📜

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਅਭਿਧਮ੍ਮਪਿਟਕੇ

ਕਥਾਵਤ੍ਥੁਪਾਲ਼ਿ

੧. ਪੁਗ੍ਗਲਕਥਾ

੧. ਸੁਦ੍ਧਸਚ੍ਚਿਕਟ੍ਠੋ

੧. ਅਨੁਲੋਮਪਚ੍ਚਨੀਕਂ

੧. [ਇਮਿਨਾ ਲਕ੍ਖਣੇਨ ਸਕਵਾਦੀਪੁਚ੍ਛਾ ਦਸ੍ਸਿਤਾ] ਪੁਗ੍ਗਲੋ ¶ ¶ ¶ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ [ਸਚ੍ਚਿਕਟ੍ਠਪਰਮਟ੍ਠੇਨਾਤਿ (ਸ੍ਯਾ. ਪੀ. ਕ. ਸੀ.)]? ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ [ਨੋ ਵਤ ਰੇ (ਸ੍ਯਾ. ਪੀ.)] ਵਤ੍ਤਬ੍ਬੇ – ‘‘ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਅਨੁਲੋਮਪਞ੍ਚਕਂ.

੨. [ਇਮਿਨਾ ਲਕ੍ਖਣੇਨ ਪਰਵਾਦੀਪੁਚ੍ਛਾ ਦਸ੍ਸਿਤਾ] ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ¶ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਪਟਿਕਮ੍ਮਚਤੁਕ੍ਕਂ.

੩. ਤ੍ਵਂ ਚੇ ਪਨ ਮਞ੍ਞਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ¶ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’ਤਿ, ਤੇਨ ਤਵ [ਤ੍ਵਂ (ਸ੍ਯਾ.) ਟੀਕਾ ਓਲੋਕੇਤਬ੍ਬਾ] ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਂ [ਟੀਕਾ ਓਲੋਕੇਤਬ੍ਬਾ] ਹੇਵਂ ਨਿਗ੍ਗਹੇਤਬ੍ਬੇ. ਅਥ ਤਂ ਨਿਗ੍ਗਣ੍ਹਾਮ. ਸੁਨਿਗ੍ਗਹਿਤੋ ਚ [ਸੁਨਿਗ੍ਗਹਿਤੋਵ (ਸ੍ਯਾ.)] ਹੋਸਿ.

ਹਞ੍ਚਿ ¶ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ ¶ , ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ.

ਨਿਗ੍ਗਹਚਤੁਕ੍ਕਂ.

੪. ਏਸੇ ਚੇ ਦੁਨ੍ਨਿਗ੍ਗਹਿਤੇ ਹੇਵਮੇਵਂ [ਹੇਵਮੇਵ (ਸ੍ਯਾ.)] ਤਤ੍ਥ ਦਕ੍ਖ. ਵਤ੍ਤਬ੍ਬੇ ਖੋ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’’ ਨੋ ਚ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਨੋ ਚ ਮਯਂ ਤਯਾ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਾ ਹੇਵਂ ਨਿਗ੍ਗਹੇਤਬ੍ਬਾ. ਅਥ ਮਂ ਨਿਗ੍ਗਣ੍ਹਾਸਿ. ਦੁਨ੍ਨਿਗ੍ਗਹਿਤਾ ਚ [ਦੁਨ੍ਨਿਗ੍ਗਹਿਤਾਵ (ਸ੍ਯਾ.)] ਹੋਮ.

ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ ¶ , ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ ¶ . ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ¶ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ.

ਉਪਨਯਨਚਤੁਕ੍ਕਂ.

੫. ਨ ¶ ਹੇਵਂ ਨਿਗ੍ਗਹੇਤਬ੍ਬੇ. ਤੇਨ ਹਿ ਯਂ ਨਿਗ੍ਗਣ੍ਹਾਸਿ – ‘‘ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਨੋ ਚ ਵਤ੍ਤਬ੍ਬੇ – ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ. ਤੇਨ ਹਿ ਯੇ ਕਤੇ ਨਿਗ੍ਗਹੇ ਸੇ ਨਿਗ੍ਗਹੇ ¶ ਦੁਕ੍ਕਟੇ. ਸੁਕਤੇ ਪਟਿਕਮ੍ਮੇ. ਸੁਕਤਾ ਪਟਿਪਾਦਨਾਤਿ.

ਨਿਗ੍ਗਮਨਚਤੁਕ੍ਕਂ.

ਪਠਮੋ ਨਿਗ੍ਗਹੋ.

੧. ਸੁਦ੍ਧਸਚ੍ਚਿਕਟ੍ਠੋ

੨. ਪਚ੍ਚਨੀਕਾਨੁਲੋਮਂ

੬. ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ¶ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਪਚ੍ਚਨੀਕਪਞ੍ਚਕਂ.

੭. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ ¶ ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਪਟਿਕਮ੍ਮਚਤੁਕ੍ਕਂ.

੮. ਤ੍ਵਂ ¶ ਚੇ ਪਨ ਮਞ੍ਞਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’ ¶ , ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਤੇਨ ਤਵ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਂ ਹੇਵਂ ਨਿਗ੍ਗਹੇਤਬ੍ਬੇ. ਅਥ ਤਂ ਨਿਗ੍ਗਣ੍ਹਾਮ. ਸੁਨਿਗ੍ਗਹਿਤੋ ਚ ਹੋਸਿ.

ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ¶ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ.

੯. ਏਸੇ ਚੇ ਦੁਨ੍ਨਿਗ੍ਗਹਿਤੇ ਹੇਵਮੇਵਂ ਤਤ੍ਥ ਦਕ੍ਖ. ਵਤ੍ਤਬ੍ਬੇ ਖੋ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’’ ਨੋ ਚ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਨੋ ਚ ਮਯਂ ਤਯਾ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਾ ਹੇਵਂ ਨਿਗ੍ਗਹੇਤਬ੍ਬਾ. ਅਥ ਮਂ ਨਿਗ੍ਗਣ੍ਹਾਸਿ. ਦੁਨ੍ਨਿਗ੍ਗਹਿਤਾ ਚ ਹੋਮ.

ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ¶ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ¶ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ¶ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ.

ਉਪਨਯਨਚਤੁਕ੍ਕਂ.

੧੦. ਨ ਹੇਵਂ ਨਿਗ੍ਗਹੇਤਬ੍ਬੇ. ਤੇਨ ਹਿ ਯਂ ਨਿਗ੍ਗਣ੍ਹਾਸਿ – ‘‘ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’ਤਿ. ਯਂ ਤਤ੍ਥ ਵਦੇਸਿ – ‘ਵਤ੍ਤਬ੍ਬੇ ਖੋ – ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਨੋ ਚ ਵਤ੍ਤਬ੍ਬੇ – ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਇਦਂ ਤੇ ਮਿਚ੍ਛਾ. ਤੇਨ ਹਿ ਯੇ ਕਤੇ ਨਿਗ੍ਗਹੇ ਸੇ ਨਿਗ੍ਗਹੇ ਦੁਕ੍ਕਟੇ. ਸੁਕਤੇ ਪਟਿਕਮ੍ਮੇ. ਸੁਕਤਾ ਪਟਿਪਾਦਨਾਤਿ.

ਨਿਗ੍ਗਮਨਚਤੁਕ੍ਕਂ.

ਦੁਤਿਯੋ ਨਿਗ੍ਗਹੋ.

੨. (ਕ) ਓਕਾਸਸਚ੍ਚਿਕਟ੍ਠੋ

੧. ਅਨੁਲੋਮਪਚ੍ਚਨੀਕਂ

੧੧. ਪੁਗ੍ਗਲੋ ¶ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਤਤਿਯੋ ਨਿਗ੍ਗਹੋ.

੩. (ਕ) ਕਾਲਸਚ੍ਚਿਕਟ੍ਠੋ

੧. ਅਨੁਲੋਮਪਚ੍ਚਨੀਕਂ

੧੨. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬਦਾ ¶ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ ¶ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਦਾ ¶ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਚਤੁਤ੍ਥੋ ਨਿਗ੍ਗਹੋ.

੪. (ਕ) ਅਵਯਵਸਚ੍ਚਿਕਟ੍ਠੋ

੧. ਅਨੁਲੋਮਪਚ੍ਚਨੀਕਂ

੧੩. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਪਞ੍ਚਮੋ ਨਿਗ੍ਗਹੋ.

੨. (ਖ) ਓਕਾਸਸਚ੍ਚਿਕਟ੍ਠੋ

੨. ਪਚ੍ਚਨੀਕਾਨੁਲੋਮਂ

੧੪. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ ¶ , ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਛਟ੍ਠੋ ਨਿਗ੍ਗਹੋ.

੩. (ਖ) ਕਾਲਸਚ੍ਚਿਕਟ੍ਠੋ

੨. ਪਚ੍ਚਨੀਕਾਨੁਲੋਮਂ

੧੫. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਸਤ੍ਤਮੋ ਨਿਗ੍ਗਹੋ.

੪. (ਖ) ਅਵਯਵਸਚ੍ਚਿਕਟ੍ਠੋ

੨. ਪਚ੍ਚਨੀਕਾਨੁਲੋਮਂ

੧੬. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ ¶ – ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’ ¶ , ਨੋ ਚ ਵਤ੍ਤਬ੍ਬੇ – ‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ…ਪੇ….

ਅਟ੍ਠਕਨਿਗ੍ਗਹੋ.

੫. ਸੁਦ੍ਧਿਕਸਂਸਨ੍ਦਨਂ

੧੭. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ¶ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’ ¶ , ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੧੮. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸਞ੍ਞਾ ਚ ਉਪਲਬ੍ਭਤਿ…ਪੇ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ…ਪੇ… ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ¶ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੧੯. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਚਕ੍ਖਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਾਯਤਨਞ੍ਚ ਉਪਲਬ੍ਭਤਿ… ਘਾਨਾਯਤਨਞ੍ਚ ਉਪਲਬ੍ਭਤਿ… ਜਿਵ੍ਹਾਯਤਨਞ੍ਚ ਉਪਲਬ੍ਭਤਿ… ਕਾਯਾਯਤਨਞ੍ਚ ਉਪਲਬ੍ਭਤਿ… ਰੂਪਾਯਤਨਞ੍ਚ ਉਪਲਬ੍ਭਤਿ… ਸਦ੍ਦਾਯਤਨਞ੍ਚ ਉਪਲਬ੍ਭਤਿ… ਗਨ੍ਧਾਯਤਨਞ੍ਚ ਉਪਲਬ੍ਭਤਿ… ਰਸਾਯਤਨਞ੍ਚ ਉਪਲਬ੍ਭਤਿ… ਫੋਟ੍ਠਬ੍ਬਾਯਤਨਞ੍ਚ ਉਪਲਬ੍ਭਤਿ… ਮਨਾਯਤਨਞ੍ਚ ਉਪਲਬ੍ਭਤਿ… ਧਮ੍ਮਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੨੦. ਚਕ੍ਖੁਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਧਾਤੁ ਚ ਉਪਲਬ੍ਭਤਿ… ਘਾਨਧਾਤੁ ਚ ਉਪਲਬ੍ਭਤਿ… ਜਿਵ੍ਹਾਧਾਤੁ ਚ ਉਪਲਬ੍ਭਤਿ… ਕਾਯਧਾਤੁ ਚ ਉਪਲਬ੍ਭਤਿ… ਰੂਪਧਾਤੁ ਚ ਉਪਲਬ੍ਭਤਿ… ਸਦ੍ਦਧਾਤੁ ਚ ਉਪਲਬ੍ਭਤਿ… ਗਨ੍ਧਧਾਤੁ ਚ ਉਪਲਬ੍ਭਤਿ… ਰਸਧਾਤੁ ਚ ਉਪਲਬ੍ਭਤਿ… ਫੋਟ੍ਠਬ੍ਬਧਾਤੁ ਚ ਉਪਲਬ੍ਭਤਿ… ਚਕ੍ਖੁਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਸੋਤਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਘਾਨਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਜਿਵ੍ਹਾਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਕਾਯਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਮਨੋਧਾਤੁ ਚ ਉਪਲਬ੍ਭਤਿ… ਮਨੋਵਿਞ੍ਞਾਣਧਾਤੁ ਚ ਉਪਲਬ੍ਭਤਿ… ਧਮ੍ਮਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੨੧. ਚਕ੍ਖੁਨ੍ਦ੍ਰਿਯਞ੍ਚ ¶ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਘਾਨਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਜਿਵ੍ਹਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਕਾਯਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ¶ … ਮਨਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਜੀਵਿਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਇਤ੍ਥਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਪੁਰਿਸਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਸੁਖਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਦੁਕ੍ਖਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਸੋਮਨਸ੍ਸਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਦੋਮਨਸ੍ਸਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਉਪੇਕ੍ਖਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਸਦ੍ਧਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਵੀਰਿਯਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਸਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਸਮਾਧਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਪਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ… ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ¶ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੨੨. [ਪੁ. ਪ. ਮਾਤਿਕਾ ੪.੨੪; ਅ. ਨਿ. ੪.੯੫-੯੬] ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ¶ ਪਟਿਪਨ੍ਨੋ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਰੂਪਞ੍ਚ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੨੩. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਵੇਦਨਾ ਚ ਉਪਲਬ੍ਭਤਿ…ਪੇ… ਸਞ੍ਞਾ ਚ ਉਪਲਬ੍ਭਤਿ…ਪੇ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ…ਪੇ… ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੨੪. ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ¶ ਅਤ੍ਤਹਿਤਾਯ ਪਟਿਪਨ੍ਨੋ,’’ ਚਕ੍ਖਾਯਤਨਞ੍ਚ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਾਯਤਨਞ੍ਚ ਉਪਲਬ੍ਭਤਿ…ਪੇ… ਧਮ੍ਮਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੨੫. ਚਕ੍ਖੁਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਕਾਯਧਾਤੁ ਚ ਉਪਲਬ੍ਭਤਿ…ਪੇ… ਰੂਪਧਾਤੁ ਚ ਉਪਲਬ੍ਭਤਿ…ਪੇ… ਫੋਟ੍ਠਬ੍ਬਧਾਤੁ ਚ ਉਪਲਬ੍ਭਤਿ…ਪੇ… ਚਕ੍ਖੁਵਿਞ੍ਞਾਣਧਾਤੁ ਚ ਉਪਲਬ੍ਭਤਿ…ਪੇ… ਮਨੋਵਿਞ੍ਞਾਣਧਾਤੁ ਚ ਉਪਲਬ੍ਭਤਿ…ਪੇ… ਧਮ੍ਮਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੨੬. ਚਕ੍ਖੁਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਅਞ੍ਞਿਨ੍ਦ੍ਰਿਯਞ੍ਚ [ਅਞ੍ਞਾਤਾਵਿਨ੍ਦ੍ਰਿਯਞ੍ਚ (ਬਹੂਸੁ)] ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੨੭. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ¶ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

ਸੁਦ੍ਧਿਕਸਂਸਨ੍ਦਨਾ.

੬. ਓਪਮ੍ਮਸਂਸਨ੍ਦਨਂ

੨੮. ਰੂਪਂ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ ¶ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੨੯. ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਞ੍ਞਾ ਚ ਉਪਲਬ੍ਭਤਿ…ਪੇ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ…ਪੇ… ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਂ ਵਿਞ੍ਞਾਣਨ੍ਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਂ ਵਿਞ੍ਞਾਣਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ ¶ , ਅਞ੍ਞਂ ਰੂਪਂ ਅਞ੍ਞਂ ਵਿਞ੍ਞਾਣਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਂ ਵਿਞ੍ਞਾਣਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਂ ਵਿਞ੍ਞਾਣਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੩੦. ਵੇਦਨਾ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਞ੍ਞਾ ਚ ਉਪਲਬ੍ਭਤਿ…ਪੇ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ…ਪੇ… ਵਿਞ੍ਞਾਣਞ੍ਚ ਉਪਲਬ੍ਭਤਿ…ਪੇ… ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੧. ਸਞ੍ਞਾ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ਉਪਲਬ੍ਭਨ੍ਤਿ…ਪੇ… ਵਿਞ੍ਞਾਣਞ੍ਚ ਉਪਲਬ੍ਭਤਿ…ਪੇ… ਰੂਪਞ੍ਚ ਉਪਲਬ੍ਭਤਿ…ਪੇ… ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੨. ਸਙ੍ਖਾਰਾ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ…ਪੇ… ਰੂਪਞ੍ਚ ਉਪਲਬ੍ਭਤਿ…ਪੇ… ਵੇਦਨਾ ਚ ਉਪਲਬ੍ਭਤਿ…ਪੇ… ਸਞ੍ਞਾ ¶ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੩. ਵਿਞ੍ਞਾਣਂ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ…ਪੇ… ਵੇਦਨਾ ਚ ਉਪਲਬ੍ਭਤਿ…ਪੇ… ਸਞ੍ਞਾ ਚ ਉਪਲਬ੍ਭਤਿ…ਪੇ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਵਿਞ੍ਞਾਣਂ ਅਞ੍ਞੇ ਸਙ੍ਖਾਰਾਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਵਿਞ੍ਞਾਣਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਵਿਞ੍ਞਾਣਂ ਅਞ੍ਞੇ ਸਙ੍ਖਾਰਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵਿਞ੍ਞਾਣਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਵਿਞ੍ਞਾਣਂ ਅਞ੍ਞੇ ਸਙ੍ਖਾਰਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵਿਞ੍ਞਾਣਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਵਿਞ੍ਞਾਣਂ ਅਞ੍ਞੇ ਸਙ੍ਖਾਰਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ¶ – ‘‘ਵਤ੍ਤਬ੍ਬੇ ਖੋ – ‘ਵਿਞ੍ਞਾਣਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਵਿਞ੍ਞਾਣਂ ਅਞ੍ਞੇ ਸਙ੍ਖਾਰਾ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਵਿਞ੍ਞਾਣਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੩੪. ਚਕ੍ਖਾਯਤਨਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਾਯਤਨਞ੍ਚ ਉਪਲਬ੍ਭਤਿ…ਪੇ… ਧਮ੍ਮਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਾਯਤਨਂ ਉਪਲਬ੍ਭਤਿ…ਪੇ… ਧਮ੍ਮਾਯਤਨਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਚਕ੍ਖਾਯਤਨਞ੍ਚ ਉਪਲਬ੍ਭਤਿ…ਪੇ… ਮਨਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੫. ਚਕ੍ਖੁਧਾਤੁ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਧਾਤੁ ਚ ਉਪਲਬ੍ਭਤਿ…ਪੇ… ਧਮ੍ਮਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਧਾਤੁ ਉਪਲਬ੍ਭਤਿ…ਪੇ… ਧਮ੍ਮਧਾਤੁ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਚਕ੍ਖੁਧਾਤੁ ਚ ਉਪਲਬ੍ਭਤਿ…ਪੇ… ਮਨੋਵਿਞ੍ਞਾਣਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੬. ਚਕ੍ਖੁਨ੍ਦ੍ਰਿਯਂ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ…ਪੇ… ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਿਨ੍ਦ੍ਰਿਯਂ ¶ ਉਪਲਬ੍ਭਤਿ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਚਕ੍ਖੁਨ੍ਦ੍ਰਿਯਞ੍ਚ ਉਪਲਬ੍ਭਤਿ…ਪੇ… ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਪੁਗ੍ਗਲੋ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੩੭. ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾਤਿ? ਆਮਨ੍ਤਾ. ਵੁਤ੍ਤਂ ¶ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ¶ – ‘‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਰੂਪਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਰੂਪਂ ਅਞ੍ਞਾ ਵੇਦਨਾ, ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੩੮. ਰੂਪਂ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਞ੍ਞਾ ਚ ਉਪਲਬ੍ਭਤਿ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ… ਵਿਞ੍ਞਾਣਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੩੯. ਵੇਦਨਾ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਞ੍ਞਾ ਚ ਉਪਲਬ੍ਭਤਿ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ… ਵਿਞ੍ਞਾਣਞ੍ਚ ਉਪਲਬ੍ਭਤਿ… ਰੂਪਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੦. ਸਞ੍ਞਾ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸਙ੍ਖਾਰਾ ਚ ¶ ਉਪਲਬ੍ਭਨ੍ਤਿ… ਵਿਞ੍ਞਾਣਞ੍ਚ ਉਪਲਬ੍ਭਤਿ… ਰੂਪਞ੍ਚ ਉਪਲਬ੍ਭਤਿ… ਵੇਦਨਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੧. ਸਙ੍ਖਾਰਾ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਵਿਞ੍ਞਾਣਞ੍ਚ ਉਪਲਬ੍ਭਤਿ… ਰੂਪਞ੍ਚ ਉਪਲਬ੍ਭਤਿ… ਵੇਦਨਾ ਚ ਉਪਲਬ੍ਭਤਿ… ਸਞ੍ਞਾ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੨. ਵਿਞ੍ਞਾਣਂ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਰੂਪਞ੍ਚ ਉਪਲਬ੍ਭਤਿ… ਵੇਦਨਾ ਚ ਉਪਲਬ੍ਭਤਿ… ਸਞ੍ਞਾ ਚ ਉਪਲਬ੍ਭਤਿ… ਸਙ੍ਖਾਰਾ ਚ ਉਪਲਬ੍ਭਨ੍ਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੩. ਚਕ੍ਖਾਯਤਨਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਾਯਤਨਞ੍ਚ ਉਪਲਬ੍ਭਤਿ…ਪੇ… ਧਮ੍ਮਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਾਯਤਨਂ ਉਪਲਬ੍ਭਤਿ…ਪੇ… ਧਮ੍ਮਾਯਤਨਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ ਚਕ੍ਖਾਯਤਨਞ੍ਚ ਉਪਲਬ੍ਭਤਿ…ਪੇ… ਮਨਾਯਤਨਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੪. ਚਕ੍ਖੁਧਾਤੁ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਧਾਤੁ ਚ ਉਪਲਬ੍ਭਤਿ…ਪੇ… ਧਮ੍ਮਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਧਾਤੁ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਧਮ੍ਮਧਾਤੁ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਚਕ੍ਖੁਧਾਤੁ ਚ ਉਪਲਬ੍ਭਤਿ…ਪੇ… ਮਨੋਵਿਞ੍ਞਾਣਧਾਤੁ ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ….

੪੫. ਚਕ੍ਖੁਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਸੋਤਿਨ੍ਦ੍ਰਿਯਞ੍ਚ ਉਪਲਬ੍ਭਤਿ…ਪੇ… ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ…ਪੇ… ਸੋਤਿਨ੍ਦ੍ਰਿਯਂ ਉਪਲਬ੍ਭਤਿ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਚਕ੍ਖੁਨ੍ਦ੍ਰਿਯਞ੍ਚ ਉਪਲਬ੍ਭਤਿ…ਪੇ… ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਅਞ੍ਞਂ ¶ ਅਞ੍ਞਾਤਾਵਿਨ੍ਦ੍ਰਿਯਂ ¶ ਅਞ੍ਞਂ ਅਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਪਟਿਕਮ੍ਮਂ. ਹਞ੍ਚਿ ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਞ੍ਞਾਤਾਵਿਨ੍ਦ੍ਰਿਯਂ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨ, ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ, ਅਞ੍ਞਾਤਾਵਿਨ੍ਦ੍ਰਿਯਞ੍ਚ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

ਓਪਮ੍ਮਸਂਸਨ੍ਦਨਂ.

੭. ਚਤੁਕ੍ਕਨਯਸਂਸਨ੍ਦਨਂ

੪੬. ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਰੂਪਂ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਰੂਪਂ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਰੂਪਂ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਰੂਪਂ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੪੭. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਰੂਪਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਰੂਪਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਰੂਪਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਰੂਪ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ ¶ ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਰੂਪ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਰੂਪ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਰੂਪ’’’ਨ੍ਤਿ ਮਿਚ੍ਛਾ…ਪੇ….

੪੮. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੇਦਨਾ ਪੁਗ੍ਗਲੋ…ਪੇ… ਵੇਦਨਾਯ ਪੁਗ੍ਗਲੋ…ਪੇ… ਅਞ੍ਞਤ੍ਰ ਵੇਦਨਾਯ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਵੇਦਨਾ…ਪੇ….

ਸਞ੍ਞਾ ¶ ਪੁਗ੍ਗਲੋ…ਪੇ… ਸਞ੍ਞਾਯ ਪੁਗ੍ਗਲੋ…ਪੇ… ਅਞ੍ਞਤ੍ਰ ਸਞ੍ਞਾਯ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਸਞ੍ਞਾ…ਪੇ….

ਸਙ੍ਖਾਰਾ ਪੁਗ੍ਗਲੋ…ਪੇ… ਸਙ੍ਖਾਰੇਸੁ ਪੁਗ੍ਗਲੋ…ਪੇ… ਅਞ੍ਞਤ੍ਰ ਸਙ੍ਖਾਰੇਹਿ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਸਙ੍ਖਾਰਾ…ਪੇ….

ਵਿਞ੍ਞਾਣਂ ਪੁਗ੍ਗਲੋ…ਪੇ… ਵਿਞ੍ਞਾਣਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਵਿਞ੍ਞਾਣਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ ¶ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ¶ ਵਿਞ੍ਞਾਣ’’’ਨ੍ਤਿ ਮਿਚ੍ਛਾ…ਪੇ….

੪੯. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਚਕ੍ਖਾਯਤਨਂ ਪੁਗ੍ਗਲੋ…ਪੇ… ਚਕ੍ਖਾਯਤਨਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਚਕ੍ਖਾਯਤਨਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਚਕ੍ਖਾਯਤਨਂ…ਪੇ… ਧਮ੍ਮਾਯਤਨਂ ਪੁਗ੍ਗਲੋ…ਪੇ… ਧਮ੍ਮਾਯਤਨਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਧਮ੍ਮਾਯਤਨਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਧਮ੍ਮਾਯਤਨਂ…ਪੇ….

ਚਕ੍ਖੁਧਾਤੁ ਪੁਗ੍ਗਲੋ…ਪੇ… ਚਕ੍ਖੁਧਾਤੁਯਾ ਪੁਗ੍ਗਲੋ…ਪੇ… ਅਞ੍ਞਤ੍ਰ ਚਕ੍ਖੁਧਾਤੁਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਚਕ੍ਖੁਧਾਤੁ…ਪੇ… ਧਮ੍ਮਧਾਤੁ ਪੁਗ੍ਗਲੋ…ਪੇ… ਧਮ੍ਮਧਾਤੁਯਾ ਪੁਗ੍ਗਲੋ…ਪੇ… ਅਞ੍ਞਤ੍ਰ ਧਮ੍ਮਧਾਤੁਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਧਮ੍ਮਧਾਤੁ…ਪੇ….

ਚਕ੍ਖੁਨ੍ਦ੍ਰਿਯਂ ਪੁਗ੍ਗਲੋ…ਪੇ… ਚਕ੍ਖੁਨ੍ਦ੍ਰਿਯਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਚਕ੍ਖੁਨ੍ਦ੍ਰਿਯਾ ਪੁਗ੍ਗਲੋ ¶ …ਪੇ… ਪੁਗ੍ਗਲਸ੍ਮਿਂ ਚਕ੍ਖੁਨ੍ਦ੍ਰਿਯਂ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ¶ ਪੁਗ੍ਗਲੋ…ਪੇ… ਅਞ੍ਞਾਤਾਵਿਨ੍ਦ੍ਰਿਯਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਅਞ੍ਞਾਤਾਵਿਨ੍ਦ੍ਰਿਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ ¶ . ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’’ਨ੍ਤਿ ਮਿਚ੍ਛਾ…ਪੇ….

੫੦. ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ? ਆਮਨ੍ਤਾ. ਰੂਪਂ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਰੂਪਂ ਪੁਗ੍ਗਲੋਤਿ’’’ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਰੂਪਂ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਰੂਪਂ ਪੁਗ੍ਗਲੋ’’’ਤਿ ਮਿਚ੍ਛਾ…ਪੇ….

੫੧. ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ? ਆਮਨ੍ਤਾ. ਰੂਪਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਰੂਪਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਰੂਪਂ…ਪੇ….

ਵੇਦਨਾ ¶ ਪੁਗ੍ਗਲੋ…ਪੇ… ਵੇਦਨਾਯ ਪੁਗ੍ਗਲੋ…ਪੇ… ਅਞ੍ਞਤ੍ਰ ਵੇਦਨਾਯ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਵੇਦਨਾ…ਪੇ….

ਸਞ੍ਞਾ ਪੁਗ੍ਗਲੋ…ਪੇ… ਸਞ੍ਞਾਯ ਪੁਗ੍ਗਲੋ…ਪੇ… ਅਞ੍ਞਤ੍ਰ ਸਞ੍ਞਾਯ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ¶ ਸਞ੍ਞਾ…ਪੇ….

ਸਙ੍ਖਾਰਾ ਪੁਗ੍ਗਲੋ…ਪੇ… ਸਙ੍ਖਾਰੇਸੁ ਪੁਗ੍ਗਲੋ…ਪੇ… ਅਞ੍ਞਤ੍ਰ ਸਙ੍ਖਾਰੇਹਿ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਸਙ੍ਖਾਰਾ…ਪੇ….

ਵਿਞ੍ਞਾਣਂ ਪੁਗ੍ਗਲੋ…ਪੇ… ਵਿਞ੍ਞਾਣਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਵਿਞ੍ਞਾਣਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਵਿਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’’ਨ੍ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਵਿਞ੍ਞਾਣ’’’ਨ੍ਤਿ ਮਿਚ੍ਛਾ…ਪੇ….

੫੨. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ? ਆਮਨ੍ਤਾ. ਚਕ੍ਖਾਯਤਨਂ ਪੁਗ੍ਗਲੋ…ਪੇ… ਚਕ੍ਖਾਯਤਨਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਚਕ੍ਖਾਯਤਨਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਚਕ੍ਖਾਯਤਨਂ…ਪੇ… ਧਮ੍ਮਾਯਤਨਂ ਪੁਗ੍ਗਲੋ…ਪੇ… ਧਮ੍ਮਾਯਤਨਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਧਮ੍ਮਾਯਤਨਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਧਮ੍ਮਾਯਤਨਂ…ਪੇ….

ਚਕ੍ਖੁਧਾਤੁ ¶ ਪੁਗ੍ਗਲੋ…ਪੇ… ਚਕ੍ਖੁਧਾਤੁਯਾ ਪੁਗ੍ਗਲੋ…ਪੇ… ਅਞ੍ਞਤ੍ਰ ¶ ਚਕ੍ਖੁਧਾਤੁਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਚਕ੍ਖੁਧਾਤੁ…ਪੇ… ਧਮ੍ਮਧਾਤੁ ਪੁਗ੍ਗਲੋ…ਪੇ… ਧਮ੍ਮਧਾਤੁਯਾ ਪੁਗ੍ਗਲੋ…ਪੇ… ਅਞ੍ਞਤ੍ਰ ਧਮ੍ਮਧਾਤੁਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਧਮ੍ਮਧਾਤੁ…ਪੇ….

ਚਕ੍ਖੁਨ੍ਦ੍ਰਿਯਂ ਪੁਗ੍ਗਲੋ…ਪੇ… ਚਕ੍ਖੁਨ੍ਦ੍ਰਿਯਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਚਕ੍ਖੁਨ੍ਦ੍ਰਿਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਚਕ੍ਖੁਨ੍ਦ੍ਰਿਯਂ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ਪੁਗ੍ਗਲੋ…ਪੇ… ਅਞ੍ਞਾਤਾਵਿਨ੍ਦ੍ਰਿਯਸ੍ਮਿਂ ਪੁਗ੍ਗਲੋ…ਪੇ… ਅਞ੍ਞਤ੍ਰ ਅਞ੍ਞਾਤਾਵਿਨ੍ਦ੍ਰਿਯਾ ਪੁਗ੍ਗਲੋ…ਪੇ… ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ¶ ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਪੁਗ੍ਗਲਸ੍ਮਿਂ ਅਞ੍ਞਾਤਾਵਿਨ੍ਦ੍ਰਿਯ’’’ਨ੍ਤਿ ਮਿਚ੍ਛਾ…ਪੇ….

ਚਤੁਕ੍ਕਨਯਸਂਸਨ੍ਦਨਂ.

੮. ਲਕ੍ਖਣਯੁਤ੍ਤਿਕਥਾ

੫੩. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਪੁਗ੍ਗਲੋ ਸਪ੍ਪਚ੍ਚਯੋ…ਪੇ… ਪੁਗ੍ਗਲੋ ਅਪ੍ਪਚ੍ਚਯੋ… ਪੁਗ੍ਗਲੋ ਸਙ੍ਖਤੋ ¶ … ਪੁਗ੍ਗਲੋ ਅਸਙ੍ਖਤੋ… ਪੁਗ੍ਗਲੋ ਸਸ੍ਸਤੋ ¶ … ਪੁਗ੍ਗਲੋ ਅਸਸ੍ਸਤੋ… ਪੁਗ੍ਗਲੋ ਸਨਿਮਿਤ੍ਤੋ… ਪੁਗ੍ਗਲੋ ਅਨਿਮਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ)

੫੪. ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ? ਆਮਨ੍ਤਾ. ਪੁਗ੍ਗਲੋ ਸਪ੍ਪਚ੍ਚਯੋ…ਪੇ… ਪੁਗ੍ਗਲੋ ਅਪ੍ਪਚ੍ਚਯੋ… ਪੁਗ੍ਗਲੋ ਸਙ੍ਖਤੋ… ਪੁਗ੍ਗਲੋ ਅਸਙ੍ਖਤੋ… ਪੁਗ੍ਗਲੋ ਸਸ੍ਸਤੋ… ਪੁਗ੍ਗਲੋ ਅਸਸ੍ਸਤੋ… ਪੁਗ੍ਗਲੋ ਸਨਿਮਿਤ੍ਤੋ… ਪੁਗ੍ਗਲੋ ਅਨਿਮਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ)

ਲਕ੍ਖਣਯੁਤ੍ਤਿਕਥਾ.

੯. ਵਚਨਸੋਧਨਂ

੫੫. ਪੁਗ੍ਗਲੋ ਉਪਲਬ੍ਭਤਿ, ਉਪਲਬ੍ਭਤਿ ਪੁਗ੍ਗਲੋਤਿ? ਪੁਗ੍ਗਲੋ ਉਪਲਬ੍ਭਤਿ, ਉਪਲਬ੍ਭਤਿ ਕੇਹਿਚਿ ਪੁਗ੍ਗਲੋ ਕੇਹਿਚਿ ਨ ਪੁਗ੍ਗਲੋਤਿ. ਪੁਗ੍ਗਲੋ ਕੇਹਿਚਿ ਉਪਲਬ੍ਭਤਿ ਕੇਹਿਚਿ ਨ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੬. ਪੁਗ੍ਗਲੋ ਸਚ੍ਚਿਕਟ੍ਠੋ, ਸਚ੍ਚਿਕਟ੍ਠੋ ਪੁਗ੍ਗਲੋਤਿ? ਪੁਗ੍ਗਲੋ ਸਚ੍ਚਿਕਟ੍ਠੋ, ਸਚ੍ਚਿਕਟ੍ਠੋ ਕੇਹਿਚਿ ਪੁਗ੍ਗਲੋ ਕੇਹਿਚਿ ਨ ਪੁਗ੍ਗਲੋਤਿ. ਪੁਗ੍ਗਲੋ ¶ ਕੇਹਿਚਿ ਸਚ੍ਚਿਕਟ੍ਠੋ ਕੇਹਿਚਿ ਨ ਸਚ੍ਚਿਕਟ੍ਠੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੭. ਪੁਗ੍ਗਲੋ ਵਿਜ੍ਜਮਾਨੋ, ਵਿਜ੍ਜਮਾਨੋ ਪੁਗ੍ਗਲੋਤਿ? ਪੁਗ੍ਗਲੋ ਵਿਜ੍ਜਮਾਨੋ, ਵਿਜ੍ਜਮਾਨੋ ਕੇਹਿਚਿ ਪੁਗ੍ਗਲੋ ਕੇਹਿਚਿ ਨ ਪੁਗ੍ਗਲੋਤਿ. ਪੁਗ੍ਗਲੋ ਕੇਹਿਚਿ ਵਿਜ੍ਜਮਾਨੋ ਕੇਹਿਚਿ ਨ ਵਿਜ੍ਜਮਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੮. ਪੁਗ੍ਗਲੋ ¶ ਸਂਵਿਜ੍ਜਮਾਨੋ, ਸਂਵਿਜ੍ਜਮਾਨੋ ਪੁਗ੍ਗਲੋਤਿ? ਪੁਗ੍ਗਲੋ ਸਂਵਿਜ੍ਜਮਾਨੋ, ਸਂਵਿਜ੍ਜਮਾਨੋ ¶ ਕੇਹਿਚਿ ਪੁਗ੍ਗਲੋ ਕੇਹਿਚਿ ਨ ਪੁਗ੍ਗਲੋਤਿ. ਪੁਗ੍ਗਲੋ ਕੇਹਿਚਿ ਸਂਵਿਜ੍ਜਮਾਨੋ ਕੇਹਿਚਿ ਨ ਸਂਵਿਜ੍ਜਮਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੫੯. ਪੁਗ੍ਗਲੋ ਅਤ੍ਥਿ, ਅਤ੍ਥਿ ਪੁਗ੍ਗਲੋਤਿ? ਪੁਗ੍ਗਲੋ ਅਤ੍ਥਿ, ਅਤ੍ਥਿ ਕੇਹਿਚਿ ਪੁਗ੍ਗਲੋ ਕੇਹਿਚਿ ਨ ਪੁਗ੍ਗਲੋਤਿ. ਪੁਗ੍ਗਲੋ ਕੇਹਿਚਿ ਅਤ੍ਥਿ ਕੇਹਿਚਿ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੦. ਪੁਗ੍ਗਲੋ ਅਤ੍ਥਿ, ਅਤ੍ਥਿ ਨ ਸਬ੍ਬੋ ਪੁਗ੍ਗਲੋਤਿ? ਆਮਨ੍ਤਾ…ਪੇ… ਪੁਗ੍ਗਲੋ ਨਤ੍ਥਿ, ਨਤ੍ਥਿ ਨ ਸਬ੍ਬੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ)

ਵਚਨਸੋਧਨਂ.

੧੦. ਪਞ੍ਞਤ੍ਤਾਨੁਯੋਗੋ

੬੧. ਰੂਪਧਾਤੁਯਾ ¶ ਰੂਪੀ ਪੁਗ੍ਗਲੋਤਿ? ਆਮਨ੍ਤਾ. ਕਾਮਧਾਤੁਯਾ ਕਾਮੀ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੨. ਰੂਪਧਾਤੁਯਾ ਰੂਪਿਨੋ ਸਤ੍ਤਾਤਿ? ਆਮਨ੍ਤਾ. ਕਾਮਧਾਤੁਯਾ ਕਾਮਿਨੋ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੩. ਅਰੂਪਧਾਤੁਯਾ ਅਰੂਪੀ ਪੁਗ੍ਗਲੋਤਿ? ਆਮਨ੍ਤਾ. ਕਾਮਧਾਤੁਯਾ ¶ ਕਾਮੀ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੪. ਅਰੂਪਧਾਤੁਯਾ ਅਰੂਪਿਨੋ ਸਤ੍ਤਾਤਿ? ਆਮਨ੍ਤਾ. ਕਾਮਧਾਤੁਯਾ ਕਾਮਿਨੋ ਸਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੫. ਰੂਪਧਾਤੁਯਾ ਰੂਪੀ ਪੁਗ੍ਗਲੋ ਅਰੂਪਧਾਤੁਯਾ ਅਰੂਪੀ ਪੁਗ੍ਗਲੋ, ਅਤ੍ਥਿ ¶ ਚ ਕੋਚਿ ਰੂਪਧਾਤੁਯਾ ¶ ਚੁਤੋ ਅਰੂਪਧਾਤੁਂ ਉਪਪਜ੍ਜਤੀਤਿ? ਆਮਨ੍ਤਾ. ਰੂਪੀ ਪੁਗ੍ਗਲੋ ਉਪਚ੍ਛਿਨ੍ਨੋ, ਅਰੂਪੀ ਪੁਗ੍ਗਲੋ ਜਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੬. ਰੂਪਧਾਤੁਯਾ ਰੂਪਿਨੋ ਸਤ੍ਤਾ ਅਰੂਪਧਾਤੁਯਾ ਅਰੂਪਿਨੋ ਸਤ੍ਤਾ, ਅਤ੍ਥਿ ਚ ਕੋਚਿ ਰੂਪਧਾਤੁਯਾ ਚੁਤੋ ਅਰੂਪਧਾਤੁਂ ਉਪਪਜ੍ਜਤੀਤਿ? ਆਮਨ੍ਤਾ. ਰੂਪੀ ਸਤ੍ਤੋ ਉਪਚ੍ਛਿਨ੍ਨੋ, ਅਰੂਪੀ ਸਤ੍ਤੋ ਜਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੬੭. ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਪੁਗ੍ਗਲੋਤਿ ਵਾ ਜੀਵੋਤਿ ਵਾ, ਜੀਵੋਤਿ ਵਾ ਪੁਗ੍ਗਲੋਤਿ ਵਾ, ਪੁਗ੍ਗਲਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਅਞ੍ਞੋ ਕਾਯੋ, ਅਞ੍ਞੋ ਪੁਗ੍ਗਲੋਤਿ? ਆਮਨ੍ਤਾ. ਅਞ੍ਞਂ ਜੀਵਂ, ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਪੁਗ੍ਗਲੋਤਿ ਵਾ ਜੀਵੋਤਿ ਵਾ, ਜੀਵੋਤਿ ਵਾ ਪੁਗ੍ਗਲੋਤਿ ਵਾ, ਪੁਗ੍ਗਲਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ¶ ਸਮੇ ਸਮਭਾਗੇ ਤਜ੍ਜਾਤੇ, ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞਂ ਜੀਵਂ ਅਞ੍ਞਂ ਸਰੀਰ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਕਾਯੋਤਿ ¶ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ¶ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਪੁਗ੍ਗਲੋਤਿ ਵਾ ਜੀਵੋਤਿ ਵਾ, ਜੀਵੋਤਿ ਵਾ ਪੁਗ੍ਗਲੋਤਿ ਵਾ, ਪੁਗ੍ਗਲਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਜੀਵਂ ਅਞ੍ਞਂ ਸਰੀਰ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞਂ ਜੀਵਂ ਅਞ੍ਞਂ ਸਰੀਰ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਪੁਗ੍ਗਲੋਤਿ ਵਾ ਜੀਵੋਤਿ ਵਾ, ਜੀਵੋਤਿ ਵਾ ਪੁਗ੍ਗਲੋਤਿ ਵਾ, ਪੁਗ੍ਗਲਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਕਾਯੋਤਿ ¶ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਪੁਗ੍ਗਲੋਤਿ ਵਾ ਜੀਵੋਤਿ ਵਾ, ਜੀਵੋਤਿ ਵਾ ਪੁਗ੍ਗਲੋਤਿ ਵਾ, ਪੁਗ੍ਗਲਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’, ਨੋ ਚ ਵਤ੍ਤਬ੍ਬੇ – ‘ਅਞ੍ਞਂ ਜੀਵਂ ਅਞ੍ਞਂ ਸਰੀਰ’’’ਨ੍ਤਿ ਮਿਚ੍ਛਾ…ਪੇ….

੬੮. ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ? ਆਮਨ੍ਤਾ. ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਪਟਿਕਮ੍ਮਂ. ਹਞ੍ਚਿ ਕਾਯੋਤਿ ਵਾ ਸਰੀਰਨ੍ਤਿ ¶ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਵੁਤ੍ਤਂ ਭਗਵਤਾ – ਅਤ੍ਥਿ ¶ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਵੁਤ੍ਤਂ ਭਗਵਤਾ – ‘ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਕਾਯੋਤਿ ਵਾ ਸਰੀਰਨ੍ਤਿ ਵਾ, ਸਰੀਰਨ੍ਤਿ ਵਾ ਕਾਯੋਤਿ ਵਾ, ਕਾਯਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇ, ਵੁਤ੍ਤਂ ਭਗਵਤਾ – ਅਤ੍ਥਿ ਪੁਗ੍ਗਲੋ ਅਤ੍ਤਹਿਤਾਯ ਪਟਿਪਨ੍ਨੋ,’ ਨੋ ਚ ਵਤ੍ਤਬ੍ਬੇ – ‘ਅਞ੍ਞੋ ਕਾਯੋ ਅਞ੍ਞੋ ਪੁਗ੍ਗਲੋ’’’ਤਿ ਮਿਚ੍ਛਾ. (ਸਂਖਿਤ੍ਤਂ)

ਪਞ੍ਞਤ੍ਤਾਨੁਯੋਗੋ.

੧੧. ਗਤਿਅਨੁਯੋਗੋ

੬੯. ਪੁਗ੍ਗਲੋ ¶ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸੋ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ….

੭੦. ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਅਞ੍ਞੋ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੭੧. ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸੋ ਚ ਅਞ੍ਞੋ ਚ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੭੨. ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਨੇਵ ਸੋ ਸਨ੍ਧਾਵਤਿ, ਨ ਅਞ੍ਞੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੭੩. ਪੁਗ੍ਗਲੋ ¶ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸੋ ਪੁਗ੍ਗਲੋ ਸਨ੍ਧਾਵਤਿ, ਅਞ੍ਞੋ ਪੁਗ੍ਗਲੋ ਸਨ੍ਧਾਵਤਿ, ਸੋ ਚ ਅਞ੍ਞੋ ਚ ਸਨ੍ਧਾਵਤਿ, ਨੇਵ ਸੋ ਸਨ੍ਧਾਵਤਿ ਨ ਅਞ੍ਞੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੭੪. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ¶ ਭਗਵਤਾ –

‘‘ਸ ਸਤ੍ਤਕ੍ਖਤ੍ਤੁਪਰਮਂ, ਸਨ੍ਧਾਵਿਤ੍ਵਾਨ ਪੁਗ੍ਗਲੋ;

ਦੁਕ੍ਖਸ੍ਸਨ੍ਤਕਰੋ ਹੋਤਿ, ਸਬ੍ਬਸਂਯੋਜਨਕ੍ਖਯਾ’’ਤਿ [ਸਂ. ਨਿ. ੨.੧੩੩; ਇਤਿਵੁ. ੨੪ ਇਤਿਵੁਤ੍ਤਕੇਪਿ].

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ.

੭੫. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਅਨਮਤਗ੍ਗੋਯਂ [ਅਨਮਤਗ੍ਗਾਯਂ (ਕ.)], ਭਿਕ੍ਖਵੇ, ਸਂਸਾਰੋ. ਪੁਬ੍ਬਕੋਟਿ ਨ ਪਞ੍ਞਾਯਤਿ, ਅਵਿਜ੍ਜਾਨੀਵਰਣਾਨਂ ਸਤ੍ਤਾਨਂ ਤਣ੍ਹਾਸਂਯੋਜਨਾਨਂ ਸਨ੍ਧਾਵਤਂ ਸਂਸਰਤ’’ਨ੍ਤਿ [ਸਂ. ਨਿ. ੨.੧੨੪]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ.

੭੬. ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੭੭. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਅਤ੍ਥਿ ਕੋਚਿ ਮਨੁਸ੍ਸੋ ਹੁਤ੍ਵਾ ਦੇਵੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਮਨੁਸ੍ਸੋ ਸੋ ਦੇਵੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੭੮. ਸ੍ਵੇਵ ਮਨੁਸ੍ਸੋ ਸੋ ਦੇਵੋਤਿ? ਆਮਨ੍ਤਾ. ਮਨੁਸ੍ਸੋ ਹੁਤ੍ਵਾ ਦੇਵੋ ਹੋਤਿ, ਦੇਵੋ ਹੁਤ੍ਵਾ ਮਨੁਸ੍ਸੋ ¶ ਹੋਤਿ, ਮਨੁਸ੍ਸਭੂਤੋ ਅਞ੍ਞੋ, ਦੇਵੋ ਅਞ੍ਞੋ, ਮਨੁਸ੍ਸਭੂਤੋ ਸ੍ਵੇਵਾਯਂ ਸਨ੍ਧਾਵਤੀਤਿ ਮਿਚ੍ਛਾ…ਪੇ….

ਸਚੇ ¶ ਹਿ ਸਨ੍ਧਾਵਤਿ ਸ੍ਵੇਵ ਪੁਗ੍ਗਲੋ ਇਤੋ ਚੁਤੋ ਪਰਂ ਲੋਕਂ ਅਨਞ੍ਞੋ, ਹੇਵਂ ਮਰਣਂ ਨ ਹੇਹਿਤਿ, ਪਾਣਾਤਿਪਾਤੋਪਿ ਨੁਪਲਬ੍ਭਤਿ. ਕਮ੍ਮਂ ਅਤ੍ਥਿ, ਕਮ੍ਮਵਿਪਾਕੋ ਅਤ੍ਥਿ, ਕਤਾਨਂ ਕਮ੍ਮਾਨਂ ਵਿਪਾਕੋ ਅਤ੍ਥਿ, ਕੁਸਲਾਕੁਸਲੇ ਵਿਪਚ੍ਚਮਾਨੇ ਸ੍ਵੇਵਾਯਂ ਸਨ੍ਧਾਵਤੀਤਿ ਮਿਚ੍ਛਾ.

੭੯. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਅਤ੍ਥਿ ਕੋਚਿ ਮਨੁਸ੍ਸੋ ਹੁਤ੍ਵਾ ਯਕ੍ਖੋ ਹੋਤਿ, ਪੇਤੋ ਹੋਤਿ, ਨੇਰਯਿਕੋ ਹੋਤਿ ¶ , ਤਿਰਚ੍ਛਾਨਗਤੋ ਹੋਤਿ, ਓਟ੍ਠੋ ਹੋਤਿ, ਗੋਣੋ ਹੋਤਿ, ਗਦ੍ਰਭੋ ਹੋਤਿ, ਸੂਕਰੋ ਹੋਤਿ, ਮਹਿਂਸੋ [ਮਹਿਸੋ (ਸੀ. ਸ੍ਯਾ. ਕਂ. ਪੀ.)] ਹੋਤੀਤਿ? ਆਮਨ੍ਤਾ. ਸ੍ਵੇਵ ਮਨੁਸ੍ਸੋ ਸੋ ਮਹਿਂਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੦. ਸ੍ਵੇਵ ਮਨੁਸ੍ਸੋ ਸੋ ਮਹਿਂਸੋਤਿ? ਆਮਨ੍ਤਾ. ਮਨੁਸ੍ਸੋ ਹੁਤ੍ਵਾ ਮਹਿਂਸੋ ਹੋਤਿ, ਮਹਿਂਸੋ ਹੁਤ੍ਵਾ ਮਨੁਸ੍ਸੋ ਹੋਤਿ, ਮਨੁਸ੍ਸਭੂਤੋ ਅਞ੍ਞੋ, ਮਹਿਂਸੋ ਅਞ੍ਞੋ, ਮਨੁਸ੍ਸਭੂਤੋ ਸ੍ਵੇਵਾਯਂ ਸਨ੍ਧਾਵਤੀਤਿ ਮਿਚ੍ਛਾ…ਪੇ….

ਸਚੇ ਹਿ ਸਨ੍ਧਾਵਤਿ ਸ੍ਵੇਵ ਪੁਗ੍ਗਲੋ ਇਤੋ ਚੁਤੋ ਪਰਂ ਲੋਕਂ ਅਨਞ੍ਞੋ, ਹੇਵਂ ਮਰਣਂ ਨ ਹੇਹਿਤਿ, ਪਾਣਾਤਿਪਾਤੋਪਿ ਨੁਪਲਬ੍ਭਤਿ. ਕਮ੍ਮਂ ਅਤ੍ਥਿ, ਕਮ੍ਮਵਿਪਾਕੋ ਅਤ੍ਥਿ, ਕਤਾਨਂ ਕਮ੍ਮਾਨਂ ਵਿਪਾਕੋ ਅਤ੍ਥਿ, ਕੁਸਲਾਕੁਸਲੇ ਵਿਪਚ੍ਚਮਾਨੇ ਸ੍ਵੇਵਾਯਂ ਸਨ੍ਧਾਵਤੀਤਿ ਮਿਚ੍ਛਾ.

੮੧. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ ¶ . ਅਤ੍ਥਿ ਕੋਚਿ ਖਤ੍ਤਿਯੋ ਹੁਤ੍ਵਾ ਬ੍ਰਾਹ੍ਮਣੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਖਤ੍ਤਿਯੋ ਸੋ ਬ੍ਰਾਹ੍ਮਣੋਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੨. ਅਤ੍ਥਿ ਕੋਚਿ ਖਤ੍ਤਿਯੋ ਹੁਤ੍ਵਾ ਵੇਸ੍ਸੋ ਹੋਤਿ, ਸੁਦ੍ਦੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਖਤ੍ਤਿਯੋ ਸੋ ਸੁਦ੍ਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੩. ਅਤ੍ਥਿ ਕੋਚਿ ਬ੍ਰਾਹ੍ਮਣੋ ਹੁਤ੍ਵਾ ਵੇਸ੍ਸੋ ਹੋਤਿ, ਸੁਦ੍ਦੋ ਹੋਤਿ, ਖਤ੍ਤਿਯੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਬ੍ਰਾਹ੍ਮਣੋ ਸੋ ਖਤ੍ਤਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੪. ਅਤ੍ਥਿ ¶ ਕੋਚਿ ਵੇਸ੍ਸੋ ਹੁਤ੍ਵਾ ਸੁਦ੍ਦੋ ਹੋਤਿ, ਖਤ੍ਤਿਯੋ ਹੋਤਿ, ਬ੍ਰਾਹ੍ਮਣੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਵੇਸ੍ਸੋ ਸੋ ਬ੍ਰਾਹ੍ਮਣੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੫. ਅਤ੍ਥਿ ਕੋਚਿ ਸੁਦ੍ਦੋ ਹੁਤ੍ਵਾ ਖਤ੍ਤਿਯੋ ਹੋਤਿ, ਬ੍ਰਾਹ੍ਮਣੋ ਹੋਤਿ, ਵੇਸ੍ਸੋ ਹੋਤੀਤਿ? ਆਮਨ੍ਤਾ. ਸ੍ਵੇਵ ਸੁਦ੍ਦੋ ਸੋ ਵੇਸ੍ਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੬. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ ¶ ? ਆਮਨ੍ਤਾ. ਹਤ੍ਥਚ੍ਛਿਨ੍ਨੋ ਹਤ੍ਥਚ੍ਛਿਨ੍ਨੋਵ ਹੋਤਿ, ਪਾਦਚ੍ਛਿਨ੍ਨੋ ਪਾਦਚ੍ਛਿਨ੍ਨੋਵ ਹੋਤਿ, ਹਤ੍ਥਪਾਦਚ੍ਛਿਨ੍ਨੋ ਹਤ੍ਥਪਾਦਚ੍ਛਿਨ੍ਨੋਵ ਹੋਤਿ, ਕਣ੍ਣਚ੍ਛਿਨ੍ਨੋ… ਨਾਸਚ੍ਛਿਨ੍ਨੋ… ਕਣ੍ਣਨਾਸਚ੍ਛਿਨ੍ਨੋ… ਅਙ੍ਗੁਲਿਚ੍ਛਿਨ੍ਨੋ… ਅਲ਼ਚ੍ਛਿਨ੍ਨੋ… ਕਣ੍ਡਰਚ੍ਛਿਨ੍ਨੋ… ਕੁਣਿਹਤ੍ਥਕੋ… ਫਣਹਤ੍ਥਕੋ… ਕੁਟ੍ਠਿਯੋ… ਗਣ੍ਡਿਯੋ… ਕਿਲਾਸਿਯੋ… ਸੋਸਿਯੋ… ਅਪਮਾਰਿਯੋ… ਓਟ੍ਠੋ… ਗੋਣੋ… ਗਦ੍ਰਭੋ… ਸੂਕਰੋ… ਮਹਿਂਸੋ ਮਹਿਂਸੋਵ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੭. ਨ ਵਤ੍ਤਬ੍ਬਂ – ‘‘ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕ’’ਨ੍ਤਿ? ਆਮਨ੍ਤਾ. ਨਨੁ ¶ ਸੋਤਾਪਨ੍ਨੋ ਪੁਗ੍ਗਲੋ ਮਨੁਸ੍ਸਲੋਕਾ ਚੁਤੋ ਦੇਵਲੋਕਂ ਉਪਪਨ੍ਨੋ ਤਤ੍ਥਪਿ ਸੋਤਾਪਨ੍ਨੋਵ ¶ ਹੋਤੀਤਿ? ਆਮਨ੍ਤਾ.

ਹਞ੍ਚਿ ਸੋਤਾਪਨ੍ਨੋ ਪੁਗ੍ਗਲੋ ਮਨੁਸ੍ਸਲੋਕਾ ਚੁਤੋ ਦੇਵਲੋਕਂ ਉਪਪਨ੍ਨੋ ਤਤ੍ਥਪਿ ਸੋਤਾਪਨ੍ਨੋਵ ਹੋਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕ’’ਨ੍ਤਿ.

੮੮. ਸੋਤਾਪਨ੍ਨੋ ਪੁਗ੍ਗਲੋ ਮਨੁਸ੍ਸਲੋਕਾ ਚੁਤੋ ਦੇਵਲੋਕਂ ਉਪਪਨ੍ਨੋ ਤਤ੍ਥਪਿ ਸੋਤਾਪਨ੍ਨੋਵ ਹੋਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸੋਤਾਪਨ੍ਨੋ ਪੁਗ੍ਗਲੋ ਮਨੁਸ੍ਸਲੋਕਾ ਚੁਤੋ ਦੇਵਲੋਕਂ ਉਪਪਨ੍ਨੋ ਤਤ੍ਥਪਿ ਮਨੁਸ੍ਸੋ ਹੋਤੀਤਿ ਕਤ੍ਵਾ? ਨ ਹੇਵਂ ਵਤ੍ਤਬ੍ਬੇ…ਪੇ….

੮੯. ਸ੍ਵੇਵ ¶ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਅਨਞ੍ਞੋ ਅਵਿਗਤੋ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੦. ਅਨਞ੍ਞੋ ਅਵਿਗਤੋ ਸਨ੍ਧਾਵਤੀਤਿ? ਆਮਨ੍ਤਾ. ਹਤ੍ਥਚ੍ਛਿਨ੍ਨੋ ਹਤ੍ਥਚ੍ਛਿਨ੍ਨੋਵ ਹੋਤਿ, ਪਾਦਚ੍ਛਿਨ੍ਨੋ ਪਾਦਚ੍ਛਿਨ੍ਨੋਵ ਹੋਤਿ, ਹਤ੍ਥਪਾਦਚ੍ਛਿਨ੍ਨੋ ਹਤ੍ਥਪਾਦਚ੍ਛਿਨ੍ਨੋਵ ਹੋਤਿ, ਕਣ੍ਣਚ੍ਛਿਨ੍ਨੋ… ਨਾਸਚ੍ਛਿਨ੍ਨੋ… ਕਣ੍ਣਨਾਸਚ੍ਛਿਨ੍ਨੋ… ਅਙ੍ਗੁਲਿਚ੍ਛਿਨ੍ਨੋ… ਅਲ਼ਚ੍ਛਿਨ੍ਨੋ… ਕਣ੍ਡਰਚ੍ਛਿਨ੍ਨੋ… ਕੁਣਿਹਤ੍ਥਕੋ… ਫਣਹਤ੍ਥਕੋ… ਕੁਟ੍ਠਿਯੋ… ਗਣ੍ਡਿਯੋ… ਕਿਲਾਸਿਯੋ… ਸੋਸਿਯੋ… ਅਪਮਾਰਿਯੋ… ਓਟ੍ਠੋ… ਗੋਣੋ… ਗਦ੍ਰਭੋ… ਸੂਕਰੋ… ਮਹਿਂਸੋ ਮਹਿਂਸੋਵ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੧. ਸ੍ਵੇਵ ¶ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ¶ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਸਰੂਪੋ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਰੂਪੋ ਸਨ੍ਧਾਵਤੀਤਿ? ਆਮਨ੍ਤਾ. ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨੋ…ਪੇ… ਸਸਞ੍ਞੋ…ਪੇ… ਸਸਙ੍ਖਾਰੋ…ਪੇ… ਸਵਿਞ੍ਞਾਣੋ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਵਿਞ੍ਞਾਣੋ ਸਨ੍ਧਾਵਤੀਤਿ? ਆਮਨ੍ਤਾ ¶ . ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੨. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਅਰੂਪੋ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰੂਪੋ ਸਨ੍ਧਾਵਤੀਤਿ? ਆਮਨ੍ਤਾ. ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਵੇਦਨੋ…ਪੇ… ਅਸਞ੍ਞੋ…ਪੇ… ਅਸਙ੍ਖਾਰੋ…ਪੇ… ਅਵਿਞ੍ਞਾਣੋ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਵਿਞ੍ਞਾਣੋ ਸਨ੍ਧਾਵਤੀਤਿ? ਆਮਨ੍ਤਾ. ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੩. ਸ੍ਵੇਵ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਰੂਪਂ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਸਨ੍ਧਾਵਤੀਤਿ? ਆਮਨ੍ਤਾ. ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵੇਦਨਾ ¶ …ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵਿਞ੍ਞਾਣਂ ਸਨ੍ਧਾਵਤੀਤਿ? ਆਮਨ੍ਤਾ. ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੪. ਸ੍ਵੇਵ ¶ ਪੁਗ੍ਗਲੋ ਸਨ੍ਧਾਵਤਿ ਅਸ੍ਮਾ ਲੋਕਾ ਪਰਂ ਲੋਕਂ, ਪਰਸ੍ਮਾ ਲੋਕਾ ਇਮਂ ਲੋਕਨ੍ਤਿ? ਆਮਨ੍ਤਾ. ਰੂਪਂ ਨ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਨ ਸਨ੍ਧਾਵਤੀਤਿ? ਆਮਨ੍ਤਾ. ਅਞ੍ਞਂ ¶ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵੇਦਨਾ ¶ …ਪੇ… ਸਞ੍ਞਾ…ਪੇ… ਸਙ੍ਖਾਰਾ…ਪੇ… ਵਿਞ੍ਞਾਣਂ ਨ ਸਨ੍ਧਾਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵਿਞ੍ਞਾਣਂ ਨ ਸਨ੍ਧਾਵਤੀਤਿ? ਆਮਨ੍ਤਾ. ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ).

ਖਨ੍ਧੇਸੁ ਭਿਜ੍ਜਮਾਨੇਸੁ, ਸੋ ਚੇ ਭਿਜ੍ਜਤਿ ਪੁਗ੍ਗਲੋ;

ਉਚ੍ਛੇਦਾ ਭਵਤਿ ਦਿਟ੍ਠਿ, ਯਾ ਬੁਦ੍ਧੇਨ ਵਿਵਜ੍ਜਿਤਾ.

ਖਨ੍ਧੇਸੁ ਭਿਜ੍ਜਮਾਨੇਸੁ, ਨੋ ਚੇ ਭਿਜ੍ਜਤਿ ਪੁਗ੍ਗਲੋ;

ਪੁਗ੍ਗਲੋ ਸਸ੍ਸਤੋ ਹੋਤਿ, ਨਿਬ੍ਬਾਨੇਨ ਸਮਸਮੋਤਿ.

ਗਤਿਅਨੁਯੋਗੋ.

੧੨. ਉਪਾਦਾਪਞ੍ਞਤ੍ਤਾਨੁਯੋਗੋ

੯੫. ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਰੂਪਂ ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਖਯਧਮ੍ਮਂ ਵਯਧਮ੍ਮਂ ਵਿਰਾਗਧਮ੍ਮਂ ਨਿਰੋਧਧਮ੍ਮਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ? ਪੁਗ੍ਗਲੋਪਿ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੬. ਵੇਦਨਂ ਉਪਾਦਾਯ… ਸਞ੍ਞਂ ਉਪਾਦਾਯ… ਸਙ੍ਖਾਰੇ ਉਪਾਦਾਯ… ਵਿਞ੍ਞਾਣਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਵਿਞ੍ਞਾਣਂ ¶ ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਖਯਧਮ੍ਮਂ ਵਯਧਮ੍ਮਂ ਵਿਰਾਗਧਮ੍ਮਂ ਨਿਰੋਧਧਮ੍ਮਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਪੁਗ੍ਗਲੋਪਿ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੭. ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਨੀਲਂ ਰੂਪਂ ਉਪਾਦਾਯ ਨੀਲਕਸ੍ਸ ¶ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੀਤਂ ¶ ਰੂਪਂ ਉਪਾਦਾਯ… ਲੋਹਿਤਂ ¶ ਰੂਪਂ ਉਪਾਦਾਯ… ਓਦਾਤਂ ਰੂਪਂ ਉਪਾਦਾਯ… ਸਨਿਦਸ੍ਸਨਂ ਰੂਪਂ ਉਪਾਦਾਯ… ਅਨਿਦਸ੍ਸਨਂ ਰੂਪਂ ਉਪਾਦਾਯ… ਸਪ੍ਪਟਿਘਂ ਰੂਪਂ ਉਪਾਦਾਯ… ਅਪ੍ਪਟਿਘਂ ਰੂਪਂ ਉਪਾਦਾਯ ਅਪ੍ਪਟਿਘਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੮. ਵੇਦਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਕੁਸਲਂ ਵੇਦਨਂ ਉਪਾਦਾਯ ਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕੁਸਲਂ ਵੇਦਨਂ ਉਪਾਦਾਯ ਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਕੁਸਲਾ ਵੇਦਨਾ ਸਫਲਾ ਸਵਿਪਾਕਾ ਇਟ੍ਠਫਲਾ ਕਨ੍ਤਫਲਾ ਮਨੁਞ੍ਞਫਲਾ ਅਸੇਚਨਕਫਲਾ ਸੁਖੁਦ੍ਰਯਾ ਸੁਖਵਿਪਾਕਾਤਿ? ਆਮਨ੍ਤਾ. ਕੁਸਲੋਪਿ ਪੁਗ੍ਗਲੋ ਸਫਲੋ ਸਵਿਪਾਕੋ ਇਟ੍ਠਫਲੋ ਕਨ੍ਤਫਲੋ ਮਨੁਞ੍ਞਫਲੋ ਅਸੇਚਨਕਫਲੋ ਸੁਖੁਦ੍ਰਯੋ ਸੁਖਵਿਪਾਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੯੯. ਵੇਦਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਕੁਸਲਂ ¶ ਵੇਦਨਂ ਉਪਾਦਾਯ ਅਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲਂ ਵੇਦਨਂ ਉਪਾਦਾਯ ਅਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਕੁਸਲਾ ਵੇਦਨਾ ਸਫਲਾ ਸਵਿਪਾਕਾ ਅਨਿਟ੍ਠਫਲਾ ਅਕਨ੍ਤਫਲਾ ¶ ਅਮਨੁਞ੍ਞਫਲਾ ਸੇਚਨਕਫਲਾ ਦੁਕ੍ਖੁਦ੍ਰਯਾ ਦੁਕ੍ਖਵਿਪਾਕਾਤਿ? ਆਮਨ੍ਤਾ. ਅਕੁਸਲੋਪਿ ਪੁਗ੍ਗਲੋ ਸਫਲੋ ਸਵਿਪਾਕੋ ਅਨਿਟ੍ਠਫਲੋ ਅਕਨ੍ਤਫਲੋ ਅਮਨੁਞ੍ਞਫਲੋ ਸੇਚਨਕਫਲੋ ਦੁਕ੍ਖੁਦ੍ਰਯੋ ਦੁਕ੍ਖਵਿਪਾਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੦. ਵੇਦਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਬ੍ਯਾਕਤਂ ਵੇਦਨਂ ਉਪਾਦਾਯ ਅਬ੍ਯਾਕਤਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਬ੍ਯਾਕਤਂ ਵੇਦਨਂ ਉਪਾਦਾਯ ਅਬ੍ਯਾਕਤਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਬ੍ਯਾਕਤਾ ਵੇਦਨਾ ਅਨਿਚ੍ਚਾ ਸਙ੍ਖਤਾ ਪਟਿਚ੍ਚਸਮੁਪ੍ਪਨ੍ਨਾ ਖਯਧਮ੍ਮਾ ਵਯਧਮ੍ਮਾ ਵਿਰਾਗਧਮ੍ਮਾ ਨਿਰੋਧਧਮ੍ਮਾ ਵਿਪਰਿਣਾਮਧਮ੍ਮਾਤਿ? ਆਮਨ੍ਤਾ. ਅਬ੍ਯਾਕਤੋਪਿ ਪੁਗ੍ਗਲੋ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੧. ਸਞ੍ਞਂ ਉਪਾਦਾਯ… ਸਙ੍ਖਾਰੇ ਉਪਾਦਾਯ… ਵਿਞ੍ਞਾਣਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਕੁਸਲਂ ਵਿਞ੍ਞਾਣਂ ਉਪਾਦਾਯ ਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ¶ ਵਤ੍ਤਬ੍ਬੇ…ਪੇ… ਕੁਸਲਂ ਵਿਞ੍ਞਾਣਂ ਉਪਾਦਾਯ ਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਕੁਸਲਂ ਵਿਞ੍ਞਾਣਂ ਸਫਲਂ ਸਵਿਪਾਕਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ¶ ਸੁਖੁਦ੍ਰਯਂ ਸੁਖਵਿਪਾਕਨ੍ਤਿ ¶ ? ਆਮਨ੍ਤਾ. ਕੁਸਲੋਪਿ ਪੁਗ੍ਗਲੋ ਸਫਲੋ ਸਵਿਪਾਕੋ ਇਟ੍ਠਫਲੋ ਕਨ੍ਤਫਲੋ ਮਨੁਞ੍ਞਫਲੋ ਅਸੇਚਨਕਫਲੋ ਸੁਖੁਦ੍ਰਯੋ ਸੁਖਵਿਪਾਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੨. ਵਿਞ੍ਞਾਣਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਕੁਸਲਂ ¶ ਵਿਞ੍ਞਾਣਂ ਉਪਾਦਾਯ ਅਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਕੁਸਲਂ ਵਿਞ੍ਞਾਣਂ ਉਪਾਦਾਯ ਅਕੁਸਲਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਕੁਸਲਂ ਵਿਞ੍ਞਾਣਂ ਸਫਲਂ ਸਵਿਪਾਕਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਨ੍ਤਿ? ਆਮਨ੍ਤਾ. ਅਕੁਸਲੋਪਿ ਪੁਗ੍ਗਲੋ ਸਫਲੋ ਸਵਿਪਾਕੋ ਅਨਿਟ੍ਠਫਲੋ ਅਕਨ੍ਤਫਲੋ ਅਮਨੁਞ੍ਞਫਲੋ ਸੇਚਨਕਫਲੋ ਦੁਕ੍ਖੁਦ੍ਰਯੋ ਦੁਕ੍ਖਵਿਪਾਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੩. ਵਿਞ੍ਞਾਣਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਬ੍ਯਾਕਤਂ ਵਿਞ੍ਞਾਣਂ ਉਪਾਦਾਯ ਅਬ੍ਯਾਕਤਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਬ੍ਯਾਕਤਂ ਵਿਞ੍ਞਾਣਂ ਉਪਾਦਾਯ ਅਬ੍ਯਾਕਤਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਅਬ੍ਯਾਕਤਂ ਵਿਞ੍ਞਾਣਂ ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨਂ ਖਯਧਮ੍ਮਂ ਵਯਧਮ੍ਮਂ ਵਿਰਾਗਧਮ੍ਮਂ ਨਿਰੋਧਧਮ੍ਮਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਅਬ੍ਯਾਕਤੋਪਿ ਪੁਗ੍ਗਲੋ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੪. ਚਕ੍ਖੁਂ ਉਪਾਦਾਯ ‘‘ਚਕ੍ਖੁਮਾ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ ¶ . ਚਕ੍ਖੁਮ੍ਹਿ ਨਿਰੁਦ੍ਧੇ ‘‘ਚਕ੍ਖੁਮਾ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਂ ਉਪਾਦਾਯ… ਘਾਨਂ ਉਪਾਦਾਯ… ਜਿਵ੍ਹਂ ਉਪਾਦਾਯ… ਕਾਯਂ ¶ ਉਪਾਦਾਯ… ਮਨਂ ਉਪਾਦਾਯ ‘‘ਮਨਵਾ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਮਨਮ੍ਹਿ ਨਿਰੁਦ੍ਧੇ ‘‘ਮਨਵਾ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ.

੧੦੫. ਮਿਚ੍ਛਾਦਿਟ੍ਠਿਂ ਉਪਾਦਾਯ ‘‘ਮਿਚ੍ਛਾਦਿਟ੍ਠਿਯੋ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਮਿਚ੍ਛਾਦਿਟ੍ਠਿਯਾ ਨਿਰੁਦ੍ਧਾਯ ‘‘ਮਿਚ੍ਛਾਦਿਟ੍ਠਿਯੋ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ. ਮਿਚ੍ਛਾਸਙ੍ਕਪ੍ਪਂ ਉਪਾਦਾਯ… ਮਿਚ੍ਛਾਵਾਚਂ ਉਪਾਦਾਯ… ਮਿਚ੍ਛਾਕਮ੍ਮਨ੍ਤਂ ਉਪਾਦਾਯ… ਮਿਚ੍ਛਾਆਜੀਵਂ ਉਪਾਦਾਯ ¶ … ਮਿਚ੍ਛਾਵਾਯਾਮਂ ਉਪਾਦਾਯ… ਮਿਚ੍ਛਾਸਤਿਂ ਉਪਾਦਾਯ… ਮਿਚ੍ਛਾਸਮਾਧਿਂ ਉਪਾਦਾਯ ‘‘ਮਿਚ੍ਛਾਸਮਾਧਿਯੋ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਮਿਚ੍ਛਾਸਮਾਧਿਮ੍ਹਿ ਨਿਰੁਦ੍ਧੇ ‘‘ਮਿਚ੍ਛਾਸਮਾਧਿਯੋ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ.

੧੦੬. ਸਮ੍ਮਾਦਿਟ੍ਠਿਂ ¶ ਉਪਾਦਾਯ ‘‘ਸਮ੍ਮਾਦਿਟ੍ਠਿਯੋ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਸਮ੍ਮਾਦਿਟ੍ਠਿਯਾ ਨਿਰੁਦ੍ਧਾਯ ‘‘ਸਮ੍ਮਾਦਿਟ੍ਠਿਯੋ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮ੍ਮਾਸਙ੍ਕਪ੍ਪਂ ਉਪਾਦਾਯ… ਸਮ੍ਮਾਵਾਚਂ ਉਪਾਦਾਯ… ਸਮ੍ਮਾਕਮ੍ਮਨ੍ਤਂ ਉਪਾਦਾਯ… ਸਮ੍ਮਾਆਜੀਵਂ ਉਪਾਦਾਯ… ਸਮ੍ਮਾਵਾਯਾਮਂ ਉਪਾਦਾਯ… ਸਮ੍ਮਾਸਤਿਂ ਉਪਾਦਾਯ… ਸਮ੍ਮਾਸਮਾਧਿਂ ¶ ਉਪਾਦਾਯ ‘‘ਸਮ੍ਮਾਸਮਾਧਿਯੋ ਪੁਗ੍ਗਲੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਸਮ੍ਮਾਸਮਾਧਿਮ੍ਹਿ ¶ ਨਿਰੁਦ੍ਧੇ ‘‘ਸਮ੍ਮਾਸਮਾਧਿਯੋ ਪੁਗ੍ਗਲੋ ਨਿਰੁਦ੍ਧੋ’’ਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੭. ਰੂਪਂ ਉਪਾਦਾਯ, ਵੇਦਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਖਨ੍ਧਾਨਂ ਉਪਾਦਾਯ ਦ੍ਵਿਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਉਪਾਦਾਯ, ਵੇਦਨਂ ਉਪਾਦਾਯ, ਸਞ੍ਞਂ ਉਪਾਦਾਯ, ਸਙ੍ਖਾਰੇ ਉਪਾਦਾਯ, ਵਿਞ੍ਞਾਣਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਪਞ੍ਚਨ੍ਨਂ ਖਨ੍ਧਾਨਂ ਉਪਾਦਾਯ ਪਞ੍ਚਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੮. ਚਕ੍ਖਾਯਤਨਂ ਉਪਾਦਾਯ, ਸੋਤਾਯਤਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਆਯਤਨਾਨਂ ਉਪਾਦਾਯ ਦ੍ਵਿਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖਾਯਤਨਂ ਉਪਾਦਾਯ, ਸੋਤਾਯਤਨਂ ਉਪਾਦਾਯ…ਪੇ… ਧਮ੍ਮਾਯਤਨਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਦ੍ਵਾਦਸਨ੍ਨਂ ਆਯਤਨਾਨਂ ਉਪਾਦਾਯ ਦ੍ਵਾਦਸਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੦੯. ਚਕ੍ਖੁਧਾਤੁਂ ਉਪਾਦਾਯ, ਸੋਤਧਾਤੁਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਧਾਤੂਨਂ ਉਪਾਦਾਯ ਦ੍ਵਿਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਧਾਤੁਂ ਉਪਾਦਾਯ, ਸੋਤਧਾਤੁਂ ਉਪਾਦਾਯ…ਪੇ… ਧਮ੍ਮਧਾਤੁਂ ਉਪਾਦਾਯ ¶ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ ¶ . ਅਟ੍ਠਾਰਸਨ੍ਨਂ ਧਾਤੂਨਂ ਉਪਾਦਾਯ ਅਟ੍ਠਾਰਸਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੦. ਚਕ੍ਖੁਨ੍ਦ੍ਰਿਯਂ ¶ ਉਪਾਦਾਯ, ਸੋਤਿਨ੍ਦ੍ਰਿਯਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਇਨ੍ਦ੍ਰਿਯਾਨਂ ਉਪਾਦਾਯ ਦ੍ਵਿਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖੁਨ੍ਦ੍ਰਿਯਂ ਉਪਾਦਾਯ, ਸੋਤਿਨ੍ਦ੍ਰਿਯਂ ਉਪਾਦਾਯ…ਪੇ… ਅਞ੍ਞਾਤਾਵਿਨ੍ਦ੍ਰਿਯਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਬਾਵੀਸਤੀਨਂ [ਬਾਵੀਸਤਿਯਾ (?)] ਇਨ੍ਦ੍ਰਿਯਾਨਂ ਉਪਾਦਾਯ ਬਾਵੀਸਤੀਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੧. ਏਕਵੋਕਾਰਭਵਂ ¶ ਉਪਾਦਾਯ ਏਕਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਚਤੁਵੋਕਾਰਭਵਂ ਉਪਾਦਾਯ ਚਤੁਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਏਕਵੋਕਾਰਭਵਂ ਉਪਾਦਾਯ ਏਕਸ੍ਸ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਪਞ੍ਚਵੋਕਾਰਭਵਂ ਉਪਾਦਾਯ ਪਞ੍ਚਨ੍ਨਂ ਪੁਗ੍ਗਲਾਨਂ ਪਞ੍ਞਤ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਏਕਵੋਕਾਰਭਵੇ ਏਕੋਵ ਪੁਗ੍ਗਲੋਤਿ? ਆਮਨ੍ਤਾ. ਚਤੁਵੋਕਾਰਭਵੇ ਚਤ੍ਤਾਰੋਵ [ਚਤ੍ਤਾਰੋ (?)] ਪੁਗ੍ਗਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਏਕਵੋਕਾਰਭਵੇ ਏਕੋਵ ਪੁਗ੍ਗਲੋਤਿ? ਆਮਨ੍ਤਾ. ਪਞ੍ਚਵੋਕਾਰਭਵੇ ਪਞ੍ਚੇਵ ਪੁਗ੍ਗਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੨. ਯਥਾ ¶ ਰੁਕ੍ਖਂ ਉਪਾਦਾਯ ਛਾਯਾਯ ਪਞ੍ਞਤ੍ਤਿ, ਏਵਮੇਵਂ ਰੂਪਂ ¶ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ( ) [(ਆਮਨ੍ਤਾ) (?) ਏਵਂ ਅਨਨ੍ਤਰਵਾਰਤ੍ਤਯੇਪਿ] ਯਥਾ ਰੁਕ੍ਖਂ ਉਪਾਦਾਯ ਛਾਯਾਯ ਪਞ੍ਞਤ੍ਤਿ, ਰੁਕ੍ਖੋਪਿ ਅਨਿਚ੍ਚੋ ਛਾਯਾਪਿ ਅਨਿਚ੍ਚਾ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤਿ, ਰੂਪਮ੍ਪਿ ਅਨਿਚ੍ਚਂ ਪੁਗ੍ਗਲੋਪਿ ਅਨਿਚ੍ਚੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਥਾ ਰੁਕ੍ਖਂ ਉਪਾਦਾਯ ਛਾਯਾਯ ਪਞ੍ਞਤ੍ਤਿ, ਅਞ੍ਞੋ ਰੁਕ੍ਖੋ ਅਞ੍ਞਾ ਛਾਯਾ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤਿ, ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੩. ਯਥਾ ਗਾਮਂ ਉਪਾਦਾਯ ਗਾਮਿਕਸ੍ਸ ਪਞ੍ਞਤ੍ਤਿ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਯਥਾ ਗਾਮਂ ਉਪਾਦਾਯ ਗਾਮਿਕਸ੍ਸ ਪਞ੍ਞਤ੍ਤਿ, ਅਞ੍ਞੋ ਗਾਮੋ ਅਞ੍ਞੋ ਗਾਮਿਕੋ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤਿ, ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੪. ਯਥਾ ਰਟ੍ਠਂ ਉਪਾਦਾਯ ਰਞ੍ਞੋ ਪਞ੍ਞਤ੍ਤਿ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ ¶ ? ਯਥਾ ਰਟ੍ਠਂ ਉਪਾਦਾਯ ਰਞ੍ਞੋ ਪਞ੍ਞਤ੍ਤਿ, ਅਞ੍ਞਂ ਰਟ੍ਠਂ ਅਞ੍ਞੋ ਰਾਜਾ, ਏਵਮੇਵਂ ਰੂਪਂ ਉਪਾਦਾਯ ਪੁਗ੍ਗਲਸ੍ਸ ਪਞ੍ਞਤ੍ਤਿ, ਅਞ੍ਞਂ ਰੂਪਂ ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੫. ਯਥਾ ਨ ਨਿਗਲ਼ੋ ਨੇਗਲ਼ਿਕੋ, ਯਸ੍ਸ ਨਿਗਲ਼ੋ ਸੋ ਨੇਗਲ਼ਿਕੋ, ਏਵਮੇਵਂ ਨ ਰੂਪਂ ਰੂਪਵਾ, ਯਸ੍ਸ ਰੂਪਂ ਸੋ ਰੂਪਵਾਤਿ? ਯਥਾ ਨ ਨਿਗਲ਼ੋ ਨੇਗਲ਼ਿਕੋ, ਯਸ੍ਸ ਨਿਗਲ਼ੋ ਸੋ ਨੇਗਲ਼ਿਕੋ, ਅਞ੍ਞੋ ਨਿਗਲ਼ੋ ਅਞ੍ਞੋ ਨੇਗਲ਼ਿਕੋ, ਏਵਮੇਵਂ ਨ ਰੂਪਂ ਰੂਪਵਾ, ਯਸ੍ਸ ਰੂਪਂ ਸੋ ਰੂਪਵਾ, ਅਞ੍ਞਂ ਰੂਪਂ ਅਞ੍ਞੋ ਰੂਪਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੧੬. ਚਿਤ੍ਤੇ ¶ ਚਿਤ੍ਤੇ ਪੁਗ੍ਗਲਸ੍ਸ ਪਞ੍ਞਤ੍ਤੀਤਿ? ਆਮਨ੍ਤਾ. ਚਿਤ੍ਤੇ ¶ ਚਿਤ੍ਤੇ ਪੁਗ੍ਗਲੋ ਜਾਯਤਿ ਜੀਯਤਿ ਮੀਯਤਿ ਚਵਤਿ ਉਪਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ ਸੋਤਿ ਵਾ ਅਞ੍ਞੋਤਿ ਵਾਤਿ? ਆਮਨ੍ਤਾ ¶ . ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ ਕੁਮਾਰਕੋਤਿ ਵਾ ਕੁਮਾਰਿਕਾਤਿ ਵਾਤਿ? ਵਤ੍ਤਬ੍ਬਂ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘‘ਸੋਤਿ ਵਾ ਅਞ੍ਞੋਤਿ ਵਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘ਕੁਮਾਰਕੋਤਿ ਵਾ ਕੁਮਾਰਿਕਾਤਿ ਵਾ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ਸੋਤਿ ਵਾ ਅਞ੍ਞੋਤਿ ਵਾ, ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ਕੁਮਾਰਕੋਤਿ ਵਾ ਕੁਮਾਰਿਕਾਤਿ ਵਾ’’’ਤਿ ਮਿਚ੍ਛਾ.

ਹਞ੍ਚਿ ਵਾ ਪਨ ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ‘‘ਕੁਮਾਰਕੋਤਿ ਵਾ ਕੁਮਾਰਿਕਾ’’ਤਿ ਵਾ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ‘ਸੋਤਿ ਵਾ ਅਞ੍ਞੋਤਿ ਵਾ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ਸੋਤਿ ਵਾ ਅਞ੍ਞੋਤਿ ਵਾ, ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ਕੁਮਾਰਕੋਤਿ ਵਾ ਕੁਮਾਰਿਕਾਤਿ ਵਾ’’’ਤਿ ਮਿਚ੍ਛਾ.

੧੧੭. ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘‘ਸੋਤਿ ਵਾ ਅਞ੍ਞੋਤਿ ਵਾ’’ਤਿ? ਆਮਨ੍ਤਾ. ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘‘ਇਤ੍ਥੀਤਿ ਵਾ ਪੁਰਿਸੋਤਿ ਵਾ ਗਹਟ੍ਠੋਤਿ ਵਾ ਪਬ੍ਬਜਿਤੋਤਿ ਵਾ ਦੇਵੋਤਿ ਵਾ ਮਨੁਸ੍ਸੋਤਿ ਵਾ’’ਤਿ? ਵਤ੍ਤਬ੍ਬਂ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘‘ਸੋਤਿ ਵਾ ਅਞ੍ਞੋਤਿ ਵਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਦੁਤਿਯੇ ਚਿਤ੍ਤੇ ¶ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ‘ਦੇਵੋਤਿ ਵਾ ਮਨੁਸ੍ਸੋਤਿ ਵਾ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ਸੋਤਿ ਵਾ ਅਞ੍ਞੋਤਿ ਵਾ, ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ਦੇਵੋਤਿ ਵਾ ਮਨੁਸ੍ਸੋਤਿ ਵਾ’’’ਤਿ ਮਿਚ੍ਛਾ.

ਹਞ੍ਚਿ ਵਾ ਪਨ ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ‘‘ਦੇਵੋਤਿ ਵਾ ਮਨੁਸ੍ਸੋਤਿ ਵਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ‘ਸੋਤਿ ਵਾ ਅਞ੍ਞੋਤਿ ਵਾ’’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਨ ਵਤ੍ਤਬ੍ਬਂ – ਸੋਤਿ ਵਾ ਅਞ੍ਞੋਤਿ ਵਾ, ਦੁਤਿਯੇ ਚਿਤ੍ਤੇ ਉਪ੍ਪਨ੍ਨੇ ਵਤ੍ਤਬ੍ਬਂ – ਦੇਵੋਤਿ ਵਾ ਮਨੁਸ੍ਸੋਤਿ ਵਾ’’’ਤਿ ਮਿਚ੍ਛਾ…ਪੇ….

੧੧੮. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ¶ ਯੋ ਪਸ੍ਸਤਿ ਯਂ ਪਸ੍ਸਤਿ ਯੇਨ ਪਸ੍ਸਤਿ, ਸੋ ਪਸ੍ਸਤਿ ਤਂ ਪਸ੍ਸਤਿ ਤੇਨ ਪਸ੍ਸਤੀਤਿ? ਆਮਨ੍ਤਾ. ਹਞ੍ਚਿ ਯੋ ਪਸ੍ਸਤਿ ਯਂ ਪਸ੍ਸਤਿ ਯੇਨ ਪਸ੍ਸਤਿ, ਸੋ ਪਸ੍ਸਤਿ ਤਂ ਪਸ੍ਸਤਿ ਤੇਨ ਪਸ੍ਸਤਿ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੧੯. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਯੋ ਸੁਣਾਤਿ…ਪੇ… ਯੋ ਘਾਯਤਿ… ਯੋ ਸਾਯਤਿ… ਯੋ ਫੁਸਤਿ… ਯੋ ਵਿਜਾਨਾਤਿ ਯਂ ਵਿਜਾਨਾਤਿ ਯੇਨ ਵਿਜਾਨਾਤਿ, ਸੋ ਵਿਜਾਨਾਤਿ ਤਂ ਵਿਜਾਨਾਤਿ ਤੇਨ ਵਿਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਯੋ ਵਿਜਾਨਾਤਿ ਯਂ ਵਿਜਾਨਾਤਿ ਯੇਨ ਵਿਜਾਨਾਤਿ, ਸੋ ਵਿਜਾਨਾਤਿ ਤਂ ਵਿਜਾਨਾਤਿ ਤੇਨ ਵਿਜਾਨਾਤਿ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ¶ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੨੦. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਯੋ ਨ ਪਸ੍ਸਤਿ ਯਂ ਨ ਪਸ੍ਸਤਿ ਯੇਨ ਨ ਪਸ੍ਸਤਿ, ਸੋ ਨ ਪਸ੍ਸਤਿ ਤਂ ਨ ਪਸ੍ਸਤਿ ਤੇਨ ਨ ਪਸ੍ਸਤੀਤਿ? ਆਮਨ੍ਤਾ. ਹਞ੍ਚਿ ਯੋ ਨ ਪਸ੍ਸਤਿ ਯਂ ਨ ਪਸ੍ਸਤਿ ਯੇਨ ਨ ਪਸ੍ਸਤਿ, ਸੋ ਨ ਪਸ੍ਸਤਿ ਤਂ ਨ ਪਸ੍ਸਤਿ ਤੇਨ ਨ ਪਸ੍ਸਤਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਯੋ ਨ ਸੁਣਾਤਿ…ਪੇ… ਯੋ ¶ ਨ ਘਾਯਤਿ… ਯੋ ਨ ਸਾਯਤਿ… ਯੋ ਨ ਫੁਸਤਿ… ਯੋ ਨ ਵਿਜਾਨਾਤਿ ਯਂ ਨ ਵਿਜਾਨਾਤਿ ਯੇਨ ਨ ਵਿਜਾਨਾਤਿ, ਸੋ ਨ ਵਿਜਾਨਾਤਿ ਤਂ ਨ ਵਿਜਾਨਾਤਿ ਤੇਨ ਨ ਵਿਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਯੋ ਨ ਵਿਜਾਨਾਤਿ ਯਂ ਨ ਵਿਜਾਨਾਤਿ ਯੇਨ ਨ ਵਿਜਾਨਾਤਿ, ਸੋ ਨ ਵਿਜਾਨਾਤਿ ਤਂ ਨ ਵਿਜਾਨਾਤਿ ਤੇਨ ਨ ਵਿਜਾਨਾਤਿ; ਨੋ ਚ ਵਤ ਰੇ ¶ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੨੧. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਸ੍ਸਾਮਹਂ, ਭਿਕ੍ਖਵੇ, ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਤ੍ਤੇ ਚਵਮਾਨੇ ਉਪਪਜ੍ਜਮਾਨੇ ਹੀਨੇ ਪਣੀਤੇ ਸੁਵਣ੍ਣੇ ਦੁਬ੍ਬਣ੍ਣੇ, ਸੁਗਤੇ ਦੁਗ੍ਗਤੇ ਯਥਾਕਮ੍ਮੂਪਗੇ ਸਤ੍ਤੇ ਪਜਾਨਾਮੀ’’ਤਿ [ਮ. ਨਿ. ੧.੨੧੩ ਥੋਕਂ ਵਿਸਦਿਸਂ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ.

੧੨੨. ਵੁਤ੍ਤਂ ¶ ਭਗਵਤਾ – ‘‘ਪਸ੍ਸਾਮਹਂ, ਭਿਕ੍ਖਵੇ, ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਤ੍ਤੇ ਚਵਮਾਨੇ ਉਪਪਜ੍ਜਮਾਨੇ ¶ ਹੀਨੇ ਪਣੀਤੇ ਸੁਵਣ੍ਣੇ ਦੁਬ੍ਬਣ੍ਣੇ, ਸੁਗਤੇ ਦੁਗ੍ਗਤੇ ਯਥਾਕਮ੍ਮੂਪਗੇ ਸਤ੍ਤੇ ਪਜਾਨਾਮੀ’’ਤਿ ਕਤ੍ਵਾ ਤੇਨੇਵ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਭਗਵਾ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਰੂਪਂ ਪਸ੍ਸਤਿ ਪੁਗ੍ਗਲਂ ਪਸ੍ਸਤੀਤਿ? ਰੂਪਂ ਪਸ੍ਸਤਿ. ਰੂਪਂ ਪੁਗ੍ਗਲੋ, ਰੂਪਂ ਚਵਤਿ, ਰੂਪਂ ਉਪਪਜ੍ਜਤਿ, ਰੂਪਂ ਯਥਾਕਮ੍ਮੂਪਗਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਭਗਵਾ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਰੂਪਂ ਪਸ੍ਸਤਿ ਪੁਗ੍ਗਲਂ ਪਸ੍ਸਤੀਤਿ? ਪੁਗ੍ਗਲਂ ਪਸ੍ਸਤਿ. ਪੁਗ੍ਗਲੋ ਰੂਪਂ ਰੂਪਾਯਤਨਂ ਰੂਪਧਾਤੁ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਚਕ੍ਖੁਵਿਞ੍ਞੇਯ੍ਯਂ ਚਕ੍ਖੁਸ੍ਮਿਂ ਪਟਿਹਞ੍ਞਤਿ, ਚਕ੍ਖੁਸ੍ਸ ਆਪਾਥਂ ਆਗਚ੍ਛਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਭਗਵਾ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਰੂਪਂ ਪਸ੍ਸਤਿ ਪੁਗ੍ਗਲਂ ਪਸ੍ਸਤੀਤਿ? ਉਭੋ ਪਸ੍ਸਤਿ. ਉਭੋ ਰੂਪਂ ਰੂਪਾਯਤਨਂ ਰੂਪਧਾਤੁ, ਉਭੋ ਨੀਲਾ, ਉਭੋ ਪੀਤਕਾ, ਉਭੋ ਲੋਹਿਤਕਾ, ਉਭੋ ਓਦਾਤਾ, ਉਭੋ ਚਕ੍ਖੁਵਿਞ੍ਞੇਯ੍ਯਾ, ਉਭੋ ¶ ਚਕ੍ਖੁਸ੍ਮਿਂ ਪਟਿਹਞ੍ਞਨ੍ਤਿ, ਉਭੋ ¶ ਚਕ੍ਖੁਸ੍ਸ ਆਪਾਥਂ ਆਗਚ੍ਛਨ੍ਤਿ, ਉਭੋ ਚਵਨ੍ਤਿ, ਉਭੋ ਉਪਪਜ੍ਜਨ੍ਤਿ, ਉਭੋ ਯਥਾਕਮ੍ਮੂਪਗਾਤਿ? ਨ ਹੇਵਂ ਵਤ੍ਤਬ੍ਬੇ.

ਉਪਾਦਾਪਞ੍ਞਤ੍ਤਾਨੁਯੋਗੋ.

੧੩. ਪੁਰਿਸਕਾਰਾਨੁਯੋਗੋ

੧੨੩. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ? ਆਮਨ੍ਤਾ. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੨੪. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ¶ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੨੫. ਤਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੨੬. ਕਲ੍ਯਾਣਪਾਪਕਾਨਿ ¶ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੨੭. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੧੨੮. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ¶ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਪਥਵੀ ਉਪਲਬ੍ਭਤੀਤਿ, ਮਹਾਪਥਵਿਯਾ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੨੯. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਸਮੁਦ੍ਦੋ ਉਪਲਬ੍ਭਤੀਤਿ, ਮਹਾਸਮੁਦ੍ਦਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੧੩੦. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ, ਸਿਨੇਰੁਸ੍ਸ ਪਬ੍ਬਤਰਾਜਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੧. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਆਪੋ ਉਪਲਬ੍ਭਤੀਤਿ, ਆਪਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੨. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਤੇਜੋ ਉਪਲਬ੍ਭਤੀਤਿ, ਤੇਜਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੩. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਵਾਯੋ ਉਪਲਬ੍ਭਤੀਤਿ, ਵਾਯਸ੍ਸ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੪. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਉਪਲਬ੍ਭਤੀਤਿ? ਆਮਨ੍ਤਾ. ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ ¶ , ਤਿਣਕਟ੍ਠਵਨਪ੍ਪਤੀਨਂ ਕਤ੍ਤਾ ਕਾਰੇਤਾ ¶ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੫. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ¶ ਉਪਲਬ੍ਭਤੀਤਿ? ਆਮਨ੍ਤਾ. ਅਞ੍ਞਾਨਿ ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਅਞ੍ਞੋ ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੬. ਕਲ੍ਯਾਣਪਾਪਕਾਨਂ ¶ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ? ਆਮਨ੍ਤਾ. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੭. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੮. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੩੯. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੦. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੧. ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ¶ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਪਥਵੀ ਉਪਲਬ੍ਭਤੀਤਿ…ਪੇ… ਮਹਾਸਮੁਦ੍ਦੋ ਉਪਲਬ੍ਭਤੀਤਿ… ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ… ਆਪੋ ਉਪਲਬ੍ਭਤੀਤਿ… ਤੇਜੋ ¶ ਉਪਲਬ੍ਭਤੀਤਿ… ਵਾਯੋ ਉਪਲਬ੍ਭਤੀਤਿ…ਪੇ… ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੨. ਕਲ੍ਯਾਣਪਾਪਕਾਨਂ ¶ ਕਮ੍ਮਾਨਂ ਵਿਪਾਕੋ ਉਪਲਬ੍ਭਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀ ¶ ਉਪਲਬ੍ਭਤੀਤਿ? ਆਮਨ੍ਤਾ. ਅਞ੍ਞੋ ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕੋ, ਅਞ੍ਞੋ ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਵਿਪਾਕਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੩. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ? ਆਮਨ੍ਤਾ. ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੪. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ, ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੫. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੬. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ, ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ ¶ ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੭. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ, ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੮. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ, ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ ¶ . ਮਹਾਪਥਵੀ ਉਪਲਬ੍ਭਤੀਤਿ… ਮਹਾਸਮੁਦ੍ਦੋ ਉਪਲਬ੍ਭਤੀਤਿ… ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ… ਆਪੋ ਉਪਲਬ੍ਭਤੀਤਿ… ਤੇਜੋ ਉਪਲਬ੍ਭਤੀਤਿ… ਵਾਯੋ ਉਪਲਬ੍ਭਤੀਤਿ…ਪੇ… ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੪੯. ਦਿਬ੍ਬਂ ਸੁਖਂ ਉਪਲਬ੍ਭਤੀਤਿ, ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ ¶ . ਅਞ੍ਞਂ ਦਿਬ੍ਬਂ ਸੁਖਂ, ਅਞ੍ਞੋ ਦਿਬ੍ਬਸ੍ਸ ਸੁਖਸ੍ਸ ਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੦. ਮਾਨੁਸਕਂ ਸੁਖਂ ਉਪਲਬ੍ਭਤੀਤਿ? ਆਮਨ੍ਤਾ. ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੧. ਮਾਨੁਸਕਂ ¶ ਸੁਖਂ ਉਪਲਬ੍ਭਤੀਤਿ, ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੨. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੩. ਮਾਨੁਸਕਂ ਸੁਖਂ ਉਪਲਬ੍ਭਤੀਤਿ, ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ¶ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੪. ਮਾਨੁਸਕਂ ਸੁਖਂ ਉਪਲਬ੍ਭਤੀਤਿ, ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੫. ਮਾਨੁਸਕਂ ¶ ਸੁਖਂ ਉਪਲਬ੍ਭਤੀਤਿ, ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਪਥਵੀ ਉਪਲਬ੍ਭਤੀਤਿ…ਪੇ… ਮਹਾਸਮੁਦ੍ਦੋ ਉਪਲਬ੍ਭਤੀਤਿ… ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ… ਆਪੋ ਉਪਲਬ੍ਭਤੀਤਿ… ਤੇਜੋ ਉਪਲਬ੍ਭਤੀਤਿ… ਵਾਯੋ ਉਪਲਬ੍ਭਤੀਤਿ… ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੬. ਮਾਨੁਸਕਂ ਸੁਖਂ ਉਪਲਬ੍ਭਤੀਤਿ, ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ ¶ ? ਆਮਨ੍ਤਾ. ਅਞ੍ਞਂ ਮਾਨੁਸਕਂ ਸੁਖਂ ਅਞ੍ਞੋ ਮਾਨੁਸਕਸ੍ਸ ਸੁਖਸ੍ਸ ਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੭. ਆਪਾਯਿਕਂ ਦੁਕ੍ਖਂ ਉਪਲਬ੍ਭਤੀਤਿ? ਆਮਨ੍ਤਾ. ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੮. ਆਪਾਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੫੯. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੦. ਆਪਾਯਿਕਂ ¶ ¶ ਦੁਕ੍ਖਂ ਉਪਲਬ੍ਭਤੀਤਿ, ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੧. ਆਪਾਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੧੬੨. ਆਪਾਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਪਥਵੀ ਉਪਲਬ੍ਭਤੀਤਿ…ਪੇ… ਮਹਾਸਮੁਦ੍ਦੋ ਉਪਲਬ੍ਭਤੀਤਿ… ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ… ਆਪੋ ਉਪਲਬ੍ਭਤੀਤਿ… ਤੇਜੋ ਉਪਲਬ੍ਭਤੀਤਿ… ਵਾਯੋ ਉਪਲਬ੍ਭਤੀਤਿ… ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੩. ਆਪਾਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ ¶ ? ਆਮਨ੍ਤਾ. ਅਞ੍ਞਂ ਆਪਾਯਿਕਂ ਦੁਕ੍ਖਂ, ਅਞ੍ਞੋ ਆਪਾਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੪. ਨੇਰਯਿਕਂ ਦੁਕ੍ਖਂ ਉਪਲਬ੍ਭਤੀਤਿ? ਆਮਨ੍ਤਾ. ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਨੇਰਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੫. ਤਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਤਸ੍ਸ ¶ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੬. ਨੇਰਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਪੁਗ੍ਗਲੋ ਉਪਲਬ੍ਭਤੀਤਿ, ਪੁਗ੍ਗਲਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੭. ਨੇਰਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨਿਬ੍ਬਾਨਂ ¶ ਉਪਲਬ੍ਭਤੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੮. ਨੇਰਯਿਕਂ ¶ ਦੁਕ੍ਖਂ ਉਪਲਬ੍ਭਤੀਤਿ, ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਮਹਾਪਥਵੀ ਉਪਲਬ੍ਭਤੀਤਿ…ਪੇ… ਮਹਾਸਮੁਦ੍ਦੋ ਉਪਲਬ੍ਭਤੀਤਿ… ਸਿਨੇਰੁਪਬ੍ਬਤਰਾਜਾ ਉਪਲਬ੍ਭਤੀਤਿ… ਆਪੋ ਉਪਲਬ੍ਭਤੀਤਿ… ਤੇਜੋ ਉਪਲਬ੍ਭਤੀਤਿ… ਵਾਯੋ ਉਪਲਬ੍ਭਤੀਤਿ… ਤਿਣਕਟ੍ਠਵਨਪ੍ਪਤਯੋ ਉਪਲਬ੍ਭਨ੍ਤੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਉਪਲਬ੍ਭਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੬੯. ਨੇਰਯਿਕਂ ਦੁਕ੍ਖਂ ਉਪਲਬ੍ਭਤੀਤਿ, ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀ ਉਪਲਬ੍ਭਤੀਤਿ ¶ ? ਆਮਨ੍ਤਾ. ਅਞ੍ਞਂ ਨੇਰਯਿਕਂ ਦੁਕ੍ਖਂ, ਅਞ੍ਞੋ ਨੇਰਯਿਕਸ੍ਸ ਦੁਕ੍ਖਸ੍ਸ ਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੦. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਸੋ ਕਰੋਤਿ ਸੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੧. ਸੋ ¶ ਕਰੋਤਿ ਸੋ ਪਟਿਸਂਵੇਦੇਤੀਤਿ? ਆਮਨ੍ਤਾ. ਸਯਙ੍ਕਤਂ ਸੁਖਦੁਕ੍ਖਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੨. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੩. ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤੀਤਿ? ਆਮਨ੍ਤਾ. ਪਰਙ੍ਕਤਂ ਸੁਖਦੁਕ੍ਖਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੪. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ ¶ . ਸੋ ਚ ਅਞ੍ਞੋ ਚ ਕਰੋਨ੍ਤਿ ਸੋ ਚ ਅਞ੍ਞੋ ਚ ਪਟਿਸਂਵੇਦੇਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੫. ਸੋ ਚ ਅਞ੍ਞੋ ਚ ਕਰੋਨ੍ਤਿ, ਸੋ ਚ ਅਞ੍ਞੋ ਚ ਪਟਿਸਂਵੇਦੇਨ੍ਤੀਤਿ? ਆਮਨ੍ਤਾ. ਸਯਙ੍ਕਤਞ੍ਚ ਪਰਙ੍ਕਤਞ੍ਚ ਸੁਖਦੁਕ੍ਖਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੬. ਕਲ੍ਯਾਣਪਾਪਕਾਨਿ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਨੇਵ ਸੋ ¶ ਕਰੋਤਿ ਨ ਸੋ ਪਟਿਸਂਵੇਦੇਤਿ, ਨ ਅਞ੍ਞੋ ਕਰੋਤਿ ਨ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੭. ਨੇਵ ¶ ਸੋ ਕਰੋਤਿ ਨ ਸੋ ਪਟਿਸਂਵੇਦੇਤਿ, ਨ ਅਞ੍ਞੋ ਕਰੋਤਿ ਨ ਅਞ੍ਞੋ ਪਟਿਸਂਵੇਦੇਤੀਤਿ? ਆਮਨ੍ਤਾ. ਅਸਯਙ੍ਕਾਰਂ ਅਪਰਙ੍ਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਸੁਖਦੁਕ੍ਖਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੮. ਕਲ੍ਯਾਣਪਾਪਕਾਨਿ ¶ ਕਮ੍ਮਾਨਿ ਉਪਲਬ੍ਭਨ੍ਤੀਤਿ, ਕਲ੍ਯਾਣਪਾਪਕਾਨਂ ਕਮ੍ਮਾਨਂ ਕਤ੍ਤਾ ਕਾਰੇਤਾ ਵਿਪਾਕਪਟਿਸਂਵੇਦੀ ਉਪਲਬ੍ਭਤੀਤਿ? ਆਮਨ੍ਤਾ. ਸੋ ਕਰੋਤਿ ਸੋ ਪਟਿਸਂਵੇਦੇਤਿ, ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤਿ, ਸੋ ਚ ਅਞ੍ਞੋ ਚ ਕਰੋਨ੍ਤਿ ਸੋ ਚ ਅਞ੍ਞੋ ਚ ਪਟਿਸਂਵੇਦੇਨ੍ਤਿ, ਨੇਵ ਸੋ ਕਰੋਤਿ ਨ ਸੋ ਪਟਿਸਂਵੇਦੇਤਿ, ਨ ਅਞ੍ਞੋ ਕਰੋਤਿ ਨ ਅਞ੍ਞੋ ਪਟਿਸਂਵੇਦੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੭੯. ਸੋ ਕਰੋਤਿ ਸੋ ਪਟਿਸਂਵੇਦੇਤਿ, ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂਵੇਦੇਤਿ, ਸੋ ਚ ਅਞ੍ਞੋ ਚ ਕਰੋਨ੍ਤਿ ਸੋ ਚ ਅਞ੍ਞੋ ਚ ਪਟਿਸਂਵੇਦੇਨ੍ਤਿ, ਨੇਵ ਸੋ ਕਰੋਤਿ ਨ ਸੋ ਪਟਿਸਂਵੇਦੇਤਿ, ਨ ਅਞ੍ਞੋ ਕਰੋਤਿ ਨ ਅਞ੍ਞੋ ਪਟਿਸਂਵੇਦੇਤੀਤਿ? ਆਮਨ੍ਤਾ. ਸਯਙ੍ਕਤਂ ਸੁਖਦੁਕ੍ਖਂ, ਪਰਙ੍ਕਤਂ ਸੁਖਦੁਕ੍ਖਂ, ਸਯਙ੍ਕਤਞ੍ਚ ਪਰਙ੍ਕਤਞ੍ਚ ਸੁਖਦੁਕ੍ਖਂ, ਅਸਯਙ੍ਕਾਰਂ ਅਪਰਙ੍ਕਾਰਂ ਅਧਿਚ੍ਚਸਮੁਪ੍ਪਨ੍ਨਂ ਸੁਖਦੁਕ੍ਖਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੦. ਕਮ੍ਮਂ ਅਤ੍ਥੀਤਿ? ਆਮਨ੍ਤਾ ¶ . ਕਮ੍ਮਕਾਰਕੋ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੧. ਕਮ੍ਮਂ ਅਤ੍ਥੀਤਿ, ਕਮ੍ਮਕਾਰਕੋ ਅਤ੍ਥੀਤਿ? ਆਮਨ੍ਤਾ. ਤਸ੍ਸ ਕਾਰਕੋ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੨. ਤਸ੍ਸ ਕਾਰਕੋ ਅਤ੍ਥੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੩. ਕਮ੍ਮਂ ਅਤ੍ਥੀਤਿ, ਕਮ੍ਮਕਾਰਕੋ ਅਤ੍ਥੀਤਿ? ਆਮਨ੍ਤਾ. ਪੁਗ੍ਗਲੋ ਅਤ੍ਥੀਤਿ, ਪੁਗ੍ਗਲਸ੍ਸ ਕਾਰਕੋ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੪. ਕਮ੍ਮਂ ¶ ¶ ਅਤ੍ਥੀਤਿ, ਕਮ੍ਮਕਾਰਕੋ ਅਤ੍ਥੀਤਿ? ਆਮਨ੍ਤਾ. ਨਿਬ੍ਬਾਨਂ ¶ ਅਤ੍ਥੀਤਿ, ਨਿਬ੍ਬਾਨਸ੍ਸ ਕਾਰਕੋ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੫. ਕਮ੍ਮਂ ਅਤ੍ਥੀਤਿ, ਕਮ੍ਮਕਾਰਕੋ ਅਤ੍ਥੀਤਿ? ਆਮਨ੍ਤਾ. ਮਹਾਪਥਵੀ ਅਤ੍ਥੀਤਿ…ਪੇ… ਮਹਾਸਮੁਦ੍ਦੋ ਅਤ੍ਥੀਤਿ… ਸਿਨੇਰੁਪਬ੍ਬਤਰਾਜਾ ਅਤ੍ਥੀਤਿ… ਆਪੋ ਅਤ੍ਥੀਤਿ… ਤੇਜੋ ਅਤ੍ਥੀਤਿ… ਵਾਯੋ ਅਤ੍ਥੀਤਿ… ਤਿਣਕਟ੍ਠਵਨਪ੍ਪਤਯੋ ਅਤ੍ਥੀਤਿ, ਤਿਣਕਟ੍ਠਵਨਪ੍ਪਤੀਨਂ ਕਾਰਕੋ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੬. ਕਮ੍ਮਂ ਅਤ੍ਥੀਤਿ, ਕਮ੍ਮਕਾਰਕੋ ਅਤ੍ਥੀਤਿ? ਆਮਨ੍ਤਾ. ਅਞ੍ਞਂ ਕਮ੍ਮਂ, ਅਞ੍ਞੋ ਕਮ੍ਮਕਾਰਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੭. ਵਿਪਾਕੋ ਅਤ੍ਥੀਤਿ? ਆਮਨ੍ਤਾ. ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੮੮. ਵਿਪਾਕੋ ਅਤ੍ਥੀਤਿ, ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਤਸ੍ਸ ਪਟਿਸਂਵੇਦੀ ਅਤ੍ਥੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੧੮੯. ਤਸ੍ਸ ਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਤਸ੍ਸ ਤਸ੍ਸੇਵ ਨਤ੍ਥਿ ਦੁਕ੍ਖਸ੍ਸ ਅਨ੍ਤਕਿਰਿਯਾ, ਨਤ੍ਥਿ ਵਟ੍ਟੁਪਚ੍ਛੇਦੋ, ਨਤ੍ਥਿ ਅਨੁਪਾਦਾਪਰਿਨਿਬ੍ਬਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵਿਪਾਕੋ ਅਤ੍ਥੀਤਿ, ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਪੁਗ੍ਗਲੋ ਅਤ੍ਥੀਤਿ, ਪੁਗ੍ਗਲਸ੍ਸ ਪਟਿਸਂਵੇਦੀ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੯੦. ਵਿਪਾਕੋ ਅਤ੍ਥੀਤਿ, ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਨਿਬ੍ਬਾਨਂ ਅਤ੍ਥੀਤਿ, ਨਿਬ੍ਬਾਨਸ੍ਸ ਪਟਿਸਂਵੇਦੀ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੯੧. ਵਿਪਾਕੋ ਅਤ੍ਥੀਤਿ, ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਮਹਾਪਥਵੀ ਅਤ੍ਥੀਤਿ…ਪੇ… ਮਹਾਸਮੁਦ੍ਦੋ ਅਤ੍ਥੀਤਿ… ਸਿਨੇਰੁਪਬ੍ਬਤਰਾਜਾ ਅਤ੍ਥੀਤਿ… ਆਪੋ ਅਤ੍ਥੀਤਿ… ਤੇਜੋ ¶ ਅਤ੍ਥੀਤਿ… ਵਾਯੋ ਅਤ੍ਥੀਤਿ… ਤਿਣਕਟ੍ਠਵਨਪ੍ਪਤਯੋ ¶ ਅਤ੍ਥੀਤਿ, ਤਿਣਕਟ੍ਠਵਨਪ੍ਪਤੀਨਂ ਪਟਿਸਂਵੇਦੀ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੯੨. ਵਿਪਾਕੋ ਅਤ੍ਥੀਤਿ, ਵਿਪਾਕਪਟਿਸਂਵੇਦੀ ਅਤ੍ਥੀਤਿ? ਆਮਨ੍ਤਾ. ਅਞ੍ਞੋ ਵਿਪਾਕੋ, ਅਞ੍ਞੋ ਵਿਪਾਕਪਟਿਸਂਵੇਦੀਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ)

ਪੁਰਿਸਕਾਰਾਨੁਯੋਗੋ.

ਕਲ੍ਯਾਣਵਗ੍ਗੋ ਪਠਮੋ.

੧੪. ਅਭਿਞ੍ਞਾਨੁਯੋਗੋ

੧੯੩. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਇਦ੍ਧਿਂ ਵਿਕੁਬ੍ਬਤੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਕੋਚਿ ਇਦ੍ਧਿਂ ਵਿਕੁਬ੍ਬਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੯੪. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ…ਪੇ… ਪਰਚਿਤ੍ਤਂ ਵਿਜਾਨਾਤਿ… ਪੁਬ੍ਬੇਨਿਵਾਸਂ ਅਨੁਸ੍ਸਰਤਿ… ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ… ਆਸਵਾਨਂ ਖਯਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਕੋਚਿ ਆਸਵਾਨਂ ਖਯਂ ਸਚ੍ਛਿਕਰੋਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੯੫. ਅਤ੍ਥਿ ਕੋਚਿ ਇਦ੍ਧਿਂ ਵਿਕੁਬ੍ਬਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਇਦ੍ਧਿਂ ਵਿਕੁਬ੍ਬਤਿ, ਸ੍ਵੇਵ ਪੁਗ੍ਗਲੋ? ਯੋ ਇਦ੍ਧਿਂ ਨ ਵਿਕੁਬ੍ਬਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੯੬. ਯੋ ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ…ਪੇ… ਯੋ ਪਰਚਿਤ੍ਤਂ ਵਿਜਾਨਾਤਿ… ਯੋ ¶ ਪੁਬ੍ਬੇਨਿਵਾਸਂ ਅਨੁਸ੍ਸਰਤਿ… ਯੋ ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ… ਯੋ ਆਸਵਾਨਂ ¶ ਖਯਂ ਸਚ੍ਛਿਕਰੋਤਿ, ਸ੍ਵੇਵ ਪੁਗ੍ਗਲੋ? ਯੋ ਆਸਵਾਨਂ ਖਯਂ ਨ ਸਚ੍ਛਿਕਰੋਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਭਿਞ੍ਞਾਨੁਯੋਗੋ.

੧੫-੧੮. ਞਾਤਕਾਨੁਯੋਗਾਦਿ

੧੯੭. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਮਾਤਾ ਅਤ੍ਥੀਤਿ? ਆਮਨ੍ਤਾ. ਹਞ੍ਚਿ ਮਾਤਾ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੯੮. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ¶ ਪਿਤਾ ਅਤ੍ਥਿ…ਪੇ… ਭਾਤਾ ਅਤ੍ਥਿ… ਭਗਿਨੀ ਅਤ੍ਥਿ… ਖਤ੍ਤਿਯੋ ਅਤ੍ਥਿ ¶ … ਬ੍ਰਾਹ੍ਮਣੋ ਅਤ੍ਥਿ… ਵੇਸ੍ਸੋ ਅਤ੍ਥਿ… ਸੁਦ੍ਦੋ ਅਤ੍ਥਿ… ਗਹਟ੍ਠੋ ਅਤ੍ਥਿ… ਪਬ੍ਬਜਿਤੋ ਅਤ੍ਥਿ… ਦੇਵੋ ਅਤ੍ਥਿ… ਮਨੁਸ੍ਸੋ ਅਤ੍ਥੀਤਿ? ਆਮਨ੍ਤਾ. ਹਞ੍ਚਿ ਮਨੁਸ੍ਸੋ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੧੯੯. ਮਾਤਾ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਤ੍ਥਿ ਕੋਚਿ ਨ ਮਾਤਾ ਹੁਤ੍ਵਾ ਮਾਤਾ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਨ ਪੁਗ੍ਗਲੋ ਹੁਤ੍ਵਾ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਕੋਚਿ ਨ ਪਿਤਾ ਹੁਤ੍ਵਾ…ਪੇ… ਨ ਭਾਤਾ ਹੁਤ੍ਵਾ… ਨ ਭਗਿਨੀ ਹੁਤ੍ਵਾ… ਨ ਖਤ੍ਤਿਯੋ ਹੁਤ੍ਵਾ… ਨ ਬ੍ਰਾਹ੍ਮਣੋ ਹੁਤ੍ਵਾ… ਨ ਵੇਸ੍ਸੋ ਹੁਤ੍ਵਾ… ਨ ਸੁਦ੍ਦੋ ਹੁਤ੍ਵਾ… ਨ ਗਹਟ੍ਠੋ ਹੁਤ੍ਵਾ… ਨ ਪਬ੍ਬਜਿਤੋ ਹੁਤ੍ਵਾ… ਨ ਦੇਵੋ ਹੁਤ੍ਵਾ… ਨ ਮਨੁਸ੍ਸੋ ਹੁਤ੍ਵਾ ਮਨੁਸ੍ਸੋ ਹੋਤੀਤਿ? ਆਮਨ੍ਤਾ. ਅਤ੍ਥਿ ¶ ਕੋਚਿ ਨ ਪੁਗ੍ਗਲੋ ਹੁਤ੍ਵਾ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੦੦. ਮਾਤਾ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ ¶ ? ਆਮਨ੍ਤਾ. ਅਤ੍ਥਿ ਕੋਚਿ ਮਾਤਾ ਹੁਤ੍ਵਾ ਨ ਮਾਤਾ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਪੁਗ੍ਗਲੋ ਹੁਤ੍ਵਾ ਨ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਕੋਚਿ ਪਿਤਾ ਹੁਤ੍ਵਾ… ਭਾਤਾ ਹੁਤ੍ਵਾ… ਭਗਿਨੀ ਹੁਤ੍ਵਾ… ਖਤ੍ਤਿਯੋ ਹੁਤ੍ਵਾ… ਬ੍ਰਾਹ੍ਮਣੋ ਹੁਤ੍ਵਾ… ਵੇਸ੍ਸੋ ਹੁਤ੍ਵਾ… ਸੁਦ੍ਦੋ ਹੁਤ੍ਵਾ… ਗਹਟ੍ਠੋ ਹੁਤ੍ਵਾ… ਪਬ੍ਬਜਿਤੋ ਹੁਤ੍ਵਾ… ਦੇਵੋ ਹੁਤ੍ਵਾ… ਮਨੁਸ੍ਸੋ ਹੁਤ੍ਵਾ ਨ ਮਨੁਸ੍ਸੋ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਪੁਗ੍ਗਲੋ ਹੁਤ੍ਵਾ ਨ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੧੯. ਪਟਿਵੇਧਾਨੁਯੋਗੋ

੨੦੧. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਸੋਤਾਪਨ੍ਨੋ ਅਤ੍ਥੀਤਿ? ਆਮਨ੍ਤਾ. ਹਞ੍ਚਿ ਸੋਤਾਪਨ੍ਨੋ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੦੨. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਸਕਦਾਗਾਮੀ ਅਤ੍ਥਿ…ਪੇ… ਅਨਾਗਾਮੀ ਅਤ੍ਥਿ… ਅਰਹਾ ਅਤ੍ਥਿ… ਉਭਤੋਭਾਗਵਿਮੁਤ੍ਤੋ ਅਤ੍ਥਿ… ਪਞ੍ਞਾਵਿਮੁਤ੍ਤੋ ਅਤ੍ਥਿ… ਕਾਯਸਕ੍ਖਿ [ਕਾਯਸਕ੍ਖੀ (ਸ੍ਯਾ.)] ਅਤ੍ਥਿ… ਦਿਟ੍ਠਿਪ੍ਪਤ੍ਤੋ ¶ ਅਤ੍ਥਿ… ਸਦ੍ਧਾਵਿਮੁਤ੍ਤੋ ਅਤ੍ਥਿ… ਧਮ੍ਮਾਨੁਸਾਰੀ ਅਤ੍ਥਿ… ਸਦ੍ਧਾਨੁਸਾਰੀ ਅਤ੍ਥੀਤਿ? ਆਮਨ੍ਤਾ.

ਹਞ੍ਚਿ ਸਦ੍ਧਾਨੁਸਾਰੀ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ ¶ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੦੩. ਸੋਤਾਪਨ੍ਨੋ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਤ੍ਥਿ ਕੋਚਿ ਨ ਸੋਤਾਪਨ੍ਨੋ ਹੁਤ੍ਵਾ ਸੋਤਾਪਨ੍ਨੋ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਨ ਪੁਗ੍ਗਲੋ ਹੁਤ੍ਵਾ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੦੪. ਅਤ੍ਥਿ ਕੋਚਿ ਨ ਸਕਦਾਗਾਮੀ ਹੁਤ੍ਵਾ… ਨ ਅਨਾਗਾਮੀ ਹੁਤ੍ਵਾ… ਨ ਅਰਹਾ ਹੁਤ੍ਵਾ… ਨ ਉਭਤੋਭਾਗਵਿਮੁਤ੍ਤੋ ਹੁਤ੍ਵਾ… ਨ ਪਞ੍ਞਾਵਿਮੁਤ੍ਤੋ ਹੁਤ੍ਵਾ… ਨ ਕਾਯਸਕ੍ਖਿ ਹੁਤ੍ਵਾ… ਨ ¶ ਦਿਟ੍ਠਿਪ੍ਪਤ੍ਤੋ ਹੁਤ੍ਵਾ… ਨ ਸਦ੍ਧਾਵਿਮੁਤ੍ਤੋ ਹੁਤ੍ਵਾ… ਨ ਧਮ੍ਮਾਨੁਸਾਰੀ ਹੁਤ੍ਵਾ… ਨ ਸਦ੍ਧਾਨੁਸਾਰੀ ਹੁਤ੍ਵਾ ਸਦ੍ਧਾਨੁਸਾਰੀ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਨ ਪੁਗ੍ਗਲੋ ਹੁਤ੍ਵਾ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੦੫. ਸੋਤਾਪਨ੍ਨੋ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਤ੍ਥਿ ਕੋਚਿ ਸੋਤਾਪਨ੍ਨੋ ਹੁਤ੍ਵਾ ਨ ਸੋਤਾਪਨ੍ਨੋ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਪੁਗ੍ਗਲੋ ਹੁਤ੍ਵਾ ਨ ਪੁਗ੍ਗਲੋ ਹੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਕੋਚਿ ਸਕਦਾਗਾਮੀ ਹੁਤ੍ਵਾ… ਅਨਾਗਾਮੀ ਹੁਤ੍ਵਾ ਨ ਅਨਾਗਾਮੀ ਹੋਤੀਤਿ? ਆਮਨ੍ਤਾ. ਅਤ੍ਥਿ ਕੋਚਿ ਪੁਗ੍ਗਲੋ ਹੁਤ੍ਵਾ ਨ ਪੁਗ੍ਗਲੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਟਿਵੇਧਾਨੁਯੋਗੋ.

੨੦. ਸਙ੍ਘਾਨੁਯੋਗੋ

੨੦੬. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥੀਤਿ? ਆਮਨ੍ਤਾ ¶ . ਹਞ੍ਚਿ ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੦੭. ਚਤ੍ਤਾਰੋ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਅਤ੍ਥੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਚਤ੍ਤਾਰੋ ¶ ਪੁਰਿਸਯੁਗਾ ਅਟ੍ਠ ਪੁਰਿਸਪੁਗ੍ਗਲਾ ਬੁਦ੍ਧਪਾਤੁਭਾਵਾ ਪਾਤੁਭਵਨ੍ਤੀਤਿ? ਆਮਨ੍ਤਾ. ਪੁਗ੍ਗਲੋ ਬੁਦ੍ਧਪਾਤੁਭਾਵਾ ਪਾਤੁਭਵਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਗ੍ਗਲੋ ਬੁਦ੍ਧਪਾਤੁਭਾਵਾ ਪਾਤੁਭਵਤੀਤਿ? ਆਮਨ੍ਤਾ. ਬੁਦ੍ਧਸ੍ਸ ਭਗਵਤੋ ਪਰਿਨਿਬ੍ਬੁਤੇ ਉਚ੍ਛਿਨ੍ਨੋ ਪੁਗ੍ਗਲੋ, ਨਤ੍ਥਿ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਙ੍ਘਾਨੁਯੋਗੋ.

੨੧. ਸਚ੍ਚਿਕਟ੍ਠਸਭਾਗਾਨੁਯੋਗੋ

੨੦੮. ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਪੁਗ੍ਗਲੋ ਸਙ੍ਖਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਗ੍ਗਲੋ ਅਸਙ੍ਖਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਨ ਹੇਵਂ ਵਤ੍ਤਬ੍ਬੇ.

੨੦੯. ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਆਮਨ੍ਤਾ ¶ . ਸਙ੍ਖਤਞ੍ਚ ਅਸਙ੍ਖਤਞ੍ਚ ਠਪੇਤ੍ਵਾ ਅਤ੍ਥਞ੍ਞਾ ਤਤਿਯਾ ਕੋਟੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੦. ਸਙ੍ਖਤਞ੍ਚ ਅਸਙ੍ਖਤਞ੍ਚ ਠਪੇਤ੍ਵਾ ਅਤ੍ਥਞ੍ਞਾ ਤਤਿਯਾ ਕੋਟੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਦ੍ਵੇਮਾ, ਭਿਕ੍ਖਵੇ, ਧਾਤੁਯੋ. ਕਤਮਾ ਦ੍ਵੇ? ਸਙ੍ਖਤਾ ਚ ਧਾਤੁ ਅਸਙ੍ਖਤਾ ਚ ਧਾਤੁ. ਇਮਾ ਖੋ, ਭਿਕ੍ਖਵੇ, ਦ੍ਵੇ ਧਾਤੁਯੋ’’ਤਿ [ਮ. ਨਿ. ੧.੧੨੫, ਆਲਪਨਮਤ੍ਤਮੇਵ ਨਾਨਂ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਸਙ੍ਖਤਞ੍ਚ ਅਸਙ੍ਖਤਞ੍ਚ ਠਪੇਤ੍ਵਾ ਅਤ੍ਥਞ੍ਞਾ ਤਤਿਯਾ ਕੋਟੀ’’ਤਿ.

੨੧੧. ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਆਮਨ੍ਤਾ. ਅਞ੍ਞਂ ¶ ਸਙ੍ਖਤਂ, ਅਞ੍ਞਂ ਅਸਙ੍ਖਤਂ, ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੨. ਖਨ੍ਧਾ ਸਙ੍ਖਤਾ, ਨਿਬ੍ਬਾਨਂ ਅਸਙ੍ਖਤਂ, ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਆਮਨ੍ਤਾ. ਅਞ੍ਞੇ ਖਨ੍ਧਾ, ਅਞ੍ਞਂ ਨਿਬ੍ਬਾਨਂ, ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੩. ਰੂਪਂ ਸਙ੍ਖਤਂ, ਨਿਬ੍ਬਾਨਂ ਅਸਙ੍ਖਤਂ, ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਆਮਨ੍ਤਾ. ਅਞ੍ਞਂ ਰੂਪਂ, ਅਞ੍ਞਂ ਨਿਬ੍ਬਾਨਂ, ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ. ਵੇਦਨਾ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ ਸਙ੍ਖਤਂ, ਨਿਬ੍ਬਾਨਂ ਅਸਙ੍ਖਤਂ, ਪੁਗ੍ਗਲੋ ਨੇਵ ਸਙ੍ਖਤੋ ਨਾਸਙ੍ਖਤੋਤਿ? ਆਮਨ੍ਤਾ. ਅਞ੍ਞਂ ਵਿਞ੍ਞਾਣਂ, ਅਞ੍ਞਂ ਨਿਬ੍ਬਾਨਂ, ਅਞ੍ਞੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੪. ਪੁਗ੍ਗਲਸ੍ਸ ¶ ਉਪ੍ਪਾਦੋ ਪਞ੍ਞਾਯਤਿ, ਵਯੋ ਪਞ੍ਞਾਯਤਿ, ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤੀਤਿ? ਆਮਨ੍ਤਾ. ਪੁਗ੍ਗਲੋ ਸਙ੍ਖਤੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਵੁਤ੍ਤਂ ਭਗਵਤਾ – ‘‘ਤੀਣਿਮਾਨਿ, ਭਿਕ੍ਖਵੇ, ਸਙ੍ਖਤਸ੍ਸ ਸਙ੍ਖਤਲਕ੍ਖਣਾਨਿ. ਸਙ੍ਖਤਾਨਂ, ਭਿਕ੍ਖਵੇ, ਧਮ੍ਮਾਨਂ [ਕਤਮਾਨਿ ਤੀਣਿ (ਅ. ਨਿ. ੩.੪੭)] ਉਪ੍ਪਾਦੋ ਪਞ੍ਞਾਯਤਿ ¶ , ਵਯੋ ਪਞ੍ਞਾਯਤਿ, ਠਿਤਾਨਂ ਅਞ੍ਞਥਤ੍ਤਂ ਪਞ੍ਞਾਯਤੀ’’ਤਿ [ਅ. ਨਿ. ੩.੪੭]. ਪੁਗ੍ਗਲਸ੍ਸ ਉਪ੍ਪਾਦੋ ਪਞ੍ਞਾਯਤਿ, ਵਯੋ ਪਞ੍ਞਾਯਤਿ, ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ; ਤੇਨ ਹਿ ਪੁਗ੍ਗਲੋ ਸਙ੍ਖਤੋਤਿ.

੨੧੫. ਪੁਗ੍ਗਲਸ੍ਸ ਨ ਉਪ੍ਪਾਦੋ ਪਞ੍ਞਾਯਤਿ, ਨ ਵਯੋ ਪਞ੍ਞਾਯਤਿ, ਨ ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤੀਤਿ? ਆਮਨ੍ਤਾ. ਪੁਗ੍ਗਲੋ ਅਸਙ੍ਖਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵੁਤ੍ਤਂ ¶ ਭਗਵਤਾ – ‘‘ਤੀਣਿਮਾਨਿ, ਭਿਕ੍ਖਵੇ, ਅਸਙ੍ਖਤਸ੍ਸ ਅਸਙ੍ਖਤਲਕ੍ਖਣਾਨਿ. ਅਸਙ੍ਖਤਾਨਂ, ਭਿਕ੍ਖਵੇ, ਧਮ੍ਮਾਨਂ ਨ ਉਪ੍ਪਾਦੋ ਪਞ੍ਞਾਯਤਿ, ਨ ਵਯੋ ਪਞ੍ਞਾਯਤਿ, ਨ ਠਿਤਾਨਂ ਅਞ੍ਞਥਤ੍ਤਂ ਪਞ੍ਞਾਯਤੀ’’ਤਿ [ਅ. ਨਿ. ੩.੪੮]. ਪੁਗ੍ਗਲਸ੍ਸ ਨ ਉਪ੍ਪਾਦੋ ਪਞ੍ਞਾਯਤਿ, ਨ ਵਯੋ ਪਞ੍ਞਾਯਤਿ, ਨ ਠਿਤਸ੍ਸ ਅਞ੍ਞਥਤ੍ਤਂ ਪਞ੍ਞਾਯਤਿ; ਤੇਨ ਹਿ ਪੁਗ੍ਗਲੋ ਅਸਙ੍ਖਤੋਤਿ.

੨੧੬. ਪਰਿਨਿਬ੍ਬੁਤੋ ਪੁਗ੍ਗਲੋ ਅਤ੍ਥਤ੍ਥਮ੍ਹਿ, ਨਤ੍ਥਤ੍ਥਮ੍ਹੀਤਿ? ਅਤ੍ਥਤ੍ਥਮ੍ਹੀਤਿ. ਪਰਿਨਿਬ੍ਬੁਤੋ ਪੁਗ੍ਗਲੋ ਸਸ੍ਸਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਤ੍ਥਮ੍ਹੀਤਿ. ਪਰਿਨਿਬ੍ਬੁਤੋ ਪੁਗ੍ਗਲੋ ਉਚ੍ਛਿਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੭. ਪੁਗ੍ਗਲੋ ਕਿਂ ਨਿਸ੍ਸਾਯ ਤਿਟ੍ਠਤੀਤਿ? ਭਵਂ ਨਿਸ੍ਸਾਯ ਤਿਟ੍ਠਤੀਤਿ. ਭਵੋ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਆਮਨ੍ਤਾ. ਪੁਗ੍ਗਲੋਪਿ ਅਨਿਚ੍ਚੋ ਸਙ੍ਖਤੋ ਪਟਿਚ੍ਚਸਮੁਪ੍ਪਨ੍ਨੋ ਖਯਧਮ੍ਮੋ ਵਯਧਮ੍ਮੋ ਵਿਰਾਗਧਮ੍ਮੋ ਨਿਰੋਧਧਮ੍ਮੋ ਵਿਪਰਿਣਾਮਧਮ੍ਮੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੧੮. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ? ਆਮਨ੍ਤਾ ¶ . ਹਞ੍ਚਿ ਅਤ੍ਥਿ ਕੋਚਿ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੧੯. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਦੁਕ੍ਖਂ ¶ ਵੇਦਨਂ ਵੇਦਿਯਮਾਨੋ…ਪੇ… ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਕੋਚਿ ਅਦੁਕ੍ਖਮਸੁਖਂ ¶ ਵੇਦਨਂ ਵੇਦਿਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੨੦. ਅਤ੍ਥਿ ਕੋਚਿ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤਿ, ਸ੍ਵੇਵ ਪੁਗ੍ਗਲੋ; ਯੋ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਨ ਪਜਾਨਾਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯੋ ਦੁਕ੍ਖਂ ਵੇਦਨਂ ਵੇਦਿਯਮਾਨੋ…ਪੇ… ਯੋ ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤਿ, ਸ੍ਵੇਵ ਪੁਗ੍ਗਲੋ; ਯੋ ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਾਮੀ’’ਤਿ ਨ ਪਜਾਨਾਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੨੧. ਅਤ੍ਥਿ ਕੋਚਿ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞਾ ਸੁਖਾ ਵੇਦਨਾ, ਅਞ੍ਞੋ ਸੁਖਂ ਵੇਦਨਂ ਵੇਦਿਯਮਾਨੋ ‘‘ਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਞ੍ਞਾ ¶ ਦੁਕ੍ਖਾ ਵੇਦਨਾ…ਪੇ… ਅਞ੍ਞਾ ਅਦੁਕ੍ਖਮਸੁਖਾ ਵੇਦਨਾ, ਅਞ੍ਞੋ ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਿਯਾਮੀ’’ਤਿ ਪਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ….

੨੨੨. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਕਾਯੇ ਕਾਯਾਨੁਪਸ੍ਸੀ ਵਿਹਰਤੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਕੋਚਿ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੨੩. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਅਤ੍ਥਿ ਕੋਚਿ ਵੇਦਨਾਸੁ…ਪੇ… ਚਿਤ੍ਤੇ… ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤੀਤਿ ¶ ? ਆਮਨ੍ਤਾ. ਹਞ੍ਚਿ ਅਤ੍ਥਿ ¶ ਕੋਚਿ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੨੪. ਅਤ੍ਥਿ ਕੋਚਿ ਕਾਯੇ ਕਾਯਾਨੁਪਸ੍ਸੀ ਵਿਹਰਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਸ੍ਵੇਵ ਪੁਗ੍ਗਲੋ; ਯੋ ਨ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯੋ ਵੇਦਨਾਸੁ…ਪੇ… ਚਿਤ੍ਤੇ… ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਸ੍ਵੇਵ ਪੁਗ੍ਗਲੋ; ਯੋ ਨ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਨ ਸੋ ਪੁਗ੍ਗਲੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੨੫. ਅਤ੍ਥਿ ਕੋਚਿ ਕਾਯੇ ਕਾਯਾਨੁਪਸ੍ਸੀ ਵਿਹਰਤੀਤਿ ਕਤ੍ਵਾ ਤੇਨ ਚ ਕਾਰਣੇਨ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਅਞ੍ਞੋ ਕਾਯੋ, ਅਞ੍ਞੋ ਕਾਯੇ ਕਾਯਾਨੁਪਸ੍ਸੀ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਞ੍ਞਾ ¶ ਵੇਦਨਾ… ਅਞ੍ਞਂ ਚਿਤ੍ਤਂ… ਅਞ੍ਞੇ ਧਮ੍ਮਾ, ਅਞ੍ਞੋ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

੨੨੬. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਸੁਞ੍ਞਤੋ ਲੋਕਂ ਅਵੇਕ੍ਖਸ੍ਸੁ, ਮੋਘਰਾਜ ਸਦਾ ਸਤੋ;

ਅਤ੍ਤਾਨੁਦਿਟ੍ਠਿਂ ਊਹਚ੍ਚ [ਓਹਚ੍ਚ (ਸ੍ਯਾ.), ਉਹਚ੍ਚ (ਕ.)], ਏਵਂ ਮਚ੍ਚੁਤਰੋ ਸਿਯਾ;

ਏਵਂ ਲੋਕਂ ਅਵੇਕ੍ਖਨ੍ਤਂ, ਮਚ੍ਚੁਰਾਜਾ ਨ ਪਸ੍ਸਤੀ’’ਤਿ [ਸੁ. ਨਿ. ੧੧੨੫; ਚੂਲ਼ਨਿ. ੮੮ ਮੋਘਰਾਜਮਾਣਵਪੁਚ੍ਛਾਨਿਦ੍ਦੇਸ].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੨੭. ਪੁਗ੍ਗਲੋ ਅਵੇਕ੍ਖਤੀਤਿ? ਆਮਨ੍ਤਾ. ਸਹ ਰੂਪੇਨ ਅਵੇਕ੍ਖਤਿ, ਵਿਨਾ ਰੂਪੇਨ ਅਵੇਕ੍ਖਤੀਤਿ? ਸਹ ਰੂਪੇਨ ਅਵੇਕ੍ਖਤੀਤਿ. ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵਿਨਾ ਰੂਪੇਨ ਅਵੇਕ੍ਖਤੀਤਿ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੨੮. ਪੁਗ੍ਗਲੋ ¶ ¶ ਅਵੇਕ੍ਖਤੀਤਿ? ਆਮਨ੍ਤਾ. ਅਬ੍ਭਨ੍ਤਰਗਤੋ ਅਵੇਕ੍ਖਤਿ, ਬਹਿਦ੍ਧਾ ਨਿਕ੍ਖਮਿਤ੍ਵਾ ਅਵੇਕ੍ਖਤੀਤਿ? ਅਬ੍ਭਨ੍ਤਰਗਤੋ ਅਵੇਕ੍ਖਤੀਤਿ. ਤਂ ਜੀਵਂ ਤਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਬਹਿਦ੍ਧਾ ਨਿਕ੍ਖਮਿਤ੍ਵਾ ਅਵੇਕ੍ਖਤੀਤਿ, ਅਞ੍ਞਂ ਜੀਵਂ ਅਞ੍ਞਂ ਸਰੀਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੨੯. ਨ ¶ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਥਿ ਪੁਗ੍ਗਲੋ ¶ ਅਤ੍ਤਹਿਤਾਯ ਪਟਿਪਨ੍ਨੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ.

੨੩੦. ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਏਕਪੁਗ੍ਗਲੋ, ਭਿਕ੍ਖਵੇ, ਲੋਕੇ ਉਪ੍ਪਜ੍ਜਮਾਨੋ ਉਪ੍ਪਜ੍ਜਤਿ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨ’’ਨ੍ਤਿ [ਅ. ਨਿ. ੧.੧੬੨-੧੬੯]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ.

੨੩੧. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਸਬ੍ਬੇ ਧਮ੍ਮਾ ਅਨਤ੍ਤਾ’’ਤਿ [ਮ. ਨਿ. ੧.੩੫੬; ਧ. ਪ. ੨੭੯ ਧਮ੍ਮਪਦੇ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੨. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ¶ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਦੁਕ੍ਖਮੇਵ ਉਪ੍ਪਜ੍ਜਮਾਨਂ ਉਪ੍ਪਜ੍ਜਤਿ, ਦੁਕ੍ਖਮੇਵ [ਦੁਕ੍ਖਂ (ਸਂ. ਨਿ. ੨.੧੫)] ਨਿਰੁਜ੍ਝਮਾਨਂ ਨਿਰੁਜ੍ਝਤੀਤਿ ਨ ਕਙ੍ਖਤਿ ਨ ਵਿਚਿਕਿਚ੍ਛਤਿ, ਅਪਰਪ੍ਪਚ੍ਚਯਞ੍ਞਾਣਮੇਵਸ੍ਸ ਏਤ੍ਥ ਹੋਤਿ. ਏਤ੍ਤਾਵਤਾ ਖੋ, ਕਚ੍ਚਾਨ, ਸਮ੍ਮਾਦਿਟ੍ਠਿ ਹੋਤੀ’’ਤਿ [ਸਂ. ਨਿ. ੨.੧੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ ¶ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੩. ਪੁਗ੍ਗਲੋ ¶ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਵਜਿਰਾ ਭਿਕ੍ਖੁਨੀ ਮਾਰਂ ਪਾਪਿਮਨ੍ਤਂ ਏਤਦਵੋਚ –

‘‘ਕਿਨ੍ਨੁ ਸਤ੍ਤੋਤਿ ਪਚ੍ਚੇਸਿ, ਮਾਰ ਦਿਟ੍ਠਿਗਤਂ ਨੁ ਤੇ;

ਸੁਦ੍ਧਸਙ੍ਖਾਰਪੁਞ੍ਜੋਯਂ, ਨਯਿਧ ਸਤ੍ਤੁਪਲਬ੍ਭਤਿ.

‘‘ਯਥਾ ਹਿ [ਯਥਾਪਿ (ਬਹੂਸੁ)] ਅਙ੍ਗਸਮ੍ਭਾਰਾ, ਹੋਤਿ ਸਦ੍ਦੋ ਰਥੋ ਇਤਿ;

ਏਵਂ ਖਨ੍ਧੇਸੁ ਸਨ੍ਤੇਸੁ, ਹੋਤਿ ਸਤ੍ਤੋਤਿ ਸਮ੍ਮੁਤਿ [ਸਮ੍ਮਤਿ (ਸ੍ਯਾ. ਕਂ.)].

‘‘ਦੁਕ੍ਖਮੇਵ ਹਿ ਸਮ੍ਭੋਤਿ, ਦੁਕ੍ਖਂ ਤਿਟ੍ਠਤਿ ਵੇਤਿ ਚ;

ਨਾਞ੍ਞਤ੍ਰ ਦੁਕ੍ਖਾ ਸਮ੍ਭੋਤਿ, ਨਾਞ੍ਞਂ ਦੁਕ੍ਖਾ ਨਿਰੁਜ੍ਝਤੀ’’ਤਿ [ਸਂ. ਨਿ. ੧.੧੭੧].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੪. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਆਯਸ੍ਮਾ ਆਨਨ੍ਦੋ ਭਗਵਨ੍ਤਂ ਏਤਦਵੋਚ – ‘‘‘ਸੁਞ੍ਞੋ ¶ ਲੋਕੋ ਸੁਞ੍ਞੋ ਲੋਕੋ’ਤਿ, ਭਨ੍ਤੇ, ਵੁਚ੍ਚਤਿ. ਕਿਤ੍ਤਾਵਤਾ ਨੁ ਖੋ, ਭਨ੍ਤੇ, ‘ਸੁਞ੍ਞੋ ਲੋਕੋ’ਤਿ ਵੁਚ੍ਚਤੀ’’ਤਿ? ‘‘ਯਸ੍ਮਾ ਖੋ, ਆਨਨ੍ਦ, ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ, ਤਸ੍ਮਾ ‘ਸੁਞ੍ਞੋ ਲੋਕੋ’ਤਿ ਵੁਚ੍ਚਤਿ. ਕਿਞ੍ਚਾਨਨ੍ਦ, ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ? ਚਕ੍ਖੁਂ ਖੋ, ਆਨਨ੍ਦ, ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ, ਰੂਪਾ ਸੁਞ੍ਞਾ…ਪੇ… ਚਕ੍ਖੁਵਿਞ੍ਞਾਣਂ ਸੁਞ੍ਞਂ… ਚਕ੍ਖੁਸਮ੍ਫਸ੍ਸੋ ਸੁਞ੍ਞੋ… ਯਮ੍ਪਿਦਂ ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ¶ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ, ਤਮ੍ਪਿ ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ, ਸੋਤਂ ਸੁਞ੍ਞਂ…ਪੇ… ਸਦ੍ਦਾ ਸੁਞ੍ਞਾ… ਘਾਨਂ ਸੁਞ੍ਞਂ… ਗਨ੍ਧਾ ਸੁਞ੍ਞਾ… ਜਿਵ੍ਹਾ ਸੁਞ੍ਞਾ… ਰਸਾ ਸੁਞ੍ਞਾ… ਕਾਯੋ ਸੁਞ੍ਞੋ… ਫੋਟ੍ਠਬ੍ਬਾ ਸੁਞ੍ਞਾ… ਮਨੋ ਸੁਞ੍ਞੋ… ਧਮ੍ਮਾ ਸੁਞ੍ਞਾ… ਮਨੋਵਿਞ੍ਞਾਣਂ ਸੁਞ੍ਞਂ… ਮਨੋਸਮ੍ਫਸ੍ਸੋ ਸੁਞ੍ਞੋ… ਯਮ੍ਪਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ, ਤਮ੍ਪਿ ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ. ਯਸ੍ਮਾ ਖੋ, ਆਨਨ੍ਦ, ਸੁਞ੍ਞਂ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ, ਤਸ੍ਮਾ ¶ ‘ਸੁਞ੍ਞੋ ਲੋਕੋ’ਤਿ ਵੁਚ੍ਚਤੀ’’ਤਿ [ਸਂ. ਨਿ. ੪.੮੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੫. ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਅਤ੍ਤਨਿ ਵਾ, ਭਿਕ੍ਖਵੇ, ਸਤਿ ‘ਅਤ੍ਤਨਿਯਂ ਮੇ’ਤਿ ਅਸ੍ਸਾ’’ਤਿ? ‘‘ਏਵਂ, ਭਨ੍ਤੇ’’. ‘‘ਅਤ੍ਤਨਿਯੇ ਵਾ, ਭਿਕ੍ਖਵੇ, ਸਤਿ ‘ਅਤ੍ਤਾ ਮੇ’ਤਿ ਅਸ੍ਸਾ’’ਤਿ? ‘‘ਏਵਂ, ਭਨ੍ਤੇ’’. ‘‘ਅਤ੍ਤਨਿ ਚ, ਭਿਕ੍ਖਵੇ, ਅਤ੍ਤਨਿਯੇ ਚ ਸਚ੍ਚਤੋ ਥੇਤਤੋ ਅਨੁਪਲਬ੍ਭਿਯਮਾਨੇ [ਅਨੁਪਲਬ੍ਭਮਾਨੇ (ਮ. ਨਿ. ੧.੨੪੪)] ਯਮ੍ਪਿਦਂ [ਯਮਿਦਂ (ਸ੍ਯਾ.) ਯਮ੍ਪਿਤਂ (ਮ. ਨਿ. ੧.੨੪੪)] ਦਿਟ੍ਠਿਟ੍ਠਾਨਂ ਸੋ ਲੋਕੋ ਸੋ ਅਤ੍ਤਾ ਸੋ ਪੇਚ੍ਚ ਭਵਿਸ੍ਸਾਮਿ ਨਿਚ੍ਚੋ ਧੁਵੋ ਸਸ੍ਸਤੋ ਅਵਿਪਰਿਣਾਮਧਮ੍ਮੋ, ਸਸ੍ਸਤਿਸਮਂ ਤਥੇਵ ਠਸ੍ਸਾਮੀਤਿ – ‘ਨਨ੍ਵਾਯਂ, ਭਿਕ੍ਖਵੇ, ਕੇਵਲੋ ਪਰਿਪੂਰੋ ਬਾਲਧਮ੍ਮੋ’’’ਤਿ? ‘‘ਕਿਞ੍ਹਿ ਨੋ ਸਿਯਾ, ਭਨ੍ਤੇ, ਕੇਵਲੋ ਹਿ, ਭਨ੍ਤੇ, ਪਰਿਪੂਰੋ ਬਾਲਧਮ੍ਮੋ’’ਤਿ ¶ [ਮ. ਨਿ. ੧.੨੪੪]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੬. ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਤਯੋ ਮੇ, ਸੇਨਿਯ, ਸਤ੍ਥਾਰੋ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ? ਇਧ, ਸੇਨਿਯ, ਏਕਚ੍ਚੋ ਸਤ੍ਥਾ ਦਿਟ੍ਠੇਵ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ, ਅਭਿਸਮ੍ਪਰਾਯਞ੍ਚ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ.

‘‘ਇਧ ਪਨ, ਸੇਨਿਯ, ਏਕਚ੍ਚੋ ਸਤ੍ਥਾ ਦਿਟ੍ਠੇਵ ਹਿ ਖੋ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ, ਨੋ ਚ ਖੋ ਅਭਿਸਮ੍ਪਰਾਯਂ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ.

‘‘ਇਧ ਪਨ, ਸੇਨਿਯ, ਏਕਚ੍ਚੋ ਸਤ੍ਥਾ ਦਿਟ੍ਠੇ ਚੇਵ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ਨ ਪਞ੍ਞਾਪੇਤਿ, ਅਭਿਸਮ੍ਪਰਾਯਞ੍ਚ ਅਤ੍ਤਾਨਂ ਸਚ੍ਚਤੋ ਥੇਤਤੋ ਨ ਪਞ੍ਞਾਪੇਤਿ.

‘‘ਤਤ੍ਰ, ਸੇਨਿਯ, ਯ੍ਵਾਯਂ ਸਤ੍ਥਾ ਦਿਟ੍ਠੇ ਚੇਵ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ, ਅਭਿਸਮ੍ਪਰਾਯਞ੍ਚ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ – ਅਯਂ ਵੁਚ੍ਚਤਿ, ਸੇਨਿਯ, ਸਤ੍ਥਾ ਸਸ੍ਸਤਵਾਦੋ.

‘‘ਤਤ੍ਰ ¶ ¶ , ਸੇਨਿਯ, ਯ੍ਵਾਯਂ ਸਤ੍ਥਾ ਦਿਟ੍ਠੇਵ ਹਿ ਖੋ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ, ਨੋ ਚ ਖੋ ਅਭਿਸਮ੍ਪਰਾਯਂ ਅਤ੍ਤਾਨਂ ਸਚ੍ਚਤੋ ਥੇਤਤੋ ਪਞ੍ਞਾਪੇਤਿ – ਅਯਂ ਵੁਚ੍ਚਤਿ, ਸੇਨਿਯ, ਸਤ੍ਥਾ ਉਚ੍ਛੇਦਵਾਦੋ.

‘‘ਤਤ੍ਰ, ਸੇਨਿਯ, ਯ੍ਵਾਯਂ ਸਤ੍ਥਾ ਦਿਟ੍ਠੇ ਚੇਵ ਧਮ੍ਮੇ ਅਤ੍ਤਾਨਂ ਸਚ੍ਚਤੋ ਥੇਤਤੋ ¶ ਨ ਪਞ੍ਞਾਪੇਤਿ, ਅਭਿਸਮ੍ਪਰਾਯਞ੍ਚ ਅਤ੍ਤਾਨਂ ਸਚ੍ਚਤੋ ਥੇਤਤੋ ਨ ਪਞ੍ਞਾਪੇਤਿ – ਅਯਂ ਵੁਚ੍ਚਤਿ, ਸੇਨਿਯ, ਸਤ੍ਥਾ ਸਮ੍ਮਾਸਮ੍ਬੁਦ੍ਧੋ. ਇਮੇ ਖੋ, ਸੇਨਿਯ, ਤਯੋ ਸਤ੍ਥਾਰੋ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿ’’ਨ੍ਤਿ [ਪੁ. ਪ. ੧੩੧ ਪੁਗ੍ਗਲਪਞ੍ਞਤ੍ਤਿਯਂ, ਅਤ੍ਥਤੋ ਏਕਂ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੭. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਸਪ੍ਪਿਕੁਮ੍ਭੋ’’ਤਿ? ਆਮਨ੍ਤਾ ¶ . ਅਤ੍ਥਿ ਕੋਚਿ ਸਪ੍ਪਿਸ੍ਸ ਕੁਮ੍ਭਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ.

੨੩੮. ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਨਨੁ ਭਗਵਾ ਸਚ੍ਚਵਾਦੀ ਕਾਲਵਾਦੀ ਭੂਤਵਾਦੀ ਤਥਵਾਦੀ ਅਵਿਤਥਵਾਦੀ ਅਨਞ੍ਞਥਵਾਦੀਤਿ? ਆਮਨ੍ਤਾ. ਵੁਤ੍ਤਂ ਭਗਵਤਾ – ‘‘ਤੇਲਕੁਮ੍ਭੋ… ਮਧੁਕੁਮ੍ਭੋ… ਫਾਣਿਤਕੁਮ੍ਭੋ… ਖੀਰਕੁਮ੍ਭੋ… ਉਦਕਕੁਮ੍ਭੋ… ਪਾਨੀਯਥਾਲਕਂ… ਪਾਨੀਯਕੋਸਕਂ… ਪਾਨੀਯਸਰਾਵਕਂ… ਨਿਚ੍ਚਭਤ੍ਤਂ… ਧੁਵਯਾਗੂ’’ਤਿ? ਆਮਨ੍ਤਾ. ਅਤ੍ਥਿ ਕਾਚਿ ਯਾਗੁ ਨਿਚ੍ਚਾ ਧੁਵਾ ਸਸ੍ਸਤਾ ਅਵਿਪਰਿਣਾਮਧਮ੍ਮਾਤਿ? ਨ ਹੇਵਂ ਵਤ੍ਤਬ੍ਬੇ.…ਪੇ…. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. (ਸਂਖਿਤ੍ਤਂ)

ਅਟ੍ਠਕਨਿਗ੍ਗਹਪੇਯ੍ਯਾਲਾ, ਸਨ੍ਧਾਵਨਿਯਾ ਉਪਾਦਾਯ;

ਚਿਤ੍ਤੇਨ ਪਞ੍ਚਮਂ ਕਲ੍ਯਾਣਂ, ਇਦ੍ਧਿਸੁਤ੍ਤਾਹਰਣੇਨ ਅਟ੍ਠਮਂ.

ਸਚ੍ਚਿਕਟ੍ਠਸਭਾਗਾਨੁਯੋਗੋ.

ਪੁਗ੍ਗਲਕਥਾ ਨਿਟ੍ਠਿਤਾ.

੨. ਪਰਿਹਾਨਿਕਥਾ

੧. ਵਾਦਯੁਤ੍ਤਿਪਰਿਹਾਨਿ

੨੩੯. ਪਰਿਹਾਯਤਿ ¶ ¶ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਬ੍ਬਤ੍ਥ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਤ੍ਥ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ? ਆਮਨ੍ਤਾ. ਸਬ੍ਬਤ੍ਥ ਅਰਹਤੋ ਪਰਿਹਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ ¶ . ਸਬ੍ਬਦਾ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬਦਾ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ? ਆਮਨ੍ਤਾ. ਸਬ੍ਬਦਾ ਅਰਹਤੋ ਪਰਿਹਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਬ੍ਬੇਵ ਅਰਹਨ੍ਤੋ ਅਰਹਤ੍ਤਾ ਪਰਿਹਾਯਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬੇਵ ਅਰਹਨ੍ਤੋ ਅਰਹਤ੍ਤਾ ਪਰਿਹਾਯਨ੍ਤੀਤਿ? ਆਮਨ੍ਤਾ. ਸਬ੍ਬੇਸਂਯੇਵ ਅਰਹਨ੍ਤਾਨਂ ਪਰਿਹਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ਚਤੂਹਿ ਫਲੇਹਿ ਪਰਿਹਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਚਤੂਹਿ ਸਤਸਹਸ੍ਸੇਹਿ ਸੇਟ੍ਠੀ ਸੇਟ੍ਠਿਤ੍ਤਂ ਕਾਰੇਨ੍ਤੋ ਸਤਸਹਸ੍ਸੇ ਪਰਿਹੀਨੇ ਸੇਟ੍ਠਿਤ੍ਤਾ ਪਰਿਹੀਨੋ ਹੋਤੀਤਿ? ਆਮਨ੍ਤਾ. ਸਬ੍ਬਸਾਪਤੇਯ੍ਯਾ ਪਰਿਹੀਨੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਚਤੂਹਿ ¶ ਸਤਸਹਸ੍ਸੇਹਿ ਸੇਟ੍ਠੀ ਸੇਟ੍ਠਿਤ੍ਤਂ ਕਾਰੇਨ੍ਤੋ ਸਤਸਹਸ੍ਸੇ ਪਰਿਹੀਨੇ ਭਬ੍ਬੋ ਸਬ੍ਬਸਾਪਤੇਯ੍ਯਾ ਪਰਿਹਾਯਿਤੁਨ੍ਤਿ? ਆਮਨ੍ਤਾ. ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ¶ ਭਬ੍ਬੋ ਚਤੂਹਿ ਫਲੇਹਿ ਪਰਿਹਾਯਿਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨. ਅਰਿਯਪੁਗ੍ਗਲਸਂਸਨ੍ਦਨਪਰਿਹਾਨਿ

੨੪੦. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ¶ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ¶ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ ¶ . ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੪੧. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ਕਤ੍ਥ ਸਣ੍ਠਾਤੀਤਿ? ਅਨਾਗਾਮਿਫਲੇਤਿ. ਅਨਾਗਾਮੀ ਅਨਾਗਾਮਿਫਲਾ ਪਰਿਹਾਯਮਾਨੋ ਕਤ੍ਥ ਸਣ੍ਠਾਤੀਤਿ? ਸਕਦਾਗਾਮਿਫਲੇਤਿ. ਸਕਦਾਗਾਮੀ ਸਕਦਾਗਾਮਿਫਲਾ ਪਰਿਹਾਯਮਾਨੋ ਕਤ੍ਥ ਸਣ੍ਠਾਤੀਤਿ? ਸੋਤਾਪਤ੍ਤਿਫਲੇਤਿ. ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ ਪਰਿਹਾਯਮਾਨੋ ਪੁਥੁਜ੍ਜਨਭੂਮਿਯਂ ਸਣ੍ਠਾਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ਅਨਾਗਾਮਿਫਲੇ ਸਣ੍ਠਾਤਿ, ਅਨਾਗਾਮੀ ਅਨਾਗਾਮਿਫਲਾ ਪਰਿਹਾਯਮਾਨੋ ਸਕਦਾਗਾਮਿਫਲੇ ਸਣ੍ਠਾਤਿ, ਸਕਦਾਗਾਮੀ ਸਕਦਾਗਾਮਿਫਲਾ ਪਰਿਹਾਯਮਾਨੋ ਸੋਤਾਪਤ੍ਤਿਫਲੇ ਸਣ੍ਠਾਤਿ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ ਪਰਿਹਾਯਮਾਨੋ ਪੁਥੁਜ੍ਜਨਭੂਮਿਯਂ ਸਣ੍ਠਾਤੀ’’ਤਿ.

ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ਸੋਤਾਪਤ੍ਤਿਫਲੇ ਸਣ੍ਠਾਤੀਤਿ? ਆਮਨ੍ਤਾ. ਸੋਤਾਪਤ੍ਤਿਫਲਸ੍ਸ ਅਨਨ੍ਤਰਾ ਅਰਹਤ੍ਤਂਯੇਵ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੪੨. ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ¶ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ¶ ਬਹੁਤਰਾ ਕਿਲੇਸਾ ਪਹੀਨਾ ਅਰਹਤੋ ਵਾ ਸੋਤਾਪਨ੍ਨਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਬਹੁਤਰਾ ਕਿਲੇਸਾ ਪਹੀਨਾ ਅਰਹਤੋ ਵਾ ਸਕਦਾਗਾਮਿਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਬਹੁਤਰਾ ਕਿਲੇਸਾ ਪਹੀਨਾ ਅਰਹਤੋ ਵਾ ਅਨਾਗਾਮਿਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾ’’ਤਿ.

ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਬਹੁਤਰਾ ਕਿਲੇਸਾ ਪਹੀਨਾ ਅਨਾਗਾਮਿਸ੍ਸ ਵਾ ਸੋਤਾਪਨ੍ਨਸ੍ਸ ਵਾਤਿ? ਅਨਾਗਾਮਿਸ੍ਸ. ਹਞ੍ਚਿ ਅਨਾਗਾਮਿਸ੍ਸ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

੨੪੩. ਪਰਿਹਾਯਤਿ ¶ ¶ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ¶ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਬਹੁਤਰਾ ਕਿਲੇਸਾ ਪਹੀਨਾ ਅਨਾਗਾਮਿਸ੍ਸ ਵਾ ਸਕਦਾਗਾਮਿਸ੍ਸ ਵਾਤਿ? ਅਨਾਗਾਮਿਸ੍ਸ. ਹਞ੍ਚਿ ਅਨਾਗਾਮਿਸ੍ਸ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ’’ਤਿ.

ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਬਹੁਤਰਾ ਕਿਲੇਸਾ ਪਹੀਨਾ ਸਕਦਾਗਾਮਿਸ੍ਸ ਵਾ ਸੋਤਾਪਨ੍ਨਸ੍ਸ ਵਾਤਿ? ਸਕਦਾਗਾਮਿਸ੍ਸ. ਹਞ੍ਚਿ ਸਕਦਾਗਾਮਿਸ੍ਸ ਬਹੁਤਰਾ ਕਿਲੇਸਾ ਪਹੀਨਾ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

੨੪੪. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ ਅਰਹਤੋ ਵਾ ਸੋਤਾਪਨ੍ਨਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਅਧਿਮਤ੍ਤਾ ਮਗ੍ਗਭਾਵਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਸਤਿਪਟ੍ਠਾਨਭਾਵਨਾ…ਪੇ… ਸਮ੍ਮਪ੍ਪਧਾਨਭਾਵਨਾ… ਇਦ੍ਧਿਪਾਦਭਾਵਨਾ… ਇਨ੍ਦ੍ਰਿਯਭਾਵਨਾ ¶ … ਬਲਭਾਵਨਾ… ਬੋਜ੍ਝਙ੍ਗਭਾਵਨਾ ਅਰਹਤੋ ਵਾ ਸੋਤਾਪਨ੍ਨਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਅਧਿਮਤ੍ਤਾ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ…ਪੇ… ਬੋਜ੍ਝਙ੍ਗਭਾਵਨਾ ਅਰਹਤੋ ਵਾ ਸਕਦਾਗਾਮਿਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਅਧਿਮਤ੍ਤਾ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ’’ਤਿ.

ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ…ਪੇ… ਬੋਜ੍ਝਙ੍ਗਭਾਵਨਾ ਅਰਹਤੋ ਵਾ ਅਨਾਗਾਮਿਸ੍ਸ ਵਾਤਿ? ਅਰਹਤੋ. ਹਞ੍ਚਿ ਅਰਹਤੋ ਅਧਿਮਤ੍ਤਾ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ਅਰਹਾ ਅਰਹਤ੍ਤਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾ’’ਤਿ.

੨੪੫. ਪਰਿਹਾਯਤਿ ¶ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ…ਪੇ… ਬੋਜ੍ਝਙ੍ਗਭਾਵਨਾ ਅਨਾਗਾਮਿਸ੍ਸ ਵਾ ਸੋਤਾਪਨ੍ਨਸ੍ਸ ਵਾਤਿ? ਅਨਾਗਾਮਿਸ੍ਸ. ਹਞ੍ਚਿ ਅਨਾਗਾਮਿਸ੍ਸ ਅਧਿਮਤ੍ਤਾ ¶ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ.

ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ…ਪੇ… ਬੋਜ੍ਝਙ੍ਗਭਾਵਨਾ ਅਨਾਗਾਮਿਸ੍ਸ ਵਾ ਸਕਦਾਗਾਮਿਸ੍ਸ ਵਾਤਿ? ਅਨਾਗਾਮਿਸ੍ਸ. ਹਞ੍ਚਿ ਅਨਾਗਾਮਿਸ੍ਸ ਅਧਿਮਤ੍ਤਾ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ¶ ਅਨਾਗਾਮੀ ਅਨਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ’’ਤਿ.

੨੪੬. ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਕਸ੍ਸ ਅਧਿਮਤ੍ਤਾ ਮਗ੍ਗਭਾਵਨਾ…ਪੇ… ਬੋਜ੍ਝਙ੍ਗਭਾਵਨਾ ਸਕਦਾਗਾਮਿਸ੍ਸ ਵਾ ਸੋਤਾਪਨ੍ਨਸ੍ਸ ਵਾਤਿ? ਸਕਦਾਗਾਮਿਸ੍ਸ. ਹਞ੍ਚਿ ਸਕਦਾਗਾਮਿਸ੍ਸ ਅਧਿਮਤ੍ਤਾ ਬੋਜ੍ਝਙ੍ਗਭਾਵਨਾ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾ’’ਤਿ…ਪੇ….

੨੪੭. ਅਰਹਤਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਸਮੁਦਯੋ ਦਿਟ੍ਠੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ ¶ ? ਆਮਨ੍ਤਾ. ਸੋਤਾਪਨ੍ਨੇਨ ਸਮੁਦਯੋ ਦਿਟ੍ਠੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ¶ ਨਿਰੋਧੋ ਦਿਟ੍ਠੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਨਿਰੋਧੋ ਦਿਟ੍ਠੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ¶ ਮਗ੍ਗੋ ਦਿਟ੍ਠੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਮਗ੍ਗੋ ਦਿਟ੍ਠੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਕਦਾਗਾਮਿਨਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਕਦਾਗਾਮਿਨਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਨਾਗਾਮਿਨਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤਾ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਨਾਗਾਮਿਨਾ ਚਤ੍ਤਾਰਿ ਸਚ੍ਚਾਨਿ ¶ ਦਿਟ੍ਠਾਨਿ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੪੮. ਅਨਾਗਾਮਿਨਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਨਾ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ ¶ . ਸੋਤਾਪਨ੍ਨੇਨ ¶ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਨਾ ¶ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸਕਦਾਗਾਮਿਨਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਨਾ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸਕਦਾਗਾਮਿਨਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੪੯. ਸਕਦਾਗਾਮਿਨਾ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਦੁਕ੍ਖਂ ਦਿਟ੍ਠਂ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਨਾ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ¶ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨੇਨ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੫੦. ਸੋਤਾਪਨ੍ਨੇਨ ਦੁਕ੍ਖਂ ਦਿਟ੍ਠਂ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਰਹਤਾ ਦੁਕ੍ਖਂ ਦਿਟ੍ਠਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਨ੍ਨੇਨ ਸਮੁਦਯੋ ਦਿਟ੍ਠੋ…ਪੇ… ਨਿਰੋਧੋ ਦਿਟ੍ਠੋ…ਪੇ… ਮਗ੍ਗੋ ਦਿਟ੍ਠੋ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਰਹਤਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਨਾ ¶ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਰਹਤਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਨਾ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਅਰਹਤਾ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਨ੍ਨੇਨ ¶ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ.

ਅਨਾਗਾਮਿਨਾ ਦੁਕ੍ਖਂ ¶ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਨਾ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਨਾਗਾਮਿਨਾ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਨ੍ਨੇਨ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਸਕਦਾਗਾਮਿਨਾ ਦੁਕ੍ਖਂ ਦਿਟ੍ਠਂ…ਪੇ… ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੫੧. ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ¶ ਰਾਗੋ ਪਹੀਨੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਸੀਲਬ੍ਬਤਪਰਾਮਾਸੋ ਪਹੀਨੋ…ਪੇ… ਅਪਾਯਗਮਨੀਯੋ ਰਾਗੋ ਪਹੀਨੋ ¶ …ਪੇ… ਅਪਾਯਗਮਨੀਯੋ ਦੋਸੋ ਪਹੀਨੋ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ… ਮਾਨੋ ਪਹੀਨੋ… ਦਿਟ੍ਠਿ ਪਹੀਨਾ… ਵਿਚਿਕਿਚ੍ਛਾ ਪਹੀਨਾ… ਥਿਨਂ [ਥੀਨਂ (ਸੀ. ਸ੍ਯਾ. ਕਂ. ਪੀ.)] ਪਹੀਨਂ… ਉਦ੍ਧਚ੍ਚਂ ਪਹੀਨਂ… ਅਹਿਰਿਕਂ ਪਹੀਨਂ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ ¶ ? ਆਮਨ੍ਤਾ. ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਸੀਲਬ੍ਬਤਪਰਾਮਾਸੋ ਪਹੀਨੋ…ਪੇ… ਅਪਾਯਗਮਨੀਯੋ ਰਾਗੋ ਪਹੀਨੋ…ਪੇ… ਅਪਾਯਗਮਨੀਯੋ ਦੋਸੋ ¶ ਪਹੀਨੋ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਸੀਲਬ੍ਬਤਪਰਾਮਾਸੋ ਪਹੀਨੋ…ਪੇ… ਓਲ਼ਾਰਿਕੋ ਕਾਮਰਾਗੋ ਪਹੀਨੋ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ¶ ਦੋਸੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ¶ ਰਾਗੋ ਪਹੀਨੋ, ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਸੀਲਬ੍ਬਤਪਰਾਮਾਸੋ ਪਹੀਨੋ… ਅਣੁਸਹਗਤੋ ਕਾਮਰਾਗੋ ਪਹੀਨੋ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਰਹਤੋ ਦੋਸੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੨. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮਿਸ੍ਸ ¶ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ ¶ . ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ¶ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਸੀਲਬ੍ਬਤਪਰਾਮਾਸੋ ਪਹੀਨੋ… ਓਲ਼ਾਰਿਕੋ ਕਾਮਰਾਗੋ ਪਹੀਨੋ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮਿਸ੍ਸ ¶ ਵਿਚਿਕਿਚ੍ਛਾ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੩. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਓਲ਼ਾਰਿਕੋ ਕਾਮਰਾਗੋ ਪਹੀਨੋ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ ¶ ? ਆਮਨ੍ਤਾ ¶ . ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੪. ਸੋਤਾਪਨ੍ਨਸ੍ਸ ¶ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਨ੍ਨਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਰਹਤੋ ਦੋਸੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੫. ਸਕਦਾਗਾਮਿਸ੍ਸ ¶ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੬. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ¶ ਹੇਵਂ ਵਤ੍ਤਬ੍ਬੇ ¶ .

ਅਨਾਗਾਮਿਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਆਮਨ੍ਤਾ. ਅਰਹਤੋ ਰਾਗੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੭. ਸੋਤਾਪਨ੍ਨਸ੍ਸ ¶ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ਪਹੀਨੋ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੮. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮਿਸ੍ਸ ¶ ਵਿਚਿਕਿਚ੍ਛਾ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਆਮਨ੍ਤਾ. ਅਨਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਅਣੁਸਹਗਤੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਅਨਾਗਾਮੀ ਅਨਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੫੯. ਸੋਤਾਪਨ੍ਨਸ੍ਸ ¶ ਸਕ੍ਕਾਯਦਿਟ੍ਠਿ ਪਹੀਨਾ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਨ੍ਨਸ੍ਸ ਵਿਚਿਕਿਚ੍ਛਾ ਪਹੀਨਾ…ਪੇ… ਅਪਾਯਗਮਨੀਯੋ ਮੋਹੋ ¶ ਪਹੀਨੋ, ਨ ਪਰਿਹਾਯਤਿ ਸੋਤਾਪਨ੍ਨੋ ਸੋਤਾਪਤ੍ਤਿਫਲਾਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਸਕ੍ਕਾਯਦਿਟ੍ਠਿ ਪਹੀਨਾ…ਪੇ… ਓਲ਼ਾਰਿਕੋ ਬ੍ਯਾਪਾਦੋ ਪਹੀਨੋ, ਨ ਪਰਿਹਾਯਤਿ ਸਕਦਾਗਾਮੀ ਸਕਦਾਗਾਮਿਫਲਾਤਿ? ਨ ਹੇਵਂ ਵਤ੍ਤਬ੍ਬੇ.

੨੬੦. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ [ਅਨਭਾਵਕਤੋ (ਸੀ.)] ਆਯਤਿਂ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ¶ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ ਵਤ ਰੇ [ਨੋ ਵਤ ਰੇ (ਸ੍ਯਾ. ਪੀ.) ਏਵਮੁਪਰਿਪਿ] ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ… ਮਾਨੋ ਪਹੀਨੋ… ਦਿਟ੍ਠਿ ਪਹੀਨਾ… ਵਿਚਿਕਿਚ੍ਛਾ ਪਹੀਨਾ… ਥਿਨਂ ਪਹੀਨਂ… ਉਦ੍ਧਚ੍ਚਂ ਪਹੀਨਂ… ਅਹਿਰਿਕਂ ਪਹੀਨਂ… ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋਤਿ ¶ ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗਪ੍ਪਹਾਨਾਯ ਸਤਿਪਟ੍ਠਾਨਾ ਭਾਵਿਤਾ…ਪੇ… ਸਮ੍ਮਪ੍ਪਧਾਨਾ ਭਾਵਿਤਾ… ਇਦ੍ਧਿਪਾਦਾ ਭਾਵਿਤਾ… ਇਨ੍ਦ੍ਰਿਯਾ ਭਾਵਿਤਾ… ਬਲਾ ਭਾਵਿਤਾ… ਬੋਜ੍ਝਙ੍ਗਾ ਭਾਵਿਤਾਤਿ? ਆਮਨ੍ਤਾ. ਹਞ੍ਚਿ ¶ ਅਰਹਤੋ ਰਾਗਪ੍ਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

੨੬੧. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ; ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ¶ ਅਭਿਞ੍ਞਾਤਂ ¶ , ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ, ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

੨੬੨. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ( ) [(ਆਮਨ੍ਤਾ) (ਕ.)] ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਪਰਿਹਾਯਤਿ, ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਨ ਪਰਿਹਾਯਤੀਤਿ. ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ? ਆਮਨ੍ਤਾ. ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਪਰਿਹਾਯਤੀਤਿ [ਨ ਪਰਿਹਾਯਤੀਤਿ (ਕ.)]? ਨ ਹੇਵਂ ਵਤ੍ਤਬ੍ਬੇ.

ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਨ ਪਰਿਹਾਯਤੀਤਿ? ਆਮਨ੍ਤਾ. ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾ ਨ ਪਰਿਹਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਯਵਿਮੁਤ੍ਤਸ੍ਸ ¶ ¶ ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗੋ ਪਹੀਨੋ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਯਵਿਮੁਤ੍ਤਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ, ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ¶ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਸਤਿਪਟ੍ਠਾਨਾ ਭਾਵਿਤਾ…ਪੇ… ਸਮ੍ਮਪ੍ਪਧਾਨਾ ਭਾਵਿਤਾ… ਇਦ੍ਧਿਪਾਦਾ ਭਾਵਿਤਾ… ਇਨ੍ਦ੍ਰਿਯਾ ਭਾਵਿਤਾ… ਬਲਾ ਭਾਵਿਤਾ… ਬੋਜ੍ਝਙ੍ਗਾ ਭਾਵਿਤਾ, ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਸਤਿਪਟ੍ਠਾਨਾ ¶ ਭਾਵਿਤਾ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਯਵਿਮੁਤ੍ਤਸ੍ਸ ਅਰਹਤੋ ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਯਵਿਮੁਤ੍ਤੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ¶ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ, ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ ¶ , ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਸਮਯਵਿਮੁਤ੍ਤੋ ਅਰਹਾ ਵੀਤਰਾਗੋ ਵੀਤਦੋਸੋ ¶ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

੨੬੩. ਅਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗੋ ਪਹੀਨੋ, ਨ ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗੋ ਪਹੀਨੋ, ਨ ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਸਮਯਵਿਮੁਤ੍ਤਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਮਯਵਿਮੁਤ੍ਤਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਨ ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨ ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਮਯਵਿਮੁਤ੍ਤਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ¶ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨ ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਸਮਯਵਿਮੁਤ੍ਤਸ੍ਸ ਅਰਹਤੋ ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨ ਪਰਿਹਾਯਤਿ ਅਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਮਯਵਿਮੁਤ੍ਤਸ੍ਸ ¶ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨ ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਸਮਯਵਿਮੁਤ੍ਤੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨ ਪਰਿਹਾਯਤਿ ਅਸਮਯਵਿਮੁਤ੍ਤੋ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਮਯਵਿਮੁਤ੍ਤੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨ ਪਰਿਹਾਯਤਿ ਸਮਯਵਿਮੁਤ੍ਤੋ ਅਰਹਾ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੬੪. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਸਾਰਿਪੁਤ੍ਤੋ ਥੇਰੋ ਪਰਿਹਾਯਿਤ੍ਥ ਅਰਹਤ੍ਤਾਤਿ ¶ ? ਨ ਹੇਵਂ ਵਤ੍ਤਬ੍ਬੇ. ਮਹਾਮੋਗ੍ਗਲ੍ਲਾਨੋ [ਮਹਾਮੋਗ੍ਗਲਾਨੋ (ਕ.)] ਥੇਰੋ… ਮਹਾਕਸ੍ਸਪੋ ਥੇਰੋ… ਮਹਾਕਚ੍ਚਾਯਨੋ [ਮਹਾਕਚ੍ਚਾਨੋ (ਮ. ਨਿ. ੧.੨੦੨ ਆਦਯੋ)] ਥੇਰੋ… ਮਹਾਕੋਟ੍ਠਿਕੋ [ਮਹਾਕੋਟ੍ਠਿਤੋ (ਸੀ. ਸ੍ਯਾ. ਕਂ. ਪੀ.)] ਥੇਰੋ… ਮਹਾਪਨ੍ਥਕੋ ਥੇਰੋ ਪਰਿਹਾਯਿਤ੍ਥ ਅਰਹਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਾਰਿਪੁਤ੍ਤੋ ਥੇਰੋ ਨ ਪਰਿਹਾਯਿਤ੍ਥ ਅਰਹਤ੍ਤਾਤਿ? ਆਮਨ੍ਤਾ. ਹਞ੍ਚਿ ਸਾਰਿਪੁਤ੍ਤੋ ਥੇਰੋ ਨ ਪਰਿਹਾਯਿਤ੍ਥ ਅਰਹਤ੍ਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਮਹਾਮੋਗ੍ਗਲ੍ਲਾਨੋ ਥੇਰੋ… ਮਹਾਕਸ੍ਸਪੋ ਥੇਰੋ… ਮਹਾਕਚ੍ਚਾਯਨੋ ਥੇਰੋ… ਮਹਾਕੋਟ੍ਠਿਕੋ ਥੇਰੋ… ਮਹਾਪਨ੍ਥਕੋ ਥੇਰੋ ਨ ਪਰਿਹਾਯਿਤ੍ਥ ਅਰਹਤ੍ਤਾਤਿ? ਆਮਨ੍ਤਾ. ਹਞ੍ਚਿ ਮਹਾਪਨ੍ਥਕੋ ਥੇਰੋ ਨ ਪਰਿਹਾਯਿਤ੍ਥ ਅਰਹਤ੍ਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਅਰਿਯਪੁਗ੍ਗਲਸਂਸਨ੍ਦਨਂ.

੩. ਸੁਤ੍ਤਸਾਧਨਪਰਿਹਾਨਿ

੨੬੫. ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਉਚ੍ਚਾਵਚਾ ਹਿ ਪਟਿਪਦਾ [ਪਟਿਪਾਦਾ (ਅਟ੍ਠ.)], ਸਮਣੇਨ ਪਕਾਸਿਤਾ;

ਨ ਪਾਰਂ ਦਿਗੁਣਂ ਯਨ੍ਤਿ, ਨਯਿਦਂ ਏਕਗੁਣਂ ਮੁਤ’’ਨ੍ਤਿ [ਸੁ. ਨਿ. ੭੧੯ ਸੁਤ੍ਤਨਿਪਾਤੇ].

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਪਰਿਹਾਯਤਿ ਅਰਹਾ ¶ ਅਰਹਤ੍ਤਾ’’ਤਿ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਤ੍ਥਿ ਛਿਨ੍ਨਸ੍ਸ ਛੇਦਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਛਿਨ੍ਨਸ੍ਸ ਛੇਦਿਯਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਵੀਤਤਣ੍ਹੋ ¶ ਅਨਾਦਾਨੋ, ਕਿਚ੍ਚਂ ਯਸ੍ਸ ਨ ਵਿਜ੍ਜਤਿ;

ਛਿਨ੍ਨਸ੍ਸ ਛੇਦਿਯਂ ਨਤ੍ਥਿ, ਓਘਪਾਸੋ ਸਮੂਹਤੋ’’ਤਿ.

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਛਿਨ੍ਨਸ੍ਸ ਛੇਦਿਯ’’ਨ੍ਤਿ.

੨੬੬. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਤ੍ਥਿ ਕਤਸ੍ਸ ਪਤਿਚਯੋਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਕਤਸ੍ਸ ਪਤਿਚਯੋਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਤਸ੍ਸ ਸਮ੍ਮਾ ਵਿਮੁਤ੍ਤਸ੍ਸ, ਸਨ੍ਤਚਿਤ੍ਤਸ੍ਸ ਭਿਕ੍ਖੁਨੋ;

ਕਤਸ੍ਸ ਪਤਿਚਯੋ ਨਤ੍ਥਿ, ਕਰਣੀਯਂ ਨ ਵਿਜ੍ਜਤਿ.

‘‘ਸੇਲੋ ਯਥਾ ਏਕਗ੍ਘਨੋ, ਵਾਤੇਨ ਨ ਸਮੀਰਤਿ;

ਏਵਂ ਰੂਪਾ ਰਸਾ ਸਦ੍ਦਾ, ਗਨ੍ਧਾ ਫਸ੍ਸਾ ਚ ਕੇਵਲਾ.

‘‘ਇਟ੍ਠਾ ਧਮ੍ਮਾ ਅਨਿਟ੍ਠਾ ਚ, ਨਪ੍ਪਵੇਧੇਨ੍ਤਿ ਤਾਦਿਨੋ;

ਠਿਤਂ ਚਿਤ੍ਤਂ ਵਿਪ੍ਪਮੁਤ੍ਤਂ, ਵਯਂ ਚਸ੍ਸਾਨੁਪਸ੍ਸਤੀ’’ਤਿ [ਮਹਾਵ. ੨੪੪; ਅ. ਨਿ. ੬.੫੫].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ¶ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਕਤਸ੍ਸ ਪਤਿਚਯੋ’’ਤਿ.

੨੬੭. ਨ ¶ ¶ ਵਤ੍ਤਬ੍ਬਂ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮੇ, ਭਿਕ੍ਖਵੇ, ਧਮ੍ਮਾ ਸਮਯਵਿਮੁਤ੍ਤਸ੍ਸ ਭਿਕ੍ਖੁਨੋ ਪਰਿਹਾਨਾਯ ਸਂਵਤ੍ਤਨ੍ਤਿ. ਕਤਮੇ ਪਞ੍ਚ? ਕਮ੍ਮਾਰਾਮਤਾ, ਭਸ੍ਸਾਰਾਮਤਾ, ਨਿਦ੍ਦਾਰਾਮਤਾ, ਸਙ੍ਗਣਿਕਾਰਾਮਤਾ, ਯਥਾਵਿਮੁਤ੍ਤਂ ਚਿਤ੍ਤਂ ਨ ਪਚ੍ਚਵੇਕ੍ਖਤਿ. ਇਮੇ ਖੋ, ਭਿਕ੍ਖਵੇ, ਪਞ੍ਚ ਧਮ੍ਮਾ ਸਮਯਵਿਮੁਤ੍ਤਸ੍ਸ ਭਿਕ੍ਖੁਨੋ ਪਰਿਹਾਨਾਯ ਸਂਵਤ੍ਤਨ੍ਤੀ’’ਤਿ [ਅ. ਨਿ. ੫.੧੪੯]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ.

ਅਤ੍ਥਿ ਅਰਹਤੋ ਕਮ੍ਮਾਰਾਮਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ¶ ਅਰਹਤੋ ਕਮ੍ਮਾਰਾਮਤਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਭਸ੍ਸਾਰਾਮਤਾ, ਅਤ੍ਥਿ ਅਰਹਤੋ ਨਿਦ੍ਦਾਰਾਮਤਾ, ਅਤ੍ਥਿ ਅਰਹਤੋ ਸਙ੍ਗਣਿਕਾਰਾਮਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਸਙ੍ਗਣਿਕਾਰਾਮਤਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

੨੬੮. ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਰਹਾ ਅਰਹਤ੍ਤਾ ਪਰਿਹਾਯਮਾਨੋ ਕਿਂ ਪਰਿਯੁਟ੍ਠਿਤੋ ਪਰਿਹਾਯਤੀਤਿ? ਰਾਗਪਰਿਯੁਟ੍ਠਿਤੋ ਪਰਿਹਾਯਤੀਤਿ. ਪਰਿਯੁਟ੍ਠਾਨਂ ਕਿਂ ਪਟਿਚ੍ਚ ਉਪ੍ਪਜ੍ਜਤੀਤਿ? ਅਨੁਸਯਂ ਪਟਿਚ੍ਚ ਉਪ੍ਪਜ੍ਜਤੀਤਿ. ਅਤ੍ਥਿ ਅਰਹਤੋ ਅਨੁਸਯਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ¶ ¶ ਅਰਹਤੋ ਅਨੁਸਯਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਕਾਮਰਾਗਾਨੁਸਯੋ ਪਟਿਘਾਨੁਸਯੋ ਮਾਨਾਨੁਸਯੋ ਦਿਟ੍ਠਾਨੁਸਯੋ ਵਿਚਿਕਿਚ੍ਛਾਨੁਸਯੋ ਭਵਰਾਗਾਨੁਸਯੋ ਅਵਿਜ੍ਜਾਨੁਸਯੋਤਿ? ਨ ਹੇਵਂ ਵਤ੍ਤਬ੍ਬੇ.

ਦੋਸਪਰਿਯੁਟ੍ਠਿਤੋ ਪਰਿਹਾਯਤੀਤਿ…ਪੇ… ਮੋਹਪਰਿਯੁਟ੍ਠਿਤੋ ਪਰਿਹਾਯਤੀਤਿ…. ਪਰਿਯੁਟ੍ਠਾਨਂ ਕਿਂ ਪਟਿਚ੍ਚ ਉਪ੍ਪਜ੍ਜਤੀਤਿ? ਅਨੁਸਯਂ ਪਟਿਚ੍ਚ ਉਪ੍ਪਜ੍ਜਤੀਤਿ. ਅਤ੍ਥਿ ਅਰਹਤੋ ਅਨੁਸਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਅਨੁਸਯਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਕਾਮਰਾਗਾਨੁਸਯੋ…ਪੇ… ਅਵਿਜ੍ਜਾਨੁਸਯੋਤਿ? ਨ ਹੇਵਂ ਵਤ੍ਤਬ੍ਬੇ.

ਪਰਿਹਾਯਤਿ ¶ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਰਹਤੋ ਅਰਹਤ੍ਤਾ ਪਰਿਹਾਯਮਾਨਸ੍ਸ ਕਿਂ ਉਪਚਯਂ ¶ ਗਚ੍ਛਤੀਤਿ? ਰਾਗੋ ਉਪਚਯਂ ਗਚ੍ਛਤੀਤਿ. ਸਕ੍ਕਾਯਦਿਟ੍ਠਿ ਉਪਚਯਂ ਗਚ੍ਛਤੀਤਿ, ਵਿਚਿਕਿਚ੍ਛਾ ਉਪਚਯਂ ਗਚ੍ਛਤੀਤਿ, ਸੀਲਬ੍ਬਤਪਰਾਮਾਸੋ ਉਪਚਯਂ ਗਚ੍ਛਤੀਤਿ? ਨ ਹੇਵਂ ਵਤ੍ਤਬ੍ਬੇ. ਦੋਸੋ ਉਪਚਯਂ ਗਚ੍ਛਤੀਤਿ…ਪੇ… ਮੋਹੋ ਉਪਚਯਂ ਗਚ੍ਛਤੀਤਿ, ਸਕ੍ਕਾਯਦਿਟ੍ਠਿ ਉਪਚਯਂ ਗਚ੍ਛਤੀਤਿ, ਵਿਚਿਕਿਚ੍ਛਾ ਉਪਚਯਂ ਗਚ੍ਛਤੀਤਿ, ਸੀਲਬ੍ਬਤਪਰਾਮਾਸੋ ਉਪਚਯਂ ਗਚ੍ਛਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਪਰਿਹਾਯਤਿ ਅਰਹਾ ਅਰਹਤ੍ਤਾਤਿ? ਆਮਨ੍ਤਾ. ਅਰਹਾ ਆਚਿਨਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ਅਪਚਿਨਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ਪਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ਉਪਾਦਿਯਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ. ਅਰਹਾ ਵਿਸਿਨੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ਉਸ੍ਸਿਨੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ¶ ਵਿਧੂਪੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਰਹਾ ਸਨ੍ਧੂਪੇਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਨਨੁ ਅਰਹਾ ਨੇਵਾਚਿਨਤਿ ਨ ਅਪਚਿਨਤਿ ਅਪਚਿਨਿਤ੍ਵਾ ਠਿਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨੇਵਾਚਿਨਤਿ ਨ ਅਪਚਿਨਤਿ ਅਪਚਿਨਿਤ੍ਵਾ ਠਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਨਨੁ ਅਰਹਾ ਨੇਵ ਪਜਹਤਿ ਨ ਉਪਾਦਿਯਤਿ ਪਜਹਿਤ੍ਵਾ ਠਿਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨੇਵ ਪਜਹਤਿ ਨ ਉਪਾਦਿਯਤਿ ਪਜਹਿਤ੍ਵਾ ਠਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਨਨੁ ਅਰਹਾ ਨੇਵ ਵਿਸਿਨੇਤਿ ਨ ਉਸ੍ਸਿਨੇਤਿ ਵਿਸਿਨਿਤ੍ਵਾ ਠਿਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨੇਵ ਵਿਸਿਨੇਤਿ ਨ ਉਸ੍ਸਿਨੇਤਿ ਵਿਸਿਨਿਤ੍ਵਾ ਠਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਨਨੁ ਅਰਹਾ ਨੇਵ ਵਿਧੂਪੇਤਿ ਨ ਸਨ੍ਧੂਪੇਤਿ ਵਿਧੂਪੇਤ੍ਵਾ ਠਿਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨੇਵ ਵਿਧੂਪੇਤਿ ਨ ਸਨ੍ਧੂਪੇਤਿ ਵਿਧੂਪੇਤ੍ਵਾ ਠਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਰਿਹਾਯਤਿ ਅਰਹਾ ਅਰਹਤ੍ਤਾ’’ਤਿ.

ਪਰਿਹਾਨਿਕਥਾ ਨਿਟ੍ਠਿਤਾ.

੩. ਬ੍ਰਹ੍ਮਚਰਿਯਕਥਾ

੧. ਸੁਦ੍ਧਬ੍ਰਹ੍ਮਚਰਿਯਕਥਾ

੨੬੯. ਨਤ੍ਥਿ ¶ ¶ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਸਬ੍ਬੇ ¶ ਦੇਵਾ ਜਲ਼ਾ ਏਲਮੂਗਾ [ਏਲ਼ਮੂਗਾ (ਸ੍ਯਾ.)] ਅਵਿਞ੍ਞੂ ਹਤ੍ਥਸਂਵਾਚਿਕਾ ਨਪ੍ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਾਨਂ ਅਤ੍ਥਮਞ੍ਞਾਤੁਂ, ਸਬ੍ਬੇ ਦੇਵਾ ਨ ਬੁਦ੍ਧੇ ਪਸਨ੍ਨਾ ਨ ਧਮ੍ਮੇ ¶ ਪਸਨ੍ਨਾ ਨ ਸਙ੍ਘੇ ਪਸਨ੍ਨਾ, ਨ ਬੁਦ੍ਧਂ ਭਗਵਨ੍ਤਂ ਪਯਿਰੁਪਾਸਨ੍ਤਿ, ਨ ਬੁਦ੍ਧਂ ਭਗਵਨ੍ਤਂ ਪਞ੍ਹਂ ਪੁਚ੍ਛਨ੍ਤਿ, ਨ ਬੁਦ੍ਧੇਨ ਭਗਵਤਾ ਪਞ੍ਹੇ ਵਿਸ੍ਸਜ੍ਜਿਤੇ ਅਤ੍ਤਮਨਾ, ਸਬ੍ਬੇ ਦੇਵਾ ਕਮ੍ਮਾਵਰਣੇਨ ਸਮਨ੍ਨਾਗਤਾ ਕਿਲੇਸਾਵਰਣੇਨ ਸਮਨ੍ਨਾਗਤਾ ਵਿਪਾਕਾਵਰਣੇਨ ਸਮਨ੍ਨਾਗਤਾ ਅਸ੍ਸਦ੍ਧਾ ਅਚ੍ਛਨ੍ਦਿਕਾ ਦੁਪ੍ਪਞ੍ਞਾ ਅਭਬ੍ਬਾ ਨਿਯਾਮਂ ਓਕ੍ਕਮਿਤੁਂ ਕੁਸਲੇਸੁ ਧਮ੍ਮੇਸੁ ਸਮ੍ਮਤ੍ਤਂ, ਸਬ੍ਬੇ ਦੇਵਾ ਮਾਤੁਘਾਤਕਾ ਪਿਤੁਘਾਤਕਾ ਅਰਹਨ੍ਤਘਾਤਕਾ ਰੁਹਿਰੁਪ੍ਪਾਦਕਾ ਸਙ੍ਘਭੇਦਕਾ, ਸਬ੍ਬੇ ਦੇਵਾ ਪਾਣਾਤਿਪਾਤਿਨੋ ਅਦਿਨ੍ਨਾਦਾਯਿਨੋ ਕਾਮੇਸੁਮਿਚ੍ਛਾਚਾਰਿਨੋ ਮੁਸਾਵਾਦਿਨੋ ਪਿਸੁਣਵਾਚਾ ਫਰੁਸਾਵਾਚਾ ਸਮ੍ਫਪ੍ਪਲਾਪਿਨੋ ਅਭਿਜ੍ਝਾਲੁਨੋ ਬ੍ਯਾਪਨ੍ਨਚਿਤ੍ਤਾ ਮਿਚ੍ਛਾਦਿਟ੍ਠਿਕਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਅਤ੍ਥਿ ਦੇਵਾ ਅਜਲ਼ਾ ਅਨੇਲਮੂਗਾ ਵਿਞ੍ਞੂ ਨ ਹਤ੍ਥਸਂਵਾਚਿਕਾ ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਾਨਂ ਅਤ੍ਥਮਞ੍ਞਾਤੁਂ, ਅਤ੍ਥਿ ਦੇਵਾ ਬੁਦ੍ਧੇ ਪਸਨ੍ਨਾ ਧਮ੍ਮੇ ਪਸਨ੍ਨਾ ਸਙ੍ਘੇ ਪਸਨ੍ਨਾ, ਬੁਦ੍ਧਂ ਭਗਵਨ੍ਤਂ ਪਯਿਰੁਪਾਸਨ੍ਤਿ, ਬੁਦ੍ਧਂ ਭਗਵਨ੍ਤਂ ਪਞ੍ਹਂ ਪੁਚ੍ਛਨ੍ਤਿ, ਬੁਦ੍ਧੇਨ ਭਗਵਤਾ ਪਞ੍ਹੇ ਵਿਸ੍ਸਜ੍ਜਿਤੇ ਅਤ੍ਤਮਨਾ ਹੋਨ੍ਤਿ, ਅਤ੍ਥਿ ਦੇਵਾ ਨ ਕਮ੍ਮਾਵਰਣੇਨ ਸਮਨ੍ਨਾਗਤਾ ਨ ਕਿਲੇਸਾਵਰਣੇਨ ਸਮਨ੍ਨਾਗਤਾ ਨ ਵਿਪਾਕਾਵਰਣੇਨ ਸਮਨ੍ਨਾਗਤਾ ਸਦ੍ਧਾ ਛਨ੍ਦਿਕਾ ਪਞ੍ਞਵਨ੍ਤੋ ਭਬ੍ਬਾ ਨਿਯਾਮਂ ਓਕ੍ਕਮਿਤੁਂ ਕੁਸਲੇਸੁ ਧਮ੍ਮੇਸੁ ਸਮ੍ਮਤ੍ਤਂ, ਅਤ੍ਥਿ ਦੇਵਾ ਨ ਮਾਤੁਘਾਤਕਾ ਨ ਪਿਤੁਘਾਤਕਾ ਨ ਅਰਹਨ੍ਤਘਾਤਕਾ ਨ ਰੁਹਿਰੁਪ੍ਪਾਦਕਾ ਨ ਸਙ੍ਘਭੇਦਕਾ, ਅਤ੍ਥਿ ਦੇਵਾ ਨ ਪਾਣਾਤਿਪਾਤਿਨੋ ਨ ਅਦਿਨ੍ਨਾਦਾਯਿਨੋ ਨ ਕਾਮੇਸੁਮਿਚ੍ਛਾਚਾਰਿਨੋ ¶ ਨ ਮੁਸਾਵਾਦਿਨੋ ਨ ਪਿਸੁਣਾਵਾਚਾ ਨ ਫਰੁਸਾਵਾਚਾ ਨ ਸਮ੍ਫਪ੍ਪਲਾਪਿਨੋ ਨ ਅਭਿਜ੍ਝਾਲੁਨੋ ¶ ਅਬ੍ਯਾਪਨ੍ਨਚਿਤ੍ਤਾ ਸਮ੍ਮਾਦਿਟ੍ਠਿਕਾਤਿ? ਆਮਨ੍ਤਾ.

ਹਞ੍ਚਿ ਅਤ੍ਥਿ ਦੇਵਾ ਅਜਲ਼ਾ ਅਨੇਲਮੂਗਾ ਵਿਞ੍ਞੂ ਨ ਹਤ੍ਥਸਂਵਾਚਿਕਾ ¶ ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਾਨਂ ਅਤ੍ਥਮਞ੍ਞਾਤੁਂ…ਪੇ… ਅਤ੍ਥਿ ਦੇਵਾ ਬੁਦ੍ਧੇ ਪਸਨ੍ਨਾ…ਪੇ… ਸਮ੍ਮਾਦਿਟ੍ਠਿਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋ’’ਤਿ.

੨੭੦. ਅਤ੍ਥਿ ¶ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਅਤ੍ਥਿ ਤਤ੍ਥ ਪਬ੍ਬਜ੍ਜਾ ਮੁਣ੍ਡਿਯਂ ਕਾਸਾਵਧਾਰਣਾ ਪਤ੍ਤਧਾਰਣਾ, ਦੇਵੇਸੁ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਸਾਵਕਯੁਗਂ ਉਪ੍ਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਪਬ੍ਬਜ੍ਜਾ ਨਤ੍ਥੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਅਤ੍ਥਿ ਪਬ੍ਬਜ੍ਜਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਪਬ੍ਬਜ੍ਜਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਅਤ੍ਥਿ ਪਬ੍ਬਜ੍ਜਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਪਬ੍ਬਜ੍ਜਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯੋ ਪਬ੍ਬਜਤਿ ਤਸ੍ਸੇਵ ਬ੍ਰਹ੍ਮਚਰਿਯਵਾਸੋ, ਯੋ ਨ ਪਬ੍ਬਜਤਿ ਨਤ੍ਥਿ ਤਸ੍ਸ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਮੁਣ੍ਡਿਯਂ ਨਤ੍ਥੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਅਤ੍ਥਿ ਮੁਣ੍ਡਿਯਂ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਮੁਣ੍ਡਿਯਂ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਅਤ੍ਥਿ ਮੁਣ੍ਡਿਯਂ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ¶ ਨਤ੍ਥਿ ਮੁਣ੍ਡਿਯਂ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯੋ ਮੁਣ੍ਡੋ ਹੋਤਿ ਤਸ੍ਸੇਵ ਬ੍ਰਹ੍ਮਚਰਿਯਵਾਸੋ, ਯੋ ਮੁਣ੍ਡੋ ਨ ਹੋਤਿ ਨਤ੍ਥਿ ਤਸ੍ਸ ਬ੍ਰਹ੍ਮਚਰਿਯਵਾਸੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਕਾਸਾਵਧਾਰਣਾ ਨਤ੍ਥੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਅਤ੍ਥਿ ਕਾਸਾਵਧਾਰਣਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਕਾਸਾਵਧਾਰਣਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਅਤ੍ਥਿ ਕਾਸਾਵਧਾਰਣਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਕਾਸਾਵਧਾਰਣਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯੋ ਕਾਸਾਵਂ ¶ ਧਾਰੇਤਿ ਤਸ੍ਸੇਵ ਬ੍ਰਹ੍ਮਚਰਿਯਵਾਸੋ, ਯੋ ਕਾਸਾਵਂ ਨ ਧਾਰੇਤਿ ਨਤ੍ਥਿ ਤਸ੍ਸ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਪਤ੍ਤਧਾਰਣਾ ਨਤ੍ਥੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਅਤ੍ਥਿ ਪਤ੍ਤਧਾਰਣਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਪਤ੍ਤਧਾਰਣਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਅਤ੍ਥਿ ਪਤ੍ਤਧਾਰਣਾ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਨਤ੍ਥਿ ਪਤ੍ਤਧਾਰਣਾ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ? ਯੋ ਪਤ੍ਤਂ ਧਾਰੇਤਿ ਤਸ੍ਸੇਵ ਬ੍ਰਹ੍ਮਚਰਿਯਵਾਸੋ, ਯੋ ਪਤ੍ਤਂ ਨ ਧਾਰੇਤਿ ਨਤ੍ਥਿ ਤਸ੍ਸ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ¶ ਸਮ੍ਮਾਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ ¶ ? ਆਮਨ੍ਤਾ. ਯਤ੍ਥ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਸਮ੍ਮਾਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਸਮ੍ਮਾਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਸਮ੍ਮਾਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ ¶ . ਲੁਮ੍ਬਿਨਿਯਾ ਭਗਵਾ ਜਾਤੋ, ਬੋਧਿਯਾ ਮੂਲੇ ਅਭਿਸਮ੍ਬੁਦ੍ਧੋ, ਬਾਰਾਣਸਿਯਂ ਭਗਵਤਾ ਧਮ੍ਮਚਕ੍ਕਂ ਪਵਤ੍ਤਿਤਂ; ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਨਤ੍ਥਞ੍ਞਤ੍ਰ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਪਚ੍ਚੇਕਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਪਚ੍ਚੇਕਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਪਚ੍ਚੇਕਸਮ੍ਬੁਦ੍ਧਾ ਨੁਪ੍ਪਜ੍ਜਨ੍ਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਮਜ੍ਝਿਮੇਸੁ ਜਨਪਦੇਸੁ ਪਚ੍ਚੇਕਸਮ੍ਬੁਦ੍ਧਾ ਉਪ੍ਪਜ੍ਜਨ੍ਤਿ, ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਨਤ੍ਥਞ੍ਞਤ੍ਰ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵੇਸੁ ਸਾਵਕਯੁਗਂ ਨੁਪ੍ਪਜ੍ਜਤੀਤਿ, ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਯਤ੍ਥ ਸਾਵਕਯੁਗਂ ਉਪ੍ਪਜ੍ਜਤਿ ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਸਾਵਕਯੁਗਂ ਨੁਪ੍ਪਜ੍ਜਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਯਤ੍ਥ ਸਾਵਕਯੁਗਂ ਉਪ੍ਪਜ੍ਜਤਿ ਤਤ੍ਥੇਵ ¶ ਬ੍ਰਹ੍ਮਚਰਿਯਵਾਸੋ, ਯਤ੍ਥ ਸਾਵਕਯੁਗਂ ਨੁਪ੍ਪਜ੍ਜਤਿ ਨਤ੍ਥਿ ਤਤ੍ਥ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਮਗਧੇਸੁ ¶ ਸਾਵਕਯੁਗਂ ਉਪ੍ਪਨ੍ਨਂ, ਤਤ੍ਥੇਵ ਬ੍ਰਹ੍ਮਚਰਿਯਵਾਸੋ, ਨਤ੍ਥਞ੍ਞਤ੍ਰ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੭੧. ਅਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ ¶ . ਸਬ੍ਬਦੇਵੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਮਨੁਸ੍ਸੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਸਬ੍ਬਮਨੁਸ੍ਸੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਦੇਵੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ਮਨੁਸ੍ਸੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਪਚ੍ਚਨ੍ਤਿਮੇਸੁ ਜਨਪਦੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋ ਮਿਲਕ੍ਖੇਸੁ [ਮਿਲਕ੍ਖੂਸੁ (ਸ੍ਯਾ. ਕ.)] ਅਵਿਞ੍ਞਾਤਾਰੇਸੁ ਯਤ੍ਥ ਨਤ੍ਥਿ ਗਤਿ ਭਿਕ੍ਖੂਨਂ ਭਿਕ੍ਖੁਨੀਨਂ ਉਪਾਸਕਾਨਂ ਉਪਾਸਿਕਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥੀਤਿ. ਅਸਞ੍ਞਸਤ੍ਤੇਸੁ ਦੇਵੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋ, ਸਞ੍ਞਸਤ੍ਤੇਸੁ [ਅਸਞ੍ਞਸਤ੍ਤੇਸੁ (ਕ.)] ਦੇਵੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

ਦੇਵੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਕਤ੍ਥ ਅਤ੍ਥਿ, ਕਤ੍ਥ ਨਤ੍ਥੀਤਿ? ਅਸਞ੍ਞਸਤ੍ਤੇਸੁ ¶ ਦੇਵੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋ, ਸਞ੍ਞਸਤ੍ਤੇਸੁ [ਅਸਞ੍ਞਸਤ੍ਤੇਸੁ (ਕ.)] ਦੇਵੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ. ਅਸਞ੍ਞਸਤ੍ਤੇਸੁ ਦੇਵੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਸਞ੍ਞਸਤ੍ਤੇਸੁ [ਅਸਞ੍ਞਸਤ੍ਤੇਸੁ (ਕ.)] ਦੇਵੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

ਸਞ੍ਞਸਤ੍ਤੇਸੁ ਦੇਵੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ¶ ਦੇਵੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ¶ ਮਨੁਸ੍ਸੇਸੁ ਬ੍ਰਹ੍ਮਚਰਿਯਵਾਸੋਤਿ? ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥੀਤਿ. ਪਚ੍ਚਨ੍ਤਿਮੇਸੁ ਜਨਪਦੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋ ਮਿਲਕ੍ਖੇਸੁ ਅਵਿਞ੍ਞਾਤਾਰੇਸੁ ਯਤ੍ਥ ਨਤ੍ਥਿ ਗਤਿ ਭਿਕ੍ਖੂਨਂ ਭਿਕ੍ਖੁਨੀਨਂ ਉਪਾਸਕਾਨਂ ਉਪਾਸਿਕਾਨਂ, ਮਜ੍ਝਿਮੇਸੁ ਜਨਪਦੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

ਮਨੁਸ੍ਸੇਸੁ ਅਤ੍ਥਿ ਯਤ੍ਥ ਅਤ੍ਥਿ, ਅਤ੍ਥਿ ਯਤ੍ਥ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਕਤ੍ਥ ਅਤ੍ਥਿ, ਕਤ੍ਥ ਨਤ੍ਥੀਤਿ? ਪਚ੍ਚਨ੍ਤਿਮੇਸੁ ਜਨਪਦੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋ ਮਿਲਕ੍ਖੇਸੁ ਅਵਿਞ੍ਞਾਤਾਰੇਸੁ ਯਤ੍ਥ ਨਤ੍ਥਿ ਗਤਿ ਭਿਕ੍ਖੂਨਂ ਭਿਕ੍ਖੁਨੀਨਂ ਉਪਾਸਕਾਨਂ ਉਪਾਸਿਕਾਨਂ, ਮਜ੍ਝਿਮੇਸੁ ਜਨਪਦੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ. ਪਚ੍ਚਨ੍ਤਿਮੇਸੁ ਜਨਪਦੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋ ਮਿਲਕ੍ਖੇਸੁ ਅਵਿਞ੍ਞਾਤਾਰੇਸੁ ਯਤ੍ਥ ਨਤ੍ਥਿ ਗਤਿ ਭਿਕ੍ਖੂਨਂ ਭਿਕ੍ਖੁਨੀਨਂ ਉਪਾਸਕਾਨਂ ਉਪਾਸਿਕਾਨਨ੍ਤਿ? ਆਮਨ੍ਤਾ. ਮਜ੍ਝਿਮੇਸੁ ਜਨਪਦੇਸੁ ਨਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

ਮਜ੍ਝਿਮੇਸੁ ¶ ਜਨਪਦੇਸੁ ¶ ਅਤ੍ਥਿ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਪਚ੍ਚਨ੍ਤਿਮੇਸੁ ਜਨਪਦੇਸੁ ਅਤ੍ਥਿ ਬ੍ਰਹ੍ਮਚਰਿਯਵਾਸੋ ਮਿਲਕ੍ਖੇਸੁ ਅਵਿਞ੍ਞਾਤਾਰੇਸੁ ਯਤ੍ਥ ਨਤ੍ਥਿ ਗਤਿ ਭਿਕ੍ਖੂਨਂ ਭਿਕ੍ਖੁਨੀਨਂ ਉਪਾਸਕਾਨਂ ਉਪਾਸਿਕਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਤੀਹਿ, ਭਿਕ੍ਖਵੇ, ਠਾਨੇਹਿ ਜਮ੍ਬੁਦੀਪਕਾ ਮਨੁਸ੍ਸਾ ਉਤ੍ਤਰਕੁਰੁਕੇ ਚ ਮਨੁਸ੍ਸੇ ਅਧਿਗ੍ਗਣ੍ਹਨ੍ਤਿ ਦੇਵੇ ਚ ਤਾਵਤਿਂਸੇ! ਕਤਮੇਹਿ ਤੀਹਿ? ਸੂਰਾ, ਸਤਿਮਨ੍ਤੋ, ਇਧ ਬ੍ਰਹ੍ਮਚਰਿਯਵਾਸੋ’’ਤਿ [ਅ. ਨਿ. ੯.੨੧]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ¶ ਹਿ ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋਤਿ.

ਸਾਵਤ੍ਥਿਯਂ ਵੁਤ੍ਤਂ ਭਗਵਤਾ – ‘‘ਇਧ ਬ੍ਰਹ੍ਮਚਰਿਯਵਾਸੋ’’ਤਿ? ਆਮਨ੍ਤਾ. ਸਾਵਤ੍ਥਿਯਂਯੇਵ ਬ੍ਰਹ੍ਮਚਰਿਯਵਾਸੋ, ਨਤ੍ਥਿ ਅਞ੍ਞਤ੍ਰ ਬ੍ਰਹ੍ਮਚਰਿਯਵਾਸੋਤਿ? ਨ ਹੇਵਂ ਵਤ੍ਤਬ੍ਬੇ.

੨੭੨. ਅਨਾਗਾਮਿਸ੍ਸ ਪੁਗ੍ਗਲਸ੍ਸ ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ ਪਹੀਨਾਨਿ, ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ, ਇਤੋ ਚੁਤਸ੍ਸ ਤਤ੍ਥ ਉਪਪਨ੍ਨਸ੍ਸ ਕੁਹਿਂ ਫਲੁਪ੍ਪਤ੍ਤੀਤਿ? ਤਤ੍ਥੇਵ. ਹਞ੍ਚਿ ਅਨਾਗਾਮਿਸ੍ਸ ਪੁਗ੍ਗਲਸ੍ਸ ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ ਪਹੀਨਾਨਿ ¶ , ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ, ਇਤੋ ਚੁਤਸ੍ਸ ਤਤ੍ਥ ਉਪਪਨ੍ਨਸ੍ਸ ਤਹਿਂ ਫਲੁਪ੍ਪਤ੍ਤਿ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋ’’ਤਿ.

ਅਨਾਗਾਮਿਸ੍ਸ ਪੁਗ੍ਗਲਸ੍ਸ ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ ਪਹੀਨਾਨਿ, ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ ¶ , ਇਤੋ ਚੁਤਸ੍ਸ ਤਤ੍ਥ ਉਪਪਨ੍ਨਸ੍ਸ ਕੁਹਿਂ ਭਾਰੋਹਰਣਂ, ਕੁਹਿਂ ਦੁਕ੍ਖਪਰਿਞ੍ਞਾਤਂ, ਕੁਹਿਂ ਕਿਲੇਸਪ੍ਪਹਾਨਂ, ਕੁਹਿਂ ਨਿਰੋਧਸਚ੍ਛਿਕਿਰਿਯਾ, ਕੁਹਿਂ ਅਕੁਪ੍ਪਪਟਿਵੇਧੋਤਿ? ਤਤ੍ਥੇਵ. ਹਞ੍ਚਿ ਅਨਾਗਾਮਿਸ੍ਸ ਪੁਗ੍ਗਲਸ੍ਸ ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ ਪਹੀਨਾਨਿ, ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ, ਇਤੋ ਚੁਤਸ੍ਸ ਤਤ੍ਥ ਉਪਪਨ੍ਨਸ੍ਸ ਤਹਿਂ ਅਕੁਪ੍ਪਪਟਿਵੇਧੋ; ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋ’’ਤਿ.

ਅਨਾਗਾਮਿਸ੍ਸ ਪੁਗ੍ਗਲਸ੍ਸ ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ ਪਹੀਨਾਨਿ, ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ ਅਪ੍ਪਹੀਨਾਨਿ, ਇਤੋ ਚੁਤਸ੍ਸ ਤਤ੍ਥ ਉਪਪਨ੍ਨਸ੍ਸ ਤਹਿਂ ¶ ਫਲੁਪ੍ਪਤ੍ਤਿ, ਤਹਿਂ ਭਾਰੋਹਰਣਂ, ਤਹਿਂ ਦੁਕ੍ਖਪਰਿਞ੍ਞਾਤਂ, ਤਹਿਂ ਕਿਲੇਸਪ੍ਪਹਾਨਂ, ਤਹਿਂ ਨਿਰੋਧਸਚ੍ਛਿਕਿਰਿਯਾ, ਤਹਿਂ ਅਕੁਪ੍ਪਪਟਿਵੇਧੋ; ਕੇਨਟ੍ਠੇਨ ਵਦੇਸਿ – ‘‘ਨਤ੍ਥਿ ਦੇਵੇਸੁ ਬ੍ਰਹ੍ਮਚਰਿਯਵਾਸੋ’’ਤਿ? ਹਨ੍ਦ ਹਿ ਅਨਾਗਾਮੀ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ [ਸਚ੍ਛਿਕਰੋਤਿ (ਬਹੂਸੁ)].

੨. ਸਂਸਨ੍ਦਨਬ੍ਰਹ੍ਮਚਰਿਯਕਥਾ

੨੭੩. ਅਨਾਗਾਮੀ ¶ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਸੋਤਾਪਨ੍ਨੋ ਪੁਗ੍ਗਲੋ ਤਤ੍ਥ ਭਾਵਿਤੇਨ ਮਗ੍ਗੇਨ ਇਧ ਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮੀ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਸਕਦਾਗਾਮੀ ਪੁਗ੍ਗਲੋ ਇਧ ਪਰਿਨਿਬ੍ਬਾਯਿਪੁਗ੍ਗਲੋ [ਇਧਪਰਿਨਿਬ੍ਬਾਯੀ (?)] ਤਤ੍ਥ ਭਾਵਿਤੇਨ ਮਗ੍ਗੇਨ ਇਧ ਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਨ੍ਨੋ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਇਧ ਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਅਨਾਗਾਮੀ ਪੁਗ੍ਗਲੋ ਤਤ੍ਥ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮੀ ¶ ਪੁਗ੍ਗਲੋ ਇਧ ਪਰਿਨਿਬ੍ਬਾਯਿਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਇਧ ਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਅਨਾਗਾਮੀ ਪੁਗ੍ਗਲੋ ਤਤ੍ਥ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਇਧ ਵਿਹਾਯ ਨਿਟ੍ਠਸ੍ਸ ਪੁਗ੍ਗਲਸ੍ਸ ਮਗ੍ਗੋ ਚ ਭਾਵੀਯਤਿ, ਨ ਚ ਕਿਲੇਸਾ ਪਹੀਯਨ੍ਤੀਤਿ? ਆਮਨ੍ਤਾ. ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਮਗ੍ਗੋ ਚ ਭਾਵੀਯਤਿ, ਨ ਚ ਕਿਲੇਸਾ ਪਹੀਯਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਇਧ ਵਿਹਾਯ ਨਿਟ੍ਠਸ੍ਸ ਪੁਗ੍ਗਲਸ੍ਸ ਮਗ੍ਗੋ ਚ ਭਾਵੀਯਤਿ, ਨ ਚ ਕਿਲੇਸਾ ਪਹੀਯਨ੍ਤੀਤਿ? ਆਮਨ੍ਤਾ. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ…ਪੇ… ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਮਗ੍ਗੋ ਚ ਭਾਵੀਯਤਿ, ਨ ਚ ਕਿਲੇਸਾ ਪਹੀਯਨ੍ਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਪੁਬ੍ਬਂ ਅਚਰਿਮਂ ਮਗ੍ਗੋ ਚ ਭਾਵੀਯਤਿ, ਕਿਲੇਸਾ ਚ ਪਹੀਯਨ੍ਤੀਤਿ? ਆਮਨ੍ਤਾ. ਇਧ ਵਿਹਾਯ ਨਿਟ੍ਠਸ੍ਸ ¶ ਪੁਗ੍ਗਲਸ੍ਸ ਅਪੁਬ੍ਬਂ ਅਚਰਿਮਂ ਮਗ੍ਗੋ ਚ ਭਾਵੀਯਤਿ, ਕਿਲੇਸਾ ਚ ਪਹੀਯਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ…ਪੇ… ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਪੁਬ੍ਬਂ ਅਚਰਿਮਂ ਮਗ੍ਗੋ ਚ ਭਾਵੀਯਤਿ, ਕਿਲੇਸਾ ਚ ਪਹੀਯਨ੍ਤੀਤਿ? ਆਮਨ੍ਤਾ. ਇਧ ਵਿਹਾਯ ਨਿਟ੍ਠਸ੍ਸ ਪੁਗ੍ਗਲਸ੍ਸ ਅਪੁਬ੍ਬਂ ਅਚਰਿਮਂ ਮਗ੍ਗੋ ਚ ਭਾਵੀਯਤਿ, ਕਿਲੇਸਾ ਚ ਪਹੀਯਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ ¶ .

ਅਨਾਗਾਮੀ ਪੁਗ੍ਗਲੋ ਕਤਕਰਣੀਯੋ ਭਾਵਿਤਭਾਵਨੋ ਤਤ੍ਥ ਉਪਪਜ੍ਜਤੀਤਿ? ਆਮਨ੍ਤਾ. ਅਰਹਾ ਉਪਪਜ੍ਜਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਰਹਾ ਉਪਪਜ੍ਜਤੀਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਪੁਨਬ੍ਭਵੋਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ¶ ਅਰਹਤੋ ਪੁਨਬ੍ਭਵੋਤਿ? ਆਮਨ੍ਤਾ. ਅਰਹਾ ਭਵੇਨ ਭਵਂ ਗਚ੍ਛਤਿ, ਗਤਿਯਾ ਗਤਿਂ ਗਚ੍ਛਤਿ, ਸਂਸਾਰੇਨ ਸਂਸਾਰਂ ਗਚ੍ਛਤਿ, ਉਪਪਤ੍ਤਿਯਾ ਉਪਪਤ੍ਤਿਂ ਗਚ੍ਛਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮੀ ਪੁਗ੍ਗਲੋ ਕਤਕਰਣੀਯੋ ਭਾਵਿਤਭਾਵਨੋ ਅਨੋਹਟਭਾਰੋ ਤਤ੍ਥ ਉਪਪਜ੍ਜਤੀਤਿ? ਆਮਨ੍ਤਾ. ਭਾਰੋਹਰਣਾਯ ਪੁਨ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮੀ ¶ ਪੁਗ੍ਗਲੋ ਕਤਕਰਣੀਯੋ ਭਾਵਿਤਭਾਵਨੋ ਅਪਰਿਞ੍ਞਾਤਦੁਕ੍ਖੋ ਅਪ੍ਪਹੀਨਕਿਲੇਸੋ ਅਸਚ੍ਛਿਕਤਨਿਰੋਧੋ ਅਪ੍ਪਟਿਵਿਦ੍ਧਾਕੁਪ੍ਪੋ ਤਤ੍ਥ ਉਪਪਜ੍ਜਤੀਤਿ? ਆਮਨ੍ਤਾ. ਅਕੁਪ੍ਪਪਟਿਵੇਧਾਯ ਪੁਨ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮੀ ਪੁਗ੍ਗਲੋ ਕਤਕਰਣੀਯੋ ਭਾਵਿਤਭਾਵਨੋ ਅਨੋਹਟਭਾਰੋ ਤਤ੍ਥ ਉਪਪਜ੍ਜਤਿ, ਨ ਚ ਭਾਰੋਹਰਣਾਯ ਪੁਨ ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨੋਹਟਭਾਰੋ ਚ ਤਤ੍ਥ ਪਰਿਨਿਬ੍ਬਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਾਮੀ ਪੁਗ੍ਗਲੋ ਕਤਕਰਣੀਯੋ ਭਾਵਿਤਭਾਵਨੋ ਅਪਰਿਞ੍ਞਾਤਦੁਕ੍ਖੋ ਅਪ੍ਪਹੀਨਕਿਲੇਸੋ ਅਸਚ੍ਛਿਕਤਨਿਰੋਧੋ ਅਪ੍ਪਟਿਵਿਦ੍ਧਾਕੁਪ੍ਪੋ ਤਤ੍ਥ ਉਪਪਜ੍ਜਤਿ, ਨ ਚ ਅਕੁਪ੍ਪਪਟਿਵੇਧਾਯ ਪੁਨ ਮਗ੍ਗਂ ਭਾਵੇਤੀਤਿ ¶ ? ਆਮਨ੍ਤਾ. ਅਪ੍ਪਟਿਵਿਦ੍ਧਾਕੁਪ੍ਪੋ ਚ ਤਤ੍ਥ ਪਰਿਨਿਬ੍ਬਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ. ਯਥਾ ਮਿਗੋ ਸਲ੍ਲੇਨ ਵਿਦ੍ਧੋ ਦੂਰਮ੍ਪਿ ਗਨ੍ਤ੍ਵਾ ਕਾਲਂ ਕਰੋਤਿ, ਏਵਮੇਵਂ ਅਨਾਗਾਮੀ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਤਤ੍ਥ ਫਲਂ ਸਚ੍ਛਿਕਰੋਤੀਤਿ.

ਯਥਾ ¶ ਮਿਗੋ ਸਲ੍ਲੇਨ ਵਿਦ੍ਧੋ ਦੂਰਮ੍ਪਿ ਗਨ੍ਤ੍ਵਾ ਸਸਲ੍ਲੋਵ ਕਾਲਂ ਕਰੋਤਿ, ਏਵਮੇਵਂ ਅਨਾਗਾਮੀ ਪੁਗ੍ਗਲੋ ਇਧ ਭਾਵਿਤੇਨ ਮਗ੍ਗੇਨ ਤਤ੍ਥ ਸਸਲ੍ਲੋਵ ਪਰਿਨਿਬ੍ਬਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਬ੍ਰਹ੍ਮਚਰਿਯਕਥਾ ਨਿਟ੍ਠਿਤਾ.

੩. ਓਧਿਸੋਕਥਾ

੨੭੪. ਓਧਿਸੋਧਿਸੋ ¶ ਕਿਲੇਸੇ ਜਹਤੀਤਿ? ਆਮਨ੍ਤਾ. ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਸਕ੍ਕਾਯਦਿਟ੍ਠਿਂ ¶ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ, ਏਕਦੇਸਂ ਸੋਤਾਪਤ੍ਤਿਫਲਪ੍ਪਤ੍ਤੋ [ਸੋਤਾਪਤ੍ਤਿਫਲਂ ਪਤ੍ਤੋ (?)] ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀ, ਬੁਦ੍ਧੇ ਅਵੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਧਮ੍ਮੇ…ਪੇ… ਸਙ੍ਘੇ…ਪੇ… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇਵਂ ¶ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ ਕਿਂ ਜਹਤੀਤਿ? ਸਕ੍ਕਾਯਦਿਟ੍ਠਿਂ ਜਹਤਿ, ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ…ਪੇ… ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧਦਸ੍ਸਨੇਨ ਕਿਂ ਜਹਤੀਤਿ? ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ…ਪੇ… ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਸੀਲਬ੍ਬਤਪਰਾਮਾਸਂ ਤਦੇਕਟ੍ਠੇ ਚ ਕਿਲੇਸੇ ਜਹਤੀਤਿ. ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ, ਏਕਦੇਸਂ ¶ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀ, ਬੁਦ੍ਧੇ ਅਵੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਧਮ੍ਮੇ…ਪੇ… ਸਙ੍ਘੇ…ਪੇ… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੭੫. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ¶ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਕਾਮਰਾਗਂ ਜਹਤਿ, ਓਲ਼ਾਰਿਕਂ ਬ੍ਯਾਪਾਦਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ¶ ਸਕਦਾਗਾਮਿਫਲਪ੍ਪਤ੍ਤੋ [ਸਕਦਾਗਾਮਿਫਲਂ ਪਤ੍ਤੋ (?)] ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਕਾਮਰਾਗਂ ਜਹਤਿ, ਓਲ਼ਾਰਿਕਂ ਬ੍ਯਾਪਾਦਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਬ੍ਯਾਪਾਦਂ ਜਹਤਿ, ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਬ੍ਯਾਪਾਦਂ ਜਹਤਿ, ਤਦੇਕਟ੍ਠੇ ਚ ਕਿਲੇਸੇ ਜਹਤੀਤਿ. ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੭੬. ਅਨਾਗਾਮਿਫਲਸਚ੍ਛਿਕਿਰਿਯਾਯ ¶ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਅਣੁਸਹਗਤਂ ਕਾਮਰਾਗਂ ਜਹਤਿ, ਅਣੁਸਹਗਤਂ ਬ੍ਯਾਪਾਦਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ ¶ , ਏਕਦੇਸਂ ਅਨਾਗਾਮਿਫਲਪ੍ਪਤ੍ਤੋ [ਅਨਾਗਾਮਿਫਲਂ ਪਤ੍ਤੋ (?)] ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਅਨ੍ਤਰਾਪਰਿਨਿਬ੍ਬਾਯੀ, ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ ¶ ਕਿਂ ਜਹਤੀਤਿ? ਅਣੁਸਹਗਤਂ ¶ ਕਾਮਰਾਗਂ ਜਹਤਿ, ਅਣੁਸਹਗਤਂ ਬ੍ਯਾਪਾਦਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ…ਪੇ… ਏਕਦੇਸਂ ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧਦਸ੍ਸਨੇਨ ਕਿਂ ਜਹਤੀਤਿ? ਅਣੁਸਹਗਤਂ ਬ੍ਯਾਪਾਦਂ ਜਹਤਿ, ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ…ਪੇ… ਏਕਦੇਸਂ ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਤਦੇਕਟ੍ਠੇ ਚ ਕਿਲੇਸੇ ਜਹਤੀਤਿ. ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ, ਏਕਦੇਸਂ ਅਨਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਅਨ੍ਤਰਾਪਰਿਨਿਬ੍ਬਾਯੀ, ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੭੭. ਅਰਹਤ੍ਤਸਚ੍ਛਿਕਿਰਿਯਾਯ ¶ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਰੂਪਰਾਗਂ ਅਰੂਪਰਾਗਂ ਮਾਨਂ ਉਦ੍ਧਚ੍ਚਂ ਅਵਿਜ੍ਜਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਰਹਾ, ਏਕਦੇਸਂ ਨ ਅਰਹਾ, ਏਕਦੇਸਂ ਅਰਹਤ੍ਤਪ੍ਪਤ੍ਤੋ ¶ [ਅਰਹਤ੍ਤਂ ਪਤ੍ਤੋ (?)] ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ¶ ਵਿਹਰਤਿ, ਏਕਦੇਸਂ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ, ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, (ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ,) [( ) (?)] ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ ¶ ਕਿਂ ਜਹਤੀਤਿ? ਰੂਪਰਾਗਂ ਅਰੂਪਰਾਗਂ ਜਹਤਿ, ਮਾਨਂ ਉਦ੍ਧਚ੍ਚਂ ਅਵਿਜ੍ਜਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਰਹਾ, ਏਕਦੇਸਂ ਨ ਅਰਹਾ…ਪੇ… ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧਦਸ੍ਸਨੇਨ ਕਿਂ ਜਹਤੀਤਿ? ਮਾਨਂ ਜਹਤਿ, ਉਦ੍ਧਚ੍ਚਂ ਅਵਿਜ੍ਜਂ ਤਦੇਕਟ੍ਠੇ ਚ ਕਿਲੇਸੇ ਏਕਦੇਸੇ ਜਹਤੀਤਿ. ਏਕਦੇਸਂ ਅਰਹਾ, ਏਕਦੇਸਂ ਨ ਅਰਹਾ ¶ …ਪੇ… ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਉਦ੍ਧਚ੍ਚਂ ਅਵਿਜ੍ਜਂ ਤਦੇਕਟ੍ਠੇ ਚ ਕਿਲੇਸੇ ਜਹਤੀਤਿ. ਏਕਦੇਸਂ ਅਰਹਾ, ਏਕਦੇਸਂ ਨ ਅਰਹਾ, ਏਕਦੇਸਂ ਅਰਹਤ੍ਤਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ ¶ , ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੭੮. ਨ ਵਤ੍ਤਬ੍ਬਂ – ‘‘ਓਧਿਸੋਧਿਸੋ ਕਿਲੇਸੇ ਜਹਤੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਅਨੁਪੁਬ੍ਬੇਨ ਮੇਧਾਵੀ, ਥੋਕਂ ਥੋਕਂ ਖਣੇ ਖਣੇ;

ਕਮ੍ਮਾਰੋ ਰਜਤਸ੍ਸੇਵ, ਨਿਦ੍ਧਮੇ ਮਲਮਤ੍ਤਨੋ’’ਤਿ [ਧ. ਪ. ੨੩੯ ਧਮ੍ਮਪਦੇ].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਓਧਿਸੋਧਿਸੋ ਕਿਲੇਸੇ ਜਹਤੀ’’ਤਿ.

ਓਧਿਸੋਧਿਸੋ ¶ ¶ ¶ ਕਿਲੇਸੇ ਜਹਤੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਸਹਾਵਸ੍ਸ ਦਸ੍ਸਨਸਮ੍ਪਦਾਯ,

ਤਯਸ੍ਸੁ ਧਮ੍ਮਾ ਜਹਿਤਾ ਭਵਨ੍ਤਿ;

ਸਕ੍ਕਾਯਦਿਟ੍ਠੀ ਵਿਚਿਕਿਚ੍ਛਿਤਞ੍ਚ,

ਸੀਲਬ੍ਬਤਂ ਵਾਪਿ ਯਦਤ੍ਥਿ ਕਿਞ੍ਚਿ;

ਚਤੂਹਪਾਯੇਹਿ ਚ ਵਿਪ੍ਪਮੁਤ੍ਤੋ,

ਛਚ੍ਚਾਭਿਠਾਨਾਨਿ ਅਭਬ੍ਬ [ਅਭਬ੍ਬੋ (ਸੀ. ਸ੍ਯਾ.)] ਕਾਤੁ’’ਨ੍ਤਿ [ਖੁ. ਪਾ. ੬.੧੦; ਸੁ. ਨਿ. ੨੩੩].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਓਧਿਸੋਧਿਸੋ ਕਿਲੇਸੇ ਜਹਤੀ’’ਤਿ.

ਓਧਿਸੋਧਿਸੋ ਕਿਲੇਸੇ ਜਹਤੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਸ੍ਮਿਂ, ਭਿਕ੍ਖਵੇ, ਸਮਯੇ ਅਰਿਯਸਾਵਕਸ੍ਸ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ – ‘ਯਂ ਕਿਞ੍ਚਿ ਸਮੁਦਯਧਮ੍ਮਂ, ਸਬ੍ਬਂ ਤਂ ਨਿਰੋਧਧਮ੍ਮ’ਨ੍ਤਿ, ਸਹ ਦਸ੍ਸਨੁਪ੍ਪਾਦਾ, ਭਿਕ੍ਖਵੇ, ਅਰਿਯਸਾਵਕਸ੍ਸ ਤੀਣਿ ਸਂਯੋਜਨਾਨਿ ਪਹੀਯਨ੍ਤਿ – ਸਕ੍ਕਾਯਦਿਟ੍ਠਿ ਵਿਚਿਕਿਚ੍ਛਾ ਸੀਲਬ੍ਬਤਪਰਾਮਾਸੋ’’ਤਿ [ਅਙ੍ਗੁਤ੍ਤਰਨਿਕਾਯੇ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਓਧਿਸੋਧਿਸੋ ਕਿਲੇਸੇ ਜਹਤੀ’’ਤਿ.

ਓਧਿਸੋਕਥਾ ਨਿਟ੍ਠਿਤਾ.

੪. ਜਹਤਿਕਥਾ

੧. ਨਸੁਤ੍ਤਾਹਰਣਕਥਾ

੨੭੯. ਜਹਤਿ ¶ ¶ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ. ਅਚ੍ਚਨ੍ਤਂ ਜਹਤਿ, ਅਨਵਸੇਸਂ ਜਹਤਿ, ਅਪ੍ਪਟਿਸਨ੍ਧਿਯਂ ਜਹਤਿ, ਸਮੂਲਂ ਜਹਤਿ, ਸਤਣ੍ਹਂ ਜਹਤਿ, ਸਾਨੁਸਯਂ ਜਹਤਿ, ਅਰਿਯੇਨ ¶ ਞਾਣੇਨ ਜਹਤਿ, ਅਰਿਯੇਨ ਮਗ੍ਗੇਨ ਜਹਤਿ, ਅਕੁਪ੍ਪਂ ¶ ਪਟਿਵਿਜ੍ਝਨ੍ਤੋ ਜਹਤਿ, ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਕ੍ਖਮ੍ਭੇਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ. ਅਚ੍ਚਨ੍ਤਂ ਵਿਕ੍ਖਮ੍ਭੇਤਿ, ਅਨਵਸੇਸਂ ਵਿਕ੍ਖਮ੍ਭੇਤਿ, ਅਪ੍ਪਟਿਸਨ੍ਧਿਯਂ ਵਿਕ੍ਖਮ੍ਭੇਤਿ, ਸਮੂਲਂ ਵਿਕ੍ਖਮ੍ਭੇਤਿ, ਸਤਣ੍ਹਂ ਵਿਕ੍ਖਮ੍ਭੇਤਿ, ਸਾਨੁਸਯਂ ਵਿਕ੍ਖਮ੍ਭੇਤਿ, ਅਰਿਯੇਨ ਞਾਣੇਨ ਵਿਕ੍ਖਮ੍ਭੇਤਿ, ਅਰਿਯੇਨ ਮਗ੍ਗੇਨ ਵਿਕ੍ਖਮ੍ਭੇਤਿ, ਅਕੁਪ੍ਪਂ ਪਟਿਵਿਜ੍ਝਨ੍ਤੋ ਵਿਕ੍ਖਮ੍ਭੇਤਿ, ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਵਿਕ੍ਖਮ੍ਭੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ਜਹਤਿ, ਅਨਵਸੇਸਂ ਜਹਤਿ…ਪੇ… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਆਮਨ੍ਤਾ. ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ਜਹਤਿ, ਅਨਵਸੇਸਂ ਜਹਤਿ…ਪੇ… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਕ੍ਖਮ੍ਭੇਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ਵਿਕ੍ਖਮ੍ਭੇਤਿ, ਅਨਵਸੇਸਂ ਵਿਕ੍ਖਮ੍ਭੇਤਿ…ਪੇ… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਵਿਕ੍ਖਮ੍ਭੇਤੀਤਿ? ਆਮਨ੍ਤਾ. ਵਿਕ੍ਖਮ੍ਭੇਤਿ ¶ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਅਚ੍ਚਨ੍ਤਂ ¶ ਵਿਕ੍ਖਮ੍ਭੇਤਿ, ਅਨਵਸੇਸਂ ਵਿਕ੍ਖਮ੍ਭੇਤਿ ¶ …ਪੇ… ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਵਿਕ੍ਖਮ੍ਭੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਜਹਤਿ, ਨ ਅਨਵਸੇਸਂ ਜਹਤਿ…ਪੇ… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਆਮਨ੍ਤਾ. ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਜਹਤਿ…ਪੇ… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਕ੍ਖਮ੍ਭੇਤਿ ¶ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਵਿਕ੍ਖਮ੍ਭੇਤਿ, ਨ ਅਨਵਸੇਸਂ ਵਿਕ੍ਖਮ੍ਭੇਤਿ…ਪੇ… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਵਿਕ੍ਖਮ੍ਭੇਤੀਤਿ? ਆਮਨ੍ਤਾ. ਵਿਕ੍ਖਮ੍ਭੇਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਕਾਮਰਾਗਬ੍ਯਾਪਾਦਂ, ਸੋ ਚ ਨ ਅਚ੍ਚਨ੍ਤਂ ਵਿਕ੍ਖਮ੍ਭੇਤਿ, ਨ ਅਨਵਸੇਸਂ ਵਿਕ੍ਖਮ੍ਭੇਤਿ…ਪੇ… ਨ ਅਨਾਗਾਮਿਫਲਂ ਸਚ੍ਛਿਕਰੋਨ੍ਤੋ ਵਿਕ੍ਖਮ੍ਭੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ. ਕਤਮੇਨ ਮਗ੍ਗੇਨਾਤਿ? ਰੂਪਾਵਚਰੇਨ ਮਗ੍ਗੇਨਾਤਿ. ਰੂਪਾਵਚਰੋ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵੋ ਅਸਂਯੋਜਨਿਯੋ ਅਗਨ੍ਥਨਿਯੋ ¶ ਅਨੋਘਨਿਯੋ ਅਯੋਗਨਿਯੋ ਅਨੀਵਰਣਿਯੋ ਅਪਰਾਮਟ੍ਠੋ ਅਨੁਪਾਦਾਨਿਯੋ ਅਸਂਕਿਲੇਸਿਯੋਤਿ? ਨ ਹੇਵਂ ਵਤ੍ਤਬ੍ਬੇ. ਨਨੁ ਰੂਪਾਵਚਰੋ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸਵੋ ਸਂਯੋਜਨਿਯੋ…ਪੇ… ਸਂਕਿਲੇਸਿਯੋਤਿ? ਆਮਨ੍ਤਾ. ਹਞ੍ਚਿ ਰੂਪਾਵਚਰੋ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ…ਪੇ… ਸਂਕਿਲੇਸਿਯੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਜਹਤਿ ਪੁਥੁਜ੍ਜਨੋ ਰੂਪਾਵਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦ’’ਨ੍ਤਿ.

ਜਹਤਿ ¶ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਅਨਾਗਾਮਿਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵੋ…ਪੇ… ਅਸਂਕਿਲੇਸਿਯੋਤਿ? ਆਮਨ੍ਤਾ. ਜਹਤਿ ਪੁਥੁਜ੍ਜਨੋ ਰੂਪਾਵਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਨਿਯ੍ਯਾਨਿਕੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵੋ…ਪੇ… ਅਸਂਕਿਲੇਸਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਜਹਤਿ ਪੁਥੁਜ੍ਜਨੋ ਰੂਪਾਵਚਰੇਨ ਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸਵੋ…ਪੇ… ਸਂਕਿਲੇਸਿਯੋਤਿ? ਆਮਨ੍ਤਾ. ਜਹਤਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਅਨਾਗਾਮਿਮਗ੍ਗੇਨ ਕਾਮਰਾਗਬ੍ਯਾਪਾਦਂ, ਸੋ ਚ ਮਗ੍ਗੋ ਅਨਿਯ੍ਯਾਨਿਕੋ ਨ ਖਯਗਾਮੀ ਨ ਬੋਧਗਾਮੀ ਨ ਅਪਚਯਗਾਮੀ ਸਾਸਵੋ…ਪੇ… ਸਂਕਿਲੇਸਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੮੦. ਪੁਥੁਜ੍ਜਨੋ ¶ ਕਾਮੇਸੁ ਵੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ. ਅਰਹਤ੍ਤੇ ਸਣ੍ਠਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਥੁਜ੍ਜਨੋ ¶ ਕਾਮੇਸੁ ਵੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ. ਅਪੁਬ੍ਬਂ ਅਚਰਿਮਂ ਤਯੋ ਮਗ੍ਗੇ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਪੁਬ੍ਬਂ ¶ ਅਚਰਿਮਂ ਤਯੋ ਮਗ੍ਗੇ ਭਾਵੇਤੀਤਿ? ਆਮਨ੍ਤਾ. ਅਪੁਬ੍ਬਂ ਅਚਰਿਮਂ ਤੀਣਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਪੁਬ੍ਬਂ ਅਚਰਿਮਂ ਤੀਣਿ ਸਾਮਞ੍ਞਫਲਾਨਿ ਸਚ੍ਛਿਕਰੋਤੀਤਿ? ਆਮਨ੍ਤਾ. ਤਿਣ੍ਣਂ ਫਸ੍ਸਾਨਂ ਤਿਸ੍ਸਨ੍ਨਂ ਵੇਦਨਾਨਂ ਤਿਸ੍ਸਨ੍ਨਂ ਸਞ੍ਞਾਨਂ ਤਿਸ੍ਸਨ੍ਨਂ ਚੇਤਨਾਨਂ ਤਿਣ੍ਣਂ ਚਿਤ੍ਤਾਨਂ ਤਿਸ੍ਸਨ੍ਨਂ ਸਦ੍ਧਾਨਂ ¶ ਤਿਣ੍ਣਂ ਵੀਰਿਯਾਨਂ ਤਿਸ੍ਸਨ੍ਨਂ ਸਤੀਨਂ ਤਿਣ੍ਣਂ ਸਮਾਧੀਨਂ ਤਿਸ੍ਸਨ੍ਨਂ ਪਞ੍ਞਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਥੁਜ੍ਜਨੋ ਕਾਮੇਸੁ ਵੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ. ਸੋਤਾਪਤ੍ਤਿਮਗ੍ਗੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਮਗ੍ਗੇਨਾਤਿ? ਨ ਹੇਵਂ ਵਤ੍ਤਬ੍ਬੇ. ਕਤਮੇਨ ਮਗ੍ਗੇਨਾਤਿ? ਅਨਾਗਾਮਿਮਗ੍ਗੇਨਾਤਿ. ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨. ਸੁਤ੍ਤਾਹਰਣਕਥਾ

੨੮੧. ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀਤਿ? ਆਮਨ੍ਤਾ. ਨਨੁ ਤਿਣ੍ਣਂ ਸਂਯੋਜਨਾਨਂ ਪਹਾਨਾ ਸੋਤਾਪਤ੍ਤਿਫਲਂ ¶ ਵੁਤ੍ਤਂ ਭਗਵਤਾਤਿ? ਆਮਨ੍ਤਾ. ਹਞ੍ਚਿ ਤਿਣ੍ਣਂ ਸਂਯੋਜਨਾਨਂ ਪਹਾਨਾ ਸੋਤਾਪਤ੍ਤਿਫਲਂ ਵੁਤ੍ਤਂ ਭਗਵਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮਿਮਗ੍ਗੇਨ ਸਕ੍ਕਾਯਦਿਟ੍ਠਿਂ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ ਜਹਤੀ’’ਤਿ. ਅਨਾਗਾਮਿਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਮਗ੍ਗੇਨ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀਤਿ? ਆਮਨ੍ਤਾ. ਨਨੁ ਕਾਮਰਾਗਬ੍ਯਾਪਾਦਾਨਂ ਤਨੁਭਾਵਾ ਸਕਦਾਗਾਮਿਫਲਂ ਵੁਤ੍ਤਂ ਭਗਵਤਾਤਿ? ਆਮਨ੍ਤਾ. ਹਞ੍ਚਿ ਕਾਮਰਾਗਬ੍ਯਾਪਾਦਾਨਂ ਤਨੁਭਾਵਾ ਸਕਦਾਗਾਮਿਫਲਂ ਵੁਤ੍ਤਂ ਭਗਵਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮਿਮਗ੍ਗੇਨ ¶ ਓਲ਼ਾਰਿਕਂ ਕਾਮਰਾਗਂ ਓਲ਼ਾਰਿਕਂ ਬ੍ਯਾਪਾਦਂ ਜਹਤੀ’’ਤਿ.

ਪੁਥੁਜ੍ਜਨੋ ¶ ਕਾਮੇਸੁ ਵੀਤਰਾਗੋ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਾਤੀਤਿ? ਆਮਨ੍ਤਾ. ਯੇ ਕੇਚਿ ਧਮ੍ਮਂ ਅਭਿਸਮੇਨ੍ਤਿ, ਸਬ੍ਬੇ ਤੇ ਸਹ ਧਮ੍ਮਾਭਿਸਮਯਾ ਅਨਾਗਾਮਿਫਲੇ ਸਣ੍ਠਹਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ¶ ਵਤ੍ਤਬ੍ਬਂ – ‘‘ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਅਹੇਸੁਂ ਤੇ [ਅਹਿਂਸਕਾ (ਅ. ਨਿ. ੬.੫੪)] ਅਤੀਤਂਸੇ, ਛ ਸਤ੍ਥਾਰੋ ਯਸਸ੍ਸਿਨੋ;

ਨਿਰਾਮਗਨ੍ਧਾ ਕਰੁਣੇਧਿਮੁਤ੍ਤਾ [ਕਰੁਣਾਧਿਮੁਤ੍ਤਾ (ਸੀ. ਕ.)], ਕਾਮਸਂਯੋਜਨਾਤਿਗਾ.

‘‘ਕਾਮਰਾਗਂ ਵਿਰਾਜੇਤ੍ਵਾ, ਬ੍ਰਹ੍ਮਲੋਕੂਪਗਾ ਅਹੁ;

ਅਹੇਸੁਂ ਸਾਵਕਾ ਤੇਸਂ, ਅਨੇਕਾਨਿ ਸਤਾਨਿਪਿ.

‘‘ਨਿਰਾਮਗਨ੍ਧਾ ਕਰੁਣੇਧਿਮੁਤ੍ਤਾ, ਕਾਮਸਂਯੋਜਨਾਤਿਗਾ;

ਕਾਮਰਾਗਂ ਵਿਰਾਜੇਤ੍ਵਾ, ਬ੍ਰਹ੍ਮਲੋਕੂਪਗਾ ਅਹੂ’’ਤਿ [ਅ. ਨਿ. ੬.੫੪].

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ.

ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦਨ੍ਤਿ? ਆਮਨ੍ਤਾ. ਨਨੁ ¶ ਵੁਤ੍ਤਂ ਭਗਵਤਾ – ‘‘ਸੋ ਹਿ ਨਾਮ, ਭਿਕ੍ਖਵੇ, ਸੁਨੇਤ੍ਤੋ ਸਤ੍ਥਾ ਏਵਂ ਦੀਘਾਯੁਕੋ ਸਮਾਨੋ ਏਵਂ ਚਿਰਟ੍ਠਿਤਿਕੋ ਅਪਰਿਮੁਤ੍ਤੋ ਅਹੋਸਿ ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇਵੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ ਅਪਰਿਮੁਤ੍ਤੋ ਦੁਕ੍ਖਸ੍ਮਾਤਿ ਵਦਾਮਿ. ਤਂ ਕਿਸ੍ਸ ਹੇਤੁ? ਚਤੁਨ੍ਨਂ ਧਮ੍ਮਾਨਂ ਅਨਨੁਬੋਧਾ ਅਪ੍ਪਟਿਵੇਧਾ. ਕਤਮੇਸਂ ਚਤੁਨ੍ਨਂ? ਅਰਿਯਸ੍ਸ ਸੀਲਸ੍ਸ ਅਨਨੁਬੋਧਾ ਅਪ੍ਪਟਿਵੇਧਾ, ਅਰਿਯਸ੍ਸ ਸਮਾਧਿਸ੍ਸ, ਅਰਿਯਾਯ ਪਞ੍ਞਾਯ, ਅਰਿਯਾਯ ਵਿਮੁਤ੍ਤਿਯਾ ਅਨਨੁਬੋਧਾ ਅਪ੍ਪਟਿਵੇਧਾ. ਤਯਿਦਂ, ਭਿਕ੍ਖਵੇ, ਅਰਿਯਂ ਸੀਲਂ ਅਨੁਬੁਦ੍ਧਂ ਪਟਿਵਿਦ੍ਧਂ, ਅਰਿਯੋ ਸਮਾਧਿ ਅਨੁਬੁਦ੍ਧੋ ਪਟਿਵਿਦ੍ਧੋ, ਅਰਿਯਾ ਪਞ੍ਞਾ ਅਨੁਬੁਦ੍ਧਾ ਪਟਿਵਿਦ੍ਧਾ, ਅਰਿਯਾ ਵਿਮੁਤ੍ਤਿ ਅਨੁਬੁਦ੍ਧਾ ਪਟਿਵਿਦ੍ਧਾ, ਉਚ੍ਛਿਨ੍ਨਾ ਭਵਤਣ੍ਹਾ, ਖੀਣਾ ਭਵਨੇਤ੍ਤਿ, ਨਤ੍ਥਿ ਦਾਨਿ ਪੁਨਬ੍ਭਵੋਤਿ.

‘‘ਸੀਲਂ ¶ ਸਮਾਧਿ ਪਞ੍ਞਾ ਚ, ਵਿਮੁਤ੍ਤਿ ਚ ਅਨੁਤ੍ਤਰਾ;

ਅਨੁਬੁਦ੍ਧਾ ਇਮੇ ਧਮ੍ਮਾ, ਗੋਤਮੇਨ ਯਸਸ੍ਸਿਨਾ.

‘‘ਇਤਿ ਬੁਦ੍ਧੋ ਅਭਿਞ੍ਞਾਯ, ਧਮ੍ਮਮਕ੍ਖਾਸਿ ਭਿਕ੍ਖੁਨਂ;

ਦੁਕ੍ਖਸ੍ਸਨ੍ਤਕਰੋ ਸਤ੍ਥਾ, ਚਕ੍ਖੁਮਾ ਪਰਿਨਿਬ੍ਬੁਤੋ’’ਤਿ [ਅ. ਨਿ. ੭.੬੬].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਜਹਤਿ ਪੁਥੁਜ੍ਜਨੋ ਕਾਮਰਾਗਬ੍ਯਾਪਾਦ’’ਨ੍ਤਿ.

ਜਹਤਿਕਥਾ ਨਿਟ੍ਠਿਤਾ.

੫. ਸਬ੍ਬਮਤ੍ਥੀਤਿਕਥਾ

੧. ਵਾਦਯੁਤ੍ਤਿ

੨੮੨. ਸਬ੍ਬਮਤ੍ਥੀਤਿ ¶ ¶ ? ਆਮਨ੍ਤਾ. ਸਬ੍ਬਤ੍ਥ ਸਬ੍ਬਮਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਸਬ੍ਬਦਾ ਸਬ੍ਬਮਤ੍ਥੀਤਿ? ਨ ¶ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਸਬ੍ਬੇਨ ਸਬ੍ਬਂ ਸਬ੍ਬਮਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਸਬ੍ਬੇਸੁ ਸਬ੍ਬਮਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਅਯੋਗਨ੍ਤਿ ਕਤ੍ਵਾ ਸਬ੍ਬਮਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਯਮ੍ਪਿ ਨਤ੍ਥਿ, ਤਮ੍ਪਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. ਸਬ੍ਬਮਤ੍ਥੀਤਿ? ਆਮਨ੍ਤਾ. ਸਬ੍ਬਮਤ੍ਥੀਤਿ ਯਾ ਦਿਟ੍ਠਿ ਸਾ ਦਿਟ੍ਠਿ ਮਿਚ੍ਛਾਦਿਟ੍ਠੀਤਿ, ਯਾ ਦਿਟ੍ਠਿ ਸਾ ਦਿਟ੍ਠਿ ਸਮ੍ਮਾਦਿਟ੍ਠੀਤਿ, ਹੇਵਮਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ. (ਸਂਖਿਤ੍ਤਂ). ਵਾਦਯੁਤ੍ਤਿ.

੨. ਕਾਲਸਂਸਨ੍ਦਨਾ

੨੮੩. ਅਤੀਤਂ ਅਤ੍ਥੀਤਿ? ਆਮਨ੍ਤਾ. ਨਨੁ ਅਤੀਤਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਅਤ੍ਥੀ’’ਤਿ.

ਅਨਾਗਤਂ ¶ ਅਤ੍ਥੀਤਿ? ਆਮਨ੍ਤਾ. ਨਨੁ ਅਨਾਗਤਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ¶ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਆਮਨ੍ਤਾ. ਹਞ੍ਚਿ ਅਨਾਗਤਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਤਂ ਅਤ੍ਥੀ’’ਤਿ.

ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਅਨਿਰੁਦ੍ਧਂ ਅਵਿਗਤਂ ਅਵਿਪਰਿਣਤਂ ਨ ਅਤ੍ਥਙ੍ਗਤਂ ਨ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਅਤੀਤਂ ਅਤ੍ਥਿ ਅਤੀਤਂ ਅਨਿਰੁਦ੍ਧਂ ¶ ਅਵਿਗਤਂ ਅਵਿਪਰਿਣਤਂ ਨ ਅਤ੍ਥਙ੍ਗਤਂ ਨ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਜਾਤਂ ਭੂਤਂ ਸਞ੍ਜਾਤਂ ਨਿਬ੍ਬਤ੍ਤਂ ਅਭਿਨਿਬ੍ਬਤ੍ਤਂ ਪਾਤੁਭੂਤਨ੍ਤਿ? ਆਮਨ੍ਤਾ. ਅਨਾਗਤਂ ਅਤ੍ਥਿ ਅਨਾਗਤਂ ਜਾਤਂ ਭੂਤਂ ਸਞ੍ਜਾਤਂ ਨਿਬ੍ਬਤ੍ਤਂ ਅਭਿਨਿਬ੍ਬਤ੍ਤਂ ਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਅਤ੍ਥਿ ਅਤੀਤਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਅਤ੍ਥਿ ਅਨਾਗਤਂ ਅਜਾਤਂ ਅਭੂਤਂ ¶ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

੨੮੪. ਅਤੀਤਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਨਨੁ ਅਤੀਤਂ ਰੂਪਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਰੂਪਂ ਨਿਰੁਦ੍ਧਂ…ਪੇ… ਅਬ੍ਭਤ੍ਥਙ੍ਗਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਰੂਪਂ ਅਤ੍ਥੀ’’ਤਿ.

ਅਨਾਗਤਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਨਨੁ ¶ ਅਨਾਗਤਂ ਰੂਪਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਆਮਨ੍ਤਾ. ਹਞ੍ਚਿ ਅਨਾਗਤਂ ਰੂਪਂ ਅਜਾਤਂ…ਪੇ… ਅਪਾਤੁਭੂਤਂ, ਨੋ ਚ ਵਤ ¶ ਰੇ ਵਤ੍ਤਬ੍ਬੇ – ‘‘ਅਨਾਗਤਂ ਰੂਪਂ ਅਤ੍ਥੀ’’ਤਿ.

ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਅਨਿਰੁਦ੍ਧਂ ਅਵਿਗਤਂ ਅਵਿਪਰਿਣਤਂ ਨ ਅਤ੍ਥਙ੍ਗਤਂ ਨ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਨਿਰੁਦ੍ਧਂ ਅਵਿਗਤਂ ਅਵਿਪਰਿਣਤਂ ਨ ਅਤ੍ਥਙ੍ਗਤਂ ਨ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਪਚ੍ਚੁਪ੍ਪਨ੍ਨਂ ¶ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਜਾਤਂ ਭੂਤਂ ਸਞ੍ਜਾਤਂ ਨਿਬ੍ਬਤ੍ਤਂ ਅਭਿਨਿਬ੍ਬਤ੍ਤਂ ਪਾਤੁਭੂਤਨ੍ਤਿ? ਆਮਨ੍ਤਾ. ਅਨਾਗਤਂ ਰੂਪਂ ਅਤ੍ਥਿ ਅਨਾਗਤਂ ਰੂਪਂ ਜਾਤਂ ਭੂਤਂ ਸਞ੍ਜਾਤਂ ਨਿਬ੍ਬਤ੍ਤਂ ਅਭਿਨਿਬ੍ਬਤ੍ਤਂ ਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਨਾਗਤਂ ਰੂਪਂ ਅਤ੍ਥਿ ਅਨਾਗਤਂ ਰੂਪਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤੀਤਾ ਵੇਦਨਾ ਅਤ੍ਥਿ…ਪੇ… ਸਞ੍ਞਾ ਅਤ੍ਥਿ, ਸਙ੍ਖਾਰਾ ਅਤ੍ਥਿ, ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਨਨੁ ਅਤੀਤਂ ਵਿਞ੍ਞਾਣਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ਅਤ੍ਥਙ੍ਗਤਂ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ ¶ . ਹਞ੍ਚਿ ¶ ਅਤੀਤਂ ਵਿਞ੍ਞਾਣਂ ਨਿਰੁਦ੍ਧਂ…ਪੇ… ਅਬ੍ਭਤ੍ਥਙ੍ਗਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਵਿਞ੍ਞਾਣਂ ਅਤ੍ਥੀ’’ਤਿ.

ਅਨਾਗਤਂ ¶ ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਨਨੁ ਅਨਾਗਤਂ ਵਿਞ੍ਞਾਣਂ ਅਜਾਤਂ ਅਭੂਤਂ ਅਸਞ੍ਜਾਤਂ ਅਨਿਬ੍ਬਤ੍ਤਂ ਅਨਭਿਨਿਬ੍ਬਤ੍ਤਂ ਅਪਾਤੁਭੂਤਨ੍ਤਿ? ਆਮਨ੍ਤਾ. ਹਞ੍ਚਿ ਅਨਾਗਤਂ ਵਿਞ੍ਞਾਣਂ ਅਜਾਤਂ…ਪੇ… ਅਪਾਤੁਭੂਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਤਂ ਵਿਞ੍ਞਾਣਂ ਅਤ੍ਥੀ’’ਤਿ.

ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਨਿਰੁਦ੍ਧਂ…ਪੇ… ਨ ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਨਿਰੁਦ੍ਧਂ…ਪੇ… ਨ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਜਾਤਂ…ਪੇ… ਪਾਤੁਭੂਤਨ੍ਤਿ? ਆਮਨ੍ਤਾ. ਅਨਾਗਤਂ ਵਿਞ੍ਞਾਣਂ ਅਤ੍ਥਿ ਅਨਾਗਤਂ ਵਿਞ੍ਞਾਣਂ ਜਾਤਂ…ਪੇ… ਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤੀਤਂ ¶ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਨਿਰੁਦ੍ਧਂ…ਪੇ… ਅਬ੍ਭਤ੍ਥਙ੍ਗਤਨ੍ਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਨਿਰੁਦ੍ਧਂ…ਪੇ… ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ. ਅਨਾਗਤਂ ਵਿਞ੍ਞਾਣਂ ਅਤ੍ਥਿ ਅਨਾਗਤਂ ਵਿਞ੍ਞਾਣਂ ਅਜਾਤਂ…ਪੇ… ਅਪਾਤੁਭੂਤਨ੍ਤਿ? ਆਮਨ੍ਤਾ.

ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ¶ ਵਿਞ੍ਞਾਣਂ ਅਜਾਤਂ…ਪੇ… ਅਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

੨੮੫. ‘‘ਪਚ੍ਚੁਪ੍ਪਨ੍ਨਨ੍ਤਿ ਵਾ ਰੂਪ’’ਨ੍ਤਿ ਵਾ, ‘‘ਰੂਪਨ੍ਤਿ ਵਾ ਪਚ੍ਚੁਪ੍ਪਨ੍ਨ’’ਨ੍ਤਿ ਵਾ ਪਚ੍ਚੁਪ੍ਪਨ੍ਨਂ ਰੂਪਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ¶ ਰੂਪਂ ਨਿਰੁਜ੍ਝਮਾਨਂ ਪਚ੍ਚੁਪ੍ਪਨ੍ਨਭਾਵਂ ਜਹਤੀਤਿ? ਆਮਨ੍ਤਾ. ਰੂਪਭਾਵਂ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

‘‘ਪਚ੍ਚੁਪ੍ਪਨ੍ਨਨ੍ਤਿ ਵਾ ਰੂਪ’’ਨ੍ਤਿ ਵਾ, ‘‘ਰੂਪਨ੍ਤਿ ਵਾ ਪਚ੍ਚੁਪ੍ਪਨ੍ਨ’’ਨ੍ਤਿ ਵਾ ਪਚ੍ਚੁਪ੍ਪਨ੍ਨਂ ਰੂਪਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਨਿਰੁਜ੍ਝਮਾਨਂ ਰੂਪਭਾਵਂ ਨ ਜਹਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

‘‘ਓਦਾਤਨ੍ਤਿ ਵਾ ਵਤ੍ਥ’’ਨ੍ਤਿ ਵਾ, ‘‘ਵਤ੍ਥਨ੍ਤਿ ਵਾ ਓਦਾਤ’’ਨ੍ਤਿ ਵਾ ਓਦਾਤਂ ਵਤ੍ਥਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਓਦਾਤਂ ਵਤ੍ਥਂ ਰਜ੍ਜਮਾਨਂ ਓਦਾਤਭਾਵਂ ਜਹਤੀਤਿ? ਆਮਨ੍ਤਾ. ਵਤ੍ਥਭਾਵਂ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ.

‘‘ਓਦਾਤਨ੍ਤਿ ¶ ਵਾ ਵਤ੍ਥ’’ਨ੍ਤਿ ਵਾ, ‘‘ਵਤ੍ਥਨ੍ਤਿ ਵਾ ਓਦਾਤ’’ਨ੍ਤਿ ਵਾ ਓਦਾਤਂ ਵਤ੍ਥਂ ਅਪ੍ਪਿਯਂ ਕਰਿਤ੍ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਆਮਨ੍ਤਾ. ਓਦਾਤਂ ਵਤ੍ਥਂ ਰਜ੍ਜਮਾਨਂ ਵਤ੍ਥਭਾਵਂ ਨ ਜਹਤੀਤਿ? ਆਮਨ੍ਤਾ. ਓਦਾਤਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ.…ਪੇ….

੨੮੬. ਰੂਪਂ ਰੂਪਭਾਵਂ ਨ ਜਹਤੀਤਿ? ਆਮਨ੍ਤਾ. ਰੂਪਂ ਨਿਚ੍ਚਂ ਧੁਵਂ ਸਸ੍ਸਤਂ ¶ ਅਵਿਪਰਿਣਾਮਧਮ੍ਮਨ੍ਤਿ ¶ ? ਨ ਹੇਵਂ ਵਤ੍ਤਬ੍ਬੇ. ਨਨੁ ਰੂਪਂ ਰੂਪਭਾਵਂ ਨ ਜਹਤੀਤਿ ਰੂਪਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ¶ ਰੂਪਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਰੂਪਂ ਰੂਪਭਾਵਂ ਨ ਜਹਤੀ’’ਤਿ.

ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤੀਤਿ ਨਿਬ੍ਬਾਨਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਰੂਪਂ ਰੂਪਭਾਵਂ ਨ ਜਹਤੀਤਿ [ਨ ਜਹਤਿ (ਸੀ. ਕ.)] ਰੂਪਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਰੂਪਂ ਰੂਪਭਾਵਂ ਨ ਜਹਤਿ ਰੂਪਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤਿ ਨਿਬ੍ਬਾਨਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਨਾਗਤਂ ਅਤ੍ਥਿ ਅਨਾਗਤਂ ਅਨਾਗਤਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਅਤ੍ਥਿ ਅਨਾਗਤਂ ਅਨਾਗਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਟ੍ਠਕਥਾ ਓਲੋਕੇਤਬ੍ਬਾ]? ਆਮਨ੍ਤਾ. ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਟ੍ਠਕਥਾ ਓਲੋਕੇਤਬ੍ਬਾ]? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਟ੍ਠਕਥਾ ਓਲੋਕੇਤਬ੍ਬਾ]? ਆਮਨ੍ਤਾ. ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਟ੍ਠਕਥਾ ਓਲੋਕੇਤਬ੍ਬਾ]? ਨ ਹੇਵਂ ¶ ਵਤ੍ਤਬ੍ਬੇ.

ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਤੀਤਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ¶ ਅਤੀਤਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤੀ’’ਤਿ.

ਨਿਬ੍ਬਾਨਂ ¶ ਅਤ੍ਥਿ ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤੀਤਿ ਨਿਬ੍ਬਾਨਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ ¶ ? ਆਮਨ੍ਤਾ. ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤੀਤਿ ਅਤੀਤਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਅਤ੍ਥਿ ਅਤੀਤਂ ਅਤੀਤਭਾਵਂ ਨ ਜਹਤਿ ਅਤੀਤਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਨਿਬ੍ਬਾਨਂ ਅਤ੍ਥਿ ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤਿ ਨਿਬ੍ਬਾਨਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੮੭. ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਨਾਗਤਂ ਰੂਪਂ ਅਤ੍ਥਿ ਅਨਾਗਤਂ ਰੂਪਂ ਅਨਾਗਤਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਪਚ੍ਚੁਪ੍ਪਨ੍ਨਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਰੂਪਂ ਅਤ੍ਥਿ ਅਨਾਗਤਂ ਰੂਪਂ ਅਨਾਗਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ] ¶ ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ]? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਰੂਪਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਰੂਪਂ ਪਚ੍ਚੁਪ੍ਪਨ੍ਨਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ]? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ]? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਤੀਤਂ ਰੂਪਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਤੀਤਂ ਰੂਪਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਰੂਪਂ ਅਨਿਚ੍ਚਂ…ਪੇ… ਵਿਪਰਿਣਾਮਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤੀ’’ਤਿ.

ਨਿਬ੍ਬਾਨਂ ਅਤ੍ਥਿ ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤਿ [ਨ ਜਹਤੀਤਿ (?) ਪੁਰਿਮਪਞ੍ਹੇਹਿ ਸਂਸਨ੍ਦੇਤਬ੍ਬਂ] ਨਿਬ੍ਬਾਨਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤਿ [ਨ ਜਹਤੀਤਿ (?) ਪੁਰਿਮਞ੍ਹੇਹਿ ਸਂਸਨ੍ਦੇਤਬ੍ਬਂ] ਅਤੀਤਂ ਰੂਪਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ¶ ¶ ਰੂਪਂ ਅਤ੍ਥਿ ਅਤੀਤਂ ਰੂਪਂ ਅਤੀਤਭਾਵਂ ਨ ਜਹਤਿ ਅਤੀਤਂ ਰੂਪਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਨਿਬ੍ਬਾਨਂ ਅਤ੍ਥਿ ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤਿ ਨਿਬ੍ਬਾਨਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਵੇਦਨਾ ਅਤ੍ਥਿ… ਅਤੀਤਾ ਸਞ੍ਞਾ ਅਤ੍ਥਿ… ਅਤੀਤਾ ¶ ਸਙ੍ਖਾਰਾ ਅਤ੍ਥਿ… ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਨਾਗਤਂ ¶ ਵਿਞ੍ਞਾਣਂ ਅਤ੍ਥਿ ਅਨਾਗਤਂ ਵਿਞ੍ਞਾਣਂ ਅਨਾਗਤਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਪਚ੍ਚੁਪ੍ਪਨ੍ਨਭਾਵਂ ਨ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਵਿਞ੍ਞਾਣਂ ਅਤ੍ਥਿ ਅਨਾਗਤਂ ਵਿਞ੍ਞਾਣਂ ਅਨਾਗਤਭਾਵਂ ਜਹਤੀਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥਿ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਪਚ੍ਚੁਪ੍ਪਨ੍ਨਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ]? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਜਹਤੀਤਿ [ਨ ਜਹਤੀਤਿ (ਬਹੂਸੁ) ਅਨੁਲੋਮਪਞ੍ਹੋਯੇਵ]? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਨ ਜਹਤੀਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਅਤੀਤਂ ਵਿਞ੍ਞਾਣਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਵਿਞ੍ਞਾਣਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਨ ਜਹਤੀ’’ਤਿ.

ਨਿਬ੍ਬਾਨਂ ¶ ਅਤ੍ਥਿ ਨਿਬ੍ਬਾਨਂ ਨਿਬ੍ਬਾਨਭਾਵਂ ਨ ਜਹਤਿ [ਨ ਜਹਤੀਤਿ (?) ਪੁਰਿਮਪਞ੍ਹੇਹਿ ਸਂਸਨ੍ਦੇਤਬ੍ਬਂ] ਨਿਬ੍ਬਾਨਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ¶ ਨ ਜਹਤਿ [ਨ ਜਹਤੀਤਿ (?) ਪੁਰਿਮਪਞ੍ਹੇਹਿ ਸਂਸਨ੍ਦੇਤਬ੍ਬਂ] ਅਤੀਤਂ ਵਿਞ੍ਞਾਣਂ ਨਿਚ੍ਚਂ ਧੁਵਂ ਸਸ੍ਸਤਂ ਅਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਵਿਞ੍ਞਾਣਂ ਅਤ੍ਥਿ ਅਤੀਤਂ ਵਿਞ੍ਞਾਣਂ ਅਤੀਤਭਾਵਂ ਨ ਜਹਤਿ ਅਤੀਤਂ ਵਿਞ੍ਞਾਣਂ ਅਨਿਚ੍ਚਂ ¶ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਆਮਨ੍ਤਾ. ਨਿਬ੍ਬਾਨਂ ਅਤ੍ਥਿ ਨਿਬ੍ਬਾਨਂ ¶ ਨਿਬ੍ਬਾਨਭਾਵਂ ਨ ਜਹਤਿ ਨਿਬ੍ਬਾਨਂ ਅਨਿਚ੍ਚਂ ਅਧੁਵਂ ਅਸਸ੍ਸਤਂ ਵਿਪਰਿਣਾਮਧਮ੍ਮਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਚਨਸੋਧਨਾ

੨੮੮. ਅਤੀਤਂ ਨ੍ਵਤ੍ਥੀਤਿ? ਆਮਨ੍ਤਾ. ਹਞ੍ਚਿ ਅਤੀਤਂ ਨ੍ਵਤ੍ਥਿ, ਅਤੀਤਂ ਅਤ੍ਥੀਤਿ ਮਿਚ੍ਛਾ. ਹਞ੍ਚਿ ਵਾ ਪਨ ਅਤ੍ਥਿ ਨ੍ਵਾਤੀਤਂ, ਅਤ੍ਥਿ ਅਤੀਤਨ੍ਤਿ ਮਿਚ੍ਛਾ. ਅਨਾਗਤਂ ਨ੍ਵਤ੍ਥੀਤਿ? ਆਮਨ੍ਤਾ. ਹਞ੍ਚਿ ਅਨਾਗਤਂ ਨ੍ਵਤ੍ਥਿ, ਅਨਾਗਤਂ ਅਤ੍ਥੀਤਿ ਮਿਚ੍ਛਾ. ਹਞ੍ਚਿ ਵਾ ਪਨ ਅਤ੍ਥਿ ਨ੍ਵਾਨਾਗਤਂ, ਅਤ੍ਥਿ ਅਨਾਗਤਨ੍ਤਿ ਮਿਚ੍ਛਾ.

ਅਨਾਗਤਂ ਹੁਤ੍ਵਾ ਪਚ੍ਚੁਪ੍ਪਨ੍ਨਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਗਤਂ ਤਂ ਪਚ੍ਚੁਪ੍ਪਨ੍ਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਗਤਂ ਤਂ ਪਚ੍ਚੁਪ੍ਪਨ੍ਨਨ੍ਤਿ? ਆਮਨ੍ਤਾ. ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਆਮਨ੍ਤਾ. ਨ ਹੁਤ੍ਵਾ ਨ ਹੋਤਿ ਨ ਹੁਤ੍ਵਾ ਨ ਹੋਤੀਤਿ? ਨ ਹੇਵਂ ¶ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਹੁਤ੍ਵਾ ਅਤੀਤਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਪਚ੍ਚੁਪ੍ਪਨ੍ਨਂ ਤਂ ਅਤੀਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਪਚ੍ਚੁਪ੍ਪਨ੍ਨਂ ਤਂ ਅਤੀਤਨ੍ਤਿ? ਆਮਨ੍ਤਾ ¶ . ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਆਮਨ੍ਤਾ. ਨ ਹੁਤ੍ਵਾ ਨ ਹੋਤਿ ਨ ਹੁਤ੍ਵਾ ਨ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਹੁਤ੍ਵਾ ਪਚ੍ਚੁਪ੍ਪਨ੍ਨਂ ਹੋਤਿ, ਪਚ੍ਚੁਪ੍ਪਨ੍ਨਂ ਹੁਤ੍ਵਾ ਅਤੀਤਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਗਤਂ ਤਂ ਪਚ੍ਚੁਪ੍ਪਨ੍ਨਂ ਤਂ ਅਤੀਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਗਤਂ ਤਂ ਪਚ੍ਚੁਪ੍ਪਨ੍ਨਂ ਤਂ ਅਤੀਤਨ੍ਤਿ? ਆਮਨ੍ਤਾ. ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਹੁਤ੍ਵਾ ਹੋਤਿ ਹੁਤ੍ਵਾ ਹੋਤੀਤਿ? ਆਮਨ੍ਤਾ. ਨ ਹੁਤ੍ਵਾ ਨ ਹੋਤਿ ਨ ਹੁਤ੍ਵਾ ਨ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਤੀਤਚਕ੍ਖੁਰੂਪਾਦਿਕਥਾ

੨੮੯. ਅਤੀਤਂ ¶ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਤੀਤੇਨ ਚਕ੍ਖੁਨਾ ਅਤੀਤਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਸੋਤਂ ਅਤ੍ਥਿ ਸਦ੍ਦਾ ਅਤ੍ਥਿ ਸੋਤਵਿਞ੍ਞਾਣਂ ਅਤ੍ਥਿ ਆਕਾਸੋ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਤੀਤੇਨ ¶ ਸੋਤੇਨ ਅਤੀਤਂ ਸਦ੍ਦਂ ਸੁਣਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਘਾਨਂ ਅਤ੍ਥਿ ਗਨ੍ਧਾ ਅਤ੍ਥਿ ਘਾਨਵਿਞ੍ਞਾਣਂ ¶ ਅਤ੍ਥਿ ਵਾਯੋ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਤੀਤੇਨ ਘਾਨੇਨ ਅਤੀਤਂ ਗਨ੍ਧਂ ਘਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਜਿਵ੍ਹਾ ਅਤ੍ਥਿ ਰਸਾ ਅਤ੍ਥਿ ਜਿਵ੍ਹਾਵਿਞ੍ਞਾਣਂ ਅਤ੍ਥਿ ਆਪੋ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ ¶ . ਅਤੀਤਾਯ ਜਿਵ੍ਹਾਯ ਅਤੀਤਂ ਰਸਂ ਸਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੋ ਕਾਯੋ ਅਤ੍ਥਿ ਫੋਟ੍ਠਬ੍ਬਾ ਅਤ੍ਥਿ ਕਾਯਵਿਞ੍ਞਾਣਂ ਅਤ੍ਥਿ ਪਥਵੀ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਤੀਤੇਨ ਕਾਯੇਨ ਅਤੀਤਂ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੋ ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਤੀਤੇਨ ਮਨੇਨ ਅਤੀਤਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਨਾਗਤੇਨ ਚਕ੍ਖੁਨਾ ਅਨਾਗਤਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਸੋਤਂ ਅਤ੍ਥਿ… ਘਾਨਂ ਅਤ੍ਥਿ… ਜਿਵ੍ਹਾ ਅਤ੍ਥਿ… ਕਾਯੋ ਅਤ੍ਥਿ ¶ … ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥੀਤਿ? ਆਮਨ੍ਤਾ. ਅਨਾਗਤੇਨ ਮਨੇਨ ਅਨਾਗਤਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਪਚ੍ਚੁਪ੍ਪਨ੍ਨੇਨ ਚਕ੍ਖੁਨਾ ਪਚ੍ਚੁਪ੍ਪਨ੍ਨਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਅਤੀਤਂ ਚਕ੍ਖੁਂ ਅਤ੍ਥਿ ਰੂਪਾ ¶ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਅਤੀਤੇਨ ਚਕ੍ਖੁਨਾ ਅਤੀਤਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਪਚ੍ਚੁਪ੍ਪਨ੍ਨਂ ਸੋਤਂ ਅਤ੍ਥਿ… ਘਾਨਂ ਅਤ੍ਥਿ… ਜਿਵ੍ਹਾ ਅਤ੍ਥਿ… ਕਾਯੋ ਅਤ੍ਥਿ… ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਪਚ੍ਚੁਪ੍ਪਨ੍ਨੇਨ ਮਨੇਨ ਪਚ੍ਚੁਪ੍ਪਨ੍ਨਂ ਧਮ੍ਮਂ ਵਿਜਾਨਾਤੀਤਿ? ਆਮਨ੍ਤਾ. ਅਤੀਤੋ ਮਨੋ ¶ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਅਤੀਤੇਨ ਮਨੇਨ ਅਤੀਤਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਪਚ੍ਚੁਪ੍ਪਨ੍ਨੇਨ ਚਕ੍ਖੁਨਾ ਪਚ੍ਚੁਪ੍ਪਨ੍ਨਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਅਨਾਗਤਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ¶ ਅਤ੍ਥਿ, ਅਨਾਗਤੇਨ ਚਕ੍ਖੁਨਾ ਅਨਾਗਤਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਸੋਤਂ ਅਤ੍ਥਿ… ਘਾਨਂ ਅਤ੍ਥਿ… ਜਿਵ੍ਹਾ ਅਤ੍ਥਿ… ਕਾਯੋ ਅਤ੍ਥਿ… ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਪਚ੍ਚੁਪ੍ਪਨ੍ਨੇਨ ਮਨੇਨ ਪਚ੍ਚੁਪ੍ਪਨ੍ਨਂ ਧਮ੍ਮਂ ਵਿਜਾਨਾਤੀਤਿ? ਆਮਨ੍ਤਾ. ਅਨਾਗਤੋ ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਅਨਾਗਤੇਨ ਮਨੇਨ ਅਨਾਗਤਂ ਧਮ੍ਮਂ ਵਿਜਾਨਾਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ¶ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਅਤੀਤੇਨ ਚਕ੍ਖੁਨਾ ਅਤੀਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਪਚ੍ਚੁਪ੍ਪਨ੍ਨੇਨ ਚਕ੍ਖੁਨਾ ਪਚ੍ਚੁਪ੍ਪਨ੍ਨਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਸੋਤਂ ਅਤ੍ਥਿ… ਘਾਨਂ ਅਤ੍ਥਿ… ਜਿਵ੍ਹਾ ਅਤ੍ਥਿ… ਕਾਯੋ ਅਤ੍ਥਿ… ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਅਤੀਤੇਨ ਮਨੇਨ ਅਤੀਤਂ ਧਮ੍ਮਂ ਵਿਜਾਨਾਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨੋ ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਪਚ੍ਚੁਪ੍ਪਨ੍ਨੇਨ ਮਨੇਨ ਪਚ੍ਚੁਪ੍ਪਨ੍ਨਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਅਨਾਗਤੇਨ ਚਕ੍ਖੁਨਾ ਅਨਾਗਤਂ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਚਕ੍ਖੁਂ ਅਤ੍ਥਿ ਰੂਪਾ ਅਤ੍ਥਿ ਚਕ੍ਖੁਵਿਞ੍ਞਾਣਂ ਅਤ੍ਥਿ ਆਲੋਕੋ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਪਚ੍ਚੁਪ੍ਪਨ੍ਨੇਨ ਚਕ੍ਖੁਨਾ ਪਚ੍ਚੁਪ੍ਪਨ੍ਨਂ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਸੋਤਂ ਅਤ੍ਥਿ… ਘਾਨਂ ਅਤ੍ਥਿ… ਜਿਵ੍ਹਾ ਅਤ੍ਥਿ… ਕਾਯੋ ਅਤ੍ਥਿ… ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ¶ ਚ ਅਨਾਗਤੇਨ ਮਨੇਨ ਅਨਾਗਤਂ ਧਮ੍ਮਂ ਵਿਜਾਨਾਤੀਤਿ ¶ ? ਆਮਨ੍ਤਾ. ਪਚ੍ਚੁਪ੍ਪਨ੍ਨੋ ਮਨੋ ਅਤ੍ਥਿ ਧਮ੍ਮਾ ਅਤ੍ਥਿ ਮਨੋਵਿਞ੍ਞਾਣਂ ਅਤ੍ਥਿ ਵਤ੍ਥੁਂ ਅਤ੍ਥਿ ਮਨਸਿਕਾਰੋ ਅਤ੍ਥਿ, ਨ ਚ ਪਚ੍ਚੁਪ੍ਪਨ੍ਨੇਨ ਮਨੇਨ ਪਚ੍ਚੁਪ੍ਪਨ੍ਨਂ ਧਮ੍ਮਂ ਵਿਜਾਨਾਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਞਾਣਾਦਿਕਥਾ

੨੯੦. ਅਤੀਤਂ ਞਾਣਂ ਅਤ੍ਥੀਤਿ? ਆਮਨ੍ਤਾ. ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ ¶ ? ਆਮਨ੍ਤਾ. ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਞਾਣਂ ਅਤ੍ਥੀਤਿ? ਆਮਨ੍ਤਾ. ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਆਮਨ੍ਤਾ. ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ ¶ , ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਆਮਨ੍ਤਾ. ਅਤੀਤਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਤੀਤਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਆਮਨ੍ਤਾ. ਅਨਾਗਤਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਆਮਨ੍ਤਾ ¶ . ਅਨਾਗਤਂ ਞਾਣਂ ਅਤ੍ਥਿ, ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ¶ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਞਾਣਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਅਨਾਗਤਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ ¶ , ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਆਮਨ੍ਤਾ ¶ . ਪਚ੍ਚੁਪ੍ਪਨ੍ਨਂ ਞਾਣਂ ਅਤ੍ਥਿ, ਨ ਚ ਤੇਨ ਞਾਣੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਨ੍ਤਾਦਿਕਥਾ

੨੯੧. ਅਰਹਤੋ ਅਤੀਤੋ ਰਾਗੋ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਰਾਗੇਨ ਸਰਾਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤੋ ਦੋਸੋ ਅਤ੍ਥੀਤਿ? ਆਮਨ੍ਤਾ ¶ . ਅਰਹਾ ਤੇਨ ਦੋਸੇਨ ਸਦੋਸੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤੋ ਮੋਹੋ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਮੋਹੇਨ ਸਮੋਹੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤੋ ਮਾਨੋ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਮਾਨੇਨ ਸਮਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਾ ਦਿਟ੍ਠਿ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਾ ਵਿਚਿਕਿਚ੍ਛਾ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤਾਯ ਵਿਚਿਕਿਚ੍ਛਾਯ ਸਵਿਚਿਕਿਚ੍ਛੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਂ ਥਿਨਂ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਥਿਨੇਨ ਸਥਿਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਂ ਉਦ੍ਧਚ੍ਚਂ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਉਦ੍ਧਚ੍ਚੇਨ ਸਉਦ੍ਧਚ੍ਚੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਂ ਅਹਿਰਿਕਂ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਅਹਿਰਿਕੇਨ ਸਅਹਿਰਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤਂ ਅਨੋਤ੍ਤਪ੍ਪਂ ਅਤ੍ਥੀਤਿ? ਆਮਨ੍ਤਾ. ਅਰਹਾ ਤੇਨ ਅਨੋਤ੍ਤਪ੍ਪੇਨ ¶ ਸਅਨੋਤ੍ਤਪ੍ਪੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਸ੍ਸ ¶ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥੀਤਿ? ਆਮਨ੍ਤਾ ¶ . ਅਨਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਾਮਿਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ… ਅਤੀਤੋ ਸੀਲਬ੍ਬਤਪਰਾਮਾਸੋ ਅਤ੍ਥਿ… ਅਤੀਤੋ ਅਣੁਸਹਗਤੋ ਕਾਮਰਾਗੋ ਅਤ੍ਥਿ… ਅਤੀਤੋ ਅਣੁਸਹਗਤੋ ਬ੍ਯਾਪਾਦੋ ਅਤ੍ਥੀਤਿ? ਆਮਨ੍ਤਾ. ਅਨਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥੀਤਿ? ਆਮਨ੍ਤਾ. ਸਕਦਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਕਦਾਗਾਮਿਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ… ਅਤੀਤੋ ਸੀਲਬ੍ਬਤਪਰਾਮਾਸੋ ਅਤ੍ਥਿ… ਅਤੀਤੋ ¶ ਓਲ਼ਾਰਿਕੋ ਕਾਮਰਾਗੋ ਅਤ੍ਥਿ… ਅਤੀਤੋ ਓਲ਼ਾਰਿਕੋ ਬ੍ਯਾਪਾਦੋ ਅਤ੍ਥੀਤਿ? ਆਮਨ੍ਤਾ. ਸਕਦਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਨ੍ਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥੀਤਿ? ਆਮਨ੍ਤਾ. ਸੋਤਾਪਨ੍ਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਾਪਨ੍ਨਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ… ਅਤੀਤੋ ਸੀਲਬ੍ਬਤਪਰਾਮਾਸੋ ਅਤ੍ਥਿ… ਅਤੀਤੋ ਅਪਾਯਗਮਨੀਯੋ ਰਾਗੋ ਅਤ੍ਥਿ… ਅਤੀਤੋ ਅਪਾਯਗਮਨੀਯੋ ਦੋਸੋ ਅਤ੍ਥਿ… ਅਤੀਤੋ ਅਪਾਯਗਮਨੀਯੋ ਮੋਹੋ ਅਤ੍ਥੀਤਿ? ਆਮਨ੍ਤਾ. ਸੋਤਾਪਨ੍ਨੋ ਤੇਨ ਮੋਹੇਨ ਸਮੋਹੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨੯੨. ਪੁਥੁਜ੍ਜਨਸ੍ਸ ¶ ਅਤੀਤੋ ਰਾਗੋ ਅਤ੍ਥਿ, ਪੁਥੁਜ੍ਜਨੋ ਤੇਨ ਰਾਗੇਨ ਸਰਾਗੋਤਿ? ਆਮਨ੍ਤਾ. ਅਰਹਤੋ ਅਤੀਤੋ ਰਾਗੋ ਅਤ੍ਥਿ, ਅਰਹਾ ਤੇਨ ਰਾਗੇਨ ਸਰਾਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਥੁਜ੍ਜਨਸ੍ਸ ਅਤੀਤੋ ਦੋਸੋ ਅਤ੍ਥਿ…ਪੇ… ਅਤੀਤਂ ਅਨੋਤ੍ਤਪ੍ਪਂ ਅਤ੍ਥਿ ਪੁਥੁਜ੍ਜਨੋ ਤੇਨ ਅਨੋਤ੍ਤਪ੍ਪੇਨ ਅਨੋਤ੍ਤਪ੍ਪੀਤਿ? ਆਮਨ੍ਤਾ. ਅਰਹਤੋ ਅਤੀਤਂ ਅਨੋਤ੍ਤਪ੍ਪਂ ਅਤ੍ਥਿ, ਅਰਹਾ ਤੇਨ ਅਨੋਤ੍ਤਪ੍ਪੇਨ ਅਨੋਤ੍ਤਪ੍ਪੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਪੁਥੁਜ੍ਜਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਅਨਾਗਾਮਿਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਅਨਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਥੁਜ੍ਜਨਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ…ਪੇ… ਅਤੀਤੋ ਅਣੁਸਹਗਤੋ ਬ੍ਯਾਪਾਦੋ ਅਤ੍ਥਿ, ਪੁਥੁਜ੍ਜਨੋ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਆਮਨ੍ਤਾ. ਅਨਾਗਾਮਿਸ੍ਸ ¶ ਅਤੀਤੋ ਅਣੁਸਹਗਤੋ ਬ੍ਯਾਪਾਦੋ ਅਤ੍ਥਿ, ਅਨਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਥੁਜ੍ਜਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਸਕਦਾਗਾਮਿਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਸਕਦਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਥੁਜ੍ਜਨਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ… ਅਤੀਤੋ ਓਲ਼ਾਰਿਕੋ ਬ੍ਯਾਪਾਦੋ ਅਤ੍ਥਿ, ਪੁਥੁਜ੍ਜਨੋ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ ¶ ? ਆਮਨ੍ਤਾ. ਸਕਦਾਗਾਮਿਸ੍ਸ ਅਤੀਤੋ ਓਲ਼ਾਰਿਕੋ ਬ੍ਯਾਪਾਦੋ ਅਤ੍ਥਿ, ਸਕਦਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪੁਥੁਜ੍ਜਨਸ੍ਸ ¶ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਸੋਤਾਪਨ੍ਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪੁਥੁਜ੍ਜਨਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ…ਪੇ… ਅਤੀਤੋ ਅਪਾਯਗਮਨੀਯੋ ਮੋਹੋ ਅਤ੍ਥਿ, ਪੁਥੁਜ੍ਜਨੋ ਤੇਨ ਮੋਹੇਨ ਸਮੋਹੋਤਿ? ਆਮਨ੍ਤਾ. ਸੋਤਾਪਨ੍ਨਸ੍ਸ ਅਤੀਤੋ ਅਪਾਯਗਮਨੀਯੋ ਮੋਹੋ ਅਤ੍ਥਿ, ਸੋਤਾਪਨ੍ਨੋ ਤੇਨ ਮੋਹੇਨ ਸਮੋਹੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਅਤੀਤੋ ਰਾਗੋ ਅਤ੍ਥਿ, ਨ ਚ ਅਰਹਾ ਤੇਨ ਰਾਗੇਨ ਸਰਾਗੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤੋ ਰਾਗੋ ਅਤ੍ਥਿ, ਨ ਚ ਪੁਥੁਜ੍ਜਨੋ ਤੇਨ ਰਾਗੇਨ ਸਰਾਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਤੋ ਅਤੀਤੋ ਦੋਸੋ ਅਤ੍ਥਿ…ਪੇ… ਅਤੀਤਂ ਅਨੋਤ੍ਤਪ੍ਪਂ ਅਤ੍ਥਿ, ਨ ਚ ਅਰਹਾ ਤੇਨ ਅਨੋਤ੍ਤਪ੍ਪੇਨ ਅਨੋਤ੍ਤਪ੍ਪੀਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤਂ ਅਨੋਤ੍ਤਪ੍ਪਂ ਅਤ੍ਥਿ, ਨ ਚ ਪੁਥੁਜ੍ਜਨੋ ਤੇਨ ਅਨੋਤ੍ਤਪ੍ਪੇਨ ਅਨੋਤ੍ਤਪ੍ਪੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਨ ਚ ਅਨਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ¶ ਅਤ੍ਥਿ, ਨ ਚ ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਾਮਿਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ…ਪੇ… ਅਤੀਤੋ ਅਣੁਸਹਗਤੋ ਬ੍ਯਾਪਾਦੋ ਅਤ੍ਥਿ, ਨ ਚ ਅਨਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ ¶ ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤੋ ਅਣੁਸਹਗਤੋ ਬ੍ਯਾਪਾਦੋ ਅਤ੍ਥਿ, ਨ ਚ ਪੁਥੁਜ੍ਜਨੋ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਨ ਚ ਸਕਦਾਗਾਮੀ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਨ ਚ ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਕਦਾਗਾਮਿਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ…ਪੇ… ਅਤੀਤੋ ਓਲ਼ਾਰਿਕੋ ਬ੍ਯਾਪਾਦੋ ਅਤ੍ਥਿ, ਨ ਚ ਸਕਦਾਗਾਮੀ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤੋ ਓਲ਼ਾਰਿਕੋ ਬ੍ਯਾਪਾਦੋ ਅਤ੍ਥਿ, ਨ ਚ ਪੁਥੁਜ੍ਜਨੋ ਤੇਨ ਬ੍ਯਾਪਾਦੇਨ ਬ੍ਯਾਪਨ੍ਨਚਿਤ੍ਤੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਨ੍ਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ਅਤ੍ਥਿ, ਨ ਚ ਸੋਤਾਪਨ੍ਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤਾ ਸਕ੍ਕਾਯਦਿਟ੍ਠਿ ¶ ਅਤ੍ਥਿ, ਨ ਚ ਪੁਥੁਜ੍ਜਨੋ ਤਾਯ ਦਿਟ੍ਠਿਯਾ ਸਦਿਟ੍ਠਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਾਪਨ੍ਨਸ੍ਸ ਅਤੀਤਾ ਵਿਚਿਕਿਚ੍ਛਾ ਅਤ੍ਥਿ…ਪੇ… ਅਤੀਤੋ ਅਪਾਯਗਮਨੀਯੋ ਮੋਹੋ ਅਤ੍ਥਿ, ਨ ਚ ਸੋਤਾਪਨ੍ਨੋ ਤੇਨ ਮੋਹੇਨ ਸਮੋਹੋਤਿ? ਆਮਨ੍ਤਾ. ਪੁਥੁਜ੍ਜਨਸ੍ਸ ਅਤੀਤੋ ਅਪਾਯਗਮਨੀਯੋ ¶ ਮੋਹੋ ਅਤ੍ਥਿ, ਨ ਚ ਪੁਥੁਜ੍ਜਨੋ ਤੇਨ ਮੋਹੇਨ ਸਮੋਹੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਹਤ੍ਥਾਦਿਕਥਾ

੨੯੩. ਅਤੀਤਾ ਹਤ੍ਥਾ ਅਤ੍ਥੀਤਿ? ਆਮਨ੍ਤਾ. ਅਤੀਤੇਸੁ ਹਤ੍ਥੇਸੁ ਸਤਿ ਆਦਾਨਨਿਕ੍ਖੇਪਨਂ ਪਞ੍ਞਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਪਾਦਾ ਅਤ੍ਥੀਤਿ? ਆਮਨ੍ਤਾ. ਅਤੀਤੇਸੁ ਪਾਦੇਸੁ ਸਤਿ ਅਭਿਕ੍ਕਮਪਟਿਕ੍ਕਮੋ ਪਞ੍ਞਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਪਬ੍ਬਾ ਅਤ੍ਥੀਤਿ? ਆਮਨ੍ਤਾ. ਅਤੀਤੇਸੁ ਪਬ੍ਬੇਸੁ ਸਤਿ ਸਮਿਞ੍ਜਨਪਸਾਰਣਂ ਪਞ੍ਞਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੋ ਕੁਚ੍ਛਿ ਅਤ੍ਥੀਤਿ? ਆਮਨ੍ਤਾ. ਅਤੀਤਸ੍ਮਿਂ ਕੁਚ੍ਛਿਸ੍ਮਿਂ ਸਤਿ ਜਿਘਚ੍ਛਾ ਪਿਪਾਸਾ ਪਞ੍ਞਾਯਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤੋ ਕਾਯੋ ਅਤ੍ਥੀਤਿ? ਆਮਨ੍ਤਾ. ਅਤੀਤੋ ਕਾਯੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋ ਕਾਕੇਹਿ ਗਿਜ੍ਝੇਹਿ ਕੁਲਲੇਹਿ ਸਾਧਾਰਣੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੇ ¶ ਕਾਯੇ ਵਿਸਂ ਕਮੇਯ੍ਯ ¶ , ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਲਬ੍ਭਾ ਅਤੀਤੋ ਕਾਯੋ ਅਦ੍ਦੁਬਨ੍ਧਨੇਨ ਬਨ੍ਧਿਤੁਂ, ਰਜ੍ਜੁਬਨ੍ਧਨੇਨ ਬਨ੍ਧਿਤੁਂ, ਸਙ੍ਖਲਿਕਬਨ੍ਧਨੇਨ ਬਨ੍ਧਿਤੁਂ, ਗਾਮਬਨ੍ਧਨੇਨ ਬਨ੍ਧਿਤੁਂ, ਨਿਗਮਬਨ੍ਧਨੇਨ ਬਨ੍ਧਿਤੁਂ, ਨਗਰਬਨ੍ਧਨੇਨ ਬਨ੍ਧਿਤੁਂ, ਜਨਪਦਬਨ੍ਧਨੇਨ ਬਨ੍ਧਿਤੁਂ, ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਨ੍ਧਿਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤੋ ਆਪੋ ਅਤ੍ਥੀਤਿ? ਆਮਨ੍ਤਾ. ਤੇਨ ਆਪੇਨ ਆਪਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੋ ਤੇਜੋ ਅਤ੍ਥੀਤਿ? ਆਮਨ੍ਤਾ. ਤੇਨ ਤੇਜੇਨ ਤੇਜਕਰਣੀਯਂ ਕਰੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤੋ ਵਾਯੋ ਅਤ੍ਥੀਤਿ? ਆਮਨ੍ਤਾ. ਤੇਨ ਵਾਯੇਨ ਵਾਯਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਕ੍ਖਨ੍ਧਾਦਿਸਮੋਧਾਨਕਥਾ

੨੯੪. ਅਤੀਤੋ ਰੂਪਕ੍ਖਨ੍ਧੋ ਅਤ੍ਥਿ, ਅਨਾਗਤੋ ਰੂਪਕ੍ਖਨ੍ਧੋ ਅਤ੍ਥਿ, ਪਚ੍ਚੁਪ੍ਪਨ੍ਨੋ ਰੂਪਕ੍ਖਨ੍ਧੋ ਅਤ੍ਥੀਤਿ? ਆਮਨ੍ਤਾ. ਤਯੋ ਰੂਪਕ੍ਖਨ੍ਧਾਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ… ਅਤੀਤਾ ਪਞ੍ਚਕ੍ਖਨ੍ਧਾ ਅਤ੍ਥਿ, ਅਨਾਗਤਾ ਪਞ੍ਚਕ੍ਖਨ੍ਧਾ ਅਤ੍ਥਿ, ਪਚ੍ਚੁਪ੍ਪਨ੍ਨਾ ਪਞ੍ਚਕ੍ਖਨ੍ਧਾ ਅਤ੍ਥੀਤਿ? ਆਮਨ੍ਤਾ. ਪਨ੍ਨਰਸਕ੍ਖਨ੍ਧਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਚਕ੍ਖਾਯਤਨਂ ਅਤ੍ਥਿ, ਅਨਾਗਤਂ ਚਕ੍ਖਾਯਤਨਂ ਅਤ੍ਥਿ, ਪਚ੍ਚੁਪ੍ਪਨ੍ਨਂ ਚਕ੍ਖਾਯਤਨਂ ਅਤ੍ਥੀਤਿ? ਆਮਨ੍ਤਾ. ਤੀਣਿ ਚਕ੍ਖਾਯਤਨਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾਨਿ ¶ ਦ੍ਵਾਦਸਾਯਤਨਾਨਿ ਅਤ੍ਥਿ, ਅਨਾਗਤਾਨਿ ਦ੍ਵਾਦਸਾਯਤਨਾਨਿ ਅਤ੍ਥਿ, ਪਚ੍ਚੁਪ੍ਪਨ੍ਨਾਨਿ ਦ੍ਵਾਦਸਾਯਤਨਾਨਿ ਅਤ੍ਥੀਤਿ? ਆਮਨ੍ਤਾ. ਛਤ੍ਤਿਂਸਾਯਤਨਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਚਕ੍ਖੁਧਾਤੁ ਅਤ੍ਥਿ, ਅਨਾਗਤਾ ਚਕ੍ਖੁਧਾਤੁ ਅਤ੍ਥਿ, ਪਚ੍ਚੁਪ੍ਪਨ੍ਨਾ ਚਕ੍ਖੁਧਾਤੁ ਅਤ੍ਥੀਤਿ? ਆਮਨ੍ਤਾ. ਤਿਸ੍ਸੋ ਚਕ੍ਖੁਧਾਤੁਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਅਟ੍ਠਾਰਸ ਧਾਤੁਯੋ ਅਤ੍ਥਿ, ਅਨਾਗਤਾ ਅਟ੍ਠਾਰਸ ਧਾਤੁਯੋ ਅਤ੍ਥਿ, ਪਚ੍ਚੁਪ੍ਪਨ੍ਨਾ ਅਟ੍ਠਾਰਸ ਧਾਤੁਯੋ ਅਤ੍ਥੀਤਿ? ਆਮਨ੍ਤਾ. ਚਤੁਪਞ੍ਞਾਸ ਧਾਤੁਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਚਕ੍ਖੁਨ੍ਦ੍ਰਿਯਂ ਅਤ੍ਥਿ, ਅਨਾਗਤਂ ਚਕ੍ਖੁਨ੍ਦ੍ਰਿਯਂ ਅਤ੍ਥਿ, ਪਚ੍ਚੁਪ੍ਪਨ੍ਨਂ ਚਕ੍ਖੁਨ੍ਦ੍ਰਿਯਂ ਅਤ੍ਥੀਤਿ ¶ ? ਆਮਨ੍ਤਾ. ਤੀਣਿ ਚਕ੍ਖੁਨ੍ਦ੍ਰਿਯਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾਨਿ ਬਾਵੀਸਤਿਨ੍ਦ੍ਰਿਯਾਨਿ ਅਤ੍ਥਿ, ਅਨਾਗਤਾਨਿ ਬਾਵੀਸਤਿਨ੍ਦ੍ਰਿਯਾਨਿ ¶ ਅਤ੍ਥਿ, ਪਚ੍ਚੁਪ੍ਪਨ੍ਨਾਨਿ ਬਾਵੀਸਤਿਨ੍ਦ੍ਰਿਯਾਨਿ ਅਤ੍ਥੀਤਿ? ਆਮਨ੍ਤਾ. ਛਸਟ੍ਠਿਨ੍ਦ੍ਰਿਯਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤੋ ਰਾਜਾ ਚਕ੍ਕਵਤ੍ਤੀ ਅਤ੍ਥਿ, ਅਨਾਗਤੋ ਰਾਜਾ ਚਕ੍ਕਵਤ੍ਤੀ ਅਤ੍ਥਿ, ਪਚ੍ਚੁਪ੍ਪਨ੍ਨੋ ਰਾਜਾ ਚਕ੍ਕਵਤ੍ਤੀ ਅਤ੍ਥੀਤਿ? ਆਮਨ੍ਤਾ. ਤਿਣ੍ਣਨ੍ਨਂ ਰਾਜੂਨਂ ਚਕ੍ਕਵਤ੍ਤੀਨਂ ਸਮ੍ਮੁਖੀਭਾਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤੋ ਸਮ੍ਮਾਸਮ੍ਮੁਦ੍ਧੋ ਅਤ੍ਥਿ, ਅਨਾਗਤੋ ਸਮ੍ਮਾਸਮ੍ਬੁਦ੍ਧੋ ਅਤ੍ਥਿ, ਪਚ੍ਚੁਪ੍ਪਨ੍ਨੋ ਸਮ੍ਮਾਸਮ੍ਬੁਦ੍ਧੋ ਅਤ੍ਥੀਤਿ? ਆਮਨ੍ਤਾ. ਤਿਣ੍ਣਨ੍ਨਂ ਸਮ੍ਮਾਸਮ੍ਬੁਦ੍ਧਾਨਂ ਸਮ੍ਮੁਖੀਭਾਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਦਸੋਧਨਕਥਾ

੨੯੫. ਅਤੀਤਂ ਅਤ੍ਥੀਤਿ? ਆਮਨ੍ਤਾ ¶ . ਅਤ੍ਥਿ ਅਤੀਤਨ੍ਤਿ? ਅਤ੍ਥਿ ਸਿਯਾ ਅਤੀਤਂ, ਸਿਯਾ ਨ੍ਵਾਤੀਤਨ੍ਤਿ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਅਤੀਤਂ ਅਤ੍ਥਿ, ਅਤ੍ਥਿ ਸਿਯਾ ਅਤੀਤਂ, ਸਿਯਾ ਨ੍ਵਾਤੀਤਂ, ਤੇਨਾਤੀਤਂ ਨ੍ਵਾਤੀਤਂ, ਨ੍ਵਾਤੀਤਂ ਅਤੀਤਨ੍ਤਿ. ਯਂ ਤਤ੍ਥ ਵਦੇਸਿ ¶ – ‘‘ਵਤ੍ਤਬ੍ਬੇ ਖੋ – ‘ਅਤੀਤਂ ਅਤ੍ਥਿ ਅਤ੍ਥਿ ਸਿਯਾ ਅਤੀਤਂ, ਸਿਯਾ ਨ੍ਵਾਤੀਤਂ, ਤੇਨਾਤੀਤਂ ਨ੍ਵਾਤੀਤਂ, ਨ੍ਵਾਤੀਤਂ ਅਤੀਤ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਅਤੀਤਂ ਨ੍ਵਾਤੀਤਂ ਨ੍ਵਾਤੀਤਂ ਅਤੀਤਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਂ ਅਤ੍ਥਿ ਅਤ੍ਥਿ ਸਿਯਾ ਅਤੀਤਂ, ਸਿਯਾ ਨ੍ਵਾਤੀਤ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਤੀਤਂ ਅਤ੍ਥਿ ਅਤ੍ਥਿ ਸਿਯਾ ਅਤੀਤਂ, ਸਿਯਾ ਨ੍ਵਾਤੀਤਂ, ਤੇਨਾਤੀਤਂ ਨ੍ਵਾਤੀਤਂ, ਨ੍ਵਾਤੀਤਂ ਅਤੀਤ’’’ਨ੍ਤਿ ਮਿਚ੍ਛਾ.

ਅਨਾਗਤਂ ਅਤ੍ਥੀਤਿ? ਆਮਨ੍ਤਾ. ਅਤ੍ਥਿ ਅਨਾਗਤਨ੍ਤਿ? ਅਤ੍ਥਿ ਸਿਯਾ ਅਨਾਗਤਂ, ਸਿਯਾ ਨ੍ਵਾਨਾਗਤਨ੍ਤਿ.

ਆਜਾਨਾਹਿ ¶ ਨਿਗ੍ਗਹਂ. ਹਞ੍ਚਿ ਅਨਾਗਤਂ ਅਤ੍ਥਿ ਅਤ੍ਥਿ ਸਿਯਾ ਅਨਾਗਤਂ ਸਿਯਾ ਨ੍ਵਾਨਾਗਤਂ, ਤੇਨਾਨਾਗਤਂ ¶ ਨ੍ਵਾਨਾਗਤਂ, ਨ੍ਵਾਨਾਗਤਂ ਅਨਾਗਤਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਨਾਗਤਂ ਅਤ੍ਥਿ ਅਤ੍ਥਿ ਸਿਯਾ ਅਨਾਗਤਂ, ਸਿਯਾ ਨ੍ਵਾਨਾਗਤਂ, ਤੇਨਾਨਾਗਤਂ ਨ੍ਵਾਨਾਗਤਂ, ਨ੍ਵਾਨਾਗਤਂ ਅਨਾਗਤ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨਾਨਾਗਤਂ ਨ੍ਵਾਨਾਗਤਂ ਨ੍ਵਾਨਾਗਤਂ ਅਨਾਗਤਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਤਂ ਅਤ੍ਥਿ ਅਤ੍ਥਿ ਸਿਯਾ ਅਨਾਗਤਂ, ਸਿਯਾ ਨ੍ਵਾਨਾਗਤ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਨਾਗਤਂ ਅਤ੍ਥਿ ਅਤ੍ਥਿ ਸਿਯਾ ਅਨਾਗਤਂ, ਸਿਯਾ ਨ੍ਵਾਨਾਗਤਂ, ਤੇਨਾਨਾਗਤਂ ਨ੍ਵਾਨਾਗਤਂ, ਨ੍ਵਾਨਾਗਤਂ ਅਨਾਗਤ’’’ਨ੍ਤਿ ਮਿਚ੍ਛਾ.

ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ, ਆਮਨ੍ਤਾ. ਅਤ੍ਥਿ ਪਚ੍ਚੁਪ੍ਪਨ੍ਨਨ੍ਤਿ? ਅਤ੍ਥਿ ਸਿਯਾ ਪਚ੍ਚੁਪ੍ਪਨ੍ਨਂ, ਸਿਯਾ ਨੋ ਪਚ੍ਚੁਪ੍ਪਨ੍ਨਨ੍ਤਿ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਪਚ੍ਚੁਪ੍ਪਨ੍ਨਂ ਅਤ੍ਥਿ ਅਤ੍ਥਿ ਸਿਯਾ ਪਚ੍ਚੁਪ੍ਪਨ੍ਨਂ, ਸਿਯਾ ਨੋ ਪਚ੍ਚੁਪ੍ਪਨ੍ਨਂ, ਤੇਨ ਪਚ੍ਚੁਪ੍ਪਨ੍ਨਂ, ਨੋ ਪਚ੍ਚੁਪ੍ਪਨ੍ਨਂ, ਨੋ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪਚ੍ਚੁਪ੍ਪਨ੍ਨਂ ਅਤ੍ਥਿ ਅਤ੍ਥਿ ਸਿਯਾ ਪਚ੍ਚੁਪ੍ਪਨ੍ਨਂ, ਸਿਯਾ ਨੋ ਪਚ੍ਚੁਪ੍ਪਨ੍ਨਂ, ਤੇਨ ਪਚ੍ਚੁਪ੍ਪਨ੍ਨਂ ਨੋ ਪਚ੍ਚੁਪ੍ਪਨ੍ਨਂ, ਨੋ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਪਚ੍ਚੁਪ੍ਪਨ੍ਨਂ ¶ ਨੋ ਪਚ੍ਚੁਪ੍ਪਨ੍ਨਂ, ਨੋ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਪਚ੍ਚੁਪ੍ਪਨ੍ਨਂ ਅਤ੍ਥਿ ਅਤ੍ਥਿ ਸਿਯਾ ਪਚ੍ਚੁਪ੍ਪਨ੍ਨਂ, ਸਿਯਾ ਨੋ ਪਚ੍ਚੁਪ੍ਪਨ੍ਨ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਪਚ੍ਚੁਪ੍ਪਨ੍ਨਂ ਅਤ੍ਥਿ ਅਤ੍ਥਿ ਸਿਯਾ ¶ ਪਚ੍ਚੁਪ੍ਪਨ੍ਨਂ, ਸਿਯਾ ਨੋ ਪਚ੍ਚੁਪ੍ਪਨ੍ਨਂ, ਤੇਨ ਪਚ੍ਚੁਪ੍ਪਨ੍ਨਂ ਨੋ ਪਚ੍ਚੁਪ੍ਪਨ੍ਨਂ, ਨੋ ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨ’’’ਨ੍ਤਿ ਮਿਚ੍ਛਾ.

ਨਿਬ੍ਬਾਨਂ ਅਤ੍ਥੀਤਿ? ਆਮਨ੍ਤਾ. ਅਤ੍ਥਿ ਨਿਬ੍ਬਾਨਨ੍ਤਿ? ਅਤ੍ਥਿ ¶ ਸਿਯਾ ਨਿਬ੍ਬਾਨਂ ਸਿਯਾ ਨੋ ਨਿਬ੍ਬਾਨਨ੍ਤਿ.

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਨਿਬ੍ਬਾਨਂ ਅਤ੍ਥਿ ਅਤ੍ਥਿ ਸਿਯਾ ਨਿਬ੍ਬਾਨਂ, ਸਿਯਾ ਨੋ ਨਿਬ੍ਬਾਨਂ, ਤੇਨ ਨਿਬ੍ਬਾਨਂ ਨੋ ਨਿਬ੍ਬਾਨਂ, ਨੋ ਨਿਬ੍ਬਾਨਂ ਨਿਬ੍ਬਾਨਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ ¶ – ‘ਨਿਬ੍ਬਾਨਂ ਅਤ੍ਥਿ ਅਤ੍ਥਿ ਸਿਯਾ ਨਿਬ੍ਬਾਨਂ, ਸਿਯਾ ਨੋ ਨਿਬ੍ਬਾਨਂ, ਤੇਨ ਨਿਬ੍ਬਾਨਂ ਨੋ ਨਿਬ੍ਬਾਨਂ, ਨੋ ਨਿਬ੍ਬਾਨਂ ਨਿਬ੍ਬਾਨ’’’ਨ੍ਤਿ ਮਿਚ੍ਛਾ.

ਨੋ ਚੇ ਪਨ ਨਿਬ੍ਬਾਨਂ ਨੋ ਨਿਬ੍ਬਾਨਂ, ਨੋ ਨਿਬ੍ਬਾਨਂ ਨਿਬ੍ਬਾਨਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨਿਬ੍ਬਾਨਂ ਅਤ੍ਥਿ ਅਤ੍ਥਿ ਸਿਯਾ ਨਿਬ੍ਬਾਨਂ, ਸਿਯਾ ਨੋ ਨਿਬ੍ਬਾਨ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਨਿਬ੍ਬਾਨਂ ਅਤ੍ਥਿ ਅਤ੍ਥਿ ਸਿਯਾ ਨਿਬ੍ਬਾਨਂ, ਸਿਯਾ ਨੋ ਨਿਬ੍ਬਾਨਂ, ਤੇਨ ਨਿਬ੍ਬਾਨਂ ਨੋ ਨਿਬ੍ਬਾਨਂ, ਨੋ ਨਿਬ੍ਬਾਨਂ ਨਿਬ੍ਬਾਨ’’’ਨ੍ਤਿ ਮਿਚ੍ਛਾ.

ਸੁਤ੍ਤਸਾਧਨਂ

੨੯੬. ਨ ਵਤ੍ਤਬ੍ਬਂ – ‘‘ਅਤੀਤਂ ਅਤ੍ਥਿ, ਅਨਾਗਤਂ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਂ ਕਿਞ੍ਚਿ, ਭਿਕ੍ਖਵੇ, ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ – ਅਯਂ ਵੁਚ੍ਚਤਿ ਰੂਪਕ੍ਖਨ੍ਧੋ. ਯਾ ਕਾਚਿ ਵੇਦਨਾ… ਯਾ ਕਾਚਿ ਸਞ੍ਞਾ… ਯੇ ਕੇਚਿ ਸਙ੍ਖਾਰਾ… ਯਂ ਕਿਞ੍ਚਿ ਵਿਞ੍ਞਾਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ – ਅਯਂ ਵੁਚ੍ਚਤਿ ਵਿਞ੍ਞਾਣਕ੍ਖਨ੍ਧੋ’’ਤਿ [ਸਂ. ਨਿ. ੩.੪੮]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਅਤੀਤਂ ਅਤ੍ਥਿ, ਅਨਾਗਤਂ ਅਤ੍ਥੀਤਿ.

ਅਤੀਤਂ ਅਤ੍ਥਿ, ਅਨਾਗਤਂ ਅਤ੍ਥੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ ¶ – ‘‘ਤਯੋਮੇ, ਭਿਕ੍ਖਵੇ, ਨਿਰੁਤ੍ਤਿਪਥਾ ¶ ਅਧਿਵਚਨਪਥਾ ਪਞ੍ਞਤ੍ਤਿਪਥਾ ਅਸਙ੍ਕਿਣ੍ਣਾ ਅਸਙ੍ਕਿਣ੍ਣਪੁਬ੍ਬਾ ਨ ਸਙ੍ਕਿਯਨ੍ਤਿ ਨ ਸਙ੍ਕਿਯਿਸ੍ਸਨ੍ਤਿ ਅਪ੍ਪਟਿਕੁਟ੍ਠਾ ਸਮਣੇਹਿ ਬ੍ਰਾਹ੍ਮਣੇਹਿ ਵਿਞ੍ਞੂਹਿ. ਕਤਮੇ ਤਯੋ? ਯਂ, ਭਿਕ੍ਖਵੇ, ਰੂਪਂ ਅਤੀਤਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ‘ਅਹੋਸੀ’ਤਿ ਤਸ੍ਸ ਸਙ੍ਖਾ, ‘ਅਹੋਸੀ’ਤਿ ਤਸ੍ਸ ਸਮਞ੍ਞਾ, ‘ਅਹੋਸੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਤ੍ਥੀ’ਤਿ, ਨ ਤਸ੍ਸ ਸਙ੍ਖਾ ‘ਭਵਿਸ੍ਸਤੀ’ਤਿ. ਯਾ ਵੇਦਨਾ…ਪੇ… ਯਾ ਸਞ੍ਞਾ… ਯੇ ਸਙ੍ਖਾਰਾ… ਯਂ ਵਿਞ੍ਞਾਣਂ ¶ ਅਤੀਤਂ ਨਿਰੁਦ੍ਧਂ ਵਿਗਤਂ ਵਿਪਰਿਣਤਂ ‘ਅਹੋਸੀ’ਤਿ ਤਸ੍ਸ ਸਙ੍ਖਾ, ‘ਅਹੋਸੀ’ਤਿ ਤਸ੍ਸ ਸਮਞ੍ਞਾ, ‘ਅਹੋਸੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਤ੍ਥੀ’ਤਿ, ਨ ਤਸ੍ਸ ਸਙ੍ਖਾ ‘ਭਵਿਸ੍ਸਤੀ’ਤਿ.

‘‘ਯਂ, ਭਿਕ੍ਖਵੇ, ਰੂਪਂ ਅਜਾਤਂ ਅਪਾਤੁਭੂਤਂ ‘ਭਵਿਸ੍ਸਤੀ’ਤਿ ਤਸ੍ਸ ਸਙ੍ਖਾ, ‘ਭਵਿਸ੍ਸਤੀ’ਤਿ ਤਸ੍ਸ ¶ ਸਮਞ੍ਞਾ, ‘ਭਵਿਸ੍ਸਤੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਤ੍ਥੀ’ਤਿ, ਨ ਤਸ੍ਸ ਸਙ੍ਖਾ ‘ਅਹੋਸੀ’ਤਿ. ਯਾ ਵੇਦਨਾ…ਪੇ… ਯਾ ਸਞ੍ਞਾ… ਯੇ ਸਙ੍ਖਾਰਾ… ਯਂ ਵਿਞ੍ਞਾਣਂ ਅਜਾਤਂ ਅਪਾਤੁਭੂਤਂ ‘ਭਵਿਸ੍ਸਤੀ’ਤਿ ਤਸ੍ਸ ਸਙ੍ਖਾ, ‘ਭਵਿਸ੍ਸਤੀ’ਤਿ ਤਸ੍ਸ ਸਮਞ੍ਞਾ, ‘ਭਵਿਸ੍ਸਤੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਤ੍ਥੀ’ਤਿ, ਨ ਤਸ੍ਸ ਸਙ੍ਖਾ ‘ਅਹੋਸੀ’ਤਿ.

‘‘ਯਂ, ਭਿਕ੍ਖਵੇ, ਰੂਪਂ ਜਾਤਂ ਪਾਤੁਭੂਤਂ ‘ਅਤ੍ਥੀ’ਤਿ ਤਸ੍ਸ ਸਙ੍ਖਾ, ‘ਅਤ੍ਥੀ’ਤਿ ਤਸ੍ਸ ਸਮਞ੍ਞਾ, ‘ਅਤ੍ਥੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਹੋਸੀ’ਤਿ, ਨ ਤਸ੍ਸ ਸਙ੍ਖਾ ‘ਭਵਿਸ੍ਸਤੀ’ਤਿ. ਯਾ ਵੇਦਨਾ…ਪੇ… ਯਾ ਸਞ੍ਞਾ… ਯੇ ਸਙ੍ਖਾਰਾ… ਯਂ ਵਿਞ੍ਞਾਣਂ ਜਾਤਂ ਪਾਤੁਭੂਤਂ ‘ਅਤ੍ਥੀ’ਤਿ ਤਸ੍ਸ ਸਙ੍ਖਾ, ‘ਅਤ੍ਥੀ’ਤਿ ਤਸ੍ਸ ਸਮਞ੍ਞਾ, ‘ਅਤ੍ਥੀ’ਤਿ ਤਸ੍ਸ ਪਞ੍ਞਤ੍ਤਿ; ਨ ਤਸ੍ਸ ਸਙ੍ਖਾ ‘ਅਹੋਸੀ’ਤਿ, ਨ ¶ ਤਸ੍ਸ ਸਙ੍ਖਾ ‘ਭਵਿਸ੍ਸਤੀ’ਤਿ. ਇਮੇ ਖੋ, ਭਿਕ੍ਖਵੇ, ਤਯੋ ਨਿਰੁਤ੍ਤਿਪਥਾ ਅਧਿਵਚਨਪਥਾ ਪਞ੍ਞਤ੍ਤਿਪਥਾ ਅਸਙ੍ਕਿਣ੍ਣਾ ਅਸਙ੍ਕਿਣ੍ਣਪੁਬ੍ਬਾ ਨ ਸਙ੍ਕਿਯਨ੍ਤਿ ਨ ਸਙ੍ਕਿਯਿਸ੍ਸਨ੍ਤਿ ਅਪ੍ਪਟਿਕੁਟ੍ਠਾ ਸਮਣੇਹਿ ਬ੍ਰਾਹ੍ਮਣੇਹਿ ਵਿਞ੍ਞੂਹਿ.

‘‘ਯੇਪਿ ਤੇ, ਭਿਕ੍ਖਵੇ, ਅਹੇਸੁਂ ਉਕ੍ਕਲਾ ਵਸ੍ਸਭਞ੍ਞਾ ਅਹੇਤੁਕਵਾਦਾ ਅਕਿਰਿਯਵਾਦਾ ਨਤ੍ਥਿਕਵਾਦਾ, ਤੇਪਿਮੇ ਤਯੋ ਨਿਰੁਤ੍ਤਿਪਥੇ ਅਧਿਵਚਨਪਥੇ ਪਞ੍ਞਤ੍ਤਿਪਥੇ ਨ ਗਰਹਿਤਬ੍ਬਂ ਨ ਪਟਿਕ੍ਕੋਸਿਤਬ੍ਬਂ ਅਮਞ੍ਞਿਂਸੁ. ਤਂ ਕਿਸ੍ਸ ਹੇਤੁ? ਨਿਨ੍ਦਾਬ੍ਯਾਰੋਸਉਪਾਰਮ੍ਭਭਯਾ’’ਤਿ [ਸਂਯੁਤ੍ਤਨਿਕਾਯੇ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤੀਤਂ ਅਤ੍ਥਿ, ਅਨਾਗਤਂ ਅਤ੍ਥੀ’’ਤਿ.

ਅਤੀਤਂ ¶ ਅਤ੍ਥੀਤਿ? ਆਮਨ੍ਤਾ. ਨਨੁ ਆਯਸ੍ਮਾ ਫਗ੍ਗੁਨੋ ਭਗਵਨ੍ਤਂ ਏਤਦਵੋਚ – ‘‘ਅਤ੍ਥਿ ਨੁ ਖੋ ਤਂ, ਭਨ੍ਤੇ, ਚਕ੍ਖੁਂ ਯੇਨ ਚਕ੍ਖੁਨਾ ਅਤੀਤੇ ਬੁਦ੍ਧੇ ਪਰਿਨਿਬ੍ਬੁਤੇ ਛਿਨ੍ਨਪਪਞ੍ਚੇ ਛਿਨ੍ਨਵਟੁਮੇ ਪਰਿਯਾਦਿਨ੍ਨਵਟ੍ਟੇ ਸਬ੍ਬਦੁਕ੍ਖਵੀਤਿਵਤ੍ਤੇ ਪਞ੍ਞਾਪਯਮਾਨੋ ਪਞ੍ਞਾਪੇਯ੍ਯਾਤਿ. ਅਤ੍ਥਿ ਨੁ ਖੋ ਸਾ, ਭਨ੍ਤੇ, ਜਿਵ੍ਹਾ…ਪੇ… ਅਤ੍ਥਿ ਨੁ ਖੋ ਸੋ, ਭਨ੍ਤੇ, ਮਨੋ ਯੇਨ ਮਨੇਨ ਅਤੀਤੇ ਬੁਦ੍ਧੇ ਪਰਿਨਿਬ੍ਬੁਤੇ ਛਿਨ੍ਨਪਪਞ੍ਚੇ ਛਿਨ੍ਨਵਟੁਮੇ ਪਰਿਯਾਦਿਨ੍ਨਵਟ੍ਟੇ ਸਬ੍ਬਦੁਕ੍ਖਵੀਤਿਵਤ੍ਤੇ ਪਞ੍ਞਾਪਯਮਾਨੋ ਪਞ੍ਞਾਪੇਯ੍ਯਾ’’ਤਿ.

‘‘ਨਤ੍ਥਿ ¶ ਖੋ ਤਂ, ਫਗ੍ਗੁਨ, ਚਕ੍ਖੁਂ ਯੇਨ ਚਕ੍ਖੁਨਾ ਅਤੀਤੇ ਬੁਦ੍ਧੇ ਪਰਿਨਿਬ੍ਬੁਤੇ ਛਿਨ੍ਨਪਪਞ੍ਚੇ ਛਿਨ੍ਨਵਟੁਮੇ ਪਰਿਯਾਦਿਨ੍ਨਵਟ੍ਟੇ ਸਬ੍ਬਦੁਕ੍ਖਵੀਤਿਵਤ੍ਤੇ ਪਞ੍ਞਾਪਯਮਾਨੋ ਪਞ੍ਞਾਪੇਯ੍ਯ. ਨਤ੍ਥਿ ਖੋ ਸਾ, ਫਗ੍ਗੁਨ, ਜਿਵ੍ਹਾ…ਪੇ… ਨਤ੍ਥਿ ਨੁ ਖੋ ਸੋ, ਫਗ੍ਗੁਨ, ਮਨੋ ਯੇਨ ਮਨੇਨ ਅਤੀਤੇ ਬੁਦ੍ਧੇ ਪਰਿਨਿਬ੍ਬੁਤੇ ਛਿਨ੍ਨਪਪਞ੍ਚੇ ਛਿਨ੍ਨਵਟੁਮੇ ¶ ਪਰਿਯਾਦਿਨ੍ਨਵਟ੍ਟੇ ਸਬ੍ਬਦੁਕ੍ਖਵੀਤਿਵਤ੍ਤੇ ਪਞ੍ਞਾਪਯਮਾਨੋ ਪਞ੍ਞਾਪੇਯ੍ਯਾ’’ਤਿ ¶ [ਸਂ. ਨਿ. ੪.੮੩]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤੀਤਂ ਅਤ੍ਥੀ’’ਤਿ.

ਅਤੀਤਂ ਅਤ੍ਥੀਤਿ? ਆਮਨ੍ਤਾ. ਨਨੁ ਆਯਸ੍ਮਾ ਨਨ੍ਦਕੋ ਏਤਦਵੋਚ – ‘‘ਅਹੁ ਪੁਬ੍ਬੇ ਲੋਭੋ ਤਦਹੁ ਅਕੁਸਲਂ, ਸੋ ਏਤਰਹਿ ਨਤ੍ਥਿ, ਇਚ੍ਚੇਤਂ ਕੁਸਲਂ. ਅਹੁ ਪੁਬ੍ਬੇ ਦੋਸੋ… ਅਹੁ ਪੁਬ੍ਬੇ ਮੋਹੋ, ਤਦਹੁ ਅਕੁਸਲਂ, ਸੋ ਏਤਰਹਿ ਨਤ੍ਥਿ, ਇਚ੍ਚੇਤਂ ਕੁਸਲ’’ਨ੍ਤਿ [ਅਙ੍ਗੁਤ੍ਤਰਨਿਕਾਯੇ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤੀਤਂ ਅਤ੍ਥੀ’’ਤਿ.

ਨ ਵਤ੍ਤਬ੍ਬਂ – ‘‘ਅਨਾਗਤਂ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਕਬਲ਼ੀਕਾਰੇ ਚੇ, ਭਿਕ੍ਖਵੇ, ਆਹਾਰੇ ਅਤ੍ਥਿ ਰਾਗੋ, ਅਤ੍ਥਿ ਨਨ੍ਦੀ, ਅਤ੍ਥਿ ਤਣ੍ਹਾ; ਪਤਿਟ੍ਠਿਤਂ ਤਤ੍ਥ ਵਿਞ੍ਞਾਣਂ ਵਿਰੂਲ਼੍ਹਂ. ਯਤ੍ਥ ਪਤਿਟ੍ਠਿਤਂ ਵਿਞ੍ਞਾਣਂ ਵਿਰੂਲ਼੍ਹਂ, ਅਤ੍ਥਿ ਤਤ੍ਥ ਨਾਮਰੂਪਸ੍ਸ ਅਵਕ੍ਕਨ੍ਤਿ. ਯਤ੍ਥ ਅਤ੍ਥਿ ਨਾਮਰੂਪਸ੍ਸ ¶ ਅਵਕ੍ਕਨ੍ਤਿ, ਅਤ੍ਥਿ ਤਤ੍ਥ ਸਙ੍ਖਾਰਾਨਂ ਵੁਦ੍ਧਿ. ਯਤ੍ਥ ਅਤ੍ਥਿ ਸਙ੍ਖਾਰਾਨਂ ਵੁਦ੍ਧਿ, ਅਤ੍ਥਿ ਤਤ੍ਥ ਆਯਤਿਂ ਪੁਨਬ੍ਭਵਾਭਿਨਿਬ੍ਬਤ੍ਤਿ. ਯਤ੍ਥ ਅਤ੍ਥਿ ਆਯਤਿਂ ਪੁਨਬ੍ਭਵਾਭਿਨਿਬ੍ਬਤ੍ਤਿ, ਅਤ੍ਥਿ ਤਤ੍ਥ ਆਯਤਿਂ ਜਾਤਿਜਰਾਮਰਣਂ. ਯਤ੍ਥ ਅਤ੍ਥਿ ਆਯਤਿਂ ਜਾਤਿਜਰਾਮਰਣਂ, ਸਸੋਕਂ ਤਂ, ਭਿਕ੍ਖਵੇ, ਸਰਜਂ [ਸਦਰਂ (ਸਂ. ਨਿ. ੨.੬੪) ਤਦੇਵ ਯੁਤ੍ਤਤਰਂ] ਸਉਪਾਯਾਸਨ੍ਤਿ ਵਦਾਮਿ.

‘‘ਫਸ੍ਸੇ ਚੇ, ਭਿਕ੍ਖਵੇ, ਆਹਾਰੇ… ਮਨੋਸਞ੍ਚੇਤਨਾਯ ਚੇ, ਭਿਕ੍ਖਵੇ, ਆਹਾਰੇ… ਵਿਞ੍ਞਾਣੇ ਚੇ, ਭਿਕ੍ਖਵੇ, ਆਹਾਰੇ ਅਤ੍ਥਿ ਰਾਗੋ, ਅਤ੍ਥਿ ਨਨ੍ਦੀ…ਪੇ… ਸਰਜਂ ਸਉਪਾਯਾਸਨ੍ਤਿ ਵਦਾਮੀ’’ਤਿ [ਸਂ. ਨਿ. ੨.੬੪]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ ¶ . ਤੇਨ ਹਿ ਅਨਾਗਤਂ ਅਤ੍ਥੀਤਿ.

ਅਨਾਗਤਂ ਅਤ੍ਥੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਕਬਲ਼ੀਕਾਰੇ ਚੇ, ਭਿਕ੍ਖਵੇ, ਆਹਾਰੇ ਨਤ੍ਥਿ ਰਾਗੋ, ਨਤ੍ਥਿ ਨਨ੍ਦੀ, ਨਤ੍ਥਿ ਤਣ੍ਹਾ; ਅਪ੍ਪਤਿਟ੍ਠਿਤਂ ਤਤ੍ਥ ਵਿਞ੍ਞਾਣਂ ਅਵਿਰੂਲ਼੍ਹਂ. ਯਤ੍ਥ ਵਿਞ੍ਞਾਣਂ ਅਪ੍ਪਤਿਟ੍ਠਿਤਂ ਅਵਿਰੂਲ਼੍ਹਂ, ਨਤ੍ਥਿ ਤਤ੍ਥ ਨਾਮਰੂਪਸ੍ਸ ਅਵਕ੍ਕਨ੍ਤਿ. ਯਤ੍ਥ ਨਤ੍ਥਿ ਨਾਮਰੂਪਸ੍ਸ ਅਵਕ੍ਕਨ੍ਤਿ, ਨਤ੍ਥਿ ਤਤ੍ਥ ਸਙ੍ਖਾਰਾਨਂ ਵੁਦ੍ਧਿ. ਯਤ੍ਥ ਨਤ੍ਥਿ ਸਙ੍ਖਾਰਾਨਂ ਵੁਦ੍ਧਿ, ਨਤ੍ਥਿ ਤਤ੍ਥ ਆਯਤਿਂ ਪੁਨਬ੍ਭਵਾਭਿਨਿਬ੍ਬਤ੍ਤਿ. ਯਤ੍ਥ ¶ ਨਤ੍ਥਿ ਆਯਤਿਂ ਪੁਨਬ੍ਭਵਾਭਿਨਿਬ੍ਬਤ੍ਤਿ, ਨਤ੍ਥਿ ਤਤ੍ਥ ਆਯਤਿਂ ਜਾਤਿਜਰਾਮਰਣਂ. ਯਤ੍ਥ ਨਤ੍ਥਿ ਆਯਤਿਂ ਜਾਤਿਜਰਾਮਰਣਂ, ਅਸੋਕਂ ਤਂ, ਭਿਕ੍ਖਵੇ, ਅਰਜਂ ਅਨੁਪਾਯਾਸਨ੍ਤਿ ਵਦਾਮਿ.

‘‘ਫਸ੍ਸੇ ¶ ਚੇ, ਭਿਕ੍ਖਵੇ, ਆਹਾਰੇ… ਮਨੋਸਞ੍ਚੇਤਨਾਯ ਚੇ, ਭਿਕ੍ਖਵੇ, ਆਹਾਰੇ… ਵਿਞ੍ਞਾਣੇ ਚੇ, ਭਿਕ੍ਖਵੇ, ਆਹਾਰੇ ਨਤ੍ਥਿ ਰਾਗੋ, ਨਤ੍ਥਿ ਨਨ੍ਦੀ…ਪੇ… ਅਰਜਂ ਅਨੁਪਾਯਾਸਨ੍ਤਿ ਵਦਾਮੀ’’ਤਿ [ਸਂ. ਨਿ. ੨.੬੪]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਨਾਗਤਂ ਅਤ੍ਥੀ’’ਤਿ.

ਸਬ੍ਬਮਤ੍ਥੀਤਿਕਥਾ ਨਿਟ੍ਠਿਤਾ.

੬. ਅਤੀਤਕ੍ਖਨ੍ਧਾਦਿਕਥਾ

੧. ਨਸੁਤ੍ਤਸਾਧਨਂ

੨੯੭. ਅਤੀਤਂ ਖਨ੍ਧਾਤਿ? ਆਮਨ੍ਤਾ. ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ¶ ਆਯਤਨਨ੍ਤਿ? ਆਮਨ੍ਤਾ. ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਧਾਤੂਤਿ? ਆਮਨ੍ਤਾ. ਅਤੀਤਂ ਅਤ੍ਥੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਖਨ੍ਧਾ ਧਾਤੁ ਆਯਤਨਨ੍ਤਿ [ਖਨ੍ਧਧਾਤੁਆਯਤਨਨ੍ਤਿ (ਸ੍ਯਾ.)]? ਆਮਨ੍ਤਾ. ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਖਨ੍ਧਾਤਿ? ਆਮਨ੍ਤਾ. ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਆਯਤਨਨ੍ਤਿ? ਆਮਨ੍ਤਾ. ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਧਾਤੂਤਿ? ਆਮਨ੍ਤਾ. ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਖਨ੍ਧਾ ਧਾਤੁ ਆਯਤਨਨ੍ਤਿ? ਆਮਨ੍ਤਾ. ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਖਨ੍ਧਾ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਖਨ੍ਧਾ ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਆਯਤਨਂ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਆਯਤਨਂ ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਧਾਤੁ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ¶ ਧਾਤੁ ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ¶ ਖਨ੍ਧਾ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਖਨ੍ਧਾ ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਆਯਤਨਂ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਆਯਤਨਂ ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਧਾਤੁ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਧਾਤੁ ਅਨਾਗਤਂ ਅਤ੍ਥੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਖਨ੍ਧਾ ਅਤੀਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਖਨ੍ਧਾ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਆਯਤਨਂ ਅਤੀਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਆਯਤਨਂ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਧਾਤੁ ਅਤੀਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਧਾਤੁ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ¶ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਖਨ੍ਧਾ ਅਨਾਗਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਖਨ੍ਧਾ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਆਯਤਨਂ…ਪੇ… ਅਨਾਗਤਂ ਧਾਤੁ…ਪੇ… ਅਨਾਗਤਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਰੂਪਂ ਖਨ੍ਧੋਤਿ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਰੂਪਂ ਆਯਤਨਨ੍ਤਿ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਰੂਪਂ ਧਾਤੂਤਿ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਰੂਪਂ ਖਨ੍ਧਾ ਧਾਤੁ ਆਯਤਨਨ੍ਤਿ ¶ ? ਆਮਨ੍ਤਾ. ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਰੂਪਂ ਖਨ੍ਧੋਤਿ? ਆਮਨ੍ਤਾ. ਅਨਾਗਤਂ ¶ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਰੂਪਂ ਆਯਤਨਂ…ਪੇ… ਅਨਾਗਤਂ ਰੂਪਂ ਧਾਤੁ…ਪੇ… ਅਨਾਗਤਂ ਰੂਪਂ ਖਨ੍ਧਾ ਧਾਤੁ ਆਯਤਨਨ੍ਤਿ? ਆਮਨ੍ਤਾ. ਅਨਾਗਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਰੂਪਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਰੂਪਂ ਖਨ੍ਧੋ ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਆਯਤਨਂ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਧਾਤੁ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਰੂਪਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਰੂਪਂ ਖਨ੍ਧੋ ਅਨਾਗਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਆਯਤਨਂ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਧਾਤੁ…ਪੇ… ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਰੂਪਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਰੂਪਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ¶ ਰੂਪਂ ਖਨ੍ਧੋ ਅਤੀਤਂ ਰੂਪਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਰੂਪਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ¶ ਰੂਪਂ ਆਯਤਨਂ…ਪੇ… ਅਤੀਤਂ ਰੂਪਂ ਧਾਤੁ…ਪੇ… ਅਤੀਤਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਰੂਪਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਰੂਪਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਰੂਪਂ ਖਨ੍ਧੋ ਅਨਾਗਤਂ ਰੂਪਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਰੂਪਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਰੂਪਂ ਆਯਤਨਂ…ਪੇ… ਅਨਾਗਤਂ ਰੂਪਂ ਧਾਤੁ…ਪੇ… ਅਨਾਗਤਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਰੂਪਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਰੂਪਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਰੂਪਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਵੇਦਨਾ… ਅਤੀਤਾ ਸਞ੍ਞਾ… ਅਤੀਤਾ ਸਙ੍ਖਾਰਾ… ਅਤੀਤਂ ਵਿਞ੍ਞਾਣਂ ਖਨ੍ਧੋਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਵਿਞ੍ਞਾਣਂ ਆਯਤਨਂ ¶ …ਪੇ… ਅਤੀਤਂ ਵਿਞ੍ਞਾਣਂ ਧਾਤੁ…ਪੇ… ਅਤੀਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਨ੍ਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਵਿਞ੍ਞਾਣਂ ਖਨ੍ਧੋਤਿ? ਆਮਨ੍ਤਾ. ਅਨਾਗਤਂ ¶ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਵਿਞ੍ਞਾਣਂ ਆਯਤਨਂ…ਪੇ… ਅਨਾਗਤਂ ਵਿਞ੍ਞਾਣਂ ਧਾਤੁ…ਪੇ… ਅਨਾਗਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਨ੍ਤਿ? ਆਮਨ੍ਤਾ. ਅਨਾਗਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਵਿਞ੍ਞਾਣਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਖਨ੍ਧੋ ਅਤੀਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਆਯਤਨਂ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਧਾਤੁ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਅਤੀਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਵਿਞ੍ਞਾਣਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਵਿਞ੍ਞਾਣਂ ਖਨ੍ਧੋ ਅਨਾਗਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਆਯਤਨਂ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਧਾਤੁ…ਪੇ… ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਅਤ੍ਥੀਤਿ? ਆਮਨ੍ਤਾ. ਅਨਾਗਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਵਿਞ੍ਞਾਣਂ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਵਿਞ੍ਞਾਣਂ ਖਨ੍ਧੋ ਅਤੀਤਂ ਵਿਞ੍ਞਾਣਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਨਤ੍ਥੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਵਿਞ੍ਞਾਣਂ ਆਯਤਨਂ…ਪੇ… ਅਤੀਤਂ ਵਿਞ੍ਞਾਣਂ ਧਾਤੁ…ਪੇ… ਅਤੀਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਅਤੀਤਂ ਵਿਞ੍ਞਾਣਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ¶ ਵਿਞ੍ਞਾਣਂ ਖਨ੍ਧੋ ਅਨਾਗਤਂ ਵਿਞ੍ਞਾਣਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧੋ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ਵਿਞ੍ਞਾਣਂ ਆਯਤਨਂ…ਪੇ… ਅਨਾਗਤਂ ਵਿਞ੍ਞਾਣਂ ਧਾਤੁ…ਪੇ… ਅਨਾਗਤਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਅਨਾਗਤਂ ਵਿਞ੍ਞਾਣਂ ਨਤ੍ਥੀਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਖਨ੍ਧਾ ਧਾਤੁ ਆਯਤਨਂ ਪਚ੍ਚੁਪ੍ਪਨ੍ਨਂ ਵਿਞ੍ਞਾਣਂ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨. ਸੁਤ੍ਤਸਾਧਨਂ

੨੯੮. ਨ ਵਤ੍ਤਬ੍ਬਂ – ‘‘ਅਤੀਤਾਨਾਗਤਾ ਖਨ੍ਧਾ ਧਾਤੁ ਆਯਤਨਂ ਨਤ੍ਥਿ ਚੇਤੇ’’ਤਿ? ਆਮਨ੍ਤਾ ¶ . ਨਨੁ ਵੁਤ੍ਤਂ ਭਗਵਤਾ – ‘‘ਤਯੋਮੇ, ਭਿਕ੍ਖਵੇ, ਨਿਰੁਤ੍ਤਿਪਥਾ ਅਧਿਵਚਨਪਥਾ ਪਞ੍ਞਤ੍ਤਿ…ਪੇ… ਵਿਞ੍ਞੂਹੀਤਿ…ਪੇ…’’. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤੀਤਾਨਾਗਤਾ ਖਨ੍ਧਾ ਧਾਤੁ ਆਯਤਨਂ ਨਤ੍ਥਿ ਚੇਤੇ’’ਤਿ.

ਅਤੀਤਾਨਾਗਤਾ ਖਨ੍ਧਾ ਧਾਤੁ ਆਯਤਨਂ ਨਤ੍ਥਿ ਚੇਤੇਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਂ ਕਿਞ੍ਚਿ, ਭਿਕ੍ਖਵੇ, ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ¶ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ, ਅਯਂ ਵੁਚ੍ਚਤਿ ਰੂਪਕ੍ਖਨ੍ਧੋ. ਯਾ ਕਾਚਿ ਵੇਦਨਾ… ਯਾ ਕਾਚਿ ਸਞ੍ਞਾ… ਯੇ ਕੇਚਿ ਸਙ੍ਖਾਰਾ… ਯਂ ਕਿਞ੍ਚਿ ਵਿਞ੍ਞਾਣਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ…ਪੇ… ਅਯਂ ਵੁਚ੍ਚਤਿ ਵਿਞ੍ਞਾਣਕ੍ਖਨ੍ਧੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤੀਤਾਨਾਗਤਾ ਖਨ੍ਧਾ ਧਾਤੁ ਆਯਤਨਂ ਨਤ੍ਥਿ ਚੇਤੇ’’ਤਿ.

ਅਤੀਤਕ੍ਖਨ੍ਧਾਦਿਕਥਾ ਨਿਟ੍ਠਿਤਾ.

੭. ਏਕਚ੍ਚਂ ਅਤ੍ਥੀਤਿਕਥਾ

੧. ਅਤੀਤਾਦਿਏਕਚ੍ਚਕਥਾ

੨੯੯. ਅਤੀਤਂ ¶ ¶ ਅਤ੍ਥੀਤਿ? ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ. ਏਕਚ੍ਚਂ ਨਿਰੁਦ੍ਧਂ, ਏਕਚ੍ਚਂ ਨ ਨਿਰੁਦ੍ਧਂ; ਏਕਚ੍ਚਂ ਵਿਗਤਂ, ਏਕਚ੍ਚਂ ਅਵਿਗਤਂ; ਏਕਚ੍ਚਂ ਅਤ੍ਥਙ੍ਗਤਂ, ਏਕਚ੍ਚਂ ਨ ਅਤ੍ਥਙ੍ਗਤਂ; ਏਕਚ੍ਚਂ ਅਬ੍ਭਤ੍ਥਙ੍ਗਤਂ, ਏਕਚ੍ਚਂ ਨ ਅਬ੍ਭਤ੍ਥਙ੍ਗਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਏਕਚ੍ਚੇ ਅਤ੍ਥਿ, ਏਕਚ੍ਚੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ ਏਕਚ੍ਚੇ ਅਤ੍ਥਿ, ਏਕਚ੍ਚੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਂ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਾਕਾ ਧਮ੍ਮਾ ਏਕਚ੍ਚੇ ਅਤ੍ਥਿ ਏਕਚ੍ਚੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਂ ¶ ਏਕਚ੍ਚਂ ਅਤ੍ਥਿ ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਕਿਂ ਅਤ੍ਥਿ ਕਿਂ ਨਤ੍ਥੀਤਿ? ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥਿ; ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਨਤ੍ਥੀਤਿ. ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀਤਿ? ਆਮਨ੍ਤਾ ¶ . ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਾਕਾ ਧਮ੍ਮਾ – ਤੇ ਅਤ੍ਥੀਤਿ [ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਤੇ ਨਤ੍ਥੀਤਿ (ਕ.)]? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ….

ਅਤੀਤਾ ਅਵਿਪਾਕਾ [ਵਿਪਕ੍ਕਵਿਪਾਕਾ (ਸ੍ਯਾ.), ਅਵਿਪਕ੍ਕਵਿਪਾਕਾ (ਕ.)] ਧਮ੍ਮਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਕ੍ਕਵਿਪਾਕਾ [ਅਵਿਪਾਕਾ (ਸ੍ਯਾ.)] ਧਮ੍ਮਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀਤਿ? ਆਮਨ੍ਤਾ. ਨਨੁ ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾਤਿ? ਆਮਨ੍ਤਾ. ਹਞ੍ਚਿ ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ [ਧਮ੍ਮਾ ਨਿਰੁਦ੍ਧਾ ਤੇ (ਸ੍ਯਾ. ਕ.)] ਅਤ੍ਥੀ’’ਤਿ.

ਅਤੀਤਾ ¶ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਅਤ੍ਥੀਤਿ? ਆਮਨ੍ਤਾ. ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਅਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਾਕਾ [ਅਵਿਪਕ੍ਕਵਿਪਾਕਾ (ਸੀ. ਕ.)] ਧਮ੍ਮਾ ਨਿਰੁਦ੍ਧਾ – ਤੇ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਅਵਿਪਾਕਾ [ਵਿਪਕ੍ਕਵਿਪਾਕਾ (ਸ੍ਯਾ.), ਅਵਿਪਕ੍ਕਵਿਪਾਕਾ (ਕ.)] ਧਮ੍ਮਾ ਨਿਰੁਦ੍ਧਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਅਵਿਪਕ੍ਕਵਿਪਾਕਾ ¶ [ਅਵਿਪਾਕਾ (ਸ੍ਯਾ.)] ਧਮ੍ਮਾ ਨਿਰੁਦ੍ਧਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਅਤ੍ਥੀਤਿ? ਆਮਨ੍ਤਾ ¶ . ਅਤੀਤਾ ਵਿਪਕ੍ਕਵਿਪਾਕਾ ¶ ਧਮ੍ਮਾ ਨਿਰੁਦ੍ਧਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਤੀਤਾ ਏਕਦੇਸਂ ਵਿਪਕ੍ਕਵਿਪਾਕਾ ਧਮ੍ਮਾ ਏਕਦੇਸਂ ਅਵਿਪਕ੍ਕਵਿਪਾਕਾ ਧਮ੍ਮਾ ਨਿਰੁਦ੍ਧਾ – ਤੇ ਏਕਚ੍ਚੇ ਅਤ੍ਥਿ ਏਕਚ੍ਚੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਵਿਪਚ੍ਚਿਸ੍ਸਨ੍ਤੀਤਿ? ਆਮਨ੍ਤਾ. ਹਞ੍ਚਿ ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਵਿਪਚ੍ਚਿਸ੍ਸਨ੍ਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ – ਤੇ ਅਤ੍ਥੀ’’ਤਿ.

ਅਤੀਤਾ ਅਵਿਪਕ੍ਕਵਿਪਾਕਾ ਧਮ੍ਮਾ ਵਿਪਚ੍ਚਿਸ੍ਸਨ੍ਤੀਤਿ ਕਤ੍ਵਾ ਤੇ ਅਤ੍ਥੀਤਿ? ਆਮਨ੍ਤਾ. ਵਿਪਚ੍ਚਿਸ੍ਸਨ੍ਤੀਤਿ ਕਤ੍ਵਾ ਪਚ੍ਚੁਪ੍ਪਨ੍ਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਵਿਪਚ੍ਚਿਸ੍ਸਨ੍ਤੀਤਿ ਕਤ੍ਵਾ ਪਚ੍ਚੁਪ੍ਪਨ੍ਨਾਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾ ਧਮ੍ਮਾ ਨਿਰੁਜ੍ਝਿਸ੍ਸਨ੍ਤੀਤਿ ਕਤ੍ਵਾ ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੨. ਅਨਾਗਤਾਦਿਏਕਚ੍ਚਕਥਾ

੩੦੦. ਅਨਾਗਤਂ ਅਤ੍ਥੀਤਿ? ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ. ਏਕਚ੍ਚਂ ਜਾਤਂ, ਏਕਚ੍ਚਂ ਅਜਾਤਂ; ਏਕਚ੍ਚਂ ਸਞ੍ਜਾਤਂ, ਏਕਚ੍ਚਂ ਅਸਞ੍ਜਾਤਂ; ਏਕਚ੍ਚਂ ਨਿਬ੍ਬਤ੍ਤਂ, ਏਕਚ੍ਚਂ ਅਨਿਬ੍ਬਤ੍ਤਂ; ਏਕਚ੍ਚਂ ਪਾਤੁਭੂਤਂ, ਏਕਚ੍ਚਂ ਅਪਾਤੁਭੂਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਅਨਾਗਤਾ ¶ ਉਪ੍ਪਾਦਿਨੋ ਧਮ੍ਮਾ ਏਕਚ੍ਚੇ ਅਤ੍ਥਿ, ਏਕਚ੍ਚੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਂ ¶ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ ਏਕਚ੍ਚੇ ਅਤ੍ਥਿ, ਏਕਚ੍ਚੇ ਨਤ੍ਥੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਏਕਚ੍ਚਂ ਅਤ੍ਥਿ, ਏਕਚ੍ਚਂ ਨਤ੍ਥੀਤਿ? ਆਮਨ੍ਤਾ. ਕਿਂ ਅਤ੍ਥਿ, ਕਿਂ ਨਤ੍ਥੀਤਿ? ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥਿ; ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ – ਤੇ ਨਤ੍ਥੀਤਿ. ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀਤਿ? ਆਮਨ੍ਤਾ. ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀਤਿ? ਆਮਨ੍ਤਾ. ਨਨੁ ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਅਜਾਤਾਤਿ? ਆਮਨ੍ਤਾ. ਹਞ੍ਚਿ ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਅਜਾਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀ’’ਤਿ.

ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਅਜਾਤਾ – ਤੇ ਅਤ੍ਥੀਤਿ? ਆਮਨ੍ਤਾ. ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ ਅਜਾਤਾ – ਤੇ ਅਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਗਤਾ ਅਨੁਪ੍ਪਾਦਿਨੋ ਧਮ੍ਮਾ ਅਜਾਤਾ – ਤੇ ਨਤ੍ਥੀਤਿ? ਆਮਨ੍ਤਾ. ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਅਜਾਤਾ – ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਉਪ੍ਪਜ੍ਜਿਸ੍ਸਨ੍ਤੀਤਿ? ਆਮਨ੍ਤਾ ¶ . ਹਞ੍ਚਿ ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਉਪ੍ਪਜ੍ਜਿਸ੍ਸਨ੍ਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ – ਤੇ ਅਤ੍ਥੀ’’ਤਿ.

ਅਨਾਗਤਾ ਉਪ੍ਪਾਦਿਨੋ ਧਮ੍ਮਾ ਉਪ੍ਪਜ੍ਜਿਸ੍ਸਨ੍ਤੀਤਿ ਕਤ੍ਵਾ ਤੇ ਅਤ੍ਥੀਤਿ? ਆਮਨ੍ਤਾ. ਉਪ੍ਪਜ੍ਜਿਸ੍ਸਨ੍ਤੀਤਿ ¶ ਕਤ੍ਵਾ ਪਚ੍ਚੁਪ੍ਪਨ੍ਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਉਪ੍ਪਜ੍ਜਿਸ੍ਸਨ੍ਤੀਤਿ ਕਤ੍ਵਾ ਪਚ੍ਚੁਪ੍ਪਨ੍ਨਾਤਿ? ਆਮਨ੍ਤਾ. ਪਚ੍ਚੁਪ੍ਪਨ੍ਨਾ ਧਮ੍ਮਾ ਨਿਰੁਜ੍ਝਿਸ੍ਸਨ੍ਤੀਤਿ ਕਤ੍ਵਾ ਤੇ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਚ੍ਚਂ ਅਤ੍ਥੀਤਿਕਥਾ ਨਿਟ੍ਠਿਤਾ.

੮. ਸਤਿਪਟ੍ਠਾਨਕਥਾ

੩੦੧. ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਸਬ੍ਬੇ ਧਮ੍ਮਾ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਏਕਾਯਨਮਗ੍ਗੋ ਖਯਗਾਮੀ ਬੋਧਗਾਮੀ ¶ ਅਪਚਯਗਾਮੀ ਅਨਾਸਵਾ ਅਸਂਯੋਜਨਿਯਾ ¶ ਅਗਨ੍ਥਨਿਯਾ ਅਨੋਘਨਿਯਾ ਅਯੋਗਨਿਯਾ ਅਨੀਵਰਣਿਯਾ ਅਪਰਾਮਟ੍ਠਾ ਅਨੁਪਾਦਾਨਿਯਾ ਅਸਂਕਿਲੇਸਿਕਾ, ਸਬ੍ਬੇ ਧਮ੍ਮਾ ਬੁਦ੍ਧਾਨੁਸ੍ਸਤਿ ਧਮ੍ਮਾਨੁਸ੍ਸਤਿ ਸਙ੍ਘਾਨੁਸ੍ਸਤਿ ਸੀਲਾਨੁਸ੍ਸਤਿ ਚਾਗਾਨੁਸ੍ਸਤਿ ਦੇਵਤਾਨੁਸ੍ਸਤਿ ਆਨਾਪਾਨਸ੍ਸਤਿ ਮਰਣਾਨੁਸ੍ਸਤਿ ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਚਕ੍ਖਾਯਤਨਂ ਸਤਿਪਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਕ੍ਖਾਯਤਨਂ ਸਤਿਪਟ੍ਠਾਨਨ੍ਤਿ ¶ ? ਆਮਨ੍ਤਾ. ਚਕ੍ਖਾਯਤਨਂ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ ਸਤਿਸਮ੍ਬੋਜ੍ਝਙ੍ਗੋ ਏਕਾਯਨਮਗ੍ਗੋ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵਂ ਅਸਂਯੋਜਨਿਯਂ…ਪੇ… ਅਸਂਕਿਲੇਸਿਕਂ, ਚਕ੍ਖਾਯਤਨਂ ਬੁਦ੍ਧਾਨੁਸ੍ਸਤਿ ਧਮ੍ਮਾਨੁਸ੍ਸਤਿ ਸਙ੍ਘਾਨੁਸ੍ਸਤਿ ਸੀਲਾਨੁਸ੍ਸਤਿ ਚਾਗਾਨੁਸ੍ਸਤਿ ਦੇਵਤਾਨੁਸ੍ਸਤਿ ਆਨਾਪਾਨਸ੍ਸਤਿ ਮਰਣਾਨੁਸ੍ਸਤਿ ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਸੋਤਾਯਤਨਂ… ਘਾਨਾਯਤਨਂ… ਜਿਵ੍ਹਾਯਤਨਂ… ਕਾਯਾਯਤਨਂ… ਰੂਪਾਯਤਨਂ… ਸਦ੍ਦਾਯਤਨਂ… ਗਨ੍ਧਾਯਤਨਂ… ਰਸਾਯਤਨਂ… ਫੋਟ੍ਠਬ੍ਬਾਯਤਨਂ… ਰਾਗੋ… ਦੋਸੋ… ਮੋਹੋ… ਮਾਨੋ… ਦਿਟ੍ਠਿ… ਵਿਚਿਕਿਚ੍ਛਾ… ਥਿਨਂ… ਉਦ੍ਧਚ੍ਚਂ… ਅਹਿਰਿਕਂ… ਅਨੋਤ੍ਤਪ੍ਪਂ ਸਤਿਪਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨੋਤ੍ਤਪ੍ਪਂ ਸਤਿਪਟ੍ਠਾਨਨ੍ਤਿ? ਆਮਨ੍ਤਾ. ਅਨੋਤ੍ਤਪ੍ਪਂ ਸਤਿ ਸਤਿਨ੍ਦ੍ਰਿਯਂ ਸਤਿਬਲਂ ਸਮ੍ਮਾਸਤਿ…ਪੇ… ਕਾਯਗਤਾਸਤਿ ਉਪਸਮਾਨੁਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤਿ ਸਤਿਪਟ੍ਠਾਨਾ, ਸਾ ਚ ਸਤੀਤਿ? ਆਮਨ੍ਤਾ. ਚਕ੍ਖਾਯਤਨਂ ਸਤਿਪਟ੍ਠਾਨਂ, ਤਞ੍ਚ ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਤਿ ਸਤਿਪਟ੍ਠਾਨਾ, ਸਾ ਚ ਸਤੀਤਿ? ਆਮਨ੍ਤਾ. ਸੋਤਾਯਤਨਂ…ਪੇ… ਕਾਯਾਯਤਨਂ… ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ… ਰਾਗੋ… ਦੋਸੋ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਤਿਪਟ੍ਠਾਨਂ, ਤਞ੍ਚ ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਚਕ੍ਖਾਯਤਨਂ ਸਤਿਪਟ੍ਠਾਨਂ, ਤਞ੍ਚ ਨ ਸਤੀਤਿ? ਆਮਨ੍ਤਾ. ਸਤਿ ਸਤਿਪਟ੍ਠਾਨਾ, ਸਾ ਚ ਨ ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੋਤਾਯਤਨਂ…ਪੇ… ਕਾਯਾਯਤਨਂ… ਰੂਪਾਯਤਨਂ…ਪੇ… ਫੋਟ੍ਠਬ੍ਬਾਯਤਨਂ… ਰਾਗੋ ¶ … ਦੋਸੋ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਤਿਪਟ੍ਠਾਨਂ, ਤਞ੍ਚ ਨ ਸਤੀਤਿ? ਆਮਨ੍ਤਾ ¶ . ਸਤਿ ਸਤਿਪਟ੍ਠਾਨਾ, ਸਾ ਚ ਨ ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੦੨. ਨ ¶ ਵਤ੍ਤਬ੍ਬਂ – ‘‘ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾ’’ਤਿ? ਆਮਨ੍ਤਾ. ਨਨੁ ਸਬ੍ਬੇ ਧਮ੍ਮੇ ਆਰਬ੍ਭ ¶ ਸਤਿ ਸਨ੍ਤਿਟ੍ਠਤੀਤਿ? ਆਮਨ੍ਤਾ. ਹਞ੍ਚਿ ਸਬ੍ਬੇ ਧਮ੍ਮੇ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾ’’ਤਿ.

ਸਬ੍ਬਂ ਧਮ੍ਮਂ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਸਬ੍ਬਂ ਧਮ੍ਮਂ ਆਰਬ੍ਭ ਫਸ੍ਸੋ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਫਸ੍ਸਪਟ੍ਠਾਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਬ੍ਬਂ ਧਮ੍ਮਂ ਆਰਬ੍ਭ ਸਤਿ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਸਬ੍ਬਂ ਧਮ੍ਮਂ ਆਰਬ੍ਭ ਵੇਦਨਾ ਸਨ੍ਤਿਟ੍ਠਤਿ… ਸਞ੍ਞਾ ਸਨ੍ਤਿਟ੍ਠਤਿ… ਚੇਤਨਾ ਸਨ੍ਤਿਟ੍ਠਤਿ… ਚਿਤ੍ਤਂ ਸਨ੍ਤਿਟ੍ਠਤੀਤਿ ਸਬ੍ਬੇ ਧਮ੍ਮਾ ਚਿਤ੍ਤਪਟ੍ਠਾਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਸਬ੍ਬੇ ਸਤ੍ਤਾ ਉਪਟ੍ਠਿਤਸਤਿਨੋ ਸਤਿਯਾ ਸਮਨ੍ਨਾਗਤਾ ਸਤਿਯਾ ਸਮੋਹਿਤਾ; ਸਬ੍ਬੇਸਂ ਸਤ੍ਤਾਨਂ ਸਤਿ ਪਚ੍ਚੁਪਟ੍ਠਿਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੦੩. ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਅਮਤਂ ਤੇ, ਭਿਕ੍ਖਵੇ, ਨ ਪਰਿਭੁਞ੍ਜਨ੍ਤਿ ਯੇ ਕਾਯਗਤਾਸਤਿਂ ਨ ਪਰਿਭੁਞ੍ਜਨ੍ਤਿ. ਅਮਤਂ ਤੇ, ਭਿਕ੍ਖਵੇ, ਪਰਿਭੁਞ੍ਜਨ੍ਤਿ ਯੇ ਕਾਯਗਤਾਸਤਿਂ ਪਰਿਭੁਞ੍ਜਨ੍ਤੀ’’ਤਿ ¶ [ਅ. ਨਿ. ੧.੬੦੦]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਸਬ੍ਬੇ ਸਤ੍ਤਾ ਕਾਯਗਤਾਸਤਿਂ ਪਰਿਭੁਞ੍ਜਨ੍ਤਿ ਪਟਿਲਭਨ੍ਤਿ ਆਸੇਵਨ੍ਤਿ ਭਾਵੇਨ੍ਤਿ ਬਹੁਲੀਕਰੋਨ੍ਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਏਕਾਯਨੋ ਅਯਂ, ਭਿਕ੍ਖਵੇ, ਮਗ੍ਗੋ ਸਤ੍ਤਾਨਂ ਵਿਸੁਦ੍ਧਿਯਾ ਸੋਕਪਰਿਦੇਵਾਨਂ ਸਮਤਿਕ੍ਕਮਾਯ ਦੁਕ੍ਖਦੋਮਨਸ੍ਸਾਨਂ ਅਤ੍ਥਙ੍ਗਮਾਯ ਞਾਯਸ੍ਸ ਅਧਿਗਮਾਯ ਨਿਬ੍ਬਾਨਸ੍ਸ ਸਚ੍ਛਿਕਿਰਿਯਾਯ ਯਦਿਦਂ ਚਤ੍ਤਾਰੋ ਸਤਿਪਟ੍ਠਾਨਾ’’ਤਿ [ਦੀ. ਨਿ. ੨.੩੭੩; ਮ. ਨਿ. ੧.੧੦੬; ਸਂ. ਨਿ. ੫.੩੬੭]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ? ਸਬ੍ਬੇ ਧਮ੍ਮਾ ਏਕਾਯਨਮਗ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਰਞ੍ਞੋ, ਭਿਕ੍ਖਵੇ, ਚਕ੍ਕਵਤ੍ਤਿਸ੍ਸ ਪਾਤੁਭਾਵਾ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾਵੋ ਹੋਤਿ. ਕਤਮੇਸਂ ਸਤ੍ਤਨ੍ਨਂ? ਚਕ੍ਕਰਤਨਸ੍ਸ ਪਾਤੁਭਾਵੋ ਹੋਤਿ, ਹਤ੍ਥਿਰਤਨਸ੍ਸ ਪਾਤੁਭਾਵੋ ਹੋਤਿ, ਅਸ੍ਸਰਤਨਸ੍ਸ… ਮਣਿਰਤਨਸ੍ਸ… ਇਤ੍ਥਿਰਤਨਸ੍ਸ ¶ … ਗਹਪਤਿਰਤਨਸ੍ਸ… ਪਰਿਣਾਯਕਰਤਨਸ੍ਸ ਪਾਤੁਭਾਵੋ ਹੋਤਿ ¶ . ਰਞ੍ਞੋ, ਭਿਕ੍ਖਵੇ, ਚਕ੍ਕਵਤ੍ਤਿਸ੍ਸ ਪਾਤੁਭਾਵਾ ਇਮੇਸਂ ਸਤ੍ਤਨ੍ਨਂ ਰਤਨਾਨਂ ਪਾਤੁਭਾਵੋ ਹੋਤਿ.

‘‘ਤਥਾਗਤਸ੍ਸ, ਭਿਕ੍ਖਵੇ, ਪਾਤੁਭਾਵਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾਵੋ ਹੋਤਿ. ਕਤਮੇਸਂ ਸਤ੍ਤਨ੍ਨਂ? ਸਤਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ, ਧਮ੍ਮਵਿਚਯਸਮ੍ਬੋਜ੍ਝਙ੍ਗਰਤਨਸ੍ਸ ¶ ਪਾਤੁਭਾਵੋ ਹੋਤਿ, ਵੀਰਿਯਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ, ਪੀਤਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ, ਪਸ੍ਸਦ੍ਧਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ, ਸਮਾਧਿਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ, ਉਪੇਕ੍ਖਾਸਮ੍ਬੋਜ੍ਝਙ੍ਗਰਤਨਸ੍ਸ ਪਾਤੁਭਾਵੋ ਹੋਤਿ. ਤਥਾਗਤਸ੍ਸ, ਭਿਕ੍ਖਵੇ, ਪਾਤੁਭਾਵਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਇਮੇਸਂ ਸਤ੍ਤਨ੍ਨਂ ਬੋਜ੍ਝਙ੍ਗਰਤਨਾਨਂ ਪਾਤੁਭਾਵੋ ਹੋਤੀ’’ਤਿ [ਸਂ. ਨਿ. ੫.੨੨੩]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤਥਾਗਤਸ੍ਸ ਪਾਤੁਭਾਵਾ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਬ੍ਬੇ ਧਮ੍ਮਾ ਸਤਿਸਮ੍ਬੋਜ੍ਝਙ੍ਗਰਤਨਾਵ ਹੋਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਬ੍ਬੇ ¶ ਧਮ੍ਮਾ ਸਤਿਪਟ੍ਠਾਨਾਤਿ? ਆਮਨ੍ਤਾ. ਸਬ੍ਬੇ ਧਮ੍ਮਾ ਸਮ੍ਮਪ੍ਪਧਾਨਾ… ਇਦ੍ਧਿਪਾਦਾ… ਇਨ੍ਦ੍ਰਿਯਾ… ਬਲਾ… ਬੋਜ੍ਝਙ੍ਗਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤਿਪਟ੍ਠਾਨਕਥਾ ਨਿਟ੍ਠਿਤਾ.

੯. ਹੇਵਤ੍ਥਿਕਥਾ

੩੦੪. ਅਤੀਤਂ ਅਤ੍ਥੀਤਿ? ਹੇਵਤ੍ਥਿ, ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ, ਨਤ੍ਥਟ੍ਠੋ ਅਤ੍ਥਟ੍ਠੋ, ਅਤ੍ਥਿਭਾਵੋ ਨਤ੍ਥਿਭਾਵੋ, ਨਤ੍ਥਿਭਾਵੋ ਅਤ੍ਥਿਭਾਵੋ, ਅਤ੍ਥੀਤਿ ਵਾ ਨਤ੍ਥੀਤਿ ਵਾ, ਨਤ੍ਥੀਤਿ ਵਾ ¶ ਅਤ੍ਥੀਤਿ ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ਅਤ੍ਥੀਤਿ? ਹੇਵਤ੍ਥਿ, ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ, ਨਤ੍ਥਟ੍ਠੋ ਅਤ੍ਥਟ੍ਠੋ, ਅਤ੍ਥਿਭਾਵੋ ¶ ਨਤ੍ਥਿਭਾਵੋ, ਨਤ੍ਥਿਭਾਵੋ ਅਤ੍ਥਿਭਾਵੋ, ਅਤ੍ਥੀਤਿ ਵਾ ਨਤ੍ਥੀਤਿ ਵਾ, ਨਤ੍ਥੀਤਿ ਵਾ ਅਤ੍ਥੀਤਿ ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ¶ ਅਤ੍ਥੀਤਿ? ਹੇਵਤ੍ਥਿ, ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ ¶ . ਅਤ੍ਥਟ੍ਠੋ ਨਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੦੫. ਅਤੀਤਂ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਕਿਨ੍ਤਤ੍ਥਿ, ਕਿਨ੍ਤਿ ਨਤ੍ਥੀਤਿ? ਅਤੀਤਂ ਅਤੀਤਨ੍ਤਿ ਹੇਵਤ੍ਥਿ, ਅਤੀਤਂ ਅਨਾਗਤਨ੍ਤਿ ਹੇਵ ਨਤ੍ਥਿ, ਅਤੀਤਂ ਪਚ੍ਚੁਪ੍ਪਨ੍ਨਨ੍ਤਿ ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ, ਨਤ੍ਥਟ੍ਠੋ ਅਤ੍ਥਟ੍ਠੋ, ਅਤ੍ਥਿਭਾਵੋ ਨਤ੍ਥਿਭਾਵੋ, ਨਤ੍ਥਿਭਾਵੋ ਅਤ੍ਥਿਭਾਵੋ, ਅਤ੍ਥੀਤਿ ਵਾ ਨਤ੍ਥੀਤਿ ਵਾ, ਨਤ੍ਥੀਤਿ ਵਾ ਅਤ੍ਥੀਤਿ ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਤਂ ¶ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਕਿਨ੍ਤਤ੍ਥਿ, ਕਿਨ੍ਤਿ ਨਤ੍ਥੀਤਿ? ਅਨਾਗਤਂ ਅਨਾਗਤਨ੍ਤਿ ਹੇਵਤ੍ਥਿ, ਅਨਾਗਤਂ ਅਤੀਤਨ੍ਤਿ ਹੇਵ ਨਤ੍ਥਿ, ਅਨਾਗਤਂ ਪਚ੍ਚੁਪ੍ਪਨ੍ਨਨ੍ਤਿ ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ, ਨਤ੍ਥਟ੍ਠੋ ਅਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਚ੍ਚੁਪ੍ਪਨ੍ਨਂ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਕਿਨ੍ਤਤ੍ਥਿ, ਕਿਨ੍ਤਿ ਨਤ੍ਥੀਤਿ? ਪਚ੍ਚੁਪ੍ਪਨ੍ਨਂ ਪਚ੍ਚੁਪ੍ਪਨ੍ਨਨ੍ਤਿ ਹੇਵਤ੍ਥਿ, ਪਚ੍ਚੁਪ੍ਪਨ੍ਨਂ ¶ ਅਤੀਤਨ੍ਤਿ ਹੇਵ ਨਤ੍ਥਿ, ਪਚ੍ਚੁਪ੍ਪਨ੍ਨਂ ਅਨਾਗਤਨ੍ਤਿ ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਅਤੀਤਂ ਹੇਵਤ੍ਥਿ, ਹੇਵ ਨਤ੍ਥਿ; ਅਨਾਗਤਂ ਹੇਵਤ੍ਥਿ, ਹੇਵ ਨਤ੍ਥਿ; ਪਚ੍ਚੁਪ੍ਪਨ੍ਨਂ ਹੇਵਤ੍ਥਿ, ਹੇਵ ਨਤ੍ਥੀ’’ਤਿ? ਆਮਨ੍ਤਾ. ਅਤੀਤਂ ਅਨਾਗਤਨ੍ਤਿ ਹੇਵਤ੍ਥਿ, ਅਤੀਤਂ ਪਚ੍ਚੁਪ੍ਪਨ੍ਨਨ੍ਤਿ ਹੇਵਤ੍ਥਿ, ਅਨਾਗਤਂ ਅਤੀਤਨ੍ਤਿ ਹੇਵਤ੍ਥਿ, ਅਨਾਗਤਂ ਪਚ੍ਚੁਪ੍ਪਨ੍ਨਨ੍ਤਿ ਹੇਵਤ੍ਥਿ, ਪਚ੍ਚੁਪ੍ਪਨ੍ਨਂ ਅਤੀਤਨ੍ਤਿ ਹੇਵਤ੍ਥਿ ¶ , ਪਚ੍ਚੁਪ੍ਪਨ੍ਨਂ ਅਨਾਗਤਨ੍ਤਿ ਹੇਵਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ.…ਪੇ…. ਤੇਨ ਹਿ ਅਤੀਤਂ ਹੇਵਤ੍ਥਿ ਹੇਵ ਨਤ੍ਥਿ, ਅਨਾਗਤਂ ਹੇਵਤ੍ਥਿ ਹੇਵ ਨਤ੍ਥਿ, ਪਚ੍ਚੁਪ੍ਪਨ੍ਨਂ ਹੇਵਤ੍ਥਿ, ਹੇਵ ਨਤ੍ਥੀਤਿ.

੩੦੬. ਰੂਪਂ ਅਤ੍ਥੀਤਿ? ਹੇਵਤ੍ਥਿ, ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ, ਨਤ੍ਥਟ੍ਠੋ ¶ ਅਤ੍ਥਟ੍ਠੋ, ਅਤ੍ਥਿਭਾਵੋ ਨਤ੍ਥਿਭਾਵੋ, ਨਤ੍ਥਿਭਾਵੋ ਅਤ੍ਥਿਭਾਵੋ, ਅਤ੍ਥੀਤਿ ਵਾ ਨਤ੍ਥੀਤਿ ਵਾ, ਨਤ੍ਥੀਤਿ ਵਾ ਅਤ੍ਥੀਤਿ ਵਾ ਏਸੇਸੇ ਏਕਟ੍ਠੇ ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵੇਦਨਾ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ ਅਤ੍ਥੀਤਿ? ਹੇਵਤ੍ਥਿ, ਹੇਵ ਨਤ੍ਥੀਤਿ. ਸੇਵਤ੍ਥਿ ¶ , ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਰੂਪਂ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਕਿਨ੍ਤਤ੍ਥਿ, ਕਿਨ੍ਤਿ ਨਤ੍ਥੀਤਿ? ਰੂਪਂ ਰੂਪਨ੍ਤਿ ਹੇਵਤ੍ਥਿ, ਰੂਪਂ ਵੇਦਨਾਤਿ ਹੇਵਂ ਨਤ੍ਥਿ…ਪੇ… ਰੂਪਂ ਸਞ੍ਞਾਤਿ ਹੇਵ ਨਤ੍ਥਿ…ਪੇ… ਰੂਪਂ ਸਙ੍ਖਾਰਾਤਿ ਹੇਵ ਨਤ੍ਥਿ…ਪੇ… ਰੂਪਂ ਵਿਞ੍ਞਾਣਨ੍ਤਿ ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ, ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵੇਦਨਾ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਕਿਨ੍ਤਤ੍ਥਿ, ਕਿਨ੍ਤਿ ਨਤ੍ਥੀਤਿ? ਵਿਞ੍ਞਾਣਂ ਵਿਞ੍ਞਾਣਨ੍ਤਿ ਹੇਵਤ੍ਥਿ. ਵਿਞ੍ਞਾਣਂ ਰੂਪਨ੍ਤਿ ਹੇਵ ਨਤ੍ਥਿ…ਪੇ… ਵਿਞ੍ਞਾਣਂ ਵੇਦਨਾਤਿ ਹੇਵ ਨਤ੍ਥਿ…ਪੇ… ਵਿਞ੍ਞਾਣਂ ਸਞ੍ਞਾਤਿ ਹੇਵ ਨਤ੍ਥਿ…ਪੇ… ਵਿਞ੍ਞਾਣਂ ਸਙ੍ਖਾਰਾਤਿ ਹੇਵ ਨਤ੍ਥੀਤਿ. ਸੇਵਤ੍ਥਿ, ਸੇਵ ਨਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੇਵਤ੍ਥਿ ¶ , ਸੇਵ ਨਤ੍ਥੀਤਿ? ਆਮਨ੍ਤਾ. ਅਤ੍ਥਟ੍ਠੋ ਨਤ੍ਥਟ੍ਠੋ…ਪੇ… ਸਮੇ ਸਮਭਾਗੇ ਤਜ੍ਜਾਤੇਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਰੂਪਂ ਹੇਵਤ੍ਥਿ, ਹੇਵ ਨਤ੍ਥੀਤਿ; ਵੇਦਨਾ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ ਹੇਵਤ੍ਥਿ, ਹੇਵ ਨਤ੍ਥੀਤਿ? ਆਮਨ੍ਤਾ. ਰੂਪਂ ਵੇਦਨਾਤਿ ਹੇਵਤ੍ਥਿ…ਪੇ… ਰੂਪਂ ਸਞ੍ਞਾਤਿ ਹੇਵਤ੍ਥਿ…ਪੇ… ਰੂਪਂ ਸਙ੍ਖਾਰਾਤਿ ਹੇਵਤ੍ਥਿ…ਪੇ… ਰੂਪਂ ਵਿਞ੍ਞਾਣਨ੍ਤਿ ਹੇਵਤ੍ਥਿ… ਵੇਦਨਾ… ਸਞ੍ਞਾ ¶ … ਸਙ੍ਖਾਰਾ… ਵਿਞ੍ਞਾਣਂ ਰੂਪਨ੍ਤਿ ਹੇਵਤ੍ਥਿ… ਵਿਞ੍ਞਾਣਂ ਵੇਦਨਾਤਿ ਹੇਵਤ੍ਥਿ… ਵਿਞ੍ਞਾਣਂ ਸਞ੍ਞਾਤਿ ਹੇਵਤ੍ਥਿ… ਵਿਞ੍ਞਾਣਂ ਸਙ੍ਖਾਰਾਤਿ ਹੇਵਤ੍ਥੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਰੂਪਂ ਹੇਵਤ੍ਥਿ, ਹੇਵ ਨਤ੍ਥਿ; ਵੇਦਨਾ… ਸਞ੍ਞਾ… ਸਙ੍ਖਾਰਾ… ਵਿਞ੍ਞਾਣਂ ਹੇਵਤ੍ਥਿ, ਹੇਵ ਨਤ੍ਥੀਤਿ.

ਹੇਵਤ੍ਥਿਕਥਾ ਨਿਟ੍ਠਿਤਾ.

ਤਸ੍ਸੁਦ੍ਦਾਨਂ –

ਉਪਲਬ੍ਭੋ ¶ ਪਰਿਹਾਨਿ, ਬ੍ਰਹ੍ਮਚਰਿਯਵਾਸੋ ਓਧਿਸੋ;

ਪਰਿਞ੍ਞਾ ਕਾਮਰਾਗਪ੍ਪਹਾਨਂ, ਸਬ੍ਬਤ੍ਥਿਵਾਦੋ ਆਯਤਨਂ;

ਅਤੀਤਾਨਾਗਤੋ ਸੁਭਙ੍ਗੋ [ਅਤੀਤਾਨਾਗਤੇਸੁ ਭਾਗੋ (ਸ੍ਯਾ.)], ਸਬ੍ਬੇ ਧਮ੍ਮਾ ਸਤਿਪਟ੍ਠਾਨਾ.

ਹੇਵਤ੍ਥਿ ਹੇਵ ਨਤ੍ਥੀਤਿ.

ਪਠਮਵਗ੍ਗੋ

ਮਹਾਵਗ੍ਗੋ.

੨. ਦੁਤਿਯਵਗ੍ਗੋ

(੧੦) ੧. ਪਰੂਪਹਾਰਕਥਾ

੩੦੭. ਅਤ੍ਥਿ ¶ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਅਤ੍ਥਿ ¶ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ¶ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਅਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ ਕਾਮਰਾਗਸਂਯੋਜਨਂ ਕਾਮੋਘੋ ਕਾਮਯੋਗੋ ਕਾਮਚ੍ਛਨ੍ਦਨੀਵਰਣਨ੍ਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਅਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ… ਕਾਮਚ੍ਛਨ੍ਦਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਨਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ… ਕਾਮਚ੍ਛਨ੍ਦਨੀਵਰਣਨ੍ਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਨਤ੍ਥਿ ਤਸ੍ਸ ਰਾਗੋ ਕਾਮਰਾਗੋ ਕਾਮਰਾਗਪਰਿਯੁਟ੍ਠਾਨਂ…ਪੇ… ਕਾਮਚ੍ਛਨ੍ਦਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ¶ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਕੇਨਟ੍ਠੇਨਾਤਿ? ਹਨ੍ਦ ਹਿ ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ.

ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ. ਅਤ੍ਥਿ ਮਾਰਕਾਯਿਕਾਨਂ ਦੇਵਤਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਮਾਰਕਾਯਿਕਾਨਂ ਦੇਵਤਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਮਾਰਕਾਯਿਕਾਨਂ ਦੇਵਤਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀ’’ਤਿ.

ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ. ਮਾਰਕਾਯਿਕਾ ਦੇਵਤਾ ਅਤ੍ਤਨੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤਿ, ਅਞ੍ਞੇਸਂ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ¶ ਉਪਸਂਹਰਨ੍ਤਿ, ਤਸ੍ਸ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਾਰਕਾਯਿਕਾ ਦੇਵਤਾ ਨੇਵ ਅਤ੍ਤਨੋ ਨ ਅਞ੍ਞੇਸਂ ਨ ਤਸ੍ਸ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ. ਹਞ੍ਚਿ ਮਾਰਕਾਯਿਕਾ ਦੇਵਤਾ ਨੇਵ ਅਤ੍ਤਨੋ ਨ ਅਞ੍ਞੇਸਂ ਨ ਤਸ੍ਸ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀ’’ਤਿ.

ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ ¶ ? ਆਮਨ੍ਤਾ. ਲੋਮਕੂਪੇਹਿ ਉਪਸਂਹਰਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੦੮. ਮਾਰਕਾਯਿਕਾ ਦੇਵਤਾ ਅਰਹਤੋ ਅਸੁਚਿਂ ਸੁਕ੍ਕਵਿਸ੍ਸਟ੍ਠਿਂ ਉਪਸਂਹਰਨ੍ਤੀਤਿ? ਆਮਨ੍ਤਾ. ਕਿਂ ਕਾਰਣਾਤਿ? ਹਨ੍ਦ ਹਿ ਵਿਮਤਿਂ ਗਾਹਯਿਸ੍ਸਾਮਾਤਿ. ਅਤ੍ਥਿ ਅਰਹਤੋ ਵਿਮਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਵਿਮਤੀਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਸਤ੍ਥਰਿ ਵਿਮਤਿ, ਧਮ੍ਮੇ ਵਿਮਤਿ, ਸਙ੍ਘੇ ਵਿਮਤਿ, ਸਿਕ੍ਖਾਯ ਵਿਮਤਿ, ਪੁਬ੍ਬਨ੍ਤੇ ਵਿਮਤਿ, ਅਪਰਨ੍ਤੇ ਵਿਮਤਿ, ਪੁਬ੍ਬਨ੍ਤਾਪਰਨ੍ਤੇ ਵਿਮਤਿ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ¶ ਅਰਹਤੋ ਸਤ੍ਥਰਿ ਵਿਮਤਿ, ਧਮ੍ਮੇ ਵਿਮਤਿ, ਸਙ੍ਘੇ ਵਿਮਤਿ, ਸਿਕ੍ਖਾਯ ਵਿਮਤਿ, ਪੁਬ੍ਬਨ੍ਤੇ ਵਿਮਤਿ, ਅਪਰਨ੍ਤੇ ਵਿਮਤਿ ¶ , ਪੁਬ੍ਬਨ੍ਤਾਪਰਨ੍ਤੇ ਵਿਮਤਿ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤੀਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਸਤ੍ਥਰਿ ਵਿਮਤਿ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਵਿਮਤੀ’’ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਵਿਮਤਿ, ਅਤ੍ਥਿ ਤਸ੍ਸ ਸਤ੍ਥਰਿ ਵਿਮਤਿ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤੀਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਵਿਮਤਿ, ਅਤ੍ਥਿ ਤਸ੍ਸ ¶ ਸਤ੍ਥਰਿ ਵਿਮਤਿ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਵਿਮਤਿ, ਨਤ੍ਥਿ ਤਸ੍ਸ ਸਤ੍ਥਰਿ ਵਿਮਤਿ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ¶ ਧਮ੍ਮੇਸੁ ਵਿਮਤੀਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਵਿਮਤਿ, ਨਤ੍ਥਿ ਤਸ੍ਸ ਸਤ੍ਥਰਿ ਵਿਮਤਿ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਵਿਮਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ ਕਿਸ੍ਸ ਨਿਸ੍ਸਨ੍ਦੋਤਿ? ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ. ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ? ਆਮਨ੍ਤਾ. ਯੇ ਕੇਚਿ ਅਸਨ੍ਤਿ ਪਿਵਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਸਬ੍ਬੇਸਂਯੇਵ ਅਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਯੇ ਕੇਚਿ ਅਸਨ੍ਤਿ ਪਿਵਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਸਬ੍ਬੇਸਂਯੇਵ ਅਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਦਾਰਕਾ ਅਸਨ੍ਤਿ ਪਿਵਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਦਾਰਕਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ.

ਪਣ੍ਡਕਾ ਅਸਨ੍ਤਿ ਪਿਵਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਪਣ੍ਡਕਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੇਵਾ ਅਸਨ੍ਤਿ ਪਿਵਨ੍ਤਿ ਖਾਦਨ੍ਤਿ ਸਾਯਨ੍ਤਿ, ਅਤ੍ਥਿ ਦੇਵਤਾਨਂ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੦੯. ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋਤਿ? ਆਮਨ੍ਤਾ. ਅਤ੍ਥਿ ਤਸ੍ਸ ਆਸਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ¶ ਉਚ੍ਚਾਰਪਸ੍ਸਾਵੋ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਅਤ੍ਥਿ ਤਸ੍ਸ ਆਸਯੋਤਿ ¶ ? ਆਮਨ੍ਤਾ. ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ¶ ਨਿਸ੍ਸਨ੍ਦੋ, ਅਤ੍ਥਿ ਤਸ੍ਸ ਆਸਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਨਤ੍ਥਿ ਤਸ੍ਸ ਆਸਯੋਤਿ? ਆਮਨ੍ਤਾ. ਅਰਹਤੋ ਉਚ੍ਚਾਰਪਸ੍ਸਾਵੋ ਅਸਿਤਪੀਤਖਾਯਿਤਸਾਯਿਤਸ੍ਸ ਨਿਸ੍ਸਨ੍ਦੋ, ਨਤ੍ਥਿ ਤਸ੍ਸ ਆਸਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੧੦. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਅਰਹਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ [ਮੇਥੁਨਂ ਧਮ੍ਮਂ ਉਪ੍ਪਾਦੇਯ੍ਯ (ਸੀ. ਸ੍ਯਾ.)], ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ¶ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਪੁਥੁਜ੍ਜਨੋ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਅਰਹਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਨ ਚ ਅਰਹਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਨ ਚ ਪੁਥੁਜ੍ਜਨੋ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ ¶ , ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ¶ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ¶ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ… ਮਾਨੋ ਪਹੀਨੋ… ਦਿਟ੍ਠਿ ਪਹੀਨਾ… ਵਿਚਿਕਿਚ੍ਛਾ ਪਹੀਨਾ… ਥਿਨਂ ਪਹੀਨਂ… ਉਦ੍ਧਚ੍ਚਂ ਪਹੀਨਂ… ਅਹਿਰਿਕਂ ਪਹੀਨਂ…ਪੇ… ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

੩੧੧. ਅਤ੍ਥਿ ¶ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਅਤ੍ਥਿ ¶ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗਪ੍ਪਹਾਨਾਯ ਸਤਿਪਟ੍ਠਾਨਾ ਭਾਵਿਤਾ…ਪੇ… ਸਮ੍ਮਪ੍ਪਧਾਨਾ ਭਾਵਿਤਾ… ਇਦ੍ਧਿਪਾਦਾ ਭਾਵਿਤਾ… ਇਨ੍ਦ੍ਰਿਯਾ ਭਾਵਿਤਾ… ਬਲਾ ਭਾਵਿਤਾ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ¶ ¶ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ¶ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ, ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਕਤਕਰਣੀਯੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ ¶ , ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

੩੧੨. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠਿ, ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ. ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ ¶ . ਪਰਧਮ੍ਮਕੁਸਲਸ੍ਸ ¶ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲੋ ¶ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਪਰਧਮ੍ਮਕੁਸਲੋ ¶ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ¶ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਸਧਮ੍ਮਕੁਸਲੋ ¶ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੧੩. ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯੇ ਤੇ [ਯੇ ਕੇਚਿ (ਸੀ.)], ਭਿਕ੍ਖਵੇ, ਭਿਕ੍ਖੂ ਪੁਥੁਜ੍ਜਨਾ ਸੀਲਸਮ੍ਪਨ੍ਨਾ ਸਤਾ ਸਮ੍ਪਜਾਨਾ ਨਿਦ੍ਦਂ ਓਕ੍ਕਮਨ੍ਤਿ, ਤੇਸਂ ਅਸੁਚਿ ਨ ਮੁਚ੍ਚਤਿ. ਯੇਪਿ ਤੇ, ਭਿਕ੍ਖਵੇ, ਬਾਹਿਰਕਾ ਇਸਯੋ ਕਾਮੇਸੁ ਵੀਤਰਾਗਾ, ਤੇਸਮ੍ਪਿ ਅਸੁਚਿ ਨ ਮੁਚ੍ਚਤਿ. ਅਟ੍ਠਾਨਮੇਤਂ, ਭਿਕ੍ਖਵੇ, ਅਨਵਕਾਸੋ ਯਂ ਅਰਹਤੋ ਅਸੁਚਿ ਮੁਚ੍ਚੇਯ੍ਯਾ’’ਤਿ [ਮਹਾਵ. ੩੫੩ ਅਤ੍ਥਤੋ ਸਮਾਨਂ; ਅ. ਨਿ. ੫.੨੧੦ ਪਸ੍ਸਿਤਬ੍ਬਂ]. ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਸੁਚਿ ਸੁਕ੍ਕਵਿਸ੍ਸਟ੍ਠੀ’’ਤਿ.

ਨ ¶ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰੂਪਹਾਰੋ’’ਤਿ? ਆਮਨ੍ਤਾ. ਨਨੁ ਅਰਹਤੋ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰੂਪਹਾਰੋ’’ਤਿ.

ਅਰਹਤੋ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰੇ ਉਪਸਂਹਰੇਯ੍ਯੁਨ੍ਤਿ, ਅਤ੍ਥਿ ਅਰਹਤੋ ਪਰੂਪਹਾਰੋਤਿ? ਆਮਨ੍ਤਾ. ਅਰਹਤੋ ਸੋਤਾਪਤ੍ਤਿਫਲਂ ਵਾ ਸਕਦਾਗਾਮਿਫਲਂ ਵਾ ਅਨਾਗਾਮਿਫਲਂ ਵਾ ਅਰਹਤ੍ਤਂ ਵਾ ਪਰੇ ਉਪਸਂਹਰੇਯ੍ਯੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰੂਪਹਾਰਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੧) ੨. ਅਞ੍ਞਾਣਕਥਾ

੩੧੪. ਅਤ੍ਥਿ ¶ ¶ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ. ਨਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ¶ ਪੁਥੁਜ੍ਜਨਸ੍ਸ ਅਞ੍ਞਾਣਂ, ਅਤ੍ਥਿ ਤਸ੍ਸ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਅਞ੍ਞਾਣਂ, ਅਤ੍ਥਿ ਤਸ੍ਸ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਅਞ੍ਞਾਣਂ, ਨਤ੍ਥਿ ਤਸ੍ਸ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ ¶ ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਅਞ੍ਞਾਣਂ ¶ , ਨਤ੍ਥਿ ਤਸ੍ਸ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਅਰਹਾ ਅਞ੍ਞਾਣਪਕਤੋ ਪਾਣਂ ਹਨੇਯ੍ਯ, ਅਦਿਨ੍ਨਂ ਆਦਿਯੇਯ੍ਯ, ਮੁਸਾ ਭਣੇਯ੍ਯ, ਪਿਸੁਣਂ ਭਣੇਯ੍ਯ, ਫਰੁਸਂ ਭਣੇਯ੍ਯ, ਸਮ੍ਫਂ ਪਲਪੇਯ੍ਯ, ਸਨ੍ਧਿਂ ਛਿਨ੍ਦੇਯ੍ਯ, ਨਿਲ੍ਲੋਪਂ ਹਰੇਯ੍ਯ, ਏਕਾਗਾਰਿਯਂ ਕਰੇਯ੍ਯ, ਪਰਿਪਨ੍ਥੇ ਤਿਟ੍ਠੇਯ੍ਯ, ਪਰਦਾਰਂ ਗਚ੍ਛੇਯ੍ਯ, ਗਾਮਘਾਤਂ ਕਰੇਯ੍ਯ, ਨਿਗਮਘਾਤਂ ਕਰੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਪੁਥੁਜ੍ਜਨਸ੍ਸ ਅਞ੍ਞਾਣਂ, ਪੁਥੁਜ੍ਜਨੋ ਅਞ੍ਞਾਣਪਕਤੋ ਪਾਣਂ ¶ ਹਨੇਯ੍ਯ, ਅਦਿਨ੍ਨਂ ਆਦਿਯੇਯ੍ਯ, ਮੁਸਾ ਭਣੇਯ੍ਯ…ਪੇ… ਗਾਮਘਾਤਂ ਕਰੇਯ੍ਯ, ਨਿਗਮਘਾਤਂ ਕਰੇਯ੍ਯਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਅਞ੍ਞਾਣਂ, ਅਰਹਾ ਅਞ੍ਞਾਣਪਕਤੋ ਪਾਣਂ ਹਨੇਯ੍ਯ, ਅਦਿਨ੍ਨਂ ਆਦਿਯੇਯ੍ਯ…ਪੇ… ਗਾਮਘਾਤਂ ਕਰੇਯ੍ਯ, ਨਿਗਮਘਾਤਂ ਕਰੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਅਞ੍ਞਾਣਂ, ਨ ਚ ਅਰਹਾ ਅਞ੍ਞਾਣਪਕਤੋ ਪਾਣਂ ਹਨੇਯ੍ਯ, ਅਦਿਨ੍ਨਂ ਆਦਿਯੇਯ੍ਯ…ਪੇ… ਗਾਮਘਾਤਂ ਕਰੇਯ੍ਯ, ਨਿਗਮਘਾਤਂ ਕਰੇਯ੍ਯਾਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਅਞ੍ਞਾਣਂ, ਨ ਚ ਪੁਥੁਜ੍ਜਨੋ ਅਞ੍ਞਾਣਪਕਤੋ ਪਾਣਂ ਹਨੇਯ੍ਯ, ਅਦਿਨ੍ਨਂ ਆਦਿਯੇਯ੍ਯ…ਪੇ… ਗਾਮਘਾਤਂ ਕਰੇਯ੍ਯ, ਨਿਗਮਘਾਤਂ ਕਰੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ¶ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ, ਸਿਕ੍ਖਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਨਤ੍ਥਿ ¶ ਅਰਹਤੋ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ, ਸਿਕ੍ਖਾਯ ਅਞ੍ਞਾਣਂ, ਪੁਬ੍ਬਨ੍ਤੇ ਅਞ੍ਞਾਣਂ, ਅਪਰਨ੍ਤੇ ਅਞ੍ਞਾਣਂ, ਪੁਬ੍ਬਨ੍ਤਾਪਰਨ੍ਤੇ ਅਞ੍ਞਾਣਂ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਅਞ੍ਞਾਣਂ, ਅਤ੍ਥਿ ਤਸ੍ਸ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਨ੍ਤਿ ¶ ? ਆਮਨ੍ਤਾ. ਅਤ੍ਥਿ ਅਰਹਤੋ ਅਞ੍ਞਾਣਂ, ਅਤ੍ਥਿ ਤਸ੍ਸ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਅਞ੍ਞਾਣਂ, ਨਤ੍ਥਿ ਤਸ੍ਸ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ¶ ਧਮ੍ਮੇਸੁ ਅਞ੍ਞਾਣਨ੍ਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਅਞ੍ਞਾਣਂ, ਨਤ੍ਥਿ ਤਸ੍ਸ ਸਤ੍ਥਰਿ ਅਞ੍ਞਾਣਂ, ਧਮ੍ਮੇ ਅਞ੍ਞਾਣਂ, ਸਙ੍ਘੇ ਅਞ੍ਞਾਣਂ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

੩੧੫. ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗਪ੍ਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ ¶ …ਪੇ… ਬੋਜ੍ਝਙ੍ਗਾ ¶ ਭਾਵਿਤਾਤਿ? ਆਮਨ੍ਤਾ ¶ . ਹਞ੍ਚਿ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ¶ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵੀਤਰਾਗੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

੩੧੬. ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਞ੍ਞਾਣਂ, ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਞ੍ਞਾਣਨ੍ਤਿ. ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਞ੍ਞਾਣਨ੍ਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ¶ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ¶ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ¶ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਂ ਪਹੀਨਂ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ¶ ਭਾਵਿਤਾ…ਪੇ… ਦੋਸਪ੍ਪਹਾਨਾਯ ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਅਨੋਤ੍ਤਪ੍ਪਪਹਾਨਾਯ ਬੋਜ੍ਝਙ੍ਗਾ ਭਾਵਿਤਾ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਆਮਨ੍ਤਾ ¶ . ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ¶ …ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਅਞ੍ਞਾਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੧੭. ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ [ਜਾਨਤਾਹਂ (ਸੀ.), ਜਾਨਤ੍ਵਾਹਂ (ਸ੍ਯਾ. ਪੀ. ਕ.)], ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ਨੋ ਅਪਸ੍ਸਤੋ. ਕਿਞ੍ਚ, ਭਿਕ੍ਖਵੇ, ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ਹੋਤਿ? ‘ਇਤਿ ਰੂਪਂ, ਇਤਿ ਰੂਪਸ੍ਸ ਸਮੁਦਯੋ, ਇਤਿ ਰੂਪਸ੍ਸ ਅਤ੍ਥਙ੍ਗਮੋ, ਇਤਿ ਵੇਦਨਾ…ਪੇ… ਇਤਿ ਸਞ੍ਞਾ… ਇਤਿ ਸਙ੍ਖਾਰਾ… ਇਤਿ ਵਿਞ੍ਞਾਣਂ, ਇਤਿ ਵਿਞ੍ਞਾਣਸ੍ਸ ਸਮੁਦਯੋ, ਇਤਿ ਵਿਞ੍ਞਾਣਸ੍ਸ ਅਤ੍ਥਙ੍ਗਮੋ’ਤਿ – ਏਵਂ ਖੋ, ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ [ਸਂ. ਨਿ. ੩.੧੦੧; ਇਤਿਵੁ. ੧੦੨; ਸਂ. ਨਿ. ੫.੧੦੯੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ, ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ¶ ਨੋ ਅਪਸ੍ਸਤੋ. ਕਿਞ੍ਚ, ਭਿਕ੍ਖਵੇ, ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ¶ ਹੋਤਿ? ‘ਇਦਂ ਦੁਕ੍ਖ’ਨ੍ਤਿ – ਭਿਕ੍ਖਵੇ, ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ, ‘ਅਯਂ ਦੁਕ੍ਖਸਮੁਦਯੋ’ਤਿ – ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ, ‘ਅਯਂ ਦੁਕ੍ਖਨਿਰੋਧੋ’ਤਿ – ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ, ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ – ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ. ਏਵਂ ਖੋ, ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ [ਸਂ. ਨਿ. ੫.੧੦੯੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਬ੍ਬਂ, ਭਿਕ੍ਖਵੇ, ਅਨਭਿਜਾਨਂ ਅਪਰਿਜਾਨਂ ਅਵਿਰਾਜਯਂ ਅਪ੍ਪਜਹਂ ਅਭਬ੍ਬੋ ਦੁਕ੍ਖਕ੍ਖਯਾਯ, ਸਬ੍ਬਞ੍ਚ ਖੋ, ਭਿਕ੍ਖਵੇ, ਅਭਿਜਾਨਂ ਪਰਿਜਾਨਂ ¶ ਵਿਰਾਜਯਂ ਪਜਹਂ ਭਬ੍ਬੋ ਦੁਕ੍ਖਕ੍ਖਯਾਯਾ’’ਤਿ [ਸਂ. ਨਿ. ੪.੨੬; ਇਤਿਵੁ. ੭ ਇਤਿਵੁਤ੍ਤਕੇਪਿ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਸਹਾਵਸ੍ਸ ¶ ਦਸ੍ਸਨਸਮ੍ਪਦਾਯ,

ਤਯਸ੍ਸੁ ਧਮ੍ਮਾ ਜਹਿਤਾ ਭਵਨ੍ਤਿ;

ਸਕ੍ਕਾਯਦਿਟ੍ਠੀ ਵਿਚਿਕਿਚ੍ਛਿਤਞ੍ਚ,

ਸੀਲਬ੍ਬਤਂ ਵਾਪਿ ਯਦਤ੍ਥਿ ਕਿਞ੍ਚਿ;

ਚਤੂਹਪਾਯੇਹਿ ਚ ਵਿਪ੍ਪਮੁਤ੍ਤੋ,

ਛਚ੍ਚਾਭਿਠਾਨਾਨਿ ਅਭਬ੍ਬ ਕਾਤੁ’’ਨ੍ਤਿ.

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਸ੍ਮਿਂ, ਭਿਕ੍ਖਵੇ, ਸਮਯੇ ਅਰਿਯਸਾਵਕਸ੍ਸ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ – ‘ਯਂ ਕਿਞ੍ਚਿ ਸਮੁਦਯਧਮ੍ਮਂ ਸਬ੍ਬਂ ਤਂ ਨਿਰੋਧਧਮ੍ਮ’ਨ੍ਤਿ, ਸਹ ਦਸ੍ਸਨੁਪ੍ਪਾਦਾ, ਭਿਕ੍ਖਵੇ, ਅਰਿਯਸਾਵਕਸ੍ਸ ਤੀਣਿ ਸਂਯੋਜਨਾਨਿ ਪਹੀਯਨ੍ਤਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਨ ¶ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ? ਆਮਨ੍ਤਾ. ਨਨੁ ਅਰਹਾ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਨ ਜਾਨੇਯ੍ਯ, ਮਗ੍ਗਾਮਗ੍ਗਂ ਨ ਜਾਨੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮਂ ਨ ਜਾਨੇਯ੍ਯਾਤਿ? ਆਮਨ੍ਤਾ. ਹਞ੍ਚਿ ਅਰਹਾ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਨ ਜਾਨੇਯ੍ਯ, ਮਗ੍ਗਾਮਗ੍ਗਂ ¶ ਨ ਜਾਨੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮਂ ਨ ਜਾਨੇਯ੍ਯ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ.

ਅਰਹਾ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਨ ਜਾਨੇਯ੍ਯ, ਮਗ੍ਗਾਮਗ੍ਗਂ ਨ ਜਾਨੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮਂ ਨ ਜਾਨੇਯ੍ਯਾਤਿ, ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ? ਆਮਨ੍ਤਾ. ਅਰਹਾ ਸੋਤਾਪਤ੍ਤਿਫਲਂ ਵਾ ਸਕਦਾਗਾਮਿਫਲਂ ਵਾ ਅਨਾਗਾਮਿਫਲਂ ਵਾ ਅਰਹਤ੍ਤਂ ਵਾ ਨ ਜਾਨੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਞ੍ਞਾਣਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੨) ੩. ਕਙ੍ਖਾਕਥਾ

੩੧੮. ਅਤ੍ਥਿ ¶ ¶ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਅਰਹਤੋ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਕਙ੍ਖਾ, ਅਤ੍ਥਿ ਤਸ੍ਸ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਕਙ੍ਖਾ, ਅਤ੍ਥਿ ਤਸ੍ਸ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਕਙ੍ਖਾ, ਨਤ੍ਥਿ ਤਸ੍ਸ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਆਮਨ੍ਤਾ ¶ . ਅਤ੍ਥਿ ਪੁਥੁਜ੍ਜਨਸ੍ਸ ਕਙ੍ਖਾ, ਨਤ੍ਥਿ ¶ ਤਸ੍ਸ ਵਿਚਿਕਿਚ੍ਛਾ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਵਿਚਿਕਿਚ੍ਛਾਸਂਯੋਜਨਂ ਵਿਚਿਕਿਚ੍ਛਾਨੀਵਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ, ਸਙ੍ਘੇ ਕਙ੍ਖਾ, ਸਿਕ੍ਖਾਯ ਕਙ੍ਖਾ, ਪੁਬ੍ਬਨ੍ਤੇ ਕਙ੍ਖਾ, ਅਪਰਨ੍ਤੇ ਕਙ੍ਖਾ, ਪੁਬ੍ਬਨ੍ਤਾਪਰਨ੍ਤੇ ਕਙ੍ਖਾ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ.

ਨਤ੍ਥਿ ¶ ਅਰਹਤੋ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ ¶ ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਕਙ੍ਖਾ, ਅਤ੍ਥਿ ਤਸ੍ਸ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਕਙ੍ਖਾ, ਅਤ੍ਥਿ ਤਸ੍ਸ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਤ੍ਥਿ ਅਰਹਤੋ ਕਙ੍ਖਾ, ਨਤ੍ਥਿ ਤਸ੍ਸ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਕਙ੍ਖਾ, ਨਤ੍ਥਿ ਤਸ੍ਸ ਸਤ੍ਥਰਿ ਕਙ੍ਖਾ, ਧਮ੍ਮੇ ਕਙ੍ਖਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ.

੩੧੯. ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ ¶ . ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ¶ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ…ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ; ਨਨੁ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

੩੨੦. ਅਤ੍ਥਿ ¶ ਅਰਹਤੋ ਕਙ੍ਖਾਤਿ? ਸਧਮ੍ਮਕੁਸਲਸ੍ਸ ਅਰਹਤੋ ¶ ਅਤ੍ਥਿ ਕਙ੍ਖਾ, ਪਰਧਮ੍ਮਕੁਸਲਸ੍ਸ ¶ ਅਰਹਤੋ ਨਤ੍ਥਿ ਕਙ੍ਖਾਤਿ. ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਕਙ੍ਖਾਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਕਙ੍ਖਾਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਕਙ੍ਖਾਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ…ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ¶ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ¶ …ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਕਙ੍ਖਾਤਿ? ਆਮਨ੍ਤਾ. ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਕਙ੍ਖਾਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ…ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਮੋਹਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਕਙ੍ਖਾਤਿ? ਆਮਨ੍ਤਾ. ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਕਙ੍ਖਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੨੧. ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ, ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ਨੋ ¶ ਅਪਸ੍ਸਤੋ! ਕਿਞ੍ਚ, ਭਿਕ੍ਖਵੇ ¶ , ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ਹੋਤਿ ¶ ? ‘ਇਤਿ ਰੂਪਂ’…ਪੇ… ‘ਇਤਿ ਵਿਞ੍ਞਾਣਸ੍ਸ ਅਤ੍ਥਙ੍ਗਮੋ’ਤਿ – ਏਵਂ ਖੋ, ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ, ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ਨੋ ਅਪਸ੍ਸਤੋ! ਕਿਞ੍ਚ, ਭਿਕ੍ਖਵੇ, ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ਹੋਤਿ? ‘ਇਦਂ ਦੁਕ੍ਖ’ਨ੍ਤਿ, ਭਿਕ੍ਖਵੇ…ਪੇ… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ. ਏਵਂ ਖੋ ¶ , ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਬ੍ਬਂ, ਭਿਕ੍ਖਵੇ, ਅਨਭਿਜਾਨਂ ਅਪਰਿਜਾਨਂ ਅਵਿਰਾਜਯਂ ਅਪ੍ਪਜਹਂ ਅਭਬ੍ਬੋ ਦੁਕ੍ਖਕ੍ਖਯਾਯ; ਸਬ੍ਬਞ੍ਚ ਖੋ, ਭਿਕ੍ਖਵੇ, ਅਭਿਜਾਨਂ ਪਰਿਜਾਨਂ ਵਿਰਾਜਯਂ ਪਜਹਂ ਭਬ੍ਬੋ ਦੁਕ੍ਖਕ੍ਖਯਾਯਾ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਹਾਵਸ੍ਸ ਦਸ੍ਸਨਸਮ੍ਪਦਾਯ ¶ …ਪੇ… ਛਚ੍ਚਾਭਿਠਾਨਾਨਿ ਅਭਬ੍ਬ ਕਾਤੁ’’ਨ੍ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਸ੍ਮਿਂ, ਭਿਕ੍ਖਵੇ, ਸਮਯੇ ਅਰਿਯਸਾਵਕਸ੍ਸ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ ¶ – ‘ਯਂ ਕਿਞ੍ਚਿ ਸਮੁਦਯਧਮ੍ਮਂ ਸਬ੍ਬਂ ਤਂ ਨਿਰੋਧਧਮ੍ਮ’ਨ੍ਤਿ, ਸਹ ਦਸ੍ਸਨੁਪ੍ਪਾਦਾ, ਭਿਕ੍ਖਵੇ, ਅਰਿਯਸਾਵਕਸ੍ਸ ਤੀਣਿ ਸਂਯੋਜਨਾਨਿ ਪਹੀਯਨ੍ਤਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਯਦਾ ¶ ਹਵੇ ਪਾਤੁਭਵਨ੍ਤਿ ਧਮ੍ਮਾ,

ਆਤਾਪਿਨੋ ਝਾਯਤੋ ਬ੍ਰਾਹ੍ਮਣਸ੍ਸ;

ਅਥਸ੍ਸ ਕਙ੍ਖਾ ਵਪਯਨ੍ਤਿ ਸਬ੍ਬਾ,

ਯਤੋ ਪਜਾਨਾਤਿ ਸਹੇਤੁਧਮ੍ਮਨ੍ਤਿ.

‘‘ਯਦਾ ¶ ਹਵੇ ਪਾਤੁਭਵਨ੍ਤਿ ਧਮ੍ਮਾ,

ਆਤਾਪਿਨੋ ਝਾਯਤੋ ਬ੍ਰਾਹ੍ਮਣਸ੍ਸ;

ਅਥਸ੍ਸ ਕਙ੍ਖਾ ਵਪਯਨ੍ਤਿ ਸਬ੍ਬਾ,

ਯਤੋ ਖਯਂ ਪਚ੍ਚਯਾਨਂ ਅਵੇਦੀਤਿ.

‘‘ਯਦਾ ਹਵੇ ਪਾਤੁਭਵਨ੍ਤਿ ਧਮ੍ਮਾ,

ਆਤਾਪਿਨੋ ਝਾਯਤੋ ਬ੍ਰਾਹ੍ਮਣਸ੍ਸ;

ਵਿਧੂਪਯਂ ਤਿਟ੍ਠਤਿ ਮਾਰਸੇਨਂ,

ਸੂਰਿਯੋਵ [ਸੁਰਿਯੋਵ (ਸੀ. ਸ੍ਯਾ. ਕਂ. ਪੀ.)] ਓਭਾਸਯਮਨ੍ਤਲਿਕ੍ਖਨ੍ਤਿ [ਮਹਾਵ. ੩; ਉਦਾ. ੩].

‘‘ਯਾ ਕਾਚਿ ਕਙ੍ਖਾ ਇਧ ਵਾ ਹੁਰਂ ਵਾ,

ਸਕਵੇਦਿਯਾ ਵਾ ਪਰਵੇਦਿਯਾ ਵਾ;

ਝਾਯਿਨੋ ¶ [ਯੇ ਝਾਯਿਨੋ (ਉਦਾਨੇ)] ਤਾ ਪਜਹਨ੍ਤਿ ਸਬ੍ਬਾ,

ਆਤਾਪਿਨੋ ¶ ਬ੍ਰਹ੍ਮਚਰਿਯਂ ਚਰਨ੍ਤਾਤਿ [ਉਦਾ. ੪੭ ਉਦਾਨੇਪਿ].

‘‘ਯੇ ਕਙ੍ਖਾਸਮਤਿਕ੍ਕਨ੍ਤਾ, ਕਙ੍ਖਾਭੂਤੇਸੁ ਪਾਣਿਸੁ;

ਅਸਂਸਯਾ ਵਿਸਂਯੁਤ੍ਤਾ, ਤੇਸੁ ਦਿਨ੍ਨਂ ਮਹਪ੍ਫਲਨ੍ਤਿ.

‘‘ਏਤਾਦਿਸੀ ਧਮ੍ਮਪਕਾਸਨੇਤ੍ਥ,

ਨ ਤਤ੍ਥ ਕਿਂ ਕਙ੍ਖਤਿ ਕੋਚਿ ਸਾਵਕੋ;

ਨਿਤ੍ਥਿਣ੍ਣਓਘਂ [ਨਿਤਿਣ੍ਣਓਘਂ (ਸੀ. ਕ.), ਨਿਤ੍ਤਿਣ੍ਣਓਘਂ (ਸ੍ਯਾ. ਕਂ.)] ਵਿਚਿਕਿਚ੍ਛਛਿਨ੍ਨਂ,

ਬੁਦ੍ਧਂ ਨਮਸ੍ਸਾਮ ਜਿਨਂ ਜਨਿਨ੍ਦਾ’’ਤਿ [ਦੀ. ਨਿ. ੨.੩੫੪].

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ? ਆਮਨ੍ਤਾ. ਨਨੁ ਅਰਹਾ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤੇ ਕਙ੍ਖੇਯ੍ਯ, ਮਗ੍ਗਾਮਗ੍ਗੇ ਕਙ੍ਖੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮੇ ਕਙ੍ਖੇਯ੍ਯਾ’’ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤੇ ਕਙ੍ਖੇਯ੍ਯ, ਮਗ੍ਗਾਮਗ੍ਗੇ ਕਙ੍ਖੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮੇ ਕਙ੍ਖੇਯ੍ਯ; ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਕਙ੍ਖਾ’’ਤਿ.

ਅਰਹਾ ¶ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤੇ ਕਙ੍ਖੇਯ੍ਯ, ਮਗ੍ਗਾਮਗ੍ਗੇ ਕਙ੍ਖੇਯ੍ਯ, ਤਿਣਕਟ੍ਠਵਨਪ੍ਪਤੀਨਂ ਨਾਮੇ ਕਙ੍ਖੇਯ੍ਯਾਤਿ, ਅਤ੍ਥਿ ਅਰਹਤੋ ਕਙ੍ਖਾਤਿ? ਆਮਨ੍ਤਾ. ਅਰਹਾ ਸੋਤਾਪਤ੍ਤਿਫਲੇ ਵਾ ਸਕਦਾਗਾਮਿਫਲੇ ਵਾ ਅਨਾਗਾਮਿਫਲੇ ਵਾ ਅਰਹਤ੍ਤੇ ਵਾ ਕਙ੍ਖੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਕਙ੍ਖਾਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੩) ੪. ਪਰਵਿਤਾਰਣਕਥਾ

੩੨੨. ਅਤ੍ਥਿ ¶ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ ¶ . ਅਰਹਾ ਪਰਨੇਯ੍ਯੋ ਪਰਪਤ੍ਤਿਯੋ ਪਰਪਚ੍ਚਯੋ ਪਰਪਟਿਬਦ੍ਧਭੂ, ਨ ਜਾਨਾਤਿ ਨ ਪਸ੍ਸਤਿ ਸਮ੍ਮੂਲ਼੍ਹੋ ਅਸਮ੍ਪਜਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਅਰਹਾ ਨ ਪਰਨੇਯ੍ਯੋ ਨ ਪਰਪਤ੍ਤਿਯੋ ਨ ਪਰਪਚ੍ਚਯੋ ਨ ਪਰਪਟਿਬਦ੍ਧਭੂ ਜਾਨਾਤਿ ਪਸ੍ਸਤਿ ਅਸਮ੍ਮੂਲ਼੍ਹੋ ਸਮ੍ਪਜਾਨੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਨ ਪਰਨੇਯ੍ਯੋ ਨ ਪਰਪਤ੍ਤਿਯੋ ਨ ਪਰਪਚ੍ਚਯੋ ਨ ਪਰਪਟਿਬਦ੍ਧਭੂ, ਜਾਨਾਤਿ ਪਸ੍ਸਤਿ ਅਸਮ੍ਮੂਲ਼੍ਹੋ ਸਮ੍ਪਜਾਨੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ¶ ਪੁਥੁਜ੍ਜਨਸ੍ਸ ਪਰਵਿਤਾਰਣਾ, ਸੋ ਚ ਪਰਨੇਯ੍ਯੋ ਪਰਪਤ੍ਤਿਯੋ ਪਰਪਚ੍ਚਯੋ ਪਰਪਟਿਬਦ੍ਧਭੂ, ਨ ਜਾਨਾਤਿ ਨ ਪਸ੍ਸਤਿ ਸਮ੍ਮੂਲ਼੍ਹੋ ਅਸਮ੍ਪਜਾਨੋਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਪਰਵਿਤਾਰਣਾ, ਸੋ ਚ ਪਰਨੇਯ੍ਯੋ ਪਰਪਤ੍ਤਿਯੋ ਪਰਪਚ੍ਚਯੋ ਪਰਪਟਿਬਦ੍ਧਭੂ, ਨ ਜਾਨਾਤਿ ਨ ਪਸ੍ਸਤਿ ਸਮ੍ਮੂਲ਼੍ਹੋ ਅਸਮ੍ਪਜਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਪਰਵਿਤਾਰਣਾ, ਸੋ ਚ ਨ ਪਰਨੇਯ੍ਯੋ ਨ ਪਰਪਤ੍ਤਿਯੋ ਨ ਪਰਪਚ੍ਚਯੋ ਨ ਪਰਪਟਿਬਦ੍ਧਭੂ, ਜਾਨਾਤਿ ਪਸ੍ਸਤਿ ਅਸਮ੍ਮੂਲ਼੍ਹੋ ਸਮ੍ਪਜਾਨੋਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ਪਰਵਿਤਾਰਣਾ, ਸੋ ਚ ਨ ਪਰਨੇਯ੍ਯੋ ਨ ਪਰਪਤ੍ਤਿਯੋ ਨ ਪਰਪਚ੍ਚਯੋ ਨ ਪਰਪਟਿਬਦ੍ਧਭੂ, ਜਾਨਾਤਿ ਪਸ੍ਸਤਿ ਅਸਮ੍ਮੂਲ਼੍ਹੋ ਸਮ੍ਪਜਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ, ਸਙ੍ਘੇ ਪਰਵਿਤਾਰਣਾ, ਸਿਕ੍ਖਾਯ ¶ ਪਰਵਿਤਾਰਣਾ, ਪੁਬ੍ਬਨ੍ਤੇ ਪਰਵਿਤਾਰਣਾ, ਅਪਰਨ੍ਤੇ ਪਰਵਿਤਾਰਣਾ, ਪੁਬ੍ਬਨ੍ਤਾਪਰਨ੍ਤੇ ਪਰਵਿਤਾਰਣਾ, ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਅਰਹਤੋ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਪੁਥੁਜ੍ਜਨਸ੍ਸ ਪਰਵਿਤਾਰਣਾ, ਅਤ੍ਥਿ ਤਸ੍ਸ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਪਰਵਿਤਾਰਣਾ, ਅਤ੍ਥਿ ਤਸ੍ਸ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਅਰਹਤੋ ਪਰਵਿਤਾਰਣਾ, ਨਤ੍ਥਿ ਤਸ੍ਸ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ਧਮ੍ਮੇਸੁ ਪਰਵਿਤਾਰਣਾਤਿ? ਆਮਨ੍ਤਾ. ਅਤ੍ਥਿ ਪੁਥੁਜ੍ਜਨਸ੍ਸ ¶ ਪਰਵਿਤਾਰਣਾ, ਨਤ੍ਥਿ ਤਸ੍ਸ ਸਤ੍ਥਰਿ ਪਰਵਿਤਾਰਣਾ, ਧਮ੍ਮੇ ਪਰਵਿਤਾਰਣਾ…ਪੇ… ਇਦਪ੍ਪਚ੍ਚਯਤਾਪਟਿਚ੍ਚਸਮੁਪ੍ਪਨ੍ਨੇਸੁ ¶ ਧਮ੍ਮੇਸੁ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੨੩. ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਰਾਗੋ ਪਹੀਨੋ ਉਚ੍ਛਿਨ੍ਨਮੂਲੋ ਤਾਲਾਵਤ੍ਥੁਕਤੋ ਅਨਭਾਵਙ੍ਕਤੋ ਆਯਤਿਂ ਅਨੁਪ੍ਪਾਦਧਮ੍ਮੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ¶ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ…ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਨਨੁ ¶ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

੩੨੪. ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਪਰਵਿਤਾਰਣਾ, ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਪਰਵਿਤਾਰਣਾਤਿ. ਸਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਪਰਵਿਤਾਰਣਾਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਅਤ੍ਥਿ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਪਰਵਿਤਾਰਣਾਤਿ? ਆਮਨ੍ਤਾ ¶ . ਸਧਮ੍ਮਕੁਸਲਸ੍ਸ ਅਰਹਤੋ ਨਤ੍ਥਿ ਪਰਵਿਤਾਰਣਾਤਿ? ਨ ਹੇਵਂ ¶ ਵਤ੍ਤਬ੍ਬੇ…ਪੇ….

ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਆਮਨ੍ਤਾ. ਪਰਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਅਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ.

ਸਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ…ਪੇ… ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ ¶ …ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਆਮਨ੍ਤਾ. ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਅਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਧਮ੍ਮਕੁਸਲਸ੍ਸ ¶ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਆਮਨ੍ਤਾ. ਸਧਮ੍ਮਕੁਸਲਸ੍ਸ ਅਰਹਤੋ ਰਾਗੋ ਪਹੀਨੋ, ਨਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ.

ਪਰਧਮ੍ਮਕੁਸਲਸ੍ਸ ਅਰਹਤੋ ਦੋਸੋ ਪਹੀਨੋ, ਮੋਹੋ ਪਹੀਨੋ…ਪੇ… ਅਨੋਤ੍ਤਪ੍ਪਂ ਪਹੀਨਂ…ਪੇ… ਰਾਗਪ੍ਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਦੋਸਪ੍ਪਹਾਨਾਯ…ਪੇ… ਅਨੋਤ੍ਤਪ੍ਪਪਹਾਨਾਯ ¶ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾ…ਪੇ… ਪਰਧਮ੍ਮਕੁਸਲੋ ਅਰਹਾ ਵੀਤਰਾਗੋ ¶ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਆਮਨ੍ਤਾ. ਸਧਮ੍ਮਕੁਸਲੋ ਅਰਹਾ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਨਤ੍ਥਿ ਤਸ੍ਸ ਪਰਵਿਤਾਰਣਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੨੫. ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ, ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ਨੋ ਅਪਸ੍ਸਤੋ! ਕਿਞ੍ਚ, ਭਿਕ੍ਖਵੇ, ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ਹੋਤਿ? ‘ਇਤਿ ਰੂਪਂ’…ਪੇ… ‘ਇਤਿ ਵਿਞ੍ਞਾਣਸ੍ਸ ਅਤ੍ਥਙ੍ਗਮੋ’ਤਿ – ਏਵਂ ਖੋ, ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ ¶ . ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਜਾਨਤੋਹਂ, ਭਿਕ੍ਖਵੇ, ਪਸ੍ਸਤੋ ਆਸਵਾਨਂ ਖਯਂ ਵਦਾਮਿ, ਨੋ ਅਜਾਨਤੋ ਨੋ ਅਪਸ੍ਸਤੋ! ਕਿਞ੍ਚ, ਭਿਕ੍ਖਵੇ, ਜਾਨਤੋ ਕਿਂ ਪਸ੍ਸਤੋ ਆਸਵਾਨਂ ਖਯੋ ਹੋਤਿ? ‘ਇਦਂ ਦੁਕ੍ਖ’ਨ੍ਤਿ – ਭਿਕ੍ਖਵੇ, ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ¶ ਹੋਤਿ, ‘ਅਯਂ ਦੁਕ੍ਖਸਮੁਦਯੋ’ਤਿ…ਪੇ… ‘ਅਯਂ ਦੁਕ੍ਖਨਿਰੋਧੋ’ਤਿ…ਪੇ… ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ – ਜਾਨਤੋ ਪਸ੍ਸਤੋ ਆਸਵਾਨਂ ਖਯੋ ਹੋਤਿ. ਏਵਂ ਖੋ, ਭਿਕ੍ਖਵੇ, ਜਾਨਤੋ ਏਵਂ ਪਸ੍ਸਤੋ ਆਸਵਾਨਂ ਖਯੋ ਹੋਤੀ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ ¶ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਬ੍ਬਂ, ਭਿਕ੍ਖਵੇ, ਅਨਭਿਜਾਨਂ ਅਪਰਿਜਾਨਂ ਅਵਿਰਾਜਯਂ ਅਪ੍ਪਜਹਂ ਅਭਬ੍ਬੋ ਦੁਕ੍ਖਕ੍ਖਯਾਯ; ਸਬ੍ਬਞ੍ਚ ਖੋ, ਭਿਕ੍ਖਵੇ, ਅਭਿਜਾਨਂ ਪਰਿਜਾਨਂ ਵਿਰਾਜਯਂ ਪਜਹਂ ਭਬ੍ਬੋ ਦੁਕ੍ਖਕ੍ਖਯਾਯਾ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਹਾਵਸ੍ਸ ਦਸ੍ਸਨਸਮ੍ਪਦਾਯ…ਪੇ… ਛਚ੍ਚਾਭਿਠਾਨਾਨਿ ਅਭਬ੍ਬ ਕਾਤੁ’’ਨ੍ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ¶ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ¶ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਸ੍ਮਿਂ, ਭਿਕ੍ਖਵੇ, ਸਮਯੇ ਅਰਿਯਸਾਵਕਸ੍ਸ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ – ‘ਯਂ ਕਿਞ੍ਚਿ ਸਮੁਦਯਧਮ੍ਮਂ, ਸਬ੍ਬਂ ਤਂ ਨਿਰੋਧਧਮ੍ਮ’ਨ੍ਤਿ, ਸਹ ਦਸ੍ਸਨੁਪ੍ਪਾਦਾ, ਭਿਕ੍ਖਵੇ, ਅਰਿਯਸਾਵਕਸ੍ਸ ਤੀਣਿ ਸਂਯੋਜਨਾਨਿ ਪਹੀਯਨ੍ਤਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਨਾਹਂ ਸਹਿਸ੍ਸਾਮਿ [ਗਮਿਸ੍ਸਾਮਿ (ਸੀ. ਸ੍ਯਾ. ਕ.), ਸਮੀਹਾਮਿ (ਪੀ.)] ਪਮੋਚਨਾਯ,

ਕਥਙ੍ਕਥਿਂ ਧੋਤਕ ਕਞ੍ਚਿ [ਕਿਞ੍ਚਿ (ਕ.)] ਲੋਕੇ;

ਧਮ੍ਮਞ੍ਚ ¶ ਸੇਟ੍ਠਂ ਅਭਿਜਾਨਮਾਨੋ,

ਏਵਂ ਤੁਵਂ ਓਘਮਿਮਂ ਤਰੇਸੀ’’ਤਿ [ਸੁ. ਨਿ. ੧੦੭੦ ਸੁਤ੍ਤਨਿਪਾਤੇ; ਚੂਲ਼ਨਿ. ੩੩ ਧੋਤਕਮਾਣਵਪੁਚ੍ਛਾਨਿਦ੍ਦੇਸ].

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਨ ਵਤ੍ਤਬ੍ਬਂ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ? ਆਮਨ੍ਤਾ. ਨਨੁ ਅਰਹਤੋ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਪਰੇ ਵਿਤਾਰੇਯ੍ਯੁਂ, ਮਗ੍ਗਾਮਗ੍ਗਂ ਪਰੇ ਵਿਤਾਰੇਯ੍ਯੁਂ, ਤਿਣਕਟ੍ਠਵਨਪ੍ਪਤੀਨਂ ਨਾਮਂ ਪਰੇ ਵਿਤਾਰੇਯ੍ਯੁਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਪਰੇ ਵਿਤਾਰੇਯ੍ਯੁਂ, ਮਗ੍ਗਾਮਗ੍ਗਂ ਪਰੇ ਵਿਤਾਰੇਯ੍ਯੁਂ, ਤਿਣਕਟ੍ਠਵਨਪ੍ਪਤੀਨਂ ¶ ਨਾਮਂ ਪਰੇ ਵਿਤਾਰੇਯ੍ਯੁਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਅਰਹਤੋ ਪਰਵਿਤਾਰਣਾ’’ਤਿ.

ਅਰਹਤੋ ਇਤ੍ਥਿਪੁਰਿਸਾਨਂ ਨਾਮਗੋਤ੍ਤਂ ਪਰੇ ਵਿਤਾਰੇਯ੍ਯੁਂ, ਮਗ੍ਗਾਮਗ੍ਗਂ ਪਰੇ ਵਿਤਾਰੇਯ੍ਯੁਂ, ਤਿਣਕਟ੍ਠਵਨਪ੍ਪਤੀਨਂ ਨਾਮਂ ਪਰੇ ਵਿਤਾਰੇਯ੍ਯੁਨ੍ਤਿ, ਅਤ੍ਥਿ ਅਰਹਤੋ ਪਰਵਿਤਾਰਣਾਤਿ? ਆਮਨ੍ਤਾ. ਅਰਹਤੋ ਸੋਤਾਪਤ੍ਤਿਫਲਂ ਵਾ ਸਕਦਾਗਾਮਿਫਲਂ ਵਾ ਅਨਾਗਾਮਿਫਲਂ ਵਾ ਅਰਹਤ੍ਤਂ ਵਾ ਪਰੇ ਵਿਤਾਰੇਯ੍ਯੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਰਵਿਤਾਰਣਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੪) ੫. ਵਚੀਭੇਦਕਥਾ

੩੨੬. ਸਮਾਪਨ੍ਨਸ੍ਸ ¶ ¶ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਬ੍ਬਤ੍ਥ ਸਮਾਪਨ੍ਨਾਨਂ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਬ੍ਬਦਾ ਸਮਾਪਨ੍ਨਾਨਂ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ¶ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਬ੍ਬੇਸਂ ਸਮਾਪਨ੍ਨਾਨਂ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਬ੍ਬਸਮਾਪਤ੍ਤੀਸੁ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਮਾਪਨ੍ਨਸ੍ਸ ਅਤ੍ਥਿ ਕਾਯਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ¶ ਨਤ੍ਥਿ ਕਾਯਭੇਦੋਤਿ? ਆਮਨ੍ਤਾ. ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਾਚਾ, ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸਮਾਪਨ੍ਨਸ੍ਸ ਅਤ੍ਥਿ ਕਾਯੋ, ਅਤ੍ਥਿ ਕਾਯਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਕਾਯੋ, ਨਤ੍ਥਿ ਕਾਯਭੇਦੋਤਿ? ਆਮਨ੍ਤਾ. ਸਮਾਪਨ੍ਨਸ੍ਸ ਅਤ੍ਥਿ ਵਾਚਾ, ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੨੭. ਦੁਕ੍ਖਨ੍ਤਿ ¶ ਜਾਨਨ੍ਤੋ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਸਮੁਦਯੋਤਿ ਜਾਨਨ੍ਤੋ ਸਮੁਦਯੋਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੁਕ੍ਖਨ੍ਤਿ ਜਾਨਨ੍ਤੋ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਨਿਰੋਧੋਤਿ ਜਾਨਨ੍ਤੋ ਨਿਰੋਧੋਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੁਕ੍ਖਨ੍ਤਿ ਜਾਨਨ੍ਤੋ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਮਗ੍ਗੋਤਿ ਜਾਨਨ੍ਤੋ ਮਗ੍ਗੋਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯੋਤਿ ¶ ¶ ਜਾਨਨ੍ਤੋ ਨ ਚ ਸਮੁਦਯੋਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਦੁਕ੍ਖਨ੍ਤਿ ਜਾਨਨ੍ਤੋ ਨ ਚ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਿਰੋਧੋਤਿ ਜਾਨਨ੍ਤੋ ਨ ਚ ਨਿਰੋਧੋਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਦੁਕ੍ਖਨ੍ਤਿ ਜਾਨਨ੍ਤੋ ਨ ਚ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਗ੍ਗੋਤਿ ਜਾਨਨ੍ਤੋ ਨ ਚ ਮਗ੍ਗੋਤਿ ਵਾਚਂ ਭਾਸਤੀਤਿ? ਆਮਨ੍ਤਾ. ਦੁਕ੍ਖਨ੍ਤਿ ਜਾਨਨ੍ਤੋ ਨ ਚ ਦੁਕ੍ਖਨ੍ਤਿ ਵਾਚਂ ਭਾਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੨੮. ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ ¶ . ਞਾਣਂ ਕਿਂਗੋਚਰਨ੍ਤਿ? ਞਾਣਂ ਸਚ੍ਚਗੋਚਰਨ੍ਤਿ. ਸੋਤਂ ਸਚ੍ਚਗੋਚਰਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਸੋਤਂ ਕਿਂ ਗੋਚਰਨ੍ਤਿ? ਸੋਤਂ ਸਦ੍ਦਗੋਚਰਨ੍ਤਿ. ਞਾਣਂ ਸਦ੍ਦਗੋਚਰਨ੍ਤਿ? ਨ ਹੇਵਂ ¶ ਵਤ੍ਤਬ੍ਬੇ.

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ ਞਾਣਂ ਸਚ੍ਚਗੋਚਰਂ, ਸੋਤਂ ਸਦ੍ਦਗੋਚਰਨ੍ਤਿ? ਆਮਨ੍ਤਾ. ਹਞ੍ਚਿ ਞਾਣਂ ਸਚ੍ਚਗੋਚਰਂ, ਸੋਤਂ ਸਦ੍ਦਗੋਚਰਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ ਞਾਣਂ ਸਚ੍ਚਗੋਚਰਂ, ਸੋਤਂ ਸਦ੍ਦਗੋਚਰਨ੍ਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ, ਦ੍ਵਿਨ੍ਨਂ ਵੇਦਨਾਨਂ, ਦ੍ਵਿਨ੍ਨਂ ਸਞ੍ਞਾਨਂ, ਦ੍ਵਿਨ੍ਨਂ ਚੇਤਨਾਨਂ, ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

੩੨੯. ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਪਥਵੀਕਸਿਣਂ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ.

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਆਪੋਕਸਿਣਂ…ਪੇ… ਤੇਜੋਕਸਿਣਂ… ਵਾਯੋਕਸਿਣਂ… ਨੀਲਕਸਿਣਂ… ਪੀਤਕਸਿਣਂ… ਲੋਹਿਤਕਸਿਣਂ… ਓਦਾਤਕਸਿਣਂ… ਆਕਾਸਾਨਞ੍ਚਾਯਤਨਂ ¶ … ਵਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ…ਪੇ… ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਪਥਵੀਕਸਿਣਂ ¶ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਹਞ੍ਚਿ ਪਥਵੀਕਸਿਣਂ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਆਪੋਕਸਿਣਂ ¶ … ਤੇਜੋਕਸਿਣਂ… ਵਾਯੋਕਸਿਣਂ… ਨੀਲਕਸਿਣਂ… ਪੀਤਕਸਿਣਂ… ਲੋਹਿਤਕਸਿਣਂ… ਓਦਾਤਕਸਿਣਂ… ਆਕਾਸਾਨਞ੍ਚਾਯਤਨਂ ¶ … ਵਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ… ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਹਞ੍ਚਿ ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕਿਯਸਮਾਪਤ੍ਤਿਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕਿਯਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕਿਯਂ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕਿਯਂ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਹਞ੍ਚਿ ਲੋਕਿਯਂ ਸਮਾਪਤ੍ਤਿਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਲੋਕਿਯਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ ¶ . ਹਞ੍ਚਿ ਲੋਕਿਯਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਲੋਕਿਯਂ ¶ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਹਞ੍ਚਿ ਲੋਕਿਯਂ ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ¶ ਅਤ੍ਥਿ ਵਚੀਭੇਦੋ’’ਤਿ.

੩੩੦. ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕਿਯਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕਿਯਂ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕਿਯਂ ¶ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕਿਯਂ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੩੧. ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕੁਤ੍ਤਰਂ ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਲੋਕੁਤ੍ਤਰਂ ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕੁਤ੍ਤਰਂ ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਆਮਨ੍ਤਾ ¶ . ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲੋਕੁਤ੍ਤਰਂ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ ¶ ? ਆਮਨ੍ਤਾ. ਲੋਕੁਤ੍ਤਰਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਨਤ੍ਥਿ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੩੨. ਨ ਵਤ੍ਤਬ੍ਬਂ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ? ਆਮਨ੍ਤਾ. ਨਨੁ ਵਿਤਕ੍ਕਵਿਚਾਰਾ ਵਚੀਸਙ੍ਖਾਰਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ? ਆਮਨ੍ਤਾ. ਹਞ੍ਚਿ ਵਿਤਕ੍ਕਵਿਚਾਰਾ ਵਚੀਸਙ੍ਖਾਰਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਵਿਤਕ੍ਕਵਿਚਾਰਾ ਵਚੀਸਙ੍ਖਾਰਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ [ਅਤ੍ਥਿ ਵਿਤਕ੍ਕਵਿਚਾਰਾ (ਸ੍ਯਾ.) ਏਵਮੁਪਰਿਪਿ], ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ. ਪਥਵੀਕਸਿਣਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਤਕ੍ਕਵਿਚਾਰਾ ¶ ਵਚੀਸਙ੍ਖਾਰਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ ¶ . ਆਪੋਕਸਿਣਂ… ਤੇਜੋਕਸਿਣਂ… ਵਾਯੋਕਸਿਣਂ… ਨੀਲਕਸਿਣਂ… ਪੀਤਕਸਿਣਂ… ਲੋਹਿਤਕਸਿਣਂ… ਓਦਾਤਕਸਿਣਂ ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ¶ ਵਤ੍ਤਬ੍ਬਂ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ? ਆਮਨ੍ਤਾ. ਨਨੁ ਵਿਤਕ੍ਕਸਮੁਟ੍ਠਾਨਾ ਵਾਚਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ? ਆਮਨ੍ਤਾ. ਹਞ੍ਚਿ ਵਿਤਕ੍ਕਸਮੁਟ੍ਠਾਨਾ ਵਾਚਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਵਿਤਕ੍ਕਸਮੁਟ੍ਠਾਨਾ ਵਾਚਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ. ਸਞ੍ਞਾਸਮੁਟ੍ਠਾਨਾ ਵਾਚਾ ਵੁਤ੍ਤਾ ਭਗਵਤਾ – ‘‘ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਸਞ੍ਞਾ, ਅਤ੍ਥਿ ਤਸ੍ਸ ਵਿਤਕ੍ਕਵਿਚਾਰਾ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਤਕ੍ਕਸਮੁਟ੍ਠਾਨਾ ¶ ਵਾਚਾ ਵੁਤ੍ਤਾ ਭਗਵਤਾ – ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਅਤ੍ਥਿ ਵਿਤਕ੍ਕਵਿਚਾਰਾ’’ਤਿ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ. ਸਞ੍ਞਾਸਮੁਟ੍ਠਾਨਾ ਵਾਚਾ ਵੁਤ੍ਤਾ ਭਗਵਤਾ – ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ… ਆਕਾਸਾਨਞ੍ਚਾਯਤਨਂ… ਵਿਞ੍ਞਾਣਞ੍ਚਾਯਤਨਂ… ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ ਅਤ੍ਥਿ ਸਞ੍ਞਾ, ਅਤ੍ਥਿ ਤਸ੍ਸ ਵਿਤਕ੍ਕਵਿਚਾਰਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੩੩. ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਨਨੁ ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਵਾਚਾ ਨਿਰੁਦ੍ਧਾ ਹੋਤੀ’’ਤਿ [ਸਂ. ਨਿ. ੪.੨੫੯, ੨੬੩]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ ¶ . ਹਞ੍ਚਿ ‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਵਾਚਾ ਨਿਰੁਦ੍ਧਾ ਹੋਤੀ’’ਤਿ, ਅਤ੍ਥੇਵ ¶ ਸੁਤ੍ਤਨ੍ਤੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਵਾਚਾ ਨਿਰੁਦ੍ਧਾ ਹੋਤੀ’’ਤਿ [ਸਂ. ਨਿ. ੪.੨੫੯, ੨੬੩], ਅਤ੍ਥੇਵ ਸੁਤ੍ਤਨ੍ਤੋਤਿ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ. ‘‘ਦੁਤਿਯਂ ਝਾਨਂ ਸਮਾਪਨ੍ਨਸ੍ਸ ਵਿਤਕ੍ਕਵਿਚਾਰਾ ਨਿਰੁਦ੍ਧਾ ਹੋਨ੍ਤੀ’’ਤਿ [ਸਂ. ਨਿ. ੪.੨੫੯, ੨੬੩], ਅਤ੍ਥੇਵ ਸੁਤ੍ਤਨ੍ਤੋਤਿ, ਅਤ੍ਥਿ ਤਸ੍ਸ ਵਿਤਕ੍ਕਵਿਚਾਰਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

‘‘ਪਠਮਂ ਝਾਨਂ ਸਮਾਪਨ੍ਨਸ੍ਸ ਵਾਚਾ ਨਿਰੁਦ੍ਧਾ ਹੋਤੀ’’ਤਿ [ਸਂ. ਨਿ. ੪.੨੫੯, ੨੬੩], ਅਤ੍ਥੇਵ ਸੁਤ੍ਤਨ੍ਤੋਤਿ, ਅਤ੍ਥਿ ਤਸ੍ਸ ਵਚੀਭੇਦੋਤਿ? ਆਮਨ੍ਤਾ. ‘‘ਤਤਿਯਂ ਝਾਨਂ ਸਮਾਪਨ੍ਨਸ੍ਸ ¶ ਪੀਤਿ ਨਿਰੁਦ੍ਧਾ ਹੋਤਿ, ਚਤੁਤ੍ਥਂ ਝਾਨਂ ਸਮਾਪਨ੍ਨਸ੍ਸ ਅਸ੍ਸਾਸਪਸ੍ਸਾਸਾ ਨਿਰੁਦ੍ਧਾ ਹੋਨ੍ਤਿ, ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਰੂਪਸਞ੍ਞਾ ਨਿਰੁਦ੍ਧਾ ਹੋਤਿ, ਵਿਞ੍ਞਾਣਞ੍ਚਾਯਤਨਂ ਸਮਾਪਨ੍ਨਸ੍ਸ ਆਕਾਸਾਨਞ੍ਚਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ, ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ ਵਿਞ੍ਞਾਣਞ੍ਚਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ, ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਆਕਿਞ੍ਚਞ੍ਞਾਯਤਨਸਞ੍ਞਾ ਨਿਰੁਦ੍ਧਾ ਹੋਤਿ, ਸਞ੍ਞਾਵੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ ਵੇਦਨਾ ਚ ਨਿਰੁਦ੍ਧਾ ਹੋਨ੍ਤੀ’’ਤਿ [ਸਂ. ਨਿ. ੪.੨੫੯, ੨੬੩; ਅ. ਨਿ. ੯.੩੧; ਦੀ. ਨਿ. ੩.੩੪੪], ਅਤ੍ਥੇਵ ਸੁਤ੍ਤਨ੍ਤੋਤਿ, ਅਤ੍ਥਿ ਤਸ੍ਸ ਸਞ੍ਞਾ ਚ ਵੇਦਨਾ ਚਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ? ਆਮਨ੍ਤਾ. ਨਨੁ ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਡਕੋ [ਕਣ੍ਟਕੋ (ਸ੍ਯਾ.) ਅ. ਨਿ. ੧੦.੭੨] ਵੁਤ੍ਤੋ ਭਗਵਤਾਤਿ [ਅ. ਨਿ. ੧੦.੭੨ ਕਣ੍ਟਕਸੁਤ੍ਤਂ ਨਿਸ੍ਸਾਯ ਪੁਚ੍ਛਤਿ]? ਆਮਨ੍ਤਾ. ਹਞ੍ਚਿ ¶ ਪਠਮਸ੍ਸ ਝਾਨਸ੍ਸ ਸਦ੍ਦੋ ਕਣ੍ਟਕੋ ਵੁਤ੍ਤੋ ਭਗਵਤਾ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ.

ਪਠਮਸ੍ਸ ¶ ਝਾਨਸ੍ਸ ਸਦ੍ਦੋ ਕਣ੍ਟਕੋ ਵੁਤ੍ਤੋ ਭਗਵਤਾਤਿ, ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ? ਆਮਨ੍ਤਾ. ਦੁਤਿਯਸ੍ਸ ¶ ਝਾਨਸ੍ਸ ਵਿਤਕ੍ਕਵਿਚਾਰਾ ਕਣ੍ਟਕੋ ਵੁਤ੍ਤੋ ਭਗਵਤਾ… ਤਤਿਯਸ੍ਸ ਝਾਨਸ੍ਸ ਪੀਤਿ ਕਣ੍ਟਕੋ ਵੁਤ੍ਤੋ ਭਗਵਤਾ… ਚਤੁਤ੍ਥਸ੍ਸ ਝਾਨਸ੍ਸ ਅਸ੍ਸਾਸਪਸ੍ਸਾਸਾ ਕਣ੍ਟਕੋ ਵੁਤ੍ਤੋ ਭਗਵਤਾ [ਅ. ਨਿ. ੧੦.੭੨] … ਆਕਾਸਾਨਞ੍ਚਾਯਤਨਂ ਸਮਾਪਨ੍ਨਸ੍ਸ ਰੂਪਸਞ੍ਞਾ ਕਣ੍ਟਕੋ ਵੁਤ੍ਤੋ ਭਗਵਤਾ… ਵਿਞ੍ਞਾਣਞ੍ਚਾਯਤਨਂ ਸਮਾਪਨ੍ਨਸ੍ਸ ਆਕਾਸਾਨਞ੍ਚਾਯਤਨਸਞ੍ਞਾ ਕਣ੍ਟਕੋ ਵੁਤ੍ਤੋ ਭਗਵਤਾ… ਆਕਿਞ੍ਚਞ੍ਞਾਯਤਨਂ ਸਮਾਪਨ੍ਨਸ੍ਸ ਵਿਞ੍ਞਾਣਞ੍ਚਾਯਤਨਸਞ੍ਞਾ ਕਣ੍ਟਕੋ ਵੁਤ੍ਤੋ ਭਗਵਤਾ… ਨੇਵਸਞ੍ਞਾਨਾਸਞ੍ਞਾਯਤਨਂ ਸਮਾਪਨ੍ਨਸ੍ਸ ਆਕਿਞ੍ਚਞ੍ਞਾਯਤਨਸਞ੍ਞਾ ਕਣ੍ਟਕੋ ਵੁਤ੍ਤੋ ਭਗਵਤਾ… ਸਞ੍ਞਾਵੇਦਯਿਤਨਿਰੋਧਂ ਸਮਾਪਨ੍ਨਸ੍ਸ ਸਞ੍ਞਾ ਚ ਵੇਦਨਾ ਚ ਕਣ੍ਟਕੋ ਵੁਤ੍ਤੋ ਭਗਵਤਾ [ਅ. ਨਿ. ੧੦.੭੨], ਅਤ੍ਥਿ ਤਸ੍ਸ ਸਞ੍ਞਾ ਚ ਵੇਦਨਾ ਚਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਿਖਿਸ੍ਸ, ਆਨਨ੍ਦ, ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅਭਿਭੂ ਨਾਮ ਸਾਵਕੋ ਬ੍ਰਹ੍ਮਲੋਕੇ ਠਿਤੋ ਦਸਸਹਸ੍ਸਿਲੋਕਧਾਤੁਂ ਸਰੇਨ ਵਿਞ੍ਞਾਪੇਸਿ –

‘ਆਰਬ੍ਭਥ ¶ ਨਿਕ੍ਕਮਥ, ਯੁਞ੍ਜਥ ਬੁਦ੍ਧਸਾਸਨੇ;

ਧੁਨਾਥ ਮਚ੍ਚੁਨੋ ਸੇਨਂ, ਨਲ਼ਾਗਾਰਂਵ ਕੁਞ੍ਜਰੋ.

‘ਯੋ ¶ ਇਮਸ੍ਮਿਂ ਧਮ੍ਮਵਿਨਯੇ, ਅਪ੍ਪਮਤ੍ਤੋ ਵਿਹਸ੍ਸਤਿ [ਵਿਹੇਸ੍ਸਤਿ (ਸੀ. ਸ੍ਯਾ. ਕਂ.) ਵਿਹਰਿਸ੍ਸਤਿ (ਕ.)];

ਪਹਾਯ ਜਾਤਿਸਂਸਾਰਂ, ਦੁਕ੍ਖਸ੍ਸਨ੍ਤਂ ਕਰਿਸ੍ਸਤੀ’’’ਤਿ [ਅ. ਨਿ. ੧ ਤਿਕਨਿਪਾਤੇ; ਸਂ. ਨਿ. ੧.੨੮੫].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਸਮਾਪਨ੍ਨਸ੍ਸ ਅਤ੍ਥਿ ਵਚੀਭੇਦੋਤਿ.

ਵਚੀਭੇਦਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੫) ੬. ਦੁਕ੍ਖਾਹਾਰਕਥਾ

੩੩੪. ਦੁਕ੍ਖਾਹਾਰੋ ¶ ਮਗ੍ਗਙ੍ਗਂ ਮਗ੍ਗਪਰਿਯਾਪਨ੍ਨਨ੍ਤਿ? ਆਮਨ੍ਤਾ ¶ . ਯੇ ਕੇਚਿ ਦੁਕ੍ਖਨ੍ਤਿ ਵਾਚਂ ਭਾਸਨ੍ਤਿ, ਸਬ੍ਬੇ ਤੇ ਮਗ੍ਗਂ ਭਾਵੇਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਯੇ ਕੇਚਿ ਦੁਕ੍ਖਨ੍ਤਿ ਵਾਚਂ ਭਾਸਨ੍ਤਿ, ਸਬ੍ਬੇ ਤੇ ਮਗ੍ਗਂ ਭਾਵੇਨ੍ਤੀਤਿ? ਆਮਨ੍ਤਾ. ਬਾਲਪੁਥੁਜ੍ਜਨਾ ਦੁਕ੍ਖਨ੍ਤਿ ਵਾਚਂ ਭਾਸਨ੍ਤਿ, ਬਾਲਪੁਥੁਜ੍ਜਨਾ ਮਗ੍ਗਂ ਭਾਵੇਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ. ਮਾਤੁਘਾਤਕੋ… ਪਿਤੁਘਾਤਕੋ… ਅਰਹਨ੍ਤਘਾਤਕੋ… ਰੁਹਿਰੁਪ੍ਪਾਦਕੋ [ਲੋਹਿਤੁਪ੍ਪਾਦਕੋ (ਸੀ. ਕ.) ਅਞ੍ਞਟ੍ਠਾਨੇਸੁ ਪਨ ਰੁਹਿਰੁਪ੍ਪਾਦਕੋਤ੍ਵੇਵ ਦਿਸ੍ਸਤਿ] … ਸਙ੍ਘਭੇਦਕੋ ਦੁਕ੍ਖਨ੍ਤਿ ਵਾਚਂ ਭਾਸਤਿ, ਸਙ੍ਘਭੇਦਕੋ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦੁਕ੍ਖਾਹਾਰਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੬) ੭. ਚਿਤ੍ਤਟ੍ਠਿਤਿਕਥਾ

੩੩੫. ਏਕਂ ¶ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਆਮਨ੍ਤਾ. ਉਪਡ੍ਢਦਿਵਸੋ ਉਪ੍ਪਾਦਕ੍ਖਣੋ, ਉਪਡ੍ਢਦਿਵਸੋ ਵਯਕ੍ਖਣੋਤਿ? ਨ ਹੇਵਂ ਵਤ੍ਤਬ੍ਬੇ.

ਏਕਂ ¶ ਚਿਤ੍ਤਂ ਦ੍ਵੇ ਦਿਵਸੇ ਤਿਟ੍ਠਤੀਤਿ? ਆਮਨ੍ਤਾ. ਦਿਵਸੋ ਉਪ੍ਪਾਦਕ੍ਖਣੋ, ਦਿਵਸੋ ਵਯਕ੍ਖਣੋਤਿ? ਨ ਹੇਵਂ ਵਤ੍ਤਬ੍ਬੇ.

ਏਕਂ ਚਿਤ੍ਤਂ ਚਤ੍ਤਾਰੋ ਦਿਵਸੇ ਤਿਟ੍ਠਤਿ… ਅਟ੍ਠ ਦਿਵਸੇ ਤਿਟ੍ਠਤਿ… ਦਸ ਦਿਵਸੇ ਤਿਟ੍ਠਤਿ… ਵੀਸਤਿ ਦਿਵਸੇ ਤਿਟ੍ਠਤਿ… ਮਾਸਂ ਤਿਟ੍ਠਤਿ… ਦ੍ਵੇ ਮਾਸੇ ਤਿਟ੍ਠਤਿ… ਚਤ੍ਤਾਰੋ ਮਾਸੇ ਤਿਟ੍ਠਤਿ… ਅਟ੍ਠ ਮਾਸੇ ¶ ਤਿਟ੍ਠਤਿ… ਦਸ ਮਾਸੇ ਤਿਟ੍ਠਤਿ… ਸਂਵਚ੍ਛਰਂ ਤਿਟ੍ਠਤਿ… ਦ੍ਵੇ ਵਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਵਸ੍ਸਾਨਿ ਤਿਟ੍ਠਤਿ… ਅਟ੍ਠ ਵਸ੍ਸਾਨਿ ਤਿਟ੍ਠਤਿ… ਦਸ ਵਸ੍ਸਾਨਿ ਤਿਟ੍ਠਤਿ… ਵੀਸਤਿ ਵਸ੍ਸਾਨਿ ਤਿਟ੍ਠਤਿ… ਤਿਂਸ ਵਸ੍ਸਾਨਿ ਤਿਟ੍ਠਤਿ… ਚਤ੍ਤਾਰੀਸ ਵਸ੍ਸਾਨਿ ਤਿਟ੍ਠਤਿ… ਪਞ੍ਞਾਸ ਵਸ੍ਸਾਨਿ ਤਿਟ੍ਠਤਿ… ਵਸ੍ਸਸਤਂ ਤਿਟ੍ਠਤਿ… ਦ੍ਵੇ ਵਸ੍ਸਸਤਾਨਿ ¶ ਤਿਟ੍ਠਤਿ… ਚਤ੍ਤਾਰਿ ਵਸ੍ਸਸਤਾਨਿ ਤਿਟ੍ਠਤਿ… ਪਞ੍ਚ ਵਸ੍ਸਸਤਾਨਿ ਤਿਟ੍ਠਤਿ… ਵਸ੍ਸਸਹਸ੍ਸਂ ਤਿਟ੍ਠਤਿ… ਦ੍ਵੇ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਕਪ੍ਪਂ ਤਿਟ੍ਠਤਿ… ਦ੍ਵੇ ਕਪ੍ਪੇ ਤਿਟ੍ਠਤਿ… ਚਤ੍ਤਾਰੋ ਕਪ੍ਪੇ ਤਿਟ੍ਠਤਿ… ਅਟ੍ਠ ਕਪ੍ਪੇ ਤਿਟ੍ਠਤਿ… ਸੋਲ਼ਸ ਕਪ੍ਪੇ ਤਿਟ੍ਠਤਿ… ਬਾਤ੍ਤਿਂਸ ਕਪ੍ਪੇ ਤਿਟ੍ਠਤਿ… ਚਤੁਸਟ੍ਠਿ ਕਪ੍ਪੇ ਤਿਟ੍ਠਤਿ… ਪਞ੍ਚ ਕਪ੍ਪਸਤਾਨਿ ਤਿਟ੍ਠਤਿ… ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਦ੍ਵੇ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਕਪ੍ਪਸਹਸ੍ਸਾਨਿ ¶ ਤਿਟ੍ਠਤਿ… ਅਟ੍ਠ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਵੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰੀਸ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਸਟ੍ਠਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤੁਰਾਸੀਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ. ਦ੍ਵੇਚਤ੍ਤਾਰੀਸ ਕਪ੍ਪਸਹਸ੍ਸਾਨਿ ਉਪ੍ਪਾਦਕ੍ਖਣੋ, ਦ੍ਵੇਚਤ੍ਤਾਰੀਸ ਕਪ੍ਪਸਹਸ੍ਸਾਨਿ ਵਯਕ੍ਖਣੋਤਿ? ਨ ਹੇਵਂ ਵਤ੍ਤਬ੍ਬੇ.

ਏਕਂ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਆਮਨ੍ਤਾ. ਅਤ੍ਥਞ੍ਞੇ ਧਮ੍ਮਾ ਏਕਾਹਂ ਬਹੁਮ੍ਪਿ ਉਪ੍ਪਜ੍ਜਿਤ੍ਵਾ ਨਿਰੁਜ੍ਝਨ੍ਤੀਤਿ? ਆਮਨ੍ਤਾ. ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿਵਤ੍ਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿਵਤ੍ਤਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਨਾਹਂ, ਭਿਕ੍ਖਵੇ, ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ ਏਵਂ ਲਹੁਪਰਿਵਤ੍ਤਂ ਯਥਯਿਦਂ ਚਿਤ੍ਤਂ. ਯਾਵਞ੍ਚਿਦਂ, ਭਿਕ੍ਖਵੇ, ਉਪਮਾਪਿ ਨ ਸੁਕਰਾ ਯਾਵ ਲਹੁਪਰਿਵਤ੍ਤਂ ਚਿਤ੍ਤ’’ਨ੍ਤਿ [ਅ. ਨਿ. ੧.੪੮]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿਵਤ੍ਤਾ’’ਤਿ.

ਤੇ ¶ ਧਮ੍ਮਾ ਚਿਤ੍ਤੇਨ ਲਹੁਪਰਿਵਤ੍ਤਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸੇਯ੍ਯਥਾਪਿ, ਭਿਕ੍ਖਵੇ, ਮਕ੍ਕਟੋ ¶ ਅਰਞ੍ਞੇ ਪਵਨੇ ਚਰਮਾਨੋ ਸਾਖਂ ਗਣ੍ਹਤਿ, ਤਂ ਮੁਞ੍ਚਿਤ੍ਵਾ ਅਞ੍ਞਂ ਗਣ੍ਹਤਿ, ਤਂ ਮੁਞ੍ਚਿਤ੍ਵਾ ਅਞ੍ਞਂ ਗਣ੍ਹਤਿ; ਏਵਮੇਵ ਖੋ, ਭਿਕ੍ਖਵੇ, ਯਮਿਦਂ [ਯਦਿਦਂ (ਬਹੂਸੁ)] ਵੁਚ੍ਚਤਿ ਚਿਤ੍ਤਂ ਇਤਿਪਿ ਮਨੋ ਇਤਿਪਿ ਵਿਞ੍ਞਾਣਂ ਇਤਿਪਿ ਤਂ ਰਤ੍ਤਿਯਾ ਚ ਦਿਵਸਸ੍ਸ ਚ ਅਞ੍ਞਦੇਵ ਉਪ੍ਪਜ੍ਜਤਿ ¶ ਅਞ੍ਞਂ ਨਿਰੁਜ੍ਝਤੀ’’ਤਿ [ਸਂ. ਨਿ. ੨.੬੧]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਤੇ ਧਮ੍ਮਾ ਚਿਤ੍ਤੇਨ ਲਹੁਪਰਿਵਤ੍ਤਾ’’ਤਿ.

੩੩੬. ਏਕਂ ¶ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਆਮਨ੍ਤਾ. ਚਕ੍ਖੁਵਿਞ੍ਞਾਣਂ ਦਿਵਸਂ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ. ਸੋਤਵਿਞ੍ਞਾਣਂ…ਪੇ… ਘਾਨਵਿਞ੍ਞਾਣਂ… ਜਿਵ੍ਹਾਵਿਞ੍ਞਾਣਂ… ਕਾਯਵਿਞ੍ਞਾਣਂ… ਅਕੁਸਲਂ ਚਿਤ੍ਤਂ… ਰਾਗਸਹਗਤਂ… ਦੋਸਸਹਗਤਂ… ਮੋਹਸਹਗਤਂ… ਮਾਨਸਹਗਤਂ… ਦਿਟ੍ਠਿਸਹਗਤਂ… ਵਿਚਿਕਿਚ੍ਛਾਸਹਗਤਂ… ਥਿਨਸਹਗਤਂ… ਉਦ੍ਧਚ੍ਚਸਹਗਤਂ… ਅਹਿਰਿਕਸਹਗਤਂ… ਅਨੋਤ੍ਤਪ੍ਪਸਹਗਤਂ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਂ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਆਮਨ੍ਤਾ. ਯੇਨੇਵ ਚਿਤ੍ਤੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਤੇਨੇਵ ਚਿਤ੍ਤੇਨ ਸੋਤੇਨ ਸਦ੍ਦਂ ਸੁਣਾਤਿ…ਪੇ… ਘਾਨੇਨ ਗਨ੍ਧਂ ਘਾਯਤਿ… ਜਿਵ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ ਵਿਜਾਨਾਤਿ…ਪੇ… ਯੇਨੇਵ ਚਿਤ੍ਤੇਨ ਮਨਸਾ ਧਮ੍ਮਂ ਵਿਜਾਨਾਤਿ, ਤੇਨੇਵ ਚਿਤ੍ਤੇਨ ਚਕ੍ਖੁਨਾ ਰੂਪਂ ਪਸ੍ਸਤਿ…ਪੇ… ਸੋਤੇਨ ਸਦ੍ਦਂ ਸੁਣਾਤਿ… ਘਾਨੇਨ ਗਨ੍ਧਂ ਘਾਯਤਿ… ਜਿਵ੍ਹਾਯ ਰਸਂ ਸਾਯਤਿ…ਪੇ… ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਂ ਚਿਤ੍ਤਂ ਦਿਵਸਂ ਤਿਟ੍ਠਤੀਤਿ? ਆਮਨ੍ਤਾ. ਯੇਨੇਵ ਚਿਤ੍ਤੇਨ ਅਭਿਕ੍ਕਮਤਿ, ਤੇਨੇਵ ਚਿਤ੍ਤੇਨ ਪਟਿਕ੍ਕਮਤਿ; ਯੇਨੇਵ ਚਿਤ੍ਤੇਨ ਪਟਿਕ੍ਕਮਤਿ, ਤੇਨੇਵ ਚਿਤ੍ਤੇਨ ਅਭਿਕ੍ਕਮਤਿ; ਯੇਨੇਵ ਚਿਤ੍ਤੇਨ ਆਲੋਕੇਤਿ, ਤੇਨੇਵ ਚਿਤ੍ਤੇਨ ਵਿਲੋਕੇਤਿ; ਯੇਨੇਵ ¶ ਚਿਤ੍ਤੇਨ ਵਿਲੋਕੇਤਿ, ਤੇਨੇਵ ਚਿਤ੍ਤੇਨ ਆਲੋਕੇਤਿ; ਯੇਨੇਵ ਚਿਤ੍ਤੇਨ ਸਮਿਞ੍ਜੇਤਿ, ਤੇਨੇਵ ਚਿਤ੍ਤੇਨ ਪਸਾਰੇਤਿ ¶ ; ਯੇਨੇਵ ਚਿਤ੍ਤੇਨ ਪਸਾਰੇਤਿ, ਤੇਨੇਵ ਚਿਤ੍ਤੇਨ ਸਮਿਞ੍ਜੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੩੭. ਆਕਾਸਾਨਞ੍ਚਾਯਤਨੂਪਗਾਨਂ ¶ ਦੇਵਾਨਂ ਏਕਂ ਚਿਤ੍ਤਂ ਯਾਵਤਾਯੁਕਂ ਤਿਟ੍ਠਤੀਤਿ? ਆਮਨ੍ਤਾ. ਮਨੁਸ੍ਸਾਨਂ ਏਕਂ ਚਿਤ੍ਤਂ ਯਾਵਤਾਯੁਕਂ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਕਾਸਾਨਞ੍ਚਾਯਤਨੂਪਗਾਨਂ ਦੇਵਾਨਂ ਏਕਂ ਚਿਤ੍ਤਂ ਯਾਵਤਾਯੁਕਂ ਤਿਟ੍ਠਤੀਤਿ? ਆਮਨ੍ਤਾ. ਚਾਤੁਮਹਾਰਾਜਿਕਾਨਂ ਦੇਵਾਨਂ…ਪੇ… ਤਾਵਤਿਂਸਾਨਂ ਦੇਵਾਨਂ… ਯਾਮਾਨਂ ਦੇਵਾਨਂ… ਤੁਸਿਤਾਨਂ ਦੇਵਾਨਂ… ਨਿਮ੍ਮਾਨਰਤੀਨਂ ਦੇਵਾਨਂ… ਪਰਨਿਮ੍ਮਿਤਵਸਵਤ੍ਤੀਨਂ ਦੇਵਾਨਂ… ਬ੍ਰਹ੍ਮਪਾਰਿਸਜ੍ਜਾਨਂ ਦੇਵਾਨਂ… ਬ੍ਰਹ੍ਮਪੁਰੋਹਿਤਾਨਂ ਦੇਵਾਨਂ… ਮਹਾਬ੍ਰਹ੍ਮਾਨਂ ਦੇਵਾਨਂ… ਪਰਿਤ੍ਤਾਭਾਨਂ ਦੇਵਾਨਂ… ਅਪ੍ਪਮਾਣਾਭਾਨਂ ਦੇਵਾਨਂ… ਆਭਸ੍ਸਰਾਨਂ ਦੇਵਾਨਂ… ਪਰਿਤ੍ਤਸੁਭਾਨਂ ਦੇਵਾਨਂ… ਅਪ੍ਪਮਾਣਸੁਭਾਨਂ ਦੇਵਾਨਂ… ਸੁਭਕਿਣ੍ਹਾਨਂ ਦੇਵਾਨਂ ¶ … ਵੇਹਪ੍ਫਲਾਨਂ ਦੇਵਾਨਂ… ਅਵਿਹਾਨਂ ਦੇਵਾਨਂ… ਅਤਪ੍ਪਾਨਂ ਦੇਵਾਨਂ… ਸੁਦਸ੍ਸਾਨਂ ਦੇਵਾਨਂ… ਸੁਦਸ੍ਸੀਨਂ ਦੇਵਾਨਂ… ਅਕਨਿਟ੍ਠਾਨਂ ਦੇਵਾਨਂ ਏਕਂ ਚਿਤ੍ਤਂ ਯਾਵਤਾਯੁਕਂ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਕਾਸਾਨਞ੍ਚਾਯਤਨੂਪਗਾਨਂ ਦੇਵਾਨਂ ਵੀਸਤਿ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਆਕਾਸਾਨਞ੍ਚਾਯਤਨੂਪਗਾਨਂ ਦੇਵਾਨਂ ਏਕਂ ਚਿਤ੍ਤਂ ਵੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ. ਮਨੁਸ੍ਸਾਨਂ ਵਸ੍ਸਸਤਂ ਆਯੁਪ੍ਪਮਾਣਂ, ਮਨੁਸ੍ਸਾਨਂ ਏਕਂ ਚਿਤ੍ਤਂ ਵਸ੍ਸਸਤਂ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਕਾਸਾਨਞ੍ਚਾਯਤਨੂਪਗਾਨਂ ¶ ਦੇਵਾਨਂ ਵੀਸਤਿ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਆਕਾਸਾਨਞ੍ਚਾਯਤਨੂਪਗਾਨਂ ਦੇਵਾਨਂ ਏਕਂ ਚਿਤ੍ਤਂ ਵੀਸਤਿ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਆਮਨ੍ਤਾ. ਚਾਤੁਮਹਾਰਾਜਿਕਾਨਂ ¶ ਦੇਵਾਨਂ ਪਞ੍ਚ ਵਸ੍ਸਸਤਾਨਿ ਆਯੁਪ੍ਪਮਾਣਂ, ਚਾਤੁਮਹਾਰਾਜਿਕਾਨਂ ਦੇਵਾਨਂ ਏਕਂ ਚਿਤ੍ਤਂ ਪਞ੍ਚ ਵਸ੍ਸਸਤਾਨਿ ਤਿਟ੍ਠਤਿ… ਵਸ੍ਸਸਹਸ੍ਸਂ ਤਿਟ੍ਠਤਿ… ਦ੍ਵੇ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਸੋਲ਼ਸ ਵਸ੍ਸਸਹਸ੍ਸਾਨਿ ਤਿਟ੍ਠਤਿ… ਕਪ੍ਪਸ੍ਸ ਤਤਿਯਭਾਗਂ ਤਿਟ੍ਠਤਿ… ਉਪਡ੍ਢਕਪ੍ਪਂ ਤਿਟ੍ਠਤਿ… ਏਕਂ ਕਪ੍ਪਂ ਤਿਟ੍ਠਤਿ… ਦ੍ਵੇ ਕਪ੍ਪੇ ਤਿਟ੍ਠਤਿ… ਚਤ੍ਤਾਰੋ ਕਪ੍ਪੇ ਤਿਟ੍ਠਤਿ… ਅਟ੍ਠ ਕਪ੍ਪੇ ਤਿਟ੍ਠਤਿ… ਸੋਲ਼ਸ ਕਪ੍ਪੇ ਤਿਟ੍ਠਤਿ… ਬਾਤ੍ਤਿਂਸ ਕਪ੍ਪੇ ਤਿਟ੍ਠਤਿ… ਚਤੁਸਟ੍ਠਿ ਕਪ੍ਪੇ ਤਿਟ੍ਠਤਿ… ਪਞ੍ਚ ਕਪ੍ਪਸਤਾਨਿ ਤਿਟ੍ਠਤਿ… ਕਪ੍ਪਸਹਸ੍ਸਂ ਤਿਟ੍ਠਤਿ… ਦ੍ਵੇ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਚਤ੍ਤਾਰਿ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਅਟ੍ਠ ਕਪ੍ਪਸਹਸ੍ਸਾਨਿ ਤਿਟ੍ਠਤਿ… ਅਕਨਿਟ੍ਠਾਨਂ ਦੇਵਾਨਂ ਸੋਲ਼ਸ ਕਪ੍ਪਸਹਸ੍ਸਾਨਿ ਆਯੁਪ੍ਪਮਾਣਂ, ਅਕਨਿਟ੍ਠਾਨਂ ਦੇਵਾਨਂ ਏਕਂ ਚਿਤ੍ਤਂ ਸੋਲ਼ਸ ਕਪ੍ਪਸਹਸ੍ਸਾਨਿ ਤਿਟ੍ਠਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਕਾਸਾਨਞ੍ਚਾਯਤਨੂਪਗਾਨਂ ¶ ਦੇਵਾਨਂ ਚਿਤ੍ਤਂ ਮੁਹੁਤ੍ਤਂ ਮੁਹੁਤ੍ਤਂ ਉਪ੍ਪਜ੍ਜਤਿ ਮੁਹੁਤ੍ਤਂ ਮੁਹੁਤ੍ਤਂ ਨਿਰੁਜ੍ਝਤੀਤਿ? ਆਮਨ੍ਤਾ. ਆਕਾਸਾਨਞ੍ਚਾਯਤਨੂਪਗਾ ਦੇਵਾ ਮੁਹੁਤ੍ਤਂ ਮੁਹੁਤ੍ਤਂ ਚਵਨ੍ਤਿ ਮੁਹੁਤ੍ਤਂ ਮੁਹੁਤ੍ਤਂ ਉਪ੍ਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਆਕਾਸਾਨਞ੍ਚਾਯਤਨੂਪਗਾਨਂ ਦੇਵਾਨਂ ਏਕਂ ਚਿਤ੍ਤਂ ਯਾਵਤਾਯੁਕਂ ਤਿਟ੍ਠਤੀਤਿ ¶ ? ਆਮਨ੍ਤਾ. ਆਕਾਸਾਨਞ੍ਚਾਯਤਨੂਪਗਾ ਦੇਵਾ ਯੇਨੇਵ ਚਿਤ੍ਤੇਨ ਉਪ੍ਪਜ੍ਜਨ੍ਤਿ, ਤੇਨੇਵ ਚਿਤ੍ਤੇਨ ਚਵਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਚਿਤ੍ਤਟ੍ਠਿਤਿਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੭) ੮. ਕੁਕ੍ਕੁਲ਼ਕਥਾ

੩੩੮. ਸਬ੍ਬੇ ¶ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਨਨੁ ਅਤ੍ਥਿ ਸੁਖਾ ਵੇਦਨਾ, ਕਾਯਿਕਂ ਸੁਖਂ, ਚੇਤਸਿਕਂ ਸੁਖਂ ¶ , ਦਿਬ੍ਬਂ ਸੁਖਂ, ਮਾਨੁਸਕਂ ਸੁਖਂ, ਲਾਭਸੁਖਂ, ਸਕ੍ਕਾਰਸੁਖਂ, ਯਾਨਸੁਖਂ, ਸਯਨਸੁਖਂ, ਇਸ੍ਸਰਿਯਸੁਖਂ, ਆਧਿਪਚ੍ਚਸੁਖਂ, ਗਿਹਿਸੁਖਂ, ਸਾਮਞ੍ਞਸੁਖਂ, ਸਾਸਵਂ ਸੁਖਂ, ਅਨਾਸਵਂ ਸੁਖਂ, ਉਪਧਿਸੁਖਂ, ਨਿਰੂਪਧਿਸੁਖਂ, ਸਾਮਿਸਂ ਸੁਖਂ, ਨਿਰਾਮਿਸਂ ਸੁਖਂ, ਸਪ੍ਪੀਤਿਕਂ ਸੁਖਂ, ਨਿਪ੍ਪੀਤਿਕਂ ਸੁਖਂ, ਝਾਨਸੁਖਂ, ਵਿਮੁਤ੍ਤਿਸੁਖਂ, ਕਾਮਸੁਖਂ, ਨੇਕ੍ਖਮ੍ਮਸੁਖਂ, ਵਿਵੇਕਸੁਖਂ, ਉਪਸਮਸੁਖਂ, ਸਮ੍ਬੋਧਸੁਖਨ੍ਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਸੁਖਾ ਵੇਦਨਾ…ਪੇ… ਸਮ੍ਬੋਧਸੁਖਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਸਬ੍ਬੇ ਸਙ੍ਖਾਰਾ ਦੁਕ੍ਖਾ ਵੇਦਨਾ ਕਾਯਿਕਂ ਦੁਕ੍ਖਂ ਚੇਤਸਿਕਂ ਦੁਕ੍ਖਂ ਸੋਕਪਰਿਦੇਵਦੁਕ੍ਖਦੋਮਨਸ੍ਸਉਪਾਯਾਸਾਤਿ? ਨ ਹੇਵਂ ਵਤ੍ਤਬ੍ਬੇ.

ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਬ੍ਬਂ, ਭਿਕ੍ਖਵੇ, ਆਦਿਤ੍ਤਂ! ਕਿਞ੍ਚ, ਭਿਕ੍ਖਵੇ, ਸਬ੍ਬਂ ਆਦਿਤ੍ਤਂ? ਚਕ੍ਖੁਂ, ਭਿਕ੍ਖਵੇ, ਆਦਿਤ੍ਤਂ, ਰੂਪਾ ਆਦਿਤ੍ਤਾ, ਚਕ੍ਖੁਵਿਞ੍ਞਾਣਂ ¶ ਆਦਿਤ੍ਤਂ, ਚਕ੍ਖੁਸਮ੍ਫਸ੍ਸੋ ਆਦਿਤ੍ਤੋ; ਯਮਿਦਂ [ਯਮ੍ਪਿਦਂ (ਸਂ. ਨਿ. ੪.੨੮)] ਚਕ੍ਖੁਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ, ਤਮ੍ਪਿ ਆਦਿਤ੍ਤਂ. ਕੇਨ ਆਦਿਤ੍ਤਂ? ‘ਰਾਗਗ੍ਗਿਨਾ ਦੋਸਗ੍ਗਿਨਾ ਮੋਹਗ੍ਗਿਨਾ ਆਦਿਤ੍ਤਂ, ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇਵੇਹਿ ਦੁਕ੍ਖੇਹਿ ¶ ਦੋਮਨਸ੍ਸੇਹਿ ਉਪਾਯਾਸੇਹਿ ਆਦਿਤ੍ਤ’ਨ੍ਤਿ ਵਦਾਮਿ. ਸੋਤਂ ਆਦਿਤ੍ਤਂ, ਸਦ੍ਦਾ ਆਦਿਤ੍ਤਾ…ਪੇ… ਘਾਨਂ ਆਦਿਤ੍ਤਂ, ਗਨ੍ਧਾ ਆਦਿਤ੍ਤਾ…ਪੇ… ਜਿਵ੍ਹਾ ਆਦਿਤ੍ਤਾ, ਰਸਾ ਆਦਿਤ੍ਤਾ…ਪੇ… ਕਾਯੋ ਆਦਿਤ੍ਤੋ, ਫੋਟ੍ਠਬ੍ਬਾ ਆਦਿਤ੍ਤਾ…ਪੇ… ਮਨੋ ਆਦਿਤ੍ਤੋ, ਧਮ੍ਮਾ ਆਦਿਤ੍ਤਾ, ਮਨੋਵਿਞ੍ਞਾਣਂ ਆਦਿਤ੍ਤਂ, ਮਨੋਸਮ੍ਫਸ੍ਸੋ ਆਦਿਤ੍ਤੋ; ਯਮਿਦਂ ਮਨੋਸਮ੍ਫਸ੍ਸਪਚ੍ਚਯਾ ਉਪ੍ਪਜ੍ਜਤਿ ਵੇਦਯਿਤਂ ਸੁਖਂ ਵਾ ਦੁਕ੍ਖਂ ਵਾ ਅਦੁਕ੍ਖਮਸੁਖਂ ਵਾ, ਤਮ੍ਪਿ ਆਦਿਤ੍ਤਂ. ਕੇਨ ਆਦਿਤ੍ਤਂ? ‘ਰਾਗਗ੍ਗਿਨਾ ਦੋਸਗ੍ਗਿਨਾ ਮੋਹਗ੍ਗਿਨਾ ਆਦਿਤ੍ਤਂ, ਜਾਤਿਯਾ ਜਰਾਯ ਮਰਣੇਨ ਸੋਕੇਹਿ ਪਰਿਦੇਵੇਹਿ ਦੁਕ੍ਖੇਹਿ ਦੋਮਨਸ੍ਸੇਹਿ ਉਪਾਯਾਸੇਹਿ ਆਦਿਤ੍ਤ’ਨ੍ਤਿ ਵਦਾਮੀ’’ਤਿ [ਮਹਾਵ. ੫੪; ਸਂ. ਨਿ. ੪.੨੮]. ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ¶ ਹਿ ਵਤ੍ਤਬ੍ਬਂ [ਤੇਨ ਹਿ (ਸੀ. ਸ੍ਯਾ.), ਤੇਨ ਹਿ ਨ ਵਤ੍ਤਬ੍ਬਂ (ਕ.)] – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮੇ, ਭਿਕ੍ਖਵੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁਵਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ, ਸੋਤਵਿਞ੍ਞੇਯ੍ਯਾ ਸਦ੍ਦਾ…ਪੇ… ਘਾਨਵਿਞ੍ਞੇਯ੍ਯਾ ਗਨ੍ਧਾ… ਜਿਵ੍ਹਾਵਿਞ੍ਞੇਯ੍ਯਾ ਰਸਾ… ਕਾਯਵਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ¶ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਇਮੇ ਖੋ, ਭਿਕ੍ਖਵੇ, ਪਞ੍ਚ ਕਾਮਗੁਣਾ’’ਤਿ [ਮ. ਨਿ. ੧.੧੬੬; ਸਂ. ਨਿ. ੪.੨੬੮]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਲਾਭਾ ਵੋ, ਭਿਕ੍ਖਵੇ, ਸੁਲਦ੍ਧਂ ਵੋ, ਭਿਕ੍ਖਵੇ, ਖਣੋ ਵੋ ਪਟਿਲਦ੍ਧੋ [ਪਟਿਵਿਦ੍ਧੋ (ਬਹੂਸੁ)] ਬ੍ਰਹ੍ਮਚਰਿਯਵਾਸਾਯ! ਦਿਟ੍ਠਾ ਮਯਾ, ਭਿਕ੍ਖਵੇ, ਛ ਫਸ੍ਸਾਯਤਨਿਕਾ ਨਾਮ ਨਿਰਯਾ. ਤਤ੍ਥ ਯਂ ਕਿਞ੍ਚਿ ਚਕ੍ਖੁਨਾ ਰੂਪਂ ਪਸ੍ਸਤਿ, ਅਨਿਟ੍ਠਰੂਪਞ੍ਞੇਵ ਪਸ੍ਸਤਿ ਨੋ ਇਟ੍ਠਰੂਪਂ, ਅਕਨ੍ਤਰੂਪਞ੍ਞੇਵ ਪਸ੍ਸਤਿ ਨੋ ਕਨ੍ਤਰੂਪਂ, ਅਮਨਾਪਰੂਪਞ੍ਞੇਵ ਪਸ੍ਸਤਿ ਨੋ ਮਨਾਪਰੂਪਂ. ਯਂ ਕਿਞ੍ਚਿ ਸੋਤੇਨ ਸਦ੍ਦਂ ਸੁਣਾਤਿ…ਪੇ… ਘਾਨੇਨ ਗਨ੍ਧਂ ਘਾਯਤਿ… ਜਿਵ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ ਵਿਜਾਨਾਤਿ, ਅਨਿਟ੍ਠਰੂਪਞ੍ਞੇਵ ਵਿਜਾਨਾਤਿ ਨੋ ਇਟ੍ਠਰੂਪਂ, ਅਕਨ੍ਤਰੂਪਞ੍ਞੇਵ ਵਿਜਾਨਾਤਿ ਨੋ ਕਨ੍ਤਰੂਪਂ, ਅਮਨਾਪਰੂਪਞ੍ਞੇਵ ਵਿਜਾਨਾਤਿ ਨੋ ਮਨਾਪਰੂਪ’’ਨ੍ਤਿ [ਸਂ. ਨਿ. ੪.੧੩੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਵਤ੍ਤਬ੍ਬਂ [ਤੇਨ ਹਿ ਨ ਵਤ੍ਤਬ੍ਬਂ (ਸ੍ਯਾ. ਕ.)] – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਸਬ੍ਬੇ ¶ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਲਾਭਾ ਵੋ, ਭਿਕ੍ਖਵੇ, ਸੁਲਦ੍ਧਂ ਵੋ, ਭਿਕ੍ਖਵੇ, ਖਣੋ ਵੋ ਪਟਿਲਦ੍ਧੋ ਬ੍ਰਹ੍ਮਚਰਿਯਵਾਸਾਯ! ਦਿਟ੍ਠਾ ਮਯਾ, ਭਿਕ੍ਖਵੇ, ਛ ਫਸ੍ਸਾਯਤਨਿਕਾ ¶ ਨਾਮ ਸਗ੍ਗਾ. ਤਤ੍ਥ ਯਂ ਕਿਞ੍ਚਿ ਚਕ੍ਖੁਨਾ ਰੂਪਂ ਪਸ੍ਸਤਿ, ਇਟ੍ਠਰੂਪਞ੍ਞੇਵ ¶ ਪਸ੍ਸਤਿ ਨੋ ਅਨਿਟ੍ਠਰੂਪਂ, ਕਨ੍ਤਰੂਪਞ੍ਞੇਵ ਪਸ੍ਸਤਿ ਨੋ ਅਕਨ੍ਤਰੂਪਂ, ਮਨਾਪਰੂਪਞ੍ਞੇਵ ਪਸ੍ਸਤਿ ਨੋ ਅਮਨਾਪਰੂਪਂ. ਯਂ ਕਿਞ੍ਚਿ ਸੋਤੇਨ ਸਦ੍ਦਂ ਸੁਣਾਤਿ…ਪੇ… ਘਾਨੇਨ ਗਨ੍ਧਂ ਘਾਯਤਿ… ਜਿਵ੍ਹਾਯ ਰਸਂ ਸਾਯਤਿ… ਕਾਯੇਨ ਫੋਟ੍ਠਬ੍ਬਂ ਫੁਸਤਿ… ਮਨਸਾ ਧਮ੍ਮਂ ਵਿਜਾਨਾਤਿ, ਇਟ੍ਠਰੂਪਞ੍ਞੇਵ ਵਿਜਾਨਾਤਿ ਨੋ ਅਨਿਟ੍ਠਰੂਪਂ, ਕਨ੍ਤਰੂਪਞ੍ਞੇਵ ਵਿਜਾਨਾਤਿ ¶ ਨੋ ਅਕਨ੍ਤਰੂਪਂ, ਮਨਾਪਰੂਪਞ੍ਞੇਵ ਵਿਜਾਨਾਤਿ ਨੋ ਅਮਨਾਪਰੂਪ’’ਨ੍ਤਿ [ਸਂ. ਨਿ. ੪.੧੩੫]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ? ਆਮਨ੍ਤਾ. ਨਨੁ ‘‘ਯਦਨਿਚ੍ਚਂ ਤਂ ਦੁਕ੍ਖਂ [ਸਂ. ਨਿ. ੩.੧੫],’’ ਵੁਤ੍ਤਂ ਭਗਵਤਾ, ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ’’ਤਿ [ਧ. ਪ. ੨੭੭; ਮ. ਨਿ. ੧.੩੫੬]? ਆਮਨ੍ਤਾ. ਹਞ੍ਚਿ ‘‘ਯਦਨਿਚ੍ਚਂ ਤਂ ਦੁਕ੍ਖਂ,’’ ਵੁਤ੍ਤਂ ਭਗਵਤਾ, ‘‘ਸਬ੍ਬੇ ਸਙ੍ਖਾਰਾ ਅਨਿਚ੍ਚਾ,’’ ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਦਾਨਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਸੀਲਂ…ਪੇ… ਉਪੋਸਥੋ…ਪੇ… ਭਾਵਨਾ…ਪੇ… ਬ੍ਰਹ੍ਮਚਰਿਯਂ ਅਨਿਟ੍ਠਫਲਂ ਅਕਨ੍ਤਫਲਂ ਅਮਨੁਞ੍ਞਫਲਂ ਸੇਚਨਕਫਲਂ ਦੁਕ੍ਖੁਦ੍ਰਯਂ ਦੁਕ੍ਖਵਿਪਾਕਨ੍ਤਿ? ਨ ਹੇਵਂ ਵਤ੍ਤਬ੍ਬੇ.

ਨਨੁ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖਵਿਪਾਕਨ੍ਤਿ ¶ ? ਆਮਨ੍ਤਾ. ਹਞ੍ਚਿ ਦਾਨਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖਵਿਪਾਕਂ, ਨੋ ¶ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਨਨੁ ਸੀਲਂ… ਉਪੋਸਥੋ… ਭਾਵਨਾ… ਬ੍ਰਹ੍ਮਚਰਿਯਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖਵਿਪਾਕਨ੍ਤਿ? ਆਮਨ੍ਤਾ. ਹਞ੍ਚਿ ਬ੍ਰਹ੍ਮਚਰਿਯਂ ਇਟ੍ਠਫਲਂ ਕਨ੍ਤਫਲਂ ਮਨੁਞ੍ਞਫਲਂ ਅਸੇਚਨਕਫਲਂ ਸੁਖੁਦ੍ਰਯਂ ਸੁਖਵਿਪਾਕਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਸਬ੍ਬੇ ¶ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਸੁਖੋ ਵਿਵੇਕੋ ਤੁਟ੍ਠਸ੍ਸ, ਸੁਤਧਮ੍ਮਸ੍ਸ ਪਸ੍ਸਤੋ;

ਅਬ੍ਯਾਪਜ੍ਜਂ ਸੁਖਂ ਲੋਕੇ, ਪਾਣਭੂਤੇਸੁ ਸਂਯਮੋ.

‘‘ਸੁਖਾ ¶ ਵਿਰਾਗਤਾ ਲੋਕੇ, ਕਾਮਾਨਂ ਸਮਤਿਕ੍ਕਮੋ;

ਅਸ੍ਮਿਮਾਨਸ੍ਸ ਯੋ ਵਿਨਯੋ, ਏਤਂ ਵੇ ਪਰਮਂ ਸੁਖਂ [ਮਹਾਵ. ੫; ਉਦਾ. ੧੧ ਉਦਾਨੇ ਚ].

‘‘ਤਂ ਸੁਖੇਨ ਸੁਖਂ ਪਤ੍ਤਂ, ਅਚ੍ਚਨ੍ਤਸੁਖਮੇਵ ਤਂ;

ਤਿਸ੍ਸੋ ਵਿਜ੍ਜਾ ਅਨੁਪ੍ਪਤ੍ਤਾ, ਏਤਂ ਵੇ ਪਰਮਂ ਸੁਖ’’ਨ੍ਤਿ.

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਸਬ੍ਬੇ ਸਙ੍ਖਾਰਾ ਅਨੋਧਿਂ ਕਤ੍ਵਾ ਕੁਕ੍ਕੁਲ਼ਾ’’ਤਿ.

ਕੁਕ੍ਕੁਲ਼ਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੮) ੯. ਅਨੁਪੁਬ੍ਬਾਭਿਸਮਯਕਥਾ

੩੩੯. ਅਨੁਪੁਬ੍ਬਾਭਿਸਮਯੋਤਿ ¶ ? ਆਮਨ੍ਤਾ. ਅਨੁਪੁਬ੍ਬੇਨ ¶ ਸੋਤਾਪਤ੍ਤਿਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਨੁਪੁਬ੍ਬੇਨ ਸੋਤਾਪਤ੍ਤਿਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨੁਪੁਬ੍ਬੇਨ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨੁਪੁਬ੍ਬਾਭਿਸਮਯੋਤਿ? ਆਮਨ੍ਤਾ. ਅਨੁਪੁਬ੍ਬੇਨ ਸਕਦਾਗਾਮਿਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਨੁਪੁਬ੍ਬੇਨ ਸਕਦਾਗਾਮਿਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨੁਪੁਬ੍ਬੇਨ ਸਕਦਾਗਾਮਿਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨੁਪੁਬ੍ਬਾਭਿਸਮਯੋਤਿ? ਆਮਨ੍ਤਾ. ਅਨੁਪੁਬ੍ਬੇਨ ਅਨਾਗਾਮਿਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਨੁਪੁਬ੍ਬੇਨ ਅਨਾਗਾਮਿਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨੁਪੁਬ੍ਬੇਨ ਅਨਾਗਾਮਿਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

ਅਨੁਪੁਬ੍ਬਾਭਿਸਮਯੋਤਿ ¶ ? ਆਮਨ੍ਤਾ. ਅਨੁਪੁਬ੍ਬੇਨ ਅਰਹਤ੍ਤਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ. ਅਨੁਪੁਬ੍ਬੇਨ ਅਰਹਤ੍ਤਮਗ੍ਗਂ ਭਾਵੇਤੀਤਿ? ਆਮਨ੍ਤਾ. ਅਨੁਪੁਬ੍ਬੇਨ ਅਰਹਤ੍ਤਫਲਂ ਸਚ੍ਛਿਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ.

੩੪੦. ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ¶ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਸਕ੍ਕਾਯਦਿਟ੍ਠਿਂ, ਵਿਚਿਕਿਚ੍ਛਂ, ਸੀਲਬ੍ਬਤਪਰਾਮਾਸਂ, ਤਦੇਕਟ੍ਠੇ ਚ ਕਿਲੇਸੇ ¶ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਸੋਤਾਪਨ੍ਨੋ, ਚਤੁਭਾਗਂ ਨ ਸੋਤਾਪਨ੍ਨੋ, ਚਤੁਭਾਗਂ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ¶ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਸਤ੍ਤਕ੍ਖਤ੍ਤੁਪਰਮੋ ਕੋਲਙ੍ਕੋਲੋ ਏਕਬੀਜੀ ਬੁਦ੍ਧੇ ਅਵੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਧਮ੍ਮੇ…ਪੇ… ਸਙ੍ਘੇ…ਪੇ… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ ਚਤੁਭਾਗਂ ਨ ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ.

ਸਮੁਦਯਦਸ੍ਸਨੇਨ…ਪੇ… ਨਿਰੋਧਦਸ੍ਸਨੇਨ…ਪੇ… ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਸਕ੍ਕਾਯਦਿਟ੍ਠਿਂ, ਵਿਚਿਕਿਚ੍ਛਂ, ਸੀਲਬ੍ਬਤਪਰਾਮਾਸਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਸੋਤਾਪਨ੍ਨੋ, ਚਤੁਭਾਗਂ ਨ ਸੋਤਾਪਨ੍ਨੋ, ਚਤੁਭਾਗਂ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਸਤ੍ਤਕ੍ਖਤ੍ਤੁਪਰਮੋ ਕੋਲਙ੍ਕੋਲੋ ਏਕਬੀਜੀ ਬੁਦ੍ਧੇ ਅਵੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਧਮ੍ਮੇ…ਪੇ… ਸਙ੍ਘੇ…ਪੇ… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਚਤੁਭਾਗਂ ਨ ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੧. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਸਕਦਾਗਾਮੀ, ਚਤੁਭਾਗਂ ਨ ਸਕਦਾਗਾਮੀ, ਚਤੁਭਾਗਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ¶ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮੁਦਯਦਸ੍ਸਨੇਨ…ਪੇ… ਨਿਰੋਧਦਸ੍ਸਨੇਨ…ਪੇ… ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਸਕਦਾਗਾਮੀ, ਚਤੁਭਾਗਂ ਨ ਸਕਦਾਗਾਮੀ, ਚਤੁਭਾਗਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ¶ ਉਪਸਮ੍ਪਜ੍ਜ ਵਿਹਰਤਿ ¶ , ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੨. ਅਨਾਗਾਮਿਫਲਸਚ੍ਛਿਕਿਰਿਯਾਯ ¶ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਅਣੁਸਹਗਤਂ ਕਾਮਰਾਗਂ, ਅਣੁਸਹਗਤਂ ਬ੍ਯਾਪਾਦਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਅਨਾਗਾਮੀ, ਚਤੁਭਾਗਂ ਨ ਅਨਾਗਾਮੀ, ਚਤੁਭਾਗਂ ਅਨਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਅਨ੍ਤਰਾਪਰਿਨਿਬ੍ਬਾਯੀ…ਪੇ… ਉਪਹਚ੍ਚਪਰਿਨਿਬ੍ਬਾਯੀ… ਅਸਙ੍ਖਾਰਪਰਿਨਿਬ੍ਬਾਯੀ… ਸਸਙ੍ਖਾਰਪਰਿਨਿਬ੍ਬਾਯੀ… ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਚਤੁਭਾਗਂ ਨ ਉਦ੍ਧਂਸੋਤੋ ਨ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ…ਪੇ… ਨਿਰੋਧਦਸ੍ਸਨੇਨ…ਪੇ… ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਅਣੁਸਹਗਤਂ ਕਾਮਰਾਗਂ, ਅਣੁਸਹਗਤਂ ਬ੍ਯਾਪਾਦਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਅਨਾਗਾਮੀ, ਚਤੁਭਾਗਂ ਨ ਅਨਾਗਾਮੀ, ਚਤੁਭਾਗਂ ਅਨਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ¶ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਅਨ੍ਤਰਾਪਰਿਨਿਬ੍ਬਾਯੀ…ਪੇ… ਉਪਹਚ੍ਚਪਰਿਨਿਬ੍ਬਾਯੀ… ਅਸਙ੍ਖਾਰਪਰਿਨਿਬ੍ਬਾਯੀ… ਸਸਙ੍ਖਾਰਪਰਿਨਿਬ੍ਬਾਯੀ… ਉਦ੍ਧਂਸੋਤੋ ਅਕਨਿਟ੍ਠਗਾਮੀ, ਚਤੁਭਾਗਂ ਨ ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੩. ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਦਸ੍ਸਨੇਨ ਕਿਂ ਜਹਤੀਤਿ? ਰੂਪਰਾਗਂ, ਅਰੂਪਰਾਗਂ, ਮਾਨਂ, ਉਦ੍ਧਚ੍ਚਂ, ਅਵਿਜ੍ਜਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਅਰਹਾ, ਚਤੁਭਾਗਂ ਨ ਅਰਹਾ, ਚਤੁਭਾਗਂ ਅਰਹਤ੍ਤਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ¶ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਵੀਤਰਾਗੋ…ਪੇ… ਵੀਤਦੋਸੋ… ਵੀਤਮੋਹੋ…ਪੇ… ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ…ਪੇ… ਸਚ੍ਛਿਕਾਤਬ੍ਬਂ ¶ ਸਚ੍ਛਿਕਤਂ, ਚਤੁਭਾਗਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮੁਦਯਦਸ੍ਸਨੇਨ ¶ … ਨਿਰੋਧਦਸ੍ਸਨੇਨ… ਮਗ੍ਗਦਸ੍ਸਨੇਨ ਕਿਂ ਜਹਤੀਤਿ? ਰੂਪਰਾਗਂ, ਅਰੂਪਰਾਗਂ, ਮਾਨਂ, ਉਦ੍ਧਚ੍ਚਂ, ਅਵਿਜ੍ਜਂ, ਤਦੇਕਟ੍ਠੇ ਚ ਕਿਲੇਸੇ ਚਤੁਭਾਗਂ ਜਹਤੀਤਿ. ਚਤੁਭਾਗਂ ਅਰਹਾ, ਚਤੁਭਾਗਂ ਨ ਅਰਹਾ, ਚਤੁਭਾਗਂ ਅਰਹਤ੍ਤਪ੍ਪਤ੍ਤੋ ¶ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਚਤੁਭਾਗਂ ਵੀਤਰਾਗੋ… ਵੀਤਦੋਸੋ… ਵੀਤਮੋਹੋ… ਕਤਕਰਣੀਯੋ ਓਹਿਤਭਾਰੋ ਅਨੁਪ੍ਪਤ੍ਤਸਦਤ੍ਥੋ ਪਰਿਕ੍ਖੀਣਭਵਸਂਯੋਜਨੋ ਸਮ੍ਮਦਞ੍ਞਾਵਿਮੁਤ੍ਤੋ ਉਕ੍ਖਿਤ੍ਤਪਲਿਘੋ ਸਙ੍ਕਿਣ੍ਣਪਰਿਖੋ ਅਬ੍ਬੂਲ਼੍ਹੇਸਿਕੋ ਨਿਰਗ੍ਗਲ਼ੋ ਅਰਿਯੋ ਪਨ੍ਨਦ੍ਧਜੋ ਪਨ੍ਨਭਾਰੋ ਵਿਸਞ੍ਞੁਤ੍ਤੋ ਸੁਵਿਜਿਤਵਿਜਯੋ, ਦੁਕ੍ਖਂ ਤਸ੍ਸ ਪਰਿਞ੍ਞਾਤਂ, ਸਮੁਦਯੋ ਪਹੀਨੋ, ਨਿਰੋਧੋ ਸਚ੍ਛਿਕਤੋ, ਮਗ੍ਗੋ ਭਾਵਿਤੋ, ਅਭਿਞ੍ਞੇਯ੍ਯਂ ਅਭਿਞ੍ਞਾਤਂ, ਪਰਿਞ੍ਞੇਯ੍ਯਂ ਪਰਿਞ੍ਞਾਤਂ, ਪਹਾਤਬ੍ਬਂ ਪਹੀਨਂ, ਭਾਵੇਤਬ੍ਬਂ ਭਾਵਿਤਂ…ਪੇ… ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਚਤੁਭਾਗਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੪. ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਦੁਕ੍ਖੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ. ਸਮੁਦਯਂ ਦਕ੍ਖਨ੍ਤੋ…ਪੇ… ਨਿਰੋਧਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋਤਿ? ਆਮਨ੍ਤਾ ¶ . ਨਿਰੋਧੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ.

ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਮਗ੍ਗਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਮਗ੍ਗੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਦੁਕ੍ਖਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਦੁਕ੍ਖੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਗ੍ਗਂ ¶ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਮਗ੍ਗੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਸਮੁਦਯਂ ਦਕ੍ਖਨ੍ਤੋ…ਪੇ… ਨਿਰੋਧਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਨਿਰੋਧੇ ਦਿਟ੍ਠੇ ਫਲੇ ਠਿਤੋਤਿ ਵਤ੍ਤਬ੍ਬੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਦੁਕ੍ਖੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਆਮਨ੍ਤਾ. ਮਗ੍ਗਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਮਗ੍ਗੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਮੁਦਯਂ ਦਕ੍ਖਨ੍ਤੋ… ਨਿਰੋਧਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ¶ ਵਤ੍ਤਬ੍ਬੋ, ਨਿਰੋਧੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਆਮਨ੍ਤਾ. ਮਗ੍ਗਂ ਦਕ੍ਖਨ੍ਤੋ ‘‘ਪਟਿਪਨ੍ਨਕੋ’’ਤਿ ¶ ਵਤ੍ਤਬ੍ਬੋ, ਮਗ੍ਗੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਪੁਗ੍ਗਲੋ ਦੁਕ੍ਖਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਦੁਕ੍ਖੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਆਮਨ੍ਤਾ. ਨਿਰਤ੍ਥਿਯਂ ਦੁਕ੍ਖਦਸ੍ਸਨਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਸਮੁਦਯਂ ਦਕ੍ਖਨ੍ਤੋ…ਪੇ… ਨਿਰੋਧਂ ਦਕ੍ਖਨ੍ਤੋ ਪਟਿਪਨ੍ਨਕੋਤਿ ਵਤ੍ਤਬ੍ਬੋ, ਨਿਰੋਧੇ ਦਿਟ੍ਠੇ ਨ ਵਤ੍ਤਬ੍ਬਂ – ‘‘ਫਲੇ ਠਿਤੋਤਿ ਵਤ੍ਤਬ੍ਬੋ’’ਤਿ? ਆਮਨ੍ਤਾ. ਨਿਰਤ੍ਥਿਯਂ ਨਿਰੋਧਦਸ੍ਸਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੫. [ਪਰਵਾਦੀਪੁਚ੍ਛਾਲਕ੍ਖਣਂ] ਦੁਕ੍ਖੇ ¶ ਦਿਟ੍ਠੇ ਚਤ੍ਤਾਰਿ ਸਚ੍ਚਾਨਿ ਦਿਟ੍ਠਾਨਿ ਹੋਨ੍ਤੀਤਿ? ਆਮਨ੍ਤਾ. ਦੁਕ੍ਖਸਚ੍ਚਂ ਚਤ੍ਤਾਰਿ ਸਚ੍ਚਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਰੂਪਕ੍ਖਨ੍ਧੇ ਅਨਿਚ੍ਚਤੋ ਦਿਟ੍ਠੇ ਪਞ੍ਚਕ੍ਖਨ੍ਧਾ ਅਨਿਚ੍ਚਤੋ ਦਿਟ੍ਠਾ ਹੋਨ੍ਤੀਤਿ? ਆਮਨ੍ਤਾ. ਰੂਪਕ੍ਖਨ੍ਧੋ ਪਞ੍ਚਕ੍ਖਨ੍ਧਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਚਕ੍ਖਾਯਤਨੇ ਅਨਿਚ੍ਚਤੋ ਦਿਟ੍ਠੇ ਦ੍ਵਾਦਸਾਯਤਨਾਨਿ ਅਨਿਚ੍ਚਤੋ ਦਿਟ੍ਠਾਨਿ ਹੋਨ੍ਤੀਤਿ? ਆਮਨ੍ਤਾ. ਚਕ੍ਖਾਯਤਨਂ ਦ੍ਵਾਦਸਾਯਤਨਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਚਕ੍ਖੁਧਾਤੁਯਾ ਅਨਿਚ੍ਚਤੋ ਦਿਟ੍ਠਾਯ ਅਟ੍ਠਾਰਸ ਧਾਤੁਯੋ ਅਨਿਚ੍ਚਤੋ ਦਿਟ੍ਠਾ ਹੋਨ੍ਤੀਤਿ? ਆਮਨ੍ਤਾ. ਚਕ੍ਖੁਧਾਤੁ ਅਟ੍ਠਾਰਸ ਧਾਤੁਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਚਕ੍ਖੁਨ੍ਦ੍ਰਿਯੇ ਅਨਿਚ੍ਚਤੋ ਦਿਟ੍ਠੇ ਬਾਵੀਸਤਿਨ੍ਦ੍ਰਿਯਾਨਿ ਅਨਿਚ੍ਚਤੋ ਦਿਟ੍ਠਾਨਿ ਹੋਨ੍ਤੀਤਿ? ਆਮਨ੍ਤਾ. ਚਕ੍ਖੁਨ੍ਦ੍ਰਿਯਂ ਬਾਵੀਸਤਿਨ੍ਦ੍ਰਿਯਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

[ਸਕਵਾਦੀਪੁਚ੍ਛਾਲਕ੍ਖਣਂ] ਚਤੂਹਿ ਞਾਣੇਹਿ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਚਤ੍ਤਾਰਿ ਸੋਤਾਪਤ੍ਤਿਫਲਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਹਿ ਞਾਣੇਹਿ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ ¶ ¶ . ਅਟ੍ਠ ਸੋਤਾਪਤ੍ਤਿਫਲਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵਾਦਸਹਿ ਞਾਣੇਹਿ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਦ੍ਵਾਦਸ ਸੋਤਾਪਤ੍ਤਿਫਲਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਚਤੁਚਤ੍ਤਾਰੀਸਾਯ ਞਾਣੇਹਿ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ ¶ ? ਆਮਨ੍ਤਾ. ਚਤੁਚਤ੍ਤਾਰੀਸਂ ਸੋਤਾਪਤ੍ਤਿਫਲਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਤ੍ਤਸਤ੍ਤਤਿਯਾ ਞਾਣੇਹਿ ਸੋਤਾਪਤ੍ਤਿਫਲਂ ਸਚ੍ਛਿਕਰੋਤੀਤਿ? ਆਮਨ੍ਤਾ. ਸਤ੍ਤਸਤ੍ਤਤਿ ਸੋਤਾਪਤ੍ਤਿਫਲਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੪੬. ਨ ¶ ਵਤ੍ਤਬ੍ਬਂ – ‘‘ਅਨੁਪੁਬ੍ਬਾਭਿਸਮਯੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸੇਯ੍ਯਥਾਪਿ, ਭਿਕ੍ਖਵੇ, ਮਹਾਸਮੁਦ੍ਦੋ ਅਨੁਪੁਬ੍ਬਨਿਨ੍ਨੋ ਅਨੁਪੁਬ੍ਬਪੋਣੋ ਅਨੁਪੁਬ੍ਬਪਬ੍ਭਾਰੋ, ਨ ਆਯਤਕੇਨੇਵ ਪਪਾਤੋ; ਏਵਮੇਵ ਖੋ, ਭਿਕ੍ਖਵੇ, ਇਮਸ੍ਮਿਂ ਧਮ੍ਮਵਿਨਯੇ ਅਨੁਪੁਬ੍ਬਸਿਕ੍ਖਾ ਅਨੁਪੁਬ੍ਬਕਿਰਿਯਾ ਅਨੁਪੁਬ੍ਬਪਟਿਪਦਾ, ਨ ਆਯਤਕੇਨੇਵ ਅਞ੍ਞਾਪਟਿਵੇਧੋ’’ਤਿ [ਚੂਲ਼ਵ. ੩੮੫; ਅ. ਨਿ. ੮.੨੦; ਉਦਾ. ੪੫ ਉਦਾਨੇ ਚ]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਅਨੁਪੁਬ੍ਬਾਭਿਸਮਯੋਤਿ.

ਨ ਵਤ੍ਤਬ੍ਬਂ – ‘‘ਅਨੁਪੁਬ੍ਬਾਭਿਸਮਯੋ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਅਨੁਪੁਬ੍ਬੇਨ ਮੇਧਾਵੀ, ਥੋਕਂ ਥੋਕਂ ਖਣੇ ਖਣੇ;

ਕਮ੍ਮਾਰੋ ਰਜਤਸ੍ਸੇਵ, ਨਿਦ੍ਧਮੇ ਮਲਮਤ੍ਤਨੋ’’ਤਿ [ਧ. ਪ. ੨੩੯ ਧਮ੍ਮਪਦੇ].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਅਨੁਪੁਬ੍ਬਾਭਿਸਮਯੋਤਿ.

ਅਨੁਪੁਬ੍ਬਾਭਿਸਮਯੋਤਿ ¶ ? ਆਮਨ੍ਤਾ. ਨਨ੍ਵਾਯਸ੍ਮਾ ਗਵਮ੍ਪਤਿ ਥੇਰੋ ਭਿਕ੍ਖੂ ਏਤਦਵੋਚ – ‘‘ਸਮ੍ਮੁਖਾ ਮੇਤਂ, ਆਵੁਸੋ, ਭਗਵਤੋ ਸੁਤਂ ਸਮ੍ਮੁਖਾ ਪਟਿਗ੍ਗਹਿਤਂ – ‘ਯੋ, ਭਿਕ੍ਖਵੇ, ਦੁਕ੍ਖਂ ਪਸ੍ਸਤਿ ਦੁਕ੍ਖਸਮੁਦਯਮ੍ਪਿ ਸੋ ਪਸ੍ਸਤਿ, ਦੁਕ੍ਖਨਿਰੋਧਮ੍ਪਿ ਪਸ੍ਸਤਿ, ਦੁਕ੍ਖਨਿਰੋਧਗਾਮਿਨਿਂ ¶ ਪਟਿਪਦਮ੍ਪਿ ਪਸ੍ਸਤਿ; ਯੋ ਦੁਕ੍ਖਸਮੁਦਯਂ ਪਸ੍ਸਤਿ ਦੁਕ੍ਖਮ੍ਪਿ ਸੋ ਪਸ੍ਸਤਿ, ਦੁਕ੍ਖਨਿਰੋਧਮ੍ਪਿ ਪਸ੍ਸਤਿ, ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਮ੍ਪਿ ਪਸ੍ਸਤਿ; ਯੋ ਦੁਕ੍ਖਨਿਰੋਧਂ ਪਸ੍ਸਤਿ ਦੁਕ੍ਖਮ੍ਪਿ ਸੋ ਪਸ੍ਸਤਿ, ਦੁਕ੍ਖਸਮੁਦਯਮ੍ਪਿ ਪਸ੍ਸਤਿ, ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਮ੍ਪਿ ਪਸ੍ਸਤਿ; ਯੋ ਦੁਕ੍ਖਨਿਰੋਧਗਾਮਿਨਿਂ ਪਟਿਪਦਂ ਪਸ੍ਸਤਿ ਦੁਕ੍ਖਮ੍ਪਿ ਸੋ ਪਸ੍ਸਤਿ, ਦੁਕ੍ਖਸਮੁਦਯਮ੍ਪਿ ਪਸ੍ਸਤਿ, ਦੁਕ੍ਖਨਿਰੋਧਮ੍ਪਿ ਪਸ੍ਸਤੀ’’’ਤਿ [ਸਂ. ਨਿ. ੫.੧੧੦੦]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਨੁਪੁਬ੍ਬਾਭਿਸਮਯੋ’’ਤਿ.

ਅਨੁਪੁਬ੍ਬਾਭਿਸਮਯੋਤਿ ¶ ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ –

‘‘ਸਹਾਵਸ੍ਸ ਦਸ੍ਸਨਸਮ੍ਪਦਾਯ,

ਤਯਸ੍ਸੁ ਧਮ੍ਮਾ ਜਹਿਤਾ ਭਵਨ੍ਤਿ;

ਸਕ੍ਕਾਯਦਿਟ੍ਠੀ ਵਿਚਿਕਿਚ੍ਛਿਤਞ੍ਚ,

ਸੀਲਬ੍ਬਤਂ ਵਾਪਿ ਯਦਤ੍ਥਿ ਕਿਞ੍ਚਿ;

ਚਤੂਹਪਾਯੇਹਿ ਚ ਵਿਪ੍ਪਮੁਤ੍ਤੋ,

ਛਚ੍ਚਾਭਿਠਾਨਾਨਿ ਅਭਬ੍ਬ ਕਾਤੁ’’ਨ੍ਤਿ.

ਅਤ੍ਥੇਵ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਨੁਪੁਬ੍ਬਾਭਿਸਮਯੋ’’ਤਿ.

ਅਨੁਪੁਬ੍ਬਾਭਿਸਮਯੋਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਯਸ੍ਮਿਂ, ਭਿਕ੍ਖਵੇ, ਸਮਯੇ ਅਰਿਯਸਾਵਕਸ੍ਸ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ – ‘ਯਂ ਕਿਞ੍ਚਿ ਸਮੁਦਯਧਮ੍ਮਂ ਸਬ੍ਬਂ ਤਂ ਨਿਰੋਧਧਮ੍ਮ’ਨ੍ਤਿ, ਸਹ ਦਸ੍ਸਨੁਪ੍ਪਾਦਾ, ਭਿਕ੍ਖਵੇ, ਅਰਿਯਸਾਵਕਸ੍ਸ ਤੀਣਿ ਸਂਯੋਜਨਾਨਿ ਪਹੀਯਨ੍ਤਿ – ਸਕ੍ਕਾਯਦਿਟ੍ਠਿ, ਵਿਚਿਕਿਚ੍ਛਾ, ਸੀਲਬ੍ਬਤਪਰਾਮਾਸੋ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਅਨੁਪੁਬ੍ਬਾਭਿਸਮਯੋ’’ਤਿ.

ਅਨੁਪੁਬ੍ਬਾਭਿਸਮਯਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੧੯) ੧੦. ਵੋਹਾਰਕਥਾ

੩੪੭. ਬੁਦ੍ਧਸ੍ਸ ¶ ¶ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਲੋਕੁਤ੍ਤਰੇ ਸੋਤੇ ਪਟਿਹਞ੍ਞਤਿ ਨੋ ਲੋਕਿਯੇ, ਲੋਕੁਤ੍ਤਰੇਨ ਵਿਞ੍ਞਾਣੇਨ ਪਟਿਵਿਜਾਨਨ੍ਤਿ ਨੋ ਲੋਕਿਯੇਨ, ਸਾਵਕਾ ਪਟਿਵਿਜਾਨਨ੍ਤਿ ਨੋ ਪੁਥੁਜ੍ਜਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ¶ ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕਿਯੇ ਸੋਤੇ ਪਟਿਹਞ੍ਞਤੀਤਿ? ਆਮਨ੍ਤਾ. ਹਞ੍ਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕਿਯੇ ਸੋਤੇ ਪਟਿਹਞ੍ਞਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

ਨਨੁ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਲੋਕਿਯੇਨ ਵਿਞ੍ਞਾਣੇਨ ਪਟਿਵਿਜਾਨਨ੍ਤੀਤਿ? ਆਮਨ੍ਤਾ. ਹਞ੍ਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਲੋਕਿਯੇਨ ਵਿਞ੍ਞਾਣੇਨ ਪਟਿਵਿਜਾਨਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

ਨਨੁ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਪੁਥੁਜ੍ਜਨਾ ਪਟਿਵਿਜਾਨਨ੍ਤੀਤਿ? ਆਮਨ੍ਤਾ. ਹਞ੍ਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਪੁਥੁਜ੍ਜਨਾ ਪਟਿਵਿਜਾਨਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

੩੪੮. ਬੁਦ੍ਧਸ੍ਸ ¶ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗੋ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗੋ ਅਨਾਗਾਮਿਫਲਂ, ਅਰਹਤ੍ਤਮਗ੍ਗੋ ਅਰਹਤ੍ਤਫਲਂ, ਸਤਿਪਟ੍ਠਾਨਂ ¶ ਸਮ੍ਮਪ੍ਪਧਾਨਂ ਇਦ੍ਧਿਪਾਦੋ ਇਨ੍ਦ੍ਰਿਯਂ ਬਲਂ ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਅਤ੍ਥਿ ਕੇਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਸੁਣਨ੍ਤੀਤਿ? ਆਮਨ੍ਤਾ. ਲੋਕੁਤ੍ਤਰੋ ¶ ਧਮ੍ਮੋ ਸੋਤਵਿਞ੍ਞੇਯ੍ਯੋ, ਸੋਤਸ੍ਮਿਂ ਪਟਿਹਞ੍ਞਤਿ, ਸੋਤਸ੍ਸ ਆਪਾਥਂ ਆਗਚ੍ਛਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਲੋਕੁਤ੍ਤਰੋ ਧਮ੍ਮੋ ਨ ਸੋਤਵਿਞ੍ਞੇਯ੍ਯੋ, ਨ ਸੋਤਸ੍ਮਿਂ ਪਟਿਹਞ੍ਞਤਿ, ਨ ਸੋਤਸ੍ਸ ਆਪਾਥਂ ਆਗਚ੍ਛਤੀਤਿ? ਆਮਨ੍ਤਾ. ਹਞ੍ਚਿ ਲੋਕੁਤ੍ਤਰੋ ਧਮ੍ਮੋ ਨ ਸੋਤਵਿਞ੍ਞੇਯ੍ਯੋ, ਨ ਸੋਤਸ੍ਮਿਂ ਪਟਿਹਞ੍ਞਤਿ, ਨ ਸੋਤਸ੍ਸ ਆਪਾਥਂ ਆਗਚ੍ਛਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

੩੪੯. ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਅਤ੍ਥਿ ਕੇਚਿ ਬੁਦ੍ਧਸ੍ਸ ਭਗਵਤੋ ¶ ਵੋਹਾਰੇ ਰਜ੍ਜੇਯ੍ਯੁਨ੍ਤਿ? ਆਮਨ੍ਤਾ. ਲੋਕੁਤ੍ਤਰੋ ਧਮ੍ਮੋ ਰਾਗਟ੍ਠਾਨਿਯੋ ਰਜਨੀਯੋ ਕਮਨੀਯੋ ਮਦਨੀਯੋ ਬਨ੍ਧਨੀਯੋ ਮੁਚ੍ਛਨੀਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਲੋਕੁਤ੍ਤਰੋ ਧਮ੍ਮੋ ਨ ਰਾਗਟ੍ਠਾਨਿਯੋ ਨ ਰਜਨੀਯੋ ਨ ਕਮਨੀਯੋ ਨ ਮਦਨੀਯੋ ਨ ਬਨ੍ਧਨੀਯੋ ਨ ਮੁਚ੍ਛਨੀਯੋਤਿ? ਆਮਨ੍ਤਾ. ਹਞ੍ਚਿ ਲੋਕੁਤ੍ਤਰੋ ਧਮ੍ਮੋ ਨ ਰਾਗਟ੍ਠਾਨਿਯੋ ਨ ਰਜਨੀਯੋ ਨ ਕਮਨੀਯੋ ਨ ਮਦਨੀਯੋ ਨ ਬਨ੍ਧਨੀਯੋ ਨ ਮੁਚ੍ਛਨੀਯੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

ਬੁਦ੍ਧਸ੍ਸ ¶ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਅਤ੍ਥਿ ਕੇਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰੇ ਦੁਸ੍ਸੇਯ੍ਯੁਨ੍ਤਿ? ਆਮਨ੍ਤਾ. ਲੋਕੁਤ੍ਤਰੋ ਧਮ੍ਮੋ ਦੋਸਟ੍ਠਾਨਿਯੋ ਕੋਪਟ੍ਠਾਨਿਯੋ ਪਟਿਘਟ੍ਠਾਨਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਲੋਕੁਤ੍ਤਰੋ ਧਮ੍ਮੋ ਨ ਦੋਸਟ੍ਠਾਨਿਯੋ ਨ ਕੋਪਟ੍ਠਾਨਿਯੋ ਨ ਪਟਿਘਟ੍ਠਾਨਿਯੋਤਿ? ਆਮਨ੍ਤਾ. ਹਞ੍ਚਿ ਲੋਕੁਤ੍ਤਰੋ ਧਮ੍ਮੋ ਨ ਦੋਸਟ੍ਠਾਨਿਯੋ ਨ ¶ ਕੋਪਟ੍ਠਾਨਿਯੋ ¶ ਨ ਪਟਿਘਟ੍ਠਾਨਿਯੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਅਤ੍ਥਿ ਕੇਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰੇ ਮੁਯ੍ਹੇਯ੍ਯੁਨ੍ਤਿ? ਆਮਨ੍ਤਾ. ਲੋਕੁਤ੍ਤਰੋ ਧਮ੍ਮੋ ਮੋਹਟ੍ਠਾਨਿਯੋ ਅਞ੍ਞਾਣਕਰਣੋ ਅਚਕ੍ਖੁਕਰਣੋ ਪਞ੍ਞਾਨਿਰੋਧਿਕੋ ਵਿਘਾਤਪਕ੍ਖਿਕੋ ਅਨਿਬ੍ਬਾਨਸਂਵਤ੍ਤਨਿਕੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਲੋਕੁਤ੍ਤਰੋ ਧਮ੍ਮੋ ਨ ਮੋਹਟ੍ਠਾਨਿਯੋ ਨ ਅਞ੍ਞਾਣਕਰਣੋ ਨ ਅਚਕ੍ਖੁਕਰਣੋ ਪਞ੍ਞਾਵੁਦ੍ਧਿਕੋ ਅਵਿਘਾਤਪਕ੍ਖਿਕੋ ਨਿਬ੍ਬਾਨਸਂਵਤ੍ਤਨਿਕੋਤਿ? ਆਮਨ੍ਤਾ. ਹਞ੍ਚਿ ਲੋਕੁਤ੍ਤਰੋ ਧਮ੍ਮੋ ਨ ਮੋਹਟ੍ਠਾਨਿਯੋ ਨ ਅਞ੍ਞਾਣਕਰਣੋ ਨ ਅਚਕ੍ਖੁਕਰਣੋ ਪਞ੍ਞਾਵੁਦ੍ਧਿਕੋ ਅਵਿਘਾਤਪਕ੍ਖਿਕੋ ਨਿਬ੍ਬਾਨਸਂਵਤ੍ਤਨਿਕੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋ’’ਤਿ.

੩੫੦. ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕੁਤ੍ਤਰੋਤਿ? ਆਮਨ੍ਤਾ. ਯੇ ¶ ਕੇਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਸੁਣਨ੍ਤਿ, ਸਬ੍ਬੇ ਤੇ ਮਗ੍ਗਂ ਭਾਵੇਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯੇ ¶ ਕੇਚਿ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਸੁਣਨ੍ਤਿ, ਸਬ੍ਬੇ ਤੇ ਮਗ੍ਗਂ ਭਾਵੇਨ੍ਤੀਤਿ? ਆਮਨ੍ਤਾ. ਬਾਲਪੁਥੁਜ੍ਜਨਾ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਸੁਣਨ੍ਤਿ, ਬਾਲਪੁਥੁਜ੍ਜਨਾ ਮਗ੍ਗਂ ਭਾਵੇਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਮਾਤੁਘਾਤਕੋ ਮਗ੍ਗਂ ਭਾਵੇਤਿ…ਪੇ… ਪਿਤੁਘਾਤਕੋ… ਅਰਹਨ੍ਤਘਾਤਕੋ… ਰੁਹਿਰੁਪ੍ਪਾਦਕੋ… ਸਙ੍ਘਭੇਦਕੋ ਬੁਦ੍ਧਸ੍ਸ ਭਗਵਤੋ ਵੋਹਾਰਂ ਸੁਣਾਤਿ, ਸਙ੍ਘਭੇਦਕੋ ਮਗ੍ਗਂ ਭਾਵੇਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੫੧. ਲਬ੍ਭਾ ¶ ਸੋਵਣ੍ਣਮਯਾਯ ਲਟ੍ਠਿਯਾ ਧਞ੍ਞਪੁਞ੍ਜੋਪਿ ਸੁਵਣ੍ਣਪੁਞ੍ਜੋਪਿ ਆਚਿਕ੍ਖਿਤੁਨ੍ਤਿ? ਆਮਨ੍ਤਾ. ਏਵਮੇਵਂ ਭਗਵਾ ਲੋਕੁਤ੍ਤਰੇਨ ਵੋਹਾਰੇਨ ਲੋਕਿਯਮ੍ਪਿ ਲੋਕੁਤ੍ਤਰਮ੍ਪਿ ਧਮ੍ਮਂ ਵੋਹਰਤੀਤਿ.

ਲਬ੍ਭਾ ਏਲਣ੍ਡਿਯਾਯ ਲਟ੍ਠਿਯਾ ਧਞ੍ਞਪੁਞ੍ਜੋਪਿ ਸੁਵਣ੍ਣਪੁਞ੍ਜੋਪਿ ਆਚਿਕ੍ਖਿਤੁਨ੍ਤਿ? ਆਮਨ੍ਤਾ. ਏਵਮੇਵਂ ਭਗਵਾ ਲੋਕਿਯੇਨ ਵੋਹਾਰੇਨ ਲੋਕਿਯਮ੍ਪਿ ਲੋਕੁਤ੍ਤਰਮ੍ਪਿ ਧਮ੍ਮਂ ਵੋਹਰਤੀਤਿ.

੩੫੨. ਬੁਦ੍ਧਸ੍ਸ ¶ ਭਗਵਤੋ ਵੋਹਾਰੋ ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੋ ਹੋਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੋ ਹੋਤੀਤਿ? ਆਮਨ੍ਤਾ. ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੇ ਸੋਤੇ ਪਟਿਹਞ੍ਞਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੇ ਸੋਤੇ ਪਟਿਹਞ੍ਞਤਿ; ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੇਨ ਵਿਞ੍ਞਾਣੇਨ ਪਟਿਵਿਜਾਨਨ੍ਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੇਨ ਵਿਞ੍ਞਾਣੇਨ ਪਟਿਵਿਜਾਨਨ੍ਤਿ; ਲੋਕਿਯਂ ਵੋਹਰਨ੍ਤਸ੍ਸ ਪੁਥੁਜ੍ਜਨਾ ਪਟਿਵਿਜਾਨਨ੍ਤਿ ¶ , ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਸਾਵਕਾ ਪਟਿਵਿਜਾਨਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੋ ਹੋਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੋ ਹੋਤੀਤਿ? ਆਮਨ੍ਤਾ. ਨਨੁ ਭਗਵਾ ਲੋਕਿਯਮ੍ਪਿ ਲੋਕੁਤ੍ਤਰਮ੍ਪਿ ਧਮ੍ਮਂ ਵੋਹਰਤੀਤਿ? ਆਮਨ੍ਤਾ. ਹਞ੍ਚਿ ਭਗਵਾ ਲੋਕਿਯਮ੍ਪਿ ਲੋਕੁਤ੍ਤਰਮ੍ਪਿ ਧਮ੍ਮਂ ਵੋਹਰਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੋ ਹੋਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੋ ਹੋਤੀ’’ਤਿ.

ਬੁਦ੍ਧਸ੍ਸ ਭਗਵਤੋ ਵੋਹਾਰੋ ਲੋਕਿਯਂ ਵੋਹਰਨ੍ਤਸ੍ਸ ਲੋਕਿਯੋ ਹੋਤਿ, ਲੋਕੁਤ੍ਤਰਂ ਵੋਹਰਨ੍ਤਸ੍ਸ ਲੋਕੁਤ੍ਤਰੋ ਹੋਤੀਤਿ? ਆਮਨ੍ਤਾ. ਮਗ੍ਗਂ ਵੋਹਰਨ੍ਤਸ੍ਸ ਮਗ੍ਗੋ ਹੋਤਿ, ਅਮਗ੍ਗਂ ਵੋਹਰਨ੍ਤਸ੍ਸ ¶ ਅਮਗ੍ਗੋ ¶ ਹੋਤਿ, ਫਲਂ ਵੋਹਰਨ੍ਤਸ੍ਸ ਫਲਂ ਹੋਤਿ, ਅਫਲਂ ਵੋਹਰਨ੍ਤਸ੍ਸ ਅਫਲਂ ਹੋਤਿ, ਨਿਬ੍ਬਾਨਂ ਵੋਹਰਨ੍ਤਸ੍ਸ ਨਿਬ੍ਬਾਨਂ ਹੋਤਿ, ਅਨਿਬ੍ਬਾਨਂ ਵੋਹਰਨ੍ਤਸ੍ਸ ਅਨਿਬ੍ਬਾਨਂ ਹੋਤਿ, ਸਙ੍ਖਤਂ ਵੋਹਰਨ੍ਤਸ੍ਸ ਸਙ੍ਖਤਂ ਹੋਤਿ, ਅਸਙ੍ਖਤਂ ਵੋਹਰਨ੍ਤਸ੍ਸ ਅਸਙ੍ਖਤਂ ਹੋਤਿ, ਰੂਪਂ ਵੋਹਰਨ੍ਤਸ੍ਸ ਰੂਪਂ ਹੋਤਿ, ਅਰੂਪਂ ਵੋਹਰਨ੍ਤਸ੍ਸ ਅਰੂਪਂ ਹੋਤਿ, ਵੇਦਨਂ ਵੋਹਰਨ੍ਤਸ੍ਸ ਵੇਦਨਾ ਹੋਤਿ, ਅਵੇਦਨਂ ਵੋਹਰਨ੍ਤਸ੍ਸ ਅਵੇਦਨਾ ਹੋਤਿ, ਸਞ੍ਞਂ ਵੋਹਰਨ੍ਤਸ੍ਸ ਸਞ੍ਞਾ ਹੋਤਿ, ਅਸਞ੍ਞਂ ਵੋਹਰਨ੍ਤਸ੍ਸ ਅਸਞ੍ਞਾ ਹੋਤਿ, ਸਙ੍ਖਾਰੇ ਵੋਹਰਨ੍ਤਸ੍ਸ ਸਙ੍ਖਾਰਾ ਹੋਨ੍ਤਿ, ਅਸਙ੍ਖਾਰੇ ਵੋਹਰਨ੍ਤਸ੍ਸ ਅਸਙ੍ਖਾਰਾ ਹੋਨ੍ਤਿ, ਵਿਞ੍ਞਾਣਂ ਵੋਹਰਨ੍ਤਸ੍ਸ ਵਿਞ੍ਞਾਣਂ ਹੋਤਿ, ਅਵਿਞ੍ਞਾਣਂ ਵੋਹਰਨ੍ਤਸ੍ਸ ਅਵਿਞ੍ਞਾਣਂ ਹੋਤੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵੋਹਾਰਕਥਾ ਨਿਟ੍ਠਿਤਾ.

੨. ਦੁਤਿਯਵਗ੍ਗੋ

(੨੦) ੧੧. ਨਿਰੋਧਕਥਾ

੩੫੩. ਦ੍ਵੇ ¶ ਨਿਰੋਧਾਤਿ? ਆਮਨ੍ਤਾ. ਦ੍ਵੇ ਦੁਕ੍ਖਨਿਰੋਧਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵੇ ਦੁਕ੍ਖਨਿਰੋਧਾਤਿ? ਆਮਨ੍ਤਾ. ਦ੍ਵੇ ਨਿਰੋਧਸਚ੍ਚਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵੇ ਨਿਰੋਧਸਚ੍ਚਾਨੀਤਿ? ਆਮਨ੍ਤਾ. ਦ੍ਵੇ ਦੁਕ੍ਖਸਚ੍ਚਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵੇ ਨਿਰੋਧਸਚ੍ਚਾਨੀਤਿ? ਆਮਨ੍ਤਾ. ਦ੍ਵੇ ਸਮੁਦਯਸਚ੍ਚਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵੇ ਨਿਰੋਧਸਚ੍ਚਾਨੀਤਿ? ਆਮਨ੍ਤਾ. ਦ੍ਵੇ ¶ ਮਗ੍ਗਸਚ੍ਚਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦ੍ਵੇ ਨਿਰੋਧਸਚ੍ਚਾਨੀਤਿ? ਆਮਨ੍ਤਾ. ਦ੍ਵੇ ਤਾਣਾਨਿ…ਪੇ… ਦ੍ਵੇ ਲੇਣਾਨਿ… ਦ੍ਵੇ ਸਰਣਾਨਿ… ਦ੍ਵੇ ਪਰਾਯਣਾਨਿ… ਦ੍ਵੇ ਅਚ੍ਚੁਤਾਨਿ… ਦ੍ਵੇ ਅਮਤਾਨਿ… ਦ੍ਵੇ ਨਿਬ੍ਬਾਨਾਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦ੍ਵੇ ਨਿਬ੍ਬਾਨਾਨੀਤਿ? ਆਮਨ੍ਤਾ. ਅਤ੍ਥਿ ਦ੍ਵਿਨ੍ਨਂ ਨਿਬ੍ਬਾਨਾਨਂ ਉਚ੍ਚਨੀਚਤਾ ਹੀਨਪਣੀਤਤਾ ਉਕ੍ਕਂਸਾਵਕਂਸੋ ਸੀਮਾ ਵਾ ਭੇਦੋ ਵਾ ਰਾਜਿ ਵਾ ਅਨ੍ਤਰਿਕਾ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦ੍ਵੇ ਨਿਰੋਧਾਤਿ? ਆਮਨ੍ਤਾ. ਨਨੁ ਅਪ੍ਪਟਿਸਙ੍ਖਾਨਿਰੁਦ੍ਧੇ ਸਙ੍ਖਾਰੇ ਪਟਿਸਙ੍ਖਾ ਨਿਰੋਧੇਨ੍ਤੀਤਿ? ਆਮਨ੍ਤਾ. ਹਞ੍ਚਿ ਅਪ੍ਪਟਿਸਙ੍ਖਾਨਿਰੁਦ੍ਧੇ ਸਙ੍ਖਾਰੇ ¶ ਪਟਿਸਙ੍ਖਾ ਨਿਰੋਧੇਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦ੍ਵੇ ਨਿਰੋਧਾ’’ਤਿ.

ਨ ਵਤ੍ਤਬ੍ਬਂ – ‘‘ਦ੍ਵੇ ਨਿਰੋਧਾ’’ਤਿ? ਆਮਨ੍ਤਾ. ਨਨੁ ਅਪ੍ਪਟਿਸਙ੍ਖਾਨਿਰੁਦ੍ਧਾਪਿ ਸਙ੍ਖਾਰਾ ਅਚ੍ਚਨ੍ਤਭਗ੍ਗਾ, ਪਟਿਸਙ੍ਖਾਨਿਰੁਦ੍ਧਾਪਿ ਸਙ੍ਖਾਰਾ ਅਚ੍ਚਨ੍ਤਭਗ੍ਗਾਤਿ? ਆਮਨ੍ਤਾ. ਹਞ੍ਚਿ ਅਪ੍ਪਟਿਸਙ੍ਖਾਨਿਰੁਦ੍ਧਾਪਿ ਸਙ੍ਖਾਰਾ ਅਚ੍ਚਨ੍ਤਭਗ੍ਗਾ, ਪਟਿਸਙ੍ਖਾਨਿਰੁਦ੍ਧਾਪਿ ਸਙ੍ਖਾਰਾ ਅਚ੍ਚਨ੍ਤਭਗ੍ਗਾ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਦ੍ਵੇ ਨਿਰੋਧਾ’’ਤਿ.

ਦ੍ਵੇ ¶ ਨਿਰੋਧਾਤਿ? ਆਮਨ੍ਤਾ. ਪਟਿਸਙ੍ਖਾਨਿਰੁਦ੍ਧਾਪਿ [ਪਟਿਸਙ੍ਖਾਨਿਰੁਦ੍ਧਾ (?)] ਸਙ੍ਖਾਰਾ ਅਰਿਯਮਗ੍ਗਂ ਆਗਮ੍ਮ ਨਿਰੁਦ੍ਧਾਤਿ? ਆਮਨ੍ਤਾ. ਅਪ੍ਪਟਿਸਙ੍ਖਾਨਿਰੁਦ੍ਧਾ ¶ ਸਙ੍ਖਾਰਾ ਅਰਿਯਮਗ੍ਗਂ ਆਗਮ੍ਮ ਨਿਰੁਦ੍ਧਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਦ੍ਵੇ ¶ ਨਿਰੋਧਾਤਿ? ਆਮਨ੍ਤਾ. ਪਟਿਸਙ੍ਖਾਨਿਰੁਦ੍ਧਾ ਸਙ੍ਖਾਰਾ ਨ ਪੁਨ ਉਪ੍ਪਜ੍ਜਨ੍ਤੀਤਿ? ਆਮਨ੍ਤਾ. ਅਪ੍ਪਟਿਸਙ੍ਖਾਨਿਰੁਦ੍ਧਾ ਸਙ੍ਖਾਰਾ ਨ ਪੁਨ ਉਪ੍ਪਜ੍ਜਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਨ ਵਤ੍ਤਬ੍ਬਂ – ‘‘ਦ੍ਵੇ ਨਿਰੋਧਾ’’ਤਿ.

ਨਿਰੋਧਕਥਾ ਨਿਟ੍ਠਿਤਾ.

ਦੁਤਿਯਵਗ੍ਗੋ.

ਤਸ੍ਸੁਦ੍ਦਾਨਂ –

ਪਰੂਪਹਾਰੋ ਅਞ੍ਞਾਣਂ, ਕਙ੍ਖਾ ਪਰਵਿਤਾਰਣਾ;

ਵਚੀਭੇਦੋ ਦੁਕ੍ਖਾਹਾਰੋ, ਚਿਤ੍ਤਟ੍ਠਿਤਿ ਚ ਕੁਕ੍ਕੁਲ਼ਾ;

ਅਨੁਪੁਬ੍ਬਾਭਿਸਮਯੋ, ਵੋਹਾਰੋ ਚ ਨਿਰੋਧਕੋਤਿ.

੩. ਤਤਿਯਵਗ੍ਗੋ

(੨੧) ੧. ਬਲਕਥਾ

੩੫੪. ਤਥਾਗਤਬਲਂ ¶ ¶ ¶ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਤਥਾਗਤਬਲਂ ਸਾਵਕਬਲਂ, ਸਾਵਕਬਲਂ ਤਥਾਗਤਬਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਤਞ੍ਞੇਵ ਤਥਾਗਤਬਲਂ ਤਂ ਸਾਵਕਬਲਂ, ਤਞ੍ਞੇਵ ਸਾਵਕਬਲਂ ਤਂ ਤਥਾਗਤਬਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਯਾਦਿਸਂ ਤਥਾਗਤਬਲਂ ਤਾਦਿਸਂ ਸਾਵਕਬਲਂ, ਯਾਦਿਸਂ ਸਾਵਕਬਲਂ ਤਾਦਿਸਂ ਤਥਾਗਤਬਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਯਾਦਿਸੋ ਤਥਾਗਤਸ੍ਸ ਪੁਬ੍ਬਯੋਗੋ ਪੁਬ੍ਬਚਰਿਯਾ ਧਮ੍ਮਕ੍ਖਾਨਂ ਧਮ੍ਮਦੇਸਨਾ ਤਾਦਿਸੋ ਸਾਵਕਸ੍ਸ ਪੁਬ੍ਬਯੋਗੋ ਪੁਬ੍ਬਚਰਿਯਾ ਧਮ੍ਮਕ੍ਖਾਨਂ ਧਮ੍ਮਦੇਸਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਤਥਾਗਤੋ ਜਿਨੋ ਸਤ੍ਥਾ ਸਮ੍ਮਾਸਮ੍ਬੁਦ੍ਧੋ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀ ਧਮ੍ਮਸ੍ਸਾਮੀ ਧਮ੍ਮਪ੍ਪਟਿਸਰਣੋਤਿ? ਆਮਨ੍ਤਾ ¶ . ਸਾਵਕੋ ਜਿਨੋ ਸਤ੍ਥਾ ਸਮ੍ਮਾਸਮ੍ਬੁਦ੍ਧੋ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀ ਧਮ੍ਮਸ੍ਸਾਮੀ ਧਮ੍ਮਪ੍ਪਟਿਸਰਣੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਤਥਾਗਤੋ ਅਨੁਪ੍ਪਨ੍ਨਸ੍ਸ ¶ ਮਗ੍ਗਸ੍ਸ ਉਪ੍ਪਾਦੇਤਾ ਅਸਞ੍ਜਾਤਸ੍ਸ ਮਗ੍ਗਸ੍ਸ ¶ ਸਞ੍ਜਨੇਤਾ ਅਨਕ੍ਖਾਤਸ੍ਸ ਮਗ੍ਗਸ੍ਸ ਅਕ੍ਖਾਤਾ ਮਗ੍ਗਞ੍ਞੂ ਮਗ੍ਗਵਿਦੂ ਮਗ੍ਗਕੋਵਿਦੋਤਿ? ਆਮਨ੍ਤਾ. ਸਾਵਕੋ ਅਨੁਪ੍ਪਨ੍ਨਸ੍ਸ ਮਗ੍ਗਸ੍ਸ ਉਪ੍ਪਾਦੇਤਾ ਅਸਞ੍ਜਾਤਸ੍ਸ ਮਗ੍ਗਸ੍ਸ ਸਞ੍ਜਨੇਤਾ ਅਨਕ੍ਖਾਤਸ੍ਸ ਮਗ੍ਗਸ੍ਸ ਅਕ੍ਖਾਤਾ ਮਗ੍ਗਞ੍ਞੂ ਮਗ੍ਗਵਿਦੂ ਮਗ੍ਗਕੋਵਿਦੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਇਨ੍ਦ੍ਰਿਯਪਰੋਪਰਿਯਤ੍ਤਂ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਸਾਵਕੋ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੫੫. ਸਾਵਕੋ ਠਾਨਾਠਾਨਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਠਾਨਾਠਾਨਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਠਾਨਾਠਾਨਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ ਵਿਪਾਕਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ ਵਿਪਾਕਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ ਵਿਪਾਕਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ¶ ਅਨੇਕਧਾਤੁਂ ਨਾਨਾਧਾਤੁਂ ਲੋਕਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਅਨੇਕਧਾਤੁਂ ਨਾਨਾਧਾਤੁਂ ਲੋਕਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਨੇਕਧਾਤੁਂ ਨਾਨਾਧਾਤੁਂ ਲੋਕਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ¶ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਤ੍ਤਾਨਂ ¶ ਨਾਨਾਧਿਮੁਤ੍ਤਿਕਤਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ਝਾਨਵਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ ਵੋਦਾਨਂ ਵੁਟ੍ਠਾਨਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਝਾਨਵਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ ਵੋਦਾਨਂ ਵੁਟ੍ਠਾਨਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਝਾਨਵਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ ਵੋਦਾਨਂ ਵੁਟ੍ਠਾਨਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ¶ ਪੁਬ੍ਬੇਨਿਵਾਸਾਨੁਸ੍ਸਤਿਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਪੁਬ੍ਬੇਨਿਵਾਸਾਨੁਸ੍ਸਤਿਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਪੁਬ੍ਬੇਨਿਵਾਸਾਨੁਸ੍ਸਤਿ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਸਾਵਕੋ ਸਤ੍ਤਾਨਂ ਚੁਤੂਪਪਾਤਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਸਾਵਕੋ ਸਤ੍ਤਾਨਂ ਚੁਤੂਪਪਾਤਂ ਜਾਨਾਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਤ੍ਤਾਨਂ ਚੁਤੂਪਪਾਤਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

ਨਨੁ ਤਥਾਗਤਸ੍ਸਾਪਿ ਆਸਵਾ ਖੀਣਾ ਸਾਵਕਸ੍ਸਾਪਿ ਆਸਵਾ ਖੀਣਾਤਿ ¶ ? ਆਮਨ੍ਤਾ. ਅਤ੍ਥਿ ਕਿਞ੍ਚਿ ਨਾਨਾਕਰਣਂ ਤਥਾਗਤਸ੍ਸ ਵਾ ਸਾਵਕਸ੍ਸ ਵਾ ਆਸਵਕ੍ਖਯੇਨ ਵਾ ਆਸਵਕ੍ਖਯਂ ਵਿਮੁਤ੍ਤਿਯਾ ਵਾ ਵਿਮੁਤ੍ਤੀਤਿ? ਨਤ੍ਥਿ. ਹਞ੍ਚਿ ਨਤ੍ਥਿ ਕਿਞ੍ਚਿ ਨਾਨਾਕਰਣਂ ਤਥਾਗਤਸ੍ਸ ਵਾ ਸਾਵਕਸ੍ਸ ਵਾ ਆਸਵਕ੍ਖਯੇਨ ਵਾ ਆਸਵਕ੍ਖਯਂ ਵਿਮੁਤ੍ਤਿਯਾ ਵਾ ਵਿਮੁਤ੍ਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣ’’ਨ੍ਤਿ.

੩੫੬. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ ¶ . ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ¶ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ ¶ ? ਨ ਹੇਵਂ ਵਤ੍ਤਬ੍ਬੇ [ਅਯਮੇਤ੍ਥ ਸਾਧਾਰਣਪਕ੍ਖਂ ਸਨ੍ਧਾਯ ਪਟਿਕ੍ਖੇਪੋ (ਟੀਕਾ ਓਲੋਕੇਤਬ੍ਬਾ)] …ਪੇ….

ਇਨ੍ਦ੍ਰਿਯਪਰੋਪਰਿਯਤ੍ਤਂ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਆਮਨ੍ਤਾ…ਪੇ…. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਅਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਆਮਨ੍ਤਾ. ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਞਾਣਂ ਤਥਾਗਤਬਲਂ ਸਾਵਕਸਾਧਾਰਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਬਲਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੨) ੨. ਅਰਿਯਨ੍ਤਿਕਥਾ

੩੫੭. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗੋ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗੋ ਅਨਾਗਾਮਿਫਲਂ, ਅਰਹਤ੍ਤਮਗ੍ਗੋ ਅਰਹਤ੍ਤਫਲਂ, ਸਤਿਪਟ੍ਠਾਨਂ ਸਮ੍ਮਪ੍ਪਧਾਨਂ ਇਦ੍ਧਿਪਾਦੋ ਇਨ੍ਦ੍ਰਿਯਂ ਬਲਂ ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ ¶ . ਸੁਞ੍ਞਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਸੁਞ੍ਞਤਾਰਮ੍ਮਣਨ੍ਤਿ? ਆਮਨ੍ਤਾ. ਠਾਨਾਠਾਨਞ੍ਚ ¶ ਮਨਸਿ ਕਰੋਤਿ, ਸੁਞ੍ਞਤਞ੍ਚ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨਞ੍ਚ ¶ ਮਨਸਿ ਕਰੋਤਿ, ਸੁਞ੍ਞਤਞ੍ਚ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਠਾਨਾਠਾਨਞ੍ਚ ਮਨਸਿ ਕਰੋਤਿ, ਅਪ੍ਪਣਿਹਿਤਞ੍ਚ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨਞ੍ਚ ਮਨਸਿ ਕਰੋਤਿ, ਅਪ੍ਪਣਿਹਿਤਞ੍ਚ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੫੮. ਸਤਿਪਟ੍ਠਾਨਾ ਅਰਿਯਾ ਸੁਞ੍ਞਤਾਰਮ੍ਮਣਾਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਸੁਞ੍ਞਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤਿਪਟ੍ਠਾਨਾ ਅਰਿਯਾ ਅਨਿਮਿਤ੍ਤਾਰਮ੍ਮਣਾ…ਪੇ… ਅਪ੍ਪਣਿਹਿਤਾਰਮ੍ਮਣਾਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਪ੍ਪਧਾਨਾ, ਇਦ੍ਧਿਪਾਦਾ, ਇਨ੍ਦ੍ਰਿਯਾ, ਬਲਾ, ਬੋਜ੍ਝਙ੍ਗਾ ਅਰਿਯਾ ਸੁਞ੍ਞਤਾਰਮ੍ਮਣਾਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ¶ ਤਥਾਗਤਬਲਂ ਅਰਿਯਂ ਸੁਞ੍ਞਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਬੋਜ੍ਝਙ੍ਗਾ ਅਰਿਯਾ ਅਨਿਮਿਤ੍ਤਾਰਮ੍ਮਣਾ… ਅਪ੍ਪਣਿਹਿਤਾਰਮ੍ਮਣਾਤਿ? ਆਮਨ੍ਤਾ ¶ . ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੫੯. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ‘‘ਸੁਞ੍ਞਤਾਰਮ੍ਮਣ’’ਨ੍ਤਿ? ਆਮਨ੍ਤਾ. ਸਤਿਪਟ੍ਠਾਨਾ ਅਰਿਯਾ ਨ ਵਤ੍ਤਬ੍ਬਾ – ‘‘ਸੁਞ੍ਞਤਾਰਮ੍ਮਣਾ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ ¶ ? ਆਮਨ੍ਤਾ. ਸਤਿਪਟ੍ਠਾਨਾ ਅਰਿਯਾ ਨ ਵਤ੍ਤਬ੍ਬਾ – ‘‘ਅਪ੍ਪਣਿਹਿਤਾਰਮ੍ਮਣਾ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਸੁਞ੍ਞਤਾਰਮ੍ਮਣਂ…ਪੇ… ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਸਮ੍ਮਪ੍ਪਧਾਨਂ…ਪੇ… ਬੋਜ੍ਝਙ੍ਗਾ ਅਰਿਯਾ ਨ ਵਤ੍ਤਬ੍ਬਾ – ‘‘ਅਪ੍ਪਣਿਹਿਤਾਰਮ੍ਮਣਾ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੦. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ…ਪੇ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਸੁਞ੍ਞਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸੁਞ੍ਞਾਤਾਰਮ੍ਮਣਨ੍ਤਿ ¶ ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤਞ੍ਚ ਮਨਸਿ ਕਰੋਤਿ ¶ , ਸੁਞ੍ਞਤਞ੍ਚ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ਚੁਤੂਪਪਾਤਞ੍ਚ ਮਨਸਿ ਕਰੋਤਿ, ਸੁਞ੍ਞਤਞ੍ਚ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਅਨਿਮਿਤ੍ਤਾਰਮ੍ਮਣਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤਞ੍ਚ ਮਨਸਿ ਕਰੋਤਿ, ਅਪ੍ਪਣਿਹਿਤਞ੍ਚ ਮਨਸਿ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ਚੁਤੂਪਪਾਤਞ੍ਚ ਮਨਸਿ ਕਰੋਤਿ, ਅਪ੍ਪਣਿਹਿਤਞ੍ਚ ਮਨਸਿ ਕਰੋਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੧. ਸਤਿਪਟ੍ਠਾਨਾ ਅਰਿਯਾ ਸੁਞ੍ਞਤਾਰਮ੍ਮਣਾ…ਪੇ… ਅਨਿਮਿਤ੍ਤਾਰਮ੍ਮਣਾ…ਪੇ… ਅਪ੍ਪਣਿਹਿਤਾਰਮ੍ਮਣਾਤਿ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮ੍ਮਪ੍ਪਧਾਨਂ ¶ ¶ …ਪੇ… ਬੋਜ੍ਝਙ੍ਗਾ ਅਰਿਯਾ ਸੁਞ੍ਞਤਾਰਮ੍ਮਣਾ…ਪੇ… ਅਨਿਮਿਤ੍ਤਾਰਮ੍ਮਣਾ…ਪੇ… ਅਪ੍ਪਣਿਹਿਤਾਰਮ੍ਮਣਾਤਿ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ¶ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਸੁਞ੍ਞਤਾਰਮ੍ਮਣਂ…ਪੇ… ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਸਤਿਪਟ੍ਠਾਨਾ ਅਰਿਯਾ ਨ ਵਤ੍ਤਬ੍ਬਾ – ‘‘ਅਪ੍ਪਪਣਿਹਿਤਾਰਮ੍ਮਣਾ’’ਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੨. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਸੁਞ੍ਞਤਾਰਮ੍ਮਣਂ…ਪੇ… ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਸਮ੍ਮਪ੍ਪਧਾਨਾ…ਪੇ… ਬੋਜ੍ਝਙ੍ਗਾ ਅਰਿਯਾ ਨ ਵਤ੍ਤਬ੍ਬਾ – ‘‘ਅਪ੍ਪਣਿਹਿਤਾਰਮ੍ਮਣਾ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ¶ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਆਮਨ੍ਤਾ. ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਨ ਵਤ੍ਤਬ੍ਬਂ – ‘‘ਅਰਿਯ’’ਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਨ ਵਤ੍ਤਬ੍ਬਂ – ‘‘ਅਰਿਯ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ …ਪੇ….

ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਨ ਵਤ੍ਤਬ੍ਬਂ – ‘‘ਅਰਿਯ’’ਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਨ ਵਤ੍ਤਬ੍ਬਂ – ‘‘ਅਰਿਯ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ¶ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਸੁਞ੍ਞਤਾਰਮ੍ਮਣਨ੍ਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਸੁਞ੍ਞਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ਖਯੇ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਨਿਮਿਤ੍ਤਾਰਮ੍ਮਣਂ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਸੁਞ੍ਞਤਾਰਮ੍ਮਣਂ…ਪੇ… ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ…ਪੇ…. ਸਤ੍ਤਾਨਂ ਚੁਤੂਪਪਾਤੇ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਅਪ੍ਪਣਿਹਿਤਾਰਮ੍ਮਣਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ¶ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ‘‘ਸੁਞ੍ਞਤਾਰਮ੍ਮਣ’’ਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ‘‘ਸੁਞ੍ਞਤਾਰਮ੍ਮਣ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਠਾਨਾਠਾਨੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਅਨਿਮਿਤ੍ਤਾਰਮ੍ਮਣਂ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ‘‘ਅਪ੍ਪਣਿਹਿਤਾਰਮ੍ਮਣ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਤ੍ਤਾਨਂ ਚੁਤੂਪਪਾਤੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ਸੁਞ੍ਞਤਾਰਮ੍ਮਣਂ…ਪੇ… ਅਨਿਮਿਤ੍ਤਾਰਮ੍ਮਣਂ…ਪੇ… ਅਪ੍ਪਣਿਹਿਤਾਰਮ੍ਮਣਨ੍ਤਿ? ਆਮਨ੍ਤਾ. ਆਸਵਾਨਂ ਖਯੇ ਯਥਾਭੂਤਂ ਞਾਣਂ ਤਥਾਗਤਬਲਂ ਅਰਿਯਂ ਨ ਵਤ੍ਤਬ੍ਬਂ – ‘‘ਅਪ੍ਪਣਿਹਿਤਾਰਮ੍ਮਣ’’ਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਿਯਨ੍ਤਿਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੩) ੩. ਵਿਮੁਤ੍ਤਿਕਥਾ

੩੬੩. ਸਰਾਗਂ ¶ ¶ ਚਿਤ੍ਤਂ ਵਿਮੁਚ੍ਚਤੀਤਿ? ਆਮਨ੍ਤਾ. ਰਾਗਸਹਗਤਂ ਰਾਗਸਹਜਾਤਂ ਰਾਗਸਂਸਟ੍ਠਂ ਰਾਗਸਮ੍ਪਯੁਤ੍ਤਂ ਰਾਗਸਹਭੁ ਰਾਗਾਨੁਪਰਿਵਤ੍ਤਿ ਅਕੁਸਲਂ ਲੋਕਿਯਂ ਸਾਸਵਂ ਸਂਯੋਜਨਿਯਂ ਗਨ੍ਥਨਿਯਂ ਓਘਨਿਯਂ ਯੋਗਨਿਯਂ ਨੀਵਰਣਿਯਂ ਪਰਾਮਟ੍ਠਂ ਉਪਾਦਾਨਿਯਂ ਸਂਕਿਲੇਸਿਯਂ ਚਿਤ੍ਤਂ ਵਿਮੁਚ੍ਚਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਰਾਗਂ ¶ ਚਿਤ੍ਤਂ ਵਿਮੁਚ੍ਚਤਿ, ਰਾਗੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ…ਪੇ… ਸਸਞ੍ਞਂ…ਪੇ… ਸਚੇਤਨਂ…ਪੇ… ਸਪਞ੍ਞਂ [ਸਸਞ੍ਞਂ (ਸੀ. ਕ.)] ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਰਾਗਂ ਚਿਤ੍ਤਂ ਵਿਮੁਚ੍ਚਤਿ, ਰਾਗੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ¶ ਸਰਾਗਂ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਰਾਗੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ ਸਰਾਗਂ…ਪੇ… ਸਸਞ੍ਞਂ ਸਰਾਗਂ…ਪੇ… ਸਚੇਤਨਂ ਸਰਾਗਂ…ਪੇ… ਸਪਞ੍ਞਂ ਸਰਾਗਂ ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਰਾਗੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੪. ਸਦੋਸਂ ¶ ਚਿਤ੍ਤਂ ਵਿਮੁਚ੍ਚਤੀਤਿ? ਆਮਨ੍ਤਾ. ਦੋਸਸਹਗਤਂ ਦੋਸਸਹਜਾਤਂ ਦੋਸਸਂਸਟ੍ਠਂ ਦੋਸਸਮ੍ਪਯੁਤ੍ਤਂ ਦੋਸਸਹਭੁ ਦੋਸਾਨੁਪਰਿਵਤ੍ਤਿ ਅਕੁਸਲਂ ਲੋਕਿਯਂ ਸਾਸਵਂ…ਪੇ… ਸਂਕਿਲੇਸਿਯਂ ਚਿਤ੍ਤਂ ਵਿਮੁਚ੍ਚਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ¶ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਦੋਸਂ ਚਿਤ੍ਤਂ ਵਿਮੁਚ੍ਚਤਿ, ਦੋਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ…ਪੇ… ਸਸਞ੍ਞਂ…ਪੇ… ਸਚੇਤਨਂ…ਪੇ… ਸਪਞ੍ਞਂ ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ ¶ . ਸਦੋਸਂ ਚਿਤ੍ਤਂ ਵਿਮੁਚ੍ਚਤਿ, ਦੋਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ਸਦੋਸਂ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਦੋਸਂ ਚਿਤ੍ਤਂ ਵਿਮੁਚ੍ਚਤਿ, ਦੋਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ ਸਦੋਸਂ… ਸਸਞ੍ਞਂ ਸਦੋਸਂ… ਸਚੇਤਨਂ ਸਦੋਸਂ… ਸਪਞ੍ਞਂ ਸਦੋਸਂ ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਦੋਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੫. ਸਮੋਹਂ ਚਿਤ੍ਤਂ ਵਿਮੁਚ੍ਚਤੀਤਿ? ਆਮਨ੍ਤਾ. ਮੋਹਸਹਗਤਂ ਮੋਹਸਹਜਾਤਂ ਮੋਹਸਂਸਟ੍ਠਂ ਮੋਹਸਮ੍ਪਯੁਤ੍ਤਂ ਮੋਹਸਹਭੁ ਮੋਹਾਨੁਪਰਿਵਤ੍ਤਿ ਅਕੁਸਲਂ ¶ ਲੋਕਿਯਂ ਸਾਸਵਂ…ਪੇ… ਸਂਕਿਲੇਸਿਯਂ ਚਿਤ੍ਤਂ ਵਿਮੁਚ੍ਚਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਮੋਹਂ ਚਿਤ੍ਤਂ ਵਿਮੁਚ੍ਚਤਿ, ਮੋਹੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ ¶ … ਸਸਞ੍ਞਂ… ਸਚੇਤਨਂ… ਸਪਞ੍ਞਂ ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਸਮੋਹਂ ਚਿਤ੍ਤਂ ਵਿਮੁਚ੍ਚਤਿ, ਮੋਹੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਫਸ੍ਸਂ ¶ ਸਮੋਹਂ ਚਿਤ੍ਤਂ ਵਿਮੁਚ੍ਚਤਿ, ਫਸ੍ਸੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ ¶ . ਮੋਹੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਵੇਦਨਂ ਸਮੋਹਂ… ਸਸਞ੍ਞਂ ਸਮੋਹਂ… ਸਚੇਤਨਂ ਸਮੋਹਂ…ਪੇ… ਸਪਞ੍ਞਂ ਸਮੋਹਂ ਚਿਤ੍ਤਂ ਵਿਮੁਚ੍ਚਤਿ, ਪਞ੍ਞਾ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਆਮਨ੍ਤਾ. ਮੋਹੋ ਚ ਚਿਤ੍ਤਞ੍ਚ ਉਭੋ ਵਿਮੁਚ੍ਚਨ੍ਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਰਾਗਂ ਸਦੋਸਂ ਸਮੋਹਂ ਚਿਤ੍ਤਂ ਵਿਮੁਚ੍ਚਤੀਤਿ? ਆਮਨ੍ਤਾ. ਵੀਤਰਾਗਂ ਵੀਤਦੋਸਂ ਵੀਤਮੋਹਂ ਨਿਕ੍ਕਿਲੇਸਂ ਚਿਤ੍ਤਂ ਵਿਮੁਚ੍ਚਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਨ ਵਤ੍ਤਬ੍ਬਂ – ‘‘ਸਰਾਗਂ ਸਦੋਸਂ ਸਮੋਹਂ ਚਿਤ੍ਤਂ ਵਿਮੁਚ੍ਚਤੀ’’ਤਿ.

ਵਿਮੁਤ੍ਤਿਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੪) ੪. ਵਿਮੁਚ੍ਚਮਾਨਕਥਾ

੩੬੬. ਵਿਮੁਤ੍ਤਂ ¶ ਵਿਮੁਚ੍ਚਮਾਨਨ੍ਤਿ? ਆਮਨ੍ਤਾ. ਏਕਦੇਸਂ ਵਿਮੁਤ੍ਤਂ, ਏਕਦੇਸਂ ਅਵਿਮੁਤ੍ਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਦੇਸਂ ਵਿਮੁਤ੍ਤਂ, ਏਕਦੇਸਂ ਅਵਿਮੁਤ੍ਤਨ੍ਤਿ? ਆਮਨ੍ਤਾ. ਏਕਦੇਸਂ ਸੋਤਾਪਨ੍ਨੋ, ਏਕਦੇਸਂ ਨ ਸੋਤਾਪਨ੍ਨੋ, ਏਕਦੇਸਂ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਸਤ੍ਤਕ੍ਖਤ੍ਤੁਪਰਮੋ ਕੋਲਙ੍ਕੋਲੋ ਏਕਬੀਜੀ ਬੁਦ੍ਧੇ ਅਵੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ ਧਮ੍ਮੇ…ਪੇ… ਸਙ੍ਘੇ…ਪੇ… ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ, ਏਕਦੇਸਂ ਅਰਿਯਕਨ੍ਤੇਹਿ ਸੀਲੇਹਿ ਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਦੇਸਂ ¶ ਵਿਮੁਤ੍ਤਂ, ਏਕਦੇਸਂ ਅਵਿਮੁਤ੍ਤਨ੍ਤਿ? ਆਮਨ੍ਤਾ ¶ . ਏਕਦੇਸਂ ਸਕਦਾਗਾਮੀ, ਏਕਦੇਸਂ ਨ ਸਕਦਾਗਾਮੀ, ਏਕਦੇਸਂ ਸਕਦਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਦੇਸਂ ¶ ਵਿਮੁਤ੍ਤਂ, ਏਕਦੇਸਂ ਅਵਿਮੁਤ੍ਤਨ੍ਤਿ? ਆਮਨ੍ਤਾ. ਏਕਦੇਸਂ ਅਨਾਗਾਮੀ, ਏਕਦੇਸਂ ਨ ਅਨਾਗਾਮੀ, ਏਕਦੇਸਂ ਅਨਾਗਾਮਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਅਨ੍ਤਰਾਪਰਿਨਿਬ੍ਬਾਯੀ ¶ , ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋਅਕਨਿਟ੍ਠਗਾਮੀ, ਏਕਦੇਸਂ ਨ ਉਦ੍ਧਂਸੋਤੋਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਦੇਸਂ ਵਿਮੁਤ੍ਤਂ, ਏਕਦੇਸਂ ਅਵਿਮੁਤ੍ਤਨ੍ਤਿ? ਆਮਨ੍ਤਾ. ਏਕਦੇਸਂ ਅਰਹਾ ਏਕਦੇਸਂ ਨ ਅਰਹਾ, ਏਕਦੇਸਂ ਅਰਹਤ੍ਤਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਨ ਕਾਯੇਨ ਫੁਸਿਤ੍ਵਾ ਵਿਹਰਤਿ, ਏਕਦੇਸਂ ਵੀਤਰਾਗੋ ਵੀਤਦੋਸੋ ਵੀਤਮੋਹੋ…ਪੇ… ਏਕਦੇਸਂ ਸਚ੍ਛਿਕਾਤਬ੍ਬਂ ਸਚ੍ਛਿਕਤਂ, ਏਕਦੇਸਂ ਸਚ੍ਛਿਕਾਤਬ੍ਬਂ ਨ ਸਚ੍ਛਿਕਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਮੁਤ੍ਤਂ ਵਿਮੁਚ੍ਚਮਾਨਨ੍ਤਿ? ਆਮਨ੍ਤਾ. ਉਪ੍ਪਾਦਕ੍ਖਣੇ ਵਿਮੁਤ੍ਤਂ, ਭਙ੍ਗਕ੍ਖਣੇ ਵਿਮੁਚ੍ਚਮਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੭. ਨ ਵਤ੍ਤਬ੍ਬਂ – ‘‘ਵਿਮੁਤ੍ਤਂ ਵਿਮੁਚ੍ਚਮਾਨ’’ਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਤਸ੍ਸ ਏਵਂ ਜਾਨਤੋ ਏਵਂ ਪਸ੍ਸਤੋ ਕਾਮਾਸਵਾਪਿ ਚਿਤ੍ਤਂ ਵਿਮੁਚ੍ਚਤਿ, ਭਵਾਸਵਾਪਿ ਚਿਤ੍ਤਂ ਵਿਮੁਚ੍ਚਤਿ, ਅਵਿਜ੍ਜਾਸਵਾਪਿ ਚਿਤ੍ਤਂ ਵਿਮੁਚ੍ਚਤੀ’’ਤਿ [ਦੀ. ਨਿ. ੧.੨੪੮ ਆਦਯੋ]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ ¶ . ਤੇਨ ਹਿ ਵਤ੍ਤਬ੍ਬਂ [ਤੇਨ ਹਿ (ਸੀ. ਸ੍ਯਾ. ਕਂ.), ਤੇਨ ਹਿ ਨ ਵਤ੍ਤਬ੍ਬਂ (ਕ.)] – ‘‘ਵਿਮੁਤ੍ਤਂ ਵਿਮੁਚ੍ਚਮਾਨ’’ਨ੍ਤਿ.

ਵਿਮੁਤ੍ਤਂ ਵਿਮੁਚ੍ਚਮਾਨਨ੍ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸੋ ਏਵਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ ਵਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨੇਞ੍ਜਪ੍ਪਤ੍ਤੇ ਆਸਵਾਨਂ ¶ ਖਯਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਤੀ’’ਤਿ! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ¶ ਹਿ ਨ ਵਤ੍ਤਬ੍ਬਂ – ‘‘ਵਿਮੁਤ੍ਤਂ ਵਿਮੁਚ੍ਚਮਾਨ’’ਨ੍ਤਿ.

ਅਤ੍ਥਿ ਚਿਤ੍ਤਂ ਵਿਮੁਚ੍ਚਮਾਨਨ੍ਤਿ? ਆਮਨ੍ਤਾ. ਅਤ੍ਥਿ ਚਿਤ੍ਤਂ ਰਜ੍ਜਮਾਨਂ ਦੁਸ੍ਸਮਾਨਂ ਮੁਯ੍ਹਮਾਨਂ ਕਿਲਿਸ੍ਸਮਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਨੁ ਰਤ੍ਤਞ੍ਚੇਵ ਅਰਤ੍ਤਞ੍ਚ, ਦੁਟ੍ਠਞ੍ਚੇਵ ਅਦੁਟ੍ਠਞ੍ਚ, ਮੂਲ਼੍ਹਞ੍ਚੇਵ ਅਮੂਲ਼੍ਹਞ੍ਚ, ਛਿਨ੍ਨਞ੍ਚੇਵ ਅਛਿਨ੍ਨਞ੍ਚ, ਭਿਨ੍ਨਞ੍ਚੇਵ ਅਭਿਨ੍ਨਞ੍ਚ, ਕਤਞ੍ਚੇਵ ਅਕਤਞ੍ਚਾਤਿ ¶ ? ਆਮਨ੍ਤਾ. ਹਞ੍ਚਿ ਰਤ੍ਤਞ੍ਚੇਵ ਅਰਤ੍ਤਞ੍ਚ, ਦੁਟ੍ਠਞ੍ਚੇਵ ਅਦੁਟ੍ਠਞ੍ਚ, ਮੂਲ਼੍ਹਞ੍ਚੇਵ ਅਮੂਲ਼੍ਹਞ੍ਚ, ਛਿਨ੍ਨਞ੍ਚੇਵ ਅਛਿਨ੍ਨਞ੍ਚ, ਭਿਨ੍ਨਞ੍ਚੇਵ ਅਭਿਨ੍ਨਞ੍ਚ, ਕਤਞ੍ਚੇਵ ਅਕਤਞ੍ਚ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਚਿਤ੍ਤਂ ਵਿਮੁਚ੍ਚਮਾਨ’’ਨ੍ਤਿ.

ਵਿਮੁਚ੍ਚਮਾਨਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੫) ੫. ਅਟ੍ਠਮਕਕਥਾ

੩੬੮. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਸੋਤਾਪਨ੍ਨੋ ਸੋਤਾਪਤ੍ਤਿਫਲਪ੍ਪਤ੍ਤੋ ਪਟਿਲਦ੍ਧੋ ਅਧਿਗਤੋ ਸਚ੍ਛਿਕਤੋ ਉਪਸਮ੍ਪਜ੍ਜ ਵਿਹਰਤਿ, ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕੋ ¶ ਪੁਗ੍ਗਲੋ ਸੋਤਾਪਨ੍ਨੋ ਸੋਤਾਪਤ੍ਤਿਫਲਪ੍ਪਤ੍ਤੋ…ਪੇ… ਕਾਯੇਨ ਫੁਸਿਤ੍ਵਾ ਵਿਹਰਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਾਨੁਸਯੋ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਨ੍ਤਿ ¶ ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਨੁਸਯੋ… ਸੀਲਬ੍ਬਤਪਰਾਮਾਸੋ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਨੁਸਯੋ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਾਨੁਸਯੋ… ਸੀਲਬ੍ਬਤਪਰਾਮਾਸੋ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਾਨੁਸਯੋ ਅਪ੍ਪਹੀਨੋਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਅਪ੍ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਾਨੁਸਯੋ ਅਪ੍ਪਹੀਨੋਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਅਪ੍ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਵਿਚਿਕਿਚ੍ਛਾਨੁਸਯੋ… ਸੀਲਬ੍ਬਤਪਰਾਮਾਸੋ ਅਪ੍ਪਹੀਨੋਤਿ? ਆਮਨ੍ਤਾ. ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਅਪ੍ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਸੀਲਬ੍ਬਤਪਰਾਮਾਸੋ ਅਪ੍ਪਹੀਨੋਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਅਪ੍ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੬੯. ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਪਹਾਨਾਯ ਮਗ੍ਗੋ ਭਾਵਿਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਪਹਾਨਾਯ ਸਤਿਪਟ੍ਠਾਨਾ ਭਾਵਿਤਾ…ਪੇ… ਸਮ੍ਮਪ੍ਪਧਾਨਾ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਨ ਹੇਵਂ ਵਤ੍ਤਬ੍ਬੇ.

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਪਹਾਨਾਯ ਮਗ੍ਗੋ ਭਾਵਿਤੋ…ਪੇ… ਬੋਜ੍ਝਙ੍ਗਾ ਭਾਵਿਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਪਹਾਨਾਯ ਮਗ੍ਗੋ ਅਭਾਵਿਤੋਤਿ? ਆਮਨ੍ਤਾ. ਅਮਗ੍ਗੇਨ ਪਹੀਨਂ ਲੋਕਿਯੇਨ ਸਾਸਵੇਨ…ਪੇ… ਸਂਕਿਲੇਸਿਯੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਪਹਾਨਾਯ ਸਤਿਪਟ੍ਠਾਨਾ…ਪੇ… ਬੋਜ੍ਝਙ੍ਗਾ ਅਭਾਵਿਤਾਤਿ? ਆਮਨ੍ਤਾ. ਅਮਗ੍ਗੇਨ ਪਹੀਨਂ ਲੋਕਿਯੇਨ ਸਾਸਵੇਨ…ਪੇ… ਸਂਕਿਲੇਸਿਯੇਨਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਪਹਾਨਾਯ ਮਗ੍ਗੋ ਅਭਾਵਿਤੋ…ਪੇ… ਸਤਿਪਟ੍ਠਾਨਾ…ਪੇ… ਬੋਜ੍ਝਙ੍ਗਾ ਅਭਾਵਿਤਾਤਿ? ਆਮਨ੍ਤਾ. ਅਮਗ੍ਗੇਨ ਪਹੀਨਂ ਲੋਕਿਯੇਨ ਸਾਸਵੇਨ…ਪੇ… ਸਂਕਿਲੇਸਿਯੇਨਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੭੦. ਨ ¶ ਵਤ੍ਤਬ੍ਬਂ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨ’’ਨ੍ਤਿ? ਆਮਨ੍ਤਾ. ਉਪ੍ਪਜ੍ਜਿਸ੍ਸਤੀਤਿ? ਨੁਪ੍ਪਜ੍ਜਿਸ੍ਸਤਿ. ਹਞ੍ਚਿ ਨੁਪ੍ਪਜ੍ਜਿਸ੍ਸਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਪਹੀਨ’’ਨ੍ਤਿ.

ਨ ਵਤ੍ਤਬ੍ਬਂ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨ’’ਨ੍ਤਿ? ਆਮਨ੍ਤਾ. ਉਪ੍ਪਜ੍ਜਿਸ੍ਸਤੀਤਿ? ਨੁਪ੍ਪਜ੍ਜਿਸ੍ਸਤਿ. ਹਞ੍ਚਿ ਨੁਪ੍ਪਜ੍ਜਿਸ੍ਸਤਿ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਪਹੀਨ’’ਨ੍ਤਿ.

ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਾਨੁਸਯੋ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਨੁਸਯੋ… ਸੀਲਬ੍ਬਤਪਰਾਮਾਸੋ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਆਮਨ੍ਤਾ ¶ . ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਨੁਸਯੋ… ਸੀਲਬ੍ਬਤਪਰਾਮਾਸੋ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ¶ ਪਹੀਨਨ੍ਤਿ? ਆਮਨ੍ਤਾ. ਗੋਤ੍ਰਭੁਨੋ ਪੁਗ੍ਗਲਸ੍ਸ ਦਿਟ੍ਠਿਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਆਮਨ੍ਤਾ. ਗੋਤ੍ਰਭੁਨੋ ਪੁਗ੍ਗਲਸ੍ਸ ਵਿਚਿਕਿਚ੍ਛਾਪਰਿਯੁਟ੍ਠਾਨਂ ਨੁਪ੍ਪਜ੍ਜਿਸ੍ਸਤੀਤਿ ਕਤ੍ਵਾ ਪਹੀਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੬) ੬. ਅਟ੍ਠਮਕਸ੍ਸਇਨ੍ਦ੍ਰਿਯਕਥਾ

੩੭੧. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਾਤਿ? ਨ ਹੇਵਂ ਵਤ੍ਤਬ੍ਬੇ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਵੀਰਿਯਿਨ੍ਦ੍ਰਿਯਂ…ਪੇ… ਨਤ੍ਥਿ ਸਤਿਨ੍ਦ੍ਰਿਯਂ…ਪੇ… ਨਤ੍ਥਿ ਸਮਾਧਿਨ੍ਦ੍ਰਿਯਂ…ਪੇ… ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਵੀਰਿਯਂ…ਪੇ… ਅਤ੍ਥਿ ਸਤਿ… ਅਤ੍ਥਿ ਸਮਾਧਿ… ਅਤ੍ਥਿ ਪਞ੍ਞਾਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ¶ ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਅਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ¶ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਅਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸੋਮਨਸ੍ਸਂ, ਅਤ੍ਥਿ ਸੋਮਨਸ੍ਸਿਨ੍ਦ੍ਰਿਯਂ, ਅਤ੍ਥਿ ਜੀਵਿਤਂ, ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਜੀਵਿਤਂ, ਅਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ…ਪੇ… ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਨਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸੋਮਨਸ੍ਸਂ, ਨਤ੍ਥਿ ਸੋਮਨਸ੍ਸਿਨ੍ਦ੍ਰਿਯਨ੍ਤਿ…ਪੇ… ਅਤ੍ਥਿ ਜੀਵਿਤਂ, ਨਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਮਨੋ, ਨਤ੍ਥਿ ਮਨਿਨ੍ਦ੍ਰਿਯਨ੍ਤਿ? ਅਤ੍ਥਿ ਸੋਮਨਸ੍ਸਂ, ਨਤ੍ਥਿ ਸੋਮਨਸ੍ਸਿਨ੍ਦ੍ਰਿਯਨ੍ਤਿ? ਅਤ੍ਥਿ ਜੀਵਿਤਂ, ਨਤ੍ਥਿ ਜੀਵਿਤਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਅਸ੍ਸਦ੍ਧੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਵੀਰਿਯਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਕੁਸੀਤੋ ਹੀਨਵੀਰਿਯੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਤਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਮੁਟ੍ਠਸ੍ਸਤਿ ਅਸਮ੍ਪਜਾਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਮਾਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਅਸਮਾਹਿਤੋ ਵਿਬ੍ਭਨ੍ਤਚਿਤ੍ਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕੋ ਪੁਗ੍ਗਲੋ ਦੁਪ੍ਪਞ੍ਞੋ ਏਲਮੂਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ¶ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਸਾ ਚ ਸਦ੍ਧਾ ਨਿਯ੍ਯਾਨਿਕਾਤਿ? ਆਮਨ੍ਤਾ. ਹਞ੍ਚਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਸਾ ਚ ਸਦ੍ਧਾ ਨਿਯ੍ਯਾਨਿਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਸਦ੍ਧਿਨ੍ਦ੍ਰਿਯ’’ਨ੍ਤਿ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਵੀਰਿਯਂ, ਤਞ੍ਚ ਵੀਰਿਯਂ ਨਿਯ੍ਯਾਨਿਕਂ; ਅਤ੍ਥਿ ਸਤਿ, ਸਾ ਚ ਸਤਿ ਨਿਯ੍ਯਾਨਿਕਾ; ਅਤ੍ਥਿ ¶ ਸਮਾਧਿ, ਸੋ ਚ ਸਮਾਧਿ ਨਿਯ੍ਯਾਨਿਕੋ; ਅਤ੍ਥਿ ਪਞ੍ਞਾ, ਸਾ ਚ ਪਞ੍ਞਾ ਨਿਯ੍ਯਾਨਿਕਾਤਿ? ਆਮਨ੍ਤਾ ¶ . ਹਞ੍ਚਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ¶ ਅਤ੍ਥਿ ਪਞ੍ਞਾ, ਸਾ ਚ ਪਞ੍ਞਾ ਨਿਯ੍ਯਾਨਿਕਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਞਿਨ੍ਦ੍ਰਿਯ’’ਨ੍ਤਿ.

੩੭੨. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ… ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਅਤ੍ਥਿ ਸਦ੍ਧਿਨ੍ਦ੍ਰਿਯਂ…ਪੇ… ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਅਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ. ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ¶ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਸਦ੍ਧਾ, ਨਤ੍ਥਿ ਸਦ੍ਧਿਨ੍ਦ੍ਰਿਯਨ੍ਤਿ…ਪੇ… ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਆਮਨ੍ਤਾ ¶ . ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ… ਅਰਹਤ੍ਤਸਚ੍ਛਿਕਿਰਿਯਾਯ ¶ ਪਟਿਪਨ੍ਨਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਞਾ, ਨਤ੍ਥਿ ਪਞ੍ਞਿਨ੍ਦ੍ਰਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਨਤ੍ਥਿ ਪਞ੍ਚਿਨ੍ਦ੍ਰਿਯਾਨੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਪਞ੍ਚਿਮਾਨਿ, ਭਿਕ੍ਖਵੇ, ਇਨ੍ਦ੍ਰਿਯਾਨਿ! ਕਤਮਾਨਿ ਪਞ੍ਚ? ਸਦ੍ਧਿਨ੍ਦ੍ਰਿਯਂ, ਵੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ – ਇਮਾਨਿ ਖੋ, ਭਿਕ੍ਖਵੇ, ਪਞ੍ਚਿਨ੍ਦ੍ਰਿਯਾਨਿ. ਇਮੇਸਂ ਖੋ, ਭਿਕ੍ਖਵੇ, ਪਞ੍ਚਨ੍ਨਂ ਇਨ੍ਦ੍ਰਿਯਾਨਂ ਸਮਤ੍ਤਾ ਪਰਿਪੂਰਤ੍ਤਾ ਅਰਹਾ ਹੋਤਿ. ਤਤੋ ਮੁਦੁਤਰੇਹਿ ਅਰਹਤ੍ਤਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਅਨਾਗਾਮੀ ਹੋਤਿ, ਤਤੋ ਮੁਦੁਤਰੇਹਿ ਅਨਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸਕਦਾਗਾਮੀ ਹੋਤਿ, ਤਤੋ ਮੁਦੁਤਰੇਹਿ ਸਕਦਾਗਾਮਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸੋਤਾਪਨ੍ਨੋ ਹੋਤਿ, ਤਤੋ ਮੁਦੁਤਰੇਹਿ ਸੋਤਾਪਤ੍ਤਿਫਲਸਚ੍ਛਿਕਿਰਿਯਾਯ ਪਟਿਪਨ੍ਨੋ ਹੋਤਿ. ਯਸ੍ਸ ਖੋ, ਭਿਕ੍ਖਵੇ, ਇਮਾਨਿ ¶ ਪਞ੍ਚਿਨ੍ਦ੍ਰਿਯਾਨਿ ਸਬ੍ਬੇਨ ਸਬ੍ਬਂ ਸਬ੍ਬਥਾ ਸਬ੍ਬਂ ਨਤ੍ਥਿ, ਤਮਹਂ ‘ਬਾਹਿਰੋ ਪੁਥੁਜ੍ਜਨਪਕ੍ਖੇ ਠਿਤੋ’ਤਿ ਵਦਾਮੀ’’ਤਿ [ਸਂ. ਨਿ. ੫.੪੮੮]. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਅਟ੍ਠਮਕੋ ¶ ਪੁਗ੍ਗਲੋ ਬਾਹਿਰੋ ਪੁਥੁਜ੍ਜਨਪਕ੍ਖੇ ਠਿਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਅਟ੍ਠਮਕਸ੍ਸ ਪੁਗ੍ਗਲਸ੍ਸ ਅਤ੍ਥਿ ਪਞ੍ਚਿਨ੍ਦ੍ਰਿਯਾਨੀਤਿ.

ਅਟ੍ਠਮਕਸ੍ਸ ਇਨ੍ਦ੍ਰਿਯਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੭) ੭. ਦਿਬ੍ਬਚਕ੍ਖੁਕਥਾ

੩੭੩. ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਮਂਸਚਕ੍ਖੁਂ ਦਿਬ੍ਬਚਕ੍ਖੁਂ, ਦਿਬ੍ਬਚਕ੍ਖੁਂ ਮਂਸਚਕ੍ਖੁਨ੍ਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਯਾਦਿਸਂ ਮਂਸਚਕ੍ਖੁਂ ਤਾਦਿਸਂ ਦਿਬ੍ਬਚਕ੍ਖੁਂ, ਯਾਦਿਸਂ ਦਿਬ੍ਬਚਕ੍ਖੁਂ ਤਾਦਿਸਂ ਮਂਸਚਕ੍ਖੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ¶ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਮਂਸਚਕ੍ਖੁਂ ਤਂ ਦਿਬ੍ਬਚਕ੍ਖੁਂ, ਤਂ ਦਿਬ੍ਬਚਕ੍ਖੁਂ ਤਂ ਮਂਸਚਕ੍ਖੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਯਾਦਿਸੋ ਮਂਸਚਕ੍ਖੁਸ੍ਸ ਵਿਸਯੋ ਆਨੁਭਾਵੋ ਗੋਚਰੋ ਤਾਦਿਸੋ ਦਿਬ੍ਬਸ੍ਸ ਚਕ੍ਖੁਸ੍ਸ ਵਿਸਯੋ ਆਨੁਭਾਵੋ ਗੋਚਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਉਪਾਦਿਣ੍ਣਂ [ਉਪਾਦਿਨ੍ਨਂ (ਸ੍ਯਾ. ਕਂ.)] ਹੁਤ੍ਵਾ ਅਨੁਪਾਦਿਣ੍ਣਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਉਪਾਦਿਣ੍ਣਂ ਹੁਤ੍ਵਾ ਅਨੁਪਾਦਿਣ੍ਣਂ ਹੋਤੀਤਿ? ਆਮਨ੍ਤਾ. ਕਾਮਾਵਚਰਂ ¶ ਹੁਤ੍ਵਾ ਰੂਪਾਵਚਰਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਕਾਮਾਵਚਰਂ ਹੁਤ੍ਵਾ ਰੂਪਾਵਚਰਂ ਹੋਤੀਤਿ? ਆਮਨ੍ਤਾ. ਰੂਪਾਵਚਰਂ ਹੁਤ੍ਵਾ ਅਰੂਪਾਵਚਰਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਰੂਪਾਵਚਰਂ ਹੁਤ੍ਵਾ ਅਰੂਪਾਵਚਰਂ ਹੋਤੀਤਿ? ਆਮਨ੍ਤਾ. ਪਰਿਯਾਪਨ੍ਨਂ ਹੁਤ੍ਵਾ ਅਪਰਿਯਾਪਨ੍ਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੭੪. ਮਂਸਚਕ੍ਖੁਂ ¶ ¶ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਦਿਬ੍ਬਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਮਂਸਚਕ੍ਖੁਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਦਿਬ੍ਬਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਪਞ੍ਞਾਚਕ੍ਖੁਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਦਿਬ੍ਬਚਕ੍ਖੁਂ ਧਮ੍ਮੁਪਤ੍ਥਦ੍ਧਂ ਮਂਸਚਕ੍ਖੁਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਚਕ੍ਖੁਂ ¶ ਧਮ੍ਮੁਪਤ੍ਥਦ੍ਧਂ ਦਿਬ੍ਬਚਕ੍ਖੁਂ ਹੋਤੀਤਿ? ਆਮਨ੍ਤਾ. ਦ੍ਵੇਵ ਚਕ੍ਖੂਨੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦ੍ਵੇਵ ਚਕ੍ਖੂਨੀਤਿ? ਆਮਨ੍ਤਾ. ਨਨੁ ਤੀਣਿ ਚਕ੍ਖੂਨਿ ਵੁਤ੍ਤਾਨਿ ਭਗਵਤਾ – ਮਂਸਚਕ੍ਖੁਂ, ਦਿਬ੍ਬਚਕ੍ਖੁਂ, ਪਞ੍ਞਾਚਕ੍ਖੁਨ੍ਤਿ? ਆਮਨ੍ਤਾ. ਹਞ੍ਚਿ ਤੀਣਿ ਚਕ੍ਖੂਨਿ ਵੁਤ੍ਤਾਨਿ ਭਗਵਤਾ – ਮਂਸਚਕ੍ਖੁਂ, ਦਿਬ੍ਬਚਕ੍ਖੁਂ, ਪਞ੍ਞਾਚਕ੍ਖੁਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਦ੍ਵੇਵ ਚਕ੍ਖੂਨੀ’’ਤਿ.

ਦ੍ਵੇਵ ਚਕ੍ਖੂਨੀਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਤੀਣਿਮਾਨਿ, ਭਿਕ੍ਖਵੇ, ਚਕ੍ਖੂਨਿ! ਕਤਮਾਨਿ ਤੀਣਿ? ਮਂਸਚਕ੍ਖੁਂ, ਦਿਬ੍ਬਚਕ੍ਖੁਂ, ਪਞ੍ਞਾਚਕ੍ਖੁਨ੍ਤਿ – ਇਮਾਨਿ ਖੋ, ਭਿਕ੍ਖਵੇ, ਤੀਣਿ ਚਕ੍ਖੂਨੀ’’ਤਿ.

‘‘ਮਂਸਚਕ੍ਖੁਂ ¶ ¶ ਦਿਬ੍ਬਚਕ੍ਖੁਂ, ਪਞ੍ਞਾਚਕ੍ਖੁਂ ਅਨੁਤ੍ਤਰਂ;

ਏਤਾਨਿ ਤੀਣਿ ਚਕ੍ਖੂਨਿ, ਅਕ੍ਖਾਸਿ ਪੁਰਿਸੁਤ੍ਤਮੋ.

‘‘ਮਂਸਚਕ੍ਖੁਸ੍ਸ ਉਪ੍ਪਾਦੋ, ਮਗ੍ਗੋ ਦਿਬ੍ਬਸ੍ਸ ਚਕ੍ਖੁਨੋ;

ਯਦਾ ਚ ਞਾਣਂ ਉਦਪਾਦਿ, ਪਞ੍ਞਾਚਕ੍ਖੁਂ ਅਨੁਤ੍ਤਰਂ;

ਤਸ੍ਸ ਚਕ੍ਖੁਸ੍ਸ ਪਟਿਲਾਭਾ, ਸਬ੍ਬਦੁਕ੍ਖਾ ਪਮੁਚ੍ਚਤੀ’’ਤਿ [ਇਤਿਵੁ. ੬੧ ਇਤਿਵੁਤ੍ਤਕੇ].

ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਦ੍ਵੇਵ ਚਕ੍ਖੂਨੀ’’ਤਿ.

ਦਿਬ੍ਬਚਕ੍ਖੁਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੮) ੮. ਦਿਬ੍ਬਸੋਤਕਥਾ

੩੭੫. ਮਂਸਸੋਤਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਮਂਸਸੋਤਂ ਦਿਬ੍ਬਸੋਤਂ, ਦਿਬ੍ਬਸੋਤਂ ਮਂਸਸੋਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਸੋਤਂ ¶ ¶ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਯਾਦਿਸਂ ਮਂਸਸੋਤਂ ਤਾਦਿਸਂ ਦਿਬ੍ਬਸੋਤਂ, ਯਾਦਿਸਂ ਦਿਬ੍ਬਸੋਤਂ ਤਾਦਿਸਂ ਮਂਸਸੋਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਸੋਤਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਮਂਸਸੋਤਂ ਤਂ ਦਿਬ੍ਬਸੋਤਂ, ਤਂ ਦਿਬ੍ਬਸੋਤਂ ਤਂ ਮਂਸਸੋਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਸੋਤਂ ¶ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਯਾਦਿਸੋ ਮਂਸਸੋਤਸ੍ਸ ਵਿਸਯੋ ਆਨੁਭਾਵੋ ਗੋਚਰੋ ਤਾਦਿਸੋ ਦਿਬ੍ਬਸ੍ਸ ਸੋਤਸ੍ਸ ਵਿਸਯੋ ਆਨੁਭਾਵੋ ਗੋਚਰੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਸੋਤਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਉਪਾਦਿਣ੍ਣਂ ਹੁਤ੍ਵਾ ਅਨੁਪਾਦਿਣ੍ਣਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਉਪਾਦਿਣ੍ਣਂ ਹੁਤ੍ਵਾ ਅਨੁਪਾਦਿਣ੍ਣਂ ਹੋਤੀਤਿ? ਆਮਨ੍ਤਾ. ਕਾਮਾਵਚਰਂ ਹੁਤ੍ਵਾ ਰੂਪਾਵਚਰਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਕਾਮਾਵਚਰਂ ਹੁਤ੍ਵਾ ਰੂਪਾਵਚਰਂ ਹੋਤੀਤਿ? ਆਮਨ੍ਤਾ. ਰੂਪਾਵਚਰਂ ਹੁਤ੍ਵਾ ਅਰੂਪਾਵਚਰਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਰੂਪਾਵਚਰਂ ਹੁਤ੍ਵਾ ਅਰੂਪਾਵਚਰਂ ਹੋਤੀਤਿ? ਆਮਨ੍ਤਾ. ਪਰਿਯਾਪਨ੍ਨਂ ਹੁਤ੍ਵਾ ਅਪਰਿਯਾਪਨ੍ਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੭੬. ਮਂਸਸੋਤਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਦਿਬ੍ਬਸੋਤਂ ਧਮ੍ਮੁਪਤ੍ਥਦ੍ਧਂ ਮਂਸਸੋਤਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਂਸਸੋਤਂ ਧਮ੍ਮੁਪਤ੍ਥਦ੍ਧਂ ਦਿਬ੍ਬਸੋਤਂ ਹੋਤੀਤਿ? ਆਮਨ੍ਤਾ. ਏਕਂਯੇਵ ਸੋਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਏਕਂਯੇਵ ¶ ਸੋਤਨ੍ਤਿ? ਆਮਨ੍ਤਾ. ਨਨੁ ਦ੍ਵੇ ਸੋਤਾਨਿ ਵੁਤ੍ਤਾਨਿ ਭਗਵਤਾ – ‘‘ਮਂਸਸੋਤਂ, ਦਿਬ੍ਬਸੋਤ’’ਨ੍ਤਿ? ਆਮਨ੍ਤਾ. ਹਞ੍ਚਿ ਦ੍ਵੇ ਸੋਤਾਨਿ ਵੁਤ੍ਤਾਨਿ ਭਗਵਤਾ – ਮਂਸਸੋਤਂ, ਦਿਬ੍ਬਸੋਤਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਏਕਞ੍ਞੇਵ ਸੋਤ’’ਨ੍ਤਿ.

ਦਿਬ੍ਬਸੋਤਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੨੯) ੯. ਯਥਾਕਮ੍ਮੂਪਗਤਞਾਣਕਥਾ

੩੭੭. ਯਥਾਕਮ੍ਮੂਪਗਤਂ ¶ ¶ ¶ ਞਾਣਂ [ਯਥਾਕਮ੍ਮੂਪਗਤਞਾਣਂ (ਸ੍ਯਾ. ਕਂ.)] ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ਯਥਾਕਮ੍ਮੂਪਗਤਞ੍ਚ ਮਨਸਿ ਕਰੋਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯਥਾਕਮ੍ਮੂਪਗਤਞ੍ਚ ਮਨਸਿ ਕਰੋਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ‘‘ਇਮੇ ਵਤ ਭੋਨ੍ਤੋ ਸਤ੍ਤਾ’’ਤਿ ਚ ਮਨਸਿ ਕਰੋਤਿ, ‘‘ਕਾਯਦੁਚ੍ਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਵਚੀਦੁਚ੍ਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਮਨੋਦੁਚ੍ਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਅਰਿਯਾਨਂ ਉਪਵਾਦਕਾ’’ਤਿ ਚ ਮਨਸਿ ਕਰੋਤਿ, ‘‘ਮਿਚ੍ਛਾਦਿਟ੍ਠਿਕਾ’’ਤਿ ਚ ਮਨਸਿ ਕਰੋਤਿ, ‘‘ਮਿਚ੍ਛਾਦਿਟ੍ਠਿਕਮ੍ਮਸਮਾਦਾਨਾ’’ਤਿ ਚ ਮਨਸਿ ਕਰੋਤਿ, ‘‘ਤੇ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਨ੍ਨਾ’’ਤਿ ਚ ਮਨਸਿ ਕਰੋਤਿ, ‘‘ਇਮੇ ਵਾ ਪਨ ਭੋਨ੍ਤੋ ਸਤ੍ਤਾ’’ਤਿ ਚ ਮਨਸਿ ਕਰੋਤਿ, ‘‘ਕਾਯਸੁਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਵਚੀਸੁਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਮਨੋਸੁਚਰਿਤੇਨ ਸਮਨ੍ਨਾਗਤਾ’’ਤਿ ਚ ਮਨਸਿ ਕਰੋਤਿ, ‘‘ਅਰਿਯਾਨਂ ਅਨੁਪਵਾਦਕਾ’’ਤਿ ਚ ਮਨਸਿ ਕਰੋਤਿ, ‘‘ਸਮ੍ਮਾਦਿਟ੍ਠਿਕਾ’’ਤਿ ਚ ਮਨਸਿ ਕਰੋਤਿ, ‘‘ਸਮ੍ਮਾਦਿਟ੍ਠਿਕਮ੍ਮਸਮ੍ਮਾਦਾਨਾ’’ਤਿ ਚ ਮਨਸਿ ਕਰੋਤਿ, ‘‘ਤੇ ਕਾਯਸ੍ਸ ¶ ਭੇਦਾ ਪਰਂ ਮਰਣਾ ਸੁਗਤਿਂ ¶ ਸਗ੍ਗਂ ¶ ਲੋਕਂ ਉਪਪਨ੍ਨਾ’’ਤਿ ਚ ਮਨਸਿ ਕਰੋਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

‘‘ਤੇ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਨ੍ਨਾ’’ਤਿ ਚ ਮਨਸਿ ਕਰੋਤਿ, ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤੀਤਿ? ਆਮਨ੍ਤਾ. ਦ੍ਵਿਨ੍ਨਂ ਫਸ੍ਸਾਨਂ ਦ੍ਵਿਨ੍ਨਂ ਚਿਤ੍ਤਾਨਂ ਸਮੋਧਾਨਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੭੮. ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ਅਤ੍ਥਿ ਕੋਚਿ ਅਦਿਬ੍ਬਚਕ੍ਖੁਕੋ ਦਿਬ੍ਬਚਕ੍ਖੁਂ ਅਪ੍ਪਟਿਲਦ੍ਧੋ ਅਨਧਿਗਤੋ ਅਸਚ੍ਛਿਕਤੋ ਯਥਾਕਮ੍ਮੂਪਗਤਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਅਤ੍ਥਿ ਕੋਚਿ ਅਦਿਬ੍ਬਚਕ੍ਖੁਕੋ ਦਿਬ੍ਬਚਕ੍ਖੁਂ ¶ ਅਪ੍ਪਟਿਲਦ੍ਧੋ ਅਨਧਿਗਤੋ ਅਸਚ੍ਛਿਕਤੋ ਯਥਾਕਮ੍ਮੂਪਗਤਂ ਜਾਨਾਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁ’’ਨ੍ਤਿ.

ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ਆਯਸ੍ਮਾ ਸਾਰਿਪੁਤ੍ਤੋ ਯਥਾਕਮ੍ਮੂਪਗਤਂ ਞਾਣਂ ਜਾਨਾਤੀਤਿ? ਆਮਨ੍ਤਾ. ਹਞ੍ਚਿ ਆਯਸ੍ਮਾ ਸਾਰਿਪੁਤ੍ਤੋ ਯਥਾਕਮ੍ਮੂਪਗਤਂ ਞਾਣਂ ਜਾਨਾਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁ’’ਨ੍ਤਿ.

ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ਆਯਸ੍ਮਾ ਸਾਰਿਪੁਤ੍ਤੋ ਯਥਾਕਮ੍ਮੂਪਗਤਂ ਞਾਣਂ ਜਾਨਾਤੀਤਿ? ਆਮਨ੍ਤਾ. ਅਤ੍ਥਾਯਸ੍ਮਤੋ ਸਾਰਿਪੁਤ੍ਤਸ੍ਸ ਦਿਬ੍ਬਚਕ੍ਖੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਾਯਸ੍ਮਤੋ ਸਾਰਿਪੁਤ੍ਤਸ੍ਸ ਦਿਬ੍ਬਚਕ੍ਖੁਨ੍ਤਿ? ਆਮਨ੍ਤਾ. ਨਨੁ ਆਯਸ੍ਮਾ ਸਾਰਿਪੁਤ੍ਤੋ ਏਤਦਵੋਚ –

‘‘ਨੇਵ ¶ ਪੁਬ੍ਬੇਨਿਵਾਸਾਯ, ਨਪਿ ਦਿਬ੍ਬਸ੍ਸ ਚਕ੍ਖੁਨੋ;

ਚੇਤੋਪਰਿਯਾਯ ਇਦ੍ਧਿਯਾ, ਸੋਤਧਾਤੁਵਿਸੁਦ੍ਧਿਯਾ;

ਚੁਤਿਯਾ ਉਪਪਤ੍ਤਿਯਾ, ਪਣਿਧਿ ਮੇ ਨ ਵਿਜ੍ਜਤੀ’’ਤਿ [ਥੇਰਗਾ. ੯੯੬ ਥੇਰਗਾਥਾਯਂ].

ਅਤ੍ਥੇਵ ¶ ¶ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਨ ਵਤ੍ਤਬ੍ਬਂ – ‘‘ਯਥਾਕਮ੍ਮੂਪਗਤਂ ਞਾਣਂ ਦਿਬ੍ਬਚਕ੍ਖੁ’’ਨ੍ਤਿ.

ਯਥਾਕਮ੍ਮੂਪਗਤਞਾਣਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੩੦) ੧੦. ਸਂਵਰਕਥਾ

੩੭੯. ਅਤ੍ਥਿ ਦੇਵੇਸੁ ਸਂਵਰੋਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਅਸਂਵਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਦੇਵੇਸੁ ਅਸਂਵਰੋਤਿ? ਆਮਨ੍ਤਾ. ਨਤ੍ਥਿ ਦੇਵੇਸੁ ਸਂਵਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ¶ ਅਸਂਵਰਾ ਸਂਵਰੋ ਸੀਲਂ, ਅਤ੍ਥਿ ਦੇਵੇਸੁ ਸਂਵਰੋਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਅਸਂਵਰੋ, ਯਮ੍ਹਾ ਅਸਂਵਰਾ ਸਂਵਰੋ ਸੀਲਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਜਾਨਾਹਿ ਨਿਗ੍ਗਹਂ. ਹਞ੍ਚਿ ਅਸਂਵਰਾ ਸਂਵਰੋ ਸੀਲਂ, ਅਤ੍ਥਿ ਦੇਵੇਸੁ ਸਂਵਰੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਤ੍ਥਿ ਦੇਵੇਸੁ ਅਸਂਵਰੋ, ਯਮ੍ਹਾ ਅਸਂਵਰਾ ਸਂਵਰੋ ਸੀਲ’’ਨ੍ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ – ‘ਅਸਂਵਰਾ ਸਂਵਰੋ ਸੀਲਂ, ਅਤ੍ਥਿ ਦੇਵੇਸੁ ਸਂਵਰੋ,’ ਨੋ ਚ ਵਤ੍ਤਬ੍ਬੇ – ‘ਅਤ੍ਥਿ ਦੇਵੇਸੁ ਅਸਂਵਰੋ, ਯਮ੍ਹਾ ਅਸਂਵਰਾ ਸਂਵਰੋ ਸੀਲ’’’ਨ੍ਤਿ ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ – ‘‘ਅਤ੍ਥਿ ਦੇਵੇਸੁ ਅਸਂਵਰੋ, ਯਮ੍ਹਾ ਅਸਂਵਰਾ ਸਂਵਰੋ ਸੀਲ’’ਨ੍ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਸਂਵਰਾ ਸਂਵਰੋ ਸੀਲਂ, ਅਤ੍ਥਿ ਦੇਵੇਸੁ ਸਂਵਰੋ’’ਤਿ. ਯਂ ਤਤ੍ਥ ਵਦੇਸਿ – ‘‘ਵਤ੍ਤਬ੍ਬੇ ਖੋ ‘ਅਸਂਵਰਾ ਸਂਵਰੋ ਸੀਲਂ, ਅਤ੍ਥਿ ਦੇਵੇਸੁ ਸਂਵਰੋ,’ ਨੋ ਚ ਵਤ੍ਤਬ੍ਬੇ – ‘ਅਤ੍ਥਿ ਦੇਵੇਸੁ ਅਸਂਵਰੋ, ਯਮ੍ਹਾ ਅਸਂਵਰਾ ਸਂਵਰੋ ਸੀਲ’’’ਨ੍ਤਿ ਮਿਚ੍ਛਾ.

ਅਤ੍ਥਿ ¶ ¶ ਮਨੁਸ੍ਸੇਸੁ ਸਂਵਰੋ, ਅਤ੍ਥਿ ਤਤ੍ਥ ਅਸਂਵਰੋਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਸਂਵਰੋ, ਅਤ੍ਥਿ ਤਤ੍ਥ ਅਸਂਵਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਦੇਵੇਸੁ ਸਂਵਰੋ, ਨਤ੍ਥਿ ਤਤ੍ਥ ਅਸਂਵਰੋਤਿ? ਆਮਨ੍ਤਾ. ਅਤ੍ਥਿ ਮਨੁਸ੍ਸੇਸੁ ਸਂਵਰੋ, ਨਤ੍ਥਿ ਤਤ੍ਥ ਅਸਂਵਰੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੮੦. ਅਤ੍ਥਿ ਦੇਵੇਸੁ ਪਾਣਾਤਿਪਾਤਾ ਵੇਰਮਣੀਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਪਾਣਾਤਿਪਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਦੇਵੇਸੁ ਪਾਣਾਤਿਪਾਤੋਤਿ? ਆਮਨ੍ਤਾ. ਨਤ੍ਥਿ ਦੇਵੇਸੁ ਪਾਣਾਤਿਪਾਤਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਆਮਨ੍ਤਾ. ਨਤ੍ਥਿ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ਮਨੁਸ੍ਸੇਸੁ ਪਾਣਾਤਿਪਾਤਾ ਵੇਰਮਣਿ, ਅਤ੍ਥਿ ਤਤ੍ਥ ਪਾਣਾਤਿਪਾਤੋਤਿ ¶ ? ਆਮਨ੍ਤਾ. ਅਤ੍ਥਿ ਦੇਵੇਸੁ ਪਾਣਾਤਿਪਾਤਾ ਵੇਰਮਣਿ, ਅਤ੍ਥਿ ਤਤ੍ਥ ਪਾਣਾਤਿਪਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ਮਨੁਸ੍ਸੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣਿ, ਅਤ੍ਥਿ ਤਤ੍ਥ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਆਮਨ੍ਤਾ. ਅਤ੍ਥਿ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣਿ, ਅਤ੍ਥਿ ਤਤ੍ਥ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ਦੇਵੇਸੁ ਪਾਣਾਤਿਪਾਤਾ ਵੇਰਮਣਿ, ਨਤ੍ਥਿ ਤਤ੍ਥ ਪਾਣਾਤਿਪਾਤੋਤਿ? ਆਮਨ੍ਤਾ. ਅਤ੍ਥਿ ਮਨੁਸ੍ਸੇਸੁ ਪਾਣਾਤਿਪਾਤਾ ਵੇਰਮਣਿ, ਨਤ੍ਥਿ ਤਤ੍ਥ ਪਾਣਾਤਿਪਾਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਤ੍ਥਿ ¶ ਦੇਵੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣਿ, ਨਤ੍ਥਿ ਤਤ੍ਥ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਆਮਨ੍ਤਾ. ਅਤ੍ਥਿ ਮਨੁਸ੍ਸੇਸੁ ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣਿ, ਨਤ੍ਥਿ ਤਤ੍ਥ ਸੁਰਾਮੇਰਯਮਜ੍ਜਪਮਾਦਟ੍ਠਾਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਤ੍ਥਿ ਦੇਵੇਸੁ ਸਂਵਰੋਤਿ? ਆਮਨ੍ਤਾ. ਸਬ੍ਬੇ ਦੇਵਾ ਪਾਣਾਤਿਪਾਤਿਨੋ ਅਦਿਨ੍ਨਾਦਾਯਿਨੋ ਕਾਮੇਸੁਮਿਚ੍ਛਾਚਾਰਿਨੋ ਮੁਸਾਵਾਦਿਨੋ ਸੁਰਾਮੇਰਯਮਜ੍ਜਪਮਾਦਟ੍ਠਾਯਿਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤੇਨ ਹਿ ਅਤ੍ਥਿ ਦੇਵੇਸੁ ਸਂਵਰੋਤਿ.

ਸਂਵਰਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੩੧) ੧੧. ਅਸਞ੍ਞਕਥਾ

੩੮੧. ਅਸਞ੍ਞਸਤ੍ਤੇਸੁ ¶ ਸਞ੍ਞਾ ਅਤ੍ਥੀਤਿ? ਆਮਨ੍ਤਾ. ਸਞ੍ਞਾਭਵੋ ਸਞ੍ਞਾਗਤਿ ਸਞ੍ਞਾਸਤ੍ਤਾਵਾਸੋ ਸਞ੍ਞਾਸਂਸਾਰੋ ਸਞ੍ਞਾਯੋਨਿ ਸਞ੍ਞਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਹਞ੍ਚਿ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀ’’ਤਿ.

ਅਸਞ੍ਞਸਤ੍ਤੇਸੁ ¶ ਸਞ੍ਞਾ ਅਤ੍ਥੀਤਿ? ਆਮਨ੍ਤਾ ¶ . ਪਞ੍ਚਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ ¶ . ਹਞ੍ਚਿ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀ’’ਤਿ.

ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀਤਿ? ਆਮਨ੍ਤਾ. ਤਾਯ ਸਞ੍ਞਾਯ ਸਞ੍ਞਾਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੮੨. ਮਨੁਸ੍ਸੇਸੁ ਸਞ੍ਞਾ ਅਤ੍ਥਿ, ਸੋ ਚ ਸਞ੍ਞਾਭਵੋ ਸਞ੍ਞਾਗਤਿ ਸਞ੍ਞਾਸਤ੍ਤਾਵਾਸੋ ¶ ਸਞ੍ਞਾਸਂਸਾਰੋ ਸਞ੍ਞਾਯੋਨਿ ਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ, ਸੋ ਚ ਸਞ੍ਞਾਭਵੋ ਸਞ੍ਞਾਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਨੁਸ੍ਸੇਸੁ ਸਞ੍ਞਾ ਅਤ੍ਥਿ, ਸੋ ਚ ਪਞ੍ਚਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ, ਸੋ ਚ ਪਞ੍ਚਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਮਨੁਸ੍ਸੇਸੁ ਸਞ੍ਞਾ ਅਤ੍ਥਿ, ਤਾਯ ਸਞ੍ਞਾਯ ਸਞ੍ਞਾਕਰਣੀਯਂ ਕਰੋਤੀਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ, ਤਾਯ ਸਞ੍ਞਾਯ ਸਞ੍ਞਾਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ, ਸੋ ਚ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਮਨੁਸ੍ਸੇਸੁ ¶ ਸਞ੍ਞਾ ਅਤ੍ਥਿ, ਸੋ ਚ ਅਸਞ੍ਞਭਵੋ ਅਸਞ੍ਞਗਤਿ…ਪੇ… ਅਸਞ੍ਞਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ, ਸੋ ਚ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਮਨੁਸ੍ਸੇਸੁ ਸਞ੍ਞਾ ਅਤ੍ਥਿ, ਸੋ ਚ ਏਕਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਸਤ੍ਤੇਸੁ ¶ ਸਞ੍ਞਾ ਅਤ੍ਥਿ, ਨ ਚ ਤਾਯ ਸਞ੍ਞਾਯ ਸਞ੍ਞਾਕਰਣੀਯਂ ਕਰੋਤੀਤਿ? ਆਮਨ੍ਤਾ. ਮਨੁਸ੍ਸੇਸੁ ਸਞ੍ਞਾ ਅਤ੍ਥਿ, ਨ ਚ ਤਾਯ ਸਞ੍ਞਾਯ ਸਞ੍ਞਾਕਰਣੀਯਂ ਕਰੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੮੩. ਨ ਵਤ੍ਤਬ੍ਬਂ – ‘‘ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਵੁਤ੍ਤਂ ਭਗਵਤਾ – ‘‘ਸਨ੍ਤਿ, ਭਿਕ੍ਖਵੇ, ਅਸਞ੍ਞਸਤ੍ਤਾ ਨਾਮ ਦੇਵਾ; ਸਞ੍ਞੁਪ੍ਪਾਦਾ ਚ ਪਨ ਤੇ ਦੇਵਾ ਤਮ੍ਹਾ ਕਾਯਾ ਚਵਨ੍ਤੀ’’ਤਿ [ਦੀ. ਨਿ. ੧.੬੮]! ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ. ਤੇਨ ਹਿ ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀਤਿ.

ਅਸਞ੍ਞਸਤ੍ਤੇਸੁ ¶ ¶ ਸਞ੍ਞਾ ਅਤ੍ਥੀਤਿ? ਕਿਞ੍ਚਿ [ਕਞ੍ਚਿ (ਸ੍ਯਾ.)] ਕਾਲੇ ਅਤ੍ਥਿ, ਕਿਞ੍ਚਿ ਕਾਲੇ ਨਤ੍ਥੀਤਿ. ਕਿਞ੍ਚਿ ਕਾਲੇ ਸਞ੍ਞਸਤ੍ਤਾ ਕਿਞ੍ਚਿ ਕਾਲੇ ਅਸਞ੍ਞਸਤ੍ਤਾ, ਕਿਞ੍ਚਿ ਕਾਲੇ ਸਞ੍ਞਭਵੋ ਕਿਞ੍ਚਿ ਕਾਲੇ ਅਸਞ੍ਞਭਵੋ, ਕਿਞ੍ਚਿ ਕਾਲੇ ਪਞ੍ਚਵੋਕਾਰਭਵੋ ਕਿਞ੍ਚਿ ਕਾਲੇ ਏਕਵੋਕਾਰਭਵੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਸਤ੍ਤੇਸੁ ਸਞ੍ਞਾ ਕਿਞ੍ਚਿ ਕਾਲੇ ਅਤ੍ਥਿ, ਕਿਞ੍ਚਿ ਕਾਲੇ ਨਤ੍ਥੀਤਿ? ਆਮਨ੍ਤਾ. ਕਂ ਕਾਲਂ ਅਤ੍ਥਿ, ਕਂ ਕਾਲਂ ਨਤ੍ਥੀਤਿ? ਚੁਤਿਕਾਲੇ ਉਪਪਤ੍ਤਿਕਾਲੇ ਅਤ੍ਥਿ, ਠਿਤਿਕਾਲੇ ਨਤ੍ਥੀਤਿ. ਚੁਤਿਕਾਲੇ ਉਪਪਤ੍ਤਿਕਾਲੇ ਸਞ੍ਞਸਤ੍ਤਾ, ਠਿਤਿਕਾਲੇ ਅਸਞ੍ਞਸਤ੍ਤਾ; ਚੁਤਿਕਾਲੇ ਉਪਪਤ੍ਤਿਕਾਲੇ ਸਞ੍ਞਭਵੋ, ਠਿਤਿਕਾਲੇ ਅਸਞ੍ਞਭਵੋ; ਚੁਤਿਕਾਲੇ ਉਪਪਤ੍ਤਿਕਾਲੇ ਪਞ੍ਚਵੋਕਾਰਭਵੋ, ਠਿਤਿਕਾਲੇ ਏਕਵੋਕਾਰਭਵੋਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਕਥਾ ਨਿਟ੍ਠਿਤਾ.

੩. ਤਤਿਯਵਗ੍ਗੋ

(੩੨) ੧੨. ਨੇਵਸਞ੍ਞਾਨਾਸਞ੍ਞਾਯਤਨਕਥਾ

੩੮੪. ਨੇਵਸਞ੍ਞਾਨਾਸਞ੍ਞਾਯਤਨੇ ¶ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਅਸਞ੍ਞਭਵੋ ¶ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ¶ ਸਞ੍ਞਾਭਵੋ ਸਞ੍ਞਾਗਤਿ ਸਞ੍ਞਾਸਤ੍ਤਾਵਾਸੋ ਸਞ੍ਞਾਸਂਸਾਰੋ ਸਞ੍ਞਾਯੋਨਿ ਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਹਞ੍ਚਿ ਸਞ੍ਞਾਭਵੋ ਸਞ੍ਞਾਗਤਿ…ਪੇ… ਸਞ੍ਞਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘ਸਞ੍ਞਾ ਅਤ੍ਥੀ’’’ਤਿ.

ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਏਕਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਹਞ੍ਚਿ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘ਸਞ੍ਞਾ ਅਤ੍ਥੀ’’’ਤਿ.

੩੮੫. ਅਸਞ੍ਞਸਤ੍ਤੇਸੁ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ’’, ਸੋ ਚ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਸਞ੍ਞਸਤ੍ਤੇਸੁ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਏਕਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨੇ ¶ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਸਞ੍ਞਾਭਵੋ ਸਞ੍ਞਾਗਤਿ…ਪੇ… ਸਞ੍ਞਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਨ ਵਤ੍ਤਬ੍ਬਂ – ‘‘ਸਞ੍ਞਾ ¶ ਅਤ੍ਥਿ,’’ ਸੋ ਚ ਸਞ੍ਞਾਭਵੋ ਸਞ੍ਞਾਗਤਿ…ਪੇ… ਸਞ੍ਞਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਆਮਨ੍ਤਾ. ਅਸਞ੍ਞਸਤ੍ਤੇਸੁ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥਿ,’’ ਸੋ ਚ ਚਤੁਵੋਕਾਰਭਵੋ ਗਤਿ…ਪੇ… ਅਤ੍ਤਭਾਵਪਟਿਲਾਭੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨੇ ¶ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਨਨੁ ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋਤਿ? ਆਮਨ੍ਤਾ. ਹਞ੍ਚਿ ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘ਸਞ੍ਞਾ ਅਤ੍ਥੀ’’’ਤਿ.

੩੮੬. ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ ਨੇਵਸਞ੍ਞਾਨਾਸਞ੍ਞਾਯਤਨੇ ¶ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਆਕਾਸਾਨਞ੍ਚਾਯਤਨਂ ਚਤੁਵੋਕਾਰਭਵੋ ਆਕਾਸਾਨਞ੍ਚਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਆਮਨ੍ਤਾ. ਵਿਞ੍ਞਾਣਞ੍ਚਾਯਤਨਂ…ਪੇ… ਆਕਿਞ੍ਚਞ੍ਞਾਯਤਨਂ ਚਤੁਵੋਕਾਰਭਵੋ, ਆਕਿਞ੍ਚਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਕਾਸਾਨਞ੍ਚਾਯਤਨਂ ¶ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਞ੍ਞਾਣਞ੍ਚਾਯਤਨਂ…ਪੇ… ਆਕਿਞ੍ਚਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨੇ ¶ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ ਵਾ ‘‘ਨਤ੍ਥੀ’’ਤਿ ਵਾਤਿ? ਆਮਨ੍ਤਾ ¶ . ਨਨੁ ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋਤਿ? ਆਮਨ੍ਤਾ. ਹਞ੍ਚਿ ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘ਸਞ੍ਞਾ ਅਤ੍ਥੀ’ਤਿ ਵਾ ‘ਨਤ੍ਥੀ’ਤਿ ਵਾ’’ਤਿ.

ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ ਵਾ ‘‘ਨਤ੍ਥੀ’’ਤਿ ਵਾਤਿ? ਆਮਨ੍ਤਾ. ਆਕਾਸਾਨਞ੍ਚਾਯਤਨਂ…ਪੇ… ਵਿਞ੍ਞਾਣਞ੍ਚਾਯਤਨਂ…ਪੇ… ਆਕਿਞ੍ਚਞ੍ਞਾਯਤਨਂ ਚਤੁਵੋਕਾਰਭਵੋ, ਆਕਿਞ੍ਚਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ ਵਾ ‘‘ਨਤ੍ਥੀ’’ਤਿ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਆਕਾਸਾਨਞ੍ਚਾਯਤਨਂ ¶ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਵਿਞ੍ਞਾਣਞ੍ਚਾਯਤਨਂ…ਪੇ… ਆਕਿਞ੍ਚਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਆਮਨ੍ਤਾ. ਨੇਵਸਞ੍ਞਾਨਾਸਞ੍ਞਾਯਤਨਂ ਚਤੁਵੋਕਾਰਭਵੋ, ਅਤ੍ਥਿ ਤਤ੍ਥ ਸਞ੍ਞਾਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ [ਨੇਵਸਞ੍ਞਾਨਾਸਞ੍ਞਾਯਤਨੇ ਵਤ੍ਤਬ੍ਬਂ (?)] – ‘‘ਸਞ੍ਞਾ ਅਤ੍ਥੀ’’ਤਿ ਵਾ ‘‘ਨਤ੍ਥੀ’’ਤਿ ਵਾਤਿ? ਆਮਨ੍ਤਾ. ਨਨੁ ਨੇਵਸਞ੍ਞਾਨਾਸਞ੍ਞਾਯਤਨਨ੍ਤਿ? ਆਮਨ੍ਤਾ. ਹਞ੍ਚਿ ਨੇਵਸਞ੍ਞਾਨਾਸਞ੍ਞਾਯਤਨਂ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘ਸਞ੍ਞਾ ਅਤ੍ਥੀ’ਤਿ ਵਾ ‘ਨਤ੍ਥੀ’ਤਿ ਵਾ’’ਤਿ.

ਨੇਵਸਞ੍ਞਾਨਾਸਞ੍ਞਾਯਤਨਨ੍ਤਿ ਕਤ੍ਵਾ ਨੇਵਸਞ੍ਞਾਨਾਸਞ੍ਞਾਯਤਨੇ ਨ ਵਤ੍ਤਬ੍ਬਂ – ‘‘ਸਞ੍ਞਾ ਅਤ੍ਥੀ’’ਤਿ ਵਾ ‘‘ਨਤ੍ਥੀ’’ਤਿ ਵਾਤਿ? ਆਮਨ੍ਤਾ. ਅਦੁਕ੍ਖਮਸੁਖਾ ਵੇਦਨਾਤਿ ਕਤ੍ਵਾ ਅਦੁਕ੍ਖਮਸੁਖਾਯ ਵੇਦਨਾਯ [ਅਦੁਕ੍ਖਮਸੁਖਾ ਵੇਦਨਾ (ਸੀ. ਕ.)] ਨ ਵਤ੍ਤਬ੍ਬਂ – ‘‘ਵੇਦਨਾ’’ਤਿ ਵਾ ‘‘ਅਵੇਦਨਾ’’ਤਿ ਵਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨੇਵਸਞ੍ਞਾਨਾਸਞ੍ਞਾਯਤਨਕਥਾ ਨਿਟ੍ਠਿਤਾ.

ਤਤਿਯਵਗ੍ਗੋ.

ਤਸ੍ਸੁਦ੍ਦਾਨਂ –

ਬਲਂ ¶ ¶ ਸਾਧਾਰਣਂ ਅਰਿਯਂ, ਸਰਾਗਂ ਚਿਤ੍ਤਂ ਵਿਮੁਚ੍ਚਤਿ;

ਵਿਮੁਤ੍ਤਂ ਵਿਮੁਚ੍ਚਮਾਨਂ, ਅਤ੍ਥਿ ਚਿਤ੍ਤਂ ਵਿਮੁਚ੍ਚਮਾਨਂ.

ਅਟ੍ਠਮਕਸ੍ਸ ਪੁਗ੍ਗਲਸ੍ਸ, ਦਿਟ੍ਠਿਪਰਿਯੁਟ੍ਠਾਨਂ ਪਹੀਨਂ;

ਅਟ੍ਠਮਕਸ੍ਸ ਪੁਗ੍ਗਲਸ੍ਸ, ਨਤ੍ਥਿ ਪਞ੍ਚਿਨ੍ਦ੍ਰਿਯਾਨਿ ਚਕ੍ਖੁਂ.

ਸੋਤਂ ਧਮ੍ਮੁਪਤ੍ਥਦ੍ਧਂ, ਯਥਾਕਮ੍ਮੂਪਗਤਂ ਞਾਣਂ;

ਦੇਵੇਸੁ ਸਂਵਰੋ ਅਸਞ੍ਞ-ਸਤ੍ਤੇਸੁ ਸਞ੍ਞਾ ਏਵਮੇਵ ਭਵਗ੍ਗਨ੍ਤਿ.

੪. ਚਤੁਤ੍ਥਵਗ੍ਗੋ

(੩੩) ੧. ਗਿਹਿਸ੍ਸ ਅਰਹਾਤਿਕਥਾ

੩੮੭. ਗਿਹਿਸ੍ਸ ¶ ¶ ਅਰਹਾਤਿ? ਆਮਨ੍ਤਾ. ਅਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਨਤ੍ਥਿ ਅਰਹਤੋ ਗਿਹਿਸਂਯੋਜਨਨ੍ਤਿ? ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਗਿਹਿਸਂਯੋਜਨਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.

ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਨਨੁ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਨ੍ਤਿ? ਆਮਨ੍ਤਾ. ਹਞ੍ਚਿ ਅਰਹਤੋ ਗਿਹਿਸਂਯੋਜਨਂ ਪਹੀਨਂ ਉਚ੍ਛਿਨ੍ਨਮੂਲਂ ਤਾਲਾਵਤ੍ਥੁਕਤਂ ਅਨਭਾਵਙ੍ਕਤਂ ਆਯਤਿਂ ਅਨੁਪ੍ਪਾਦਧਮ੍ਮਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.

ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਅਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ¶ ਅਪ੍ਪਹਾਯ ਦਿਟ੍ਠੇਵ ਧਮ੍ਮੇ ¶ ਦੁਕ੍ਖਸ੍ਸਨ੍ਤਕਰੋਤਿ [ਮ. ਨਿ. ੨.੧੮੬]? ਨਤ੍ਥਿ. ਹਞ੍ਚਿ ਨਤ੍ਥਿ ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਦਿਟ੍ਠੇਵ ਧਮ੍ਮੇ ਦੁਕ੍ਖਸ੍ਸਨ੍ਤਕਰੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.

ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਨਨੁ ਵਚ੍ਛਗੋਤ੍ਤੋ ਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ – ‘‘ਅਤ੍ਥਿ ਨੁ ਖੋ, ਭੋ ਗੋਤਮ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ? ‘‘ਨਤ੍ਥਿ ਖੋ, ਵਚ੍ਛ, ਕੋਚਿ ਗਿਹੀ ਗਿਹਿਸਂਯੋਜਨਂ ਅਪ੍ਪਹਾਯ ਕਾਯਸ੍ਸ ਭੇਦਾ ਦੁਕ੍ਖਸ੍ਸਨ੍ਤਕਰੋ’’ਤਿ. ਅਤ੍ਥੇਵ ਸੁਤ੍ਤਨ੍ਤੋਤਿ? ਆਮਨ੍ਤਾ ¶ . ਤੇਨ ਹਿ ਨ ਵਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ.

ਗਿਹਿਸ੍ਸ ਅਰਹਾਤਿ? ਆਮਨ੍ਤਾ. ਅਰਹਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਮੇਥੁਨਂ ਉਪ੍ਪਾਦੇਯ੍ਯ, ਪੁਤ੍ਤਸਮ੍ਬਾਧਸਯਨਂ ਅਜ੍ਝਾਵਸੇਯ੍ਯ, ਕਾਸਿਕਚਨ੍ਦਨਂ ਪਚ੍ਚਨੁਭਵੇਯ੍ਯ, ਮਾਲਾਗਨ੍ਧਵਿਲੇਪਨਂ ਧਾਰੇਯ੍ਯ, ਜਾਤਰੂਪਰਜਤਂ ਸਾਦਿਯੇਯ੍ਯ, ਅਜੇਲ਼ਕਂ ਪਟਿਗ੍ਗਣ੍ਹੇਯ੍ਯ, ਕੁਕ੍ਕੁਟਸੂਕਰਂ ਪਟਿਗ੍ਗਣ੍ਹੇਯ੍ਯ, ਹਤ੍ਥਿਗਵਸ੍ਸਵਲ਼ਵਂ ਪਟਿਗ੍ਗਣ੍ਹੇਯ੍ਯ, ਤਿਤ੍ਤਿਰਵਟ੍ਟਕਮੋਰਕਪਿਞ੍ਜਰਂ [… ਕਪਿਞ੍ਜਲਂ (ਸ੍ਯਾ. ਕਂ. ਪੀ.)] ਪਟਿਗ੍ਗਣ੍ਹੇਯ੍ਯ, ਚਿਤ੍ਤਵਣ੍ਡਵਾਲਮੋਲ਼ਿਂ [ਪੀਤਵਣ੍ਟਵਾਲਮੋਲ਼ਿਕਂ (ਸ੍ਯਾ. ਕਂ. ਪੀ.)] ਧਾਰੇਯ੍ਯ, ਓਦਾਤਾਨਿ ਵਤ੍ਥਾਨਿ ਦੀਘਦਸਾਨਿ ਧਾਰੇਯ੍ਯ, ਯਾਵਜੀਵਂ ਅਗਾਰਿਯਭੂਤੋ ਅਸ੍ਸਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ¶ ਵਤ੍ਤਬ੍ਬਂ – ‘‘ਗਿਹਿਸ੍ਸ ਅਰਹਾ’’ਤਿ? ਆਮਨ੍ਤਾ. ਨਨੁ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣਵੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ਪਤ੍ਤੋਤਿ? ਆਮਨ੍ਤਾ. ਹਞ੍ਚਿ ਯਸੋ ਕੁਲਪੁਤ੍ਤੋ, ਉਤ੍ਤਿਯੋ ਗਹਪਤਿ, ਸੇਤੁ ਮਾਣਵੋ, ਗਿਹਿਬ੍ਯਞ੍ਜਨੇਨ ਅਰਹਤ੍ਤਂ ¶ ਪਤ੍ਤੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਗਿਹਿਸ੍ਸ ਅਰਹਾ’’ਤਿ.

ਗਿਹਿਸ੍ਸ ਅਰਹਾਤਿਕਥਾ ਨਿਟ੍ਠਿਤਾ.

੪. ਚਤੁਤ੍ਥਵਗ੍ਗੋ

(੩੪) ੨. ਉਪਪਤ੍ਤਿਕਥਾ

੩੮੮. ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ¶ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ ¶ . ਸਹ ਉਪਪਤ੍ਤਿਯਾ ਸਕਦਾਗਾਮੀ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਹ ਉਪਪਤ੍ਤਿਯਾ ਅਨਾਗਾਮੀ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ਸਹ ਉਪਪਤ੍ਤਿਯਾ ਸੋਤਾਪਨ੍ਨੋ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

ਸਹ ਉਪਪਤ੍ਤਿਯਾ ਸਕਦਾਗਾਮੀ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ਸਹ ਉਪਪਤ੍ਤਿਯਾ ਸਕਦਾਗਾਮੀ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

ਸਹ ਉਪਪਤ੍ਤਿਯਾ ਅਨਾਗਾਮੀ ਨ ਹੋਤੀਤਿ? ਆਮਨ੍ਤਾ. ਹਞ੍ਚਿ ¶ ਸਹ ਉਪਪਤ੍ਤਿਯਾ ਅਨਾਗਾਮੀ ਨ ਹੋਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

੩੮੯. ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਸਾਰਿਪੁਤ੍ਤੋ ਥੇਰੋ ਸਹ ਉਪਪਤ੍ਤਿਯਾ ਅਰਹਾਤਿ? ਨ ਹੇਵਂ ਵਤ੍ਤਬ੍ਬੇ. ਮਹਾਮੋਗ੍ਗਲ੍ਲਾਨੋ ਥੇਰੋ ¶ …ਪੇ… ਮਹਾਕਸ੍ਸਪੋ ਥੇਰੋ…ਪੇ… ਮਹਾਕਚ੍ਚਾਨੋ ਥੇਰੋ…ਪੇ… ਮਹਾਕੋਟ੍ਠਿਕੋ ਥੇਰੋ…ਪੇ… ਮਹਾਪਨ੍ਥਕੋ ਥੇਰੋ ਸਹ ਉਪਪਤ੍ਤਿਯਾ ਅਰਹਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਾਰਿਪੁਤ੍ਤੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਹਞ੍ਚਿ ਸਾਰਿਪੁਤ੍ਤੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

ਮਹਾਮੋਗ੍ਗਲ੍ਲਾਨੋ ਥੇਰੋ…ਪੇ… ਮਹਾਕਸ੍ਸਪੋ ਥੇਰੋ…ਪੇ… ਮਹਾਕਚ੍ਚਾਨੋ ਥੇਰੋ…ਪੇ… ਮਹਾਕੋਟ੍ਠਿਕੋ ਥੇਰੋ…ਪੇ… ਮਹਾਪਨ੍ਥਕੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਹਞ੍ਚਿ ¶ ਮਹਾਪਨ੍ਥਕੋ ਥੇਰੋ ਨ ਸਹ ਉਪਪਤ੍ਤਿਯਾ ਅਰਹਾ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

੩੯੦. ਸਹ ¶ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਅਰਹਤ੍ਤਂ ਸਚ੍ਛਿਕਰੋਤਿ ਲੋਕਿਯੇਨ ਸਾਸਵੇਨ…ਪੇ… ਸਂਕਿਲੇਸਿਯੇਨਾਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯਂ ਚਿਤ੍ਤਂ ਨਿਯ੍ਯਾਨਿਕਂ ਖਯਗਾਮੀ ਬੋਧਗਾਮੀ ਅਪਚਯਗਾਮੀ ਅਨਾਸਵਂ…ਪੇ… ਅਸਂਕਿਲੇਸਿਯਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨਨੁ ਉਪਪਤ੍ਤੇਸਿਯਂ ਚਿਤ੍ਤਂ ਅਨਿਯ੍ਯਾਨਿਕਂ ਨ ਖਯਗਾਮਿ ਨ ਬੋਧਗਾਮਿ ਨ ਅਪਚਯਗਾਮਿ ਸਾਸਵਂ…ਪੇ… ਸਂਕਿਲੇਸਿਯਨ੍ਤਿ? ਆਮਨ੍ਤਾ. ਹਞ੍ਚਿ ਉਪਪਤ੍ਤੇਸਿਯਂ ਚਿਤ੍ਤਂ ਅਨਿਯ੍ਯਾਨਿਕਂ ਨ ਖਯਗਾਮਿ ਨ ਬੋਧਗਾਮਿ ਨ ਅਪਚਯਗਾਮਿ ਸਾਸਵਂ…ਪੇ… ਸਂਕਿਲੇਸਿਯਂ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਹ ਉਪਪਤ੍ਤਿਯਾ ਅਰਹਾ’’ਤਿ.

ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਰਾਗਂ ਪਜਹਤਿ, ਦੋਸਂ ਪਜਹਤਿ, ਮੋਹਂ ਪਜਹਤਿ, ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯਂ ਚਿਤ੍ਤਂ ਮਗ੍ਗੋ… ਸਤਿਪਟ੍ਠਾਨਂ…ਪੇ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਉਪਪਤ੍ਤੇਸਿਯੇਨ ਚਿਤ੍ਤੇਨ ਦੁਕ੍ਖਂ ਪਰਿਜਾਨਾਤਿ, ਸਮੁਦਯਂ ਪਜਹਤਿ, ਨਿਰੋਧਂ ਸਚ੍ਛਿਕਰੋਤਿ, ਮਗ੍ਗਂ ਭਾਵੇਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ …ਪੇ… ਸਹ ਉਪਪਤ੍ਤਿਯਾ ਅਰਹਾਤਿ? ਆਮਨ੍ਤਾ. ਚੁਤਿਚਿਤ੍ਤਂ ¶ ਮਗ੍ਗਚਿਤ੍ਤਂ ਉਪਪਤ੍ਤੇਸਿਯਂ ਚਿਤ੍ਤਂ ਫਲਚਿਤ੍ਤਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਉਪਪਤ੍ਤਿਕਥਾ ਨਿਟ੍ਠਿਤਾ.

੪. ਚਤੁਤ੍ਥਵਗ੍ਗੋ

(੩੫) ੩. ਅਨਾਸਵਕਥਾ

੩੯੧. ਅਰਹਤੋ ¶ ¶ ਸਬ੍ਬੇ ਧਮ੍ਮਾ ਅਨਾਸਵਾਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ, ਸਕਦਾਗਾਮਿਮਗ੍ਗੋ ਸਕਦਾਗਾਮਿਫਲਂ, ਅਨਾਗਾਮਿਮਗ੍ਗੋ ਅਨਾਗਾਮਿਫਲਂ, ਅਰਹਤ੍ਤਮਗ੍ਗੋ ਅਰਹਤ੍ਤਫਲਂ, ਸਤਿਪਟ੍ਠਾਨਂ ਸਮ੍ਮਪ੍ਪਧਾਨਂ ਇਦ੍ਧਿਪਾਦੋ ਇਨ੍ਦ੍ਰਿਯਂ ਬਲਂ ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾਤਿ? ਆਮਨ੍ਤਾ. ਅਰਹਤੋ ਚਕ੍ਖੁਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ…. ਅਰਹਤੋ ਚਕ੍ਖੁਂ ਅਨਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ…ਪੇ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਸੋਤਂ…ਪੇ… ਅਰਹਤੋ ਘਾਨਂ… ਅਰਹਤੋ ਜਿਵ੍ਹਾ… ਅਰਹਤੋ ਕਾਯੋ ਅਨਾਸਵੋਤਿ? ਨ ਹੇਵਂ ਵਤ੍ਤਬ੍ਬੇ …ਪੇ… ਅਰਹਤੋ ਕਾਯੋ ਅਨਾਸਵੋਤਿ? ਆਮਨ੍ਤਾ. ਮਗ੍ਗੋ ਫਲਂ ਨਿਬ੍ਬਾਨਂ, ਸੋਤਾਪਤ੍ਤਿਮਗ੍ਗੋ ਸੋਤਾਪਤ੍ਤਿਫਲਂ…ਪੇ… ਬੋਜ੍ਝਙ੍ਗੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਤੋ ਕਾਯੋ ਅਨਾਸਵੋਤਿ? ਆਮਨ੍ਤਾ. ਅਰਹਤੋ ਕਾਯੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋ ਕਾਕੇਹਿ ਗਿਜ੍ਝੇਹਿ ਕੁਲਲੇਹਿ ਸਾਧਾਰਣੋਤਿ? ਆਮਨ੍ਤਾ. ਅਨਾਸਵੋ ¶ ਧਮ੍ਮੋ ਪਗ੍ਗਹਨਿਗ੍ਗਹੁਪਗੋ ਛੇਦਨਭੇਦਨੁਪਗੋ ਕਾਕੇਹਿ ਗਿਜ੍ਝੇਹਿ ਕੁਲਲੇਹਿ ਸਾਧਾਰਣੋਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ….

ਅਰਹਤੋ ਕਾਯੇ ਵਿਸਂ ਕਮੇਯ੍ਯ, ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਆਮਨ੍ਤਾ. ਅਨਾਸਵੇ ਧਮ੍ਮੇ ਵਿਸਂ ਕਮੇਯ੍ਯ, ਸਤ੍ਥਂ ਕਮੇਯ੍ਯ, ਅਗ੍ਗਿ ਕਮੇਯ੍ਯਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਲਬ੍ਭਾ ¶ ਅਰਹਤੋ ਕਾਯੋ ਅਦ੍ਦੁਬਨ੍ਧਨੇਨ ਬਨ੍ਧਿਤੁਂ, ਰਜ੍ਜੁਬਨ੍ਧਨੇਨ ਬਨ੍ਧਿਤੁਂ, ਸਙ੍ਖਲਿਕਬਨ੍ਧਨੇਨ ਬਨ੍ਧਿਤੁਂ, ਗਾਮਬਨ੍ਧਨੇਨ ਬਨ੍ਧਿਤੁਂ, ਨਿਗਮਬਨ੍ਧਨੇਨ ਬਨ੍ਧਿਤੁਂ, ਨਗਰਬਨ੍ਧਨੇਨ ਬਨ੍ਧਿਤੁਂ, ਜਨਪਦਬਨ੍ਧਨੇਨ ਬਨ੍ਧਿਤੁਂ ¶ , ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਨ੍ਧਿਤੁਨ੍ਤਿ? ਆਮਨ੍ਤਾ. ਲਬ੍ਭਾ ਅਨਾਸਵੋ ਧਮ੍ਮੋ ਅਦ੍ਦੁਬਨ੍ਧਨੇਨ ਬਨ੍ਧਿਤੁਂ, ਰਜ੍ਜੁਬਨ੍ਧਨੇਨ ਬਨ੍ਧਿਤੁਂ, ਸਙ੍ਖਲਿਕਬਨ੍ਧਨੇਨ ਬਨ੍ਧਿਤੁਂ, ਗਾਮਨਿਗਮਨਗਰਜਨਪਦਬਨ੍ਧਨੇਨ ਬਨ੍ਧਿਤੁਂ, ਕਣ੍ਠਪਞ੍ਚਮੇਹਿ ਬਨ੍ਧਨੇਹਿ ਬਨ੍ਧਿਤੁਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੯੨. ਯਦਿ ਅਰਹਾ ਪੁਥੁਜ੍ਜਨਸ੍ਸ ਚੀਵਰਂ ਦੇਤਿ, ਅਨਾਸਵਂ ਹੁਤ੍ਵਾ ਸਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਸਵਂ ਹੁਤ੍ਵਾ ਸਾਸਵਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਫਲਂ… ਸਤਿਪਟ੍ਠਾਨਂ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ¶ ਹੇਵਂ ਵਤ੍ਤਬ੍ਬੇ…ਪੇ….

ਯਦਿ ਅਰਹਾ ਪੁਥੁਜ੍ਜਨਸ੍ਸ ਪਿਣ੍ਡਪਾਤਂ ਦੇਤਿ, ਸੇਨਾਸਨਂ ਦੇਤਿ ¶ , ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦੇਤਿ, ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਅਨਾਸਵਂ ਤਂ ਸਾਸਵਨ੍ਤਿ? ਆਮਨ੍ਤਾ. ਮਗ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਫਲਂ… ਸਤਿਪਟ੍ਠਾਨਂ… ਸਮ੍ਮਪ੍ਪਧਾਨਂ… ਇਦ੍ਧਿਪਾਦੋ… ਇਨ੍ਦ੍ਰਿਯਂ… ਬਲਂ… ਬੋਜ੍ਝਙ੍ਗੋ ਅਨਾਸਵੋ ਹੁਤ੍ਵਾ ਸਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯਦਿ ਪੁਥੁਜ੍ਜਨੋ ਅਰਹਤੋ ਚੀਵਰਂ ਦੇਤਿ, ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਸਾਸਵਂ ਤਂ ਅਨਾਸਵਨ੍ਤਿ? ਆਮਨ੍ਤਾ. ਰਾਗੋ ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੋਸੋ…ਪੇ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਯਦਿ ਪੁਥੁਜ੍ਜਨੋ ਅਰਹਤੋ ਪਿਣ੍ਡਪਾਤਂ ਦੇਤਿ, ਸੇਨਾਸਨਂ ਦੇਤਿ, ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ ਦੇਤਿ, ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਸਾਸਵੋ ਹੁਤ੍ਵਾ ਅਨਾਸਵੋ ਹੋਤੀਤਿ? ਆਮਨ੍ਤਾ. ਤਞ੍ਞੇਵ ¶ ਸਾਸਵਂ ਤਂ ਅਨਾਸਵਨ੍ਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਤਞ੍ਞੇਵ ਸਾਸਵਂ ¶ ਤਂ ਅਨਾਸਵਨ੍ਤਿ? ਆਮਨ੍ਤਾ. ਰਾਗੋ ਸਾਸਵੋ ਹੁਤ੍ਵਾ ਅਨਾਸਵੋ ¶ ਹੋਤੀਤਿ ¶ ? ਨ ਹੇਵਂ ਵਤ੍ਤਬ੍ਬੇ…ਪੇ… ਦੋਸੋ…ਪੇ… ਮੋਹੋ…ਪੇ… ਅਨੋਤ੍ਤਪ੍ਪਂ ਸਾਸਵਂ ਹੁਤ੍ਵਾ ਅਨਾਸਵਂ ਹੋਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾ’’ਤਿ? ਆਮਨ੍ਤਾ. ਨਨੁ ਅਰਹਾ ਅਨਾਸਵੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਅਨਾਸਵੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਰਹਤੋ ਸਬ੍ਬੇ ਧਮ੍ਮਾ ਅਨਾਸਵਾ’’ਤਿ.

ਅਨਾਸਵਕਥਾ ਨਿਟ੍ਠਿਤਾ.

੪. ਚਤੁਤ੍ਥਵਗ੍ਗੋ

(੩੬) ੪. ਸਮਨ੍ਨਾਗਤਕਥਾ

੩੯੩. ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਚਤੂਹਿ ਫਸ੍ਸੇਹਿ ਚਤੂਹਿ ਵੇਦਨਾਹਿ ਚਤੂਹਿ ਸਞ੍ਞਾਹਿ ਚਤੂਹਿ ਚੇਤਨਾਹਿ ਚਤੂਹਿ ਚਿਤ੍ਤੇਹਿ ਚਤੂਹਿ ਸਦ੍ਧਾਹਿ ਚਤੂਹਿ ਵੀਰਿਯੇਹਿ ਚਤੂਹਿ ਸਤੀਹਿ ਚਤੂਹਿ ਸਮਾਧੀਹਿ ਚਤੂਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਤੀਹਿ ਫਸ੍ਸੇਹਿ…ਪੇ… ਤੀਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਦ੍ਵੀਹਿ ਫਸ੍ਸੇਹਿ…ਪੇ… ਦ੍ਵੀਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਾ ¶ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ¶ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ… ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ… ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਅਨਾਗਾਮੀ, ਅਨ੍ਤਰਾਪਰਿਨਿਬ੍ਬਾਯੀ, ਉਪਹਚ੍ਚਪਰਿਨਿਬ੍ਬਾਯੀ, ਅਸਙ੍ਖਾਰਪਰਿਨਿਬ੍ਬਾਯੀ, ਸਸਙ੍ਖਾਰਪਰਿਨਿਬ੍ਬਾਯੀ, ਉਦ੍ਧਂਸੋਤੋ ਅਕਨਿਟ੍ਠਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ ¶ …ਪੇ… ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਨ੍ਨੋ ਸਤ੍ਤਕ੍ਖਤ੍ਤੁਪਰਮੋ, ਕੋਲਙ੍ਕੋਲੋ, ਏਕਬੀਜੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੯੪. ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਫਲੇਨ ਸਮਨ੍ਨਾਗਤੋ ‘‘ਸਕਦਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ ¶ . ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਫਲੇਨ ਸਮਨ੍ਨਾਗਤੋ ‘‘ਅਨਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ ¶ . ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਰਹਾ, ਸੋ ਅਨਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਨਾਗਾਮੀ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਫਲੇਨ ¶ ਸਮਨ੍ਨਾਗਤੋ ‘‘ਸਕਦਾਗਾਮੀ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਅਨਾਗਾਮੀ, ਸੋ ਸਕਦਾਗਾਮੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ ‘‘ਸੋਤਾਪਨ੍ਨੋ’’ਤਿ ਵਤ੍ਤਬ੍ਬੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸ੍ਵੇਵ ਸਕਦਾਗਾਮੀ, ਸੋ ਸੋਤਾਪਨ੍ਨੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੯੫. ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਰਹਾ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.

ਅਰਹਾ ¶ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ¶ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ ਵਿਚਿਕਿਚ੍ਛਂ ਸੀਲਬ੍ਬਤਪਰਾਮਾਸਂ, ਅਪਾਯਗਮਨੀਯਂ ਰਾਗਂ, ਅਪਾਯਗਮਨੀਯਂ ਦੋਸਂ, ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ¶ ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਸਕਦਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.

ਅਰਹਾ ਸਕਦਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਸਕਦਾਗਾਮਿਮਗ੍ਗਂ ਵੀਤਿਵਤ੍ਤੋ, ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਰਹਾ ਅਨਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਅਨਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਅਨਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.

ਅਰਹਾ ¶ ਅਨਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਅਨਾਗਾਮਿਮਗ੍ਗਂ ਵੀਤਿਵਤ੍ਤੋ, ਅਣੁਸਹਗਤਂ ਕਾਮਰਾਗਂ, ਅਣੁਸਹਗਤਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.

ਅਨਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ ¶ ¶ . ਅਨਾਗਾਮੀ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ…ਪੇ… ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਅਨਾਗਾਮੀ ਸਕਦਾਗਾਮਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮੀ ਸਕਦਾਗਾਮਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਸਕਦਾਗਾਮਿਫਲੇਨ ਸਮਨ੍ਨਾਗਤੋ’’ਤਿ.

ਅਨਾਗਾਮੀ ¶ ਸਕਦਾਗਾਮਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮੀ ਸਕਦਾਗਾਮਿਮਗ੍ਗਂ ਵੀਤਿਵਤ੍ਤੋ, ਓਲ਼ਾਰਿਕਂ ਕਾਮਰਾਗਂ, ਓਲ਼ਾਰਿਕਂ ਬ੍ਯਾਪਾਦਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਨਨੁ ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋਤਿ? ਆਮਨ੍ਤਾ. ਹਞ੍ਚਿ ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ, ਨੋ ਚ ਵਤ ਰੇ ਵਤ੍ਤਬ੍ਬੇ – ‘‘ਸਕਦਾਗਾਮੀ ਸੋਤਾਪਤ੍ਤਿਫਲੇਨ ਸਮਨ੍ਨਾਗਤੋ’’ਤਿ.

ਸਕਦਾਗਾਮੀ ਸੋਤਾਪਤ੍ਤਿਫਲਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮੀ ਸੋਤਾਪਤ੍ਤਿਮਗ੍ਗਂ ਵੀਤਿਵਤ੍ਤੋ, ਸਕ੍ਕਾਯਦਿਟ੍ਠਿਂ…ਪੇ… ਅਪਾਯਗਮਨੀਯਂ ਮੋਹਂ ਵੀਤਿਵਤ੍ਤੋ ਤੇਨ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

੩੯੬. ਨ ¶ ਵਤ੍ਤਬ੍ਬਂ – ‘‘ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ ¶ . ਨਨੁ ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ ¶ . ਹਞ੍ਚਿ ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋ’’ਤਿ.

ਨ ਵਤ੍ਤਬ੍ਬਂ – ‘‘ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ. ਹਞ੍ਚਿ ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋ’’ਤਿ.

ਨ ਵਤ੍ਤਬ੍ਬਂ – ‘‘ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ, ਤੇਹਿ ਚ ਅਪਰਿਹੀਨੋਤਿ? ਆਮਨ੍ਤਾ. ਹਞ੍ਚਿ ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋ, ਤੇਨ ਵਤ ਰੇ ਵਤ੍ਤਬ੍ਬੇ – ‘‘ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋ’’ਤਿ.

ਅਰਹਤਾ ਚਤ੍ਤਾਰਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਅਰਹਾ ਚਤੂਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਤਾ ਚਤ੍ਤਾਰੋ ਮਗ੍ਗਾ ਪਟਿਲਦ੍ਧਾ ਤੇਹਿ ਚ ਅਪਰਿਹੀਨੋਤਿ, ਅਰਹਾ ਚਤੂਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਨਾਗਾਮਿਨਾ ਤੀਣਿ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਅਨਾਗਾਮੀ ਤੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਨਾਗਾਮਿਨਾ ¶ ਤਯੋ ¶ ਮਗ੍ਗਾ ਪਟਿਲਦ੍ਧਾ ਤੇਹਿ ਚ ਅਪਰਿਹੀਨੋਤਿ, ਅਨਾਗਾਮੀ ਤੀਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਕਦਾਗਾਮਿਨਾ ਦ੍ਵੇ ਫਲਾਨਿ ਪਟਿਲਦ੍ਧਾਨਿ ਤੇਹਿ ਚ ਅਪਰਿਹੀਨੋਤਿ, ਸਕਦਾਗਾਮੀ ਦ੍ਵੀਹਿ ਫਲੇਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਕਦਾਗਾਮਿਨਾ ¶ ਦ੍ਵੇ ਮਗ੍ਗਾ ਪਟਿਲਦ੍ਧਾ, ਤੇਹਿ ਚ ਅਪਰਿਹੀਨੋਤਿ, ਸਕਦਾਗਾਮੀ ਦ੍ਵੀਹਿ ਮਗ੍ਗੇਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਸਮਨ੍ਨਾਗਤਕਥਾ ਨਿਟ੍ਠਿਤਾ.

੪. ਚਤੁਤ੍ਥਵਗ੍ਗੋ

(੩੭) ੫. ਉਪੇਕ੍ਖਾਸਮਨ੍ਨਾਗਤਕਥਾ

੩੯੭. ਅਰਹਾ ¶ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਛਹਿ ਫਸ੍ਸੇਹਿ, ਛਹਿ ਵੇਦਨਾਹਿ, ਛਹਿ ਸਞ੍ਞਾਹਿ…ਪੇ… ਛਹਿ ਪਞ੍ਞਾਹਿ ਸਮਨ੍ਨਾਗਤੋਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਅਰਹਾ ਚਕ੍ਖੁਨਾ ਰੂਪਂ ਪਸ੍ਸਨ੍ਤੋ ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿਵ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤਿ, ਮਨਸਾ ਧਮ੍ਮਂ ਵਿਜਾਨਾਤਿ…ਪੇ… ਮਨਸਾ ਧਮ੍ਮਂ ਵਿਜਾਨਨ੍ਤੋ ਚਕ੍ਖੁਨਾ ਰੂਪਂ ਪਸ੍ਸਤਿ, ਸੋਤੇਨ ਸਦ੍ਦਂ ਸੁਣਾਤਿ, ਘਾਨੇਨ ਗਨ੍ਧਂ ਘਾਯਤਿ, ਜਿਵ੍ਹਾਯ ਰਸਂ ਸਾਯਤਿ, ਕਾਯੇਨ ਫੋਟ੍ਠਬ੍ਬਂ ਫੁਸਤੀਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋਤਿ? ਆਮਨ੍ਤਾ. ਸਤਤਂ ¶ ਸਮਿਤਂ ਅਬ੍ਬੋਕਿਣ੍ਣਂ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ ਸਮੋਹਿਤੋ [ਸਮਾਹਿਤੋ (ਸ੍ਯਾ.)], ਛ ਉਪੇਕ੍ਖਾਯੋ ਪਚ੍ਚੁਪਟ੍ਠਿਤਾਤਿ? ਨ ਹੇਵਂ ਵਤ੍ਤਬ੍ਬੇ…ਪੇ….

ਨ ਵਤ੍ਤਬ੍ਬਂ – ‘‘ਅਰਹਾ ਛਹਿ ਉਪੇਕ੍ਖਾਹਿ ਸਮਨ੍ਨਾਗਤੋ’’ਤਿ? ਆਮਨ੍ਤਾ. ਨਨੁ ਅਰਹਾ ਛਲ਼ਙ੍ਗੁਪੇਕ੍ਖੋਤਿ? ਆਮਨ੍ਤਾ. ਹਞ੍ਚਿ ਅਰਹਾ ਛਲ਼ਙ�