📜

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਅਭਿਧਮ੍ਮਪਿਟਕੇ

ਧਮ੍ਮਸਙ੍ਗਣੀਪਾਲ਼ਿ

ਮਾਤਿਕਾ

੧. ਤਿਕਮਾਤਿਕਾ

੧. (ਕ) ਕੁਸਲਾ ¶ ¶ ¶ ¶ ਧਮ੍ਮਾ.

(ਖ) ਅਕੁਸਲਾ ਧਮ੍ਮਾ.

(ਗ) ਅਬ੍ਯਾਕਤਾ ਧਮ੍ਮਾ.

੨. (ਕ) ਸੁਖਾਯ ¶ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ.

(ਖ) ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ.

(ਗ) ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ.

੩. (ਕ) ਵਿਪਾਕਾ ਧਮ੍ਮਾ.

(ਖ) ਵਿਪਾਕਧਮ੍ਮਧਮ੍ਮਾ.

(ਗ) ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ.

੪. (ਕ) ਉਪਾਦਿਣ੍ਣੁਪਾਦਾਨਿਯਾ [ਉਪਾਦਿਨ੍ਨੁਪਾਦਾਨਿਯਾ (ਸ੍ਯਾ.)] ਧਮ੍ਮਾ.

(ਖ) ਅਨੁਪਾਦਿਣ੍ਣੁਪਾਦਾਨਿਯਾ ਧਮ੍ਮਾ.

(ਗ) ਅਨੁਪਾਦਿਣ੍ਣਅਨੁਪਾਦਾਨਿਯਾ [ਅਨੁਪਾਦਿਨ੍ਨਾਨੁਪਾਦਾਨਿਯਾ (ਸ੍ਯਾ.)] ਧਮ੍ਮਾ.

੫. (ਕ) ਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ.

(ਖ) ਅਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ.

(ਗ) ਅਸਂਕਿਲਿਟ੍ਠਅਸਂਕਿਲੇਸਿਕਾ [ਅਸਂਕਿਲਿਟ੍ਠਾਸਂਕਿਲੇਸਿਕਾ (ਸ੍ਯਾ.)] ਧਮ੍ਮਾ.

੬. (ਕ) ਸਵਿਤਕ੍ਕਸਵਿਚਾਰਾ ¶ ਧਮ੍ਮਾ.

(ਖ) ਅਵਿਤਕ੍ਕਵਿਚਾਰਮਤ੍ਤਾ ਧਮ੍ਮਾ.

(ਗ) ਅਵਿਤਕ੍ਕਅਵਿਚਾਰਾ [ਅਵਿਤਕ੍ਕਾਵਿਚਾਰਾ (ਸ੍ਯਾ.)] ਧਮ੍ਮਾ.

੭. (ਕ) ਪੀਤਿਸਹਗਤਾ ਧਮ੍ਮਾ.

(ਖ) ਸੁਖਸਹਗਤਾ ਧਮ੍ਮਾ.

(ਗ) ਉਪੇਕ੍ਖਾਸਹਗਤਾ ਧਮ੍ਮਾ.

੮. (ਕ) ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ.

(ਖ) ਭਾਵਨਾਯ ਪਹਾਤਬ੍ਬਾ ਧਮ੍ਮਾ.

(ਗ) ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ ਧਮ੍ਮਾ.

੯. (ਕ) ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ.

(ਖ) ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ.

(ਗ) ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ.

੧੦. (ਕ) ਆਚਯਗਾਮਿਨੋ ¶ ¶ ਧਮ੍ਮਾ.

(ਖ) ਅਪਚਯਗਾਮਿਨੋ ਧਮ੍ਮਾ.

(ਗ) ਨੇਵਾਚਯਗਾਮਿਨਾਪਚਯਗਾਮਿਨੋ [ਨੇਵਾਚਯਗਾਮਿਨੋ ਨਾਪਚਯਗਾਮਿਨੋ (ਸ੍ਯਾ.)] ਧਮ੍ਮਾ.

੧੧. (ਕ) ਸੇਕ੍ਖਾ ਧਮ੍ਮਾ.

(ਖ) ਅਸੇਕ੍ਖਾ ਧਮ੍ਮਾ.

(ਗ) ਨੇਵਸੇਕ੍ਖਨਾਸੇਕ੍ਖਾ [ਨੇਵਸੇਕ੍ਖਾਨਾਸੇਕ੍ਖਾ (ਸੀ. ਸ੍ਯਾ.)] ਧਮ੍ਮਾ.

੧੨. (ਕ) ਪਰਿਤ੍ਤਾ ਧਮ੍ਮਾ.

(ਖ) ਮਹਗ੍ਗਤਾ ਧਮ੍ਮਾ.

(ਗ) ਅਪ੍ਪਮਾਣਾ ਧਮ੍ਮਾ.

੧੩. (ਕ) ਪਰਿਤ੍ਤਾਰਮ੍ਮਣਾ ਧਮ੍ਮਾ.

(ਖ) ਮਹਗ੍ਗਤਾਰਮ੍ਮਣਾ ¶ ਧਮ੍ਮਾ.

(ਗ) ਅਪ੍ਪਮਾਣਾਰਮ੍ਮਣਾ ਧਮ੍ਮਾ.

੧੪. (ਕ) ਹੀਨਾ ¶ ਧਮ੍ਮਾ.

(ਖ) ਮਜ੍ਝਿਮਾ ਧਮ੍ਮਾ.

(ਗ) ਪਣੀਤਾ ਧਮ੍ਮਾ.

੧੫. (ਕ) ਮਿਚ੍ਛਤ੍ਤਨਿਯਤਾ ਧਮ੍ਮਾ.

(ਖ) ਸਮ੍ਮਤ੍ਤਨਿਯਤਾ ਧਮ੍ਮਾ.

(ਗ) ਅਨਿਯਤਾ ਧਮ੍ਮਾ.

੧੬. (ਕ) ਮਗ੍ਗਾਰਮ੍ਮਣਾ ਧਮ੍ਮਾ.

(ਖ) ਮਗ੍ਗਹੇਤੁਕਾ ਧਮ੍ਮਾ.

(ਗ) ਮਗ੍ਗਾਧਿਪਤਿਨੋ ਧਮ੍ਮਾ.

੧੭. (ਕ) ਉਪ੍ਪਨ੍ਨਾ ਧਮ੍ਮਾ.

(ਖ) ਅਨੁਪ੍ਪਨ੍ਨਾ ਧਮ੍ਮਾ.

(ਗ) ਉਪ੍ਪਾਦਿਨੋ ਧਮ੍ਮਾ.

੧੮. (ਕ) ਅਤੀਤਾ ¶ ਧਮ੍ਮਾ.

(ਖ) ਅਨਾਗਤਾ ਧਮ੍ਮਾ.

(ਗ) ਪਚ੍ਚੁਪ੍ਪਨ੍ਨਾ ਧਮ੍ਮਾ.

੧੯. (ਕ) ਅਤੀਤਾਰਮ੍ਮਣਾ ਧਮ੍ਮਾ.

(ਖ) ਅਨਾਗਤਾਰਮ੍ਮਣਾ ਧਮ੍ਮਾ.

(ਗ) ਪਚ੍ਚੁਪ੍ਪਨ੍ਨਾਰਮ੍ਮਣਾ ਧਮ੍ਮਾ.

੨੦. (ਕ) ਅਜ੍ਝਤ੍ਤਾ ਧਮ੍ਮਾ.

(ਖ) ਬਹਿਦ੍ਧਾ ਧਮ੍ਮਾ.

(ਗ) ਅਜ੍ਝਤ੍ਤਬਹਿਦ੍ਧਾ ਧਮ੍ਮਾ.

੨੧. (ਕ) ਅਜ੍ਝਤ੍ਤਾਰਮ੍ਮਣਾ ਧਮ੍ਮਾ.

(ਖ) ਬਹਿਦ੍ਧਾਰਮ੍ਮਣਾ ਧਮ੍ਮਾ.

(ਗ) ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ ਧਮ੍ਮਾ.

੨੨. (ਕ) ਸਨਿਦਸ੍ਸਨਸਪ੍ਪਟਿਘਾ ਧਮ੍ਮਾ.

(ਖ) ਅਨਿਦਸ੍ਸਨਸਪ੍ਪਟਿਘਾ ਧਮ੍ਮਾ.

(ਗ) ਅਨਿਦਸ੍ਸਨਅਪ੍ਪਟਿਘਾ [ਅਨਿਦਸ੍ਸਨਾਪ੍ਪਟਿਘਾ (ਸ੍ਯਾ.)] ਧਮ੍ਮਾ.

ਤਿਕਮਾਤਿਕਾ.

੨. ਦੁਕਮਾਤਿਕਾ

ਹੇਤੁਗੋਚ੍ਛਕਂ

੧. (ਕ) ਹੇਤੂ ¶ ਧਮ੍ਮਾ.

(ਖ) ਨ ਹੇਤੂ ਧਮ੍ਮਾ.

੨. (ਕ) ਸਹੇਤੁਕਾ ¶ ਧਮ੍ਮਾ.

(ਖ) ਅਹੇਤੁਕਾ ਧਮ੍ਮਾ.

੩. (ਕ) ਹੇਤੁਸਮ੍ਪਯੁਤ੍ਤਾ ਧਮ੍ਮਾ.

(ਖ) ਹੇਤੁਵਿਪ੍ਪਯੁਤ੍ਤਾ ਧਮ੍ਮਾ.

੪. (ਕ) ਹੇਤੂ ਚੇਵ ਧਮ੍ਮਾ ਸਹੇਤੁਕਾ ਚ.

(ਖ) ਸਹੇਤੁਕਾ ਚੇਵ ਧਮ੍ਮਾ ਨ ਚ ਹੇਤੂ.

੫. (ਕ) ਹੇਤੂ ਚੇਵ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚ.

(ਖ) ਹੇਤੁਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨ ਚ ਹੇਤੂ.

੬. (ਕ) ਨ ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ.

(ਖ) ਅਹੇਤੁਕਾਪਿ.

ਹੇਤੁਗੋਚ੍ਛਕਂ.

ਚੂਲ਼ਨ੍ਤਰਦੁਕਂ

੭. (ਕ) ਸਪ੍ਪਚ੍ਚਯਾ ਧਮ੍ਮਾ.

(ਖ) ਅਪ੍ਪਚ੍ਚਯਾ ਧਮ੍ਮਾ.

੮. (ਕ) ਸਙ੍ਖਤਾ ਧਮ੍ਮਾ.

(ਖ) ਅਸਙ੍ਖਤਾ ਧਮ੍ਮਾ.

੯. (ਕ) ਸਨਿਦਸ੍ਸਨਾ ¶ ਧਮ੍ਮਾ.

(ਖ) ਅਨਿਦਸ੍ਸਨਾ ਧਮ੍ਮਾ.

੧੦. (ਕ) ਸਪ੍ਪਟਿਘਾ ¶ ਧਮ੍ਮਾ.

(ਖ) ਅਪ੍ਪਟਿਘਾ ਧਮ੍ਮਾ.

੧੧. (ਕ) ਰੂਪਿਨੋ ¶ ਧਮ੍ਮਾ.

(ਖ) ਅਰੂਪਿਨੋ ਧਮ੍ਮਾ.

੧੨. (ਕ) ਲੋਕਿਯਾ ਧਮ੍ਮਾ ¶ .

(ਖ) ਲੋਕੁਤ੍ਤਰਾ ਧਮ੍ਮਾ.

੧੩. (ਕ) ਕੇਨਚਿ ਵਿਞ੍ਞੇਯ੍ਯਾ ਧਮ੍ਮਾ.

(ਖ) ਕੇਨਚਿ ਨ ਵਿਞ੍ਞੇਯ੍ਯਾ ਧਮ੍ਮਾ.

ਚੂਲ਼ਨ੍ਤਰਦੁਕਂ.

ਆਸਵਗੋਚ੍ਛਕਂ

੧੪. (ਕ) ਆਸਵਾ ਧਮ੍ਮਾ.

(ਖ) ਨੋ ਆਸਵਾ ਧਮ੍ਮਾ.

੧੫. (ਕ) ਸਾਸਵਾ ਧਮ੍ਮਾ.

(ਖ) ਅਨਾਸਵਾ ਧਮ੍ਮਾ.

੧੬. (ਕ) ਆਸਵਸਮ੍ਪਯੁਤ੍ਤਾ ਧਮ੍ਮਾ.

(ਖ) ਆਸਵਵਿਪ੍ਪਯੁਤ੍ਤਾ ਧਮ੍ਮਾ.

੧੭. (ਕ) ਆਸਵਾ ਚੇਵ ਧਮ੍ਮਾ ਸਾਸਵਾ ਚ.

(ਖ) ਸਾਸਵਾ ਚੇਵ ਧਮ੍ਮਾ ਨੋ ਚ ਆਸਵਾ.

੧੮. (ਕ) ਆਸਵਾ ¶ ਚੇਵ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚ.

(ਖ) ਆਸਵਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਆਸਵਾ.

੧੯. (ਕ) ਆਸਵਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਾਸਵਾਪਿ.

(ਖ) ਅਨਾਸਵਾਪਿ.

ਆਸਵਗੋਚ੍ਛਕਂ.

ਸਂਯੋਜਨਗੋਚ੍ਛਕਂ

੨੦. (ਕ) ਸਂਯੋਜਨਾ ਧਮ੍ਮਾ.

(ਖ) ਨੋ ਸਂਯੋਜਨਾ ਧਮ੍ਮਾ.

੨੧. (ਕ) ਸਂਯੋਜਨਿਯਾ ¶ ਧਮ੍ਮਾ.

(ਖ) ਅਸਂਯੋਜਨਿਯਾ ਧਮ੍ਮਾ.

੨੨. (ਕ) ਸਂਯੋਜਨਸਮ੍ਪਯੁਤ੍ਤਾ ਧਮ੍ਮਾ.

(ਖ) ਸਂਯੋਜਨਵਿਪ੍ਪਯੁਤ੍ਤਾ ਧਮ੍ਮਾ.

੨੩. (ਕ) ਸਂਯੋਜਨਾ ਚੇਵ ਧਮ੍ਮਾ ਸਂਯੋਜਨਿਯਾ ਚ.

(ਖ) ਸਂਯੋਜਨਿਯਾ ਚੇਵ ਧਮ੍ਮਾ ਨੋ ਚ ਸਂਯੋਜਨਾ.

੨੪. (ਕ) ਸਂਯੋਜਨਾ ਚੇਵ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ ਚ.

(ਖ) ਸਂਯੋਜਨਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਸਂਯੋਜਨਾ.

੨੫. (ਕ) ਸਂਯੋਜਨਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਂਯੋਜਨਿਯਾਪਿ.

(ਖ) ਅਸਂਯੋਜਨਿਯਾਪਿ.

ਸਂਯੋਜਨਗੋਚ੍ਛਕਂ.

ਗਨ੍ਥਗੋਚ੍ਛਕਂ

੨੬. (ਕ) ਗਨ੍ਥਾ ¶ ਧਮ੍ਮਾ.

(ਖ) ਨੋ ਗਨ੍ਥਾ ਧਮ੍ਮਾ.

੨੭. (ਕ) ਗਨ੍ਥਨਿਯਾ ਧਮ੍ਮਾ.

(ਖ) ਅਗਨ੍ਥਨਿਯਾ ਧਮ੍ਮਾ.

੨੮. (ਕ) ਗਨ੍ਥਸਮ੍ਪਯੁਤ੍ਤਾ ਧਮ੍ਮਾ.

(ਖ) ਗਨ੍ਥਵਿਪ੍ਪਯੁਤ੍ਤਾ ਧਮ੍ਮਾ.

੨੯. (ਕ) ਗਨ੍ਥਾ ਚੇਵ ਧਮ੍ਮਾ ਗਨ੍ਥਨਿਯਾ ਚ.

(ਖ) ਗਨ੍ਥਨਿਯਾ ਚੇਵ ਧਮ੍ਮਾ ਨੋ ਚ ਗਨ੍ਥਾ.

੩੦. (ਕ) ਗਨ੍ਥਾ ਚੇਵ ਧਮ੍ਮਾ ¶ ਗਨ੍ਥਸਮ੍ਪਯੁਤ੍ਤਾ ਚ.

(ਖ) ਗਨ੍ਥਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਗਨ੍ਥਾ.

੩੧. (ਕ) ਗਨ੍ਥਵਿਪ੍ਪਯੁਤ੍ਤਾ ¶ ¶ ਖੋ ਪਨ ਧਮ੍ਮਾ ਗਨ੍ਥਨਿਯਾਪਿ.

(ਖ) ਅਗਨ੍ਥਨਿਯਾਪਿ.

ਗਨ੍ਥਗੋਚ੍ਛਕਂ.

ਓਘਗੋਚ੍ਛਕਂ

੩੨. (ਕ) ਓਘਾ ਧਮ੍ਮਾ.

(ਖ) ਨੋ ਓਘਾ ਧਮ੍ਮਾ.

੩੩. (ਕ) ਓਘਨਿਯਾ ਧਮ੍ਮਾ.

(ਖ) ਅਨੋਘਨਿਯਾ ਧਮ੍ਮਾ.

੩੪. (ਕ) ਓਘਸਮ੍ਪਯੁਤ੍ਤਾ ¶ ਧਮ੍ਮਾ.

(ਖ) ਓਘਵਿਪ੍ਪਯੁਤ੍ਤਾ ਧਮ੍ਮਾ.

੩੫. (ਕ) ਓਘਾ ਚੇਵ ਧਮ੍ਮਾ ਓਘਨਿਯਾ ਚ.

(ਖ) ਓਘਨਿਯਾ ਚੇਵ ਧਮ੍ਮਾ ਨੋ ਚ ਓਘਾ.

੩੬. (ਕ) ਓਘਾ ਚੇਵ ਧਮ੍ਮਾ ਓਘਸਮ੍ਪਯੁਤ੍ਤਾ ਚ.

(ਖ) ਓਘਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਓਘਾ.

੩੭. (ਕ) ਓਘਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਓਘਨਿਯਾਪਿ.

(ਖ) ਅਨੋਘਨਿਯਾਪਿ.

ਓਘਗੋਚ੍ਛਕਂ.

ਯੋਗਗੋਚ੍ਛਕਂ

੩੮. (ਕ) ਯੋਗਾ ਧਮ੍ਮਾ.

(ਖ) ਨੋ ਯੋਗਾ ਧਮ੍ਮਾ.

੩੯. (ਕ) ਯੋਗਨਿਯਾ ਧਮ੍ਮਾ.

(ਖ) ਅਯੋਗਨਿਯਾ ਧਮ੍ਮਾ.

੪੦. (ਕ) ਯੋਗਸਮ੍ਪਯੁਤ੍ਤਾ ਧਮ੍ਮਾ.

(ਖ) ਯੋਗਵਿਪ੍ਪਯੁਤ੍ਤਾ ਧਮ੍ਮਾ.

੪੧. (ਕ) ਯੋਗਾ ¶ ਚੇਵ ਧਮ੍ਮਾ ਯੋਗਨਿਯਾ ਚ.

(ਖ) ਯੋਗਨਿਯਾ ਚੇਵ ਧਮ੍ਮਾ ਨੋ ਚ ਯੋਗਾ.

੪੨. (ਕ) ਯੋਗਾ ¶ ਚੇਵ ਧਮ੍ਮਾ ਯੋਗਸਮ੍ਪਯੁਤ੍ਤਾ ਚ.

(ਖ) ਯੋਗਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਯੋਗਾ.

੪੩. (ਕ) ਯੋਗਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਯੋਗਨਿਯਾਪਿ.

(ਖ) ਅਯੋਗਨਿਯਾਪਿ.

ਯੋਗਗੋਚ੍ਛਕਂ.

ਨੀਵਰਣਗੋਚ੍ਛਕਂ

੪੪. (ਕ) ਨੀਵਰਣਾ ਧਮ੍ਮਾ.

(ਖ) ਨੋ ਨੀਵਰਣਾ ਧਮ੍ਮਾ.

੪੫. (ਕ) ਨੀਵਰਣਿਯਾ ਧਮ੍ਮਾ.

(ਖ) ਅਨੀਵਰਣਿਯਾ ਧਮ੍ਮਾ.

੪੬. (ਕ) ਨੀਵਰਣਸਮ੍ਪਯੁਤ੍ਤਾ ਧਮ੍ਮਾ.

(ਖ) ਨੀਵਰਣਵਿਪ੍ਪਯੁਤ੍ਤਾ ਧਮ੍ਮਾ.

੪੭. (ਕ) ਨੀਵਰਣਾ ਚੇਵ ਧਮ੍ਮਾ ਨੀਵਰਣਿਯਾ ਚ.

(ਖ) ਨੀਵਰਣਿਯਾ ਚੇਵ ਧਮ੍ਮਾ ਨੋ ਚ ਨੀਵਰਣਾ.

੪੮. (ਕ) ਨੀਵਰਣਾ ਚੇਵ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚ.

(ਖ) ਨੀਵਰਣਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਨੀਵਰਣਾ.

੪੯. (ਕ) ਨੀਵਰਣਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਨੀਵਰਣਿਯਾਪਿ.

(ਖ) ਅਨੀਵਰਣਿਯਾਪਿ ¶ .

ਨੀਵਰਣਗੋਚ੍ਛਕਂ.

ਪਰਾਮਾਸਗੋਚ੍ਛਕਂ

੫੦. (ਕ) ਪਰਾਮਾਸਾ ¶ ¶ ¶ ਧਮ੍ਮਾ.

(ਖ) ਨੋ ਪਰਾਮਾਸਾ ਧਮ੍ਮਾ.

੫੧. (ਕ) ਪਰਾਮਟ੍ਠਾ ਧਮ੍ਮਾ.

(ਖ) ਅਪਰਾਮਟ੍ਠਾ ਧਮ੍ਮਾ.

੫੨. (ਕ) ਪਰਾਮਾਸਸਮ੍ਪਯੁਤ੍ਤਾ ਧਮ੍ਮਾ.

(ਖ) ਪਰਾਮਾਸਵਿਪ੍ਪਯੁਤ੍ਤਾ ਧਮ੍ਮਾ.

੫੩. (ਕ) ਪਰਾਮਾਸਾ ਚੇਵ ਧਮ੍ਮਾ ਪਰਾਮਟ੍ਠਾ ਚ.

(ਖ) ਪਰਾਮਟ੍ਠਾ ਚੇਵ ਧਮ੍ਮਾ ਨੋ ਚ ਪਰਾਮਾਸਾ.

੫੪. (ਕ) ਪਰਾਮਾਸਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਪਰਾਮਟ੍ਠਾਪਿ.

(ਖ) ਅਪਰਾਮਟ੍ਠਾਪਿ.

ਪਰਾਮਾਸਗੋਚ੍ਛਕਂ.

ਮਹਨ੍ਤਰਦੁਕਂ

੫੫. (ਕ) ਸਾਰਮ੍ਮਣਾ ਧਮ੍ਮਾ.

(ਖ) ਅਨਾਰਮ੍ਮਣਾ ਧਮ੍ਮਾ.

੫੬. (ਕ) ਚਿਤ੍ਤਾ ਧਮ੍ਮਾ.

(ਖ) ਨੋ ਚਿਤ੍ਤਾ ਧਮ੍ਮਾ.

੫੭. (ਕ) ਚੇਤਸਿਕਾ ਧਮ੍ਮਾ.

(ਖ) ਅਚੇਤਸਿਕਾ ਧਮ੍ਮਾ.

੫੮. (ਕ) ਚਿਤ੍ਤਸਮ੍ਪਯੁਤ੍ਤਾ ¶ ਧਮ੍ਮਾ.

(ਖ) ਚਿਤ੍ਤਵਿਪ੍ਪਯੁਤ੍ਤਾ ਧਮ੍ਮਾ.

੫੯. (ਕ) ਚਿਤ੍ਤਸਂਸਟ੍ਠਾ ਧਮ੍ਮਾ.

(ਖ) ਚਿਤ੍ਤਵਿਸਂਸਟ੍ਠਾ ਧਮ੍ਮਾ.

੬੦. (ਕ) ਚਿਤ੍ਤਸਮੁਟ੍ਠਾਨਾ ਧਮ੍ਮਾ.

(ਖ) ਨੋ ਚਿਤ੍ਤਸਮੁਟ੍ਠਾਨਾ ਧਮ੍ਮਾ.

੬੧. (ਕ) ਚਿਤ੍ਤਸਹਭੁਨੋ ¶ ਧਮ੍ਮਾ.

(ਖ) ਨੋ ਚਿਤ੍ਤਸਹਭੁਨੋ ਧਮ੍ਮਾ.

੬੨. (ਕ) ਚਿਤ੍ਤਾਨੁਪਰਿਵਤ੍ਤਿਨੋ ਧਮ੍ਮਾ.

(ਖ) ਨੋ ਚਿਤ੍ਤਾਨੁਪਰਿਵਤ੍ਤਿਨੋ ਧਮ੍ਮਾ.

੬੩. (ਕ) ਚਿਤ੍ਤਸਂਸਟ੍ਠਸਮੁਟ੍ਠਾਨਾ ਧਮ੍ਮਾ.

(ਖ) ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ ਧਮ੍ਮਾ.

੬੪. (ਕ) ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ ਧਮ੍ਮਾ.

(ਖ) ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ ਧਮ੍ਮਾ.

੬੫. (ਕ) ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ ਧਮ੍ਮਾ.

(ਖ) ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ ਧਮ੍ਮਾ.

੬੬. (ਕ) ਅਜ੍ਝਤ੍ਤਿਕਾ ਧਮ੍ਮਾ.

(ਖ) ਬਾਹਿਰਾ ਧਮ੍ਮਾ.

੬੭. (ਕ) ਉਪਾਦਾ ਧਮ੍ਮਾ.

(ਖ) ਨੋ ਉਪਾਦਾ ਧਮ੍ਮਾ.

੬੮. (ਕ) ਉਪਾਦਿਣ੍ਣਾ ¶ [ਉਪਾਦਿਨ੍ਨਾ (ਸੀ. ਸ੍ਯਾ.)] ਧਮ੍ਮਾ.

(ਖ) ਅਨੁਪਾਦਿਣ੍ਣਾ ਧਮ੍ਮਾ.

ਮਹਨ੍ਤਰਦੁਕਂ.

ਉਪਾਦਾਨਗੋਚ੍ਛਕਂ

੬੯. (ਕ) ਉਪਾਦਾਨਾ ¶ ਧਮ੍ਮਾ.

(ਖ) ਨੋ ਉਪਾਦਾਨਾ ਧਮ੍ਮਾ.

੭੦. (ਕ) ਉਪਾਦਾਨਿਯਾ ਧਮ੍ਮਾ.

(ਖ) ਅਨੁਪਾਦਾਨਿਯਾ ਧਮ੍ਮਾ.

੭੧. (ਕ) ਉਪਾਦਾਨਸਮ੍ਪਯੁਤ੍ਤਾ ਧਮ੍ਮਾ.

(ਖ) ਉਪਾਦਾਨਵਿਪ੍ਪਯੁਤ੍ਤਾ ਧਮ੍ਮਾ.

੭੨. (ਕ) ਉਪਾਦਾਨਾ ਚੇਵ ਧਮ੍ਮਾ ਉਪਾਦਾਨਿਯਾ ਚ.

(ਖ) ਉਪਾਦਾਨਿਯਾ ਚੇਵ ਧਮ੍ਮਾ ਨੋ ਚ ਉਪਾਦਾਨਾ.

੭੩. (ਕ) ਉਪਾਦਾਨਾ ¶ ਚੇਵ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚ.

(ਖ) ਉਪਾਦਾਨਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਉਪਾਦਾਨਾ.

੭੪. (ਕ) ਉਪਾਦਾਨਵਿਪ੍ਪਯੁਤ੍ਤਾ ¶ ਖੋ ਪਨ ਧਮ੍ਮਾ ਉਪਾਦਾਨਿਯਾਪਿ.

(ਖ) ਅਨੁਪਾਦਾਨਿਯਾਪਿ.

ਉਪਾਦਾਨਗੋਚ੍ਛਕਂ.

ਕਿਲੇਸਗੋਚ੍ਛਕਂ

੭੫. (ਕ) ਕਿਲੇਸਾ ¶ ਧਮ੍ਮਾ.

(ਖ) ਨੋ ਕਿਲੇਸਾ ਧਮ੍ਮਾ.

੭੬. (ਕ) ਸਂਕਿਲੇਸਿਕਾ ਧਮ੍ਮਾ.

(ਖ) ਅਸਂਕਿਲੇਸਿਕਾ ਧਮ੍ਮਾ.

੭੭. (ਕ) ਸਂਕਿਲਿਟ੍ਠਾ ਧਮ੍ਮਾ.

(ਖ) ਅਸਂਕਿਲਿਟ੍ਠਾ ਧਮ੍ਮਾ.

੭੮. (ਕ) ਕਿਲੇਸਸਮ੍ਪਯੁਤ੍ਤਾ ਧਮ੍ਮਾ.

(ਖ) ਕਿਲੇਸਵਿਪ੍ਪਯੁਤ੍ਤਾ ਧਮ੍ਮਾ.

੭੯. (ਕ) ਕਿਲੇਸਾ ਚੇਵ ਧਮ੍ਮਾ ਸਂਕਿਲੇਸਿਕਾ ਚ.

(ਖ) ਸਂਕਿਲੇਸਿਕਾ ਚੇਵ ਧਮ੍ਮਾ ਨੋ ਚ ਕਿਲੇਸਾ.

੮੦. (ਕ) ਕਿਲੇਸਾ ਚੇਵ ਧਮ੍ਮਾ ਸਂਕਿਲਿਟ੍ਠਾ ਚ.

(ਖ) ਸਂਕਿਲਿਟ੍ਠਾ ਚੇਵ ਧਮ੍ਮਾ ਨੋ ਚ ਕਿਲੇਸਾ.

੮੧. (ਕ) ਕਿਲੇਸਾ ਚੇਵ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ਚ.

(ਖ) ਕਿਲੇਸਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਕਿਲੇਸਾ.

੮੨. (ਕ) ਕਿਲੇਸਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਂਕਿਲੇਸਿਕਾਪਿ.

(ਖ) ਅਸਂਕਿਲੇਸਿਕਾਪਿ.

ਕਿਲੇਸਗੋਚ੍ਛਕਂ.

ਪਿਟ੍ਠਿਦੁਕਂ

੮੩. (ਕ) ਦਸ੍ਸਨੇਨ ¶ ¶ ਪਹਾਤਬ੍ਬਾ ਧਮ੍ਮਾ.

(ਖ) ਨ ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ.

੮੪. (ਕ) ਭਾਵਨਾਯ ਪਹਾਤਬ੍ਬਾ ਧਮ੍ਮਾ.

(ਖ) ਨ ਭਾਵਨਾਯ ਪਹਾਤਬ੍ਬਾ ਧਮ੍ਮਾ.

੮੫. (ਕ) ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ.

(ਖ) ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ.

੮੬. (ਕ) ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ.

(ਖ) ਨ ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ.

੮੭. (ਕ) ਸਵਿਤਕ੍ਕਾ ਧਮ੍ਮਾ.

(ਖ) ਅਵਿਤਕ੍ਕਾ ਧਮ੍ਮਾ.

੮੮. (ਕ) ਸਵਿਚਾਰਾ ਧਮ੍ਮਾ.

(ਖ) ਅਵਿਚਾਰਾ ਧਮ੍ਮਾ.

੮੯. (ਕ) ਸਪ੍ਪੀਤਿਕਾ ¶ ਧਮ੍ਮਾ.

(ਖ) ਅਪ੍ਪੀਤਿਕਾ ਧਮ੍ਮਾ.

੯੦. (ਕ) ਪੀਤਿਸਹਗਤਾ ਧਮ੍ਮਾ.

(ਖ) ਨ ਪੀਤਿਸਹਗਤਾ ਧਮ੍ਮਾ.

੯੧. (ਕ) ਸੁਖਸਹਗਤਾ ਧਮ੍ਮਾ.

(ਖ) ਨ ਸੁਖਸਹਗਤਾ ਧਮ੍ਮਾ.

੯੨. (ਕ) ਉਪੇਕ੍ਖਾਸਹਗਤਾ ਧਮ੍ਮਾ.

(ਖ) ਨ ਉਪੇਕ੍ਖਾਸਹਗਤਾ ਧਮ੍ਮਾ.

੯੩. (ਕ) ਕਾਮਾਵਚਰਾ ¶ ਧਮ੍ਮਾ.

(ਖ) ਨ ਕਾਮਾਵਚਰਾ ਧਮ੍ਮਾ.

੯੪. (ਕ) ਰੂਪਾਵਚਰਾ ਧਮ੍ਮਾ.

(ਖ) ਨ ਰੂਪਾਵਚਰਾ ਧਮ੍ਮਾ.

੯੫. (ਕ) ਅਰੂਪਾਵਚਰਾ ਧਮ੍ਮਾ.

(ਖ) ਨ ਅਰੂਪਾਵਚਰਾ ਧਮ੍ਮਾ.

੯੬. (ਕ) ਪਰਿਯਾਪਨ੍ਨਾ ¶ ਧਮ੍ਮਾ.

(ਖ) ਅਪਰਿਯਾਪਨ੍ਨਾ ਧਮ੍ਮਾ.

੯੭. (ਕ) ਨਿਯ੍ਯਾਨਿਕਾ ਧਮ੍ਮਾ.

(ਖ) ਅਨਿਯ੍ਯਾਨਿਕਾ ਧਮ੍ਮਾ.

੯੮. (ਕ) ਨਿਯਤਾ ¶ ਧਮ੍ਮਾ.

(ਖ) ਅਨਿਯਤਾ ਧਮ੍ਮਾ.

੯੯. (ਕ) ਸਉਤ੍ਤਰਾ ਧਮ੍ਮਾ.

(ਖ) ਅਨੁਤ੍ਤਰਾ ਧਮ੍ਮਾ.

੧੦੦. (ਕ) ਸਰਣਾ ਧਮ੍ਮਾ.

(ਖ) ਅਰਣਾ ਧਮ੍ਮਾ.

ਪਿਟ੍ਠਿਦੁਕਂ.

ਅਭਿਧਮ੍ਮਦੁਕਮਾਤਿਕਾ.

ਸੁਤ੍ਤਨ੍ਤਿਕਦੁਕਮਾਤਿਕਾ

੧੦੧. (ਕ) ਵਿਜ੍ਜਾਭਾਗਿਨੋ ¶ ਧਮ੍ਮਾ.

(ਖ) ਅਵਿਜ੍ਜਾਭਾਗਿਨੋ ਧਮ੍ਮਾ.

੧੦੨. (ਕ) ਵਿਜ੍ਜੂਪਮਾ ਧਮ੍ਮਾ.

(ਖ) ਵਜਿਰੂਪਮਾ ਧਮ੍ਮਾ.

੧੦੩. (ਕ) ਬਾਲਾ ਧਮ੍ਮਾ.

(ਖ) ਪਣ੍ਡਿਤਾ ਧਮ੍ਮਾ.

੧੦੪. (ਕ) ਕਣ੍ਹਾ ਧਮ੍ਮਾ.

(ਖ) ਸੁਕ੍ਕਾ ਧਮ੍ਮਾ.

੧੦੫. (ਕ) ਤਪਨੀਯਾ ਧਮ੍ਮਾ.

(ਖ) ਅਤਪਨੀਯਾ ਧਮ੍ਮਾ.

੧੦੬. (ਕ) ਅਧਿਵਚਨਾ ਧਮ੍ਮਾ.

(ਖ) ਅਧਿਵਚਨਪਥਾ ਧਮ੍ਮਾ.

੧੦੭. (ਕ) ਨਿਰੁਤ੍ਤਿ ¶ ਧਮ੍ਮਾ.

(ਖ) ਨਿਰੁਤ੍ਤਿਪਥਾ ਧਮ੍ਮਾ.

੧੦੮. (ਕ) ਪਞ੍ਞਤ੍ਤਿ ਧਮ੍ਮਾ.

(ਖ) ਪਞ੍ਞਤ੍ਤਿਪਥਾ ਧਮ੍ਮਾ.

੧੦੯. (ਕ) ਨਾਮਞ੍ਚ.

(ਖ) ਰੂਪਞ੍ਚ.

੧੧੦. (ਕ) ਅਵਿਜ੍ਜਾ ਚ.

(ਖ) ਭਵਤਣ੍ਹਾ ਚ.

੧੧੧. (ਕ) ਭਵਦਿਟ੍ਠਿ ¶ ਚ.

(ਖ) ਵਿਭਵਦਿਟ੍ਠਿ ਚ.

੧੧੨. (ਕ) ਸਸ੍ਸਤਦਿਟ੍ਠਿ ਚ.

(ਖ) ਉਚ੍ਛੇਦਦਿਟ੍ਠਿ ਚ.

੧੧੩. (ਕ) ਅਨ੍ਤਵਾ ਦਿਟ੍ਠਿ ਚ.

(ਖ) ਅਨਨ੍ਤਵਾ ਦਿਟ੍ਠਿ ਚ.

੧੧੪. (ਕ) ਪੁਬ੍ਬਨ੍ਤਾਨੁਦਿਟ੍ਠਿ ਚ.

(ਖ) ਅਪਰਨ੍ਤਾਨੁਦਿਟ੍ਠਿ ਚ.

੧੧੫. (ਕ) ਅਹਿਰਿਕਞ੍ਚ.

(ਖ) ਅਨੋਤ੍ਤਪ੍ਪਞ੍ਚ.

੧੧੬. (ਕ) ਹਿਰੀ ਚ.

(ਖ) ਓਤ੍ਤਪ੍ਪਞ੍ਚ.

੧੧੭. (ਕ) ਦੋਵਚਸ੍ਸਤਾ ਚ.

(ਖ) ਪਾਪਮਿਤ੍ਤਤਾ ਚ.

੧੧੮. (ਕ) ਸੋਵਚਸ੍ਸਤਾ ਚ.

(ਖ) ਕਲ੍ਯਾਣਮਿਤ੍ਤਤਾ ਚ.

੧੧੯. (ਕ) ਆਪਤ੍ਤਿਕੁਸਲਤਾ ਚ.

(ਖ) ਆਪਤ੍ਤਿਵੁਟ੍ਠਾਨਕੁਸਲਤਾ ਚ.

੧੨੦. (ਕ) ਸਮਾਪਤ੍ਤਿਕੁਸਲਤਾ ਚ.

(ਖ) ਸਮਾਪਤ੍ਤਿਵੁਟ੍ਠਾਨਕੁਸਲਤਾ ਚ.

੧੨੧. (ਕ) ਧਾਤੁਕੁਸਲਤਾ ¶ ਚ.

(ਖ) ਮਨਸਿਕਾਰਕੁਸਲਤਾ ¶ ਚ.

੧੨੨. (ਕ) ਆਯਤਨਕੁਸਲਤਾ ¶ ਚ.

(ਖ) ਪਟਿਚ੍ਚਸਮੁਪ੍ਪਾਦਕੁਸਲਤਾ ਚ.

੧੨੩. (ਕ) ਠਾਨਕੁਸਲਤਾ ਚ.

(ਖ) ਅਟ੍ਠਾਨਕੁਸਲਤਾ ਚ.

੧੨੪. (ਕ) ਅਜ੍ਜਵੋ ਚ.

(ਖ) ਮਦ੍ਦਵੋ ਚ.

੧੨੫. (ਕ) ਖਨ੍ਤਿ ਚ.

(ਖ) ਸੋਰਚ੍ਚਞ੍ਚ.

੧੨੬. (ਕ) ਸਾਖਲ੍ਯਞ੍ਚ.

(ਖ) ਪਟਿਸਨ੍ਥਾਰੋ ਚ [ਪਟਿਸਨ੍ਧਾਰੋ ਚ (ਕ.)].

੧੨੭. (ਕ) ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ ਚ.

(ਖ) ਭੋਜਨੇ ਅਮਤ੍ਤਞ੍ਞੁਤਾ ਚ.

੧੨੮. (ਕ) ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ ਚ.

(ਖ) ਭੋਜਨੇ ਮਤ੍ਤਞ੍ਞੁਤਾ ਚ.

੧੨੯. (ਕ) ਮੁਟ੍ਠਸਚ੍ਚਞ੍ਚ.

(ਖ) ਅਸਮ੍ਪਜਞ੍ਞਞ੍ਚ.

੧੩੦. (ਕ) ਸਤਿ ਚ.

(ਖ) ਸਮ੍ਪਜਞ੍ਞਞ੍ਚ.

੧੩੧. (ਕ) ਪਟਿਸਙ੍ਖਾਨਬਲਞ੍ਚ.

(ਖ) ਭਾਵਨਾਬਲਞ੍ਚ.

੧੩੨. (ਕ) ਸਮਥੋ ¶ ਚ.

(ਖ) ਵਿਪਸ੍ਸਨਾ ਚ.

੧੩੩. (ਕ) ਸਮਥਨਿਮਿਤ੍ਤਞ੍ਚ ¶ .

(ਖ) ਪਗ੍ਗਾਹਨਿਮਿਤ੍ਤਞ੍ਚ.

੧੩੪. (ਕ) ਪਗ੍ਗਾਹੋ ¶ ਚ.

(ਖ) ਅਵਿਕ੍ਖੇਪੋ ਚ.

੧੩੫. (ਕ) ਸੀਲਵਿਪਤ੍ਤਿ ਚ.

(ਖ) ਦਿਟ੍ਠਿਵਿਪਤ੍ਤਿ ਚ.

੧੩੬. (ਕ) ਸੀਲਸਮ੍ਪਦਾ ਚ.

(ਖ) ਦਿਟ੍ਠਿਸਮ੍ਪਦਾ ਚ.

੧੩੭. (ਕ) ਸੀਲਵਿਸੁਦ੍ਧਿ ਚ.

(ਖ) ਦਿਟ੍ਠਿਵਿਸੁਦ੍ਧਿ ਚ.

੧੩੮. (ਕ) ਦਿਟ੍ਠਿਵਿਸੁਦ੍ਧਿ ਖੋ ਪਨ.

(ਖ) ਯਥਾਦਿਟ੍ਠਿਸ੍ਸ ਚ ਪਧਾਨਂ.

੧੩੯. (ਕ) ਸਂਵੇਗੋ ਚ ਸਂਵੇਜਨਿਯੇਸੁ ਠਾਨੇਸੁ.

(ਖ) ਸਂਵਿਗ੍ਗਸ੍ਸ ਚ ਯੋਨਿਸੋ ਪਧਾਨਂ.

੧੪੦. (ਕ) ਅਸਨ੍ਤੁਟ੍ਠਿਤਾ ਚ ਕੁਸਲੇਸੁ ਧਮ੍ਮੇਸੁ.

(ਖ) ਅਪ੍ਪਟਿਵਾਨਿਤਾ ਚ ਪਧਾਨਸ੍ਮਿਂ.

੧੪੧. (ਕ) ਵਿਜ੍ਜਾ ਚ.

(ਖ) ਵਿਮੁਤ੍ਤਿ ਚ.

੧੪੨. (ਕ) ਖਯੇ ਞਾਣਂ.

(ਖ) ਅਨੁਪ੍ਪਾਦੇ ਞਾਣਨ੍ਤਿ.

ਸੁਤ੍ਤਨ੍ਤਿਕਦੁਕਮਾਤਿਕਾ [ਸੁਤ੍ਤਨ੍ਤਮਾਤਿਕਾ (ਸ੍ਯਾ.)].

ਮਾਤਿਕਾ ਨਿਟ੍ਠਿਤਾ.

੧. ਚਿਤ੍ਤੁਪ੍ਪਾਦਕਣ੍ਡਂ

ਕਾਮਾਵਚਰਕੁਸਲਂ

ਪਦਭਾਜਨੀ

੧. ਕਤਮੇ ¶ ¶ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ [ਵਿਰਿਯਿਨ੍ਦ੍ਰਿਯਂ (ਸੀ. ਸ੍ਯਾ.)] ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਸਙ੍ਕਪ੍ਪੋ ਹੋਤਿ, ਸਮ੍ਮਾਵਾਯਾਮੋ ਹੋਤਿ, ਸਮ੍ਮਾਸਤਿ ਹੋਤਿ, ਸਮ੍ਮਾਸਮਾਧਿ ਹੋਤਿ, ਸਦ੍ਧਾਬਲਂ ਹੋਤਿ, ਵੀਰਿਯਬਲਂ [ਵਿਰਿਯਬਲਂ (ਸੀ. ਸ੍ਯਾ.)] ਹੋਤਿ, ਸਤਿਬਲਂ ਹੋਤਿ, ਸਮਾਧਿਬਲਂ ਹੋਤਿ, ਪਞ੍ਞਾਬਲਂ ਹੋਤਿ, ਹਿਰਿਬਲਂ ਹੋਤਿ, ਓਤ੍ਤਪ੍ਪਬਲਂ ਹੋਤਿ, ਅਲੋਭੋ ਹੋਤਿ, ਅਦੋਸੋ ਹੋਤਿ, ਅਮੋਹੋ ਹੋਤਿ, ਅਨਭਿਜ੍ਝਾ ਹੋਤਿ, ਅਬ੍ਯਾਪਾਦੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਹਿਰੀ ਹੋਤਿ, ਓਤ੍ਤਪ੍ਪਂ ਹੋਤਿ, ਕਾਯਪਸ੍ਸਦ੍ਧਿ [ਕਾਯਪ੍ਪਸ੍ਸਦ੍ਧਿ (ਸ੍ਯਾ.)] ਹੋਤਿ, ਚਿਤ੍ਤਪਸ੍ਸਦ੍ਧਿ [ਚਿਤ੍ਤਪ੍ਪਸ੍ਸਦ੍ਧਿ (ਸ੍ਯਾ.)] ਹੋਤਿ, ਕਾਯਲਹੁਤਾ ਹੋਤਿ, ਚਿਤ੍ਤਲਹੁਤਾ ਹੋਤਿ, ਕਾਯਮੁਦੁਤਾ ਹੋਤਿ, ਚਿਤ੍ਤਮੁਦੁਤਾ ਹੋਤਿ, ਕਾਯਕਮ੍ਮਞ੍ਞਤਾ ਹੋਤਿ, ਚਿਤ੍ਤਕਮ੍ਮਞ੍ਞਤਾ ਹੋਤਿ, ਕਾਯਪਾਗੁਞ੍ਞਤਾ ਹੋਤਿ, ਚਿਤ੍ਤਪਾਗੁਞ੍ਞਤਾ ਹੋਤਿ, ਕਾਯੁਜੁਕਤਾ [ਕਾਯੁਜ੍ਜੁਕਤਾ (ਸੀ. ਕ.)] ਹੋਤਿ, ਚਿਤ੍ਤੁਜੁਕਤਾ ¶ [ਚਿਤ੍ਤੁਜ੍ਜੁਕਤਾ (ਸੀ. ਕ.)] ਹੋਤਿ, ਸਤਿ ਹੋਤਿ, ਸਮ੍ਪਜਞ੍ਞਂ ਹੋਤਿ, ਸਮਥੋ ਹੋਤਿ, ਵਿਪਸ੍ਸਨਾ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

੨. ਕਤਮੋ ¶ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੩. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ¶ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੫. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ [ਸਞ੍ਚੇਤਯਿਤਤ੍ਤਂ (ਸ੍ਯਾ.)] – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੬. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੭. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ¶ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੮. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੯. ਕਤਮਾ ਤਸ੍ਮਿਂ ਸਮਯੇ ਪੀਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਪੀਤਿ ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ ਵਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਪੀਤਿ ਹੋਤਿ.

੧੦. ਕਤਮਂ ¶ ¶ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੧੧. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੧੨. ਕਤਮਂ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ¶ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ.

੧੩. ਕਤਮਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ [ਵਿਰਿਯਾਰਮ੍ਭੋ (ਸੀ. ਸ੍ਯਾ.)] ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ¶ ਉਸ੍ਸੋਲ਼੍ਹੀ [ਉਸ੍ਸੋਲ਼੍ਹਿ (ਸੀ.)] ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਇਦਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ.

੧੪. ਕਤਮਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਇਦਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ.

੧੫. ਕਤਮਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਇਦਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ.

੧੬. ਕਤਮਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ¶ ¶ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ.

੧੭. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ¶ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੧੮. ਕਤਮਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ.

੧੯. ਕਤਮਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ [ਇਰੀਯਨਾ (ਸੀ.)] ¶ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ.

੨੦. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ.

੨੧. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ.

੨੨. ਕਤਮੋ ¶ ¶ ¶ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ.

੨੩. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ.

੨੪. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ.

੨੫. ਕਤਮਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ.

੨੬. ਕਤਮਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ¶ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਇਦਂ ¶ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ.

੨੭. ਕਤਮਂ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਇਦਂ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ.

੨੮. ਕਤਮਂ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਇਦਂ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ.

੨੯. ਕਤਮਂ ¶ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ¶ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ.

੩੦. ਕਤਮਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਹਿਰੀਯਤਿ ਹਿਰਿਯਿਤਬ੍ਬੇਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ.

੩੧. ਕਤਮਂ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਓਤ੍ਤਪ੍ਪਤਿ ¶ ਓਤ੍ਤਪ੍ਪਿਤਬ੍ਬੇਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ.

੩੨. ਕਤਮੋ ਤਸ੍ਮਿਂ ਸਮਯੇ ਅਲੋਭੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਲੋਭੋ ਹੋਤਿ.

੩੩. ਕਤਮੋ ਤਸ੍ਮਿਂ ਸਮਯੇ ਅਦੋਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ [ਅਦੂਸਨਾ ਅਦੂਸਿਤਤ੍ਤਂ (ਸ੍ਯਾ.)] ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਦੋਸੋ ਹੋਤਿ?

੩੪. ਕਤਮੋ ਤਸ੍ਮਿਂ ਸਮਯੇ ਅਮੋਹੋ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ¶ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਅਮੋਹੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਮੋਹੋ ਹੋਤਿ.

੩੫. ਕਤਮਾ ¶ ਤਸ੍ਮਿਂ ਸਮਯੇ ਅਨਭਿਜ੍ਝਾ ਹੋਤਿ? ਯੋ ਤਸ੍ਮਿਂ ਸਮਯੇ ਅਲੋਭੋ ਅਲੁਬ੍ਭਨਾ ¶ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਨਭਿਜ੍ਝਾ ਹੋਤਿ.

੩੬. ਕਤਮੋ ਤਸ੍ਮਿਂ ਸਮਯੇ ਅਬ੍ਯਾਪਾਦੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਦੋਸੋ ¶ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਬ੍ਯਾਪਾਦੋ ਹੋਤਿ.

੩੭. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ.

੩੮. ਕਤਮਾ ਤਸ੍ਮਿਂ ਸਮਯੇ ਹਿਰੀ ਹੋਤਿ? ਯਂ ਤਸ੍ਮਿਂ ਸਮਯੇ ਹਿਰੀਯਤਿ ਹਿਰਿਯਿਤਬ੍ਬੇਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਅਯਂ ਤਸ੍ਮਿਂ ਸਮਯੇ ਹਿਰੀ ਹੋਤਿ.

੩੯. ਕਤਮਂ ਤਸ੍ਮਿਂ ਸਮਯੇ ਓਤ੍ਤਪ੍ਪਂ ਹੋਤਿ? ਯਂ ਤਸ੍ਮਿਂ ਸਮਯੇ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਓਤ੍ਤਪ੍ਪਂ ਹੋਤਿ.

੪੦. ਕਤਮਾ ਤਸ੍ਮਿਂ ਸਮਯੇ ਕਾਯਪਸ੍ਸਦ੍ਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਪਸ੍ਸਦ੍ਧਿ ਪਟਿਪਸ੍ਸਦ੍ਧਿ [ਪਟਿਪ੍ਪਸ੍ਸਦ੍ਧਿ (ਸੀ. ਸ੍ਯਾ.)] ਪਸ੍ਸਮ੍ਭਨਾ ਪਟਿਪਸ੍ਸਮ੍ਭਨਾ [ਪਟਿਪ੍ਪਸ੍ਸਮ੍ਭਨਾ (ਸੀ. ਸ੍ਯਾ.)] ਪਟਿਪਸ੍ਸਮ੍ਭਿਤਤ੍ਤਂ [ਪਟਿਪ੍ਪਸ੍ਸਮ੍ਭਿਤਤ੍ਤਂ (ਸੀ. ਸ੍ਯਾ.)] – ਅਯਂ ਤਸ੍ਮਿਂ ਸਮਯੇ ਕਾਯਪਸ੍ਸਦ੍ਧਿ ਹੋਤਿ.

੪੧. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਪਸ੍ਸਦ੍ਧਿ ਹੋਤਿ? ਯਾ ¶ ਤਸ੍ਮਿਂ ਸਮਯੇ ¶ ਵਿਞ੍ਞਾਣਕ੍ਖਨ੍ਧਸ੍ਸ ਪਸ੍ਸਦ੍ਧਿ ਪਟਿਪਸ੍ਸਦ੍ਧਿ ਪਸ੍ਸਮ੍ਭਨਾ ਪਟਿਪਸ੍ਸਮ੍ਭਨਾ ਪਟਿਪਸ੍ਸਮ੍ਭਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਪਸ੍ਸਦ੍ਧਿ ਹੋਤਿ.

੪੨. ਕਤਮਾ ¶ ¶ ਤਸ੍ਮਿਂ ਸਮਯੇ ਕਾਯਲਹੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਅਯਂ ਤਸ੍ਮਿਂ ਸਮਯੇ ਕਾਯਲਹੁਤਾ ਹੋਤਿ.

੪੩. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਲਹੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਲਹੁਤਾ ਹੋਤਿ.

੪੪. ਕਤਮਾ ਤਸ੍ਮਿਂ ਸਮਯੇ ਕਾਯਮੁਦੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਅਯਂ ਤਸ੍ਮਿਂ ਸਮਯੇ ਕਾਯਮੁਦੁਤਾ ਹੋਤਿ.

੪੫. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਮੁਦੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਮੁਦੁਤਾ ਹੋਤਿ.

੪੬. ਕਤਮਾ ਤਸ੍ਮਿਂ ਸਮਯੇ ਕਾਯਕਮ੍ਮਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਅਯਂ ਤਸ੍ਮਿਂ ਸਮਯੇ ਕਾਯਕਮ੍ਮਞ੍ਞਤਾ ਹੋਤਿ.

੪੭. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤਕਮ੍ਮਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਕਮ੍ਮਞ੍ਞਤਾ ਹੋਤਿ.

੪੮. ਕਤਮਾ ਤਸ੍ਮਿਂ ਸਮਯੇ ਕਾਯਪਾਗੁਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਪਗੁਣਤਾ ਪਗੁਣਤ੍ਤਂ ਪਗੁਣਭਾਵੋ – ਅਯਂ ਤਸ੍ਮਿਂ ਸਮਯੇ ਕਾਯਪਾਗੁਞ੍ਞਤਾ ਹੋਤਿ.

੪੯. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਪਾਗੁਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਪਗੁਣਤਾ ਪਗੁਣਤ੍ਤਂ ਪਗੁਣਭਾਵੋ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਪਾਗੁਞ੍ਞਤਾ ਹੋਤਿ.

੫੦. ਕਤਮਾ ¶ ਤਸ੍ਮਿਂ ਸਮਯੇ ਕਾਯੁਜੁਕਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ¶ ਉਜੁਤਾ ਉਜੁਕਤਾ ਅਜਿਮ੍ਹਤਾ ਅਵਙ੍ਕਤਾ ਅਕੁਟਿਲਤਾ – ਅਯਂ ਤਸ੍ਮਿਂ ਸਮਯੇ ਕਾਯੁਜੁਕਤਾ ਹੋਤਿ.

੫੧. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤੁਜੁਕਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਉਜੁਤਾ ਉਜੁਕਤਾ ਅਜਿਮ੍ਹਤਾ ਅਵਙ੍ਕਤਾ ਅਕੁਟਿਲਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤੁਜੁਕਤਾ ਹੋਤਿ.

੫੨. ਕਤਮਾ ਤਸ੍ਮਿਂ ਸਮਯੇ ਸਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਅਯਂ ਤਸ੍ਮਿਂ ਸਮਯੇ ਸਤਿ ਹੋਤਿ.

੫੩. ਕਤਮਂ ਤਸ੍ਮਿਂ ਸਮਯੇ ਸਮ੍ਪਜਞ੍ਞਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ¶ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਤਸ੍ਮਿਂ ਸਮਯੇ ਸਮ੍ਪਜਞ੍ਞਂ ਹੋਤਿ.

੫੪. ਕਤਮੋ ਤਸ੍ਮਿਂ ਸਮਯੇ ਸਮਥੋ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਸਮਥੋ ਹੋਤਿ.

੫੫. ਕਤਮਾ ਤਸ੍ਮਿਂ ਸਮਯੇ ਵਿਪਸ੍ਸਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਤਸ੍ਮਿਂ ਸਮਯੇ ਵਿਪਸ੍ਸਨਾ ਹੋਤਿ.

੫੬. ਕਤਮੋ ¶ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ¶ ਅਨਿਕ੍ਖਿਤ੍ਤਧੁਰਤਾ ¶ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਅਯਂ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ.

੫੭. ਕਤਮੋ ¶ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ.

ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

ਪਦਭਾਜਨੀਯਂ.

ਪਠਮਭਾਣਵਾਰੋ.

ਕੋਟ੍ਠਾਸਵਾਰੋ

੫੮. ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਪਞ੍ਚਙ੍ਗਿਕਂ ਝਾਨਂ ਹੋਤਿ, ਪਞ੍ਚਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ, ਏਕਾ ਵੇਦਨਾ ਹੋਤਿ, ਏਕਾ ਸਞ੍ਞਾ ਹੋਤਿ, ਏਕਾ ਚੇਤਨਾ ਹੋਤਿ, ਏਕਂ ਚਿਤ੍ਤਂ ਹੋਤਿ, ਏਕੋ ਵੇਦਨਾਕ੍ਖਨ੍ਧੋ ਹੋਤਿ, ਏਕੋ ਸਞ੍ਞਾਕ੍ਖਨ੍ਧੋ ਹੋਤਿ, ਏਕੋ ਸਙ੍ਖਾਰਕ੍ਖਨ੍ਧੋ ਹੋਤਿ, ਏਕੋ ਵਿਞ੍ਞਾਣਕ੍ਖਨ੍ਧੋ ਹੋਤਿ, ਏਕਂ ਮਨਾਯਤਨਂ ਹੋਤਿ, ਏਕਂ ਮਨਿਨ੍ਦ੍ਰਿਯਂ ਹੋਤਿ, ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

੫੯. ਕਤਮੇ ¶ ¶ ਤਸ੍ਮਿਂ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ.

੬੦. ਕਤਮੋ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧੋ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ¶ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧੋ ਹੋਤਿ.

੬੧. ਕਤਮੋ ਤਸ੍ਮਿਂ ਸਮਯੇ ਸਞ੍ਞਾਕ੍ਖਨ੍ਧੋ ਹੋਤਿ? ਯਾ ਤਸ੍ਮਿਂ ਸਮਯੇ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾਕ੍ਖਨ੍ਧੋ ਹੋਤਿ.

੬੨. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ¶ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਪਞ੍ਞਾਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਮੋਹੋ ਅਨਭਿਜ੍ਝਾ ਅਬ੍ਯਾਪਾਦੋ ਸਮ੍ਮਾਦਿਟ੍ਠਿ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮ੍ਪਜਞ੍ਞਂ ਸਮਥੋ ਵਿਪਸ੍ਸਨਾ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ [ਥਪੇਤ੍ਵਾ (ਕ.)] ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ.

੬੩. ਕਤਮੋ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧੋ ਹੋਤਿ ¶ ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਅਯਂ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧੋ ਹੋਤਿ.

ਇਮੇ ਤਸ੍ਮਿਂ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ.

੬੪. ਕਤਮਾਨਿ ਤਸ੍ਮਿਂ ਸਮਯੇ ਦ੍ਵਾਯਤਨਾਨਿ ਹੋਨ੍ਤਿ? ਮਨਾਯਤਨਂ ਧਮ੍ਮਾਯਤਨਂ.

੬੫. ਕਤਮਂ ¶ ਤਸ੍ਮਿਂ ਸਮਯੇ ਮਨਾਯਤਨਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਾਯਤਨਂ ਹੋਤਿ.

੬੬. ਕਤਮਂ ¶ ਤਸ੍ਮਿਂ ਸਮਯੇ ਧਮ੍ਮਾਯਤਨਂ ਹੋਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਦਂ ਤਸ੍ਮਿਂ ਸਮਯੇ ਧਮ੍ਮਾਯਤਨਂ ਹੋਤਿ.

ਇਮਾਨਿ ਤਸ੍ਮਿਂ ਸਮਯੇ ਦ੍ਵਾਯਤਨਾਨਿ ਹੋਨ੍ਤਿ.

੬੭. ਕਤਮਾ ਤਸ੍ਮਿਂ ਸਮਯੇ ਦ੍ਵੇ ਧਾਤੁਯੋ ਹੋਨ੍ਤਿ? ਮਨੋਵਿਞ੍ਞਾਣਧਾਤੁ, ਧਮ੍ਮਧਾਤੁ.

੬੮. ਕਤਮਾ ਤਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਅਯਂ ਤਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਹੋਤਿ.

੬੯. ਕਤਮਾ ਤਸ੍ਮਿਂ ਸਮਯੇ ਧਮ੍ਮਧਾਤੁ ਹੋਤਿ? ਵੇਦਨਾਕ੍ਖਨ੍ਧੋ, ¶ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਅਯਂ ਤਸ੍ਮਿਂ ਸਮਯੇ ਧਮ੍ਮਧਾਤੁ ਹੋਤਿ.

ਇਮਾ ਤਸ੍ਮਿਂ ਸਮਯੇ ਦ੍ਵੇ ਧਾਤੁਯੋ ਹੋਨ੍ਤਿ.

੭੦. ਕਤਮੇ ਤਸ੍ਮਿਂ ਸਮਯੇ ਤਯੋ ਆਹਾਰਾ ਹੋਨ੍ਤਿ? ਫਸ੍ਸਾਹਾਰੋ, ਮਨੋਸਞ੍ਚੇਤਨਾਹਾਰੋ ¶ , ਵਿਞ੍ਞਾਣਾਹਾਰੋ.

੭੧. ਕਤਮੋ ਤਸ੍ਮਿਂ ਸਮਯੇ ਫਸ੍ਸਾਹਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸਾਹਾਰੋ ਹੋਤਿ.

੭੨. ਕਤਮੋ ਤਸ੍ਮਿਂ ਸਮਯੇ ਮਨੋਸਞ੍ਚੇਤਨਾਹਾਰੋ ਹੋਤਿ? ਯਾ ਤਸ੍ਮਿਂ ਸਮਯੇ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਮਨੋਸਞ੍ਚੇਤਨਾਹਾਰੋ ਹੋਤਿ.

੭੩. ਕਤਮੋ ¶ ਤਸ੍ਮਿਂ ਸਮਯੇ ਵਿਞ੍ਞਾਣਾਹਾਰੋ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਅਯਂ ਤਸ੍ਮਿਂ ਸਮਯੇ ਵਿਞ੍ਞਾਣਾਹਾਰੋ ਹੋਤਿ.

ਇਮੇ ਤਸ੍ਮਿਂ ਸਮਯੇ ਤਯੋ ਆਹਾਰਾ ਹੋਨ੍ਤਿ.

੭੪. ਕਤਮਾਨਿ ¶ ਤਸ੍ਮਿਂ ਸਮਯੇ ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ? ਸਦ੍ਧਿਨ੍ਦ੍ਰਿਯਂ, ਵੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ, ਮਨਿਨ੍ਦ੍ਰਿਯਂ, ਸੋਮਨਸ੍ਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ.

੭੫. ਕਤਮਂ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ.

੭੬. ਕਤਮਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਇਦਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ.

੭੭. ਕਤਮਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ¶ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਇਦਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ.

੭੮. ਕਤਮਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ¶ ਸਮ੍ਮਾਸਮਾਧਿ – ਇਦਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ.

੭੯. ਕਤਮਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ¶ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ.

੮੦. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੮੧. ਕਤਮਂ ¶ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ.

੮੨. ਕਤਮਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ ¶ .

ਇਮਾਨਿ ਤਸ੍ਮਿਂ ਸਮਯੇ ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ.

੮੩. ਕਤਮਂ ਤਸ੍ਮਿਂ ਸਮਯੇ ਪਞ੍ਚਙ੍ਗਿਕਂ ਝਾਨਂ ਹੋਤਿ? ਵਿਤਕ੍ਕੋ, ਵਿਚਾਰੋ, ਪੀਤਿ, ਸੁਖਂ, ਚਿਤ੍ਤਸ੍ਸੇਕਗ੍ਗਤਾ.

੮੪. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੮੫. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੮੬. ਕਤਮਾ ¶ ਤਸ੍ਮਿਂ ਸਮਯੇ ਪੀਤਿ ਹੋਤਿ? ਯਾ ¶ ਤਸ੍ਮਿਂ ਸਮਯੇ ਪੀਤਿ ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ ਵਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਪੀਤਿ ਹੋਤਿ.

੮੭. ਕਤਮਂ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੮੮. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

ਇਦਂ ਤਸ੍ਮਿਂ ਸਮਯੇ ਪਞ੍ਚਙ੍ਗਿਕਂ ਝਾਨਂ ਹੋਤਿ.

੮੯. ਕਤਮੋ ¶ ਤਸ੍ਮਿਂ ਸਮਯੇ ਪਞ੍ਚਙ੍ਗਿਕੋ ਮਗ੍ਗੋ ਹੋਤਿ? ਸਮ੍ਮਾਦਿਟ੍ਠਿ, ਸਮ੍ਮਾਸਙ੍ਕਪ੍ਪੋ, ਸਮ੍ਮਾਵਾਯਾਮੋ, ਸਮ੍ਮਾਸਤਿ, ਸਮ੍ਮਾਸਮਾਧਿ.

੯੦. ਕਤਮਾ ਤਸ੍ਮਿਂ ¶ ਸਮਯੇ ਸਮ੍ਮਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ.

੯੧. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ.

੯੨. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ¶ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ.

੯੩. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ¶ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ.

੯੪. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ¶ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ.

ਅਯਂ ਤਸ੍ਮਿਂ ਸਮਯੇ ਪਞ੍ਚਙ੍ਗਿਕੋ ਮਗ੍ਗੋ ਹੋਤਿ.

੯੫. ਕਤਮਾਨਿ ¶ ਤਸ੍ਮਿਂ ਸਮਯੇ ਸਤ੍ਤ ਬਲਾਨਿ ਹੋਨ੍ਤਿ? ਸਦ੍ਧਾਬਲਂ, ਵੀਰਿਯਬਲਂ, ਸਤਿਬਲਂ, ਸਮਾਧਿਬਲਂ, ਪਞ੍ਞਾਬਲਂ, ਹਿਰਿਬਲਂ, ਓਤ੍ਤਪ੍ਪਬਲਂ.

੯੬. ਕਤਮਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ.

੯੭. ਕਤਮਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ – ਇਦਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ.

੯੮. ਕਤਮਂ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ – ਇਦਂ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ.

੯੯. ਕਤਮਂ ¶ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ – ਇਦਂ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ.

੧੦੦. ਕਤਮਂ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ¶ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ¶ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ.

੧੦੧. ਕਤਮਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਹਿਰੀਯਤਿ ਹਿਰਿਯਿਤਬ੍ਬੇਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ.

੧੦੨. ਕਤਮਂ ¶ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ.

ਇਮਾਨਿ ਤਸ੍ਮਿਂ ਸਮਯੇ ਸਤ੍ਤ ਬਲਾਨਿ ਹੋਨ੍ਤਿ.

੧੦੩. ਕਤਮੇ ਤਸ੍ਮਿਂ ਸਮਯੇ ਤਯੋ ਹੇਤੂ ਹੋਨ੍ਤਿ? ਅਲੋਭੋ, ਅਦੋਸੋ, ਅਮੋਹੋ.

੧੦੪. ਕਤਮੋ ਤਸ੍ਮਿਂ ਸਮਯੇ ਅਲੋਭੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਲੋਭੋ ਹੋਤਿ.

੧੦੫. ਕਤਮੋ ਤਸ੍ਮਿਂ ਸਮਯੇ ਅਦੋਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ ¶ ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਦੋਸੋ ਹੋਤਿ.

੧੦੬. ਕਤਮੋ ਤਸ੍ਮਿਂ ਸਮਯੇ ਅਮੋਹੋ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ…ਪੇ… ¶ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਤਸ੍ਮਿਂ ਸਮਯੇ ਅਮੋਹੋ ਹੋਤਿ.

ਇਮੇ ਤਸ੍ਮਿਂ ਸਮਯੇ ਤਯੋ ਹੇਤੂ ਹੋਨ੍ਤਿ.

੧੦੭. ਕਤਮੋ ਤਸ੍ਮਿਂ ਸਮਯੇ ਏਕੋ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਏਕੋ ਫਸ੍ਸੋ ਹੋਤਿ.

੧੦੮. ਕਤਮਾ ਤਸ੍ਮਿਂ ਸਮਯੇ ਏਕਾ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਏਕਾ ਵੇਦਨਾ ਹੋਤਿ.

੧੦੯. ਕਤਮਾ ਤਸ੍ਮਿਂ ਸਮਯੇ ਏਕਾ ਸਞ੍ਞਾ ਹੋਤਿ? ਯਾ ¶ ਤਸ੍ਮਿਂ ਸਮਯੇ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਏਕਾ ਸਞ੍ਞਾ ਹੋਤਿ.

੧੧੦. ਕਤਮਾ ¶ ਤਸ੍ਮਿਂ ਸਮਯੇ ਏਕਾ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਏਕਾ ਚੇਤਨਾ ਹੋਤਿ.

੧੧੧. ਕਤਮਂ ¶ ਤਸ੍ਮਿਂ ਸਮਯੇ ਏਕਂ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਏਕਂ ਚਿਤ੍ਤਂ ਹੋਤਿ.

੧੧੨. ਕਤਮੋ ਤਸ੍ਮਿਂ ਸਮਯੇ ਏਕੋ ਵੇਦਨਾਕ੍ਖਨ੍ਧੋ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਏਕੋ ਵੇਦਨਾਕ੍ਖਨ੍ਧੋ ਹੋਤਿ.

੧੧੩. ਕਤਮੋ ¶ ਤਸ੍ਮਿਂ ਸਮਯੇ ਏਕੋ ਸਞ੍ਞਾਕ੍ਖਨ੍ਧੋ ਹੋਤਿ? ਯਾ ਤਸ੍ਮਿਂ ਸਮਯੇ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਏਕੋ ਸਞ੍ਞਾਕ੍ਖਨ੍ਧੋ ਹੋਤਿ.

੧੧੪. ਕਤਮੋ ਤਸ੍ਮਿਂ ਸਮਯੇ ਏਕੋ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਪਞ੍ਞਾਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਮੋਹੋ ਅਨਭਿਜ੍ਝਾ ਅਬ੍ਯਾਪਾਦੋ ਸਮ੍ਮਾਦਿਟ੍ਠਿ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮ੍ਪਜਞ੍ਞਂ ਸਮਥੋ ਵਿਪਸ੍ਸਨਾ ¶ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਏਕੋ ਸਙ੍ਖਾਰਕ੍ਖਨ੍ਧੋ ਹੋਤਿ.

੧੧੫. ਕਤਮੋ ਤਸ੍ਮਿਂ ਸਮਯੇ ਏਕੋ ਵਿਞ੍ਞਾਣਕ੍ਖਨ੍ਧੋ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ¶ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਅਯਂ ਤਸ੍ਮਿਂ ਸਮਯੇ ਏਕੋ ਵਿਞ੍ਞਾਣਕ੍ਖਨ੍ਧੋ ਹੋਤਿ.

੧੧੬. ਕਤਮਂ ¶ ਤਸ੍ਮਿਂ ਸਮਯੇ ਏਕਂ ਮਨਾਯਤਨਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਏਕਂ ਮਨਾਯਤਨਂ ਹੋਤਿ.

੧੧੭. ਕਤਮਂ ਤਸ੍ਮਿਂ ਸਮਯੇ ਏਕਂ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਏਕਂ ਮਨਿਨ੍ਦ੍ਰਿਯਂ ਹੋਤਿ.

੧੧੮. ਕਤਮਾ ਤਸ੍ਮਿਂ ਸਮਯੇ ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ¶ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਅਯਂ ਤਸ੍ਮਿਂ ਸਮਯੇ ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ.

੧੧੯. ਕਤਮਂ ਤਸ੍ਮਿਂ ਸਮਯੇ ਏਕਂ ਧਮ੍ਮਾਯਤਨਂ ਹੋਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ ¶ , ਸਙ੍ਖਾਰਕ੍ਖਨ੍ਧੋ – ਇਦਂ ਤਸ੍ਮਿਂ ਸਮਯੇ ਏਕਂ ਧਮ੍ਮਾਯਤਨਂ ਹੋਤਿ.

੧੨੦. ਕਤਮਾ ਤਸ੍ਮਿਂ ਸਮਯੇ ਏਕਾ ਧਮ੍ਮਧਾਤੁ ਹੋਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਅਯਂ ਤਸ੍ਮਿਂ ਸਮਯੇ ਏਕਾ ਧਮ੍ਮਧਾਤੁ ਹੋਤਿ.

ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

ਕੋਟ੍ਠਾਸਵਾਰੋ.

ਸੁਞ੍ਞਤਵਾਰੋ

੧੨੧. ਤਸ੍ਮਿਂ ਖੋ ਪਨ ਸਮਯੇ ਧਮ੍ਮਾ ਹੋਨ੍ਤਿ, ਖਨ੍ਧਾ ਹੋਨ੍ਤਿ, ਆਯਤਨਾਨਿ ਹੋਨ੍ਤਿ, ਧਾਤੁਯੋ ਹੋਨ੍ਤਿ, ਆਹਾਰਾ ਹੋਨ੍ਤਿ, ਇਨ੍ਦ੍ਰਿਯਾਨਿ ¶ ਹੋਨ੍ਤਿ, ਝਾਨਂ ਹੋਤਿ, ਮਗ੍ਗੋ ਹੋਤਿ, ਬਲਾਨਿ ਹੋਨ੍ਤਿ, ਹੇਤੂ ਹੋਨ੍ਤਿ, ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵੇਦਨਾਕ੍ਖਨ੍ਧੋ ਹੋਤਿ, ਸਞ੍ਞਾਕ੍ਖਨ੍ਧੋ ਹੋਤਿ, ਸਙ੍ਖਾਰਕ੍ਖਨ੍ਧੋ ਹੋਤਿ, ਵਿਞ੍ਞਾਣਕ੍ਖਨ੍ਧੋ ਹੋਤਿ, ਮਨਾਯਤਨਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਮਨੋਵਿਞ੍ਞਾਣਧਾਤੁ ਹੋਤਿ, ਧਮ੍ਮਾਯਤਨਂ ਹੋਤਿ, ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

੧੨੨. ਕਤਮੇ ਤਸ੍ਮਿਂ ਸਮਯੇ ਧਮ੍ਮਾ ਹੋਨ੍ਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਤਸ੍ਮਿਂ ਸਮਯੇ ਧਮ੍ਮਾ ਹੋਨ੍ਤਿ.

੧੨੩. ਕਤਮੇ ¶ ਤਸ੍ਮਿਂ ਸਮਯੇ ਖਨ੍ਧਾ ਹੋਨ੍ਤਿ? ਵੇਦਨਾਕ੍ਖਨ੍ਧੋ, ¶ ਸਞ੍ਞਾਕ੍ਖਨ੍ਧੋ ¶ , ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਤਸ੍ਮਿਂ ਸਮਯੇ ਖਨ੍ਧਾ ਹੋਨ੍ਤਿ.

੧੨੪. ਕਤਮਾਨਿ ਤਸ੍ਮਿਂ ਸਮਯੇ ਆਯਤਨਾਨਿ ਹੋਨ੍ਤਿ? ਮਨਾਯਤਨਂ, ਧਮ੍ਮਾਯਤਨਂ – ਇਮਾਨਿ ਤਸ੍ਮਿਂ ਸਮਯੇ ਆਯਤਨਾਨਿ ਹੋਨ੍ਤਿ.

੧੨੫. ਕਤਮਾ ਤਸ੍ਮਿਂ ਸਮਯੇ ਧਾਤੁਯੋ ਹੋਨ੍ਤਿ? ਮਨੋਵਿਞ੍ਞਾਣਧਾਤੁ, ਧਮ੍ਮਧਾਤੁ – ਇਮਾ ਤਸ੍ਮਿਂ ਸਮਯੇ ਧਾਤੁਯੋ ਹੋਨ੍ਤਿ.

੧੨੬. ਕਤਮੇ ਤਸ੍ਮਿਂ ਸਮਯੇ ਆਹਾਰਾ ਹੋਨ੍ਤਿ? ਫਸ੍ਸਾਹਾਰੋ, ਮਨੋਸਞ੍ਚੇਤਨਾਹਾਰੋ, ਵਿਞ੍ਞਾਣਾਹਾਰੋ – ਇਮੇ ਤਸ੍ਮਿਂ ਸਮਯੇ ਆਹਾਰਾ ਹੋਨ੍ਤਿ.

੧੨੭. ਕਤਮਾਨਿ ਤਸ੍ਮਿਂ ਸਮਯੇ ਇਨ੍ਦ੍ਰਿਯਾਨਿ ਹੋਨ੍ਤਿ? ਸਦ੍ਧਿਨ੍ਦ੍ਰਿਯਂ, ਵੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ, ਮਨਿਨ੍ਦ੍ਰਿਯਂ, ਸੋਮਨਸ੍ਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ – ਇਮਾਨਿ ਤਸ੍ਮਿਂ ਸਮਯੇ ਇਨ੍ਦ੍ਰਿਯਾਨਿ ਹੋਨ੍ਤਿ.

੧੨੮. ਕਤਮਂ ਤਸ੍ਮਿਂ ਸਮਯੇ ਝਾਨਂ ਹੋਤਿ? ਵਿਤਕ੍ਕੋ, ਵਿਚਾਰੋ, ਪੀਤਿ, ਸੁਖਂ, ਚਿਤ੍ਤਸ੍ਸੇਕਗ੍ਗਤਾ – ਇਦਂ ਤਸ੍ਮਿਂ ਸਮਯੇ ਝਾਨਂ ਹੋਤਿ.

੧੨੯. ਕਤਮੋ ਤਸ੍ਮਿਂ ਸਮਯੇ ਮਗ੍ਗੋ ਹੋਤਿ? ਸਮ੍ਮਾਦਿਟ੍ਠਿ, ਸਮ੍ਮਾਸਙ੍ਕਪ੍ਪੋ, ਸਮ੍ਮਾਵਾਯਾਮੋ, ਸਮ੍ਮਾਸਤਿ, ਸਮ੍ਮਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਮਗ੍ਗੋ ਹੋਤਿ.

੧੩੦. ਕਤਮਾਨਿ ¶ ਤਸ੍ਮਿਂ ਸਮਯੇ ਬਲਾਨਿ ਹੋਨ੍ਤਿ? ਸਦ੍ਧਾਬਲਂ, ਵੀਰਿਯਬਲਂ, ਸਤਿਬਲਂ, ਸਮਾਧਿਬਲਂ, ਪਞ੍ਞਾਬਲਂ, ਹਿਰਿਬਲਂ, ਓਤ੍ਤਪ੍ਪਬਲਂ – ਇਮਾਨਿ ਤਸ੍ਮਿਂ ਸਮਯੇ ਬਲਾਨਿ ਹੋਨ੍ਤਿ.

੧੩੧. ਕਤਮੇ ¶ ਤਸ੍ਮਿਂ ਸਮਯੇ ਹੇਤੂ ਹੋਨ੍ਤਿ? ਅਲੋਭੋ, ਅਦੋਸੋ, ਅਮੋਹੋ – ਇਮੇ ਤਸ੍ਮਿਂ ਸਮਯੇ ਹੇਤੂ ਹੋਨ੍ਤਿ.

੧੩੨. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੧੩੩. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੧੩੪. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੧੩੫. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ?

੧੩੬. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ…ਪੇ… ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੧੩੭. ਕਤਮੋ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧੋ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧੋ ਹੋਤਿ.

੧੩੮. ਕਤਮੋ ਤਸ੍ਮਿਂ ਸਮਯੇ ਸਞ੍ਞਾਕ੍ਖਨ੍ਧੋ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਸਞ੍ਞਾਕ੍ਖਨ੍ਧੋ ਹੋਤਿ.

੧੩੯. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ.

੧੪੦. ਕਤਮੋ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧੋ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧੋ ਹੋਤਿ.

੧੪੧. ਕਤਮਂ ¶ ਤਸ੍ਮਿਂ ਸਮਯੇ ਮਨਾਯਤਨਂ ਹੋਤਿ…ਪੇ… ਇਦਂ ਤਸ੍ਮਿਂ ਸਮਯੇ ਮਨਾਯਤਨਂ ਹੋਤਿ.

੧੪੨. ਕਤਮਂ ¶ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ…ਪੇ… ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੧੪੩. ਕਤਮਾ ¶ ਤਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਹੋਤਿ…ਪੇ… ਅਯਂ ਤਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਹੋਤਿ.

੧੪੪. ਕਤਮਂ ਤਸ੍ਮਿਂ ਸਮਯੇ ਧਮ੍ਮਾਯਤਨਂ ਹੋਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਦਂ ਤਸ੍ਮਿਂ ਸਮਯੇ ਧਮ੍ਮਾਯਤਨਂ ਹੋਤਿ.

੧੪੫. ਕਤਮਾ ਤਸ੍ਮਿਂ ਸਮਯੇ ਧਮ੍ਮਧਾਤੁ ਹੋਤਿ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਅਯਂ ਤਸ੍ਮਿਂ ਸਮਯੇ ਧਮ੍ਮਧਾਤੁ ਹੋਤਿ.

ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

ਸੁਞ੍ਞਤਵਾਰੋ.

ਪਠਮਂ ਚਿਤ੍ਤਂ.

੧੪੬. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ¶ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਦੁਤਿਯਂ ਚਿਤ੍ਤਂ.

੧੪੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਵਿਪ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ¶ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ ¶ , ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਸਙ੍ਕਪ੍ਪੋ ਹੋਤਿ, ਸਮ੍ਮਾਵਾਯਾਮੋ ਹੋਤਿ, ਸਮ੍ਮਾਸਤਿ ਹੋਤਿ, ਸਮ੍ਮਾਸਮਾਧਿ ਹੋਤਿ, ਸਦ੍ਧਾਬਲਂ ਹੋਤਿ, ਵੀਰਿਯਬਲਂ ਹੋਤਿ, ਸਤਿਬਲਂ ਹੋਤਿ, ਸਮਾਧਿਬਲਂ ਹੋਤਿ, ਹਿਰਿਬਲਂ ਹੋਤਿ, ਓਤ੍ਤਪ੍ਪਬਲਂ ਹੋਤਿ, ਅਲੋਭੋ ਹੋਤਿ, ਅਦੋਸੋ ਹੋਤਿ, ਅਨਭਿਜ੍ਝਾ ਹੋਤਿ, ਅਬ੍ਯਾਪਾਦੋ ਹੋਤਿ, ਹਿਰੀ ਹੋਤਿ, ਓਤ੍ਤਪ੍ਪਂ ਹੋਤਿ, ਕਾਯਪਸ੍ਸਦ੍ਧਿ ਹੋਤਿ, ਚਿਤ੍ਤਪਸ੍ਸਦ੍ਧਿ ਹੋਤਿ, ਕਾਯਲਹੁਤਾ ਹੋਤਿ, ਚਿਤ੍ਤਲਹੁਤਾ ਹੋਤਿ, ਕਾਯਮੁਦੁਤਾ ਹੋਤਿ, ਚਿਤ੍ਤਮੁਦੁਤਾ ਹੋਤਿ, ਕਾਯਕਮ੍ਮਞ੍ਞਤਾ ਹੋਤਿ, ਚਿਤ੍ਤਕਮ੍ਮਞ੍ਞਤਾ ਹੋਤਿ, ਕਾਯਪਾਗੁਞ੍ਞਤਾ ਹੋਤਿ, ਚਿਤ੍ਤਪਾਗੁਞ੍ਞਤਾ ਹੋਤਿ, ਕਾਯੁਜੁਕਤਾ ਹੋਤਿ, ਚਿਤ੍ਤੁਜੁਕਤਾ ਹੋਤਿ, ਸਤਿ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਸਤ੍ਤਿਨ੍ਦ੍ਰਿਯਾਨਿ ਹੋਨ੍ਤਿ ¶ , ਪਞ੍ਚਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਛ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੪੮. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਨਭਿਜ੍ਝਾ ਅਬ੍ਯਾਪਾਦੋ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਤਤਿਯਂ ਚਿਤ੍ਤਂ.

੧੪੯. ਕਤਮੇ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਵਿਪ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ¶ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤੁਤ੍ਥਂ ਚਿਤ੍ਤਂ.

੧੫੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਞਾਣਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਸਙ੍ਕਪ੍ਪੋ ਹੋਤਿ, ਸਮ੍ਮਾਵਾਯਾਮੋ ਹੋਤਿ, ਸਮ੍ਮਾਸਤਿ ਹੋਤਿ, ਸਮ੍ਮਾਸਮਾਧਿ ਹੋਤਿ, ਸਦ੍ਧਾਬਲਂ ਹੋਤਿ, ਵੀਰਿਯਬਲਂ ਹੋਤਿ, ਸਤਿਬਲਂ ਹੋਤਿ, ਸਮਾਧਿਬਲਂ ਹੋਤਿ, ਪਞ੍ਞਾਬਲਂ ਹੋਤਿ, ਹਿਰਿਬਲਂ ਹੋਤਿ, ਓਤ੍ਤਪ੍ਪਬਲਂ ਹੋਤਿ, ਅਲੋਭੋ ਹੋਤਿ, ਅਦੋਸੋ ਹੋਤਿ, ਅਮੋਹੋ ਹੋਤਿ, ਅਨਭਿਜ੍ਝਾ ਹੋਤਿ, ਅਬ੍ਯਾਪਾਦੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਹਿਰੀ ਹੋਤਿ, ਓਤ੍ਤਪ੍ਪਂ ਹੋਤਿ, ਕਾਯਪਸ੍ਸਦ੍ਧਿ ਹੋਤਿ, ਚਿਤ੍ਤਪਸ੍ਸਦ੍ਧਿ ਹੋਤਿ, ਕਾਯਲਹੁਤਾ ਹੋਤਿ, ਚਿਤ੍ਤਲਹੁਤਾ ਹੋਤਿ, ਕਾਯਮੁਦੁਤਾ ਹੋਤਿ, ਚਿਤ੍ਤਮੁਦੁਤਾ ਹੋਤਿ, ਕਾਯਕਮ੍ਮਞ੍ਞਤਾ ਹੋਤਿ, ਚਿਤ੍ਤਕਮ੍ਮਞ੍ਞਤਾ ਹੋਤਿ ਕਾਯਪਾਗੁਞ੍ਞਤਾ ¶ ਹੋਤਿ, ਚਿਤ੍ਤਪਾਗੁਞ੍ਞਤਾ ਹੋਤਿ, ਕਾਯੁਜੁਕਤਾ ਹੋਤਿ, ਚਿਤ੍ਤੁਜੁਕਤਾ ਹੋਤਿ, ਸਤਿ ਹੋਤਿ, ਸਮ੍ਪਜਞ੍ਞਂ ਹੋਤਿ, ਸਮਥੋ ਹੋਤਿ, ਵਿਪਸ੍ਸਨਾ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

੧੫੧. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੧੫੨. ਕਤਮਾ ¶ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ¶ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ…ਪੇ….

੧੫੩. ਕਤਮਾ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ…ਪੇ….

੧੫੪. ਕਤਮਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ ¶ , ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਪਞ੍ਚਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੫੫. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਪਞ੍ਞਾਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਮੋਹੋ ਅਨਭਿਜ੍ਝਾ ਅਬ੍ਯਾਪਾਦੋ ਸਮ੍ਮਾਦਿਟ੍ਠਿ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮ੍ਪਜਞ੍ਞਂ ਸਮਥੋ ਵਿਪਸ੍ਸਨਾ ਪਗ੍ਗਾਹੋ ਅਵਿਕ੍ਖੇਪੋ.

ਯੇ ¶ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ¶ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਪਞ੍ਚਮਂ ਚਿਤ੍ਤਂ.

੧੫੬. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਞਾਣਸਮ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਛਟ੍ਠਂ ਚਿਤ੍ਤਂ.

੧੫੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਞਾਣਵਿਪ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਸਙ੍ਕਪ੍ਪੋ ਹੋਤਿ, ਸਮ੍ਮਾਵਾਯਾਮੋ ਹੋਤਿ, ਸਮ੍ਮਾਸਤਿ ਹੋਤਿ, ਸਮ੍ਮਾਸਮਾਧਿ ਹੋਤਿ, ਸਦ੍ਧਾਬਲਂ ਹੋਤਿ, ਵੀਰਿਯਬਲਂ ਹੋਤਿ, ਸਤਿਬਲਂ ਹੋਤਿ, ਸਮਾਧਿਬਲਂ ਹੋਤਿ, ਹਿਰਿਬਲਂ ਹੋਤਿ, ਓਤ੍ਤਪ੍ਪਬਲਂ ਹੋਤਿ, ਅਲੋਭੋ ਹੋਤਿ, ਅਦੋਸੋ ਹੋਤਿ, ਅਨਭਿਜ੍ਝਾ ਹੋਤਿ, ਅਬ੍ਯਾਪਾਦੋ ਹੋਤਿ, ਹਿਰੀ ਹੋਤਿ, ਓਤ੍ਤਪ੍ਪਂ ਹੋਤਿ, ਕਾਯਪਸ੍ਸਦ੍ਧਿ ਹੋਤਿ, ਚਿਤ੍ਤਪਸ੍ਸਦ੍ਧਿ ਹੋਤਿ, ਕਾਯਲਹੁਤਾ ਹੋਤਿ, ਚਿਤ੍ਤਲਹੁਤਾ ਹੋਤਿ, ਕਾਯਮੁਦੁਤਾ ਹੋਤਿ, ਚਿਤ੍ਤਮੁਦੁਤਾ ਹੋਤਿ, ਕਾਯਕਮ੍ਮਞ੍ਞਤਾ ਹੋਤਿ, ਚਿਤ੍ਤਕਮ੍ਮਞ੍ਞਤਾ ਹੋਤਿ, ਕਾਯਪਾਗੁਞ੍ਞਤਾ ਹੋਤਿ ¶ , ਚਿਤ੍ਤਪਾਗੁਞ੍ਞਤਾ ਹੋਤਿ, ਕਾਯੁਜੁਕਤਾ ਹੋਤਿ, ਚਿਤ੍ਤੁਜੁਕਤਾ ਹੋਤਿ, ਸਤਿ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ¶ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ ¶ , ਸਤ੍ਤਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ ¶ , ਛ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੫੮. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਨਭਿਜ੍ਝਾ ਅਬ੍ਯਾਪਾਦੋ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ.

ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ¶ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਸਤ੍ਤਮਂ ਚਿਤ੍ਤਂ.

੧੫੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਞਾਣਵਿਪ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਟ੍ਠਮਂ ਚਿਤ੍ਤਂ.

ਅਟ੍ਠ ਕਾਮਾਵਚਰਮਹਾਕੁਸਲਚਿਤ੍ਤਾਨਿ.

ਦੁਤਿਯਭਾਣਵਾਰੋ.

ਰੂਪਾਵਚਰਕੁਸਲਂ

ਚਤੁਕ੍ਕਨਯੋ

੧੬੦. ਕਤਮੇ ¶ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ ਸਵਿਤਕ੍ਕਂ ਸਵਿਚਾਰਂ ਵਿਵੇਕਜਂ ਪੀਤਿਸੁਖਂ ਪਠਮਂ ਝਾਨਂ [ਪਠਮਜ੍ਝਾਨਂ (ਸੀ.)] ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੬੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ ਅਜ੍ਝਤ੍ਤਂ ਸਮ੍ਪਸਾਦਨਂ ਚੇਤਸੋ ਏਕੋਦਿਭਾਵਂ ¶ ਅਵਿਤਕ੍ਕਂ ਅਵਿਚਾਰਂ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ [ਦੁਤਿਯਜ੍ਝਾਨਂ (ਸੀ.)] ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਤਿਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੬੨. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ¶ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ¶ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ¶ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੬੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ¶ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਪੀਤਿਯਾ ਚ ਵਿਰਾਗਾ ਉਪੇਕ੍ਖਕੋ ਚ ਵਿਹਰਤਿ ਸਤੋ ਚ ਸਮ੍ਪਜਾਨੋ ਸੁਖਞ੍ਚ ਕਾਯੇਨ ਪਟਿਸਂਵੇਦੇਤਿ, ਯਂ ਤਂ ਅਰਿਯਾ ਆਚਿਕ੍ਖਨ੍ਤਿ – ‘‘ਉਪੇਕ੍ਖਕੋ ਸਤਿਮਾ ਸੁਖਵਿਹਾਰੀ’’ਤਿ ਤਤਿਯਂ ਝਾਨਂ [ਤਤਿਯਜ੍ਝਾਨਂ (ਸੀ.)] ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਦੁਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੬੪. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ¶ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੬੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸੁਖਸ੍ਸ ਚ ਪਹਾਨਾ ਦੁਕ੍ਖਸ੍ਸ ਚ ਪਹਾਨਾ ਪੁਬ੍ਬੇਵ ਸੋਮਨਸ੍ਸਦੋਮਨਸ੍ਸਾਨਂ ਅਤ੍ਥਙ੍ਗਮਾ ਅਦੁਕ੍ਖਮਸੁਖਂ ਉਪੇਕ੍ਖਾਸਤਿਪਾਰਿਸੁਦ੍ਧਿਂ ਚਤੁਤ੍ਥਂ ਝਾਨਂ ¶ [ਚਤੁਤ੍ਥਜ੍ਝਾਨਂ (ਸੀ.)] ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ¶ , ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ ਉਪੇਕ੍ਖਿਨ੍ਦ੍ਰਿਯਂ ¶ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਦੁਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ ¶ , ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੬੬. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤੁਕ੍ਕਨਯੋ.

ਪਞ੍ਚਕਨਯੋ

੧੬੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ ¶ – ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੬੮. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਵਿਤਕ੍ਕਂ ਵਿਚਾਰਮਤ੍ਤਂ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ¶ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ¶ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੬੯. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ¶ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਤਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ ¶ , ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ¶ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਤਿਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੭੧. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ¶ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ¶ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਪੀਤਿਯਾ ਚ ਵਿਰਾਗਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ¶ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਦੁਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੭੩. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ¶ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸੁਖਸ੍ਸ ਚ ਪਹਾਨਾ…ਪੇ… ਪਞ੍ਚਮਂ ਝਾਨਂ [ਪਞ੍ਚਮਜ੍ਝਾਨਂ (ਸੀ.)] ਉਪਸਮ੍ਪਜ੍ਜ ਵਿਹਰਤਿ ¶ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਵਾਯਾਮੋ ਹੋਤਿ…ਪੇ… ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਅਟ੍ਠਿਨ੍ਦ੍ਰਿਯਾਨਿ ਹੋਨ੍ਤਿ, ਦੁਵਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ¶ ਪਨ ਤਸ੍ਮਿਂ ਸਮਯੇ ¶ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੧੭੫. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਵਾਯਾਮੋ…ਪੇ… ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਪਞ੍ਚਕਨਯੋ.

ਚਤਸ੍ਸੋ ਪਟਿਪਦਾ

੧੭੬. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ [ਦੁਕ੍ਖਾਪਟਿਪਦਂ (ਬਹੂਸੁ)] ਦਨ੍ਧਾਭਿਞ੍ਞਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਥਵੀਕਸਿਣਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ¶ [ਸੁਖਾਪਟਿਪਦਂ (ਬਹੂਸੁ)] ਦਨ੍ਧਾਭਿਞ੍ਞਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੭੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ¶ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ…ਪੇ….

੧੮੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਥਵੀਕਸਿਣਂ – ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤਸ੍ਸੋ ਪਟਿਪਦਾ.

ਚਤ੍ਤਾਰਿ ਆਰਮ੍ਮਣਾਨਿ

੧੮੧. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ¶ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ – ਤਸ੍ਮਿਂ ਸਮਯੇ ¶ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੫. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤ੍ਤਾਰਿ ਆਰਮ੍ਮਣਾਨਿ.

ਸੋਲ਼ਸਕ੍ਖਤ੍ਤੁਕਂ

੧੮੬. ਕਤਮੇ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ¶ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੮੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ¶ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ ¶ …ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ¶ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੭. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ¶ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੧੯੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ¶ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ¶ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ¶ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ¶ ਦਨ੍ਧਾਭਿਞ੍ਞਂ ਪਰਿਤ੍ਤਂ ¶ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ¶ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ ਪਥਵੀਕਸਿਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ ਪਥਵੀਕਸਿਣਂ – ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਸੋਲ਼ਸਕ੍ਖਤ੍ਤੁਕਂ.

ਅਟ੍ਠਕਸਿਣਂ ਸੋਲ਼ਸਕ੍ਖਤ੍ਤੁਕਂ

੨੦੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਆਪੋਕਸਿਣਂ…ਪੇ… ਤੇਜੋਕਸਿਣਂ…ਪੇ… ਵਾਯੋਕਸਿਣਂ…ਪੇ… ਨੀਲਕਸਿਣਂ…ਪੇ… ਪੀਤਕਸਿਣਂ…ਪੇ… ਲੋਹਿਤਕਸਿਣਂ…ਪੇ… ਓਦਾਤਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਟ੍ਠਕਸਿਣਂ ਸੋਲ਼ਸਕ੍ਖਤ੍ਤੁਕਂ.

ਅਭਿਭਾਯਤਨਾਨਿ ਪਰਿਤ੍ਤਾਨਿ

੨੦੪. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ ਤਾਨਿ ¶ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ ¶ …ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ¶ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤਸ੍ਸੋ ਪਟਿਪਦਾ

੨੦੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ¶ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੦੯. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ¶ …ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤਸ੍ਸੋ ਪਟਿਪਦਾ.

ਦ੍ਵੇ ਆਰਮ੍ਮਣਾਨਿ

੨੧੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੩. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ…ਪੇ… ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਦ੍ਵੇ ਆਰਮ੍ਮਣਾਨਿ.

ਅਟ੍ਠਕ੍ਖਤ੍ਤੁਕਂ

੨੧੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ¶ ਸਮਯੇ ਫਸ੍ਸੋ ¶ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ¶ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ¶ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੧੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੦. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ¶ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ¶ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਟ੍ਠਕ੍ਖਤ੍ਤੁਕਂ.

ਇਦਮ੍ਪਿ ਅਟ੍ਠਕ੍ਖਤ੍ਤੁਕਂ

੨੨੩. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ ਸੁਵਣ੍ਣਦੁਬ੍ਬਣ੍ਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੪. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ¶ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ ਸੁਵਣ੍ਣਦੁਬ੍ਬਣ੍ਣਾਨਿ ¶ , ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਇਦਮ੍ਪਿ ਅਟ੍ਠਕ੍ਖਤ੍ਤੁਕਂ.

ਅਪ੍ਪਮਾਣਾਨਿ

੨੨੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤਸ੍ਸੋ ਪਟਿਪਦਾ

੨੨੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ¶ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੮. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੨੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ¶ ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤਸ੍ਸੋ ਪਟਿਪਦਾ.

ਦ੍ਵੇ ਆਰਮ੍ਮਣਾਨਿ

੨੩੨. ਕਤਮੇ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੩. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ¶ ਉਪਸਮ੍ਪਜ੍ਜ ਵਿਹਰਤਿ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ…ਪੇ… ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਦ੍ਵੇ ਆਰਮ੍ਮਣਾਨਿ.

ਅਪਰਮ੍ਪਿ ਅਟ੍ਠਕ੍ਖਤ੍ਤੁਕਂ

੨੩੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ¶ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ¶ ਧਮ੍ਮਾ ਕੁਸਲਾ.

੨੩੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੩੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ¶ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ¶ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ, ਤਾਨਿ ਅਭਿਭੁਯ੍ਯ ¶ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਮਾਣਂ ¶ ਅਪ੍ਪਮਾਣਾਰਮ੍ਮਣਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਪਰਮ੍ਪਿ ਅਟ੍ਠਕ੍ਖਤ੍ਤੁਕਂ.

ਇਦਮ੍ਪਿ ਅਟ੍ਠਕ੍ਖਤ੍ਤੁਕਂ

੨੪੪. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ ਸੁਵਣ੍ਣਦੁਬ੍ਬਣ੍ਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਅਪ੍ਪਮਾਣਾਨਿ ਸੁਵਣ੍ਣਦੁਬ੍ਬਣ੍ਣਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਇਦਮ੍ਪਿ ਅਟ੍ਠਕ੍ਖਤ੍ਤੁਕਂ.

੨੪੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਨੀਲਾਨਿ ਨੀਲਵਣ੍ਣਾਨਿ ਨੀਲਨਿਦਸ੍ਸਨਾਨਿ ਨੀਲਨਿਭਾਸਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ¶ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ¶ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪੀਤਾਨਿ ਪੀਤਵਣ੍ਣਾਨਿ ਪੀਤਨਿਦਸ੍ਸਨਾਨਿ ਪੀਤਨਿਭਾਸਾਨਿ…ਪੇ… ਲੋਹਿਤਕਾਨਿ ਲੋਹਿਤਕਵਣ੍ਣਾਨਿ ਲੋਹਿਤਕਨਿਦਸ੍ਸਨਾਨਿ ਲੋਹਿਤਕਨਿਭਾਸਾਨਿ…ਪੇ… ਓਦਾਤਾਨਿ ਓਦਾਤਵਣ੍ਣਾਨਿ ਓਦਾਤਨਿਦਸ੍ਸਨਾਨਿ ਓਦਾਤਨਿਭਾਸਾਨਿ, ਤਾਨਿ ਅਭਿਭੁਯ੍ਯ ਜਾਨਾਮਿ ਪਸ੍ਸਾਮੀਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਇਮਾਨਿਪਿ ਅਭਿਭਾਯਤਨਾਨਿ ਸੋਲ਼ਸਕ੍ਖਤ੍ਤੁਕਾਨਿ.

ਤੀਣਿ ਵਿਮੋਕ੍ਖਾਨਿ ਸੋਲ਼ਸਕ੍ਖਤ੍ਤੁਕਾਨਿ

੨੪੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ¶ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਰੂਪੀ ਰੂਪਾਨਿ ਪਸ੍ਸਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੪੯. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸੁਭਨ੍ਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ¶ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਇਮਾਨਿਪਿ ਤੀਣਿ ਵਿਮੋਕ੍ਖਾਨਿ ਸੋਲ਼ਸਕ੍ਖਤ੍ਤੁਕਾਨਿ.

ਚਤ੍ਤਾਰਿ ਬ੍ਰਹ੍ਮਵਿਹਾਰਝਾਨਾਨਿ ਸੋਲ਼ਸਕ੍ਖਤ੍ਤੁਕਾਨਿ

੨੫੧. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਪੀਤਿਯਾ ਚ ਵਿਰਾਗਾ…ਪੇ… ਤਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਅਵਿਤਕ੍ਕਂ ਵਿਚਾਰਮਤ੍ਤਂ ¶ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ¶ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਤਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਪੀਤਿਯਾ ਚ ¶ ਵਿਰਾਗਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੇਤ੍ਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੮. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਕਰੁਣਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੫੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਕਰੁਣਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੁਦਿਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਪਠਮਂ ¶ ਝਾਨਂ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਮੁਦਿਤਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੨. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਪੇਕ੍ਖਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤ੍ਤਾਰਿ ਬ੍ਰਹ੍ਮਵਿਹਾਰਝਾਨਾਨਿ [ਬ੍ਰਹ੍ਮਵਿਹਾਰਜ੍ਝਾਨਾਨਿ (ਸੀ. ਸ੍ਯਾ.)] ਸੋਲ਼ਸਕ੍ਖਤ੍ਤੁਕਾਨਿ.

ਅਸੁਭਝਾਨਂ ਸੋਲ਼ਸਕ੍ਖਤ੍ਤੁਕਂ

੨੬੩. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਦ੍ਧੁਮਾਤਕਸਞ੍ਞਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੪. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਵਿਨੀਲਕਸਞ੍ਞਾਸਹਗਤਂ…ਪੇ… ਵਿਪੁਬ੍ਬਕਸਞ੍ਞਾਸਹਗਤਂ…ਪੇ… ਵਿਚ੍ਛਿਦ੍ਦਕਸਞ੍ਞਾਸਹਗਤਂ…ਪੇ… ਵਿਕ੍ਖਾਯਿਤਕਸਞ੍ਞਾਸਹਗਤਂ…ਪੇ… ਵਿਕ੍ਖਿਤ੍ਤਕਸਞ੍ਞਾਸਹਗਤਂ…ਪੇ… ਹਤਵਿਕ੍ਖਿਤ੍ਤਕਸਞ੍ਞਾਸਹਗਤਂ…ਪੇ… ਲੋਹਿਤਕਸਞ੍ਞਾਸਹਗਤਂ…ਪੇ… ਪੁਲ਼ਵਕਸਞ੍ਞਾਸਹਗਤਂ [ਪੁਲ਼ੁਵਕਸਞ੍ਞਾਸਹਗਤਂ (ਕ.)] …ਪੇ… ਅਟ੍ਠਿਕਸਞ੍ਞਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਸੁਭਝਾਨਂ [ਅਸੁਭਜ੍ਝਾਨਂ (ਸੀ. ਸ੍ਯਾ.)] ਸੋਲ਼ਸਕ੍ਖਤ੍ਤੁਕਂ.

ਰੂਪਾਵਚਰਕੁਸਲਂ.

ਅਰੂਪਾਵਚਰਕੁਸਲਂ

ਚਤ੍ਤਾਰਿ ਅਰੂਪਝਾਨਾਨਿ [ਅਰੂਪਜ੍ਝਾਨਾਨਿ (ਸੀ. ਸ੍ਯਾ.)] ਸੋਲ਼ਸਕ੍ਖਤ੍ਤੁਕਾਨਿ

੨੬੫. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ਆਕਾਸਾਨਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਪੇਕ੍ਖਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੬. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਵਿਞ੍ਞਾਣਞ੍ਚਾਯਤਨਸਞ੍ਞਾਸਹਗਤਂ ¶ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਪੇਕ੍ਖਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ਆਕਿਞ੍ਚਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਪੇਕ੍ਖਾਸਹਗਤਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੬੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਉਪੇਕ੍ਖਾਸਹਗਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਚਤ੍ਤਾਰਿ ਅਰੂਪਝਾਨਾਨਿ ਸੋਲ਼ਸਕ੍ਖਤ੍ਤੁਕਾਨਿ.

ਅਰੂਪਾਵਚਰਕੁਸਲਂ.

ਤੇਭੂਮਕਕੁਸਲਂ

ਕਾਮਾਵਚਰਕੁਸਲਂ

੨੬੯. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ¶ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੭੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਸਸਙ੍ਖਾਰੇਨ…ਪੇ… ¶ ਸੋਮਨਸ੍ਸਸਹਗਤਂ ਞਾਣਵਿਪ੍ਪਯੁਤ੍ਤਂ…ਪੇ… ਸੋਮਨਸ੍ਸਸਹਗਤਂ ਞਾਣਵਿਪ੍ਪਯੁਤ੍ਤਂ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਂ ਞਾਣਸਮ੍ਪਯੁਤ੍ਤਂ…ਪੇ… ਉਪੇਕ੍ਖਾਸਹਗਤਂ ਞਾਣਸਮ੍ਪਯੁਤ੍ਤਂ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਂ ਞਾਣਵਿਪ੍ਪਯੁਤ੍ਤਂ…ਪੇ… ਉਪੇਕ੍ਖਾਸਹਗਤਂ ਞਾਣਵਿਪ੍ਪਯੁਤ੍ਤਂ ਸਸਙ੍ਖਾਰੇਨ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ¶ ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ¶ ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਕਾਮਾਵਚਰਕੁਸਲਂ.

ਰੂਪਾਵਚਰਕੁਸਲਂ

੨੭੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੭੨. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ¶ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਰੂਪਾਵਚਰਕੁਸਲਂ.

ਅਰੂਪਾਵਚਰਕੁਸਲਂ

੨੭੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ¶ ਅਮਨਸਿਕਾਰਾ ਆਕਾਸਾਨਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ¶ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੭੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਵਿਞ੍ਞਾਣਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ¶ ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੭੫. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ਆਕਿਞ੍ਚਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਰਿਯਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੨੭੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ…ਪੇ… ਛਨ੍ਦਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ¶ ਵੀਰਿਯਾਧਿਪਤੇਯ੍ਯਂ ¶ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਚਿਤ੍ਤਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ…ਪੇ… ਵੀਮਂਸਾਧਿਪਤੇਯ੍ਯਂ ਹੀਨਂ…ਪੇ… ਮਜ੍ਝਿਮਂ…ਪੇ… ਪਣੀਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਰੂਪਾਵਚਰਕੁਸਲਂ.

ਲੋਕੁਤ੍ਤਰਕੁਸਲਂ

ਸੁਦ੍ਧਿਕਪਟਿਪਦਾ

੨੭੭. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਸਦ੍ਧਿਨ੍ਦ੍ਰਿਯਂ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਤਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਪਞ੍ਞਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਸਮ੍ਮਾਸਙ੍ਕਪ੍ਪੋ ਹੋਤਿ, ਸਮ੍ਮਾਵਾਚਾ ਹੋਤਿ, ਸਮ੍ਮਾਕਮ੍ਮਨ੍ਤੋ ਹੋਤਿ, ਸਮ੍ਮਾਆਜੀਵੋ ਹੋਤਿ, ਸਮ੍ਮਾਵਾਯਾਮੋ ਹੋਤਿ, ਸਮ੍ਮਾਸਤਿ ਹੋਤਿ, ਸਮ੍ਮਾਸਮਾਧਿ ਹੋਤਿ, ਸਦ੍ਧਾਬਲਂ ਹੋਤਿ, ਵੀਰਿਯਬਲਂ ਹੋਤਿ, ਸਤਿਬਲਂ ਹੋਤਿ, ਸਮਾਧਿਬਲਂ ਹੋਤਿ, ਪਞ੍ਞਾਬਲਂ ਹੋਤਿ, ਹਿਰਿਬਲਂ ਹੋਤਿ, ਓਤ੍ਤਪ੍ਪਬਲਂ ਹੋਤਿ, ਅਲੋਭੋ ਹੋਤਿ, ਅਦੋਸੋ ਹੋਤਿ, ਅਮੋਹੋ ¶ ਹੋਤਿ, ਅਨਭਿਜ੍ਝਾ ਹੋਤਿ, ਅਬ੍ਯਾਪਾਦੋ ਹੋਤਿ, ਸਮ੍ਮਾਦਿਟ੍ਠਿ ਹੋਤਿ, ਹਿਰੀ ਹੋਤਿ, ਓਤ੍ਤਪ੍ਪਂ ਹੋਤਿ, ਕਾਯਪਸ੍ਸਦ੍ਧਿ ਹੋਤਿ, ਚਿਤ੍ਤਪਸ੍ਸਦ੍ਧਿ ਹੋਤਿ, ਕਾਯਲਹੁਤਾ ਹੋਤਿ, ਚਿਤ੍ਤਲਹੁਤਾ ਹੋਤਿ, ਕਾਯਮੁਦੁਤਾ ਹੋਤਿ, ਚਿਤ੍ਤਮੁਦੁਤਾ ਹੋਤਿ, ਕਾਯਕਮ੍ਮਞ੍ਞਤਾ ਹੋਤਿ, ਚਿਤ੍ਤਕਮ੍ਮਞ੍ਞਤਾ ਹੋਤਿ, ਕਾਯਪਾਗੁਞ੍ਞਤਾ ਹੋਤਿ, ਚਿਤ੍ਤਪਾਗੁਞ੍ਞਤਾ ਹੋਤਿ, ਕਾਯੁਜੁਕਤਾ ਹੋਤਿ, ਚਿਤ੍ਤੁਜੁਕਤਾ ਹੋਤਿ, ਸਤਿ ਹੋਤਿ, ਸਮ੍ਪਜਞ੍ਞਂ ਹੋਤਿ, ਸਮਥੋ ਹੋਤਿ, ਵਿਪਸ੍ਸਨਾ ਹੋਤਿ, ਪਗ੍ਗਾਹੋ ¶ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

੨੭੮. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੨੭੯. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ¶ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੨੮੦. ਕਤਮਾ ¶ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੨੮੧. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੨੮੨. ਕਤਮਂ ¶ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੨੮੩. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੨੮੪. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੨੮੫. ਕਤਮਾ ¶ ਤਸ੍ਮਿਂ ਸਮਯੇ ਪੀਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਪੀਤਿ ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ ਵਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸ ਪੀਤਿਸਮ੍ਬੋਜ੍ਝਙ੍ਗੋ – ਅਯਂ ਤਸ੍ਮਿਂ ਸਮਯੇ ਪੀਤਿ ਹੋਤਿ.

੨੮੬. ਕਤਮਂ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੨੮੭. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ¶ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੨੮੮. ਕਤਮਂ ¶ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਿਨ੍ਦ੍ਰਿਯਂ ਹੋਤਿ.

੨੮੯. ਕਤਮਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ ਵੀਰਿਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ.

੨੯੦. ਕਤਮਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਸਤਿਨ੍ਦ੍ਰਿਯਂ ਹੋਤਿ.

੨੯੧. ਕਤਮਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ¶ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ¶ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ.

੨੯੨. ਕਤਮਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ¶ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਪਞ੍ਞਿਨ੍ਦ੍ਰਿਯਂ ਹੋਤਿ.

੨੯੩. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੨੯੪. ਕਤਮਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ¶ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ.

੨੯੫. ਕਤਮਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ¶ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ.

੨੯੬. ਕਤਮਂ ਤਸ੍ਮਿਂ ਸਮਯੇ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਹੋਤਿ? ਯਾ ਤੇਸਂ ਧਮ੍ਮਾਨਂ ਅਨਞ੍ਞਾਤਾਨਂ ਅਦਿਟ੍ਠਾਨਂ ਅਪ੍ਪਤ੍ਤਾਨਂ ਅਵਿਦਿਤਾਨਂ ਅਸਚ੍ਛਿਕਤਾਨਂ ਸਚ੍ਛਿਕਿਰਿਯਾਯ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ¶ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਹੋਤਿ.

੨੯੭. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ¶ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ.

੨੯੮. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ? ਯੋ ਤਸ੍ਮਿਂ ਸਮਯੇ ¶ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਸਮ੍ਮਾਸਙ੍ਕਪ੍ਪੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਙ੍ਕਪ੍ਪੋ ਹੋਤਿ.

੨੯੯. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਵਾਚਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਤੂਹਿ ਵਚੀਦੁਚ੍ਚਰਿਤੇਹਿ ਆਰਤਿ ਵਿਰਤਿ ਪਟਿਵਿਰਤਿ ਵੇਰਮਣੀ ਅਕਿਰਿਯਾ ਅਕਰਣਂ ਅਨਜ੍ਝਾਪਤ੍ਤਿ ਵੇਲਾਅਨਤਿਕ੍ਕਮੋ ਸੇਤੁਘਾਤੋ ਸਮ੍ਮਾਵਾਚਾ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਵਾਚਾ ਹੋਤਿ.

੩੦੦. ਕਤਮੋ ¶ ਤਸ੍ਮਿਂ ਸਮਯੇ ਸਮ੍ਮਾਕਮ੍ਮਨ੍ਤੋ ਹੋਤਿ? ਯਾ ਤਸ੍ਮਿਂ ਸਮਯੇ ਤੀਹਿ ਕਾਯਦੁਚ੍ਚਰਿਤੇਹਿ ਆਰਤਿ ਵਿਰਤਿ ਪਟਿਵਿਰਤਿ ਵੇਰਮਣੀ ਅਕਿਰਿਯਾ ਅਕਰਣਂ ਅਨਜ੍ਝਾਪਤ੍ਤਿ ਵੇਲਾਅਨਤਿਕ੍ਕਮੋ ਸੇਤੁਘਾਤੋ ਸਮ੍ਮਾਕਮ੍ਮਨ੍ਤੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਕਮ੍ਮਨ੍ਤੋ ਹੋਤਿ.

੩੦੧. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਆਜੀਵੋ ਹੋਤਿ? ਯਾ ਤਸ੍ਮਿਂ ਸਮਯੇ ਮਿਚ੍ਛਾਆਜੀਵਾ ਆਰਤਿ ਵਿਰਤਿ ਪਟਿਵਿਰਤਿ ਵੇਰਮਣੀ ਅਕਿਰਿਯਾ ਅਕਰਣਂ ਅਨਜ੍ਝਾਪਤ੍ਤਿ ਵੇਲਾਅਨਤਿਕ੍ਕਮੋ ਸੇਤੁਘਾਤੋ ਸਮ੍ਮਾਆਜੀਵੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਆਜੀਵੋ ਹੋਤਿ.

੩੦੨. ਕਤਮੋ ¶ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ ¶ ਵੀਰਿਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਵਾਯਾਮੋ ਹੋਤਿ.

੩੦੩. ਕਤਮਾ ¶ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਤਿ ਹੋਤਿ.

੩੦੪. ਕਤਮੋ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਸਮਾਧਿ ਹੋਤਿ.

੩੦੫. ਕਤਮਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਦ੍ਧਾ ਸਦ੍ਦਹਨਾ ਓਕਪ੍ਪਨਾ ਅਭਿਪ੍ਪਸਾਦੋ ਸਦ੍ਧਾ ਸਦ੍ਧਿਨ੍ਦ੍ਰਿਯਂ ਸਦ੍ਧਾਬਲਂ – ਇਦਂ ਤਸ੍ਮਿਂ ਸਮਯੇ ਸਦ੍ਧਾਬਲਂ ਹੋਤਿ.

੩੦੬. ਕਤਮਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ ਵੀਰਿਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ.

੩੦੭. ਕਤਮਂ ¶ ¶ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ¶ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਸਤਿਬਲਂ ਹੋਤਿ.

੩੦੮. ਕਤਮਂ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ.

੩੦੯. ਕਤਮਂ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ¶ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਪਞ੍ਞਾਬਲਂ ਹੋਤਿ.

੩੧੦. ਕਤਮਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਹਿਰੀਯਤਿ ਹਿਰਿਯਿਤਬ੍ਬੇਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਹਿਰਿਬਲਂ ਹੋਤਿ.

੩੧੧. ਕਤਮਂ ¶ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਓਤ੍ਤਪ੍ਪਬਲਂ ਹੋਤਿ.

੩੧੨. ਕਤਮੋ ਤਸ੍ਮਿਂ ਸਮਯੇ ਅਲੋਭੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਲੋਭੋ ਹੋਤਿ.

੩੧੩. ਕਤਮੋ ਤਸ੍ਮਿਂ ਸਮਯੇ ਅਦੋਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਦੋਸੋ ਹੋਤਿ.

੩੧੪. ਕਤਮੋ ¶ ਤਸ੍ਮਿਂ ਸਮਯੇ ਅਮੋਹੋ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ¶ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਅਮੋਹੋ ਹੋਤਿ.

੩੧੫. ਕਤਮਾ ¶ ਤਸ੍ਮਿਂ ਸਮਯੇ ਅਨਭਿਜ੍ਝਾ ਹੋਤਿ? ਯੋ ਤਸ੍ਮਿਂ ਸਮਯੇ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਨਭਿਜ੍ਝਾ ਹੋਤਿ.

੩੧੬. ਕਤਮੋ ¶ ਤਸ੍ਮਿਂ ਸਮਯੇ ਅਬ੍ਯਾਪਾਦੋ ਹੋਤਿ? ਯੋ ਤਸ੍ਮਿਂ ਸਮਯੇ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਬ੍ਯਾਪਾਦੋ ਹੋਤਿ.

੩੧੭. ਕਤਮਾ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮ੍ਮਾਦਿਟ੍ਠਿ ਹੋਤਿ.

੩੧੮. ਕਤਮਾ ਤਸ੍ਮਿਂ ਸਮਯੇ ਹਿਰੀ ਹੋਤਿ? ਯਂ ਤਸ੍ਮਿਂ ਸਮਯੇ ਹਿਰੀਯਤਿ ਹਿਰਿਯਿਤਬ੍ਬੇਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਅਯਂ ਤਸ੍ਮਿਂ ਸਮਯੇ ਹਿਰੀ ਹੋਤਿ.

੩੧੯. ਕਤਮਂ ਤਸ੍ਮਿਂ ਸਮਯੇ ਓਤ੍ਤਪ੍ਪਂ ਹੋਤਿ? ਯਂ ਤਸ੍ਮਿਂ ਸਮਯੇ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਓਤ੍ਤਪ੍ਪਂ ਹੋਤਿ.

੩੨੦. ਕਤਮਾ ¶ ਤਸ੍ਮਿਂ ਸਮਯੇ ਕਾਯਪਸ੍ਸਦ੍ਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਪਸ੍ਸਦ੍ਧਿ ਪਟਿਪਸ੍ਸਦ੍ਧਿ ਪਸ੍ਸਮ੍ਭਨਾ ਪਟਿਪਸ੍ਸਮ੍ਭਨਾ ਪਟਿਪਸ੍ਸਮ੍ਭਿਤਤ੍ਤਂ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ¶ – ਅਯਂ ਤਸ੍ਮਿਂ ਸਮਯੇ ਕਾਯਪਸ੍ਸਦ੍ਧਿ ਹੋਤਿ.

੩੨੧. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਪਸ੍ਸਦ੍ਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ¶ ਪਸ੍ਸਦ੍ਧਿ ਪਟਿਪਸ੍ਸਦ੍ਧਿ ਪਸ੍ਸਮ੍ਭਨਾ ਪਟਿਪਸ੍ਸਮ੍ਭਨਾ ਪਟਿਪਸ੍ਸਮ੍ਭਿਤਤ੍ਤਂ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਪਸ੍ਸਦ੍ਧਿ ਹੋਤਿ.

੩੨੨. ਕਤਮਾ ਤਸ੍ਮਿਂ ਸਮਯੇ ਕਾਯਲਹੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਅਯਂ ਤਸ੍ਮਿਂ ਸਮਯੇ ਕਾਯਲਹੁਤਾ ਹੋਤਿ.

੩੨੩. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਲਹੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਲਹੁਤਾ ਲਹੁਪਰਿਣਾਮਤਾ ¶ ਅਦਨ੍ਧਨਤਾ ਅਵਿਤ੍ਥਨਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਲਹੁਤਾ ਹੋਤਿ.

੩੨੪. ਕਤਮਾ ਤਸ੍ਮਿਂ ਸਮਯੇ ਕਾਯਮੁਦੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਅਯਂ ਤਸ੍ਮਿਂ ਸਮਯੇ ਕਾਯਮੁਦੁਤਾ ਹੋਤਿ.

੩੨੫. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਮੁਦੁਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਮੁਦੁਤਾ ਹੋਤਿ.

੩੨੬. ਕਤਮਾ ਤਸ੍ਮਿਂ ਸਮਯੇ ਕਾਯਕਮ੍ਮਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ¶ ਕਮ੍ਮਞ੍ਞਭਾਵੋ – ਅਯਂ ਤਸ੍ਮਿਂ ਸਮਯੇ ਕਾਯਕਮ੍ਮਞ੍ਞਤਾ ਹੋਤਿ.

੩੨੭. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਕਮ੍ਮਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਕਮ੍ਮਞ੍ਞਤਾ ਹੋਤਿ.

੩੨੮. ਕਤਮਾ ¶ ਤਸ੍ਮਿਂ ਸਮਯੇ ਕਾਯਪਾਗੁਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਪਗੁਣਤਾ ਪਗੁਣਤ੍ਤਂ ਪਗੁਣਭਾਵੋ – ਅਯਂ ਤਸ੍ਮਿਂ ਸਮਯੇ ਕਾਯਪਾਗੁਞ੍ਞਤਾ ਹੋਤਿ.

੩੨੯. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤਪਾਗੁਞ੍ਞਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਪਗੁਣਤਾ ਪਗੁਣਤ੍ਤਂ ਪਗੁਣਭਾਵੋ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਪਾਗੁਞ੍ਞਤਾ ਹੋਤਿ.

੩੩੦. ਕਤਮਾ ਤਸ੍ਮਿਂ ਸਮਯੇ ਕਾਯੁਜੁਕਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵੇਦਨਾਕ੍ਖਨ੍ਧਸ੍ਸ ਸਞ੍ਞਾਕ੍ਖਨ੍ਧਸ੍ਸ ਸਙ੍ਖਾਰਕ੍ਖਨ੍ਧਸ੍ਸ ਉਜੁਤਾ ਉਜੁਕਤਾ ਅਜਿਮ੍ਹਤਾ ਅਵਙ੍ਕਤਾ ਅਕੁਟਿਲਤਾ – ਅਯਂ ਤਸ੍ਮਿਂ ਸਮਯੇ ਕਾਯੁਜੁਕਤਾ ਹੋਤਿ.

੩੩੧. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤੁਜੁਕਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਵਿਞ੍ਞਾਣਕ੍ਖਨ੍ਧਸ੍ਸ ਉਜੁਤਾ ਉਜੁਕਤਾ ਅਜਿਮ੍ਹਤਾ ਅਵਙ੍ਕਤਾ ਅਕੁਟਿਲਤਾ – ਅਯਂ ਤਸ੍ਮਿਂ ਸਮਯੇ ਚਿਤ੍ਤੁਜੁਕਤਾ ਹੋਤਿ.

੩੩੨. ਕਤਮਾ ਤਸ੍ਮਿਂ ਸਮਯੇ ਸਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸ੍ਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ¶ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਤਿ ਹੋਤਿ.

੩੩੩. ਕਤਮਂ ¶ ਤਸ੍ਮਿਂ ਸਮਯੇ ਸਮ੍ਪਜਞ੍ਞਂ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਸਮ੍ਪਜਞ੍ਞਂ ਹੋਤਿ.

੩੩੪. ਕਤਮੋ ਤਸ੍ਮਿਂ ਸਮਯੇ ਸਮਥੋ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਸਮਥੋ ਹੋਤਿ.

੩੩੫. ਕਤਮਾ ¶ ਤਸ੍ਮਿਂ ਸਮਯੇ ਵਿਪਸ੍ਸਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਪਞ੍ਞਾ ਪਜਾਨਨਾ ਵਿਚਯੋ ¶ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ¶ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਵਿਪਸ੍ਸਨਾ ਹੋਤਿ.

੩੩੬. ਕਤਮੋ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਸਮ੍ਮਾਵਾਯਾਮੋ ਵੀਰਿਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ.

੩੩੭. ਕਤਮੋ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਸਮ੍ਮਾਸਮਾਧਿ ਸਮਾਧਿਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਨਵਿਨ੍ਦ੍ਰਿਯਾਨਿ ਹੋਨ੍ਤਿ, ਪਞ੍ਚਙ੍ਗਿਕਂ ਝਾਨਂ ਹੋਤਿ, ਅਟ੍ਠਙ੍ਗਿਕੋ ਮਗ੍ਗੋ ਹੋਤਿ, ਸਤ੍ਤ ਬਲਾਨਿ ਹੋਨ੍ਤਿ, ਤਯੋ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ, ਏਕਾ ਵੇਦਨਾ ਹੋਤਿ, ਏਕਾ ਸਞ੍ਞਾ ਹੋਤਿ, ਏਕਾ ਚੇਤਨਾ ਹੋਤਿ, ਏਕਂ ਚਿਤ੍ਤਂ ਹੋਤਿ, ਏਕੋ ਵੇਦਨਾਕ੍ਖਨ੍ਧੋ ¶ ਹੋਤਿ, ਏਕੋ ਸਞ੍ਞਾਕ੍ਖਨ੍ਧੋ ਹੋਤਿ, ਏਕੋ ਸਙ੍ਖਾਰਕ੍ਖਨ੍ਧੋ ਹੋਤਿ, ਏਕੋ ਵਿਞ੍ਞਾਣਕ੍ਖਨ੍ਧੋ ਹੋਤਿ, ਏਕਂ ਮਨਾਯਤਨਂ ਹੋਤਿ, ਏਕਂ ਮਨਿਨ੍ਦ੍ਰਿਯਂ ਹੋਤਿ, ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ…ਪੇ….

੩੩੮. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ¶ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ¶ ਜੀਵਿਤਿਨ੍ਦ੍ਰਿਯਂ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਪਞ੍ਞਾਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਮੋਹੋ ਅਨਭਿਜ੍ਝਾ ਅਬ੍ਯਾਪਾਦੋ ਸਮ੍ਮਾਦਿਟ੍ਠਿ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮ੍ਪਜਞ੍ਞਂ ਸਮਥੋ ਵਿਪਸ੍ਸਨਾ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੩੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ¶ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੨. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ¶ ਵਿਤਕ੍ਕਵਿਚਾਰਾਨਂ ਵੂਪਸਮਾ ¶ …ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਸੁਦ੍ਧਿਕਪਟਿਪਦਾ.

ਸੁਞ੍ਞਤਂ

੩੪੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ¶ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ¶ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਸੁਞ੍ਞਤਂ.

ਸੁਞ੍ਞਤਮੂਲਕਪਟਿਪਦਾ

੩੪੫. ਕਤਮੇ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੬. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੭. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ¶ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੪੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ¶ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ…ਪੇ… ਸੁਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਸੁਞ੍ਞਤਮੂਲਕਪਟਿਪਦਾ.

ਅਪ੍ਪਣਿਹਿਤਂ

੩੫੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ¶ ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਪ੍ਪਣਿਹਿਤਂ.

ਅਪ੍ਪਣਿਹਿਤਮੂਲਕਪਟਿਪਦਾ

੩੫੨. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੪. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੫. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੬. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ¶ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ…ਪੇ… ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ¶ ਅਪ੍ਪਣਿਹਿਤਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਪ੍ਪਣਿਹਿਤਮੂਲਕਪਟਿਪਦਾ.

ਵੀਸਤਿ ਮਹਾਨਯਾ

੩੫੭. ਕਤਮੇ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਮਗ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਤਿਪਟ੍ਠਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮ੍ਮਪ੍ਪਧਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਦ੍ਧਿਪਾਦਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਨ੍ਦ੍ਰਿਯਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬਲਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬੋਜ੍ਝਙ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਚ੍ਚਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮਥਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਮ੍ਮਂ ਭਾਵੇਤਿ…ਪੇ… ਲੋਕੁਤ੍ਤਰਂ ਖਨ੍ਧਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਯਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਾਤੁਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਹਾਰਂ ਭਾਵੇਤਿ…ਪੇ… ਲੋਕੁਤ੍ਤਰਂ ਫਸ੍ਸਂ ਭਾਵੇਤਿ…ਪੇ… ਲੋਕੁਤ੍ਤਰਂ ਵੇਦਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਞ੍ਞਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚੇਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚਿਤ੍ਤਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਵੀਸਤਿ ਮਹਾਨਯਾ.

ਅਧਿਪਤਿ

੩੫੮. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੫੯. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ¶ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ ¶ …ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

੩੬੦. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਮਗ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਤਿਪਟ੍ਠਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮ੍ਮਪ੍ਪਧਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਦ੍ਧਿਪਾਦਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਨ੍ਦ੍ਰਿਯਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬਲਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬੋਜ੍ਝਙ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ¶ ਸਚ੍ਚਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮਥਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਮ੍ਮਂ ਭਾਵੇਤਿ…ਪੇ… ਲੋਕੁਤ੍ਤਰਂ ਖਨ੍ਧਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਯਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਾਤੁਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਹਾਰਂ ਭਾਵੇਤਿ…ਪੇ… ਲੋਕੁਤ੍ਤਰਂ ਫਸ੍ਸਂ ਭਾਵੇਤਿ…ਪੇ… ਲੋਕੁਤ੍ਤਰਂ ਵੇਦਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਞ੍ਞਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚੇਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚਿਤ੍ਤਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ¶ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਅਧਿਪਤਿ.

ਪਠਮੋ ਮਗ੍ਗੋ.

੩੬੧. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਕਾਮਰਾਗਬ੍ਯਾਪਾਦਾਨਂ ਤਨੁਭਾਵਾਯ ਦੁਤਿਯਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਦੁਤਿਯੋ ਮਗ੍ਗੋ.

੩੬੨. ਕਤਮੇ ¶ ¶ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਕਾਮਰਾਗਬ੍ਯਾਪਾਦਾਨਂ ਅਨਵਸੇਸਪ੍ਪਹਾਨਾਯ ਤਤਿਯਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ.

ਤਤਿਯੋ ਮਗ੍ਗੋ.

੩੬੩. ਕਤਮੇ ਧਮ੍ਮਾ ਕੁਸਲਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਰੂਪਰਾਗਅਰੂਪਰਾਗਮਾਨਉਦ੍ਧਚ੍ਚਅਵਿਜ੍ਜਾਯ ਅਨਵਸੇਸਪ੍ਪਹਾਨਾਯ ਚਤੁਤ੍ਥਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ¶ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ…ਪੇ….

੩੬੪. ਕਤਮਂ ਤਸ੍ਮਿਂ ਸਮਯੇ ਅਞ੍ਞਿਨ੍ਦ੍ਰਿਯਂ ਹੋਤਿ? ਯਾ ਤੇਸਂ ਧਮ੍ਮਾਨਂ ਞਾਤਾਨਂ ਦਿਟ੍ਠਾਨਂ ਪਤ੍ਤਾਨਂ ਵਿਦਿਤਾਨਂ ਸਚ੍ਛਿਕਤਾਨਂ ਸਚ੍ਛਿਕਿਰਿਯਾਯ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ¶ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ, ਇਦਂ ਤਸ੍ਮਿਂ ਸਮਯੇ ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਕੁਸਲਾ.

ਚਤੁਤ੍ਥੋ ਮਗ੍ਗੋ.

ਲੋਕੁਤ੍ਤਰਂ ਚਿਤ੍ਤਂ.

ਦ੍ਵਾਦਸ ਅਕੁਸਲਾਨਿ

੩੬੫. ਕਤਮੇ ¶ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਦਿਟ੍ਠਿ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ¶ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਲੋਭੋ ਹੋਤਿ, ਮੋਹੋ ਹੋਤਿ, ਅਭਿਜ੍ਝਾ ਹੋਤਿ, ਮਿਚ੍ਛਾਦਿਟ੍ਠਿ ਹੋਤਿ, ਅਹਿਰਿਕਂ ਹੋਤਿ ¶ , ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ ¶ ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

੩੬੬. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੩੬੭. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੩੬੮. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੩੬੯. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੩੭੦. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ¶ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੩੭੧. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਮਿਚ੍ਛਾਸਙ੍ਕਪ੍ਪੋ ¶ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੩੭੨. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ¶ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੩੭੩. ਕਤਮਾ ¶ ਤਸ੍ਮਿਂ ਸਮਯੇ ਪੀਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਪੀਤਿ ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ ਵਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਪੀਤਿ ਹੋਤਿ.

੩੭੪. ਕਤਮਂ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੩੭੫. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੩੭੬. ਕਤਮਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਮਿਚ੍ਛਾਵਾਯਾਮੋ – ਇਦਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ.

੩੭੭. ਕਤਮਂ ¶ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ¶ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਇਦਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ?

੩੭੮. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੩੭੯. ਕਤਮਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ.

੩੮੦. ਕਤਮਂ ¶ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ¶ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ.

੩੮੧. ਕਤਮਾ ਤਸ੍ਮਿਂ ਸਮਯੇ ਮਿਚ੍ਛਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ [ਪਟਿਗ੍ਗਾਹੋ (ਸੀ. ਸ੍ਯਾ.)] ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ [ਵਿਪਰਿਯੇਸਗਾਹੋ (ਕ.)] – ਅਯਂ ਤਸ੍ਮਿਂ ਸਮਯੇ ਮਿਚ੍ਛਾਦਿਟ੍ਠਿ ਹੋਤਿ.

੩੮੨. ਕਤਮੋ ਤਸ੍ਮਿਂ ਸਮਯੇ ਮਿਚ੍ਛਾਸਙ੍ਕਪ੍ਪੋ ਹੋਤਿ? ਯੋ ਤਸ੍ਮਿਂ ਸਮਯੇ ¶ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ ਮਿਚ੍ਛਾਸਙ੍ਕਪ੍ਪੋ – ਅਯਂ ਤਸ੍ਮਿਂ ਸਮਯੇ ਮਿਚ੍ਛਾਸਙ੍ਕਪ੍ਪੋ ਹੋਤਿ.

੩੮੩. ਕਤਮੋ ਤਸ੍ਮਿਂ ਸਮਯੇ ਮਿਚ੍ਛਾਵਾਯਾਮੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ¶ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਮਿਚ੍ਛਾਵਾਯਾਮੋ – ਅਯਂ ਤਸ੍ਮਿਂ ਸਮਯੇ ਮਿਚ੍ਛਾਵਾਯਾਮੋ ਹੋਤਿ.

੩੮੪. ਕਤਮੋ ਤਸ੍ਮਿਂ ਸਮਯੇ ਮਿਚ੍ਛਾਸਮਾਧਿ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਮਿਚ੍ਛਾਸਮਾਧਿ ਹੋਤਿ.

੩੮੫. ਕਤਮਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਮਿਚ੍ਛਾਵਾਯਾਮੋ – ਇਦਂ ਤਸ੍ਮਿਂ ਸਮਯੇ ਵੀਰਿਯਬਲਂ ਹੋਤਿ.

੩੮੬. ਕਤਮਂ ¶ ਤਸ੍ਮਿਂ ਸਮਯੇ ਸਮਾਧਿਬਲਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਇਦਂ ਤਸ੍ਮਿਂ ¶ ਸਮਯੇ ਸਮਾਧਿਬਲਂ ਹੋਤਿ.

੩੮੭. ਕਤਮਂ ਤਸ੍ਮਿਂ ਸਮਯੇ ਅਹਿਰਿਕਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਨ ਹਿਰੀਯਤਿ ਹਿਰਿਯਿਤਬ੍ਬੇਨ ਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਅਹਿਰਿਕਬਲਂ ਹੋਤਿ.

੩੮੮. ਕਤਮਂ ਤਸ੍ਮਿਂ ਸਮਯੇ ਅਨੋਤ੍ਤਪ੍ਪਬਲਂ ਹੋਤਿ? ਯਂ ਤਸ੍ਮਿਂ ਸਮਯੇ ਨ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਅਨੋਤ੍ਤਪ੍ਪਬਲਂ ਹੋਤਿ.

੩੮੯. ਕਤਮੋ ਤਸ੍ਮਿਂ ਸਮਯੇ ਲੋਭੋ ਹੋਤਿ? ਯੋ ¶ ਤਸ੍ਮਿਂ ਸਮਯੇ ਲੋਭੋ ਲੁਬ੍ਭਨਾ ਲੁਬ੍ਭਿਤਤ੍ਤਂ ਸਾਰਾਗੋ ਸਾਰਜ੍ਜਨਾ ਸਾਰਜ੍ਜਿਤਤ੍ਤਂ ਅਭਿਜ੍ਝਾ ਲੋਭੋ ਅਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਲੋਭੋ ਹੋਤਿ.

੩੯੦. ਕਤਮੋ ¶ ਤਸ੍ਮਿਂ ਸਮਯੇ ਮੋਹੋ ਹੋਤਿ? ਯਂ ਤਸ੍ਮਿਂ ਸਮਯੇ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਨਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ਮੋਹੋ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਮੋਹੋ ਹੋਤਿ.

੩੯੧. ਕਤਮਾ ਤਸ੍ਮਿਂ ਸਮਯੇ ਅਭਿਜ੍ਝਾ ਹੋਤਿ? ਯੋ ਤਸ੍ਮਿਂ ਸਮਯੇ ਲੋਭੋ ਲੁਬ੍ਭਨਾ ਲੁਬ੍ਭਿਤਤ੍ਤਂ ਸਾਰਾਗੋ ਸਾਰਜ੍ਜਨਾ ਸਾਰਜ੍ਜਿਤਤ੍ਤਂ ਅਭਿਜ੍ਝਾ ਲੋਭੋ ਅਕੁਸਲਮੂਲਂ – ਅਯਂ ਤਸ੍ਮਿਂ ਸਮਯੇ ਅਭਿਜ੍ਝਾ ਹੋਤਿ.

੩੯੨. ਕਤਮਾ ਤਸ੍ਮਿਂ ਸਮਯੇ ਮਿਚ੍ਛਾਦਿਟ੍ਠਿ ਹੋਤਿ? ਯਾ ਤਸ੍ਮਿਂ ਸਮਯੇ ¶ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ¶ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਤਸ੍ਮਿਂ ਸਮਯੇ ਮਿਚ੍ਛਾਦਿਟ੍ਠਿ ਹੋਤਿ.

੩੯੩. ਕਤਮਂ ਤਸ੍ਮਿਂ ਸਮਯੇ ਅਹਿਰਿਕਂ ਹੋਤਿ? ਯਂ ਤਸ੍ਮਿਂ ਸਮਯੇ ਨ ਹਿਰੀਯਤਿ ਹਿਰਿਯਿਤਬ੍ਬੇਨ ਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਅਹਿਰਿਕਂ ਹੋਤਿ.

੩੯੪. ਕਤਮਂ ਤਸ੍ਮਿਂ ਸਮਯੇ ਅਨੋਤ੍ਤਪ੍ਪਂ ਹੋਤਿ? ਯਂ ਤਸ੍ਮਿਂ ਸਮਯੇ ਨ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ ਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਤਸ੍ਮਿਂ ਸਮਯੇ ਅਨੋਤ੍ਤਪ੍ਪਂ ਹੋਤਿ.

੩੯੫. ਕਤਮੋ ਤਸ੍ਮਿਂ ਸਮਯੇ ਸਮਥੋ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਸਮਥੋ ਹੋਤਿ.

੩੯੬. ਕਤਮੋ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ¶ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ ਮਿਚ੍ਛਾਵਾਯਾਮੋ – ਅਯਂ ਤਸ੍ਮਿਂ ਸਮਯੇ ਪਗ੍ਗਾਹੋ ਹੋਤਿ.

੩੯੭. ਕਤਮੋ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ? ਯਾ ਤਸ੍ਮਿਂ ਸਮਯੇ ¶ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ ਮਿਚ੍ਛਾਸਮਾਧਿ – ਅਯਂ ਤਸ੍ਮਿਂ ਸਮਯੇ ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਪਞ੍ਚਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ¶ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੩੯੮. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਦਿਟ੍ਠਿ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਲੋਭੋ ਮੋਹੋ ਅਭਿਜ੍ਝਾ ਮਿਚ੍ਛਾਦਿਟ੍ਠਿ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ¶ ਧਮ੍ਮਾ ਅਕੁਸਲਾ.

੩੯੯. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੦੦. ਕਤਮੇ ¶ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਲੋਭੋ ਹੋਤਿ, ਮੋਹੋ ਹੋਤਿ, ਅਭਿਜ੍ਝਾ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ¶ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ ¶ , ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਪਞ੍ਚਙ੍ਗਿਕਂ ਝਾਨਂ ਹੋਤਿ, ਤਿਵਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ¶ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੦੧. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਲੋਭੋ ਮੋਹੋ ਅਭਿਜ੍ਝਾ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੦੨. ਕਤਮੇ ¶ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੦੩. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ¶ ਹੋਤਿ ਉਪੇਕ੍ਖਾਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਦਿਟ੍ਠਿ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਲੋਭੋ ਹੋਤਿ, ਮੋਹੋ ਹੋਤਿ, ਅਭਿਜ੍ਝਾ ਹੋਤਿ, ਮਿਚ੍ਛਾਦਿਟ੍ਠਿ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

੪੦੪. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੦੫. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ¶ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ…ਪੇ….

੪੦੬. ਕਤਮਾ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ¶ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ…ਪੇ….

੪੦੭. ਕਤਮਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ¶ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਚਤੁਰਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੦੮. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਦਿਟ੍ਠਿ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਲੋਭੋ ਮੋਹੋ ਅਭਿਜ੍ਝਾ ਮਿਚ੍ਛਾਦਿਟ੍ਠਿ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ ¶ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੦੯. ਕਤਮੇ ¶ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੧੦. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ ¶ , ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਲੋਭੋ ਹੋਤਿ, ਮੋਹੋ ਹੋਤਿ, ਅਭਿਜ੍ਝਾ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

ਤਸ੍ਮਿਂ ¶ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ ¶ , ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਤਿਵਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੧੧. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਲੋਭੋ ਮੋਹੋ ਅਭਿਜ੍ਝਾ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ¶ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੧੨. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੧੩. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ¶ ਹੋਤਿ ਦੋਮਨਸ੍ਸਸਹਗਤਂ ਪਟਿਘਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਦੁਕ੍ਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਦੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਦੋਸੋ ਹੋਤਿ, ਮੋਹੋ ਹੋਤਿ, ਬ੍ਯਾਪਾਦੋ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ਵਾ ਪਨ ਤਸ੍ਮਿਂ ¶ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

੪੧੪. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੧੫. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਅਸਾਤਂ ਚੇਤਸਿਕਂ ਦੁਕ੍ਖਂ ਚੇਤੋਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ…ਪੇ….

੪੧੬. ਕਤਮਂ ਤਸ੍ਮਿਂ ਸਮਯੇ ਦੁਕ੍ਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਅਸਾਤਂ ਚੇਤਸਿਕਂ ਦੁਕ੍ਖਂ ਚੇਤੋਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ¶ ਚੇਤੋਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ¶ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਦੁਕ੍ਖਂ ਹੋਤਿ…ਪੇ….

੪੧੭. ਕਤਮਂ ਤਸ੍ਮਿਂ ਸਮਯੇ ਦੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਅਸਾਤਂ ਚੇਤਸਿਕਂ ਦੁਕ੍ਖਂ ਚੇਤੋਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਦੋਮਨਸ੍ਸਿਨ੍ਦ੍ਰਿਯਂ ਹੋਤਿ…ਪੇ….

੪੧੮. ਕਤਮੋ ਤਸ੍ਮਿਂ ਸਮਯੇ ਦੋਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਦੋਸੋ ਹੋਤਿ…ਪੇ….

੪੧੯. ਕਤਮੋ ਤਸ੍ਮਿਂ ਸਮਯੇ ਬ੍ਯਾਪਾਦੋ ਹੋਤਿ? ਯੋ ਤਸ੍ਮਿਂ ਸਮਯੇ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਬ੍ਯਾਪਾਦੋ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਤਿਵਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਦ੍ਵੇ ਹੇਤੂ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ ¶ , ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੨੦. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ¶ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਦੋਸੋ ਮੋਹੋ ਬ੍ਯਾਪਾਦੋ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੨੧. ਕਤਮੇ ¶ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਦੋਮਨਸ੍ਸਸਹਗਤਂ ਪਟਿਘਸਮ੍ਪਯੁਤ੍ਤਂ ਸਸਙ੍ਖਾਰੇਨ ਰੂਪਾਰਮ੍ਮਣਂ ਵਾ…ਪੇ… ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੨੨. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਵਿਚਿਕਿਚ੍ਛਾਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ¶ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਵੀਰਿਯਬਲਂ ਹੋਤਿ, ਅਹਿਰਿਕਬਲਂ ਹੋਤਿ, ਅਨੋਤ੍ਤਪ੍ਪਬਲਂ ਹੋਤਿ, ਵਿਚਿਕਿਚ੍ਛਾ ਹੋਤਿ, ਮੋਹੋ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਪਗ੍ਗਾਹੋ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

੪੨੩. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ….

੪੨੪. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ…ਪੇ….

੪੨੫. ਕਤਮਾ ਤਸ੍ਮਿਂ ਸਮਯੇ ਵਿਚਿਕਿਚ੍ਛਾ ਹੋਤਿ? ਯਾ ਤਸ੍ਮਿਂ ਸਮਯੇ ਕਙ੍ਖਾ ਕਙ੍ਖਾਯਨਾ ਕਙ੍ਖਾਯਿਤਤ੍ਤਂ ਵਿਮਤਿ ਵਿਚਿਕਿਚ੍ਛਾ ਦ੍ਵੇਲ਼੍ਹਕਂ ਦ੍ਵੇਧਾਪਥੋ ਸਂਸਯੋ ਅਨੇਕਂਸਗ੍ਗਾਹੋ ਆਸਪ੍ਪਨਾ ਪਰਿਸਪ੍ਪਨਾ ਅਪਰਿਯੋਗਾਹਨਾ ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਅਯਂ ਤਸ੍ਮਿਂ ਸਮਯੇ ਵਿਚਿਕਿਚ੍ਛਾ ਹੋਤਿ…ਪੇ… ¶ ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਚਤ੍ਤਾਰਿ ਇਨ੍ਦ੍ਰਿਯਾਨਿ ਹੋਨ੍ਤਿ ¶ , ਚਤੁਰਙ੍ਗਿਕਂ ਝਾਨਂ ਹੋਤਿ, ਦੁਵਙ੍ਗਿਕੋ ਮਗ੍ਗੋ ਹੋਤਿ, ਤੀਣਿ ਬਲਾਨਿ ਹੋਨ੍ਤਿ, ਏਕੋ ਹੇਤੁ ਹੋਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ ¶ , ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੨੬. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਵੀਰਿਯਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਵਿਚਿਕਿਚ੍ਛਾ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ ਪਗ੍ਗਾਹੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

੪੨੭. ਕਤਮੇ ਧਮ੍ਮਾ ਅਕੁਸਲਾ? ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਉਦ੍ਧਚ੍ਚਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ…ਪੇ… ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ, ਮਿਚ੍ਛਾਸਙ੍ਕਪ੍ਪੋ ਹੋਤਿ, ਮਿਚ੍ਛਾਵਾਯਾਮੋ ਹੋਤਿ, ਮਿਚ੍ਛਾਸਮਾਧਿ ਹੋਤਿ, ਵੀਰਿਯਬਲਂ ਹੋਤਿ, ਸਮਾਧਿਬਲਂ ਹੋਤਿ, ਅਹਿਰਿਕਬਲਂ ਹੋਤਿ ¶ , ਅਨੋਤ੍ਤਪ੍ਪਬਲਂ ਹੋਤਿ, ਉਦ੍ਧਚ੍ਚਂ ਹੋਤਿ, ਮੋਹੋ ਹੋਤਿ, ਅਹਿਰਿਕਂ ਹੋਤਿ, ਅਨੋਤ੍ਤਪ੍ਪਂ ਹੋਤਿ, ਸਮਥੋ ਹੋਤਿ, ਪਗ੍ਗਾਹੋ ਹੋਤਿ, ਅਵਿਕ੍ਖੇਪੋ ਹੋਤਿ; ਯੇ ¶ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

੪੨੮. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ….

੪੨੯. ਕਤਮਂ ਤਸ੍ਮਿਂ ਸਮਯੇ ਉਦ੍ਧਚ੍ਚਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਉਦ੍ਧਚ੍ਚਂ ਅਵੂਪਸਮੋ ਚੇਤਸੋ ਵਿਕ੍ਖੇਪੋ ਭਨ੍ਤਤ੍ਤਂ ਚਿਤ੍ਤਸ੍ਸ – ਇਦਂ ਤਸ੍ਮਿਂ ਸਮਯੇ ¶ ਉਦ੍ਧਚ੍ਚਂ ਹੋਤਿ ¶ …ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਚਤੁਰਙ੍ਗਿਕਂ ਝਾਨਂ ਹੋਤਿ, ਤਿਵਙ੍ਗਿਕੋ ਮਗ੍ਗੋ ਹੋਤਿ, ਚਤ੍ਤਾਰਿ ਬਲਾਨਿ ਹੋਨ੍ਤਿ, ਏਕੋ ਹੇਤੁ ਹੋਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਕੁਸਲਾ…ਪੇ….

੪੩੦. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਿਚ੍ਛਾਸਙ੍ਕਪ੍ਪੋ ਮਿਚ੍ਛਾਵਾਯਾਮੋ ਮਿਚ੍ਛਾਸਮਾਧਿ ਵੀਰਿਯਬਲਂ ਸਮਾਧਿਬਲਂ ਅਹਿਰਿਕਬਲਂ ਅਨੋਤ੍ਤਪ੍ਪਬਲਂ ਉਦ੍ਧਚ੍ਚਂ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ ਸਮਥੋ ¶ ਪਗ੍ਗਾਹੋ ਅਵਿਕ੍ਖੇਪੋ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਕੁਸਲਾ.

ਦ੍ਵਾਦਸ ਅਕੁਸਲਚਿਤ੍ਤਾਨਿ.

ਅਬ੍ਯਾਕਤਵਿਪਾਕੋ

ਕੁਸਲਵਿਪਾਕਪਞ੍ਚਵਿਞ੍ਞਾਣਾਨਿ

੪੩੧. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਚਕ੍ਖੁਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਰੂਪਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੪੩੨. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੩੩. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਚਕ੍ਖੁਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪੩੪. ਕਤਮਾ ¶ ¶ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਚਕ੍ਖੁਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੪੩੫. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਚਕ੍ਖੁਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੪੩੬. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਚਕ੍ਖੁਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੪੩੭. ਕਤਮਾ ¶ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ.

੪੩੮. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੪੩੯. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਚਕ੍ਖੁਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੪੪੦. ਕਤਮਂ ¶ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ¶ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ.

੪੪੧. ਕਤਮਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਚਕ੍ਖੁਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ¶ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੪੪੨. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ¶ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੪੪੩. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ¶ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਸੋਤਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਸਦ੍ਦਾਰਮ੍ਮਣਂ…ਪੇ… ਘਾਨਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਗਨ੍ਧਾਰਮ੍ਮਣਂ…ਪੇ… ਜਿਵ੍ਹਾਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਰਸਾਰਮ੍ਮਣਂ…ਪੇ… ਕਾਯਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਸੁਖਸਹਗਤਂ ਫੋਟ੍ਠਬ੍ਬਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੁਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੪੪੪. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੪੫. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਕਾਯਵਿਞ੍ਞਾਣਧਾਤੁਸਮ੍ਫਸ੍ਸਜਂ ਕਾਯਿਕਂ ਸਾਤਂ ਕਾਯਿਕਂ ਸੁਖਂ ਕਾਯਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪੪੬. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਕਾਯਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੪੪੭. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਕਾਯਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ¶ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੪੪੮. ਕਤਮਂ ¶ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਕਾਯਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੪੪੯. ਕਤਮਂ ¶ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਕਾਯਿਕਂ ਸਾਤਂ ਕਾਯਿਕਂ ਸੁਖਂ ਕਾਯਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੪੫੦. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੪੫੧. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਕਾਯਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੪੫੨. ਕਤਮਂ ¶ ਤਸ੍ਮਿਂ ਸਮਯੇ ਸੁਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਕਾਯਿਕਂ ਸਾਤਂ ਕਾਯਿਕਂ ਸੁਖਂ ਕਾਯਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਿਨ੍ਦ੍ਰਿਯਂ ਹੋਤਿ.

੪੫੩. ਕਤਮਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ¶ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਕਾਯਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੪੫੪. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ¶ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਕੁਸਲਵਿਪਾਕਾਨਿ ਪਞ੍ਚਵਿਞ੍ਞਾਣਾਨਿ.

ਕੁਸਲਵਿਪਾਕਮਨੋਧਾਤੁ

੪੫੫. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਾ ਮਨੋਧਾਤੁ ਉਪ੍ਪਨ੍ਨਾ ਹੋਤਿ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਫੋਟ੍ਠਬ੍ਬਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ ¶ , ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ ¶ , ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੪੫੬. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੫੭. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਧਾਤੁਸਮ੍ਫਸ੍ਸਜਂ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪੫੮. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੪੫੯. ਕਤਮਾ ¶ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੪੬੦. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੪੬੧. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ – ਅਯਂ ¶ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੪੬੨. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੪੬੩. ਕਤਮਾ ¶ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ? ਯਂ ¶ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ.

੪੬੪. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੪੬੫. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੪੬੬. ਕਤਮਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ.

੪੬੭. ਕਤਮਂ ¶ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ¶ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੪੬੮. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ¶ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਕੁਸਲਵਿਪਾਕਾ ਮਨੋਧਾਤੁ.

ਕੁਸਲਵਿਪਾਕਮਨੋਵਿਞ੍ਞਾਣਧਾਤੁਸੋਮਨਸ੍ਸਸਹਗਤਾ

੪੬੯. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਾ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਸੋਮਨਸ੍ਸਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ¶ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ¶ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੪੭੦. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੭੧. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪੭੨. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੪੭੩. ਕਤਮਾ ਤਸ੍ਮਿਂ ਸਮਯੇ ਚੇਤਨਾ ਹੋਤਿ. ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੪੭੪. ਕਤਮਂ ¶ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੪੭੫. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ¶ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੪੭੬. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੪੭੭. ਕਤਮਾ ਤਸ੍ਮਿਂ ਸਮਯੇ ਪੀਤਿ ਹੋਤਿ? ਯਾ ਤਸ੍ਮਿਂ ਸਮਯੇ ਪੀਤਿ ਪਾਮੋਜ੍ਜਂ ਆਮੋਦਨਾ ਪਮੋਦਨਾ ਹਾਸੋ ਪਹਾਸੋ ਵਿਤ੍ਤਿ ਓਦਗ੍ਯਂ ਅਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਤਸ੍ਮਿਂ ਸਮਯੇ ਪੀਤਿ ਹੋਤਿ.

੪੭੮. ਕਤਮਂ ¶ ¶ ਤਸ੍ਮਿਂ ਸਮਯੇ ਸੁਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੁਖਂ ਹੋਤਿ.

੪੭੯. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੪੮੦. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੪੮੧. ਕਤਮਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਸਾਤਂ ਚੇਤਸਿਕਂ ਸੁਖਂ ਚੇਤੋਸਮ੍ਫਸ੍ਸਜਂ ਸਾਤਂ ਸੁਖਂ ਵੇਦਯਿਤਂ ¶ ਚੇਤੋਸਮ੍ਫਸ੍ਸਜਾ ਸਾਤਾ ਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ.

੪੮੨. ਕਤਮਂ ¶ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੪੮੩. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ¶ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਕੁਸਲਵਿਪਾਕਾ ਮਨੋਵਿਞ੍ਞਾਣਧਾਤੁ ਸੋਮਨਸ੍ਸਸਹਗਤਾ.

ਕੁਸਲਵਿਪਾਕਮਨੋਵਿਞ੍ਞਾਣਧਾਤੁਉਪੇਕ੍ਖਾਸਹਗਤਾ

੪੮੪. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ¶ ਉਪਚਿਤਤ੍ਤਾ ਵਿਪਾਕਾ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੪੮੫. ਕਤਮੋ ¶ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੪੮੬. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਂ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ.

੪੮੭. ਕਤਮਾ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਸਞ੍ਞਾ ਸਞ੍ਜਾਨਨਾ ਸਞ੍ਜਾਨਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਸਞ੍ਞਾ ਹੋਤਿ.

੪੮੮. ਕਤਮਾ ¶ ਤਸ੍ਮਿਂ ਸਮਯੇ ਚੇਤਨਾ ਹੋਤਿ? ਯਾ ਤਸ੍ਮਿਂ ਸਮਯੇ ਤਜ੍ਜਾਮਨੋਵਿਞ੍ਞਾਣਧਾਤੁਸਮ੍ਫਸ੍ਸਜਾ ਚੇਤਨਾ ਸਞ੍ਚੇਤਨਾ ਚੇਤਯਿਤਤ੍ਤਂ – ਅਯਂ ¶ ਤਸ੍ਮਿਂ ਸਮਯੇ ਚੇਤਨਾ ਹੋਤਿ.

੪੮੯. ਕਤਮਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ? ਯਂ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਚਿਤ੍ਤਂ ਹੋਤਿ.

੪੯੦. ਕਤਮੋ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ? ਯੋ ਤਸ੍ਮਿਂ ਸਮਯੇ ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ ਅਪ੍ਪਨਾ ਬ੍ਯਪ੍ਪਨਾ ਚੇਤਸੋ ਅਭਿਨਿਰੋਪਨਾ – ਅਯਂ ਤਸ੍ਮਿਂ ਸਮਯੇ ਵਿਤਕ੍ਕੋ ਹੋਤਿ.

੪੯੧. ਕਤਮੋ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ? ਯੋ ਤਸ੍ਮਿਂ ਸਮਯੇ ਚਾਰੋ ਵਿਚਾਰੋ ਅਨੁਵਿਚਾਰੋ ਉਪਵਿਚਾਰੋ ਚਿਤ੍ਤਸ੍ਸ ਅਨੁਸਨ੍ਧਾਨਤਾ ਅਨੁਪੇਕ੍ਖਨਤਾ – ਅਯਂ ਤਸ੍ਮਿਂ ਸਮਯੇ ਵਿਚਾਰੋ ਹੋਤਿ.

੪੯੨. ਕਤਮਾ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਉਪੇਕ੍ਖਾ ਹੋਤਿ.

੪੯੩. ਕਤਮਾ ¶ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੪੯੪. ਕਤਮਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ? ਯਂ ¶ ਤਸ੍ਮਿਂ ਸਮਯੇ ਚਿਤ੍ਤਂ ਮਨੋ ਮਾਨਸਂ ਹਦਯਂ ਪਣ੍ਡਰਂ ਮਨੋ ਮਨਾਯਤਨਂ ਮਨਿਨ੍ਦ੍ਰਿਯਂ ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ ਤਜ੍ਜਾਮਨੋਵਿਞ੍ਞਾਣਧਾਤੁ – ਇਦਂ ਤਸ੍ਮਿਂ ਸਮਯੇ ਮਨਿਨ੍ਦ੍ਰਿਯਂ ਹੋਤਿ.

੪੯੫. ਕਤਮਂ ¶ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਚੇਤਸਿਕਂ ਨੇਵ ਸਾਤਂ ਨਾਸਾਤਂ ਚੇਤੋਸਮ੍ਫਸ੍ਸਜਂ ਅਦੁਕ੍ਖਮਸੁਖਂ ਵੇਦਯਿਤਂ ਚੇਤੋਸਮ੍ਫਸ੍ਸਜਾ ਅਦੁਕ੍ਖਮਸੁਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਉਪੇਕ੍ਖਿਨ੍ਦ੍ਰਿਯਂ ਹੋਤਿ.

੪੯੬. ਕਤਮਂ ¶ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ? ਯੋ ਤੇਸਂ ਅਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਸ੍ਮਿਂ ਸਮਯੇ ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੪੯੭. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ¶ ਧਮ੍ਮਾ ਅਬ੍ਯਾਕਤਾ.

ਕੁਸਲਵਿਪਾਕਾ ਉਪੇਕ੍ਖਾਸਹਗਤਾ ਮਨੋਵਿਞ੍ਞਾਣਧਾਤੁ.

ਅਟ੍ਠਮਹਾਵਿਪਾਕਾ

੪੯੮. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਾ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਸੋਮਨਸ੍ਸਸਹਗਤਾ ਞਾਣਸਮ੍ਪਯੁਤ੍ਤਾ…ਪੇ… ਸੋਮਨਸ੍ਸਸਹਗਤਾ ਞਾਣਸਮ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਸੋਮਨਸ੍ਸਸਹਗਤਾ ਞਾਣਵਿਪ੍ਪਯੁਤ੍ਤਾ…ਪੇ… ਸੋਮਨਸ੍ਸਸਹਗਤਾ ਞਾਣਵਿਪ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਾ ਞਾਣਸਮ੍ਪਯੁਤ੍ਤਾ…ਪੇ… ਉਪੇਕ੍ਖਾਸਹਗਤਾ ਞਾਣਸਮ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਾ ਞਾਣਵਿਪ੍ਪਯੁਤ੍ਤਾ…ਪੇ… ਉਪੇਕ੍ਖਾਸਹਗਤਾ ਞਾਣਵਿਪ੍ਪਯੁਤ੍ਤਾ ਸਸਙ੍ਖਾਰੇਨ ¶ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ ¶ …ਪੇ… ਇਮੇ ਧਮ੍ਮਾ ਅਬ੍ਯਾਕਤਾ…ਪੇ… ਅਲੋਭੋ ਅਬ੍ਯਾਕਤਮੂਲਂ…ਪੇ… ਅਦੋਸੋ ਅਬ੍ਯਾਕਤਮੂਲਂ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਟ੍ਠਮਹਾਵਿਪਾਕਾ.

ਰੂਪਾਵਚਰਵਿਪਾਕਾ

੪੯੯. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ¶ ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਸੁਖਸ੍ਸ ਚ ਪਹਾਨਾ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਰੂਪਾਵਚਰਵਿਪਾਕਾ.

ਅਰੂਪਾਵਚਰਵਿਪਾਕਾ

੫੦੧. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ਆਕਾਸਾਨਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ¶ ਧਮ੍ਮਾ ਕੁਸਲਾ. ਤਸ੍ਸੇਵ ਅਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ਆਕਾਸਾਨਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ¶ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਵਿਞ੍ਞਾਣਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਅਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਵਿਞ੍ਞਾਣਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੩. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ਆਕਿਞ੍ਚਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਅਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ¶ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ¶ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ਆਕਿਞ੍ਚਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੪. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਸਬ੍ਬਸੋ ¶ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਅਰੂਪਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਰੂਪਾਵਚਰਵਿਪਾਕਾ.

ਲੋਕੁਤ੍ਤਰਵਿਪਾਕ-ਪਠਮਮਗ੍ਗਵਿਪਾਕਾ

ਸੁਦ੍ਧਿਕਪਟਿਪਦਾ

੫੦੫. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ¶ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ¶ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੭. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ¶ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੮. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੦੯. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ¶ ਅਨਿਮਿਤ੍ਤਨ੍ਤਿ ¶ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਸੁਦ੍ਧਿਕਪਟਿਪਦਾ.

ਸੁਦ੍ਧਿਕਸੁਞ੍ਞਤਂ

੫੧੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੧. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ ਅਨਿਮਿਤ੍ਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ¶ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੩. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਨ੍ਤਿ ਕੁਸਲਂ…ਪੇ… ਸੁਞ੍ਞਤਨ੍ਤਿ ਵਿਪਾਕੋ…ਪੇ… ਸੁਞ੍ਞਤਨ੍ਤਿ ਕੁਸਲਂ…ਪੇ… ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਸੁਞ੍ਞਤਨ੍ਤਿ ਕੁਸਲਂ…ਪੇ… ਅਪ੍ਪਣਿਹਿਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਸੁਦ੍ਧਿਕਸੁਞ੍ਞਤਂ.

ਸੁਞ੍ਞਤਪਟਿਪਦਾ

੫੧੪. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੫. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ¶ …ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ¶ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ¶ ¶ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੭. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੧੮. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ¶ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ¶ …ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਸੁਞ੍ਞਤਪਟਿਪਦਾ.

ਸੁਦ੍ਧਿਕਅਪ੍ਪਣਿਹਿਤਂ

੫੧੯. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੦. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਨਿਮਿਤ੍ਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੧. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ¶ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ¶ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਅਪ੍ਪਣਿਹਿਤਨ੍ਤਿ ਵਿਪਾਕੋ…ਪੇ… ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ¶ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਸੁਞ੍ਞਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਸੁਦ੍ਧਿਕਅਪ੍ਪਣਿਹਿਤਂ.

ਅਪ੍ਪਣਿਹਿਤਪਟਿਪਦਾ

੫੨੩. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ¶ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੪. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ¶ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ¶ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੫. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ¶ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ¶ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੨੭. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ…ਪੇ… ਸੁਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਨਿਮਿਤ੍ਤਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਪ੍ਪਣਿਹਿਤਪਟਿਪਦਾ.

ਵੀਸਤਿ ਮਹਾਨਯਾ

੫੨੮. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਮਗ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਤਿਪਟ੍ਠਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮ੍ਮਪ੍ਪਧਾਨਂ ਭਾਵੇਤਿ…ਪੇ… ¶ ਲੋਕੁਤ੍ਤਰਂ ਇਦ੍ਧਿਪਾਦਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਨ੍ਦ੍ਰਿਯਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬਲਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬੋਜ੍ਝਙ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਚ੍ਚਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮਥਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਮ੍ਮਂ ਭਾਵੇਤਿ…ਪੇ… ਲੋਕੁਤ੍ਤਰਂ ਖਨ੍ਧਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਯਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਾਤੁਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਹਾਰਂ ਭਾਵੇਤਿ…ਪੇ… ਲੋਕੁਤ੍ਤਰਂ ਫਸ੍ਸਂ ਭਾਵੇਤਿ…ਪੇ… ਲੋਕੁਤ੍ਤਰਂ ਵੇਦਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਞ੍ਞਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚੇਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚਿਤ੍ਤਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ¶ …ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ…ਪੇ… ਅਨਿਮਿਤ੍ਤਂ ¶ …ਪੇ… ਅਪ੍ਪਣਿਹਿਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਵੀਸਤਿ ਮਹਾਨਯਾ.

ਛਨ੍ਦਾਧਿਪਤੇਯ੍ਯਸੁਦ੍ਧਿਕਪਟਿਪਦਾ

੫੨੯. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ¶ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੧. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ¶ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ¶ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੩. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ¶ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਛਨ੍ਦਾਧਿਪਤੇਯ੍ਯਸੁਦ੍ਧਿਕਪਟਿਪਦਾ.

ਛਨ੍ਦਾਧਿਪਤੇਯ੍ਯਸੁਦ੍ਧਿਕਸੁਞ੍ਞਤਾ

੫੩੪. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ¶ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੫. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੬. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ¶ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੭. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਅਨਿਮਿਤ੍ਤਂ ¶ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਛਨ੍ਦਾਧਿਪਤੇਯ੍ਯਸੁਦ੍ਧਿਕਸੁਞ੍ਞਤਾ.

੫੩੮. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੩੯. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ¶ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ¶ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੧. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ¶ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ¶ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ ¶ …ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ¶ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੩. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੪. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੫. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ¶ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ¶ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ ¶ …ਪੇ… ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ¶ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੭. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੮. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੪੯. ਕਤਮੇ ¶ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਂ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੫੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ¶ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੫੧. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਦਨ੍ਧਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ…ਪੇ… ਸੁਖਪਟਿਪਦਂ ¶ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਨਿਮਿਤ੍ਤਂ ਛਨ੍ਦਾਧਿਪਤੇਯ੍ਯਨ੍ਤਿ ¶ ਵਿਪਾਕੋ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਨ੍ਤਿ ਕੁਸਲਂ…ਪੇ… ਸੁਖਪਟਿਪਦਂ ਖਿਪ੍ਪਾਭਿਞ੍ਞਂ ਸੁਞ੍ਞਤਂ ਛਨ੍ਦਾਧਿਪਤੇਯ੍ਯਨ੍ਤਿ ਵਿਪਾਕੋ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ¶ ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੫੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਮਗ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਤਿਪਟ੍ਠਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮ੍ਮਪ੍ਪਧਾਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ¶ ਇਦ੍ਧਿਪਾਦਂ ਭਾਵੇਤਿ…ਪੇ… ਲੋਕੁਤ੍ਤਰਂ ਇਨ੍ਦ੍ਰਿਯਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬਲਂ ਭਾਵੇਤਿ…ਪੇ… ਲੋਕੁਤ੍ਤਰਂ ਬੋਜ੍ਝਙ੍ਗਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਚ੍ਚਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਮਥਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਮ੍ਮਂ ਭਾਵੇਤਿ…ਪੇ… ਲੋਕੁਤ੍ਤਰਂ ਖਨ੍ਧਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਯਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਧਾਤੁਂ ਭਾਵੇਤਿ…ਪੇ… ਲੋਕੁਤ੍ਤਰਂ ਆਹਾਰਂ ਭਾਵੇਤਿ…ਪੇ… ਲੋਕੁਤ੍ਤਰਂ ਫਸ੍ਸਂ ਭਾਵੇਤਿ…ਪੇ… ਲੋਕੁਤ੍ਤਰਂ ਵੇਦਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਸਞ੍ਞਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚੇਤਨਂ ਭਾਵੇਤਿ…ਪੇ… ਲੋਕੁਤ੍ਤਰਂ ਚਿਤ੍ਤਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਛਨ੍ਦਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ…ਪੇ… ਅਨਿਮਿਤ੍ਤਂ…ਪੇ… ਅਪ੍ਪਣਿਹਿਤਂ ਛਨ੍ਦਾਧਿਪਤੇਯ੍ਯਂ…ਪੇ… ਵੀਰਿਯਾਧਿਪਤੇਯ੍ਯਂ…ਪੇ… ਚਿਤ੍ਤਾਧਿਪਤੇਯ੍ਯਂ…ਪੇ… ਵੀਮਂਸਾਧਿਪਤੇਯ੍ਯਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਪਠਮਮਗ੍ਗਵਿਪਾਕੋ.

ਦੁਤਿਯਾਦਿਮਗ੍ਗਵਿਪਾਕੋ

੫੫੩. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਕਾਮਰਾਗਬ੍ਯਾਪਾਦਾਨਂ ¶ ਤਨੁਭਾਵਾਯ ਦੁਤਿਯਾਯ ¶ ਭੂਮਿਯਾ ਪਤ੍ਤਿਯਾ…ਪੇ… ਕਾਮਰਾ ਗਬ੍ਯਾਪਾਦਾਨਂ ¶ ¶ ਅਨਵਸੇਸਪ੍ਪਹਾਨਾਯ ਤਤਿਯਾਯ ਭੂਮਿਯਾ ਪਤ੍ਤਿਯਾ…ਪੇ… ਰੂਪਰਾਗਅਰੂਪਰਾਗਮਾਨਉਦ੍ਧਚ੍ਚਅਵਿਜ੍ਜਾਯ ਅਨਵਸੇਸਪ੍ਪਹਾਨਾਯ ਚਤੁਤ੍ਥਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਕੁਸਲਾ. ਤਸ੍ਸੇਵ ਲੋਕੁਤ੍ਤਰਸ੍ਸ ਕੁਸਲਸ੍ਸ ਝਾਨਸ੍ਸ ਕਤਤ੍ਤਾ ਭਾਵਿਤਤ੍ਤਾ ਵਿਪਾਕਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ ਸੁਞ੍ਞਤਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੫੫੪. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ….

੫੫੫. ਕਤਮਂ ਤਸ੍ਮਿਂ ਸਮਯੇ ਅਞ੍ਞਾਤਾਵਿਨ੍ਦ੍ਰਿਯਂ ਹੋਤਿ? ਯਾ ਤੇਸਂ ਅਞ੍ਞਾਤਾਵੀਨਂ ਧਮ੍ਮਾਨਂ ਅਞ੍ਞਾ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ¶ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਇਦਂ ਤਸ੍ਮਿਂ ਸਮਯੇ ਅਞ੍ਞਾਤਾਵਿਨ੍ਦ੍ਰਿਯਂ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਦੁਤਿਯਾਦਿਮਗ੍ਗਵਿਪਾਕੋ.

ਲੋਕੁਤ੍ਤਰਵਿਪਾਕੋ.

ਅਕੁਸਲਵਿਪਾਕਅਬ੍ਯਾਕਤਂ

ਅਕੁਸਲਵਿਪਾਕਪਞ੍ਚਵਿਞ੍ਞਾਣਾਨਿ

੫੫੬. ਕਤਮੇ ¶ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਚਕ੍ਖੁਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਰੂਪਾਰਮ੍ਮਣਂ…ਪੇ… ਸੋਤਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਸਦ੍ਦਾਰਮ੍ਮਣਂ…ਪੇ… ਘਾਨਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਗਨ੍ਧਾਰਮ੍ਮਣਂ ¶ …ਪੇ… ਜਿਵ੍ਹਾਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਰਸਾਰਮ੍ਮਣਂ…ਪੇ… ਕਾਯਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਦੁਕ੍ਖਸਹਗਤਂ ਫੋਟ੍ਠਬ੍ਬਾਰਮ੍ਮਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਦੁਕ੍ਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਦੁਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੫੫੭. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ.

੫੫੮. ਕਤਮਾ ਤਸ੍ਮਿਂ ਸਮਯੇ ਵੇਦਨਾ ਹੋਤਿ? ਯਂ ਤਸ੍ਮਿਂ ਸਮਯੇ ਤਜ੍ਜਾਕਾਯਵਿਞ੍ਞਾਣਧਾਤੁਸਮ੍ਫਸ੍ਸਜਂ ¶ ਕਾਯਿਕਂ ਅਸਾਤਂ ਕਾਯਿਕਂ ਦੁਕ੍ਖਂ ਕਾਯਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ਵੇਦਨਾ – ਅਯਂ ਤਸ੍ਮਿਂ ਸਮਯੇ ਵੇਦਨਾ ਹੋਤਿ…ਪੇ….

੫੫੯. ਕਤਮਂ ਤਸ੍ਮਿਂ ਸਮਯੇ ਦੁਕ੍ਖਂ ਹੋਤਿ? ਯਂ ਤਸ੍ਮਿਂ ਸਮਯੇ ਕਾਯਿਕਂ ਅਸਾਤਂ ਕਾਯਿਕਂ ਦੁਕ੍ਖਂ ਕਾਯਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ਵੇਦਨਾ – ਇਦਂ ਤਸ੍ਮਿਂ ਸਮਯੇ ਦੁਕ੍ਖਂ ਹੋਤਿ…ਪੇ….

੫੬੦. ਕਤਮਂ ਤਸ੍ਮਿਂ ਸਮਯੇ ਦੁਕ੍ਖਿਨ੍ਦ੍ਰਿਯਂ ਹੋਤਿ? ਯਂ ਤਸ੍ਮਿਂ ਸਮਯੇ ਕਾਯਿਕਂ ਅਸਾਤਂ ਕਾਯਿਕਂ ਦੁਕ੍ਖਂ ਕਾਯਸਮ੍ਫਸ੍ਸਜਂ ਅਸਾਤਂ ਦੁਕ੍ਖਂ ਵੇਦਯਿਤਂ ਕਾਯਸਮ੍ਫਸ੍ਸਜਾ ਅਸਾਤਾ ਦੁਕ੍ਖਾ ਵੇਦਨਾ ¶ – ਇਦਂ ਤਸ੍ਮਿਂ ਸਮਯੇ ਦੁਕ੍ਖਿਨ੍ਦ੍ਰਿਯਂ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ¶ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਕਾਯਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੬੧. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ¶ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਕੁਸਲਵਿਪਾਕਪਞ੍ਚਵਿਞ੍ਞਾਣਾਨਿ.

ਅਕੁਸਲਵਿਪਾਕਮਨੋਧਾਤੁ

੫੬੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਾ ਮਨੋਧਾਤੁ ਉਪ੍ਪਨ੍ਨਾ ਹੋਤਿ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਫੋਟ੍ਠਬ੍ਬਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ¶ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੬੩. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ ¶ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਕੁਸਲਵਿਪਾਕਾ ਮਨੋਧਾਤੁ.

ਅਕੁਸਲਵਿਪਾਕਮਨੋਵਿਞ੍ਞਾਣਧਾਤੁ

੫੬੪. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਾ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ ¶ , ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੬੫. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ¶ ਠਪੇਤ੍ਵਾ ¶ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਕੁਸਲਵਿਪਾਕਾ ਮਨੋਵਿਞ੍ਞਾਣਧਾਤੁ.

ਵਿਪਾਕਾ ਅਬ੍ਯਾਕਤਾ.

ਅਹੇਤੁਕਕਿਰਿਯਾਅਬ੍ਯਾਕਤਂ

ਕਿਰਿਯਾਮਨੋਧਾਤੁ

੫੬੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਮਨੋਧਾਤੁ ਉਪ੍ਪਨ੍ਨਾ ਹੋਤਿ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਫੋਟ੍ਠਬ੍ਬਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਤੀਣਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੬੭. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ¶ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ¶ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਕਿਰਿਯਾ ਮਨੋਧਾਤੁ.

ਕਿਰਿਯਾਮਨੋਵਿਞ੍ਞਾਣਧਾਤੁਸੋਮਨਸ੍ਸਸਹਗਤਾ

੫੬੮. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਕਿਰਿਯਾ ਨੇਵ ¶ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ ਸੋਮਨਸ੍ਸਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਪੀਤਿ ਹੋਤਿ, ਸੁਖਂ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ, ਮਨਿਨ੍ਦ੍ਰਿਯਂ ਹੋਤਿ, ਸੋਮਨਸ੍ਸਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

੫੬੯. ਕਤਮੋ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ? ਯੋ ਤਸ੍ਮਿਂ ਸਮਯੇ ਫਸ੍ਸੋ ਫੁਸਨਾ ਸਂਫੁਸਨਾ ਸਂਫੁਸਿਤਤ੍ਤਂ – ਅਯਂ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ….

੫੭੦. ਕਤਮਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ – ਅਯਂ ਤਸ੍ਮਿਂ ਸਮਯੇ ਚਿਤ੍ਤਸ੍ਸੇਕਗ੍ਗਤਾ ਹੋਤਿ.

੫੭੧. ਕਤਮਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ? ਯੋ ਤਸ੍ਮਿਂ ਸਮਯੇ ਚੇਤਸਿਕੋ ਵੀਰਿਯਾਰਮ੍ਭੋ ਨਿਕ੍ਕਮੋ ਪਰਕ੍ਕਮੋ ਉਯ੍ਯਾਮੋ ¶ ਵਾਯਾਮੋ ਉਸ੍ਸਾਹੋ ਉਸ੍ਸੋਲ਼੍ਹੀ ਥਾਮੋ ਧਿਤਿ ਅਸਿਥਿਲਪਰਕ੍ਕਮਤਾ ¶ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਧੁਰਸਮ੍ਪਗ੍ਗਾਹੋ ਵੀਰਿਯਂ ਵੀਰਿਯਿਨ੍ਦ੍ਰਿਯਂ ਵੀਰਿਯਬਲਂ – ਇਦਂ ਤਸ੍ਮਿਂ ਸਮਯੇ ਵੀਰਿਯਿਨ੍ਦ੍ਰਿਯਂ ਹੋਤਿ.

੫੭੨. ਕਤਮਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ? ਯਾ ਤਸ੍ਮਿਂ ਸਮਯੇ ਚਿਤ੍ਤਸ੍ਸ ਠਿਤਿ ਸਣ੍ਠਿਤਿ ਅਵਟ੍ਠਿਤਿ ਅਵਿਸਾਹਾਰੋ ਅਵਿਕ੍ਖੇਪੋ ਅਵਿਸਾਹਟਮਾਨਸਤਾ ਸਮਥੋ ਸਮਾਧਿਨ੍ਦ੍ਰਿਯਂ ਸਮਾਧਿਬਲਂ – ਇਦਂ ਤਸ੍ਮਿਂ ਸਮਯੇ ਸਮਾਧਿਨ੍ਦ੍ਰਿਯਂ ਹੋਤਿ…ਪੇ… ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ.

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ¶ ਫਸ੍ਸੋ ਹੋਤਿ…ਪੇ… ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੭੩. ਕਤਮੋ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਪੀਤਿ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ¶ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਕਿਰਿਯਾ ਮਨੋਵਿਞ੍ਞਾਣਧਾਤੁ ਸੋਮਨਸ੍ਸਸਹਗਤਾ.

ਕਿਰਿਯਾਮਨੋਵਿਞ੍ਞਾਣਧਾਤੁਉਪੇਕ੍ਖਾਸਹਗਤਾ

੫੭੪. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ ਉਪੇਕ੍ਖਾਸਹਗਤਾ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ ਹੋਤਿ, ਸਞ੍ਞਾ ਹੋਤਿ, ਚੇਤਨਾ ਹੋਤਿ, ਚਿਤ੍ਤਂ ਹੋਤਿ, ਵਿਤਕ੍ਕੋ ਹੋਤਿ, ਵਿਚਾਰੋ ਹੋਤਿ, ਉਪੇਕ੍ਖਾ ਹੋਤਿ, ਚਿਤ੍ਤਸ੍ਸੇਕਗ੍ਗਤਾ ¶ ਹੋਤਿ, ਵੀਰਿਯਿਨ੍ਦ੍ਰਿਯਂ ਹੋਤਿ, ਸਮਾਧਿਨ੍ਦ੍ਰਿਯਂ ਹੋਤਿ ਮਨਿਨ੍ਦ੍ਰਿਯਂ ਹੋਤਿ, ਉਪੇਕ੍ਖਿਨ੍ਦ੍ਰਿਯਂ ਹੋਤਿ, ਜੀਵਿਤਿਨ੍ਦ੍ਰਿਯਂ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

ਤਸ੍ਮਿਂ ਖੋ ਪਨ ਸਮਯੇ ਚਤ੍ਤਾਰੋ ਖਨ੍ਧਾ ਹੋਨ੍ਤਿ, ਦ੍ਵਾਯਤਨਾਨਿ ਹੋਨ੍ਤਿ, ਦ੍ਵੇ ਧਾਤੁਯੋ ਹੋਨ੍ਤਿ, ਤਯੋ ਆਹਾਰਾ ਹੋਨ੍ਤਿ, ਪਞ੍ਚਿਨ੍ਦ੍ਰਿਯਾਨਿ ਹੋਨ੍ਤਿ, ਏਕੋ ਫਸ੍ਸੋ ਹੋਤਿ…ਪੇ… ਏਕਾ ਮਨੋਵਿਞ੍ਞਾਣਧਾਤੁ ਹੋਤਿ, ਏਕਂ ਧਮ੍ਮਾਯਤਨਂ ਹੋਤਿ, ਏਕਾ ਧਮ੍ਮਧਾਤੁ ਹੋਤਿ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ – ਇਮੇ ਧਮ੍ਮਾ ਅਬ੍ਯਾਕਤਾ…ਪੇ….

੫੭੫. ਕਤਮੋ ¶ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ? ਫਸ੍ਸੋ ਚੇਤਨਾ ਵਿਤਕ੍ਕੋ ਵਿਚਾਰੋ ਚਿਤ੍ਤਸ੍ਸੇਕਗ੍ਗਤਾ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ; ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ ਠਪੇਤ੍ਵਾ ਵੇਦਨਾਕ੍ਖਨ੍ਧਂ ਠਪੇਤ੍ਵਾ ਸਞ੍ਞਾਕ੍ਖਨ੍ਧਂ ਠਪੇਤ੍ਵਾ ਵਿਞ੍ਞਾਣਕ੍ਖਨ੍ਧਂ – ਅਯਂ ਤਸ੍ਮਿਂ ਸਮਯੇ ਸਙ੍ਖਾਰਕ੍ਖਨ੍ਧੋ ਹੋਤਿ…ਪੇ… ਇਮੇ ¶ ਧਮ੍ਮਾ ਅਬ੍ਯਾਕਤਾ.

ਕਿਰਿਯਾ ਮਨੋਵਿਞ੍ਞਾਣਧਾਤੁ ਉਪੇਕ੍ਖਾਸਹਗਤਾ.

ਅਹੇਤੁਕਾ ਕਿਰਿਯਾ ਅਬ੍ਯਾਕਤਾ.

ਸਹੇਤੁਕਕਾਮਾਵਚਰਕਿਰਿਯਾ

੫੭੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਮਨੋਵਿਞ੍ਞਾਣਧਾਤੁ ਉਪ੍ਪਨ੍ਨਾ ਹੋਤਿ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ ਸੋਮਨਸ੍ਸਸਹਗਤਾ ਞਾਣਸਮ੍ਪਯੁਤ੍ਤਾ…ਪੇ… ਸੋਮਨਸ੍ਸਸਹਗਤਾ ਞਾਣਸਮ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਸੋਮਨਸ੍ਸਸਹਗਤਾ ਞਾਣਵਿਪ੍ਪਯੁਤ੍ਤਾ…ਪੇ… ਸੋਮਨਸ੍ਸਸਹਗਤਾ ਞਾਣਵਿਪ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਾ ਞਾਣਸਮ੍ਪਯੁਤ੍ਤਾ…ਪੇ… ਉਪੇਕ੍ਖਾਸਹਗਤਾ ਞਾਣਸਮ੍ਪਯੁਤ੍ਤਾ ਸਸਙ੍ਖਾਰੇਨ…ਪੇ… ਉਪੇਕ੍ਖਾਸਹਗਤਾ ਞਾਣਵਿਪ੍ਪਯੁਤ੍ਤਾ…ਪੇ… ਉਪੇਕ੍ਖਾਸਹਗਤਾ ਞਾਣਵਿਪ੍ਪਯੁਤ੍ਤਾ ਸਸਙ੍ਖਾਰੇਨ ਰੂਪਾਰਮ੍ਮਣਾ ਵਾ…ਪੇ… ਧਮ੍ਮਾਰਮ੍ਮਣਾ ਵਾ ਯਂ ਯਂ ਵਾ ਪਨਾਰਬ੍ਭ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ ¶ …ਪੇ… ਇਮੇ ਧਮ੍ਮਾ ਅਬ੍ਯਾਕਤਾ…ਪੇ… ਅਲੋਭੋ ਅਬ੍ਯਾਕਤਮੂਲਂ…ਪੇ… ਅਦੋਸੋ ਅਬ੍ਯਾਕਤਮੂਲਂ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਸਹੇਤੁਕਾ ਕਾਮਾਵਚਰਕਿਰਿਯਾ.

ਰੂਪਾਵਚਰਕਿਰਿਯਾ

੫੭੭. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ¶ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੭੮. ਕਤਮੇ ¶ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਵਿਤਕ੍ਕਵਿਚਾਰਾਨਂ ਵੂਪਸਮਾ…ਪੇ… ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ…ਪੇ… ਪਠਮਂ ਝਾਨਂ…ਪੇ… ਪਞ੍ਚਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣਂ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਰੂਪਾਵਚਰਕਿਰਿਯਾ.

ਅਰੂਪਾਵਚਰਕਿਰਿਯਾ

੫੭੯. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਸਬ੍ਬਸੋ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ਆਕਾਸਾਨਞ੍ਚਾਯਤਨਸਞ੍ਞਾਸਹਗਤਂ ¶ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੮੦. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ¶ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ਵਿਞ੍ਞਾਣਞ੍ਚਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ¶ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੮੧. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ਆਕਿਞ੍ਚਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ¶ , ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

੫੮੨. ਕਤਮੇ ਧਮ੍ਮਾ ਅਬ੍ਯਾਕਤਾ? ਯਸ੍ਮਿਂ ਸਮਯੇ ਅਰੂਪਾਵਚਰਂ ਝਾਨਂ ਭਾਵੇਤਿ ਕਿਰਿਯਂ ਨੇਵ ਕੁਸਲਂ ਨਾਕੁਸਲਂ ਨ ਚ ਕਮ੍ਮਵਿਪਾਕਂ ਦਿਟ੍ਠਧਮ੍ਮਸੁਖਵਿਹਾਰਂ ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਸਞ੍ਞਾਸਹਗਤਂ ਸੁਖਸ੍ਸ ਚ ਪਹਾਨਾ…ਪੇ… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ…ਪੇ… ਅਵਿਕ੍ਖੇਪੋ ਹੋਤਿ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ…ਪੇ… ਅਲੋਭੋ ਅਬ੍ਯਾਕਤਮੂਲਂ…ਪੇ… ਅਦੋਸੋ ਅਬ੍ਯਾਕਤਮੂਲਂ…ਪੇ… ਅਮੋਹੋ ਅਬ੍ਯਾਕਤਮੂਲਂ…ਪੇ… ਇਮੇ ਧਮ੍ਮਾ ਅਬ੍ਯਾਕਤਾ.

ਅਰੂਪਾਵਚਰਕਿਰਿਯਾ.

ਕਿਰਿਯਾ ਅਬ੍ਯਾਕਤਾ.

ਚਿਤ੍ਤੁਪ੍ਪਾਦਕਣ੍ਡਂ ਨਿਟ੍ਠਿਤਂ.

੨. ਰੂਪਕਣ੍ਡਂ

ਉਦ੍ਦੇਸੋ

੫੮੩. ਕਤਮੇ ¶ ¶ ¶ ਧਮ੍ਮਾ ਅਬ੍ਯਾਕਤਾ? ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ ਰੂਪਾਵਚਰਾ ਅਰੂਪਾਵਚਰਾ ਅਪਰਿਯਾਪਨ੍ਨਾ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ, ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਬ੍ਯਾਕਤਾ.

ਮਾਤਿਕਾ

ਏਕਕਂ

੫੮੪. ਤਤ੍ਥ ਕਤਮਂ ਸਬ੍ਬਂ ਰੂਪਂ? ਚਤ੍ਤਾਰੋ ਚ ਮਹਾਭੂਤਾ, ਚਤੁਨ੍ਨਞ੍ਚ ਮਹਾਭੂਤਾਨਂ ਉਪਾਦਾਯ ਰੂਪਂ – ਇਦਂ ਵੁਚ੍ਚਤਿ ਸਬ੍ਬਂ ਰੂਪਂ. ਸਬ੍ਬਂ ਰੂਪਂ ਨ ਹੇਤੁ, ਅਹੇਤੁਕਂ, ਹੇਤੁਵਿਪ੍ਪਯੁਤ੍ਤਂ, ਸਪ੍ਪਚ੍ਚਯਂ ¶ , ਸਙ੍ਖਤਂ, ਰੂਪਂ [ਰੂਪਿਯਂ (ਸੀ.)], ਲੋਕਿਯਂ, ਸਾਸਵਂ, ਸਂਯੋਜਨਿਯਂ, ਗਨ੍ਥਨਿਯਂ, ਓਘਨਿਯਂ, ਯੋਗਨਿਯਂ, ਨੀਵਰਣਿਯਂ, ਪਰਾਮਟ੍ਠਂ, ਉਪਾਦਾਨਿਯਂ, ਸਂਕਿਲੇਸਿਕਂ, ਅਬ੍ਯਾਕਤਂ, ਅਨਾਰਮ੍ਮਣਂ, ਅਚੇਤਸਿਕਂ, ਚਿਤ੍ਤਵਿਪ੍ਪਯੁਤ੍ਤਂ, ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ, ਅਸਂਕਿਲਿਟ੍ਠਸਂਕਿਲੇਸਿਕਂ, ਨ ਸਵਿਤਕ੍ਕਸਵਿਚਾਰਂ, ਨ ਅਵਿਤਕ੍ਕਵਿਚਾਰਮਤ੍ਤਂ, ਅਵਿਤਕ੍ਕਅਵਿਚਾਰਂ, ਨ ਪੀਤਿਸਹਗਤਂ, ਨ ਸੁਖਸਹਗਤਂ, ਨ ਉਪੇਕ੍ਖਾਸਹਗਤਂ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਂ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਂ, ਨੇਵ ਆਚਯਗਾਮਿ ਨ ਅਪਚਯਗਾਮਿ, ਨੇਵਸੇਕ੍ਖਨਾਸੇਕ੍ਖਂ, ਪਰਿਤ੍ਤਂ, ਕਾਮਾਵਚਰਂ, ਨ ਰੂਪਾਵਚਰਂ, ਨ ¶ ਅਰੂਪਾਵਚਰਂ, ਪਰਿਯਾਪਨ੍ਨਂ, ਨੋ ਅਪਰਿਯਾਪਨ੍ਨਂ, ਅਨਿਯਤਂ, ਅਨਿਯ੍ਯਾਨਿਕਂ, ਉਪ੍ਪਨ੍ਨਂ, ਛਹਿ ਵਿਞ੍ਞਾਣੇਹਿ ਵਿਞ੍ਞੇਯ੍ਯਂ, ਅਨਿਚ੍ਚਂ, ਜਰਾਭਿਭੂਤਂ.

ਏਵਂ ਏਕਵਿਧੇਨ ਰੂਪਸਙ੍ਗਹੋ.

ਏਕਕਂ.

ਦੁਕਂ

ਦੁਵਿਧੇਨ ¶ ¶ ਰੂਪਸਙ੍ਗਹੋ –

ਅਤ੍ਥਿ ਰੂਪਂ ਉਪਾਦਾ, ਅਤ੍ਥਿ ਰੂਪਂ ਨੋ ਉਪਾਦਾ.

ਅਤ੍ਥਿ ਰੂਪਂ ਉਪਾਦਿਣ੍ਣਂ, ਅਤ੍ਥਿ ਰੂਪਂ ਅਨੁਪਾਦਿਣ੍ਣਂ.

ਅਤ੍ਥਿ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਅਤ੍ਥਿ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ.

ਅਤ੍ਥਿ ਰੂਪਂ ਸਨਿਦਸ੍ਸਨਂ, ਅਤ੍ਥਿ ਰੂਪਂ ਅਨਿਦਸ੍ਸਨਂ.

ਅਤ੍ਥਿ ਰੂਪਂ ਸਪ੍ਪਟਿਘਂ, ਅਤ੍ਥਿ ਰੂਪਂ ਅਪ੍ਪਟਿਘਂ.

ਅਤ੍ਥਿ ਰੂਪਂ ਇਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਇਨ੍ਦ੍ਰਿਯਂ.

ਅਤ੍ਥਿ ਰੂਪਂ ਮਹਾਭੂਤਂ, ਅਤ੍ਥਿ ਰੂਪਂ ਨ ਮਹਾਭੂਤਂ.

ਅਤ੍ਥਿ ਰੂਪਂ ਵਿਞ੍ਞਤ੍ਤਿ, ਅਤ੍ਥਿ ਰੂਪਂ ਨ ਵਿਞ੍ਞਤ੍ਤਿ.

ਅਤ੍ਥਿ ਰੂਪਂ ਚਿਤ੍ਤਸਮੁਟ੍ਠਾਨਂ, ਅਤ੍ਥਿ ਰੂਪਂ ਨ ਚਿਤ੍ਤਸਮੁਟ੍ਠਾਨਂ.

ਅਤ੍ਥਿ ਰੂਪਂ ਚਿਤ੍ਤਸਹਭੁ, ਅਤ੍ਥਿ ਰੂਪਂ ਨ ਚਿਤ੍ਤਸਹਭੁ.

ਅਤ੍ਥਿ ਰੂਪਂ ਚਿਤ੍ਤਾਨੁਪਰਿਵਤ੍ਤਿ, ਅਤ੍ਥਿ ਰੂਪਂ ਨ ਚਿਤ੍ਤਾਨੁਪਰਿਵਤ੍ਤਿ.

ਅਤ੍ਥਿ ਰੂਪਂ ਅਜ੍ਝਤ੍ਤਿਕਂ, ਅਤ੍ਥਿ ਰੂਪਂ ਬਾਹਿਰਂ.

ਅਤ੍ਥਿ ਰੂਪਂ ਓਲ਼ਾਰਿਕਂ, ਅਤ੍ਥਿ ਰੂਪਂ ਸੁਖੁਮਂ.

ਅਤ੍ਥਿ ਰੂਪਂ ਦੂਰੇ, ਅਤ੍ਥਿ ਰੂਪਂ ਸਨ੍ਤਿਕੇ.

ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ, ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ. ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਜਾਯ ¶ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ, ਅਤ੍ਥਿ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ.

ਅਤ੍ਥਿ ਰੂਪਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ¶ ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਵਤ੍ਥੁ, ਅਤ੍ਥਿ ਰੂਪਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ. ਅਤ੍ਥਿ ਰੂਪਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ ¶ …ਪੇ… ਕਾਯਵਿਞ੍ਞਾਣਸ੍ਸ ਵਤ੍ਥੁ, ਅਤ੍ਥਿ ਰੂਪਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ.

ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ, ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਅਤ੍ਥਿ ਰੂਪਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ, ਅਤ੍ਥਿ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨਾਰਮ੍ਮਣਂ.

ਅਤ੍ਥਿ ਰੂਪਂ ਸੋਤਸਮ੍ਫਸ੍ਸਸ੍ਸ…ਪੇ… ¶ ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ, ਅਤ੍ਥਿ ਰੂਪਂ ਕਾਯਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਅਤ੍ਥਿ ਰੂਪਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ, ਅਤ੍ਥਿ ਰੂਪਂ ਕਾਯਵਿਞ੍ਞਾਣਸ੍ਸ ਨਾਰਮ੍ਮਣਂ.

ਅਤ੍ਥਿ ਰੂਪਂ ਚਕ੍ਖਾਯਤਨਂ, ਅਤ੍ਥਿ ਰੂਪਂ ਨ ਚਕ੍ਖਾਯਤਨਂ. ਅਤ੍ਥਿ ਰੂਪਂ ਸੋਤਾਯਤਨਂ…ਪੇ… ਘਾਨਾਯਤਨਂ…ਪੇ… ਜਿਵ੍ਹਾਯਤਨਂ…ਪੇ… ਕਾਯਾਯਤਨਂ, ਅਤ੍ਥਿ ਰੂਪਂ ਨ ਕਾਯਾਯਤਨਂ.

ਅਤ੍ਥਿ ਰੂਪਂ ਰੂਪਾਯਤਨਂ, ਅਤ੍ਥਿ ਰੂਪਂ ਨ ਰੂਪਾਯਤਨਂ. ਅਤ੍ਥਿ ਰੂਪਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ…ਪੇ… ਰਸਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ, ਅਤ੍ਥਿ ਰੂਪਂ ਨ ਫੋਟ੍ਠਬ੍ਬਾਯਤਨਂ.

ਅਤ੍ਥਿ ਰੂਪਂ ਚਕ੍ਖੁਧਾਤੁ, ਅਤ੍ਥਿ ਰੂਪਂ ਨ ਚਕ੍ਖੁਧਾਤੁ. ਅਤ੍ਥਿ ਰੂਪਂ ਸੋਤਧਾਤੁ…ਪੇ… ਘਾਨਧਾਤੁ…ਪੇ… ਜਿਵ੍ਹਾਧਾਤੁ…ਪੇ… ਕਾਯਧਾਤੁ, ਅਤ੍ਥਿ ਰੂਪਂ ਨ ਕਾਯਧਾਤੁ.

ਅਤ੍ਥਿ ਰੂਪਂ ਰੂਪਧਾਤੁ, ਅਤ੍ਥਿ ਰੂਪਂ ਨ ਰੂਪਧਾਤੁ. ਅਤ੍ਥਿ ਰੂਪਂ ਸਦ੍ਦਧਾਤੁ…ਪੇ… ਗਨ੍ਧਧਾਤੁ…ਪੇ… ਰਸਧਾਤੁ…ਪੇ… ਫੋਟ੍ਠਬ੍ਬਧਾਤੁ, ਅਤ੍ਥਿ ਰੂਪਂ ਨ ਫੋਟ੍ਠਬ੍ਬਧਾਤੁ.

ਅਤ੍ਥਿ ¶ ਰੂਪਂ ਚਕ੍ਖੁਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਚਕ੍ਖੁਨ੍ਦ੍ਰਿਯਂ. ਅਤ੍ਥਿ ਰੂਪਂ ਸੋਤਿਨ੍ਦ੍ਰਿਯਂ…ਪੇ… ਘਾਨਿਨ੍ਦ੍ਰਿਯਂ…ਪੇ… ਜਿਵ੍ਹਿਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਕਾਯਿਨ੍ਦ੍ਰਿਯਂ.

ਅਤ੍ਥਿ ਰੂਪਂ ਇਤ੍ਥਿਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਇਤ੍ਥਿਨ੍ਦ੍ਰਿਯਂ.

ਅਤ੍ਥਿ ਰੂਪਂ ਪੁਰਿਸਿਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਪੁਰਿਸਿਨ੍ਦ੍ਰਿਯਂ.

ਅਤ੍ਥਿ ਰੂਪਂ ਜੀਵਿਤਿਨ੍ਦ੍ਰਿਯਂ, ਅਤ੍ਥਿ ਰੂਪਂ ਨ ਜੀਵਿਤਿਨ੍ਦ੍ਰਿਯਂ.

ਅਤ੍ਥਿ ਰੂਪਂ ਕਾਯਵਿਞ੍ਞਤ੍ਤਿ, ਅਤ੍ਥਿ ਰੂਪਂ ਨ ਕਾਯਵਿਞ੍ਞਤ੍ਤਿ.

ਅਤ੍ਥਿ ਰੂਪਂ ਵਚੀਵਿਞ੍ਞਤ੍ਤਿ, ਅਤ੍ਥਿ ਰੂਪਂ ਨ ਵਚੀਵਿਞ੍ਞਤ੍ਤਿ.

ਅਤ੍ਥਿ ਰੂਪਂ ਆਕਾਸਧਾਤੁ, ਅਤ੍ਥਿ ਰੂਪਂ ਨ ਆਕਾਸਧਾਤੁ.

ਅਤ੍ਥਿ ਰੂਪਂ ¶ ਆਪੋਧਾਤੁ, ਅਤ੍ਥਿ ਰੂਪਂ ਨ ਆਪੋਧਾਤੁ.

ਅਤ੍ਥਿ ਰੂਪਂ ਰੂਪਸ੍ਸ ਲਹੁਤਾ, ਅਤ੍ਥਿ ਰੂਪਂ ਰੂਪਸ੍ਸ ਨ ਲਹੁਤਾ.

ਅਤ੍ਥਿ ਰੂਪਂ ਰੂਪਸ੍ਸ ਮੁਦੁਤਾ, ਅਤ੍ਥਿ ਰੂਪਂ ¶ ਰੂਪਸ੍ਸ ਨ ਮੁਦੁਤਾ.

ਅਤ੍ਥਿ ਰੂਪਂ ਰੂਪਸ੍ਸ ਕਮ੍ਮਞ੍ਞਤਾ, ਅਤ੍ਥਿ ਰੂਪਂ ਰੂਪਸ੍ਸ ਨ ਕਮ੍ਮਞ੍ਞਤਾ.

ਅਤ੍ਥਿ ਰੂਪਂ ਰੂਪਸ੍ਸ ਉਪਚਯੋ, ਅਤ੍ਥਿ ਰੂਪਂ ਰੂਪਸ੍ਸ ਨ ਉਪਚਯੋ.

ਅਤ੍ਥਿ ਰੂਪਂ ਰੂਪਸ੍ਸ ਸਨ੍ਤਤਿ, ਅਤ੍ਥਿ ਰੂਪਂ ਰੂਪਸ੍ਸ ਨ ਸਨ੍ਤਤਿ.

ਅਤ੍ਥਿ ¶ ਰੂਪਂ ਰੂਪਸ੍ਸ ਜਰਤਾ, ਅਤ੍ਥਿ ਰੂਪਂ ਰੂਪਸ੍ਸ ਨ ਜਰਤਾ.

ਅਤ੍ਥਿ ਰੂਪਂ ਰੂਪਸ੍ਸ ਅਨਿਚ੍ਚਤਾ, ਅਤ੍ਥਿ ਰੂਪਂ ਰੂਪਸ੍ਸ ਨ ਅਨਿਚ੍ਚਤਾ.

ਅਤ੍ਥਿ ਰੂਪਂ ਕਬਲ਼ੀਕਾਰੋ ਆਹਾਰੋ, ਅਤ੍ਥਿ ਰੂਪਂ ਨ ਕਬਲ਼ੀਕਾਰੋ ਆਹਾਰੋ.

ਏਵਂ ਦੁਵਿਧੇਨ ਰੂਪਸਙ੍ਗਹੋ.

ਦੁਕਂ.

ਤਿਕਂ

ਤਿਵਿਧੇਨ ¶ ਰੂਪਸਙ੍ਗਹੋ –

੫੮੫. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਉਪਾਦਾ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਉਪਾਦਾ, ਅਤ੍ਥਿ ਨੋ ਉਪਾਦਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਉਪਾਦਿਣ੍ਣਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਉਪਾਦਿਣ੍ਣਂ, ਅਤ੍ਥਿ ਅਨੁਪਾਦਿਣ੍ਣਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਉਪਾਦਿਣ੍ਣੁਪਾਦਾਨਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਂ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਨਿਦਸ੍ਸਨਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਸਨਿਦਸ੍ਸਨਂ, ਅਤ੍ਥਿ ਅਨਿਦਸ੍ਸਨਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਸਪ੍ਪਟਿਘਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਇਨ੍ਦ੍ਰਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਇਨ੍ਦ੍ਰਿਯਂ, ਅਤ੍ਥਿ ਨ ਇਨ੍ਦ੍ਰਿਯਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਮਹਾਭੂਤਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ਨ ਮਹਾਭੂਤਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਵਿਞ੍ਞਤ੍ਤਿ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਵਿਞ੍ਞਤ੍ਤਿ, ਅਤ੍ਥਿ ਨ ਵਿਞ੍ਞਤ੍ਤਿ.

ਯਂ ¶ ¶ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਚਿਤ੍ਤਸਮੁਟ੍ਠਾਨਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਚਿਤ੍ਤਸਮੁਟ੍ਠਾਨਂ, ਅਤ੍ਥਿ ਨ ਚਿਤ੍ਤਸਮੁਟ੍ਠਾਨਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਚਿਤ੍ਤਸਹਭੁ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ¶ ਚਿਤ੍ਤਸਹਭੁ, ਅਤ੍ਥਿ ਨ ਚਿਤ੍ਤਸਹਭੁ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਚਿਤ੍ਤਾਨੁਪਰਿਵਤ੍ਤਿ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਚਿਤ੍ਤਾਨੁਪਰਿਵਤ੍ਤਿ, ਅਤ੍ਥਿ ਨ ਚਿਤ੍ਤਾਨੁਪਰਿਵਤ੍ਤਿ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਓਲ਼ਾਰਿਕਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਸਨ੍ਤਿਕੇ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਯਂ ਤਂ ਰੂਪਂ ਬਾਹਿਰਂ, ਤਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ¶ ਅਤ੍ਥਿ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ, ਅਤ੍ਥਿ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ.

ਯਂ ਤਂ ਰੂਪਂ ਬਾਹਿਰਂ, ਤਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ, ਅਤ੍ਥਿ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ.

ਯਂ ਤਂ ਰੂਪਂ ਬਾਹਿਰਂ, ਤਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਕਾਯਸਮ੍ਫਸ੍ਸਸ੍ਸ ਵਤ੍ਥੁ, ਅਤ੍ਥਿ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ. ਯਂ ਤਂ ਰੂਪਂ ਬਾਹਿਰਂ, ਤਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਕਾਯਵਿਞ੍ਞਾਣਸ੍ਸ ਵਤ੍ਥੁ, ਅਤ੍ਥਿ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ.

ਯਂ ¶ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਚਕ੍ਖੁਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ, ਅਤ੍ਥਿ ਚਕ੍ਖੁਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ¶ ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ, ਅਤ੍ਥਿ ਚਕ੍ਖੁਵਿਞ੍ਞਾਣਸ੍ਸ ਨਾਰਮ੍ਮਣਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ, ਅਤ੍ਥਿ ਕਾਯਸਮ੍ਫਸ੍ਸਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ ¶ , ਤਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਨਾਰਮ੍ਮਣਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ, ਅਤ੍ਥਿ ਕਾਯਵਿਞ੍ਞਾਣਸ੍ਸ ਨਾਰਮ੍ਮਣਂ.

ਯਂ ਤਂ ਰੂਪਂ ਬਾਹਿਰਂ, ਤਂ ਨ ਚਕ੍ਖਾਯਤਨਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਚਕ੍ਖਾਯਤਨਂ, ਅਤ੍ਥਿ ਨ ਚਕ੍ਖਾਯਤਨਂ. ਯਂ ਤਂ ਰੂਪਂ ਬਾਹਿਰਂ, ਤਂ ਨ ਸੋਤਾਯਤਨਂ…ਪੇ… ਨ ਘਾਨਾਯਤਨਂ…ਪੇ… ਨ ਜਿਵ੍ਹਾਯਤਨਂ…ਪੇ… ਨ ਕਾਯਾਯਤਨਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਕਾਯਾਯਤਨਂ, ਅਤ੍ਥਿ ਨ ਕਾਯਾਯਤਨਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਰੂਪਾਯਤਨਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਾਯਤਨਂ, ਅਤ੍ਥਿ ਨ ਰੂਪਾਯਤਨਂ ¶ . ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਸਦ੍ਦਾਯਤਨਂ…ਪੇ… ਨ ਗਨ੍ਧਾਯਤਨਂ…ਪੇ… ਨ ਰਸਾਯਤਨਂ…ਪੇ… ਨ ਫੋਟ੍ਠਬ੍ਬਾਯਤਨਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਫੋਟ੍ਠਬ੍ਬਾਯਤਨਂ, ਅਤ੍ਥਿ ਨ ਫੋਟ੍ਠਬ੍ਬਾਯਤਨਂ.

ਯਂ ਤਂ ਰੂਪਂ ਬਾਹਿਰਂ, ਤਂ ਨ ਚਕ੍ਖੁਧਾਤੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਚਕ੍ਖੁਧਾਤੁ, ਅਤ੍ਥਿ ਨ ਚਕ੍ਖੁਧਾਤੁ. ਯਂ ਤਂ ਰੂਪਂ ਬਾਹਿਰਂ, ਤਂ ਨ ਸੋਤਧਾਤੁ…ਪੇ… ਨ ਘਾਨਧਾਤੁ…ਪੇ… ਨ ਜਿਵ੍ਹਾਧਾਤੁ…ਪੇ… ਨ ਕਾਯਧਾਤੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਕਾਯਧਾਤੁ, ਅਤ੍ਥਿ ਨ ਕਾਯਧਾਤੁ.

ਯਂ ¶ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਰੂਪਧਾਤੁ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਧਾਤੁ, ਅਤ੍ਥਿ ਨ ਰੂਪਧਾਤੁ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਸਦ੍ਦਧਾਤੁ…ਪੇ… ਨ ਗਨ੍ਧਧਾਤੁ…ਪੇ… ਨ ¶ ਰਸਧਾਤੁ…ਪੇ… ਨ ਫੋਟ੍ਠਬ੍ਬਧਾਤੁ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਫੋਟ੍ਠਬ੍ਬਧਾਤੁ, ਅਤ੍ਥਿ ਨ ਫੋਟ੍ਠਬ੍ਬਧਾਤੁ.

ਯਂ ਤਂ ਰੂਪਂ ਬਾਹਿਰਂ, ਤਂ ਨ ਚਕ੍ਖੁਨ੍ਦ੍ਰਿਯਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਚਕ੍ਖੁਨ੍ਦ੍ਰਿਯਂ, ਅਤ੍ਥਿ ਨ ਚਕ੍ਖੁਨ੍ਦ੍ਰਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਨ ਸੋਤਿਨ੍ਦ੍ਰਿਯਂ…ਪੇ… ਨ ਘਾਨਿਨ੍ਦ੍ਰਿਯਂ…ਪੇ… ਨ ਜਿਵ੍ਹਿਨ੍ਦ੍ਰਿਯਂ…ਪੇ… ਨ ਕਾਯਿਨ੍ਦ੍ਰਿਯਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਅਤ੍ਥਿ ਕਾਯਿਨ੍ਦ੍ਰਿਯਂ, ਅਤ੍ਥਿ ਨ ਕਾਯਿਨ੍ਦ੍ਰਿਯਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਇਤ੍ਥਿਨ੍ਦ੍ਰਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਇਤ੍ਥਿਨ੍ਦ੍ਰਿਯਂ, ਅਤ੍ਥਿ ਨ ਇਤ੍ਥਿਨ੍ਦ੍ਰਿਯਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਪੁਰਿਸਿਨ੍ਦ੍ਰਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਪੁਰਿਸਿਨ੍ਦ੍ਰਿਯਂ, ਅਤ੍ਥਿ ਨ ਪੁਰਿਸਿਨ੍ਦ੍ਰਿਯਂ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਜੀਵਿਤਿਨ੍ਦ੍ਰਿਯਂ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਜੀਵਿਤਿਨ੍ਦ੍ਰਿਯਂ, ਅਤ੍ਥਿ ਨ ਜੀਵਿਤਿਨ੍ਦ੍ਰਿਯਂ.

ਯਂ ¶ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਕਾਯਵਿਞ੍ਞਤ੍ਤਿ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਕਾਯਵਿਞ੍ਞਤ੍ਤਿ, ਅਤ੍ਥਿ ਨ ਕਾਯਵਿਞ੍ਞਤ੍ਤਿ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਵਚੀਵਿਞ੍ਞਤ੍ਤਿ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਵਚੀਵਿਞ੍ਞਤ੍ਤਿ, ਅਤ੍ਥਿ ਨ ਵਚੀਵਿਞ੍ਞਤ੍ਤਿ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਆਕਾਸਧਾਤੁ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਆਕਾਸਧਾਤੁ, ਅਤ੍ਥਿ ਨ ਆਕਾਸਧਾਤੁ.

ਯਂ ¶ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਆਪੋਧਾਤੁ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਆਪੋਧਾਤੁ, ਅਤ੍ਥਿ ਨ ਆਪੋਧਾਤੁ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਲਹੁਤਾ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਲਹੁਤਾ, ਅਤ੍ਥਿ ਰੂਪਸ੍ਸ ਨ ਲਹੁਤਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਮੁਦੁਤਾ. ਯਂ ਤਂ ਰੂਪਂ ¶ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਮੁਦੁਤਾ, ਅਤ੍ਥਿ ਰੂਪਸ੍ਸ ਨ ਮੁਦੁਤਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਕਮ੍ਮਞ੍ਞਤਾ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਕਮ੍ਮਞ੍ਞਤਾ, ਅਤ੍ਥਿ ਰੂਪਸ੍ਸ ਨ ਕਮ੍ਮਞ੍ਞਤਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਉਪਚਯੋ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਉਪਚਯੋ, ਅਤ੍ਥਿ ¶ ਰੂਪਸ੍ਸ ਨ ਉਪਚਯੋ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਸਨ੍ਤਤਿ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਸਨ੍ਤਤਿ, ਅਤ੍ਥਿ ਰੂਪਸ੍ਸ ਨ ਸਨ੍ਤਤਿ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਜਰਤਾ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਜਰਤਾ, ਅਤ੍ਥਿ ਰੂਪਸ੍ਸ ਨ ਜਰਤਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਰੂਪਸ੍ਸ ਨ ਅਨਿਚ੍ਚਤਾ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਰੂਪਸ੍ਸ ਅਨਿਚ੍ਚਤਾ, ਅਤ੍ਥਿ ਰੂਪਸ੍ਸ ਨ ਅਨਿਚ੍ਚਤਾ.

ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਨ ਕਬਲ਼ੀਕਾਰੋ ਆਹਾਰੋ. ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਕਬਲ਼ੀਕਾਰੋ ਆਹਾਰੋ, ਅਤ੍ਥਿ ਨ ਕਬਲ਼ੀਕਾਰੋ ਆਹਾਰੋ.

ਏਵਂ ਤਿਵਿਧੇਨ ਰੂਪਸਙ੍ਗਹੋ.

ਤਿਕਂ.

ਚਤੁਕ੍ਕਂ

ਚਤੁਬ੍ਬਿਧੇਨ ¶ ¶ ਰੂਪਸਙ੍ਗਹੋ –

੫੮੬. ਯਂ ਤਂ ਰੂਪਂ ਉਪਾਦਾ, ਤਂ ਅਤ੍ਥਿ ਉਪਾਦਿਣ੍ਣਂ, ਅਤ੍ਥਿ ਅਨੁਪਾਦਿਣ੍ਣਂ. ਯਂ ਤਂ ਰੂਪਂ ਨੋ ਉਪਾਦਾ, ਤਂ ਅਤ੍ਥਿ ਉਪਾਦਿਣ੍ਣਂ, ਅਤ੍ਥਿ ਅਨੁਪਾਦਿਣ੍ਣਂ.

ਯਂ ਤਂ ਰੂਪਂ ਉਪਾਦਾ, ਤਂ ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਂ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਂ. ਯਂ ਤਂ ਰੂਪਂ ਨੋ ਉਪਾਦਾ, ਤਂ ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਂ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਂ.

ਯਂ ਤਂ ਰੂਪਂ ਉਪਾਦਾ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ. ਯਂ ਤਂ ਰੂਪਂ ਨੋ ਉਪਾਦਾ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ.

ਯਂ ਤਂ ਰੂਪਂ ਉਪਾਦਾ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ. ਯਂ ਤਂ ਰੂਪਂ ਨੋ ਉਪਾਦਾ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ਤਂ ਰੂਪਂ ਉਪਾਦਾ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ. ਯਂ ਤਂ ਰੂਪਂ ਨੋ ਉਪਾਦਾ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਯਂ ਤਂ ਰੂਪਂ ਉਪਾਦਿਣ੍ਣਂ, ਤਂ ਅਤ੍ਥਿ ਸਨਿਦਸ੍ਸਨਂ, ਅਤ੍ਥਿ ਅਨਿਦਸ੍ਸਨਂ. ਯਂ ਤਂ ਰੂਪਂ ਅਨੁਪਾਦਿਣ੍ਣਂ, ਤਂ ਅਤ੍ਥਿ ਸਨਿਦਸ੍ਸਨਂ, ਅਤ੍ਥਿ ਅਨਿਦਸ੍ਸਨਂ.

ਯਂ ਤਂ ਰੂਪਂ ਉਪਾਦਿਣ੍ਣਂ, ਤਂ ਅਤ੍ਥਿ ਸਪ੍ਪਟਿਘਂ ਅਤ੍ਥਿ ਅਪ੍ਪਟਿਘਂ. ਯਂ ਤਂ ਰੂਪਂ ਅਨੁਪਾਦਿਣ੍ਣਂ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ.

ਯਂ ਤਂ ਰੂਪਂ ਉਪਾਦਿਣ੍ਣਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ¶ ਨ ਮਹਾਭੂਤਂ. ਯਂ ਤਂ ਰੂਪਂ ਅਨੁਪਾਦਿਣ੍ਣਂ, ਤਂ ਅਤ੍ਥਿ ਮਹਾਭੂਤਂ ¶ , ਅਤ੍ਥਿ ਨ ਮਹਾਭੂਤਂ.

ਯਂ ¶ ਤਂ ਰੂਪਂ ਉਪਾਦਿਣ੍ਣਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ. ਯਂ ਤਂ ਰੂਪਂ ਅਨੁਪਾਦਿਣ੍ਣਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ਤਂ ਰੂਪਂ ਉਪਾਦਿਣ੍ਣਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ. ਯਂ ਤਂ ਰੂਪਂ ਅਨੁਪਾਦਿਣ੍ਣਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਯਂ ¶ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਸਨਿਦਸ੍ਸਨਂ, ਅਤ੍ਥਿ ਅਨਿਦਸ੍ਸਨਂ. ਯਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਸਨਿਦਸ੍ਸਨਂ, ਅਤ੍ਥਿ ਅਨਿਦਸ੍ਸਨਂ.

ਯਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ. ਯਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ.

ਯਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ਨ ਮਹਾਭੂਤਂ. ਯਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ਨ ਮਹਾਭੂਤਂ.

ਯਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ. ਯਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ. ਯਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਯਂ ਤਂ ਰੂਪਂ ਸਪ੍ਪਟਿਘਂ, ਤਂ ਅਤ੍ਥਿ ਇਨ੍ਦ੍ਰਿਯਂ, ਅਤ੍ਥਿ ਨ ਇਨ੍ਦ੍ਰਿਯਂ. ਯਂ ਤਂ ਰੂਪਂ ਅਪ੍ਪਟਿਘਂ, ਤਂ ਅਤ੍ਥਿ ਇਨ੍ਦ੍ਰਿਯਂ, ਅਤ੍ਥਿ ਨ ਇਨ੍ਦ੍ਰਿਯਂ.

ਯਂ ਤਂ ਰੂਪਂ ਸਪ੍ਪਟਿਘਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ਨ ਮਹਾਭੂਤਂ. ਯਂ ਤਂ ਰੂਪਂ ਅਪ੍ਪਟਿਘਂ, ਤਂ ਅਤ੍ਥਿ ਮਹਾਭੂਤਂ, ਅਤ੍ਥਿ ਨ ਮਹਾਭੂਤਂ.

ਯਂ ਤਂ ਰੂਪਂ ਇਨ੍ਦ੍ਰਿਯਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ. ਯਂ ਤਂ ਰੂਪਂ ਨ ਇਨ੍ਦ੍ਰਿਯਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ¶ ਤਂ ਰੂਪਂ ਇਨ੍ਦ੍ਰਿਯਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ. ਯਂ ਤਂ ਰੂਪਂ ਨ ਇਨ੍ਦ੍ਰਿਯਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਯਂ ਤਂ ਰੂਪਂ ਮਹਾਭੂਤਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ. ਯਂ ਤਂ ਰੂਪਂ ਨ ਮਹਾਭੂਤਂ, ਤਂ ਅਤ੍ਥਿ ਓਲ਼ਾਰਿਕਂ, ਅਤ੍ਥਿ ਸੁਖੁਮਂ.

ਯਂ ਤਂ ਰੂਪਂ ਮਹਾਭੂਤਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ¶ ਸਨ੍ਤਿਕੇ. ਯਂ ਤਂ ਰੂਪਂ ਨ ਮਹਾਭੂਤਂ, ਤਂ ਅਤ੍ਥਿ ਦੂਰੇ, ਅਤ੍ਥਿ ਸਨ੍ਤਿਕੇ.

ਦਿਟ੍ਠਂ ਸੁਤਂ ਮੁਤਂ ਵਿਞ੍ਞਾਤਂ ਰੂਪਂ.

ਏਵਂ ਚਤੁਬ੍ਬਿਧੇਨ ਰੂਪਸਙ੍ਗਹੋ.

ਚਤੁਕ੍ਕਂ.

ਪਞ੍ਚਕਂ

ਪਞ੍ਚਵਿਧੇਨ ¶ ¶ ਰੂਪਸਙ੍ਗਹੋ –

੫੮੭. ਪਥਵੀਧਾਤੁ, ਆਪੋਧਾਤੁ, ਤੇਜੋਧਾਤੁ, ਵਾਯੋਧਾਤੁ, ਯਞ੍ਚ ਰੂਪਂ ਉਪਾਦਾ.

ਏਵਂ ਪਞ੍ਚਵਿਧੇਨ ਰੂਪਸਙ੍ਗਹੋ.

ਪਞ੍ਚਕਂ.

ਛਕ੍ਕਂ

ਛਬ੍ਬਿਧੇਨ ਰੂਪਸਙ੍ਗਹੋ –

੫੮੮. ਚਕ੍ਖੁਵਿਞ੍ਞੇਯ੍ਯਂ ¶ ਰੂਪਂ, ਸੋਤਵਿਞ੍ਞੇਯ੍ਯਂ ਰੂਪਂ, ਘਾਨਵਿਞ੍ਞੇਯ੍ਯਂ ਰੂਪਂ, ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਕਾਯਵਿਞ੍ਞੇਯ੍ਯਂ ਰੂਪਂ, ਮਨੋਵਿਞ੍ਞੇਯ੍ਯਂ ਰੂਪਂ.

ਏਵਂ ਛਬ੍ਬਿਧੇਨ ਰੂਪਸਙ੍ਗਹੋ.

ਛਕ੍ਕਂ.

ਸਤ੍ਤਕਂ

ਸਤ੍ਤਵਿਧੇਨ ਰੂਪਸਙ੍ਗਹੋ –

੫੮੯. ਚਕ੍ਖੁਵਿਞ੍ਞੇਯ੍ਯਂ ਰੂਪਂ, ਸੋਤਵਿਞ੍ਞੇਯ੍ਯਂ ਰੂਪਂ, ਘਾਨਵਿਞ੍ਞੇਯ੍ਯਂ ਰੂਪਂ, ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਕਾਯਵਿਞ੍ਞੇਯ੍ਯਂ ਰੂਪਂ, ਮਨੋਧਾਤੁਵਿਞ੍ਞੇਯ੍ਯਂ ਰੂਪਂ, ਮਨੋਵਿਞ੍ਞਾਣਧਾਤੁਵਿਞ੍ਞੇਯ੍ਯਂ ਰੂਪਂ.

ਏਵਂ ਸਤ੍ਤਵਿਧੇਨ ਰੂਪਸਙ੍ਗਹੋ.

ਸਤ੍ਤਕਂ.

ਅਟ੍ਠਕਂ

ਅਟ੍ਠਵਿਧੇਨ ਰੂਪਸਙ੍ਗਹੋ –

੫੯੦. ਚਕ੍ਖੁਵਿਞ੍ਞੇਯ੍ਯਂ ਰੂਪਂ, ਸੋਤਵਿਞ੍ਞੇਯ੍ਯਂ ਰੂਪਂ, ਘਾਨਵਿਞ੍ਞੇਯ੍ਯਂ ਰੂਪਂ, ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਕਾਯਵਿਞ੍ਞੇਯ੍ਯਂ ਰੂਪਂ, ਅਤ੍ਥਿ ਸੁਖਸਮ੍ਫਸ੍ਸਂ, ਅਤ੍ਥਿ ਦੁਕ੍ਖਸਮ੍ਫਸ੍ਸਂ, ਮਨੋਧਾਤੁਵਿਞ੍ਞੇਯ੍ਯਂ ਰੂਪਂ, ਮਨੋਵਿਞ੍ਞਾਣਧਾਤੁਵਿਞ੍ਞੇਯ੍ਯਂ ਰੂਪਂ.

ਏਵਂ ਅਟ੍ਠਵਿਧੇਨ ਰੂਪਸਙ੍ਗਹੋ.

ਅਟ੍ਠਕਂ.

ਨਵਕਂ

ਨਵਵਿਧੇਨ ¶ ¶ ¶ ਰੂਪਸਙ੍ਗਹੋ –

੫੯੧. ਚਕ੍ਖੁਨ੍ਦ੍ਰਿਯਂ, ਸੋਤਿਨ੍ਦ੍ਰਿਯਂ, ਘਾਨਿਨ੍ਦ੍ਰਿਯਂ, ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ, ਇਤ੍ਥਿਨ੍ਦ੍ਰਿਯਂ, ਪੁਰਿਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ, ਯਞ੍ਚ ਰੂਪਂ ਨ ਇਨ੍ਦ੍ਰਿਯਂ.

ਏਵਂ ਨਵਵਿਧੇਨ ਰੂਪਸਙ੍ਗਹੋ.

ਨਵਕਂ.

ਦਸਕਂ

ਦਸਵਿਧੇਨ ¶ ਰੂਪਸਙ੍ਗਹੋ –

੫੯੨. ਚਕ੍ਖੁਨ੍ਦ੍ਰਿਯਂ, ਸੋਤਿਨ੍ਦ੍ਰਿਯਂ, ਘਾਨਿਨ੍ਦ੍ਰਿਯਂ, ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ, ਇਤ੍ਥਿਨ੍ਦ੍ਰਿਯਂ, ਪੁਰਿਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਂ ਰੂਪਂ ਅਤ੍ਥਿ ਸਪ੍ਪਟਿਘਂ, ਅਤ੍ਥਿ ਅਪ੍ਪਟਿਘਂ.

ਏਵਂ ਦਸਵਿਧੇਨ ਰੂਪਸਙ੍ਗਹੋ.

ਦਸਕਂ.

ਏਕਾਦਸਕਂ

ਏਕਾਦਸਵਿਧੇਨ ਰੂਪਸਙ੍ਗਹੋ –

੫੯੩. ਚਕ੍ਖਾਯਤਨਂ, ਸੋਤਾਯਤਨਂ, ਘਾਨਾਯਤਨਂ, ਜਿਵ੍ਹਾਯਤਨਂ, ਕਾਯਾਯਤਨਂ, ਰੂਪਾਯਤਨਂ, ਸਦ੍ਦਾਯਤਨਂ ¶ , ਗਨ੍ਧਾਯਤਨਂ, ਰਸਾਯਤਨਂ, ਫੋਟ੍ਠਬ੍ਬਾਯਤਨਂ, ਯਞ੍ਚ ਰੂਪਂ ਅਨਿਦਸ੍ਸਨਅਪ੍ਪਟਿਘਂ [ਅਨਿਦਸ੍ਸਨਂ ਅਪ੍ਪਟਿਘਂ (ਸੀ. ਸ੍ਯਾ.)] ਧਮ੍ਮਾਯਤਨਪਰਿਯਾਪਨ੍ਨਂ.

ਏਵਂ ਏਕਾਦਸਵਿਧੇਨ ਰੂਪਸਙ੍ਗਹੋ.

ਏਕਾਦਸਕਂ.

ਮਾਤਿਕਾ.

ਰੂਪਵਿਭਤ੍ਤਿ

ਏਕਕਨਿਦ੍ਦੇਸੋ

੫੯੪. ਸਬ੍ਬਂ ¶ ਰੂਪਂ ਨ ਹੇਤੁਮੇਵ, ਅਹੇਤੁਕਮੇਵ, ਹੇਤੁਵਿਪ੍ਪਯੁਤ੍ਤਮੇਵ, ਸਪ੍ਪਚ੍ਚਯਮੇਵ, ਸਙ੍ਖਤਮੇਵ, ਰੂਪਮੇਵ, ਲੋਕਿਯਮੇਵ, ਸਾਸਵਮੇਵ, ਸਂਯੋਜਨਿਯਮੇਵ, ਗਨ੍ਥਨਿਯਮੇਵ, ਓਘਨਿਯਮੇਵ, ਯੋਗਨਿਯਮੇਵ, ਨੀਵਰਣਿਯਮੇਵ, ਪਰਾਮਟ੍ਠਮੇਵ, ਉਪਾਦਾਨਿਯਮੇਵ, ਸਂਕਿਲੇਸਿਕਮੇਵ, ਅਬ੍ਯਾਕਤਮੇਵ, ਅਨਾਰਮ੍ਮਣਮੇਵ, ਅਚੇਤਸਿਕਮੇਵ, ਚਿਤ੍ਤਵਿਪ੍ਪਯੁਤ੍ਤਮੇਵ, ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਮੇਵ, ਅਸਂਕਿਲਿਟ੍ਠਸਂਕਿਲੇਸਿਕਮੇਵ, ਨ ਸਵਿਤਕ੍ਕਸਵਿਚਾਰਮੇਵ, ਨ ਅਵਿਤਕ੍ਕਵਿਚਾਰਮਤ੍ਤਮੇਵ, ਅਵਿਤਕ੍ਕਅਵਿਚਾਰਮੇਵ ¶ , ਨ ਪੀਤਿਸਹਗਤਮੇਵ, ਨ ਸੁਖਸਹਗਤਮੇਵ, ਨ ਉਪੇਕ੍ਖਾਸਹਗਤਮੇਵ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਮੇਵ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਮੇਵ, ਨੇਵ ਆਚਯਗਾਮਿ ਨ ਅਪਚਯਗਾਮਿਮੇਵ, ਨੇਵਸੇਕ੍ਖਨਾਸੇਕ੍ਖਮੇਵ, ਪਰਿਤ੍ਤਮੇਵ, ਕਾਮਾਵਚਰਮੇਵ, ਨ ਰੂਪਾਵਚਰਮੇਵ, ਨ ਅਰੂਪਾਵਚਰਮੇਵ, ਪਰਿਯਾਪਨ੍ਨਮੇਵ, ਨੋ ਅਪਰਿਯਾਪਨ੍ਨਮੇਵ, ਅਨਿਯਤਮੇਵ, ਅਨਿਯ੍ਯਾਨਿਕਮੇਵ, ਉਪ੍ਪਨ੍ਨਂ ਛਹਿ ਵਿਞ੍ਞਾਣੇਹਿ ਵਿਞ੍ਞੇਯ੍ਯਮੇਵ, ਅਨਿਚ੍ਚਮੇਵ, ਜਰਾਭਿਭੂਤਮੇਵ.

ਏਵਂ ਏਕਵਿਧੇਨ ਰੂਪਸਙ੍ਗਹੋ.

ਏਕਕਨਿਦ੍ਦੇਸੋ.

ਦੁਕਨਿਦ੍ਦੇਸੋ

ਉਪਾਦਾਭਾਜਨੀਯਂ

੫੯੫. ਕਤਮਂ ¶ ¶ ਤਂ ਰੂਪਂ ਉਪਾਦਾ? ਚਕ੍ਖਾਯਤਨਂ, ਸੋਤਾਯਤਨਂ, ਘਾਨਾਯਤਨਂ, ਜਿਵ੍ਹਾਯਤਨਂ, ਕਾਯਾਯਤਨਂ, ਰੂਪਾਯਤਨਂ, ਸਦ੍ਦਾਯਤਨਂ, ਗਨ੍ਧਾਯਤਨਂ, ਰਸਾਯਤਨਂ, ਇਤ੍ਥਿਨ੍ਦ੍ਰਿਯਂ, ਪੁਰਿਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ, ਆਕਾਸਧਾਤੁ, ਰੂਪਸ੍ਸ ਲਹੁਤਾ, ਰੂਪਸ੍ਸ ਮੁਦੁਤਾ, ਰੂਪਸ੍ਸ ਕਮ੍ਮਞ੍ਞਤਾ, ਰੂਪਸ੍ਸ ਉਪਚਯੋ, ਰੂਪਸ੍ਸ ਸਨ੍ਤਤਿ, ਰੂਪਸ੍ਸ ਜਰਤਾ, ਰੂਪਸ੍ਸ ਅਨਿਚ੍ਚਤਾ, ਕਬਲ਼ੀਕਾਰੋ ਆਹਾਰੋ.

੫੯੬. ਕਤਮਂ ¶ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ [ਚਕ੍ਖੁਂ (ਸੀ. ਸ੍ਯਾ.)] ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯੇਨ ਚਕ੍ਖੁਨਾ ਅਨਿਦਸ੍ਸਨੇਨ ਸਪ੍ਪਟਿਘੇਨ ਰੂਪਂ ਸਨਿਦਸ੍ਸਨਂ ਸਪ੍ਪਟਿਘਂ ਪਸ੍ਸਿ ਵਾ ਪਸ੍ਸਤਿ ਵਾ ਪਸ੍ਸਿਸ੍ਸਤਿ ਵਾ ਪਸ੍ਸੇ ਵਾ, ਚਕ੍ਖੁਂ ਪੇਤਂ ਚਕ੍ਖਾਯਤਨਂ ਪੇਤਂ ਚਕ੍ਖੁਧਾਤੁ ਪੇਸਾ ਚਕ੍ਖੁਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਨੇਤ੍ਤਂ ਪੇਤਂ ਨਯਨਂ ਪੇਤਂ ਓਰਿਮਂ ¶ ਤੀਰਂ ਪੇਤਂ ਸੁਞ੍ਞੋ ਗਾਮੋਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ.

੫੯੭. ਕਤਮਂ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਚਕ੍ਖੁਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਰੂਪਂ ਸਨਿਦਸ੍ਸਨਂ ਸਪ੍ਪਟਿਘਂ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਚਕ੍ਖੁਂ ਪੇਤਂ ਚਕ੍ਖਾਯਤਨਂ ਪੇਤਂ ਚਕ੍ਖੁਧਾਤੁ ਪੇਸਾ ਚਕ੍ਖੁਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਨੇਤ੍ਤਂ ਪੇਤਂ ਨਯਨਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ.

੫੯੮. ਕਤਮਂ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਚਕ੍ਖੁ ਅਨਿਦਸ੍ਸਨਂ ਸਪ੍ਪਟਿਘਂ ਰੂਪਮ੍ਹਿ ਸਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਚਕ੍ਖੁਂ ਪੇਤਂ ਚਕ੍ਖਾਯਤਨਂ ਪੇਤਂ ਚਕ੍ਖੁਧਾਤੁ ਪੇਸਾ ਚਕ੍ਖੁਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ¶ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਨੇਤ੍ਤਂ ਪੇਤਂ ਨਯਨਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ.

੫੯੯. ਕਤਮਂ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਚਕ੍ਖੁਂ ¶ ਨਿਸ੍ਸਾਯ ਰੂਪਂ ਆਰਬ੍ਭ ਚਕ੍ਖੁਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਚਕ੍ਖੁਂ ਨਿਸ੍ਸਾਯ ਰੂਪਂ ਆਰਬ੍ਭ ਚਕ੍ਖੁਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਚਕ੍ਖੁਵਿਞ੍ਞਾਣਂ ¶ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਚਕ੍ਖੁਂ ਨਿਸ੍ਸਾਯ ਰੂਪਾਰਮ੍ਮਣੋ ਚਕ੍ਖੁਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਚਕ੍ਖੁਂ ਨਿਸ੍ਸਾਯ ਰੂਪਾਰਮ੍ਮਣਾ ਚਕ੍ਖੁਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਚਕ੍ਖੁਵਿਞ੍ਞਾਣਂ ¶ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਚਕ੍ਖੁਂ ਪੇਤਂ ਚਕ੍ਖਾਯਤਨਂ ਪੇਤਂ ਚਕ੍ਖੁਧਾਤੁ ਪੇਸਾ ਚਕ੍ਖੁਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਨੇਤ੍ਤਂ ਪੇਤਂ ਨਯਨਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ.

੬੦੦. ਕਤਮਂ ਤਂ ਰੂਪਂ ਸੋਤਾਯਤਨਂ? ਯਂ ਸੋਤਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯੇਨ ਸੋਤੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਸਦ੍ਦਂ ਅਨਿਦਸ੍ਸਨਂ ਸਪ੍ਪਟਿਘਂ ਸੁਣਿ ਵਾ ਸੁਣਾਤਿ ਵਾ ਸੁਣਿਸ੍ਸਤਿ ਵਾ ਸੁਣੇ ਵਾ, ਸੋਤਂ ਪੇਤਂ ਸੋਤਾਯਤਨਂ ਪੇਤਂ ਸੋਤਧਾਤੁ ਪੇਸਾ ਸੋਤਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਸੋਤਾਯਤਨਂ.

੬੦੧. ਕਤਮਂ ਤਂ ਰੂਪਂ ਸੋਤਾਯਤਨਂ? ਯਂ ਸੋਤਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਸੋਤਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਸਦ੍ਦੋ ਅਨਿਦਸ੍ਸਨੋ ਸਪ੍ਪਟਿਘੋ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਸੋਤਂ ਪੇਤਂ ਸੋਤਾਯਤਨਂ ਪੇਤਂ ਸੋਤਧਾਤੁ ਪੇਸਾ ਸੋਤਿਨ੍ਦ੍ਰਿਯਂ ਪੇਤਂ ¶ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਸੋਤਾਯਤਨਂ.

੬੦੨. ਕਤਮਂ ¶ ਤਂ ਰੂਪਂ ਸੋਤਾਯਤਨਂ? ਯਂ ਸੋਤਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਸੋਤਂ ਅਨਿਦਸ੍ਸਨਂ ਸਪ੍ਪਟਿਘਂ ਸਦ੍ਦਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਸੋਤਂ ਪੇਤਂ ਸੋਤਾਯਤਨਂ ਪੇਤਂ ਸੋਤਧਾਤੁ ਪੇਸਾ ਸੋਤਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਸੋਤਾਯਤਨਂ.

੬੦੩. ਕਤਮਂ ਤਂ ਰੂਪਂ ਸੋਤਾਯਤਨਂ? ਯਂ ¶ ਸੋਤਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਸੋਤਂ ਨਿਸ੍ਸਾਯ ਸਦ੍ਦਂ ਆਰਬ੍ਭ ਸੋਤਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ¶ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸੋਤਂ ਨਿਸ੍ਸਾਯ ਸਦ੍ਦਂ ਆਰਬ੍ਭ ਸੋਤਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸੋਤਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸੋਤਂ ਨਿਸ੍ਸਾਯ ਸਦ੍ਦਾਰਮ੍ਮਣੋ ਸੋਤਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸੋਤਂ ਨਿਸ੍ਸਾਯ ਸਦ੍ਦਾਰਮ੍ਮਣਾ ਸੋਤਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸੋਤਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਸੋਤਂ ਪੇਤਂ ਸੋਤਾਯਤਨਂ ਪੇਤਂ ਸੋਤਧਾਤੁ ਪੇਸਾ ਸੋਤਿਨ੍ਦ੍ਰਿਯਂ ਪੇਤਂ ਲੋਕੋ ¶ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਸੋਤਾਯਤਨਂ.

੬੦੪. ਕਤਮਂ ਤਂ ਰੂਪਂ ਘਾਨਾਯਤਨਂ? ਯਂ ਘਾਨਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯੇਨ ਘਾਨੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਗਨ੍ਧਂ ਅਨਿਦਸ੍ਸਨਂ ਸਪ੍ਪਟਿਘਂ ਘਾਯਿ ਵਾ ਘਾਯਤਿ ਵਾ ਘਾਯਿਸ੍ਸਤਿ ਵਾ ਘਾਯੇ ਵਾ, ਘਾਨਂ ਪੇਤਂ ਘਾਨਾਯਤਨਂ ਪੇਤਂ ਘਾਨਧਾਤੁ ਪੇਸਾ ਘਾਨਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਘਾਨਾਯਤਨਂ.

੬੦੫. ਕਤਮਂ ਤਂ ਰੂਪਂ ਘਾਨਾਯਤਨਂ? ਯਂ ਘਾਨਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਘਾਨਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਗਨ੍ਧੋ ਅਨਿਦਸ੍ਸਨੋ ਸਪ੍ਪਟਿਘੋ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਘਾਨਂ ¶ ਪੇਤਂ ਘਾਨਾਯਤਨਂ ਪੇਤਂ ਘਾਨਧਾਤੁ ਪੇਸਾ ਘਾਨਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਘਾਨਾਯਤਨਂ.

੬੦੬. ਕਤਮਂ ਤਂ ਰੂਪਂ ਘਾਨਾਯਤਨਂ? ਯਂ ਘਾਨਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਘਾਨਂ ਅਨਿਦਸ੍ਸਨਂ ਸਪ੍ਪਟਿਘਂ ਗਨ੍ਧਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਘਾਨਂ ਪੇਤਂ ਘਾਨਾਯਤਨਂ ਪੇਤਂ ¶ ਘਾਨਧਾਤੁ ਪੇਸਾ ਘਾਨਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ¶ ਪੇਸੋ ¶ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋਪੇਸੋ – ਇਦਂ ਤਂ ਰੂਪਂ ਘਾਨਾਯਤਨਂ.

੬੦੭. ਕਤਮਂ ਤਂ ਰੂਪਂ ਘਾਨਾਯਤਨਂ? ਯਂ ਘਾਨਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਘਾਨਂ ਨਿਸ੍ਸਾਯ ਗਨ੍ਧਂ ਆਰਬ੍ਭ ਘਾਨਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਘਾਨਂ ਨਿਸ੍ਸਾਯ ਗਨ੍ਧਂ ਆਰਬ੍ਭ ਘਾਨਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਘਾਨਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਘਾਨਂ ਨਿਸ੍ਸਾਯ ਗਨ੍ਧਾਰਮ੍ਮਣੋ ਘਾਨਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਘਾਨਂ ਨਿਸ੍ਸਾਯ ਗਨ੍ਧਾਰਮ੍ਮਣਾ ਘਾਨਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਘਾਨਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਘਾਨਂ ਪੇਤਂ ਘਾਨਾਯਤਨਂ ਪੇਤਂ ਘਾਨਧਾਤੁ ਪੇਸਾ ਘਾਨਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਘਾਨਾਯਤਨਂ.

੬੦੮. ਕਤਮਂ ਤਂ ਰੂਪਂ ਜਿਵ੍ਹਾਯਤਨਂ? ਯਾ ਜਿਵ੍ਹਾ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਾਯ ਜਿਵ੍ਹਾਯ ਅਨਿਦਸ੍ਸਨਾਯ ਸਪ੍ਪਟਿਘਾਯ ਰਸਂ ਅਨਿਦਸ੍ਸਨਂ ਸਪ੍ਪਟਿਘਂ ਸਾਯਿ ਵਾ ਸਾਯਤਿ ਵਾ ਸਾਯਿਸ੍ਸਤਿ ਵਾ ਸਾਯੇ ਵਾ, ਜਿਵ੍ਹਾ ਪੇਸਾ ਜਿਵ੍ਹਾਯਤਨਂ ਪੇਤਂ ਜਿਵ੍ਹਾਧਾਤੁ ਪੇਸਾ ਜਿਵ੍ਹਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ¶ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਜਿਵ੍ਹਾਯਤਨਂ.

੬੦੯. ਕਤਮਂ ¶ ਤਂ ਰੂਪਂ ਜਿਵ੍ਹਾਯਤਨਂ? ਯਾ ਜਿਵ੍ਹਾ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਾਯ ਜਿਵ੍ਹਾਯ ਅਨਿਦਸ੍ਸਨਾਯ ਸਪ੍ਪਟਿਘਾਯ ਰਸੋ ਅਨਿਦਸ੍ਸਨੋ ਸਪ੍ਪਟਿਘੋ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਜਿਵ੍ਹਾ ਪੇਸਾ ਜਿਵ੍ਹਾਯਤਨਂ ਪੇਤਂ ਜਿਵ੍ਹਾਧਾਤੁ ਪੇਸਾ ਜਿਵ੍ਹਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਜਿਵ੍ਹਾਯਤਨਂ.

੬੧੦. ਕਤਮਂ ¶ ਤਂ ਰੂਪਂ ਜਿਵ੍ਹਾਯਤਨਂ? ਯਾ ਜਿਵ੍ਹਾ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਾ ¶ ਜਿਵ੍ਹਾ ਅਨਿਦਸ੍ਸਨਾ ਸਪ੍ਪਟਿਘਾ ਰਸਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਜਿਵ੍ਹਾ ਪੇਸਾ ਜਿਵ੍ਹਾਯਤਨਂ ਪੇਤਂ ਜਿਵ੍ਹਾਧਾਤੁ ਪੇਸਾ ਜਿਵ੍ਹਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਜਿਵ੍ਹਾਯਤਨਂ.

੬੧੧. ਕਤਮਂ ਤਂ ਰੂਪਂ ਜਿਵ੍ਹਾਯਤਨਂ? ਯਾ ਜਿਵ੍ਹਾ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਜਿਵ੍ਹਂ ਨਿਸ੍ਸਾਯ ਰਸਂ ਆਰਬ੍ਭ ਜਿਵ੍ਹਾਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਜਿਵ੍ਹਂ ਨਿਸ੍ਸਾਯ ਰਸਂ ਆਰਬ੍ਭ ਜਿਵ੍ਹਾਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਜਿਵ੍ਹਾਵਿਞ੍ਞਾਣਂ ¶ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਜਿਵ੍ਹਂ ਨਿਸ੍ਸਾਯ ਰਸਾਰਮ੍ਮਣੋ ਜਿਵ੍ਹਾਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਜਿਵ੍ਹਂ ਨਿਸ੍ਸਾਯ ਰਸਾਰਮ੍ਮਣਾ ਜਿਵ੍ਹਾਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਜਿਵ੍ਹਾਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਜਿਵ੍ਹਾ ਪੇਸਾ ਜਿਵ੍ਹਾਯਤਨਂ ਪੇਤਂ ਜਿਵ੍ਹਾਧਾਤੁ ਪੇਸਾ ਜਿਵ੍ਹਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਜਿਵ੍ਹਾਯਤਨਂ.

੬੧੨. ਕਤਮਂ ਤਂ ਰੂਪਂ ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯੇਨ ਕਾਯੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਫੋਟ੍ਠਬ੍ਬਂ ਅਨਿਦਸ੍ਸਨਸਪ੍ਪਟਿਘਂ ¶ ਫੁਸਿ ਵਾ ਫੁਸਤਿ ਵਾ ਫੁਸਿਸ੍ਸਤਿ ਵਾ ਫੁਸੇ ਵਾ, ਕਾਯੋ ਪੇਸੋ ਕਾਯਾਯਤਨਂ ਪੇਤਂ ਕਾਯਧਾਤੁ ਪੇਸਾ ਕਾਯਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਾਯਤਨਂ.

੬੧੩. ਕਤਮਂ ਤਂ ਰੂਪਂ ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਕਾਯਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਫੋਟ੍ਠਬ੍ਬੋ ਅਨਿਦਸ੍ਸਨੋ ਸਪ੍ਪਟਿਘੋ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ¶ ਵਾ ਪਟਿਹਞ੍ਞੇ ਵਾ, ਕਾਯੋ ਪੇਸੋ ਕਾਯਾਯਤਨਂ ਪੇਤਂ ਕਾਯਧਾਤੁ ਪੇਸਾ ਕਾਯਿਨ੍ਦ੍ਰਿਯਂ ¶ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ¶ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਾਯਤਨਂ.

੬੧੪. ਕਤਮਂ ਤਂ ਰੂਪਂ ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯੋ ਕਾਯੋ ਅਨਿਦਸ੍ਸਨੋ ਸਪ੍ਪਟਿਘੋ ਫੋਟ੍ਠਬ੍ਬਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਕਾਯੋ ਪੇਸੋ ਕਾਯਾਯਤਨਂ ਪੇਤਂ ਕਾਯਧਾਤੁ ਪੇਸਾ ਕਾਯਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਾਯਤਨਂ.

੬੧੫. ਕਤਮਂ ਤਂ ਰੂਪਂ ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ ਅਤ੍ਤਭਾਵਪਰਿਯਾਪਨ੍ਨੋ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਕਾਯਂ ਨਿਸ੍ਸਾਯ ਫੋਟ੍ਠਬ੍ਬਂ ਆਰਬ੍ਭ ਕਾਯਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਕਾਯਂ ਨਿਸ੍ਸਾਯ ਫੋਟ੍ਠਬ੍ਬਂ ਆਰਬ੍ਭ ਕਾਯਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਕਾਯਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਕਾਯਂ ਨਿਸ੍ਸਾਯ ਫੋਟ੍ਠਬ੍ਬਾਰਮ੍ਮਣੋ ਕਾਯਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਕਾਯਂ ਨਿਸ੍ਸਾਯ ਫੋਟ੍ਠਬ੍ਬਾਰਮ੍ਮਣਾ ਕਾਯਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਕਾਯਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ¶ ਵਾ ਉਪ੍ਪਜ੍ਜੇ ਵਾ, ਕਾਯੋ ਪੇਸੋ ਕਾਯਾਯਤਨਂ ਪੇਤਂ ਕਾਯਧਾਤੁ ਪੇਸਾ ਕਾਯਿਨ੍ਦ੍ਰਿਯਂ ਪੇਤਂ ਲੋਕੋ ਪੇਸੋ ਦ੍ਵਾਰਾ ¶ ਪੇਸਾ ਸਮੁਦ੍ਦੋ ਪੇਸੋ ਪਣ੍ਡਰਂ ਪੇਤਂ ਖੇਤ੍ਤਂ ਪੇਤਂ ਵਤ੍ਥੁਂ ਪੇਤਂ ਓਰਿਮਂ ਤੀਰਂ ਪੇਤਂ ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਾਯਤਨਂ.

੬੧੬. ਕਤਮਂ ਤਂ ਰੂਪਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਕਾਲ਼ਕਂ ਮਞ੍ਜਿਟ੍ਠਕਂ [ਮਞ੍ਜੇਟ੍ਠਕਂ (ਸੀ. ਸ੍ਯਾ.)] ਹਰਿ ਹਰਿਵਣ੍ਣਂ ਅਮ੍ਬਙ੍ਕੁਰਵਣ੍ਣਂ ਦੀਘਂ ਰਸ੍ਸਂ ਅਣੁਂ ਥੂਲਂ ਵਟ੍ਟਂ ਪਰਿਮਣ੍ਡਲਂ ਚਤੁਰਂਸਂ [ਚਤੁਰਸ੍ਸਂ (ਸੀ. ਕ.)] ਛਲ਼ਂਸਂ ਅਟ੍ਠਂਸਂ ਸੋਲ਼ਸਂਸਂ ਨਿਨ੍ਨਂ ਥਲਂ ਛਾਯਾ ਆਤਪੋ ਆਲੋਕੋ ਅਨ੍ਧਕਾਰੋ ਅਬ੍ਭਾ ਮਹਿਕਾ ਧੂਮੋ ਰਜੋ ਚਨ੍ਦਮਣ੍ਡਲਸ੍ਸ ਵਣ੍ਣਨਿਭਾ ਸੂਰਿਯਮਣ੍ਡਲਸ੍ਸ [ਸੁਰਿਯਮਣ੍ਡਲਸ੍ਸ (ਸੀ. ਸ੍ਯਾ.)] ਵਣ੍ਣਨਿਭਾ ਤਾਰਕਰੂਪਾਨਂ ¶ ਵਣ੍ਣਨਿਭਾ ਆਦਾਸਮਣ੍ਡਲਸ੍ਸ ਵਣ੍ਣਨਿਭਾ ਮਣਿਸਙ੍ਖਮੁਤ੍ਤਾਵੇਲ਼ੁਰਿਯਸ੍ਸ ਵਣ੍ਣਨਿਭਾ ਜਾਤਰੂਪਰਜਤਸ੍ਸ ਵਣ੍ਣਨਿਭਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ, ਯਂ ਰੂਪਂ ਸਨਿਦਸ੍ਸਨਂ ਸਪ੍ਪਟਿਘਂ ਚਕ੍ਖੁਨਾ ਅਨਿਦਸ੍ਸਨੇਨ ਸਪ੍ਪਟਿਘੇਨ ਪਸ੍ਸਿ ਵਾ ਪਸ੍ਸਤਿ ਵਾ ਪਸ੍ਸਿਸ੍ਸਤਿ ਵਾ ਪਸ੍ਸੇ ਵਾ, ਰੂਪਂ ਪੇਤਂ ਰੂਪਾਯਤਨਂ ਪੇਤਂ ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਰੂਪਾਯਤਨਂ.

੬੧੭. ਕਤਮਂ ¶ ਤਂ ਰੂਪਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਕਾਲ਼ਕਂ ਮਞ੍ਜਿਟ੍ਠਕਂ ਹਰਿ ਹਰਿਵਣ੍ਣਂ ਅਮ੍ਬਙ੍ਕੁਰਵਣ੍ਣਂ ਦੀਘਂ ਰਸ੍ਸਂ ਅਣੁਂ ਥੂਲਂ ਵਟ੍ਟਂ ਪਰਿਮਣ੍ਡਲਂ ਚਤੁਰਂਸਂ ਛਲ਼ਂਸਂ ਅਟ੍ਠਂਸਂ ਸੋਲ਼ਸਂਸਂ ਨਿਨ੍ਨਂ ਥਲਂ ਛਾਯਾ ਆਤਪੋ ਆਲੋਕੋ ਅਨ੍ਧਕਾਰੋ ¶ ਅਬ੍ਭਾ ਮਹਿਕਾ ਧੂਮੋ ਰਜੋ ਚਨ੍ਦਮਣ੍ਡਲਸ੍ਸ ਵਣ੍ਣਨਿਭਾ ਸੂਰਿਯਮਣ੍ਡਲਸ੍ਸ ਵਣ੍ਣਨਿਭਾ ਤਾਰਕਰੂਪਾਨਂ ਵਣ੍ਣਨਿਭਾ ਆਦਾਸਮਣ੍ਡਲਸ੍ਸ ਵਣ੍ਣਨਿਭਾ ਮਣਿਸਙ੍ਖਮੁਤ੍ਤਾਵੇਲ਼ੁਰਿਯਸ੍ਸ ਵਣ੍ਣਨਿਭਾ ਜਾਤਰੂਪਰਜਤਸ੍ਸ ਵਣ੍ਣਨਿਭਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ, ਯਮ੍ਹਿ ਰੂਪਮ੍ਹਿ ਸਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਚਕ੍ਖੁਂ ਅਨਿਦਸ੍ਸਨਂ ਸਪ੍ਪਟਿਘਂ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਰੂਪਂ ਪੇਤਂ ਰੂਪਾਯਤਨਂ ਪੇਤਂ ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਰੂਪਾਯਤਨਂ.

੬੧੮. ਕਤਮਂ ਤਂ ਰੂਪਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਕਾਲ਼ਕਂ ਮਞ੍ਜਿਟ੍ਠਕਂ ਹਰਿ ਹਰਿਵਣ੍ਣਂ ਅਮ੍ਬਙ੍ਕੁਰਵਣ੍ਣਂ ਦੀਘਂ ਰਸ੍ਸਂ ਅਣੁਂ ਥੂਲਂ ਵਟ੍ਟਂ ਪਰਿਮਣ੍ਡਲਂ ਚਤੁਰਂਸਂ ਛਲ਼ਂਸਂ ਅਟ੍ਠਂਸਂ ਸੋਲ਼ਸਂਸਂ ਨਿਨ੍ਨਂ ਥਲਂ ਛਾਯਾ ਆਤਪੋ ਆਲੋਕੋ ਅਨ੍ਧਕਾਰੋ ਅਬ੍ਭਾ ਮਹਿਕਾ ਧੂਮੋ ਰਜੋ ਚਨ੍ਦਮਣ੍ਡਲਸ੍ਸ ਵਣ੍ਣਨਿਭਾ ਸੂਰਿਯਮਣ੍ਡਲਸ੍ਸ ¶ ਵਣ੍ਣਨਿਭਾ ਤਾਰਕਰੂਪਾਨਂ ਵਣ੍ਣਨਿਭਾ ਆਦਾਸਮਣ੍ਡਲਸ੍ਸ ਵਣ੍ਣਨਿਭਾ ਮਣਿਸਙ੍ਖਮੁਤ੍ਤਾਵੇਲ਼ੁਰਿਯਸ੍ਸ ਵਣ੍ਣਨਿਭਾ ਜਾਤਰੂਪਰਜਤਸ੍ਸ ਵਣ੍ਣਨਿਭਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ, ਯਂ ਰੂਪਂ ਸਨਿਦਸ੍ਸਨਂ ਸਪ੍ਪਟਿਘਂ ਚਕ੍ਖੁਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਰੂਪਂ ਪੇਤਂ ਰੂਪਾਯਤਨਂ ਪੇਤਂ ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਰੂਪਾਯਤਨਂ.

੬੧੯. ਕਤਮਂ ¶ ਤਂ ਰੂਪਂ ਰੂਪਾਯਤਨਂ? ਯਂ ¶ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਕਾਲ਼ਕਂ ਮਞ੍ਜਿਟ੍ਠਕਂ ਹਰਿ ਹਰਿਵਣ੍ਣਂ ਅਮ੍ਬਙ੍ਕੁਰਵਣ੍ਣਂ ਦੀਘਂ ਰਸ੍ਸਂ ਅਣੁਂ ਥੂਲਂ ਵਟ੍ਟਂ ਪਰਿਮਣ੍ਡਲਂ ਚਤੁਰਂਸਂ ਛਲ਼ਂਸਂ ਅਟ੍ਠਂਸਂ ਸੋਲ਼ਸਂਸਂ ਨਿਨ੍ਨਂ ਥਲਂ ਛਾਯਾ ਆਤਪੋ ਆਲੋਕੋ ਅਨ੍ਧਕਾਰੋ ਅਬ੍ਭਾ ਮਹਿਕਾ ਧੂਮੋ ਰਜੋ ਚਨ੍ਦਮਣ੍ਡਲਸ੍ਸ ਵਣ੍ਣਨਿਭਾ ਸੂਰਿਯਮਣ੍ਡਲਸ੍ਸ ਵਣ੍ਣਨਿਭਾ ਤਾਰਕਰੂਪਾਨਂ ਵਣ੍ਣਨਿਭਾ ਆਦਾਸਮਣ੍ਡਲਸ੍ਸ ਵਣ੍ਣਨਿਭਾ ਮਣਿਸਙ੍ਖਮੁਤ੍ਤਾਵੇਲ਼ੁਰਿਯਸ੍ਸ ਵਣ੍ਣਨਿਭਾ ਜਾਤਰੂਪਰਜਤਸ੍ਸ ਵਣ੍ਣਨਿਭਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ ਸਨਿਦਸ੍ਸਨਂ ਸਪ੍ਪਟਿਘਂ, ਯਂ ਰੂਪਂ ਆਰਬ੍ਭ ਚਕ੍ਖੁਂ ਨਿਸ੍ਸਾਯ ਚਕ੍ਖੁਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰੂਪਂ ਆਰਬ੍ਭ ਚਕ੍ਖੁਂ ਨਿਸ੍ਸਾਯ ਚਕ੍ਖੁਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਚਕ੍ਖੁਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰੂਪਾਰਮ੍ਮਣੋ ਚਕ੍ਖੁਂ ਨਿਸ੍ਸਾਯ ਚਕ੍ਖੁਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰੂਪਾਰਮ੍ਮਣਾ ਚਕ੍ਖੁਂ ਨਿਸ੍ਸਾਯ ਚਕ੍ਖੁਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਚਕ੍ਖੁਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਰੂਪਂ ਪੇਤਂ ਰੂਪਾਯਤਨਂ ਪੇਤਂ ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਰੂਪਾਯਤਨਂ.

੬੨੦. ਕਤਮਂ ਤਂ ਰੂਪਂ ਸਦ੍ਦਾਯਤਨਂ? ਯੋ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ¶ ਅਨਿਦਸ੍ਸਨੋ ਸਪ੍ਪਟਿਘੋ ਭੇਰਿਸਦ੍ਦੋ ਮੁਦਿਙ੍ਗਸਦ੍ਦੋ ਸਙ੍ਖਸਦ੍ਦੋ ਪਣਵਸਦ੍ਦੋ ਗੀਤਸਦ੍ਦੋ ਵਾਦਿਤਸਦ੍ਦੋ ਸਮ੍ਮਸਦ੍ਦੋ ਪਾਣਿਸਦ੍ਦੋ ਸਤ੍ਤਾਨਂ ਨਿਗ੍ਘੋਸਸਦ੍ਦੋ ਧਾਤੂਨਂ ਸਨ੍ਨਿਘਾਤਸਦ੍ਦੋ ਵਾਤਸਦ੍ਦੋ ਉਦਕਸਦ੍ਦੋ ਮਨੁਸ੍ਸਸਦ੍ਦੋ ਅਮਨੁਸ੍ਸਸਦ੍ਦੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਸਦ੍ਦਂ ਅਨਿਦਸ੍ਸਨਂ ਸਪ੍ਪਟਿਘਂ ਸੋਤੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਸੁਣਿ ਵਾ ¶ ਸੁਣਾਤਿ ਵਾ ਸੁਣਿਸ੍ਸਤਿ ਵਾ ਸੁਣੇ ਵਾ, ਸਦ੍ਦੋ ਪੇਸੋ ਸਦ੍ਦਾਯਤਨਂ ਪੇਤਂ ਸਦ੍ਦਧਾਤੁ ਪੇਸਾ – ਇਦਂ ਤਂ ਰੂਪਂ ਸਦ੍ਦਾਯਤਨਂ.

੬੨੧. ਕਤਮਂ ਤਂ ਰੂਪਂ ਸਦ੍ਦਾਯਤਨਂ? ਯੋ ¶ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਭੇਰਿਸਦ੍ਦੋ ਮੁਦਿਙ੍ਗਸਦ੍ਦੋ ਸਙ੍ਖਸਦ੍ਦੋ ਪਣਵਸਦ੍ਦੋ ਗੀਤਸਦ੍ਦੋ ਵਾਦਿਤਸਦ੍ਦੋ ਸਮ੍ਮਸਦ੍ਦੋ ਪਾਣਿਸਦ੍ਦੋ ਸਤ੍ਤਾਨਂ ਨਿਗ੍ਘੋਸਸਦ੍ਦੋ ਧਾਤੂਨਂ ਸਨ੍ਨਿਘਾਤਸਦ੍ਦੋ ਵਾਤਸਦ੍ਦੋ ਉਦਕਸਦ੍ਦੋ ਮਨੁਸ੍ਸਸਦ੍ਦੋ ਅਮਨੁਸ੍ਸਸਦ੍ਦੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ¶ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਸਦ੍ਦਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਸੋਤਂ ਅਨਿਦਸ੍ਸਨਂ ਸਪ੍ਪਟਿਘਂ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਸਦ੍ਦੋ ਪੇਸੋ ਸਦ੍ਦਾਯਤਨਂ ਪੇਤਂ ਸਦ੍ਦਧਾਤੁ ਪੇਸਾ – ਇਦਂ ਤਂ ਰੂਪਂ ਸਦ੍ਦਾਯਤਨਂ.

੬੨੨. ਕਤਮਂ ਤਂ ਰੂਪਂ ਸਦ੍ਦਾਯਤਨਂ? ਯੋ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਭੇਰਿਸਦ੍ਦੋ ਮੁਦਿਙ੍ਗਸਦ੍ਦੋ ਸਙ੍ਖਸਦ੍ਦੋ ਪਣਵਸਦ੍ਦੋ ਗੀਤਸਦ੍ਦੋ ਵਾਦਿਤਸਦ੍ਦੋ ਸਮ੍ਮਸਦ੍ਦੋ ਪਾਣਿਸਦ੍ਦੋ ਸਤ੍ਤਾਨਂ ਨਿਗ੍ਘੋਸਸਦ੍ਦੋ ਧਾਤੂਨਂ ਸਨ੍ਨਿਘਾਤਸਦ੍ਦੋ ਵਾਤਸਦ੍ਦੋ ਉਦਕਸਦ੍ਦੋ ¶ ਮਨੁਸ੍ਸਸਦ੍ਦੋ ਅਮਨੁਸ੍ਸਸਦ੍ਦੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯੋ ਸਦ੍ਦੋ ਅਨਿਦਸ੍ਸਨੋ ਸਪ੍ਪਟਿਘੋ ਸੋਤਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਸਦ੍ਦੋ ਪੇਸੋ ਸਦ੍ਦਾਯਤਨਂ ਪੇਤਂ ਸਦ੍ਦਧਾਤੁ ਪੇਸਾ – ਇਦਂ ਤਂ ਰੂਪਂ ਸਦ੍ਦਾਯਤਨਂ.

੬੨੩. ਕਤਮਂ ਤਂ ਰੂਪਂ ਸਦ੍ਦਾਯਤਨਂ? ਯੋ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਭੇਰਿਸਦ੍ਦੋ ਮੁਦਿਙ੍ਗਸਦ੍ਦੋ ਸਙ੍ਖਸਦ੍ਦੋ ਪਣਵਸਦ੍ਦੋ ਗੀਤਸਦ੍ਦੋ ਵਾਦਿਤਸਦ੍ਦੋ ਸਮ੍ਮਸਦ੍ਦੋ ਪਾਣਿਸਦ੍ਦੋ ਸਤ੍ਤਾਨਂ ਨਿਗ੍ਘੋਸਸਦ੍ਦੋ ਧਾਤੂਨਂ ਸਨ੍ਨਿਘਾਤਸਦ੍ਦੋ ਵਾਤਸਦ੍ਦੋ ਉਦਕਸਦ੍ਦੋ ਮਨੁਸ੍ਸਸਦ੍ਦੋ ਅਮਨੁਸ੍ਸਸਦ੍ਦੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਸਦ੍ਦੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਸਦ੍ਦਂ ਆਰਬ੍ਭ ਸੋਤਂ ਨਿਸ੍ਸਾਯ ਸੋਤਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸਦ੍ਦਂ ਆਰਬ੍ਭ ਸੋਤਂ ਨਿਸ੍ਸਾਯ ਸੋਤਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸੋਤਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸਦ੍ਦਾਰਮ੍ਮਣੋ ਸੋਤਂ ਨਿਸ੍ਸਾਯ ਸੋਤਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਸਦ੍ਦਾਰਮ੍ਮਣਾ ¶ ਸੋਤਂ ਨਿਸ੍ਸਾਯ ਸੋਤਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਸੋਤਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਸਦ੍ਦੋ ਪੇਸੋ ਸਦ੍ਦਾਯਤਨਂ ਪੇਤਂ ਸਦ੍ਦਧਾਤੁ ਪੇਸਾ – ਇਦਂ ¶ ਤਂ ਰੂਪਂ ਸਦ੍ਦਾਯਤਨਂ.

੬੨੪. ਕਤਮਂ ਤਂ ਰੂਪਂ ਗਨ੍ਧਾਯਤਨਂ? ਯੋ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਕਗਨ੍ਧੋ ਵਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋ ¶ , ਯੋ ਵਾ ਪਨਞ੍ਞੋਪਿ ਅਤ੍ਥਿ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਗਨ੍ਧਂ ਅਨਿਦਸ੍ਸਨਂ ਸਪ੍ਪਟਿਘਂ ਘਾਨੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਘਾਯਿ ਵਾ ਘਾਯਤਿ ਵਾ ਘਾਯਿਸ੍ਸਤਿ ਵਾ ਘਾਯੇ ਵਾ, ਗਨ੍ਧੋ ਪੇਸੋ ਗਨ੍ਧਾਯਤਨਂ ਪੇਤਂ ਗਨ੍ਧਧਾਤੁ ਪੇਸਾ – ਇਦਂ ਤਂ ਰੂਪਂ ਗਨ੍ਧਾਯਤਨਂ.

੬੨੫. ਕਤਮਂ ਤਂ ਰੂਪਂ ਗਨ੍ਧਾਯਤਨਂ? ਯੋ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਕਗਨ੍ਧੋ ਵਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਗਨ੍ਧਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਘਾਨਂ ਅਨਿਦਸ੍ਸਨਂ ਸਪ੍ਪਟਿਘਂ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ¶ ਵਾ, ਗਨ੍ਧੋ ਪੇਸੋ ਗਨ੍ਧਾਯਤਨਂ ਪੇਤਂ ਗਨ੍ਧਧਾਤੁ ਪੇਸਾ – ਇਦਂ ਤਂ ਰੂਪਂ ਗਨ੍ਧਾਯਤਨਂ.

੬੨੬. ਕਤਮਂ ਤਂ ਰੂਪਂ ਗਨ੍ਧਾਯਤਨਂ? ਯੋ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਕਗਨ੍ਧੋ ਵਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯੋ ¶ ਗਨ੍ਧੋ ਅਨਿਦਸ੍ਸਨੋ ਸਪ੍ਪਟਿਘੋ ਘਾਨਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਗਨ੍ਧੋ ਪੇਸੋ ਗਨ੍ਧਾਯਤਨਂ ਪੇਤਂ ਗਨ੍ਧਧਾਤੁ ਪੇਸਾ – ਇਦਂ ਤਂ ਰੂਪਂ ਗਨ੍ਧਾਯਤਨਂ.

੬੨੭. ਕਤਮਂ ਤਂ ਰੂਪਂ ਗਨ੍ਧਾਯਤਨਂ? ਯੋ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਗਨ੍ਧੋ ਸਾਰਗਨ੍ਧੋ ਤਚਗਨ੍ਧੋ ਪਤ੍ਤਗਨ੍ਧੋ ਪੁਪ੍ਫਗਨ੍ਧੋ ਫਲਗਨ੍ਧੋ ਆਮਕਗਨ੍ਧੋ ਵਿਸ੍ਸਗਨ੍ਧੋ ਸੁਗਨ੍ਧੋ ਦੁਗ੍ਗਨ੍ਧੋ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਗਨ੍ਧੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ¶ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਗਨ੍ਧਂ ਆਰਬ੍ਭ ਘਾਨਂ ਨਿਸ੍ਸਾਯ ਘਾਨਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਗਨ੍ਧਂ ਆਰਬ੍ਭ ਘਾਨਂ ਨਿਸ੍ਸਾਯ ਘਾਨਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਘਾਨਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਗਨ੍ਧਾਰਮ੍ਮਣੋ ਘਾਨਂ ਨਿਸ੍ਸਾਯ ਘਾਨਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ¶ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਗਨ੍ਧਾਰਮ੍ਮਣਾ ਘਾਨਂ ਨਿਸ੍ਸਾਯ ਘਾਨਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਘਾਨਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਗਨ੍ਧੋ ਪੇਸੋ ਗਨ੍ਧਾਯਤਨਂ ਪੇਤਂ ਗਨ੍ਧਧਾਤੁ ਪੇਸਾ – ਇਦਂ ਤਂ ਰੂਪਂ ਗਨ੍ਧਾਯਤਨਂ.

੬੨੮. ਕਤਮਂ ਤਂ ਰੂਪਂ ਰਸਾਯਤਨਂ? ਯੋ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ¶ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਕਂ ਖਾਰਿਕਂ ਲਮ੍ਬਿਲਂ [ਲਪਿਲਕਂ (ਸੀ.)] ਕਸਾਵੋ ਸਾਦੁ ਅਸਾਦੁ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਰਸਂ ਅਨਿਦਸ੍ਸਨਂ ਸਪ੍ਪਟਿਘਂ ਜਿਵ੍ਹਾਯ ਅਨਿਦਸ੍ਸਨਾਯ ਸਪ੍ਪਟਿਘਾਯ ਸਾਯਿ ਵਾ ਸਾਯਤਿ ਵਾ ਸਾਯਿਸ੍ਸਤਿ ਵਾ ਸਾਯੇ ਵਾ, ਰਸੋ ਪੇਸੋ ਰਸਾਯਤਨਂ ਪੇਤਂ ਰਸਧਾਤੁ ਪੇਸਾ – ਇਦਂ ਤਂ ਰੂਪਂ ਰਸਾਯਤਨਂ.

੬੨੯. ਕਤਮਂ ਤਂ ਰੂਪਂ ਰਸਾਯਤਨਂ? ਯੋ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਕਂ ਖਾਰਿਕਂ ਲਮ੍ਬਿਲਂ ਕਸਾਵੋ ਸਾਦੁ ਅਸਾਦੁ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਮ੍ਹਿ ਰਸਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਜਿਵ੍ਹਾ ਅਨਿਦਸ੍ਸਨਾ ਸਪ੍ਪਟਿਘਾ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਰਸੋ ਪੇਸੋ ਰਸਾਯਤਨਂ ਪੇਤਂ ਰਸਧਾਤੁ ਪੇਸਾ – ਇਦਂ ਤਂ ਰੂਪਂ ਰਸਾਯਤਨਂ.

੬੩੦. ਕਤਮਂ ¶ ਤਂ ਰੂਪਂ ਰਸਾਯਤਨਂ? ਯੋ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਕਂ ਖਾਰਿਕਂ ਲਮ੍ਬਿਲਂ ਕਸਾਵੋ ਸਾਦੁ ਅਸਾਦੁ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯੋ ਰਸੋ ਅਨਿਦਸ੍ਸਨੋ ਸਪ੍ਪਟਿਘੋ ਜਿਵ੍ਹਾਯ ¶ ਅਨਿਦਸ੍ਸਨਾਯ ਸਪ੍ਪਟਿਘਾਯ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ¶ ਪਟਿਹਞ੍ਞੇ ਵਾ, ਰਸੋ ਪੇਸੋ ਰਸਾਯਤਨਂ ਪੇਤਂ ਰਸਧਾਤੁ ਪੇਸਾ – ਇਦਂ ਤਂ ਰੂਪਂ ਰਸਾਯਤਨਂ.

੬੩੧. ਕਤਮਂ ¶ ਤਂ ਰੂਪਂ ਰਸਾਯਤਨਂ? ਯੋ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ ਮੂਲਰਸੋ ਖਨ੍ਧਰਸੋ ਤਚਰਸੋ ਪਤ੍ਤਰਸੋ ਪੁਪ੍ਫਰਸੋ ਫਲਰਸੋ ਅਮ੍ਬਿਲਂ ਮਧੁਰਂ ਤਿਤ੍ਤਕਂ ਕਟੁਕਂ ਲੋਣਿਕਂ ਖਾਰਿਕਂ ਲਮ੍ਬਿਲਂ ਕਸਾਵੋ ਸਾਦੁ ਅਸਾਦੁ, ਯੋ ਵਾ ਪਨਞ੍ਞੋਪਿ ਅਤ੍ਥਿ ਰਸੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਅਨਿਦਸ੍ਸਨੋ ਸਪ੍ਪਟਿਘੋ, ਯਂ ਰਸਂ ਆਰਬ੍ਭ ਜਿਵ੍ਹਂ ਨਿਸ੍ਸਾਯ ਜਿਵ੍ਹਾਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰਸਂ ਆਰਬ੍ਭ ਜਿਵ੍ਹਂ ਨਿਸ੍ਸਾਯ ਜਿਵ੍ਹਾਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਜਿਵ੍ਹਾਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰਸਾਰਮ੍ਮਣੋ ਜਿਵ੍ਹਂ ਨਿਸ੍ਸਾਯ ਜਿਵ੍ਹਾਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਰਸਾਰਮ੍ਮਣਾ ਜਿਵ੍ਹਂ ਨਿਸ੍ਸਾਯ ਜਿਵ੍ਹਾਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਜਿਵ੍ਹਾਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਰਸੋ ਪੇਸੋ ਰਸਾਯਤਨਂ ਪੇਤਂ ਰਸਧਾਤੁ ਪੇਸਾ – ਇਦਂ ਤਂ ਰੂਪਂ ਰਸਾਯਤਨਂ.

੬੩੨. ਕਤਮਂ ਤਂ ਰੂਪਂ ਇਤ੍ਥਿਨ੍ਦ੍ਰਿਯਂ? ਯਂ ਇਤ੍ਥਿਯਾ ਇਤ੍ਥਿਲਿਙ੍ਗਂ ਇਤ੍ਥਿਨਿਮਿਤ੍ਤਂ ਇਤ੍ਥਿਕੁਤ੍ਤਂ ਇਤ੍ਥਾਕਪ੍ਪੋ ਇਤ੍ਥਤ੍ਤਂ ਇਤ੍ਥਿਭਾਵੋ [ਇਤ੍ਥਿਤ੍ਤਂ ਇਤ੍ਥੀਭਾਵੋ (ਸ੍ਯਾ.)] – ਇਦਂ ਤਂ ਰੂਪਂ ਇਤ੍ਥਿਨ੍ਦ੍ਰਿਯਂ.

੬੩੩. ਕਤਮਂ ¶ ਤਂ ਰੂਪਂ ਪੁਰਿਸਿਨ੍ਦ੍ਰਿਯਂ? ਯਂ ਪੁਰਿਸਸ੍ਸ ਪੁਰਿਸਲਿਙ੍ਗਂ ਪੁਰਿਸਨਿਮਿਤ੍ਤਂ ਪੁਰਿਸਕੁਤ੍ਤਂ ਪੁਰਿਸਾਕਪ੍ਪੋ ਪੁਰਿਸਤ੍ਤਂ ਪੁਰਿਸਭਾਵੋ – ਇਦਂ ਤਂ ਰੂਪਂ ਪੁਰਿਸਿਨ੍ਦ੍ਰਿਯਂ.

੬੩੪. ਕਤਮਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ? ਯੋ ਤੇਸਂ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ.

੬੩੫. ਕਤਮਂ ਤਂ ਰੂਪਂ ਕਾਯਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਅਭਿਕ੍ਕਮਨ੍ਤਸ੍ਸ ਵਾ ਪਟਿਕ੍ਕਮਨ੍ਤਸ੍ਸ ਵਾ ਆਲੋਕੇਨ੍ਤਸ੍ਸ ਵਾ ਵਿਲੋਕੇਨ੍ਤਸ੍ਸ ਵਾ ਸਮਿਞ੍ਜੇਨ੍ਤਸ੍ਸ ਵਾ ਪਸਾਰੇਨ੍ਤਸ੍ਸ ਵਾ ਕਾਯਸ੍ਸ ਥਮ੍ਭਨਾ ਸਨ੍ਥਮ੍ਭਨਾ ਸਨ੍ਥਮ੍ਭਿਤਤ੍ਤਂ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਕਾਯਵਿਞ੍ਞਤ੍ਤਿ.

੬੩੬. ਕਤਮਂ ¶ ਤਂ ਰੂਪਂ ਵਚੀਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਵਾਚਾ ਗਿਰਾ ਬ੍ਯਪ੍ਪਥੋ ਉਦੀਰਣਂ ਘੋਸੋ ਘੋਸਕਮ੍ਮਂ ਵਾਚਾ ਵਚੀਭੇਦੋ ¶ – ਅਯਂ ਵੁਚ੍ਚਤਿ ਵਾਚਾ. ਯਾ ਤਾਯ ਵਾਚਾਯ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਵਚੀਵਿਞ੍ਞਤ੍ਤਿ.

੬੩੭. ਕਤਮਂ ¶ ਤਂ ਰੂਪਂ ਆਕਾਸਧਾਤੁ? ਯੋ ਆਕਾਸੋ ਆਕਾਸਗਤਂ ਅਘਂ ਅਘਗਤਂ ਵਿਵਰੋ ਵਿਵਰਗਤਂ ਅਸਮ੍ਫੁਟ੍ਠਂ ਚਤੂਹਿ ਮਹਾਭੂਤੇਹਿ – ਇਦਂ ਤਂ ਰੂਪਂ ਆਕਾਸਧਾਤੁ.

੬੩੮. ਕਤਮਂ ¶ ਤਂ ਰੂਪਂ ਰੂਪਸ੍ਸ ਲਹੁਤਾ? ਯਾ ਰੂਪਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਇਦਂ ਤਂ ਰੂਪਂ ਰੂਪਸ੍ਸ ਲਹੁਤਾ.

੬੩੯. ਕਤਮਂ ਤਂ ਰੂਪਂ ਰੂਪਸ੍ਸ ਮੁਦੁਤਾ? ਯਾ ਰੂਪਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਇਦਂ ਤਂ ਰੂਪਂ ਰੂਪਸ੍ਸ ਮੁਦੁਤਾ.

੬੪੦. ਕਤਮਂ ਤਂ ਰੂਪਂ ਰੂਪਸ੍ਸ ਕਮ੍ਮਞ੍ਞਤਾ? ਯਾ ਰੂਪਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਇਦਂ ਤਂ ਰੂਪਂ ਰੂਪਸ੍ਸ ਕਮ੍ਮਞ੍ਞਤਾ.

੬੪੧. ਕਤਮਂ ਤਂ ਰੂਪਂ ਰੂਪਸ੍ਸ ਉਪਚਯੋ? ਯੋ ਆਯਤਨਾਨਂ ਆਚਯੋ, ਸੋ ਰੂਪਸ੍ਸ ਉਪਚਯੋ – ਇਦਂ ਤਂ ਰੂਪਂ ਰੂਪਸ੍ਸ ਉਪਚਯੋ.

੬੪੨. ਕਤਮਂ ਤਂ ਰੂਪਂ ਰੂਪਸ੍ਸ ਸਨ੍ਤਤਿ? ਯੋ ਰੂਪਸ੍ਸ ਉਪਚਯੋ, ਸਾ ਰੂਪਸ੍ਸ ਸਨ੍ਤਤਿ – ਇਦਂ ਤਂ ਰੂਪਂ ਰੂਪਸ੍ਸ ਸਨ੍ਤਤਿ.

੬੪੩. ਕਤਮਂ ਤਂ ਰੂਪਂ ਰੂਪਸ੍ਸ ਜਰਤਾ? ਯਾ ਰੂਪਸ੍ਸ ਜਰਾ ਜੀਰਣਤਾ ਖਣ੍ਡਿਚ੍ਚਂ ਪਾਲਿਚ੍ਚਂ ਵਲਿਤ੍ਤਚਤਾ ਆਯੁਨੋ ਸਂਹਾਨਿ ਇਨ੍ਦ੍ਰਿਯਾਨਂ ਪਰਿਪਾਕੋ – ਇਦਂ ਤਂ ਰੂਪਂ ਰੂਪਸ੍ਸ ਜਰਤਾ.

੬੪੪. ਕਤਮਂ ਤਂ ਰੂਪਂ ਰੂਪਸ੍ਸ ਅਨਿਚ੍ਚਤਾ? ਯੋ ਰੂਪਸ੍ਸ ਖਯੋ ਵਯੋ ਭੇਦੋ ਪਰਿਭੇਦੋ ਅਨਿਚ੍ਚਤਾ ਅਨ੍ਤਰਧਾਨਂ – ਇਦਂ ਤਂ ਰੂਪਂ ਰੂਪਸ੍ਸ ਅਨਿਚ੍ਚਤਾ.

੬੪੫. ਕਤਮਂ ¶ ਤਂ ਰੂਪਂ ਕਬਲ਼ੀਕਾਰੋ ਆਹਾਰੋ? ਓਦਨੋ ਕੁਮ੍ਮਾਸੋ ਸਤ੍ਤੁ ਮਚ੍ਛੋ ਮਂਸਂ ਖੀਰਂ ਦਧਿ ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਯਮ੍ਹਿ ਯਮ੍ਹਿ ਜਨਪਦੇ ਤੇਸਂ ਤੇਸਂ ¶ ਸਤ੍ਤਾਨਂ ਮੁਖਾਸਿਯਂ ਦਨ੍ਤਵਿਖਾਦਨਂ ਗਲਜ੍ਝੋਹਰਣੀਯਂ ਕੁਚ੍ਛਿਵਿਤ੍ਥਮ੍ਭਨਂ, ਯਾਯ ਓਜਾਯ ਸਤ੍ਤਾ ਯਾਪੇਨ੍ਤਿ – ਇਦਂ ਤਂ ਰੂਪਂ ਕਬਲ਼ੀਕਾਰੋ ਆਹਾਰੋ.

ਇਦਂ ਤਂ ਰੂਪਂ ਉਪਾਦਾ.

ਉਪਾਦਾਭਾਜਨੀਯਂ.

ਰੂਪਕਣ੍ਡੇ ਪਠਮਭਾਣਵਾਰੋ.

੬੪੬. ਕਤਮਂ ¶ ¶ ਤਂ ਰੂਪਂ ਨੋ ਉਪਾਦਾ? ਫੋਟ੍ਠਬ੍ਬਾਯਤਨਂ, ਆਪੋਧਾਤੁ.

੬੪੭. ਕਤਮਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ ਤੇਜੋਧਾਤੁ ਵਾਯੋਧਾਤੁ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਂ, ਯਂ ਫੋਟ੍ਠਬ੍ਬਂ ਅਨਿਦਸ੍ਸਨਂ ਸਪ੍ਪਟਿਘਂ ਕਾਯੇਨ ਅਨਿਦਸ੍ਸਨੇਨ ਸਪ੍ਪਟਿਘੇਨ ਫੁਸਿ ਵਾ ਫੁਸਤਿ ਵਾ ਫੁਸਿਸ੍ਸਤਿ ਵਾ ਫੁਸੇ ਵਾ ਫੋਟ੍ਠਬ੍ਬੋ ਪੇਸੋ ਫੋਟ੍ਠਬ੍ਬਾਯਤਨਂ ਪੇਤਂ ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੬੪੮. ਕਤਮਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ ਤੇਜੋਧਾਤੁ ਵਾਯੋਧਾਤੁ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਂ, ਯਮ੍ਹਿ ਫੋਟ੍ਠਬ੍ਬਮ੍ਹਿ ਅਨਿਦਸ੍ਸਨਮ੍ਹਿ ਸਪ੍ਪਟਿਘਮ੍ਹਿ ਕਾਯੋ ਅਨਿਦਸ੍ਸਨੋ ਸਪ੍ਪਟਿਘੋ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਫੋਟ੍ਠਬ੍ਬੋ ਪੇਸੋ ਫੋਟ੍ਠਬ੍ਬਾਯਤਨਂ ਪੇਤਂ ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੬੪੯. ਕਤਮਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ ਤੇਜੋਧਾਤੁ ਵਾਯੋਧਾਤੁ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਂ, ਯੋ ਫੋਟ੍ਠਬ੍ਬੋ ਅਨਿਦਸ੍ਸਨੋ ਸਪ੍ਪਟਿਘੋ ਕਾਯਮ੍ਹਿ ਅਨਿਦਸ੍ਸਨਮ੍ਹਿ ¶ ਸਪ੍ਪਟਿਘਮ੍ਹਿ ਪਟਿਹਞ੍ਞਿ ਵਾ ਪਟਿਹਞ੍ਞਤਿ ਵਾ ਪਟਿਹਞ੍ਞਿਸ੍ਸਤਿ ਵਾ ਪਟਿਹਞ੍ਞੇ ਵਾ, ਫੋਟ੍ਠਬ੍ਬੋ ਪੇਸੋ ਫੋਟ੍ਠਬ੍ਬਾਯਤਨਂ ਪੇਤਂ ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੬੫੦. ਕਤਮਂ ¶ ਤਂ ਰੂਪਂ ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ ਤੇਜੋਧਾਤੁ ਵਾਯੋਧਾਤੁ ਕਕ੍ਖਲ਼ਂ ਮੁਦੁਕਂ ਸਣ੍ਹਂ ਫਰੁਸਂ ਸੁਖਸਮ੍ਫਸ੍ਸਂ ਦੁਕ੍ਖਸਮ੍ਫਸ੍ਸਂ ਗਰੁਕਂ ਲਹੁਕਂ, ਯਂ ਫੋਟ੍ਠਬ੍ਬਂ ਆਰਬ੍ਭ ਕਾਯਂ ਨਿਸ੍ਸਾਯ ਕਾਯਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਫੋਟ੍ਠਬ੍ਬਂ ਆਰਬ੍ਭ ਕਾਯਂ ਨਿਸ੍ਸਾਯ ਕਾਯਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਕਾਯਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਫੋਟ੍ਠਬ੍ਬਾਰਮ੍ਮਣੋ ਕਾਯਂ ਨਿਸ੍ਸਾਯ ਕਾਯਸਮ੍ਫਸ੍ਸੋ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ…ਪੇ… ਯਂ ਫੋਟ੍ਠਬ੍ਬਾਰਮ੍ਮਣਾ ਕਾਯਂ ਨਿਸ੍ਸਾਯ ਕਾਯਸਮ੍ਫਸ੍ਸਜਾ ਵੇਦਨਾ…ਪੇ… ਸਞ੍ਞਾ…ਪੇ… ਚੇਤਨਾ…ਪੇ… ਕਾਯਵਿਞ੍ਞਾਣਂ ਉਪ੍ਪਜ੍ਜਿ ਵਾ ਉਪ੍ਪਜ੍ਜਤਿ ਵਾ ਉਪ੍ਪਜ੍ਜਿਸ੍ਸਤਿ ਵਾ ਉਪ੍ਪਜ੍ਜੇ ਵਾ, ਫੋਟ੍ਠਬ੍ਬੋ ਪੇਸੋ ਫੋਟ੍ਠਬ੍ਬਾਯਤਨਂ ਪੇਤਂ ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੬੫੧. ਕਤਮਂ ¶ ਤਂ ਰੂਪਂ ਆਪੋਧਾਤੁ? ਯਂ ¶ ਆਪੋ ਆਪੋਗਤਂ ਸਿਨੇਹੋ ਸਿਨੇਹਗਤਂ ਬਨ੍ਧਨਤ੍ਤਂ ਰੂਪਸ੍ਸ – ਇਦਂ ਤਂ ਰੂਪਂ ਆਪੋਧਾਤੁ.

ਇਦਂ ਤਂ ਰੂਪਂ ਨੋ ਉਪਾਦਾ.

੬੫੨. ਕਤਮਂ ¶ ਤਂ ਰੂਪਂ ਉਪਾਦਿਣ੍ਣਂ? ਚਕ੍ਖਾਯਤਨਂ ਸੋਤਾਯਤਨਂ ਘਾਨਾਯਤਨਂ ਜਿਵ੍ਹਾਯਤਨਂ ਕਾਯਾਯਤਨਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ.

੬੫੩. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ.

੬੫੪. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ਇਤ੍ਥਿਨ੍ਦ੍ਰਿਯਂ ¶ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ.

੬੫੫. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ, ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ¶ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ.

੬੫੬. ਕਤਮਂ ਤਂ ਰੂਪਂ ਸਨਿਦਸ੍ਸਨਂ? ਰੂਪਾਯਤਨਂ – ਇਦਂ ਤਂ ਰੂਪਂ ਸਨਿਦਸ੍ਸਨਂ.

੬੫੭. ਕਤਮਂ ¶ ਤਂ ਰੂਪਂ ਅਨਿਦਸ੍ਸਨਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨਿਦਸ੍ਸਨਂ.

੬੫੮. ਕਤਮਂ ¶ ਤਂ ਰੂਪਂ ਸਪ੍ਪਟਿਘਂ? ਚਕ੍ਖਾਯਤਨਂ ਸੋਤਾਯਤਨਂ ਘਾਨਾਯਤਨਂ ਜਿਵ੍ਹਾਯਤਨਂ ਕਾਯਾਯਤਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਸਪ੍ਪਟਿਘਂ.

੬੫੯. ਕਤਮਂ ਤਂ ਰੂਪਂ ਅਪ੍ਪਟਿਘਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਪ੍ਪਟਿਘਂ.

੬੬੦. ਕਤਮਂ ਤਂ ਰੂਪਂ ਇਨ੍ਦ੍ਰਿਯਂ? ਚਕ੍ਖੁਨ੍ਦ੍ਰਿਯਂ ਸੋਤਿਨ੍ਦ੍ਰਿਯਂ ਘਾਨਿਨ੍ਦ੍ਰਿਯਂ ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਇਨ੍ਦ੍ਰਿਯਂ.

੬੬੧. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ.

੬੬੨. ਕਤਮਂ ਤਂ ਰੂਪਂ ਮਹਾਭੂਤਂ? ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਮਹਾਭੂਤਂ.

੬੬੩. ਕਤਮਂ ¶ ਤਂ ਰੂਪਂ ਨ ਮਹਾਭੂਤਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਮਹਾਭੂਤਂ.

੬੬੪. ਕਤਮਂ ਤਂ ਰੂਪਂ ਵਿਞ੍ਞਤ੍ਤਿ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਵਿਞ੍ਞਤ੍ਤਿ.

੬੬੫. ਕਤਮਂ ਤਂ ਰੂਪਂ ਨ ਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਵਿਞ੍ਞਤ੍ਤਿ.

੬੬੬. ਕਤਮਂ ਤਂ ਰੂਪਂ ਚਿਤ੍ਤਸਮੁਟ੍ਠਾਨਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਯਂ ¶ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਿਤ੍ਤਜਂ ਚਿਤ੍ਤਹੇਤੁਕਂ ਚਿਤ੍ਤਸਮੁਟ੍ਠਾਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਚਿਤ੍ਤਸਮੁਟ੍ਠਾਨਂ.

੬੬੭. ਕਤਮਂ ਤਂ ਰੂਪਂ ਨ ਚਿਤ੍ਤਸਮੁਟ੍ਠਾਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਚਿਤ੍ਤਜਂ ਨ ਚਿਤ੍ਤਹੇਤੁਕਂ ਨ ਚਿਤ੍ਤਸਮੁਟ੍ਠਾਨਂ ਰੂਪਾਯਤਨਂ ਸਦ੍ਦਾਯਤਨਂ ¶ ਗਨ੍ਧਾਯਤਨਂ ¶ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਿਤ੍ਤਸਮੁਟ੍ਠਾਨਂ.

੬੬੮. ਕਤਮਂ ਤਂ ਰੂਪਂ ਚਿਤ੍ਤਸਹਭੁ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਚਿਤ੍ਤਸਹਭੁ.

੬੬੯. ਕਤਮਂ ਤਂ ਰੂਪਂ ਨ ਚਿਤ੍ਤਸਹਭੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਿਤ੍ਤਸਹਭੁ.

੬੭੦. ਕਤਮਂ ਤਂ ਰੂਪਂ ਚਿਤ੍ਤਾਨੁਪਰਿਵਤ੍ਤਿ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਚਿਤ੍ਤਾਨੁਪਰਿਵਤ੍ਤਿ.

੬੭੧. ਕਤਮਂ ¶ ਤਂ ਰੂਪਂ ਨ ਚਿਤ੍ਤਾਨੁਪਰਿਵਤ੍ਤਿ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਿਤ੍ਤਾਨੁਪਰਿਵਤ੍ਤਿ.

੬੭੨. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ.

੬੭੩. ਕਤਮਂ ਤਂ ਰੂਪਂ ਬਾਹਿਰਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ.

੬੭੪. ਕਤਮਂ ¶ ਤਂ ਰੂਪਂ ਓਲ਼ਾਰਿਕਂ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਓਲ਼ਾਰਿਕਂ.

੬੭੫. ਕਤਮਂ ਤਂ ਰੂਪਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਸੁਖੁਮਂ.

੬੭੬. ਕਤਮਂ ਤਂ ਰੂਪਂ ਦੂਰੇ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਦੂਰੇ.

੬੭੭. ਕਤਮਂ ਤਂ ਰੂਪਂ ਸਨ੍ਤਿਕੇ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਸਨ੍ਤਿਕੇ.

੬੭੮. ਕਤਮਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ.

੬੭੯. ਕਤਮਂ ¶ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ? ਸੋਤਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ.

੬੮੦. ਕਤਮਂ ¶ ਤਂ ਰੂਪਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ ¶ …ਪੇ… ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ.

੬੮੧. ਕਤਮਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ? ਸੋਤਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ.

੬੮੨. ਕਤਮਂ ਤਂ ਰੂਪਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਵਤ੍ਥੁ? ਕਾਯਾਯਤਨਂ – ਇਦਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਵਤ੍ਥੁ.

੬੮੩. ਕਤਮਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ.

੬੮੪. ਕਤਮਂ ¶ ਤਂ ਰੂਪਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਵਤ੍ਥੁ? ਕਾਯਾਯਤਨਂ – ਇਦਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਵਤ੍ਥੁ.

੬੮੫. ਕਤਮਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ.

੬੮੬. ਕਤਮਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ? ਰੂਪਾਯਤਨਂ – ਇਦਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ.

੬੮੭. ਕਤਮਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੬੮੮. ਕਤਮਂ ਤਂ ਰੂਪਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ? ਰੂਪਾਯਤਨਂ – ਇਦਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ.

੬੮੯. ਕਤਮਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੬੯੦. ਕਤਮਂ ¶ ¶ ਤਂ ਰੂਪਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ ¶ …ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ.

੬੯੧. ਕਤਮਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੬੯੨. ਕਤਮਂ ਤਂ ਰੂਪਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ¶ ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ.

੬੯੩. ਕਤਮਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੬੯੪. ਕਤਮਂ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ.

੬੯੫. ਕਤਮਂ ਤਂ ਰੂਪਂ ਨ ਚਕ੍ਖਾਯਤਨਂ? ਸੋਤਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਕ੍ਖਾਯਤਨਂ.

੬੯੬. ਕਤਮਂ ਤਂ ਰੂਪਂ ਸੋਤਾਯਤਨਂ…ਪੇ… ਘਾਨਾਯਤਨਂ…ਪੇ… ਜਿਵ੍ਹਾਯਤਨਂ…ਪੇ… ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਾਯਤਨਂ.

੬੯੭. ਕਤਮਂ ਤਂ ਰੂਪਂ ਨ ਕਾਯਾਯਤਨਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਕਾਯਾਯਤਨਂ.

੬੯੮. ਕਤਮਂ ¶ ਤਂ ਰੂਪਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ…ਪੇ… ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਰੂਪਾਯਤਨਂ.

੬੯੯. ਕਤਮਂ ਤਂ ਰੂਪਂ ਨ ਰੂਪਾਯਤਨਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਰੂਪਾਯਤਨਂ.

੭੦੦. ਕਤਮਂ ਤਂ ਰੂਪਂ ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ ¶ …ਪੇ… ਰਸਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ…ਪੇ… ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੭੦੧. ਕਤਮਂ ਤਂ ਰੂਪਂ ਨ ਫੋਟ੍ਠਬ੍ਬਾਯਤਨਂ ¶ ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਫੋਟ੍ਠਬ੍ਬਾਯਤਨਂ.

੭੦੨. ਕਤਮਂ ¶ ਤਂ ਰੂਪਂ ਚਕ੍ਖੁਧਾਤੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਚਕ੍ਖੁਧਾਤੁ.

੭੦੩. ਕਤਮਂ ਤਂ ਰੂਪਂ ਨ ਚਕ੍ਖੁਧਾਤੁ? ਸੋਤਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਕ੍ਖੁਧਾਤੁ.

੭੦੪. ਕਤਮਂ ਤਂ ਰੂਪਂ ਸੋਤਧਾਤੁ…ਪੇ… ਘਾਨਧਾਤੁ…ਪੇ… ਜਿਵ੍ਹਾਧਾਤੁ…ਪੇ… ਕਾਯਧਾਤੁ? ਕਾਯਾਯਤਨਂ – ਇਦਂ ਤਂ ਰੂਪਂ ਕਾਯਧਾਤੁ.

੭੦੫. ਕਤਮਂ ਤਂ ਰੂਪਂ ਨ ਕਾਯਧਾਤੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਕਾਯਧਾਤੁ.

੭੦੬. ਕਤਮਂ ਤਂ ਰੂਪਂ ਰੂਪਧਾਤੁ? ਰੂਪਾਯਤਨਂ – ਇਦਂ ਤਂ ਰੂਪਂ ਰੂਪਧਾਤੁ.

੭੦੭. ਕਤਮਂ ਤਂ ਰੂਪਂ ਨ ਰੂਪਧਾਤੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਰੂਪਧਾਤੁ.

੭੦੮. ਕਤਮਂ ¶ ਤਂ ਰੂਪਂ ਸਦ੍ਦਧਾਤੁ…ਪੇ… ਗਨ੍ਧਧਾਤੁ…ਪੇ… ਰਸਧਾਤੁ…ਪੇ… ਫੋਟ੍ਠਬ੍ਬਧਾਤੁ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਫੋਟ੍ਠਬ੍ਬਧਾਤੁ.

੭੦੯. ਕਤਮਂ ਤਂ ਰੂਪਂ ਨ ਫੋਟ੍ਠਬ੍ਬਧਾਤੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਫੋਟ੍ਠਬ੍ਬਧਾਤੁ.

੭੧੦. ਕਤਮਂ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ.

੭੧੧. ਕਤਮਂ ਤਂ ਰੂਪਂ ਨ ਚਕ੍ਖੁਨ੍ਦ੍ਰਿਯਂ? ਸੋਤਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਚਕ੍ਖੁਨ੍ਦ੍ਰਿਯਂ.

੭੧੨. ਕਤਮਂ ¶ ਤਂ ਰੂਪਂ ਸੋਤਿਨ੍ਦ੍ਰਿਯਂ…ਪੇ… ਘਾਨਿਨ੍ਦ੍ਰਿਯਂ…ਪੇ… ਜਿਵ੍ਹਿਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਕਾਯਿਨ੍ਦ੍ਰਿਯਂ.

੭੧੩. ਕਤਮਂ ਤਂ ਰੂਪਂ ਨ ਕਾਯਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਕਾਯਿਨ੍ਦ੍ਰਿਯਂ.

੭੧੪. ਕਤਮਂ ਤਂ ਰੂਪਂ ਇਤ੍ਥਿਨ੍ਦ੍ਰਿਯਂ? ਯਂ ¶ ਇਤ੍ਥਿਯਾ ਇਤ੍ਥਿਲਿਙ੍ਗਂ ਇਤ੍ਥਿਨਿਮਿਤ੍ਤਂ ਇਤ੍ਥਿਕੁਤ੍ਤਂ ਇਤ੍ਥਾਕਪ੍ਪੋ ਇਤ੍ਥਤ੍ਤਂ ਇਤ੍ਥਿਭਾਵੋ – ਇਦਂ ਤਂ ਰੂਪਂ ਇਤ੍ਥਿਨ੍ਦ੍ਰਿਯਂ.

੭੧੫. ਕਤਮਂ ¶ ਤਂ ਰੂਪਂ ਨ ਇਤ੍ਥਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਤ੍ਥਿਨ੍ਦ੍ਰਿਯਂ.

੭੧੬. ਕਤਮਂ ¶ ਤਂ ਰੂਪਂ ਪੁਰਿਸਿਨ੍ਦ੍ਰਿਯਂ? ਯਂ ਪੁਰਿਸਸ੍ਸ ਪੁਰਿਸਲਿਙ੍ਗਂ ਪੁਰਿਸਨਿਮਿਤ੍ਤਂ ਪੁਰਿਸਕੁਤ੍ਤਂ ਪੁਰਿਸਾਕਪ੍ਪੋ ਪੁਰਿਸਤ੍ਤਂ ਪੁਰਿਸਭਾਵੋ – ਇਦਂ ਤਂ ਰੂਪਂ ਪੁਰਿਸਿਨ੍ਦ੍ਰਿਯਂ.

੭੧੭. ਕਤਮਂ ਤਂ ਰੂਪਂ ਨ ਪੁਰਿਸਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਪੁਰਿਸਿਨ੍ਦ੍ਰਿਯਂ.

੭੧੮. ਕਤਮਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ? ਯੋ ਤੇਸਂ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ.

੭੧੯. ਕਤਮਂ ਤਂ ਰੂਪਂ ਨ ਜੀਵਿਤਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਜੀਵਿਤਿਨ੍ਦ੍ਰਿਯਂ.

੭੨੦. ਕਤਮਂ ਤਂ ਰੂਪਂ ਕਾਯਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਅਭਿਕ੍ਕਮਨ੍ਤਸ੍ਸ ਵਾ ਪਟਿਕ੍ਕਮਨ੍ਤਸ੍ਸ ਵਾ ਆਲੋਕੇਨ੍ਤਸ੍ਸ ਵਾ ਵਿਲੋਕੇਨ੍ਤਸ੍ਸ ਵਾ ਸਮਿਞ੍ਜੇਨ੍ਤਸ੍ਸ ¶ ਵਾ ਪਸਾਰੇਨ੍ਤਸ੍ਸ ਵਾ ਕਾਯਸ੍ਸ ਥਮ੍ਭਨਾ ਸਨ੍ਥਮ੍ਭਨਾ ਸਨ੍ਥਮ੍ਭਿਤਤ੍ਤਂ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਕਾਯਵਿਞ੍ਞਤ੍ਤਿ.

੭੨੧. ਕਤਮਂ ਤਂ ਰੂਪਂ ਨ ਕਾਯਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਕਾਯਵਿਞ੍ਞਤ੍ਤਿ.

੭੨੨. ਕਤਮਂ ਤਂ ਰੂਪਂ ਵਚੀਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਵਾਚਾ ਗਿਰਾ ਬ੍ਯਪ੍ਪਥੋ ਉਦੀਰਣਂ ਘੋਸੋ ਘੋਸਕਮ੍ਮਂ ਵਾਚਾ ਵਚੀਭੇਦੋ, ਅਯਂ ਵੁਚ੍ਚਤਿ ਵਾਚਾ. ਯਾ ਤਾਯ ਵਾਚਾਯ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਵਚੀਵਿਞ੍ਞਤ੍ਤਿ.

੭੨੩. ਕਤਮਂ ਤਂ ਰੂਪਂ ਨ ਵਚੀਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਵਚੀਵਿਞ੍ਞਤ੍ਤਿ.

੭੨੪. ਕਤਮਂ ਤਂ ਰੂਪਂ ਆਕਾਸਧਾਤੁ? ਯੋ ਆਕਾਸੋ ਆਕਾਸਗਤਂ ਅਘਂ ਅਘਗਤਂ ਵਿਵਰੋ ਵਿਵਰਗਤਂ ਅਸਮ੍ਫੁਟ੍ਠਂ ਚਤੂਹਿ ਮਹਾਭੂਤੇਹਿ – ਇਦਂ ਤਂ ਰੂਪਂ ਆਕਾਸਧਾਤੁ.

੭੨੫. ਕਤਮਂ ¶ ¶ ਤਂ ਰੂਪਂ ਨ ਆਕਾਸਧਾਤੁ? ਚਕ੍ਖਾਯਤਨਂ ¶ …ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਆਕਾਸਧਾਤੁ.

੭੨੬. ਕਤਮਂ ਤਂ ਰੂਪਂ ਆਪੋਧਾਤੁ? ਯਂ ਆਪੋ ਆਪੋਗਤਂ ਸਿਨੇਹੋ ਸਿਨੇਹਗਤਂ ਬਨ੍ਧਨਤ੍ਤਂ ਰੂਪਸ੍ਸ – ਇਦਂ ਤਂ ਰੂਪਂ ਆਪੋਧਾਤੁ.

੭੨੭. ਕਤਮਂ ਤਂ ਰੂਪਂ ਨ ਆਪੋਧਾਤੁ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਆਪੋਧਾਤੁ.

੭੨੮. ਕਤਮਂ ਤਂ ਰੂਪਂ ਰੂਪਸ੍ਸ ਲਹੁਤਾ? ਯਾ ਰੂਪਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਇਦਂ ਤਂ ਰੂਪਂ ਰੂਪਸ੍ਸ ਲਹੁਤਾ ¶ .

੭੨੯. ਕਤਮਂ ਤਂ ਰੂਪਂ ਰੂਪਸ੍ਸ ਨ ਲਹੁਤਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਲਹੁਤਾ.

੭੩੦. ਕਤਮਂ ਤਂ ਰੂਪਂ ਰੂਪਸ੍ਸ ਮੁਦੁਤਾ? ਯਾ ਰੂਪਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਇਦਂ ਤਂ ਰੂਪਂ ਰੂਪਸ੍ਸ ਮੁਦੁਤਾ.

੭੩੧. ਕਤਮਂ ਤਂ ਰੂਪਂ ਰੂਪਸ੍ਸ ਨ ਮੁਦੁਤਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਮੁਦੁਤਾ.

੭੩੨. ਕਤਮਂ ਤਂ ਰੂਪਂ ਰੂਪਸ੍ਸ ਕਮ੍ਮਞ੍ਞਤਾ? ਯਾ ਰੂਪਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਇਦਂ ਤਂ ਰੂਪਂ ਰੂਪਸ੍ਸ ਕਮ੍ਮਞ੍ਞਤਾ.

੭੩੩. ਕਤਮਂ ਤਂ ਰੂਪਂ ਰੂਪਸ੍ਸ ਨ ਕਮ੍ਮਞ੍ਞਤਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਕਮ੍ਮਞ੍ਞਤਾ.

੭੩੪. ਕਤਮਂ ¶ ਤਂ ਰੂਪਂ ਰੂਪਸ੍ਸ ਉਪਚਯੋ? ਯੋ ਆਯਤਨਾਨਂ ਆਚਯੋ, ਸੋ ਰੂਪਸ੍ਸ ਉਪਚਯੋ – ਇਦਂ ਤਂ ਰੂਪਂ ਰੂਪਸ੍ਸ ਉਪਚਯੋ.

੭੩੫. ਕਤਮਂ ਤਂ ਰੂਪਂ ਰੂਪਸ੍ਸ ਨ ਉਪਚਯੋ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਉਪਚਯੋ.

੭੩੬. ਕਤਮਂ ਤਂ ਰੂਪਂ ਰੂਪਸ੍ਸ ਸਨ੍ਤਤਿ? ਯੋ ਰੂਪਸ੍ਸ ਉਪਚਯੋ, ਸਾ ਰੂਪਸ੍ਸ ਸਨ੍ਤਤਿ – ਇਦਂ ਤਂ ਰੂਪਂ ਰੂਪਸ੍ਸ ਸਨ੍ਤਤਿ.

੭੩੭. ਕਤਮਂ ਤਂ ਰੂਪਂ ਰੂਪਸ੍ਸ ਨ ਸਨ੍ਤਤਿ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਸਨ੍ਤਤਿ.

੭੩੮. ਕਤਮਂ ¶ ¶ ਤਂ ਰੂਪਂ ਰੂਪਸ੍ਸ ਜਰਤਾ? ਯਾ ਰੂਪਸ੍ਸ ਜਰਾ ਜੀਰਣਤਾ ਖਣ੍ਡਿਚ੍ਚਂ ਪਾਲਿਚ੍ਚਂ ਵਲਿਤ੍ਤਚਤਾ ਆਯੁਨੋ ਸਂਹਾਨਿ ਇਨ੍ਦ੍ਰਿਯਾਨਂ ਪਰਿਪਾਕੋ ¶ – ਇਦਂ ਤਂ ਰੂਪਂ ਰੂਪਸ੍ਸ ਜਰਤਾ.

੭੩੯. ਕਤਮਂ ਤਂ ਰੂਪਂ ਰੂਪਸ੍ਸ ਨ ਜਰਤਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਜਰਤਾ.

੭੪੦. ਕਤਮਂ ਤਂ ਰੂਪਂ ਰੂਪਸ੍ਸ ਅਨਿਚ੍ਚਤਾ? ਯੋ ਰੂਪਸ੍ਸ ਖਯੋ ਵਯੋ ਭੇਦੋ ਪਰਿਭੇਦੋ ਅਨਿਚ੍ਚਤਾ ਅਨ੍ਤਰਧਾਨਂ – ਇਦਂ ਤਂ ਰੂਪਂ ਰੂਪਸ੍ਸ ਅਨਿਚ੍ਚਤਾ.

੭੪੧. ਕਤਮਂ ਤਂ ਰੂਪਂ ਰੂਪਸ੍ਸ ਨ ਅਨਿਚ੍ਚਤਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਰੂਪਸ੍ਸ ਨ ਅਨਿਚ੍ਚਤਾ.

੭੪੨. ਕਤਮਂ ਤਂ ਰੂਪਂ ਕਬਲ਼ੀਕਾਰੋ ਆਹਾਰੋ? ਓਦਨੋ ਕੁਮ੍ਮਾਸੋ ਸਤ੍ਤੁ ਮਚ੍ਛੋ ਮਂਸਂ ਖੀਰਂ ਦਧਿ ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਯਮ੍ਹਿ ਯਮ੍ਹਿ ਜਨਪਦੇ ਤੇਸਂ ਤੇਸਂ ਸਤ੍ਤਾਨਂ ਮੁਖਾਸਿਯਂ ਦਨ੍ਤਵਿਖਾਦਨਂ ਗਲਜ੍ਝੋਹਰਣੀਯਂ ਕੁਚ੍ਛਿਵਿਤ੍ਥਮ੍ਭਨਂ, ਯਾਯ ਓਜਾਯ ਸਤ੍ਤਾ ਯਾਪੇਨ੍ਤਿ – ਇਦਂ ਤਂ ਰੂਪਂ ਕਬਲ਼ੀਕਾਰੋ ਆਹਾਰੋ.

੭੪੩. ਕਤਮਂ ¶ ਤਂ ਰੂਪਂ ਨ ਕਬਲ਼ੀਕਾਰੋ ਆਹਾਰੋ? ਚਕ੍ਖਾਯਤਨਂ…ਪੇ… ਰੂਪਸ੍ਸ ਅਨਿਚ੍ਚਤਾ – ਇਦਂ ਤਂ ਰੂਪਂ ਨ ਕਬਲ਼ੀਕਾਰੋ ਆਹਾਰੋ.

ਏਵਂ ਦੁਵਿਧੇਨ ਰੂਪਸਙ੍ਗਹੋ.

ਦੁਕਨਿਦ੍ਦੇਸੋ.

ਤਿਕਨਿਦ੍ਦੇਸੋ

੭੪੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਾ.

੭੪੫. ਕਤਮਂ ਤਂ ਰੂਪਂ ਬਾਹਿਰਂ ਉਪਾਦਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਉਪਾਦਾ.

੭੪੬. ਕਤਮਂ ਤਂ ਰੂਪਂ ਬਾਹਿਰਂ ਨੋ ਉਪਾਦਾ? ਫੋਟ੍ਠਬ੍ਬਾਯਤਨਂ ¶ ਆਪੋਧਾਤੁ – ਇਦਂ ਤਂ ਰੂਪਂ ਬਾਹਿਰਂ ਨੋ ਉਪਾਦਾ.

੭੪੭. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਿਣ੍ਣਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਿਣ੍ਣਂ.

੭੪੮. ਕਤਮਂ ¶ ਤਂ ਰੂਪਂ ਬਾਹਿਰਂ ਉਪਾਦਿਣ੍ਣਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਉਪਾਦਿਣ੍ਣਂ.

੭੪੯. ਕਤਮਂ ਤਂ ਰੂਪਂ ਬਾਹਿਰਂ ਅਨੁਪਾਦਿਣ੍ਣਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ¶ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਅਨੁਪਾਦਿਣ੍ਣਂ.

੭੫੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਿਣ੍ਣੁਪਾਦਾਨਿਯਂ. ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਉਪਾਦਿਣ੍ਣੁਪਾਦਾਨਿਯਂ.

੭੫੧. ਕਤਮਂ ਤਂ ਰੂਪਂ ਬਾਹਿਰਂ ਉਪਾਦਿਣ੍ਣੁਪਾਦਾਨਿਯਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਉਪਾਦਿਣ੍ਣੁਪਾਦਾਨਿਯਂ.

੭੫੨. ਕਤਮਂ ਤਂ ਰੂਪਂ ਬਾਹਿਰਂ ਅਨੁਪਾਦਿਣ੍ਣੁਪਾਦਾਨਿਯਂ ¶ ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਅਨੁਪਾਦਿਣ੍ਣੁਪਾਦਾਨਿਯਂ.

੭੫੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਅਨਿਦਸ੍ਸਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਅਨਿਦਸ੍ਸਨਂ.

੭੫੪. ਕਤਮਂ ਤਂ ਰੂਪਂ ਬਾਹਿਰਂ ਸਨਿਦਸ੍ਸਨਂ? ਰੂਪਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਸਨਿਦਸ੍ਸਨਂ.

੭੫੫. ਕਤਮਂ ¶ ਤਂ ਰੂਪਂ ਬਾਹਿਰਂ ਅਨਿਦਸ੍ਸਨਂ? ਸਦ੍ਦਾਯਤਨਂ ¶ …ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਅਨਿਦਸ੍ਸਨਂ.

੭੫੬. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਸਪ੍ਪਟਿਘਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਸਪ੍ਪਟਿਘਂ.

੭੫੭. ਕਤਮਂ ਤਂ ਰੂਪਂ ਬਾਹਿਰਂ ਸਪ੍ਪਟਿਘਂ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਸਪ੍ਪਟਿਘਂ.

੭੫੮. ਕਤਮਂ ਤਂ ਰੂਪਂ ਬਾਹਿਰਂ ਅਪ੍ਪਟਿਘਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਅਪ੍ਪਟਿਘਂ.

੭੫੯. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਇਨ੍ਦ੍ਰਿਯਂ? ਚਕ੍ਖੁਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਇਨ੍ਦ੍ਰਿਯਂ.

੭੬੦. ਕਤਮਂ ਤਂ ਰੂਪਂ ਬਾਹਿਰਂ ਇਨ੍ਦ੍ਰਿਯਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਬਾਹਿਰਂ ਇਨ੍ਦ੍ਰਿਯਂ.

੭੬੧. ਕਤਮਂ ਤਂ ਰੂਪਂ ਬਾਹਿਰਂ ਨ ਇਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ¶ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਇਨ੍ਦ੍ਰਿਯਂ.

੭੬੨. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਮਹਾਭੂਤਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਮਹਾਭੂਤਂ.

੭੬੩. ਕਤਮਂ ਤਂ ਰੂਪਂ ਬਾਹਿਰਂ ਮਹਾਭੂਤਂ? ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਬਾਹਿਰਂ ਮਹਾਭੂਤਂ.

੭੬੪. ਕਤਮਂ ਤਂ ਰੂਪਂ ਬਾਹਿਰਂ ਨ ਮਹਾਭੂਤਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਮਹਾਭੂਤਂ.

੭੬੫. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਵਿਞ੍ਞਤ੍ਤਿ?

੭੬੬. ਕਤਮਂ ਤਂ ਰੂਪਂ ਬਾਹਿਰਂ ਵਿਞ੍ਞਤ੍ਤਿ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਬਾਹਿਰਂ ਵਿਞ੍ਞਤ੍ਤਿ.

੭੬੭. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਵਿਞ੍ਞਤ੍ਤਿ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਵਿਞ੍ਞਤ੍ਤਿ.

੭੬੮. ਕਤਮਂ ¶ ¶ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਸਮੁਟ੍ਠਾਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਸਮੁਟ੍ਠਾਨਂ.

੭੬੯. ਕਤਮਂ ਤਂ ਰੂਪਂ ਬਾਹਿਰਂ ਚਿਤ੍ਤਸਮੁਟ੍ਠਾਨਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਿਤ੍ਤਜਂ ਚਿਤ੍ਤਹੇਤੁਕਂ ਚਿਤ੍ਤਸਮੁਟ੍ਠਾਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਚਿਤ੍ਤਸਮੁਟ੍ਠਾਨਂ.

੭੭੦. ਕਤਮਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਸਮੁਟ੍ਠਾਨਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ¶ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਚਿਤ੍ਤਜਂ ਨ ਚਿਤ੍ਤਹੇਤੁਕਂ ਨ ਚਿਤ੍ਤਸਮੁਟ੍ਠਾਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਸਮੁਟ੍ਠਾਨਂ.

੭੭੧. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਸਹਭੁ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਸਹਭੁ.

੭੭੨. ਕਤਮਂ ਤਂ ਰੂਪਂ ਬਾਹਿਰਂ ਚਿਤ੍ਤਸਹਭੁ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਬਾਹਿਰਂ ਚਿਤ੍ਤਸਹਭੁ.

੭੭੩. ਕਤਮਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਸਹਭੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਸਹਭੁ?

੭੭੪. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਾਨੁਪਰਿਵਤ੍ਤਿ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਿਤ੍ਤਾਨੁਪਰਿਵਤ੍ਤਿ.

੭੭੫. ਕਤਮਂ ਤਂ ਰੂਪਂ ਬਾਹਿਰਂ ਚਿਤ੍ਤਾਨੁਪਰਿਵਤ੍ਤਿ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ – ਇਦਂ ਤਂ ਰੂਪਂ ਬਾਹਿਰਂ ਚਿਤ੍ਤਾਨੁਪਰਿਵਤ੍ਤਿ.

੭੭੬. ਕਤਮਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਾਨੁਪਰਿਵਤ੍ਤਿ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਿਤ੍ਤਾਨੁਪਰਿਵਤ੍ਤਿ.

੭੭੭. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਓਲ਼ਾਰਿਕਂ? ਚਕ੍ਖਾਯਤਨਂ ¶ …ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਓਲ਼ਾਰਿਕਂ.

੭੭੮. ਕਤਮਂ ¶ ਤਂ ਰੂਪਂ ਬਾਹਿਰਂ ਓਲ਼ਾਰਿਕਂ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਓਲ਼ਾਰਿਕਂ.

੭੭੯. ਕਤਮਂ ਤਂ ਰੂਪਂ ਬਾਹਿਰਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ¶ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਸੁਖੁਮਂ.

੭੮੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਸਨ੍ਤਿਕੇ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਸਨ੍ਤਿਕੇ.

੭੮੧. ਕਤਮਂ ਤਂ ਰੂਪਂ ਬਾਹਿਰਂ ਦੂਰੇ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਦੂਰੇ.

੭੮੨. ਕਤਮਂ ਤਂ ਰੂਪਂ ਬਾਹਿਰਂ ਸਨ੍ਤਿਕੇ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਸਨ੍ਤਿਕੇ.

੭੮੩. ਕਤਮਂ ¶ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ.

੭੮੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਵਤ੍ਥੁ.

੭੮੫. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ? ਸੋਤਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਨ ਵਤ੍ਥੁ.

੭੮੬. ਕਤਮਂ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ.

੭੮੭. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਵਿਞ੍ਞਾਣਸ੍ਸ ਵਤ੍ਥੁ.

੭੮੮. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ? ਸੋਤਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਵਿਞ੍ਞਾਣਸ੍ਸ ਨ ਵਤ੍ਥੁ?

੭੮੯. ਕਤਮਂ ¶ ਤਂ ਰੂਪਂ ਬਾਹਿਰਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ.

੭੯੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਸ੍ਸ ਵਤ੍ਥੁ? ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਸ੍ਸ ਵਤ੍ਥੁ.

੭੯੧. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ? ਚਕ੍ਖਾਯਤਨਂ…ਪੇ… ਜਿਵ੍ਹਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਸ੍ਸ ਨ ਵਤ੍ਥੁ.

੭੯੨. ਕਤਮਂ ¶ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ.

੭੯੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਵਿਞ੍ਞਾਣਸ੍ਸ ਵਤ੍ਥੁ? ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਵਿਞ੍ਞਾਣਸ੍ਸ ਵਤ੍ਥੁ.

੭੯੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ? ਚਕ੍ਖਾਯਤਨਂ…ਪੇ… ਜਿਵ੍ਹਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਵਿਞ੍ਞਾਣਸ੍ਸ ਨ ਵਤ੍ਥੁ.

੭੯੫. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੭੯੬. ਕਤਮਂ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ? ਰੂਪਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਆਰਮ੍ਮਣਂ.

੭੯੭. ਕਤਮਂ ¶ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਸਦ੍ਦਾਯਤਨਂ…ਪੇ… ¶ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੭੯੮. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੭੯੯. ਕਤਮਂ ਤਂ ਰੂਪਂ ਬਾਹਿਰਂ ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ? ਰੂਪਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਵਿਞ੍ਞਾਣਸ੍ਸ ਆਰਮ੍ਮਣਂ.

੮੦੦. ਕਤਮਂ ਤਂ ਰੂਪਂ ਬਾਹਿਰਂ ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਸਦ੍ਦਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਚਕ੍ਖੁਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੮੦੧. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਸੋਤਸਮ੍ਫਸ੍ਸਸ੍ਸ…ਪੇ… ਘਾਨਸਮ੍ਫਸ੍ਸਸ੍ਸ…ਪੇ… ਜਿਵ੍ਹਾਸਮ੍ਫਸ੍ਸਸ੍ਸ…ਪੇ… ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ¶ ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੮੦੨. ਕਤਮਂ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਸ੍ਸ ਆਰਮ੍ਮਣਂ.

੮੦੩. ਕਤਮਂ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਕਾਯਸਮ੍ਫਸ੍ਸਸ੍ਸ ਨ ਆਰਮ੍ਮਣਂ.

੮੦੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਸਮ੍ਫਸ੍ਸਜਾਯ ਵੇਦਨਾਯ…ਪੇ… ਸਞ੍ਞਾਯ…ਪੇ… ਚੇਤਨਾਯ…ਪੇ… ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਚਕ੍ਖਾਯਤਨਂ…ਪੇ… ¶ ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੮੦੫. ਕਤਮਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ? ਫੋਟ੍ਠਬ੍ਬਾਯਤਨਂ ¶ – ਇਦਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਾਣਸ੍ਸ ਆਰਮ੍ਮਣਂ.

੮੦੬. ਕਤਮਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਾਣਸ੍ਸ ਨ ਆਰਮ੍ਮਣਂ.

੮੦੭. ਕਤਮਂ ਤਂ ਰੂਪਂ ਬਾਹਿਰਂ ਨ ਚਕ੍ਖਾਯਤਨਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਕ੍ਖਾਯਤਨਂ.

੮੦੮. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖਾਯਤਨਂ.

੮੦੯. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖਾਯਤਨਂ? ਸੋਤਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖਾਯਤਨਂ.

੮੧੦. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਸੋਤਾਯਤਨਂ…ਪੇ… ਨ ਘਾਨਾਯਤਨਂ…ਪੇ… ਨ ਜਿਵ੍ਹਾਯਤਨਂ…ਪੇ… ਨ ਕਾਯਾਯਤਨਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਕਾਯਾਯਤਨਂ.

੮੧੧. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਾਯਤਨਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਾਯਤਨਂ.

੮੧੨. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਾਯਤਨਂ? ਚਕ੍ਖਾਯਤਨਂ…ਪੇ… ਜਿਵ੍ਹਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਾਯਤਨਂ.

੮੧੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਰੂਪਾਯਤਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ¶ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਰੂਪਾਯਤਨਂ.

੮੧੪. ਕਤਮਂ ਤਂ ਰੂਪਂ ਬਾਹਿਰਂ ਰੂਪਾਯਤਨਂ? ਯਂ ਰੂਪਂ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਵਣ੍ਣਨਿਭਾ…ਪੇ… ਰੂਪਧਾਤੁ ਪੇਸਾ – ਇਦਂ ਤਂ ਰੂਪਂ ਬਾਹਿਰਂ ਰੂਪਾਯਤਨਂ.

੮੧੫. ਕਤਮਂ ਤਂ ਰੂਪਂ ਬਾਹਿਰਂ ਨ ਰੂਪਾਯਤਨਂ? ਸਦ੍ਦਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਰੂਪਾਯਤਨਂ.

੮੧੬. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਸਦ੍ਦਾਯਤਨਂ…ਪੇ… ¶ ਨ ਗਨ੍ਧਾਯਤਨਂ…ਪੇ… ਨ ਰਸਾਯਤਨਂ…ਪੇ… ਨ ਫੋਟ੍ਠਬ੍ਬਾਯਤਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਫੋਟ੍ਠਬ੍ਬਾਯਤਨਂ.

੮੧੭. ਕਤਮਂ ਤਂ ਰੂਪਂ ਬਾਹਿਰਂ ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ…ਪੇ… ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਬਾਹਿਰਂ ਫੋਟ੍ਠਬ੍ਬਾਯਤਨਂ.

੮੧੮. ਕਤਮਂ ਤਂ ਰੂਪਂ ਬਾਹਿਰਂ ਨ ਫੋਟ੍ਠਬ੍ਬਾਯਤਨਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਫੋਟ੍ਠਬ੍ਬਾਯਤਨਂ.

੮੧੯. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਚਕ੍ਖੁਧਾਤੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਕ੍ਖੁਧਾਤੁ.

੮੨੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਧਾਤੁ? ਚਕ੍ਖਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਧਾਤੁ.

੮੨੧. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖੁਧਾਤੁ? ਸੋਤਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖੁਧਾਤੁ.

੮੨੨. ਕਤਮਂ ਤਂ ਰੂਪਂ ਬਾਹਿਰਂ ਨ ਸੋਤਧਾਤੁ…ਪੇ… ਨ ਘਾਨਧਾਤੁ…ਪੇ… ਨ ਜਿਵ੍ਹਾਧਾਤੁ…ਪੇ… ਨ ਕਾਯਧਾਤੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਕਾਯਧਾਤੁ.

੮੨੩. ਕਤਮਂ ¶ ਤਂ ਰੂਪਂ ¶ ਅਜ੍ਝਤ੍ਤਿਕਂ ਕਾਯਧਾਤੁ? ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਧਾਤੁ.

੮੨੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਧਾਤੁ? ਚਕ੍ਖਾਯਤਨਂ…ਪੇ… ਜਿਵ੍ਹਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਧਾਤੁ.

੮੨੫. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਰੂਪਧਾਤੁ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਰੂਪਧਾਤੁ.

੮੨੬. ਕਤਮਂ ਤਂ ਰੂਪਂ ਬਾਹਿਰਂ ਰੂਪਧਾਤੁ? ਰੂਪਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਰੂਪਧਾਤੁ.

੮੨੭. ਕਤਮਂ ਤਂ ਰੂਪਂ ਬਾਹਿਰਂ ਨ ਰੂਪਧਾਤੁ? ਸਦ੍ਦਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਰੂਪਧਾਤੁ.

੮੨੮. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਸਦ੍ਦਧਾਤੁ…ਪੇ… ¶ ਨ ਗਨ੍ਧਧਾਤੁ…ਪੇ… ਨ ਰਸਧਾਤੁ ¶ …ਪੇ… ਨ ਫੋਟ੍ਠਬ੍ਬਧਾਤੁ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਫੋਟ੍ਠਬ੍ਬਧਾਤੁ.

੮੨੯. ਕਤਮਂ ਤਂ ਰੂਪਂ ਬਾਹਿਰਂ ਫੋਟ੍ਠਬ੍ਬਧਾਤੁ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਬਾਹਿਰਂ ਫੋਟ੍ਠਬ੍ਬਧਾਤੁ.

੮੩੦. ਕਤਮਂ ਤਂ ਰੂਪਂ ਬਾਹਿਰਂ ਨ ਫੋਟ੍ਠਬ੍ਬਧਾਤੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਫੋਟ੍ਠਬ੍ਬਧਾਤੁ.

੮੩੧. ਕਤਮਂ ਤਂ ਰੂਪਂ ਬਾਹਿਰਂ ਨ ਚਕ੍ਖੁਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਚਕ੍ਖੁਨ੍ਦ੍ਰਿਯਂ.

੮੩੨. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਨ੍ਦ੍ਰਿਯਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਚਕ੍ਖੁਨ੍ਦ੍ਰਿਯਂ.

੮੩੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖੁਨ੍ਦ੍ਰਿਯਂ? ਸੋਤਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਚਕ੍ਖੁਨ੍ਦ੍ਰਿਯਂ.

੮੩੪. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਸੋਤਿਨ੍ਦ੍ਰਿਯਂ…ਪੇ… ਨ ਘਾਨਿਨ੍ਦ੍ਰਿਯਂ…ਪੇ… ਨ ਜਿਵ੍ਹਿਨ੍ਦ੍ਰਿਯਂ…ਪੇ… ਨ ਕਾਯਿਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਕਾਯਿਨ੍ਦ੍ਰਿਯਂ.

੮੩੫. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਿਨ੍ਦ੍ਰਿਯਂ? ਯੋ ਕਾਯੋ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਕਾਯਿਨ੍ਦ੍ਰਿਯਂ.

੮੩੬. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਜਿਵ੍ਹਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਿਨ੍ਦ੍ਰਿਯਂ.

੮੩੭. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਨ ਇਤ੍ਥਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਇਤ੍ਥਿਨ੍ਦ੍ਰਿਯਂ.

੮੩੮. ਕਤਮਂ ਤਂ ਰੂਪਂ ਬਾਹਿਰਂ ਇਤ੍ਥਿਨ੍ਦ੍ਰਿਯਂ? ਯਂ ਇਤ੍ਥਿਯਾ ਇਤ੍ਥਿਲਿਙ੍ਗਂ ਇਤ੍ਥਿਨਿਮਿਤ੍ਤਂ ਇਤ੍ਥਿਕੁਤ੍ਤਂ ਇਤ੍ਥਾਕਪ੍ਪੋ ਇਤ੍ਥਤ੍ਤਂ ਇਤ੍ਥਿਭਾਵੋ – ਇਦਂ ਤਂ ਰੂਪਂ ਬਾਹਿਰਂ ਇਤ੍ਥਿਨ੍ਦ੍ਰਿਯਂ.

੮੩੯. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਇਤ੍ਥਿਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਇਤ੍ਥਿਨ੍ਦ੍ਰਿਯਂ.

੮੪੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਪੁਰਿਸਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਪੁਰਿਸਿਨ੍ਦ੍ਰਿਯਂ.

੮੪੧. ਕਤਮਂ ਤਂ ਰੂਪਂ ਬਾਹਿਰਂ ਪੁਰਿਸਿਨ੍ਦ੍ਰਿਯਂ? ਯਂ ਪੁਰਿਸਸ੍ਸ ਪੁਰਿਸਲਿਙ੍ਗਂ ਪੁਰਿਸਨਿਮਿਤ੍ਤਂ ਪੁਰਿਸਕੁਤ੍ਤਂ ਪੁਰਿਸਾਕਪ੍ਪੋ ਪੁਰਿਸਤ੍ਤਂ ਪੁਰਿਸਭਾਵੋ – ਇਦਂ ਤਂ ਰੂਪਂ ਬਾਹਿਰਂ ਪੁਰਿਸਿਨ੍ਦ੍ਰਿਯਂ.

੮੪੨. ਕਤਮਂ ਤਂ ਰੂਪਂ ਬਾਹਿਰਂ ਨ ਪੁਰਿਸਿਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਪੁਰਿਸਿਨ੍ਦ੍ਰਿਯਂ.

੮੪੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਜੀਵਿਤਿਨ੍ਦ੍ਰਿਯਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ¶ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਜੀਵਿਤਿਨ੍ਦ੍ਰਿਯਂ.

੮੪੪. ਕਤਮਂ ਤਂ ਰੂਪਂ ਬਾਹਿਰਂ ਜੀਵਿਤਿਨ੍ਦ੍ਰਿਯਂ? ਯੋ ਤੇਸਂ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਬਾਹਿਰਂ ਜੀਵਿਤਿਨ੍ਦ੍ਰਿਯਂ.

੮੪੫. ਕਤਮਂ ਤਂ ਰੂਪਂ ਬਾਹਿਰਂ ਨ ਜੀਵਿਤਿਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਜੀਵਿਤਿਨ੍ਦ੍ਰਿਯਂ.

੮੪੬. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਾਯਵਿਞ੍ਞਤ੍ਤਿ.

੮੪੭. ਕਤਮਂ ¶ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਅਭਿਕ੍ਕਮਨ੍ਤਸ੍ਸ ਵਾ ਪਟਿਕ੍ਕਮਨ੍ਤਸ੍ਸ ਵਾ ਆਲੋਕੇਨ੍ਤਸ੍ਸ ਵਾ ਵਿਲੋਕੇਨ੍ਤਸ੍ਸ ਵਾ ਸਮਿਞ੍ਜੇਨ੍ਤਸ੍ਸ ਵਾ ਪਸਾਰੇਨ੍ਤਸ੍ਸ ਵਾ ਕਾਯਸ੍ਸ ਥਮ੍ਭਨਾ ਸਨ੍ਥਮ੍ਭਨਾ ਸਨ੍ਥਮ੍ਭਿਤਤ੍ਤਂ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਬਾਹਿਰਂ ਕਾਯਵਿਞ੍ਞਤ੍ਤਿ.

੮੪੮. ਕਤਮਂ ਤਂ ਰੂਪਂ ਬਾਹਿਰਂ ਨ ਕਾਯਵਿਞ੍ਞਤ੍ਤਿ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਕਾਯਵਿਞ੍ਞਤ੍ਤਿ.

੮੪੯. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਵਚੀਵਿਞ੍ਞਤ੍ਤਿ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਵਚੀਵਿਞ੍ਞਤ੍ਤਿ.

੮੫੦. ਕਤਮਂ ¶ ਤਂ ਰੂਪਂ ਬਾਹਿਰਂ ਵਚੀਵਿਞ੍ਞਤ੍ਤਿ? ਯਾ ਕੁਸਲਚਿਤ੍ਤਸ੍ਸ ਵਾ ਅਕੁਸਲਚਿਤ੍ਤਸ੍ਸ ਵਾ ਅਬ੍ਯਾਕਤਚਿਤ੍ਤਸ੍ਸ ਵਾ ਵਾਚਾ ਗਿਰਾ ਬ੍ਯਪ੍ਪਥੋ ਉਦੀਰਣਂ ਧੋਸੋ ਘੋਸਕਮ੍ਮਂ ਵਾਚਾ ਵਚੀਭੇਦੋ, ਅਯਂ ਵੁਚ੍ਚਤਿ ਵਾਚਾ. ਯਾ ਤਾਯ ਵਾਚਾਯ ਵਿਞ੍ਞਤ੍ਤਿ ਵਿਞ੍ਞਾਪਨਾ ਵਿਞ੍ਞਾਪਿਤਤ੍ਤਂ – ਇਦਂ ਤਂ ਰੂਪਂ ਬਾਹਿਰਂ ਵਚੀਵਿਞ੍ਞਤ੍ਤਿ ¶ .

੮੫੧. ਕਤਮਂ ਤਂ ਰੂਪਂ ਬਾਹਿਰਂ ਨ ਵਚੀਵਿਞ੍ਞਤ੍ਤਿ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਵਚੀਵਿਞ੍ਞਤ੍ਤਿ.

੮੫੨. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਆਕਾਸਧਾਤੁ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਆਕਾਸਧਾਤੁ.

੮੫੩. ਕਤਮਂ ਤਂ ਰੂਪਂ ਬਾਹਿਰਂ ਆਕਾਸਧਾਤੁ? ਯੋ ਆਕਾਸੋ ਆਕਾਸਗਤਂ ਅਘਂ ਅਘਗਤਂ ਵਿਵਰੋ ਵਿਵਰਗਤਂ ਅਸਮ੍ਫੁਟ੍ਠਂ ਚਤੂਹਿ ਮਹਾਭੂਤੇਹਿ – ਇਦਂ ਤਂ ਰੂਪਂ ਬਾਹਿਰਂ ਆਕਾਸਧਾਤੁ.

੮੫੪. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਆਕਾਸਧਾਤੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਆਕਾਸਧਾਤੁ.

੮੫੫. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਆਪੋਧਾਤੁ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਆਪੋਧਾਤੁ.

੮੫੬. ਕਤਮਂ ਤਂ ਰੂਪਂ ਬਾਹਿਰਂ ਆਪੋਧਾਤੁ? ਯਂ ਆਪੋ ਆਪੋਗਤਂ ਸਿਨੇਹੋ ਸਿਨੇਹਗਤਂ ਬਨ੍ਧਨਤ੍ਤਂ ਰੂਪਸ੍ਸ – ਇਦਂ ਤਂ ਰੂਪਂ ਬਾਹਿਰਂ ਆਪੋਧਾਤੁ.

੮੫੭. ਕਤਮਂ ਤਂ ਰੂਪਂ ਬਾਹਿਰਂ ਨ ਆਪੋਧਾਤੁ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਨ ਆਪੋਧਾਤੁ.

੮੫੮. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਲਹੁਤਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਲਹੁਤਾ.

੮੫੯. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਲਹੁਤਾ? ਯਾ ਰੂਪਸ੍ਸ ਲਹੁਤਾ ਲਹੁਪਰਿਣਾਮਤਾ ਅਦਨ੍ਧਨਤਾ ਅਵਿਤ੍ਥਨਤਾ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਲਹੁਤਾ.

੮੬੦. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਲਹੁਤਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਲਹੁਤਾ.

੮੬੧. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਮੁਦੁਤਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਮੁਦੁਤਾ.

੮੬੨. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਮੁਦੁਤਾ? ਯਾ ¶ ਰੂਪਸ੍ਸ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਮੁਦੁਤਾ.

੮੬੩. ਕਤਮਂ ¶ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਮੁਦੁਤਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਮੁਦੁਤਾ.

੮੬੪. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਕਮ੍ਮਞ੍ਞਤਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਕਮ੍ਮਞ੍ਞਤਾ.

੮੬੫. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਕਮ੍ਮਞ੍ਞਤਾ? ਯਾ ਰੂਪਸ੍ਸ ਕਮ੍ਮਞ੍ਞਤਾ ਕਮ੍ਮਞ੍ਞਤ੍ਤਂ ਕਮ੍ਮਞ੍ਞਭਾਵੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਕਮ੍ਮਞ੍ਞਤਾ.

੮੬੬. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਕਮ੍ਮਞ੍ਞਤਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਕਮ੍ਮਞ੍ਞਤਾ.

੮੬੭. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਉਪਚਯੋ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਉਪਚਯੋ.

੮੬੮. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਉਪਚਯੋ? ਯੋ ਆਯਤਨਾਨਂ ਆਚਯੋ, ਸੋ ਰੂਪਸ੍ਸ ਉਪਚਯੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਉਪਚਯੋ.

੮੬੯. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਉਪਚਯੋ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਉਪਚਯੋ.

੮੭੦. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਸਨ੍ਤਤਿ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਸਨ੍ਤਤਿ.

੮੭੧. ਕਤਮਂ ¶ ¶ ਤਂ ਰੂਪਂ ਬਾਹਿਰਂ ਰੂਪਸ੍ਸ ਸਨ੍ਤਤਿ? ਯੋ ਰੂਪਸ੍ਸ ਉਪਚਯੋ, ਸਾ ਰੂਪਸ੍ਸ ਸਨ੍ਤਤਿ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਸਨ੍ਤਤਿ.

੮੭੨. ਕਤਮਂ ¶ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਸਨ੍ਤਤਿ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਸਨ੍ਤਤਿ.

੮੭੩. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਜਰਤਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਜਰਤਾ.

੮੭੪. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਜਰਤਾ? ਯਾ ਰੂਪਸ੍ਸ ਜਰਾ ਜੀਰਣਤਾ ਖਣ੍ਡਿਚ੍ਚਂ ਪਾਲਿਚ੍ਚਂ ਵਲਿਤ੍ਤਚਤਾ ਆਯੁਨੋ ਸਂਹਾਨਿ ਇਨ੍ਦ੍ਰਿਯਾਨਂ ਪਰਿਪਾਕੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਜਰਤਾ.

੮੭੫. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਜਰਤਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਜਰਤਾ.

੮੭੬. ਕਤਮਂ ¶ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਅਨਿਚ੍ਚਤਾ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਰੂਪਸ੍ਸ ਨ ਅਨਿਚ੍ਚਤਾ.

੮੭੭. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਅਨਿਚ੍ਚਤਾ? ਯੋ ਰੂਪਸ੍ਸ ਖਯੋ ਵਯੋ ਭੇਦੋ ਪਰਿਭੇਦੋ ਅਨਿਚ੍ਚਤਾ ਅਨ੍ਤਰਧਾਨਂ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਅਨਿਚ੍ਚਤਾ.

੮੭੮. ਕਤਮਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਅਨਿਚ੍ਚਤਾ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਬਾਹਿਰਂ ਰੂਪਸ੍ਸ ਨ ਅਨਿਚ੍ਚਤਾ.

੮੭੯. ਕਤਮਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਬਲ਼ੀਕਾਰੋ ਆਹਾਰੋ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ – ਇਦਂ ਤਂ ਰੂਪਂ ਅਜ੍ਝਤ੍ਤਿਕਂ ਨ ਕਬਲ਼ੀਕਾਰੋ ਆਹਾਰੋ ¶ .

੮੮੦. ਕਤਮਂ ਤਂ ਰੂਪਂ ਬਾਹਿਰਂ ਕਬਲ਼ੀਕਾਰੋ ਆਹਾਰੋ? ਓਦਨੋ ਕੁਮ੍ਮਾਸੋ ਸਤ੍ਤੁ ਮਚ੍ਛੋ ਮਂਸਂ ਖੀਰਂ ਦਧਿ ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਯਮ੍ਹਿ ਯਮ੍ਹਿ ¶ ਜਨਪਦੇ ਤੇਸਂ ਤੇਸਂ ਸਤ੍ਤਾਨਂ ਮੁਖਾਸਿਯਂ ਦਨ੍ਤਵਿਖਾਦਨਂ ਗਲਜ੍ਝੋਹਰਣੀਯਂ ਕੁਚ੍ਛਿਵਿਤ੍ਥਮ੍ਭਨਂ ਯਾਯ ਓਜਾਯ ਸਤ੍ਤਾ ਯਾਪੇਨ੍ਤਿ – ਇਦਂ ਤਂ ਰੂਪਂ ਬਾਹਿਰਂ ਕਬਲ਼ੀਕਾਰੋ ਆਹਾਰੋ.

੮੮੧. ਕਤਮਂ ¶ ਤਂ ਰੂਪਂ ਬਾਹਿਰਂ ਨ ਕਬਲ਼ੀਕਾਰੋ ਆਹਾਰੋ? ਰੂਪਾਯਤਨਂ…ਪੇ… ਰੂਪਸ੍ਸ ਅਨਿਚ੍ਚਤਾ – ਇਦਂ ਤਂ ਰੂਪਂ ਬਾਹਿਰਂ ਨ ਕਬਲ਼ੀਕਾਰੋ ਆਹਾਰੋ.

ਏਵਂ ਤਿਵਿਧੇਨ ਰੂਪਸਙ੍ਗਹੋ.

ਤਿਕਨਿਦ੍ਦੇਸੋ.

ਚਤੁਕ੍ਕਂ

੮੮੨. ਕਤਮਂ ਤਂ ਰੂਪਂ ਉਪਾਦਾ ਉਪਾਦਿਣ੍ਣਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਉਪਾਦਿਣ੍ਣਂ.

੮੮੩. ਕਤਮਂ ਤਂ ਰੂਪਂ ਉਪਾਦਾ ਅਨੁਪਾਦਿਣ੍ਣਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ¶ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਅਨੁਪਾਦਿਣ੍ਣਂ.

੮੮੪. ਕਤਮਂ ਤਂ ਰੂਪਂ ਨੋ ਉਪਾਦਾ ਉਪਾਦਿਣ੍ਣਂ? ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ¶ ਤਂ ਰੂਪਂ ਨੋ ਉਪਾਦਾ ਉਪਾਦਿਣ੍ਣਂ.

੮੮੫. ਕਤਮਂ ¶ ਤਂ ਰੂਪਂ ਨੋ ਉਪਾਦਾ ਅਨੁਪਾਦਿਣ੍ਣਂ? ਨ ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਅਨੁਪਾਦਿਣ੍ਣਂ.

੮੮੬. ਕਤਮਂ ਤਂ ਰੂਪਂ ਉਪਾਦਾ ਉਪਾਦਿਣ੍ਣੁਪਾਦਾਨਿਯਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਉਪਾਦਿਣ੍ਣੁਪਾਦਾਨਿਯਂ.

੮੮੭. ਕਤਮਂ ਤਂ ਰੂਪਂ ਉਪਾਦਾ ਅਨੁਪਾਦਿਣ੍ਣੁਪਾਦਾਨਿਯਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ¶ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਅਨੁਪਾਦਿਣ੍ਣੁਪਾਦਾਨਿਯਂ.

੮੮੮. ਕਤਮਂ ਤਂ ਰੂਪਂ ਨੋ ਉਪਾਦਾ ਉਪਾਦਿਣ੍ਣੁਪਾਦਾਨਿਯਂ? ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਉਪਾਦਿਣ੍ਣੁਪਾਦਾਨਿਯਂ.

੮੮੯. ਕਤਮਂ ਤਂ ਰੂਪਂ ਨੋ ਉਪਾਦਾ ਅਨੁਪਾਦਿਣ੍ਣੁਪਾਦਾਨਿਯਂ? ਨ ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਅਨੁਪਾਦਿਣ੍ਣੁਪਾਦਾਨਿਯਂ.

੮੯੦. ਕਤਮਂ ਤਂ ਰੂਪਂ ਉਪਾਦਾ ਸਪ੍ਪਟਿਘਂ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਉਪਾਦਾ ਸਪ੍ਪਟਿਘਂ.

੮੯੧. ਕਤਮਂ ਤਂ ਰੂਪਂ ਉਪਾਦਾ ¶ ਅਪ੍ਪਟਿਘਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਅਪ੍ਪਟਿਘਂ.

੮੯੨. ਕਤਮਂ ਤਂ ਰੂਪਂ ਨੋ ਉਪਾਦਾ ਸਪ੍ਪਟਿਘਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨੋ ਉਪਾਦਾ ਸਪ੍ਪਟਿਘਂ.

੮੯੩. ਕਤਮਂ ¶ ¶ ਤਂ ਰੂਪਂ ਨੋ ਉਪਾਦਾ ਅਪ੍ਪਟਿਘਂ? ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਅਪ੍ਪਟਿਘਂ.

੮੯੪. ਕਤਮਂ ਤਂ ਰੂਪਂ ਉਪਾਦਾ ਓਲ਼ਾਰਿਕਂ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਉਪਾਦਾ ਓਲ਼ਾਰਿਕਂ.

੮੯੫. ਕਤਮਂ ਤਂ ਰੂਪਂ ਉਪਾਦਾ ਸੁਖੁਮਂ ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਸੁਖੁਮਂ.

੮੯੬. ਕਤਮਂ ਤਂ ਰੂਪਂ ਨੋ ਉਪਾਦਾ ਓਲ਼ਾਰਿਕਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨੋ ਉਪਾਦਾ ਓਲ਼ਾਰਿਕਂ.

੮੯੭. ਕਤਮਂ ਤਂ ਰੂਪਂ ਨੋ ਉਪਾਦਾ ਸੁਖੁਮਂ? ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਸੁਖੁਮਂ.

੮੯੮. ਕਤਮਂ ਤਂ ਰੂਪਂ ਉਪਾਦਾ ਦੂਰੇ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ ਦੂਰੇ.

੮੯੯. ਕਤਮਂ ¶ ਤਂ ਰੂਪਂ ਉਪਾਦਾ ਸਨ੍ਤਿਕੇ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਉਪਾਦਾ ਸਨ੍ਤਿਕੇ.

੯੦੦. ਕਤਮਂ ਤਂ ਰੂਪਂ ਨੋ ਉਪਾਦਾ ਦੂਰੇ? ਆਪੋਧਾਤੁ – ਇਦਂ ਤਂ ਰੂਪਂ ਨੋ ਉਪਾਦਾ ਦੂਰੇ.

੯੦੧. ਕਤਮਂ ਤਂ ਰੂਪਂ ਨੋ ਉਪਾਦਾ ਸਨ੍ਤਿਕੇ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨੋ ਉਪਾਦਾ ਸਨ੍ਤਿਕੇ.

੯੦੨. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਸਨਿਦਸ੍ਸਨਂ? ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਸਨਿਦਸ੍ਸਨਂ.

੯੦੩. ਕਤਮਂ ¶ ਤਂ ਰੂਪਂ ਉਪਾਦਿਣ੍ਣਂ ਅਨਿਦਸ੍ਸਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ¶ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਅਨਿਦਸ੍ਸਨਂ.

੯੦੪. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਸਨਿਦਸ੍ਸਨਂ? ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਸਨਿਦਸ੍ਸਨਂ.

੯੦੫. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਅਨਿਦਸ੍ਸਨਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ ¶ , ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਅਨਿਦਸ੍ਸਨਂ.

੯੦੬. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਸਪ੍ਪਟਿਘਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਸਪ੍ਪਟਿਘਂ.

੯੦੭. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਅਪ੍ਪਟਿਘਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਅਪ੍ਪਟਿਘਂ.

੯੦੮. ਕਤਮਂ ¶ ਤਂ ਰੂਪਂ ਅਨੁਪਾਦਿਣ੍ਣਂ ਸਪ੍ਪਟਿਘਂ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਸਪ੍ਪਟਿਘਂ.

੯੦੯. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਅਪ੍ਪਟਿਘਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ¶ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ¶ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਅਪ੍ਪਟਿਘਂ.

੯੧੦. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਮਹਾਭੂਤਂ? ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਮਹਾਭੂਤਂ.

੯੧੧. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਨ ਮਹਾਭੂਤਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਨ ਮਹਾਭੂਤਂ.

੯੧੨. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਮਹਾਭੂਤਂ? ਨ ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਮਹਾਭੂਤਂ.

੯੧੩. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਨ ਮਹਾਭੂਤਂ? ਸਦ੍ਦਾਯਤਨਂ ¶ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਨ ਮਹਾਭੂਤਂ.

੯੧੪. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਓਲ਼ਾਰਿਕਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ¶ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਓਲ਼ਾਰਿਕਂ.

੯੧੫. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ¶ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਸੁਖੁਮਂ.

੯੧੬. ਕਤਮਂ ¶ ਤਂ ਰੂਪਂ ਅਨੁਪਾਦਿਣ੍ਣਂ ਓਲ਼ਾਰਿਕਂ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਓਲ਼ਾਰਿਕਂ.

੯੧੭. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਸੁਖੁਮਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਸੁਖੁਮਂ.

੯੧੮. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਦੂਰੇ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਦੂਰੇ.

੯੧੯. ਕਤਮਂ ਤਂ ਰੂਪਂ ਉਪਾਦਿਣ੍ਣਂ ਸਨ੍ਤਿਕੇ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣਂ ਸਨ੍ਤਿਕੇ.

੯੨੦. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਦੂਰੇ? ਕਾਯਵਿਞ੍ਞਤ੍ਤਿ ¶ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ¶ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਦੂਰੇ.

੯੨੧. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣਂ ਸਨ੍ਤਿਕੇ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣਂ ਸਨ੍ਤਿਕੇ.

੯੨੨. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਨਿਦਸ੍ਸਨਂ? ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਨਿਦਸ੍ਸਨਂ.

੯੨੩. ਕਤਮਂ ¶ ¶ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਅਨਿਦਸ੍ਸਨਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਅਨਿਦਸ੍ਸਨਂ.

੯੨੪. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਨਿਦਸ੍ਸਨਂ? ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਨਿਦਸ੍ਸਨਂ.

੯੨੫. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਅਨਿਦਸ੍ਸਨਂ? ਸਦ੍ਦਾਯਤਨਂ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ¶ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਅਨਿਦਸ੍ਸਨਂ.

੯੨੬. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਪ੍ਪਟਿਘਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ¶ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਪ੍ਪਟਿਘਂ.

੯੨੭. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਅਪ੍ਪਟਿਘਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਅਪ੍ਪਟਿਘਂ.

੯੨੮. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਪ੍ਪਟਿਘਂ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਪ੍ਪਟਿਘਂ.

੯੨੯. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਅਪ੍ਪਟਿਘਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ¶ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਅਪ੍ਪਟਿਘਂ.

੯੩੦. ਕਤਮਂ ¶ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਮਹਾਭੂਤਂ? ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਮਹਾਭੂਤਂ ¶ .

੯੩੧. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਨ ਮਹਾਭੂਤਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਨ ਮਹਾਭੂਤਂ.

੯੩੨. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਮਹਾਭੂਤਂ? ਨ ਕਮ੍ਮਸ੍ਸ ਕਤਤ੍ਤਾ ਫੋਟ੍ਠਬ੍ਬਾਯਤਨਂ ਆਪੋਧਾਤੁ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਮਹਾਭੂਤਂ.

੯੩੩. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਨ ਮਹਾਭੂਤਂ? ਸਦ੍ਦਾਯਤਨਂ ¶ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਆਕਾਸਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਨ ਮਹਾਭੂਤਂ.

੯੩੪. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਓਲ਼ਾਰਿਕਂ? ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਓਲ਼ਾਰਿਕਂ.

੯੩੫. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ¶ ਸੁਖੁਮਂ.

੯੩੬. ਕਤਮਂ ¶ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਓਲ਼ਾਰਿਕਂ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਓਲ਼ਾਰਿਕਂ.

੯੩੭. ਕਤਮਂ ¶ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸੁਖੁਮਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸੁਖੁਮਂ.

੯੩੮. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਦੂਰੇ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਦੂਰੇ.

੯੩੯. ਕਤਮਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਨ੍ਤਿਕੇ ਚਕ੍ਖਾਯਤਨਂ…ਪੇ… ਕਾਯਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਉਪਾਦਿਣ੍ਣੁਪਾਦਾਨਿਯਂ ਸਨ੍ਤਿਕੇ.

੯੪੦. ਕਤਮਂ ¶ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਦੂਰੇ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਜਰਤਾ ਰੂਪਸ੍ਸ ਅਨਿਚ੍ਚਤਾ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ¶ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਦੂਰੇ.

੯੪੧. ਕਤਮਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਨ੍ਤਿਕੇ? ਸਦ੍ਦਾਯਤਨਂ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ ਰੂਪਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਅਨੁਪਾਦਿਣ੍ਣੁਪਾਦਾਨਿਯਂ ਸਨ੍ਤਿਕੇ.

੯੪੨. ਕਤਮਂ ਤਂ ਰੂਪਂ ਸਪ੍ਪਟਿਘਂ ਇਨ੍ਦ੍ਰਿਯਂ? ਚਕ੍ਖੁਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਸਪ੍ਪਟਿਘਂ ਇਨ੍ਦ੍ਰਿਯਂ.

੯੪੩. ਕਤਮਂ ¶ ਤਂ ਰੂਪਂ ਸਪ੍ਪਟਿਘਂ ਨ ਇਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਸਪ੍ਪਟਿਘਂ ਨ ਇਨ੍ਦ੍ਰਿਯਂ.

੯੪੪. ਕਤਮਂ ਤਂ ਰੂਪਂ ਅਪ੍ਪਟਿਘਂ ਇਨ੍ਦ੍ਰਿਯਂ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਅਪ੍ਪਟਿਘਂ ਇਨ੍ਦ੍ਰਿਯਂ.

੯੪੫. ਕਤਮਂ ¶ ਤਂ ਰੂਪਂ ਅਪ੍ਪਟਿਘਂ ਨ ਇਨ੍ਦ੍ਰਿਯਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਪ੍ਪਟਿਘਂ ਨ ਇਨ੍ਦ੍ਰਿਯਂ.

੯੪੬. ਕਤਮਂ ਤਂ ਰੂਪਂ ਸਪ੍ਪਟਿਘਂ ਮਹਾਭੂਤਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਸਪ੍ਪਟਿਘਂ ਮਹਾਭੂਤਂ.

੯੪੭. ਕਤਮਂ ਤਂ ਰੂਪਂ ਸਪ੍ਪਟਿਘਂ ਨ ਮਹਾਭੂਤਂ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਸਪ੍ਪਟਿਘਂ ਨ ਮਹਾਭੂਤਂ.

੯੪੮. ਕਤਮਂ ਤਂ ਰੂਪਂ ਅਪ੍ਪਟਿਘਂ ਮਹਾਭੂਤਂ? ਆਪੋਧਾਤੁ – ਇਦਂ ਤਂ ਰੂਪਂ ਅਪ੍ਪਟਿਘਂ ਮਹਾਭੂਤਂ.

੯੪੯. ਕਤਮਂ ਤਂ ਰੂਪਂ ਅਪ੍ਪਟਿਘਂ ਨ ਮਹਾਭੂਤਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਪ੍ਪਟਿਘਂ ਨ ਮਹਾਭੂਤਂ.

੯੫੦. ਕਤਮਂ ਤਂ ਰੂਪਂ ਇਨ੍ਦ੍ਰਿਯਂ ਓਲ਼ਾਰਿਕਂ? ਚਕ੍ਖੁਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਇਨ੍ਦ੍ਰਿਯਂ ਓਲ਼ਾਰਿਕਂ.

੯੫੧. ਕਤਮਂ ਤਂ ਰੂਪਂ ਇਨ੍ਦ੍ਰਿਯਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ ¶ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਇਨ੍ਦ੍ਰਿਯਂ ¶ ਸੁਖੁਮਂ.

੯੫੨. ਕਤਮਂ ¶ ਤਂ ਰੂਪਂ ਨ ਇਨ੍ਦ੍ਰਿਯਂ ਓਲ਼ਾਰਿਕਂ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਓਲ਼ਾਰਿਕਂ.

੯੫੩. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸੁਖੁਮਂ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸੁਖੁਮਂ.

੯੫੪. ਕਤਮਂ ਤਂ ਰੂਪਂ ਇਨ੍ਦ੍ਰਿਯਂ ਦੂਰੇ? ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਇਨ੍ਦ੍ਰਿਯਂ ਦੂਰੇ.

੯੫੫. ਕਤਮਂ ਤਂ ਰੂਪਂ ਇਨ੍ਦ੍ਰਿਯਂ ਸਨ੍ਤਿਕੇ? ਚਕ੍ਖੁਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਇਨ੍ਦ੍ਰਿਯਂ ਸਨ੍ਤਿਕੇ.

੯੫੬. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ ਦੂਰੇ? ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਦੂਰੇ.

੯੫੭. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸਨ੍ਤਿਕੇ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸਨ੍ਤਿਕੇ.

੯੫੮. ਕਤਮਂ ਤਂ ਰੂਪਂ ਮਹਾਭੂਤਂ ਓਲ਼ਾਰਿਕਂ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਮਹਾਭੂਤਂ ਓਲ਼ਾਰਿਕਂ.

੯੫੯. ਕਤਮਂ ¶ ਤਂ ਰੂਪਂ ਮਹਾਭੂਤਂ ਸੁਖੁਮਂ? ਆਪੋਧਾਤੁ – ਇਦਂ ਤਂ ਰੂਪਂ ਮਹਾਭੂਤਂ ਸੁਖੁਮਂ.

੯੬੦. ਕਤਮਂ ਤਂ ਰੂਪਂ ਨ ਮਹਾਭੂਤਂ ਓਲ਼ਾਰਿਕਂ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਨ ਮਹਾਭੂਤਂ ਓਲ਼ਾਰਿਕਂ.

੯੬੧. ਕਤਮਂ ¶ ਤਂ ਰੂਪਂ ਨ ਮਹਾਭੂਤਂ ਸੁਖੁਮਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਮਹਾਭੂਤਂ ਸੁਖੁਮਂ.

੯੬੨. ਕਤਮਂ ਤਂ ਰੂਪਂ ਮਹਾਭੂਤਂ ਦੂਰੇ? ਆਪੋਧਾਤੁ – ਇਦਂ ਤਂ ਰੂਪਂ ਮਹਾਭੂਤਂ ਦੂਰੇ.

੯੬੩. ਕਤਮਂ ਤਂ ਰੂਪਂ ਮਹਾਭੂਤਂ ਸਨ੍ਤਿਕੇ? ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਮਹਾਭੂਤਂ ਸਨ੍ਤਿਕੇ.

੯੬੪. ਕਤਮਂ ਤਂ ਰੂਪਂ ਨ ਮਹਾਭੂਤਂ ਦੂਰੇ? ਇਤ੍ਥਿਨ੍ਦ੍ਰਿਯਂ…ਪੇ… ¶ ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਮਹਾਭੂਤਂ ਦੂਰੇ.

੯੬੫. ਕਤਮਂ ¶ ਤਂ ਰੂਪਂ ਨ ਮਹਾਭੂਤਂ ਸਨ੍ਤਿਕੇ? ਚਕ੍ਖਾਯਤਨਂ…ਪੇ… ਰਸਾਯਤਨਂ – ਇਦਂ ਤਂ ਰੂਪਂ ਨ ਮਹਾਭੂਤਂ ਸਨ੍ਤਿਕੇ.

੯੬੬. ਰੂਪਾਯਤਨਂ ਦਿਟ੍ਠਂ, ਸਦ੍ਦਾਯਤਨਂ ਸੁਤਂ, ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮੁਤਂ, ਸਬ੍ਬਂ ਰੂਪਂ ਮਨਸਾ ਵਿਞ੍ਞਾਤਂ ਰੂਪਂ.

ਏਵਂ ਚਤੁਬ੍ਬਿਧੇਨ ਰੂਪਸਙ੍ਗਹੋ.

ਚਤੁਕ੍ਕਂ.

ਪਞ੍ਚਕਂ

੯੬੭. ਕਤਮਂ ਤਂ ਰੂਪਂ ਪਥਵੀਧਾਤੁ? ਯਂ ਕਕ੍ਖਲ਼ਂ ਖਰਗਤਂ [ਖਰਿਗਤਂ (ਕ.)] ਕਕ੍ਖਲ਼ਤ੍ਤਂ ਕਕ੍ਖਲ਼ਭਾਵੋ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਉਪਾਦਿਣ੍ਣਂ ਵਾ ਅਨੁਪਾਦਿਣ੍ਣਂ ਵਾ – ਇਦਂ ਤਂ ਰੂਪਂ ਪਥਵੀਧਾਤੁ.

੯੬੮. ਕਤਮਂ ¶ ਤਂ ਰੂਪਂ ਆਪੋਧਾਤੁ? ਯਂ ਆਪੋ ਆਪੋਗਤਂ ਸਿਨੇਹੋ ਸਿਨੇਹਗਤਂ ਬਨ੍ਧਨਤ੍ਤਂ ਰੂਪਸ੍ਸ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਉਪਾਦਿਣ੍ਣਂ ਵਾ ਅਨੁਪਾਦਿਣ੍ਣਂ ਵਾ – ਇਦਂ ਤਂ ਰੂਪਂ ਆਪੋਧਾਤੁ.

੯੬੯. ਕਤਮਂ ¶ ਤਂ ਰੂਪਂ ਤੇਜੋਧਾਤੁ? ਯਂ ਤੇਜੋ ਤੇਜੋਗਤਂ ਉਸ੍ਮਾ ਉਸ੍ਮਾਗਤਂ ਉਸੁਮਂ ਉਸੁਮਗਤਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਉਪਾਦਿਣ੍ਣਂ ਵਾ ਅਨੁਪਾਦਿਣ੍ਣਂ ਵਾ – ਇਦਂ ਤਂ ਰੂਪਂ ਤੇਜੋਧਾਤੁ.

੯੭੦. ਕਤਮਂ ਤਂ ਰੂਪਂ ਵਾਯੋਧਾਤੁ? ਯਂ ਵਾਯੋ ਵਾਯੋਗਤਂ ਥਮ੍ਭਿਤਤ੍ਤਂ ਰੂਪਸ੍ਸ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਉਪਾਦਿਣ੍ਣਂ ਵਾ ਅਨੁਪਾਦਿਣ੍ਣਂ ਵਾ – ਇਦਂ ਤਂ ਰੂਪਂ ਵਾਯੋਧਾਤੁ.

੯੭੧. ਕਤਮਂ ਤਂ ਰੂਪਂ ਉਪਾਦਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਉਪਾਦਾ.

ਏਵਂ ਪਞ੍ਚਵਿਧੇਨ ਰੂਪਸਙ੍ਗਹੋ.

ਪਞ੍ਚਕਂ.

ਛਕ੍ਕਂ

੯੭੨. ਰੂਪਾਯਤਨਂ ¶ ਚਕ੍ਖੁਵਿਞ੍ਞੇਯ੍ਯਂ ਰੂਪਂ, ਸਦ੍ਦਾਯਤਨਂ ਸੋਤਵਿਞ੍ਞੇਯ੍ਯਂ ਰੂਪਂ, ਗਨ੍ਧਾਯਤਨਂ ਘਾਨਵਿਞ੍ਞੇਯ੍ਯਂ ਰੂਪਂ, ਰਸਾਯਤਨਂ ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞੇਯ੍ਯਂ ਰੂਪਂ, ਸਬ੍ਬਂ ਰੂਪਂ ਮਨੋਵਿਞ੍ਞੇਯ੍ਯਂ ਰੂਪਂ.

ਏਵਂ ਛਬ੍ਬਿਧੇਨ ਰੂਪਸਙ੍ਗਹੋ.

ਛਕ੍ਕਂ.

ਸਤ੍ਤਕਂ

੯੭੩. ਰੂਪਾਯਤਨਂ ¶ ¶ ਚਕ੍ਖੁਵਿਞ੍ਞੇਯ੍ਯਂ ਰੂਪਂ, ਸਦ੍ਦਾਯਤਨਂ ਸੋਤਵਿਞ੍ਞੇਯ੍ਯਂ ਰੂਪਂ, ਗਨ੍ਧਾਯਤਨਂ ਘਾਨਵਿਞ੍ਞੇਯ੍ਯਂ ਰੂਪਂ, ਰਸਾਯਤਨਂ ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞੇਯ੍ਯਂ ਰੂਪਂ, ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮਨੋਧਾਤੁਵਿਞ੍ਞੇਯ੍ਯਂ ਰੂਪਂ, ਸਬ੍ਬਂ ਰੂਪਂ ਮਨੋਵਿਞ੍ਞਾਣਧਾਤੁਵਿਞ੍ਞੇਯ੍ਯਂ ਰੂਪਂ.

ਏਵਂ ਸਤ੍ਤਵਿਧੇਨ ਰੂਪਸਙ੍ਗਹੋ.

ਸਤ੍ਤਕਂ.

ਅਟ੍ਠਕਂ

੯੭੪. ਰੂਪਾਯਤਨਂ ¶ ਚਕ੍ਖੁਵਿਞ੍ਞੇਯ੍ਯਂ ਰੂਪਂ, ਸਦ੍ਦਾਯਤਨਂ ਸੋਤਵਿਞ੍ਞੇਯ੍ਯਂ ਰੂਪਂ, ਗਨ੍ਧਾਯਤਨਂ ਘਾਨਵਿਞ੍ਞੇਯ੍ਯਂ ਰੂਪਂ, ਰਸਾਯਤਨਂ ਜਿਵ੍ਹਾਵਿਞ੍ਞੇਯ੍ਯਂ ਰੂਪਂ, ਮਨਾਪਿਯੋ ਫੋਟ੍ਠਬ੍ਬੋ ਸੁਖਸਮ੍ਫਸ੍ਸੋ ਕਾਯਵਿਞ੍ਞੇਯ੍ਯਂ ਰੂਪਂ, ਅਮਨਾਪਿਯੋ ਫੋਟ੍ਠਬ੍ਬੋ ਦੁਕ੍ਖਸਮ੍ਫਸ੍ਸੋ ਕਾਯਵਿਞ੍ਞੇਯ੍ਯਂ ਰੂਪਂ, ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮਨੋਧਾਤੁਵਿਞ੍ਞੇਯ੍ਯਂ ਰੂਪਂ, ਸਬ੍ਬਂ ਰੂਪਂ ਮਨੋਵਿਞ੍ਞਾਣਧਾਤੁਵਿਞ੍ਞੇਯ੍ਯਂ ਰੂਪਂ.

ਏਵਂ ਅਟ੍ਠਵਿਧੇਨ ਰੂਪਸਙ੍ਗਹੋ.

ਅਟ੍ਠਕਂ.

ਨਵਕਂ

੯੭੫. ਕਤਮਂ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ ¶ .

੯੭੬. ਕਤਮਂ ਤਂ ਰੂਪਂ ਸੋਤਿਨ੍ਦ੍ਰਿਯਂ…ਪੇ… ਘਾਨਿਨ੍ਦ੍ਰਿਯਂ…ਪੇ… ਜਿਵ੍ਹਿਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ ¶ …ਪੇ… ਇਤ੍ਥਿਨ੍ਦ੍ਰਿਯਂ…ਪੇ… ਪੁਰਿਸਿਨ੍ਦ੍ਰਿਯਂ…ਪੇ… ਜੀਵਿਤਿਨ੍ਦ੍ਰਿਯਂ? ਯੋ ਤੇਸਂ ਰੂਪੀਨਂ ਧਮ੍ਮਾਨਂ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ.

੯੭੭. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ? ਰੂਪਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ.

ਏਵਂ ਨਵਵਿਧੇਨ ਰੂਪਸਙ੍ਗਹੋ.

ਨਵਕਂ.

ਦਸਕਂ

੯੭੮. ਕਤਮਂ ¶ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖੁਨ੍ਦ੍ਰਿਯਂ.

੯੭੯. ਕਤਮਂ ਤਂ ਰੂਪਂ ਸੋਤਿਨ੍ਦ੍ਰਿਯਂ…ਪੇ… ਘਾਨਿਨ੍ਦ੍ਰਿਯਂ…ਪੇ… ਜਿਵ੍ਹਿਨ੍ਦ੍ਰਿਯਂ…ਪੇ… ਕਾਯਿਨ੍ਦ੍ਰਿਯਂ…ਪੇ… ਇਤ੍ਥਿਨ੍ਦ੍ਰਿਯਂ…ਪੇ… ਪੁਰਿਸਿਨ੍ਦ੍ਰਿਯਂ…ਪੇ… ਜੀਵਿਤਿਨ੍ਦ੍ਰਿਯਂ? ਯੋ ਤੇਸਂ ਰੂਪੀਨਂ ਧਮ੍ਮਾਨਂ ¶ ਆਯੁ ਠਿਤਿ ਯਪਨਾ ਯਾਪਨਾ ਇਰਿਯਨਾ ਵਤ੍ਤਨਾ ਪਾਲਨਾ ਜੀਵਿਤਂ ਜੀਵਿਤਿਨ੍ਦ੍ਰਿਯਂ – ਇਦਂ ਤਂ ਰੂਪਂ ਜੀਵਿਤਿਨ੍ਦ੍ਰਿਯਂ.

੯੮੦. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸਪ੍ਪਟਿਘਂ? ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਸਪ੍ਪਟਿਘਂ.

੯੮੧. ਕਤਮਂ ਤਂ ਰੂਪਂ ਨ ਇਨ੍ਦ੍ਰਿਯਂ ਅਪ੍ਪਟਿਘਂ? ਕਾਯਵਿਞ੍ਞਤ੍ਤਿ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਨ ਇਨ੍ਦ੍ਰਿਯਂ ਅਪ੍ਪਟਿਘਂ.

ਏਵਂ ਦਸਵਿਧੇਨ ਰੂਪਸਙ੍ਗਹੋ.

ਦਸਕਂ.

ਏਕਾਦਸਕਂ

੯੮੨. ਕਤਮਂ ¶ ਤਂ ਰੂਪਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ…ਪੇ… ਸੁਞ੍ਞੋ ਗਾਮੋ ਪੇਸੋ – ਇਦਂ ਤਂ ਰੂਪਂ ਚਕ੍ਖਾਯਤਨਂ ¶ .

੯੮੩. ਕਤਮਂ ਤਂ ਰੂਪਂ ਸੋਤਾਯਤਨਂ…ਪੇ… ਘਾਨਾਯਤਨਂ…ਪੇ… ਜਿਵ੍ਹਾਯਤਨਂ…ਪੇ… ਕਾਯਾਯਤਨਂ…ਪੇ… ਰੂਪਾਯਤਨਂ…ਪੇ… ਸਦ੍ਦਾਯਤਨਂ…ਪੇ… ਗਨ੍ਧਾਯਤਨਂ…ਪੇ… ਰਸਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ? ਪਥਵੀਧਾਤੁ…ਪੇ… ਫੋਟ੍ਠਬ੍ਬਧਾਤੁ ਪੇਸਾ – ਇਦਂ ਤਂ ਰੂਪਂ ਫੋਟ੍ਠਬ੍ਬਾਯਤਨਂ.

੯੮੪. ਕਤਮਂ ਤਂ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ? ਇਤ੍ਥਿਨ੍ਦ੍ਰਿਯਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਦਂ ਤਂ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ.

ਏਵਂ ਏਕਾਦਸਵਿਧੇਨ ਰੂਪਸਙ੍ਗਹੋ.

ਏਕਾਦਸਕਂ.

ਅਟ੍ਠਮਭਾਣਵਾਰੋ.

ਰੂਪਵਿਭਤ੍ਤਿ.

ਰੂਪਕਣ੍ਡਂ ਨਿਟ੍ਠਿਤਂ.

੩. ਨਿਕ੍ਖੇਪਕਣ੍ਡਂ

ਤਿਕਨਿਕ੍ਖੇਪਂ

੯੮੫. ਕਤਮੇ ¶ ¶ ¶ ¶ ਧਮ੍ਮਾ ਕੁਸਲਾ? ਤੀਣਿ ਕੁਸਲਮੂਲਾਨਿ – ਅਲੋਭੋ, ਅਦੋਸੋ, ਅਮੋਹੋ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਕੁਸਲਾ.

੯੮੬. ਕਤਮੇ ਧਮ੍ਮਾ ਅਕੁਸਲਾ? ਤੀਣਿ ਅਕੁਸਲਮੂਲਾਨਿ – ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਅਕੁਸਲਾ.

੯੮੭. ਕਤਮੇ ਧਮ੍ਮਾ ਅਬ੍ਯਾਕਤਾ? ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ; ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਬ੍ਯਾਕਤਾ.

੯੮੮. ਕਤਮੇ ਧਮ੍ਮਾ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਸੁਖਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਪਰਿਯਾਪਨ੍ਨੇ, ਸੁਖਂ ਵੇਦਨਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ.

੯੮੯. ਕਤਮੇ ਧਮ੍ਮਾ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਦੁਕ੍ਖਭੂਮਿਯਂ ਕਾਮਾਵਚਰੇ, ਦੁਕ੍ਖਂ ਵੇਦਨਂ ¶ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ¶ .

੯੯੦. ਕਤਮੇ ਧਮ੍ਮਾ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਅਦੁਕ੍ਖਮਸੁਖਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਰੂਪਾਵਚਰੇ, ਅਪਰਿਯਾਪਨ੍ਨੇ, ਅਦੁਕ੍ਖਮਸੁਖਂ ਵੇਦਨਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ.

੯੯੧. ਕਤਮੇ ¶ ਧਮ੍ਮਾ ਵਿਪਾਕਾ? ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਵਿਪਾਕਾ.

੯੯੨. ਕਤਮੇ ¶ ਧਮ੍ਮਾ ਵਿਪਾਕਧਮ੍ਮਧਮ੍ਮਾ? ਕੁਸਲਾਕੁਸਲਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਵਿਪਾਕਧਮ੍ਮਧਮ੍ਮਾ.

੯੯੩. ਕਤਮੇ ਧਮ੍ਮਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ? ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ.

੯੯੪. ਕਤਮੇ ਧਮ੍ਮਾ ਉਪਾਦਿਣ੍ਣੁਪਾਦਾਨਿਯਾ? ਸਾਸਵਾ ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਉਪਾਦਿਣ੍ਣੁਪਾਦਾਨਿਯਾ.

੯੯੫. ਕਤਮੇ ਧਮ੍ਮਾ ਅਨੁਪਾਦਿਣ੍ਣੁਪਾਦਾਨਿਯਾ? ਸਾਸਵਾ ਕੁਸਲਾਕੁਸਲਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ; ਯਞ੍ਚ ਰੂਪਂ ਨ ਕਮ੍ਮਸ੍ਸ ¶ ਕਤਤ੍ਤਾ – ਇਮੇ ਧਮ੍ਮਾ ਅਨੁਪਾਦਿਣ੍ਣੁਪਾਦਾਨਿਯਾ.

੯੯੬. ਕਤਮੇ ¶ ਧਮ੍ਮਾ ਅਨੁਪਾਦਿਣ੍ਣਅਨੁਪਾਦਾਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨੁਪਾਦਿਣ੍ਣਅਨੁਪਾਦਾਨਿਯਾ.

੯੯੭. ਕਤਮੇ ਧਮ੍ਮਾ ਸਂਕਿਲਿਟ੍ਠਸਂਕਿਲੇਸਿਕਾ? ਤੀਣਿ ਅਕੁਸਲਮੂਲਾਨਿ – ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਸਂਕਿਲਿਟ੍ਠਸਂਕਿਲੇਸਿਕਾ.

੯੯੮. ਕਤਮੇ ਧਮ੍ਮਾ ਅਸਂਕਿਲਿਟ੍ਠਸਂਕਿਲੇਸਿਕਾ? ਸਾਸਵਾ ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ, ਵੇਦਨਾਕ੍ਖਨ੍ਧੋ ¶ , ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਅਸਂਕਿਲਿਟ੍ਠਸਂਕਿਲੇਸਿਕਾ.

੯੯੯. ਕਤਮੇ ਧਮ੍ਮਾ ਅਸਂਕਿਲਿਟ੍ਠਅਸਂਕਿਲੇਸਿਕਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਸਂਕਿਲਿਟ੍ਠਅਸਂਕਿਲੇਸਿਕਾ.

੧੦੦੦. ਕਤਮੇ ਧਮ੍ਮਾ ਸਵਿਤਕ੍ਕਸਵਿਚਾਰਾ? ਸਵਿਤਕ੍ਕਸਵਿਚਾਰਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਪਰਿਯਾਪਨ੍ਨੇ ¶ , ਵਿਤਕ੍ਕਵਿਚਾਰੇ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਵਿਤਕ੍ਕਸਵਿਚਾਰਾ.

੧੦੦੧. ਕਤਮੇ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਾ? ਅਵਿਤਕ੍ਕਵਿਚਾਰਮਤ੍ਤਭੂਮਿਯਂ ਰੂਪਾਵਚਰੇ, ਅਪਰਿਯਾਪਨ੍ਨੇ, ਵਿਚਾਰਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਾ.

੧੦੦੨. ਕਤਮੇ ਧਮ੍ਮਾ ਅਵਿਤਕ੍ਕਅਵਿਚਾਰਾ? ਅਵਿਤਕ੍ਕਅਵਿਚਾਰਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ ¶ , ਅਰੂਪਾਵਚਰੇ, ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਵਿਤਕ੍ਕਅਵਿਚਾਰਾ.

੧੦੦੩. ਕਤਮੇ ਧਮ੍ਮਾ ਪੀਤਿਸਹਗਤਾ? ਪੀਤਿਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਪਰਿਯਾਪਨ੍ਨੇ ¶ , ਪੀਤਿਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪੀਤਿਸਹਗਤਾ.

੧੦੦੪. ਕਤਮੇ ਧਮ੍ਮਾ ਸੁਖਸਹਗਤਾ? ਸੁਖਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਪਰਿਯਾਪਨ੍ਨੇ, ਸੁਖਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸੁਖਸਹਗਤਾ.

੧੦੦੫. ਕਤਮੇ ਧਮ੍ਮਾ ਉਪੇਕ੍ਖਾਸਹਗਤਾ? ਉਪੇਕ੍ਖਾਭੂਮਿਯਂ ਕਾਮਾਵਚਰੇ, ਰੂਪਾਵਚਰੇ, ਅਰੂਪਾਵਚਰੇ, ਅਪਰਿਯਾਪਨ੍ਨੇ, ਉਪੇਕ੍ਖਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪੇਕ੍ਖਾਸਹਗਤਾ.

੧੦੦੬. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ? ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ.

੧੦੦੭. ਤਤ੍ਥ ¶ ਕਤਮਾ ਸਕ੍ਕਾਯਦਿਟ੍ਠਿ? ਇਧ ਅਸ੍ਸੁਤਵਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾਵੀ ਅਰਿਯਧਮ੍ਮਸ੍ਸ ਅਕੋਵਿਦੋ ਅਰਿਯਧਮ੍ਮੇ ਅਵਿਨੀਤੋ ਸਪ੍ਪੁਰਿਸਾਨਂ ਅਦਸ੍ਸਾਵੀ ਸਪ੍ਪੁਰਿਸਧਮ੍ਮਸ੍ਸ ਅਕੋਵਿਦੋ ਸਪ੍ਪੁਰਿਸਧਮ੍ਮੇ ਅਵਿਨੀਤੋ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਰੂਪਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਰੂਪਂ, ਰੂਪਸ੍ਮਿਂ ਵਾ ਅਤ੍ਤਾਨਂ. ਵੇਦਨਂ ਅਤ੍ਤਤੋ ਸਮਨੁਪਸ੍ਸਤਿ, ਵੇਦਨਾਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਵੇਦਨਂ, ਵੇਦਨਾਯ ਵਾ ਅਤ੍ਤਾਨਂ. ਸਞ੍ਞਂ ਅਤ੍ਤਤੋ ਸਮਨੁਪਸ੍ਸਤਿ, ਸਞ੍ਞਾਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਸਞ੍ਞਂ, ਸਞ੍ਞਾਯ ¶ ਵਾ ਅਤ੍ਤਾਨਂ. ਸਙ੍ਖਾਰੇ ਅਤ੍ਤਤੋ ¶ ਸਮਨੁਪਸ੍ਸਤਿ, ਸਙ੍ਖਾਰਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਸਙ੍ਖਾਰੇ, ਸਙ੍ਖਾਰੇਸੁ ਵਾ ਅਤ੍ਤਾਨਂ. ਵਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ, ਵਿਞ੍ਞਾਣਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਵਿਞ੍ਞਾਣਂ, ਵਿਞ੍ਞਾਣਸ੍ਮਿਂ ਵਾ ਅਤ੍ਤਾਨਂ. ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ [ਦਿਟ੍ਠਿਵਿਸੂਕਾਯਿਤਂ (ਸੀ.)] ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਟਿਗ੍ਗਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸਕ੍ਕਾਯਦਿਟ੍ਠਿ.

੧੦੦੮. ਤਤ੍ਥ ਕਤਮਾ ਵਿਚਿਕਿਚ੍ਛਾ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ, ਧਮ੍ਮੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਙ੍ਘੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਿਕ੍ਖਾਯ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤੇ ਕਙ੍ਖਤਿ ¶ ਵਿਚਿਕਿਚ੍ਛਤਿ, ਅਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤਾਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਤਿ ਵਿਚਿਕਿਚ੍ਛਤਿ. ਯਾ ਏਵਰੂਪਾ ਕਙ੍ਖਾ ਕਙ੍ਖਾਯਨਾ ਕਙ੍ਖਾਯਿਤਤ੍ਤਂ ਵਿਮਤਿ ਵਿਚਿਕਿਚ੍ਛਾ ਦ੍ਵੇਲ਼੍ਹਕਂ ਦ੍ਵੇਧਾਪਥੋ ਸਂਸਯੋ ਅਨੇਕਂਸਗ੍ਗਾਹੋ ਆਸਪ੍ਪਨਾ ਪਰਿਸਪ੍ਪਨਾ ਅਪਰਿਯੋਗਾਹਨਾ ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਅਯਂ ਵੁਚ੍ਚਤਿ ਵਿਚਿਕਿਚ੍ਛਾ.

੧੦੦੯. ਤਤ੍ਥ ਕਤਮੋ ਸੀਲਬ੍ਬਤਪਰਾਮਾਸੋ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ‘ਸੀਲੇਨ ਸੁਦ੍ਧਿ, ਵਤੇਨ ਸੁਦ੍ਧਿ, ਸੀਲਬ੍ਬਤੇਨ ਸੁਦ੍ਧੀ’ਤਿ ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਟਿਗ੍ਗਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ¶ ਵੁਚ੍ਚਤਿ ਸੀਲਬ੍ਬਤਪਰਾਮਾਸੋ.

੧੦੧੦. ਇਮਾਨਿ ¶ ਤੀਣਿ ਸਂਯੋਜਨਾਨਿ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ ਵਚੀਕਮ੍ਮਂ ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ.

੧੦੧੧. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ? ਅਵਸੇਸੋ ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ.

੧੦੧੨. ਕਤਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ? ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ ¶ ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ.

੧੦੧੩. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ.

੧੦੧੪. ਤਤ੍ਥ ਕਤਮਾ ਸਕ੍ਕਾਯਦਿਟ੍ਠਿ…ਪੇ… ਅਯਂ ਵੁਚ੍ਚਤਿ ਸਕ੍ਕਾਯਦਿਟ੍ਠਿ.

੧੦੧੫. ਤਤ੍ਥ ¶ ਕਤਮਾ ਵਿਚਿਕਿਚ੍ਛਾ…ਪੇ… ਅਯਂ ਵੁਚ੍ਚਤਿ ਵਿਚਿਕਿਚ੍ਛਾ.

੧੦੧੬. ਤਤ੍ਥ ਕਤਮੋ ਸੀਲਬ੍ਬਤਪਰਾਮਾਸੋ…ਪੇ… ਅਯਂ ਵੁਚ੍ਚਤਿ ਸੀਲਬ੍ਬਤਪਰਾਮਾਸੋ.

੧੦੧੭. ਇਮਾਨਿ ਤੀਣਿ ਸਂਯੋਜਨਾਨਿ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ. ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ ¶ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ. ਤਦੇਕਟ੍ਠੋ ਲੋਭੋ, ਦੋਸੋ, ਮੋਹੋ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੂ. ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੦੧੮. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ? ਅਵਸੇਸੋ ਲੋਭੋ, ਦੋਸੋ, ਮੋਹੋ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੂ. ਤਦੇਕਟ੍ਠਾ ¶ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੦੧੯. ਕਤਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੦੨੦. ਕਤਮੇ ਧਮ੍ਮਾ ਆਚਯਗਾਮਿਨੋ? ਸਾਸਵਾ ਕੁਸਲਾਕੁਸਲਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਆਚਯਗਾਮਿਨੋ.

੧੦੨੧. ਕਤਮੇ ਧਮ੍ਮਾ ਅਪਚਯਗਾਮਿਨੋ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਅਪਚਯਗਾਮਿਨੋ.

੧੦੨੨. ਕਤਮੇ ¶ ਧਮ੍ਮਾ ਨੇਵ ਆਚਯਗਾਮਿ ਨ ਅਪਚਯਗਾਮਿਨੋ? ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ ¶ ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੇਵ ਆਚਯਗਾਮਿ ਨ ਅਪਚਯਗਾਮਿਨੋ.

੧੦੨੩. ਕਤਮੇ ਧਮ੍ਮਾ ਸੇਕ੍ਖਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਹੇਟ੍ਠਿਮਾਨਿ ਚ ਤੀਣਿ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਸੇਕ੍ਖਾ.

੧੦੨੪. ਕਤਮੇ ¶ ਧਮ੍ਮਾ ਅਸੇਕ੍ਖਾ? ਉਪਰਿਟ੍ਠਿਮਂ [ਉਪਰਿਮਂ (ਸ੍ਯਾ.)] ਅਰਹਤ੍ਤਫਲਂ – ਇਮੇ ਧਮ੍ਮਾ ਅਸੇਕ੍ਖਾ.

੧੦੨੫. ਕਤਮੇ ਧਮ੍ਮਾ ਨੇਵਸੇਕ੍ਖਨਾਸੇਕ੍ਖਾ? ਤੇ ਧਮ੍ਮੇ ਠਪੇਤ੍ਵਾ, ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੇਵਸੇਕ੍ਖਨਾਸੇਕ੍ਖਾ.

੧੦੨੬. ਕਤਮੇ ¶ ਧਮ੍ਮਾ ਪਰਿਤ੍ਤਾ? ਸਬ੍ਬੇਵ ਕਾਮਾਵਚਰਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪਰਿਤ੍ਤਾ.

੧੦੨੭. ਕਤਮੇ ਧਮ੍ਮਾ ਮਹਗ੍ਗਤਾ? ਰੂਪਾਵਚਰਾ, ਅਰੂਪਾਵਚਰਾ, ਕੁਸਲਾਬ੍ਯਾਕਤਾ ਧਮ੍ਮਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਹਗ੍ਗਤਾ.

੧੦੨੮. ਕਤਮੇ ਧਮ੍ਮਾ ਅਪ੍ਪਮਾਣਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਪ੍ਪਮਾਣਾ.

੧੦੨੯. ਕਤਮੇ ਧਮ੍ਮਾ ਪਰਿਤ੍ਤਾਰਮ੍ਮਣਾ? ਪਰਿਤ੍ਤੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਪਰਿਤ੍ਤਾਰਮ੍ਮਣਾ.

੧੦੩੦. ਕਤਮੇ ਧਮ੍ਮਾ ਮਹਗ੍ਗਤਾਰਮ੍ਮਣਾ? ਮਹਗ੍ਗਤੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ¶ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਮਹਗ੍ਗਤਾਰਮ੍ਮਣਾ.

੧੦੩੧. ਕਤਮੇ ਧਮ੍ਮਾ ਅਪ੍ਪਮਾਣਾਰਮ੍ਮਣਾ? ਅਪ੍ਪਮਾਣੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਪ੍ਪਮਾਣਾਰਮ੍ਮਣਾ.

੧੦੩੨. ਕਤਮੇ ¶ ਧਮ੍ਮਾ ਹੀਨਾ? ਤੀਣਿ ਅਕੁਸਲਮੂਲਾਨਿ – ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ਕਿਲੇਸਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਹੀਨਾ.

੧੦੩੩. ਕਤਮੇ ਧਮ੍ਮਾ ਮਜ੍ਝਿਮਾ? ਸਾਸਵਾ ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਜ੍ਝਿਮਾ.

੧੦੩੪. ਕਤਮੇ ਧਮ੍ਮਾ ਪਣੀਤਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਪਣੀਤਾ.

੧੦੩੫. ਕਤਮੇ ¶ ਧਮ੍ਮਾ ਮਿਚ੍ਛਤ੍ਤਨਿਯਤਾ? ਪਞ੍ਚ ਕਮ੍ਮਾਨਿ ਆਨਨ੍ਤਰਿਕਾਨਿ, ਯਾ ਚ ਮਿਚ੍ਛਾਦਿਟ੍ਠਿਨਿਯਤਾ – ਇਮੇ ਧਮ੍ਮਾ ਮਿਚ੍ਛਤ੍ਤਨਿਯਤਾ.

੧੦੩੬. ਕਤਮੇ ਧਮ੍ਮਾ ਸਮ੍ਮਤ੍ਤਨਿਯਤਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਸਮ੍ਮਤ੍ਤਨਿਯਤਾ.

੧੦੩੭. ਕਤਮੇ ¶ ਧਮ੍ਮਾ ਅਨਿਯਤਾ? ਤੇ ਧਮ੍ਮੇ ਠਪੇਤ੍ਵਾ, ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਿਯਤਾ.

੧੦੩੮. ਕਤਮੇ ਧਮ੍ਮਾ ਮਗ੍ਗਾਰਮ੍ਮਣਾ? ਅਰਿਯਮਗ੍ਗਂ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਮਗ੍ਗਾਰਮ੍ਮਣਾ.

੧੦੩੯. ਕਤਮੇ ¶ ਧਮ੍ਮਾ ਮਗ੍ਗਹੇਤੁਕਾ? ਅਰਿਯਮਗ੍ਗਸਮਙ੍ਗਿਸ੍ਸ ਮਗ੍ਗਙ੍ਗਾਨਿ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਗ੍ਗਹੇਤੁਕਾ. ਅਰਿਯਮਗ੍ਗਸਮਙ੍ਗਿਸ੍ਸ ¶ ਸਮ੍ਮਾਦਿਟ੍ਠਿ ਮਗ੍ਗੋ ਚੇਵ ਹੇਤੁ ਚ, ਸਮ੍ਮਾਦਿਟ੍ਠਿਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਗ੍ਗਹੇਤੁਕਾ. ਅਰਿਯਮਗ੍ਗਸਮਙ੍ਗਿਸ੍ਸ ਅਲੋਭੋ, ਅਦੋਸੋ, ਅਮੋਹੋ – ਇਮੇ ਧਮ੍ਮਾ ਮਗ੍ਗਹੇਤੂ. ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਗ੍ਗਹੇਤੁਕਾ.

੧੦੪੦. ਕਤਮੇ ਧਮ੍ਮਾ ਮਗ੍ਗਾਧਿਪਤਿਨੋ? ਅਰਿਯਮਗ੍ਗਂ ਅਧਿਪਤਿਂ ਕਰਿਤ੍ਵਾ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਮਗ੍ਗਾਧਿਪਤਿਨੋ. ਅਰਿਯਮਗ੍ਗਸਮਙ੍ਗਿਸ੍ਸ ਵੀਮਂਸਾਧਿਪਤੇਯ੍ਯਂ ਮਗ੍ਗਂ ਭਾਵਯਨ੍ਤਸ੍ਸ ਵੀਮਂਸਂ ਠਪੇਤ੍ਵਾ; ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਮਗ੍ਗਾਧਿਪਤਿਨੋ.

੧੦੪੧. ਕਤਮੇ ਧਮ੍ਮਾ ਉਪ੍ਪਨ੍ਨਾ? ਯੇ ਧਮ੍ਮਾ ਜਾਤਾ ਭੂਤਾ ਸਞ੍ਜਾਤਾ ਨਿਬ੍ਬਤ੍ਤਾ ਅਭਿਨਿਬ੍ਬਤ੍ਤਾ ਪਾਤੁਭੂਤਾ ਉਪ੍ਪਨ੍ਨਾ ਸਮੁਪ੍ਪਨ੍ਨਾ ਉਟ੍ਠਿਤਾ ਸਮੁਟ੍ਠਿਤਾ ਉਪ੍ਪਨ੍ਨਾ ਉਪ੍ਪਨ੍ਨਂਸੇਨ ਸਙ੍ਗਹਿਤਾ, ਰੂਪਂ [ਰੂਪਾ (ਬਹੂਸੁ)], ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਉਪ੍ਪਨ੍ਨਾ.

੧੦੪੨. ਕਤਮੇ ਧਮ੍ਮਾ ਅਨੁਪ੍ਪਨ੍ਨਾ? ਯੇ ਧਮ੍ਮਾ ਅਜਾਤਾ ਅਭੂਤਾ ਅਸਞ੍ਜਾਤਾ ਅਨਿਬ੍ਬਤ੍ਤਾ ਅਨਭਿਨਿਬ੍ਬਤ੍ਤਾ ਅਪਾਤੁਭੂਤਾ ¶ ਅਨੁਪ੍ਪਨ੍ਨਾ ਅਸਮੁਪ੍ਪਨ੍ਨਾ ਅਨੁਟ੍ਠਿਤਾ ਅਸਮੁਟ੍ਠਿਤਾ ਅਨੁਪ੍ਪਨ੍ਨਾ ਅਨੁਪ੍ਪਨ੍ਨਂਸੇਨ ਸਙ੍ਗਹਿਤਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਅਨੁਪ੍ਪਨ੍ਨਾ.

੧੦੪੩. ਕਤਮੇ ¶ ਧਮ੍ਮਾ ਉਪ੍ਪਾਦਿਨੋ? ਕੁਸਲਾਕੁਸਲਾਨਂ ਧਮ੍ਮਾਨਂ ਅਵਿਪਕ੍ਕਵਿਪਾਕਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ ਉਪ੍ਪਜ੍ਜਿਸ੍ਸਤਿ – ਇਮੇ ਧਮ੍ਮਾ ਉਪ੍ਪਾਦਿਨੋ.

੧੦੪੪. ਕਤਮੇ ¶ ਧਮ੍ਮਾ ਅਤੀਤਾ? ਯੇ ਧਮ੍ਮਾ ਅਤੀਤਾ ਨਿਰੁਦ੍ਧਾ ਵਿਗਤਾ ਵਿਪਰਿਣਤਾ ਅਤ੍ਥਙ੍ਗਤਾ ਅਬ੍ਭਤ੍ਥਙ੍ਗਤਾ ਉਪ੍ਪਜ੍ਜਿਤ੍ਵਾ ਵਿਗਤਾ ਅਤੀਤਾ ਅਤੀਤਂਸੇਨ ਸਙ੍ਗਹਿਤਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਅਤੀਤਾ.

੧੦੪੫. ਕਤਮੇ ਧਮ੍ਮਾ ਅਨਾਗਤਾ? ਯੇ ਧਮ੍ਮਾ ਅਜਾਤਾ ਅਭੂਤਾ ਅਸਞ੍ਜਾਤਾ ਅਨਿਬ੍ਬਤ੍ਤਾ ਅਨਭਿਨਿਬ੍ਬਤ੍ਤਾ ¶ ਅਪਾਤੁਭੂਤਾ ਅਨੁਪ੍ਪਨ੍ਨਾ ਅਸਮੁਪ੍ਪਨ੍ਨਾ ਅਨੁਟ੍ਠਿਤਾ ਅਸਮੁਟ੍ਠਿਤਾ ਅਨਾਗਤਾ ਅਨਾਗਤਂਸੇਨ ਸਙ੍ਗਹਿਤਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਅਨਾਗਤਾ.

੧੦੪੬. ਕਤਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾ? ਯੇ ਧਮ੍ਮਾ ਜਾਤਾ ਭੂਤਾ ਸਞ੍ਜਾਤਾ ਨਿਬ੍ਬਤ੍ਤਾ ਅਭਿਨਿਬ੍ਬਤ੍ਤਾ ਪਾਤੁਭੂਤਾ ਉਪ੍ਪਨ੍ਨਾ ਸਮੁਪ੍ਪਨ੍ਨਾ ਉਟ੍ਠਿਤਾ ਸਮੁਟ੍ਠਿਤਾ ਪਚ੍ਚੁਪ੍ਪਨ੍ਨਾ ਪਚ੍ਚੁਪ੍ਪਨ੍ਨਂਸੇਨ ਸਙ੍ਗਹਿਤਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾ.

੧੦੪੭. ਕਤਮੇ ਧਮ੍ਮਾ ਅਤੀਤਾਰਮ੍ਮਣਾ? ਅਤੀਤੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਤੀਤਾਰਮ੍ਮਣਾ.

੧੦੪੮. ਕਤਮੇ ਧਮ੍ਮਾ ਅਨਾਗਤਾਰਮ੍ਮਣਾ? ਅਨਾਗਤੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ¶ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਨਾਗਤਾਰਮ੍ਮਣਾ.

੧੦੪੯. ਕਤਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾਰਮ੍ਮਣਾ? ਪਚ੍ਚੁਪ੍ਪਨ੍ਨੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾਰਮ੍ਮਣਾ.

੧੦੫੦. ਕਤਮੇ ਧਮ੍ਮਾ ਅਜ੍ਝਤ੍ਤਾ? ਯੇ ਧਮ੍ਮਾ ਤੇਸਂ ਤੇਸਂ ਸਤ੍ਤਾਨਂ ਅਜ੍ਝਤ੍ਤਂ ਪਚ੍ਚਤ੍ਤਂ ਨਿਯਤਾ ਪਾਟਿਪੁਗ੍ਗਲਿਕਾ ਉਪਾਦਿਣ੍ਣਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਅਜ੍ਝਤ੍ਤਾ.

੧੦੫੧. ਕਤਮੇ ਧਮ੍ਮਾ ਬਹਿਦ੍ਧਾ? ਯੇ ਧਮ੍ਮਾ ਤੇਸਂ ਤੇਸਂ ਪਰਸਤ੍ਤਾਨਂ ਪਰਪੁਗ੍ਗਲਾਨਂ ਅਜ੍ਝਤ੍ਤਂ ¶ ਪਚ੍ਚਤ੍ਤਂ ਨਿਯਤਾ ਪਾਟਿਪੁਗ੍ਗਲਿਕਾ ਉਪਾਦਿਣ੍ਣਾ, ਰੂਪਂ, ਵੇਦਨਾ, ਸਞ੍ਞਾ, ਸਙ੍ਖਾਰਾ, ਵਿਞ੍ਞਾਣਂ – ਇਮੇ ਧਮ੍ਮਾ ਬਹਿਦ੍ਧਾ.

੧੦੫੨. ਕਤਮੇ ਧਮ੍ਮਾ ਅਜ੍ਝਤ੍ਤਬਹਿਦ੍ਧਾ? ਤਦੁਭਯਂ – ਇਮੇ ਧਮ੍ਮਾ ਅਜ੍ਝਤ੍ਤਬਹਿਦ੍ਧਾ.

੧੦੫੩. ਕਤਮੇ ਧਮ੍ਮਾ ਅਜ੍ਝਤ੍ਤਾਰਮ੍ਮਣਾ? ਅਜ੍ਝਤ੍ਤੇ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਜ੍ਝਤ੍ਤਾਰਮ੍ਮਣਾ.

੧੦੫੪. ਕਤਮੇ ¶ ¶ ਧਮ੍ਮਾ ਬਹਿਦ੍ਧਾਰਮ੍ਮਣਾ? ਬਹਿਦ੍ਧਾ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਬਹਿਦ੍ਧਾਰਮ੍ਮਣਾ.

੧੦੫੫. ਕਤਮੇ ਧਮ੍ਮਾ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ? ਅਜ੍ਝਤ੍ਤਬਹਿਦ੍ਧਾ ਧਮ੍ਮੇ ਆਰਬ੍ਭ ਯੇ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ.

੧੦੫੬. ਕਤਮੇ ਧਮ੍ਮਾ ਸਨਿਦਸ੍ਸਨਸਪ੍ਪਟਿਘਾ? ਰੂਪਾਯਤਨਂ – ਇਮੇ ਧਮ੍ਮਾ ਸਨਿਦਸ੍ਸਨਸਪ੍ਪਟਿਘਾ.

੧੦੫੭. ਕਤਮੇ ਧਮ੍ਮਾ ਅਨਿਦਸ੍ਸਨਸਪ੍ਪਟਿਘਾ? ਚਕ੍ਖਾਯਤਨਂ, ਸੋਤਾਯਤਨਂ, ਘਾਨਾਯਤਨਂ, ਜਿਵ੍ਹਾਯਤਨਂ, ਕਾਯਾਯਤਨਂ, ਸਦ੍ਦਾਯਤਨਂ, ਗਨ੍ਧਾਯਤਨਂ ¶ , ਰਸਾਯਤਨਂ, ਫੋਟ੍ਠਬ੍ਬਾਯਤਨਂ – ਇਮੇ ਧਮ੍ਮਾ ਅਨਿਦਸ੍ਸਨਸਪ੍ਪਟਿਘਾ.

੧੦੫੮. ਕਤਮੇ ਧਮ੍ਮਾ ਅਨਿਦਸ੍ਸਨਅਪ੍ਪਟਿਘਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ; ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ; ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਿਦਸ੍ਸਨਅਪ੍ਪਟਿਘਾ.

ਤਿਕਂ.

ਦੁਕਨਿਕ੍ਖੇਪਂ

ਹੇਤੁਗੋਚ੍ਛਕਂ

੧੦੫੯. ਕਤਮੇ ਧਮ੍ਮਾ ਹੇਤੂ? ਤਯੋ ਕੁਸਲਹੇਤੂ, ਤਯੋ ਅਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ, ਨਵ ਕਾਮਾਵਚਰਹੇਤੂ ਛ ਰੂਪਾਵਚਰਹੇਤੂ, ਛ ਅਰੂਪਾਵਚਰਹੇਤੂ, ਛ ਅਪਰਿਯਾਪਨ੍ਨਹੇਤੂ.

੧੦੬੦. ਤਤ੍ਥ ਕਤਮੇ ਤਯੋ ਕੁਸਲਹੇਤੂ? ਅਲੋਭੋ, ਅਦੋਸੋ, ਅਮੋਹੋ.

੧੦੬੧. ਤਤ੍ਥ ¶ ਕਤਮੋ ਅਲੋਭੋ? ਯੋ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਵੁਚ੍ਚਤਿ ਅਲੋਭੋ.

੧੦੬੨. ਤਤ੍ਥ ¶ ਕਤਮੋ ਅਦੋਸੋ? ਯੋ ¶ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ ਮੇਤ੍ਤਿ ਮੇਤ੍ਤਾਯਨਾ ਮੇਤ੍ਤਾਯਿਤਤ੍ਤਂ ਅਨੁਦ੍ਦਾ ਅਨੁਦ੍ਦਾਯਨਾ ਅਨੁਦਾਯਿਤਤ੍ਤਂ ਹਿਤੇਸਿਤਾ ਅਨੁਕਮ੍ਪਾ ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਵੁਚ੍ਚਤਿ ਅਦੋਸੋ.

੧੦੬੩. ਤਤ੍ਥ ਕਤਮੋ ਅਮੋਹੋ? ਦੁਕ੍ਖੇ ਞਾਣਂ, ਦੁਕ੍ਖਸਮੁਦਯੇ ਞਾਣਂ, ਦੁਕ੍ਖਨਿਰੋਧੇ ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ, ਪੁਬ੍ਬਨ੍ਤੇ ਞਾਣਂ, ਅਪਰਨ੍ਤੇ ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਞਾਣਂ, ਯਾ ਏਵਰੂਪਾ ਪਞ੍ਞਾ ¶ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਅਮੋਹੋ.

ਇਮੇ ਤਯੋ ਕੁਸਲਹੇਤੂ.

੧੦੬੪. ਤਤ੍ਥ ਕਤਮੇ ਤਯੋ ਅਕੁਸਲਹੇਤੂ? ਲੋਭੋ, ਦੋਸੋ, ਮੋਹੋ.

੧੦੬੫. ਤਤ੍ਥ ਕਤਮੋ ਲੋਭੋ? ਯੋ ਰਾਗੋ ਸਾਰਾਗੋ ਅਨੁਨਯੋ ਅਨੁਰੋਧੋ ਨਨ੍ਦੀ ਨਨ੍ਦੀਰਾਗੋ [ਨਨ੍ਦਿਰਾਗੋ (ਸੀ.)] ਚਿਤ੍ਤਸ੍ਸ ਸਾਰਾਗੋ ਇਚ੍ਛਾ ਮੁਚ੍ਛਾ ਅਜ੍ਝੋਸਾਨਂ ਗੇਧੋ ਪਲਿਗੇਧੋ ਸਙ੍ਗੋ ਪਙ੍ਕੋ ਏਜਾ ਮਾਯਾ ਜਨਿਕਾ ਸਞ੍ਜਨਨੀ ਸਿਬ੍ਬਿਨੀ [ਸਿਬ੍ਬਨੀ (ਸੀ.)] ਜਾਲਿਨੀ ਸਰਿਤਾ ਵਿਸਤ੍ਤਿਕਾ ਸੁਤ੍ਤਂ ਵਿਸਟਾ ਆਯੂਹਿਨੀ [ਆਯੂਹਨੀ (ਸੀ. ਸ੍ਯਾ.)] ਦੁਤਿਯਾ ਪਣਿਧਿ ਭਵਨੇਤ੍ਤਿ ਵਨਂ ਵਨਥੋ ਸਨ੍ਥਵੋ ਸਿਨੇਹੋ ਅਪੇਕ੍ਖਾ ਪਟਿਬਨ੍ਧੁ ਆਸਾ ਆਸਿਸਨਾ ਆਸਿਸਿਤਤ੍ਤਂ [ਆਸਿਂਸਨਾ ਆਸਿਂਸਿਤਤ੍ਤਂ (ਸੀ. ਸ੍ਯਾ.)] ਰੂਪਾਸਾ ਸਦ੍ਦਾਸਾ ਗਨ੍ਧਾਸਾ ਰਸਾਸਾ ਫੋਟ੍ਠਬ੍ਬਾਸਾ ਲਾਭਾਸਾ ਧਨਾਸਾ ਪੁਤ੍ਤਾਸਾ ਜੀਵਿਤਾਸਾ ਜਪ੍ਪਾ ਪਜਪ੍ਪਾ ਅਭਿਜਪ੍ਪਾ ਜਪ੍ਪਾ ਜਪ੍ਪਨਾ ਜਪ੍ਪਿਤਤ੍ਤਂ ਲੋਲੁਪ੍ਪਂ ਲੋਲੁਪ੍ਪਾਯਨਾ ਲੋਲੁਪ੍ਪਾਯਿਤਤ੍ਤਂ ਪੁਚ੍ਛਞ੍ਜਿਕਤਾ [ਪੁਞ੍ਚਿਕਤਾ (ਸ੍ਯਾ.) ਪੁਚ੍ਛਿਕਤਾ (ਸੀ.)] ਸਾਧੁਕਮ੍ਯਤਾ ਅਧਮ੍ਮਰਾਗੋ ਵਿਸਮਲੋਭੋ ਨਿਕਨ੍ਤਿ ਨਿਕਾਮਨਾ ਪਤ੍ਥਨਾ ਪਿਹਨਾ ਸਮ੍ਪਤ੍ਥਨਾ ਕਾਮਤਣ੍ਹਾ ਭਵਤਣ੍ਹਾ ਵਿਭਵਤਣ੍ਹਾ ਰੂਪਤਣ੍ਹਾ ਅਰੂਪਤਣ੍ਹਾ ਨਿਰੋਧਤਣ੍ਹਾ ਰੂਪਤਣ੍ਹਾ ਸਦ੍ਦਤਣ੍ਹਾ ਗਨ੍ਧਤਣ੍ਹਾ ¶ ਰਸਤਣ੍ਹਾ ਫੋਟ੍ਠਬ੍ਬਤਣ੍ਹਾ ਧਮ੍ਮਤਣ੍ਹਾ ¶ ਓਘੋ ਯੋਗੋ ਗਨ੍ਥੋ ਉਪਾਦਾਨਂ ਆਵਰਣਂ ਨੀਵਰਣਂ ਛਾਦਨਂ ਬਨ੍ਧਨਂ ਉਪਕ੍ਕਿਲੇਸੋ ਅਨੁਸਯੋ ਪਰਿਯੁਟ੍ਠਾਨਂ ਲਤਾ ਵੇਵਿਚ੍ਛਂ ਦੁਕ੍ਖਮੂਲਂ ਦੁਕ੍ਖਨਿਦਾਨਂ ¶ ਦੁਕ੍ਖਪ੍ਪਭਵੋ ਮਾਰਪਾਸੋ ਮਾਰਬਲ਼ਿਸਂ ਮਾਰਵਿਸਯੋ ਤਣ੍ਹਾਨਦੀ ਤਣ੍ਹਾਜਾਲਂ ਤਣ੍ਹਾਗਦ੍ਦੁਲਂ ਤਣ੍ਹਾਸਮੁਦ੍ਦੋ ਅਭਿਜ੍ਝਾ ਲੋਭੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਲੋਭੋ.

੧੦੬੬. ਤਤ੍ਥ ¶ ਕਤਮੋ ਦੋਸੋ? ਅਨਤ੍ਥਂ ਮੇ ਅਚਰੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਤੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ… ਅਨਤ੍ਥਂ ਚਰਤਿ…ਪੇ… ਅਨਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਪ੍ਪਿਯਸ੍ਸ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ… ਅਤ੍ਥਂ ਚਰਤਿ…ਪੇ… ਅਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਟ੍ਠਾਨੇ ਵਾ ਪਨ ਆਘਾਤੋ ਜਾਯਤਿ. ਯੋ ਏਵਰੂਪੋ ਚਿਤ੍ਤਸ੍ਸ ਆਘਾਤੋ ਪਟਿਘਾਤੋ ਪਟਿਘਂ ਪਟਿਵਿਰੋਧੋ ਕੋਪੋ ਪਕੋਪੋ ਸਮ੍ਪਕੋਪੋ ਦੋਸੋ ਪਦੋਸੋ ਸਮ੍ਪਦੋਸੋ ਚਿਤ੍ਤਸ੍ਸ ਬ੍ਯਾਪਤ੍ਤਿ ਮਨੋਪਦੋਸੋ ਕੋਧੋ ਕੁਜ੍ਝਨਾ ਕੁਜ੍ਝਿਤਤ੍ਤਂ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਵੁਚ੍ਚਤਿ ਦੋਸੋ.

੧੦੬੭. ਤਤ੍ਥ ਕਤਮੋ ਮੋਹੋ? ਦੁਕ੍ਖੇ ਅਞ੍ਞਾਣਂ, ਦੁਕ੍ਖਸਮੁਦਯੇ ਅਞ੍ਞਾਣਂ, ਦੁਕ੍ਖਨਿਰੋਧੇ ਅਞ੍ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂ, ਯਂ ਏਵਰੂਪਂ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ¶ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਣਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ਮੋਹੋ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਮੋਹੋ.

ਇਮੇ ਤਯੋ ਅਕੁਸਲਹੇਤੂ.

੧੦੬੮. ਤਤ੍ਥ ਕਤਮੇ ਤਯੋ ਅਬ੍ਯਾਕਤਹੇਤੂ? ਕੁਸਲਾਨਂ ਵਾ ਧਮ੍ਮਾਨਂ ਵਿਪਾਕਤੋ ਕਿਰਿਯਾਬ੍ਯਾਕਤੇਸੁ ਵਾ ਧਮ੍ਮੇਸੁ ਅਲੋਭੋ ਅਦੋਸੋ ਅਮੋਹੋ – ਇਮੇ ਤਯੋ ਅਬ੍ਯਾਕਤਹੇਤੂ.

੧੦੬੯. ਤਤ੍ਥ ¶ ਕਤਮੇ ਨਵ ਕਾਮਾਵਚਰਹੇਤੂ? ਤਯੋ ਕੁਸਲਹੇਤੂ, ਤਯੋ ਅਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ – ਇਮੇ ਨਵ ਕਾਮਾਵਚਰਹੇਤੂ.

੧੦੭੦. ਤਤ੍ਥ ¶ ਕਤਮੇ ਛ ਰੂਪਾਵਚਰਹੇਤੂ? ਤਯੋ ਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ – ਇਮੇ ਛ ਰੂਪਾਵਚਰਹੇਤੂ.

੧੦੭੧. ਤਤ੍ਥ ਕਤਮੇ ਛ ਅਰੂਪਾਵਚਰਹੇਤੂ? ਤਯੋ ¶ ਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ – ਇਮੇ ਛ ਅਰੂਪਾਵਚਰਹੇਤੂ.

੧੦੭੨. ਤਤ੍ਥ ਕਤਮੇ ਛ ਅਪਰਿਯਾਪਨ੍ਨਹੇਤੂ? ਤਯੋ ਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ – ਇਮੇ ਛ ਅਪਰਿਯਾਪਨ੍ਨਹੇਤੂ.

੧੦੭੩. ਤਤ੍ਥ ਕਤਮੇ ਤਯੋ ਕੁਸਲਹੇਤੂ? ਅਲੋਭੋ, ਅਦੋਸੋ, ਅਮੋਹੋ.

੧੦੭੪. ਤਤ੍ਥ ਕਤਮੋ ਅਲੋਭੋ? ਯੋ ਅਲੋਭੋ ਅਲੁਬ੍ਭਨਾ ਅਲੁਬ੍ਭਿਤਤ੍ਤਂ ਅਸਾਰਾਗੋ ਅਸਾਰਜ੍ਜਨਾ ਅਸਾਰਜ੍ਜਿਤਤ੍ਤਂ ਅਨਭਿਜ੍ਝਾ ਅਲੋਭੋ ਕੁਸਲਮੂਲਂ – ਅਯਂ ਵੁਚ੍ਚਤਿ ਅਲੋਭੋ.

੧੦੭੫. ਤਤ੍ਥ ਕਤਮੋ ਅਦੋਸੋ? ਯੋ ਅਦੋਸੋ ਅਦੁਸ੍ਸਨਾ ਅਦੁਸ੍ਸਿਤਤ੍ਤਂ…ਪੇ… ਅਬ੍ਯਾਪਾਦੋ ਅਬ੍ਯਾਪਜ੍ਜੋ ਅਦੋਸੋ ਕੁਸਲਮੂਲਂ – ਅਯਂ ਵੁਚ੍ਚਤਿ ਅਦੋਸੋ.

੧੦੭੬. ਤਤ੍ਥ ਕਤਮੋ ਅਮੋਹੋ ¶ ? ਦੁਕ੍ਖੇ ਞਾਣਂ, ਦੁਕ੍ਖਸਮੁਦਯੇ ਞਾਣਂ, ਦੁਕ੍ਖਨਿਰੋਧੇ ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ, ਪੁਬ੍ਬਨ੍ਤੇ ਞਾਣਂ, ਅਪਰਨ੍ਤੇ ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਞਾਣਂ, ਯਾ ਏਵਰੂਪਾ ਪਞ੍ਞਾ ਪਜਾਨਨਾ ਵਿਚਯੋ ਪਵਿਚਯੋ ਧਮ੍ਮਵਿਚਯੋ ਸਲ੍ਲਕ੍ਖਣਾ ਉਪਲਕ੍ਖਣਾ ਪਚ੍ਚੁਪਲਕ੍ਖਣਾ ਪਣ੍ਡਿਚ੍ਚਂ ਕੋਸਲ੍ਲਂ ਨੇਪੁਞ੍ਞਂ ਵੇਭਬ੍ਯਾ ਚਿਨ੍ਤਾ ਉਪਪਰਿਕ੍ਖਾ ਭੂਰੀ ਮੇਧਾ ਪਰਿਣਾਯਿਕਾ ਵਿਪਸ੍ਸਨਾ ਸਮ੍ਪਜਞ੍ਞਂ ਪਤੋਦੋ ਪਞ੍ਞਾ ਪਞ੍ਞਿਨ੍ਦ੍ਰਿਯਂ ਪਞ੍ਞਾਬਲਂ ਪਞ੍ਞਾਸਤ੍ਥਂ ਪਞ੍ਞਾਪਾਸਾਦੋ ਪਞ੍ਞਾਆਲੋਕੋ ਪਞ੍ਞਾਓਭਾਸੋ ਪਞ੍ਞਾਪਜ੍ਜੋਤੋ ਪਞ੍ਞਾਰਤਨਂ ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਂ – ਅਯਂ ਵੁਚ੍ਚਤਿ ਅਮੋਹੋ.

ਇਮੇ ਤਯੋ ਕੁਸਲਹੇਤੂ.

੧੦੭੭. ਤਤ੍ਥ ¶ ¶ ਕਤਮੇ ਤਯੋ ਅਬ੍ਯਾਕਤਹੇਤੂ? ਕੁਸਲਾਨਂ ਧਮ੍ਮਾਨਂ ਵਿਪਾਕਤੋ ਅਲੋਭੋ ਅਦੋਸੋ ਅਮੋਹੋ – ਇਮੇ ਤਯੋ ਅਬ੍ਯਾਕਤਹੇਤੂ. ਇਮੇ ਛ ਅਪਰਿਯਾਪਨ੍ਨਹੇਤੂ – ਇਮੇ ਧਮ੍ਮਾ ਹੇਤੂ.

੧੦੭੮. ਕਤਮੇ ਧਮ੍ਮਾ ਨ ਹੇਤੂ? ਤੇ ਧਮ੍ਮੇ ਠਪੇਤ੍ਵਾ, ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਹੇਤੂ.

੧੦੭੯. ਕਤਮੇ ਧਮ੍ਮਾ ਸਹੇਤੁਕਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਹੇਤੁਕਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਹੇਤੁਕਾ ¶ .

੧੦੮੦. ਕਤਮੇ ਧਮ੍ਮਾ ਅਹੇਤੁਕਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਅਹੇਤੁਕਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਹੇਤੁਕਾ.

੧੦੮੧. ਕਤਮੇ ¶ ਧਮ੍ਮਾ ਹੇਤੁਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ.

੧੦੮੨. ਕਤਮੇ ਧਮ੍ਮਾ ਹੇਤੁਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਹੇਤੁਵਿਪ੍ਪਯੁਤ੍ਤਾ.

੧੦੮੩. ਕਤਮੇ ਧਮ੍ਮਾ ਹੇਤੂ ਚੇਵ ਸਹੇਤੁਕਾ ਚ? ਲੋਭੋ ਮੋਹੇਨ ਹੇਤੁ ਚੇਵ ਸਹੇਤੁਕੋ ਚ, ਮੋਹੋ ਲੋਭੇਨ ਹੇਤੁ ਚੇਵ ਸਹੇਤੁਕੋ ਚ, ਦੋਸੋ ਮੋਹੇਨ ਹੇਤੁ ਚੇਵ ਸਹੇਤੁਕੋ ਚ, ਮੋਹੋ ਦੋਸੇਨ ਹੇਤੁ ਚੇਵ ਸਹੇਤੁਕੋ ਚ; ਅਲੋਭੋ ਅਦੋਸੋ ਅਮੋਹੋ, ਤੇ ਅਞ੍ਞਮਞ੍ਞਂ ਹੇਤੂ ਚੇਵ ਸਹੇਤੁਕਾ ਚ – ਇਮੇ ਧਮ੍ਮਾ ਹੇਤੂ ਚੇਵ ਸਹੇਤੁਕਾ ਚ.

੧੦੮੪. ਕਤਮੇ ਧਮ੍ਮਾ ਸਹੇਤੁਕਾ ਚੇਵ ਨ ਚ ਹੇਤੂ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਹੇਤੁਕਾ ਤੇ ¶ ਧਮ੍ਮੇ ਠਪੇਤ੍ਵਾ, ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਹੇਤੁਕਾ ਚੇਵ ਨ ਚ ਹੇਤੂ.

੧੦੮੫. ਕਤਮੇ ¶ ਧਮ੍ਮਾ ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ? ਲੋਭੋ ਮੋਹੇਨ ਹੇਤੁ ਚੇਵ ਹੇਤੁਸਮ੍ਪਯੁਤ੍ਤੋ ਚ, ਮੋਹੋ ਲੋਭੇਨ ਹੇਤੁ ਚੇਵ ਹੇਤੁਸਮ੍ਪਯੁਤ੍ਤੋ ਚ, ਦੋਸੋ ਮੋਹੇਨ ਹੇਤੁ ਚੇਵ ਹੇਤੁਸਮ੍ਪਯੁਤ੍ਤੋ ਚ, ਮੋਹੋ ਦੋਸੇਨ ਹੇਤੁ ਚੇਵ ਹੇਤੁਸਮ੍ਪਯੁਤ੍ਤੋ ਚ; ਅਲੋਭੋ ਅਦੋਸੋ ਅਮੋਹੋ ¶ , ਤੇ ਅਞ੍ਞਮਞ੍ਞਂ ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ – ਇਮੇ ਧਮ੍ਮਾ ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ.

੧੦੮੬. ਕਤਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਤੇ ਧਮ੍ਮੇ ਠਪੇਤ੍ਵਾ, ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂ.

੧੦੮੭. ਕਤਮੇ ਧਮ੍ਮਾ ਨ ਹੇਤੂ ਸਹੇਤੁਕਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਨ ਹੇਤੂ ਸਹੇਤੁਕਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨ ਹੇਤੂ ਸਹੇਤੁਕਾ.

੧੦੮੮. ਕਤਮੇ ਧਮ੍ਮਾ ਨ ਹੇਤੂ ਅਹੇਤੁਕਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਨ ਹੇਤੂ ਅਹੇਤੁਕਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਹੇਤੂ ਅਹੇਤੁਕਾ.

ਚੂਲ਼ਨ੍ਤਰਦੁਕਂ

੧੦੮੯. ਕਤਮੇ ਧਮ੍ਮਾ ਸਪ੍ਪਚ੍ਚਯਾ? ਪਞ੍ਚਕ੍ਖਨ੍ਧਾ – ਰੂਪਕ੍ਖਨ੍ਧੋ, ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ ¶ , ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਪ੍ਪਚ੍ਚਯਾ.

੧੦੯੦. ਕਤਮੇ ਧਮ੍ਮਾ ਅਪ੍ਪਚ੍ਚਯਾ? ਅਸਙ੍ਖਤਾ ਧਾਤੁ – ਇਮੇ ਧਮ੍ਮਾ ਅਪ੍ਪਚ੍ਚਯਾ.

੧੦੯੧. ਕਤਮੇ ਧਮ੍ਮਾ ਸਙ੍ਖਤਾ? ਯੇਵ ਤੇ ਧਮ੍ਮਾ ਸਪ੍ਪਚ੍ਚਯਾ, ਤੇਵ ਤੇ ਧਮ੍ਮਾ ਸਙ੍ਖਤਾ.

੧੦੯੨. ਕਤਮੇ ¶ ਧਮ੍ਮਾ ਅਸਙ੍ਖਤਾ? ਯੋ ਏਵ ਸੋ ਧਮ੍ਮੋ ਅਪ੍ਪਚ੍ਚਯੋ, ਸੋ ਏਵ ਸੋ ਧਮ੍ਮੋ ਅਸਙ੍ਖਤੋ.

੧੦੯੩. ਕਤਮੇ ਧਮ੍ਮਾ ਸਨਿਦਸ੍ਸਨਾ? ਰੂਪਾਯਤਨਂ – ਇਮੇ ਧਮ੍ਮਾ ਸਨਿਦਸ੍ਸਨਾ ¶ .

੧੦੯੪. ਕਤਮੇ ¶ ਧਮ੍ਮਾ ਅਨਿਦਸ੍ਸਨਾ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ, ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਿਦਸ੍ਸਨਾ.

੧੦੯੫. ਕਤਮੇ ਧਮ੍ਮਾ ਸਪ੍ਪਟਿਘਾ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਮੇ ਧਮ੍ਮਾ ਸਪ੍ਪਟਿਘਾ.

੧੦੯੬. ਕਤਮੇ ਧਮ੍ਮਾ ਅਪ੍ਪਟਿਘਾ? ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਪ੍ਪਟਿਘਾ.

੧੦੯੭. ਕਤਮੇ ਧਮ੍ਮਾ ਰੂਪਿਨੋ? ਚਤ੍ਤਾਰੋ ਚ ਮਹਾਭੂਤਾ ਚਤੁਨ੍ਨਞ੍ਚ ਮਹਾਭੂਤਾਨਂ ਉਪਾਦਾਯ ਰੂਪਂ – ਇਮੇ ਧਮ੍ਮਾ ਰੂਪਿਨੋ.

੧੦੯੮. ਕਤਮੇ ਧਮ੍ਮਾ ਅਰੂਪਿਨੋ? ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਰੂਪਿਨੋ.

੧੦੯੯. ਕਤਮੇ ਧਮ੍ਮਾ ਲੋਕਿਯਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਲੋਕਿਯਾ.

੧੧੦੦. ਕਤਮੇ ਧਮ੍ਮਾ ਲੋਕੁਤ੍ਤਰਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਲੋਕੁਤ੍ਤਰਾ.

੧੧੦੧. ਕਤਮੇ ਧਮ੍ਮਾ ਕੇਨਚਿ ਵਿਞ੍ਞੇਯ੍ਯਾ, ਕੇਨਚਿ ਨ ਵਿਞ੍ਞੇਯ੍ਯਾ? ਯੇ ¶ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ ¶ , ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ. ਯੇ ਤੇ ¶ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ¶ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ. ਯੇ ¶ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ; ਯੇ ਵਾ ਪਨ ¶ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਘਾਨਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ. ਯੇ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ¶ ਜਿਵ੍ਹਾਵਿਞ੍ਞੇਯ੍ਯਾ; ਯੇ ਵਾ ਪਨ ਤੇ ਧਮ੍ਮਾ ਜਿਵ੍ਹਾਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਕਾਯਵਿਞ੍ਞੇਯ੍ਯਾ. ਇਮੇ ਧਮ੍ਮਾ ਕੇਨਚਿ ਵਿਞ੍ਞੇਯ੍ਯਾ ਕੇਨਚਿ ਨ ਵਿਞ੍ਞੇਯ੍ਯਾ.

ਆਸਵਗੋਚ੍ਛਕਂ

੧੧੦੨. ਕਤਮੇ ¶ ਧਮ੍ਮਾ ਆਸਵਾ? ਚਤ੍ਤਾਰੋ ਆਸਵਾ – ਕਾਮਾਸਵੋ, ਭਵਾਸਵੋ, ਦਿਟ੍ਠਾਸਵੋ, ਅਵਿਜ੍ਜਾਸਵੋ.

੧੧੦੩. ਤਤ੍ਥ ¶ ਕਤਮੋ ਕਾਮਾਸਵੋ? ਯੋ ਕਾਮੇਸੁ ਕਾਮਚ੍ਛਨ੍ਦੋ ਕਾਮਰਾਗੋ ਕਾਮਨਨ੍ਦੀ ਕਾਮਤਣ੍ਹਾ ਕਾਮਸਿਨੇਹੋ ਕਾਮਪਰਿਲ਼ਾਹੋ ਕਾਮਮੁਚ੍ਛਾ ਕਾਮਜ੍ਝੋਸਾਨਂ – ਅਯਂ ਵੁਚ੍ਚਤਿ ਕਾਮਾਸਵੋ.

੧੧੦੪. ਤਤ੍ਥ ਕਤਮੋ ਭਵਾਸਵੋ? ਯੋ ਭਵੇਸੁ ਭਵਛਨ੍ਦੋ [ਭਵਚ੍ਛਨ੍ਦੋ (ਸੀ. ਸ੍ਯਾ.)] ਭਵਰਾਗੋ ਭਵਨਨ੍ਦੀ ਭਵਤਣ੍ਹਾ ਭਵਸਿਨੇਹੋ ਭਵਪਰਿਲ਼ਾਹੋ ਭਵਮੁਚ੍ਛਾ ਭਵਜ੍ਝੋਸਾਨਂ – ਅਯਂ ਵੁਚ੍ਚਤਿ ਭਵਾਸਵੋ.

੧੧੦੫. ਤਤ੍ਥ ਕਤਮੋ ਦਿਟ੍ਠਾਸਵੋ? ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ, ਅਨ੍ਤਵਾ ਲੋਕੋਤਿ ਵਾ, ਅਨਨ੍ਤਵਾ ਲੋਕੋਤਿ ਵਾ, ਤਂ ਜੀਵਂ ਤਂ ਸਰੀਰਨ੍ਤਿ ਵਾ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ ਵਾ, ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ; ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਟਿਗ੍ਗਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਦਿਟ੍ਠਾਸਵੋ. ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਦਿਟ੍ਠਾਸਵੋ.

੧੧੦੬. ਤਤ੍ਥ ਕਤਮੋ ਅਵਿਜ੍ਜਾਸਵੋ? ਦੁਕ੍ਖੇ ਅਞ੍ਞਾਣਂ, ਦੁਕ੍ਖਸਮੁਦਯੇ ਅਞ੍ਞਾਣਂ, ਦੁਕ੍ਖਨਿਰੋਧੇ ਅਞ੍ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਂ ¶ , ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂः ਯਂ ਏਵਰੂਪਂ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਣਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ¶ ਮੋਹੋ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ¶ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਅਵਿਜ੍ਜਾਸਵੋ.

ਇਮੇ ਧਮ੍ਮਾ ਆਸਵਾ.

੧੧੦੭. ਕਤਮੇ ਧਮ੍ਮਾ ਨੋ ਆਸਵਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ ¶ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਆਸਵਾ.

੧੧੦੮. ਕਤਮੇ ਧਮ੍ਮਾ ਸਾਸਵਾ? ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਾਸਵਾ.

੧੧੦੯. ਕਤਮੇ ਧਮ੍ਮਾ ਅਨਾਸਵਾ? ਅਪਰਿਯਾਪਨ੍ਨਾ ਮਗ੍ਗਾ ਚ ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਾਸਵਾ.

੧੧੧੦. ਕਤਮੇ ਧਮ੍ਮਾ ਆਸਵਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ¶ ਆਸਵਸਮ੍ਪਯੁਤ੍ਤਾ.

੧੧੧੧. ਕਤਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ.

੧੧੧੨. ਕਤਮੇ ਧਮ੍ਮਾ ਆਸਵਾ ਚੇਵ ਸਾਸਵਾ ਚ? ਤੇਯੇਵ ਆਸਵਾ ਆਸਵਾ ਚੇਵ ਸਾਸਵਾ ਚ.

੧੧੧੩. ਕਤਮੇ ਧਮ੍ਮਾ ਸਾਸਵਾ ਚੇਵ ਨੋ ਚ ਆਸਵਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਾਸਵਾ, ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ ¶ , ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਾਸਵਾ ਚੇਵ ਨੋ ਚ ਆਸਵਾ.

੧੧੧੪. ਕਤਮੇ ਧਮ੍ਮਾ ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ? ਕਾਮਾਸਵੋ ਅਵਿਜ੍ਜਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਅਵਿਜ੍ਜਾਸਵੋ ਕਾਮਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਭਵਾਸਵੋ ਅਵਿਜ੍ਜਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਅਵਿਜ੍ਜਾਸਵੋ ਭਵਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਦਿਟ੍ਠਾਸਵੋ ਅਵਿਜ੍ਜਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਅਵਿਜ੍ਜਾਸਵੋ ¶ ਦਿਟ੍ਠਾਸਵੇਨ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ – ਇਮੇ ਧਮ੍ਮਾ ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ.

੧੧੧੫. ਕਤਮੇ ¶ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ.

੧੧੧੬. ਕਤਮੇ ¶ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਸਾਸਵਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਸਾਸਵਾ.

੧੧੧੭. ਕਤਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਅਨਾਸਵਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਅਨਾਸਵਾ.

ਨਿਕ੍ਖੇਪਕਣ੍ਡੇ ਪਠਮਭਾਣਵਾਰੋ.

ਸਂਯੋਜਨਗੋਚ੍ਛਕਂ

੧੧੧੮. ਕਤਮੇ ਧਮ੍ਮਾ ਸਂਯੋਜਨਾ? ਦਸ ਸਂਯੋਜਨਾਨਿ – ਕਾਮਰਾਗਸਂਯੋਜਨਂ, ਪਟਿਘਸਂਯੋਜਨਂ ¶ , ਮਾਨਸਂਯੋਜਨਂ, ਦਿਟ੍ਠਿਸਂਯੋਜਨਂ, ਵਿਚਿਕਿਚ੍ਛਾਸਂਯੋਜਨਂ, ਸੀਲਬ੍ਬਤਪਰਾਮਾਸਸਂਯੋਜਨਂ, ਭਵਰਾਗਸਂਯੋਜਨਂ, ਇਸ੍ਸਾਸਂਯੋਜਨਂ, ਮਚ੍ਛਰਿਯਸਂਯੋਜਨਂ, ਅਵਿਜ੍ਜਾਸਂਯੋਜਨਂ.

੧੧੧੯. ਤਤ੍ਥ ਕਤਮਂ ਕਾਮਰਾਗਸਂਯੋਜਨਂ? ਯੋ ਕਾਮੇਸੁ ਕਾਮਚ੍ਛਨ੍ਦੋ ਕਾਮਰਾਗੋ ਕਾਮਨਨ੍ਦੀ ਕਾਮਤਣ੍ਹਾ ਕਾਮਸਿਨੇਹੋ ਕਾਮਪਰਿਲ਼ਾਹੋ ਕਾਮਮੁਚ੍ਛਾ ਕਾਮਜ੍ਝੋਸਾਨਂ – ਇਦਂ ਵੁਚ੍ਚਤਿ ਕਾਮਰਾਗਸਂਯੋਜਨਂ.

੧੧੨੦. ਤਤ੍ਥ ਕਤਮਂ ਪਟਿਘਸਂਯੋਜਨਂ? ਅਨਤ੍ਥਂ ਮੇ ਅਚਰੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਤੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ… ਅਨਤ੍ਥਂ ਚਰਤਿ…ਪੇ… ਅਨਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਪ੍ਪਿਯਸ੍ਸ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ… ਅਤ੍ਥਂ ਚਰਤਿ…ਪੇ… ਅਤ੍ਥਂ ਚਰਿਸ੍ਸਤੀਤਿ ਆਘਾਤੋ ¶ ਜਾਯਤਿ, ਅਟ੍ਠਾਨੇ ਵਾ ਪਨ ¶ ਆਘਾਤੋ ਜਾਯਤਿ. ਯੋ ਏਵਰੂਪੋ ਚਿਤ੍ਤਸ੍ਸ ਆਘਾਤੋ ਪਟਿਘਾਤੋ ਪਟਿਘਂ ਪਟਿਵਿਰੋਧੋ ਕੋਪੋ ਪਕੋਪੋ ਸਮ੍ਪਕੋਪੋ ਦੋਸੋ ਪਦੋਸੋ ਸਮ੍ਪਦੋਸੋ ਚਿਤ੍ਤਸ੍ਸ ਬ੍ਯਾਪਤ੍ਤਿ ਮਨੋਪਦੋਸੋ ਕੋਧੋ ਕੁਜ੍ਝਨਾ ਕੁਜ੍ਝਿਤਤ੍ਤਂ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਪਟਿਘਸਂਯੋਜਨਂ.

੧੧੨੧. ਤਤ੍ਥ ਕਤਮਂ ਮਾਨਸਂਯੋਜਨਂ? ਸੇਯ੍ਯੋਹਮਸ੍ਮੀਤਿ ਮਾਨੋ, ਸਦਿਸੋਹਮਸ੍ਮੀਤਿ ਮਾਨੋ, ਹੀਨੋਹਮਸ੍ਮੀਤਿ ¶ ਮਾਨੋ. ਯੋ ਏਵਰੂਪੋ ਮਾਨੋ ਮਞ੍ਞਨਾ ਮਞ੍ਞਿਤਤ੍ਤਂ ਉਨ੍ਨਤਿ ਉਨ੍ਨਮੋ [ਉਣ੍ਣਤਿ ਉਣ੍ਣਾਮੋ (ਸ੍ਯਾ.)] ਧਜੋ ਸਮ੍ਪਗ੍ਗਾਹੋ ਕੇਤੁਕਮ੍ਯਤਾ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਮਾਨਸਂਯੋਜਨਂ.

੧੧੨੨. ਤਤ੍ਥ ਕਤਮਂ ਦਿਟ੍ਠਿਸਂਯੋਜਨਂ? ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ, ਅਨ੍ਤਵਾ ਲੋਕੋਤਿ ਵਾ, ਅਨਨ੍ਤਵਾ ਲੋਕੋਤਿ ਵਾ, ਤਂ ਜੀਵਂ ਤਂ ਸਰੀਰਨ੍ਤਿ ਵਾ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ ਵਾ, ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ; ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਟਿਗ੍ਗਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ¶ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਇਦਂ ਵੁਚ੍ਚਤਿ ਦਿਟ੍ਠਿਸਂਯੋਜਨਂ. ਠਪੇਤ੍ਵਾ ਸੀਲਬ੍ਬਤਪਰਾਮਾਸਸਂਯੋਜਨਂ ਸਬ੍ਬਾਪਿ ਮਿਚ੍ਛਾਦਿਟ੍ਠਿ ¶ ਦਿਟ੍ਠਿਸਂਯੋਜਨਂ.

੧੧੨੩. ਤਤ੍ਥ ਕਤਮਂ ਵਿਚਿਕਿਚ੍ਛਾਸਂਯੋਜਨਂ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ, ਧਮ੍ਮੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਙ੍ਘੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਿਕ੍ਖਾਯ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਅਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤਾਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਤਿ ਵਿਚਿਕਿਚ੍ਛਤਿः ਯਾ ਏਵਰੂਪਾ ਕਙ੍ਖਾ ਕਙ੍ਖਾਯਨਾ ਕਙ੍ਖਾਯਿਤਤ੍ਤਂ ਵਿਮਤਿ ਵਿਚਿਕਿਚ੍ਛਾ ਦ੍ਵੇਲ਼੍ਹਕਂ ਦ੍ਵੇਧਾਪਥੋ ਸਂਸਯੋ ਅਨੇਕਂਸਗ੍ਗਾਹੋ ਆਸਪ੍ਪਨਾ ਪਰਿਸਪ੍ਪਨਾ ਅਪਰਿਯੋਗਾਹਨਾ ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਇਦਂ ਵੁਚ੍ਚਤਿ ਵਿਚਿਕਿਚ੍ਛਾਸਂਯੋਜਨਂ.

੧੧੨੪. ਤਤ੍ਥ ¶ ਕਤਮਂ ਸੀਲਬ੍ਬਤਪਰਾਮਾਸਸਂਯੋਜਨਂ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ਸੀਲੇਨ ਸੁਦ੍ਧਿ ਵਤੇਨ ਸੁਦ੍ਧਿ ਸੀਲਬ੍ਬਤੇਨ ਸੁਦ੍ਧੀਤਿ; ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਇਦਂ ਵੁਚ੍ਚਤਿ ਸੀਲਬ੍ਬਤਪਰਾਮਾਸਸਂਯੋਜਨਂ.

੧੧੨੫. ਤਤ੍ਥ ਕਤਮਂ ਭਵਰਾਗਸਂਯੋਜਨਂ? ਯੋ ਭਵੇਸੁ ਭਵਛਨ੍ਦੋ ਭਵਰਾਗੋ ਭਵਨਨ੍ਦੀ ਭਵਤਣ੍ਹਾ ਭਵਸਿਨੇਹੋ ਭਵਪਰਿਲ਼ਾਹੋ ਭਵਮੁਚ੍ਛਾ ਭਵਜ੍ਝੋਸਾਨਂ – ਇਦਂ ਵੁਚ੍ਚਤਿ ਭਵਰਾਗਸਂਯੋਜਨਂ.

੧੧੨੬. ਤਤ੍ਥ ਕਤਮਂ ਇਸ੍ਸਾਸਂਯੋਜਨਂ? ਯਾ ਪਰਲਾਭਸਕ੍ਕਾਰਗਰੁਕਾਰਮਾਨਨਵਨ੍ਦਨਪੂਜਨਾਸੁ ਇਸ੍ਸਾ ਇਸ੍ਸਾਯਨਾ ¶ ਇਸ੍ਸਾਯਿਤਤ੍ਤਂ ਉਸੂਯਾ ਉਸੂਯਨਾ ¶ ਉਸੂਯਿਤਤ੍ਤਂ [ਉਸ੍ਸੁਯਾ ਉਸ੍ਸੁਯਨਾ ਉਸ੍ਸੁਯਿਤਤ੍ਤਂ (ਕ.)] – ਇਦਂ ਵੁਚ੍ਚਤਿ ਇਸ੍ਸਾਸਂਯੋਜਨਂ.

੧੧੨੭. ਤਤ੍ਥ ਕਤਮਂ ਮਚ੍ਛਰਿਯਸਂਯੋਜਨਂ? ਪਞ੍ਚ ਮਚ੍ਛਰਿਯਾਨਿ – ਆਵਾਸਮਚ੍ਛਰਿਯਂ, ਕੁਲਮਚ੍ਛਰਿਯਂ, ਲਾਭਮਚ੍ਛਰਿਯਂ, ਵਣ੍ਣਮਚ੍ਛਰਿਯਂ, ਧਮ੍ਮਮਚ੍ਛਰਿਯਂ. ਯਂ ਏਵਰੂਪਂ ਮਚ੍ਛੇਰਂ ਮਚ੍ਛਰਾਯਨਾ ਮਚ੍ਛਰਾਯਿਤਤ੍ਤਂ ਵੇਵਿਚ੍ਛਂ ਕਦਰਿਯਂ ਕਟੁਕਞ੍ਚੁਕਤਾ ਅਗ੍ਗਹਿਤਤ੍ਤਂ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਮਚ੍ਛਰਿਯਸਂਯੋਜਨਂ.

੧੧੨੮. ਤਤ੍ਥ ¶ ਕਤਮਂ ਅਵਿਜ੍ਜਾਸਂਯੋਜਨਂ? ਦੁਕ੍ਖੇ ਅਞ੍ਞਾਣਂ, ਦੁਕ੍ਖਸਮੁਦਯੇ ਅਞ੍ਞਾਣਂ, ਦੁਕ੍ਖਨਿਰੋਧੇ ਅਞ੍ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂः ਯਂ ਏਵਰੂਪਂ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਣਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ਮੋਹੋ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਇਦਂ ਵੁਚ੍ਚਤਿ ਅਵਿਜ੍ਜਾਸਂਯੋਜਨਂ.

ਇਮੇ ਧਮ੍ਮਾ ਸਂਯੋਜਨਾ.

੧੧੨੯. ਕਤਮੇ ¶ ਧਮ੍ਮਾ ਨੋ ਸਂਯੋਜਨਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਸਂਯੋਜਨਾ.

੧੧੩੦. ਕਤਮੇ ¶ ਧਮ੍ਮਾ ਸਂਯੋਜਨਿਯਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਯੋਜਨਿਯਾ.

੧੧੩੧. ਕਤਮੇ ਧਮ੍ਮਾ ਅਸਂਯੋਜਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਸਂਯੋਜਨਿਯਾ.

੧੧੩੨. ਕਤਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ.

੧੧੩੩. ਕਤਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ.

੧੧੩੪. ਕਤਮੇ ¶ ¶ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਿਯਾ ਚ? ਤਾਨੇਵ ਸਂਯੋਜਨਾਨਿ ਸਂਯੋਜਨਾ ਚੇਵ ਸਂਯੋਜਨਿਯਾ ਚ.

੧੧੩੫. ਕਤਮੇ ਧਮ੍ਮਾ ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਂਯੋਜਨਿਯਾ, ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾ.

੧੧੩੬. ਕਤਮੇ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚ? ਕਾਮਰਾਗਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਕਾਮਰਾਗਸਂਯੋਜਨੇਨ ਸਂਯੋਜਨਞ੍ਚੇਵ ¶ ਸਂਯੋਜਨਸਮ੍ਪਯੁਤ੍ਤਞ੍ਚ, ਪਟਿਘਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਪਟਿਘਸਂਯੋਜਨੇਨ ਸਂਯੋਜਨਞ੍ਚੇਵ ¶ ਸਂਯੋਜਨਸਮ੍ਪਯੁਤ੍ਤਞ੍ਚ, ਮਾਨਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਮਾਨਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਦਿਟ੍ਠਿਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਦਿਟ੍ਠਿਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਵਿਚਿਕਿਚ੍ਛਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਸੀਲਬ੍ਬਤਪਰਾਮਾਸਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਸੀਲਬ੍ਬਤਪਰਾਮਾਸਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਭਵਰਾਗਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਭਵਰਾਗਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਇਸ੍ਸਾਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਇਸ੍ਸਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਮਚ੍ਛਰਿਯਸਂਯੋਜਨਂ ਅਵਿਜ੍ਜਾਸਂਯੋਜਨੇਨ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਸਂਯੋਜਨਂ ਮਚ੍ਛਰਿਯਸਂਯੋਜਨੇਨ ¶ ਸਂਯੋਜਨਞ੍ਚੇਵ ਸਂਯੋਜਨਸਮ੍ਪਯੁਤ੍ਤਞ੍ਚ – ਇਮੇ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚ.

੧੧੩੭. ਕਤਮੇ ¶ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ¶ ਸਮ੍ਪਯੁਤ੍ਤਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾ.

੧੧੩੮. ਕਤਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾ.

੧੧੩੯. ਕਤਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾ.

ਗਨ੍ਥਗੋਚ੍ਛਕਂ

੧੧੪੦. ਕਤਮੇ ¶ ਧਮ੍ਮਾ ਗਨ੍ਥਾ? ਚਤ੍ਤਾਰੋ ਗਨ੍ਥਾ – ਅਭਿਜ੍ਝਾ ਕਾਯਗਨ੍ਥੋ, ਬ੍ਯਾਪਾਦੋ ਕਾਯਗਨ੍ਥੋ, ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ, ਇਦਂ ਸਚ੍ਚਾਭਿਨਿਵੇਸੋ ਕਾਯਗਨ੍ਥੋ.

੧੧੪੧. ਤਤ੍ਥ ਕਤਮੋ ਅਭਿਜ੍ਝਾ ਕਾਯਗਨ੍ਥੋ? ਯੋ ਰਾਗੋ ਸਾਰਾਗੋ ਅਨੁਨਯੋ ਅਨੁਰੋਧੋ ਨਨ੍ਦੀ ਨਨ੍ਦੀਰਾਗੋ ਚਿਤ੍ਤਸ੍ਸ ਸਾਰਾਗੋ ਇਚ੍ਛਾ ਮੁਚ੍ਛਾ ਅਜ੍ਝੋਸਾਨਂ ਗੇਧੋ ਪਲਿਗੇਧੋ ਸਙ੍ਗੋ ਪਙ੍ਕੋ ਏਜਾ ਮਾਯਾ ਜਨਿਕਾ ਸਞ੍ਜਨਨੀ ਸਿਬ੍ਬਿਨੀ ਜਾਲਿਨੀ ਸਰਿਤਾ ਵਿਸਤ੍ਤਿਕਾ ਸੁਤ੍ਤਂ ¶ ਵਿਸਟਾ ਆਯੂਹਿਨੀ ਦੁਤਿਯਾ ਪਣਿਧਿ ਭਵਨੇਤ੍ਤਿ ਵਨਂ ਵਨਥੋ ਸਨ੍ਥਵੋ ਸਿਨੇਹੋ ਅਪੇਕ੍ਖਾ ਪਟਿਬਨ੍ਧੁ ਆਸਾ ਆਸਿਸਨਾ ਆਸਿਸਿਤਤ੍ਤਂ ਰੂਪਾਸਾ ਸਦ੍ਦਾਸਾ ਗਨ੍ਧਾਸਾ ਰਸਾਸਾ ਫੋਟ੍ਠਬ੍ਬਾਸਾ ਲਾਭਾਸਾ ਧਨਾਸਾ ਪੁਤ੍ਤਾਸਾ ਜੀਵਿਤਾਸਾ ਜਪ੍ਪਾ ਪਜਪ੍ਪਾ ਅਭਿਜਪ੍ਪਾ ਜਪ੍ਪਾ ਜਪ੍ਪਨਾ ਜਪ੍ਪਿਤਤ੍ਤਂ ਲੋਲੁਪ੍ਪਂ ਲੋਲੁਪ੍ਪਾਯਨਾ ਲੋਲੁਪ੍ਪਾਯਿਤਤ੍ਤਂ ਪੁਚ੍ਛਞ੍ਜਿਕਤਾ ਸਾਧੁਕਮ੍ਯਤਾ ਅਧਮ੍ਮਰਾਗੋ ਵਿਸਮਲੋਭੋ ਨਿਕਨ੍ਤਿ ਨਿਕਾਮਨਾ ਪਤ੍ਥਨਾ ਪਿਹਨਾ ਸਮ੍ਪਤ੍ਥਨਾ ਕਾਮਤਣ੍ਹਾ ਭਵਤਣ੍ਹਾ ਵਿਭਵਤਣ੍ਹਾ ਰੂਪਤਣ੍ਹਾ ਅਰੂਪਤਣ੍ਹਾ ਨਿਰੋਧਤਣ੍ਹਾ ਰੂਪਤਣ੍ਹਾ ਸਦ੍ਦਤਣ੍ਹਾ ਗਨ੍ਧਤਣ੍ਹਾ ਰਸਤਣ੍ਹਾ ਫੋਟ੍ਠਬ੍ਬਤਣ੍ਹਾ ਧਮ੍ਮਤਣ੍ਹਾ ਓਘੋ ਯੋਗੋ ਗਨ੍ਥੋ ਉਪਾਦਾਨਂ ਆਵਰਣਂ ਨੀਵਰਣਂ ਛਾਦਨਂ ਬਨ੍ਧਨਂ ਉਪਕ੍ਕਿਲੇਸੋ ਅਨੁਸਯੋ ਪਰਿਯੁਟ੍ਠਾਨਂ ਲਤਾ ਵੇਵਿਚ੍ਛਂ ਦੁਕ੍ਖਮੂਲਂ ਦੁਕ੍ਖਨਿਦਾਨਂ ਦੁਕ੍ਖਪ੍ਪਭਵੋ ਮਾਰਪਾਸੋ ਮਾਰਬਲ਼ਿਸਂ ਮਾਰਵਿਸਯੋ ਤਣ੍ਹਾਨਦੀ ਤਣ੍ਹਾਜਾਲਂ ਤਣ੍ਹਾਗਦ੍ਦੁਲਂ ਤਣ੍ਹਾਸਮੁਦ੍ਦੋ ਅਭਿਜ੍ਝਾ ਲੋਭੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਅਭਿਜ੍ਝਾ ਕਾਯਗਨ੍ਥੋ.

੧੧੪੨. ਤਤ੍ਥ ¶ ਕਤਮੋ ਬ੍ਯਾਪਾਦੋ ਕਾਯਗਨ੍ਥੋ? ਅਨਤ੍ਥਂ ਮੇ ਅਚਰੀ ਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਤੀਤਿ ਆਘਾਤੋ ¶ ਜਾਯਤਿ, ਅਨਤ੍ਥਂ ਮੇ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ… ਅਨਤ੍ਥਂ ਚਰਤਿ…ਪੇ… ਅਨਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਪ੍ਪਿਯਸ੍ਸ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ… ਅਤ੍ਥਂ ਚਰਤਿ…ਪੇ… ਅਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਟ੍ਠਾਨੇ ਵਾ ¶ ਪਨ ਆਘਾਤੋ ਜਾਯਤਿ. ਯੋ ਏਵਰੂਪੋ ਚਿਤ੍ਤਸ੍ਸ ਆਘਾਤੋ ਪਟਿਘਾਤੋ ਪਟਿਘਂ ਪਟਿਵਿਰੋਧੋ ਕੋਪੋ ਪਕੋਪੋ ਸਮ੍ਪਕੋਪੋ ਦੋਸੋ ਪਦੋਸੋ ਸਮ੍ਪਦੋਸੋ ਚਿਤ੍ਤਸ੍ਸ ਬ੍ਯਾਪਤ੍ਤਿ ਮਨੋਪਦੋਸੋ ਕੋਧੋ ਕੁਜ੍ਝਨਾ ਕੁਜ੍ਝਿਤਤ੍ਤਂ ਦੋਸੋ ਦੁਸ੍ਸਨਾ ¶ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਵੁਚ੍ਚਤਿ ਬ੍ਯਾਪਾਦੋ ਕਾਯਗਨ੍ਥੋ.

੧੧੪੩. ਤਤ੍ਥ ਕਤਮੋ ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ਸੀਲੇਨ ਸੁਦ੍ਧਿ, ਵਤੇਨ ਸੁਦ੍ਧਿ, ਸੀਲਬ੍ਬਤੇਨ ਸੁਦ੍ਧੀਤਿः ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ.

੧੧੪੪. ਤਤ੍ਥ ਕਤਮੋ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ? ਸਸ੍ਸਤੋ ਲੋਕੋ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਅਸਸ੍ਸਤੋ ਲੋਕੋ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਅਨ੍ਤਵਾ ਲੋਕੋ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਅਨਨ੍ਤਵਾ ਲੋਕੋ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਤਂ ਜੀਵਂ ਤਂ ਸਰੀਰਂ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਅਞ੍ਞਂ ਜੀਵਂ ਅਞ੍ਞਂ ਸਰੀਰਂ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਹੋਤਿ ਤਥਾਗਤੋ ਪਰਂ ਮਰਣਾ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਨ ਹੋਤਿ ਤਥਾਗਤੋ ਪਰਂ ਮਰਣਾ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਹੋਤਿ ਚ ਨ ¶ ਚ ਹੋਤਿ ਤਥਾਗਤੋ ਪਰਂ ਮਰਣਾ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾ; ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾ, ਇਦਮੇਵ ਸਚ੍ਚਂ ਮੋਘਮਞ੍ਞਨ੍ਤਿ ਵਾः ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ. ਠਪੇਤ੍ਵਾ ਸੀਲਬ੍ਬਤਪਰਾਮਾਸਂ ਕਾਯਗਨ੍ਥਂ ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ.

ਇਮੇ ਧਮ੍ਮਾ ਗਨ੍ਥਾ.

੧੧੪੫. ਕਤਮੇ ¶ ਧਮ੍ਮਾ ਨੋ ਗਨ੍ਥਾ? ਤੇ ¶ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਗਨ੍ਥਾ.

੧੧੪੬. ਕਤਮੇ ¶ ਧਮ੍ਮਾ ਗਨ੍ਥਨਿਯਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਗਨ੍ਥਨਿਯਾ.

੧੧੪੭. ਕਤਮੇ ਧਮ੍ਮਾ ਅਗਨ੍ਥਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਗਨ੍ਥਨਿਯਾ.

੧੧੪੮. ਕਤਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ¶ ਗਨ੍ਥਸਮ੍ਪਯੁਤ੍ਤਾ.

੧੧੪੯. ਕਤਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ.

੧੧੫੦. ਕਤਮੇ ਧਮ੍ਮਾ ਗਨ੍ਥਾ ਚੇਵ ਗਨ੍ਥਨਿਯਾ ਚ? ਤੇਵ ਗਨ੍ਥਾ ਗਨ੍ਥਾ ਚੇਵ ਗਨ੍ਥਨਿਯਾ ਚ.

੧੧੫੧. ਕਤਮੇ ਧਮ੍ਮਾ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਗਨ੍ਥਨਿਯਾ, ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ.

੧੧੫੨. ਕਤਮੇ ਧਮ੍ਮਾ ਗਨ੍ਥਾ ਚੇਵ ਗਨ੍ਥਸਮ੍ਪਯੁਤ੍ਤਾ ਚ? ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਅਭਿਜ੍ਝਾਕਾਯਗਨ੍ਥੇਨ ਗਨ੍ਥੋ ਚੇਵ ਗਨ੍ਥਸਮ੍ਪਯੁਤ੍ਤੋ ਚ, ਅਭਿਜ੍ਝਾਕਾਯਗਨ੍ਥੋ ਸੀਲਬ੍ਬਤਪਰਾਮਾਸੇਨ ਕਾਯਗਨ੍ਥੇਨ ਗਨ੍ਥੋ ਚੇਵ ਗਨ੍ਥਸਮ੍ਪਯੁਤ੍ਤੋ ਚ, ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ ਅਭਿਜ੍ਝਾਕਾਯਗਨ੍ਥੇਨ ਗਨ੍ਥੋ ¶ ਚੇਵ ਗਨ੍ਥਸਮ੍ਪਯੁਤ੍ਤੋ ਚ, ਅਭਿਜ੍ਝਾਕਾਯਗਨ੍ਥੋ ਇਦਂਸਚ੍ਚਾਭਿਨਿਵੇਸੇਨ ਕਾਯਗਨ੍ਥੇਨ ਗਨ੍ਥੋ ਚੇਵ ਗਨ੍ਥਸਮ੍ਪਯੁਤ੍ਤੋ ਚ – ਇਮੇ ਧਮ੍ਮਾ ਗਨ੍ਥਾ ਚੇਵ ਗਨ੍ਥਸਮ੍ਪਯੁਤ੍ਤਾ ਚ.

੧੧੫੩. ਕਤਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ? ਤੇਹਿ ¶ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ¶ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ.

੧੧੫੪. ਕਤਮੇ ¶ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ.

੧੧੫੫. ਕਤਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ.

ਓਘਗੋਚ੍ਛਕਂ

੧੧੫੬. ਕਤਮੇ ਧਮ੍ਮਾ ਓਘਾ? ਚਤ੍ਤਾਰੋ ਓਘਾ…ਪੇ… ਇਮੇ ਧਮ੍ਮਾ ਓਘਵਿਪ੍ਪਯੁਤ੍ਤਾ ਓਘਨਿਯਾ.

ਯੋਗਗੋਚ੍ਛਕਂ

੧੧੫੭. ਕਤਮੇ ਧਮ੍ਮਾ ਯੋਗਾ? ਚਤ੍ਤਾਰੋ ਯੋਗਾ…ਪੇ… ਇਮੇ ਧਮ੍ਮਾ ਯੋਗਵਿਪ੍ਪਯੁਤ੍ਤਾ ਯੋਗਨਿਯਾ.

ਨੀਵਰਣਗੋਚ੍ਛਕਂ

੧੧੫੮. ਕਤਮੇ ਧਮ੍ਮਾ ਨੀਵਰਣਾ? ਛ ਨੀਵਰਣਾ [ਨੀਵਰਣਾਨਿ (ਸ੍ਯਾ.)] – ਕਾਮਚ੍ਛਨ੍ਦਨੀਵਰਣਂ, ਬ੍ਯਾਪਾਦਨੀਵਰਣਂ, ਥਿਨਮਿਦ੍ਧਨੀਵਰਣਂ, ਉਦ੍ਧਚ੍ਚਕੁਕ੍ਕੁਚ੍ਚਨੀਵਰਣਂ, ਵਿਚਿਕਿਚ੍ਛਾਨੀਵਰਣਂ, ਅਵਿਜ੍ਜਾਨੀਵਰਣਂ.

੧੧੫੯. ਤਤ੍ਥ ¶ ਕਤਮਂ ਕਾਮਚ੍ਛਨ੍ਦਨੀਵਰਣਂ? ਯੋ ਕਾਮੇਸੁ ਕਾਮਚ੍ਛਨ੍ਦੋ ਕਾਮਰਾਗੋ ਕਾਮਨਨ੍ਦੀ ਕਾਮਤਣ੍ਹਾ ਕਾਮਸਿਨੇਹੋ ਕਾਮਪਰਿਲ਼ਾਹੋ ਕਾਮਮੁਚ੍ਛਾ ਕਾਮਜ੍ਝੋਸਾਨਂ – ਇਦਂ ਵੁਚ੍ਚਤਿ ਕਾਮਚ੍ਛਨ੍ਦਨੀਵਰਣਂ.

੧੧੬੦. ਤਤ੍ਥ ਕਤਮਂ ਬ੍ਯਾਪਾਦਨੀਵਰਣਂ? ਅਨਤ੍ਥਂ ਮੇ ਅਚਰੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਤੀਤਿ ਆਘਾਤੋ ਜਾਯਤਿ; ਅਨਤ੍ਥਂ ਮੇ ਚਰਿਸ੍ਸਤੀਤਿ ਆਘਾਤੋ ਜਾਯਤਿ; ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ… ਅਨਤ੍ਥਂ ਚਰਤਿ…ਪੇ… ਅਨਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਪ੍ਪਿਯਸ੍ਸ ¶ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ… ਅਤ੍ਥਂ ਚਰਤਿ…ਪੇ… ¶ ਅਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਟ੍ਠਾਨੇ ਵਾ ਪਨ ਆਘਾਤੋ ਜਾਯਤਿ. ਯੋ ਏਵਰੂਪੋ ਚਿਤ੍ਤਸ੍ਸ ਆਘਾਤੋ ਪਟਿਘਾਤੋ ਪਟਿਘਂ ਪਟਿਵਿਰੋਧੋ ਕੋਪੋ ਪਕੋਪੋ ਸਮ੍ਪਕੋਪੋ ਦੋਸੋ ਪਦੋਸੋ ਸਮ੍ਪਦੋਸੋ ਚਿਤ੍ਤਸ੍ਸ ਬ੍ਯਾਪਤ੍ਤਿ ਮਨੋਪਦੋਸੋ ਕੋਧੋ ਕੁਜ੍ਝਨਾ ਕੁਜ੍ਝਿਤਤ੍ਤਂ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਬ੍ਯਾਪਾਦਨੀਵਰਣਂ.

੧੧੬੧. ਤਤ੍ਥ ਕਤਮਂ ਥਿਨਮਿਦ੍ਧਨੀਵਰਣਂ? ਅਤ੍ਥਿ ਥਿਨਂ, ਅਤ੍ਥਿ ਮਿਦ੍ਧਂ.

੧੧੬੨. ਤਤ੍ਥ ਕਤਮਂ ਥਿਨਂ? ਯਾ ਚਿਤ੍ਤਸ੍ਸ ਅਕਲ੍ਲਤਾ ਅਕਮ੍ਮਞ੍ਞਤਾ ਓਲੀਯਨਾ ਸਲ੍ਲੀਯਨਾ ਲੀਨਂ ਲੀਯਨਾ ¶ ਲੀਯਿਤਤ੍ਤਂ ਥਿਨਂ ਥਿਯਨਾ ਥਿਯਿਤਤ੍ਤਂ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਥਿਨਂ.

੧੧੬੩. ਤਤ੍ਥ ਕਤਮਂ ਮਿਦ੍ਧਂ? ਯਾ ਕਾਯਸ੍ਸ ਅਕਲ੍ਲਤਾ ਅਕਮ੍ਮਞ੍ਞਤਾ ਓਨਾਹੋ ਪਰਿਯੋਨਾਹੋ ਅਨ੍ਤੋਸਮੋਰੋਧੋ ਮਿਦ੍ਧਂ ਸੋਪ੍ਪਂ ਪਚਲਾਯਿਕਾ ਸੋਪ੍ਪਂ ਸੁਪਨਾ ਸੁਪਿਤਤ੍ਤਂ – ਇਦਂ ਵੁਚ੍ਚਤਿ ਮਿਦ੍ਧਂ. ਇਤਿ ਇਦਞ੍ਚ ਥਿਨਂ, ਇਦਞ੍ਚ ਮਿਦ੍ਧਂ – ਇਦਂ ਵੁਚ੍ਚਤਿ ਥਿਨਮਿਦ੍ਧਨੀਵਰਣਂ.

੧੧੬੪. ਤਤ੍ਥ ਕਤਮਂ ਉਦ੍ਧਚ੍ਚਕੁਕ੍ਕੁਚ੍ਚਨੀਵਰਣਂ? ਅਤ੍ਥਿ ਉਦ੍ਧਚ੍ਚਂ, ਅਤ੍ਥਿ ਕੁਕ੍ਕੁਚ੍ਚਂ.

੧੧੬੫. ਤਤ੍ਥ ਕਤਮਂ ਉਦ੍ਧਚ੍ਚਂ? ਯਂ ਚਿਤ੍ਤਸ੍ਸ ਉਦ੍ਧਚ੍ਚਂ ਅਵੂਪਸਮੋ ਚੇਤਸੋ ਵਿਕ੍ਖੇਪੋ ਭਨ੍ਤਤ੍ਤਂ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਉਦ੍ਧਚ੍ਚਂ.

੧੧੬੬. ਤਤ੍ਥ ¶ ਕਤਮਂ ਕੁਕ੍ਕੁਚ੍ਚਂ? ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾ, ਕਪ੍ਪਿਯੇ ਅਕਪ੍ਪਿਯਸਞ੍ਞਿਤਾ, ਅਵਜ੍ਜੇ ਵਜ੍ਜਸਞ੍ਞਿਤਾ, ਵਜ੍ਜੇ ਅਵਜ੍ਜਸਞ੍ਞਿਤਾ. ਯਂ ਏਵਰੂਪਂ ਕੁਕ੍ਕੁਚ੍ਚਂ ਕੁਕ੍ਕੁਚ੍ਚਾਯਨਾ ਕੁਕ੍ਕੁਚ੍ਚਾਯਿਤਤ੍ਤਂ ਚੇਤਸੋ ਵਿਪ੍ਪਟਿਸਾਰੋ ਮਨੋਵਿਲੇਖੋ ¶ – ਇਦਂ ਵੁਚ੍ਚਤਿ ਕੁਕ੍ਕੁਚ੍ਚਂ. ਇਤਿ ਇਦਞ੍ਚ ਉਦ੍ਧਚ੍ਚਂ, ਇਦਞ੍ਚ ਕੁਕ੍ਕੁਚ੍ਚਂ – ਇਦਂ ਵੁਚ੍ਚਤਿ ਉਦ੍ਧਚ੍ਚਕੁਕ੍ਕੁਚ੍ਚਨੀਵਰਣਂ.

੧੧੬੭. ਤਤ੍ਥ ਕਤਮਂ ਵਿਚਿਕਿਚ੍ਛਾਨੀਵਰਣਂ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ, ਧਮ੍ਮੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਙ੍ਘੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਿਕ੍ਖਾਯ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਅਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤਾਪਰਨ੍ਤੇ ¶ ਕਙ੍ਖਤਿ ਵਿਚਿਕਿਚ੍ਛਤਿ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਤਿ ਵਿਚਿਕਿਚ੍ਛਤਿ. ਯਾ ਏਵਰੂਪਾ ਕਙ੍ਖਾ ਕਙ੍ਖਾਯਨਾ ਕਙ੍ਖਾਯਿਤਤ੍ਤਂ ਵਿਮਤਿ ਵਿਚਿਕਿਚ੍ਛਾ ਦ੍ਵੇਲ਼੍ਹਕਂ ਦ੍ਵੇਧਾਪਥੋ ਸਂਸਯੋ ਅਨੇਕਂਸਗ੍ਗਾਹੋ ਆਸਪ੍ਪਨਾ ਪਰਿਸਪ੍ਪਨਾ ਅਪਰਿਯੋਗਾਹਨਾ ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਇਦਂ ਵੁਚ੍ਚਤਿ ਵਿਚਿਕਿਚ੍ਛਾਨੀਵਰਣਂ.

੧੧੬੮. ਤਤ੍ਥ ਕਤਮਂ ਅਵਿਜ੍ਜਾਨੀਵਰਣਂ? ਦੁਕ੍ਖੇ ਅਞ੍ਞਾਣਂ, ਦੁਕ੍ਖਸਮੁਦਯੇ ਅਞ੍ਞਾਣਂ, ਦੁਕ੍ਖਨਿਰੋਧੇ ਅਞ੍ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂः ਯਂ ਏਵਰੂਪਂ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਣਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ਮੋਹੋ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਇਦਂ ਵੁਚ੍ਚਤਿ ਅਵਿਜ੍ਜਾਨੀਵਰਣਂ.

ਇਮੇ ਧਮ੍ਮਾ ਨੀਵਰਣਾ.

੧੧੬੯. ਕਤਮੇ ¶ ¶ ਧਮ੍ਮਾ ਨੋ ਨੀਵਰਣਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਨੀਵਰਣਾ.

੧੧੭੦. ਕਤਮੇ ¶ ਧਮ੍ਮਾ ਨੀਵਰਣਿਯਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨੀਵਰਣਿਯਾ.

੧੧੭੧. ਕਤਮੇ ਧਮ੍ਮਾ ਅਨੀਵਰਣਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨੀਵਰਣਿਯਾ.

੧੧੭੨. ਕਤਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ.

੧੧੭੩. ਕਤਮੇ ¶ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ.

੧੧੭੪. ਕਤਮੇ ਧਮ੍ਮਾ ਨੀਵਰਣਾ ਚੇਵ ਨੀਵਰਣਿਯਾ ਚ? ਤਾਨੇਵ ਨੀਵਰਣਾਨਿ ਨੀਵਰਣਾ ਚੇਵ ਨੀਵਰਣਿਯਾ ਚ.

੧੧੭੫. ਕਤਮੇ ਧਮ੍ਮਾ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਨੀਵਰਣਿਯਾ, ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ.

੧੧੭੬. ਕਤਮੇ ¶ ਧਮ੍ਮਾ ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ? ਕਾਮਚ੍ਛਨ੍ਦਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਕਾਮਚ੍ਛਨ੍ਦਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਬ੍ਯਾਪਾਦਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਬ੍ਯਾਪਾਦਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਥਿਨਮਿਦ੍ਧਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਥਿਨਮਿਦ੍ਧਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ¶ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਕੁਕ੍ਕੁਚ੍ਚਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ¶ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਕੁਕ੍ਕੁਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਵਿਚਿਕਿਚ੍ਛਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਕਾਮਚ੍ਛਨ੍ਦਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਕਾਮਚ੍ਛਨ੍ਦਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਬ੍ਯਾਪਾਦਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਬ੍ਯਾਪਾਦਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਥਿਨਮਿਦ੍ਧਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਕੁਕ੍ਕੁਚ੍ਚਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ¶ ਕੁਕ੍ਕੁਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ¶ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਵਿਚਿਕਿਚ੍ਛਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਅਵਿਜ੍ਜਾਨੀਵਰਣਂ ਉਦ੍ਧਚ੍ਚਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚ – ਇਮੇ ਧਮ੍ਮਾ ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ.

੧੧੭੭. ਕਤਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ.

੧੧੭੮. ਕਤਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ.

੧੧੭੯. ਕਤਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ.

ਪਰਾਮਾਸਗੋਚ੍ਛਕਂ

੧੧੮੦. ਕਤਮੇ ¶ ¶ ਧਮ੍ਮਾ ਪਰਾਮਾਸਾ? ਦਿਟ੍ਠਿਪਰਾਮਾਸੋ.

੧੧੮੧. ਤਤ੍ਥ ਕਤਮੋ ਦਿਟ੍ਠਿਪਰਾਮਾਸੋ? ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ, ਅਨ੍ਤਵਾ ਲੋਕੋਤਿ ਵਾ, ਅਨਨ੍ਤਵਾ ਲੋਕੋਤਿ ਵਾ, ਤਂ ਜੀਵਂ ਤਂ ¶ ਸਰੀਰਨ੍ਤਿ ਵਾ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ ਵਾ, ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾः ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਦਿਟ੍ਠਿਪਰਾਮਾਸੋ. ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਦਿਟ੍ਠਿਪਰਾਮਾਸੋ.

ਇਮੇ ਧਮ੍ਮਾ ਪਰਾਮਾਸਾ.

੧੧੮੨. ਕਤਮੇ ¶ ਧਮ੍ਮਾ ਨੋ ਪਰਾਮਾਸਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਪਰਾਮਾਸਾ.

੧੧੮੩. ਕਤਮੇ ਧਮ੍ਮਾ ਪਰਾਮਟ੍ਠਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪਰਾਮਟ੍ਠਾ.

੧੧੮੪. ਕਤਮੇ ਧਮ੍ਮਾ ਅਪਰਾਮਟ੍ਠਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਪਰਾਮਟ੍ਠਾ.

੧੧੮੫. ਕਤਮੇ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ¶ ਪਰਾਮਾਸਸਮ੍ਪਯੁਤ੍ਤਾ.

੧੧੮੬. ਕਤਮੇ ¶ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ.

੧੧੮੭. ਕਤਮੇ ਧਮ੍ਮਾ ਪਰਾਮਾਸਾ ਚੇਵ ਪਰਾਮਟ੍ਠਾ ਚ? ਸ੍ਵੇਵ ਪਰਾਮਾਸੋ ਪਰਾਮਾਸੋ ਚੇਵ ਪਰਾਮਟ੍ਠੋ ਚ.

੧੧੮੮. ਕਤਮੇ ਧਮ੍ਮਾ ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਪਰਾਮਟ੍ਠਾ, ਤੇ ਧਮ੍ਮੇ ਠਪੇਤ੍ਵਾ ¶ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ.

੧੧੮੯. ਕਤਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ.

੧੧੯੦. ਕਤਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ.

ਮਹਨ੍ਤਰਦੁਕਂ

੧੧੯੧. ਕਤਮੇ ¶ ਧਮ੍ਮਾ ਸਾਰਮ੍ਮਣਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਾਰਮ੍ਮਣਾ.

੧੧੯੨. ਕਤਮੇ ¶ ਧਮ੍ਮਾ ਅਨਾਰਮ੍ਮਣਾ? ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਾਰਮ੍ਮਣਾ.

੧੧੯੩. ਕਤਮੇ ¶ ਧਮ੍ਮਾ ਚਿਤ੍ਤਾ? ਚਕ੍ਖੁਵਿਞ੍ਞਾਣਂ, ਸੋਤਵਿਞ੍ਞਾਣਂ, ਘਾਨਵਿਞ੍ਞਾਣਂ, ਜਿਵ੍ਹਾਵਿਞ੍ਞਾਣਂ, ਕਾਯਵਿਞ੍ਞਾਣਂ, ਮਨੋਧਾਤੁ, ਮਨੋਵਿਞ੍ਞਾਣਧਾਤੁ – ਇਮੇ ਧਮ੍ਮਾ ਚਿਤ੍ਤਾ.

੧੧੯੪. ਕਤਮੇ ਧਮ੍ਮਾ ਨੋ ਚਿਤ੍ਤਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਾ.

੧੧੯੫. ਕਤਮੇ ਧਮ੍ਮਾ ਚੇਤਸਿਕਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚੇਤਸਿਕਾ.

੧੧੯੬. ਕਤਮੇ ਧਮ੍ਮਾ ਅਚੇਤਸਿਕਾ? ਚਿਤ੍ਤਞ੍ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਚੇਤਸਿਕਾ.

੧੧੯੭. ਕਤਮੇ ਧਮ੍ਮਾ ਚਿਤ੍ਤਸਮ੍ਪਯੁਤ੍ਤਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਮ੍ਪਯੁਤ੍ਤਾ.

੧੧੯੮. ਕਤਮੇ ਧਮ੍ਮਾ ਚਿਤ੍ਤਵਿਪ੍ਪਯੁਤ੍ਤਾ? ਸਬ੍ਬਞ੍ਚ ¶ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਚਿਤ੍ਤਵਿਪ੍ਪਯੁਤ੍ਤਾ. ਚਿਤ੍ਤਂ ਨ ਵਤ੍ਤਬ੍ਬਂ – ਚਿਤ੍ਤੇਨ ਸਮ੍ਪਯੁਤ੍ਤਨ੍ਤਿਪਿ, ਚਿਤ੍ਤੇਨ ਵਿਪ੍ਪਯੁਤ੍ਤਨ੍ਤਿਪਿ.

੧੧੯੯. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਾ.

੧੨੦੦. ਕਤਮੇ ਧਮ੍ਮਾ ਚਿਤ੍ਤਵਿਸਂਸਟ੍ਠਾ? ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਚਿਤ੍ਤਵਿਸਂਸਟ੍ਠਾ. ਚਿਤ੍ਤਂ ਨ ਵਤ੍ਤਬ੍ਬਂ – ਚਿਤ੍ਤੇਨ ਸਂਸਟ੍ਠਨ੍ਤਿਪਿ, ਚਿਤ੍ਤੇਨ ਵਿਸਂਸਟ੍ਠਨ੍ਤਿਪਿ.

੧੨੦੧. ਕਤਮੇ ¶ ¶ ਧਮ੍ਮਾ ਚਿਤ੍ਤਸਮੁਟ੍ਠਾਨਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ; ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ; ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਿਤ੍ਤਜਂ ਚਿਤ੍ਤਹੇਤੁਕਂ ਚਿਤ੍ਤਸਮੁਟ੍ਠਾਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ¶ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਮੇ ਧਮ੍ਮਾ ਚਿਤ੍ਤਸਮੁਟ੍ਠਾਨਾ.

੧੨੦੨. ਕਤਮੇ ਧਮ੍ਮਾ ਨੋ ਚਿਤ੍ਤਸਮੁਟ੍ਠਾਨਾ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਸਮੁਟ੍ਠਾਨਾ.

੧੨੦੩. ਕਤਮੇ ਧਮ੍ਮਾ ਚਿਤ੍ਤਸਹਭੁਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ – ਇਮੇ ਧਮ੍ਮਾ ਚਿਤ੍ਤਸਹਭੁਨੋ.

੧੨੦੪. ਕਤਮੇ ਧਮ੍ਮਾ ਨੋ ਚਿਤ੍ਤਸਹਭੁਨੋ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਸਹਭੁਨੋ.

੧੨੦੫. ਕਤਮੇ ਧਮ੍ਮਾ ਚਿਤ੍ਤਾਨੁਪਰਿਵਤ੍ਤਿਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ – ਇਮੇ ਧਮ੍ਮਾ ਚਿਤ੍ਤਾਨੁਪਰਿਵਤ੍ਤਿਨੋ.

੧੨੦੬. ਕਤਮੇ ਧਮ੍ਮਾ ਨੋ ਚਿਤ੍ਤਾਨੁਪਰਿਵਤ੍ਤਿਨੋ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਾਨੁਪਰਿਵਤ੍ਤਿਨੋ.

੧੨੦੭. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾ.

੧੨੦੮. ਕਤਮੇ ¶ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ? ਚਿਤ੍ਤਞ੍ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ.

੧੨੦੯. ਕਤਮੇ ¶ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ.

੧੨੧੦. ਕਤਮੇ ¶ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ? ਚਿਤ੍ਤਞ੍ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ.

੧੨੧੧. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ.

੧੨੧੨. ਕਤਮੇ ¶ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ? ਚਿਤ੍ਤਞ੍ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ.

੧੨੧੩. ਕਤਮੇ ਧਮ੍ਮਾ ਅਜ੍ਝਤ੍ਤਿਕਾ? ਚਕ੍ਖਾਯਤਨਂ…ਪੇ… ਮਨਾਯਤਨਂ – ਇਮੇ ਧਮ੍ਮਾ ਅਜ੍ਝਤ੍ਤਿਕਾ.

੧੨੧੪. ਕਤਮੇ ਧਮ੍ਮਾ ਬਾਹਿਰਾ? ਰੂਪਾਯਤਨਂ…ਪੇ… ਧਮ੍ਮਾਯਤਨਂ – ਇਮੇ ਧਮ੍ਮਾ ਬਾਹਿਰਾ.

੧੨੧੫. ਕਤਮੇ ਧਮ੍ਮਾ ਉਪਾਦਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਮੇ ਧਮ੍ਮਾ ਉਪਾਦਾ.

੧੨੧੬. ਕਤਮੇ ਧਮ੍ਮਾ ਨੋ ਉਪਾਦਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ, ਚਤ੍ਤਾਰੋ ਚ ਮਹਾਭੂਤਾ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਉਪਾਦਾ.

੧੨੧੭. ਕਤਮੇ ਧਮ੍ਮਾ ਉਪਾਦਿਣ੍ਣਾ? ਸਾਸਵਾ ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਉਪਾਦਿਣ੍ਣਾ ¶ .

੧੨੧੮. ਕਤਮੇ ਧਮ੍ਮਾ ਅਨੁਪਾਦਿਣ੍ਣਾ? ਸਾਸਵਾ ¶ ਕੁਸਲਾਕੁਸਲਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ, ਯਞ੍ਚ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ, ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨੁਪਾਦਿਣ੍ਣਾ.

ਉਪਾਦਾਨਗੋਚ੍ਛਕਂ

੧੨੧੯. ਕਤਮੇ ¶ ਧਮ੍ਮਾ ਉਪਾਦਾਨਾ? ਚਤ੍ਤਾਰਿ ਉਪਾਦਾਨਾਨਿ – ਕਾਮੁਪਾਦਾਨਂ, ਦਿਟ੍ਠੁਪਾਦਾਨਂ, ਸੀਲਬ੍ਬਤੁਪਾਦਾਨਂ, ਅਤ੍ਤਵਾਦੁਪਾਦਾਨਂ [ਕਾਮੂਪਾਦਾਨਂ ਦਿਟ੍ਠੂਪਾਦਾਨਂ ਸੀਲਬ੍ਬਤੂਪਾਦਾਨਂ ਅਤ੍ਤਵਾਦੂਪਾਦਾਨਂ (ਸੀ.)].

੧੨੨੦. ਤਤ੍ਥ ¶ ਕਤਮਂ ਕਾਮੁਪਾਦਾਨਂ? ਯੋ ਕਾਮੇਸੁ ਕਾਮਚ੍ਛਨ੍ਦੋ ਕਾਮਰਾਗੋ ਕਾਮਨਨ੍ਦੀ ਕਾਮਤਣ੍ਹਾ ਕਾਮਸਿਨੇਹੋ ਕਾਮਪਰਿਲ਼ਾਹੋ ਕਾਮਮੁਚ੍ਛਾ ਕਾਮਜ੍ਝੋਸਾਨਂ – ਇਦਂ ਵੁਚ੍ਚਤਿ ਕਾਮੁਪਾਦਾਨਂ.

੧੨੨੧. ਤਤ੍ਥ ਕਤਮਂ ਦਿਟ੍ਠੁਪਾਦਾਨਂ? ਨਤ੍ਥਿ ਦਿਨ੍ਨਂ, ਨਤ੍ਥਿ ਯਿਟ੍ਠਂ, ਨਤ੍ਥਿ ਹੁਤਂ, ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ ਵਿਪਾਕੋ, ਨਤ੍ਥਿ ਅਯਂ ਲੋਕੋ, ਨਤ੍ਥਿ ਪਰੋ ਲੋਕੋ, ਨਤ੍ਥਿ ਮਾਤਾ, ਨਤ੍ਥਿ ਪਿਤਾ, ਨਤ੍ਥਿ ਸਤ੍ਤਾ ਓਪਪਾਤਿਕਾ, ਨਤ੍ਥਿ ਲੋਕੇ ਸਮਣਬ੍ਰਾਹ੍ਮਣਾ ਸਮ੍ਮਗ੍ਗਤਾ [ਸਮਗ੍ਗਤਾ (ਕ.)] ਸਮ੍ਮਾਪਟਿਪਨ੍ਨਾ, ਯੇ ਇਮਞ੍ਚ ਲੋਕਂ ਪਰਞ੍ਚ ਲੋਕਂ ਸਯਂ ਅਭਿਞ੍ਞਾ ਸਚ੍ਛਿਕਤ੍ਵਾ ਪਵੇਦੇਨ੍ਤੀਤਿ – ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ¶ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਇਦਂ ਵੁਚ੍ਚਤਿ ਦਿਟ੍ਠੁਪਾਦਾਨਂ. ਠਪੇਤ੍ਵਾ ਸੀਲਬ੍ਬਤੁਪਾਦਾਨਞ੍ਚ ਅਤ੍ਤਵਾਦੁਪਾਦਾਨਞ੍ਚ ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਦਿਟ੍ਠੁਪਾਦਾਨਂ.

੧੨੨੨. ਤਤ੍ਥ ਕਤਮਂ ਸੀਲਬ੍ਬਤੁਪਾਦਾਨਂ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ਸੀਲੇਨ ਸੁਦ੍ਧਿ, ਵਤੇਨ ਸੁਦ੍ਧਿ, ਸੀਲਬ੍ਬਤੇਨ ਸੁਦ੍ਧੀਤਿ – ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਇਦਂ ਵੁਚ੍ਚਤਿ ਸੀਲਬ੍ਬਤੁਪਾਦਾਨਂ.

੧੨੨੩. ਤਤ੍ਥ ਕਤਮਂ ਅਤ੍ਤਵਾਦੁਪਾਦਾਨਂ? ਇਧ ਅਸ੍ਸੁਤਵਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾਵੀ ਅਰਿਯਧਮ੍ਮਸ੍ਸ ਅਕੋਵਿਦੋ ਅਰਿਯਧਮ੍ਮੇ ਅਵਿਨੀਤੋ ਸਪ੍ਪੁਰਿਸਾਨਂ ਅਦਸ੍ਸਾਵੀ ਸਪ੍ਪੁਰਿਸਧਮ੍ਮਸ੍ਸ ਅਕੋਵਿਦੋ ਸਪ੍ਪੁਰਿਸਧਮ੍ਮੇ ਅਵਿਨੀਤੋ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਰੂਪਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ¶ ਵਾ ਰੂਪਂ, ਰੂਪਸ੍ਮਿਂ ਵਾ ਅਤ੍ਤਾਨਂ. ਵੇਦਨਂ…ਪੇ… ਸਞ੍ਞਂ…ਪੇ… ਸਙ੍ਖਾਰੇ…ਪੇ… ਵਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ, ਵਿਞ੍ਞਾਣਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਵਿਞ੍ਞਾਣਂ ਵਿਞ੍ਞਾਣਸ੍ਮਿਂ ਵਾ ਅਤ੍ਤਾਨਂ. ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ¶ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ¶ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਇਦਂ ਵੁਚ੍ਚਤਿ ਅਤ੍ਤਵਾਦੁਪਾਦਾਨਂ.

ਇਮੇ ਧਮ੍ਮਾ ਉਪਾਦਾਨਾ.

੧੨੨੪. ਕਤਮੇ ¶ ਧਮ੍ਮਾ ਨੋ ਉਪਾਦਾਨਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਉਪਾਦਾਨਾ.

੧੨੨੫. ਕਤਮੇ ਧਮ੍ਮਾ ਉਪਾਦਾਨਿਯਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪਾਦਾਨਿਯਾ.

੧੨੨੬. ਕਤਮੇ ਧਮ੍ਮਾ ਅਨੁਪਾਦਾਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨੁਪਾਦਾਨਿਯਾ.

੧੨੨੭. ਕਤਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ.

੧੨੨੮. ਕਤਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ.

੧੨੨੯. ਕਤਮੇ ¶ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਿਯਾ ਚ? ਤਾਨੇਵ ਉਪਾਦਾਨਾਨਿ ਉਪਾਦਾਨਾ ਚੇਵ ਉਪਾਦਾਨਿਯਾ ਚ.

੧੨੩੦. ਕਤਮੇ ਧਮ੍ਮਾ ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਉਪਾਦਾਨਿਯਾ ¶ , ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾ.

੧੨੩੧. ਕਤਮੇ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਸਮ੍ਪਯੁਤ੍ਤਾ ਚ? ਦਿਟ੍ਠੁਪਾਦਾਨਂ ¶ ਕਾਮੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ, ਕਾਮੁਪਾਦਾਨਂ ਦਿਟ੍ਠੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ, ਸੀਲਬ੍ਬਤੁਪਾਦਾਨਂ ਕਾਮੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ, ਕਾਮੁਪਾਦਾਨਂ ਸੀਲਬ੍ਬਤੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ ¶ , ਅਤ੍ਤਵਾਦੁਪਾਦਾਨਂ ਕਾਮੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ, ਕਾਮੁਪਾਦਾਨਂ ਅਤ੍ਤਵਾਦੁਪਾਦਾਨੇਨ ਉਪਾਦਾਨਞ੍ਚੇਵ ਉਪਾਦਾਨਸਮ੍ਪਯੁਤ੍ਤਞ੍ਚ – ਇਮੇ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਸਮ੍ਪਯੁਤ੍ਤਾ ਚ.

੧੨੩੨. ਕਤਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚੇਵ ਨੋ ਚ ਉਪਾਦਾਨਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚੇਵ ਨੋ ਚ ਉਪਾਦਾਨਾ.

੧੨੩੩. ਕਤਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ ¶ , ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾ.

੧੨੩੪. ਕਤਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾ.

ਨਿਕ੍ਖੇਪਕਣ੍ਡੇ ਦੁਤਿਯਭਾਣਵਾਰੋ.

ਕਿਲੇਸਗੋਚ੍ਛਕਂ

੧੨੩੫. ਕਤਮੇ ਧਮ੍ਮਾ ਕਿਲੇਸਾ? ਦਸ ਕਿਲੇਸਵਤ੍ਥੂਨਿ – ਲੋਭੋ, ਦੋਸੋ, ਮੋਹੋ, ਮਾਨੋ, ਦਿਟ੍ਠਿ, ਵਿਚਿਕਿਚ੍ਛਾ, ਥਿਨਂ, ਉਦ੍ਧਚ੍ਚਂ, ਅਹਿਰੀਕਂ, ਅਨੋਤ੍ਤਪ੍ਪਂ.

੧੨੩੬. ਤਤ੍ਥ ¶ ਕਤਮੋ ਲੋਭੋ? ਯੋ ਰਾਗੋ ਸਾਰਾਗੋ ਅਨੁਨਯੋ ਅਨੁਰੋਧੋ ਨਨ੍ਦੀ ਨਨ੍ਦੀਰਾਗੋ ਚਿਤ੍ਤਸ੍ਸ ਸਾਰਾਗੋ ਇਚ੍ਛਾ ਮੁਚ੍ਛਾ ਅਜ੍ਝੋਸਾਨਂ ਗੇਧੋ ਪਲਿਗੇਧੋ ਸਙ੍ਗੋ ਪਙ੍ਕੋ ਏਜਾ ਮਾਯਾ ਜਨਿਕਾ ਸਞ੍ਜਨਨੀ ਸਿਬ੍ਬਿਨੀ ਜਾਲਿਨੀ ਸਰਿਤਾ ਵਿਸਤ੍ਤਿਕਾ ਸੁਤ੍ਤਂ ਵਿਸਟਾ ਆਯੂਹਿਨੀ ਦੁਤਿਯਾ ਪਣਿਧਿ ਭਵਨੇਤ੍ਤਿ ਵਨਂ ਵਨਥੋ ਸਨ੍ਥਵੋ ਸਿਨੇਹੋ ਅਪੇਕ੍ਖਾ ਪਟਿਬਨ੍ਧੁ ਆਸਾ ਆਸਿਸਨਾ ਆਸਿਸਿਤਤ੍ਤਂ ਰੂਪਾਸਾ ਸਦ੍ਦਾਸਾ ਗਨ੍ਧਾਸਾ ਰਸਾਸਾ ¶ ਫੋਟ੍ਠਬ੍ਬਾਸਾ ਲਾਭਾਸਾ ਧਨਾਸਾ ਪੁਤ੍ਤਾਸਾ ਜੀਵਿਤਾਸਾ ਜਪ੍ਪਾ ਪਜਪ੍ਪਾ ਅਭਿਜਪ੍ਪਾ ਜਪ੍ਪਾ ਜਪ੍ਪਨਾ ਜਪ੍ਪਿਤਤ੍ਤਂ ਲੋਲੁਪ੍ਪਂ ਲੋਲੁਪ੍ਪਾਯਨਾ ਲੋਲੁਪ੍ਪਾਯਿਤਤ੍ਤਂ ਪੁਚ੍ਛਞ੍ਜਿਕਤਾ ਸਾਧੁਕਮ੍ਯਤਾ ਅਧਮ੍ਮਰਾਗੋ ਵਿਸਮਲੋਭੋ ਨਿਕਨ੍ਤਿ ਨਿਕਾਮਨਾ ਪਤ੍ਥਨਾ ਪਿਹਨਾ ਸਮ੍ਪਤ੍ਥਨਾ ਕਾਮਤਣ੍ਹਾ ਭਵਤਣ੍ਹਾ ਵਿਭਵਤਣ੍ਹਾ ਰੂਪਤਣ੍ਹਾ ਅਰੂਪਤਣ੍ਹਾ ਨਿਰੋਧਤਣ੍ਹਾ ਰੂਪਤਣ੍ਹਾ ਸਦ੍ਦਤਣ੍ਹਾ ਗਨ੍ਧਤਣ੍ਹਾ ਰਸਤਣ੍ਹਾ ਫੋਟ੍ਠਬ੍ਬਤਣ੍ਹਾ ¶ ਧਮ੍ਮਤਣ੍ਹਾ ਓਘੋ ਯੋਗੋ ਗਨ੍ਥੋ ਉਪਾਦਾਨਂ ਆਵਰਣਂ ਨੀਵਰਣਂ ਛਾਦਨਂ ¶ ਬਨ੍ਧਨਂ ਉਪਕ੍ਕਿਲੇਸੋ ਅਨੁਸਯੋ ਪਰਿਯੁਟ੍ਠਾਨਂ ਲਤਾ ਵੇਵਿਚ੍ਛਂ ਦੁਕ੍ਖਮੂਲਂ ਦੁਕ੍ਖਨਿਦਾਨਂ ਦੁਕ੍ਖਪ੍ਪਭਵੋ ਮਾਰਪਾਸੋ ਮਾਰਬਲ਼ਿਸਂ ਮਾਰਵਿਸਯੋ ਤਣ੍ਹਾਨਦੀ ਤਣ੍ਹਾਜਾਲਂ ਤਣ੍ਹਾਗਦ੍ਦੁਲਂ ਤਣ੍ਹਾਸਮੁਦ੍ਦੋ ਅਭਿਜ੍ਝਾ ਲੋਭੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਲੋਭੋ.

੧੨੩੭. ਤਤ੍ਥ ਕਤਮੋ ਦੋਸੋ? ਅਨਤ੍ਥਂ ਮੇ ਅਚਰੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਤੀਤਿ ਆਘਾਤੋ ਜਾਯਤਿ, ਅਨਤ੍ਥਂ ਮੇ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਪਿਯਸ੍ਸ ਮੇ ਮਨਾਪਸ੍ਸ ਅਨਤ੍ਥਂ ਅਚਰਿ…ਪੇ… ਅਨਤ੍ਥਂ ਚਰਤਿ…ਪੇ… ਅਨਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਪ੍ਪਿਯਸ੍ਸ ਮੇ ਅਮਨਾਪਸ੍ਸ ਅਤ੍ਥਂ ਅਚਰਿ…ਪੇ… ਅਤ੍ਥਂ ਚਰਤਿ…ਪੇ… ਅਤ੍ਥਂ ਚਰਿਸ੍ਸਤੀਤਿ ਆਘਾਤੋ ਜਾਯਤਿ, ਅਟ੍ਠਾਨੇ ਵਾ ਪਨ ਆਘਾਤੋ ਜਾਯਤਿ. ਯੋ ਏਵਰੂਪੋ ਚਿਤ੍ਤਸ੍ਸ ਆਘਾਤੋ ਪਟਿਘਾਤੋ ਪਟਿਘਂ ਪਟਿਵਿਰੋਧੋ ਕੋਪੋ ਪਕੋਪੋ ਸਮ੍ਪਕੋਪੋ ਦੋਸੋ ਪਦੋਸੋ ਸਮ੍ਪਦੋਸੋ ਚਿਤ੍ਤਸ੍ਸ ਬ੍ਯਾਪਤ੍ਤਿ ਮਨੋਪਦੋਸੋ ਕੋਧੋ ਕੁਜ੍ਝਨਾ ਕੁਜ੍ਝਿਤਤ੍ਤਂ ਦੋਸੋ ਦੁਸ੍ਸਨਾ ਦੁਸ੍ਸਿਤਤ੍ਤਂ ਬ੍ਯਾਪਤ੍ਤਿ ਬ੍ਯਾਪਜ੍ਜਨਾ ਬ੍ਯਾਪਜ੍ਜਿਤਤ੍ਤਂ ਵਿਰੋਧੋ ਪਟਿਵਿਰੋਧੋ ਚਣ੍ਡਿਕ੍ਕਂ ਅਸੁਰੋਪੋ ਅਨਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਵੁਚ੍ਚਤਿ ਦੋਸੋ.

੧੨੩੮. ਤਤ੍ਥ ਕਤਮੋ ਮੋਹੋ? ਦੁਕ੍ਖੇ ਅਞ੍ਞਾਣਂ, ਦੁਕ੍ਖਸਮੁਦਯੇ ਅਞ੍ਞਾਣਂ, ਦੁਕ੍ਖਨਿਰੋਧੇ ਅਞ੍ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂ ¶ . ਯਂ ਏਵਰੂਪਂ ਅਞ੍ਞਾਣਂ ਅਦਸ੍ਸਨਂ ਅਨਭਿਸਮਯੋ ਅਨਨੁਬੋਧੋ ਅਸਮ੍ਬੋਧੋ ਅਪ੍ਪਟਿਵੇਧੋ ਅਸਂਗਾਹਨਾ ਅਪਰਿਯੋਗਾਹਨਾ ਅਸਮਪੇਕ੍ਖਨਾ ਅਪਚ੍ਚਵੇਕ੍ਖਣਾ ਅਪਚ੍ਚਕ੍ਖਕਮ੍ਮਂ ਦੁਮ੍ਮੇਜ੍ਝਂ ਬਾਲ੍ਯਂ ਅਸਮ੍ਪਜਞ੍ਞਂ ਮੋਹੋ ¶ ਪਮੋਹੋ ਸਮ੍ਮੋਹੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਮੋਹੋ.

੧੨੩੯. ਤਤ੍ਥ ¶ ਕਤਮੋ ਮਾਨੋ? ਸੇਯ੍ਯੋਹਮਸ੍ਮੀਤਿ ਮਾਨੋ, ਸਦਿਸੋਹਮਸ੍ਮੀਤਿ ਮਾਨੋ, ਹੀਨੋਹਮਸ੍ਮੀਤਿ ਮਾਨੋ; ਯੋ ਏਵਰੂਪੋ ਮਾਨੋ ਮਞ੍ਞਨਾ ਮਞ੍ਞਿਤਤ੍ਤਂ ਉਨ੍ਨਤਿ ਉਨ੍ਨਮੋ ਧਜੋ ਸਮ੍ਪਗ੍ਗਾਹੋ ਕੇਤੁਕਮ੍ਯਤਾ ਚਿਤ੍ਤਸ੍ਸ – ਅਯਂ ਵੁਚ੍ਚਤਿ ਮਾਨੋ.

੧੨੪੦. ਤਤ੍ਥ ਕਤਮਾ ਦਿਟ੍ਠਿ? ਸਸ੍ਸਤੋ ਲੋਕੋਤਿ ਵਾ, ਅਸਸ੍ਸਤੋ ਲੋਕੋਤਿ ਵਾ, ਅਨ੍ਤਵਾ ਲੋਕੋਤਿ ਵਾ, ਅਨਨ੍ਤਵਾ ਲੋਕੋਤਿ ਵਾ, ਤਂ ਜੀਵਂ ਤਂ ਸਰੀਰਨ੍ਤਿ ਵਾ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ ਵਾ, ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨ ਹੋਤਿ ¶ ਤਥਾਗਤੋ ਪਰਂ ਮਰਣਾਤਿ ਵਾ, ਹੋਤਿ ਚ ਨ ਚ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾ, ਨੇਵ ਹੋਤਿ ਨ ਨ ਹੋਤਿ ਤਥਾਗਤੋ ਪਰਂ ਮਰਣਾਤਿ ਵਾः ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ ਦਿਟ੍ਠਿਗਹਨਂ ਦਿਟ੍ਠਿਕਨ੍ਤਾਰੋ ਦਿਟ੍ਠਿਵਿਸੂਕਾਯਿਕਂ ਦਿਟ੍ਠਿਵਿਪ੍ਫਨ੍ਦਿਤਂ ਦਿਟ੍ਠਿਸਂਯੋਜਨਂ ਗਾਹੋ ਪਤਿਟ੍ਠਾਹੋ ਅਭਿਨਿਵੇਸੋ ਪਰਾਮਾਸੋ ਕੁਮ੍ਮਗ੍ਗੋ ਮਿਚ੍ਛਾਪਥੋ ਮਿਚ੍ਛਤ੍ਤਂ ਤਿਤ੍ਥਾਯਤਨਂ ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਦਿਟ੍ਠਿ. ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਦਿਟ੍ਠਿ.

੧੨੪੧. ਤਤ੍ਥ ¶ ਕਤਮਾ ਵਿਚਿਕਿਚ੍ਛਾ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ, ਧਮ੍ਮੇ ਕਙ੍ਖਤਿ ਵਿਚਿਕਿਚ੍ਛਤਿ, ਸਙ੍ਘੇ ਕਙ੍ਖਤਿ ਵਿਚਿਕਿਚ੍ਛਤਿ ਸਿਕ੍ਖਾਯ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਅਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਪੁਬ੍ਬਨ੍ਤਾਪਰਨ੍ਤੇ ਕਙ੍ਖਤਿ ਵਿਚਿਕਿਚ੍ਛਤਿ, ਇਦਪ੍ਪਚ੍ਚਯਤਾ ਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਤਿ ਵਿਚਿਕਿਚ੍ਛਤਿः ਯਾ ਏਵਰੂਪਾ ਕਙ੍ਖਾ ਕਙ੍ਖਾਯਨਾ ਕਙ੍ਖਾਯਿਤਤ੍ਤਂ ਵਿਮਤਿ ਵਿਚਿਕਿਚ੍ਛਾ ਦ੍ਵੇਲ਼੍ਹਕਂ ਦ੍ਵੇਧਾਪਥੋ ਸਂਸਯੋ, ਅਨੇਕਂਸਗ੍ਗਾਹੋ ਆਸਪ੍ਪਨਾ ਪਰਿਸਪ੍ਪਨਾ ਅਪਰਿਯੋਗਾਹਨਾ ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਅਯਂ ਵੁਚ੍ਚਤਿ ਵਿਚਿਕਿਚ੍ਛਾ.

੧੨੪੨. ਤਤ੍ਥ ਕਤਮਂ ਥਿਨਂ? ਯਾ ਚਿਤ੍ਤਸ੍ਸ ਅਕਲ੍ਲਤਾ ਅਕਮ੍ਮਞ੍ਞਤਾ ਓਲੀਯਨਾ ਸਲ੍ਲੀਯਨਾ ਲੀਨਂ ਲੀਯਨਾ ਲੀਯਿਤਤ੍ਤਂ ਥਿਨਂ ਥਿਯਨਾ ਥਿਯਿਤਤ੍ਤਂ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਥਿਨਂ.

੧੨੪੩. ਤਤ੍ਥ ਕਤਮਂ ਉਦ੍ਧਚ੍ਚਂ? ਯਂ ਚਿਤ੍ਤਸ੍ਸ ਉਦ੍ਧਚ੍ਚਂ ਅਵੂਪਸਮੋ ਚੇਤਸੋ ਵਿਕ੍ਖੇਪੋ ਭਨ੍ਤਤ੍ਤਂ ਚਿਤ੍ਤਸ੍ਸ – ਇਦਂ ਵੁਚ੍ਚਤਿ ਉਦ੍ਧਚ੍ਚਂ.

੧੨੪੪. ਤਤ੍ਥ ¶ ਕਤਮਂ ਅਹਿਰਿਕਂ? ਯਂ ਨ ਹਿਰੀਯਤਿ ਹਿਰਿਯਿਤਬ੍ਬੇਨ, ਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਵੁਚ੍ਚਤਿ ਅਹਿਰਿਕਂ.

੧੨੪੫. ਤਤ੍ਥ ¶ ਕਤਮਂ ਅਨੋਤ੍ਤਪ੍ਪਂ? ਯਂ ਨ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ, ਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਵੁਚ੍ਚਤਿ ਅਨੋਤ੍ਤਪ੍ਪਂ.

ਇਮੇ ਧਮ੍ਮਾ ਕਿਲੇਸਾ.

੧੨੪੬. ਕਤਮੇ ¶ ਧਮ੍ਮਾ ਨੋ ਕਿਲੇਸਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ ¶ …ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨੋ ਕਿਲੇਸਾ.

੧੨੪੭. ਕਤਮੇ ਧਮ੍ਮਾ ਸਂਕਿਲੇਸਿਕਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਕਿਲੇਸਿਕਾ.

੧੨੪੮. ਕਤਮੇ ਧਮ੍ਮਾ ਅਸਂਕਿਲੇਸਿਕਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਸਂਕਿਲੇਸਿਕਾ.

੧੨੪੯. ਕਤਮੇ ਧਮ੍ਮਾ ਸਂਕਿਲਿਟ੍ਠਾ? ਤੀਣਿ ਅਕੁਸਲਮੂਲਾਨਿ – ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਸਂਕਿਲਿਟ੍ਠਾ.

੧੨੫੦. ਕਤਮੇ ਧਮ੍ਮਾ ਅਸਂਕਿਲਿਟ੍ਠਾ? ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਸਂਕਿਲਿਟ੍ਠਾ.

੧੨੫੧. ਕਤਮੇ ¶ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ.

੧੨੫੨. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ ¶ ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ.

੧੨੫੩. ਕਤਮੇ ¶ ਧਮ੍ਮਾ ਕਿਲੇਸਾ ਚੇਵ ਸਂਕਿਲੇਸਿਕਾ ਚ? ਤੇਵ ਕਿਲੇਸਾ ਕਿਲੇਸਾ ਚੇਵ ਸਂਕਿਲੇਸਿਕਾ ਚ.

੧੨੫੪. ਕਤਮੇ ਧਮ੍ਮਾ ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਂਕਿਲੇਸਿਕਾ, ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾ.

੧੨੫੫. ਕਤਮੇ ਧਮ੍ਮਾ ਕਿਲੇਸਾ ਚੇਵ ਸਂਕਿਲਿਟ੍ਠਾ ਚ? ਤੇਵ ਕਿਲੇਸਾ ਕਿਲੇਸਾ ਚੇਵ ਸਂਕਿਲਿਟ੍ਠਾ ਚ.

੧੨੫੬. ਕਤਮੇ ਧਮ੍ਮਾ ਸਂਕਿਲਿਟ੍ਠਾ ਚੇਵ ਨੋ ਚ ਕਿਲੇਸਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਂਕਿਲਿਟ੍ਠਾ, ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਂਕਿਲਿਟ੍ਠਾ ਚੇਵ ਨੋ ਚ ਕਿਲੇਸਾ.

੧੨੫੭. ਕਤਮੇ ਧਮ੍ਮਾ ਕਿਲੇਸਾ ਚੇਵ ਕਿਲੇਸਸਮ੍ਪਯੁਤ੍ਤਾ ਚ? ਲੋਭੋ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਮੋਹੋ ਲੋਭੇਨ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਦੋਸੋ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਮੋਹੋ ਦੋਸੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਮਾਨੋ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਮੋਹੋ ਮਾਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਦਿਟ੍ਠਿ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਮੋਹੋ ਦਿਟ੍ਠਿਯਾ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ ¶ , ਵਿਚਿਕਿਚ੍ਛਾ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਮੋਹੋ ਵਿਚਿਕਿਚ੍ਛਾਯ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਥਿਨਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਥਿਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਉਦ੍ਧਚ੍ਚਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਹਿਰਿਕਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਨੋਤ੍ਤਪ੍ਪਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਲੋਭੋ ਉਦ੍ਧਚ੍ਚੇਨ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਉਦ੍ਧਚ੍ਚਂ ਲੋਭੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਦੋਸੋ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਉਦ੍ਧਚ੍ਚਂ ਦੋਸੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਉਦ੍ਧਚ੍ਚਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮਾਨੋ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਉਦ੍ਧਚ੍ਚਂ ਮਾਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਦਿਟ੍ਠਿ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਉਦ੍ਧਚ੍ਚਂ ਦਿਟ੍ਠਿਯਾ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਉਦ੍ਧਚ੍ਚਂ ਵਿਚਿਕਿਚ੍ਛਾਯ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਥਿਨਂ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਂ ਥਿਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਹਿਰਿਕਂ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਂ ਅਹਿਰਿਕੇਨ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਨੋਤ੍ਤਪ੍ਪਂ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਂ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਲੋਭੋ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਹਿਰਿਕਂ ਲੋਭੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਦੋਸੋ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਹਿਰਿਕਂ ਦੋਸੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਹਿਰਿਕਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮਾਨੋ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ ¶ , ਅਹਿਰਿਕਂ ਮਾਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਦਿਟ੍ਠਿ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਅਹਿਰਿਕਂ ਦਿਟ੍ਠਿਯਾ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਅਹਿਰਿਕਂ ਵਿਚਿਕਿਚ੍ਛਾਯ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਥਿਨਂ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਹਿਰਿਕਂ ਥਿਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਂ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਹਿਰਿਕਂ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਨੋਤ੍ਤਪ੍ਪਂ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਹਿਰਿਕਂ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਲੋਭੋ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਨੋਤ੍ਤਪ੍ਪਂ ਲੋਭੇਨ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ ¶ , ਦੋਸੋ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਨੋਤ੍ਤਪ੍ਪਂ ਦੋਸੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮੋਹੋ ਅਨੋਤ੍ਤਪ੍ਪੇਨ ¶ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਨੋਤ੍ਤਪ੍ਪਂ ਮੋਹੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਮਾਨੋ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤੋ ਚ, ਅਨੋਤ੍ਤਪ੍ਪਂ ਮਾਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਦਿਟ੍ਠਿ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਅਨੋਤ੍ਤਪ੍ਪਂ ਦਿਟ੍ਠਿਯਾ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਵਿਚਿਕਿਚ੍ਛਾ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਾ ਚ, ਅਨੋਤ੍ਤਪ੍ਪਂ ਵਿਚਿਕਿਚ੍ਛਾਯ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਥਿਨਂ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਨੋਤ੍ਤਪ੍ਪਂ ਥਿਨੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਉਦ੍ਧਚ੍ਚਂ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਨੋਤ੍ਤਪ੍ਪਂ ਉਦ੍ਧਚ੍ਚੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਹਿਰਿਕਂ ਅਨੋਤ੍ਤਪ੍ਪੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ, ਅਨੋਤ੍ਤਪ੍ਪਂ ਅਹਿਰਿਕੇਨ ਕਿਲੇਸੋ ਚੇਵ ਕਿਲੇਸਸਮ੍ਪਯੁਤ੍ਤਞ੍ਚ – ਇਮੇ ਧਮ੍ਮਾ ਕਿਲੇਸਾ ਚੇਵ ਕਿਲੇਸਸਮ੍ਪਯੁਤ੍ਤਾ ਚ.

੧੨੫੮. ਕਤਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ਚੇਵ ਨੋ ਚ ਕਿਲੇਸਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਸਮ੍ਪਯੁਤ੍ਤਾ ਤੇ ਧਮ੍ਮੇ ਠਪੇਤ੍ਵਾ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ਚੇਵ ਨੋ ਚ ਕਿਲੇਸਾ.

੧੨੫੯. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾ? ਤੇਹਿ ਧਮ੍ਮੇਹਿ ਯੇ ਧਮ੍ਮਾ ਵਿਪ੍ਪਯੁਤ੍ਤਾ ਸਾਸਵਾ ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ¶ ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾ.

੧੨੬੦. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਅਸਂਕਿਲੇਸਿਕਾ ¶ ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਅਸਂਕਿਲੇਸਿਕਾ.

ਪਿਟ੍ਠਿਦੁਕਂ

੧੨੬੧. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ? ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ.

੧੨੬੨. ਤਤ੍ਥ ¶ ¶ ਕਤਮਾ ਸਕ੍ਕਾਯਦਿਟ੍ਠਿ? ਇਧ ਅਸ੍ਸੁਤਵਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾਵੀ ਅਰਿਯਧਮ੍ਮਸ੍ਸ ਅਕੋਵਿਦੋ ਅਰਿਯਧਮ੍ਮੇ ਅਵਿਨੀਤੋ ਸਪ੍ਪੁਰਿਸਾਨਂ ਅਦਸ੍ਸਾਵੀ ਸਪ੍ਪੁਰਿਸਧਮ੍ਮਸ੍ਸ ਅਕੋਵਿਦੋ ਸਪ੍ਪੁਰਿਸਧਮ੍ਮੇ ਅਵਿਨੀਤੋ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਰੂਪਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਰੂਪਂ, ਰੂਪਸ੍ਮਿਂ ਵਾ ਅਤ੍ਤਾਨਂ. ਵੇਦਨਂ…ਪੇ… ਸਞ੍ਞਂ…ਪੇ… ਸਙ੍ਖਾਰੇ…ਪੇ… ਵਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ, ਵਿਞ੍ਞਾਣਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਵਿਞ੍ਞਾਣਂ, ਵਿਞ੍ਞਾਣਸ੍ਮਿਂ ਵਾ ਅਤ੍ਤਾਨਂ. ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸਕ੍ਕਾਯਦਿਟ੍ਠਿ.

੧੨੬੩. ਤਤ੍ਥ ਕਤਮਾ ਵਿਚਿਕਿਚ੍ਛਾ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ…ਪੇ… ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਅਯਂ ਵੁਚ੍ਚਤਿ ਵਿਚਿਕਿਚ੍ਛਾ.

੧੨੬੪. ਤਤ੍ਥ ਕਤਮੋ ਸੀਲਬ੍ਬਤਪਰਾਮਾਸੋ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ਸੀਲੇਨ ਸੁਦ੍ਧਿ ਵਤੇਨ ਸੁਦ੍ਧਿ ਸੀਲਬ੍ਬਤੇਨ ਸੁਦ੍ਧੀਤਿ – ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸੀਲਬ੍ਬਤਪਰਾਮਾਸੋ. ਇਮਾਨਿ ¶ ਤੀਣਿ ਸਂਯੋਜਨਾਨਿ, ਤਦੇਕਟ੍ਠਾ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ ਵਚੀਕਮ੍ਮਂ ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ.

੧੨੬੫. ਕਤਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਾ.

੧੨੬੬. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ? ਅਵਸੇਸੋ ਲੋਭੋ ਦੋਸੋ ਮੋਹੋ, ਤਦੇਕਟ੍ਠਾ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ ਮਨੋਕਮ੍ਮਂ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ.

੧੨੬੭. ਕਤਮੇ ¶ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ ¶ …ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਾ.

੧੨੬੮. ਕਤਮੇ ¶ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ.

੧੨੬੯. ਤਤ੍ਥ ਕਤਮਾ ਸਕ੍ਕਾਯਦਿਟ੍ਠਿ? ਇਧ ਅਸ੍ਸੁਤਵਾ ਪੁਥੁਜ੍ਜਨੋ ਅਰਿਯਾਨਂ ਅਦਸ੍ਸਾਵੀ ਅਰਿਯਧਮ੍ਮਸ੍ਸ ਅਕੋਵਿਦੋ ਅਰਿਯਧਮ੍ਮੇ ਅਵਿਨੀਤੋ ਸਪ੍ਪੁਰਿਸਾਨਂ ਅਦਸ੍ਸਾਵੀ ਸਪ੍ਪੁਰਿਸਧਮ੍ਮਸ੍ਸ ਅਕੋਵਿਦੋ ਸਪ੍ਪੁਰਿਸਧਮ੍ਮੇ ਅਵਿਨੀਤੋ ¶ ਰੂਪਂ ਅਤ੍ਤਤੋ ਸਮਨੁਪਸ੍ਸਤਿ, ਰੂਪਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਰੂਪਂ, ਰੂਪਸ੍ਮਿਂ ਵਾ ਅਤ੍ਤਾਨਂ. ਵੇਦਨਂ…ਪੇ… ਸਞ੍ਞਂ…ਪੇ… ਸਙ੍ਖਾਰੇ…ਪੇ… ਵਿਞ੍ਞਾਣਂ ਅਤ੍ਤਤੋ ਸਮਨੁਪਸ੍ਸਤਿ, ਵਿਞ੍ਞਾਣਵਨ੍ਤਂ ਵਾ ਅਤ੍ਤਾਨਂ, ਅਤ੍ਤਨਿ ਵਾ ਵਿਞ੍ਞਾਣਂ, ਵਿਞ੍ਞਾਣਸ੍ਮਿਂ ਵਾ ਅਤ੍ਤਾਨਂ. ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸਕ੍ਕਾਯਦਿਟ੍ਠਿ.

੧੨੭੦. ਤਤ੍ਥ ਕਤਮਾ ਵਿਚਿਕਿਚ੍ਛਾ? ਸਤ੍ਥਰਿ ਕਙ੍ਖਤਿ ਵਿਚਿਕਿਚ੍ਛਤਿ…ਪੇ… ਥਮ੍ਭਿਤਤ੍ਤਂ ਚਿਤ੍ਤਸ੍ਸ ਮਨੋਵਿਲੇਖੋ – ਅਯਂ ਵੁਚ੍ਚਤਿ ਵਿਚਿਕਿਚ੍ਛਾ.

੧੨੭੧. ਤਤ੍ਥ ਕਤਮੋ ਸੀਲਬ੍ਬਤਪਰਾਮਾਸੋ? ਇਤੋ ਬਹਿਦ੍ਧਾ ਸਮਣਬ੍ਰਾਹ੍ਮਣਾਨਂ ਸੀਲੇਨ ਸੁਦ੍ਧਿ ਵਤੇਨ ਸੁਦ੍ਧਿ ਸੀਲਬ੍ਬਤੇਨ ਸੁਦ੍ਧੀਤਿ – ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸੀਲਬ੍ਬਤਪਰਾਮਾਸੋ. ਇਮਾਨਿ ਤੀਣਿ ਸਂਯੋਜਨਾਨਿ, ਤਦੇਕਟ੍ਠਾ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ. ਤੀਣਿ ਸਂਯੋਜਨਾਨਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ. ਤਦੇਕਟ੍ਠੋ ਲੋਭੋ ਦੋਸੋ ਮੋਹੋ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੂ. ਤਦੇਕਟ੍ਠਾ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੨੭੨. ਕਤਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ¶ ਕੁਸਲਾਕੁਸਲਾਬ੍ਯਾਕਤਾ ¶ ਧਮ੍ਮਾ ਕਾਮਾਵਚਰਾ ¶ , ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੨੭੩. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ? ਅਵਸੇਸੋ ਲੋਭੋ ਦੋਸੋ ਮੋਹੋ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੂ. ਤਦੇਕਟ੍ਠਾ ¶ ਚ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੨੭੪. ਕਤਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਹੇਤੁਕਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੨੭੫. ਕਤਮੇ ਧਮ੍ਮਾ ਸਵਿਤਕ੍ਕਾ? ਸਵਿਤਕ੍ਕਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਪਰਿਯਾਪਨ੍ਨੇ, ਵਿਤਕ੍ਕਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਵਿਤਕ੍ਕਾ.

੧੨੭੬. ਕਤਮੇ ਧਮ੍ਮਾ ਅਵਿਤਕ੍ਕਾ? ਅਵਿਤਕ੍ਕਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਵਿਤਕ੍ਕੋ ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਵਿਤਕ੍ਕਾ.

੧੨੭੭. ਕਤਮੇ ਧਮ੍ਮਾ ਸਵਿਚਾਰਾ? ਸਵਿਚਾਰਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ¶ ਅਪਰਿਯਾਪਨ੍ਨੇ, ਵਿਚਾਰਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਵਿਚਾਰਾ.

੧੨੭੮. ਕਤਮੇ ਧਮ੍ਮਾ ਅਵਿਚਾਰਾ? ਅਵਿਚਾਰਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ¶ ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਵਿਚਾਰੋ ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਵਿਚਾਰਾ.

੧੨੭੯. ਕਤਮੇ ਧਮ੍ਮਾ ਸਪ੍ਪੀਤਿਕਾ? ਸਪ੍ਪੀਤਿਕਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਪਰਿਯਾਪਨ੍ਨੇ ¶ , ਪੀਤਿਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਪ੍ਪੀਤਿਕਾ.

੧੨੮੦. ਕਤਮੇ ਧਮ੍ਮਾ ਅਪ੍ਪੀਤਿਕਾ? ਅਪ੍ਪੀਤਿਕਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਪੀਤਿ ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਪ੍ਪੀਤਿਕਾ.

੧੨੮੧. ਕਤਮੇ ਧਮ੍ਮਾ ਪੀਤਿਸਹਗਤਾ? ਪੀਤਿਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਪਰਿਯਾਪਨ੍ਨੇ, ਪੀਤਿਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪੀਤਿਸਹਗਤਾ.

੧੨੮੨. ਕਤਮੇ ¶ ਧਮ੍ਮਾ ਨ ਪੀਤਿਸਹਗਤਾ? ਨ ਪੀਤਿਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਪੀਤਿ ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਪੀਤਿਸਹਗਤਾ.

੧੨੮੩. ਕਤਮੇ ਧਮ੍ਮਾ ਸੁਖਸਹਗਤਾ? ਸੁਖਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਪਰਿਯਾਪਨ੍ਨੇ, ਸੁਖਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸੁਖਸਹਗਤਾ.

੧੨੮੪. ਕਤਮੇ ਧਮ੍ਮਾ ¶ ਨ ਸੁਖਸਹਗਤਾ? ਨ ਸੁਖਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ਅਪਰਿਯਾਪਨ੍ਨੇ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ; ਸੁਖਞ੍ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਸੁਖਸਹਗਤਾ.

੧੨੮੫. ਕਤਮੇ ਧਮ੍ਮਾ ਉਪੇਕ੍ਖਾਸਹਗਤਾ? ਉਪੇਕ੍ਖਾਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਰੂਪਾਵਚਰੇ ¶ ਅਪਰਿਯਾਪਨ੍ਨੇ, ਉਪੇਕ੍ਖਂ ਠਪੇਤ੍ਵਾ, ਤਂਸਮ੍ਪਯੁਤ੍ਤੋ ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਉਪੇਕ੍ਖਾਸਹਗਤਾ.

੧੨੮੬. ਕਤਮੇ ਧਮ੍ਮਾ ਨ ਉਪੇਕ੍ਖਾਸਹਗਤਾ? ਨ ਉਪੇਕ੍ਖਾਭੂਮਿਯਂ ਕਾਮਾਵਚਰੇ ਰੂਪਾਵਚਰੇ ਅਪਰਿਯਾਪਨ੍ਨੇ, ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਉਪੇਕ੍ਖਾ ਚ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਨ ਉਪੇਕ੍ਖਾਸਹਗਤਾ.

੧੨੮੭. ਕਤਮੇ ਧਮ੍ਮਾ ਕਾਮਾਵਚਰਾ? ਹੇਟ੍ਠਤੋ ਅਵਿਚਿਨਿਰਯਂ ਪਰਿਯਨ੍ਤਂ ਕਰਿਤ੍ਵਾ, ਉਪਰਿਤੋ ਪਰਨਿਮ੍ਮਿਤਵਸਵਤ੍ਤੀ ¶ ਦੇਵੇ [ਪਰਨਿਮ੍ਮਿਤਵਸਵਤ੍ਤਿਦੇਵੇ (ਸੀ. ਕ.)] ਅਨ੍ਤੋ ਕਰਿਤ੍ਵਾ, ਯਂ ਏਤਸ੍ਮਿਂ ਅਨ੍ਤਰੇ ਏਤ੍ਥਾਵਚਰਾ ਏਤ੍ਥ ਪਰਿਯਾਪਨ੍ਨਾ ਖਨ੍ਧਧਾਤੁ ਆਯਤਨਾ, ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਂ – ਇਮੇ ਧਮ੍ਮਾ ਕਾਮਾਵਚਰਾ.

੧੨੮੮. ਕਤਮੇ ਧਮ੍ਮਾ ਨ ਕਾਮਾਵਚਰਾ? ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਕਾਮਾਵਚਰਾ.

੧੨੮੯. ਕਤਮੇ ਧਮ੍ਮਾ ਰੂਪਾਵਚਰਾ? ਹੇਟ੍ਠਤੋ ਬ੍ਰਹ੍ਮਲੋਕਂ ਪਰਿਯਨ੍ਤਂ ਕਰਿਤ੍ਵਾ, ਉਪਰਿਤੋ ਅਕਨਿਟ੍ਠੇ ਦੇਵੇ [ਅਕਨਿਟ੍ਠਦੇਵੇ (ਸੀ. ਕ.)] ਅਨ੍ਤੋ ਕਰਿਤ੍ਵਾ, ਯਂ ਏਤਸ੍ਮਿਂ ਅਨ੍ਤਰੇ ਏਤ੍ਥਾਵਚਰਾ ਏਤ੍ਥ ਪਰਿਯਾਪਨ੍ਨਾ ਸਮਾਪਨ੍ਨਸ੍ਸ ਵਾ ਉਪਪਨ੍ਨਸ੍ਸ ਵਾ ਦਿਟ੍ਠਧਮ੍ਮਸੁਖਵਿਹਾਰਿਸ੍ਸ [ਦਿਟ੍ਠਧਮ੍ਮਸੁਖਵਿਹਾਰਸ੍ਸ (ਕ.)] ਵਾ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਰੂਪਾਵਚਰਾ ¶ .

੧੨੯੦. ਕਤਮੇ ¶ ਧਮ੍ਮਾ ਨ ਰੂਪਾਵਚਰਾ? ਕਾਮਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਰੂਪਾਵਚਰਾ.

੧੨੯੧. ਕਤਮੇ ਧਮ੍ਮਾ ਅਰੂਪਾਵਚਰਾ? ਹੇਟ੍ਠਤੋ ਆਕਾਸਾਨਞ੍ਚਾਯਤਨੁਪਗੇ ਦੇਵੇ ਪਰਿਯਨ੍ਤਂ ਕਰਿਤ੍ਵਾ, ਉਪਰਿਤੋ ਨੇਵਸਞ੍ਞਾਨਾਸਞ੍ਞਾਯਤਨੁਪਗੇ ਦੇਵੇ ਅਨ੍ਤੋ ਕਰਿਤ੍ਵਾ, ਯਂ ਏਤਸ੍ਮਿਂ ਅਨ੍ਤਰੇ ਏਤ੍ਥਾਵਚਰਾ ਏਤ੍ਥ ਪਰਿਯਾਪਨ੍ਨਾ ਸਮਾਪਨ੍ਨਸ੍ਸ ਵਾ ਉਪਪਨ੍ਨਸ੍ਸ ਵਾ ਦਿਟ੍ਠਧਮ੍ਮਸੁਖਵਿਹਾਰਿਸ੍ਸ ਵਾ ਚਿਤ੍ਤਚੇਤਸਿਕਾ ਧਮ੍ਮਾ – ਇਮੇ ਧਮ੍ਮਾ ਅਰੂਪਾਵਚਰਾ.

੧੨੯੨. ਕਤਮੇ ਧਮ੍ਮਾ ਨ ਅਰੂਪਾਵਚਰਾ? ਕਾਮਾਵਚਰਾ, ਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਅਰੂਪਾਵਚਰਾ.

੧੨੯੩. ਕਤਮੇ ¶ ਧਮ੍ਮਾ ਪਰਿਯਾਪਨ੍ਨਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਪਰਿਯਾਪਨ੍ਨਾ.

੧੨੯੪. ਕਤਮੇ ਧਮ੍ਮਾ ਅਪਰਿਯਾਪਨ੍ਨਾ? ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਪਰਿਯਾਪਨ੍ਨਾ.

੧੨੯੫. ਕਤਮੇ ਧਮ੍ਮਾ ਨਿਯ੍ਯਾਨਿਕਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨਿਯ੍ਯਾਨਿਕਾ.

੧੨੯੬. ਕਤਮੇ ਧਮ੍ਮਾ ਅਨਿਯ੍ਯਾਨਿਕਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਿਯ੍ਯਾਨਿਕਾ.

੧੨੯੭. ਕਤਮੇ ¶ ਧਮ੍ਮਾ ਨਿਯਤਾ? ਪਞ੍ਚ ਕਮ੍ਮਾਨਿ ਆਨਨ੍ਤਰਿਕਾਨਿ, ਯਾ ¶ ਚ ਮਿਚ੍ਛਾਦਿਟ੍ਠਿ ਨਿਯਤਾ, ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨਿਯਤਾ.

੧੨੯੮. ਕਤਮੇ ਧਮ੍ਮਾ ਅਨਿਯਤਾ? ਤੇ ਧਮ੍ਮੇ ਠਪੇਤ੍ਵਾ ਅਵਸੇਸਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨਿਯਤਾ.

੧੨੯੯. ਕਤਮੇ ¶ ਧਮ੍ਮਾ ਸਉਤ੍ਤਰਾ? ਸਾਸਵਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ; ਰੂਪਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ – ਇਮੇ ਧਮ੍ਮਾ ਸਉਤ੍ਤਰਾ.

੧੩੦੦. ਕਤਮੇ ਧਮ੍ਮਾ ਅਨੁਤ੍ਤਰਾ? ਅਪਰਿਯਾਪਨ੍ਨਾ ਮਗ੍ਗਾ ਚ, ਮਗ੍ਗਫਲਾਨਿ ਚ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਨੁਤ੍ਤਰਾ.

੧੩੦੧. ਕਤਮੇ ਧਮ੍ਮਾ ਸਰਣਾ? ਤੀਣਿ ਅਕੁਸਲਮੂਲਾਨਿ ਲੋਭੋ, ਦੋਸੋ, ਮੋਹੋ; ਤਦੇਕਟ੍ਠਾ ਚ ¶ ਕਿਲੇਸਾ, ਤਂਸਮ੍ਪਯੁਤ੍ਤੋ ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਤਂਸਮੁਟ੍ਠਾਨਂ ਕਾਯਕਮ੍ਮਂ, ਵਚੀਕਮ੍ਮਂ, ਮਨੋਕਮ੍ਮਂ – ਇਮੇ ਧਮ੍ਮਾ ਸਰਣਾ.

੧੩੦੨. ਕਤਮੇ ਧਮ੍ਮਾ ਅਰਣਾ? ਕੁਸਲਾਬ੍ਯਾਕਤਾ ਧਮ੍ਮਾ ਕਾਮਾਵਚਰਾ, ਰੂਪਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ; ਵੇਦਨਾਕ੍ਖਨ੍ਧੋ…ਪੇ… ਵਿਞ੍ਞਾਣਕ੍ਖਨ੍ਧੋ, ਸਬ੍ਬਞ੍ਚ ਰੂਪਂ, ਅਸਙ੍ਖਤਾ ਚ ਧਾਤੁ – ਇਮੇ ਧਮ੍ਮਾ ਅਰਣਾ.

ਅਭਿਧਮ੍ਮਦੁਕਂ.

ਸੁਤ੍ਤਨ੍ਤਿਕਦੁਕਨਿਕ੍ਖੇਪਂ

੧੩੦੩. ਕਤਮੇ ਧਮ੍ਮਾ ਵਿਜ੍ਜਾਭਾਗਿਨੋ? ਵਿਜ੍ਜਾਯ ਸਮ੍ਪਯੁਤ੍ਤਕਾ ਧਮ੍ਮਾ – ਇਮੇ ਧਮ੍ਮਾ ਵਿਜ੍ਜਾਭਾਗਿਨੋ.

੧੩੦੪. ਕਤਮੇ ਧਮ੍ਮਾ ਅਵਿਜ੍ਜਾਭਾਗਿਨੋ? ਅਵਿਜ੍ਜਾਯ ¶ ਸਮ੍ਪਯੁਤ੍ਤਕਾ ਧਮ੍ਮਾ – ਇਮੇ ਧਮ੍ਮਾ ਅਵਿਜ੍ਜਾਭਾਗਿਨੋ.

੧੩੦੫. ਕਤਮੇ ਧਮ੍ਮਾ ਵਿਜ੍ਜੂਪਮਾ? ਹੇਟ੍ਠਿਮੇਸੁ ਤੀਸੁ ਅਰਿਯਮਗ੍ਗੇਸੁ ਪਞ੍ਞਾ – ਇਮੇ ਧਮ੍ਮਾ ਵਿਜ੍ਜੂਪਮਾ.

੧੩੦੬. ਕਤਮੇ ਧਮ੍ਮਾ ਵਜਿਰੂਪਮਾ? ਉਪਰਿਟ੍ਠਿਮੇ ¶ ਅਰਹਤ੍ਤਮਗ੍ਗੇ ਪਞ੍ਞਾ – ਇਮੇ ਧਮ੍ਮਾ ਵਜਿਰੂਪਮਾ.

੧੩੦੭. ਕਤਮੇ ਧਮ੍ਮਾ ਬਾਲਾ? ਅਹਿਰੀਕਞ੍ਚ ਅਨੋਤ੍ਤਪ੍ਪਞ੍ਚ – ਇਮੇ ਧਮ੍ਮਾ ਬਾਲਾ. ਸਬ੍ਬੇਪਿ ਅਕੁਸਲਾ ਧਮ੍ਮਾ ਬਾਲਾ.

੧੩੦੮. ਕਤਮੇ ¶ ¶ ਧਮ੍ਮਾ ਪਣ੍ਡਿਤਾ? ਹਿਰੀ ਚ ਓਤ੍ਤਪ੍ਪਞ੍ਚ – ਇਮੇ ਧਮ੍ਮਾ ਪਣ੍ਡਿਤਾ. ਸਬ੍ਬੇਪਿ ਕੁਸਲਾ ਧਮ੍ਮਾ ਪਣ੍ਡਿਤਾ.

੧੩੦੯. ਕਤਮੇ ਧਮ੍ਮਾ ਕਣ੍ਹਾ? ਅਹਿਰੀਕਞ੍ਚ ਅਨੋਤ੍ਤਪ੍ਪਞ੍ਚ – ਇਮੇ ਧਮ੍ਮਾ ਕਣ੍ਹਾ. ਸਬ੍ਬੇਪਿ ਅਕੁਸਲਾ ਧਮ੍ਮਾ ਕਣ੍ਹਾ.

੧੩੧੦. ਕਤਮੇ ਧਮ੍ਮਾ ਸੁਕ੍ਕਾ? ਹਿਰੀ ਚ ਓਤ੍ਤਪ੍ਪਞ੍ਚ – ਇਮੇ ਧਮ੍ਮਾ ਸੁਕ੍ਕਾ? ਸਬ੍ਬੇਪਿ ਕੁਸਲਾ ਧਮ੍ਮਾ ਸੁਕ੍ਕਾ.

੧੩੧੧. ਕਤਮੇ ਧਮ੍ਮਾ ਤਪਨੀਯਾ? ਕਾਯਦੁਚ੍ਚਰਿਤਂ, ਵਚੀਦੁਚ੍ਚਰਿਤਂ, ਮਨੋਦੁਚ੍ਚਰਿਤਂ – ਇਮੇ ਧਮ੍ਮਾ ਤਪਨੀਯਾ. ਸਬ੍ਬੇਪਿ ਅਕੁਸਲਾ ਧਮ੍ਮਾ ਤਪਨੀਯਾ.

੧੩੧੨. ਕਤਮੇ ਧਮ੍ਮਾ ਅਤਪਨੀਯਾ? ਕਾਯਸੁਚਰਿਤਂ, ਵਚੀਸੁਚਰਿਤਂ, ਮਨੋਸੁਚਰਿਤਂ – ਇਮੇ ਧਮ੍ਮਾ ਅਤਪਨੀਯਾ. ਸਬ੍ਬੇਪਿ ਕੁਸਲਾ ਧਮ੍ਮਾ ਅਤਪਨੀਯਾ.

੧੩੧੩. ਕਤਮੇ ਧਮ੍ਮਾ ਅਧਿਵਚਨਾ? ਯਾ ਤੇਸਂ ਤੇਸਂ ਧਮ੍ਮਾਨਂ ਸਙ੍ਖਾ ਸਮਞ੍ਞਾ ਪਞ੍ਞਤ੍ਤਿ ਵੋਹਾਰੋ ਨਾਮਂ ਨਾਮਕਮ੍ਮਂ ਨਾਮਧੇਯ੍ਯਂ ਨਿਰੁਤ੍ਤਿ ਬ੍ਯਞ੍ਜਨਂ ਅਭਿਲਾਪੋ – ਇਮੇ ਧਮ੍ਮਾ ਅਧਿਵਚਨਾ. ਸਬ੍ਬੇਵ ਧਮ੍ਮਾ ਅਧਿਵਚਨਪਥਾ.

੧੩੧੪. ਕਤਮੇ ¶ ਧਮ੍ਮਾ ਨਿਰੁਤ੍ਤਿ? ਯਾ ਤੇਸਂ ਤੇਸਂ ਧਮ੍ਮਾਨਂ ਸਙ੍ਖਾ ਸਮਞ੍ਞਾ ਪਞ੍ਞਤ੍ਤਿ ਵੋਹਾਰੋ ਨਾਮਂ ਨਾਮਕਮ੍ਮਂ ਨਾਮਧੇਯ੍ਯਂ ਨਿਰੁਤ੍ਤਿ ਬ੍ਯਞ੍ਜਨਂ ਅਭਿਲਾਪੋ – ਇਮੇ ਧਮ੍ਮਾ ਨਿਰੁਤ੍ਤਿ. ਸਬ੍ਬੇਵ ਧਮ੍ਮਾ ਨਿਰੁਤ੍ਤਿਪਥਾ.

੧੩੧੫. ਕਤਮੇ ਧਮ੍ਮਾ ਪਞ੍ਞਤ੍ਤਿ? ਯਾ ਤੇਸਂ ਤੇਸਂ ਧਮ੍ਮਾਨਂ ਸਙ੍ਖਾ ਸਮਞ੍ਞਾ ਪਞ੍ਞਤ੍ਤਿ ਵੋਹਾਰੋ ਨਾਮਂ ਨਾਮਕਮ੍ਮਂ ਨਾਮਧੇਯ੍ਯਂ ਨਿਰੁਤ੍ਤਿ ਬ੍ਯਞ੍ਜਨਂ ਅਭਿਲਾਪੋ – ਇਮੇ ਧਮ੍ਮਾ ਪਞ੍ਞਤ੍ਤਿ. ਸਬ੍ਬੇਵ ਧਮ੍ਮਾ ਪਞ੍ਞਤ੍ਤਿਪਥਾ.

੧੩੧੬. ਤਤ੍ਥ ¶ ਕਤਮਂ ਨਾਮਂ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ, ਅਸਙ੍ਖਤਾ ਚ ਧਾਤੁ – ਇਦਂ ਵੁਚ੍ਚਤਿ ਨਾਮਂ.

੧੩੧੭. ਤਤ੍ਥ ¶ ਕਤਮਂ ਰੂਪਂ? ਚਤ੍ਤਾਰੋ ਚ ਮਹਾਭੂਤਾ, ਚਤੁਨ੍ਨਞ੍ਚ ਮਹਾਭੂਤਾਨਂ ਉਪਾਦਾਯ ਰੂਪਂ – ਇਦਂ ਵੁਚ੍ਚਤਿ ਰੂਪਂ.

੧੩੧੮. ਤਤ੍ਥ ਕਤਮਾ ਅਵਿਜ੍ਜਾ? ਯਂ ਅਞ੍ਞਾਣਂ ਅਦਸ੍ਸਨਂ…ਪੇ… ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਅਯਂ ਵੁਚ੍ਚਤਿ ਅਵਿਜ੍ਜਾ.

੧੩੧੯. ਤਤ੍ਥ ¶ ਕਤਮਾ ਭਵਤਣ੍ਹਾ? ਯੋ ਭਵੇਸੁ ਭਵਛਨ੍ਦੋ…ਪੇ… ਭਵਜ੍ਝੋਸਾਨਂ – ਅਯਂ ਵੁਚ੍ਚਤਿ ਭਵਤਣ੍ਹਾ.

੧੩੨੦. ਤਤ੍ਥ ਕਤਮਾ ਭਵਦਿਟ੍ਠਿ? ਭਵਿਸ੍ਸਤਿ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਭਵਦਿਟ੍ਠਿ.

੧੩੨੧. ਤਤ੍ਥ ਕਤਮਾ ਵਿਭਵਦਿਟ੍ਠਿ? ਨ ਭਵਿਸ੍ਸਤਿ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਵਿਭਵਦਿਟ੍ਠਿ.

੧੩੨੨. ਤਤ੍ਥ ¶ ਕਤਮਾ ਸਸ੍ਸਤਦਿਟ੍ਠਿ? ਸਸ੍ਸਤੋ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਸਸ੍ਸਤਦਿਟ੍ਠਿ.

੧੩੨੩. ਤਤ੍ਥ ਕਤਮਾ ਉਚ੍ਛੇਦਦਿਟ੍ਠਿ? ਉਚ੍ਛਿਜ੍ਜਿਸ੍ਸਤਿ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਉਚ੍ਛੇਦਦਿਟ੍ਠਿ.

੧੩੨੪. ਤਤ੍ਥ ਕਤਮਾ ਅਨ੍ਤਵਾ ਦਿਟ੍ਠਿ? ਅਨ੍ਤਵਾ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਅਨ੍ਤਵਾ ਦਿਟ੍ਠਿ.

੧੩੨੫. ਤਤ੍ਥ ¶ ਕਤਮਾ ਅਨਨ੍ਤਵਾ ਦਿਟ੍ਠਿ? ਅਨਨ੍ਤਵਾ ਅਤ੍ਤਾ ਚ ਲੋਕੋ ਚਾਤਿ, ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਅਨਨ੍ਤਵਾ ਦਿਟ੍ਠਿ.

੧੩੨੬. ਤਤ੍ਥ ਕਤਮਾ ਪੁਬ੍ਬਨ੍ਤਾਨੁਦਿਟ੍ਠਿ? ਪੁਬ੍ਬਨ੍ਤਂ ਆਰਬ੍ਭ ਯਾ ਉਪ੍ਪਜ੍ਜਤਿ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਪੁਬ੍ਬਨ੍ਤਾਨੁਦਿਟ੍ਠਿ.

੧੩੨੭. ਤਤ੍ਥ ਕਤਮਾ ਅਪਰਨ੍ਤਾਨੁਦਿਟ੍ਠਿ? ਅਪਰਨ੍ਤਂ ਆਰਬ੍ਭ ਯਾ ਉਪ੍ਪਜ੍ਜਤਿ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਅਪਰਨ੍ਤਾਨੁਦਿਟ੍ਠਿ.

੧੩੨੮. ਤਤ੍ਥ ਕਤਮਂ ਅਹਿਰਿਕਂ? ਯਂ ਨ ਹਿਰੀਯਤਿ ਹਿਰਿਯਿਤਬ੍ਬੇਨ, ਨ ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਵੁਚ੍ਚਤਿ ਅਹਿਰਿਕਂ.

੧੩੨੯. ਤਤ੍ਥ ਕਤਮਂ ਅਨੋਤ੍ਤਪ੍ਪਂ? ਯਂ ¶ ਨ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ, ਨ ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਵੁਚ੍ਚਤਿ ਅਨੋਤ੍ਤਪ੍ਪਂ.

੧੩੩੦. ਤਤ੍ਥ ¶ ¶ ਕਤਮਾ ਹਿਰੀ? ਯਂ ਹਿਰੀਯਤਿ ਹਿਰਿਯਿਤਬ੍ਬੇਨ, ਹਿਰੀਯਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਅਯਂ ਵੁਚ੍ਚਤਿ ਹਿਰੀ.

੧੩੩੧. ਤਤ੍ਥ ਕਤਮਂ ਓਤ੍ਤਪ੍ਪਂ? ਯਂ ਓਤ੍ਤਪ੍ਪਤਿ ਓਤ੍ਤਪ੍ਪਿਤਬ੍ਬੇਨ, ਓਤ੍ਤਪ੍ਪਤਿ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ – ਇਦਂ ਵੁਚ੍ਚਤਿ ਓਤ੍ਤਪ੍ਪਂ.

੧੩੩੨. ਤਤ੍ਥ ਕਤਮਾ ਦੋਵਚਸ੍ਸਤਾ? ਸਹਧਮ੍ਮਿਕੇ ਵੁਚ੍ਚਮਾਨੇ ਦੋਵਚਸ੍ਸਾਯਂ ਦੋਵਚਸ੍ਸਿਯਂ ਦੋਵਚਸ੍ਸਤਾ ਵਿਪ੍ਪਟਿਕੂਲਗ੍ਗਾਹਿਤਾ ਵਿਪਚ੍ਚਨੀਕਸਾਤਤਾ ਅਨਾਦਰਿਯਂ ਅਨਾਦਰਤਾ ਅਗਾਰਵਤਾ ਅਪ੍ਪਟਿਸ੍ਸਵਤਾ – ਅਯਂ ਵੁਚ੍ਚਤਿ ਦੋਵਚਸ੍ਸਤਾ.

੧੩੩੩. ਤਤ੍ਥ ਕਤਮਾ ਪਾਪਮਿਤ੍ਤਤਾ? ਯੇ ਤੇ ਪੁਗ੍ਗਲਾ ਅਸ੍ਸਦ੍ਧਾ ਦੁਸ੍ਸੀਲਾ ਅਪ੍ਪਸ੍ਸੁਤਾ ਮਚ੍ਛਰਿਨੋ ਦੁਪ੍ਪਞ੍ਞਾ, ਯਾ ਤੇਸਂ ਸੇਵਨਾ ਨਿਸੇਵਨਾ ਸਂਸੇਵਨਾ ਭਜਨਾ ਸਮ੍ਭਜਨਾ ਭਤ੍ਤਿ ਸਮ੍ਭਤ੍ਤਿ ਤਂਸਮ੍ਪਵਙ੍ਕਤਾ – ਅਯਂ ਵੁਚ੍ਚਤਿ ਪਾਪਮਿਤ੍ਤਤਾ.

੧੩੩੪. ਤਤ੍ਥ ¶ ਕਤਮਾ ਸੋਵਚਸ੍ਸਤਾ? ਸਹਧਮ੍ਮਿਕੇ ਵੁਚ੍ਚਮਾਨੇ ਸੋਵਚਸ੍ਸਾਯਂ ਸੋਵਚਸ੍ਸਿਯਂ ਸੋਵਚਸ੍ਸਤਾ ਅਪ੍ਪਟਿਕੂਲਗ੍ਗਾਹਿਤਾ ਅਵਿਪਚ੍ਚਨੀਕਸਾਤਤਾ ਸਗਾਰਵਤਾ ਸਾਦਰਿਯਂ ਸਾਦਰਤਾ ਸਪ੍ਪਟਿਸ੍ਸਵਤਾ – ਅਯਂ ਵੁਚ੍ਚਤਿ ਸੋਵਚਸ੍ਸਤਾ.

੧੩੩੫. ਤਤ੍ਥ ਕਤਮਾ ਕਲ੍ਯਾਣਮਿਤ੍ਤਤਾ? ਯੇ ਤੇ ਪੁਗ੍ਗਲਾ ਸਦ੍ਧਾ ਸੀਲਵਨ੍ਤੋ ਬਹੁਸ੍ਸੁਤਾ ਚਾਗਵਨ੍ਤੋ ਪਞ੍ਞਵਨ੍ਤੋ, ਯਾ ਤੇਸਂ ਸੇਵਨਾ ਨਿਸੇਵਨਾ ਸਂਸੇਵਨਾ ਭਜਨਾ ਸਮ੍ਭਜਨਾ ਭਤ੍ਤਿ ਸਮ੍ਭਤ੍ਤਿ ਤਂਸਮ੍ਪਵਙ੍ਕਤਾ – ਅਯਂ ਵੁਚ੍ਚਤਿ ਕਲ੍ਯਾਣਮਿਤ੍ਤਤਾ.

੧੩੩੬. ਤਤ੍ਥ ਕਤਮਾ ਆਪਤ੍ਤਿਕੁਸਲਤਾ? ਪਞ੍ਚਪਿ ਆਪਤ੍ਤਿਕ੍ਖਨ੍ਧਾ ਆਪਤ੍ਤਿਯੋ, ਸਤ੍ਤਪਿ ਆਪਤ੍ਤਿਕ੍ਖਨ੍ਧਾ ਆਪਤ੍ਤਿਯੋ. ਯਾ ਤਾਸਂ ਆਪਤ੍ਤੀਨਂ ਆਪਤ੍ਤਿਕੁਸਲਤਾ ¶ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਆਪਤ੍ਤਿਕੁਸਲਤਾ.

੧੩੩੭. ਤਤ੍ਥ ਕਤਮਾ ਆਪਤ੍ਤਿਵੁਟ੍ਠਾਨਕੁਸਲਤਾ? ਯਾ ਤਾਹਿ ਆਪਤ੍ਤੀਹਿ ਵੁਟ੍ਠਾਨਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਆਪਤ੍ਤਿਵੁਟ੍ਠਾਨਕੁਸਲਤਾ.

੧੩੩੮. ਤਤ੍ਥ ¶ ਕਤਮਾ ਸਮਾਪਤ੍ਤਿਕੁਸਲਤਾ? ਅਤ੍ਥਿ ¶ ਸਵਿਤਕ੍ਕਸਵਿਚਾਰਾ ਸਮਾਪਤ੍ਤਿ, ਅਤ੍ਥਿ ਅਵਿਤਕ੍ਕਵਿਚਾਰਮਤ੍ਤਾ ਸਮਾਪਤ੍ਤਿ, ਅਤ੍ਥਿ ਅਵਿਤਕ੍ਕਅਵਿਚਾਰਾ ਸਮਾਪਤ੍ਤਿ. ਯਾ ਤਾਸਂ ਸਮਾਪਤ੍ਤੀਨਂ ਸਮਾਪਤ੍ਤਿਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਸਮਾਪਤ੍ਤਿਕੁਸਲਤਾ.

੧੩੩੯. ਤਤ੍ਥ ਕਤਮਾ ਸਮਾਪਤ੍ਤਿਵੁਟ੍ਠਾਨਕੁਸਲਤਾ? ਯਾ ਤਾਹਿ ਸਮਾਪਤ੍ਤੀਹਿ ਵੁਟ੍ਠਾਨਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਸਮਾਪਤ੍ਤਿਵੁਟ੍ਠਾਨਕੁਸਲਤਾ.

੧੩੪੦. ਤਤ੍ਥ ਕਤਮਾ ਧਾਤੁਕੁਸਲਤਾ? ਅਟ੍ਠਾਰਸ ਧਾਤੁਯੋ ਚਕ੍ਖੁਧਾਤੁ ਰੂਪਧਾਤੁ ਚਕ੍ਖੁਵਿਞ੍ਞਾਣਧਾਤੁ, ਸੋਤਧਾਤੁ ਸਦ੍ਦਧਾਤੁ ਸੋਤਵਿਞ੍ਞਾਣਧਾਤੁ, ਘਾਨਧਾਤੁ ਗਨ੍ਧਧਾਤੁ ਘਾਨਵਿਞ੍ਞਾਣਧਾਤੁ, ਜਿਵ੍ਹਾਧਾਤੁ ਰਸਧਾਤੁ ਜਿਵ੍ਹਾਵਿਞ੍ਞਾਣਧਾਤੁ, ਕਾਯਧਾਤੁ ਫੋਟ੍ਠਬ੍ਬਧਾਤੁ ਕਾਯਵਿਞ੍ਞਾਣਧਾਤੁ, ਮਨੋਧਾਤੁ ਧਮ੍ਮਧਾਤੁ ¶ ਮਨੋਵਿਞ੍ਞਾਣਧਾਤੁ. ਯਾ ਤਾਸਂ ਧਾਤੂਨਂ ਧਾਤੁਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਧਾਤੁਕੁਸਲਤਾ.

੧੩੪੧. ਤਤ੍ਥ ਕਤਮਾ ਮਨਸਿਕਾਰਕੁਸਲਤਾ? ਯਾ ਤਾਸਂ ਧਾਤੂਨਂ ਮਨਸਿਕਾਰਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ¶ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਮਨਸਿਕਾਰਕੁਸਲਤਾ.

੧੩੪੨. ਤਤ੍ਥ ਕਤਮਾ ਆਯਤਨਕੁਸਲਤਾ? ਦ੍ਵਾਦਸਾਯਤਨਾਨਿ – ਚਕ੍ਖਾਯਤਨਂ, ਰੂਪਾਯਤਨਂ, ਸੋਤਾਯਤਨਂ, ਸਦ੍ਦਾਯਤਨਂ, ਘਾਨਾਯਤਨਂ, ਗਨ੍ਧਾਯਤਨਂ, ਜਿਵ੍ਹਾਯਤਨਂ, ਰਸਾਯਤਨਂ, ਕਾਯਾਯਤਨਂ, ਫੋਟ੍ਠਬ੍ਬਾਯਤਨਂ, ਮਨਾਯਤਨਂ, ਧਮ੍ਮਾਯਤਨਂ. ਯਾ ਤੇਸਂ ਆਯਤਨਾਨਂ ਆਯਤਨਕੁਸਲਤਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਆਯਤਨਕੁਸਲਤਾ.

੧੩੪੩. ਤਤ੍ਥ ਕਤਮਾ ਪਟਿਚ੍ਚਸਮੁਪ੍ਪਾਦਕੁਸਲਤਾ? ਅਵਿਜ੍ਜਾਪਚ੍ਚਯਾ ਸਙ੍ਖਾਰਾ, ਸਙ੍ਖਾਰਪਚ੍ਚਯਾ ਵਿਞ੍ਞਾਣਂ, ਵਿਞ੍ਞਾਣਪਚ੍ਚਯਾ ਨਾਮਰੂਪਂ, ਨਾਮਰੂਪਪਚ੍ਚਯਾ ਸਲ਼ਾਯਤਨਂ, ਸਲ਼ਾਯਤਨਪਚ੍ਚਯਾ ਫਸ੍ਸੋ, ਫਸ੍ਸਪਚ੍ਚਯਾ ਵੇਦਨਾ, ਵੇਦਨਾਪਚ੍ਚਯਾ ਤਣ੍ਹਾ, ਤਣ੍ਹਾਪਚ੍ਚਯਾ ਉਪਾਦਾਨਂ, ਉਪਾਦਾਨਪਚ੍ਚਯਾ ਭਵੋ, ਭਵਪਚ੍ਚਯਾ ਜਾਤਿ, ਜਾਤਿਪਚ੍ਚਯਾ ਜਰਾਮਰਣਂ ਸੋਕਪਰਿਦੇਵਦੁਕ੍ਖਦੋਮਨਸ੍ਸੁਪਾਯਾਸਾ ਸਮ੍ਭਵਨ੍ਤਿ; ਏਵਮੇਤਸ੍ਸ ¶ ਕੇਵਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤੀਤਿ. ਯਾ ਤਤ੍ਥ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਪਟਿਚ੍ਚਸਮੁਪ੍ਪਾਦਕੁਸਲਤਾ.

੧੩੪੪. ਤਤ੍ਥ ¶ ਕਤਮਾ ਠਾਨਕੁਸਲਤਾ? ਯੇ ਯੇ ਧਮ੍ਮਾ ਯੇਸਂ ਯੇਸਂ ਧਮ੍ਮਾਨਂ ਹੇਤੂ ਪਚ੍ਚਯਾ ਉਪ੍ਪਾਦਾਯ [ਉਪਾਦਾਯ (ਸੀ. ਕ.)] ਤਂ ਤਂ ਠਾਨਨ੍ਤਿ, ਯਾ ਤਤ੍ਥ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਠਾਨਕੁਸਲਤਾ.

੧੩੪੫. ਤਤ੍ਥ ਕਤਮਾ ਅਟ੍ਠਾਨਕੁਸਲਤਾ? ਯੇ ਯੇ ਧਮ੍ਮਾ ਯੇਸਂ ਯੇਸਂ ਧਮ੍ਮਾਨਂ ਨ ਹੇਤੂ ਨ ਪਚ੍ਚਯਾ ਉਪ੍ਪਾਦਾਯ ਤਂ ਤਂ ਅਟ੍ਠਾਨਨ੍ਤਿ, ਯਾ ਤਤ੍ਥ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ ¶ – ਅਯਂ ਵੁਚ੍ਚਤਿ ਅਟ੍ਠਾਨਕੁਸਲਤਾ.

੧੩੪੬. ਤਤ੍ਥ ¶ ਕਤਮੋ ਅਜ੍ਜਵੋ? ਯਾ ਅਜ੍ਜਵਤਾ ਅਜਿਮ੍ਹਤਾ ਅਵਙ੍ਕਤਾ ਅਕੁਟਿਲਤਾ – ਅਯਂ ਵੁਚ੍ਚਤਿ ਅਜ੍ਜਵੋ.

੧੩੪੭. ਤਤ੍ਥ ਕਤਮੋ ਮਦ੍ਦਵੋ? ਯਾ ਮੁਦੁਤਾ ਮਦ੍ਦਵਤਾ ਅਕਕ੍ਖਲ਼ਤਾ ਅਕਥਿਨਤਾ ਨੀਚਚਿਤ੍ਤਤਾ – ਅਯਂ ਵੁਚ੍ਚਤਿ ਮਦ੍ਦਵੋ.

੧੩੪੮. ਤਤ੍ਥ ਕਤਮਾ ਖਨ੍ਤਿ? ਯਾ ਖਨ੍ਤਿ ਖਮਨਤਾ ਅਧਿਵਾਸਨਤਾ ਅਚਣ੍ਡਿਕ੍ਕਂ ਅਨਸੁਰੋਪੋ ਅਤ੍ਤਮਨਤਾ ਚਿਤ੍ਤਸ੍ਸ – ਅਯਂ ਵੁਚ੍ਚਤਿ ਖਨ੍ਤਿ.

੧੩੪੯. ਤਤ੍ਥ ਕਤਮਂ ਸੋਰਚ੍ਚਂ? ਯੋ ਕਾਯਿਕੋ ਅਵੀਤਿਕ੍ਕਮੋ, ਵਾਚਸਿਕੋ ਅਵੀਤਿਕ੍ਕਮੋ, ਕਾਯਿਕਵਾਚਸਿਕੋ ਅਵੀਤਿਕ੍ਕਮੋ – ਇਦਂ ਵੁਚ੍ਚਤਿ ਸੋਰਚ੍ਚਂ. ਸਬ੍ਬੋਪਿ ਸੀਲਸਂਵਰੋ ਸੋਰਚ੍ਚਂ.

੧੩੫੦. ਤਤ੍ਥ ਕਤਮਂ ਸਾਖਲ੍ਯਂ? ਯਾ ਸਾ ਵਾਚਾ ਅਣ੍ਡਕਾ ਕਕ੍ਕਸਾ ਪਰਕਟੁਕਾ ਪਰਾਭਿਸਜ੍ਜਨੀ ਕੋਧਸਾਮਨ੍ਤਾ ਅਸਮਾਧਿਸਂਵਤ੍ਤਨਿਕਾ, ਤਥਾਰੂਪਿਂ ਵਾਚਂ ਪਹਾਯ ਯਾ ਸਾ ਵਾਚਾ ਨੇਲ਼ਾ ਕਣ੍ਣਸੁਖਾ ਪੇਮਨੀਯਾ ਹਦਯਙ੍ਗਮਾ ਪੋਰੀ ਬਹੁਜਨਕਨ੍ਤਾ ਬਹੁਜਨਮਨਾਪਾ ਤਥਾਰੂਪਿਂ ਵਾਚਂ ਭਾਸਿਤਾ ਹੋਤਿ; ਯਾ ਤਤ੍ਥ ਸਣ੍ਹਵਾਚਤਾ ਸਖਿਲਵਾਚਤਾ ਅਫਰੁਸਵਾਚਤਾ – ਇਦਂ ਵੁਚ੍ਚਤਿ ਸਾਖਲ੍ਯਂ.

੧੩੫੧. ਤਤ੍ਥ ¶ ਕਤਮੋ ਪਟਿਸਨ੍ਥਾਰੋ? ਦ੍ਵੇ ਪਟਿਸਨ੍ਥਾਰਾ – ਆਮਿਸਪਟਿਸਨ੍ਥਾਰੋ ਚ ਧਮ੍ਮਪਟਿਸਨ੍ਥਾਰੋ ਚ. ਇਧੇਕਚ੍ਚੋ ਪਟਿਸਨ੍ਥਾਰਕੋ ਹੋਤਿ ਆਮਿਸਪਟਿਸਨ੍ਥਾਰੇਨ ਵਾ ਧਮ੍ਮਪਟਿਸਨ੍ਥਾਰੇਨ ਵਾ – ਅਯਂ ਵੁਚ੍ਚਤਿ ਪਟਿਸਨ੍ਥਾਰੋ.

੧੩੫੨. ਤਤ੍ਥ ਕਤਮਾ ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ? ਇਧੇਕਚ੍ਚੋ ਚਕ੍ਖੁਨਾ ¶ ਰੂਪਂ ਦਿਸ੍ਵਾ ਨਿਮਿਤ੍ਤਗ੍ਗਾਹੀ ਹੋਤਿ ਅਨੁਬ੍ਯਞ੍ਜਨਗ੍ਗਾਹੀ. ਯਤ੍ਵਾਧਿਕਰਣਮੇਨਂ ਚਕ੍ਖੁਨ੍ਦ੍ਰਿਯਂ ¶ ਅਸਂਵੁਤਂ ਵਿਹਰਨ੍ਤਂ ਅਭਿਜ੍ਝਾਦੋਮਨਸ੍ਸਾ ਪਾਪਕਾ ਅਕੁਸਲਾ ਧਮ੍ਮਾ ਅਨ੍ਵਾਸ੍ਸਵੇਯ੍ਯੁਂ, ਤਸ੍ਸ ਸਂਵਰਾਯ ਨ ਪਟਿਪਜ੍ਜਤਿ, ਨ ਰਕ੍ਖਤਿ ਚਕ੍ਖੁਨ੍ਦ੍ਰਿਯਂ, ਚਕ੍ਖੁਨ੍ਦ੍ਰਿਯੇ ਨ ਸਂਵਰਂ ਆਪਜ੍ਜਤਿ. ਸੋਤੇਨ ਸਦ੍ਦਂ ਸੁਤ੍ਵਾ…ਪੇ… ਘਾਨੇਨ ਗਨ੍ਧਂ ਘਾਯਿਤ੍ਵਾ…ਪੇ… ਜਿਵ੍ਹਾਯ ਰਸਂ ਸਾਯਿਤ੍ਵਾ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਿਤ੍ਵਾ…ਪੇ… ਮਨਸਾ ਧਮ੍ਮਂ ਵਿਞ੍ਞਾਯ ਨਿਮਿਤ੍ਤਗ੍ਗਾਹੀ ਹੋਤਿ ਅਨੁਬ੍ਯਞ੍ਜਨਗ੍ਗਾਹੀ. ਯਤ੍ਵਾਧਿਕਰਣਮੇਨਂ ¶ ਮਨਿਨ੍ਦ੍ਰਿਯਂ ਅਸਂਵੁਤਂ ਵਿਹਰਨ੍ਤਂ ਅਭਿਜ੍ਝਾਦੋਮਨਸ੍ਸਾ ਪਾਪਕਾ ਅਕੁਸਲਾ ਧਮ੍ਮਾ ਅਨ੍ਵਾਸ੍ਸਵੇਯ੍ਯੁਂ, ਤਸ੍ਸ ਸਂਵਰਾਯ ਨ ਪਟਿਪਜ੍ਜਤਿ, ਨ ਰਕ੍ਖਤਿ ਮਨਿਨ੍ਦ੍ਰਿਯਂ, ਮਨਿਨ੍ਦ੍ਰਿਯੇ ਨ ਸਂਵਰਂ ਆਪਜ੍ਜਤਿ. ਯਾ ਇਮੇਸਂ ਛਨ੍ਨਂ ਇਨ੍ਦ੍ਰਿਯਾਨਂ ਅਗੁਤ੍ਤਿ ਅਗੋਪਨਾ ਅਨਾਰਕ੍ਖੋ ਅਸਂਵਰੋ – ਅਯਂ ਵੁਚ੍ਚਤਿ ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ.

੧੩੫੩. ਤਤ੍ਥ ਕਤਮਾ ਭੋਜਨੇ ਅਮਤ੍ਤਞ੍ਞੁਤਾ? ਇਧੇਕਚ੍ਚੋ ਅਪ੍ਪਟਿਸਙ੍ਖਾ ਅਯੋਨਿਸੋ ਆਹਾਰਂ ਆਹਾਰੇਤਿ ਦਵਾਯ ਮਦਾਯ ਮਣ੍ਡਨਾਯ ਵਿਭੂਸਨਾਯ. ਯਾ ਤਤ੍ਥ ਅਸਨ੍ਤੁਟ੍ਠਿਤਾ ਅਮਤ੍ਤਞ੍ਞੁਤਾ ਅਪ੍ਪਟਿਸਙ੍ਖਾ ਭੋਜਨੇ – ਅਯਂ ਵੁਚ੍ਚਤਿ ਭੋਜਨੇ ਅਮਤ੍ਤਞ੍ਞੁਤਾ.

੧੩੫੪. ਤਤ੍ਥ ਕਤਮਾ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ? ਇਧੇਕਚ੍ਚੋ ਚਕ੍ਖੁਨਾ ਰੂਪਂ ਦਿਸ੍ਵਾ ਨ ਨਿਮਿਤ੍ਤਗ੍ਗਾਹੀ ਹੋਤਿ ਨ ਅਨੁਬ੍ਯਞ੍ਜਨਗ੍ਗਾਹੀ. ਯਤ੍ਵਾਧਿਕਰਣਮੇਨਂ ਚਕ੍ਖੁਨ੍ਦ੍ਰਿਯਂ ਅਸਂਵੁਤਂ ਵਿਹਰਨ੍ਤਂ ਅਭਿਜ੍ਝਾਦੋਮਨਸ੍ਸਾ ਪਾਪਕਾ ਅਕੁਸਲਾ ਧਮ੍ਮਾ ਅਨ੍ਵਾਸ੍ਸਵੇਯ੍ਯੁਂ, ਤਸ੍ਸ ਸਂਵਰਾਯ ਪਟਿਪਜ੍ਜਤਿ, ਰਕ੍ਖਤਿ ਚਕ੍ਖੁਨ੍ਦ੍ਰਿਯਂ, ਚਕ੍ਖੁਨ੍ਦ੍ਰਿਯੇ ਸਂਵਰਂ ਆਪਜ੍ਜਤਿ. ਸੋਤੇਨ ਸਦ੍ਦਂ ਸੁਤ੍ਵਾ…ਪੇ… ¶ ਘਾਨੇਨ ਗਨ੍ਧਂ ਘਾਯਿਤ੍ਵਾ…ਪੇ… ਜਿਵ੍ਹਾਯ ਰਸਂ ਸਾਯਿਤ੍ਵਾ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਿਤ੍ਵਾ…ਪੇ… ਮਨਸਾ ਧਮ੍ਮਂ ਵਿਞ੍ਞਾਯ ਨ ਨਿਮਿਤ੍ਤਗ੍ਗਾਹੀ ਹੋਤਿ ਨਾਨੁਬ੍ਯਞ੍ਜਨਗ੍ਗਾਹੀ. ਯਤ੍ਵਾਧਿਕਰਣਮੇਨਂ ਮਨਿਨ੍ਦ੍ਰਿਯਂ ਅਸਂਵੁਤਂ ਵਿਹਰਨ੍ਤਂ ਅਭਿਜ੍ਝਾਦੋਮਨਸ੍ਸਾ ਪਾਪਕਾ ਅਕੁਸਲਾ ਧਮ੍ਮਾ ਅਨ੍ਵਾਸ੍ਸਵੇਯ੍ਯੁਂ, ਤਸ੍ਸ ਸਂਵਰਾਯ ਪਟਿਪਜ੍ਜਤਿ, ਰਕ੍ਖਤਿ ਮਨਿਨ੍ਦ੍ਰਿਯਂ, ਮਨਿਨ੍ਦ੍ਰਿਯੇ ਸਂਵਰਂ ਆਪਜ੍ਜਤਿ. ਯਾ ਇਮੇਸਂ ਛਨ੍ਨਂ ਇਨ੍ਦ੍ਰਿਯਾਨਂ ਗੁਤ੍ਤਿ ਗੋਪਨਾ ਆਰਕ੍ਖੋ ਸਂਵਰੋ – ਅਯਂ ਵੁਚ੍ਚਤਿ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ.

੧੩੫੫. ਤਤ੍ਥ ¶ ਕਤਮਾ ਭੋਜਨੇ ਮਤ੍ਤਞ੍ਞੁਤਾ? ਇਧੇਕਚ੍ਚੋ ਪਟਿਸਙ੍ਖਾ ਯੋਨਿਸੋ ਆਹਾਰਂ ਆਹਾਰੇਤਿ – ਨੇਵ ਦਵਾਯ ਨ ਮਦਾਯ ਨ ਮਣ੍ਡਨਾਯ ਨ ਵਿਭੂਸਨਾਯ ਯਾਵਦੇਵ ਇਮਸ੍ਸ ਕਾਯਸ੍ਸ ਠਿਤਿਯਾ ਯਾਪਨਾਯ ਵਿਹਿਂਸੂਪਰਤਿਯਾ ਬ੍ਰਹ੍ਮਚਰਿਯਾਨੁਗ੍ਗਹਾਯ ¶ , ਇਤਿ ਪੁਰਾਣਞ੍ਚ ਵੇਦਨਂ ਪਟਿਹਙ੍ਖਾਮਿ, ਨਵਞ੍ਚ ਵੇਦਨਂ ਨ ਉਪ੍ਪਾਦੇਸ੍ਸਾਮਿ, ਯਾਤ੍ਰਾ ਚ ਮੇ ਭਵਿਸ੍ਸਤਿ ਅਨਵਜ੍ਜਤਾ ਚ ਫਾਸੁਵਿਹਾਰੋ ਚਾਤਿ. ਯਾ ਤਤ੍ਥ ਸਨ੍ਤੁਟ੍ਠਿਤਾ ਮਤ੍ਤਞ੍ਞੁਤਾ ਪਟਿਸਙ੍ਖਾ ਭੋਜਨੇ – ਅਯਂ ਵੁਚ੍ਚਤਿ ਭੋਜਨੇ ਮਤ੍ਤਞ੍ਞੁਤਾ.

੧੩੫੬. ਤਤ੍ਥ ਕਤਮਂ ਮੁਟ੍ਠਸਚ੍ਚਂ? ਯਾ ਅਸਤਿ ਅਨਨੁਸ੍ਸਤਿ ਅਪ੍ਪਟਿਸ੍ਸਤਿ ਅਸਤਿ ਅਸਰਣਤਾ ਅਧਾਰਣਤਾ ਪਿਲਾਪਨਤਾ ਸਮ੍ਮੁਸਨਤਾ – ਇਦਂ ਵੁਚ੍ਚਤਿ ਮੁਟ੍ਠਸਚ੍ਚਂ.

੧੩੫੭. ਤਤ੍ਥ ¶ ਕਤਮਂ ਅਸਮ੍ਪਜਞ੍ਞਂ? ਯਂ ਅਞ੍ਞਾਣਂ ਅਦਸ੍ਸਨਂ…ਪੇ… ਅਵਿਜ੍ਜਾਲਙ੍ਗੀ ਮੋਹੋ ਅਕੁਸਲਮੂਲਂ – ਇਦਂ ਵੁਚ੍ਚਤਿ ਅਸਮ੍ਪਜਞ੍ਞਂ.

੧੩੫੮. ਤਤ੍ਥ ਕਤਮਾ ਸਤਿ? ਯਾ ਸਤਿ ਅਨੁਸ੍ਸਤਿ ਪਟਿਸ੍ਸਤਿ ਸਤਿ ਸਰਣਤਾ ਧਾਰਣਤਾ ਅਪਿਲਾਪਨਤਾ ਅਸਮ੍ਮੁਸਨਤਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ¶ ਸਮ੍ਮਾਸਤਿ – ਅਯਂ ਵੁਚ੍ਚਤਿ ਸਤਿ.

੧੩੫੯. ਤਤ੍ਥ ਕਤਮਂ ਸਮ੍ਪਜਞ੍ਞਂ? ਯਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਵੁਚ੍ਚਤਿ ਸਮ੍ਪਜਞ੍ਞਂ.

੧੩੬੦. ਤਤ੍ਥ ਕਤਮਂ ਪਟਿਸਙ੍ਖਾਨਬਲਂ? ਯਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਇਦਂ ਵੁਚ੍ਚਤਿ ਪਟਿਸਙ੍ਖਾਨਬਲਂ.

੧੩੬੧. ਤਤ੍ਥ ਕਤਮਂ ਭਾਵਨਾਬਲਂ? ਯਾ ਕੁਸਲਾਨਂ ਧਮ੍ਮਾਨਂ ਆਸੇਵਨਾ ਭਾਵਨਾ ਬਹੁਲੀਕਮ੍ਮਂ – ਇਦਂ ਵੁਚ੍ਚਤਿ ਭਾਵਨਾਬਲਂ. ਸਤ੍ਤਪਿ ਬੋਜ੍ਝਙ੍ਗਾ ਭਾਵਨਾਬਲਂ.

੧੩੬੨. ਤਤ੍ਥ ਕਤਮੋ ਸਮਥੋ? ਯਾ ਚਿਤ੍ਤਸ੍ਸ ਠਿਤਿ…ਪੇ… ਸਮ੍ਮਾਸਮਾਧਿ – ਅਯਂ ਵੁਚ੍ਚਤਿ ਸਮਥੋ.

੧੩੬੩. ਤਤ੍ਥ ਕਤਮਾ ਵਿਪਸ੍ਸਨਾ? ਯਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਵਿਪਸ੍ਸਨਾ.

੧੩੬੪. ਤਤ੍ਥ ¶ ਕਤਮਂ ਸਮਥਨਿਮਿਤ੍ਤਂ? ਯਾ ਚਿਤ੍ਤਸ੍ਸ ਠਿਤਿ…ਪੇ… ਸਮ੍ਮਾਸਮਾਧਿ – ਇਦਂ ਵੁਚ੍ਚਤਿ ਸਮਥਨਿਮਿਤ੍ਤਂ.

੧੩੬੫. ਤਤ੍ਥ ਕਤਮਂ ਪਗ੍ਗਾਹਨਿਮਿਤ੍ਤਂ? ਯੋ ਚੇਤਸਿਕੋ ਵੀਰਿਯਾਰਮ੍ਭੋ…ਪੇ… ਸਮ੍ਮਾਵਾਯਾਮੋ – ਇਦਂ ਵੁਚ੍ਚਤਿ ਪਗ੍ਗਾਹਨਿਮਿਤ੍ਤਂ.

੧੩੬੬. ਤਤ੍ਥ ¶ ਕਤਮੋ ਪਗ੍ਗਾਹੋ? ਯੋ ¶ ਚੇਤਸਿਕੋ ਵੀਰਿਯਾਰਮ੍ਭੋ…ਪੇ… ਸਮ੍ਮਾਵਾਯਾਮੋ – ਅਯਂ ਵੁਚ੍ਚਤਿ ਪਗ੍ਗਾਹੋ.

੧੩੬੭. ਤਤ੍ਥ ਕਤਮੋ ਅਵਿਕ੍ਖੇਪੋ? ਯਾ ਚਿਤ੍ਤਸ੍ਸ ਠਿਤਿ…ਪੇ… ਸਮ੍ਮਾਸਮਾਧਿ – ਅਯਂ ਵੁਚ੍ਚਤਿ ਅਵਿਕ੍ਖੇਪੋ.

੧੩੬੮. ਤਤ੍ਥ ਕਤਮਾ ਸੀਲਵਿਪਤ੍ਤਿ? ਯੋ ਕਾਯਿਕੋ ਵੀਤਿਕ੍ਕਮੋ, ਵਾਚਸਿਕੋ ਵੀਤਿਕ੍ਕਮੋ ¶ , ਕਾਯਿਕਵਾਚਸਿਕੋ ਵੀਤਿਕ੍ਕਮੋ – ਅਯਂ ਵੁਚ੍ਚਤਿ ਸੀਲਵਿਪਤ੍ਤਿ. ਸਬ੍ਬਮ੍ਪਿ ਦੁਸ੍ਸਿਲ੍ਯਂ ਸੀਲਵਿਪਤ੍ਤਿ.

੧੩੬੯. ਤਤ੍ਥ ਕਤਮਾ ਦਿਟ੍ਠਿਵਿਪਤ੍ਤਿ? ਨਤ੍ਥਿ ਦਿਨ੍ਨਂ, ਨਤ੍ਥਿ ਯਿਟ੍ਠਂ, ਨਤ੍ਥਿ ਹੁਤਂ, ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ ਵਿਪਾਕੋ, ਨਤ੍ਥਿ ਅਯਂ ਲੋਕੋ, ਨਤ੍ਥਿ ਪਰੋ ਲੋਕੋ, ਨਤ੍ਥਿ ਮਾਤਾ, ਨਤ੍ਥਿ ਪਿਤਾ, ਨਤ੍ਥਿ ਸਤ੍ਤਾ ਓਪਪਾਤਿਕਾ, ਨਤ੍ਥਿ ਲੋਕੇ ਸਮਣਬ੍ਰਾਹ੍ਮਣਾ ਸਮ੍ਮਗ੍ਗਤਾ ਸਮ੍ਮਾਪਟਿਪਨ੍ਨਾ ਯੇ ਇਮਞ੍ਚ ਲੋਕਂ ਪਰਞ੍ਚ ਲੋਕਂ ਸਯਂ ਅਭਿਞ੍ਞਾ ਸਚ੍ਛਿਕਤ੍ਵਾ ਪਵੇਦੇਨ੍ਤੀਤਿः ਯਾ ਏਵਰੂਪਾ ਦਿਟ੍ਠਿ ਦਿਟ੍ਠਿਗਤਂ…ਪੇ… ਵਿਪਰਿਯਾਸਗ੍ਗਾਹੋ – ਅਯਂ ਵੁਚ੍ਚਤਿ ਦਿਟ੍ਠਿਵਿਪਤ੍ਤਿ. ਸਬ੍ਬਾਪਿ ਮਿਚ੍ਛਾਦਿਟ੍ਠਿ ਦਿਟ੍ਠਿਵਿਪਤ੍ਤਿ.

੧੩੭੦. ਤਤ੍ਥ ਕਤਮਾ ਸੀਲਸਮ੍ਪਦਾ? ਯੋ ਕਾਯਿਕੋ ਅਵੀਤਿਕ੍ਕਮੋ, ਵਾਚਸਿਕੋ ਅਵੀਤਿਕ੍ਕਮੋ, ਕਾਯਿਕਵਾਚਸਿਕੋ ਅਵੀਤਿਕ੍ਕਮੋ – ਅਯਂ ਵੁਚ੍ਚਤਿ ਸੀਲਸਮ੍ਪਦਾ. ਸਬ੍ਬੋਪਿ ਸੀਲਸਂਵਰੋ ਸੀਲਸਮ੍ਪਦਾ.

੧੩੭੧. ਤਤ੍ਥ ਕਤਮਾ ਦਿਟ੍ਠਿਸਮ੍ਪਦਾ? ਅਤ੍ਥਿ ਦਿਨ੍ਨਂ, ਅਤ੍ਥਿ ਯਿਟ੍ਠਂ, ਅਤ੍ਥਿ ਹੁਤਂ, ਅਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ ਵਿਪਾਕੋ, ਅਤ੍ਥਿ ਅਯਂ ਲੋਕੋ, ਅਤ੍ਥਿ ਪਰੋ ਲੋਕੋ, ਅਤ੍ਥਿ ਮਾਤਾ, ਅਤ੍ਥਿ ਪਿਤਾ, ਅਤ੍ਥਿ ਸਤ੍ਤਾ ਓਪਪਾਤਿਕਾ, ਅਤ੍ਥਿ ਲੋਕੇ ਸਮਣਬ੍ਰਾਹ੍ਮਣਾ ਸਮ੍ਮਗ੍ਗਤਾ ਸਮ੍ਮਾਪਟਿਪਨ੍ਨਾ ਯੇ ਇਮਞ੍ਚ ਲੋਕਂ ਪਰਞ੍ਚ ਲੋਕਂ ਸਯਂ ਅਭਿਞ੍ਞਾ ਸਚ੍ਛਿਕਤ੍ਵਾ ਪਵੇਦੇਨ੍ਤੀਤਿः ਯਾ ਏਵਰੂਪਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ – ਅਯਂ ਵੁਚ੍ਚਤਿ ਦਿਟ੍ਠਿਸਮ੍ਪਦਾ. ਸਬ੍ਬਾਪਿ ਸਮ੍ਮਾਦਿਟ੍ਠਿ ਦਿਟ੍ਠਿਸਮ੍ਪਦਾ.

੧੩੭੨. ਤਤ੍ਥ ¶ ¶ ਕਤਮਾ ਸੀਲਵਿਸੁਦ੍ਧਿ? ਯੋ ਕਾਯਿਕੋ ਅਵੀਤਿਕ੍ਕਮੋ, ਵਾਚਸਿਕੋ ਅਵੀਤਿਕ੍ਕਮੋ, ਕਾਯਿਕਵਾਚਸਿਕੋ ਅਵੀਤਿਕ੍ਕਮੋ – ਅਯਂ ਵੁਚ੍ਚਤਿ ਸੀਲਵਿਸੁਦ੍ਧਿ. ਸਬ੍ਬੋਪਿ ¶ ਸੀਲਸਂਵਰੋ ਸੀਲਵਿਸੁਦ੍ਧਿ.

੧੩੭੩. ਤਤ੍ਥ ਕਤਮਾ ਦਿਟ੍ਠਿਵਿਸੁਦ੍ਧਿ? ਕਮ੍ਮਸ੍ਸਕਤਞਾਣਂ ਸਚ੍ਚਾਨੁਲੋਮਿਕਞਾਣਂ ਮਗ੍ਗਸਮਙ੍ਗਿਸ੍ਸ ਞਾਣਂ ਫਲਸਮਙ੍ਗਿਸ੍ਸ ਞਾਣਂ.

੧੩੭੪. ਦਿਟ੍ਠਿਵਿਸੁਦ੍ਧਿ ¶ ਖੋ ਪਨਾਤਿ – ਯਾ ਪਞ੍ਞਾ ਪਜਾਨਨਾ…ਪੇ… ਅਮੋਹੋ ਧਮ੍ਮਵਿਚਯੋ ਸਮ੍ਮਾਦਿਟ੍ਠਿ.

੧੩੭੫. ਯਥਾਦਿਟ੍ਠਿਸ੍ਸ ਚ ਪਧਾਨਨ੍ਤਿ – ਯੋ ਚੇਤਸਿਕੋ ਵੀਰਿਯਾਰਮ੍ਭੋ…ਪੇ… ਸਮ੍ਮਾਵਾਯਾਮੋ.

੧੩੭੬. ਸਂਵੇਗੋਤਿ – ਜਾਤਿਭਯਂ ਜਰਾਭਯਂ ਬ੍ਯਾਧਿਭਯਂ ਮਰਣਭਯਂ. ਸਂਵੇਜਨਿਯਂ [ਸਂਵੇਜਨੀਯਂ (ਸੀ.)] ਠਾਨਨ੍ਤਿ – ਜਾਤਿ ਜਰਾ ਬ੍ਯਾਧਿ ਮਰਣਂ.

੧੩੭੭. ਸਂਵਿਗ੍ਗਸ੍ਸ ਚ ਯੋਨਿਸੋ ਪਧਾਨਨ੍ਤਿ – ਇਧ ਭਿਕ੍ਖੁ ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਭਾਵਨਾਯ ਪਾਰਿਪੂਰਿਯਾ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ.

੧੩੭੮. ਅਸਨ੍ਤੁਟ੍ਠਿਤਾ ਚ ਕੁਸਲੇਸੁ ਧਮ੍ਮੇਸੂਤਿ – ਯਾ ਕੁਸਲਾਨਂ ਧਮ੍ਮਾਨਂ ਭਾਵਨਾਯ ਅਸਨ੍ਤੁਟ੍ਠਸ੍ਸ ਭਿਯ੍ਯੋਕਮ੍ਯਤਾ.

੧੩੭੯. ਅਪ੍ਪਟਿਵਾਨਿਤਾ ਚ ਪਧਾਨਸ੍ਮਿਨ੍ਤਿ – ਯਾ ਕੁਸਲਾਨਂ ਧਮ੍ਮਾਨਂ ਭਾਵਨਾਯ ਸਕ੍ਕਚ੍ਚਕਿਰਿਯਤਾ ¶ ਸਾਤਚ੍ਚਕਿਰਿਯਤਾ ਅਟ੍ਠਿਤਕਿਰਿਯਤਾ ਅਨੋਲੀਨਵੁਤ੍ਤਿਤਾ ਅਨਿਕ੍ਖਿਤ੍ਤਛਨ੍ਦਤਾ ਅਨਿਕ੍ਖਿਤ੍ਤਧੁਰਤਾ ਆਸੇਵਨਾ ¶ ਭਾਵਨਾ ਬਹੁਲੀਕਮ੍ਮਂ.

੧੩੮੦. ਵਿਜ੍ਜਾਤਿ ¶ – ਤਿਸ੍ਸੋ ਵਿਜ੍ਜਾ – ਪੁਬ੍ਬੇਨਿਵਾਸਾਨੁਸ੍ਸਤਿ ਞਾਣਂ ਵਿਜ੍ਜਾ, ਸਤ੍ਤਾਨਂ ਚੁਤੂਪਪਾਤੇ ਞਾਣਂ ਵਿਜ੍ਜਾ, ਆਸਵਾਨਂ ਖਯੇ ਞਾਣਂ ਵਿਜ੍ਜਾ.

੧੩੮੧. ਵਿਮੁਤ੍ਤੀਤਿ – ਦ੍ਵੇ ਵਿਮੁਤ੍ਤਿਯੋ – ਚਿਤ੍ਤਸ੍ਸ [ਚਿਤ੍ਤਸ੍ਸ ਚ (ਸੀ. ਸ੍ਯਾ.)] ਅਧਿਮੁਤ੍ਤਿ, ਨਿਬ੍ਬਾਨਞ੍ਚ.

੧੩੮੨. ਖਯੇ ਞਾਣਨ੍ਤਿ – ਮਗ੍ਗਸਮਙ੍ਗਿਸ੍ਸ ਞਾਣਂ.

੧੩੮੩. ਅਨੁਪ੍ਪਾਦੇ ਞਾਣਨ੍ਤਿ – ਫਲਸਮਙ੍ਗਿਸ੍ਸ ਞਾਣਂ.

ਨਿਕ੍ਖੇਪਕਣ੍ਡਂ ਨਿਟ੍ਠਿਤਂ.

੪. ਅਟ੍ਠਕਥਾਕਣ੍ਡਂ

ਤਿਕਅਤ੍ਥੁਦ੍ਧਾਰੋ

੧੩੮੪. ਕਤਮੇ ¶ ¶ ¶ ਧਮ੍ਮਾ ਕੁਸਲਾ? ਚਤੂਸੁ ਭੂਮੀਸੁ ਕੁਸਲਂ – ਇਮੇ ਧਮ੍ਮਾ ਕੁਸਲਾ.

੧੩੮੫. ਕਤਮੇ ਧਮ੍ਮਾ ਅਕੁਸਲਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਅਕੁਸਲਾ.

੧੩੮੬. ਕਤਮੇ ਧਮ੍ਮਾ ਅਬ੍ਯਾਕਤਾ? ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਬ੍ਯਾਕਤਾ.

੧੩੮੭. ਕਤਮੇ ¶ ਧਮ੍ਮਾ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਚਤ੍ਤਾਰੋ ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਚ ਕਿਰਿਯਤੋ ਚ ਪਞ੍ਚ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਸੁਖਂ ਵੇਦਨਂ ਠਪੇਤ੍ਵਾ – ਇਮੇ ਧਮ੍ਮਾ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ.

੧੩੮੮. ਕਤਮੇ ਧਮ੍ਮਾ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਦੁਕ੍ਖਸਹਗਤਂ ਕਾਯਵਿਞ੍ਞਾਣਂ, ਏਤ੍ਥੁਪ੍ਪਨ੍ਨਂ ਦੁਕ੍ਖਂ ਵੇਦਨਂ ਠਪੇਤ੍ਵਾ – ਇਮੇ ਧਮ੍ਮਾ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ.

੧੩੮੯. ਕਤਮੇ ¶ ਧਮ੍ਮਾ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਛ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਦਸ, ਅਕੁਸਲਸ੍ਸ ਵਿਪਾਕਤੋ ਛ, ਕਿਰਿਯਤੋ ਛ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਅਰੂਪਾਵਚਰਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਂ ਚਤੁਤ੍ਥਂ ¶ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਅਦੁਕ੍ਖਮਸੁਖਂ ਵੇਦਨਂ ਠਪੇਤ੍ਵਾ – ਇਮੇ ਧਮ੍ਮਾ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ. ਤਿਸ੍ਸੋ ਚ ਵੇਦਨਾ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ¶ ਧਮ੍ਮਾ ਨ ਵਤ੍ਤਬ੍ਬਾ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾਤਿਪਿ, ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾਤਿਪਿ, ਯ ਵੇਦਨਾਯ ਸਮ੍ਪਯੁਤ੍ਤਾਤਿਪਿ.

੧੩੯੦. ਕਤਮੇ ਧਮ੍ਮਾ ਵਿਪਾਕਾ? ਚਤੂਸੁ ਭੂਮੀਸੁ ਵਿਪਾਕੋ – ਇਮੇ ਧਮ੍ਮਾ ਵਿਪਾਕਾ.

੧੩੯੧. ਕਤਮੇ ਧਮ੍ਮਾ ਵਿਪਾਕਧਮ੍ਮਧਮ੍ਮਾ? ਚਤੂਸੁ ਭੂਮੀਸੁ ਕੁਸਲਂ ਅਕੁਸਲਂ – ਇਮੇ ਧਮ੍ਮਾ ਵਿਪਾਕਧਮ੍ਮਧਮ੍ਮਾ.

੧੩੯੨. ਕਤਮੇ ਧਮ੍ਮਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ? ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ.

੧੩੯੩. ਕਤਮੇ ¶ ਧਮ੍ਮਾ ਉਪਾਦਿਣ੍ਣੁਪਾਦਾਨਿਯਾ? ਤੀਸੁ ਭੂਮੀਸੁ ਵਿਪਾਕੋ, ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਉਪਾਦਿਣ੍ਣੁਪਾਦਾਨਿਯਾ.

੧੩੯੪. ਕਤਮੇ ਧਮ੍ਮਾ ਅਨੁਪਾਦਿਣ੍ਣੁਪਾਦਾਨਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ ¶ , ਯਞ੍ਚ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਅਨੁਪਾਦਿਣ੍ਣੁਪਾਦਾਨਿਯਾ.

੧੩੯੫. ਕਤਮੇ ਧਮ੍ਮਾ ਅਨੁਪਾਦਿਣ੍ਣਅਨੁਪਾਦਾਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨੁਪਾਦਿਣ੍ਣਅਨੁਪਾਦਾਨਿਯਾ.

੧੩੯੬. ਕਤਮੇ ਧਮ੍ਮਾ ਸਂਕਿਲਿਟ੍ਠਸਂਕਿਲੇਸਿਕਾ? ਦ੍ਵਾਦਸਾਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਂਕਿਲਿਟ੍ਠਸਂਕਿਲੇਸਿਕਾ.

੧੩੯੭. ਕਤਮੇ ਧਮ੍ਮਾ ਅਸਂਕਿਲਿਟ੍ਠਸਂਕਿਲੇਸਿਕਾ? ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ¶ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਅਸਂਕਿਲਿਟ੍ਠਸਂਕਿਲੇਸਿਕਾ.

੧੩੯੮. ਕਤਮੇ ਧਮ੍ਮਾ ਅਸਂਕਿਲਿਟ੍ਠਅਸਂਕਿਲੇਸਿਕਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਸਂਕਿਲਿਟ੍ਠਅਸਂਕਿਲੇਸਿਕਾ.

੧੩੯੯. ਕਤਮੇ ਧਮ੍ਮਾ ਸਵਿਤਕ੍ਕਸਵਿਚਾਰਾ? ਕਾਮਾਵਚਰਂ ਕੁਸਲਂ, ਅਕੁਸਲਂ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਏਕਾਦਸ ਚਿਤ੍ਤੁਪ੍ਪਾਦਾ, ਅਕੁਸਲਸ੍ਸ ਵਿਪਾਕਤੋ ਦ੍ਵੇ, ਕਿਰਿਯਤੋ ਏਕਾਦਸ, ਰੂਪਾਵਚਰਂ ਪਠਮਂ ਝਾਨਂ ¶ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਂ ਪਠਮਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨੇ ਵਿਤਕ੍ਕਵਿਚਾਰੇ ਠਪੇਤ੍ਵਾ – ਇਮੇ ਧਮ੍ਮਾ ਸਵਿਤਕ੍ਕਸਵਿਚਾਰਾ.

੧੪੦੦. ਕਤਮੇ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਾ? ਰੂਪਾਵਚਰਪਞ੍ਚਕਨਯੇ ਦੁਤਿਯਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਪਞ੍ਚਕਨਯੇ ਦੁਤਿਯਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਵਿਚਾਰਂ ਠਪੇਤ੍ਵਾ, ਵਿਤਕ੍ਕੋ ਚ – ਇਮੇ ਧਮ੍ਮਾ ਅਵਿਤਕ੍ਕਵਿਚਾਰਮਤ੍ਤਾ.

੧੪੦੧. ਕਤਮੇ ਧਮ੍ਮਾ ਅਵਿਤਕ੍ਕਅਵਿਚਾਰਾ? ਦ੍ਵੇਪਞ੍ਚਵਿਞ੍ਞਾਣਾਨਿ, ਰੂਪਾਵਚਰਤਿਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ ਲੋਕੁਤ੍ਤਰਤਿਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਪਞ੍ਚਕਨਯੇ ਦੁਤਿਯੇ ਝਾਨੇ [ਦੁਤਿਯਜ੍ਝਾਨੇ (ਸੀ.)], ਉਪ੍ਪਨ੍ਨੋ ਚ ਵਿਚਾਰੋ ਰੂਪਞ੍ਚ ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਵਿਤਕ੍ਕਅਵਿਚਾਰਾ. ਵਿਤਕ੍ਕਸਹਜਾਤੋ ਵਿਚਾਰੋ ਨ ਵਤ੍ਤਬ੍ਬੋ ਸਵਿਤਕ੍ਕਸਵਿਚਾਰੋਤਿਪਿ, ਅਵਿਤਕ੍ਕਵਿਚਾਰਮਤ੍ਤੋਤਿਪਿ, ਅਵਿਤਕ੍ਕਅਵਿਚਾਰੋਤਿਪਿ.

੧੪੦੨. ਕਤਮੇ ¶ ਧਮ੍ਮਾ ਪੀਤਿਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ ¶ ¶ , ਅਕੁਸਲਤੋ ਚਤ੍ਤਾਰੋ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਪਞ੍ਚ, ਕਿਰਿਯਤੋ ਪਞ੍ਚ, ਰੂਪਾਵਚਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਪੀਤਿਂ ਠਪੇਤ੍ਵਾ – ਇਮੇ ਧਮ੍ਮਾ ਪੀਤਿਸਹਗਤਾ.

੧੪੦੩. ਕਤਮੇ ਧਮ੍ਮਾ ਸੁਖਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਚਤ੍ਤਾਰੋ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਛ, ਕਿਰਿਯਤੋ ਪਞ੍ਚ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਸੁਖਂ ਠਪੇਤ੍ਵਾ – ਇਮੇ ਧਮ੍ਮਾ ਸੁਖਸਹਗਤਾ.

੧੪੦੪. ਕਤਮੇ ਧਮ੍ਮਾ ਉਪੇਕ੍ਖਾਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਛ, ਕਾਮਾਵਚਰਕੁਸਲਸ੍ਸ ¶ ਵਿਪਾਕਤੋ ਦਸ, ਅਕੁਸਲਸ੍ਸ ਵਿਪਾਕਤੋ ਛ, ਕਿਰਿਯਤੋ ਛ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਉਪੇਕ੍ਖਂ ਠਪੇਤ੍ਵਾ – ਇਮੇ ਧਮ੍ਮਾ ਉਪੇਕ੍ਖਾਸਹਗਤਾ. ਪੀਤਿ ਨ ਪੀਤਿਸਹਗਤਾ, ਸੁਖਸਹਗਤਾ, ਨ ਉਪੇਕ੍ਖਾਸਹਗਤਾ. ਸੁਖਂ ਨ ਸੁਖਸਹਗਤਂ, ਸਿਯਾ ਪੀਤਿਸਹਗਤਂ, ਨ ਉਪੇਕ੍ਖਾਸਹਗਤਂ, ਸਿਯਾ ਨ ਵਤ੍ਤਬ੍ਬਂ ਪੀਤਿਸਹਗਤਨ੍ਤਿ. ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਦੁਕ੍ਖਸਹਗਤਕਾਯਵਿਞ੍ਞਾਣਂ, ਯਾ ਚ ਵੇਦਨਾ ਉਪੇਕ੍ਖਾ ¶ , ਰੂਪਞ੍ਚ ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਵਤ੍ਤਬ੍ਬਾ ਪੀਤਿਸਹਗਤਾਤਿਪਿ, ਸੁਖਸਹਗਤਾਤਿਪਿ, ਉਪੇਕ੍ਖਾਸਹਗਤਾਤਿਪਿ.

੧੪੦੫. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ.

੧੪੦੬. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ? ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਾ ਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਦਸ੍ਸਨੇਨ ਪਹਾਤਬ੍ਬਾ ਸਿਯਾ ਭਾਵਨਾਯ ਪਹਾਤਬ੍ਬਾ.

੧੪੦੭. ਕਤਮੇ ¶ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ? ਚਤੂਸੁ ¶ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ.

੧੪੦੮. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਏਤ੍ਥੁਪ੍ਪਨ੍ਨਂ ਮੋਹਂ ਠਪੇਤ੍ਵਾ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੪੦੯. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ? ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਏਤ੍ਥੁਪ੍ਪਨ੍ਨਂ ਮੋਹਂ ਠਪੇਤ੍ਵਾ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਾ ਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ, ਸਿਯਾ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੪੧੦. ਕਤਮੇ ¶ ਧਮ੍ਮਾ ਨੇਵ ਦਸ੍ਸਨੇਨ ਨ ¶ ਭਾਵਨਾਯ ਪਹਾਤਬ੍ਬਹੇਤੁਕਾ? ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਮੋਹੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੪੧੧. ਕਤਮੇ ਧਮ੍ਮਾ ਆਚਯਗਾਮਿਨੋ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ – ਇਮੇ ਧਮ੍ਮਾ ਆਚਯਗਾਮਿਨੋ.

੧੪੧੨. ਕਤਮੇ ਧਮ੍ਮਾ ਅਪਚਯਗਾਮਿਨੋ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਅਪਚਯਗਾਮਿਨੋ.

੧੪੧੩. ਕਤਮੇ ਧਮ੍ਮਾ ਨੇਵਾਚਯਗਾਮਿਨਾਪਚਯਗਾਮਿਨੋ? ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੇਵਾਚਯਗਾਮਿਨਾਪਚਯਗਾਮਿਨੋ.

੧੪੧੪. ਕਤਮੇ ¶ ਧਮ੍ਮਾ ਸੇਕ੍ਖਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਹੇਟ੍ਠਿਮਾਨਿ ਚ ਤੀਣਿ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਸੇਕ੍ਖਾ.

੧੪੧੫. ਕਤਮੇ ਧਮ੍ਮਾ ਅਸੇਕ੍ਖਾ? ਉਪਰਿਟ੍ਠਿਮਂ ਅਰਹਤ੍ਤਫਲਂ – ਇਮੇ ਧਮ੍ਮਾ ਅਸੇਕ੍ਖਾ.

੧੪੧੬. ਕਤਮੇ ਧਮ੍ਮਾ ਨੇਵਸੇਕ੍ਖਨਾਸੇਕ੍ਖਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੇਵਸੇਕ੍ਖਨਾਸੇਕ੍ਖਾ.

੧੪੧੭. ਕਤਮੇ ਧਮ੍ਮਾ ਪਰਿਤ੍ਤਾ? ਕਾਮਾਵਚਰਕੁਸਲਂ ¶ , ਅਕੁਸਲਂ, ਸਬ੍ਬੋ ਕਾਮਾਵਚਰਸ੍ਸ ਵਿਪਾਕੋ, ਕਾਮਾਵਚਰਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਪਰਿਤ੍ਤਾ.

੧੪੧੮. ਕਤਮੇ ਧਮ੍ਮਾ ਮਹਗ੍ਗਤਾ? ਰੂਪਾਵਚਰਾ, ਅਰੂਪਾਵਚਰਾ, ਕੁਸਲਾਬ੍ਯਾਕਤਾ – ਇਮੇ ਧਮ੍ਮਾ ਮਹਗ੍ਗਤਾ.

੧੪੧੯. ਕਤਮੇ ਧਮ੍ਮਾ ਅਪ੍ਪਮਾਣਾ? ਚਤ੍ਤਾਰੋ ¶ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਪ੍ਪਮਾਣਾ.

੧੪੨੦. ਕਤਮੇ ¶ ਧਮ੍ਮਾ ਪਰਿਤ੍ਤਾਰਮ੍ਮਣਾ? ਸਬ੍ਬੋ ਕਾਮਾਵਚਰਸ੍ਸ ਵਿਪਾਕੋ, ਕਿਰਿਯਾਮਨੋਧਾਤੁ, ਕਿਰਿਯਾਹੇਤੁਕਮਨੋਵਿਞ੍ਞਾਣਧਾਤੁ ਸੋਮਨਸ੍ਸਸਹਗਤਾ – ਇਮੇ ਧਮ੍ਮਾ ਪਰਿਤ੍ਤਾਰਮ੍ਮਣਾ.

੧੪੨੧. ਕਤਮੇ ਧਮ੍ਮਾ ਮਹਗ੍ਗਤਾਰਮ੍ਮਣਾ? ਵਿਞ੍ਞਾਣਞ੍ਚਾਯਤਨਂ, ਨੇਵਸਞ੍ਞਾਨਾਸਞ੍ਞਾਯਤਨਂ – ਇਮੇ ਧਮ੍ਮਾ ਮਹਗ੍ਗਤਾਰਮ੍ਮਣਾ.

੧੪੨੨. ਕਤਮੇ ਧਮ੍ਮਾ ਅਪ੍ਪਮਾਣਾਰਮ੍ਮਣਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਅਪ੍ਪਮਾਣਾਰਮ੍ਮਣਾ. ਕਾਮਾਵਚਰਕੁਸਲਤੋ ਚਤ੍ਤਾਰੋ ਞਾਣਵਿਪ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਕਿਰਿਯਤੋ ਚਤ੍ਤਾਰੋ ਞਾਣਵਿਪ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਸਬ੍ਬਂ ਅਕੁਸਲਂ – ਇਮੇ ਧਮ੍ਮਾ ਸਿਯਾ ਪਰਿਤ੍ਤਾਰਮ੍ਮਣਾ, ਸਿਯਾ ਮਹਗ੍ਗਤਾਰਮ੍ਮਣਾ, ਨ ਅਪ੍ਪਮਾਣਾਰਮ੍ਮਣਾ, ਸਿਯਾ ਨ ਵਤ੍ਤਬ੍ਬਾ ਪਰਿਤ੍ਤਾਰਮ੍ਮਣਾਤਿਪਿ, ਮਹਗ੍ਗਤਾਰਮ੍ਮਣਾਤਿਪਿ. ਕਾਮਾਵਚਰਕੁਸਲਤੋ ਚਤ੍ਤਾਰੋ ਞਾਣਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਕਿਰਿਯਤੋ ਚਤ੍ਤਾਰੋ ਞਾਣਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਕਿਰਿਯਤੋ ਚ, ਕਿਰਿਯਾਹੇਤੁਕਮਨੋਵਿਞ੍ਞਾਣਧਾਤੁ ਉਪੇਕ੍ਖਾਸਹਗਤਾ – ਇਮੇ ਧਮ੍ਮਾ ਸਿਯਾ ਪਰਿਤ੍ਤਾਰਮ੍ਮਣਾ, ਸਿਯਾ ਮਹਗ੍ਗਤਾਰਮ੍ਮਣਾ, ਸਿਯਾ ਅਪ੍ਪਮਾਣਾਰਮ੍ਮਣਾ, ਸਿਯਾ ਨ ਵਤ੍ਤਬ੍ਬਾ ਪਰਿਤ੍ਤਾਰਮ੍ਮਣਾਤਿਪਿ ¶ , ਮਹਗ੍ਗਤਾਰਮ੍ਮਣਾਤਿਪਿ, ਅਪ੍ਪਮਾਣਾਰਮ੍ਮਣਾਤਿਪਿ. ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤੁਤ੍ਥਸ੍ਸ ਝਾਨਸ੍ਸ ਵਿਪਾਕੋ, ਆਕਾਸਾਨਞ੍ਚਾਯਤਨਂ ¶ , ਆਕਿਞ੍ਚਞ੍ਞਾਯਤਨਂ – ਇਮੇ ਧਮ੍ਮਾ ਨ ਵਤ੍ਤਬ੍ਬਾ ਪਰਿਤ੍ਤਾਰਮ੍ਮਣਾਤਿਪਿ, ਮਹਗ੍ਗਤਾਰਮ੍ਮਣਾਤਿਪਿ, ਅਪ੍ਪਮਾਣਾਰਮ੍ਮਣਾਤਿਪਿ. ਰੂਪਞ੍ਚ ਨਿਬ੍ਬਾਨਞ੍ਚ ਅਨਾਰਮ੍ਮਣਾ.

੧੪੨੩. ਕਤਮੇ ਧਮ੍ਮਾ ਹੀਨਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਹੀਨਾ.

੧੪੨੪. ਕਤਮੇ ਧਮ੍ਮਾ ਮਜ੍ਝਿਮਾ? ਤੀਸੁ ¶ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਮਜ੍ਝਿਮਾ.

੧੪੨੫. ਕਤਮੇ ਧਮ੍ਮਾ ਪਣੀਤਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਪਣੀਤਾ.

੧੪੨੬. ਕਤਮੇ ਧਮ੍ਮਾ ਮਿਚ੍ਛਤ੍ਤਨਿਯਤਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਮਿਚ੍ਛਤ੍ਤਨਿਯਤਾ, ਸਿਯਾ ਅਨਿਯਤਾ.

੧੪੨੭. ਕਤਮੇ ¶ ਧਮ੍ਮਾ ਸਮ੍ਮਤ੍ਤਨਿਯਤਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਸਮ੍ਮਤ੍ਤਨਿਯਤਾ.

੧੪੨੮. ਕਤਮੇ ਧਮ੍ਮਾ ਅਨਿਯਤਾ? ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਤੀਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਿਯਤਾ.

੧੪੨੯. ਕਤਮੇ ¶ ਧਮ੍ਮਾ ਮਗ੍ਗਾਰਮ੍ਮਣਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਞਾਣਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਕਿਰਿਯਤੋ ਚਤ੍ਤਾਰੋ ਞਾਣਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਮਗ੍ਗਾਰਮ੍ਮਣਾ, ਨ ਮਗ੍ਗਹੇਤੁਕਾ; ਸਿਯਾ ਮਗ੍ਗਾਧਿਪਤਿਨੋ, ਸਿਯਾ ਨ ਵਤ੍ਤਬ੍ਬਾ ਮਗ੍ਗਾਰਮ੍ਮਣਾਤਿਪਿ, ਮਗ੍ਗਾਧਿਪਤਿਨੋਤਿਪਿ ¶ . ਚਤ੍ਤਾਰੋ ਅਰਿਯਮਗ੍ਗਾ ਨ ਮਗ੍ਗਾਰਮ੍ਮਣਾ, ਮਗ੍ਗਹੇਤੁਕਾ; ਸਿਯਾ ਮਗ੍ਗਾਧਿਪਤਿਨੋ, ਸਿਯਾ ਨ ਵਤ੍ਤਬ੍ਬਾ ਮਗ੍ਗਾਧਿਪਤਿਨੋਤਿ. ਰੂਪਾਵਚਰਚਤੁਤ੍ਥਂ ਝਾਨਂ ਕੁਸਲਤੋ ਚ ਕਿਰਿਯਤੋ ਚ, ਕਿਰਿਯਾਹੇਤੁਕਮਨੋਵਿਞ੍ਞਾਣਧਾਤੁ ਉਪੇਕ੍ਖਾਸਹਗਤਾ – ਇਮੇ ਧਮ੍ਮਾ ਸਿਯਾ ਮਗ੍ਗਾਰਮ੍ਮਣਾ; ਨ ਮਗ੍ਗਹੇਤੁਕਾ, ਨ ਮਗ੍ਗਾਧਿਪਤਿਨੋ; ਸਿਯਾ ਨ ਵਤ੍ਤਬ੍ਬਾ ਮਗ੍ਗਾਰਮ੍ਮਣਾਤਿ. ਕਾਮਾਵਚਰਕੁਸਲਤੋ ਚਤ੍ਤਾਰੋ ਞਾਣਵਿਪ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਸਬ੍ਬਂ ਅਕੁਸਲਂ, ਸਬ੍ਬੋ ਕਾਮਾਵਚਰਸ੍ਸ ਵਿਪਾਕੋ, ਕਿਰਿਯਤੋ ਛ ਚਿਤ੍ਤੁਪ੍ਪਾਦਾ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤੁਤ੍ਥਸ੍ਸ ਝਾਨਸ੍ਸ ਵਿਪਾਕੋ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਨ ਵਤ੍ਤਬ੍ਬਾ ਮਗ੍ਗਾਰਮ੍ਮਣਾਤਿਪਿ, ਮਗ੍ਗਹੇਤੁਕਾਤਿਪਿ, ਮਗ੍ਗਾਧਿਪਤਿਨੋਤਿਪਿ. ਰੂਪਞ੍ਚ ਨਿਬ੍ਬਾਨਞ੍ਚ ਅਨਾਰਮ੍ਮਣਾ.

੧੪੩੦. ਕਤਮੇ ਧਮ੍ਮਾ ਉਪ੍ਪਨ੍ਨਾ? ਚਤੂਸੁ ਭੂਮੀਸੁ ਵਿਪਾਕੋ, ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ – ਇਮੇ ¶ ਧਮ੍ਮਾ ਸਿਯਾ ਉਪ੍ਪਨ੍ਨਾ, ਸਿਯਾ ਉਪ੍ਪਾਦਿਨੋ; ਨ ਵਤ੍ਤਬ੍ਬਾ ਅਨੁਪ੍ਪਨ੍ਨਾਤਿ. ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਯਞ੍ਚ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਸਿਯਾ ਉਪ੍ਪਨ੍ਨਾ, ਸਿਯਾ ਅਨੁਪ੍ਪਨ੍ਨਾ, ਨ ਵਤ੍ਤਬ੍ਬਾ ਉਪ੍ਪਾਦਿਨੋਤਿ. ਨਿਬ੍ਬਾਨਂ ਨ ਵਤ੍ਤਬ੍ਬਂ ਉਪ੍ਪਨ੍ਨਨ੍ਤਿਪਿ, ਅਨੁਪ੍ਪਨ੍ਨਨ੍ਤਿਪਿ, ਉਪ੍ਪਾਦਿਨੋਤਿਪਿ.

੧੪੩੧. ਨਿਬ੍ਬਾਨਂ ਠਪੇਤ੍ਵਾ ਸਬ੍ਬੇ ਧਮ੍ਮਾ ਸਿਯਾ ਅਤੀਤਾ, ਸਿਯਾ ਅਨਾਗਤਾ, ਸਿਯਾ ਪਚ੍ਚੁਪ੍ਪਨ੍ਨਾ. ਨਿਬ੍ਬਾਨਂ ਨ ਵਤ੍ਤਬ੍ਬਂ ਅਤੀਤਨ੍ਤਿਪਿ, ਅਨਾਗਤਨ੍ਤਿਪਿ ¶ , ਪਚ੍ਚੁਪ੍ਪਨ੍ਨਨ੍ਤਿਪਿ.

੧੪੩੨. ਕਤਮੇ ¶ ਧਮ੍ਮਾ ਅਤੀਤਾਰਮ੍ਮਣਾ? ਵਿਞ੍ਞਾਣਞ੍ਚਾਯਤਨਂ, ਨੇਵਸਞ੍ਞਾਨਾਸਞ੍ਞਾਯਤਨਂ – ਇਮੇ ਧਮ੍ਮਾ ਅਤੀਤਾਰਮ੍ਮਣਾ.

੧੪੩੩. ਨਿਯੋਗਾ ਅਨਾਗਤਾਰਮ੍ਮਣਾ ਨਤ੍ਥਿ.

੧੪੩੪. ਕਤਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾਰਮ੍ਮਣਾ? ਦ੍ਵੇਪਞ੍ਚਵਿਞ੍ਞਾਣਾਨਿ, ਤਿਸ੍ਸੋ ਚ ਮਨੋਧਾਤੁਯੋ ¶ – ਇਮੇ ਧਮ੍ਮਾ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਦਸ ਚਿਤ੍ਤੁਪ੍ਪਾਦਾ, ਅਕੁਸਲਸ੍ਸ ਵਿਪਾਕਤੋ ਮਨੋਵਿਞ੍ਞਾਣਧਾਤੁ ਉਪੇਕ੍ਖਾਸਹਗਤਾ, ਕਿਰਿਯਾਹੇਤੁਕਮਨੋਵਿਞ੍ਞਾਣਧਾਤੁ ਸੋਮਨਸ੍ਸਸਹਗਤਾ – ਇਮੇ ਧਮ੍ਮਾ ਸਿਯਾ ਅਤੀਤਾਰਮ੍ਮਣਾ, ਸਿਯਾ ਅਨਾਗਤਾਰਮ੍ਮਣਾ, ਸਿਯਾ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਕਾਮਾਵਚਰਕੁਸਲਂ, ਅਕੁਸਲਂ, ਕਿਰਿਯਤੋ ਨਵ ਚਿਤ੍ਤੁਪ੍ਪਾਦਾ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਕਿਰਿਯਤੋ ਚ – ਇਮੇ ਧਮ੍ਮਾ ਸਿਯਾ ਅਤੀਤਾਰਮ੍ਮਣਾ, ਸਿਯਾ ਅਨਾਗਤਾਰਮ੍ਮਣਾ, ਸਿਯਾ ਪਚ੍ਚੁਪ੍ਪਨ੍ਨਾਰਮ੍ਮਣਾ; ਸਿਯਾ ਨ ਵਤ੍ਤਬ੍ਬਾ ਅਤੀਤਾਰਮ੍ਮਣਾਤਿਪਿ, ਅਨਾਗਤਾਰਮ੍ਮਣਾਤਿਪਿ, ਪਚ੍ਚੁਪ੍ਪਨ੍ਨਾਰਮ੍ਮਣਾਤਿਪਿ. ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤੁਤ੍ਥਸ੍ਸ ਝਾਨਸ੍ਸ ਵਿਪਾਕੋ, ਆਕਾਸਾਨਞ੍ਚਾਯਤਨਂ, ਆਕਿਞ੍ਚਞ੍ਞਾਯਤਨਂ, ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਨ ਵਤ੍ਤਬ੍ਬਾ ਅਤੀਤਾਰਮ੍ਮਣਾਤਿਪਿ, ਅਨਾਗਤਾਰਮ੍ਮਣਾਤਿਪਿ, ਪਚ੍ਚੁਪ੍ਪਨ੍ਨਾਰਮ੍ਮਣਾਤਿਪਿ. ਰੂਪਞ੍ਚ ਨਿਬ੍ਬਾਨਞ੍ਚ ਅਨਾਰਮ੍ਮਣਾ.

੧੪੩੫. ਅਨਿਨ੍ਦ੍ਰਿਯਬਦ੍ਧਰੂਪਞ੍ਚ ਨਿਬ੍ਬਾਨਞ੍ਚ ਠਪੇਤ੍ਵਾ, ਸਬ੍ਬੇ ਧਮ੍ਮਾ ਸਿਯਾ ਅਜ੍ਝਤ੍ਤਾ, ਸਿਯਾ ਬਹਿਦ੍ਧਾ, ਸਿਯਾ ਅਜ੍ਝਤ੍ਤਬਹਿਦ੍ਧਾ. ਅਨਿਨ੍ਦ੍ਰਿਯਬਦ੍ਧਰੂਪਞ੍ਚ ¶ ਨਿਬ੍ਬਾਨਞ੍ਚ ਬਹਿਦ੍ਧਾ.

੧੪੩੬. ਕਤਮੇ ਧਮ੍ਮਾ ਅਜ੍ਝਤ੍ਤਾਰਮ੍ਮਣਾ? ਵਿਞ੍ਞਾਣਞ੍ਚਾਯਤਨਂ, ਨੇਵਸਞ੍ਞਾਨਾਸਞ੍ਞਾਯਤਨਂ – ਇਮੇ ਧਮ੍ਮਾ ਅਜ੍ਝਤ੍ਤਾਰਮ੍ਮਣਾ.

੧੪੩੭. ਕਤਮੇ ਧਮ੍ਮਾ ਬਹਿਦ੍ਧਾਰਮ੍ਮਣਾ? ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ¶ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤੁਤ੍ਥਸ੍ਸ ਝਾਨਸ੍ਸ ਵਿਪਾਕੋ, ਆਕਾਸਾਨਞ੍ਚਾਯਤਨਂ, ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ ਚਤ੍ਤਾਰਿ ਚ ਸਾਮਞ੍ਞਫਲਾਨਿ – ਇਮੇ ਧਮ੍ਮਾ ਬਹਿਦ੍ਧਾਰਮ੍ਮਣਾ. ਰੂਪਂ ਠਪੇਤ੍ਵਾ, ਸਬ੍ਬੇਵ ਕਾਮਾਵਚਰਾ ਕੁਸਲਾਕੁਸਲਾਬ੍ਯਾਕਤਾ ਧਮ੍ਮਾ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਕਿਰਿਯਤੋ ਚ – ਇਮੇ ਧਮ੍ਮਾ ਸਿਯਾ ਅਜ੍ਝਤ੍ਤਾਰਮ੍ਮਣਾ, ਸਿਯਾ ¶ ਬਹਿਦ੍ਧਾਰਮ੍ਮਣਾ, ਸਿਯਾ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ. ਆਕਿਞ੍ਚਞ੍ਞਾਯਤਨਂ ਨ ਵਤ੍ਤਬ੍ਬਂ ਅਜ੍ਝਤ੍ਤਾਰਮ੍ਮਣਨ੍ਤਿਪਿ, ਬਹਿਦ੍ਧਾਰਮ੍ਮਣਨ੍ਤਿਪਿ, ਅਜ੍ਝਤ੍ਤਬਹਿਦ੍ਧਾਰਮ੍ਮਣਨ੍ਤਿਪਿ. ਰੂਪਞ੍ਚ ਨਿਬ੍ਬਾਨਞ੍ਚ ਅਨਾਰਮ੍ਮਣਾ.

੧੪੩੮. ਕਤਮੇ ਧਮ੍ਮਾ ਸਨਿਦਸ੍ਸਨਸਪ੍ਪਟਿਘਾ? ਰੂਪਾਯਤਨਂ – ਇਮੇ ਧਮ੍ਮਾ ਸਨਿਦਸ੍ਸਨਸਪ੍ਪਟਿਘਾ.

੧੪੩੯. ਕਤਮੇ ¶ ਧਮ੍ਮਾ ਅਨਿਦਸ੍ਸਨਸਪ੍ਪਟਿਘਾ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਮੇ ਧਮ੍ਮਾ ਅਨਿਦਸ੍ਸਨਸਪ੍ਪਟਿਘਾ.

੧੪੪੦. ਕਤਮੇ ਧਮ੍ਮਾ ਅਨਿਦਸ੍ਸਨਅਪ੍ਪਟਿਘਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਿਦਸ੍ਸਨਅਪ੍ਪਟਿਘਾ.

ਤਿਕਂ.

ਦੁਕਅਤ੍ਥੁਦ੍ਧਾਰੋ

ਹੇਤੁਗੋਚ੍ਛਕਂ

੧੪੪੧. ਕਤਮੇ ¶ ਧਮ੍ਮਾ ਹੇਤੂ? ਤਯੋ ਕੁਸਲਹੇਤੂ, ਤਯੋ ਅਕੁਸਲਹੇਤੂ, ਤਯੋ ਅਬ੍ਯਾਕਤਹੇਤੂ. ਅਲੋਭੋ ਕੁਸਲਹੇਤੁ, ਅਦੋਸੋ ਕੁਸਲਹੇਤੁ, ਚਤੂਸੁ ਭੂਮੀਸੁ ਕੁਸਲੇਸੁ ਉਪ੍ਪਜ੍ਜਨ੍ਤਿ. ਅਮੋਹੋ ਕੁਸਲਹੇਤੁ, ਕਾਮਾਵਚਰਕੁਸਲਤੋ ਚਤ੍ਤਾਰੋ ਞਾਣਵਿਪ੍ਪਯੁਤ੍ਤੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਚਤੂਸੁ ਭੂਮੀਸੁ ਕੁਸਲੇਸੁ ਉਪ੍ਪਜ੍ਜਤਿ.

ਲੋਭੋ ਅਟ੍ਠਸੁ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਦੋਸੋ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਮੋਹੋ ਸਬ੍ਬਾਕੁਸਲੇਸੁ ਉਪ੍ਪਜ੍ਜਤਿ.

ਅਲੋਭੋ ਵਿਪਾਕਹੇਤੁ ਅਦੋਸੋ ਵਿਪਾਕਹੇਤੁ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਚਤੂਸੁ ਭੂਮੀਸੁ ਵਿਪਾਕੇਸੁ ਉਪ੍ਪਜ੍ਜਨ੍ਤਿ. ਅਮੋਹੋ ਵਿਪਾਕਹੇਤੁ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ¶ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਚਤ੍ਤਾਰੋ ਞਾਣਵਿਪ੍ਪਯੁਤ੍ਤੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਚਤੂਸੁ ਭੂਮੀਸੁ ਵਿਪਾਕੇਸੁ ਉਪ੍ਪਜ੍ਜਤਿ.

ਅਲੋਭੋ ¶ ਕਿਰਿਯਹੇਤੁ ਅਦੋਸੋ ਕਿਰਿਯਹੇਤੁ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਤੀਸੁ ਭੂਮੀਸੁ ਕਿਰਿਯੇਸੁ ਉਪ੍ਪਜ੍ਜਨ੍ਤਿ ¶ . ਅਮੋਹੋ ਕਿਰਿਯਹੇਤੁ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਚਤ੍ਤਾਰੋ ਞਾਣਵਿਪ੍ਪਯੁਤ੍ਤੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ, ਤੀਸੁ ਭੂਮੀਸੁ ਕਿਰਿਯੇਸੁ ਉਪ੍ਪਜ੍ਜਤਿ – ਇਮੇ ਧਮ੍ਮਾ ਹੇਤੂ.

੧੪੪੨. ਕਤਮੇ ਧਮ੍ਮਾ ਨ ਹੇਤੂ? ਠਪੇਤ੍ਵਾ ਹੇਤੂ, ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਹੇਤੂ.

੧੪੪੩. ਕਤਮੇ ਧਮ੍ਮਾ ਸਹੇਤੁਕਾ? ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਠਪੇਤ੍ਵਾ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਕਾਮਾਵਚਰਸ੍ਸ ¶ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਚਤੂਸੁ ਭੂਮੀਸੁ ਵਿਪਾਕੋ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ – ਇਮੇ ਧਮ੍ਮਾ ਸਹੇਤੁਕਾ.

੧੪੪੪. ਕਤਮੇ ਧਮ੍ਮਾ ਅਹੇਤੁਕਾ? ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਮੋਹੋ, ਦ੍ਵੇਪਞ੍ਚਵਿਞ੍ਞਾਣਾਨਿ, ਤਿਸ੍ਸੋ ਚ ਮਨੋਧਾਤੁਯੋ, ਪਞ੍ਚ ਚ ਅਹੇਤੁਕਮਨੋਵਿਞ੍ਞਾਣਧਾਤੁਯੋ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਹੇਤੁਕਾ.

੧੪੪੫. ਕਤਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ? ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਠਪੇਤ੍ਵਾ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਚਤੂਸੁ ਭੂਮੀਸੁ ਵਿਪਾਕੋ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ – ਇਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ.

੧੪੪੬. ਕਤਮੇ ਧਮ੍ਮਾ ਹੇਤੁਵਿਪ੍ਪਯੁਤ੍ਤਾ? ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਮੋਹੋ, ਦ੍ਵੇਪਞ੍ਚਵਿਞ੍ਞਾਣਾਨਿ ਤਿਸ੍ਸੋ ਚ ਮਨੋਧਾਤੁਯੋ ਪਞ੍ਚ ਚ ਅਹੇਤੁਕਮਨੋਵਿਞ੍ਞਾਣਧਾਤੁਯੋ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਹੇਤੁਵਿਪ੍ਪਯੁਤ੍ਤਾ.

੧੪੪੭. ਕਤਮੇ ¶ ¶ ਧਮ੍ਮਾ ਹੇਤੂ ਚੇਵ ਸਹੇਤੁਕਾ ਚ? ਯਤ੍ਥ ਦ੍ਵੇ ਤਯੋ ਹੇਤੂ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਹੇਤੂ ਚੇਵ ਸਹੇਤੁਕਾ ਚ.

੧੪੪੮. ਕਤਮੇ ਧਮ੍ਮਾ ਸਹੇਤੁਕਾ ਚੇਵ ਨ ਚ ਹੇਤੂ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਚਤੂਸੁ ਭੂਮੀਸੁ ¶ ਵਿਪਾਕੋ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਏਤ੍ਥੁਪ੍ਪਨ੍ਨੇ ਹੇਤੂ ਠਪੇਤ੍ਵਾ – ਇਮੇ ਧਮ੍ਮਾ ਸਹੇਤੁਕਾ ਚੇਵ ਨ ਚ ਹੇਤੂ. ਅਹੇਤੁਕਾ ਧਮ੍ਮਾ ਨ ਵਤ੍ਤਬ੍ਬਾ – ਹੇਤੂ ਚੇਵ ਸਹੇਤੁਕਾ ਚਾਤਿਪਿ, ਸਹੇਤੁਕਾ ਚੇਵ ਨ ਚ ਹੇਤੂਤਿਪਿ.

੧੪੪੯. ਕਤਮੇ ¶ ਧਮ੍ਮਾ ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ? ਯਤ੍ਥ ਦ੍ਵੇ ਤਯੋ ਹੇਤੂ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚ.

੧੪੫੦. ਕਤਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਚਤੂਸੁ ਭੂਮੀਸੁ ਵਿਪਾਕੋ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਏਤ੍ਥੁਪ੍ਪਨ੍ਨੇ ਹੇਤੂ ਠਪੇਤ੍ਵਾ – ਇਮੇ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂ. ਹੇਤੁਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਹੇਤੂ ਚੇਵ ਹੇਤੁਸਮ੍ਪਯੁਤ੍ਤਾ ਚਾਤਿਪਿ, ਹੇਤੁਸਮ੍ਪਯੁਤ੍ਤਾ ਚੇਵ ਨ ਚ ਹੇਤੂਤਿਪਿ.

੧੪੫੧. ਕਤਮੇ ਧਮ੍ਮਾ ਨ ਹੇਤੂ ਸਹੇਤੁਕਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਕਾਮਾਵਚਰਸ੍ਸ ਵਿਪਾਕਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਚਤੂਸੁ ਭੂਮੀਸੁ ਵਿਪਾਕੋ, ਕਾਮਾਵਚਰਕਿਰਿਯਤੋ ਅਹੇਤੁਕੇ ਚਿਤ੍ਤੁਪ੍ਪਾਦੇ ਠਪੇਤ੍ਵਾ ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਏਤ੍ਥੁਪ੍ਪਨ੍ਨੇ ਹੇਤੂ ਠਪੇਤ੍ਵਾ – ਇਮੇ ਧਮ੍ਮਾ ਨ ਹੇਤੂ ਸਹੇਤੁਕਾ.

੧੪੫੨. ਕਤਮੇ ਧਮ੍ਮਾ ਨ ਹੇਤੂ ਅਹੇਤੁਕਾ? ਦ੍ਵੇਪਞ੍ਚਵਿਞ੍ਞਾਣਾਨਿ, ਤਿਸ੍ਸੋ ਚ ਮਨੋਧਾਤੁਯੋ, ਪਞ੍ਚ ਚ ਅਹੇਤੁਕਮਨੋਵਿਞ੍ਞਾਣਧਾਤੁਯੋ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਹੇਤੂ ਅਹੇਤੁਕਾ ¶ . ਹੇਤੂ ਧਮ੍ਮਾ ਨ ਵਤ੍ਤਬ੍ਬਾ – ਨ ਹੇਤੂ ਸਹੇਤੁਕਾਤਿਪਿ, ਨ ਹੇਤੂ ਅਹੇਤੁਕਾਤਿਪਿ.

ਚੂਲ਼ਨ੍ਤਰਦੁਕਂ

੧੪੫੩. ਕਤਮੇ ¶ ¶ ਧਮ੍ਮਾ ਸਪ੍ਪਚ੍ਚਯਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਪ੍ਪਚ੍ਚਯਾ.

੧੪੫੪. ਕਤਮੇ ਧਮ੍ਮਾ ਅਪ੍ਪਚ੍ਚਯਾ? ਨਿਬ੍ਬਾਨਂ – ਇਮੇ ਧਮ੍ਮਾ ਅਪ੍ਪਚ੍ਚਯਾ.

੧੪੫੫. ਕਤਮੇ ਧਮ੍ਮਾ ਸਙ੍ਖਤਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਙ੍ਖਤਾ.

੧੪੫੬. ਕਤਮੇ ਧਮ੍ਮਾ ਅਸਙ੍ਖਤਾ? ਨਿਬ੍ਬਾਨਂ – ਇਮੇ ਧਮ੍ਮਾ ਅਸਙ੍ਖਤਾ.

੧੪੫੭. ਕਤਮੇ ਧਮ੍ਮਾ ਸਨਿਦਸ੍ਸਨਾ? ਰੂਪਾਯਤਨਂ – ਇਮੇ ਧਮ੍ਮਾ ਸਨਿਦਸ੍ਸਨਾ.

੧੪੫੮. ਕਤਮੇ ਧਮ੍ਮਾ ਅਨਿਦਸ੍ਸਨਾ? ਚਕ੍ਖਾਯਤਨਂ ¶ …ਪੇ… ਫੋਟ੍ਠਬ੍ਬਾਯਤਨਂ, ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਿਦਸ੍ਸਨਾ.

੧੪੫੯. ਕਤਮੇ ਧਮ੍ਮਾ ਸਪ੍ਪਟਿਘਾ? ਚਕ੍ਖਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ – ਇਮੇ ਧਮ੍ਮਾ ਸਪ੍ਪਟਿਘਾ.

੧੪੬੦. ਕਤਮੇ ਧਮ੍ਮਾ ਅਪ੍ਪਟਿਘਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਨਿਬ੍ਬਾਨਞ੍ਚ ¶ – ਇਮੇ ਧਮ੍ਮਾ ਅਪ੍ਪਟਿਘਾ.

੧੪੬੧. ਕਤਮੇ ਧਮ੍ਮਾ ਰੂਪਿਨੋ? ਚਤ੍ਤਾਰੋ ਚ ਮਹਾਭੂਤਾ, ਚਤੁਨ੍ਨਞ੍ਚ ਮਹਾਭੂਤਾਨਂ ਉਪਾਦਾਯ ਰੂਪਂ – ਇਮੇ ਧਮ੍ਮਾ ਰੂਪਿਨੋ.

੧੪੬੨. ਕਤਮੇ ¶ ਧਮ੍ਮਾ ਅਰੂਪਿਨੋ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਰੂਪਿਨੋ.

੧੪੬੩. ਕਤਮੇ ¶ ਧਮ੍ਮਾ ਲੋਕਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਲੋਕਿਯਾ.

੧੪੬੪. ਕਤਮੇ ਧਮ੍ਮਾ ਲੋਕੁਤ੍ਤਰਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਲੋਕੁਤ੍ਤਰਾ. ਸਬ੍ਬੇ [ਸਬ੍ਬੇਵ (ਸ੍ਯਾ.)] ਧਮ੍ਮਾ ਕੇਨਚਿ ਵਿਞ੍ਞੇਯ੍ਯਾ, ਕੇਨਚਿ ਨ ਵਿਞ੍ਞੇਯ੍ਯਾ.

ਆਸਵਗੋਚ੍ਛਕਂ

੧੪੬੫. ਕਤਮੇ ਧਮ੍ਮਾ ਆਸਵਾ? ਚਤ੍ਤਾਰੋ ਆਸਵਾ – ਕਾਮਾਸਵੋ, ਭਵਾਸਵੋ, ਦਿਟ੍ਠਾਸਵੋ, ਅਵਿਜ੍ਜਾਸਵੋ. ਕਾਮਾਸਵੋ ਅਟ੍ਠਸੁ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ ਭਵਾਸਵੋ ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ ਦਿਟ੍ਠਾਸਵੋ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਅਵਿਜ੍ਜਾਸਵੋ ਸਬ੍ਬਾਕੁਸਲੇਸੁ ਉਪ੍ਪਜ੍ਜਤਿ – ਇਮੇ ਧਮ੍ਮਾ ਆਸਵਾ.

੧੪੬੬. ਕਤਮੇ ਧਮ੍ਮਾ ਨੋ ਆਸਵਾ? ਠਪੇਤ੍ਵਾ ਆਸਵੇ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ ¶ , ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ¶ ਧਮ੍ਮਾ ਨੋ ਆਸਵਾ.

੧੪੬੭. ਕਤਮੇ ਧਮ੍ਮਾ ਸਾਸਵਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਾਸਵਾ.

੧੪੬੮. ਕਤਮੇ ਧਮ੍ਮਾ ਅਨਾਸਵਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਾਸਵਾ.

੧੪੬੯. ਕਤਮੇ ¶ ਧਮ੍ਮਾ ਆਸਵਸਮ੍ਪਯੁਤ੍ਤਾ? ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ ਏਤ੍ਥੁਪ੍ਪਨ੍ਨਂ ਮੋਹਂ ਠਪੇਤ੍ਵਾ, ਵਿਚਿਕਿਚ੍ਛਾਸਹਗਤਂ ਉਦ੍ਧਚ੍ਚਸਹਗਤਂ ਮੋਹਂ ਠਪੇਤ੍ਵਾ, ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਆਸਵਸਮ੍ਪਯੁਤ੍ਤਾ.

੧੪੭੦. ਕਤਮੇ ¶ ਧਮ੍ਮਾ ਆਸਵਵਿਪ੍ਪਯੁਤ੍ਤਾ? ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਮੋਹੋ, ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਮੋਹੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ.

੧੪੭੧. ਕਤਮੇ ਧਮ੍ਮਾ ਆਸਵਾ ਚੇਵ ਸਾਸਵਾ ਚ? ਤੇਵ ਆਸਵਾ ਆਸਵਾ ਚੇਵ ਸਾਸਵਾ ਚ.

੧੪੭੨. ਕਤਮੇ ਧਮ੍ਮਾ ਸਾਸਵਾ ਚੇਵ ਨੋ ਚ ਆਸਵਾ? ਠਪੇਤ੍ਵਾ ਆਸਵੇ, ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਾਸਵਾ ਚੇਵ ਨੋ ਚ ਆਸਵਾ. ਅਨਾਸਵਾ ਧਮ੍ਮਾ ਨ ਵਤ੍ਤਬ੍ਬਾ – ਆਸਵਾ ਚੇਵ ਸਾਸਵਾ ਚਾਤਿਪਿ, ਸਾਸਵਾ ਚੇਵ ਨੋ ਚ ਆਸਵਾਤਿਪਿ.

੧੪੭੩. ਕਤਮੇ ¶ ਧਮ੍ਮਾ ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ? ਯਤ੍ਥ ਦ੍ਵੇ ਤਯੋ ਆਸਵਾ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ.

੧੪੭੪. ਕਤਮੇ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ? ਠਪੇਤ੍ਵਾ ਆਸਵੇ, ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ. ਆਸਵਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚਾਤਿਪਿ, ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾਤਿਪਿ.

੧੪੭੫. ਕਤਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਸਾਸਵਾ? ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਮੋਹੋ, ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਮੋਹੋ, ਤੀਸੁ ਭੂਮੀਸੁ ¶ ¶ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਸਾਸਵਾ.

੧੪੭੬. ਕਤਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਅਨਾਸਵਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਆਸਵਵਿਪ੍ਪਯੁਤ੍ਤਾ ਅਨਾਸਵਾ. ਆਸਵਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਆਸਵਵਿਪ੍ਪਯੁਤ੍ਤਾ ਸਾਸਵਾਤਿਪਿ, ਆਸਵਵਿਪ੍ਪਯੁਤ੍ਤਾ ਅਨਾਸਵਾਤਿਪਿ.

ਸਂਯੋਜਨਗੋਚ੍ਛਕਂ

੧੪੭੭. ਕਤਮੇ ¶ ਧਮ੍ਮਾ ਸਂਯੋਜਨਾ? ਦਸ ਸਂਯੋਜਨਾਨਿ – ਕਾਮਰਾਗਸਂਯੋਜਨਂ, ਪਟਿਘਸਂਯੋਜਨਂ, ਮਾਨਸਂਯੋਜਨਂ, ਦਿਟ੍ਠਿਸਂਯੋਜਨਂ, ਵਿਚਿਕਿਚ੍ਛਾਸਂਯੋਜਨਂ, ਸੀਲਬ੍ਬਤਪਰਾਮਾਸਸਂਯੋਜਨਂ, ਭਵਰਾਗਸਂਯੋਜਨਂ, ਇਸ੍ਸਾਸਂਯੋਜਨਂ, ਮਚ੍ਛਰਿਯਸਂਯੋਜਨਂ, ਅਵਿਜ੍ਜਾਸਂਯੋਜਨਂ. ਕਾਮਰਾਗਸਂਯੋਜਨਂ ਅਟ੍ਠਸੁ ¶ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਪਟਿਘਸਂਯੋਜਨਂ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਮਾਨਸਂਯੋਜਨਂ ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਦਿਟ੍ਠਿਸਂਯੋਜਨਂ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਸੀਲਬ੍ਬਤਪਰਾਮਾਸਸਂਯੋਜਨਂ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਭਵਰਾਗਸਂਯੋਜਨਂ ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਇਸ੍ਸਾਸਂਯੋਜਨਞ੍ਚ ਮਚ੍ਛਰਿਯਸਂਯੋਜਨਞ੍ਚ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਨ੍ਤਿ. ਅਵਿਜ੍ਜਾਸਂਯੋਜਨਂ ਸਬ੍ਬਾਕੁਸਲੇਸੁ ਉਪ੍ਪਜ੍ਜਤਿ – ਇਮੇ ਧਮ੍ਮਾ ਸਂਯੋਜਨਾ.

੧੪੭੮. ਕਤਮੇ ਧਮ੍ਮਾ ਨੋ ਸਂਯੋਜਨਾ. ਠਪੇਤ੍ਵਾ ਸਂਯੋਜਨੇ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਸਂਯੋਜਨਾ.

੧੪੭੯. ਕਤਮੇ ਧਮ੍ਮਾ ਸਂਯੋਜਨਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਂਯੋਜਨਿਯਾ.

੧੪੮੦. ਕਤਮੇ ¶ ਧਮ੍ਮਾ ਅਸਂਯੋਜਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਸਂਯੋਜਨਿਯਾ.

੧੪੮੧. ਕਤਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ? ਉਦ੍ਧਚ੍ਚਸਹਗਤਂ ¶ ਮੋਹਂ ਠਪੇਤ੍ਵਾ ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ.

੧੪੮੨. ਕਤਮੇ ¶ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ? ਉਦ੍ਧਚ੍ਚਸਹਗਤੋ ਮੋਹੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ.

੧੪੮੩. ਕਤਮੇ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਿਯਾ ਚ? ਤਾਨੇਵ ਸਂਯੋਜਨਾਨਿ ਸਂਯੋਜਨਾ ਚੇਵ ਸਂਯੋਜਨਿਯਾ ਚ.

੧੪੮੪. ਕਤਮੇ ¶ ਧਮ੍ਮਾ ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾ? ਠਪੇਤ੍ਵਾ ਸਂਯੋਜਨੇ ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾ. ਅਸਂਯੋਜਨਿਯਾ ਧਮ੍ਮਾ ਨ ਵਤ੍ਤਬ੍ਬਾ – ਸਂਯੋਜਨਾ ਚੇਵ ਸਂਯੋਜਨਿਯਾ ਚਾਤਿਪਿ, ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾਤਿਪਿ.

੧੪੮੫. ਕਤਮੇ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚ? ਯਤ੍ਥ ਦ੍ਵੇ ਤੀਣਿ ਸਂਯੋਜਨਾਨਿ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚ.

੧੪੮੬. ਕਤਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾ? ਠਪੇਤ੍ਵਾ ਸਂਯੋਜਨੇ, ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾ. ਸਂਯੋਜਨਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚਾਤਿਪਿ, ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾਤਿਪਿ.

੧੪੮੭. ਕਤਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾ? ਉਦ੍ਧਚ੍ਚਸਹਗਤੋ ਮੋਹੋ, ਤੀਸੁ ਭੂਮੀਸੁ ¶ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ¶ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾ.

੧੪੮੮. ਕਤਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾ. ਸਂਯੋਜਨਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾਤਿਪਿ, ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾਤਿਪਿ.

ਗਨ੍ਥਗੋਚ੍ਛਕਂ

੧੪੮੯. ਕਤਮੇ ਧਮ੍ਮਾ ਗਨ੍ਥਾ? ਚਤ੍ਤਾਰੋ ¶ ਗਨ੍ਥਾ – ਅਭਿਜ੍ਝਾਕਾਯਗਨ੍ਥੋ, ਬ੍ਯਾਪਾਦੋ ਕਾਯਗਨ੍ਥੋ, ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ, ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ. ਅਭਿਜ੍ਝਾਕਾਯਗਨ੍ਥੋ ਅਟ੍ਠਸੁ ਲੋਭਸਹਗਤੇਸੁ ¶ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਬ੍ਯਾਪਾਦੋ ਕਾਯਗਨ੍ਥੋ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਸੀਲਬ੍ਬਤਪਰਾਮਾਸੋ ਕਾਯਗਨ੍ਥੋ ਚ ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋ ਚ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਗਨ੍ਥਾ.

੧੪੯੦. ਕਤਮੇ ਧਮ੍ਮਾ ਨੋ ਗਨ੍ਥਾ? ਠਪੇਤ੍ਵਾ ਗਨ੍ਥੇ, ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਗਨ੍ਥਾ.

੧੪੯੧. ਕਤਮੇ ਧਮ੍ਮਾ ਗਨ੍ਥਨਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਗਨ੍ਥਨਿਯਾ.

੧੪੯੨. ਕਤਮੇ ਧਮ੍ਮਾ ਅਗਨ੍ਥਨਿਯਾ? ਚਤ੍ਤਾਰੋ ਮਗ੍ਗਾ ¶ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਗਨ੍ਥਨਿਯਾ.

੧੪੯੩. ਕਤਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ ¶ , ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨਂ ਲੋਭਂ ਠਪੇਤ੍ਵਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨਂ ਪਟਿਘਂ ਠਪੇਤ੍ਵਾ – ਇਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ.

੧੪੯੪. ਕਤਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ? ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਲੋਭੋ, ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨਂ ਪਟਿਘਂ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ.

੧੪੯੫. ਕਤਮੇ ਧਮ੍ਮਾ ਗਨ੍ਥਾ ਚੇਵ ਗਨ੍ਥਨਿਯਾ ਚ? ਤੇਵ ਗਨ੍ਥਾ ਗਨ੍ਥਾ ਚੇਵ ਗਨ੍ਥਨਿਯਾ ਚ.

੧੪੯੬. ਕਤਮੇ ਧਮ੍ਮਾ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ? ਠਪੇਤ੍ਵਾ ਗਨ੍ਥੇ ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ. ਅਗਨ੍ਥਨਿਯਾ ¶ ਧਮ੍ਮਾ ਨ ਵਤ੍ਤਬ੍ਬਾ – ਗਨ੍ਥਾ ਚੇਵ ਗਨ੍ਥਨਿਯਾ ਚਾਤਿਪਿ, ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾਤਿਪਿ.

੧੪੯੭. ਕਤਮੇ ¶ ਧਮ੍ਮਾ ਗਨ੍ਥਾ ਚੇਵ ਗਨ੍ਥਸਮ੍ਪਯੁਤ੍ਤਾ ਚ? ਯਤ੍ਥ ਦਿਟ੍ਠਿ ਚ ਲੋਭੋ ਚ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਗਨ੍ਥਾ ਚੇਵ ਗਨ੍ਥਸਮ੍ਪਯੁਤ੍ਤਾ ¶ ਚ.

੧੪੯੮. ਕਤਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ? ਅਟ੍ਠ ਲੋਭਸਹਗਤਚਿਤ੍ਤੁਪ੍ਪਾਦਾ ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨੇ ਗਨ੍ਥੇ ਠਪੇਤ੍ਵਾ – ਇਮੇ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ. ਗਨ੍ਥਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਗਨ੍ਥਾ ਚੇਵ ਗਨ੍ਥਸਮ੍ਪਯੁਤ੍ਤਾ ਚਾਤਿਪਿ, ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾਤਿਪਿ.

੧੪੯੯. ਕਤਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ? ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਲੋਭੋ, ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨਂ ਪਟਿਘਂ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ¶ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ.

੧੫੦੦. ਕਤਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ. ਗਨ੍ਥਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾਤਿਪਿ, ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾਤਿਪਿ.

ਓਘਗੋਚ੍ਛਕਂ

੧੫੦੧. ਕਤਮੇ ਧਮ੍ਮਾ ਓਘਾ…ਪੇ….

ਯੋਗਗੋਚ੍ਛਕਂ

੧੫੦੨. ਕਤਮੇ ਧਮ੍ਮਾ ਯੋਗਾ…ਪੇ….

ਨੀਵਰਣਗੋਚ੍ਛਕਂ

੧੫੦੩. ਕਤਮੇ ਧਮ੍ਮਾ ਨੀਵਰਣਾ? ਛ ਨੀਵਰਣਾ – ਕਾਮਚ੍ਛਨ੍ਦਨੀਵਰਣਂ, ਬ੍ਯਾਪਾਦਨੀਵਰਣਂ, ਥਿਨਮਿਦ੍ਧਨੀਵਰਣਂ, ਉਦ੍ਧਚ੍ਚਕੁਕ੍ਕੁਚ੍ਚਨੀਵਰਣਂ, ਵਿਚਿਕਿਚ੍ਛਾਨੀਵਰਣਂ, ਅਵਿਜ੍ਜਾਨੀਵਰਣਂ ¶ . ਕਾਮਚ੍ਛਨ੍ਦਨੀਵਰਣਂ ਅਟ੍ਠਸੁ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ¶ ਉਪ੍ਪਜ੍ਜਤਿ, ਬ੍ਯਾਪਾਦਨੀਵਰਣਂ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ, ਥਿਨਮਿਦ੍ਧਨੀਵਰਣਂ ਸਸਙ੍ਖਾਰਿਕੇਸੁ ਅਕੁਸਲੇਸੁ ਉਪ੍ਪਜ੍ਜਤਿ, ਉਦ੍ਧਚ੍ਚਨੀਵਰਣਂ ਉਦ੍ਧਚ੍ਚਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ, ਕੁਕ੍ਕੁਚ੍ਚਨੀਵਰਣਂ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ, ਵਿਚਿਕਿਚ੍ਛਾਨੀਵਰਣਂ ਵਿਚਿਕਿਚ੍ਛਾਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ, ਅਵਿਜ੍ਜਾਨੀਵਰਣਂ ¶ ਸਬ੍ਬਾਕੁਸਲੇਸੁ ਉਪ੍ਪਜ੍ਜਤਿ – ਇਮੇ ਧਮ੍ਮਾ ਨੀਵਰਣਾ.

੧੫੦੪. ਕਤਮੇ ਧਮ੍ਮਾ ਨੋ ਨੀਵਰਣਾ? ਠਪੇਤ੍ਵਾ ਨੀਵਰਣੇ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਨੀਵਰਣਾ.

੧੫੦੫. ਕਤਮੇ ¶ ਧਮ੍ਮਾ ਨੀਵਰਣਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਨੀਵਰਣਿਯਾ.

੧੫੦੬. ਕਤਮੇ ਧਮ੍ਮਾ ਅਨੀਵਰਣਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨੀਵਰਣਿਯਾ.

੧੫੦੭. ਕਤਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ.

੧੫੦੮. ਕਤਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ? ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ.

੧੫੦੯. ਕਤਮੇ ਧਮ੍ਮਾ ਨੀਵਰਣਾ ਚੇਵ ਨੀਵਰਣਿਯਾ ਚ? ਤਾਨੇਵ ਨੀਵਰਣਾਨਿ ¶ ਨੀਵਰਣਾ ਚੇਵ ਨੀਵਰਣਿਯਾ ਚ.

੧੫੧੦. ਕਤਮੇ ਧਮ੍ਮਾ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ? ਠਪੇਤ੍ਵਾ ਨੀਵਰਣੇ, ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ. ਅਨੀਵਰਣਿਯਾ ਧਮ੍ਮਾ ਨ ਵਤ੍ਤਬ੍ਬਾ – ਨੀਵਰਣਾ ਚੇਵ ਨੀਵਰਣਿਯਾ ਚਾਤਿਪਿ, ਨੀਵਰਣਿਯਾ ਚੇਵ ਨੋ ਚ ਨੀਵਰਣਾਤਿਪਿ.

੧੫੧੧. ਕਤਮੇ ¶ ਧਮ੍ਮਾ ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ? ਯਤ੍ਥ ਦ੍ਵੇ ਤੀਣਿ ਨੀਵਰਣਾਨਿ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ.

੧੫੧੨. ਕਤਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ? ਠਪੇਤ੍ਵਾ ਨੀਵਰਣੇ, ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ. ਨੀਵਰਣਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ¶ ਚਾਤਿਪਿ, ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾਤਿਪਿ.

੧੫੧੩. ਕਤਮੇ ¶ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ? ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ.

੧੫੧੪. ਕਤਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ. ਨੀਵਰਣਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾਤਿਪਿ, ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾਤਿਪਿ.

ਪਰਾਮਾਸਗੋਚ੍ਛਕਂ

੧੫੧੫. ਕਤਮੇ ¶ ਧਮ੍ਮਾ ਪਰਾਮਾਸਾ? ਦਿਟ੍ਠਿਪਰਾਮਾਸੋ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ – ਇਮੇ ਧਮ੍ਮਾ ਪਰਾਮਾਸਾ.

੧੫੧੬. ਕਤਮੇ ਧਮ੍ਮਾ ਨੋ ਪਰਾਮਾਸਾ? ਠਪੇਤ੍ਵਾ ਪਰਾਮਾਸਂ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਪਰਾਮਾਸਾ.

੧੫੧੭. ਕਤਮੇ ਧਮ੍ਮਾ ਪਰਾਮਟ੍ਠਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਪਰਾਮਟ੍ਠਾ.

੧੫੧੮. ਕਤਮੇ ¶ ਧਮ੍ਮਾ ਅਪਰਾਮਟ੍ਠਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਪਰਾਮਟ੍ਠਾ.

੧੫੧੯. ਕਤਮੇ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨਂ ਪਰਾਮਾਸਂ ਠਪੇਤ੍ਵਾ – ਇਮੇ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਾ.

੧੫੨੦. ਕਤਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ? ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ ¶ , ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ. ਪਰਾਮਾਸੋ ਨ ਵਤ੍ਤਬ੍ਬੋ – ਪਰਾਮਾਸਸਮ੍ਪਯੁਤ੍ਤੋਤਿਪਿ, ਪਰਾਮਾਸਵਿਪ੍ਪਯੁਤ੍ਤੋਤਿਪਿ.

੧੫੨੧. ਕਤਮੇ ਧਮ੍ਮਾ ਪਰਾਮਾਸਾ ਚੇਵ ਪਰਾਮਟ੍ਠਾ ਚ? ਸੋ ¶ ਏਵ ਪਰਾਮਾਸੋ ¶ ਪਰਾਮਾਸੋ ਚੇਵ ਪਰਾਮਟ੍ਠੋ ਚ.

੧੫੨੨. ਕਤਮੇ ਧਮ੍ਮਾ ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ? ਠਪੇਤ੍ਵਾ ਪਰਾਮਾਸਂ ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ. ਅਪਰਾਮਟ੍ਠਾ ਧਮ੍ਮਾ ਨ ਵਤ੍ਤਬ੍ਬਾ – ਪਰਾਮਾਸਾ ਚੇਵ ਪਰਾਮਟ੍ਠਾ ਚਾਤਿਪਿ, ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾਤਿਪਿ.

੧੫੨੩. ਕਤਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ? ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ.

੧੫੨੪. ਕਤਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ. ਪਰਾਮਾਸਾ ਚ ਪਰਾਮਾਸਸਮ੍ਪਯੁਤ੍ਤਾ ਚ ਧਮ੍ਮਾ ਨ ਵਤ੍ਤਬ੍ਬਾ – ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾਤਿਪਿ, ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾਤਿਪਿ.

ਮਹਨ੍ਤਰਦੁਕਂ

੧੫੨੫. ਕਤਮੇ ¶ ਧਮ੍ਮਾ ਸਾਰਮ੍ਮਣਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ – ਇਮੇ ਧਮ੍ਮਾ ਸਾਰਮ੍ਮਣਾ.

੧੫੨੬. ਕਤਮੇ ¶ ਧਮ੍ਮਾ ਅਨਾਰਮ੍ਮਣਾ? ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ¶ ਧਮ੍ਮਾ ਅਨਾਰਮ੍ਮਣਾ.

੧੫੨੭. ਕਤਮੇ ਧਮ੍ਮਾ ਚਿਤ੍ਤਾ? ਚਕ੍ਖੁਵਿਞ੍ਞਾਣਂ, ਸੋਤਵਿਞ੍ਞਾਣਂ, ਘਾਨਵਿਞ੍ਞਾਣਂ, ਜਿਵ੍ਹਾਵਿਞ੍ਞਾਣਂ, ਕਾਯਵਿਞ੍ਞਾਣਂ, ਮਨੋਧਾਤੁ, ਮਨੋਵਿਞ੍ਞਾਣਧਾਤੁ – ਇਮੇ ਧਮ੍ਮਾ ਚਿਤ੍ਤਾ.

੧੫੨੮. ਕਤਮੇ ਧਮ੍ਮਾ ਨੋ ਚਿਤ੍ਤਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਾ.

੧੫੨੯. ਕਤਮੇ ਧਮ੍ਮਾ ਚੇਤਸਿਕਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚੇਤਸਿਕਾ.

੧੫੩੦. ਕਤਮੇ ਧਮ੍ਮਾ ਅਚੇਤਸਿਕਾ? ਚਿਤ੍ਤਞ੍ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਚੇਤਸਿਕਾ.

੧੫੩੧. ਕਤਮੇ ¶ ਧਮ੍ਮਾ ਚਿਤ੍ਤਸਮ੍ਪਯੁਤ੍ਤਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਮ੍ਪਯੁਤ੍ਤਾ.

੧੫੩੨. ਕਤਮੇ ਧਮ੍ਮਾ ਚਿਤ੍ਤਵਿਪ੍ਪਯੁਤ੍ਤਾ? ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਚਿਤ੍ਤਵਿਪ੍ਪਯੁਤ੍ਤਾ. ਚਿਤ੍ਤਂ ਨ ਵਤ੍ਤਬ੍ਬਂ – ਚਿਤ੍ਤੇਨ ਸਮ੍ਪਯੁਤ੍ਤਨ੍ਤਿਪਿ, ਚਿਤ੍ਤੇਨ ਵਿਪ੍ਪਯੁਤ੍ਤਨ੍ਤਿਪਿ.

੧੫੩੩. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਾ.

੧੫੩੪. ਕਤਮੇ ਧਮ੍ਮਾ ਚਿਤ੍ਤਵਿਸਂਸਟ੍ਠਾ? ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਚਿਤ੍ਤਵਿਸਂਸਟ੍ਠਾ. ਚਿਤ੍ਤਂ ਨ ਵਤ੍ਤਬ੍ਬਂ – ਚਿਤ੍ਤੇਨ ਸਂਸਟ੍ਠਨ੍ਤਿਪਿ, ਚਿਤ੍ਤੇਨ ਵਿਸਂਸਟ੍ਠਨ੍ਤਿਪਿ.

੧੫੩੫. ਕਤਮੇ ਧਮ੍ਮਾ ਚਿਤ੍ਤਸਮੁਟ੍ਠਾਨਾ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ, ਯਂ ਵਾ ਪਨਞ੍ਞਮ੍ਪਿ ਅਤ੍ਥਿ ਰੂਪਂ ਚਿਤ੍ਤਜਂ ਚਿਤ੍ਤਹੇਤੁਕਂ ¶ ਚਿਤ੍ਤਸਮੁਟ੍ਠਾਨਂ ¶ – ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ¶ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਆਕਾਸਧਾਤੁ ਆਪੋਧਾਤੁ ਰੂਪਸ੍ਸ ਲਹੁਤਾ ਰੂਪਸ੍ਸ ਮੁਦੁਤਾ ਰੂਪਸ੍ਸ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ – ਇਮੇ ਧਮ੍ਮਾ ਚਿਤ੍ਤਸਮੁਟ੍ਠਾਨਾ.

੧੫੩੬. ਕਤਮੇ ਧਮ੍ਮਾ ਨੋ ਚਿਤ੍ਤਸਮੁਟ੍ਠਾਨਾ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਸਮੁਟ੍ਠਾਨਾ.

੧੫੩੭. ਕਤਮੇ ਧਮ੍ਮਾ ਚਿਤ੍ਤਸਹਭੁਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ – ਇਮੇ ਧਮ੍ਮਾ ਚਿਤ੍ਤਸਹਭੁਨੋ.

੧੫੩੮. ਕਤਮੇ ਧਮ੍ਮਾ ਨੋ ਚਿਤ੍ਤਸਹਭੁਨੋ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਸਹਭੁਨੋ.

੧੫੩੯. ਕਤਮੇ ਧਮ੍ਮਾ ਚਿਤ੍ਤਾਨੁਪਰਿਵਤ੍ਤਿਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ, ਕਾਯਵਿਞ੍ਞਤ੍ਤਿ, ਵਚੀਵਿਞ੍ਞਤ੍ਤਿ – ਇਮੇ ਧਮ੍ਮਾ ਚਿਤ੍ਤਾਨੁਪਰਿਵਤ੍ਤਿਨੋ.

੧੫੪੦. ਕਤਮੇ ਧਮ੍ਮਾ ਨੋ ਚਿਤ੍ਤਾਨੁਪਰਿਵਤ੍ਤਿਨੋ? ਚਿਤ੍ਤਞ੍ਚ, ਅਵਸੇਸਞ੍ਚ ਰੂਪਂ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਾਨੁਪਰਿਵਤ੍ਤਿਨੋ.

੧੫੪੧. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾ? ਵੇਦਨਾਕ੍ਖਨ੍ਧੋ ¶ , ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾ.

੧੫੪੨. ਕਤਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ? ਚਿਤ੍ਤਞ੍ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ.

੧੫੪੩. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ.

੧੫੪੪. ਕਤਮੇ ¶ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ? ਚਿਤ੍ਤਞ੍ਚ, ਰੂਪਞ੍ਚ ¶ , ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ.

੧੫੪੫. ਕਤਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ? ਵੇਦਨਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ – ਇਮੇ ਧਮ੍ਮਾ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ.

੧੫੪੬. ਕਤਮੇ ¶ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ? ਚਿਤ੍ਤਞ੍ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ.

੧੫੪੭. ਕਤਮੇ ਧਮ੍ਮਾ ਅਜ੍ਝਤ੍ਤਿਕਾ? ਚਕ੍ਖਾਯਤਨਂ…ਪੇ… ਮਨਾਯਤਨਂ – ਇਮੇ ਧਮ੍ਮਾ ਅਜ੍ਝਤ੍ਤਿਕਾ.

੧੫੪੮. ਕਤਮੇ ਧਮ੍ਮਾ ਬਾਹਿਰਾ? ਰੂਪਾਯਤਨਂ…ਪੇ… ਧਮ੍ਮਾਯਤਨਂ – ਇਮੇ ਧਮ੍ਮਾ ਬਾਹਿਰਾ.

੧੫੪੯. ਕਤਮੇ ਧਮ੍ਮਾ ਉਪਾਦਾ? ਚਕ੍ਖਾਯਤਨਂ…ਪੇ… ਕਬਲ਼ੀਕਾਰੋ ਆਹਾਰੋ – ਇਮੇ ਧਮ੍ਮਾ ਉਪਾਦਾ.

੧੫੫੦. ਕਤਮੇ ਧਮ੍ਮਾ ਨੋ ਉਪਾਦਾ? ਚਤੂਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਚਤ੍ਤਾਰੋ ਚ ਮਹਾਭੂਤਾ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਉਪਾਦਾ.

੧੫੫੧. ਕਤਮੇ ਧਮ੍ਮਾ ਉਪਾਦਿਣ੍ਣਾ? ਤੀਸੁ ਭੂਮੀਸੁ ਵਿਪਾਕੋ, ਯਞ੍ਚ ਰੂਪਂ ਕਮ੍ਮਸ੍ਸ ਕਤਤ੍ਤਾ – ਇਮੇ ਧਮ੍ਮਾ ਉਪਾਦਿਣ੍ਣਾ.

੧੫੫੨. ਕਤਮੇ ਧਮ੍ਮਾ ਅਨੁਪਾਦਿਣ੍ਣਾ? ਤੀਸੁ ¶ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਯਞ੍ਚ ਰੂਪਂ ਨ ਕਮ੍ਮਸ੍ਸ ਕਤਤ੍ਤਾ, ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨੁਪਾਦਿਣ੍ਣਾ.

ਉਪਾਦਾਨਗੋਚ੍ਛਕਂ

੧੫੫੩. ਕਤਮੇ ¶ ਧਮ੍ਮਾ ਉਪਾਦਾਨਾ? ਚਤ੍ਤਾਰਿ ਉਪਾਦਾਨਾਨਿ – ਕਾਮੁਪਾਦਾਨਂ ¶ , ਦਿਟ੍ਠੁਪਾਦਾਨਂ, ਸੀਲਬ੍ਬਤੁਪਾਦਾਨਂ, ਅਤ੍ਤਵਾਦੁਪਾਦਾਨਂ. ਕਾਮੁਪਾਦਾਨਂ ਅਟ੍ਠਸੁ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਦਿਟ੍ਠੁਪਾਦਾਨਞ੍ਚ ਸੀਲਬ੍ਬਤੁਪਾਦਾਨਞ੍ਚ ਅਤ੍ਤਵਾਦੁਪਾਦਾਨਞ੍ਚ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਉਪਾਦਾਨਾ.

੧੫੫੪. ਕਤਮੇ ਧਮ੍ਮਾ ਨੋ ਉਪਾਦਾਨਾ? ਠਪੇਤ੍ਵਾ ਉਪਾਦਾਨੇ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਉਪਾਦਾਨਾ.

੧੫੫੫. ਕਤਮੇ ¶ ਧਮ੍ਮਾ ਉਪਾਦਾਨਿਯਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਉਪਾਦਾਨਿਯਾ.

੧੫੫੬. ਕਤਮੇ ਧਮ੍ਮਾ ਅਨੁਪਾਦਾਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨੁਪਾਦਾਨਿਯਾ.

੧੫੫੭. ਕਤਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨਂ ਲੋਭਂ ਠਪੇਤ੍ਵਾ – ਇਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ.

੧੫੫੮. ਕਤਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ? ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਲੋਭੋ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ¶ ਉਪਾਦਾਨਵਿਪ੍ਪਯੁਤ੍ਤਾ.

੧੫੫੯. ਕਤਮੇ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਿਯਾ ਚ? ਤਾਨੇਵ ਉਪਾਦਾਨਾਨਿ ਉਪਾਦਾਨਾ ਚੇਵ ਉਪਾਦਾਨਿਯਾ ਚ.

੧੫੬੦. ਕਤਮੇ ¶ ਧਮ੍ਮਾ ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾ? ਠਪੇਤ੍ਵਾ ਉਪਾਦਾਨੇ ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾ ¶ . ਅਨੁਪਾਦਾਨਿਯਾ ਧਮ੍ਮਾ ਨ ਵਤ੍ਤਬ੍ਬਾ – ਉਪਾਦਾਨਾ ਚੇਵ ਉਪਾਦਾਨਿਯਾ ਚਾਤਿਪਿ, ਉਪਾਦਾਨਿਯਾ ਚੇਵ ਨੋ ਚ ਉਪਾਦਾਨਾਤਿਪਿ.

੧੫੬੧. ਕਤਮੇ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਸਮ੍ਪਯੁਤ੍ਤਾ ਚ? ਯਤ੍ਥ ਦਿਟ੍ਠਿ ਚ ਲੋਭੋ ਚ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਉਪਾਦਾਨਾ ਚੇਵ ਉਪਾਦਾਨਸਮ੍ਪਯੁਤ੍ਤਾ ਚ.

੧੫੬੨. ਕਤਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚੇਵ ਨੋ ਚ ਉਪਾਦਾਨਾ? ਅਟ੍ਠ ਲੋਭਸਹਗਤਚਿਤ੍ਤੁਪ੍ਪਾਦਾ, ਏਤ੍ਥੁਪ੍ਪਨ੍ਨੇ ਉਪਾਦਾਨੇ ਠਪੇਤ੍ਵਾ – ਇਮੇ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚੇਵ ਨੋ ਚ ਉਪਾਦਾਨਾ. ਉਪਾਦਾਨਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਉਪਾਦਾਨਾ ਚੇਵ ਉਪਾਦਾਨਸਮ੍ਪਯੁਤ੍ਤਾ ਚਾਤਿਪਿ, ਉਪਾਦਾਨਸਮ੍ਪਯੁਤ੍ਤਾ ਚੇਵ ਨੋ ਚ ਉਪਾਦਾਨਾਤਿਪਿ.

੧੫੬੩. ਕਤਮੇ ¶ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾ? ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਨ੍ਨੋ ਲੋਭੋ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ¶ ਉਪਾਦਾਨਿਯਾ.

੧੫੬੪. ਕਤਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾ. ਉਪਾਦਾਨਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾਤਿਪਿ, ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾਤਿਪਿ.

ਕਿਲੇਸਗੋਚ੍ਛਕਂ

੧੫੬੫. ਕਤਮੇ ਧਮ੍ਮਾ ਕਿਲੇਸਾ? ਦਸ ਕਿਲੇਸਵਤ੍ਥੂਨਿ – ਲੋਭੋ, ਦੋਸੋ, ਮੋਹੋ, ਮਾਨੋ, ਦਿਟ੍ਠਿ, ਵਿਚਿਕਿਚ੍ਛਾ, ਥਿਨਂ, ਉਦ੍ਧਚ੍ਚਂ, ਅਹਿਰਿਕਂ, ਅਨੋਤ੍ਤਪ੍ਪਂ. ਲੋਭੋ ਅਟ੍ਠਸੁ ਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ¶ ਉਪ੍ਪਜ੍ਜਤਿ. ਦੋਸੋ ਦ੍ਵੀਸੁ ਦੋਮਨਸ੍ਸਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਮੋਹੋ ਸਬ੍ਬਾਕੁਸਲੇਸੁ ਉਪ੍ਪਜ੍ਜਤਿ. ਮਾਨੋ ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਦਿਟ੍ਠਿ ਚਤੂਸੁ ਦਿਟ੍ਠਿਗਤਸਮ੍ਪਯੁਤ੍ਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਵਿਚਿਕਿਚ੍ਛਾ ਵਿਚਿਕਿਚ੍ਛਾਸਹਗਤੇਸੁ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤਿ. ਥਿਨਂ ਸਸਙ੍ਖਾਰਿਕੇਸੁ ਅਕੁਸਲੇਸੁ ਉਪ੍ਪਜ੍ਜਤਿ. ਉਦ੍ਧਚ੍ਚਞ੍ਚ ਅਹਿਰਿਕਞ੍ਚ ਅਨੋਤ੍ਤਪ੍ਪਞ੍ਚ ਸਬ੍ਬਾਕੁਸਲੇਸੁ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਕਿਲੇਸਾ.

੧੫੬੬. ਕਤਮੇ ਧਮ੍ਮਾ ਨੋ ਕਿਲੇਸਾ? ਠਪੇਤ੍ਵਾ ¶ ਕਿਲੇਸੇ ਅਵਸੇਸਂ ਅਕੁਸਲਂ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨੋ ਕਿਲੇਸਾ.

੧੫੬੭. ਕਤਮੇ ਧਮ੍ਮਾ ਸਂਕਿਲੇਸਿਕਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ ਸਬ੍ਬਞ੍ਚ ਰੂਪਂ – ਇਮੇ ¶ ਧਮ੍ਮਾ ਸਂਕਿਲੇਸਿਕਾ.

੧੫੬੮. ਕਤਮੇ ਧਮ੍ਮਾ ਅਸਂਕਿਲੇਸਿਕਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਸਂਕਿਲੇਸਿਕਾ.

੧੫੬੯. ਕਤਮੇ ¶ ਧਮ੍ਮਾ ਸਂਕਿਲਿਟ੍ਠਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਂਕਿਲਿਟ੍ਠਾ.

੧੫੭੦. ਕਤਮੇ ਧਮ੍ਮਾ ਅਸਂਕਿਲਿਟ੍ਠਾ? ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਸਂਕਿਲਿਟ੍ਠਾ.

੧੫੭੧. ਕਤਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ.

੧੫੭੨. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ? ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ.

੧੫੭੩. ਕਤਮੇ ¶ ਧਮ੍ਮਾ ਕਿਲੇਸਾ ਚੇਵ ਸਂਕਿਲੇਸਿਕਾ ਚ? ਤੇਵ ਕਿਲੇਸਾ ਕਿਲੇਸਾ ਚੇਵ ਸਂਕਿਲੇਸਿਕਾ ਚ.

੧੫੭੪. ਕਤਮੇ ਧਮ੍ਮਾ ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾ? ਠਪੇਤ੍ਵਾ ਕਿਲੇਸੇ ਅਵਸੇਸਂ ਅਕੁਸਲਂ, ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾ. ਅਸਂਕਿਲੇਸਿਕਾ ਧਮ੍ਮਾ ਨ ਵਤ੍ਤਬ੍ਬਾ – ਕਿਲੇਸਾ ਚੇਵ ਸਂਕਿਲੇਸਿਕਾ ਚਾਤਿਪਿ, ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾਤਿਪਿ.

੧੫੭੫. ਕਤਮੇ ਧਮ੍ਮਾ ਕਿਲੇਸਾ ਚੇਵ ਸਂਕਿਲਿਟ੍ਠਾ ਚ? ਤੇਵ ਕਿਲੇਸਾ ਕਿਲੇਸਾ ਚੇਵ ਸਂਕਿਲਿਟ੍ਠਾ ਚ.

੧੫੭੬. ਕਤਮੇ ਧਮ੍ਮਾ ਸਂਕਿਲਿਟ੍ਠਾ ਚੇਵ ਨੋ ਚ ਕਿਲੇਸਾ? ਠਪੇਤ੍ਵਾ ਕਿਲੇਸੇ ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਸਂਕਿਲਿਟ੍ਠਾ ਚੇਵ ਨੋ ਚ ਕਿਲੇਸਾ ¶ . ਅਸਂਕਿਲਿਟ੍ਠਾ ਧਮ੍ਮਾ ਨ ਵਤ੍ਤਬ੍ਬਾ – ਕਿਲੇਸਾ ਚੇਵ ਸਂਕਿਲਿਟ੍ਠਾ ਚਾਤਿਪਿ, ਸਂਕਿਲਿਟ੍ਠਾ ਚੇਵ ਨੋ ਚ ਕਿਲੇਸਾਤਿਪਿ.

੧੫੭੭. ਕਤਮੇ ¶ ਧਮ੍ਮਾ ਕਿਲੇਸਾ ਚੇਵ ਕਿਲੇਸਸਮ੍ਪਯੁਤ੍ਤਾ ਚ? ਯਤ੍ਥ ਦ੍ਵੇ ਤਯੋ ਕਿਲੇਸਾ ਏਕਤੋ ਉਪ੍ਪਜ੍ਜਨ੍ਤਿ – ਇਮੇ ਧਮ੍ਮਾ ਕਿਲੇਸਾ ਚੇਵ ਕਿਲੇਸਸਮ੍ਪਯੁਤ੍ਤਾ ਚ.

੧੫੭੮. ਕਤਮੇ ¶ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ਚੇਵ ਨੋ ਚ ਕਿਲੇਸਾ? ਠਪੇਤ੍ਵਾ ਕਿਲੇਸੇ ਅਵਸੇਸਂ ਅਕੁਸਲਂ – ਇਮੇ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ਚੇਵ ਨੋ ਚ ਕਿਲੇਸਾ. ਕਿਲੇਸਵਿਪ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਕਿਲੇਸਾ ਚੇਵ ਕਿਲੇਸਸਮ੍ਪਯੁਤ੍ਤਾ ਚਾਤਿਪਿ, ਕਿਲੇਸਸਮ੍ਪਯੁਤ੍ਤਾ ਚੇਵ ਨੋ ਚ ਕਿਲੇਸਾਤਿਪਿ.

੧੫੭੯. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾ? ਤੀਸੁ ਭੂਮੀਸੁ ਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾ.

੧੫੮੦. ਕਤਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਅਸਂਕਿਲੇਸਿਕਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ ¶ , ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਕਿਲੇਸਵਿਪ੍ਪਯੁਤ੍ਤਾ ਅਸਂਕਿਲੇਸਿਕਾ. ਕਿਲੇਸਸਮ੍ਪਯੁਤ੍ਤਾ ਧਮ੍ਮਾ ਨ ਵਤ੍ਤਬ੍ਬਾ – ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾਤਿਪਿ, ਕਿਲੇਸਵਿਪ੍ਪਯੁਤ੍ਤਾ ਅਸਂਕਿਲੇਸਿਕਾਤਿਪਿ.

ਪਿਟ੍ਠਿਦੁਕਂ

੧੫੮੧. ਕਤਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ¶ ਸਿਯਾ ਦਸ੍ਸਨੇਨ ਪਹਾਤਬ੍ਬਾ, ਸਿਯਾ ਨ ਦਸ੍ਸਨੇਨ ਪਹਾਤਬ੍ਬਾ.

੧੫੮੨. ਕਤਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਾ? ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਾ.

੧੫੮੩. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ? ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਭਾਵਨਾਯ ਪਹਾਤਬ੍ਬਾ, ਸਿਯਾ ਨ ਭਾਵਨਾਯ ਪਹਾਤਬ੍ਬਾ.

੧੫੮੪. ਕਤਮੇ ¶ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਾ.

੧੫੮੫. ਕਤਮੇ ¶ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਏਤ੍ਥੁਪ੍ਪਨ੍ਨਂ ਮੋਹਂ ਠਪੇਤ੍ਵਾ – ਇਮੇ ਧਮ੍ਮਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਦਸ੍ਸਨੇਨ ਪਹਾਤਬ੍ਬਹੇਤੁਕਾ, ਸਿਯਾ ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੫੮੬. ਕਤਮੇ ¶ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ? ਵਿਚਿਕਿਚ੍ਛਾਸਹਗਤੋ ਮੋਹੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ¶ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ.

੧੫੮੭. ਕਤਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ? ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਏਤ੍ਥੁਪ੍ਪਨ੍ਨਂ ਮੋਹਂ ਠਪੇਤ੍ਵਾ – ਇਮੇ ਧਮ੍ਮਾ ਭਾਵਨਾਯ ਪਹਾਤਬ੍ਬਹੇਤੁਕਾ. ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਭਾਵਨਾਯ ਪਹਾਤਬ੍ਬਹੇਤੁਕਾ, ਸਿਯਾ ਨ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੫੮੮. ਕਤਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਹੇਤੁਕਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਮੋਹੋ, ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਭਾਵਨਾਯ ਪਹਾਤਬ੍ਬਹੇਤੁਕਾ.

੧੫੮੯. ਕਤਮੇ ਧਮ੍ਮਾ ਸਵਿਤਕ੍ਕਾ? ਕਾਮਾਵਚਰਕੁਸਲਂ, ਅਕੁਸਲਂ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਏਕਾਦਸ ਚਿਤ੍ਤੁਪ੍ਪਾਦਾ, ਅਕੁਸਲਸ੍ਸ ਵਿਪਾਕਤੋ ਦ੍ਵੇ, ਕਿਰਿਯਤੋ ਏਕਾਦਸ, ਰੂਪਾਵਚਰਂ ਪਠਮਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ ਲੋਕੁਤ੍ਤਰਂ ਪਠਮਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਵਿਤਕ੍ਕਂ ਠਪੇਤ੍ਵਾ – ਇਮੇ ਧਮ੍ਮਾ ਸਵਿਤਕ੍ਕਾ.

੧੫੯੦. ਕਤਮੇ ¶ ਧਮ੍ਮਾ ਅਵਿਤਕ੍ਕਾ? ਦ੍ਵੇਪਞ੍ਚਵਿਞ੍ਞਾਣਾਨਿ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਅਰੂਪਾਵਚਰਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਤਿਕਚਤੁਕ੍ਕਜ੍ਝਾਨਾ ¶ ਕੁਸਲਤੋ ਚ ਵਿਪਾਕਤੋ ਚ, ਵਿਤਕ੍ਕੋ ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਵਿਤਕ੍ਕਾ.

੧੫੯੧. ਕਤਮੇ ਧਮ੍ਮਾ ਸਵਿਚਾਰਾ? ਕਾਮਾਵਚਰਕੁਸਲਂ ¶ , ਅਕੁਸਲਂ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਏਕਾਦਸ ਚਿਤ੍ਤੁਪ੍ਪਾਦਾ, ਅਕੁਸਲਸ੍ਸ ਵਿਪਾਕਤੋ ਦ੍ਵੇ ਕਿਰਿਯਤੋ ਏਕਾਦਸ, ਰੂਪਾਵਚਰਏਕਕਦੁਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਏਕਕਦੁਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਵਿਚਾਰਂ ਠਪੇਤ੍ਵਾ – ਇਮੇ ਧਮ੍ਮਾ ਸਵਿਚਾਰਾ.

੧੫੯੨. ਕਤਮੇ ¶ ਧਮ੍ਮਾ ਅਵਿਚਾਰਾ? ਦ੍ਵੇਪਞ੍ਚਵਿਞ੍ਞਾਣਾਨਿ, ਰੂਪਾਵਚਰਤਿਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਤਿਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਵਿਚਾਰੋ ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਵਿਚਾਰਾ.

੧੫੯੩. ਕਤਮੇ ਧਮ੍ਮਾ ਸਪ੍ਪੀਤਿਕਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਚਤ੍ਤਾਰੋ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਪਞ੍ਚ, ਕਿਰਿਯਤੋ ਪਞ੍ਚ, ਰੂਪਾਵਚਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਪੀਤਿਂ ਠਪੇਤ੍ਵਾ – ਇਮੇ ਧਮ੍ਮਾ ਸਪ੍ਪੀਤਿਕਾ.

੧੫੯੪. ਕਤਮੇ ਧਮ੍ਮਾ ਅਪ੍ਪੀਤਿਕਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਅਟ੍ਠ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਏਕਾਦਸ, ਅਕੁਸਲਸ੍ਸ ਵਿਪਾਕਤੋ ਸਤ੍ਤ, ਕਿਰਿਯਤੋ ਛ, ਰੂਪਾਵਚਰਦੁਕਦੁਕਜ੍ਝਾਨਾ ਕੁਸਲਤੋ ¶ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਦੁਕਦੁਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਪੀਤਿ ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਪ੍ਪੀਤਿਕਾ.

੧੫੯੫. ਕਤਮੇ ¶ ਧਮ੍ਮਾ ਪੀਤਿਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਚਤ੍ਤਾਰੋ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਪਞ੍ਚ, ਕਿਰਿਯਤੋ ਪਞ੍ਚ, ਰੂਪਾਵਚਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਦੁਕਤਿਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਪੀਤਿਂ ਠਪੇਤ੍ਵਾ – ਇਮੇ ਧਮ੍ਮਾ ਪੀਤਿਸਹਗਤਾ.

੧੫੯੬. ਕਤਮੇ ਧਮ੍ਮਾ ਨ ਪੀਤਿਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਅਟ੍ਠ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਏਕਾਦਸ, ਅਕੁਸਲਸ੍ਸ ਵਿਪਾਕਤੋ ਸਤ੍ਤ, ਕਿਰਿਯਤੋ ਛ, ਰੂਪਾਵਚਰਦੁਕਦੁਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ¶ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਦੁਕਦੁਕਜ੍ਝਾਨਾ ¶ ਕੁਸਲਤੋ ਚ ਵਿਪਾਕਤੋ ਚ, ਪੀਤਿ ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਪੀਤਿਸਹਗਤਾ.

੧੫੯੭. ਕਤਮੇ ਧਮ੍ਮਾ ਸੁਖਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਚਤ੍ਤਾਰੋ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਛ, ਕਿਰਿਯਤੋ ਪਞ੍ਚ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ ਲੋਕੁਤ੍ਤਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਸੁਖਂ ਠਪੇਤ੍ਵਾ – ਇਮੇ ਧਮ੍ਮਾ ¶ ਸੁਖਸਹਗਤਾ.

੧੫੯੮. ਕਤਮੇ ਧਮ੍ਮਾ ਨ ਸੁਖਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਅਟ੍ਠ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਦਸ, ਅਕੁਸਲਸ੍ਸ ਵਿਪਾਕਤੋ ਸਤ੍ਤ, ਕਿਰਿਯਤੋ ਛ, ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ ਲੋਕੁਤ੍ਤਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਸੁਖਞ੍ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਸੁਖਸਹਗਤਾ.

੧੫੯੯. ਕਤਮੇ ਧਮ੍ਮਾ ਉਪੇਕ੍ਖਾਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਉਪੇਕ੍ਖਾਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਛ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਦਸ, ਅਕੁਸਲਸ੍ਸ ਵਿਪਾਕਤੋ ਛ, ਕਿਰਿਯਤੋ ਛ ¶ , ਰੂਪਾਵਚਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਂ ਚਤੁਤ੍ਥਂ ਝਾਨਂ ਕੁਸਲਤੋ ਚ ਵਿਪਾਕਤੋ ਚ, ਏਤ੍ਥੁਪ੍ਪਨ੍ਨਂ ਉਪੇਕ੍ਖਂ ਠਪੇਤ੍ਵਾ – ਇਮੇ ਧਮ੍ਮਾ ਉਪੇਕ੍ਖਾਸਹਗਤਾ.

੧੬੦੦. ਕਤਮੇ ਧਮ੍ਮਾ ਨ ਉਪੇਕ੍ਖਾਸਹਗਤਾ? ਕਾਮਾਵਚਰਕੁਸਲਤੋ ਚਤ੍ਤਾਰੋ ਸੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਅਕੁਸਲਤੋ ਛ, ਕਾਮਾਵਚਰਕੁਸਲਸ੍ਸ ਵਿਪਾਕਤੋ ਛ, ਅਕੁਸਲਸ੍ਸ ਵਿਪਾਕਤੋ ਏਕੋ, ਕਿਰਿਯਤੋ ਪਞ੍ਚ, ਰੂਪਾਵਚਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ, ਲੋਕੁਤ੍ਤਰਤਿਕਚਤੁਕ੍ਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ, ਉਪੇਕ੍ਖਾ ਚ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਨ ਉਪੇਕ੍ਖਾਸਹਗਤਾ.

੧੬੦੧. ਕਤਮੇ ¶ ਧਮ੍ਮਾ ਕਾਮਾਵਚਰਾ? ਕਾਮਾਵਚਰਕੁਸਲਂ, ਅਕੁਸਲਂ, ਸਬ੍ਬੋ ¶ ਕਾਮਾਵਚਰਸ੍ਸ ਵਿਪਾਕੋ, ਕਾਮਾਵਚਰਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਕਾਮਾਵਚਰਾ.

੧੬੦੨. ਕਤਮੇ ਧਮ੍ਮਾ ਨ ਕਾਮਾਵਚਰਾ? ਰੂਪਾਵਚਰਾ ¶ , ਅਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਕਾਮਾਵਚਰਾ.

੧੬੦੩. ਕਤਮੇ ਧਮ੍ਮਾ ਰੂਪਾਵਚਰਾ? ਰੂਪਾਵਚਰਚਤੁਕ੍ਕਪਞ੍ਚਕਜ੍ਝਾਨਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ – ਇਮੇ ਧਮ੍ਮਾ ਰੂਪਾਵਚਰਾ.

੧੬੦੪. ਕਤਮੇ ਧਮ੍ਮਾ ਨ ਰੂਪਾਵਚਰਾ? ਕਾਮਾਵਚਰਾ, ਅਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਰੂਪਾਵਚਰਾ.

੧੬੦੫. ਕਤਮੇ ਧਮ੍ਮਾ ਅਰੂਪਾਵਚਰਾ? ਚਤ੍ਤਾਰੋ ਆਰੁਪ੍ਪਾ ਕੁਸਲਤੋ ਚ ਵਿਪਾਕਤੋ ਚ ਕਿਰਿਯਤੋ ਚ – ਇਮੇ ਧਮ੍ਮਾ ਅਰੂਪਾਵਚਰਾ.

੧੬੦੬. ਕਤਮੇ ਧਮ੍ਮਾ ਨ ਅਰੂਪਾਵਚਰਾ? ਕਾਮਾਵਚਰਾ, ਰੂਪਾਵਚਰਾ, ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨ ਅਰੂਪਾਵਚਰਾ.

੧੬੦੭. ਕਤਮੇ ਧਮ੍ਮਾ ਪਰਿਯਾਪਨ੍ਨਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਪਰਿਯਾਪਨ੍ਨਾ.

੧੬੦੮. ਕਤਮੇ ਧਮ੍ਮਾ ਅਪਰਿਯਾਪਨ੍ਨਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਪਰਿਯਾਪਨ੍ਨਾ.

੧੬੦੯. ਕਤਮੇ ¶ ਧਮ੍ਮਾ ਨਿਯ੍ਯਾਨਿਕਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨਿਯ੍ਯਾਨਿਕਾ.

੧੬੧੦. ਕਤਮੇ ਧਮ੍ਮਾ ਅਨਿਯ੍ਯਾਨਿਕਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਚਤੂਸੁ ਭੂਮੀਸੁ ¶ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਿਯ੍ਯਾਨਿਕਾ.

੧੬੧੧. ਕਤਮੇ ¶ ਧਮ੍ਮਾ ਨਿਯਤਾ? ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਿਯਾ ਨਿਯਤਾ ਸਿਯਾ ਅਨਿਯਤਾ. ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ – ਇਮੇ ਧਮ੍ਮਾ ਨਿਯਤਾ.

੧੬੧੨. ਕਤਮੇ ਧਮ੍ਮਾ ਅਨਿਯਤਾ? ਚਤ੍ਤਾਰੋ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਿਤ੍ਤੁਪ੍ਪਾਦੋ, ਉਦ੍ਧਚ੍ਚਸਹਗਤੋ ਚਿਤ੍ਤੁਪ੍ਪਾਦੋ, ਤੀਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨਿਯਤਾ.

੧੬੧੩. ਕਤਮੇ ਧਮ੍ਮਾ ਸਉਤ੍ਤਰਾ? ਤੀਸੁ ਭੂਮੀਸੁ ਕੁਸਲਂ, ਅਕੁਸਲਂ, ਤੀਸੁ ਭੂਮੀਸੁ ਵਿਪਾਕੋ, ਤੀਸੁ ¶ ਭੂਮੀਸੁ ਕਿਰਿਯਾਬ੍ਯਾਕਤਂ, ਸਬ੍ਬਞ੍ਚ ਰੂਪਂ – ਇਮੇ ਧਮ੍ਮਾ ਸਉਤ੍ਤਰਾ.

੧੬੧੪. ਕਤਮੇ ਧਮ੍ਮਾ ਅਨੁਤ੍ਤਰਾ? ਚਤ੍ਤਾਰੋ ਮਗ੍ਗਾ ਅਪਰਿਯਾਪਨ੍ਨਾ, ਚਤ੍ਤਾਰਿ ਚ ਸਾਮਞ੍ਞਫਲਾਨਿ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਨੁਤ੍ਤਰਾ.

੧੬੧੫. ਕਤਮੇ ਧਮ੍ਮਾ ਸਰਣਾ? ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ – ਇਮੇ ਧਮ੍ਮਾ ਸਰਣਾ.

੧੬੧੬. ਕਤਮੇ ਧਮ੍ਮਾ ਅਰਣਾ? ਚਤੂਸੁ ਭੂਮੀਸੁ ਕੁਸਲਂ, ਚਤੂਸੁ ਭੂਮੀਸੁ ਵਿਪਾਕੋ, ਤੀਸੁ ਭੂਮੀਸੁ ਕਿਰਿਯਾਬ੍ਯਾਕਤਂ, ਰੂਪਞ੍ਚ, ਨਿਬ੍ਬਾਨਞ੍ਚ – ਇਮੇ ਧਮ੍ਮਾ ਅਰਣਾ.

ਅਤ੍ਥੁਦ੍ਧਾਰੋ ਨਿਟ੍ਠਿਤੋ.

ਧਮ੍ਮਸਙ੍ਗਣੀਪਕਰਣਂ ਨਿਟ੍ਠਿਤਂ.