણમામ્યહં.૧૦૦૭.

સબ્બાકઙ્ખાપરિક્ખીણો, સબ્બાપેક્ખાવિક્ખમ્ભકો;

સબ્બાભિલાસા ભઞ્જેસિ, બુદ્ધં તં પણમામ્યહં.૧૦૦૮.

સબ્બાસઙ્કા નિવારેસિ, સબ્બાતઙ્કાવિચ્છિન્દકો;

સબ્બાવિલં વિક્ખાલેસિ, બુદ્ધં તં પણમામ્યહં.૧૦૦૯.

સબ્બાલયસમુચ્છિન્નો, સબ્બાસયઅનિસ્સિતો;

સબ્બાસવે વિસોસેસિ, બુદ્ધં તં પણમામ્યહં.૧૦૧૦.

સબ્બુપધિં નિદ્ધોવેસિ, સબ્બારમ્મણરિઞ્ચકો;

સબ્બાભિમાનં ભઞ્જેસિ, બુદ્ધં તં પણમામ્યહં.૧૦૧૧.

સબ્બુપાયાસં ઉક્ખિત્તો, સબ્બુપાદાનં ઉજ્ઝિતો;

સબ્બાભિજ્ઝા ઉચ્છેદેસિ, બુદ્ધં તં પણમામ્યહં.૧૦૧૨.

સબ્બસંયોજનં છેત્વા, સુદ્ધાજીવી સુદ્ધાચરો;

સઙ્ગાતિગો ઓઘતિણ્ણો, બુદ્ધં તં પણમામ્યહં.૧૦૧૩.

સબ્બદોમનસ્સસન્તો, સબ્બસંયોજના હતો;

સબ્બાસઙ્કાવિપ્પમુત્તો, બુદ્ધં તં પણમામ્યહં.૧૦૧૪.

સબ્બસોકવીતિવત્તો, સબ્બનીવરણાનુદો;

સબ્બદોમનસ્સમુત્તો, બુદ્ધં તં પણમામ્યહં.૧૦૧૫.

સબ્બભીતિભયાતીતો, છમ્ભનસુઞ્ઞો સબ્બસો;

સબ્બાકુલતા નાસેસિ, બુદ્ધં તં પણમામ્યહં.૧૦૧૬.

સબ્બભોગે પહાસિ યો, સબ્બાસત્તિપરિચ્ચજો;

સબ્બકામમતિક્કમો, બુદ્ધં તં પણમામ્યહં.૧૦૧૭.

સબ્બોત્તમયોગક્ખેમી, સબ્બોત્તમં અધિગમો;

સબ્બોત્તમસન્તિમન્તો, બુદ્ધં તં પણમામ્યહં.૧૦૧૮.

સબ્બવોસિતવોસાનો, કતકિચ્ચો યતિન્દ્રિયો;

મહામોહણ્ણવુત્તિણ્ણો, બુદ્ધં તં પણમામ્યહં.૧૦૧૯.

દુક્ખક્ખન્ધં પરિઞ્ઞાતો, તણ્હાપાસવિચ્છેદકો;

સબ્બસન્તાસસુમુત્તો, બુદ્ધં તં પણમામ્યહં.૧૦૨૦.

સબ્બયોગવીતિવત્તો, સીતિભૂતો નિરૂપધિ;

ભવરાગપરિક્ખીણો, બુદ્ધં તં પણમામ્યહં.૧૦૨૧.

સબ્બેજા સમતિક્કન્તો, સબ્બધિં સમતાઠિતો;

સદા સુમતિદાયકો, બુદ્ધં તં પણમામ્યહં.૧૦૨૨.

ભવેન નિરાસત્તિકો, પરમોયં સમુસ્સયો;

પહાસિ સબ્બસઙ્ખારે, બુદ્ધં તં પણમામ્યહં.૧૦૨૩.

સબ્બદુક્ખપરિમુત્તો, દોસદોહપધંસકો;

ભવગન્થં પદાલેસિ, બુદ્ધં તં પણમામ્યહં.૧૦૨૪.

અંસુમાલી અચ્ચિમાલી, રંસિમાલી ધમ્મરવિ;

મોહ’માવસી નાસેસિ, બુદ્ધં તં પણમામ્યહં.૧૦૨૫.

ચન્દિમા’વ સન્તિકરો, ચન્દિમા’વ પભાકરો;

સન્તિપભા સણ્ઠપેસિ, બુદ્ધં તં પણમામ્યહં.૧૦૨૬.

અગ્ગિક્ખન્ધો’વ સુપ્પભો, ભબ્બતેજો સુખાલયો;

ઓભાસિતો ઉક્કાધારી, બુદ્ધં તં પણમામ્યહં.૧૦૨૭.

અચ્ચિમા’વ પભસ્સરો, સબ્બલોકે આલોકદા;

અતિરુચિરો ઓભાસો, બુદ્ધં તં પણમામ્યહં.૧૦૨૮.

બ્યામપ્પભાય સુપ્પભો, કરુણારુણઉજ્જલો;

રુચિરાભાય સમ્પન્નો, બુદ્ધં તં પણમામ્યહં.૧૦૨૯.

ઇન્દુવિય’મ્બરમજ્ઝે, સઙ્ઘમજ્ઝે વિરોચયિ;

ઞાણાલોકં વિકિરેસિ, બુદ્ધં તં પણમામ્યહં.૧૦૩૦.

આદિચ્ચબન્ધુ આતાપી, દિબ્બરૂપો વિરોચનો;

સબ્બલોકં પજ્જોતેસિ, બુદ્ધં તં પણમામ્યહં.૧૦૩૧.

મજ્ઝે સમણસઙ્ઘસ્સ, આદિચ્ચો’વ વિરોચયી;

વિજ્જાલોકકરો લોકે, બુદ્ધં તં પણમામ્યહં.૧૦૩૨.

તારા’વ સમણમજ્ઝે, પુણ્ણિન્દુસમસોભિતો;

સબ્બસત્તુત્તમો સામી, બુદ્ધં તં પણમામ્યહં.૧૦૩૩.

ચારુઞાણસિખાધારી, સોભાજોતિસમુજ્જલો;

પભસ્સરં પભાસેસિ, બુદ્ધં તં પણમામ્યહં.૧૦૩૪.

દિનકરો તમોનુદો, દિત્તો તિમિરદ્ધંસકો;

છબ્બણ્ણરંસીસોભિતો, બુદ્ધં તં પણમામ્યહં.૧૦૩૫.

ઇન્દુ’વ નિમ્મલો સુદ્ધો, પરમપુરિસો યસી;

વરલક્ખણસમ્પુણ્ણો, બુદ્ધં તં પણમામ્યહં.૧૦૩૬.

પુણ્ણિન્દસદિસો જુણ્હો, સમ્પુણ્ણસન્તમાનસો;

સબ્બતો સીતલીભૂતો, બુદ્ધં તં પણમામ્યહં.૧૦૩૭.

ચારુદસ્સી પિયદસ્સી, અઙ્ગીરસો આલોકિતો;

પભઙ્કરો’વ ઉજ્જોતો, બુદ્ધં તં પણમામ્યહં.૧૦૩૮.

ઇન્દુ’વ અમ્બરતલે, અભિવણ્ણો સુસોભિતો;

મહાધમ્મપ્પભાયુત્તો, બુદ્ધં તં પણમામ્યહં.૧૦૩૯.

આરોચિતો ઓભાસિતો, સુરિયો’વ વિરોચિતો;

અતુલતેજો તેજસ્સી, બુદ્ધં તં પણમામ્યહં.૧૦૪૦.

સહસ્સરંસી ભગવા, પદુમામલસુચ્છવી;

ધમ્મપ્પભાપરિવુતો, બુદ્ધં તં પણમામ્યહં.૧૦૪૧.

સોભિતો સાલરાજા’વ, પુણ્ણમાયં’વ ચન્દિમા;

ઓભાસેસિ દિસા સબ્બા, બુદ્ધં તં પણમામ્યહં.૧૦૪૨.

રંસિજાલપરિક્ખિત્તો, પદુમાનનલોચનો;

કનકં’વ વિરોચેસિ, બુદ્ધં તં પણમામ્યહં.૧૦૪૩.

મેત્તાપભાપરિવુતો, ધમ્મભાનુપભાસિતો;

પઞ્ઞપ્પભા વિકાસેસિ, બુદ્ધં તં પણમામ્યહં.૧૦૪૪.

પરિધોતો પરિસુદ્ધો, ચન્દિમા ઇવ પુણ્ણકો;

સદ્ધમં પરિસોધેસિ, બુદ્ધં તં પણમામ્યહં.૧૦૪૫.

ઞાણરંસિં વિકિરેસિ, ધમ્માદિચ્ચસુભાસુરો;

મુત્તિપન્થં પકાસેસિ, બુદ્ધં તં પણમામ્યહં.૧૦૪૬.

અન્તલિક્ખે પુણ્ણિન્દુ’વ, સીતલપભાદાયકો;

સુદ્ધધમ્મજોતિકરો, બુદ્ધં તં પણમામ્યહં.૧૦૪૭.

સદ્ધમ્મજોતિં જોતેસિ, જુતિવન્તો જુતિન્ધરો;

સબ્બલોકં પજ્જોતેસિ, બુદ્ધં તં પણમામ્યહં.૧૦૪૮.

પભસ્સરો તિલોકગ્ગો, સદ્ધમ્મસ્સ સુદીપકો;

અરિયઞાણં વિત્થારેસિ, બુદ્ધં તં પણમામ્યહં.૧૦૪૯.

ચન્દિમા’વ ગગનતલે, સીતાભા સુપ્પકાસકો;

અનૂનસુખદાયકો, બુદ્ધં તં પણમામ્યહં.૧૦૫૦.

જલિતપ્પદીપં દિત્તો, તિલોકસ્સતિમિરહરો;

અરિયમગ્ગં જોતેસિ, બુદ્ધં તં પણમામ્યહં.૧૦૫૧.

જુતિઙ્કરો જોતિધરો, પભઙ્કરો પભાધરો;

આભાધરો આભાકરો, બુદ્ધં તં પણમામ્યહં.૧૦૫૨.

અવિજ્જાતમં ધંસેસિ, વિજ્જાભાનુસમુજ્જલો;

ધમ્મવિભા વિભાસેસિ, બુદ્ધં તં પણમામ્યહં.૧૦૫૩.

તિલોકતિમિરં હન્તા, મેધામુદ્ધાસમુજ્જલો;

લોકાલોકકરો નાથો, બુદ્ધં તં પણમામ્યહં.૧૦૫૪.

મોહતિમિરં ધંસેસિ, પભાકરો પદીપકો;

સચ્ચધમ્મં પકાસેસિ, બુદ્ધં તં પણમામ્યહં.૧૦૫૫.

કરુણારુણો આલોકો, પઞ્ઞારંસિપકાસકો;

અવિજ્જાવરણભિન્નો, બુદ્ધં તં પણમામ્યહં.૧૦૫૬.

કરુણાકરો પઞ્ઞાભો, તિભવે આલોકઙ્કરો;

સન્તિરસ્મી વિપ્ફારેસિ, બુદ્ધં તં પણમામ્યહં.૧૦૫૭.

પુણ્ણિન્દુ વિય સુદિત્તો, ઞાણિન્દુ ઞાણપુણ્ણિકો;

સદ્ધમ્માભા પભાસેસિ, બુદ્ધં તં પણમામ્યહં.૧૦૫૮.

મોહતિમિસિકાછિન્નો, દીપઙ્કરો સુદીપિતો;

બોધિપ્પભા પભાસેસિ, બુદ્ધં તં પણમામ્યહં.૧૦૫૯.

અવિજ્જાનિસા નાસેસિ, તિલોકે ધમ્મસૂરિયો;

ધમ્મરંસિં વિકિરેસિ, બુદ્ધં તં પણમામ્યહં.૧૦૬૦.

અવિજ્જાચ્છાદિતે લોકે, વિજ્જાલોકં વિકાસયી;

ધમ્મપ્પભા વિસજ્જેસિ, બુદ્ધં તં પણમામ્યહં.૧૦૬૧.

મોહનિસા વિનાસેસિ, ધમ્મુજ્જલો દિવાકરો;

લોકાલોકં આલોકેસિ, બુદ્ધં તં પણમામ્યહં.૧૦૬૨.

તિભવસ્સ તમોહન્તા, તેજસ્સી જિનસૂરિયો;

આભસ્સરો આભાપુણ્ણો, બુદ્ધં તં પણમામ્યહં.૧૦૬૩.

ભદ્દતેજો મહાતેજો, તિબ્બતેજો તેજબહૂ;

ઝાનતેજો ઞાણતેજો, બુદ્ધં તં પણમામ્યહં.૧૦૬૪.

ઉગ્ગતેજો અગ્ગતેજો, પુણ્ણતેજો તેજિસ્સરો;

બ્રહ્મતેજો ધમ્મતેજો, બુદ્ધં તં પણમામ્યહં.૧૦૬૫.

સબ્બદિસા પભાસેસિ, સબ્બત્થં સમ્પકાસકો;

મહાપભસ્સરો ઉગ્ગો, બુદ્ધં તં પણમામ્યહં.૧૦૬૬.

ભૂરિપઞ્ઞો પભઙ્કરો, સબ્બથા તમનાસકો;

અરિયસચ્ચં જોતેસિ, બુદ્ધં તં પણમામ્યહં.૧૦૬૭.

રંસિમન્તો રંસિધરો, જોતિમન્તો જોતિકરો;

સહસ્સરંસિ જોતિન્દો, બુદ્ધં તં પણમામ્યહં.૧૦૬૮.

પુણ્ણિન્દુ સદિસદિત્તો, પઞ્ઞાઓભાસો ભાસુરો;

મહામોહતમં ભિન્નો, બુદ્ધં તં પણમામ્યહં.૧૦૬૯.

મોહઅમાવસીનાસી, મહાદિચ્ચો મહપ્પભો;

સબ્બલોકં પભાસેસિ, બુદ્ધં તં પણમામ્યહં.૧૦૭૦.

અઙ્ગારિવ અચ્ચિમન્તો, વિજ્જાદીપો રસ્મિધરો;

મોહતિમિસં ધંસેસિ, બુદ્ધં તં પણમામ્યહં.૧૦૭૧.

તમચ્છન્ને ભવે સબ્બે, ઞાણાલોકેન મોચયી;

ધમ્મજોતિં ઉજ્જોતેસિ, બુદ્ધં તં પણમામ્યહં.૧૦૭૨.

અવિજ્જાન્ધકારહન્તા, સબ્બઞ્ઞૂ સબ્બતો પભો;

વિજ્જાયનં પભાસેસિ, બુદ્ધં તં પણમામ્યહં.૧૦૭૩.

સબ્બતમન્તરહિતો, સબ્બથા સબ્બતો પભો;

સબ્બસચ્ચં પકાસેસિ, બુદ્ધં તં પણમામ્યહં.૧૦૭૪.

સબ્બલોકાનુકમ્પાય, સબ્બલોકે જોતિઙ્કરો;

સબ્બલોકે તમોહરો, બુદ્ધં તં પણમામ્યહં.૧૦૭૫.

સબ્બઞ્ઞુતં પકાસેસિ, સબ્બસ્સ દસ્સાવી ઇસિ;

મોહમૂલં વિદ્ધંસેસિ, બુદ્ધં તં પણમામ્યહં.૧૦૭૬.

જલન્તો ઞાણતેજેન, તિક્ખતેજો અતિસયો;

ઞાણંસુમાલી આતાપી, બુદ્ધં તં પણમામ્યહં.૧૦૭૭.

મોહતમં વિનાસેસિ, ધમ્મજોતિપકાસકો;

બહુજને પહાસેસિ, બુદ્ધં તં પણમામ્યહં.૧૦૭૮.

ઘોરતમાચ્છન્નલોકે, મહાઞાણેન મોચયી;

ધમ્માલોકં પકાસેસિ, બુદ્ધં તં પણમામ્યહં.૧૦૭૯.

કરુણારુણો જોતિદો, સબ્બસોકપનૂદનો;

તણ્હાતિમિરં ધંસેસિ, બુદ્ધં તં પણમામ્યહં.૧૦૮૦.

તમાચ્છન્ને સબ્બલોકે, ધમ્માલોકકરો પભૂ;

અવિજ્જાભન્તિભઞ્જકો, બુદ્ધં તં પણમામ્યહં.૧૦૮૧.

અવિજ્જાવરણં છેત્વા, વિજ્જાલોકપભાસકો;

પઞ્ઞાપ્પભા પભંકારી, બુદ્ધં તં પણમામ્યહં.૧૦૮૨.

ઘોરતમં નિદ્ધંસેસિ, વિદ્ધંસેસિ તયો ભવે;

નરાદિચ્ચો વરાદિચ્ચો, બુદ્ધં તં પણમામ્યહં.૧૦૮૩.

ઞાણજોતિં પજ્જોતેસિ, મોહાવરણનાસકો;

ધમ્મપ્પભં પભાસેસિ, બુદ્ધં તં પણમામ્યહં.૧૦૮૪.

ધમ્મજોતિં વિજોતેસિ, પાપતમનિદ્ધંસકો;

મોક્ખાયનં પકાસેસિ, બુદ્ધં તં પણમામ્યહં.૧૦૮૫.

ધમ્મદીપં પદીપેસિ, પાપાવરણ છેદકો;

મુત્તિપથં પઞ્ઞાપેસિ, બુદ્ધં તં પણમામ્યહં.૧૦૮૬.

પઞ્ઞાભાનુ પઞ્ઞાપ્પભો, ઉદ્ધતં અન્ધતમં હરો;

લોકાલોકં પકાસેસિ, બુદ્ધં તં પણમામ્યહં.૧૦૮૭.

ધમ્મદીપપજ્જલિતો, મોહતમસન્દાલકો;

વરધમ્મમુજ્જોતેસિ, બુદ્ધં તં પણમામ્યહં.૧૦૮૮.

પઞ્ઞા’લોકં પજ્જલેસિ, તમક્ખન્ધપ્પદાલકો;

પઞ્ચક્ખન્ધં નિરોધેસિ, બુદ્ધં તં પણમામ્યહં.૧૦૮૯.

ધમ્મભાનુ ભબ્બપ્પભો, સબ્બઞાણતમં હતો;

ઉજ્જલો જોતિજ્જલિતો, બુદ્ધં તં પણમામ્યહં.૧૦૯૦.

પઞ્ઞાજોતિપ્પભન્ધરો, સબ્બલોકાલોકકરો;

મોક્ખધમ્મં પભાસેસિ, બુદ્ધં તં પણમામ્યહં.૧૦૯૧.

અવિજ્જાન્ધકારં હન્તા, ધમ્માલોકપ્પકાસકો;

પભાકારી આભાકારી, બુદ્ધં તં પણમામ્યહં.૧૦૯૨.

ઓજસ્સી ઓજસમ્પન્નો, તપસ્સી તપસેખરો;

તેજભૂસિતો તેજસ્સી, બુદ્ધં તં પણમામ્યહં.૧૦૯૩.

ધમ્મમઙ્ગલસમ્મતો, ધમ્માભાપરિમણ્ડિતો;

ધમ્મં સુટ્ઠુપરિવુત્તો, બુદ્ધં તં પણમામ્યહં.૧૦૯૪.

પઞ્ઞાભાપરિમણ્ડિતો, પઞ્ઞાભાપરિદીપકો;

પઞ્ઞંસુમા પઞ્ઞચ્ચિમા, બુદ્ધં તં પણમામ્યહં.૧૦૯૫.

અંસુમન્તો આભાવન્તો, તેજવન્તો જુતિકરો;

પભાવન્તો સોભાવન્તો, બુદ્ધં તં પણમામ્યહં.૧૦૯૬.

કોટિભાનુસમપ્પભો, ચન્દિમા’વ સમુજ્જલો;

અભિક્કન્તો અધિક્કન્તો, બુદ્ધં તં પણમામ્યહં.૧૦૯૭.

સબ્બકઙ્ખા નિવારેસિ, મારસેન વિધૂપકો;

સબ્બલોકં ઓભાસેસિ, બુદ્ધં તં પણમામ્યહં.૧૦૯૮.

અમિતાભો અતુલાભો, લોકે અમિતાલોકદા;

અમિતોજો અતુલોજો, બુદ્ધં તં પણમામ્યહં.૧૦૯૯.

સબ્બલોકં પભાસેસિ, અબ્ભામુત્તો’વ ચન્દિમા;

સુદ્ધં સદ્ધમ્મં દીપેસિ, બુદ્ધં તં પણમામ્યહં.૧૧૦૦.

અગ્ગિ યથા પજ્જલિતો, દેવતા’વ વિરોચયિ;

મહા’વિજ્જા વિદ્ધંસેસિ, બુદ્ધં તં પણમામ્યહં.૧૧૦૧.

સન્તિધમ્મં પકાસેસિ, સુરિયો તમચ્છદ્દકો;

સન્તતં સન્તિં પસારેસિ, બુદ્ધં તં પણમામ્યહં.૧૧૦૨.

લોકમિત્તો લોકહિતો, લોકબન્ધુ લોકસખા;

તિલોકે આલોકકરો, બુદ્ધં તં પણમામ્યહં.૧૧૦૩.

પીતિપસ્સદ્ધિખાયી ચ, પીતિરસપાયી બહૂ;

પીતિભક્ખી પીતિમનો, બુદ્ધં તં પણમામ્યહં.૧૧૦૪.

પીતિપામોજ્જજનકો, પરમં સુખં ભોજકો;

પટિસલ્લાનનિરતો, બુદ્ધં તં પણમામ્યહં.૧૧૦૫.

બોધિતેજો બોધિરંસિ, બોધિપ્પભાય મણ્ડિતો;

બ્રહ્મતેજો બ્રહ્મરંસિ, બુદ્ધં તં પણમામ્યહં.૧૧૦૬.

બ્રહ્મકાયો બ્રહ્મરૂપો, બ્રહ્મધમ્મો યો બ્રાહ્મણો;

બ્રહ્મપત્તો બ્રહ્મભૂતો, બુદ્ધં તં પણમામ્યહં.૧૧૦૭.

બ્રહ્મપઞ્ઞો બ્રહ્મચારી, બ્રહ્મવિહારી બ્રહ્મઞ્ઞૂ;

બ્રહ્મચક્ખુ ધમ્મચક્ખુ, બુદ્ધં તં પણમામ્યહં.૧૧૦૮.

બહૂપકારી મેત્તાવા, મહાકારુઞ્ઞમાનસો;

મુત્તિનયં નિદ્દેસેસિ, બુદ્ધં તં પણમામ્યહં.૧૧૦૯.

બહૂ ભવોઘા તારેસિ, સુદક્ખો નાવિકો યથા;

મેત્તાવેગપરક્કમી, બુદ્ધં તં પણમામ્યહં.૧૧૧૦.

કલ્યાણકામી નિબ્બનો, અનન્તકરુણાલયો;

અનૂનક કલ્યાણઞ્ઞૂ, બુદ્ધં તં પણમામ્યહં.૧૧૧૧.

ચક્ખુદદો ઞાણદદો, સબ્બલોકાનુકમ્પકો;

કરુણાપુણ્ણમાનસો, બુદ્ધં તં પણમામ્યહં.૧૧૧૨.

કલ્યાણચિત્તો અચણ્ડો, મેત્તામનો અક્કોધનો;

વિસુદ્ધચિત્તો અક્કોસો, બુદ્ધં તં પણમામ્યહં.૧૧૧૩.

કલ્યાણકારી કલ્યાણો, કલ્યાણપથનાયકો;

કલ્યાણપારમીપ્પત્તો, બુદ્ધં તં પણમામ્યહં.૧૧૧૪.

નિસ્સીમકરુણાકારી, ઉસ્સન્નકરુણાનિધી;

ગંભીરકરુણાલયો, બુદ્ધં તં પણમામ્યહં.૧૧૧૫.

મહાકારુણિકો ધીરો, કરુણાઞાણસાગરો;

અતીવકરુણાકારી, બુદ્ધં તં પણમામ્યહં.૧૧૧૬.

કલ્યાણકારી કારુઞ્ઞો, કલ્યાણમિત્તો મેત્તવા;

કલ્યાણં ધમ્મં દેસેસિ, બુદ્ધં તં પણમામ્યહં.૧૧૧૭.

કરુણાહદયો નાથો, ખેમિનો ખેમમાનસો;

મુદિતચિત્તો માદકો, બુદ્ધં તં પણમામ્યહં.૧૧૧૮.

ચક્કવત્તિં વિવજ્જિત્વા, પત્તો સબ્બઞ્ઞુતં બુધો;

નિસ્સેસં કરુણાસિન્ધુ, બુદ્ધં તં પણમામ્યહં.૧૧૧૯.

કોધદોસમહાઅગ્ગિં, મેત્તોદકેન સિઞ્ચયી;

સબ્બલોકસ્સ હિતકારી, બુદ્ધં તં પણમામ્યહં.૧૧૨૦.

કરુણાસીતલચિત્તો, સબ્બસત્તાનુકમ્પકો;

કલ્યાણધમ્મેન યુત્તો, બુદ્ધં તં પણમામ્યહં.૧૧૨૧.

દયોદધિ દયાનિધિ, દયાલુ દયાસાગરો;

દયાધિપો દયાનાથો, બુદ્ધં તં પણમામ્યહં.૧૧૨૨.

મહાદયો મહોદયો, મહાસયો મહેસિ યો;

સદાદયો સદાસયો, બુદ્ધં તં પણમામ્યહં.૧૧૨૩.

હિતદો સબ્બસત્તાનં, સબ્બેસાનં સુખદદો;

સન્તિદો સબ્બપાણાનં, બુદ્ધં તં પણમામ્યહં.૧૧૨૪.

પજ્જુન્નોરિવ ભૂતાનિ, ધમ્મમેઘેન વસ્સિતા;

સન્તિસુખકરો લોકે, બુદ્ધં તં પણમામ્યહં.૧૧૨૫.

પરપેક્ખી પરસેવી, પરસુખકારી ઇસિ;

પરહિતેસી પરત્થી, બુદ્ધં તં પણમામ્યહં.૧૧૨૬.

ચતુસચ્ચં પકાસેસિ, અનુકમ્પાય પાણિનં;

બહૂજને સન્તારેસિ, બુદ્ધં તં પણમામ્યહં.૧૧૨૭.

સદા સન્તો સન્તિદાયી, સુખિતો સુખદાયકો;

ધમ્મમેઘં પવસ્સેસિ, બુદ્ધં તં પણમામ્યહં.૧૧૨૮.

બહુજનહિતત્થાય, અનેકભવં સંસરિ;

બહુજનં ઉદ્ધારેસિ, બુદ્ધં તં પણમામ્યહં.૧૧૨૯.

બહૂનં હિતસુખાય, પરિપૂરેસિ પારમી;

મોક્ખમગ્ગં ગવેસેસિ, બુદ્ધં તં પણમામ્યહં.૧૧૩૦.

સબ્બત્થ સમત્તચિત્તો, સબ્બપાણાનુકમ્પકો;

સબ્બદા કરુઞ્ઞચિત્તો, બુદ્ધં તં પણમામ્યહં.૧૧૩૧.

સબ્બમિત્તો સબ્બસખો, સબ્બભૂતાનુકમ્પકો;

સબ્બસત્તહિતકરો, બુદ્ધં તં પણમામ્યહં.૧૧૩૨.

સબ્બેસાનં હિતચિન્તી, સબ્બેસાનં સુખાવહો;

સબ્બેસાનં અનુકમ્પી, બુદ્ધં તં પણમામ્યહં.૧૧૩૩.

સમ્પુણ્ણસુકુમારઙ્ગો, અઙ્ગપચ્ચઙ્ગ સોભનો;

વણ્ણનીયો વન્દનીયો, બુદ્ધં તં પણમામ્યહં.૧૧૩૪.

સબ્બસોભા સુસોભિતો, સબ્બમહિમામણ્ડિતો;

સબ્બપજાનં વલ્લભો, બુદ્ધં તં પણમામ્યહં.૧૧૩૫.

રુચિરો અભિરુચિરો, અભિરૂપો સુરૂપવા;

અનોમવણ્ણો સુવણ્ણો, બુદ્ધં તં પણમામ્યહં.૧૧૩૬.

કન્તવણ્ણો કન્તરૂપો, કન્તકિત્તિ કન્તયસો;

કન્તજુણ્હો કન્તજોતિ, બુદ્ધં તં પણમામ્યહં.૧૧૩૭.

છળભિઞ્ઞાપ્પત્તો ધીમા, છવિવણ્ણો સુદસ્સનો;

છબ્બણ્ણરંસી સોભનો, બુદ્ધં તં પણમામ્યહં.૧૧૩૮.

કઞ્ચનગ્ઘિયસઙ્કાસો, નિદ્દોસો કનકત્તચો;

સોણ્ણાનનો સુરુચિરો, બુદ્ધં તં પણમામ્યહં.૧૧૩૯.

પભાહિ અનુરઞ્જેસિ, મોક્ખપન્થપકાસકો;

ધમ્મરસ્મિપરિક્ખિત્તો, બુદ્ધં તં પણમામ્યહં.૧૧૪૦.

સીહહનુ’સભક્ખન્ધો, ઞાણનિભામણ્ડિતો;

સુમુખો સુન્દરો એસો, બુદ્ધં તં પણમામ્યહં.૧૧૪૧.

કન્તિયુત્તો કન્તિદત્તો, મનોજો મનમોદનો;

સબ્બજને પમોદેસિ, બુદ્ધં તં પણમામ્યહં.૧૧૪૨.

સુવણ્ણો સુવણ્ણવણ્ણો, હેમવણ્ણો વણ્ણુત્તમો;

હિરઞ્ઞવણ્ણો હેમાંસુ, બુદ્ધં તં પણમામ્યહં.૧૧૪૩.

કન્તકાયો કન્તસોભો, કન્તઆભો કન્તપભો;

કન્તદસ્સનો કન્તિમા, બુદ્ધં તં પણમામ્યહં.૧૧૪૪.

મુદુધવલુણ્ણો ચાપિ, અવિરળદન્તાવલી;

ઉસ્સઙ્ખપાદો ભગવા, બુદ્ધં તં પણમામ્યહં.૧૧૪૫.

દીઘતનુ દીઘજિવ્હો, દીઘબાહુ દીઘઙ્ગુલી;

સુદળ્હહત્થચરણો, બુદ્ધં તં પણમામ્યહં.૧૧૪૬.

બ્રહ્મઘોસો એણિજઙ્ઘો, ઉજુદેહો બ્રહ્માસમો;

રસઞ્ઞૂ રસગ્ગસગ્ગી, બુદ્ધં તં પણમામ્યહં.૧૧૪૭.

નીલક્ખી દીઘપણ્હી ચ, કનકતુઙ્ગનાસિકો;

ચક્કવરઙ્કિતપાદો, બુદ્ધં તં પણમામ્યહં.૧૧૪૮.

ચત્તાલીસસમદન્તો, તરુણવચ્છ પખુમો;

સીહો’વ પુબ્બદ્ધકાયો, બુદ્ધં તં પણમામ્યહં.૧૧૪૯.

લોમકૂપેકલોમો ચ, કઞ્ચનસદિસત્તચો;

ઓદાતદાઢાસમ્પન્નો, બુદ્ધં તં પણમામ્યહં.૧૧૫૦.

સુનીલમુદ્ધગ્ગલોમો, બ્યામપ્પભાસુમણ્ડિતો;

જાલિકહત્થચરણો, બુદ્ધં તં પણમામ્યહં.૧૧૫૧.

કોસોહિતવત્થગુય્હો, સુપ્પતિટ્ઠિતચરણો;

સીહહનુ’ણ્હીસસીસો, બુદ્ધં તં પણમામ્યહં.૧૧૫૨.

સબ્બમહાપુરિસઙ્ગો, બત્તિંસલક્ખણધરો;

અસીતાનુબ્યઞ્જનો યો, બુદ્ધં તં પણમામ્યહં.૧૧૫૩.

અતિવિય મનુઞ્ઞો ચ, અતિવિય મનોરમો;

અતિવિય મનોહારી, બુદ્ધં તં પણમામ્યહં.૧૧૫૪.

અચ્ચન્તકન્તિમા કન્તો, સોભનો પિયદસ્સનો;

બત્તિંસલક્ખણપુણ્ણો, બુદ્ધં તં પણમામ્યહં.૧૧૫૫.

કન્તાભો કઞ્ચનવણ્ણો, કઞ્ચનાનનલોચનો;

કઞ્ચનાચલસઙ્કાસો, બુદ્ધં તં પણમામ્યહં.૧૧૫૬.

કમનીયો કન્તનીયો, કઞ્ચનં’વ જુતિકરો;

પદુમપત્તક્ખો રૂપી, બુદ્ધં તં પણમામ્યહં.૧૧૫૭.

કલ્યાણદસ્સનો જુણ્હો, દિત્તો’વ કનકાચલો;

જુતિમા દિબ્બદસ્સનો, બુદ્ધં તં પણમામ્યહં.૧૧૫૮.

વરલક્ખણલઙ્કિતો, સબ્બતો સબ્બસુન્દરો;

સોમ્મ સબ્બઙ્ગસોભનો, બુદ્ધં તં પણમામ્યહં.૧૧૫૯.

ગુણાનમાકરો પુજ્જો, કરવીકરુતસ્સરો;

વરલક્ખણઆકિણ્ણો, બુદ્ધં તં પણમામ્યહં.૧૧૬૦.

મહાકાયો બ્રહાકાયો, બ્રહ્મકાયો કાયઉજૂ;

કન્તિકાયો સન્તિકાયો, બુદ્ધં તં પણમામ્યહં.૧૧૬૧.

અચ્ચન્તસુખુમાલઙ્ગો, અચ્ચન્તમુદુલતનુ;

અચ્ચન્તસુન્દરો સામી, બુદ્ધં તં પણમામ્યહં.૧૧૬૨.

જનનેત્તો જનમોળિ, પસન્નનયનાનનો;

કુમુદાનનલોચનો, બુદ્ધં તં પણમામ્યહં.૧૧૬૩.

પસન્નચિત્તો પસાદો, પણીતો અતિસોભિતો;

પરિયોદાતો પરમો, બુદ્ધં તં પણમામ્યહં.૧૧૬૪.

ભબ્બરૂપો ભદ્દરૂપો, ભદ્દભાણી ભદ્દમુખો;

ભસ્સરો ભાસુરો ભિય્યો, બુદ્ધં તં પણમામ્યહં.૧૧૬૫.

મઞ્જુઘોસો મઞ્જુવાણી, મઞ્જુભાણી મઞ્જુસ્સરો;

મઞ્જુભાસી મુદુભાસી, બુદ્ધં તં પણમામ્યહં.૧૧૬૬.

મુદુકાયો મુદુચિત્તો, મુદુકો મુદુલક્ખણો;

મુદુમનો મુદુભણો, બુદ્ધં તં પણમામ્યહં.૧૧૬૭.

વરલક્ખણસમ્પન્નો, સબ્બઙ્ગસમન્નાગતો;

સબ્બલોકે સબ્બુત્તમો, બુદ્ધં તં પણમામ્યહં.૧૧૬૮.

સુસોભિતો સોભાયુત્તો, સન્તિભૂસનભૂસિતો;

તિલોકસ્સ તુઙ્ગકેતું, બુદ્ધં તં પણમામ્યહં.૧૧૬૯.

ઘોરસંસારોઘતિણ્ણો, મોક્ખલઙ્કાર’લઙ્કતો;

સુસોભયુત્તો સુગુણો, બુદ્ધં તં પણમામ્યહં.૧૧૭૦.

સબ્બગુણસુસમ્પન્નો, સીલાલઙ્કાર’લઙ્કતો;

સદ્ધમ્મરતનસેટ્ઠો, બુદ્ધં તં પણમામ્યહં.૧૧૭૧.

અનન્તકિત્તિવણ્ણો યો, સબ્બસંસારવન્દિતો;

પસિદ્ધો વિસ્સુતો પુજ્જો, બુદ્ધં તં પણમામ્યહં.૧૧૭૨.

સુવન્દિતો સબ્બલોકે, સબ્બલોકે સમ્ભાવિતો;

સમ્માનિતો સબ્બલોકે, બુદ્ધં તં પણમામ્યહં.૧૧૭૩.

દેવાધિદેવવન્દિતો, મહાદેવવિનાયકો;

તિભવવલ્લભો ખ્યાતો, બુદ્ધં તં પણમામ્યહં.૧૧૭૪.

દસ્સનેય્યો થોમનેય્યો, પસંસનેય્યો પામોક્ખો;

વણ્ણનીયો વન્દનીયો, બુદ્ધં તં પણમામ્યહં.૧૧૭૫.

પસાદનીયો પસીદો, પાસાદિકો પસ્સદ્ધિકો;

પૂજનીયો અચ્ચનીયો, બુદ્ધં તં પણમામ્યહં.૧૧૭૬.

અપચિતો સક્કારિતો, પથિતો અભિવાદિતો;

નિસ્સીમસિલાઘાપ્પત્તો, બુદ્ધં તં પણમામ્યહં.૧૧૭૭.

તિભવવન્દિતો ભિય્યો, ઓરં તીરં પારઙ્ગતો;

અનઘો પઞ્ઞસેખરો, બુદ્ધં તં પણમામ્યહં.૧૧૭૮.

બલવન્તો ફલવન્તો, બહૂહિ બહુમાનિતો;

બહૂપકારી બોધિન્દો, બુદ્ધં તં પણમામ્યહં.૧૧૭૯.

સબ્બલોકે નમસ્સિતો, સબ્બલોકે સમ્માનિતો;

મનુજામરસક્કતો, બુદ્ધં તં પણમામ્યહં.૧૧૮૦.

લોકાનં ઉત્તમો પુજ્જો, સુસક્કતો સગારવો;

વણ્ણકિત્તિભતો કન્તો, બુદ્ધં તં પણમામ્યહં.૧૧૮૧.

ખ્યાતો પખ્યાતો સુખ્યાતો, વિસ્સવિખ્યાતો વન્દિતો;

વણ્ણાધિકો વિત્થારિકો, બુદ્ધં તં પણમામ્યહં.૧૧૮૨.

સબ્બસેટ્ઠો સબ્બજેટ્ઠો, સબ્બસુદ્ધો સબ્બુત્તમો;

સબ્બવન્દિતો માનિતો, બુદ્ધં તં પણમામ્યહં.૧૧૮૩.

સબ્બે દેવેનુવત્તેસિ, સબ્બદેવવિનાયકો;

તિલોકમહિતો નાથો, બુદ્ધં તં પણમામ્યહં.૧૧૮૪.

સબ્બલોકસ્સ વિનેતા, સબ્બલોકતિકિચ્છકો;

સબ્બેસં સેટ્ઠો ધમ્મટ્ઠો, બુદ્ધં તં પણમામ્યહં.૧૧૮૫.

સબ્બલોકાભિભૂ વીરો, સબ્બલોકુત્તમો જિનો;

વિસ્સુતો સબ્બલોકમ્હિ, બુદ્ધં તં પણમામ્યહં.૧૧૮૬.

સબ્બાભિઞ્ઞાપરિપુણ્ણો, સબ્બલોકસ્મિં વિસ્સુતો;

સમન્તચક્ખૂ પસિદ્ધો, બુદ્ધં તં પણમામ્યહં.૧૧૮૭.

સબ્બલોકહિતો નાથો, સબ્બલોકસુખાવહો;

સુપૂજિતો સબ્બલોકે, બુદ્ધં તં પણમામ્યહં.૧૧૮૮.

સબ્બિચ્છં અનિચ્છન્તો, ઉચ્છિન્નછન્દો સબ્બધિ;

મહાતણ્હાણ્ણવુત્તિણ્ણો, બુદ્ધં તં પણમામ્યહં.૧૧૮૯.

યથાપેક્ખી તથા’ક્ખાસિ, સબ્બથા સચ્ચમાનસો;

અવિતથં વિઞ્ઞાપેસિ, બુદ્ધં તં પણમામ્યહં.૧૧૯૦.

ઞાણઞ્ઞૂ ઞાણસમ્પન્નો, પઞ્ઞાસમ્પન્નો પઞ્ઞવા;

ધમ્મોજો ધમ્મપ્પસન્તો, બુદ્ધં તં પણમામ્યહં.૧૧૯૧.

સુગુણેસુ સુસમ્પન્નો, સાધુ સપ્પુરિસો સુધી;

મહાસુમતિસાગરો, બુદ્ધં તં પણમામ્યહં.૧૧૯૨.

નામદસ્સી રૂપદસ્સી, તપસ્સી ચ તપોનિધિ;

યથાભૂતં વિપસ્સી ચ, બુદ્ધં તં પણમામ્યહં.૧૧૯૩.

ઉપેતો બુદ્ધધમ્મેહિ, અટ્ઠારસહિ નાયકો;

ઇદ્ધિપ્પત્તો મહાસિદ્ધો, બુદ્ધં તં પણમામ્યહં.૧૧૯૪.

સીલઞ્ચ સમાધિં પત્તો, પત્તો પઞ્ઞં નિય્યાનિકં;

પરિપુણ્ણધમ્મપ્પત્તો, બુદ્ધં તં પણમામ્યહં.૧૧૯૫.

પરિસુદ્ધધમ્મપ્પત્તો, સબ્બવિપલ્લાસનુદો;

તિભવાણ્ણવનિત્તિણ્ણો, બુદ્ધં તં પણમામ્યહં.૧૧૯૬.

રાગાનલં નિબ્બાપેસિ, સીતિભૂતો સીતઙ્કરો;

સન્તિસુધા વસ્સાપેસિ, બુદ્ધં તં પણમામ્યહં.૧૧૯૭.

તિત્થિયે સુનિમ્મદ્દિત્વા, ઠપેત્વા મિચ્છામઞ્ઞિતં;

સચ્ચધમ્મે પતિટ્ઠેસિ, બુદ્ધં તં પણમામ્યહં.૧૧૯૮.

વિમુત્તો માનુસાસત્તિં, દિબ્બાસત્તિં ઉપચ્ચગો;

સબ્બાસત્તિવિનિમ્મુત્તો, બુદ્ધં તં પણમામ્યહં.૧૧૯૯.

તિભવેતિમિરહરો, બોધિઞાણપ્પભન્ધરો;

ધમ્મપ્પદીપકો ભબ્બો, બુદ્ધં તં પણમામ્યહં.૧૨૦૦.

ઝાનિકો ઝાનસમ્પન્નો, અઞ્ઞાણધેય્યધંસકો;

સુટ્ઠુઝાની મહાઝાની, બુદ્ધં તં પણમામ્યહં.૧૨૦૧.

તણ્હક્ખયપ્પત્તો નાગો, ભવનેત્તિપચ્છિન્દકો;

આસત્તિં પરિમદ્દેસિ, બુદ્ધં તં પણમામ્યહં.૧૨૦૨.

સબ્બકમ્મકિલેસાનિ, અનવસેસ વાહયી;

ધમ્મગઙ્ગા પવાહેસિ, બુદ્ધં તં પણમામ્યહં.૧૨૦૩.

દમપ્પત્તો યમપ્પત્તો, સમપ્પત્તો સમાચરો;

ધુવં સસ્સતં સમ્પત્તો, બુદ્ધં તં પણમામ્યહં.૧૨૦૪.

બુદ્ધિમા મુતિમા ચેવ, મતિમા ચ મતિસ્સરો;

મુત્તિમા મેત્તમાનસો, બુદ્ધં તં પણમામ્યહં.૧૨૦૫.

ઠાનાઠાનેસુ કુસલો, ધમ્મેસુ અતિકોવિદો;

લદ્ધમેધો સુમેધાવી, બુદ્ધં તં પણમામ્યહં.૧૨૦૬.

ભવદુક્ખોઘનિત્તિણ્ણો, તણ્હાપહાનપારગૂ;

અઞ્ઞાણનિસા નાસેસિ, બુદ્ધં તં પણમામ્યહં.૧૨૦૭.

ધીરહદયો ધોરય્હો, સંવુતો સંયતમનો;

ગુત્તિન્દ્રિયો ગુત્તમાનો, બુદ્ધં તં પણમામ્યહં.૧૨૦૮.

સુસંવુતો સન્તિન્દ્રિયો, સન્તુટ્ઠો સુસમાહિતો;

વિજ્જાચરણસમ્પુણ્ણો, બુદ્ધં તં પણમામ્યહં.૧૨૦૯.

જાતિચક્કં વિચુણ્ણેસિ, નત્થિ દાનિ પુનબ્ભવો;

તિલોકઓઘનિત્તિણ્ણો, બુદ્ધં તં પણમામ્યહં.૧૨૧૦.

અસંસટ્ઠો અગારેહિ, અનાગારેહિ ચૂભયં;

અનોકસારી અસઙ્ગો, બુદ્ધં તં પણમામ્યહં.૧૨૧૧.

પહીનજાતિમરણો, અનુપાદાય નિબ્બુતો;

સંસારસાગરં તિણ્ણો, બુદ્ધં તં પણમામ્યહં.૧૨૧૨.

મગ્ગગવેસી મગ્ગગૂ, મગ્ગક્ખાતો તથાગતો;

અમતમગ્ગં દસ્સાવી, બુદ્ધં તં પણમામ્યહં.૧૨૧૩.

યથા અદક્ખિ અક્ખાસિ, ભગવા ભૂરિમેધસો;

નિક્કામો નિમ્મલો નાથો, બુદ્ધં તં પણમામ્યહં.૧૨૧૪.

મોનેય્યસેટ્ઠો મુનિન્દો, રતિં ચ અરતિં ચુતો;

ભયાતીતો ભવાતીતો, બુદ્ધં તં પણમામ્યહં.૧૨૧૫.

પબુદ્ધપરિણાયકો, અતિઉચ્ચુપકારકો;

સબ્બોચ્ચસુખદાયકો, બુદ્ધં તં પણમામ્યહં.૧૨૧૬.

અમલિનો અમલિચ્છો, નિમ્મલો મલમજ્જનો;

મદમદ્દો વીતમદો, બુદ્ધં તં પણમામ્યહં.૧૨૧૭.

અપચિતો નમસ્સિતો, પથિતો અભિવાદિતો;

દેવમનુજઅચ્ચિતો, બુદ્ધં તં પણમામ્યહં.૧૨૧૮.

બ્યામપ્પભાભિરુચિતો, દ્વત્તિંસલક્ખણદ્ધરો;

અનુબ્યઞ્જનસમ્પન્નો, બુદ્ધં તં પણમામ્યહં.૧૨૧૯.

અદણ્ડેન અસત્થેન, ધમ્મેન અનુસાસયિ;

ઉદ્ધરેસિ બહૂ સત્તે, બુદ્ધં તં પણમામ્યહં.૧૨૨૦.

ધઞ્ઞો ધમ્મસુધા પાયી, તણ્હાવિસવિદ્ધંસકો;

સબ્બાવિજ્જં વિચુણ્ણેસિ, બુદ્ધં તં પણમામ્યહં.૧૨૨૧.

ધઞ્ઞો નાથો! ધઞ્ઞો સામી! ધઞ્ઞો મારાભિભૂ મુની!

ધઞ્ઞો વિજિતસઙ્ગામો! બુદ્ધં તં પણમામ્યહં.૧૨૨૨.

ઝાનારામો ઝાનરતો, ધમ્મારામો ધમ્મરતો;

અહો! અહો! પારઙ્ગતો, બુદ્ધં તં પણમામ્યહં.૧૨૨૩.

પુણ્ડરીકો’વ નિલ્લિત્તો, પસ્સ તસ્સ વિસુદ્ધતં;

અલગ્ગમાનસો એકો, બુદ્ધં તં પણમામ્યહં.૧૨૨૪.

અહો! બુદ્ધો! અહો! સુદ્ધો! અહો! સંસુદ્ધમાનસો!

અહો! અહો! મેત્તાસિન્ધુ! બુદ્ધં તં પણમામ્યહં.૧૨૨૫.

સીલવિસુદ્ધો, ચિત્તવિસુદ્ધો, દિટ્ઠિવિસુદ્ધો નમો નમો;

ધમ્મવિહારી, મઙ્ગલકારી, જનહિતકારી નમો નમો.

મહાતપસ્સી, ધમ્મવિપસ્સી, અક્ખયદસ્સી નમો નમો;

મગ્ગગવેસી, લોકહિતેસી, બુદ્ધમહેસી નમો નમો.