📜

નમો તસ્સ ભગવતો અરહતો સમ્માસમ્બુદ્ધસ્સ

વિનયપિટક

સંગાયનસ્સ પુચ્છા વિસ્સજ્જના

ઓકાસ દાનકથા

સુણાતુ ¶ મે ભન્તે સઙ્ઘો, મહતી અયં પરિસા, એવરૂપાય પરિસાય ન સુકરા સબ્બસો કથં સાવેતું, તસ્મા આયસ્મતો ચ જવનત્થેરસ્સ પખુક્કૂનગરવાસિનો આયસ્મતો ચ વિચિત્તસારાભિવંસસ્સ તિપિટકધર ધમ્મભણ્ડાગારિકસ્સ વિનયપુચ્છનભારઞ્ચ વિનયવિસ્સજ્જન ભારઞ્ચ આવહિતું ઓકાસં દમ્મિ, કરોથ તુમ્હે આવુસો છટ્ઠસંગીતિપુબ્બઙ્ગમાનિ વિનયપુચ્છન વિનયવિસ્સજ્જન કિચ્ચાનિ યથાધમ્મં યથાવિનયં.

અગ્ગમહાપણ્ડિત ¶ ભદન્તજવન મહાથેરેન

ઠપિતા

પુચ્છક સમ્મુતિ ઞાત્તિ

સુણાતુ મે ભન્તે સઙ્ઘો, યદિ સઙ્ઘસ્સ પત્તકલ્લં, અહં આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં વિનયં પુચ્છેય્યં.

તિપિટકધર ધમ્મભણ્ડાગારિક

ભદન્તવિચિત્તસારાભિવંસેન

ઠપિતા વિસ્સજ્જક સમ્મુતિ ઞાત્તિ

સુણાતુ મે ભન્તે સઙ્ઘો, યદિ સઙ્ઘસ્સ પત્તકલ્લં, અહં આયસ્મતા જવનત્થેરેન સઙ્ઘનાયક મહાથેરસ્સ પટિનિધિભૂતેન વિનયં પુટ્ઠો વિસ્સજ્જેય્યં.

પઠમ પારાજિક સિક્ખાપુચ્છા

પુચ્છા – યં ¶ તેન આવુસો ભગવતા જાનતા પસ્સતા અરહતા સમ્માસમ્બુદ્ધેન પઠમં પારાજિકં કત્થ પઞ્ઞત્તં.

વિસ્સજ્જના – વેસાલિયં ભન્તે પઞ્ઞત્તં.

પુચ્છા – કં આવુસો આરબ્ભ પઞ્ઞત્તં.

વિસ્સજ્જના – સુદિન્નં ભન્તે કલન્દપુત્તં આરબ્ભ પઞ્ઞત્તં.

પુચ્છા – કિસ્મિં આવુસો વત્થુસ્મિં પઞ્ઞત્તં.

વિસ્સજ્જના – સુદિન્દો ભન્તે કલન્દપુત્તો પુરાણદુતિયિકાય મેથુનં ધમ્મં પટિસેવિ, તસ્મિં ભન્તે વત્થુસ્મિં પઞ્ઞત્તં.

પુચ્છા – અત્થિ આવુસો તત્થ પઞ્ઞત્તિ અનુપઞ્ઞત્તિ અનુપ્પન્નપઞ્ઞત્તિ.

વિસ્સજ્જના – એકા ભન્તે પઞ્ઞત્તિ દ્વે અનુપઞ્ઞત્તિયો, અનુપ્પન્નપઞ્ઞત્તિ તસ્મિં નત્થિ.

પુચ્છા – સબ્બત્થપઞ્ઞત્તિનુખો ¶ આવુસો પદેસપઞ્ઞત્તિનુખો.

વિસ્સજ્જના – સબ્બત્થપઞ્ઞત્તિ ભન્તે.

પુચ્છા – સાધારણપઞ્ઞત્તિનુખો આવુસો અસાધારણપઞ્ઞત્તિનુખો.

વિસ્સજ્જના – સાધારણપઞ્ઞત્તિ ભન્તે.

પુચ્છા – એકતોપઞ્ઞત્તિનુખો આવુસો ઉભતોપઞ્ઞત્તિનુખો.

વિસ્સજ્જના – ઉભતોપઞ્ઞત્તિ ભન્તે.

પુચ્છા – પઞ્ચન્નં આવુસો પાતિમોક્ખુદ્દેસાનં કત્થોગધં કત્થ પરિયાપન્નં.

વિસ્સજ્જના – નિદાનોગધં ¶ ભન્તે નિદાનપરિયાપન્નં.

પુચ્છા – કતમેન આવુસો ઉદ્દેસેન ઉદ્દેસં આગચ્છતિ.

વિસ્સજ્જના – દુતિયેન ભન્તે ઉદ્દેસેન ઉદ્દેસં આગચ્છતિ.

પુચ્છા – ચતુન્નં આવુસો વિપત્તીનં કતમા વિપત્તિ.

વિસ્સજ્જના – સીલવિપત્તિ ભન્તે.

પુચ્છા – કા આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા આવુસો સમ્પત્તિ.

વિસ્સજ્જના – સંવરો ભન્તે સમ્મત્તિ.

પુચ્છા – કા ¶ આવુસો પટિપત્તિ.

વિસ્સજ્જના – ન એવરૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ, અયં ભન્તે પટિપત્તિ.

પુચ્છા – કતિ આવુસો અત્થવસે પટિચ્ચ ભગવતા પઠમં પારાજિકં પઞ્ઞત્તં.

વિસ્સજ્જના – દસ ભન્તે અત્થવસે પટિચ્ચ ભગવતા પઠમં પારાજિકં પઞ્ઞત્તં, ૧ - સઙ્ઘસુટ્ઠુતાય, ૨ - સઙ્ઘફાસુતાય, ૩ - દુમ્મઙ્કૂનં પુગ્ગલાનં નિગ્ગહાય, ૪ - પેસલાનં ભિક્ખૂનં ફાસુવિહારાય, ૫ - દિટ્ઠધમ્મિકાનં આસવાનં સંવરાય, ૬ - સમ્પરાયિકાનં આસવાનં પટિઘાતાય, ૭ - અપ્પસન્નાનં પસાદાય, ૮ - પસન્નાનં ભિય્યોભાવાય, ૯ - સદ્ધમ્મટ્ઠિતિયા, ૧૦ - વિનયાનુગ્ગહાય.

પુચ્છા – કે ¶ આવુસો સિક્ખન્તિ.

વિસ્સજ્જના – સેક્ખાચ ભન્તે પુથુજ્જનકલ્યાણકાચ સિક્ખન્તિ.

પુચ્છા – કે આવુસો સિક્ખિતસિક્ખા.

વિસ્સજ્જના – અરહન્તો ભન્તે સિક્ખિતસિક્ખા.

પુચ્છા – કત્થ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કે આવુસો ધારેન્તિ.

વિસ્સજ્જના – યેસં ભન્તે વત્તતિ તે ધારેન્તિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

સંગાયનત્થાય સઙ્ઘસ્સ ઞાપનં

સુણાતુ મે ભન્તે સઙ્ઘો અહં ભન્તે આયસ્મન્તં વિચિત્થસારાભિવંસં તિપિટકધર ધમ્મભણ્ડાગારિકં પઠમસ્સ પારાજિકસ્સ નિદાનમ્પિ પુચ્છિં, પુગ્ગલમ્પિ પુચ્છિં, વત્થુમ્પિ પુચ્છિં, પઞ્ઞત્તિ અનુપઞ્ઞત્તિઆદીનિપિ પુચ્છિં, પુટ્ઠો પુટ્ઠોચ સો આયસ્માવિચિત્તસારાભિવંસો વિસ્સજ્જેસિ, ઇતિહિદં ભન્તે પઠમં પારાજિક સિક્ખાપદં નિમ્મલં સુપરિસુદ્ધં તસ્સેવ ભગવતો વચનં અરહતો સમ્માસમ્બુદ્ધસ્સ, તસ્મા યથાપુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિય સઙ્ખાતસ્સ બુદ્ધસાસનસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં ધમ્મવિનયં સઙ્ગાયિંસુચેવ અનુસઙ્ગાયિંસુચ, એવમેવ મયમ્પિ દાનિ સબ્બેવ છટ્ઠસંગીતિમહાધમ્મસભાપરિયાપન્ના ઇદં પઠમ પારાજિક સિક્ખાપદં એકતોસજ્ઝાયનવસેન સંગાયેય્યામ.

રેવતાભિ પણ્ડિતધજ સાસનવંસ મહાધમ્મરાજગુરુનો

અભિધજમહારટ્ઠગુરુનોચ સઙ્ઘનાયક મહાથેરસ્સ

ઓકાસ દાનકથા

સુણાતુ ¶ મે ભન્તે સઙ્ઘો, મહતી અયં પરિસા, એવરૂપાય પરિસાય ન સુકરા સબ્બસો કથં સાવેતું, તસ્મા આયસ્મતોચ સોભનસ્સ સાસનરિ સારામાધિવાસિનો આયસ્મતોચ વિચિત્તસારાભિવંસસ્સ તિપિટકધર ધમ્મભણ્ડાગારિકસ્સ વિનયપુચ્છનભારઞ્ચ વિનયવિસ્સજ્જનભારઞ્ચ આવહિતું ઓકાસં દમ્મિ, કરોથ તુમ્હે આવુસો છટ્ઠસંગીતિપુબ્બઙ્ગમાનિ વિનયપુચ્છન વિનયવિસ્સજ્જન કિચ્ચાનિ યથાધમ્મં યથાવિનયં.

અગ્ગમહાપણ્ડિત ભદન્ત સોભનત્થેરેન

ઠપિતા પુચ્છક સમ્મુતિ ઞાત્તિ

સુણાતુ મે ભન્તે સઙ્ઘો, યદિ સઙ્ઘસ્સ પત્તકલ્લં, અહં આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં વિનયં પુચ્છેય્યં.

તિપિટકધર ધમ્મભણ્ડાગારિક

ભદન્તવિચિત્તસારાભિવંસેન

ઠપિતા વિસ્સજ્જક સમ્મુતિ ઞાત્તિ

સુણાતુ ¶ મે ભન્તે સઙ્ઘો, યદિસઙ્ઘસ્સ પત્તકલ્લં, અહં આયસ્મતા સોભનત્થેરેન સઙ્ઘનાયક મહાથેરસ્સ પટિનિધિભૂતેન વિનયં પુટ્ઠો વિસ્સજ્જેય્યં.

દુતિય પારાજિક સિક્ખાપુચ્છા

પુચ્છા – યં ¶ તેન આવુસો ભગવતા જાનતા પસ્સતા અરહતા સમ્માસમ્બુદ્ધેન દુતિયં પારાજિકં કત્થ પઞ્ઞત્તં.

વિસ્સજ્જના – રાજગહે ભન્તે પઞ્ઞત્તં.

પુચ્છા – કં આવુસો આરબ્ભ પઞ્ઞત્તં.

વિસ્સજ્જના – ધનિયં ભન્તે કુમ્ભકારપુત્તં આરબ્ભ પઞ્ઞત્તં.

પુચ્છા – કિસ્મિં આવુસો વત્થુસ્મિં પઞ્ઞત્તં.

વિસ્સજ્જના – ધનિયો ભન્તે કુમ્ભકારપુત્તો રઞ્ઞો દારૂનિ અદિન્નં આદિયિ, તસ્મિં વત્થુસ્મિં પઞ્ઞત્તં.

પુચ્છા – અત્થિ ¶ આવુસો તત્થ પઞ્ઞત્તિ અનુપઞ્ઞત્તિ અનુપ્પન્નપઞ્ઞત્તિ.

વિસ્સજ્જના – એકા ભન્તે પઞ્ઞત્તિ એકા અનુપઞ્ઞત્તિ અનુપ્પન્નપઞ્ઞત્તિ તસ્મિં નત્થિ.

પુચ્છા – કા આવુસો તત્થ મૂલપઞ્ઞત્તિ.

વિસ્સજ્જના – યો પન ભિક્ખુ અદિન્નં થેય્યસઙ્ખાતં આદિયેય્ય, યથારૂપે અદિન્નાદાને રાજાનો ચોરં ગહેત્વા હનેય્યુંવા બન્ધેય્યુંવા પબ્બાજેય્યુંવા ચોરોસિ બાલોસિ મુળ્હોસિ થેનોસીતિ તથારૂપં ભિક્ખુ અદિન્નં આદિયમાનો અયમ્પિ પારાજિકો હોતિ અસંવાસોતિ અયં ભન્તે તત્થ મૂલપઞ્ઞત્તિ.

પુચ્છા – કા ¶ આવુસો તત્થ અનુપઞ્ઞત્તિ.

વિસ્સજ્જના – ગામાવા અરઞ્ઞાવાતિ અયં ભન્તે તત્થ અનુપઞ્ઞત્તિ.

પુચ્છા – કા આવુસો તત્થ પરિપુણ્ણપઞ્ઞત્તિ.

વિસ્સજ્જના – યો પન ભિક્ખુ ગામાવા અરઞ્ઞાવા અદિન્નં થેય્યસઙ્ખાતં આદિયેય્ય, કથારૂપે અદિન્નાદાને રાજાનો ચોરં ગહેત્વા હનેય્યુંવા બન્ધેય્યુંવા પબ્બાજેય્યુંવા ચોરોસિ બાલોસિ મૂળ્હોસિ થેનોસીતિ તથારૂપં ભિક્ખુ અદિન્નં આદિયમાનો અયમ્પિ પારાજિકો હોતિ અસંવાસોતિ અયં ભન્તે તત્થ પરિપુણ્ણપઞ્ઞત્તિ.

પુચ્છા – સબ્બત્થપઞ્ઞત્તિ ¶ નુખો આવુસો પદેસપઞ્ઞત્તિનુખો.

વિસ્સજ્જના – સબ્બત્થપઞ્ઞત્તિ ભન્તે.

પુચ્છા – સાધારણપઞ્ઞત્તિનુખો આવુસો અસાધારણપઞ્ઞત્તિ નુખો.

વિસ્સજ્જના – સાધારણપઞ્ઞત્તિ ભન્તે.

પુચ્છા – એકતોપઞ્ઞત્તિનુખો આવુસો ઉભતોપઞ્ઞત્તિનુખો.

વિસ્સજ્જના – ઉભતોપઞ્ઞત્તિ ભન્તે.

પુચ્છા – તસ્મિં ¶ આવુસો દુતિય પારાજિકે અદિન્નં આદિયન્તો કતિ આપત્તિયો આપજ્જતિ વિભજિત્વા વિસ્સજ્જેહિ.

વિસ્સજ્જના – અદિન્નં ભન્તે આદિયન્તો તિસ્સો આપત્તિયો આપજ્જતિ, પઞ્ચ માસકંવા અતિરેક પઞ્ચ માસકંવા અગ્ઘનકં અદિન્નં થેય્યસઙ્ખાતં આદિયતિ આપત્તિ પારાજિકસ્સ, ઊનપઞ્ચમાસકંવા અતિરેકમાસકંવા અદિન્નં થેય્યસઙ્ખાતં આદિયતિ આપત્તિ થુલ્લચ્ચયસ્સ, માસકંવા ઊનમાસકવા અગ્ઘનકં અદિન્નં થેય્યસઙ્ખાતં આદિયતિ આપત્તિ દુક્કટસ્સ, અદિન્નં ભન્તે આદિયન્તો ઇમા તિસ્સો આપત્તિયો આપજ્જતિ.

પુચ્છા – કેસં ¶ આવુસો અનાપત્તિ.

વિસ્સજ્જના – દસન્નં ભન્તે પુગ્ગલાનં અનાપત્તિ, સકસઞ્ઞિસ્સ, વિસ્સાસગ્ગાહેન ગણ્હન્તસ્સ, તાવકાલિકં ગણ્હન્તસ્સ, પેતપરિગ્ગહં ગણ્હન્તસ્સ, તિરચ્છાનગતપરિગ્ગહં ગણ્હન્તસ્સ, પંસુકૂલસઞ્ઞિસ્સ, ઉમ્મત્તકસ્સ, ખિત્તચિત્તસ્સ, વેદનાટ્ટસ્સ, આદિકમ્મિકસ્સાતિ.

પુચ્છા – પઞ્ચન્નં આવુસો પાતિમોક્ખુદ્દેસાનં કત્થોગધં કત્થપરિયાપન્નં.

વિસ્સજ્જના – નિદાનોગધં ભન્તે નિદાનપરિયાપન્નં.

પુચ્છા – કતમેન ¶ આવુસો ઉદ્દેસેન ઉદ્દેસં આગચ્છતિ.

વિસ્સજ્જના – દુતિયેન ભન્તે ઉદ્દેસેન ઉદ્દેસં આગચ્છતિ.

પુચ્છા – ચતુન્નં આવુસો વિપત્તીનં કતમા વિપત્તિ.

વિસ્સજ્જના – સીલવિપત્તિ ભન્તે.

પુચ્છા – સત્તન્નં આવુસો આપત્તિક્ખન્ધાનં કતમો આપત્તિક્ખન્ધો.

વિસ્સજ્જના – પારાજિકાપત્તિક્ખન્ધો ભન્તે.

પુચ્છા – છન્નં આવુસો આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠાતિ.

વિસ્સજ્જના – તીહિ ભન્તે સમુટ્ઠાનેહિ સમુટ્ઠાતિ, સિયા કાયતોચ ચિત્તતોચ સમુટ્ઠાતિ, ન વાચાતો, સિયા વાચાતોચ

ચિત્તતોચ ¶ સમુટ્ઠાતિ, ન કાયતો, સિયા કાયતોચ વાચાતોચ ચિત્તતોચ સમુટ્ઠાતિ.

પુચ્છા – ચતુન્નં આવુસો અધિકરણાનં કતમં અધિકરણં.

વિસ્સજ્જના – આપત્તાધિકરણં ભન્તે.

પુચ્છા – સત્તન્નં આવુસો સમથાનં કતિહિ સમથેહિ સમ્મતિ.

વિસ્સજ્જના – દ્વિહિ ભન્તે સમથેહિ સમ્મતિ સમ્મુખાવિનયેનચ પટિઞ્ઞાત કરણેનચ.

પુચ્છા – કો ¶ આવુસો તત્થ વિનયો, કો તત્થ અભિવિનયો.

વિસ્સજ્જના – પઞ્ઞત્તિ ભન્તે વિનયો વિભત્તિ અભિવિનયો.

પુચ્છા – કિંઆવુસો તત્થ પાતિમોક્ખં કિં તત્થ અધિપાતિમોક્ખં.

વિસ્સજ્જના – પઞ્ઞત્તિ ભન્તે પાતિમોક્ખં, વિભત્તિ અધિપાતિમોક્ખં.

પુચ્છા – કા આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા ¶ આવુસો સમ્પત્તિ.

વિસ્સજ્જના – સંવરો ભન્તે સમ્પત્તિ.

પુચ્છા – કા આવુસો પટિપત્તિ.

વિસ્સજ્જના – ન એવરૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ અયં ભન્તે તત્થ પટિપત્તિ.

પુચ્છા – કતિ આવુસો અત્થવસે પટિચ્ચ ભગવતા દુતિયં પારાજિકં પઞ્ઞત્તં.

વિસ્સજ્જના – દસ ભન્તે અત્થવસે પટિચ્ચ ભગવતા દુતિયં પારાજિકં પઞ્ઞત્તં. સઙ્ઘસુટ્ઠુતાય સઙ્ઘફાસુતાય દુમ્મઙ્કૂનં પુગ્ગલાનં નિગ્ગહાય પેસલાનં ભિક્ખૂનં ફાસુવિહારાય દિટ્ઠધમ્મિકાનં આસવાનં સંવરાય સમ્પરાયિકાનં આસવાનં પટિઘાતાય અપ્પસન્નાનં પસાદાય પસન્નાનં ભિય્યોભાવાય સદ્ધમ્મટ્ઠિતિયા વિનયાનુગ્ગહાય.

પુચ્છા – કો ¶ આવુસો સિક્ખન્તિ.

વિસ્સજ્જના – સેક્ખાચ ભન્તે પુથુજ્જનકલ્યાણકાચ સિક્ખન્તિ.

પુચ્છા – કે આવુસો સિક્ખિતસિક્ખા.

વિસ્સજ્જના – અરહન્તો ભન્તે સિક્ખિતસિક્ખા.

પુચ્છા – કત્થ ¶ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કે આવુસો ધારેન્તિ.

વિસ્સજ્જના – યેસં ભન્તે વત્તતિ તે ધારેન્તિ.

પુચ્છા – કસ્સ આવુસો વચનં.

વિસ્સજ્જના – ભગવતા ભન્તે વચનં અરહતો સમ્માસમ્મુદ્ધસ્સ.

પુચ્છા – કેનાવુસો ¶ આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુ ખો આવુસો તત્થ ઉપનેતબ્બં વા અપનેતબ્બં વા અક્ખરપદપચ્ચાભટ્ઠં વા વિરદ્ધપદબ્યઞ્જનં વા.

વિસ્સજ્જના – નત્થિ ભન્તે.

‘‘સંગાયનત્થાય સઙ્ઘસ્સ ઞાપનં’’

સુણાતુ ¶ મે ભન્તે સઙ્ઘો અહં ભન્તે આયસ્મન્તં વિચિત્તસારાભિવંસ તિપિટકધરધમ્મભણ્ડાગારિકં દુતિયસ્સ પારાજિકસ્સ નિદાનમ્પિ પુચ્છિં, પુગ્ગલમ્પિ પુચ્છિં, વત્થુમ્પિ પુચ્છિં, પઞ્ઞત્તિમ્પિ પુચ્છિં, અનુપઞ્ઞત્તિમ્પિ પુચ્છિં, આપત્તિમ્પિ પુચ્છિં, અનાપત્તિમ્પિ પુચ્છિં, અઞ્ઞાનિપિ ઈદિસાનિ પુચ્છિતબ્બટ્ઠાનાનિ અનેકાનિ પુચ્છિં, પુટ્ઠો પુટ્ઠોચ સો આયસ્મા વિચિત્તસારાભિવંસો વિસ્સજ્જેસિ. ઇતિ હિદં ભન્તે ઇદં દુતિયં પારાજિક સિક્ખાપદં નિમ્મલં, સુપરિસુદ્ધં, તસ્સેવ ભગવતો વચનં અરહતો સમ્માસમ્બુદ્ધસ્સ, તસ્મા યથા પુરે મહાકસ્સ પાદયો મહાથેરવરા પોરાણસંગીતિકારા બ્રહ્મચરિયસઙ્ખાતસ્સ બુદ્ધસાસનસ્સ ચિરટ્ઠિતિયા, બહુજનહિતાય, બહુજનસુખાય લોકાનુકમ્પાય અત્થાય, હિતાય, સુખાય, દેવમનુસ્સાનં ધમ્મવિનયં સઙ્ગાયિંસુચેવ અનુસઙ્ગાયિંસુચ, એવમેવ મયમ્પિ દાનિ સબ્બેવ છટ્ઠસંગીતિમહાધમ્મસભાપરિયાપન્ના ઇદં દુતિય પારાજિક સિક્ખાપદં એકતો ગણસજ્ઝાયં કત્વા સમગ્ગા સમ્મોદમાના હુત્વા સઙ્ગાયેય્યામ.

તતિય પારાજિક સિક્ખાપુચ્છા

પુચ્છા – યં ¶ તેન આવુસો ભગવતા (પ) સમ્માસમ્બુદ્ધેન તતિયં પારાજિકં કત્થ પઞ્ઞત્તં.

વિસ્સજ્જના – વેસાલિયં ભન્તે પઞ્ઞત્તં.

પુચ્છા – કં આવુસો આરબ્ભ પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં.

પુચ્છા – કિસ્મિં આવુસો વત્થુસ્મિં પઞ્ઞત્તં.

વિસ્સજ્જના – સમ્બહુલા ભન્તે ભિક્ખુ અઞ્ઞમઞ્ઞં જીવિતા વોરોપેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અત્થિ ¶ નુખો આવુસો તત્થ પઞ્ઞત્તિ અનુપઞ્ઞત્તિ અનુપ્પન્નપઞ્ઞત્તિ.

વિસ્સજ્જના – એકા ભન્તે પઞ્ઞત્તિ, એકા અનુપઞ્ઞત્તિ, અનુપ્પન્નપઞ્ઞત્તિ તસ્મિં નત્થિ.

પુચ્છા – કા આવુસો તત્થ મૂલપઞ્ઞત્તિ.

વિસ્સજ્જના – યોપન ભિક્ખુ સઞ્ચિચ્ચ મનુસ્સવિગ્ગહં જીવિતા વોરોપેય્ય, સત્થહારકંવાસ્સ પરિયેસેય્ય અયમ્પિ પારાજિકો હોતિ અસંવાસોતિ અયં ભન્તે તત્થ મૂલપઞ્ઞત્તિ.

પુચ્છા – કા આવુસો તત્થ અનુપઞ્ઞત્તિ.

વિસ્સજ્જના – મરણવણ્ણં વા સંવણ્ણેય્ય મરણાય વા સમાદપેય્ય અમ્ભોપુરિસ કિં તુય્હિમિના પાપકેન દુજ્જીવિતેન મતન્તે જીવિતા

સેય્યાતિ ¶ ઇતિ ચિત્તમનો ચિત્તસઙ્કપ્પો અનેકપરિયાયેન મરણવણ્ણં વા સંવણ્ણેય્ય મરણાય વા સમાદપેય્યાતિ અયં ભન્તે તત્થ અનુપઞ્ઞત્તિ.

પુચ્છા – કા આવુસો તત્થ પરિપુણ્ણપઞ્ઞત્તિ.

વિસ્સજ્જના – યો પન ભિક્ખુ સઞ્ચિચ્ચ મનુસ્સવિગ્ગહં જીવિતા વોરોપેય્ય, સત્થહારકંવાસ્સ પરિયેસેય્ય, મરણવણ્ણં વા સંવણ્ણેય્ય, મરણાય વા સમાદપેય્ય, અમ્ભો પુરિસ કિં તુય્હિમિના પાપકેન દુજ્જીવિતેન મતન્તે જીવિતા સેય્યોતિ ઇતિ ચિત્તમનો ચિત્તસઙ્કપ્પો અનેકપરિયાયેન મરણવણ્ણંવા સંવણ્ણેય્ય, મરણાય વા સમાદપેય્ય, અયમ્પિ પારાજિકો હોતિ અસંવાસોતિ અયં ભન્તે તત્થ પરિપુણ્ણપઞ્ઞત્તિ.

પુચ્છા – સબ્બત્થપઞ્ઞત્તિ ¶ નુખો આવુસોપદેસપઞ્ઞત્તિ નુખો.

વિસ્સજ્જના – સબ્બત્થપઞ્ઞત્તિ ભન્તે.

પુચ્છા – સાધારણપઞ્ઞત્તિનુખો આવુસો અસાધારણપઞ્ઞત્તિ નુખો.

વિસ્સજ્જના – સાધારણપઞ્ઞત્તિ ભન્તે.

પુચ્છા – એકતોપઞ્ઞત્તિ ¶ નુખો આવુસો ઉભતોપઞ્ઞત્તિ નુખો.

વિસ્સજ્જના – ઉભતોપઞ્ઞત્તિ ભન્તે.

પુચ્છા – તસ્મિં આવુસો તતિય પારાજિકે સઞ્ચિચ્ચ મનુસ્સવિગ્ગહં જીવિતા વોરોપેન્તો કતિ આપત્તિયો આપજ્જતિ.

વિસ્સજ્જના – સઞ્ચિસ્સ ભન્તે મનુસ્સવિગ્ગહં જીવિતા વોરોપેન્તો તિસ્સો આપત્તિયો આપજ્જતિ, મનુસ્સં ઓદિસ્સ પપાતં ખણતિ પપતિત્વા મરિસ્સતીતિ આપત્તિ દુક્કટસ્સ, પપતિતે દુક્ખા વેદના ઉપ્પજ્જતિ આપત્તિ થુલ્લચ્ચયસ્સ, મરતિ આપત્તિ પારાજિકસ્સ, સઞ્ચિચ્ચ ભન્તે મનુસ્સવિગ્ગહં જીવિતા વોરોપેન્તો ઇમા તિસ્સો આપત્તિયો આપજ્જતિ.

પુચ્છા – કેસં ¶ આવુસો અનાપત્તિ.

વિસ્સજ્જના – સત્તન્નં ભન્તે પુગ્ગલાનં અનાપત્તિ, અસઞ્ચિચ્ચ મારેન્તસ્સ, અજાનન્તસ્સ, ન મરણાધિપ્પાયસ્સ, ઉમ્મત્તકસ્સ, ખિત્તચિત્તસ્સ, વેદનાટ્ટસ્સ, આદિકમ્મિકસ્સ.

પુચ્છા – પઞ્ચન્નં આવુસો પાતિમોક્ખુદ્દેસાનં કત્થોગધં કત્થ પરિયાપન્નં.

વિસ્સજ્જના – નિદાનોગધં ભન્તે નિદાનપરિયાપન્નં.

પુચ્છા – કતમેન ¶ આવુસો ઉદ્દેસેન ઉદ્દેસં આગચ્છતિ.

વિસ્સજ્જના – દુતિયેન ભન્તે ઉદ્દેસેન ઉદ્દેસં આગચ્છતિ.

પુચ્છા – ચતુન્નં આવુસો વિપત્તીનં કતમા વિપત્તિ.

વિસ્સજ્જના – સીલવિપત્તિ ભન્તે.

પુચ્છા – સત્તન્નં આવુસો આપત્તિક્ખન્ધાનં કતમો આપત્તિક્ખન્ધો.

વિસ્સજ્જના – પારાજિકાપત્તિક્ખન્ધો ભન્તે.

પુચ્છા – છન્નં આવુસો આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠાતિ.

વિસ્સજ્જના – છન્નં ભન્તે આપત્તિસમુટ્ઠાનાનં તીહિ સમુટ્ઠાનેહિ સમુટ્ઠાતિ, સિયા કાયતોચ ચિત્તતોચ સમુટ્ઠાતિ, ન વાચતો ¶ , સિયા વાચતોચ ચિત્તતોચ સમુટ્ઠાતિ, ન કાયતો, સિયા કાયતોચ વાચતોચ ચિત્તતોચ સમુટ્ઠાતિ.

પુચ્છા – ચતુન્નં આવુસો અધિકરણાનં કતમં અધિકરણં.

વિસ્સજ્જના – આપત્તાધિકરણં ભન્તે.

પુચ્છા – સત્તન્નં ¶ આવુસો સમથાનં કતિહિ સમથેહિ સમ્મતિ.

વિસ્સજ્જના – સત્તાનં ભન્તે સમથાનં દ્વીહિ સમથેહિ સમ્મતિ, સમ્મુખા વિનયેનચ પટિઞ્ઞાતકરણેનચ.

પુચ્છા – કો તત્થ આવુસો વિનયો કો તત્થ અભિવિનયો.

વિસ્સજ્જના – પઞ્ઞત્તિ ભન્તે વિનયો વિભત્તિ અભિવિનયો.

પુચ્છા – કિં આવુસો તત્થ પાતિમોક્ખં કિં અધિપાતિમોક્ખં.

વિસ્સજ્જના – પઞ્ઞત્તિ ભન્તે પાતિમોક્ખં વિભત્તિ અધિપાતિમોક્ખં.

પુચ્છા – કા ¶ આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા આવુસો સમ્પત્તિ.

વિસ્સજ્જના – સંવરો ભન્તે સમ્પત્તિ.

પુચ્છા – કા આવુસો તત્થ પટિપત્તિ.

વિસ્સજ્જના – ન એવરૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ અયં ભન્તે તત્થ પટિપત્તિ.

પુચ્છા – કતિ ¶ આવુસો અત્થવસે પટિચ્ચ ભગવતા તતિયં પારાજિકં પઞ્ઞત્તં.

વિસ્સજ્જના – દસ ભન્તે અત્થવસે પટિચ્ચ ભગવતા તતિયં પારાજિકં પઞ્ઞત્તં સઙ્ઘસુટ્ઠુતાય સઙ્ઘફાસુતાય (પ) વિનયાનુગ્ગહાય.

પુચ્છા – કે ¶ આવુસો સિક્ખન્તિ.

વિસ્સજ્જના – સેક્ખાચ ભન્તે પુથુજ્જનકલ્યાણકાચ સિક્ખન્તિ.

પુચ્છા – કે આવુસો સિક્ખિતસિક્ખા.

વિસ્સજ્જના – અરહન્તો ભન્તે સિક્ખિતસિક્ખા.

પુચ્છા – કત્થ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કે આવુસો ધારેન્તિ.

વિસ્સજ્જના – યેસં ભન્તે વત્તતિ તે ધારેન્તિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિનુખો આવુસો તત્થ કિઞ્ચિ ઉપનેતબ્બં વા અપનેતબ્બં વા અક્ખરપદપચ્ચાભટ્ઠં વા વિરદ્ધપદબ્યઞ્જનં વા.

વિસ્સજ્જના – નત્થિ ભન્તે.

સંગાયનત્થાય સઙ્ઘસ્સ ઞાપનં

સુણાતુ ¶ મે ભન્તે સઙ્ઘો, અહં ભન્તે આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં તતિયસ્સ પારાજિકસ્સ નિદાનમ્પિ પુચ્છિં, પુગ્ગલમ્પિ પુચ્છિં, વત્થુમ્પિ પુચ્છિં, પઞ્ઞત્તિમ્પિ પુચ્છિં, અનુપઞ્ઞત્તિમ્પિ પુચ્છિં, આપત્તિમ્પિ પુચ્છિં, અનાપત્તિમ્પિ પુચ્છિં, અઞ્ઞાનિપિ એવરૂપાનિ પુચ્છિતબ્બટ્ઠાનાનિ અનેકાનિ પુચ્છિં, પુટ્ઠો પુટ્ઠોચ સો આયસ્મા વિચિત્તસારાભિવંસો વિસ્સજ્જેસિ, ઇતિહિદં ભન્તે તતિયપારાજિકસિક્ખાપદં નિમ્મલં સુપરિસુદ્ધં તસ્સેવ ભગવતો વચનં અરહતો સમ્માસમ્મુદ્ધસ્સ, તસ્મા યથા પુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિયસઙ્ખાતસ્સ બુદ્ધસાસનસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં ધમ્મવિનયં સઙ્ગાયિંસુચેવ અનુસઙ્ગાયિંસુચ, એવમેવ મયમ્પિ દાનિ સબ્બેવ છટ્ઠસંગીતિમહાધમ્મસભાપરિયાપન્ના ઇદં તતિયપારાજિકસિક્ખાપદં એકતો ગણસજ્ઝાયં કત્વા સમગ્ગા સમ્મોદમાના હુત્વા સંગાયેય્યામ.

ચતુત્થ પારાજિક સિક્ખાપુચ્છા

પુચ્છા – યં ¶ તેન આવુસો ભગવતા જાનતા પસ્સતા…પે… સમ્માસમ્બુદ્ધેન ચતુત્થં પારાજિકં કત્થ પઞ્ઞત્તં.

વિસ્સજ્જના – વેસાલિયં ભન્તે.

પુચ્છા – કં આવુસો આરબ્ભ પઞ્ઞત્તં.

વિસ્સજ્જના – વગ્ગુમુદાતીરિયે ભન્તે ભિક્ખૂ આરબ્ભ પઞ્ઞત્તં.

પુચ્છા – કિસ્મિં આવુસો વત્થુસ્મિં પઞ્ઞત્તં.

વિસ્સજ્જના – વગ્ગુમુદાતીરિયા ભન્તે ભિક્ખૂ ગિહીનં અઞ્ઞમઞ્ઞસ્સ ઉત્તરિમનુસ્સધમ્મસ્સ વણ્ણં ભાસિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અત્થિ ¶ આવુસો તત્થ પઞ્ઞત્તિ અનુપઞ્ઞત્તિ અનુપ્પન્નપઞ્ઞત્તિ.

વિસ્સજ્જના – એકા ભન્તે પઞ્ઞત્તિ એકા અનુપઞ્ઞત્તિ અનુપ્પન્નપઞ્ઞત્તિ તસ્મિં નત્થિ.

પુચ્છા – કતમા આવુસો તત્થ મૂલપઞ્ઞત્તિ.

વિસ્સજ્જના – યો પન ભિક્ખુ અનભિજાનં ઉત્તરિમનુસ્સધમ્મં ઉત્તરિમનુસ્સધમ્મં અત્તુપનાયિકં અલમરિયઞાણદસ્સનં સમુદાચરેય્ય, ઇતિજાનામિ ઇતિપસ્સામીતિ, તતો અપરેન સમયેન સમનુગ્ગાહીય માનોવા અસમનુગ્ગાહીય માનોવા આપન્નો વિસુદ્ધાપેક્ખો એવં વદેય્ય અજાનમેવં આવુસો અવચં જાનામિ અપસ્સં પસ્સામિ તુચ્છં મુસાવિલપિન્તિ અયમ્પિ પારાજિકો હોતિ અસંવાસોતિ અયં ભન્તે તત્થ મૂલપઞ્ઞત્તિ.

પુચ્છા – કતમા ¶ આવુસો તત્થ અનુપઞ્ઞત્તિ.

વિસ્સજ્જના – અઞ્ઞત્ર અધિમાનાતિ અયં ભન્તે તત્થ અનુપઞ્ઞત્તિ.

હોન્તિ યે તે આનન્દ ભિક્ખૂ અદિટ્ઠે દિટ્ઠસઞ્ઞિનો અપત્તે પત્તસઞ્ઞિનો અનધિગતે અધિગતસઞ્ઞિનો અસચ્છિકતે સચ્છિકતસઞ્ઞનો અધિમાનેન અઞ્ઞં બ્યાકરોન્તિ, તઞ્ચ ખો એતં અબ્બોહારિકં.

પુચ્છા – કતમા ¶ આવુસો તત્થ પરિપુણ્ણપઞ્ઞત્તિ.

વિસ્સજ્જના – યોપન ભિક્ખુ અનભિજાનં ઉત્તરિમનુસ્સધમ્મં અત્તુપનાયિકં અલમરિયઞાણદસ્સનં સમુદાચરેય્ય, ઇતિ જાનામિ ઇતિ પસ્સામીતિ, તતો અપરેન સમયેન સમનુગ્ગાહીયમાનોવા અસમનુગ્ગાહીયમાનોવા આપન્નો વિસુદ્ધાપેક્ખો એવં વદેય્ય અજાનમેવં આવુસો અવચંજાનામિ અપસ્સં પસ્સામિ તુચ્છં મુસા વિલપિન્તિ, અઞ્ઞત્ર અધિમાના અયમ્પિ પારાજિકો હોતિ અસંવાસોતિ અયં ભન્તે તત્થ પરિપુણ્ણ પઞ્ઞત્તિ.

પુચ્છા – સબ્બત્થપઞ્ઞત્તિ ¶ નુખો આવુસો પદેસપઞ્ઞત્તિ નુખો.

વિસ્સજ્જના – સબ્બત્થપઞ્ઞત્તિ ભન્તે.

પુચ્છા – સાધારણપઞ્ઞત્તિ નુખો આવુસો અસાધારણપઞ્ઞત્તિનુખો.

વિસ્સજ્જના – સાધારણપઞ્ઞત્તિ ભન્તે.

પુચ્છા – એકતોપઞ્ઞત્તિ નુખો આવુસો ઉભતો પઞ્ઞત્તિ નુખો.

વિસ્સજ્જના – ઉભતોપઞ્ઞત્તિ ભન્તે.

પુચ્છા – તસ્મિં ¶ આવુસો ચતુત્થ પારાજિકે અસન્તં અભૂતં ઉત્તરિમનુસ્સધમ્મં ઉલ્લપન્તો કતિ આપત્તિયો આપજ્જતિ, વિભજિત્વા વિસ્સજ્જેહિ.

વિસ્સજ્જના – તસ્મિં ભન્તે ચતુત્થપારાજિકે અસન્તં અભૂતં ઉત્તરિમનુસ્સધમ્મં ઉલ્લપન્તો તિસ્સો આપત્તિયો આપજ્જતિ, અસન્તં અભૂતં ઉત્તરિમનુસ્સધમ્મં ઉલ્લપતિ આપત્તિપારાજિકસ્સ, યો તે વિહારે વસતિ સો ભિક્ખુ અરહાતિ ભણતિ પટિવિજાનન્તસ્સ આપત્તિ થુલ્લચ્ચયસ્સ, અપ્પટિવિજાનન્તસ્સ આપત્તિ દુક્કટસ્સ, ઉત્તરિમનુસ્સધમ્મં ભન્તે ઉલ્લપન્તો ઇમા તિસ્સો આપત્તિયો આપજ્જતિ.

પુચ્છા – કેસં ¶ આવુસો અનાપત્તિ.

વિસ્સજ્જના – છન્નં ભન્તે પુગ્ગલાનં અનાપત્તિ અધિમાનેન ભણન્તસ્સ અનુલ્લપનાધિપ્પાયસ્સ ઉમ્મત્તકસ્સ ખિત્તચિત્તસ્સ વેદનાટ્ટસ્સ આદિકમ્મિકસ્સ.

પુચ્છા – પઞ્ચન્નં ¶ આવુસો પાતિમોક્ખુદ્દેસાનં કત્થોગધં કત્થ પરિયાપન્નં.

વિસ્સજ્જના – નિદાનોગધં ભન્તે નિદાનપરિયાપન્નં.

પુચ્છા – કતમેન આવુસો ઉદ્દેસેન ઉદ્દેસં આગચ્છતિ.

વિસ્સજ્જના – દુતિયેન ભન્તે ઉદ્દેસેન ઉદ્દેસં આગચ્છતિ.

પુચ્છા – ચતુન્નં આવુસો વિપત્તીનં કતમા વિપત્તિ.

વિસ્સજ્જના – સીલવિપત્તિ ભન્તે.

પુચ્છા – સત્તન્નં ¶ આવુસો આપત્તિક્ખન્ધાનં કતમો આપત્તિક્ખન્ધો.

વિસ્સજ્જના – પારાજિકાપત્તિક્ખન્ધો ભન્તે.

પુચ્છા – છન્નં આવુસો આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠાતિ.

વિસ્સજ્જના – છન્નં ભન્તે આપત્તિસમુટ્ઠાનાનં તીહિ સમુટ્ઠાનેહિ સમુટ્ઠાતિ, સિયા કાયતોચ ચિત્તતોચ સમુટ્ઠાતિ, ન વાચતો, સિયા વાચતોચ ચિત્તતોચ સમુટ્ઠાતિ, ન કાયતો, સિયા કાયતોચ વાચતોચ ચિત્તતોચ સમુટ્ઠાતિ.

પુચ્છા – ચતુન્નં ¶ આવુસો અધિકરણાનં કતમં અધિકરણં.

વિસ્સજ્જના – આપત્તાધિકરણં ભન્તે.

પુચ્છા – સત્તન્નં આવુસો સમથાનં કતિહિ સમથેહિ સમ્મતિ.

વિસ્સજ્જના – સત્તન્નં ભન્તે સમથાનં દ્વીહિ સમથેહિ સમ્મતિ, સમ્મુખાવિનયેનચ પટિઞ્ઞાતકરણેનચ.

પુચ્છા – કો તત્થ આવુસો વિનયો, કો તત્થ અભિવિનયો.

વિસ્સજ્જના – પઞ્ઞત્તિ ભન્તે વિનયો, વિભત્તિ અભિવિનયો.

પુચ્છા – કિં ¶ આવુસો તત્થ પાતિમોક્ખં, કિં અધિપાતિમોક્ખં.

વિસ્સજ્જના – પઞ્ઞત્તિ ભન્તે પાતિમોક્ખં, વિભત્તિ અધિપાતિમોક્ખં.

પુચ્છા – કા આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા આવુસો સમ્પત્તિ.

વિસ્સજ્જના – સંવરો ભન્તે સમ્પત્તિ.

પુચ્છા – કા ¶ આવુસો તત્થ પટિપત્તિ.

વિસ્સજ્જના – ન એવરૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ અયં ભન્તે તત્થ પટિપત્તિ.

પુચ્છા – કતિ આવુસો અત્થવસે પટિચ્ચ ભગવતા ચતુત્થં પારાજિકં પઞ્ઞત્તં.

વિસ્સજ્જના – દસ ભન્તે અત્થવસે પટિચ્ચ ભગવતા ચતુત્થં પારાજિકં પઞ્ઞત્તં, સઙ્ઘસુટ્ઠુતાય સઙ્ઘફાસુતાય…પે… વિનયાનુગ્ગહાય.

પુચ્છા – કે ¶ આવુસો સિક્ખન્તિ.

વિસ્સજ્જના – સેક્ખાચ ભન્તે પુથુજ્જનકલ્યાણકાચ સિક્ખન્તિ.

પુચ્છા – કે આવુસો સિક્ખિતસિક્ખા.

વિસ્સજ્જના – અરહન્તો ભન્તે સિક્ખિતસિક્ખા.

પુચ્છા – કત્થ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કે આવુસો ધારેન્તિ.

વિસ્સજ્જના – યેસં ભન્તે વત્તતિ તે ધારેન્તિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો તત્થ કિઞ્ચિ ઉપનેતબ્બં વા અપનેતબ્બં વા અક્ખરપદપચ્ચાભટ્ઠં વા વિરદ્ધપદબ્યઞ્જનં વા.

વિસ્સજ્જના – નત્થિ ભન્તે.

સઙ્ઘાદિસેસ સિક્ખાપુચ્છા

૧. સુક્કવિસ્સટ્ઠિસઙ્ઘાદિસેસ સિક્ખાપુચ્છા

પુચ્છા – યં ¶ તેન આવુસો ભગવતા જાનતા પસ્સતા અરહતા સમ્માસમ્બુદ્ધેન ઉપક્કમિત્વા અસુચિં મોચેન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – સાવત્થિયં ભન્તે પઞ્ઞત્તો.

પુચ્છા – કં આવુસો આરબ્ભ પઞ્ઞત્તો.

વિસ્સજ્જના – આયસ્મન્તં ભન્તે સેય્યસકં આરબ્ભ પઞ્ઞત્તો.

પુચ્છા – કિસ્મિં આવુસો વત્થુસ્મિં પઞ્ઞત્તો.

વિસ્સજ્જના – આયસ્મા ભન્તે સેય્યસકો હત્થેન ઉપક્કમિત્વા અસુચિં મોચેસિ, તસ્મિં ભન્તે વત્થુસ્મિં પઞ્ઞત્તો.

પુચ્છા – અત્થિ ¶ આવુસો તત્થ પઞ્ઞત્તિ અનુપઞ્ઞત્તિ અનુપ્પન્નપઞ્ઞત્તિ.

વિસ્સજ્જના – એકા ભન્તે પઞ્ઞત્તિ, એકા અનુપઞ્ઞત્તિ, અનુપ્પન્નપઞ્ઞત્તિ તસ્મિં નત્થિ.

પુચ્છા – કતમા આવુસો તત્થ મૂલપઞ્ઞત્તિ.

વિસ્સજ્જના – સઞ્ચેતનિકા સુક્કવિસ્સટ્ઠિ સઙ્ઘાદિસેસોતિ અયં ભન્તે તત્થ મૂલપઞ્ઞત્તિ.

પુચ્છા – કતમા પનાવુસો તત્થ અનુપઞ્ઞત્તિ.

વિસ્સજ્જના – અઞ્ઞત્ર સુપિનન્તાતિ અયં ભન્તે તત્થ અનુપઞ્ઞત્તિ.

પુચ્છા – કતમા ¶ પનાવુસો તત્થ પરિપુણ્ણપઞ્ઞત્તિ.

વિસ્સજ્જના – સઞ્ચેતનિકા સુક્કવિસ્સટ્ઠિ અઞ્ઞત્રસુપિનન્તા સઙ્ઘાદિસોતિ અયં ભન્તે તત્થ પરિપુણ્ણપઞ્ઞત્તિ.

પુચ્છા – સાધારણ પઞ્ઞત્તિનુખો આવુસો અસાધારણ પઞ્ઞત્તિનુખો.

વિસ્સજ્જના – અસાધારણપઞ્ઞત્તિ ભન્તે.

પુચ્છા – તત્થ આવુસો ઉપક્કમિત્વા અસુચિં મોચેન્તો કતિ આપત્તિયો આપજ્જતિ.

વિસ્સજ્જના – ઉપક્કમિત્વા ભન્તે અસુચિં મોચેન્તો તિસ્સો આપત્તિયો આપજ્જતિ, ચેતેતિ ઉપક્કમતિ મુચ્ચતિ આપત્તિ

સઙ્ઘાદિસેસસ્સ ¶ , ચેતેતિ ઉપક્કમતિ ન મુચ્ચતિ આપત્તિ થુલ્લચ્ચયસ્સ, પયોગે દુક્કટં.

પુચ્છા – કેસં આવુસો અનાપત્તિ.

વિસ્સજ્જના – છન્નં ભન્તે અનાપત્તિ સુપિનન્તેન મોચેન્તસ્સ ન મોચનાધિપ્પાયસ્સ ઉમ્મત્તકસ્સ ખિત્તચિત્તસ્સ વેદનાટ્ટસ્સ આદિકમ્મિકસ્સ ઇમેસં ખો ભન્તે છન્નં અનાપત્તિ.

પુચ્છા – પઞ્ચન્નં ¶ આવુસો પાતિમોક્ખુદ્દેસાનં કતમેન ઉદ્દેસેન ઉદ્દેસં આગચ્છતિ.

વિસ્સજ્જના – પઞ્ચન્નં ભન્તે પાતિમોક્ખુદ્દેસાનં તતિયેન ઉદ્દેસેન ઉદ્દેસં આગચ્છતિ.

પુચ્છા – ચતુન્નં આવુસો વિપત્તીનં કતમા વિપત્તિ.

વિસ્સજ્જના – ચતુન્નં ભન્તે વિપત્તીનં સીલવિપત્તિ.

પુચ્છા – કા આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા ¶ આવુસો સમ્પત્તિ.

વિસ્સજ્જના – સંવરો ભન્તે સમ્પત્તિ.

પુચ્છા – કા આવુસો પટિપત્તિ.

વિસ્સજ્જના – ન એવ રૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ અયં ભન્તે પટિપત્તિ.

પુચ્છા – કતિ આવુસો અત્થવસે પટિચ્ચ ભગવતા ઉપક્કમિત્વા અસુચિં મોચેન્તસ્સ સઙ્ઘાદિસેસો પઞ્ઞત્તો.

વિસ્સજ્જના – દસ ¶ ભન્તે અત્થવસે પટિચ્ચ ભગવતા ઉપક્કમિત્વા અસુચિં મોચેન્તસ્સ સઙ્ઘાદિસેસો પઞ્ઞત્તો સઙ્ઘસુટ્ઠુતાય…પે… વિનયાનુગ્ગહાય.

પુચ્છા – કત્થ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કે આવુસો ધારેન્તિ.

વિસ્સજ્જના – યેસં ભન્તે વત્તતિ તે ધારેન્તિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો તત્થ સનિદાને સપદભાજનીયે સવિનીતવત્થુકે ઉપનેતબ્બં વા અપનેતબ્બં વા અક્ખરપદપચ્ચાભટ્ઠં વા વિરદ્ધપદબ્યઞ્જનં વા.

સંગાયનત્થાય સઙ્ઘસ્સ ઞાપનં

સુણાતુ ¶ મે ભન્તે સઙ્ઘો આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં પઠમસ્સ સઙ્ઘાદિસેસ સિક્ખાપદસ્સ નિદાનમ્પિ પુચ્છિં, પુગ્ગલમ્પિ પુચ્છિં, વત્થુમ્પિ પુચ્છિં, પઞ્ઞત્તિમ્પિ પુચ્છિં, અનુપઞ્ઞત્તિમ્પિ પુચ્છિ, આપત્તિમ્પિ પુચ્છિં, અનાપત્તિમ્પિ પુચ્છિં, અઞ્ઞાનિપિ એવરૂપાનિ અનેકાનિ પુચ્છિતબ્બટ્ઠાનાનિ પુચ્છિં, પુટ્ઠો પુટ્ઠો ચ સો આયસ્મા વિચિત્તસારાભિવંસો વિસ્સજ્જેસિ, ઇતિહિદં ભન્તે પઠમ સઙ્ઘાદિસેસ સિક્ખાપદં સપરિવારં નિમ્મલં સુપરિસુદ્ધં તસ્સેવ ભગવતો વચનં અરહતો સમ્માસમ્બુદ્ધસ્સ. તસ્મા યથાપુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિયસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં ¶ ધમ્મવિનયં સંગાયિંસુચેવ અનુસંગાયિંસુચ, એવમેવ મયમ્પિ સબ્બેવ છટ્ઠસંગીતિમહાધમ્મસભા પરિયાપન્ના ઇદં પઠમં સઙ્ઘાદિસેસ સિક્ખાપદં નિદાનતો પટ્ઠાય એકચ્ચાનં વચસા સજ્ઝાયવસેન એકચ્ચાનં મનસા મનસિકરણવસેનચ એકતો ગણસજ્ઝાયં કત્વા સંગાયેય્યામ.

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન માતુકામેન સદ્ધિં કાયસંસગ્ગં સમાપજ્જન્તસ્સ ચ, માતુગામં દુટ્ઠુલ્લાહિ વાચાહિ ઓભાસન્તસ્સ ચ, માતુગામસ્સ સન્તિકે અત્તકામ પારિચરિયાય વણ્ણં ભાસન્તસ્સ ચ, સઞ્ચરિત્તં સમાપજ્જન્તસ્સ ચ સઙ્ઘાદિસેસો કત્થ પઞ્ઞત્તો.

વિસ્સજ્જના – સાવત્થિયં ભન્તે પઞ્ઞત્તો.

પુચ્છા – કં ¶ આવુસો આરબ્ભ પઞ્ઞત્તો.

વિસ્સજ્જના – આયસ્મન્તં ભન્તે ઉદાયિત્થેરં આરબ્ભ પઞ્ઞત્તો.

પુચ્છા – કિસ્મિં આવુસો વત્થુસ્મિં પઞ્ઞત્તો.

વિસ્સજ્જના – આયસ્મા ભન્તે ઉદાયિત્થેરો માતુગામેન સદ્ધિં કાયસંસગ્ગં સમાપજ્જિ, આયસ્માયેવ ભન્તે ઉદાયિત્થેરો માતુગામં દુટ્ઠુલ્લાહિ વાચાહિ ઓભાસિ, આયસ્માયેવ ભન્તે ઉદાયિત્થેરો માતુગામસ્સ સન્તિકે અત્તકામ પારિચરિયાય વણ્ણં અભાસિ, આયસ્માયેવ ભન્તે ઉદાયિત્થેરો સઞ્ચરિત્તં સમાપજ્જિં, તસ્મિં ભન્તે વત્થુસ્મિં પઞ્ઞત્તો.

૬. કુટિકાર સઙ્ઘાદિસેસ સિક્ખાપુચ્છા

પુચ્છા – યં ¶ તેન આવુસો…પે… સમ્માસમ્બુદ્ધેન સઞ્ઞાચિકાય કુટિં કારાપેન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – આળવિયં ભન્તે પઞ્ઞત્થો.

પુચ્છા – કં આવુસો આરબ્ભ પઞ્ઞત્તો.

વિસ્સજ્જના – આળવિકે ભન્તે ભિક્ખૂ આરબ્ભ પઞ્ઞત્તો.

પુચ્છા – કિસ્મિં ¶ આવુસો વત્થુસ્મિં પઞ્ઞત્તો.

વિસ્સજ્જના – આળવિકા ભન્તે ભિક્ખૂ સઞ્ઞાચિકાયો કુટિયો કારાપેસું, તસ્મિં ભન્તે વત્થુસ્મિં પઞ્ઞત્તો.

૭. વિહારકાર સઙ્ઘાદિસેસ સિક્ખાપુચ્છા

પુચ્છા – યં તેન આવુસો…પે… સમ્માસમ્બુદ્ધેન મહલ્લકં વિહારં કારાપેન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – કોસમ્બિયં ભન્તે.

પુચ્છા – કં ¶ આવુસો આરબ્ભ પઞ્ઞત્તો.

વિસ્સજ્જના – આયસ્મન્તં ભન્તે છન્નત્થેરં આરબ્ભ પઞ્ઞત્તો.

પુચ્છા – કિસ્મિં આવુસો વત્થુસ્મિં પઞ્ઞત્તો.

વિસ્સજ્જના – આયસ્મા ભન્તે છન્નો વિહારવત્થું સોધેન્તો અઞ્ઞતરં ચેતિયરુક્ખં છેદાપેસિ ગામપૂજિતં નિગમપૂજિતં નગર પૂજિતં જનપદપૂજિતં રટ્ઠપૂજિતં, તસ્મિં ભન્તે વત્થુસ્મિં પઞ્ઞત્તો.

૮-૯. દુટ્ઠદોસ સઙ્ઘાદિસેસ સિક્ખાપુચ્છા

પુચ્છા – યં તેન આવુસો ભગવતા…પે… સમ્માસમ્બુદ્ધેન ભિક્ખું અમૂલકેન પારાજિકેન ધમ્મેન અનુદ્ધંસેન્તસ્સ ચ, ભિક્ખું અઞ્ઞભાગિયસ્સ અધિકરણસ્સ કિઞ્ચિદેસં લેસમત્તં ઉપાદાય પારાજિકેન ધમ્મેન અનુદ્ધંસેન્તસ્સ ચ સઙ્ઘાદિસેસો કત્થ પઞ્ઞત્તો.

વિસ્સજ્જના – રાજગહે ¶ ભન્તે પઞ્ઞત્તો.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – મેત્તિયભૂમજકા ભન્તે ભિક્ખૂ આરબ્ભ પઞ્ઞત્તો, મેત્તિયભૂમજકા ભન્તે ભિક્ખૂ આયસ્મન્તં દબ્બં મલ્લપુત્તં અમૂલકેન પારાજિકેન ધમ્મેન અનુદ્ધંસેસું, તેયેવ ભન્તે મેત્તિયભૂમજકા ભિક્ખૂ આયસ્મન્તં દબ્બં મલ્લપુત્તં અઞ્ઞભાગિયસ્સ અધિકરણસ્સ કિઞ્ચિદેસં લેસમત્તં ઉપાદાય પારાજિકેન ધમ્મેન અનુદ્ધંસેસું, તસ્મિં ભન્તે વત્થુસ્મિં, પઞ્ઞત્તો.

૧૦. સઙ્ઘભેદક સઙ્ઘાદિસેસ સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન સઙ્ઘભેદકસ્સ ભિક્ખુનો યાવતતિયં સમનુભાસનાય અપ્પટિનિસ્સજ્જન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – રાજગહે ભન્તે પઞ્ઞત્તો.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્થો.

વિસ્સજ્જના – દેવદત્તં ભન્તે આરબ્ભ પઞ્ઞત્તો.

દેવદત્તો ભન્તે સમગ્ગસ્સ સઙ્ઘસ્સ ભેદાય પરક્કમિ, તસ્મિં ભન્તે વત્થુસ્મિં પઞ્ઞત્તો.

૧૧. ભેદાનુવત્તક સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન ભેદાનુવત્તકાનં ભિક્ખૂનં યાવતતિયં સમનુભાસનાય અપ્પટિનિસ્સજ્જન્તાનં સઙ્ઘાદિસેસો કત્થ પઞ્ઞત્તો.

વિસ્સજ્જના – રાજગહે ભન્તે પઞ્ઞત્તો.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તો, સમ્બહુલા ભન્તે ભિક્ખૂ દેવદત્તસ્સ સઙ્ઘાભેદાય પરક્કમન્તસ્સ અનુવત્તકા અહેસું વગ્ગવાદકા, તસ્મિં ભન્તે વત્થુસ્મિં પઞ્ઞત્તો.

૧૨. દુબ્બચ, સઙ્ઘાદિસેસ સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન દુબ્બચસ્સ ભિક્ખુનો યાવતતિયં સમનુભાસનાય અપ્પટિનિસ્સજ્જન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – કોસમ્બિયં ભન્તે પઞ્ઞત્તો.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – આયસ્મન્તં ભન્તે છન્નં આરબ્ભ પઞ્ઞત્તો, આયસ્મા ભન્તે છન્નો ભિક્ખૂહિ સહધમ્મિકં વુચ્ચમાનો અત્તાનં અવચનીયં અકાસિ, તસ્મિં ભન્તે વત્થુસ્મિં પઞ્ઞત્તો.

૧૩. કુલદૂસક સઙ્ઘાદિસેસ સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન કુલદૂસકસ્સ ભિક્ખુનો યાવતતિયં સમનુભાસનાય અપ્પટિનિસ્સજ્જન્તસ્સ સઙ્ઘાદિસેસો કત્થ પઞ્ઞત્તો.

વિસ્સજ્જના – સાવત્થિયં ¶ ભન્તે પઞ્ઞત્તો.

પુચ્છા – કં આરબ્ભ આવુસો કિસ્મિં વત્થુસ્મિં પઞ્ઞત્તો.

વિસ્સજ્જના – અસ્સજિ પુનબ્બસુકે ભન્તે ભિક્ખૂ આરબ્ભ પઞ્ઞત્તો, અસ્સજિપુનબ્બસુકા ભન્તે ભિક્ખૂ સઙ્ઘેન પબ્બાજનીયકમ્મકતા છન્દગામિતા દોસગામિતા મોહગામિતા ભયગામિતા પાપેસું, તસ્મિં ભન્તે વત્થુસ્મિં પઞ્ઞત્તો.

અનિયત સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન પઠમો ચ અનિયતો દુતિયો ચ અનિયતો કત્થ પઞ્ઞત્તો.

વિસ્સજ્જના – સાવત્થિયં ભન્તે પઞ્ઞત્તો.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – આયસ્મન્તં ભન્તે ઉદાયિં આરબ્ભ પઞ્ઞત્તો, આયસ્મા ભન્તે ઉદાયી માતુગામેન સદ્ધિં એકોએકાય રહો પટિચ્છન્ને આસને અલંકમ્મનિયે નિસજ્જં કપ્પેસિ, તસ્મિઞ્ચ વત્થુસ્મિં, આયસ્માયેવ ભન્તે ઉદાયી માતુગામેન સદ્ધિં રહો નિસજ્જં અકાસિ, તસ્મિઞ્ચ ભન્તે વત્થુસ્મિં પઞ્ઞત્તો.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો એત્થ કોચિપિ વિરદ્ધદોસો.

વિસ્સજ્જના – નત્થિ ભન્તે.

સંગાયનત્થાય સઙ્ઘસ્સઞાપનં

સુણાતુ ¶ મે ભન્તે સઙ્ઘો, અહં ભન્તે આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં પઠમ દુટ્ઠદોસ સિક્ખાપદતો પટ્ઠાય પુચ્છિતબ્બાનિ અનેકાનિ ઠાનાનિ પુચ્છિં, સો ચ આયસ્મા પુટ્ઠો પુટ્ઠો વિસ્સજ્જેતિ, ઇતિહિદં ભન્તે સબ્બં સિક્ખાપદં નિમ્મલં સુપરિસુદ્ધં તસ્સેવ ભગવતો વચનં અરહતો સમ્માસમ્બુદ્ધસ્સ, તસ્મા યથાપુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિયસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં સંગાયિંસુચેવ અનુસંગાયિંસુચ, એવમેવ મયમ્પિ દાનિ સબ્બેવ છટ્ઠસંગીતિ મહાધમ્મસભાપરિયાપન્ના ઇમાનિ સિક્ખાપદાનિ એકતો ગણસજ્ઝાયં કત્વા સંગાયેય્યામ.

નિસ્સગ્ગિપાચિત્તિય

૧. ચીવરવગ્ગ ૧. પઠમકથિન સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન અતિરેકચીવરં દસાહં અતિક્કામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – વેસાલિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અતિરેકચીવરં ધારેસું, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૨. ઉદોસિત સિક્ખાપુચ્છા

પુચ્છા – એકરત્તં ¶ આવુસો તિચિવરેન વિપ્પવસન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ભિક્ખૂનં હત્થે ચીવરં નિક્ખિપિત્વા સન્તરુત્તરેન જનપદચારિકં પક્કમિંસુ, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૩. તતિયકથિન સિક્ખાપુચ્છા

પુચ્છા – અકાલચીવરં ¶ આવુસો પટિગ્ગહેત્વા માસં અતિક્કામેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્બ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અકાલચીવરં પટિગ્ગહેત્વા માસં અતિક્કામેસું, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૪. પુરાણચીવર સિક્ખાપુચ્છા

પુચ્છા – અઞ્ઞાતિકાય ¶ આવુસો ભિક્ખુનિયા પુરાણચીવરં ધોવાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉદાયિં આરબ્ભ પઞ્ઞત્તં, આયસ્મા ભન્તે ઉદાયી અઞ્ઞાતિકાય ભિક્ખુનિયા પુરાણચીવરં ધોવાપેસિ, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૫. ચીવરપટિગ્ગહણ સિક્ખાપુચ્છા

પુચ્છા – અઞ્ઞાતિકાય ¶ આવુસો ભિક્ખુનિયા હત્થતો ચીવરં પટિગ્ગણ્હન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – રાજગહે ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉદાયિં આરબ્ભ પઞ્ઞત્તં, આયસ્મા ભન્તે ઉદાયી અઞ્ઞાતિકાય ભિક્ખુનિયા હત્થતો ચીવરં પટિગ્ગહેસિ, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૬. અઞ્ઞાતકવિઞ્ઞત્તિ સિક્ખાપુચ્છા

પુચ્છા – અઞ્ઞાતકં ¶ આવુસો ગહપતિંવા ગહતાનિંવા ચીવરં વિઞ્ઞાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો અઞ્ઞાતકં સેટ્ઠિપુત્તં ચીવરં વિઞ્ઞાપેસિ, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૭. તતુત્તરિ સિક્ખાપુચ્છા

પુચ્છા – અઞ્ઞાતકં ¶ આવુસો ગહપતિં વા ગહપતાનિં વા તતુત્તરિ ચીવરં વિઞ્ઞાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ન મત્તં જાનિત્વા બહુમ્પિ ચીવરં વિઞ્ઞાપેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – પુબ્બે ¶ અપ્પવારિતસ્સ આવુસો અઞ્ઞાતકં ગહપતિં વા ગહતાનિં વા ઉપસઙ્કમિત્વા ચીવરે વિકપ્પં આપજ્જન્તસ્સ ચ અઞ્ઞાતકે ગહપતિકે ઉપસઙ્કમિત્વા ચીવરે વિકપ્પં આપજ્જન્તસ્સ ચ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો પુબ્બે અપ્પવારિતો અઞ્ઞાતકં ગહપતિકં ઉપસઙ્કમિત્વા ચીવરે વિકપ્પં આપજ્જિ. સોયેવ ભન્તે આયસ્મા ઉપનન્દો સક્યપુત્તો પુબ્બે અપ્પવારિતો અઞ્ઞાતકે ગહપતિકે ઉપસઙ્કમિત્વા ચીવરે વિકપ્પં આપજ્જિ, તસ્મિં ભન્તે વત્થુસ્મિં પઞ્ઞત્તં.

૧. ચીવરવગ્ગ ૧૦. રાજ સિક્ખાપુચ્છા

પુચ્છા – અતિરેકતિક્ખત્તું આવુસો ચોદનાય અતિરેક છક્ખત્તું ઠાનેન ચીવરં અભિનિપ્ફાદેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો ઉપાસકેન અજ્જણ્હો ભન્તે આગમેહીતિ વુચ્ચમાનો નાગમેસિ, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ, ૧. કોસિય સિક્ખાપુચ્છા

પુચ્છા – કોસિયમિસ્સકં આવુસો સન્થકં કારાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – આળવિયં ભન્તે પઞ્ઞત્તં.

પુચ્છા – કં ¶ ૦ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કોસિયકારકે ઉપસઙ્કમિત્વા એવમહંસુ બહૂ આવુસો કોસકારકે પચથ અમ્હાકમ્પિ દસ્સથ મયમ્પિ ઇચ્છામ કોસિયમિસ્સકં સન્તકં કાતુન્તિ, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૨. સુદ્ધકાળક સિક્ખાપુચ્છા

પુચ્છા – સુદ્ધકાળકાનં આવુસો એળકલોમાનં સન્થતં કારાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – વેસાલિયં ભન્તે પઞ્ઞત્થં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સુદ્ધકાળકાનં એળકલોમાનં સન્થતં કારાપેસું, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૩. દ્વેભાગ સિક્ખાપુચ્છા

પુચ્છા – અનાદિયિત્વા આવુસો તુલં ઓદાતાનં તુલં ગોચરિયાનં નવં સન્થતં કારાપેન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ થોકંયેવ ઓદાતં અન્તે આદિયિત્વા તથેવ સુદ્ધકાળકાનં એળકલોમાનં સન્થતં કારાપેસું, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૪. છબ્બસ્સ સિક્ખાપુચ્છા

પુચ્છા – યં તેન આવુસો ભગવતા…પે… સમ્માસમ્બુદ્ધેન અનુવસ્સં કારાપેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અનુવસ્સં સન્થતં કારાપેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કસ્સ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ ¶ નુખો આવુસો એત્થ કોચિ વિરદ્ધદોસો.

વિસ્સજ્જના – નત્થિ ભન્તે.

સંગાયનત્થાય સઙ્ઘસ્સ ઞાપનં

સુણાતુ મે ભન્તે સઙ્ઘો, અહં આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં ઇમેસં નિસ્સગ્ગિયપાચિત્તિયસિક્ખાપદાનં યાવ છબ્બસ્સસિક્ખાપદં નિદાનાદીનિ પુચ્છિતબ્બાનિ અનેકાનિ ઠાનાનિ પુચ્છિં, પુટ્ઠોપુટ્ઠો ચ સો આયસ્મા વિચિત્તસારાભિવંસો વિસ્સજ્જેસિ, ઇતિહિદં ભન્તે ઇમાનિ સિક્ખાપદાનિ નિમ્મલાનિ સુપરિસુદ્ધાની તસ્સેવ ભગવતો વચનાનિ અરહતો સમ્માસમ્બુદ્ધસ્સ, તસ્મા યથાપુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિયસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં ધમ્મવિનયં સંગાયિંસુ ચેવ અનુસંગાયિંસુ ચ, એવમેવ મયમ્પિ દાનિ સબ્બેવ છટ્ઠસંગીતિ મહાધમ્મસભા પરિયાપન્ના છબ્બસ્સ નિસ્સગ્ગિય સિક્ખાપદતો પટ્ઠાય ઇમાનિ નિસ્સગ્ગિયસિક્ખાપદાનિ એકતો ગણસજ્ઝાયં કત્વા સંહાયેય્યામ.

૨. કોસિયવગ્ગ ૫. નિસીદનસન્થત સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન અનાદિયિત્વા પુરાણસન્થતસ્સ સામન્તા સુગતવિદત્તિં નવં નિસીદનસન્થતં કારાપેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સન્થતાનિ ઉજ્ઝિત્વા આરઞ્ઞિકં પિણ્ડપાતિકઙ્ગં પંસુકૂલકઙ્ગં સમાદિયિંસુ, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૬. એળકલોમ સિક્ખાપુચ્છા

પુચ્છા – એળકલોમાનિ આવુસો પટિગ્ગહેત્વા તિયોજનં અતિક્કામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – અઞ્ઞતરં ભન્તે ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ એળકલોમાનિ પટિગ્ગહેત્વા તિયોજનં અતિક્કામેસિ, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૭. એળકલોમધોવાપન સિક્ખાપુચ્છા

પુચ્છા – અઞ્ઞાતિકાય ¶ આવુસો ભિક્ખુનિયા એળકલોમાનિ ધોવાપેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સક્કેસુ ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અઞ્ઞાતિકાહિ ભિક્ખૂનીહિ એળકલોમાનિ ધોવાપેસું, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ ૮. રૂપિય સિક્ખાપુચ્છા

પુચ્છા – રૂપિયં ¶ આવુસો પટિગ્ગણ્હન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – રાજગહે ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો રૂપિયં પટિગ્ગહેસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કથં ¶ આવુસો તત્થ પટિપજ્જન્તો રૂપિયં પટિગ્ગણ્હાતિ નામ.

વિસ્સજ્જના – સયં ભન્તે ગણ્હાતિ, અઞ્ઞં વા ગણ્હાપેસિ, ઇદં અય્યસ્સ હોતૂતિ ઉપનિક્ખિત્તં સાદિયતિ, એવં ખો ભન્તે પટિપજ્જન્તો ભિક્ખુ રૂપિયં પટિગ્ગણ્હાતિ નામ.

પુચ્છા – કથં આવુસો તત્થ પટિપજ્જન્તો ભિક્ખુ રૂપિયં ન પટિગ્ગણ્હાતિ નામ.

વિસ્સજ્જના – યથા ¶ ભન્તે રાજસિક્ખાપદે યથા ચ ભન્તે મેણ્ડકસિક્ખાપદે આગચ્છતિ, તથા ભન્તે પટિપજ્જન્તો ભિક્ખુ રૂપિયં ન પટિગ્ગણ્હાતિનામ.

૨. કોસિયવગ્ગ ૯. રૂપિયસંવોહાર સિક્ખાપુચ્છા

પુચ્છા – રૂપિયસંવોહારં ¶ આવુસો સમાપજ્જન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ નાનપ્પકારકં રૂપિયસંવોહારં સમાપજ્જિંસુ, તસ્મિં ભન્તે વત્થુસ્મિં પઞ્ઞત્તં.

૨. કોસિયવગ્ગ, ૧૦. કયવિક્કય સિક્ખાપુચ્છા

પુચ્છા – નાનપ્પકારકં આવુસો કયવિક્કયં આપજ્જન્તસ્સ નિસ્સગ્ગિયં પાચિત્તિયં ભગવતા કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો પરિબ્બાજકેન સદ્ધિ કયવિક્કયં સમાપજ્જિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કથં આવુસો તત્થ પટિપજ્જન્તો ભિક્ખુ કયવિક્કયં સમાપજ્જતિનામ.

વિસ્સજ્જના – ઇમિના ઇમં દેહિ ઇમિના ઇમં આહર ઇમિના ઇમં પરિવત્તેહિ ઇમિના ઇમં ચેતામેહીતિ અજ્ઝાચરતિ, એવં ખો ભન્તે પટિપજ્જન્તો કયવિક્કયં સમાપજ્જતિનામ.

પુચ્છા – કથં ¶ આવુસો તત્થ પટિપજ્જન્તો ભિક્ખુ ન કયવિક્કયં સમાપજ્જતિનામ.

વિસ્સજ્જના – યો ભન્તે અગ્ઘં પુચ્છતિ, યો ચ ભન્તે કપ્પિયકારકસ્સ આચિક્ખતિ, યો ચ ભન્તે અમ્હાકઞ્ચ ઇદં અત્થિ અમ્હાકઞ્ચ ઇમિના ચ ઇમિના ચ અત્થોતિ ભણતિ, એવં ખો ભન્તે પટિપજ્જન્તો ભિક્ખુ ન કયવિક્કયં સમાપજ્જતિનામ.

૩. પત્તવગ્ગ, ૧. પત્ત સિક્ખાપુચ્છા

પુચ્છા – અતિરેકપત્તં આવુસો દસાહં અતિક્કામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અતિરેકપત્તં ધારેસું, તસ્મિં ભન્તે વત્થુસ્મિં પઞ્ઞત્તં.

૫૧૪ ૩. પત્તવગ્ગ, ૨. ઊનપઞ્ચબન્ધન સિક્ખાપુચ્છા

પુચ્છા – ઊનપઞ્ચબન્ધનેન પત્તેન અઞ્ઞં નવં પત્તં ચેતાપેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સક્કેસુ ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અપ્પમત્તકેનપિ ભિન્નેન અપ્પમત્તકેનપિ ખણ્ડેન વિલિખિતમત્તેનપિ બહૂ પત્તે વિય્યાપેસું, તસ્મિં ભન્તે વત્થુસ્મિં પઞ્ઞત્તં.

ન ભિક્ખવે પત્તો વિઞ્ઞાપેતબ્બો, યો વિઞ્ઞાપેય્ય આપત્તિ દુક્કટસ્સ.

૩. પત્તવગ્ગ ૩. ભેસજ્જ સિક્ખાપુચ્છા

પુચ્છા – ભેસજ્જાનિ ¶ આવુસો પટિગ્ગહેત્વા સત્તાહં અતિક્કામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ આરબ્ભ પઞ્ઞત્તં, સમ્બહુલા ભન્તે ભિક્ખૂ ભેસજ્જાનિ પટિગ્ગહેત્વા સત્તાહં અતિક્કામેસું, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગ ૪. વસ્સિકસાટિક સિક્ખાપુચ્છા

પુચ્છા – અતિરેકમાસે ¶ સેસે ગિમાને આવુસો વસ્સિકસાટિકચીવરં પરિયેસન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અતિરેકમાસે સેસે ગિમ્હાને વસ્સિકસાટિકચીવરં પરિયેસિંસુ, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગ ૫. ચીવરઅચ્છિન્દન સિક્ખાપુચ્છા

પુચ્છા – ભિક્ખુસ્સ આવુસો સામં ચીવરં દત્વા કુપિતેન અનત્તમનેન અચ્છિન્દન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો ભિક્ખુસ્સ સામં ચીવરં દત્વા કુપિતો અનત્તમનો અચ્છિન્દિ, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગો, ૬. સુત્તવિઞ્ઞત્તિ સિક્ખાપુચ્છા

પુચ્છા – સામં આવુસો સુત્તં વિઞ્ઞાપેત્વા તન્તવાયેહિ ચીવરં વાયાપેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – રાજગહે ભન્તે પઞ્ઞત્તં.

પુચ્છા – કં આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સામં સુત્તં વિઞ્ઞાપેત્વા તન્તવાયેહિ ચીવરં વાયાપેસું, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગ, ૭. મહાપેસકાર સિક્ખાપુચ્છા

પુચ્છા – પુબ્બે ¶ અપ્પવારિતસ્સ આવુસો અઞ્ઞાતકસ્સ ગહપતિકસ્સ તન્તવાયે ઉપસઙ્કમિત્વા ચીવરે વિકપ્પં આપજ્જન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિ યં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આયસ્મન્તં ભન્તે ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો પુબ્બે અપ્પવારિતો અઞ્ઞાતકસ્સ ગહપતિકસ્સ તન્તવાયે ઉપસઙ્કમિત્વા ચીવરે વિકપ્પં આપજ્જિ, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગો, ૮. અચ્ચેકચીવર સિક્ખાપુચ્છા

પુચ્છા – અચ્ચેક ચીવરં આવુસો પટિગ્ગહેત્વા ચીવરકાલસમયં અતિક્કામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અચ્ચેકચીવરં પટિગ્ગહેત્વા ચીવરકાલસમયં અતિક્કામેસું, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગો, ૯. સાસઙ્ક સિક્ખાપુચ્છા

પુચ્છા – તિણ્ણં આવુસો ચીવરાનં અઞ્ઞતરં ચીવરં અન્તરઘરે નિક્ખિપિત્વા અતિરેકછારત્તં વિપ્પવસન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ તિણ્ણં ચીવરાનં અઞ્ઞતરં ચીવરં અન્તરઘરે નિક્ખિપિત્વા અતિરેકછારત્તં વિપ્પવસિંસુ, તસ્મિં ભન્તે વત્થુસ્મિં પઞ્ઞત્તં.

૩. પત્તવગ્ગો, ૧૦. પરિણત સિક્ખાપુચ્છા

પુચ્છા – યં તેન આવુસો ભગવતા પસ્સતા અરહતા સમ્માસમ્બુદ્ધેન જાનં સઙ્ઘિકં લાભં અત્થનો પરિણામેન્તસ્સ નિસ્સગ્ગિયં પાચિત્તિયં કત્થ પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં.

પુચ્છા – કં ¶ આવુસો આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ જાનં સઙ્ઘિકં લાભં પરિણતં અત્તનો પરિણામેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – જાનં ¶ આવુસો સઙ્ઘિકં લાભં પરિણતં અત્તનો પરિણામેન્તો, કતિ આપત્તિયો આપજ્જતિ.

વિસ્સજ્જના – જાનં ભન્તે સઙ્ઘિકં લાભં પરિણતં અત્તનો પરિણામેન્તો દ્વે આપત્તિયો આપજ્જતિ, પરિણામેતિ પયોગે દુક્કટં, પરિણામિતે નિસ્સગ્ગિયં પાચિત્તિયં, જાનં ભન્તે સઙ્ઘિકં લાભં પરિણતં અત્તનો પરિણામેન્તો ઇમા દ્વે આપત્તિયો આપજ્જતિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો તત્થ કોચિપિ વિરદ્ધદોસો.

વિસ્સજ્જના – નત્થિ ભન્તે.

સંગાયનત્થાય ઞાપનં

સુણાતુ ¶ મે ભન્તે સઙ્ઘો, અહં ભન્તે ઇમેસં સોળસન્નં નિસ્સગ્ગિયપાચિત્તિયસિક્ખાપદાનં નિદાનાદીનિ અનેકાનિ પુચ્છિતબ્બાનિ આયસ્મન્તં વિચિત્તસારાભિવંસં તિપિટકધર ધમ્મભણ્ડાગારિકં પુચ્છિં, સો ચ પુટ્ઠો પુટ્ઠો વિસ્સજ્જેતિ, ઇતિહિદં ભન્તે સિક્ખાપદસઞ્જાતં નિમ્મલં સુ પરિસુદ્ધં તસ્સેવ ભગવતો વચનં અરહતો સમ્માસમ્બુદ્ધસ્સ, તસ્મા યથા પુરે મહાકસ્સપાદયો મહાથેર વરા પોરાણસંગીતિકારા બ્રહ્મચરિયસઙ્ખાતસ્સ બુદ્ધસાસનસ્સ ચિરટ્ઠિતિયા બહુજનહિતાય બહુજનસુખાય લોકાનુકમ્પાય અત્થાય હિતાય સુખાય દેવમનુસ્સાનં ધમ્મવિનયં સંગાયિંસુચેવ અનુસંગાયિંસુચ, એવમેવ મયમ્પિ દાનિ છટ્ઠસંગીતિ મહાધમ્મસભાપરિયાપન્ના ઇમાનિ સિક્ખાપદાનિ યથાનુપ્પત્તટ્ઠાનતો પટ્ઠાય એકતો ગણસજ્ઝાયં કત્વા સંગાયેય્યામ.

પાચિત્તિયપાળિ

૧. મુસાવાદવગ્ગ, ૧. મુસાવાદ સિક્ખાપુચ્છા

પુચ્છા – યં તેન આવુસો ભગવતા જાનતા પસ્સતા અરહતા સમ્માસમ્બુદ્ધેન સમ્પજાનમુસાવાદે પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં, હત્થકં સક્યપુત્તં આરબ્ભ પઞ્ઞત્તં, હત્થકો ભન્તે સક્યપુત્તો તિત્થિયેહિ સદ્ધિં સલ્લપન્તો અવજાનિત્વા પટિજાનાતિ પટિજાનિત્વા અવજાનાતિ, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો, ૨-૩. ઓમસવાદ, પેસુઞ્ઞ સિક્ખાપુચ્છા

પુચ્છા – ઓમસવાદે પાચિત્તિયઞ્ચ આવુસો ભિક્ખુપેસુઞ્ઞે પાચિત્તિયઞ્ચ ભગવતા કત્થપઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે પઞ્ઞત્તં, છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂહિ સદ્ધિં ભણ્ડન્તા ઓમસિંસુ તસ્મિંચ વત્થુસ્મિં, છબ્બગ્ગિયા ભન્તે ભિક્ખૂ ભિક્ખૂનં ભણ્ડનજાતાનં કલહજાતાનં વિવાદાપન્નાનં પેસુઞ્ઞં ઉપસંહરિંસુ, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગ, ૪. પદસોધમ્મ સિક્ખાપુચ્છા

પુચ્છા – અનુપસમ્પન્નં આવુસો પદસો વાચેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે પઞ્ઞત્તં, છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઉપાસકે પદસો ધમ્મં વાચેસું, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો ૫. સહસેય્ય સિક્ખાપુચ્છા

પુચ્છા – અનુપસમ્પન્નેન આવુસો ઉત્તરિદિરત્તતિરત્તં સહસેય્યં કપ્પેન્તસ્સ પાચિત્તિયં કત્થ પઞ્ઞત્તં, કંઆરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ભન્તે પઞ્ઞત્તં, સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અનુપસમ્પન્નેન સહસેય્યં કપ્પેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કેસં ¶ આવુસો એત્થ અનુપસમ્પન્નેન સહસેય્યં કપ્પેન્તાનમ્પિ અનાપત્તિ હોતિ.

વિસ્સજ્જના – એકાદસન્નં ભન્તે પુગ્ગલાનં અનુપસમ્પન્નેન સહસેય્યં કપ્પેન્તાનં અનાપત્તિ, દ્વેતિસ્સો રત્તિયો વસતી, ઊનકદ્વે તિસ્સો રત્તિયો વસતિ, દ્વેરત્તિયો વસિત્વા તતિયાયરત્તિયા પુરારુણા નિક્ખમિત્વા પુન વસતિ, સબ્બચ્છન્ને સબ્બઅપરિચ્છન્ને, સબ્બપરિચ્છન્ને સબ્બઅચ્છન્ને, યેભુય્યેન અચ્છન્ને યેભુય્યેન અપરિચ્છન્ને, અનુપસમ્પન્ને નિપન્ને ભિક્ખુ નિસીદતિ, ભિક્ખુનિપન્ને અનુપસમ્પન્નો નિસીદતિ, ઉભોવા નિસીદન્તિ, ઉમ્મત્તકસ્સ, આદિકમ્મિકસ્સ, ઇમેસંખો ભન્તે એકાદસન્નં પુગ્ગલાનં અનુપસમ્પન્નેન સહસેય્યં કપ્પેન્તાનં અનાપત્તિ.

૧. મુસાવાદવગ્ગો, ૬. દુતિય સહસેય્ય સિક્ખાપુચ્છા

પુચ્છા – માતુગામેન ¶ આવુસો સહસેય્યં કપ્પેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં અનુરુદ્ધં આરબ્ભ પઞ્ઞત્તં, આયસ્મા ભન્તે અનુરુદ્ધો માતુગામેન સહસેય્યં કપ્પેસિ, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો, ૭. ધમ્મદેસના સિક્ખાપુચ્છા

પુચ્છા – માતુગામસ્સ ¶ આવુસો ઉત્તરિ છપ્પઞ્ચવાચાહિ ધમ્મં દેસેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉદાયિં આરબ્ભ પઞ્ઞત્તં, આયસ્મા ભન્તે ઉદાયી માતુગામસ્સ ધમ્મંદેસેતિ, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો, ૮. ભૂતારોચન સિક્ખાપુચ્છા

પુચ્છા – અનુપસમ્પન્નસ્સ ¶ આવુસો ઉત્તરિમનુસ્સધમ્મં ભૂતં આરોચેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે વગ્ગુમુદાતીરિયે ભિક્ખૂ આરબ્ભ પઞ્ઞત્તં, વગ્ગુમુદાતીરિયા ભન્તે ભિક્ખૂ ગિહીનં અઞ્ઞમઞ્ઞસ્સ ઉત્તરિમનુસ્સધમ્મસ્સ વણ્ણં ભાસિંસુ, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો, ૯. દુટ્ઠુલ્લારોચન સિક્ખાપુચ્છા

પુચ્છા – ભિક્ખુસ્સ ¶ આવુસો દુટ્ઠુલ્લાપત્તિં અનુપસમ્પન્નસ્સ આરોચેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખુસ્સ દુટ્ઠુલ્લાપત્તિં અનુપસમ્પન્નસ્સ આરોચેસું, તસ્મિં ભન્તે વત્થુસ્મિં પઞ્ઞત્તં.

૧. મુસાવાદવગ્ગો, ૧૦. પથવીખણન સિક્ખાપુચ્છા

પુચ્છા – પથવિંખણન્તસ્સ ¶ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ભન્તે આળવિકે ભિક્ખૂ આરબ્ભ પઞ્ઞત્તં, આળવિકા ભન્તે ભિક્ખૂ પથવિંખણિંસુ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગો, ૧. ભૂતગામ સિક્ખાપુચ્છા

પુચ્છા – ભૂતગામપાતબ્યતાય ¶ પાચિત્તિયં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ભન્તે આળવિકે ભિક્ખૂ આરબ્ભ પઞ્ઞત્તં, આળવિકા ભન્તે ભિક્ખૂ રુક્ખં છિન્દિં સુ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૨. અઞ્ઞવાદક સિક્ખાપુચ્છા

પુચ્છા – અઞ્ઞવાદકે વિહેસકે પાચિત્તિયં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ¶ ભન્તે આયસ્મન્તં છન્નં આરબ્ભ પઞ્ઞત્તં, આયસ્મા ભન્તે છન્નો સઙ્ઘમજ્ઝે આપત્તિયા અનુયુઞ્જીયમાનો અઞ્ઞેનઞ્ઞં પટિચરિ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૩. ઉજ્ઝાપનક સિક્ખાપુચ્છા

પુચ્છા – ઉજ્ઝાપનકે ખિય્યનકે પાચિત્તિયં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે મેત્તિયભૂમજકે ભિક્ખૂ આરબ્ભ પઞ્ઞત્તં, મેત્તિયભૂમજકા ભન્તે ભિક્ખૂ આયસ્મન્તં દબ્બં મલ્લપુત્તં ભિક્ખૂ ઉજ્ઝાપેસું, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૪. પઠમ સેનાસન સિક્ખાપુચ્છા

પુચ્છા – સઙ્ઘિકં ¶ આવુસો મઞ્ચંવા પીઠંવા ભિસિંવા કોચ્છંવા અજ્ઝોકાસે સન્થરિત્વા અનુદ્ધરિત્વા અનાપુચ્છા પક્કમન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સઙ્ઘિકં સેનાસનં અજ્ઝોકાસે સન્થરિત્વા અનુદ્ધરિત્વા અનાપુચ્છા પક્કમિંસુ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૫. દુતિય સેનાસન સિક્ખાપુચ્છા

પુચ્છા – સઙ્ઘિકે ¶ આવુસો વિહારે સેય્યં સન્થરિત્વા અનુદ્ધરિત્વા અનાપુચ્છા પક્કમન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સત્તરસવગ્ગિયે ભિક્ખૂ આરબ્ભ પઞ્ઞત્તં, સત્તરસવગ્ગિયા ભન્તે ભિક્ખૂ સઙ્ઘિકે વિહારે સેય્યં સન્થરિત્વા અનુદ્ધરિત્વા અનાપુચ્છા પક્કમિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કસ્સ ¶ આવુસો વચનં.

વિસ્સજ્જના – ભગવતા ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ ¶ નુખો આવુસો એત્થ કોચિપિ વિરદ્ધદોસો.

વિસ્સજ્જના – નત્થિ ભન્તે.

સઙ્ઘસ્સ ઞાપનં

સુણાતુ મે ભન્તે સઙ્ઘો, અહં ભન્તે આયસ્મન્તં વિચિત્તસારાભિવંસં ઇમેસં પન્નરસન્નં સિક્ખાપદાનં નિદાનાદીનિ પુચ્છિતબ્બાનિ અનેકાનિ ઠાનાનિ પુચ્છિં, સો ચ પુટ્ઠો પુટ્ઠો વિસ્સજ્જેતિ, ઇતિ હિદં ભન્તે નિમ્મલં સુપરિસુદ્ધં તસ્સેવ ભગવતો વચનં અરહતો સમ્માસમ્બુદ્ધસ્સ, તસ્મા યથાપુરે મહાકસ્સપાદયો મહાથેરવરા પોરાણસંગીતિકારા બ્રહ્મચરિયસ્સ ચિરટ્ઠિતિયા બહુજનહિતાય બહુજનસુખાય લોનુકમ્પાય અત્થાય હિતાય સુખાય દેવમનુસ્સાનં ધમ્મવિનયં સંગાયિંસુચેવ અનુસંગાયિંસુચ, એવમેવ મયમ્પિ દાનિ છટ્ઠસંગીતિમહાધમ્મસભા પરિયાપન્ના યથાનુપ્પટ્ઠાનતો પટ્ઠાય ઇમાનિ સિક્ખાપદાનિ એકતો ગણસજ્ઝાયં કત્વા સંગાયેય્યામ.

૨. ભૂતગામવગ્ગ, ૬. અનુપખજ્જ સિક્ખાપુચ્છા

પુચ્છા – યં ¶ તેન આવુસો…પે… સમ્માસમ્બુદ્ધેન સઙ્ઘિકે વિહારે જાનં પુબ્બુપગતં ભિક્ખું અનુપખજ્જ સેય્યં કપ્પેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ થેરે ભિક્ખૂ અનુપખજ્જ સેય્યં કપ્પેસું, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૭. નિકડ્ઢન સિક્ખાપુચ્છા

પુચ્છા – ભિક્ખું ¶ આવુસો કુપિતેન અનત્તમનેન સઙ્ઘિકા વિહારા નિક્કડ્ઢેન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કુપિતા અનત્તમના ભિક્ખૂ સઙ્ઘિકાવિહારા નિક્કડ્ઢિંસુ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૮. વેહાસકુટિ સિક્ખાપુચ્છા

પુચ્છા – ઉપરિવેહાસકુટિયા આવુસો આહચ્ચપાદકં મઞ્ચંવા પીઠંવા અભિનિસીદન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ સઙ્ઘિકે વિહારે ઉપરિવેહાસ કુટિયા આહચ્ચપાદકં મઞ્ચં સહસા અભિનિસીદિ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૯. મહલ્લકવિહાર સિક્ખાપુચ્છા

પુચ્છા – દ્વત્તિ પરિયાયે આવુસો અધિટ્ઠહિત્વા તતુત્તરિ અધિટ્ઠહન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ભન્તે આયસ્મન્તં છન્નત્થેરં આરબ્ભ પઞ્ઞત્તં, આયસ્મા ભન્તે છન્દો કતપરિયોસિતં વિહારં પુનપ્પુનં છાદાપેસિ પુનપ્પુનં લેપાપેસિ, અતિભારિતો વિહારો પરિપતિ, તસ્મિં ભન્તે વત્થુસ્મિં પઞ્ઞત્તં.

૨. ભૂતગામવગ્ગ, ૧૦. સપ્પાણક સિક્ખાપુચ્છા

પુચ્છા – જાનં ¶ આવુસો સપ્પાણકં ઉદકં તિણંવા મત્તિકંવા સિઞ્ચન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ભન્તે આળવિકે ભિક્ખૂ આરબ્ભ પઞ્ઞત્તં, આળવિકા ભન્તે ભિક્ખૂ જાનં સપ્પાણકં ઉદકં તિણમ્પિ મત્તિકમ્પિ સિઞ્ચિંસુ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૧. ઓવાદ સિક્ખાપુચ્છા

પુચ્છા – અસમ્મતેન ¶ આવુસો ભિક્ખુનિયો ઓવદન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અસમ્મતા ભિક્ખુનિયો ઓવદિંસુ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૨. અત્થઙ્ગત સિક્ખાપુચ્છા

પુચ્છા – અત્થઙ્ગતે આવુસો સૂરિયે ભિક્ખુનિયો ઓવદન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ચૂળપન્થકં આરબ્ભ પઞ્ઞત્તં, આયસ્મા ભન્તે ચૂળપન્થકો અત્થઙ્ગતે સૂરિયે ભિક્ખુનિયો ઓવદિ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૩-૪. ભિક્ખુનુપસ્સય, આમિસ સિક્ખાપુચ્છા

પુચ્છા – ભિક્ખુનુપસ્સયં ¶ આવુસો ઉપસઙ્કમિત્વા ભિક્ખુનિયો ઓવદન્તસ્સચ આમિસહેતુ થેરા ભિક્ખૂ ભિક્ખુનિયો ઓવદન્તીતિ ભણન્તસ્સચ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – ભિક્ખુનુપસ્સયં ઉપસઙ્કમિત્વા ભિક્ખુનિયો ઓવદન્તસ્સ પાચિત્તિયં ભન્તે સક્કેસુ છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખુનુપસ્સયં ઉપસઙ્કમિત્વા ભિક્ખુનિયો ઓવદિંસુ, આમિસહેતુ થેરા ભિક્ખૂ ભિક્ખુનિયો ઓવદન્તીતિ ભણન્તસ્સ પાચિત્તિયં સાવત્થિયં છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ આમિસહેતુ થેરા ભિક્ખૂ ¶ ભિક્ખુનિયો ઓવદન્તીતિ ભણિંસુ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૫. ચીવરદાન સિક્ખાપુચ્છા

પુચ્છા – અઞ્ઞાતિકાય ¶ આવુસો ભિક્ખુનિયા ચીવરં દેન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ અઞ્ઞાતિકાય ભિક્ખુનિયા ચીવરં અદાસિ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૬. ચીવરસિબ્બન સિક્ખાપુચ્છા

પુચ્છા – અઞ્ઞાતિકાય આવુસો ભિક્ખુનિયા ચીવરં સિબ્બેન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉદાયિં આરબ્ભ પઞ્ઞત્તં, આયસ્મા ભન્તે ઉદાયી અઞ્ઞાતિકાય ભિક્ખુનિયા ચીવરં સિબ્બેસિ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૭. સંવિધાન સિક્ખાપુચ્છા

પુચ્છા – ભિક્ખુનયા ¶ આવુસો સદ્ધિં સંવિધાય એકદ્ધાનમગ્ગં પટિપજ્જન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખુનીહિ સદ્ધિં સંવિધાય એકદ્ધાનમગ્ગં પટિપજ્જિંસુ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૮. નાવાભિરુહન સિક્ખાપુચ્છા

પુચ્છા – ભિક્ખુનિયા ¶ આવુસો સદ્ધિં સંવિધાય એકં નાવં અભિરુહન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂનીહિ સદ્ધિં સંવિધાય એકં નાવં અભિરુહિંસુ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૯. પરિપાચિત સિક્ખાપુચ્છા

પુચ્છા – જાનં આવુસો ભિક્ખુનિપરિપાચિતં પિણ્ડપાતં ભુઞ્જન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે દેવદત્તં આરબ્ભ પઞ્ઞત્તં, દેવદત્તો ભન્તે જાનં ભિક્ખુનિપરિપાચિતં પિણ્ડપાતં ભુઞ્જિ, તસ્મિં ભન્તે વત્થુસ્મિં પઞ્ઞત્તં.

૩. ઓવાદવગ્ગ, ૧૦. રહોનિસજ્જ સિક્ખાપુચ્છા

પુચ્છા – ભિક્ખુનિયા ¶ સદ્ધિં આવુસો એકો એકાય રહો નિસજ્જં કપ્પેન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉદાયિં આરબ્ભ પઞ્ઞત્તં, આયસ્મા ભન્તે ઉદાયી ભિક્ખુનિયા સદ્ધિં એકો એકાય રહો નિસજ્જં કપ્પેસિ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૧. આવસથપિણ્ડ સિક્ખાપુચ્છા

પુચ્છા – તતુત્તરિ ¶ આવુસો આવસથપિણ્ડં ભુઞ્જન્તસ્સ પાચિત્તિયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અનુવસિત્વા અનુવસિત્વા આવસથપિણ્ડં પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૨. ગણભોજન સિક્ખાપુચ્છા

પુચ્છા – ગણભોજને પાચિત્તિયં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે દેવદત્તં આરબ્ભ પઞ્ઞત્તં, દેવદત્તો ભન્તે સપરિસો કુલેસુ વિઞ્ઞાપેત્વા ભુઞ્જિ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ ૩. પરમ્પરભોજન સિક્ખાપુચ્છા

પુચ્છા – પરમ્પર ¶ ભોજને પાચિત્તિયં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અઞ્ઞત્ર નિમન્તિતા અઞ્ઞત્ર ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૪. કાણમાતુ સિક્ખાપુચ્છા

પુચ્છા – દ્વત્તિપત્તપૂરં ¶ પૂવં પટિગ્ગહેત્વા તતુત્તરિ પટિગ્ગણ્હન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ન મત્તં જાનિત્વા પૂવં પટિગ્ગહેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કસ્સ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો એત્થ કોચિપિ વિરદ્ધદોસો.

વિસ્સજ્જના – નત્થિ ભન્તે.

૪. ભોજનવગ્ગ, ૫. પઠમપવારણા સિક્ખાપુચ્છા

પુચ્છા – યં ¶ તેન સાવુસો…પે… સમ્માસમ્બુદ્ધેન ભુત્તાવિના પરિવાતેન અનતિરિત્તં ખાદનીયંવા ભોજનીયંવા ભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ભુત્તાવી પવારિતા અઞ્ઞત્ર ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૬. દુતિય પવારણા સિક્ખાપુચ્છા

પુચ્છા – ભિક્ખું ¶ આવુસો ભુત્તાવિં પવારિતં અનતિરિત્તેન ખાદનીયેન ભોજનીયેન અભિહટ્ઠું પવારેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ ભિક્ખું ભુત્તાવિં પવારિતં અનતિરિત્તેન ભોજનીયેન અભિહટ્ઠું પવારેસિ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૭. વિકાલભોજન સિક્ખાપુચ્છા

પુચ્છા – વિકાલે આવુસો ખાદનીયં વા ભોજનીયં વા ભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સત્તરસવગ્ગિયે ભિક્ખૂ આરબ્ભ પઞ્ઞત્તં, સત્તરસવગ્ગિયા ભન્તે ભિક્ખૂ વિકાલે ભોજનં ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૮. સન્નિધિકારક સિક્ખાપુચ્છા

પુચ્છા – સન્નિધિકારકં આવુસો ખાદનીયં વા ભોજનીયં વા ભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં બેલટ્ઠસીસં આરબ્ભ પઞ્ઞત્તં, આયસ્મા ભન્તે બેલટ્ઠસીસો સન્નિધિકારકં ભોજનં ભુઞ્જિ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૯. પણીતભોજન સિક્ખાપુચ્છા

પુચ્છા – પણીત ભોજનાનિ આવુસો અત્તનો અત્થાય વિઞ્ઞાપેત્વા ભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પણીતભોજનાનિ અત્તનો અત્થાય વિઞ્ઞાપેત્વા ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૪. ભોજનવગ્ગ, ૧૦. દન્તપોન સિક્ખાપુચ્છા

પુચ્છા – અદિન્નં આવુસો મુખદ્વારં આહારં આહરન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ અદિન્નં મુખદ્વારં આહારં આહરિ, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ, ૧. અચેલક સિક્ખાપુચ્છા

પુચ્છા – અચેલકસ્સવા ¶ આવુસો પરિબ્બાજકસ્સવા પરિબ્બાજિકાયવા સહત્થા ખાદનીયંવા ભોજનીયંવા દેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે આયસ્મન્તં આનન્દં આરબ્ભ પઞ્ઞત્તં, આયસ્મા ભન્તે આનન્દો અઞ્ઞતરિસ્સા પરિબ્બાજિકાય એકં મઞ્ઞમાનો દ્વે પૂવે અદાસિ, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ, ૨. ઉય્યોજન સિક્ખાપુચ્છા

પુચ્છા – ભિક્ખું ¶ એહાવુસો ગામંવા નિગમંવા પિણ્ડાય પવિસિસ્સામાતિ તસ્સ દાપેત્વાવા અદાપેત્વાવા ઉય્યોજેન્તસ્સ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો ભિક્ખુ એહાવુસો ગામં પિણ્ડાય પવિસિસ્સામાતિ તસ્સ અદાપેત્વા ઉય્યોજેસિ, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ, ૩. સભોજન સિક્ખાપુચ્છા

પુચ્છા – સભોજને કુલે અનુપખજ્જ નિસજ્જં કપ્પેન્તસ્સ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો સભોજને કુલે અનુપખજ્જ નિસજ્જં કપ્પેસિ, તસ્મિં ભન્તેવત્થુસ્મિં પઞ્ઞત્તં.

૫. અચેલકવગ્ગ ૪-૫. રહોપટિચ્છન્ન, રહોનિસજ્જ સિક્ખાપુચ્છા

પુચ્છા – માતુગામેન સદ્ધિં રહો પટિચ્છન્ને આસને નિસજ્જં કપ્પેન્તસ્સચ આવુસો માતુગામેન સદ્ધિં એકો એકાય રહો નિસજ્જં કપ્પેન્તસ્સચ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો માતુગામેન સદ્ધિં રહો પટિચ્છન્ને આસને નિસજ્જં કપ્પેસિ, માતુગામેન સદ્ધિં એકો એકાય રહો નિસજ્જં કપ્પેસિ, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ, ૬. ચારિત્ત સિક્ખાપુચ્છા

પુચ્છા – નિમન્તિતેન ¶ આવુસો સભત્તેન સન્તં ભિક્ખું અનાપુચ્છા પુરેભત્તંવા પચ્છાભત્તંવા કુલેસુ ચારિત્તં આપજ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો નિમન્તિતો સભત્તો સમાનો પુરેભત્તં પચ્છાભત્તં કુલેસુ ચારિત્તં આપજ્જિ, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ, ૭. મહાનામ સિક્ખાપુચ્છા

પુચ્છા – તતુત્તરિ આવુસો ભેસજ્જં વિઞ્ઞાપેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સક્કેસુ ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ મહાનામેન સક્કેન અજ્જણ્હો ભન્તે આગમેતાતિ વુચ્ચમાના નાગમેસું, તસ્મિં ભન્તે વત્થુસ્મિં પઞ્ઞત્તં.

૫. અચેલકવગ્ગ ૮-૯-૧૦. ઉય્યુત્તસેના ચસો સિક્ખાપુચ્છા

પુચ્છા – ઉય્યુત્તં આવુસો સેનં દસ્સનાય ગચ્છન્તસ્સ ચ અતિરેકતિરત્તં સેનાય વસન્તસ્સ ચ ઉય્યોધિકં ગચ્છન્તસ્સ ચ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઉય્યુત્તં સેનં દસ્સનાય અગમંસુ, તેયેવ ભન્તે છબ્બગ્ગિયા ભિક્ખૂ અતિરેકતિરત્તં સેનાય વસિંસુ, તેયેવ ભન્તે છબ્બગ્ગિયા ભિક્ખૂ ઉય્યોધિકં અગમંસુ, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૧. સુરાપાન સિક્ખાપુચ્છા

પુચ્છા – સુરામેરયપાને ¶ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ભન્તે આયસ્મન્તં સાગતં આરબ્ભ પઞ્ઞત્તં, આયસ્મા ભન્તે સાગતો મજ્જં પિવિ, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૨. અઙ્ગુલિપતોદક સિક્ખાપુચ્છા

પુચ્છા – અઙ્ગુલિપતોદકે ¶ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખું અઙ્ગુલિપતોદકેન હાસેસું, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૩. હસધમ્મ સિક્ખાપુચ્છા

પુચ્છા – ઉદકે હસધમ્મે આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સત્તરસવગ્ગિયે ભિક્ખૂ આરબ્ભ પઞ્ઞત્તં, સત્તરસવગ્ગિયા ભન્તે ભિક્ખૂ અચિરવતિયા નદિયા ઉદકે કીળિંસુ, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૪. અનાદરિય સિક્ખાપુચ્છા

પુચ્છા – અનાદરિય ¶ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ભન્તે આયસ્મન્તં છન્નં આરબ્ભ પઞ્ઞત્તં, આયસ્મા ભન્તે છન્નો આપત્તિયા અનુયુઞ્જિયમાનો અનાદરિયં અકાસિ, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૫. ભિંસાપન સિક્ખાપુચ્છા

પુચ્છા – ભિક્ખું ¶ ભિંસાપેન્તસ્સ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખું ભિંસાપેસું, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૬. જોતિક સિક્ખાપુચ્છા

પુચ્છા – જોતિં આવુસો સમાદહિત્વા વિસિબ્બેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – ભગ્ગેસુ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ જોતિં સમાદપેત્વા વિસિબ્બેસું, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૭. નહાન સિક્ખાપુચ્છા

પુચ્છા – ઓરેનદ્ધમાસં ¶ આવુસો નહાયન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ રાજાનમ્પિ પસ્સિત્વા ન મત્તં જાનિત્વા નહાયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો એત્થ કોચિપિ વિરુદ્ધદોસો.

વિસ્સજ્જના – નત્થિ ભન્તે.

સુણાતુ મે ભન્તે સઙ્ઘો…પે… સંગાયેય્યામ.

પુચ્છા – યં ¶ તેન આવુસો…પે… સમ્માસમ્બુદ્ધેન અનાદિયિત્વા તિણ્ણં દુબ્બણ્ણકરણાનં અઞ્ઞતરં દુબ્બણ્ણકરણં નવં ચીવરં પરિભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અત્તનો ચીવરં ન સઞ્જાનિંસુ, તસ્મિં ભન્તે વત્થુસ્મિં પઞ્ઞત્તં.

૬. સુરાપાનવગ્ગ, ૧૦. ચીવરઅપનિધાન સિક્ખાપુચ્છા

પુચ્છા – ભિક્ખુસ્સ આવુસો પત્તં વા ચીવરં વા નિસીદનં વા સૂચિઘરં વા કાયબન્ધનં વા અપનિધેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂનં પત્તમ્પિ ચીવરમ્પિ અપનિધેસું, તસ્મિં ભન્તે વત્થુસ્મિં પઞ્ઞત્તં.

૭. સપ્પાણકવગ્ગ, ૧. સઞ્ચિચ્ચ સિક્ખાપુચ્છા

પુચ્છા – સઞ્ચિચ્ચ આવુસો પાણં જીવિતા વોરોપેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉદાયિં આરબ્ભ પઞ્ઞત્તં આયસ્મા ભન્તે ઉદાયી સઞ્ચિચ્ચ પાણં જીવિતા વોરોપેસિ, તસ્મિં ભન્તે વત્થુસ્મિં પઞ્ઞત્તં.

૭. સપ્પાણકવગ્ગ, ૨. સપ્પાણક સિક્ખાપુચ્છા

પુચ્છા – જાનં ¶ આવુસો સપ્પાણકં ઉદકં પરિભુઞ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ જાનં સપ્પાણકં ઉદકં પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

૭. સપ્પાણકવગ્ગ, ૬. થેય્યસત્થ સિક્ખાપુચ્છા

પુચ્છા – જાનં આવુસો થેય્યસત્થેન સદ્ધિં સંવિધાય એકદ્ધાનમગ્ગં પટિપજ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ જાનં થેય્યસત્થેન સદ્ધિં સંવિધાય એકદ્ધાનમગ્ગં પટિપજ્જિ, તસ્મિં ભન્તે વત્થુસ્મિં પઞ્ઞત્તં.

૭. સપ્પાણકવગ્ગ, ૭. સંવિધાન સિક્ખાપુચ્છા

પુચ્છા – માતુગામેન ¶ સદ્ધિં આવુસો સંવિધાય એકદ્ધાનમગ્ગં પટિપજ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ માતુગામેન સદ્ધિં સંવિધાય એકદ્ધાનમગ્ગં પટિપજ્જિ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૧. સહધમ્મિક સિક્ખાપુચ્છા

પુચ્છા – ભિક્ખૂહિ આવુસો સહધમ્મિકં વુચ્ચમાનેન ન તાવાહં આવુસો એતસ્મિં સિક્ખાપદે સિક્ખિસ્સામિ, યાવ ન અઞ્ઞં ભિક્ખું બ્યત્તં વિનયધરં પરિપુચ્છિસ્સામીતિ ભણન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ¶ ભન્તે આયસ્મન્તં છન્નં આરબ્ભ પઞ્ઞત્તં, આયસ્મા ભન્તે છન્નો ભિક્ખૂહિ સહધમ્મિકં વુચ્ચમાનો ન તાવાહં આવુસો એતસ્મિં સિક્ખાપદે સિક્ખિસ્સામિ, યાવ ન અઞ્ઞં ભિક્ખું બ્યત્તં વિનયધરં પરિપુચ્છિસ્સામીતિ ભણિ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૨. વિલેખન સિક્ખાપુચ્છા

પુચ્છા – વિનયં વિવણ્ણેન્તસ્સ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ વિનયં વિવણ્ણેસું, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૩. મોહન સિક્ખાપુચ્છા

પુચ્છા – મોહનકે ¶ આવુસો પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ મોહેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ભિક્ખુસ્સ ¶ આવુસો કુપિતેન અનત્તમનેન પહારં દેન્તસ્સ ચ તલસત્તિકં ઉગ્ગિરન્તસ્સ ચ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કુપિતા અનત્તમના સત્તરસવગ્ગિયાનં ભિક્ખૂનં પહારં અદંસુ, તલસત્તિકઞ્ચ ઉગ્ગિરિંસુ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૭. સઞ્ચિચ્ચ સિક્ખાપુચ્છા

પુચ્છા – ભિક્ખુસ્સ આવુસો સઞ્ચિચ્ચ કુક્કુચ્ચં ઉપદહન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂનં સઞ્ચિચ્ચ કુક્કુચ્ચં ઉપદહિંસુ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૮. ઉપસ્સુતિ સિક્ખાપુચ્છા

પુચ્છા – ભિક્ખૂનં ¶ આવુસો ભણ્ડનજાતાનં કલહજાતાનં વિવાદા પન્નાનં ઉપસ્સુતિં તિટ્ઠન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂનં ભણ્ડનજાતાનં કલહ જાતાનં વિવાદાપન્નાનં ઉપસ્સુતિં તિટ્ઠહિંસુ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૯. કમ્મપટિબાહન સિક્ખાપુચ્છા

પુચ્છા – ધમ્મિકાનં આવુસો કમ્માનં છન્દં દત્વા પચ્છા ખીયનધમ્મં આપજ્જન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ધમ્મિકાનં કમ્માનં છન્દં દત્વા પચ્છા ખીયનધમ્મં આપજ્જિંસુ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ ૧૦. છન્દં અદત્વાગમન સિક્ખાપુચ્છા

પુચ્છા – સઙ્ઘે આવુસો વિનિચ્છકથાય વત્તમાનાય છન્દં અદત્વા ઉટ્ઠાયાસના પક્કમન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે છબ્બગ્ગિયો ભિક્ખુ સઙ્ઘે વિનિચ્છયકથાય વત્તમાનાય છન્દં અદત્વા ઉટ્ઠાયાસના પક્કામિ, તસ્મિં ભન્તે વત્થુસ્મિં પઞ્ઞત્તં.

૮. સહધમ્મિકવગ્ગ, ૧૨. પરિણામન સિક્ખાપુચ્છા

પુચ્છા – જાનં ¶ આવુસો સઙ્ઘિકં લાભં પરિણતં પુગ્ગલસ્સ પરિણામેન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ જાનં સઙ્ઘિકં લાભં પરિણતં પુગ્ગલસ્સ પરિણામેસું, તસ્મિં ભન્તે વત્થુસ્મિં પઞ્ઞત્તં.

૯. રતનવગ્ગ, ૧. અન્તેપુર સિક્ખાપુચ્છા

પુચ્છા – પુબ્બે અપ્પટિસંવિદિતેન આવુસો રઞ્ઞો અન્તેપુરં પવિસન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે આયસ્મન્તં આનન્દં આરબ્ભ પઞ્ઞત્તં, આયસ્મા ભન્તે આનન્દો પુબ્બે અપ્પટિસંવિદિતો રઞ્ઞો અન્તેપુરં પાવિસિ, તસ્મિં ભન્તે વત્થુસ્મિં પઞ્ઞત્તં.

૯. રતનવગ્ગ, ૨. રતન સિક્ખાપુચ્છા

પુચ્છા – રતનં આવુસો ઉગ્ગણ્હન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ રતનં ઉગ્ગહેસિ, તસ્મિં ભન્તે વત્થુસ્મિં પઞ્ઞત્તં.

૯. રતનવગ્ગ, ૩. વિકાલગામપ્પવિસન સિક્ખાપુચ્છા

પુચ્છા – સન્તં ¶ આવુસો ભિક્ખું અનાપુચ્છા વિકાલે ગામં પવિસન્તસ્સ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સન્તં ભિક્ખું અનાપુચ્છા વિકાલે ગામં પવિસિંસુ, તસ્મિં ભન્તે વત્થુસ્મિં પઞ્ઞત્તં.

પાટિદેસનીય

૩. તતિયપાટિદેસની સિક્ખાપુચ્છા

પુચ્છા – સેક્ખસમ્મતેસુ ¶ આવુસો કુલેસુ ખાદનીયં વા ભોજનીયં વા સહત્થા પટિગ્ગહેત્વા ભુઞ્જન્તસ્સ પાટિદેસનીયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ નમત્તં જાનિત્વા પટિગ્ગહેસું, તસ્મિં ભન્તે વત્થુસ્મિં પઞ્ઞત્તં.

સેખિયકણ્ડ

પુચ્છા – અનાદરિયં ¶ આવુસો પટિચ્ચ પુરતો વા પચ્છતો વા ઓલમ્બેન્તેન નિવાસેન્તસ્સચ પારુપન્તસ્સચ દુક્કટં કત્થ પઞ્ઞત્તં, કં આરબ્ભ કિસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પુરતો ચ પચ્છતો ચ ઓલમ્બન્તા નિવાસેસુંચેવ પારુપિંસુચ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ કાયં વિવરિત્વા અન્તરઘરે ગચ્છન્તસ્સ ચ નિસીદન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગીયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કાયં વિવરિત્વા અન્તરઘરે ગચ્છિંસુ ચેવ નિસીદિંસુચ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ હત્થં વા પાદં વા કીળાપેન્તેન અન્તરઘરે ગચ્છન્તસ્સ ચ નિસીદન્તસ્સ ચ, તહં તહં ઓલોકેન્તેન અન્તરઘરે ગચ્છન્તસ્સ ચ નિસીદન્તસ્સ ચ, ઉક્ખિત્તકાય અન્તરઘરે ગચ્છન્તસ્સ ચ નિસીદન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ હત્થમ્પિ પાદમ્પિ કીળાપેન્તા તહં તહંપિ ઓલોકેન્તા અન્તરઘરે ગચ્છિંસુચેવ નિસીદિંસુ ચ, તેયેવ ભન્તે છબ્બગ્ગિયા ભિક્ખૂ ઉક્ખિત્તકાય અન્તરઘરે ગચ્છિંસુચેવ નિસીદિંસુચ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ ઉજ્જગ્ઘિકાય વા ઉચ્ચાસદ્દં મહાસદ્દં કરોન્તેન વા અન્તરઘરે ગચ્છન્તસ્સચ નિસીદન્તસ્સચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ મહાહસિતં હસન્તા ચ ઉચ્ચાસદ્દં મહાસદ્દં કરોન્તા ચ અન્તરઘરે ગચ્છિંસુચેવ નિસીદિંસુચ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ કાયપ્પચાલકં વા બાહુપ્પ ચાલકં વા સીસપ્પચાલકં વા ખમ્ભકતેન વા ઓગુણ્ઠિતેન વા અન્તરઘરે ગચ્છન્તસ્સ ચ નિસીદન્તસ્સ ચ ઉક્કુટિકાય કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કાયપ્પચાલકં બાહુપ્પચાલકં સીસપ્પચાલકં કરોન્તા ચ ખમ્ભીકતા ચ ઓગુણ્ઠિતા ચ અન્તરઘરે ગચ્છિંસુચેવ નિસીદિંસુચ, ઉક્કુટિકાયચ અન્તરઘરે ગચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ પલ્લત્થિકાય અન્તરઘરે નિસિન્નસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પલ્લત્થિકાય અન્તરઘરે નિસીદિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ અસક્કચ્ચં પિણ્ડપાતં પટિગ્ગણ્હન્તસ્સ ચ તહં તહં ઓલોકેન્તેન પિણ્ડપાતં પટિગ્ગણ્હન્તસ્સચ સૂપઞ્ઞેવ બહું પટિગ્ગણ્હન્તસ્સચ થૂપીકતં પિણ્ડપાતં પટિગ્ગણ્હન્તસ્સચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અસક્કચ્ચં પિણ્ડપાતં પટિગ્ગહેસું, તહં તહં ઓલોકેન્તા પિણ્ડપાતં પટિગ્ગહેસું, સૂપઞ્ઞેવ બહું પટિગ્ગહેસું, થૂપીકતં પિણ્ડપાતં પટિગ્ગહેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ આસક્કચ્ચં પિણ્ડપાતં ભુઞ્જન્તસ્સચ તહં તહં ઓલોકેન્તન પિણ્ડપાતં ભુઞ્જન્તસ્સ ચ તહં તહં ઓમસિત્વા પિણ્ડપાતં ભુઞ્જન્તસ્સ ચ સૂપઞ્ઞેવ બહું ભુઞ્જન્તસ્સ ચ થૂપકતો ઓમદ્દિત્વા પિણ્ડપાતં ભુઞ્જન્તસ્સ ચ સૂપં વા બ્યઞ્જનં વા ઓદનેન પટિચ્છાદેન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અસક્કચ્ચં પિણ્ડપાતં ભુઞ્જિંસુ, તહં તહં ઓલોકેન્તા પિણ્ડપાતં ભુઞ્જિંસુ, તેયેવ ભન્તે છબ્બગ્ગિયા ભિક્ખૂ તહં તહં ઓમસિત્વા પિણ્ડપાતં ભુઞ્જિંસુ, તેયેવ ભન્તે છબ્બગ્ગિયા ભિક્ખૂ બહું સૂપં ભુઞ્જિંસુ, તેયેવ ભન્તે છબ્બગ્ગિયા ભિક્ખૂ થૂપકતો ઓમદ્દિત્વા પિણ્ડપાતં ભુઞ્જિંસુ, તેયેવ ભન્તે છબ્બગ્ગિયા ભિક્ખૂ સૂપમ્પિ બ્યઞ્જનમ્પિ ઓદનેન પટિચ્છાદેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ સૂપંવા ઓદનંવા અગિલાનેન અત્તનો અત્થાય વિઞ્ઞાપેત્વા ભુઞ્જન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સૂપમ્પિ ઓદનમ્પિ અત્તનો અત્થાય વિઞ્ઞાપેત્વા ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ ઉજ્ઝાનસઞ્ઞિના પરેસં પત્તં ઓલોકેન્તસ્સ ચ અતિમહન્તં કબળં કરોન્તસ્સ ચ દીઘં આલોપં કરોન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઉજ્ઝાનસઞ્ઞિનો પરેસં પત્તં ઓલોકેસું, તેયેવ ભન્તે છબ્બગ્ગિયા ભિક્ખૂ અતિમહન્તં કબળં કરિંસુ, તેયેવ ભન્તે છબ્બગ્ગિયા ભિક્ખૂ દીઘં આલોપં કરિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ અનાહટે કબળે મુખદ્વારં વિવરન્તસ્સ ચ ભુઞ્જમાને સબ્બં હત્થં મુખે પક્ખિપન્તસ્સ ચ સકબળેન મુખેન બ્યાહરન્તસ્સ ચ પિણ્ડુક્ખેપકં પિણ્ડપાતં ભુઞ્જન્તસ્સ ચ કબળાવચ્છેદકં પિણ્ડપાતં ભુઞ્જન્તસ્સ ચ અવગણ્ડકારકં પિણ્ડપાતં ભુઞ્જન્તસ્સ ચ હત્થનિદ્ધુનકં સિત્થાવકારકં જિવ્હાનિચ્છારકં ચપુચપુકારકં પિણ્ડપાતં ભુઞ્જન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અનાહટે કબળે મુખદ્વારં વિવરિંસુ, ભુઞ્જમાના સબ્બં હત્થં મુખે પક્ખિપિંસુ, સકબળેન મુખેન બ્યાહરિંસુ, પિણ્ડુક્ખેપકં ભુઞ્જિંસુ, કબળાવચ્છેદકં ભુઞ્જિંસુ, અવગણ્ડકારકં ભુઞ્જિંસુ, હત્થનિદ્ધુનકં સિત્થાવકારકં જિવ્હાનિચ્છારકં ¶ ચપુચપુકારકં ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ સુરુસુરુકારકં ભુઞ્જન્તસ્સચ હત્થનિલ્લેહકંવા પત્તનિલ્લેહકં વા ઓટ્ઠનિલ્લેહકં વા ભુઞ્જન્તસ્સ ચ સામિસેન હત્થેન પાનીયથાલકં પટિગ્ગણ્હન્તસ્સ ચ સસિત્થકં પત્તધોવનં અન્તરઘરે ચડ્ડેન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સુરુ સુરુકારકં ભન્તે ભુઞ્જન્તસ્સ દુક્કટં કોસમ્બિયં પઞ્ઞત્તં, સમ્બહુલે ભન્તે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સુરુસુરુકારકં ખીરં પિવિંસુ, તસ્મિં ભન્તે વત્થુસ્મિં પઞ્ઞત્તં. હત્થનિલ્લેહકં ¶ ભુઞ્જન્તસ્સ ચ પત્તનિલ્લેહકં ભુઞ્જન્તસ્સ ચ ઓટ્ઠનિલ્લેહકં ભુઞ્જન્તસ્સ દુક્કટં સાવત્થિયં પઞ્ઞત્તં, છબ્બગ્ગિયે ભન્તે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ હત્થનિલ્લેહકં ભુઞ્જિંસુ, પત્તનિલ્લેહકં ભુઞ્જિંસુ, ઓટ્ઠનિલ્લેહકં ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

સામિસેન હત્થેન પાનીયથાલકં પટિગ્ગણ્હન્તસ્સ ચ સસિત્થકં પત્તધોવનં અન્તરઘરે છડ્ડેન્તસ્સ ચ દુક્કટં ભગ્ગેસુ પઞ્ઞત્તં, સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભિક્ખૂ સામિસેન હત્થેન પાનીયથાલકં પટિગ્ગહેસું, તેયેવ ભન્તે સમ્બહુલા ભિક્ખૂ સસિત્થકં પત્તધોવનં અન્તરઘરે છડ્ડેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ છત્તપાણિસ્સ ધમ્મં દેસેન્તસ્સ ચ દણ્ડપાણિસ્સ વા સત્થપાણિસ્સ વા આવુધપાણિસ્સ વા ધમ્મં દેસેન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ છત્તપાણિસ્સ દણ્ડપાણિસ્સ સત્થપાણિસ્સ આવુધપાણિસ્સ ધમ્મં દેસેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં આવુસો પટિચ્ચ પાદુકારુળ્હસ્સ ચ ઉપહનારુળ્હસ્સ ચ યાનગતસ્સ ચ સયનગતસ્સ ચ ધમ્મં દેસેન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પાદુકારુળ્હસ્સ ઉપહનારુળ્હસ્સ યાનગતસ્સ સયનગતસ્સ ધમ્મં દેસેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ પલ્લત્થિકાય નિસિન્નસ્સ ચ વેઠિતસીસસ્સ ચ ઓગુણ્ઠિતસીસસ્સ ચ છમાયં નિસીદિત્વા આસને નિસિન્નસ્સ ચ નીચે આસને નિસીદિત્વા ઉચ્ચે આસને નિસિન્નસ્સ ચ ઠિતેન નિસિન્નસ્સ ચ પચ્છતો ગચ્છન્તેન પુરતો ગચ્છન્તસ્સ ચ ઉપ્પથેન ગચ્છન્તેન પથેન ગચ્છન્તસ્સ ચ ધમ્મં દેસેન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પલ્લત્થિકાય નિસિન્નસ્સ ચ વેઠિતસીસસ્સ ચ ઓગુણ્ઠિતસીસસ્સ ચ છમાયં નિસીદિત્વા આસને નિસિન્નસ્સ ચ નીચે આસને નિસીદિત્વા ઉચ્ચે આસને નિસિન્નસ્સ ચ ઠિતાનિસિન્નસ્સ ચ પચ્છતો ગચ્છન્તા પુરતો ગચ્છન્તસ્સ ચ ઉપ્પથેન ગચ્છન્તા પથેન ગચ્છન્તસ્સ ચ ધમ્મં દેસેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાદરિયં ¶ આવુસો પટિચ્ચ ઠિતેન ઉચ્ચારં વા પસ્સાવં વા કરોન્તસ્સ ચ હરિતે વા ઉદકે વા ઉચ્ચારં વા પસ્સાવં વા ખેળં વા કરોન્તસ્સ ચ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઠિતા ઉચ્ચારમ્પિ પસ્સાવમ્પિ અકંસુ, તેયેવ ભન્તે છબ્બગ્ગિયા ભિક્ખૂ હરિતેપિ ઉદકેપિ ઉચ્ચારમ્પિ પસ્સાવમ્પિ ખેળમ્પિ અકંસુ, તસ્મિં ભન્તે વત્થુસ્મિં પઞ્ઞત્તં.

ભિક્ખુનીવિભઙ્ગ

૫. પઞ્ચમ પારાજિક સિક્ખાપુચ્છા

પુચ્છા – ભિક્ખુનીનં ¶ આવુસો પઞ્ચમ પારાજિકં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સુન્દરીનન્દં ભિક્ખુનિં આરબ્ભ પઞ્ઞત્તં, સુન્દરીનન્દા ભન્તે ભિક્ખુની અવસ્સુતા અવસ્સુતસ્સ પુરિસપુગ્ગલસ્સ કાયસંસગ્ગં સાદિયિ, તસ્મિં ભન્તે વત્થુસ્મિં પઞ્ઞત્તં.

ભિક્ખુનીવિભઙ્ગ, સઙ્ઘાદિસેસ સિક્ખાપુચ્છા

પુચ્છા – ઉસ્સયવાદિકાય આવુસો ભિક્ખુનિયા અડ્ડં કરોન્તિયા સઙ્ઘાદિસેસો કત્થ પઞ્ઞત્તો, કં આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સાવત્થિયં ભન્તે તુલ્લનન્દં ભિક્ખુનિં આરબ્ભ પઞ્ઞત્તો, થુલ્લનન્દા ભન્તે ભિક્ખુની ઉસ્સયવાદિકા વિહરિ, તસ્મિં ભન્તે વત્થુસ્મિં પઞ્ઞત્તો.

પુચ્છા – ચોરિં ¶ આવુસો વુટ્ઠાપેન્તિયા સઙ્ઘાદિસેસો કત્થ પઞ્ઞત્તો, કં આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તો, થુલ્લનન્દા ભન્તે ભિક્ખુની ચોરિં વુટ્ઠાપેસિ, તસ્મિં ભન્તે વત્થુસ્મિં પઞ્ઞત્તો.

પુચ્છા – એકાય ¶ આવુસો ગામન્તરં ગચ્છન્તિયા સઙ્ઘાદિસેસો કત્થ પઞ્ઞત્તો, કં આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તો, અઞ્ઞતરા ભન્તે ભિક્ખુની એકા ગામન્તરં ગચ્છિ, તસ્મિં ભન્તે વત્થુસ્મિં પઞ્ઞત્તો.

પુચ્છા – અવસ્સુતાય આવુસો ભિક્ખુનિયા અવસ્સુતસ્સ પુરિસપુગ્ગલસ્સ હત્થતો ખાદનીયંવા ભોજનીયંવા સહત્થા પટિગ્ગહેત્વા ભુઞ્જન્તસ્સ સઙ્ઘાદિસેસો કત્થ પઞ્ઞત્તો, કં આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સાવત્થિયં ભન્તે સુન્દરીનન્દં ભિક્ખુનિં આરબ્ભ પઞ્ઞત્તો, સુન્દરીનન્દા ભન્તે ભિક્ખુની અવસ્સુતા અવસ્સુતસ્સ પુરિસપુગ્ગલસ્સ ¶ હત્થતો આમિસં પટિગ્ગહેસિ તસ્મિં ભન્તે વત્થુસ્મિં પઞ્ઞત્તો.

પુચ્છા – કુપિતાય આવુસો અનત્તમનાય ભિક્ખુનિયા યાવતતિયં સમનુભાસન્તિયા ન પટિનિસજ્જન્તિયા સઙ્ઘાદિસેસો કત્થ પઞ્ઞત્તો, કં આરબ્ભ કિસ્મિં વત્થુસ્મિં પઞ્ઞત્તો.

વિસ્સજ્જના – સાવત્થિયં ભન્તે ચણ્ડકાળિં ભિક્ખુનિં આરબ્ભ પઞ્ઞત્તો, ચણ્ડકાળી ભન્તે ભિક્ખુની કુપિતા અનત્તમના એવં અભણિ, બુદ્ધં પચ્ચાચિક્ખામિ, ધમ્મં પચ્ચાચિક્ખામિ, સઙ્ઘં પચ્ચાચિક્ખામિ, સિક્ખં પચ્ચાચિક્ખામિ, કિન્નુમાવ સમણિયો યા સમણિયો સક્યધીતરો, સન્તઞ્ઞાપિ સમણિયો લજ્જિનિયો કુક્કુચ્ચિકા સિક્ખાકામા, તાસાહં સન્તિકે બ્રહ્મચરિયં ચરિસ્સામીતિ, તસ્મિં ભન્તે વત્થુસ્મિં પઞ્ઞત્તો.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

પુચ્છા – અત્થિ નુખો આવુસો એત્થ કોચિપિ વિરદ્ધદોસો.

વિસ્સજ્જના – નત્થિ ભન્તે.

ભિક્ખુની વિભઙ્ગપાચિત્તિય

૧. લસુણવગ્ગ, ૧. પઠમ સિક્ખાપુચ્છા

પુચ્છા – યં ¶ તેન આવુસો ભગવતા…પે… સમ્માસમ્બુદ્ધેન લક્ખણં ખાદન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની ન મત્તં જાનિત્વા બહું લસુણં હરાપેસિ, તસ્મિં ભન્તે વત્થુસ્મિં પઞ્ઞત્તં.

૧. લસુણવગ્ગ, ૬. છટ્ઠ સિક્ખાપુચ્છા

પુચ્છા – ભિક્ખુસ્સ આવુસો ભુઞ્જમાનસ્સ અન્નેન વા પાનેન વા વિધૂપનેન વા ઉપતિટ્ઠન્તિયા ભિક્ખુનિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની ભિક્ખુસ્સ ભુઞ્જમાનસ્સ પાનીયેન વિધૂપનેન ચ ઉપતિટ્ઠતિ, તસ્મિં ભન્તે વત્થુસ્મિં પઞ્ઞત્તં.

૧. લસુણવગ્ગ, ૮. અટ્ઠમ સિક્ખાપુચ્છા

પુચ્છા – ઉચ્ચારંવા આવુસો પસ્સાવંવા સઙ્કારંવા વિઘાસંવા થિરોકુટ્ટે છડ્ડેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની ઉચ્ચારં તિરોકુટ્ટે છડ્ડેસિ, તસ્મિં ભન્તે વત્થુસ્મિં પઞ્ઞત્તં.

૧. લસુણવગ્ગ, ૧૦. દસમ સિક્ખાપુચ્છા

પુચ્છા – નચ્ચં ¶ વા આવુસો ગીતં વા વાદિતં વા દસ્સનાય ગચ્છન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો નચ્ચમ્પિ ગીતમ્પિ વાદિતમ્પિ દસ્સનાય અગમંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ભિક્ખુપન ¶ આવુસો નચ્ચં વા ગીતં વા વાદિતં વા દસ્સનાય ગચ્છન્તો કં નામ આપત્તિં આપજ્જતિ.

વિસ્સજ્જના – દુક્કટં ભન્તે આપત્તિં આપજ્જતિ.

૧. પઠમ સિક્ખાપુચ્છા

પુચ્છા – રત્તન્ધકારે આવુસો અપદીપે પુરિસેન સદ્ધિં એકેનેકાય સન્તિટ્ઠન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની રત્તન્ધકારે અપદીપે પુરિસેન સદ્ધિં એકેનેકા સન્તિટ્ઠિ, તસ્મિં ભન્તે વત્થુસ્મિં પઞ્ઞત્તં.

૨. અન્ધકારવગ્ગ, ૨-૩. દુતિય, તતિય સિક્ખાપુચ્છા

પુચ્છા – પટિચ્છન્ને ¶ વા આવુસો ઓકાસે અજ્ઝોકાસે વા પુરિસેન સદ્ધિં એકેનેકાય સન્તિટ્ઠન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની પટિચ્છન્ને ઓકાસે અજ્ઝોકાસે ચ પુરિસેન સદ્ધિં એકેનેકા સન્તિટ્ઠિ, તસ્મિં ભન્તે વત્થુસ્મિં પઞ્ઞત્તં.

૨. અન્ધકારવગ્ગ, ૮. અટ્ઠમ સિક્ખાપુચ્છા

પુચ્છા – દુગ્ગહિતેન આવુસો દૂપધારિતેન પરં ઉજ્ઝાપેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની દુગ્ગહિતેન દૂપધારિતેન પરં ઉજ્ઝાપેસિ, તસ્મિં ભન્તે વત્થુસ્મિં પઞ્ઞત્તં.

૨. અન્ધકારવગ્ગ, ૯. નવમ સિક્ખાપુચ્છા

પુચ્છા – અત્તાનં ¶ વા આવુસો પરં વા નિરયેન વા બ્રહ્મચરિયેન વા અભિસપન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે ચણ્ડકાળિં ભિક્ખુનિં આરબ્ભ પઞ્ઞત્તં, ચણ્ડકાળી ભન્તે ભિક્ખુની અત્તાનમ્પિ પરમ્પિ નિરયેનપિ બ્રહ્મચરિયેનપિ અભિસપિ, તસ્મિં ભન્તે વત્થુસ્મિં પઞ્ઞત્તં.

૨. અન્ધકારવગ્ગ, ૧૦. દસમ સિક્ખાપુચ્છા

પુચ્છા – અત્તાનં ¶ આવુસો વધિત્વા વધિત્વા રોદન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે ચણ્ડકાળિં ભિક્ખુનિં આરબ્ભ પઞ્ઞત્તં, ચણ્ડકાળી ભન્તે ભિક્ખુની ભિક્ખુનીહિ સદ્ધિં ભણ્ડિત્વા અત્તાનં વધિત્વા વધિત્વા રોદિ, તસ્મિં ભન્તે વત્થુસ્મિં પઞ્ઞત્તં.

૩. નગ્ગવગ્ગ, ૩. તતિય સિક્ખાપુચ્છા

પુચ્છા – ભિક્ખુનિયા ¶ આવુસો ચીવરં વિસિબ્બેત્વા વા વિસિબ્બાપેત્વા વા નેવ સિબ્બેન્તિયા ન સિબ્બાપનાય ઉસ્સુક્કં કરોન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની ભિક્ખુનિયા ચીવરં વિસિબ્બાપેત્વા નેવ સિબ્બેસિ ન સિબ્બાપનાય ઉસ્સુક્કં અકાસિ, તસ્મિં ભન્તે વત્થુસ્મિં પઞ્ઞત્તં.

૩. નગ્ગવગ્ગ, ૮. અટ્ઠમ સિક્ખાપુચ્છા

પુચ્છા – અગારિકસ્સ ¶ વા આવુસો પરિબ્બાજકસ્સ વા પરિબ્બાજિકાય વા સમણચીવરં દેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની અગારિકસ્સ સમણચીવરં અદાસિ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૧-૨. પઠમ, દુતિય સિક્ખાપુચ્છા

પુચ્છા – દ્વિન્નં આવુસો ભિક્ખુનીનં એકમઞ્ચે વા એકત્થરણપાવુરણે વા તુવટ્ટેન્તીનં પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો દ્વે એકમઞ્ચે તુવટ્ટેસું, એકત્થરણપાવુરણે તુવટ્ટેસું, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૩. તતિય સિક્ખાપુચ્છા

પુચ્છા – ભિક્ખુનિયા ¶ આવુસો સઞ્ચિચ્ચ અફાસું કરોન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની ભિક્ખુનિયા સઞ્ચિચ્ચ અફાસું અકાસિ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૪. ચતુત્થ સિક્ખાપુચ્છા

પુચ્છા – દુક્ખિતં ¶ આવુસો સહજીવિનિં નેવ ઉપટ્ઠેન્તિયા ન ઉપટ્ઠાપનાય ઉસ્સુક્કં કરોન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દંયેવ ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની દુક્ખિતં સહજીવિનિં નેવઉપટ્ઠેસિ ન ઉપટ્ઠાપનાય ઉસ્સુક્કં અકાસિ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૫. પઞ્ચમ સિક્ખાપુચ્છા

પુચ્છા – ભિક્ખુનિયા ¶ આવુસો ઉપસ્સયં દત્વા કુપિતાય અનત્તમનાય નિક્કડ્ઢન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દંયેવ ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની ભિક્ખુનિયા ઉપસ્સયં દત્વા કુપિતા અનત્તમના નિક્કડ્ઢિ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૬. છટ્ઠ સિક્ખાપુચ્છા

પુચ્છા – સંસટ્ઠાય ¶ આવુસો ભિક્ખુનિયા યાવતતિયં સમનુભાસનાય ન પટિનિસ્સજ્જન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે ચણ્ડકાળિં ભિક્ખુનિં આરબ્ભ પઞ્ઞત્તં, ચણ્ડકાળી ભન્તે ભિક્ખુની સંસટ્ઠા વિહરિ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૭-૮. સત્તમ અટ્ઠમ સિક્ખાપુચ્છા

પુચ્છા – અન્તોરટ્ઠે ¶ વા આવુસો તિરોરટ્ઠે વા સાસઙ્કસમ્મતે સપ્પટિભયે અસત્થિકાય ચારિકં ચરન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો અન્તોરટ્ઠેપિ તિરોરટ્ઠેપિ સાસઙ્કસમ્મતે સપ્પટિભયે અસત્થિકાયો ચારિકં ચરિંસુ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૯. નવમ સિક્ખાપુચ્છા

પુચ્છા – અન્તોવસ્સં આવુસો ચારિકં ચરન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો અન્તોવસ્સં ચારિકં પક્કમિંસુ, તસ્મિં ભન્તે વત્થુસ્મિં પઞ્ઞત્તં.

૪. તુવટ્ટવગ્ગ, ૧૦. દસમ સિક્ખાપુચ્છા

પુચ્છા – વસ્સં ¶ વુટ્ઠાય આવુસો ભિક્ખુનિયા ચારિકં ન પક્કમન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલા ભિક્ખુનિયો આરબ્ભં પઞ્ઞત્તં, સમ્બહુલા ભન્તે ભિક્ખુનિયો વસ્સંવુટ્ઠા ચારિકં ન પક્કમિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે વચનં.

સુણાતુ મે ભન્તે સઙ્ઘો…પે… સંગાયેય્યામ.

૫. ચિત્તાગારવગ્ગ, ૧. પઠમ સિક્ખાપુચ્છા

પુચ્છા – યં તેન આવુસો ભગવતા…પે… સમ્માસમ્બુદ્ધેન રાજાગારં વા ચિત્તાગારં વા આરામં વા ઉય્યાનં વા પોક્ખરણિં વા દસ્સનાય ગચ્છન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો રાજાગારમ્પિ ચિત્તાગારમ્પિ દસ્સનાય ગચ્છિંસુ, તસ્મિં ભન્તે વત્થુસ્મિં પઞ્ઞત્તં.

૫. ચિત્તાગારવગ્ગ, ૪. ચતુત્થ સિક્ખાપુચ્છા

પુચ્છા – ગિહિવેય્યાવચ્ચં આવુસો કરોન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયોગિહિ વેય્યાવચ્ચં અકંસુ, તસ્મિં ભન્તે વત્થુસ્મિં પઞ્ઞત્તં.

૫. ચિત્તાગારવગ્ગ, ૬. છટ્ઠ સિક્ખાપુચ્છા

પુચ્છા – અગારિકસ્સ ¶ વા આવુસો પરિબ્બાજકસ્સ વા પરિબ્બાજિકાય વા સહત્થા ખાદનીયં ભોજનીયં દેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની અગારિકસ્સ સહત્થા ખાદનીયમ્પિ ભોજનીયમ્પિ અદાસિ, તસ્મિં ભન્તે વત્થુસ્મિં પઞ્ઞત્તં.

૫. ચિત્તાગારવગ્ગ, ૯-૧૦. નવમ, દસમ સિક્ખાપુચ્છા

પુચ્છા – તિરચ્છાનવિજ્જં આવુસો પરિયાપુણન્તિયા ચ વાચેન્તિયા ચ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો તિરચ્છાનવિજ્જં પરિયાપુણિંસુચેવ વાચેસુઞ્ચ, તસ્મિં ભન્તે વત્થુસ્મિં પઞ્ઞત્તં.

પુચ્છા – ભિક્ખુ ¶ પન આવુસો તાદિસં તિરચ્છાનવિજ્જં પરિયાપુણન્તો ચ વાચેન્તો ચ કિં નામ આપત્તિં આપજ્જતિ.

વિસ્સજ્જના – દુક્કટં ભન્તે આપત્તિં આપજ્જતિ.

૬. આરામવગ્ગ, ૧. પઠમ સિક્ખાપુચ્છા

પુચ્છા – જાનં આવુસો સભિક્ખુકં આરામં અનાપુચ્છા પવિસન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો આરામં અનાપુચ્છા પવિસિંસુ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૨. દુતિય સિક્ખાપુચ્છા

પુચ્છા – ભિક્ખું ¶ આવુસો અક્કોસન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો આયસ્મન્તં ઉપાલિં અક્કોસિંસુ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૩. તતિય સિક્ખાપુચ્છા

પુચ્છા – ચણ્ડિકતાય ¶ આવુસો ગણં પરિભાસન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની ચણ્ડિકતાય ગણં પરિભાસિ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૫. પઞ્ચમ સિક્ખાપુચ્છા

પુચ્છા – કુલં ¶ આવુસો મચ્છરાયન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખુનિં આરબ્ભ પઞ્ઞત્તં, અઞ્ઞતરા ભન્તે ભિક્ખુની કુલં મચ્છરાયિ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૬. છટ્ઠ સિક્ખાપુચ્છા

પુચ્છા – અભિક્ખુકે ¶ આવુસો આવાસે વસ્સં વસન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો અભિક્ખુકે આવાસે વસ્સં વસિંસુ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૭. સત્તમ સિક્ખાપુચ્છા

પુચ્છા – વસ્સં ¶ વુટ્ઠાય આવુસો ભિક્ખુનિયા ઉભતોસઙ્ઘે તીહિ ઠાનેહિ ન પવારેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો વસ્સં વુટ્ઠા ભિક્ખુસઙ્ઘં ન પવારેસું, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૮. અટ્ઠમ સિક્ખાપુચ્છા

પુચ્છા – ઓવાદાય વા આવુસો સંવાસાય વા નગચ્છન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સક્કેસુ ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો ઓવાદં નગચ્છિંસુ, તસ્મિં ભન્તે વત્થુસ્મિં પઞ્ઞત્તં.

૬. આરામવગ્ગ, ૯. નવમ સિક્ખાપુચ્છા

પુચ્છા – ઉપોસથમ્પિ ¶ આવુસો ન પુચ્છન્તિયા ઓવાદમ્પિ ન યાચન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો ઉપોસથં ન પુચ્છિંસુ, ઓવાદમ્પિ ન યાચિંસુ, તસ્મિં ભન્તે વત્થુસ્મિં પઞ્ઞત્તં.

૭. ગબ્ભિનીવગ્ગ, ૧-૨. પઠમ, દુતિય સિક્ખાપુચ્છા

પુચ્છા – ગબ્ભિનિં વા આવુસો પાયન્તિં વા વુટ્ઠાપેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો ગબ્ભિનિં વુટ્ઠાપેસું, પાયન્તિં વુટ્ઠાપેસું, તસ્મિં ભન્તે વત્થુસ્મિં પઞ્ઞત્તં.

૭. ગબ્ભિનીવગ્ગ, ૩. તતિય સિક્ખાપુચ્છા

પુચ્છા – દ્વે વસ્સાનિ આવુસો છસુ ધમ્મેસુ અસિક્ખિતસિક્ખં સિક્ખમાનં વુટ્ઠાપેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો દ્વે વસ્સાનિ છસુ ધમ્મેસુ અસિક્ખિતસિક્ખં સિક્ખમાનં વુટ્ઠાપેસું, તસ્મિં ભન્તે વત્થુસ્મિં પઞ્ઞત્તં.

૮. કુમારીભૂતવગ્ગ, ૯. નવમ સિક્ખાપુચ્છા

પુચ્છા – પુરિસસંસટ્ઠં ¶ આવુસો કુમારકસંસટ્ઠં ચણ્ડિં સોકાવાસં સિક્ખમાનં વુટ્ઠાપેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની પુરિસસંસટ્ઠં કુમારકસંસટ્ઠં ચણ્ડિં સોકાવાસં ચણ્ડકાળિં સેક્ખમાનં વુટ્ઠાપેસિ, તસ્મિં ભન્તે વત્થુસ્મિં પઞ્ઞત્તં.

૮. કુમારીભૂતવગ્ગ, ૧૦. દસમ સિક્ખાપુચ્છા

પુચ્છા – માતાપિતૂહિ ¶ વા આવુસો સામિકેન વા અનનુઞ્ઞાતં સિક્ખમાનં વુટ્ઠાપેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે થુલ્લનન્દં ભિક્ખુનિં આરબ્ભ પઞ્ઞત્તં, થુલ્લનન્દા ભન્તે ભિક્ખુની માતાપિતૂહિપિ સામિકેનપિ અનનુઞ્ઞાતં સિક્ખમાનં વુટ્ઠાપેસિ, તસ્મિં ભન્તે વત્થુસ્મિં પઞ્ઞત્તં.

૯. છત્તુપાહનવગ્ગ, ૧-૨. પઠમ, દુતિય સિક્ખાપુચ્છા

પુચ્છા – છત્તુપાહનં આવુસો ધારેન્તિયા ચ યાનેન યાયન્તિયા ચ પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો છત્તુપાહનં ધારેસું, યાનેન યાયિંસુ, તસ્મિં ભન્તે વત્થુસ્મિં પઞ્ઞત્તં.

૯. છત્તુપાહનવગ્ગ, ૪. ચતુત્થ સિક્ખાપુચ્છા

પુચ્છા – ઇત્થાલઙ્કારં ¶ આવુસો ધારેન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો ઇત્થાલઙ્કારં ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ભિક્ખુ પન આવુસો પુરિસાલઙ્કારં ધારેન્તો કિં નામ આપત્તિં આપજ્જેય્ય.

વિસ્સજ્જના – દુક્કટં ભન્તે આપત્તિં આપજ્જેય્ય.

૯. છત્તુપાહનવગ્ગ, ૫. પઞ્ચમ સિક્ખાપુચ્છા

પુચ્છા – ગન્ધવણ્ણકેન ¶ આવુસો નહાયન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો ગન્ધવણ્ણકેન નહાયિંસુ, તસ્મિં ભન્તે વત્થુસ્મિં પઞ્ઞત્તં.

૯. છત્તુપાહનવગ્ગ, ૧૧. એકાદસમ સિક્ખાપુચ્છા

પુચ્છા – ભિક્ખુસ્સ આવુસો પુરતો અનાપુચ્છા આસને નિસીદન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો ભિક્ખુસ્સ પુરતો અનાપુચ્છા આસને નિસીદિંસુ, તસ્મિં ભન્તે વત્થુસ્મિં પઞ્ઞત્તં.

૯. છત્તુપાહનવગ્ગ, ૧૨. દ્વાદસમ સિક્ખાપુચ્છા

પુચ્છા – અનોકાસકતં ¶ આવુસો ભિક્ખું પઞ્હં પુચ્છન્તિયા પાચિત્તિયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલા ભિક્ખુનિયો આરબ્ભ પઞ્ઞત્તં, સમ્બહુલા ભન્તે ભિક્ખુનિયો અનોકાસકતં ભિક્ખું પઞ્હં પુચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – સપ્પિં વા આવુસો તેલં વા મધું વા ફાણિતં વા મચ્છં વા મંસં વા ખીરં વા દધિં વા વિઞ્ઞાપેત્વા ભુઞ્જન્તિયા પાટિદેસનીયં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયા ભિક્ખુનિયો આરબ્ભ પઞ્ઞત્તં, છબ્બગ્ગિયા ભન્તે ભિક્ખુનિયો સપ્પિમ્પિ તેલમ્પિ મધુમ્પિ ફાણિતમ્પિ મચ્છમ્પિ મંસમ્પિ ખીરમ્પિ દધિમ્પિ વિઞ્ઞાપેત્વા ભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ચતુન્નં ¶ આવુસો વિપત્તીનં કતમા વિપત્તિ.

વિસ્સજ્જના – આચારવિપત્તિ ભન્તે.

પુચ્છા – છન્નં આવુસો આપત્તિસમુટ્ઠાનાનં કતિહિ સમુટ્ઠાનેહિ સમુટ્ઠાતિ.

વિસ્સજ્જના – ચતૂહિ ભન્તે સમુટ્ઠાનેહિ સમુટ્ઠાતિ, સિયા કાયતો સમુટ્ઠાતિ, નવાચતો નચિત્તતો, સિયા કાયતો ચ વાચતો ચ સમુટ્ઠાતિ, નચિત્તતો, સિયા કાયતો ચ ચિત્તતો ચ સમુટ્ઠાતિ, નવાચતો, સિયા કાયતો ચ વાચતો ચ ચિત્તતો ચ સમુટ્ઠાતિ, ઇમેહિ ભન્તે ચતૂહિ સમુટ્ઠાનેહિ સમુટ્ઠાતિ.

પુચ્છા – કા ¶ આવુસો વિપત્તિ.

વિસ્સજ્જના – અસંવરો ભન્તે વિપત્તિ.

પુચ્છા – કા આવુસો સમ્પત્તિ.

વિસ્સજ્જના – સંવરો ભન્તે સમ્પત્તિ.

પુચ્છા – કા ¶ આવુસો પટિપત્તિ.

વિસ્સજ્જના – ન એવરૂપં કરિસ્સામીતિ યાવજીવં આપાણકોટિકં સમાદાય સિક્ખતિ સિક્ખાપદેસુ, અયં ભન્તે પટિપત્તિ.

પુચ્છા – કસ્સ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.

સુણાતુ મે ભન્તે સઙ્ઘો…પે… સંગાયેય્યામ.

મહાવગ્ગપાળિ

સંગાયનસ્સ પુચ્છા વિસ્સજ્જના

પુચ્છા – ઉભતો ¶ વિભઙ્ગાનન્તરં આવુસો પોરાણકેહિ સંગીતિકારમહાથેરેહિ કં નામ પાવચનં સંગીતં.

વિસ્સજ્જના – ઉભતો વિભઙ્ગાનન્તરં ભન્તે પોરાણકેહિ સંગીતિકારમહાથેરેહિ ખન્ધકા સંગીતા.

પુચ્છા – તે પન આવુસો ખન્ધકા વગ્ગભેદેન કતિવિધા.

વિસ્સજ્જના – તે ¶ પન ભન્તે ખન્ધકા દુવિધા વગ્ગભેદેન મહાવગ્ગો ચૂળવગ્ગોતિ.

પુચ્છા – મહાવગ્ગે આવુસો કતિ ખન્ધકા પરિયાપન્ના.

વિસ્સજ્જના – મહાવગ્ગે ભન્તે દસખન્ધકા પરિયાપન્ના, સેય્યથિદં, મહાખન્ધકો ઉપોસથક્ખન્ધકો વસ્સૂપનાયિકક્ખન્ધકો પવારણાક્ખન્ધકો ચમ્મક્ખન્ધકો ભેસજ્જક્ખન્ધકો કથિનક્ખન્ધકો ચીવરક્ખન્ધકો ચમ્પેય્યક્ખન્ધકો કોસમ્બકક્ખન્ધકોતિ.

પુચ્છા – મહાખન્ધકે આવુસો બહૂ કથાયો, કતમા તાસં આદિકથા.

વિસ્સજ્જના – મહાખન્ધકે ભન્તે બોધિકથા આદિ.

મહાખન્ધક

મહાબોધિપુચ્છા

પુચ્છા – તસ્માતિહ ¶ આવુસો તતો પટ્ઠાય તં પુચ્છિસ્સામિ, ભગવા આવુસો પઠમાભિસમ્બુદ્ધકાલે કત્થ કીવચીરં કેનાકારેન વિહાસિ.

વિસ્સજ્જના – ભગવા ભન્તે પઠમાભિસમ્બુદ્ધો બોધિરુક્ખમૂલે સત્તાહં એકપલ્લઙ્કેન વિહાસિ વિમુત્તિસુખં પટિસંવેદી.

પુચ્છા – તદા આવુસો ભગવા કીદિસં ધમ્મં મનસિકત્વા કીદિસં ઉદાનં ઉદાનેસિ.

વિસ્સજ્જના – તદા ભન્તે ભગવા રત્તિયા પઠમં યામં રત્તિયા મજ્ઝિમં યામં રત્તિયા પચ્છિમં યામં પટિચ્ચસમુપ્પાદં અનુલોમં પટિલોમં મનસિકત્વા તીણિ ઉદાનાનિ ઉદાનેસિ.

અજપાલ

પુચ્છા – તસ્સ ¶ આવુસો સત્તાહસ્સ અચ્ચયેન ભગવા કત્થ વિહાસિ.

વિસ્સજ્જના – તસ્સ ભન્તે સત્તાહસ્સ અચ્ચયેન ભગવા અજપાલ નિગ્રોધમૂલે વિહાસિ, સત્તાહં એકપલ્લઙ્કેન વિહાસિ વિમુત્તિસુખં પટિસંવેદી.

મુચલિન્દા

પુચ્છા – તસ્સપિ આવુસો સત્તાહસ્સ અચ્ચયેન ભગવા કત્થ વિહાસિ.

વિસ્સજ્જના – તસ્સ ¶ ભન્તે સત્તાહસ્સ અચ્ચયેન ભગવા મુચલિન્દમૂલે સત્તાહં એકપલ્લઙ્કેન નિસીદિ.

પુચ્છા – તસ્સપિ આવુસો સત્તાહસ્સ અચ્ચયેન ભગવા કત્થ વિહાસિ.

વિસ્સજ્જના – તસ્સપિ ભન્તે સત્તાહસ્સ અચ્ચયેન ભગવા રાજાયતનમૂલે સત્તાહં એકપલ્લઙ્કેન નિસીદિ વિમુત્તિસુખં પટિસંવેદી.

પુચ્છા – તસ્સપિ ¶ આવુસો સત્તાહસ્સ અચ્ચયેન ભગવા કત્થ વિહાસિ.

વિસ્સજ્જના – તસ્સ ભન્તે સત્તાહસ્સ અચ્ચયેન ભગવા પુનદેવ અજપાલનિગ્રોધમૂલે વિહાસિ.

પુચ્છા – તસ્મિં પન આવુસો અજપાલનિગ્રોધે વિહરન્તસ્સ ભગવતો કથં ચેતસો પરિવિતક્કો ઉદપાદિ.

વિસ્સજ્જના – તસ્મિં પન ભન્તે અજપાલનિગ્રોધે વિહરન્તસ્સ ભગવતો રહોગતસ્સ પટિસલ્લીનસ્સ ધમ્મગમ્ભીરતાપટિસંયુત્તો ચેતસો પરિવિતક્કો ઉદપાદિ.

અધિગતો ખો મ્યાયં ધમ્મો ગમ્ભીરો દુદ્દસો અરનુબોધો સન્તો પણીતો અતક્કાવચરા નિપુણો પણ્ડિતવેદનીયો.

આલયરામાખો ¶ પનાયં પજા આલયરતા આલયસમ્મુદિતા,

સહમ્પતિ બ્રહ્મા

પુચ્છા – કથં આવુસો તદા ધમ્મદેસનાય બ્રહ્મયાચના ચ ભગવતો પટિઞ્ઞાચ અહોસિ.

વિસ્સજ્જના – દેસેતુ ભન્તે ભગવા ધમ્મં, દેસેતુ સુગતો ધમ્મં, સન્તિ સત્તા અપ્પરજક્ખજાતિકા અસ્સવનતા ધમ્મસ્સ પરિહાયન્તિ, ભવિસ્સન્તિ ધમ્મસ્સ અઞ્ઞાતારોતિ ઇતિ ભન્તે બ્રહ્મુનો ધમ્મદેસનાય યાચના અહોસિ,

‘‘અપારુતા તેસં અમતસ્સ દ્વારા,

યે સોતવન્તો પમુઞ્ચન્તુ સદ્ધં;

વિહિંસસઞ્ઞી પગુણં નભાસિં,

ધમ્મં પણીતં મનુજેસુ બ્રહ્મે’’તિ.

એવં ખો ભન્તે ભગવતો ધમ્મદેસનાય પટિઞ્ઞા ચ અહોસિ.

નસ્સતિ ¶ વત લોકો…

દેસેતુ ભન્તે ભગવા ધમ્મં…

અપારુતા તેસં અમતસ્સ દ્વારા,

યે સોતવન્તો પમુઞ્ચન્તુ સદ્ધં.

પુચ્છા – એવં ¶ ખો આવુસો ભગવા ધમ્મદેસનાય પટિઞ્ઞં કત્વા પઠમં ધમ્મં દેસેન્તો કત્થ કીદિસં ધમ્મં કસ્સ દેસેસિ.

વિસ્સજ્જના – બારાણસિયં ભન્તે ઇસિપતને મિગદાયે પઞ્ચવગ્ગિય ભિક્ખુપમુખાનં બ્રહ્મગણાનં ધમ્મચક્કપવત્તનસુત્તં દેસેસિ.

પુચ્છા – તસ્મિં ¶ ખો પન આવુસો ધમ્મચક્કપવત્તનસુત્તે દેસિયમાને મનુસ્સલોકે કસ્સ ધમ્માભિસમયો અહોસિ.

વિસ્સજ્જના – આયસ્મતો ભન્તે કોણ્ડઞ્ઞસ્સ ધમ્માભિસમયો અહોસિ.

પુચ્છા – કથં નુ ખો આવુસો ઇમસ્મિં બુદ્ધસાસને પઠમં પબ્બજ્જા ચ ઉપસમ્પદા ચ અહોસિ.

વિસ્સજ્જના – ઇમસ્મિં ભન્તે બુદ્ધસાસને પઠમં એહિભિક્ખુપસમ્પદા અહોસિ.

લભેય્યાહં ¶ ભન્તે ભગવતો સન્તિકે પબ્બજં, લભેય્યં ઉપસમ્પદં.

એહિ ભિક્ખુ સ્વાખાતો ધમ્મો, ચર બ્રહ્મચરિયં સમ્મા દુક્ખસ્સ અન્તકિરિયાય.

પુચ્છા – ઇતરેસં પન આવુસો ચતુન્નં પઞ્ચવગ્ગિયાનં કદા ધમ્માભિસમયો અહોસિ.

વિસ્સજ્જના – પાટિપદે ભન્તે દિવસે આયસ્મતો વપ્પસ્સ, દુતિયે ભન્તે દિવસે આયસ્મતો ભદ્દિયસ્સ, તતિયે ભન્તે દિવસે આયસ્મતો મહાનામસ્સ, ચતુત્થે ભન્તે દિવસે આયસ્મતો અસ્સજિસ્સ ધમ્માભિસમયો અહોસિ.

પુચ્છા – સબ્બેસમ્પિ ¶ આવુસો તેસં પઞ્ચવગ્ગિયાનં ભિક્ખૂનં કદા અરહત્તપત્તિ હોતિ.

વિસ્સજ્જના – સબ્બેસમ્પિ ભન્તે તેસં પઞ્ચવગ્ગિયાનં ભિક્ખૂનં પક્ખસ્સ પઞ્ચમિયં અનત્તલક્ખણસુત્તે દેસિયમાને અરહત્તપત્તિ હોતિ.

પુચ્છા – કદા આવુસો ભગવતા ભિક્ખૂ તત્થ તત્થ ચારિકં ચરિત્વા ધમ્મદેસનત્થાય પેસિતા.

વિસ્સજ્જના – યસપ્પમુખાનં ભન્તે ચતુપઞ્ઞાસ સહાયકાનં પબ્બજિતકાલે ભગવતા ભિક્ખૂ તત્થ તત્થ ચારિકં ચરિત્વા ધમ્મદેસનત્થાય પેસિતા.

સરણગમન

પુચ્છા – કદા ¶ આવુસો ભગવતા તીહિ સરણગમનેહિ પબ્બજ્જૂપ સમ્પદા અનુઞ્ઞાતો અહોસિ.

વિસ્સજ્જના – યસપ્પમુખાનં ભન્તે ચતુપઞ્ઞાસાય ગિહિ સહાયકાનં પબ્બજિત્વા તત્થ તત્થ ચારિકં ચરિત્વા ધમ્મદેસનત્થાય પેસિતકાલે ભગવતા તીહિ સરણગમનેહિ પબ્બજ્જા ચ ઉપસમ્પદા ચ અનુઞ્ઞાતા.

અનુજાનામિ ¶ ભિક્ખવે તુમ્હેવ દાનિ તાસુ તાસુ દિસાસુ તેસુ તેસુ જનપદેસુ પબ્બાજેથ ઉપસમ્પાદેથ.

પુચ્છા – ભગવતા આવુસો ભિક્ખૂનં આરામો પટિગ્ગણ્હિતું કત્થ કિસ્મિં વત્થુસ્મિં અનુઞ્ઞાતો.

વિસ્સજ્જના – ભગવતા ભન્તે ભિક્ખૂનં આરામં પટિગ્ગણ્હિતું રાજગહે અનુઞ્ઞાતો, રાજા ભન્તે માગધો સેનિયો બિમ્બિસારો બુદ્ધપ્પમુખસ્સ ભિક્ખુસઙ્ઘસ્સ વેળુવનં ઉય્યાનં અદાસિ, તસ્મિં ભન્તે વત્થુસ્મિં અનુઞ્ઞાતો.

એતાહં ¶ ભન્તે વેળુવનં ઉય્યાનં બુદ્ધપ્પમુખસ્સ ભિક્ખુસઙ્ઘસ્સ દમ્મિ –

અનુજાનામિ ભિક્ખવે આરામં.

પુચ્છા – કથઞ્ચ ¶ આવુસો દ્વિન્નં અગ્ગસાવકાનં પબ્બજ્જૂપસમ્પદા અહોસિ.

વિસ્સજ્જના – દ્વિન્નં ભન્તે અગ્ગસાવકાનં એહિ ભિક્ખુપસમ્પદા અહોસિ.

વિપ્પસન્નાનિ ¶ ખો તે આવુસો ઇન્દ્રિયાનિ.

કંસિ ત્વં આવુસો ઉદ્દિસ્સ પબ્બજિતો.

કો વા તે સત્થા.

કસ્સ વા ત્વં ધમ્મં રોચેસિ.

અત્થાવુસો મહાસમણો સક્યપુત્તો સક્યકુલા પબ્બજિતો.

કિં વાદી પનાયસ્મતો સત્થા કિમક્ખાયી.

યે ¶ ધમ્મા હેતુપ્પભવા, તેસં હેતું તથાગતો;

આહ તેસઞ્ચ યો નિરોધો, એવં વાદી મહાસમણો.

અલં આવુસો મા અગમિત્થ.

એતે ભિક્ખવે દ્વે સહાયકા આગચ્છન્તિ કોલિતો ઉપતિસ્સો ચ એતં મે સાવકયુગં ભવિસ્સતિ અગ્ગં ભદ્દયુગં.

લભેય્યામ ¶ મયં ભન્તે ભગવતો સન્તિકે પબ્બજ્જં લભેય્યામ ઉપસમ્પદં.

એથ ભિક્ખવો સ્વાખાતો ધમ્મો, ચરથ બ્રહ્મચરિયં સમ્મા દુક્ખસ્સ અન્તકિરિયાય.

પુચ્છા – ઉપજ્ઝાયો આવુસો ગણ્હિતું ભગવતા કત્થ અનુઞ્ઞાતો, કં આરબ્ભ કિસ્મિં વત્થુસ્મિં અનુઞ્ઞાતો.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતો, સમ્બહુલા ભન્તે ભિક્ખૂ અનુપજ્ઝાયકા અનાચરિયકા અનોવદિયમાના અનનુસાસિયમાના દુન્નિવત્થા દુપ્પારુતા અનોકપ્પસમ્પન્ના પિણ્ડાય ચરિંસુ, તસ્મિં ભન્તે વત્થુસ્મિં અનુઞ્ઞાતો.

પુચ્છા – ઉપજ્ઝાયમ્હિ આવુસો ન સમ્માવત્તન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ¶ ભન્તે સમ્બહુલે સદ્ધિવિહારિકે આરબ્ભ પઞ્ઞત્તં, સમ્બહુલા ભન્તે સદ્ધિવિહારિકા ઉપજ્ઝાયમ્હિ ન સમ્માવત્તિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કદા આવુસો ભગવતા તીહિ સરણગમનેહિ ઉપસમ્પદં પટિક્ખિપિત્વા ઞાતિચતુત્થેન કમ્મેન ઉપસમ્પદા અનુઞ્ઞાતા.

વિસ્સજ્જના – રાધબ્રાહ્મણસ્સ ભન્તે પબ્બજિતકાલે ભગવતા તીહિ સરણગમનેહિ ઉપસમ્પદં પટિક્ખિપિત્વા ઞાત્તિચતુત્થેન કમ્મેન ઉપસમ્પદા અનુઞ્ઞાતા.

કોનુ ¶ ખો ભિક્ખવે તસ્સ બ્રાહ્મણસ્સ અધિકારં સરતિ.

અહં ખો ભન્તે તસ્સ બ્રાહ્મણસ્સ અધિકારં સરામિ.

સાધુ સાધુ સારિપુત્ત, કતઞ્ઞુનો હિ સારિપુત્ત સપ્પુરિસા કતવેદિનો.

કથાહં ભન્તે તં બ્રાહ્મણં ઉપસમ્પાદેમિ.

યાસા ¶ ભિક્ખવે મયા તીહિ સરણગમનેહિ ઉપસમ્પદાઅનુઞ્ઞાતા, તં અજ્જતગ્ગે પટિક્ખિપામિ.

અનુજાનામિ ભિક્ખવે ઞાત્તિચતુત્થેન કમ્મેન ઉપસમ્પાદેતું.

પુચ્છા – અયાચિતકં આવુસો ઉપસમ્પદાપેક્ખં ઉપસમ્પાદેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ ઉપસમ્પન્નસમનન્તરં અનાચારં અચરિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ચતુન્નં ¶ આવુસો નિસ્સયાનં આચિક્ખણા ભગવતા કત્થ અનુઞ્ઞાતા, કં આરબ્ભ કિસ્મિં વત્થુસ્મિં અનુઞ્ઞાતા.

વિસ્સજ્જના – રાજગહે ભન્તે અઞ્ઞતરં ભિક્ખું આરબ્ભ અનુઞ્ઞાતા, અઞ્ઞતરો ભન્તે ભિક્ખુ ઉદરસ્સ કારણા પબ્બજિ, તસ્મિં ભન્તે વત્થુસ્મિં અનુઞ્ઞાતા.

એહિ ¶ દાનિ આવુસો પિણ્ડાય ચરિસ્સામ.

કથઞ્હિ નામ ભિક્ખુ એવં સ્વાક્ખાતે ધમ્મવિનયે ઉદરસ્સ કારણા પબ્બજિસ્સતિ.

પુચ્છા – ઊનદસવસ્સેન ¶ આવુસો ઉપસમ્પાદેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે આયસ્મન્તં ઉપસેનં વઙ્ગન્તપુત્તં આરબ્ભ પઞ્ઞત્તં, આયસ્મા ભન્તે ઉપસેનો વઙ્ગન્તપુત્તો એકવસ્સો સદ્ધિવિહારિકં ઉપસમ્પાદેસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – બાલેન ¶ આવુસો અબ્યત્તેન ઉપસમ્પાદેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ‘‘દસવસ્સમ્હા દસવસ્સમ્હા’’તિ બાલા અબ્યત્તા ઉપસમ્પાદેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – આચરિયો ¶ આવુસો ગણ્હિતું ભગવતા કત્થ અનુઞ્ઞાતો, કં આરબ્ભ કિસ્મિં વત્થુસ્મિં અનુઞ્ઞાતો.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતો, સમ્બહુલા ભન્તે ભિક્ખૂ ઉપજ્ઝાયેસુ પક્કન્તેસુપિ વિબ્ભન્તેસુપિ કાલઙ્કતેસુપિ પક્ખસઙ્કન્તેસુપિ અનાચરિયકા અનોવદિયમાના અનનુસાસિયમાના દુન્નિવત્થા દુપ્પારુતા અનાકપ્પસમ્પન્ના પિણ્ડાય ચરિંસુ, તસ્મિં ભન્તે વત્થુસ્મિં અનુઞ્ઞાતો.

પુચ્છા – પઞ્ચહિ ¶ આવુસો આબાધેહિ ફુટ્ઠં પબ્બાજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ પઞ્ચહિ આબાધેહિ ફુટ્ઠં પબ્બાજેસું, તસ્મિં ભન્તે વત્થુસ્મિં પઞ્ઞત્તં.

સાધુ ¶ ભન્તે અય્યા પઞ્ચહિ આબાધેહિ ફુટ્ઠં ન પબ્બાજેય્યું…

પુચ્છા – રાજભટં આવુસો પબ્બાજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ રાજભટે પબ્બાજેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ધજબન્ધં ¶ આવુસો ચોરં પબ્બાજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહેયેવ ભન્તે અઙ્ગુલિમાલં ચોરં આરબ્ભ પઞ્ઞત્તં, અઙ્ગુલિમાલો ભન્તે ચોરો ભિક્ખૂસુ પબ્બજિતો હોતિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કારભેદકં આવુસો ચોરં પબ્બાજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહેયેવ ¶ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ કારભેદકચોરં પબ્બાજેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ઇણાયિકં આવુસો પબ્બાજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહેયેવ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ઇણાયિકં પબ્બાજેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – દાસં ¶ આવુસો પબ્બજેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહેયેવ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ દાસં પબ્બાજેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ભણ્ડુકમ્માય આવુસો અપલોકનં ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહેયેવ ભન્તે અઞ્ઞતરં કમ્મારભણ્ડુપુત્તં આરબ્ભ અનુઞ્ઞાતં અઞ્ઞતરો ભન્તે કમ્મારભણ્ડુપુત્તો માતાપિતૂહિ સદ્ધિં ભણ્ડિત્વા ભિક્ખૂસુ પબ્બજિતો હોતિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – ઊનવીસતિવસ્સસ્સ ¶ આવુસો પુગ્ગલસ્સ ઉપસમ્પદા ભગવતા કત્થ પટિક્ખિત્તા, કં આરબ્ભ કિસ્મિં વત્થુસ્મિં પટિક્ખિત્તા.

વિસ્સજ્જના – રાજગહે ¶ ભન્તે સમ્બહુલે ભિક્ખૂ આરબ્ભ પટિક્ખિત્તા, સમ્બહુલા ભન્તે ભિક્ખૂ ઊનવીસતિવસ્સં પુગ્ગલં ઉપસમ્પાદેસું, તસ્મિં ભન્તે વત્થુસ્મિં પટિક્ખિત્તા.

ન ¶ ભિક્ખવે જાનં ઊનવીસતિવસ્સો પુગ્ગલો ઉપસમ્પાદેતબ્બો, યોઉપસમ્પાદેય્ય, યથાધમ્મો કારેતબ્બો.

પુચ્છા – માતાપિતૂહિ ¶ આવુસો અનનુઞ્ઞાતં પુત્તં પબ્બાજેન્તસ્સ દુક્કટં ભગવતા કત્થ પઞ્ઞત્તં, કિસ્મિં વત્થુસ્મિં પઞ્ઞત્તં.

વિસ્સજ્જના – સક્કેસુ ભન્તે પઞ્ઞત્તં, રાજા ભન્તે સુદ્ધોદનો ભગવન્તં ઉપસઙ્કમિત્વા વરં યાચિ, સાધુ ભન્તે અય્યાઅનનુઞ્ઞાતં માતાપિતૂહિ પુત્તં પબ્બાજેય્યુન્તિ, તસ્મિં ભન્તે વત્થુસ્મિં પઞ્ઞત્તં.

ન ¶ ભિક્ખવે અનનુઞ્ઞાતો માતાપિતૂહિ પુત્તો પબ્બાજેતબ્બો, યો પબ્બાજેય્ય, આપત્તિદુક્કટસ્સ.

પુચ્છા – થેય્યસંવાસકસ્સ આવુસો ઉપસમ્પદા ભગવતા કત્થ પટિક્ખિત્તા, કં આરબ્ભ કિસ્મિં વત્થુસ્મિં પટિક્ખિત્તા.

વિસ્સજ્જના – સાવત્થિયં ભન્તે અઞ્ઞતરં પુરાણકુલપુત્તં આરબ્ભ પટિક્ખિત્તા, અઞ્ઞતરો ભન્તે પુરાણકુલપુત્તો ખીણ કોલઞ્ઞો સામં પત્તચીવરં પટિયાદેત્વા કેસમસ્સું ઓહારેત્વા ¶ કાસાયાનિ વત્થાનિ અચ્છાદેત્વા આરામં ગન્ત્વા ભિક્ખૂહિ સદ્ધિં સંવસિ, ભન્તે વત્થુસ્મિં પટિક્ખિત્તા.

પુચ્છા – તિરચ્છાનગતસ્સ ¶ આવુસો ઉપસમ્પદા ભગવતા કત્થ પટિક્ખિત્તા, કં આરબ્ભ કિસ્મિં વત્થુસ્મિં પટિક્ખિત્તા.

વિસ્સજ્જના – સાવત્થિયં ભન્તે અઞ્ઞતરં નાગં આરબ્ભ પટિક્ખિત્તા, અઞ્ઞતરો ભન્તે નાગો માણવકવણ્ણેન ભિક્ખૂ ઉપસઙ્કમિત્વા પબ્બજ્જં યાચિ, તં ભિક્ખૂ પબ્બાજેસું ઉપસમ્પાદેસું, તસ્મિં ભન્તે વત્થુસ્મિં પટિક્ખિત્તા.

પુચ્છા – માતુઘાતકસ્સ ¶ ચ આવુસો પિતુઘાતકસ્સ ચ ઉપસમ્પદા ભગવતા કત્થ પટિક્ખિત્તા, કં આરબ્ભ કિસ્મિં વત્થુસ્મિં પટિક્ખિત્તા.

વિસ્સજ્જના – સાવત્થિયંયેવ ¶ ભન્તે અઞ્ઞતરં માણવકં આરબ્ભ પટિક્ખિત્તા, અઞ્ઞતરો ચ ભન્તે માણવકો અઞ્ઞતરો ચ માણવકો માતરં જીવિતા વોરોપેસિ પિતરં જીવિતા વોરોપેસિ, તસ્મિં ભન્તે વત્થુસ્મિં પટિક્ખિત્તા.

માતુઘાતકો ¶ ભિક્ખવે અનુપસમ્પન્નો નઉપસમ્પાદેતબ્બો, ઉપસમ્પન્નો નાસેતબ્બો, પિતુઘાતકો ભિક્ખવે અનુપસમ્પન્નો નઉપસમ્પાદેતબ્બો, ઉપસમ્પન્નો નાસેતબ્બો.

પુચ્છા – અપત્તચીવરકં વા આવુસો યાચિતપત્તચીવરકં વા ઉપસમ્પાદેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અપત્તચીવરકં ઉપસમ્પાદેસું, યાચિતકેન પત્તચીવરેન ઉપસમ્પાદેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ઉપસમ્પદં ¶ પુચ્છિસ્સં, સનિદાનં સઉદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ઉપસમ્પદં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે દ્વે આપત્તિયો.

૨. ઉપોસથક્ખન્ધક

પુચ્છા – ચાતુદ્દસે ¶ ચ આવુસો પન્નરસે ચ પક્ખસ્સ ચ અટ્ઠમિયા સન્નિપતિત્વા ધમ્મં ભાસિતું ભગવતા કત્થ અનુઞ્ઞાતં, કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતા, સમ્બહુલા ભન્તે ભિક્ખૂ ચાતુદ્દેસ પન્નરસે અટ્ઠમિયા ચ પક્ખસ્સ સન્નિપતિત્વા તુણ્હી નિસીદિંસુ, તસ્મિં ભન્તે વત્થુસ્મિં અનુઞ્ઞાતા.

અનુજાનામિ ¶ ભિક્ખવે ચાતુદ્દસે પન્નરસે અટ્ઠમિયા ચ પક્ખસ્સ સન્નિપતિતું.

નનુ નામ સન્નિપતિતેહિ ધમ્મો ભાસિતબ્બો.

પુચ્છા – કદા આવુસો ભિક્ખૂનં પાતિમોક્ખુદ્દેસો ભગવતા અનુઞ્ઞાતો.

વિસ્સજ્જના – યદા ભન્તે ભગવતો રહોગતસ્સ પટિસલ્લીનસ્સ એવં ચેતસો પરિવિતક્કો ઉદપાદિ ‘‘યંનૂનાહં યાનિ મયા ભિક્ખૂનં પઞ્ઞત્તાનિ સિક્ખાપદાનિ, તાનિ નેસં પાતિમોક્ખુદ્દેસં અનુજાનેય્યં, સો નેસં ભવિસ્સતિ ઉપોસથકમ્મ’’ન્તિ ¶ તદા ભન્તે ભગવતા ભિક્ખૂનં પાતિમોક્ખુદ્દેસો અનુઞ્ઞાતો.

પુચ્છા – સીમં આવુસો સમ્મનિતું ભગવતા કત્થ અનુઞ્ઞાતં, કિસ્મિઞ્ચ વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે અનુઞ્ઞાતં, રાજગહે ભન્તે ભગવતિ વિહરતિ ભિક્ખૂનં એતદહોસિ ‘‘ભગવતા પઞ્ઞત્તં એત્તાવતા સામગ્ગી, યાવતા એકાવાસોતિ કિત્તાવતાનુખો એકાવાસો હોતી’’તિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – કતિ ¶ આવુસો ઉપોસથા દિવસવસેન ચ કારકપુગ્ગલવસેન ચ કાતબ્બાકારવસેન ચ.

વિસ્સજ્જના – દિવસવસેન ભન્તે તયો ઉપોસથા, પુગ્ગલવસેન ચ ભન્તે તયો ઉપોસથા, કાતબ્બાકારવસેન ચ ભન્તે તયો ઉપોસથા.

પુચ્છા – કતિ ¶ આવુસો ઉપોસથકમ્માનિ તેસુ ચ કીદિસં ઉપોસથકમ્મં ભગવતા અનુઞ્ઞાતં, કીદિસં અનનુઞ્ઞાતં.

વિસ્સજ્જના – ચત્તારિમાનિ ભન્તે ઉપોસથકમ્માનિ, અધમ્મેન વગ્ગં ઉપોસથકમ્મં, અધમ્મેન સમગ્ગં ઉપોસથકમ્મં, ધમ્મેન વગ્ગં ઉપોસથકમ્મં, ધમ્મેન સમગ્ગં ઉપોસથકમ્મં. તત્ર ભન્તે યદિદં અધમ્મેન વગ્ગં ઉપોસથકમ્મં, અધમ્મેન સમગ્ગં ઉપોસથકમ્મં ધમ્મેન વગ્ગં ઉપોસથકમ્મં, એવરૂપં ભન્તે ઉપોસથકમ્મં અનનુઞ્ઞાતં, તત્ર ભન્તે યદિદં ધમ્મેન સમગ્ગં ઉપોસથકમ્મં, એવરૂપં ભન્તે ઉપોસથકમ્મં અનુઞ્ઞાતં.

પુચ્છા – ઉપોસથં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ઉપોસથં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૩. વસ્સુપનાયિકક્ખન્ધક

પુચ્છા – વસ્સૂપનાયિકં આવુસો ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલા ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ હેમન્તમ્પિ ગિમ્હમ્પિ વસ્સમ્પિ ચારિકં ચરિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કતિપનાવુસો વસ્સૂપનાયિકા ભગવતા અનુઞ્ઞાતા.

વિસ્સજ્જના – દ્વેમા ભન્તે વસ્સૂપનાયિકા ભગવતા અનુઞ્ઞાતા પુરિમિકા પચ્છિમિકા, અપરજ્જુગતાય ભન્તે આસળ્હિયા પુરિમિકા ઉપગન્તબ્બા, માસગતાય ભન્તે આસળ્હિયા પચ્છિમિકા ઉપગન્તબ્બા, ઇમા ખો ભન્તે દ્વે વસ્સૂપનાયિકા ભગવતા અનુઞ્ઞાતા.

પુચ્છા – વસ્સં ¶ આવુસો ઉપગન્ત્વા પુરિમં વા તેમાસં પચ્છિમં વા તેમાસં અવસિત્વા ચારિકં પક્કમન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ વસ્સં ઉપગન્ત્વા અન્તરા વસ્સં ચારિકં પક્કમિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – સત્તાહ કરણીયેન આવુસો પહિતે ગન્તું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ઉદેનેન ઉપાસકેન પહિતે ન ગચ્છિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – સત્તાહકરણીયેન ¶ આવુસો સત્તન્નં અપહિતેપિ ગન્તું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે અઞ્ઞતરસ્સ ભિક્ખુનો માતુગિલાન વત્થુસ્મિં અનુઞ્ઞાતં.

અનુજાનામિ ¶ ભિક્ખવે સત્તન્નં સત્તાહકરણીયેન અપહિતેપિ ગન્તું, પગેવ પહિતે.

પુચ્છા – કિસ્મિંચિ આવુસો અન્તરાયે સતિ અન્તોવસ્સં પક્કમિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ કોસલેસુ જનપદેસુ વસ્સં ઉપગચ્છિંસુ, તે વસ્સૂપગતા વાળેહિ ઉબ્બાળ્હા અહેસું, તસ્મિં ભન્તે વત્થુસ્મિં અનુઞ્ઞાતં.

પુચ્છા – રુક્ખ ¶ સુસિરે વા આવુસો રુક્ખવિટભિયા વા અજ્ઝોકાસે વા વસ્સં ઉપગચ્છન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ રુક્ખસુસિરેપિ રુક્ખવિટભિયાપિ અજ્ઝોકાસેપિ વસ્સં ઉપગચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અસેનાસનિકેન ¶ આવુસો વસ્સં ઉપગચ્છન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – તસ્મિંયેવ ભન્તે સાવત્થિયં સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અસેનાસનિકા વસ્સં ઉપગચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – છવકુટિકાય વા આવુસો છત્તે વા ચાટિયા વા વસ્સં ઉપગચ્છન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયંયેવ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ છવકુટિકાયપિ છત્તેપિ ચાટિયાપિ વસ્સં ઉપગચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – પટિસ્સવં ¶ આવુસો વિસં વાદેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો રઞ્ઞો પસેનદિસ્સ કોસલસ્સ વસ્સં વાસં પટિસ્સુણિત્વા વિસંવાદેસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – વસ્સૂપનાયિકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – વસ્સૂપનાયિકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૪. પવારણાક્ખન્ધક

પુચ્છા – વસ્સં ¶ વુટ્ઠાનં આવુસો ભિક્ખૂનં તીહિ ઠાનેહિ પવારિતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ સન્દિટ્ઠા સમ્ભત્તા અન્તોવસ્સં નેવ આલપિંસુ ન સલ્લપિંસુ, તસ્મિં ભન્તે વત્થુસ્મિં અનુઞ્ઞાતં.

અનુજાનામિ ¶ ભિક્ખવે વસ્સં વુટ્ઠાનં ભિક્ખૂનં તીહિ ઠાનેહિ પવારેતું, દિટ્ઠેવ વા સુતેન વા પરિસઙ્કાય વા.

પુચ્છા – કતિ આવુસો પવારણા દિવસવસેન ચ પુગ્ગલવસેન ચ કાતબ્બાકારવસેન ચ.

વિસ્સજ્જના – દિવસવસેન ભન્તે તિસ્સો પવારણા, તથા પુગ્ગલવસેન કાતબ્બાકારવસેનચ.

પુચ્છા – કતીનં ¶ આવુસો સઙ્ઘે પવારેતું ભગવતા અનુઞ્ઞાતં, કતીનં પનાવુસો અઞ્ઞમઞ્ઞં પવારેતું ભગવતા અનુઞ્ઞાતં.

વિસ્સજ્જના – પઞ્ચન્નં ભન્તે ભિક્ખૂનં સઙ્ઘે પવારેતું ભગવતા અનુઞ્ઞાતં, ચતુન્નં વા ભન્તે તિણ્ણં વા દ્વિન્નં વા અઞ્ઞમઞ્ઞં પવારેતું અનુઞ્ઞાતં.

પુચ્છા – એકેન પનાવુસો વસ્સંવુટ્ઠેન ભિક્ખુના કથં પટિપજ્જિતબ્બન્તિ ભગવતા અનુઞ્ઞાતં.

વિસ્સજ્જના – એકેન પન ભન્તે ભિક્ખુના ‘‘અજ્જ મે પવારણા’’તિ અધિટ્ઠાતબ્બન્તિ ભગવતા અનુઞ્ઞાતં.

પુચ્છા – પવારણં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – પવારણં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૫. ચમ્મક્ખન્ધક

સોણમથેર વત્થુ

પુચ્છા – ઉપાહનં ¶ આવુસો ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે આયસ્મન્તં સોણં આરબ્ભ અનુઞ્ઞાતં, આયસ્મતો ભન્તે સોણસ્સ અચ્ચારદ્ધવીરિયસ્સ ચઙ્કમતો પાદા ભિજ્જિંસુ, ચઙ્કમો લોહિતેન ફુટો અહોસિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – સબ્બનીલિકા ¶ વા આવુસો સબ્બપીતિકા વા સબ્બલોહિતિકા વા સબ્બમઞ્જિટ્ઠિકા વા સબ્બકણ્હા વા સબ્બમહારઙ્ગરત્તા વા સબ્બમહાનામરત્તા ¶ વા ઉપાહનાયો ધારેન્તસ્સ દુક્કટં ભગવતા કત્થ કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સબ્બનીલિકાયો ઉપાહનાયો ધારેસું, સબ્બપીતિકાયો સબ્બલોહિતિકાયો સબ્બમઞ્જિટ્ઠિકાયો સબ્બકણ્હાયો સબ્બમહારઙ્ગરત્તા સબ્બમહાનામરત્તાયોપિ ઉપાહનાયો ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ખલ્લકબન્ધા ¶ વા આવુસો પુટબન્ધા વા પાલિગુણ્ઠિમા વા તૂલપુણ્ણિકા વા તિત્તિરપત્તિકા વા મેણ્ડવિસાણવદ્ધિકા વા અજવિસાણવદ્ધિકા વા વિચ્છિકાળિકા વા મોરપિઞ્છ પરિસિબ્બિકા વા ચિત્રા વા ઉપાહનાયો ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ખલ્લકબન્ધા ઉપાહનાયોપિ ધારેસું, પુટબન્ધા ઉપાહનાયોપિ ધારેસું, પાલિગુણ્ઠિમા ઉપાહનાયોપિ ધારેસું, તૂલપુણ્ણિકા ઉપાહનાયોપિ ધારેસું, તિત્તિરપત્તિકા ઉપાહનાયોપિ ધારેસું, મેણ્ડવિસાણવદ્ધિકા ઉપાહનાયોપિ ધારેસું, અજવિસાણવદ્ધિકા ઉપાહનાયોપિ ધારેસું, વિચ્છિકાળિકા ઉપાહનાયોપિ ધારેસું, મોરપિઞ્છ પરિસિબ્બિતા ઉપાહનાયો ધારેસું, ચિત્રા ઉપાહનાયોપિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કટ્ઠપાદુકાયો ¶ આવુસો ધારેન્તસ્સ દુક્કટં ભગવતા કત્થ કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગીયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ રત્તિયા પચ્ચૂસસમયં પચ્ચુટ્ઠાય કટ્ઠપાદુકાયો અભિરુહિત્વા અજ્ઝોકાસે ચઙ્કમન્તિ ઉચ્ચાસદ્દા મહાસદ્દા ખટખટસદ્દા અનેકવિહિતં તિરચ્છાનકથં કથેન્તા, તસ્મિં ભન્તે વત્થુસ્મિં પઞ્ઞત્તં.

પુચ્છા – યાનેન ¶ આવુસો યાયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ યાનેન યાયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ગિલાનસ્સ ¶ આવુસો યાનં ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે અઞ્ઞતરં ગિલાનં ભિક્ખું આરબ્ભ અનુઞ્ઞાતં, અઞ્ઞતરો ભન્તે ભિક્ખુ કોસલેસુ જનપદે સાવત્થિં ગચ્છન્તો ભગવન્તં દસ્સનાય અન્તરામગ્ગે ગિલાનો કુક્કુચ્ચાયન્તો યાનં નાભિરુહિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – ઉચ્ચાસયનમહાસયનાનિ ¶ આવુસો ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઉચ્ચાસયનમહાસયનાનિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ગોચમ્માનિ આવુસો ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં પાપભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ પાણાતિપાતે સમાદપેસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – પચ્ચન્તિમેસુ ¶ આવુસો જનપદેસુ વિનયધરપઞ્ચમેન ગણેન ઉપસમ્પદા ચ ગુણઙ્ગુણૂપહનઞ્ચ ધુવનહાનઞ્ચ ચમ્માનિ અત્થરણાનિ ચ નિસ્સીમગતાનં ચીવરદાનઞ્ચાતિ ઇમાનિ પઞ્ચ ભગવતા કત્થ અનુઞ્ઞાતાનિ, કં આરબ્ભ કિસ્મિં વત્થુસ્મિં અનુઞ્ઞાતાનિ.

વિસ્સજ્જના – સાવત્થિયં ભન્તે આયસ્મન્તં સોણં કુટિકણ્ણં આરબ્ભ અનુઞ્ઞાતા, આયસ્મા ભન્તે સોણો કુટિકણ્ણો એતાનિ પઞ્ચવત્થૂનિ આયસ્મતો મહાકચ્ચાનસ્સ વચનેન ભગવન્તં યાચિ, તસ્મિં ભન્તે વત્થુસ્મિં અનુઞ્ઞાતા.

પુચ્છા – ચમ્મસઞ્ઞુત્તં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ચમ્મસઞ્ઞુત્તં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૬. ભેસજ્જક્ખન્ધક

પુચ્છા – પઞ્ચ ¶ આવુસો ભેસજ્જાનિ પટિગ્ગહેત્વા કાલેપિ વિકાલેપિ પરિભુઞ્જિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલાનં ભન્તે ભિક્ખૂનં સારદિકેન આબાધેન પુટ્ઠાનં યાગુપિ ન સમ્મા પરિણામં ગચ્છિ, ભત્તમ્પિ ભુત્તં ન સમ્મા પરિણામં ગચ્છિ, તે તેન કિસા અહેસું લૂખા દુબ્બણ્ણા ઉપ્પણ્ડુપ્પણ્ડુકજાતા ધમનિસન્થતગત્તા, તસ્મિં ભન્તે વત્થુસ્મિં અનુઞ્ઞાતં.

પુચ્છા – મૂલાદિભેસજ્જાનિ ¶ આવુસો ભગવતા કત્થ અનુઞ્ઞાતાનિ, કં આરબ્ભ કિસ્મિં વત્થુસ્મિં અનુઞ્ઞાતાનિ.

વિસ્સજ્જના – સાવત્થિયં ભન્તે સમ્બહુલે ગિલાને ભિક્ખૂ આરબ્ભ અનુઞ્ઞાતાનિ, સમ્બહુલાનં ગિલાનાનં ભિક્ખૂનં મૂલેહિ ભેસજ્જેહિ અત્થો અહોસિ, તસ્મિં ભન્તે વત્થુસ્મિં અનુઞ્ઞાતાનિ.

પુચ્છા – અન્તોવુટ્ઠંવા આવુસો અન્તોપક્કં વા સામંપક્કં વા પરિભુઞ્જન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે આયસ્મન્તં આનન્દં આરબ્ભ પઞ્ઞત્તં, આયસ્મા ભન્તે આનન્દો સામં તિલમ્પિ તણ્ડુલમ્પિ મુગ્ગમ્પિ વિઞ્ઞાપેત્વા અન્તો વાસેત્વા અન્તો સામં પચિ, તસ્મિં ભન્તે વત્થુસ્મિં પઞ્ઞત્તં.

સુપ્પિયા વત્થુ

પુચ્છા – મનુસ્સમંસં ¶ આવુસો પરિભુઞ્જન્તસ્સ થુલ્લચ્ચયઞ્ચ અપ્પટિવેક્ખિત્વા મંસં પરિભુઞ્જન્તસ્સ દુક્કટઞ્ચ ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – બારાણસિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ અપ્પટિવેક્ખિત્વા મનુસ્સમંસં ભુઞ્જિ, તસ્મિં ભન્તે વત્થુસ્મિં પઞ્ઞત્તં.

ન ¶ ભિક્ખવે મનુસ્સમંસં પરિભુઞ્જિતબ્બં, યો પરિભુઞ્જેય્ય, આપત્તિ થુલ્લચ્ચયસ્સ, ન ચ ભિક્ખવે અપ્પટિવેક્ખિત્વા મંસં પરિભુઞ્જિતબ્બં, યો પરિભુઞ્જેય્ય આપત્તિ દુક્કટસ્સ.

પુચ્છા – હત્થિમંસં વા આવુસો અસ્સમંસં વા પરિભુઞ્જન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – બારાણસિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ હત્થિમંસમ્પિ અસ્સમંસમ્પિ પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – સુનક્ખમંસં ¶ વા આવુસો અહિમંસં વા ભુઞ્જન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – બારાણસિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સુનક્ખમંસમ્પિ અહિમંસમ્પિ પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – સીહમંસં ¶ વા આવુસો બ્યગ્ઘમંસં વા દીપિમંસં વા અચ્છમંસં વા તરચ્છમંસં વા ભુઞ્જન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – બારાણસિયંયેવ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સીહમંસમ્પિ બ્યગ્ઘમંસમ્પિ દીપિમંસમ્પિ અચ્છમંસમ્પિ તરચ્છમંસમ્પિ પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ગિલાનસ્સ ¶ આવુસો ગુળં વા અગિલાનસ્સ ગુળોદકં વા ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ગિલાનસ્સેવ ભગવતા ગુળો અનુઞ્ઞાતો નો અગિલાનસ્સાતિ કુક્કુચ્ચાયન્તા ગુળં ન ભુઞ્જિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – જાનં ¶ આવુસો ઉદ્દિસ્સ કતં મંસં પરિભુઞ્જન્તસ્સ દુક્કટં પઞ્ઞપેત્વા તિકોટિપરિસુદ્ધં મંસં ભગવતા કત્થ અનુઞ્ઞાતં.

વિસ્સજ્જના – વેસાલિયં ભન્તે સીહસ્સ સેટાપતિનો વત્થુસ્મિં અનુઞ્ઞાતં.

મેણ્ડક વત્થુ

પુચ્છા – પાથેય્યં ¶ આવુસો પરિયેસિતુઞ્ચ કપ્પિયકારકાનં હત્થે ઉપનિક્ખિત્તહિરઞ્ઞતો નિબ્બત્તં કપ્પિયપચ્ચયં સાદિતુઞ્ચ ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – અન્તરા ¶ ચ ભન્તે ભદ્દિયં અન્તરા ચ અઙ્ગુત્તરાપં મેણ્ડકં ગહપતિં આરબ્ભ અનુઞ્ઞાતં, મેણ્ડકો ભન્તે ગહપતિ ભગવન્તં યાચિ ‘‘સન્તિ ભન્તે મગ્ગા કન્તારા અપ્પોદકા અપ્પભક્ખા ન સુકરા અપાથેય્યેન ગન્તું, સાધુ ભન્તે ભગવા ભિક્ખૂનં પાથેય્યં અનુજાનાતૂ’’તિ, તસ્મિં ભન્તે વત્થુસ્મિં અનુઞ્ઞાતં.

કેણિય વત્થુ

પુચ્છા – અટ્ઠ ¶ આવુસો પાનાનિ ભગવતા કત્થ અનુઞ્ઞાતાનિ, કં આરબ્ભ કિસ્મિં વત્થુસ્મિં અનુઞ્ઞાતાનિ.

વિસ્સજ્જના – આપણે ભન્તે સમ્બહુલે ભિક્ખૂ આરબ્ભ અનુઞ્ઞાતાનિ, સમ્બહુલા ભન્તે ભિક્ખૂ કુક્કુચ્ચાયન્તા પાનાનિ ન પટિગ્ગણ્હિંસુ, તસ્મિં ભન્તે વત્થુસ્મિં અનુઞ્ઞાતાનિ.

રોજમલ્લા વત્થુ

પુચ્છા – સબ્બઞ્ચ ¶ આવુસો ડાકં સબ્બઞ્ચ પિટ્ઠખાદનીયં ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – કુસિનારાયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ કુક્કુચ્ચાયન્તા ડાકઞ્ચ પિટ્ઠખાદનીયઞ્ચ ન પટિગ્ગહેસું, તસ્મિં ભન્તે વત્થુસ્મિં અનુઞ્ઞાતં.

પુચ્છા – અકપ્પિયં ¶ આવુસો સમાદપેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આતુમાયં ભન્તે અઞ્ઞતરં વુડ્ઢપબ્બજિતં આરબ્ભ પઞ્ઞત્તં, અઞ્ઞતરો ભન્તે વુડ્ઢપબ્બજિતો અકપ્પિયે સમાદપેતિ, તસ્મિં ભન્તે વત્થુસ્મિં પઞ્ઞત્તં.

પુચ્છા – સઙ્ઘિકાનિ ¶ વા આવુસો પુગ્ગલિકાનિ વા બીજાનિ પુગ્ગલિકાય વા સઙ્ઘિકાય વા ભૂમિયા રોપિતાનિ ભાગં દત્વા પરિભુઞ્જિતું ભગવતા કત્થ અનુઞ્ઞાતં, કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે અનુઞ્ઞાતં, સાવત્થિયં ભન્તે ભગવતિ વિહરતિ સઙ્ઘિકાનિપિ બીજાનિ પુગ્ગલિકાય ભૂમિયા રોપિયિંસુ, પુગ્ગલિકાનિપિ બીજાનિ સઙ્ઘિકાય ભૂમિયા રોપિયિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – વિનયમહાપદેસસઙ્ખાતાનિ ¶ આવુસો ચત્તારિ કપ્પિયાકપ્પિયઅનુલોમાનિ ભગવતા કત્થ પઞ્ઞત્તાનિ, કં આરબ્ભ કિસ્મિં વત્થુસ્મિં પઞ્ઞત્તાનિ.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તાનિ, સમ્બહુલાનં ભન્તે ભિક્ખૂનં કિસ્મિઞ્ચિ કિસ્મિઞ્ચિઠાને કુક્કુચ્ચં ઉપ્પજ્જિ, તસ્મિં ભન્તે વત્થુસ્મિં પઞ્ઞત્તાનિ.

પુચ્છા – યાવકાલિકાદીહિ ¶ સંસટ્ઠાનં આવુસો યામકાલિકાદીનં પરિભોગકાલમરિયાદં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલાનં ભન્તે ભિક્ખૂનં એતદહોસિ ‘‘કપ્પતિ નુખો યાવકાલિકેન યામકાલિકં સત્તાહકાલિકં યાવજીવિકં, ન નુખો કપ્પતિ. કપ્પતિનુખો યામકાલિકેન સત્તાહકાલિકં યાવજીવિકં, ન નુખો કપ્પતિ. કપ્પતિ નુખો સત્તાહકાલિકેન યાવજીવિકં, ન નુખો કપ્પતી’’તિ. તસ્મિં ભન્તે વત્થુસ્મિં પઞ્ઞત્તં.

પુચ્છા – ભેસજ્જકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ભેસજ્જકં વિસ્સજ્જિસ્સં સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૭. કથિનક્ખન્ધક

પુચ્છા – વસ્સંવુટ્ઠાનં ¶ આવુસો ભિક્ખૂનં કથિનં અત્થરિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે તિંસમત્તે પાવેય્યકે ભિક્ખૂ આરબ્ભ અનુઞ્ઞાતં, તિંસમત્તા ભન્તે પાવેય્યકા ભિક્ખૂ સાવત્થિં આગચ્છન્તા ભગવન્તં દસ્સનાય ઉપકટ્ઠાય વસ્સૂપનાયિકાય નાસક્ખિંસુ સાવત્થિયં વસ્સૂપનાયિકં સમ્ભાવેતું, તસ્મિં ભન્તે વત્થુસ્મિં અનુઞ્ઞાતં.

પુચ્છા – કથિનકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – કથિનકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે ન કતમા આપત્તિ.

૮. ચીવરક્ખન્ધક

જીવકવત્થુ

પુચ્છા – ગહપતિચીવરં ¶ આવુસો સાદિયિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે જીવકં કોમારભચ્ચં આરબ્ભ અનુઞ્ઞાતં, જીવકો ભન્તે કોમારભચ્ચો ભિક્ખૂનં ગહપતિચીવરં અનુજાનિતું ભગવન્તં યાચિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – છ ¶ આવુસો રજનાનિ ભગવતા કત્થ અનુઞ્ઞાતાનિ, કિસ્મિં વત્થુસ્મિં અનુઞ્ઞાતાનિ.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતાનિ, સમ્બહુલા ભન્તે ભિક્ખૂ છકણેનપિ પણ્ડુમત્તિકાયપિ ચીવરં રજિંસુ, ચીવરં દુબ્બણ્ણં હોતિ, તસ્મિં ભન્તે વત્થુસ્મિં અનુઞ્ઞાતાનિ.

પુચ્છા – અચ્છિન્નકાનિ ¶ આવુસો ચીવરાનિ ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અચ્છિન્નકાનિ ચીવરાનિ ધારેસું દન્તકસાવાનિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કદા આવુસો ભગવા અનુઞ્ઞાસિ છિન્નકં સઙ્ઘાટિં છિન્નકં ઉત્તરાસઙ્ગં છિન્નકં અન્તરવાસકં.

વિસ્સજ્જના – દક્ખિણાગિરિતો ભન્તે પચ્છાગતકાલે ભગવા અનુઞ્ઞાસિ છિન્નકં સઙ્ઘાટિં છિન્નકં ઉત્તરાસઙ્ગં છિન્નકં અન્તરવાસકં.

પુચ્છા – અગ્ગળં ¶ ચ આવુસો તુન્નઞ્ચ ઓવટ્ટિકઞ્ચ કણ્ડુસકઞ્ચ દળ્હીકમ્મઞ્ચ ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – બારાણસિયં ભન્તે અઞ્ઞતરં ભિક્ખું આરબ્ભ અનુઞ્ઞાતં, અઞ્ઞતરો ભન્તે ભિક્ખુ અગ્ગળં અચ્છુપેસિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – વસ્સિકસાટિકા ¶ ચ આવુસો આગન્તુકભત્તઞ્ચ ગમિકભત્તઞ્ચ ગિલાનભત્તઞ્ચ ગિલાનુપટ્ઠાકભત્તઞ્ચ ગિલાનભેસજ્જઞ્ચ ધુવયાગુ ચ ભિક્ખુનિસઙ્ઘસ્સ ઉદકસાટિકાચાતિ ઇમા અટ્ઠ ભગવતા કત્થ અનુઞ્ઞાતા, કં આરબ્ભ કિસ્મિં વત્થુસ્મિં અનુઞ્ઞાતા.

વિસ્સજ્જના – સાવત્થિયં ભન્તે વિસાખં મિગારમાતરં આરબ્ભ અનુઞ્ઞાતા, વિસાખા ભન્તે મિગારમાતા ભગવન્તં અટ્ઠવરાનિ યાચિ, તસ્મિં ભન્તે વત્થુસ્મિં અનુઞ્ઞાતા.

પુચ્છા – ભગવતા ¶ આવુસો માતાપિતૂનં દાનં અનુજાનિત્વા સદ્ધાદેય્યં વિનિપાતેન્તસ્સ દુક્કટં કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરસ્સ ભન્તે ભિક્ખુનો બહું ચીવરં ઉપ્પન્નં અહોસિ, સો ચ તંચીવરં માતાપિતૂનં દાતુકામો અહોસિ, તસ્મિં ભન્તે વત્થુસ્મિં પઞ્ઞત્તં.

માતાપિતરોતિ ¶ ખો ભિક્ખવે દદમાને કિં વદેય્યામ, અનુજાનામિ ભિક્ખવે માતાપિતૂનં દાતું, ન ચ ભિક્ખવે સદ્ધાદેય્યં વિનિપાતેતબ્બં, યો વિનિપાતેય્ય આપત્તિ દુક્કટસ્સ –

પુચ્છા – અઞ્ઞત્ર વસ્સં વુટ્ઠેન આવુસો અઞ્ઞત્ર ચીવરભાગં સાદિયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો અઞ્ઞત્ર વસ્સં વુટ્ઠો અઞ્ઞત્ર ચીવરભાગં સાદિયિ, તસ્મિં ભન્તે વત્થુસ્મિં પઞ્ઞત્તં.

પુચ્છા – અનાથકં ¶ આવુસો ભિક્ખું ગિલાનં ન ઉપટ્ઠહન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, ભગવતિ ભન્તે સાવત્થિયં વિહરતિ અઞ્ઞતરસ્સ ભિક્ખુનો કુચ્છિવિકારાબાધો અહોસિ, સો સકે મુત્તકરીસે પલિપન્નો સયિ, તસ્મિં ભન્તે વત્થુસ્મિં પઞ્ઞત્તં.

પુચ્છા – નગ્ગિયં ¶ આવુસો તિત્થિયસમાદાનં સમાદિયન્તસ્સ થુલ્લચ્ચયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ નગ્ગિયં તિત્થિયસમાદાનં સમાદિયિ, તસ્મિં ભન્તે વત્થુસ્મિં પઞ્ઞત્તં.

પુચ્છા – સબ્બનીલકાનિ ¶ વા આવુસો ચીવરાનિ સબ્બપીતકાનિ વા સબ્બલોહિતકાનિ વા સબ્બમઞ્જિટ્ઠકાનિ વા સબ્બકણ્હાનિવાતિ એવરૂપાનિ ચીવરાનિ ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સબ્બનીલકાદીનિ ચીવરાનિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કઞ્ચુકં ¶ વા આવુસો વેઠનં વા ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કઞ્ચુકમ્પિ ધારેસું વેઠનમ્પિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ચીવરસઞ્ઞુત્તં પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ચીવરસઞ્ઞુત્તં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૬. ચમ્પેય્યક્ખન્ધક

પુચ્છા – સુદ્ધં ¶ આવુસો ભિક્ખું અનાપત્તિકં અવત્થુસ્મિં અકારણે ઉક્ખિપન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – ચમ્પાયં ભન્તે સમ્બહુલે ભિક્ખૂ આરબ્ભ પઞ્ઞત્તં, ભગવતિ ભન્તે ચમ્પાયં વિહરતિ સમ્બહુલા ભિક્ખૂ કાસીસુ વાસભગામે સુદ્ધં કસ્સપગોત્તં ભિક્ખું અનાપત્તિકં અવત્થુસ્મિં અકારણે ઉક્ખિપિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ચમ્પેય્યકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ચમ્પેય્યકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૧૦. કોસમ્બકક્ખન્ધક

પુચ્છા – ભેદગરુકેહિ ¶ ભિક્ખવે ભિક્ખૂહિ ન સો ભિક્ખુ આપત્તિયા અદસ્સને ઉક્ખિપિતબ્બોતિ ચ, ભેદગરુકેન ભિક્ખવે ભિક્ખુના પરેસમ્પિ સદ્ધાય આપત્તિદેસેતબ્બાતિ ચ આવુસો અયં સામગ્ગિરસઓવાદો ભગવતા કત્થ દિન્નો, કં આરબ્ભ કિસ્મિં વત્થુસ્મિં દિન્નો.

વિસ્સજ્જના – કોસમ્બિયં ભન્તે સમ્બહુલે ભિક્ખૂ આરબ્ભ દિન્નો, ભગવતિ ભન્તે કોસમ્બિયં વિહરતિ અઞ્ઞતરો ભિક્ખુ આપત્તિં આપન્નો અહોસિ, સો તસ્સા આપત્તિયા આપત્તિ દિટ્ઠિ અહોસિ, અઞ્ઞે ભિક્ખૂ તસ્સા આપત્તિયા અનાપત્તિ દિટ્ઠિનો અહેસું. સો અપરેન સમયેન તસ્સા આપત્તિયા અનાપત્તિદિટ્ઠિ અહોસિ, અઞ્ઞે ભિક્ખૂ તસ્સા આપત્તિયા આપત્તિદિટ્ઠિનો અહેસું. અથ ખો તે ભન્તે ભિક્ખૂ સામગ્ગિં લભિત્વા તં ભિક્ખું આપત્તિયા અદસ્સને ઉક્ખિપિંસુ, તસ્મિં ભન્તે વત્થુસ્મિં દિન્નો.

પુચ્છા – સઙ્ઘભેદસ્સ ¶ આવુસો મૂલભૂતે ભિક્ખુમ્હિ ઉક્ખિત્તકે ઓસારિતે તસ્સ વત્થુસ્સ વૂપસમાય સઙ્ઘસામગ્ગિઞ્ચ કાતું સામગ્ગી ઉપોસથઞ્ચ કાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે તેયેવ ઉક્ખિત્તકાનુવત્તકે ભિક્ખૂ આરબ્ભ અનુઞ્ઞાતં, તે ભન્તે ઉક્ખિત્તકાનુવત્તકા ભિક્ખૂ તં ઉક્ખિત્તકં ભિક્ખું ઓસારેત્વા યેન ઉક્ખેપકા ભિક્ખૂ તેનુપસઙ્કમિંસુ ઉપસઙ્કમિત્વા તે ઉક્ખેપકે ભિક્ખૂ એકદવોચું ‘‘યસ્મિં આવુસો વત્થુસ્મિં અહોસિ સઙ્ઘસ્સ ¶ ભણ્ડનં કલહો વિગ્ગહો વિવાદો સઙ્ઘભેદો સઙ્ઘરાજિ સઙ્ઘવવત્થાનં સઙ્ઘનાનાકરણં, સો એસો ભિક્ખું આપન્નો ચ ઉક્ખિત્તો ચ પસ્સિ ચ ઓસારિતો ચ, હન્દ મયં આવુસો તસ્સ વત્થુસ્સ વૂપસમાય સઙ્ઘસામગ્ગિં કરોમા’’તિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – કોસમ્બકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – કોસમ્બકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

ચૂળવગ્ગપાળિ

૧. કમ્બક્ખન્ધક

પુચ્છા – ભણ્ડનાદિકારકસ્સ ¶ આવુસો ભિક્ખુનો તજ્જનીયકમ્મં કાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે પણ્ડુકલોહિતકે ભિક્ખૂ આરબ્ભ અનુઞ્ઞાતં, પણ્ડુકલોહિતકા ભન્તે ભિક્ખૂ અત્તના ભણ્ડનકારકા કલહકારકા વિવાદકારકા ભસ્સકારકા સઙ્ઘે અધિકરણકારકા, યેપિ ચઞ્ઞે ભિક્ખૂ ભણ્ડનકારકા કલહકારકા વિવાદકારકા ભસ્સકારકા સઙ્ઘે અધિકરણકારકા તે ઉપસઙ્કમિત્વા એવમાહંસુ ‘‘મા ખો તુમ્હે આયસ્મન્તો એસો અજેસિ, બલવાબલવં પટિમન્તેથ, તુમ્હે તેન પણ્ડિતતરા ચ બ્યત્તતરા ચ બહુસ્સુતતરા ચ અલમત્તતરા ચ, મા ચસ્સ ભાયિત્થ, મયમ્પિ તુમ્હાકં પક્ખા ભવિસ્સામા’’તિ, તેન અનુપ્પન્નાનિ ચેવ ભણ્ડનાનિ ઉપ્પજ્જન્તિ, ઉપ્પન્નાનિ ચ ભણ્ડનાનિ ભિય્યોભાવાય વેપુલ્લાય સંવત્તન્તિ. તસ્મિં ભન્તે વત્થુસ્મિં અનુઞ્ઞાતં.

પુચ્છા – તજ્જનીયકમ્મકતસ્સ ¶ આવુસો ભિક્ખુનો કતિસુ વત્તેસુ સમ્મા વત્તન્તસ્સ તં કમ્મં પટિપ્પસ્સમ્ભેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – અટ્ઠારસસુ ¶ ભન્તે વત્તેસુ સમ્મા વત્તન્તસ્સ તજ્જનીયકમ્મકતસ્સ ભિક્ખુનો તં કમ્મં પટિપ્પસ્સમ્ભેતું ભગવતા સાવત્થિયં અનુઞ્ઞાતં, તેયેવ પણ્ડુકલોહિતકા ભિક્ખૂ સઙ્ઘેન તજ્જનીયકમ્મકતા સમ્મા વત્તિત્વા સઙ્ઘં ઉપસઙ્કમિત્વા યાચિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – બાલસ્સ ¶ આવુસો અબ્યત્તસ્સ આપત્તિબહુલસ્સ અનપદાનસ્સ ગિહિસંસટ્ઠસ્સ અનનુલોમિકેહિ ગિહિસંસગ્ગેહિ નિયસ્સકમ્મં કાતું કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં સેય્યસકં આરબ્ભ પઞ્ઞત્તં, આયસ્મા ભન્તે સેય્યસકો બાલો અહોસિ અબ્યત્તો આપત્તિબહુલો અનપદાનો ગિહિસંસટ્ઠો વિહાસિ અનનુલોમિકેહિ ગિહિસંસગ્ગેહિ, તસ્મિં ભન્તે વત્થુસ્મિં પઞ્ઞત્તં.

પુચ્છા – નિયસ્સકમ્મકતસ્સ ¶ આવુસો ભિક્ખુનો કતિસુ વત્તેસુ સમ્મા વત્તન્તસ્સ તં કમ્મં પટિપ્પસ્સમ્ભેતું ભગવતા અનુઞ્ઞાતં.

વિસ્સજ્જના – અટ્ઠારસસુ ભન્તે વત્તેસુ સમ્મા વત્તન્તસ્સ નિયસ્સ કમ્મકતસ્સ ભિક્ખુનો તં કમ્મં પટિપ્પસ્સમ્ભેતું ભગવતા અનુઞ્ઞાતં, ન ઉપસમ્પાદેતબ્બં, ન નિસ્સયો દાતબ્બો, ન સામણેરો ઉપટ્ઠાપેતબ્બો, ન ભિક્ખુનોવાદકસમ્મુતિ સાદિતબ્બા, સમ્મતેનપિ ભિક્ખુનિયો ન ઓવદિતબ્બા, એવમાદીસુ ભન્તે અટ્ઠારસસુ વત્તેસુ સમ્મા વત્તન્તસ્સ નિયસ્સકમ્મકતસ્સ ભિક્ખુનો તં કમ્મં પટિપ્પસ્સમ્ભેતું ભગવતા અનુઞ્ઞાતં.

પુચ્છા – કુલદૂસકસ્સ ¶ આવુસો પાપસમાચારસ્સ ભિક્ખુનો પબ્બાજનીયકમ્મં કાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે અસ્સજિપુનબ્બસુકે ભિક્ખૂ આરબ્ભ અનુઞ્ઞાતં, અસ્સજિપુનબ્બસુકા ભન્તે ભિક્ખૂ કીટાગિરિસ્મિં કુલદૂસકા અહેસું પાપસમાચારા, તસ્મિં ભન્તે વત્થુસ્મિં અનુઞ્ઞાતં.

પુચ્છા – પટિસારણીયકમ્મં ¶ આવુસો પુચ્છામિ, સદ્ધં આવુસો પસન્નં ગહપતિં દાયકં કારકં સઙ્ઘુપટ્ઠાકં હીનેન ખુંસેન્તસ્સ ભિક્ખુનો ¶ પટિસારણીયકમ્મં કાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે આયસ્મન્તં સુધમ્મં આરબ્ભ અનુઞ્ઞાતં, ભગવતિ ભન્તે સાવત્થિયં વિહરતિ આયસ્મા સુધમ્મો મચ્છિકાસણ્ડે ચિત્તં ગહપતિં સદ્ધં પસન્નં દાયકં કારકં સઙ્ઘુપટ્ઠાકં હીનેન ખુંસેસિ હીનેન વમ્ભેસિ, તસ્મિં ભન્તે વત્થુસ્મિં અનુઞ્ઞાતં.

તેનહિ ¶ ભિક્ખવે સઙ્ઘો સુધમ્મસ્સ ભિક્ખુનો પટિસારણીયકમ્મં કરોતુ ‘‘ચિત્તો તે ગહપતિ ખમાપેતબ્બો’’તિ –

પુચ્છા – પટિસારણીયકમ્મકતસ્સ ¶ આવુસો ભિક્ખુનો અનુદૂતં દાતુઞ્ચ તેન અનુદૂતેન સદ્ધિં ગન્ત્વા યથાખુંસિતં ગહપતિં ખમાપેતું ¶ ચ ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે આયસ્મન્તંયેવ સુધમ્મં આરબ્ભ અનુઞ્ઞાતં, આયસ્મા ભન્તે સુધમ્મો મચ્છિકાસણ્ડં ગન્ત્વા મઙ્કુભૂતો નાસક્ખિ ચિત્તં ગહપતિં ખમાપેતું, તસ્મિં ભન્તે વત્થુસ્મિં અનુઞ્ઞાતં.

પુચ્છા – પટિસારણીયકમ્મકતસ્સ ¶ આવુસો ભિક્ખુનો કતિસુ વત્તેસુ સમ્મા વત્તન્તસ્સ તં કમ્મં પટિપ્પસ્સમ્ભેતું ભગવતા અનુઞ્ઞાતં.

વિસ્સજ્જના – અટ્ઠારસસુ ભન્તે વત્તેસુ સમ્મા વત્તન્તસ્સ પટિસારણીય કમ્મકતસ્સ ભિક્ખુનો તં કમ્મં પટિપ્પસ્સમ્ભેતું ભગવતા અનુઞ્ઞાતં.

પુચ્છા – આપત્તિં ¶ આવુસો આપજ્જિત્વા તં આપત્તિં પસ્સિતું વા પટિકાતું વા ન ઇચ્છન્તસ્સ ભિક્ખુનો આપત્તિયા અદસ્સને વા અપ્પટિકમ્મે વા ઉક્ખેપનીયકમ્મં કાતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – કોસમ્બિયં ભન્તે આયસ્મન્તં છન્નત્થેરં આરબ્ભ પઞ્ઞત્તં, આયસ્મા ભન્તે છન્નો આપત્તિં આપજ્જિત્વા ન ઇચ્છિ તં આપત્તિં પસ્સિતું વા પટિકાતું વા, તસ્મિં ભન્તે વત્થુસ્મિં પઞ્ઞત્તં.

પુચ્છા – આપત્તિયા ¶ આવુસો અદસ્સનેન વા અપ્પટિકમ્મે વા ઉક્ખેપનીય કમ્મકતેન ભિક્ખુના કતિસુ વત્તેસુ સમ્મા વત્તિતબ્બં.

વિસ્સજ્જના – તેચત્તાલીસાય ભન્તે વત્તેસુ સમ્મા વત્તિતબ્બં.

પુચ્છા – ઉક્ખેપનીયકમ્મકતસ્સ ¶ આવુસો ભિક્ખુનો સમ્મા વત્તન્તસ્સ તં કમ્મં પટિપ્પસ્સમ્ભેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – કોસમ્બિયં ભન્તે આયસ્મન્તંયેવ છન્નં આરબ્ભ અનુઞ્ઞાતં, આયસ્મા ભન્તે છન્નો સઙ્ઘેન આપત્તિયા અદસ્સને વા અપ્પટિકમ્મે વા ઉક્ખેપનીયકમ્મકતો સમ્મા વત્તેસિ લોમંપાતેસિ નેત્થારં વત્તેસિ સઙ્ઘં ઉપસઙ્કમિત્વા તસ્સ કમ્મસ્સ પટિપ્પસ્સદ્ધિયા યાચિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – પાપિકં ¶ આવુસો દિટ્ઠિં ગહેત્વા તં દિટ્ઠિં ન પટિનિસ્સજ્જન્તસ્સ પાપિકાય દિટ્ઠિયા અપ્પટિનિસ્સગ્ગે ઉક્ખેપનીયકમ્મં કાતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અરિટ્ઠં ભિક્ખું ગદ્ધબાધિપુબ્બં આરબ્ભ પઞ્ઞત્તં, ભગવતિ ભન્તે સાવત્થિયં વિહરતિ અરિટ્ઠસ્સ નામ ભિક્ખુનો ગદ્ધબાધિપુબ્બસ્સ એવરૂપં પાપકં દિટ્ઠિગતં ઉપ્પન્નં અહોસિ ‘‘તથાહં ભગવતા ધમ્મં દેસિતં આજાનામિ, યથાયેમે અન્તરાયિકા ધમ્મા વુત્તા ભગવતા, તે પટિસેવતો ¶ નાલં અન્તરાયાયા’’તિ, તસ્મિં ભન્તે વત્થુસ્મિં પઞ્ઞત્તં.

પુચ્છા – પાપિકાય આવુસો દિટ્ઠિયા અપ્પટિનિસ્સગ્ગે ઉક્ખેપનીયકમ્મકતેન ભિક્ખુના કતિસુ વત્તેસુ સમ્મા વત્તિતબ્બં.

વિસ્સજ્જના – તેચત્તાલીસાય ¶ ભન્તે વત્તેસુ સમ્મા વત્તિતબ્બં.

પુચ્છા – કમ્મક્ખન્ધકં પુચ્છિસ્સં, સનિદાનિ સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – કમ્મક્ખન્ધકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૨. પારિવાસિકક્ખન્ધક

પુચ્છા – પારિવાસિકસ્સ ¶ આવુસો પકતત્તાનં ભિક્ખૂનં અભિવાદનાદીનિ સાદિયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે પારિવાસિકે ભિક્ખૂ આરબ્ભ પઞ્ઞત્તં, પારિવાસિકા ભન્તે ભિક્ખૂ સાદિયિંસુ પકતત્તાનં ભિક્ખૂનં અભિવાદનાદીનિ, તસ્મિં ભન્તે વત્થુસ્મિં પઞ્ઞત્તં.

પુચ્છા – પારિવાસિકેન ¶ આવુસો ભિક્ખુના કતિસુ વત્તેસુ સમ્મા વત્તિતબ્બં.

વિસ્સજ્જના – પારિવાસિકેન ભન્તે ભિક્ખુના ચતુનવુતિયા વત્તેસુ સમ્મા વત્તિતબ્બં.

પુચ્છા – પારિવાસિકં પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – પારિવાસિકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૩. સમુચ્ચયક્ખન્ધક

પુચ્છા – સમુચ્ચયં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સમુચ્ચયં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૪. સમથક્ખન્ધક

પુચ્છા – અસમ્મુખીભૂતાનં ¶ આવુસો ભિક્ખૂનં તજ્જનીયં વા નિયસ્સં વા પબ્બાજનીયં વા પટિસારણીયં વા ઉક્ખેપનીયં વા કમ્મં કરોન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અસમ્મુખીભૂતાનં ભિક્ખૂનં કમ્મં અકંસુ તજ્જનીયમ્પિ નિયસ્સમ્પિ પબ્બાજનીયમ્પિ પટિસારણીયમ્પિ ઉક્ખેપનીયમ્પિ, તસ્મિં ભન્તે વત્થુસ્મિં પઞ્ઞત્તં.

પુચ્છા – સતિવેપુલ્લપત્તસ્સ ¶ આવુસો ભિક્ખુનો સતિવિનયં દાનં ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે મેત્તિયભૂમજકે ભિક્ખૂ આરબ્ભ અનુઞ્ઞાતં મેત્તિયભૂમજકા ભન્તે ભિક્ખૂ આયસ્મન્તં દબ્બં મલ્લપુત્તં અમૂલિકાય સીલવિપત્તિયા અનુદ્ધંસેસું, તસ્મિં ભન્તે વત્થુસ્મિં અનુઞ્ઞાતં.

પુચ્છા – કતિપનાવુસો ¶ એત્થ ધમ્મિકાનિ સતિવિનયદાનાનિ.

વિસ્સજ્જના – પઞ્ચિમાનિ ભન્તે ધમ્મિકાનિ સતિવિનયસ્સ દાનાનિ, સુદ્ધો હોતિ ભિક્ખુ અનાપત્તિકો, અનુવદન્તિ ચ નં, યાચતિ ચ, તસ્સ સઙ્ઘો સતિવિનયં દેતિ ધમ્મેન સમગ્ગેન, ઇમાનિ ખો ભન્તે પઞ્ચ ધમ્મિકાનિ સતિ વિનયસ્સ દાનાનિ.

પુચ્છા – અમૂળ્હસ્સ ¶ આવુસો ભિક્ખુનો અમૂળ્હવિનયં દાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ગગ્ગં ભિક્ખું ઉમ્મત્તકેન ચિત્તવિપરિયાસકતેન ¶ અજ્ઝાચિણ્ણેન આપત્તિયા ચોદેસું ‘‘સરતા યસ્મા એવરૂપિં આપત્તિં આપજ્જિતા’’તિ, સો એવં વદેતિ ‘‘અહં ખો આવુસો ઉમ્મત્તકો અહોસિ ચિત્તવિપરિયાસકતો, તેન મે ઉમ્મત્તકેન ચિત્તવિપરિયાસકતેન બહું અસ્સામણકં અજ્ઝાચિણ્ણં ભાસિતપરિક્કન્તં, નાહં તં સરામિ, મૂળ્હેન મે એતં કત’’ન્તિ. એવમ્પિ નં વુચ્ચમાના ચોદેન્તેવ ‘‘સરતા યસ્મા એવરૂપિં આપત્તિં આપજ્જિતા’’તિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – કતિ ¶ આવુસો અધમ્મિકાનિ અમૂળ્હવિનયસ્સ દાનાનિ, વિભજિત્વા કથેહિ.

વિસ્સજ્જના – તીણિ ભન્તે અધમ્મિકાનિ અમૂળ્હવિનયસ્સ દાનાનિ, ઇધ ભન્તે ભિક્ખુ આપત્તિં આપન્નો હોતિ, તમેનં ચોદેતિ સઙ્ઘો વા સમ્બહુલા વા એકપુગ્ગલો વા ‘‘સરતાયસ્મા એવરૂપિં આપત્તિં આપજ્જિતા’’તિ, સો સરમાનોવ એવં વદેતિ ‘‘ન ખો અહં આવુસો સરામિ એવરૂપિં આપત્તિં આપજ્જિતા’’તિ. અઞ્ઞો સરમાનોવ એવં વદેતિ ‘‘સરામિ ખો અહં આવુસો યથા સુપિનન્તેના’’તિ. અઞ્ઞો અનુમ્મત્તકોવ ઉમ્મત્તકાલયં કરોતિ ‘‘અહમ્પિ ખો એવં કરોમિ, તુમ્હેપિ એવં કરોથ, મય્હમ્પિ એતં કપ્પતિ, તુમ્હાકમ્પેતં કપ્પતી’’તિ. એસં સઙ્ઘો અમૂળ્હવિનયં દેતિ, અધમ્મિકં ભન્તે અમૂળ્હવિનયસ્સ દાનં. ઇમાનિ ખો ભન્તે તીણિ અધમ્મિકાનિ અમૂળ્હવિનયસ્સ દાનાનિ.

પુચ્છા – કતિ ¶ આવુસો ધમ્મિકાનિ અમૂળ્હવિનયસ્સ દાનાનિ, વિભજિત્વા કથેહિ.

વિસ્સજ્જના – તીણિ ભન્તે ધમ્મિકાનિ અમૂળ્હવિનયસ્સ દાનાનિ, ઇધ ભન્તે ભિક્ખુ ઉમ્મત્તકો હોતિ ચિત્તવિપરિયાસકતો તેન ઉમ્મત્તકેન ચિત્તવિપરિયાસકતેન બહું અસ્સામણકં અજ્ઝાચિણ્ણં હોતિ ભાસિતપરિક્કન્તં, તમેનં ચોદેતિ સઙ્ઘો વા સમ્બહુલા વા એકપુગ્ગલો વા ‘‘સરતાયસ્મા એવરૂપિં આપત્તિં આપજ્જિતા’’તિ, સો અસ્સરમાનોવ એવં વદેતિ ‘‘ન ખો અહં આવુસો સરામિ એવરૂપિં આપત્તિં આપજ્જિતા’’તિ. અઞ્ઞોપિ અસ્સરમાનોવ એવં વદેતિ ‘‘સરામિ ખો અહં આવુસો યથા સુપિનન્તેના’’તિ. અઞ્ઞોપિ ઉમ્મત્તકોવ ઉમ્મત્તકાલયં કરોતિ ‘‘અહમ્પિ એવં કરોમિ, તુમ્હેપિ એવં કરોથ, મય્હમ્પિ એતં કપ્પતિ, તુમ્હાકમ્પેતં કપ્પતી’’તિ. એસં ભન્તે તિણ્ણં ભિક્ખૂનં સઙ્ઘો અમૂળ્હવિનયં દેતિ, ધમ્મિકં ભન્તે અમૂળ્હવિનયસ્સ દાનં. ઇમાનિ ખો ભન્તે તીણિ ધમ્મિકાનિ અમૂળ્હવિનયસ્સ દાનાનિ.

પુચ્છા – અપ્પટિઞ્ઞાય ¶ આવુસો ભિક્ખૂનં તજ્જનીયાદીનિ કમ્માનિ કરોન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ¶ ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ અપ્પટિઞ્ઞાય ભિક્ખૂનં કમ્માનિ અકંસુ તજ્જનીયાદીનિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કથં આવુસો અધમ્મિકં હોતિ પટિઞ્ઞાતકરણં.

વિસ્સજ્જના – અઞ્ઞથા ભન્તે આપત્તિં આપજ્જન્તસ્સ અઞ્ઞથા પટિજાનન્તસ્સ યથા સો પટિજાનાતિ, તથા સઙ્ઘો કારેતિ, એવં ખો ભન્તે અધમ્મિકં હોતિ પટિઞ્ઞાતકરણં.

પુચ્છા – કથં ¶ આવુસો ધમ્મિકં હોતિ પટિઞ્ઞાતકરણં.

વિસ્સજ્જના – યં ભન્તે આપત્તિં આપજ્જન્તસ્સ તમેવ પટિજાનન્તસ્સ તેનેવ સઙ્ઘો કારેતિ, એવં ખો ભન્તે ધમ્મિકં પટિઞ્ઞાતકરણં.

પુચ્છા – યેભુય્યસિકાય ¶ આવુસો અધિકરણં વૂપસમેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ¶ ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ભણ્ડનજાતા કલહજાતા વિવાદાપન્ના અઞ્ઞમઞ્ઞં મુખસત્તીહિ વિતુદન્તા વિહરિંસુ, ન સક્કોન્તિ તં અધિકરણં વૂપસમેતું, તસ્મિં ભન્તે વત્થુસ્મિં અનુઞ્ઞાતં.

પુચ્છા – કથં આવુસો અધિકરણં યેભુય્યસિકાય વૂપસમેતબ્બં.

વિસ્સજ્જના – પઞ્ચહિ ભન્તે અઙ્ગેહિ સમન્નાગતો ભિક્ખુ સલાકગ્ગાહાપકો સમ્મન્નિતબ્બો, તેન ભન્તે સલાકગ્ગાહાપકેન ¶ સલાકા ગાહાતબ્બા યથા બહુતરા ભિક્ખૂ ધમ્મવાદિનો વદન્તિ તથા તં અધિકરણં વૂપસમેતબ્બં, એવં ખો ભન્તે યેભુય્યસિકાય અધિકરણં વૂપસમેતબ્બં.

પુચ્છા – કતિ ¶ આવુસો અધમ્મિકા સલાકગ્ગાહા.

વિસ્સજ્જના – દસ ભન્તે અધમ્મિકા સલાકગ્ગાહા, ઓરમત્તકઞ્ચ અધિકરણં હોતિ, ન ચ ગતિગતં હોતિ, ન ચ સરિતસારિતં હોતિ, જાનાતિ ‘અધમ્મવાદી બહુતરા’તિ, અપ્પેવ નામ અધમ્મવાદી બહુતરા અસ્સૂતિ, જાનાતિ ‘સઙ્ઘો ભિજ્જિસ્સતી’તિ, અપ્પેવ નામ સઙ્ઘો ભિજ્જેય્યાતિ, અધમ્મેન ગણ્હન્તિ, વગ્ગા ગણ્હન્તિ, ન ચ યથાદિટ્ઠિયા ગણ્હન્તિ, ઇમે ખો ભન્તે દસ અધમ્મિકા કલાકગ્ગાહા.

પુચ્છા – કતિ ¶ આવુસો ધમ્મિકા સલાકગ્ગાહા.

વિસ્સજ્જના – દસ ભન્તે ધમ્મિકા સલાકગ્ગાહા વુત્તવિપરિયાયેન.

પુચ્છા – પાપુસ્સન્નસ્સ આવુસો ભિક્ખુસ્સ તસ્સ પાપિયસિકા કમ્મં કાતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે ઉપવાળં ભિક્ખું આરબ્ભ પઞ્ઞત્તં, ઉપવાળો ભન્તે ભિક્ખુ સઙ્ઘમજ્ઝે આપત્તિયા અનુયુઞ્જિયમાનો અવજાનિત્વા પટિજાનાતિ, પટિજાનિત્વા અવજાનાતિ, અઞ્ઞેનઞ્ઞં પટિચરતિ, સમ્પજાનમુસા ભાસતિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કતિ ¶ આવુસો ધમ્મિકાનિ તસ્સપાપિયસિકા કમ્મસ્સ કરણાનિ.

વિસ્સજ્જના – પઞ્ચિમાનિ ભન્તે ધમ્મિકાનિ તસ્સપાપિયસિકા કમ્મસ્સ કરણાનિ. અસુચિ ચ હોતિ, અલજ્જી ચ, સાનુવાદો ચ, તસ્સ સઙ્ઘો તસ્સપાપિયસિકા કમ્મં કરોતિ ધમ્મેન સમગ્ગેન, ઇમાનિ ખો ભન્તે પઞ્ચ ધમ્મિકાનિ તસ્સ પાપિયસિકા કમ્મસ્સ કરણાનિ.

પુચ્છા – તસ્સ ¶ પાપિયસિકાકમ્મકતેન આવુસો ભિક્ખુના કતિસુ વત્તેસુ સમ્મા વત્તિતબ્બં.

વિસ્સજ્જના – તસ્સ પાપિયસિકાકમ્મકતેન ભન્તે ભિક્ખુના અટ્ઠારસસુ વત્તેસુ સમ્મા વત્તિતબ્બં. ન ઉપસમ્પાદેતબ્બં, ન નિસ્સયો દાતબ્બો, ન સામણેરો ઉપટ્ઠાપેતબ્બો, એવમાદીસુ ભન્તે અટ્ઠારસસુ વત્તેસુ સમ્મા વત્તિતબ્બં.

પુચ્છા – કતિ ¶ આવુસો અધિકરણાનિ સમથેહિ વૂપસમેતબ્બાનિ.

વિસ્સજ્જના – ચત્તારિમાનિ ભન્તે અધિકરણાનિ સમથેહિ વૂપસમેતબ્બાનિ, વિવાદાધિકરણં અનુવાદાધિકરણં આપત્તાધિકરણં કિચ્ચાધિકરણં, ઇમાનિ ભન્તે ચત્તારિ અધિકરણાનિ સમથેહિ વૂપસમેતબ્બાનિ.

પુચ્છા – કિં ¶ આવુસો વિવાદાધિકરણસ્સ મૂલં.

વિસ્સજ્જના – છ ભન્તે વિવાદમૂલાનિ વિવાદાધિકરણસ્સ મૂલં, તીણિપિ અકુસલમૂલાનિ વિવાદાધિકરણસ્સ મૂલં, તીણિપિ કુસલમૂલાનિ વિવાદાધિકરણસ્સ મૂલં, ઇદં ભન્તે વિવાદાધિકરણસ્સ મૂલં.

પુચ્છા – કિં ¶ પનાવુસો અનુવાદાધિકરણસ્સ મૂલં.

વિસ્સજ્જના – છ ભન્તે અનુવાદમૂલાનિ અનુવાદાધિકરણસ્સ મૂલં, તીણિપિ અકુસલમૂલાનિ અનુવાદાધિકરણસ્સ મૂલં, તીણિપિ કુસલમૂલાનિ અનુવાદાધિકરણસ્સ મૂલં, કાયોપિ અનુવાદાધિકરણસ્સ મૂલં, વાચાપિ અનુવાદાધિકરણસ્સ મૂલં, ઇદં ખો ભન્તે અનુવાદાધિકરણસ્સ મૂલં.

પુચ્છા – કિં ¶ પનાવુસો આપત્તાધિકરણસ્સ મૂલં.

વિસ્સજ્જના – છ ભન્તે આપત્તિસમુટ્ઠાના આપત્તાધિકરણસ્સ મૂલં, અત્તિ ભન્તે આપત્તિ કાયતો સમુટ્ઠાતિ ન વાચતો ન ચિત્તતો, અત્થિ ભન્તે આપત્તિ વાચતો સમુટ્ઠાતિ ન કાયતો ન ચિત્તતો, અત્થિ ભન્તે આપત્તિ કાયતો ¶ ચ વાચતો ચ સમુટ્ઠાતિ ન ચિત્તતો, અત્થિ ભન્તે આપત્તિ કાયતો ચ ચિત્તતો ચ સમુટ્ઠાતિ ન વાચતો, અત્થિ ભન્તે આપત્તિ વાચતો ચ ચિત્તતો ચ સમુટ્ઠાતિ ન કાયતો, અત્થિ ભન્તે આપત્તિ કાયતો ચ વાચતો ચ ચિત્તતો ચ સમુટ્ઠાતિ, ઇમાનિ ભન્તે છ આપત્તિ સમુટ્ઠાનાનિ આપત્તાધિકરણસ્સ મૂલં.

પુચ્છા – કિં ¶ પનાવુસો કિચ્ચાધિકરણસ્સ મૂલં.

વિસ્સજ્જના – કિચ્ચાધિકરણસ્સ ભન્તે એકં મૂલં સઙ્ઘો.

પુચ્છા – સમથં આવુસો પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સમથં ભન્તે વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે દ્વે આપત્તિયો.

૫. ખુદ્દકવત્થુક્ખન્ધક

પુચ્છા – નહાયન્તેન ¶ આવુસો ભિક્ખુના રુક્ખે વા થમ્ભે વા કુટ્ટે વા કાયં ઉગ્ઘંસેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ નહાયમાના રુક્ખેપિ થમ્ભેપિ કુટ્ટેપિ કાયં ઉગ્ઘંસેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ગન્ધબ્બહત્થકેન વા આવુસો કુરુવિન્દકસુત્તિયા વા મલ્લકેન વા નહાયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ગન્ધબ્બહત્થકેનપિ કુરુવિન્દકસુત્તિયાપિ ¶ મલ્લકેનપિ નહાયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – પાણિના આવુસો પરિકમ્મં કાતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ પિટ્ઠિપરિકમ્મં કાતું કુક્કુચ્ચાયિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – વલ્લિકં ¶ વા આવુસો પામઙ્ગં વા કણ્ઠસુત્તકં વા કટિસુત્તકં વા ઓવટ્ટિકં વા કાયુરં વા હત્થાભરણં વા અઙ્ગુલિમુદ્દિકં વા ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ વલ્લિકાદીનિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – દીઘે ¶ આવુસો કેસે ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ દીઘે કેસે ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – કોચ્છેનવા ¶ આવુસો ફણકેનવા હત્થફણકેનવા કેસે ઓસણ્ઠેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કોચ્છાદીહિ કેસે ઓસણ્ઠેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – આદાસે ¶ વા આવુસો ઉદકપત્તે વા મુખનિમિત્તં ઓલોકેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ આદાસેપિ ઉદકપત્તેપિ મુખનિમિત્તં ઓલોકેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – આબાધપચ્ચયા ¶ પનાવુસો આદાસે વા ઉદકપત્તે વા મુખનિમિત્તં ઓલોકેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – રાજગહે ભન્તે અઞ્ઞતરં ભિક્ખું આરબ્ભ અનુઞ્ઞાતં, ભગવતિ ભન્તે રાજગહે વિહરતિ અઞ્ઞતરસ્સ ભિક્ખુનો મુખે વણો અહોસિ, સો ભિક્ખૂ એતદવોચ ‘‘કીદિસો મે આવુસો વણો’’તિ, ભિક્ખૂ એવમાહંસુ ‘‘એદિસો તે આવુસો વણો’’તિ, સો ન સદ્દહતિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – મુખાલેપનાદીનિ ¶ આવુસો કરોન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ મુખાલેપનાદીનિ અકંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – નચ્ચં ¶ વા આવુસો ગીતં વા વાદિતં વા દસ્સનાય ગચ્છન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે નચ્ચમ્પિ ગીતમ્પિ વાદિતમ્પિ દસ્સનાય ગચ્છિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – કથં આવુસો નચ્ચાદીનિ પસ્સન્તસ્સ આપત્તિ હોતિ, કથં પન અનાપત્તિ.

વિસ્સજ્જના – નચ્ચં વા ભન્તે ગીતં વા વાદિતં વા દસ્સનાય ગચ્છતિ આપત્તિ દુક્કટસ્સ, યત્થ ઠિતો પસ્સતિ વા સુણાતિ વા આપત્તિ દુક્કટસ્સ ¶ , દસ્સનૂપચારં વિજહિત્વા પુનપ્પુનં પસ્સતિ આપત્તિ દુક્કટસ્સ, આરામે ઠિતસ્સ પસ્સતો અનાપત્તિ, વિહારતો પન વિહારં પસ્સિસ્સામીતિ ગચ્છતો આપત્તિયેવ, યત્થ ઠિતો પસ્સતિ વા સુણાતિ વા આપત્તિ દુક્કટસ્સ, આસનસાલાય નિસિન્નો પસ્સતિ અનાપત્તિ, પસ્સિસ્સામીતિ વુટ્ઠહિત્વા ગચ્છતિ આપત્તિ દુક્કટસ્સ, યત્થ ઠિતો પસ્સતિ વા સુણાતિ વા આપત્તિ દુક્કટસ્સ, પતિપથં ગચ્છન્તો પસ્સતિ અનાપત્તિ, ગીવં પરિવત્તેત્વા પસ્સતો પન આપત્તિ ભન્તે.

પુચ્છા – આયતકેન ¶ આવુસો ગીતસ્સરેન ધમ્મં ગાયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ આયતકેન ગીતસ્સરેન ધમ્મં ગાયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – દારુપત્તં ¶ આવુસો ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે આયસ્મન્તં પિણ્ડોલભારદ્વાજં આરબ્ભ પઞ્ઞત્તં, આયસ્મા ભન્તે પિણ્ડોલભારદ્વાજો છવસ્સ દારુપત્તસ્સ કારણા ગિહીનં ઉત્તરિમનુસ્સધમ્મં ઇદ્ધિપાટિહારિયં દસ્સેતિ, તસ્મિં ભન્તે વત્થુસ્મિં પઞ્ઞત્તં.

ન ¶ ચ ભિક્ખવે દારુપત્તો ધારેતબ્બો, યો ધારેય્ય આપત્તિ દુક્કટસ્સ –

પુચ્છા – ભગવતા આવુસો ઉચ્ચાવચે પત્તે પટિક્ખિપિત્વા અયો પત્તો ભૂમિપત્તોતિ ઇમેયેવ દ્વે પત્તા કત્થ અનુઞ્ઞાતા, કં આરબ્ભ કિસ્મિં વત્થુસ્મિં અનુઞ્ઞાતા.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ અનુઞ્ઞાતા, છબ્બગ્ગિયા ભન્તે ભિક્ખૂ ઉચ્ચાવચે પત્તે ધારેસું સોવણ્ણમયા ¶ રૂપિયમયા, તસ્મિં ભન્તે વત્થુસ્મિં અનુઞ્ઞાતા.

પુચ્છા – સોદકં ¶ આવુસો પત્તં પટિસામેન્તસ્સ ચ ઓતાપેન્તસ્સચ ઉણ્હે પત્તં નિદહન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ સોદકં પત્તં પટિસામેસું, ઓતાપેસું, ઉણ્હે પત્તં નિદહિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – છવસીસપત્તં ¶ આવુસો ધારેન્તસ્સ ચ સબ્બપંસુકૂલિકસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ સબ્બપંસુકૂલિકો અહોસિ, સો છવસીસસ્સ પત્તં ધારેસિ, અઞ્ઞતરા ઇત્થી પસ્સિત્વા ભીતા ¶ વિસ્સરમકાસિ ‘‘અભું મે પિસાચો વતાય’’ન્તિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ચલકાનિ વા આવુસો અટ્ઠિકાનિ વા ઉચ્છિટ્ઠોદકં વા પત્તેન નીહરન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ ચલકાનિપિ અટ્ઠિકાનિપિ ઉચ્છિટ્ઠો દકમ્પિ પત્તેન નીહરિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ઉપાહનત્થવિકા ¶ આવુસો ભગવતા કત્થ અનુઞ્ઞાતા, કં આરબ્ભ કિસ્મિં વત્થુસ્મિં અનુઞ્ઞાતા.

વિસ્સજ્જના – અન્તરા ચ ભન્તે રાજગહં અન્તરા ચ વેસાલિં અઞ્ઞતરં ભિક્ખું આરબ્ભ અનુઞ્ઞાતા, અઞ્ઞતરો ભન્તે ભિક્ખુ ઉપાહનાયો કાયબન્ધનેન બન્ધિત્વા ગામં પિણ્ડાય પાવિસિ, અઞ્ઞતરો ઉપાસકો તં ભિક્ખું અભિવાદેન્તો ઉપાહનાયો સીસેન ઘટ્ટેતિ, સો ભિક્ખુ મઙ્કુ અહોસિ, તસ્મિં ભન્તે વત્થુસ્મિં અનુઞ્ઞાતા.

પુચ્છા – અદ્ધાનમગ્ગપ્પટિપન્નેન ¶ આવુસો પરિસ્સાવનં યાચિયમાનેન ન દદન્તસ્સ ચ અપ્પટિસ્સાવનકેન અદ્ધાનં પટિપજ્જન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – અન્તરા ચ ભન્તે રાજગહં અન્તરા ચ વેસાલિં અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ પરિસ્સાવનં યાચિયમાનો ન અદાસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – પુપ્ફાભિકિણ્ણે ¶ આવુસો સયને સયન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ પુપ્ફાભિકિણ્ણેસુ સયનેસુ સયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – એકભાજને વા આવુસો ભુઞ્જન્તાનં એકથાલકે વા પિવન્તાનં એકત્થરણપાવુરણાનં વા તુવટ્ટાનં દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – વેસાલિયં ભન્તે છબ્બગ્ગિયેવ ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ એકભાજનેપિ ભુઞ્જિંસુ, એકથાલકેપિ ¶ પિવિંસુ, એકમઞ્ચકેપિ તુવટ્ટેસું, એકત્થરણાપિ તુવટ્ટેસું, એકપાવુરણાપિ તુવટ્ટેસું, એકત્થરણપાવુરણાપિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ચામરિબીજનિં આવુસો પટિક્ખિપિત્વા તિસ્સો બીજનિયો ભગવતા કત્થ અનુઞ્ઞાતા, કિસ્મિઞ્ચ વત્થુસ્મિં અનુઞ્ઞાતા.

વિસ્સજ્જના – સાવત્થિયં ભન્તે અનુઞ્ઞાતા, સાવત્થિયં ભન્તે ભગવતિ વિહરતિ સઙ્ઘસ્સ ચામરિબીજની ઉપ્પન્ના અહોસિ, ભગવતો એતમત્થં આરોચેસું, તસ્મિં ભન્તે વત્થુસ્મિં અનુઞ્ઞાતા.

ન ¶ ભિક્ખવે ચામરિબીજની ધારેતબ્બા, યો ધારેય્ય, આપત્તિ દુક્કટસ્સ. અનુજાનામિ ભિક્ખવે તિસ્સો બીજનિયો વાકમયં ઉસીરમયં મોરપિઞ્છા મયં.

પુચ્છા – દીઘે આવુસો નખે ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ દીઘે નખે ધારેસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – કત્તરિકાય ¶ આવુસો કેસે છેદાપેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ કત્તરિકાય કેસે છિન્દિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – દીઘે ¶ આવુસો નાસિકાલોમે ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ દીઘાનિ નાસિકાલોમાનિ ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – ઉચ્ચાવચા આવુસો કણ્ણમલહરણિયો પટિક્ખિપિત્વા દસ કણ્ણમલહરણિયો ભગવતા કત્થ અનુઞ્ઞાતા, કં આરબ્ભ કિસ્મિં વત્થુસ્મિં અનુઞ્ઞાતા.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ અનુઞ્ઞાતા, છબ્બગ્ગિયા ભન્તે ભિક્ખૂ ઉચ્ચાવચા કણ્ણમલહરણિયો ધારેસું ¶ સોવણ્ણમયં રૂપિયમયં, તસ્મિં ભન્તે વત્થુસ્મિં અનુઞ્ઞાતા.

પુચ્છા – સઙ્ઘાટિપલ્લત્થિકાય નિસીદન્તસ્સ આવુસો દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ સઙ્ઘાટિપલ્લત્થિકાય નિસીદિંસુ, સઙ્ઘાટિયા ¶ પત્તા લુજ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અકાયબન્ધનેન આવુસો ગામં પવિસન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં ભિક્ખું આરબ્ભ પઞ્ઞત્તં, અઞ્ઞતરો ભન્તે ભિક્ખુ અકાયબન્ધનો ગામં પિણ્ડાય પાવિસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ગિહિનિવત્થં ¶ આવુસો નિવાસેન્તસ્સ ચ, ગિહિપારુતં પારુપન્તસ્સ ચ, સંવેલ્લિયં નિવાસેન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ગિહિનિવત્થં નિવાસિંસુ, ગિહિપારુતમ્પિ પારુપિંસુ, સંવેલ્લિયમ્પિ નિવાસિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – ઉભતો ¶ કાજં આવુસો ધારેન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ઉભતો કાજં ધારેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – લોકાયતં ¶ આવુસો પરિયાપુણન્તસ્સ ચ વાચેન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ લોકાયતં પરિયાપુણિંસુપિ વાચેસુમ્પિ, તસ્મિં ભન્તે વત્થુસ્મિં પઞ્ઞત્તં.

પુચ્છા – તિરચ્છાનવિજ્જં ¶ આવુસો પરિયાપુણન્તસ્સ ચ વાચેન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ તિરચ્છાનવિજ્જં પરિયાપુણિંસુપિ વાચેસુમ્પિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ખિપિતે આવુસો ‘‘જીવા’’તિવદન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ¶ ભન્તે સમ્બહુલે ભિક્ખૂ આરબ્ભ પઞ્ઞત્તં, ભગવા ભન્તે મહતિયા પરિસાય પરિવુતો ધમ્મં દેસેન્તો ખિપિ, ભિક્ખૂ ‘‘જીવતુ ભન્તે ભગવા, જીવતુ સુગતોતિ’’ ઉચ્ચાસદ્દં મહાસદ્દં અકંસુ, તેન સદ્દેન ધમ્મકથા અન્તરા અહોસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – આરામે આવુસો પસ્સાવવચ્ચાનં તહં તહં કરણં પટિક્ખિપિત્વા એકમન્તં કાતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ આરામે તહં તહં પસ્સાવં અકંસુ, તહં તહં વચ્ચં અકંસુ, આરામો દુસ્સિ, તસ્મિં ભન્તે વત્થુસ્મિં પઞ્ઞત્તં.

ખુદ્દકવત્થુક્ખન્ધક

પુચ્છા – ખુદ્દકવત્થું ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ખુદ્દકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૬. સેનાસનક્ખન્ધક

પુચ્છા – પઞ્ચ ¶ આવુસો લેણાનિ ભગવતા કત્થ અનુઞ્ઞાતાનિ, કં આરબ્ભ કિસ્મિં વત્થુસ્મિં અનુઞ્ઞાતાનિ.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ અનુઞ્ઞાતાનિ, સમ્બહુલા ભન્તે ભિક્ખૂ ભગવન્તં ઉપસઙ્કમિત્વા એતદવોચું ‘‘રાજગહકો ભન્તે સેટ્ઠી વિહારે કારાપેતુકામો, કથં નુ ખો ભન્તે પટિપજ્જિતબ્બ’’ન્તિ, તસ્મિં ભન્તે વત્થુસ્મિં અનુઞ્ઞાતાનિ.

પુચ્છા – કથં ¶ આવુસો વિહારા પઠમં ઉપ્પન્ના, કથઞ્ચ તે પતિટ્ઠાપિ તા.

વિસ્સજ્જના – એકાહેનેવ ¶ ભન્તે રાજગહકેન સેટ્ઠિના છટ્ઠિવિહારા પતિટ્ઠાપિતા, તે ઇધ ભન્તે સટ્ઠિવિહારા બુદ્ધપ્પમુખસ્સ આગતાનાગતસ્સ ચાતુદ્દિસસ્સ સઙ્ઘસ્સ પતિટ્ઠાપિતા.

પુચ્છા – વિહારે ¶ આવુસો પટિભાનકમ્મં પટિક્ખિપિત્વા માલાકમ્માદીનિ ભગવતા કત્થ અનુઞ્ઞાતાનિ, કં આરબ્ભ કિસ્મિં વત્થુસ્મિં અનુઞ્ઞાતાનિ.

વિસ્સજ્જના – રાજગહે ભન્તે છબ્બગ્ગિયે ભિક્ખૂ આરબ્ભ અનુઞ્ઞાતાનિ. છબ્બગ્ગિયા ભન્તે ભિક્ખૂ વિહારે પટિભાનચિત્તં કારાપેસું ઇત્થિરૂપકં પુરિસરૂપકં, તસ્મિં ભન્તે વત્થુસ્મિં અનુઞ્ઞાતાનિ.

પુચ્છા – યથાવુડ્ઢં ¶ આવુસો અભિવાદનાદીનિ ચ અગ્ગાસનાદીનિ ચ અનુજાનિત્વા સઙ્ઘિકં યથાવુડ્ઢં પટિબાહન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – અન્તરા ચ ભન્તે વેસાલિં અન્તરા ચ સાવત્થિં છબ્બગ્ગિયાનં ભિક્ખૂનં અન્તેવાસિકે ભિક્ખૂ આરબ્ભ પઞ્ઞત્તં, છબ્બગ્ગિયાનં ભન્તે ભિક્ખૂનં અન્તેવાસિકા ભિક્ખૂ બુદ્ધપ્પમુખસ્સ સઙ્ઘસ્સ પુરતો પુરતો ગન્ત્વા વિહારે પટિગ્ગહેસું, સેય્યાયો પટિગ્ગહેસું ‘‘ઇદં અમ્હાકં ઉપજ્ઝાયાનં ભવિસ્સતિ, ઇદં અમ્હાકં આચરિયાનં ભવિસ્સતિ, ઇદં અમ્હાકં ભવિસ્સતી’’તિ, તસ્મિં ભન્તે વત્થુસ્મિં પઞ્ઞત્તં.

પુચ્છા – એકેન ¶ આવુસો દ્વે પટિબાહન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે આયસ્મન્તં ઉપનન્દં સક્યપુત્તં આરબ્ભ પઞ્ઞત્તં, આયસ્મા ભન્તે ઉપનન્દો સક્યપુત્તો એકો દ્વે પટિબાહિ, તસ્મિં ભન્તે વત્થુસ્મિં પઞ્ઞત્તં.

પુચ્છા – નવકેન ¶ આવુસો ઉદ્દિસન્તેન સમકે વા આસને નિસીદિતું ઉચ્ચતરે વા ધમ્મગારવેન, થેરેન પન ભિક્ખુના ઉદ્દિસાપેન્તેન સમકે વા આસને નિસીદિતું નીચતરે વા ધમ્મગારવેન ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ આયસ્મતો ઉપાલિસ્સ સન્તિકે વિનયં પરિયાપુણિંસુ, આયસ્મા ભન્તે ઉપાલિ ઠિતકોવ ઉદ્દિસતિ થેરાનં ભિક્ખૂનં ગારવેન, તત્થ ભન્તે થેરા ચેવ ભિક્ખૂ કિલમિંસુ આયસ્મા ચ ઉપાલિ કિલમિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – તિવસ્સન્તરેન ¶ આવુસો સહ નિસીદિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલાનં ભન્તે ભિક્ખૂનં એતદહોસિ ‘‘કિત્તાવતાનુ ખો સમાનાસનિકો હોતી’’તિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – મઞ્ચે ¶ ચ આવુસો પીઠે ચ દ્વિન્નંયેવ નિસીદિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે સમાનાસનિકે આરબ્ભ પઞ્ઞત્તં, સમ્બહુલા ભન્તે ભિક્ખૂ સમાનાસનિકા મઞ્ચે નિસીદિત્વા મઞ્ચં ભિન્દિંસુ, પીઠે નિસીદિત્વા પીઠં ભિન્દિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – દીઘાસને ¶ પનાવુસો અસમાનાસનિકેહિપિ નિસીદિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ દીઘાસને અસમાનાસનિકેહિ સહ નિસીદિતું કુક્કુચ્ચાયિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – પઞ્ચ ¶ આવુસો અવિસ્સજ્જિયાનિ ભગવતા કત્થ પઞ્ઞત્તાનિ, કં આરબ્ભ કિસ્મિં વત્થુસ્મિં પઞ્ઞત્તાનિ.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ પઞ્ઞત્તાનિ, સમ્બહુલા ભન્તે ભિક્ખૂ સઙ્ઘિકં સેનાસનં વિસ્સજ્જેસું, તસ્મિં ભન્તે વત્થુસ્મિં પઞ્ઞત્તં.

પુચ્છા – પઞ્ચ ¶ આવુસો અવેભઙ્ગિયાનિ ભગવતા કત્થ પઞ્ઞત્તાનિ, કં આરબ્ભ કિસ્મિં વત્થુસ્મિં પઞ્ઞત્તાનિ.

વિસ્સજ્જના – કીટાગિરિસ્મિં ભન્તે અસ્સજિપુનબ્બસુકે ભિક્ખૂ આરબ્ભ પઞ્ઞત્તાનિ, અસ્સજિપુનબ્બસુકા ભન્તે ભિક્ખૂ સઙ્ઘિકં સેનાસનં વિભજિંસુ, તસ્મિં ભન્તે વત્થુસ્મિં પઞ્ઞત્તાનિ.

પુચ્છા – અઞ્ઞત્ર ¶ પરિભોગં આવુસો અઞ્ઞત્ર પરિભુઞ્જન્તસ્સ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અઞ્ઞતરસ્સ ઉપાસકસ્સ વિહારપરિભોગં સેનાસનં અઞ્ઞત્ર પરિભુઞ્જિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – અધોતેહિ ચ આવુસો અલ્લેહિ ચ પાદેહિ સેનાસનં અક્કમન્તસ્સ ચ સઉપાહનેન સેનાસનં અક્કમન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ¶ ભન્તે સમ્બહુલે ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ અધોતેહિ પાદેહિ સેનાસનં અક્કમિંસુ, અલ્લેહિ ચ પાદેહિ સેનાસનં અક્કમિંસુ, સઉપાહનાપિ સેનાસનં અક્કમિંસુ, સેનાસનં દુસ્સિ, તસ્મિં ભન્તે વત્થુસ્મિં પઞ્ઞત્તં.

પુચ્છા – પરિકમ્મકતાય આવુસો ભૂમિયા નિટ્ઠુભન્તસ્સ ચ પરિકમ્મકતં ભિત્તિં અપસ્સયન્તસ્સ ચ દુક્કટં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – આળવિયં ¶ ભન્તે સમ્બહુલેવ ભિક્ખૂ આરબ્ભ પઞ્ઞત્તં, સમ્બહુલા ભન્તે ભિક્ખૂ પરિકમ્મકતાય ભૂમિયા નિટ્ઠુભિંસુ, પરિકમ્મકતં ભિત્તિં અપસ્સયિંસુ, તસ્મિં ભન્તે વત્થુસ્મિં પઞ્ઞત્તં.

પુચ્છા – સેનાસનક્ખન્ધકં પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સેનાસનક્ખન્ધકં ¶ વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે તિસ્સો આપત્તિયો.

૭. સઙ્ઘતેદકક્ખન્ધક

પુચ્છા – કથં ¶ આવુસો છન્નં સક્યકુમારાનં સહ ઉપાલિકપ્પકેન પબ્બજ્જા અહોસિ, કથઞ્ચ નેસં વિસેસો ઉદપાદિ.

વિસ્સજ્જના – ભગવા ભન્તે ઉપાલિં કપ્પકં પઠમં પબ્બાજેસિ, પચ્છા તે સક્યકુમારે, અથ ભન્તે આયસ્મા ભદ્દિયો તેનેવ અન્તરવસ્સેન તિસ્સો વિજ્જા સચ્છાકાસિ, આયસ્મા અનુરુદ્ધો દિબ્બચક્ખું ઉપ્પાદેસિ, આયસ્મા આનન્દો સોતાપત્તિફલં સચ્છાકાસિ, દેવદત્તો પોથુજ્જનિકં ઇદ્ધિં અભિનિપ્ફાદેસિ. એવં ખો ભન્તે છન્નં સક્યકુમારાનં ઉપાલિકપ્પકેન સહ પબ્બજ્જા અહોસિ, એવઞ્ચ પન ભન્તે તેસં વિસેસાધિગમો અહોસિ.

પકાસનીય

પુચ્છા – પકાસનીયકમ્મં ¶ આવુસો કાતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે દેવદત્તં આરબ્ભ પઞ્ઞત્તં, દેવદત્તો ભન્તે ‘‘સરાજિકાય મં ભગવા પરિસાય ખેળાસકવાદેન અપસાદેતિ, સારિપુત્તમોગ્ગલ્લાનેવ ઉક્કંસતી’’તિ કુપિતો અનત્તમનો ભગવતિ આઘાતં બન્ધિ, તસ્મિં ભન્તે વત્થુસ્મિં પઞ્ઞત્તં.

પકાસનીય

પુચ્છા – દેવદત્તસ્સ ¶ આવુસો પકાસનીયકમ્મં કારાપેત્વા કથં ભગવા પકાસેતું આણાપેસિ.

વિસ્સજ્જના – ભગવા ભન્તે દેવદત્તસ્સ પકાસનીયકમ્મં કાતું પઞ્ઞપેત્વા આયસ્મન્તં સારિપુત્તં આમન્તેસિ ‘‘તેન હિ ત્વં સારિપુત્ત દેવદત્તં રાજગહે પકાસેહી’’તિ, એવં ખો ભન્તે દેવદત્તસ્સ પકાસનીયકમ્મં કત્વા દેવદત્તં રાજગહે પકાસેતું ભગવા આણાપેસિ.

દેવદત્ત

પુચ્છા – કથં ¶ આવુસો દેવદત્તેન દુટ્ઠચિત્તેન વધકચિત્તેન તથા ગતસ્સ રુહિરં ઉપ્પાદેત્વા પઠમં આનન્તરિયં કમ્મં ઉપચિતં.

વિસ્સજ્જના – ભગવા ભન્તે ગિજ્ઝકૂટસ્સ પબ્બતસ્સ છાયાયં ચઙ્કમિ, અથ ભન્તે દેવદત્તો ગિજ્ઝકૂટં પબ્બતં આરુહિત્વા મહતિં સિલં પવિજ્ઝિ ‘‘ઇમાય સમણં ગોતમં જીવિતા વોરોપેસ્સામી’’તિ, અથ ખો ભન્તે દ્વે પબ્બતકૂટાનિ સમાગન્ત્વા તં સિલં સમ્પટિચ્છિંસુ, તતો પપતિકા ઉપ્પતિત્વા ભગવતો પાદે રુહિરં ઉપ્પાદેસિ. એવં ખો ભન્તે દેવદત્તેન દુટ્ઠેન વધકચિત્તેન તથાગતસ્સ રુહિરં ઉપ્પાદેત્વા પઠમં આનન્તરિયકમ્મં ઉપચિતં.

પુચ્છા – કુલેસુ ¶ આવુસો તિકભોજનં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે દેવદત્તં આરબ્ભ પઞ્ઞત્તં, દેવદત્તો ભન્તે પરિહીનલાભસક્કારો સપરિસો કુલેસુ વિઞ્ઞાપેત્વા વિઞ્ઞાપેત્વા ભુઞ્જિ, તસ્મિં ભન્તે વત્થુસ્મિં પઞ્ઞત્તં.

પુચ્છા – અલં ¶ દેવદત્ત, મા તે રુચ્ચિ સઙ્ઘભેદો, ગરુકો ખો દેવદત્ત સઙ્ઘભેદોતિઆદિકો આવુસો ઓવાદો ભગવતા કત્થ દિન્નો, કિસ્મિં વત્થુસ્મિં દિન્નો.

વિસ્સજ્જના – રાજગહે ભન્તે દેવદત્તં આરબ્ભ દિન્નો, દેવદત્તો ભન્તે સઙ્ઘભેદાય પરક્કમિ ચક્કભેદાય, તસ્મિં ભન્તે વત્થુસ્મિં દિન્નો.

અલં ¶ દેવદત્ત, મા તે રુચ્ચિ સઙ્ઘભેદો, ગરુકો ખો દેવદત્ત સઙ્ઘભેદો –

પુચ્છા – ‘‘સુકરં સાધુના સાધું, સાધું પાપેન દુક્કરં. પાપં પાપેન સુકરં, પાપમરિયેહિ દુક્કર’’ન્તિ- આવુસો ¶ ઇદં ઉદાનં ભગવતા કત્થ ઉદાનિતં, કં આરબ્ભ કિસ્મિં વત્થુસ્મિં ઉદાનિતં.

વિસ્સજ્જના – રાજગહે ભન્તે દેવદત્તંયેવ આરબ્ભ ઉદાનિતં, આયસ્મા ભન્તે આનન્દો પુબ્બણ્હસમયં નિવાસેત્વા પત્તચીવરમાદાય રાજગહં પિણ્ડાય પાવિસિ, અથ ખો ભન્તે દેવદત્તો યેનાયસ્મા આનન્દો તેનુપસઙ્કમિ, ઉપસઙ્કમિત્વા આયસ્મન્તં આનન્દં એતદવોચ ‘‘અજ્જતગ્ગે દાનાહં આવુસો આનન્દ અઞ્ઞત્રેવ ભગવતા અઞ્ઞત્રેવ ભિક્ખુસઙ્ઘા ઉપોસથં કરિસ્સામિ સઙ્ઘકમ્મં કરિસ્સામી’’તિ, તસ્મિં ભન્તે વત્થુસ્મિં ઉદાનિતં.

સુકરં સાધુના સાધું, સાધું પાપેન દુક્કરં;

પાપં પાપેન સુકરં, પાપમરિયેહિ દુક્કરં.

પુચ્છા – ભેદાનુવત્તકાનં ¶ આવુસો ભિક્ખૂનં થુલ્લચ્ચયં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – રાજગહે ભન્તે સમ્બહુલે ભિક્ખૂ આરબ્ભ પઞ્ઞત્તં, આયસ્મા ભન્તે સારિપુત્તો ભગવન્તં ઉપસઙ્કમિત્વા એતદવોચ ‘‘સાધુ ભન્તે ભેદાનુવત્તકા ભિક્ખૂ પુન ઉપસમ્પજ્જેય્યુ’’ન્તિ, તસ્મિં ભન્તે વત્થુસ્મિં પઞ્ઞત્તં.

‘‘સાધુ ¶ ભન્તે ભેદાનુવત્તકા ભિક્ખૂ પુન ઉપસમ્પજ્જેય્યુ’’ન્તિ –

પુચ્છા – કિત્તાવતા ¶ નુ ખો આવુસો સઙ્ઘરાજિ હોતિ નો ચ સઙ્ઘભેદો, કિત્તાવતા ચ પન સઙ્ઘરાજિ ચેવ હોતિ સઙ્ઘભેદો ચ.

વિસ્સજ્જના – એકતો ભન્તે એકો હોતિ, એકતો દ્વે ચતુત્થો અનુસ્સાવેતિ, સલાકં ગાહેતિ ‘‘અયં ધમ્મો અયં વિનયો ઇદં સત્થુસાસનં ઇમં ગણ્હથ ઇમં રોચેથાતિ’’, એતેનેવ ભન્તે નયેન ચતુન્નં વા પઞ્ચન્નં વા છન્નં વા સત્તન્નં વા અટ્ઠન્નં વા સઙ્ઘરાજિ હોતિ, નો ચ સઙ્ઘભેદો, એકતો ભન્તે ચત્તારો હોન્તિ, એકતો ચત્તારો, નવમો અનુસ્સાવેતિ, સલાકં ગાહેતિ ‘‘અયં ધમ્મો અયં વિનયો ઇદં સત્થુસાસનં ઇમં ગણ્હથ ઇમં રોચેથા’’તિ, એવં ખો ભન્તે સઙ્ઘરાજિ ચેવ હોતિ સઙ્ઘભેદો ચ. એવં ખો ભન્તે સઙ્ઘરાજિ હોતિ, નો ચ સઙ્ઘભેદો, એવઞ્ચ પન ભન્તે સઙ્ઘરાજિ ચેવ હોતિ સઙ્ઘભેદો ચ.

પુચ્છા – કિત્તાવતા ¶ નુ ખો આવુસો સઙ્ઘો ભિન્નો હોતિ.

વિસ્સજ્જના – ઇધ ભન્તે ભિક્ખૂ અધમ્માદિં ધમ્માદીનીતિ દીપેન્તિ, તે ઇમેહિ અટ્ઠારસહિ વત્થૂહિ અપકસ્સન્તિ, અવપકસ્સન્તિ, આવેનિં ¶ ઉપોસથં કરોન્તિ, આવેનિં પવારણં કરોન્તિ, આવેનિં સઙ્ઘકમ્મં કરોન્તિ, એવં ખો ભન્તે સઙ્ઘો ભિન્નો હોતિ.

પુચ્છા – કિત્તાવતા નુ ખો આવુસો સઙ્ઘો સમગ્ગો હોતિ.

વિસ્સજ્જના – ઇધ ભન્તે ભિક્ખૂ અધમ્મં અધમ્મોતિ દીપેન્તિ, ધમ્મં ધમ્મોતિ દીપેન્તિ, અવિનયં અવિનયોતિ દીપેન્તિ…પે… દુટ્ઠુલ્લં આપત્તિં દુટ્ઠુલ્લા આપત્તીતિ દીપેન્તિ, અદુટ્ઠુલ્લં આપત્તિં અદુટ્ઠુલ્લા આપત્તીતિ દીપેન્તિ, તે ઇમેહિ અટ્ઠારસહિ વત્થૂહિ ન અપકસ્સન્તિ, ન અવપકસ્સન્તિ, ન આવેનિં ઉપોસથં કરોન્તિ, ન આવેનિં પવારણં કરોન્તિ, ન આવેનિં સઙ્ઘકમ્મં કરોન્તિ, એત્તાવતા ખો ભન્તે સઙ્ઘો સમગ્ગો હોતિ.

પુચ્છા – સમગ્ગં ¶ આવુસો સઙ્ઘં ભિન્દિત્વા કિં સો પસવતિ.

વિસ્સજ્જના – સમગ્ગં ખો ભન્તે સઙ્ઘં ભિન્દિત્વા કપ્પટ્ઠિતિકં કિબ્બિસં પસવતિ, કપ્પં નિરયમ્હિ પચ્ચતિ.

પુચ્છા – ભિન્નં ¶ ખો આવુસો સઙ્ઘં સમગ્ગં કત્વા કિં સો પસવતિ.

વિસ્સજ્જના – ભિન્નં ખો ભન્તે સઙ્ઘં સમગ્ગં કત્વા બ્રહ્મં પુઞ્ઞં પસવતિ, કપ્પં સગ્ગમ્હિ મોદતિ.

પુચ્છા – સઙ્ઘભેદં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સઙ્ઘભેદં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે દ્વે આપત્તિયો.

૮. વત્તક્ખન્ધક

પુચ્છા – આગન્તુકાનં ¶ આવુસો ભિક્ખૂનં વત્તં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે આગન્તુકે ભિક્ખૂ આરબ્ભ પઞ્ઞત્તં, આગન્તુકા ભન્તે ભિક્ખૂ સઉપાહનાપિ આરામં પવિસિંસુ, છત્તપગ્ગહિતાપિ આરામં પવિસિંસુ, ઓગુણ્ઠિતાપિ આરામં પવિસિંસુ, સીસેપિ ચીવરં કરિત્વા આરામં પવિસિંસુ, પાનીયેનપિ પાદે દોવિંસુ, વુડ્ઢતરેપિ આવાસિકે ભિક્ખૂ નાભિવાદેસું, નપિ સેનાસનં પુચ્છિંસુ, તસ્મિં ભન્તે વત્થુસ્મિં ‘‘તેન હિ ભિક્ખવે આગન્તુકાનં ભિક્ખૂનં વત્તં પઞ્ઞપેસ્સામિ, યથા આગન્તુકેહિ ભિક્ખૂહિ સમ્મા વત્તિતબ્બં, આગન્તુકેન ભિક્ખવે ભિક્ખુના ઇદાનિ આરામં પવિસિસ્સામીતિ ઉપાહના ઓમુઞ્ચિત્વા નીચં કત્વા પપ્ફોટેત્વા ગહેત્વા છત્તં અપનામેત્વા સીસં વિવરિત્વા સીસે ચીવરં ખન્ધે કત્વા સાધુકં અતરમાનેન આરામો પવિસિતબ્બો’’ એવમાદિના ભન્તે આગન્તુકાનં ભિક્ખૂનં વત્તં પઞ્ઞત્તં.

પુચ્છા – આવાસિકાનં ¶ આવુસો ભિક્ખૂનં વત્તં ભગવતા કત્થ કં આરબ્ભ કિસ્મિં વત્થુસ્મિં પઞ્ઞત્તં, કથઞ્ચ પન પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે આવાસિકે ભિક્ખૂ આરબ્ભ પઞ્ઞત્તં, સમ્બહુલા ભન્તે આવાસિકા ભિક્ખૂ આગન્તુકે ભિક્ખૂ દિસ્વા નેવ આસનં પઞ્ઞપેસું, ન પાદોદકં પાદપીઠં પાદકથલિકં ઉપનિક્ખિપિંસુ, ન પચ્ચુગ્ગન્ત્વા પત્તચીવરં પટિગ્ગહેસું, ન સેનાસનં પઞ્ઞપેસું, તસ્મિં ભન્તે વત્થુસ્મિં પઞ્ઞત્તં, તસ્મિં ભન્તે વત્થુસ્મિં –

‘‘આવાસિકેન ભિક્ખવે ભિક્ખુના આગન્તુકં ભિક્ખું વુડ્ઢતરં દિસ્વા આસનં પઞ્ઞપેતબ્બં, પાદોદકં પાદપીઠં પાદકથલિકં ઉપનિક્ખિપિતબ્બં, પચ્ચુગ્ગન્ત્વા પત્તચીવરં પટિગ્ગહેતબ્બં ¶ પાનીયેન પુચ્છિતબ્બો’’ એવમાદિના ભન્તે આવાસિકાનં ભિક્ખૂનં વત્તં ભગવતા પઞ્ઞત્તં.

પુચ્છા – ગમિકાનં ¶ આવુસો ભિક્ખૂનં વત્તં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં, કથઞ્ચપન પઞ્ઞત્તં.

વિસ્સજ્જના – સાવત્થિયં ભન્તે સમ્બહુલે ગમિકે ભિક્ખૂ આરબ્ભ પઞ્ઞત્તં, સમ્બહુલા ભન્તે ગમિકા ભિક્ખૂ દારુભણ્ડં મત્તિકાભણ્ડં અપ્પટિસામેત્વા દ્વારવાતપાનં વિવરિત્વા સેનાસનં અનાપુચ્છા પક્કમિંસુ, તસ્મિં ભન્તે વત્થુસ્મિં ‘‘ગમિકેન ભિક્ખવે ભિક્ખુના દારુભણ્ડં પટિસામેત્વા દ્વારવાતપાનં થકેત્વા સેનાસનં આપુચ્છા પક્કમિતબ્બં’’ એવમાદિના ભન્તે આકારેન ભગવતા ગમિકાનં ભિક્ખૂનં વત્તં પઞ્ઞત્તં.

પુચ્છા – ભત્તગ્ગે ¶ આવુસો અનુમોદિતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ¶ ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ભત્તગ્ગે નાનુમોદિંસુ, તસ્મિં ભન્તે વત્થુસ્મિં અનુઞ્ઞાતં.

પુચ્છા – ભિક્ખૂનં આવુસો ભત્તગ્ગવત્તં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ દુન્નિવત્થા દુપ્પારુતા અનાકપ્પસમ્પન્ના ભત્તગ્ગં ગચ્છિંસુ, તસ્મિં ભન્તે વત્થુસ્મિં ‘‘સચે આરામે કાલો આરોચિતો હોતિ, તિમણ્ડલં પટિચ્છાદેન્તેન પરિમણ્ડલં નિવાસેત્વા કાયબન્ધનં બન્ધિત્વા સગુણં કત્વા સઙ્ઘાટિયો પારુપિત્વા ગણ્ઠિકં પટિમુઞ્ચિત્વા ધોવિત્વા ¶ પત્તં ગહેત્વા સાધુકં અતરમાનેન ગામો પવિસિતબ્બો’’તિ એવમાદિના ભન્તે ભત્તગ્ગવત્તં પઞ્ઞત્તં.

પુચ્છા – ભિક્ખૂનં ¶ આવુસો સેનાસનવત્તં ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં, કથઞ્ચ તં પઞ્ઞત્તં.

વિસ્સજ્જના – સાવત્થિયં ભન્તે છબ્બગ્ગિયે ભિક્ખૂ આરબ્ભ પઞ્ઞત્તં, છબ્બગ્ગિયા ભન્તે ભિક્ખૂ ભિક્ખૂસુ અજ્ઝોકાસે ચીવરં કરોન્તેસુ પટિવાતે અઙ્ગણે સેનાસનં પપ્ફોટેસું, તસ્મિં ભન્તે વત્થુસ્મિં ‘‘યસ્મિં વિહારે વિહરતિ, સચે સો વિહારો ઉક્લાપો હોતિ, સચે ઉસ્સહતિ સોધેતબ્બો’’તિ એવમાદિના ભન્તે ભિક્ખૂનં સેનાસનવત્તં ભગવતા પઞ્ઞત્તં.

પુચ્છા – સમાચારં પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સમાચારં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૯. પાતિમોક્ખટ્ઠપનક્ખન્ધક

પુચ્છા – સાપત્તિકેન ¶ આવુસો પાતિમોક્ખં સુણન્તસ્સ પાતિમોક્ખં ઠપેતું ભગવતા કત્થ પઞ્ઞત્તં, કં આરબ્ભ કિસ્મિં વત્થુસ્મિં પઞ્ઞત્તં.

વિસ્સજ્જના – સાવત્થિયં ભન્તે અઞ્ઞતરં પુગ્ગલં દુસ્સીલં પાપધમ્મં આરબ્ભ પઞ્ઞત્તં, અઞ્ઞતરો ભન્તે પુગ્ગલો દુસ્સીલો પાપધમ્મો તદહુપોસથે સઙ્ઘમજ્ઝે નિસિન્નો અહોસિ, તસ્મિં ભન્તે વત્થુસ્મિં પઞ્ઞત્તં.

પુચ્છા – ઠપનં ¶ આવુસો પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ઠપનં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે એકા આપત્તિ.

૧૦. ભિક્ખુનિક્ખન્ધક

પુચ્છા – અટ્ઠહિ ¶ આવુસો ગરુધમ્મેહિ ઉપસમ્પદા ભગવતા કત્થ અનુઞ્ઞાતા, કસ્સ અનુઞ્ઞાતા, કિસ્મિઞ્ચ વત્થુસ્મિં અનુઞ્ઞાતા.

વિસ્સજ્જના – વેસાલિયં ભન્તે મહાપજાપતિયા ગોતમિયા અનુઞ્ઞાતા, મહાપજાપતિ ભન્તે ગોતમી સૂનેહિ પાદેહિ રજોકિણ્ણેન ગત્તેન દુક્ખી દુમ્મના અસ્સુમુખી રુદમાના બહિદ્વારકોટ્ઠકે અટ્ઠાસિ, અથ ખો ભન્તે આયસ્મા આનન્દો મહાપજાપતિં ગોતમિં તં કારણં પુચ્છિત્વા ભગવન્તં ચતુક્ખત્તું યાચિ માતુગામસ્સ તથાગતપ્પવેદિતે ધમ્મવિનયે આગારસ્મા અનાગારિયં પબ્બજ્જં, તસ્મિં ભન્તે વત્થુસ્મિં અનુઞ્ઞાતા.

પુચ્છા – ભિક્ખૂહિ ¶ આવુસો ભિક્ખુનિયો ઉપસમ્પાદેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – વેસાલિયં ભન્તે મહાપજાપતિં ગોતમિં આરબ્ભ અનુઞ્ઞાતં, મહાપજાપતિ ભન્તે ગોતમી ભગવન્તં એતદવોચ ‘‘કથાહં ભન્તે ઇમાસુ સાકિયાનીસુ પટિપજ્જામી’’તિ, તસ્મિં ભન્તે વત્થુસ્મિં અનુઞ્ઞાતં.

પુચ્છા – એકતો ¶ ઉપસમ્પન્નાય આવુસો ભિક્ખુનિસઙ્ઘે વિસુદ્ધાય ભિક્ખુસઙ્ઘે ઉપસમ્પાદેતું ભગવતા કત્થ અનુઞ્ઞાતં, કં આરબ્ભ કિસ્મિં વત્થુસ્મિં અનુઞ્ઞાતં.

વિસ્સજ્જના – સાવત્થિયં ભન્તે સમ્બહુલે ભિક્ખૂ આરબ્ભ અનુઞ્ઞાતં, સમ્બહુલા ભન્તે ભિક્ખૂ ભિક્ખુનીનં અન્તરાયિકે ધમ્મે પુચ્છિંસુ, ઉપસમ્પદાપેક્ખાયો વિત્થાયિંસુ, મઙ્કૂ અહેસું, ન સક્ખિંસુ વિસ્સજ્જેતું, તસ્મિં ભન્તે વત્થુસ્મિં અનુઞ્ઞાતં.

પુચ્છા – ભિક્ખુનિક્ખન્ધકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – ભિક્ખુનિક્ખન્ધકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે દ્વે આપત્તિયો.

૧૧. પઞ્ચસતિકક્ખન્ધક

પઠમ સંગાયના

પુચ્છા – પઞ્ચસતિકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – પઞ્ચસતિકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે ન કતમા આપત્તિ.

૧૨. સત્તસતિકક્ખન્ધક

દુતિય સંગાયના

પુચ્છા – સત્તસતિકં ¶ પુચ્છિસ્સં, સનિદાનં સનિદ્દેસં. સમુક્કટ્ઠપદાનં આવુસો કતિ આપત્તિયો.

વિસ્સજ્જના – સત્તસતિકં વિસ્સજ્જિસ્સં, સનિદાનં સનિદ્દેસં. સમુક્કટ્ઠપદાનં ભન્તે ન કતમા આપત્તિ.

પુચ્છા – કસ્સ ¶ આવુસો વચનં.

વિસ્સજ્જના – ભગવતો ભન્તે વચનં અરહતો સમ્માસમ્બુદ્ધસ્સ.

પુચ્છા – કે આવુસો સિક્ખન્તિ.

વિસ્સજ્જના – સેક્ખા ચ ભન્તે પુથુજ્જનકલ્યાણકા ચ સિક્ખન્તિ.

પુચ્છા – કે ¶ આવુસો સિક્ખિતસિક્ખા.

વિસ્સજ્જના – અરહન્તો ભન્તે સિક્ખિતસિક્ખા.

પુચ્છા – કત્થ આવુસો ઠિતં.

વિસ્સજ્જના – સિક્ખાકામેસુ ભન્તે ઠિતં.

પુચ્છા – કેનાવુસો આભતં.

વિસ્સજ્જના – પરમ્પરાય ભન્તે આભતં.