📜
નમો તસ્સ ભગવતો અરહતો સમ્માસમ્બુદ્ધસ્સ.
વેસ્સન્તરાગીતિ
[ક]
બાત્તિંસલક્ખણૂપેત ¶ ,
દાતબ્બં દદતં વર;
વેસ્સન્તરત્ત માપાદિ,
સઞ્ચરં ભવસાગરે.
[ખ]
દ્વન્દંદ્વન્દં ¶ સઞ્ચરન્તી,
જનાનન્દે યસોધીરે;
મદ્દિત્તં સમુપાગઞ્છિ,
ત્વંપિતેન ભવણ્ણવે.
[ગ]
તુમ્હંદાનિ પવક્ખામિ,
ઉપત્તિં નન્દિનિં તહિં;
દજ્જહ્વોવો મમોકાસં,
કવયો પ્યાભિનન્દથ.
એકનવુતેહિતો કપ્પે,
વિપસ્સીનામ નાયકો;
વિનેય્યે ¶ તારયંખેમં,
લોકે ઉપ્પજ્જિચક્ખુમા.
ખેમારામમ્હિ સમ્બુદ્ધો,
મિગદાયે મનોરમે;
નિસ્સાય બન્ધુમતિંસો,
વિહાસિ નગરંતદા.
રજ્જંધમ્મેન કારેસિ,
નગરેતમ્હિ બન્ધુમા;
રાજાતસ્સ દુવેધીતા,
આસું સબ્બઙ્ગસોભણા.
એકોહિ ¶ એકદારાજા,
બન્ધુમસ્સ સુપેસયિ;
સહસ્સગ્ઘનિકં સોણ્ણ-
માલઞ્ચા નગ્ઘ ચન્દનં.
અદાસિ બન્ધુમારાજા,
પિતાજેટ્ઠાય ચન્દનં;
સોણ્ણમાલં કનિટ્ઠાય,
તહિં વિયાય ધીતુયા.
ઉભોતાપીતિ ¶ ચિન્તેસું,
નત્થત્થોવત તેહિનો;
ભગ્યવન્તસ્સ પૂજેમ,
સંપસાદેન ચેતસા.
તતોસાચન્દનં ચુણ્ણં-
કારાપેત્વાન જેટ્ઠકા;
ગન્ત્વાન વિહારં સોણ્ણ,
વણ્ણંપૂજેસિ નાયકં.
વિકિરિત્વા તુ સાગન્ધ,
કુટિયં સેસચન્દનં;
એવઞ્હિ પત્થનં કાસિ,
બુદ્ધમાતા ભવામહં.
કારેત્વા ¶ સોણ્ણમાલંતુ,
ઉરચ્છદ પસાદનં;
પૂજેસિ હેમવણ્ણંસા,
ભગવન્તં કનિટ્ઠકા.
એવમ્પિ પત્થનંકાસિ,
ઇદંમમ પસાદનં;
સરીરે નિચ્ચલા ઠાતુ,
ચરન્તિયા ભવાભવં.
ઉભોપિ ¶ રાજકઞ્ઞાતા,
ઠત્વાન યાવતા યુકં;
ઉપપજ્જિંસુ સોવગ્ગં,
ચુતાસુખ પમોદનં.
મનુસ્સદેવ લોકેસુ,
સંસરિંસુ સુખંદુવે;
એકનવુતિ કપ્પાનિ,
મુચ્ચિત્વા પાયદુક્ખતો.
કસ્સપસ્સ કાલેતાસુ,
કનિટ્ઠા કિકિરાજિનો;
ધીતા ઉરચ્છદાનામ,
હુત્વાન પરિનિબ્બુતા.
જેટ્ઠકા ¶ પન ધીતાસિ,
કિકિસ્સ રાજિનો તહિં;
ધમ્માનામ દમિતા સા,
કોમાર બ્રહ્મચારિની.
તતોચ વિત્વાન સા દેવ,
મનુસ્સેસુ પુનપ્પુનં;
સંસરન્તી મહેસીસિ,
પૂરિન્દદસ્સ એકદા.
રત્તચન્દન ¶ લેપેન,
લિમ્પિત દેહિની હિસા;
કતપુઞ્ઞ વિસેસેન,
નામેન ફુસ્સતીહ્વિતા.
દેવિન્દો અઞ્ઞદાદિસ્વા,
પરિક્ખીણાયુકં વિયં;
દેવિં તં પરિવારેન,
મહતા નેસિનન્દનં.
સિરીસયન પિટ્ઠમ્હિ,
તંસયાવિય માઘવા;
ઠિતો ¶ સયનપસ્સમ્હિ,
ફુસ્સતિં એતદબ્રવી.
વરેતેદસદસ્સામિ,
ફુસ્સતેવરવણ્ણિકે;
ત્વંઞ્હિઇચ્છસિયેલદ્ધું,
લભાપેસ્સામિતેવરે.
સુત્વાતં ફુસ્સતીદેવી,
લોમહં સનરૂપિની;
ખીણાયુતમજાનન્તી,
અત્તનો એતદબ્રવી.
પાપંનુ ¶ ત્વયિ દેવિંન્દ,
કતંમે અપ્પિયાથતે;
રમ્મામે ચવનં ઇચ્છં,
મઞ્ઞેભણંતિ ઈદિસં.
નતેભદ્દે કતંપાપં,
નચમે અપ્પિયાતુવં;
પુઞ્ઞંતુતે પરિક્ખીણં,
તસ્મા તે વંવદામહં.
સન્તિકે ¶ મરણં તુય્હં,
વિનાભાવો ભવિસ્સતિ;
પટિગ્ગણ્હાહિ મે એતે,
વરેદસ પવચ્છતો.
સક્કસ્સવચનં સુત્વા,
ઞાત્વામરણ મત્તનો;
વરેસા લદ્ધુમિચ્છન્તી,
દેવિન્દમેત દબ્રવી.
ઇતો ચુતાસહસ્સક્ખિ,
સીવિરાજનિવેસને;
મહેસી ફુસ્સતીનામ,
નીલનેત્તા યથામિગી.
અસ્સં ¶ નીલભમુકાહં,
લભેય્યં પુત્તમુત્તમં;
ધારેન્તિ યાચમેગબ્ભં,
મજ્ઝિમઙ્ગં અનુન્નતં.
પલિતાન વિરૂહન્તુ,
અલમ્બાચ પયોરો;
કાયેરજો નલિમ્પેથ,
વજ્ઝઞ્ચાપિ પમોચયે.
યેયાચિતા ¶ વરાભદ્દે,
તયાદસ મયાતવ;
દિન્નાતે તુટ્ઠચિત્તેન,
સબ્બેલચ્છસિ માનુસે.
તતોચવિત્વાન સાદેવ-
લોકા નિબ્બત્તિ ઇચ્છિયં;
મહેસિયા પટિસન્ધિ-
વસેન મદ્દરાજિનો.
દસમા ¶ સચ્ચયેનેસા,
ધીતરં મદ્દરાજિની;
હેટ્ઠાસુસેતચ્છત્તસ્સ,
વિજાયિ સેટ્ઠરૂપિનિં.
રત્તચન્દન લેપેન,
એસાલિમ્પિ તદેહિની;
તેનસ્સા બ્રાહ્મણાનામં,
અકંસુ ફુસ્સતીઇતિ.
સઞ્ઞાકાર દોળારુળ-
મઙ્ગલાદીનિ કાતુન;
મહતા પરિહારેન,
પોસિંસુ ખત્તિયાનિયો.
મધૂરખીર ¶ સમ્પન્ના,
સિનિદ્ધપીણ યોબ્બના;
ધાતિયો ખત્તિયાનીતં,
ખીરંપાયિંસુ યાપનં.
સઙ્કમન્તીવ વુદ્ધાસા,
અઙ્કાઅઙ્કં કરાકરં;
રાજકઞ્ઞાચ તોસિંસુ,
નચ્ચગીતેહિ નાટકી.
દેવચ્છરાવરૂપેન,
સુભાસોળસ વસ્સિકા;
હરન્તી ¶ નેત્તરસંસા,
પસ્સન્તાનંસુખેધિતા.
સિવિરટ્ઠે તદારજ્જં,
સિવિરાજા જેતુત્તરે;
કારેસિસિઞ્ચયોનામ,
પુત્તોતસ્સ મહાયસો.
વયપ્પત્તો ભિરૂપોસિ,
દેવપુત્તોવ સિઞ્ચયો;
અરોહ પરિણાહેન,
નાનાસિબ્બેસુ કોવિદો.
સિઞ્ચયસ્સ ¶ નિય્યાદેસિ,
રજ્જંપુત્તસ્સ અત્તનો;
જીવન્તો પસ્સિતુંરાજ-
સિરિંઇચ્છં મહારહં.
આનેત્વા મદ્દરાજસ્સ,
ધીતરં ફુસ્સતિંતહિં;
સોળસિત્થિ સહસ્સાનં,
મહેસિંકાસિ જેટ્ઠિકં.
ફુસ્સતીસિઞ્ચયોઞ્ઞોઞ્ઞ- ¶
મુખંદ્વેપિયચક્ખુના;
પસ્સમાનાવઅચ્છિંસુ,
અઞ્ઞમઞ્ઞપિયંવદા.
અથચિન્તિ યદેવિન્દો,
દિન્નાફુસ્સતિયામયા;
વરાદસ તેસુપુત્ત-
વરોનહિસમિજ્ઝતિ.
સમિજ્ઝા પેસામિએતંતિ,
અજેય્યેભિદસાલયે;
ઉપધારિત્થતિસ્સાય,
પુત્તભાવારહંમરું.
ચવિત્વાહુઉદ્ધંગામી ¶ ,
બોધિદેવોતતોતહિં;
બ્રહ્મંગન્ત્વાસહસ્સક્ખી,
તસ્સતંએતદબ્રવી.
ઇતો ભો સુગતિંગચ્છ,
અનુકમ્પાહિમરિસ;
સિઞ્ચયંદેવિયંતસ્સ,
સન્ધિં ગણ્હજુતિન્ધર.
અઞ્ઞેપિ ¶ સટ્ઠિસહસ્સ-
દેવે ચવન ધમ્મિને;
ઉપસઙ્કમ્મ સોયાચિ,
ગચ્છહ્વો સુગતિંઇતિ.
બોધિસત્તોચ અઞ્ઞેચ,
સાધૂતિ સમ્પટિચ્છિસું;
તતોચુતા ચતેદેવા,
આગું માનુસકંઇમં.
ફુસ્સત્યંહિ ¶ મહાસત્તો,
નિબ્બત્તિ પટિસન્ધિયા;
કુલેસ્વઞ્ઞેચ મચ્ચાનં,
નિબ્બત્તિંસુ વિસુંવિસું.
કુચ્છિઙ્ગતે મહાસત્તે,
દેવી દો હળિનીઅહુ;
દાતુકામા મહાદાનં,
વિસજ્જિય બુહુંધનં.
રાજમન્દિરદ્વારમ્હિ,
વેમજ્ઝેનગરસ્સચ;
ચતુદ્વારેસુછદ્દાન-
સાલાયો દેય્યપૂરિતા.
કારાપેત્વાન ¶ છસ્સત-
સહસ્સાનિ દિનેદિને;
વિસજ્જિત્વાન સબ્બેસં,
ઇચ્છન્તી આસિદાતવે.
ઉત્વાતં કારણંરાજા,
પક્કોસાવિય બ્રાહ્મણે;
નિમિત્ત પાઠકેપુચ્છિ,
કિં ભવિસ્સતીતિઞાતવે.
જાનામ નો મહારાજ,
ગતોકુચ્છિમ્હિ દેવિયા;
હેહિત્ય ¶ ભિરતોદાને,
એવંવદિંસુ બ્રાહ્મણા.
બ્રાહ્મણાનં વચોસુત્વા,
નરિન્દો તુટ્ઠમાનસો;
દાનંઅદાસિ છદ્દાન-
સાલાયો સુટ્ઠુમાવિય.
પટિસન્ધિગ્ગહણમ્હા,
બોધિસત્તસ્સ વિઞ્ઞુનો;
પટ્ઠાયણ્ણવ વેગોવ,
લાભોળારો અનપ્પકો.
પણ્ણાકારં ¶ પહિણિંસુ,
રાજિનો જમ્બુમણ્ડલે;
બોધિસત્તા નુભાવેન,
નાનારટ્ઠિન્દખત્તિયા.
પરિહારં પવચ્છેસિ,
મહેસિં પટિસન્ધિનિં;
રાજાસુખં વસાપેસિ,
કારેસિઇચ્છિતિચ્છિતં.
બુદ્ધઙ્કુરાનુભાવેન,
જનાસું મોદમાનસા;
કાલેવસ્સતિમેઘોપિ,
સુભિક્ખોસમયોઅહુ.
સદ્ધિંપુત્તેન ¶ જુણ્હાય,
કિળન્તિયાવમાતુયા;
મહન્તીરતિસબ્બેસં,
જનાનંવિપુલાતહિં.
ગબ્ભંહિ ધારેન્તીદેવી,
દસમાસમ્હિપૂરિતે;
નગરંદટ્ઠુ કામાસિ,
તદારોચેસિરાજિનો.
સાધુભદ્દેતિ ¶ વત્વાન,
પુરંદેવ પુરંવિય;
રાજા અલઙ્કરાપેસિ,
દેવિયા પિતિવડ્ઢનં.
આરોપિય તતોદેવિં,
વિચિત્તં લક્ખિકંરથં;
પદક્ખિણં કારાપેસિ,
નગરં સબ્બલઙ્કતં.
વેસ્સાનં ¶ વીથિયામજ્ઝે,
ઠાનાઠાનં પથાપથં;
ચલિંસુ કમ્મજાવાતા,
ચરન્તિયાવ દેવિયા.
ઉત્વામચ્ચાપવત્તિંતં,
રઞ્ઞોરોચિંસુસીઘસો;
સુતિગેહંકારાપેસિ,
તંવીથિયંવસિઞ્ચયો.
તત્થસાવસમાનાવ,
વિજાયિઅકુતોભયા;
નિમ્મલંસુસુદ્ધંપુત્તં,
સુવણ્ણક્ખન્ધસન્નિભં.
અક્ખીનિઉમ્મિલિત્વાન ¶ ,
નિક્ખન્તોમાતુ કુચ્છિતો;
પસન્નપ્પિયાકારેન,
પસ્સિત્તમાતુયામુખં.
અમ્મ દાનં દદિસ્સામિ,
અત્થિનુ કિઞ્ચિ તેધનં;
હત્તંસો પસારેત્વાન,
ઇતિબ્રવિતહિં મુહું.
સુત્વામોદિય ¶ તંમાતા,
દેહિદાનં યથિચ્છિતં;
તાતાતિ તસ્સપાદાસિ,
સહસ્સત્થવિકંતહિં.
મહોસધ વેસ્સન્તર-
મહાસિદ્ધત્થ જાતિસુ;
કથેસિ માતરાબોધિ-
સસત્તો જાતક્ખણેતિસુ.
અચ્છેર મબ્ભુતંદિસ્વા,
જનામોદિં સુતાવદે;
અપ્ફોટેન્તો હસન્તાચ,
જયનાદં પનાદયું.
વેસ્સન્તરોતિ ¶ હ્વાયિંસુ,
નામગ્ગહણ મઙ્ગલં;
સઙ્ખતા બ્રાહ્મણાતસ્સ,
જાતત્તા વેસ્સવીથિયં.
વિજાત દિવસેતસ્સ,
એકાઆકાસચારિની;
હત્થિનીહિ સબ્બસેતં,
એકં કુઞ્જરપોસકં.
બોધિસત્તા નુભાવેન,
આનેત્વા મઙ્ગલસમ્મતં;
થપેત્વાન પક્કામિ,
હત્થિસાલાય સાધુકં.
ઉપ્પન્નત્તામહાસત્તં ¶ ,
તસ્સકત્વાનપચ્ચયં;
અકંસુનાગરાનામં,
સમગ્ગાપચ્ચયોઇતિ.
તદ્દિનેવવિજાયિંસુ,
અમચ્ચાનંકુમારકા;
ગેહેસુસઠિસહસ્સા,
મહાસત્તસજાતકા.
અતિદીઘાદયોદોસે ¶ ,
વિવજ્જેત્વાનસિઞ્ચયો;
કુમારંચતુસ્સઠિકા,
ઉપટ્ઠાપેસિધાતિયો.
અલમ્બત્થનિયોચેતા,
ભિરૂપાયોબ્બનેઠિતા;
આસુંમધુરથઞ્ઞાયો,
સંસુદ્ધાસેટ્ઠકોલિયો.
સુસુસટ્ઠિસહસ્સાનં ¶ ,
એકેકાધાતિયોતથા;
બુદ્ધઙ્કુરસજાતાનં,
ઉપટ્ઠાપેસિસુંન્દરા.
સદ્ધિં સટ્ઠિસહસ્સેહિ,
કુમારેહિમહાયસો;
મહતાપરિવારેન,
સંવડ્ઢિબોધિસત્તવો.
રાજાસતસહસ્સગ્ઘ-
નિકં સુસુપિળન્ધનં;
કારાપેત્વાવિભૂસેસિ,
અત્તજંદાનનન્દનં.
ઓમુઞ્ચિત્વાનધાતીનં ¶ ,
તંચતુપ્પઞ્ચવસ્સિકો;
અદાસિસોમહાસત્તો,
બોધિં અપેક્ખમાનસો.
પુનતંતાહિધાતીહિ,
દિય્યમાનંપિસાદરં;
નસોગણ્હિત્થકુમારો,
દિન્નેસુઅનપેખવા.
આરોચિંસુપવત્તિંતં ¶ ,
રઞ્ઞોતાધાતિયોતદા;
સુત્વામુદિતચિત્તેન,
તંસોથોમિત્થઅત્તજં.
પુત્તેનમમદિન્નંતં,
બ્રહ્મદેય્યંપિળન્ધનં;
તુમ્હાકંસન્તકંહોતુ,
ઇચ્ચાપિબ્રવિસિઞ્ચયો.
પુનાપરંપિકારેત્વા,
પાદાસિપુત્તનન્દનો;
પુત્તસ્સદાતુકામસ્સ,
સુવિચિત્તપિળન્ધનં.
ઓમુઞ્ચિત્વાનએતંપિ ¶ ,
ધાતીનંદાસિદાયકો;
દારકોતુટ્ઠચિત્તેન,
સબ્બઞ્ઞુતપ્પિયાયનો.
એવંવુત્ત નયેનેવ,
નવ વારે પિળન્ધનં;
દહરોદાસિ ધાતીનં,
નાથાનાથ પરાયનો.
અટ્ઠવસ્સિ ¶ કકાલેતુ,
એવંચિન્તેસિ બુદ્ધિમા;
નિસિન્નો સિરિસયનો,
પાસાદો પરિમણ્ડલે.
દેમિબાહિર દાનંવ,
નતાવ મમ માનસં;
પરિતો સેતિએવઞ્હિ,
અજ્ઝત્તિકંદદામહં.
સચેમં કોચિયાચેય્ય,
સીસંસ મોળિમુત્તધં;
છિજ્જ તં તસ્સદજ્જેય્યં,
નહેય્યં લીનચેતસો.
હદયંમમ ¶ યાચેય્ય,
ભિન્દિત્વા અસિનાઉરં;
નીહરિત્વાનતંતસ્સ,
દજ્જેય્યં તુટ્ઠમાનસા.
અક્ખીનિ મમયાચેય્ય,
ઉપ્પાટેત્વાન તાવદે;
સત્થેન તસ્સદજ્જેય્યં,
સલોહિતાનિ તાનિમે.
હત્થેપાદેચકણ્ણેચ ¶ ,
યાચેય્યમમસાધુકં;
છિન્દિત્વા તાનિદજ્જેય્યં,
તસ્સપૂરે મનોરથં.
મંસંમેકોચિયાચેય્ય,
સીઘંસબ્બસરીરતો;
ખણ્ડાખણ્ડં છિન્દિત્વાન,
દજ્જે મંસં સલોહિતં.
હોહિત્વંમમદાસોતિ,
વદેય્યકોચિચેતહિં;
સયંઆમાતિસાવેત્વા,
અત્તાનંપિ દદામહં.
તસ્સેવં ¶ ચિન્તયન્તસ્સ,
કમ્પિત્થ પથવીમહા;
સમન્તાગજ્જમાનાયં,
મત્તોવ કુઞ્જરોવને.
મેરુરાજો નમિત્વાન-
ભિમુખોવ જેતુત્તરં;
નગરં ઠાસિ સેરિત-
વેત્તઙ્કુરોવ તાવદે.
મહીસદ્દસન્તાસેન ¶ ,
મેઘોપાવસ્સિ તાવદે;
ઘનવસ્સંમહાધારં,
ગજ્જમાનો દિસોદિસં.
નિચ્છરિંસુ બહૂવિજ્જુ-
લતાયોચ સમન્તતો;
ઇન્દચાપા ઉટ્ઠહિંસુ,
ઉક્કાપાતો તદા અહુ.
અપ્ફોટેસિ તહિંદેવ-
રાજાતુટ્ઠો સુજમ્પતિ;
સાધુસાધૂતિ સાવેસિ,
મહાબ્રહ્મા કતઞ્ચલી.
બ્રહ્મલોકા ¶ તદાયાવ,
ઇતોપથવિ મણ્ડલા;
અચ્છેરં અબ્ભુતં આસિ,
એકકોલાહલં મહા.
એવંઞ્હિ નેકબ્ભૂતાનિ,
જનેત્વાન મહાજનં;
હાસયં સુસુખંવડ્ઢ-
માનોસોળસ વસ્સિકો.
કુમારો ¶ સબ્બસિબ્બેસુ,
કોવિદોચ પારઙ્ગતો;
ફુલ્લસાલોવ સોભન્તો,
વણ્ણેન વયસા તદા.
અથસ્સ દાતુકામોવ,
રજ્જંમન્તિય દેવિયા;
પિતાસિ સિઞ્ચિરાજત્તે,
પુત્તંસોળસ વસ્સિકં.
મદ્દરટ્ઠે તદામદ્દ-
રાજકુલા ભિવણ્ણિનિં;
નેત્વામહે સિત્તેમદ્દિં-
ભિસિઞ્ચિ ધમ્મચારિનિં.
મદ્દીમાતુલધીતાસા ¶ ,
ભગિની મન્દહાસિની;
વેસ્સન્તરકુમારસ્સ,
સેટ્ઠલક્ખણધારિની.
પુબ્બઉટ્ઠાયિની મદ્દી,
નિચ્ચં પચ્છાનિપાતિની;
મનાપચારિની દેવી,
કિંકાર પટિસાવિની.
સોળસિત્થિ ¶ સહસ્સાતં,
મદ્દિંસબ્બઙ્ગ સોભણં;
નચ્ચવાદિત ગીતેહિ,
પરિચારિંસુ સબ્બદા.
વેસ્સન્તરો મહારાજા,
રજ્જેભિ સિત્તકાલતો;
પઠાય દાનસાલાયો,
છદ્દાનં દાસિકારિય.
મહાદાનં પવત્તેસિ,
વિસ્સજ્જન્તો દિનેદિને;
સમ્મોદમાનો છસ્સત-
સહસ્સાનિ ધનાનિસો.
એવંદાને ¶ રમન્તસ્સ,
મહેસીતસ્સરાજિનો;
પુત્તંવિજાયિઅપર-
ભાગેમદ્દી સુદસ્સનં.
સમ્પટિચ્છિંસુ વિજાત-
કાલેતં સોણ્ણસન્નિતં;
સોણ્ણ જાલેનતેનસ્સ,
નામંજાલીતિ વોહરું.
પદસા ¶ ગમને કાલે,
પુત્તસ્સ તસ્સજાલિનો;
વિજાયિ ધીતરંએકં,
નારીનં સેટ્ઠંસમ્મતં.
કણ્હાજિનેન ધીતંતં,
સમ્પટિચ્છિંસુ સાદરં;
તેનસ્સા ધિતુયાનામં,
કણ્હાજિનાતિ વોહરું.
મહતા પરિવારેન,
વુદ્ધિંન્વાયિંસુ તેદુવે;
સયન્તા નચ્ચગીતેન,
નચ્ચગીત પબોધના.
મહાસત્તોહિ ¶ માસસ્સ,
છક્ખત્તું દાનમણ્ડપે;
ઓલોકેસિ અલઙ્કત-
હત્થિક્ખન્ધ વરેઠિતો.
તહિં કલિઙ્કરટ્ઠમ્હિ,
દુબ્બુટ્ઠિકા ભયાનકા;
સસ્સાનિ નસમ્પજ્જિંસુ,
દુબ્ભિક્ખો સમયોઅહુ.
ચોરકમ્મં ¶ અકરિંસુ,
અસક્કોન્તાવ જીવિતું;
જના નિગમગામેસુ,
વિલુમ્પન્તિ દામરિકા.
કલિઙ્કરટ્ઠં સકલં,
દુબ્ભિક્ખભયપીળિતં;
ઘટે વિલોલપારીવ,
સઙ્ખુમ્ભિત્થ અનાથકં.
નેગમા જાનપદાસબ્બે,
નાગરાચ સમગ્ગતા;
રાજઙ્ગણે ઉક્કોસિંસુ,
દુબ્ભિક્ખભય ચોદિતા.
તદાસુત્વાન ¶ તંરાજા,
સીઘંઉબ્બિગ્ગ માનસા;
કોયંસદ્દોતિ પુચ્છિત્થ,
મહામચ્ચે સકન્તિકે.
આરોચયિંસુ રાજાનં,
પવત્તિં તંઅસેસતો;
રાજાપિ પટિજાનાસિ,
મેઘં વસ્સાપયે-ઇતિ.
તતોસો પત્થનંકાસિ,
સમાદિય ઉપોસથં;
દેવં વસ્સાપનત્થાય,
સત્તાહંસત્તકારુણો.
નહિએવંપિસોસક્ખિ ¶ ,
વસ્સાપેતું નરિસ્સરો;
મેઘંકલિઙ્ક રટ્ઠમ્હિ,
દુબ્બુટ્ઠિકાવ જાયહિ.
તતોસો સન્નિપાતેત્વા,
નાગરે એતદબ્રવી;
વસાપેતું નસક્કોમિ,
દેવં કિં નુકરે-ઇતિ.
તદાએવમવોચિંસુ ¶ ,
નરાકલિઙ્કરાજિનો;
દેવં વસ્સાપનત્થાય,
સુભિક્ખકાલકામિનો.
સિવિરટ્ઠેમહારાજ,
રજ્જેધમ્મેનયોઠિતો;
જેતુત્તરેમહાવેસ્સ-
ન્તરો સિઞ્ચયઓરસો.
દાનેસુભિરતોહેસ,
કિરમઙ્ગલકુઞ્જરો;
તસ્સત્થિપચ્ચયોનામ,
પવરોસબ્બપણ્ડરો.
ગતઠાનેકુઞ્જરસ્સ ¶ ,
તસ્સેકન્તેનખત્તિય;
પાવસ્સિકિરગજ્જન્તો,
મહામેઘોસવિજ્જુકો.
પેસેત્વાબ્રાહ્માણેરાજ,
યાચાપેતુંસુપણ્ડરં;
હત્થિંવટ્ટતિતંતેન,
સીઘંપેસેહિબ્રાહ્મણે.
સમ્પટિચ્છિયસાધૂતિ,
સુત્વાતંતુટ્ઠમાનસો;
રાજઙ્ગણમ્હિરાજાસો,
સન્નિપાતેસિબ્રાહ્મણે.
ગુણવણ્ણેહિસમ્પન્ને ¶ ,
વિચિનિત્વાનબ્રહ્મણે;
અટ્ઠતેસુરાજાતેસં,
નેકંદાસિપરિબ્બયં.
આનેથકુઞ્જરંભોન્તો,
વેસ્સન્તરસ્સસન્તિકં;
ગન્ત્વાયાચિય-એવંતે,
રાજાવત્વાનપેસયિં.
બ્રાહ્માણા ¶ અટ્ઠરાજાનં,
તેકત્વાન પદક્ખિણં;
ગઞ્છિંસુ જેતુત્તરં નાગં,
નેથું સબ્બઙ્ગસુન્દરં.
અનુપુબ્બેન ગન્ત્વાન,
તેપાપુણિંસુ બ્રાહ્મણા;
જેતુત્તરં ભુઞ્જમાના,
દાનસાલાસુ અચ્છયું.
તતોપુણ્ણ મદિનમ્હિ,
કત્વાસરીરમત્તનો;
તેપંસુમક્ખિતંઆગું,
પાચીનદ્વારમણ્ડલં.
સંયાચિસ્સામનાગન્તિ ¶ ,
ચિન્તમાનાવરાજિનો;
આગમેન્તાઆગમનં,
તત્થઅચ્છિં સુબ્રાહ્માણા.
દાનગ્ગં ઓલેકેય્યન્તિ,
તદાસુર સભોજનો;
પાતોનૂત્વા મહાસત્તો,
અલઙ્કારેન લઙ્કરિ.
અલઙ્કત હત્થિક્ખન્ધં,
અરુય્હ અગમાતતો;
રાજા ¶ પુરત્થિમં દ્વારં,
પરિસાય મહન્તિયા.
મહન્તિં પરિસંદિસ્વા,
ભિતા ઉબ્બિગ્ગ માનસા;
તત્થોકાસં નલભિંસુ,
યાચિતું બ્રાહ્મણા તહિં.
તમ્હા દક્ખિણદ્વારં તે,
સઙ્કમિત્વાન ઉન્નતે;
પદેસે સેટ્ઠરાજાનં,
આગમેસું ઠિતા તતો.
ઓલોકેત્વાન ¶ પાચીન-
દારમ્હિ દાનમણ્ડપે;
હત્થિક્ખન્ધગતો રાજા,
દ્વારમા ગઞ્ચિદક્ખિણં.
રાજાનં આગતં દિસ્વા,
પસારેત્વાન બ્રાહ્મણા;
હત્થે ‘‘વેસ્સન્તરોજેતુ’’
તિક્ખત્તું ઇતિભાસિંસુ.
જયસદ્દં પનાદન્તે,
રાજાદિસ્વાન બ્રાહ્મણે;
હત્થિં તેસં ઠિતઠાનં,
પાજેસિ દાનમાનસા.
હત્થિક્ખન્ધે ¶ નિસિન્નોવ,
પસન્નેન મુખેનસો;
મ્હિતપુબ્બં તતોવોચ,
ગિરેવં હદયઙ્ગમં.
દક્ખિણાવટ્ટસઙ્ખેન,
બાહુંપગ્ગય્હ દક્ખિણ;
પુરતો મમ તિટ્ઠન્તા,
કિં મંયાચન્તિ બ્રાહ્મણા.
એવંસીઘમ ¶ વોચિંસુ,
પહટ્ઠા બ્રાહ્મણા તહિં;
રતનંરાજ યાચામ,
કુઞ્જરં સબ્બપણ્ડરં.
ઇદંસુત્વાનસોચિન્તિ,
અજ્ઝત્તિકં પિદાતવે;
અહમિચ્છામિતેદાનિ,
મમં યાચન્તિ બાહિરં.
ઇદાનિ પૂરયિસ્સામિ,
યાચન્તાનં મનોરથં;
એવંચિન્તિયસોભાસિ ¶ ,
હત્થિક્ખન્ધઠિતો ઇતિ.
દેમિતં નવિકમ્પામિ,
યંમંયાચન્તિ બ્રાહ્મણા;
કેલાસ સદિસં સેતં,
અલઙ્કતં ગજુત્તમં.
હત્થિક્ખન્ધા તતો રુય્હ,
રાજા ચાગાધિમાનસો;
ઓલોકેસિતિક્ખત્તુંતં,
કત્વા નાગં પદક્ખિણં.
ગહેત્વા ¶ સોણ્ણભિઙ્ગારં,
સુગન્ધોદક પૂરિતં;
અહ્વાયિ એથ ભોન્તોતિ,
કુઞ્જરંએસ દાતવે.
ગહેત્વા રજતદામ-
સદિસં સેત હત્તિનો;
સોણ્ડંટ્ઠપિય હત્થેસુ,
બ્રાહ્મણાનં ગજિસ્સરો.
સાલઙ્કતં મહાનાગં,
પાતેત્વા દક્ખિણોદકં;
અદાસિ સેટ્ઠદન્તિંતં,
અસલ્લિનેન ચેતસા.
સદ્ધિં ¶ વીસતિલક્ખેન,
ચતુલક્ખાનિ અગ્ઘતિ;
અલઙ્કારોહિ નાગસ્સ,
નાનારતનચિત્તિતો.
અથાપિઅનગ્ઘા હોન્તિ,
છળેવ અઙ્કુસાદિસુ;
મણયો વારણોચાપિ,
અનઙ્ઘો સત્તનગ્ઘિકા.
યતાવુત્ત રતનેહિ,
સદ્ધિં અદાસિ કુઞ્જરં;
નાગોપિયોપિ તેનેવ,
તતો સબ્બઞ્ઞુતં પિયં.
અથાપિ ¶ પઞ્ચસતાનિ,
પરિચારાનિ હત્થિનો;
કુલાનિ હત્થિગોપેહિ,
સદ્ધિં અદાસિ સાદરં.
વેસ્સન્તરેન દિન્નમ્હિ,
સેત મઙ્ગલ કુઞ્જરે;
અચેતનાપિનાદેન્તી,
મેદની સમ્પ કમ્પથ.
તહિં ¶ ભીસનકં આસિ,
નાનં લોમહંસનં;
મહન્તો વિપુલો ઘોસો,
ખુમ્ભિત્થ સકલં પુરં.
મહીસદ્દસન્તાસેન,
મેઘો પાવસ્સિ તાવદે;
ઘનવસ્સં મહાધારં,
ગજ્જમાનો દિસો દિસં.
નિચ્છરિંસુ બહૂવિજ્જુ-
લતા યોચ સમન્તતો;
ઇન્દચાપા ઉટ્ઠહીંસુ,
ઉક્કાપાતો તદા અહુ.
હત્થિં ¶ લદ્ધાનતે તુટ્ઠા,
બ્રાહ્મણા કિરદક્ખિણા-
દ્વારા નગર મજ્ઝેન,
ગજક્ખન્ધ ગતાનયું.
મહાજનપરિવારે,
ગજારુળ્હેટ્ઠ બ્રાહ્મણે;
પસ્સિં સુનાગરા સબ્બે,
તદાતે એતદબ્રવું.
અમ્હાકં ¶ કુઞ્જરં હમ્ભો,
આરુળ્હા વો ઇધાગતા;
દિન્નોયં કેન તુમ્હાકં,
કદા લદ્ધો કુતો-ઇતિ.
વેસ્સન્તરેન દિન્નો નો,
કથંતુમ્હે વદિસ્સથ;
નકથેય્યામ વિત્થારં,
ગચ્છેમ નગરં મયં.
એવંવત્વા નિક્ખમિંસુ,
દ્વારેન ઉત્તરેનતે;
ચિત્તંવિલોલ ¶ માનાવ,
નાગરાનં કલિઙ્કજા.
તદાહિ નાગરા સબ્બે,
બોધિસત્તસ્સ કુજ્ઝિતા;
રાજદ્વારે સન્નિપચ્ચ,
ઉપક્કોસમકંસુ તે.
અધમ્મેનેવભોન્ત્તોનો,
નાગં રટ્ઠસ્સ પૂજિતં;
અદાવેસ્સન્તરોદુટ્ઠ-
બ્રાહ્મણાનમલઙ્કતં.
સઙ્ખુમ્ભિતચિત્તા ¶ સબ્બે,
તતોનગરવાસિનો;
ગન્ત્વા સિઞ્ચયરાજસ્સ,
સન્તિકં એવમબ્રવું.
વિધમંદેવતેરટ્ઠં,
પુત્તોવેસ્સન્તરોતવ;
કતંસોકુઞ્જરંદાસિ,
સિવિરટ્ઠસ્સપૂજિતં.
કથંસો ¶ વારણંદાસિ,
સેતં કેલાસસન્નિભં;
પણ્ડુકમ્પલસઞ્છન્નં,
જય ભૂમિ વિજનાનં.
સચે સો દાતુમિચ્છેય્ય,
અન્નંપાણઞ્ચભોજનં;
વત્થં સેનાસનં સોણ્ણં,
યુત્તંદાતું યથિચ્છિતં.
સચેત્વં નકરિસ્સસિ,
સિવીનં વચનંઇદં;
મઞ્ઞેતં સહપુત્તેન,
સિવીહત્થે કરિસ્સરે.
તજ્જમાનાહિ ¶ એવઞ્હિ,
સુત્વા સિવીહિ ભાસિતં;
મઞ્ઞિત્થ સિઞ્ચયો પુત્તં,
મારેતું ઇચ્છરેઇતિ.
એવંબ્યાકાસિ તેનેવ,
સીઘંવિબ્ભન્ત માનસો;
પુત્તપેમ ચોદિતો સો,
સોકસલ્લ સમપ્પિતો.
કામં ¶ જનપદો સબ્બં,
રટ્ઠઞ્ચાપિ વિનસ્સતુ;
નાહં સિવીનંવચના,
પબ્બાજેય્યં મમત્રજં.
કથં હં તમ્હિ દુબ્ભેય્યં,
સન્તોસો સુદ્ધચેતસો;
પુત્તંકથઞ્ચ નિદ્દોસં,
સત્થેન ઘાતયે મમ.
સિવયો તસ્સ સુત્વાન,
ભાસિતં પુત્તગિદ્ધિનો;
અવોચું વિસટ્ઠા વીત-
ભહાએવં યથાતથં.
માનં ¶ દણ્ડેન સત્થેન,
નાપિ સો બન્ધનારહો;
પબ્બાજેહિ વનં રટ્ઠા,
વઙ્કે વસતુ પબ્બતે.
તદાચિન્તયિ સોરાજા,
નયુત્તં પનૂદેતવે;
છન્દં હિ સિવિનં દાનિ,
તતો વોચ સુભાસિતં.
યથાછન્દં ¶ કરેય્યામિ,
રટ્ઠ પબ્બાજયેથ તં;
એકોકાસઞ્ચ યાચામ,
રત્તિં સો વસતં ઇમં.
અમન્તેતુ યથાકામં,
કણ્હાજિનાય જાલિના;
તથાચ મદ્દિયા સદ્ધિં,
કામેચ પરિભુઞ્જતુ.
તતો રત્યા વિવસાને,
સૂરિયુગ્ગમનેસતિ;
સમગ્ગા સિવયો હુત્વા,
રટ્ઠા પબ્બજયન્તુ તં.
પચ્ચાગઞ્છું ¶ તદા સબ્બે,
સિવયો તુટ્ઠમાનસા;
સમ્પટિચ્છિત્વાન સાધૂતિ,
વચનં સિવિરાજિનો.
તતોસો સિઞ્ચયોએકં,
કત્તારં પુત્તસન્તિકં;
સાસનં પેસનત્થાય,
તુરિતં એવમબ્રવી.
ઉટ્ઠેહિ કત્તે તરમાનો,
ગન્ત્વા વસ્સન્તરં વદ;
સિવયો દેવ તેકુદ્ધા,
નેગમાચ સમાગતા.
અસ્મા ¶ રત્યા વિવસાને,
સૂરિયુગ્ગમને સતિ;
સમગ્ગા સિવયો હુત્વા,
રટ્ઠા પબ્બાજયન્તિતં.
સકત્તા તરમાનોવ,
સિવિરાજેન પેસિતો;
ઉપાગમિ પુરંરમ્મં,
વેસ્સન્તર નિવેસનં.
તત્થદ્દસ ¶ કુરંસો,
રમમાનં સકે પુરે;
પરિકિણ્ણં અમચ્ચેહિ,
તિદસાનંવ વાસવં.
વન્દિત્વા રોદમાનોસો,
કત્તા વેસ્સન્તરં બ્રવી;
દુક્ખં તે વેદયિસ્સામિ,
મામેકુજ્ઝ રથેસભ.
અસ્મારત્યા વિવસાને,
સૂરિયુગ્ગમને સતિ;
સિવયો દેવ તેકુદ્ધા,
રટ્ઠા પબ્બાજયન્તિતં.
સુત્વાન ¶ ભાસિતં એતં,
હસમાનો પમોદયં;
એવંપુચ્છિત્થ કત્તારં,
વેસ્સન્તરો સુધીતિમા.
કિસ્મિં મે સિવયો કુદ્ધા,
યં નપસ્સામિ દુક્કટં;
તંમે કત્તે વિયાચિક્ખ,
કસ્મા પબ્બાજયન્તિ મં.
તહિં ¶ કત્તા ઇદંવોચ,
હત્થિદાનેન કુજ્ઝરે;
ખીયન્તિ સિવયો રાજ,
તસ્મા પબ્બાજયન્તિ તં.
તંસુત્વાન મહાસત્તો,
દાનેસુ થીરમાનસો;
વચનં મ્હિતપુબ્બં સો,
કત્તારં એતદબ્રવી.
હદયં ¶ ચક્ખુમહં દજ્જં,
બાહુંપિ દક્ખિણં મમ;
હિરઞ્ઞ મણિસોણ્ણાદિં,
નકિં બાહિરકં ધનં.
કામંમંસિ વયોસબ્બે,
પબ્બાજેન્તુ હનન્તુવા;
નેવદાના વિરમિસ્સં,
કામંછિન્દન્તુ સત્તધા.
તતોસો દેવતાવિટ્ઠો,
કત્તામગ્ગમ દેસયિ;
પબ્બાજિતાનં સબ્બેસં,
ગતપુબ્બં પુરાણકં.
કોન્તીમારાય ¶ તીરેન,
ગીરિમા રઞ્ચરં પતિ;
યેનપબ્બાજિતાયન્તિ,
તેનગચ્છતુ સુબ્બતો.
તંસુત્વાન બોધિસત્તો,
સાધૂતિ સમ્પટિચ્છિય;
એકોકાસં નાગરાનં,
યાચેતું એવમબ્રવી.
દાનંસત્તસતકંહં ¶ ,
કત્તેદજ્જં સુવેતતો;
પરસ્વે નિક્ખમિસ્સામિ,
રત્તિંદિવં ખમન્તુમે.
સાધુદેવપવક્ખામિ,
ખમાપેતુંનિસાદિવં;
નાગરાનંતિવત્વાન,
તદાકત્તાપિપક્કમિ.
મહાસત્તોમહાયેન- ¶
કુત્તંસકલકમ્મિકં;
પક્કોસાવિયસ્વેદાનં,
એવંબ્યાકાસિદાતવે.
હત્થીઅસ્સેરતેઇત્થી,
દાસીદાસેચધેનુયો;
પટિયાદેહિત્વંસત્ત-
સતેચાગાયમારિસ.
અથોનાનપ્પકારાનિ,
અન્નપાનાનિસબ્બસો;
સુરંપિ પટિયાદેહિ,
સબ્બંદાતબ્બયુત્તકં.
એવંસોબ્યાકરિત્વાન ¶ ,
પેમચિત્તેનચોદિતો;
એકોવમદ્દિયારમ્મં,
પાસાદમભિરૂહથ.
રત્તચન્દન ગન્ધેહિ,
ગન્ધોદકેહિવાસિતં;
સોપાવેક્ખિસિરીગબ્ભં,
મદ્દીદેવીનિવાસનં.
મદ્દીદિસ્વાનઆયન્તં ¶ ,
મ્હિતાનનેનસામિકં;
ઉટ્ઠાસિઆસનાસીઘં,
રેણુમત્તાવકિન્નરી.
ઉટ્ઠાહિત્વાનસામદ્દી,
વામહત્થેસુ રાજિનો;
દક્ખિણે નસહત્થેન,
ગણ્હિત્થમન્દહાસિની.
તતોસિરિસયનમ્હિ ¶ ,
નસિન્નંસકસામિકં;
બીજયન્તીવસાટ્ઠાસિ,
મદ્દીસઞ્ઞતવાસિની.
મદ્દિંઅઙ્કેટ્ઠપેત્વાથ,
ગણ્હંહત્તેસુદેવિયા;
મુખંમુખેનકત્વાન,
રાજામન્દમભાસથ.
યંતેસચેમયાદિન્નં,
યઞ્ચતેપેત્તિકંધનં;
સબ્બંતંનિદહેય્યાસિ,
ભદ્દેકોમારપેમિકે.
તહિંનવુત્તપુબ્બંમે ¶ ,
સામિકેનમમીદિસં;
કદાચિએત્થકંકાલં,
મદ્દીએવઞ્હિચિન્તયિ.
તતો ઉબ્બિગ્ગચિત્તેન,
મદ્દીએવ મભાસથ;
કુહિં દેવ નિદહામિ,
તંમે અક્ખાહિ પુચ્છિતો.
સીલવન્તેસુ ¶ દુજ્જાસિ,
દાનં મદ્દી યથારહં;
નહિદાના પરંઅત્થિ,
પતિટ્ઠા સબ્બપાણિનં.
નિધાનં નામ એતંવ,
ધનાનં નન્દિવડ્ઢને;
દાનંહિ નિધિ સત્તાનં,
એવંબ્યાકાસિ ખત્તિયો.
મદ્દીવત્વાન ¶ સાધૂતિ,
ઓનમિત્વા સિરુત્તમં;
સમ્પટિચ્છિ તતો રાજા,
પુનાપિ એવમબ્રવી.
જાલિમ્હિમદ્દિદયેસિ,
સાધુકણ્હાજિનાયચ;
ગારવંનિવાતંકાસિ,
સસ્સુયાસસ્સુરમ્હિચ.
યોહિતં પેમ ચિત્તેન,
મયાવિપ્પવસેન તે;
ઇચ્છે ચેભવિતું અત્તા,
સક્કચ્ચં તંઉપટ્ઠહે.
સચે ¶ એવં નભવેય્ય,
ભત્તારં માદિસં વિયં;
પરિરે સેહિ અઞ્ઞં ત્વં,
માકિ સ્સિત્થો મયાવિના.
તદાહિ દુમ્મુખી મદ્દી,
રાજાન મેવ મબ્રવી;
દુસ્સુતં વત સુણોમિ,
ઈદિસં કિન્નુભાસસિ.
વિયાચિક્ખામિ ¶ મેભ દ્દે,
સકલં દાનિ કારિણં;
હત્થિદાનેનકુજ્ઝન્તિ,
સમગ્ગા સિવયો મમ.
પબ્બાજેન્તિ મમં તેન,
સિવયો સિવિરટ્ઠતો;
મહાદાનં દદિસ્સામિ,
સુવે કોમારસઙ્ગમે.
પરસ્વે નિક્ખમિસ્સામિ,
રટ્ઠા એકોવ સોભણે;
નાનાભયેહિ સંકિણ્ણં
વઙ્કં ગચ્છામિ પબ્બત.
પાણીકતપિયે ¶ જાલિં,
કણ્હાજિનઞ્ચ અત્તજં;
તઞ્ચઓહાય ગચ્છેય્યં,
વસેય્યં એકકોવને.
રઞ્ઞો સુત્વાન સઙ્કમ્પિ,
વચનંસોકવડ્ઢનં;
માલુતેરિતપત્તંવ,
મદ્દીયા હદયં તદા.
મામમેવમવચુત્થ ¶ ,
કમ્પેસિ હદયં મમ;
તત્તતેલેનસિત્તંવ,
સરિરં રાજ દય્હતે.
નેસધમ્મો મહારાજ,
યં ત્વં ગચ્છેય્ય એકકો;
અહંપિ તેન ગચ્છામિ,
યેનગચ્છસિ ખત્તિય.
મરણંવા ¶ તયા સદ્ધિં,
જીવિતંવા તયા વિના;
તદેવ મરણં સેય્યો,
યઞ્ચેજીવે તયાપિના.
અગ્ગિં ઉજ્જાલયિત્વાન,
એકજાલ સમાહિતં;
તત્થે વમરણં સેય્યો,
યઞ્ચે જીવે તયા વિના.
ચરન્તા રઞ્ઞનાગંવ,
દુગ્ગેસ્વન્વેત્તિ હત્થિની;
એવંતં ¶ અનુગચ્છામિ,
પુત્તેઆદાયપચ્છતો.
વિમંસેતું તદા રાજા,
માનસં મદ્દિદેવિયા;
નાનાભયં પકાસેન્તો,
એવંબ્રવિ ભયાપયં.
વિયાચિક્ખામિ ¶ તેસચ્ચં,
વનમ્હિ મુદુમાનસે;
નાનાભયં ખરં ઘોરં,
હેસ્મં હદયકમ્પનં.
કેસરીનામ યેભદ્દે,
મિગરાજા ખરસ્સરા;
હિં સન્તિં તે સસદ્દેન,
મિગેતિક્ખગ્ગ દાઠિનો.
દીપીબ્યગ્ઘાકણ્હાચ્છાચ,
તિક્ખગ્ગ નખ ધારિનો;
ખગ્ગા ¶ વનમહિંસાચ,
તિક્ખગ્ગસિઙ્ગધારિનો.
તિક્ખગ્ગ નખ સિઙ્ગેહિ,
એતે પોસંપિ છિન્દિય;
ખણ્ડાખણ્ડં કરિત્વાન,
મૂલાલંવિય ભક્ખરે.
યાચયક્ખિનિયોયક્ખા,
બહૂમનુસ્સખાદકા;
નરંનારિં ગવેસન્તિ,
દુમ્મુખા ખગ્ગપાણિનો.
અથો ¶ અજગરાસપ્પા,
ઘોરવીસાચ વિજ્જરે;
વિંસાચા રક્ખસાવાળા,
સજ્જુલોહિતભોજના.
અઞ્ઞેપિ બહવોસન્તિ,
ભયાભેસ્મકારકા;
કિંનભાયસિ એતેસં,
ભયાનં ભયમાનસે.
મા ¶ મમં ત્વં નુગચ્છાહિ,
ગચ્છન્તં ભયસંયુતં;
વનં ઇધેવ અચ્છાહિ,
વુત્તેહિસહભીરુકે.
ત્વેકદાસિરિગબ્ભમ્હિ,
વસન્તી સહમે સુભે;
સુત્વાગવેસિતાણઙ્કે,
કિંમે મઞ્જારગજ્જિતં.
ત્વેકદાકિંવિબોધેસિ ¶ ,
ભેમિભેમીતિ ભાસિય;
રત્તિયં હિ સયન્તં મં,
સુત્વા નુલુઙ્કવસ્સિતં.
ત્વેકદા મેઘસદ્દંહિ,
સુત્વાદિવા મમન્તિકં;
ધાવિત્વામં પરિસ્સજ્જ,
કિં મુચ્છિલોમહંસીની.
એવંભય ¶ ચઞ્ચલાય,
સુખુમાલાય દેવિયા;
નાલંહિ વસિતુંરઞ્ઞે,
ભેસ્મે અવનવાસિકે.
મદ્દીસુત્વાન રાજસ્સ,
ભાસિત્તં થીરમાનસા;
વિસારદેન ચિત્તેન,
સામિકં એવમબ્રવી.
તયિમે પેમ ચિત્તઞ્ચ,
અરઞ્ઞે ભયમાનસં;
તયિતેસુમહારાજ ¶ ,
સુતિક્ખં પેમ ચેતસં.
સન્દતે સીઘસોતંમે,
તયિસાગર સન્નિભે;
નિચ્ચંપેમોદકંરાજ,
ગઙ્ગોદકંવ સાગરે.
મરણંપેમચિત્તેન,
જીવિતં ભય ચેતસા;
તદેવ મરણંસેય્યો,
યઞ્ચેતં જીવિતંચિરં.
પાકારં ¶ મમૂરંરાજ,
કત્વાન પુરતોવનં;
નાનાભયં નિવારેન્તી,
ગચ્છં હંવેરહિંસિની.
તયિહં પેમચિત્તાસિં,
ગહેત્ત્વા વઙ્કપબ્બતે;
ફલાફલંગવેસન્તી,
વસેય્યામિ તયાસહ.
એવંઞ્હિ ¶ સૂરભાવં સા,
દસ્સયિત્વાન અત્તનો;
હિમવન્ત વાસિનીવ-
રાજાનં વીતિતોસયિ.
યદાદક્ખસિનચ્ચન્તે,
કુમારે માલધારિને;
કીળન્તે અસ્સમેરમ્મે,
નરજ્જસ્સ સરિસ્સસિ.
યદાદક્ખસિગાયન્તે ¶ ,
અઞ્ઞોઞ્ઞમુખદસ્સિને;
કુમારેવનગુમ્બમ્હિ,
નરજ્જસ્સ સરિસ્સસિ.
યદાદક્ખસિમાતઙ્ગં,
સાયંપાતંબ્રહાવને;
અસહાયંવિચરન્તં,
નરજ્જસ્સ સરિસ્સસિ.
નાદંકરેણુસઙ્ઘસ્સ ¶ ,
નદમાનસ્સપૂરતો;
નાગસ્સવજતોસુત્વા,
નરજ્જસ્સસરિસ્સસિ.
મિગંદિસ્વાનસાયન્હં,
પઞ્ચમાલિનમાગતં;
કિં પૂરિસેચનચ્ચન્તે,
નરજ્ઝસ્સસરિસ્સસિ.
યદાસુસ્સસિનિગ્ઘોસં ¶ ,
સન્દમાનાયસિન્ધુયા;
ગીતંકિંપુરિસાનઞ્ચ,
નરજ્જસ્સસરિસ્સસિ.
સરતસ્સચસીહસ્સ,
બ્યગ્ઘસ્સચ્છસ્સદિવિનો;
સદ્દં સુત્વાનખગ્ગસ્સ,
નરજ્જસ્સસરિસ્સસિ.
યદામોરીહિપરિકિણ્ણં ¶ ,
વિચિત્રપુચ્છપક્ખિનં;
મોરંદક્ખસિનચ્ચન્તં,
નરજ્જસ્સ સરિસ્સસિ.
યદાદક્ખસિ હેમન્તે,
પુપ્ફિતેધરણીરુહે;
સુરબ્ભિસમ્પવાયન્તે,
નરજ્જસ્સ સરિસ્સસિ.
યદા ¶ હેમન્તિ કેમાસે,
હરિતં દક્ખસિ મેદનિં;
ઇન્દગોપક સઞ્છન્નં,
નરજ્જસ્સ સરિસ્સસિ.
તદાહિફુસ્સતીદેવી,
ઠિતાસિ પુત્તસોકિની;
સીરીપગબ્ભસ્સદ્વારમ્હિ,
વિમંસન્તીકથાકથં.
કલુનંપરિદેવિત્થ ¶ ,
અઞ્ઞોઞ્ઞાભાસિતંગિરં;
સુત્વાનફુસ્સતીદેવી,
વુત્તસ્સસુણિસાયચ.
વિસંમેખાદિતંસેય્યો,
પબ્બતાચ પપાતનં;
મતઞ્ચરજ્જુયાબજ્ઝ,
નત્થત્થોજીવિતેનમે.
અજ્ઝાયકં ¶ દાન પતિં,
યસસ્સિનં અમચ્છરિં;
કસ્મા વેસ્સરં પુત્તં,
પબ્બાજન્તિ અદૂસકં.
પૂજિતં પતિરા જૂહિ,
સબ્બલોકહિ તેસિનં;
કસ્મા વેસ્સન્તરં વુત્તં,
પબ્બાજેન્તિઅદૂસકં.
કલુનં પરિ દેવિત્વા,
અસ્સા સેત્વાન ફુસ્સતી;
વુત્તઞ્ચ સુણિસં સીઘં,
અગા સિઞ્ચય સન્તિકં.
તતોતં ¶ સિઞ્ચયંદેવી,
વિસટ્ઠા એતદબ્રવી;
નાનૂપાયં પકાસેન્તી,
વિચિત્ત વાદ વિઞ્ઞુની.
મધૂનિવ પલા તાનિ,
અમ્બાવપતિ તાછમા;
એવંહે સ્સતિતે રટ્ઠં,
પબ્બાજિતેઅદૂસકે.
હંસો ¶ નિખીણ પત્તોવ,
પલ્લસ્મિં અનૂદકે;
અપવિટ્ઠો અમચ્ચેહિ,
એકોરાજાવિહિય્યસિ.
તન્તંબ્રૂમિ મહારાજ,
અત્થોતેમા ઉપચ્ચગા;
માનંસિવીનંવચના,
પબ્બાજેસિઅદૂસકં.
દેવિયાવચનંસુત્વા ¶ ,
ધમ્મરાજાધમ્મઞ્ચરો;
ધમ્મેનધમ્મિકંબ્રૂસિ,
મહેસિં પુત્તસોકિનિં.
એસોવેસ્સન્તરોભદ્દે,
પાણાપિયતરોહિમે;
તથાપિનં પબ્બાજેમિ,
ધમ્મસત્થવસાનુગો.
સીવિરટ્ઠમ્હિપોરાણ- ¶
રાજૂનંધમ્મતન્તિયા;
અહઞ્હિપચિતિંકુમ્મિ,
વિનયન્તોમમોરસં.
રઞ્ઞોતં વચનંસુત્વા,
ખિન્નાહદયકમ્પિની;
પુનસાપરિદેવન્તી,
એવંવિલવિફુસ્સતી.
યસ્સપુબ્બેધજગ્ગાનિ,
કણિકારાવપુપ્ફિતા;
યાયન્તમનુયાયન્તિ,
સ્વજ્જેકોવગમિસ્સતિ.
ઇન્દગોપકવણ્ણાભા ¶ ,
ગન્ધારા પણ્ડુકમ્પલા;
યાયન્તમનુયાયન્તિ,
સ્વજ્જેકોવગમિસ્સસિ.
યોપુબ્બેહત્થિનાયાતિ,
સિવિકાયરથેનચ;
સ્વજ્જવેસ્સરોરાજા,
કથંગચ્છતિપત્થિકા.
કથંચન્દનલિત્તઙ્ગો ¶ ,
નચ્ચગીતપબોધનો;
ખુરાજિનં ફરુસઞ્ચ,
ખારિકાજઞ્ચહાહિતિ.
પવીસન્તો બ્રહારઞ્ઞં,
કાસાવં અજિના નિવા;
ખરં કુસ મયં ચીરં,
કથં પરિ દહિસ્સતિ.
કાસિયાનિચ ¶ ધરેત્વા,
ખોમકો ટુમ્પરાનિચ;
કુસચીરાનિ ધારેન્તી,
કથંમદ્દીકરિસ્સતિ.
વય્હાહિ પરિયાયિત્વા,
સિવિકાય રથેનચ,
સાકથજ્જ અનુજ્ઝઙ્ગી,
પથં ગચ્છતિ પત્થિકા.
સુખેધિતાહિહિરઞ્ઞ- ¶
પાદુકારુળ્હગામિની,
સાકથજ્જસુખાનન્દી,
પથંગચ્છતિપત્થિકા.
ગન્ત્વાઇત્થિસહસ્સાનં,
પૂરતોયાહિમાલિની;
સાકથજ્જયસાનન્દી,
વનંગચ્છતિએકિકા.
સદ્દંસિવાયસુત્વાયા ¶ ,
મુહુંઉત્તસ્સતેપુરે;
વસન્તીસાબ્રહારઞ્ઞે,
કથં વચ્છતિભીરુકા.
સદ્દંસુત્વાનુલુઙ્કસ્સ,
મુહુંઉત્તસતેપુરે;
વસન્તીસાબ્રહારઞ્ઞે,
કથંવચ્છતિભીરુકા.
સકુણીહત ¶ પુત્તાવ,
સુઞ્ઞંદિસ્વા કુલાવકં;
ચીરંદુક્ખેન ઝાયિસ્સં,
સુઞ્ઞંઆગમ્મિમંપુરં.
કુરુરી હતછાપાવ,
સુઞ્ઞંદિસ્વા કુલાવકં;
તેનતેન પધાવિસ્સં,
પિયેપુત્તેઅપસ્સતી.
એવંમેવિલ ¶ પન્તિયા,
રાજપુત્તં અદૂસકં;
પબ્બાજેસિ વનંરટ્ઠા,
મઞ્ઞેહિસ્સામિજીવિતં.
ફુસ્સત્યા લવિતંસુત્વા,
સબ્બા સિઞ્ચયરા જિનો;
બાહાપગ્ગય્હ પક્કન્દું,
સિવિકઞ્ઞા સમાગતા.
પક્કન્દિતરવંતાસં ¶ ,
સુત્વા સોકપમદ્દિતા;
સિવિકઞ્ઞાચ પક્કન્દું,
વેસ્સન્તરનિવેસને.
ઓરોધાચ કુમારાચ,
વેસિયાના બ્રહ્મણા;
બાહાપગ્ગય્હપક્કન્દું,
વેસ્સન્તરનિવેસને.
હત્થારોહાઅનીકટ્ઠા ¶ ,
રથિકા પત્થિકારકા;
બાહાપગ્ગય્હ પક્કન્દું,
વેસ્સન્તર નિવેસને.
તસ્સારત્યા અચ્ચયેન,
સૂરિયે ઉગ્ગતેસતિ;
આરોચયિંસુ રાજાનં,
દાનગ્ગં ઉપગન્તવે.
અથપાતોવ સોરાજા,
ન્હત્વાભૂસન ભૂસિતો;
દાનસાલ મુપાગઞ્છિ,
મહાજન પુરક્ખતો.
દાનસાલાસુ ¶ દાતબ્બં,
દિસ્વાન પટિયાદિતં;
અમચ્ચેવ માણાપેસિ,
રાજાભિ તુટ્ઠમાનતો.
વત્તાનિવત્થકામાનં,
સોણ્ડાનં દેથવારુણિં;
ભોજનં ભોજનત્થિનં,
સમ્મદેવ પવચ્છથ.
યેયંયં ¶ લદ્ધુમિચ્છન્તિ,
તંતંતસ્સપવચ્છથ;
માયાચકે નિવારેથ,
દાનસાલાસુ આગતે.
તદાસિયં ભીસનકં,
તદાસિ લોમહંસનં;
મહાદાને પદિન્નમ્હિ
મેદિની સમ્પકમ્પથ.
પરિદેવિંસુ વેસ્સન્ત્ત-
રરાજં પતિતાવદે;
પકિત્તેત્વાન નાનપ્પ-
કારં એવં વણિબ્બકા.
અમ્હેહિત્વાન ¶ વેસ્સન્ત-
રરાજા દાનદાયકો;
અચિરે નેવ રટ્ઠમ્હા,
નિક્ખમિસ્સતિકાનનં.
સત્તહત્થિસતેદત્વા,
સબ્બાલઙ્કાર ભૂસિતે;
એસવેસ્સન્તરો સમ્હા,
રટ્ઠમ્હા નિક્ખમિસ્સતિ.
સત્તઅસ્સ સતે દત્વા,
સિન્ધવે સીઘ વાહને;
એસ વેસ્સન્તરોસમ્હા,
રટ્ઠમ્હા નિક્ખમિસ્સતિ.
રથેસત્તસતેદત્વા ¶ ,
સન્નન્ધે ઉસ્સિતદ્ધજે;
એસ વેસ્સન્તરોસમ્હા,
રટ્ઠમ્હા નિક્ખમિસ્સતિ.
સત્તકઞ્ઞા સતેદત્વા,
સુરૂપિની વિભૂસિતા;
એસ વેસ્સન્તરોસમ્હા,
રટ્ઠમ્હા નિક્ખમિસ્સતિ.
સત્તધેનુ ¶ સતે દત્વા,
સબ્બાકંસુ પધારણા;
એસવેસ્સન્તરોરાજા,
સમ્હારટ્ઠાનિરચ્છતિ.
સત્તદાસિ સતે દત્વા,
સત્તદાસ સતાનિચ;
એસવેસ્સન્તરોરાજા,
સમ્હારટ્ઠાનિરચ્છતિ.
અથેત્થવત્તતેસદ્દો,
તુમુલોભે રવોમહા;
સમાકુલં પુરંઆસિ,
અહોસિ લોમહંસનં.
સોદત્વાન ¶ મહાદાનં,
વેસ્સન્તરો અમચ્છરી;
પુરક્ખતો અમચ્ચેહિ,
અગાસકનિવેસનં.
તતોહિ મદ્દિયાસદ્ધિં,
માતાપિતૂન સન્તિકં;
વન્દનત્થાય અગઞ્છિ,
અલઙ્કત રથેનસો.
વન્દિત્વા ¶ પિતરંબોધિ-
સત્તોબ્રવિકતઞ્જલી;
એવંઆવીકરોન્તોવ,
ગમિસ્સમાનઅઞ્જસં.
મમંતાત પબ્બાજેસિ,
યમ્હારટ્ઠા અદૂસકં;
સિવીનં વચનત્થેન,
તેનં-ગચ્છામિ કાનનં.
સુવેઅહં મહારાજ,
સૂરિયુગ્ગ મને સતિ,
નિક્ખમિસ્સામિ રટ્ઠમ્હા,
વઙ્કં ગચ્છામિ પબ્બતં.
વનેવાળ ¶ મિગાકિણ્ણે,
ખગ્ગદીપિનિઇસે વિતે;
અહંપુઞ્ઞાનિ કરોમિ,
તુમ્હે પઙ્કમ્હી સીદથ.
તતોસોતરમાનોવ,
ગન્ત્વાનમાકુસન્તિકં;
વન્દમાનોઆરોચિત્ત,
એવંઞ્હિસકમાતુયા.
અનુજાનાહિમંઅમ્મા,
ગચ્છામિવઙ્કપબ્બતં;
વનેપુઞ્ઞાનિકાહામિ ¶ ,
પબ્બજ્જામમરુચ્ચતિ.
તંસુત્ત્વારુણ્ણમુખેન,
જનનીએવમબ્રવી;
અનુજાનામિતંવુત્તં,
પબ્બજ્જાતેસમિજ્ઝભુ.
અયઞ્હિવુત્ત મેમદ્દી,
સુણ્હા સુખુમવદ્ધિની;
અચ્છતં સહ વુત્તેહિ,
કિં અરઞ્ઞેકરિસ્સતિ.
માતુયાવચનંસુત્વા ¶ ,
વેસ્સન્તરો કતઞ્જલી;
મ્હિતપુબ્બમભા સિત્ત,
ઞાપેન્તોઅત્તનોમતિં.
નાહંઅકા માદાસંવિ,
અરઞ્ઞંનેતુ મુસ્સહે;
સચેઇચ્છ તિઅન્વેતુ,
સચેનિચ્છતિ અચ્છતુ.
તતોસુણ્હંમહારાજા ¶ ,
યાચિતુંપટિપજ્જથ;
માચન્દનસમાચારે,
રજોજલ્લંમધારયિ.
કાસિયાનિચધારેત્વા,
કુસચીરમધારયિ;
દુક્ખોવાસોઅરઞ્ઞસ્મિં,
માહિત્વંલક્ખણેગમિ.
તતો ¶ પતિબ્બતા સુણ્હા,
સસ્સુરં એવમબ્રવી;
નાહં તંસુખમિચ્છય્યં,
યંમે વેસ્સન્તરં વિના.
તતો સુણ્હં મહારાજા,
દુસ્સહાનિ બ્રહાવને;
નાનાભયાનિ ઞાપેન્તો,
વનં યાચિ અગન્તવે.
યાન સન્તિ મહારાજ,
ભયાનિતાનિ કાનને;
સબ્બાનિ ¶ હં સહિસ્સમિ,
અનુગચ્છામિ મેપતિં.
પૂરતોહં ગમિસ્સામિ,
દદન્તી ભત્થુનો પથં;
ઉરસા પનુદહિત્વાન,
કુસ નળ વનાદયો.
બહૂહિ વતવરિયાહિ,
કુમારી વિન્દતે પતિં;
વેધબ્યં કટુકં લોકે,
ગચ્છઞ્ઞેવ રથેસભ.
નાનાકારેહિ ¶ પીળેન્તિ,
અનાથંવિધવં જના;
અતિવાક્યેન ભાસન્તિ,
મિત્તાચાપિ સલોહિતા.
નગ્ગા નદી અનૂદકા,
નગ્ગં રટ્ઠં અરાજકં;
ઇત્થીપિ વિધવા નગ્ગા,
યસ્સાસુંદસ ભાતરો.
ધજો ¶ રથસ્સ પઞ્ઞાનં,
ધુમો પઞ્ઞા નમગ્ગિનો;
રાજા રટ્ઠસ્સ પઞ્ઞાનં,
ભત્તા પઞ્ઞાનમિત્થિયા.
યા દલિદ્દસ્સ પોસસ્સ,
દલિદ્દી ભરિયા સિયા;
અડ્ઢા અડ્ઢસ્સ રાજિન્દ,
તં વે દેવા પસંસરે.
કથં નુતાસં હદયં,
સુખરાવત ઇત્થિયો;
યા ¶ સામિકે દુક્ખિતમ્હિ,
સુખમિચ્છન્તિ અત્તનો.
અપિસાગરપરિયન્તં,
બહુવિત્તધરંમહિં;
નાનારતનપરિપૂરં,
નિચ્છેવેસ્સન્તરંવિના.
સામિકં અનુગચ્છિસ્સં,
અહં કાસાયવાસિની;
ધીરત્થુતં ¶ નિસ્સીરિકં,
વેધબ્યંયઞ્ચ નારિયા.
સુણ્હાય ભાસિતં સુત્વા,
સસ્સુરો નિક્ખિપેતવે;
દુવે ઇધેવ નત્તારો,
સુણ્હંસો એવ મબ્રવી.
ઇમેતે દહરાપુત્તા,
જાલીકણ્હાજિના ચુભો;
નિક્ખિપ્પ લક્ખણે ગચ્છ,
મયંતે પોસિસામસે.
પિયામે ¶ પુત્તકા દેવ,
જાલી કણ્હાજિના ચુભો;
ત્યમ્હં તત્થ રમેસ્સન્તિ,
અરઞ્ઞે જીવિસો કિનં.
પુત્તેનેત્વાન ગચ્છામ,
દ્વેમયં વઙ્કપબ્બતં,
દક્ખમાના વસિસ્સામ,
એતે પમોદમાનસા.
સુણમાના ¶ વસિસ્સામ,
ગીતઞ્ચ વિયભાણિનં;
એતેસં નચ્ચમાનાનં,
અરઞ્ઞે માલધારિનં.
સુણ્હાય ભાસિતંસુત્વા,
સસ્સુરોખિન્ન માનસો;
એવઞ્હિસો વિલવિત્થ,
પટિચ્ચદારકે દુવે.
સાલિનં ¶ ઓદનં ભુત્વા,
સુચિં મંસુપસેચનં;
રુક્ખફલાનિ ભુઞ્જન્તા,
કથંકાહન્તિ દારકા.
ભુત્વા સતપલે કંસે,
સોવણ્ણે સતરાજિતે;
રુક્ખપત્તેસુ ભુઞ્જન્તા,
કથંકાહન્તિ દારકા.
કાસિયાનિચ ધારેત્વા,
ખોમ કોટુમ્પરાનિચ;
કુસચીરાનિ ¶ ધારેન્તા,
કથં કાહન્તિ દારકા.
વય્હાહિપરિયાયિત્વા,
સિવિકાય રથેનચ;
પત્થિકા પરિધાવન્તા,
કથં કાહન્તિ દારકા.
કુટાગારે સયિત્વાન,
નિવાતે ફુસિતગ્ગલે;
સયન્તા રુક્ખમૂલસ્મિં,
કથંકાહન્તિ દારકા.
પલ્લઙ્કેસુ ¶ સયિત્વાન,
ગોનકે ચિત્તસન્થતે;
સયન્તા તિણસન્થારે,
કથંકાહન્તિ દારકા.
ગન્ધકેન વિલિમ્પેત્વા,
અગલુચન્દનેનચ;
રજોજલ્લાનિ ધારેન્તા,
કથંકાહન્તિ દારકા.
ચામરી ¶ મોર હત્થેહિ,
બીજિતઙ્ગા સુખેધિતા;
ફુટ્ઠા ડંસેહિ મકસેહિ,
કથંકાહન્તિ દારકા.
તહિંવંબ્રવિ રાજાનં,
વિલપન્તં સોકટ્ટિતં;
પટિચ્ચ દારકે સુણ્હા,
વેસ્સન્તરપિયઞ્જના.
મા ¶ દેવ પરિદેવેસિ,
માચ ત્વં વિમનોઅહુ;
યથામયં ભવિસ્સામ,
તથા હેસ્સન્તિ દારકા.
એવઞ્હિ સલ્લપન્તાનં,
તેસં ખત્તિયજાતિનં;
અઞ્ઞોઞ્ઞં વિભાતા રત્તિ,
સમુગ્ગઞ્છિત્થ સૂરિયો.
તદાનેત્વા ¶ ઠપયિંસુ,
ચતુસિન્ધવયુઞ્જિતં;
અલઙ્કત રથંરાજ-
દ્વારે મઙ્ગલસમ્મતં.
વન્દિત્વા સસ્સુરે મદ્દી,
આદાય પુત્તકે દુવે;
ભત્તુનો પુરતો ગન્ત્વા,
પથમં રથમારુહિ.
તતોવેસ્સન્તરોમાતા-
પિતરો અતિવન્દિય;
પદક્ખિણઞ્ચ કત્વાન,
સીઘસો રથમારુહિ.
તતો ¶ મઙ્ગલદ્વારેન,
રથં પેસેસિ લઙ્કતં;
તોસાપયં મહાસત્તો,
મદ્દિં જાલિસ્સ માતરં.
પથન્તેસુ ભિવન્દન્તિ,
સક્કચ્ચં બહવો જના;
વેસ્સન્તરઞ્ચ મદ્દિઞ્ચ,
પસ્સમાના કતઞ્ચલી.
આપુચ્છન્તોચ ¶ પક્કામિ,
ગચ્છિસ્સામીહિ પત્થયં;
નિદુક્ખા સુખિતાહોથ,
ઇતિસો વન્દકે જને.
રથે ઠિતોવ સોરાજા,
ઓવદન્તો અપક્કમિ;
દાનઆદીનિ પુઞ્ઞાનિ,
કરોથાતિ મહાજનં.
ગચ્છન્તે બોધિસત્તમ્હિ,
માતા એવઞ્હિ ચિન્તયિ;
દાતુકામોસિ મેવુત્તો,
પટ્ઠાય જાતકાલતો.
તતોદાનં ¶ દદોપેતું,
પુત્તંરતન પૂરિતે;
પુત્તસ્સુભોસુ પસ્સેસુ,
પેસેસિ સકટેબહૂ.
વેસ્સન્તરોહિ સમ્પરોહિ સમ્પત્ત-
યાચકાનં અસેસકં;
અટ્ઠારસવારે દાસિ,
કાયારુળ્હંપિઅત્તનો.
નગરા ¶ નિક્ખમન્તમ્હિ,
વેસ્સન્તરેસ પેત્તિકં;
નગરં દટ્ઠુકામોસિ,
તદા સઙ્કમ્પિ મેદની.
તહિં રથપ્પમાણમ્હિ,
ઠાને ભિજ્જિય મેદની,
પરિવત્તિત્થ કુલાલ-
ચક્કંવનગરામુખી.
નગરં ઓલોકેત્વાન,
નગરાભિમુખે રથે,
ઠિતોમદ્દિંપિ દક્ખેતું,
એવંસોબ્રવિ હાસયં.
ઇઙ્ઘ ¶ મદ્દિ નિસામેહિ,
રમ્મરૂપંવ દિસ્સતિ;
આવાસો સિવિસેટ્ઠસ્સ,
પેત્તિકં ભવનં મમ.
સહજાતઅમચ્ચેચ,
નિવત્તેત્વા મહાજનં;
રથં પાજેસિ સો સીઘં,
મોદન્તોમદ્દિયાતતો.
અન્વાગમિંસુ ¶ પાજેન્તં,
ચત્તારો બ્રહ્મણા તહિં;
યાચિતું સિન્ધવે એતે,
મદ્દી પસ્સિત્થ તાવદે.
મદ્દીપિ મન્દસદ્દેન,
યાચકા વિય આગતા;
ઇત્યારોચેસિ ભત્તારં,
ગણ્હન્તી તસ્સ પિટ્ઠિયં.
સાધુ ¶ ભદ્દેતિ વત્વાન,
રથસ્સાગમનં અકા;
બ્રહ્મણા ઉપગન્ત્વાન,
યાચિંસુ સિન્ધવે તહિં.
મોદમાનોવ સોદાસિ,
બ્રહ્મણાનં સુસિન્ધવે;
બ્રહ્મણાદાય ગઞ્છિંસુ,
અસ્સેસક નિવેસનં.
અસ્સેસુ પન દિન્નેસુ,
ચત્તારો દેવપુત્તકા;
રોહિચ્ચમિગવણ્ણેન,
રથં વહિય ગઞ્છિસું.
દેવા ¶ રોહિચ્ચવણ્ણેન,
વહન્તીતિ સુબુદ્ધિમા;
વિજાનિત્વાન મદ્દિંપિ,
ઞાપેન્તો એવમબ્રવી.
ઇઙ્ઘપ્મદ્દિ નિસામેહિ,
ચિત્તરૂપંવ દિસ્સતિ;
મિગરો હિચ્ચવણ્ણેન,
દક્ખિણસ્સાવહન્તિમં.
મદ્દીચેવં ¶ નિચ્છારેસિ,
ગિરં અચ્છેરરૂપિની;
વેસ્સન્તરસ્સતેજેન,
રથંવહન્તિદેવતા.
આગન્ત્વાન રથં યાચિ,
અપરો બ્રાહ્મણો તતો;
બોધિસત્તોપિસોદાસિ,
રથં તસ્સ અનિગ્ઘિયં.
સકપ્પિયે દદન્તમ્હિ,
મદ્દી પહટ્ઠમાનસા;
સાધુકારં પવત્તેસિ,
સદા મચ્છેરહિંસિની.
દિન્ને ¶ રથમ્હિ અન્તર-
ધારિયિંસુ દેવપુત્તકા;
સબ્બે તે પત્થિકા આસું,
રાજામદ્દિં તદાબ્રવી.
ત્વં મદ્દિ કણ્હંગણ્હાહિ,
લહુએસા કનિટ્ઠકા;
અહં જાલિં ગહેસ્સામિ,
ગરુકો ભાતિકોહિસો.
રાજા ¶ કુમારમાદાય,
રાજપુત્તીચ દારિકં;
સમ્મોદમાના પક્કામું,
અઞ્ઞમઞ્ઞ પિયં વદા.
આગચ્છન્તે પટિપથં,
દિસ્વાન અદ્ધિકેજને;
એવં પુચ્છિયગઞ્છિંસુ,
કુહિં વઙ્કતપબ્બતો.
કલુણં ¶ પરિદેવિત્વા,
પુચ્છિતા અદ્ધિકાજના;
એવં તે પટિવેદેસું,
દૂરેવઙ્કતપબ્બતો.
મગ્ગાસન્નેસુ પસ્સન્તા,
દારકા ફલિને દુમે;
તેસંફલાનં હેતુમ્હિ,
પિતરો ઉપરોદરે.
રોદન્તે દારકે દિસ્વા,
ઉબ્બિગ્ગા વિપુલા દુમા;
યસમેવોનમિત્વાન,
ઉપગચ્છન્તિ દારકે.
ઇદં ¶ અચ્છેરકં દિસ્વા,
મદ્દી સસઙ્કસન્નિભા;
પિતિપુણ્ણેન કાયેન,
એવંગાયિત્થ નન્દના.
અચ્છેરં વત લોકસ્મિં,
અબ્ભૂતં લોમહંસનં,
વેસ્સન્તરસ્સ તેજેન;
સયમે વોનતા દુમા.
સંખિપિંસુ ¶ પથં યક્ખા,
અનુકમ્પાય દારકે;
નિક્ખન્તદિવસેનેવ,
જેતરટ્ઠમુપાગમું.
એકાહેનેવતે તિંસ-
યોજનાનિ અતિક્કમું;
સાયન્હે માતુલંનામ,
સમ્પત્તા નગરં સુભં.
નગરસ્સસ્સ દ્વારમ્હિ,
સાલાયં નિસિદિં સુતે;
ખેદં વિનોદમાનાવ,
તોસેન્તા દારકે દુવે.
મદ્દીપિ ¶ બોધિસત્તસ્સ,
રજં પાદેસુ પુઞ્છિય;
સમ્બહિત્વાન પાદેચ,
વિજયન્તી ઠિતા તદા.
સાલાય નિક્ખમિત્વાન,
ભત્તુચક્ખુપથે ઠિતા;
દિસોદિસં ઓલોકેસિ,
મદ્દી કન્તારખેદિની.
જેતિયો ¶ પરિવારિંસુ,
દિસ્વાન અસહાયિકં
મદ્દિં એવંઉગ્ઘોસિંસુ,
ઇત્થી ઇચ્છેરરૂવિની.
વય્હાહિ પરિયાયિત્વા,
સિવિકાય રથેનચ;
સાજ્જ મદ્દીઅરઞ્ઞસ્મિ,
પત્થિકા પરિધાવતિ.
અનાથાગમનં મદ્દિં,
ભત્તારા પુત્તકેહિચ,
દિસ્વાગન્ત્વાના ચિક્ખંસુ,
જેતિન્દાનં ખણેન તા.
તં ¶ સુત્વા જેતપામોક્ખા,
રોદમાના ઉપાગમું;
વેસ્સન્તરસ્સ પાદેસ,
નિપચ્ચ ઇતિ પુચ્છિસું.
કિચ્ચિનુ દેવ કુસલં,
કિચ્ચિ દેવ અનામયં;
કિચ્ચિપિતા અરોગોતે,
સિવીનઞ્ચ અનામયં;
કો તે બલં મહારાજ,
કોનુ તે રથમણ્ડલં.
અનસ્સકો ¶ અરથકો,
દીઘમદ્ધાન માગતો;
કિચ્ચામિત્તેહિ પકતો,
અનુપ્પત્તો સિમંદિસં.
અથ વેસ્સન્તરોરાજા,
આગતહેતુમત્તનો;
ઞાપેતું જેતરાજૂનં,
ઇમાગાથા અભાસથ.
કુસલઞ્ચેવ ¶ મેસમ્મ,
અથો સમ્મ અનામયં;
અથો વિભા અરોગોમે,
સિવીનઞ્ચ આનામયં.
અહઞ્હિકુઞ્જરં દજ્જં,
સબ્બસેતં ગજુત્તમં;
બ્રાહ્મણાનં સાલઙ્કારં,
ખેત્તઞ્ઞું રઠપૂજિતં.
તસ્મિં મે સિવયોકુદ્ધા,
વિભા ઉપહતોમનો;
અવરુદ્ધસિ મં રાજા,
વઙ્કંગચ્છામિપબ્બતં.
તદા ¶ તે જેતરાજાનો,
બલાનુપ્પદમાનસા;
એવં તોસિંસુ રાજાનં,
નિક્ખન્તં સકરઠતો.
સ્વાગતન્તે મહારાજ,
અથોતેઅદુરાગતં;
ઇસ્સરો સિઅનુપ્પત્તો,
યંઇધત્થિપવેદય.
ઇધેવ ¶ તાવ અચ્છસ્સુ,
જેતરટ્ઠે રથેસભ;
યાવ જેતા ગમિસ્સન્તિ,
રઞ્ઞો સન્તિક યાચિતું.
તદા વેસ્સન્તરો આહ,
માવોગમિત્થ સન્તિકં;
યાચિતું મમ પિતુસ્સ,
રાજાપિ તત્થ નિસ્સરો.
અચ્ચુગ્ગતાહિ સિવયો,
બલગ્ગાને ગમાચયે,
તેપઅધંસિ તુમિચ્છન્તિ,
રાજાનં મમ કારણા.
સચેએવં ¶ મહારાજ,
સિયા જેતુત્તરે પુરે;
ઇધેવરજ્જં કારેહિ,
જેતેહિ પરિવારિતો.
ઇદ્ધં ફિતઞ્ચિદંરટ્ઠં,
ઇદ્ધો જનપદો મહા;
મતિં કરોહિ ત્વં દેવ,
રજ્જસ્સ મનુસ્સતિતું.
અલં ¶ મે રજ્જસુખેન,
પબ્બાજિતસ્સ રટ્ઠતો;
અતુટ્ઠા સિવયોચાસું,
મઞ્ચેરજ્જેભિસેચય્યૂં.
અસમ્મોદની યમ્પિવોઅસ્સ,
અચ્ચન્તં મમકારણા;
સિવીહિ ભણ્ડનઞ્ચાવિ,
વિગ્ગહો મે નરુચ્ચતિ.
પટિગ્ગહિતં યં દિન્નં,
સબ્બસ્સ અગ્ઘિયં કતં;
અવરુદ્ધસિ મં રાજા,
વઙ્ક ગચ્છામિપબ્બતં.
અનેક ¶ પરિયાયેન,
જેતરાજૂહિ યાચિતો;
અનિચ્છન્તો પટિક્ખીપિ,
રજ્જં સો જેતરટ્ઠકે.
નગરં અપવીસિત્વા,
સાલં સાણિપરિક્ખિપં;
કારેત્વા એકરત્તિંસો,
સયી સપુત્તદારકો.
પુબ્બણ્હસમયે ¶ ભુત્વા,
નાનગ્ગં રસભોજનં;
નૂત્વા સો જેતરાજૂહિ,
પરિવુતોવ નિક્ખમિ.
જેતરાજા પન્નરસ-
યોજનં જેતરટ્ઠતો;
ગન્ત્વાન વનદ્વારમ્હિ
ઠિતામગ્ગ મભાસિસું.
એસસેલોમહારાજ,
પબ્બતો ગન્ધમાદનો;
યત્ત ત્વં સહ પુત્તેહિ,
સહભરિયાય વચ્છસિ.
તં ¶ જેતા અનુસાસિંસુ,
અસ્સુનેત્તા રુદમ્મુખા;
ઇતો ગચ્છંમહારાજ,
ઉજું યેનુત્તરાભિમુખો.
અથ દક્ખસિ ભદ્દન્તે,
વેપુલ્લંનામ પબ્બતં;
નાનાદુમગણાકિણ્ણં,
સીતચ્છાયં મનોરમં.
તમતિક્કમભદ્દન્તે ¶ ,
અથદક્ખસિઆપગં;
નદિંકેતુમદિંનામ,
ગમ્ભીરંગિરિગબ્ભરં.
પુથુલોમચ્છઆકિણ્ણં,
સુપ્પતિત્થંમહોદકં;
થત્તનૂત્વાપિવિત્વાચ,
અસ્સાસેત્વાસપુત્તકે.
અથદક્ખસિભદ્દન્તે,
નગ્રોધંમધુવિપ્ફલં;
રમ્મકે સિખરેજાતં,
સીતચ્છાયંમનોરમં.
અથ ¶ દક્ખસિ ભદ્દન્તે,
નાળિકંનામ પબ્બતં;
નાનાદિજ ગણાકિણ્ણં,
સેલં કિં પુરિસાયુતં.
તસ્સઉત્તરપુબ્બેન,
મુચલિન્દોનામસોસરો;
પુણ્ડરિકેહિસઞ્છન્નો,
સેતસોગન્ધિકેહિચ.
સોવનં મેઘસઙ્કાસં,
ધુવં હરિતસદ્દલં;
સીહોવા મિસપેક્ખીવ,
વનસણ્ડં વિગાહય.
તત્થ ¶ બિન્દુસ્સરા વગ્ગૂ,
નાનાવણ્ણા બહૂદિજા;
કૂજન્તિ મુપકૂજન્તિ,
ઉતુસંપુપ્ફિતે દુમે.
ગન્ત્વા ગિરિવિદુગ્ગાનં,
નદીનં પભવાનિચ;
સો અદ્દસ પોક્ખરણિં,
કરઞ્ચ-ક કુધાયુતં.
પુથુલો મચ્છઆકિણ્ણં,
સુપ્પતિત્થં મહોદકં;
સમઞ્ચ ચતુરં સઞ્ચ,
સાદું અપ્પતિગન્ધિયં.
તસ્સા ¶ ઉત્તરપુબ્બેન,
પણ્ણસાલં અમાપય;
પણ્ણસાલં અમાપેત્વા,
ઉઞ્છાચરિયાય ઈહથ.
એવઞ્હિ જેતરાજાનો,
આચિક્ખિત્વાન અઞ્જસં;
એકં જેતપુત્તં બ્યત્તં,
આમન્તેસું સુસિક્ખિતં.
ગચ્છન્તેચા ¶ ગચ્છન્તેચ,
પરિગ્ગણ્હસ્સુ લુદ્ધક;
ઇચ્ચેવં સઞ્ઞાપેત્વાન,
વનદ્વારે ઠપિં સુતં.
નાનાભય વિનોદાય,
વેસ્સન્તરસ્સ રાજિનો;
આરક્ખં તે ઠપેત્વાન,
આગમિંસુ સકંપુરં.
વેસ્સન્તરોચ ગચ્છન્તો,
ગન્ધ માદનપબ્બતં;
સપુત્ત ¶ દારકો પત્તો;
વિસ્સમી દિવસં તહિં.
તતોત્તરાહિ મુખોસો,
ગચ્છ વેપુલ્લ પબ્બતં;
પત્વા તપ્પાદ મગ્ગેન,
પત્તો કેતુમતિં નદિં.
તિસ્સા તીરે નિસીદિત્વા,
મંસંખાદિય સુન્દરં;
દિન્નમેકેન લુદ્ધેન,
નૂત્વા પિત્વાચ વિસ્સમી.
સોણ્ણસૂચિં ¶ લુદ્ધકસ્સ,
દત્વાન સો તતોપરં;
ગચ્છન્તો દક્ખિનિગ્રોધં,
પબ્બતસિખરે ઠિતં.
તસ્સમૂલે નિસીદિત્વા,
થોકંફલાનિ ભુઞ્જિય;
તતોપરં સ ગચ્છન્તો,
પત્તો નાળિકપબ્બતં.
નાળિકં પરિહરિત્વા,
ગચ્છન્તો સો મહાસરં;
મુચલિન્દં ઉપાગઞ્છિ,
નાનાકમલ ભૂસિતં.
તસ્સ ¶ પુબ્બઉત્તરેન,
ખુદ્દમગ્ગેન ગચ્છતા;
દિટ્ઠં બ્રહાવનં રમ્મં,
ફલ પુપ્ફાન પૂરિતં.
તમતિક્કમ્મ ગચ્છન્તો,
અનુપુબ્બેન ખત્થિયો;
ચતુરંસ પોક્ખરણિં,
સમ્પત્તો, સિ મહોદકં.
વેસ્સન્તરોચ ¶ મદ્દીચ,
જાલીકણ્હાજિના ચુભો;
તત્થેવ તે વિસ્સમિંસુ,
અઞ્ઞમઞ્ઞપિયંવદા.
આવજ્જન્તો તદા સક્કો,
પસ્સિત્થ દેવકુઞ્જરો;
હિમવન્તં મહાસત્તં,
પવિટ્ઠંભયભેરવં.
વિસ્સુકમ્મં દેવપુત્તં,
પક્કોસાપિય સો તતો;
અસ્સમં માપનત્થાય,
પેસેસિ વઙ્કપબ્બતં.
વિસ્સુકમ્મોપિ ¶ સો સીઘં,
ઓતરિત્વા દેવલોકતો;
વઙ્કપબ્બત કુચ્છિમ્હિ,
માપેસિ અસ્સમે દુવે.
દુવેચ ચઙ્કમેરત્તિ-
દિવા ઠાનાનિમાપયિ;
પટિરૂપેસુ ઠાનેસુ,
પુપ્ફિતે ફલિતે દુમે.
પટિયાદિયિત્વા સમણ-
પરિક્ખારે અસેસતો;
અક્ખરાનિપિ સોકાસિ,
એવંઅસ્સમ ભિત્તિયં.
પબ્બજ્જં ¶ ઇચ્છમાનાચે,
યોતે ઇમે ગણ્હન્તુવે;
પબ્બજિત્વાન અચ્છન્તુ,
ઇમમ્હિઅસ્સમે સુખં.
એવંલિખિત્વાન સોદેવો,
અમનુસ્સેચ ભેરવે;
મિગે ખગે પલાપેત્વા,
સકઠાન ગતો અહુ.
સો ¶ એકપદિકં મગ્ગં,
દિસ્વા વેસ્સન્તરો તતો;
પબ્બજિતાન માવાસો,
અયં હેહીતિ ચિન્તિય.
મદ્દિં અસ્સમ દ્વારમ્હિ,
ઠપેત્વા પુત્તકેપિચ;
અસ્સમં પવિસિત્વાન,
પસ્સિત્થ અક્ખરાનિસો.
ઇદંસક્કેન દિન્નંતિ,
ઉત્વા સો તુટ્ઠમાનસો;
પણ્ણસાલં પવિસિત્થ,
એકકો પબ્બજેતવે.
તહિં ¶ ધનુઞ્ચ ખગ્ગઞ્ચ,
અપનેત્વા સસાટકે;
ઓમુઞ્ચિત્વાન સોરત્ત-
વાકચીરં નિવાસયિ.
અંસે કત્વાન અજિન-
ચમ્મઞ્ચ સક્કદત્તિયં;
ગણ્હિત્થ ઇસિવેસંસો,
બન્ધિત્વા જટમણ્ડલં.
દણ્ડમાદાય ¶ નિક્ખમ્મ,
પણ્ણસાલાય ચઙ્કમં;
આરુય્હ ઉદ, નેત્વાનં,
ચઙ્કમી અપરાપરં.
તતોસો પુત્તદારાનં,
સન્તિકં સંવુતિન્દ્રિયો;
આગઞ્છિ સટ્ઠિ વસ્સોવ,
થેરો ઓરુય્હ ચઙ્કમા.
મદ્દીદિસ્વા મહાસત્તં,
કલુનં પરિદેવયિ;
નિપચ્ચ તસ્સ પાદેસુ,
પુરાણાનિ અનુત્થુનં.
તતો ¶ સા બોધિસત્તેન,
સદ્ધિં પવિસિ અસ્સમં;
ગન્ત્વા સકપણ્ણસાલં,
ઇસિવેસગ્ગહા અહુ.
પચ્છાપુત્તેપિ તાપસ-
કુમારકે કરિંસુતે;
વસિંસુ વઙ્કકુચ્છિમ્હિ,
ચત્તારો ખત્તિયાજના.
અથમદ્દી વરંયાચિ,
મહાસત્તં મહાઇસિં;
માતુમ્હે દેવગઞ્છિત્થ,
ફલાફલ ગવેસનં.
ઇધપુત્તે ¶ ગહેત્વાન,
વસેય્યાથ યથાસુખં;
અહમેવા હરિસ્સામિ,
મૂલાલેચ ફલાફલે.
એવંવરં યાચિત્વાન,
અરઞ્ઞતો ફલાફલં;
આહરિત્વાન પોસેસિ,
જટિનીસા તયોજને.
બોધિસત્તોપિ ¶ યાચિત્ત,
વરંમદ્દિં સુચારિનિં;
માગચ્છ આકાલેભદ્દે,
પટ્ઠાયિતો મમન્તિકં.
ઇત્થીચ બ્રહ્મચરિય-
મલંનામ સુમેધસે;
બ્રહ્મચારિંહિ નાસેન્તિ,
તસ્મા યાચામિ મંવરં.
સમ્પટિચ્છિત્થ સાધૂતિ,
સામદ્દી બ્રહ્મચારિની;
સકટ્ઠાને તે વસિંસુ,
ભાવેન્તા પિય ભાવનં.
મેત્તાય ¶ આનુભાવેન,
મહેસિસ્સ તિયોજને;
અઞ્ઞમઞ્ઞં મેત્તાયિંસુ,
સમન્તા સબ્બપાણિનો.
પાતોવુટ્ઠાય મદ્દીપિ,
ઉપટ્ઠાપિય પાનિયં;
પરિભોજનિયઞ્ચેવ,
મુખોદકઞ્ચ આહરિ.
દન્તકટ્ઠઞ્ચ ¶ પાદાસિ,
તતો અસ્સમમણ્ડલં;
સમ્મજિત્વાન દ્વેપુત્તે,
ઠપેત્વા પિતુસન્તિકે.
ખણિત્તિં પચ્છિ માદાય,
અઙ્કુસઞ્ચાપિ ગણ્હિય;
વનમૂલફલત્થાય,
પાવેક્ખિ એકિકાવનં.
સાયન્હસમયે પચ્છિં,
મૂલાલેહિ ફલેહિચ;
પૂરાપેત્વાન સાગઞ્છિ,
પણ્ણસાલં અરઞ્ઞતો.
ફલપચ્છિં ¶ નિક્ખિપેત્વા,
સયં ન્હાત્વાન પુત્તકે;
ન્હાપેત્વાચ ભુઞ્જિંસુ,
મોદેન્તા ચતુરોજના.
ભુત્વા નલ્લાપ સલ્લાપં,
કત્વાન પુત્તકે દુવે;
મદ્દીઆદાય પાવીસિ,
સાપણ્ણસાલમત્તનો.
એવંવુત્તનિયામેન,
ચત્તારોખત્તિયાજના;
વઙ્કપબ્બતકુચ્છિમ્હિ,
સત્તમાસેવસિંસુતે.
તદાકલિઙ્ગરટ્ઠમ્હિ ¶ ,
ગામમ્હિદુન્નિવિટ્ઠકે;
બ્રહ્મણોજૂચકોનામ,
ભિક્ખાચારો અલક્ખિકો.
કહાપણસતંલદ્ધા,
ભિક્ખાચારેનબ્રાહ્મણો;
એકબ્રાહ્મણકુલમ્હિ,
થપેત્વાપુનસોગતો.
અનાગન્ત્વાચિરાયન્તે,
જૂચકમ્હિગહાપણં,
ખીણંબ્રાહ્મણગેહમ્હિ,
વલઞ્જેત્વાઅસેસતો.
ચોદેસિગહાપણંસો ¶ ,
પચ્છાગન્ત્વાનજૂચકો;
કહાપણસ્સખીણત્તા,
દાતુંનાસક્ખિબ્રાહ્મણો.
ધીતા તસ્સ બ્રાહ્મણસ્સ,
નામેનામિત્તતાપના;
યુવતીરૂપવન્તીચ,
જૂચકસ્સઅદંસુતં.
વસિત્થદુન્નિવિટ્ઠમ્હિ ¶ ,
આદાયામિત્તતાપનં;
દહરિંજિણ્ણકોપાપો,
જૂચકોયાચજીવકો.
અમિત્તતાપનાસમ્મા,
ગરુંકત્વાનબ્રાહ્મણં;
પટિજગ્ગતિઇન્દંવ,
સૂજાઉટ્ઠાનસીલિની.
યુવાનોબ્રાહ્મણાઅઞ્ઞે,
દિસ્વાનામિત્તતાપનં;
જાયાવત્તેનસમ્પન્નં,
સદારેઇતિતજ્જરે.
અયંમહલ્લકંસમ્મા ¶ ,
પટિજગ્ગતિજૂચકં;
કિં પમજ્જથ અમ્હાકં,
યુવાનાનંતુ વો સતં.
પટિજગ્ગથનોબાલા,
પસ્સિત્વા મિત્તતાપનં;
નોચેપટિજગ્ગેય્યાથ,
દણ્ડેસ્સામખરંભુસં.
તજ્જિતા ¶ ભરિયાસબ્બા,
પતીહિ ભયમાનસા;
સન્નિસિન્ના મન્તલિંસુ;
આરબ્ભામિત્તતાપનં.
પલાપેસ્સામ અય્યાયો,
ઇમમ્હાદુન્નિ વિટ્ઠતો;
એવંસુખં વિહિસ્સામ,
જૂચકસ્સ પજાપતિં.
મન્તયિત્વાનતા એવં,
નદિં ઉદકહારિયા;
સમાગન્તા ઉજ્ઝાયિંસુ,
તિત્થે અમિત્તતાપનં.
અમિત્તાનુનતેમાતા ¶ ,
અમિત્તોનુનતેપિતા;
યેસંજિણ્ણસ્સપાદંસુ,
એવં દહરિયં સતિં.
અહિતંવતતેઞ્ઞાતી,
મન્તયિંસુ રહોગતા;
યેતંજિણ્ણસ્સ પાદંસુ,
એવં દહરિયંસતિં.
અમનાપવાસંવસતિ ¶ ,
જિણ્ણેનપતિનાસહ;
યાત્વંવસસિજિણ્ણસ્સ,
મતન્તેજીવિતાવરં.
નહિનુનતેવિન્દિંસુ,
માતાપિતાચસોભણે;
તુય્હત્થાયજૂચકમ્હા,
પતિંઅઞ્ઞંસુયોબ્બનં.
દુયિટ્ઠંતેનવમિયા,
અકતંઅગ્ગિહુતકં;
યેતંજિણ્ણસ્સપાદંસુ,
એવંદહરિયંસતિં.
સમણે ¶ બ્રાહ્મણે સુદ્ધે,
અક્કોસિ બ્રાહ્મચારિને;
યેનતેનદહરીત્વં,
મઞ્ઞેજિણ્ણેનસઙ્ગમી.
નદુક્ખંઅહિનાદટ્ઠં,
નદુક્ખંસત્તિયાહતં;
તઞ્ચદુક્ખઞ્ચતિબ્બઞ્ચ,
યંપસ્સેજિણ્ણકંપતિં.
નત્થિખિટ્ટાનત્થિરતિ ¶ ,
જિણ્ણેનપતિનાસહ;
નત્થિઅલ્લાપસલ્લાપો,
જગ્ઘિતુંવિનસોભતિ.
યદાદહરોદહરી,
મન્તયિંસુરહોગતા;
સબ્બસોકાવિનસ્સન્તિ,
યેકેચિહદયસ્સિતા.
દહરીત્વંરૂપાતી,
પુરિસાત્વમભિપત્થિતા;
ગચ્છ ઞાતિકુલે અચ્છ,
કિં જિણ્ણો રમયિસ્સતિ.
રોદમાનાવઆગઞ્છિ ¶ ,
સાઘરંપરિભાસિતા;
બ્રાહ્મણીહિ હિરાયન્તી,
ઘટમાદાયસીઘસો.
રોદન્તિં આગતંજાયં,
દિસ્વાકિં ભોતિરોદિય;
આગચ્છ સીતિપુચ્છિત્થ,
પચ્ચુગ્ગચ્છં વજૂચકો.
નતેબ્રાહ્મણ ¶ ગચ્છામિ,
નદિં ઉદકહારિયા;
થિયોમંપરિભાસિંસુ,
તયાજિણ્ણેનબ્રાહ્મણ.
બ્રાહ્મણ્યાભાસમાનાય,
કથંસુત્વાનબ્રાહ્મણો;
તોસેન્તોભરિયંરુણ્ણં,
જિણ્ણોસોએતદબ્રવી.
મામેત્વંઅકરાકમ્મં,
મમેઉદકમાહરિ;
અહંઉદકમાહિસ્સં,
માભોતિકુપિતાઅહુ.
નાહંતમ્હિકુલેજાતા ¶ ,
યંત્વંઉદકમાહરિ;
એવંબ્રાહ્મણજાનાહિ,
નતેવચ્છામિહંઘરે.
સચેમેદાસંદાસિં વા,
નાનયિસ્સસિબ્રાહ્મણ;
એવંબ્રાહ્મણજાનાહિ,
નતેવચ્છામસન્તિકે.
નત્થિમે ¶ સિબ્બટ્ઠાનંવા,
ધનધઞ્ઞઞ્ચ બ્રહ્મણિ;
કુતોતં દાસંદાસિં વા,
આનયિસ્સામિ ભોતિયા,
અહંભોતિં ઉપટ્ઠિસ્સં,
માભોતિકુ પિતાઅહુ.
એહિતે અહ મક્ખિસ્સં,
યથામેવચનંસુતં;
એસવેસ્સન્તરો રાજા,
વઙ્કેવસતિ પબ્બતે.
તંત્વંગન્ત્વાન યાચસ્સુ,
દાસંદાસિઞ્ચ બ્રહ્મણ;
સોતેદસ્સતિ યાચિતો,
દાસંદાસિઞ્ચ ખત્થિયો.
જિણ્ણોહસ્મિ ¶ દુબ્બલો,
દીઘોચદ્ધાસુ દુગ્ગમો;
કથંગન્તું સક્ખિસ્સમિ,
ઉપઠિસ્સામિ તં અહં.
યથાઅગન્ત્વા સઙ્ગામં,
અયુદ્ધોવ પરાજિતો,
એવમેવ તુવંબ્રહ્મે,
અગન્ત્વાવ પરાજિતો.
સચેમે ¶ દાસંદાસિં વા,
નાનયિસ્સસિ બ્રહ્મણ;
એવં બ્રહ્મણ જાનાહિ,
નતેવચ્છા મહંઘરે;
અમનાપં તેકરિસ્સામિ,
તંતેદુક્ખં ભવિસ્સતિ.
નક્ખત્તે ઉતુપુપ્ફેસુ,
યદામંદક્ખસિ લઙ્કતં;
અઞ્ઞેહિ સદ્ધિં રમમાનં,
તન્તેદુક્ખં ભવિસ્સતિ.
અદસ્સનેન ¶ મય્હંતે,
જિણ્ણસ્સ પરિદેવતો;
ભિય્યોવઙ્કા પલિતાચ,
બહૂહેસ્સન્તિ બ્રહ્મણ.
તતો સો બ્રહ્મણો ભીતો,
બ્રહ્મણિયાવ સાનુગો;
અટ્ટિતો કામરાગેન,
બ્રહ્મણિં એતદબ્રવી.
પાથેય્યંમેકરોહિત્વં ¶ ,
સંકુલ્યાસકલાનિચ;
મધુપિણ્ડિકાચસુકતાયો,
સત્થુ ભત્તઞ્ચબ્રહ્મણિ.
આનયિસ્સં મેથુનકે,
ઉભોદાસકુમારકે;
તેતંપરિચરિસ્સન્તિ,
રત્તિંદિવમતન્દિતા.
સાખિપ્પંપટિયાદેસિ ¶ ,
પાથેય્યંમિત્તતાપના;
પટિયાદિતન્તિ આચિક્ખિ,
બ્રહ્મણસ્સઅલક્ખિનો.
ગેહેદુબ્બલઠાનંસો,
થિરંકત્વાનબ્રહ્મણો;
ભરિયાયગોપનત્થં,
ગુત્તદ્વારઞ્ચસઙ્ખરિ.
દારૂનિઆહરિત્વાન,
ઘટેપૂરેસિવારિના;
જાયાયસુખવાસત્થં,
અનિક્ખન્તુંચગેહતો.
પચ્ચક્ખેયેવ ¶ જાયાય,
ઇસિવેસંસમાદિય;
પસ્સિત્વાભરિયંએવં,
ઓવદેસિસજૂચકો.
ઇતોપઠાયત્વંભદ્દે,
વિકાલેમાસ્સુનિક્ખમિ;
મમઆગમનાયાવ,
વસેસિઅપ્પમત્તકા.
ઇદંવત્વાનલગ્ગિત્વા ¶ ,
સોપાથેય્યપસિબ્બહં;
ઉપાહનઞ્ચઆરુય્હ,
ગણ્હીકત્તરદણ્ડકં.
તતોસોરુણ્ણમુખેન,
ભરિયંકત્વાપદક્ખિણં;
સોચમાનો વપક્કામિ,
દાસકે પરિયેસિતું.