ਤੀਕਾ > ਅਭਿਧਮ੍ਮਪਿਟਕ (ਟੀਕਾ) > ਅਭਿਧਮ੍ਮਮਾਤਿਕਾਪਾਲ਼ਿ

ਕੁਸਲਾ ਧਮ੍ਮਾ (ਧ. ਸ. ਤਿਕਮਾਤਿਕਾ ੧-੨੨), ਅਕੁਸਲਾ ਧਮ੍ਮਾ, ਅਬ੍ਯਾਕਤਾ ਧਮ੍ਮਾ. ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ, ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ, ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ. ਵਿਪਾਕਾ ਧਮ੍ਮਾ, ਵਿਪਾਕਧਮ੍ਮਧਮ੍ਮਾ, ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ. ਉਪਾਦਿਣ੍ਣੁਪਾਦਾਨਿਯਾ ¶ ਧਮ੍ਮਾ, ਅਨੁਪਾਦਿਣ੍ਣੁਪਾਦਾਨਿਯਾ ਧਮ੍ਮਾ, ਅਨੁਪਾਦਿਣ੍ਣਅਨੁਪਾਦਾਨਿਯਾ ਧਮ੍ਮਾ. ਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ, ਅਸਂਕਿਲਿਟ੍ਠਸਂਕਿਲੇਸਿਕਾ ਧਮ੍ਮਾ, ਅਸਂਕਿਲਿਟ੍ਠਅਸਂਕਿਲੇਸਿਕਾ ਧਮ੍ਮਾ. ਸਵਿਤਕ੍ਕਸਵਿਚਾਰਾ ਧਮ੍ਮਾ, ਅਵਿਤਕ੍ਕਵਿਚਾਰਮਤ੍ਤਾ ਧਮ੍ਮਾ, ਅਵਿਤਕ੍ਕਅਵਿਚਾਰਾ ਧਮ੍ਮਾ. ਪੀਤਿਸਹਗਤਾ ਧਮ੍ਮਾ, ਸੁਖਸਹਗਤਾ ਧਮ੍ਮਾ, ਉਪੇਕ੍ਖਾਸਹਗਤਾ ਧਮ੍ਮਾ. ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ, ਭਾਵਨਾਯ ਪਹਾਤਬ੍ਬਾ ਧਮ੍ਮਾ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ ਧਮ੍ਮਾ. ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ, ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ ¶ . ਆਚਯਗਾਮਿਨੋ ਧਮ੍ਮਾ, ਅਪਚਯਗਾਮਿਨੋ ਧਮ੍ਮਾ, ਨੇਵਾਚਯਗਾਮਿਨਾਪਚਯਗਾਮਿਨੋ ਧਮ੍ਮਾ. ਸੇਕ੍ਖਾ ਧਮ੍ਮਾ, ਅਸੇਕ੍ਖਾ ਧਮ੍ਮਾ, ਨੇਵਸੇਕ੍ਖਨਾਸੇਕ੍ਖਾ ਧਮ੍ਮਾ. ਪਰਿਤ੍ਤਾ ਧਮ੍ਮਾ, ਮਹਗ੍ਗਤਾ ਧਮ੍ਮਾ, ਅਪ੍ਪਮਾਣਾ ਧਮ੍ਮਾ. ਪਰਿਤ੍ਤਾਰਮ੍ਮਣਾ ਧਮ੍ਮਾ, ਮਹਗ੍ਗਤਾਰਮ੍ਮਣਾ ਧਮ੍ਮਾ, ਅਪ੍ਪਮਾਣਾਰਮ੍ਮਣਾ ਧਮ੍ਮਾ. ਹੀਨਾ ਧਮ੍ਮਾ, ਮਜ੍ਝਿਮਾ ਧਮ੍ਮਾ, ਪਣੀਤਾ ਧਮ੍ਮਾ. ਮਿਚ੍ਛਤ੍ਤਨਿਯਤਾ ਧਮ੍ਮਾ, ਸਮ੍ਮਤ੍ਤਨਿਯਤਾ ਧਮ੍ਮਾ, ਅਨਿਯਤਾ ਧਮ੍ਮਾ. ਮਗ੍ਗਾਰਮ੍ਮਣਾ ਧਮ੍ਮਾ, ਮਗ੍ਗਹੇਤੁਕਾ ਧਮ੍ਮਾ, ਮਗ੍ਗਾਧਿਪਤਿਨੋ ਧਮ੍ਮਾ. ਉਪ੍ਪਨ੍ਨਾ ਧਮ੍ਮਾ, ਅਨੁਪ੍ਪਨ੍ਨਾ ਧਮ੍ਮਾ, ਉਪ੍ਪਾਦਿਨੋ ਧਮ੍ਮਾ. ਅਤੀਤਾ ਧਮ੍ਮਾ, ਅਨਾਗਤਾ ਧਮ੍ਮਾ, ਪਚ੍ਚੁਪ੍ਪਨ੍ਨਾ ਧਮ੍ਮਾ. ਅਤੀਤਾਰਮ੍ਮਣਾ ਧਮ੍ਮਾ, ਅਨਾਗਤਾਰਮ੍ਮਣਾ ਧਮ੍ਮਾ, ਪਚ੍ਚੁਪ੍ਪਨ੍ਨਾਰਮ੍ਮਣਾ ਧਮ੍ਮਾ. ਅਜ੍ਝਤ੍ਤਾ ਧਮ੍ਮਾ, ਬਹਿਦ੍ਧਾ ਧਮ੍ਮਾ, ਅਜ੍ਝਤ੍ਤਬਹਿਦ੍ਧਾ ਧਮ੍ਮਾ. ਅਜ੍ਝਤ੍ਤਾਰਮ੍ਮਣਾ ਧਮ੍ਮਾ, ਬਹਿਦ੍ਧਾਰਮ੍ਮਣਾ ਧਮ੍ਮਾ, ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ ਧਮ੍ਮਾ. ਸਨਿਦਸ੍ਸਨਸਪ੍ਪਟਿਘਾ ਧਮ੍ਮਾ, ਅਨਿਦਸ੍ਸਨਸਪ੍ਪਟਿਘਾ ਧਮ੍ਮਾ, ਅਨਿਦਸ੍ਸਨਅਪ੍ਪਟਿਘਾ ਧਮ੍ਮਾ (ਧ. ਸ. ਤਿਕਮਾਤਿਕਾ ੧-੨੨).

ਹੇਤੂ ਧਮ੍ਮਾ, ਨ ਹੇਤੂ ਧਮ੍ਮਾ. ਸਹੇਤੁਕਾ ਧਮ੍ਮਾ, ਅਹੇਤੁਕਾ ਧਮ੍ਮਾ. ਹੇਤੁਸਮ੍ਪਯੁਤ੍ਤਾ ਧਮ੍ਮਾ, ਹੇਤੁਵਿਪ੍ਪਯੁਤ੍ਤਾ ਧਮ੍ਮਾ. ਹੇਤੂ ਚੇਵ ਧਮ੍ਮਾ ਸਹੇਤੁਕਾ ਚ, ਸਹੇਤੁਕਾ ਚੇਵ ਧਮ੍ਮਾ ਨ ਚ ਹੇਤੂ. ਹੇਤੂ ਚੇਵ ¶ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚ, ਹੇਤੁਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨ ਚ ਹੇਤੂ. ਨ ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ, ਅਹੇਤੁਕਾਪਿ. ਹੇਤੁਗੋਚ੍ਛਕਂ.

ਸਪ੍ਪਚ੍ਚਯਾ ਧਮ੍ਮਾ, ਅਪ੍ਪਚ੍ਚਯਾ ਧਮ੍ਮਾ. ਸਙ੍ਖਤਾ ਧਮ੍ਮਾ, ਅਸਙ੍ਖਤਾ ਧਮ੍ਮਾ. ਸਨਿਦਸ੍ਸਨਾ ਧਮ੍ਮਾ, ਅਨਿਦਸ੍ਸਨਾ ਧਮ੍ਮਾ. ਸਪ੍ਪਟਿਘਾ ਧਮ੍ਮਾ, ਅਪ੍ਪਟਿਘਾ ¶ ਧਮ੍ਮਾ. ਰੂਪਿਨੋ ਧਮ੍ਮਾ, ਅਰੂਪਿਨੋ ਧਮ੍ਮਾ. ਲੋਕਿਯਾ ਧਮ੍ਮਾ, ਲੋਕੁਤ੍ਤਰਾ ਧਮ੍ਮਾ. ਕੇਨਚਿ ਵਿਞ੍ਞੇਯ੍ਯਾ ਧਮ੍ਮਾ, ਕੇਨਚਿ ਨ ਵਿਞ੍ਞੇਯ੍ਯਾ ਧਮ੍ਮਾ. ਚੂਲ਼ਨ੍ਤਰਦੁਕਂ.

ਆਸਵਾ ਧਮ੍ਮਾ, ਨੋ ਆਸਵਾ ਧਮ੍ਮਾ. ਸਾਸਵਾ ਧਮ੍ਮਾ, ਅਨਾਸਵਾ ਧਮ੍ਮਾ. ਆਸਵਸਮ੍ਪਯੁਤ੍ਤਾ ਧਮ੍ਮਾ, ਆਸਵਵਿਪ੍ਪਯੁਤ੍ਤਾ ਧਮ੍ਮਾ. ਆਸਵਾ ਚੇਵ ਧਮ੍ਮਾ ਸਾਸਵਾ ਚ, ਸਾਸਵਾ ਚੇਵ ਧਮ੍ਮਾ ਨੋ ਚ ਆਸਵਾ. ਆਸਵਾ ਚੇਵ ਧਮ੍ਮਾ ਆਸਵਸਮ੍ਪਯੁਤ੍ਤਾ ਚ, ਆਸਵਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਆਸਵਾ. ਆਸਵਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਾਸਵਾਪਿ, ਅਨਾਸਵਾਪਿ. ਆਸਵਗੋਚ੍ਛਕਂ.

ਸਞ੍ਞੋਜਨਾ ਧਮ੍ਮਾ, ਨੋ ਸਞ੍ਞੋਜਨਾ ਧਮ੍ਮਾ. ਸਞ੍ਞੋਜਨਿਯਾ ਧਮ੍ਮਾ, ਅਸਞ੍ਞੋਜਨਿਯਾ ਧਮ੍ਮਾ. ਸਞ੍ਞੋਜਨਸਮ੍ਪਯੁਤ੍ਤਾ ਧਮ੍ਮਾ, ਸਞ੍ਞੋਜਨਵਿਪ੍ਪਯੁਤ੍ਤਾ ਧਮ੍ਮਾ. ਸਞ੍ਞੋਜਨਾ ਚੇਵ ਧਮ੍ਮਾ ਸਞ੍ਞੋਜਨਿਯਾ ਚ, ਸਞ੍ਞੋਜਨਿਯਾ ਚੇਵ ਧਮ੍ਮਾ ਨੋ ਚ ਸਞ੍ਞੋਜਨਾ. ਸਞ੍ਞੋਜਨਾ ਚੇਵ ਧਮ੍ਮਾ ਸਞ੍ਞੋਜਨਸਮ੍ਪਯੁਤ੍ਤਾ ਚ, ਸਞ੍ਞੋਜਨਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਸਞ੍ਞੋਜਨਾ. ਸਞ੍ਞੋਜਨਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਞ੍ਞੋਜਨਿਯਾਪਿ, ਅਸਞ੍ਞੋਜਨਿਯਾਪਿ. ਸਞ੍ਞੋਜਨਗੋਚ੍ਛਕਂ.

ਗਨ੍ਥਾ ਧਮ੍ਮਾ, ਨੋ ਗਨ੍ਥਾ ਧਮ੍ਮਾ. ਗਨ੍ਥਨਿਯਾ ਧਮ੍ਮਾ, ਅਗਨ੍ਥਨਿਯਾ ਧਮ੍ਮਾ. ਗਨ੍ਥਸਮ੍ਪਯੁਤ੍ਤਾ ਧਮ੍ਮਾ, ਗਨ੍ਥਵਿਪ੍ਪਯੁਤ੍ਤਾ ਧਮ੍ਮਾ. ਗਨ੍ਥਾ ਚੇਵ ਧਮ੍ਮਾ ਗਨ੍ਥਨਿਯਾ ਚ, ਗਨ੍ਥਨਿਯਾ ਚੇਵ ਧਮ੍ਮਾ ਨੋ ਚ ਗਨ੍ਥਾ ¶ . ਗਨ੍ਥਾ ਚੇਵ ਧਮ੍ਮਾ ਗਨ੍ਥਸਮ੍ਪਯੁਤ੍ਤਾ ਚ, ਗਨ੍ਥਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਗਨ੍ਥਾ. ਗਨ੍ਥਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਗਨ੍ਥਨਿਯਾਪਿ, ਅਗਨ੍ਥਨਿਯਾਪਿ. ਗਨ੍ਥਗੋਚ੍ਛਕਂ.

ਓਘਾ ¶ ਧਮ੍ਮਾ, ਨੋ ਓਘਾ ਧਮ੍ਮਾ. ਓਘਨਿਯਾ ਧਮ੍ਮਾ, ਅਨੋਘਨਿਯਾ ਧਮ੍ਮਾ. ਓਘਸਮ੍ਪਯੁਤ੍ਤਾ ਧਮ੍ਮਾ, ਓਘਵਿਪ੍ਪਯੁਤ੍ਤਾ ਧਮ੍ਮਾ. ਓਘਾ ਚੇਵ ਧਮ੍ਮਾ ਓਘਨਿਯਾ ਚ, ਓਘਨਿਯਾ ਚੇਵ ਧਮ੍ਮਾ ਨੋ ਚ ਓਘਾ. ਓਘਾ ਚੇਵ ਧਮ੍ਮਾ ਓਘਸਮ੍ਪਯੁਤ੍ਤਾ ਚ, ਓਘਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਓਘਾ. ਓਘਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਓਘਨਿਯਾਪਿ, ਅਨੋਘਨਿਯਾਪਿ. ਓਘਗੋਚ੍ਛਕਂ.

ਯੋਗਾ ਧਮ੍ਮਾ, ਨੋ ਯੋਗਾ ਧਮ੍ਮਾ. ਯੋਗਨਿਯਾ ਧਮ੍ਮਾ, ਅਯੋਗਨਿਯਾ ਧਮ੍ਮਾ. ਯੋਗਸਮ੍ਪਯੁਤ੍ਤਾ ਧਮ੍ਮਾ, ਯੋਗਵਿਪ੍ਪਯੁਤ੍ਤਾ ਧਮ੍ਮਾ. ਯੋਗਾ ਚੇਵ ਧਮ੍ਮਾ ਯੋਗਨਿਯਾ ਚ, ਯੋਗਨਿਯਾ ਚੇਵ ਧਮ੍ਮਾ ਨੋ ਚ ਯੋਗਾ. ਯੋਗਾ ਚੇਵ ਧਮ੍ਮਾ ਯੋਗਸਮ੍ਪਯੁਤ੍ਤਾ ਚ, ਯੋਗਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਯੋਗਾ. ਯੋਗਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਯੋਗਨਿਯਾਪਿ, ਅਯੋਗਨਿਯਾਪਿ. ਯੋਗਗੋਚ੍ਛਕਂ.

ਨੀਵਰਣਾ ਧਮ੍ਮਾ, ਨੋ ਨੀਵਰਣਾ ਧਮ੍ਮਾ. ਨੀਵਰਣਿਯਾ ਧਮ੍ਮਾ, ਅਨੀਵਰਣਿਯਾ ਧਮ੍ਮਾ. ਨੀਵਰਣਸਮ੍ਪਯੁਤ੍ਤਾ ਧਮ੍ਮਾ, ਨੀਵਰਣਵਿਪ੍ਪਯੁਤ੍ਤਾ ਧਮ੍ਮਾ. ਨੀਵਰਣਾ ਚੇਵ ਧਮ੍ਮਾ ਨੀਵਰਣਿਯਾ ਚ, ਨੀਵਰਣਿਯਾ ਚੇਵ ਧਮ੍ਮਾ ਨੋ ਚ ਨੀਵਰਣਾ. ਨੀਵਰਣਾ ਚੇਵ ਧਮ੍ਮਾ ਨੀਵਰਣਸਮ੍ਪਯੁਤ੍ਤਾ ਚ, ਨੀਵਰਣਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਨੀਵਰਣਾ. ਨੀਵਰਣਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਨੀਵਰਣਿਯਾਪਿ, ਅਨੀਵਰਣਿਯਾਪਿ. ਨੀਵਰਣਗੋਚ੍ਛਕਂ.

ਪਰਾਮਾਸਾ ਧਮ੍ਮਾ, ਨੋ ਪਰਾਮਾਸਾ ਧਮ੍ਮਾ. ਪਰਾਮਟ੍ਠਾ ਧਮ੍ਮਾ, ਅਪਰਾਮਟ੍ਠਾ ਧਮ੍ਮਾ. ਪਰਾਮਾਸਸਮ੍ਪਯੁਤ੍ਤਾ ਧਮ੍ਮਾ, ਪਰਾਮਾਸਵਿਪ੍ਪਯੁਤ੍ਤਾ ਧਮ੍ਮਾ. ਪਰਾਮਾਸਾ ਚੇਵ ਧਮ੍ਮਾ ¶ ਪਰਾਮਟ੍ਠਾ ਚ, ਪਰਾਮਟ੍ਠਾਚੇਵ ¶ ਧਮ੍ਮਾ ਨੋ ਚ ਪਰਾਮਾਸਾ. ਪਰਾਮਾਸਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਪਰਾਮਟ੍ਠਾਪਿ, ਅਪਰਾਮਟ੍ਠਾਪਿ. ਪਰਾਮਾਸਗੋਚ੍ਛਕਂ.

ਸਾਰਮ੍ਮਣਾ ਧਮ੍ਮਾ, ਅਨਾਰਮ੍ਮਣਾ ਧਮ੍ਮਾ. ਚਿਤ੍ਤਾ ਧਮ੍ਮਾ, ਨੋ ਚਿਤ੍ਤਾ ਧਮ੍ਮਾ. ਚੇਤਸਿਕਾ ਧਮ੍ਮਾ, ਅਚੇਤਸਿਕਾ ਧਮ੍ਮਾ. ਚਿਤ੍ਤਸਮ੍ਪਯੁਤ੍ਤਾ ਧਮ੍ਮਾ, ਚਿਤ੍ਤਵਿਪ੍ਪਯੁਤ੍ਤਾ ਧਮ੍ਮਾ. ਚਿਤ੍ਤਸਂਸਟ੍ਠਾ ਧਮ੍ਮਾ, ਚਿਤ੍ਤਵਿਸਂਸਟ੍ਠਾ ਧਮ੍ਮਾ. ਚਿਤ੍ਤਸਮੁਟ੍ਠਾਨਾ ਧਮ੍ਮਾ, ਨੋ ਚਿਤ੍ਤਸਮੁਟ੍ਠਾਨਾ ਧਮ੍ਮਾ. ਚਿਤ੍ਤਸਹਭੁਨੋ ਧਮ੍ਮਾ, ਨੋ ਚਿਤ੍ਤਸਹਭੁਨੋ ਧਮ੍ਮਾ. ਚਿਤ੍ਤਾਨੁਪਰਿਵਤ੍ਤਿਨੋ ਧਮ੍ਮਾ, ਨੋ ਚਿਤ੍ਤਾਨੁਪਰਿਵਤ੍ਤਿਨੋ ਧਮ੍ਮਾ. ਚਿਤ੍ਤਸਂਸਟ੍ਠਸਮੁਟ੍ਠਾਨਾ ਧਮ੍ਮਾ, ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ ਧਮ੍ਮਾ. ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ ਧਮ੍ਮਾ, ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ ਧਮ੍ਮਾ. ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ ਧਮ੍ਮਾ, ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ ਧਮ੍ਮਾ. ਅਜ੍ਝਤ੍ਤਿਕਾ ਧਮ੍ਮਾ, ਬਾਹਿਰਾ ਧਮ੍ਮਾ. ਉਪਾਦਾ ਧਮ੍ਮਾ, ਨੋ ਉਪਾਦਾ ਧਮ੍ਮਾ. ਉਪਾਦਿਣ੍ਣਾ ਧਮ੍ਮਾ, ਅਨੁਪਾਦਿਣ੍ਣਾ ਧਮ੍ਮਾ. ਮਹਨ੍ਤਰਦੁਕਂ.

ਉਪਾਦਾਨਾ ਧਮ੍ਮਾ, ਨੋ ਉਪਾਦਾਨਾ ਧਮ੍ਮਾ. ਉਪਾਦਾਨਿਯਾ ਧਮ੍ਮਾ, ਅਨੁਪਾਦਾਨਿਯਾ ਧਮ੍ਮਾ. ਉਪਾਦਾਨਸਮ੍ਪਯੁਤ੍ਤਾ ਧਮ੍ਮਾ, ਉਪਾਦਾਨਵਿਪ੍ਪਯੁਤ੍ਤਾ ਧਮ੍ਮਾ. ਉਪਾਦਾਨਾ ਚੇਵ ਧਮ੍ਮਾ ਉਪਾਦਾਨਿਯਾ ਚ, ਉਪਾਦਾਨਿਯਾ ਚੇਵ ਧਮ੍ਮਾ ਨੋ ਚ ਉਪਾਦਾਨਾ. ਉਪਾਦਾਨਾ ਚੇਵ ਧਮ੍ਮਾ ਉਪਾਦਾਨਸਮ੍ਪਯੁਤ੍ਤਾ ਚ, ਉਪਾਦਾਨਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਉਪਾਦਾਨਾ. ਉਪਾਦਾਨਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਉਪਾਦਾਨਿਯਾਪਿ, ਅਨੁਪਾਦਾਨਿਯਾਪਿ. ਉਪਾਦਾਨਗੋਚ੍ਛਕਂ.

ਕਿਲੇਸਾ ਧਮ੍ਮਾ, ਨੋ ਕਿਲੇਸਾ ਧਮ੍ਮਾ. ਸਂਕਿਲੇਸਿਕਾ ਧਮ੍ਮਾ, ਅਸਂਕਿਲੇਸਿਕਾ ਧਮ੍ਮਾ. ਸਂਕਿਲਿਟ੍ਠਾ ਧਮ੍ਮਾ, ਅਸਂਕਿਲਿਟ੍ਠਾ ਧਮ੍ਮਾ. ਕਿਲੇਸਸਮ੍ਪਯੁਤ੍ਤਾ ਧਮ੍ਮਾ, ਕਿਲੇਸਵਿਪ੍ਪਯੁਤ੍ਤਾ ਧਮ੍ਮਾ. ਕਿਲੇਸਾ ¶ ਚੇਵ ਧਮ੍ਮਾ ਸਂਕਿਲੇਸਿਕਾ ਚ, ਸਂਕਿਲੇਸਿਕਾ ਚੇਵ ਧਮ੍ਮਾ ਨੋ ਚ ਕਿਲੇਸਾ. ਕਿਲੇਸਾ ਚੇਵ ਧਮ੍ਮਾ ਸਂਕਿਲਿਟ੍ਠਾ ਚ, ਸਂਕਿਲਿਟ੍ਠਾ ਚੇਵ ਧਮ੍ਮਾ ਨੋ ਚ ਕਿਲੇਸਾ. ਕਿਲੇਸਾ ਚੇਵ ਧਮ੍ਮਾ ਕਿਲੇਸਸਮ੍ਪਯੁਤ੍ਤਾ ¶ ਚ, ਕਿਲੇਸਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨੋ ਚ ਕਿਲੇਸਾ. ਕਿਲੇਸਵਿਪ੍ਪਯੁਤ੍ਤਾ ਖੋ ਪਨ ਧਮ੍ਮਾ ਸਂਕਿਲੇਸਿਕਾਪਿ, ਅਸਂਕਿਲੇਸਿਕਾਪਿ. ਕਿਲੇਸਗੋਚ੍ਛਕਂ.

ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ, ਨ ਦਸ੍ਸਨੇਨ ਪਹਾਤਬ੍ਬਾ ਧਮ੍ਮਾ. ਭਾਵਨਾਯ ਪਹਾਤਬ੍ਬਾ ਧਮ੍ਮਾ, ਨ ਭਾਵਨਾਯ ਪਹਾਤਬ੍ਬਾ ਧਮ੍ਮਾ. ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ, ਨ ਦਸ੍ਸਨੇਨ ਪਹਾਤਬ੍ਬਹੇਤੁਕਾ ਧਮ੍ਮਾ. ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ, ਨ ਭਾਵਨਾਯ ਪਹਾਤਬ੍ਬਹੇਤੁਕਾ ਧਮ੍ਮਾ. ਸਵਿਤਕ੍ਕਾ ਧਮ੍ਮਾ, ਅਵਿਤਕ੍ਕਾ ਧਮ੍ਮਾ. ਸਵਿਚਾਰਾ ਧਮ੍ਮਾ, ਅਵਿਚਾਰਾ ਧਮ੍ਮਾ. ਸਪ੍ਪੀਤਿਕਾ ਧਮ੍ਮਾ, ਅਪ੍ਪੀਤਿਕਾ ਧਮ੍ਮਾ. ਪੀਤਿਸਹਗਤਾ ਧਮ੍ਮਾ, ਨ ਪੀਤਿਸਹਗਤਾ ਧਮ੍ਮਾ. ਸੁਖਸਹਗਤਾ ਧਮ੍ਮਾ, ਨ ਸੁਖਸਹਗਤਾ ਧਮ੍ਮਾ. ਉਪੇਕ੍ਖਾਸਹਗਤਾ ਧਮ੍ਮਾ, ਨ ਉਪੇਕ੍ਖਾਸਹਗਤਾ ਧਮ੍ਮਾ. ਕਾਮਾਵਚਰਾ ਧਮ੍ਮਾ, ਨ ਕਾਮਾਵਚਰਾ ਧਮ੍ਮਾ. ਰੂਪਾਵਚਰਾ ਧਮ੍ਮਾ, ਨ ਰੂਪਾਵਚਰਾ ਧਮ੍ਮਾ. ਅਰੂਪਾਵਚਰਾ ਧਮ੍ਮਾ, ਨ ਅਰੂਪਾਵਚਰਾ ਧਮ੍ਮਾ. ਪਰਿਯਾਪਨ੍ਨਾ ਧਮ੍ਮਾ, ਅਪਰਿਯਾਪਨ੍ਨਾ ਧਮ੍ਮਾ. ਨਿਯ੍ਯਾਨਿਕਾ ਧਮ੍ਮਾ, ਅਨਿਯ੍ਯਾਨਿਕਾ ਧਮ੍ਮਾ. ਨਿਯਤਾ ਧਮ੍ਮਾ, ਅਨਿਯਤਾ ਧਮ੍ਮਾ. ਸਉਤ੍ਤਰਾ ਧਮ੍ਮਾ, ਅਨੁਤ੍ਤਰਾ ਧਮ੍ਮਾ. ਸਰਣਾ ਧਮ੍ਮਾ, ਅਰਣਾ ਧਮ੍ਮਾ. ਪਿਟ੍ਠਿਦੁਕਂ.

ਵਿਜ੍ਜਾਭਾਗਿਨੋ ਧਮ੍ਮਾ, ਅਵਿਜ੍ਜਾਭਾਗਿਨੋ ਧਮ੍ਮਾ. ਵਿਜ੍ਜੂਪਮਾ ਧਮ੍ਮਾ, ਵਜਿਰੂਪਮਾ ਧਮ੍ਮਾ. ਬਾਲਾ ਧਮ੍ਮਾ, ਪਣ੍ਡਿਤਾ ਧਮ੍ਮਾ. ਕਣ੍ਹਾ ਧਮ੍ਮਾ ¶ , ਸੁਕ੍ਕਾ ਧਮ੍ਮਾ. ਤਪਨੀਯਾ ਧਮ੍ਮਾ, ਅਤਪਨੀਯਾ ਧਮ੍ਮਾ. ਅਧਿਵਚਨਾ ਧਮ੍ਮਾ, ਅਧਿਵਚਨਪਥਾ ਧਮ੍ਮਾ. ਨਿਰੁਤ੍ਤਿ ਧਮ੍ਮਾ, ਨਿਰੁਤ੍ਤਿਪਥਾ ਧਮ੍ਮਾ. ਪਞ੍ਞਤ੍ਤਿ ਧਮ੍ਮਾ, ਪਞ੍ਞਤ੍ਤਿਪਥਾ ਧਮ੍ਮਾ. ਨਾਮਞ੍ਚ, ਰੂਪਞ੍ਚ. ਅਵਿਜ੍ਜਾ ਚ, ਭਵਤਣ੍ਹਾ ਚ. ਭਵਦਿਟ੍ਠਿ ਚ, ਵਿਭਵਦਿਟ੍ਠਿ ਚ. ਸਸ੍ਸਤਦਿਟ੍ਠਿ ਚ, ਉਚ੍ਛੇਦਦਿਟ੍ਠਿ ਚ. ਅਨ੍ਤਵਾ ਦਿਟ੍ਠਿ ਚ, ਅਨਨ੍ਤਵਾ ਦਿਟ੍ਠਿ ਚ. ਪੁਬ੍ਬਨ੍ਤਾਨੁਦਿਟ੍ਠਿ ਚ, ਅਪਰਨ੍ਤਾਨੁਦਿਟ੍ਠਿ ਚ. ਅਹਿਰਿਕਞ੍ਚ, ਅਨੋਤ੍ਤਪ੍ਪਞ੍ਚ. ਹਿਰੀ ਚ, ਓਤ੍ਤਪ੍ਪਞ੍ਚ. ਦੋਵਚਸ੍ਸਤਾ ਚ, ਪਾਪਮਿਤ੍ਤਤਾ ਚ. ਸੋਵਚਸ੍ਸਤਾ ਚ, ਕਲ੍ਯਾਣਮਿਤ੍ਤਤਾ ਚ. ਆਪਤ੍ਤਿਕੁਸਲਤਾ ਚ, ਆਪਤ੍ਤਿਵੁਟ੍ਠਾਨਕੁਸਲਤਾ ਚ. ਸਮਾਪਤ੍ਤਿਕੁਸਲਤਾ ਚ, ਸਮਾਪਤ੍ਤਿਵੁਟ੍ਠਾਨਕੁਸਲਤਾ ਚ. ਧਾਤੁਕੁਸਲਤਾ ਚ, ਮਨਸਿਕਾਰਕੁਸਲਤਾ ¶ ਚ. ਆਯਤਨਕੁਸਲਤਾ ਚ, ਪਟਿਚ੍ਚਸਮੁਪ੍ਪਾਦਕੁਸਲਤਾ ਚ. ਠਾਨਕੁਸਲਤਾ ਚ, ਅਟ੍ਠਾਨਕੁਸਲਤਾ ਚ. ਅਜ੍ਜਵੋ ਚ, ਮਦ੍ਦਵੋ ਚ. ਖਨ੍ਤਿ ਚ, ਸੋਰਚ੍ਚਞ੍ਚ. ਸਾਖਲ੍ਯਞ੍ਚ, ਪਟਿਸਨ੍ਥਾਰੋ ਚ. ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ ਚ, ਭੋਜਨੇ ਅਮਤ੍ਤਞ੍ਞੁਤਾ ਚ. ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ ਚ, ਭੋਜਨੇ ਮਤ੍ਤਞ੍ਞੁਤਾ ਚ. ਮੁਟ੍ਠਸ੍ਸਚ੍ਚਞ੍ਚ, ਅਸਮ੍ਪਜਞ੍ਞਞ੍ਚ. ਸਤਿ ਚ, ਸਮ੍ਪਜਞ੍ਞਞ੍ਚ. ਪਟਿਸਙ੍ਖਾਨਬਲਞ੍ਚ, ਭਾਵਨਾਬਲਞ੍ਚ. ਸਮਥੋ ਚ, ਵਿਪਸ੍ਸਨਾ ਚ. ਸਮਥਨਿਮਿਤ੍ਤਞ੍ਚ, ਪਗ੍ਗਾਹਨਿਮਿਤ੍ਤਞ੍ਚ. ਪਗ੍ਗਾਹੋ ਚ, ਅਵਿਕ੍ਖੇਪੋ ਚ. ਸੀਲਵਿਪਤ੍ਤਿ ਚ, ਦਿਟ੍ਠਿਵਿਪਤ੍ਤਿ ਚ. ਸੀਲਸਮ੍ਪਦਾ ਚ, ਦਿਟ੍ਠਿਸਮ੍ਪਦਾ ਚ. ਸੀਲਵਿਸੁਦ੍ਧਿ ਚ, ਦਿਟ੍ਠਿਵਿਸੁਦ੍ਧਿ ਚ. ਦਿਟ੍ਠਿਵਿਸੁਦ੍ਧਿ ਖੋ ਪਨ, ਯਥਾਦਿਟ੍ਠਿਸ੍ਸ ਚ ਪਧਾਨਂ. ਸਂਵੇਗੋ ਚ ਸਂਵੇਜਨਿਯੇਸੁ ਠਾਨੇਸੁ, ਸਂਵਿਗ੍ਗਸ੍ਸ ਚ ਯੋਨਿਸੋ ਪਧਾਨਂ. ਅਸਨ੍ਤੁਟ੍ਠਿਤਾ ਚ ਕੁਸਲੇਸੁ ਧਮ੍ਮੇਸੁ, ਅਪ੍ਪਟਿਵਾਨਿਤਾ ਚ ਪਧਾਨਸ੍ਮਿਂ. ਵਿਜ੍ਜਾ ਚ, ਵਿਮੁਤ੍ਤਿ ਚ. ਖਯੇ ਞਾਣਂ, ਅਨੁਪ੍ਪਾਦੇ ਞਾਣਨ੍ਤਿ.

ਪਞ੍ਚਕ੍ਖਨ੍ਧਾ ¶ – (ਵਿਭ. ੧) ਰੂਪਕ੍ਖਨ੍ਧੋ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋਤਿ. ਖਨ੍ਧਵਿਭਙ੍ਗਂ.

ਦ੍ਵਾਦਸਾਯਤਨਾਨਿ (ਵਿਭ. ੧੫੪) – ਚਕ੍ਖਾਯਤਨਂ ਰੂਪਾਯਤਨਂ ਸੋਤਾਯਤਨਂ ਸਦ੍ਦਾਯਤਨਂ ਘਾਨਾਯਤਨਂ ਗਨ੍ਧਾਯਤਨਂ ਜਿਵ੍ਹਾਯਤਨਂ ਰਸਾਯਤਨਂ ਕਾਯਾਯਤਨਂ ਫੋਟ੍ਠਬ੍ਬਾਯਤਨਂ ਮਨਾਯਤਨਂ ਧਮ੍ਮਾਯਤਨਨ੍ਤਿ. ਆਯਤਨਵਿਭਙ੍ਗਂ.

ਅਟ੍ਠਾਰਸ ¶ ਧਾਤੁਯੋ (ਵਿਭ. ੧੮੩) – ਚਕ੍ਖੁਧਾਤੁ ਰੂਪਧਾਤੁ ਚਕ੍ਖੁਵਿਞ੍ਞਾਣਧਾਤੁ, ਸੋਤਧਾਤੁ ਸਦ੍ਦਧਾਤੁ ਸੋਤਵਿਞ੍ਞਾਣਧਾਤੁ, ਘਾਨਧਾਤੁ ਗਨ੍ਧਧਾਤੁ ਘਾਨਵਿਞ੍ਞਾਣਧਾਤੁ, ਜਿਵ੍ਹਾਧਾਤੁ ਰਸਧਾਤੁ ਜਿਵ੍ਹਾਵਿਞ੍ਞਾਣਧਾਤੁ, ਕਾਯਧਾਤੁ ਫੋਟ੍ਠਬ੍ਬਧਾਤੁ ਕਾਯਵਿਞ੍ਞਾਣਧਾਤੁ, ਮਨੋਧਾਤੁ ਧਮ੍ਮਧਾਤੁ ਮਨੋਵਿਞ੍ਞਾਣਧਾਤੂਤਿ. ਧਾਤੁਵਿਭਙ੍ਗਂ.

ਚਤ੍ਤਾਰਿ ਅਰਿਯਸਚ੍ਚਾਨਿ (ਵਿਭ. ੧੮੯) – ਦੁਕ੍ਖਂ ਅਰਿਯਸਚ੍ਚਂ, ਦੁਕ੍ਖਸਮੁਦਯਂ ਅਰਿਯਸਚ੍ਚਂ, ਦੁਕ੍ਖਨਿਰੋਧਂ ਅਰਿਯਸਚ੍ਚਂ, ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚਨ੍ਤਿ. ਸਚ੍ਚਵਿਭਙ੍ਗਂ.

ਬਾਵੀਸਤਿਨ੍ਦ੍ਰਿਯਾਨਿ (ਵਿਭ. ੨੧੯) – ਚਕ੍ਖੁਨ੍ਦ੍ਰਿਯਂ ਸੋਤਿਨ੍ਦ੍ਰਿਯਂ ਘਾਨਿਨ੍ਦ੍ਰਿਯਂ ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸੁਖਿਨ੍ਦ੍ਰਿਯਂ ¶ ਦੁਕ੍ਖਿਨ੍ਦ੍ਰਿਯਂ ਸੋਮਨਸ੍ਸਿਨ੍ਦ੍ਰਿਯਂ ਦੋਮਨਸ੍ਸਿਨ੍ਦ੍ਰਿਯਂ ਉਪੇਕ੍ਖਿਨ੍ਦ੍ਰਿਯਂ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਅਞ੍ਞਿਨ੍ਦ੍ਰਿਯਂ ਅਞ੍ਞਾਤਾਵਿਨ੍ਦ੍ਰਿਯਨ੍ਤਿ. ਇਨ੍ਦ੍ਰਿਯਵਿਭਙ੍ਗਂ.

ਅਵਿਜ੍ਜਾਪਚ੍ਚਯਾ ਸਙ੍ਖਾਰਾ (ਵਿਭ. ੨੨੫), ਸਙ੍ਖਾਰਪਚ੍ਚਯਾ ਵਿਞ੍ਞਾਣਂ, ਵਿਞ੍ਞਾਣਪਚ੍ਚਯਾ ਨਾਮਰੂਪਂ, ਨਾਮਰੂਪਪਚ੍ਚਯਾ ਸਲ਼ਾਯਤਨਂ, ਸਲ਼ਾਯਤਨਪਚ੍ਚਯਾ ਫਸ੍ਸੋ, ਫਸ੍ਸਪਚ੍ਚਯਾ ਵੇਦਨਾ, ਵੇਦਨਾਪਚ੍ਚਯਾ ਤਣ੍ਹਾ, ਤਣ੍ਹਾਪਚ੍ਚਯਾ ਉਪਾਦਾਨਂ, ਉਪਾਦਾਨਪਚ੍ਚਯਾ ਭਵੋ, ਭਵਪਚ੍ਚਯਾ ਜਾਤਿ, ਜਾਤਿਪਚ੍ਚਯਾ ਜਰਾਮਰਣਂ ਸੋਕਪਰਿਦੇਵਦੁਕ੍ਖਦੋਮਨਸ੍ਸੁਪਾਯਾਸਾ ਸਮ੍ਭਵਨ੍ਤਿ, ਏਵਮੇਤਸ੍ਸ ਕੇਵਲਸ੍ਸ ਦੁਕ੍ਖਕ੍ਖਨ੍ਧਸ੍ਸ ਸਮੁਦਯੋ ਹੋਤਿ. ਪਟਿਚ੍ਚਸਮੁਪ੍ਪਾਦਵਿਭਙ੍ਗਂ.

ਚਤ੍ਤਾਰੋ ¶ ਸਤਿਪਟ੍ਠਾਨਾ (ਵਿਭ. ੩੫੫) – ਇਧ ਭਿਕ੍ਖੁ ਅਜ੍ਝਤ੍ਤਂ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਬਹਿਦ੍ਧਾ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਅਜ੍ਝਤ੍ਤਬਹਿਦ੍ਧਾ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ ਵਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ.

ਅਜ੍ਝਤ੍ਤਂ ਵੇਦਨਾਸੁ ਵੇਦਨਾਨੁਪਸ੍ਸੀ ਵਿਹਰਤਿ, ਬਹਿਦ੍ਧਾ ਵੇਦਨਾਸੁ ਵੇਦਨਾਨੁਪਸ੍ਸੀ ਵਿਹਰਤਿ, ਅਜ੍ਝਤ੍ਤਬਹਿਦ੍ਧਾ ਵੇਦਨਾਸੁ ਵੇਦਨਾਨੁਪਸ੍ਸੀ ਵਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ ਵਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ.

ਅਜ੍ਝਤ੍ਤਂ ਚਿਤ੍ਤੇ ਚਿਤ੍ਤਾਨੁਪਸ੍ਸੀ ਵਿਹਰਤਿ, ਬਹਿਦ੍ਧਾ ਚਿਤ੍ਤੇ ਚਿਤ੍ਤਾਨੁਪਸ੍ਸੀ ਵਿਹਰਤਿ, ਅਜ੍ਝਤ੍ਤਬਹਿਦ੍ਧਾ ਚਿਤ੍ਤੇ ਚਿਤ੍ਤਾਨੁਪਸ੍ਸੀ ਵਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ ਵਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ.

ਅਜ੍ਝਤ੍ਤਂ ¶ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਬਹਿਦ੍ਧਾ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਅਜ੍ਝਤ੍ਤਬਹਿਦ੍ਧਾ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ ਵਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸਂ. ਸਤਿਪਟ੍ਠਾਨਵਿਭਙ੍ਗਂ.

ਚਤ੍ਤਾਰੋ ਸਮ੍ਮਪ੍ਪਧਾਨਾ (ਵਿਭ. ੩੯੦) – ਇਧ ਭਿਕ੍ਖੁ ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ.

ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ.

ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ.

ਉਪ੍ਪਨ੍ਨਾਨਂ ¶ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਭਾਵਨਾਯ ਪਾਰਿਪੂਰਿਯਾ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ. ਸਮ੍ਮਪ੍ਪਧਾਨਵਿਭਙ੍ਗਂ.

ਚਤ੍ਤਾਰੋ ਇਦ੍ਧਿਪਾਦਾ (ਵਿਭ. ੪੩੦) – ਇਧ ਭਿਕ੍ਖੁ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤਿ, ਵੀਰਿਯਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤਿ, ਚਿਤ੍ਤਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤਿ, ਵੀਮਂਸਾਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤਿ. ਇਦ੍ਧਿਪਾਦਵਿਭਙ੍ਗਂ.

ਸਤ੍ਤ ¶ ਬੋਜ੍ਝਙ੍ਗਾ (ਵਿਭ. ੪੬੬) – ਸਤਿਸਮ੍ਬੋਜ੍ਝਙ੍ਗੋ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਵੀਰਿਯਸਮ੍ਬੋਜ੍ਝਙ੍ਗੋ ਪੀਤਿਸਮ੍ਬੋਜ੍ਝਙ੍ਗੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ਸਮਾਧਿਸਮ੍ਬੋਜ੍ਝਙ੍ਗੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ. ਬੋਜ੍ਝਙ੍ਗਵਿਭਙ੍ਗਂ.

ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ (ਵਿਭ. ੪੮੬). ਸੇਯ੍ਯਥਿਦਂ – ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ. ਮਗ੍ਗਙ੍ਗਵਿਭਙ੍ਗਂ.

ਇਧ ਭਿਕ੍ਖੁ ਪਾਤਿਮੋਕ੍ਖਸਂਵਰਸਂਵੁਤੋ ਵਿਹਰਤਿ (ਵਿਭ. ੫੦੮) ਆਚਾਰਗੋਚਰਸਮ੍ਪਨ੍ਨੋ ਅਣੁਮਤ੍ਤੇਸੁ ਵਜ੍ਜੇਸੁ ਭਯਦਸ੍ਸਾਵੀ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰੋ ਭੋਜਨੇ ਮਤ੍ਤਞ੍ਞੂ ਪੁਬ੍ਬਰਤ੍ਤਾਪਰਰਤ੍ਤਂ ਜਾਗਰਿਯਾਨੁਯੋਗਮਨੁਯੁਤ੍ਤੋ ਸਾਤਚ੍ਚਂ ਨੇਪਕ੍ਕਂ ਬੋਧਿਪਕ੍ਖਿਕਾਨਂ ਧਮ੍ਮਾਨਂ ਭਾਵਨਾਨੁਯੋਗਮਨੁਯੁਤ੍ਤੋ.

ਸੋ ¶ ਅਭਿਕ੍ਕਨ੍ਤੇ ਪਟਿਕ੍ਕਨ੍ਤੇ ਸਮ੍ਪਜਾਨਕਾਰੀ ਹੋਤਿ, ਆਲੋਕਿਤੇ ਵਿਲੋਕਿਤੇ ਸਮ੍ਪਜਾਨਕਾਰੀ ਹੋਤਿ, ਸਮਿਞ੍ਜਿਤੇ ਪਸਾਰਿਤੇ ਸਮ੍ਪਜਾਨਕਾਰੀ ਹੋਤਿ, ਸਙ੍ਘਾਟਿਪਤ੍ਤਚੀਵਰਧਾਰਣੇ ਸਮ੍ਪਜਾਨਕਾਰੀ ਹੋਤਿ, ਅਸਿਤੇ ਪੀਤੇ ਖਾਯਿਤੇ ਸਾਯਿਤੇ ਸਮ੍ਪਜਾਨਕਾਰੀ ਹੋਤਿ, ਉਚ੍ਚਾਰਪਸ੍ਸਾਵਕਮ੍ਮੇ ਸਮ੍ਪਜਾਨਕਾਰੀ ਹੋਤਿ, ਗਤੇ ਠਿਤੇ ਨਿਸਿਨ੍ਨੇ ਸੁਤ੍ਤੇ ਜਾਗਰਿਤੇ ਭਾਸਿਤੇ ਤੁਣ੍ਹੀਭਾਵੇ ਸਮ੍ਪਜਾਨਕਾਰੀ ਹੋਤਿ.

ਸੋ ¶ ਵਿਵਿਤ੍ਤਂ ਸੇਨਾਸਨਂ ਭਜਤਿ ਅਰਞ੍ਞਂ ਰੁਕ੍ਖਮੂਲਂ ਪਬ੍ਬਤਂ ਕਨ੍ਦਰਂ ਗਿਰਿਗੁਹਂ ਸੁਸਾਨਂ ਵਨਪਤ੍ਥਂ ਅਬ੍ਭੋਕਾਸਂ ਪਲਾਲਪੁਞ੍ਜਂ ਅਪ੍ਪਸਦ੍ਦਂ ਅਪ੍ਪਨਿਗ੍ਘੋਸਂ ਵਿਜਨਵਾਤਂ ਮਨੁਸ੍ਸਰਾਹਸ੍ਸੇਯ੍ਯਕਂ ਪਟਿਸਲ੍ਲਾਨਸਾਰੁਪ੍ਪਂ.

ਸੋ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਨਿਸੀਦਤਿ ਪਲ੍ਲਙ੍ਕਂ ਆਭੁਜਿਤ੍ਵਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍ਵਾ, ਸੋ ਅਭਿਜ੍ਝਂ ਲੋਕੇ ਪਹਾਯ ਵਿਗਤਾਭਿਜ੍ਝੇਨ ਚੇਤਸਾ ਵਿਹਰਤਿ, ਅਭਿਜ੍ਝਾਯ ਚਿਤ੍ਤਂ ਪਰਿਸੋਧੇਤਿ, ਬ੍ਯਾਪਾਦਪਦੋਸਂ ਪਹਾਯ ਅਬ੍ਯਾਪਨ੍ਨਚਿਤ੍ਤੋ ਵਿਹਰਤਿ ਸਬ੍ਬਪਾਣਭੂਤਹਿਤਾਨੁਕਮ੍ਪੀ, ਬ੍ਯਾਪਾਦਪਦੋਸਾ ਚਿਤ੍ਤਂ ਪਰਿਸੋਧੇਤਿ, ਥਿਨਮਿਦ੍ਧਂ ਪਹਾਯ ਵਿਗਤਥਿਨਮਿਦ੍ਧੋ ਵਿਹਰਤਿ ਆਲੋਕਸਞ੍ਞੀ ਸਤੋ ਸਮ੍ਪਜਾਨੋ, ਥਿਨਮਿਦ੍ਧਾ ਚਿਤ੍ਤਂ ਪਰਿਸੋਧੇਤਿ, ਉਦ੍ਧਚ੍ਚਕੁਕ੍ਕੁਚ੍ਚਂ ਪਹਾਯ ਅਨੁਦ੍ਧਤੋ ਵਿਹਰਤਿ ਅਜ੍ਝਤ੍ਤਂ ਵੂਪਸਨ੍ਤਚਿਤ੍ਤੋ, ਉਦ੍ਧਚ੍ਚਕੁਕ੍ਕੁਚ੍ਚਾ ਚਿਤ੍ਤਂ ਪਰਿਸੋਧੇਤਿ, ਵਿਚਿਕਿਚ੍ਛਂ ਪਹਾਯ ਤਿਣ੍ਣਵਿਚਿਕਿਚ੍ਛੋ ਵਿਹਰਤਿ ਅਕਥਂਕਥੀ ਕੁਸਲੇਸੁ ਧਮ੍ਮੇਸੁ, ਵਿਚਿਕਿਚ੍ਛਾਯ ਚਿਤ੍ਤਂ ਪਰਿਸੋਧੇਤਿ.

ਸੋ ਇਮੇ ਪਞ੍ਚ ਨੀਵਰਣੇ ਪਹਾਯ ਚੇਤਸੋ ਉਪਕ੍ਕਿਲੇਸੇ ਪਞ੍ਞਾਯ ਦੁਬ੍ਬਲੀਕਰਣੇ ਵਿਵਿਚ੍ਚੇਵ ਕਾਮੇਹਿ ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ ਸਵਿਤਕ੍ਕਂ ਸਵਿਚਾਰਂ ਵਿਵੇਕਜਂ ਪੀਤਿਸੁਖਂ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਵਿਤਕ੍ਕਵਿਚਾਰਾਨਂ ਵੂਪਸਮਾ ਅਜ੍ਝਤ੍ਤਂ ਸਮ੍ਪਸਾਦਨਂ ਚੇਤਸੋ ਏਕੋਦਿਭਾਵਂ ਅਵਿਤਕ੍ਕਂ ਅਵਿਚਾਰਂ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਪੀਤਿਯਾ ਚ ਵਿਰਾਗਾ ਉਪੇਕ੍ਖਕੋ ਚ ਵਿਹਰਤਿ ਸਤੋ ਚ ਸਮ੍ਪਜਾਨੋ ਸੁਖਞ੍ਚ ਕਾਯੇਨ ਪਟਿਸਂਵੇਦੇਤਿ, ਯਂ ਤਂ ਅਰਿਯਾ ਆਚਿਕ੍ਖਨ੍ਤਿ ‘‘ਉਪੇਕ੍ਖਕੋ ਸਤਿਮਾ ਸੁਖਵਿਹਾਰੀ’’ਤਿ, ਤਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ, ਸੁਖਸ੍ਸ ਚ ਪਹਾਨਾ ਦੁਕ੍ਖਸ੍ਸ ਚ ਪਹਾਨਾ ਪੁਬ੍ਬੇਵ ਸੋਮਨਸ੍ਸਦੋਮਨਸ੍ਸਾਨਂ ਅਤ੍ਥਙ੍ਗਮਾ ਅਦੁਕ੍ਖਮਸੁਖਂ ਉਪੇਕ੍ਖਾਸਤਿਪਾਰਿਸੁਦ੍ਧਿਂ ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ.

ਸਬ੍ਬਸੋ ¶ ¶ ਰੂਪਸਞ੍ਞਾਨਂ ਸਮਤਿਕ੍ਕਮਾ ਪਟਿਘਸਞ੍ਞਾਨਂ ਅਤ੍ਥਙ੍ਗਮਾ ਨਾਨਤ੍ਤਸਞ੍ਞਾਨਂ ਅਮਨਸਿਕਾਰਾ ‘‘ਅਨਨ੍ਤੋ ਆਕਾਸੋ’’ਤਿ ਆਕਾਸਾਨਞ੍ਚਾਯਤਨਂ ਉਪਸਮ੍ਪਜ੍ਜ ਵਿਹਰਤਿ, ਸਬ੍ਬਸੋ ਆਕਾਸਾਨਞ੍ਚਾਯਤਨਂ ਸਮਤਿਕ੍ਕਮ੍ਮ ‘‘ਅਨਨ੍ਤਂ ਵਿਞ੍ਞਾਣ’’ਨ੍ਤਿ ਵਿਞ੍ਞਾਣਞ੍ਚਾਯਤਨਂ ਉਪਸਮ੍ਪਜ੍ਜ ਵਿਹਰਤਿ, ਸਬ੍ਬਸੋ ਵਿਞ੍ਞਾਣਞ੍ਚਾਯਤਨਂ ਸਮਤਿਕ੍ਕਮ੍ਮ ‘‘ਨਤ੍ਥਿ ਕਿਞ੍ਚੀ’’ਤਿ ਆਕਿਞ੍ਚਞ੍ਞਾਯਤਨਂ ਉਪਸਮ੍ਪਜ੍ਜ ਵਿਹਰਤਿ, ਸਬ੍ਬਸੋ ਆਕਿਞ੍ਚਞ੍ਞਾਯਤਨਂ ਸਮਤਿਕ੍ਕਮ੍ਮ ਨੇਵਸਞ੍ਞਾਨਾਸਞ੍ਞਾਯਤਨਂ ਉਪਸਮ੍ਪਜ੍ਜ ਵਿਹਰਤਿ. ਝਾਨਵਿਭਙ੍ਗਂ.

ਚਤਸ੍ਸੋ ਅਪ੍ਪਮਞ੍ਞਾਯੋ (ਵਿਭ. ੬੪੨) – ਇਧ ਭਿਕ੍ਖੁ ਮੇਤ੍ਤਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ, ਤਥਾ ਤਤਿਯਂ, ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਮੇਤ੍ਤਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ ਫਰਿਤ੍ਵਾ ਵਿਹਰਤਿ.

ਕਰੁਣਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ, ਤਥਾ ਤਤਿਯਂ, ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਕਰੁਣਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ ਫਰਿਤ੍ਵਾ ਵਿਹਰਤਿ.

ਮੁਦਿਤਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ, ਤਥਾ ਤਤਿਯਂ, ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਮੁਦਿਤਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ ਫਰਿਤ੍ਵਾ ਵਿਹਰਤਿ.

ਉਪੇਕ੍ਖਾਸਹਗਤੇਨ ¶ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ, ਤਥਾ ਤਤਿਯਂ, ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਉਪੇਕ੍ਖਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ ਫਰਿਤ੍ਵਾ ਵਿਹਰਤਿ. ਅਪ੍ਪਮਞ੍ਞਾਵਿਭਙ੍ਗਂ.

ਪਞ੍ਚ ¶ ਸਿਕ੍ਖਾਪਦਾਨਿ (ਵਿਭ. ੭੦੩) – ਪਾਣਾਤਿਪਾਤਾ ਵੇਰਮਣੀ ਸਿਕ੍ਖਾਪਦਂ, ਅਦਿਨ੍ਨਾਦਾਨਾ ਵੇਰਮਣੀ ਸਿਕ੍ਖਾਪਦਂ, ਕਾਮੇਸੁਮਿਚ੍ਛਾਚਾਰਾ ਵੇਰਮਣੀ ਸਿਕ੍ਖਾਪਦਂ, ਮੁਸਾਵਾਦਾ ਵੇਰਮਣੀ ਸਿਕ੍ਖਾਪਦਂ, ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀ ਸਿਕ੍ਖਾਪਦਂ. ਸਿਕ੍ਖਾਪਦਵਿਭਙ੍ਗਂ.

ਚਤਸ੍ਸੋ ਪਟਿਸਮ੍ਭਿਦਾ (ਵਿਭ. ੭੧੮) – ਅਤ੍ਥਪਟਿਸਮ੍ਭਿਦਾ ਧਮ੍ਮਪਟਿਸਮ੍ਭਿਦਾ ਨਿਰੁਤ੍ਤਿਪਟਿਸਮ੍ਭਿਦਾ ਪਟਿਭਾਨਪਟਿਸਮ੍ਭਿਦਾ. ਪਟਿਸਮ੍ਭਿਦਾਵਿਭਙ੍ਗਂ.

ਏਕਵਿਧੇਨ ਞਾਣਵਤ੍ਥੁ (ਵਿਭ. ੭੫੧) – ਪਞ੍ਚ ਵਿਞ੍ਞਾਣਾ ਨ ਹੇਤੂ, ਅਹੇਤੁਕਾ, ਹੇਤੁਵਿਪ੍ਪਯੁਤ੍ਤਾ, ਸਪ੍ਪਚ੍ਚਯਾ, ਸਙ੍ਖਤਾ, ਅਰੂਪਾ, ਲੋਕਿਯਾ, ਸਾਸਵਾ, ਸਂਯੋਜਨਿਯਾ, ਗਨ੍ਥਨਿਯਾ, ਓਘਨਿਯਾ, ਯੋਗਨਿਯਾ, ਨੀਵਰਣਿਯਾ, ਪਰਾਮਟ੍ਠਾ, ਉਪਾਦਾਨਿਯਾ, ਸਂਕਿਲੇਸਿਕਾ, ਅਬ੍ਯਾਕਤਾ, ਸਾਰਮ੍ਮਣਾ, ਅਚੇਤਸਿਕਾ, ਵਿਪਾਕਾ, ਉਪਾਦਿਣ੍ਣੁਪਾਦਾਨਿਯਾ, ਅਸਂਕਿਲਿਟ੍ਠਸਂਕਿਲੇਸਿਕਾ, ਨ ਸਵਿਤਕ੍ਕਸਵਿਚਾਰਾ, ਨ ਅਵਿਤਕ੍ਕਵਿਚਾਰਮਤ੍ਤਾ, ਅਵਿਤਕ੍ਕਅਵਿਚਾਰਾ, ਨ ਪੀਤਿਸਹਗਤਾ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਾ, ਨੇਵ ਦਸ੍ਸਨੇਨ ਨ ਭਾਵਨਾਯ ਪਹਾਤਬ੍ਬਹੇਤੁਕਾ, ਨੇਵਾਚਯਗਾਮਿਨਾਪਚਯਗਾਮਿਨੋ, ਨੇਵਸੇਕ੍ਖਨਾਸੇਕ੍ਖਾ, ਪਰਿਤ੍ਤਾ, ਕਾਮਾਵਚਰਾ, ਨ ¶ ਰੂਪਾਵਚਰਾ, ਨ ਅਰੂਪਾਵਚਰਾ, ਪਰਿਯਾਪਨ੍ਨਾ, ਨੋ ਅਪਰਿਯਾਪਨ੍ਨਾ, ਅਨਿਯਤਾ, ਅਨਿਯ੍ਯਾਨਿਕਾ.

ਉਪ੍ਪਨ੍ਨਵਤ੍ਥੁਕਾ, ਉਪ੍ਪਨ੍ਨਾਰਮ੍ਮਣਾ, ਪੁਰੇਜਾਤਵਤ੍ਥੁਕਾ, ਪੁਰੇਜਾਤਾਰਮ੍ਮਣਾ, ਅਜ੍ਝਤ੍ਤਿਕਵਤ੍ਥੁਕਾ, ਬਾਹਿਰਾਰਮ੍ਮਣਾ, ਅਸਮ੍ਭਿਨ੍ਨਵਤ੍ਥੁਕਾ, ਅਸਮ੍ਭਿਨ੍ਨਾਰਮ੍ਮਣਾ, ਨਾਨਾਵਤ੍ਥੁਕਾ, ਨਾਨਾਰਮ੍ਮਣਾ, ਨ ਅਞ੍ਞਮਞ੍ਞਸ੍ਸ ਗੋਚਰਵਿਸਯਂ ਪਚ੍ਚਨੁਭੋਨ੍ਤਿ, ਨ ਅਸਮਨ੍ਨਾਹਾਰਾ ਉਪ੍ਪਜ੍ਜਨ੍ਤਿ, ਨ ਅਮਨਸਿਕਾਰਾ ਉਪ੍ਪਜ੍ਜਨ੍ਤਿ, ਨ ਅਬ੍ਬੋਕਿਣ੍ਣਾ ਉਪ੍ਪਜ੍ਜਨ੍ਤਿ, ਨ ਅਪੁਬ੍ਬਂ ਅਚਰਿਮਂ ਉਪ੍ਪਜ੍ਜਨ੍ਤਿ, ਨ ਅਞ੍ਞਮਞ੍ਞਸ੍ਸ ਸਮਨਨ੍ਤਰਾ ਉਪ੍ਪਜ੍ਜਨ੍ਤਿ.

ਪਞ੍ਚ ਵਿਞ੍ਞਾਣਾ ਅਨਾਭੋਗਾ, ਪਞ੍ਚਹਿ ਵਿਞ੍ਞਾਣੇਹਿ ਨ ਕਞ੍ਚਿ ਧਮ੍ਮਂ ਪਟਿਵਿਜਾਨਾਤਿ, ਅਞ੍ਞਤ੍ਰ ¶ ਅਭਿਨਿਪਾਤਮਤ੍ਤਾ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਕਞ੍ਚਿ ਧਮ੍ਮਂ ਪਟਿਵਿਜਾਨਾਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਕਞ੍ਚਿ ਇਰਿਯਾਪਥਂ ਕਪ੍ਪੇਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਕਞ੍ਚਿ ਇਰਿਯਾਪਥਂ ਕਪ੍ਪੇਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਕਾਯਕਮ੍ਮਂ ਨ ਵਚੀਕਮ੍ਮਂ ਪਟ੍ਠਪੇਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਕਾਯਕਮ੍ਮਂ ਨ ਵਚੀਕਮ੍ਮਂ ਪਟ੍ਠਪੇਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਕੁਸਲਾਕੁਸਲਂ ਧਮ੍ਮਂ ਸਮਾਦਿਯਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਕੁਸਲਾਕੁਸਲਂ ਧਮ੍ਮਂ ਸਮਾਦਿਯਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਸਮਾਪਜ੍ਜਤਿ ਨ ਵੁਟ੍ਠਾਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਸਮਾਪਜ੍ਜਤਿ ਨ ਵੁਟ੍ਠਾਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਚਵਤਿ ਨ ਉਪ੍ਪਜ੍ਜਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਚਵਤਿ ਨ ਉਪ੍ਪਜ੍ਜਤਿ, ਪਞ੍ਚਹਿ ਵਿਞ੍ਞਾਣੇਹਿ ਨ ਸੁਪਤਿ ਨ ਪਟਿਬੁਜ੍ਝਤਿ ਨ ਸੁਪਿਨਂ ਪਸ੍ਸਤਿ, ਪਞ੍ਚਨ੍ਨਂ ਵਿਞ੍ਞਾਣਾਨਂ ਸਮਨਨ੍ਤਰਾਪਿ ਨ ਸੁਪਤਿ ਨ ਪਟਿਬੁਜ੍ਝਤਿ ਨ ਸੁਪਿਨਂ ਪਸ੍ਸਤਿ, ਯਾਥਾਵਕਵਤ੍ਥੁਵਿਭਾਵਨਾ ਪਞ੍ਞਾ. ਏਵਂ ਏਕਵਿਧੇਨ ਞਾਣਵਤ੍ਥੁ.

ਦੁਵਿਧੇਨ ¶ ਞਾਣਵਤ੍ਥੁ – ਲੋਕਿਯਾ ਪਞ੍ਞਾ, ਲੋਕੁਤ੍ਤਰਾ ਪਞ੍ਞਾ. ਕੇਨਚਿ ਵਿਞ੍ਞੇਯ੍ਯਾ ਪਞ੍ਞਾ, ਕੇਨਚਿ ਨ ਵਿਞ੍ਞੇਯ੍ਯਾ ਪਞ੍ਞਾ. ਸਾਸਵਾ ਪਞ੍ਞਾ, ਅਨਾਸਵਾ ਪਞ੍ਞਾ. ਆਸਵਵਿਪ੍ਪਯੁਤ੍ਤਾ ਸਾਸਵਾ ਪਞ੍ਞਾ, ਆਸਵਵਿਪ੍ਪਯੁਤ੍ਤਾ ਅਨਾਸਵਾ ਪਞ੍ਞਾ. ਸਂਯੋਜਨਿਯਾ ਪਞ੍ਞਾ, ਅਸਂਯੋਜਨਿਯਾ ਪਞ੍ਞਾ. ਸਂਯੋਜਨਵਿਪ੍ਪਯੁਤ੍ਤਾ ਸਂਯੋਜਨਿਯਾ ਪਞ੍ਞਾ, ਸਂਯੋਜਨਵਿਪ੍ਪਯੁਤ੍ਤਾ ਅਸਂਯੋਜਨਿਯਾ ਪਞ੍ਞਾ. ਗਨ੍ਥਨਿਯਾ ਪਞ੍ਞਾ, ਅਗਨ੍ਥਨਿਯਾ ਪਞ੍ਞਾ. ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ ਪਞ੍ਞਾ, ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ ਪਞ੍ਞਾ.

ਓਘਨਿਯਾ ਪਞ੍ਞਾ, ਅਨੋਘਨਿਯਾ ਪਞ੍ਞਾ. ਓਘਵਿਪ੍ਪਯੁਤ੍ਤਾ ਓਘਨਿਯਾ ਪਞ੍ਞਾ, ਓਘਵਿਪ੍ਪਯੁਤ੍ਤਾ ਅਨੋਘਨਿਯਾ ਪਞ੍ਞਾ. ਯੋਗਨਿਯਾ ਪਞ੍ਞਾ, ਅਯੋਗਨਿਯਾ ਪਞ੍ਞਾ. ਯੋਗਵਿਪ੍ਪਯੁਤ੍ਤਾ ਯੋਗਨਿਯਾ ਪਞ੍ਞਾ, ਯੋਗਵਿਪ੍ਪਯੁਤ੍ਤਾ ਅਯੋਗਨਿਯਾ ਪਞ੍ਞਾ. ਨੀਵਰਣਿਯਾ ਪਞ੍ਞਾ, ਅਨੀਵਰਣਿਯਾ ਪਞ੍ਞਾ. ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ ਪਞ੍ਞਾ, ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ ਪਞ੍ਞਾ. ਪਰਾਮਟ੍ਠਾ ਪਞ੍ਞਾ, ਅਪਰਾਮਟ੍ਠਾ ਪਞ੍ਞਾ. ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ ਪਞ੍ਞਾ, ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ ਪਞ੍ਞਾ. ਉਪਾਦਿਣ੍ਣਾ ਪਞ੍ਞਾ, ਅਨੁਪਾਦਿਣ੍ਣਾ ਪਞ੍ਞਾ. ਉਪਾਦਾਨਿਯਾ ਪਞ੍ਞਾ, ਅਨੁਪਾਦਾਨਿਯਾ ਪਞ੍ਞਾ. ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾ ਪਞ੍ਞਾ, ਉਪਾਦਾਨਵਿਪ੍ਪਯੁਤ੍ਤਾ ਅਨੁਪਾਦਾਨਿਯਾ ਪਞ੍ਞਾ.

ਸਂਕਿਲੇਸਿਕਾ ਪਞ੍ਞਾ, ਅਸਂਕਿਲੇਸਿਕਾ ਪਞ੍ਞਾ. ਕਿਲੇਸਵਿਪ੍ਪਯੁਤ੍ਤਾ ਸਂਕਿਲੇਸਿਕਾ ਪਞ੍ਞਾ, ਕਿਲੇਸਵਿਪ੍ਪਯੁਤ੍ਤਾ ¶ ਅਸਂਕਿਲੇਸਿਕਾ ਪਞ੍ਞਾ. ਸਵਿਤਕ੍ਕਾ ਪਞ੍ਞਾ, ਅਵਿਤਕ੍ਕਾ ਪਞ੍ਞਾ. ਸਵਿਚਾਰਾ ਪਞ੍ਞਾ, ਅਵਿਚਾਰਾ ਪਞ੍ਞਾ. ਸਪ੍ਪੀਤਿਕਾ ਪਞ੍ਞਾ, ਅਪ੍ਪੀਤਿਕਾ ਪਞ੍ਞਾ. ਪੀਤਿਸਹਗਤਾ ਪਞ੍ਞਾ, ਨ ਪੀਤਿਸਹਗਤਾ ਪਞ੍ਞਾ. ਸੁਖਸਹਗਤਾ ਪਞ੍ਞਾ, ਨ ਸੁਖਸਹਗਤਾ ਪਞ੍ਞਾ. ਉਪੇਕ੍ਖਾਸਹਗਤਾ ਪਞ੍ਞਾ, ਨ ਉਪੇਕ੍ਖਾਸਹਗਤਾ ਪਞ੍ਞਾ ¶ . ਕਾਮਾਵਚਰਾ ਪਞ੍ਞਾ, ਨ ਕਾਮਾਵਚਰਾ ਪਞ੍ਞਾ. ਰੂਪਾਵਚਰਾ ਪਞ੍ਞਾ, ਨ ਰੂਪਾਵਚਰਾ ਪਞ੍ਞਾ. ਅਰੂਪਾਵਚਰਾ ਪਞ੍ਞਾ, ਨ ਅਰੂਪਾਵਚਰਾ ਪਞ੍ਞਾ. ਪਰਿਯਾਪਨ੍ਨਾ ਪਞ੍ਞਾ, ਅਪਰਿਯਾਪਨ੍ਨਾ ਪਞ੍ਞਾ. ਨਿਯ੍ਯਾਨਿਕਾ ਪਞ੍ਞਾ, ਅਨਿਯ੍ਯਾਨਿਕਾ ਪਞ੍ਞਾ. ਨਿਯਤਾ ਪਞ੍ਞਾ, ਅਨਿਯਤਾ ਪਞ੍ਞਾ. ਸਉਤ੍ਤਰਾ ਪਞ੍ਞਾ, ਅਨੁਤ੍ਤਰਾ ਪਞ੍ਞਾ. ਅਤ੍ਥਜਾਪਿਕਾ ਪਞ੍ਞਾ, ਜਾਪਿਤਤ੍ਥਾ ਪਞ੍ਞਾ. ਏਵਂ ਦੁਵਿਧੇਨ ਞਾਣਵਤ੍ਥੁ.

ਤਿਵਿਧੇਨ ਞਾਣਵਤ੍ਥੁ – ਚਿਨ੍ਤਾਮਯਾ ਪਞ੍ਞਾ, ਸੁਤਮਯਾ ਪਞ੍ਞਾ, ਭਾਵਨਾਮਯਾ ਪਞ੍ਞਾ. ਦਾਨਮਯਾ ਪਞ੍ਞਾ, ਸੀਲਮਯਾ ਪਞ੍ਞਾ, ਭਾਵਨਾਮਯਾ ਪਞ੍ਞਾ. ਅਧਿਸੀਲੇ ਪਞ੍ਞਾ, ਅਧਿਚਿਤ੍ਤੇ ਪਞ੍ਞਾ, ਅਧਿਪਞ੍ਞਾਯ ਪਞ੍ਞਾ. ਆਯਕੋਸਲ੍ਲਂ, ਅਪਾਯਕੋਸਲ੍ਲਂ, ਉਪਾਯਕੋਸਲ੍ਲਂ.

ਵਿਪਾਕਾ ਪਞ੍ਞਾ, ਵਿਪਾਕਧਮ੍ਮਧਮ੍ਮਾ ਪਞ੍ਞਾ, ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ ਪਞ੍ਞਾ. ਉਪਾਦਿਣ੍ਣੁਪਾਦਾਨਿਯਾ ਪਞ੍ਞਾ, ਅਨੁਪਾਦਿਣ੍ਣੁਪਾਦਾਨਿਯਾ ਪਞ੍ਞਾ, ਅਨੁਪਾਦਿਣ੍ਣਅਨੁਪਾਦਾਨਿਯਾ ਪਞ੍ਞਾ. ਸਵਿਤਕ੍ਕਸਵਿਚਾਰਾ ਪਞ੍ਞਾ, ਅਵਿਤਕ੍ਕਵਿਚਾਰਮਤ੍ਤਾ ਪਞ੍ਞਾ, ਅਵਿਤਕ੍ਕਅਵਿਚਾਰਾ ਪਞ੍ਞਾ. ਪੀਤਿਸਹਗਤਾ ਪਞ੍ਞਾ, ਸੁਖਸਹਗਤਾ ਪਞ੍ਞਾ, ਉਪੇਕ੍ਖਾਸਹਗਤਾ ਪਞ੍ਞਾ. ਆਚਯਗਾਮਿਨੀ ਪਞ੍ਞਾ, ਅਪਚਯਗਾਮਿਨੀ ਪਞ੍ਞਾ, ਨੇਵਾਚਯਗਾਮਿਨਾਪਚਯਗਾਮਿਨੀ ਪਞ੍ਞਾ. ਸੇਕ੍ਖਾ ਪਞ੍ਞਾ, ਅਸੇਕ੍ਖਾ ਪਞ੍ਞਾ, ਨੇਵਸੇਕ੍ਖਨਾਸੇਕ੍ਖਾ ਪਞ੍ਞਾ. ਪਰਿਤ੍ਤਾ ਪਞ੍ਞਾ, ਮਹਗ੍ਗਤਾ ਪਞ੍ਞਾ, ਅਪ੍ਪਮਾਣਾ ਪਞ੍ਞਾ. ਪਰਿਤ੍ਤਾਰਮ੍ਮਣਾ ਪਞ੍ਞਾ, ਮਹਗ੍ਗਤਾਰਮ੍ਮਣਾ ਪਞ੍ਞਾ, ਅਪ੍ਪਮਾਣਾਰਮ੍ਮਣਾ ਪਞ੍ਞਾ. ਮਗ੍ਗਾਰਮ੍ਮਣਾ ਪਞ੍ਞਾ, ਮਗ੍ਗਹੇਤੁਕਾ ਪਞ੍ਞਾ, ਮਗ੍ਗਾਧਿਪਤਿਨੀ ਪਞ੍ਞਾ. ਉਪ੍ਪਨ੍ਨਾ ਪਞ੍ਞਾ, ਅਨੁਪ੍ਪਨ੍ਨਾ ਪਞ੍ਞਾ, ਉਪ੍ਪਾਦਿਨੀ ਪਞ੍ਞਾ. ਅਤੀਤਾ ਪਞ੍ਞਾ, ਅਨਾਗਤਾ ਪਞ੍ਞਾ, ਪਚ੍ਚੁਪ੍ਪਨ੍ਨਾ ਪਞ੍ਞਾ. ਅਤੀਤਾਰਮ੍ਮਣਾ ਪਞ੍ਞਾ, ਅਨਾਗਤਾਰਮ੍ਮਣਾ ਪਞ੍ਞਾ, ਪਚ੍ਚੁਪ੍ਪਨ੍ਨਾਰਮ੍ਮਣਾ ਪਞ੍ਞਾ. ਅਜ੍ਝਤ੍ਤਾ ਪਞ੍ਞਾ, ਬਹਿਦ੍ਧਾ ਪਞ੍ਞਾ, ਅਜ੍ਝਤ੍ਤਬਹਿਦ੍ਧਾ ਪਞ੍ਞਾ. ਅਜ੍ਝਤ੍ਤਾਰਮ੍ਮਣਾ ਪਞ੍ਞਾ, ਬਹਿਦ੍ਧਾਰਮ੍ਮਣਾ ਪਞ੍ਞਾ, ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ ਪਞ੍ਞਾ.

ਸਵਿਤਕ੍ਕਸਵਿਚਾਰਾ ¶ ਪਞ੍ਞਾ ਅਤ੍ਥਿ ਵਿਪਾਕਾ, ਅਤ੍ਥਿ ਵਿਪਾਕਧਮ੍ਮਧਮ੍ਮਾ, ਅਤ੍ਥਿ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ. ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣਅਨੁਪਾਦਾਨਿਯਾ ¶ . ਅਤ੍ਥਿ ਪੀਤਿਸਹਗਤਾ, ਅਤ੍ਥਿ ਸੁਖਸਹਗਤਾ, ਅਤ੍ਥਿ ਉਪੇਕ੍ਖਾਸਹਗਤਾ. ਅਤ੍ਥਿ ਆਚਯਗਾਮਿਨੀ, ਅਤ੍ਥਿ ਅਪਚਯਗਾਮਿਨੀ, ਅਤ੍ਥਿ ਨੇਵਾਚਯਗਾਮਿਨਾਪਚਯਗਾਮਿਨੀ. ਅਤ੍ਥਿ ਸੇਕ੍ਖਾ, ਅਤ੍ਥਿ ਅਸੇਕ੍ਖਾ, ਅਤ੍ਥਿ ਨੇਵਸੇਕ੍ਖਨਾਸੇਕ੍ਖਾ. ਅਤ੍ਥਿ ਪਰਿਤ੍ਤਾ, ਅਤ੍ਥਿ ਮਹਗ੍ਗਤਾ, ਅਤ੍ਥਿ ਅਪ੍ਪਮਾਣਾ. ਅਤ੍ਥਿ ਪਰਿਤ੍ਤਾਰਮ੍ਮਣਾ, ਅਤ੍ਥਿ ਮਹਗ੍ਗਤਾਰਮ੍ਮਣਾ, ਅਤ੍ਥਿ ਅਪ੍ਪਮਾਣਾਰਮ੍ਮਣਾ. ਅਤ੍ਥਿ ਮਗ੍ਗਾਰਮ੍ਮਣਾ, ਅਤ੍ਥਿ ਮਗ੍ਗਹੇਤੁਕਾ, ਅਤ੍ਥਿ ਮਗ੍ਗਾਧਿਪਤਿਨੀ. ਅਤ੍ਥਿ ਉਪ੍ਪਨ੍ਨਾ, ਅਤ੍ਥਿ ਅਨੁਪ੍ਪਨ੍ਨਾ, ਅਤ੍ਥਿ ਉਪ੍ਪਾਦਿਨੀ. ਅਤ੍ਥਿ ਅਤੀਤਾ, ਅਤ੍ਥਿ ਅਨਾਗਤਾ, ਅਤ੍ਥਿ ਪਚ੍ਚੁਪ੍ਪਨ੍ਨਾ. ਅਤ੍ਥਿ ਅਤੀਤਾਰਮ੍ਮਣਾ, ਅਤ੍ਥਿ ਅਨਾਗਤਾਰਮ੍ਮਣਾ, ਅਤ੍ਥਿ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਅਤ੍ਥਿ ਅਜ੍ਝਤ੍ਤਾ, ਅਤ੍ਥਿ ਬਹਿਦ੍ਧਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾ. ਅਤ੍ਥਿ ਅਜ੍ਝਤ੍ਤਾਰਮ੍ਮਣਾ, ਅਤ੍ਥਿ ਬਹਿਦ੍ਧਾਰਮ੍ਮਣਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ.

ਅਵਿਤਕ੍ਕਵਿਚਾਰਮਤ੍ਤਾ ਪਞ੍ਞਾ ਅਤ੍ਥਿ ਵਿਪਾਕਾ, ਅਤ੍ਥਿ ਵਿਪਾਕਧਮ੍ਮਧਮ੍ਮਾ, ਅਤ੍ਥਿ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ. ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣਅਨੁਪਾਦਾਨਿਯਾ. ਅਤ੍ਥਿ ਆਚਯਗਾਮਿਨੀ, ਅਤ੍ਥਿ ਅਪਚਯਗਾਮਿਨੀ, ਅਤ੍ਥਿ ਨੇਵਾਚਯਗਾਮਿਨਾਪਚਯਗਾਮਿਨੀ. ਅਤ੍ਥਿ ਸੇਕ੍ਖਾ, ਅਤ੍ਥਿ ਅਸੇਕ੍ਖਾ, ਅਤ੍ਥਿ ਨੇਵਸੇਕ੍ਖਨਾਸੇਕ੍ਖਾ. ਅਤ੍ਥਿ ਉਪ੍ਪਨ੍ਨਾ, ਅਤ੍ਥਿ ਅਨੁਪ੍ਪਨ੍ਨਾ, ਅਤ੍ਥਿ ਉਪ੍ਪਾਦਿਨੀ. ਅਤ੍ਥਿ ਅਤੀਤਾ, ਅਤ੍ਥਿ ਅਨਾਗਤਾ, ਅਤ੍ਥਿ ਪਚ੍ਚੁਪ੍ਪਨ੍ਨਾ. ਅਤ੍ਥਿ ਅਜ੍ਝਤ੍ਤਾ, ਅਤ੍ਥਿ ਬਹਿਦ੍ਧਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾ.

ਅਵਿਤਕ੍ਕਅਵਿਚਾਰਾ ਪਞ੍ਞਾ ਅਤ੍ਥਿ ਵਿਪਾਕਾ, ਅਤ੍ਥਿ ਵਿਪਾਕਧਮ੍ਮਧਮ੍ਮਾ, ਅਤ੍ਥਿ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ. ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣਅਨੁਪਾਦਾਨਿਯਾ. ਅਤ੍ਥਿ ਪੀਤਿਸਹਗਤਾ, ਅਤ੍ਥਿ ਸੁਖਸਹਗਤਾ, ਅਤ੍ਥਿ ¶ ਉਪੇਕ੍ਖਾਸਹਗਤਾ. ਅਤ੍ਥਿ ਆਚਯਗਾਮਿਨੀ, ਅਤ੍ਥਿ ਅਪਚਯਗਾਮਿਨੀ, ਅਤ੍ਥਿ ਨੇਵਾਚਯਗਾਮਿਨਾਪਚਯਗਾਮਿਨੀ. ਅਤ੍ਥਿ ਸੇਕ੍ਖਾ, ਅਤ੍ਥਿ ਅਸੇਕ੍ਖਾ, ਅਤ੍ਥਿ ਨੇਵਸੇਕ੍ਖਨਾਸੇਕ੍ਖਾ. ਅਤ੍ਥਿ ਪਰਿਤ੍ਤਾਰਮ੍ਮਣਾ, ਅਤ੍ਥਿ ਮਹਗ੍ਗਤਾਰਮ੍ਮਣਾ, ਅਤ੍ਥਿ ਅਪ੍ਪਮਾਣਾਰਮ੍ਮਣਾ. ਅਤ੍ਥਿ ਮਗ੍ਗਾਰਮ੍ਮਣਾ, ਅਤ੍ਥਿ ਮਗ੍ਗਹੇਤੁਕਾ, ਅਤ੍ਥਿ ਮਗ੍ਗਾਧਿਪਤਿਨੀ. ਅਤ੍ਥਿ ਉਪ੍ਪਨ੍ਨਾ, ਅਤ੍ਥਿ ਅਨੁਪ੍ਪਨ੍ਨਾ, ਅਤ੍ਥਿ ਉਪ੍ਪਾਦਿਨੀ. ਅਤ੍ਥਿ ਅਤੀਤਾ, ਅਤ੍ਥਿ ਅਨਾਗਤਾ, ਅਤ੍ਥਿ ਪਚ੍ਚੁਪ੍ਪਨ੍ਨਾ. ਅਤ੍ਥਿ ਅਤੀਤਾਰਮ੍ਮਣਾ, ਅਤ੍ਥਿ ਅਨਾਗਤਾਰਮ੍ਮਣਾ, ਅਤ੍ਥਿ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਅਤ੍ਥਿ ਅਜ੍ਝਤ੍ਤਾ, ਅਤ੍ਥਿ ਬਹਿਦ੍ਧਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾ. ਅਤ੍ਥਿ ਅਜ੍ਝਤ੍ਤਾਰਮ੍ਮਣਾ, ਅਤ੍ਥਿ ਬਹਿਦ੍ਧਾਰਮ੍ਮਣਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ.

ਪੀਤਿਸਹਗਤਾ ਪਞ੍ਞਾ, ਸੁਖਸਹਗਤਾ ਪਞ੍ਞਾ ਅਤ੍ਥਿ ਵਿਪਾਕਾ, ਅਤ੍ਥਿ ਵਿਪਾਕਧਮ੍ਮਧਮ੍ਮਾ, ਅਤ੍ਥਿ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ ¶ . ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣਅਨੁਪਾਦਾਨਿਯਾ. ਅਤ੍ਥਿ ਸਵਿਤਕ੍ਕਸਵਿਚਾਰਾ, ਅਤ੍ਥਿ ਅਵਿਤਕ੍ਕਵਿਚਾਰਮਤ੍ਤਾ, ਅਤ੍ਥਿ ਅਵਿਤਕ੍ਕਅਵਿਚਾਰਾ. ਅਤ੍ਥਿ ਆਚਯਗਾਮਿਨੀ, ਅਤ੍ਥਿ ਅਪਚਯਗਾਮਿਨੀ, ਅਤ੍ਥਿ ਨੇਵਾਚਯਗਾਮਿਨਾਪਚਯਗਾਮਿਨੀ. ਅਤ੍ਥਿ ਸੇਕ੍ਖਾ, ਅਤ੍ਥਿ ਅਸੇਕ੍ਖਾ, ਅਤ੍ਥਿ ਨੇਵਸੇਕ੍ਖਨਾਸੇਕ੍ਖਾ. ਅਤ੍ਥਿ ਪਰਿਤ੍ਤਾ, ਅਤ੍ਥਿ ਮਹਗ੍ਗਤਾ, ਅਤ੍ਥਿ ਅਪ੍ਪਮਾਣਾ. ਅਤ੍ਥਿ ਪਰਿਤ੍ਤਾਰਮ੍ਮਣਾ, ਅਤ੍ਥਿ ਮਹਗ੍ਗਤਾਰਮ੍ਮਣਾ, ਅਤ੍ਥਿ ਅਪ੍ਪਮਾਣਾਰਮ੍ਮਣਾ. ਅਤ੍ਥਿ ਮਗ੍ਗਾਰਮ੍ਮਣਾ, ਅਤ੍ਥਿ ਮਗ੍ਗਹੇਤੁਕਾ, ਅਤ੍ਥਿ ਮਗ੍ਗਾਧਿਪਤਿਨੀ. ਅਤ੍ਥਿ ਉਪ੍ਪਨ੍ਨਾ, ਅਤ੍ਥਿ ਅਨੁਪ੍ਪਨ੍ਨਾ, ਅਤ੍ਥਿ ਉਪ੍ਪਾਦਿਨੀ. ਅਤ੍ਥਿ ਅਤੀਤਾ, ਅਤ੍ਥਿ ਅਨਾਗਤਾ, ਅਤ੍ਥਿ ਪਚ੍ਚੁਪ੍ਪਨ੍ਨਾ. ਅਤ੍ਥਿ ਅਤੀਤਾਰਮ੍ਮਣਾ, ਅਤ੍ਥਿ ਅਨਾਗਤਾਰਮ੍ਮਣਾ, ਅਤ੍ਥਿ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਅਤ੍ਥਿ ਅਜ੍ਝਤ੍ਤਾ, ਅਤ੍ਥਿ ਬਹਿਦ੍ਧਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾ. ਅਤ੍ਥਿ ਅਜ੍ਝਤ੍ਤਾਰਮ੍ਮਣਾ, ਅਤ੍ਥਿ ਬਹਿਦ੍ਧਾਰਮ੍ਮਣਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ.

ਉਪੇਕ੍ਖਾਸਹਗਤਾ ਪਞ੍ਞਾ ਅਤ੍ਥਿ ਵਿਪਾਕਾ, ਅਤ੍ਥਿ ਵਿਪਾਕਧਮ੍ਮਧਮ੍ਮਾ, ਅਤ੍ਥਿ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ. ਅਤ੍ਥਿ ਉਪਾਦਿਣ੍ਣੁਪਾਦਾਨਿਯਾ ¶ , ਅਤ੍ਥਿ ਅਨੁਪਾਦਿਣ੍ਣੁਪਾਦਾਨਿਯਾ, ਅਤ੍ਥਿ ਅਨੁਪਾਦਿਣ੍ਣਅਨੁਪਾਦਾਨਿਯਾ. ਅਤ੍ਥਿ ਆਚਯਗਾਮਿਨੀ, ਅਤ੍ਥਿ ਅਪਚਯਗਾਮਿਨੀ, ਅਤ੍ਥਿ ਨੇਵਾਚਯਗਾਮਿਨਾਪਚਯਗਾਮਿਨੀ. ਅਤ੍ਥਿ ਸੇਕ੍ਖਾ, ਅਤ੍ਥਿ ਅਸੇਕ੍ਖਾ, ਅਤ੍ਥਿ ਨੇਵਸੇਕ੍ਖਨਾਸੇਕ੍ਖਾ. ਅਤ੍ਥਿ ਪਰਿਤ੍ਤਾ, ਅਤ੍ਥਿ ਮਹਗ੍ਗਤਾ, ਅਤ੍ਥਿ ਅਪ੍ਪਮਾਣਾ. ਅਤ੍ਥਿ ਪਰਿਤ੍ਤਾਰਮ੍ਮਣਾ, ਅਤ੍ਥਿ ਮਹਗ੍ਗਤਾਰਮ੍ਮਣਾ, ਅਤ੍ਥਿ ਅਪ੍ਪਮਾਣਾਰਮ੍ਮਣਾ. ਅਤ੍ਥਿ ਮਗ੍ਗਾਰਮ੍ਮਣਾ, ਅਤ੍ਥਿ ਮਗ੍ਗਹੇਤੁਕਾ, ਅਤ੍ਥਿ ਮਗ੍ਗਾਧਿਪਤਿਨੀ. ਅਤ੍ਥਿ ਉਪ੍ਪਨ੍ਨਾ, ਅਤ੍ਥਿ ਅਨੁਪ੍ਪਨ੍ਨਾ, ਅਤ੍ਥਿ ਉਪ੍ਪਾਦਿਨੀ. ਅਤ੍ਥਿ ਅਤੀਤਾ, ਅਤ੍ਥਿ ਅਨਾਗਤਾ, ਅਤ੍ਥਿ ਪਚ੍ਚੁਪ੍ਪਨ੍ਨਾ. ਅਤ੍ਥਿ ਅਤੀਤਾਰਮ੍ਮਣਾ, ਅਤ੍ਥਿ ਅਨਾਗਤਾਰਮ੍ਮਣਾ, ਅਤ੍ਥਿ ਪਚ੍ਚੁਪ੍ਪਨ੍ਨਾਰਮ੍ਮਣਾ. ਅਤ੍ਥਿ ਅਜ੍ਝਤ੍ਤਾ, ਅਤ੍ਥਿ ਬਹਿਦ੍ਧਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾ. ਅਤ੍ਥਿ ਅਜ੍ਝਤ੍ਤਾਰਮ੍ਮਣਾ, ਅਤ੍ਥਿ ਬਹਿਦ੍ਧਾਰਮ੍ਮਣਾ, ਅਤ੍ਥਿ ਅਜ੍ਝਤ੍ਤਬਹਿਦ੍ਧਾਰਮ੍ਮਣਾ. ਏਵਂ ਤਿਵਿਧੇਨ ਞਾਣਵਤ੍ਥੁ.

ਚਤੁਬ੍ਬਿਧੇਨ ਞਾਣਵਤ੍ਥੁ – ਕਮ੍ਮਸ੍ਸਕਤਞਾਣਂ, ਸਚ੍ਚਾਨੁਲੋਮਿਕਂ ਞਾਣਂ, ਮਗ੍ਗਸਮਙ੍ਗਿਸ੍ਸ ਞਾਣਂ, ਫਲਸਮਙ੍ਗਿਸ੍ਸ ਞਾਣਂ. ਦੁਕ੍ਖੇ ਞਾਣਂ, ਦੁਕ੍ਖਸਮੁਦਯੇ ਞਾਣਂ, ਦੁਕ੍ਖਨਿਰੋਧੇ ਞਾਣਂ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ. ਕਾਮਾਵਚਰਾ ਪਞ੍ਞਾ, ਰੂਪਾਵਚਰਾ ਪਞ੍ਞਾ, ਅਰੂਪਾਵਚਰਾ ਪਞ੍ਞਾ, ਅਪਰਿਯਾਪਨ੍ਨਾ ਪਞ੍ਞਾ. ਧਮ੍ਮੇ ਞਾਣਂ, ਅਨ੍ਵਯੇ ਞਾਣਂ, ਪਰਿਚ੍ਚੇ ਞਾਣਂ, ਸਮ੍ਮੁਤਿ ਞਾਣਂ. ਅਤ੍ਥਿ ਪਞ੍ਞਾ ਆਚਯਾਯ, ਨੋ ਅਪਚਯਾਯ, ਅਤ੍ਥਿ ਪਞ੍ਞਾ ਅਪਚਯਾਯ, ਨੋ ਆਚਯਾਯ, ਅਤ੍ਥਿ ਪਞ੍ਞਾ ਆਚਯਾਯ ਚੇਵ, ਅਪਚਯਾਯ ਚ, ਅਤ੍ਥਿ ਪਞ੍ਞਾ ਨੇਵਾਚਯਾਯ, ਨੋ ਅਪਚਯਾਯ. ਅਤ੍ਥਿ ਪਞ੍ਞਾ ਨਿਬ੍ਬਿਦਾਯ, ਨੋ ਪਟਿਵੇਧਾਯ, ਅਤ੍ਥਿ ਪਞ੍ਞਾ ਪਟਿਵੇਧਾਯ, ਨੋ ਨਿਬ੍ਬਿਦਾਯ ¶ , ਅਤ੍ਥਿ ਪਞ੍ਞਾ ਨਿਬ੍ਬਿਦਾਯ ਚੇਵ, ਪਟਿਵੇਧਾਯ ਚ, ਅਤ੍ਥਿ ਪਞ੍ਞਾ ਨੇਵ ਨਿਬ੍ਬਿਦਾਯ, ਨੋ ਪਟਿਵੇਧਾਯ. ਹਾਨਭਾਗਿਨੀ ਪਞ੍ਞਾ, ਠਿਤਿਭਾਗਿਨੀ ਪਞ੍ਞਾ, ਵਿਸੇਸਭਾਗਿਨੀ ਪਞ੍ਞਾ, ਨਿਬ੍ਬੇਧਭਾਗਿਨੀ ਪਞ੍ਞਾ.

ਚਤਸ੍ਸੋ ¶ ਪਟਿਸਮ੍ਭਿਦਾ. ਚਤਸ੍ਸੋ ਪਟਿਪਦਾ. ਚਤ੍ਤਾਰਿ ਆਰਮ੍ਮਣਾਨਿ. ਜਰਾਮਰਣੇ ਞਾਣਂ, ਜਰਾਮਰਣਸਮੁਦਯੇ ਞਾਣਂ, ਜਰਾਮਰਣਨਿਰੋਧੇ ਞਾਣਂ, ਜਰਾਮਰਣਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ. ਜਾਤਿਯਾ ਞਾਣਂ…ਪੇ… ਭਵੇ ਞਾਣਂ…ਪੇ… ਉਪਾਦਾਨੇ ਞਾਣਂ…ਪੇ… ਤਣ੍ਹਾਯ ਞਾਣਂ…ਪੇ… ਵੇਦਨਾਯ ਞਾਣਂ…ਪੇ… ਫਸ੍ਸੇ ਞਾਣਂ…ਪੇ… ਸਲ਼ਾਯਤਨੇ ਞਾਣਂ…ਪੇ… ਨਾਮਰੂਪੇ ਞਾਣਂ…ਪੇ… ਵਿਞ੍ਞਾਣੇ ਞਾਣਂ…ਪੇ… ਸਙ੍ਖਾਰੇਸੁ ਞਾਣਂ, ਸਙ੍ਖਾਰਸਮੁਦਯੇ ਞਾਣਂ, ਸਙ੍ਖਾਰਨਿਰੋਧੇ ਞਾਣਂ, ਸਙ੍ਖਾਰਨਿਰੋਧਗਾਮਿਨਿਯਾ ਪਟਿਪਦਾਯ ਞਾਣਂ. ਏਵਂ ਚਤੁਬ੍ਬਿਧੇਨ ਞਾਣਵਤ੍ਥੁ.

ਪਞ੍ਚਵਿਧੇਨ ਞਾਣਵਤ੍ਥੁ – ਪਞ੍ਚਙ੍ਗਿਕੋ ਸਮ੍ਮਾਸਮਾਧਿ, ਪਞ੍ਚਞਾਣਿਕੋ ਸਮ੍ਮਾਸਮਾਧਿ. ਏਵਂ ਪਞ੍ਚਵਿਧੇਨ ਞਾਣਵਤ੍ਥੁ.

ਛਬ੍ਬਿਧੇਨ ਞਾਣਵਤ੍ਥੁ – ਛਸੁ ਅਭਿਞ੍ਞਾਸੁ ਪਞ੍ਞਾ. ਏਵਂ ਛਬ੍ਬਿਧੇਨ ਞਾਣਵਤ੍ਥੁ.

ਸਤ੍ਤਵਿਧੇਨ ਞਾਣਵਤ੍ਥੁ – ਸਤ੍ਤਸਤ੍ਤਤਿ ਞਾਣਵਤ੍ਥੂਨਿ. ਏਵਂ ਸਤ੍ਤਵਿਧੇਨ ਞਾਣਵਤ੍ਥੁ.

ਅਟ੍ਠਵਿਧੇਨ ਞਾਣਵਤ੍ਥੁ – ਚਤੂਸੁ ਮਗ੍ਗੇਸੁ, ਚਤੂਸੁ ਫਲੇਸੁ ਪਞ੍ਞਾ. ਏਵਂ ਅਟ੍ਠਵਿਧੇਨ ਞਾਣਵਤ੍ਥੁ.

ਨਵਵਿਧੇਨ ਞਾਣਵਤ੍ਥੁ – ਨਵਸੁ ਅਨੁਪੁਬ੍ਬਵਿਹਾਰਸਮਾਪਤ੍ਤੀਸੁ ਪਞ੍ਞਾ. ਏਵਂ ਨਵਵਿਧੇਨ ਞਾਣਵਤ੍ਥੁ.

ਦਸਵਿਧੇਨ ਞਾਣਵਤ੍ਥੁ – ਦਸ ਤਥਾਗਤਸ੍ਸ ਤਥਾਗਤਬਲਾਨਿ, ਯੇਹਿ ਬਲੇਹਿ ਸਮਨ੍ਨਾਗਤੋ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ. ਕਤਮਾਨਿ ਦਸ? ਇਧ ਤਥਾਗਤੋ ਠਾਨਞ੍ਚ ਠਾਨਤੋ ਅਟ੍ਠਾਨਞ੍ਚ ਅਟ੍ਠਾਨਤੋ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਠਾਨਞ੍ਚ ਠਾਨਤੋ ਅਟ੍ਠਾਨਞ੍ਚ ਅਟ੍ਠਾਨਤੋ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ¶ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ¶ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ ਵਿਪਾਕਂ ਯਥਾਭੂਤਂ ਪਜਾਨਾਤਿ. ਯਮ੍ਪਿ ਤਥਾਗਤੋ ਅਤੀਤਾਨਾਗਤਪਚ੍ਚੁਪ੍ਪਨ੍ਨਾਨਂ ਕਮ੍ਮਸਮਾਦਾਨਾਨਂ ਠਾਨਸੋ ਹੇਤੁਸੋ ਵਿਪਾਕਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਸਬ੍ਬਤ੍ਥਗਾਮਿਨਿਂ ਪਟਿਪਦਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਅਨੇਕਧਾਤੁਨਾਨਾਧਾਤੁਲੋਕਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਅਨੇਕਧਾਤੁਨਾਨਾਧਾਤੁਲੋਕਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਸਤ੍ਤਾਨਂ ਨਾਨਾਧਿਮੁਤ੍ਤਿਕਤਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਪਰਸਤ੍ਤਾਨਂ ਪਰਪੁਗ੍ਗਲਾਨਂ ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਪਰਸਤ੍ਤਾਨਂ ¶ ਪਰਪੁਗ੍ਗਲਾਨਂ ਇਨ੍ਦ੍ਰਿਯਪਰੋਪਰਿਯਤ੍ਤਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਝਾਨਵਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ ਵੋਦਾਨਂ ਵੁਟ੍ਠਾਨਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਝਾਨਵਿਮੋਕ੍ਖਸਮਾਧਿਸਮਾਪਤ੍ਤੀਨਂ ਸਂਕਿਲੇਸਂ ਵੋਦਾਨਂ ਵੁਟ੍ਠਾਨਂ ਯਥਾਭੂਤਂ ਪਜਾਨਾਤਿ ¶ , ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਪੁਬ੍ਬੇਨਿਵਾਸਾਨੁਸ੍ਸਤਿਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਪੁਬ੍ਬੇਨਿਵਾਸਾਨੁਸ੍ਸਤਿਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਸਤ੍ਤਾਨਂ ਚੁਤੂਪਪਾਤਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਸਤ੍ਤਾਨਂ ਚੁਤੂਪਪਾਤਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਨ ਚਪਰਂ ਤਥਾਗਤੋ ਆਸਵਾਨਂ ਖਯਂ ਯਥਾਭੂਤਂ ਪਜਾਨਾਤਿ, ਯਮ੍ਪਿ ਤਥਾਗਤੋ ਆਸਵਾਨਂ ਖਯਂ ਯਥਾਭੂਤਂ ਪਜਾਨਾਤਿ, ਇਦਮ੍ਪਿ ਤਥਾਗਤਸ੍ਸ ਤਥਾਗਤਬਲਂ ਹੋਤਿ. ਯਂ ਬਲਂ ਆਗਮ੍ਮ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਇਮਾਨਿ ¶ ਦਸ ਤਥਾਗਤਸ੍ਸ ਤਥਾਗਤਬਲਾਨਿ. ਯੇਹਿ ਬਲੇਹਿ ਸਮਨ੍ਨਾਗਤੋ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ. ਏਵਂ ਦਸਵਿਧੇਨ ਞਾਣਵਤ੍ਥੁ.

ਜਾਤਿਮਦੋ (ਵਿਭ. ੮੩੨), ਗੋਤ੍ਤਮਦੋ, ਆਰੋਗ੍ਯਮਦੋ, ਯੋਬ੍ਬਨਮਦੋ, ਜੀਵਿਤਮਦੋ, ਲਾਭਮਦੋ, ਸਕ੍ਕਾਰਮਦੋ, ਗਰੁਕਾਰਮਦੋ, ਪੁਰੇਕ੍ਖਾਰਮਦੋ, ਪਰਿਵਾਰਮਦੋ, ਭੋਗਮਦੋ, ਵਣ੍ਣਮਦੋ, ਸੁਤਮਦੋ ¶ , ਪਟਿਭਾਨਮਦੋ, ਰਤ੍ਤਞ੍ਞੁਮਦੋ, ਪਿਣ੍ਡਪਾਤਿਕਮਦੋ, ਅਨਵਞ੍ਞਾਤਮਦੋ, ਇਰਿਯਾਪਥਮਦੋ, ਇਦ੍ਧਿਮਦੋ, ਯਸਮਦੋ, ਸੀਲਮਦੋ, ਝਾਨਮਦੋ, ਸਿਪ੍ਪਮਦੋ, ਆਰੋਹਮਦੋ, ਪਰਿਣਾਹਮਦੋ, ਸਣ੍ਠਾਨਮਦੋ, ਪਾਰਿਪੂਰਿਮਦੋ, ਮਦੋ, ਪਮਾਦੋ, ਥਮ੍ਭੋ, ਸਾਰਮ੍ਭੋ, ਅਤ੍ਰਿਚ੍ਛਤਾ, ਮਹਿਚ੍ਛਤਾ, ਪਾਪਿਚ੍ਛਤਾ, ਸਿਙ੍ਗਂ, ਤਿਨ੍ਤਿਣਂ, ਚਾਪਲ੍ਯਂ, ਅਸਭਾਗਵੁਤ੍ਤਿ, ਅਰਤਿ, ਤਨ੍ਦੀ, ਵਿਜਮ੍ਭਿਤਾ, ਭਤ੍ਤਸਮ੍ਮਦੋ, ਚੇਤਸੋ ਚ ਲੀਨਤ੍ਤਂ, ਕੁਹਨਾ, ਲਪਨਾ, ਨੇਮਿਤ੍ਤਿਕਤਾ, ਨਿਪ੍ਪੇਸਿਕਤਾ, ਲਾਭੇਨ ਲਾਭਂ ਨਿਜਿਗੀਸਨਤਾ, ‘‘ਸੇਯ੍ਯੋਹਮਸ੍ਮੀ’’ਤਿ ਮਾਨੋ, ‘‘ਸਦਿਸੋਹਮਸ੍ਮੀ’’ਤਿ ਮਾਨੋ, ‘‘ਹੀਨੋਹਮਸ੍ਮੀ’’ਤਿ ਮਾਨੋ. ਸੇਯ੍ਯਸ੍ਸ ‘‘ਸੇਯ੍ਯੋਹਮਸ੍ਮੀ’’ਤਿ ਮਾਨੋ, ਸੇਯ੍ਯਸ੍ਸ ‘‘ਸਦਿਸੋਹਮਸ੍ਮੀ’’ਤਿ ਮਾਨੋ, ਸੇਯ੍ਯਸ੍ਸ ‘‘ਹੀਨੋਹਮਸ੍ਮੀ’’ਤਿ ਮਾਨੋ, ਸਦਿਸਸ੍ਸ ‘‘ਸੇਯ੍ਯੋਹਮਸ੍ਮੀ’’ਤਿ ਮਾਨੋ, ਸਦਿਸਸ੍ਸ ‘‘ਸਦਿਸੋਹਮਸ੍ਮੀ’’ਤਿ ਮਾਨੋ, ਸਦਿਸਸ੍ਸ ‘‘ਹੀਨੋਹਮਸ੍ਮੀ’’ਤਿ ਮਾਨੋ, ਹੀਨਸ੍ਸ ‘‘ਸੇਯ੍ਯੋਹਮਸ੍ਮੀ’’ਤਿ ਮਾਨੋ, ਹੀਨਸ੍ਸ ¶ ‘‘ਸਦਿਸੋਹਮਸ੍ਮੀ’’ਤਿ ਮਾਨੋ, ਹੀਨਸ੍ਸ ‘‘ਹੀਨੋਹਮਸ੍ਮੀ’’ਤਿ ਮਾਨੋ, ਮਾਨੋ, ਅਤਿਮਾਨੋ, ਮਾਨਾਤਿਮਾਨੋ, ਓਮਾਨੋ, ਅਧਿਮਾਨੋ, ਅਸ੍ਮਿਮਾਨੋ, ਮਿਚ੍ਛਾਮਾਨੋ, ਞਾਤਿਵਿਤਕ੍ਕੋ, ਜਨਪਦਵਿਤਕ੍ਕੋ, ਅਮਰਵਿਤਕ੍ਕੋ, ਪਰਾਨੁਦ੍ਦਯਤਾਪਟਿਸਂਯੁਤ੍ਤੋ ਵਿਤਕ੍ਕੋ, ਲਾਭਸਕ੍ਕਾਰਸਿਲੋਕਪਟਿਸਂਯੁਤ੍ਤੋ ਵਿਤਕ੍ਕੋ, ਅਨਵਞ੍ਞਤ੍ਤਿਪਟਿਸਂਯੁਤ੍ਤੋ ਵਿਤਕ੍ਕੋ (ਵਿਭ. ੮੩੨). ਏਕਕਂ.

ਕੋਧੋ ਚ ਉਪਨਾਹੋ ਚ, ਮਕ੍ਖੋ ਚ ਪਲ਼ਾਸੋ ਚ, ਇਸ੍ਸਾ ਚ ਮਚ੍ਛਰਿਯਞ੍ਚ, ਮਾਯਾ ਚ ਸਾਠੇਯ੍ਯਞ੍ਚ, ਅਵਿਜ੍ਜਾ ਚ ਭਵਤਣ੍ਹਾ ਚ, ਭਵਦਿਟ੍ਠਿ ਚ ਵਿਭਵਦਿਟ੍ਠਿ ਚ, ਸਸ੍ਸਤਦਿਟ੍ਠਿ ਚ ਉਚ੍ਛੇਦਦਿਟ੍ਠਿ ਚ, ਅਨ੍ਤਵਾਦਿਟ੍ਠਿ ਚ ਅਨਨ੍ਤਵਾਦਿਟ੍ਠਿ ਚ, ਪੁਬ੍ਬਨ੍ਤਾਨੁਦਿਟ੍ਠਿ ਚ ਅਪਰਨ੍ਤਾਨੁਦਿਟ੍ਠਿ ਚ, ਅਹਿਰਿਕਞ੍ਚ ਅਨੋਤ੍ਤਪ੍ਪਞ੍ਚ, ਦੋਵਚਸ੍ਸਤਾ ਚ ਪਾਪਮਿਤ੍ਤਤਾ ਚ, ਅਨਜ੍ਜਵੋ ਚ ਅਮਦ੍ਦਵੋ ਚ, ਅਕ੍ਖਨ੍ਤਿ ਚ ਅਸੋਰਚ੍ਚਞ੍ਚ, ਅਸਾਖਲ੍ਯਞ੍ਚ ਅਪ੍ਪਟਿਸਨ੍ਥਾਰੋ ਚ, ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ ਚ ਭੋਜਨੇ ਅਮਤ੍ਤਞ੍ਞੁਤਾ ਚ, ਮੁਟ੍ਠਸ੍ਸਚ੍ਚਞ੍ਚ ਅਸਮ੍ਪਜਞ੍ਞਞ੍ਚ, ਸੀਲਵਿਪਤ੍ਤਿ ਚ ਦਿਟ੍ਠਿਵਿਪਤ੍ਤਿ ਚ, ਅਜ੍ਝਤ੍ਤਸਂਯੋਜਨਞ੍ਚ ਬਹਿਦ੍ਧਾਸਂਯੋਜਨਞ੍ਚ. ਦੁਕਂ.

ਤੀਣਿ ਅਕੁਸਲਮੂਲਾਨਿ, ਤਯੋ ਅਕੁਸਲਵਿਤਕ੍ਕਾ, ਤਿਸ੍ਸੋ ਅਕੁਸਲਸਞ੍ਞਾ, ਤਿਸ੍ਸੋ ਅਕੁਸਲਧਾਤੁਯੋ, ਤੀਣਿ ਦੁਚ੍ਚਰਿਤਾਨਿ, ਤਯੋ ਆਸਵਾ, ਤੀਣਿ ਸਂਯੋਜਨਾਨਿ, ਤਿਸ੍ਸੋ ਤਣ੍ਹਾ, ਅਪਰਾਪਿ ਤਿਸ੍ਸੋ ਤਣ੍ਹਾ, ਅਪਰਾਪਿ ਤਿਸ੍ਸੋ ਤਣ੍ਹਾ, ਤਿਸ੍ਸੋ ਏਸਨਾ, ਤਿਸ੍ਸੋ ਵਿਧਾ, ਤੀਣਿ ਭਯਾਨਿ ¶ , ਤੀਣਿ ਤਮਾਨਿ, ਤੀਣਿ ਤਿਤ੍ਥਾਯਤਨਾਨਿ, ਤਯੋ ਕਿਞ੍ਚਨਾ, ਤੀਣਿ ਅਙ੍ਗਣਾਨਿ, ਤੀਣਿ ਮਲਾਨਿ, ਤੀਣਿ ਵਿਸਮਾਨਿ, ਅਪਰਾਨਿਪਿ ਤੀਣਿ ਵਿਸਮਾਨਿ, ਤਯੋ ਅਗ੍ਗੀ, ਤਯੋ ਕਸਾਵਾ, ਅਪਰੇਪਿ ਤਯੋ ਕਸਾਵਾ.

ਅਸ੍ਸਾਦਦਿਟ੍ਠਿ ¶ ਅਤ੍ਤਾਨੁਦਿਟ੍ਠਿ ਮਿਚ੍ਛਾਦਿਟ੍ਠਿ, ਅਰਤਿ ਵਿਹੇਸਾ ਅਧਮ੍ਮਚਰਿਯਾ, ਦੋਵਚਸ੍ਸਤਾ ਪਾਪਮਿਤ੍ਤਤਾ ਨਾਨਤ੍ਤਸਞ੍ਞਾ, ਉਦ੍ਧਚ੍ਚਂ ਕੋਸਜ੍ਜਂ ਪਮਾਦੋ, ਅਸਨ੍ਤੁਟ੍ਠਿਤਾ ਅਸਮ੍ਪਜਞ੍ਞਤਾ ਮਹਿਚ੍ਛਤਾ, ਅਹਿਰਿਕਂ ਅਨੋਤ੍ਤਪ੍ਪਂ ਪਮਾਦੋ, ਅਨਾਦਰਿਯਂ ਦੋਵਚਸ੍ਸਤਾ ਪਾਪਮਿਤ੍ਤਤਾ, ਅਸ੍ਸਦ੍ਧਿਯਂ ਅਵਦਞ੍ਞੁਤਾ ਕੋਸਜ੍ਜਂ, ਉਦ੍ਧਚ੍ਚਂ ਅਸਂਵਰੋ ਦੁਸ੍ਸੀਲ੍ਯਂ, ਅਰਿਯਾਨਂ ਅਦਸ੍ਸਨਕਮ੍ਯਤਾ ਸਦ੍ਧਮ੍ਮਂ ਅਸੋਤੁਕਮ੍ਯਤਾ ਉਪਾਰਮ੍ਭਚਿਤ੍ਤਤਾ, ਮੁਟ੍ਠਸ੍ਸਚ੍ਚਂ ਅਸਮ੍ਪਜਞ੍ਞਂ ਚੇਤਸੋ ਵਿਕ੍ਖੇਪੋ, ਅਯੋਨਿਸੋ ਮਨਸਿਕਾਰੋ ਕੁਮ੍ਮਗ੍ਗਸੇਵਨਾ ਚੇਤਸੋ ਚ ਲੀਨਤ੍ਤਂ. ਤਿਕਂ.

ਚਤ੍ਤਾਰੋ ਆਸਵਾ, ਚਤ੍ਤਾਰੋ ਗਨ੍ਥਾ, ਚਤ੍ਤਾਰੋ ਓਘਾ, ਚਤ੍ਤਾਰੋ ਯੋਗਾ, ਚਤ੍ਤਾਰਿ ਉਪਾਦਾਨਾਨਿ, ਚਤ੍ਤਾਰੋ ਤਣ੍ਹੁਪ੍ਪਾਦਾ, ਚਤ੍ਤਾਰਿ ਅਗਤਿਗਮਨਾਨਿ, ਚਤ੍ਤਾਰੋ ਵਿਪਰਿਯਾਸਾ, ਚਤ੍ਤਾਰੋ ਅਨਰਿਯਵੋਹਾਰਾ, ਅਪਰੇਪਿ ਚਤ੍ਤਾਰੋ ਅਨਰਿਯਵੋਹਾਰਾ, ਚਤ੍ਤਾਰਿ ਦੁਚ੍ਚਰਿਤਾਨਿ, ਅਪਰਾਪਿ ਚਤ੍ਤਾਰਿ ਦੁਚ੍ਚਰਿਤਾਨਿ, ਚਤ੍ਤਾਰਿ ਭਯਾਨਿ, (ਅਪਰਾਨਿਪਿ ਚਤ੍ਤਾਰਿ ਭਯਾਨਿ,) ਚਤਸ੍ਸੋ ਦਿਟ੍ਠਿਯੋ. ਚਤੁਕ੍ਕਂ.

ਪਞ੍ਚੋਰਮ੍ਭਾਗਿਯਾਨਿ ਸਂਯੋਜਨਾਨਿ, ਪਞ੍ਚੁਦ੍ਧਮ੍ਭਾਗਿਯਾਨਿ ਸਂਯੋਜਨਾਨਿ, ਪਞ੍ਚ ਮਚ੍ਛਰਿਯਾਨਿ, ਪਞ੍ਚ ਸਙ੍ਗਾ, ਪਞ੍ਚ ਸਲ੍ਲਾ, ਪਞ੍ਚ ਚੇਤੋਖਿਲਾ, ਪਞ੍ਚ ਚੇਤਸੋਵਿਨਿਬਨ੍ਧਾ, ਪਞ੍ਚ ਨੀਵਰਣਾਨਿ, ਪਞ੍ਚ ਕਮ੍ਮਾਨਿ ਆਨਨ੍ਤਰਿਕਾਨਿ, ਪਞ੍ਚ ਦਿਟ੍ਠਿਯੋ, ਪਞ੍ਚ ਵੇਰਾ, ਪਞ੍ਚ ਬ੍ਯਸਨਾ, ਪਞ੍ਚ ਅਕ੍ਖਨ੍ਤਿਯਾ ਆਦੀਨਵਾ, ਪਞ੍ਚ ਭਯਾਨਿ, ਪਞ੍ਚ ਦਿਟ੍ਠਧਮ੍ਮਨਿਬ੍ਬਾਨਵਾਦਾ. ਪਞ੍ਚਕਂ.

ਛ ਵਿਵਾਦਮੂਲਾਨਿ, ਛ ਛਨ੍ਦਰਾਗਾ ਧਮ੍ਮਾ, ਛ ਵਿਰੋਧਵਤ੍ਥੂਨਿ, ਛ ਤਣ੍ਹਾਕਾਯਾ, ਛ ਅਗਾਰਵਾ, ਛ ਪਰਿਹਾਨਿਯਾ ਧਮ੍ਮਾ, ਅਪਰੇਪਿ ¶ ਛ ਪਰਿਹਾਨਿਯਾ ਧਮ੍ਮਾ, ਛ ਸੋਮਨਸ੍ਸੁਪਵਿਚਾਰਾ, ਛ ¶ ਦੋਮਨਸ੍ਸੁਪਵਿਚਾਰਾ, ਛ ਉਪੇਕ੍ਖੁਪਵਿਚਾਰਾ, ਛ ਗੇਹਸਿਤਾਨਿ ਸੋਮਨਸ੍ਸਾਨਿ, ਛ ਗੇਹਸਿਤਾਨਿ ਦੋਮਨਸ੍ਸਾਨਿ, ਛ ਗੇਹਸਿਤਾ ਉਪੇਕ੍ਖਾ, ਛ ਦਿਟ੍ਠਿਯੋ. ਛਕ੍ਕਂ.

ਸਤ੍ਤ ਅਨੁਸਯਾ, ਸਤ੍ਤ ਸਂਯੋਜਨਾਨਿ, ਸਤ੍ਤ ਪਰਿਯੁਟ੍ਠਾਨਾਨਿ, ਸਤ੍ਤ ਅਸਦ੍ਧਮ੍ਮਾ, ਸਤ੍ਤ ਦੁਚ੍ਚਰਿਤਾਨਿ, ਸਤ੍ਤ ਮਾਨਾ, ਸਤ੍ਤ ਦਿਟ੍ਠਿਯੋ. ਸਤ੍ਤਕਂ.

ਅਟ੍ਠ ਕਿਲੇਸਵਤ੍ਥੂਨਿ, ਅਟ੍ਠ ਕੁਸੀਤਵਤ੍ਥੂਨਿ, ਅਟ੍ਠਸੁ ਲੋਕਧਮ੍ਮੇਸੁ ਚਿਤ੍ਤਸ੍ਸ ਪਟਿਘਾਤੋ, ਅਟ੍ਠ ਅਨਰਿਯਵੋਹਾਰਾ, ਅਟ੍ਠ ਮਿਚ੍ਛਤ੍ਤਾ, ਅਟ੍ਠ ਪੁਰਿਸਦੋਸਾ, ਅਟ੍ਠ ਅਸਞ੍ਞਿਵਾਦਾ, ਅਟ੍ਠ ਨੇਵਸਞ੍ਞਿਨਾਸਞ੍ਞਿਵਾਦਾ. ਅਟ੍ਠਕਂ.

ਨਵ ਆਘਾਤਵਤ੍ਥੂਨਿ, ਨਵ ਪੁਰਿਸਮਲਾਨਿ, ਨਵਵਿਧਾ ਮਾਨਾ, ਨਵ ਤਣ੍ਹਾਮੂਲਕਾ ਧਮ੍ਮਾ, ਨਵ ਇਞ੍ਜਿਤਾਨਿ, ਨਵ ਮਞ੍ਞਿਤਾਨਿ, ਨਵ ਫਨ੍ਦਿਤਾਨਿ, ਨਵ ਪਪਞ੍ਚਿਤਾਨਿ, ਨਵ ਸਙ੍ਖਤਾਨਿ. ਨਵਕਂ.

ਦਸ ਕਿਲੇਸਵਤ੍ਥੂਨਿ, ਦਸ ਆਘਾਤਵਤ੍ਥੂਨਿ, ਦਸ ਅਕੁਸਲਕਮ੍ਮਪਥਾ, ਦਸ ਸਂਯੋਜਨਾਨਿ, ਦਸ ਮਿਚ੍ਛਤ੍ਤਾ, ਦਸਵਤ੍ਥੁਕਾ ਮਿਚ੍ਛਾਦਿਟ੍ਠਿ, ਦਸਵਤ੍ਥੁਕਾ ਅਨ੍ਤਗ੍ਗਾਹਿਕਾ ਦਿਟ੍ਠਿ. ਦਸਕਂ.

ਅਟ੍ਠਾਰਸ ਤਣ੍ਹਾਵਿਚਰਿਤਾਨਿ ਅਜ੍ਝਤ੍ਤਿਕਸ੍ਸ ਉਪਾਦਾਯ, ਅਟ੍ਠਾਰਸ ਤਣ੍ਹਾਵਿਚਰਿਤਾਨਿ ਬਾਹਿਰਸ੍ਸ ਉਪਾਦਾਯ, ਤਦੇਕਜ੍ਝਂ ਅਭਿਸਞ੍ਞੁਹਿਤ੍ਵਾ ਅਭਿਸਙ੍ਖਿਪਿਤ੍ਵਾ ਛਤ੍ਤਿਂਸ ਤਣ੍ਹਾਵਿਚਰਿਤਾਨਿ ਹੋਨ੍ਤਿ ¶ , ਇਤਿ ਅਤੀਤਾਨਿ ਛਤ੍ਤਿਂਸ ਤਣ੍ਹਾਵਿਚਰਿਤਾਨਿ, ਅਨਾਗਤਾਨਿ ਛਤ੍ਤਿਂਸ ਤਣ੍ਹਾਵਿਚਰਿਤਾਨਿ, ਪਚ੍ਚੁਪ੍ਪਨ੍ਨਾਨਿ ਛਤ੍ਤਿਂਸ ਤਣ੍ਹਾਵਿਚਰਿਤਾਨਿ, ਤਦੇਕਜ੍ਝਂ ਅਭਿਸਞ੍ਞੁਹਿਤ੍ਵਾ ਅਭਿਸਙ੍ਖਿਪਿਤ੍ਵਾ ਅਟ੍ਠ ਤਣ੍ਹਾਵਿਚਰਿਤਸਤਂ ਹੋਤਿ, ਯਾਨਿ ਚ ਦ੍ਵਾਸਟ੍ਠਿ ਦਿਟ੍ਠਿਗਤਾਨਿ ਬ੍ਰਹ੍ਮਜਾਲੇ ਵੇਯ੍ਯਾਕਰਣੇ ਵੁਤ੍ਤਾਨਿ ਭਗਵਤਾ.

ਕਤਿ ¶ ਖਨ੍ਧਾ, ਕਤਿ ਆਯਤਨਾਨਿ, ਕਤਿ ਧਾਤੁਯੋ, ਕਤਿ ਸਚ੍ਚਾਨਿ, ਕਤਿ ਇਨ੍ਦ੍ਰਿਯਾਨਿ, ਕਤਿ ਹੇਤੂ, ਕਤਿ ਆਹਾਰਾ, ਕਤਿ ਫਸ੍ਸਾ, ਕਤਿ ਵੇਦਨਾ, ਕਤਿ ਸਞ੍ਞਾ, ਕਤਿ ਚੇਤਨਾ, ਕਤਿ ਚਿਤ੍ਤਾਨਿ (ਵਿਭ. ੯੭੮)?

ਪਞ੍ਚਕ੍ਖਨ੍ਧਾ, ਦ੍ਵਾਦਸਾਯਤਨਾਨਿ, ਅਟ੍ਠਾਰਸ ਧਾਤੁਯੋ, ਚਤ੍ਤਾਰਿ ਸਚ੍ਚਾਨਿ, ਬਾਵੀਸਤਿਨ੍ਦ੍ਰਿਯਾਨਿ, ਨਵ ਹੇਤੂ, ਚਤ੍ਤਾਰੋ ਆਹਾਰਾ, ਸਤ੍ਤ ਫਸ੍ਸਾ, ਸਤ੍ਤ ਵੇਦਨਾ, ਸਤ੍ਤ ਸਞ੍ਞਾ, ਸਤ੍ਤ ਚੇਤਨਾ, ਸਤ੍ਤ ਚਿਤ੍ਤਾਨਿ (ਵਿਭ. ੯੭੮).

ਸਙ੍ਗਹੋ ਅਸਙ੍ਗਹੋ (ਧਾਤੁ. ੧). ਸਙ੍ਗਹਿਤੇਨ ਅਸਙ੍ਗਹਿਤਂ. ਅਸਙ੍ਗਹਿਤੇਨ ਸਙ੍ਗਹਿਤਂ. ਸਙ੍ਗਹਿਤੇਨ ਸਙ੍ਗਹਿਤਂ. ਅਸਙ੍ਗਹਿਤੇਨ ਅਸਙ੍ਗਹਿਤਂ. ਸਮ੍ਪਯੋਗੋ ਵਿਪ੍ਪਯੋਗੋ. ਸਮ੍ਪਯੁਤ੍ਤੇਨ ਵਿਪ੍ਪਯੁਤ੍ਤਂ. ਵਿਪ੍ਪਯੁਤ੍ਤੇਨ ਸਮ੍ਪਯੁਤ੍ਤਂ. ਸਮ੍ਪਯੁਤ੍ਤੇਨ ਸਮ੍ਪਯੁਤ੍ਤਂ. ਵਿਪ੍ਪਯੁਤ੍ਤੇਨ ¶ ਵਿਪ੍ਪਯੁਤ੍ਤਂ. ਸਙ੍ਗਹਿਤੇਨ ਸਮ੍ਪਯੁਤ੍ਤਂ ਵਿਪ੍ਪਯੁਤ੍ਤਂ. ਸਮ੍ਪਯੁਤ੍ਤੇਨ ਸਙ੍ਗਹਿਤਂ ਅਸਙ੍ਗਹਿਤਂ. ਅਸਙ੍ਗਹਿਤੇਨ ਸਮ੍ਪਯੁਤ੍ਤਂ ਵਿਪ੍ਪਯੁਤ੍ਤਂ. ਵਿਪ੍ਪਯੁਤ੍ਤੇਨ ਸਙ੍ਗਹਿਤਂ ਅਸਙ੍ਗਹਿਤਂ.

ਪਞ੍ਚਕ੍ਖਨ੍ਧਾ. ਦ੍ਵਾਦਸਾਯਤਨਾਨਿ. ਅਟ੍ਠਾਰਸ ਧਾਤੁਯੋ. ਚਤ੍ਤਾਰਿ ਸਚ੍ਚਾਨਿ. ਬਾਵੀਸਤਿਨ੍ਦ੍ਰਿਯਾਨਿ. ਪਟਿਚ੍ਚਸਮੁਪ੍ਪਾਦੋ. ਚਤ੍ਤਾਰੋ ਸਤਿਪਟ੍ਠਾਨਾ. ਚਤ੍ਤਾਰੋ ਸਮ੍ਮਪ੍ਪਧਾਨਾ. ਚਤ੍ਤਾਰੋ ਇਦ੍ਧਿਪਾਦਾ ¶ . ਚਤ੍ਤਾਰਿ ਝਾਨਾਨਿ. ਚਤਸ੍ਸੋ ਅਪ੍ਪਮਞ੍ਞਾਯੋ. ਪਞ੍ਚਿਨ੍ਦ੍ਰਿਯਾਨਿ. ਪਞ੍ਚ ਬਲਾਨਿ. ਸਤ੍ਤ ਬੋਜ੍ਝਙ੍ਗਾ. ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ. ਫਸ੍ਸੋ ਵੇਦਨਾ ਸਞ੍ਞਾ ਚੇਤਨਾ ਚਿਤ੍ਤਂ ਅਧਿਮੋਕ੍ਖੋ ਮਨਸਿਕਾਰੋ.

ਤੀਹਿ ਸਙ੍ਗਹੋ. ਤੀਹਿ ਅਸਙ੍ਗਹੋ. ਚਤੂਹਿ ਸਮ੍ਪਯੋਗੋ. ਚਤੂਹਿ ਵਿਪ੍ਪਯੋਗੋ.

ਸਬ੍ਬਾਪਿ ਧਮ੍ਮਸਙ੍ਗਣੀ ਧਾਤੁਕਥਾਯ ਮਾਤਿਕਾਤਿ.

ਛ ਪਞ੍ਞਤ੍ਤਿਯੋ (ਪੁ. ਪ. ਮਾਤਿਕਾ ੧) – ਖਨ੍ਧਪਞ੍ਞਤ੍ਤਿ ਆਯਤਨਪਞ੍ਞਤ੍ਤਿ ਧਾਤੁਪਞ੍ਞਤ੍ਤਿ ਸਚ੍ਚਪਞ੍ਞਤ੍ਤਿ ਇਨ੍ਦ੍ਰਿਯਪਞ੍ਞਤ੍ਤਿ ਪੁਗ੍ਗਲਪਞ੍ਞਤ੍ਤੀਤਿ.

ਪੁਗ੍ਗਲਪਞ੍ਞਤ੍ਤਿਮਾਤਿਕਾ ਨਿਟ੍ਠਿਤਾ.

ਸੁਦ੍ਧਸਚ੍ਚਿਕਟ੍ਠਅਨੁਲੋਮਪਚ੍ਚਨੀਕਂ

ਪੁਗ੍ਗਲੋ ¶ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ (ਕਥਾ. ੧), ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਪਟਿਕਮ੍ਮਂ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ¶ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਤ੍ਵਂ ਚੇ ਪਨ ਮਞ੍ਞਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ. ਤੇਨ ਤਵ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਂ ਹੇਵਂ ਨਿਗ੍ਗਹੇਤਬ੍ਬੇ, ਅਥ ਤਂ ਨਿਗ੍ਗਣ੍ਹਾਮ, ਸੁਨਿਗ੍ਗਹਿਤੋ ਚ ਹੋਸਿ –

ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਇਦਂ ਤੇ ਮਿਚ੍ਛਾ.

ਏਸੇ ¶ ਚੇ ਦੁਨ੍ਨਿਗ੍ਗਹਿਤੇ ਹੇਵਮੇਵਂ ਤਤ੍ਥ ਦਕ੍ਖ, ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਨੋ ਚ ਮਯਂ ਤਯਾ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਾ ਹੇਵਂ ਨਿਗ੍ਗਹੇਤਬ੍ਬਾ, ਅਥ ਮਂ ਨਿਗ੍ਗਣ੍ਹਾਸਿ, ਦੁਨ੍ਨਿਗ੍ਗਹਿਤਾ ਚ ਹੋਮ –

ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਇਦਂ ਤੇ ਮਿਚ੍ਛਾ.

ਨ ¶ ਹੇਵਂ ਨਿਗ੍ਗਹੇਤਬ੍ਬੇ, ਤੇਨ ਹਿ ਯਂ ਨਿਗ੍ਗਣ੍ਹਾਸਿ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਸੁਦ੍ਧਸਚ੍ਚਿਕਟ੍ਠਪਚ੍ਚਨੀਕਾਨੁਲੋਮਂ

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ¶ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਪਟਿਕਮ੍ਮਂ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਤ੍ਵਂ ¶ ਚੇ ਪਨ ਮਞ੍ਞਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ. ਤੇਨ ਤਵ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਂ ਹੇਵਂ ਨਿਗ੍ਗਹੇਤਬ੍ਬੇ, ਅਥ ਤਂ ਨਿਗ੍ਗਣ੍ਹਾਮ, ਸੁਨਿਗ੍ਗਹਿਤੋ ਚ ਹੋਸਿ –

ਏਸੇ ¶ ਚੇ ਦੁਨ੍ਨਿਗ੍ਗਹਿਤੇ ਹੇਵਮੇਵਂ ਤਤ੍ਥ ਦਕ੍ਖ, ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਨੋ ਚ ਮਯਂ ਤਯਾ ਤਤ੍ਥ ਹੇਤਾਯ ਪਟਿਞ੍ਞਾਯ ਹੇਵਂ ਪਟਿਜਾਨਨ੍ਤਾ ਹੇਵਂ ਨਿਗ੍ਗਹੇਤਬ੍ਬਾ, ਅਥ ਮਂ ਨਿਗ੍ਗਣ੍ਹਾਸਿ, ਦੁਨ੍ਨਿਗ੍ਗਹਿਤਾ ਚ ਹੋਮ –

ਹਞ੍ਚਿ ¶ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨ ਹੇਵਂ ਨਿਗ੍ਗਹੇਤਬ੍ਬੇ, ਤੇਨ ਹਿ ਯਂ ਨਿਗ੍ਗਣ੍ਹਾਸਿ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਓਕਾਸਸਚ੍ਚਿਕਟ੍ਠਅਨੁਲੋਮਪਚ੍ਚਨੀਕਂ

ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਤ੍ਥ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਪੁਗ੍ਗਲੋ ¶ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ¶ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਦਾ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਅਵਯਵਸਚ੍ਚਿਕਟ੍ਠਅਨੁਲੋਮਪਚ੍ਚਨੀਕਂ

ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ? ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬੇਸੁ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਓਕਾਸਸਚ੍ਚਿਕਟ੍ਠਪਚ੍ਚਨੀਕਾਨੁਲੋਮਂ

ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਤ੍ਥ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਪੁਗ੍ਗਲੋ ¶ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬਦਾ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਅਵਯਵਸਚ੍ਚਿਕਟ੍ਠਪਚ੍ਚਨੀਕਾਨੁਲੋਮਂ

ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਆਮਨ੍ਤਾ. ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ? ਨ ਹੇਵਂ ਵਤ੍ਤਬ੍ਬੇ.

ਆਜਾਨਾਹਿ ਨਿਗ੍ਗਹਂ – ਹਞ੍ਚਿ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ.

ਨੋ ¶ ਚੇ ਪਨ ਵਤ੍ਤਬ੍ਬੇ ‘‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਸਬ੍ਬੇਸੁ ਪੁਗ੍ਗਲੋ ਨੁਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’’ਤਿ, ਮਿਚ੍ਛਾ…ਪੇ….

ਯੇ ¶ ਕੇਚਿ ਕੁਸਲਾ ਧਮ੍ਮਾ (ਯਮ. ੧.ਮੂਲਯਮਕ.੧ ਆਦਯੋ), ਸਬ੍ਬੇ ਤੇ ਕੁਸਲਮੂਲਾ. ਯੇ ਵਾ ਪਨ ਕੁਸਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਾ. ਯੇ ਵਾ ਪਨ ਕੁਸਲਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਅਞ੍ਞਮਞ੍ਞਮੂਲਾ. ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਮੂਲਾ. ਯੇ ਵਾ ਪਨ ਕੁਸਲਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ¶ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਮੂਲਾ. ਯੇ ਵਾ ਪਨ ਕੁਸਲਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ. ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਕਾ. ਯੇ ਵਾ ਪਨ ਕੁਸਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਕਾ. ਯੇ ਵਾ ਪਨ ਕੁਸਲਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ¶ ਕੇਚਿ ਕੁਸਲਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ. ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਮੂਲਕਾ. ਯੇ ਵਾ ਪਨ ਕੁਸਲਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਮੂਲਕਾ. ਯੇ ਵਾ ਪਨ ਕੁਸਲਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਕੁਸਲਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾ. ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਾ. ਯੇ ਵਾ ਪਨ ਅਕੁਸਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ¶ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਾ. ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਾ. ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਮੂਲਾ. ਯੇ ਵਾ ਪਨ ਅਕੁਸਲਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਮੂਲਾ. ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ¶ ਕੇਚਿ ਅਕੁਸਲਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ. ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਕਾ. ਯੇ ਵਾ ਪਨ ਅਕੁਸਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਕਾ. ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ. ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲਮੂਲਕਾ. ਯੇ ਵਾ ਪਨ ਅਕੁਸਲਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ¶ ਕੇਚਿ ਅਕੁਸਲਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਏਕਮੂਲਮੂਲਕਾ. ਯੇ ਵਾ ਪਨ ਅਕੁਸਲਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਕੁਸਲਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾ. ਯੇ ਵਾ ਪਨ ਅਕੁਸਲਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਕੁਸਲਾ.

ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ¶ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ¶ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ¶ ਕੇਚਿ ਅਬ੍ਯਾਕਤਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਅਬ੍ਯਾਕਤਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਕਾ. ਯੇ ਵਾ ਪਨ ਅਬ੍ਯਾਕਤਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਅਬ੍ਯਾਕਤਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲਾ. ਯੇ ਵਾ ਪਨ ਨਾਮਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਏਕਮੂਲਾ. ਯੇ ਵਾ ਪਨ ਨਾਮਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ¶ ਕੇਚਿ ਨਾਮਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਅਞ੍ਞਮਞ੍ਞਮੂਲਾ. ਯੇ ਵਾ ਪਨ ਨਾਮਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲਮੂਲਾ. ਯੇ ਵਾ ਪਨ ਨਾਮਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਏਕਮੂਲਮੂਲਾ. ਯੇ ਵਾ ਪਨ ਨਾਮਮੂਲੇਨ ਏਕਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਮੂਲੇਨ ਏਕਮੂਲਮੂਲਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਅਞ੍ਞਮਞ੍ਞਮੂਲਮੂਲਾ. ਯੇ ਵਾ ਪਨ ਨਾਮਮੂਲੇਨ ਅਞ੍ਞਮਞ੍ਞਮੂਲਮੂਲਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲਕਾ. ਯੇ ਵਾ ਪਨ ਨਾਮਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ¶ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਏਕਮੂਲਕਾ. ਯੇ ਵਾ ਪਨ ਨਾਮਮੂਲੇਨ ਏਕਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਮੂਲੇਨ ਏਕਮੂਲਕਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਅਞ੍ਞਮਞ੍ਞਮੂਲਕਾ. ਯੇ ਵਾ ਪਨ ਨਾਮਮੂਲੇਨ ਅਞ੍ਞਮਞ੍ਞਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲਮੂਲਕਾ. ਯੇ ਵਾ ਪਨ ਨਾਮਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਨਾਮਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਏਕਮੂਲਮੂਲਕਾ. ਯੇ ਵਾ ਪਨ ਨਾਮਮੂਲੇਨ ਏਕਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ¶ ਕੇਚਿ ਨਾਮਮੂਲੇਨ ਏਕਮੂਲਮੂਲਕਾ ਧਮ੍ਮਾ, ਸਬ੍ਬੇ ਤੇ ਨਾਮਮੂਲੇਨ ਅਞ੍ਞਮਞ੍ਞਮੂਲਮੂਲਕਾ. ਯੇ ਵਾ ਪਨ ਨਾਮਮੂਲੇਨ ਅਞ੍ਞਮਞ੍ਞਮੂਲਮੂਲਕਾ, ਸਬ੍ਬੇ ਤੇ ਧਮ੍ਮਾ ਨਾਮਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਹੇਤੂ…ਪੇ… ਕੁਸਲਨਿਦਾਨਾ…ਪੇ… ਕੁਸਲਸਮ੍ਭਵਾ…ਪੇ… ਕੁਸਲਪ੍ਪਭਵਾ…ਪੇ… ਕੁਸਲਸਮੁਟ੍ਠਾਨਾ…ਪੇ… ਕੁਸਲਾਹਾਰਾ…ਪੇ… ਕੁਸਲਾਰਮ੍ਮਣਾ…ਪੇ… ਕੁਸਲਪਚ੍ਚਯਾ…ਪੇ… ਕੁਸਲਸਮੁਦਯਾ…ਪੇ….

ਮੂਲਂ ਹੇਤੁ ਨਿਦਾਨਞ੍ਚ, ਸਮ੍ਭਵੋ ਪਭਵੇਨ ਚ;

ਸਮੁਟ੍ਠਾਨਾਹਾਰਾਰਮ੍ਮਣਾ, ਪਚ੍ਚਯੋ ਸਮੁਦਯੇਨ ਚਾਤਿ.

ਪਞ੍ਚਕ੍ਖਨ੍ਧਾ (ਯਮ. ੧.ਖਨ੍ਧਯਮਕ.੧ ਆਦਯੋ) – ਰੂਪਕ੍ਖਨ੍ਧੋ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ.

ਰੂਪਂ ¶ ਰੂਪਕ੍ਖਨ੍ਧੋ, ਰੂਪਕ੍ਖਨ੍ਧੋ ਰੂਪਂ.

ਵੇਦਨਾ ਵੇਦਨਾਕ੍ਖਨ੍ਧੋ, ਵੇਦਨਾਕ੍ਖਨ੍ਧੋ ਵੇਦਨਾ.

ਸਞ੍ਞਾ ਸਞ੍ਞਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ ਸਞ੍ਞਾ.

ਸਙ੍ਖਾਰਾ ਸਙ੍ਖਾਰਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ ਸਙ੍ਖਾਰਾ.

ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ ਵਿਞ੍ਞਾਣਂ.

ਨ ¶ ਰੂਪਂ ਨ ਰੂਪਕ੍ਖਨ੍ਧੋ, ਨ ਰੂਪਕ੍ਖਨ੍ਧੋ ਨ ਰੂਪਂ.

ਨ ਵੇਦਨਾ ਨ ਵੇਦਨਾਕ੍ਖਨ੍ਧੋ, ਨ ਵੇਦਨਾਕ੍ਖਨ੍ਧੋ ਨ ਵੇਦਨਾ.

ਨ ਸਞ੍ਞਾ ਨ ਸਞ੍ਞਾਕ੍ਖਨ੍ਧੋ, ਨ ਸਞ੍ਞਾਕ੍ਖਨ੍ਧੋ ਨ ਸਞ੍ਞਾ.

ਨ ਸਙ੍ਖਾਰਾ ਨ ਸਙ੍ਖਾਰਕ੍ਖਨ੍ਧੋ, ਨ ਸਙ੍ਖਾਰਕ੍ਖਨ੍ਧੋ ਨ ਸਙ੍ਖਾਰਾ.

ਨ ਵਿਞ੍ਞਾਣਂ ਨ ਵਿਞ੍ਞਾਣਕ੍ਖਨ੍ਧੋ, ਨ ਵਿਞ੍ਞਾਣਕ੍ਖਨ੍ਧੋ ਨ ਵਿਞ੍ਞਾਣਂ.

ਰੂਪਂ ਰੂਪਕ੍ਖਨ੍ਧੋ, ਖਨ੍ਧਾ ਵੇਦਨਾਕ੍ਖਨ੍ਧੋ.

ਰੂਪਂ ਰੂਪਕ੍ਖਨ੍ਧੋ, ਖਨ੍ਧਾ ਸਞ੍ਞਾਕ੍ਖਨ੍ਧੋ.

ਰੂਪਂ ਰੂਪਕ੍ਖਨ੍ਧੋ, ਖਨ੍ਧਾ ਸਙ੍ਖਾਰਕ੍ਖਨ੍ਧੋ.

ਰੂਪਂ ਰੂਪਕ੍ਖਨ੍ਧੋ, ਖਨ੍ਧਾ ਵਿਞ੍ਞਾਣਕ੍ਖਨ੍ਧੋ.

ਵੇਦਨਾ ਵੇਦਨਾਕ੍ਖਨ੍ਧੋ, ਖਨ੍ਧਾ ਰੂਪਕ੍ਖਨ੍ਧੋ.

ਵੇਦਨਾ ਵੇਦਨਾਕ੍ਖਨ੍ਧੋ, ਖਨ੍ਧਾ ਸਞ੍ਞਾਕ੍ਖਨ੍ਧੋ.

ਵੇਦਨਾ ਵੇਦਨਾਕ੍ਖਨ੍ਧੋ, ਖਨ੍ਧਾ ਸਙ੍ਖਾਰਕ੍ਖਨ੍ਧੋ.

ਵੇਦਨਾ ਵੇਦਨਾਕ੍ਖਨ੍ਧੋ, ਖਨ੍ਧਾ ਵਿਞ੍ਞਾਣਕ੍ਖਨ੍ਧੋ.

ਸਞ੍ਞਾ ¶ ਸਞ੍ਞਾਕ੍ਖਨ੍ਧੋ, ਖਨ੍ਧਾ ਰੂਪਕ੍ਖਨ੍ਧੋ.

ਸਞ੍ਞਾ ਸਞ੍ਞਾਕ੍ਖਨ੍ਧੋ, ਖਨ੍ਧਾ ਵੇਦਨਾਕ੍ਖਨ੍ਧੋ.

ਸਞ੍ਞਾ ਸਞ੍ਞਾਕ੍ਖਨ੍ਧੋ, ਖਨ੍ਧਾ ਸਙ੍ਖਾਰਕ੍ਖਨ੍ਧੋ.

ਸਞ੍ਞਾ ਸਞ੍ਞਾਕ੍ਖਨ੍ਧੋ, ਖਨ੍ਧਾ ਵਿਞ੍ਞਾਣਕ੍ਖਨ੍ਧੋ.

ਸਙ੍ਖਾਰਾ ¶ ਸਙ੍ਖਾਰਕ੍ਖਨ੍ਧੋ, ਖਨ੍ਧਾ ਰੂਪਕ੍ਖਨ੍ਧੋ.

ਸਙ੍ਖਾਰਾ ਸਙ੍ਖਾਰਕ੍ਖਨ੍ਧੋ, ਖਨ੍ਧਾ ਵੇਦਨਾਕ੍ਖਨ੍ਧੋ.

ਸਙ੍ਖਾਰਾ ਸਙ੍ਖਾਰਕ੍ਖਨ੍ਧੋ, ਖਨ੍ਧਾ ਸਞ੍ਞਾਕ੍ਖਨ੍ਧੋ.

ਸਙ੍ਖਾਰਾ ਸਙ੍ਖਾਰਕ੍ਖਨ੍ਧੋ, ਖਨ੍ਧਾ ਵਿਞ੍ਞਾਣਕ੍ਖਨ੍ਧੋ.

ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਖਨ੍ਧਾ ਰੂਪਕ੍ਖਨ੍ਧੋ.

ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਖਨ੍ਧਾ ਵੇਦਨਾਕ੍ਖਨ੍ਧੋ.

ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਖਨ੍ਧਾ ਸਞ੍ਞਾਕ੍ਖਨ੍ਧੋ.

ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਖਨ੍ਧਾ ਸਙ੍ਖਾਰਕ੍ਖਨ੍ਧੋ.

ਨ ਰੂਪਂ ਨ ਰੂਪਕ੍ਖਨ੍ਧੋ, ਨ ਖਨ੍ਧਾ ਨ ਵੇਦਨਾਕ੍ਖਨ੍ਧੋ.

ਨ ਰੂਪਂ ਨ ਰੂਪਕ੍ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾਕ੍ਖਨ੍ਧੋ.

ਨ ਰੂਪਂ ਨ ਰੂਪਕ੍ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਕ੍ਖਨ੍ਧੋ.

ਨ ਰੂਪਂ ਨ ਰੂਪਕ੍ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਕ੍ਖਨ੍ਧੋ.

ਨ ਵੇਦਨਾ ਨ ਵੇਦਨਾਕ੍ਖਨ੍ਧੋ, ਨ ਖਨ੍ਧਾ ਨ ਰੂਪਕ੍ਖਨ੍ਧੋ.

ਨ ਵੇਦਨਾ ਨ ਵੇਦਨਾਕ੍ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾਕ੍ਖਨ੍ਧੋ.

ਨ ਵੇਦਨਾ ਨ ਵੇਦਨਾਕ੍ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਕ੍ਖਨ੍ਧੋ.

ਨ ਵੇਦਨਾ ਨ ਵੇਦਨਾਕ੍ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਕ੍ਖਨ੍ਧੋ.

ਨ ਸਞ੍ਞਾ ਨ ਸਞ੍ਞਾਕ੍ਖਨ੍ਧੋ, ਨ ਖਨ੍ਧਾ ਨ ਰੂਪਕ੍ਖਨ੍ਧੋ.

ਨ ਸਞ੍ਞਾ ਨ ਸਞ੍ਞਾਕ੍ਖਨ੍ਧੋ, ਨ ਖਨ੍ਧਾ ਨ ਵੇਦਨਾਕ੍ਖਨ੍ਧੋ.

ਨ ਸਞ੍ਞਾ ਨ ਸਞ੍ਞਾਕ੍ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਕ੍ਖਨ੍ਧੋ.

ਨ ਸਞ੍ਞਾ ਨ ਸਞ੍ਞਾਕ੍ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਕ੍ਖਨ੍ਧੋ.

ਨ ¶ ¶ ਸਙ੍ਖਾਰਾ ਨ ਸਙ੍ਖਾਰਕ੍ਖਨ੍ਧੋ, ਨ ਖਨ੍ਧਾ ਨ ਰੂਪਕ੍ਖਨ੍ਧੋ.

ਨ ਸਙ੍ਖਾਰਾ ਨ ਸਙ੍ਖਾਰਕ੍ਖਨ੍ਧੋ, ਨ ਖਨ੍ਧਾ ਨ ਵੇਦਨਾਕ੍ਖਨ੍ਧੋ.

ਨ ਸਙ੍ਖਾਰਾ ਨ ਸਙ੍ਖਾਰਕ੍ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾਕ੍ਖਨ੍ਧੋ.

ਨ ਸਙ੍ਖਾਰਾ ਨ ਸਙ੍ਖਾਰਕ੍ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਕ੍ਖਨ੍ਧੋ.

ਨ ਵਿਞ੍ਞਾਣਂ ਨ ਵਿਞ੍ਞਾਣਕ੍ਖਨ੍ਧੋ, ਨ ਖਨ੍ਧਾ ਨ ਰੂਪਕ੍ਖਨ੍ਧੋ.

ਨ ਵਿਞ੍ਞਾਣਂ ਨ ਵਿਞ੍ਞਾਣਕ੍ਖਨ੍ਧੋ, ਨ ਖਨ੍ਧਾ ਨ ਵੇਦਨਾਕ੍ਖਨ੍ਧੋ.

ਨ ਵਿਞ੍ਞਾਣਂ ਨ ਵਿਞ੍ਞਾਣਕ੍ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾਕ੍ਖਨ੍ਧੋ.

ਨ ਵਿਞ੍ਞਾਣਂ ਨ ਵਿਞ੍ਞਾਣਕ੍ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਕ੍ਖਨ੍ਧੋ.

ਵਿਞ੍ਞਾਣਂ ਖਨ੍ਧੋ, ਖਨ੍ਧਾ ਵਿਞ੍ਞਾਣਂ.

ਨ ਵੇਦਨਾ ਨ ਖਨ੍ਧੋ, ਨ ਖਨ੍ਧਾ ਨ ਵੇਦਨਾ.

ਨ ਸਞ੍ਞਾ ਨ ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾ.

ਨ ਸਙ੍ਖਾਰਾ ਨ ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਾ.

ਨ ਵਿਞ੍ਞਾਣਂ ਨ ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਂ.

ਸਙ੍ਖਾਰਾ ਖਨ੍ਧੋ, ਖਨ੍ਧਾ ਵਿਞ੍ਞਾਣਂ.

ਵਿਞ੍ਞਾਣਂ ਖਨ੍ਧੋ, ਖਨ੍ਧਾ ਸਙ੍ਖਾਰਾ.

ਨ ¶ ਰੂਪਂ ਨ ਖਨ੍ਧੋ, ਨ ਖਨ੍ਧਾ ਨ ਵੇਦਨਾ.

ਨ ਰੂਪਂ ਨ ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਾ.

ਨ ਰੂਪਂ ਨ ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਂ.

ਨ ਵੇਦਨਾ ਨ ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾ.

ਨ ਵੇਦਨਾ ਨ ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਾ.

ਨ ਵੇਦਨਾ ਨ ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਂ.

ਨ ¶ ਸਞ੍ਞਾ ਨ ਖਨ੍ਧੋ, ਨ ਖਨ੍ਧਾ ਨ ਰੂਪਂ.

ਨ ਸਞ੍ਞਾ ਨ ਖਨ੍ਧੋ, ਨ ਖਨ੍ਧਾ ਨ ਵੇਦਨਾ.

ਨ ਸਞ੍ਞਾ ਨ ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਾ.

ਨ ਸਞ੍ਞਾ ਨ ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਂ.

ਨ ਸਙ੍ਖਾਰਾ ਨ ਖਨ੍ਧੋ, ਨ ਖਨ੍ਧਾ ਨ ਰੂਪਂ.

ਨ ਸਙ੍ਖਾਰਾ ਨ ਖਨ੍ਧੋ, ਨ ਖਨ੍ਧਾ ਨ ਵੇਦਨਾ.

ਨ ਸਙ੍ਖਾਰਾ ਨ ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾ.

ਨ ਸਙ੍ਖਾਰਾ ਨ ਖਨ੍ਧੋ, ਨ ਖਨ੍ਧਾ ਨ ਵਿਞ੍ਞਾਣਂ.

ਨ ਵਿਞ੍ਞਾਣਂ ਨ ਖਨ੍ਧੋ, ਨ ਖਨ੍ਧਾ ਨ ਰੂਪਂ.

ਨ ਵਿਞ੍ਞਾਣਂ ਨ ਖਨ੍ਧੋ, ਨ ਖਨ੍ਧਾ ਨ ਵੇਦਨਾ.

ਨ ਵਿਞ੍ਞਾਣਂ ਨ ਖਨ੍ਧੋ, ਨ ਖਨ੍ਧਾ ਨ ਸਞ੍ਞਾ.

ਨ ਵਿਞ੍ਞਾਣਂ ਨ ਖਨ੍ਧੋ, ਨ ਖਨ੍ਧਾ ਨ ਸਙ੍ਖਾਰਾ.

ਦ੍ਵਾਦਸਾਯਤਨਾਨਿ ¶ (ਯਮ. ੧.ਆਯਤਨਯਮਕ.੧ ਆਦਯੋ) – ਚਕ੍ਖਾਯਤਨਂ ਸੋਤਾਯਤਨਂ ਘਾਨਾਯਤਨਂ ਜਿਵ੍ਹਾਯਤਨਂ ਕਾਯਾਯਤਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮਨਾਯਤਨਂ ਧਮ੍ਮਾਯਤਨਂ.

ਚਕ੍ਖੁ ਚਕ੍ਖਾਯਤਨਂ, ਚਕ੍ਖਾਯਤਨਂ ਚਕ੍ਖੁ.

ਜਿਵ੍ਹਾ ¶ ਜਿਵ੍ਹਾਯਤਨਂ, ਜਿਵ੍ਹਾਯਤਨਂ ਜਿਵ੍ਹਾ.

ਸਦ੍ਦੋ ਸਦ੍ਦਾਯਤਨਂ, ਸਦ੍ਦਾਯਤਨਂ ਸਦ੍ਦੋ.

ਗਨ੍ਧੋ ਗਨ੍ਧਾਯਤਨਂ, ਗਨ੍ਧਾਯਤਨਂ ਗਨ੍ਧੋ.

ਫੋਟ੍ਠਬ੍ਬੋ ਫੋਟ੍ਠਬ੍ਬਾਯਤਨਂ, ਫੋਟ੍ਠਬ੍ਬਾਯਤਨਂ ਫੋਟ੍ਠਬ੍ਬੋ.

ਧਮ੍ਮੋ ਧਮ੍ਮਾਯਤਨਂ, ਧਮ੍ਮਾਯਤਨਂ ਧਮ੍ਮੋ.

ਨ ¶ ਚਕ੍ਖੁ ਨ ਚਕ੍ਖਾਯਤਨਂ, ਨ ਚਕ੍ਖਾਯਤਨਂ ਨ ਚਕ੍ਖੁ.

ਨ ਸੋਤਂ ਨ ਸੋਤਾਯਤਨਂ, ਨ ਸੋਤਾਯਤਨਂ ਨ ਸੋਤਂ.

ਨ ਘਾਨਂ ਨ ਘਾਨਾਯਤਨਂ, ਨ ਘਾਨਾਯਤਨਂ ਨ ਘਾਨਂ.

ਨ ਜਿਵ੍ਹਾ ਨ ਜਿਵ੍ਹਾਯਤਨਂ, ਨ ਜਿਵ੍ਹਾਯਤਨਂ ਨ ਜਿਵ੍ਹਾ.

ਨ ਕਾਯੋ ਨ ਕਾਯਾਯਤਨਂ, ਨ ਕਾਯਾਯਤਨਂ ਨ ਕਾਯੋ.

ਨ ਰੂਪਂ ਨ ਰੂਪਾਯਤਨਂ, ਨ ਰੂਪਾਯਤਨਂ ਨ ਰੂਪਂ.

ਨ ਸਦ੍ਦੋ ਨ ਸਦ੍ਦਾਯਤਨਂ, ਨ ਸਦ੍ਦਾਯਤਨਂ ਨ ਸਦ੍ਦੋ.

ਨ ਗਨ੍ਧੋ ਨ ਗਨ੍ਧਾਯਤਨਂ, ਨ ਗਨ੍ਧਾਯਤਨਂ ਨ ਗਨ੍ਧੋ.

ਨ ਰਸੋ ਨ ਰਸਾਯਤਨਂ, ਨ ਰਸਾਯਤਨਂ ਨ ਰਸੋ.

ਨ ਫੋਟ੍ਠਬ੍ਬੋ ਨ ਫੋਟ੍ਠਬ੍ਬਾਯਤਨਂ, ਨ ਫੋਟ੍ਠਬ੍ਬਾਯਤਨਂ ਨ ਫੋਟ੍ਠਬ੍ਬੋ.

ਨ ਮਨੋ ਨ ਮਨਾਯਤਨਂ, ਨ ਮਨਾਯਤਨਂ ਨ ਮਨੋ.

ਨ ਧਮ੍ਮੋ ਨ ਧਮ੍ਮਾਯਤਨਂ, ਨ ਧਮ੍ਮਾਯਤਨਂ ਨ ਧਮ੍ਮੋ.

ਚਕ੍ਖੁ ¶ ਚਕ੍ਖਾਯਤਨਂ, ਆਯਤਨਾ ਸੋਤਾਯਤਨਂ.

ਚਕ੍ਖੁ ਚਕ੍ਖਾਯਤਨਂ, ਆਯਤਨਾ ਘਾਨਾਯਤਨਂ.

ਚਕ੍ਖੁ ਚਕ੍ਖਾਯਤਨਂ, ਆਯਤਨਾ ਜਿਵ੍ਹਾਯਤਨਂ…ਪੇ….

ਚਕ੍ਖੁ ਚਕ੍ਖਾਯਤਨਂ, ਆਯਤਨਾ ਧਮ੍ਮਾਯਤਨਂ.

ਸੋਤਂ ਸੋਤਾਯਤਨਂ, ਆਯਤਨਾ ਚਕ੍ਖਾਯਤਨਂ.

ਸੋਤਂ ਸੋਤਾਯਤਨਂ, ਆਯਤਨਾ ਘਾਨਾਯਤਨਂ…ਪੇ….

ਸੋਤਂ ਸੋਤਾਯਤਨਂ, ਆਯਤਨਾ ਧਮ੍ਮਾਯਤਨਂ.

ਘਾਨਂ ¶ ਘਾਨਾਯਤਨਂ, ਆਯਤਨਾ ਚਕ੍ਖਾਯਤਨਂ…ਪੇ….

ਘਾਨਂ ਘਾਨਾਯਤਨਂ, ਆਯਤਨਾ ਧਮ੍ਮਾਯਤਨਂ…ਪੇ….

ਧਮ੍ਮੋ ਧਮ੍ਮਾਯਤਨਂ, ਆਯਤਨਾ ਚਕ੍ਖਾਯਤਨਂ.

ਧਮ੍ਮੋ ਧਮ੍ਮਾਯਤਨਂ, ਆਯਤਨਾ ਸੋਤਾਯਤਨਂ…ਪੇ….

ਧਮ੍ਮੋ ਧਮ੍ਮਾਯਤਨਂ, ਆਯਤਨਾ ਮਨਾਯਤਨਂ. (ਚਕ੍ਕਂ ਬਨ੍ਧਿਤਬ੍ਬਂ.)

ਨ ਚਕ੍ਖੁ ਨ ਚਕ੍ਖਾਯਤਨਂ, ਨਾਯਤਨਾ ਨ ਸੋਤਾਯਤਨਂ.

ਨ ਚਕ੍ਖੁ ਨ ਚਕ੍ਖਾਯਤਨਂ, ਨਾਯਤਨਾ ਨ ਘਾਨਾਯਤਨਂ…ਪੇ….

ਨ ਚਕ੍ਖੁ ਨ ਚਕ੍ਖਾਯਤਨਂ, ਨਾਯਤਨਾ ਨ ਧਮ੍ਮਾਯਤਨਂ.

ਨ ਸੋਤਂ ਨ ਸੋਤਾਯਤਨਂ, ਨਾਯਤਨਾ ਨ ਚਕ੍ਖਾਯਤਨਂ…ਪੇ….

ਨ ਸੋਤਂ ਨ ਸੋਤਾਯਤਨਂ, ਨਾਯਤਨਾ ਨ ਧਮ੍ਮਾਯਤਨਂ.

ਨ ਘਾਨਂ ਨ ਘਾਨਾਯਤਨਂ, ਨਾਯਤਨਾ ਨ ਚਕ੍ਖਾਯਤਨਂ…ਪੇ….

ਨ ਘਾਨਂ ਨ ਘਾਨਾਯਤਨਂ, ਨਾਯਤਨਾ ਨ ਧਮ੍ਮਾਯਤਨਂ…ਪੇ….

ਨ ਧਮ੍ਮੋ ਨ ਧਮ੍ਮਾਯਤਨਂ, ਨਾਯਤਨਾ ਨ ਚਕ੍ਖਾਯਤਨਂ.

ਨ ਧਮ੍ਮੋ ਨ ਧਮ੍ਮਾਯਤਨਂ, ਨਾਯਤਨਾ ਨ ਸੋਤਾਯਤਨਂ…ਪੇ….

ਨ ਧਮ੍ਮੋ ਨ ਧਮ੍ਮਾਯਤਨਂ, ਨਾਯਤਨਾ ਨ ਮਨਾਯਤਨਂ. (ਚਕ੍ਕਂ ਬਨ੍ਧਿਤਬ੍ਬਂ.)

ਫੋਟ੍ਠਬ੍ਬੋ ਆਯਤਨਂ, ਆਯਤਨਾ ਫੋਟ੍ਠਬ੍ਬੋ.

ਨ ਜਿਵ੍ਹਾ ਨਾਯਤਨਂ, ਨਾਯਤਨਾ ਨ ਜਿਵ੍ਹਾ.

ਨ ¶ ਫੋਟ੍ਠਬ੍ਬੋ ਨਾਯਤਨਂ, ਨਾਯਤਨਾ ਨ ਫੋਟ੍ਠਬ੍ਬੋ.

ਧਮ੍ਮੋ ਆਯਤਨਂ, ਆਯਤਨਾ ਮਨੋ. (ਚਕ੍ਕਂ ਬਨ੍ਧਿਤਬ੍ਬਂ.)

ਨ ਚਕ੍ਖੁ ਨਾਯਤਨਂ, ਨਾਯਤਨਾ ਨ ਸੋਤਂ…ਪੇ….

ਨ ਸੋਤਂ ਨਾਯਤਨਂ, ਨਾਯਤਨਾ ਨ ਚਕ੍ਖੁ…ਪੇ….

ਨ ¶ ਘਾਨਂ ਨਾਯਤਨਂ, ਨਾਯਤਨਾ ਨ ਚਕ੍ਖੁ…ਪੇ….

ਨ ਘਾਨਂ ਨਾਯਤਨਂ, ਨਾਯਤਨਾ ਨ ਧਮ੍ਮੋ…ਪੇ….

ਨ ਧਮ੍ਮੋ ਨਾਯਤਨਂ, ਨਾਯਤਨਾ ਨ ਸੋਤਂ…ਪੇ….

ਨ ਧਮ੍ਮੋ ਨਾਯਤਨਂ, ਨਾਯਤਨਾ ਨ ਮਨੋ. (ਚਕ੍ਕਂ ਬਨ੍ਧਿਤਬ੍ਬਂ.)

ਅਟ੍ਠਾਰਸ ¶ ਧਾਤੁਯੋ (ਯਮ. ੧.ਧਾਤੁਰਮਕ.੧ ਆਦਯੋ) – ਚਕ੍ਖੁਧਾਤੁ ਸੋਤਧਾਤੁ ਘਾਨਧਾਤੁ ਜਿਵ੍ਹਾਧਾਤੁ ਕਾਯਧਾਤੁ ਰੂਪਧਾਤੁ ਸਦ੍ਦਧਾਤੁ ਗਨ੍ਧਧਾਤੁ ਰਸਧਾਤੁ ਫੋਟ੍ਠਬ੍ਬਧਾਤੁ ਚਕ੍ਖੁਵਿਞ੍ਞਾਣਧਾਤੁ ਸੋਤਵਿਞ੍ਞਾਣਧਾਤੁ ਘਾਨਵਿਞ੍ਞਾਣਧਾਤੁ ਜਿਵ੍ਹਾਵਿਞ੍ਞਾਣਧਾਤੁ ਕਾਯਵਿਞ੍ਞਾਣਧਾਤੁ ਮਨੋਧਾਤੁ ਮਨੋਵਿਞ੍ਞਾਣਧਾਤੁ ਧਮ੍ਮਧਾਤੁ.

ਚਕ੍ਖੁ ਚਕ੍ਖੁਧਾਤੁ, ਚਕ੍ਖੁਧਾਤੁ ਚਕ੍ਖੁ.

ਸੋਤਂ ਸੋਤਧਾਤੁ, ਸੋਤਧਾਤੁ ਸੋਤਂ…ਪੇ….

ਚਕ੍ਖੁਵਿਞ੍ਞਾਣਂ ਚਕ੍ਖੁਵਿਞ੍ਞਾਣਧਾਤੁ, ਚਕ੍ਖੁਵਿਞ੍ਞਾਣਧਾਤੁ ਚਕ੍ਖੁਵਿਞ੍ਞਾਣਂ…ਪੇ….

ਮਨੋਵਿਞ੍ਞਾਣਂ ¶ ਮਨੋਵਿਞ੍ਞਾਣਧਾਤੁ, ਮਨੋਵਿਞ੍ਞਾਣਧਾਤੁ ਮਨੋਵਿਞ੍ਞਾਣਂ.

ਧਮ੍ਮੋ ਧਮ੍ਮਧਾਤੁ, ਧਮ੍ਮਧਾਤੁ ਧਮ੍ਮੋ.

ਨ ਚਕ੍ਖੁ ਨ ਚਕ੍ਖੁਧਾਤੁ, ਨ ਚਕ੍ਖੁਧਾਤੁ ਨ ਚਕ੍ਖੁ.

ਨ ਸੋਤਂ ਨ ਸੋਤਧਾਤੁ, ਨ ਸੋਤਧਾਤੁ ਨ ਸੋਤਂ…ਪੇ….

ਨ ਚਕ੍ਖੁਵਿਞ੍ਞਾਣਂ ਨ ਚਕ੍ਖੁਵਿਞ੍ਞਾਣਧਾਤੁ, ਨ ਚਕ੍ਖੁਵਿਞ੍ਞਾਣਧਾਤੁ ਨ ਚਕ੍ਖੁਵਿਞ੍ਞਾਣਂ…ਪੇ….

ਨ ਮਨੋ ਨ ਮਨੋਧਾਤੁ, ਨ ਮਨੋਧਾਤੁ ਨ ਮਨੋ.

ਨ ¶ ਮਨੋਵਿਞ੍ਞਾਣਂ ਨ ਮਨੋਵਿਞ੍ਞਾਣਧਾਤੁ, ਨ ਮਨੋਵਿਞ੍ਞਾਣਧਾਤੁ ਨ ਮਨੋਵਿਞ੍ਞਾਣਂ.

ਨ ਧਮ੍ਮੋ ਨ ਧਮ੍ਮਧਾਤੁ, ਨ ਧਮ੍ਮਧਾਤੁ ਨ ਧਮ੍ਮੋ.

ਚਕ੍ਖੁ ਚਕ੍ਖੁਧਾਤੁ, ਧਾਤੂ ਸੋਤਧਾਤੁ…ਪੇ….

ਚਕ੍ਖੁ ਚਕ੍ਖੁਧਾਤੁ, ਧਾਤੂ ਧਮ੍ਮਧਾਤੁ. (ਯਥਾ ਆਯਤਨਯਮਕੇ ਚਕ੍ਕਂ ਬਨ੍ਧਿਤਂ, ਏਵਮਿਧ ਚਕ੍ਕਂ ਬਨ੍ਧਿਤਬ੍ਬਂ.)

ਨ ਚਕ੍ਖੁ ਨ ਚਕ੍ਖੁਧਾਤੁ, ਨ ਧਾਤੂ ਨ ਸੋਤਧਾਤੁ.

ਨ ਚਕ੍ਖੁ ਨ ਚਕ੍ਖੁਧਾਤੁ, ਨ ਧਾਤੂ ਨ ਘਾਨਧਾਤੁ…ਪੇ….

ਨ ਚਕ੍ਖੁ ਨ ਚਕ੍ਖੁਧਾਤੁ, ਨ ਧਾਤੂ ਨ ਧਮ੍ਮਧਾਤੁ…ਪੇ….

ਨ ਧਮ੍ਮੋ ਨ ਧਮ੍ਮਧਾਤੁ, ਨ ਧਾਤੂ ਨ ਚਕ੍ਖੁਧਾਤੁ…ਪੇ….

ਨ ਧਮ੍ਮੋ ਨ ਧਮ੍ਮਧਾਤੁ, ਨ ਧਾਤੂ ਨ ਮਨੋਵਿਞ੍ਞਾਣਧਾਤੁ. (ਚਕ੍ਕਂ ਬਨ੍ਧਿਤਬ੍ਬਂ.)

ਚਕ੍ਖੁਵਿਞ੍ਞਾਣਂ ਧਾਤੁ, ਧਾਤੂ ਚਕ੍ਖੁਵਿਞ੍ਞਾਣਂ…ਪੇ….

ਮਨੋਵਿਞ੍ਞਾਣਂ ਧਾਤੁ, ਧਾਤੂ ਮਨੋਵਿਞ੍ਞਾਣਂ.

ਨ ਚਕ੍ਖੁ ਨ ਧਾਤੁ, ਨ ਧਾਤੂ ਨ ਚਕ੍ਖੁ…ਪੇ….

ਨ ਚਕ੍ਖੁਵਿਞ੍ਞਾਣਂ ਨ ਧਾਤੁ, ਨ ਧਾਤੂ ਨ ਚਕ੍ਖੁਵਿਞ੍ਞਾਣਂ…ਪੇ….

ਨ ¶ ਮਨੋਵਿਞ੍ਞਾਣਂ ਨ ਧਾਤੁ, ਨ ਧਾਤੂ ਨ ਮਨੋਵਿਞ੍ਞਾਣਂ.

ਧਮ੍ਮੋ ਧਾਤੁ, ਧਾਤੂ ਮਨੋਵਿਞ੍ਞਾਣਂ. (ਚਕ੍ਕਂ ਬਨ੍ਧਿਤਬ੍ਬਂ.)

ਨ ¶ ਚਕ੍ਖੁ ਨ ਧਾਤੁ, ਨ ਧਾਤੂ ਨ ਸੋਤਂ…ਪੇ….

ਨ ਚਕ੍ਖੁ ਨ ਧਾਤੁ, ਨ ਧਾਤੂ ਨ ਧਮ੍ਮੋ…ਪੇ….

ਨ ਧਮ੍ਮੋ ਨ ਧਾਤੁ, ਨ ਧਾਤੂ ਨ ਚਕ੍ਖੁ…ਪੇ….

ਨ ਧਮ੍ਮੋ ਨ ਧਾਤੁ, ਨ ਧਾਤੂ ਨ ਮਨੋਵਿਞ੍ਞਾਣਂ. (ਚਕ੍ਕਂ ਬਨ੍ਧਿਤਬ੍ਬਂ. )

ਚਤ੍ਤਾਰਿ ਸਚ੍ਚਾਨਿ (ਯਮ. ੧.ਸਚ੍ਚਯਮਕ.੧ ਆਦਯੋ) – ਦੁਕ੍ਖਸਚ੍ਚਂ ਸਮੁਦਯਸਚ੍ਚਂ ਨਿਰੋਧਸਚ੍ਚਂ ਮਗ੍ਗਸਚ੍ਚਂ.

ਦੁਕ੍ਖਂ ¶ ਦੁਕ੍ਖਸਚ੍ਚਂ, ਦੁਕ੍ਖਸਚ੍ਚਂ ਦੁਕ੍ਖਂ.

ਸਮੁਦਯੋ ਸਮੁਦਯਸਚ੍ਚਂ, ਸਮੁਦਯਸਚ੍ਚਂ ਸਮੁਦਯੋ.

ਨਿਰੋਧੋ ਨਿਰੋਧਸਚ੍ਚਂ, ਨਿਰੋਧਸਚ੍ਚਂ ਨਿਰੋਧੋ.

ਮਗ੍ਗੋ ਮਗ੍ਗਸਚ੍ਚਂ, ਮਗ੍ਗਸਚ੍ਚਂ ਮਗ੍ਗੋ.

ਨ ¶ ਦੁਕ੍ਖਂ ਨ ਦੁਕ੍ਖਸਚ੍ਚਂ, ਨ ਦੁਕ੍ਖਸਚ੍ਚਂ ਨ ਦੁਕ੍ਖਂ.

ਨ ਸਮੁਦਯੋ ਨ ਸਮੁਦਯਸਚ੍ਚਂ, ਨ ਸਮੁਦਯਸਚ੍ਚਂ ਨ ਸਮੁਦਯੋ.

ਨ ਨਿਰੋਧੋ ਨ ਨਿਰੋਧਸਚ੍ਚਂ, ਨ ਨਿਰੋਧਸਚ੍ਚਂ ਨ ਨਿਰੋਧੋ.

ਨ ਮਗ੍ਗੋ ਨ ਮਗ੍ਗਸਚ੍ਚਂ, ਨ ਮਗ੍ਗਸਚ੍ਚਂ ਨ ਮਗ੍ਗੋ.

ਦੁਕ੍ਖਂ ਦੁਕ੍ਖਸਚ੍ਚਂ, ਸਚ੍ਚਾ ਸਮੁਦਯਸਚ੍ਚਂ.

ਦੁਕ੍ਖਂ ਦੁਕ੍ਖਸਚ੍ਚਂ, ਸਚ੍ਚਾ ਨਿਰੋਧਸਚ੍ਚਂ.

ਦੁਕ੍ਖਂ ਦੁਕ੍ਖਸਚ੍ਚਂ, ਸਚ੍ਚਾ ਮਗ੍ਗਸਚ੍ਚਂ.

ਸਮੁਦਯੋ ਸਮੁਦਯਸਚ੍ਚਂ, ਸਚ੍ਚਾ ਦੁਕ੍ਖਸਚ੍ਚਂ.

ਸਮੁਦਯੋ ਸਮੁਦਯਸਚ੍ਚਂ, ਸਚ੍ਚਾ ਨਿਰੋਧਸਚ੍ਚਂ.

ਸਮੁਦਯੋ ਸਮੁਦਯਸਚ੍ਚਂ, ਸਚ੍ਚਾ ਮਗ੍ਗਸਚ੍ਚਂ.

ਨਿਰੋਧੋ ਨਿਰੋਧਸਚ੍ਚਂ, ਸਚ੍ਚਾ ਦੁਕ੍ਖਸਚ੍ਚਂ.

ਨਿਰੋਧੋ ਨਿਰੋਧਸਚ੍ਚਂ, ਸਚ੍ਚਾ ਸਮੁਦਯਸਚ੍ਚਂ.

ਨਿਰੋਧੋ ਨਿਰੋਧਸਚ੍ਚਂ, ਸਚ੍ਚਾ ਮਗ੍ਗਸਚ੍ਚਂ.

ਮਗ੍ਗੋ ਮਗ੍ਗਸਚ੍ਚਂ, ਸਚ੍ਚਾ ਦੁਕ੍ਖਸਚ੍ਚਂ.

ਮਗ੍ਗੋ ਮਗ੍ਗਸਚ੍ਚਂ, ਸਚ੍ਚਾ ਸਮੁਦਯਸਚ੍ਚਂ.

ਮਗ੍ਗੋ ਮਗ੍ਗਸਚ੍ਚਂ, ਸਚ੍ਚਾ ਨਿਰੋਧਸਚ੍ਚਂ.

ਨ ¶ ¶ ਦੁਕ੍ਖਂ ਨ ਦੁਕ੍ਖਸਚ੍ਚਂ, ਨ ਸਚ੍ਚਾ ਨ ਸਮੁਦਯਸਚ੍ਚਂ.

ਨ ਦੁਕ੍ਖਂ ਨ ਦੁਕ੍ਖਸਚ੍ਚਂ, ਨ ਸਚ੍ਚਾ ਨ ਨਿਰੋਧਸਚ੍ਚਂ.

ਨ ਦੁਕ੍ਖਂ ਨ ਦੁਕ੍ਖਸਚ੍ਚਂ, ਨ ਸਚ੍ਚਾ ਨ ਮਗ੍ਗਸਚ੍ਚਂ.

ਨ ਸਮੁਦਯੋ ਨ ਸਮੁਦਯਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਸਚ੍ਚਂ.

ਨ ਸਮੁਦਯੋ ਨ ਸਮੁਦਯਸਚ੍ਚਂ, ਨ ਸਚ੍ਚਾ ਨ ਨਿਰੋਧਸਚ੍ਚਂ.

ਨ ਸਮੁਦਯੋ ਨ ਸਮੁਦਯਸਚ੍ਚਂ, ਨ ਸਚ੍ਚਾ ਨ ਮਗ੍ਗਸਚ੍ਚਂ.

ਨ ਨਿਰੋਧੋ ਨ ਨਿਰੋਧਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਸਚ੍ਚਂ.

ਨ ਨਿਰੋਧੋ ਨ ਨਿਰੋਧਸਚ੍ਚਂ, ਨ ਸਚ੍ਚਾ ਨ ਸਮੁਦਯਸਚ੍ਚਂ.

ਨ ਨਿਰੋਧੋ ਨ ਨਿਰੋਧਸਚ੍ਚਂ, ਨ ਸਚ੍ਚਾ ਨ ਮਗ੍ਗਸਚ੍ਚਂ.

ਨ ਮਗ੍ਗੋ ਨ ਮਗ੍ਗਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਸਚ੍ਚਂ.

ਨ ਮਗ੍ਗੋ ਨ ਮਗ੍ਗਸਚ੍ਚਂ, ਨ ਸਚ੍ਚਾ ਨ ਸਮੁਦਯਸਚ੍ਚਂ.

ਨ ਮਗ੍ਗੋ ਨ ਮਗ੍ਗਸਚ੍ਚਂ, ਨ ਸਚ੍ਚਾ ਨ ਨਿਰੋਧਸਚ੍ਚਂ.

ਨ ¶ ਦੁਕ੍ਖਂ ਨ ਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਂ.

ਨ ਸਮੁਦਯੋ ਨ ਸਚ੍ਚਂ, ਨ ਸਚ੍ਚਾ ਨ ਸਮੁਦਯੋ.

ਨ ਨਿਰੋਧੋ ਨ ਸਚ੍ਚਂ, ਨ ਸਚ੍ਚਾ ਨ ਨਿਰੋਧੋ.

ਨ ਮਗ੍ਗੋ ਨ ਸਚ੍ਚਂ, ਨ ਸਚ੍ਚਾ ਨ ਮਗ੍ਗੋ.

ਸਮੁਦਯੋ ਸਚ੍ਚਂ, ਸਚ੍ਚਾ ਦੁਕ੍ਖਂ…ਪੇ… ਸਚ੍ਚਾ ਮਗ੍ਗੋ.

ਨਿਰੋਧੋ ਸਚ੍ਚਂ, ਸਚ੍ਚਾ ਦੁਕ੍ਖਂ…ਪੇ… ਸਚ੍ਚਾ ਮਗ੍ਗੋ.

ਨ ਦੁਕ੍ਖਂ ਨ ਸਚ੍ਚਂ, ਨ ਸਚ੍ਚਾ ਨ ਸਮੁਦਯੋ.

ਨ ਦੁਕ੍ਖਂ ਨ ਸਚ੍ਚਂ, ਨ ਸਚ੍ਚਾ ਨ ਨਿਰੋਧੋ.

ਨ ਦੁਕ੍ਖਂ ਨ ਸਚ੍ਚਂ, ਨ ਸਚ੍ਚਾ ਨ ਮਗ੍ਗੋ.

ਨ ¶ ਸਮੁਦਯੋ ਨ ਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਂ…ਪੇ… ਨ ਸਚ੍ਚਾ ਨ ਮਗ੍ਗੋ.

ਨ ਨਿਰੋਧੋ ਨ ਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਂ…ਪੇ… ਨ ਸਚ੍ਚਾ ਨ ਮਗ੍ਗੋ.

ਨ ਮਗ੍ਗੋ ਨ ਸਚ੍ਚਂ, ਨ ਸਚ੍ਚਾ ਨ ਦੁਕ੍ਖਂ.

ਨ ਮਗ੍ਗੋ ਨ ਸਚ੍ਚਂ, ਨ ਸਚ੍ਚਾ ਨ ਸਮੁਦਯੋ.

ਨ ਮਗ੍ਗੋ ਨ ਸਚ੍ਚਂ, ਨ ਸਚ੍ਚਾ ਨ ਨਿਰੋਧੋ.

ਤਯੋ ¶ ਸਙ੍ਖਾਰਾ (ਯਮ. ੨.ਸਙ੍ਖਾਰਯਮਕ.੧ ਆਦਯੋ) – ਕਾਯਸਙ੍ਖਾਰੋ ਵਚੀਸਙ੍ਖਾਰੋ ਚਿਤ੍ਤਸਙ੍ਖਾਰੋ. ਅਸ੍ਸਾਸਪਸ੍ਸਾਸਾ ਕਾਯਸਙ੍ਖਾਰੋ, ਵਿਤਕ੍ਕਵਿਚਾਰਾ ਵਚੀਸਙ੍ਖਾਰੋ, ਸਞ੍ਞਾ ਚ ਵੇਦਨਾ ਚ ਚਿਤ੍ਤਸਙ੍ਖਾਰੋ, ਠਪੇਤ੍ਵਾ ਵਿਤਕ੍ਕਵਿਚਾਰੇ ਸਬ੍ਬੇਪਿ ਚਿਤ੍ਤਸਮ੍ਪਯੁਤ੍ਤਕਾ ਧਮ੍ਮਾ ਚਿਤ੍ਤਸਙ੍ਖਾਰੋ.

ਕਾਯੋ ਕਾਯਸਙ੍ਖਾਰੋ, ਕਾਯਸਙ੍ਖਾਰੋ ਕਾਯੋ.

ਵਚੀ ਵਚੀਸਙ੍ਖਾਰੋ, ਵਚੀਸਙ੍ਖਾਰੋ ਵਚੀ.

ਚਿਤ੍ਤਂ ਚਿਤ੍ਤਸਙ੍ਖਾਰੋ, ਚਿਤ੍ਤਸਙ੍ਖਾਰੋ ਚਿਤ੍ਤਂ.

ਨ ¶ ਕਾਯੋ ਨ ਕਾਯਸਙ੍ਖਾਰੋ, ਨ ਕਾਯਸਙ੍ਖਾਰੋ ਨ ਕਾਯੋ.

ਨ ਵਚੀ ਨ ਵਚੀਸਙ੍ਖਾਰੋ, ਨ ਵਚੀਸਙ੍ਖਾਰੋ ਨ ਵਚੀ.

ਨ ਚਿਤ੍ਤਂ ਨ ਚਿਤ੍ਤਸਙ੍ਖਾਰੋ, ਨ ਚਿਤ੍ਤਸਙ੍ਖਾਰੋ ਨ ਚਿਤ੍ਤਂ.

ਕਾਯੋ ਕਾਯਸਙ੍ਖਾਰੋ, ਸਙ੍ਖਾਰਾ ਵਚੀਸਙ੍ਖਾਰੋ.

ਕਾਯੋ ਕਾਯਸਙ੍ਖਾਰੋ, ਸਙ੍ਖਾਰਾ ਚਿਤ੍ਤਸਙ੍ਖਾਰੋ.

ਵਚੀ ਵਚੀਸਙ੍ਖਾਰੋ, ਸਙ੍ਖਾਰਾ ਕਾਯਸਙ੍ਖਾਰੋ.

ਵਚੀ ਵਚੀਸਙ੍ਖਾਰੋ, ਸਙ੍ਖਾਰਾ ਚਿਤ੍ਤਸਙ੍ਖਾਰੋ.

ਚਿਤ੍ਤਂ ¶ ਚਿਤ੍ਤਸਙ੍ਖਾਰੋ, ਸਙ੍ਖਾਰਾ ਕਾਯਸਙ੍ਖਾਰੋ.

ਚਿਤ੍ਤਂ ਚਿਤ੍ਤਸਙ੍ਖਾਰੋ, ਸਙ੍ਖਾਰਾ ਵਚੀਸਙ੍ਖਾਰੋ.

ਨ ਕਾਯੋ ਨ ਕਾਯਸਙ੍ਖਾਰੋ, ਨ ਸਙ੍ਖਾਰਾ ਨ ਵਚੀਸਙ੍ਖਾਰੋ.

ਨ ਕਾਯੋ ਨ ਕਾਯਸਙ੍ਖਾਰੋ, ਨ ਸਙ੍ਖਾਰਾ ਨ ਚਿਤ੍ਤਸਙ੍ਖਾਰੋ.

ਨ ਵਚੀ ਨ ਵਚੀਸਙ੍ਖਾਰੋ, ਨ ਸਙ੍ਖਾਰਾ ਨ ਕਾਯਸਙ੍ਖਾਰੋ.

ਨ ਵਚੀ ਨ ਵਚੀਸਙ੍ਖਾਰੋ, ਨ ਸਙ੍ਖਾਰਾ ਨ ਚਿਤ੍ਤਸਙ੍ਖਾਰੋ.

ਨ ਚਿਤ੍ਤਂ ਨ ਚਿਤ੍ਤਸਙ੍ਖਾਰੋ, ਨ ਸਙ੍ਖਾਰਾ ਨ ਕਾਯਸਙ੍ਖਾਰੋ.

ਨ ਚਿਤ੍ਤਂ ਨ ਚਿਤ੍ਤਸਙ੍ਖਾਰੋ, ਨ ਸਙ੍ਖਾਰਾ ਨ ਵਚੀਸਙ੍ਖਾਰੋ.

ਕਾਯਸਙ੍ਖਾਰੋ ¶ ਵਚੀਸਙ੍ਖਾਰੋ, ਵਚੀਸਙ੍ਖਾਰੋ ਕਾਯਸਙ੍ਖਾਰੋ.

ਕਾਯਸਙ੍ਖਾਰੋ ਚਿਤ੍ਤਸਙ੍ਖਾਰੋ, ਚਿਤ੍ਤਸਙ੍ਖਾਰੋ ਕਾਯਸਙ੍ਖਾਰੋ.

ਵਚੀਸਙ੍ਖਾਰੋ ਚਿਤ੍ਤਸਙ੍ਖਾਰੋ, ਚਿਤ੍ਤਸਙ੍ਖਾਰੋ ਵਚੀਸਙ੍ਖਾਰੋ.

ਨ ਕਾਯਸਙ੍ਖਾਰੋ ਨ ਵਚੀਸਙ੍ਖਾਰੋ, ਨ ਵਚੀਸਙ੍ਖਾਰੋ ਨ ਕਾਯਸਙ੍ਖਾਰੋ.

ਨ ਕਾਯਸਙ੍ਖਾਰੋ ਨ ਚਿਤ੍ਤਸਙ੍ਖਾਰੋ, ਨ ਚਿਤ੍ਤਸਙ੍ਖਾਰੋ ਨ ਕਾਯਸਙ੍ਖਾਰੋ.

ਨ ਵਚੀਸਙ੍ਖਾਰੋ ਨ ਚਿਤ੍ਤਸਙ੍ਖਾਰੋ, ਨ ਚਿਤ੍ਤਸਙ੍ਖਾਰੋ ਨ ਵਚੀਸਙ੍ਖਾਰੋ.

ਸਤ੍ਤਾਨੁਸਯਾ ¶ (ਯਮ. ੨.ਅਨੁਸਯਯਮਕ.੧) – ਕਾਮਰਾਗਾਨੁਸਯੋ ਪਟਿਘਾਨੁਸਯੋ ਮਾਨਾਨੁਸਯੋ ਦਿਟ੍ਠਾਨੁਸਯੋ ਵਿਚਿਕਿਚ੍ਛਾਨੁਸਯੋ ਭਵਰਾਗਾਨੁਸਯੋ ਅਵਿਜ੍ਜਾਨੁਸਯੋ.

ਯਸ੍ਸ ¶ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ (ਯਮ. ੨.ਚਿਤ੍ਤਯਮਕ.੧ ਆਦਯੋ), ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ¶ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ¶ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਸ੍ਸ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ¶ ¶ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਤ੍ਥ.

ਯਸ੍ਸ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਤ੍ਥ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਸ੍ਸ ¶ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ¶ ਚਿਤ੍ਤਂ ਉਪ੍ਪਜ੍ਜਮਾਨਂ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਮਾਨਂ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਮਾਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਮਾਨਂ.

ਯਸ੍ਸ ਚਿਤ੍ਤਂ ਨਿਰੁਜ੍ਝਮਾਨਂ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨਿਰੁਜ੍ਝਮਾਨਂ.

ਯਸ੍ਸ ਚਿਤ੍ਤਂ ਨ ਨਿਰੁਜ੍ਝਮਾਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਨਿਰੁਜ੍ਝਮਾਨਂ.

ਯਸ੍ਸ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ.

ਯਸ੍ਸ ¶ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ.

ਯਸ੍ਸ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ.

ਯਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ.

ਯਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਨੋ ਚ ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਸ੍ਸ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ¶ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਨੋ ਚ ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਸ੍ਸ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਉਪ੍ਪਨ੍ਨਂ ਉਪ੍ਪਜ੍ਜਮਾਨਂ, ਉਪ੍ਪਜ੍ਜਮਾਨਂ ਉਪ੍ਪਨ੍ਨਂ.

ਨ ਉਪ੍ਪਨ੍ਨਂ ਨ ਉਪ੍ਪਜ੍ਜਮਾਨਂ, ਨ ਉਪ੍ਪਜ੍ਜਮਾਨਂ ਨ ਉਪ੍ਪਨ੍ਨਂ.

ਨਿਰੁਦ੍ਧਂ ਨਿਰੁਜ੍ਝਮਾਨਂ, ਨਿਰੁਜ੍ਝਮਾਨਂ ਨਿਰੁਦ੍ਧਂ.

ਨ ਨਿਰੁਦ੍ਧਂ ਨ ਨਿਰੁਜ੍ਝਮਾਨਂ, ਨ ਨਿਰੁਜ੍ਝਮਾਨਂ ਨ ਨਿਰੁਦ੍ਧਂ.

ਯਸ੍ਸ ¶ ਚਿਤ੍ਤਂ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਚਿਤ੍ਤਂ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਚਿਤ੍ਤਂ.

ਯਸ੍ਸ ਚਿਤ੍ਤਂ ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਚਿਤ੍ਤਂ. ਯਸ੍ਸ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਚਿਤ੍ਤਂ.

ਯਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ, ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ.

ਯਂ ¶ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ¶ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਨਿਰੁਜ੍ਝਤਿ, ਤਂ ਚਿਤ੍ਤਂ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਂ ¶ ¶ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਂ ਚਿਤ੍ਤਂ ਨਿਰੁਜ੍ਝਤਿ, ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਂ ਚਿਤ੍ਤਂ ਨਿਰੁਜ੍ਝਤਿ, ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਂ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ.

ਯਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ¶ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ¶ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨ ਨਿਰੁਜ੍ਝਤਿ. ਯਂ ਵਾ ਪਨ ਚਿਤ੍ਤਂ ਨ ਨਿਰੁਜ੍ਝਤਿ, ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਂ ਚਿਤ੍ਤਂ ਨਿਰੁਜ੍ਝਤਿ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਤਿ, ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਂ ਚਿਤ੍ਤਂ ਉਪ੍ਪਜ੍ਜਮਾਨਂ, ਤਂ ਚਿਤ੍ਤਂ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਮਾਨਂ.

ਯਂ ¶ ਚਿਤ੍ਤਂ ਨ ਉਪ੍ਪਜ੍ਜਮਾਨਂ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਮਾਨਂ.

ਯਂ ਚਿਤ੍ਤਂ ਨਿਰੁਜ੍ਝਮਾਨਂ, ਤਂ ਚਿਤ੍ਤਂ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਨਿਰੁਜ੍ਝਮਾਨਂ.

ਯਂ ਚਿਤ੍ਤਂ ਨ ਨਿਰੁਜ੍ਝਮਾਨਂ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਨਿਰੁਜ੍ਝਮਾਨਂ.

ਯਂ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਉਪ੍ਪਨ੍ਨਂ.

ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ.

ਯਂ ¶ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਉਪ੍ਪਨ੍ਨਂ.

ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਂ ਚਿਤ੍ਤਂ ਨ ਉਪ੍ਪਨ੍ਨਂ.

ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਨੋ ਚ ਤਂ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਂ ਚਿਤ੍ਤਂ ਉਪ੍ਪਨ੍ਨਂ, ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਂ ¶ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਨੋ ਚ ਤਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਂ ਵਾ ਪਨ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਉਪ੍ਪਨ੍ਨਂ ਉਪ੍ਪਜ੍ਜਮਾਨਂ, ਉਪ੍ਪਜ੍ਜਮਾਨਂ ਉਪ੍ਪਨ੍ਨਂ.

ਨ ਉਪ੍ਪਨ੍ਨਂ ਨ ਉਪ੍ਪਜ੍ਜਮਾਨਂ, ਨ ਉਪ੍ਪਜ੍ਜਮਾਨਂ ਨ ਉਪ੍ਪਨ੍ਨਂ.

ਨਿਰੁਦ੍ਧਂ ਨਿਰੁਜ੍ਝਮਾਨਂ, ਨਿਰੁਜ੍ਝਮਾਨਂ ਨਿਰੁਦ੍ਧਂ.

ਨ ਨਿਰੁਦ੍ਧਂ ਨ ਨਿਰੁਜ੍ਝਮਾਨਂ, ਨ ਨਿਰੁਜ੍ਝਮਾਨਂ ਨ ਨਿਰੁਦ੍ਧਂ.

ਯਂ ਚਿਤ੍ਤਂ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਂ ਚਿਤ੍ਤਂ. ਯਂ ਵਾ ਪਨ ਚਿਤ੍ਤਂ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਂ ਚਿਤ੍ਤਂ.

ਯਂ ਚਿਤ੍ਤਂ ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਂ ਚਿਤ੍ਤਂ. ਯਂ ਵਾ ¶ ਪਨ ਚਿਤ੍ਤਂ ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਂ ਚਿਤ੍ਤਂ.

ਯਸ੍ਸ ¶ ਯਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ¶ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ¶ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਸ੍ਸ ਯਂ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ¶ ਯਂ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਤਿ.

ਯਸ੍ਸ ਯਂ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ.

ਯਸ੍ਸ ਯਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ.

ਯਸ੍ਸ ¶ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ¶ ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਤਿ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਤਿ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਮਾਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਮਾਨਂ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਮਾਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਮਾਨਂ.

ਯਸ੍ਸ ¶ ਯਂ ਚਿਤ੍ਤਂ ਨਿਰੁਜ੍ਝਮਾਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨਿਰੁਜ੍ਝਮਾਨਂ.

ਯਸ੍ਸ ਯਂ ਚਿਤ੍ਤਂ ਨ ਨਿਰੁਜ੍ਝਮਾਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਨਿਰੁਜ੍ਝਮਾਨਂ.

ਯਸ੍ਸ ¶ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ.

ਯਸ੍ਸ ਯਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਿਤ੍ਥ, ਨੋ ਚ ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਸ੍ਸ ਤਂ ਚਿਤ੍ਤਂ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਉਪ੍ਪਜ੍ਜਿਤ੍ਥ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ, ਨੋ ਚ ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਨ੍ਨਂ, ਤਸ੍ਸ ਤਂ ਚਿਤ੍ਤਂ ਨ ਉਪ੍ਪਜ੍ਜਿਤ੍ਥ.

ਉਪ੍ਪਨ੍ਨਂ ਉਪ੍ਪਜ੍ਜਮਾਨਂ, ਉਪ੍ਪਜ੍ਜਮਾਨਂ ਉਪ੍ਪਨ੍ਨਂ.

ਨ ਉਪ੍ਪਨ੍ਨਂ ਨ ਉਪ੍ਪਜ੍ਜਮਾਨਂ, ਨ ਉਪ੍ਪਜ੍ਜਮਾਨਂ ਨ ਉਪ੍ਪਨ੍ਨਂ.

ਨਿਰੁਦ੍ਧਂ ¶ ¶ ਨਿਰੁਜ੍ਝਮਾਨਂ, ਨਿਰੁਜ੍ਝਮਾਨਂ ਨਿਰੁਦ੍ਧਂ.

ਨ ਨਿਰੁਦ੍ਧਂ ਨ ਨਿਰੁਜ੍ਝਮਾਨਂ, ਨ ਨਿਰੁਜ੍ਝਮਾਨਂ ਨ ਨਿਰੁਦ੍ਧਂ.

ਯਸ੍ਸ ਯਂ ਚਿਤ੍ਤਂ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਤਂ ਚਿਤ੍ਤਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਤਂ ਚਿਤ੍ਤਂ.

ਯਸ੍ਸ ਯਂ ਚਿਤ੍ਤਂ ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਤਂ ਚਿਤ੍ਤਂ. ਯਸ੍ਸ ਵਾ ਪਨ ਯਂ ਚਿਤ੍ਤਂ ਨ ਨਿਰੁਜ੍ਝਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ, ਨ ਉਪ੍ਪਜ੍ਜਮਾਨਂ ਖਣਂ ਖਣਂ ਵੀਤਿਕ੍ਕਨ੍ਤਂ ਅਤਿਕ੍ਕਨ੍ਤਕਾਲਂ ਤਸ੍ਸ ਤਂ ਚਿਤ੍ਤਂ.

ਯਸ੍ਸ ਸਰਾਗਂ ਚਿਤ੍ਤਂ ਉਪ੍ਪਜ੍ਜਤਿ…ਪੇ… ਯਸ੍ਸ ਵੀਤਰਾਗਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸਦੋਸਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਵੀਤਦੋਸਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸਮੋਹਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਵੀਤਮੋਹਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸਂਖਿਤ੍ਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਵਿਕ੍ਖਿਤ੍ਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਮਹਗ੍ਗਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਅਮਹਗ੍ਗਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸਉਤ੍ਤਰਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਅਨੁਤ੍ਤਰਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸਮਾਹਿਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਅਸਮਾਹਿਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਵਿਮੁਤ੍ਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਅਵਿਮੁਤ੍ਤਂ ਚਿਤ੍ਤਂ ਉਪ੍ਪਜ੍ਜਤਿ.

ਯਸ੍ਸ ¶ ¶ ਕੁਸਲਂ ਚਿਤ੍ਤਂ ਉਪ੍ਪਜ੍ਜਤਿ…ਪੇ… ਯਸ੍ਸ ਅਕੁਸਲਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਅਬ੍ਯਾਕਤਂ ਚਿਤ੍ਤਂ ਉਪ੍ਪਜ੍ਜਤਿ. ਯਸ੍ਸ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ ਚਿਤ੍ਤਂ ਉਪ੍ਪਜ੍ਜਤਿ.

(ਏਤੇਨ ਉਪਾਯੇਨ ਯਾਵ ਸਰਣਅਰਣਾ ਉਦ੍ਧਰਿਤਬ੍ਬਾ.)

ਯਸ੍ਸ ਅਰਣਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ, ਤਸ੍ਸ ਅਰਣਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਅਰਣਂ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਅਰਣਂ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ.

ਕੁਸਲਾ ਕੁਸਲਾ ਧਮ੍ਮਾ (ਯਮ. ੩.ਧਮ੍ਮਯਮਕ.੧ ਆਦਯੋ). ਕੁਸਲਾ ਧਮ੍ਮਾ ਕੁਸਲਾ.

ਅਕੁਸਲਾ ਅਕੁਸਲਾ ਧਮ੍ਮਾ. ਅਕੁਸਲਾ ਧਮ੍ਮਾ ਅਕੁਸਲਾ.

ਅਬ੍ਯਾਕਤਾ ਅਬ੍ਯਾਕਤਾ ਧਮ੍ਮਾ. ਅਬ੍ਯਾਕਤਾ ਧਮ੍ਮਾ ਅਬ੍ਯਾਕਤਾ.

ਨ ¶ ਕੁਸਲਾ ਨ ਕੁਸਲਾ ਧਮ੍ਮਾ. ਨ ਕੁਸਲਾ ਧਮ੍ਮਾ ਨ ਕੁਸਲਾ.

ਨ ¶ ਅਕੁਸਲਾ ਨ ਅਕੁਸਲਾ ਧਮ੍ਮਾ. ਨ ਅਕੁਸਲਾ ਧਮ੍ਮਾ ਨ ਅਕੁਸਲਾ.

ਨ ਅਬ੍ਯਾਕਤਾ ਨ ਅਬ੍ਯਾਕਤਾ ਧਮ੍ਮਾ. ਨ ਅਬ੍ਯਾਕਤਾ ਧਮ੍ਮਾ ਨ ਅਬ੍ਯਾਕਤਾ.

ਕੁਸਲਾ ਕੁਸਲਾ ਧਮ੍ਮਾ. ਧਮ੍ਮਾ ਅਕੁਸਲਾ ਧਮ੍ਮਾ.

ਕੁਸਲਾ ਕੁਸਲਾ ਧਮ੍ਮਾ. ਧਮ੍ਮਾ ਅਬ੍ਯਾਕਤਾ ਧਮ੍ਮਾ.

ਅਕੁਸਲਾ ਅਕੁਸਲਾ ਧਮ੍ਮਾ. ਧਮ੍ਮਾ ਕੁਸਲਾ ਧਮ੍ਮਾ.

ਅਕੁਸਲਾ ਅਕੁਸਲਾ ਧਮ੍ਮਾ. ਧਮ੍ਮਾ ਅਬ੍ਯਾਕਤਾ ਧਮ੍ਮਾ.

ਅਬ੍ਯਾਕਤਾ ਅਬ੍ਯਾਕਤਾ ਧਮ੍ਮਾ. ਧਮ੍ਮਾ ਕੁਸਲਾ ਧਮ੍ਮਾ.

ਅਬ੍ਯਾਕਤਾ ਅਬ੍ਯਾਕਤਾ ਧਮ੍ਮਾ. ਧਮ੍ਮਾ ਅਕੁਸਲਾ ਧਮ੍ਮਾ.

ਨ ਕੁਸਲਾ ਨ ਕੁਸਲਾ ਧਮ੍ਮਾ. ਨ ਧਮ੍ਮਾ ਨ ਅਕੁਸਲਾ ਧਮ੍ਮਾ.

ਨ ਕੁਸਲਾ ਨ ਕੁਸਲਾ ਧਮ੍ਮਾ. ਨ ਧਮ੍ਮਾ ਨ ਅਬ੍ਯਾਕਤਾ ਧਮ੍ਮਾ.

ਨ ਅਕੁਸਲਾ ਨ ਅਕੁਸਲਾ ਧਮ੍ਮਾ. ਨ ਧਮ੍ਮਾ ਨ ਕੁਸਲਾ ਧਮ੍ਮਾ.

ਨ ਅਕੁਸਲਾ ਨ ਅਕੁਸਲਾ ਧਮ੍ਮਾ. ਨ ਧਮ੍ਮਾ ਨ ਅਬ੍ਯਾਕਤਾ ਧਮ੍ਮਾ.

ਨ ਅਬ੍ਯਾਕਤਾ ਨ ਅਬ੍ਯਾਕਤਾ ਧਮ੍ਮਾ. ਨ ਧਮ੍ਮਾ ਨ ਕੁਸਲਾ ਧਮ੍ਮਾ.

ਨ ਅਬ੍ਯਾਕਤਾ ਨ ਅਬ੍ਯਾਕਤਾ ਧਮ੍ਮਾ. ਨ ਧਮ੍ਮਾ ਨ ਅਕੁਸਲਾ ਧਮ੍ਮਾ.

ਅਬ੍ਯਾਕਤਾ ਧਮ੍ਮਾ. ਧਮ੍ਮਾ ਅਬ੍ਯਾਕਤਾ.

ਨ ਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਕੁਸਲਾ.

ਨ ਅਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਅਕੁਸਲਾ.

ਨ ਅਬ੍ਯਾਕਤਾ ਨ ਧਮ੍ਮਾ. ਨ ਧਮ੍ਮਾ ਨ ਅਬ੍ਯਾਕਤਾ.

ਨ ¶ ਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਅਕੁਸਲਾ.

ਨ ਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਅਬ੍ਯਾਕਤਾ.

ਨ ਅਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਕੁਸਲਾ.

ਨ ਅਕੁਸਲਾ ਨ ਧਮ੍ਮਾ. ਨ ਧਮ੍ਮਾ ਨ ਅਬ੍ਯਾਕਤਾ.

ਨ ਅਬ੍ਯਾਕਤਾ ਨ ਧਮ੍ਮਾ. ਨ ਧਮ੍ਮਾ ਨ ਕੁਸਲਾ.

ਨ ਅਬ੍ਯਾਕਤਾ ਨ ਧਮ੍ਮਾ. ਨ ਧਮ੍ਮਾ ਨ ਅਕੁਸਲਾ.

ਬਾਵੀਸਤਿਨ੍ਦ੍ਰਿਯਾਨਿ ¶ (ਯਮ. ੩.ਇਨ੍ਦ੍ਰਿਯਯਮਕ.੧ ਆਦਯੋ) – ਚਕ੍ਖੁਨ੍ਦ੍ਰਿਯਂ ਸੋਤਿਨ੍ਦ੍ਰਿਯਂ ਘਾਨਿਨ੍ਦ੍ਰਿਯਂ ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸੁਖਿਨ੍ਦ੍ਰਿਯਂ ਦੁਕ੍ਖਿਨ੍ਦ੍ਰਿਯਂ ਸੋਮਨਸ੍ਸਿਨ੍ਦ੍ਰਿਯਂ ਦੋਮਨਸ੍ਸਿਨ੍ਦ੍ਰਿਯਂ ਉਪੇਕ੍ਖਿਨ੍ਦ੍ਰਿਯਂ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਅਞ੍ਞਿਨ੍ਦ੍ਰਿਯਂ ਅਞ੍ਞਾਤਾਵਿਨ੍ਦ੍ਰਿਯਂ.

ਚਕ੍ਖੁ ¶ ਚਕ੍ਖੁਨ੍ਦ੍ਰਿਯਂ, ਚਕ੍ਖੁਨ੍ਦ੍ਰਿਯਂ ਚਕ੍ਖੁ.

ਸੋਤਂ ਸੋਤਿਨ੍ਦ੍ਰਿਯਂ, ਸੋਤਿਨ੍ਦ੍ਰਿਯਂ ਸੋਤਂ.

ਘਾਨਂ ਘਾਨਿਨ੍ਦ੍ਰਿਯਂ, ਘਾਨਿਨ੍ਦ੍ਰਿਯਂ ਘਾਨਂ.

ਜਿਵ੍ਹਾ ਜਿਵ੍ਹਿਨ੍ਦ੍ਰਿਯਂ, ਜਿਵ੍ਹਿਨ੍ਦ੍ਰਿਯਂ ਜਿਵ੍ਹਾ.

ਕਾਯੋ ਕਾਯਿਨ੍ਦ੍ਰਿਯਂ, ਕਾਯਿਨ੍ਦ੍ਰਿਯਂ ਕਾਯੋ.

ਮਨੋ ਮਨਿਨ੍ਦ੍ਰਿਯਂ, ਮਨਿਨ੍ਦ੍ਰਿਯਂ ਮਨੋ.

ਇਤ੍ਥੀ ਇਤ੍ਥਿਨ੍ਦ੍ਰਿਯਂ, ਇਤ੍ਥਿਨ੍ਦ੍ਰਿਯਂ ਇਤ੍ਥੀ.

ਪੁਰਿਸੋ ਪੁਰਿਸਿਨ੍ਦ੍ਰਿਯਂ, ਪੁਰਿਸਿਨ੍ਦ੍ਰਿਯਂ ਪੁਰਿਸੋ.

ਜੀਵਿਤਂ ਜੀਵਿਤਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ ਜੀਵਿਤਂ.

ਸੁਖਂ ਸੁਖਿਨ੍ਦ੍ਰਿਯਂ, ਸੁਖਿਨ੍ਦ੍ਰਿਯਂ ਸੁਖਂ.

ਦੁਕ੍ਖਂ ਦੁਕ੍ਖਿਨ੍ਦ੍ਰਿਯਂ, ਦੁਕ੍ਖਿਨ੍ਦ੍ਰਿਯਂ ਦੁਕ੍ਖਂ.

ਸੋਮਨਸ੍ਸਂ ਸੋਮਨਸ੍ਸਿਨ੍ਦ੍ਰਿਯਂ, ਸੋਮਨਸ੍ਸਿਨ੍ਦ੍ਰਿਯਂ ਸੋਮਨਸ੍ਸਂ.

ਦੋਮਨਸ੍ਸਂ ਦੋਮਨਸ੍ਸਿਨ੍ਦ੍ਰਿਯਂ, ਦੋਮਨਸ੍ਸਿਨ੍ਦ੍ਰਿਯਂ ਦੋਮਨਸ੍ਸਂ.

ਉਪੇਕ੍ਖਾ ਉਪੇਕ੍ਖਿਨ੍ਦ੍ਰਿਯਂ, ਉਪੇਕ੍ਖਿਨ੍ਦ੍ਰਿਯਂ ਉਪੇਕ੍ਖਾ.

ਸਦ੍ਧਾ ਸਦ੍ਧਿਨ੍ਦ੍ਰਿਯਂ, ਸਦ੍ਧਿਨ੍ਦ੍ਰਿਯਂ ਸਦ੍ਧਾ.

ਵੀਰਿਯਂ ਵੀਰਿਯਿਨ੍ਦ੍ਰਿਯਂ, ਵੀਰਿਯਿਨ੍ਦ੍ਰਿਯਂ ਵੀਰਿਯਂ.

ਸਤਿ ¶ ਸਤਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ ਸਤਿ.

ਸਮਾਧਿ ਸਮਾਧਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ ਸਮਾਧਿ.

ਪਞ੍ਞਾ ਪਞ੍ਞਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ ਪਞ੍ਞਾ.

ਅਨਞ੍ਞਾਤਞ੍ਞਸ੍ਸਾਮੀਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ, ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਅਨਞ੍ਞਾਤਞ੍ਞਸ੍ਸਾਮੀਤਿ.

ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਅਞ੍ਞਿਨ੍ਦ੍ਰਿਯਂ ਅਞ੍ਞਂ.

ਅਞ੍ਞਾਤਾਵੀ ਅਞ੍ਞਾਤਾਵਿਨ੍ਦ੍ਰਿਯਂ, ਅਞ੍ਞਾਤਾਵਿਨ੍ਦ੍ਰਿਯਂ ਅਞ੍ਞਾਤਾਵੀ.

ਨ ¶ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਚਕ੍ਖੁਨ੍ਦ੍ਰਿਯਂ ਨ ਚਕ੍ਖੁ.

ਨ ਸੋਤਂ ਨ ਸੋਤਿਨ੍ਦ੍ਰਿਯਂ, ਨ ਸੋਤਿਨ੍ਦ੍ਰਿਯਂ ਨ ਸੋਤਂ.

ਨ ਘਾਨਂ ਨ ਘਾਨਿਨ੍ਦ੍ਰਿਯਂ, ਨ ਘਾਨਿਨ੍ਦ੍ਰਿਯਂ ਨ ਘਾਨਂ.

ਨ ਜਿਵ੍ਹਾ ਨ ਜਿਵ੍ਹਿਨ੍ਦ੍ਰਿਯਂ, ਨ ਜਿਵ੍ਹਿਨ੍ਦ੍ਰਿਯਂ ਨ ਜਿਵ੍ਹਾ.

ਨ ਕਾਯੋ ਨ ਕਾਯਿਨ੍ਦ੍ਰਿਯਂ, ਨ ਕਾਯਿਨ੍ਦ੍ਰਿਯਂ ਨ ਕਾਯੋ.

ਨ ਮਨੋ ਨ ਮਨਿਨ੍ਦ੍ਰਿਯਂ, ਨ ਮਨਿਨ੍ਦ੍ਰਿਯਂ ਨ ਮਨੋ.

ਨ ਇਤ੍ਥੀ ਨ ਇਤ੍ਥਿਨ੍ਦ੍ਰਿਯਂ, ਨ ਇਤ੍ਥਿਨ੍ਦ੍ਰਿਯਂ ਨ ਇਤ੍ਥੀ.

ਨ ਪੁਰਿਸੋ ਨ ਪੁਰਿਸਿਨ੍ਦ੍ਰਿਯਂ, ਨ ਪੁਰਿਸਿਨ੍ਦ੍ਰਿਯਂ ਨ ਪੁਰਿਸੋ.

ਨ ਜੀਵਿਤਂ ਨ ਜੀਵਿਤਿਨ੍ਦ੍ਰਿਯਂ, ਨ ਜੀਵਿਤਿਨ੍ਦ੍ਰਿਯਂ ਨ ਜੀਵਿਤਂ.

ਨ ਸੁਖਂ ਨ ਸੁਖਿਨ੍ਦ੍ਰਿਯਂ, ਨ ਸੁਖਿਨ੍ਦ੍ਰਿਯਂ ਨ ਸੁਖਂ.

ਨ ਦੁਕ੍ਖਂ ਨ ਦੁਕ੍ਖਿਨ੍ਦ੍ਰਿਯਂ, ਨ ਦੁਕ੍ਖਿਨ੍ਦ੍ਰਿਯਂ ਨ ਦੁਕ੍ਖਂ.

ਨ ਸੋਮਨਸ੍ਸਂ ਨ ਸੋਮਨਸ੍ਸਿਨ੍ਦ੍ਰਿਯਂ, ਨ ਸੋਮਨਸ੍ਸਿਨ੍ਦ੍ਰਿਯਂ ਨ ਸੋਮਨਸ੍ਸਂ.

ਨ ਦੋਮਨਸ੍ਸਂ ਨ ਦੋਮਨਸ੍ਸਿਨ੍ਦ੍ਰਿਯਂ, ਨ ਦੋਮਨਸ੍ਸਿਨ੍ਦ੍ਰਿਯਂ ਨ ਦੋਮਨਸ੍ਸਂ.

ਨ ਉਪੇਕ੍ਖਾ ਨ ਉਪੇਕ੍ਖਿਨ੍ਦ੍ਰਿਯਂ, ਨ ਉਪੇਕ੍ਖਿਨ੍ਦ੍ਰਿਯਂ ਨ ਉਪੇਕ੍ਖਾ.

ਨ ਸਦ੍ਧਾ ਨ ਸਦ੍ਧਿਨ੍ਦ੍ਰਿਯਂ, ਨ ਸਦ੍ਧਿਨ੍ਦ੍ਰਿਯਂ ਨ ਸਦ੍ਧਾ.

ਨ ਵੀਰਿਯਂ ਨ ਵੀਰਿਯਿਨ੍ਦ੍ਰਿਯਂ, ਨ ਵੀਰਿਯਿਨ੍ਦ੍ਰਿਯਂ ਨ ਵੀਰਿਯਂ.

ਨ ਸਤਿ ਨ ਸਤਿਨ੍ਦ੍ਰਿਯਂ, ਨ ਸਤਿਨ੍ਦ੍ਰਿਯਂ ਨ ਸਤਿ.

ਨ ਸਮਾਧਿ ਨ ਸਮਾਧਿਨ੍ਦ੍ਰਿਯਂ, ਨ ਸਮਾਧਿਨ੍ਦ੍ਰਿਯਂ ਨ ਸਮਾਧਿ.

ਨ ¶ ਪਞ੍ਞਾ ਨ ਪਞ੍ਞਿਨ੍ਦ੍ਰਿਯਂ, ਨ ਪਞ੍ਞਿਨ੍ਦ੍ਰਿਯਂ ਨ ਪਞ੍ਞਾ.

ਨ ਅਨਞ੍ਞਾਤਞ੍ਞਸ੍ਸਾਮੀਤਿ ਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ, ਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਨ ਅਨਞ੍ਞਾਤਞ੍ਞਸ੍ਸਾਮੀਤਿ.

ਨ ਅਞ੍ਞਂ ਨ ਅਞ੍ਞਿਨ੍ਦ੍ਰਿਯਂ, ਨ ਅਞ੍ਞਿਨ੍ਦ੍ਰਿਯਂ ਨ ਅਞ੍ਞਂ.

ਨ ਅਞ੍ਞਾਤਾਵੀ ਨ ਅਞ੍ਞਾਤਾਵਿਨ੍ਦ੍ਰਿਯਂ, ਨ ਅਞ੍ਞਾਤਾਵਿਨ੍ਦ੍ਰਿਯਂ ਨ ਅਞ੍ਞਾਤਾਵੀ.

ਚਕ੍ਖੁ ¶ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਤਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਘਾਨਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਜਿਵ੍ਹਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਕਾਯਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਮਨਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਇਤ੍ਥਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਪੁਰਿਸਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਜੀਵਿਤਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੁਖਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੁਕ੍ਖਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਮਨਸ੍ਸਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੋਮਨਸ੍ਸਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਉਪੇਕ੍ਖਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਦ੍ਧਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਵੀਰਿਯਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਤਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਮਾਧਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਪਞ੍ਞਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਿਨ੍ਦ੍ਰਿਯਂ.

ਚਕ੍ਖੁ ਚਕ੍ਖੁਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸੋਤਂ ¶ ¶ ਸੋਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸੋਤਂ ਸੋਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਘਾਨਂ ਘਾਨਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਘਾਨਂ ਘਾਨਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਜਿਵ੍ਹਾ ਜਿਵ੍ਹਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਜਿਵ੍ਹਾ ਜਿਵ੍ਹਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਕਾਯੋ ਕਾਯਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਕਾਯੋ ਕਾਯਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਮਨੋ ਮਨਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਮਨੋ ਮਨਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਇਤ੍ਥੀ ਇਤ੍ਥਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਇਤ੍ਥੀ ਇਤ੍ਥਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਪੁਰਿਸੋ ਪੁਰਿਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਪੁਰਿਸੋ ਪੁਰਿਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਜੀਵਿਤਂ ਜੀਵਿਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਜੀਵਿਤਂ ਜੀਵਿਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸੁਖਂ ਸੁਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸੁਖਂ ਸੁਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਦੁਕ੍ਖਂ ¶ ਦੁਕ੍ਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਦੁਕ੍ਖਂ ਦੁਕ੍ਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸੋਮਨਸ੍ਸਂ ਸੋਮਨਸ੍ਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸੋਮਨਸ੍ਸਂ ਸੋਮਨਸ੍ਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਦੋਮਨਸ੍ਸਂ ਦੋਮਨਸ੍ਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਦੋਮਨਸ੍ਸਂ ਦੋਮਨਸ੍ਸਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਉਪੇਕ੍ਖਾ ਉਪੇਕ੍ਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਉਪੇਕ੍ਖਾ ਉਪੇਕ੍ਖਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸਦ੍ਧਾ ¶ ਸਦ੍ਧਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸਦ੍ਧਾ ਸਦ੍ਧਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਵੀਰਿਯਂ ਵੀਰਿਯਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਵੀਰਿਯਂ ਵੀਰਿਯਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸਤਿ ਸਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸਤਿ ਸਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਸਮਾਧਿ ਸਮਾਧਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਸਮਾਧਿ ਸਮਾਧਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਪਞ੍ਞਾ ਪਞ੍ਞਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਪਞ੍ਞਾ ਪਞ੍ਞਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਅਨਞ੍ਞਾਤਞ੍ਞਸ੍ਸਾਮੀਤਿ ¶ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਅਨਞ੍ਞਾਤਞ੍ਞਸ੍ਸਾਮੀਤਿ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਅਞ੍ਞਂ ਅਞ੍ਞਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵਿਨ੍ਦ੍ਰਿਯਂ.

ਅਞ੍ਞਾਤਾਵੀ ਅਞ੍ਞਾਤਾਵਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁਨ੍ਦ੍ਰਿਯਂ…ਪੇ….

ਅਞ੍ਞਾਤਾਵੀ ਅਞ੍ਞਾਤਾਵਿਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਤਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਘਾਨਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜਿਵ੍ਹਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਕਾਯਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਮਨਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਇਤ੍ਥਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪੁਰਿਸਿਨ੍ਦ੍ਰਿਯਂ.

ਨ ¶ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜੀਵਿਤਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੁਖਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੁਕ੍ਖਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਮਨਸ੍ਸਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੋਮਨਸ੍ਸਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਉਪੇਕ੍ਖਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਦ੍ਧਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਵੀਰਿਯਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਤਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਮਾਧਿਨ੍ਦ੍ਰਿਯਂ.

ਨ ¶ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪਞ੍ਞਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਿਨ੍ਦ੍ਰਿਯਂ.

ਨ ਚਕ੍ਖੁ ਨ ਚਕ੍ਖੁਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਸੋਤਂ ਨ ਸੋਤਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਘਾਨਂ ਨ ਘਾਨਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਜਿਵ੍ਹਾ ਨ ਜਿਵ੍ਹਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਕਾਯੋ ਨ ਕਾਯਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਮਨੋ ਨ ਮਨਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਇਤ੍ਥੀ ਨ ਇਤ੍ਥਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ¶ ਪੁਰਿਸੋ ਨ ਪੁਰਿਸਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਜੀਵਿਤਂ ਨ ਜੀਵਿਤਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ¶ ਸੁਖਂ ਨ ਸੁਖਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਦੁਕ੍ਖਂ ਨ ਦੁਕ੍ਖਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਸੋਮਨਸ੍ਸਂ ਨ ਸੋਮਨਸ੍ਸਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਦੋਮਨਸ੍ਸਂ ਨ ਦੋਮਨਸ੍ਸਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਉਪੇਕ੍ਖਾ ਨ ਉਪੇਕ੍ਖਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਸਦ੍ਧਾ ਨ ਸਦ੍ਧਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਵੀਰਿਯਂ ਨ ਵੀਰਿਯਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਸਤਿ ਨ ਸਤਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਸਮਾਧਿ ਨ ਸਮਾਧਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਪਞ੍ਞਾ ਨ ਪਞ੍ਞਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਅਨਞ੍ਞਾਤਞ੍ਞਸ੍ਸਾਮੀਤਿ ਨ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ¶ ¶ ਅਞ੍ਞਂ ਨ ਅਞ੍ਞਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵਿਨ੍ਦ੍ਰਿਯਂ.

ਨ ਅਞ੍ਞਾਤਾਵੀ ਨ ਅਞ੍ਞਾਤਾਵਿਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁਨ੍ਦ੍ਰਿਯਂ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਿਨ੍ਦ੍ਰਿਯਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ.

ਸੋਤਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਤਂ.

ਘਾਨਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਘਾਨਂ.

ਜਿਵ੍ਹਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਜਿਵ੍ਹਾ.

ਕਾਯੋ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਕਾਯੋ.

ਇਤ੍ਥੀ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਇਤ੍ਥੀ.

ਪੁਰਿਸੋ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਪੁਰਿਸੋ.

ਜੀਵਿਤਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਜੀਵਿਤਂ.

ਸੁਖਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੁਖਂ.

ਦੁਕ੍ਖਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੁਕ੍ਖਂ.

ਸੋਮਨਸ੍ਸਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਮਨਸ੍ਸਂ.

ਦੋਮਨਸ੍ਸਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੋਮਨਸ੍ਸਂ.

ਉਪੇਕ੍ਖਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਉਪੇਕ੍ਖਾ.

ਸਦ੍ਧਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਦ੍ਧਾ.

ਵੀਰਿਯਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਵੀਰਿਯਂ.

ਸਮਾਧਿ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਮਾਧਿ.

ਪਞ੍ਞਾ ¶ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਪਞ੍ਞਾ.

ਅਨਞ੍ਞਾਤਞ੍ਞਸ੍ਸਾਮੀਤਿ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਨਞ੍ਞਾਤਞ੍ਞਸ੍ਸਾਮੀਤਿ.

ਅਞ੍ਞਂ ¶ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਂ.

ਅਞ੍ਞਾਤਾਵੀ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ.

ਨ ਸੋਤਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਤਂ.

ਨ ਘਾਨਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਘਾਨਂ.

ਨ ਜਿਵ੍ਹਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜਿਵ੍ਹਾ.

ਨ ਕਾਯੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਕਾਯੋ.

ਨ ਮਨੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਮਨੋ.

ਨ ਇਤ੍ਥੀ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਇਤ੍ਥੀ.

ਨ ਪੁਰਿਸੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪੁਰਿਸੋ.

ਨ ਜੀਵਿਤਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜੀਵਿਤਂ.

ਨ ਸੁਖਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੁਖਂ.

ਨ ਦੁਕ੍ਖਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੁਕ੍ਖਂ.

ਨ ਸੋਮਨਸ੍ਸਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਮਨਸ੍ਸਂ.

ਨ ਦੋਮਨਸ੍ਸਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੋਮਨਸ੍ਸਂ.

ਨ ਉਪੇਕ੍ਖਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਉਪੇਕ੍ਖਾ.

ਨ ਸਦ੍ਧਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਦ੍ਧਾ.

ਨ ਵੀਰਿਯਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਵੀਰਿਯਂ.

ਨ ਸਤਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਤਿ.

ਨ ਸਮਾਧਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਮਾਧਿ.

ਨ ਪਞ੍ਞਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪਞ੍ਞਾ.

ਨ ਅਨਞ੍ਞਾਤਞ੍ਞਸ੍ਸਾਮੀਤਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਨਞ੍ਞਾਤਞ੍ਞਸ੍ਸਾਮੀਤਿ.

ਨ ਅਞ੍ਞਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਂ.

ਨ ਅਞ੍ਞਾਤਾਵੀ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਚਕ੍ਖੁ ¶ ¶ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਤਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਘਾਨਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਜਿਵ੍ਹਾ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਕਾਯੋ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਮਨੋ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਇਤ੍ਥੀ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਪੁਰਿਸੋ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਜੀਵਿਤਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੁਖਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੁਕ੍ਖਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸੋਮਨਸ੍ਸਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਦੋਮਨਸ੍ਸਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਉਪੇਕ੍ਖਾ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਦ੍ਧਾ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਵੀਰਿਯਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਤਿ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਸਮਾਧਿ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਪਞ੍ਞਾ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਨਞ੍ਞਾਤਞ੍ਞਸ੍ਸਾਮੀਤਿ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਂ.

ਚਕ੍ਖੁ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸੋਤਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਘਾਨਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਜਿਵ੍ਹਾ ¶ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਕਾਯੋ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਮਨੋ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਇਤ੍ਥੀ ¶ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਪੁਰਿਸੋ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਜੀਵਿਤਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸੁਖਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਦੁਕ੍ਖਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸੋਮਨਸ੍ਸਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਦੋਮਨਸ੍ਸਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਉਪੇਕ੍ਖਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸਦ੍ਧਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਵੀਰਿਯਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸਤਿ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਸਮਾਧਿ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਪਞ੍ਞਾ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਅਨਞ੍ਞਾਤਞ੍ਞਸ੍ਸਾਮੀਤਿ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਅਞ੍ਞਂ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਾਤਾਵੀ.

ਅਞ੍ਞਾਤਾਵੀ ਇਨ੍ਦ੍ਰਿਯਂ, ਇਨ੍ਦ੍ਰਿਯਾ ਚਕ੍ਖੁ…ਪੇ… ਇਨ੍ਦ੍ਰਿਯਾ ਅਞ੍ਞਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਤਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਘਾਨਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜਿਵ੍ਹਾ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਕਾਯੋ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਮਨੋ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਇਤ੍ਥੀ.

ਨ ¶ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪੁਰਿਸੋ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਜੀਵਿਤਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੁਖਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੁਕ੍ਖਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸੋਮਨਸ੍ਸਂ.

ਨ ¶ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਦੋਮਨਸ੍ਸਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਉਪੇਕ੍ਖਾ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਦ੍ਧਾ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਵੀਰਿਯਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਤਿ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਸਮਾਧਿ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਪਞ੍ਞਾ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਨਞ੍ਞਾਤਞ੍ਞਸ੍ਸਾਮੀਤਿ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਂ.

ਨ ਚਕ੍ਖੁ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸੋਤਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਘਾਨਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਜਿਵ੍ਹਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਕਾਯੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਮਨੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਇਤ੍ਥੀ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਪੁਰਿਸੋ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਜੀਵਿਤਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸੁਖਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ¶ ਦੁਕ੍ਖਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸੋਮਨਸ੍ਸਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ¶ ਦੋਮਨਸ੍ਸਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਉਪੇਕ੍ਖਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸਦ੍ਧਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਵੀਰਿਯਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸਤਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਸਮਾਧਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਪਞ੍ਞਾ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਅਨਞ੍ਞਾਤਞ੍ਞਸ੍ਸਾਮੀਤਿ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਅਞ੍ਞਂ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਾਤਾਵੀ.

ਨ ਅਞ੍ਞਾਤਾਵੀ ਨ ਇਨ੍ਦ੍ਰਿਯਂ, ਨ ਇਨ੍ਦ੍ਰਿਯਾ ਨ ਚਕ੍ਖੁ…ਪੇ… ਨ ਇਨ੍ਦ੍ਰਿਯਾ ਨ ਅਞ੍ਞਂ.

ਹੇਤੁਪਚ੍ਚਯੋ ¶ ਆਰਮ੍ਮਣਪਚ੍ਚਯੋ ਅਧਿਪਤਿਪਚ੍ਚਯੋ ਅਨਨ੍ਤਰਪਚ੍ਚਯੋ ਸਮਨਨ੍ਤਰਪਚ੍ਚਯੋ ਸਹਜਾਤਪਚ੍ਚਯੋ ਅਞ੍ਞਮਞ੍ਞਪਚ੍ਚਯੋ ਨਿਸ੍ਸਯਪਚ੍ਚਯੋ ਉਪਨਿਸ੍ਸਯਪਚ੍ਚਯੋ ਪੁਰੇਜਾਤਪਚ੍ਚਯੋ ਪਚ੍ਛਾਜਾਤਪਚ੍ਚਯੋ ਆਸੇਵਨਪਚ੍ਚਯੋ ਕਮ੍ਮਪਚ੍ਚਯੋ ਵਿਪਾਕਪਚ੍ਚਯੋ ਆਹਾਰਪਚ੍ਚਯੋ ਇਨ੍ਦ੍ਰਿਯਪਚ੍ਚਯੋ ਝਾਨਪਚ੍ਚਯੋ ਮਗ੍ਗਪਚ੍ਚਯੋ ਸਮ੍ਪਯੁਤ੍ਤਪਚ੍ਚਯੋ ਵਿਪ੍ਪਯੁਤ੍ਤਪਚ੍ਚਯੋ ਅਤ੍ਥਿਪਚ੍ਚਯੋ ਨਤ੍ਥਿਪਚ੍ਚਯੋ ਵਿਗਤਪਚ੍ਚਯੋ ਅਵਿਗਤਪਚ੍ਚਯੋਤਿ (ਪਟ੍ਠਾ. ੧.੧.ਪਚ੍ਚਯੁਦ੍ਦੇਸ).

ਸਤ੍ਤਪ੍ਪਕਰਣਨਾਮਤੋ ¶ ¶ , ਅਭਿਧਮ੍ਮਮਦੇਸਯਿ;

ਦੇਵਾਤਿਦੇਵੋ ਦੇਵਾਨਂ, ਦੇਵਲੋਕਮ੍ਹਿ ਤਂ ਪੁਰੇ.

ਤਸ੍ਸਾਯਂ ਮਾਤਿਕਾ ਸਬ੍ਬਾ, ਸਕਲਸ੍ਸਾਪਿ ਉਦ੍ਧਰਾ;

ਚਿਰਟ੍ਠਿਤਤ੍ਥਂ ਧਮ੍ਮਸ੍ਸ, ਤਂ ਪਗ੍ਗਣ੍ਹਨ੍ਤੁ ਸਾਧਵੋ.

ਦ੍ਵਾਵੀਸਤਿ ਤਿਕਾ ਚੇਵ, ਤਥੇਵ ਹੇਤੁਗੋਚ੍ਛਕਂ;

ਚੂਲ਼ਨ੍ਤਰਦੁਕਾ ਸਤ੍ਤ, ਗੋਚ੍ਛਕਾ ਚ ਤਤੋ ਪਰਂ.

ਮਹਨ੍ਤਰਦੁਕਾ ਚਾਪਿ, ਤਤੋ ਚੁਦ੍ਦਸ ਨਿਦ੍ਦਿਸੇ;

ਗੋਚ੍ਛਕਾਨਿ ਦੁਵੇ ਪਿਟ੍ਠਿ-ਦੁਕਾਨਿਟ੍ਠਾਰਸੇਦਿਸਾ.

ਦ੍ਵਾਚਤ੍ਤਾਲੀਸ ਸੁਤ੍ਤਨ੍ਤ-ਦੁਕਾ ਤੇਵਨ੍ਤਿ ਪਞ੍ਚਧਾ;

ਸਤ੍ਤਪ੍ਪਕਰਣਿਕਾ ਭਿਨ੍ਨਾ, ਧਮ੍ਮਸਙ੍ਗਣਿਮਾਤਿਕਾ.

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

੧. ਕਾਰੁਞ੍ਞਭਾਵਿਤਂ ¶ ¶ ਯਸ੍ਸ, ਞਾਣਚਕ੍ਖੁ ਮਹੋਦਯਂ.

ਅਨ੍ਧਭੂਤਸ੍ਸ ਲੋਕਸ੍ਸ, ਜਾਤਂ ਸਾਮਞ੍ਞਲੋਚਨਂ.

੨. ਤਂ ਬੁਦ੍ਧਂ ਸੁਗਤਂ ਧੀਰਂ, ਸਸਦ੍ਧਮ੍ਮਂ ਸਸਾਵਕਂ.

ਵਨ੍ਦਿਤ੍ਵਾਨੁਸ੍ਸਰਿਤ੍ਵਾ ਚ, ਥੋਮੇਤ੍ਵਾ ਚ ਵਿਨਾਯਕਂ.

੩. ਥੇਰੇ ਚ ਥਿਰਸੀਲਾਦਿ-ਗੁਣਾਲਙ੍ਕਾਰਸੋਭਿਤੇ.

ਸਾਸਨੁਜ੍ਜੋਤਕੇ ਧੀਰੇ, ਪੁਬ੍ਬਕੇ ਵਂਸਪਾਲਕੇ.

੪. ਵਿਸੁਦ੍ਧਿਦੇਵਦੇਵੋ ¶ ਯਂ, ਦੇਵਾਨਂ ਤਿਦਸਾਲਯੇ.

ਪਞ੍ਞਾਯ ਦੇਸਯੀ ਤਸ੍ਸ, ਅਭਿਧਮ੍ਮਸ੍ਸ ਮਾਤਿਕਾ.

੫. ਯਾ ਤਸ੍ਸਾ ਵਿਪੁਲਤ੍ਥਾਯ, ਧਮ੍ਮਸਙ੍ਗਣਿਆਦਿਹਿ.

ਅਨੇਕੇਹਿ ਪਕਾਰੇਹਿ, ਪਾਲ਼ਿਅਟ੍ਠਕਥਾਹਿ ਚ.

੭. ਸਮਾਸੇਨਾਭਿਧਮ੍ਮਤ੍ਥਂ, ਮਾਤਿਕਾਮੁਖਤੋਖਿਲਂ.

ਞਾਤੁਕਾਮੇਹਿ ਸੁਦ੍ਧੇਹਿ, ਅਨ੍ਤੇਵਾਸੀਹਿ ਯਾਚਿਤੋ.

੮. ਸਙ੍ਕਡ੍ਢਿਤ੍ਵਾਨ ¶ ਨਯਤੋ, ਪਾਲ਼ਿਅਟ੍ਠਕਥਾਗਤਂ.

ਅਤ੍ਥਂ ਵਿਨਿਚ੍ਛਯਞ੍ਚੇਵ, ਸਮਾਸੇਨ ਨਿਰਾਕੁਲਂ.

੯. ਸਾਮਤ੍ਥਿਯਗਤਂ ਅਤ੍ਥਂ, ਨਿਕਾਯਨ੍ਤਰਨਿਸ੍ਸਟਂ.

ਮਹਾਵਿਹਾਰਵਾਸੀਨਂ, ਕਮਾਭਤਨਯਾਨੁਗਂ.

੧੦. ਦੀਪਯਨ੍ਤੋ ਨਯਞ੍ਞੂਨਂ, ਸਦਾ ਸਮ੍ਮੋਦਕਾਰਿਨਿਂ.

ਮੋਹਵਿਚ੍ਛੇਦਨਿਂ ਨਾਮ, ਕਰਿਸ੍ਸਾਮਤ੍ਥਵਣ੍ਣਨਨ੍ਤਿ.

ਤਤ੍ਥ ¶ ¶ ਅਭਿਧਮ੍ਮਸ੍ਸ ਮਾਤਿਕਾਤਿ ਏਤ੍ਥ ਕੇਨਟ੍ਠੇਨ ਅਭਿਧਮ੍ਮੋ? ਧਮ੍ਮਾਤਿਰੇਕਧਮ੍ਮਵਿਸੇਸਟ੍ਠੇਨ. ਅਤਿਰੇਕਵਿਸੇਸਤ੍ਥਦੀਪਕੋ ਹਿ ਏਤ੍ਥ ਅਭਿ-ਸਦ੍ਦੋ ‘‘ਬਾਲ਼੍ਹਾ ਮੇ ਦੁਕ੍ਖਾ ਵੇਦਨਾ ਅਭਿਕ੍ਕਮਨ੍ਤਿ, ਨੋ ਪਟਿਕ੍ਕਮਨ੍ਤਿ (ਸਂ. ਨਿ. ੪.੮੭; ੫.੧੯੫, ੧੦੨੨; ਮ. ਨਿ. ੩.੩੮੪, ੩੮੯), ਅਭਿਕ੍ਕਨ੍ਤਵਣ੍ਣਾ’’ਤਿਆਦੀਸੁ (ਸਂ. ਨਿ. ੧.੧; ਖੁ. ਪਾ. ੫.੧; ਸੁ. ਨਿ. ਮਙ੍ਗਲਸੁਤ੍ਤ; ਵਿ. ਵ. ੮੫੭) ਵਿਯ, ਤਸ੍ਮਾ ਯਥਾ ਸਮੁਸ੍ਸਿਤੇਸੁ ਬਹੂਸੁ ਛਤ੍ਤੇਸੁ ਚੇਵ ਧਜੇਸੁ ਚ ਯਂ ਅਤਿਰੇਕਪ੍ਪਮਾਣਂ, ਵਿਸੇਸਵਣ੍ਣਸਣ੍ਠਾਨਞ੍ਚ ਛਤ੍ਤਂ, ਤਂ ਅਤਿਚ੍ਛਤ੍ਤਂ, ਯੋ ਅਤਿਰੇਕਪ੍ਪਮਾਣੋ, ਵਿਸੇਸਵਣ੍ਣਸਣ੍ਠਾਨੋ ਚ ਧਜੋ, ਸੋ ਅਤਿਦ੍ਧਜੋਤਿ ਚ ਵੁਚ੍ਚਤਿ, ਏਵਮੇਵ ਅਯਮ੍ਪਿ ਧਮ੍ਮੋ ਧਮ੍ਮਾਤਿਰੇਕਧਮ੍ਮਵਿਸੇਸਟ੍ਠੇਨ ‘‘ਅਭਿਧਮ੍ਮੋ’’ਤਿ ਵੁਚ੍ਚਤਿ. ਭਗਵਤਾ ਹਿ ਸੁਤ੍ਤਨ੍ਤਂ ਪਤ੍ਵਾ ਖਨ੍ਧਾਯਤਨਧਾਤੁਸਚ੍ਚਇਨ੍ਦ੍ਰਿਯਪਚ੍ਚਯਾਕਾਰਾਦਯੋ ਧਮ੍ਮਾ ਏਕਦੇਸੇਨ ਵਿਭਤ੍ਤਾ, ਨ ਨਿਪ੍ਪਦੇਸੇਨ, ਅਭਿਧਮ੍ਮਂ ਪਤ੍ਵਾ ਪਨ ਅਨੇਕੇਹਿ ਨਯਵਿਸੇਸੇਹਿ ਨਿਪ੍ਪਦੇਸਤੋਵ ਵਿਭਤ੍ਤਾ. ਏਵਂ ਧਮ੍ਮਾਤਿਰੇਕਧਮ੍ਮਵਿਸੇਸਟ੍ਠੇਨ ‘‘ਅਭਿਧਮ੍ਮੋ’’ਤਿ ਵੇਦਿਤਬ੍ਬੋ.

ਕੇਨਟ੍ਠੇਨ ਮਾਤਿਕਾ? ਮਾਤੁਸਮਟ੍ਠੇਨ. ਮਾਤਾ ਵਿਯਾਤਿ ਹਿ ਮਾਤਿਕਾ ਯਥਾ ਪਦੁਮਿਕਂ ਮੁਖਨ੍ਤਿ. ਯਥਾ ਹਿ ਮਾਤਾ ਨਾਨਾਵਿਧੇ ਪੁਤ੍ਤੇ ਪਸਵਤਿ, ਤੇ ਪਾਲੇਤਿ, ਪੋਸੇਤਿ ਚ, ਏਵਮਯਮ੍ਪਿ ਨਾਨਾਵਿਧੇ ਧਮ੍ਮੇ, ਅਤ੍ਥੇ ਚ ਪਸਵਤਿ, ਤੇ ਚ ਅਵਿਨਸ੍ਸਮਾਨੇ ਪਾਲੇਤਿ, ਪੋਸੇਤਿ ਚ, ਤਸ੍ਮਾ ‘‘ਮਾਤਿਕਾ’’ਤਿ ਵੁਚ੍ਚਤਿ. ਮਾਤਿਕਂ ਹਿ ਨਿਸ੍ਸਾਯ ਧਮ੍ਮਸਙ੍ਗਣੀਆਦਿਸਤ੍ਤਪ੍ਪਕਰਣਵਸੇਨ ਵਿਤ੍ਥਾਰਿਯਮਾਨਾ ਅਨਨ੍ਤਾਪਰਿਮਾਣਾ ਧਮ੍ਮਾ, ਅਤ੍ਥਾ ਚ ਤਾਯ ਪਸੁਤਾ, ਪਾਲਿਤਾ, ਪੋਸਿਤਾ ਵਿਯ ਚ ਹੋਨ੍ਤਿ. ਤਥਾ ਹਿ ਧਮ੍ਮਸਙ੍ਗਣਿਪ੍ਪਕਰਣੇ ਚਤਸ੍ਸੋ ਵਿਭਤ੍ਤਿਯੋ ਚਿਤ੍ਤਵਿਭਤ੍ਤਿ ਰੂਪਵਿਭਤ੍ਤਿ ਨਿਕ੍ਖੇਪਰਾਸਿ ਅਤ੍ਥੁਦ੍ਧਾਰੋਤਿ ¶ . ਤਤ੍ਥ ਨਾਨਾਨਯੇਹਿ ਏਕੂਨਨਵੁਤਿਚਿਤ੍ਤਵਿਭਾਵਿਨੀ ¶ ਚਿਤ੍ਤਵਿਭਤ੍ਤਿ ਵਿਤ੍ਥਾਰਿਯਮਾਨਾ ਅਨਨ੍ਤਾਪਰਿਮਾਣਭਾਣਵਾਰਾ ਹੋਤਿ, ਤਦਨਨ੍ਤਰਂ ਏਕਵਿਧਾਦਿਨਾ ਰੂਪਵਿਭਾਵਿਨੀ ਰੂਪਵਿਭਤ੍ਤਿ ਵਿਤ੍ਥਾਰਿਯਮਾਨਾ ਅਨਨ੍ਤਾਪਰਿਮਾਣਭਾਣਵਾਰਾ ਹੋਤਿ, ਤਦਨਨ੍ਤਰਂ ਮੂਲਖਨ੍ਧਦ੍ਵਾਰਾਦੀਨਿ ਨਿਕ੍ਖਿਪਿਤ੍ਵਾ ਦੇਸਿਤੋ ਨਿਕ੍ਖੇਪਰਾਸਿ ਵਿਤ੍ਥਾਰਿਯਮਾਨੋ ਅਨਨ੍ਤਾਪਰਿਮਾਣਭਾਣਵਾਰੋ ਹੋਤਿ, ਤਦਨਨ੍ਤਰਂ ਤੇਪਿਟਕਸ੍ਸ ਬੁਦ੍ਧਵਚਨਸ੍ਸ ਅਟ੍ਠਕਥਾਭੂਤੋ ਅਤ੍ਥੁਦ੍ਧਾਰੋ ਵਿਤ੍ਥਾਰਿਯਮਾਨੋ ਅਨਨ੍ਤਾਪਰਿਮਾਣਭਾਣਵਾਰੋ ਹੋਤਿ. ਏਵਮਿਦਂ ਧਮ੍ਮਸਙ੍ਗਣਿਪ੍ਪਕਰਣਂ ਵਾਚਨਾਮਗ੍ਗਤੋ ਅਤਿਰੇਕਤੇਰਸਮਤ੍ਤਭਾਣਵਾਰਮ੍ਪਿ ਸਮਾਨਂ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਤਥਾ ਵਿਭਙ੍ਗਪ੍ਪਕਰਣੇ ਖਨ੍ਧਵਿਭਙ੍ਗੋ ਆਯਤਨਧਾਤੁਸਚ੍ਚਇਨ੍ਦ੍ਰਿਯਪਚ੍ਚਯਾਕਾਰਸਤਿਪਟ੍ਠਾਨਸਮ੍ਮਪ੍ਪਧਾਨਇਦ੍ਧਿਪਾਦਬੋਜ੍ਝਙ੍ਗਮਗ੍ਗਙ੍ਗਝਾਨਅਪ੍ਪਮਞ੍ਞਾਸਿਕ੍ਖਾਪਦਪਟਿਸਮ੍ਭਿਦਾਞਾਣਖੁਦ੍ਦਕਵਤ੍ਥੁਧਮ੍ਮਹਦਯਵਿਭਙ੍ਗਾਤਿ ਅਟ੍ਠਾਰਸ ਵਿਭਙ੍ਗਾ ਵਿਭਤ੍ਤਾ, ਤੇ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਾਦਿਨਾਨਾਨਯੇਹਿ ਵਿਤ੍ਥਾਰਿਯਮਾਨਾ ਪਚ੍ਚੇਕਂ ਅਨਨ੍ਤਾਪਰਿਮਾਣਭਾਣਵਾਰਾ ਹੋਨ੍ਤਿ. ਏਵਮਿਦਂ ਵਿਭਙ੍ਗਪ੍ਪਕਰਣਂ ਵਾਚਨਾਮਗ੍ਗਤੋ ਪਞ੍ਚਤਿਂਸਮਤ੍ਤਭਾਣਵਾਰਮ੍ਪਿ ਸਮਾਨਂ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਤਥਾ ਧਾਤੁਕਥਾਪਕਰਣਂ ‘‘ਸਙ੍ਗਹੋ ਅਸਙ੍ਗਹੋ’’ਤਿਆਦਿਨਾ ਚੁਦ੍ਦਸਵਿਧੇਨ ਵਿਭਤ੍ਤਂ ਵਾਚਨਾਮਗ੍ਗਤੋ ਅਤਿਰੇਕਛਭਾਣਵਾਰਮਤ੍ਤਮ੍ਪਿ ਸਮਾਨਂ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਤਥਾ ਪੁਗ੍ਗਲਪਞ੍ਞਤ੍ਤਿਪ੍ਪਕਰਣਂ ਖਨ੍ਧਪਞ੍ਞਤ੍ਤਿ ਆਯਤਨਧਾਤੁਸਚ੍ਚਇਨ੍ਦ੍ਰਿਯਪੁਗ੍ਗਲਪਞ੍ਞਤ੍ਤੀਤਿ ਛਬ੍ਬਿਧੇਨ ਵਿਭਤ੍ਤਂ ਵਾਚਨਾਮਗ੍ਗਤੋ ਅਤਿਰੇਕਪਞ੍ਚਭਾਣਵਾਰਮਤ੍ਤਮ੍ਪਿ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਤਥਾ ¶ ਕਥਾਵਤ੍ਥੁਪ੍ਪਕਰਣਂ ਸਕਵਾਦੇ ਪਞ੍ਚ ਸੁਤ੍ਤਸਤਾਨਿ, ਪਰਵਾਦੇ ਪਞ੍ਚ ਸੁਤ੍ਤਸਤਾਨੀਤਿ ਸੁਤ੍ਤਸਹਸ੍ਸਂ ਸਮੋਧਾਨੇਤ੍ਵਾ ਵਿਭਤ੍ਤਂ ਵਾਚਨਾਮਗ੍ਗਤੋ ਸਙ੍ਗੀਤਿਆਰੋਪਿਤਨਯੇਨ ਦੀਘਨਿਕਾਯਪ੍ਪਮਾਣਮ੍ਪਿ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਤਥਾ ਯਮਕਪ੍ਪਕਰਣਂ ਮੂਲਯਮਕਂ ਖਨ੍ਧਾਯਤਨਧਾਤੁਸਚ੍ਚਸਙ੍ਖਾਰਅਨੁਸਯਚਿਤ੍ਤਧਮ੍ਮਇਨ੍ਦ੍ਰਿਯਯਮਕਨ੍ਤਿ ਦਸਵਿਧੇਨ ਵਿਭਤ੍ਤਂ ਵਾਚਨਾਮਗ੍ਗਤੋ ਵੀਸਭਾਣਵਾਰਸਤਮ੍ਪਿ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ.

ਪਟ੍ਠਾਨਪ੍ਪਕਰਣਂ ¶ ਹੇਤੁਪਚ੍ਚਯਆਰਮ੍ਮਣਪਚ੍ਚਯਾਦਿਚਤੁਵੀਸਤਿਪਚ੍ਚਯੇ ਗਹੇਤ੍ਵਾ ਤਿਕਪਟ੍ਠਾਨਾਦਿਚਤੁਵੀਸਤਿਵਿਧੇਨ ਵਿਭਤ੍ਤਂ ਪਚ੍ਚੇਕਂ ਕਤਿਪਯਭਾਣਵਾਰਮ੍ਪਿ ਵਿਤ੍ਥਾਰਿਯਮਾਨਂ ਅਨਨ੍ਤਾਪਰਿਮਾਣਭਾਣਵਾਰਂ ਹੋਤਿ. ਏਵਂ ਅਨਨ੍ਤਾਪਰਿਮਾਣਾਨਂ ਧਮ੍ਮਾਨਂ, ਅਤ੍ਥਾਨਞ੍ਚ ਪਸਵਨਤੋ, ਪਾਲਨਤੋ, ਪੋਸਨਤੋ ਚ ‘‘ਮਾਤਾ ਵਿਯਾਤਿ ਮਾਤਿਕਾ’’ਤਿ ਵੁਚ੍ਚਤਿ. ਪਾਲਨਪੋਸਨਞ੍ਚੇਤ੍ਥ ਸਮ੍ਮੁਟ੍ਠਾਨਂ, ਵਿਰਦ੍ਧਾਨਞ੍ਚ ਪਾਲ਼ਿਅਤ੍ਥਾਨਂ ਮਾਤਿਕਾਨੁਸਾਰੇਨ ਸਲ੍ਲਕ੍ਖੇਤ੍ਵਾ ਸਮਾਨਯਨਤੋ, ਰਕ੍ਖਣਤੋ ਚ ਵੇਦਿਤਬ੍ਬਂ. ਸਾ ਪਨਾਯਂ ਪਰਿਚ੍ਛੇਦਤੋ ਧਮ੍ਮਸਙ੍ਗਣੀਮਾਤਿਕਾ ਵਿਭਙ੍ਗਮਾਤਿਕਾ ਧਾਤੁਕਥਾਮਾਤਿਕਾ ਪੁਗ੍ਗਲਪਞ੍ਞਤ੍ਤਿਮਾਤਿਕਾ ਕਥਾਵਤ੍ਥੁਮਾਤਿਕਾ ਯਮਕਮਾਤਿਕਾ ਪਟ੍ਠਾਨਮਾਤਿਕਾਤਿ ਸਤ੍ਤਨ੍ਨਂ ਪਕਰਣਾਨਂ ਆਦਿਮ੍ਹਿ ਠਪਿਤਾ ਸਤ੍ਤਵਿਧਾ ਹੋਤਿ.

ਤਤ੍ਥ ਧਮ੍ਮਸਙ੍ਗਣੀਮਾਤਿਕਾ ਆਦਿ, ਸਾਪਿ ਤਿਕਮਾਤਿਕਾ ਦੁਕਮਾਤਿਕਾਤਿ ਦੁਵਿਧਾ. ਤਤ੍ਥ ਦ੍ਵਾਵੀਸਤਿ ਤਿਕਾ ਤਿਕਮਾਤਿਕਾ ਨਾਮ. ਦ੍ਵੇਚਤ੍ਤਾਲੀਸਸਤਦੁਕਾ ਦੁਕਮਾਤਿਕਾ ਨਾਮ, ਸਾ ਪੁਨ ਆਹਚ੍ਚਭਾਸਿਤਾ ਸਾਵਕਭਾਸਿਤਾਤਿ ਦੁਵਿਧਾ. ਤਤ੍ਥ ਦ੍ਵਾਵੀਸਤਿ ਤਿਕਾ ਚੇਵ, ‘‘ਹੇਤੂ ਧਮ੍ਮਾ ਨ ਹੇਤੂ ਧਮ੍ਮਾ…ਪੇ… ਸਰਣਾ ਧਮ੍ਮਾ ਅਰਣਾ ਧਮ੍ਮਾ’’ਤਿ ਇਮੇ ਚ ਸਤਂ ¶ ਦੁਕਾਤਿ ਅਯਂ ਆਹਚ੍ਚਭਾਸਿਤਾ ਸਮ੍ਮਾਸਮ੍ਬੁਦ੍ਧਦੇਸਿਤਾ ਸਤ੍ਤਨ੍ਨਂ ਪਕਰਣਾਨਂ ਮਾਤਿਕਾ ਨਾਮ, ਤਦਨਨ੍ਤਰਾ ‘‘ਵਿਜ੍ਜਾਭਾਗਿਨੋ ਧਮ੍ਮਾ ਅਵਿਜ੍ਜਾਭਾਗਿਨੋ ਧਮ੍ਮਾ…ਪੇ… ਖਯੇਞਾਣਂ ਅਨੁਪ੍ਪਾਦੇਞਾਣ’’ਨ੍ਤਿ ਇਮੇ ਦ੍ਵਾਚਤ੍ਤਾਲੀਸ ਸੁਤ੍ਤਨ੍ਤਿਕਦੁਕਾ ਧਮ੍ਮਸੇਨਾਪਤਿਸਾਰਿਪੁਤ੍ਤਤ੍ਥੇਰੇਨ ਠਪਿਤਤ੍ਤਾ ਸਾਵਕਭਾਸਿਤਾ ਨਾਮ. ਇਮੇ ਠਪੇਨ੍ਤੋ ਪਨ ਥੇਰੋ ਨ ਸਾਮੁਕ੍ਕਂਸਿਕੇਨ ਅਤ੍ਤਨੋ ਞਾਣੇਨ ਠਪੇਸਿ, ਏਕੁਤ੍ਤਰਿਯਂ ਪਨ ਏਕਕਨਿਪਾਤਦੁਕਨਿਪਾਤਸਙ੍ਗੀਤਿਸੁਤ੍ਤਦਸੁਤ੍ਤਰਸੁਤ੍ਤੇਹਿ ਸਮੋਧਾਨੇਤ੍ਵਾ ਆਭਿਧਮ੍ਮਿਕਤ੍ਥੇਰਾਨਂ ਸੁਤ੍ਤਨ੍ਤਂ ਪਤ੍ਵਾ ਅਕਿਲਮਨਤ੍ਥਂ ਠਪੇਸਿ.

ਸਾ ਪੁਨ ਸਪ੍ਪਦੇਸਨਿਪ੍ਪਦੇਸਵਸੇਨ ਦ੍ਵੇ ਕੋਟ੍ਠਾਸਾ ਹੋਨ੍ਤਿ. ਏਤ੍ਥ ਹਿ ਨਵ ਤਿਕਾ, ਏਕਸਤ੍ਤਤਿ ਚ ਦੁਕਾ ਸਪ੍ਪਦੇਸਾਨਂ ਸਾਵਸੇਸਾਨਂ ਨਾਮਰੂਪਾਨਂ ਪਰਿਗ੍ਗਹਿਤਤ੍ਤਾ ਸਪ੍ਪਦੇਸਾ ਨਾਮ, ਅਵਸੇਸਾ ਤੇਰਸ ਤਿਕਾ, ਏਕਸਤ੍ਤਤਿ ਚ ਦੁਕਾ ਨਿਪ੍ਪਦੇਸਾਨਂ ਨਿਰਵਸੇਸਾਨਂ ਨਾਮਰੂਪਾਨਂ ਗਹਿਤਤ੍ਤਾ ਨਿਪ੍ਪਦੇਸਾ ਨਾਮ. ਤੇਸਂ ਵਿਭਾਗੋ ਤਤ੍ਥ ਤਤ੍ਥੇਵ ਆਵਿ ਭਵਿਸ੍ਸਤਿ. ਤਥਾ ਨਾਮਲਾਭਵਸੇਨ ਦ੍ਵਿਧਾ. ਸਬ੍ਬੇਵ ਹਿ ਏਤੇ ਤਿਕਦੁਕਾ ਆਦਿਪਦਵਸੇਨ, ਸਬ੍ਬਪਦਵਸੇਨ ਚਾਤਿ ਦ੍ਵਿਧਾ ਨਾਮਂ ਲਭਨ੍ਤਿ. ਤਤ੍ਥ ‘‘ਕੁਸਲਾ ਧਮ੍ਮਾ, ਅਕੁਸਲਾ ਧਮ੍ਮਾ, ਅਬ੍ਯਾਕਤਾ ਧਮ੍ਮਾ’’ਤਿ ਅਯਂ ਤਾਵ ਆਦਿਪਦਵਸੇਨ ਲਦ੍ਧਨਾਮੋ ਕੁਸਲਤ੍ਤਿਕੋ ਨਾਮ. ‘‘ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ…ਪੇ… ਧਮ੍ਮਾ’’ਤਿ ਅਯਂ ਸਬ੍ਬਪਦਵਸੇਨ ਲਦ੍ਧਨਾਮੋ ਵੇਦਨਾਤ੍ਤਿਕੋ ਨਾਮ. ਏਵਂ ਸਬ੍ਬੇਸਮ੍ਪਿ ਤਿਕਦੁਕਾਨਂ ਨਾਮਂ ਵੇਦਿਤਬ੍ਬਂ.

ਸਾ ਪਨੇਸਾ ਪਞ੍ਚਦਸਹਿ ਪਰਿਚ੍ਛੇਦੇਹਿ ਵਵਤ੍ਥਿਤਾ. ਤਿਕਾਨਂ ਹਿ ਏਕੋ ਪਰਿਚ੍ਛੇਦੋ, ਦੁਕਾਨਂ ਚੁਦ੍ਦਸ ¶ . ‘‘ਹੇਤੂ ਧਮ੍ਮਾ ਨਹੇਤੂ ਧਮ੍ਮਾ’’ਤਿਆਦਯੋ ਹਿ ਛ ਦੁਕਾ ਗਨ੍ਥਤੋ ਚ ਅਤ੍ਥਤੋ ਚ ਅਞ੍ਞਮਞ੍ਞਸਮ੍ਬਨ੍ਧੇਨ ਕਣ੍ਣਿਕਾ ਵਿਯ, ਘਟਾ ਵਿਯ ਚ ਹੁਤ੍ਵਾ ਠਿਤਤ੍ਤਾ ‘‘ਹੇਤੁਗੋਚ੍ਛਕੋ’’ਤਿ ਵੁਚ੍ਚਤਿ. ਤਤੋ ਅਪਰੇ ‘‘ਸਪ੍ਪਚ੍ਚਯਾ ਧਮ੍ਮਾ’’ਤਿਆਦਯੋ ਸਤ੍ਤ ਦੁਕਾ ਅਞ੍ਞਮਞ੍ਞਂ ਅਸਮ੍ਬਨ੍ਧਾ ¶ ਕੇਵਲਂ ਦੁਕਸਾਮਞ੍ਞੇਨ ਉਚ੍ਚਿਨਿਤ੍ਵਾ ਗੋਚ੍ਛਕਨ੍ਤਰੇ ਠਪਿਤਤ੍ਤਾ, ਅਞ੍ਞੇਹਿ ਚ ਅਨ੍ਤਰਦੁਕੇਹਿ ਚੂਲ਼ਕਤ੍ਤਾ ‘‘ਚੂਲ਼ਨ੍ਤਰਦੁਕਾ’’ਤਿ ਵੇਦਿਤਬ੍ਬਾ. ਤਤੋ ਪਰਂ ਆਸਵਦੁਕਾਦੀਨਂ ਛਨ੍ਨਂ ਦੁਕਾਨਂ ਵਸੇਨ ਆਸਵਗੋਚ੍ਛਕੋ ਨਾਮ. ਤਤੋ ਸਂਯੋਜਨਦੁਕਾਦੀਨਂ ਛਨ੍ਨਂ ਵਸੇਨ ਸਂਯੋਜਨਗੋਚ੍ਛਕੋ ਨਾਮ. ਤਥਾ ਗਨ੍ਥਓਘਯੋਗਨੀਵਰਣਦੁਕਾਦੀਨਂ ਛਨ੍ਨਂ ਛਨ੍ਨਂ ਵਸੇਨ ਗਨ੍ਥਓਘਯੋਗਨੀਵਰਣਗੋਚ੍ਛਕਾ ਨਾਮ. ਪਰਾਮਾਸਦੁਕਾਦੀਨਂ ਪਞ੍ਚਨ੍ਨਂ ਵਸੇਨ ਪਰਾਮਾਸਗੋਚ੍ਛਕੋ ਨਾਮ. ਤਤੋ ਪਰਂ ਸਾਰਮ੍ਮਣਦੁਕਾਦਯੋ ਚਤੁਦ੍ਦਸ ਦੁਕਾ ਮਹਨ੍ਤਰਦੁਕਾ ਨਾਮ. ਤਤੋ ਪਰਂ ਉਪਾਦਾਨਦੁਕਾਦਯੋ ਛ ਦੁਕਾ ਉਪਾਦਾਨਗੋਚ੍ਛਕੋ ਨਾਮ. ਤਤੋ ਕਿਲੇਸਦੁਕਾਦਯੋ ਅਟ੍ਠਦੁਕਾ ਕਿਲੇਸਗੋਚ੍ਛਕੋ ਨਾਮ. ਤਤੋ ਪਰਂ ਦਸ੍ਸਨੇਨਪਹਾਤਬ੍ਬਦੁਕਾਦਯੋ ਅਟ੍ਠਾਰਸ ਦੁਕਾ ਅਭਿਧਮ੍ਮਮਾਤਿਕਾਯ ਪਰਿਯੋਸਾਨੇ ਠਪਿਤਤ੍ਤਾ ਪਿਟ੍ਠਿਦੁਕਾ ਨਾਮ. ਵਿਜ੍ਜਾਭਾਗਿਯਦੁਕਾਦਯੋ ਪਨ ਦ੍ਵਾਚਤ੍ਤਾਲੀਸ ਦੁਕਾ ਸੁਤ੍ਤਨ੍ਤਿਕਦੁਕਾ ਨਾਮ. ਏਵਮੇਤਿਸ੍ਸਾ ਪਞ੍ਚਦਸਹਿ ਪਰਿਚ੍ਛੇਦੇਹਿ ਵਵਤ੍ਥਿਤਾਯ ਤਾਵ ਅਯਂ ਅਤ੍ਥਵਣ੍ਣਨਾ ਭਵਿਸ੍ਸਤਿ.

ਯਸ੍ਮਾ ਪਨੇਤ੍ਥ ਤਿਕਮਾਤਿਕਾ ਆਦਿ, ਤਤ੍ਥਾਪਿ ਕੁਸਲਤ੍ਤਿਕੋ ਆਦਿ, ਤਸ੍ਮਾ ਕੁਸਲਤ੍ਤਿਕਸ੍ਸ ਤਾਵ –

ਅਤ੍ਥਤੋ ਭੂਮਿਭੇਦਾ ਚ, ਪਚ੍ਚੇਕਂ ਸਮ੍ਪਯੋਗਤੋ;

ਉਦ੍ਦੇਸਤੋ ਚ ਧਮ੍ਮਾਨਂ, ਲਕ੍ਖਣਾਦਿਵਿਭਾਗਤੋ.

ਸਙ੍ਗਹਾ ਸੁਞ੍ਞਤੋ ਚੇਵ, ਵਿਸਯਾਦਿਪ੍ਪਭੇਦਤੋ;

ਯਥਾਨੁਰੂਪਂ ਸਬ੍ਬਤ੍ਥ, ਵੇਦਿਤਬ੍ਬੋ ਵਿਨਿਚ੍ਛਯੋ.

ਤਤ੍ਥ ਅਤ੍ਥਤੋ ਤਾਵ ਕੁਸਲਾ ਧਮ੍ਮਾਤਿ ਏਤ੍ਥ ਕੁਸਲਸਦ੍ਦੋ ਆਰੋਗ੍ਯਾਨਵਜ੍ਜਛੇਕਸੁਖਵਿਪਾਕੇਸੁ ਦਿਸ੍ਸਤਿ. ਅਯਂ ਹਿ ¶ ‘‘ਕਚ੍ਚਿ ਨੁ ਭੋਤੋ ਕੁਸਲਂ, ਕਚ੍ਚਿ ਭੋਤੋ ਅਨਾਮਯ’’ਨ੍ਤਿਆਦੀਸੁ (ਜਾ. ੧.੧੫.੨੪੬; ੨.੨੦.੧੨੯) ਆਰੋਗ੍ਯੇ ਦਿਸ੍ਸਤਿ. ‘‘ਕਤਮੋ ਪਨ, ਭਨ੍ਤੇ, ਕਾਯਸਮਾਚਾਰੋ ਕੁਸਲੋ ¶ ? ਯੋ ਖੋ, ਮਹਾਰਾਜ, ਕਾਯਸਮਾਚਾਰੋ ਅਨਵਜ੍ਜੋ’’ਤਿਆਦੀਸੁ (ਮ. ਨਿ. ੨.੩੬੧) ਅਨਵਜ੍ਜੇ. ‘‘ਕੁਸਲੋ ਤ੍ਵਂ ਰਥਸ੍ਸ ਅਙ੍ਗਪਚ੍ਚਙ੍ਗਾਨ’’ਨ੍ਤਿਆਦੀਸੁ (ਮ. ਨਿ. ੨.੮੭) ਛੇਕੇ. ‘‘ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ’’ਤਿਆਦੀਸੁ (ਧ. ਸ. ੪੩੧) ਸੁਖਵਿਪਾਕੇ. ਸ੍ਵਾਯਮਿਧ ਆਰੋਗ੍ਯੇਪਿ ਅਨਵਜ੍ਜੇਪਿ ਸੁਖਵਿਪਾਕੇਪਿ ਵਤ੍ਤਤਿ. ਯਥੇਵ ਹਿ ਰੂਪਕਾਯੇ ਨਿਬ੍ਯਾਧਿਤਾਯ ਆਰੋਗ੍ਯਟ੍ਠੇਨ ਕੁਸਲਂ ਵੁਤ੍ਤਂ, ਏਵਂ ਅਰੂਪਧਮ੍ਮੇਪਿ ਕਿਲੇਸਬ੍ਯਾਧਿਨੋ ਅਭਾਵੇਨ ਆਰੋਗ੍ਯਟ੍ਠੇਨ ਕੁਸਲਂ ਵੇਦਿਤਬ੍ਬਂ. ਕਿਲੇਸਵਜ੍ਜਸ੍ਸ ਪਨ ਅਭਾਵਾ ਅਨਵਜ੍ਜਟ੍ਠੇਨ ਕੁਸਲਂ.

ਧਮ੍ਮ-ਸਦ੍ਦੋ ਪਨਾਯਂ ਪਰਿਯਤ੍ਤਿਹੇਤੁਗੁਣਨਿਸ੍ਸਤ੍ਤਨਿਜ੍ਜੀਵਤਾਦੀਸੁ ਦਿਸ੍ਸਤਿ. ਅਯਂ ਹਿ ‘‘ਧਮ੍ਮਂ ਪਰਿਯਾਪੁਣਾਤਿ ਸੁਤ੍ਤਂ ਗੇਯ੍ਯ’’ਨ੍ਤਿਆਦੀਸੁ (ਅ. ਨਿ. ੪.੧੦੨) ਪਰਿਯਤ੍ਤਿਯਂ ਦਿਸ੍ਸਤਿ. ‘‘ਹੇਤੁਮ੍ਹਿ ਞਾਣਂ ਧਮ੍ਮਪਟਿਸਮ੍ਭਿਦਾ’’ਤਿਆਦੀਸੁ (ਵਿਭ. ੭੨੦) ਹੇਤੁਮ੍ਹਿ. ‘‘ਨ ਹਿ ਧਮ੍ਮੋ ਅਧਮ੍ਮੋ ਚ, ਉਭੋ ਸਮਵਿਪਾਕਿਨੋ’’ਤਿਆਦੀਸੁ (ਥੇਰਗਾ. ੩੦੪) ਗੁਣੇ. ‘‘ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤੀ’’ਤਿਆਦੀਸੁ (ਦੀ. ਨਿ. ੨.੩੭੩) ਨਿਸ੍ਸਤ੍ਤਨਿਜ੍ਜੀਵਤਾਯਂ, ਸ੍ਵਾਯਮਿਧਾਪਿ ਨਿਸ੍ਸਤ੍ਤਨਿਜ੍ਜੀਵਤਾਯਮੇਵ ਵਟ੍ਟਤਿ.

ਵਚਨਤ੍ਥੋ ਪਨੇਤ੍ਥ – ਕੁਚ੍ਛਿਤੇ ਪਾਪਧਮ੍ਮੇ ਸਲਯਨ੍ਤਿ ਚਲਯਨ੍ਤਿ ਕਮ੍ਪੇਨ੍ਤਿ ਵਿਦ੍ਧਂਸੇਨ੍ਤੀਤਿ ਕੁਸਲਾ. ਕੁਚ੍ਛਿਤੇਨ ਵਾ ਆਕਾਰੇਨ ਸਯਨ੍ਤੀਤਿ ਕੁਸਾ, ਤੇ ਕੁਸੇ ਲੁਨਨ੍ਤਿ ਛਿਨ੍ਦਨ੍ਤੀਤਿ ਕੁਸਲਾ. ਕੁਚ੍ਛਿਤਾਨਂ ਵਾ ਸਾਨਤੋ ਤਨੁਕਰਣਤੋ ਞਾਣਂ ਕੁਸਂ ਨਾਮ, ਤੇਨ ਕੁਸੇਨ ਲਾਤਬ੍ਬਾ ਪਰਿਵਤ੍ਤੇਤਬ੍ਬਾਤਿ ਕੁਸਲਾ. ਅਥ ਵਾ ਕੋਸਲ੍ਲਂ ਵੁਚ੍ਚਤਿ ਪਞ੍ਞਾ, ਤਤੋ ਕੋਸਲ੍ਲਤੋ ਸਮ੍ਭੂਤਤ੍ਤਾ ਕੁਸਲਾ. ਇਦਂ ਪਨ ਅਨਨ੍ਤਰੇ ਵੁਤ੍ਤਞ੍ਚਾਤਿ ਨਿਬ੍ਬਚਨਦ੍ਵਯਂ ਕਿਞ੍ਚਾਪਿ ਨਿਪ੍ਪਰਿਯਾਯਤੋ ਞਾਣਸਮ੍ਪਯੁਤ੍ਤਾਨਮੇਵ ¶ ਯੁਜ੍ਜਤਿ, ਰੁਲ਼੍ਹੀਵਸੇਨ ਪਨ ਤਂਸਦਿਸਤਾਯ ਞਾਣਵਿਪ੍ਪਯੁਤ੍ਤਾਨਮ੍ਪੀਤਿ ਗਹੇਤਬ੍ਬਂ. ਯਥਾ ਵਾ ਕੁਸਾ ਉਭਯਭਾਗਗਤਂ ਹਤ੍ਥਪ੍ਪਦੇਸਂ ਲੁਨਨ੍ਤਿ, ਏਵਮਿਮੇਪਿ ਉਪ੍ਪਨ੍ਨਾਨੁਪ੍ਪਨ੍ਨਭਾਵੇਨ ਉਭਯਭਾਗਗਤਂ ਸਂਕਿਲੇਸਪਕ੍ਖਂ ਲੁਨਨ੍ਤਿ, ਤਸ੍ਮਾ ਕੁਸਾ ਵਿਯ ਲੁਨਨ੍ਤੀਤਿ ਕੁਸਲਾ. ਅਤ੍ਤਨੋ ਪਨ ਸਭਾਵਂ ਧਾਰੇਨ੍ਤੀਤਿ ਧਮ੍ਮਾ, ਧਾਰੀਯਨ੍ਤਿ ਵਾ ਪਚ੍ਚਯੇਹਿ, ਧਾਰੀਯਨ੍ਤਿ ਵਾ ਯਥਾਸਭਾਵਤੋ ਆਧਾਰੀਯਨ੍ਤੀਤਿਪਿ ਧਮ੍ਮਾ. ਨ ਕੁਸਲਾ ਅਕੁਸਲਾ, ਮਿਤ੍ਤਪਟਿਪਕ੍ਖਾ ਅਮਿਤ੍ਤਾ ਵਿਯ ਕੁਸਲਪਟਿਪਕ੍ਖਾਤਿ ਅਤ੍ਥੋ. ਨ ਬ੍ਯਾਕਤਾਤਿ ਅਬ੍ਯਾਕਤਾ, ਕੁਸਲਾਕੁਸਲਭਾਵੇਨ ਅਕਥਿਤਾਤਿ ਅਤ੍ਥੋ. ਤੇਸੁ ਅਨਵਜ੍ਜਸੁਖਵਿਪਾਕਲਕ੍ਖਣਾ ਕੁਸਲਾ, ਸਾਵਜ੍ਜਦੁਕ੍ਖਵਿਪਾਕਲਕ੍ਖਣਾ ਅਕੁਸਲਾ, ਅਵਿਪਾਕਲਕ੍ਖਣਾ ਅਬ੍ਯਾਕਤਾ.

ਕਿਂ ਪਨੇਤਾਨਿ ਕੁਸਲਾਤਿ ਵਾ ਧਮ੍ਮਾਤਿ ਵਾਤਿਆਦੀਨਿ ਏਕਤ੍ਥਾਨਿ, ਉਦਾਹੁ ਨਾਨਤ੍ਥਾਨੀਤਿ? ਕਿਞ੍ਚੇਤ੍ਥ ¶ ਯਦਿ ਤਾਵ ਏਕਤ੍ਥਾਨਿ, ‘‘ਕੁਸਲਾ ਧਮ੍ਮਾ’’ਤਿ ਇਦਂ ‘‘ਕੁਸਲਾ ਕੁਸਲਾ’’ਤਿ ਵੁਤ੍ਤਸਦਿਸਂ ਹੋਤਿ. ਅਥ ਨਾਨਤ੍ਥਾਨਿ, ਤਿਕਦੁਕਾਨਂ ਛਕ੍ਕਚਤੁਕ੍ਕਭਾਵੋ ਆਪਜ੍ਜਤਿ, ਪਦਾਨਞ੍ਚ ਅਸਮ੍ਬਨ੍ਧੋ ‘‘ਕੁਸਲਾ ਰੂਪਂ ਚਕ੍ਖੁਮਾ’’ਤਿਆਦੀਨਂ ਵਿਯ. ਅਥਾਪਿ ਯਦਿ ਏਤਾਨਿ ਏਕਤ੍ਥਾਨਿ, ਕੁਸਲਾਕੁਸਲਾਬ੍ਯਾਕਤਪਦਾਨਂ ਤਿਣ੍ਣਮ੍ਪਿ ਧਮ੍ਮਾਨਂ ਧਮ੍ਮਸਭਾਵੇਨ ਏਕਤ੍ਤਾ ਕੁਸਲਾਦੀਨਮ੍ਪਿ ਏਕਤ੍ਤਂ ਆਪਜ੍ਜਤਿ. ਅਥ ‘‘ਕੁਸਲਪਦਤੋ ਅਕੁਸਲਾਦਿਪਦਸ੍ਸ ਅਞ੍ਞਤ੍ਤਂ ਸਿਯਾ’’ਤਿ ਵਦਥ, ਨ ਏਤਾਨਿ ਏਕਤ੍ਥਾਨਿ. ਤਦਾ ਧਮ੍ਮੋ ਨਾਮ ਭਾਵੋ. ਭਾਵਤੋ ਚ ਅਞ੍ਞੋ ਅਭਾਵੋਤਿ. ਏਵਂ ਅਞ੍ਞੋਞ੍ਞਾਪੇਕ੍ਖਾਯ ਅਭਾਵਤ੍ਤਮਾਪਨ੍ਨੇਹਿ ਧਮ੍ਮੇਹਿ ਅਨਞ੍ਞੇ ਕੁਸਲਾਦਯੋਪਿ ਅਭਾਵਾ ਏਵ ਸਿਯੁਨ੍ਤਿ? ਸਬ੍ਬਮੇਤਂ ਅਕਾਰਣਂ, ਕਸ੍ਮਾ? ਯਥਾਨੁਮਤਿਵੋਹਾਰਸਿਦ੍ਧਿਤੋ, ਨ ਹਿ ‘‘ਕੁਸਲਾ ਧਮ੍ਮਾ’’ਤਿਆਦੀਨਿ ਪਦਾਨਿ ਯਥਾ ਕੁਸਲਾ ਕੁਸਲਾਤਿ, ਏਵਂ ਅਤ੍ਥਵਿਸੇਸਾਭਾਵੇਨ ਪਣ੍ਡਿਤੇਹਿ ¶ ਅਨੁਮਤਾਨਿ, ਨਾਪਿ ਕੁਸਲਾ ਰੂਪਂ ਚਕ੍ਖੁਮਾ-ਸਦ੍ਦਾ ਵਿਯ ਅਞ੍ਞਮਞ੍ਞਂ ਅਨੋਲੋਕਿਤਤ੍ਥਭਾਵੇਨ, ਅਥ ਖੋ ਅਨਵਜ੍ਜਇਟ੍ਠਵਿਪਾਕਤ੍ਤਾਦਿਸਙ੍ਖਾਤਸ੍ਸ ਅਤ੍ਥਵਿਸੇਸਸ੍ਸ, ਸਭਾਵਸਾਧਾਰਣਾਦਿਅਤ੍ਥਸਾਮਞ੍ਞਸ੍ਸ ਚ ਜੋਤਕਤ੍ਤੇਨ ਯਥਾਕ੍ਕਮਂ ਅਨੁਮਤਾਨਿ. ਕੁਸਲ-ਸਦ੍ਦੋ ਹਿ ਧਮ੍ਮ-ਸਦ੍ਦਸ੍ਸ ਪੁਰਤੋ ਵੁਚ੍ਚਮਾਨੋ ਕੁਸਲਾਕੁਸਲਾਦਿਸਬ੍ਬਸਾਧਾਰਣਸਾਮਞ੍ਞਤ੍ਥਦੀਪਕਂ ਧਮ੍ਮ-ਸਦ੍ਦਂ ਅਕੁਸਲਾਦਿਤੋ ਨਿਵਤ੍ਤੇਤ੍ਵਾ ਅਤ੍ਤਨੋ ਅਤ੍ਤਨੋ ਅਤ੍ਥਵਿਸੇਸਵਿਸਿਟ੍ਠਤ੍ਥਦੀਪਕਂ ਕਰੋਤਿ. ਏਵਂ ਪਚ੍ਚੇਕਂ ਭਿਨ੍ਨਵਿਸਯਾਨਮ੍ਪਿ ਨੇਸਂ ਵਿਸੇਸਨਵਿਸੇਸਿਤਬ੍ਬਭਾਵੇਨ ਪਵਤ੍ਤਿਯਂ ਏਕਤ੍ਥਤਾਯ ਪਣ੍ਡਿਤਾਨੁਮਤਤਾਯ ਯਥਾਵੁਤ੍ਤਦੋਸਾਰੋਪਨੇ ਕਾਰਣਂ ਵੁਤ੍ਤਂ, ਸਬ੍ਬਮੇਤਂ ਅਕਾਰਣਂ. ਏਵਂ ਤਤੋ ਪਰੇਸੁਪਿ ਸਬ੍ਬਤ੍ਥ ਯਥਾਨੁਰੂਪਤੋ ਞਾਤਬ੍ਬਂ. ਅਯਂ ਤਾਵ ਪਦਤ੍ਥਤੋ ਵਿਨਿਚ੍ਛਯੋ.

ਭੂਮਿਭੇਦਾਤਿ ਤੇਸੁ ਕੁਸਲਾਕੁਸਲਾਬ੍ਯਾਕਤੇਸੁ ਧਮ੍ਮੇਸੁ ਕੁਸਲਾ ਤਾਵ ਧਮ੍ਮਾ ਭੂਮਿਭੇਦਤੋ ਚਤੁਬ੍ਬਿਧਾ ਹੋਨ੍ਤਿ – ਕਾਮਾਵਚਰਾ ਰੂਪਾਵਚਰਾ ਅਰੂਪਾਵਚਰਾ ਲੋਕੁਤ੍ਤਰਾਤਿ. ਅਯਂ ਭੂਮਿਭੇਦਤੋ ਵਿਨਿਚ੍ਛਯੋ.

ਸਮ੍ਪਯੋਗਤੋਤਿ ਏਵਂ ਭੂਮਿਭੇਦਤੋ ਚਤੁਬ੍ਬਿਧਾਨਮ੍ਪਿ ਨੇਸਂ ਪਚ੍ਚੇਕਂ ਸਮ੍ਪਯੋਗਤੋ ਵਿਨਿਚ੍ਛਯੋ ਵੇਦਿਤਬ੍ਬੋ. ਤਤ੍ਥ ਕਾਮਾਵਚਰਾ ਤਾਵ ਸਮ੍ਪਯੋਗਤੋ ਅਟ੍ਠਵਿਧਾ ਹੋਨ੍ਤਿ. ਸੇਯ੍ਯਥਿਦਂ? ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ. ਉਪੇਕ੍ਖਾਸਹਗਤਂ ਞਾਣਸਮ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ. ਸੋਮਨਸ੍ਸਸਹਗਤਂ ਞਾਣਵਿਪ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ. ਉਪੇਕ੍ਖਾਸਹਗਤਂ ਞਾਣਵਿਪ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਨ੍ਤਿ. ਤਤ੍ਥ ਇਟ੍ਠਾਰਮ੍ਮਣਤਾ, ਸਦ੍ਧਾਬਾਹੁਲ੍ਲਤਾ, ਵਿਸੁਦ੍ਧਦਿਟ੍ਠਿਤਾ, ਆਨਿਸਂਸਦਸ੍ਸਾਵਿਤਾ ਚ ਏਕਾਦਸ ਪੀਤਿਸਮ੍ਬੋਜ੍ਝਙ੍ਗਕਾਰਣਾਨਿ ਚਾਤਿ ¶ ਇਮੇਹਿ ਤਾਵ ਕਾਰਣੇਹਿ ਸੋਮਨਸ੍ਸਸਹਗਤਭਾਵੋ ਵੇਦਿਤਬ੍ਬੋ. ਞਾਣਸਮ੍ਪਤ੍ਤਿਂ ਪਨ ¶ ਪਤ੍ਥੇਤ੍ਵਾ ਕਤਕਮ੍ਮਤੋ, ਬ੍ਰਹ੍ਮਾਦਿਉਪਪਤ੍ਤਿਤੋ, ਪਞ੍ਞਾਦਸਕਵਸੇਨ ਇਨ੍ਦ੍ਰਿਯਪਰਿਪਾਕਤੋ, ਵਿਕ੍ਖਮ੍ਭਨੇਨ ਕਿਲੇਸਦੂਰਿਭਾਵਤੋ ਚ ਸਤ੍ਤਵਿਧਧਮ੍ਮਵਿਚਯਸਮ੍ਬੋਜ੍ਝਙ੍ਗਕਾਰਣਤੋ ਚ ਞਾਣਸਮ੍ਪਯੁਤ੍ਤਤਾ ਵੇਦਿਤਬ੍ਬਾ. ਅਤ੍ਤਨੋ ਵਾ ਪਰੇਸਂ ਵਾ ਵਸੇਨ ਪਵਤ੍ਤੋ ਪੁਬ੍ਬਪਯੋਗੋ ਸਙ੍ਖਾਰੋ ਨਾਮ.

ਤੇਨ ਉਪ੍ਪਨ੍ਨਂ ਸਸਙ੍ਖਾਰਂ, ਤਦਭਾਵਾ ਅਸਙ੍ਖਾਰਞ੍ਚ ਵੇਦਿਤਬ੍ਬਂ. ਏਤੇਸੁ ਹਿ ਯਥਾਵੁਤ੍ਤਸੋਮਨਸ੍ਸਞਾਣਹੇਤੁਂ ਆਗਮ੍ਮ ਪਹਟ੍ਠੋ ‘‘ਅਤ੍ਥਿ ਦਿਨ੍ਨ’’ਨ੍ਤਿ ਆਦਿਨਯਪ੍ਪਵਤ੍ਤਂ ਸਮ੍ਮਾਦਿਟ੍ਠਿਂ ਪੁਰਕ੍ਖਤ੍ਵਾ ਅਸਂਸੀਦਨ੍ਤੋ, ਪਰੇਹਿ ਚ ਅਨੁਸ੍ਸਾਹਿਤੋ ਦਾਨਾਦੀਨਿ ਪੁਞ੍ਞਾਨਿ ਕਰੋਤਿ, ਤਦਾਸ੍ਸ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਪਠਮਂ ਕੁਸਲਂ ਉਪ੍ਪਜ੍ਜਤਿ. ਯਦਾ ਪਨ ਵੁਤ੍ਤਨਯੇਨ ਹਟ੍ਠਤੁਟ੍ਠੋ ਸਮ੍ਮਾਦਿਟ੍ਠਿਂ ਪੁਰਕ੍ਖਤ੍ਵਾ ਅਮੁਤ੍ਤਚਾਗਿਤਾਦਿਵਸੇਨ ਸਂਸੀਦਮਾਨੋ, ਅਤ੍ਤਨੋ ਪਟਿਸਙ੍ਖਾਰੇਨ ਵਾ ਪਰੇਹਿ ਵਾ ਉਸ੍ਸਾਹਿਤੋ ਕਰੋਤਿ, ਤਦਾਸ੍ਸ ਤਦੇਵ ਸਸਙ੍ਖਾਰਂ ਦੁਤਿਯਂ ਕੁਸਲਂ ਹੋਤਿ. ਯਦਾ ਪਨ ਞਾਤਿਜਨਾਦਿਪਟਿਪਤ੍ਤਿਦਸ੍ਸਨੇਨ ਜਾਤਪਰਿਚਯਾ ਬਾਲਦਾਰਕਾਦਯੋ ਭਿਕ੍ਖੁਆਦਿਦਸ੍ਸਨੇਨ ਸੋਮਨਸ੍ਸਜਾਤਾ ਸਹਸਾ ਦਾਨਵਨ੍ਦਨਾਦੀਨਿ ਕਰੋਨ੍ਤਿ, ਤਦਾ ਞਾਣਵਿਪ੍ਪਯੁਤ੍ਤਂ ਤਤਿਯਂ ਕੁਸਲਂ ਉਪ੍ਪਜ੍ਜਤਿ. ਯਦਾ ਪਨ ਞਾਤਿਆਦੀਹਿ ਉਸ੍ਸਾਹਿਤਾ ਏਵਂ ਪਟਿਪਜ੍ਜਨ੍ਤਿ, ਤਦਾ ਤਦੇਵ ਚਤੁਤ੍ਥਂ ਸਸਙ੍ਖਾਰਚਿਤ੍ਤਂ ਹੋਤਿ. ਯਦਾ ਪਨ ਸੋਮਨਸ੍ਸਹੇਤੁਨੋ ਅਭਾਵੇਨ ਵਿਸੁਂ ਚਤੂਸੁਪਿ ਵਿਕਪ੍ਪੇਸੁ ਸੋਮਨਸ੍ਸਰਹਿਤਾ ਹੋਨ੍ਤਿ, ਤਦਾ ਸੇਸਾਨਿ ਚਤ੍ਤਾਰਿ ਉਪੇਕ੍ਖਾਸਹਗਤਾਨਿ ਕੁਸਲਾਨਿ ਉਪ੍ਪਜ੍ਜਨ੍ਤਿ. ਏਵਂ ਪਚ੍ਚੇਕਂ ਸਮ੍ਪਯੋਗਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਉਦ੍ਦੇਸਤੋ ਚ ਧਮ੍ਮਾਨਨ੍ਤਿ ਏਵਂ ਸਮ੍ਪਯੋਗਤੋ ਅਟ੍ਠਵਿਧੇਸੁ ਕੁਸਲੇਸੁ ਪਚ੍ਚੇਕਂ ਧਮ੍ਮਾਨਂ ਉਦ੍ਦੇਸਤੋਪਿ ਵਿਨਿਚ੍ਛਯੋ ਵੇਦਿਤਬ੍ਬੋ. ਤਤ੍ਥ ਪਠਮਕੁਸਲੇ ਤਾਵ ਪਾਲ਼ਿਯਾ ਸਰੂਪੇਨ ਆਗਤਾ ਤਿਂਸ ਧਮ੍ਮਾ, ਯੇਵਾਪਨਕਾ ਨਵਾਤਿ ਏਕੂਨਚਤ੍ਤਾਲੀਸ ਧਮ੍ਮਾ ¶ ਹੋਨ੍ਤਿ. ਸੇਯ੍ਯਥਿਦਂ – ਫਸ੍ਸੋ ਵੇਦਨਾ ਸਞ੍ਞਾ ਚੇਤਨਾ ਚਿਤ੍ਤਂ ਵਿਤਕ੍ਕੋ ਵਿਚਾਰੋ ਪੀਤਿ ਵੀਰਿਯਂ ਚਿਤ੍ਤੇਕਗ੍ਗਤਾ ਜੀਵਿਤਂ ਸਦ੍ਧਾ ਸਤਿ ਹਿਰੀ ਓਤ੍ਤਪ੍ਪਂ ਅਲੋਭੋ ਅਦੋਸੋ ਅਮੋਹੋ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾਤਿ ਇਮੇ ਸਰੂਪੇਨ ਆਗਤਾ ਤਿਂਸਧਮ੍ਮਾ. ਛਨ੍ਦੋ ਅਧਿਮੋਕ੍ਖੋ ਮਨਸਿਕਾਰੋ ਤਤ੍ਰਮਜ੍ਝਤ੍ਤਤਾ ਕਰੁਣਾ ਮੁਦਿਤਾ ਕਾਯਦੁਚ੍ਚਰਿਤਵਿਰਤਿ ਵਚੀਦੁਚ੍ਚਰਿਤਵਿਰਤਿ ਮਿਚ੍ਛਾਜੀਵਵਿਰਤੀਤਿ ਇਮੇ ਯੇਵਾਪਨਕਾ ਨਵਾਤਿ.

‘‘ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ…ਪੇ… ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ, ਵੇਦਨਾ…ਪੇ… ਸਞ੍ਞਾ ਚੇਤਨਾ ਚਿਤ੍ਤਂ ਵਿਤਕ੍ਕੋ ਵਿਚਾਰੋ ਪੀਤਿ ਸੁਖਂ ਚਿਤ੍ਤਸ੍ਸੇਕਗ੍ਗਤਾ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ ਸੋਮਨਸ੍ਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧਿ ਸਦ੍ਧਾਬਲਂ ਵੀਰਿਯਬਲਂ ਸਤਿਬਲਂ ਸਮਾਧਿਬਲਂ ਪਞ੍ਞਾਬਲਂ ਹਿਰਿਬਲਂ ਓਤ੍ਤਪ੍ਪਬਲਂ ਅਲੋਭੋ ਅਦੋਸੋ ਅਮੋਹੋ ਅਨਭਿਜ੍ਝਾ ਅਬ੍ਯਾਪਾਦੋ ਸਮ੍ਮਾਦਿਟ੍ਠਿ ਹਿਰੀ ਓਤ੍ਤਪ੍ਪਂ ਕਾਯਪਸ੍ਸਦ੍ਧਿ ਚਿਤ੍ਤਪਸ੍ਸਦ੍ਧਿ ਕਾਯਲਹੁਤਾ ਚਿਤ੍ਤਲਹੁਤਾ ਕਾਯਮੁਦੁਤਾ ਚਿਤ੍ਤਮੁਦੁਤਾ ਕਾਯਕਮ੍ਮਞ੍ਞਤਾ ਚਿਤ੍ਤਕਮ੍ਮਞ੍ਞਤਾ ਕਾਯਪਾਗੁਞ੍ਞਤਾ ਚਿਤ੍ਤਪਾਗੁਞ੍ਞਤਾ ਕਾਯੁਜੁਕਤਾ ਚਿਤ੍ਤੁਜੁਕਤਾ ਸਤਿ ਸਮ੍ਪਜਞ੍ਞਂ ਸਮਥੋ ਵਿਪਸ੍ਸਨਾ ਪਗ੍ਗਾਹੋ ਅਵਿਕ੍ਖੇਪੋ ਹੋਤੀ’’ਤਿ (ਧ. ਸ. ੧) –

ਏਵਂ ਸਰੂਪਤੋ ਉਦ੍ਦਿਟ੍ਠਾ ਛਪਞ੍ਞਾਸ ਧਮ੍ਮਾ ‘‘ਯੇ ਵਾ ਪਨ ਤਸ੍ਮਿਂ ਸਮਯੇ ਅਞ੍ਞੇਪਿ ਅਤ੍ਥਿ ਪਟਿਚ੍ਚਸਮੁਪ੍ਪਨ੍ਨਾ ਅਰੂਪਿਨੋ ਧਮ੍ਮਾ’’ਤਿ ¶ (ਧ. ਸ. ੧) ਏਵਂ ਯੇਵਾਪਨਕਵਸੇਨ ਸਾਮਞ੍ਞਤੋ ਉਦ੍ਦਿਟ੍ਠਾ, ਅਟ੍ਠਕਥਾਯਂ ਚਸ੍ਸਾ ਤੇਸੁ ਤੇਸੁ ਸੁਤ੍ਤਪ੍ਪਦੇਸੇਸੁ ਆਗਤੇ ਗਹੇਤ੍ਵਾ ਸਰੂਪਤੋ ਨਿਦ੍ਦਿਟ੍ਠਾ ਛਨ੍ਦਾਦਯੋ ਨਵਾਤਿ ਪਞ੍ਚਸਟ੍ਠਿ ਧਮ੍ਮਾ ਆਗਤਾ. ਯਸ੍ਮਾ ਪਨ ਤੇਸੁ ਸਰੂਪੇਨ ਆਗਤਾ ਝਾਨਙ੍ਗਇਨ੍ਦ੍ਰਿਯਮਗ੍ਗਙ੍ਗਬਲਮੂਲਾਦੀਨਂ ਵਸੇਨ ਏਕਸ੍ਸੇਵ ਬਹੁਕਿਚ੍ਚਤਾਦਸ੍ਸਨਤ੍ਥਂ ਪੁਨਪ੍ਪੁਨਂ ਗਹੇਤ੍ਵਾ ਪਰਿਯਾਯੇਨ ਛਪਞ੍ਞਾਸਵਿਧੇਨ ਦੇਸਿਤਾਪਿ ਅਗਹਿਤਗ੍ਗਹਣੇਨ ਯਥਾਵੁਤ੍ਤਾ ਸਮਤਿਂਸੇਵ ਧਮ੍ਮਾ ਹੋਨ੍ਤਿ, ਤੇ ਪਨ ਸਵਿਭਤ੍ਤਿਕਾ ਅਵਿਭਤ੍ਤਿਕਾਤਿ ਦੁਵਿਧਾ. ਤਤ੍ਥ ਫਸ੍ਸਾਦਯੋ ਅਟ੍ਠਾਰਸ ਏਕਕਤ੍ਤਾ ਅਵਿਭਤ੍ਤਿਕਾ. ਵੇਦਨਾਦਯੋ ਦ੍ਵਾਦਸ ਧਮ੍ਮਾ ਅਟ੍ਠਤਿਂਸਪ੍ਪਭੇਦੇਨ ਯਥਾਯੋਗਂ ਵਿਭਤ੍ਤਤ੍ਤਾ ਸਵਿਭਤ੍ਤਿਕਾ, ਯੇਵਾਪਨਕਾ ਪਨ ਅਵਿਭਤ੍ਤਿਕਾ ਏਵ. ਤਸ੍ਮਾ ਤੇ ਸਬ੍ਬੇਪਿ ਨਿਪ੍ਪਰਿਯਾਯੇਨ ਏਕੂਨਚਤ੍ਤਾਲੀਸ ਧਮ੍ਮਾਵ ਹੋਨ੍ਤਿ. ਹੋਨ੍ਤਿ ਚੇਤ੍ਥ –

ਫਸ੍ਸਾਦਿਪਞ੍ਚਕਂ ਪਞ੍ਚਝਾਨਙ੍ਗਾਨਿਨ੍ਦ੍ਰਿਯਟ੍ਠਕਂ;

ਮਗ੍ਗਙ੍ਗਪਞ੍ਚਕਂ ਸਤ੍ਤਬਲਂ ਮੂਲਤ੍ਤਿਕਮ੍ਪਿ ਚ.

ਕਮ੍ਮਪਥਤ੍ਤਿਕਞ੍ਚੇਵ ¶ , ਲੋਕਪਾਲਦੁਕਂ ਤਥਾ;

ਪਸ੍ਸਦ੍ਧਿਆਦੀ ਛ ਦੁਕਾ, ਤੀਣਿ ਪਿਟ੍ਠਿਦੁਕਾਨਿਤਿ.

ਸਤ੍ਤਰਸਹਿ ਰਾਸੀਹਿ, ਛਪਞ੍ਞਾਸੇਵ ਪਾਲ਼ਿਯਂ;

ਵੁਤ੍ਤਾ ਸਭਾਵਤੋ ਤਿਂਸ, ਧਮ੍ਮਾ ਅਗਹਿਤਗ੍ਗਹੇ.

ਫਸ੍ਸੋ ਜੀਵਿਤਸਞ੍ਞਾ ਚ, ਚੇਤਨਾ ਚਾਰਪੀਤਿਯੋ;

ਛ ਦੁਕਾ ਕਾਯਪਸ੍ਸਦ੍ਧਿ-ਪਮੁਖਾਟ੍ਠਾਰਸੇਕਕਾ.

ਚਿਤ੍ਤਂ ਵਿਤਕ੍ਕੋ ਸਦ੍ਧਾ ਚ, ਹਿਰਿਓਤ੍ਤਪ੍ਪਿਯਮ੍ਪਿ ਚ;

ਅਲੋਭੋ ਚ ਅਦੋਸੋ ਚ, ਸਤ੍ਤ ਦ੍ਵਿਧਾ ਵਿਭਾਵਿਤਾ.

ਵੇਦਨਾ ਤਿਵਿਧਾ ਵੀਰਿਯਂ, ਸਤਿ ਚ ਚਤੁਧਾ ਮਤਾ;

ਛਦ੍ਧਾ ਏਕਗ੍ਗਤਾ ਪਞ੍ਞਾ, ਸਤ੍ਤਧਾਵ ਵਿਭਾਵਿਤਾ.

ਵਿਰਤੀ ¶ ਅਪ੍ਪਮਞ੍ਞਾਯੋ, ਮਨਕ੍ਕਾਰੋ ਛਨ੍ਦਮਜ੍ਝਤ੍ਤਾ;

ਧਿਮੋਕ੍ਖੋ ਯੇਵਾਪਨਕਾ, ਨਵੇਤੇ ਪਠਮੇ ਮਨੇ.

ਪਞ੍ਚਸਟ੍ਠਿਵਿਧੇਨੇਵ, ਪਰਿਯਾਯੇਨ ਦੇਸਿਤਾ;

ਨਵਾਧਿਕਾ ਚ ਤੇਤ੍ਤਿਂਸ, ਧਮ੍ਮਾਵ ਪਰਮਤ੍ਥਤੋਤਿ.

ਏਤ੍ਥ ਚ ਸਰੂਪੇਨ ਆਗਤਾ ਤਿਂਸ ਧਮ੍ਮਾ, ਯੇਵਾਪਨਕੇਸੁ ਚਤ੍ਤਾਰੋ ਚਾਤਿ ਚਤੁਤ੍ਤਿਂਸ ਧਮ੍ਮਾ ਏਕਕ੍ਖਣੇ ਨਿਯਤਾ ਲਬ੍ਭਨ੍ਤਿ, ਸੇਸਾ ਪਨ ਕਰੁਣਾਦਯੋ ਪਞ੍ਚ ਕਰੁਣਾਪੁਬ੍ਬਭਾਗਮੁਦਿਤਾਪੁਬ੍ਬਭਾਗਵਸੇਨ, ਕਾਯਦੁਚ੍ਚਰਿਤਵਚੀਦੁਚ੍ਚਰਿਤਮਿਚ੍ਛਾਜੀਵੇਹਿ ਵਿਰਮਣਵਸੇਨ ਚ ਚਿਤ੍ਤਸ੍ਸ ਪਵਤ੍ਤਿਕਾਲੇਸੁ ਏਵ ਉਪ੍ਪਜ੍ਜਿਤ੍ਵਾ ਅਞ੍ਞਥਾਨੁਪ੍ਪਜ੍ਜਨਤੋ ਅਨਿਯਤਾ. ਤੇ ਚ ਯਸ੍ਮਾ ਦੁਕ੍ਖਿਤਸੁਖਿਤਸਤ੍ਤਵਸੇਨ, ਕਾਯਦੁਚ੍ਚਰਿਤਾਦਿਤ੍ਤਯਵਸੇਨ ਚ ਪਚ੍ਚੇਕਂ ਭਿਨ੍ਨਵਿਸਯਤ੍ਤਾ ਏਕਤੋ ਨ ਉਪ੍ਪਜ੍ਜਨ੍ਤਿ, ਤਸ੍ਮਾ ਕਰੁਣਾਪੁਬ੍ਬਭਾਗਾਦਿਵਸੇਨ ਪਵਤ੍ਤੇਸੁ ਪਞ੍ਚਸੁ ਚਿਤ੍ਤਕ੍ਖਣੇਸੁ ਨਿਯਤਾ ਚਤੁਤ੍ਤਿਂਸ, ਕਰੁਣਾਦੀਸੁ ¶ ਏਕਨ੍ਤਿ ਪਞ੍ਚਤਿਂਸ ਧਮ੍ਮਾ ਉਪ੍ਪਜ੍ਜਨ੍ਤਿ, ਕੇਵਲਂ ਪਨ ਦਾਨਾਦਿਵਸੇਨ ਪਵਤ੍ਤਿਯਂ ਨਿਯਤਾ ਚਤੁਤ੍ਤਿਂਸੇਵ ਉਪ੍ਪਜ੍ਜਨ੍ਤੀਤਿ ਵੇਦਿਤਬ੍ਬਂ. ਅਯਂ ਧਮ੍ਮੁਦ੍ਦੇਸਤੋ ਵਿਨਿਚ੍ਛਯੋ.

ਲਕ੍ਖਣਾਦਿਵਿਭਾਗਤੋਤਿ ਏਵਂ ਉਦ੍ਦਿਟ੍ਠਾਨਂ ਧਮ੍ਮਾਨਂ ਲਕ੍ਖਣਰਸਾਦਿਤੋ ਵਿਨਿਚ੍ਛਯੋ ਵੇਦਿਤਬ੍ਬੋ. ਫੁਸਤੀਤਿ ਫਸ੍ਸੋ. ਸ੍ਵਾਯਂ ਫੁਸਨਲਕ੍ਖਣੋ, ਸਙ੍ਘਟ੍ਟਨਰਸੋ, ਸਨ੍ਨਿਪਾਤਪਚ੍ਚੁਪਟ੍ਠਾਨੋ, ਆਪਾਥਗਤਵਿਸਯਪਦਟ੍ਠਾਨੋ. ਅਯਂ ਹਿ ਅਰੂਪਧਮ੍ਮੋਪਿ ਸਮਾਨੋ ਆਰਮ੍ਮਣੇ ਫੁਸਨਾਕਾਰੇਨ ਪਵਤ੍ਤਤੀਤਿ ਫੁਸਨਲਕ੍ਖਣੋ, ਸਾ ਚਸ੍ਸ ਫੁਸਨਾਕਾਰਪ੍ਪਵਤ੍ਤਿ ਅਮ੍ਬਿਲਾਦਿਦਸ੍ਸਨੇ ਖੇਲ਼ੁਪ੍ਪਾਦਾਦਿਨਾ ਞਾਤਬ੍ਬਾ. ਏਕਦੇਸੇਨ ਪਨ ਅਨਲ੍ਲੀਯਮਾਨੋਪਿ ਰੂਪਂ ਵਿਯ ਚਕ੍ਖੁਂ, ਸਦ੍ਦੋ ਵਿਯ ਚ ਸੋਤਂ ਚਿਤ੍ਤਮਾਰਮ੍ਮਣਞ੍ਚ ਸਙ੍ਘਟ੍ਟੇਤੀਤਿ ਸਙ੍ਘਟ੍ਟਨਰਸੋ. ਤਿਕਸਨ੍ਨਿਪਾਤਸਙ੍ਖਾਤਸ੍ਸ ਪਨ ਅਤ੍ਤਨੋ ਕਾਰਣਸ੍ਸ ਵਸੇਨ ਪਵੇਦਿਤਤ੍ਤਾ ਸਨ੍ਨਿਪਾਤਪਚ੍ਚੁਪਟ੍ਠਾਨੋ, ਫਲਟ੍ਠੇਨ ਪਚ੍ਚੁਪਟ੍ਠਾਨੇਨ ਪਨੇਸ ਵੇਦਨਾਪਚ੍ਚੁਪਟ੍ਠਾਨੋ ਨਾਮ ਹੋਤਿ. ਤਜ੍ਜਾਸਮਨ੍ਨਾਹਾਰੇਨ ਚੇਵ ¶ ਇਨ੍ਦ੍ਰਿਯੇਨ ਚ ਪਰਿਕ੍ਖਤੇ ਵਿਸਯੇ ਅਨਨ੍ਤਰਾਯੇਨ ਉਪ੍ਪਜ੍ਜਨਤੋ ਆਪਾਥਗਤਵਿਸਯਪਦਟ੍ਠਾਨੋਤਿ ਵੁਚ੍ਚਤਿ. ਵੇਦਨਾਧਿਟ੍ਠਾਨਭਾਵਤੋ ਪਨੇਸ ਨਿਚ੍ਚਮ੍ਮਾ ਗਾਵੀ ਵਿਯ ਦਟ੍ਠਬ੍ਬੋ. ਲਕ੍ਖਣਾਦੀਸੁ ਚ ਤੇਸਂ ਤੇਸਂ ਧਮ੍ਮਾਨਂ ਸਭਾਵੋ ਵਾ ਸਾਮਞ੍ਞਂ ਵਾ ਲਕ੍ਖਣਂ ਨਾਮ, ਕਿਚ੍ਚਂ ਵਾ ਸਮ੍ਪਤ੍ਤਿ ਵਾ ਰਸੋ ਨਾਮ, ਉਪਟ੍ਠਾਨਾਕਾਰੋ ਵਾ ਫਲਂ ਵਾ ਪਚ੍ਚੁਪਟ੍ਠਾਨਂ ਨਾਮ, ਆਸਨ੍ਨਕਾਰਣਂ ਪਦਟ੍ਠਾਨਂ ਨਾਮ. ਏਵਂ ਉਪਰਿਪਿ ਸਬ੍ਬਤ੍ਥ ਲਕ੍ਖਣਾਦੀਨਂ ਨਾਨਤ੍ਤਂ ਵੇਦਿਤਬ੍ਬਂ.

ਵੇਦਯਤੀਤਿ ਵੇਦਨਾ, ਸਾ ਵੇਦਯਿਤਲਕ੍ਖਣਾ, ਸਭਾਵਭੇਦਤੋ ਪਨੇਸਾ ਪਞ੍ਚਵਿਧਾ ਹੋਤਿ – ਸੁਖਂ ਦੁਕ੍ਖਂ ਸੋਮਨਸ੍ਸਂ ਦੋਮਨਸ੍ਸਂ ਉਪੇਕ੍ਖਾਤਿ. ਤਤ੍ਥ ਇਟ੍ਠਫੋਟ੍ਠਬ੍ਬਾਨੁਭਵਨਲਕ੍ਖਣਂ ਸੁਖਂ, ਸਮ੍ਪਯੁਤ੍ਤਾਨਂ ਉਪਬ੍ਰੂਹਨਰਸਂ, ਕਾਯਿਕਅਸ੍ਸਾਦਪਚ੍ਚੁਪਟ੍ਠਾਨਂ, ਕਾਯਿਨ੍ਦ੍ਰਿਯਪਦਟ੍ਠਾਨਂ. ਅਨਿਟ੍ਠਫੋਟ੍ਠਬ੍ਬਾਨੁਭਵਨਲਕ੍ਖਣਂ ਦੁਕ੍ਖਂ, ਸਮ੍ਪਯੁਤ੍ਤਾਨਂ ਮਿਲਾਪਨਰਸਂ, ਕਾਯਿਕਾਬਾਧਪਚ੍ਚੁਪਟ੍ਠਾਨਂ, ਕਾਯਿਨ੍ਦ੍ਰਿਯਪਦਟ੍ਠਾਨਂ. ਇਟ੍ਠਾਰਮ੍ਮਣਾਨੁਭਵਨਲਕ੍ਖਣਂ ਸੋਮਨਸ੍ਸਂ, ਯਥਾ ਤਥਾ ਵਾ ਇਟ੍ਠਾਕਾਰਸਮ੍ਭੋਗਰਸਂ, ਸਮ੍ਪਯੁਤ੍ਤਾਨਂ ਉਪਬ੍ਰੂਹਨਰਸਂ ਵਾ, ਚੇਤਸਿਕਅਸ੍ਸਾਦਪਚ੍ਚੁਪਟ੍ਠਾਨਂ, ਇਟ੍ਠਾਕਾਰਦਸ੍ਸਨਪਦਟ੍ਠਾਨਂ. ਅਨਿਟ੍ਠਾਰਮ੍ਮਣਾਨੁਭਵਨਲਕ੍ਖਣਂ ਦੋਮਨਸ੍ਸਂ, ਯਥਾ ਤਥਾ ਵਾ ਅਨਿਟ੍ਠਾਕਾਰਸਮ੍ਭੋਗਰਸਂ, ਸਮ੍ਪਯੁਤ੍ਤਾਨਂ ਮਿਲਾਪਨਰਸਂ ਵਾ, ਚੇਤਸਿਕਾਬਾਧਪਚ੍ਚੁਪਟ੍ਠਾਨਂ, ਏਕਨ੍ਤੇਨ ਹਦਯਵਤ੍ਥੁਪਦਟ੍ਠਾਨਂ. ਮਜ੍ਝਤ੍ਤਵੇਦਯਿਤਲਕ੍ਖਣਾ ਉਪੇਕ੍ਖਾ, ਸਮ੍ਪਯੁਤ੍ਤਾਨਂ ਨਾਤਿਉਪਬ੍ਰੂਹਨਮਿਲਾਪਨਰਸਾ, ਸਨ੍ਤਭਾਵਪਚ੍ਚੁਪਟ੍ਠਾਨਾ, ਨਿਪ੍ਪੀਤਿਕਚਿਤ੍ਤਪਦਟ੍ਠਾਨਾ. ਏਤ੍ਥ ਚ ਸੁਖਂ, ਦੁਕ੍ਖਞ੍ਚ ਏਕਨ੍ਤਮਬ੍ਯਾਕਤਂ, ਦੋਮਨਸ੍ਸਮੇਕਨ੍ਤਮਕੁਸਲਂ, ਸੋਮਨਸ੍ਸੁਪੇਕ੍ਖਾ ਪਨ ਸਿਯਾ ਕੁਸਲਾ, ਸਿਯਾ ਅਕੁਸਲਾ, ਸਿਯਾ ਅਬ੍ਯਾਕਤਾ. ਇਧ ਪਨ ਕੁਸਲਾ ਸੋਮਨਸ੍ਸਵੇਦਨਾ ਅਧਿਪ੍ਪੇਤਾ.

ਨੀਲਾਦਿਭੇਦਂ ¶ ਆਰਮ੍ਮਣਂ ਸਞ੍ਜਾਨਾਤੀਤਿ ਸਞ੍ਞਾ. ਸਾ ਸਞ੍ਜਾਨਨਲਕ੍ਖਣਾ, ਪਚ੍ਚਾਭਿਞ੍ਞਾਣਰਸਾ, ਪੁਨਸਞ੍ਜਾਨਨਪਚ੍ਚਯਨਿਮਿਤ੍ਤਕਰਣਰਸਾ ਵਾ ਦਾਰੁਆਦੀਸੁ ਤਚ੍ਛਕਾਦਯੋ ਵਿਯ, ਯਥਾਗਹਿਤਨਿਮਿਤ੍ਤਵਸੇਨ ¶ ਅਭਿਨਿਵੇਸਕਰਣਪਚ੍ਚੁਪਟ੍ਠਾਨਾ ਹਤ੍ਥਿਦਸ੍ਸਕਅਨ੍ਧਾ ਵਿਯ, ਆਰਮ੍ਮਣੇ ਅਨੋਗਾਲ਼੍ਹਵੁਤ੍ਤਿਤਾਯ ਅਚਿਰਟ੍ਠਾਨਪਚ੍ਚੁਪਟ੍ਠਾਨਾ ਵਾ ਵਿਜ੍ਜੁ ਵਿਯ, ਯਥਾਉਪਟ੍ਠਿਤਵਿਸਯਪਦਟ੍ਠਾਨਾ ਤਿਣਪੁਰਿਸੇਸੁ ਮਿਗਪੋਤਕਾਨਂ ਪੁਰਿਸਾਤਿ ਉਪ੍ਪਨ੍ਨਸਞ੍ਞਾ ਵਿਯ.

ਚੇਤੇਤੀਤਿ ਚੇਤਨਾ, ਸਦ੍ਧਿਂ ਅਤ੍ਤਨਾ ਸਮ੍ਪਯੁਤ੍ਤਧਮ੍ਮੇ ਆਰਮ੍ਮਣੇ ਅਭਿਸਨ੍ਦਹਤੀਤਿ ਅਤ੍ਥੋ. ਸਾ ਚੇਤਨਾਭਾਵਲਕ੍ਖਣਾ, ਆਯੂਹਨਰਸਾ, ਸਾ ਚ ਕੁਸਲਾਕੁਸਲੇਸੁ ਏਵ ਹੋਤਿ. ਇਤਰੇਸੁ ਪਨ ਤਂਸਦਿਸਤਾਯ ਸਂਵਿਦਹਨਪਚ੍ਚੁਪਟ੍ਠਾਨਾ ਸਕਿਚ੍ਚਪਰਕਿਚ੍ਚਸਾਧਕਾ ਜੇਟ੍ਠਸਿਸ੍ਸਮਹਾਵਡ੍ਢਕਿਆਦਯੋ ਵਿਯ. ਅਚ੍ਚਾਯਿਕਕਮ੍ਮਾਨੁਸ੍ਸਰਣਾਦੀਸੁ ਪਨਾਯਂ ਸਮ੍ਪਯੁਤ੍ਤੇਸੁ ਉਸ੍ਸਾਹਨਭਾਵੇਨ ਪਵਤ੍ਤਮਾਨਾ ਪਾਕਟਾ ਹੋਤਿ.

ਆਰਮ੍ਮਣਂ ਚਿਨ੍ਤੇਤੀਤਿ ਚਿਤ੍ਤਂ, ਵਿਞ੍ਞਾਣਂ. ਵਿਤ੍ਥਾਰਤੋ ਪਨਸ੍ਸ ਵਚਨਤ੍ਥੋ ਚਿਤ੍ਤਦੁਕੇ ਆਵਿ ਭਵਿਸ੍ਸਤਿ. ਤਦੇਤਂ ਵਿਜਾਨਨਲਕ੍ਖਣਂ ਚਿਤ੍ਤਂ, ਪੁਬ੍ਬਙ੍ਗਮਰਸਂ, ਨਿਰਨ੍ਤਰਪ੍ਪਵਤ੍ਤਿਤੋ ਸਨ੍ਧਾਨਪਚ੍ਚੁਪਟ੍ਠਾਨਂ, ਨਾਮਰੂਪਪਦਟ੍ਠਾਨਂ.

ਵਿਤਕ੍ਕੇਤਿ ਊਹੇਤਿ, ਵਿਤਕ੍ਕਨਮਤ੍ਤਮੇਵ ਵਾ ਸੋਤਿ ਵਿਤਕ੍ਕੋ. ਸ੍ਵਾਯਮਾਰਮ੍ਮਣੇ ਚਿਤ੍ਤਸ੍ਸ ਅਭਿਰੋਪਨਲਕ੍ਖਣੋ, ਆਹਨਨਪਰਿਯਾਹਨਨਰਸੋ, ਆਰਮ੍ਮਣੇ ਚਿਤ੍ਤਸ੍ਸ ਆਨਯਨਪਚ੍ਚੁਪਟ੍ਠਾਨੋ.

ਆਰਮ੍ਮਣੇ ਤੇਨ ਚਿਤ੍ਤਂ ਵਿਚਰਤਿ, ਵਿਚਰਣਮਤ੍ਤਮੇਵ ਵਾ ਸੋਤਿ ਵਿਚਾਰੋ. ਸ੍ਵਾਯਮਾਰਮ੍ਮਣਾਨੁਮਜ੍ਜਨਲਕ੍ਖਣੋ, ਤਤ੍ਥ ਸਹਜਾਤਾਨੁਯੋਜਨਰਸੋ, ਚਿਤ੍ਤਸ੍ਸ ਅਨੁਪ੍ਪਬਨ੍ਧਨਪਚ੍ਚੁਪਟ੍ਠਾਨੋ. ਅਭਿਨਿਰੋਪਨਾਨੁਮਜ੍ਜਨਵਸੇਨ ਪਨੇਸਂ ਯਥਾਕ੍ਕਮਂ ਓਲ਼ਾਰਿਕਸੁਖੁਮਤਾਯ ਘਣ੍ਟਾਭਿਘਾਤੋ ਵਿਯ ਚੇਤਸੋ ਪਠਮਾਭਿਨਿਪਾਤੋ ਵਿਤਕ੍ਕੋ, ਘਣ੍ਟਾਨੁਰਵੋ ਵਿਯ ਅਨੁਪ੍ਪਬਨ੍ਧੋ ਵਿਚਾਰੋ. ਵਿਪ੍ਫਾਰਵਾ ਚੇਤ੍ਥ ਵਿਤਕ੍ਕੋ ਆਕਾਸੇ ਉਪ੍ਪਤਿਤੁਕਾਮਪਕ੍ਖਿਨੋ ਪਕ੍ਖਵਿਕ੍ਖੇਪੋ ਵਿਯ, ਸਨ੍ਤਵੁਤ੍ਤਿ ਵਿਚਾਰੋ ਆਕਾਸੇ ¶ ਉਪ੍ਪਤਿਤਸ੍ਸ ਪਕ੍ਖਿਨੋ ਪਕ੍ਖਪਸਾਰਣਂ ਵਿਯ. ਸੋ ਪਨ ਨੇਸਂ ਵਿਸੇਸੋ ਪਠਮਦੁਤਿਯਜ੍ਝਾਨੇਸੁ ਪਾਕਟੋ ਹੋਤਿ. ਉਭੋਪਿ ਪਨੇਤੇ ਸਮ੍ਪਯੁਤ੍ਤਧਮ੍ਮਪਦਟ੍ਠਾਨਾ.

ਪਿਣਯਤੀਤਿ ਪੀਤਿ. ਸਾ ਸਮ੍ਪਿਯਾਯਨਲਕ੍ਖਣਾ, ਕਾਯਚਿਤ੍ਤਪੀਣਨਰਸਾ, ਫਰਣਰਸਾ ਵਾ, ਓਦਗ੍ਯਪਚ੍ਚੁਪਟ੍ਠਾਨਾ, ਸੋਮਨਸ੍ਸਸਹਗਤਚਿਤ੍ਤਪਦਟ੍ਠਾਨਾ.

ਵੀਰਾਨਂ ¶ ਭਾਵੋ, ਕਮ੍ਮਂ ਵਾ ਵੀਰਿਯਂ, ਵਿਵਿਧੇਨ ਵਾ ਉਪਾਯੇਨ ਈਰਯਿਤਬ੍ਬਂ ਪਵਤ੍ਤਯਿਤਬ੍ਬਨ੍ਤਿ ਵੀਰਿਯਂ. ਤਞ੍ਚ ਉਸ੍ਸਾਹਲਕ੍ਖਣਂ, ਸਹਜਾਤਾਨਂ ਉਪਤ੍ਥਮ੍ਭਨਰਸਂ, ਅਸਂਸੀਦਨਭਾਵਪਚ੍ਚੁਪਟ੍ਠਾਨਂ, ‘‘ਸਂਵਿਗ੍ਗੋ ਯੋਨਿਸੋ ਪਦਹਤੀ’’ਤਿ (ਅ. ਨਿ. ੪.੧੧੩) ਵਚਨਤੋ ਸਂਵੇਗਪਦਟ੍ਠਾਨਂ, ਵੀਰਿਯਾਰਮ੍ਭਵਤ੍ਥੁਪਦਟ੍ਠਾਨਂ ਵਾ. ਇਦਂ ਪਨ ਕੁਸਲਪਕ੍ਖੇ ਪਦਟ੍ਠਾਨਂ, ਅਕੁਸਲਾਦਿਪਕ੍ਖੇ ਪਨ ਸਾਧਾਰਣਵਸੇਨ ਯਥਾ ਤਥਾ ਵਾ ਦੁਕ੍ਖਵਿਨੋਦਨਕਾਮਤਾਪਦਟ੍ਠਾਨਂ, ਸਮ੍ਪਯੁਤ੍ਤਧਮ੍ਮਪਦਟ੍ਠਾਨਂ ਵਾ. ਤਂ ਸਮਾਰਦ੍ਧਂ ਸਬ੍ਬਾਸਂ ਸਮ੍ਪਤ੍ਤੀਨਂ ਮੂਲਂ ਹੋਤੀਤਿ ਦਟ੍ਠਬ੍ਬਂ.

ਏਕੋ ਅਗ੍ਗੋ ਵਿਸਯੋ ਅਸ੍ਸਾਤਿ ਏਕਗ੍ਗਂ, ਚਿਤ੍ਤਂ, ਤਸ੍ਸ ਭਾਵੋ ਏਕਗ੍ਗਤਾ, ਚਿਤ੍ਤਸ੍ਸ ਏਕਗ੍ਗਤਾ ਚਿਤ੍ਤੇਕਗ੍ਗਤਾ, ਸਮਾਧਿਸ੍ਸੇਤਂ ਨਾਮਂ. ਸਾ ਅਵਿਸਾਰਣਲਕ੍ਖਣਾ, ਸਹਜਾਤਾਨਂ ਸਮ੍ਪਿਣ੍ਡਨਰਸਾ ਨਹਾਨੀਯਚੁਣ੍ਣਾਨਂ ਉਦਕਂ ਵਿਯ, ਉਪਸਮਪਚ੍ਚੁਪਟ੍ਠਾਨਾ, ਞਾਣਪਚ੍ਚੁਪਟ੍ਠਾਨਾ ਵਾ, ਸੁਖਪਦਟ੍ਠਾਨਾ, ਅਕੁਸਲਾਦਿਸਾਧਾਰਣਵਸੇਨ ਪਨੇਤ੍ਥਾਪਿ ਪਚ੍ਚੁਪਟ੍ਠਾਨਪਦਟ੍ਠਾਨਾਨਿ ਵੁਤ੍ਤਨਯੇਨ ਯੋਜੇਤ੍ਵਾ ਞਾਤਬ੍ਬਾਨਿ. ਨਿਵਾਤੇ ਦੀਪਚ੍ਚੀਨਂ ਠਿਤਿ ਵਿਯ ਚੇਤਸੋ ਠਿਤੀਤਿ ਦਟ੍ਠਬ੍ਬਾ.

ਏਤ੍ਥ ਚ ਕਿਞ੍ਚਾਪਿ ਆਰਮ੍ਮਣਂ ਭਿਨ੍ਦਿਤ੍ਵਾ ਅਨੁਪਵਿਸਨ੍ਤਾ ਵਿਯ ਕੁਸਲਪਕ੍ਖੇ ਚਤ੍ਤਾਰੋ ਧਮ੍ਮਾ ਆਰਮ੍ਮਣਂ ਓਗਾਹਨ੍ਤਿ ਸਦ੍ਧਾ ਸਤਿ ਏਕਗ੍ਗਤਾ ਪਞ੍ਞਾਤਿ, ਤੇਨੇਵ ਸਦ੍ਧਾ ‘‘ਓਕਪ੍ਪਨਾ’’ਤਿ ਵੁਤ੍ਤਾ, ਸਤਿ ਚ ‘‘ਅਪਿਲਾਪਨਾ’’ਤਿ, ਏਕਗ੍ਗਤਾ ‘‘ਅਵਟ੍ਠਿਤੀ’’ਤਿ, ਪਞ੍ਞਾ ¶ ‘‘ਪਰਿਯੋਗਾਹਨਾ’’ਤਿ ਚ ਵੁਤ੍ਤਾ. ਅਕੁਸਲਪਕ੍ਖੇ ਚ ਤਯੋ ਤਣ੍ਹਾ ਦਿਟ੍ਠਿ ਅਵਿਜ੍ਜਾਤਿ. ਤੇਨ ਤੇ ਏਵ ‘‘ਓਘਾ’’ਤਿ ਵੁਤ੍ਤਾ. ਤਥਾਪਿ ਨੇਸਂ ਲਕ੍ਖਣਾਦਿਤੋ ਨਾਨਤ੍ਤਮ੍ਪਿ ਸਿਦ੍ਧਮੇਵ. ਅਕੁਸਲਪਕ੍ਖੇ ਪਨ ਏਕਗ੍ਗਤਾ ਉਦ੍ਧਚ੍ਚਸਮਾਗਤਤ੍ਤਾ ‘‘ਓਗਾਹਨਾ’’ਤਿ ਨ ਵੁਤ੍ਤਾ. ਅਕੁਸਲਧਮ੍ਮਾ ਹਿ ਏਕਵਿਸਯੇ ਸਮ੍ਪਿਣ੍ਡਨਕਿਚ੍ਚੇਨ ਸਮਾਧਿਨਾ ਯੁਤ੍ਤਾਪਿ ਉਦਕਸਿਤ੍ਤਰਜੁਟ੍ਠਾਨਂ ਵਿਯ ਤਙ੍ਖਣਞ੍ਞੇਵ ਵਿਕਿਰਣਸਭਾਵਾ ਹੋਨ੍ਤਿ. ਤੇਨੇਵ ਹੇਤ੍ਥ ਉਪਚਾਰਪ੍ਪਨਾਪ੍ਪਤ੍ਤਿ ਨ ਹੋਤਿ, ਕੁਸਲਧਮ੍ਮਾ ਪਨ ਯਸ੍ਮਾ ਉਦਕਂ ਆਸਿਞ੍ਚਿਤ੍ਵਾ ਆਸਿਞ੍ਚਿਤ੍ਵਾ ਆਕੋਟਨਮਜ੍ਜਨਾਦੀਨਿ ਕਤ੍ਵਾ ਉਪਲਿਤ੍ਤਟ੍ਠਾਨਂ ਵਿਯ ਸਕਲਮ੍ਪਿ ਦਿਵਸਂ ਨਿਚ੍ਚਲਪਵਤ੍ਤਨਸਮਤ੍ਥਾਤਿ ਉਪਚਾਰਪ੍ਪਨਾਪ੍ਪਤ੍ਤਾਪਿ ਹੋਤਿ, ਤਸ੍ਮਾ ਤਤ੍ਥ ਓਗਾਹਨਾਤਿ ਵੁਤ੍ਤਾਤਿ ਗਹੇਤਬ੍ਬਂ.

ਜੀਵਨ੍ਤਿ ਤੇਨ, ਜੀਵਨਮਤ੍ਤਂ ਵਾ ਤਨ੍ਤਿ ਜੀਵਿਤਂ, ਤਂ ਸਹਜਾਤਾਨੁਪਾਲਨਲਕ੍ਖਣਂ, ਤੇਸਂ ਪਵਤ੍ਤਨਰਸਂ, ਤੇਸਞ੍ਞੇਵ ਠਪਨਪਚ੍ਚੁਪਟ੍ਠਾਨਂ, ਯਾਪਯਿਤਬ੍ਬਧਮ੍ਮਪਦਟ੍ਠਾਨਂ. ਅਤ੍ਤਨੋ ਠਿਤਿਕ੍ਖਣੇ ਏਵ ਚੇਤਂ ਤੇ ਧਮ੍ਮੇ ਅਨੁਪਾਲੇਤਿ ਉਦਕਂ ਵਿਯ ਉਪ੍ਪਲਾਦੀਨਿ, ਨ ਭਙ੍ਗਕ੍ਖਣੇ. ਸਯਂ ਭਿਜ੍ਜਮਾਨਤ੍ਤਾ ਸਯਂ ਪਵਤ੍ਤਿਤਧਮ੍ਮਸਮ੍ਬਨ੍ਧੇਨੇਵ ਪਵਤ੍ਤਤਿ ਨਿਯਾਮਕੋ ਵਿਯਾਤਿ ਦਟ੍ਠਬ੍ਬਂ.

ਸਦ੍ਦਹਨ੍ਤਿ ¶ ਏਤਾਯ, ਸਯਂ ਵਾ ਸਦ੍ਦਹਤਿ, ਸਦ੍ਦਹਨਮਤ੍ਤਂ ਵਾ ਏਸਾਤਿ ਸਦ੍ਧਾ. ਸਾ ਸਦ੍ਦਹਨਲਕ੍ਖਣਾ, ਓਕਪ੍ਪਨਲਕ੍ਖਣਾ ਵਾ, ਪਸਾਦਨਰਸਾ ਉਦਕਪ੍ਪਸਾਦਕਮਣਿ ਵਿਯ, ਪਕ੍ਖਨ੍ਦਨਰਸਾ ਵਾ ਓਘੁਤ੍ਤਾਰਕਵੀਰਪੁਰਿਸੋ ਵਿਯ, ਅਕਾਲੁਸਿਯਪਚ੍ਚੁਪਟ੍ਠਾਨਾ, ਅਧਿਮੁਤ੍ਤਿਪਚ੍ਚੁਪਟ੍ਠਾਨਾ ਵਾ, ਸਦ੍ਧੇਯ੍ਯਵਤ੍ਥੁਪਦਟ੍ਠਾਨਾ, ਸਦ੍ਧਮ੍ਮਸਵਨਾਦਿਸੋਤਾਪਤ੍ਤਿਯਙ੍ਗਪਦਟ੍ਠਾਨਾ ਵਾ, ਹਤ੍ਥਵਿਤ੍ਤਬੀਜਾਨਿ ਵਿਯ ਦਟ੍ਠਬ੍ਬਾ.

ਸਰਨ੍ਤਿ ਤਾਯ, ਸਯਂ ਵਾ ਸਰਤਿ, ਸਰਣਮਤ੍ਤਮੇਵ ਵਾ ਏਸਾਤਿ ਸਤਿ. ਸਾ ਅਪਿਲਾਪਨਲਕ੍ਖਣਾ, ਅਸਮ੍ਮੋਸਨਰਸਾ, ਆਰਕ੍ਖਪਚ੍ਚੁਪਟ੍ਠਾਨਾ, ਵਿਸਯਾਭਿਮੁਖਭਾਵਪਚ੍ਚੁਪਟ੍ਠਾਨਾ ਵਾ, ਥਿਰਸਞ੍ਞਾਪਦਟ੍ਠਾਨਾ, ਕਾਯਾਦਿਸਤਿਪਟ੍ਠਾਨਪਦਟ੍ਠਾਨਾ ਵਾ. ਆਰਮ੍ਮਣੇ ¶ ਦਲ਼੍ਹਪਤਿਟ੍ਠਿਤਤ੍ਤਾ ਪਨ ਏਸਿਕਾ ਵਿਯ, ਚਕ੍ਖੁਦ੍ਵਾਰਾਦਿਰਕ੍ਖਣਤੋ ਦੋਵਾਰਿਕੋ ਵਿਯ ਚ ਦਟ੍ਠਬ੍ਬਾ.

ਕਾਯਦੁਚ੍ਚਰਿਤਾਦੀਹਿ ਹਿਰੀਯਤੀਤਿ ਹਿਰੀ, ਲਜ੍ਜਾਯੇਤਂ ਅਧਿਵਚਨਂ. ਤੇਹਿਯੇਵ ਓਤ੍ਤਪ੍ਪਤੀਤਿ ਓਤ੍ਤਪ੍ਪਂ, ਪਾਪਤੋ ਉਬ੍ਬੇਗਸ੍ਸੇਤਂ ਅਧਿਵਚਨਂ. ਤਤ੍ਥ ਪਾਪਤੋ ਜਿਗੁਚ੍ਛਨਲਕ੍ਖਣਾ ਹਿਰੀ, ਉਤ੍ਤਾਸਲਕ੍ਖਣਂ ਓਤ੍ਤਪ੍ਪਂ. ਲਜ੍ਜਨਾਕਾਰੇਨ ਪਾਪਕਾਨਂ ਅਕਰਣਰਸਾ ਹਿਰੀ, ਉਤ੍ਤਾਸਾਕਾਰੇਨ ਓਤ੍ਤਪ੍ਪਂ. ਅਸੁਚਿਮਕ੍ਖਿਤਸ੍ਸ, ਅਗ੍ਗਿਸਨ੍ਤਤ੍ਤਸ੍ਸ ਚ ਅਯੋਗੁਲ਼ਸ੍ਸ ਗਹੇਤੁਂ ਅਵਿਸਹਨਂ ਵਿਯ ਏਤੇਸਂ ਯਥਾਕ੍ਕਮਂ ਜਿਗੁਚ੍ਛਨਸਨ੍ਤਾਸਾਕਾਰੇਹਿ ਪਾਪਾਕਰਣਂ ਵੇਦਿਤਬ੍ਬਂ. ਵੁਤ੍ਤਾਕਾਰੇਨੇਵ ਚ ਪਾਪਤੋ ਸਂਕੋਚਨਪਚ੍ਚੁਪਟ੍ਠਾਨਾਨਿ ਏਤਾਨਿ, ਅਤ੍ਤਪਰਗਾਰਵਪਦਟ੍ਠਾਨਾਨਿ ਕੁਲਵਧੂਵੇਸਿਯਾ ਭਾਵੋ ਵਿਯ, ਲੋਕਪਾਲਕਾਨਿ ਚਾਤਿ ਦਟ੍ਠਬ੍ਬਾਨਿ. ਉਭਿਨ੍ਨਮ੍ਪਿ ਪਨੇਸਂ ਸਮੁਟ੍ਠਾਨਂ ਅਧਿਪਤਿ ਸਭਾਵੋ ਲਕ੍ਖਣੇਨ ਚਾਤਿ ਮਾਤਿਕਂ ਠਪੇਤ੍ਵਾ ਯਥਾਕ੍ਕਮਂ ਅਜ੍ਝਤ੍ਤਬਹਿਦ੍ਧਾਸਮੁਟ੍ਠਾਨਤਾ, ਅਤ੍ਤਲੋਕਾਧਿਪਤਿਤਾ, ਲਜ੍ਜਾਭਯਸਭਾਵਸਣ੍ਠਿਤਤਾ, ਸਪ੍ਪਤਿਸ੍ਸਵਵਜ੍ਜਭਯਦਸ੍ਸਾਵਿਤਾਲਕ੍ਖਣਤਾ ਚ ਅਟ੍ਠਸਾਲਿਨਿਯਂ (ਧ. ਸ. ਅਟ੍ਠ. ੧ ਬਲਰਾਸਿਵਣ੍ਣਨਾ) ਵਿਤ੍ਥਾਰਤੋ ਵਿਭਤ੍ਤਾ, ਅਤ੍ਥਿਕੇਹਿ ਤਂ ਤਤ੍ਥੇਵ ਗਹੇਤਬ੍ਬਂ.

ਨ ਲੁਬ੍ਭਤਿ ਏਤੇਨ, ਸਯਂ ਵਾ ਨ ਲੁਬ੍ਭਤਿ, ਅਲੁਬ੍ਭਨਮਤ੍ਤਮੇਵ ਵਾ ਤਨ੍ਤਿ ਅਲੋਭੋ. ਅਦੋਸਾਮੋਹੇਸੁਪਿ ਏਸੇਵ ਨਯੋ. ਤੇਸੁ ਅਲੋਭੋ ਆਰਮ੍ਮਣੇ ਚਿਤ੍ਤਸ੍ਸ ਅਗੇਧਲਕ੍ਖਣੋ, ਅਲਗ੍ਗਭਾਵਲਕ੍ਖਣੋ ਵਾ ਕਮਲਦਲੇ ਜਲਬਿਨ੍ਦੁ ਵਿਯ, ਅਪਰਿਗ੍ਗਹਰਸੋ ਮੁਤ੍ਤਭਿਕ੍ਖੁ ਵਿਯ, ਅਨਲ੍ਲੀਨਭਾਵਪਚ੍ਚੁਪਟ੍ਠਾਨੋ ਅਸੁਚਿਮ੍ਹਿ ਪਤਿਤਪੁਰਿਸੋ ਵਿਯ.

ਅਦੋਸੋ ਅਚਣ੍ਡਿਕ੍ਕਲਕ੍ਖਣੋ, ਅਵਿਰੋਧਲਕ੍ਖਣੋ ਵਾ ਅਨੁਕੂਲਮਿਤ੍ਤੋ ਵਿਯ, ਆਘਾਤਵਿਨਯਨਰਸੋ, ਪਰਿਲ਼ਾਹਵਿਨਯਨਰਸੋ ਵਾ ਚਨ੍ਦਨਂ ਵਿਯ, ਸੋਮ੍ਮਭਾਵਪਚ੍ਚੁਪਟ੍ਠਾਨੋ ਪੁਣ੍ਣਚਨ੍ਦੋ ਵਿਯ.

ਅਮੋਹੋ ¶ ¶ ਯਥਾਸਭਾਵਪ੍ਪਟਿਵੇਧਲਕ੍ਖਣੋ, ਅਕ੍ਖਲਿਤਪ੍ਪਟਿਵੇਧਲਕ੍ਖਣੋ ਵਾ ਕੁਸਲਿਸ੍ਸਾਸਕ੍ਖਿਤ੍ਤਉਸੁਪ੍ਪਟਿਵੇਧੋ ਵਿਯ, ਵਿਸਯੋਭਾਸਨਰਸੋ ਅਨੁਦ੍ਧਟੋ ਪਦੀਪੋ ਵਿਯ, ਅਸਮ੍ਮੋਹਪਚ੍ਚੁਪਟ੍ਠਾਨੋ ਅਰਞ੍ਞਗਤਸੁਦੇਸਕੋ ਵਿਯ. ਤਯੋਪਿ ਚੇਤੇ ਸਬ੍ਬਕੁਸਲਾਨਂ ਮੂਲਭੂਤਾਤਿ ਦਟ੍ਠਬ੍ਬਾ.

ਅਪਿਚ ਅਲੋਭੋ ਚੇਤ੍ਥ ਦਾਨਹੇਤੁ, ਅਦੋਸੋ ਸੀਲਹੇਤੁ, ਅਮੋਹੋ ਭਾਵਨਾਹੇਤੁ. ਤੀਹਿਪਿ ਚੇਤੇਹਿ ਯਥਾਪਟਿਪਾਟਿਯਾ ਨੇਕ੍ਖਮ੍ਮਸਞ੍ਞਾ ਅਬ੍ਯਾਪਾਦਸਞ੍ਞਾ ਅਵਿਹਿਂਸਾਸਞ੍ਞਾ ਹੋਨ੍ਤਿ, ਤਥਾ ਅਧਿਕਊਨਵਿਪਰੀਤਗ੍ਗਹਣਾਨਂ ਅਭਾਵੋ, ਤਥਾ ਪਿਯਵਿਪ੍ਪਯੋਗਅਪ੍ਪਿਯਸਮ੍ਪਯੋਗਇਚ੍ਛਿਤਾਲਾਭਦੁਕ੍ਖਾਨਂ, ਜਾਤਿਜਰਾਮਰਣਦੁਕ੍ਖਾਨਂ, ਪੇਤਨਿਰਯਤਿਰਚ੍ਛਾਨਗਤਿਦੁਕ੍ਖਾਨਞ੍ਚ ਅਭਾਵੋ, ਤਥਾ ਭੋਗਮਿਤ੍ਤਅਤ੍ਤਸਮ੍ਪਤ੍ਤਿਪਚ੍ਚਯਭਾਵੋ, ਤਥਾ ਕਾਮਸੁਖਪਰਿਚ੍ਚਾਗਅਤ੍ਤਕਿਲਮਥਪਰਿਚ੍ਚਾਗਮਜ੍ਝਿਮਪਟਿਪਤ੍ਤੀਨਂ ਸਮ੍ਭਵੋ, ਤਥਾ ਅਸੁਭਅਪ੍ਪਮਾਣਧਾਤੁਸਞ੍ਞਾਨਂ, ਅਨਿਚ੍ਚਦੁਕ੍ਖਅਨਤ੍ਤਸਞ੍ਞਾਨਂ, ਦਿਬ੍ਬਬ੍ਰਹ੍ਮਅਰਿਯਵਿਹਾਰਾਨਞ੍ਚ ਸਮ੍ਭਵੋ ਹੋਤੀਤਿ ਏਵਮਾਦੀਹਿ ਨਯੇਹਿ ਤੇਸਂ ਵਿਤ੍ਥਾਰੋ ਵੇਦਿਤਬ੍ਬੋ.

ਏਤ੍ਥ ਚ ਅਮੋਹੋ ਨਾਮ ਪਞ੍ਞਾ, ਸਾ ਪਜਾਨਨਲਕ੍ਖਣਾ. ਵਿਞ੍ਞਾਣਂ ਵਿਜਾਨਨਲਕ੍ਖਣਂ. ਸਞ੍ਞਾ ਸਞ੍ਜਾਨਨਲਕ੍ਖਣਾ. ਕਿਂ ਪਨੇਤਾਸਂ ਸਞ੍ਞਾਵਿਞ੍ਞਾਣਪਞ੍ਞਾਨਂ ਨਾਨਤ੍ਤਨ੍ਤਿ? ਸਞ੍ਜਾਨਨਵਿਜਾਨਨਪਜਾਨਨਮੇਵ. ਏਤਾਸਂ ਹਿ ਸਮਾਨੇਪਿ ਜਾਨਨਭਾਵੇ ਸਞ੍ਞਾਯ ‘‘ਨੀਲਂ ਪੀਤ’’ਨ੍ਤਿਆਦਿਨਾ ਪੁਨ ਸਞ੍ਞੁਪ੍ਪਾਦਕਮਤ੍ਤੇਨ ਆਕਾਰੇਨ ਸਞ੍ਜਾਨਨਮਤ੍ਤਮੇਵ ਹੋਤਿ, ਅਜਾਤਬੁਦ੍ਧਿਦਾਰਕਸ੍ਸ ਵਿਯ ਚਿਤ੍ਤਵਟ੍ਟਾਦਿਭਾਵਮਤ੍ਤਾਕਾਰੇਨ ਕਹਾਪਣਾਦਿਦਸ੍ਸਨਂ, ਨ ਤਤੋ ਉਦ੍ਧਂ. ਵਿਞ੍ਞਾਣਸ੍ਸ ਪਨ ਯਥਾਵੁਤ੍ਤੇਨ ਚ ਤਤੋ ਵਿਸਿਟ੍ਠੇਨ ਚ ਅਨਿਚ੍ਚਾਦਿਨਾ ਆਕਾਰੇਨ ਜਾਨਨਂ ਹੋਤਿ, ਗਾਮਿਕਪੁਰਿਸਸ੍ਸ ਵਿਯ ਯਥਾਵੁਤ੍ਤੇਨ ਚੇਵ ਉਪਭੋਗਾਰਹਤਾਦਿਨਾ ਚ ਆਕਾਰੇਨ ਕਹਾਪਣਾਦਿਦਸ੍ਸਨਂ, ਨ ਤਤੋ ਉਦ੍ਧਂ. ਪਞ੍ਞਾਯ ਪਨ ਤੇਹਿ ਚ ਯਥਾਵੁਤ੍ਤੇਹਿ ਨਾਨਪ੍ਪਕਾਰੇਹਿ ਚ ¶ ਮਗ੍ਗਪਾਤੁਭਾਵਾਦਿਹੇਤੂਹਿ ਸਬ੍ਬੇਹਿ ਆਕਾਰੇਹਿ ਪਜਾਨਨਂ ਹੋਤਿ, ਹੇਰਞ੍ਞਿਕਸ੍ਸ ਵਿਯ ਯਥਾਵੁਤ੍ਤੇਹਿ ਚੇਵ ਛੇਕਕੂਟਅਦ੍ਧਸਾਰਾਦਿਸਬ੍ਬੇਹਿ ਆਕਾਰੇਹਿ ਚ ਕਹਾਪਣਾਦਿਦਸ੍ਸਨਂ. ਪਞ੍ਞਾਯ ਹਿ ਅਜਾਨਿਤਬ੍ਬਂ ਨਾਮ ਨਤ੍ਥਿ. ਏਵਂ ਸਞ੍ਜਾਨਨਵਿਜਾਨਨਪਜਾਨਨਾਕਾਰੇਹਿ ਏਤਾਸਂ ਨਾਨਤ੍ਤਂ ਵੇਦਿਤਬ੍ਬਂ. ਏਤ੍ਥ ਚ ਚਕ੍ਖੁਵਿਞ੍ਞਾਣਾਦੀਨਿ ਵਿਤਕ੍ਕਵੀਰਿਯਾਦਿਸਹਜਾਤਪਚ੍ਚਯਵਿਰਹਤੋ ਰੂਪਾਦੀਸੁ ਸਞ੍ਞਾਕਿਚ੍ਚਤੋ ਅਧਿਕਵਿਜਾਨਨਕਿਚ੍ਚਂ ਕਾਤੁਂ ਨ ਸਕ੍ਕੋਨ੍ਤਿ, ਬਲਪਰਿਣਾਯਕਾਨਿ ਵਿਯ ਸੇਨਙ੍ਗਾਨਿ ਪਞ੍ਞਾਨੁਵਤ੍ਤਕਾਨੇਵ ਹੋਨ੍ਤੀਤਿ ਵੇਦਿਤਬ੍ਬਾਨਿ. ਤੇਨਾਹ ਭਗਵਾ ‘‘ਪਞ੍ਚਹਿ ਵਿਞ੍ਞਾਣੇਹਿ ਨ ਕਞ੍ਚਿ ਧਮ੍ਮਂ ਪਟਿਵਿਜਾਨਾਤਿ ਅਞ੍ਞਤ੍ਰ ਅਭਿਨਿਪਾਤਮਤ੍ਤਾ’’ਤਿਆਦਿ (ਵਿਭ. ੭੬੬).

ਕਾਯਪਸ੍ਸਮ੍ਭਨਂ ¶ ਕਾਯਪਸ੍ਸਦ੍ਧਿ. ਚਿਤ੍ਤਪਸ੍ਸਮ੍ਭਨਂ ਚਿਤ੍ਤਪਸ੍ਸਦ੍ਧਿ. ਕਾਯੋਤਿ ਪਨੇਤ੍ਥ ਵੇਦਨਾਦਯੋ ਤਯੋ ਖਨ੍ਧਾ. ਉਭੋਪਿ ਪਨੇਤਾ ਕਾਯਚਿਤ੍ਤਦਰਥਵੂਪਸਮਲਕ੍ਖਣਾ, ਕਾਯਚਿਤ੍ਤਦਰਥਨਿਮ੍ਮਦ੍ਦਨਰਸਾ, ਕਾਯਚਿਤ੍ਤਾਨਂ ਅਪਰਿਪ੍ਫਨ੍ਦਸੀਤਿਭਾਵਪਚ੍ਚੁਪਟ੍ਠਾਨਾ, ਕਾਯਚਿਤ੍ਤਪਦਟ੍ਠਾਨਾ. ਕਾਯਚਿਤ੍ਤਾਨਞ੍ਚ ਅਵੂਪਸਮਕਰਉਦ੍ਧਚ੍ਚਾਦਿਕਿਲੇਸਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ.

ਕਾਯਲਹੁਭਾਵੋ ਕਾਯਲਹੁਤਾ. ਚਿਤ੍ਤਲਹੁਭਾਵੋ ਚਿਤ੍ਤਲਹੁਤਾ. ਏਵਂ ਉਪਰਿਪਿ ਪਦਤ੍ਥੋ ਦਟ੍ਠਬ੍ਬੋ. ਕਾਯਚਿਤ੍ਤਾਨਂ ਗਰੁਭਾਵਵੂਪਸਮਲਕ੍ਖਣਾ ਕਾਯਲਹੁਤਾ, ਚਿਤ੍ਤਲਹੁਤਾ ਚ, ਤੇਸਂ ਗਰੁਭਾਵਨਿਮ੍ਮਦ੍ਦਨਰਸਾ, ਤੇਸਂ ਅਦਨ੍ਧਤਾਪਚ੍ਚੁਪਟ੍ਠਾਨਾ, ਤੇਸਂ ਗਰੁਭਾਵਕਰਥਿਨਮਿਦ੍ਧਾਦਿਕਿਲੇਸਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ.

ਕਾਯਚਿਤ੍ਤਾਨਂ ਥਦ੍ਧਭਾਵਵੂਪਸਮਲਕ੍ਖਣਾ ਕਾਯਮੁਦੁਤਾ, ਚਿਤ੍ਤਮੁਦੁਤਾ ਚ, ਤੇਸਂ ਥਦ੍ਧਭਾਵਨਿਮ੍ਮਦ੍ਦਨਰਸਾ, ਅਪ੍ਪਟਿਘਾਤਪਚ੍ਚੁਪਟ੍ਠਾਨਾ, ਕਾਯਚਿਤ੍ਤਪਦਟ੍ਠਾਨਾ, ਤੇਸਂ ਥਦ੍ਧਭਾਵਕਰਦਿਟ੍ਠਿਮਾਨਾਦਿਕਿਲੇਸਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ.

ਕਾਯਚਿਤ੍ਤਾਨਂ ¶ ਅਕਮ੍ਮਞ੍ਞਭਾਵਵੂਪਸਮਲਕ੍ਖਣਾ ਕਾਯਕਮ੍ਮਞ੍ਞਤਾ, ਚਿਤ੍ਤਕਮ੍ਮਞ੍ਞਤਾ ਚ, ਤੇਸਂ ਅਕਮ੍ਮਞ੍ਞਭਾਵਨਿਮ੍ਮਦ੍ਦਨਰਸਾ, ਕਾਯਚਿਤ੍ਤਾਨਂ ਆਰਮ੍ਮਣਕਰਣਸਮ੍ਪਤ੍ਤਿਪਚ੍ਚੁਪਟ੍ਠਾਨਾ, ਤੇਸਂ ਅਕਮ੍ਮਞ੍ਞਭਾਵਕਰਾਵਸੇਸਨੀਵਰਣਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ. ਪਸਾਦਨੀਯਵਤ੍ਥੂਸੁ ਪਸਾਦਾਵਹਾ, ਹਿਤਕਿਰਿਯਾਸੁ ਵਿਨਿਯੋਗਕ੍ਖਮਭਾਵਾਵਹਾ ਸੁਵਣ੍ਣਵਿਸੁਦ੍ਧਿ ਵਿਯਾਤਿ ਦਟ੍ਠਬ੍ਬਾ.

ਕਾਯਚਿਤ੍ਤਾਨਂ ਅਗੇਲਞ੍ਞਭਾਵਲਕ੍ਖਣਾ ਕਾਯਪਾਗੁਞ੍ਞਤਾ, ਚਿਤ੍ਤਪਾਗੁਞ੍ਞਤਾ ਚ, ਤੇਸਂ ਗੇਲਞ੍ਞਨਿਮ੍ਮਦ੍ਦਨਰਸਾ, ਨਿਰਾਦੀਨਵਪਚ੍ਚੁਪਟ੍ਠਾਨਾ, ਤੇਸਂ ਗੇਲਞ੍ਞਕਰਅਸ੍ਸਦ੍ਧਿਯਾਦਿਕਿਲੇਸਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ. ਕਾਯਚਿਤ੍ਤਾਨਂ ਅਜ੍ਜਵਲਕ੍ਖਣਾ ਕਾਯੁਜੁਕਤਾ, ਚਿਤ੍ਤੁਜੁਕਤਾ ਚ, ਤੇਸਂ ਕੁਟਿਲਭਾਵਨਿਮ੍ਮਦ੍ਦਨਰਸਾ, ਅਜਿਮ੍ਹਤਾਪਚ੍ਚੁਪਟ੍ਠਾਨਾ, ਤੇਸਂ ਕੁਟਿਲਭਾਵਕਰਮਾਯਾਸਾਠੇਯ੍ਯਾਦਿਪਟਿਪਕ੍ਖਭੂਤਾਤਿ ਦਟ੍ਠਬ੍ਬਾ. ਸਬ੍ਬੇਪੇਤੇ ਪਸ੍ਸਦ੍ਧਿਆਦਯੋ ਧਮ੍ਮਾ ਕਾਯਚਿਤ੍ਤਪਦਟ੍ਠਾਨਾਤਿ ਵੇਦਿਤਬ੍ਬਾ.

ਕਿਂ ਪਨੇਤ੍ਥ ਪਸ੍ਸਦ੍ਧਾਦਯੋ ਧਮ੍ਮਾ ਉਦ੍ਧਚ੍ਚਾਦਿਂ ਵਿਨੋਦੇਤੁਂ ਨ ਸਕ੍ਕੋਨ੍ਤਿ, ਯੇਨ ਇਮੇ ਪਸ੍ਸਦ੍ਧਾਦਯੋ ਧਮ੍ਮਾ ਨ ਵਿਸੁਂ ਵਿਭਤ੍ਤਾਤਿ? ਨੋ ਨ ਸਕ੍ਕੋਨ੍ਤਿ, ਇਮੇ ਪਨ ਸਹਿਤਾ ਏਵ ਸਕ੍ਕੋਨ੍ਤਿ, ਇਤਰਥਾ ਤੇਸਂ ਉਪ੍ਪਤ੍ਤਿਯਾ ਏਵ ਅਸਮ੍ਭਵਤੋ. ਯਥਾ ਵਾ ਪਸ੍ਸਦ੍ਧਾਦੀਸੁ ਵਿਜ੍ਜਮਾਨੇਸੁ ਮੋਹਾਹਿਰਿਕਾਦੀਨਂ ਉਜੁਪਟਿਪਕ੍ਖਭਾਵੇਨ ¶ ਅਮੋਹਹਿਰਿਆਦਯੋ ਹੋਨ੍ਤਿ, ਏਵਮੇਤੇਪਿ ਉਦ੍ਧਚ੍ਚਾਦਿਉਜੁਪਟਿਪਕ੍ਖਭਾਵੇਨ ਇਚ੍ਛਿਤਬ੍ਬਾਤਿ ਗਹੇਤਬ੍ਬਾ. ਯਸ੍ਮਾ ਚੇਤ੍ਥ ਦ੍ਵੀਹਿ ਦ੍ਵੀਹਿ ਏਵ ਯਥਾਸਕਂ ਪਟਿਪਕ੍ਖਾ ਹਰਿਤਬ੍ਬਾ, ਤਸ੍ਮਾ ਤੇ ਏਤੇ ਏਵ ਦ੍ਵਿਧਾ ਵਿਭਤ੍ਤਾ, ਨ ਅਮੋਹਾਦਯੋਤਿ ਞਾਤਬ੍ਬਾ.

ਯੇਵਾਪਨਕੇਸੁ ਛਨ੍ਦੋਤਿ ਕਤ੍ਤੁਕਾਮਤਾਯੇਤਂ ਅਧਿਵਚਨਂ, ਤਸ੍ਮਾ ਸੋ ਕਤ੍ਤੁਕਾਮਤਾਲਕ੍ਖਣੋ, ਆਰਮ੍ਮਣਪਰਿਯੇਸਨਰਸੋ, ਆਰਮ੍ਮਣੇਨ ਅਤ੍ਥਿਕਤਾਪਚ੍ਚੁਪਟ੍ਠਾਨੋ, ਤਦੇਵਸ੍ਸ ¶ ਪਦਟ੍ਠਾਨਂ. ਆਰਮ੍ਮਣਗ੍ਗਹਣੇ ਚਾਯਂ ਚੇਤਸੋ ਹਤ੍ਥਪ੍ਪਸਾਰਣਂ ਵਿਯ ਦਟ੍ਠਬ੍ਬੋ. ਅਯਞ੍ਚ ਯਸ੍ਮਾ ਵਿਰਜ੍ਜਿਤਬ੍ਬਾਦੀਸੁਪਿ ਨੇਕ੍ਖਮ੍ਮਾਦਿਨਾ ਸਹ ਲੋਭਵਿਸਦਿਸੇਨ ਕਤ੍ਤੁਕਾਮਤਾਕਾਰੇਨ ਪਵਤ੍ਤਤਿ, ਤਸ੍ਮਾ ਅਸੇਖਾਨਮ੍ਪਿ ਉਪ੍ਪਜ੍ਜਤਿ. ਲੋਭੋ ਪਨ ਸੁਭਸੁਖਾਦਿਵਿਪਲ੍ਲਾਸਪੁਬ੍ਬਕੇਨ ਅਭਿਸਙ੍ਗਾਕਾਰੇਨੇਵ ਪਵਤ੍ਤਤੀਤਿ ਅਯਮੇਤੇਸਂ ਵਿਸੇਸੋ. ਏਵਂ ਮੇਤ੍ਤਾਕਰੁਣਾਦੀਨਮ੍ਪਿ ਲੋਭਾਦੀਹਿ ਵਿਸੇਸੋ ਯਥਾਨੁਰੂਪਂ ਞਾਤਬ੍ਬੋ.

ਅਧਿਮੁਚ੍ਚਨਂ ਅਧਿਮੋਕ੍ਖੋ. ਸੋ ਸਨ੍ਨਿਟ੍ਠਾਨਲਕ੍ਖਣੋ, ਅਸਂਸਪ੍ਪਨਰਸੋ, ਨਿਚ੍ਛਯਪਚ੍ਚੁਪਟ੍ਠਾਨੋ, ਸਨ੍ਨਿਟ੍ਠਾਤਬ੍ਬਧਮ੍ਮਪਦਟ੍ਠਾਨੋ, ਆਰਮ੍ਮਣੇ ਨਿਚ੍ਚਲਭਾਵੇਨ ਇਨ੍ਦਖੀਲੋ ਵਿਯ ਦਟ੍ਠਬ੍ਬੋ. ਨਨੁ ਚ ਸਦ੍ਧਾਪਿ ਅਧਿਮੋਕ੍ਖੋਤਿ ਵੁਚ੍ਚਤਿ. ਤਥਾ ਹਿ ਅਧਿਮੋਕ੍ਖਲਕ੍ਖਣੇ ਇਨ੍ਦਟ੍ਠਂ ਕਾਰੇਤੀਤਿ ਸਦ੍ਧਿਨ੍ਦ੍ਰਿਯਨ੍ਤਿ ਵੁਚ੍ਚਤੀਤਿ? ਸਚ੍ਚਂ, ਸਾ ਚ ਖੋ ਸਮ੍ਪਸਾਦਨਭਾਵੇਨ ਅਧਿਮੋਕ੍ਖੋ, ਅਯਂ ਪਨ ਯਥਾ ਤਥਾ ਵਾ ਨਿਚ੍ਛਯਭਾਵੇਨਾਤਿ ਨ ਕੋਚਿ ਵਿਰੋਧੋ.

ਕਿਰਿਯਾ ਕਾਰੋ, ਮਨਸ੍ਮਿਂ ਕਾਰੋ ਮਨਸਿਕਾਰੋ, ਪੁਰਿਮਮਨਤੋ ਵਿਸਦਿਸਂ ਮਨਂ ਕਰੋਤੀਤਿਪਿ ਮਨਸਿਕਾਰੋ, ਸ੍ਵਾਯਂ ਆਰਮ੍ਮਣਪਟਿਪਾਦਕੋ ਵੀਥਿਪਟਿਪਾਦਕੋ ਜਵਨਪਟਿਪਾਦਕੋਤਿ ਤਿਪ੍ਪਕਾਰੋ, ਤਤ੍ਥ ਆਰਮ੍ਮਣਪਟਿਪਾਦਕੋ ਇਧ ਮਨਸਿਕਾਰੋ. ਸੋ ਸਾਰਣਲਕ੍ਖਣੋ, ਸਮ੍ਪਯੁਤ੍ਤਾਨਂ ਆਰਮ੍ਮਣੇਸੁ ਪਯੋਜਨਰਸੋ, ਆਰਮ੍ਮਣਾਭਿਮੁਖਭਾਵਪਚ੍ਚੁਪਟ੍ਠਾਨੋ, ਆਰਮ੍ਮਣਪਦਟ੍ਠਾਨੋ, ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨੋ. ਆਰਮ੍ਮਣਪਟਿਪਾਦਕਤ੍ਤੇਨ ਸਮ੍ਪਯੁਤ੍ਤਾਨਂ ਸਾਰਥਿ ਵਿਯ ਦਟ੍ਠਬ੍ਬੋ. ਵੀਥਿਪਟਿਪਾਦਕੋਤਿ ਪਨ ਪਞ੍ਚਦ੍ਵਾਰਾਵਜ੍ਜਨਸ੍ਸੇਤਂ ਅਧਿਵਚਨਂ. ਜਵਨਪਟਿਪਾਦਕੋਤਿ ਮਨੋਦ੍ਵਾਰਾਵਜ੍ਜਨਸ੍ਸ, ਨ ਤੇ ਇਧ ਅਧਿਪ੍ਪੇਤਾ. ਏਤ੍ਥ ਚਾਯਂ ਮਨਸਿਕਾਰੋ ਸਮਨ੍ਨਾਹਾਰਮਤ੍ਤਾਕਾਰੇਨ ਆਰਮ੍ਮਣੇ ਸਮ੍ਪਯੁਤ੍ਤਾਨਂ ਪਯੋਜਕੋ, ਚੇਤਨਾ ਚੇਤੋਕਿਰਿਯਾਭਾਵੇਨ, ਵਿਤਕ੍ਕੋ ਪਨ ਸਙ੍ਕਪ੍ਪਾਕਾਰੇਨ, ਉਪਨਿਜ੍ਝਾਯਨਾਕਾਰੇਨ ਚ ਅਭਿਨਿਰੋਪਕੋ. ਤੇਨੇਵ ਹੇਤ੍ਥ ਪਦਭਾਜਨੀਯੇ ‘‘ਤਕ੍ਕੋ ¶ ਸਙ੍ਕਪ੍ਪੋਤਿ ਚ, ਝਾਨਙ੍ਗ’’ਨ੍ਤਿ ਚ ਵੁਚ੍ਚਤੀਤਿ ਅਯਮੇਤੇਸਂ ਵਿਸੇਸੋ.

ਤੇਸੁ ¶ ਤੇਸੁ ਧਮ੍ਮੇਸੁ ਮਜ੍ਝਤ੍ਤਤਾ ਤਤ੍ਰਮਜ੍ਝਤ੍ਤਤਾ. ਸਾ ਚਿਤ੍ਤਚੇਤਸਿਕਾਨਂ ਸਮਵਾਹਿਤਲਕ੍ਖਣਾ, ਊਨਾਧਿਕਤਾਨਿਵਾਰਣਰਸਾ, ਪਕ੍ਖਪਾਤੁਪਚ੍ਛੇਦਨਰਸਾ ਵਾ, ਮਜ੍ਝਤ੍ਤਭਾਵਪਚ੍ਚੁਪਟ੍ਠਾਨਾ, ਸਮਪ੍ਪਵਤ੍ਤਸਮ੍ਪਯੁਤ੍ਤਧਮ੍ਮਪਦਟ੍ਠਾਨਾ. ਸਮ੍ਪਯੁਤ੍ਤਧਮ੍ਮਾਨਂ ਅਜ੍ਝੁਪੇਕ੍ਖਣੇਨ ਸਮਪ੍ਪਵਤ੍ਤਾਨਂ ਆਜਾਨੀਯਾਨਂ ਅਜ੍ਝੁਪੇਕ੍ਖਕਸਾਰਥਿ ਵਿਯ ਦਟ੍ਠਬ੍ਬਾ.

ਪਰਦੁਕ੍ਖੇ ਸਤਿ ਸਾਧੂਨਂ ਹਦਯਕਮ੍ਪਨਂ ਕਰੋਤੀਤਿ ਕਰੁਣਾ, ਕਿਰਤਿ ਵਾ ਪਰਦੁਕ੍ਖਂ ਹਿਂਸਤਿ ਚ, ਕਿਰੀਯਤਿ ਵਾ ਦੁਕ੍ਖਿਤੇਸੁ ਪਸਾਰੀਯਤੀਤਿ ਕਰੁਣਾ. ਸਾ ਪਰਦੁਕ੍ਖਾਪਨਯਨਾਕਾਰਪ੍ਪਵਤ੍ਤਿਲਕ੍ਖਣਾ, ਪਰਦੁਕ੍ਖਾਸਹਨਰਸਾ, ਅਵਿਹਿਂਸਾਪਚ੍ਚੁਪਟ੍ਠਾਨਾ, ਦੁਕ੍ਖਾਭਿਭੂਤਾਨਂ ਅਨਾਥਭਾਵਦਸ੍ਸਨਪਦਟ੍ਠਾਨਾ. ਮੋਦਨ੍ਤਿ ਤਾਯ ਤਂਸਮਙ੍ਗਿਨੋ, ਸਯਂ ਵਾ ਮੋਦਤਿ, ਮੋਦਨਮਤ੍ਤਮੇਵ ਵਾ ਤਨ੍ਤਿ ਮੁਦਿਤਾ. ਸਾ ਪਮੋਦਲਕ੍ਖਣਾ, ਅਨਿਸ੍ਸਾਯਨਰਸਾ, ਅਰਤਿਵਿਘਾਤਪਚ੍ਚੁਪਟ੍ਠਾਨਾ, ਸਤ੍ਤਾਨਂ ਸਮ੍ਪਤ੍ਤਿਦਸ੍ਸਨਪਦਟ੍ਠਾਨਾ.

ਕਸ੍ਮਾ ਪਨੇਤ੍ਥ ਮੇਤ੍ਤੁਪੇਕ੍ਖਾ ਨ ਵੁਤ੍ਤਾਤਿ? ਪੁਬ੍ਬੇ ਗਹਿਤਤ੍ਤਾ. ਅਦੋਸੋ ਏਵ ਹਿ ਸਤ੍ਤੇਸੁ ਹਿਤਫਰਣਵਸੇਨ ਪਵਤ੍ਤਿਯਂ ਮੇਤ੍ਤਾ. ਤਤ੍ਰਮਜ੍ਝਤ੍ਤਤਾ ਏਵ ਚ ਇਟ੍ਠਾਨਿਟ੍ਠਸਤ੍ਤੇਸੁ ਮਜ੍ਝਤ੍ਤਾਕਾਰੇਨ ਪਵਤ੍ਤਿਯਂ ਉਪੇਕ੍ਖਾ. ਤੇ ਚ ਧਮ੍ਮਾ ਨਿਯਤਾ, ਕੇਵਲਂ ਪਨ ਨੇਸਂ ਸਤ੍ਤੇਸੁ ਮੇਤ੍ਤੁਪੇਕ੍ਖਾਭਾਵੇਨ ਪਵਤ੍ਤਿ ਅਨਿਯਤਾਤਿ. ਕਾਯਦੁਚ੍ਚਰਿਤਤੋ ਵਿਰਤਿ ਕਾਯਦੁਚ੍ਚਰਿਤਵਿਰਤਿ. ਸੇਸਪਦਦ੍ਵਯੇਪਿ ਏਸੇਵ ਨਯੋ. ਲਕ੍ਖਣਾਦਿਤੋ ਪਨੇਤਾ ਤਿਸ੍ਸੋਪਿ ਕਾਯਦੁਚ੍ਚਰਿਤਾਦਿਵਤ੍ਥੂਨਂ ਅਵੀਤਿਕ੍ਕਮਲਕ੍ਖਣਾ, ਤਤੋ ਸਂਕੋਚਨਰਸਾ, ਤੇਸਂ ਅਕਿਰਿਯਪਚ੍ਚੁਪਟ੍ਠਾਨਾ, ਸਦ੍ਧਾਹਿਰੋਤ੍ਤਪ੍ਪਅਪ੍ਪਿਚ੍ਛਤਾਦਿਗੁਣਪਦਟ੍ਠਾਨਾ, ਪਾਪਕਿਰਿਯਤੋ ਚਿਤ੍ਤਸ੍ਸ ਵਿਮੁਖਭਾਵਭੂਤਾਤਿ ਦਟ੍ਠਬ੍ਬਾ. ਏਵਂ ਲਕ੍ਖਣਾਦਿਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਸਙ੍ਗਹਾਤਿ ¶ ਏਵਂ ਯੇ ਇਮੇ ਇਮਸ੍ਮਿਂ ਕਾਮਾਵਚਰਪਠਮਕੁਸਲੇ ਵਿਭਤ੍ਤਾ ਏਕੂਨਚਤ੍ਤਾਲੀਸ ਧਮ੍ਮਾ, ਸਬ੍ਬੇਤੇ ਖਨ੍ਧਤੋ ਚਤੁਬ੍ਬਿਧਾ ਹੋਨ੍ਤਿ – ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋਤਿ. ਤਤ੍ਥ ਰਾਸਟ੍ਠੇਨ ਸੋਮਨਸ੍ਸਵੇਦਨਾ ਵੇਦਨਾਕ੍ਖਨ੍ਧੋ, ਤਥਾ ਸਞ੍ਞਾ ਸਞ੍ਞਾਕ੍ਖਨ੍ਧੋ, ਚਿਤ੍ਤਂ ਵਿਞ੍ਞਾਣਕ੍ਖਨ੍ਧੋ, ਅਵਸੇਸਾ ਫਸ੍ਸਾਦਯੋ ਛਤ੍ਤਿਂਸ ਧਮ੍ਮਾ ਸਙ੍ਖਾਰਕ੍ਖਨ੍ਧੋਤਿ ਵੇਦਿਤਬ੍ਬਾ.

ਨਨੁ ਚ ਯਦਿ ਰਾਸਟ੍ਠੇਨ ਖਨ੍ਧੋ, ਫਸ੍ਸਾਦੀਨਂ ਤਾਵ ਅਨੇਕਤ੍ਤਾ ਸਙ੍ਖਾਰਕ੍ਖਨ੍ਧਤਾ ਯੁਤ੍ਤਾ, ਕਥਂ ਪਨ ਵੇਦਨਾਦੀਨਂ ਤਿਣ੍ਣਂ ਖਨ੍ਧਤਾਤਿ? ਉਪਚਾਰਤੋ. ਪਚ੍ਚੇਕਂ ਹਿ ਅਤੀਤਾਦਿਭੇਦਭਿਨ੍ਨੇਸੁ ਵੇਦਨਾਸਞ੍ਞਾਵਿਞ੍ਞਾਣੇਸੁ ਨਿਰੁਲ਼੍ਹੋਪਿ ਖਨ੍ਧ-ਸਦ੍ਦੋ ਤਦੇਕਦੇਸੇਸੁ ਏਕੇਕਵੇਦਨਾਦੀਸੁਪਿ ਸਮੁਦਾਯੋਪਚਾਰੇਨ ¶ ਵੋਹਰੀਯਤੀਤਿ ਤਦੇਕਦੇਸੇਪਿ ਤਬ੍ਬੋਹਾਰੋ, ਯਥਾ ਰੁਕ੍ਖਸ੍ਸ ਸਾਖਾਯ ਛਿਜ੍ਜਮਾਨਾਯ ‘‘ਰੁਕ੍ਖੋ ਛਿਜ੍ਜਤੀ’’ਤਿਆਦੀਸੁ ਵਿਯਾਤਿ. ਏਵਂ ਖਨ੍ਧਤੋ ਚਤੁਬ੍ਬਿਧਾ ਹੋਨ੍ਤਿ.

ਤੇ ਪੁਨ ਆਯਤਨਤੋ ਦੁਵਿਧਾ ਹੋਨ੍ਤਿ – ਮਨਾਯਤਨਂ ਧਮ੍ਮਾਯਤਨਨ੍ਤਿ. ਸਞ੍ਜਾਤਿਸਮੋਸਰਣਟ੍ਠਾਨਟ੍ਠੇਨ ਹੇਤ੍ਥ ਚਿਤ੍ਤਂ ਮਨਾਯਤਨਂ, ਸੇਸਾ ਪਨ ਅਟ੍ਠਤਿਂਸ ਧਮ੍ਮਾ ਧਮ੍ਮਾਯਤਨਨ੍ਤਿ. ਏਵਂ ਆਯਤਨਤੋ ਦੁਵਿਧਾ ਹੋਨ੍ਤਿ. ਤੇ ਪੁਨ ਧਾਤੁਵਸੇਨ ਦੁਵਿਧਾ ਮਨੋਵਿਞ੍ਞਾਣਧਾਤੁ ਧਮ੍ਮਧਾਤੂਤਿ. ਨਿਸ੍ਸਤ੍ਤਨਿਜ੍ਜੀਵਟ੍ਠੇਨ ਹੇਤ੍ਥ ਚਿਤ੍ਤਂ ਮਨੋਵਿਞ੍ਞਾਣਧਾਤੁ, ਸੇਸਾ ਧਮ੍ਮਧਾਤੂਤਿ. ਏਵਂ ਧਾਤੁਵਸੇਨ ਦੁਵਿਧਾ.

ਤਥਾ ਆਹਾਰਾਨਾਹਾਰਵਸੇਨ. ਤਤ੍ਥ ਫਸ੍ਸੋ ਚੇਤਨਾ ਚਿਤ੍ਤਨ੍ਤਿ ਇਮੇ ਤਯੋ ਧਮ੍ਮਾ ਵਿਸੇਸਪਚ੍ਚਯਤ੍ਤੇਨ ਯਥਾਕ੍ਕਮਂ ‘‘ਫਸ੍ਸਾਹਾਰੋ ਮਨੋਸਞ੍ਚੇਤਨਾਹਾਰੋ ਵਿਞ੍ਞਾਣਾਹਾਰੋ’’ਤਿ ਵੁਚ੍ਚਨ੍ਤਿ, ਅਵਸੇਸਾ ਨ ਆਹਾਰਾਤਿ. ਕਿਂ ਪਨੇਤੇ ਪਚ੍ਚਯਾ ਨ ਹੋਨ੍ਤਿ, ਯੇ ਨ ਆਹਾਰਾਤਿ ਵੁਚ੍ਚੇਯ੍ਯੁਨ੍ਤਿ? ਨੋ ਨ ਹੋਨ੍ਤਿ, ਵਿਸੇਸਪਚ੍ਚਯਾ ਪਨ ਨ ਹੋਨ੍ਤਿ, ਫਸ੍ਸਾਦਯੋ ਪਨ ਤੇਸਂ ਧਮ੍ਮਾਨਂ ਵਿਸੇਸਪਚ੍ਚਯਾ ਹੋਨ੍ਤਿ, ਵਿਸੇਸਤੋ ਵੇਦਨਾਦਯੋ ¶ ਚ ਆਹਰਨ੍ਤਿ. ਫਸ੍ਸਾਹਾਰੋ ਹਿ ਤਿਸ੍ਸੋ ਵੇਦਨਾਯੋ ਆਹਰਤਿ, ਮਨੋਸਞ੍ਚੇਤਨਾਹਾਰੋ ਤਯੋ ਭਵੇ, ਵਿਞ੍ਞਾਣਾਹਾਰੋ ਪਟਿਸਨ੍ਧਿਨਾਮਰੂਪਂ. ਨਨੁ ਚ ਸੋ ਵਿਪਾਕੋ, ਇਦਂ ਪਨ ਕੁਸਲਵਿਞ੍ਞਾਣਨ੍ਤਿ? ਕਿਞ੍ਚਾਪਿ ਏਵਂ, ਤਂਸਰਿਕ੍ਖਤਾਯ ਪਨ ਵਿਞ੍ਞਾਣਾਹਾਰੋਤ੍ਵੇਵ ਵੁਤ੍ਤਂ. ਯਸ੍ਮਾ ਵਾ ਇਮੇ ‘‘ਅਰੂਪਿਨੋ ਆਹਾਰਾ ਸਮ੍ਪਯੁਤ੍ਤਕਾਨਂ ਧਮ੍ਮਾਨਂ ਤਂਸਮੁਟ੍ਠਾਨਾਨਞ੍ਚ ਰੂਪਾਨਂ ਆਹਾਰਪਚ੍ਚਯੇਨ ਪਚ੍ਚਯੋ’’ਤਿ (ਪਟ੍ਠਾ. ੧.੧.੧੫) ਵਚਨਤੋ ਕਬਲ਼ੀਕਾਰਾਹਾਰੋ ਵਿਯ ਰੂਪਕਾਯਸ੍ਸ ਉਪਤ੍ਥਮ੍ਭਕਟ੍ਠੇਨ ਨਾਮਕਾਯਸ੍ਸ ਆਹਾਰਪਚ੍ਚਯਾ ਹੋਨ੍ਤਿ, ਤਸ੍ਮਾ ਇਮੇਵ ‘‘ਆਹਾਰਾ’’ਤਿ ਵੁਤ੍ਤਾਤਿ ਵੇਦਿਤਬ੍ਬਂ. ਏਵਂ ਆਹਾਰਾਨਾਹਾਰਵਸੇਨ ਦੁਵਿਧਾ.

ਤਥਾ ਇਨ੍ਦ੍ਰਿਯਾਨਿਨ੍ਦ੍ਰਿਯਤੋ. ਤਤ੍ਥ ਸਦ੍ਧਾ ਵੀਰਿਯਂ ਸਤਿ ਏਕਗ੍ਗਤਾ ਅਮੋਹੋ ਚਿਤ੍ਤਂ ਸੋਮਨਸ੍ਸਵੇਦਨਾ ਜੀਵਿਤਨ੍ਤਿ ਇਮੇ ਅਟ੍ਠ ਧਮ੍ਮਾ ਅਧਿਪਤਿਯਟ੍ਠੇਨ ਯਥਾਕ੍ਕਮਂ ‘‘ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਤਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ ਸੋਮਨਸ੍ਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯ’’ਨ੍ਤਿ ਵੁਚ੍ਚਨ੍ਤਿ, ਅਵਸੇਸਾ ਨ ‘‘ਇਨ੍ਦ੍ਰਿਯਾਨੀ’’ਤਿ. ਏਵਂ ਇਨ੍ਦ੍ਰਿਯਾਨਿਨ੍ਦ੍ਰਿਯਤੋ ਦੁਵਿਧਾ.

ਤਥਾ ਝਾਨਙ੍ਗਾਝਾਨਙ੍ਗਵਸੇਨ. ਤਤ੍ਥ ਵਿਤਕ੍ਕੋ ਵਿਚਾਰੋ ਪੀਤਿ ਸੋਮਨਸ੍ਸਂ ਏਕਗ੍ਗਤਾਤਿ ਇਮੇ ਪਞ੍ਚ ਧਮ੍ਮਾ ਉਪਨਿਜ੍ਝਾਯਨਟ੍ਠੇਨ ‘‘ਝਾਨਙ੍ਗਾਨੀ’’ਤਿ ਵੁਚ੍ਚਨ੍ਤਿ, ਇਤਰੇ ‘‘ਅਝਾਨਙ੍ਗਾਨੀ’’ਤਿ. ਏਵਂ ਝਾਨਙ੍ਗਾਝਾਨਙ੍ਗਵਸੇਨ ਦੁਵਿਧਾ.

ਤਥਾ ¶ ਮਗ੍ਗਙ੍ਗਾਮਗ੍ਗਙ੍ਗਵਸੇਨ. ਤਤ੍ਥ ਅਮੋਹੋ ਵਿਤਕ੍ਕੋ ਵਿਰਤਿਤ੍ਤਯਂ ਵੀਰਿਯਂ ਸਤਿ ਏਕਗ੍ਗਤਾਤਿ ਇਮੇ ਅਟ੍ਠ ਧਮ੍ਮਾ ਨਿਯ੍ਯਾਨਟ੍ਠੇਨ, ਵਿਮੋਕ੍ਖਟ੍ਠੇਨ ਚ ਯਥਾਕ੍ਕਮਂ ‘‘ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧੀ’’ਤਿ ਨਾਮੇਨ ‘‘ਮਗ੍ਗਙ੍ਗਾਨੀ’’ਤਿ ਵੁਚ੍ਚਨ੍ਤਿ, ਇਤਰੇ ‘‘ਅਮਗ੍ਗਙ੍ਗਾਨੀ’’ਤਿ. ਪਾਲ਼ਿਯਂ ਪਨ ਲੋਕਿਯਚਿਤ੍ਤੇ ਵਿਰਤੀਨਂ ¶ ਅਨਿਯਤਤ੍ਤਾ, ਯੇਵਾਪਨਕਤ੍ਤਾ ਚ ਤਾ ਵਜ੍ਜੇਤ੍ਵਾ ‘‘ਪਞ੍ਚਙ੍ਗਿਕੋ ਮਗ੍ਗੋ ਹੋਤੀ’’ਤਿ (ਧ. ਸ. ੫੮, ੧੨੧) ਵੁਚ੍ਚਤਿ. ਏਵਂ ਮਗ੍ਗਙ੍ਗਾਮਗ੍ਗਙ੍ਗਵਸੇਨ ਦੁਵਿਧਾ.

ਤਥਾ ਬਲਾਬਲਵਸੇਨ. ਤਤ੍ਥ ਸਦ੍ਧਾਵੀਰਿਯਂ ਸਤਿ ਸਮਾਧਿ ਪਞ੍ਞਾ ਹਿਰੀ ਓਤ੍ਤਪ੍ਪਨ੍ਤਿ ਇਮੇ ਸਤ੍ਤ ਧਮ੍ਮਾ ਅਕਮ੍ਪਿਯਟ੍ਠੇਨ ਬਲਾਨੀਤਿ ਵੁਚ੍ਚਨ੍ਤਿ, ਇਤਰੇ ਅਬਲਾਨੀਤਿ. ਏਵਂ ਬਲਾਬਲਵਸੇਨ ਦੁਵਿਧਾ.

ਤਥਾ ਹੇਤੁਨਹੇਤੁਵਸੇਨ. ਤਤ੍ਥ ਅਲੋਭੋ ਅਦੋਸੋ ਅਮੋਹੋਤਿ ਇਮੇ ਤਯੋ ਧਮ੍ਮਾ ਮੂਲਟ੍ਠੇਨ ਹੇਤੂਤਿ ਵੁਚ੍ਚਨ੍ਤਿ, ਇਤਰੇ ਨਹੇਤੂਤਿ. ਏਵਂ ਹੇਤੁਨਹੇਤੁਵਸੇਨ ਦੁਵਿਧਾ. ਏਵਂ ਫਸ੍ਸਾਫਸ੍ਸਵੇਦਨਾਵੇਦਨਾ ਸਞ੍ਞਾਸਞ੍ਞਾਚਿਤ੍ਤਾਚਿਤ੍ਤਾਦਿਵਸੇਨਪਿ ਵੁਤ੍ਤਨਯਾਨੁਸਾਰੇਨ ਯਥਾਯੋਗਂ ਸਙ੍ਗਹਵਿਭਾਗੋ ਵੇਦਿਤਬ੍ਬੋ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਪਦਭਾਜਨੀਯਸਙ੍ਗਹਵਾਰੇ (ਧ. ਸ. ੧੦੩ ਆਦਯੋ), ਤਦਟ੍ਠਕਥਾਯਞ੍ਚ (ਧ. ਸ. ਅਟ੍ਠ. ੫੮-੧੨੦) ਗਹੇਤਬ੍ਬੋ. ਏਵਂ ਸਙ੍ਗਹਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਸੁਞ੍ਞਤੋ ਚੇਵਾਤਿ ਏਵਂ ਖਨ੍ਧਾਦੀਹਿ ਸਙ੍ਗਹਿਤੇਸੁ ਤੇਸੁ ਧਮ੍ਮੇਸੁ ਤਬ੍ਬਿਨਿਮੁਤ੍ਤੋ ਕਾਰਕਵੇਦਕਾਦਿਸਭਾਵੋ ਅਤ੍ਤਾ ਵਾ ਸਸ੍ਸਤੋ ਵਾ ਭਾਵੋ ਨ ਉਪਲਬ੍ਭਤਿ. ਸੁਞ੍ਞਾ ਤੇ ਧਮ੍ਮਾ ਅਤ੍ਤੇਨ ਵਾ ਅਤ੍ਤਨਿਯੇਨ ਵਾ, ਕੇਵਲਂ ਪਟਿਚ੍ਚਸਮੁਪ੍ਪਨ੍ਨਾ, ਸਲਕ੍ਖਣਧਾਰਣਤੋ ਧਮ੍ਮਮਤ੍ਤਾ, ਨਿਚ੍ਚਸੁਖਾਦਿਸਾਰਵਿਰਹਤੋ ਅਸਾਰਾ, ਪਵਤ੍ਤਕਨਿਯਾਮਕਾਭਾਵਤੋ ਅਪਰਿਣਾਯਕਾ ਅਨਿਚ੍ਚਾ, ਦੁਕ੍ਖਾ, ਅਨਤ੍ਤਾ, ਅਨਤ੍ਤਨਿਯਾ ਚ ਹੁਤ੍ਵਾ ਪਵਤ੍ਤਨ੍ਤੀਤਿ ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਪਦਭਾਜਨੀਯਸੁਞ੍ਞਤਵਾਰੇ, ਤਦਟ੍ਠਕਥਾਯਞ੍ਚ ਗਹੇਤਬ੍ਬੋਤਿ. ਏਵਂ ਸੁਞ੍ਞਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਨਿਟ੍ਠਿਤਾ ਪਠਮਕੁਸਲਸ੍ਸ ਅਤ੍ਥਵਣ੍ਣਨਾ.

ਦੁਤਿਯਾਦੀਸੁਪਿ ¶ ਪਠਮਕੁਸਲੇ ਵੁਤ੍ਤਨਯੇਨ ਧਮ੍ਮੁਦ੍ਦੇਸਾਦਿਨਾ ਸਬ੍ਬੋ ਵਿਨਿਚ੍ਛਯੋ ਵੇਦਿਤਬ੍ਬੋ. ਨ ਕੇਵਲਞ੍ਚ ਏਤ੍ਥੇਵ, ਇਤੋ ਪਰੇਸੁਪਿ ਸਬ੍ਬਤ੍ਥ ਹੇਟ੍ਠਾ ਵੁਤ੍ਤਸਦਿਸਾਨਂ ਪਦਾਨਂ, ਧਮ੍ਮਾਨਞ੍ਚ ਅਤ੍ਥੋ, ਸਬ੍ਬੋ ਚ ਵਿਨਿਚ੍ਛਯੋ ¶ ਏਤ੍ਥ ਵੁਤ੍ਤਨਯੇਨੇਵ ਵੇਦਿਤਬ੍ਬੋ. ਇਤੋ ਪਰਂ ਪਨ ਅਪੁਬ੍ਬਮੇਵ ਵਣ੍ਣਯਿਸ੍ਸਾਮ. ਦੁਤਿਯਚਿਤ੍ਤੇ ਤਾਵ ਸਸਙ੍ਖਾਰਭਾਵਮਤ੍ਤਮੇਵ ਪਠਮਚਿਤ੍ਤਤੋ ਵਿਸੇਸੋ, ਸੇਸਂ ਤਾਦਿਸਮੇਵ. ਦੁਤਿਯਕੁਸਲਂ.

ਤਤਿਯੇਪਿ ਧਮ੍ਮੁਦ੍ਦੇਸੇ ਅਮੋਹਾਭਾਵਾ ਇਨ੍ਦ੍ਰਿਯਮਗ੍ਗਙ੍ਗਬਲਮੂਲਸਙ੍ਗਹੇਸੁ ਪਞ੍ਞਿਨ੍ਦ੍ਰਿਯਸਮ੍ਮਾਦਿਟ੍ਠਿਮਗ੍ਗਙ੍ਗਪਞ੍ਞਾਬਲਅਮੋਹਮੂਲਾਨਂ ਪਰਿਹਾਨਿਯਾ ਸਦ੍ਧਿਨ੍ਦ੍ਰਿਯਾਦੀਨਂ ਭਾਵੋਵ ਵਿਸੇਸੋ, ਸੇਸਂ ਤਾਦਿਸਮੇਵ. ਤਥਾ ਚਤੁਤ੍ਥੇ ਸਸਙ੍ਖਾਰਭਾਵਮਤ੍ਤਮੇਵ ਵਿਸੇਸੋ. ਤਤਿਯਚਤੁਤ੍ਥਾਨਿ.

ਪਞ੍ਚਮਛਟ੍ਠਸਤ੍ਤਮਟ੍ਠਮੇਸੁ ਪਨ ਸੁਖਸੋਮਨਸ੍ਸਟ੍ਠਾਨੇਸੁ ਉਪੇਕ੍ਖਾਭਾਵੋ, ਪੀਤਿਯਾ ਚ ਅਭਾਵੋ. ਤੇਨੇਵ ਝਾਨਙ੍ਗਸਙ੍ਗਹਵਾਰੇ ਚਤੁਰਙ੍ਗਜ੍ਝਾਨਤਾਵ ਵਿਸੇਸੋ, ਸੇਸਂ ਪਠਮਦੁਤਿਯਤਤਿਯਚਤੁਤ੍ਥਚਿਤ੍ਤਸਦਿਸਮੇਵ. ਉਪੇਕ੍ਖਾਸਹਗਤੇਸੁ ਚੇਤ੍ਥ ਚਤੂਸੁ ਕਰੁਣਾਮੁਦਿਤਾ ਨ ਉਪ੍ਪਜ੍ਜਨ੍ਤੀਤਿ ਕੇਚਿ ਵਦਨ੍ਤਿ, ਪਰਿਕਮ੍ਮਭੂਤਾਨਂ ਪਨੇਤ੍ਥ ਤਾਸਂ ਉਪ੍ਪਤ੍ਤਿਯਾ ਮਹਾਅਟ੍ਠਕਥਾਯਂ ਅਨੁਞ੍ਞਾਤਤ੍ਤਾ ਉਪਚਾਰਪ੍ਪਤ੍ਤਾ ਪਨ ਉਪ੍ਪਜ੍ਜਨ੍ਤਿ, ਨ ਇਤਰਾਤਿ ਗਹੇਤਬ੍ਬਂ. ਪਞ੍ਚਮਛਟ੍ਠਸਤ੍ਤਮਟ੍ਠਮਾਨਿ.

ਵਿਸਯਾਦਿਪ੍ਪਭੇਦਤੋਤਿ ਏਵਂ ਧਮ੍ਮੁਦ੍ਦੇਸਾਦਿਨਾ ਵਿਭਤ੍ਤਾਨਿ ਅਟ੍ਠ ਕਾਮਾਵਚਰਕੁਸਲਾਨਿ ਆਰਮ੍ਮਣਵਿਭਾਗਤੋ ਪਚ੍ਚੇਕਂ ਛਬ੍ਬਿਧਾਨਿ ਹੋਨ੍ਤਿ ਰੂਪਾਰਮ੍ਮਣਂ…ਪੇ… ਧਮ੍ਮਾਰਮ੍ਮਣਨ੍ਤਿ. ਤਤ੍ਥ ਨੀਲਾਦਿਭੇਦਭਿਨ੍ਨਾ, ਅਤੀਤਾਨਾਗਤਪਚ੍ਚੁਪ੍ਪਨ੍ਨਅਜ੍ਝਤ੍ਤਿਕਬਾਹਿਰਓਲ਼ਾਰਿਕਸੁਖੁਮਾਦਿਭੇਦਭਿਨ੍ਨਾ ਚ ਵਣ੍ਣਧਾਤੁ ਰੂਪਾਰਮ੍ਮਣਂ ਨਾਮ. ਏਵਂ ਸਦ੍ਦਾਰਮ੍ਮਣਾਦੀਸੁਪਿ ਯਥਾਨੁਰੂਪਂ ਭੇਦੋ ਵੇਦਿਤਬ੍ਬੋ.

ਏਤ੍ਥ ¶ ਚ ਫੋਟ੍ਠਬ੍ਬਨ੍ਤਿ ਆਪੋਧਾਤੁਵਜ੍ਜਿਤਭੂਤਤ੍ਤਯਂ, ਧਮ੍ਮਾਰਮ੍ਮਣਨ੍ਤਿ ਪਞ੍ਚਾਰਮ੍ਮਣਾਨਿ ਵਜ੍ਜੇਤ੍ਵਾ ਅਵਸੇਸਾ ਰੂਪਾਰੂਪਪਞ੍ਞਤ੍ਤਿਯੋ ਵੇਦਿਤਬ੍ਬਾ, ਸੇਸਂ ਤਾਦਿਸਮੇਵ. ਕੇਚਿ ਪਨੇਤ੍ਥ ‘‘ਚਕ੍ਖੁਵਿਞ੍ਞਾਣਾਦੀਨਮਾਪਾਥਗਤਾਨਿ ਏਤਾਨਾਰਮ੍ਮਣਾਨਿ ਰੂਪਾਰਮ੍ਮਣਾਦਿਵੋਹਾਰਂ ਲਭਨ੍ਤਿ, ਅਨਾਪਾਥਗਤਾਨਿ ਪਨ ਅਤੀਤਾਨਾਗਤਦੂਰਸੁਖੁਮਾਦਿਭੇਦਭਿਨ੍ਨਾਨਿ ਧਮ੍ਮਾਰਮ੍ਮਣਾਨੇਵਾ’’ਤਿ ਵਦਨ੍ਤਿ, ਤਂ ਨ ਯੁਤ੍ਤਂ ਦਿਬ੍ਬਚਕ੍ਖਾਦੀਨਂ ਰੂਪਾਰਮ੍ਮਣਤਾਦਿਵਚਨਤੋ.

ਅਨਾਪਾਥਗਤਾ ਏਵ ਹਿ ਤਾਨਿ ਦਿਬ੍ਬਚਕ੍ਖੁਆਦੀਨਂ ਆਰਮ੍ਮਣਂ, ਨ ਚ ਤਾਨਿ ਧਮ੍ਮਾਰਮ੍ਮਣਾਨਿ. ਰੂਪਾਦਯੋ ਹਿ ਪਞ੍ਚ ਪਚ੍ਚੇਕਂ ਦ੍ਵੀਸੁ ਦ੍ਵੀਸੁ ਦ੍ਵਾਰੇਸੁ ਏਕਸ੍ਮਿਂ ਖਣੇ ਆਪਾਥਮਾਗਨ੍ਤ੍ਵਾ ਤਂਤਂਦ੍ਵਾਰਿਕਜਵਨਾਨਂ, ਤਦਨਨ੍ਤਰੇ ਮਨੋਦ੍ਵਾਰਿਕਾਨਞ੍ਚ ਅਪਰਭਾਗੇ ਚ ਦਿਟ੍ਠਸੁਤਾਦਿਵਸੇਨਾਨੁਸ੍ਸਰਨ੍ਤਸ੍ਸ ਸੁਦ੍ਧਮਨੋਦ੍ਵਾਰਿਕਾਨਞ੍ਚ ਆਰਮ੍ਮਣਾਨਿ ਹੋਨ੍ਤਿ. ਤਥਾ ਹਿ ਨਾਨਾਵਣ੍ਣਵਿਚਿਤ੍ਤਚੇਤਿਯਾਦਿਦਸ੍ਸਨਂ ਕਰੋਨ੍ਤਸ੍ਸ, ਧਮ੍ਮਂ ¶ ਸੁਣਨ੍ਤਸ੍ਸ, ਭੇਰਿਸਦ੍ਦਾਦੀਹਿ ਵਾ ਪੂਜਾਦਿਂ ਕਰੋਨ੍ਤਸ੍ਸ ਚ ਗਨ੍ਧਮਾਲਾਦੀਨਿ ਘਾਯਿਤ੍ਵਾ, ਖਾਦਨੀਯਭੋਜਨੀਯਾਦਿਞ੍ਚ ਸਾਯਿਤ੍ਵਾ, ਸੁਖਸਮ੍ਫਸ੍ਸਾਨਿ ਅਤ੍ਥਰਣਪਾਵੁਰਣਾਦੀਨਿ ਚ ਫੁਸਿਤ੍ਵਾ ਮਨਾਪਭਾਵਂ ਞਤ੍ਵਾ ਤੇਹਿ ਚੇਤਿਯਪੂਜਂ ਕਰੋਨ੍ਤਸ੍ਸ, ਤਤ੍ਥ ਤਤ੍ਥ ਅਕੁਸਲਂ ਵਾ ਉਪ੍ਪਾਦੇਨ੍ਤਸ੍ਸ, ਤਸ੍ਮਿਂ ਤਸ੍ਮਿਂ ਖਣੇ ਗਯ੍ਹਮਾਨਾਨਿ ਰੂਪਾਦਿਪਞ੍ਚਾਰਮ੍ਮਣਾਨਿ ਸਾਖਾਯ ਅਕ੍ਕਮਨਂ, ਪਥਵਿਯਂ ਛਾਯਾਫਰਣਞ੍ਚ ਏਕਕ੍ਖਣੇ ਕੁਰੁਮਾਨਂ ਰੁਕ੍ਖਗ੍ਗੇ ਨਿਲੀਯਮਾਨਂ ਪਕ੍ਖਿਨੋ ਸਰੀਰਂ ਵਿਯ ਯਥਾਸਕਂ ਪਸਾਦਞ੍ਚ ਘਟ੍ਟੇਤ੍ਵਾ ਤਸ੍ਮਿਂਯੇਵ ਖਣੇ ਭਵਙ੍ਗਚਲਨਪਚ੍ਚਯਭਾਵੇਨ ਮਨੋਦ੍ਵਾਰੇਪਿ ਆਪਾਥਮਾਗਨ੍ਤ੍ਵਾ ਤਤੋ ਭਵਙ੍ਗਂ ਵਿਚ੍ਛਿਨ੍ਦਿਤ੍ਵਾ ਉਪ੍ਪਨ੍ਨਾਨਂ ਆਵਜ੍ਜਨਾਦਿਵੋਟ੍ਠਬ੍ਬਨਪਰਿਯੋਸਾਨਾਨਂ, ਵੀਥਿਚਿਤ੍ਤਾਨਂ, ਤਦਨਨ੍ਤਰਾਨਞ੍ਚ ਕੁਸਲਾਕੁਸਲਾਦਿਜਵਨਾਨਂ ਆਰਮ੍ਮਣਂ ਹੁਤ੍ਵਾ ਤਦਨਨ੍ਤਰਾਸੁ ਮਨੋਦ੍ਵਾਰਵੀਥੀਸੁ ਚ ਅਪਰਭਾਗੇ ਤਥਾਰੂਪਂ ਪਚ੍ਚਯਂ ਆਗਮ੍ਮ ਅਤ੍ਤਨਾ ਪੂਜਾਦਿਕਰਣਕਾਲੇਸੁ, ਦਿਟ੍ਠਸੁਤਘਾਯਿਤਸਾਯਿਤਫੁਟ੍ਠਵਸੇਨਾਨੁਸ੍ਸਰਨ੍ਤਸ੍ਸ, ਪਚ੍ਚਕ੍ਖਤੋ ਅਨੁਭੁਯ੍ਯਮਾਨਾਨਿ ਵਿਯ ਮਨੋਦ੍ਵਾਰੇ ਚ ਆਰਮ੍ਮਣਾਨਿ ਹੋਨ੍ਤਿ.

ਅਥਾਪਿ ¶ ਪਞ੍ਚਹਿ ਦ੍ਵਾਰੇਹਿ ਅਗਹਿਤਪੁਬ੍ਬਾਨਿ ਬੁਦ੍ਧਰੂਪਾਦੀਨਿ, ਦਿਬ੍ਬਰੂਪਾਦੀਨਿ ਚ ਪਞ੍ਚਾਰਮ੍ਮਣਾਨਿ ਸਵਨਵਸੇਨ ਸਲ੍ਲਕ੍ਖੇਤ੍ਵਾ ਜਵਨਕ੍ਖਣੇ ਵਾ ਅਪਰਭਾਗੇ ਸੁਤਵਸੇਨੇਵ ਅਨੁਸ੍ਸਰਿਤ੍ਵਾ ਵਾ ਪਸਾਦਂ, ਕਮ੍ਮਫਲਸਦ੍ਧਾਦਿਂ, ਲੋਭਾਦਿਞ੍ਚ ਉਪ੍ਪਾਦੇਨ੍ਤਸ੍ਸਾਪਿ ਮਨੋਦ੍ਵਾਰੇ ਆਪਾਥਮਾਗਚ੍ਛਨ੍ਤਿ. ਅਭਿਞ੍ਞਾਨਂ ਪਨ ਸੁਦ੍ਧਮਨੋਦ੍ਵਾਰੇ ਏਵ, ਤਸ੍ਮਾ ਏਵਂ ਪਞ੍ਚਦ੍ਵਾਰੇ, ਮਨੋਦ੍ਵਾਰੇ, ਸੁਦ੍ਧਮਨੋਦ੍ਵਾਰੇ ਚ ਆਪਾਥਗਤਾਨਿ ਅਤੀਤਾਦਿਭੇਦਭਿਨ੍ਨਾਨਿ ਸਬ੍ਬਾਨਿਪਿ ਪਞ੍ਚਾਰਮ੍ਮਣਾਨਿ ਕਦਾਚਿਪਿ ਧਮ੍ਮਾਰਮ੍ਮਣਂ ਨ ਹੋਨ੍ਤਿ, ਤਦਿਤਰਾ ਨਾਮਰੂਪਪਞ੍ਞਤ੍ਤਿਯੋ ਧਮ੍ਮਾਰਮ੍ਮਣਨ੍ਤਿ ਗਹੇਤਬ੍ਬਂ. ਨਨੁ ਚੇਤਾਨਿ ਇਟ੍ਠਕਨ੍ਤਮਨਾਪਾਨਿ ਆਰਮ੍ਮਣਾਨਿ ਲੋਭਸ੍ਸ ਵਤ੍ਥੁ, ਕਥਮੇਤ੍ਥ ਕੁਸਲਂ ਉਪ੍ਪਜ੍ਜਤੀਤਿ? ਨਿਯਮਾਦਿਕਾਰਣਤੋ. ਚਿਤ੍ਤਂ ਹਿ ‘‘ਕੁਸਲਮੇਵ ਮਯਾ ਕਤ੍ਤਬ੍ਬ’’ਨ੍ਤਿ ਪੁਬ੍ਬੇ ਨਿਯਮਿਤਵਸੇਨ ਸਬ੍ਬਤ੍ਥ ਅਕੁਸਲਪ੍ਪਵਤ੍ਤਿਂ ਨਿਵਤ੍ਤੇਤ੍ਵਾ ਕੁਸਲੇ ਪਰਿਣਾਮਨਵਸੇਨ ਚ ਅਭਿਣ੍ਹਂ ਆਸੇਵਿਤਕੁਸਲਸਮੁਦਾਚਾਰਵਸੇਨ ਚ ਸਪ੍ਪੁਰਿਸੂਪਨਿਸ੍ਸਯਾਦਿਉਪਨਿਸ੍ਸਯਵਸੇਨ ਚ ਯੋਨਿਸੋਆਭੁਜਿਤਵਸੇਨ ਚਾਤਿ ਇਮੇਹਿ ਕਾਰਣੇਹਿ ਕੁਸਲਂ ਹੁਤ੍ਵਾ ਉਪ੍ਪਜ੍ਜਤੀਤਿ ਵੇਦਿਤਬ੍ਬਂ. ਏਵਮਿਮੇਸੁ ਛਸੁ ਆਰਮ੍ਮਣੇਸੁ ਉਪ੍ਪਜ੍ਜਨਤੋ ਪਚ੍ਚੇਕਂ ਛਬ੍ਬਿਧਾਨਿ ਹੋਨ੍ਤਿ. ਆਰਮ੍ਮਣਵਵਤ੍ਥਾਨਕਥਾ.

ਏਵਂ ਆਰਮ੍ਮਣਭੇਦਭਿਨ੍ਨੇਸੁ ਰੂਪਾਰਮ੍ਮਣਂ ਤਾਵ ਕੁਸਲਂ ਦਸਪੁਞ੍ਞਕਿਰਿਯਵਤ੍ਥੁਵਸੇਨ ਦਸਵਿਧਂ ਹੋਤਿ. ਤਤ੍ਥ ਏਕੇਕਂ ਪਨ ਕਾਯਕਮ੍ਮਂ ਵਚੀਕਮ੍ਮਂ ਮਨੋਕਮ੍ਮਨ੍ਤਿ ਤਿਵਿਧਂ. ਤਤ੍ਥ ਕਾਯਦ੍ਵਾਰੇ ਪਵਤ੍ਤਂ ਕਾਯਕਮ੍ਮਂ, ਵਚੀਦ੍ਵਾਰੇ ਪਵਤ੍ਤਂ ਵਚੀਕਮ੍ਮਂ, ਮਨੋਦ੍ਵਾਰੇ ਪਵਤ੍ਤਂ ਮਨੋਕਮ੍ਮਂ. ਤਤ੍ਥ ਕਾਯਦ੍ਵਾਰਨ੍ਤਿ ਕਾਯਵਿਞ੍ਞਤ੍ਤਿ. ਵਚੀਦ੍ਵਾਰਨ੍ਤਿ ਵਚੀਵਿਞ੍ਞਤ੍ਤਿ. ਤਾਸਂ ਵਿਭਾਗੋ ਰੂਪਵਿਭਤ੍ਤਿਯਂ ਆਵਿ ਭਵਿਸ੍ਸਤਿ. ਮਨੋਦ੍ਵਾਰਨ੍ਤਿ ¶ ਸਬ੍ਬਂ ਚੇਤਨਾਸਮ੍ਪਯੁਤ੍ਤਂ ਚਿਤ੍ਤਂ ਵੁਚ੍ਚਤਿ, ਵਿਸੇਸਤੋ ਕੁਸਲਾਕੁਸਲਂ. ਤਂ ਹਿ ਸਹਜਾਤਾਨਂ ਚੇਤਨਾਨਂ, ਕਾਯਙ੍ਗਵਾਚਙ੍ਗਚੋਪਨਂ ਅਸਮ੍ਪਾਪੁਣਿਤ੍ਵਾ ਪਵਤ੍ਤਾਨਂ ਸੁਦ੍ਧਮਨੋਕਮ੍ਮਾਨਂ ਪਵਤ੍ਤਿਓਕਾਸਦਾਨਤੋ ਦ੍ਵਾਰਨ੍ਤਿ ਵੁਚ੍ਚਤਿ, ਇਮੇਸੁ ਪਨ ਤੀਸੁ ¶ ਦ੍ਵਾਰੇਸੁ ਪਵਤ੍ਤਾ ਚੇਤਨਾ ਕਾਯਕਮ੍ਮਾਦਯੋ ਨਾਮ. ਅਪਿਚ ਪਾਣਾਤਿਪਾਤਾਦਯੋ, ਪਾਣਾਤਿਪਾਤਾਵੇਰਮਣਿਆਦਯੋ ਚ ਕਾਯਕਮ੍ਮਂ ਨਾਮ, ਮੁਸਾਵਾਦਾਦਯੋ, ਮੁਸਾਵਾਦਾਵੇਰਮਣਿਆਦਯੋ ਚ ਵਚੀਕਮ੍ਮਂ ਨਾਮ, ਅਭਿਜ੍ਝਾਦਯੋ, ਅਨਭਿਜ੍ਝਾਦਯੋ ਚ ਮਨੋਕਮ੍ਮਂ ਨਾਮ.

ਕੁਸਲਪਕ੍ਖੇ ਪਨ ਦਾਨਾਦਿਦਸਪੁਞ੍ਞਕਿਰਿਯਵਤ੍ਥੂਨਿ ਚ ਯਥਾਰਹਂ ਕਾਯਵਚੀਮਨੋਕਮ੍ਮਾਨਿ ਹੋਨ੍ਤਿ. ਏਵਂ ਯੇਭੁਯ੍ਯਵੁਤ੍ਤਿਤੋ ਚੇਸ ਕਾਯਕਮ੍ਮਾਦਿਭਾਵੋ ਵੁਤ੍ਤੋ ਪਾਣਾਤਿਪਾਤਾਦੀਨਮ੍ਪਿ ਵਚੀਦ੍ਵਾਰਾਦੀਸੁ ਪਵਤ੍ਤਿਤੋ ਕੇਸਞ੍ਚਿ ਪੁਰਿਸਾਨਂ ਵਨਚਰਕਾਦਿਭਾਵੋ ਵਿਯ, ਦ੍ਵਾਰਾਨਞ੍ਚ ਕਾਯਕਮ੍ਮਦ੍ਵਾਰਾਦਿਭਾਵੋ ਕੇਸਞ੍ਚਿ ਗਾਮਾਨਂ ਬ੍ਰਾਹ੍ਮਣਗਾਮਾਦਿਭਾਵੋ ਵਿਯ. ਅਕੁਸਲੇ ਤਾਵ ਏਤ੍ਥ ਪਾਣਾਤਿਪਾਤਾਦਿਕਾਯਕਮ੍ਮਂ ਕਾਯਦ੍ਵਾਰੇ, ਵਚੀਦ੍ਵਾਰੇ ਚ ਯਥਾਰਹਂ ਸਮੁਟ੍ਠਾਤਿ, ਨੋ ਮਨੋਦ੍ਵਾਰੇ. ਤਥਾ ਮੁਸਾਵਾਦਾਦਿਵਚੀਕਮ੍ਮਂ. ਪਾਣਾਤਿਪਾਤਾਦਿਨਿਪ੍ਫਾਦਨਤ੍ਥਂ ਹਿ ਮਨੋਦ੍ਵਾਰੇ ਏਵ ਚਿਨ੍ਤੇਨ੍ਤਸ੍ਸ ਚੇਤਨਾਬ੍ਯਾਪਾਦਾਦੀਸੁ ਕਮ੍ਮਪਥਪ੍ਪਤ੍ਤੇਸੁ ਵਾ ਕਮ੍ਮਪਥਂ ਅਪ੍ਪਤ੍ਤੇਸੁ ਵਾ ਮਨੋਕਮ੍ਮੇਸੁ ਏਵ ਪਵਿਸਨਤੋ ਕਾਯਕਮ੍ਮਾਦਿਭਾਵਂ ਨ ਪਾਪੁਣਾਤਿ. ਨਨੁ ਵਿਜ੍ਜਾਮਯੇਨਾਪਿ ਕੇਵਲਂ ਮਨੋਕਮ੍ਮੇਨ ਪਾਣਾਤਿਪਾਤਾਦਿਂ ਕਰੋਨ੍ਤੀਤਿ? ਨ ਅਲੋਣਭੋਜਨਦਬ੍ਭਸਯਨਮਨ੍ਤਪਰਿਜਪ੍ਪਨਾਦਿਕਾਯਵਚੀਪਯੋਗਂ ਵਿਨਾ ਤਸ੍ਸਾਸਿਜ੍ਝਨਤੋ. ਅਭਿਜ੍ਝਾਦਿਮਨੋਕਮ੍ਮਂ ਪਨ ਤੀਸੁਪਿ ਦ੍ਵਾਰੇਸੁ ਸਮੁਟ੍ਠਾਤਿ. ਅਭਿਜ੍ਝਾਯ ਹਿ ਕਾਯੇਨ ਪਰਭਣ੍ਡਗ੍ਗਾਹਾਦੀਨਂ, ਬ੍ਯਾਪਾਦੇਨ ਦਣ੍ਡਪਰਾਮਸਨਾਦੀਨਂ, ਮਿਚ੍ਛਾਦਿਟ੍ਠਿਯਾ ਤਿਤ੍ਥਿਯਵਨ੍ਦਨਾਦੀਨਂ ਕਰਣਕਾਲੇ, ਵਾਚਾਯ ਪਰਸਮ੍ਪਤ੍ਤਿਪਤ੍ਥਨਾਯ ‘‘ਹਞ੍ਞਨ੍ਤੁ ਬਜ੍ਝਨ੍ਤੂ’’ਤਿ ਅਨਤ੍ਥਪਤ੍ਥਨਾਯ ਚ ਤਿਤ੍ਥਿਯਤ੍ਥੁਤਿਤਦਤ੍ਥਦੀਪਨਾਦੀਨਞ੍ਚ ਯਥਾਕ੍ਕਮਂ ਪਵਤ੍ਤਿਕਾਲੇ ਚ ਤਸ੍ਸ ਮਨੋਕਮ੍ਮਸ੍ਸ ਕਾਯਵਾਚਾਸੁ ਪਵਤ੍ਤਿ ਵੇਦਿਤਬ੍ਬਾ.

ਕਾਮਾਵਚਰਕੁਸਲਂ ਪਨ ਪਾਣਾਤਿਪਾਤਾਵੇਰਮਣਿਆਦਿਕਂ ਕਾਯਵਚੀਮਨੋਕਮ੍ਮਂ ਪਚ੍ਚੇਕਂ ਦ੍ਵਾਰਤ੍ਤਯੇਪਿ ਪਵਤ੍ਤਤਿ. ਤਤ੍ਥ ਪਾਣਾਤਿਪਾਤਾਦੀਹਿ ¶ ਸਮ੍ਫਪ੍ਪਲਾਪਪਰਿਯੋਸਾਨੇਹਿ ਸਤ੍ਤਹਿ ਵਿਰਮਨ੍ਤਸ੍ਸ ਤਾਵ ਹਤ੍ਥਮੁਦ੍ਦਾਯ, ਵਚੀਭੇਦੇਨ ਚ ਸਮਾਦਿਯਨਕਾਲੇ, ਮਨਸਾ ਵਿਰਮਣਕਾਲੇ ਚ ਤੇਸਂ ਕਾਯਵਚੀਕਮ੍ਮਾਨਂ ਤੀਸੁ ਦ੍ਵਾਰੇਸੁ ਪਵਤ੍ਤਿ ਵੇਦਿਤਬ੍ਬਾ. ਅਨਭਿਜ੍ਝਾਦੀਹਿ ਸਹਗਤੇਨ ਚੇਤਸਾ ਤਜ੍ਜਸ੍ਸ ਕਾਯਪਯੋਗਸ੍ਸ, ‘‘ਪਰਵਿਤ੍ਤੁਪਕਰਣਂ ਚਿਰਟ੍ਠਿਤਿਕਂ ਹੋਤੁ, ਸਬ੍ਬੇ ਸਤ੍ਤਾ ਅਵੇਰਾ ਹੋਨ੍ਤੁ, ਸੋ ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ’’ਤਿਆਦਿਨਾ ਵਚੀਪਯੋਗਸ੍ਸ, ਕੇਵਲਂ ਮਨੋਪਯੋਗਸ੍ਸ ਚ ਕਰਣਕਾਲੇ ਮਨੋਕਮ੍ਮਸ੍ਸ ਤੀਸੁਪਿ ਦ੍ਵਾਰੇਸੁ ਪਵਤ੍ਤਿ ਵੇਦਿਤਬ੍ਬਾ. ਏਤ੍ਥ ਚ ਪਞ੍ਚਦ੍ਵਾਰੇ ਉਪ੍ਪਨ੍ਨਾਨਿ ਜਵਨਾਨਿ ਕਾਯਵਚੀਕਮ੍ਮਾਨਿ ¶ ਨ ਹੋਨ੍ਤਿ, ਮਨੋਕਮ੍ਮਾਨਿ ਏਵ. ਤਾਨਿ ਚ ਨ ਕਮ੍ਮਪਥਪ੍ਪਤ੍ਤਾਨਿ, ਕੇਵਲਂ ਕੁਸਲਾਦੀਨਿ ਹੋਨ੍ਤਿ. ਮਨੋਦ੍ਵਾਰੇ ਪਟੁਤਰਪ੍ਪਵਤ੍ਤਾਨਿ ਏਵ ਹਿ ਕਮ੍ਮਪਥਪ੍ਪਤ੍ਤਾਨਿ ਮਨੋਕਮ੍ਮਾਨਿ ਹੋਨ੍ਤਿ, ਰੂਪਾਰੂਪਜਵਨਾਨਿ ਪਨ ਏਕਨ੍ਤਂ ਭਾਵਨਾਮਯਂ ਮਨੋਕਮ੍ਮਮੇਵ ਮਨੋਦ੍ਵਾਰੇ ਏਵ ਚ ਪਵਤ੍ਤਨ੍ਤਿ.

ਕਿਞ੍ਚਾਪਿ ਅਭਿਞ੍ਞਾਞਾਣਾਨਿ ਵਿਞ੍ਞਤ੍ਤਿਦ੍ਵਯਜਨਕਾਨਿ, ਤਥਾਪਿ ਕਾਯਵਚੀਕਮ੍ਮਵੋਹਾਰਂ ਨ ਲਭਨ੍ਤਿ, ਲੋਕੁਤ੍ਤਰਕੁਸਲਂ ਪਨ ਕਾਯਵਚੀਦ੍ਵਾਰੇਸੁ ਅਨੁਪ੍ਪਜ੍ਜਮਾਨਮ੍ਪਿ ਮਿਚ੍ਛਾਵਾਚਾਕਮ੍ਮਨ੍ਤਾਜੀਵਾਨਂ ਸਮੁਚ੍ਛੇਦਪ੍ਪਹਾਨਕਾਰੀਨਂ ਵਿਰਤੀਨਂ ਵਸੇਨ ਕਾਯਵਚੀਕਮ੍ਮਮ੍ਪਿ ਹੋਤਿ, ਤਦਿਤਰਮਗ੍ਗਙ੍ਗਵਸੇਨ ਮਨੋਕਮ੍ਮਮ੍ਪੀਤਿ ਏਕਕ੍ਖਣੇ ਤੀਣਿਪਿ ਕਮ੍ਮਾਨਿ ਹੋਨ੍ਤਿ, ਤਞ੍ਚ ਭਾਵਨਾਮਯਂ, ਦ੍ਵਾਰਂ ਪਨਸ੍ਸ ਮਨੋਦ੍ਵਾਰਮੇਵ. ਯਥਾ ਚ ਪਾਣਾਤਿਪਾਤਾਵੇਰਮਣਿਯਾਦੀਨਂ ਵਸੇਨ ਕੁਸਲਸ੍ਸ ਦ੍ਵਾਰਤ੍ਤਯੇ ਪਵਤ੍ਤਿ ਵੁਤ੍ਤਾ, ਏਵਂ ਦਸਪੁਞ੍ਞਕਿਰਿਯਵਤ੍ਥੂਨਮ੍ਪਿ ਵਸੇਨ ਵਤ੍ਤਬ੍ਬਾ. ਅਟ੍ਠਕਥਾਸੁ ਪਨ ਨ ਵਿਚਾਰਿਤਾ, ਤਥਾਪਿ ਨਯਤੋ ਏਵਂ ਵੇਦਿਤਬ੍ਬਾ.

ਤੇਸੁ ਦਾਨਂ ਕਾਯਕਮ੍ਮਮੇਵ, ਵਚੀਕਮ੍ਮਮ੍ਪਿ ਵਾ. ਪਤ੍ਤਾਨੁਪ੍ਪਦਾਨਂ, ਅਬ੍ਭਨੁਮੋਦਨਂ, ਦੇਸਨਾ ਵਚੀਕਮ੍ਮਮੇਵ. ਸੀਲਂ ਅਪਚਿਤਿਸਹਗਤਂ, ਵੇਯ੍ਯਾਵਚ੍ਚਸਹਗਤਞ੍ਚ ਕਾਯਕਮ੍ਮਮ੍ਪਿ ਅਤ੍ਥਿ, ਵਚੀਕਮ੍ਮਮ੍ਪਿ ਅਤ੍ਥਿ. ਤਤ੍ਥ ਸੀਲਸ੍ਸ ਕਾਯਵਚੀਕਮ੍ਮਭਾਵੋ ਸਿਦ੍ਧੋ ਏਵ. ਅਪਚਿਤਿਯਾ ਪਨ ¶ ਪੁਪ੍ਫਪੂਜਾਦਿਨਾ, ਵਨ੍ਦਨਾਦਿਨਾ ਵਾ ਪਵਤ੍ਤਿਕਾਲੇ ਕਾਯਕਮ੍ਮਭਾਵੋ, ਥੁਤਿਮਯਪੂਜਾਦਿਨਾ ਪਵਤ੍ਤਿਕਾਲੇ ਵਚੀਕਮ੍ਮਭਾਵੋ ਚ ਵੇਦਿਤਬ੍ਬੋ. ਵੇਯ੍ਯਾਵਚ੍ਚਸ੍ਸਾਪਿ ਸਹਤ੍ਥਾ ਕਰਣਕਾਲੇ ਕਾਯਕਮ੍ਮਭਾਵੋ, ਗਿਲਾਨਾਦੀਨਂ ਚਤੁਪਚ੍ਚਯਸਮਾਦਾਪਨਾਦਿਵਸੇਨ, ਗਰੂਹਿ ਆਣਤ੍ਤਸਦ੍ਦੇਨ ਆਰੋਚਨਪਕ੍ਕੋਸਨਾਦਿਵਸੇਨ ਵਚੀਕਮ੍ਮਭਾਵੋ ਚ ਵੇਦਿਤਬ੍ਬੋ. ਭਾਵਨਾ, ਸਵਨਂ, ਦਿਟ੍ਠਿਜੁਕਮ੍ਮਞ੍ਚ ਮਨੋਕਮ੍ਮਮੇਵ, ਅਬ੍ਭਨੁਮੋਦਨਮ੍ਪੀਤਿ ਕੇਚਿ. ਸਵਨਮ੍ਪਿ ਹਿ ਸੋਤਦ੍ਵਾਰਾਨੁਸਾਰੇਨ ਮਨੋਦ੍ਵਾਰੇ ਏਵ ਧਮ੍ਮਤ੍ਥਸਲ੍ਲਕ੍ਖਣਵਸੇਨ ਪਵਤ੍ਤਿਕਾਲੇ ਮਨੋਕਮ੍ਮਮੇਵ.

ਤਤ੍ਥ ਦਾਨਂ ਅਪਚਿਤਿ ਵੇਯ੍ਯਾਵਚ੍ਚਂ ਪਤ੍ਤਾਨੁਪ੍ਪਦਾਨਂ ਦੇਸਨਾਤਿ ਇਮਾਨਿ ਪਞ੍ਚ ਕਾਯਵਚੀਦ੍ਵਾਰੇਸੁ ਏਵ ਪਵਤ੍ਤਨ੍ਤਿ, ਨ ਮਨੋਦ੍ਵਾਰੇ. ਏਤ੍ਥ ਚ ਪਤ੍ਤਾਨੁਪ੍ਪਦਾਨਦੇਸਨਾਨਂ ਕਾਯਵਿਕਾਰੇਨ ਪਤ੍ਤਿਂ ਦੇਨ੍ਤਸ੍ਸ, ਧਮ੍ਮਂ ਦੇਸੇਨ੍ਤਸ੍ਸ ਚ ਕਾਯਦ੍ਵਾਰੇਪਿ ਪਵਤ੍ਤਿ ਵੇਦਿਤਬ੍ਬਾ. ਸੀਲਂ ਭਾਵਨਾ ਅਬ੍ਭਨੁਮੋਦਨਂ ਸਵਨਂ ਦਿਟ੍ਠਿਜੁਕਮ੍ਮਨ੍ਤਿ ਇਮਾਨਿ ਪਨ ਪਞ੍ਚ ਤੀਸੁਪਿ ਦ੍ਵਾਰੇਸੁ ਪਵਤ੍ਤਨ੍ਤਿ, ‘‘ਨ ਪੁਨੇਵਂ ਕਰਿਸ੍ਸਾਮੀ’’ਤਿ ਚੇਤ੍ਥ ਮਨਸਾਵ ਦੁਚ੍ਚਰਿਤਤੋ ਵਿਰਮਨ੍ਤਸ੍ਸ, ਅਬ੍ਭਨੁਮੋਦਨ੍ਤਸ੍ਸ ਚ ਵਸੇਨ ਸੀਲਬ੍ਭਨੁਮੋਦਨਾਨਂ ਮਨੋਦ੍ਵਾਰੇਪਿ ਪਵਤ੍ਤਿ ਵੇਦਿਤਬ੍ਬਾ. ਯਂ ਪਨ ਅਟ੍ਠਸਾਲਿਨਿਯਂ ‘‘ਦਾਨਮਯਂ ਕਾਯਵਚੀਮਨੋਕਮ੍ਮਵਸੇਨ ਤਿਵਿਧਂ ¶ ਹੋਤੀ’’ਤਿਆਦਿ ਵੁਤ੍ਤਂ, ਤਂ ਪੁਬ੍ਬਚੇਤਨਾਵਸੇਨ ਮਨੋਦ੍ਵਾਰੇ ਪਵਤ੍ਤਂ ਗਹੇਤ੍ਵਾ ਪਰਿਯਾਯਤੋ ਵੁਤ੍ਤਂ, ਨਿਪ੍ਪਰਿਯਾਯਤੋ ਕਾਯਵਚੀਦ੍ਵਾਰਪ੍ਪਵਤ੍ਤਾ ਸਨ੍ਨਿਟ੍ਠਾਨਚੇਤਨਾਵ. ਤੇਨੇਵ ਹਿ ਤਤ੍ਥੇਵ ਵੁਤ੍ਤਂ ‘‘ਵਿਨਯਪਰਿਯਾਯਂ ਪਤ੍ਵਾ ਹਿ ‘ਦਸ੍ਸਾਮਿ ਕਰਿਸ੍ਸਾਮੀ’ਤਿ ਵਾਚਾ ਭਿਨ੍ਨਾ ਹੋਤੀਤਿ. ਇਮਿਨਾ ਲਕ੍ਖਣੇਨ ਦਾਨਂ ਨਾਮ ਹੋਤਿ, ਅਭਿਧਮ੍ਮਪਰਿਯਾਯਂ ਪਤ੍ਵਾ ਪਨ ਵਿਜ੍ਜਮਾਨਕਵਤ੍ਥੁਂ ਆਰਬ੍ਭ ਮਨਸਾ ਚਿਨ੍ਤਿਤਕਾਲਤੋ ਪਟ੍ਠਾਯ ਕੁਸਲਂ ਹੋਤਿ. ਅਪਰਭਾਗੇ ਕਾਯੇਨ ਵਾ ਵਾਚਾਯ ਵਾ ਕਤ੍ਤਬ੍ਬਂ ਕਰਿਸ੍ਸਤੀ’’ਤਿ (ਧ. ਸ. ਅਟ੍ਠ. ੧). ਇਤਰਥਾ ‘‘ਦਸ੍ਸਾਮੀ’’ਤਿ ਚਿਨ੍ਤਿਤਮਤ੍ਤੇਨਾਪਿ ਦਾਨਂ ¶ ਨਾਮ ਭਵੇਯ੍ਯ, ਤਥਾ ਚ ਤਾਦਿਸਂ ਵਤ੍ਥੁਂ ਯਥਾਚਿਨ੍ਤਿਤਨਿਯਾਮੇਨ ਅਦੇਨ੍ਤਸ੍ਸ ਧੁਰਨਿਕ੍ਖੇਪੇ ਅਦਿਨ੍ਨਾਦਾਨਮ੍ਪਿ ਸਿਯਾ. ਏਵਂ ਮਨਸਾ ਪਾਣਾਤਿਪਾਤਾਦਯੋਪਿ ਸਿਯੁਂ, ਤਞ੍ਚ ਨ ਯੁਤ੍ਤਂ, ਤਸ੍ਮਾ ਵੁਤ੍ਤਨਯੇਨੇਵ ਗਹੇਤਬ੍ਬਂ. ਅਥ ਵਾ ‘‘ਸਬ੍ਬਂ ਸਾਪਤੇਯ੍ਯਂ ਦਿਨ੍ਨਞ੍ਞੇਵ ਹਰਤੂ’’ਤਿ ਪਰਿਚ੍ਚਜਨਸਮ੍ਭਵਤੋ ਦਾਨਸ੍ਸ ਮਨੋਦ੍ਵਾਰੇਪਿ ਪਵਤ੍ਤਿ ਵੇਦਿਤਬ੍ਬਾ.

ਏਤ੍ਥ ਚ ਦਾਨਸੀਲਾਦਿਕਾਯਕਮ੍ਮਾਨਂ ਕਾਯਦ੍ਵਾਰੇ ਪਵਤ੍ਤਿਯਂ ਕਮ੍ਮਂ ਕਾਯਕਮ੍ਮਮੇਵ, ਦ੍ਵਾਰਮ੍ਪਿ ਕਾਯਦ੍ਵਾਰਮੇਵ. ਵਚੀਦ੍ਵਾਰੇ ਪਵਤ੍ਤਿਯਂ ਕਮ੍ਮਂ ਕਾਯਕਮ੍ਮਮੇਵ, ਦ੍ਵਾਰਂ ਪਨ ਵਚੀਦ੍ਵਾਰਂ. ਮਨੋਦ੍ਵਾਰੇ ਪਵਤ੍ਤਿਯਮ੍ਪਿ ਕਮ੍ਮਂ ਕਾਯਕਮ੍ਮਂ, ਦ੍ਵਾਰਂ ਪਨ ਮਨੋਦ੍ਵਾਰਂ. ਦੇਸਨਾਬ੍ਭਨੁਮੋਦਨਾਦੀਨਂ ਵਚੀਕਮ੍ਮਾਨਂ ਵਚੀਦ੍ਵਾਰੇ ਪਵਤ੍ਤਿਯਂ ਕਮ੍ਮਮ੍ਪਿ ਵਚੀਕਮ੍ਮਂ, ਦ੍ਵਾਰਮ੍ਪਿ ਵਚੀਦ੍ਵਾਰਮੇਵ. ਕਾਯਦ੍ਵਾਰੇ ਪਵਤ੍ਤਿਯਮ੍ਪਿ ਕਮ੍ਮਂ ਵਚੀਕਮ੍ਮਮੇਵ, ਦ੍ਵਾਰਂ ਪਨ ਕਾਯਦ੍ਵਾਰਂ. ਮਨੋਦ੍ਵਾਰੇ ਪਵਤ੍ਤਿਯਮ੍ਪਿ ਕਮ੍ਮਂ ਵਚੀਕਮ੍ਮਂ, ਦ੍ਵਾਰਂ ਪਨ ਮਨੋਦ੍ਵਾਰਂ. ਭਾਵਨਾਦਿਮਨੋਕਮ੍ਮਾਨਂ ਮਨੋਦ੍ਵਾਰੇ ਪਵਤ੍ਤਿਯਂ ਕਮ੍ਮਮ੍ਪਿ ਮਨੋਕਮ੍ਮਂ, ਦ੍ਵਾਰਮ੍ਪਿ ਮਨੋਦ੍ਵਾਰਮੇਵ. ਕਾਯਦ੍ਵਾਰੇ ਪਵਤ੍ਤਿਯਮ੍ਪਿ ਕਮ੍ਮਂ ਮਨੋਕਮ੍ਮਮੇਵ, ਦ੍ਵਾਰਂ ਪਨ ਕਾਯਦ੍ਵਾਰਂ. ਵਚੀਦ੍ਵਾਰੇ ਪਵਤ੍ਤਿਯਮ੍ਪਿ ਕਮ੍ਮਂ ਮਨੋਕਮ੍ਮਮੇਵ, ਦ੍ਵਾਰਂ ਪਨ ਵਚੀਦ੍ਵਾਰਂ. ਏਵਂ ਪਾਣਾਤਿਪਾਤਾਦੀਨਂ, ਪਾਣਾਤਿਪਾਤਾਵੇਰਮਣਿਆਦੀਨਞ੍ਚ ਵੁਤ੍ਤਾਨੁਸਾਰੇਨ ਕਮ੍ਮਵਵਤ੍ਥਾਨਂ, ਦ੍ਵਾਰਵਵਤ੍ਥਾਨਞ੍ਚ ਯਥਾਨੁਰੂਪਂ ਯੋਜੇਤ੍ਵਾ ਅਸਙ੍ਕਰਤੋ ਞਾਤਬ੍ਬਂ.

ਦ੍ਵਾਰਕਮ੍ਮਵਵਤ੍ਥਾਨਕਥਾ ਨਿਟ੍ਠਿਤਾ.

ਇਦਾਨਿ ਯਸ੍ਮਾ ਦਸਵਿਧਾਨਿ ਚੇਤਾਨਿ ਪੁਞ੍ਞਕਿਰਿਯਵਤ੍ਥੂਨਿ ਤੀਸੁ ਏਵਂ ਸਙ੍ਗਯ੍ਹਨ੍ਤਿ ਦਾਨਮਯੇ ਸੀਲਮਯੇ ਭਾਵਨਾਮਯੇਤਿ. ਪਤ੍ਤਾਨੁਪ੍ਪਦਾਨਂ ਹਿ ਦਾਨਮਯੇ ਸਙ੍ਗਯ੍ਹਤਿ, ‘‘ਅਬ੍ਭਨੁਮੋਦਨਮ੍ਪੀ’’ਤਿ (ਧ. ਸ. ਅਟ੍ਠ. ੧੫੬-੧੫੯ ਪੁਞ੍ਞਕਿਰਿਯਵਤ੍ਥਾਦਿਕਥਾ) ਅਟ੍ਠਕਥਾਯਂ. ਅਪਚਿਤਿਵੇਯ੍ਯਾਵਚ੍ਚਾਨਿ ਸੀਲਮਯੇ. ਦੇਸਨਾਸਵਨਦਿਟ੍ਠਿਜੁਕਮ੍ਮਾਨਿ ਭਾਵਨਾਮਯੇ, ਤਸ੍ਮਾ ਰੂਪਾਰਮ੍ਮਣਸ੍ਸ ਕੁਸਲਸ੍ਸ ¶ ਦਾਨਸੀਲਭਾਵਨਾਵਸੇਨ ਦ੍ਵਾਰਤ੍ਤਯਪ੍ਪਵਤ੍ਤਿਂ ਯੋਜੇਤ੍ਵਾ ਦਸ੍ਸੇਸ੍ਸਾਮ. ਤਦਨੁਸਾਰੇਨੇਵ ਇਤਰੇਸਂ ਵਸੇਨਾਪਿ ਸਕ੍ਕਾ ਞਾਤੁਨ੍ਤਿ. ਕੁਸਲਂ ਹਿ ਵਣ੍ਣਾਰਮ੍ਮਣਂ ਹੁਤ੍ਵਾ ਉਪ੍ਪਜ੍ਜਮਾਨਂ ਦਾਨਸੀਲਭਾਵਨਾਵਸੇਨੇਵ ਤੀਸੁ ਦ੍ਵਾਰੇਸੁ ¶ ਪਵਤ੍ਤਤਿ. ਕਥਂ? ਯਦਾ ਹਿ ਨੀਲਪੀਤਾਦਿਵਣ੍ਣਵਿਚਿਤ੍ਤਂ ਪੁਪ੍ਫਵਤ੍ਥਾਦਿਦੇਯ੍ਯਧਮ੍ਮਂ ਲਭਿਤ੍ਵਾ ‘‘ਵਣ੍ਣਦਾਨਂ ਮੇ ਭਵਿਸ੍ਸਤੀ’’ਤਿ ਵਣ੍ਣਵਸੇਨ ਆਭੁਜਿਤ੍ਵਾ ਚੇਤਿਯਾਦੀਸੁ ਸਹਤ੍ਥੇਨ ਪੂਜੇਤਿ, ਤਦਾ ਰੂਪਾਰਮ੍ਮਣਂ ਦਾਨਮਯਂ ਕਾਯਦ੍ਵਾਰੇ ਪਵਤ੍ਤਤਿ, ਤਞ੍ਚ ਪੁਬ੍ਬਚੇਤਨਾ ਸਨ੍ਨਿਟ੍ਠਾਨਚੇਤਨਾ ਅਪਰਚੇਤਨਾਤਿ ਤਿਵਿਧਂ ਹੋਤਿ. ਏਵਂ ਉਪਰਿਪਿ ਸਬ੍ਬਵਾਰੇਸੁ ਤਿਵਿਧਤਾ ਵੇਦਿਤਬ੍ਬਾ. ਯਦਾ ਪਨ ਤਦੇਵ ਯਥਾਵੁਤ੍ਤਵਤ੍ਥੁਂ ਵਾਚਾਯ ਆਣਾਪੇਤ੍ਵਾ ਪੁਤ੍ਤਦਾਰਾਦੀਹਿ ਦਾਪੇਤਿ, ਤਦਾਰੂਪਾਰਮ੍ਮਣਂ ਦਾਨਮਯਂ ਵਚੀਦ੍ਵਾਰੇ ਪਵਤ੍ਤਤਿ. ਯਦਾ ਪਨ ਤਦੇਵ ਵਿਜ੍ਜਮਾਨਕਵਤ੍ਥੁਂ ‘‘ਦਸ੍ਸਾਮੀ’’ਤਿ ਚਿਨ੍ਤੇਤਿ, ਪਚ੍ਚਾਸੀਸਤਿ, ਯਥਾਧਿਪ੍ਪਾਯਂ ਨਿਪ੍ਫਾਦੇਸ੍ਸਤਿ, ਤਦਾ ਪੁਬ੍ਬਚੇਤਨਾਵਸੇਨ ਪਰਿਯਾਯਤੋ ਦਾਨਮਯਂ ਮਨੋਦ੍ਵਾਰੇ ਪਵਤ੍ਤਤਿ ਨਾਮ. ਏਵਂ ਰੂਪਾਰਮ੍ਮਣਂ ਦਾਨਮਯਂ ਦ੍ਵਾਰਵਸੇਨ ਤਿਵਿਧਂ ਹੋਤਿ.

ਯਦਾ ਪਨ ਵੁਤ੍ਤਪ੍ਪਕਾਰਵਣ੍ਣਂ ਦੇਯ੍ਯਧਮ੍ਮਂ ਲਭਿਤ੍ਵਾ ‘‘ਏਵਂ ਮਨਾਪਵਣ੍ਣਾਨਂ ਪਰਿਚ੍ਚਜਨਂ ਨਾਮ ਮਯ੍ਹਂ ਕੁਲਵਂਸਾਗਤਵਤ੍ਤਮੇਤ’’ਨ੍ਤਿ ਸਹਤ੍ਥਾ ਪੂਜੇਤਿ, ਤਾਦਿਸਵਣ੍ਣਵਨ੍ਤਂ ਵਾ ਪਰਪਰਿਗ੍ਗਹਿਤਾਦਿਭੋਗਸਮ੍ਪਤ੍ਤਿਂ ਪਰਿਚ੍ਚਜਿਤ੍ਵਾ ਸੀਲਂ ਰਕ੍ਖਤਿ, ਤਦਾ ਰੂਪਾਰਮ੍ਮਣਂ ਸੀਲਂ ਕਾਯਦ੍ਵਾਰੇ ਚ ਪਵਤ੍ਤਤਿ. ਯਦਾ ਪਨ ਵੁਤ੍ਤਪ੍ਪਕਾਰਵਣ੍ਣਂ ਦੇਯ੍ਯਧਮ੍ਮਂ ਕੁਲਵਂਸਾਦਿਵਸੇਨ ਵਾਚਾਯ ਆਣਾਪੇਤ੍ਵਾ ਪਰੇਹਿ ਦਾਪੇਤਿ, ਤਾਦਿਸਂ ਵਾ ਪਰਪਰਿਗ੍ਗਹਿਤਾਦਿਂ ਵਾਚਾਯ ਅਪਨੇਤ੍ਵਾ ਸੀਲਂ ਰਕ੍ਖਤਿ, ਤਦਾ ਰੂਪਾਰਮ੍ਮਣਂ ਸੀਲਂ ਵਚੀਦ੍ਵਾਰੇ ਪਵਤ੍ਤਤਿ. ਯਦਾ ਪਨ ਤਾਦਿਸਂ ਵਿਜ੍ਜਮਾਨਕਵਤ੍ਥੁਂ ਕੁਲਵਂਸਾਦਿਵਸੇਨ ‘‘ਦਸ੍ਸਾਮੀ’’ਤਿ, ਤਾਦਿਸਂ ਪਰਪਰਿਗ੍ਗਹਿਤਾਦਿਕਂ ਅਨਾਮਸਿਤ੍ਵਾ ‘‘ਸੀਲਂ ਰਕ੍ਖਿਸ੍ਸਾਮੀ’’ਤਿ ਵਾ ਚਿਨ੍ਤੇਤਿ, ਤਦਾ ਰੂਪਾਰਮ੍ਮਣਂ ਸੀਲਂ ਮਨੋਦ੍ਵਾਰੇ ਪਵਤ੍ਤਤਿ. ਏਵਂ ਰੂਪਾਰਮ੍ਮਣਂ ਸੀਲਮਯਂ ਦ੍ਵਾਰਵਸੇਨ ਤਿਵਿਧਂ ਹੋਤਿ.

ਯਦਾ ¶ ਪਨ ਵੁਤ੍ਤਪ੍ਪਕਾਰਂ ਵਣ੍ਣਵਨ੍ਤਂ ਦਤ੍ਵਾ ਤਦੇਵ ਵਣ੍ਣਂ, ਸਬ੍ਬਂ ਵਾ ਰੂਪਾਯਤਨਂ ਚਙ੍ਕਮਨ੍ਤੋ ਅਨਿਚ੍ਚਾਦਿਤੋ ਵਿਪਸ੍ਸਤਿ, ਤਦਾ ਰੂਪਾਰਮ੍ਮਣਂ ਭਾਵਨਾਮਯਂ ਕਾਯਦ੍ਵਾਰੇ ਪਵਤ੍ਤਤਿ. ਤਦੇਵ ਵਚੀਭੇਦਂ ਕਤ੍ਵਾ ਸਮ੍ਮਸਨ੍ਤਸ੍ਸ ਰੂਪਾਰਮ੍ਮਣਂ ਭਾਵਨਾਮਯਂ ਵਚੀਦ੍ਵਾਰੇ ਪਵਤ੍ਤਤਿ. ਤਦੇਵ ਕਾਯਙ੍ਗਵਾਚਙ੍ਗਂ ਅਚੋਪੇਤ੍ਵਾ ਸਮ੍ਮਸਨ੍ਤਸ੍ਸ ਰੂਪਾਰਮ੍ਮਣਂ ਭਾਵਨਾਮਯਂ ਮਨੋਦ੍ਵਾਰੇ ਪਵਤ੍ਤਤਿ. ਏਵਂ ਰੂਪਾਰਮ੍ਮਣਂ ਭਾਵਨਾਮਯਂ ਦ੍ਵਾਰਵਸੇਨ ਤਿਵਿਧਂ ਹੋਤਿ. ਇਤਿ ਰੂਪਾਰਮ੍ਮਣਸ੍ਸ ਕੁਸਲਸ੍ਸ ਤਿਵਿਧਪੁਞ੍ਞਕਿਰਿਯਵਤ੍ਥੁਵਸੇਨ ਨਵਸੁ ਕਮ੍ਮਦ੍ਵਾਰੇਸੁ ਪਵਤ੍ਤਿਵਿਭਾਗੋ ਵੇਦਿਤਬ੍ਬੋ. ਇਮਿਨਾਵ ਨਯੇਨ ਰੂਪਾਰਮ੍ਮਣਸ੍ਸ ਕੁਸਲਸ੍ਸ ਦਸਪੁਞ੍ਞਕਿਰਿਯਵਤ੍ਥੁਵਸੇਨਾਪਿ ਤਿਂਸਾਯ ਕਮ੍ਮਦ੍ਵਾਰੇਸੁ ਪਵਤ੍ਤਿਵਿਭਾਗੋ ਯੋਜੇਤ੍ਵਾ ਞਾਤਬ੍ਬੋ. ਯਥਾ ਚ ਰੂਪਾਰਮ੍ਮਣਸ੍ਸ, ਏਵਂ ਸਦ੍ਦਾਰਮ੍ਮਣਾਦੀਨਮ੍ਪਿ ਪਞ੍ਚਨ੍ਨਂ ਕੁਸਲਾਨਂ ਪੁਞ੍ਞਕਿਰਿਯਵਤ੍ਥੁਦ੍ਵਾਰੇਹਿ ਵਿਭਾਗੋ, ਯੋਜਨਾਨਯੋ ਚ ਯਥਾਨੁਰੂਪਂ ਞਾਤਬ੍ਬੋ.

ਅਪਿਚ ¶ ਸਦ੍ਦਂ ਨਾਮ ਕਨ੍ਦਮੂਲਂ ਵਿਯ ਹਤ੍ਥੇਨ ਗਹੇਤ੍ਵਾ ਦਾਤੁਂ ਨ ਸਕ੍ਕਾ. ਯਦਾ ਪਨ ‘‘ਸਦ੍ਦਦਾਨਂ ਮੇ’’ਤਿ ਆਭੁਜਿਤ੍ਵਾ ਭੇਰਿਆਦਿਤੂਰਿਯੇ ਤਿਣ੍ਣਂ ਰਤਨਾਨਂ ਦੇਤਿ, ਤੇਹਿ ਉਪਹਾਰਂ ਵਾ ਕਰੋਤਿ, ਧਮ੍ਮਕਥਿਕਾਦੀਨਂ ਸਰਭੇਸਜ੍ਜਾਦਿਂ ਦੇਤਿ, ਧਮ੍ਮਸ੍ਸਵਨਂ ਘੋਸੇਤਿ, ਸਰਭਞ੍ਞਧਮ੍ਮਕਥਾਦਿਂ ਵਾ ਕਰੋਤਿ, ਤਦਾ ਕੁਸਲਂ ਸਦ੍ਦਾਰਮ੍ਮਣਂ ਹੋਤਿ. ਏਵਂ ਗਨ੍ਧਾਦਿਵਤ੍ਥੁਪਰਿਚ੍ਚਾਗੇਪਿ ਗਨ੍ਧਾਦਿਆਰਮ੍ਮਣਂ. ਧਮ੍ਮਾਰਮ੍ਮਣਂ ਪਨ ਓਜਾਜੀਵਿਤਿਨ੍ਦ੍ਰਿਯਤਦਾਯਤ੍ਤਾਨਂ ਵਸੇਨ ਞਾਤਬ੍ਬਂ. ਯਦਾ ਹਿ ਓਜਵਨ੍ਤਾਨਿ ਅਨ੍ਨਪਾਨਸਪ੍ਪਿਨਵਨੀਤਾਦੀਨਿ ‘‘ਓਜਦਾਨਂ ਮੇ ਭਵਿਸ੍ਸਤੀ’’ਤਿ ਦੇਤਿ, ਗਿਲਾਨਾਨਂ ਭੇਸਜ੍ਜਂ ਵਾ ਵੇਜ੍ਜਂ ਵਾ ਉਪਨੇਤ੍ਵਾ, ਪਾਣੋਪਰੋਧਕਂ ਆਵੁਧਜਾਲਕੁਮਿਨਾਦਿਂ ਵਿਨਾਸੇਤ੍ਵਾ ਵਾ, ਵਜ੍ਝਪ੍ਪਤ੍ਤੇ ਪਾਣਿਨੋ ਮੋਚੇਤ੍ਵਾ ਵਾ ‘‘ਜੀਵਿਤਦਾਨਂ ਮੇ ਭਵਿਸ੍ਸਤਿ ਜੀਵਿਤਾਯਤ੍ਤਵੁਤ੍ਤਿਤਾਯ, ਪਞ੍ਚਪਸਾਦਸੋਲ਼ਸਸੁਖੁਮਰੂਪਚਿਤ੍ਤਚੇਤਸਿਕਾਨਂ ਵਸੇਨ ਪਸਾਦਾਦਿਦਾਨਂ ਮੇ ਭਵਿਸ੍ਸਤੀ’’ਤਿ ਚ ਮਨਸਿ ਕਰੋਤਿ, ਤਦਾ ਕੁਸਲਂ ਧਮ੍ਮਾਰਮ੍ਮਣਂ ਹੋਤਿ. ਸੇਸਂ ਤਾਦਿਸਮੇਵ.

ਅਯਂ ¶ ਨਾਨਾਵਤ੍ਥੂਸੁ ਠਿਤਾਰਮ੍ਮਣਾਨਂ ਯੋਜਨਾ. ਏਕਵਤ੍ਥੁਸ੍ਮਿਮ੍ਪਿ ਛਾਰਮ੍ਮਣਂ ਲਬ੍ਭਤੇਵ. ਪਿਣ੍ਡਪਾਤਸ੍ਮਿਂ ਹਿ ਮਨਾਪੋ ਵਣ੍ਣੋ, ਖਾਦਨਕਾਲੇ ਮੁਰੁਮੁਰਾਯਨਸਦ੍ਦੋ, ਗਨ੍ਧੋ, ਰਸੋ, ਫੋਟ੍ਠਬ੍ਬਂ, ਓਜਾ, ਤਦਾਯਤ੍ਤਾ ਵਾ ਜੀਵਿਤਪਸਾਦਾਦਯੋ, ਤਬ੍ਬਿਸਯਾਨਿ ਚ ਵਿਞ੍ਞਾਣਾਦੀਨੀਤਿ ਛਾਰਮ੍ਮਣਮ੍ਪਿ ਵੇਦਿਤਬ੍ਬਂ. ਏਵਂ ਚੀਵਰਾਦੀਸੁ ਚੇਵ ਵਤ੍ਥਾਦੀਸੁ ਚ ਯਥਾਨੁਰੂਪਂ ਞਾਤਬ੍ਬਂ. ਏਤ੍ਥਪਿ ਦਾਨਸੀਲਭਾਵਨਾਮਯਤਾ, ਕਾਯਵਚੀਮਨੋਕਮ੍ਮਭਾਵੋ ਚ ਵੁਤ੍ਤਨਯੇਨੇਵ ਵੇਦਿਤਬ੍ਬੋ. ਯਥਾ ਚ ਕੁਸਲਾਨਂ, ਏਵਂ ਅਕੁਸਲਾਨਮ੍ਪਿ ਆਰਮ੍ਮਣਕਮ੍ਮਦ੍ਵਾਰਵਵਤ੍ਥਾਨਂ, ਅਪੁਞ੍ਞਕਿਰਿਯਵਤ੍ਥੂਸੁ ਯੋਜਨਾਨਯੋ ਚ ਵੁਤ੍ਤਾਨੁਸਾਰੇਨ ਯਥਾਯੋਗਂ ਞਾਤਬ੍ਬੋ.

ਏਵਂ ਆਰਮ੍ਮਣਤੋ, ਪੁਞ੍ਞਕਿਰਿਯਵਤ੍ਥੁਤੋ, ਕਮ੍ਮਤੋ, ਦ੍ਵਾਰਤੋ ਚ ਅਨੇਕਸਹਸ੍ਸਪ੍ਪਭੇਦੇਸੁ ਚੇਤੇਸੁ ਕੁਸਲੇਸੁ ਉਪਡ੍ਢਾਨਿ ਪਨ ਞਾਣਸਮ੍ਪਯੁਤ੍ਤਾਨਿ ਚਤੁਨ੍ਨਂ ਅਧਿਪਤੀਨਂ ਵਸੇਨ ਪਚ੍ਚੇਕਂ ਚਤੁਬ੍ਬਿਧਾਨਿ, ਞਾਣਵਿਪ੍ਪਯੁਤ੍ਤਾਨਿ ਪਨ ਉਪਡ੍ਢਾਨਿ ਵੀਮਂਸਾਧਿਪਤਿਵਜ੍ਜਿਤਾਧਿਪਤਿਤ੍ਤਯਵਸੇਨ ਪਚ੍ਚੇਕਂ ਤਿਵਿਧਾਨਿ, ਤਦੁਭਯਾਨਿ ਪੁਨ ਹੀਨਤ੍ਤਿਕਵਸੇਨ ਪਚ੍ਚੇਕਂ ਤਿਵਿਧਾਨਿ, ਤਾਨਿ ਪੁਨ ਅਪਰਿਮਾਣੇਸੁ ਪਨ ਚਕ੍ਕਵਾਲ਼ੇਸੁ ਪਚ੍ਚੇਕਂ ਅਪਰਿਮਾਣੇਸੁ ਸਤ੍ਤੇਸੁ ਏਕੇਕਸ੍ਮਿਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਓਲ਼ਾਰਿਕਸੁਖੁਮਤਾਦੀਹਿ ਅਨਨ੍ਤੇਹਿ ਪਕਾਰੇਹਿ ਉਪ੍ਪਜ੍ਜਨਤੋ ਅਨਨ੍ਤਾਪਰਿਮਾਣਾਨਿ ਹੋਨ੍ਤਿ. ਤਾਨਿ ਸਬ੍ਬਾਨਿ ਸਮ੍ਬੁਦ੍ਧੋ ਅਨਨ੍ਤੇਨ ਬੁਦ੍ਧਞਾਣੇਨ ਮਹਾਤੁਲਾਯ ਤੁਲਯਮਾਨੋ ਵਿਯ, ਮਹਾਤੁਮ੍ਬੇ ਪਕ੍ਖਿਪਿਤ੍ਵਾ ਮਿਨਯਮਾਨੋ ਵਿਯ ਸਬ੍ਬਾਕਾਰਤੋ ਪਰਿਚ੍ਛਿਨ੍ਦਿਤ੍ਵਾ ਮਹਾਕਰੁਣਾਯ ਕਾਮਾਵਚਰਟ੍ਠੇਨ ਸਰਿਕ੍ਖਤਾਯ ਏਕਤ੍ਤਂ ਉਪਨੇਤ੍ਵਾ, ਪੁਨ ਸੋਮਨਸ੍ਸੁਪੇਕ੍ਖਾਸਹਗਤਟ੍ਠੇਨ, ਞਾਣਸਮ੍ਪਯੁਤ੍ਤਵਿਪ੍ਪਯੁਤ੍ਤਟ੍ਠੇਨ, ਅਸਙ੍ਖਾਰਿਕਸਸਙ੍ਖਾਰਿਕਟ੍ਠੇਨ ¶ ਚ ਕੋਟ੍ਠਾਸੇ ਕਤ੍ਵਾ ਦੇਸੇਸਿ, ਯਥਾ ਤਂ ਲੋਕਵਿਦੂ ਸਤ੍ਥਾ ਦੇਵਮਨੁਸ੍ਸਾਨਨ੍ਤਿ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਆਦਿਤੋ ਪਟ੍ਠਾਯ ਧਮ੍ਮਸਙ੍ਗਣਿਯਾ (ਧ. ਸ. ੧), ਤਦਟ੍ਠਕਥਾਯ ਚ ਅਟ੍ਠਸਾਲਿਨਿਯਾ (ਧ. ਸ. ਅਟ੍ਠ. ੧) ਸਬ੍ਬਾਕਾਰਤੋ ¶ ਞਾਤਬ੍ਬੋਤਿ. ਏਵਂ ਵਿਸਯਾਦਿਪ੍ਪਭੇਦਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਰੂਪਾਵਚਰਧਮ੍ਮਾ ਪਨ ਕੁਸਲਾ ਝਾਨਙ੍ਗਸਮ੍ਪਯੋਗਭੇਦਤੋ ਪਞ੍ਚਵਿਧਾ ਹੋਨ੍ਤਿ. ਸੇਯ੍ਯਥਿਦਂ – ਵਿਤਕ੍ਕਵਿਚਾਰਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਪਠਮਜ੍ਝਾਨਿਕਂ, ਤਤੋ ਵੂਪਸਨ੍ਤਂ ਅਤਿਕ੍ਕਨ੍ਤਵਿਤਕ੍ਕਂ ਵਿਚਾਰਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਦੁਤਿਯਜ੍ਝਾਨਿਕਂ, ਤਤੋ ਵੂਪਸਨ੍ਤਂ ਅਤਿਕ੍ਕਨ੍ਤਵਿਚਾਰਂ ਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਤਤਿਯਜ੍ਝਾਨਿਕਂ, ਤਤੋ ਵੂਪਸਨ੍ਤਂ ਵਿਰਤ੍ਤਪੀਤਿਕਂ ਸੁਖੇਕਗ੍ਗਤਾਸਮ੍ਪਯੁਤ੍ਤਂ ਚਤੁਤ੍ਥਜ੍ਝਾਨਿਕਂ, ਤਤੋ ਵੂਪਸਨ੍ਤਂ ਅਤ੍ਥਙ੍ਗਤਸੁਖਂ ਉਪੇਕ੍ਖੇਕਗ੍ਗਤਾਸਮ੍ਪਯੁਤ੍ਤਂ ਪਞ੍ਚਮਜ੍ਝਾਨਿਕਨ੍ਤਿ. ਏਵਂ ਸਮ੍ਪਯੋਗਭੇਦਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਧਮ੍ਮੁਦ੍ਦੇਸਾਦਿਤੋ ਪਨ ਪਠਮਜ੍ਝਾਨੇ ਤਾਵ ਕਾਮਾਵਚਰਪਠਮਕੁਸਲੇ ਵੁਤ੍ਤੇਸੁ ਠਪੇਤ੍ਵਾ ਵਿਰਤਿਤ੍ਤਯਂ ਸੇਸਾ ਛਤ੍ਤਿਂਸ ਧਮ੍ਮਾ ਹੋਨ੍ਤਿ. ਤਤ੍ਥ ਛਨ੍ਦਾਦਯੋ ਚਤ੍ਤਾਰੋ, ਕਰੁਣਾ, ਮੁਦਿਤਾ ਚਾਤਿ ਛ ਯੇਵਾਪਨਕਾ. ਸੇਸਂ ਸੁਞ੍ਞਤਵਾਰਪਰਿਯੋਸਾਨਂ ਸਬ੍ਬਂ ਕਾਮਾਵਚਰਪਠਮਕੁਸਲੇ ਵੁਤ੍ਤਸਦਿਸਮੇਵ. ਕੇਵਲਂ ਹਿ ਵਿਰਤੀਨਂ ਅਭਾਵੋ, ਸਙ੍ਗਹਵਾਰੇ ਪਞ੍ਚਮਗ੍ਗਙ੍ਗਭਾਵੋ, ਭੂਮਨ੍ਤਰਵਸੇਨ ਰੂਪਾਵਚਰਭਾਵੋ ਚ ਵਿਸੇਸੋ, ਸੇਸਂ ਤਾਦਿਸਮੇਵ. ਪਠਮਜ੍ਝਾਨਂ.

ਤਥਾ ਦੁਤਿਯਜ੍ਝਾਨੇਪਿ ਕੇਵਲਂ ਧਮ੍ਮੁਦ੍ਦੇਸੇ ਵਿਤਕ੍ਕਾਭਾਵੋ, ਸਙ੍ਗਹਵਾਰੇ ਚਤੁਕ੍ਕਜ੍ਝਾਨਙ੍ਗਮਗ੍ਗਙ੍ਗਭਾਵੋ ਚ ਵਿਸੇਸੋ, ਸੇਸਂ ਪਠਮਸਦਿਸਮੇਵ. ਦੁਤਿਯਂ.

ਤਥਾ ਤਤਿਯਜ੍ਝਾਨੇਪਿ ਕੇਵਲਂ ਧਮ੍ਮੁਦ੍ਦੇਸੇ ਵਿਚਾਰਾਭਾਵੋ, ਸਙ੍ਗਹਵਾਰੇ ਤਿਵਙ੍ਗਿਕਜ੍ਝਾਨਤਾ ਚ ਵਿਸੇਸੋ, ਸੇਸਂ ਦੁਤਿਯਸਦਿਸਮੇਵ. ਤਤਿਯਂ.

ਤਥਾ ¶ ਚਤੁਤ੍ਥੇ ਕੇਵਲਂ ਧਮ੍ਮੁਦ੍ਦੇਸੇ ਪੀਤਿਯਾ ਅਭਾਵੋ, ਕੋਟ੍ਠਾਸਵਾਰੇ ਦੁਵਙ੍ਗਿਕਜ੍ਝਾਨਭਾਵੋ ਚ ਵਿਸੇਸੋ, ਸੇਸਂ ਤਤਿਯਸਦਿਸਮੇਵ. ਚਤੁਤ੍ਥਂ.

ਤਥਾ ¶ ਪਞ੍ਚਮੇ ਕੇਵਲਂ ਧਮ੍ਮੁਦ੍ਦੇਸੇ ਕਰੁਣਾਮੁਦਿਤਾਦੀਨਂ ਅਭਾਵੋ, ਸੋਮਨਸ੍ਸਟ੍ਠਾਨੇ ਉਪੇਕ੍ਖਾਭਾਵੋ, ਕੋਟ੍ਠਾਸਵਾਰੇ ਝਾਨਿਨ੍ਦ੍ਰਿਯੇਸੁ ਉਪੇਕ੍ਖਾਝਾਨਙ੍ਗਭਾਵੋ, ਉਪੇਕ੍ਖਿਨ੍ਦ੍ਰਿਯਭਾਵੋ ਚ ਵਿਸੇਸੋ, ਸੇਸਂ ਚਤੁਤ੍ਥਸਮਮੇਵ. ਪਞ੍ਚਮਂ.

ਪਦਭਾਜਨੀਯੇ ਪਨ ਵਿਤਕ੍ਕਵਿਚਾਰਾਨਂ ਵੂਪਸਮਾ ਦੁਤਿਯਂ, ਪੀਤਿਯਾ ਚ ਵਿਰਾਗਾ ਤਤਿਯਂ, ਸੋਮਨਸ੍ਸਸ੍ਸ ਚ ਅਤ੍ਥਙ੍ਗਮਾ ਚਤੁਤ੍ਥਨ੍ਤਿ ਚਤੁਕ੍ਕਨਯੋਪਿ ਆਗਤੋ, ਸੋ ਤਿਕ੍ਖਪਞ੍ਞਾਨਂ ਏਕਪ੍ਪਹਾਰੇਨੇਵ ਵਿਤਕ੍ਕਵਿਚਾਰਸਮਤਿਕ੍ਕਮਸਮ੍ਭਵਤੋ ਵੁਤ੍ਤੋ. ਤਤ੍ਥ ਦੁਤਿਯਾਦੀਨਂ ਸਬ੍ਬਸੋ ਪਞ੍ਚਕਨਯੇ ਤਤਿਯਾਦਿਸਮਤ੍ਤਾ ਤਤ੍ਥ ਵੁਤ੍ਤਨਯੇਨੇਵ ਸਬ੍ਬੋ ਵਿਨਿਚ੍ਛਯੋ ਵੇਦਿਤਬ੍ਬੋ ਤਤ੍ਥੇਵ ਅਨ੍ਤੋਗਧਭਾਵੋ ਚਾਤਿ. ਚਤੁਕ੍ਕਨਯੋ.

ਵਿਸਯਾਦਿਪ੍ਪਭੇਦਤੋ ਪਨ ਵਿਨਿਚ੍ਛਯਂ ਪਞ੍ਚਕਨਯੇਨੇਵ ਵਕ੍ਖਾਮ, ਤਦਨੁਸਾਰਤੋ ਏਵ ਚਤੁਕ੍ਕਨਯਵਸੇਨਾਪਿ ਸਕ੍ਕਾ ਞਾਤੁਨ੍ਤਿ. ਏਵਂ ਉਪਰਿ ਲੋਕੁਤ੍ਤਰੇਪਿ. ਪਞ੍ਚਵਿਧਾਪਿ ਚੇਤੇ ਰੂਪਾਵਚਰਕੁਸਲਧਮ੍ਮਾ ਕਸਿਣਾਰਮ੍ਮਣਭੇਦਤੋ ਪਚ੍ਚੇਕਂ ਅਟ੍ਠਵਿਧਾ ਹੋਨ੍ਤਿ ਪਥਵੀਕਸਿਣਂ ਆਪੋਤੇਜੋਵਾਯੋਨੀਲਪੀਤਲੋਹਿਤੋਦਾਤਕਸਿਣਞ੍ਚਾਤਿ, ਆਲੋਕਾਕਾਸਕਸਿਣੇਹਿ ਸਦ੍ਧਿਂ ਦਸਵਿਧਾ ਹੋਨ੍ਤਿ. ਪਦਭਾਜਨੀਯੇ (ਧ. ਸ. ੨੦੨) ਪਨ ਆਲੋਕਕਸਿਣਸ੍ਸ ਓਦਾਤਕਸਿਣੇਨ ਸਙ੍ਗਹਿਤਤ੍ਤਾ ਅਗ੍ਗਹਣਂ ਦਟ੍ਠਬ੍ਬਂ, ਆਕਾਸਕਸਿਣਸ੍ਸ ਪਨ ਉਗ੍ਘਾਟਨਾਸਮ੍ਭਵਤੋ ਅਨਾਰੁਪ੍ਪਜ੍ਝਾਨਿਕਤ੍ਤਾ. ਤਂ ਹਿ ਪੁਨਪ੍ਪੁਨਂ ਉਗ੍ਘਾਟਿਯਮਾਨਮ੍ਪਿ ਆਕਾਸਮੇਵ ਹੋਤਿ, ਤਸ੍ਮਾ ਤਤ੍ਥੁਪ੍ਪਨ੍ਨਂ ਰੂਪਾਵਚਰਪਞ੍ਚਮਜ੍ਝਾਨਂ ਭਵਵਿਸੇਸਾਯ, ਦਿਟ੍ਠਧਮ੍ਮਸੁਖਵਿਹਾਰਾਯ ਚ ਸਂਵਤ੍ਤਤਿ, ਅਭਿਞ੍ਞਾਯ, ਵਿਪਸ੍ਸਨਾਯ ਚ ਪਾਦਕਮ੍ਪਿ ਹੋਤਿ, ਅਨਾਰੁਪ੍ਪਤ੍ਤਾ ਪਨ ¶ ਨਿਰੋਧਪਾਦਕਂ ਨ ਹੋਤਿ. ਸੇਸਾਨਿ ਪਨ ਨਵ ਕਸਿਣਾਨਿ ਨਿਰੋਧਪਾਦਕਾਨਿਪੀਤਿ ਅਯਮੇਤੇਸਂ ਵਿਸੇਸੋ. ਆਨਾਪਾਨਜ੍ਝਾਨਸ੍ਸਾਪਿ ਪਨੇਤ੍ਥ ਵਾਯੋਕਸਿਣੇ ਸਙ੍ਗਹੋ ਦਟ੍ਠਬ੍ਬੋਤਿ. ਕਸਿਣਕਥਾ.

ਏਵਂ ਕਸਿਣਵਸੇਨ ਅਟ੍ਠਵਿਧਾ ਚੇਤੇ ਅਭਿਭਾਯਤਨਵਸੇਨ ਪਨ ਪਚ੍ਚੇਕਂ ਅਟ੍ਠਵਿਧਾ ਹੋਨ੍ਤਿ. ਭਗਵਤਾ ਹਿ –

‘‘ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ ਪਰਿਤ੍ਤਾਨਿ, ਤਾਨਿ ਅਭਿਭੁਯ੍ਯ…ਪੇ… ਅਪ੍ਪਮਾਣਾਨਿ. ਤਾਨਿ ਅਭਿਭੁਯ੍ਯ ¶ …ਪੇ… ਪਰਿਤ੍ਤਾਨਿ ਸੁਵਣ੍ਣਦੁਬ੍ਬਣ੍ਣਾਨਿ…ਪੇ… ਅਪ੍ਪਮਾਣਾਨਿ ਸੁਵਣ੍ਣਦੁਬ੍ਬਣ੍ਣਾਨਿ ਸੁਵਿਸੁਦ੍ਧਂ ਨੀਲਂ ਪੀਤਂ ਲੋਹਿਤਂ ਓਦਾਤ’’ਨ੍ਤਿ (ਧ. ਸ. ੨੧੧ ਆਦਯੋ) –

ਅਟ੍ਠ ਅਭਿਭਾਯਤਨਾਨਿ ਦੇਸਿਤਾਨਿ, ਤਾਨਿ ਚ ਕਸਿਣੇਸ੍ਵੇਵ ਅਭਿਭਵਿਤ੍ਵਾ ਸਮਾਪਜ੍ਜਨਵਸੇਨ ਝਾਨੁਪ੍ਪਤ੍ਤਿਵਿਸੇਸਤੋ, ਅਨਾਰਮ੍ਮਣਵਿਸੇਸਤੋ. ਤਤ੍ਥ ਹਿ ਅਜ੍ਝਤ੍ਤਂ ਅਰੂਪਸਞ੍ਞੀਤਿ ਅਲਾਭਿਤਾਯ ਵਾ ਅਨਤ੍ਥਿਕਤਾਯ ਵਾ ਅਜ੍ਝਤ੍ਤਰੂਪੇ ਕਸਿਣਵਸੇਨ ਪਰਿਕਮ੍ਮਸਞ੍ਞਾਵਿਰਹਿਤੋਵ. ਬਹਿਦ੍ਧਾ ਰੂਪਾਨਿ ਪਸ੍ਸਤੀਤਿ ਬਹਿਦ੍ਧਾ ਅਟ੍ਠ ਕਸਿਣਰੂਪਾਨਿ ਪਰਿਕਮ੍ਮਵਸੇਨ ਚੇਵ ਅਪ੍ਪਨਾਵਸੇਨ ਚ ਪਸ੍ਸਤਿ. ਪਰਿਤ੍ਤਾਨੀਤਿ ਖੁਦ੍ਦਕਪਰਿਮਾਣਾਨਿ, ਤਾਨਿ ਅਭਿਭੁਯ੍ਯ ਪਸ੍ਸਨ੍ਤੋ ਚ ਸਮ੍ਪਨ੍ਨਗਹਣਿਕੋ ਕਟਚ੍ਛੁਮਤ੍ਤਂ ਭਤ੍ਤਂ ਲਭਿਤ੍ਵਾ ‘‘ਕਿਂ ਏਤ੍ਥ ਭੁਞ੍ਜਿਤਬ੍ਬਂ ਅਤ੍ਥੀ’’ਤਿ ਸਙ੍ਕਡ੍ਢਿਤ੍ਵਾ ਸਬ੍ਬਂ ਏਕਕਬਲ਼ਮੇਵ ਕਰੋਤਿ, ਏਵਮੇਵ ਞਾਣੁਤ੍ਤਰਿਕੋ ‘‘ਕਿਮੇਤ੍ਥ ਪਰਿਤ੍ਤਕੇ ਆਰਮ੍ਮਣੇ ਸਮਾਪਜ੍ਜਿਤਬ੍ਬਂ ਅਤ੍ਥਿ, ਨਾਯਂ ਮਮ ਭਾਰੋ’’ਤਿ ਤਾਨਿ ਅਭਿਭਵਿਤ੍ਵਾ ਸਹ ਨਿਮਿਤ੍ਤੁਪ੍ਪਾਦੇਨੇਵ ਅਪ੍ਪਨਂ ਨਿਬ੍ਬਤ੍ਤੇਤਿ, ਤਸ੍ਮਾ ਤਂ ਝਾਨਂ ‘‘ਅਭਿਭਾਯਤਨ’’ਨ੍ਤਿ ਵੁਚ੍ਚਤਿ. ਅਪ੍ਪਮਾਣਾਨੀਤਿ ਮਹਨ੍ਤਾਨਿ. ਤਾਨਿ ਅਭਿਭੁਯ੍ਯਾਤਿ ਮਹਗ੍ਘਸੋ ਏਕਂ ਭਤ੍ਤਪਾਤਿਂ ਲਭਿਤ੍ਵਾ ਵਿਯ ਞਾਣੁਤ੍ਤਰੋ ਅਪ੍ਪਮਾਣਂ ਲਭਿਤ੍ਵਾ ‘‘ਏਤਂ ਵਾ ਹੋਤੁ ਅਞ੍ਞਂ ਵਾ, ਕਿਮੇਤ੍ਥ ਸਮਾਪਜ੍ਜਿਤਬ੍ਬ’’ਨ੍ਤਿ ਅਪ੍ਪਨਂ ਨਿਬ੍ਬਤ੍ਤੇਤਿ. ਸੁਵਣ੍ਣਦੁਬ੍ਬਣ੍ਣਾਨੀਤਿ ਪਰਿਸੁਦ੍ਧਾਪਰਿਸੁਦ੍ਧਵਣ੍ਣਾਨਿ ¶ . ਪਰਿਸੁਦ੍ਧਾਨਿ ਹਿ ਨੀਲਾਦੀਨਿ, ਅਪਰਿਸੁਦ੍ਧਾਨਿ ਚ ਸੁਵਣ੍ਣਦੁਬ੍ਬਣ੍ਣਾਨੀਤਿ ਇਧ ਅਧਿਪ੍ਪੇਤਾਨਿ, ਏਤਾਨਿਪਿ ‘‘ਸੁਵਣ੍ਣਾਨਿ ਵਾ ਹੋਨ੍ਤੁ ਦੁਬ੍ਬਣ੍ਣਾਨਿ ਵਾ, ਪਰਿਤ੍ਤਅਪ੍ਪਮਾਣਵਸੇਨੇਵ ਅਭਿਭਾਯਤਨਾਨੀ’’ਤਿ ਆਗਮਟ੍ਠਕਥਾਸੁ (ਦੀ. ਨਿ. ਅਟ੍ਟ. ੨.੧੭੩; ਮ. ਨਿ. ਅਟ੍ਠ. ੨.੨੪੯; ਅ. ਨਿ. ਅਟ੍ਠ. ੩.੮.੬੫) ਵਣ੍ਣਿਤਾਨਿ. ਵਣ੍ਣਾਭੋਗਸ੍ਸ ਹਿ ਅਤ੍ਥਿਤਾਯ ਪੁਰਿਮਾਨਿ ਅਭਿਭਾਯਤਨਾਨਿ ਵਣ੍ਣਾਭੋਗਰਹਿਤਸਹਿਤਤਾਯ ਏਤ੍ਥ ਕੇਵਲਤੋ ਵਿਸੇਸਸਬ੍ਭਾਵਾ ਚਤੁਧਾ ਵੁਤ੍ਤਾਨਿ, ਨੀਲਾਦੀਨਿ ਪਨ ਚਤ੍ਤਾਰਿ ਸੁਵਿਸੁਦ੍ਧਵਣ੍ਣਵਸੇਨ ਸੁਖਾਰੋਹਤਾਯ ਞਾਣੁਤ੍ਤਰਿਕੋ ਅਭਿਭਵਿਤ੍ਵਾ ਅਪ੍ਪਨਂ ਨਿਬ੍ਬਤ੍ਤੇਤਿ, ਤਸ੍ਮਾ ਆਰਮ੍ਮਣਵਿਸੇਸਾਭਾਵੇਪਿ ਝਾਨੁਪ੍ਪਤ੍ਤਿਵਿਸੇਸਤੋ ਇਮੇਸਂ ਅਟ੍ਠਨ੍ਨਂ ਅਭਿਭਾਯਤਨਾਨਂ ਵਸੇਨ ਪਚ੍ਚੇਕਂ ਅਟ੍ਠਵਿਧਾ ਹੋਨ੍ਤੀਤਿ ਵੇਦਿਤਬ੍ਬਾ. ਅਭਿਭਾਯਤਨਕਥਾ.

ਤਾਨਿ ਪੁਨ ਯਥਾ ਚ ਅਭਿਭਾਯਤਨਵਸੇਨ, ਏਵਂ ਵਿਮੋਕ੍ਖਵਸੇਨਾਪਿ ਪਚ੍ਚੇਕਂ ਤਿਵਿਧਾ ਹੋਨ੍ਤਿ. ਭਗਵਤਾ ਹਿ ‘‘ਰੂਪੀ ਰੂਪਾਨਿ ਪਸ੍ਸਤਿ, ਅਜ੍ਝਤ੍ਤਂ ਅਰੂਪਸਞ੍ਞੀ ਬਹਿਦ੍ਧਾ ਰੂਪਾਨਿ ਪਸ੍ਸਤਿ, ਸੁਭਨ੍ਤ੍ਵੇਵ ਅਧਿਮੁਤ੍ਤੋ ਹੋਤੀ’’ਤਿ (ਧ. ਸ. ੨੪੦ ਆਦਯੋ; ਦੀ. ਨਿ. ੩.੩੩੯, ੩੫੮; ਅ. ਨਿ. ੮.੬੬) ਤਯੋ ਵਿਮੋਕ੍ਖਾ ਦੇਸਿਤਾ. ਤੇ ਚ ਕਸਿਣੇਸ੍ਵੇਵ ਅਧਿਮੁਚ੍ਚਨਵਸੇਨ ਝਾਨੁਪ੍ਪਤ੍ਤਿਵਿਸੇਸਤੋ, ਭਾਵਨਾਰਮ੍ਮਣਵਿਸੇਸਤੋ ਕਿਮਿਦਂ ਅਧਿਮੁਚ੍ਚਨਂ ਨਾਮ? ਪਚ੍ਚਨੀਕਧਮ੍ਮੇਹਿ ¶ ਸੁਟ੍ਠੁ ਵਿਮੁਚ੍ਚਨਂ, ਆਰਮ੍ਮਣੇਸੁ ਚ ਸੁਟ੍ਠੁ ਅਭਿਰਤਿ, ਪਿਤੁ ਮਾਤੁ ਅਙ੍ਕੇ ਵਿਸ੍ਸਟ੍ਠਙ੍ਗਪਚ੍ਚਙ੍ਗਸ੍ਸ ਦਾਰਕਸ੍ਸ ਸਯਨਂ ਵਿਯ ਅਨਿਗ੍ਗਹਿਤਭਾਵੇਨ ਨਿਰਾਸਙ੍ਕਤਾਯ ਆਰਮ੍ਮਣੇ ਪਵਤ੍ਤੀਤਿ ਵੁਤ੍ਤਂ ਹੋਤਿ. ਤਤ੍ਥ ਰੂਪੀਤਿ ਅਜ੍ਝਤ੍ਤਂ ਕੇਸਾਦੀਸੁ ਉਪ੍ਪਾਦਿਤਂ ਰੂਪਜ੍ਝਾਨਂ ਰੂਪਂ ਨਾਮ, ਤਦਸ੍ਸ ਅਤ੍ਥੀਤਿ ਰੂਪੀ. ਅਜ੍ਝਤ੍ਤਮ੍ਪਿ ਹਿ ਕੇਸਾਦੀਸੁ ਨੀਲਂ, ਮੇਦਾਦੀਸੁ ਪੀਤਂ, ਮਂਸਾਦੀਸੁ ਲੋਹਿਤਂ, ਦਨ੍ਤਾਦੀਸੁ ਓਦਾਤਞ੍ਚ ਵਣ੍ਣਕਸਿਣਵਸੇਨ ਆਭੁਜਿਤ੍ਵਾ ਪਰਿਕਮ੍ਮਂ ਕਰੋਨ੍ਤਸ੍ਸ ਰੂਪਜ੍ਝਾਨਾਨਿ, ਕਸਿਣਂ ਉਗ੍ਘਾਟੇਤ੍ਵਾ ਚ ਅਰੂਪਜ੍ਝਾਨਾਨਿ ਉਪ੍ਪਜ੍ਜਨ੍ਤੇਵ ¶ . ਰੂਪਾਨਿ ਪਸ੍ਸਤੀਤਿ ਬਹਿਦ੍ਧਾਪਿ ਨੀਲਕਸਿਣਾਦਿਰੂਪਾਨਿ ਝਾਨਚਕ੍ਖੁਨਾ ਪਸ੍ਸਤਿ, ਇਮਿਨਾ ਅਜ੍ਝਤ੍ਤਬਹਿਦ੍ਧਵਤ੍ਥੁਕੇਸੁ ਕਸਿਣੇਸੁ ਝਾਨਪ੍ਪਟਿਲਾਭੋ ਦਸ੍ਸਿਤੋ. ਅਜ੍ਝਤ੍ਤਂ ਅਰੂਪਸਞ੍ਞੀਤਿ ਅਤ੍ਤਨੋ ਕੇਸਾਦੀਸੁ ਅਨੁਪ੍ਪਾਦਿਤਰੂਪਾਵਚਰਜ੍ਝਾਨੋ, ਇਮਿਨਾ ਬਹਿਦ੍ਧਾ ਪਟਿਲਦ੍ਧਜ੍ਝਾਨਤਾ ਦਸ੍ਸਿਤਾ. ਸੁਭਨ੍ਤ੍ਵੇਵ ਅਧਿਮੁਤ੍ਤੋ ਹੋਤੀਤਿ ਇਮਿਨਾ ਸੁਵਿਸੁਦ੍ਧੇਸੁ ਨੀਲਾਦਿਵਣ੍ਣਕਸਿਣੇਸੁ ‘‘ਸੁਭ’’ਨ੍ਤਿ ਅਧਿਮੁਤ੍ਤਿਵਸੇਨ ਪਟਿਲਦ੍ਧਜ੍ਝਾਨਤਾ ਦਸ੍ਸਿਤਾ. ਏਵਂ ਆਰਮ੍ਮਣਵਿਸੇਸਾਭਾਵੇਪਿ ਅਧਿਮੁਤ੍ਤਿਵਸੇਨ ਝਾਨੁਪ੍ਪਤ੍ਤਿਵਿਸੇਸਤੋ ਇਮੇਸਂ ਤਿਣ੍ਣਂ ਵਿਮੋਕ੍ਖਾਨਂ ਵਸੇਨ ਪਚ੍ਚੇਕਂ ਤਿਵਿਧਾ ਹੋਨ੍ਤੀਤਿ ਵੇਦਿਤਬ੍ਬਾ. ਵਿਮੋਕ੍ਖਕਥਾ.

ਯਥਾ ਚ ਵਿਮੋਕ੍ਖਤੋ, ਏਵਂ ਪਟਿਪਦਾਭੇਦਤੋ ਪਚ੍ਚੇਕਂ ਚਤੁਬ੍ਬਿਧਾ ਹੋਨ੍ਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞਂ, ਦੁਕ੍ਖਪਟਿਪਦਂ ਖਿਪ੍ਪਾਭਿਞ੍ਞਂ, ਸੁਖਪਟਿਪਦਂ ਦਨ੍ਧਾਭਿਞ੍ਞਂ, ਸੁਖਪਟਿਪਦਂ ਖਿਪ੍ਪਾਭਿਞ੍ਞਨ੍ਤਿ. ਤਤ੍ਥ ਪਠਮਸਮਨ੍ਨਾਹਾਰਤੋ ਪਟ੍ਠਾਯ ਯਾਵ ਉਪਚਾਰਂ ਉਪ੍ਪਜ੍ਜਤਿ, ਤਾਵ ਪਵਤ੍ਤਾ ਝਾਨਭਾਵਨਾ ‘‘ਪਟਿਪਦਾ’’ਤਿ ਵੁਚ੍ਚਤਿ. ਸਾ ਏਕਚ੍ਚਸ੍ਸ ਦੁਕ੍ਖਾ ਨੀਵਰਣਾਦਿਪਚ੍ਚਨੀਕਧਮ੍ਮਸਮੁਦਾਚਾਰਗਹਨਤਾਯ ਅਸੁਖਸੇਵਨਾ ਹੋਤਿ, ਏਕਚ੍ਚਸ੍ਸ ਤਦਭਾਵਤੋ ਸੁਖਾ. ਉਪਚਾਰਤੋ ਪਨ ਪਟ੍ਠਾਯ ਯਾਵ ਅਪ੍ਪਨਾ, ਤਾਵ ਪਵਤ੍ਤਾ ਪਞ੍ਞਾ ‘‘ਅਭਿਞ੍ਞਾ’’ਤਿ ਵੁਚ੍ਚਤਿ. ਸਾ ਏਕਚ੍ਚਸ੍ਸ ਦਨ੍ਧਾ ਅਸੀਘਪ੍ਪਵਤ੍ਤਿਨੀ, ਏਕਚ੍ਚਸ੍ਸ ਖਿਪ੍ਪਾ. ਅਸਪ੍ਪਾਯਸੇਵਿਨੋ ਦੁਕ੍ਖਾ ਪਟਿਪਦਾ ਹੋਤਿ ਦਨ੍ਧਾ ਚ ਅਭਿਞ੍ਞਾ, ਸਪ੍ਪਾਯਸੇਵਿਨੋ ਸੁਖਾ ਪਟਿਪਦਾ ਹੋਤਿ ਖਿਪ੍ਪਾ ਚ ਅਭਿਞ੍ਞਾ. ਪੁਬ੍ਬਾਪਰਕਾਲੇਸੁ ਸਪ੍ਪਾਯਾਸਪ੍ਪਾਯਸੇਵਨਵਸੇਨ ਵੋਮਿਸ੍ਸਤਾ ਚ ਵੇਦਿਤਬ੍ਬਾ. ਤਥਾ ਪਲਿਬੋਧੁਪਚ੍ਛੇਦਾਦਿਕਂ ਪੁਬ੍ਬਕਿਚ੍ਚਂ ਅਸਮ੍ਪਾਦੇਨ੍ਤਸ੍ਸ ਪਟਿਪਦਾ ਦੁਕ੍ਖਾ, ਸਮ੍ਪਾਦੇਨ੍ਤਸ੍ਸ ਸੁਖਾ ਪਟਿਪਦਾ. ਅਪ੍ਪਨਾਕੋਸਲ੍ਲਂ ਅਸਮ੍ਪਾਦੇਨ੍ਤਸ੍ਸ ਦਨ੍ਧਾਭਿਞ੍ਞਾ, ਸਮ੍ਪਾਦੇਨ੍ਤਸ੍ਸ ਖਿਪ੍ਪਾ. ਕਿਲੇਸਿਨ੍ਦ੍ਰਿਯਾਨਂ ਵਾ ਤਿਕ੍ਖਮੁਦੁਤਾਯ ਪਠਮਾ, ਵਿਪਰਿਯਾਯੇਨ ਚਤੁਤ੍ਥਾ, ਵੋਮਿਸ੍ਸਤਾਯ ਮਜ੍ਝਿਮਾ ਦ੍ਵੇਤਿ ਵੇਦਿਤਬ੍ਬਾ. ਤਣ੍ਹਾਵਿਜ੍ਜਾਭਿਭਵਨਾਨਭਿਭਵਨਵਸੇਨ ਵਾ ਸਮਥਵਿਪਸ੍ਸਨਾਸੁ ਕਤਾਧਿਕਾਰਾਕਤਾਧਿਕਾਰਤਾਵਸੇਨ ਵਾਪਿ ¶ ਏਤਾਸਂ ਪਭੇਦੋ ਵੇਦਿਤਬ੍ਬੋ. ਪਠਮਜ੍ਝਾਨਾਦਿਆਗਮਨਵਸੇਨਾਪਿ ਦੁਤਿਯਾਦੀਨਂ ਪਟਿਪਦਾਭਿਞ੍ਞਾਭੇਦੋ ਹੋਤਿਯੇਵਾਤਿ ਦਟ੍ਠਬ੍ਬਂ. ਏਵਂ ਪਟਿਪਦਾਵਸੇਨ ਪਚ੍ਚੇਕਂ ਚਤੁਬ੍ਬਿਧਾ ਹੋਨ੍ਤੀਤਿ ਵੇਦਿਤਬ੍ਬਾ. ਪਟਿਪਦਾਕਥਾ.

ਯਥਾ ¶ ਚ ਪਟਿਪਦਾਹਿ, ਏਵਂ ਆਰਮ੍ਮਣਭੇਦਤੋਪਿ ਪਚ੍ਚੇਕਂ ਚਤੁਬ੍ਬਿਧਾ ਹੋਨ੍ਤਿ ਪਰਿਤ੍ਤਂ ਪਰਿਤ੍ਤਾਰਮ੍ਮਣਂ, ਪਰਿਤ੍ਤਂ ਅਪ੍ਪਮਾਣਾਰਮ੍ਮਣਂ, ਅਪ੍ਪਮਾਣਂ ਪਰਿਤ੍ਤਾਰਮ੍ਮਣਂ, ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਨ੍ਤਿ. ਤਤ੍ਥ ਯਂ ਅਪ੍ਪਗੁਣਂ, ਉਪਰਿਜ੍ਝਾਨਸ੍ਸ ਪਚ੍ਚਯੋ ਭਵਿਤੁਂ ਨ ਸਕ੍ਕੋਤਿ, ਇਦਂ ਪਰਿਤ੍ਤਂ. ਯਂ ਪਨ ਅਵਡ੍ਢਿਤੇ ਆਰਮ੍ਮਣੇ ਪਵਤ੍ਤਂ, ਤਂ ਪਰਿਤ੍ਤਂ ਆਰਮ੍ਮਣਂ ਅਸ੍ਸਾਤਿ ਪਰਿਤ੍ਤਾਰਮ੍ਮਣਂ. ਵਿਪਰਿਯਾਯਤੋ ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣਂ. ਤਦੁਭਯਵੋਮਿਸ੍ਸਤਾਯ ਮਜ੍ਝੇ ਇਤਰਦ੍ਵਯਂ ਵੇਦਿਤਬ੍ਬਂ. ਏਵਂ ਆਰਮ੍ਮਣਭੇਦਤੋ ਚਤੁਬ੍ਬਿਧਾ ਹੋਨ੍ਤੀਤਿ ਵੇਦਿਤਬ੍ਬਾ. ਆਰਮ੍ਮਣਕਥਾ.

ਯਥਾ ਚ ਪਟਿਪਦਾਰਮ੍ਮਣੇਹਿ, ਏਵਂ ਅਧਿਪਤੀਨਂ ਵਸੇਨ ਪਚ੍ਚੇਕਂ ਚਤੁਬ੍ਬਿਧਤਾ, ਹੀਨਤ੍ਤਿਕਵਸੇਨ ਪੁਨ ਤਿਵਿਧਤਾ ਚ ਯੋਜੇਤ੍ਵਾ ਵੇਦਿਤਬ੍ਬਾ.

ਯਥਾ ਕਸਿਣਮੂਲੇਸੁ, ਏਵਂ ਬ੍ਰਹ੍ਮਵਿਹਾਰਮੂਲੇਸੁਪਿ ਯਥਾਯੋਗਂ ਵਿਭਾਗੋ ਵੇਦਿਤਬ੍ਬੋ – ਮੇਤ੍ਤਾਕਰੁਣਾਮੁਦਿਤਾਵਸੇਨ ਹਿ ਆਦਿਤੋ ਚਤ੍ਤਾਰਿ ਝਾਨਾਨਿ ਪਚ੍ਚੇਕਂ ਤਿਵਿਧਾ ਹੋਨ੍ਤਿ ਮੇਤ੍ਤਾਸਹਗਤਂ, ਕਰੁਣਾਸਹਗਤਂ, ਮੁਦਿਤਾਸਹਗਤਨ੍ਤਿ. ਪਞ੍ਚਮਜ੍ਝਾਨਂ ਪਨ ਉਪੇਕ੍ਖਾਬ੍ਰਹ੍ਮਵਿਹਾਰਵਸੇਨ ਏਕਵਿਧਂ ਉਪੇਕ੍ਖਾਸਹਗਤਨ੍ਤਿ. ਪੁਰਿਮੇਸੁ ਹਿ ਤੀਸੁ ਪਞ੍ਚਮਜ੍ਝਾਨਂ ਨੁਪ੍ਪਜ੍ਜਤਿ. ਕਸ੍ਮਾ? ਸੋਮਨਸ੍ਸਾਵਿਪ੍ਪਯੋਗਤੋ, ਸੋਮਨਸ੍ਸਸਮੁਟ੍ਠਿਤਾਨਂ ਬ੍ਯਾਪਾਦਵਿਹਿਂਸਾਰਤੀਨਂ ਯਥਾਕ੍ਕਮਂ ਨਿਸ੍ਸਰਣਤ੍ਤਾ, ਪਚ੍ਛਿਮੇ ਚ ਤਿਕਚਤੁਕ੍ਕਜ੍ਝਾਨਂ ਨੁਪ੍ਪਜ੍ਜਤਿ. ਕਸ੍ਮਾ? ਉਪੇਕ੍ਖਾਵੇਦਨਾਸਮ੍ਪਯੋਗਤੋ, ਤਸ੍ਸਾ ਚ ਪਟਿਘਾਨੁਨਯਨਿਸ੍ਸਰਣਤੋ ਮਜ੍ਝਤ੍ਤਾਕਾਰੇਨ ਪਵਤ੍ਤਿਤੋ, ਤਾਨਿ ਪੁਨ ਪਟਿਪਦਾਰਮ੍ਮਣਾਧਿਪਤਿਹੀਨਤ੍ਤਿਕਭੇਦੇਹਿ ਪੁਬ੍ਬੇ ¶ ਵੁਤ੍ਤਨਯੇਨ ਯੋਜੇਤ੍ਵਾ ਵੇਦਿਤਬ੍ਬਾਨਿ. ਏਤ੍ਥ ਚ ਅਪ੍ਪਸਤ੍ਤਾਰਮ੍ਮਣਵਸੇਨ ਪਰਿਤ੍ਤਾਰਮ੍ਮਣਤਾ, ਬਹੁਸਤ੍ਤਾਰਮ੍ਮਣਵਸੇਨ ਅਪ੍ਪਮਾਣਾਰਮ੍ਮਣਤਾ ਚ ਏਕਸ੍ਮਿਂ ਸਤ੍ਤੇ ਅਪ੍ਪਨਂ ਪਾਪੇਤ੍ਵਾ ਅਨੁਕ੍ਕਮੇਨ ਏਕਾਵਾਸਏਕਵੀਥਿਗਾਮਾਦਿਗਤਸਤ੍ਤੇਸੁ ਪਾਪਨਵਸੇਨ ਵਡ੍ਢਨਾ ਚ ਵੇਦਿਤਬ੍ਬਾ. ਧਮ੍ਮੁਦ੍ਦੇਸੇ ਪਨੇਤ੍ਥ ਕਰੁਣਾਸਹਗਤੇ ਮੁਦਿਤਾਵਿਰਹਿਤਾ ਪਞ੍ਚਤਿਂਸ ਧਮ੍ਮਾ, ਤੇਸੁ ਛਨ੍ਦਾਦਯੋ ਚਤ੍ਤਾਰੋ, ਕਰੁਣਾ ਚਾਤਿ ਪਞ੍ਚੇਵ ਯੇਵਾਪਨਕਾ, ਕਰੁਣਾ ਚ ਨਿਯਤਾਤਿ ਵੇਦਿਤਬ੍ਬਾ. ਏਵਂ ਮੁਦਿਤਾਸਹਗਤੇਪਿ. ਕੇਵਲਂ ਕਰੁਣਾਵਿਰਹਿਤਾ ਮੁਦਿਤਾ ਨਿਯਤਾ ਪਵਤ੍ਤਾਤਿ ਅਯਮੇਤ੍ਥ ਵਿਸੇਸੋ. ਅਵਸੇਸਬ੍ਰਹ੍ਮਵਿਹਾਰਦ੍ਵਯੇ, ਪਨ ਕਸਿਣਾਸੁਭਾਦੀਸੁ ਚ ਸਬ੍ਬਤ੍ਥ ਕਰੁਣਾਮੁਦਿਤਾਵਿਰਹਿਤਾ ਚ ਚਤੁਤ੍ਤਿਂਸ ਧਮ੍ਮਾ, ਤਤ੍ਥ ਚ ਛਨ੍ਦਾਦਯੋ ਚਤ੍ਤਾਰੋਵ ਯੇਵਾਪਨਕਾ ਵੇਦਿਤਬ੍ਬਾਤਿ. ਬ੍ਰਹ੍ਮਵਿਹਾਰਮੂਲਵਿਭਾਗਕਥਾ.

ਅਸੁਭਭੇਦਤੋ ¶ ਪਨ ਪਠਮਜ੍ਝਾਨਮੇਵੇਕਂ ਦਸਵਿਧਂ ਹੋਤਿ ਉਦ੍ਧੁਮਾਤਕਸਞ੍ਞਾਸਹਗਤਂ ਵਿਨੀਲਕਵਿਪੁਬ੍ਬਕਵਿਚ੍ਛਿਦ੍ਦਕਵਿਕ੍ਖਾਯਿਤਕਵਿਕ੍ਖਿਤ੍ਤਕਹਤਵਿਕ੍ਖਿਤ੍ਤਕਲੋਹਿਤਕਪੁਲ਼ਵਕਅਟ੍ਠਿਕਸਞ੍ਞਾਸਹਗਤਨ੍ਤਿ, ਦਸਵਿਧੇਪਿ ਚੇਤਸ੍ਮਿਂ ਅਸੁਭੇ ਪਟਿਕੂਲਤ੍ਤਾ, ਦੁਬ੍ਬਲਤ੍ਤਾ ਚ ਵਿਤਕ੍ਕਬਲੇਨੇਵ ਝਾਨਂ ਤਿਟ੍ਠਤਿ, ਨ ਵਿਨਾ ਵਿਤਕ੍ਕੇਨ ਸੀਘਸੋਤਾਯ ਨਦਿਯਾ ਅਰਿਤ੍ਤਬਲੇਨੇਵ ਨਾਵਾ ਵਿਯ, ਤਸ੍ਮਾ ਪਠਮਜ੍ਝਾਨਮੇਵੇਤ੍ਥ ਉਪ੍ਪਜ੍ਜਤਿ, ਸਮਥਵਿਪਸ੍ਸਨਾਦਿਆਨਿਸਂਸਦਸ੍ਸਾਵਿਤਾਯ, ਪਨੇਤ੍ਥ ਨੀਵਰਣਪ੍ਪਹਾਨੇਨ ਚ ਪੀਤਿਸੋਮਨਸ੍ਸਂ ਉਪ੍ਪਜ੍ਜਤਿ ਬਹੁਵੇਤਨਲਾਭਦਸ੍ਸਨੇਨ ਪੁਪ੍ਫਛਡ੍ਡਕਸ੍ਸ ਗੂਥਰਾਸਿਮ੍ਹਿ ਵਿਯ, ਉਪਸਨ੍ਤਬ੍ਯਾਧਿਦੁਕ੍ਖਸ੍ਸ ਚ ਰੋਗਿਨੋ ਵਮਨਵਿਰੇਚਨਪ੍ਪਵਤ੍ਤਿਯਂ ਵਿਯਾਤਿ ਦਟ੍ਠਬ੍ਬਂ. ਤਂ ਪਨ ਦਸਵਿਧਮ੍ਪਿ ਪਠਮਜ੍ਝਾਨਂ ਪਟਿਪਦਾਰਮ੍ਮਣਾਧਿਪਤਿਹੀਨਤ੍ਤਿਕਵਸੇਨ ਪਚ੍ਚੇਕਂ ਯੋਜੇਤ੍ਵਾ ਵੇਦਿਤਬ੍ਬਂ. ਏਤ੍ਥ ਚ ਅਸੁਭਾਰਮ੍ਮਣਸ੍ਸ ਅਵਡ੍ਢਨੀਯਤਾਯ ਖੁਦ੍ਦਕੇ ਉਦ੍ਧੁਮਾਤਕਾਦਿਟ੍ਠਾਨੇ ਉਪ੍ਪਨ੍ਨਂ ਨਿਮਿਤ੍ਤਂ ਪਰਿਤ੍ਤਾਰਮ੍ਮਣਂ, ਮਹਨ੍ਤੇ ਅਪ੍ਪਮਾਣਾਰਮ੍ਮਣਂ ਵੇਦਿਤਬ੍ਬਂ. ਏਤੇਸੁ ਪਨ ¶ ਦਸਸੁ ਅਸੁਭੇਸੁ ਸਾਮਞ੍ਞਤੋ ਦ੍ਵਤ੍ਤਿਂਸਾਕਾਰਵਸੇਨ, ਨਵਸਿਵਥਿਕਪਬ੍ਬਵਸੇਨ ਚ ਪਵਤ੍ਤਾ ਕਾਯਗਤਾਸਤਿ ਸਙ੍ਗਹਿਤਾ, ਵਣ੍ਣਕਸਿਣੇਸੁ ਚ ਕੇਸਾਦੀਨਂ ਕੋਟ੍ਠਾਸਾਨਂ ਨੀਲਾਦਿਵਣ੍ਣਾਰਮ੍ਮਣਾ, ਚਤੁਕ੍ਕਪਞ੍ਚਕਜ੍ਝਾਨਵਸੇਨ ਉਪ੍ਪਨ੍ਨਾ ਕਾਯਗਤਾਸਤਿ ਚ ਸਙ੍ਗਹਿਤਾ. ਪਦਭਾਜਨੀਯੇ ਵਿਸੁਂ ਨ ਵੁਤ੍ਤਾ, ਤਸ੍ਮਾ ਤੇਸਂ ਵਸੇਨਾਪਿ ਵਿਭਾਗੋ ਵੇਦਿਤਬ੍ਬੋ. ਅਸੁਭਮੂਲਵਿਭਾਗਕਥਾ.

ਏਵਂ ਆਰਮ੍ਮਣਾਦਿਭੇਦਤੋ ਚ ਭਿਨ੍ਨਾਨਂ ਰੂਪਾਵਚਰਕੁਸਲਧਮ੍ਮਾਨਂ ਕਾਲਦੇਸਾਦਿਭੇਦੇਨ ਅਨਨ੍ਤਤਾ, ਭਗਵਤਾ ਚ ਏਕਤ੍ਤਂ ਉਪਨੇਤ੍ਵਾ ਦੇਸਿਤਭਾਵੋ, ਵਿਤ੍ਥਾਰਨਯਾਤਿਦੇਸੋ ਚ ਕਾਮਾਵਚਰਕੁਸਲੇ ਵੁਤ੍ਤਾਨੁਸਾਰੇਨ ਯਥਾਨੁਰੂਪਂ ਞਾਤਬ੍ਬੋ. ਇਤੋ ਪਰਂ ਅਰੂਪਾਵਚਰਾਦੀਸੁਪਿ ਵਿਸੇਸਮਤ੍ਤਮੇਵ ਵਕ੍ਖਾਮ. ਏਵਂ ਵਿਸਯਾਦਿਪ੍ਪਭੇਦਤੋ ਵਿਨਿਚ੍ਛਯੋ ਵੇਦਿਤਬ੍ਬੋ.

ਅਰੂਪਾਵਚਰਾ ਪਨ ਕੁਸਲਧਮ੍ਮਾ ਸਮ੍ਪਯੋਗਤੋ ਨ ਭਿਨ੍ਨਾ, ਸਬ੍ਬੇਪਿ ਉਪੇਕ੍ਖੇਕਗ੍ਗਤਾਸਮ੍ਪਯੁਤ੍ਤਾਵ, ਧਮ੍ਮੁਦ੍ਦੇਸਾਦਿਤੋਪਿ ਸਬ੍ਬਸੋ ਰੂਪਾਵਚਰਪਞ੍ਚਮਜ੍ਝਾਨਸਦਿਸਾ. ਅਰੂਪਾਵਚਰਭਾਵੋ ਏਵ ਹੇਤ੍ਥ ਵਿਸੇਸੋ. ਵਿਸਯਾਦਿਪ੍ਪਭੇਦਤੋਤਿ ਏਤ੍ਥ ਪਨ ਆਰਮ੍ਮਣਤੋ ਤੇ ਚਤੁਬ੍ਬਿਧਾ ਹੋਨ੍ਤਿ. ਸੇਯ੍ਯਥਿਦਂ – ਆਕਾਸਾਨਞ੍ਚਾਯਤਨਂ ਵਿਞ੍ਞਾਣਞ੍ਚਾਯਤਨਂ ਆਕਿਞ੍ਚਞ੍ਞਾਯਤਨਂ ਨੇਵਸਞ੍ਞਾਨਾਸਞ੍ਞਾਯਤਨਨ੍ਤਿ. ਤਤ੍ਥ ਹਿ ਕਸਿਣੁਗ੍ਘਾਟਿਮਾਕਾਸੇ ‘‘ਅਨਨ੍ਤੋ ਆਕਾਸੋ’’ਤਿ ਪਵਤ੍ਤਂ ਪਠਮਂ, ਤਸ੍ਮਿਂ ਪਠਮਾਰੁਪ੍ਪਵਿਞ੍ਞਾਣੇ ‘‘ਅਨਨ੍ਤਂ ਵਿਞ੍ਞਾਣ’’ਨ੍ਤਿ ਪਵਤ੍ਤਂ ਦੁਤਿਯਂ, ਤਸ੍ਸ ਪਠਮਾਰੁਪ੍ਪਵਿਞ੍ਞਾਣਸ੍ਸ ਅਭਾਵੇ ‘‘ਨਤ੍ਥਿ ਕਿਞ੍ਚੀ’’ਤਿ ਪਵਤ੍ਤਂ ¶ ਤਤਿਯਂ, ਤਸ੍ਮਿਂ ਤਤਿਯੇ ‘‘ਸਨ੍ਤਮੇਤਂ ਪਣੀਤਮੇਤ’’ਨ੍ਤਿ ਪਵਤ੍ਤਂ ਚਤੁਤ੍ਥਂ. ਪੁਰਿਮਪੁਰਿਮੇਹਿ ਪਚ੍ਛਿਮਪਚ੍ਛਿਮਂ ਸਨ੍ਤਸਨ੍ਤਤਰਸਨ੍ਤਤਮਨ੍ਤਿ ਚ ਵੇਦਿਤਬ੍ਬਂ.

ਨਨੁ ¶ ਰੂਪਾਵਚਰੇਸੁ ਵਿਤਕ੍ਕਾਦਿਅਙ੍ਗਸਮਤਿਕ੍ਕਮਤੋ ਉਪਰੂਪਰਿਝਾਨਾਨਂ ਸਨ੍ਤਤਰਾਦਿਭਾਵੋ ਵੁਤ੍ਤੋ, ਅਙ੍ਗਾਤਿਕ੍ਕਮਰਹਿਤੇਸੁ ਪਨ ਆਰੁਪ੍ਪੇਸੁ ਕਥਨ੍ਤਿ? ਆਰਮ੍ਮਣਾਤਿਕ੍ਕਮਤੋ. ਏਤੇਸੁ ਹਿ ਕਸਿਣਰੂਪਸਮਤਿਕ੍ਕਮਤੋ ਪਠਮਂ ਝਾਨਂ ਰੂਪਾਵਚਰਪਞ੍ਚਮਜ੍ਝਾਨਤੋ ਸਨ੍ਤਂ, ਤਤੋਪਿ ਕਸਿਣੁਗ੍ਘਾਟਿਮਾਕਾਸਾਤਿਕ੍ਕਮਤੋ ਦੁਤਿਯਂ, ਤਤੋਪਿ ਆਕਾਸੇ ਪਵਤ੍ਤਵਿਞ੍ਞਾਣਾਤਿਕ੍ਕਮਤੋ ਤਤਿਯਂ, ਤਤੋਪਿ ਆਕਾਸੇ ਪਵਤ੍ਤਵਿਞ੍ਞਾਣਸ੍ਸ ਸਮਤਿਕ੍ਕਮਤੋ ਚਤੁਤ੍ਥਨ੍ਤਿ. ਏਵਂ ਅਙ੍ਗਸਮਤ੍ਤੇਪਿ ਥੂਲਥੂਲਾਤਿਕ੍ਕਮੇਨ ਸੁਖੁਮਸੁਖੁਮਾਰਮ੍ਮਣਤਾਯ ਉਪਰੂਪਰਿਜ੍ਝਾਨਾਨਂ ਸਨ੍ਤਤਰਾਦਿਭਾਵੋ ਵੇਦਿਤਬ੍ਬੋ ਸਮਾਯਾਮਵਿਤ੍ਥਾਰਾਨਮ੍ਪਿ ਵਤ੍ਥਾਨਂ ਸੁਤ੍ਤਸੁਖੁਮਤਰਾਦਿਭਾਵੋ ਵਿਯ. ਨਨੁ ਅਭਾਵਾਰਮ੍ਮਣਤਾਯ ਤਤਿਯਾਰੁਪ੍ਪਂ ਸਨ੍ਤਪਣੀਤਤੋ ਮਨਸਿ ਕਰੋਨ੍ਤਸ੍ਸ ਚਤੁਤ੍ਥਾਰੁਪ੍ਪਸ੍ਸ ਕਥਂ ਤਤ੍ਥ ਨਿਕਨ੍ਤਿਪਰਿਯਾਦਾਨਂ, ਕਥਂ ਚ ਸਮਤਿਕ੍ਕਮੋ ਵਾ ਹੋਤੀਤਿ? ਅਸਮਾਪਜ੍ਜਿਤੁਕਾਮਤਾਯ, ਸਾ ਚ ਅਤ੍ਤਨੋ ਸਨ੍ਤਪਣੀਤਤਾਯ. ਯਥਾ ਹਿ ਰਾਜਾ ਦਨ੍ਤਕਾਰਾਦਿਸਿਪ੍ਪਿਕਾਨਂ ਅਤਿਸੁਖੁਮਮਨਾਪਸਿਪ੍ਪਂ ਦਿਸ੍ਵਾ ‘‘ਛੇਕਾ ਵਤਿਮੇ ਆਚਰਿਯਾ’’ਤਿ ਤੇਸਂ ਛੇਕਤਾਯ ਤੁਸ੍ਸਨ੍ਤੋਪਿ ਨ ਤਂ ਸਿਪ੍ਪਿਕਭਾਵਂ ਪਤ੍ਥੇਤਿ, ਤਂ ਸਮਤਿਕ੍ਕਮ੍ਮ ਰਾਜਭਾਵੇ ਏਵ ਤਿਟ੍ਠਤਿ, ਏਵਂਸਮ੍ਪਦਮਿਦਂ ਦਟ੍ਠਬ੍ਬਂ. ਏਵਂ ਆਰਮ੍ਮਣਭੇਦਤੋ ਚਤੁਬ੍ਬਿਧਾਨਮ੍ਪੇਤੇਸਂ ਪੁਨ ਪਟਿਪਦਾਰਮ੍ਮਣਾਧਿਪਤਿਹੀਨਤ੍ਤਿਕਭੇਦੇਹਿ ਪੁਬ੍ਬੇ ਵੁਤ੍ਤਨਯੇਨੇਵ ਪਚ੍ਚੇਕਂ ਭੇਦੋ ਵੇਦਿਤਬ੍ਬੋ.

ਏਤ੍ਥ ਚ ਰੂਪਾਵਚਰਚਤੁਤ੍ਥਜ੍ਝਾਨਨਿਕਨ੍ਤਿ ਪਰਿਯਾਦਾਨਦੁਕ੍ਖਤਾਯ ਪਠਮਾਰੁਪ੍ਪਸ੍ਸ, ਪਠਮਾਰੁਪ੍ਪਾਦਿਨਿਕਨ੍ਤਿਪਰਿਯਾਦਾਨਦੁਕ੍ਖਤਾਯ ਦੁਤਿਯਾਰੁਪ੍ਪਾਦੀਨਞ੍ਚ ਦੁਕ੍ਖਪਟਿਪਦਤਾ, ਪਰਿਯਾਦਿਣ੍ਣਨਿਕਨ੍ਤਿਕਸ੍ਸ ਤਦਪ੍ਪਨਾਪਰਿਵਾਸਦਨ੍ਧਤਾਯ ਦਨ੍ਧਾਭਿਞ੍ਞਤਾ, ਵਿਪਰਿਯਾਯੇਨ ਇਤਰਾ ਚ ਵੇਦਿਤਬ੍ਬਾ. ਪਰਿਤ੍ਤਕਸਿਣੁਗ੍ਘਾਟਿਮਾਕਾਸਮੂਲਕਾਨਂ ਪਨ ਚਤੁਨ੍ਨਂ ਪਰਿਤ੍ਤਾਰਮ੍ਮਣਤਾ, ਵਿਪਰਿਯਾਯਾਨਂ ਅਪ੍ਪਮਾਣਾਰਮ੍ਮਣਤਾ ਵੇਦਿਤਬ੍ਬਾ. ਰੂਪਾਰੂਪਾਵਚਰਾ ਪਨੇਤ੍ਥ ਅਧਿਪਤਿਸਹਿਤਾਵ ਉਪ੍ਪਜ੍ਜਨ੍ਤਿ, ਨ ਵਿਨਾ ਅਧਿਪਤੀਹਿ. ਕਾਮਾਵਚਰਾ ਤੁ ਅਧਿਪਤਿਰਹਿਤਾਪਿ ਉਪ੍ਪਜ੍ਜਨ੍ਤਿ ¶ , ਤੇ ਚ ਆਰਮ੍ਮਣਾਧਿਪਤਿ ਸਹਜਾਤਾਧਿਪਤੀਤਿ ਦ੍ਵੇਪਿ ਲਬ੍ਭਨ੍ਤਿ. ਰੂਪਾਰੂਪਾਵਚਰਾ ਪਨ ਸਹਜਾਤਾਧਿਪਤਿਮੇਵ, ਨੇਤਰਂ. ਤਤ੍ਥ ਚ ਛਨ੍ਦਾਧਿਪਤਿਨਾ ਸਹਜਾਤਾ ਧਮ੍ਮਾ ਛਨ੍ਦਾਧਿਪਤੇਯ੍ਯਾ, ਛਨ੍ਦੋ ਪਨ ਅਧਿਪਤਿ ਏਵ, ਨ ਛਨ੍ਦਾਧਿਪਤੇਯ੍ਯੋ. ਇਤਰੇ ਪਨ ਅਧਿਪਤੇਯ੍ਯਾਵ, ਨਾਧਿਪਤਯੋ ਅਞ੍ਞਸ੍ਸ ਅਤ੍ਤਨਾ ਸਹਜਾਤਸ੍ਸ ਛਨ੍ਦਸ੍ਸ, ਇਤਰੇਸਞ੍ਚ ਅਧਿਪਤਿਯਤ੍ਥਸ੍ਸ ਅਭਾਵਾ. ਏਕਸ੍ਮਿਂ ਹਿ ਚਿਤ੍ਤੁਪ੍ਪਾਦੇ ਛਨ੍ਦਾਦੀਸੁ ਚਤੂਸੁਪਿ ਵਿਜ੍ਜਮਾਨੇਸੁ ਯਥਾਪਚ੍ਚਯਂ ਸਹਜਾਤਾਧਿਪਤਿ ¶ ਏਕੋਵ ਲਬ੍ਭਤਿ. ਏਵਂ ਵੀਰਿਯਾਧਿਪਤਿਯਾਦੀਸੁਪਿ ਯਥਾਨੁਰੂਪਂ ਞਾਤਬ੍ਬਂ. ਏਵਂ ਵਿਸਯਾਦਿਪ੍ਪਭੇਦਤੋ ਵਿਨਿਚ੍ਛਯੋ ਞਾਤਬ੍ਬੋ.

ਲੋਕੁਤ੍ਤਰਾ ਪਨ ਕੁਸਲਾ ਮਗ੍ਗਸਮ੍ਪਯੋਗਭੇਦਤੋ ਚਤੁਬ੍ਬਿਧਾ. ਸੇਯ੍ਯਥਿਦਂ – ਸੋਤਾਪਤ੍ਤਿਮਗ੍ਗਸਮ੍ਪਯੁਤ੍ਤਂ ਸਕਦਾਗਾਮਿਮਗ੍ਗਸਮ੍ਪਯੁਤ੍ਤਂ ਅਨਾਗਾਮਿਮਗ੍ਗਸਮ੍ਪਯੁਤ੍ਤਂ ਅਰਹਤ੍ਤਮਗ੍ਗਸਮ੍ਪਯੁਤ੍ਤਨ੍ਤਿ. ਨਨੁ ਚਤੂਸੁਪਿ ਚੇਤੇਸੁ ਮਗ੍ਗਸਮ੍ਪਯੋਗੋ ਸਮਾਨੋ ਅਟ੍ਠਨ੍ਨਮ੍ਪਿ ਮਗ੍ਗਙ੍ਗਾਨਂ ਸਬ੍ਬਤ੍ਥ ਉਪ੍ਪਤ੍ਤਿਤੋ ਕਥਂ ਤਤ੍ਥ ਭੇਦੋਤਿ? ਅਨੁਸਯਪ੍ਪਹਾਨਸਙ੍ਖਾਤਸ੍ਸ ਮਗ੍ਗਕਿਚ੍ਚਸ੍ਸ ਭੇਦਤੋ. ਅਨੁਸਯੇ ਮਾਰੇਨ੍ਤੋ ਗਚ੍ਛਤੀਤਿ ਹਿ ਮਗ੍ਗੋ. ਮਗ੍ਗਾ ਹਿ ਯਥਾਸਕਂ ਅਨੁਸਯੇ ਪਜਹਨ੍ਤਿ ਏਵ, ਨਿਮਿਤ੍ਤਾ ਵੁਟ੍ਠਹਨ੍ਤਿ, ਪਵਤ੍ਤਞ੍ਚ ਛਿਨ੍ਦਨ੍ਤਿ ਨਾਮਾਤਿ ਵੁਚ੍ਚਨ੍ਤਿ. ਨਿਮਿਤ੍ਤਨ੍ਤਿ ਚ ਪਞ੍ਚਕ੍ਖਨ੍ਧਾ, ਪਵਤ੍ਤਨ੍ਤਿਪਿ ਤੇ ਏਵ. ਤਂ ਦੁਵਿਧਂ ਉਪਾਦਿਨ੍ਨਕਂ, ਅਨੁਪਾਦਿਨ੍ਨਕਞ੍ਚ.

ਤਤ੍ਥਪਿ ਸੋਤਾਪਤ੍ਤਿਮਗ੍ਗੋ ਦਿਟ੍ਠਾਨੁਸਯਂ, ਵਿਚਿਕਿਚ੍ਛਾਨੁਸਯਂ, ਤਦੇਕਟ੍ਠੇ ਚ ਕਿਲੇਸੇ, ਤਂਸਹਜਾਤਾਨਿ ਦਿਟ੍ਠਿਸਮ੍ਪਯੁਤ੍ਤਾਨਿ, ਵਿਚਿਕਿਚ੍ਛਾਸਮ੍ਪਯੁਤ੍ਤਞ੍ਚਾਤਿ ਪਞ੍ਚਾਕੁਸਲਚਿਤ੍ਤਾਨਿ ਚ ਉਪ੍ਪਜ੍ਜਮਾਨੋਵ ਸਮੁਗ੍ਘਾਤੇਤਿ, ਸਮੁਗ੍ਘਾਤੇਨ੍ਤੋ ਚ ਅਪਾਯਭਵਤੋ ਚੇਵ ਸੁਗਤਿਭਵਤੋ ਚ ਠਪੇਤ੍ਵਾ ਸਤ੍ਤ ਭਵੇ ਤਦਵਸੇਸਤੋ ਵੁਟ੍ਠਾਤਿ ¶ . ਤਤ੍ਥ ਯਦੇਤਂ ਪਠਮਮਗ੍ਗਾਨੁਪ੍ਪਤ੍ਤਿਯਂ ਉਪ੍ਪਜ੍ਜਮਾਨਾਰਹਂ ਦਿਟ੍ਠਿਵਿਚਿਕਿਚ੍ਛਾਸਮ੍ਪਯੁਤ੍ਤਪਞ੍ਚਚਿਤ੍ਤਸਮੁਟ੍ਠਾਨਂ ਰੂਪਂ, ਤਂ ਰੂਪਕ੍ਖਨ੍ਧੋ, ਤਾਨਿ ਪਞ੍ਚ ਚਿਤ੍ਤਾਨਿ ਵਿਞ੍ਞਾਣਕ੍ਖਨ੍ਧੋ, ਤਂਸਮ੍ਪਯੁਤ੍ਤਾ ਵੇਦਨਾਦਯੋ ਇਤਰੇ ਤਯੋ ਖਨ੍ਧਾ. ਇਮੇ ਅਨੁਪਾਦਿਨ੍ਨਪਞ੍ਚਕ੍ਖਨ੍ਧਾ ਅਨੁਪਾਦਿਨ੍ਨਨਿਮਿਤ੍ਤਂ, ਅਨੁਪਾਦਿਨ੍ਨਪ੍ਪਵਤ੍ਤਂ ਨਾਮ. ਤਤੋ ਪਠਮਮਗ੍ਗੋ ਵੁਟ੍ਠਾਤਿ, ਤਂ ਛਿਨ੍ਦਤਿ ਨਾਮ. ਯਦੇਤਂ ਅਪਾਯਭਵੇ, ਸੁਗਤਿਯਞ੍ਚ ਠਪੇਤ੍ਵਾ ਸਤ੍ਤ ਭਵੇ ਤਦਵਸੇਸੇ ਚ ਪਠਮਮਗ੍ਗਾਨੁਪ੍ਪਤ੍ਤਿਯਂ ਆਯਤਿਂ ਉਪ੍ਪਜ੍ਜਮਾਨਾਰਹਂ ਕਮ੍ਮਜਕ੍ਖਨ੍ਧਪਞ੍ਚਕਂ, ਤਂ ਉਪਾਦਿਨ੍ਨਨਿਮਿਤ੍ਤਂ, ਉਪਾਦਿਨ੍ਨਪ੍ਪਵਤ੍ਤਂ ਨਾਮ. ਤਤੋ ਪਠਮਮਗ੍ਗੋ ਵੁਟ੍ਠਾਤਿ, ਤਞ੍ਚ ਛਿਨ੍ਦਤਿ ਨਾਮ. ਤਤੋਵ ਪਠਮਮਗ੍ਗੋ ਅਨੁਸਯਂ ਪਜਹਨ੍ਤੋਵ ਨਿਮਿਤ੍ਤਾ ਵੁਟ੍ਠਹਤਿ, ਪਵਤ੍ਤਞ੍ਚ ਛਿਨ੍ਦਤਿ ਨਾਮਾਤਿ ਵੇਦਿਤਬ੍ਬਂ. ਏਵਂ ਇਤਰਮਗ੍ਗੇਸੁਪਿ ਉਪਾਦਿਨ੍ਨਾਨੁਪਾਦਿਨ੍ਨਨਿਮਿਤ੍ਤਪ੍ਪਵਤ੍ਤਂ ਵੁਟ੍ਠਾਨਂ ਛਿਨ੍ਦਨਂ ਯਥਾਨੁਰੂਪਂ ਞਾਤਬ੍ਬਂ.

ਸਕਦਾਗਾਮਿਮਗ੍ਗੋ ਪਨ ਓਲ਼ਾਰਿਕਕਾਮਰਾਗਾਨੁਸਯਂ, ਪਟਿਘਾਨੁਸਯਂ, ਤਦੇਕਟ੍ਠੇ ਚ ਕਿਲੇਸੇ, ਤਂਸਹਜਾਤਾਨਿ ਚ ਤਥਾ ਪਵਤ੍ਤਾਨਿ ਚਤ੍ਤਾਰਿ ਦਿਟ੍ਠਿਵਿਪ੍ਪਯੁਤ੍ਤਾਨਿ, ਦ੍ਵੇ ਚ ਦੋਮਨਸ੍ਸਸਹਗਤਾਨੀਤਿ ਛ ਅਕੁਸਲਚਿਤ੍ਤਾਨਿ ¶ ਚ ਉਪ੍ਪਜ੍ਜਮਾਨੋਵ ਸਮੁਗ੍ਘਾਤੇਤਿ, ਸਮੁਗ੍ਘਾਤੇਨ੍ਤੋ ਚ ਕਾਮਸੁਗਤਿਤੋ ਠਪੇਤ੍ਵਾ ਏਕਭਵਂ ਤਦਵਸੇਸਤੋ ਵੁਟ੍ਠਾਤਿ, ਪਤਨੁਭੂਤਾਵ ਤਂਸਮਙ੍ਗਿਨੋ ਕਾਮਰਾਗਬ੍ਯਾਪਾਦਾ ਅਧਿਮਤ੍ਤਾ, ਤੇ ਚ ਕਦਾਚਿ ਵਿਰਲ਼ਾਵ ਉਪ੍ਪਜ੍ਜਨ੍ਤੀਤਿ ਵੇਦਿਤਬ੍ਬਾ.

ਅਨਾਗਾਮਿਮਗ੍ਗੋਪਿ ਤਾਨੇਵ ਤਨੁਸਹਗਤਕਾਮਰਾਗਪ੍ਪਟਿਘਾਨੁਸਯਵਸੇਨ ਉਪ੍ਪਨ੍ਨਾਨਿ ਛ ਚਿਤ੍ਤਾਨਿ ਉਪ੍ਪਜ੍ਜਮਾਨੋਵ ਸਮੁਗ੍ਘਾਤੇਤਿ, ਸਮੁਗ੍ਘਾਤੇਨ੍ਤੋ ਚ ਕਾਮਭਵਤੋ ਵੁਟ੍ਠਾਤਿ. ਅਰਹਤ੍ਤਮਗ੍ਗੋ ਪਨ ਰੂਪਰਾਗਅਰੂਪਰਾਗਮਾਨਾਵਿਜ੍ਜਾਨੁਸਯੇ, ਉਦ੍ਧਚ੍ਚਂ, ਤਦੇਕਟ੍ਠੇ ਸਬ੍ਬੇ ਕਿਲੇਸੇ ਚ ਤਂਸਹਜਾਤਾਨਿ ਚਤ੍ਤਾਰਿ ਦਿਟ੍ਠਿਵਿਪ੍ਪਯੁਤ੍ਤਾਨਿ, ਉਦ੍ਧਚ੍ਚਸਹਗਤਞ੍ਚਾਤਿ ਪਞ੍ਚਾਕੁਸਲਚਿਤ੍ਤਾਨਿ ਚ ਉਪ੍ਪਜ੍ਜਮਾਨੋਵ ਸਮੁਗ੍ਘਾਤੇਤਿ, ਸਮੁਗ੍ਘਾਤੇਨ੍ਤੋ ਚ ਰੂਪਾਰੂਪਤੋ, ਸਬ੍ਬਭਵਤੋਪਿ ¶ ਵੁਟ੍ਠਾਤਿ. ਸੇਸਂ ਪਠਮਮਗ੍ਗੇ ਵੁਤ੍ਤਾਨੁਸਾਰਤੋ ਵੇਦਿਤਬ੍ਬਂ. ਏਵਂ ਅਨੁਸਯਪ੍ਪਹਾਨਸਙ੍ਖਾਤਕਿਚ੍ਚਭੇਦਤੋ ਚਤੁਨ੍ਨਂ ਮਗ੍ਗਾਨਂ ਭੇਦੋ ਵੇਦਿਤਬ੍ਬੋ.

ਤਦੇਵਂ ਮਗ੍ਗਸਮ੍ਪਯੋਗਭੇਦਤੋ ਚਤੁਬ੍ਬਿਧਂ, ਪੁਨ ਝਾਨਙ੍ਗਸਮ੍ਪਯੋਗਭੇਦਤੋ ਪਚ੍ਚੇਕਂ ਪਞ੍ਚਵਿਧਾ ਹੋਨ੍ਤਿ. ਕਥਂ? ਪਠਮਮਗ੍ਗਸਮ੍ਪਯੁਤ੍ਤਂ ਤਾਵ ਵਿਤਕ੍ਕਵਿਚਾਰਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਪਠਮਜ੍ਝਾਨਿਕਂ, ਵਿਚਾਰਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਦੁਤਿਯਜ੍ਝਾਨਿਕਂ, ਪੀਤਿਸੁਖੇਕਗ੍ਗਤਾਸਮ੍ਪਯੁਤ੍ਤਂ ਤਤਿਯਜ੍ਝਾਨਿਕਂ, ਸੁਖੇਕਗ੍ਗਤਾਸਮ੍ਪਯੁਤ੍ਤਂ ਚਤੁਤ੍ਥਜ੍ਝਾਨਿਕਂ, ਉਪੇਕ੍ਖੇਕਗ੍ਗਤਾਸਮ੍ਪਯੁਤ੍ਤਂ ਪਞ੍ਚਮਜ੍ਝਾਨਿਕਞ੍ਚਾਤਿ ਪਞ੍ਚਵਿਧਂ ਹੋਤਿ. ਏਵਂ ਦੁਤਿਯਮਗ੍ਗਾਦਿਸਮ੍ਪਯੁਤ੍ਤਾ ਚਾਤਿ ਵੀਸਤਿਵਿਧਾ ਹੋਨ੍ਤਿ, ਏਤ੍ਥ ਚ ਚਤੁਕ੍ਕਨਯਵਸੇਨ ਸੋਲ਼ਸਵਿਧਤਾਪਿ ਯੋਜੇਤਬ੍ਬਾ. ਕਿਂ ਪਨੇਤ੍ਥ ਏਵਂ ਝਾਨਙ੍ਗਯੋਗਭੇਦਸ੍ਸ ਨਿਯਾਮਕਂ ਕਾਰਣਨ੍ਤਿ? ਸਙ੍ਖਾਰੁਪੇਕ੍ਖਾਞਾਣਂ. ਤਸ੍ਮਿਂ ਹਿ ਵੁਟ੍ਠਾਨਗਾਮਿਨਿਵਿਪਸ੍ਸਨਾਭੂਤੇ ਸੋਮਨਸ੍ਸਸਹਗਤੇ ਅਰਿਯਮਗ੍ਗਾ ਪਞ੍ਚਮਜ੍ਝਾਨਿਕਾ ਨ ਉਪ੍ਪਜ੍ਜਨ੍ਤਿ, ਸੋਮਨਸ੍ਸਸਹਗਤਾ ਚਤੁਕ੍ਕਜ੍ਝਾਨਿਕਾਵ ਉਪ੍ਪਜ੍ਜਨ੍ਤਿ, ਉਪੇਕ੍ਖਾਸਹਗਤੇ ਚ ਚਤੁਕ੍ਕਜ੍ਝਾਨਿਕਾ ਨ ਉਪ੍ਪਜ੍ਜਨ੍ਤਿ, ਉਪੇਕ੍ਖਾਸਹਗਤਾ ਪਞ੍ਚਮਜ੍ਝਾਨਿਕਾਵ ਉਪ੍ਪਜ੍ਜਨ੍ਤਿ.

ਨਨੁ ਚੇਤ੍ਥ ਸਙ੍ਖਾਰੁਪੇਕ੍ਖਾਞਾਣਂ ਸੋਮਨਸ੍ਸੁਪੇਕ੍ਖਾਸਹਗਤਤ੍ਤਾ ਚਤੁਕ੍ਕਪਞ੍ਚਮਜ੍ਝਾਨਿਕਾਨਂ ਸੋਮਨਸ੍ਸੁਪੇਕ੍ਖਾਸਹਗਤਭਾਵਸ੍ਸ ਨਿਯਾਮਕਹੇਤੁ, ਵਿਤਕ੍ਕਾਦਿਅਙ੍ਗਸਮਤਿਕ੍ਕਮਤੋ ਪਨ ਨੇਸਂ ਦੁਤਿਯਾਦਿਜ੍ਝਾਨਭਾਵਸ੍ਸ ਨਿਯਾਮਕੇਨ ਅਞ੍ਞੇਨ ਭਵਿਤਬ੍ਬਂ. ਨ ਹਿ ਸਙ੍ਖਾਰੁਪੇਕ੍ਖਾਞਾਣਂ ਵਿਤਕ੍ਕਾਦਿਵਿਕਲਂ ਉਪ੍ਪਜ੍ਜਤਿ. ਯੇਨ ਤਂ ਨਿਯਾਮਕਂ ਭਵੇਯ੍ਯ, ਕਿਂ ਤਂ ਨਿਯਾਮਕਕਾਰਣਨ੍ਤਿ? ਪਾਦਕਜ੍ਝਾਨਂ, ਸਮ੍ਮਸਿਤਜ੍ਝਾਨਂ ਵਾ. ਰੂਪਾਰੂਪਾਵਚਰੇਸੁ ਹਿ ਯਂ ਯਂ ਝਾਨਂ ਸਮਾਪਜ੍ਜਿਤ੍ਵਾ ਤਤੁਟ੍ਠਾਯ ਯੇ ਕੇਚਿ ਪਕਿਣ੍ਣਕਸਙ੍ਖਾਰੇ ਸਮ੍ਮਸਿਤ੍ਵਾ ਯੇ ਮਗ੍ਗੇ ਉਪ੍ਪਾਦੇਤਿ, ਤੇ ਸਬ੍ਬੇ ਤਂਤਂਝਾਨਸਦਿਸਾਵ ਹੋਨ੍ਤਿ. ਯਂ ¶ ਯਂ ਵਾ ਪਨ ਝਾਨਂ, ਤਂਸਮ੍ਪਯੁਤ੍ਤੇ ਚ ਅਨਿਚ੍ਚਾਦਿਤੋ ਵਿਪਸ੍ਸਿਤ੍ਵਾ ਯੇ ¶ ਯੇ ਮਗ੍ਗੇ ਉਪ੍ਪਾਦੇਤਿ, ਤੇ ਚ ਤਂਤਂਝਾਨਸਦਿਸਾਵ ਹੋਨ੍ਤਿ ਭੂਮਿਵਣ੍ਣਸਦਿਸਵਣ੍ਣਾ ਗੋਧਾ ਵਿਯ. ਤਤ੍ਥ ਚ ਸੁਕ੍ਖਵਿਪਸ੍ਸਕਸ੍ਸ ਉਪ੍ਪਨ੍ਨਮਗ੍ਗਾਪਿ, ਸਮਾਪਤ੍ਤਿਲਾਭਿਨਾ ਝਾਨਂ ਪਾਦਕਂ ਅਕਤ੍ਵਾ ਅਸਮ੍ਮਸਿਤ੍ਵਾਵ ਉਪ੍ਪਾਦਿਤਮਗ੍ਗਾਪਿ ਪਠਮਜ੍ਝਾਨਂ ਪਾਦਕਂ ਕਤ੍ਵਾ ਤਂ ਤਂ ਵਾ ਸਮ੍ਮਸਿਤ੍ਵਾ ਉਪ੍ਪਾਦਿਤਮਗ੍ਗਾਪਿ ਸਬ੍ਬੇ ਏਕਸਦਿਸਾ ਪਠਮਜ੍ਝਾਨਿਕਾਵ ਹੋਨ੍ਤਿ. ਨ ਹਿ ਲੋਕੁਤ੍ਤਰਮਗ੍ਗੋ ਅਪ੍ਪਨਂ ਅਪ੍ਪਤ੍ਤੋ ਨਾਮ ਅਤ੍ਥਿ. ਦੁਤਿਯਤਤਿਯਚਤੁਤ੍ਥਜ੍ਝਾਨਾਨਿ ਪਾਦਕਾਨਿ ਕਤ੍ਵਾ ਵਾ ਤਤ੍ਥ ਗਤੇ ਧਮ੍ਮੇ ਸਮ੍ਮਸਿਤ੍ਵਾ ਵਾ ਉਪ੍ਪਾਦਿਤਮਗ੍ਗਾ ਯਥਾਕ੍ਕਮਂ ਚਤੁਰਙ੍ਗਿਕਾ, ਤਿਵਙ੍ਗਿਕਾ, ਦੁਵਙ੍ਗਿਕਾ ਚ ਹੋਨ੍ਤਿ. ਪਞ੍ਚਮਜ੍ਝਾਨਂ, ਪਨ ਆਰੁਪ੍ਪਜ੍ਝਾਨਾਨਿ ਚ ਪਾਦਕਂ ਕਤ੍ਵਾ ਵਾ ਤਤ੍ਥ ਗਤੇ ਧਮ੍ਮੇ ਸਮ੍ਮਸਿਤ੍ਵਾ ਵਾ ਉਪ੍ਪਾਦਿਤਮਗ੍ਗਾ ਉਪੇਕ੍ਖੇਕਗ੍ਗਤਾਵਸੇਨ ਦੁਵਙ੍ਗਿਕਾਵ ਹੋਨ੍ਤਿ. ਏਤੇਸਞ੍ਚ ਪਞ੍ਚਨ੍ਨਂ ਝਾਨਿਕਾਨਮ੍ਪਿ ਪੁਬ੍ਬਭਾਗੇ ਵਿਪਸ੍ਸਨਾ ਸੋਮਨਸ੍ਸਸਹਗਤਾਪਿ ਹੋਤਿ ਉਪੇਕ੍ਖਾਸਹਗਤਾਪਿ, ਵੁਟ੍ਠਾਨਗਾਮਿਨੀ ਪਨ ਵਿਪਸ੍ਸਨਾ ਚਤੁਕ੍ਕਜ੍ਝਾਨਿਕਾਨਂ ਸੋਮਨਸ੍ਸਸਹਗਤਾ ਹੋਤਿ. ਪਞ੍ਚਮਜ੍ਝਾਨਿਕਾਨਂ ਪਨ ਉਪੇਕ੍ਖਾਸਹਗਤਾਵਾਤਿ ਤਦੇਵ ਪਾਦਕਜ੍ਝਾਨਂ, ਸਮ੍ਮਸਿਤਜ੍ਝਾਨਂ ਵਾ ਨਿਯਾਮਕਕਾਰਣਨ੍ਤਿ ਵੇਦਿਤਬ੍ਬਂ. ਏਵਂ ਸਮ੍ਪਯੋਗਤੋ ਵਿਨਿਚ੍ਛਯੋ.

ਧਮ੍ਮੁਦ੍ਦੇਸਾਦਿਤੋ ਪਨ ਪਠਮਜ੍ਝਾਨਿਕੇਸੁ ਤਾਵ ਚਤੂਸੁ ਕਾਮਾਵਚਰਪਠਮਕੁਸਲੇ ਵੁਤ੍ਤਧਮ੍ਮੇਸੁ ਠਪੇਤ੍ਵਾ ਕਰੁਣਾਮੁਦਿਤਾ ਸਤ੍ਤਤਿਂਸ ਧਮ੍ਮਾ ਹੋਨ੍ਤਿ. ਵਿਰਤਿਯੋ ਪਨੇਤ੍ਥ ਨਿਯਤਾ, ਪਾਲ਼ਿਯਞ੍ਚ (ਧ. ਸ. ੨੭੭) ਰੂਪੇਨ ਨਿਦ੍ਦਿਟ੍ਠਾ, ਛਨ੍ਦਾਦਯੋ ਚ ਚਤ੍ਤਾਰੋ ਯੇਵਾਪਨਕਾਤਿ ਵੇਦਿਤਬ੍ਬਾ.

ਸਙ੍ਗਹਵਾਰੇ ਪਨ ਬੋਧਿਪਕ੍ਖਿਯਧਮ੍ਮੇਸੁ ਪੁਬ੍ਬੇ ਸਙ੍ਗਹਿਤਾਵਸੇਸਾਨਂ ਸਤਿਪਟ੍ਠਾਨਸਮ੍ਮਪ੍ਪਧਾਨਇਦ੍ਧਿਪਾਦਬੋਜ੍ਝਙ੍ਗਾਨਂ ਵਸੇਨ ਅਤਿਰੇਕਾ ਚਤ੍ਤਾਰੋ ਸਙ੍ਗਹਾ ਵੇਦਿਤਬ੍ਬਾ. ਪਠਮਜ੍ਝਾਨਿਕਮਗ੍ਗਸਮ੍ਪਯੁਤ੍ਤੇਸੁ ਹਿ ਧਮ੍ਮੇਸੁ ਸਤਿ ਉਪਟ੍ਠਾਨਟ੍ਠੇਨ ਸਤਿਪਟ੍ਠਾਨਂ, ਸਾ ਵਿਸਯਭੇਦੇਨ ਚਤੁਬ੍ਬਿਧਾ, ਇਤਰੇ ਅਸ੍ਸਤਿਪਟ੍ਠਾਨਾਤਿ ਸਬ੍ਬੇਵ ¶ ਤੇ ਦ੍ਵਿਧਾ ਹੋਨ੍ਤਿ. ਤਥਾ ਵੀਰਿਯਂ ਪਦਹਨਟ੍ਠੇਨ ਸਮ੍ਮਪ੍ਪਧਾਨਂ, ਤਂ ਕਿਚ੍ਚਭੇਦੇਨ ਚਤੁਬ੍ਬਿਧਂ, ਇਤਰੇ ਅਸਮ੍ਮਪ੍ਪਧਾਨਾਤਿ. ਤਥਾ ਛਨ੍ਦੋ ਵੀਰਿਯਂ ਚਿਤ੍ਤਂ ਅਮੋਹੋਤਿ ਚਤ੍ਤਾਰੋ ਧਮ੍ਮਾ ਇਜ੍ਝਨਕਟ੍ਠੇਨ ਯਥਾਕ੍ਕਮਂ ‘‘ਛਨ੍ਦਿਦ੍ਧਿਪਾਦੋ ਵੀਰਿਯਚਿਤ੍ਤਵੀਮਂਸਿਦ੍ਧਿਪਾਦੋ’’ਤਿ ਨਾਮੇਨ ‘‘ਇਦ੍ਧਿਪਾਦਾ’’ਤਿ ਵੁਚ੍ਚਨ੍ਤਿ, ਇਤਰੇ ‘‘ਅਨਿਦ੍ਧਿਪਾਦਾ’’ਤਿ. ਤਥਾ ਸਤਿ ਅਮੋਹੋ ਵੀਰਿਯਂ ਪੀਤਿ ਪਸ੍ਸਦ੍ਧਿ ਸਮਾਧਿ ਤਤ੍ਰਮਜ੍ਝਤ੍ਤਤਾਤਿ ਇਮੇ ਸਤ੍ਤ ਧਮ੍ਮਾ ਬੁਜ੍ਝਨਟ੍ਠੇਨ ਯਥਾਕ੍ਕਮਂ ‘‘ਸਤਿਸਮ੍ਬੋਜ੍ਝਙ੍ਗੋ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਵੀਰਿਯਪੀਤਿਪਸ੍ਸਦ੍ਧਿਸਮਾਧਿਉਪੇਕ੍ਖਾਸਮ੍ਬੋਜ੍ਝਙ੍ਗੋ’’ਤਿ ਵੁਚ੍ਚਨ੍ਤਿ, ਇਤਰੇ ਅਬੋਜ੍ਝਙ੍ਗਾਤਿ ਏਵਂ ਚਤ੍ਤਾਰੋ ਸਙ੍ਗਹਾ.

ਸੇਸਂ ਸਬ੍ਬਂ ਲਕ੍ਖਣਾਦਿਤੋ ਪਟ੍ਠਾਯ ਸੁਞ੍ਞਤਵਾਰਪਰਿਯੋਸਾਨਂ ਕਾਮਾਵਚਰਪਠਮਕੁਸਲੇ ਵੁਤ੍ਤਸਦਿਸਮੇਵ ¶ , ਕੇਵਲਂ ਪਨ ਮਗ੍ਗਙ੍ਗਸਙ੍ਗਹੇ ‘‘ਅਟ੍ਠਙ੍ਗਿਕੋ ਮਗ੍ਗੋ ਹੋਤੀ’’ਤਿ (ਧ. ਸ. ੩੩੭) ਪਦਭਾਜਨੀਯੇ ਸਰੂਪੇਨੇਵ ਨਿਦ੍ਦਿਟ੍ਠਂ, ਇਨ੍ਦ੍ਰਿਯਸਙ੍ਗਹੇ ਪਞ੍ਞਿਨ੍ਦ੍ਰਿਯਟ੍ਠਾਨੇ ਪਠਮਮਗ੍ਗਸ੍ਸ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਗਹੇਤ੍ਵਾ ਇਤਰਮਗ੍ਗਾਨਂ ਅਞ੍ਞਿਨ੍ਦ੍ਰਿਯਂ ਗਹੇਤ੍ਵਾਵ ਅਟ੍ਠਿਨ੍ਦ੍ਰਿਯਨ੍ਤਿ ਅਟ੍ਠਿਨ੍ਦ੍ਰਿਯਤਾ, ਸਬ੍ਬਤ੍ਥ ਲੋਕੁਤ੍ਤਰਤਾ ਚ ਵਿਸੇਸੋ, ਸੇਸਂ ਤਾਦਿਸਮੇਵ. ਪਠਮਜ੍ਝਾਨਿਕਾ ਚਤ੍ਤਾਰੋ ਮਗ੍ਗਾ.

ਤਥਾ ਦੁਤਿਯਜ੍ਝਾਨਿਕੇਸੁਪਿ ਕੇਵਲਂ ਧਮ੍ਮੁਦ੍ਦੇਸੇ ਵਿਤਕ੍ਕਾਭਾਵੋ, ਸਙ੍ਗਹਵਾਰੇ ਚਤੁਰਙ੍ਗਜ੍ਝਾਨਤਾ, ਸਤ੍ਤਙ੍ਗਮਗ੍ਗਤਾ ਚ ਵਿਸੇਸੋ, ਸੇਸਂ ਪਠਮਜ੍ਝਾਨਿਕਸਦਿਸਮੇਵ. ਦੁਤਿਯਜ੍ਝਾਨਿਕਮਗ੍ਗਾ.

ਤਥਾ ਤਤਿਯਜ੍ਝਾਨਿਕੇਸੁਪਿ ਕੇਵਲਂ ਧਮ੍ਮੁਦ੍ਦੇਸੇ ਵਿਚਾਰਾਭਾਵੋ, ਸਙ੍ਗਹਵਾਰੇ ਤਿਵਙ੍ਗਿਕਜ੍ਝਾਨਤਾ ਚ ਵਿਸੇਸੋ, ਸੇਸਂ ਦੁਤਿਯਜ੍ਝਾਨਿਕਸਦਿਸਮੇਵ. ਤਤਿਯਜ੍ਝਾਨਿਕਮਗ੍ਗਾ.

ਤਥਾ ਚਤੁਤ੍ਥਜ੍ਝਾਨਿਕੇਸੁਪਿ ਕੇਵਲਂ ਧਮ੍ਮੁਦ੍ਦੇਸੇ ਪੀਤਿਯਾ ਅਭਾਵੋ, ਕੋਟ੍ਠਾਸਵਾਰੇ ਦੁਵਙ੍ਗਿਕਜ੍ਝਾਨਤਾ, ਛਲ਼ਙ੍ਗਿਕਬੋਜ੍ਝਙ੍ਗਤਾ ¶ ਚ ਵਿਸੇਸੋ, ਸੇਸਂ ਤਤਿਯਜ੍ਝਾਨਿਕਸਦਿਸਮੇਵ. ਚਤੁਤ੍ਥਜ੍ਝਾਨਿਕਮਗ੍ਗਾ.

ਤਥਾ ਪਞ੍ਚਮਜ੍ਝਾਨਿਕੇਸੁਪਿ ਕੇਵਲਂ ਸਬ੍ਬਤ੍ਥ ਵੇਦਨਾਪਰਿਵਤ੍ਤਨਮੇਵ ਵਿਸੇਸੋ, ਸੇਸਂ ਚਤੁਤ੍ਥਜ੍ਝਾਨਿਕਸਦਿਸਮੇਵ. ਪਞ੍ਚਮਜ੍ਝਾਨਿਕਮਗ੍ਗਾ. ਏਵਂ ਧਮ੍ਮੁਦ੍ਦੇਸਾਦਿਤੋ ਵਿਨਿਚ੍ਛਯੋ.

ਵਿਸਯਾਦਿਪ੍ਪਭੇਦਤੋ ਪਨ ਸਬ੍ਬੇਪਿ ਲੋਕੁਤ੍ਤਰਕੁਸਲਾ ਆਰਮ੍ਮਣਤੋ ਨਿਬ੍ਬਾਨਾਰਮ੍ਮਣਾਵ, ਤਸ੍ਮਾ ਨ ਤਤੋ ਨੇਸਂ ਭੇਦੋ, ਪਟਿਪਦਾਦਿਭੇਦਤੋ ਪਨ ਪੁਬ੍ਬੇ ਵੁਤ੍ਤਨਯੇਨ ਪਚ੍ਚੇਕਂ ਭੇਦੋ ਵੇਦਿਤਬ੍ਬੋ. ਏਤ੍ਥ ਚ ਯੋ ਨਾਮਰੂਪਪਰਿਗ੍ਗਹਤੋ ਪਟ੍ਠਾਯ ਕਿਲਮਨ੍ਤੋ ਵਿਪਸ੍ਸਨਂ ਆਰਭਿਤ੍ਵਾ ਦੁਕ੍ਖੇਨ ਕਸਿਰੇਨ ਕਿਲੇਸੇ ਵਿਕ੍ਖਮ੍ਭੇਤਿ, ਤਸ੍ਸ ਦੁਕ੍ਖਾ ਪਟਿਪਦਾ ਹੋਤਿ. ਯੋ ਪਨ ਵਿਕ੍ਖਮ੍ਭਿਤਕਿਲੇਸੋ, ਸੋ ਵਿਪਸ੍ਸਨਾਪਰਿਵਾਸਂ ਵਾਸੇਨ੍ਤੋ ਚਿਰੇਨ ਮਗ੍ਗਪਾਤੁਭਾਵਂ ਪਾਪੁਣਾਤਿ, ਤਸ੍ਸ ਦਨ੍ਧਾਭਿਞ੍ਞਾ ਹੋਤਿ. ਇਮਿਨਾ ਨਯੇਨ ਇਤਰਾ ਤਿਸ੍ਸੋਪਿ ਪਟਿਪਦਾਭਿਞ੍ਞਾਯੋ ਵੇਦਿਤਬ੍ਬਾ. ਯਥਾ ਚ ਪਟਿਪਦਾਦਿਭੇਦਤੋ, ਏਵਂ ਵਿਮੋਕ੍ਖਭੇਦਤੋਪਿ ਪਚ੍ਚੇਕਂ ਦ੍ਵਿਧਾ ਹੋਨ੍ਤਿ – ਸੁਞ੍ਞਤਵਿਮੋਕ੍ਖੋ ਅਪ੍ਪਣਿਹਿਤਵਿਮੋਕ੍ਖੋਤਿ.

ਤਤ੍ਥ ਸੁਞ੍ਞਤਨ੍ਤਿ, ਅਪ੍ਪਣਿਹਿਤਨ੍ਤਿ ਚ ਲੋਕੁਤ੍ਤਰਮਗ੍ਗਸ੍ਸ ਨਾਮਂ. ਸੋ ਹਿ ਆਗਮਨਤੋ ਸਗੁਣਤੋ ਆਰਮ੍ਮਣਤੋਤਿ ਤੀਹਿ ਕਾਰਣੇਹਿ ਨਾਮਂ ਲਭਤਿ. ਕਥਂ? ਇਧ ਭਿਕ੍ਖੁ ਵਿਪਸ੍ਸਨਾਕਮ੍ਮਟ੍ਠਾਨਿਕੋ ਆਦਿਤੋ ਪਟ੍ਠਾਯ ‘‘ਅਨਿਚ੍ਚਂ ਦੁਕ੍ਖਮਨਤ੍ਤਾ’’ਤਿ ਤਿਵਿਧਂ ਅਨੁਪਸ੍ਸਨਂ ਆਰੋਪੇਤ੍ਵਾ ¶ ਸਮ੍ਮਸਨ੍ਤੋ ਵਿਚਰਤਿ, ਸਚਸ੍ਸ ਵੁਟ੍ਠਾਨਗਾਮਿਨਿਵਿਪਸ੍ਸਨਾ ਤੇਭੂਮਕੇ ਸਙ੍ਖਾਰੇ ਅਨਤ੍ਤਤੋ ਵਿਪਸ੍ਸਤਿ, ਅਯਂ ਅਤ੍ਤਸੁਞ੍ਞਤਾਦਸ੍ਸਨਟ੍ਠੇਨ ਸੁਞ੍ਞਤਾ ਨਾਮ ਹੋਤਿ. ਸਚੇ ਦੁਕ੍ਖਤੋ ਵਿਪਸ੍ਸਤਿ, ਅਯਂ ਤਣ੍ਹਾਪਣਿਧਿਰਹਿਤਟ੍ਠੇਨ ਅਪ੍ਪਣਿਹਿਤਾ ਨਾਮ ਹੋਤਿ, ਤਾ ਉਭੋਪਿ ਆਗਮਨੀਯਟ੍ਠਾਨੇ ਠਤ੍ਵਾ ਅਤ੍ਤਨੋ ਅਤ੍ਤਨੋ ਮਗ੍ਗਸ੍ਸ ਯਥਾਕ੍ਕਮਂ ਸੁਞ੍ਞਤਮਗ੍ਗੋ ¶ ਅਪ੍ਪਣਿਹਿਤਮਗ੍ਗੋਤਿ ਨਾਮਂ ਦੇਨ੍ਤਿ. ਏਵਂ ਆਗਮਨਤੋ ਨਾਮਲਾਭੋ ਵੇਦਿਤਬ੍ਬੋ. ਨਨੁ ਸੁਤ੍ਤਨ੍ਤੇਸੁ ਸਚੇ ਵੁਟ੍ਠਾਨਗਾਮਿਨਿਵਿਪਸ੍ਸਨਾ ਅਨਿਚ੍ਚਤੋ ਪਸ੍ਸਤਿ, ਤਸ੍ਸਾ ਵਸੇਨ ਮਗ੍ਗੋ ਅਨਿਮਿਤ੍ਤਵਿਮੋਕ੍ਖੋ ਹੋਤੀਤਿ ਕਤ੍ਵਾ ਤਯੋ ਵਿਮੋਕ੍ਖਾ ਕਥਿਤਾਤਿ? ਸਚ੍ਚਂ, ਅਪਿ ਚ ਖੋ ਪਰਿਯਾਯਤੋ ਕਥਿਤਾ, ਨਿਪ੍ਪਰਿਯਾਯਤੋ ਪਨ ਸਯਮ੍ਪਿ ਸਨਿਮਿਤ੍ਤਾ ਅਤ੍ਤਨੋ ਮਗ੍ਗਸ੍ਸ ਅਨਿਮਿਤ੍ਤਨਾਮਂ ਦਾਤੁਂ ਅਸਕ੍ਕੁਣੇਯ੍ਯਤਾਯ ਦ੍ਵੇ ਏਵ ਵਿਮੋਕ੍ਖਾ ਹੋਨ੍ਤੀਤਿ. ਤਿਸ੍ਸੋਪਿ ਹਿ ਵਿਪਸ੍ਸਨਾ ਨਿਚ੍ਚਨਿਮਿਤ੍ਤਂ, ਸੁਖਨਿਮਿਤ੍ਤਞ੍ਚ ਉਗ੍ਘਾਟਨੇਨ ਅਨਿਮਿਤ੍ਤਵੋਹਾਰਂ ਲਭਨ੍ਤਿ, ਤਿਸ੍ਸੋਪਿ ਨਿਮਿਤ੍ਤਭੂਤੇਸੁ ਖਨ੍ਧੇਸੁ ਚਰਣਤੋ ਸਨਿਮਿਤ੍ਤਾਵ, ਤਸ੍ਮਾ ਸਯਂ ਆਗਮਨੀਯਟ੍ਠਾਨੇ ਠਤ੍ਵਾ ਅਤ੍ਤਨੋ ਮਗ੍ਗਸ੍ਸ ਨਿਪ੍ਪਰਿਯਾਯਤੋ ਅਨਿਮਿਤ੍ਤਨਾਮਂ ਦਾਤੁਂ ਨ ਸਕ੍ਕੋਨ੍ਤਿ. ਯਸ੍ਮਾ ਪਨ ਮਗ੍ਗੋ ਸਯਂ ਰਾਗਾਦੀਹਿ ਸੁਞ੍ਞੋ, ਰਾਗਾਦਿਨਿਮਿਤ੍ਤਪਣਿਧਿਰਹਿਤੋ ਚ, ਤਸ੍ਮਾ ਸਗੁਣੇਨੇਵ ਸੁਞ੍ਞਤਨਾਮਂ, ਅਪ੍ਪਣਿਹਿਤਨਾਮਞ੍ਚ ਲਭਤਿ. ਏਵਮਸ੍ਸ ਸਗੁਣਤੋ ਨਾਮਲਾਭੋ ਵੇਦਿਤਬ੍ਬੋ. ਯਸ੍ਮਾ ਪਨ ਨਿਬ੍ਬਾਨਂ ਰਾਗਾਦੀਹਿ, ਸਙ੍ਖਾਰੇਹਿ ਚ ਸੁਞ੍ਞਤ੍ਤਾ, ਰਾਗਾਦਿਨਿਮਿਤ੍ਤਪਣਿਧਿਰਹਿਤਤ੍ਤਾ ਚ ‘‘ਸੁਞ੍ਞਤਂ, ਅਨਿਮਿਤ੍ਤਂ, ਅਪ੍ਪਣਿਹਿਤ’’ਨ੍ਤਿ ਚ ਵੁਚ੍ਚਤਿ, ਤਸ੍ਮਾ ਤਂ ਆਰਮ੍ਮਣਂ ਕਤ੍ਵਾ ਉਪ੍ਪਨ੍ਨਮਗ੍ਗੋਪਿ ‘‘ਸੁਞ੍ਞਤੋ, ਅਨਿਮਿਤ੍ਤੋ, ਅਪ੍ਪਣਿਹਿਤੋ’’ਤਿ ਚ ਨਾਮਂ ਲਭਤਿ. ਏਵਂ ਆਰਮ੍ਮਣਤੋ ਨਾਮਲਾਭੋ ਵੇਦਿਤਬ੍ਬੋ.

ਤੇਸੁ ਇਧ ਆਗਮਨਤੋਵ ਮਗ੍ਗੋ ਨਾਮਂ ਲਭਤਿ, ਨ ਸਗੁਣਤੋ, ਨਾਪਿ ਆਰਮ੍ਮਣਤੋ, ਸਗੁਣਾਰਮ੍ਮਣਤੋ ਨਾਮਲਾਭਸ੍ਸ ਸੁਤ੍ਤਨ੍ਤੇਸੁ ਪਰਿਯਾਯਦੇਸਿਤਤ੍ਤਾ. ਤੇਨੇਵ ਹੇਤ੍ਥ ਮਗ੍ਗਾਨਂ ਸਗੁਣਾਰਮ੍ਮਣਤੋਪਿ ਅਨਿਮਿਤ੍ਤਵਿਮੋਕ੍ਖਤਂ ਅਗ੍ਗਹੇਤ੍ਵਾ ਸੁਞ੍ਞਤਅਪ੍ਪਣਿਹਿਤਵਿਮੋਕ੍ਖਤਾਵ ਆਗਮਨਤੋ ਵੁਤ੍ਤਾ, ਤਞ੍ਚਾਗਮਨਂ ਦੁਵਿਧਂ ਵਿਪਸ੍ਸਨਾਗਮਨਂ, ਮਗ੍ਗਾਗਮਨਞ੍ਚ. ਤਤ੍ਥ ਵਿਪਸ੍ਸਨਾਗਮਨਤੋ ਮਗ੍ਗੋ ਚ ਸੁਞ੍ਞਤਾਦਿਨਾਮਂ ਲਭਤਿ, ਮਗ੍ਗਾਗਮਨਤੋ ਚ ਲਭਤੇਵ, ਇਧ ਪਨ ਮਗ੍ਗਸ੍ਸ ਅਧਿਪ੍ਪੇਤਤ੍ਤਾ ¶ ਵਿਪਸ੍ਸਨਾਗਮਨਤੋਵ ਵੇਦਿਤਬ੍ਬਂ. ਏਵਂ ਵਿਮੋਕ੍ਖਭੇਦਤੋ ਪਚ੍ਚੇਕਂ ਦ੍ਵਿਧਾ ਹੋਨ੍ਤਿ. ਏਵਂ ਵਿਸਯਾਦਿਪ੍ਪਭੇਦਤੋ ਵਿਨਿਚ੍ਛਯੋ.

ਨਿਟ੍ਠਿਤਾ ਚ ਮੋਹਵਿਚ੍ਛੇਦਨਿਯਾ ਨਾਮ

‘‘ਕੁਸਲਾ ਧਮ੍ਮਾ’’ਤਿ ਪਦਸ੍ਸ ਅਤ੍ਥਵਣ੍ਣਨਾ.

ਅਕੁਸਲਾ ¶ ਪਨ ਧਮ੍ਮਾ ਭੂਮਿਤੋ ਏਕਵਿਧਾ ਕਾਮਾਵਚਰਾਵ, ਸਮ੍ਪਯੋਗਤੋ ਪਨ ਮੂਲਵਸੇਨ ਤਿਵਿਧਾ ਹੋਨ੍ਤਿ ਲੋਭਮੂਲਾ ਦੋਸਮੂਲਾ ਮੋਹਮੂਲਾਤਿ. ਤਤ੍ਥ ਲੋਭਮੂਲਾ ਅਟ੍ਠਵਿਧਾ ਸੋਮਨਸ੍ਸਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ, ਸੋਮਨਸ੍ਸਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ, ਉਪੇਕ੍ਖਾਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ, ਉਪੇਕ੍ਖਾਸਹਗਤਂ ਦਿਟ੍ਠਿਗਤਵਿਪ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਨ੍ਤਿ.

ਤਤ੍ਥ ਇਟ੍ਠਾਰਮ੍ਮਣੇ ਲੋਭਬਹੁਲਤਾਦੀਹਿ ਕਾਰਣੇਹਿ ਸੋਮਨਸ੍ਸਸਹਗਤਤਾ, ਅਸਦ੍ਧਮ੍ਮਸਵਨਅਕਲ੍ਯਾਣਮਿਤ੍ਤਤਾਦੀਹਿ ਦਿਟ੍ਠਿਸਮ੍ਪਯੁਤ੍ਤਤਾ ਚ ਵੇਦਿਤਬ੍ਬਾ. ਯਦਾ ਹਿ ‘‘ਨਤ੍ਥਿ ਕਾਮੇਸੁ ਆਦੀਨਵੋ’’ਤਿਆਦਿਨਾ ਨਯੇਨ ਮਿਚ੍ਛਾਦਿਟ੍ਠਿਂ ਪੁਰਕ੍ਖਤ੍ਵਾ ਹਟ੍ਠਤੁਟ੍ਠੋ ਕਾਮੇ ਵਾ ਪਰਿਭੁਞ੍ਜਤਿ, ਦਿਟ੍ਠਮਙ੍ਗਲਾਦੀਨਿ ਵਾ ਸਾਰਤੋ ਪਚ੍ਚੇਤਿ ਸਭਾਵਤਿਕ੍ਖੇਨੇਵ ਅਨੁਸ੍ਸਾਹਿਤੇਨ ਚਿਤ੍ਤੇਨ, ਤਦਾ ਪਠਮਂ ਅਕੁਸਲਚਿਤ੍ਤਂ ਉਪ੍ਪਜ੍ਜਤਿ. ਯਦਾ ਮਨ੍ਦੇਨ ਸਮੁਸ੍ਸਾਹਿਤੇਨ, ਤਦਾ ਦੁਤਿਯਂ. ਯਦਾ ਮਿਚ੍ਛਾਦਿਟ੍ਠਿਂ ਅਪੁਰਕ੍ਖਤ੍ਵਾ ਕੇਵਲਂ ਹਟ੍ਠਤੁਟ੍ਠੋ ਮੇਥੁਨਂ ਵਾ ਸੇਵਤਿ, ਪਰਸਮ੍ਪਤ੍ਤਿਂ ¶ ਵਾ ਅਭਿਜ੍ਝਾਯਤਿ, ਪਰਭਣ੍ਡਂ ਵਾ ਹਰਤਿ ਸਭਾਵਤਿਕ੍ਖੇਨਾਨੁਸ੍ਸਾਹਿਤੇਨ, ਤਦਾ ਤਤਿਯਂ. ਯਦਾ ਸਮੁਸ੍ਸਾਹਿਤੇਨ, ਤਦਾ ਚਤੁਤ੍ਥਂ. ਯਦਾ ਪਨ ਕਾਮਾਨਂ ਵਾ ਅਸਮ੍ਪਤ੍ਤਿਂ ਆਗਮ੍ਮ, ਅਞ੍ਞੇਸਂ ਵਾ ਸੋਮਨਸ੍ਸਹੇਤੂਨਂ ਅਭਾਵੇਨ ਚਤੂਸੁਪਿ ਵਿਕਪ੍ਪੇਸੁ ਸੋਮਨਸ੍ਸਰਹਿਤਤਾ ਹੋਤਿ, ਤਦਾ ਸੇਸਾਨਿ ਚਤ੍ਤਾਰਿ ਉਪੇਕ੍ਖਾਸਹਗਤਾਨਿ ਉਪ੍ਪਜ੍ਜਨ੍ਤੀਤਿ ਅਯਂ ਸਮ੍ਪਯੋਗਤੋ ਵਿਨਿਚ੍ਛਯੋ.

ਧਮ੍ਮੁਦ੍ਦੇਸਤੋ ਪਨ ਪਠਮਾਕੁਸਲੇ ਤਾਵ ਨਿਯਤਾ ਪਾਲ਼ਿਯਂ ਸਰੂਪੇਨਾਗਤਾ ਸੋਲ਼ਸ, ਯੇਵਾਪਨਕਵਸੇਨ ਚਤ੍ਤਾਰੋਤਿ ਵੀਸਤਿ ਧਮ੍ਮਾ ਹੋਨ੍ਤਿ. ਕਥਂ? ਫਸ੍ਸੋ ਵੇਦਨਾ ਸਞ੍ਞਾ ਚੇਤਨਾ ਚਿਤ੍ਤਂ ਵਿਤਕ੍ਕੋ ਵਿਚਾਰੋ ਪੀਤਿ ਵੀਰਿਯਂ ਏਕਗ੍ਗਤਾ ਜੀਵਿਤਂ ਅਹਿਰਿਕਂ ਅਨੋਤ੍ਤਪ੍ਪਂ ਲੋਭੋ ਮੋਹੋ ਮਿਚ੍ਛਾਦਿਟ੍ਠੀਤਿ ਇਮੇ ਸਰੂਪੇਨਾਗਤਾ ਸੋਲ਼ਸ ਧਮ੍ਮਾ, ਛਨ੍ਦੋ ਅਧਿਮੋਕ੍ਖੋ ਮਨਸਿਕਾਰੋ ਉਦ੍ਧਚ੍ਚਨ੍ਤਿ ਇਮੇ ਯੇਵਾਪਨਕਾ ਚਤ੍ਤਾਰੋਤਿ. ਪਦਭਾਜਨੀਯੇ ਪਨ ਪੁਬ੍ਬੇ ਵੁਤ੍ਤਨਯੇਨੇਵ ‘‘ਫਸ੍ਸਪਞ੍ਚਕਂ ਝਾਨਙ੍ਗਪਞ੍ਚਕਂ ਵੀਰਿਯਸਮਾਧਿਮਨੋਸੋਮਨਸ੍ਸਜੀਵਿਤਵਸੇਨ ਇਨ੍ਦ੍ਰਿਯਾਨਿ ਪਞ੍ਚ, ਮਿਚ੍ਛਾਦਿਟ੍ਠਿਸਙ੍ਕਪ੍ਪਵਾਯਾਮਸਮਾਧਿਵਸੇਨ ਮਗ੍ਗਙ੍ਗਾਨਿ ਚਤ੍ਤਾਰਿ, ਵੀਰਿਯਸਮਾਧਿਅਹਿਰਿਕਾਨੋਤ੍ਤਪ੍ਪਵਸੇਨ ਬਲਾਨਿ ਚਤ੍ਤਾਰਿ, ਲੋਭੋ ਮੋਹੋਤਿ ਦ੍ਵੇ ਮੂਲਾਨਿ, ਅਭਿਜ੍ਝਾ ਮਿਚ੍ਛਾਦਿਟ੍ਠੀਤਿ ਦ੍ਵੇ ਕਮ੍ਮਪਥਾਨਿ, ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ¶ ਲੋਕਨਾਸਦੁਕਂ, ਸਮਥੋ ਪਗ੍ਗਾਹੋ ਅਵਿਕ੍ਖੇਪੋ ਚਾਤਿ ਏਵਂ ਸਰੂਪੇਨਾਗਤਾਨਂ ਦ੍ਵਤ੍ਤਿਂਸਧਮ੍ਮਾਨਂ ਸੋਲ਼ਸਸੁ ਏਵ ਸਮਵਰੋਧੋ, ਸਵਿਭਤ੍ਤਿਕਾਵਿਭਤ੍ਤਿਕਭੇਦੋ ਚ ਕਾਮਾਵਚਰਪਠਮਕੁਸਲੇ ਵੁਤ੍ਤਾਨੁਸਾਰਤੋ ਞਾਤਬ੍ਬੋ. ਅਯਂ ਧਮ੍ਮੁਦ੍ਦੇਸਤੋ ਵਿਨਿਚ੍ਛਯੋ.

ਲਕ੍ਖਣਾਦਿਵਿਭਾਗਤੋ ਪਨ ਨ ਹਿਰੀਯਤੀਤਿ ਅਹਿਰਿਕੋ, ਅਹਿਰਿਕਸ੍ਸ ਭਾਵੋ ਅਹਿਰਿਕ੍ਕਂ, ਨ ਓਤ੍ਤਪ੍ਪਂ ਅਨੋਤ੍ਤਪ੍ਪਂ. ਤੇਸੁ ਅਹਿਰਿਕ੍ਕਂ ਕਾਯਦੁਚ੍ਚਰਿਤਾਦੀਹਿ ਅਜਿਗੁਚ੍ਛਨਲਕ੍ਖਣਂ, ਅਲਜ੍ਜਾਲਕ੍ਖਣਂ ਵਾ, ਅਨੋਤ੍ਤਪ੍ਪਂ ਤੇਹੇਵ ਅਸਾਰਜ੍ਜਨਲਕ੍ਖਣਂ, ਅਨੁਤ੍ਤਾਸਲਕ੍ਖਣਂ ¶ ਵਾ, ਸੇਸਂ ਹਿਰਿਓਤ੍ਤਪ੍ਪਾਨਂ ਵੁਤ੍ਤਪ੍ਪਟਿਪਕ੍ਖਵਸੇਨ ਵੇਦਿਤਬ੍ਬਂ.

ਲੁਬ੍ਭਤਿ ਤੇਨ, ਸਯਂ ਵਾ ਲੁਬ੍ਭਤਿ, ਲੁਬ੍ਭਨਮਤ੍ਤਮੇਵ ਵਾ ਤਨ੍ਤਿ ਲੋਭੋ. ਸੋ ਆਰਮ੍ਮਣਗਹਣਲਕ੍ਖਣੋ ਮਕ੍ਕਟਾਲੇਪੋ ਵਿਯ, ਅਭਿਸਙ੍ਗਰਸੋ ਤਤ੍ਤਕਪਾਲੇ ਖਿਤ੍ਤਮਂਸਪੇਸਿ ਵਿਯ, ਅਪਰਿਚ੍ਚਾਗਪਚ੍ਚੁਪਟ੍ਠਾਨੋ ਤੇਲਞ੍ਜਨਰਾਗੋ ਵਿਯ, ਸਞ੍ਞੋਜਨੀਯਧਮ੍ਮੇਸੁ ਅਸ੍ਸਾਦਦਸ੍ਸਨਪਦਟ੍ਠਾਨੋ. ਤਣ੍ਹਾਨਦਿਭਾਵੇਨ ਵਡ੍ਢਮਾਨੋ ਸੀਘਸੋਤਾ ਨਦੀ ਵਿਯ ਮਹਾਸਮੁਦ੍ਦਂ ਅਪਾਯਮੇਵ ਗਹੇਤ੍ਵਾ ਗਚ੍ਛਤੀਤਿ ਦਟ੍ਠਬ੍ਬੋ.

ਮੁਯ੍ਹਨ੍ਤਿ ਤੇਨ, ਸਯਂ ਵਾ ਮੁਯ੍ਹਤਿ, ਮੁਯ੍ਹਨਮਤ੍ਤਮੇਵ ਵਾ ਤਨ੍ਤਿ ਮੋਹੋ. ਸੋ ਚਿਤ੍ਤਸ੍ਸ ਅਨ੍ਧਕਾਰਲਕ੍ਖਣੋ, ਅਞ੍ਞਾਣਲਕ੍ਖਣੋ ਵਾ, ਅਸਮ੍ਪਟਿਵੇਧਰਸੋ, ਆਰਮ੍ਮਣਸਭਾਵਚ੍ਛਾਦਨਰਸੋ ਵਾ, ਅਸਮ੍ਮਾਪਟਿਪਤ੍ਤਿਪਚ੍ਚੁਪਟ੍ਠਾਨੋ, ਅਨ੍ਧਕਾਰਪਚ੍ਚੁਪਟ੍ਠਾਨੋ ਵਾ, ਅਯੋਨਿਸੋਮਨਸਿਕਾਰਪਦਟ੍ਠਾਨੋ, ਸਬ੍ਬਾਕੁਸਲਾਨਂ ਮੂਲਨ੍ਤਿ ਦਟ੍ਠਬ੍ਬੋ.

ਮਿਚ੍ਛਾ ਪਸ੍ਸਨ੍ਤਿ ਤਾਯ, ਸਯਂ ਵਾ ਮਿਚ੍ਛਾ ਪਸ੍ਸਤਿ, ਮਿਚ੍ਛਾਦਸ੍ਸਨਮਤ੍ਤਮੇਵ ਵਾ ਏਸਾਤਿ ਮਿਚ੍ਛਾਦਿਟ੍ਠਿ. ਸਾ ਅਯੋਨਿਸੋ ਅਭਿਨਿਵੇਸਲਕ੍ਖਣਾ, ਪਰਾਮਾਸਰਸਾ, ਮਿਚ੍ਛਾਭਿਨਿਵੇਸਪਚ੍ਚੁਪਟ੍ਠਾਨਾ, ਅਰਿਯਾਨਂ ਅਦਸ੍ਸਨਕਾਮਤਾਦਿਪਦਟ੍ਠਾਨਾ, ਪਰਮਂ ਵਜ੍ਜਨ੍ਤਿ ਦਟ੍ਠਬ੍ਬਾ.

ਉਦ੍ਧਤਭਾਵੋ ਉਦ੍ਧਚ੍ਚਂ. ਤਂ ਅਵੂਪਸਮਲਕ੍ਖਣਂ, ਅਨਵਟ੍ਠਾਨਰਸਂ, ਭਨ੍ਤਤਾਪਚ੍ਚੁਪਟ੍ਠਾਨਂ, ਅਯੋਨਿਸੋਮਨਸਿਕਾਰਪਦਟ੍ਠਾਨਂ, ਚਿਤ੍ਤਵਿਕ੍ਖੇਪੋਤਿ ਦਟ੍ਠਬ੍ਬੋ. ਸੇਸੋ ਪਨੇਤ੍ਥ ਸੁਞ੍ਞਤਵਾਰਪਰਿਯੋਸਾਨੋ ਸਬ੍ਬੋਪਿ ਵਿਨਿਚ੍ਛਯੋ ਕੁਸਲਾਧਿਕਾਰੇ ਵੁਤ੍ਤਾਨੁਸਾਰਤੋ ਵੇਦਿਤਬ੍ਬੋ. ਕੇਵਲਂ ਸਙ੍ਗਹਵਾਰੇ ਪਾਲ਼ਿਯਂ ਆਗਤਵਸੇਨ ¶ ਪਞ੍ਚਿਨ੍ਦ੍ਰਿਯਤਾ, ਚਤੁਰਙ੍ਗਮਗ੍ਗਤਾ, ਚਤੁਬ੍ਬਿਧਬਲਤਾ, ਦ੍ਵੇਹੇਤੁਤਾ, ਸਬ੍ਬਤ੍ਥ ਅਕੁਸਲਭਾਵੋ ਚ ਵਿਸੇਸੋ, ਸੇਸਂ ਤਾਦਿਸਮੇਵ. ਪਠਮਾਕੁਸਲਂ ਨਿਟ੍ਠਿਤਂ.

ਯਥਾ ¶ ਚ ਪਠਮੇ, ਏਵਂ ਦੁਤਿਯੇਪਿ ਸਸਙ੍ਖਾਰਤਾ, ਯੇਵਾਪਨਕੇਸੁ ਥਿਨਮਿਦ੍ਧਾਨਂ ਸਮ੍ਭਵੋ, ਨਿਯਤਤਾ ਚ ਵਿਸੇਸੋ. ਤਤ੍ਥ ਥਿਨਨਤਾ ਥਿਨਂ, ਮਿਦ੍ਧਨਤਾ ਮਿਦ੍ਧਂ, ਅਨੁਸ੍ਸਾਹਨਸਂਸੀਦਨਤਾ, ਸਤ੍ਤਿਵਿਘਾਤੋ ਚਾਤਿ ਅਤ੍ਥੋ. ਤਤ੍ਥ ਥਿਨਂ ਅਨੁਸ੍ਸਾਹਲਕ੍ਖਣਂ, ਵੀਰਿਯਵਿਨੋਦਨਰਸਂ, ਸਂਸੀਦਨਪਚ੍ਚੁਪਟ੍ਠਾਨਂ. ਮਿਦ੍ਧਂ ਅਕਮ੍ਮਞ੍ਞਤਾਲਕ੍ਖਣਂ, ਓਨਹਨਰਸਂ, ਲੀਨਤਾਪਚ੍ਚੁਪਟ੍ਠਾਨਂ, ਪਚਲਾਯਿਕਾਨਿਦ੍ਦਾਪਚ੍ਚੁਪਟ੍ਠਾਨਂ ਵਾ, ਉਭਯਮ੍ਪਿ ਅਰਤਿਤਨ੍ਦਿਵਿਜਮ੍ਭਿਕਾਦੀਸੁ ਅਯੋਨਿਸੋਮਨਸਿਕਾਰਪਦਟ੍ਠਾਨਂ. ਦੁਤਿਯਂ.

ਤਤਿਯੇ ਸਬ੍ਬੋਪਿ ਵਿਨਿਚ੍ਛਯੋ ਪਠਮਾਕੁਸਲੇ ਵੁਤ੍ਤਨਯੋਵ. ਕੇਵਲਂ ਦਿਟ੍ਠਿਯਾ ਅਭਾਵੋ, ਯੇਵਾਪਨਕੇਸੁ ਮਾਨਸ੍ਸ ਸਮ੍ਭਵੋ, ਅਨਿਯਤਤਾ ਚ, ਸਙ੍ਗਹਵਾਰੇ ਤਿਵਙ੍ਗਿਕਮਗ੍ਗਤਾ ਚ ਵਿਸੇਸੋ, ਸੇਸਂ ਤਾਦਿਸਮੇਵ. ਤਤ੍ਥ ਮਞ੍ਞਤੀਤਿ ਮਾਨੋ. ਸੋ ਉਣ੍ਣਤਿਲਕ੍ਖਣੋ, ਸਮ੍ਪਗ੍ਗਹਰਸੋ, ਕੇਤੁਕਮ੍ਯਤਾਪਚ੍ਚੁਪਟ੍ਠਾਨੋ, ਦਿਟ੍ਠਿਵਿਪ੍ਪਯੁਤ੍ਤਲੋਭਪਦਟ੍ਠਾਨੋ, ਉਮ੍ਮਾਦੋ ਵਿਯ ਦਟ੍ਠਬ੍ਬੋ. ਤਤਿਯਂ.

ਯਥਾ ਚ ਤਤਿਯੇ, ਏਵਂ ਚਤੁਤ੍ਥੇਪਿ. ਥਿਨਮਿਦ੍ਧਞ੍ਚੇਤ੍ਥ ਸਸਙ੍ਖਾਰਤਾ ਚ ਅਧਿਕਾ, ਸੇਸਂ ਤਾਦਿਸਮੇਵ. ਚਤੁਤ੍ਥਂ.

ਪਞ੍ਚਮਛਟ੍ਠਸਤ੍ਤਮਟ੍ਠਮੇਸੁ ਸੋਮਨਸ੍ਸਟ੍ਠਾਨੇ ਉਪੇਕ੍ਖਾਸਮ੍ਭਵੋ, ਪੀਤਿਯਾ ਚ ਅਭਾਵੋ, ਤਤੋ ਏਵ ਸਙ੍ਗਹਵਾਰੇ ਚਤੁਰਙ੍ਗਜ੍ਝਾਨਤਾ ਚ ਵਿਸੇਸੋ, ਸੇਸਂ ਸਬ੍ਬਂ ਪਠਮਦੁਤਿਯਤਤਿਯਚਤੁਤ੍ਥਚਿਤ੍ਤਸਦਿਸਮੇਵ.

ਦੋਸਮੂਲਾ ਪਨ ਦ੍ਵਿਧਾ ਦੋਮਨਸ੍ਸਸਹਗਤਂ ਪਟਿਘਸਮ੍ਪਯੁਤ੍ਤਂ ਅਸਙ੍ਖਾਰਂ, ਤਥਾ ਸਸਙ੍ਖਾਰਂ. ਏਵਂ ਸਮ੍ਪਯੋਗਤੋ. ਧਮ੍ਮੁਦ੍ਦੇਸਾਦਿਤੋ ਪਨ ਪਠਮੇ ਤਾਵ ਪਠਮਾਕੁਸਲੇ ਵੁਤ੍ਤੇਸੁ ਪੀਤਿਲੋਭਦਿਟ੍ਠਿਯੋ ਵਜ੍ਜੇਤ੍ਵਾ ਦੋਸਂ ¶ , ਯੇਵਾਪਨਕੇਸੁ ਅਨਿਯਤਾਨਿ ¶ ਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਾਨਿ, ਸੋਮਨਸ੍ਸਟ੍ਠਾਨੇ ਦੋਮਨਸ੍ਸਞ੍ਚ ਪਕ੍ਖਿਪਿਤ੍ਵਾ ਏਕਵੀਸਤਿ ਧਮ੍ਮਾ ਹੋਨ੍ਤਿ. ਯੇਵਾਪਨਕਾ ਚੇਤ੍ਥ ਸਤ੍ਤ. ਤਤ੍ਥ ਦੁਸ੍ਸਨ੍ਤਿ ਤੇਨ, ਸਯਂ ਵਾ ਦੁਸ੍ਸਤਿ, ਦੁਸ੍ਸਨਮਤ੍ਤਮੇਵ ਵਾ ਤਨ੍ਤਿ ਦੋਸੋ. ਸੋ ਚਣ੍ਡਿਕ੍ਕਲਕ੍ਖਣੋ ਪਹਟਾਸੀਵਿਸੋ ਵਿਯ, ਵਿਸਪ੍ਪਨਰਸੋ ਵਿਸਨਿਪਾਤੋ ਵਿਯ, ਅਤ੍ਤਨੋ ਨਿਸ੍ਸਯਦਹਨਰਸੋ ਵਾ ਦਾਵਗ੍ਗਿ ਵਿਯ, ਦੁਸ੍ਸਨਪਚ੍ਚੁਪਟ੍ਠਾਨੋ ਲਦ੍ਧੋਕਾਸੋ ਵਿਯ ਸਪਤ੍ਤੋ, ਆਘਾਤਵਤ੍ਥੁਪਦਟ੍ਠਾਨੋ, ਵਿਸਸਂਸਟ੍ਠਪੂਤਿਮੁਤ੍ਤਂ ਵਿਯ ਦਟ੍ਠਬ੍ਬੋ. ਇਸ੍ਸਾਯਨਾ ਇਸ੍ਸਾ. ਸਾ ਪਰਸਮ੍ਪਤ੍ਤੀਨਂ ਉਸੂਯਨਲਕ੍ਖਣਾ, ਤਤ੍ਥੇਵ ਅਨਭਿਰਤਿਰਸਾ, ਤਤੋ ਵਿਮੁਖਭਾਵਪਚ੍ਚੁਪਟ੍ਠਾਨਾ, ਪਰਸਮ੍ਪਤ੍ਤਿਪਦਟ੍ਠਾਨਾ, ਸਞ੍ਞੋਜਨਨ੍ਤਿ ਦਟ੍ਠਬ੍ਬਾ. ਮਚ੍ਛੇਰਭਾਵੋ ਮਚ੍ਛਰਿਯਂ. ਤਂ ਲਦ੍ਧਾਨਂ ਵਾ ਲਭਿਤਬ੍ਬਾਨਂ ਵਾ ਅਤ੍ਤਨੋ ਸਮ੍ਪਤ੍ਤੀਨਂ ਨਿਗੂਹਨਲਕ੍ਖਣਂ, ਤਾਸਞ੍ਞੇਵ ਪਰੇਹਿ ਸਾਧਾਰਣਭਾਵਅਕ੍ਖਮਨਰਸਂ, ਸਙ੍ਕੋਚਨਪਚ੍ਚੁਪਟ੍ਠਾਨਂ, ਕਟੁਕਞ੍ਚੁਕਤਾਪਚ੍ਚੁਪਟ੍ਠਾਨਂ ਵਾ, ਅਤ੍ਤਸਮ੍ਪਤ੍ਤਿਪਦਟ੍ਠਾਨਂ, ਚੇਤਸੋ ਵਿਰੂਪਭਾਵੋਤਿ ਦਟ੍ਠਬ੍ਬਂ. ਕੁਚ੍ਛਿਤਂ ਕਤਂ ਕੁਕਤਂ, ਤਸ੍ਸ ਭਾਵੋ ਕੁਕ੍ਕੁਚ੍ਚਂ. ਤਂ ਪਚ੍ਛਾਨੁਤਾਪਲਕ੍ਖਣਂ, ਕਤਾਕਤਾਨੁਸੋਚਨਰਸਂ, ਵਿਪ੍ਪਟਿਸਾਰਪਚ੍ਚੁਪਟ੍ਠਾਨਂ, ਕਤਾਕਤਪਦਟ੍ਠਾਨਂ, ਦਾਸਬ੍ਯਮਿਵ ਦਟ੍ਠਬ੍ਬਂ. ਸਙ੍ਗਹਵਾਰੇ ਦੁਕ੍ਖੇਨ ਸਦ੍ਧਿਂ ਚਤੁਰਙ੍ਗਜ੍ਝਾਨਤਾ, ਦੋਮਨਸ੍ਸੇਨ ਪਞ੍ਚਿਨ੍ਦ੍ਰਿਯਤਾ, ਤਿਵਙ੍ਗਿਕਮਗ੍ਗਤਾ, ਦੋਸਮੋਹਵਸੇਨ ਦ੍ਵਿਹੇਤੁਕਤਾ ਚ ਵੇਦਿਤਬ੍ਬਾ. ਸੇਸੋ ਪਨ ਸਬ੍ਬੋ ਵਿਨਿਚ੍ਛਯੋ ਪਠਮਾਕੁਸਲੇ ਵੁਤ੍ਤਸਦਿਸੋ ਏਵ. ਯਥਾ ਚ ਪਠਮੇ, ਏਵਂ ਦੁਤਿਯੇਪਿ, ਸਸਙ੍ਖਾਰਤਾ ਪਨ ਥਿਨਮਿਦ੍ਧੇਹਿ ਸਦ੍ਧਿਂ ਨਵਯੇਵਾਪਨਕਤਾ ਚ ਵਿਸੇਸੋ, ਸੇਸਂ ਤਾਦਿਸਮੇਵ.

ਮੋਹਮੂਲਾਪਿ ਦ੍ਵਿਧਾ ਉਪੇਕ੍ਖਾਸਹਗਤਂ ਵਿਚਿਕਿਚ੍ਛਾਸਮ੍ਪਯੁਤ੍ਤਂ, ਤਥਾ ਉਦ੍ਧਚ੍ਚਸਮ੍ਪਯੁਤ੍ਤਨ੍ਤਿ. ਤਤ੍ਥ ਪਠਮੇ ਧਮ੍ਮੁਦ੍ਦੇਸਤੋ ਤਾਵ ਫਸ੍ਸਪਞ੍ਚਕਂ ਵਿਤਕ੍ਕੋ ਵਿਚਾਰੋ ਵੀਰਿਯਂ ਏਕਗ੍ਗਤਾ ਜੀਵਿਤਂ ਅਹਿਰਿਕਂ ਅਨੋਤ੍ਤਪ੍ਪਂ ਮੋਹੋ ਵਿਚਿਕਿਚ੍ਛਾਤਿ ਸਰੂਪੇਨਾਗਤਾ ਚੁਦ੍ਦਸ ¶ , ਉਦ੍ਧਚ੍ਚਂ ਮਨਸਿਕਾਰੋਤਿ ਯੇਵਾਪਨਕਾ ਦ੍ਵੇ ਚਾਤਿ ਸੋਲ਼ਸ ਧਮ੍ਮਾ ਹੋਨ੍ਤਿ, ਏਕਗ੍ਗਤਾ ਚੇਤ੍ਥ ਚਿਤ੍ਤਟ੍ਠਿਤਿਮਤ੍ਤਾ, ਇਨ੍ਦ੍ਰਿਯਮਗ੍ਗਬਲਭਾਵਂ ਨ ਸਮ੍ਪਾਪੁਣਾਤਿ. ਤਤੋ ਏਵ ਸਙ੍ਗਹਵਾਰੇ ਸਮਾਧਿਂ ਵਜ੍ਜੇਤ੍ਵਾ ਉਪੇਕ੍ਖਾਯ ਸਦ੍ਧਿਂ ਚਤ੍ਤਾਰਿ ਇਨ੍ਦ੍ਰਿਯਾਨਿ, ਦ੍ਵੇ ¶ ਮਗ੍ਗਙ੍ਗਾਨਿ, ਤੀਣਿ ਬਲਾਨਿ ਹੋਨ੍ਤਿ. ਮੋਹੋ ਪਨੇਤ੍ਥ ਏਕੋਵ ਹੇਤੁ. ਸੇਸੋ ਪਨੇਤ੍ਥ ਸਬ੍ਬੋ ਵਿਨਿਚ੍ਛਯੋ ਵੁਤ੍ਤਨਯੋ ਏਵ.

ਤਤ੍ਥ ਵਿਗਤਾ ਚਿਕਿਚ੍ਛਾ ਏਤਿਸ੍ਸਾਤਿ ਵਿਚਿਕਿਚ੍ਛਾ. ਸਾ ਸਂਸਯਲਕ੍ਖਣਾ, ਕਮ੍ਪਨਰਸਾ, ਅਨਿਚ੍ਛਯਪਚ੍ਚੁਪਟ੍ਠਾਨਾ, ਅਨੇਕਂਸਭਾਵਪਚ੍ਚੁਪਟ੍ਠਾਨਾ ਵਾ, ਅਯੋਨਿਸੋਮਨਸਿਕਾਰਪਦਟ੍ਠਾਨਾ, ਪਟਿਪਤ੍ਤਿਅਨ੍ਤਰਾਯਕਰਾਤਿ ਦਟ੍ਠਬ੍ਬਾ. ਯਥਾ ਚ ਵਿਚਿਕਿਚ੍ਛਾਸਮ੍ਪਯੁਤ੍ਤੇ, ਏਵਂ ਉਦ੍ਧਚ੍ਚਸਮ੍ਪਯੁਤ੍ਤੇਪਿ. ਕੇਵਲਂ ਵਿਚਿਕਿਚ੍ਛਾਯ ਅਭਾਵੋ, ਅਧਿਮੋਕ੍ਖਸ੍ਸ ਚ ਭਾਵੋ, ਤਤੋ ਏਵ ਬਲਵਤਰਸਮਾਧਿਤਾ, ਤੇਨੇਵ ਸਙ੍ਗਹਵਾਰੇ ਸਮਾਧਿਨਾ ਸਦ੍ਧਿਂ ਪਞ੍ਚਿਨ੍ਦ੍ਰਿਯਤਾ, ਤਿਵਙ੍ਗਿਕਮਗ੍ਗਤਾ, ਚਤੁਬ੍ਬਲਤਾ ਚ ਹੋਤਿ. ਉਦ੍ਧਚ੍ਚਞ੍ਚੇਤ੍ਥ ਸਰੂਪੇਨੇਵ ਨਿਦ੍ਦਿਟ੍ਠਂ, ਅਧਿਮੋਕ੍ਖਮਨਸਿਕਾਰਾ ਦ੍ਵੇ ਯੇਵਾਪਨਕਵਸੇਨਾਤਿ ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵ. ਇਮਾਨਿ ਪਨ ਦ੍ਵੇ ਚਿਤ੍ਤਾਨਿ ਨਾਨਾਵਿਸਯੇ, ਏਕਵਿਸਯੇ ਚ ਅਸਣ੍ਠਹਨਤੋ ਪਵਟ੍ਟਨਕਾਨਿ. ਉਦ੍ਧਚ੍ਚਸਹਗਤਂ ਹਿ ਲਦ੍ਧਾਧਿਮੋਕ੍ਖਤਾਯ ਲਦ੍ਧਪਤਿਟ੍ਠਂ ਏਕਾਰਮ੍ਮਣੇਯੇਵ ਪਤਿਟ੍ਠਾਯ ਪਤਿਟ੍ਠਾਯ ਪਵਟ੍ਟਤਿ ਚਤੁਰਸ੍ਸਮਣਿ ਵਿਯ, ਇਤਰਂ ਨਾਨਾਰਮ੍ਮਣੇਸੁ ਵਟ੍ਟਮਣਿ ਵਿਯਾਤਿ ਦਟ੍ਠਬ੍ਬਂ. ਉਦ੍ਧਚ੍ਚਸਹਗਤਞ੍ਚ ਠਪੇਤ੍ਵਾ ਸੇਸਾ ਏਕਾਦਸ ਪਟਿਸਨ੍ਧਿਂ ਜਨੇਨ੍ਤੀਤਿ ਵੇਦਿਤਬ੍ਬਂ.

ਵਿਸਯਾਦਿਪ੍ਪਭੇਦਤੋ ਪਨੇਤੇ ਦ੍ਵਾਦਸਪਿ ਵਤ੍ਥਾਰਮ੍ਮਣਵਸੇਨ ਤਾਵ ਛਬ੍ਬਿਧਾ ਹੋਨ੍ਤਿ. ਤੇਸੁ ਲੋਭਮੋਹਮੂਲਾ ਪਨ ਦਸ ਪਞ੍ਚਦ੍ਵਾਰੇ ਹਦਯਵਤ੍ਥੁਂ ਨਿਸ੍ਸਾਯੇਵ, ਮਨੋਦ੍ਵਾਰੇ ਨਿਸ੍ਸਾਯ ਵਾ ਅਨਿਸ੍ਸਾਯ ਵਾ ਜਵਨਕਿਚ੍ਚਂ ਸਾਧਯਮਾਨਾ ਛਬ੍ਬਿਧਾ. ਤਥਾ ਦੋਸਮੂਲਾ ਨਿਸ੍ਸਾਯੇਵ ਪਨ ਪਵਤ੍ਤਨ੍ਤਿ. ਲੋਭਮੂਲਾ ਪਨ ¶ ਅਦਿਨ੍ਨਾਦਾਨਕਾਮਮਿਚ੍ਛਾਚਾਰਮੁਸਾਵਾਦਪੇਸੁਞ੍ਞਸਮ੍ਫਪ੍ਪਲਾਪਾਭਿਜ੍ਝਾਸਙ੍ਖਾਤਾਨਂ ਛਨ੍ਨਂ ਕਮ੍ਮਪਥਾਨਂ ਵਸੇਨ ਛਬ੍ਬਿਧਾ. ਦਿਟ੍ਠਿਸਮ੍ਪਯੁਤ੍ਤਾ ਪਨੇਤ੍ਥ ਮਿਚ੍ਛਾਦਿਟ੍ਠਿਵਸੇਨਾਪੀਤਿ ਸਤ੍ਤਵਿਧਾ ਹੋਨ੍ਤਿ. ਦੋਸਮੂਲਾ ਪਨ ਪਾਣਾਭਿਪਾਤਾਦਿਨ੍ਨਾਦਾਨਮੁਸਾਵਾਦਪੇਸੁਞ੍ਞਫਰੁਸਸਮ੍ਫਪ੍ਪਲਾਪਬ੍ਯਾਪਾਦਵਸੇਨ ਸਤ੍ਤਵਿਧਾ ਹੋਨ੍ਤਿ. ਦਸਨ੍ਨਮ੍ਪਿ ਪਨੇਸਂ ਦ੍ਵਾਰਕਮ੍ਮਵਸੇਨ ਚੇਵ ਵੀਮਂਸਾਵਜ੍ਜਿਤਾਧਿਪਤਿਤ੍ਤਯਵਸੇਨ ਚ ਕੁਸਲੇ ਵੁਤ੍ਤਨਯੇਨ ਵਿਭਾਗੋ ਵੇਦਿਤਬ੍ਬੋ. ਏਕਨ੍ਤਹੀਨਤ੍ਤਾ ਹੀਨਤ੍ਤਿਕਭੇਦੋ ਨਤ੍ਥਿ. ਆਰਮ੍ਮਣਾਧਿਪਤਿ ਪਨੇਤ੍ਥ ਲੋਭਮੂਲੇਸੁ ਏਵ, ਨ ਇਤਰੇਸੁ, ਮੋਹਮੂਲੇਸੁ ਪਨ ਸਹਜਾਤਾਧਿਪਤਿਪਿ ਨਤ੍ਥਿ, ਤਥਾ ਕਮ੍ਮਪਥਭੇਦੋਪਿ. ਨ ਹਿ ਪਵਟ੍ਟਮਾਨਂ ਕਞ੍ਚਿ ਅਧਿਪਤਿਂ ਕਰੋਤਿ. ਦੋਸੋ ਵਾ ਸਵਿਸਯਂ, ਵਿਚਿਕਿਚ੍ਛਾਚਿਤ੍ਤਞ੍ਚ ਪਟਿਪਤ੍ਤਿਮਨ੍ਤਰਾਯਕਰਤ੍ਤੇਨ ਦੁਚ੍ਚਰਿਤਹੇਤੁਭੂਤਮ੍ਪਿ ਪਾਣਾਤਿਪਾਤਾਦੀਨਂ ਦੋਸਲੋਭਮੂਲਚਿਤ੍ਤੇਹੇਵ ਸਨ੍ਨਿਟ੍ਠਾਪਨਿਯਤੋ ਕਮ੍ਮਪਥਭੇਦਂ ਨ ਗਚ੍ਛਤਿ, ਪੁਬ੍ਬਭਾਗੇ ਏਵ ਪਨ ਹੇਤੁ ਹੋਤਿ. ਤੇਨੇਵਸ੍ਸ ਅਪਾਯਹੇਤੁਤਾ ਪਠਮਮਗ੍ਗਵਜ੍ਝਤਾਤਿ ਦਟ੍ਠਬ੍ਬਂ. ਅਤੀਤਾਦਿਭੇਦਤੋ ਪਨ ਦ੍ਵਾਦਸਨ੍ਨਂ ਪਚ੍ਚੇਕਮਨਨ੍ਤਤਾ, ਸੇਸੋ ਚ ਵਿਨਿਚ੍ਛਯੋ ਕੁਸਲਾਧਿਕਾਰੇ ਵੁਤ੍ਤਨਯੇਨੇਵ ਵੇਦਿਤਬ੍ਬੋਤਿ.

ਅਬ੍ਯਾਕਤਾ ¶ ਪਨ ਧਮ੍ਮਾ ਜਾਤਿਤੋ ਚਤੁਬ੍ਬਿਧਾ ਵਿਪਾਕਕਿਰਿਯਰੂਪਨਿਬ੍ਬਾਨਵਸੇਨ. ਤਤ੍ਥ ਵਿਪਾਕਾਬ੍ਯਾਕਤਾ ਧਮ੍ਮਾ ਜਾਤਿਤੋ ਚ ਦ੍ਵਿਧਾ ਹੋਨ੍ਤਿ ਕੁਸਲਾਕੁਸਲਵਿਪਾਕਵਸੇਨ. ਤਤ੍ਥ ਕੁਸਲਵਿਪਾਕਾ ਭੂਮਿਤੋ ਚਤੁਬ੍ਬਿਧਾ ਕਾਮਰੂਪਾਰੂਪਾਵਚਰਲੋਕੁਤ੍ਤਰਵਿਪਾਕਵਸੇਨ. ਤਤ੍ਥ ਕਾਮਾਵਚਰਵਿਪਾਕਾ ਅਹੇਤੁਕਾ ਸਹੇਤੁਕਾਤਿ ਦੁਵਿਧਾ. ਤਤ੍ਥ ਅਲੋਭਾਦਿਸਹਜਾਤਹੇਤੁਵਿਰਹਿਤਾ ਅਹੇਤੁਕਾ. ਤੇ ਸਮ੍ਪਯੋਗਵਤ੍ਥਾਰਮ੍ਮਣਾਦਿਭੇਦਤੋ ¶ ਅਟ੍ਠਵਿਧਾ. ਸੇਯ੍ਯਥਿਦਂ – ਉਪੇਕ੍ਖਾਸਹਗਤਂ ਚਕ੍ਖੁਵਿਞ੍ਞਾਣਂ, ਤਥਾ ਸੋਤਘਾਨਜਿਵ੍ਹਾਵਿਞ੍ਞਾਣਂ, ਸੁਖਸਹਗਤਂ ਕਾਯਵਿਞ੍ਞਾਣਂ, ਉਪੇਕ੍ਖਾਸਹਗਤਾ ਮਨੋਧਾਤੁ, ਸੋਮਨਸ੍ਸਸਹਗਤਾ ਮਨੋਵਿਞ੍ਞਾਣਧਾਤੁ, ਤਥਾ ਉਪੇਕ੍ਖਾਸਹਗਤਾ ਚਾਤਿ. ਚਕ੍ਖੁਵਿਞ੍ਞਾਣਾਦੀਨਿ ਹਿ ਚਤ੍ਤਾਰਿ ਚਕ੍ਖੁਪਸਾਦਾਦੀਸੁ ਚਤੂਸੁ ਉਪਾਦਾਯਰੂਪੇਸੁ ਉਪਾਦਾਯਰੂਪਾਨਂ ਘਟ੍ਟਨਾਨਿਘਂਸਸ੍ਸ ਪਿਚੁਪਿਣ੍ਡੇ ਪਿਚੁਪਿਣ੍ਡਸ੍ਸੇਵਾਤਿਦੁਬ੍ਬਲਤਾਯ ਉਪੇਕ੍ਖਾਵੇਦਨਾਸਮ੍ਪਯੁਤ੍ਤਾਨੇਵ ਹੋਨ੍ਤਿ. ਕਾਯਵਿਞ੍ਞਾਣਂ ਪਨ ਕਾਯਿਨ੍ਦ੍ਰਿਯੇ ਫੋਟ੍ਠਬ੍ਬਭੂਤਤ੍ਤਯਘਟ੍ਟਨਾਨਿਘਂਸਸ੍ਸ ਅਧਿਕਰਣਿਮਤ੍ਥਕੇ ਠਪਿਤਪਿਚੁਪਿਣ੍ਡੇ ਕੂਟਪਹਾਰਸ੍ਸੇਵ ਬਲਵਤਾਯ ਪਸਾਦਨਿਸ੍ਸਯੇਸੁਪਿ ਭੂਤੇਸੁ ਪਟਿਘਾਤਸਮ੍ਭਵਤੋ ਸੁਖਸਹਗਤਂ ਹੋਤਿ, ਮਨੋਧਾਤੁ ਅਤ੍ਤਨੋ ਗਹਣਦੁਬ੍ਬਲਤਾਯ ਅਤਿਇਟ੍ਠੇਪਿ ਉਪੇਕ੍ਖਾਸਹਗਤਾਵ, ਮਨੋਵਿਞ੍ਞਾਣਧਾਤੁ ਪਨ ਅਤਿਇਟ੍ਠੇ ਸੋਮਨਸ੍ਸਸਹਗਤਾ, ਇਟ੍ਠਮਜ੍ਝਤ੍ਤੇ ਉਪੇਕ੍ਖਾਸਹਗਤਾਤਿ ਅਯਂ ਸਮ੍ਪਯੋਗਤੋ ਵਿਨਿਚ੍ਛਯੋ.

ਧਮ੍ਮੁਦ੍ਦੇਸਾਦਿਤੋ ਪਨ ਚਕ੍ਖੁਵਿਞ੍ਞਾਣੇ ਤਾਵ ਫਸ੍ਸਪਞ੍ਚਕਂ, ਏਕਗ੍ਗਤਾ, ਜੀਵਿਤਨ੍ਤਿ ਸਰੂਪੇਨਾਗਤਾ ਸਤ੍ਤ, ਯੇਵਾਪਨਕਵਸੇਨ ਮਨਸਿਕਾਰੋ ਏਕੋ ਚਾਤਿ ਅਟ੍ਠ ਧਮ੍ਮਾ ਹੋਨ੍ਤਿ. ਸਙ੍ਗਹਤੋ ਪਨੇਤ੍ਥ ਖਨ੍ਧਾਯਤਨਧਾਤੁਆਹਾਰਿਨ੍ਦ੍ਰਿਯਵਸੇਨ ਪਞ੍ਚੇਵਸਙ੍ਗਹਾ. ਤਤ੍ਥ ਚਕ੍ਖੁਵਿਞ੍ਞਾਣਧਾਤੁਧਮ੍ਮਧਾਤੁਵਸੇਨ ਧਾਤੁਸਙ੍ਗਹੋ, ਮਨੋ ਉਪੇਕ੍ਖਾਜੀਵਿਤਿਨ੍ਦ੍ਰਿਯਵਸੇਨ ਇਨ੍ਦ੍ਰਿਯਸਙ੍ਗਹੋ ਚ ਵੇਦਿਤਬ੍ਬੋ. ਸੇਸਂ ਵੁਤ੍ਤਨਯਮੇਵ. ਏਤ੍ਥ ਚ ਵਿਜ੍ਜਮਾਨਾਪਿ ਵੇਦਨਾ ਝਾਨਙ੍ਗਤਂ ਨ ਗਚ੍ਛਤਿ, ਇਨ੍ਦ੍ਰਿਯਂ ਪਨ ਹੋਤਿ. ਏਕਗ੍ਗਤਾ ਇਨ੍ਦ੍ਰਿਯਮਗ੍ਗਙ੍ਗਬਲਭਾਵਮ੍ਪਿ ਨ ਗਚ੍ਛਤਿ ਅਤਿਦੁਬ੍ਬਲਤ੍ਤਾ. ਵਿਤਕ੍ਕਪਚ੍ਛਿਮਕਂ ਹਿ ਝਾਨਂ, ਹੇਤੁਪਚ੍ਛਿਮਕੋ ਮਗ੍ਗੋ, ਬਲਞ੍ਚ. ਯਥਾ ਚੇਤ੍ਥ, ਏਵਂ ਸੋਤਘਾਨਜਿਵ੍ਹਾਕਾਯਵਿਞ੍ਞਾਣੇਸੁਪਿ. ਕੇਵਲਂ ਪਨ ਸਙ੍ਗਹਵਾਰੇ ਸੋਤਵਿਞ੍ਞਾਣਧਾਤੁਆਦਿਵਸੇਨ ਧਾਤੁਸਙ੍ਗਹੋ, ਕਾਯਵਿਞ੍ਞਾਣੇ ਵੇਦਨਾਪਰਿਵਤ੍ਤਨਞ੍ਚ ਵਿਸੇਸੋ. ਯਥਾ ¶ ਚੇਤ੍ਥ, ਏਵਂ ਮਨੋਧਾਤੁਯਾਪਿ. ਕੇਵਲਂ ਪਨ ਵਿਤਕ੍ਕਵਿਚਾਰਾ ਦ੍ਵੇ ਯੇਵਾਪਨਕਾ ਚ ਅਧਿਮੋਕ੍ਖੋਤਿ ਤਯੋ ਧਮ੍ਮਾ ਅਧਿਕਾ. ਸਙ੍ਗਹਵਾਰੇ ਮਨੋਧਾਤੁਧਮ੍ਮਧਾਤੁਵਸੇਨ ਧਾਤੁਸਙ੍ਗਹੋ, ਵਿਤਕ੍ਕਵਿਚਾਰੁਪੇਕ੍ਖੇਕਗ੍ਗਤਾਹਿ ਚਤੂਹਿ ਝਾਨਙ੍ਗਸਙ੍ਗਹੋ ਚ ਵਿਸੇਸੋ. ਪਾਲ਼ਿਯਂ ਪਨੇਤ੍ਥ ਕਿਞ੍ਚਾਪਿ ਝਾਨਙ੍ਗਸਙ੍ਗਹੋ ¶ ਨ ਉਦ੍ਧਟੋ, ਤਥਾਪਿ ਸਵਿਤਕ੍ਕੇਸੁ ਨਿਯਮੇਨ ਝਾਨਙ੍ਗਤਾਸਮ੍ਭਵਤੋ ਗਹੇਤਬ੍ਬੋਵ. ਯਥਾ ਚੇਤ੍ਥ, ਏਵਂ ਮਨੋਵਿਞ੍ਞਾਣਧਾਤੁਦ੍ਵਯੇਪਿ. ਸੋਮਨਸ੍ਸਸਹਗਤਤਾਯ ਪਨੇਤ੍ਥ ਪੀਤਿ ਅਧਿਕਾ, ਸਙ੍ਗਹਵਾਰੇ ਚ ਪਞ੍ਚਙ੍ਗਜ੍ਝਾਨਤਾ, ਵੇਦਨਾਪਰਿਵਤ੍ਤਨਂ, ਉਭਯਤ੍ਥਾਪਿ ਮਨੋਵਿਞ੍ਞਾਣਧਾਤੁਧਮ੍ਮਧਾਤੁਵਸੇਨ ਧਾਤੁਸਙ੍ਗਹੋ ਚ ਵਿਸੇਸੋ, ਸੇਸਂ ਤਾਦਿਸਮੇਵ.

ਵਿਸਯਾਦਿਪ੍ਪਭੇਦਤੋ ਪਨ ਚਕ੍ਖੁਵਿਞ੍ਞਾਣਾਦੀਨਿ ਪਞ੍ਚ ਯਥਾਕ੍ਕਮਂ ਚਕ੍ਖਾਦਿਏਕੇਕਮੇਵ ਵਤ੍ਥੁਂ ਨਿਸ੍ਸਾਯ ਪਚ੍ਚੁਪ੍ਪਨ੍ਨੇ, ਇਟ੍ਠੇ ਚ ਰੂਪਾਦਿਏਕੇਕਾਰਮ੍ਮਣੇ ਏਵ ਕਿਰਿਯਮਨੋਧਾਤੁਅਨਨ੍ਤਰਂ ਆਲੋਕਾਕਾਸਵਾਯੁਜਲਪਥਵੀਸਹਕਾਰੀਨਿ ਪਸਾਦਕਾਦੀਨਿ ਦਸ੍ਸਨਸਵਨਘਾਯਨਸਾਯਨਫੁਸਨਕਿਚ੍ਚਾਨਿ ਸਾਧਯਮਾਨਾਨਿ ਚਕ੍ਖੁਦ੍ਵਾਰਾਦੀਸੁ ਏਕੇਕਸ੍ਮਿਂ ਏਵ ਵਿਪਚ੍ਚਨ੍ਤਿ. ਏਵਮੇਤੇਸਂ ਵਤ੍ਥੁਦ੍ਵਾਰਾਰਮ੍ਮਣਕਿਚ੍ਚਾਨਿ ਵਿਸੁਂ ਨਿਯਤਾਨਿ. ਠਾਨਂ ਪਨ ਤੇਸਂ ਪਞ੍ਚਨ੍ਨਮ੍ਪਿ ਏਕਮੇਵ, ਤੇਨ ਨੇਸਂ ਨ ਭੇਦੋ. ਮਨੋਧਾਤੁ ਪਨ ਹਦਯਵਤ੍ਥੁਂ ਨਿਸ੍ਸਾਯੇਵ ਪਚ੍ਚੁਪ੍ਪਨ੍ਨੇਸੁ ਰੂਪਾਦੀਸੁ ਪਞ੍ਚਸੁਪਿ ਆਰਮ੍ਮਣੇਸੁ ਪਞ੍ਚਵਿਞ੍ਞਾਣਾਨਨ੍ਤਰਂ ਸਮ੍ਪਟਿਚ੍ਛਨਕਿਚ੍ਚਂ ਸਾਧਯਮਾਨਾ ਪਞ੍ਚਸੁਪਿ ਦ੍ਵਾਰੇਸੁ ਪਵਤ੍ਤਤਿ, ਸੋਮਨਸ੍ਸਸਹਗਤਾ ਮਨੋਵਿਞ੍ਞਾਣਧਾਤੁ ਪਨ ਹਦਯਵਤ੍ਥੁਂ ਨਿਸ੍ਸਾਯੇਵ ਅਤਿਇਟ੍ਠੇ ਪਚ੍ਚੁਪ੍ਪਨ੍ਨੇ ਪਞ੍ਚਾਰਮ੍ਮਣੇ ਵਿਪਾਕਮਨੋਧਾਤੁਅਨਨ੍ਤਰਂ ਸਨ੍ਤੀਰਣਕਿਚ੍ਚਂ, ਛਸੁਪਿ ਦ੍ਵਾਰੇਸੁ ਛਸੁ ਬਲਵਕਾਮਾਵਚਰਾਰਮ੍ਮਣੇਸੁ ਅਤੀਤਾਦੀਸੁ ਜਵਨਾਨਨ੍ਤਰਂ ਤਦਾਰਮ੍ਮਣਕਿਚ੍ਚਞ੍ਚ ਸਾਧਯਮਾਨਾ ਵਿਪਚ੍ਚਤਿ. ਏਵਮੇਤਿਸ੍ਸਾ ਦ੍ਵਾਰਾਰਮ੍ਮਣਕਿਚ੍ਚਟ੍ਠਾਨਾਨਿ ਅਨਿਬਦ੍ਧਾਨਿ, ਤਤੋ ਤੇਹਿ ਭੇਦੋ ਹੋਤਿ, ਵਤ੍ਥੁ ਪਨ ਤਤ੍ਥੇਵ ਨਿਬਦ੍ਧਂ, ਤਤੋ ਨ ਭੇਦੋ, ਏਵਮੁਪੇਕ੍ਖਾਸਹਗਤਾਯਪਿ. ਕੇਵਲਂ ¶ ਪਨੇਸਾ ਦ੍ਵਾਰਵਿਨਿਮੁਤ੍ਤਾਪਿ ਹੁਤ੍ਵਾ ਸੁਗਤਿਯਂ ਜਚ੍ਚਨ੍ਧਬਧਿਰਜਚ੍ਚੁਮ੍ਮਤ੍ਤਕਾਦੀਨਂ ਪਟਿਸਨ੍ਧਿਕਾਲੇ ਪੁਰਿਮਚੁਤਿਚਿਤ੍ਤਾਨਨ੍ਤਰਂ ਕਮ੍ਮਬਲੇਨੋਪਟ੍ਠਿਤਂ ਕਮ੍ਮਕਮ੍ਮਨਿਮਿਤ੍ਤਗਤਿਨਿਮਿਤ੍ਤੇਸੁ ਅਞ੍ਞਤਰਂ ਅਤੀਤਾਦਿਭੇਦਂ ਛਬ੍ਬਿਧਮ੍ਪਿ ਕਾਮਾਵਚਰਾਰਮ੍ਮਣਮਾਰਬ੍ਭ ਪਟਿਸਨ੍ਧਿਕਿਚ੍ਚਂ, ਤਦਨਨ੍ਤਰਤੋ ਪਟ੍ਠਾਯ ਯਾਵਤਾਯੁਕਂ ਭਵਙ੍ਗਕਿਚ੍ਚਂ, ਅਨ੍ਤੇ ਚੁਤਿਕਿਚ੍ਚਞ੍ਚ, ਵੁਤ੍ਤਨਯੇਨ ਸਨ੍ਤੀਰਣਤਦਾਰਮ੍ਮਣਕਿਚ੍ਚਾਨਿ ਚ ਸਾਧਯਮਾਨਾ ਇਮੇਸੁ ਪਞ੍ਚਸੁ ਠਾਨੇਸੁ ਵਿਪਚ੍ਚਤੀਤਿ ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵ.

ਏਤ੍ਥ ਚ ਵਧਬਨ੍ਧਾਦਿਵਸਪ੍ਪਵਤ੍ਤੇ ਅਨਿਟ੍ਠਾਰਮ੍ਮਣੇ ਖਨ੍ਤਿਪਟਿਸਙ੍ਖਾਨਾਦਿਵਸੇਨ ਕੁਸਲੁਪ੍ਪਤ੍ਤਿਤੋ ਤਨ੍ਨਿਬ੍ਬਤ੍ਤਾਨਂ ਪਟਿਸਨ੍ਧਿਆਦਿਵਿਞ੍ਞਾਣਾਨਂ ਕਮ੍ਮਨਿਮਿਤ੍ਤਞ੍ਚੇ ਆਰਮ੍ਮਣਂ ਹੋਤਿ, ਅਨਿਟ੍ਠੇਨੇਵ ਤੇਨ ਭਵਿਤਬ੍ਬਂ. ਏਵਂ ਇਟ੍ਠਵਿਸਯੇ ਉਪ੍ਪਨ੍ਨਾਨਂ ਕੁਸਲਵਿਪਾਕਾਨਂ ਅਨਿਟ੍ਠਾਰਮ੍ਮਣੇਸੁ ਅਨੁਪ੍ਪਤ੍ਤਿਤੋ ਕਮ੍ਮਗਤਿਨਿਮਿਤ੍ਤਮੇਵ ਤੇਸਂ ਆਰਮ੍ਮਣਂ ਹੋਤੀਤਿ ਵਿਞ੍ਞਾਯਤਿ. ਵਿਚਾਰੇਤ੍ਵਾ ਯਥਾ ਅਵਿਰੋਧੋ ਹੋਤਿ, ਤਥਾ ਗਹੇਤਬ੍ਬਂ. ਏਵਂ ਇਟ੍ਠਵਿਸਯੇ ਉਪ੍ਪਨ੍ਨਕੁਸਲਤੋ ਨਿਬ੍ਬਤ੍ਤਾਨਮ੍ਪਿ ਪਟਿਸਨ੍ਧਿਆਦਿਵਿਞ੍ਞਾਣਾਨਂ ਕਮ੍ਮਨਿਮਿਤ੍ਤਾਰਮ੍ਮਣਤਾਯ ¶ ਅਵਿਰੋਧੋ ਞਾਤਬ੍ਬੋ. ਅਤੀਤਾਦਿਭੇਦਤੋ ਪਨ ਅਟ੍ਠਨ੍ਨਮ੍ਪਿ ਪਚ੍ਚੇਕਮਨਨ੍ਤਰਤਾ ਹੇਟ੍ਠਾ ਵੁਤ੍ਤਨਯੇਨ ਗਹੇਤਬ੍ਬਾ.

ਅਲੋਭਾਦਿਵਿਪਾਕਹੇਤੁਸਮ੍ਪਯੁਤ੍ਤਾ ਪਨ ਸਹੇਤੁਕਾ, ਤੇ ਸਮ੍ਪਯੋਗਤੋ ਕਾਮਾਵਚਰਕੁਸਲਾ ਵਿਯ ਅਟ੍ਠਵਿਧਾ. ਸੋਮਨਸ੍ਸਞਾਣਾਦਿਸਮ੍ਪਯੋਗੋ ਪਨੇਤ੍ਥ ਆਗਮਨਾਦਿਤੋ ਵੇਦਿਤਬ੍ਬੋ. ਤਿਹੇਤੁਕਂ ਹਿ ਕਾਮਾਵਚਰਕੁਸਲਂ ਤਿਹੇਤੁਕਦ੍ਵਿਹੇਤੁਕਪਟਿਸਨ੍ਧਿਯੋ ਦਤ੍ਵਾ ਪਵਤ੍ਤੇ ਛਸੁ ਦ੍ਵਾਰੇਸੁ ਸੋਲ਼ਸ ਵਿਪਾਕਾਨਿ ਦੇਤਿ, ਦੁਹੇਤੁਕਂ ਪਨ ਕੁਸਲਂ ਦੁਹੇਤੁਕਾਹੇਤੁਕਪਟਿਸਨ੍ਧਿਯੋ ਦਤ੍ਵਾ ਪਵਤ੍ਤੇ ਛਸੁ ਦ੍ਵਾਰੇਸੁ ਤਿਹੇਤੁਕਰਹਿਤਾਨਿ ¶ ਦ੍ਵਾਦਸ ਵਿਪਾਕਾਨਿ ਦੇਤਿ. ਅਸਙ੍ਖਾਰਿਕਸਸਙ੍ਖਾਰਿਕਭਾਵੋ ਪਨੇਤ੍ਥ ਪਚ੍ਚਯਵਿਸੇਸਤੋਪਿ ਹੋਤਿ. ਬਲਵਪਚ੍ਚਯੇਨਾਪਿ ਹਿ ਉਪ੍ਪਨ੍ਨਂ ਅਸਙ੍ਖਾਰਿਕਂ ਹੋਤਿ, ਦੁਬ੍ਬਲੇਨਾਪਿ ਇਤਰਂ. ਕੇਚਿ ਪਨ ਅਸਙ੍ਖਾਰਿਕੇਨ ਸਸਙ੍ਖਾਰਵਿਪਾਕਾਨਂ, ਸਸਙ੍ਖਾਰਿਕੇਨ ਚ ਅਸਙ੍ਖਾਰਿਕਾਨਂ ਉਪ੍ਪਤ੍ਤਿਂ ਨ ਇਚ੍ਛਨ੍ਤਿ. ਯਸ੍ਮਾ ਪਨੇਤਾਨਿ ਪਟਿਸਨ੍ਧਿਦਾਯਕਤੋ ਅਞ੍ਞੇਨਾਪਿ ਕਮ੍ਮੇਨ ਪਵਤ੍ਤੇ ਅਕੁਸਲਵਿਪਾਕਾਨਿ ਪਵਤ੍ਤਨ੍ਤਿ, ਪਟ੍ਠਾਨੇ ਚ ‘‘ਸਹੇਤੁਕਂ ਭਵਙ੍ਗਂ ਅਹੇਤੁਕਸ੍ਸ ਭਵਙ੍ਗਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ’’ਤਿ (ਪਟ੍ਠਾ. ੩.੧.੧੦੨) ਵੁਤ੍ਤਂ, ਤਸ੍ਮਾ ਅਹੇਤੁਕਪਟਿਸਨ੍ਧਿਕਸ੍ਸ ਪੁਗ੍ਗਲਸ੍ਸ ਸੁਗਤਿਯਂ ਪਵਤ੍ਤੇ ਸਹੇਤੁਕਾਨਿਪਿ ਵਿਪਾਕਾਨਿ ਪਵਤ੍ਤਨ੍ਤਿ. ਦੁਗ੍ਗਤਿਯਂ, ਪਨ ਰੂਪਾਵਚਰਭੂਮਿਯਞ੍ਚ ਅਹੇਤੁਕਾਨੇਵ ਪਵਤ੍ਤਨ੍ਤਿ. ਤੇਸੁਪਿ ਅਤਿਇਟ੍ਠੇ ਆਰਮ੍ਮਣੇ ਸੋਮਨਸ੍ਸਸਹਗਤਾਨਿ, ਇਟ੍ਠਮਜ੍ਝਤ੍ਤੇ ਉਪੇਕ੍ਖਾਸਹਗਤਾਨੀਤਿ ਏਵਂ ਆਗਮਨਾਦਿਤੋ ਸਮ੍ਪਯੋਗਭੇਦੋ ਵੇਦਿਤਬ੍ਬੋ.

ਧਮ੍ਮੁਦ੍ਦੇਸਾਦਿਤੋ ਪਨ ਯਾਵ ਸੁਞ੍ਞਤਵਾਰਪਰਿਯੋਸਾਨਾ ਕਾਮਾਵਚਰਕੁਸਲਸਦਿਸੋਵ ਸਬ੍ਬੋ ਵਿਨਿਚ੍ਛਯੋ, ਕੇਵਲਞ੍ਚੇਤ੍ਥ ਯੇਵਾਪਨਕੇਸੁ ਕਰੁਣਾਮੁਦਿਤਾ ਨ ਸਨ੍ਤਿ ਸਤ੍ਤਾਰਮ੍ਮਣਤ੍ਤਾ. ਏਕਨ੍ਤਪਰਿਤ੍ਤਾਰਮ੍ਮਣਾ ਹਿ ਕਾਮਾਵਚਰਵਿਪਾਕਾ. ਵਿਰਤਿਯੋਪੇਤ੍ਥ ਲੋਕਿਯੇਸੁ ਏਕਨ੍ਤਕੁਸਲਸਭਾਵਤ੍ਤਾ ਨ ਸਨ੍ਤਿ. ‘‘ਪਞ੍ਚਸਿਕ੍ਖਾਪਦਾ ਕੁਸਲਾ ਏਵਾ’’ਤਿ (ਵਿਭ. ੭੧੫ ਆਦਯੋ) ਹਿ ਵੁਤ੍ਤਂ. ਫਸ੍ਸਾਦਯੋ ਚੇਤ੍ਥ ¶ ਵਿਪਾਕਤ੍ਤਾ ਆਦਾਸੇ ਮੁਖਨਿਮਿਤ੍ਤਂ ਵਿਯ ਨਿਰੁਸ੍ਸਾਹਸਨ੍ਤਾ, ਕੁਸਲਾ ਪਨ ਮੁਖਂ ਵਿਯ ਸਉਸ੍ਸਾਹਾ. ਸਙ੍ਗਹਵਾਰੇ ਚ ਪਞ੍ਚਙ੍ਗਿਕੋ ਮਗ੍ਗੋ ਹੋਤਿ, ਅਯਂ ਵਿਸੇਸੋ. ਸੇਸਂ ਤਾਦਿਸਮੇਵ.

ਵਿਸਯਾਦਿਪ੍ਪਭੇਦਤੋ ਪਨ ਯ੍ਵਾਯਂ ਕੁਸਲੇਸੁ ਕਮ੍ਮਦ੍ਵਾਰਪੁਞ੍ਞਕਿਰਿਯਾਧਿਪਤੀਹਿ ਭੇਦੋ ਵੁਤ੍ਤੋ, ਸੋ ਇਧ ਨਤ੍ਥਿ ਅਵਿਞ੍ਞਤ੍ਤਿਜਨਕਤੋ, ਅਵਿਪਾਕਧਮ੍ਮਤੋ, ਤਥਾ ਅਪ੍ਪਵਤ੍ਤਿਤੋ ਚ. ਹੀਨਤ੍ਤਿਕਭੇਦੋ ਪਨ ਅਤ੍ਥਿ ਹੀਨਮਜ੍ਝਿਮਪ੍ਪਣੀਤਾਨਂ ਕੁਸਲਾਨਂ ਵਿਪਾਕਤ੍ਤਾ ¶ , ਤਥਾ ਦ੍ਵਾਰਾਰਮ੍ਮਣਾਦਿਭੇਦੋ. ਏਤੇ ਹਿ ਹਦਯਵਤ੍ਥੁਂ ਨਿਸ੍ਸਾਯ ਦ੍ਵਾਰਵਿਨਿਮੁਤ੍ਤਾ ਹੁਤ੍ਵਾ ਦੇਵਮਨੁਸ੍ਸੇਸੁ ਦ੍ਵਿਹੇਤੁਕਤਿਹੇਤੁਕਾਨਂ ਹੇਟ੍ਠਾ ਵੁਤ੍ਤਨਯੇਨ ਪਟਿਸਨ੍ਧਿਭਵਙ੍ਗਚੁਤਿਕਿਚ੍ਚਾਨਿ, ਛਦ੍ਵਾਰੇ ਛਸੁ ਆਰਮ੍ਮਣੇਸੁ ਤਦਾਰਮ੍ਮਣਕਿਚ੍ਚਞ੍ਚ ਸਾਧਯਮਾਨਾ ਏਵਂ ਚਤੂਸੁ ਠਾਨੇਸੁ ਵਿਪਚ੍ਚਨ੍ਤਿ. ਏਵਮੇਤੇਸਂ ਦ੍ਵਾਰਾਰਮ੍ਮਣਕਿਚ੍ਚਟ੍ਠਾਨਾਨਿ ਅਨਿਬਦ੍ਧਾਨਿ, ਤਤੋ ਤੇਹਿ ਭੇਦੋ ਹੋਤਿ. ਵਤ੍ਥੁ ਪਨ ਤਤ੍ਥੇਵ ਨਿਬਦ੍ਧਂ, ਤਤੋ ਨ ਭੇਦੋ. ਅਤੀਤਾਦਿਭੇਦਤੋ ਪਨੇਤ੍ਥਾਪਿ ਅਨਨ੍ਤਤਾ ਵੁਤ੍ਤਨਯਾ ਏਵਾਤਿ.

ਕਾਮਾਵਚਰਸਹੇਤੁਕਕੁਸਲਵਿਪਾਕਾ ਨਿਟ੍ਠਿਤਾ.

ਰੂਪਾਵਚਰਵਿਪਾਕਾਪਿ ਸਮ੍ਪਯੋਗਭੇਦਤੋ ਅਤ੍ਤਨੋ ਕੁਸਲਾ ਵਿਯ ਪਞ੍ਚਵਿਧਾ ਹੋਨ੍ਤਿ. ਸਬ੍ਬੋ ਚੇਤ੍ਥ ਵਿਨਿਚ੍ਛਯਭੇਦੋ ਕੁਸਲੇ ਵੁਤ੍ਤਨਯੋ ਏਵ. ਵਿਪਾਕਭਾਵਤੋ ਪਨੇਤ੍ਥ ਯਥਾ ਹਤ੍ਥਿਆਦੀਨਂ ਛਾਯਾ ਤਂਸਦਿਸਾ, ਏਵਂ ਕੁਸਲਾਗਮਨਤੋ ਚ ਝਾਨਙ੍ਗਾਦਿਸਮ੍ਪਯੁਤ੍ਤਧਮ੍ਮਸਮਾਯੋਗੋ, ਪਟਿਪਦਾਦਿਭੇਦੋ ਚ ਹੋਤਿ. ਅਪਿਚੇਤ੍ਥ ਤਿਵਿਧਾਯ ਪਠਮਜ੍ਝਾਨਭੂਮਿਯਾ ਪਠਮਜ੍ਝਾਨਵਿਪਾਕਾ, ਤਥਾ ਦੁਤਿਯਜ੍ਝਾਨਭੂਮਿਯਾ ਦੁਤਿਯਜ੍ਝਾਨਵਿਪਾਕਾ ਤਤਿਯਜ੍ਝਾਨਵਿਪਾਕਾ ਚ, ਤਤਿਯਜ੍ਝਾਨਭੂਮਿਯਾ ਚਤੁਤ੍ਥਜ੍ਝਾਨਵਿਪਾਕਾ, ਵੇਹਪ੍ਫਲਪਞ੍ਚਸੁਦ੍ਧਾਵਾਸਵਸੇਨ ਛਬ੍ਬਿਧਾਯ ਚਤੁਤ੍ਥਜ੍ਝਾਨਭੂਮਿਯਾ ਪਞ੍ਚਮਜ੍ਝਾਨਵਿਪਾਕਾ ਚ ਵੁਤ੍ਤਨਯੇਨ ਪਟਿਸਨ੍ਧਿਭਵਙ੍ਗਚੁਤਿਕਿਚ੍ਚਾਨਿ ਸਾਧਯਮਾਨਾ ਹਦਯਵਤ੍ਥੁਂ ਨਿਸ੍ਸਾਯ ਦ੍ਵਾਰਵਿਨਿਮੁਤ੍ਤਾਵ ਕਮ੍ਮਨਿਮਿਤ੍ਤਸਙ੍ਖਾਤਪਞ੍ਞਤ੍ਤਾਰਮ੍ਮਣਾ ਹੁਤ੍ਵਾ ਵਿਪਚ੍ਚਨ੍ਤੀਤਿ ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵ.

ਏਵਂ ¶ ਅਰੂਪਾਵਚਰਵਿਪਾਕਾਪਿ ਆਰਮ੍ਮਣਭੇਦਤੋ ਅਤ੍ਤਨੋ ਕੁਸਲਾ ਵਿਯ ਚਤੁਬ੍ਬਿਧਾ ਹੋਨ੍ਤਿ. ਵਿਨਿਚ੍ਛਯੋ ਚ ਸਬ੍ਬੋ ਕੁਸਲੇ ¶ ਵੁਤ੍ਤਨਯੋਵ. ਕੁਸਲਤੋ ਚੇਤ੍ਥ ਵਿਸੇਸੋ ਰੂਪਾਵਚਰਵਿਪਾਕੇ ਵੁਤ੍ਤਨਯੇਨ ਵੇਦਿਤਬ੍ਬੋ. ਕੇਵਲਂ ਪਨੇਤ੍ਥ ਕਮ੍ਮਨਿਮਿਤ੍ਤਭੂਤਪਞ੍ਞਤ੍ਤਾਰਮ੍ਮਣੋ ਆਕਾਸਾਨਞ੍ਚਾਯਤਨਵਿਪਾਕੋ ਪਠਮਾਰੁਪ੍ਪਭੂਮਿਯਂ, ਤਥਾ ਮਹਗ੍ਗਤਾਰਮ੍ਮਣੋ ਵਿਞ੍ਞਾਣਞ੍ਚਾਯਤਨਵਿਪਾਕੋ ਦੁਤਿਯਾਰੁਪ੍ਪਭੂਮਿਯਂ, ਕਮ੍ਮਨਿਮਿਤ੍ਤਭੂਤਪਞ੍ਞਤ੍ਤਾਰਮ੍ਮਣੋ ਆਕਿਞ੍ਚਞ੍ਞਾਯਤਨਵਿਪਾਕੋ ਤਤਿਯਾਰੁਪ੍ਪਭੂਖਿਯਂ, ਮਹਗ੍ਗਤਾਰਮ੍ਮਣੋ ਨੇਵਸਞ੍ਞਾਨਾਸਞ੍ਞਾਯਤਨਵਿਪਾਕੋ ਚਤੁਤ੍ਥਾਰੁਪ੍ਪਭੂਮਿਯਞ੍ਚ ਅਵਤ੍ਥੁਕਾ ਵੁਤ੍ਤਨਯੇਨ ਪਟਿਸਨ੍ਧਿਭਵਙ੍ਗਚੁਤਿਕਿਚ੍ਚਾਨਿ ਸਾਧਯਮਾਨਾਵ ਪਵਤ੍ਤਨ੍ਤੀਤਿ ਅਯਮੇਵ ਵਿਸੇਸੋ.

ਤਥਾ ਲੋਕੁਤ੍ਤਰਵਿਪਾਕਾਪਿ ਅਤ੍ਤਨੋ ਕੁਸਲਾ ਵਿਯ ਤਂਤਂਮਗ੍ਗਫਲਤ੍ਤਾ ਚਤੁਬ੍ਬਿਧਾ, ਝਾਨਙ੍ਗਯੋਗਭੇਦਤੋ ਪਚ੍ਚੇਕਂ ਪਞ੍ਚ ਪਞ੍ਚ ਕਤ੍ਵਾ ਵੀਸਤਿਵਿਧਾਵ ਹੋਨ੍ਤਿ. ਵਿਨਿਚ੍ਛਯੋ ਚੇਤ੍ਥ ਕੁਸਲੇ ਵੁਤ੍ਤਨਯੋਵ. ਕੇਵਲਂ ਸਙ੍ਗਹਵਾਰੇ ਸੋਤਾਪਤ੍ਤਿਮਗ੍ਗਫਲਂ ਸਕਦਾਗਾਮਿਮਗ੍ਗਫਲਂ ਅਨਾਗਾਮਿਮਗ੍ਗਫਲਨ੍ਤਿ ਇਮੇਸਂ ਤਿਣ੍ਣਂ ਅਞ੍ਞਿਨ੍ਦ੍ਰਿਯਂ, ਅਰਹਤ੍ਤਫਲਸ੍ਸ ਚ ਅਞ੍ਞਾਤਾਵਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਟ੍ਠਾਨੇ ਗਹੇਤ੍ਵਾ ਅਟ੍ਠਿਨ੍ਦ੍ਰਿਯਤਾ, ਬੋਜ੍ਝਙ੍ਗਮਗ੍ਗਙ੍ਗਾਦਿਬੋਧਿਪਕ੍ਖਿਯਧਮ੍ਮਾ, ਪਟਿਪਦਾਦਿਭੇਦੋ ਚ ਮਗ੍ਗਾਗਮਨਵਸੇਨੇਵ ਹੋਤੀਤਿ ਵੇਦਿਤਬ੍ਬੋ. ਅਧਿਪਤਿਭੇਦੋਪੇਤ੍ਥ ਲਬ੍ਭਤਿ. ਲੋਕੁਤ੍ਤਰਕੁਸਲਾ ਹਿ ਅਤ੍ਤਨੋ ਫਲਾਨਂ ਅਨਨ੍ਤਰੁਪ੍ਪਤ੍ਤਿਤੋ, ਜਵਨਵੁਤ੍ਤਿਤੋ ਚ ਅਧਿਪਤਿਂ ਵਿਧਾਤੁਂ ਸਕ੍ਕੋਨ੍ਤਿ, ਲੋਕਿਯਾ ਪਨ ਵਿਪਰੀਤਤੋ ਨ ਸਕ੍ਕੋਨ੍ਤਿ. ਤੇਨਾਹੁ ਪੋਰਾਣਾ ‘‘ਵਿਪਾਕੇ ਅਧਿਪਤੀ ਨਤ੍ਥਿ ਠਪੇਤ੍ਵਾ ਲੋਕੁਤ੍ਤਰ’’ਨ੍ਤਿ (ਧ. ਸ. ਅਟ੍ਠ. ੫੦੫). ਵਿਮੋਕ੍ਖਭੇਦਤੋ ਪਨੇਤੇ ਮਗ੍ਗਾਗਮਨਤੋ ਤਿਵਿਧਾ ਹੋਨ੍ਤਿ ਸੁਞ੍ਞਤਅਨਿਮਿਤ੍ਤਅਪ੍ਪਣਿਹਿਤਵਿਮੋਕ੍ਖਵਸੇਨ. ਮਗ੍ਗਾ ਹਿ ਵਿਪਸ੍ਸਨਾਗਮਨਤੋ ‘‘ਸੁਞ੍ਞਤੋ ਅਪ੍ਪਣਿਹਿਤੋ’’ਤਿ ਦ੍ਵੇ ਨਾਮਾਨਿ ਲਭਿਤ੍ਵਾ ਸਗੁਣਾਰਮ੍ਮਣਤੋ ਪਰਿਯਾਯੇਨ ¶ ਅਨਿਮਿਤ੍ਤਾਤਿਪਿ ਵੁਚ੍ਚਨ੍ਤਿ, ਤਸ੍ਮਾ ਸਯਂ ਆਗਮਨੀਯਟ੍ਠਾਨੇ ਠਤ੍ਵਾ ਅਤ੍ਤਨੋ ਅਤ੍ਤਨੋ ਅਨਨ੍ਤਰਫਲਾਨਂ ਨਿਪ੍ਪਰਿਯਾਯਤੋ ਤੀਣਿਪਿ ਨਾਮਾਨਿ ਦੇਨ੍ਤਿ. ਅਪਰਭਾਗੇ ਪਨ ਫਲਸਮਾਪਤ੍ਤਿਭੂਤਾਨਂ ਨ ਦੇਨ੍ਤਿ. ਤਤ੍ਥ ਵਿਪਸ੍ਸਨਾਗਮਨਤੋਵ ਮਗ੍ਗੇ ਵੁਤ੍ਤਨਯੇਨ ¶ ਦੁਵਿਧੋ ਨਾਮਲਾਭੋ ਵੇਦਿਤਬ੍ਬੋ. ਤੇ ਚ ਨ ਮਗ੍ਗਾ ਵਿਯ ਏਕਚਿਤ੍ਤਕ੍ਖਣਿਕਾ, ਮਗ੍ਗਵੀਥਿਯਂ ਪਨ ਦ੍ਵਤ੍ਤਿਕ੍ਖਤ੍ਤੁਂ, ਫਲਸਮਾਪਤ੍ਤਿਵੀਥਿਯਂ ਸਕਲਮ੍ਪਿ ਦਿਵਸਂ ਅਪ੍ਪਨਾਜਵਨਵਸੇਨੇਵ ਨਿਰਨ੍ਤਰਂ ਮਹਗ੍ਗਤਜਵਨਾਨਿ ਵਿਯ ਪਵਤ੍ਤਨ੍ਤੀਤਿ ਅਯਂ ਵਿਸੇਸੋ.

ਅਕੁਸਲਵਿਪਾਕਾ ਪਨ ਕਾਮਾਵਚਰਾਵ, ਲੋਭਾਦਿਸਮ੍ਪਯੁਤ੍ਤਹੇਤੁ ਅਭਾਵਤੋ ਅਹੇਤੁਕਾ ਏਵ ਚ ਹੋਨ੍ਤਿ. ਤੇ ਸਮ੍ਪਯੋਗਤੋ ਉਪੇਕ੍ਖਾਸਹਗਤਂ ਚਕ੍ਖੁਵਿਞ੍ਞਾਣਂ, ਤਥਾ ਸੋਤਘਾਨਜਿਵ੍ਹਾਵਿਞ੍ਞਾਣਾਨਿ, ਤਥਾ ਦੁਕ੍ਖਸਹਗਤਂ ਕਾਯਵਿਞ੍ਞਾਣਂ, ਉਪੇਕ੍ਖਾਸਹਗਤਾ ਮਨੋਧਾਤੁ, ਤਥਾ ਮਨੋਵਿਞ੍ਞਾਣਧਾਤੂਤਿ ਸਤ੍ਤਵਿਧਾ. ਵਿਨਿਚ੍ਛਯੋ ਪਨੇਸ ਸਬ੍ਬਤ੍ਥ ਤਾਦਿਸਾਹੇਤੁਕਕੁਸਲਵਿਪਾਕੇਸੁ ਵੁਤ੍ਤਨਯੋ ਏਵ. ਕੇਵਲਂ ਪਨਾਨਿਟ੍ਠਾਰਮ੍ਮਣਤਾ, ਕਾਯਵਿਞ੍ਞਾਣਸ੍ਸ ਦੁਕ੍ਖਸਹਗਤਤਾ, ਉਪੇਕ੍ਖਾਸਹਗਤਮਨੋਵਿਞ੍ਞਾਣਧਾਤੁਯਾ ਉਦ੍ਧਚ੍ਚਵਜ੍ਜਿਤਾਕੁਸਲਪਚ੍ਚਯਾ ਚਤੂਸੁ ਅਪਾਯੇਸੁ ਪਟਿਸਨ੍ਧਿਭਵਙ੍ਗਚੁਤਿਕਿਚ੍ਚਾਨਿ, ਸੁਗਤਿਯਞ੍ਚ ਸਨ੍ਤੀਰਣਤਦਾਰਮ੍ਮਣਕਿਚ੍ਚਾਨਿ ਚ ਸਾਧਨਵਸੇਨ ਪਵਤ੍ਤਿ ਚ ਵਿਸੇਸੋ, ਸੇਸਂ ਤਾਦਿਸਮੇਵ.

ਕਿਰਿਯਾਬ੍ਯਾਕਤਾ ਪਨ ਕਾਮਰੂਪਾਰੂਪਾਵਚਰਵਸੇਨ ਤਿਵਿਧਾ. ਤਤ੍ਥ ਕਾਮਾਵਚਰਕਿਰਿਯਾ ਅਹੇਤੁਕਾ ਸਹੇਤੁਕਾਤਿ ਦੁਵਿਧਾ. ਤਤ੍ਥ ਸਹਜਾਤਹੇਤੁਵਿਰਹਿਤਾ ਅਹੇਤੁਕਾ. ਤਾ ¶ ਸਮ੍ਪਯੋਗਾਦਿਤੋ ਤਿਵਿਧਾ ਉਪੇਕ੍ਖਾਸਹਗਤਾ ਮਨੋਧਾਤੁ, ਸੋਮਨਸ੍ਸਸਹਗਤਾ ਮਨੋਵਿਞ੍ਞਾਣਧਾਤੁ, ਤਥਾ ਉਪੇਕ੍ਖਾਸਹਗਤਾਤਿ. ਕਿਰਿਯਾਤਿ ਕਰਣਮਤ੍ਤਂ, ਕਿਚ੍ਚਮਤ੍ਤਨ੍ਤਿ ਅਤ੍ਥੋ. ਸਬ੍ਬੇਸੁਯੇਵ ਹਿ ਕਿਰਿਯਚਿਤ੍ਤੇਸੁ ਯਂ ਆਵਜ੍ਜਨਕਿਚ੍ਚਦ੍ਵਯਂ, ਤਂ ਅਜਵਨਵੁਤ੍ਤਿਤੋ ਮੋਘਪੁਪ੍ਫਂ ਵਿਯ. ਯਂ ਜਵਨਵੁਤ੍ਤਿਕਂ, ਤਂ ਨਿਰਾਨੁਸਯਸਨ੍ਤਾਨਪ੍ਪਵਤ੍ਤਿਤੋ ਛਿਨ੍ਨਮੂਲਰੁਕ੍ਖਪੁਪ੍ਫਂ ਵਿਯ ਅਫਲਂ ਹੋਤਿ. ਤਂਤਂਆਵਜ੍ਜਨਜਵਨਕਿਚ੍ਚਸਾਧਨਵਸੇਨ ਪਵਤ੍ਤਤ੍ਤਾ ਪਨ ਕਿਚ੍ਚਮਤ੍ਤਤਂ ਉਪਾਦਾਯ ‘‘ਕਿਰਿਯਾ’’ਤਿ ਵੁਤ੍ਤਂ. ਤਤ੍ਥ ਮਨੋਧਾਤੁਯਾ ਵਿਪਾਕਮਨੋਧਾਤੁਯਂ ਵੁਤ੍ਤਨਯੇਨ ¶ ਸਬ੍ਬੋ ਵਿਨਿਚ੍ਛਯੋ ਵੇਦਿਤਬ੍ਬੋ. ਕੇਵਲਂ ਪਨ ਪਞ੍ਚਦ੍ਵਾਰੇ ਇਟ੍ਠੇਸੁ ਵਾ ਅਨਿਟ੍ਠੇਸੁ ਵਾ ਪਞ੍ਚਾਰਮ੍ਮਣੇਸੁ ਪਞ੍ਚਪਸਾਦੇ ਘਟ੍ਟਿਤੇਸੁ ਉਪ੍ਪਨ੍ਨਭਵਙ੍ਗੁਪਚ੍ਛੇਦਾਨਨ੍ਤਰਂ ਤਮੇਵ ਪਞ੍ਚਾਰਮ੍ਮਣਮਾਰਬ੍ਭ ਹਦਯਵਤ੍ਥੁਂ ਨਿਸ੍ਸਾਯੇਵਾਵਜ੍ਜਨਕਿਚ੍ਚਂ ਸਾਧਯਮਾਨਾ ਪਞ੍ਚਸੁਪਿ ਦ੍ਵਾਰੇਸੁ ਪਵਤ੍ਤਤੀਤਿ ਅਯਂ ਵਿਸੇਸੋ.

ਮਨੋਵਿਞ੍ਞਾਣਧਾਤੁਦ੍ਵਯਮ੍ਪਿ ਯਥਾਕ੍ਕਮਂ ਕੁਸਲਵਿਪਾਕਾਹੇਤੁਕਮਨੋਵਿਞ੍ਞਾਣਧਾਤੁਦ੍ਵਯਸਦਿਸਂ, ਵੀਰਿਯਂ ਪਨੇਤ੍ਥ ਅਧਿਕਂ, ਵੀਰਿਯੂਪਤ੍ਥਮ੍ਭੋਵ ਸਮਾਧਿ ਬਲਵਾ ਹੋਤਿ. ਤਤੋ ਏਵੇਤ੍ਥ ਸਙ੍ਗਹਵਾਰੇ ਵੀਰਿਯਸਮਾਧਿਮਨੋਸੋਮਨਸ੍ਸਜੀਵਿਤਿਨ੍ਦ੍ਰਿਯਾਨਂ ਪਞ੍ਚਨ੍ਨਂ ਵਸੇਨ ਇਨ੍ਦ੍ਰਿਯਸਙ੍ਗਹੋ ਹੋਤਿ, ਇਧਾਪਿ ਬਲਸਙ੍ਗਹੋ ਨਤ੍ਥੇਵ. ਯਂ ਪਨੇਤ੍ਥ ਪਦਭਾਜਨੀਯੇ ਸਮਾਧਿਵੀਰਿਯਾਨਂ ਨਿਦ੍ਦੇਸੇ ‘‘ਸਮਾਧਿਬਲਂ ਵੀਰਿਯਬਲ’’ਨ੍ਤਿ (ਧ. ਸ. ੫੭੦-੫੭੨) ਬਲਵੇਵਚਨਂ ਵੁਤ੍ਤਂ, ਤਂ ਇਤਰਾਹੇਤੁਕਚਿਤ੍ਤਸਮ੍ਪਯੁਤ੍ਤੇਹਿ ਇਮੇਸਂ ਬਲਵਤਰਤਾਦਸ੍ਸਨਤ੍ਥਂ ਪਰਿਯਾਯਤੋ ਵੁਤ੍ਤਂ. ਤਤੋ ਏਵ ਹਿ ਸਙ੍ਗਹਵਾਰੇ ‘‘ਦ੍ਵੇ ਬਲਾਨਿ ਹੋਨ੍ਤੀ’’ਤਿ ਨ ਵੁਤ੍ਤਂ, ਤਸ੍ਮਾ ਅਹੇਤੁਕੇਸੁ ਨਿਪ੍ਪਰਿਯਾਯਤੋ ਬਲਂ ਨਤ੍ਥਿ ਏਵਾਤਿ ਗਹੇਤਬ੍ਬਂ.

ਵਿਸਯਾਦਿਪ੍ਪਭੇਦਤੋ ਪਨੇਤ੍ਥ ਸੋਮਨਸ੍ਸਸਹਗਤਾ ਤਾਵ ਹਦਯਵਤ੍ਥੁਞ੍ਞੇਵ ਨਿਸ੍ਸਾਯ ਪਞ੍ਚਦ੍ਵਾਰੇ ਵੋਟ੍ਠਬ੍ਬਨਕਿਚ੍ਚਾਯ ਚ, ਮਨੋਦ੍ਵਾਰੇ ਅਨੁਲ਼ਾਰੇਸੁ ਛਸੁ ਕਾਮਾਵਚਰਾਰਮ੍ਮਣੇਸੁ ਆਵਜ੍ਜਨਕਿਚ੍ਚਾਯ ¶ ਚ ਮਨੋਵਿਞ੍ਞਾਣਧਾਤੁਯਾ ਅਨਨ੍ਤਰਂ ਜਵਨਕਿਚ੍ਚਂ ਸਾਧਯਮਾਨਾ ਖੀਣਾਸਵਾਨਞ੍ਞੇਵ ਹਸਿਤਂ ਉਪ੍ਪਾਦੇਨ੍ਤੀ ਪਵਤ੍ਤਤਿ. ਹਸਿਤਂ ਹਿ ਸੋਮਨਸ੍ਸਸਹਗਤਕਾਮਾਵਚਰੇਹੇਵ ਜਵਨੇਹਿ, ਤੇਸੁ ਅਸੇਖਾਨਂ ਪਞ੍ਚਹਿ ਕਿਰਿਯਾਜਵਨੇਹਿ, ਸੇਖਾਨਂ ਪਨ ਕੁਸਲੇਹਿ ਚੇਵ ਦਿਟ੍ਠਿਵਿਪ੍ਪਯੁਤ੍ਤਲੋਭਮੂਲੇਹਿ ਚਾਤਿ ਛਹਿ, ਪੁਥੁਜ੍ਜਨਾਨਂ ਦਿਟ੍ਠਿਸਮ੍ਪਯੁਤ੍ਤੇਹਿ ਚਾਤਿ ਅਟ੍ਠਹੀਤਿ ਤੇਰਸਹਿ ਚਿਤ੍ਤੇਹਿ ਉਪ੍ਪਜ੍ਜਤਿ. ਉਪੇਕ੍ਖਾਸਹਗਤਾ ਪਨ ਪਞ੍ਚਦ੍ਵਾਰੇ ਹਦਯਵਤ੍ਥੁਞ੍ਞੇਵ ਨਿਸ੍ਸਾਯ ਸਨ੍ਤੀਰਣਕਿਚ੍ਚਾਯ ਵਿਪਾਕਮਨੋਵਿਞ੍ਞਾਣਧਾਤੁਯਾ ਅਨਨ੍ਤਰਂ ਵੋਟ੍ਠਬ੍ਬਨਕਿਚ੍ਚਂ, ਮਨੋਦ੍ਵਾਰੇ ਸਬ੍ਬੇਸੁ ਛਸੁਪਿ ਆਰਮ੍ਮਣੇਸੁ ਸਵਤ੍ਥੁਕਾ, ਅਵਤ੍ਥੁਕਾ ਵਾ ਭਵਙ੍ਗਚਲਨਾਨਨ੍ਤਰਂ ਆਵਜ੍ਜਨਕਿਚ੍ਚਂ ਸਾਧਯਮਾਨਾ ਪਵਤ੍ਤਤਿ. ਅਯਂ ਹਿ ਤੀਸੁ ਭਵੇਸੁ ਕਸ੍ਸਚਿ ਸਚਿਤ੍ਤਕਪੁਗ੍ਗਲਸ੍ਸ ਨ ਕਿਸ੍ਮਿਞ੍ਚਿ ਵਿਸਯੇ ਨ ਉਪ੍ਪਜ੍ਜਤਿ, ਸਬ੍ਬਞ੍ਞੁਤਞ੍ਞਾਣਸਦਿਸਂ ਮਹਾਗਮਨਂ ਨਾਮੇਤਂ ਚਿਤ੍ਤਨ੍ਤਿ ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵ.

ਅਲੋਭਾਦਿਕਿਰਿਯਾਹੇਤੁਸਮ੍ਪਯੁਤ੍ਤਾ ¶ ਪਨ ਸਹੇਤੁਕਾ, ਤੇ ਸਮ੍ਪਯੋਗਤੋ ਕੁਸਲਾ ਵਿਯ ਅਟ੍ਠਵਿਧਾ. ਸਬ੍ਬੋਪੇਤ੍ਥ ਵਿਨਿਚ੍ਛਯੋ ਕੁਸਲੇਸੁ ਵੁਤ੍ਤਨਯੋ ਏਵ. ਕੇਵਲਂ ਪਨੇਤ੍ਥ ਵਿਰਤਿਯੋ ਨ ਸਨ੍ਤਿ, ਕੁਸਲਾ ਚ ਸੇਖਪੁਥੁਜ੍ਜਨਾਨਂ ਵੁਤ੍ਤਨਯੇਨ ਛਸੁ ਦ੍ਵਾਰੇਸੁ ਵਤ੍ਥੁਂ ਨਿਸ੍ਸਾਯ ਵਾ ਅਨਿਸ੍ਸਾਯ ਵਾ ਜਵਨਕਿਚ੍ਚਂ ਸਾਧਯਮਾਨਾ ਪਵਤ੍ਤਨ੍ਤਿ, ਇਮੇ ਪਨ ਅਸੇਖਾਨਨ੍ਤਿ ਅਯਂ ਵਿਸੇਸੋ. ਕਾਮਾਵਚਰਕਿਰਿਯਾ.

ਰੂਪਾਵਚਰਕਿਰਿਯਾ ਚ ਕੁਸਲਾ ਵਿਯ ਪਞ੍ਚਵਿਧਾ. ਵਿਨਿਚ੍ਛਯੋ ਚ ਤਤ੍ਥ ਵੁਤ੍ਤਨਯੋ ਏਵ. ਕੇਵਲਂ ਹਿ ਕੁਸਲਾ ਸੇਖਪੁਥੁਜ੍ਜਨਾਨਂ ਪਞ੍ਞਤ੍ਤਾਰਮ੍ਮਣਾ ¶ , ਅਭਿਞ੍ਞਾਵਸੇਨ ਪਵਤ੍ਤਂ ਪਞ੍ਚਮਜ੍ਝਾਨਂ ਸਬ੍ਬਾਰਮ੍ਮਣਞ੍ਚ ਹੁਤ੍ਵਾ ਮਨੋਦ੍ਵਾਰੇ ਹਦਯਵਤ੍ਥੁਞ੍ਞੇਵ ਨਿਸ੍ਸਾਯ ਜਵਨਕਿਚ੍ਚਂ ਸਾਧਯਮਾਨਾ ਪਵਤ੍ਤਨ੍ਤਿ, ਇਮੇ ਪਨ ਅਸੇਖਾਨਨ੍ਤਿ ਅਯਮੇਵ ਵਿਸੇਸੋ. ਰੂਪਾਵਚਰਕਿਰਿਯਾ.

ਅਰੂਪਾਵਚਰਕਿਰਿਯਾ ਚ ਕੁਸਲਾ ਵਿਯ ਚਤੁਬ੍ਬਿਧਾ. ਵਿਨਿਚ੍ਛਯੋ ਚ ਤਤ੍ਥ ਵੁਤ੍ਤਨਯੋ ਏਵ. ਕੇਵਲਂ ਹਿ ਕੁਸਲਾ ਸੇਖਪੁਥੁਜ੍ਜਨਾਨਂ ਸਵਤ੍ਥੁਕਾ, ਅਵਤ੍ਥੁਕਾ ਵਾ ਹੇਟ੍ਠਾ ਵੁਤ੍ਤਨਯੇਨ ਯਥਾਯੋਗਂ ਪਞ੍ਞਤ੍ਤਿਮਹਗ੍ਗਤਾਰਮ੍ਮਣਾ ਮਨੋਦ੍ਵਾਰੇ ਜਵਨਕਿਚ੍ਚਂ ਸਾਯੇਮਾਨਾ ਪਵਤ੍ਤਨ੍ਤਿ, ਇਮੇ ਪਨ ਅਸੇਖਾਨਨ੍ਤਿ ਅਯਂ ਵਿਸੇਸੋ. ਅਰੂਪਾਵਚਰਕਿਰਿਯਾ.

ਏਤ੍ਥ ¶ ਠਤ੍ਵਾ ਸਬ੍ਬੇ ਚਿਤ੍ਤਚੇਤਸਿਕਧਮ੍ਮੇ ਜਾਤਿਸਙ੍ਗਹਾਦਿਤੋ ਸਮੋਧਾਨੇਤ੍ਵਾ ਪਕਿਣ੍ਣਕਕਥਾ ਵਤ੍ਤਬ੍ਬਾ. ਯਥਾਵੁਤ੍ਤਾਨਿ ਹਿ ਚਿਤ੍ਤਾਨਿ ਕੁਸਲਾਨਿ ਏਕਵੀਸਤਿ, ਅਕੁਸਲਾਨਿ ਦ੍ਵਾਦਸ, ਵਿਪਾਕਾਨਿ ਛਤ੍ਤਿਂਸ, ਕਿਰਿਯਾਨਿ ਵੀਸਤਿ ਚਾਤਿ ਸਬ੍ਬਾਨਿਪਿ ਏਕੂਨਨਵੁਤਿਵਿਧਾਨਿ, ਲੋਕੁਤ੍ਤਰਾਨਂ ਝਾਨਙ੍ਗਯੋਗਭੇਦਤੋ ਚਤ੍ਤਾਲੀਸਵਿਧਤ੍ਤਾ ਏਕਵੀਸਸਤਂ ਵਾ ਹੋਨ੍ਤਿ. ਤੇਸੁ ਕਾਮਾਵਚਰਾਨਿ ਚਤੁਪਞ੍ਞਾਸ, ਰੂਪਾਵਚਰਾਨਿ ਪਨ੍ਨਰਸ, ਅਰੂਪਾਵਚਰਾਨਿ ਦ੍ਵਾਦਸ, ਲੋਕੁਤ੍ਤਰਾਨਿ ਅਟ੍ਠ, ਚਤ੍ਤਾਲੀਸਂ ਵਾ. ਕਾਮਾਵਚਰੇਸੁ ਚ ਕੁਸਲਾਨਿ ਅਟ੍ਠ, ਵਿਪਾਕਾਨਿ ਤੇਵੀਸਤਿ, ਕਿਰਿਯਾਨਿ ਏਕਾਦਸ, ਅਹੇਤੁਕਾਨਿ ਅਟ੍ਠਾਰਸ. ਸੇਸਾਨਿ ਪਨ ਚਤੁਭੂਮਕਾਨਿਪਿ ਸਹੇਤੁਕਾਨਿ. ਤੇਸੁ ਚ ਜਾਤਿਤੋ ਚਿਤ੍ਤਗਣਨਾ ਪੁਬ੍ਬੇ ਵੁਤ੍ਤਾਵ ¶ . ਚੇਤਸਿਕਾ ਪਨ ਸਦ੍ਧਾ ਸਤਿ ਹਿਰੀਓਤ੍ਤਪ੍ਪਂ ਅਲੋਭੋ ਅਦੋਸੋ ਕਾਯਪਸ੍ਸਦ੍ਧਾਦਯੋ ਦ੍ਵਾਦਸ, ਤਤ੍ਰਮਜ੍ਝਤ੍ਤਤਾ ਅਮੋਹੋ ਅਪ੍ਪਮਞ੍ਞਾਦ੍ਵਯਂ, ਵਿਰਤਿਤ੍ਤਯਞ੍ਚ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ ਉਦ੍ਧਚ੍ਚਞ੍ਚ ਲੋਭੋ ਦਿਟ੍ਠਿ ਦੋਸੋ ਵਿਚਿਕਿਚ੍ਛਾ ਚ ਮਾਨੋ ਇਸ੍ਸਾ ਮਚ੍ਛਰਿਯਂ ਕੁਕ੍ਕੁਚ੍ਚਂ ਥਿਨਂ ਮਿਦ੍ਧਞ੍ਚ ਫਸ੍ਸੋ ਵੇਦਨਾ ਸਞ੍ਞਾ ਚੇਤਨਾ ਏਕਗ੍ਗਤਾ ਜੀਵਿਤਿਨ੍ਦ੍ਰਿਯਞ੍ਚ ਮਨਸਿਕਾਰੋ ਚ ਵਿਤਕ੍ਕੋ ਵਿਚਾਰੋ ਪੀਤਿ ਵੀਰਿਯਂ ਛਨ੍ਦੋ ਅਧਿਮੋਕ੍ਖੋ ਚਾਤਿ ਦ੍ਵੇਪਞ੍ਞਾਸ ਹੋਨ੍ਤਿ.

ਤਤ੍ਥ ਤਤ੍ਰਮਜ੍ਝਤ੍ਤਤਾ, ਅਪ੍ਪਮਞ੍ਞਾਦ੍ਵਯਂ, ਮਾਨਾਦੀਨਿ ਛ, ਮਨਸਿਕਾਰੋ ਛਨ੍ਦੋ ਅਧਿਮੋਕ੍ਖੋ ਚਾਤਿ ਦ੍ਵਾਦਸ ਧਮ੍ਮਾ ਯਥਾਠਾਨੇ ਯੇਵਾਪਨਕਾ ਏਵ, ਵਿਰਤਿਤ੍ਤਯਂ, ਉਦ੍ਧਚ੍ਚਞ੍ਚ ਕਤ੍ਥਚਿ ਯੇਵਾਪਨਕਾ. ਤੇਸੁ ਚ ਤਤ੍ਰਮਜ੍ਝਤ੍ਤਤਾ ਮਨਸਿਕਾਰੋ ਛਨ੍ਦੋ ਅਧਿਮੋਕ੍ਖੋ ਉਦ੍ਧਚ੍ਚਂ ਵਿਰਤਿਯੋਤਿ ਇਮੇ ਠਪੇਤ੍ਵਾ ਸੇਸਾ ਅਟ੍ਠ ਯਥਾਠਾਨੇ ਅਨਿਯਤਾ ਏਵ, ਵਿਰਤਿਯੋ ਪਨ ਕਤ੍ਥਚਿ ਅਨਿਯਤਾ, ਇਮੇ ਪਨ ਏਕਾਦਸ ਠਪੇਤ੍ਵਾ ਸੇਸਾ ਏਕਚਤ੍ਤਾਲੀਸ ਧਮ੍ਮਾ ਨਿਯਤਾ ਏਵ. ਤਤ੍ਥ ਸਦ੍ਧਾਦਯੋ ਪਞ੍ਚਵੀਸਤਿ ਧਮ੍ਮਾ ਕੁਸਲਾਬ੍ਯਾਕਤਾਯੇਵ, ਮੋਹਾਦਯੋ ਚੁਦ੍ਦਸ ਅਕੁਸਲਾ ਏਵ, ਫਸ੍ਸਾਦਯੋ ਤੇਰਸ ਕੁਸਲਾਕੁਸਲਾਬ੍ਯਾਕਤਾ ਤਿਜਾਤਿਕਾ. ਏਕਨ੍ਤਤੋ ਹਿ ਕੁਸਲਾ ਵਾ ਅਬ੍ਯਾਕਤਾ ਵਾ ਧਮ੍ਮਾ ਨਤ੍ਥਿ, ਕੁਸਲਚਿਤ੍ਤਸਮ੍ਪਯੁਤ੍ਤਸਮਯੇ ਪਨ ਕੁਸਲਾ, ਅਬ੍ਯਾਕਤਚਿਤ੍ਤਸਮ੍ਪਯੁਤ੍ਤਸਮਯੇ ਅਬ੍ਯਾਕਤਾ ਚ ਹੋਨ੍ਤਿ. ਮੋਹਾਦਯੋ ਪਨ ਸਰੂਪੇਨੇਵ ਅਕੁਸਲਾ, ਇਤਰੇ ਚ ਤਂਸਮ੍ਪਯੋਗੇਨ ਸਬ੍ਬੇਪਿ ਚੇਤੇ ਅਤ੍ਥਨਾ ਸਮ੍ਪਯੁਤ੍ਤਚਿਤ੍ਤਭੇਦੇਨ ਭੇਦਵਨ੍ਤੋਵ ਹੋਨ੍ਤੀਤਿ ਵੇਦਿਤਬ੍ਬਾ.

ਤੇਸੁ ਹਿ ਸਦ੍ਧਾਦਯੋ ਏਕੂਨਵੀਸਤਿ ਸਬ੍ਬੇਸੁ ਕੁਸਲੇਸੁ ਚੇਵ ਸਹੇਤੁਕਾਬ੍ਯਾਕਤੇਸੁ ਚਾਤਿ ਏਕੂਨਸਟ੍ਠਿਚਿਤ੍ਤੇਸੁ ਉਪ੍ਪਜ੍ਜਨ੍ਤਿ, ਤਤੋ ਪਚ੍ਚੇਕਂ ਏਕੂਨਸਟ੍ਠਿਪ੍ਪਭੇਦਾ ਚ ਹੋਨ੍ਤਿ. ਏਵਮਞ੍ਞੇਪਿ ਞਾਤਬ੍ਬਾ ¶ . ਅਮੋਹੋ ਤੇਸੁ ਞਾਣਵਿਪ੍ਪਯੁਤ੍ਤਾਨਿ ਦ੍ਵਾਦਸ ¶ ਠਪੇਤ੍ਵਾ ਸੇਸੇਸੁ, ਅਪ੍ਪਮਞ੍ਞਾ ਪਨ ਕਾਮਾਵਚਰੇਸੁ ਸਹੇਤੁਕਕਿਰਿਯਕੁਸਲੇਸੁ ਚੇਵ ਪਞ੍ਚਮਜ੍ਝਾਨਵਜ੍ਜਿਤਰੂਪਾਵਚਰੇਸੁ ਚਾਤਿ ਅਟ੍ਠਵੀਸਤਿਚਿਤ੍ਤੇਸੁ, ਵਿਰਤਿਯੋ ਪਨ ਕਾਮਾਵਚਰਕੁਸਲੇਸੁ, ਲੋਕੁਤ੍ਤਰੇਸੁ ਚਾਤਿ ਸੋਲ਼ਸਸੁ. ਏਵਮੇਤੇ ਪਞ੍ਚਵੀਸਤਿ ਧਮ੍ਮਾ ਕੁਸਲਾਬ੍ਯਾਕਤੇਸੁ ਉਪ੍ਪਜ੍ਜਨਤੋ ਕੁਸਲਾਬ੍ਯਾਕਤਾ ਨਾਮ ਜਾਤਾ. ਅਕੁਸਲੇਸੁ ਪਨ ਮੋਹਾਦਯੋ ਚਤ੍ਤਾਰੋ ਦ੍ਵਾਦਸਸੁਪਿ ਅਕੁਸਲਚਿਤ੍ਤੇਸੁ ਉਪ੍ਪਜ੍ਜਨ੍ਤਿ, ਲੋਭੋ ਅਟ੍ਠਸੁ ਲੋਭਮੂਲੇਸੁ, ਦਿਟ੍ਠਿ ਤਤ੍ਥ ਦਿਟ੍ਠਿਸਮ੍ਪਯੁਤ੍ਤੇਸੁ, ਮਾਨੋ ਦਿਟ੍ਠਿਵਿਪ੍ਪਯੁਤ੍ਤੇਸੁ, ਦੋਸੋ ਇਸ੍ਸਾ ਮਚ੍ਛਰਿਯਂ ਕੁਕ੍ਕੁਚ੍ਚਂ ਪਟਿਘਸਮ੍ਪਯੁਤ੍ਤੇਸੁ, ਥਿਨਮਿਦ੍ਧਂ ਪਞ੍ਚਸੁ ਸਸਙ੍ਖਾਰਿਕੇਸੁ, ਵਿਚਿਕਿਚ੍ਛਾ ਵਿਚਿਕਿਚ੍ਛਾਸਮ੍ਪਯੁਤ੍ਤੇ ਏਵਾਤਿ. ਏਵਮੇਤੇ ਚੁਦ੍ਦਸਪਿ ਸਯਂ ਅਕੁਸਲਤ੍ਤਾ, ਅਕੁਸਲੇਸ੍ਵੇਵ ਉਪ੍ਪਜ੍ਜਨਤੋ ਚ ਅਕੁਸਲਾ ਨਾਮ.

ਇਤਰੇਸੁ ਚ ਫਸ੍ਸਾਦਯੋ ਸਤ੍ਤ ਧਮ੍ਮਾ ਸਬ੍ਬਚਿਤ੍ਤੇਸੁ, ਨ ਹਿ ਤਂ ਚਿਤ੍ਤਮਤ੍ਥਿ, ਯਂ ਇਮੇਸੁ ਏਕੇਨਾਪਿ ਵਿਨਾ ਉਪ੍ਪਜ੍ਜਤਿ. ਸਬ੍ਬਤ੍ਥਕਾ ਹਿ ਏਤੇ. ਵਿਤਕ੍ਕਾਦਯੋ ਪਨ ਯਥਾਯੋਗਿਕਾ. ਤੇਸੁ ਹਿ ਵਿਤਕ੍ਕੋ ਤਾਵ ਦ੍ਵਿਪਞ੍ਚਵਿਞ੍ਞਾਣਵਜ੍ਜਿਤਕਾਮਾਵਚਰੇਸੁ ਚੇਵ ਏਕਾਦਸਸੁ ਪਠਮਜ੍ਝਾਨਿਕਰੂਪਾਵਚਰਲੋਕੁਤ੍ਤਰੇਸੁ ਚਾਤਿ ਪਞ੍ਚਪਞ੍ਞਾਸਚਿਤ੍ਤੇਸੁ ਉਪ੍ਪਜ੍ਜਤਿ. ਵਿਚਾਰੋ ਪਨ ਤੇਸੁ ਚੇਵ ਤਥਾ ਦੁਤਿਯਜ੍ਝਾਨਿਕਚਿਤ੍ਤੇਸੁ ਚਾਤਿ ਛਸਟ੍ਠਿਚਿਤ੍ਤੇਸੁ. ਪੀਤਿ ਚਤੁਤ੍ਥਜ੍ਝਾਨਿਕਵਜ੍ਜਿਤਸੋਮਨਸ੍ਸਸਹਗਤੇਸੁ. ਵੀਰਿਯਂ ਦ੍ਵਿਪਞ੍ਚਵਿਞ੍ਞਾਣਮਨੋਧਾਤੁਸਨ੍ਤੀਰਣਤ੍ਤਿਕਵਜ੍ਜਿਤੇਸੁ. ਛਨ੍ਦੋ ਅਹੇਤੁਕਮੋਮੂਹਵਜ੍ਜਿਤੇਸੁ. ਅਧਿਮੋਕ੍ਖੋ ਦ੍ਵਿਪਞ੍ਚਵਿਞ੍ਞਾਣਵਿਚਿਕਿਚ੍ਛਾਯੁਤ੍ਤਵਜ੍ਜਿਤੇਸੁ. ਏਵਮੇਤੇ ਤੇਰਸ ਕੁਸਲਾਕੁਸਲਾਬ੍ਯਾਕਤੇਸੁ ਉਪ੍ਪਜ੍ਜਨਤੋ ਤਿਜਾਤਿਕਾ ਨਾਮ ਜਾਤਾ. ਸਮ੍ਪਯੁਤ੍ਤਚਿਤ੍ਤਭੇਦੇਨ ਚੇਸਂ ਪਚ੍ਚੇਕਂ ਗਣਨਾਭੇਦੋਪਿ ਵੇਦਿਤਬ੍ਬੋ. ਯਥਾ ਹਿ ਚਿਤ੍ਤਂ ਸਲਕ੍ਖਣਤੋ ਏਕਵਿਧਮ੍ਪਿ ਸਮ੍ਪਯੋਗਾਵਤ੍ਥਾਦਿਭੇਦੇਨੇਵ ਭਿਨ੍ਨਂ, ਤਥਾ ਚੇਤਸਿਕਾਪਿ ਪਚ੍ਚੇਕਨ੍ਤਿ ਞਾਤਬ੍ਬਾ, ਵਿਸੇਸਂ ਪਨ ਨੇਸਂ ਵਕ੍ਖਾਮ.

ਵਤ੍ਥੁਸਙ੍ਗਹੇ ¶ ਪਨ ਨੇਸਂ ਚਿਤ੍ਤੇਸੁ ਤਾਵ ਕਾਮਾਵਚਰਵਿਪਾਕਮਨੋਧਾਤੁਹਸਿਤਾਨਿ, ਦੋਸਸਮ੍ਪਯੁਤ੍ਤਪਟਿਘਰੂਪਾਵਚਰਪਠਮਮਗ੍ਗਾਨਿ ਚਾਤਿ ਤੇਚਤ੍ਤਾਲੀਸ ਚਿਤ੍ਤਾਨਿ ਹੇਟ੍ਠਾ ਵੁਤ੍ਤਨਯੇਨ ਯਥਾਸਕਂ ਵਤ੍ਥੂਨਿ ਨਿਸ੍ਸਾਯੇਵ ਉਪ੍ਪਜ੍ਜਨ੍ਤਿ, ਅਰੂਪਾਵਚਰਵਿਪਾਕਾਨਿ ਪਨ ਅਨਿਸ੍ਸਾਯੇਵ, ਸੇਸਾਨਿ ਦ੍ਵੇਚਤ੍ਤਾਲੀਸ ਨਿਸ੍ਸਾਯਪਿ, ਆਰੁਪ੍ਪੇਸੁਪਿ ਉਪ੍ਪਜ੍ਜਨਤੋ ਅਨਿਸ੍ਸਾਯਪਿ. ਅਰੂਪੀਨਂ ਹਿ ਛਪਿ ਵਤ੍ਥੂਨਿ ਨ ਸਨ੍ਤਿ, ਰੂਪੀਨਂ ਪਨ ਘਾਨਾਦੀਨਿ ਤੀਣਿ, ਸਬ੍ਬਤ੍ਥ ਚ ਤਂਤਂਵਤ੍ਥੁਰਹਿਤਾਨਂ ਸਬ੍ਬਤ੍ਥ ਨਿਯਤਵਿਞ੍ਞਾਣਾਨਿਪਿ, ਅਸਞ੍ਞੀਨਂ ਪਨ ਸਬ੍ਬਾਨਿਪਿ ਵਤ੍ਥੁਵਿਞ੍ਞਾਣਾਨਿ ਨ ਸਨ੍ਤਿ. ਤੇਸਂ ਹਿ ਜੀਵਿਤਨਵਕਮੇਵ ਰੂਪਂ ਪਟਿਸਨ੍ਧਿ, ਪਵਤ੍ਤਿਯਂ ਭਵਙ੍ਗਂ, ਮਰਣਕਾਲੇ ਚੁਤਿ ਚ ਹੁਤ੍ਵਾ ਪਵਤ੍ਤਤਿ. ਯਥਾ ਚੇਤ੍ਥ ਚਿਤ੍ਤਾਨਂ, ਏਵਂ ਤਂਸਮ੍ਪਯੁਤ੍ਤਚੇਤਸਿਕਾਨਮ੍ਪਿ ਵਤ੍ਥੁਤੋ ਸਙ੍ਗਹਭੇਦੋ ਵੇਦਿਤਬ੍ਬੋ. ਅਯਂ ਪਨ ਵਿਸੇਸੋ – ਤੇਸੁ ਹਿ ਦੋਸੋ ਇਸ੍ਸਾ ¶ ਮਚ੍ਛਰਿਯਂ ਕੁਕ੍ਕੁਚ੍ਚਞ੍ਚ ਹਦਯਵਤ੍ਥੁਂ ਨਿਸ੍ਸਾਯ ਕਾਮਲੋਕੇ ਏਵ ਉਪ੍ਪਜ੍ਜਤਿ. ਕਰੁਣਾਮੁਦਿਤਾ ਪਨ ਰੂਪਲੋਕੇਪਿ, ਨ ਅਰੂਪੇ. ਤਤ੍ਥ ਹਿ ਰੂਪਾਵਚਰਪੁਬ੍ਬਭਾਗਾਨਿਪਿ ਨ ਉਪ੍ਪਜ੍ਜਨ੍ਤਿ, ਸੇਸਾ ਪਨ ਸਬ੍ਬੇ ਨਿਸ੍ਸਾਯਪਿ ਅਨਿਸ੍ਸਾਯਪਿ ਤੀਸੁਪਿ ਭਵੇਸੁ ਉਪ੍ਪਜ੍ਜਨ੍ਤਿ. ਤਤ੍ਥ ਹਿ ਫਸ੍ਸਾਦਯੋ ਸਤ੍ਤ ਛਪਿ ਵਤ੍ਥੂਨਿ, ਇਤਰੇ ਪਨ ਹਦਯਮੇਵਾਤਿ, ਸੇਸਂ ਚਿਤ੍ਤਸਮਂ.

ਕਿਚ੍ਚਦ੍ਵਾਰਸਙ੍ਗਹੇ ਪਨ ਨੇਸਂ ਚਿਤ੍ਤਂ ਯਥਾ ਚ ਚੁਦ੍ਦਸਹਿ ਕਿਚ੍ਚੇਹਿ ਛਦ੍ਵਾਰਿਕਦ੍ਵਾਰਵਿਨਿਮੁਤ੍ਤਭਾਵੇਨ, ਏਵਂ ਪਵਤ੍ਤਿਕ੍ਕਮੋ ਵੇਦਿਤਬ੍ਬੋ. ਯਦਾ ਹਿ ਕੁਸਲਾਕੁਸਲਬਲੇਨ ਤੀਸੁ ਭੂਮੀਸੁ ਸਤ੍ਤਾ ਨਿਬ੍ਬਤ੍ਤਨ੍ਤਿ, ਤਦਾ ਤੇਸਂ ਮਰਣਕਾਲੇ ਯੇਭੁਯ੍ਯੇਨ ਛਨ੍ਨਂ ਦ੍ਵਾਰਾਨਮਞ੍ਞਤਰਸ੍ਮਿਂ ਪਚ੍ਚੁਪਟ੍ਠਿਤਂ ਕਮ੍ਮਕਮ੍ਮਨਿਮਿਤ੍ਤਗਤਿਨਿਮਿਤ੍ਤਾਨਮਞ੍ਞਤਰਂ ਗਹੇਤ੍ਵਾ ਉਪੇਕ੍ਖਾਸਹਗਤਵਿਪਾਕਾਹੇਤੁਕਮਨੋਵਿਞ੍ਞਾਣਧਾਤੁਦ੍ਵਯਞ੍ਚੇਵ ਅਟ੍ਠ ਮਹਾਵਿਪਾਕਾਨਿ, ਨਵ ਰੂਪਾਰੂਪਵਿਪਾਕਾਨਿ ਚੇਤਿ ਏਕੂਨਵੀਸਤਿ ਚਿਤ੍ਤਾਨਿ ਹੇਟ੍ਠਾ ਵੁਤ੍ਤਨਯੇਨ ਯਥਾਸਕਭੂਮੀਸੁ ਪਟਿਸਨ੍ਧਿ ਹੁਤ੍ਵਾ ਉਪ੍ਪਜ੍ਜਨ੍ਤਿ, ਤਾਨੇਵ ਭਵਙ੍ਗਚੁਤਿਵਸੇਨ ਦ੍ਵਾਰਵਿਨਿਮੁਤ੍ਤਾਨਿ ਨਾਮ ਹੋਨ੍ਤਿ. ਮਰਣਕਾਲੇ ਹਿ ¶ ਸਤ੍ਤਾਨਂ ਅਸਞ੍ਞਿਸਤ੍ਤਵਿਰਹਿਤਾਨਂ ਭਵਨ੍ਤਰੇ ਪਟਿਸਨ੍ਧਿਜਨਕਂ ਅਤੀਤਂ ਕਮ੍ਮਂ ਵਾ ਤਂਕਮ੍ਮਕਰਣਕਾਲੇ ਵਿਸਯੋਪਕਰਣਾਦਿਭੂਤਂ ਰੂਪਾਦਿਛਬ੍ਬਿਧਮ੍ਪਿ ਅਤੀਤਾਦਿਭੇਦਂ ਕਾਲਵਿਨਿਮੁਤ੍ਤਞ੍ਚ ਕਮ੍ਮਨਿਮਿਤ੍ਤਂ ਵਾ ਉਪਪਜ੍ਜਮਾਨਭਵਾਨੁਰੂਪਂ ਕਪ੍ਪਰੁਕ੍ਖਮਾਤੁਕੁਚ੍ਛਿਨਿਰਯਗ੍ਗਿਜਾਲਾਦਿਗਤਿਨਿਮਿਤ੍ਤਂ ਵਾ ਕਮ੍ਮਬਲੇਨ ਯਥਾਰਹਂ ਛਨ੍ਨਂ ਦ੍ਵਾਰਾਨਮਞ੍ਞਤਰਸ੍ਮਿਂ ਸਾਯਨ੍ਹੇ ਪਬ੍ਬਤਚ੍ਛਾਯਾ ਪਥਵਿਯਂ ਵਿਯ ਚਿਤ੍ਤਸਨ੍ਤਾਨੇ ਅਲ੍ਲੀਯਮਾਨਂ ਉਪਟ੍ਠਾਤਿ. ਏਵਂ ਉਪਟ੍ਠਿਤੇ ਚ ਤਸ੍ਮਿਂ ਆਰਮ੍ਮਣੇ ਕਮ੍ਮਬਲੇਨ ਨਿਰਨ੍ਤਰਂ ਪਵਤ੍ਤਮਾਨਚਿਤ੍ਤਸਨ੍ਤਾਨਸ੍ਸ ਆਯੁਕ੍ਖਯਕਮ੍ਮਕ੍ਖਯਉਭਯਕ੍ਖਯਉਪਚ੍ਛੇਦਕਕਮ੍ਮਾਨਮਞ੍ਞਤਰੇਨ ਪਚ੍ਚਾਸਨ੍ਨਮਰਣਸ੍ਸ ਤਸ੍ਸ ਤਸ੍ਸ ਵੀਥਿਚਿਤ੍ਤਭਵਙ੍ਗਾਨਨ੍ਤਰਂ ਚੁਤਿਚਿਤ੍ਤਂ ਹੋਤਿ, ਤਦਨਨ੍ਤਰਂ ਕਮ੍ਮਕਮ੍ਮਨਿਮਿਤ੍ਤਾਦੀਸੁ ਯਥਾਗਹਿਤਂ ਆਰਬ੍ਭ ਯਥਾਰਹਂ ਤੀਸੁ ਭਵੇਸੁ ਯਂ ਕਿਞ੍ਚਿ ਪਟਿਸਨ੍ਧਿਚਿਤ੍ਤਂ ਭਵਨ੍ਤਰੇ ਪਠਮਚਿਤ੍ਤਂ ਹੁਤ੍ਵਾ ਉਪ੍ਪਜ੍ਜਤਿ.

ਤਤ੍ਥ ਚ ਦੁਹੇਤੁਕਾਹੇਤੁਕਚੁਤਿਯਾਨਨ੍ਤਰਂ ਦਸ ਕਾਮਾਵਚਰਪਟਿਸਨ੍ਧਿਯੋਵ ਹੋਨ੍ਤਿ, ਨ ਇਤਰਾ, ਕਾਮਾਵਚਰਤਿਹੇਤੁਕਾਯ ਚੁਤਿਯਾ ਸਬ੍ਬਾਪਿ ਹੋਨ੍ਤਿ, ਰੂਪਾਵਚਰਾਯ ਪਨ ਚੁਤਿਯਾਪਿ ਅਹੇਤੁਕਪਟਿਸਨ੍ਧਿਰਹਿਤਾ, ਅਰੂਪਾਵਚਰਾਯ ਚੁਤਿਯਾ ਹੇਟ੍ਠਿਮਵਜ੍ਜਿਤਾਰੁਪ੍ਪਪਟਿਸਨ੍ਧਿਯੋ ਚੇਵ ਕਾਮਾਵਚਰਤਿਹੇਤੁਕਪਟਿਸਨ੍ਧਿਯੋ ਚ, ਅਸਞ੍ਞੀਨਂ ਪਨ ਰੂਪਚੁਤਿਤੋ ਭਵਨ੍ਤਰੇ ਗਹਿਤਪੁਬ੍ਬਂ ਕਮ੍ਮਾਦਿਮੇਵਾਰਬ੍ਭ ਅਹੇਤੁਕਰਹਿਤਾ ਕਾਮਾਵਚਰਪਟਿਸਨ੍ਧਿਯੋਵ ਹੋਨ੍ਤਿ, ਨ ਇਤਰਾ. ਪੁਥੁਜ੍ਜਨਾਨਂ, ਪਨ ਸੋਤਾਪਨ੍ਨਸਕਦਾਗਾਮੀਨਞ੍ਚ ਚੁਤਿਯਾ ਸੁਦ੍ਧਾਵਾਸੇਸੁ ਪਟਿਸਨ੍ਧਿ ਨ ਹੋਤਿ, ਸੇਖਾਨਂ ਦ੍ਵਿਹੇਤੁਕਾਹੇਤੁਕਾਸਞ੍ਞਿਪਟਿਸਨ੍ਧਿਯੋ, ਅਸੇਖਾਨਂ ਪਨ ਸਬ੍ਬਾਪਿ ਪਟਿਸਨ੍ਧਿਯੋ ਨ ਹੋਨ੍ਤਿ. ਤੇ ਹਿ ਚੁਤਿਤੋ ¶ ਨਿਰੁਪਧਿਸੇਸਨਿਬ੍ਬਾਨੇਨ ਅਨੁਪਾਦਾਪਰਿਨਿਬ੍ਬਾਨਪ੍ਪਤ੍ਤਾ ਨਾਮ ਹੋਨ੍ਤਿ. ਏਵਂ ਗਹਿਤਪਟਿਸਨ੍ਧਿਨਿਰੋਧਤੋ ਪਰਂ ਤਦੇਵ ਚਿਤ੍ਤਂ ਤਸ੍ਮਿਞ੍ਞੇਵਾਰਮ੍ਮਣੇ ਭਵਙ੍ਗਂ ਹੁਤ੍ਵਾ ਚੁਤਿਪਰਿਯੋਸਾਨਂ ਅਸਤਿ ਵੀਥਿਚਿਤ੍ਤੁਪ੍ਪਾਦੇ ਸੁਪਿਨਮ੍ਪਿ ਅਦਿਸ੍ਵਾ ਨਿਦ੍ਦੋਕ੍ਕਮਨਕਾਲਾਦੀਸੁ ¶ ਅਪਰਿਮਾਣਸਙ੍ਖਮ੍ਪਿ ਨਦੀਸੋਤਂ ਵਿਯ ਨਿਰਨ੍ਤਰਂ ਪਵਤ੍ਤਤਿ. ਏਵਂ ਏਕੂਨਵੀਸਤਿਵਿਞ੍ਞਾਣਾਨਂ ਪਟਿਸਨ੍ਧਿਭਵਙ੍ਗਚੁਤਿਵਸੇਨ ਪਵਤ੍ਤਿਕ੍ਕਮੋ ਵੇਦਿਤਬ੍ਬੋ.

ਏਵਂ ਪਨ ਵਤ੍ਤਮਾਨੇ ਭਵਙ੍ਗਸਨ੍ਤਾਨੇ ਯਦਾ ਇਨ੍ਦ੍ਰਿਯਪਰਿਪਾਕਮਾਗਮ੍ਮ ਸਭਾਗਪਚ੍ਚਯਨ੍ਤਰਸਹਿਤਂ ਅਤਿਮਹਨ੍ਤਂ ਰੂਪਾਰਮ੍ਮਣਂ ਚਕ੍ਖੁਦ੍ਵਾਰੇ ਘਟ੍ਟੇਤਿ, ਤਦਾ ਘਟ੍ਟਨਾਨੁਭਾਵੇਨ ਦ੍ਵਿਕ੍ਖਤ੍ਤੁਂ ਤਤ੍ਥ ਭਵਙ੍ਗਚਲਨਂ ਹੋਤਿ, ਤਦਨਨ੍ਤਰਂ ਭਵਙ੍ਗਂ ਵੋਚ੍ਛਿਨ੍ਦਿਤ੍ਵਾ ਤਸ੍ਮਿਂ ਰੂਪਾਰਮ੍ਮਣੇ ਕਿਰਿਯਮਨੋਧਾਤੁ ਆਵਜ੍ਜਨਕਿਚ੍ਚਂ ਸਾਧਯਮਾਨਾ ਉਪ੍ਪਜ੍ਜਿਤ੍ਵਾ ਨਿਰੁਜ੍ਝਤਿ, ਤਥਾ ਤਦਨਨ੍ਤਰਂ ਚਕ੍ਖੁਵਿਞ੍ਞਾਣਦ੍ਵਯੇ ਯਥਾਰਹਮੇਕਂ ਦਸ੍ਸਨਕਿਚ੍ਚਂ, ਤਦਨਨ੍ਤਰਂ ਵਿਪਾਕਮਨੋਧਾਤੁਦ੍ਵਯਾ ਅਞ੍ਞਤਰਂ ਸਮ੍ਪਟਿਚ੍ਛਨਕਿਚ੍ਚਂ, ਤਦਨਨ੍ਤਰਂ ਵਿਪਾਕਮਨੋਵਿਞ੍ਞਾਣਧਾਤੁਤ੍ਤਯਾ ਅਞ੍ਞਤਰਂ ਸਨ੍ਤੀਰਣਕਿਚ੍ਚਂ, ਤਦਨਨ੍ਤਰਂ ਉਪੇਕ੍ਖਾਸਹਗਤਕਿਰਿਯਾਹੇਤੁਕਮਨੋਵਿਞ੍ਞਾਣਧਾਤੁ ਵੋਟ੍ਠਬ੍ਬਨਕਿਚ੍ਚਂ, ਤਦਨਨ੍ਤਰਂ ਏਕੂਨਤਿਂਸਕਾਮਾਵਚਰਜਵਨੇਸੁ ਯਂ ਕਿਞ੍ਚਿ ਯਥਾਰਹਂ ਸਤ੍ਤਕ੍ਖਤ੍ਤੁਂ, ਛਕ੍ਖਤ੍ਤੁਂ, ਮਰਣਕਾਲਾਦੀਸੁ ਪਞ੍ਚਕ੍ਖਤ੍ਤੁਮੇਵ ਵਾ ਜਵਨਕਿਚ੍ਚਂ ਸਾਧਯਮਾਨਂ, ਤਦਨਨ੍ਤਰਂ ਏਕਾਦਸਸੁ ਤਦਾਰਮ੍ਮਣਕਿਚ੍ਚੇਸੁ ਮਹਾਵਿਪਾਕਸਨ੍ਤੀਰਣੇਸੁ ਯਥਾਰਹਮੇਕਂ ਸਕਿਂ, ਦ੍ਵਿਕ੍ਖਤ੍ਤੁਂ ਵਾ ਤਦਾਰਮ੍ਮਣਕਿਚ੍ਚਂ ਸਾਧਯਮਾਨਂ ਉਪ੍ਪਜ੍ਜਿਤ੍ਵਾ ਨਿਰੁਜ੍ਝਤਿ, ਤਦਨਨ੍ਤਰਂ ਭਵਙ੍ਗਸਨ੍ਤਤਿ ਏਵ ਪਵਤ੍ਤਤਿ. ਏਵਂ ਚਕ੍ਖੁਦ੍ਵਾਰੇ ਸਤ੍ਤਕਿਚ੍ਚਾਨਿ ਛਚਤ੍ਤਾਲੀਸ ਚਿਤ੍ਤਾਨਿ ਸਮ੍ਭਵਨ੍ਤਿ.

ਯਦਾ ਪਨ ਵੁਤ੍ਤਨਯੇਨ ਸਦ੍ਦਾਰਮ੍ਮਣਾਦੀਨਿ ਸੋਤਦ੍ਵਾਰਾਦੀਸੁ ਘਟ੍ਟੇਨ੍ਤਿ, ਤਦਾਪਿ ਚਕ੍ਖੁਦ੍ਵਾਰੇ ਵਿਯ ਪਚ੍ਚੇਕਞ੍ਚ ਛਚਤ੍ਤਾਲੀਸੇਵ ਭਵਨ੍ਤਿ. ਕੇਵਲਂ ਹੇਤ੍ਥ ਆਵਜ੍ਜਨਾਨਨ੍ਤਰਂ ਚਕ੍ਖੁਵਿਞ੍ਞਾਣਟ੍ਠਾਨੇ ਸੋਤਵਿਞ੍ਞਾਣਾਦਿਦ੍ਵਯਾਨਿ ਯਥਾਕ੍ਕਮਂ ਸਵਨਾਦਿਕਿਚ੍ਚਾਨਿ ਸਾਧਯਮਾਨਾਨਿ ਉਪ੍ਪਜ੍ਜਨ੍ਤੀਤਿ. ਏਵਂ ਪਞ੍ਚਦ੍ਵਾਰੇ ਅਤਿਮਹਨ੍ਤੇ ਪਞ੍ਚਾਰਮ੍ਮਣੇ ਚਤੁਪਞ੍ਞਾਸ ਕਾਮਾਵਚਰਚਿਤ੍ਤਾਨੇਵ ਸਮ੍ਭਵਨ੍ਤਿ. ਕੇਚਿ ਪਨੇਤ੍ਥ ‘‘ਸਸਙ੍ਖਾਰਿਕਜਵਨਾਨਿ ਪਞ੍ਚਦ੍ਵਾਰੇ ਨ ਉਪ੍ਪਜ੍ਜਨ੍ਤਿ ਪੁਬ੍ਬਪ੍ਪਯੋਗਾਸਮ੍ਭਵਾ, ਮਨੋਦ੍ਵਾਰੇਯੇਵੇਤਾਨਿ ਉਪ੍ਪਜ੍ਜਨ੍ਤੀ’’ਤਿ ਵਦਨ੍ਤਿ.

ਮਹਨ੍ਤੇ ¶ ਪਨ ਤਦਾਰਮ੍ਮਣਵਜ੍ਜਿਤਾਨਿ. ਵਿਸਯਸ੍ਸ ਜਵਨਸਮਕਾਲਮੇਵ ਅਤੀਤਤ੍ਤਾ ਜਵਨਾਵਸਾਨੇ ਭਵਙ੍ਗਂ ਹੋਤਿ. ਪਰਿਤ੍ਤੇ ਪਨ ਜਵਨਮ੍ਪਿ ਨਤ੍ਥਿ. ਵੋਟ੍ਠਬ੍ਬਨਂ ਹੇਤ੍ਥ ਜਵਨਟ੍ਠਾਨੇ ਠਤ੍ਵਾ ਦ੍ਵਤ੍ਤਿਕ੍ਖਤ੍ਤੁਂ ਪਵਤ੍ਤਿਤ੍ਵਾ ਨਿਰੁਜ੍ਝਤਿ, ਤਤੋ ਪਰਂ ਭਵਙ੍ਗਂ ਹੋਤਿ. ਅਯਂ ਪਨ ਵਾਰੋ ‘‘ਦਿਟ੍ਠਂ ਵਿਯ ਮੇ ¶ , ਸੁਤਂ ਵਿਯ ਮੇ’’ਤਿਆਦਿਕਥਨਕਾਲੇ ਲਬ੍ਭਤਿ. ਅਤਿਪਰਿਤ੍ਤੇ ਪਨ ਵੋਟ੍ਠਬ੍ਬਨਪ੍ਪਾਦਾ ਅਸਣ੍ਠਹਨਤੋ ਭਵਙ੍ਗਚਲਨਮਤ੍ਤਮੇਵ, ਨ ਆਵਜ੍ਜਨਾਦੀਨਿ. ਆਵਜ੍ਜਨੇਨ ਹਿ ਭਵਙ੍ਗੇ ਆਵਟ੍ਟਿਤੇ ਵੋਟ੍ਠਬ੍ਬਨਂ ਅਪ੍ਪਤ੍ਵਾ ਅਨ੍ਤਰਾ ਚਕ੍ਖੁਵਿਞ੍ਞਾਣਾਨਨ੍ਤਰਂ ਚਿਤ੍ਤਂ ਭਵਙ੍ਗਂ ਓਤਰਿਸ੍ਸਤੀਤਿ ਨੇਤਂ ਠਾਨਂ ਵਿਜ੍ਜਤਿ, ਨਾਪਿ ਅਪ੍ਪਵਤ੍ਤਮਾਨੇ ਵਿਸਯੇ ਪਞ੍ਚਦ੍ਵਾਰਿਕਵੀਥਿਚਿਤ੍ਤਾਨਿ ਪਵਤ੍ਤਨ੍ਤੀਤਿ. ਅਯਂ ਪਞ੍ਚਦ੍ਵਾਰੇ ਵਿਸਯਪ੍ਪਵਤ੍ਤਿਭੇਦੇਨ ਚਿਤ੍ਤਪ੍ਪਵਤ੍ਤਿਨਿਯਮੋ.

ਮਨੋਦ੍ਵਾਰੇ ਪਨ ਛਸੁ ਆਰਮ੍ਮਣੇਸੁ ਆਪਾਥਗਤੇਸੁ ਵੁਤ੍ਤਨਯੇਨ ਭਵਙ੍ਗਚਲਨਮਨੋਦ੍ਵਾਰਾਵਜ੍ਜਨਾਨਨ੍ਤਰਂ ਕੁਸਲਾਕੁਸਲਫਲਨਾਵਜ੍ਜਨਕਿਰਿਯਚਿਤ੍ਤੇਸੁ ਪਞ੍ਚਪਞ੍ਞਾਸਜਵਨਕਿਚ੍ਚੇਸੁ ਯਂ ਕਿਞ੍ਚਿ ਕਾਮਾਵਚਰਾਰਮ੍ਮਣਮਾਰਬ੍ਭ ਪਵਤ੍ਤਤਿ, ਤਤੋ ਪਭੁਤਿ ਕਾਮਾਵਚਰਾਰਮ੍ਮਣੇ ਤਦਾਰਮ੍ਮਣਂ ਹੋਤਿ. ਅਪ੍ਪਨਾਜਵਨੇ ਅਯਂ ਪਵਤ੍ਤਿਕ੍ਕਮੋ – ਸਮਥਵਿਪਸ੍ਸਨਾਕਮ੍ਮਟ੍ਠਾਨਿਕਾਨਂ ਹਿ ਯਥਾਸਕਵਿਸਯੇ ਉਪ੍ਪਾਦਿਤਪੁਬ੍ਬਭਾਗਭਾਵਨਾਨਂ ‘‘ਇਦਾਨਿ ਅਪ੍ਪਨਾ ਉਪ੍ਪਜ੍ਜਿਸ੍ਸਤੀ’’ਤਿ ਭਵਙ੍ਗਚਲਨਾਵਜ੍ਜਨਾਵਸਾਨੇ ਞਾਣਸਮ੍ਪਯੁਤ੍ਤਕਾਮਾਵਚਰਜਵਨੇਸੁ ਅਞ੍ਞਤਰਸ੍ਮਿਂ ਯਥਾਰਹਂ ਪਰਿਕਮ੍ਮੋਪਚਾਰਾਨੁਲੋਮਗੋਤ੍ਰਭੁਨਾਮੇਨ ਚਤੁਕ੍ਖਤ੍ਤੁਂ, ਤਿਕ੍ਖਤ੍ਤੁਮੇਵ ਵਾ ਉਪ੍ਪਜ੍ਜਿਤ੍ਵਾ ਨਿਰੁਦ੍ਧੇ ਚਤੁਤ੍ਥਂ, ਪਞ੍ਚਮਂ ਵਾ ਮਹਗ੍ਗਤਜਵਨੇਸੁ ਯਂ ਕਿਞ੍ਚਿ ਪਠਮਕਪ੍ਪਨਾਭਿਞ੍ਞਾਭੂਤਂ ਏਕਵਾਰਮੇਵ, ਝਾਨਸਮਾਪਤ੍ਤਿਭੂਤਂ ਅਨਨ੍ਤਵਾਰਮ੍ਪਿ ਜਵਤਿ. ਲੋਕੁਤ੍ਤਰਜਵਨੇਸੁ ਪਨ ਕੁਸਲਾਨਿ ਏਕਸਨ੍ਤਾਨੇ ਏਕਵਾਰਮੇਵ ਜਵਨ੍ਤਿ, ਤਦਨਨ੍ਤਰਂ ਯਥਾਸਕਂ ਫਲਚਿਤ੍ਤਞ੍ਚ ਦ੍ਵਤ੍ਤਿਵਾਰਂ, ਫਲਸਮਾਪਤ੍ਤਿਵੀਥਿਯਂ ਫਲਮੇਵ ਅਨਨ੍ਤਵਾਰਮ੍ਪਿ ਜਵਤਿ, ਨਿਰੋਧਸਮਾਪਤ੍ਤਿਯਂ ਪਨ ਅਨੁਪੁਬ੍ਬਨਿਰੋਧਵਸੇਨ ¶ ਪਠਮਜ੍ਝਾਨਤੋ ਯਾਵਾਕਿਞ੍ਚਞ੍ਞਾਯਤਨਾ ਯਥਾਕ੍ਕਮਂ ਆਵਜ੍ਜਨਪਰਿਕਮ੍ਮਾਦਿਵਸੇਨੇਵ ਸਮਾਪਜ੍ਜਿਤ੍ਵਾ ਵੁਟ੍ਠਿਤਸ੍ਸ ਗੋਤ੍ਰਭੁਤੋ ਅਨਨ੍ਤਰਂ ਚਤੁਤ੍ਥਾਰੁਪ੍ਪਜਵਨੇ ਦ੍ਵਿਕ੍ਖਤ੍ਤੁਂ ਜਵਿਤ੍ਵਾ ਨਿਰੁਦ੍ਧੇ ਯਥਾਪਰਿਚ੍ਛਿਨ੍ਨਕਾਲਞ੍ਚ ਚਿਤ੍ਤਂ ਨ ਉਪ੍ਪਜ੍ਜਤਿ, ਵੁਟ੍ਠਾਨਕਾਲੇ ਚ ਆਵਜ੍ਜਨਪਰਿਕਮ੍ਮਚਿਤ੍ਤਨਿਯਾਮੇਨ ਅਨਾਗਾਮਿਫਲਂ, ਅਰਹਤ੍ਤਫਲਂ ਵਾ ਯਥਾਰਹਮੇਕਵਾਰਮੇਵ ਉਪ੍ਪਜ੍ਜਤਿ. ਤਤ੍ਥ ਚ ਕੁਸਲਗੋਤ੍ਰਭੁਤੋ ਅਨਨ੍ਤਰਂ ਕੁਸਲਞ੍ਚੇਵ ਆਦਿਤੋ ਫਲਤ੍ਤਯਞ੍ਚ ਅਪ੍ਪੇਤਿ, ਕਿਰਿਯਾਗੋਤ੍ਰਭੁਤੋ ਕਿਰਿਯਂ, ਅਰਹਤ੍ਤਫਲਞ੍ਚ. ਤਤ੍ਥਾਪਿ ਸੋਮਨਸ੍ਸਸਹਗਤਤੋ ਸੋਮਨਸ੍ਸਸਹਗਤਮੇਵ, ਉਪੇਕ੍ਖਾਸਹਗਤਤੋ ਚ ਉਪੇਕ੍ਖਾਸਹਗਤਮੇਵ ਅਪ੍ਪੇਤਿ. ਅਸੇਖਾਨਮੇਵ ਚੇਤ੍ਥ ਅਰਹਤ੍ਤਫਲਕਿਰਿਯਾਜਵਨਾਨਿ, ਯਥਾਸਕਂ ਸੇਖਾਨਮੇਵ ਸੇਸਲੋਕੁਤ੍ਤਰਾਨਿ, ਸੇਖਪੁਥੁਜ੍ਜਨਾਨਮੇਵ ਕੁਸਲਾਕੁਸਲਾਨਿ, ਤਿਹੇਤੁਕਾਨਮੇਵ ਅਪ੍ਪਨਾ ਹੋਨ੍ਤਿ, ਅਯਂ ਜਵਨਨਿਯਮੋ.

ਅਪ੍ਪਨਾਜਵਨਤੋ ਪਰਂ ਪਨ ਤਦਾਰਮ੍ਮਣਂ ਨਤ੍ਥਿ. ਜਵਨਾਰਮ੍ਮਣੇਸੁ ਹਿ ਕਾਮਾਵਚਰਭੂਤੇਸ੍ਵੇਵ ਕਾਮਾਵਚਰਪਟਿਸਨ੍ਧਿਕਾਨਮੇਵ ਅਤਿਮਹਨ੍ਤੇ, ਵਿਭੂਤੇ ਚ ਵਿਸਯੇ ਤਦਾਰਮ੍ਮਣਮੁਪ੍ਪਜ੍ਜਤਿ. ਅਤਿਇਟ੍ਠੇ ਪਨਾਰਮ੍ਮਣੇ ¶ ਸਨ੍ਤੀਰਣਕਿਰਿਯਾਜਵਨਤਦਾਰਮ੍ਮਣਾਨਿ ਸੋਮਨਸ੍ਸਸਹਗਤਾਨਿ, ਇਟ੍ਠਮਜ੍ਝਤ੍ਤੇ, ਅਨਿਟ੍ਠੇ ਚ ਉਪੇਕ੍ਖਾਸਹਗਤਾਨਿ ਹੋਨ੍ਤਿ. ਯਦਾ ਪਨ ਦੋਮਨਸ੍ਸਾਨਨ੍ਤਰਂ ਸੋਮਨਸ੍ਸਸ੍ਸ ਪਟ੍ਠਾਨੇ ਪਟਿਕ੍ਖਿਤ੍ਤਤ੍ਤਾ ਸੋਮਨਸ੍ਸਪਟਿਸਨ੍ਧਿਕਸ੍ਸ ਅਤਿਇਟ੍ਠਾਦੀਸੁ ਪਟਿਘੇ ਜਵਿਤੇ ਤਦਾਰਮ੍ਮਣਭਵਙ੍ਗਾਨਿ ਨ ਉਪ੍ਪਜ੍ਜਨ੍ਤਿ, ਤਦਾ ਅਞ੍ਞਂ ਪਰਿਚਿਤਪੁਬ੍ਬਂ ਪਰਿਤ੍ਤਾਰਮ੍ਮਣਮਾਰਬ੍ਭ ਅਨਾਵਜ੍ਜਨਮ੍ਪਿ ਨਿਰੋਧਤੋ ਵੁਟ੍ਠਹਨ੍ਤਸ੍ਸ ਸਾਮਞ੍ਞਫਲਂ ਵਿਯ ਅਨ੍ਤਰਾ ਉਪੇਕ੍ਖਾਸਹਗਤਸਨ੍ਤੀਰਣਂ ਉਪ੍ਪਜ੍ਜਤਿ, ਤਮਨਨ੍ਤਰਿਤ੍ਵਾ ਭਵਙ੍ਗਂ ਹੋਤੀਤਿ ਅਯਂ ਤਦਾਰਮ੍ਮਣਨਿਯਮੋ.

ਏਵਂ ਪਨ ਭਵਙ੍ਗਾਨਨ੍ਤਰਂ ਛਦ੍ਵਾਰੇ ਆਵਜ੍ਜਨਾਦੀਨਿ ਵੀਥਿਚਿਤ੍ਤਾਨਿ. ਇਤਿ ਯਾਵਤਾਯੁਕਂ ਇਮਿਨਾਵ ਕਮੇਨ ਚਿਤ੍ਤਨਿਯਾਮਤੋ ਵਿਞ੍ਞਾਣਾਨਿ ਪਵਤ੍ਤਨ੍ਤਿ. ਵੀਥਿਚਿਤ੍ਤਾਨਨ੍ਤਰਂ, ਪਨ ਭਵਙ੍ਗਾਨਨ੍ਤਰਂ ਵਾ ਸਬ੍ਬਪਚ੍ਛਿਮਂ ¶ ਤਂ ਏਕੂਨਵੀਸਤਿਵਿਧਂ ਭਵਙ੍ਗਮੇਵ ਤਸ੍ਮਿਞ੍ਞੇਵਾਰਮ੍ਮਣੇ ਚੁਤਿਕਿਚ੍ਚਞ੍ਚ ਸਾਧਯਮਾਨਂ ਪਵਤ੍ਤਤਿ, ਤਸ੍ਮਿਂ ਨਿਰੁਦ੍ਧੇ ਸਤ੍ਤੋ ਚੁਤੋ ਨਾਮ ਹੋਤਿ. ਤਤੋਪਿ ਚੁਤਿਤੋ ਪੁਨ ਪਟਿਸਨ੍ਧਿਭਵਙ੍ਗਵੀਥਿਚੁਤਿਯੋਤਿ ਏਵਂ ਪੁਨਪ੍ਪੁਨਂ ਚਿਤ੍ਤਸਨ੍ਤਾਨਂ ਯਨ੍ਤਯੁਤ੍ਤਗੋਣੋ ਵਿਯ ਭਵਾਦੀਸੁ ਯਾਵਾਨੁਪਾਦਾਯ ਆਸਵੇਹਿ ਨ ਵਿਮੁਚ੍ਚਤਿ, ਤਾਵਾਵਿਚ੍ਛਿਨ੍ਨਂ ਪਵਤ੍ਤਤਿ ਏਵ. ਏਵਂ ਪਵਤ੍ਤਮਾਨੇ ਚ ਚਿਤ੍ਤਸਨ੍ਤਾਨੇ ‘‘ਤ੍ਵਂ ਭਵਙ੍ਗਂ ਨਾਮ ਹੋਤਿ, ਤ੍ਵਂ ਤਦਨਨ੍ਤਰਂ ਆਵਜ੍ਜਨਂ…ਪੇ… ਤ੍ਵਂ ਤਦਨਨ੍ਤਰਂ ਤਦਾਰਮ੍ਮਣਂ ਨਾਮ ਹੋਤਿ, ਤ੍ਵਂ ਪਨ ਭਵਙ੍ਗ’’ਨ੍ਤਿਆਦਿਨਾ ਨਿਯਾਮਕੋ ਕਤ੍ਤਾ ਨਾਮ ਨਤ੍ਥਿ, ਚਿਤ੍ਤਨਿਯਾਮੇਨੇਵੇਤਂ ਪਵਤ੍ਤਤਿ.

ਪਞ੍ਚਵਿਧੋ ਹਿ ਨਿਯਾਮੋ – ਬੀਜਨਿਯਾਮੋ ਉਤੁਨਿਯਾਮੋ ਕਮ੍ਮਨਿਯਾਮੋ ਧਮ੍ਮਨਿਯਾਮੋ ਚਿਤ੍ਤਨਿਯਾਮੋਤਿ, ਤਤ੍ਥ ਅਙ੍ਕੁਰਪਣ੍ਣਦਣ੍ਡਪੁਪ੍ਫਫਲਾਦਿਕ੍ਕਮੇਨ ਤੇਸਂ ਤੇਸਂ ਬੀਜਾਨਂ ਅਞ੍ਞੋਞ੍ਞਵਿਸਦਿਸਰੁਕ੍ਖਤਿਣਗਚ੍ਛਲਤਾਦਿਸਨ੍ਤਾਨੇ ਅਤ੍ਤਨਾ ਸਦਿਸਫਲਦਾਨਂ ਬੀਜਨਿਯਾਮੋ ਨਾਮ. ਤਸ੍ਮਿਂ ਤਸ੍ਮਿਂ ਸਮਯੇ ਤੇਸਂ ਤੇਸਂ ਰੁਕ੍ਖਾਨਂ ਏਕਪ੍ਪਹਾਰੇਨ ਪੁਪ੍ਫਫਲਪਲ੍ਲਵਾਨਂ ਗਹਣਂ ਉਤੁਨਿਯਾਮੋ ਨਾਮ. ਤਸ੍ਸ ਤਸ੍ਸ ਵਾ ਕੁਸਲਾਕੁਸਲਕਮ੍ਮਸ੍ਸ ਤਂਤਂਸਦਿਸਾਸਦਿਸਰੂਪਾਰੂਪਵਿਪਾਕਦਾਨਂ, ਕਮ੍ਮਸਰਿਕ੍ਖਕਵਿਪਾਕਦਾਨਞ੍ਚ ਕਮ੍ਮਨਿਯਾਮੋ ਨਾਮ. ਬੋਧਿਸਤ੍ਤਾਨਂ ਪਟਿਸਨ੍ਧਿਗ੍ਗਹਣੇ, ਮਾਤੁਕੁਚ੍ਛਿਤੋ ਅਭਿਨਿਕ੍ਖਮਨੇ, ਅਭਿਸਮ੍ਬੋਧਿਧਮ੍ਮਚਕ੍ਕਪ੍ਪਵਤ੍ਤਨਾਦੀਸੁ ਚ ਦ੍ਵਤ੍ਤਿਂਸ ਪੁਬ੍ਬਨਿਮਿਤ੍ਤਾਨਿ ਧਮ੍ਮਨਿਯਾਮੋ ਨਾਮ. ਯਥਾਵੁਤ੍ਤੇਨ ਭਵਙ੍ਗਾਵਜ੍ਜਨਾਦਿਕਿਚ੍ਚਕ੍ਕਮੇਨੇਵ ਚਿਤ੍ਤਪ੍ਪਵਤ੍ਤਿ ਚਿਤ੍ਤਨਿਯਾਮੋ ਨਾਮ. ਇਮਿਨਾ ਪਨ ਚਿਤ੍ਤਨਿਯਾਮੇਨ ਯਥਾਕ੍ਕਮਂ ਕਿਚ੍ਚਵਨ੍ਤੇਸੁ ਚੇਤੇਸੁ ਚਿਤ੍ਤੇਸੁ ਦ੍ਵਿਪਞ੍ਚਵਿਞ੍ਞਾਣਮਨੋਧਾਤੁਜਵਨਾਨਿ ਯਥਾਸਮ੍ਭਵਂ ਏਕਕਿਚ੍ਚਟ੍ਠਾਨਾਨਿ, ਸੇਸਾਨਿ ਪਨ ਦ੍ਵਿਤਿਚਤੁਪਞ੍ਚਕਿਚ੍ਚਟ੍ਠਾਨਾਨਿ, ਤਾਨਿ ਚ ਪੁਬ੍ਬੇ ਵੁਤ੍ਤਾਨਿ, ਸੁਵਿਞ੍ਞੇਯ੍ਯਾਨਿ ਚ. ਏਵਂ ਏਕਦ੍ਵਾਰਿਕਾਦੀਨਿ ਚ. ਯਥਾ ਚ ਚਿਤ੍ਤਾਨਂ, ਏਵਂ ਤਂਸਮ੍ਪਯੁਤ੍ਤਚੇਤਸਿਕਾਨਮ੍ਪਿ ¶ ਕਿਚ੍ਚਦ੍ਵਾਰਵਸੇਨ ਸਙ੍ਗਹੋ ਵੇਦਿਤਬ੍ਬੋ. ਅਯਂ ਪਨ ਵਿਸੇਸੋ – ਕਿਚ੍ਚਤੋ ਹਿ ਸਬ੍ਬਤ੍ਥਕਾ ਤਾਵ ਸਤ੍ਤ ਚਿਤ੍ਤਂ ਵਿਯ ਚੁਦ੍ਦਸ ਕਿਚ੍ਚਾਨਿ ਕਰੋਨ੍ਤਿ. ਵਿਤਕ੍ਕਵਿਚਾਰਾਧਿਮੋਕ੍ਖਾ ¶ ਪਨ ਤਯੋ ਦਸ੍ਸਨਾਦਿਪਞ੍ਚਕਿਚ੍ਚਾਨਿ ਵਜ੍ਜੇਤ੍ਵਾ ਨਵ, ਵੀਰਿਯਂ ਤਤੋ ਸਮ੍ਪਟਿਚ੍ਛਨਸਨ੍ਤੀਰਣਾਨਿ ਵਜ੍ਜੇਤ੍ਵਾ ਸਤ੍ਤ, ਪੀਤਿ ਵੋਟ੍ਠਬ੍ਬਨਾਵਜ੍ਜਨਾਨਿਪਿ ਵਜ੍ਜੇਤ੍ਵਾ ਸਨ੍ਤੀਰਣੇਨ ਸਦ੍ਧਿਂ ਛ, ਵਿਰਤਿਅਪ੍ਪਮਞ੍ਞਾਵਜ੍ਜਿਤਾ ਪਨ ਵੀਸਤਿ ਕੁਸਲਾਬ੍ਯਾਕਤਾ ਚੇਵ ਛਨ੍ਦੋ ਚ ਸਨ੍ਤੀਰਣਮ੍ਪਿ ਵਜ੍ਜੇਤ੍ਵਾ ਪਞ੍ਚ, ਤਤੋ ਅਪ੍ਪਮਞ੍ਞਾ ਤਦਾਰਮ੍ਮਣਮ੍ਪਿ ਵਜ੍ਜੇਤ੍ਵਾ ਚਤ੍ਤਾਰਿ, ਵਿਰਤਿਯੋ ਪਨ ਕੁਸਲਾ ਜਵਨਕਿਚ੍ਚਮੇਵ ਕਰੋਨ੍ਤਿ. ਦ੍ਵਾਰਤੋ ਚ ਵਿਰਤਿਯੋ ਮਨੋਦ੍ਵਾਰਿਕਾ ਏਵ, ਤਥਾ ਕਰੁਣਾਮੁਦਿਤਾ, ਦ੍ਵਾਰਵਿਨਿਮੁਤ੍ਤਾ ਚ ਪਨ ਹੋਨ੍ਤਿ. ਮਨੋਦ੍ਵਾਰੇ ਏਵ ਹਿ ਦੁਚ੍ਚਰਿਤਵਿਰਮਣਂ ਸਤ੍ਤਪਞ੍ਞਤ੍ਤਿਗ੍ਗਹਣਞ੍ਚ ਹੋਤਿ. ਅਕੁਸਲਾ ਪਨ ਛਦ੍ਵਾਰਿਕਾ, ਤਤ੍ਥਾਪਿ ਮਾਨਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਾਨਿ ਮਨੋਦ੍ਵਾਰਿਕਾਨੇਵਾਤਿ ਕੇਚਿ. ਅਵਸੇਸਾ ਛਦ੍ਵਾਰਿਕਾ ਚੇਵ ਦ੍ਵਾਰਵਿਨਿਮੁਤ੍ਤਾ ਚ. ਸੇਸਂ ਚਿਤ੍ਤਸਦਿਸਮੇਵ. ਆਰਮ੍ਮਣਸਙ੍ਗਹੋ ਪਨ ਨੇਸਂ ਪਰਿਤ੍ਤਾਰਮ੍ਮਣਤ੍ਤਿਕੇ ਆਵਿ ਭਵਿਸ੍ਸਤੀਤਿ. ਅਯਂ ਪਕਿਣ੍ਣਕਕਥਾ.

ਚਿਤ੍ਤੁਪ੍ਪਾਦਕਣ੍ਡਵਣ੍ਣਨਾ ਨਿਟ੍ਠਿਤਾ.

ਅਬ੍ਯਾਕਤਪਦਂ ਪਨ ਨੇਵ ਤਾਵ ਨਿਟ੍ਠਿਤਂ. ਅਬ੍ਯਾਕਤੇਸੁ ਹਿ ਵਿਪਾਕਾਬ੍ਯਾਕਤਂ, ਕਿਰਿਯਾਬ੍ਯਾਕਤਞ੍ਚ ਵਿਭਤ੍ਤਂ, ਰੂਪਾਬ੍ਯਾਕਤਂ, ਪਨ ਨਿਬ੍ਬਾਨਾਬ੍ਯਾਕਤਞ੍ਚ ਅਵਸਿਟ੍ਠਂ. ਤਤ੍ਥ ਰੂਪਾਬ੍ਯਾਕਤਂ ਤਾਵ ਭੂਮਿਤੋ ਕਾਮਾਵਚਰਮੇਵ, ਨ ਭਿਨ੍ਨਂ, ਤਥਾ ਸਮ੍ਪਯੋਗਤੋਪਿ ਅਸਮ੍ਭਵੋ ਏਵ. ਸਾਰਮ੍ਮਣਧਮ੍ਮਾਨਮੇਵ, ਹਿ ਅਞ੍ਞਮਞ੍ਞਸਮ੍ਪਯੋਗੋ, ਨ ਇਤਰੇਸਨ੍ਤਿ. ਧਮ੍ਮੁਦ੍ਦੇਸਤੋ ਪਨੇਤਂ ਅਟ੍ਠਵੀਸਤਿਵਿਧਂ ਹੋਤਿ. ਸੇਯ੍ਯਥਿਦਂ – ਪਥਵੀਧਾਤੁ ਆਪੋਧਾਤੁ ਤੇਜੋਧਾਤੁ ਵਾਯੋਧਾਤੁ ਚਕ੍ਖੁ ਸੋਤਂ ਘਾਨਂ ਜਿਵ੍ਹਾ ਕਾਯੋ ਰੂਪਂ ਸਦ੍ਦੋ ਗਨ੍ਧੋ ਰਸੋ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਹਦਯਵਤ੍ਥੁ ਕਾਯਵਿਞ੍ਞਤ੍ਤਿ ਵਚੀਵਿਞ੍ਞਤ੍ਤਿ ਆਕਾਸੋ ਰੂਪਸ੍ਸ ਲਹੁਤਾ ਮੁਦੁਤਾ ਕਮ੍ਮਞ੍ਞਤਾ ਰੂਪਸ੍ਸ ਉਪਚਯੋ ਸਨ੍ਤਤਿ ਜਰਤਾ ਅਨਿਚ੍ਚਤਾ ਕਬਲ਼ੀਕਾਰੋ ਆਹਾਰੋਤਿ. ਪਦਭਾਜਨੀਯੇ ਪਨੇਤ੍ਥ ਕਿਞ੍ਚਾਪਿ ਹਦਯਵਤ੍ਥੁ ਨ ਆਗਤਂ, ਉਪਰਿ ਪਨ ਪਟ੍ਠਾਨਪਾਲ਼ਿਯਂ ¶ ‘‘ਯਂ ਰੂਪਂ ਨਿਸ੍ਸਾਯ ਮਨੋਧਾਤੁ ਚ ਮਨੋਵਿਞ੍ਞਾਣਧਾਤੁ ਚ ਵਤ੍ਤਨ੍ਤੀ’’ਤਿਆਦਿਨਾ (ਪਟ੍ਠਾ. ੧.੧.੮) ਸਰੂਪੇਨੇਵ ਆਗਮਿਸ੍ਸਤੀਤਿ ਤਂ ਇਧ ਗਹਿਤਂ. ਕੇਚਿ ਪਨ ਮਿਦ੍ਧਰੂਪਂ ਬਲਰੂਪਂ ਸਮ੍ਭਵਰੂਪਂ ਜਾਤਿਰੂਪਂ ਰੋਗਰੂਪਨ੍ਤਿ ਇਮਾਨਿਪਿ ਪਞ੍ਚ ਗਹੇਤ੍ਵਾ ‘‘ਤੇਤ੍ਤਿਂਸ ਰੂਪਾਨਿ ਹੋਨ੍ਤੀ’’ਤਿ ਵਦਨ੍ਤਿ, ਤੇ ਤੇਸਂ ਅਭਾਵਂ, ਅਨ੍ਤੋਗਧਭਾਵਞ੍ਚ ਵਤ੍ਵਾ ਪਟਿਕ੍ਖਿਪਿਤਬ੍ਬਾ. ਇਮੇਸੁ ਹਿ ਮਿਦ੍ਧਂ ਰੂਪਮੇਵ ਨ ਹੋਤਿ ਅਰੂਪਧਮ੍ਮਤ੍ਤਾ ਨੀਵਰਣਾਨਂ. ਮਿਦ੍ਧੇਨੇਵ ਹਿ ਪਚਲਾਯਿਕਾਕਾਰੇਨ ਰੂਪਪ੍ਪਵਤ੍ਤਿ ਹੋਤਿ, ਬਲਰੂਪਂ ਪਨ ਵਾਯੋਧਾਤੁਯਾ ਅਨ੍ਤੋਗਧਂ ਤਂਸਭਾਵਤ੍ਤਾ, ਸਮ੍ਭਵਰੂਪਂ ਆਪੋਧਾਤੁਯਾ, ਜਾਤਿਰੂਪਂ ¶ ਉਪਚਯਸਨ੍ਤਤੀਸੁ, ਰੋਗਰੂਪਞ੍ਚ ਜਰਤਾਅਨਿਚ੍ਚਤਾਸੁ ਪਵਿਸਤਿ ਸਪ੍ਪਚ੍ਚਯਸਮੁਟ੍ਠਿਤਰੂਪਵਿਕਾਰਭੇਦੇਸੁ ਰੋਗਬ੍ਯਪਦੇਸਤੋਤਿ ਸਬ੍ਬਂ ਰੂਪਂ ਅਟ੍ਠਵੀਸਤਿਵਿਧਮੇਵ ਹੋਤਿ. ਅਯਂ ਧਮ੍ਮੁਦ੍ਦੇਸਤੋ ਵਿਨਿਚ੍ਛਯੋ.

ਲਕ੍ਖਣਾਦਿਤੋ ਪਨੇਤ੍ਥ ਕਕ੍ਖਲ਼ਤ੍ਤਲਕ੍ਖਣਾ ਪਥਵੀਧਾਤੁ, ਪਤਿਟ੍ਠਾਨਰਸਾ, ਸਮ੍ਪਟਿਚ੍ਛਨਪਚ੍ਚੁਪਟ੍ਠਾਨਾ. ਪਗ੍ਘਰਣਲਕ੍ਖਣਾ ਆਪੋਧਾਤੁ, ਬ੍ਰੂਹਨਰਸਾ, ਸਙ੍ਗਹਪਚ੍ਚੁਪਟ੍ਠਾਨਾ. ਉਣ੍ਹਤ੍ਤਲਕ੍ਖਣਾ ਤੇਜੋਧਾਤੁ, ਪਰਿਪਾਚਨਰਸਾ, ਮਦ੍ਦਵਾਨੁਪ੍ਪਦਾਨਪਚ੍ਚੁਪਟ੍ਠਾਨਾ. ਵਿਤ੍ਥਮ੍ਭਨਲਕ੍ਖਣਾ ਵਾਯੋਧਾਤੁ, ਸਮੁਦੀਰਣਰਸਾ, ਅਭਿਨੀਹਾਰਪਚ੍ਚੁਪਟ੍ਠਾਨਾ. ਚਤਸ੍ਸੋਪਿ ਚੇਤਾ ਸੇਸਭੂਤਤ੍ਤਯਪਦਟ੍ਠਾਨਾ. ਰੂਪਾਭਿਘਾਤਾਰਹਭੂਤਪ੍ਪਸਾਦਲਕ੍ਖਣਂ, ਦਟ੍ਠੁਕਾਮਤਾਨਿਦਾਨਕਮ੍ਮਸਮੁਟ੍ਠਾਨਭੂਤਪ੍ਪਸਾਦਲਕ੍ਖਣਂ ਵਾ ਚਕ੍ਖੁ, ਰੂਪੇਸੁ ਆਵਿਞ੍ਛਨਰਸਂ, ਚਕ੍ਖੁਵਿਞ੍ਞਾਣਸ੍ਸ ਆਧਾਰਭਾਵਪਚ੍ਚੁਪਟ੍ਠਾਨਂ, ਦਟ੍ਠੁਕਾਮਤਾਨਿਦਾਨਕਮ੍ਮਜਭੂਤਪਦਟ੍ਠਾਨਂ. ਇਦਂ ਪਨ ਯਦੇਤਂ ਅਕ੍ਖਿਕੂਪਕੇ ਪਤਿਟ੍ਠਿਤਂ ਨਹਾਰੁਸੁਤ੍ਤਕੇਨ ਮਤ੍ਥਲੁਙ੍ਗੇਨ ਆਬਦ੍ਧਮਂਸਯੁਤ੍ਤਂ, ਯਤ੍ਥ ਸੇਤਮ੍ਪਿ ਅਤ੍ਥਿ ਕਣ੍ਹਮ੍ਪਿ ਲੋਹਿਤਮ੍ਪਿ ਚਤ੍ਤਾਰਿਪਿ ਮਹਾਭੂਤਾਨਿ, ਯਞ੍ਚ ਸੇਮ੍ਹੁਸ੍ਸਦਤ੍ਤਾ ਸੇਤਂ, ਪਿਤ੍ਤੁਸ੍ਸਦਤ੍ਤਾ ਕਣ੍ਹਂ, ਰੁਹਿਰੁਸ੍ਸਦਤ੍ਤਾ ਲੋਹਿਤਕਂ, ਪਥਵੁਸ੍ਸਦਤ੍ਤਾ ਪਤ੍ਥਿਣ੍ਣਂ ਹੋਤਿ, ਆਪੁਸ੍ਸਦਤ੍ਤਾ ਪਗ੍ਘਰਤਿ, ਤੇਜੁਸ੍ਸਦਤ੍ਤਾ ¶ ਪਰਿਦਯ੍ਹਤਿ, ਵਾਯੁਸ੍ਸਦਤ੍ਤਾ ਪਰਿਬ੍ਭਮਤਿ, ਯਞ੍ਚ ਲੋਕੇ ਨੀਲਪਖੁਮਸਮਾਕਿਣ੍ਣਂ ਕਣ੍ਹਸੁਕ੍ਕਮਣ੍ਡਲਵਿਚਿਤ੍ਤਂ ਨੀਲੁਪ੍ਪਲਦਲਸਨ੍ਨਿਭਂ ਦੀਘਂ ਪੁਥੁਲਂ ਚਕ੍ਖੂਤਿ ਵੁਚ੍ਚਤਿ, ਤਸ੍ਸ ਸਸਮ੍ਭਾਰਚਕ੍ਖੁਨੋ ਸੇਤਮਣ੍ਡਲਪਰਿਕ੍ਖਿਤ੍ਤਸ੍ਸ ਕਣ੍ਹਮਣ੍ਡਲਸ੍ਸ ਮਜ੍ਝੇ ਅਭਿਮੁਖੇ ਠਿਤਾਨਂ ਸਰੀਰਸਣ੍ਠਾਨੁਪ੍ਪਤ੍ਤਿਦੇਸੇ ਸਤ੍ਤਸੁ ਪਿਚੁਪਟਲੇਸੁ ਆਸਿਤ੍ਤਤੇਲਂ ਪਿਚੁਪਟਲਾਨਿ ਵਿਯ ਸਤ੍ਤ ਅਕ੍ਖਿਪਟਲਾਨਿ ਬ੍ਯਾਪੇਤ੍ਵਾ ਧਾਰਣਨਹਾਪਨਮਣ੍ਡਨਬੀਜਨਕਿਚ੍ਚਾਹਿ ਚਤੂਹਿ ਧਾਤੀਹਿ ਖਤ੍ਤਿਯਕੁਮਾਰੋ ਵਿਯ ਸਨ੍ਧਾਰਣਾਬਨ੍ਧਨਪਰਿਪਾਚਨਸਮੁਦੀਰਣਕਿਚ੍ਚਾਹਿ ਚਤੂਹਿ ਧਾਤੂਹਿ ਕਤੂਪਕਾਰਂ ਆਯੁਨਾ ਅਨੁਪਾਲਿਯਮਾਨਂ ਵਣ੍ਣਗਨ੍ਧਰਸਾਦੀਹਿ ਪਰਿਵੁਤਂ ਉਤੁਚਿਤ੍ਤਾਹਾਰੇਹਿ ਉਪਤ੍ਥਮ੍ਭਿਯਮਾਨਂ ਪਮਾਣਤੋ ਊਕਾਸਿਰਮਤ੍ਤਂ ਚਕ੍ਖੁਵਿਞ੍ਞਾਣਾਦੀਨਂ ਯਥਾਰਹਂ ਵਤ੍ਥੁਦ੍ਵਾਰਭਾਵਂ ਸਾਧਯਮਾਨਂ ਤਿਟ੍ਠਤਿ. ਵੁਤ੍ਤਮ੍ਪਿ ਚੇਤਂ ਧਮ੍ਮਸੇਨਾਪਤਿਨਾ –

‘‘ਯੇਨ ਚਕ੍ਖੁਪਸਾਦੇਨ, ਰੂਪਾਨਿ ਮਨੁਪਸ੍ਸਤਿ;

ਪਰਿਤ੍ਤਂ ਸੁਖੁਮਂ ਏਤਂ, ਊਕਾਸਿਰਸਮੂਪਮ’’ਨ੍ਤਿ.

ਸਦ੍ਦਾਭਿਘਾਤਾਰਹਭੂਤਪ੍ਪਸਾਦਲਕ੍ਖਣਂ, ਸੋਤੁਕਾਮਤਾਨਿਦਾਨਕਮ੍ਮਸਮੁਟ੍ਠਾਨਭੂਤਪ੍ਪਸਾਦਲਕ੍ਖਣਂ ਵਾ ਸੋਤਂ, ਸਦ੍ਦੇਸੁ ਆਵਿਞ੍ਛਨਰਸਂ, ਸੋਤਵਿਞ੍ਞਾਣਸ੍ਸ ਆਧਾਰਭਾਵਪਚ੍ਚੁਪਟ੍ਠਾਨਂ, ਸੋਤੁਕਾਮਤਾਨਿਦਾਨਕਮ੍ਮਜਭੂਤਪਦਟ੍ਠਾਨਂ ¶ . ਇਦਂ ਪਨ ਸਸਮ੍ਭਾਰਸੋਤਬਿਲਸ੍ਸ ਅਨ੍ਤੋ ਤਨੁਤਮ੍ਬਲੋਮਾਚਿਤੇ ਅਙ੍ਗੁਲਿਵੇਧਕਸਣ੍ਠਾਨੇ ਪਦੇਸੇ ਵੁਤ੍ਤਪ੍ਪਕਾਰਾਹਿ ਧਾਤੁਆਦੀਹਿ ਕਤੂਪਕਾਰਾਨੁਪਾਲਨਪਰਿਵਾਰੋਪਤ੍ਥਮ੍ਭਂ ਸੋਤਵਿਞ੍ਞਾਣਾਦੀਨਂ ਯਥਾਰਹਂ ਵਤ੍ਥੁਦ੍ਵਾਰਭਾਵਂ ਸਾਧਯਮਾਨਂ ਤਿਟ੍ਠਤਿ.

ਗਨ੍ਧਾਭਿਘਾਤਾਰਹਭੂਤਪ੍ਪਸਾਦਲਕ੍ਖਣਂ, ਘਾਯਿਤੁਕਾਮਤਾਨਿਦਾਨਕਮ੍ਮਸਮੁਟ੍ਠਾਨਭੂਤਪ੍ਪਸਾਦਲਕ੍ਖਣਂ ਵਾ ਘਾਨਂ, ਗਨ੍ਧੇਸੁ ਆਵਿਞ੍ਛਨਰਸਂ, ਘਾਨਵਿਞ੍ਞਾਣਸ੍ਸ ਆਧਾਰਭਾਵਪਚ੍ਚੁਪਟ੍ਠਾਨਂ, ਘਾਯਿਤੁਕਾਮਤਾਨਿਦਾਨਕਮ੍ਮਜਭੂਤਪਦਟ੍ਠਾਨਂ ¶ . ਇਦਞ੍ਚ ਸਸਮ੍ਭਾਰਘਾਨਬਿਲਸ੍ਸ ਅਨ੍ਤੋ ਅਜਪਦਸਣ੍ਠਾਨੇ ਪਦੇਸੇ ਵੁਤ੍ਤਪ੍ਪਕਾਰੋਪਕਾਰਾਨੁਪਾਲਨਪਰਿਵਾਰੋਪਤ੍ਥਮ੍ਭਂ ਘਾਨਵਿਞ੍ਞਾਣਾਦੀਨਂ ਯਥਾਰਹਂ ਵਤ੍ਥੁਦ੍ਵਾਰਭਾਵਂ ਸਾਧਯਮਾਨਂ ਤਿਟ੍ਠਤਿ.

ਰਸਾਭਿਘਾਤਾਰਹਭੂਤਪ੍ਪਸਾਦਲਕ੍ਖਣਾ, ਸਾਯਿਤੁਕਾਮਤਾਨਿਦਾਨਕਮ੍ਮਸਮੁਟ੍ਠਾਨਭੂਤਪ੍ਪਸਾਦਲਕ੍ਖਣਾ ਵਾ ਜਿਵ੍ਹਾ, ਰਸੇਸੁ ਆਵਿਞ੍ਛਨਰਸਾ, ਜਿਵ੍ਹਾਵਿਞ੍ਞਾਣਸ੍ਸ ਆਧਾਰਭਾਵਪਚ੍ਚੁਪਟ੍ਠਾਨਾ, ਸਾਯਿਤੁਕਾਮਤਾਨਿਦਾਨਕਮ੍ਮਜਭੂਤਪਦਟ੍ਠਾਨਾ. ਏਸਾ ਚ ਸਸਮ੍ਭਾਰਜਿਵ੍ਹਾਮਜ੍ਝਸ੍ਸ ਉਪਰਿ ਉਪ੍ਪਲਦਲਗ੍ਗਸਣ੍ਠਾਨੇ ਪਦੇਸੇ ਵੁਤ੍ਤਪ੍ਪਕਾਰੋਪਕਾਰਾਨੁਪਾਲਨਪਰਿਵਾਰੋਪਤ੍ਥਮ੍ਭਾ ਜਿਵ੍ਹਾਵਿਞ੍ਞਾਣਾਦੀਨਂ ਯਥਾਰਹਂ ਵਤ੍ਥੁਦ੍ਵਾਰਭਾਵਂ ਸਾਧਯਮਾਨਾ ਤਿਟ੍ਠਤਿ.

ਫੋਟ੍ਠਬ੍ਬਾਭਿਘਾਤਾਰਹਭੂਤਪ੍ਪਸਾਦਲਕ੍ਖਣੋ, ਫੁਸਿਤੁਕਾਮਤਾਨਿਦਾਨਕਮ੍ਮਸਮੁਟ੍ਠਾਨਭੂਤਪ੍ਪਸਾਦਲਕ੍ਖਣੋ ਵਾ ਕਾਯੋ, ਫੋਟ੍ਠਬ੍ਬੇਸੁ ਆਵਿਞ੍ਛਨਰਸੋ, ਕਾਯਵਿਞ੍ਞਾਣਸ੍ਸ ਆਧਾਰਭਾਵਪਚ੍ਚੁਪਟ੍ਠਾਨੋ, ਫੁਸਿਤੁਕਾਮਤਾਨਿਦਾਨਕਮ੍ਮਜਭੂਤਪਦਟ੍ਠਾਨੋ. ਅਯਂ ਪਨ ਇਮਸ੍ਮਿਂ ਕਾਯੇ ਯਾਵਤਾ ਉਪਾਦਿਨ੍ਨਾ ਪਥਵੀਆਪੋਕੋਟ੍ਠਾਸਾ ਹੋਨ੍ਤਿ, ਤਤ੍ਥ ਸਬ੍ਬਤ੍ਥ ਕਪ੍ਪਾਸਪਟਲੇ ਸ੍ਨੇਹੋ ਵਿਯ ਅਨੁਗਤੋ ਵੁਤ੍ਤਪ੍ਪਕਾਰੋਪਕਾਰਾਨੁਪਾਲਨਪਰਿਵਾਰੋਪਤ੍ਥਮ੍ਭੋ ਕਾਯਵਿਞ੍ਞਾਣਾਦੀਨਂ ਯਥਾਰਹਂ ਵਤ੍ਥੁਦ੍ਵਾਰਭਾਵਂ ਸਾਧਯਮਾਨੋ ਤਿਟ੍ਠਤਿ. ਕੇਚਿ (ਧ. ਸ. ਅਟ੍ਠ. ੬੦੦) ਪਨ ‘‘ਤੇਜਾਧਿਕਾਨਂ ਭੂਤਾਨਂ ਪਸਾਦੋ ਚਕ੍ਖੁ, ਵਿਵਰਵਾਯੁਆਪਪਥਵਿਅਧਿਕਾਨਂ ਸੋਤਘਾਨਜਿਵ੍ਹਾਕਾਯਾ’’ਤਿ ਵਦਨ੍ਤਿ. ਅਪਰੇ (ਧ. ਸ. ਅ. ੬੦੦) ‘‘ਤੇਜੋਸਭਾਵਂ ਚਕ੍ਖੁ, ਆਕਾਸਪਥਵਿਆਪਵਾਯੁਸਭਾਵਾ ਸੋਤਘਾਨਜਿਵ੍ਹਾਕਾਯਾ’’ਤਿ ਵਦਨ੍ਤਿ. ‘‘ਤੇਜਾਦਿਸਹਕਾਰਿਤ੍ਤਾ, ਤੇਜਾਦਿਗੁਣਰੂਪਾਦਿਵਿਸਯਤ੍ਤਾ ਚਾ’’ਤਿ ਕਾਰਣਞ੍ਚ ਯਥਾਕ੍ਕਮਂ ਵਦਨ੍ਤਿ. ਤੇ ਚ ਵਤ੍ਤਬ੍ਬਾ – ਕੋ ਪਨੇਵਮਾਹ ‘‘ਸਹਕਾਰਿਸਭਾਵੇਹੇਵ ਇਨ੍ਦ੍ਰਿਯੇਹਿ ਭਵਿਤਬ੍ਬ’’ਨ੍ਤਿ, ‘‘ਰੂਪਾਦਯੋ ਵਾ ਤੇਜਾਦੀਨਂ ¶ ਗੁਣਾ’’ਤਿ. ਅਵਿਨਿਬ੍ਭੋਗੇਸੁ ਹਿ ਭੂਤੇਸੁ ‘‘ਅਯਂ ਇਮਸ੍ਸ ਗੁਣੋ, ਅਯਂ ਇਮਸ੍ਸ ਗੁਣੋ’’ਤਿ ਨ ਲਬ੍ਭਾ ਵਤ੍ਤੁਨ੍ਤਿ. ਅਥਾਪਿ ਵਦੇਯ੍ਯੁਂ ‘‘ਤੇਜਾਦਿਅਧਿਕੇਸੁ ਸਮ੍ਭਾਰੇਸੁ ਰੂਪਾਦੀਨਂ ਅਧਿਕਭਾਵਦਸ੍ਸਨਤੋ ¶ ਇਚ੍ਛਿਤਬ੍ਬਮੇਤਂ ‘ਰੂਪਾਦਯੋ ਤੇਜਾਦੀਨਂ ਗੁਣਾ’’’ਤਿ, ਤੇ ਵਤ੍ਤਬ੍ਬਾ ਇਚ੍ਛੇਯ੍ਯਾਮ, ਯਦਿ ਆਪਾਧਿਕਸ੍ਸ ਆਸਵਸ੍ਸ ਗਨ੍ਧਤੋ ਪਥਵਿਅਧਿਕੇ ਕਪ੍ਪਾਸੇ ਗਨ੍ਧੋ ਅਧਿਕਤਰੋ ਸਿਯਾ, ਤੇਜਾਧਿਕਸ੍ਸ ਚ ਉਣ੍ਹੋਦਕਸ੍ਸ ਵਣ੍ਣਤੋਪਿ ਸੀਤੂਦਕਸ੍ਸ ਵਣ੍ਣੋ ਪਰਿਹਾਯੇਥ. ਯਸ੍ਮਾ ਪਨੇਤਂ ਉਭਯਮ੍ਪਿ ਨਤ੍ਥਿ, ਤਸ੍ਮਾ ਪਹਾਯੇਥ ਤਮੇਤੇਸਂ ਨਿਸ੍ਸਯਭੂਤਾਨਂ ਵਿਸੇਸਕਪ੍ਪਨਂ. ਯਥਾ ਅਵਿਸੇਸੇਪਿ ਏਕਕਲਾਪੇ ਭੂਤਾਨਂ ਰੂਪਰਸਾਦਯੋ ਅਞ੍ਞਮਞ੍ਞਂ ਵਿਸਦਿਸਾ ਹੋਨ੍ਤਿ, ਏਵਂ ਚਕ੍ਖੁਪਸਾਦਾਦਯੋਪੀਤਿ ਗਹੇਤਬ੍ਬਮੇਤਂ. ਕਿਂ ਪਨੇਸਂ ਵਿਸੇਸਕਾਰਣਂ ਨਤ੍ਥੀਤਿ? ਨੋ ਨਤ੍ਥਿ. ਕਿਂ ਪਨ ਤਨ੍ਤਿ? ਕਮ੍ਮਮੇਵ ਨੇਸਂ ਅਸਾਧਾਰਣਂ ਕਾਰਣਂ ਜਨਕਤਣ੍ਹਾਜਨਿਤਾਨਂ ਭੂਤਾਨਂ ਵਿਸੇਸਤੋ. ਭੂਤਵਿਸੇਸੇ ਹਿ ਸਤਿ ਪਸਾਦੋਵ ਨੁਪ੍ਪਜ੍ਜਤਿ. ਸਮਾਨਾਨਂ ਹਿ ਭੂਤਾਨਂ ਪਸਾਦੋ, ਨ ਵਿਸਮਾਨਾਨਨ੍ਤਿ ਪੋਰਾਣਾ. ਏਵਂ ਕਮ੍ਮਵਿਸੇਸਤੋ ਵਿਸੇਸਵਨ੍ਤੇਸੁ ਚੇਤੇਸੁ ਚਕ੍ਖੁਸੋਤਾਨਿ ਅਸਮ੍ਪਤ੍ਤਵਿਸਯਗ੍ਗਾਹਕਾਨਿ ਅਤ੍ਤਨੋ ਨਿਸ੍ਸਯਂ ਅਨਲ੍ਲੀਨਨਿਸ੍ਸਯੇਵ ਵਿਸਯੇ ਵਿਞ੍ਞਾਣਹੇਤੁਤ੍ਤਾ. ਘਾਨਜਿਵ੍ਹਾਕਾਯਾ ਪਨ ਸਮ੍ਪਤ੍ਤਵਿਸਯਗ੍ਗਾਹਕਾ ਨਿਸ੍ਸਯਵਸੇਨ ਚੇਵ ਸਯਞ੍ਚ ਅਤ੍ਤਨੋ ਨਿਸ੍ਸਯਂ ਅਲ੍ਲੀਨੇ ਏਵ ਵਿਸਯੇ ਵਿਞ੍ਞਾਣਹੇਤੁਤ੍ਤਾ.

ਕੇਚਿ ਪਨ ‘‘ਚਕ੍ਖੁਸੋਤਾਨਿਪਿ ਸਮ੍ਪਤ੍ਤਵਿਸਯਗ੍ਗਾਹਕਾਨੇਵ, ਦੂਰੇ ਠਿਤੇਸੁਪਿ ਚਨ੍ਦਰੂਪਾਦੀਸੁ ਸੀਘਯਾਯਿਨਯਨਰਂਸਿਸਞ੍ਞੋਗੇਨ, ਸਦ੍ਦਾਨਞ੍ਚ ਪਰਮ੍ਪਰਾਯਾਗਨ੍ਤ੍ਵਾ ਸੋਤਬਿਲੇ ਘਟ੍ਟਨੇਨ ਵਿਞ੍ਞਾਣੁਪ੍ਪਤ੍ਤਿਤੋ. ਤੇਨੇਵ ਹਿ ਕੁਟ੍ਟਾਦਿਅਨ੍ਤਰਿਤੇਸੁ, ਵਿਚ੍ਛਿਦ੍ਦਪਬ੍ਬਤਲੇਣਾਦਿਗਤੇਸੁ ਚ ਰੂਪਸਦ੍ਦੇਸੁ ਵਿਞ੍ਞਾਣਂ ਨ ¶ ਉਪ੍ਪਜ੍ਜਤੀ’’ਤਿ ਵਦਨ੍ਤਿ. ਤੇਸਮ੍ਪਿ ਹਿ ਚਕ੍ਖੁਨੋ ਦੂਰਾਸਨ੍ਨੇਸੁ ਚਨ੍ਦਰੁਕ੍ਖਾਦੀਸੁ ਅਨੁਪਲਕ੍ਖਿਤਕਾਲਭੇਦੇਨ ਰਂਸਿਸਮਾਯੋਜਨਸਾਮਤ੍ਥਿਯਂ, ਸਦ੍ਦਾਨਮ੍ਪਿ ਦੂਰਾਸਨ੍ਨਾਨਂ ਅਵਿਦਿਤਤਾਭੇਦਂ ਆਗਨ੍ਤ੍ਵਾ ਸੋਤਬਿਲਘਟ੍ਟਨਸਾਮਤ੍ਥਿਯਂ ਵਿਞ੍ਞਾਣੁਪ੍ਪਤ੍ਤਿਹੇਤੁਭੂਤਂ ਉਪਗਨ੍ਤਬ੍ਬਂ. ਤਤੋ ਪਰਂ ਤਤ੍ਥੇਵ ਠਿਤਾਨਞ੍ਞੇਵ ਵਿਞ੍ਞਾਣੁਪ੍ਪਾਦਨਸਾਮਤ੍ਥਿਯੋਪਗਮਨਂ. ਕੁਟ੍ਟਲੇਣਾਦਿਅਨ੍ਤਰਿਤਾਨਞ੍ਚ ਰੂਪਸਦ੍ਦਾਨਂ ਸਹਕਾਰਿਪਚ੍ਚਯਵਿਰਹਤੋ ਅਨਾਪਾਥਗਮਨਂ. ਇਤਰਥਾ ਤੇਸਮ੍ਪਿ ਤਾਦਿਸੇਸੁ ਇਨ੍ਦ੍ਰਿਯਸਞ੍ਞੋਗਂ ਨ ਧਾਵਿਤਬ੍ਬਂ. ਗਮਨਨਿਵਾਰਣਮ੍ਪਿ ਉਪ੍ਪਤ੍ਤਿਨਿਵਾਰਣਮੇਵ, ਤਥੇਵ ਸਹਕਾਰਿਪਚ੍ਚਯਵਿਰਹਤੋ ਯਾਦਿਸੇਵ ਤੇਸਂ ਇਨ੍ਦ੍ਰਿਯਸਞ੍ਞੋਗੋ ਹੋਤਿ, ਤਾਦਿਸੇ ਵਿਞ੍ਞਾਣੁਪ੍ਪਤ੍ਤਿ ਹੋਤੀਤਿ ਗਹੇਤਬ੍ਬਂ.

ਚਕ੍ਖੁ ਤਾਵ ਦੂਰੇ ਠਿਤਾਨਂ ਚਨ੍ਦਾਦੀਨਮ੍ਪਿ ਗਹਣਤੋ ਅਸਮ੍ਪਤ੍ਤਗ੍ਗਾਹਕਂ ਹੋਤੁ, ਸੋਤਂ ਪਨ ਦੂਰੇ ਰੁਕ੍ਖਂ ਛਿਨ੍ਦਨ੍ਤਾਨਂ, ਵਤ੍ਥਂ ਧੋਵਨ੍ਤਾਨਞ੍ਚ ਦੂਰਤੋਵ ਪਞ੍ਞਾਯਮਾਨਕਾਯਵਿਕਾਰਾਦਿਨਾ ਸਦ੍ਧਿਂ ਸਦ੍ਦਂ ਗਹੇਤੁਂ ਅਸਮਤ੍ਥਤਾਯ ਕਥਂ ਸਣਿਕਂ ਵਵਤ੍ਥਾਪਯਮਾਨਂ ਤਂ ਅਸਮ੍ਪਤ੍ਤਗ੍ਗਾਹਕਂ ਹੋਤੀਤਿ? ਤਤ੍ਥਾਪਿ ਚ ਕੁਠਾਰਿਵਤ੍ਥਾਦੀਨਂ ਪਠਮਨਿਪਾਤਸਦ੍ਦਾਨਂ ਮਨ੍ਦਤਾਯ ਯਥਾ ਹਤ੍ਥਛਿਜ੍ਜਮਾਨਸਾਖਾਪਲਾਸਚਲਨਾਦਿਸਮੁਟ੍ਠਿਤਮਨ੍ਦਸਦ੍ਦਾਨਂ ਪਰਮ੍ਪਰਾਯਾਗਮਨਂ ਨਤ੍ਥਿ, ਤਥਾ ਅਨਾਪਾਥਗਮਨਮ੍ਪਿ, ਪਚ੍ਛਾ ਪਨ ਘਟ੍ਟਨਾਨਿਘਂਸਸ੍ਸ ਬਲਵਤਾਯ ¶ ਉਪ੍ਪਨ੍ਨਮਹਾਸਦ੍ਦਾਨਂ ਆਗਮਨਂ ਵਿਯ ਤਤ੍ਥੇਵ ਠਿਤਾਨਞ੍ਞੇਵ ਆਪਾਥਗਮਨਂ ਹੋਤਿ, ਇਤਰਥਾ ਦੂਰਾਸਨ੍ਨਾਦਿਵਵਤ੍ਥਾਨਾਨਿ ਨ ਸਿਯੁਂ ਗਨ੍ਧਾਦੀਨਂ ਵਿਯ, ਤਸ੍ਮਾ ਅਸਮ੍ਪਤ੍ਤਗੋਚਰਾਨੇਵੇਤਾਨਿ, ਘਾਨਾਦੀਨਿ ਚ ਸਮ੍ਪਤ੍ਤਗੋਚਰਾਨੀਤਿ ਵੇਦਿਤਬ੍ਬਾਨਿ.

ਅਹਿਸੁਂਸੁਮਾਰਪਕ੍ਖਿਕੁਕ੍ਕੁਰਸਿਙ੍ਗਾਲਸਦਿਸਾਨਿ ਚੇਤਾਨਿ. ਯਥਾ ਹਿ ਅਹਿ ਨਾਮ ਬਹਿਸਿਤ੍ਤਸਮ੍ਮਟ੍ਠਟ੍ਠਾਨੇ ਨਾਭਿਰਮਤਿ, ਤਂ ਵਿਹਾਯ ਤਿਣਪਣ੍ਣਗਹਨਵਮ੍ਮਿਕਾਦਿਵਿਸਮਜ੍ਝਾਸਯੋਵ ਹੋਤਿ, ਏਵਂ ¶ ਚਕ੍ਖੁਪਿ ਸਮ੍ਮਟ੍ਠਭਿਤ੍ਤਿਆਦਿਂ ਵਿਹਾਯ ਇਤ੍ਥਿਪੁਰਿਸਪੁਪ੍ਫਲਤਾਚਿਤ੍ਤਾਦਿਵਿਸਮਜ੍ਝਾਸਯਂ ਹੋਤਿ. ਯਥਾ ਚ ਸੁਂਸੁਮਾਰੋਪਿ ਬਹਿ ਚਰਣਂ ਵਿਹਾਯ ਉਦਕੇ ਬਿਲਜ੍ਝਾਸਯੋ ਹੋਤਿ, ਏਵਂ ਸੋਤਮ੍ਪਿ ਵਾਤਪਾਨਚ੍ਛਿਦ੍ਦਾਦਿਬਿਲਜ੍ਝਾਸਯਂ ਹੋਤਿ. ਯਥਾ ਹਿ ਗਿਜ੍ਝਾਦਿਪਕ੍ਖੀਪਿ ਭੂਮਿਰੁਕ੍ਖਾਦਿਂ ਵਿਹਾਯ ਆਕਾਸੇ ਪਕ੍ਖਨ੍ਦਨਜ੍ਝਾਸਯੋ ਹੋਤਿ, ਏਵਂ ਘਾਨਮ੍ਪਿ ਉਦ੍ਧਗ੍ਗਂ ਹੁਤ੍ਵਾ ਗਨ੍ਧਪਵੇਸਕਵਾਤਾਕਡ੍ਢਨਤ੍ਥਂ ਆਕਾਸਜ੍ਝਾਸਯਂ ਹੋਤਿ. ਯਥਾ ਕੁਕ੍ਕੁਰੋ ਬਹਿਗਾਮਚਾਰਂ ਵਿਹਾਯ ਆਮਿਸਗਵੇਸੀ ਗਾਮਜ੍ਝਾਸਯੋ ਮਹਾਨਸਾਦਿਨਿਨ੍ਨਚਿਤ੍ਤੋ ਹੋਤਿ, ਏਵਂ ਜਿਵ੍ਹਾਪਿ ਆਪਜ੍ਝਾਸਯਾ ਹੋਤਿ. ਯਥਾ ਚ ਸਿਙ੍ਗਾਲੋ ਬਹਿਸੁਸਾਨਚਾਰਂ ਵਿਹਾਯ ਮਂਸਗਵੇਸੀ ਸੁਸਾਨਜ੍ਝਾਸਯੋ ਹੋਤਿ, ਏਵਂ ਕਾਯੋਪਿ ਅਨੁਪਾਦਿਨ੍ਨਂ ਸੁਖਸਮ੍ਫਸ੍ਸਸਯਨਾਦਿਂ ਲਭਿਤ੍ਵਾਪਿ ਉਪਾਦਿਨ੍ਨਜ੍ਝਾਸਯੋ ਹੋਤਿ. ਅਞ੍ਞਂ ਹਿ ਉਪਾਦਿਨ੍ਨਕਂ ਅਲਭਮਾਨਾ ਸਤ੍ਤਾ ਅਤ੍ਤਨੋ ਜਣ੍ਣੁਕਾਨਿ ਉਰਨ੍ਤਰਂ ਪਵੇਸੇਤ੍ਵਾ ਹਤ੍ਥਤਲੇ ਸੀਸਂ ਕਤ੍ਵਾਪਿ ਨਿਪਜ੍ਜਨ੍ਤਿ. ਆਲੋਕਵਿਵਰਵਾਯੁਜਲਪਥਵਿਪਚ੍ਚਯਾਨਿ ਚੇਤਾਨਿ ਵਿਞ੍ਞਾਣੁਪ੍ਪਾਦਕਾਨਿ. ਏਵਮੇਤੇਸਂ ਪਞ੍ਚਨ੍ਨਂ ਪਸਾਦਾਨਂ ਲਕ੍ਖਣਰਸਪਚ੍ਚੁਪਟ੍ਠਾਨਪਦੇਸਨਿਸ੍ਸਯਗੋਚਰਜ੍ਝਾਸਯਪ੍ਪਚ੍ਚਯਭੇਦੇਨ ਵਵਤ੍ਥਾਨਂ ਵੇਦਿਤਬ੍ਬਂ.

ਚਕ੍ਖੁਪਟਿਹਨਨਲਕ੍ਖਣਂ ਰੂਪਂ, ਚਕ੍ਖੁਵਿਞ੍ਞਾਣਸ੍ਸ ਵਿਸਯਭਾਵਰਸਂ, ਤਸ੍ਸੇਵ ਗੋਚਰਭਾਵਪਚ੍ਚੁਪਟ੍ਠਾਨਂ, ਚਤੁਮਹਾਭੂਤਪਦਟ੍ਠਾਨਂ, ਯਥਾ ਚੇਤਸ੍ਸ, ਏਵਂ ਸਬ੍ਬੇਸਮ੍ਪਿ ਉਪਾਦਾਰੂਪਾਨਂ ਪਦਟ੍ਠਾਨਂ ਵੇਦਿਤਬ੍ਬਂ, ਵਿਸੇਸਂ ਪਨ ਵਕ੍ਖਾਮ. ਤਯਿਦਂ ਰੂਪਂ ਨੀਲਪੀਤਲੋਹਿਤੋਦਾਤਕਾਲ਼ਮਞ੍ਜਿਟ੍ਠਸਾਮਛਾਯਾਤਪਆਲੋਕਨ੍ਧਕਾਰਾਦਿਵਸੇਨ ਅਨੇਕਵਿਧਂ. ਕੇਚਿ ਪਨ ‘‘ਅਨ੍ਧਕਾਰੋ ਨਾਮ ਆਲੋਕਾਭਾਵਮਤ੍ਤੋ ਏਵ, ਤਤੋ ਏਵ ਤਤ੍ਥ ਗਤਰੂਪਾਨਿ ਨ ਦਿਸ੍ਸਨ੍ਤੀ’’ਤਿ ਵਦਨ੍ਤਿ, ਤਂ ਨ ਯੁਤ੍ਤਂ. ਯਥਾ ਹਿ ਨੀਲਮੇਘਮਣਿਆਦੀਨਂ ਛਾਯਾ ਆਲੋਕਵਿਸਦਿਸਾ ਵਣ੍ਣਾਯਤਨਭੂਤਾ ਹੋਤਿ, ਏਵਂ ਭਿਤ੍ਤਿਚ੍ਛਦਨਭੂਮਿਪਬ੍ਬਤਾਦਿਚ੍ਛਾਯਾ ਚ ਘਨੀਭੂਤਾ ਘਟਰੂਪਾਦਿਚ੍ਛਾਦਨਤੋ ਆਲੋਕਵਿਸਦਿਸੋ ਅਨ੍ਧਕਾਰੋਤਿ ¶ ਦਟ੍ਠਬ੍ਬੋ, ਸੋਤਪਟਿਹਨਨਲਕ੍ਖਣੋ ਸਦ੍ਦੋ, ਸੋਤਵਿਞ੍ਞਾਣਸ੍ਸ ਵਿਸਯਭਾਵਰਸੋ, ਤਸ੍ਸੇਵ ਗੋਚਰਭਾਵਪਚ੍ਚੁਪਟ੍ਠਾਨੋ. ਸੋ ਗੀਤਭੇਰਿਸਦ੍ਦਾਦਿਵਸੇਨ ਅਨੇਕਵਿਧੋ. ਘਾਨਪਟਿਹਨਨਲਕ੍ਖਣੋ ਗਨ੍ਧੋ, ਘਾਨਵਿਞ੍ਞਾਣਸ੍ਸ ਵਿਸਯਭਾਵਰਸੋ, ਤਸ੍ਸੇਵ ਗੋਚਰਭਾਵਪਚ੍ਚੁਪਟ੍ਠਾਨੋ. ਸੋ ਮੂਲਗਨ੍ਧਸਾਰਗਨ੍ਧਾਦਿਵਸੇਨ ਅਨੇਕਵਿਧੋ ¶ . ਜਿਵ੍ਹਾਪਟਿਹਨਨਲਕ੍ਖਣੋ ਰਸੋ, ਜਿਵ੍ਹਾਵਿਞ੍ਞਾਣਸ੍ਸ ਵਿਸਯਭਾਵਰਸੋ, ਤਸ੍ਸੇਵ ਗੋਚਰਭਾਵਪਚ੍ਚੁਪਟ੍ਠਾਨੋ. ਸੋ ਮੂਲਰਸਤਚਰਸਾਦੀਨਂ ਵਸੇਨ ਅਨੇਕਵਿਧੋ.

ਇਤ੍ਥਿਭਾਵਲਕ੍ਖਣਂ ਇਤ੍ਥਿਨ੍ਦ੍ਰਿਯਂ, ਇਤ੍ਥੀਤਿ ਪਕਾਸਨਰਸਂ, ਇਤ੍ਥਿਲਿਙ੍ਗਨਿਮਿਤ੍ਤਕੁਤ੍ਤਾਕਪ੍ਪਾਨਂ ਕਾਰਣਭਾਵਪਚ੍ਚੁਪਟ੍ਠਾਨਂ. ਪੁਰਿਸਭਾਵਲਕ੍ਖਣਂ ਪੁਰਿਸਿਨ੍ਦ੍ਰਿਯਂ, ਪੁਰਿਸੋਤਿ ਪਕਾਸਨਰਸਂ, ਪੁਰਿਸਲਿਙ੍ਗਨਿਮਿਤ੍ਤਕੁਤ੍ਤਾਕਪ੍ਪਾਨਂ ਕਾਰਣਭਾਵਪਚ੍ਚੁਪਟ੍ਠਾਨਂ. ਉਭਿਨ੍ਨਮ੍ਪੇਸਂ ਇਤ੍ਥਿਪੁਰਿਸਲਿਙ੍ਗਾਦੀਨਂ ਕਾਰਣਭਾਵੋ ਨ ਸਰਸਤੋ ਅਤ੍ਥਿ ਕੇਨਚਿ ਪਚ੍ਚਯੇਨ ਨੇਸਂ ਪਚ੍ਚਯਭਾਵਸ੍ਸ ਪਟ੍ਠਾਨੇ ਅਨਾਗਤਤ੍ਤਾ, ਅਤ੍ਤਨੋ ਪਨ ਜਨਕਪਚ੍ਚਯਭੂਤਆਗਮਨਤੋਵ. ਇਤ੍ਥਿਪੁਰਿਸਾਨਂ ਪਟਿਨਿਯਤਲਿਙ੍ਗਨਿਮਿਤ੍ਤਕੁਤ੍ਤਾਕਪ੍ਪਭਾਵਾਨੁਗੁਣਰੂਪਾਨਮ੍ਪਿ ਨਿਯਮੇਨ ਉਪ੍ਪਜ੍ਜਨਤੋ, ਲਿਙ੍ਗਨਿਮਿਤ੍ਤਾਦਿਵੋਹਾਰਾਨਞ੍ਚ ਤਪ੍ਪਧਾਨਤੋ ਪਚ੍ਚਯਭਾਵੋ, ਇਨ੍ਦ੍ਰਿਯਭਾਵੋ ਚ ਪਰਿਯਾਯਤੋ ਵੁਤ੍ਤੋ. ਤੇਨੇਵ ਹਿ ਇਤ੍ਥਿਉਭਤੋਬ੍ਯਞ੍ਜਨਕਸ੍ਸ ਪੁਰਿਸਿਨ੍ਦ੍ਰਿਯਾਭਾਵੇਪਿ ਪੁਰਿਸਲਿਙ੍ਗਨਿਮਿਤ੍ਤਾਦਿਬ੍ਯਞ੍ਜਨਂ, ਪੁਰਿਸਉਭਤੋਬ੍ਯਞ੍ਜਨਕਸ੍ਸ ਇਤ੍ਥਿਨ੍ਦ੍ਰਿਯਾਭਾਵੇਪਿ ਇਤ੍ਥਿਲਿਙ੍ਗਨਿਮਿਤ੍ਤਾਦਿਬ੍ਯਞ੍ਜਨਞ੍ਚ ਪੁਰਿਮਕਮ੍ਮਤੋ ਏਵ ਉਪ੍ਪਜ੍ਜਤਿ. ਯਦਿ ਹਿ ਨੇਸਂ ਤਂਤਂਇਨ੍ਦ੍ਰਿਯੇਨੇਵ ਪਟਿਨਿਯਤਬ੍ਯਞ੍ਜਨਾਨਿ ਉਪ੍ਪਜ੍ਜੇਯ੍ਯੁਂ, ਦੁਤਿਯਬ੍ਯਞ੍ਜਨਸ੍ਸ ਅਭਾਵੋ ਆਪਜ੍ਜਤਿ. ਨ ਹਿ ਤੇਸਂ ਭਾਵਦ੍ਵਯਂ ਅਤ੍ਥਿ. ਯਦਿ ਸਿਯਾ, ਸਬ੍ਬਦਾਪਿ ਬ੍ਯਞ੍ਜਨਦ੍ਵਯਸ੍ਸ ਭਾਵਪ੍ਪਸਙ੍ਗੋ ਸਿਯਾ. ਇਤ੍ਥਿਉਭਤੋਬ੍ਯਞ੍ਜਨਕਸ੍ਸ ਹਿ ਇਤ੍ਥਿਨ੍ਦ੍ਰਿਯਮੇਵ ਵਿਜ੍ਜਤਿ, ਨ ਇਤਰਂ. ਤਸ੍ਸ ਪਨ ਯਦਾ ਇਤ੍ਥਿਯਂ ਰਾਗਚਿਤ੍ਤਂ ਉਪ੍ਪਜ੍ਜਤਿ, ਤਦਾ ਪੁਰਿਸਬ੍ਯਞ੍ਜਨਂ ਪਾਤੁਭਵਤਿ, ਇਤ੍ਥਿਬ੍ਯਞ੍ਜਨਂ ਪਟਿਚ੍ਛਨ੍ਨਂ ਹੋਤਿ. ਤਥਾ ਇਤਰਸ੍ਸ ਇਤਰਂ. ਯਸ੍ਮਾ ਪਨੇਸਂ ਏਕਮੇਵ ਇਨ੍ਦ੍ਰਿਯਂ ਨਿਯਤਂ ¶ , ਤਸ੍ਮਾ ਇਤ੍ਥਿਉਭਤੋਬ੍ਯਞ੍ਜਨਕੋ ਸਯਮ੍ਪਿ ਗਬ੍ਭਂ ਗਣ੍ਹਾਤਿ, ਪਰਮ੍ਪਿ ਗਣ੍ਹਾਪੇਤਿ. ਪੁਰਿਸਉਭਤੋਬ੍ਯਞ੍ਜਨਕੋ ਪਰਂ ਗਣ੍ਹਾਪੇਤਿ, ਸਯਂ ਪਨ ਨ ਗਣ੍ਹਾਤਿ. ਯਥਾ ਤੇਸਂ ਉਭਤੋਬ੍ਯਞ੍ਜਨਕਾਨਂ ਕਮ੍ਮਸਹਾਯਂ ਰਾਗਚਿਤ੍ਤਮੇਵ ਬ੍ਯਞ੍ਜਨਕਾਰਣਂ, ਨ ਭਾਵੋ, ਏਵਂ ਪਕਤਿਤ੍ਥਿਪੁਰਿਸਾਨਮ੍ਪਿ ਭਾਵਦ੍ਵਯਜਨਕਕਮ੍ਮਾਦਿਪਚ੍ਚਯੋ ਏਵ ਤਂਤਂਲਿਙ੍ਗਨਿਮਿਤ੍ਤਾਦਿਕਾਰਣਨ੍ਤਿ ਗਹੇਤਬ੍ਬਂ. ਉਭਯਮ੍ਪਿ ਚੇਤਂ ਪਠਮਕਪ੍ਪਿਕਾਨਂ ਪਵਤ੍ਤੇ ਸਮੁਟ੍ਠਾਤਿ, ਤਤੋ ਅਪਰਭਾਗੇ ਪਟਿਸਨ੍ਧਿਯਮੇਵ, ਸਬ੍ਬੇਸਂ ਪਨ ਪਵਤ੍ਤੇ ਏਵ ਪਰਿਵਤ੍ਤਤਿ. ਇਮੇਸੁ ਚ ਪੁਰਿਸਲਿਙ੍ਗਂ ਉਤ੍ਤਮਂ, ਇਤ੍ਥਿਲਿਙ੍ਗਂ ਹੀਨਂ, ਤਸ੍ਮਾ ਪੁਰਿਸਲਿਙ੍ਗਂ ਬਲਵਅਕੁਸਲੇਨ ਅਨ੍ਤਰਧਾਯਤਿ, ਇਤ੍ਥਿਲਿਙ੍ਗਂ ਦੁਬ੍ਬਲਕੁਸਲੇਨ ਪਤਿਟ੍ਠਾਤਿ. ਇਤ੍ਥਿਲਿਙ੍ਗਂ ਪਨ ਅਨ੍ਤਰਧਾਯਨ੍ਤਂ ਦੁਬ੍ਬਲਾਕੁਸਲੇਨ ਅਨ੍ਤਰਧਾਯਤਿ, ਇਤਰਂ ਬਲਵਕੁਸਲੇਨ ਪਤਿਟ੍ਠਾਤਿ. ਏਵਂ ਉਭਯਮ੍ਪਿ ਸੁਗਤਿਯਂ ਅਕੁਸਲੇਨੇਵ ਅਨ੍ਤਰਧਾਯਤਿ, ਕੁਸਲੇਨੇਵ ਪਤਿਟ੍ਠਾਤਿ. ਕਾਯਪ੍ਪਸਾਦੋ ਵਿਯ ਚ ਸਕਲਸਰੀਰਬ੍ਯਾਪਕਮੇਵ, ਨ ਚ ਕਾਯਪ੍ਪਸਾਦਾਦੀਨਂ ਠਿਤੋਕਾਸੇ ਤਿਟ੍ਠਤਿ.

ਯਦਿ ਏਵਂ ਨ ਸਬ੍ਬਤ੍ਥ ਕਾਯਭਾਵਿਨ੍ਦ੍ਰਿਯਾਨੀਤਿ? ਨੇਵਂ ਪਰਮਤ੍ਥਤੋ ਸਬ੍ਬਤ੍ਥ, ਵਿਨਿਬ੍ਭੁਜਿਤ੍ਵਾ ਪਨੇਸਂ ¶ ਓਕਾਸਭੇਦਂ ਪਞ੍ਞਾਪੇਤੁਂ ਨ ਸਕ੍ਕਾ ਰੂਪਰਸਾਦੀਨਂ ਵਿਯ. ਨ ਹਿ ਪਰਮਤ੍ਥਤੋ ਰੂਪੇ ਰਸੋ ਅਤ੍ਥਿ. ਯਦਿ ਸਿਯਾ, ਰੂਪਗ੍ਗਹਣੇਨੇਵ ਗਹਣਂ ਗਚ੍ਛੇਯ੍ਯ. ਏਵਂ ਕਾਯਭਾਵਿਨ੍ਦ੍ਰਿਯਾਨਿ ਪਰਮਤ੍ਥਤੋ ਨ ਸਬ੍ਬਤ੍ਥ, ਨ ਚ ਸਬ੍ਬਤ੍ਥ ਨਤ੍ਥਿ ਵਿਵੇਚੇਤੁਂ ਅਸਕ੍ਕੁਣੇਯ੍ਯਤਾਯ ਹੇਟ੍ਠਾ ਵੁਤ੍ਤਲਕ੍ਖਣਾਦਿਵਵਤ੍ਥਾਨਤੋਪਿ ਚੇਸਂ ਅਸਮ੍ਮਿਸ੍ਸਤਾ ਦੇਸਤੋ ਨ ਵਿਵੇਕਾਭਾਵੇਪਿ. ਨ ਕੇਵਲਞ੍ਚ ਇਮਾਨੇਵ, ਸਬ੍ਬਾਨਿਪਿ ਰੂਪਾਨਿ ਅਸਮ੍ਮਿਸ੍ਸਾਨੇਵ ਹੋਨ੍ਤਿ. ਯਥਾ ਹਿ ਪਞ੍ਚਵਣ੍ਣੇਨ ਕਪ੍ਪਾਸੇਨ ਵਟ੍ਟਿਂ ਕਤ੍ਵਾ ਦੀਪੇ ਜਲਿਤੇ ਕਿਞ੍ਚਾਪਿ ਜਾਲਾ ਏਕਾਬਦ੍ਧਾ ਵਿਯ ਹੋਨ੍ਤਿ, ਤਸ੍ਸ ਤਸ੍ਸ ਪਨ ਅਂਸੁਨੋ ਪਾਟਿਯੇਕ੍ਕਂ ਜਾਲਾ ਅਞ੍ਞਮਞ੍ਞਂ ਅਸਮ੍ਮਿਸ੍ਸਾਵ. ਏਵਂ ਕਾਯਭਾਵਿਨ੍ਦ੍ਰਿਯਾਦੀਨਿ ਏਕਸ੍ਮਿਂ ਠਾਨੇ ਸਮੋਸਟਾਨਿਪਿ ਭਿਨ੍ਨਟ੍ਠਾਨੇਸੁ ਹੇਟ੍ਠੁਪਰਿਯਾਦਿਵਸੇਨ ਨਤ੍ਥਿ, ਤਾਨਿਪਿ ਅਸਮ੍ਮਿਸ੍ਸਾਨੇਵ ਹੋਨ੍ਤਿ.

ਸਹਜਰੂਪਾਨਂ ¶ ਅਨੁਪਾਲਨਲਕ੍ਖਣਂ ਜੀਵਿਤਿਨ੍ਦ੍ਰਿਯਂ, ਤੇਸਂ ਪਵਤ੍ਤਨਰਸਂ, ਤੇਸਂਯੇਵ ਠਪਨਪਚ੍ਚੁਪਟ੍ਠਾਨਂ, ਯਾਪਯਿਤਬ੍ਬਧਮ੍ਮਪਦਟ੍ਠਾਨਂ. ਅਤ੍ਥਿਕ੍ਖਣੇ ਏਵ ਚੇਤਂ ਸਹਜਰੂਪਾਨਿ ਅਨੁਪਾਲੇਤਿ ਉਦਕਂ ਵਿਯ ਉਪ੍ਪਲਾਦੀਨਿ, ਨ ਭਙ੍ਗਕ੍ਖਣੇ ਸਯਂ ਭਿਜ੍ਜਮਾਨਤ੍ਤਾ, ਯਥਾਸਕਂ ਪਚ੍ਚਯੁਪ੍ਪਨ੍ਨੇਪਿ ਚ ਧਮ੍ਮੇ ਪਾਲੇਤਿ ਧਾਤੀ ਵਿਯ ਕੁਮਾਰਂ, ਸਯਂਪਵਤ੍ਤਿਤਧਮ੍ਮਸਮ੍ਬਨ੍ਧੇਨੇਵ ਚ ਪਵਤ੍ਤਤਿ ਨਿਯਾਮਕੋ ਵਿਯਾਤਿ ਦਟ੍ਠਬ੍ਬਂ.

ਮਨੋਧਾਤੁਮਨੋਵਿਞ੍ਞਾਣਧਾਤੂਨਂ ਨਿਸ੍ਸਯਲਕ੍ਖਣਂ ਹਦਯਵਤ੍ਥੁ, ਤਾਸਞ੍ਞੇਵ ਧਾਤੂਨਂ ਧਾਰਣਰਸਂ, ਉਬ੍ਬਹਨਪਚ੍ਚੁਪਟ੍ਠਾਨਂ. ਇਦਂ ਪਨ ਹਦਯਵਤ੍ਥੁ ਯਦੇਤਂ ਅਨ੍ਤੋਸਰੀਰੇ ਦ੍ਵਿਨ੍ਨਂ ਥਨਾਨਂ ਮਜ੍ਝੇ ਬਾਹਿਰਪਤ੍ਤਾਨਿ ਅਪਨੇਤ੍ਵਾ ਅਧੋਮੁਖਟ੍ਠਪਿਤਰਤ੍ਤਪਦੁਮਮਕੁਲਸਣ੍ਠਾਨਂ ਬਹਿ ਮਟ੍ਠਂ, ਅਨ੍ਤੋ ਕੋਸਾਤਕੀਫਲਸ੍ਸ ਅਬ੍ਭਨ੍ਤਰਸਦਿਸਂ, ਪਞ੍ਞਵਨ੍ਤਾਨਂ ਥੋਕਂ ਵਿਕਸਿਤਂ, ਮਨ੍ਦਪਞ੍ਞਾਨਂ ਮਕੁਲ਼ਿਤਂ, ਹਦਯਮਂਸਯਮਕਂ ਪਰਿਕ੍ਖਿਪਿਤ੍ਵਾ ਵਕ੍ਕਯਕਨਕਿਲੋਮਕਪਿਹਕਾਦਯੋ ਤਿਟ੍ਠਨ੍ਤਿ. ਤਸ੍ਸ ਸਸਮ੍ਭਾਰਹਦਯਮਂਸਸ੍ਸ ਅਨ੍ਤੋ ਪੁਨ੍ਨਾਗਟ੍ਠਿਪਤਿਟ੍ਠਾਨਮਤ੍ਤੇ ਆਵਾਟਕੇ ਸਣ੍ਠਿਤਂ ਅਦ੍ਧਪਸਤਮਤ੍ਤਲੋਹਿਤਂ ਸਣ੍ਠਾਤਿ. ਤਞ੍ਚ ਰਾਗਚਰਿਤਸ੍ਸ ਰਤ੍ਤਂ, ਦੋਸਚਰਿਤਸ੍ਸ ਕਾਲ਼ਕਂ, ਮੋਹਚਰਿਤਸ੍ਸ ਮਂਸਧੋਵਨਉਦਕਸਦਿਸਂ, ਵਿਤਕ੍ਕਚਰਿਤਸ੍ਸ ਕੁਲਤ੍ਥਯੂਸਵਣ੍ਣਂ, ਸਦ੍ਧਾਚਰਿਤਸ੍ਸ ਕਣਿਕਾਰਪੁਪ੍ਫਵਣ੍ਣਂ, ਬੁਦ੍ਧਿਚਰਿਤਸ੍ਸ ਅਚ੍ਛਂ ਵਿਪ੍ਪਸਨ੍ਨਂ ਅਨਾਵਿਲਂ ਪਣ੍ਡਰਂ ਪਰਿਸੁਦ੍ਧਂ ਨਿਦ੍ਧੋਤਜਾਤਿਮਣਿ ਵਿਯ ਜੁਤਿਮਨ੍ਤਂ ਹੋਤਿ, ਬ੍ਯਾਪੇਤ੍ਵਾ ਸਨ੍ਧਾਰਣਾਦਿਕਿਚ੍ਚੇਹਿ ਭੂਤੇਹਿ ਕਤੂਪਕਾਰਂ ਆਯੁਨਾ ਅਨੁਪਾਲਿਯਮਾਨਂ ਵਣ੍ਣਾਦਿਪਰਿਵੁਤਂ ਉਤੁਚਿਤ੍ਤਾਹਾਰੇਹਿ ਉਪਤ੍ਥਮ੍ਭਿਯਮਾਨਂ ਮਨੋਧਾਤੁਮਨੋਵਿਞ੍ਞਾਣਧਾਤੂਨਞ੍ਚੇਵ ਤਂਸਮ੍ਪਯੁਤ੍ਤਾਨਞ੍ਚ ਵਤ੍ਥੁਭਾਵਂ ਸਾਧਯਮਾਨਂ ਤਿਟ੍ਠਤਿ.

ਅਭਿਕ੍ਕਮਾਦਿਪ੍ਪਵਤ੍ਤਕਚਿਤ੍ਤਸਮੁਟ੍ਠਾਨਵਾਯੋਧਾਤੁਯਾ ਸਹਜਰੂਪਕਾਯਸਨ੍ਥਮ੍ਭਨਸਨ੍ਧਾਰਣਚਲਨਸ੍ਸ ਪਚ੍ਚਯਾਕਾਰਵਿਕਾਰਲਕ੍ਖਣਾ ਕਾਯਵਿਞ੍ਞਤ੍ਤਿ, ਅਧਿਪ੍ਪਾਯਪ੍ਪਕਾਸਨਰਸਾ, ਕਾਯਵਿਪ੍ਫਨ੍ਦਨਹੇਤੁਭਾਵਪਚ੍ਚੁਪਟ੍ਠਾਨਾ ¶ , ਚਿਤ੍ਤਸਮੁਟ੍ਠਾਨਵਾਯੋਧਾਤੁਪਦਟ੍ਠਾਨਾ. ਵਚੀਭੇਦਪ੍ਪਵਤ੍ਤਕਚਿਤ੍ਤਸਮੁਟ੍ਠਾਨਪਥਵੀਧਾਤੁਯਾ ਉਪਾਦਿਨ੍ਨਘਟ੍ਟਨਸ੍ਸ ¶ ਪਚ੍ਚਯਾਕਾਰਵਿਕਾਰਲਕ੍ਖਣਾ ਵਚੀਵਿਞ੍ਞਤ੍ਤਿ, ਅਧਿਪ੍ਪਾਯਪ੍ਪਕਾਸਨਰਸਾ, ਵਚੀਘੋਸਸ੍ਸ ਹੇਤੁਭਾਵਪਚ੍ਚੁਪਟ੍ਠਾਨਾ, ਚਿਤ੍ਤਸਮੁਟ੍ਠਾਨਪਥਵੀਧਾਤੁਪਦਟ੍ਠਾਨਾ. ਉਭੋਪੇਤਾ ਕਾਯਵਿਪ੍ਫਨ੍ਦਨਵਚੀਘੋਸੇਹਿ ਸਯਂ ਵਿਞ੍ਞੇਯ੍ਯਤ੍ਤਾ, ਅਧਿਪ੍ਪਾਯਵਿਞ੍ਞਾਪਨਤੋ ਚ ‘‘ਕਾਯਵਚੀਵਿਞ੍ਞਤ੍ਤਿਯੋ’’ਤਿ ਵੁਚ੍ਚਨ੍ਤਿ. ਚਕ੍ਖੁਸੋਤਪਥਸ੍ਮਿਂ ਹਿ ਠਤ੍ਵਾ ਕੇਨਚਿ ਹਤ੍ਥਵਿਕਾਰਸੀਸੁਕ੍ਖਿਪਨਾਦਿਕਾਯਵਿਕਾਰੇ, ਸਦ੍ਦੇ ਵਾ ਕਤੇ ਤਥਾਪਵਤ੍ਤਰੂਪਸਦ੍ਦਾਯਤਨਾਨਿ ਚਕ੍ਖੁਸੋਤਵਿਞ੍ਞੇਯ੍ਯਾਨਿ, ਨ ਤਾਨਿ ਵਿਞ੍ਞਤ੍ਤਿਯੋ, ਚਿਤ੍ਤਸਮੁਟ੍ਠਿਤਕਲਾਪਗਤਾਯ ਪਨ ਵਾਯੋਧਾਤੁਯਾ ਸਹਜਾਤਰੂਪਕਾਯਸਨ੍ਧਾਰਣਚਲਨਾਦੀਨਂ ਪਚ੍ਚਯਭੂਤੋ ਵਿਕਾਰੋ ਕਾਯਵਿਞ੍ਞਤ੍ਤਿ, ਤਥਾ ਚਿਤ੍ਤਸਮੁਟ੍ਠਿਤਪਥਵੀਧਾਤੁਯਾ ਉਪਾਦਿਨ੍ਨਘਟ੍ਟਨਸ੍ਸ ਪਚ੍ਚਯਭੂਤੋ ਆਕਾਰਵਿਕਾਰੋ ਵਚੀਵਿਞ੍ਞਤ੍ਤਿ. ਨ ਚ ਤਾ ਚਕ੍ਖੁਸੋਤਵਿਞ੍ਞੇਯ੍ਯਾ, ਤਾ ਪਨ ਮਨੋਦ੍ਵਾਰਿਕਜਵਨੇਹਿ ਤਾਲਪਣ੍ਣਾਦਿਸਞ੍ਞਾਯ ਉਦਪਾਨਾਦੀਨਿ ਵਿਯ ਯਥਾਗਹਿਤਕਾਯਵਿਕਾਰਵਚੀਘੋਸਾਨੁਸਾਰੇਨ ਤਿਰਚ੍ਛਾਨਾਨਮ੍ਪਿ ਵਿਞ੍ਞੇਯ੍ਯਾ, ਤਦਨੁਸਾਰੇਨੇਵ ‘‘ਇਦਞ੍ਚਿਦਞ੍ਚ ਏਸ ਕਾਰੇਤਿ, ਵਦਤਿ ਚਾ’’ਤਿ ਅਧਿਪ੍ਪਾਯੋ ਚ ਵਿਞ੍ਞੇਯ੍ਯੋ ਹੋਤਿ, ਤਸ੍ਮਾ ਸਯਂ ਵਿਞ੍ਞੇਯ੍ਯਤੋ, ਅਧਿਪ੍ਪਾਯਵਿਞ੍ਞਾਪਨਤੋ ਚ ‘‘ਵਿਞ੍ਞਤ੍ਤਿਯੋ’’ਤਿ ਵੁਚ੍ਚਨ੍ਤਿ.

ਤਤ੍ਥ ਚ ਮਨੋਦ੍ਵਾਰਿਕਜਵਨਵੀਥਿਯਂ ਸਤ੍ਤਸੁ ਕਾਮਾਵਚਰਜਵਨੇਸੁ ਕਾਯਵਿਞ੍ਞਤ੍ਤਿਜਨਕੇਸੁ ਪੁਰਿਮੇਹਿ ਛਹਿ ਜਵਨੇਹਿ ਸਮੁਟ੍ਠਿਤਵਾਯੋਧਾਤੁਯੋ ਉਪਤ੍ਥਮ੍ਭਨਸਨ੍ਧਾਰਣਕਿਚ੍ਚਮੇਵ ਕਾਤੁਂ ਸਕ੍ਕੋਨ੍ਤਿ, ਅਭਿਕ੍ਕਮਾਦਿਂ ਪਨ ਨਿਪ੍ਫਾਦੇਤੁਂ ਨ ਸਕ੍ਕੋਨ੍ਤਿ. ਸਤ੍ਤਮਜਵਨਸਮੁਟ੍ਠਿਤਾ ਪਨ ਹੇਟ੍ਠਾ ਛਹਿ ਜਵਨੇਹਿ ਸਮੁਟ੍ਠਿਤਵਾਯੋਧਾਤੁਯੋਪਤ੍ਥਮ੍ਭਂ ਲਭਿਤ੍ਵਾ ਸਤ੍ਤਹਿ ਯੁਗੇਹਿ ਆਕਡ੍ਢਿਤਬ੍ਬਭਾਰਂ ਸਕਟਂ ਸਤ੍ਤਮਯੁਗਯੁਤ੍ਤਗੋਣੋ ਵਿਯ ਇਤਰਛਯੁਗਯੁਤ੍ਤਗੋਣੋਪਤ੍ਥਮ੍ਭਂ ਲਭਿਤ੍ਵਾ ਰੂਪਕਾਯਸ੍ਸ ਅਭਿਕ੍ਕਮਪਟਿਕ੍ਕਮਾਦਿਂ ਕਾਰੇਤੁਂ ਸਕ੍ਕੋਤਿ, ਏਵਂ ਵਚੀਵਿਞ੍ਞਤ੍ਤਿਜਨਕੇਪਿ ਸਤ੍ਤਮਜਵਨੇਹਿ ਸਮੁਟ੍ਠਿਤਾਯ ਪਥਵੀਧਾਤੁਯਾਪਿ ਉਪਾਦਿਨ੍ਨਘਟ੍ਟਨਸ੍ਸ ¶ ਪਚ੍ਚਯਭਾਵੋ ਵੇਦਿਤਬ੍ਬੋ. ਇਧ ਪਨ ਪੁਰਿਮਜਵਨਸਮੁਟ੍ਠਿਤਾਯ ਉਪਤ੍ਥਮ੍ਭਕਤ੍ਤਂ, ਸਤ੍ਤਮਜਵਨਸਮੁਟ੍ਠਿਤਾਯ ਚਲਨਪਚ੍ਚਯਤ੍ਤਞ੍ਚ ਨਤ੍ਥਿ ਤੇਸਂ ਵਾਯੋਧਾਤੁਕਿਚ੍ਚਤ੍ਤਾ, ਪੁਰਿਮਸਹਗਤਾ ਪਨ ਪਚ੍ਛਿਮਾ ਪਥਵੀਧਾਤੁ ਉਪਾਦਿਨ੍ਨਘਟ੍ਟਨਸਮਤ੍ਥਾ ਹੋਤਿ, ਸੇਸਂ ਤਾਦਿਸਮੇਵ. ਚਿਤ੍ਤਸਮੁਟ੍ਠਿਤਕਾਯੇ ਪਨ ਵਾਯੋਧਾਤੁਯਾ ਚਲਨ੍ਤੇ ਤਦੁਪਤ੍ਥਮ੍ਭਿਤਤੇਸਮੁਟ੍ਠਾਨਿਕਾਨਮ੍ਪਿ ਚਲਨਤੋ ਸਕਲਕਾਯਸ੍ਸ ਅਭਿਕ੍ਕਮਾਦਯੋ ਹੋਨ੍ਤਿ ਉਦਕੇ ਗਚ੍ਛਨ੍ਤੇ ਤਤ੍ਥ ਪਤਿਤਤਿਣਪਣ੍ਣਾਨਿ ਵਿਯਾਤਿ ਦਟ੍ਠਬ੍ਬਂ.

ਰੂਪਪਰਿਚ੍ਛੇਦਲਕ੍ਖਣਾ ਆਕਾਸਧਾਤੁ, ਰੂਪਪਰਿਯਨ੍ਤਪ੍ਪਕਾਸਨਰਸਾ, ਰੂਪਮਰਿਯਾਦਪਚ੍ਚੁਪਟ੍ਠਾਨਾ, ਅਸਮ੍ਫੁਟ੍ਠਭਾਵਪਚ੍ਚੁਪਟ੍ਠਾਨਾ, ਛਿਦ੍ਦਵਿਵਰਭਾਵਪਚ੍ਚੁਪਟ੍ਠਾਨਾ ਵਾ, ਪਰਿਚ੍ਛਿਨ੍ਨਰੂਪਪਦਟ੍ਠਾਨਾ, ਯਾਯ ਪਰਿਚ੍ਛਿਨ੍ਨੇਸੁ ਰੂਪੇਸੁ ‘‘ਇਦਮਿਤੋ ਉਦ੍ਧਂ, ਅਧੋ, ਤਿਰਿਯ’’ਨ੍ਤਿ ਚ ਹੋਤਿ.

ਅਦਨ੍ਧਤਾਲਕ੍ਖਣਾ ¶ ਰੂਪਸ੍ਸਲਹੁਤਾ, ਰੂਪਾਨਂ ਗਰੁਭਾਵਵਿਨੋਦਨਰਸਾ, ਲਹੁਪਰਿਵਤ੍ਤਿਤਾਪਚ੍ਚੁਪਟ੍ਠਾਨਾ, ਲਹੁਰੂਪਪਦਟ੍ਠਾਨਾ. ਅਥਦ੍ਧਤਾਲਕ੍ਖਣਾ ਰੂਪਸ੍ਸਮੁਦੁਤਾ, ਰੂਪਾਨਂ ਥਦ੍ਧਭਾਵਵਿਨੋਦਨਰਸਾ, ਸਬ੍ਬਕਿਰਿਯਾਸੁ ਅਵਿਰੋਧਿਤਾਪਚ੍ਚੁਪਟ੍ਠਾਨਾ, ਮੁਦੁਰੂਪਪਦਟ੍ਠਾਨਾ. ਸਰੀਰਕਿਰਿਯਾਨੁਕੂਲਕਮ੍ਮਞ੍ਞਭਾਵਲਕ੍ਖਣਾ ਰੂਪਸ੍ਸਕਮ੍ਮਞ੍ਞਤਾ, ਅਕਮ੍ਮਞ੍ਞਤਾਵਿਨੋਦਨਰਸਾ, ਅਦੁਬ੍ਬਲਭਾਵਪਚ੍ਚੁਪਟ੍ਠਾਨਾ, ਕਮ੍ਮਞ੍ਞਤਾਰੂਪਪਦਟ੍ਠਾਨਾ. ਏਤਾ ਪਨ ਤਿਸ੍ਸੋਪਿ ਅਞ੍ਞਮਞ੍ਞਂ ਨ ਵਿਜਹਨ੍ਤਿ, ਗਰੁਥਦ੍ਧਅਕਮ੍ਮਞ੍ਞਰੂਪਪਟਿਪਕ੍ਖਭਾਵੇਨ ਚ ਸਮੁਟ੍ਠਿਤਾਨਂ ਉਤੁਚਿਤ੍ਤਾਹਾਰਜਾਨਂ ਲਹੁਮੁਦੁਕਮ੍ਮਞ੍ਞਭੂਤਾਨਂ ਰੂਪਾਨਂ ਵਿਕਾਰਤਾਯ ਚ ਪਰਿਯਾਯਤੋ ਗਰੁਥਦ੍ਧਾਕਮ੍ਮਞ੍ਞਭਾਵਵਿਨੋਦਨਕਿਚ੍ਚਾ ਵੁਤ੍ਤਾ, ਨ ਪਨ ਸਭਾਵਤੋ ਸਯਂ ਅਵਿਜ੍ਜਮਾਨਤ੍ਤਾ.

ਆਚਯਲਕ੍ਖਣੋ ਰੂਪਸ੍ਸਉਪਚਯੋ, ਪੁਬ੍ਬਨ੍ਤਤੋ ਰੂਪਾਨਂ ਉਮ੍ਮੁਜ੍ਜਾਪਨਰਸੋ, ਨਿਯ੍ਯਾਤਨਪਚ੍ਚੁਪਟ੍ਠਾਨੋ, ਪਰਿਪੁਣ੍ਣਭਾਵਪਚ੍ਚੁਪਟ੍ਠਾਨੋ ਵਾ, ਉਪਚਿਤਰੂਪਪਦਟ੍ਠਾਨੋ. ਪਵਤ੍ਤਿਲਕ੍ਖਣਾ ਰੂਪਸ੍ਸਸਨ੍ਤਤਿ, ਅਨੁਪ੍ਪਬਨ੍ਧਨਰਸਾ, ਅਨੁਪਚ੍ਛੇਦਪਚ੍ਚੁਪਟ੍ਠਾਨਾ, ਅਨੁਪ੍ਪਬਨ੍ਧਕਰੂਪਪਦਟ੍ਠਾਨਾ ¶ . ਉਭਯਮ੍ਪੇਤਂ ਜਾਤਿਰੂਪਸ੍ਸੇਵਾਧਿਵਚਨਂ. ਸਮ੍ਪਿਣ੍ਡਿਤਾਨਂ ਹਿ ਚਤੁਸਮੁਟ੍ਠਾਨਿਕਰੂਪਾਨਂ ਪਠਮੁਪ੍ਪਤ੍ਤਿ ਉਪਚਯੋ ਨਾਮ, ਉਪਰੂਪਰੁਪ੍ਪਤ੍ਤਿ ਸਨ੍ਤਤਿ ਨਾਮ. ਤੇਨੇਵ ਤਾਸਂ ਪਦਭਾਜਨੀਯੇ ‘‘ਯੋ ਰੂਪਸ੍ਸ ਉਪਚਯੋ, ਸਾ ਰੂਪਸ੍ਸ ਸਨ੍ਤਤੀ’’ਤਿ (ਧ. ਸ. ੬੪੨) ਵੁਤ੍ਤਂ, ਆਕਾਰਨਾਨਤ੍ਤਤੋ ਪਨ ਵਿਸੁਂ ਉਦ੍ਦਿਟ੍ਠਾ.

ਰੂਪਪਰਿਪਾਕਲਕ੍ਖਣਾ ਰੂਪਸ੍ਸਜਰਤਾ, ਉਪਨਯਨਰਸਾ, ਸਭਾਵਾਨਪਗਮੇਪਿ ਨਵਭਾਵਾਪਗਮਪਚ੍ਚੁਪਟ੍ਠਾਨਾ ਵੀਹਿਪੁਰਾਣਭਾਵੋ ਵਿਯ, ਪਰਿਪਚ੍ਚਮਾਨਰੂਪਪਦਟ੍ਠਾਨਾ. ਖਣੇ ਖਣੇ ਭਿਜ੍ਜਮਾਨਾਪਿ ਚੇਸਾ ਉਪਾਦਿਨ੍ਨੇਸੁ ਖਣ੍ਡਦਨ੍ਤਾਦਿਤੋ, ਅਨੁਪਾਦਿਨ੍ਨੇਸੁ ਰੁਕ੍ਖਲਤਾਦੀਸੁ ਵਣ੍ਣਵਿਕਾਰਾਦਿਤੋ ਚ ਅਨ੍ਤਰਨ੍ਤਰਾ ਚ ਸੁਵਿਞ੍ਞੇਯ੍ਯਵਿਕਾਰਤ੍ਤਾ ‘‘ਪਾਕਟਜਰਾ, ਸਵੀਚਿਜਰਾ’’ਤਿ ਚ ਵੁਚ੍ਚਤਿ, ਮਣਿਕਨਕਚਨ੍ਦਸੂਰਿਯਾਦੀਸੁ ਦੁਵਿਞ੍ਞੇਯ੍ਯਤ੍ਤਾ, ਨਿਰਨ੍ਤਰਤ੍ਤਾ ਚ ‘‘ਅਪਾਕਟਜਰਾ, ਅਵੀਚਿਜਰਾ’’ਤਿ ਵੁਚ੍ਚਤਿ. ਈਦਿਸੇਸੁ ਹਿ ਕਪ੍ਪਵਿਨਾਸਾਦਿਕਾਲੇ ਵਿਕਾਰਤੋ ਜਰਾ ਪਞ੍ਞਾਯੇਯ੍ਯ. ਸਬ੍ਬਦਾਪਿ ਪਨ ਅਪਞ੍ਞਾਯਮਾਨਵਿਕਾਰਤ੍ਤਾ ਅਰੂਪਧਮ੍ਮੇਸੁ ਜਰਾ ਪਟਿਚ੍ਛਨ੍ਨਜਰਾ ਨਾਮ. ਨ ਚ ਤਤ੍ਥ ਵਣ੍ਣਵਿਕਾਰਾਦਯੋ ਜਰਾ ਤੇਸਂ ਚਕ੍ਖੁਵਿਞ੍ਞੇਯ੍ਯਤੋ. ਨ ਹਿ ਜਰਾ ਚਕ੍ਖੁਵਿਞ੍ਞੇਯ੍ਯਾ, ਮਨੋਵਿਞ੍ਞੇਯ੍ਯਾ ਪਨ ਹੋਤਿ. ਯਥਾ ਓਘੇਨ ਪਰਿਭਿਨ੍ਨਭੂਮਿਆਦਿਦਸ੍ਸਨੇਨ ਅਦਿਟ੍ਠੋਪਿ ਓਘੋ ਸੁਵਿਞ੍ਞੇਯ੍ਯੋ ਹੋਤਿ, ਏਵਂ ਵਿਕਾਰਦਸ੍ਸਨੇਨ ਜਰਾਤਿ ਗਹੇਤਬ੍ਬਂ.

ਪਰਿਭੇਦਲਕ੍ਖਣਾ ਰੂਪਸ੍ਸਅਨਿਚ੍ਚਤਾ, ਸਂਸੀਦਨਰਸਾ, ਖਯਵਯਪਚ੍ਚੁਪਟ੍ਠਾਨਾ, ਪਰਿਭਿਜ੍ਜਮਾਨਰੂਪਪਦਟ੍ਠਾਨਾ. ਨ ਕੇਵਲਞ੍ਚੇਤਾਨਿ ਉਪਚਯਾਦਿਚਤੂਹਿ ਗਹਿਤਾਨਿ ਜਾਤਿਜਰਾਮਰਣਾਨਿ ਰੂਪਧਮ੍ਮਾਨਮੇਵ ¶ , ਅਰੂਪਧਮ੍ਮਾਨਮ੍ਪਿ ਹੋਨ੍ਤਿਯੇਵ. ਏਤਾਨਿ ਚ ਇਮੇਸਂ ਸਤ੍ਤਾਨਂ ਅਰਞ੍ਞਪ੍ਪਵੇਸਕਪਵਿਟ੍ਠਪਰਿਪਾਤਕਪਤਿਤਘਾਤਕਚੋਰੇਹਿ ਯਥਾਕ੍ਕਮਂ ਸਦਿਸਾਨੀਤਿ ਦਟ੍ਠਬ੍ਬਾਨਿ.

ਓਜਾਲਕ੍ਖਣੋ ¶ ਕਬਲ਼ੀਕਾਰੋ ਆਹਾਰੋ, ਰੂਪਾਹਰਣਰਸੋ, ਉਪਤ੍ਥਮ੍ਭਨਪਚ੍ਚੁਪਟ੍ਠਾਨੋ, ਕਬਲ਼ਂ ਕਤ੍ਵਾ ਆਹਰਿਤਬ੍ਬਵਤ੍ਥੁਪਦਟ੍ਠਾਨੋ. ਅਯਂ ਲਕ੍ਖਣਾਦਿਤੋ ਵਿਨਿਚ੍ਛਯੋ.

ਸਙ੍ਗਹਤੋ ਪਨ ਸਬ੍ਬਮ੍ਪੇਤਂ ਰੂਪਂ ਖਨ੍ਧਤੋ ਏਕਵਿਧਂ ਰੂਪਕ੍ਖਨ੍ਧੋਵ ਹੋਤਿ, ਤਥਾ ਅਹੇਤੁਕਂ ਸਪ੍ਪਚ੍ਚਯਂ ਸਙ੍ਖਤਂ ਲੋਕਿਯਂ ਸਾਸਵਂ ਸਞ੍ਞੋਜਨੀਯਂ ਓਘਨੀਯਂ ਯੋਗਨੀਯਂ ਨੀਵਰਣੀਯਂ ਪਰਾਮਟ੍ਠਂ ਸਂਕਿਲੇਸਿਕਂ ਅਨਾਰਮ੍ਮਣਂ ਅਪ੍ਪਹਾਤਬ੍ਬਨ੍ਤਿਆਦਿਨਾ ਚ ਏਕਵਿਧਂ, ਤਂ ਪੁਨ ਭੂਤੋਪਾਦਾਯਵਸੇਨ ਦੁਵਿਧਂ, ਤਥਾ ਨਿਪ੍ਫਨ੍ਨਾਨਿਪ੍ਫਨ੍ਨਾਦਿਵਸੇਨ ਚ. ਤਤ੍ਥ ਪਥਵੀਆਦੀਨਿ ਚਤ੍ਤਾਰਿ ਮਹਾਭੂਤਾਨਿ ਭੂਤਰੂਪਂ ਨਾਮ, ਸੇਸਂ ਉਪਾਦਾਰੂਪਂ ਨਾਮ. ਪਥਵੀਆਦਯੋ ਸਤ੍ਤਰਸ, ਕਬਲ਼ੀਕਾਰੋ ਆਹਾਰੋ ਚੇਤਿ ਅਟ੍ਠਾਰਸਵਿਧਮ੍ਪਿ ਪਰਮਤ੍ਥਤੋ ਵਿਜ੍ਜਮਾਨਤ੍ਤਾ ਨਿਪ੍ਫਨ੍ਨਰੂਪਂ ਨਾਮ, ਇਤਰਂ ਅਨਿਪ੍ਫਨ੍ਨਰੂਪਂ ਨਾਮ. ਚਕ੍ਖਾਦਯੋ ਪਞ੍ਚ ਪਸਾਦਾ, ਭਾਵਦ੍ਵਯਂ, ਜੀਵਿਤਿਨ੍ਦ੍ਰਿਯਨ੍ਤਿ ਅਟ੍ਠਵਿਧਮ੍ਪਿ ਇਨ੍ਦ੍ਰਿਯਰੂਪਂ ਨਾਮ, ਇਤਰਂ ਅਨਿਨ੍ਦ੍ਰਿਯਂ. ਤਾਨਿ ਇਨ੍ਦ੍ਰਿਯਾਨਿ ਚੇਵ ਹਦਯਞ੍ਚਾਤਿ ਨਵਵਿਧਮ੍ਪਿ ਉਪਾਦਿਨ੍ਨਂ, ਇਤਰਂ ਅਨੁਪਾਦਿਨ੍ਨਂ, ਪਞ੍ਚ ਪਸਾਦਾ, ਚਤ੍ਤਾਰੋ ਰੂਪਸਦ੍ਦਗਨ੍ਧਰਸਾ, ਆਪੋਧਾਤੁਵਿਵਜ੍ਜਿਤਭੂਤਤ੍ਤਯਞ੍ਚਾਤਿ ਦ੍ਵਾਦਸਵਿਧਮ੍ਪਿ ਓਲ਼ਾਰਿਕਰੂਪਂ, ਸਨ੍ਤਿਕੇਰੂਪਂ, ਸਪ੍ਪਟਿਘਰੂਪਞ੍ਚ, ਸੇਸਂ ਸੁਖੁਮਰੂਪਂ, ਦੂਰੇਰੂਪਂ, ਅਪ੍ਪਟਿਘਰੂਪਞ੍ਚ. ਪਸਾਦਾ, ਹਦਯਞ੍ਚ ਵਤ੍ਥੁਰੂਪਂ, ਇਤਰਂ ਅਵਤ੍ਥੁਰੂਪਂ. ਪਸਾਦਾ, ਵਿਞ੍ਞਤ੍ਤਿਦ੍ਵਯਞ੍ਚ ਦ੍ਵਾਰਰੂਪਂ, ਇਤਰਂ ਅਦ੍ਵਾਰਂ. ਪਸਾਦਾ ਅਜ੍ਝਤ੍ਤਿਕਰੂਪਂ, ਗੋਚਰਗ੍ਗਾਹਿਕਰੂਪਞ੍ਚ, ਇਤਰਂ ਬਾਹਿਰਂ, ਅਗੋਚਰਗ੍ਗਾਹਿਕਰੂਪਞ੍ਚ. ਚਤ੍ਤਾਰਿ ਭੂਤਰੂਪਾਨਿ, ਰੂਪਗਨ੍ਧਰਸਓਜਾ ਚਾਤਿ ਇਦਂ ਸੁਦ੍ਧਟ੍ਠਕਂ ਅਵਿਨਿਬ੍ਭੋਗਰੂਪਂ ਨਾਮ, ਇਤਰਂ ਵਿਨਿਬ੍ਭੋਗਰੂਪਂ.

ਚਕ੍ਖੁ ਨਚਕ੍ਖੂਤਿ ਏਵਮਾਦਿਵਸੇਨ ਚ ਦੁਵਿਧਂ ਹੋਤਿ. ਪੁਨ ਤਂ ਸਨਿਦਸ੍ਸਨਤ੍ਤਿਕਵਸੇਨ ਤਿਵਿਧਂ ਹੋਤਿ. ਤਤ੍ਥ ਰੂਪਾਯਤਨਂ ਸਨਿਦਸ੍ਸਨਸਪ੍ਪਟਿਘਂ, ਸੇਸਮੋਲ਼ਾਰਿਕਰੂਪਂ ਅਨਿਦਸ੍ਸਨਸਪ੍ਪਟਿਘਂ, ਸਬ੍ਬਮ੍ਪਿ ਸੁਖੁਮਰੂਪਂ ਅਨਿਦਸ੍ਸਨਅਪ੍ਪਟਿਘਂ. ਤਥਾ ਕਮ੍ਮਜਾਦਿਤ੍ਤਿਕਵਸੇਨ. ਤਤ੍ਥ ਨਵਵਿਧਂ ਉਪਾਦਿਨ੍ਨਰੂਪਂ, ਸੁਦ੍ਧਟ੍ਠਕਂ, ਆਕਾਸੋ ਚ ਕਮ੍ਮਜਂ ਨਾਮ, ਵਿਞ੍ਞਤ੍ਤਿਦ੍ਵਯਂ, ਲਹੁਤਾਦਿਤ੍ਤਯਞ੍ਚ ਸਦ੍ਦੋ ¶ ਚ ਅਕਮ੍ਮਜਂ ਨਾਮ, ਉਪਚਯਾਦਿਚਤੁਬ੍ਬਿਧਂ ਲਕ੍ਖਣਰੂਪਂ ਅਜਂ ਨਾਮ. ਸੁਦ੍ਧਟ੍ਠਕਂ, ਆਕਾਸੋ, ਵਿਞ੍ਞਤ੍ਤਿਦ੍ਵਯਂ, ਲਹੁਤਾਦਿਤ੍ਤਯਂ, ਸਦ੍ਦੋ ਚ ਚਿਤ੍ਤਜਂ ਨਾਮ, ਤਦਵਸੇਸਂ ਲਕ੍ਖਣਰੂਪਵਿਰਹਿਤਂ ਅਚਿਤ੍ਤਜਂ ਨਾਮ, ਲਕ੍ਖਣਰੂਪਂ ਅਜਂ ਨਾਮ. ਸੁਦ੍ਧਟ੍ਠਕਂ, ਆਕਾਸੋ, ਲਹੁਤਾਦਿਤ੍ਤਯਞ੍ਚ ਆਹਾਰਜਂ ਨਾਮ, ਸੇਸਂ ਲਕ੍ਖਣਵਜ੍ਜਿਤਂ ¶ ਅਨਾਹਾਰਜਂ ਨਾਮ, ਲਕ੍ਖਣਂ ਅਜਂ ਨਾਮ. ਸੁਦ੍ਧਟ੍ਠਕਂ, ਆਕਾਸੋ, ਲਹੁਤਾਦਿਤ੍ਤਯਂ, ਸਦ੍ਦੋ ਚ ਉਤੁਜਂ ਨਾਮ, ਸੇਸਂ ਲਕ੍ਖਣਵਿਰਹਿਤਂ ਅਨੁਤੁਜਂ ਨਾਮ, ਲਕ੍ਖਣਂ ਅਜਂ ਨਾਮ. ਲਕ੍ਖਣਾਨਿ ਹਿ ਜਾਯਮਾਨਜੀਯਮਾਨਪਰਿਭਿਜ੍ਜਮਾਨਧਮ੍ਮਾਨਂ ਸਭਾਵਤਾਯ ਕੁਤੋਚਿ ਜਾਤਿਵੋਹਾਰਂ ਨ ਲਭਨ੍ਤਿ ਭੇਸਮ੍ਪਿ ਜਾਤਿਆਦਿਪ੍ਪਸਙ੍ਗਤੋ. ਨ ਹਿ ‘‘ਜਾਤਿ ਜਾਯਤਿ, ਜਰਾ ਜੀਰਤਿ, ਮਰਣਂ ਮੀਯਤੀ’’ਤਿ ਵੋਹਰਿਤੁਂ ਯੁਤ੍ਤਂ ਅਨਵਟ੍ਠਾਨਤੋ. ਤਦਵਸੇਸਾਨਂ ਪਨ ਆਕਾਸਵਿਞ੍ਞਤ੍ਤਾਦਿਅਨਿਪ੍ਫਨ੍ਨਾਨਂ ਯਦਿਪਿ ਪਰਮਤ੍ਥਤੋ ਅਵਿਜ੍ਜਮਾਨਤਾਯ ਨ ਕੁਤੋਚਿ ਉਪ੍ਪਤ੍ਤਿ ਅਤ੍ਥਿ, ਤਥਾਪਿ ਤਥਾ ਤਥਾ ਪਵਤ੍ਤਰੂਪਂ ਉਪਾਦਾਯ ਨੇਸਂ ਵਿਜ੍ਜਮਾਨਵੋਹਾਰਸ੍ਸੇਵ ਹੇਤੁਸਮੁਪ੍ਪਨ੍ਨਵੋਹਾਰਸ੍ਸਾਪਿ ਵਿਰੋਧਾਭਾਵਤੋ ਸਹੇਤੁਕਤਾ ਵੁਤ੍ਤਾ. ਯਂ ਪਨ ਪਾਲ਼ਿਯਂ ‘‘ਰੂਪਾਯਤਨਂ…ਪੇ… ਰੂਪਸ੍ਸ ਉਪਚਯੋ ਰੂਪਸ੍ਸ ਸਨ੍ਤਤਿ ਕਬਲ਼ੀਕਾਰੋ ਆਹਾਰੋ. ਇਮੇ ਧਮ੍ਮਾ ਚਿਤ੍ਤਸਮੁਟ੍ਠਾਨਾ’’ਤਿਆਦੀਸੁ (ਧ. ਸ. ੧੨੦੨) ਜਾਤਿਯਾਪਿ ਕੁਤੋਚਿ ਜਾਤਤ੍ਤਂ ਵੁਤ੍ਤਂ, ਤਂ ਰੂਪਜਨਕਪਚ੍ਚਯਾਨਂ ਕਿਚ੍ਚਾਨੁਭਾਵਲਕ੍ਖਣੇ ਦਿਟ੍ਠਤ੍ਤਾ ਰੂਪੁਪ੍ਪਤ੍ਤਿਕ੍ਖਣੇ ਵਿਜ੍ਜਮਾਨਤਂ ਸਨ੍ਧਾਯ ਵੁਤ੍ਤਂ, ਜਰਾਮਰਣਾਨਂ ਪਨ ਰੂਪੁਪ੍ਪਤ੍ਤਿਕ੍ਖਣੇ ਅਭਾਵਤੋ ਨ ਵੁਤ੍ਤਂ. ‘‘ਜਰਾਮਰਣਂ, ਭਿਕ੍ਖਵੇ, ਅਨਿਚ੍ਚਂ ਸਙ੍ਖਤਂ ਪਟਿਚ੍ਚਸਮੁਪ੍ਪਨ੍ਨ’’ਨ੍ਤਿ (ਸਂ. ਨਿ. ੨.੨੦) ਇਦਂ ਪਨ ਜਰਾਮਰਣਸੀਸੇਨ ਤਥਾਪਵਤ੍ਤਵਿਞ੍ਞਾਣਨਾਮਰੂਪਾਦੀਨਮੇਵ ਗਹਿਤਤ੍ਤਾ ਵੁਤ੍ਤਨ੍ਤਿ ਵੇਦਿਤਬ੍ਬਂ. ਯਂ ਤਂ ਰੂਪਂ ਅਜ੍ਝਤ੍ਤਿਕਂ, ਤਂ ਉਪਾਦਾ, ਯਂ ਤਂ ਰੂਪਂ ਬਾਹਿਰਂ, ਤਂ ਅਤ੍ਥਿ ਉਪਾਦਾ, ਅਤ੍ਥਿ ਨੋ ਉਪਾਦਾਤਿ ਏਵਮਾਦਿਨਾ ਨਯੇਨਾਪਿ ਤਿਵਿਧਂ ਹੋਤਿ.

ਪੁਨ ¶ ਤਂ ਸਬ੍ਬਂ ਦਿਟ੍ਠਸੁਤਮੁਤਵਿਞ੍ਞਾਤਵਸੇਨ ਚਤੁਬ੍ਬਿਧਂ ਹੋਤਿ. ਤਤ੍ਥ ਰੂਪਾਯਤਨਂ ਦਿਟ੍ਠਂ ਨਾਮ, ਸਦ੍ਦੋ ਸੁਤਂ ਨਾਮ, ਗਨ੍ਧਰਸਫੋਟ੍ਠਬ੍ਬਾਨਿ ਪਤ੍ਵਾਵ ਗਹੇਤਬ੍ਬਤੋ ਮੁਤਂ ਨਾਮ, ਸੇਸਂ ਮਨਸਾ ਵਿਞ੍ਞਾਤਬ੍ਬਤੋ ਵਿਞ੍ਞਾਤਂ ਨਾਮ. ਤਥਾ ਰੂਪਰੂਪਚਤੁਕ੍ਕਾਦਿਵਸੇਨ ਚਤੁਬ੍ਬਿਧਂ, ਤਤ੍ਥ ਅਟ੍ਠਾਰਸਵਿਧਂ ਨਿਪ੍ਫਨ੍ਨਂ ਰੂਪਰੂਪਂ ਨਾਮ, ਆਕਾਸੋ ਪਰਿਚ੍ਛੇਦਰੂਪਂ ਨਾਮ, ਵਿਞ੍ਞਤ੍ਤਿਦ੍ਵਯਂ, ਲਹੁਤਾਦਿਤ੍ਤਯਞ੍ਚ ਵਿਕਾਰਰੂਪਂ ਨਾਮ, ਉਪਚਯਾਦਿਚਤੁਬ੍ਬਿਧਂ ਲਕ੍ਖਣਰੂਪਂ ਨਾਮ. ਤਥਾ ਹਦਯਵਤ੍ਥੁ ਵਤ੍ਥੁ, ਨ ਦ੍ਵਾਰਂ ਨਾਮ, ਵਿਞ੍ਞਤ੍ਤਿਦ੍ਵਯਂ ਦ੍ਵਾਰਂ, ਨ ਵਤ੍ਥੁ ਨਾਮ, ਚਕ੍ਖਾਦਯੋ ਪਞ੍ਚ ਪਸਾਦਾ ਵਤ੍ਥੁ ਚੇਵ ਦ੍ਵਾਰਞ੍ਚ ਨਾਮ, ਸੇਸਂ ਨੇਵ ਵਤ੍ਥੁ ਨ ਦ੍ਵਾਰਂ ਨਾਮਾਤਿ ਏਵਮਾਦਿਨਾ ਨਯੇਨ ਚਤੁਬ੍ਬਿਧਂ.

ਤਂ ਪੁਨ ਏਕਜਾਦਿਵਸੇਨ ਪਞ੍ਚਵਿਧਂ. ਨਵਵਿਧਂ ਹਿ ਉਪਾਦਿਨ੍ਨਰੂਪਂ ਕਮ੍ਮੇਨੇਵ, ਵਿਞ੍ਞਤ੍ਤਿਦ੍ਵਯਞ੍ਚ ਚਿਤ੍ਤੇਨੇਵ ਉਪ੍ਪਜ੍ਜਨਤੋ ਏਕਜਂ ਨਾਮ, ਸਦ੍ਦੋ ਉਤੁਚਿਤ੍ਤੇਹਿ ਉਪ੍ਪਜ੍ਜਨਤੋ ਦ੍ਵਿਜਂ ਨਾਮ, ਲਹੁਤਾਦਿਤ੍ਤਯਂ ਉਤੁਚਿਤ੍ਤਾਹਾਰੇਹਿ ਉਪ੍ਪਜ੍ਜਨਤੋ ਤਿਜਂ ਨਾਮ, ਸੁਦ੍ਧਟ੍ਠਕਂ, ਆਕਾਸੋ ਚ ਚਤੂਹਿਪਿ ਉਪ੍ਪਜ੍ਜਨਤੋ ਚਤੁਜ੍ਜਂ ਨਾਮ, ਲਕ੍ਖਣਾਨਿ ਅਜਂ ਨਾਮ. ਏਵਮਾਦਿਨਾ ਪਞ੍ਚਵਿਧਂ ਹੋਤਿ.

ਤਂ ਪੁਨ ਚਕ੍ਖੁਸੋਤਘਾਨਜਿਵ੍ਹਾਕਾਯਮਨਇਨ੍ਦ੍ਰਿਯਵਿਞ੍ਞੇਯ੍ਯਵਸੇਨ ਛਬ੍ਬਿਧਂ. ਸਤ੍ਤਵਿਞ੍ਞਾਣਧਾਤੁਵਿਞ੍ਞੇਯ੍ਯਵਸੇਨ ¶ ਸਤ੍ਤਵਿਧਂ. ਤਦੇਵ ਮਨੋਵਿਞ੍ਞਾਣਧਾਤੁਵਿਞ੍ਞੇਯ੍ਯਂ ਭੂਤੋਪਾਦਾਯਵਸੇਨ ਦ੍ਵਿਧਾ ਕਤ੍ਵਾ ਅਟ੍ਠਵਿਧਂ ਹੋਤਿ. ਤਤ੍ਥ ਹਿ ਆਪੋਧਾਤੁ ਮਨੋਵਿਞ੍ਞਾਣੇਨੇਵ ਵਿਞ੍ਞੇਯ੍ਯਂ ਭੂਤਰੂਪਂ ਨਾਮ, ਇਤਰਂ ਪਸਾਦਸਹਿਤਸੁਖੁਮਰੂਪਂ ਮਨੋਵਿਞ੍ਞਾਣਵਿਞ੍ਞੇਯ੍ਯੋਪਾਦਾਯਰੂਪਂ ਨਾਮ. ਤਦੇਵ ਪੁਨ ਮਨੋਵਿਞ੍ਞਾਣਵਿਞ੍ਞੇਯ੍ਯੋਪਾਦਾਯਰੂਪਂ ਇਨ੍ਦ੍ਰਿਯਾਨਿਨ੍ਦ੍ਰਿਯਵਸੇਨ ਦ੍ਵਿਧਾ ਕਤ੍ਵਾ ਨਵਵਿਧਂ ਹੋਤਿ. ਤਂ ਪੁਨ ਪਸਾਦਵਿਸਯਆਪੋਧਾਤੁਭਾਵਹਦਯਜੀਵਿਤਪਰਿਚ੍ਛੇਦਵਿਕਾਰਲਕ੍ਖਣਆਹਾਰਵਸੇਨ ਦਸਵਿਧਂ ਹੋਤਿ.

ਤਦੇਵ ਪੁਨ ਚਕ੍ਖਾਯਤਨਂ ਸੋਤਾਯਤਨਂ ਘਾਨਾਯਤਨਂ ਜਿਵ੍ਹਾਯਤਨਂ ਕਾਯਾਯਤਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ¶ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਧਮ੍ਮਾਯਤਨਨ੍ਤਿ ਏਵਂ ਆਯਤਨਤੋ ਏਕਾਦਸਵਿਧਂ ਹੋਤਿ, ਤਥਾ ਧਾਤੁਵਸੇਨ. ਤਤ੍ਥ ਆਪੋਧਾਤੁਵਿਵਜ੍ਜਿਤਭੂਤਤ੍ਤਯਂ ਫੋਟ੍ਠਬ੍ਬਾਯਤਨਂ ਫੋਟ੍ਠਬ੍ਬਧਾਤੁ ‘‘ਕਾਯਵਿਞ੍ਞੇਯ੍ਯਂ, ਕਾਯਵਿਞ੍ਞਾਣਵਿਞ੍ਞੇਯ੍ਯ’’ਨ੍ਤਿ ਚ ਵੁਚ੍ਚਤਿ, ਸੁਖੁਮਰੂਪਂ ਧਮ੍ਮਾਯਤਨਂ ਧਮ੍ਮਧਾਤੂਤਿ, ਤਦੇਵ ਪਸਾਦਸਹਿਤਂ ‘‘ਮਨੋਵਿਞ੍ਞੇਯ੍ਯਂ, ਮਨੋਵਿਞ੍ਞਾਣਵਿਞ੍ਞੇਯ੍ਯ’’ਨ੍ਤਿ ਚ ਵੁਤ੍ਤਂ. ਸੇਸਂ ਸੁਵਿਞ੍ਞੇਯ੍ਯਮੇਵ.

ਕਸ੍ਮਾ ਪਨੇਤ੍ਥ ਆਪੋਧਾਤੁਵਿਵਜ੍ਜਿਤਾਨਞ੍ਞੇਵ ਭੂਤਾਨਂ ਫੋਟ੍ਠਬ੍ਬਤਾ ਵੁਤ੍ਤਾ, ਨਨੁ ਆਪੋਧਾਤੁਪਿ ਸੀਤਵਸੇਨ ਫੁਸਿਤ੍ਵਾ ਵੇਦਿਤਬ੍ਬਾਤਿ? ਨ ਸੀਤਸ੍ਸਾਪਿ ਤੇਜੋਧਾਤੁਤ੍ਤਾ. ਉਣ੍ਹਮੇਵ ਹਿ ਸੀਤਨ੍ਤਿ ਬ੍ਯਪਦਿਸ੍ਸਤਿ. ਕਠਿਨਾਕਠਿਨਤਂ ਉਪਾਦਾਯ ਰੁਕ੍ਖਾਦਿਵਿਰਲ਼ਚ੍ਛਾਯਾ ਵਿਯ, ਤਂ ਵਾ ਉਪਾਦਾਯ ਸਨ੍ਦਚ੍ਛਾਯਾਦਿ, ਅਞ੍ਞਥਾ ਕਸ੍ਸੇਤਂ ਸੀਤਤ੍ਤਂ ਸਭਾਵਂ ਸਿਯਾ. ‘‘ਆਪੋਧਾਤੁਯਾ’’ ਇਤਿ ਚੇ. ਯਦਿ ਏਵਂ ਉਣ੍ਹੋਦਕਾਦੀਸੁ ਆਪਤ੍ਤਂ ਨ ਸਿਯਾ ਆਪੋਤੇਜਾਨਞ੍ਚ ਸਹਪਵਤ੍ਤਾਨਂ ਵਿਰੁਦ੍ਧਲਕ੍ਖਣਤ੍ਤਾ, ਨ ਚ ਸਾ ਤੇਜੋਸਨ੍ਨਿਧਾਨੇ ਸੀਤਤ੍ਤਂ ਵਿਹਾਯ ਤਿਟ੍ਠਤਿ. ਨ ਹਿ ਸਭਾਵਾ ਕੇਨਚਿ ਸਹਭਾਵੇਨ ਤਂਸਭਾਵਂ ਜਹਨ੍ਤਿ ਅਭਾਵਾਪਤ੍ਤਿਤੋ, ਨਾਪਿਸ੍ਸਾ ਸੀਤਭਾਵਂ ਮੁਞ੍ਚਿਤ੍ਵਾ ਅਪਰਸਭਾਵੋ ਅਤ੍ਥਿ, ਯੇਨ ਸਹਭਾਵੋ ਯੁਜ੍ਜੇਯ੍ਯ. ਯਦਿ ਸਿਯਾ ‘‘ਆਪੋ ਸੀਤਤ੍ਤ’’ਨ੍ਤਿ, ਭਾਵਦ੍ਵਯਂ ਸਿਯਾ ਅਞ੍ਞੋਞ੍ਞਵਿਲਕ੍ਖਣਸਭਾਵਤ੍ਤਾ ਭਾਵਸ੍ਸ, ਅਥਾਪਿ ਨ ਸੀਤਤ੍ਤਂ, ਆਪੋਧਾਤੁਯਾ ਸਰੂਪਂ ਸੀਤਗੁਣੋ, ਸੋ ਚ ਉਣ੍ਹਸਨ੍ਨਿਧਾਨੇ ਵਿਗਚ੍ਛਤਿ, ਗੁਣੀਰੂਪਮੇਵ ਤਿਟ੍ਠਤੀਤਿ ਚੇ? ਤਦਾ ਤਹਿਂ ਸਯਂ ਅਫੋਟ੍ਠਬ੍ਬਾਵ ਆਪੋਧਾਤੁ, ਨ ਨਿਯਤਫਸ੍ਸਵਤੀਤਿ ਚ ਸਿਯਾ, ਯੋ ਚ ਸੀਤਫਸ੍ਸੋ ਗੁਣੋਤਿ ਸੁਵੁਤ੍ਤੋ, ਸੋ ਅਮ੍ਹੇਹਿ ਤੇਜੋਧਾਤੁਵਿਸੇਸੋਤਿ.

ਅਯਮੇਵ ਵਿਸੇਸੋਤਿ ਚੇ, ਨਨੁ ਸੀਤਤ੍ਤਂ, ਉਣ੍ਹਤ੍ਤਞ੍ਚ ਅਞ੍ਞੋਞ੍ਞਵਿਰੁਦ੍ਧਂ, ਕਥਂ ਤੇਜੋਧਾਤੁਯਾ ਸਭਾਵਂ ਸਿਯਾਤਿ? ਨਾਯਂ ਦੋਸੋ ਏਕਕਲਾਪੇ ਤੇਸਂ ਸਮ੍ਭਵਾਭਾਵਤੋ, ਭਿਨ੍ਨਕਲਾਪੇਸੁ ¶ ਪਨ ਪਵਤ੍ਤਿਯਂ ਆਲੋਕਨ੍ਧਕਾਰਨੀਲਪੀਤਾਦੀਨਂ ਵਣ੍ਣਾਯਤਨਤਾ ਵਿਯ ਤੇਜੋਧਾਤੁਤ੍ਤਂ ਨ ਵਿਰੁਜ੍ਝਤੀਤਿ. ਯਦਿ ਆਪੋਧਾਤੁਯਾ ਨ ਸੀਤਤ੍ਤਂ ਸਰੂਪਂ, ਕਿਂ ਪਨਸ੍ਸਾ ਸਰੂਪਨ੍ਤਿ? ਦ੍ਰਵਤਾ. ਯਦਿ ਏਵਂ ਦ੍ਰਵਤਾਪਿ ਫੁਸਿਤ੍ਵਾ ¶ ਞਾਤਬ੍ਬਤੋ ਫੋਟ੍ਠਬ੍ਬਂ ਸਿਯਾਤਿ? ਨ ਸੀਤਾਦਿਂ ਫੁਸਿਤ੍ਵਾ ਮਨਸਾਵ ਵਣ੍ਣਂ ਦਿਸ੍ਵਾ ਞਾਤਬ੍ਬਤੋ. ਅਨ੍ਧਕਾਰੇ ਸਯਨ੍ਤਾ ਹਿ ਅਤਿਸੀਤਲਤਾਯ ਪਤ੍ਤਾਦਿਂ ਫੁਸਿਤ੍ਵਾ ‘‘ਉਦਕਂ ਏਤ੍ਥਾ’’ਤਿ ਆਸਙ੍ਕਿਤਾ ਹੋਨ੍ਤਿ, ਉਦਕਂ ਵਾ ਫੁਸਿਤ੍ਵਾ ਸਪ੍ਪਾਦਿਸਞ੍ਞਿਨੋ, ਤਸ੍ਮਾ ਅਫੋਟ੍ਠਬ੍ਬਮੇਵ ਆਪੋਧਾਤੁ, ਇਤਰਭੂਤਤ੍ਤਯਮੇਵ ਫੋਟ੍ਠਬ੍ਬਨ੍ਤਿ ਗਹੇਤਬ੍ਬਂ.

ਕਿਂ ਪਨੇਤਂ ਭੂਤਤ੍ਤਯਂ ਏਕਤੋ ਆਰਮ੍ਮਣਂ ਕਤ੍ਵਾ ਕਾਯਵਿਞ੍ਞਾਣਂ ਉਪ੍ਪਜ੍ਜਿਤੁਂ ਸਕ੍ਕੋਤਿ, ਨ ਸਕ੍ਕੋਤੀਤਿ? ਨ ਸਕ੍ਕੋਤਿ. ਕਸ੍ਮਾ? ਆਭੁਜਿਤਵਸੇਨ ਵਾ ਉਸ੍ਸਦਵਸੇਨ ਵਾ ਤੇਸੁ ਏਕਮੇਵਾਰਮ੍ਮਣਂ ਕਤ੍ਵਾ ਉਪ੍ਪਜ੍ਜਨਤੋ. ਆਭੁਜਿਤਵਸੇਨ ਹਿ ਓਦਨਥਾਲਿਯਂ ਸਿਤ੍ਥਂ ਗਹੇਤ੍ਵਾ ਥਦ੍ਧਮੁਦੁਭਾਵਂ ਵੀਮਂਸਨ੍ਤਸ੍ਸ, ਉਣ੍ਹੋਦਕਭਾਜਨੇ ਵਾ ਹਤ੍ਥਂ ਓਤਾਰੇਤ੍ਵਾ ਉਣ੍ਹਭਾਵਂ ਵੀਮਂਸਨ੍ਤਸ੍ਸ, ਉਣ੍ਹਸਮਯੇ ਵਾ ਵਾਤਪਾਨਂ ਵਿਵਰਿਤ੍ਵਾ ਵਾਤੇਨ ਸਰੀਰਂ ਪਹਰਾਪੇਨ੍ਤਸ੍ਸ ਚ ਤਤ੍ਥ ਤਤ੍ਥ ਕਿਞ੍ਚਾਪਿ ਇਤਰਂ ਭੂਤਤ੍ਤਯਮ੍ਪਿ ਅਤ੍ਥਿ, ਯਥਾਭੁਜਿਤਂ ਪਨ ਤਂਤਂਪਥਵੀਤੇਜੋਵਾਯੋਧਾਤੁਮੇਵ ਯਥਾਕ੍ਕਮਂ ਆਰਬ੍ਭ ਕਾਯਵਿਞ੍ਞਾਣਂ ਉਪ੍ਪਜ੍ਜਤਿ. ਏਵਂ ਆਭੁਜਿਤਵਸੇਨ ਆਰਮ੍ਮਣਂ ਕਰੋਤਿ ਨਾਮ. ਉਸ੍ਸਦਵਸੇਨ ਪਨ ਭੁਞ੍ਜਨਸਮਯੇ ਸਕ੍ਖਰਂ ਡਂਸਨ੍ਤਸ੍ਸ, ਮਗ੍ਗੇ ਵਾ ਅਗ੍ਗਿਂ ਅਕ੍ਕਮਨ੍ਤਸ੍ਸ, ਬਲਵਵਾਤੇਨ ਵਾ ਕਣ੍ਣਸਕ੍ਖਲਿਯਮ੍ਪਿ ਪਹਰਨ੍ਤਸ੍ਸ ਚ ਤਤ੍ਥ ਤਤ੍ਥ ਕਿਞ੍ਚਾਪਿ ਇਤਰਭੂਤਤ੍ਤਯਮ੍ਪਿ ਅਤ੍ਥਿ, ਯਥਾਉਸ੍ਸਦਂ ਪਨ ਤਂਤਂਪਥਵੀਤੇਜੋਵਾਯੋਧਾਤੁਮੇਵਾਰਬ੍ਭ ਯਥਾਕ੍ਕਮਂ ਕਾਯਵਿਞ੍ਞਾਣਂ ਉਪ੍ਪਜ੍ਜਤਿ. ਅਗ੍ਗਿਮ੍ਹਿ ਵਾ ਨਿਮੁਗ੍ਗਸਕਲਸਰੀਰਸ੍ਸ ਯਦਿਪਿ ਏਕਪ੍ਪਹਾਰੇਨ ਅਗ੍ਗਿਨਾ ਕਾਯੋ ਘਟ੍ਟੀਯਤਿ, ਯਸ੍ਮਿਂ ਯਸ੍ਮਿਂ ਪਨ ਠਾਨੇ ਕਾਯਪ੍ਪਸਾਦੋ ਉਸ੍ਸਨ੍ਨੋ ਹੋਤਿ, ਯਤ੍ਥ ਯਤ੍ਥ ਵਾ ਪਨ ਵਿਸਯਘਟ੍ਟਨਾਨਿਘਂਸੋ ਬਲਵਾ ਹੋਤਿ, ਤਤ੍ਥ ਤਤ੍ਥੇਵ ਪਠਮਂ ਕਾਯਵਿਞ੍ਞਾਣਂ ¶ ਉਪ੍ਪਜ੍ਜਤਿ, ਪਚ੍ਛਾ ਇਤਰਟ੍ਠਾਨੇਸੁ. ਖਣਪਰਿਤ੍ਤਤਾਯ ਪਨ ਸਹਸਾ ਪਰਿਵਤ੍ਤਿਤ੍ਵਾ ਉਪ੍ਪਜ੍ਜਨਵਸੇਨ ਏਕਪ੍ਪਹਾਰੇਨ ਸਕਲਸਰੀਰਂ ਡਯ੍ਹਮਾਨਂ ਵਿਯ ਖਾਯਤਿ. ਨ ਹਿ ਏਕਸ੍ਮਿਂ ਖਣੇ ਬਹੂਨਿ ਵਿਞ੍ਞਾਣਾਨਿ ਉਪ੍ਪਜ੍ਜਨ੍ਤਿ, ਬ੍ਯਾਪੇਤ੍ਵਾ ਵਾ ਏਕਂ. ਏਕੇਕਸ੍ਮਿਂ ਪਨ ਅਵਿਨਿਬ੍ਭੋਗੇ ਕਾਯਦਸਕੇ ਏਕਮੇਵ ਕਾਯਵਿਞ੍ਞਾਣਂ ਉਸ੍ਸਦਵਸੇਨ ਉਪ੍ਪਜ੍ਜਤਿ, ਏਵਂ ਇਤਰਵਤ੍ਥੂਸੁਪਿ ਵਿਞ੍ਞਾਣਾਨਂ ਅਵਿਨਿਬ੍ਭੋਗੇ ਪਦੇਸੇ ਏਕੇਕਾਨਮੇਵ ਉਪ੍ਪਤ੍ਤਿ ਵੇਦਿਤਬ੍ਬਾ. ਏਵਂ ਉਸ੍ਸਦਵਸੇਨ ਆਰਮ੍ਮਣਂ ਕਰੋਤਿ ਨਾਮ.

ਕੇਨ ਪਨ ਚਿਤ੍ਤਸ੍ਸ ਆਰਮ੍ਮਣਸਙ੍ਕਨ੍ਤਿ ਹੋਤੀਤਿ? ਅਜ੍ਝਾਸਯਤੋ, ਵਿਸਯਾਧਿਮਤ੍ਤਤੋ ਵਾ. ਨਾਨਾਠਾਨੇਸੁ ਹਿ ਚਿਤ੍ਤਪਟਿਮਾਦੀਨਿ ਪਸ੍ਸਿਤੁਕਾਮਸ੍ਸ ਪਠਮਂ ਏਕਟ੍ਠਾਨੇ ਦਿਸ੍ਵਾ ਤਤੋ ਇਤਰਟ੍ਠਾਨੇਸੁ ਚ ਰੂਪਾਨਿ ਪਸ੍ਸਿਤੁਂ ਸਰਸੇਨਾਵਜ੍ਜਨਂ ਉਪ੍ਪਜ੍ਜਤਿ. ਏਵਂ ਅਜ੍ਝਾਸਯਤੋ ਸਙ੍ਕਨ੍ਤਿ ਹੋਤਿ. ਰੂਪਾਰਮ੍ਮਣਂ ਪਨ ਮਹਨ੍ਤਮ੍ਪਿ ਪਸ੍ਸਨ੍ਤਸ੍ਸ ਸਬ੍ਬਤੂਰਿਯਨਿਗ੍ਘੋਸੇ ਉਟ੍ਠਿਤੇ ਤਂ ਵਾ ਸੁਣਨ੍ਤਸ੍ਸ ਮਨੁਞ੍ਞਾਮਨੁਞ੍ਞੇ ਅਧਿਮਤ੍ਤਗਨ੍ਧਰਸਫੋਟ੍ਠਬ੍ਬੇ ¶ ਇਨ੍ਦ੍ਰਿਯੇਸੁ ਘਟ੍ਟਿਤੇ ਇਤਰਿਤਰੇ ਚਿਤ੍ਤਂ ਸਙ੍ਕਮਤਿ, ਏਵਂ ਵਿਸਯਾਧਿਮਤ੍ਤਤੋ ਸਙ੍ਕਨ੍ਤਿ ਹੋਤੀਤਿ ਅਯਮੇਤ੍ਥ ਸਙ੍ਗਹਤੋ ਵਿਨਿਚ੍ਛਯੋ. ਸੁਞ੍ਞਤੋ, ਪਨ ਅਤੀਤਾਦਿਵਸੇਨ ਪਚ੍ਚੇਕਂ ਅਨਨ੍ਤਪ੍ਪਭੇਦਤੋ ਚ ਵਿਨਿਚ੍ਛਯੋ ਚਿਤ੍ਤਵਿਭਤ੍ਤਿਯਂ ਵੁਤ੍ਤਨਯਾਨੁਸਾਰੇਨ ਯਥਾਨੁਰੂਪਂ ਵੇਦਿਤਬ੍ਬੋ.

ਸਮੁਟ੍ਠਾਨਤੋ, ਪਨੇਤ੍ਥ ਭਵਯੋਨੀਸੁ ਪਵਤ੍ਤਿਕ੍ਕਮਤੋ ਚ ਪਕਿਣ੍ਣਕਕਥਾ ਵੇਦਿਤਬ੍ਬਾ – ਚਤੁਸਮੁਟ੍ਠਾਨਿਕਾਨਿ ਹਿ ਰੂਪਾਨਿ ਉਪ੍ਪਜ੍ਜਮਾਨਾਨਿ ਦ੍ਵੀਸੁ ਭਵੇਸੁ ਚਤੂਸੁ ਯੋਨੀਸੁ ਦਸਕਾਦਿਕਲਾਪਵਸੇਨੇਵ ਪਟਿਸਨ੍ਧਿਪ੍ਪਵਤ੍ਤੀਸੁ ਯਥਾਸਮ੍ਭਵਂ ਸਮੁਪ੍ਪਜ੍ਜਨ੍ਤਿ. ਤਤ੍ਥ ਕਮ੍ਮਜੇਸੁ ਤਾਵ ਵੀਸਤਿਯਾ ਕਾਮਾਵਚਰਕੁਸਲਾਕੁਸਲੇਹਿ ਕਾਮਲੋਕੇਯੇਵ ਸਂਸੇਦਜਾਨਂ, ਓਪਪਾਤਿਕਾਨਞ੍ਚ ਛ ਵਤ੍ਥੂਨਿ, ਭਾਵਦ੍ਵਯੇ ਅਞ੍ਞਤਰਂ, ਜੀਵਿਤਞ੍ਚਾਤਿ ਅਟ੍ਠ ਰੂਪਾਨਿ ਯਥਾਸਮ੍ਭਵਂ ਪਟਿਸਨ੍ਧਿਤੋ ਪਟ੍ਠਾਯ ਪਾਤੁਭਵਨ੍ਤਿ. ਤਾਨਿ ਚ ਸੁਦ੍ਧਟ੍ਠਕਂ, ਜੀਵਿਤਞ੍ਚ ਜੀਵਿਤਨਵਕਂ, ਤਦੇਵ ਨਵਕਂ ਚਕ੍ਖੁਨਾ ਸਹ ¶ ਚਕ੍ਖੁਦਸਕਂ, ਸੋਤੇਨ ਸੋਤਦਸਕਂ, ਘਾਨੇਨ ਘਾਨਦਸਕਂ, ਜਿਵ੍ਹਾਯ ਜਿਵ੍ਹਾਦਸਕਂ, ਕਾਯੇਨ ਕਾਯਦਸਕਂ, ਹਦਯਵਤ੍ਥੁਨਾ ਵਤ੍ਥੁਦਸਕਂ, ਭਾਵਞ੍ਞਤਰੇਨ ਭਾਵਦਸਕਞ੍ਚਾਤਿ ਨਵ ਕਲਾਪਾ ਹੁਤ੍ਵਾ ਉਪ੍ਪਜ੍ਜਨ੍ਤਿ. ਨਪੁਂਸਕਾਨਂ ਪਨੇਤ੍ਥ ਭਾਵਦਸਕਂ ਨਤ੍ਥਿ, ਤਥਾ ਜਚ੍ਚਨ੍ਧਾਦੀਨਂ ਚਕ੍ਖੁਸੋਤਘਾਨਦਸਕਾਨਿ. ਏਵਂ ਅਣ੍ਡਜਜਲਾਬੁਜਾਨਮ੍ਪਿ, ਤੇਸਂ ਪਨ ਪਟਿਸਨ੍ਧਿਚਿਤ੍ਤੇਨ ਸਹ ਕਾਯਵਤ੍ਥੁਭਾਵਦਸਕਾਨੇਵ ਉਪ੍ਪਜ੍ਜਨ੍ਤਿ, ਤਤੋ ਪਵਤ੍ਤਿਕਾਲੇ ਜੀਵਿਤਨਵਕਚਕ੍ਖੁਦਸਕਾਦੀਨਿ ਯਥਾਨੁਰੂਪਂ ਉਪ੍ਪਜ੍ਜਨ੍ਤਿ. ਰੂਪਭਵੇ ਪਨ ਘਾਨਦਸਕਾਦਿਤ੍ਤਯਂ, ਭਾਵਦਸਕਦ੍ਵਯਂ, ਉਦਰਗ੍ਗਿਨਵਕਞ੍ਚ ਨਤ੍ਥਿ, ਸੇਸਾਨਿ ਪਞ੍ਚਹਿ ਰੂਪਾਵਚਰਕੁਸਲਕਮ੍ਮੇਹਿ ਪਟਿਸਨ੍ਧਿਤੋ ਪਭੁਤਿ ਉਪ੍ਪਜ੍ਜਨ੍ਤਿ. ਅਞ੍ਞਞ੍ਞੀਨਂ ਪਨ ਪਞ੍ਚਮਜ੍ਝਾਨਕੁਸਲੇਨ ਜੀਵਿਤਨਵਕਮੇਵ. ਏਵਂ ਕਾਮਰੂਪਾਵਚਰਕਮ੍ਮਸਮੁਟ੍ਠਿਤਾ ਨਵ ਰੂਪਕਲਾਪਾ ਦ੍ਵੀਸੁ ਭਵੇਸੁ ਚਤੂਸੁ ਯੋਨੀਸੁ ਯਥਾਸਮ੍ਭਵਂ ਪਟਿਸਨ੍ਧਿਤੋ ਪਟ੍ਠਾਯ ਯਾਵ ਚੁਤਿਚਿਤ੍ਤੋਪਰਿਸਤ੍ਤਰਸਮਚਿਤ੍ਤਸ੍ਸ ਠਿਤਿ, ਤਾਵ ਚਿਤ੍ਤਸ੍ਸ ਉਪ੍ਪਾਦਠਿਤਿਭਙ੍ਗਸਙ੍ਖਾਤੇਸੁ ਤੀਸੁ ਖਣੇਸੁ ਨਿਰਨ੍ਤਰਂ ਅਜ੍ਝਤ੍ਤਸਨ੍ਤਾਨੇ ਏਵ ਉਪ੍ਪਜ੍ਜਨ੍ਤਿ, ਤਤੋ ਪਭੁਤਿ ਅਨੁਪ੍ਪਜ੍ਜਿਤ੍ਵਾ ਚੁਤਿਚਿਤ੍ਤੇਨ ਸਹ ਨਿਰੁਜ੍ਝਨ੍ਤਿ.

ਚਿਤ੍ਤਜਾਨਿ ਪਨ ਪਞ੍ਚਵੋਕਾਰਭਵੇ ਦ੍ਵਿਪਞ੍ਚਵਿਞ੍ਞਾਣਆਰੁਪ੍ਪਵਿਪਾਕਵਜ੍ਜਿਤਪਞ੍ਚਸਤ੍ਤਤਿਚਿਤ੍ਤੇਹਿ ਅਤ੍ਤਨੋ ਅਤ੍ਤਨੋ ਉਪ੍ਪਤ੍ਤਿਕ੍ਖਣੇ ਏਵ ਸਮੁਟ੍ਠਾਪਿਤਾਨਿ ਪਠਮਭਵਙ੍ਗਮੁਪਾਦਾਯ ਚੁਤਿਚਿਤ੍ਤਪਰਿਯੋਸਾਨਂ ਅਜ੍ਝਤ੍ਤਸਨ੍ਤਾਨੇ ਏਵ ਸੁਦ੍ਧਟ੍ਠਕਂ, ਤਦੇਵ ਕਾਯਵਿਞ੍ਞਤ੍ਤਿਯਾ ਸਹ ਕਾਯਵਿਞ੍ਞਤ੍ਤਿਨਵਕਂ, ਵਚੀਵਿਞ੍ਞਤ੍ਤਿਸਦ੍ਦੇਹਿ ਵਚੀਵਿਞ੍ਞਤ੍ਤਿਦਸਕਂ, ਲਹੁਤਾਦਿਤ੍ਤਯੇਨ ਲਹੁਤਾਦੇਕਾਦਸਕਂ, ਕਾਯਵਿਞ੍ਞਤ੍ਤਿਲਹੁਤਾਦੀਹਿ ਦ੍ਵਾਦਸਕਂ, ਵਚੀਵਿਞ੍ਞਤ੍ਤਿਸਦ੍ਦਲਹੁਤਾਦੀਹਿ ਤੇਰਸਕਞ੍ਚਾਤਿ ਛ ਕਲਾਪਾ ਹੁਤ੍ਵਾ ਯਥਾਯੋਗਂ ਪਵਤ੍ਤਨ੍ਤਿ. ਰੂਪਜਨਕਚਿਤ੍ਤੇਸੁ ਚੇਤ੍ਥ ਸੋਮਨਸ੍ਸਸਹਗਤਕਾਮਾਵਚਰਜਵਨਾਨਿ ਇਰਿਯਾਪਥਵਿਞ੍ਞਤ੍ਤਿਹਸਨਸਹਿਤਂ ¶ ਸਬ੍ਬਂ ਚਿਤ੍ਤਜਰੂਪਂ ਸਮੁਟ੍ਠਾਪੇਨ੍ਤਿ, ਸੇਸਕਾਮਾਵਚਰਜਵਨਾਭਿਞ੍ਞਾਵੋਟ੍ਠਬ੍ਬਨਾਨਿ ਹਸਨਵਜ੍ਜਂ, ਅਪ੍ਪਨਾਜਵਨਾਨਿ ਚ ਇਰਿਯਾਪਥਾਦਿਵਿਰਹਿਤਮੇਵ, ਯਥਾਪਵਤ੍ਤਂ ਪਨ ਇਰਿਯਾਪਥਂ ¶ ਅਵਿਨਸ੍ਸਮਾਨਂ ਉਪਤ੍ਥਮ੍ਭੇਨ੍ਤਿ. ਸੇਸਾਨਿ ਪਨ ਰੂਪਾਵਚਰਵਿਪਾਕਮਨੋਧਾਤੁਤਦਾਰਮ੍ਮਣਾਨਿ ਏਕੂਨਵੀਸਤਿ ਤਮ੍ਪਿ ਨ ਕਰੋਨ੍ਤਿ, ਸੁਦ੍ਧਟ੍ਠਕਂ, ਸਦ੍ਦਨਵਕਂ, ਲਹੁਤਾਦੇਕਾਦਸਕਂ, ਸਦ੍ਦਲਹੁਤਾਦਿਦ੍ਵਾਦਸਕਞ੍ਚਾਤਿ ਚਤ੍ਤਾਰੋ ਕਲਾਪੇ ਉਪ੍ਪਾਦੇਨ੍ਤਿ, ਤਤ੍ਥਾਪਿ ਸਬ੍ਬੇਸਮ੍ਪਿ ਪਟਿਸਨ੍ਧਿਚਿਤ੍ਤਾਨਿ, ਅਰਹਨ੍ਤਾਨਂ ਚੁਤਿਚਿਤ੍ਤਾਨਿ, ਅਰੂਪਭਵੂਪਪਨ੍ਨਾਨਿ ਚ ਨ ਕਿਞ੍ਚਿ ਰੂਪਂ ਸਮੁਟ੍ਠਾਪੇਨ੍ਤਿ, ਆਰੁਪ੍ਪਵਿਪਾਕਦ੍ਵਿਪਞ੍ਚਵਿਞ੍ਞਾਣਾਨਿ ਸਬ੍ਬਥਾ ਨ ਉਪ੍ਪਾਦੇਨ੍ਤੀਤਿ.

ਆਹਾਰਜਾਨਿ ਪਨ ਕਾਮਭਵੇ ਏਵ ਅਜ੍ਝੋਹਟਾਹਾਰੇ ਠਿਤੇਨ ਠਿਤਿਪ੍ਪਤ੍ਤੇਨ ਓਜਾਸਙ੍ਖਾਤੇਨ ਆਹਾਰੇਨ ਸਮੁਟ੍ਠਿਤਾਨਿ ਅਜ੍ਝਤ੍ਤਸਨ੍ਤਾਨੇ ਏਵ ਸੁਦ੍ਧਟ੍ਠਕਂ, ਲਹੁਤਾਦੇਕਾਦਸਕਞ੍ਚਾਤਿ ਦ੍ਵੇ ਕਲਾਪਾ ਹੁਤ੍ਵਾ ਯਾਵਤਾਯੁਕਂ ਪਵਤ੍ਤਨ੍ਤਿ, ਨ ਰੂਪਭੂਮਿਯਂ. ਉਤੁਜਾਨਿ ਅਜ੍ਝਤ੍ਤਿਕਬਾਹਿਰੇਨ ਤੇਜੋਧਾਤੁਸਙ੍ਖਾਤੇਨ ਠਿਤਿਪ੍ਪਤ੍ਤੇਨ ਉਤੁਨਾ ਅਜ੍ਝਤ੍ਤਸਨ੍ਤਾਨੇ ਸਮੁਟ੍ਠਿਤਾਨਿ ਸੁਦ੍ਧਟ੍ਠਕਂ, ਸਦ੍ਦਨਵਕਂ, ਲਹੁਤਾਦੇਕਾਦਸਕਂ, ਸਦ੍ਦਲਹੁਤਾਦੇਕਾਦਸਕਂ, ਸਦ੍ਦਲਹੁਤਾਦਿਦ੍ਵਾਦਸਕਞ੍ਚਾਤਿ ਚਤ੍ਤਾਰੋ ਕਲਾਪਾ ਹੁਤ੍ਵਾ ਯਾਵਤਾਯੁਕਂ, ਬਹਿਦ੍ਧਾ ਪਨ ਪਥਵੀਪਬ੍ਬਤਦੇਵਬ੍ਰਹ੍ਮਵਿਮਾਨਾਦੀਸੁ ਸੁਦ੍ਧਟ੍ਠਕਂ, ਸਮੁਦ੍ਦਘੋਸਾਦਿਸਦ੍ਦਨਵਕਞ੍ਚਾਤਿ ਦ੍ਵੇ ਕਲਾਪਾਵ ਹੁਤ੍ਵਾ ਪਵਤ੍ਤਨ੍ਤਿ. ਆਕਾਸਲਕ੍ਖਣਾਨਿ ਚੇਤ੍ਥ ਸਬ੍ਬਕਲਾਪੇਸੁ ਵਿਜ੍ਜਮਾਨਾਨਿਪਿ ਕਲਾਪਸਙ੍ਗਹੇ ਵੋਹਾਰਾਭਾਵਾ ਨ ਗਣੀਯਨ੍ਤਿ. ਪਟਿਸਨ੍ਧਿਕ੍ਖਣੇ ਚੇਤ੍ਥ ਉਤੁਚਿਤ੍ਤਾਹਾਰਜਾਨਿ ਨ ਹੋਨ੍ਤਿ, ਨ ਸਬ੍ਬਤ੍ਥਾਪਿ ਉਪ੍ਪਤ੍ਤਿਕ੍ਖਣੇ ਜਰਾਮਰਣਾਨੀਤਿ ਏਵਂ ਚਤੁਸਮੁਟ੍ਠਾਨਿਕਰੂਪਸ੍ਸ ਭਵਯੋਨੀਸੁ, ਪਟਿਸਨ੍ਧਿਪ੍ਪਵਤ੍ਤੀਸੁ ਚ ਪਵਤ੍ਤਿਕ੍ਕਮੋ ਵੇਦਿਤਬ੍ਬੋ.

ਅਪਿਚ ਦ੍ਵਾਚਤ੍ਤਾਲੀਸਾਯ ਕੋਟ੍ਠਾਸਾਨਂ ਵਸੇਨਾਪਿ ਚੇਤ੍ਥ ਤਸ੍ਸ ਅਜ੍ਝਤ੍ਤਂ, ਮਹਾਭੂਤਾਦਿਵਸੇਨ ਬਹਿਦ੍ਧਾ ਚ ਪਵਤ੍ਤਿ ਏਵਂ ਵੇਦਿਤਬ੍ਬਾ – ਅਜ੍ਝਤ੍ਤਿਕਾ ਹਿ ਕੇਸਾ ਲੋਮਾ…ਪੇ… ਕਰੀਸਂ ਮਤ੍ਥਲੁਙ੍ਗਨ੍ਤਿ ਇਮੇ ਵੀਸਤਿ ਪਥਵਾਧਿਕਕੋਟ੍ਠਾਸਾ, ਪਿਤ੍ਤਂ…ਪੇ… ਮੁਤ੍ਤਨ੍ਤਿ ਇਮੇ ਦ੍ਵਾਦਸ ਆਪਾਧਿਕਕੋਟ੍ਠਾਸਾ, ਯੇਨ ਚ ਸਨ੍ਤਪ੍ਪਤਿ, ਯੇਨ ¶ ਚ ਜੀਰਤਿ, ਯੇਨ ਚ ਪਰਿਡਯ੍ਹਤਿ, ਯੇਨ ਚ ਅਸਿਤਪੀਤਖਾਯਿਤਸਾਯਿਤਂ ਸਮ੍ਮਾਪਰਿਣਾਮਂ ਗਚ੍ਛਤੀਤਿ ਇਮੇ ਚਤ੍ਤਾਰੋ ਤੇਜਾਧਿਕਕੋਟ੍ਠਾਸਾ, ਉਦ੍ਧਂਗਮੋ ਅਧੋਗਮੋ ਕੁਚ੍ਛਿਸਯੋ ਕੋਟ੍ਠਾਸਯੋ ਅਙ੍ਗਮਙ੍ਗਾਨੁਸਾਰੀ ਅਸ੍ਸਾਸਪਸ੍ਸਾਸੋ ਚਾਤਿ ਇਮੇ ਛ ਵਾਯੁਅਧਿਕਕੋਟ੍ਠਾਸਾਤਿ ਦ੍ਵੇਚਤ੍ਤਾਲੀਸ ਕੋਟ੍ਠਾਸਾ ਹੋਨ੍ਤਿ. ਤੇਸੁ ਉਦਰਿਯਂ ਕਰੀਸਂ ਪੁਬ੍ਬੋ ਮੁਤ੍ਤਨ੍ਤਿ ਇਮੇ ਚਤ੍ਤਾਰੋ ਕੋਟ੍ਠਾਸਾ ਉਤੁਜਾ. ਏਵਮੇਤੇਸੁ ਏਕੇਕਂ ਉਤੁਜਟ੍ਠਕਮੇਵ ਹੋਤਿ, ਸੇਦੋ ਅਸ੍ਸੁ ਖੇਲ਼ੋ ਸਿਙ੍ਘਾਣਿਕਾਤਿ ਇਮੇ ਚਤ੍ਤਾਰੋ ਉਤੁਚਿਤ੍ਤਜਾ, ਤੇਸੁ ਏਕੇਕਸ੍ਮਿਂ ਦ੍ਵੇ ਦ੍ਵੇ ਅਟ੍ਠਕਾ ਹੋਨ੍ਤਿ. ਅਸਿਤਾਦਿਪਰਿਪਾਚਕੋ ¶ ਤੇਜੋ ਕਮ੍ਮਜੋਵ, ਤਤ੍ਥ ਜੀਵਿਤਨਵਕਮੇਵ. ਅਸ੍ਸਾਸਪਸ੍ਸਾਸੋ ਪਨ ਚਿਤ੍ਤਜੋਵ, ਤਤ੍ਥ ਚਿਤ੍ਤਜਸਦ੍ਦਨਵਕਮੇਵ. ਇਮੇ ਦਸ ਕੋਟ੍ਠਾਸੇ ਠਪੇਤ੍ਵਾ ਸੇਸਾ ਦ੍ਵਤ੍ਤਿਂਸ ਚਤੁਜਾ.

ਤਤ੍ਥ ਅਟ੍ਠਸੁ ਤੇਜੋਵਾਯੋਕੋਟ੍ਠਾਸੇਸੁ ਏਕੇਕਸ੍ਮਿਂ ਜੀਵਿਤਨਵਕਞ੍ਚੇਵ ਤੀਣਿ ਚ ਉਤੁਚਿਤ੍ਤਾਹਾਰਜਟ੍ਠਕਾਨਿ ਹੋਨ੍ਤਿ, ਵਾਯੋਕੋਟ੍ਠਾਸੇਸੁ ਚੇਤ੍ਥ ਉਤੁਚਿਤ੍ਤਜਸਦ੍ਦਨਵਕਮ੍ਪਿ ਹੋਤਿ, ਸੇਸੇਸੁ ਚਤੁਵੀਸਤਿਯਾ ਕੋਟ੍ਠਾਸੇਸੁ ਕੇਸਲੋਮਨਖਦਨ੍ਤਾਨਂ ਮਂਸਵਿਨਿਮੁਤ੍ਤਟ੍ਠਾਨਂ ਠਪੇਤ੍ਵਾ ਸਬ੍ਬਤ੍ਥ ਦ੍ਵੇ ਕਾਯਭਾਵਦਸਕਾਨਿ, ਤੀਣਿ ਚ ਅਟ੍ਠਕਾਨਿ, ਮਂਸਮੁਤ੍ਤੇਸੁ ਪਨ ਕੇਸਾਦੀਸੁ ਉਤੁਜਟ੍ਠਕਮੇਵ ਹੋਤਿ. ਤਾਨਿ ਚ ਯਥਾਵੁਤ੍ਤਦਸਕਨਵਕਟ੍ਠਕਾਨਿ ਸਕਲਸਰੀਰਬ੍ਯਾਪੀਸੁ ਤਚਮਂਸਰੁਹਿਰਾਦੀਸੁ, ਅਬ੍ਯਾਪੀਸੁ ਚ ਕੇਸਾਦੀਸੁ ਕੋਟ੍ਠਾਸੇਸੁ ਅਵਿਨਿਬ੍ਭੋਗੇ ਏਕਸ੍ਮਿਂ ਅਣੁਪਦੇਸੇ ਹੋਨ੍ਤੀਤਿ ਪਚ੍ਚੇਕਂ ਅਨਨ੍ਤਾਪਰਿਮਾਣਾ, ਅਨਨ੍ਤਧਾਤੁਪਚ੍ਚਯਤ੍ਤਾ ਤੇਸਂ ਸਰੀਰਸ੍ਮਿਂ ਹਿ ਪਰਮਾਣੁਭੇਦਸਞ੍ਚੁਣ੍ਣਾਨਿ ਅਨਨ੍ਤਾਨਿ ਚਤ੍ਤਾਰਿ ਮਹਾਭੂਤਾਨਿ ਚੇਵ ਸਉਪਾਦਾਰੂਪਾਨਿ ਚ ਅਞ੍ਞੋਞ੍ਞਪਚ੍ਚਯਭੂਤਾਨਿ ਅਜ੍ਝਤ੍ਤਂ ਦ੍ਵਾਚਤ੍ਤਾਲੀਸਕੋਟ੍ਠਾਸਸਰੀਰਾਰੋਹਪਰਿਣਾਹਸਣ੍ਠਾਨਾਦਿਨਾ, ਬਹਿਦ੍ਧਾ ਚ ਪਥਵੀਪਬ੍ਬਤਾਦਿਨਾ ਚ ਆਕਾਰੇਨ ਯਥਾਪਚ੍ਚਯਂ ਸਮੁਪ੍ਪਨ੍ਨਾਨਿ. ਮਾਯਾਕਾਰਾਦਯੋ ਵਿਯ ਨ ਬਾਲਜਨਪ੍ਪਬੋਧਕਾਨਿ ਹੋਨ੍ਤਿ.

ਪਥਵੀਧਾਤੁ ¶ ਚੇਤ੍ਥ ਸੁਖੁਮਸਞ੍ਚੁਣ੍ਣਾ ਰਜਭੂਤਾ ਏਵ ਆਪੋਧਾਤੁਯਾ ਸਙ੍ਗਹਿਤਾ, ਤੇਜੋਧਾਤੁਯਾ ਅਨੁਪਾਲਿਤਾ, ਵਾਯੋਧਾਤੁਯਾ ਵਿਤ੍ਥਮ੍ਭਿਤਾ, ਵਣ੍ਣਾਦੀਹਿ ਪਰਿਵਾਰਿਤਾ ਨ ਵਿਕਿਰਿਯਮਾਨਾ ਅਜ੍ਝਤ੍ਤਂ ਇਤ੍ਥਿਪੁਰਿਸਮਿਗਪਕ੍ਖਿਦੇਵਬ੍ਰਹ੍ਮਾਦਿਸਰੀਰਭਾਵਂ, ਬਹਿਦ੍ਧਾ ਚ ਪਥਵੀਪਬ੍ਬਤਰੁਕ੍ਖਦੇਵਬ੍ਰਹ੍ਮਲੋਕਚਨ੍ਦਸੂਰਿਯਨਕ੍ਖਤ੍ਤਮਣਿਕਨਕਾਦਿਭਾਵਞ੍ਚ ਉਪਗਚ੍ਛਤਿ, ਯੂਸਗਤਾ ਬਨ੍ਧਨਭੂਤਾ ਪਨੇਤ੍ਥ ਆਪੋਧਾਤੁ ਪਥਵੀਪਤਿਟ੍ਠਿਤਾ. ਅਵਸੇਸਾਨੁਪਾਲਨਵਿਤ੍ਥਮ੍ਭਨਪਰਿਪਾਚਨਪਰਿਵਾਰਿਤਾ ਨ ਪਗ੍ਘਰਤਿ, ਅਪਗ੍ਘਰਮਾਨਾ ਪੀਣਿਤਭਾਵਂ ਦਸ੍ਸੇਤਿ, ਉਸੁਮਤ੍ਤਗਤਾ ਤੇਜੋਧਾਤੁ ਸੇਸਧਾਤੁਪਤਿਟ੍ਠਾਨਸਙ੍ਗਹਵਿਤ੍ਥਮ੍ਭਨਪਰਿਵਾਰਿਤਾ ਇਮਂ ਕਾਯਂ ਪਰਿਪਾਚੇਤਿ, ਵਣ੍ਣਸਮ੍ਪਤ੍ਤਿਞ੍ਚਸ੍ਸ ਅਪੂਤਿਭਾਵਞ੍ਚ ਸਾਧੇਤਿ, ਵਾਯੋਧਾਤੁ ਵਿਤ੍ਥਮ੍ਭਨਸਮੁਦੀਰਣਸਭਾਵਾ ਸੇਸਧਾਤੁਪਤਿਟ੍ਠਾਨਸਙ੍ਗਹਾਨੁਪਾਲਨਪਰਿਵਾਰਿਤਾ ਵਿਤ੍ਥਮ੍ਭੇਤਿ ਚਾਲੇਤਿ, ਸਰੀਰਵਿਮਾਨਾਦੀਨਂ ਗਮਨਾਦਿਪਦਵੀਤਿਹਰਣਾਦੀਨਂ ਠਿਤਿਞ੍ਚ ਸਮ੍ਪਾਦੇਤਿ. ਚਤਸ੍ਸੋਪਿ ਚੇਤਾ ਸਮ੍ਭੂਯ ਪਥਵੀਅਧਿਕਤਾਯ ਕੇਸਾਦਿਭਾਵਂ, ਪਥਵੀਪਬ੍ਬਤਾਦਿਭਾਵਞ੍ਚ, ਆਪਾਧਿਕਤਾਯ ਪਿਤ੍ਤਾਦਿਭਾਵਂ, ਸਮੁਦ੍ਦਜਲਾਦਿਭਾਵਞ੍ਚ, ਵਾਯੁਅਧਿਕਤਾਯ ਉਦ੍ਧਙ੍ਗਮਵਾਤਾਦਿਭਾਵਂ, ਪਥਵੀਸਨ੍ਧਾਰਕਵਾਤਾਦਿਭਾਵਞ੍ਚ, ਤੇਜਾਧਿਕਤਾਯ ਪਰਿਪਾਚਕਗ੍ਗਿਆਦਿਭਾਵਂ, ਨਰਕਗ੍ਗਿਆਦਿਭਾਵਞ੍ਚ ਸਾਧੇਨ੍ਤਿ, ਯਾਸਂ ਪਕੋਪੇਨ ਰੋਗਜਰਾਮਰਣਞ੍ਚੇਵ ਕਪ੍ਪਵਿਨਾਸਾਦਯੋ ਚ ਹੋਨ੍ਤਿ. ਏਵਮੇਤਾਸਂ ਚੁਣ੍ਣਵਿਚੁਣ੍ਣਾਨਂ ਧਾਤੂਨਂ ਸਞ੍ਚਯਤ੍ਤਾ ਪਚ੍ਚੇਕਂ ¶ ਅਨਨ੍ਤਾਪਰਿਮਾਣਾ ਕਲਾਪਾ ਏਵ ਅਜ੍ਝਤ੍ਤਿਕਕੋਟ੍ਠਾਸਾ ਹੋਨ੍ਤਿ, ਤਥਾ ਬਾਹਿਰਾਨਿ ਰੂਪਾਨਿ. ਤਾਨਿ ਚ ਤੇਨ ਤੇਨ ਪਚ੍ਚਯੇਨ ਤਥਾਤਥਾਕਾਰੇਨ ਸਮੁਦਿਤਾਵ ਉਪ੍ਪਜ੍ਜਨ੍ਤਿ ਚੇਵ ਉਪ੍ਪਜ੍ਜਿਸ੍ਸਨ੍ਤਿ ਚ.

ਯਦਿ ਪਠਮਂ ਧਾਤੁਯੋ ਅਣੁਰੂਪੇਨ ਠਤ੍ਵਾ ਪਚ੍ਛਾ ਸਂਯੁਜ੍ਜਨ੍ਤਿ, ਤਥਾ ਠਾਨੇ ਵਿਨਿਯੋਗਾਭਾਵਤੋ ਅਪਰੇਨਾਪਿ ਪਰਿਯਾਯੇਨ ਚੇਤ੍ਥ ਕਮ੍ਮਜਂ ਕਮ੍ਮਪਚ੍ਚਯਂ ਕਮ੍ਮਪਚ੍ਚਯਉਤੁਸਮੁਟ੍ਠਾਨਂ, ਆਹਾਰਜਂ ¶ ਆਹਾਰਪਚ੍ਚਯਂ ਆਹਾਰਪਚ੍ਚਯਉਤੁਸਮੁਟ੍ਠਾਨਂ, ਉਤੁਜਂ ਉਤੁਪਚ੍ਚਯਂ ਉਤੁਪਚ੍ਚਯਉਤੁਸਮੁਟ੍ਠਾਨਂ, ਚਿਤ੍ਤਜਂ ਚਿਤ੍ਤਪਚ੍ਚਯਂ ਚਿਤ੍ਤਪਚ੍ਚਯਉਤੁਸਮੁਟ੍ਠਾਨਨ੍ਤਿ ਏਵਂ ਸਮੁਟ੍ਠਾਨਭੇਦੋ ਵੇਦਿਤਬ੍ਬੋ. ਤਤ੍ਥ ਉਪਾਦਿਨ੍ਨਰੂਪਂ ਕਮ੍ਮਜਂ ਨਾਮ, ਮਂਸਮੁਤ੍ਤਕੇਸਲੋਮਦਨ੍ਤਸਿਙ੍ਘਾਣਿਕਾਦਿ ਕਮ੍ਮਪਚ੍ਚਯਂ ਨਾਮ, ਸਮ੍ਪਤ੍ਤਿਕਰਮਹਾਮੇਘਪਥਵੀਪਬ੍ਬਤਾਦਿ, ਚਕ੍ਕਰਤਨਦੇਵਵਿਮਾਨਾਦਿ ਚ ਕਮ੍ਮਪਚ੍ਚਯਉਤੁਸਮੁਟ੍ਠਾਨਂ ਨਾਮ. ਆਹਾਰਤੋ ਸਮੁਟ੍ਠਿਤਂ ਸੁਦ੍ਧਟ੍ਠਕਂ ਆਹਾਰਜਂ ਨਾਮ, ਕਬਲ਼ੀਕਾਰੋ ਆਹਾਰੋ ਆਹਾਰਜਸ੍ਸ ਜਨਕੋ ਹੁਤ੍ਵਾ ਕਮ੍ਮਜਸ੍ਸ ਅਨੁਪਾਲਕੋ ਹੋਤੀਤਿ ਤਦਨੁਪਾਲਿਤਂ ਕਮ੍ਮਜਰੂਪਂ ਆਹਾਰਪਚ੍ਚਯਂ ਨਾਮ, ਵਿਸਭਾਗਾਹਾਰਂ ਸੇਵਿਤ੍ਵਾ ਆਤਪੇ ਗਚ੍ਛਨ੍ਤਸ੍ਸ ਕਾਲ਼ਕੁਟ੍ਠਾਦੀਨਿ ਉਪ੍ਪਜ੍ਜਨ੍ਤਿ, ਇਦਂ ਆਹਾਰਪਚ੍ਚਯਉਤੁਸਮੁਟ੍ਠਾਨਂ ਨਾਮ. ਕਮ੍ਮਜਉਤੁਤੋ ਸਮੁਟ੍ਠਿਤਂ ਸੁਦ੍ਧਟ੍ਠਕਂ ਉਤੁਜਂ ਨਾਮ, ਤਸ੍ਮਿਂ ਉਤੁ ਅਞ੍ਞਂ ਅਟ੍ਠਕਂ ਸਮੁਟ੍ਠਾਪੇਤਿ, ਇਦਂ ਉਤੁਪਚ੍ਚਯਂ ਨਾਮ, ਤਸ੍ਮਿਮ੍ਪਿ ਉਤੁ ਅਞ੍ਞਂ ਅਟ੍ਠਕਂ ਸਮੁਟ੍ਠਾਪੇਤਿ, ਇਦਂ ਉਤੁਪਚ੍ਚਯਉਤੁਸਮੁਟ੍ਠਾਨਂ ਨਾਮ. ਏਵਂ ਉਪਾਦਿਨ੍ਨਕੇ ਤਿਸ੍ਸੋ ਏਵ ਸਨ੍ਤਤਿਯੋ ਘਟ੍ਟੇਤੁਂ ਸਕ੍ਕੋਨ੍ਤਿ, ਅਨੁਪਾਦਿਨ੍ਨਕੇ ਪਨ ਵਲਾਹਕੋ ਉਤੁਜਂ ਨਾਮ, ਵੁਟ੍ਠਿਧਾਰਾ ਉਤੁਪਚ੍ਚਯਂ ਨਾਮ, ਦੇਵੇ ਪਨ ਵੁਟ੍ਠੇ ਪਥਵੀ ਗਨ੍ਧਂ ਮੁਞ੍ਚਤਿ, ਬੀਜਾਨਿ ਵਿਰੁਹਨ੍ਤੀਤਿ ਏਵਂ ਯਂ ਅਨਨ੍ਤਂ ਸਨ੍ਤਤਿਵਸੇਨ ਪਵਤ੍ਤਂ, ਏਤਂ ਉਤੁਪਚ੍ਚਯਉਤੁਸਮੁਟ੍ਠਾਨਂ ਨਾਮ. ਚਿਤ੍ਤਤੋ ਸਮੁਟ੍ਠਿਤਂ ਸੁਦ੍ਧਟ੍ਠਕਾਦਿ ਚਿਤ੍ਤਜਂ ਨਾਮ, ਚਿਤ੍ਤੇਨ ਪਚ੍ਛਾਜਾਤਪਚ੍ਚਯਭਾਵੇਨ ਉਪਤ੍ਥਮ੍ਭਿਤੋ ਕਾਯੋ ਚਿਤ੍ਤਪਚ੍ਚਯਂ ਨਾਮ, ਅਭਿਞ੍ਞਾਚਿਤ੍ਤੇਨ ਬਹਿਦ੍ਧਾ ਸਮੁਟ੍ਠਾਪਿਤਹਤ੍ਥਿਅਸ੍ਸਾਦਿਕਂ ਚਿਤ੍ਤਪਚ੍ਚਯਉਤੁਸਮੁਟ੍ਠਾਨਂ ਨਾਮ. ਪਕਿਣ੍ਣਕਕਥਾ.

ਨਿਬ੍ਬਾਨਾਬ੍ਯਾਕਤਂ ਪਨ ਭੂਮਿਤੋ ਲੋਕੁਤ੍ਤਰਮੇਵ, ਧਮ੍ਮਤੋਪਿ ਚ ਏਕਮੇਵ, ਭੇਦੋ ਨਤ੍ਥਿ, ਲਕ੍ਖਣਾਦਿਤੋ ਪਨ ਸਨ੍ਤਿਲਕ੍ਖਣਂ ¶ ਨਿਬ੍ਬਾਨਂ, ਨਿਵਤ੍ਤਿਲਕ੍ਖਣਂ, ਅਸਙ੍ਖਤਲਕ੍ਖਣਂ ਵਾ, ਅਚ੍ਚੁਤਿਰਸਂ ¶ , ਅਨਿਮਿਤ੍ਤਪਚ੍ਚੁਪਟ੍ਠਾਨਂ, ਅਸਙ੍ਖਤਤਾਯ ਪਨਸ੍ਸ ਕਾਰਕਹੇਤੁਵਿਰਹਤੋ ਪਦਟ੍ਠਾਨਂ ਨਤ੍ਥਿ, ਪਾਪਕਹੇਤੁਵਸੇਨ ਪਨੇਤਂ ‘‘ਦੁਕ੍ਖਨਿਰੋਧਗਾਮਿਨਿਪਟਿਪਦਾ’’ਤਿਆਦਿਵਚਨਤੋ (ਵਿਭ. ੨੦੬) ‘‘ਅਰਿਯਮਗ੍ਗਪਦਟ੍ਠਾਨ’’ਨ੍ਤਿ ਵਤ੍ਤੁਂ ਵਟ੍ਟਤਿ. ਸਙ੍ਗਹਤੋ ਪਨ ਭੇਦਾਭਾਵਾ ਖਨ੍ਧੇਸੁ ਸਙ੍ਗਹਂ ਨ ਗਚ੍ਛਤਿ, ਆਯਤਨਾਦੀਸੁ ਧਮ੍ਮਾਯਤਨਧਮ੍ਮਧਾਤੂਸੁ ਸਙ੍ਗਹਂ ਗਚ੍ਛਤਿ. ਸੁਞ੍ਞਤੋ ਪਨ ਅਤ੍ਤਸੁਞ੍ਞਂ, ਸਲਕ੍ਖਣਧਾਰਣਤੋ ਅਨਤ੍ਤਕਂ ਧਮ੍ਮਮਤ੍ਤਂ, ਅਸਙ੍ਖਤਤਾਯ ਵਾ ਅਚ੍ਚਨ੍ਤਤ੍ਤਾ ਚ ਅਨਿਚ੍ਚਤਾਸੁਞ੍ਞਂ, ਦੁਕ੍ਖਤਾਸੁਞ੍ਞਂ, ਰਾਗਾਦਿਸੁਞ੍ਞਂ, ਨਿਮਿਤ੍ਤਸੁਞ੍ਞਨ੍ਤਿ ਪਵਤ੍ਤਂ ਸੁਞ੍ਞਨ੍ਤਿ ਗਹੇਤਬ੍ਬਂ.

ਭੇਦਤੋ ਪਨ ਸਨ੍ਤਿਲਕ੍ਖਣਾਦਿਸਭਾਵਤੋ ਏਕਵਿਧਮ੍ਪਿ ਕਾਰਣਪਰਿਯਾਯਤੋ ਸਉਪਾਦਿਸੇਸਨਿਬ੍ਬਾਨਧਾਤੁ, ਅਨੁਪਾਦਿਸੇਸਨਿਬ੍ਬਾਨਧਾਤੁ ਚੇਤਿ ਦੁਵਿਧਂ ਹੋਤਿ. ਸਰਸਵਸੇਨ ਪਨ ਪਰਿਕਪ੍ਪਿਤਾਕਾਰਭੇਦਤੋ ਸੁਞ੍ਞਤਂ ਅਨਿਮਿਤ੍ਤਂ ਅਪ੍ਪਣਿਹਿਤਨ੍ਤਿ ਤਿਵਿਧਂ ਹੋਤਿ. ਸਙ੍ਖਤਧਮ੍ਮਭੇਦਮੁਪਾਦਾਯ ਪਟਿਕ੍ਖਿਪਿਤਬ੍ਬਾਕਾਰਤੋ ਨ ਚਿਤ੍ਤਂ, ਨ ਚੇਤਸਿਕਂ, ਨ ਰੂਪਂ, ਨ ਅਤੀਤਂ, ਨ ਅਨਾਗਤਂ, ਨ ਪਚ੍ਚੁਪ੍ਪਨ੍ਨਂ, ਨ ਮਗ੍ਗੋ, ਨ ਫਲਨ੍ਤਿਆਦਿਨਾ ਅਨਨ੍ਤਪ੍ਪਕਾਰਂ ਹੋਤਿ.

ਏਵਂ ਇਮਸ੍ਮਿਂ ਕੁਸਲਤ੍ਤਿਕੇ ਅਵੁਤ੍ਤੋ ਸਭਾਵਧਮ੍ਮੋ ਨਾਮ ਨਤ੍ਥਿ. ਅਸਭਾਵਧਮ੍ਮੇਸੁ ਪਨੇਤ੍ਥ ਕਿਞ੍ਚਾਪਿ ਰੂਪਧਮ੍ਮਾਨਂ ਪਰਿਚ੍ਛੇਦਾਕਾਸਲਕ੍ਖਣਾਨਿ ਏਵ ਵੁਤ੍ਤਾਨਿ, ਕਸਿਣਾਦਿਪਟਿਭਾਗਨਿਮਿਤ੍ਤਾਨਿ ਪਨ ਕਸਿਣੁਗ੍ਘਾਟਿਮਾਕਾਸੋ, ਵਿਞ੍ਞਾਣਾਭਾਵੋ, ਨਿਰੋਧਸਮਾਪਤ੍ਤਿ, ਤਿਸ੍ਸੋ ਨਾਮਪੁਗ੍ਗਲਉਪਾਦਾਪਞ੍ਞਤ੍ਤਿਯੋ, ਅਰੂਪਧਮ੍ਮਾਨਂ ਅਨਿਚ੍ਚਤਾਦਿਲਕ੍ਖਣਾਦਯੋ ਚ ਨ ਵੁਤ੍ਤਾ, ਤਥਾਪਿ ਤੇਸਮ੍ਪਿ ਸਭਾਵਧਮ੍ਮਬ੍ਯਤਿਰੇਕਾਭਾਵਤੋ ਗਹਣਂ ਹੋਤਿ, ਤਸ੍ਮਾ ਅਯਂ ਤਿਕੋ ਨਿਪ੍ਪਦੇਸਤ੍ਤਿਕੋਤਿ ਵੇਦਿਤਬ੍ਬੋ ¶ . ਯਥਾ ਚੇਤ੍ਥ, ਏਵਂ ਇਤੋ ਪਰੇਸੁਪਿ ਤਿਕਦੁਕੇਸੁ ਪਞ੍ਞਤ੍ਤਿਗ੍ਗਹਣਾਭਾਵੇਪਿ ਨਿਰਵਸੇਸਪਰਮਤ੍ਥਗ੍ਗਹਣੇਨੇਵ ਨਿਪ੍ਪਦੇਸਤਾ, ਵਿਪਰਿਯਾਯਤੋ ਸਪ੍ਪਦੇਸਤਾ ਚ ਵੇਦਿਤਬ੍ਬਾ. ਯਤ੍ਥ ਪਨ ਸਮ੍ਮੁਤਿਗ੍ਗਹਣਂ ਅਤ੍ਥਿ, ਤਤ੍ਥ ਵਕ੍ਖਾਮ.

ਇਦਾਨਿ ¶ ਕੁਸਲਤ੍ਤਿਕਾਨਨ੍ਤਰਂ ਵੇਦਨਾਤ੍ਤਿਕਾਦੀਨਂ ਅਤ੍ਥਵਣ੍ਣਨਾ ਅਨੁਪ੍ਪਤ੍ਤਾ, ਯਸ੍ਮਾ ਪਨ ਯ੍ਵਾਯਂ ਕੁਸਲਤ੍ਤਿਕਸ੍ਸ –

‘‘ਅਤ੍ਥਤੋ ਭੂਮਿਭੇਦਾ ਚ, ਪਚ੍ਚੇਕਂ ਸਮ੍ਪਯੋਗਤੋ;

ਉਦ੍ਦੇਸਤੋ ਚ ਧਮ੍ਮਾਨਂ, ਲਕ੍ਖਣਾਦਿਵਿਭਾਗਤੋ’’ਤਿ. –

ਆਦਿਨਾ ਮਾਤਿਕਂ ਨਿਕ੍ਖਿਪਿਤ੍ਵਾ ‘‘ਕੁਸਲਾ ਤਾਵ ਧਮ੍ਮਾ ਭੂਮਿਤੋ ਚਤੁਬ੍ਬਿਧਾ ਹੋਨ੍ਤਿ ਕਾਮਾਵਚਰਾ…ਪੇ… ਲੋਕੁਤ੍ਤਰਾ’’ਤਿਏਵਮਾਦਿਨਾ ਵਿਨਿਚ੍ਛਯਨਯੋ ਵੁਤ੍ਤੋ, ਸੋ ਏਵ ਸੇਸਤ੍ਤਿਕਦੁਕਾਨਮ੍ਪਿ ਯਥਾਯੋਗਂ ਹੋਤਿ. ਯਥਾ ਹਿ ਏਤ੍ਥ, ਏਵਂ ‘‘ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਤਾਵ ਧਮ੍ਮਾ ਭੂਮਿਤੋ ਤਿਵਿਧਾ ਹੋਨ੍ਤਿ ਕਾਮਾਵਚਰਾ ਰੂਪਾਵਚਰਾ ਲੋਕੁਤ੍ਤਰਾ’’ਤਿਆਦਿਨਾ ਅਨੁਕ੍ਕਮੇਨ ਸਬ੍ਬਤ੍ਤਿਕਦੁਕਾਨਮ੍ਪਿ ਪਣ੍ਡਿਤੇਹਿ ਸਕ੍ਕਾ ਵਿਨਿਚ੍ਛਯਨਯਂ ਸਲ੍ਲਕ੍ਖੇਤੁਂ, ਤਸ੍ਮਾ ਤਂ ਵਿਤ੍ਥਾਰਨਯਂ ਵਜ੍ਜੇਤ੍ਵਾ ਨਿਕ੍ਖੇਪਕਣ੍ਡੇ, ਅਤ੍ਥੁਦ੍ਧਾਰਕਣ੍ਡੇ ਚ ਵੁਤ੍ਤਾਨੁਸਾਰਤੋ ਨਾਤਿਸਙ੍ਖੇਪਵਿਤ੍ਥਾਰਨਯੇਨ ਵੇਦਨਾਤ੍ਤਿਕਾਦੀਨਂ ਤਿਕਦੁਕਾਨਂ –

ਪਦਤ੍ਥਾ ਤਂਸਰੂਪਾ ਚ, ਨਵਤ੍ਤਬ੍ਬਵਿਭਾਗਤੋ;

ਵਿਨਿਚ੍ਛਯੋ ਵਿਜਾਨੀਯੋ, ਤਤ੍ਥ ਤਤ੍ਥ ਯਥਾਰਹਂ.

ਤਤ੍ਥ ¶ ਵੇਦਨਾਤ੍ਤਿਕੇ ਪਦਤ੍ਥਤੋ ਤਾਵ ‘‘ਸੁਖਾਯ ਵੇਦਨਾਯਾ’’ਤਿਆਦੀਸੁ ਸੁਖ-ਸਦ੍ਦੋ ਸੁਖਵੇਦਨਾਸੁਖਮੂਲਸੁਖਾਰਮ੍ਮਣਸੁਖਹੇਤੁਸੁਖਪਚ੍ਚਯਟ੍ਠਾਨਅਬ੍ਯਾਬਜ੍ਝਨਿਬ੍ਬਾਨਾਦੀਸੁ ਦਿਸ੍ਸਤਿ. ਅਯਂ ਹਿ ‘‘ਸੁਖਸ੍ਸ ਚ ਪਹਾਨਾ’’ਤਿਆਦੀਸੁ (ਦੀ. ਨਿ. ੧.੨੩੨; ਧ. ਸ. ੧੬੫; ਵਿਭ. ੫੯੪) ਸੁਖਵੇਦਨਾਯ ਦਿਸ੍ਸਤਿ. ‘‘ਸੁਖੋ ਬੁਦ੍ਧਾਨਮੁਪ੍ਪਾਦੋ’’ਤਿਆਦੀਸੁ (ਧ. ਪ. ੧੯੪) ਸੁਖਮੂਲੇ. ‘‘ਯਸ੍ਮਾ ਚ ਖੋ, ਮਹਾਲਿ, ਰੂਪਂ ਸੁਖਂ ਸੁਖਾਨੁਪਤਿਤਂ ਸੁਖਾਵਕ੍ਕਨ੍ਤ’’ਨ੍ਤਿਆਦੀਸੁ (ਸਂ. ਨਿ. ੩.੬੦) ਸੁਖਾਰਮ੍ਮਣੇ. ‘‘ਸੁਖਸ੍ਸੇਤਂ, ਭਿਕ੍ਖਵੇ, ਅਧਿਵਚਨਂ, ਯਦਿਦਂ ਪੁਞ੍ਞਾਨੀ’’ਤਿਆਦੀਸੁ (ਅ. ਨਿ. ੭.੬੨; ਇਤਿਵੁ. ੨੨) ਸੁਖਹੇਤੁਮ੍ਹਿ. ‘‘ਯਾਵਞ੍ਚਿਦਂ, ਭਿਕ੍ਖਵੇ, ਨ ਸੁਕਰਂ ਅਕ੍ਖਾਨੇਨ ਪਾਪੁਣਿਤੁਂ, ਯਾਵ ਸੁਖਾ ਸਗ੍ਗਾ (ਮ. ਨਿ. ੩.੨੫੫). ਨ ਤੇ ਸੁਖਂ ਪਜਾਨਨ੍ਤਿ, ਯੇ ਨ ਪਸ੍ਸਨ੍ਤਿ ਨਨ੍ਦਨ’’ਨ੍ਤਿ (ਸਂ. ਨਿ. ੧.੧੧) ਆਦੀਸੁ ਸੁਖਪਚ੍ਚਯਟ੍ਠਾਨੇ. ‘‘ਦਿਟ੍ਠਧਮ੍ਮਸੁਖਵਿਹਾਰਾ ¶ ਏਤੇ ਧਮ੍ਮਾ’’ਤਿਆਦੀਸੁ (ਮ. ਨਿ. ੧.੮੨) ਅਬ੍ਯਾਬਜ੍ਝੇ. ‘‘ਨਿਬ੍ਬਾਨਂ ਪਰਮਂ ਸੁਖ’’ਨ੍ਤਿਆਦੀਸੁ (ਧ. ਪ. ੨੦੩-੨੦੪; ਮ. ਨਿ. ੨੧੫, ੨੧੭) ਨਿਬ੍ਬਾਨੇ. ਇਧ ਪਨਾਯਂ ਸੁਖਵੇਦਨਾਯਮੇਵ ਦਟ੍ਠਬ੍ਬੋ.

ਵੇਦਨਾ-ਸਦ੍ਦੋ ‘‘ਵਿਦਿਤਾ ਵੇਦਨਾ ਉਪ੍ਪਜ੍ਜਨ੍ਤੀ’’ਤਿਆਦੀਸੁ (ਮ. ਨਿ. ੩.੨੦੮) ਵੇਦਯਿਤਸ੍ਮਿਂ ਯੇਵ ਵਤ੍ਤਤਿ. ਦੁਕ੍ਖ-ਸਦ੍ਦੋ ਦੁਕ੍ਖਵੇਦਨਾਦੁਕ੍ਖਵਤ੍ਥੁਦੁਕ੍ਖਾਰਮ੍ਮਣਦੁਕ੍ਖਪਚ੍ਚਯਦੁਕ੍ਖਪਚ੍ਚਯਟ੍ਠਾਨਾਦੀਸੁ ਦਿਸ੍ਸਤਿ. ਅਯਂ ਹਿ ‘‘ਦੁਕ੍ਖਸ੍ਸ ਚ ਪਹਾਨਾ’’ਤਿਆਦੀਸੁ (ਦੀ. ਨਿ. ੧.੨੩੨; ਧ. ਸ. ੧੬੫; ਵਿਭ. ੫੯੪) ਦੁਕ੍ਖਵੇਦਨਾਯਂ ਦਿਸ੍ਸਤਿ. ‘‘ਜਾਤਿਪਿ ਦੁਕ੍ਖਾ’’ਤਿਆਦੀਸੁ (ਦੀ. ਨਿ. ੨.੩੮੭; ਵਿਭ. ੧੯੦) ਦੁਕ੍ਖਵਤ੍ਥੁਸ੍ਮਿਂ. ‘‘ਯਸ੍ਮਾ ਚ ਖੋ, ਮਹਾਲਿ, ਰੂਪਂ ਦੁਕ੍ਖਂ ਦੁਕ੍ਖਾਨੁਪਤਿਤਂ ਦੁਕ੍ਖਾਵਕ੍ਕਨ੍ਤ’’ਨ੍ਤਿਆਦੀਸੁ (ਸਂ. ਨਿ. ੩.੬੦) ਦੁਕ੍ਖਾਰਮ੍ਮਣੇ. ‘‘ਦੁਕ੍ਖੋ ਪਾਪਸ੍ਸ ਉਚ੍ਚਯੋ’’ਤਿਆਦੀਸੁ (ਧ. ਪ. ੧੧੭) ਦੁਕ੍ਖਪਚ੍ਚਯੇ. ‘‘ਯਾਵਞ੍ਚਿਦਂ, ਭਿਕ੍ਖਵੇ, ਨ ਸੁਕਰਂ ਅਕ੍ਖਾਨੇਨ ਪਾਪੁਣਿਤੁਂ, ਯਾਵ ਦੁਕ੍ਖਾ ਨਿਰਯਾ’’ਤਿਆਦੀਸੁ (ਮ. ਨਿ. ੩.੨੫੦) ਦੁਕ੍ਖਪਚ੍ਚਯਟ੍ਠਾਨੇ. ਇਧ ਪਨਾਯਂ ਦੁਕ੍ਖਵੇਦਨਾਯਮੇਵ ਦਟ੍ਠਬ੍ਬੋ.

ਵਚਨਤ੍ਥੋ ¶ ਪਨੇਤ੍ਥ – ਸੁਖਯਤਿ ਸਤ੍ਤਂ, ਸੁਟ੍ਠੁ ਵਾ ਖਾਦਤਿ, ਖਨਤਿ ਚ ਕਾਯਚਿਤ੍ਤਾਬਾਧਨ੍ਤਿ ਸੁਖਾ, ਕਾਯਿਕਚੇਤਸਿਕਾਨਂ ਸੁਖਸੋਮਨਸ੍ਸਾਨਮੇਤਂ ਅਧਿਵਚਨਂ. ਦੁਕ੍ਖਯਤੀਤਿ ਦੁਕ੍ਖਾ, ਕਾਯਿਕਚੇਤਸਿਕਾਨਂ ਦੁਕ੍ਖਦੋਮਨਸ੍ਸਾਨਮੇਤਂ ਅਧਿਵਚਨਂ. ਨ ਦੁਕ੍ਖਾ ਨ ਸੁਖਾਤਿ ਅਦੁਕ੍ਖਮਸੁਖਾ, ਉਪੇਕ੍ਖਾਯੇਤਂ ਅਧਿਵਚਨਂ. ਮ-ਕਾਰੋ ਪਦਸਨ੍ਧਿਕਰੋ. ਏਵਂ ਤੀਹਿ ਪਦੇਹਿ ਪਞ੍ਚਵਿਧਾਪਿ ਵੇਦਨਾ ਗਹਿਤਾ. ਸਬ੍ਬਾਪਿ ਆਰਮ੍ਮਣਰਸਂ ਵੇਦਿਯਨ੍ਤਿ ਅਨੁਭਵਨ੍ਤੀਤਿ ਵੇਦਨਾ. ਯੋ ਪਨਾਯਂ ਤੀਸੁਪਿ ਪਦੇਸੁ ਸਮ੍ਪਯੁਤ੍ਤ-ਸਦ੍ਦੋ, ਤਸ੍ਸਤ੍ਥੋ – ਸਮਂ ਪਕਾਰੇਹਿ ਯੁਤ੍ਤਾਤਿ ਸਮ੍ਪਯੁਤ੍ਤਾ, ਕਤਰੇਹਿ ਪਕਾਰੇਹੀਤਿ? ‘‘ਅਤ੍ਥਿ ਕੇਚਿ ਧਮ੍ਮਾ ਕੇਹਿਚਿ ਧਮ੍ਮੇਹਿ ਸਹਗਤਾ ਸਹਜਾਤਾ ਸਂਸਟ੍ਠਾ ਏਕੁਪ੍ਪਾਦਾ ਏਕਨਿਰੋਧਾ ਏਕਵਤ੍ਥੁਕਾ ਏਕਾਰਮ੍ਮਣਾ’’ਤਿ (ਕਥਾ. ੪੭੩) ਏਵਂ ਵੁਤ੍ਤੇਹਿ ਇਮੇਹਿ ਏਕੁਪ੍ਪਾਦਤਾਦੀਹਿ ਚਤੂਹਿ ਪਕਾਰੇਹਿ. ਉਕ੍ਕਟ੍ਠਨਿਦ੍ਦੇਸੋ ਚੇਸ. ਆਰੁਪ੍ਪੇ ਹਿ ਵਿਨਾਪਿ ਏਕਵਤ੍ਥੁਕਭਾਵਂ ਸਮ੍ਪਯੋਗੋ ਲਬ੍ਭਤੀਤਿ. ਸੇਸਂ ਵੁਤ੍ਤਤ੍ਥਮੇਵ. ਅਯਂ ਤਾਵੇਤ੍ਥ ਪਦਤ੍ਥਤੋ ਵਿਨਿਚ੍ਛਯੋ.

ਤਂਸਰੂਪਾਤਿ ਤਸ੍ਸ ਪਦਤ੍ਥਸ੍ਸ ਸਰੂਪਮਤ੍ਤਦਸ੍ਸਨਤੋ. ਤਤ੍ਥ ਸੁਖਸਹਗਤਂ ਕਾਯਵਿਞ੍ਞਾਣਂ, ਸੋਮਨਸ੍ਸਸਹਗਤਾਨਿ ਅਟ੍ਠਾਰਸ ਕਾਮਾਵਚਰਚਿਤ੍ਤਾਨਿ, ਪਠਮਦੁਤਿਯਤਤਿਯਚਤੁਤ੍ਥਜ੍ਝਾਨਿਕਾਨਿ ਚਤੁਚਤ੍ਤਾਲੀਸ ਰੂਪਾਵਚਰਲੋਕੁਤ੍ਤਰਚਿਤ੍ਤਾਨਿ ਚਾਤਿ ਤੇਸਟ੍ਠਿ ਚਿਤ੍ਤਾਨਿ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਨਾਮ ¶ . ਤਥਾ ਦੁਕ੍ਖਸਹਗਤਂ ਕਾਯਵਿਞ੍ਞਾਣਂ, ਦ੍ਵੇ ਦੋਮਨਸ੍ਸਸਹਗਤਾਨਿ ਚਾਤਿ ਤੀਣਿ ਚਿਤ੍ਤਾਨਿ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ਨਾਮ. ਸੇਸਾਨਿ ਉਪੇਕ੍ਖਾਸਹਗਤਾਨਿ ਪਞ੍ਚਪਞ੍ਞਾਸ ਚਿਤ੍ਤਾਨਿ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਨਾਮ. ਯਥਾ ਚ ਚਿਤ੍ਤਾਨਂ ਸੁਖਾਦਿਸਮ੍ਪਯੋਗੋ, ਏਵਂ ਤਂਚਿਤ੍ਤਸਮ੍ਪਯੁਤ੍ਤਾਨਂ ਚੇਤਸਿਕਾਨਮ੍ਪਿ. ਨ ਕੇਵਲਞ੍ਚ ਏਤ੍ਥੇਵ, ਇਤੋ ਪਰੇਸੁਪਿ ਤਿਕਦੁਕੇਸੁ ਚਿਤ੍ਤਵਸੇਨੇਵ ਤਂਸਮ੍ਪਯੁਤ੍ਤਚੇਤਸਿਕਾਨਮ੍ਪਿ ਸਙ੍ਗਹੋ ਵੇਦਿਤਬ੍ਬੋ ¶ . ਯਤ੍ਥ ਪਨ ਵਿਸੇਸੋ ਹੋਤਿ, ਤਤ੍ਥ ਵਕ੍ਖਾਮ. ਇਧ ਪਨ ਚੇਤਸਿਕੇਸੁ ਸਪ੍ਪੀਤਿਕਾਨਿ ਵੇਦਨਾਵਜ੍ਜਿਤਾਨਿ ਛ ਚੇਤਸਿਕਾਨਿ ਏਵ ਪਞ੍ਚਹਿਪਿ ਵੇਦਨਾਹਿ ਸਮ੍ਪਯੁਤ੍ਤਾਨਿ, ਇਤਰਾਨਿ ਪਨ ਕਾਯਿਕਸੁਖਦੁਕ੍ਖਵਜ੍ਜਿਤਾਹਿ ਤੀਹੇਵ. ਤੇਸੁ ਚ ਪੀਤਿਵਜ੍ਜਿਤਾ ਪਞ੍ਚ ਯਥਾਯੋਗਿਕਾ ਚੇਵ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ ਉਦ੍ਧਚ੍ਚਂ ਥਿਨਂ ਮਿਦ੍ਧਞ੍ਚਾਤਿ ਇਮੇ ਏਕਾਦਸ ਯਥਾਯੋਗਂ ਤੀਹਿਪਿ. ਤਤ੍ਥਾਪਿ ਵਿਤਕ੍ਕਵਿਚਾਰਾ ਮਹਗ੍ਗਤਲੋਕੁਤ੍ਤਰਭੂਤਾਯ ਸੁਖਾਯ ਏਵ, ਪੀਤਿ ਪਨ ਸਬ੍ਬਤ੍ਥ ਸੁਖਾਯ ਏਵ, ਦੋਸਇਸ੍ਸਾਮਚ੍ਛੇਰਕੁਕ੍ਕੁਚ੍ਚਾਨਿ ਦੁਕ੍ਖਾਯ ਏਵ, ਵਿਚਿਕਿਚ੍ਛਾ ਉਪੇਕ੍ਖਾਯ ਏਵ, ਸੇਸਾਨਿ ਅਟ੍ਠਵੀਸਤਿਸੋਮਨਸ੍ਸੁਪੇਕ੍ਖਾਹਿ ਏਵ ਵੇਦਨਾਹਿ ਸਮ੍ਪਯੁਤ੍ਤਾਨਿ, ਤਤ੍ਥਾਪਿ ਕਰੁਣਾਮੁਦਿਤਾ ਮਹਗ੍ਗਤਭੂਤਾਯ ਸੁਖਾਯ ਏਵਾਤਿ ਅਯਂ ਵਿਸੇਸੋ. ਸੇਸਂ ਚਿਤ੍ਤਸਮ੍ਪਯੋਗਸਦਿਸਂ. ਅਯਂ ਸਰੂਪਤੋ ਵਿਨਿਚ੍ਛਯੋ.

ਨਵਤ੍ਤਬ੍ਬਵਿਭਾਗਤੋਤਿ ਇਮਸ੍ਮਿਂ ਤਿਕੇ ਸਬ੍ਬਾ ਵੇਦਨਾ ਸਬ੍ਬਂ ਰੂਪਂ ਨਿਬ੍ਬਾਨਂ ਸਮ੍ਮੁਤਿਯੋਤਿ ਇਮੇ ਧਮ੍ਮਾ ‘‘ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ’’ਤਿ ਵਾ ‘‘ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ’’ਤਿ ਵਾ ‘‘ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ’’ਤਿ ਵਾ ਨ ਵਤ੍ਤਬ੍ਬਾ. ਨ ਹਿ ਵੇਦਨਾ ਵੇਦਨਾਯ ਸਮ੍ਪਯੁਤ੍ਤਾ ਹੋਤਿ ਰੂਪਾਦਯੋ ਵਾ, ਤਸ੍ਮਾ ਇਮੇ ਇਮਸ੍ਮਿਂ ਤਿਕੇ ਨ ਲਬ੍ਭਨ੍ਤਿ. ਅਯਞ੍ਚ ਸਪ੍ਪਦੇਸਤ੍ਤਿਕੋ ਹੋਤਿ. ਯਥਾ ਚੇਤ੍ਥ, ਏਵਂ ਇਤੋ ਪਰੇਸੁਪਿ ਤਿਕਦੁਕੇਸੁ ਨਵਤ੍ਤਬ੍ਬਯੋਜਨਾ. ਯਂ ਯਸ੍ਮਿਞ੍ਚ ਨ ਵੁਤ੍ਤਂ ਅਤ੍ਥਿ, ਤਸ੍ਸ ਸਪ੍ਪਦੇਸਤਾ ਵੇਦਿਤਬ੍ਬਾ. ਇਤੋ ਪਰਂ ਪਨ ਯਤ੍ਥ ਅਸਙ੍ਗਹਿਤਾ ਧਮ੍ਮਾ ਹੋਨ੍ਤਿ, ਤਤ੍ਥ ਤੇਸਂ ਵਿਭਾਗਂ ਦਸ੍ਸੇਤ੍ਵਾ ‘‘ਇਮੇ ਨਵਤ੍ਤਬ੍ਬਾ’’ਤਿ ਏਤ੍ਤਕਮੇਵ ਵਕ੍ਖਾਮ, ਤੇਨਸ੍ਸ ਸਪ੍ਪਦੇਸਤਾਪਿ ਞਾਤਬ੍ਬਾ. ਯਤ੍ਥ ਪਨ ਅਸਙ੍ਗਹਿਤਾ ਨਤ੍ਥਿ, ਤਂ ਨਿਪ੍ਪਦੇਸਨ੍ਤਿ ਵਕ੍ਖਾਮ. ਤੇਨ ਤਤ੍ਥ ਨਵਤ੍ਤਬ੍ਬਾਭਾਵੋਪਿ ਵਿਞ੍ਞਾਤਬ੍ਬੋ. ਸਬ੍ਬਤ੍ਥ ਪਨ ਮਾਤਿਕਂ ਅਨੁਦ੍ਧਰਿਤ੍ਵਾਵ ਪਦਤ੍ਥਂ, ਤਂਸਰੂਪਵਿਭਾਗਞ੍ਚ ਵਕ੍ਖਾਮ. ਅਯਂ ਨਵਤ੍ਤਬ੍ਬਵਿਭਾਗਤੋ ਵਿਨਿਚ੍ਛਯੋ.

ਵਿਪਾਕਤ੍ਤਿਕੇ ¶ ਅਞ੍ਞਮਞ੍ਞਵਿਸਿਟ੍ਠਾਨਂ ਕੁਸਲਾਕੁਸਲਾਨਂ ਪਾਕਾਤਿ ਵਿਪਾਕਾ, ਵਿਪਕ੍ਕਭਾਵਮਾਪਨ੍ਨਾਨਂ ਅਰੂਪਧਮ੍ਮਾਨਮੇਤਂ ਅਧਿਵਚਨਂ. ਕਿਞ੍ਚਾਪਿ ਅਰੂਪਧਮ੍ਮਾ ਵਿਯ ਰੂਪਧਮ੍ਮਾਪਿ ਕਮ੍ਮਸਮੁਟ੍ਠਾਨਾ ¶ ਅਤ੍ਥਿ, ਅਨਾਰਮ੍ਮਣਤ੍ਤਾ ਪਨ ਤੇ ਕਮ੍ਮਸਰਿਕ੍ਖਕਾ ਨ ਹੋਨ੍ਤੀਤਿ ਸਾਰਮ੍ਮਣਾ ਅਰੂਪਧਮ੍ਮਾਵ ਕਮ੍ਮਸਰਿਕ੍ਖਤ੍ਤਾ ਵਿਪਾਕਾਤਿ ਵੁਤ੍ਤਾ ਬੀਜਸਰਿਕ੍ਖਕਂ ਫਲਂ ਵਿਯ. ਯਥਾ ਹਿ ਸਾਲਿਬੀਜਤੋ ਨਿਕ੍ਖਨ੍ਤਸੀਸਮੇਵ ਸਾਲਿਫਲਨ੍ਤਿ ਵੁਚ੍ਚਤਿ, ਨ ਅਙ੍ਕੁਰਾਦੀਨਿ, ਤਾਨਿ ਪਨ ‘‘ਸਾਲਿਜਾਤਾਨਿ, ਸਾਲਿਨਿਬ੍ਬਤ੍ਤਾਨਿ ਚਾ’’ਤਿ ਵੁਚ੍ਚਨ੍ਤਿ, ਏਵਂ ਕਮ੍ਮਸਦਿਸਾ ਅਰੂਪਧਮ੍ਮਾਵ ‘‘ਵਿਪਾਕਾ’’ਤਿ ਵੁਚ੍ਚਨ੍ਤਿ, ਰੂਪਧਮ੍ਮਾ ਪਨ ਕਮ੍ਮਜਾ ‘‘ਉਪਾਦਿਨ੍ਨਾ’’ਤਿ ਵੁਚ੍ਚਨ੍ਤਿ. ਵਿਪਾਕਧਮ੍ਮਧਮ੍ਮਾਤਿ ਵਿਪਾਕਸਭਾਵਾ ਧਮ੍ਮਾ. ਯਥਾ ਹਿ ਜਾਤਿਜਰਾਸਭਾਵਾ ਸਤ੍ਤਾ ‘‘ਜਾਤਿਧਮ੍ਮਾ ਜਰਾਧਮ੍ਮਾ’’ਤਿ ਵੁਚ੍ਚਨ੍ਤਿ, ਏਵਂ ਵਿਪਾਕਜਨਕਟ੍ਠੇਨ ਵਿਪਾਕਸਭਾਵਾ ਵਿਪਾਕਪਕਤਿਕਾ ਧਮ੍ਮਾਤਿ ਅਤ੍ਥੋ. ਤਤਿਯਪਦਂ ਉਭਯਸਭਾਵਪਟਿਕ੍ਖੇਪਵਸੇਨ ਵੁਤ੍ਤਂ, ਅਯਂ ਪਦਤ੍ਥੋ.

ਤਤ੍ਥ ਚਤੂਸੁ ਭੂਮੀਸੁ ਛਤ੍ਤਿਂਸ ਵਿਪਾਕਚਿਤ੍ਤਾਨਿ ਵਿਪਾਕਾ ਨਾਮ, ਤਥਾ ਏਕਵੀਸਤਿ ਕੁਸਲਾਨਿ, ਦ੍ਵਾਦਸ ਅਕੁਸਲਾਨਿ ਚਾਤਿ ਤੇਤ੍ਤਿਂਸ ਵਿਪਾਕਧਮ੍ਮਧਮ੍ਮਾ ਨਾਮ, ਤੀਸੁ ਭੂਮੀਸੁ ਵੀਸਤਿ ਕਿਰਿਯਚਿਤ੍ਤਾਨਿ, ਸਬ੍ਬਞ੍ਚ ਰੂਪਂ, ਨਿਬ੍ਬਾਨਞ੍ਚਾਤਿ ਇਮੇ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ ਨਾਮ. ਚੇਤਸਿਕੇਸੁ ਪਨ ਚੁਦ੍ਦਸ ਅਕੁਸਲਾ ਵਿਪਾਕਧਮ੍ਮਧਮ੍ਮਾ ਏਵ, ਵਿਰਤਿਯੋ ਸਿਯਾ ਵਿਪਾਕਾ, ਸਿਯਾ ਵਿਪਾਕਧਮ੍ਮਧਮ੍ਮਾ, ਤਦਵਸੇਸਾ ਪਨ ਸਿਯਾ ਵਿਪਾਕਾ, ਸਿਯਾ ਵਿਪਾਕਧਮ੍ਮਧਮ੍ਮਾ, ਸਿਯਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾਤਿ ਚਿਤ੍ਤਂ ਵਿਯ ਤਿਵਿਧਾ ਹੋਨ੍ਤੀਤਿ ਅਯਂ ਵਿਸੇਸੋ, ਸੇਸਂ ਚਿਤ੍ਤਸਮਂ, ਇਦਞ੍ਚ ਨਿਪ੍ਪਦੇਸਤ੍ਤਿਕਨ੍ਤਿ ਵੇਦਿਤਬ੍ਬਂ.

ਆਰਮ੍ਮਣਕਰਣਵਸੇਨ ਤਣ੍ਹਾਦਿਟ੍ਠੀਹਿ ਉਪੇਤੇਨ ਕਮ੍ਮੁਨਾ ਆਦਿਨ੍ਨਾ ਫਲਭਾਵੇਨ ਗਹਿਤਾਤਿ ਉਪਾਦਿਨ੍ਨਾ, ਆਰਮ੍ਮਣਭਾਵਂ ਉਪਗਨ੍ਤ੍ਵਾ ਉਪਾਦਾਨਸਮ੍ਬਨ੍ਧੇਨ ਉਪਾਦਾਨਾਨਂ ਹਿਤਾਤਿ ਉਪਾਦਾਨਿਯਾ, ਉਪਾਦਾਨਸ੍ਸ ਆਰਮ੍ਮਣਪਚ੍ਚਯਭੂਤਾਨਮੇਤਂ ਅਧਿਵਚਨਂ. ਉਪਾਦਿਨ੍ਨਾ ਚ ¶ ਤੇ ਉਪਾਦਾਨਿਯਾ ਚਾਤਿ ਉਪਾਦਿਨ੍ਨੁਪਾਦਾਨਿਯਾ, ਸਾਸਵਕਮ੍ਮਨਿਬ੍ਬਤ੍ਤਾਨਂ ਰੂਪਾਰੂਪਧਮ੍ਮਾਨਮੇਤਂ ਅਧਿਵਚਨਂ. ਇਮਿਨਾ ਨਯੇਨ ਸੇਸਪਦਦ੍ਵਯੇਪਿ ਪਟਿਸੇਧਸਹਿਤੋ ਅਤ੍ਥੋ ਵੇਦਿਤਬ੍ਬੋ.

ਤਤ੍ਥ ਦ੍ਵਤ੍ਤਿਂਸ ਲੋਕਿਯਵਿਪਾਕਚਿਤ੍ਤਾਨਿ, ਨਵ ਕਮ੍ਮਜਕਲਾਪਾ ਚ ਉਪਾਦਿਨ੍ਨੁਪਾਦਾਨਿਯਾ ਨਾਮ. ਅਵਸੇਸਲੋਕਿਯਚਿਤ੍ਤਾਨਿ ਚੇਵ ਅਕਮ੍ਮਜਰੂਪਕਲਾਪਾ ਚ ਅਨੁਪਾਦਿਨ੍ਨੁਪਾਦਾਨਿਯਾ ਨਾਮ. ਲੋਕੁਤ੍ਤਰਚਿਤ੍ਤਨਿਬ੍ਬਾਨਾਨਿ ਅਨੁਪਾਦਿਨ੍ਨਅਨੁਪਾਦਾਨਿਯਾ ਨਾਮ. ਕਿਞ੍ਚਾਪਿ ਖੀਣਾਸਵਾਨਂ ਉਪਾਦਾਨਕ੍ਖਨ੍ਧਾ ¶ ‘‘ਅਮ੍ਹਾਕਂ ਮਾਤੁਲਤ੍ਥੇਰੋ’’ਤਿਆਦਿਨਾ ਵਦਨ੍ਤਾਨਂ ਪਰੇਸਂ ਉਪਾਦਾਨਸ੍ਸ ਆਰਮ੍ਮਣਪਚ੍ਚਯਾ ਹੋਨ੍ਤਿ, ਮਗ੍ਗਫਲਨਿਬ੍ਬਾਨਾਨਿ ਪਨ ਦਿਵਸਂ ਸਨ੍ਤਤ੍ਤਅਯੋਗੁਲ਼ੋ ਵਿਯ ਮਕ੍ਖਿਕਾਹਿ ਤੇਜੁਸ੍ਸਦਤ੍ਤਾ ਉਪਾਦਾਨੇਹਿ ਅਨੁਪਾਦਿਨ੍ਨਾਨੇਵ. ਅਸਂਕਿਲਿਟ੍ਠਅਸਂਕਿਲੇਸਿਕੇਸੁਪਿ ਏਸੇਵ ਨਯੋ. ਚੇਤਸਿਕੇਸੁ ਪਨ ਕੁਸਲਾ ਅਨੁਪਾਦਿਨ੍ਨੁਪਾਦਾਨਿਯਾ ਏਵ, ਕਰੁਣਾਮੁਦਿਤਾ ਸਿਯਾ ਉਪਾਦਿਨ੍ਨੁਪਾਦਾਨਿਯਾ, ਸਿਯਾ ਅਨੁਪਾਦਿਨ੍ਨੁਪਾਦਾਨਿਯਾ ਵਿਰਤਿਯੋ ਪਨ ਸਿਯਾ ਅਨੁਪਾਦਿਨ੍ਨੁਪਾਦਾਨਿਯਾ, ਸਿਯਾ ਅਨੁਪਾਦਿਨ੍ਨਅਨੁਪਾਦਾਨਿਯਾ, ਸੇਸਾ ਚਿਤ੍ਤਂ ਵਿਯ ਤਿਵਿਧਾ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਨ੍ਤਿ ਵੇਦਿਤਬ੍ਬਂ. ਉਪਾਦਿਨ੍ਨੁਪਾਦਾਨਿਯਤ੍ਤਿਕਂ.

ਸਂਕਿਲੇਸੇਤੀਤਿ ਸਂਕਿਲੇਸੋ, ਵਿਬਾਧਤਿ ਉਪਤਾਪੇਤੀਤਿ ਅਤ੍ਥੋ. ਸਂਕਿਲੇਸੇਨ ਸਮ੍ਪਯੁਤ੍ਤਾ ਸਂਕਿਲਿਟ੍ਠਾ, ਸਂਕਿਲੇਸਸਹਗਤਾਤਿ ਅਤ੍ਥੋ. ਅਤ੍ਤਾਨਂ ਆਰਮ੍ਮਣਂ ਕਤ੍ਵਾ ਪਵਤ੍ਤਨੇਨ ਸਂਕਿਲੇਸਂ ਅਰਹਨ੍ਤਿ, ਸਂਕਿਲੇਸੇ ਵਾ ਨਿਯੁਤ੍ਤਾ ਤਸ੍ਸ ਆਰਮ੍ਮਣਭਾਵਂ ਅਨਤਿਕ੍ਕਮਨਤੋਤਿ ਸਂਕਿਲੇਸਿਕਾ, ਸਂਕਿਲੇਸਸ੍ਸ ਆਰਮ੍ਮਣਪਚ੍ਚਯਭੂਤਾਨਮੇਤਂ ਅਧਿਵਚਨਂ. ਸਂਕਿਲਿਟ੍ਠਾ ਚ ਤੇ ਸਂਕਿਲੇਸਿਕਾ ਚਾਤਿ ਸਂਕਿਲਿਟ੍ਠਸਂਕਿਲੇਸਿਕਾ. ਸੇਸਪਦਦ੍ਵਯਂ ਪੁਰਿਮਤ੍ਤਿਕੇ ਵੁਤ੍ਤਨਯੇਨੇਵ ਵੇਦਿਤਬ੍ਬਂ.

ਤਤ੍ਥ ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ ਸਂਕਿਲਿਟ੍ਠਸਂਕਿਲੇਸਿਕਾ ਨਾਮ. ਸੇਸਲੋਕਿਯਚਿਤ੍ਤਾਨਿ ਚੇਵ ਸਬ੍ਬਂ ਰੂਪਞ੍ਚ ¶ ਅਸਂਕਿਲਿਟ੍ਠਸਂਕਿਲੇਸਿਕਾ ਨਾਮ. ਲੋਕੁਤ੍ਤਰਚਿਤ੍ਤਾਨਿ, ਨਿਬ੍ਬਾਨਞ੍ਚ ਅਸਂਕਿਲਿਟ੍ਠਅਸਂਕਿਲੇਸਿਕਾ ਨਾਮ. ਚੇਤਸਿਕੇਸੁ ਪਨ ਅਕੁਸਲਾ ਸਂਕਿਲਿਟ੍ਠਸਂਕਿਲੇਸਿਕਾਵ, ਕਰੁਣਾਮੁਦਿਤਾ ਅਸਂਕਿਲਿਟ੍ਠਅਸਂਕਿਲੇਸਿਕਾਵ, ਸੇਸਕੁਸਲਾਬ੍ਯਾਕਤਾ ਸਿਯਾ ਸਂਕਿਲਿਟ੍ਠਸਂਕਿਲੇਸਿਕਾ, ਸਿਯਾ ਅਸਂਕਿਲਿਟ੍ਠਸਂਕਿਲੇਸਿਕਾ, ਸਿਯਾ ਅਸਂਕਿਲਿਟ੍ਠਅਸਂਕਿਲੇਸਿਕਾਤਿ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਸਂਕਿਲਿਟ੍ਠਸਂਕਿਲੇਸਿਕਤ੍ਤਿਕਂ.

ਸਮ੍ਪਯੋਗਵਸੇਨ ਵਤ੍ਤਮਾਨੇਨ ਸਹ ਵਿਤਕ੍ਕੇਨ ਸਵਿਤਕ੍ਕਾ, ਤਥਾ ਸਹ ਵਿਚਾਰੇਨ ਸਵਿਚਾਰਾ, ਸਵਿਤਕ੍ਕਾ ਚ ਤੇ ਸਵਿਚਾਰਾ ਚਾਤਿ ਸਵਿਤਕ੍ਕਸਵਿਚਾਰਾ. ਉਭਯਰਹਿਤਾ ਅਵਿਤਕ੍ਕਅਵਿਚਾਰਾ. ਵਿਤਕ੍ਕਵਿਚਾਰੇਸੁ ਵਿਚਾਰੋਵ ਮਤ੍ਤਾ ਪਮਾਣਮੇਤੇਸਨ੍ਤਿ ਵਿਚਾਰਮਤ੍ਤਾ, ਵਿਚਾਰਤੋ ਉਤ੍ਤਰਿਂ ਵਿਤਕ੍ਕੇਨ ਸਦ੍ਧਿਂ ਸਮ੍ਪਯੋਗਂ ਨ ਗਚ੍ਛਨ੍ਤੀਤਿ ਅਤ੍ਥੋ. ਅਵਿਤਕ੍ਕਾ ਚ ਤੇ ਵਿਚਾਰਮਤ੍ਤਾ ਚਾਤਿ ਅਵਿਤਕ੍ਕਵਿਚਾਰਮਤ੍ਤਾ.

ਤਤ੍ਥ ਦ੍ਵਿਪਞ੍ਚਵਿਞ੍ਞਾਣਵਜ੍ਜਿਤਕਾਮਾਵਚਰਚਿਤ੍ਤਾਨਿ ਚੇਵ ਏਕਾਦਸ ਮਹਗ੍ਗਤਲੋਕੁਤ੍ਤਰਪਠਮਜ੍ਝਾਨਿਕਚਿਤ੍ਤਾਨਿ ¶ ਚ ਤਂਸਮ੍ਪਯੁਤ੍ਤੇਸੁ ਵਿਤਕ੍ਕਵਿਚਾਰੇ ਠਪੇਤ੍ਵਾ ਸੇਸਾ ਚ ਸਵਿਤਕ੍ਕਸਵਿਚਾਰਾ ਨਾਮ. ਤੇਸੁ ਵਿਤਕ੍ਕੋ ਏਕਾਦਸ ਦੁਤਿਯਜ੍ਝਾਨਿਕਮਹਗ੍ਗਤਲੋਕੁਤ੍ਤਰਾਨਿ ਚ ਤਂਸਮ੍ਪਯੁਤ੍ਤੇਸੁ ਵਿਚਾਰਂ ਠਪੇਤ੍ਵਾ ਸੇਸਾ ਚ ਅਵਿਤਕ੍ਕਵਿਚਾਰਮਤ੍ਤਾ ਨਾਮ. ਦੁਤਿਯਜ੍ਝਾਨਿਕੇਸੁ ਵਿਚਾਰੋ, ਸੇਸਾ ਪਞ੍ਚਚਤ੍ਤਾਲੀਸ ਮਹਗ੍ਗਤਲੋਕੁਤ੍ਤਰਚਿਤ੍ਤਾਨਿ, ਦ੍ਵਿਪਞ੍ਚਵਿਞ੍ਞਾਣਾਨਿ, ਤਂਸਮ੍ਪਯੁਤ੍ਤਾ ਚ ਸਬ੍ਬਞ੍ਚ ਰੂਪਂ, ਨਿਬ੍ਬਾਨਞ੍ਚ ਅਵਿਤਕ੍ਕਅਵਿਚਾਰਾ ਨਾਮ. ਅਪਿਚ ਕੁਸਲਚੇਤਸਿਕਾ ਸਵਿਤਕ੍ਕਸਵਿਚਾਰਾਵ, ਵਿਤਕ੍ਕੋ ਅਵਿਤਕ੍ਕਵਿਚਾਰਮਤ੍ਤੋਵ, ਵਿਚਾਰੋ ਪਨ ਦੁਤਿਯਜ੍ਝਾਨਿਕੇਸੁ ਸਿਯਾ ਅਵਿਤਕ੍ਕਅਵਿਚਾਰੋ, ਸਵਿਤਕ੍ਕਚਿਤ੍ਤੇਸੁ ਸਿਯਾ ਨ ਵਤ੍ਤਬ੍ਬੋ, ਅਵਸੇਸਾ ਪਨ ਸਬ੍ਬੇ ਚੇਤਸਿਕਾ ਧਮ੍ਮਾ ਤਿਧਾਪਿ ਹੋਨ੍ਤਿ. ਇਮਸ੍ਮਿਂ ਪਨ ਤਿਕੇ ਵਿਤਕ੍ਕਸਹਜਾਤੋ ਵਿਚਾਰੋਵ ਨ ਵਤ੍ਤਬ੍ਬੋ. ਵਿਤਕ੍ਕਤ੍ਤਿਕਂ.

ਪੀਤਿਯਾ ¶ ਸਹ ਏਕੁਪ੍ਪਾਦਾਦਿਭਾਵਂ ਗਤਾਤਿ ਪੀਤਿਸਹਗਤਾ, ਪੀਤਿਸਮ੍ਪਯੁਤ੍ਤਾਤਿ ਅਤ੍ਥੋ. ਸੇਸਪਦਦ੍ਵਯੇਪਿ ਏਸੇਵ ਨਯੋ. ਉਪੇਕ੍ਖਾਤਿ ਚੇਤ੍ਥ ਅਦੁਕ੍ਖਮਸੁਖਾ ਵੇਦਨਾ ਵੁਤ੍ਤਾ. ਸਾ ਹਿ ਸੁਖਦੁਕ੍ਖਾਕਾਰਪ੍ਪਵਤ੍ਤਿਂ ਉਪੇਕ੍ਖਤਿ ਮਜ੍ਝਤ੍ਤਾਕਾਰਸਣ੍ਠਿਤਤ੍ਤਾ ਤੇਨਾਕਾਰੇਨ ਪਵਤ੍ਤਤੀਤਿ ਉਪੇਕ੍ਖਾ. ਇਤਿ ਵੇਦਨਾਤ੍ਤਿਕਤੋ ਪਦਦ੍ਵਯਮੇਵ ਗਹੇਤ੍ਵਾ ਨਿਪ੍ਪੀਤਿਕਸੁਖਸ੍ਸ ਸਪ੍ਪੀਤਿਕਸੁਖਤੋ ਵਿਸੇਸਦਸ੍ਸਨਵਸੇਨ ਅਯਂ ਤਿਕੋ ਵੁਤ੍ਤੋ.

ਤਤ੍ਥ ਪੀਤਿ ਪਞ੍ਚਵਿਧਾ ਖੁਦ੍ਦਿਕਾ ਖਣਿਕਾ ਓਕ੍ਕਨ੍ਤਿਕਾ ਉਬ੍ਬੇਗਾ ਫਰਣਾਤਿ. ਤਤ੍ਥ ਖੁਦ੍ਦਿਕਾ ਪੀਤਿ ਸਰੀਰੇ ਲੋਮਹਂਸਨਮਤ੍ਤਮੇਵ ਕਾਤੁਂ ਸਕ੍ਕੋਤਿ. ਖਣਿਕਾ ਪੀਤਿ ਖਣੇ ਖਣੇ ਵਿਜ੍ਜੁਪ੍ਪਾਦਸਦਿਸਾ ਹੋਤਿ. ਓਕ੍ਕਨ੍ਤਿਕਾ ਪੀਤਿ ਸਮੁਦ੍ਦਤੀਰਂ ਵੀਚਿ ਵਿਯ ਕਾਯਂ ਓਕ੍ਕਮਿਤ੍ਵਾ ਓਕ੍ਕਮਿਤ੍ਵਾ ਭਿਜ੍ਜਤਿ. ਉਬ੍ਬੇਗਾ ਪੀਤਿ ਬਲਵਤੀ ਹੋਤਿ ਕਾਯਂ ਉਦ੍ਧਗ੍ਗਂ ਕਤ੍ਵਾ ਆਕਾਸੇ ਲਙ੍ਘਾਪਨਪ੍ਪਮਾਣਪ੍ਪਤ੍ਤਾ. ਫਰਣਾਯ ਪੀਤਿਯਾ ਪਨ ਉਪ੍ਪਨ੍ਨਾਯ ਸਕਲਸਰੀਰਂ ਧਮਿਤ੍ਵਾ ਪੂਰਿਤਵਤ੍ਥਿ ਵਿਯ, ਮਹਤਾ ਉਦਕੋਘੇਨ ਪਕ੍ਖਨ੍ਦਪਬ੍ਬਤਕੁਚ੍ਛਿ ਵਿਯ ਚ ਅਨੁਪਰਿਪ੍ਫੁਟਂ ਹੋਤਿ. ਤਤ੍ਥ ਫਰਣਾ ਰੂਪਾਵਚਰਲੋਕੁਤ੍ਤਰਾਵ, ਸੇਸਾ ਕਾਮਾਵਚਰਾਵ.

ਸੁਖਂ ਪਨ ਕਾਯਿਕਂ, ਚੇਤਸਿਕਞ੍ਚੇਤਿ ਦੁਵਿਧਂ ਹੋਤਿ. ਸਤਿਪਿ ਚ ਨੇਸਂ ਕਤ੍ਥਚਿ ਅਵਿਪ੍ਪਯੋਗੇ ਇਟ੍ਠਾਰਮ੍ਮਣਪਟਿਲਾਭਤੁਟ੍ਠਿ ਪੀਤਿ, ਪਟਿਲਦ੍ਧਰਸਾਨੁਭਵਨਂ ਸੁਖਂ. ਯਤ੍ਥ ਪੀਤਿ, ਤਤ੍ਥ ਸੁਖਂ. ਯਤ੍ਥ ਸੁਖਂ, ਤਤ੍ਥ ਨ ਨਿਯਮਤੋ ਪੀਤਿ. ਸਙ੍ਖਾਰਕ੍ਖਨ੍ਧਸਙ੍ਗਹਿਤਾ ਪੀਤਿ, ਵੇਦਨਾਕ੍ਖਨ੍ਧਸਙ੍ਗਹਿਤਂ ਸੁਖਂ. ਕਨ੍ਤਾਰਖਿਨ੍ਨਸ੍ਸ ਵਨਨ੍ਤੋਦਕਦਸ੍ਸਨਸਵਨੇਸੁ ਵਿਯ ਪੀਤਿ, ਵਨਚ੍ਛਾਯਾਪਵੇਸਨਉਦਕਪਰਿਭੋਗੇਸੁ ਵਿਯ ਸੁਖਂ. ਤਸ੍ਮਿਂ ਤਸ੍ਮਿਂ ਸਮਯੇ ਪਾਕਟਭਾਵਤੋ ਚੇਤਂ ਵੁਤ੍ਤਨ੍ਤਿ ਵੇਦਿਤਬ੍ਬਂ.

ਤਤ੍ਥ ¶ ਸੁਖਸਹਗਤਾ, ਉਪੇਕ੍ਖਾਸਹਗਤਾ ਚ ਵੇਦਨਾਤ੍ਤਿਕੇ ਵੁਤ੍ਤਾਵ, ਸੁਖਸਹਗਤਂ ਪਨ ਕਾਯਵਿਞ੍ਞਾਣਂ, ਮਹਗ੍ਗਤਲੋਕੁਤ੍ਤਰਚਤੁਤ੍ਥਜ੍ਝਾਨਿਕਚਿਤ੍ਤੇ ਚ ਵਜ੍ਜੇਤ੍ਵਾ ਸੇਸਾ ਪੀਤਿਸਹਗਤਾ ਨਾਮ, ਤਤ੍ਥ ਪੀਤਿ ਨ ਪੀਤਿਸਹਗਤਾ, ਸੁਖਸਹਗਤਾਵ ਹੋਤਿ ¶ , ਸੁਖਂ ਪਨ ਪੀਤਿਸਹਗਤਂ ਨਾਮ ਸਿਯਾ ਨ ਪੀਤਿਸੁਖਸਹਗਤਾ. ਇਮਸ੍ਮਿਂ ਤਿਕੇ ਦ੍ਵੇ ਦੋਮਨਸ੍ਸਸਹਗਤਚਿਤ੍ਤੁਪ੍ਪਾਦਾ, ਦੁਕ੍ਖਸਹਗਤਂ ਕਾਯਵਿਞ੍ਞਾਣਂ, ਰੂਪਂ, ਨਿਬ੍ਬਾਨਞ੍ਚ ਨਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਪੀਤਿ ਸੁਖਸਹਗਤਾਵ, ਵਿਚਿਕਿਚ੍ਛਾ ਉਪੇਕ੍ਖਾਸਹਗਤਾਵ, ਲੋਭਦਿਟ੍ਠਿਮਾਨਾ, ਪਞ੍ਚਵੀਸਤਿ ਕੁਸਲਾਬ੍ਯਾਕਤਾ ਚ ਤਿਧਾਪਿ ਹੋਨ੍ਤਿ, ਚੇਤਸਿਕਸੁਖਂ ਸਿਯਾ ਪੀਤਿਸਹਗਤਂ, ਪਠਮਦੁਤਿਯਤਤਿਯਜ੍ਝਾਨਿਕੇਸੁ ਚਤੁਤ੍ਥਜ੍ਝਾਨਿਕੇਸੁ ਸਿਯਾ ਨਵਤ੍ਤਬ੍ਬਂ, ਕਾਯਿਕਂ ਪਨ ਸੁਖਂ ਦੁਕ੍ਖਂ ਦੋਮਨਸ੍ਸਂ ਸਬ੍ਬਾ ਚ ਉਪੇਕ੍ਖਾ ਦੋਸੋ ਇਸ੍ਸਾ ਮਚ੍ਛਰਿਯਂ ਕੁਕ੍ਕੁਚ੍ਚਞ੍ਚ ਨਵਤ੍ਤਬ੍ਬਾਵ, ਸੇਸਾ ਸਤ੍ਤਰਸ ਧਮ੍ਮਾ ਸਿਯਾ ਤਿਧਾਪਿ ਹੋਨ੍ਤਿ ਨਵਤ੍ਤਬ੍ਬਾਪਿ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪੀਤਿਤ੍ਤਿਕਂ.

ਦਸ੍ਸਨੇਨਾਤਿ ਸੋਤਾਪਤ੍ਤਿਮਗ੍ਗੇਨ. ਸੋ ਹਿ ਪਠਮਂ ਨਿਬ੍ਬਾਨਦਸ੍ਸਨਤੋ ‘‘ਦਸ੍ਸਨ’’ਨ੍ਤਿ ਵੁਤ੍ਤੋ. ਗੋਤ੍ਰਭੁ ਪਨ ਕਿਞ੍ਚਾਪਿ ਪਠਮਤਰਂ ਪਸ੍ਸਤਿ, ਯਥਾ ਪਨ ਰਞ੍ਞੋ ਸਨ੍ਤਿਕਂ ਕੇਨਚਿਦੇਵ ਕਰਣੀਯੇਨ ਆਗਤੋ ਪੁਰਿਸੋ ਦੂਰਤੋਵ ਰਥਿਕਾਯ ਚਰਨ੍ਤਂ ਹਤ੍ਥਿਕ੍ਖਨ੍ਧਗਤਂ ਰਾਜਾਨਂ ਦਿਸ੍ਵਾਪਿ ‘‘ਦਿਟ੍ਠੋ ਤੇ ਰਾਜਾ’’ਤਿ ਪੁਟ੍ਠੋ ਦਿਸ੍ਵਾਪਿ ਕਾਤਬ੍ਬਕਿਚ੍ਚਸ੍ਸ ਅਕਤਤ੍ਤਾ ‘‘ਨ ਪਸ੍ਸਾਮੀ’’ਤਿ ਵਦਤਿ, ਏਵਮੇਵ ਨਿਬ੍ਬਾਨਂ ਦਿਸ੍ਵਾ ਕਤ੍ਤਬ੍ਬਸ੍ਸ ਕਿਲੇਸਪ੍ਪਹਾਨਸ੍ਸ ਅਭਾਵਾ ‘‘ਦਸ੍ਸਨ’’ਨ੍ਤਿ ਨ ਵੁਚ੍ਚਤਿ. ਤਂ ਹਿ ਞਾਣਂ ਮਗ੍ਗਸ੍ਸ ਆਵਜ੍ਜਨਟ੍ਠਾਨੇ ਤਿਟ੍ਠਤਿ. ਭਾਵਨਾਯਾਤਿ ਸੇਸਮਗ੍ਗਤ੍ਤਯੇਨ. ਸੇਸਮਗ੍ਗਤ੍ਤਯਂ ਹਿ ਪਠਮਮਗ੍ਗੇਨ ਦਿਟ੍ਠਸ੍ਮਿਂਯੇਵ ਧਮ੍ਮੇ ਭਾਵਨਾਵਸੇਨ ਉਪ੍ਪਜ੍ਜਤਿ, ਅਦਿਟ੍ਠਪੁਬ੍ਬਂ ਕਞ੍ਚਿ ਨ ਪਸ੍ਸਤਿ, ਤਸ੍ਮਾ ‘‘ਭਾਵਨਾ’’ਤਿ ਵੁਚ੍ਚਤਿ. ਤਤਿਯਪਦਂ ਉਭਯਪਟਿਕ੍ਖੇਪਵਸੇਨ ਵੁਤ੍ਤਂ.

ਤਤ੍ਥ ਚਤ੍ਤਾਰੋ ਦਿਟ੍ਠਿਗਤਸਮ੍ਪਯੁਤ੍ਤਚਿਤ੍ਤੁਪ੍ਪਾਦਾ, ਵਿਚਿਕਿਚ੍ਛਾਸਹਗਤੋ ਚਾਤਿ ਪਞ੍ਚ ਦਸ੍ਸਨੇਨ ਪਹਾਤਬ੍ਬਾਵ, ਉਦ੍ਧਚ੍ਚਸਹਗਤੋ ਭਾਵਨਾਯ ਏਵ ਪਹਾਤਬ੍ਬੋ, ਅਵਸੇਸਾ ਛ ਅਕੁਸਲਚਿਤ੍ਤੁਪ੍ਪਾਦਾ ਅਪਾਯਹੇਤੁਭਾਵੇਨ ਪਵਤ੍ਤਿਤੋ, ਅਪ੍ਪਵਤ੍ਤਿਤੋ ਚ ਸਿਯਾ ਦਸ੍ਸਨੇਨਪਹਾਤਬ੍ਬਾ, ਸਿਯਾ ਭਾਵਨਾਯਪਹਾਤਬ੍ਬਾ, ਅਕੁਸਲਵਜ੍ਜਿਤਾ ¶ ਪਨ ਸਬ੍ਬੇ ਚਿਤ੍ਤੁਪ੍ਪਾਦਾ, ਰੂਪਂ, ਨਿਬ੍ਬਾਨਞ੍ਚ ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬਾ. ਚੇਤਸਿਕੇਸੁ ਪਨ ਦਿਟ੍ਠਿ ਵਿਚਿਕਿਚ੍ਛਾ ਇਸ੍ਸਾ ਮਚ੍ਛਰਿਯਂ ਕੁਕ੍ਕੁਚ੍ਚਂ ਦਸ੍ਸਨੇਨਪਹਾਤਬ੍ਬਾਵ, ਸੇਸਾ ਅਕੁਸਲਾ ਸਿਯਾ ਦਸ੍ਸਨੇਨਪਹਾਤਬ੍ਬਾ, ਸਿਯਾ ਭਾਵਨਾਯਪਹਾਤਬ੍ਬਾਤਿ ਤਿਜਾਤਿਕਾ ਤੇਰਸਵਿਧਾ ਹੋਨ੍ਤਿ, ਵੁਤ੍ਤਾਵਸੇਸਾ ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬਾਵ. ਯਂ ਪਨ ‘‘ਸੋਤਾਪਤ੍ਤਿਮਗ੍ਗਞਾਣੇਨ ਅਭਿਸਙ੍ਖਾਰਵਿਞ੍ਞਾਣਸ੍ਸ ਨਿਰੋਧੇਨ ਸਤ੍ਤ ਭਵੇ ¶ ਠਪੇਤ੍ਵਾ ਅਨਮਤਗ੍ਗੇ ਸਂਸਾਰੇ ਯੇ ਉਪ੍ਪਜ੍ਜੇਯ੍ਯੁਂ ਨਾਮਞ੍ਚ ਰੂਪਞ੍ਚ, ਏਤ੍ਥੇਤੇ ਨਿਰੁਜ੍ਝਨ੍ਤੀ’’ਤਿਆਦਿਨਾ (ਚੂਲ਼ਨਿ. ਅਜਿਤਮਾਣਵਪੁਚ੍ਛਾਨਿਦ੍ਦੇਸ ੬) ਨਯੇਨ ਕੁਸਲਾਬ੍ਯਾਕਤਾਨਮ੍ਪਿ ਪਹਾਨਂ ਅਨੁਞ੍ਞਾਤਂ, ਤਂ ਤੇਸਂ ਮਗ੍ਗਾਨਂ ਅਭਾਵਿਤਤ੍ਤਾ ਯੇ ਉਪ੍ਪਜ੍ਜੇਯ੍ਯੁਂ, ਤੇ ਉਪਨਿਸ੍ਸਯਪਚ੍ਚਯਾਨਂ ਕਿਲੇਸਾਨਂ ਪਹੀਨਤ੍ਤਾ ਪਹੀਨਾਤਿ ਇਮਂ ਪਰਿਯਾਯਂ ਸਨ੍ਧਾਯ ਵੁਤ੍ਤਂ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਦਸ੍ਸਨੇਨਪਹਾਤਬ੍ਬਤ੍ਤਿਕਂ.

ਦਸ੍ਸਨੇਨ ਪਹਾਤਬ੍ਬੋ ਹੇਤੁ ਏਤੇਸਨ੍ਤਿ ਦਸ੍ਸਨੇਨਪਹਾਤਬ੍ਬਹੇਤੁਕਾ. ਦੁਤਿਯਪਦੇਪਿ ਏਸੇਵ ਨਯੋ. ਤਤਿਯਪਦੇ ਪਨ ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬੋ ਹੇਤੁ ਏਤੇਸਨ੍ਤਿ ਏਵਮਤ੍ਥਂ ਅਗ੍ਗਹੇਤ੍ਵਾ ਨੇਵਦਸ੍ਸਨੇਨਨਭਾਵਨਾਯ ਪਹਾਤਬ੍ਬੋ ਹੇਤੁ ਏਤੇਸਂ ਅਤ੍ਥੀਤਿ ਏਵਮਤ੍ਥੋ ਗਹੇਤਬ੍ਬੋ. ਇਤਰਥਾ ਹਿ ਅਹੇਤੁਕਾਨਂ ਅਗ੍ਗਹਣਂ ਭਵੇਯ੍ਯ. ਹੇਤੁ ਏਵ ਹਿ ਤੇਸਂ ਨਤ੍ਥਿ, ਯੋ ਦਸ੍ਸਨਭਾਵਨਾਹਿ ਪਹਾਤਬ੍ਬੋ ਸਿਯਾ. ਸਹੇਤੁਕੇਸੁਪਿ ਹੇਤੁਵਜ੍ਜਾਨਂ ਪਹਾਨਂ ਆਪਜ੍ਜਤਿ, ਨ ਹੇਤੂਨਂ. ਹੇਤੁਯੇਵ ਹਿ ਏਤੇਸਂ ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬੋਤਿ ਵੁਤ੍ਤੋ, ਨ ਤੇ ਧਮ੍ਮਾ. ਉਭਯਮ੍ਪਿ ਚੇਤਂ ਅਨਧਿਪ੍ਪੇਤਂ, ਤਸ੍ਮਾ ਵੁਤ੍ਤਨਯੇਨ ਅਤ੍ਥੋ ਗਹੇਤਬ੍ਬੋ. ਇਤੋ ਪਰਂ ਸਬ੍ਬੋ ਵਿਨਿਚ੍ਛਯੋ ਅਨਨ੍ਤਰਤ੍ਤਿਕਸਦਿਸੋਵ. ਕੇਵਲਂ ਚੇਤਸਿਕੇਸੁ ਵਿਚਿਕਿਚ੍ਛੁਦ੍ਧਚ੍ਚਸਮ੍ਪਯੁਤ੍ਤੋ ਮੋਹੋ ਦਸ੍ਸਨਭਾਵਨਾਹਿ ਪਹਾਤਬ੍ਬਹੇਤੁਕੇਸੁ ਨ ਪਵਿਸਤਿ ਸਹਜਾਤਸ੍ਸ ਅਞ੍ਞਸ੍ਸ ਹੇਤੁਨੋ ਅਭਾਵਾ, ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬਹੇਤੁਕੇਸੁ ¶ ਪਨ ਪਵਿਸਤਿ. ਲੋਭਦੋਸਮੂਲਚਿਤ੍ਤੇਸੁ ਪਨ ਹੇਤੂਸੁ ਮੋਹੋ ਲੋਭੇਨ ਚੇਵ ਦੋਸੇਨ ਚ ਸਹੇਤੁਕੋ, ਲੋਭਦੋਸਾ ਚ ਮੋਹੇਨੇਵਾਤਿ ਇਮੇ ਪਹਾਤਬ੍ਬਹੇਤੁਕਪਦੇ ਪਵਿਟ੍ਠਾਤਿ ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵਾਤਿ. ਦਸ੍ਸਨੇਨਪਹਾਤਬ੍ਬਹੇਤੁਕਤ੍ਤਿਕਂ.

ਕਮ੍ਮਕਿਲੇਸੇਹਿ ਆਚੀਯਤੀਤਿ ਆਚਯੋ, ਪਟਿਸਨ੍ਧਿਚੁਤਿਗਤਿਪਵਤ੍ਤਿਸਙ੍ਖਾਤਾਨਂ ਉਪਾਦਿਨ੍ਨਕ੍ਖਨ੍ਧਾਨਮੇਤਂ ਅਧਿਵਚਨਂ. ਤਸ੍ਸ ਕਾਰਣਂ ਹੁਤ੍ਵਾ ਨਿਪ੍ਫਾਦਨਭਾਵੇਨ ਤਂ ਆਚਯਂ ਗਚ੍ਛਨ੍ਤਿ, ਯਸ੍ਸ ਵਾ ਪਵਤ੍ਤਨ੍ਤਿ, ਤਂ ਪੁਗ੍ਗਲਂ ਯਥਾਵੁਤ੍ਤਮੇਵ ਆਚਯਂ ਗਮੇਨ੍ਤੀਤਿ ਆਚਯਗਾਮਿਨੋ. ਤਤੋ ਏਵ ਆਚਯਸਙ੍ਖਾਤਾ ਚਯਾ ਅਪੇਤਤ੍ਤਾ ਨਿਬ੍ਬਾਨਂ ਅਪੇਤਂ ਚਯਾਤਿ ਅਪਚਯੋ, ਤਂ ਆਰਮ੍ਮਣਂ ਕਤ੍ਵਾ ਪਵਤ੍ਤਨਤੋ ਅਪਚਯਂ ਗਚ੍ਛਨ੍ਤੀਤਿ ਅਪਚਯਗਾਮਿਨੋ. ਅਪਿਚ ਪਾਕਾਰਂ ਇਟ੍ਠਕਵਡ੍ਢਕੀ ਵਿਯ ਪਵਤ੍ਤਂ ਆਚਿਨਨ੍ਤਾ ਗਚ੍ਛਨ੍ਤੀਤਿ ਆਚਯਗਾਮਿਨੋ. ਤੇਨੇਵ ਵਡ੍ਢਕਿਨਾ ਚਿਤਂ ਚਿਤਂ ਵਿਦ੍ਧਂਸਯਮਾਨੋ ਪੁਰਿਸੋ ਵਿਯ ਤਦੇਵ ਪਵਤ੍ਤਂ ਅਪਚਿਨਨ੍ਤਾ ਗਚ੍ਛਨ੍ਤੀਤਿ ਅਪਚਯਗਾਮਿਨੋ. ਤਤਿਯਪਦਂ ਉਭਯਪਟਿਕ੍ਖੇਪੇਨ ਵੁਤ੍ਤਂ.

ਤਤ੍ਥ ਲੋਕਿਯਕੁਸਲਾਕੁਸਲਾਨਿ ਆਚਯਗਾਮਿਨੋ ਨਾਮ, ਚਤ੍ਤਾਰਿ ਮਗ੍ਗਾਨਿ ਅਪਚਯਗਾਮਿਨੋ ਨਾਮ ¶ , ਸਬ੍ਬਾਨਿ ਵਿਪਾਕਫਲਕਿਰਿਯਾਨਿ, ਰੂਪਂ, ਨਿਬ੍ਬਾਨਞ੍ਚ ਨੇਵਆਚਯਗਾਮਿਨੋ ਨ ਅਪਚਯਗਾਮਿਨੋ ਨਾਮ. ਚੇਤਸਿਕੇਸੁ ਪਨ ਅਕੁਸਲਾ ਆਚਯਗਾਮਿਨੋ ਏਵ, ਕਰੁਣਾ ਮੁਦਿਤਾ ਸਿਯਾ ਆਚਯਗਾਮਿਨੋ, ਸਿਯਾ ਨੇਵਾਚਯਗਾਮਿਨੋ ਨ ਅਪਚਯਗਾਮਿਨੋ ਨਾਮ, ਸੇਸਾ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਆਚਯਗਾਮਿਤ੍ਤਿਕਂ.

ਤੀਸੁ ਸਿਕ੍ਖਾਸੁ ਜਾਤਾ, ਸਤ੍ਤਨ੍ਨਂ ਵਾ ਸੇਖਾਨਂ ਏਤੇਤਿਪਿ ਸੇਖਾ, ਅਪਰਿਯੋਸਿਤਸਿਕ੍ਖਤ੍ਤਾ ਸਯਮੇਵ ਸਿਕ੍ਖਨ੍ਤੀਤਿਪਿ ਸੇਖਾ. ਉਪਰਿ ਸਿਕ੍ਖਿਤਬ੍ਬਾਭਾਵਤੋ ਨ ਸੇਖਾਤਿ ਅਸੇਖਾ, ਵੁਦ੍ਧਿਪ੍ਪਤ੍ਤਾ ਵਾ ਸੇਖਾਤਿਪਿ ਅਸੇਖਾ. ਤਤਿਯਪਦਂ ਉਭਯਪਟਿਕ੍ਖੇਪੇਨ ਵੁਤ੍ਤਂ.

ਤਤ੍ਥ ¶ ਚਤ੍ਤਾਰਿ ਲੋਕੁਤ੍ਤਰਕੁਸਲਾਨਿ, ਹੇਟ੍ਠਿਮਾਨਿ ਚ ਤੀਣਿ ਸਾਮਞ੍ਞਫਲਾਨੀਤਿ ਸਤ੍ਤ ਸੇਖਾ ਨਾਮ, ਅਰਹਤ੍ਤਫਲਂ ਅਸੇਖਾ ਨਾਮ, ਲੋਕਿਯਚਿਤ੍ਤਾਨਿ, ਰੂਪਂ, ਨਿਬ੍ਬਾਨਞ੍ਚ ਨੇਵਸੇਖਾ ਨਾਸੇਖਾ ਨਾਮ. ਚੇਤਸਿਕੇਸੁ ਪਨ ਅਕੁਸਲਾ ਚ ਅਪ੍ਪਮਞ੍ਞਾ ਚ ਨੇਵਸੇਖਾ ਨਾਸੇਖਾ ਏਵ, ਸੇਸਾ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਸੇਖਤ੍ਤਿਕਂ.

ਸਮਨ੍ਤਤੋ ਖਣ੍ਡਿਤਤ੍ਤਾ ਅਪ੍ਪਮਤ੍ਤਕਂ ਪਰਿਤ੍ਤਨ੍ਤਿ ਵੁਚ੍ਚਤਿ ‘‘ਪਰਿਤ੍ਤਂ ਗੋਮਯਪਿਣ੍ਡ’’ਨ੍ਤਿ (ਸਂ. ਨਿ. ੩.੯੬) ਆਦੀਸੁ ਵਿਯ. ਕਾਮਾਵਚਰਧਮ੍ਮਾ ਹਿ ਅਪ੍ਪਾਨੁਭਾਵਤਾਯ ਪਰਿਤ੍ਤਾ ਵਿਯਾਤਿ ਪਰਿਤ੍ਤਾ. ਕਿਲੇਸਵਿਕ੍ਖਮ੍ਭਨਸਮਤ੍ਥਤਾਯ, ਮਹਨ੍ਤਵਿਪੁਲਫਲਤਾਯ, ਦੀਘਸਨ੍ਤਾਨਤਾਯ ਚ ਮਹਨ੍ਤਭਾਵਂ ਗਤਾ, ਮਹਨ੍ਤੇਹਿ ਵਾ ਉਲ਼ਾਰਚ੍ਛਨ੍ਦਵੀਰਿਯਚਿਤ੍ਤਪਞ੍ਞੇਹਿ ਗਤਾ ਪਟਿਪਨ੍ਨਾਤਿਪਿ ਮਹਗ੍ਗਤਾ. ਪਮਾਣਕਰਾ ਧਮ੍ਮਾ ਰਾਗਾਦਯੋ ਪਮਾਣਂ ਨਾਮ, ਆਰਮ੍ਮਣਤੋ ਵਾ ਸਮ੍ਪਯੋਗਤੋ ਵਾ ਨਤ੍ਥਿ ਏਤੇਸਂ ਪਮਾਣਂ, ਪਮਾਣਸ੍ਸ ਚ ਪਟਿਪਕ੍ਖਾਤਿ ਅਪ੍ਪਮਾਣਾ.

ਤਤ੍ਥ ਚਤੁਪਞ੍ਞਾਸ ਕਾਮਾਵਚਰਚਿਤ੍ਤਾਨਿ, ਰੂਪਞ੍ਚ ਪਰਿਤ੍ਤਾ ਨਾਮ, ਸਤ੍ਤਵੀਸਤਿ ਰੂਪਾਰੂਪਾਵਚਰਚਿਤ੍ਤਾਨਿ ਮਹਗ੍ਗਤਾ ਨਾਮ, ਲੋਕੁਤ੍ਤਰਚਿਤ੍ਤਾਨਿ, ਨਿਬ੍ਬਾਨਞ੍ਚ ਅਪ੍ਪਮਾਣਾ ਨਾਮ. ਚੇਤਸਿਕੇਸੁ ਪਨ ਅਕੁਸਲਾ ਪਰਿਤ੍ਤਾ ਏਵ, ਅਪ੍ਪਮਞ੍ਞਾ ਪਰਿਤ੍ਤਮਹਗ੍ਗਤਾ ਏਵ, ਵਿਰਤਿਯੋ ਪਰਿਤ੍ਤਅਪ੍ਪਮਾਣਾ ਏਵ, ਸੇਸਾ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਪਰਿਤ੍ਤਤ੍ਤਿਕਂ.

ਪਰਿਤ੍ਤਂ ਆਰਮ੍ਮਣਂ ਏਤੇਸਨ੍ਤਿ ਪਰਿਤ੍ਤਾਰਮ੍ਮਣਾ. ਸੇਸਪਦਦ੍ਵਯੇਪਿ ਏਸੇਵ ਨਯੋ. ਸਯਂ ਪਰਿਤ੍ਤਾ ਵਾ ਹੋਨ੍ਤੁ ਮਹਗ੍ਗਤਾ ਵਾ, ਪਰਿਤ੍ਤਾਦਿਧਮ੍ਮੇ ਆਰਬ੍ਭ ਪਵਤ੍ਤਾ ਤਦਾਰਮ੍ਮਣਾਤਿ ਵੁਚ੍ਚਨ੍ਤਿ.

ਤਤ੍ਥ ¶ ਤੇਵੀਸਤਿ ਕਾਮਾਵਚਰਵਿਪਾਕਾ, ਕਿਰਿਯਾਮਨੋਧਾਤੁਅਹੇਤੁਕਜਵਨਞ੍ਚ ਪਰਿਤ੍ਤਾਰਮ੍ਮਣਾਵ, ਵਿਞ੍ਞਾਣਞ੍ਚਾਯਤਨਨੇਵਸਞ੍ਞਾਨਾਸਞ੍ਞਾਯਤਨਕੁਸਲਵਿਪਾਕਕਿਰਿਯਾਨਿ ਮਹਗ੍ਗਤਾਰਮ੍ਮਣਾਵ, ਅਟ੍ਠ ਲੋਕੁਤ੍ਤਰਚਿਤ੍ਤਾਨਿ ਅਪ੍ਪਮਾਣਾਰਮ੍ਮਣਾਵ, ਅਕੁਸਲਚਿਤ੍ਤਾਨਿ ¶ ਚ ਅਟ੍ਠ ਞਾਣਵਿਪ੍ਪਯੁਤ੍ਤਜਵਨਾਨਿ ਚ ਸਿਯਾ ਪਰਿਤ੍ਤਾਰਮ੍ਮਣਾ, ਸਿਯਾ ਮਹਗ੍ਗਤਾਰਮ੍ਮਣਾ, ਸਿਯਾ ਨਵਤ੍ਤਬ੍ਬਾਰਮ੍ਮਣਤਾਯ ਨ ਵਤ੍ਤਬ੍ਬਾ, ਨ ਕਦਾਚਿ ਅਪ੍ਪਮਾਣਾਰਮ੍ਮਣਾ, ਅਟ੍ਠ ਞਾਣਸਮ੍ਪਯੁਤ੍ਤਕਾਮਾਵਚਰਜਵਨਾਨਿ, ਅਭਿਞ੍ਞਾ, ਮਨੋਦ੍ਵਾਰਾਵਜ੍ਜਨਞ੍ਚਾਤਿ ਏਕਾਦਸ ਤਿਧਾਪਿ ਹੋਨ੍ਤਿ ਨਵਤ੍ਤਬ੍ਬਾਪਿ. ਤੇਸੁ ਚ ਕੁਸਲਾਨਿ ਪਞ੍ਚ ਅਰਹਤ੍ਤਮਗ੍ਗਫਲਵਜ੍ਜਿਤਸਬ੍ਬਾਰਮ੍ਮਣਾਨਿ. ਤਤ੍ਥਾਪਿ ਤਂਤਂਸੇਖਾਨਮੇਵ ਯਥਾਸਕਂ ਮਗ੍ਗਫਲਾਨਿ ਆਰਮ੍ਮਣਾਨਿ ਹੋਨ੍ਤਿ, ਕਿਰਿਯਾਨਿ ਛ ਸਬ੍ਬਥਾਪਿ ਸਬ੍ਬਾਰਮ੍ਮਣਾਨਿ, ਅਭਿਞ੍ਞਾਵਜ੍ਜਿਤਰੂਪਾਵਚਰਾਨਿ ਚੇਵ ਛ ਆਕਾਸਾਨਞ੍ਚਾਯਤਨਆਕਿਞ੍ਚਞ੍ਞਾਯਤਨਚਿਤ੍ਤਾਨਿ ਚ ਨਿਯਮੇਨ ਪਞ੍ਞਤ੍ਤਾਰਮ੍ਮਣਤਾਯ, ਰੂਪਨਿਬ੍ਬਾਨਾਨਞ੍ਚ ਅਨਾਰਮ੍ਮਣਤਾਯ ਸਬ੍ਬਥਾ ਨਵਤ੍ਤਬ੍ਬਾਤਿ. ਚੇਤਸਿਕੇਸੁ ਪਨ ਅਕੁਸਲਾ ਅਕੁਸਲਚਿਤ੍ਤਸਦਿਸਾਵ, ਵਿਰਤਿਯੋ ਸਿਯਾ ਪਰਿਤ੍ਤਾਰਮ੍ਮਣਾ, ਸਿਯਾ ਅਪ੍ਪਮਾਣਾਰਮ੍ਮਣਾ, ਕਰੁਣਾਮੁਦਿਤਾ ਨਵਤ੍ਤਬ੍ਬਾਵ, ਸੇਸਾ ਤਿਧਾਪਿ ਹੋਨ੍ਤਿ ਸਿਯਾ ਨਵਤ੍ਤਬ੍ਬਾਤਿ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪਰਿਤ੍ਤਾਰਮ੍ਮਣਤ੍ਤਿਕਂ.

ਹੀਨਾਤਿ ਲਾਮਕਾ, ਅਕੁਸਲਾ ਧਮ੍ਮਾ. ਹੀਨਪਣੀਤਾਨਂ ਮਜ੍ਝੇ ਭਵਾਤਿ ਮਜ੍ਝਿਮਾ, ਅਵਸੇਸਾ ਤੇਭੂਮਕਾ ਰੂਪਾਰੂਪਧਮ੍ਮਾਵ. ਉਤ੍ਤਮਟ੍ਠੇਨ, ਅਤਪ੍ਪਕਟ੍ਠੇਨ ਚ ਪਣੀਤਾ, ਲੋਕੁਤ੍ਤਰਚਿਤ੍ਤਨਿਬ੍ਬਾਨਾਨਿ. ਚੇਤਸਿਕੇਸੁ ਪਨ ਅਕੁਸਲਾ ਹੀਨਾਵ, ਕਰੁਣਾਮੁਦਿਤਾ ਮਜ੍ਝਿਮਾਵ, ਸੇਸਕੁਸਲਾਬ੍ਯਾਕਤਾ ਮਜ੍ਝਿਮਪਣੀਤਾਵ, ਸੇਸਾ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਸੇਸਂ ਸੁਵਿਞ੍ਞੇਯ੍ਯਮੇਵ. ਹੀਨਤ੍ਤਿਕਂ.

‘‘ਹਿਤਸੁਖਾਵਹਾ ਮੇ ਭਵਿਸ੍ਸਨ੍ਤੀ’’ਤਿ ਏਵਂ ਆਸੀਸਿਤਾਪਿ ਤਥਾ ਅਭਾਵਤੋ, ਅਸੁਭਾਦੀਸੁਯੇਵ ਸੁਭਨ੍ਤਿਆਦਿਵਿਪਰੀਤਪ੍ਪਵਤ੍ਤਿਤੋ ਚ ਮਿਚ੍ਛਾ ਸਭਾਵਾਤਿ ਮਿਚ੍ਛਤ੍ਤਾ, ਵਿਪਾਕਦਾਨੇ ਸਤਿ ਖਨ੍ਧਭੇਦਾਨਨ੍ਤਰਮੇਵ ਵਿਪਾਕਦਾਨਤੋ ਨਿਯਤਾ, ਮਿਚ੍ਛਤ੍ਤਾ ਚ ਤੇ ਨਿਯਤਾ ਚਾਤਿ ਮਿਚ੍ਛਤ੍ਤਨਿਯਤਾ. ਵੁਤ੍ਤਵਿਪਰੀਤੇਨ ਅਤ੍ਥੇਨ ਸਮ੍ਮਾ ਸਭਾਵਾਤਿ ਸਮ੍ਮਤ੍ਤਾ, ਸਮ੍ਮਤ੍ਤਾ ਚ ਤੇ ਨਿਯਤਾ ਚਾਤਿ ਸਮ੍ਮਤ੍ਤਨਿਯਤਾ. ਉਭਯਥਾਪਿ ਨ ਨਿਯਤਾਤਿ ਅਨਿਯਤਾ.

ਆਨਨ੍ਤਰਿਕਭਾਵੇਨ ¶ ਪਵਤ੍ਤਿਯਂ ਸਿਯਾ ਮਿਚ੍ਛਤ੍ਤਨਿਯਤਾ, ਅਞ੍ਞਥਾ ਪਵਤ੍ਤਿਯਂ ਸਿਯਾ ਅਨਿਯਤਾ. ਅਹੇਤੁਕਅਕਿਰਿਯਨਤ੍ਥਿਕਦਿਟ੍ਠੀਸੁ ਹਿ ਅਞ੍ਞਤਰਾ ਦਿਟ੍ਠਿ ਯਸ੍ਸ ਨਿਯਤਾ, ਤਂ ਬੁਦ੍ਧਸਤਮ੍ਪਿ ਵਿਬੋਧੇਤੁਂ ¶ ਨ ਸਕ੍ਕੋਤਿ. ਯੇਨ ਚ ਅਨਨ੍ਤਰੇ ਏਵ ਅਤ੍ਤਭਾਵੇ ਫਲਦਾਨਤੋ ਆਨਨ੍ਤਰਿਕੇਸੁ ਮਾਤੁਘਾਤਕਪਿਤੁਘਾਤਕਅਰਹਨ੍ਤਘਾਤਕਸਙ੍ਘਭੇਦਕਲੋਹਿਤੁਪ੍ਪਾਦਕਸਙ੍ਖਾਤੇਸੁ ਪਞ੍ਚਸੁ ਕਮ੍ਮੇਸੁ ਏਕਮ੍ਪਿ ਕਮ੍ਮਂ ਪਟਿਘਚਿਤ੍ਤੇਨ ਕਤਂ ਹੋਤਿ, ਸੋ ਸਿਨੇਰੁਪ੍ਪਮਾਣੇਪਿ ਸੁਵਣ੍ਣਥੂਪੇ ਕਤ੍ਵਾ ਸਕਲਚਕ੍ਕਵਾਲ਼ਂ ਪੂਰੇਤ੍ਵਾ ਨਿਸਿਨ੍ਨਸਮ੍ਬੁਦ੍ਧਪ੍ਪਮੁਖਂ ਸਙ੍ਘਂ ਯਾਵਜੀਵਂ ਚਤੂਹਿ ਪਚ੍ਚਯੇਹਿ ਉਪਟ੍ਠਹਿਤ੍ਵਾਪਿ ਤੇਨ ਕੁਸਲੇਨ ਆਨਨ੍ਤਰਿਕਸ੍ਸ ਵਿਪਾਕਂ ਪਟਿਬਾਹਿਤੁਂ ਨ ਸਕ੍ਕੋਤਿ, ਆਨਨ੍ਤਰਿਕੇਨ ਪਨ ਅਧਿਕੇਨ ਆਨਨ੍ਤਰਿਕਂ ਪਟਿਬਾਹਤਿ, ਤਸ੍ਮਾ ਨਿਯਤਮਿਚ੍ਛਾਦਿਟ੍ਠਿ ਆਨਨ੍ਤਰਿਕਾ ਚ ਮਗ੍ਗਫਲਾਨਂ, ਮਹਗ੍ਗਤਾਨਞ੍ਚ ਪਟਿਬਾਹਕਤਾਯ ਅਨਨ੍ਤਰਮੇਵ ਨਿਰਯੇ ਵਿਪਾਕਦਾਨਤੋ ਮਿਚ੍ਛਤ੍ਤਨਿਯਤਾ ਚ ਜਾਤਾ, ਚਤ੍ਤਾਰੋ ਪਨ ਮਗ੍ਗਾ ਸਮ੍ਮਤ੍ਤਨਿਯਤਾ ਨਾਮ, ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਅਨਿਯਤਾ ਨਾਮ. ਚੇਤਸਿਕੇਸੁ ਪਨ ਮੋਹੋ ਅਹਿਰਿਕਂ ਅਨੋਤ੍ਤਪ੍ਪਂ ਉਦ੍ਧਚ੍ਚਂ ਲੋਭੋ ਦਿਟ੍ਠਿ ਦੋਸੋ ਥਿਨਂ ਮਿਦ੍ਧਨ੍ਤਿ ਇਮੇ ਨਵ ਸਿਯਾ ਮਿਚ੍ਛਤ੍ਤਨਿਯਤਾ, ਸਿਯਾ ਅਨਿਯਤਾ, ਸੇਸਅਕੁਸਲਾ, ਕਰੁਣਾ, ਮੁਦਿਤਾ ਚ ਅਨਿਯਤਾ ਏਵ, ਸੇਸਕੁਸਲਾਬ੍ਯਾਕਤਾ ਸਿਯਾ ਸਮ੍ਮਤ੍ਤਨਿਯਤਾ, ਸਿਯਾ ਅਨਿਯਤਾ, ਤਿਜਾਤਿਕਾ ਪਨ ਤਿਧਾਪਿ ਹੋਨ੍ਤਿ, ਇਦਞ੍ਚ ਨਿਪ੍ਪਦੇਸਤ੍ਤਿਕਨ੍ਤਿ. ਮਿਚ੍ਛਤ੍ਤਤ੍ਤਿਕਂ.

ਨਿਬ੍ਬਾਨਂ ਮਗ੍ਗਤਿ, ਕਿਲੇਸੇ ਵਾ ਮਾਰੇਨ੍ਤੋ ਗਚ੍ਛਤੀਤਿ ਮਗ੍ਗੋ, ਅਰਿਯਮਗ੍ਗੋ, ਸੋ ਆਰਮ੍ਮਣਮੇਤੇਸਨ੍ਤਿ ਮਗ੍ਗਾਰਮ੍ਮਣਾ. ਲੋਕਿਯੋ ਅਟ੍ਠਙ੍ਗਿਕੋਪਿ ਮਗ੍ਗੋ ਪਚ੍ਚਯਟ੍ਠੇਨ ਏਤੇਸਂ ਹੇਤੂਤਿ ਮਗ੍ਗਹੇਤੁਕਾ, ਮਗ੍ਗਸਮ੍ਪਯੁਤ੍ਤਾ ਧਮ੍ਮਾ. ਮਗ੍ਗੇ ਵਾ ਹੇਤੂਤਿ ਮਗ੍ਗਹੇਤੂ, ਅਲੋਭਾਦਯੋ. ਤੇ ਏਤੇਸਂ ਹੇਤੂਤਿ ਮਗ੍ਗਹੇਤੁਕਾ. ਸਮ੍ਮਾਦਿਟ੍ਠਿ ਸਯਂ ਮਗ੍ਗੋ ਚੇਵ ਹੇਤੁ ਚ, ਇਤਿ ਮਗ੍ਗਭੂਤੋ ਹੇਤੁ ਏਤੇਸਨ੍ਤਿ ਮਗ੍ਗਹੇਤੁਕਾ, ਲੋਕੁਤ੍ਤਰਾਵ ¶ . ਅਭਿਭਵਿਤ੍ਵਾ ਪਵਤ੍ਤਨਟ੍ਠੇਨ ਮਗ੍ਗੋ ਅਧਿਪਤਿ ਆਰਮ੍ਮਣਭੂਤੋ, ਸਹਜਾਤੋ ਵਾ ਏਤੇਸਨ੍ਤਿ ਮਗ੍ਗਾਧਿਪਤਿਨੋ, ਤਦੁਭਯਂ.

ਤਤ੍ਥ ਰੂਪਾਵਚਰਚਤੁਤ੍ਥਜ੍ਝਾਨਕੁਸਲਕਿਰਿਯਾ ਚ ਅਭਿਞ੍ਞਾਭੂਤਾ, ਮਨੋਦ੍ਵਾਰਾਵਜ੍ਜਨਞ੍ਚ ਸਿਯਾ ਮਗ੍ਗਾਰਮ੍ਮਣਾ, ਸਿਯਾ ਨਵਤ੍ਤਬ੍ਬਾ, ਅਰਿਯਾਨਂ ਹਿ ਚੇਤੋਪਰਿਯਅਨਾਗਤਂਸਞਾਣਾਨਿ ਪਰੇਸਞ੍ਞੇਵ ਮਗ੍ਗਚਿਤ੍ਤਸ੍ਸ ਜਾਨਨਕਾਲੇ ਮਗ੍ਗਾਰਮ੍ਮਣਾਨਿ, ਪੁਬ੍ਬੇਨਿਵਾਸਞਾਣਮਨੋਦ੍ਵਾਰਾਵਜ੍ਜਨਾਨਿ ਪਨ ਅਤ੍ਤਨੋ, ਪਰੇਸਞ੍ਚਾਪਿ ਤਦਞ੍ਞਾਰਮ੍ਮਣਕਾਲੇ ਪਨ ਨਵਤ੍ਤਬ੍ਬਾਨਿ, ਚੇਤੋਪਰਿਯਞਾਣਸ੍ਸ ਪਨ ਨਿਯਮੇਨ ਪਰਚਿਤ੍ਤਵਿਸਯਤ੍ਤਾ ਤੇਨ ਅਤ੍ਤਨਾ ਅਧਿਗਤਮਗ੍ਗਂ ਅਰਿਯਾ ਆਲਮ੍ਬਿਤੁਂ ਨ ਸਕ੍ਕੋਨ੍ਤਿ, ਅਨਾਗਤਂਸਞਾਣੇਨ ਪਨ ਅਤ੍ਤਨੋ ਅਨਾਗਤੇ ਉਪ੍ਪਜ੍ਜਨਕਸ੍ਸ ਉਪਰਿਮਗ੍ਗਸ੍ਸ ਅਵਿਸਯਤ੍ਤਾ ਨ ਸਕ੍ਕੋਨ੍ਤਿ. ਅਰਿਯਾ ਹਿ ਯਥਾਸਕਂ, ਹੇਟ੍ਠਿਮਞ੍ਚ ਮਗ੍ਗਫਲਂ ਜਾਨਿਤੁਂ ਸਕ੍ਕੋਨ੍ਤਿ, ਨ ਉਪਰਿਮਂ. ਤਾਨਿ ਪਨ ਅਭਿਞ੍ਞਾਜਵਨਾਨਿ ਮਗ੍ਗੇਨ ਅਸਹਜਾਤਤ੍ਤਾ ਨ ਮਗ੍ਗਹੇਤੁਕਾਨਿ. ਮਗ੍ਗਂ ਗਰੁਂਕਤ੍ਵਾ ਅਪ੍ਪਵਤ੍ਤਨਤੋ ¶ ਨ ਮਗ੍ਗਾਧਿਪਤੀਨਿ. ਨ ਹਿ ਤਾਨਿ ਕਿਞ੍ਚਿ ਆਰਮ੍ਮਣਂ ਅਧਿਪਤਿਂ ਕਰੋਨ੍ਤਿ, ਅਨ੍ਤਮਸੋ ਲੋਕੁਤ੍ਤਰਮਪਿ. ਕਸ੍ਮਾ? ਅਤ੍ਤਨੋ ਮਹਗ੍ਗਤਤਾਯ ਰਾਜਾਨਂ ਦਿਸ੍ਵਾ ਤਸ੍ਸ ਮਾਤਾਪਿਤਰੋ ਵਿਯ, ਮਨੋਦ੍ਵਾਰਾਵਜ੍ਜਨਂ ਪਨ ਅਤ੍ਤਨੋ ਅਹੇਤੁਕਤਾਯ ਰਾਜਾਨਂ ਦਿਸ੍ਵਾ ਖੁਜ੍ਜਚੇਟਕਾਦਯੋ ਵਿਯ. ਚਤ੍ਤਾਰਿ ਮਗ੍ਗਟ੍ਠਚਿਤ੍ਤਾਨਿ ਸਬ੍ਬਦਾ ਮਗ੍ਗਹੇਤੁਕਾ ਏਵ, ਤਾਨੇਵ ਚ ਵੀਮਂਸਾਵੀਰਿਯਾਨਂ ਅਧਿਪਤਿਭਾਵੇਨ ਪਵਤ੍ਤਿਯਂ ਸਿਯਾ ਮਗ੍ਗਾਧਿਪਤਿਨੋ, ਇਤਰੇਸਂ ਛਨ੍ਦਚਿਤ੍ਤਾਨਂ ਅਧਿਪਤਿਭਾਵੇਨ ਪਵਤ੍ਤਿਯਂ ਸਿਯਾ ਨਵਤ੍ਤਬ੍ਬਾ, ਅਟ੍ਠ ਞਾਣਸਮ੍ਪਯੁਤ੍ਤਕਾਮਾਵਚਰਜਵਨਾਨਿ ਸਿਯਾ ਮਗ੍ਗਾਰਮ੍ਮਣਾ, ਸਿਯਾ ਮਗ੍ਗਾਧਿਪਤਿਨੋ, ਸਿਯਾ ਨਵਤ੍ਤਬ੍ਬਾ. ਤਾਨਿ ਹਿ ਅਤ੍ਤਨਾ, ਪਰੇਹਿ ਚ ਪਟਿਵਿਦ੍ਧਮਗ੍ਗਪਚ੍ਚਵੇਕ੍ਖਣਕਾਲੇ ਮਗ੍ਗਾਰਮ੍ਮਣਾ, ਅਤ੍ਤਨੋ ਮਗ੍ਗਂ ਗਰੁਂਕਤ੍ਵਾ ਪਚ੍ਚਵੇਕ੍ਖਣਕਾਲੇ ਮਗ੍ਗਾਧਿਪਤਿਨੋ ਚ ਤਥਾਅਪ੍ਪਵਤ੍ਤਿਯਂ ਨਵਤ੍ਤਬ੍ਬਾ ਚ ਹੋਨ੍ਤਿ. ਅਰਿਯਾ ਹਿ ਪਰੇਸਂ ਮਗ੍ਗਫਲਾਨਿ ਪਚ੍ਚਵੇਕ੍ਖਨ੍ਤਾ ¶ ਗਰੁਂ ਕਰੋਨ੍ਤਾਪਿ ਅਤ੍ਤਨੋ ਮਗ੍ਗਫਲਾਨਿ ਵਿਯ ਗਰੁਂ ਨ ਕਰੋਨ੍ਤਿ, ਅਪਿ ਸਮ੍ਮਾਸਮ੍ਬੁਦ੍ਧਾਨਂ. ਤੇਸੁ ਸੋਤਾਪਨ੍ਨੋ ਸੋਤਾਪਨ੍ਨਾਨਮੇਵ ਮਗ੍ਗਫਲਾਨਿ ਜਾਨਿਤੁਂ ਸਕ੍ਕੋਤਿ, ਨਾਞ੍ਞੇਸਂ, ਸਕਦਾਗਾਮੀ ਪਨ ਸਕਦਾਗਾਮੀਨਮ੍ਪਿ, ਨ ਅਨਾਗਾਮਿਅਰਹਨ੍ਤਾਨਂ, ਅਨਾਗਾਮੀ ਪਨ ਅਨਾਗਾਮੀਨਮ੍ਪਿ, ਨ ਅਰਹਨ੍ਤਾਨਂ, ਅਰਹਾ ਪਨ ਸਬ੍ਬੇਸਮ੍ਪਿ ਮਗ੍ਗਫਲਾਨਿ ਜਾਨਾਤਿ, ਸੋਭਨਲੋਕਿਯਚਿਤ੍ਤਰੂਪਨਿਬ੍ਬਾਨਾਨਿ ਨਵਤ੍ਤਬ੍ਬਾਨੇਵ. ਚੇਤਸਿਕੇਸੁ ਪਨ ਵਿਰਤਿਯੋ ਲੋਕੁਤ੍ਤਰਕੁਸਲੇ ਮਗ੍ਗਸਦਿਸਾਵ, ਅਞ੍ਞਤ੍ਥ ਨਵਤ੍ਤਬ੍ਬਾ, ਕਰੁਣਾ, ਮੁਦਿਤਾ, ਅਕੁਸਲਾ ਚ ਨਵਤ੍ਤਬ੍ਬਾ, ਸੇਸਾ ਤਿਧਾਪਿ ਹੋਨ੍ਤਿ ਨਵਤ੍ਤਬ੍ਬਾ ਚ. ਸੇਸਂ ਸੁਵਿਞ੍ਞੇਯ੍ਯਮੇਵਾਤਿ. ਮਗ੍ਗਾਰਮ੍ਮਣਤ੍ਤਿਕਂ.

ਉਪ੍ਪਨ੍ਨਾਤਿ ਏਤ੍ਥ ਵਤ੍ਤਮਾਨਭੂਤਾਪਗਤਓਕਾਸਕਤਭੂਮਿਲਦ੍ਧਵਸੇਨ ਉਪ੍ਪਨ੍ਨਾ ਅਨੇਕਪ੍ਪਭੇਦਾ ਹੋਨ੍ਤਿ. ਤਤ੍ਥ ਸਬ੍ਬਮ੍ਪਿ ਉਪ੍ਪਾਦਜਰਾਭਙ੍ਗਸਮਙ੍ਗੀਸਙ੍ਖਾਤਂ ਸਙ੍ਖਤਂ ਵਤ੍ਤਮਾਨੁਪ੍ਪਨ੍ਨਂ ਨਾਮ, ਆਰਮ੍ਮਣਰਸਂ ਅਨੁਭਵਿਤ੍ਵਾ ਨਿਰੁਦ੍ਧਂ ਅਨੁਭੂਤਾਪਗਤਸਙ੍ਖਾਤਂ ਕੁਸਲਾਕੁਸਲਞ੍ਚ ਉਪ੍ਪਾਦਾਦਿਤ੍ਤਯਂ ਅਨੁਪ੍ਪਤ੍ਵਾ ਨਿਰੁਦ੍ਧਂ ਭੂਤਾਪਗਤਸਙ੍ਖਾਤਂ, ਸੇਸਸਙ੍ਖਤਞ੍ਚ ਭੂਤਾਪਗਤੁਪ੍ਪਨ੍ਨਂ ਨਾਮ, ‘‘ਯਾਨਿਸ੍ਸ ਤਾਨਿ ਪੁਬ੍ਬੇਕਤਾਨਿ ਕਮ੍ਮਾਨੀ’’ਤਿ ਏਵਮਾਦਿਨਾ ਨਯੇਨ ਵੁਤ੍ਤਂ ਕਮ੍ਮਂ ਅਤੀਤਮ੍ਪਿ ਸਮਾਨਂ ਅਞ੍ਞਂ ਵਿਪਾਕਂ ਪਟਿਬਾਹਿਤ੍ਵਾ ਅਤ੍ਤਨੋ ਵਿਪਾਕਸ੍ਸੋਕਾਸਂ ਕਤ੍ਵਾ ਠਿਤਤ੍ਤਾ, ਤਥਾਕਤੋਕਾਸਞ੍ਚ ਵਿਪਾਕਂ ਅਨੁਪ੍ਪਨ੍ਨਮ੍ਪਿ ਏਕਂਸੇਨ ਉਪ੍ਪਜ੍ਜਨਕਤੋ ਓਕਾਸਕਤੁਪ੍ਪਨ੍ਨਂ ਨਾਮ, ਤਾਸੁ ਤਾਸੁ ਭੂਮੀਸੁ ਅਸਮੂਹਤਂ ਅਕੁਸਲਂ ਭੂਮਿਲਦ੍ਧੁਪ੍ਪਨ੍ਨਂ ਨਾਮ. ਏਤ੍ਥ ਚ ਵਿਪਸ੍ਸਨਾਯ ਆਰਮ੍ਮਣਭੂਤਾ ਤੇਭੂਮਕਾ ਪਞ੍ਚਕ੍ਖਨ੍ਧਾ ਭੂਮਿ ਨਾਮ, ਤੇਸੁ ਖਨ੍ਧੇਸੁ ਉਪ੍ਪਤ੍ਤਾਰਹਕਿਲੇਸਜਾਤਾ ਭੂਮਿਲਦ੍ਧਂ ਨਾਮ, ਤੇਹਿ ਕਿਲੇਸੇਹਿ ਸਾ ਭੂਮਿ ਲਦ੍ਧਾ ਹੋਤੀਤਿ ਏਵਮੇਤੇਸੁ ਉਪ੍ਪਨ੍ਨੇਸੁ ਇਧ ਵਤ੍ਤਮਾਨੁਪ੍ਪਨ੍ਨਾ ਅਧਿਪ੍ਪੇਤਾ.

ਤਤ੍ਰਾਯਂ ਵਚਨਤ੍ਥੋ – ਪੁਬ੍ਬਨ੍ਤਤੋ ਉਪ੍ਪਾਦਤੋ ਪਟ੍ਠਾਯ ਯਾਵ ਭਙ੍ਗਾ ਪਨ੍ਨਾ ਗਤਾ ਪਵਤ੍ਤਾਤਿ ਉਪ੍ਪਨ੍ਨਾ, ਪਚ੍ਚੁਪ੍ਪਨ੍ਨਾਤਿ ¶ ਅਤ੍ਥੋ ¶ . ਨ ਉਪ੍ਪਨ੍ਨਾਤਿ ਅਨੁਪ੍ਪਨ੍ਨਾ. ਪਰਿਨਿਟ੍ਠਿਤਕਾਰਣੇਕਦੇਸਤ੍ਤਾ ਅਵਸ੍ਸਂ ਉਪ੍ਪਜ੍ਜਿਸ੍ਸਨ੍ਤੀਤਿ ਉਪ੍ਪਾਦਿਨੋ, ਉਭਯੇਨਾਪਿ ਅਨਾਗਤਾਵ ਦਸ੍ਸਿਤਾ. ਅਯਂ ਹਿ ਤਿਕੋ ਦ੍ਵਿਨ੍ਨਂ ਅਦ੍ਧਾਨਂ ਵਸੇਨ ਪੂਰੇਤ੍ਵਾ ਦਸ੍ਸਿਤੋ. ਲਦ੍ਧੋਕਾਸਸ੍ਸ ਹਿ ਕਮ੍ਮਸ੍ਸ ਵਿਪਾਕੋ ਉਪ੍ਪਾਦੀ ਨਾਮ. ਯਦਿ ਪਨ ਆਯੂਹਿਤਕੁਸਲਾਕੁਸਲਂ ਕਮ੍ਮਂ ਸਬ੍ਬਂ ਵਿਪਾਕਂ ਦਦੇਯ੍ਯ, ਅਸ੍ਸ ਓਕਾਸੋ ਨ ਭਵੇਯ੍ਯ. ਤਂ ਪਨ ਦੁਵਿਧਂ ਹੋਤਿ ਧੁਵਵਿਪਾਕਂ, ਅਦ੍ਧੁਵਵਿਪਾਕਞ੍ਚ. ਤਤ੍ਥ ਪਞ੍ਚਾਨਨ੍ਤਰਿਕਅਟ੍ਠਸਮਾਪਤ੍ਤਿਚਤੁਤ੍ਥਮਗ੍ਗਾਦਿ ਧੁਵਵਿਪਾਕਂ ਨਾਮ. ਤਂ ਪਨ ਕਮ੍ਮਂ ਖਣਪ੍ਪਤ੍ਤਮ੍ਪਿ ਅਤ੍ਥਿ ਅਪ੍ਪਤ੍ਤਮ੍ਪਿ. ਤਤ੍ਥ ਖਣਪ੍ਪਤ੍ਤਂ ਉਪ੍ਪਨ੍ਨਂ ਨਾਮ, ਅਪ੍ਪਤ੍ਤਂ ਅਨੁਪ੍ਪਨ੍ਨਂ ਨਾਮ. ਤਸ੍ਸ ਦੁਵਿਧਸ੍ਸ ਚ ਵਿਪਾਕੋ ਦੁਵਿਧੋ ਹੋਤਿ ਖਣਪ੍ਪਤ੍ਤੋ ਚ ਅਪ੍ਪਤ੍ਤੋ ਚ. ਤਤ੍ਥ ਖਣਪ੍ਪਤ੍ਤੋ ਉਪ੍ਪਨ੍ਨੋ ਨਾਮ, ਅਪ੍ਪਤ੍ਤੋ ਚਿਤ੍ਤਾਨਨ੍ਤਰੇ ਵਾ ਉਪ੍ਪਜ੍ਜਤੁ, ਕਪ੍ਪਸਤਸਹਸ੍ਸਾਤਿਕ੍ਕਮੇ ਵਾ ਧੁਵਪਚ੍ਚਯਟ੍ਠੇਨ ਉਪ੍ਪਾਦੀ ਨਾਮ ਹੋਤਿ. ਮੇਤ੍ਤੇਯ੍ਯਸ੍ਸ ਬੋਧਿਸਤ੍ਤਸ੍ਸ ਮਗ੍ਗੋ ਅਨੁਪ੍ਪਨ੍ਨੋ ਨਾਮ ਹੋਤਿ, ਫਲਂ ਉਪ੍ਪਾਦੀ ਨਾਮ. ਤਤ੍ਥ ਚਤੂਸੁ ਭੂਮੀਸੁ ਵਿਪਾਕੋ, ਕਮ੍ਮਜਰੂਪਞ੍ਚ ਵਤ੍ਤਮਾਨੁਪ੍ਪਨ੍ਨਾ ਨਾਮ, ਉਪ੍ਪਜ੍ਜਨਾਰਹਾ ਉਪ੍ਪਾਦਿਨੋ ਨਾਮ, ਨ ਪਨ ਵਤ੍ਤਬ੍ਬਾ ‘‘ਅਨੁਪ੍ਪਨ੍ਨਾ’’ਤਿ. ਕੁਸਲਾਕੁਸਲਕਿਰਿਯਾ, ਕਮ੍ਮਜਰੂਪਞ੍ਚ ਸਿਯਾ ਉਪ੍ਪਨ੍ਨਾ, ਸਿਯਾ ਅਨੁਪ੍ਪਨ੍ਨਾ, ਨ ਪਨ ਵਤ੍ਤਬ੍ਬਾ ‘‘ਉਪ੍ਪਾਦਿਨੋ’’ਤਿ. ਚੇਤਸਿਕੇਸੁ ਪਨ ਅਕੁਸਲਾ ਅਕੁਸਲਚਿਤ੍ਤਸਦਿਸਾਵ, ਸੇਸਾ ਦੁਵਿਧਾਪਿ ਹੋਨ੍ਤਿ, ਅਤੀਤਾ, ਪਨੇਤ੍ਥ ਨਿਬ੍ਬਾਨਞ੍ਚ ਨਵਤ੍ਤਬ੍ਬਾ. ਸੇਸਂ ਸੁਵਿਞ੍ਞੇਯ੍ਯਮੇਵਾਤਿ. ਉਪ੍ਪਨ੍ਨਤ੍ਤਿਕਂ.

ਅਤ੍ਤਨੋ ਸਭਾਵਂ, ਉਪ੍ਪਾਦਾਦਿਕ੍ਖਣਂ ਵਾ ਪਤ੍ਵਾ ਤਂ ਅਤਿਕ੍ਕਮਿਤ੍ਵਾ ਇਤਾ ਗਤਾ ਪਤ੍ਤਾਤਿ ਅਤੀਤਾ. ਤਦੁਭਯਮ੍ਪਿ ਨ ਆਗਤਾਤਿ ਅਨਾਗਤਾ. ਤਂ ਤਂ ਕਾਰਣਂ ਪਟਿਚ੍ਚ ਉਪ੍ਪਨ੍ਨਾਤਿ ਪਚ੍ਚੁਪ੍ਪਨ੍ਨਾ, ਸਬ੍ਬੇ ਸਙ੍ਖਤਾ ਨਾਮਰੂਪਧਮ੍ਮਾ. ਨ ਸਙ੍ਖਤਧਮ੍ਮੇਸੁ ਤੇਕਾਲਿਕਭਾਵਂ ਅਪ੍ਪਤ੍ਤੋ ਨਾਮ ਅਤ੍ਥਿ, ਸਬ੍ਬੇਪਿ ਤੇ ਤਿਧਾ ਹੋਨ੍ਤਿ. ਨਿਬ੍ਬਾਨਂ ਪਨੇਤ੍ਥ ਨਵਤ੍ਤਬ੍ਬਨ੍ਤਿ. ਅਤੀਤਤ੍ਤਿਕਂ.

ਅਤੀਤਂ ਆਰਮ੍ਮਣਂ ਏਤੇਸਨ੍ਤਿ ਅਤੀਤਾਰਮ੍ਮਣਾ. ਸੇਸਪਦਦ੍ਵਯੇਪਿ ਏਸੇਵ ਨਯੋ.

ਤਤ੍ਥ ¶ ਕੁਸਲਵਿਪਾਕਕਿਰਿਯਾਵਸੇਨ ਛਬ੍ਬਿਧਾਨਿ ਵਿਞ੍ਞਾਣਞ੍ਚਾਯਤਨਨੇਵਸਞ੍ਞਾਨਾਸਞ੍ਞਾਯਤਨਾਨਿ ਹੇਟ੍ਠਾ ਅਤੀਤਸਮਾਪਤ੍ਤਿਂ ਆਰਬ੍ਭ ਪਵਤ੍ਤਿਤੋ ਅਤੀਤਾਰਮ੍ਮਣਾਨਿ, ਦ੍ਵਿਪਞ੍ਚਵਿਞ੍ਞਾਣਮਨੋਧਾਤੁਯੋ ਪਚ੍ਚੁਪ੍ਪਨ੍ਨਾਰਮ੍ਮਣਾਵ, ਸੇਸਾ ਏਕਾਦਸ ਕਾਮਾਵਚਰਵਿਪਾਕਾ, ਅਹੇਤੁਕਹਸਨਚਿਤ੍ਤਞ੍ਚ ਤਿਧਾਪਿ ਹੋਨ੍ਤਿ, ਸੇਸਕਾਮਾਵਚਰਕਿਰਿਯਕੁਸਲਾਕੁਸਲਾ ਚ ਅਭਿਞ੍ਞਾਭੂਤਰੂਪਾਵਚਰਚਤੁਤ੍ਥਜ੍ਝਾਨਕੁਸਲਕਿਰਿਯਾ ਚ ਤਿਧਾਪਿ ਹੋਨ੍ਤਿ ਨਵਤ੍ਤਬ੍ਬਾ ਚ. ਤੇਸੁ ਕਾਮਾਵਚਰਾਨਂ ਅਤੀਤਾਦੀਸੁ ਛਸੁ ਆਰਮ੍ਮਣੇਸੁ ਪਵਤ੍ਤਿਵਿਭਾਗੋ ਹੇਟ੍ਠਾ ਵੁਤ੍ਤੋਵ. ਨਵਤ੍ਤਬ੍ਬਤਾ ਪਨ ਤੇਸੁ ਞਾਣਵਿਪ੍ਪਯੁਤ੍ਤਜਵਨਕੁਸਲਾਨਂ ¶ ਪਞ੍ਞਤ੍ਤਾਰਮ੍ਮਣਵਸੇਨੇਵ, ਨ ਨਿਬ੍ਬਾਨਾਰਮ੍ਮਣਵਸੇਨ, ਤੇਸੁਪਿ ਤਿਹੇਤੁਕਜਵਨਾਵਜ੍ਜਨਾਨਂ ਮਗ੍ਗਫਲਰੂਪਾਰੂਪਜ੍ਝਾਨਾਨਂ, ਪੁਰੇਚਾਰਿਕਭਾਵੇਨਾਪਿ ਨਿਬ੍ਬਾਨਚਤੁਕ੍ਕਜ੍ਝਾਨਵਿਸਯਾਨਞ੍ਚ ਪਚ੍ਚਵੇਕ੍ਖਣਭਾਵੇਨਾਪਿ ਨਵਤ੍ਤਬ੍ਬਤਾ ਵੇਦਿਤਬ੍ਬਾ, ਅਭਿਞ੍ਞਾਨਂ ਪਨ ਇਦ੍ਧਿਵਿਧਞਾਣਸ੍ਸ ਤਾਵ ਕਾਯਵਸੇਨ ਚਿਤ੍ਤਂ ਪਰਿਣਾਮੇਤ੍ਵਾ ਕਾਯਸਨ੍ਨਿਸ੍ਸਿਤਂ ਕਤ੍ਵਾ ਦਿਸ੍ਸਮਾਨੇਨ ਕਾਯੇਨ ਗਚ੍ਛਨ੍ਤਸ੍ਸ ਅਤੀਤਂ ਪਾਦਕਜ੍ਝਾਨਚਿਤ੍ਤਂ ਆਰਬ੍ਭ ਪਵਤ੍ਤਨਤੋ ਅਤੀਤਾਰਮ੍ਮਣਂ, ‘‘ਅਨਾਗਤੇਸੁ ਰੂਪਾਨਿ ਏਵਂ ਹੋਨ੍ਤੂ’’ਤਿ ਅਧਿਟ੍ਠਹਨ੍ਤਸ੍ਸ ਅਨਾਗਤਾਰਮ੍ਮਣਂ, ਕਾਯਂ ਪਨ ਚਿਤ੍ਤਸਨ੍ਨਿਸ੍ਸਿਤਂ ਕਤ੍ਵਾ ਅਦਿਸ੍ਸਮਾਨੇਨ ਕਾਯੇਨ ਗਮਨਕਾਲੇ, ਅਜ੍ਝਤ੍ਤਂ ਕੁਮਾਰਵਣ੍ਣਾਦੀਨਂ, ਬਹਿਦ੍ਧਾਪਾਸਾਦਕੂਟਾਗਾਰਾਦੀਨਞ੍ਚ ਪਚ੍ਚੁਪ੍ਪਨ੍ਨਾਨਂ ਨਿਮ੍ਮਾਨਕਾਲੇ ਚ ਪਚ੍ਚੁਪ੍ਪਨ੍ਨਾਰਮ੍ਮਣਞ੍ਚ ਤਾਵ ਹੋਤੀਤਿ ਏਵਂ ਇਦ੍ਧਿਵਿਧਸ੍ਸ ਛਬ੍ਬਿਧਮ੍ਪਿ ਅਜ੍ਝਤ੍ਤਿਕਂ, ਬਾਹਿਰਞ੍ਚ ਤੇਕਾਲਿਕਂ ਆਰਮ੍ਮਣਂ ਹੋਤੀਤਿ ਵੇਦਿਤਬ੍ਬਂ.

ਦਿਬ੍ਬਸੋਤਸ੍ਸ ਕੁਚ੍ਛਿਗਤਂ ਅਜ੍ਝਤ੍ਤਿਕਂ, ਬਾਹਿਰਞ੍ਚ ਪਚ੍ਚੁਪ੍ਪਨ੍ਨਂ ਸਦ੍ਦਾਯਤਨਮੇਵਾਰਮ੍ਮਣਂ. ਚੇਤੋਪਰਿਯਞਾਣਸ੍ਸ ਅਤੀਤੇ ਸਤ੍ਤਦਿਵਸਬ੍ਭਨ੍ਤਰੇ, ਅਨਾਗਤੇ ਸਤ੍ਤਦਿਵਸਬ੍ਭਨ੍ਤਰੇ ਚ ਪਰੇਸਞ੍ਞੇਵ ਚਿਤ੍ਤਂ ਅਤੀਤਞ੍ਚ ਅਨਾਗਤਞ੍ਚਾਰਮ੍ਮਣਂ ਹੋਤਿ. ਸਤ੍ਤਦਿਵਸਾਤਿਕ੍ਕਮੇ ਪਨੇਤਂ ਪਰਚਿਤ੍ਤਂ ਜਾਨਿਤੁਂ ਨ ਸਕ੍ਕੋਤਿ. ਅਤੀਤਂਸਅਨਾਗਤਂਸਞਾਣਾਨਂ ¶ ਹਿ ਏਸ ਵਿਸਯੋ, ਨ ਏਤਸ੍ਸ. ਪਚ੍ਚੁਪ੍ਪਨ੍ਨਚਿਤ੍ਤਜਾਨਨਕਾਲੇ ਪਨਸ੍ਸ ਪਚ੍ਚੁਪ੍ਪਨ੍ਨਮਾਰਮ੍ਮਣਂ ਹੋਤਿ.

ਪਚ੍ਚੁਪ੍ਪਨ੍ਨਞ੍ਚ ਨਾਮੇਤਂ ਤਿਵਿਧਂ ਖਣਪਚ੍ਚੁਪ੍ਪਨ੍ਨਂ ਸਨ੍ਤਤਿਪਚ੍ਚੁਪ੍ਪਨ੍ਨਂ ਅਦ੍ਧਾਪਚ੍ਚੁਪ੍ਪਨ੍ਨਞ੍ਚਾਤਿ. ਤਤ੍ਥ ਉਪ੍ਪਾਦਟ੍ਠਿਤਿਭਙ੍ਗਪ੍ਪਤ੍ਤਂ ਖਣਪਚ੍ਚੁਪ੍ਪਨ੍ਨਂ ਨਾਮ. ਸਨ੍ਤਤਿਪਚ੍ਚੁਪ੍ਪਨ੍ਨਂ ਪਨ ਦੁਵਿਧਂ ਰੂਪਾਰੂਪਵਸੇਨ. ਤਤ੍ਥ ਆਤਪਟ੍ਠਾਨਾ ਆਗਨ੍ਤ੍ਵਾ ਗਬ੍ਭਂ ਪਵਿਟ੍ਠਸ੍ਸ ਯਾਵ ਅਨ੍ਧਕਾਰਭਾਵੋ ਨ ਵਿਗਚ੍ਛਤਿ, ਅਨ੍ਤੋਗਬ੍ਭੇ ਵਾ ਵਸਿਤ੍ਵਾ ਦਿਵਾ ਆਤਪਟ੍ਠਾਨਂ ਓਲੋਕੇਨ੍ਤਸ੍ਸ ਯਾਵ ਅਕ੍ਖੀਨਂ ਫਨ੍ਦਨਭਾਵੋ ਨ ਵੂਪਸਮ੍ਮਤਿ, ਅਯਂ ਰੂਪਸਨ੍ਤਤਿ ਨਾਮ. ਦ੍ਵੇ ਤਯੋ ਜਵਨਵਾਰਾ ਅਰੂਪਸਨ੍ਤਤਿ ਨਾਮ, ਤਦੁਭਯਂ ਸਨ੍ਤਤਿਪਚ੍ਚੁਪ੍ਪਨ੍ਨਨ੍ਤਿ ਵੇਦਿਤਬ੍ਬਂ. ਏਕਭਵਪਰਿਚ੍ਛਿਨ੍ਨਂ ਅਦ੍ਧਾਪਚ੍ਚੁਪ੍ਪਨ੍ਨਂ ਨਾਮ. ਇਮਸ੍ਮਿਂ ਪਨ ਚੇਤੋਪਰਿਯਞਾਣਵਿਸਯੇ ਕਤਿਪਯਜਵਨਵਾਰਾ ਅਦ੍ਧਾਪਚ੍ਚੁਪ੍ਪਨ੍ਨਂ ਨਾਮ. ਤਤ੍ਥ ਖਣਪਚ੍ਚੁਪ੍ਪਨ੍ਨਂ ਚਿਤ੍ਤਂ ਚੇਤੋਪਰਿਯਞਾਣਸ੍ਸ ਆਰਮ੍ਮਣਂ ਨ ਹੋਤਿ ਆਵਜ੍ਜਨੇਨ ਸਦ੍ਧਿਂ ਨਿਰੁਜ੍ਝਨਤੋ. ਨ ਹਿ ਆਵਜ੍ਜਨਜਵਨਾਨਂ ਏਤ੍ਥ ਭਿਨ੍ਨਾਰਮ੍ਮਣਤਾ ਯੁਤ੍ਤਾ. ਰੂਪਸਨ੍ਤਤਿਪਚ੍ਚੁਪ੍ਪਨ੍ਨਂ ਪਨ ਕਤਿਪਯਜਵਨਵਾਰਪਰਿਚ੍ਛਿਨ੍ਨਂ ਅਦ੍ਧਾਪਚ੍ਚੁਪ੍ਪਨ੍ਨਂ ਅਸ੍ਸ ਆਰਮ੍ਮਣਂ ਹੋਤਿ. ਇਦ੍ਧਿਮਾ ਹਿ ਪਰਸ੍ਸ ਚਿਤ੍ਤਂ ਜਾਨਿਤੁਕਾਮੋ ਆਵਜ੍ਜੇਤਿ, ਤਂ ਆਵਜ੍ਜਿਤਕ੍ਖਣੇ ਪਚ੍ਚੁਪ੍ਪਨ੍ਨਚਿਤ੍ਤਮਾਰਮ੍ਮਣਂ ਕਤ੍ਵਾ ਤੇਨੇਵ ਸਹ ਨਿਰੁਜ੍ਝਤਿ. ਤਤੋ ਤਦੇਵ ਨਿਰੁਦ੍ਧਂ ਚਿਤ੍ਤਮਾਲਮ੍ਬਿਤ੍ਵਾ ਚਤ੍ਤਾਰਿ, ਪਞ੍ਚ ਵਾ ਜਵਨਾਨਿ ਉਪ੍ਪਜ੍ਜਨ੍ਤਿ, ਤੇਸਂ ਪਚ੍ਛਿਮਂ ਇਦ੍ਧਿਚਿਤ੍ਤਂ, ਸੇਸਾਨਿ ਕਾਮਾਵਚਰਜਵਨਾਨਿ ¶ . ਤੇਸਞ੍ਚ ਏਕਾਰਮ੍ਮਣਤ੍ਤੇਪਿ ਇਦ੍ਧਿਚਿਤ੍ਤਮੇਵ ਪਰਸ੍ਸ ਚਿਤ੍ਤਂ ਜਾਨਾਤਿ, ਨ ਇਤਰਾਨਿ. ਯਥਾ ਚਕ੍ਖੁਦ੍ਵਾਰਵੀਥਿਯਂ ਚਕ੍ਖੁਵਿਞ੍ਞਾਣਮੇਵ ਰੂਪਂ ਪਸ੍ਸਤਿ, ਨ ਇਤਰਾਨਿ, ਤੇਸੁ ਚ ਆਵਜ੍ਜਨਮੇਵ ਨਿਪ੍ਪਰਿਯਾਯਤੋ ਪਚ੍ਚੁਪ੍ਪਨ੍ਨਾਰਮ੍ਮਣਂ, ਇਤਰਾਨਿ ਪਨ ਅਦ੍ਧਾਸਨ੍ਤਤਿਵਸੇਨ ਪਰਿਯਾਯਤੋਤਿ ਗਹੇਤਬ੍ਬਂ, ਏਵਮੇਤਸ੍ਸ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਚਿਤ੍ਤਮੇਵਾਰਮ੍ਮਣਂ ਹੋਤਿ, ਤਞ੍ਚ ਖੋ ਪਰਸ੍ਸੇਵ, ਨ ਅਤ੍ਤਨੋ.

ਪੁਬ੍ਬੇਨਿਵਾਸਞਾਣਂ ਪਨ ਨਾਮਗੋਤ੍ਤਕਸਿਣਪਞ੍ਞਤ੍ਤਾਦਿਅਨੁਸ੍ਸਰਣੇ, ਨਿਬ੍ਬਾਨਾਨੁਸ੍ਸਰਣੇ ਚ ਨਵਤ੍ਤਬ੍ਬਾਰਮ੍ਮਣਂ, ਸਙ੍ਖਤਧਮ੍ਮਾਨੁਸ੍ਸਰਣੇ ¶ ਅਤੀਤਾਰਮ੍ਮਣਮੇਵ. ਤਸ੍ਸ ਹਿ ਅਤੀਤੇਸੁ ਸਾਸਵਾਨਾਸਵੇਸੁ, ਅਜ੍ਝਤ੍ਤਿਕਬਾਹਿਰੇਸੁ ਚ ਧਮ੍ਮੇਸੁ ਅਨਾਰਮ੍ਮਣਂ ਨਾਮ ਨਤ੍ਥਿ, ਬੁਦ੍ਧਾਨਂ ਸਬ੍ਬਞ੍ਞੁਤਞ੍ਞਾਣਸਮਗਤਿਕਂ ਹੋਤਿ. ਯਥਾਕਮ੍ਮੂਪਗਞਾਣਸ੍ਸ ਅਜ੍ਝਤ੍ਤਿਕਂ, ਬਾਹਿਰਞ੍ਚ ਅਤੀਤਂ ਕੁਸਲਾਕੁਸਲਚੇਤਨਾਮਤ੍ਤਮੇਵ. ‘‘ਚੇਤੋਪਰਿਯਞਾਣਸ੍ਸ ਚਿਤ੍ਤਮੇਵਾਰਮ੍ਮਣਂ ਹੋਤਿ, ਨ ਤਂਸਮ੍ਪਯੁਤ੍ਤਧਮ੍ਮਾ’’ਤਿ ਅਟ੍ਠਕਥਾਸੁ ਵੁਤ੍ਤਂ, ਪਟ੍ਠਾਨੇ ਪਨ ‘‘ਕੁਸਲਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ ਚੇਤੋਪਰਿਯਞਾਣਸ੍ਸ ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ ਯਥਾਕਮ੍ਮੂਪਗਞਾਣਸ੍ਸ ਅਨਾਗਤਂਸਞਾਣਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ’’ਤਿ (ਪਟ੍ਠਾ. ੧.੧.੪੦੪) ਵੁਤ੍ਤਤ੍ਤਾ ਚੇਤੋਪਰਿਯਞਾਣਯਥਾਕਮ੍ਮੂਪਗਞਾਣਾਨਂ ਚਿਤ੍ਤਸਮ੍ਪਯੁਤ੍ਤਾਪਿ ਚੇਤਨਾਸਮ੍ਪਯੁਤ੍ਤਾਪਿ ਚਤ੍ਤਾਰੋ ਖਨ੍ਧਾ ਆਰਮ੍ਮਣਂ ਹੋਨ੍ਤਿ ਏਵਾਤਿ ਦਟ੍ਠਬ੍ਬਂ.

ਦਿਬ੍ਬਚਕ੍ਖੁਞਾਣਸ੍ਸ ਪਨ ਅਜ੍ਝਤ੍ਤਿਕਂ, ਬਾਹਿਰਞ੍ਚ ਪਚ੍ਚੁਪ੍ਪਨ੍ਨਂ ਵਣ੍ਣਾਯਤਨਮੇਵਾਰਮ੍ਮਣਂ. ਅਨਾਗਤਂਸਞਾਣਸ੍ਸ ਛਬ੍ਬਿਧਮ੍ਪਿ ਅਨਾਗਤਮੇਵ ਅਜ੍ਝਤ੍ਤਞ੍ਚ ਬਾਹਿਰਞ੍ਚਾਰਮ੍ਮਣਂ, ਇਦਮ੍ਪਿ ਪੁਬ੍ਬੇਨਿਵਾਸਞਾਣਂ ਵਿਯ ਅਨਾਗਤੇ ਸਬ੍ਬਞ੍ਞੁਤਞ੍ਞਾਣਸਦਿਸਨ੍ਤਿ. ਏਵਂ ਅਭਿਞ੍ਞਾਨਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨੇਸੁ, ਨਵਤ੍ਤਬ੍ਬੇਸੁ ਚ ਅਜ੍ਝਤ੍ਤਿਕਬਾਹਿਰੇਸੁ ਛਸੁ ਆਰਮ੍ਮਣੇਸੁ ਯਥਾਯੋਗਂ ਪਵਤ੍ਤਿ ਵੇਦਿਤਬ੍ਬਾ. ਸੇਸਾਨਿ ਪਨ੍ਨਰਸ ਰੂਪਾਵਚਰਚਿਤ੍ਤਾਨਿ, ਆਕਾਸਾਨਞ੍ਚਾਯਤਨਆਕਿਞ੍ਚਞ੍ਞਾਯਤਨਕੁਸਲਵਿਪਾਕਕਿਰਿਯਾਨਿ, ਅਟ੍ਠ ਲੋਕੁਤ੍ਤਰਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚ ਨਵਤ੍ਤਬ੍ਬਾਨਿ. ਚੇਤਸਿਕੇਸੁ ਪਨ ਅਪ੍ਪਮਞ੍ਞਾ ਨਵਤ੍ਤਬ੍ਬਾਵ. ਸੇਸਂ ਸੁਵਿਞ੍ਞੇਯ੍ਯਮੇਵ. ਅਤੀਤਾਰਮ੍ਮਣਤ੍ਤਿਕਂ.

‘‘ਏਵਂ ਪਵਤ੍ਤਮਾਨਾ ਮਯਂ ਅਤ੍ਤਾਤਿ ਗਹਣਂ ਗਮਿਸ੍ਸਾਮਾ’’ਤਿ ਇਮਿਨਾ ਵਿਯ ਅਧਿਪ੍ਪਾਯੇਨ ਅਤ੍ਤਾਨਂ ਅਧਿਕਾਰਂ ਕਤ੍ਵਾ ਪਵਤ੍ਤਾਤਿ ਅਜ੍ਝਤ੍ਤਾ. ਅਜ੍ਝਤ੍ਤ-ਸਦ੍ਦੋ ਪਨਾਯਂ ਗੋਚਰਜ੍ਝਤ੍ਤੇ ਨਿਯਕਜ੍ਝਤ੍ਤੇ ਅਜ੍ਝਤ੍ਤਜ੍ਝਤ੍ਤੇ ਵਿਸਯਜ੍ਝਤ੍ਤੇਤਿ ਚਤੂਸੁ ਅਤ੍ਥੇਸੁ ਦਿਸ੍ਸਤਿ. ‘‘ਅਜ੍ਝਤ੍ਤਰਤੋ ¶ ਸਮਾਹਿਤੋ’’ਤਿਆਦੀਸੁ (ਧ. ਪ. ੩੬੨) ਹਿ ਅਯਂ ਗੋਚਰਜ੍ਝਤ੍ਤੇ ਦਿਸ੍ਸਤਿ. ‘‘ਅਜ੍ਝਤ੍ਤਂ ਵਾ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤੀ’’ਤਿਆਦੀਸੁ ¶ (ਦੀ. ਨਿ. ੨.੩੭੩) ਨਿਯਕਜ੍ਝਤ੍ਤੇ. ‘‘ਛ ਅਜ੍ਝਤ੍ਤਿਕਾਨਿ ਆਯਤਨਾਨੀ’’ਤਿਆਦੀਸੁ (ਮ. ਨਿ. ੩.੩੦੪) ਅਜ੍ਝਤ੍ਤਜ੍ਝਤ੍ਤੇ. ‘‘ਅਜ੍ਝਤ੍ਤਂ ਸੁਞ੍ਞਤਂ ਉਪਸਮ੍ਪਜ੍ਜ ਵਿਹਰਤੀ’’ਤਿਆਦੀਸੁ (ਮ. ਨਿ. ੩.੧੮੭) ਵਿਸਯਜ੍ਝਤ੍ਤੇ, ਇਸ੍ਸਰਿਯਟ੍ਠਾਨੇਤਿ ਅਤ੍ਥੋ. ਫਲਸਮਾਪਤ੍ਤਿ ਹਿ ਬੁਦ੍ਧਾਨਂ ਇਸ੍ਸਰਿਯਟ੍ਠਾਨਂ ਨਾਮ. ਇਧ ਪਨਾਯਂ ਨਿਯਕਜ੍ਝਤ੍ਤੇ ਵਤ੍ਤਤਿ, ਤਸ੍ਮਾ ਅਤ੍ਤਨੋ ਸਨ੍ਤਾਨੇ ਪਵਤ੍ਤਾ ਪਾਟਿਪੁਗ੍ਗਲਿਕਾ ਰੂਪਾਰੂਪਧਮ੍ਮਾ ਇਧ ਅਜ੍ਝਤ੍ਤਾਤਿ ਵੇਦਿਤਬ੍ਬਾ. ਤਤੋ ਬਹਿਭੂਤਾ ਇਨ੍ਦ੍ਰਿਯਬਦ੍ਧਾ ਵਾ ਅਨਿਨ੍ਦ੍ਰਿਯਬਦ੍ਧਾ ਵਾ ਰੂਪਾਰੂਪਪਞ੍ਞਤ੍ਤਿਯੋ ਬਹਿਦ੍ਧਾ ਨਾਮ, ਤਤਿਯਪਦਂ ਤਦੁਭਯਵਸੇਨ ਵੁਤ੍ਤਂ.

ਤਤ੍ਥ ਸਬ੍ਬਾਨਿ ਚਿਤ੍ਤਚੇਤਸਿਕਾਨਿ ਇਨ੍ਦ੍ਰਿਯਬਦ੍ਧਰੂਪਂ ਤਿਧਾ ਹੋਨ੍ਤਿ, ਅਨਿਨ੍ਦ੍ਰਿਯਬਦ੍ਧਰੂਪਂ, ਨਿਬ੍ਬਾਨਪਞ੍ਞਤ੍ਤਿਯੋ ਚ ਬਹਿਦ੍ਧਾਵ. ਇਮਸ੍ਮਿਂ ਹਿ ਤਿਕੇ ਕੁਸਲਤ੍ਤਿਕੇ ਅਲਬ੍ਭਮਾਨਾ ਪਞ੍ਞਤ੍ਤਿਯੋਪਿ ਲਬ੍ਭਨ੍ਤਿ ਠਪੇਤ੍ਵਾ ਆਕਿਞ੍ਚਞ੍ਞਾਯਤਨਾਰਮ੍ਮਣਂ, ਤਦੇਵ ਇਧ ਨਵਤ੍ਤਬ੍ਬਂ. ਤੇਨੇਵ ਹਿ ਭਗਵਤਾ ਅਨਨ੍ਤਰਤ੍ਤਿਕੇ ‘‘ਕਸਿਣਾਦਿਪਞ੍ਞਤ੍ਤਾਰਮ੍ਮਣਾਨਿ ਕਾਮਰੂਪਾਵਚਰਾਦਿਚਿਤ੍ਤਾਨਿ ਬਹਿਦ੍ਧਾਰਮ੍ਮਣਾਨਿ, ਆਕਿਞ੍ਚਞ੍ਞਾਯਤਨਞ੍ਚ ਨਵਤ੍ਤਬ੍ਬ’’ਨ੍ਤਿ ਵੁਤ੍ਤਂ, ਇਦਞ੍ਚ ਨਿਪ੍ਪਦੇਸਤ੍ਤਿਕਂ. ਅਜ੍ਝਤ੍ਤਤ੍ਤਿਕਂ.

ਯਥਾਵੁਤ੍ਤੇ ਅਜ੍ਝਤ੍ਤਾਦਿਕੇ ਆਰਮ੍ਮਣਂ ਕਤ੍ਵਾ ਪਵਤ੍ਤਾਨਂ ਵਸੇਨ ਅਯਂ ਤਿਕੋ ਵੁਤ੍ਤੋ. ਤਤ੍ਥ ਛਬ੍ਬਿਧਾਨਿ ਵਿਞ੍ਞਾਣਞ੍ਚਾਯਤਨਨੇਵਸਞ੍ਞਾਨਾਸਞ੍ਞਾਯਤਨਚਿਤ੍ਤਾਨਿ ਅਜ੍ਝਤ੍ਤਾਰਮ੍ਮਣਾਨੇਵ, ਆਕਾਸਾਨਞ੍ਚਾਯਤਨਤ੍ਤਯਂ, ਰੂਪਾਵਚਰਲੋਕੁਤ੍ਤਰਚਿਤ੍ਤਾਨਿ ਚ ਬਹਿਦ੍ਧਾਰਮ੍ਮਣਾਨੇਵ, ਵੋਟ੍ਠਬ੍ਬਨਵਜ੍ਜਿਤਾ ਅਹੇਤੁਕਮਹਾਵਿਪਾਕਾ ਤਿਧਾਪਿ ਹੋਨ੍ਤਿ, ਅਵਸੇਸਾ ਪਨ ਆਕਿਞ੍ਚਞ੍ਞਾਯਤਨਵਜ੍ਜਿਤਾਨਿ ਆਵਜ੍ਜਨਜਵਨਾਨਿ, ਅਭਿਞ੍ਞਾ ਚ ਸਿਯਾ ਤਿਧਾਪਿ ਹੋਨ੍ਤਿ, ਆਕਿਞ੍ਚਞ੍ਞਾਯਤਨਾਰਮ੍ਮਣਸ੍ਸ ਆਵਜ੍ਜਨਪਰਿਕਮ੍ਮਪਚ੍ਚਵੇਕ੍ਖਣਾਦਿਭਾਵਪ੍ਪਵਤ੍ਤਿਯਂ ਸਿਯਾ ਨਵਤ੍ਤਬ੍ਬਾਤਿ. ਤੇਸਂ ¶ ਅਜ੍ਝਤ੍ਤਾਦਿਆਰਮ੍ਮਣਤਾ ਅਨਨ੍ਤਰਤ੍ਤਿਕੇ, ਹੇਟ੍ਠਾ ਚ ਵੁਤ੍ਤਨਯਾਨੁਸਾਰੇਨ ਞਾਤਬ੍ਬਾ, ਆਕਿਞ੍ਚਞ੍ਞਾਯਤਨਤ੍ਤਯਂ, ਪਨ ਰੂਪਨਿਬ੍ਬਾਨਾਨਿ ਚ ਨਵਤ੍ਤਬ੍ਬਾਵ. ਚੇਤਸਿਕੇਸੁ ਪਨ ਅਪ੍ਪਮਞ੍ਞਾਵਿਰਤੀ ਬਹਿਦ੍ਧਾਰਮ੍ਮਣਾਵ, ਸੇਸਾ ਤਿਧਾਪਿ ਹੋਨ੍ਤਿ ਨਵਤ੍ਤਬ੍ਬਾ ਚ. ਸੇਸਂ ਸੁਵਿਞ੍ਞੇਯ੍ਯਮੇਵ. ਅਜ੍ਝਤ੍ਤਾਰਮ੍ਮਣਤ੍ਤਿਕਂ.

ਦਟ੍ਠਬ੍ਬਭਾਵਸਙ੍ਖਾਤੇਨ ਸਹ ਨਿਦਸ੍ਸਨੇਨਾਤਿ ਸਨਿਦਸ੍ਸਨਾ, ਪਟਿਹਨਨਭਾਵਸਙ੍ਖਾਤੇਨ ਸਹ ਪਟਿਘੇਨਾਤਿ ਸਪ੍ਪਟਿਘਾ, ਸਨਿਦਸ੍ਸਨਾ ਚ ਤੇ ਸਪ੍ਪਟਿਘਾ ਚਾਤਿ ਸਨਿਦਸ੍ਸਨਸਪ੍ਪਟਿਘਾ, ਰੂਪਾਯਤਨਮੇਵ. ਨੀਲਾਦਿਭੇਦਮੁਪਾਦਾਯ ਪਨ ਬਹੁਵਚਨਨਿਦ੍ਦੇਸੋ. ਨਤ੍ਥਿ ਏਤੇਸਂ ਦਟ੍ਠਬ੍ਬਭਾਵਸਙ੍ਖਾਤਂ ਨਿਦਸ੍ਸਨਨ੍ਤਿ ਅਨਿਦਸ੍ਸਨਾ, ਅਨਿਦਸ੍ਸਨਾ ਚ ਤੇ ਵੁਤ੍ਤਨਯੇਨ ਸਪ੍ਪਟਿਘਾ ਚਾਤਿ ਅਨਿਦਸ੍ਸਨਸਪ੍ਪਟਿਘਾ, ¶ ਸੇਸਾਨਿ ਓਲ਼ਾਰਿਕਰੂਪਾਨਿ. ਤਤਿਯਪਦਂ ਉਭਯਪਟਿਕ੍ਖੇਪੇਨ ਵੁਤ੍ਤਂ, ਸੁਖੁਮਰੂਪਚਿਤ੍ਤਚੇਤਸਿਕਨਿਬ੍ਬਾਨਾਨਿ ਅਨਿਦਸ੍ਸਨਅਪ੍ਪਟਿਘਾ ਨਾਮ, ਇਦਞ੍ਚ ਨਿਪ੍ਪਦੇਸਤ੍ਤਿਕਨ੍ਤਿ ਵੇਦਿਤਬ੍ਬਂ. ਸਨਿਦਸ੍ਸਨਤ੍ਤਿਕਂ.

ਦੁਕਮਾਤਿਕਾਯ ਪਨ ਹੇਟ੍ਠਾ ਅਨਾਗਤਪਦਤ੍ਥਵਣ੍ਣਨਂਯੇਵ ਕਰਿਸ੍ਸਾਮ. ਹੇਤੁਗੋਚ੍ਛਕੇ ਤਾਵ ਹੇਤੂ ਧਮ੍ਮਾਤਿ ਏਤ੍ਥ ਹੇਤੁਹੇਤੁ ਪਚ੍ਚਯਹੇਤੁ ਉਤ੍ਤਮਹੇਤੁ ਸਾਧਾਰਣਹੇਤੂਤਿ ਚਤੁਬ੍ਬਿਧਾ ਹੇਤੂ. ਤਤ੍ਥ ਅਲੋਭਾਦਯੋ ਛ ਧਮ੍ਮਾ ਹੇਤੁਹੇਤੂ ਨਾਮ, ਉਪਾਦਾਰੂਪਾਦੀਨਂ ਮਹਾਭੂਤਾਦਯੋ ਪਚ੍ਚਯਹੇਤੂ ਨਾਮ, ਵਿਪਾਕੁਪ੍ਪਤ੍ਤਿਯਂ ਕੁਸਲਾਕੁਸਲਂ, ਇਟ੍ਠਾਨਿਟ੍ਠਾਰਮ੍ਮਣਞ੍ਚ ਉਤ੍ਤਮਹੇਤੂ ਨਾਮ, ਸਙ੍ਖਾਰਾਦੀਨਂ ਅਵਿਜ੍ਜਾਦਯੋ ਸਾਧਾਰਣਹੇਤੂ ਨਾਮ. ਇਧ ਪਨ ਹੇਤੁਹੇਤੁ ਅਧਿਪ੍ਪੇਤੋ. ਹੇਤੂ ਧਮ੍ਮਾਤਿ ਮੂਲਟ੍ਠੇਨ ਹੇਤੁਸਙ੍ਖਾਤਾ ਧਮ੍ਮਾ, ‘‘ਹੇਤੁਧਮ੍ਮਾ’’ਤਿਪਿ ਪਾਠੋ, ਸੋਯੇਵਤ੍ਥੋ. ਨ ਹੇਤੂਤਿ ਤੇਸਞ੍ਞੇਵ ਪਟਿਕ੍ਖੇਪਵਚਨਂ.

ਤਤ੍ਥ ¶ ਅਲੋਭੋ ਅਦੋਸੋ ਅਮੋਹੋਤਿ ਕੁਸਲਾਬ੍ਯਾਕਤਾ ਤਯੋ, ਲੋਭੋ ਦੋਸੋ ਮੋਹੋਤਿ ਅਕੁਸਲਾ ਤਯੋ ਚਾਤਿ ਇਮੇ ਛ ਧਮ੍ਮਾ ਹੇਤੂ ਨਾਮ. ਇਮੇ ਠਪੇਤ੍ਵਾ ਅਵਸੇਸਾ ਚੇਤਸਿਕਾ, ਸਬ੍ਬਾਨਿ ਚ ਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚਾਤਿ ਇਮੇ ਧਮ੍ਮਾ ਨ ਹੇਤੂ ਨਾਮ, ਇਦਞ੍ਚ ਨਿਪ੍ਪਦੇਸਦੁਕਨ੍ਤਿ ਵੇਦਿਤਬ੍ਬਂ. ਹੇਤੁਦੁਕਂ ਪਠਮਂ.

ਸਮ੍ਪਯੋਗਤੋ ਪਵਤ੍ਤੇਨ ਸਹ ਹੇਤੁਨਾਤਿ ਸਹੇਤੁਕਾ. ਤਥੇਵ ਪਵਤ੍ਤੋ ਨਤ੍ਥਿ ਏਤੇਸਂ ਹੇਤੂਤਿ ਅਹੇਤੁਕਾ.

ਤਤ੍ਥ ਅਹੇਤੁਕਚਿਤ੍ਤਵਜ੍ਜਿਤਾਨਿ ਏਕਸਤ੍ਤਤਿ ਚਿਤ੍ਤਾਨਿ ਸਹੇਤੁਕਾ ਨਾਮ. ਤੇਸੁ ਦ੍ਵੇ ਮੋਹਮੂਲਾਨਿ ਮੋਹੇਨੇਵ ਸਹੇਤੁਕਾਨਿ, ਅਟ੍ਠ ਲੋਭਮੂਲਾਨਿ ਲੋਭਮੋਹੇਹਿ ਦ੍ਵੀਹਿ, ਦ੍ਵੇ ਦੋਸਮੂਲਾਨਿ ਦੋਸਮੋਹੇਹਿ, ਦ੍ਵਾਦਸ ਞਾਣਵਿਪ੍ਪਯੁਤ੍ਤਕੁਸਲਾਬ੍ਯਾਕਤਾਨਿ ਅਲੋਭਾਦੋਸੇਹਿ, ਸੇਸਾਨਿ ਸਤ੍ਤਚਤ੍ਤਾਲੀਸ ਅਲੋਭਾਦੀਹਿ ਤੀਹਿਪਿ ਸਹੇਤੁਕਾਨੀਤਿ, ਮੋਹਮੂਲੇਸੁ ਪਨ ਮੋਹੋ, ਦ੍ਵਿਪਞ੍ਚਵਿਞ੍ਞਾਣਂ, ਮਨੋਧਾਤੁ, ਸਨ੍ਤੀਰਣਤ੍ਤਯਂ, ਵੋਟ੍ਠਬ੍ਬਨਂ, ਹਸਿਤੁਪ੍ਪਾਦਕਾਨਿ ਅਟ੍ਠਾਰਸ ਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚਾਤਿ ਇਮੇ ਧਮ੍ਮਾ ਅਹੇਤੁਕਾ ਨਾਮ. ਚੇਤਸਿਕੇਸੁ ਪਨ ਲੋਭਦੋਸਾ, ਵਿਚਿਕਿਚ੍ਛਾ ਚ ਮੋਹੇਨੇਵ ਸਹੇਤੁਕਾ, ਦਿਟ੍ਠਿਮਾਨੋ ¶ ਲੋਭਮੋਹੇਹਿ ਦ੍ਵੀਹਿ, ਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਾਨਿ ਦੋਸਮੋਹੇਹਿ, ਮੋਹੋ ਪਨ ਸਿਯਾ ਲੋਭੇਨ, ਸਿਯਾ ਦੋਸੇਨਾਤਿ ਦ੍ਵੀਹਿ ਸਹੇਤੁਕੋਪਿ ਮੋਹਮੂਲੇਸੁ ਅਹੇਤੁਕੋਪਿ, ਥਿਨਮਿਦ੍ਧਾਨਿ ਸਿਯਾ ਲੋਭਮੋਹੇਹਿ, ਸਿਯਾ ਦੋਸਮੋਹੇਹੀਤਿ ਤੀਹਿਪਿ ਸਹੇਤੁਕਾਨਿ, ਅਹਿਰਿਕਾਨੋਤ੍ਤਪ੍ਪਉਦ੍ਧਚ੍ਚਾਨਿ ਤਥਾ ਚ ਕੇਵਲਮੋਹੇਨ ਚ, ਅਮੋਹੋ ਪਨ ਅਲੋਭਾਦੋਸੇਹੇਵ ਦ੍ਵੀਹਿ, ਅਲੋਭੋ ਸਿਯਾ ਅਦੋਸਾਮੋਹੇਹਿ, ਸਿਯਾ ਅਦੋਸੇਨਾਤਿ ¶ ਦ੍ਵੀਹਿ, ਅਦੋਸੋ ਸਿਯਾ ਅਲੋਭਾਮੋਹੇਹਿ, ਸਿਯਾ ਅਲੋਭੇਨਾਤਿ ਦ੍ਵੀਹਿ, ਸੇਸਾ ਪਨ ਦ੍ਵਾਵੀਸਤਿ ਕੁਸਲਾਬ੍ਯਾਕਤਾ ਸਿਯਾ ਤੀਹਿ, ਸਿਯਾ ਦ੍ਵੀਹਿਪਿ ਹੇਤੂਹਿ ਸਹੇਤੁਕਾ, ਛਨ੍ਦੋ ਪਨ ਯਥਾਯੋਗਂ ਤੀਹਿ, ਪੀਤਿਦੋਸਵਜ੍ਜਿਤੇਹਿ ਪਞ੍ਚਹਿ ਸਿਯਾ ਸਹੇਤੁਕਾਪਿ ਅਹੇਤੁਕਾਪਿ, ਸੇਸਾ ਏਕਾਦਸ ਤਿਜਾਤਿਕਾ ਛਹਿ ਹੇਤੂਹਿ ਸਹੇਤੁਕਾਪਿ ਅਹੇਤੁਕਾਪਿ, ਵੇਦਨਾ ਚੇਤ੍ਥ ਦੋਮਨਸ੍ਸਭੂਤਾ ਦ੍ਵਿਹੇਤੁਕਾਵ, ਸੋਮਨਸ੍ਸਉਪੇਕ੍ਖਾ ਯਥਾਯੋਗਂ ਦੋਸਵਜ੍ਜਿਤੇਹਿ ਪਞ੍ਚਹਿ ਸਹੇਤੁਕਾਪਿ ਅਹੇਤੁਕਾਪਿ, ਸੁਖਦੁਕ੍ਖਭੂਤਾ ਅਹੇਤੁਕਾਵ, ਇਦਞ੍ਚ ਨਿਪ੍ਪਦੇਸਦੁਕਨ੍ਤਿ. ਦੁਤਿਯਂ.

ਏਕੁਪ੍ਪਾਦਾਦਿਤਾਯ ਹੇਤੁਨਾ ਸਮ੍ਪਯੁਤ੍ਤਾਤਿ ਹੇਤੁਸਮ੍ਪਯੁਤ੍ਤਾ. ਹੇਤੁਨਾ ਵਿਪ੍ਪਯੁਤ੍ਤਾਤਿ ਹੇਤੁਵਿਪ੍ਪਯੁਤ੍ਤਾ. ਅਯਂ ਹੇਤੁਸਮ੍ਪਯੁਤ੍ਤਦੁਕੋ ਅਨਨ੍ਤਰੇ ਵੁਤ੍ਤਸਹੇਤੁਕਦੁਕੇਨ ਅਤ੍ਥਤੋ ਨਿਨ੍ਨਾਨਾਕਰਣੋ. ਸਹੇਤੁਕਦੁਕੋ ਏਵ ਹਿ ਭਗਵਤਾ ਦੇਸਨਾਵਿਲਾਸੇਨ, ਤਥਾ ਬੁਜ੍ਝਨਕਪੁਗ੍ਗਲਾਨਂ ਵਾ ਅਜ੍ਝਾਸਯਵਸੇਨ ਹੇਤੁਸਮ੍ਪਯੁਤ੍ਤਦੁਕਭਾਵੇਨਾਪਿ ਵੁਤ੍ਤੋ. ਏਵਂ ਉਪਰਿਪਿ ਸਮਾਨਤ੍ਥਦੁਕਾਨਂ ਵਚਨੇ ਕਾਰਣਂ ਵੇਦਿਤਬ੍ਬਂ. ਤਤਿਯਂ.

ਚਤੁਤ੍ਥਾਦਯੋ ਪਨ ਯਸ੍ਮਾ ਪਠਮਦੁਕਦੁਤਿਯਤਤਿਯਦੁਕੇਸੁ ਪਠਮਪਦੇਨ ਯੋਜੇਤ੍ਵਾ ਦ੍ਵੇ ਦੁਕਾ, ਪਠਮਦੁਕੇ ਚ ਪਚ੍ਛਿਮਪਦਂ ਦੁਤਿਯਦੁਕੇਨ ਯੋਜੇਤ੍ਵਾ ਏਕਂ ਦੁਕਨ੍ਤਿ ਤਯੋ ਦੁਕਾ ਦੇਸਿਤਾ, ਤਸ੍ਮਾ ਤੇਸਂ ਪਦਤ੍ਥੋ ਵੁਤ੍ਤਨਯੋਵ.

ਤਤ੍ਥ ਚ ਯਥੇਵ ‘‘ਹੇਤੂ ਚੇਵ ਧਮ੍ਮਾ ਸਹੇਤੁਕਾ ਚ, ਸਹੇਤੁਕਾ ਚੇਵ ਧਮ੍ਮਾ ਨ ਚ ਹੇਤੂ’’ਤਿ ਅਯਂ ਦੁਕੋ ਸਮ੍ਭਵਤਿ, ਤਥਾ ‘‘ਹੇਤੂ ਚੇਵ ਧਮ੍ਮਾ ਅਹੇਤੁਕਾ ਚ, ਅਹੇਤੁਕਾ ਚੇਵ ਧਮ੍ਮਾ ਨ ਚ ਹੇਤੂ’’ਤਿ ਅਯਮ੍ਪਿ ਸਮ੍ਭਵਤਿ. ਇਮਿਨਾ ਨਯੇਨ ਹੇਤੁਸਮ੍ਪਯੁਤ੍ਤਦੁਕੇਨ ਯੋਜਨਾਯਪਿ ਏਕੋ ¶ ਲਬ੍ਭਤਿ. ਯਥਾ ਚ ‘‘ਨ ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ, ਅਹੇਤੁਕਾਪੀ’’ਤਿ ਅਯਂ ਲਬ੍ਭਤਿ, ਤਥਾ ‘‘ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ, ਅਹੇਤੁਕਾਪੀ’’ਤਿ ਅਯਮ੍ਪਿ. ਯਥਾ ਚੇਤ੍ਥ ਸਹੇਤੁਕਦੁਕੇ ਦ੍ਵੇ ਦੁਕਾ, ਏਵਂ ਹੇਤੁਸਮ੍ਪਯੁਤ੍ਤਦੁਕੇਪਿ ‘‘ਨ ਹੇਤੂ ਖੋ ਪਨ ਧਮ੍ਮਾ ਹੇਤੁਸਮ੍ਪਯੁਤ੍ਤਾਪਿ, ਹੇਤੁਵਿਪ੍ਪਯੁਤ੍ਤਾਪੀ’’ਤਿ ਚ ‘‘ਹੇਤੂ ਖੋ ਪਨ ਧਮ੍ਮਾ ਹੇਤੁਸਮ੍ਪਯੁਤ੍ਤਾਪਿ, ਹੇਤੁਵਿਪ੍ਪਯੁਤ੍ਤਾਪੀ’’ਤਿ ਚ ਦ੍ਵੇ ਦੁਕਾ ਲਬ੍ਭਨ੍ਤੀਤਿ ਅਪਰੇਪਿ ਪਞ੍ਚ ਦੁਕਾ ਹੇਤੁਗੋਚ੍ਛਕੇ ਯੋਜੇਤੁਂ ਸਕ੍ਕਾ. ਤੇ ਪਨ ਭਗਵਤਾ ਵੁਤ੍ਤਾਨੁਸਾਰੇਨੇਵ ਸਕ੍ਕਾ ਞਾਤੁਨ੍ਤਿ ਛਸੁ ਏਵ ¶ ਸਙ੍ਗਹਿਤਾਤਿ ਵੇਦਿਤਬ੍ਬਾ. ਤਤ੍ਥ ਯੇ ਤਾਵ ਏਕਸ੍ਮਿਂ ਚਿਤ੍ਤੇ ਦ੍ਵੇ ਤਯੋ ਹੇਤੂ ਏਕਤੋ ਉਪ੍ਪਜ੍ਜਨ੍ਤਿ, ਤੇ ਹੇਤੂ ਚੇਵ ਅਞ੍ਞੋਞ੍ਞਾਪੇਕ੍ਖਾਯ ਸਹੇਤੁਕਾ ਚ ਨਾਮ. ਸਹੇਤੁਕਚਿਤ੍ਤੇਸੁ ਪਨ ਹੇਤੁਂ ਠਪੇਤ੍ਵਾ ਸੇਸਾ ਚਿਤ੍ਤਚੇਤਸਿਕਾ ਧਮ੍ਮਾ ਸਹੇਤੁਕਾ ਚੇਵ ਨ ਚ ਹੇਤੂ ਨਾਮ. ਇਮਸ੍ਮਿਂ ਦੁਕੇ ਸਬ੍ਬੇ ਅਹੇਤੁਕਧਮ੍ਮਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਹੇਤੁਵਜ੍ਜਿਤਾ ਅਕੁਸਲਾ ਚੇਵ ਕੁਸਲਾਬ੍ਯਾਕਤਾ ਚ, ਛਨ੍ਦੋ ਚ ਸਹੇਤੁਕੋ ਚੇਵ ਨ ਹੇਤੁ ਏਵ, ਸੇਸਾ ਤਿਜਾਤਿਕਾ, ਤਥਾ ਨਵਤ੍ਤਬ੍ਬਾ ਚ, ਮੋਹੋ ਪਨ ਹੇਤੁ ਚੇਵ ਸਹੇਤੁਕੋ ਚ ਨਵਤ੍ਤਬ੍ਬੋ ਚ. ਚਤੁਤ੍ਥਂ.

ਅਨਨ੍ਤਰਦੁਕੋਪਿ ਇਮਿਨਾ ਦੁਕੇਨ ਸਬ੍ਬਥਾਪਿ ਸਦਿਸੋਵਾਤਿ. ਪਞ੍ਚਮਂ.

ਸਹੇਤੁਕਚਿਤ੍ਤੇਸੁ ਹੇਤੁਵਜ੍ਜਿਤਾ ਚਿਤ੍ਤਚੇਤਸਿਕਾ ਧਮ੍ਮਾ ਨਹੇਤੂ ਸਹੇਤੂ ਨਾਮ, ਅਹੇਤੁਕਚਿਤ੍ਤਰੂਪਨਿਬ੍ਬਾਨਾਨਿ ਨਹੇਤੂ ਅਹੇਤੁਕਾ ਨਾਮ. ਇਮਸ੍ਮਿਂ ਪਨ ਦੁਕੇ ਛ ਹੇਤੂ ਨ ਵਤ੍ਤਬ੍ਬਾ. ਸੇਸਂ ਸੁਵਿਞ੍ਞੇਯ੍ਯਮੇਵਾਤਿ. ਛਟ੍ਠਂ.

ਸਤ੍ਤਸੁ ¶ ਚੂਲ਼ਨ੍ਤਰਦੁਕੇਸੁ ਅਤ੍ਤਨੋ ਨਿਪ੍ਫਾਦਕੇਨ ਸਹ ਪਚ੍ਚਯੇਨਾਤਿ ਸਪ੍ਪਚ੍ਚਯਾ, ਚਿਤ੍ਤਚੇਤਸਿਕਰੂਪਾਨਿ. ਨਤ੍ਥਿ ਏਤੇਸਂ ਉਪ੍ਪਾਦੇ ਵਾ ਠਿਤਿਯਂ ਵਾ ਪਚ੍ਚਯੋ ਅਹੁਤ੍ਵਾ ਭਵਨਸ੍ਸੇਵਾਭਾਵਾਤਿ ਅਪ੍ਪਚ੍ਚਯਾ, ਨਿਬ੍ਬਾਨਮੇਵ. ਦੇਸਨਾਯ ਪਨੇਤ੍ਥ ਪਰਮਤਾਯ ਸੋਤਪਤਿਤਵਸੇਨ ਬਹੁਵਚਨਨਿਦ੍ਦੇਸੋ ਕਤੋ. ਏਵਂ ਸਨਿਦਸ੍ਸਨਾਦੀਸੁਪਿ. ਇਦਞ੍ਚ ਇਤੋ ਪਰਾਨਿ ਛ ਚ ਨਿਪ੍ਪਦੇਸਦੁਕਾਨੀਤਿ ਵੇਦਿਤਬ੍ਬਾਨਿ. ਤਤੋ ਪਰਞ੍ਚ ਯਤ੍ਥ ‘‘ਇਮੇ ਨ ਵਤ੍ਤਬ੍ਬਾ’’ਤਿ ਨ ਵਕ੍ਖਾਮ, ਤਂ ਨਿਪ੍ਪਦੇਸਨ੍ਤਿ ਗਹੇਤਬ੍ਬਂ. ਸਪ੍ਪਚ੍ਚਯਦੁਕਂ.

ਪਚ੍ਚਯੇਹਿ ਸਮਾਗਨ੍ਤ੍ਵਾ ਕਤਾਤਿ ਸਙ੍ਖਤਾ. ਨ ਸਙ੍ਖਤਾਤਿ ਅਸਙ੍ਖਤਾ. ਇਦਞ੍ਚ ਸਬ੍ਬਥਾ ਸਪ੍ਪਚ੍ਚਯਦੁਕਸਦਿਸਮੇਵ. ਸਪ੍ਪਚ੍ਚਯਸਙ੍ਖਤਉਭਯਦੁਕਂ ਸਬ੍ਬਥਾ ਸਦਿਸਮੇਵ. ਸਙ੍ਖਤਦੁਕਂ.

ਰੂਪਾਯਤਨਂ ਸਨਿਦਸ੍ਸਨਂ ਨਾਮ. ਸੇਸਰੂਪਚਿਤ੍ਤਚੇਤਸਿਕਨਿਬ੍ਬਾਨਾਨਿ ਅਨਿਦਸ੍ਸਨਾ ਨਾਮ. ਸਨਿਦਸ੍ਸਨਦੁਕਂ.

ਪਸਾਦਵਿਸਯਰੂਪਾਨਿ ¶ ਦ੍ਵਾਦਸ ਸਪ੍ਪਟਿਘਾ ਨਾਮ. ਸੇਸਰੂਪਚਿਤ੍ਤਚੇਤਸਿਕਨਿਬ੍ਬਾਨਾਨਿ ਅਪ੍ਪਟਿਘਾ ਨਾਮ. ਸਪ੍ਪਟਿਘਦੁਕਂ.

ਅਵਿਨਿਬ੍ਭੋਗਵਸੇਨ ਰੂਪਂ ਏਤੇਸਂ ਅਤ੍ਥੀਤਿ ਰੂਪਿਨੋ, ਰੁਪ੍ਪਨਲਕ੍ਖਣਂ ਵਾ ਰੂਪਂ, ਤਂ ਏਤੇਸਂ ਅਤ੍ਥੀਤਿ ਰੂਪਿਨੋ, ਭੂਤੋਪਾਦਾਯਰੂਪਮੇਵ. ਨ ਰੂਪਿਨੋ ਅਰੂਪਿਨੋ, ਚਿਤ੍ਤਚੇਤਸਿਕਨਿਬ੍ਬਾਨਾਨਿ. ਰੂਪਿਦੁਕਂ.

ਲੋਕੋ ਵੁਚ੍ਚਤਿ ਲੁਜ੍ਜਨਪਲੁਜ੍ਜਨਟ੍ਠੇਨ ਵਟ੍ਟਂ, ਤਸ੍ਮਿਂ ਪਰਿਯਾਪਨ੍ਨਭਾਵੇਨ ਲੋਕੇ ਨਿਯੁਤ੍ਤਾਤਿ ਲੋਕਿਯਾ, ਪਞ੍ਚੁਪਾਦਾਨਕ੍ਖਨ੍ਧਾ. ਤਤੋ ਲੋਕਤੋ ਤਤ੍ਥ ਅਪਰਿਯਾਪਨ੍ਨਭਾਵੇਨ ਉਤ੍ਤਿਣ੍ਣਾਤਿ ਲੋਕੁਤ੍ਤਰਾ, ਅਰਿਯਮਗ੍ਗਫਲਨਿਬ੍ਬਾਨਾਨਿ. ਚੇਤਸਿਕੇਸੁ ਪਨੇਤ੍ਥ ਯਂ ਵਤ੍ਤਬ੍ਬਂ, ਤਂ ਅਸੇਖਤ੍ਤਿਕੇ ਵੁਤ੍ਤਨਯੇਨ ਵੇਦਿਤਬ੍ਬਂ. ਲੋਕਿਯਦੁਕਂ.

ਕੇਨਚਿ ¶ ਵਿਞ੍ਞੇਯ੍ਯਾਤਿ ਚਕ੍ਖੁਵਿਞ੍ਞਾਣਾਦੀਸੁ ਕੇਨਚਿ ਏਕੇਨ ਚਕ੍ਖੁਵਿਞ੍ਞਾਣੇਨ ਵਾ ਸੋਤਵਿਞ੍ਞਾਣਾਦਿਨਾ ਵਾ ਵਿਜਾਨਿਤਬ੍ਬਾ. ਕੇਨਚਿ ਨ ਵਿਞ੍ਞੇਯ੍ਯਾਤਿ ਤੇਨੇਵ ਚਕ੍ਖੁਵਿਞ੍ਞਾਣੇਨ ਵਾ ਸੋਤਵਿਞ੍ਞਾਣਾਦਿਨਾ ਵਾ ਨ ਕੇਨਚਿ ਵਿਜਾਨਿਤਬ੍ਬਾਨਿ. ਏਵਂ ਹਿ ਸਤਿ ਦ੍ਵਿਨ੍ਨਮ੍ਪਿ ਪਦਾਨਂ ਅਤ੍ਥਨਾਨਤ੍ਤਤੋ ਦੁਕੋ ਹੋਤਿ. ਪਦਭਾਜਨੀਯਸ੍ਮਿਮ੍ਪਿ ‘‘ਯੇ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ’’ਤਿ (ਧ. ਸ. ੧੧੦੧) ਏਤ੍ਤਕਂ ਏਕਦੁਕਨ੍ਤਿ ਅਗ੍ਗਹੇਤ੍ਵਾ ‘‘ਯੇ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਯੇ ਵਾ ਪਨ ਤੇ ਧਮ੍ਮਾ ਸੋਤਵਿਞ੍ਞੇਯ੍ਯਾ, ਨ ਤੇ ਧਮ੍ਮਾ ਚਕ੍ਖੁਵਿਞ੍ਞੇਯ੍ਯਾ’’ਤਿ (ਧ. ਸ. ੧੧੦੧) ਅਯਮੇਕੋ ਦੁਕੋਤਿ ਵੇਦਿਤਬ੍ਬੋ. ਤਸ੍ਸ ਪਨ ਰੂਪਂ ਚਕ੍ਖੁਵਿਞ੍ਞੇਯ੍ਯਂ, ਸਦ੍ਦੋ ਨ ਚਕ੍ਖੁਵਿਞ੍ਞੇਯ੍ਯੋਤਿ ਅਯਮਤ੍ਥੋ. ਏਵਂ ਸੇਸੇਸੁਪਿ ਦੁਕਪਰਿਚ੍ਛੇਦੋ ਞਾਤਬ੍ਬੋ. ਤਤ੍ਥ ਰੂਪਾਯਤਨਂ ਚਕ੍ਖੁਨਾ ਵਾ ਚਕ੍ਖੁਵਿਞ੍ਞਾਣੇਨ ਵਾ ਵਿਞ੍ਞੇਯ੍ਯਂ ਨਾਮ. ਸੇਸਰੂਪਾਰੂਪਧਮ੍ਮਾ ਤੇਨੇਵ ਚਕ੍ਖੁਨਾ ਵਾ ਚਕ੍ਖੁਵਿਞ੍ਞਾਣੇਨ ਵਾ ਕੇਨਚਿ ਨਵਿਞ੍ਞੇਯ੍ਯਾ. ਏਵਂ ਸੋਤਘਾਨਜਿਵ੍ਹਾਕਾਯਤਬ੍ਬਿਞ੍ਞਾਣਮੂਲਿਕਾਸੁਪਿ ਚਤੂਸੁ ਯੋਜਨਾਸੁ ਵਿਭਾਗੋ ਯਥਾਨੁਰੂਪਂ ਞਾਤਬ੍ਬੋ. ਰੂਪਾਦਯੋ ਪਨ ਪਞ੍ਚਵਿਸਯਾ ਮਨੋਧਾਤੁਤ੍ਤਯੇਨ ਕੇਨਚਿ ਵਿਞ੍ਞੇਯ੍ਯਾ. ਸੇਸਰੂਪਾਰੂਪਧਮ੍ਮਾ ਤੇਨੇਵ ਮਨੋਧਾਤੁਤ੍ਤਯੇਨ ਕੇਨਚਿ ਨਵਿਞ੍ਞੇਯ੍ਯਾ. ਕਿਞ੍ਚਾਪਿ ਸਾਮਞ੍ਞਤੋ ਮਨੋਵਿਞ੍ਞਾਣੇਨ ਅਵਿਞ੍ਞੇਯ੍ਯਸ੍ਸ ਅਭਾਵਤੋ ਪਾਲ਼ਿਯਂ ਮਨੋਵਿਞ੍ਞਾਣਵਿਞ੍ਞੇਯ੍ਯਵਸੇਨ ਦੁਕੋ ਨ ਵੁਤ੍ਤੋ, ਤਥਾਪਿ ਵਿਸੇਸਤੋ ਵਤ੍ਤਬ੍ਬੋਵ. ਤਥਾ ਹਿ ਛਬ੍ਬਿਧਾਪਿ ਕਾਮਾਵਚਰਧਮ੍ਮਾ ਕਾਮਾਵਚਰਵਿਪਾਕਾਦਿਨਾ ਮਨੋਵਿਞ੍ਞਾਣੇਨ ਕੇਨਚਿ ਵਿਞ੍ਞੇਯ੍ਯਾ, ਰੂਪਾਰੂਪਾਵਚਰਲੋਕੁਤ੍ਤਰਪਞ੍ਞਤ੍ਤਿਯੋ ਤੇਨੇਵ ਕੇਨਚਿ ਨਵਿਞ੍ਞੇਯ੍ਯਾ. ਤਥਾ ਕਾਮਰੂਪਾਰੂਪਾਵਚਰਪਞ੍ਞਤ੍ਤਿਯੋ ਅਕੁਸਲਾਦਿਨਾ ¶ ਕੇਨਚਿ ਵਿਞ੍ਞੇਯ੍ਯਾ, ਲੋਕੁਤ੍ਤਰਾ ਤੇਨੇਵ ਕੇਨਚਿ ਨਵਿਞ੍ਞੇਯ੍ਯਾ. ਤਥਾ ਨਿਬ੍ਬਾਨਂ ਲੋਕੁਤ੍ਤਰੇਨ ਕੇਨਚਿ ਵਿਞ੍ਞੇਯ੍ਯਂ ¶ , ਸੇਸਲੋਕਿਯਲੋਕੁਤ੍ਤਰਾ ਤੇਨੇਵ ਕੇਨਚਿ ਨਵਿਞ੍ਞੇਯ੍ਯਾਤਿ ਇਮਿਨਾ ਨਯੇਨ ਰੂਪਾਰੂਪਾਵਚਰਾਦਿਭੇਦੇਨ ਮਨੋਵਿਞ੍ਞਾਣੇਨ ਕੇਨਚਿ ਵਿਞ੍ਞੇਯ੍ਯਾਵਿਞ੍ਞੇਯ੍ਯਧਮ੍ਮਾ ਯਥਾਯੋਗਂ ਯੋਜੇਤਬ੍ਬਾ. ਏਵਂ ਸਬ੍ਬੇ ਧਮ੍ਮਾ ਕੇਨਚਿ ਵਿਞ੍ਞੇਯ੍ਯਾ, ਕੇਨਚਿ ਨ ਵਿਞ੍ਞੇਯ੍ਯਾ ਨਾਮ. ਇਮਸ੍ਮਿਞ੍ਚ ਦੁਕੇ ਪਞ੍ਞਤ੍ਤਿਯੋਪਿ ਲਬ੍ਭਨ੍ਤੀਤਿ ਵੇਦਿਤਬ੍ਬਾਤਿ. ਕੇਨਚਿਵਿਞ੍ਞੇਯ੍ਯਦੁਕਂ.

ਆਸਵਗੋਚ੍ਛਕੇ ਆਸਮਨ੍ਤਤੋ ਸਵਨ੍ਤੀਤਿ ਆਸਵਾ, ਚਕ੍ਖੁਤੋਪਿ…ਪੇ… ਮਨਤੋਪਿ ਸਵਨ੍ਤਿ, ਪਵਤ੍ਤਨ੍ਤੀਤਿ ਵੁਤ੍ਤਂ ਹੋਤਿ. ਧਮ੍ਮਤੋ ਯਾਵਗੋਤ੍ਰਭੁਂ, ਓਕਾਸਤੋ ਯਾਵਭਵਗ੍ਗਾ ਸਵਨ੍ਤੀਤਿ ਵਾ ਆਸਵਾ, ਏਤੇ ਧਮ੍ਮੇ, ਏਤਞ੍ਚ ਓਕਾਸਂ ਅਨ੍ਤੋਕਰਿਤ੍ਵਾ ਪਵਤ੍ਤਨ੍ਤੀਤਿ ਅਤ੍ਥੋ. ਅਨ੍ਤੋਕਰਣਤ੍ਥੋ ਹਿ ਅਯਂ ਆ-ਕਾਰੋ. ਚਿਰਪਾਰਿਵਾਸਿਯਟ੍ਠੇਨ ਮਦਿਰਾਦਿਆਸਵਾ ਵਿਯਾਤਿਪਿ ਆਸਵਾ. ਯਦਿ ਚ ਚਿਰਪਾਰਿਵਾਸਿਯਟ੍ਠੇਨ ਆਸਵਾ, ਏਤੇ ਏਵ ਭਵਿਤੁਂ ਅਰਹਨ੍ਤਿ. ਅਨਾਦਿਤ੍ਤਾ ਆਯਤਂ ਵਾ ਸਂਸਾਰਦੁਕ੍ਖਂ ਸਵਨ੍ਤਿ ਪਸਵਨ੍ਤੀਤਿਪਿ ਆਸਵਾ. ਤਤੋ ਅਞ੍ਞੇ ਨੋ ਆਸਵਾ ਨਾਮ.

ਤਤ੍ਥ ਕਾਮਾਸਵੋ ਭਵਾਸਵੋ ਦਿਟ੍ਠਾਸਵੋ ਅਵਿਜ੍ਜਾਸਵੋਤਿ ਇਮੇ ਚਤ੍ਤਾਰੋ ਆਸਵਾ ਨਾਮ. ਤਤ੍ਥ ਅਟ੍ਠਸੁ ਲੋਭਸਹਗਤਚਿਤ੍ਤੇਸੁ ਉਪ੍ਪਨ੍ਨੋ ਸਬ੍ਬੋਪਿ ਲੋਭੋ ਕਾਮਾਸਵੋ ਨਾਮ. ਅਟ੍ਠਸਾਲਿਨਿਯਂ ਪਨ ‘‘ਪਞ੍ਚਕਾਮਗੁਣਿਕੋ ਰਾਗੋ ਕਾਮਾਸਵੋ’’ਤਿ (ਧ. ਸ. ਅਟ੍ਠ. ੧੧੦੨) ਚ, ‘‘ਦਿਟ੍ਠਿਸਹਜਾਤੋ ਰਾਗੋ ਕਾਮਾਸਵੋ ਨ ਹੋਤਿ, ਦਿਟ੍ਠਿਰਾਗੋ ਨਾਮ ਹੋਤੀ’’ਤਿ (ਧ. ਸ. ਅਟ੍ਠ. ੧੧੦੫) ਚ, ‘‘ਯੋ ਬ੍ਰਹ੍ਮਾਨਂ ਵਿਮਾਨਕਪ੍ਪਰੁਕ੍ਖਾਭਰਣੇਸੁ ਛਨ੍ਦਰਾਗੋ ਉਪ੍ਪਜ੍ਜਤਿ, ਸੋ ਕਾਮਾਸਵੋ ਨ ਹੋਤਿ ਪਞ੍ਚਕਾਮਗੁਣਿਕਸ੍ਸ ਰਾਗਸ੍ਸ ਇਧੇਵ ਪਹੀਨਤ੍ਤਾ’’ਤਿ ਚ ਵੁਤ੍ਤਂ. ਪਾਲ਼ਿਯਂ ਪਨ ‘‘ਕਾਮਾਸਵੋ ਅਟ੍ਠਸੁ ਲੋਭਸਹਗਤੇਸੁ ¶ ਚਿਤ੍ਤੁਪ੍ਪਾਦੇਸੁ ਉਪ੍ਪਜ੍ਜਤੀ’’ਤਿ (ਧ. ਸ. ੧੪੬੫) ਚ, ‘‘ਕਾਮਾਸਵਂ ਪਟਿਚ੍ਚ ਦਿਟ੍ਠਾਸਵੋ ਅਵਿਜ੍ਜਾਸਵੋ’’ਤਿ (ਪਟ੍ਠਾ. ੩.੩.੧) ਚ ਵੁਤ੍ਤਤ੍ਤਾ ਭਵਾਸਵਂ ਠਪੇਤ੍ਵਾ ਅਵਸੇਸੋ ਸਬ੍ਬੋਪਿ ਲੋਭੋ ਕਾਮਾਸਵੋਤਿ ਪਞ੍ਞਾਯਤਿ ਦਿਟ੍ਠਿਸਮ੍ਪਯੁਤ੍ਤਰਾਗਸ੍ਸ, ਬ੍ਰਹ੍ਮਾਨਂ ਵਤ੍ਥਾਭਰਣਾਦੀਸੁ ਰਾਗਸ੍ਸ ਚ ਭਵਾਸਵਤ੍ਤਾਭਾਵਾ. ਦਿਟ੍ਠਿਵਿਪ੍ਪਯੁਤ੍ਤਰਾਗੋ ਏਵ ਹਿ ਰੂਪਾਰੂਪਭਵਪਤ੍ਥਨਾਵਸੇਨ ਪਵਤ੍ਤਿਯਂ ਭਵਾਸਵੋ ਹੋਤਿ ‘‘ਰੂਪਧਾਤੁਯਾ ਅਰੂਪਧਾਤੁਯਾ ਏਤ੍ਥ ਭਵਰਾਗਾਨੁਸਯੋ ਅਨੁਸੇਤੀ’’ਤਿਆਦਿਵਚਨਤੋ (ਯਮ. ੨.ਅਨੁਸਯਯਮਕ.੨), ਨ ਚ ਕਾਮਾਸਵਭਵਾਸਵਵਿਨਿਮੁਤ੍ਤੋ ਲੋਭੋ ਅਤ੍ਥਿ. ਯਦਿ ਸਿਯਾ, ‘‘ਲੋਭੋ ਸਿਯਾ ਆਸਵੋ, ਸਿਯਾ ਨੋ ਆਸਵੋ’’ਤਿ ਪਾਲ਼ਿਯਂ ਵਤ੍ਤਬ੍ਬੋ ਭਵੇਯ੍ਯ, ‘‘ਦਿਟ੍ਠਿਵਿਪ੍ਪਯੁਤ੍ਤਲੋਭੇਨ ਸਮ੍ਪਯੁਤ੍ਤੋ ¶ ਅਵਿਜ੍ਜਾਸਵੋ ਸਿਯਾ ਆਸਵਸਮ੍ਪਯੁਤ੍ਤੋ, ਸਿਯਾ ਆਸਵਵਿਪ੍ਪਯੁਤ੍ਤੋ’’ਤਿ ਚ ਵਤ੍ਤਬ੍ਬੋ ਸਿਯਾ. ਪਦਭਾਜਨੀਯੇ ਚ ਕਾਮਾਸਵਨਿਦ੍ਦੇਸੇ ਆਗਤਸ੍ਸ ‘‘ਕਾਮੇਸੁ ਕਾਮਚ੍ਛਨ੍ਦੋ’’ਤਿ (ਧ. ਸ. ੧੧੦੩) ਇਮਸ੍ਸ ਪਦਸ੍ਸ ਅਟ੍ਠਸਾਲਿਨਿਯਂ ‘‘ਪਞ੍ਚਕਾਮਗੁਣੇਸੁ ਕਾਮਚ੍ਛਨ੍ਦੋ’’ਤਿ (ਧ. ਸ. ਅ. ੧੧੦੩) ਅਤ੍ਥੋ ਵੁਤ੍ਤੋ, ਤਸ੍ਸ ਪਨ ਪਦਸ੍ਸ ਵਤ੍ਥੁਕਾਮੇਸੁ ਕਿਲੇਸਕਾਮੋਤਿਪਿ ਅਤ੍ਥਯੋਜਨਾ ਸਕ੍ਕਾ ਕਾਤੁਂ ਤੇਭੁਮਕਸ੍ਸ ਧਮ੍ਮਸ੍ਸ ਵਤ੍ਥੁਕਾਮਤ੍ਤਾ, ਤਤ੍ਥ ਸਬ੍ਬਤ੍ਥ ਰਾਗਸ੍ਸ ਚ ਕਿਲੇਸਕਾਮਤ੍ਤਾ. ਵੁਤ੍ਤਂ ਹੇਤਂ ਧਮ੍ਮਸੇਨਾਪਤਿਨਾ ਮਹਾਨਿਦ੍ਦੇਸੇ –

‘‘ਕਤਮੇ ਵਤ੍ਥੁਕਾਮਾ? ਮਨਾਪਿਕਾ ਰੂਪਾ…ਪੇ… ਸਬ੍ਬੇਪਿ ਕਾਮਾਵਚਰਾ ਧਮ੍ਮਾ, ਸਬ੍ਬੇਪਿ ਰੂਪਾਵਚਰਾ ਧਮ੍ਮਾ, ਸਬ੍ਬੇਪਿ ਅਰੂਪਾਵਚਰਾ ਧਮ੍ਮਾ…ਪੇ… ਇਮੇ ਵੁਚ੍ਚਨ੍ਤਿ ਵਤ੍ਥੁਕਾਮਾ.

‘‘ਕਤਮੇ ਕਿਲੇਸਕਾਮਾ? ਛਨ੍ਦੋ ਕਾਮੋ ਰਾਗੋ ਕਾਮੋ…ਪੇ… ਯੋ ਕਾਮੇਸੁ ਕਾਮਚ੍ਛਨ੍ਦੋ ਕਾਮਰਾਗੋ ¶ ਕਾਮਨਨ੍ਦੀ ਕਾਮਤਣ੍ਹਾ ਕਾਮਸ੍ਨੇਹੋ ਕਾਮਪਰਿਲ਼ਾਹੋ ਕਾਮਮੁਚ੍ਛਾ ਕਾਮਜ੍ਝੋਸਾਨਂ ਕਾਮੋਘੋ ਕਾਮਯੋਗੋ ਕਾਮੁਪਾਦਾਨਂ ਕਾਮਚ੍ਛਨ੍ਦਨੀਵਰਣਂ…ਪੇ… ਇਮੇ ਵੁਚ੍ਚਨ੍ਤਿ ਕਿਲੇਸਕਾਮਾ’’ਤਿ (ਮਹਾਨਿ. ੧).

ਅਪਿਚੇਤ੍ਥ ‘‘ਕਾਮੋਘੋ ਕਾਮਯੋਗੋ’’ਤਿਆਦਿਨਾ ਕਿਲੇਸਕਾਮਸ੍ਸ ਕਾਮੋਘਾਦਿਭਾਵਂ ਵਦਤਾ ਧਮ੍ਮਸੇਨਾਪਤਿਨਾ ਵਤ੍ਥੁਕਾਮਤ੍ਤਵਿਸਯਸ੍ਸ ਰਾਗਸ੍ਸ ਆਸਵਾਦਿਭਾਵੋ ਅਨੁਞ੍ਞਾਤੋ, ਨ ਪਞ੍ਚਕਆਮਗੁਣਿਕਸ੍ਸੇਵ ਰਾਗਸ੍ਸ. ਨ ਚ ਓਘਾਸਵੇਸੁ ਕੋਚਿ ਵਿਸੇਸੋ ਅਤ੍ਥਿ. ਅਟ੍ਠਸਾਲਿਨਿਯਮ੍ਪਿ ਹਿ ਉਪਾਦਾਨਗੋਚ੍ਛਕਸ੍ਸ ਪਦਭਾਜਨੀਯੇ ‘‘ਕਾਮੇਸੁ ਕਾਮਚ੍ਛਨ੍ਦੋ’’ਤਿ (ਧ. ਸ. ੧੨੨੦) ਇਮਸ੍ਸ ‘‘ਵਤ੍ਥੁਕਾਮੇਸੁ ਕਾਮਚ੍ਛਨ੍ਦੋ’’ਤਿ (ਧ. ਸ. ਅ. ੧੨੨੦) ਅਯਮੇਵਤ੍ਥੋ ਵੁਤ੍ਤੋ. ਤਤੋ ਅਞ੍ਞੇਸੁ ਹੇਤੁਗਨ੍ਥਕਿਲੇਸਗੋਚ੍ਛਕੇਸੁ ਲੋਭਸ੍ਸੇਵ ਅਨਵਸੇਸਪਰਿਯਾਦਾਨਂ ਵੁਤ੍ਤਂ, ਨ ਇਤਰਗੋਚ੍ਛਕੇਸੁ. ਤੇਸੁ ਚ ਲੋਭਸ੍ਸ ਪਾਲ਼ਿਅਨੁਸਾਰਤੋ ਓਲੋਕਿਯਮਾਨੇ ਕਿਲੇਸਕਾਮਮਤ੍ਤਕੋ. ਅਨਵਸੇਸਲੋਭਪਰਿਯਾਦਾਨਂ ਪਞ੍ਞਾਯਤਿ. ਵੀਮਂਸਿਤ੍ਵਾ ਗਹੇਤਬ੍ਬਂ.

ਚਤੂਸੁ ਪਨ ਦਿਟ੍ਠਿਗਤਵਿਪ੍ਪਯੁਤ੍ਤਚਿਤ੍ਤੇਸੁ ਉਪ੍ਪਨ੍ਨੋ ਰੂਪਾਰੂਪਭਵੇਸੁ ਛਨ੍ਦਰਾਗਭਾਵੇਨ, ਕਾਮਜ੍ਝੋਸਾਨਨਿਕਨ੍ਤਿਭਾਵੇਨ ¶ ਚ ਪਵਤ੍ਤੋ ਲੋਭੋ ਭਵਾਸਵੋ ਨਾਮ. ਅਟ੍ਠਸਾਲਿਨਿਯਂ ਪਨ ‘‘ਸਸ੍ਸਤਦਿਟ੍ਠਿਸਹਜਾਤੋ ਰਾਗੋ ਭਵਾਸਵੋ’’ਤਿ (ਧ. ਸ. ਅਟ੍ਠ. ੧੧੦੨) ਵੁਤ੍ਤਂ. ਪਾਲ਼ਿਯਂ ਪਨ ‘‘ਭਵਾਸਵੋ ਚਤੂਸੁ ਦਿਟ੍ਠਿਗਤਵਿਪ੍ਪਯੁਤ੍ਤਲੋਭਸਹਗਤੇਸੂ’’ਤਿ (ਧ. ਸ. ੧੪੬੫) ਨਿਯਮਿਤਤ੍ਤਾ ਨ ਸਕ੍ਕਾ ਗਹੇਤੁਂ, ਅਧਿਪ੍ਪਾਯੋ ਪਨ ਗਵੇਸਿਤਬ੍ਬੋ. ਦ੍ਵਾਸਟ੍ਠਿਪਭੇਦਾ ਸਬ੍ਬਾਪਿ ਦਿਟ੍ਠਿ ਦਿਟ੍ਠਾਸਵੋ ਨਾਮ. ਅਟ੍ਠਵਤ੍ਥੁਕੋ ਸਬ੍ਬੋਪਿ ਮੋਹੋ ਅਵਿਜ੍ਜਾਸਵੋ ਨਾਮ. ਤੇਸੁ ਦਿਟ੍ਠਾਸਵੋ ਪਠਮੇਨ ਮਗ੍ਗੇਨ ਪਹੀਯਤਿ, ਕਾਮਾਸਵੋ ¶ ਚਤੂਹਿਪੀਤਿ ਵਤ੍ਤੁਂ ਯੁਤ੍ਤਂ, ‘‘ਤਤਿਯੇਨਾ’’ਤਿ ਪਨ ਵੁਤ੍ਤਂ. ਭਵਾਸਵੋ, ਅਵਿਜ੍ਜਾਸਵੋ ਚ ਚਤੁਤ੍ਥੇਨ ਪਹੀਯਤਿ. ਇਮੇਸਞ੍ਚ ਕਾਮਾਸਵਭਵਾਸਵਾਨਂ ਲੋਭਸਭਾਵਤ੍ਤਾ ਸਭਾਵਤੋ ਤਯੋ ਧਮ੍ਮਾ ਵਿਭਾਗਤੋ ਚਤ੍ਤਾਰੋ ਆਸਵਾ ਨਾਮ ਜਾਤਾ. ਇਮੇ ਠਪੇਤ੍ਵਾ ਸੇਸਾ ਲੋਕਿਯਲੋਕੁਤ੍ਤਰਾ ਸਬ੍ਬੇ ਧਮ੍ਮਾ ਨੋ ਆਸਵਾ ਨਾਮ. ਆਸਵਦੁਕਂ ਪਠਮਂ.

ਅਤ੍ਤਾਨਂ ਆਰਮ੍ਮਣਂ ਕਤ੍ਵਾ ਪਵਤ੍ਤੇਹਿ ਸਹ ਆਸਵੇਹੀਤਿ ਸਾਸਵਾ, ਸਬ੍ਬੇ ਲੋਕਿਯਧਮ੍ਮਾ. ਏਵਂ ਪਵਤ੍ਤਮਾਨਾ ਨਤ੍ਥਿ ਏਤੇਸਂ ਆਸਵਾਤਿ ਅਨਾਸਵਾ, ਨਵ ਲੋਕੁਤ੍ਤਰਧਮ੍ਮਾਵ. ਚੇਤਸਿਕਾ ਪਨੇਤ੍ਥ ਲੋਕਿਯਦੁਕੇ ਵੁਤ੍ਤਸਦਿਸਾਵ. ਸਾਸਵਦੁਕਂ ਦੁਤਿਯਂ.

ਤਤਿਯਾਦੀਨਂ ਚਤੁਨ੍ਨਂ ਦੁਕਾਨਂ ਪਦਤ੍ਥੋ ਵੁਤ੍ਤਨਯੋਵ. ਸੇਸਮੇਤ੍ਥ ਹੇਤੁਗੋਚ੍ਛਕੇ ਵੁਤ੍ਤਨਯੇਨ ਵੇਦਿਤਬ੍ਬਂ. ਅਯਂ ਪਨ ਵਿਸੇਸੋ – ਯਥਾ ਤਤ੍ਥ ‘‘ਨ ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ, ਅਹੇਤੁਕਾਪੀ’’ਤਿ ਅਯਂ ਓਸਾਨਦੁਕੋ ਪਠਮਦੁਕੇ ਦੁਤਿਯਪਦਂ ਦੁਤਿਯਦੁਕੇਨ ਯੋਜੇਤ੍ਵਾ ਵੁਤ੍ਤੋ, ਏਵਮਿਧ ‘‘ਨੋ ਆਸਵਾ ਖੋ ਪਨ ਧਮ੍ਮਾ ਸਾਸਵਾਪਿ, ਅਨਾਸਵਾਪੀ’’ਤਿ ਨ ਵੁਤ੍ਤੋ. ਅਯਞ੍ਚ ਤਤ੍ਥ ਤਤ੍ਥ ਵੁਤ੍ਤਨਯੇਨ ਇਹ ਸਙ੍ਗਹਿਤੋਤਿ ਵੇਦਿਤਬ੍ਬੋ. ਯਥਾ ਚੇਤ੍ਥ, ਏਵਂ ਸਞ੍ਞੋਜਨਗੋਚ੍ਛਕਾਦੀਸੁਪਿ ਯਥਾਨੁਰੂਪਂ ਞਾਤਬ੍ਬਂ.

ਤਤ੍ਥ ਦ੍ਵਾਦਸ ਅਕੁਸਲਚਿਤ੍ਤੁਪ੍ਪਾਦਾ ਆਸਵਸਮ੍ਪਯੁਤ੍ਤਾ ਨਾਮ. ਦੋਸਮੋਹਮੂਲਚਿਤ੍ਤੇਸੁ ਮੋਹੋ, ਕੁਸਲਾਬ੍ਯਾਕਤਚਿਤ੍ਤਰੂਪਨਿਬ੍ਬਾਨਾਨਿ ਚ ਆਸਵਵਿਪ੍ਪਯੁਤ੍ਤਾ ਨਾਮ. ਚੇਤਸਿਕੇਸੁ ਪਨ ਮੋਹਂ ਠਪੇਤ੍ਵਾ ਸੇਸਾ ਅਕੁਸਲਾ ਆਸਵਸਮ੍ਪਯੁਤ੍ਤਾਵ, ਮੋਹੋ ਪਨ ਤਿਜਾਤਿਕੋ ਚ ਦ੍ਵਿਧਾਪਿ ਹੋਤਿ, ਸੇਸਾ ਆਸਵਵਿਪ੍ਪਯੁਤ੍ਤਾ ਏਵਾਤਿ. ਤਤਿਯਂ.

ਚਤ੍ਤਾਰੋ ¶ ਆਸਵਾ ਆਸਵਾ ਚੇਵ ਸਾਸਵਾ ਚ ਨਾਮ. ਤਦਵਸੇਸਾ ਲੋਕਿਯਧਮ੍ਮਾ ਸਾਸਵਾ ਚੇਵ ਨੋ ਚ ਆਸਵਾ ਨਾਮ. ਇਧ ਪਨ ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਆਸਵਾਤਿ ਵੁਤ੍ਤੇਹਿ ¶ ਸੇਸਾ ਅਕੁਸਲਾ, ਕਰੁਣਾਮੁਦਿਤਾ ਚ ਸਾਸਵਾ ਚੇਵ ਨੋ ਚ ਆਸਵਾ ਏਵ, ਸੇਸਾ ਤਥਾ ਚ ਨ ਵਤ੍ਤਬ੍ਬਾ ਚ. ਚਤੁਤ੍ਥਂ.

ਯੇ ਪਨ ਲੋਭਮੂਲੇਸੁ ਲੋਭਮੋਹਾ, ਲੋਭਦਿਟ੍ਠਿਮੋਹੋ ਚਾਤਿ ਦ੍ਵੇ ਤਯੋ ਏਕਤੋ ਕਤ੍ਵਾ ਉਪ੍ਪਜ੍ਜਨ੍ਤਿ, ਤੇ ਆਸਵਾ ਚੇਵ ਆਸਵਸਮ੍ਪਯੁਤ੍ਤਾ ਚ ਨਾਮ. ਦ੍ਵਾਦਸ ਅਕੁਸਲਚਿਤ੍ਤਾਨਿ ਚੇਵ ਆਸਵਵਜ੍ਜਿਤਾ ਤਂਸਮ੍ਪਯੁਤ੍ਤਾ ਚ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ ਨਾਮ. ਇਧ ਪਨ ਆਸਵਵਿਪ੍ਪਯੁਤ੍ਤਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਆਸਵਵਜ੍ਜਿਤਾ ਅਕੁਸਲਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ ਏਵ, ਮੋਹੋ ਸਿਯਾ ਆਸਵੋ ਚੇਵ ਆਸਵਸਮ੍ਪਯੁਤ੍ਤੋ ਚ, ਸਿਯਾ ਨ ਵਤ੍ਤਬ੍ਬੋ, ਤਿਜਾਤਿਕਾ ਸਿਯਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ, ਸਿਯਾ ਨ ਵਤ੍ਤਬ੍ਬਾ, ਕੁਸਲਾਬ੍ਯਾਕਤਾ ਨ ਵਤ੍ਤਬ੍ਬਾਵ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪਞ੍ਚਮਂ.

ਲੋਕੁਤ੍ਤਰਵਜ੍ਜਿਤਾ ਆਸਵਵਿਪ੍ਪਯੁਤ੍ਤਾ ਸਾਸਵਾ ਨਾਮ. ਲੋਕੁਤ੍ਤਰਾ ਆਸਵਵਿਪ੍ਪਯੁਤ੍ਤਾ ਅਨਾਸਵਾ ਨਾਮ. ਇਧ ਪਨ ਆਸਵਸਮ੍ਪਯੁਤ੍ਤਾ ਨ ਵਤ੍ਤਬ੍ਬਾਵ. ਚੇਤਸਿਕੇਸੁ ਪਨ ਕਰੁਣਾਮੁਦਿਤਾ ਆਸਵਵਿਪ੍ਪਯੁਤ੍ਤਾ ਸਾਸਵਾ ਏਵ, ਮੋਹੋ ਤਥਾ ਚ ਨ ਵਤ੍ਤਬ੍ਬੋ ਚ, ਸੇਸਕੁਸਲਾਬ੍ਯਾਕਤਾ ਦ੍ਵਿਧਾਪਿ ਹੋਨ੍ਤਿ, ਤਿਜਾਤਿਕਾ ਦ੍ਵਿਧਾਪਿ ਨ ਵਤ੍ਤਬ੍ਬਾਵ, ਮੋਹਵਜ੍ਜਿਤਾ ਪਨ ਅਕੁਸਲਾ ਨ ਵਤ੍ਤਬ੍ਬਾਵ. ਛਟ੍ਠਂ.

ਸਂਯੋਜਨਗੋਚ੍ਛਕੇ ¶ ਯਸ੍ਸ ਸਂਵਿਜ੍ਜਨ੍ਤਿ, ਤਂ ਪੁਗ੍ਗਲਂ ਵਟ੍ਟਸ੍ਮਿਂ ਸਂਯੋਜੇਨ੍ਤਿ ਬਨ੍ਧਨ੍ਤੀਤਿ ਸਂਯੋਜਨਾ. ਤਤੋ ਅਞ੍ਞੇ ਨੋ ਸਂਯੋਜਨਾ.

ਤਤ੍ਥ ਕਾਮਰਾਗਸਂਯੋਜਨਂ ਭਵਰਾਗਪਟਿਘਮਾਨਦਿਟ੍ਠਿਵਿਚਿਕਿਚ੍ਛਾਸੀਲਬ੍ਬਤਪਰਾਮਾਸਇਸ੍ਸਾਮਚ੍ਛਰਿਯਅਵਿਜ੍ਜਾਸਂਯੋਜਨਨ੍ਤਿ ਇਮੇ ਦਸ ਧਮ੍ਮਾ ਸਂਯੋਜਨਾ ਨਾਮ. ਤੇਸੁ ਕਾਮਭਵਦਿਟ੍ਠਿਅਵਿਜ੍ਜਾਸਂਯੋਜਨਾਨਿ ਆਸਵਗੋਚ੍ਛਕੇ ਵੁਤ੍ਤਨਯਾਨੇਵ. ‘‘ਅਨਤ੍ਥਂ ਮੇ ਅਚਰਿ, ਚਰਤਿ, ਚਰਿਸ੍ਸਤਿ, ਪਿਯਸ੍ਸ ਮੇ ਅਨਤ੍ਥਂ ਅਚਰਿ, ਚਰਤਿ, ਚਰਿਸ੍ਸਤਿ, ਅਪ੍ਪਿਯਸ੍ਸ ਮੇ ਅਤ੍ਥਂ ਅਚਰਿ, ਚਰਤਿ, ਚਰਿਸ੍ਸਤੀ’’ਤਿ (ਧ. ਸ. ੧੦੬੬) ਏਵਂ ਵੁਤ੍ਤੇਹਿ ਨਵਹਿ ਆਕਾਰੇਹਿ ਸਤ੍ਤੇਸੁ, ਅਟ੍ਠਾਨਕੋਪਵਸੇਨ ਸਙ੍ਖਾਰੇਸੁ ਚ ਉਪ੍ਪਜ੍ਜਮਾਨੋ ਸਬ੍ਬੋਪਿ ਦੋਸੋ ਪਟਿਘਸਂਯੋਜਨਂ ਨਾਮ.

‘‘ਸੇਯ੍ਯੋਹਮਸ੍ਮਿ ¶ , ਸਦਿਸੋਹਮਸ੍ਮਿ, ਹੀਨੋਹਮਸ੍ਮੀ’’ਤਿ ਏਵਂ ਤੀਹਿ ਆਕਾਰੇਹਿ ਪਵਤ੍ਤੋ ਸਬ੍ਬੋ ਮਾਨੋ ਮਾਨਸਂਯੋਜਨਂ ਨਾਮ. ਤਤ੍ਥ ਸੇਯ੍ਯਸ੍ਸੇਵ ਸਤੋ ਪੁਗ੍ਗਲਸ੍ਸ ‘‘ਸੇਯ੍ਯੋਹਮਸ੍ਮਿ, ਸਦਿਸੋ, ਹੀਨੋ’’ਤਿ ਚ ਤਿਧਾ ਮਾਨੋ ਉਪ੍ਪਜ੍ਜਤਿ, ਤਥਾ ਸਦਿਸਹੀਨਾਨਮ੍ਪਿ. ਤਤ੍ਥ ਸੇਯ੍ਯਸ੍ਸ ਸੇਯ੍ਯਮਾਨੋਵ ਯਾਥਾਵਮਾਨੋ. ਤਥਾ ਸਦਿਸਸ੍ਸ ਸਦਿਸਮਾਨੋ, ਹੀਨਸ੍ਸ ਹੀਨਮਾਨੋ ਚ. ਤਿਣ੍ਣਮ੍ਪਿ ਇਤਰੇ ਦ੍ਵੇ ਦ੍ਵੇ ਮਾਨਾ ਅਯਾਥਾਵਮਾਨਾਤਿ ਞਾਤਬ੍ਬਾ.

ਸਤ੍ਥੁਧਮ੍ਮਸਙ੍ਘਸਿਕ੍ਖਾਸੁ, ਪੁਬ੍ਬਨ੍ਤਾਪਰਨ੍ਤਤਦੁਭਯਪਟਿਚ੍ਚਸਮੁਪ੍ਪਨ੍ਨੇਸੁ ਚ ਕਙ੍ਖਤਾਵਸੇਨ ਪਵਤ੍ਤਾ ਸਬ੍ਬਾਪਿ ਵਿਚਿਕਿਚ੍ਛਾ ਵਿਚਿਕਿਚ੍ਛਾਸਂਯੋਜਨਂ ਨਾਮ.

ਗੋਸੀਲਗੋਵਤਾਦੀਹਿ ਸੁਦ੍ਧੀਤਿ ਗਹਣਾਕਾਰਪ੍ਪਵਤ੍ਤਾ ਦਿਟ੍ਠਿ ਏਵ ਸੀਲਬ੍ਬਤਪਰਾਮਾਸਸਂਯੋਜਨਂ ਨਾਮ.

ਤਦਵਸੇਸਾ ਦਿਟ੍ਠਿ ਦਿਟ੍ਠਿਸਂਯੋਜਨਨ੍ਤਿ ਗਹੇਤਬ੍ਬਂ.

ਪਰਲਾਭਸਕ੍ਕਾਰਗਰੁਕਾਰਮਾਨਨਵਨ੍ਦਨਪੂਜਨਾਦੀਸੁ ¶ ਅਸਹਨਾਕਾਰੇਨ ਪਵਤ੍ਤਾ ਇਸ੍ਸਾ ਇਸ੍ਸਾਸਂਯੋਜਨਂ ਨਾਮ. ਆਵਾਸਮਚ੍ਛਰਿਯਂ ਕੁਲਲਾਭਵਣ੍ਣਧਮ੍ਮਮਚ੍ਛਰਿਯਨ੍ਤਿ ਪਞ੍ਚਵਿਧਂ ਮਚ੍ਛਰਿਯਂ ਮਚ੍ਛਰਿਯਸਂਯੋਜਨਂ ਨਾਮ. ਸਕਲਾਰਾਮੇਪਿ ਹਿ ਪਰਿਵੇਣੋਵਰਕਾਦੀਸੁ ਵਾ ਵਸਨ੍ਤੋ ਤਤ੍ਥ ਅਞ੍ਞਸ੍ਸ ਵਤ੍ਤਸਮ੍ਪਨ੍ਨਸ੍ਸ ਪੇਸਲਸ੍ਸ ਭਿਕ੍ਖੁਨੋ ਆਗਮਨਂ ਨ ਇਚ੍ਛਤਿ, ਆਗਤਸ੍ਸਾਪਿ ਖਿਪ੍ਪਂ ਗਮਨਞ੍ਞੇਵ ਇਚ੍ਛਤਿ, ਇਦਂ ਆਵਾਸਮਚ੍ਛਰਿਯਂ ਨਾਮ. ਭਣ੍ਡਨਕਾਰਕਾਦੀਨਂ ਪਨ ਤਤ੍ਥ ਵਾਸਂ ਅਨਿਚ੍ਛਤੋ ਆਵਾਸਮਚ੍ਛਰਿਯਂ ਨਾਮ ਨ ਹੋਤਿ.

ਅਤ੍ਤਨੋ ਪਨ ਉਪਟ੍ਠਾਕਕੁਲੇ ਵਾ ਞਾਤਿਕੁਲੇ ਵਾ ਅਞ੍ਞਸ੍ਸ ਪੇਸਲਸ੍ਸ ਉਪਸਙ੍ਕਮਨਂ ਅਨਿਚ੍ਛਤੋ ਕੁਲਮਚ੍ਛਰਿਯਂ ਹੋਤਿ, ਪਾਪਪੁਗ੍ਗਲਸ੍ਸ ਅਨਿਚ੍ਛਤੋ ਪਨ ਨ ਹੋਤਿ. ਸੋ ਹਿ ਤੇਸਂ ਪਸਾਦਭੇਦਾਯ ਪਟਿਪਜ੍ਜਤੀਤਿ.

ਅਤ੍ਤਨਾ ਲਭਨਟ੍ਠਾਨੇ ਚਤੁਪਚ੍ਚਯਂ ਲਭਨ੍ਤੇ ਸੀਲਵਨ੍ਤੇ ਦਿਸ੍ਵਾ ‘‘ਮਾ ਲਭਨ੍ਤੂ’’ਤਿ ਚਿਨ੍ਤੇਨ੍ਤਸ੍ਸ ਲਾਭਮਚ੍ਛਰਿਯਂ ਹੋਤਿ. ਯੋ ਪਨ ਸਦ੍ਧਾਦੇਯ੍ਯਂ ਵਿਨਿਪਾਤੇਤਿ, ਪੂਤਿਭਾਵਮ੍ਪਿ ਗਚ੍ਛਨ੍ਤਂ ਅਞ੍ਞਸ੍ਸ ਨ ਦੇਤਿ ¶ , ਤਂ ਲਭਨ੍ਤਂ ਦਿਸ੍ਵਾ ‘‘ਸਚੇ ਇਮਂ ਅਞ੍ਞੋ ਸੀਲਵਾ ਲਭੇਯ੍ਯ, ਪਰਿਭੋਗਂ ਗਚ੍ਛੇਯ੍ਯਾ’’ਤਿ ਚਿਨ੍ਤੇਨ੍ਤਸ੍ਸ ਮਚ੍ਛਰਿਯਂ ਨਾਮ ਨਤ੍ਥਿ.

ਵਣ੍ਣੋ ਨਾਮ ਅਤ੍ਤਨਾ ਸਦਿਸੋ ਸਰੀਰਵਣ੍ਣੋਪਿ ਗੁਣਵਣ੍ਣੋਪਿ. ਤਤ੍ਥ ‘‘ਰੂਪਵਾ ਪਾਸਾਦਿਕੋ’’ਤਿ ਪਰਸ੍ਸ ਸਰੀਰਵਣ੍ਣਂ, ‘‘ਸੀਲਵਾ, ਧੁਤਵਾ’’ਤਿਆਦਿਨਾ ਗੁਣਵਣ੍ਣਞ੍ਚ ਅਤ੍ਤਨੋ ਵਣ੍ਣਭਣਨਟ੍ਠਾਨੇ ਵੁਚ੍ਚਮਾਨਂ ਅਸਹਨ੍ਤਸ੍ਸ ਦੁਵਿਧਂ ਵਣ੍ਣਮਚ੍ਛਰਿਯਂ ਨਾਮ ਹੋਤਿ, ਅਪੇਸਲਂ ਪਨ ਵਿਪਨ੍ਨਂ ਪਸਂਸਿਤ੍ਵਾ ਪਰਿਸਾਸੁ ਉਪਤ੍ਥਮ੍ਭੇਨ੍ਤਂ ਦਿਸ੍ਵਾ ਪਾਪਗਰਹਿਤਾਯ ਅਸਹਨ੍ਤਸ੍ਸ ਨ ਹੋਤਿ.

ਧਮ੍ਮੋਤਿ ਪਰਿਯਤ੍ਤਿਯੇਵ, ਨ ਪਟਿਵੇਧੋ ਅਰਿਯਾਨਂ ਤਤ੍ਥ ਮਚ੍ਛਰਿਯਾਭਾਵਾ. ਪਰਿਯਤ੍ਤਿਂ ਪਨ ਗੁਲ਼੍ਹਗਨ੍ਥਂ ਅਞ੍ਞੇਸਂ ਅਕਥੇਤੁਕਾਮਸ੍ਸ ਧਮ੍ਮਮਚ੍ਛਰਿਯਂ ਨਾਮ ਹੋਤਿ, ਧਮ੍ਮਾਨੁਗ੍ਗਹੇਨ ਪਨ ਲੋਲਸ੍ਸ ¶ , ਕਾਲੇਨ ਸਮਣੋ, ਕਾਲੇਨ ਨਿਗਣ੍ਠਾਦਿ ਚ ਹੁਤ੍ਵਾ ਵਿਚਰਨ੍ਤਸ੍ਸ ਪਵੇਣਿਆਗਤਂ ਤਨ੍ਤਿਂ ‘‘ਸਣ੍ਹਸੁਖੁਮਂ ਧਮ੍ਮਨ੍ਤਰਂ ਭਿਨ੍ਦਿਤ੍ਵਾ ਆਲੁਲ਼ਿਸ੍ਸਤਿ, ਅਮ੍ਹਾਕਂ ਸਮਯਂ ਭਿਨ੍ਦਿਸ੍ਸਤੀ’’ਤਿ ਚ ਨ ਦੇਨ੍ਤਸ੍ਸ, ਪੁਗ੍ਗਲਾਨੁਗ੍ਗਹੇਨ ਵਾ ਪਕਤਿਯਾ ਸਠਸ੍ਸ ਮਾਯਾਵਿਨੋ ‘‘ਸਣ੍ਹਸੁਖੁਮਧਮ੍ਮਂ ਉਗ੍ਗਣ੍ਹਿਤ੍ਵਾ ਅਞ੍ਞਂ ਬ੍ਯਾਕਰਿਤ੍ਵਾ ਨਸ੍ਸਿਸ੍ਸਤੀ’’ਤਿ ਨ ਦੇਨ੍ਤਸ੍ਸ ਚ ਧਮ੍ਮਮਚ੍ਛਰਿਯਂ ਨ ਹੋਤਿ. ਯਥਾ ਚ ਭਿਕ੍ਖੂਨਂ, ਏਵਂ ਗਹਟ੍ਠਾਨਮ੍ਪਿ ਪਞ੍ਚਵਿਧਂ ਮਚ੍ਛਰਿਯਂ ਯਥਾਨੁਰੂਪਂ ਞਾਤਬ੍ਬਂ. ਸਙ੍ਖੇਪਤੋ ਪਨ ਗਹਟ੍ਠਪਬ੍ਬਜਿਤਾਨਂ ਅਤ੍ਤਸਮ੍ਪਤ੍ਤਿਨਿਗੂਹਨਲਕ੍ਖਣਂ ਮਚ੍ਛਰਿਯਂ ਨਾਮਾਤਿ ਗਹੇਤਬ੍ਬਂ.

ਇਮੇਸੁ ਚ ਸਂਯੋਜਨੇਸੁ ਦਿਟ੍ਠਿਵਿਚਿਕਿਚ੍ਛਾਸੀਲਬ੍ਬਤਪਰਾਮਾਸਇਸ੍ਸਾਮਚ੍ਛਰਿਯਾਨਿ ਸੋਤਾਪਤ੍ਤਿਮਗ੍ਗੇਨ ਪਹੀਯਨ੍ਤਿ, ਪਟਿਘੋ ਅਨਾਗਾਮਿਮਗ੍ਗੇਨ, ਕਾਮਰਾਗੋ ਚਤੂਹਿਪੀਤਿ ਵਤ੍ਤਬ੍ਬਂ, ‘‘ਤਤਿਯੇਨਾ’’ਤਿ ਪਨ ਵੁਤ੍ਤਂ. ਮਾਨਭਵਰਾਗਅਵਿਜ੍ਜਾ ਅਰਹਤ੍ਤਮਗ੍ਗੇਨ. ਤਤ੍ਥ ਚ ਅਯਾਥਾਵਮਾਨੋ ਪਠਮਮਗ੍ਗੇਨ ਪਹੀਯਤੀਤਿ ਦਟ੍ਠਬ੍ਬੋ, ਇਮੇਸਂ ਕਾਮਰਾਗਭਵਰਾਗਾਨਂ ਲੋਭਸਭਾਵਤ੍ਤਾ ਦਿਟ੍ਠਿਸੀਲਬ੍ਬਤਪਰਾਮਾਸਾਨਂ ਮਿਚ੍ਛਾਦਿਟ੍ਠਿਸਭਾਵਤ੍ਤਾ ਸਭਾਵਤੋ ਅਟ੍ਠੇਵ ਧਮ੍ਮਾ ਦਸ ਸਂਯੋਜਨਾ ਨਾਮ ਜਾਤਾ. ਇਮੇ ਦਸ ਠਪੇਤ੍ਵਾ ਸੇਸਾ ਲੋਕਿਯਲੋਕੁਤ੍ਤਰਧਮ੍ਮਾ ਨੋ ਸਂਯੋਜਨਾ ਨਾਮ. ਸੇਸਂ ਆਸਵਦੁਕਸਦਿਸਂ. ਸਂਯੋਜਨਦੁਕਂ ਪਠਮਂ.

ਆਰਮ੍ਮਣਭਾਵਂ ਉਪਗਨ੍ਤ੍ਵਾ ਸਂਯੋਜਨਸਂਵਡ੍ਢਨੇਨ ਸਂਯੋਜਨਾਨਂ ਹਿਤਾਤਿ ਸਂਯੋਜਨਿਯਾ, ਸਾਸਵਧਮ੍ਮਾ ਏਵ. ਤਥਾ ਨੀਵਰਣਿਯਾਤਿ ਏਤ੍ਥਾਪਿ. ਨ ਸਂਯੋਜਨਿਯਾ ਅਸਂਯੋਜਨਿਯਾ, ਅਨਾਸਵਾ. ਸੇਸਂ ਸਾਸਵਦੁਕਸਦਿਸਮੇਵ. ਦੁਤਿਯਂ.

ਤਤਿਯਾਦਯੋਪਿ ¶ ਆਸਵਗੋਚ੍ਛਕੇ ਤਤਿਯਾਦਿਸਦਿਸਾ ਏਵ, ਵਿਸੇਸਮਤ੍ਤਮੇਵੇਤ੍ਥ ਵਕ੍ਖਾਮ. ਤਤ੍ਥ ਹਿ ਦ੍ਵਾਦਸਾਕੁਸਲਚਿਤ੍ਤਾਨਿ ਸਂਯੋਜਨਸਮ੍ਪਯੁਤ੍ਤਾ ਨਾਮ, ਉਦ੍ਧਚ੍ਚਸਹਗਤੋ ਮੋਹੋ, ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਸਂਯੋਜਨਵਿਪ੍ਪਯੁਤ੍ਤਾ ਨਾਮ. ਸੇਸਂ ਸਮਮੇਵ. ਤਤਿਯਂ.

ਦਸ ¶ ਸਂਯੋਜਨਾਨਿ ਸਂਯੋਜਨਾ ਚੇਵ ਸਂਯੋਜਨਿਯਾ ਚ ਨਾਮ. ਤਦਵਸੇਸਲੋਕਿਯਧਮ੍ਮਾ ਸਂਯੋਜਨਿਯਾ ਚੇਵ ਨੋ ਚ ਸਂਯੋਜਨਾ ਨਾਮ. ਸੇਸਂ ਸੁਵਿਞ੍ਞੇਯ੍ਯਮੇਵ. ਚਤੁਤ੍ਥਂ.

ਯੇ ਪਨ ਉਦ੍ਧਚ੍ਚਵਿਰਹਿਤੇਸੁ ਏਕਾਦਸਸੁ ਅਕੁਸਲਚਿਤ੍ਤੇਸੁ ਵਿਚਿਕਿਚ੍ਛਾਮੋਹਾ ਦੋਸਮੋਹਾ ਦੋਸਇਸ੍ਸਾਮੋਹਾ ਦੋਸਮਚ੍ਛਰਿਯਮੋਹਾ ਲੋਭਮਾਨਮੋਹਾ ਲੋਭਦਿਟ੍ਠਿਮੋਹਾ ਚਾਤਿ ਦ੍ਵੇ ਤਯੋ ਏਕਤੋ ਉਪ੍ਪਜ੍ਜਨ੍ਤਿ, ਤੇ ਸਂਯੋਜਨਾ ਚੇਵ ਸਂਯੋਜਨਸਮ੍ਪਯੁਤ੍ਤਾ ਚ ਨਾਮ. ਦ੍ਵਾਦਸਾਕੁਸਲਚਿਤ੍ਤਾਨਿ ਚੇਵ ਸਂਯੋਜਨਵਜ੍ਜਿਤਤਂਸਮ੍ਪਯੁਤ੍ਤਾ ਚ ਸਂਯੋਜਨਸਮ੍ਪਯੁਤ੍ਤਾ ਚੇਵ ਨੋ ਚ ਸਂਯੋਜਨਾ ਨਾਮ. ਸੇਸਮਿਧ ਅਨਨ੍ਤਰਦੁਕਞ੍ਚ ਆਸਵਗੋਚ੍ਛਕੇ ਪਞ੍ਚਮਛਟ੍ਠਦੁਕਸਦਿਸਮੇਵ. ਕੇਵਲਂ ਆਸਵਪਦਟ੍ਠਾਨੇ ਸਂਯੋਜਨਪਦਮੇਵ ਵਿਸੇਸੋ. ਪਞ੍ਚਮਛਟ੍ਠਦੁਕਾਨਿ.

ਗਨ੍ਥਗੋਚ੍ਛਕੇ ਯਸ੍ਸ ਸਂਵਿਜ੍ਜਨ੍ਤਿ, ਤਂ ਚੁਤਿਪਟਿਸਨ੍ਧਿਵਸੇਨ ਵਟ੍ਟਸ੍ਮਿਂ ਗਨ੍ਥੇਨ੍ਤਿ ਘਟੇਨ੍ਤੀਤਿ ਗਨ੍ਥਾ. ਤਤੋ ਅਞ੍ਞੇ ਨੋ ਗਨ੍ਥਾ.

ਤਤ੍ਥ ਅਭਿਜ੍ਝਾਕਾਯਗਨ੍ਥੋ, ਬ੍ਯਾਪਾਦੋ, ਸੀਲਬ੍ਬਤਪਰਾਮਾਸੋ, ਇਦਂਸਚ੍ਚਾਭਿਨਿਵੇਸੋ ਕਾਯਗਨ੍ਥੋਤਿ ਇਮੇ ਚਤ੍ਤਾਰੋ ਧਮ੍ਮਾ ਗਨ੍ਥਾ ਨਾਮ. ਤਤ੍ਥ ਅਭਿਜ੍ਝਾ ਏਵ ਨਾਮਕਾਯਂ ਵੁਤ੍ਤਨਯੇਨ ਗਨ੍ਥੇਤੀਤਿ ਅਭਿਜ੍ਝਾਕਾਯਗਨ੍ਥੋ. ਏਵਂ ਸੇਸੇਸੁਪਿ. ਸਬ੍ਬਞ੍ਞੁਭਾਸਿਤਮ੍ਪਿ ਪਟਿਕ੍ਖਿਪਿਤ੍ਵਾ ‘‘ਸਸ੍ਸਤੋ ਲੋਕੋ, ਇਦਮੇਵ ਸਚ੍ਚਂ, ਮੋਘਮਞ੍ਞ’’ਨ੍ਤਿ ਇਮਿਨਾ ਆਕਾਰੇਨ ਅਭਿਨਿਵਿਸਨਤੋ ਸੀਲਬ੍ਬਤਪਰਾਮਾਸਵਿਰਹਿਤਾ ਸਬ੍ਬਾਪਿ ਦਿਟ੍ਠਿ ਇਦਂਸਚ੍ਚਾਭਿਨਿਵੇਸੋ ਨਾਮ. ਸੇਸਾ ਵੁਤ੍ਤਤ੍ਥਾਵ. ਇਮੇਸੁ ਚ ਪਚ੍ਛਿਮਾ ਦ੍ਵੇ ਗਨ੍ਥਾ ਪਠਮੇਨ ਮਗ੍ਗੇਨ ਪਹੀਯਨ੍ਤਿ, ਬ੍ਯਾਪਾਦੋ ਤਤਿਯੇਨ, ਅਭਿਜ੍ਝਾ ਚਤੂਹਿਪਿ. ਇਮੇ ਚ ਸਭਾਵਤੋ ਤਯੋ ਧਮ੍ਮਾ ਚਤ੍ਤਾਰੋ ¶ ਗਨ੍ਥਾ ਨਾਮ ਜਾਤਾ. ਇਮੇ ਪਨ ਠਪੇਤ੍ਵਾ ਸੇਸਾ ਸਬ੍ਬੇ ਧਮ੍ਮਾ ਨੋ ਗਨ੍ਥਾ ਨਾਮ. ਗਨ੍ਥਦੁਕਂ ਪਠਮਂ.

ਆਰਮ੍ਮਣਕਰਣਵਸੇਨ ¶ ਗਨ੍ਥੇਹਿ ਗਨ੍ਥਿਤਬ੍ਬਾਤਿ ਗਨ੍ਥਨਿਯਾ. ਨ ਗਨ੍ਥਨਿਯਾ ਅਗਨ੍ਥਨਿਯਾ. ਸੇਸਂ ਸਾਸਵਦੁਕਸਦਿਸਮੇਵ. ਦੁਤਿਯਂ.

ਮੋਹਮੂਲਵਜ੍ਜਿਤਾਨਿ ਦਸ ਅਕੁਸਲਚਿਤ੍ਤਾਨਿ, ਦਿਟ੍ਠਿਵਿਪ੍ਪਯੁਤ੍ਤਚਿਤ੍ਤੇਸੁ ਲੋਭਂ, ਦੋਸਮੂਲੇਸੁ ਚ ਦੋਸਂ ਠਪੇਤ੍ਵਾ ਤਂਸਮ੍ਪਯੁਤ੍ਤਾ ਚ ਗਨ੍ਥਸਮ੍ਪਯੁਤ੍ਤਾ ਨਾਮ. ਯਥਾਵੁਤ੍ਤੋ ਲੋਭੋ, ਦੋਸੋ, ਮੋਹਮੂਲਾਨਿ, ਕੁਸਲਾਬ੍ਯਾਕਤਾਨਿ ਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚ ਗਨ੍ਥਵਿਪ੍ਪਯੁਤ੍ਤਾ ਨਾਮ. ਚੇਤਸਿਕੇਸੁ ਪਨ ਦਿਟ੍ਠਿਮਾਨਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਥਿਨਮਿਦ੍ਧਾਨਿ ਗਨ੍ਥਸਮ੍ਪਯੁਤ੍ਤਾ ਏਵ. ਦੋਸਵਿਚਿਕਿਚ੍ਛਾ, ਕੁਸਲਾਬ੍ਯਾਕਤਾ ਚ ਗਨ੍ਥਵਿਪ੍ਪਯੁਤ੍ਤਾ ਏਵ, ਸੇਸਾ ਦ੍ਵਿਧਾਪਿ ਹੋਨ੍ਤਿ. ਤਤਿਯਂ.

ਚਤ੍ਤਾਰੋ ਗਨ੍ਥਾ ਗਨ੍ਥਾ ਚੇਵ ਗਨ੍ਥਨਿਯਾ ਚ ਨਾਮ. ਤਦਵਸੇਸਾ ਲੋਕਿਯਾ ਗਨ੍ਥਨਿਯਾ ਚੇਵ ਨੋ ਚ ਗਨ੍ਥਾ ਨਾਮ. ਤਥਾ ਚੇਤਸਿਕੇਸੁ ਗਨ੍ਥਵਜ੍ਜਿਤਾ ਅਕੁਸਲਾ, ਅਪ੍ਪਮਞ੍ਞਾ ਚ, ਸੇਸਾ ਚੇਤਸਿਕਾ ਪਨ ਤਥਾ ਚ ਨ ਵਤ੍ਤਬ੍ਬਾ ਚ, ਇਧ ਪਨ ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਚਤੁਤ੍ਥਂ.

ਦਿਟ੍ਠਿ ਗਨ੍ਥਾਚੇਵ ਗਨ੍ਥਸਮ੍ਪਯੁਤ੍ਤਾ ਚ ਨਾਮ. ਲੋਭੋ ਤਥਾ ਚ ਨ ਵਤ੍ਤਬ੍ਬੋ ਚ, ਗਨ੍ਥਸਮ੍ਪਯੁਤ੍ਤੇਸੁ ਗਨ੍ਥੇ ਠਪੇਤ੍ਵਾ ਸੇਸਾ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ ਨਾਮ. ਇਧ ਪਨ ਗਨ੍ਥਵਿਪ੍ਪਯੁਤ੍ਤਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਮਾਨਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਥਿਨਮਿਦ੍ਧਾਨਿ ਗਨ੍ਥਸਮ੍ਪਯੁਤ੍ਤਾ ਚੇਵ ਨੋ ਚ ਗਨ੍ਥਾ ਏਵ, ਮੋਹਾਹਿਰਿਕਾਨੋਤ੍ਤਪ੍ਪਉਦ੍ਧਚ੍ਚਾਨਿ ਤਿਜਾਤਿਕਾ ਚ ਸਿਯਾ, ਤਥਾ ਨਵਤ੍ਤਬ੍ਬਾ ਚ, ਸੇਸਾ ਨ ਵਤ੍ਤਬ੍ਬਾ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪਞ੍ਚਮਂ.

ਲੋਕੁਤ੍ਤਰਵਜ੍ਜਿਤਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ ਨਾਮ. ਲੋਕੁਤ੍ਤਰਾ ਪਨ ਗਨ੍ਥਵਿਪ੍ਪਯੁਤ੍ਤਾ ਅਗਨ੍ਥਨਿਯਾ ਨਾਮ. ਇਧ ਪਨ ਗਨ੍ਥਸਮ੍ਪਯੁਤ੍ਤਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਦੋਸੋ ਵਿਚਿਕਿਚ੍ਛਾ ¶ ਕਰੁਣਾ ਮੁਦਿਤਾ ਗਨ੍ਥਵਿਪ੍ਪਯੁਤ੍ਤਾ ਗਨ੍ਥਨਿਯਾ ਏਵ, ਮੋਹਾਹਿਰਿਕਾਨੋਤ੍ਤਪ੍ਪਉਦ੍ਧਚ੍ਚਲੋਭਾ ਤਥਾ ਨ ਵਤ੍ਤਬ੍ਬਾ ਚ, ਸੇਸਾ ਕੁਸਲਾਬ੍ਯਾਕਤਾ ਦ੍ਵਿਧਾਪਿ ਹੋਨ੍ਤਿ, ਤਿਜਾਤਿਕਾ ਪਨ ਦ੍ਵਿਧਾਪਿ ਨ ਵਤ੍ਤਬ੍ਬਾ ਚ, ਸੇਸਾ ਅਕੁਸਲਾਪਿ ਨ ਵਤ੍ਤਬ੍ਬਾ ਚ. ਛਟ੍ਠਂ.

ਓਘਯੋਗਗੋਚ੍ਛਕਾਨਿ ਸਬ੍ਬਥਾ ਆਸਵਗੋਚ੍ਛਕਸਦਿਸਾਨਿ. ਪਦਤ੍ਥਮਤ੍ਤਮੇਵ, ਹੇਤ੍ਥ ਨਾਮਮਤ੍ਤਞ੍ਚ ਵਿਸੇਸੋ ¶ . ਤਤ੍ਥ ਯਸ੍ਸ ਸਂਵਿਜ੍ਜਨ੍ਤਿ, ਤਂ ਵਟ੍ਟਸ੍ਮਿਂ ਓਹਨਨ੍ਤਿ ਓਸੀਦਾਪੇਨ੍ਤੀਤਿ ਓਘਾ. ਆਰਮ੍ਮਣਂ ਕਤ੍ਵਾ ਅਤਿਕ੍ਕਮਨੀਯਤੋ ਓਘੇਹਿ ਅਤਿਕ੍ਕਮਿਤਬ੍ਬਾਤਿ ਓਘਨਿਯਾ. ਤਥਾ ਯੋਗਨਿਯਾਤਿ ਏਤ੍ਥਾਪਿ. ਵਟ੍ਟਸ੍ਮਿਂ ਯੋਜੇਨ੍ਤੀਤਿ ਯੋਗਾ. ਸੇਸਂ ਤਾਦਿਸਮੇਵ.

ਨੀਵਰਣਗੋਚ੍ਛਕੇ ਚਿਤ੍ਤਂ ਨੀਵਰਨ੍ਤਿ ਪਰਿਯੋਨਨ੍ਧਨ੍ਤੀਤਿ ਨੀਵਰਣਾ. ਤਤ੍ਥ ਕਾਮਚ੍ਛਨ੍ਦਨੀਵਰਣਂ ਬ੍ਯਾਪਾਦਨੀਵਰਣਂ ਥਿਨਮਿਦ੍ਧਨੀਵਰਣਂ ਉਦ੍ਧਚ੍ਚਕੁਕ੍ਕੁਚ੍ਚਨੀਵਰਣਂ ਵਿਚਿਕਿਚ੍ਛਾਨੀਵਰਣਂ ਅਵਿਜ੍ਜਾਨੀਵਰਣਨ੍ਤਿ ਇਮੇ ਛ ਨੀਵਰਣਾ ਨਾਮ. ਤਤ੍ਥ ਥਿਨਨ੍ਤਿ ਸਪ੍ਪਿਪਿਣ੍ਡੋ ਵਿਯ ਅਵਿਪ੍ਫਾਰਿਕਤਾਯ ਚਿਤ੍ਤਸ੍ਸ ਘਨਭਾਵੋ, ਥਦ੍ਧਤਾਤਿ ਅਤ੍ਥੋ. ਮੇਧਤੀਤਿ ਮਿਦ੍ਧਂ, ਅਕਮ੍ਮਞ੍ਞਭਾਵੋ, ਪਚਲਾਯਿਕਭਾਵਕਰੋਤਿ ਅਤ੍ਥੋ. ਇਦਞ੍ਚ ਸੇਖਪੁਥੁਜ੍ਜਨਾਨਂ ਨਿਦ੍ਦਾਯ ਪੁਬ੍ਬਭਾਗੇ, ਅਪਰਭਾਗੇ ਚ ਪਚਲਾਯਨਹੇਤੁਕਂ ਉਪ੍ਪਜ੍ਜਤਿ, ਨ ਨਿਦ੍ਦੋਕ੍ਕਮਨਕਾਲੇ. ਖੀਣਾਸਵਾਨਮ੍ਪਿ ਹਿ ਕਰਜਕਾਯਸ੍ਸ ਦੁਬ੍ਬਲਭਾਵੇਨ ਅਸਮ੍ਮਿਸ੍ਸਭਵਙ੍ਗਸਨ੍ਤਤਿਵਸੇਨ ਨਿਦ੍ਦੋਕ੍ਕਮਨਂ ਹੋਤਿ, ਤਂ ਪਨ ਤੇਸਂ ਥਿਨਮਿਦ੍ਧਹੇਤੁਕਂ ਨ ਹੋਤਿ, ਇਤਰੇਸਮੇਵ ਹੋਤਿ.

ਕੇਚਿ ¶ ਪਨ ਰੂਪਮੇਵ ‘‘ਮਿਦ੍ਧ’’ਨ੍ਤਿ ਵਦਨ੍ਤਿ, ਤਂ ਨ ਯੁਤ੍ਤਂ, ‘‘ਥਿਨਮਿਦ੍ਧਨੀਵਰਣਂ ਅਵਿਜ੍ਜਾਨੀਵਰਣੇਨ ਨੀਵਰਣਞ੍ਚੇਵ ਨੀਵਰਣਸਮ੍ਪਯੁਤ੍ਤਞ੍ਚਾ’’ਤਿ ਅਰੂਪਧਮ੍ਮੇਹਿ ਸਮ੍ਪਯੋਗਵਚਨਤੋ ਅਰੂਪਮੇਵ. ਅਕੁਸਲਞ੍ਚ ‘‘ਥਿਨਮਿਦ੍ਧਨੀਵਰਣਸ੍ਸ ਪਹੀਨਤ੍ਤਾ’’ਤਿਆਦਿਪਹਾਨਵਚਨਤੋ. ਅਕੁਸਲਾ ਏਵ ਹਿ ਪਹਾਤਬ੍ਬਾ, ਤਸ੍ਮਾ ਆਰੁਪ੍ਪੇਪਿ ਚੇਤਂ ਉਪ੍ਪਜ੍ਜਤਿ. ‘‘ਨੀਵਰਣਂ ਧਮ੍ਮਂ ਪਟਿਚ੍ਚ ਨੀਵਰਣੋ ਧਮ੍ਮੋ ਉਪ੍ਪਜ੍ਜਤਿ ਨ ਪੁਰੇਜਾਤਪਚ੍ਚਯਾ’’ਤਿ (ਪਟ੍ਠਾ. ੩.੮.੮) ਏਤਸ੍ਸ ਵਿਭਙ੍ਗੇ ‘‘ਆਰੁਪ੍ਪੇ ਕਾਮਚ੍ਛਨ੍ਦਨੀਵਰਣਂ ਪਟਿਚ੍ਚ ਥਿਨਮਿਦ੍ਧਉਦ੍ਧਚ੍ਚਅਵਿਜ੍ਜਾਨੀਵਰਣ’’ਨ੍ਤਿ (ਪਟ੍ਠਾ. ੩.੮.੮) ਸਬ੍ਬਂ ਵਿਤ੍ਥਾਰੇਤਬ੍ਬਂ. ‘‘ਸੋਪ੍ਪਂ ਪਚਲਾਯਿਕਾ’’ਤਿ (ਧ. ਸ. ੧੧੬੩) ਪਦਭਾਜਨੀਯੇ ਪਨਸ੍ਸ ਫਲੂਪਚਾਰੇਨ ਵੁਤ੍ਤਨ੍ਤਿ ਵੇਦਿਤਬ੍ਬਂ. ਥਿਨਂ ਮਿਦ੍ਧਞ੍ਚਾਤਿ ਇਦਂ ਦ੍ਵਯਂ ਨੀਵਰਣਟ੍ਠਾਨੇ ਏਕਨੀਵਰਣਂ ਵੁਤ੍ਤਂ, ਤਥਾ ਉਦ੍ਧਚ੍ਚਕੁਕ੍ਕੁਚ੍ਚਞ੍ਚਾਤਿ ਇਦਂ ਦ੍ਵਯਂ. ਤਤ੍ਥ ਕੁਕ੍ਕੁਚ੍ਚਨ੍ਤਿ ‘‘ਅਕਤਂ ਵਤ ਮੇ ਕਲ੍ਯਾਣਂ, ਕਤਂ ਪਾਪ’’ਨ੍ਤਿਆਦਿਨਾ ਉਪ੍ਪਜ੍ਜਮਾਨੋ ਵਿਪ੍ਪਟਿਸਾਰੋ. ਤੇਨੇਵਸ੍ਸ ਪਦਭਾਜਨੀਯੇ ‘‘ਚੇਤਸੋ ਵਿਪ੍ਪਟਿਸਾਰੋ ਮਨੋਵਿਲੇਖੋ’’ਤਿ ਚ ਵੁਤ੍ਤਂ. ‘‘ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾ’’ਤਿਆਦਿ ਪਨ ਕੁਕ੍ਕੁਚ੍ਚਮੂਲਦਸ੍ਸਨਤ੍ਥਂ. ਏਵਂਸਞ੍ਞਿਤਾਯ ਹਿ ਕਤੇ ਵੀਤਿਕ੍ਕਮੇ ਪਚ੍ਛਾ ‘‘ਦੁਟ੍ਠੁ ਮਯਾ ਕਤ’’ਨ੍ਤਿ ਸੁਦਿਨ੍ਨਾਦੀਨਂ ਵਿਯ ਵਿਪ੍ਪਟਿਸਾਰੋ ਉਪ੍ਪਜ੍ਜਤਿ. ਯਂ ਪਨ ਵਿਨਯੇ ‘‘ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ…ਪੇ… ਕੁਕ੍ਕੁਚ੍ਚਾਯਨ੍ਤੋ ਨ ਪਟਿਗ੍ਗਹੇਸੀ’’ਤਿ (ਪਾਚਿ. ੨੦੪) ਕੁਕ੍ਕੁਚ੍ਚਂ ਆਗਤਂ, ਤਂ ਨੀਵਰਣਕੁਕ੍ਕੁਚ੍ਚਂ ¶ . ਨ ਹਿ ਅਰਹਤੋ ਨੀਵਰਣਂ ਅਤ੍ਥਿ, ਨੀਵਰਣਵਤਿਰੂਪਕਂ ਪਨ ‘‘ਕਪ੍ਪਤਿ, ਨ ਕਪ੍ਪਤੀ’’ਤਿ ਵੀਮਂਸਨਸਙ੍ਖਾਤਂ ਵਿਨਯਕੁਕ੍ਕੁਚ੍ਚਂ ਨਾਮੇਤਨ੍ਤਿ ਵੇਦਿਤਬ੍ਬਂ. ਸੇਸਨੀਵਰਣਾਨਿ ਵੁਤ੍ਤਤ੍ਥਾਨਿ ਏਵ. ਇਮੇਸੁ ਚ ਕੁਕ੍ਕੁਚ੍ਚਵਿਚਿਕਿਚ੍ਛਾ ਪਠਮੇਨ ਮਗ੍ਗੇਨ ਪਹੀਯਨ੍ਤਿ, ਬ੍ਯਾਪਾਦੋ ਤਤਿਯੇਨ, ਥਿਨਮਿਦ੍ਧੁਦ੍ਧਚ੍ਚਾਵਿਜ੍ਜਾ ਚਤੁਤ੍ਥੇਨ, ਕਾਮਚ੍ਛਨ੍ਦੋ ਚਤੂਹਿਪੀਤਿ ਵਤ੍ਤਬ੍ਬਂ, ‘‘ਤਤਿਯੇਨਾ’’ਤਿ ਪਨ ਵੁਤ੍ਤਂ. ਇਮੇ ਚ ਸਭਾਵਤੋ ਅਟ੍ਠ ਧਮ੍ਮਾ ਛ ਨੀਵਰਣਾ ਨਾਮ ਜਾਤਾ, ਇਮੇ ਪਨ ਠਪੇਤ੍ਵਾ ਸੇਸਾ ਨੋ ਨੀਵਰਣਾ ਨਾਮ. ਨੀਵਰਣਦੁਕਂ ਪਠਮਂ.

ਦੁਤਿਯਂ ¶ ਸਾਸਵਦੁਕਸਦਿਸਮੇਵ. ਦ੍ਵਾਦਸ ਅਕੁਸਲਚਿਤ੍ਤਾਨਿ ਨੀਵਰਣਸਮ੍ਪਯੁਤ੍ਤਾ ਨਾਮ. ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਨੀਵਰਣਵਿਪ੍ਪਯੁਤ੍ਤਾ ਨਾਮ. ਚੇਤਸਿਕੇਸੁ ਅਕੁਸਲਾ ਨੀਵਰਣਸਮ੍ਪਯੁਤ੍ਤਾਵ, ਕੁਸਲਾਬ੍ਯਾਕਤਾ ਨੀਵਰਣਵਿਪ੍ਪਯੁਤ੍ਤਾਵ, ਸੇਸਾ ਦ੍ਵਿਧਾਪਿ ਹੋਨ੍ਤਿ. ਤਤਿਯਂ.

ਛ ਨੀਵਰਣਾ ਨੀਵਰਣਾ ਚੇਵ ਨੀਵਰਣਿਯਾ ਚ ਨਾਮ. ਸੇਸਾ ਲੋਕਿਯਾ ਨੀਵਰਣਿਯਾ ਚੇਵ ਨੋ ਚ ਨੀਵਰਣਾ ਨਾਮ. ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਸੇਸਂ ਆਸਵਗੋਚ੍ਛਕੇ ਚਤੁਤ੍ਥਸਦਿਸਮੇਵ. ਚਤੁਤ੍ਥਂ.

ਛ ਨੀਵਰਣਾ ਨੀਵਰਣਾ ਚੇਵ ਨੀਵਰਣਸਮ੍ਪਯੁਤ੍ਤਾ ਚ ਨਾਮ. ਤਦਞ੍ਞੇ ਨੀਵਰਣਸਮ੍ਪਯੁਤ੍ਤਾ ਪਨ ਨੀਵਰਣਸਮ੍ਪਯੁਤ੍ਤਾ ਚੇਵ ਨੋ ਚ ਨੀਵਰਣਾ ਨਾਮ. ਤਥਾ ਚੇਤਸਿਕੇਸੁ ਨੀਵਰਣਵਿਰਹਿਤਾ ਅਕੁਸਲਾ, ਤਿਜਾਤਿਕਾ ਪਨ ਤਥਾ ਚ ਨ ਵਤ੍ਤਬ੍ਬਾ ਚ, ਕੁਸਲਾਬ੍ਯਾਕਤਾ ਨ ਵਤ੍ਤਬ੍ਬਾਵ. ਇਧ ਪਨ ਨੀਵਰਣਵਿਪ੍ਪਯੁਤ੍ਤਾ ਸਬ੍ਬੇ ਨ ਵਤ੍ਤਬ੍ਬਾ. ਪਞ੍ਚਮਂ.

ਲੋਕੁਤ੍ਤਰਵਜ੍ਜਿਤਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾ ਨਾਮ. ਲੋਕੁਤ੍ਤਰਾ ਨੀਵਰਣਵਿਪ੍ਪਯੁਤ੍ਤਾ ਅਨੀਵਰਣਿਯਾ ਨਾਮ. ਇਧ ਪਨ ਨੀਵਰਣਸਮ੍ਪਯੁਤ੍ਤਾ ਨ ਵਤ੍ਤਬ੍ਬਾ. ਚੇਤਸਿਕੇਸੁ ਪਨ ਕਰੁਣਾਮੁਦਿਤਾ ਨੀਵਰਣਵਿਪ੍ਪਯੁਤ੍ਤਾ ਨੀਵਰਣਿਯਾਵ, ਕੁਸਲਾਬ੍ਯਾਕਤਾ ਦ੍ਵਿਧਾਪਿ ਹੋਨ੍ਤਿ, ਤਿਜਾਤਿਕਾ ਤਥਾ ਚ ਨ ਵਤ੍ਤਬ੍ਬਾ ਚ, ਅਕੁਸਲਾ ਪਨ ਨ ਵਤ੍ਤਬ੍ਬਾਵ. ਛਟ੍ਠਂ.

ਪਰਾਮਾਸਗੋਚ੍ਛਕੇ ਧਮ੍ਮਾਨਂ ਯਥਾਭੂਤਂ ਅਨਿਚ੍ਚਾਦਿਆਕਾਰਂ ਅਤਿਕ੍ਕਮਿਤ੍ਵਾ ‘‘ਨਿਚ੍ਚ’’ਨ੍ਤਿਆਦਿਵਸੇਨ ¶ ਪਵਤ੍ਤਮਾਨਾ ਪਰਤੋ ਆਮਸਨ੍ਤੀਤਿ ਪਰਾਮਾਸਾ. ਮਿਚ੍ਛਾਦਿਟ੍ਠਿ. ਬਹੁਵਚਨਨਿਦ੍ਦੇਸੇ ਕਾਰਣਂ ਵੁਤ੍ਤਮੇਵ. ਤਦਞ੍ਞੇ ਸਬ੍ਬੇ ਧਮ੍ਮਾ ਨੋ ਪਰਾਮਾਸਾ ਨਾਮ. ਪਰਾਮਾਸਦੁਕਂ ਪਠਮਂ.

ਪਰਾਮਾਸੇਹਿ ¶ ਆਰਮ੍ਮਣਕਰਣਵਸੇਨ ਪਰਾਮਟ੍ਠਤ੍ਤਾ ਪਰਾਮਟ੍ਠਾ. ਸੇਸਂ ਆਸਵਦੁਕਸਦਿਸਮੇਵ. ਦੁਤਿਯਂ.

ਦਿਟ੍ਠਿਸਮ੍ਪਯੁਤ੍ਤਚਿਤ੍ਤੇਸੁ ਦਿਟ੍ਠਿਵਿਰਹਿਤਾ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਾ ਨਾਮ. ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਪਰਾਮਾਸਵਿਪ੍ਪਯੁਤ੍ਤਾ ਨਾਮ. ਇਧ ਪਨ ਦਿਟ੍ਠਿ ਨ ਵਤ੍ਤਬ੍ਬਾ, ਸੇਸਚੇਤਸਿਕੇਸੁ ਪਨ ਮਾਨਦੋਸਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਵਿਚਿਕਿਚ੍ਛਾ, ਕੁਸਲਾਬ੍ਯਾਕਤਾ ਚ ਪਰਾਮਾਸਵਿਪ੍ਪਯੁਤ੍ਤਾ ਏਵ, ਸੇਸਾ ਦ੍ਵਿਧਾਪਿ ਹੋਨ੍ਤਿ. ਤਤਿਯਂ.

ਦਿਟ੍ਠਿ ਏਵ ਪਰਾਮਾਸਾ ਚੇਵ ਪਰਾਮਟ੍ਠਾ ਚ ਨਾਮ. ਸੇਸਲੋਕਿਯਾ ਪਰਾਮਟ੍ਠਾ ਚੇਵ ਨੋ ਚ ਪਰਾਮਾਸਾ ਨਾਮ. ਇਧ ਪਨ ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਸੇਸਂ ਸੁਵਿਞ੍ਞੇਯ੍ਯਮੇਵ. ਚਤੁਤ੍ਥਂ.

ਇਮਸ੍ਮਿਂ ਪਨ ਗੋਚ੍ਛਕੇ ‘‘ਪਰਾਮਾਸਾ ਚੇਵ ਧਮ੍ਮਾ ਪਰਾਮਾਸਸਮ੍ਪਯੁਤ੍ਤਾ ਚਾ’’ਤਿ ਅਯਂ ਦੁਕੋ ਨ ਲਬ੍ਭਤਿ. ਨ ਹਿ ਦਿਟ੍ਠਿ ਦਿਟ੍ਠਿਯਾ ਸਮ੍ਪਯੁਜ੍ਜਤਿ. ਪਚ੍ਛਿਮਦੁਕੇ ਲੋਕੁਤ੍ਤਰਵਜ੍ਜਿਤਾ ਪਰਾਮਾਸਵਿਪ੍ਪਯੁਤ੍ਤਾ ਪਰਾਮਟ੍ਠਾ ਨਾਮ. ਲੋਕੁਤ੍ਤਰਾ ਪਰਾਮਾਸਵਿਪ੍ਪਯੁਤ੍ਤਾ ਅਪਰਾਮਟ੍ਠਾ ਨਾਮ. ਇਧ ਪਨ ਪਰਾਮਾਸੋ, ਤਂਸਮ੍ਪਯੁਤ੍ਤਾ ਚ ਨ ਵਤ੍ਤਬ੍ਬਾ. ਸੇਸਂ ਵੁਤ੍ਤਨਯਮੇਵ.

ਮਹਨ੍ਤਰਦੁਕੇਸੁ ਆਰਮ੍ਮਣਂ ਅਗ੍ਗਹੇਤ੍ਵਾ ਅਪ੍ਪਵਤ੍ਤਿਤੋ ਸਹ ਆਰਮ੍ਮਣੇਨਾਤਿ ਸਾਰਮ੍ਮਣਾ, ਚਿਤ੍ਤਚੇਤਸਿਕਾ. ਨਤ੍ਥਿ ਆਰਮ੍ਮਣਮੇਤੇਸਨ੍ਤਿ ਅਨਾਰਮ੍ਮਣਾ, ਰੂਪਨਿਬ੍ਬਾਨਾਨਿ. ਸਾਰਮ੍ਮਣਦੁਕਂ.

ਚਿਨ੍ਤਨਟ੍ਠੇਨ ਚਿਤ੍ਤਂ, ਚਿਤ੍ਤਤਾਯ ਵਾ ਚਿਤ੍ਤਂ. ਤਂ ਹਿ ਵਤ੍ਥੁਦ੍ਵਾਰਾਰਮ੍ਮਣਕਿਚ੍ਚਾਦਿਭੇਦਤੋ, ਅਤੀਤਾਦਿਭੇਦਤੋ ਚ ਅਤ੍ਤਨੋ ਵਿਚਿਤ੍ਤਤਾਯ ਚਿਤ੍ਤਨ੍ਤਿ ਵੁਚ੍ਚਤਿ ਚਿਤ੍ਤਕਰਣਤਾਯ ਵਾ. ਲੋਕਸ੍ਮਿਂ ਹਿ ਚਿਤ੍ਤਕਮ੍ਮਤੋ ਉਤ੍ਤਰਿਤਰਂ ਚਿਤ੍ਤਂ ਨਾਮ ਨਤ੍ਥਿ, ਤਸ੍ਮਿਮ੍ਪਿ ਚਰਣਂ ¶ ਨਾਮ ਚਿਤ੍ਤਂ ਅਤਿਚਿਤ੍ਤਂ ਹੋਤਿ. ਯਂ ਵਾ ਪਨਞ੍ਞਮ੍ਪਿ ਲੋਕੇ ਸਿਪ੍ਪਜਾਤਂ, ਸਬ੍ਬਂ ਤਂ ਚਿਤ੍ਤੇਨੇਵ ਕਰੀਯਤਿ. ਏਵਂ ਤਸ੍ਸ ਤਸ੍ਸ ਚਿਤ੍ਤਸ੍ਸ ਨਿਪ੍ਫਾਦਕਂ ¶ ਚਿਤ੍ਤਮ੍ਪਿ ਤਥੇਵ ਚਿਤ੍ਤਂ ਹੋਤਿ. ਯਥਾ ਚਿਨ੍ਤਿਤਸ੍ਸ ਵਾ ਅਨਵਸੇਸਸ੍ਸ ਅਨਿਪ੍ਫਜ੍ਜਨਤੋ ਤਤੋਪਿ ਚਿਤ੍ਤਮੇਵ ਚਿਤ੍ਤਤਰਂ, ਤਥਾ ਯਦੇਤਂ ਦੇਵਮਨੁਸ੍ਸਨਿਰਯਤਿਰਚ੍ਛਾਨਭੇਦਾਸੁ ਗਤੀਸੁ ਕੁਸਲਾਕੁਸਲਕਮ੍ਮਨਾਨਤ੍ਤਂ, ਤੇਨ ਤਾਸੁ ਗਤੀਸੁ ਅਪਦਦ੍ਵਿਪਦਾਦਿਉਚ੍ਚਤ੍ਤਨੀਚਤ੍ਤਾਦਿਨਾਨਤ੍ਤਂ, ਤਸ੍ਮਿਂ ਤਸ੍ਮਿਂ ਅਤ੍ਤਭਾਵੇ ਦੀਘਰਸ੍ਸਥੂਲਾਥੂਲਸੁਵਣ੍ਣਦੁਬ੍ਬਣ੍ਣਾਦਿਲਾਭਾਲਾਭਾਦਿ ਚਾਤਿ ਏਵਮਾਦਿ ਅਜ੍ਝਤ੍ਤਂ ਚਿਤ੍ਤਂ, ਬਹਿਦ੍ਧਾ ਚ ਪਥਵੀਪਬ੍ਬਤਤਿਣਰੁਕ੍ਖਲਤਾਦਿਦੇਵਬ੍ਰਹ੍ਮਵਿਮਾਨਕਪ੍ਪਰੁਕ੍ਖਾਦਿਭੂਤਂ ਕਮ੍ਮਪਚ੍ਚਯਂ ਚਿਤ੍ਤਂ, ਤਮ੍ਪਿ ਚਿਤ੍ਤੇਨੇਵ ਕਤਂ, ਤਤੋ ਚਿਤ੍ਤਮੇਵ ਚਿਤ੍ਤਤਰਂ ਚਿਨ੍ਤਿਤਨਿਯਾਮੇਨ ਸਬ੍ਬਾਕਾਰਸ੍ਸ ਅਸਮ੍ਭਵਤੋ. ਏਵਂ ਚਿਨ੍ਤਨਟ੍ਠੇਨ, ਚਿਤ੍ਤਵਿਚਿਤ੍ਤਟ੍ਠੇਨ, ਚਿਤ੍ਤਕਰਣਟ੍ਠੇਨ ਚ ‘‘ਚਿਤ੍ਤ’’ਨ੍ਤਿ ਵਿਞ੍ਞਾਣਂ ਵੇਦਿਤਬ੍ਬਂ, ਤਦੇਵ ਵਿਞ੍ਞਾਣਂ ਚਿਤ੍ਤਂ ਨਾਮ. ਚੇਤਸਿਕਰੂਪਨਿਬ੍ਬਾਨਾਨਿ ਨੋ ਚਿਤ੍ਤਾ ਨਾਮ. ਚਿਤ੍ਤਦੁਕਂ.

ਅਵਿਪ੍ਪਯੋਗਵਸੇਨ ਚੇਤਸਿ ਨਿਯੁਤ੍ਤਾ ਚੇਤਸਿਕਾ, ਫਸ੍ਸਾਦਯੋ ਦ੍ਵਿਪਞ੍ਞਾਸ ਧਮ੍ਮਾ. ਚਿਤ੍ਤਰੂਪਨਿਬ੍ਬਾਨਾਨਿ ਅਚੇਤਸਿਕਾ ਨਾਮ. ਚੇਤਸਿਕਦੁਕਂ.

ਚੇਤਸਿਕਾ ਏਵ ਚਿਤ੍ਤਸਮ੍ਪਯੁਤ੍ਤਾ ਨਾਮ. ਰੂਪਨਿਬ੍ਬਾਨਾਨਿ ਚਿਤ੍ਤਵਿਪ੍ਪਯੁਤ੍ਤਾ ਨਾਮ, ਇਧ ਪਨ ਚਿਤ੍ਤਂ ਨ ਵਤ੍ਤਬ੍ਬਂ. ਚਿਤ੍ਤਸਮ੍ਪਯੁਤ੍ਤਦੁਕਂ.

ਨਿਰਨ੍ਤਰਭਾਵੂਪਗਮਨਤਾਯ ਉਪ੍ਪਾਦਤੋ ਯਾਵ ਭਙ੍ਗਾਚਿਤ੍ਤੇਨ ਸਂਸਟ੍ਠਾਤਿ ਚਿਤ੍ਤਸਂਸਟ੍ਠਾ. ਏਕਤੋ ਵਤ੍ਤਮਾਨਾਪਿ ਨਿਰਨ੍ਤਰਭਾਵਂ ਅਨੁਪਗਮਨਤਾਯ ਚਿਤ੍ਤੇਨ ਵਿਸਂਸਟ੍ਠਾਤਿ ਚਿਤ੍ਤਵਿਸਂਸਟ੍ਠਾ. ਸੇਸਂ ਅਨਨ੍ਤਰਦੁਕਸਦਿਸਮੇਵ. ਚਿਤ੍ਤਸਂਸਟ੍ਠਦੁਕਂ.

ਸਮੁਟ੍ਠਹਨ੍ਤਿ ਏਤੇਨਾਤਿ ਸਮੁਟ੍ਠਾਨਂ, ਚਿਤ੍ਤਂ ਸਮੁਟ੍ਠਾਨਂ ਏਤੇਸਨ੍ਤਿ ਚਿਤ੍ਤਸਮੁਟ੍ਠਾਨਾ, ਚੇਤਸਿਕਾਨਿ ਚੇਵ ਚਿਤ੍ਤਜਰੂਪਕਲਾਪਾ ਚ ¶ . ਚਿਤ੍ਤਂ, ਪਨ ਅਚਿਤ੍ਤਜਰੂਪਕਲਾਪਾ, ਨਿਬ੍ਬਾਨਞ੍ਚ ਨੋ ਚਿਤ੍ਤਸਮੁਟ੍ਠਾਨਾ ਨਾਮ. ਚਿਤ੍ਤਸਮੁਟ੍ਠਾਨਦੁਕਂ.

ਸਹ ਭਵਨ੍ਤੀਤਿ ਸਹਭੁਨੋ, ਚਿਤ੍ਤੇਨ ਸਹਭੁਨੋ ਚਿਤ੍ਤਸਹਭੁਨੋ, ਚੇਤਸਿਕਾਨਿ ਚੇਵ ਕਾਯਵਚੀਵਿਞ੍ਞਤ੍ਤਿਯੋ ਚ. ਚਿਤ੍ਤਂ, ਪਨ ਵਿਞ੍ਞਤ੍ਤਿਵਜ੍ਜਿਤਰੂਪਨਿਬ੍ਬਾਨਾਨਿ ਚ ਨੋ ਚਿਤ੍ਤਸਹਭੁਨੋ ਨਾਮ. ਚਿਤ੍ਤਸਹਭੁਦੁਕਂ.

ਅਨੁਪਰਿਵਤ੍ਤਨ੍ਤੀਤਿ ¶ ਅਨੁਪਰਿਵਤ੍ਤਿਨੋ, ਕਿਂ ਅਨੁਪਰਿਵਤ੍ਤਨ੍ਤਿ? ਚਿਤ੍ਤਂ, ਚਿਤ੍ਤਸ੍ਸ ਅਨੁਪਰਿਵਤ੍ਤਿਨੋ ਚਿਤ੍ਤਾਨੁਪਰਿਵਤ੍ਤਿਨੋ. ਸੇਸਂ ਅਨਨ੍ਤਰਦੁਕਸਦਿਸਮੇਵ. ਚਿਤ੍ਤਾਨੁਪਰਿਵਤ੍ਤਿਦੁਕਂ.

ਇਤੋ ਪਰੇ ਪਨ ਤਯੋ ਦੁਕਾ ਚੇਤਸਿਕਦੁਕਸਦਿਸਾਵ, ਕੇਵਲਂ ਪਦਤ੍ਥਮਤ੍ਤਮੇਵ ਵਿਸੇਸੋ. ਤਤ੍ਥ ਚਿਤ੍ਤਸਂਸਟ੍ਠਾ ਚ ਤੇ ਚਿਤ੍ਤਸਮੁਟ੍ਠਾਨਾ ਏਵ ਚਾਤਿ ਚਿਤ੍ਤਸਂਸਟ੍ਠਸਮੁਟ੍ਠਾਨਾ. ਚਿਤ੍ਤਸਂਸਟ੍ਠਾ ਚ ਤੇ ਚਿਤ੍ਤਸਮੁਟ੍ਠਾਨਾ ਚ ਚਿਤ੍ਤਸਹਭੁਨੋ ਏਵ ਚਾਤਿ ਚਿਤ੍ਤਸਂਸਟ੍ਠਸਮੁਟ੍ਠਾਨਸਹਭੁਨੋ, ਚਿਤ੍ਤਸਂਸਟ੍ਠਾ ਚ ਤੇ ਚਿਤ੍ਤਸਮੁਟ੍ਠਾਨਾ ਚ ਚਿਤ੍ਤਾਨੁਪਰਿਵਤ੍ਤਿਨੋ ਏਵ ਚਾਤਿ ਚਿਤ੍ਤਸਂਸਟ੍ਠਸਮੁਟ੍ਠਾਨਾਨੁਪਰਿਵਤ੍ਤਿਨੋ. ਸੇਸਂ ਸੁਵਿਞ੍ਞੇਯ੍ਯਮੇਵ.

ਤਦਨਨ੍ਤਰੇ ਪਨ ਅਜ੍ਝਤ੍ਤਿਕਦੁਕੇ ਅਜ੍ਝਤ੍ਤਜ੍ਝਤ੍ਤਂ ਅਜ੍ਝਤ੍ਤਤ੍ਤਿਕੇ ਵੁਤ੍ਤਵਸੇਨ ਅਜ੍ਝਤ੍ਤਾਵ ਅਜ੍ਝਤ੍ਤਿਕਾ. ਪਸਾਦਰੂਪਚਿਤ੍ਤਸਙ੍ਖਾਤਾਨਿ ਛ ਅਜ੍ਝਤ੍ਤਿਕਾਨਿ ਆਯਤਨਾਨਿ. ਤਤੋ ਬਹਿਭੂਤਾ ਬਾਹਿਰਾ. ਸੇਸਰੂਪਚੇਤਸਿਕਨਿਬ੍ਬਾਨਪਞ੍ਞਤ੍ਤਿਸਙ੍ਖਾਤਾਨਿ ਛ ਬਾਹਿਰਾਯਤਨਾਨਿ, ਇਧ ਪਨ ਪਞ੍ਞਤ੍ਤਿਯੋਪਿ ਲਬ੍ਭਨ੍ਤਿ. ਅਜ੍ਝਤ੍ਤਿਕਦੁਕਂ.

ਉਪਾਦਿਯਨ੍ਤੇਵ ਭੂਤਾਨਿ, ਨ ਭੂਤਾ ਵਿਯ ਉਪਾਦਿਯਨ੍ਤੀਤਿ ਉਪਾਦਾ, ਚਤੁਵੀਸਤਿ ਉਪਾਦਾਰੂਪਾਨਿ ਏਵ. ਨ ਉਪਾਦਿਯਨ੍ਤੀਤਿ ਨੋ ਉਪਾਦਾ, ਚਤੁਮਹਾਭੂਤਚਿਤ੍ਤਚੇਤਸਿਕਨਿਬ੍ਬਾਨਾਨਿ. ਉਪਾਦਾਦੁਕਂ.

ਦ੍ਵਤ੍ਤਿਂਸ ਲੋਕਿਯਵਿਪਾਕਚਿਤ੍ਤਾਨਿ, ਕਮ੍ਮਜਰੂਪਞ੍ਚ ਉਪਾਦਿਨ੍ਨਾ ਨਾਮ. ਸੇਸਲੋਕਿਯਲੋਕੁਤ੍ਤਰਾਨਿ, ਨਿਬ੍ਬਾਨਞ੍ਚ ਅਨੁਪਾਦਿਨ੍ਨਾ ਨਾਮ ¶ . ਸੇਸਂ ਉਪਾਦਿਨ੍ਨੁਪਾਦਾਨਿਯਤ੍ਤਿਕੇ ਵੁਤ੍ਤਾਨੁਸਾਰੇਨ ਞਾਤਬ੍ਬਂ. ਉਪਾਦਿਨ੍ਨਦੁਕਂ.

ਉਪਾਦਾਨਗੋਚ੍ਛਕੇਭੁਸਂ ਆਦਿਯਨ੍ਤੀਤਿ ਉਪਾਦਾਨਾ, ਦਲ਼੍ਹਗ੍ਗਾਹਂ ਗਣ੍ਹਨ੍ਤੀਤਿ ਅਤ੍ਥੋ. ਦਲ਼੍ਹਤ੍ਥੋ ਹਿ ਏਤ੍ਥ ਉਪ-ਸਦ੍ਦੋ ‘‘ਉਪਾਯਾਸੋ’’ਤਿਆਦੀਸੁ ਵਿਯ. ਤਤੋ ਅਞ੍ਞੇ ਨੋ ਉਪਾਦਾਨਾ. ਤਤ੍ਥ ਕਾਮੁਪਾਦਾਨਂ ਦਿਟ੍ਠੁਪਾਦਾਨਂ ਸੀਲਬ੍ਬਤੁਪਾਦਾਨਂ ਅਤ੍ਤਵਾਦੁਪਾਦਾਨਨ੍ਤਿ ਇਮੇ ਉਪਾਦਾਨਾ ਨਾਮ. ਤਤ੍ਥ ਵਤ੍ਥੁਕਾਮੇਸੁ ਉਪ੍ਪਨ੍ਨੋ ਕਿਲੇਸਕਾਮੋਵ ਵੁਤ੍ਤਨਯੇਨ ਉਪਾਦਾਨਨ੍ਤਿ ਕਾਮੁਪਾਦਾਨਂ. ਏਵਂ ਸੇਸੇਸੁਪਿ. ਤਤ੍ਥ ਵੀਸਤਿਵਤ੍ਥੁਕਾ ਸਕ੍ਕਾਯਦਿਟ੍ਠਿ ਅਤ੍ਤਵਾਦੁਪਾਦਾਨਂ ਨਾਮ. ਸੇਸਾਨਿ ਪੁਬ੍ਬੇ ਵੁਤ੍ਤਾਨੇਵ. ਪਚ੍ਛਿਮਾਨਿ ਪਨੇਤ੍ਥ ਤੀਣਿ ਉਪਾਦਾਨਾਨਿ ਤਥਾਪਵਤ੍ਤਦਿਟ੍ਠਿ ਏਵ. ਤਾਨਿ ਚ ਪਠਮੇਨ ਮਗ੍ਗੇਨ ਪਹੀਯਨ੍ਤਿ, ਕਾਮੁਪਾਦਾਨਂ ਚਤੂਹਿਪਿ ¶ . ਇਮੇ ਚ ਸਭਾਵਤੋ ਦ੍ਵੇ ਧਮ੍ਮਾ ਵਿਭਾਗਤੋ ਚਤੁਰੁਪਾਦਾਨਾ ਨਾਮ ਜਾਤਾ. ਇਮੇ ਪਨ ਠਪੇਤ੍ਵਾ ਸੇਸਾ ਸਬ੍ਬੇ ਧਮ੍ਮਾ ਨੋ ਉਪਾਦਾਨਾ ਨਾਮ. ਉਪਾਦਾਨਦੁਕਂ ਪਠਮਂ.

ਉਪਾਦਾਨਿਯਦੁਕੋ ਸਂਯੋਜਨਿਯਦੁਕਸਦਿਸੋਵ. ਦੁਤਿਯਂ.

ਅਟ੍ਠਲੋਭਸਹਗਤਚਿਤ੍ਤਾਨਿ, ਤਂਸਮ੍ਪਯੁਤ੍ਤੇਸੁ ਦਿਟ੍ਠਿਵਿਪ੍ਪਯੁਤ੍ਤਲੋਭਂ ਠਪੇਤ੍ਵਾ ਸੇਸਾ ਚ ਉਪਾਦਾਨਸਮ੍ਪਯੁਤ੍ਤਾ ਨਾਮ. ਦਿਟ੍ਠਿਵਿਪ੍ਪਯੁਤ੍ਤਲੋਭਦੋਸਮੋਹਮੂਲਾਨਿ, ਕੁਸਲਾਬ੍ਯਾਕਤਾਨਿ ਚ ਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚ ਉਪਾਦਾਨਵਿਪ੍ਪਯੁਤ੍ਤਾ ਨਾਮ. ਚੇਤਸਿਕੇਸੁ ਪਨ ਦਿਟ੍ਠਿਮਾਨਾ ਉਪਾਦਾਨਸਮ੍ਪਯੁਤ੍ਤਾਵ, ਦੋਸਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਵਿਚਿਕਿਚ੍ਛਾ, ਕੁਸਲਾਬ੍ਯਾਕਤਾ ਚ ਉਪਾਦਾਨਵਿਪ੍ਪਯੁਤ੍ਤਾ ਏਵ. ਸੇਸਾ ਦੁਵਿਧਾਪਿ ਹੋਨ੍ਤਿ. ਤਤਿਯਂ.

ਚਤ੍ਤਾਰਿ ਉਪਾਦਾਨਾਨਿ ਉਪਾਦਾਨਾ ਚੇਵ ਉਪਾਦਾਨਿਯਾ ਚ ਨਾਮ. ਤਦਵਸੇਸਾ ਲੋਕਿਯਾ ਉਪਾਦਾਨਿਯਾ ਚੇਵ ਨੋ ਚ ¶ ਉਪਾਦਾਨਾ ਨਾਮ. ਇਧ ਪਨ ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਸੇਸਂ ਵੁਤ੍ਤਨਯਮੇਵ. ਚਤੁਤ੍ਥਂ.

ਪਞ੍ਚਮਛਟ੍ਠਦੁਕਾ ਪਾਠਤੋ ਗਨ੍ਥਗੋਚ੍ਛਕੇ ਪਞ੍ਚਮਛਟ੍ਠਦੁਕਸਦਿਸਾਵ, ਕੇਵਲਂ ਪਞ੍ਚਮਦੁਕੇ ‘‘ਚੇਤਸਿਕੇਸੁ ਮਾਨੋ ਉਪਾਦਾਨਸਮ੍ਪਯੁਤ੍ਤੋ ਚੇਵ ਨੋ ਚ ਉਪਾਦਾਨੋ ਏਵ, ਮੋਹਾਹਿਰਿਕਾਨੋਤ੍ਤਪ੍ਪਉਦ੍ਧਚ੍ਚਥਿਨਮਿਦ੍ਧਾਨਿ ਤਿਜਾਤਿਕਾਨਿ ਤਥਾ ਚ ਨ ਵਤ੍ਤਬ੍ਬਾ ਚਾ’’ਤਿ ਇਦਞ੍ਚ, ਛਟ੍ਠਦੁਕੇ ‘‘ਚੇਤਸਿਕੇਸੁ ਦੋਸਇਸ੍ਸਾਮਚ੍ਛਰਿਯਕੁਕ੍ਕੁਚ੍ਚਵਿਚਿਕਿਚ੍ਛਾ ਅਪ੍ਪਮਞ੍ਞਾ ਉਪਾਦਾਨਵਿਪ੍ਪਯੁਤ੍ਤਾ ਉਪਾਦਾਨਿਯਾ ਏਵ, ਮੋਹਾਹਿਰਿਕਾਨੋਤ੍ਤਪ੍ਪਉਦ੍ਧਚ੍ਚਲੋਭਥਿਨਮਿਦ੍ਧਾਨਿ ਤਥਾ ਚ ਨ ਵਤ੍ਤਬ੍ਬਾਨਿ ਚਾ’’ਤਿ ਏਤ੍ਤਕਮੇਵ ਪਾਠਤੋ ਵਿਸੇਸੋ, ਅਤ੍ਥਤੋ ਪਨ ਨਾਮਮਤ੍ਤਕੋਵ ਵਿਸੇਸੋ. ਸੇਸੋ ਸੁਵਿਞ੍ਞੇਯ੍ਯੋਵ. ਪਞ੍ਚਮਛਟ੍ਠਾਨਿ.

ਕਿਲੇਸਗੋਚ੍ਛਕੇ ਸਂਕਿਲਿਟ੍ਠਤ੍ਤਿਕੇ ਵੁਤ੍ਤਨਯੇਨ ਪਦਤ੍ਥੋ ਵੇਦਿਤਬ੍ਬੋ. ਲੋਭੋ ਦੋਸੋ ਮੋਹੋ ਮਾਨੋ ਦਿਟ੍ਠਿ ਵਿਚਿਕਿਚ੍ਛਾ ਥਿਨਂ ਉਦ੍ਧਚ੍ਚਂ ਅਹਿਰਿਕਂ ਅਨੋਤ੍ਤਪ੍ਪਨ੍ਤਿ ਇਮੇ ਦਸ ਧਮ੍ਮਾ ਕਿਲੇਸਾ ਨਾਮ. ਇਮੇ ਚ ਵੁਤ੍ਤਤ੍ਥਾ ਏਵ, ਇਧ ਪਨ ਲੋਭੋ, ਹੇਤੁਗਨ੍ਥਨੀਵਰਣਉਪਾਦਾਨਗੋਚ੍ਛਕੇਸੁ ਲੋਭੋ ਚ ਨਿਪ੍ਪਦੇਸਤੋ ਚਤੁਮਗ੍ਗਵਜ੍ਝੋਪਿ ਏਕੇਨੇਵ ਕੋਟ੍ਠਾਸੇਨ ਠਿਤੋ, ਸੇਸਗੋਚ੍ਛਕੇਸੁ ਸੋ ਸਬ੍ਬੋਪਿ ਲੋਭੋ ‘‘ਕਾਮਾਸਵੋ ਭਵਾਸਵੋ’’ਤਿਆਦਿਨਾ ¶ ਦ੍ਵੇ ਦ੍ਵੇ ਕੋਟ੍ਠਾਸਾ ਹੁਤ੍ਵਾ ਠਿਤੋ, ਇਮਿਨਾ ਪਨ ਅਟ੍ਠਕਥਾਵਚਨੇਨਾਪਿ ਭਵਾਸਵਾਦਿਬ੍ਯਤਿਰਿਤ੍ਤੋ ਸਬ੍ਬੋ ਚਤੁਮਗ੍ਗਵਜ੍ਝੋਪਿ ਰਾਗੋ ਕਾਮਾਸਵਾਦੀਸੁ ਸਙ੍ਗਹਿਤੋ. ਕਾਮਚ੍ਛਨ੍ਦਨੀਵਰਣਂ ਪਨ ਭਵਰਾਗੋਪਿ ਨ ਪਞ੍ਚਕਾਮਗੁਣਿਕਰਾਗਮਤ੍ਤੋਵਾਤਿ ਪਞ੍ਞਾਯਤਿ, ‘‘ਆਰੁਪ੍ਪੇ ਕਾਮਚ੍ਛਨ੍ਦਨੀਵਰਣਂ ਪਟਿਚ੍ਚ ਥਿਨਮਿਦ੍ਧਨੀਵਰਣ’’ਨ੍ਤਿਆਦਿਪਾਲ਼ਿਤੋ (ਪਟ੍ਠਾ. ੩.੮.੮) ਚੇਤਂ ਦਟ੍ਠਬ੍ਬਂ ਪਞ੍ਚਕਾਮਗੁਣਿਕਰਾਗਸ੍ਸ ਰੂਪਾਰੂਪਭੂਮੀਸੁ ਅਨੁਪ੍ਪਜ੍ਜਨਤੋ. ਇਮੇਸੁ ¶ ਚ ਕਿਲੇਸੇਸੁ ਦਿਟ੍ਠਿਵਿਚਿਕਿਚ੍ਛਾ ਪਠਮੇਨ ਮਗ੍ਗੇਨ ਪਹੀਯਨ੍ਤਿ, ਦੋਸੋ ਤਤਿਯੇਨ, ਲੋਭਾਦਯੋ ਚਤੂਹਿਪਿ. ਇਮੇ ਪਨ ਦਸ ਧਮ੍ਮੇ ਠਪੇਤ੍ਵਾ ਸੇਸਾ ਨੋ ਕਿਲੇਸਾ ਨਾਮ. ਕਿਲੇਸਦੁਕਂ ਪਠਮਂ.

ਸਂਕਿਲੇਸਿਕਦੁਕੋ ਸਾਸਵਦੁਕਸਦਿਸੋਵ. ਦੁਤਿਯਂ.

ਸਂਕਿਲਿਟ੍ਠਦੁਕੋ, ਕਿਲੇਸਸਮ੍ਪਯੁਤ੍ਤਦੁਕੋ ਚਾਤਿ ਦ੍ਵੇਪਿ ਸਮਾਨਤ੍ਥਾਵ. ਤੇ ਚ ਨੀਵਰਣਗੋਚ੍ਛਕੇ ਤਤਿਯਦੁਕਸਦਿਸਾਵ. ਤਤਿਯਚਤੁਤ੍ਥਾਨਿ.

ਦਸ ਕਿਲੇਸਾ ਕਿਲੇਸਾ ਚੇਵ ਸਂਕਿਲੇਸਿਕਾ ਚ ਨਾਮ. ਸੇਸਾ ਲੋਕਿਯਧਮ੍ਮਾ ਸਂਕਿਲੇਸਿਕਾ ਚੇਵ ਨੋ ਚ ਕਿਲੇਸਾ ਨਾਮ. ਇਧ ਪਨ ਲੋਕੁਤ੍ਤਰਾ ਨ ਵਤ੍ਤਬ੍ਬਾ. ਸੇਸਂ ਨੀਵਰਣਗੋਚ੍ਛਕੇ ਚਤੁਤ੍ਥਦੁਕਸਦਿਸਮੇਵ. ਪਞ੍ਚਮਂ.

ਛਟ੍ਠਸਤ੍ਤਮਦੁਕਾਨਿਪਿ ਅਞ੍ਞਮਞ੍ਞਂ ਸਮਾਨਤ੍ਥਾਨੇਵ. ਤਾਨਿ ਛਟ੍ਠਸਤ੍ਤਮਾਨਿ ਨੀਵਰਣਗੋਚ੍ਛਕੇ ਯਥਾਕ੍ਕਮਂ ਪਾਠਤੋ ਪਞ੍ਚਮਛਟ੍ਠਦੁਕਸਦਿਸਾਨਿ, ਅਤ੍ਥਤੋ ਪਨ ਨਾਮਮਤ੍ਤਕੋਵ ਵਿਸੇਸੋ. ਸੇਸੋ ਸੁਵਿਞ੍ਞੇਯ੍ਯੋ. ਛਟ੍ਠਸਤ੍ਤਮਅਟ੍ਠਮਾਨਿ.

ਪਿਟ੍ਠਿਦੁਕੇਸੁ ਆਦਿਤੋ ਚਤ੍ਤਾਰੋ ਦੁਕਾ ਦਸ੍ਸਨੇਨਪਹਾਤਬ੍ਬਤ੍ਤਿਕੇ, ਦਸ੍ਸਨੇਨਪਹਾਤਬ੍ਬਹੇਤੁਕੇ ਚ ਵੁਤ੍ਤਨਯੇਨ ਵੇਦਿਤਬ੍ਬਾ. ਕੇਵਲਂ ਪਨ ਤਤ੍ਥ ਪਠਮਤ੍ਤਿਕੇ ਵੁਤ੍ਤੇਸੁ ਦਸ੍ਸਨੇਨਪਹਾਤਬ੍ਬੇ ਧਮ੍ਮੇ ਠਪੇਤ੍ਵਾ ਸੇਸਾ ਇਧ ਪਠਮਦੁਕਸ੍ਸ ਦੁਤਿਯਪਦੇ ਦਸ੍ਸਨੇਨਪਹਾਤਬ੍ਬੇਸੁ ਪਵਿਸਨ੍ਤਿ, ਭਾਵਨਾਯਪਹਾਤਬ੍ਬੇ ਠਪੇਤ੍ਵਾ ਸੇਸਾ ਇਧ ਦੁਤਿਯਦੁਕੇ ਨਭਾਵਨਾਯਪਹਾਤਬ੍ਬੇਸੁ ਪਵਿਸਨ੍ਤਿ. ਤਤ੍ਥ ਚ ਦੁਤਿਯਤ੍ਤਿਕੇ ਵੁਤ੍ਤੇਸੁ ਦਸ੍ਸਨੇਨਪਹਾਤਬ੍ਬਹੇਤੁਕੇ ਠਪੇਤ੍ਵਾ ¶ ਸੇਸਾ ਇਧ ਤਤਿਯਦੁਕੇ ਨਦਸ੍ਸਨੇਨਪਹਾਤਬ੍ਬਹੇਤੁਕੇ, ਭਾਵਨਾਯਪਹਾਤਬ੍ਬਹੇਤੁਕੇ ਚ ਠਪੇਤ੍ਵਾ ਸੇਸਾ ਇਧ ਚਤੁਤ੍ਥਦੁਕੇ ਨਭਾਵਨਾਯਪਹਾਤਬ੍ਬਹੇਤੁਕੇਸੁ ਪਵਿਸਨ੍ਤਿ.

ਪਦਤ੍ਥੋ ¶ ਚ ਦਸ੍ਸਨੇਨ ਪਹਾਤਬ੍ਬੋ ਹੇਤੁ ਏਤੇਸਂ ਅਤ੍ਥੀਤਿ ਦਸ੍ਸਨੇਨਪਹਾਤਬ੍ਬਹੇਤੁਕਾ. ਏਵਂ ਭਾਵਨਾਯਪਹਾਤਬ੍ਬਹੇਤੁਕਾਤਿ ਏਤ੍ਥਾਪਿ ਅਤ੍ਥੋ ਵੇਦਿਤਬ੍ਬੋ. ਏਵਂ ਹਿ ਸਤਿ ਅਹੇਤੁਕਾਨਂ ਅਗ੍ਗਹਣਂ ਸਿਯਾਤਿ ਏਤ੍ਤਕਮੇਵ ਵਿਸੇਸੋ. ਤਿਕਦ੍ਵਯਮੇਵ ਹਿ ਭਗਵਾ ਦੇਸਨਾਵਿਲਾਸੇਨ ਚਤ੍ਤਾਰੋ ਦੁਕੇ ਕਤ੍ਵਾ ਦੇਸੇਸਿ. ਸੇਸਂ ਤਾਦਿਸਮੇਵ. ਚਤ੍ਤਾਰੋ ਦੁਕਾ ਨਿਟ੍ਠਿਤਾ.

ਪਞ੍ਚਪਞ੍ਞਾਸਸਵਿਤਕ੍ਕਚਿਤ੍ਤੇਸੁ ਵਿਤਕ੍ਕਵਿਰਹਿਤਾ ਚਿਤ੍ਤਚੇਤਸਿਕਾ ਧਮ੍ਮਾ ਸਵਿਤਕ੍ਕਾ ਨਾਮ. ਵਿਤਕ੍ਕੋ, ਪਨ ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਚ ਅਵਿਤਕ੍ਕਾ ਨਾਮ. ਪਞ੍ਚਮਂ.

ਛਸਟ੍ਠਿਯਾ ਸਵਿਚਾਰਚਿਤ੍ਤੇਸੁ ਵਿਚਾਰਵਿਰਹਿਤਾ ਧਮ੍ਮਾ ਸਵਿਚਾਰਾ ਨਾਮ. ਵਿਚਾਰੋ, ਪਨ ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਚ ਅਵਿਚਾਰਾ ਨਾਮ. ਸੇਸਂ ਇਧ, ਅਨਨ੍ਤਰੇ ਵੁਤ੍ਤਦੁਕੇ ਚ ਵਿਤਕ੍ਕਤ੍ਤਿਕੇ ਵੁਤ੍ਤਾਨੁਸਾਰੇਨ ਞਾਤਬ੍ਬਂ. ਛਟ੍ਠਂ.

ਇਤੋ ਪਰੇਸੁ ਸਪ੍ਪੀਤਿਕਦੁਕੋ, ਪੀਤਿਸਹਗਤਦੁਕੋ ਚ ਸਮਾਨਤ੍ਥਾਵ, ਤੇ ਚ ਸੁਖਸਹਗਤਉਪੇਕ੍ਖਾਸਹਗਤਦੁਕਾ ਚਾਤਿ ਚਤ੍ਤਾਰੋਪਿ ਦੁਕਾ ਪੀਤਿਤ੍ਤਿਕੇ ਵੁਤ੍ਤਨਯਾਵ. ਕੇਵਲਂ ਪਨੇਤੇਸਂ ਦੁਕਾਨਂ ਪਠਮਂ ਪਦਂ ਤਤ੍ਥ ਪਵਿਸਤਿ, ਪੀਤਿਤ੍ਤਿਕੇ ਇਤਰੀਤਰਪਦਦ੍ਵਯਸਙ੍ਗਹਿਤਾ, ਅਸਙ੍ਗਹਿਤਾ ਚ ਸਬ੍ਬੇ ਅਤ੍ਥਾ ਹੇਟ੍ਠਾ ਵੁਤ੍ਤਨਯੇਨੇਤ੍ਥ ਦੁਕਾਨਂ ਦੁਤਿਯਪਦੇਸੁ ਅਤ੍ਥਤੋ ਸਙ੍ਗਹਿਤਾ, ਇਮੇ ਚ ਨਿਪ੍ਪਦੇਸਦੁਕਾਤਿ ਅਯਮੇਵ ਵਿਸੇਸੋ. ਸਤ੍ਤਮਅਟ੍ਠਮਨਵਮਦਸਮਾ.

ਤਦਨਨ੍ਤਰੇਸੁ ਕਾਮਾਵਚਰਾਤਿ ਏਤ੍ਥ ‘‘ਹੇਟ੍ਠਤੋ ਅਵੀਚਿਨਿਰਯਂ ਪਰਿਯਨ੍ਤਂ ਕਰਿਤ੍ਵਾ ਉਪਰਿਤੋ ਪਰਨਿਮ੍ਮਿਤਵਸਵਤ੍ਤੀ ਦੇਵੇ ਅਨ੍ਤੋ ਕਰਿਤ੍ਵਾ ਯਂ ਤਸ੍ਮਿਂ ਅਨ੍ਤਰੇ ਏਤ੍ਥਾਵਚਰਾ ਏਤ੍ਥ ਪਰਿਯਾਪਨ੍ਨਾ’’ਤਿ ਏਵਂ (ਧ. ਸ. ੧੨੮੭) ਪਾਲ਼ਿਯਂ ਪਰਿਚ੍ਛਿਨ੍ਨਾਨਂ ਚਤੁਨ੍ਨਂ ਅਪਾਯਾਨਂ, ਮਨੁਸ੍ਸਾਨਂ, ਛਨ੍ਨਂ ਦੇਵਲੋਕਾਨਞ੍ਚ ਵਸੇਨ ਓਕਾਸਤੋ ਏਕਾਦਸਵਿਧੋ ਕਾਮਭਵੋ ¶ ‘‘ਕਾਮੋ’’ਤਿ ਵੁਚ੍ਚਤਿ ਉਤ੍ਤਰਪਦਲੋਪੇਨ ਯਥਾ ‘‘ਰੂਪੂਪਪਤ੍ਤਿਯਾ’’ਤਿਆਦੀਸੁ ਰੂਪਭਵੋ ‘‘ਰੂਪ’’ਨ੍ਤਿ. ਤਸ੍ਮਿਂ ਕਾਮੇ ਅਵਚਰਨ੍ਤਿ ਪਵਤ੍ਤਨ੍ਤੀਤਿ ਕਾਮਾਵਚਰਾ. ਯੇਭੁਯ੍ਯਤੋ ਚੇਤਂ ਵੁਤ੍ਤਂ ਰੂਪਾਰੂਪੇਸੁ ਚੇਤੇਸਞ੍ਚ ਇਧ ਪਵਤ੍ਤਿਤੋ ‘‘ਥਲਚਰਾ’’ਤਿਆਦੀਸੁ ਵਿਯ. ਕਾਮਭਵਸਙ੍ਖਾਤੇ ਵਾ ਕਾਮੇ ਪਟਿਸਨ੍ਧਿਂ ਅਵਚਾਰੇਨ੍ਤੀਤਿਪਿ ਕਾਮਾਵਚਰਾ, ਕੁਸਲਾਕੁਸਲਾਨਿ ¶ . ਉਦ੍ਧਚ੍ਚਸਹਗਤਚਿਤ੍ਤਂ ਪਨ ਅਬ੍ਯਾਕਤਚਿਤ੍ਤਸਦਿਸਂ. ਤਦਾਯਤ੍ਤਤਾਯ, ਆਰਮ੍ਮਣਕਰਣਵਸੇਨ ਵਾ ਕਿਲੇਸਕਾਮੋ ਏਤ੍ਥ ਅਵਚਰਤੀਤਿਪਿ ਕਾਮਾਵਚਰਂ. ਕਾਮਞ੍ਚੇਸ ਰੂਪਾਰੂਪਾਵਚਰਧਮ੍ਮੇਸੁਪਿ ਅਵਚਰਤਿ, ਰੁਲ਼੍ਹਿਤੋ ਪਨ ‘‘ਵਦਤੀਤਿ ਵਚ੍ਛੋ’’ਤਿਆਦੀਸੁ ਵਿਯ ਇਮੇ ਏਵ ‘‘ਕਾਮਾਵਚਰਾ’’ਤਿ ਵੁਚ੍ਚਨ੍ਤਿ. ਅਪਿਚ ਕਾਮਤਣ੍ਹਾ ਰੂਪਤਣ੍ਹਾ ਅਰੂਪਤਣ੍ਹਾਤਿ ਏਤ੍ਥ ਵੁਤ੍ਤਕਾਮਤਣ੍ਹਾਸਙ੍ਖਾਤੋ ਕਾਮੋ ਏਤ੍ਥ ਅਵਚਰਤੀਤਿਪਿ ਕਾਮਾਵਚਰਾ. ਏਵਂ ਬ੍ਰਹ੍ਮਾਨਂ ਵਿਮਾਨਾਭਰਣਾਦੀਸੁ ਛਨ੍ਦਰਾਗਸ੍ਸਾਪਿ ਕਾਮਤਣ੍ਹਾਭਾਵੋ ਸਿਦ੍ਧੋ, ਰੂਪਤਣ੍ਹਾਵਿਸਯਾਨਮ੍ਪਿ ਚ ਬ੍ਰਹ੍ਮਾਨਂ ਕਮ੍ਮਜਰੂਪਾਦੀਨਂ ਕਾਮਤਣ੍ਹਾਯਪਿ ਵਿਸਯਤਾਯ ਕਾਮਾਵਚਰਤਾ ਸਿਦ੍ਧਾ ਹੋਤਿ. ਨ ਰੂਪਾਰੂਪਾਵਚਰਾਨਂ ਤਦਭਾਵਤੋ ਤਦਞ੍ਞੇ ਨ ਕਾਮਾਵਚਰਾ. ਇਮਿਨਾ ਨਯੇਨ ਰੂਪਾਵਚਰਾਦਿਦੁਕਾਨਮ੍ਪਿ ਪਦਤ੍ਥੋ ਯਥਾਰਹਂ ਞਾਤਬ੍ਬੋ. ਤਤ੍ਥ ਚਤੁਪਞ੍ਞਾਸ ਕਾਮਾਵਚਰਚਿਤ੍ਤਾਨਿ, ਸਬ੍ਬਞ੍ਚ ਰੂਪਂ ਕਾਮਾਵਚਰਾ ਨਾਮ. ਸੇਸਚਿਤ੍ਤਨਿਬ੍ਬਾਨਾਨਿ ਨ ਕਾਮਾਵਚਰਾ ਨਾਮ. ਚੇਤਸਿਕੇਸੁ ਵਤ੍ਤਬ੍ਬਂ ਪਰਿਯਾਪਨ੍ਨਦੁਕੇ ਏਵ ਆਵਿ ਭਵਿਸ੍ਸਤਿ. ਏਕਾਦਸਮਂ.

ਪਨ੍ਨਰਸ ਰੂਪਾਵਚਰਚਿਤ੍ਤਾਨਿ ਰੂਪਾਵਚਰਾ ਨਾਮ. ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਨ ਰੂਪਾਵਚਰਾ ਨਾਮ. ਦ੍ਵਾਦਸਮਂ.

ਦ੍ਵਾਦਸ ਅਰੂਪਾਵਚਰਚਿਤ੍ਤਾਨਿ ਅਰੂਪਾਵਚਰਾ ਨਾਮ. ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਨ ਅਰੂਪਾਵਚਰਾ ਨਾਮ. ਤੇਰਸਮਂ.

ਤੇਭੂਮਕਵਟ੍ਟੇ ਪਰਿਯਾਪਨ੍ਨਾ ਅਨ੍ਤੋਗਧਾਤਿ ਪਰਿਯਾਪਨ੍ਨਾ, ਲੋਕਿਯਧਮ੍ਮਾਵ. ਤਤ੍ਥ ਨ ਪਰਿਯਾਪਨ੍ਨਾਤਿ ਅਪਰਿਯਾਪਨ੍ਨਾ, ਲੋਕੁਤ੍ਤਰਾ. ਚੇਤਸਿਕੇਸੁ ਪਨ ਕਾਮਾਵਚਰਾਦਿਦੁਕਾਨਂ ਚਤੁਨ੍ਨਮ੍ਪਿ ¶ ਸਾਧਾਰਣੋ ਵਿਨਿਚ੍ਛਯੋ ਏਵਂ ਵੇਦਿਤਬ੍ਬੋ – ਅਕੁਸਲਚੇਤਸਿਕਾ ਕਾਮਾਵਚਰਾਵ, ਅਪ੍ਪਮਞ੍ਞਾ ਕਾਮਰੂਪਾਵਚਰਾ, ਵਿਰਤਿਯੋ ਪਨ ਕਾਮਾਵਚਰਪਰਿਯਾਪਨ੍ਨਾ, ਵਿਤਕ੍ਕਵਿਚਾਰਪੀਤਿਯੋ ਪਨ ਕਾਮਰੂਪਾਵਚਰਪਰਿਯਾਪਨ੍ਨਾ, ਸੇਸਾ ਚਤੁਭੂਮਕਾਤਿ. ਚੁਦ੍ਦਸਮਂ.

ਵਟ੍ਟਮੂਲਂ ਛਿਨ੍ਦਨ੍ਤਾ ਨਿਬ੍ਬਾਨਂ ਆਰਮ੍ਮਣਂ ਕਤ੍ਵਾ ਵਟ੍ਟਤੋ ਨੀਯਨ੍ਤੀਤਿ ਨਿਯ੍ਯਾਨਿਕਾ, ਚਤ੍ਤਾਰਿ ਲੋਕੁਤ੍ਤਰਮਗ੍ਗਚਿਤ੍ਤਾਨਿ. ਇਮਿਨਾ ਲਕ੍ਖਣੇਨ ਨ ਨਿਯ੍ਯਨ੍ਤੀਤਿ ਅਨਿਯ੍ਯਾਨਿਕਾ, ਸੇਸਚਿਤ੍ਤਰੂਪਨਿਬ੍ਬਾਨਾਨਿ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪਞ੍ਚਦਸਮਂ.

ਚੁਤਿਯਾ ¶ ਵਾ ਅਤ੍ਤਨੋ ਵਾ ਪਵਤ੍ਤਿਯਾ ਅਨਨ੍ਤਰਂ ਫਲਦਾਨੇ ਨਿਯਤਤ੍ਤਾ ਨਿਯਤਾ, ਮਿਚ੍ਛਤ੍ਤਨਿਯਤਾ, ਸਮ੍ਮਤ੍ਤਨਿਯਤਾ ਚ. ਤਥਾ ਅਨਿਯਤਤ੍ਤਾ ਅਨਿਯਤਾ, ਸੇਸਧਮ੍ਮਾ. ਸੇਸਂ ਵੁਤ੍ਤਨਯਮੇਵ. ਸੋਲ਼ਸਮਂ.

ਅਞ੍ਞੇ ਧਮ੍ਮੇ ਉਤ੍ਤਰਨ੍ਤਿ ਅਤਿਕ੍ਕਮਨ੍ਤੀਤਿ ਉਤ੍ਤਰਾ, ਅਤ੍ਤਾਨਂ ਉਤ੍ਤਰਿਤੁਂ ਸਮਤ੍ਥੇਹਿ ਸਹ ਉਤ੍ਤਰੇਹੀਤਿ ਸਉਤ੍ਤਰਾ, ਲੋਕਿਯਾਵ. ਨਤ੍ਥਿ ਏਤੇਸਂ ਉਤ੍ਤਰਾਤਿ ਅਨੁਤ੍ਤਰਾ, ਲੋਕੁਤ੍ਤਰਾ. ਸਤ੍ਤਰਸਮਂ.

ਰਣਨ੍ਤਿ ਕਨ੍ਦਨ੍ਤਿ ਏਤੇਹੀਤਿ ਰਣਾ, ਯੇਹਿ ਅਭਿਭੂਤਾ ਸਤ੍ਤਾ ਨਾਨਪ੍ਪਕਾਰਤੋ ਪਰਿਦੇਵਨ੍ਤਿ, ਤੇਸਂ ਅਕੁਸਲਮੂਲਾਨਂ ਏਤਂ ਅਧਿਵਚਨਂ, ਤੇਹਿ ਸਮ੍ਪਯੋਗਵਸੇਨ, ਪਹਾਨੇਕਟ੍ਠਤਾਵਸੇਨ ਚ ਸਹ ਰਣੇਹੀਤਿ ਸਰਣਾ. ਏਤੇਨਾਕਾਰੇਨ ਨਤ੍ਥਿ ਏਤੇਸਂ ਰਣਾਤਿ ਅਰਣਾ.

ਤਤ੍ਥ ਦ੍ਵਾਦਸ ਅਕੁਸਲਚਿਤ੍ਤਾਨਿ ਸਰਣਾ ਨਾਮ. ਸਰਣਧਮ੍ਮੇਸੁ ਚੇਤ੍ਥ ਲੋਭਦੋਸਮੋਹਾ ਰਣਾ ਚੇਵ ਸਰਣਾ ਚ, ਤੇਸੁ ਲੋਭਦੋਸਾ ਮੋਹੇਨੇਵ ਸਮ੍ਪਯੋਗਤੋ ਸਰਣਾ, ਤਥਾ ਵਿਚਿਕਿਚ੍ਛੁਦ੍ਧਚ੍ਚਸਹਗਤਚਿਤ੍ਤਂ, ਤਂਸਮ੍ਪਯੁਤ੍ਤਾ ਚ. ਮੋਹੋ ਪਨ ਤੇਸੁ ਸਮ੍ਪਯੋਗਤੋ ਸਰਣੋ, ਦਿਟ੍ਠਿਸਮ੍ਪਯੁਤ੍ਤਰਾਗੇਨ, ਪਨ ਭਵਰਾਗੇਨ ਚ ਰਣਭੂਤੇਨ ਪਹਾਨੇਕਟ੍ਠਤਾਵਸੇਨੇਵ ਸਰਣੋ ¶ . ਲੋਭਦੋਸਮੋਹਮੂਲਸਮ੍ਪਯੁਤ੍ਤੇਸੁ ਪਨ ਮੋਹੋ ਲੋਭੇਨ ਚੇਵ ਦੋਸੇਨ ਚ, ਸੇਸਾ ਲੋਭਮੋਹੇਨ ਚੇਵ ਦੋਸਮੋਹੇਨ ਚ ਸਮ੍ਪਯੋਗਤੋ ਸਰਣਾਤਿ ਵੇਦਿਤਬ੍ਬਾ. ਸਬ੍ਬਾਨਿ ਕੁਸਲਾਬ੍ਯਾਕਤਚਿਤ੍ਤਾਨਿ, ਰੂਪਨਿਬ੍ਬਾਨਾਨਿ ਚ ਅਰਣਾ ਨਾਮ. ਚੇਤਸਿਕੇਸੁ ਪਨ ਅਕੁਸਲਾ ਸਰਣਾਵ, ਕੁਸਲਾਬ੍ਯਾਕਤਾ ਅਰਣਾਵ, ਤਿਜਾਤਿਕਾ ਪਨ ਦ੍ਵਿਧਾਪਿ ਹੋਨ੍ਤੀਤਿ. ਅਟ੍ਠਾਰਸਮਂ.

ਅਭਿਧਮ੍ਮਦੁਕਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਸੁਤ੍ਤਨ੍ਤਿਕਦੁਕਮਾਤਿਕਤ੍ਥਵਣ੍ਣਨਾ

ਸੁਤ੍ਤਨ੍ਤਿਕਦੁਕੇਸੁ ਵੇਦੇਤਿ, ਵਿਵਿਧੇਨ ਵਾ ਆਕਾਰੇਨ ਜਾਨਾਤੀਤਿ ਵਿਜ੍ਜਾ, ਵਿਪਸ੍ਸਨਾਞਾਣਮਨੋਮਯਿਦ੍ਧਿਛਅਭਿਞ੍ਞਾਵਸਪ੍ਪਵਤ੍ਤਾ ਪਞ੍ਞਾ, ਤਸ੍ਮਿਂ ਵਿਜ੍ਜਾਭਾਗੇ ਵਿਜ੍ਜਾਕੋਟ੍ਠਾਸੇ ਵਿਜ੍ਜਾਸਭਾਵੇ ¶ ਵਤ੍ਤਨ੍ਤੀਤਿ ਵਿਜ੍ਜਾਭਾਗਿਨੋ. ਤਾ ਏਵ ਵਿਜ੍ਜਾ, ਤਂ ਵਾ ਵਿਜ੍ਜਂ ਸਮ੍ਪਯੋਗਵਸੇਨ ਭਜਨ੍ਤੀਤਿਪਿ ਵਿਜ੍ਜਾਭਾਗਿਨੋ, ਅਟ੍ਠਵਿਧਵਿਜ੍ਜਾਸਮ੍ਪਯੁਤ੍ਤਧਮ੍ਮਾ. ਤਾਸੁ ਯਾ ਕਾਚਿ ਏਕਾ ਵਿਜ੍ਜਾ ਵਿਜ੍ਜਾ, ਸੇਸਾ ਵਿਜ੍ਜਾਭਾਗਿਨੋਤਿ ਏਵਂ ਵਿਜ੍ਜਾਪਿ ਵਿਜ੍ਜਾਸਮ੍ਪਯੁਤ੍ਤਧਮ੍ਮਾਪਿ ਵਿਜ੍ਜਾਭਾਗਿਨੋਤ੍ਵੇਵ ਵੇਦਿਤਬ੍ਬਾ, ਇਧ ਪਨ ਵਿਜ੍ਜਾਸਮ੍ਪਯੁਤ੍ਤਾ ਧਮ੍ਮਾਵ ਅਧਿਪ੍ਪੇਤਾ. ਨ ਵਿਜਾਨਾਤੀਤਿ ਅਵਿਜ੍ਜਾ, ਚਤੁਸਚ੍ਚਚ੍ਛਾਦਕਵਸੇਨ ਚਤੁਬ੍ਬਿਧੋ ਮੋਹੋ, ਤਸ੍ਮਿਂ ਅਵਿਜ੍ਜਾਭਾਗੇ ਅਵਿਜ੍ਜਾਕੋਟ੍ਠਾਸੇ ਅਵਿਜ੍ਜਾਸਭਾਵੇ ਵਤ੍ਤਨ੍ਤੀਤਿ ਅਵਿਜ੍ਜਾਭਾਗਿਨੋ. ਤਾ ਏਵ ਅਵਿਜ੍ਜਾ, ਤਂ ਵਾ ਅਵਿਜ੍ਜਂ ਸਮ੍ਪਯੋਗਵਸੇਨ ਭਜਨ੍ਤੀਤਿਪਿ ਅਵਿਜ੍ਜਾਭਾਗਿਨੋ, ਅਵਿਜ੍ਜਾਸਮ੍ਪਯੁਤ੍ਤਧਮ੍ਮਾ. ਏਵਂ ਅਵਿਜ੍ਜਾਪਿ ਅਵਿਜ੍ਜਾਸਮ੍ਪਯੁਤ੍ਤਧਮ੍ਮਾਪਿ ਅਵਿਜ੍ਜਾਭਾਗਿਨੋਤ੍ਵੇਵ ਵੇਦਿਤਬ੍ਬਾ, ਇਧ ਪਨ ਅਵਿਜ੍ਜਾਸਮ੍ਪਯੁਤ੍ਤਧਮ੍ਮਾਵ ਅਧਿਪ੍ਪੇਤਾ.

ਤਤ੍ਥ ਅਰਹਤ੍ਤਮਗ੍ਗਚਿਤ੍ਤਂ, ਪਞ੍ਞਾਵਿਰਹਿਤਤਂਸਮ੍ਪਯੁਤ੍ਤਾ ਚ ਵਿਜ੍ਜਾਭਾਗਿਨੋ ਚ ਞਾਣਸਮ੍ਪਯੁਤ੍ਤਕਾਮਾਵਚਰਜਵਨਾਨਿ, ਞਾਣਵਿਰਹਿਤਤਂਸਮ੍ਪਯੁਤ੍ਤਾ ¶ ਚ ਵਿਪਸ੍ਸਨਾਭਾਵੇਨ ਪਵਤ੍ਤਿਯਂ ਵਿਜ੍ਜਾਭਾਗਿਨੋ, ਅਞ੍ਞਦਾ ਨ ਵਤ੍ਤਬ੍ਬਾ. ਰੂਪਾਵਚਰਚਤੁਤ੍ਥਜ੍ਝਾਨਿਕਜਵਨਚਿਤ੍ਤਾਨਿ, ਪਞ੍ਞਾਵਿਰਹਿਤਤਂਸਮ੍ਪਯੁਤ੍ਤਾ ਚ ਮਨੋਮਯਿਦ੍ਧਿਭਾਵੇਨ ਚ ਪਞ੍ਚਾਭਿਞ੍ਞਾਭਾਵੇਨ ਚ ਪਵਤ੍ਤਿਯਂ ਵਿਜ੍ਜਾਭਾਗਿਨੋ, ਅਞ੍ਞਦਾ ਨ ਵਤ੍ਤਬ੍ਬਾ. ਤਤ੍ਥ ਦ੍ਵਾਦਸਾਕੁਸਲਚਿਤ੍ਤਾਨਿ, ਅਵਿਜ੍ਜਾਵਿਰਹਿਤਤਂਸਮ੍ਪਯੁਤ੍ਤਾ ਚ ਅਵਿਜ੍ਜਾਭਾਗਿਨੋਵ, ਇਧ ਪਨ ਅਵਿਜ੍ਜਾ, ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਚ ਨ ਵਤ੍ਤਬ੍ਬਾਵ. ਚੇਤਸਿਕੇਸੁ ਪਨ ਮੋਹਅਪ੍ਪਮਞ੍ਞਾ ਨ ਵਤ੍ਤਬ੍ਬਾਵ, ਸੇਸਾ ਕੁਸਲਾਬ੍ਯਾਕਤਾ ਸਿਯਾ ਵਿਜ੍ਜਾਭਾਗਿਨੋ, ਸਿਯਾ ਨ ਵਤ੍ਤਬ੍ਬਾ, ਤਿਜਾਤਿਕਾ ਦ੍ਵਿਧਾਪਿ ਨ ਵਤ੍ਤਬ੍ਬਾ ਚ. ਸੇਸਂ ਸੁਵਿਞ੍ਞੇਯ੍ਯਮੇਵ. ਪਠਮਂ.

ਪੁਨ ਅਨਜ੍ਝੋਤ੍ਥਰਣਵਸੇਨ ਕਿਲੇਸਨ੍ਧਕਾਰਂ ਵਿਦ੍ਧਂਸੇਤੁਂ ਅਸਮਤ੍ਥਤਾਯ ਵਿਜ੍ਜੁ ਉਪਮਾ ਏਤੇਸਨ੍ਤਿ ਵਿਜ੍ਜੂਪਮਾ, ਆਦਿਤੋ ਤੀਸੁ ਮਗ੍ਗੇਸੁ ਞਾਣਂਵ. ਨਿਸ੍ਸੇਸਂ ਵਿਦ੍ਧਂਸਨਸਮਤ੍ਥਤਾਯ ਵਜਿਰਂ ਉਪਮਾ ਏਤੇਸਨ੍ਤਿ ਵਜਿਰੂਪਮਾ, ਅਰਹਤ੍ਤਮਗ੍ਗੇ ਞਾਣਂ. ਯਥਾ ਹਿ ਮੇਘਨ੍ਧਕਾਰੇ ਮਗ੍ਗਪਟਿਪਨ੍ਨਸ੍ਸ ਪਟਿਚ੍ਛਾਦਨਅਨ੍ਧਕਾਰਂ ਵਿਧਮਿਤ੍ਵਾ ਵਿਜ੍ਜੁਯਾ ਉਪ੍ਪਨ੍ਨਕ੍ਖਣੇ ਚਾਤੁਦਿਸਾ ਮਗ੍ਗਾ ਪਾਕਟਾ ਹੋਨ੍ਤਿ, ਵਿਜ੍ਜੁਯਾ ਨਿਰੁਦ੍ਧਾਯ ਪੁਨ ਅਨ੍ਧਕਾਰੋ ਓਤ੍ਥਰਿਤ੍ਵਾ ਮਗ੍ਗਂ ਪਟਿਚ੍ਛਾਦੇਤਿ, ਏਵਂ ਵਿਪਸ੍ਸਨਾਯਾਨਿਕਸ੍ਸ ਯਥਾਸਕਂ ਸਚ੍ਚਚ੍ਛਾਦਕਕਿਲੇਸਨ੍ਧਕਾਰਂ ਵਿਧਮਿਤ੍ਵਾ ਤੀਸੁ ਮਗ੍ਗੇਸੁ ਯਥਾਕ੍ਕਮਂ ਉਪ੍ਪਨ੍ਨੇਸੁ ਚਤ੍ਤਾਰਿ ਸਚ੍ਚਾਨਿ ਪਾਕਟਾਨਿ ਹੋਨ੍ਤਿ, ਤੇਸੁ ਨਿਰੁਦ੍ਧੇਸੁ ਪੁਨ ਅਵਸਿਟ੍ਠਕਿਲੇਸਨ੍ਧਕਾਰੋ ਚਤੁਸਚ੍ਚਂ ਪਟਿਚ੍ਛਾਦੇਤਿ, ਤਸ੍ਮਾ ਤੀਸੁ ਮਗ੍ਗੇਸੁ ਪਞ੍ਞਾ ਵਿਜ੍ਜੂਪਮਾ ਵੁਤ੍ਤਾ. ਯਥਾ ਪਨ ਵਜਿਰਸ੍ਸ ਅਭੇਜ੍ਜੋ ਪਾਸਾਣੋ ਨਾਮ ਨਤ੍ਥਿ, ਤਞ੍ਚ ਨਿਸ੍ਸੇਸਤੋ ਵਜਿਰਂ ਖੇਪੇਤਿ, ਵਜਿਰੇਨ ਚ ਗਤਮਗ੍ਗੇ ਪਾਸਾਣਸ੍ਸ ਪੁਨ ¶ ਪਾਕਤਿਕਭਾਵੋ ਨਤ੍ਥਿ, ਏਵਂ ਅਰਹਤ੍ਤਮਗ੍ਗਞਾਣਸ੍ਸ ਅਵਜ੍ਝਕਿਲੇਸੋ ਨਾਮ ਨਤ੍ਥਿ, ਤਞ੍ਚ ਨਿਸ੍ਸੇਸਤੋ ਅਰਹਤ੍ਤਮਗ੍ਗਞਾਣਂ ਖੇਪੇਤਿ, ਤੇਨ ਚ ਖੇਪਿਤੇ ਕਿਲੇਸੇ ਅਵਸਿਟ੍ਠਕਿਲੇਸਾਭਾਵਤੋ ਤਸ੍ਸ ਪੁਨ ਪਚ੍ਚੁਦਾਵਤ੍ਤਨਂ ਨਾਮ ਨਤ੍ਥਿ, ਤਸ੍ਮਾ ¶ ਚਤੁਤ੍ਥਮਗ੍ਗੇ ਪਞ੍ਞਾ ਵਜਿਰੂਪਮਾ ਵੁਤ੍ਤਾ. ਪਞ੍ਞਾ ਏਵ ਹੇਤ੍ਥ ਸਿਯਾ ਵਿਜ੍ਜੂਪਮਾ, ਸਿਯਾ ਨ ਵਤ੍ਤਬ੍ਬਾ ਚ ਹੋਤਿ. ਸੇਸਚੇਤਸਿਕਚਿਤ੍ਤਰੂਪਨਿਬ੍ਬਾਨਾਨਿ ਪਨ ਸਬ੍ਬਾਨਿ ਨ ਵਤ੍ਤਬ੍ਬਾਨੇਵ. ਦੁਤਿਯਂ.

ਬਾਲੇਸੁ ਠਿਤਤ੍ਤਾ, ਯਤ੍ਥ ਠਿਤਾ ਤਦੁਪਚਾਰੇਨ ਬਾਲਾ, ਬਾਲਕਰਤ੍ਤਾ ਵਾ ਬਾਲਾ, ਦ੍ਵਾਦਸਾਕੁਸਲਚਿਤ੍ਤਾਨਿ. ਇਧ ਪਨ ਅਹਿਰਿਕਞ੍ਚ ਅਨੋਤ੍ਤਪ੍ਪਞ੍ਚ ਬਾਲਾ ਨਾਮ. ਪਣ੍ਡਿਤੇਸੁ ਠਿਤਤ੍ਤਾ ਪਣ੍ਡਿਤਾ, ਪਣ੍ਡਿਤਕਰਤ੍ਤਾ ਵਾ ਪਣ੍ਡਿਤਾ, ਏਕਵੀਸਤਿ ਕੁਸਲਚਿਤ੍ਤਾਨਿ. ਇਧ ਪਨ ਹਿਰੀ ਚ ਓਤ੍ਤਪ੍ਪਞ੍ਚ ਪਣ੍ਡਿਤਾ ਨਾਮ. ਸੇਸਚਿਤ੍ਤਰੂਪਨਿਬ੍ਬਾਨਾਨਿ ਨ ਵਤ੍ਤਬ੍ਬਾਨਿ. ਸੇਸਂ ਸੁਵਿਞ੍ਞੇਯ੍ਯਮੇਵ. ਤਤਿਯਂ.

ਕਣ੍ਹਾਤਿ ਕਾਲ਼ਕਾ, ਚਿਤ੍ਤਸ੍ਸ ਅਪਭਸ੍ਸਰਭਾਵਕਰਣਾ. ਸੁਕ੍ਕਾਤਿ ਓਦਾਤਾ, ਪਭਸ੍ਸਰਭਾਵਕਰਣਾ. ਸੇਸਂ ਸਬ੍ਬਂ ਬਾਲਦੁਕਸਦਿਸਮੇਵ. ਚਤੁਤ੍ਥਂ.

ਇਧ ਚੇਵ ਸਮ੍ਪਰਾਯੇ ਚ ਤਪੇਨ੍ਤੀਤਿ ਤਪਨੀਯਾ. ਨ ਤਪਨੀਯਾ ਅਤਪਨੀਯਾ. ਸੇਸਂ ਬਾਲਦੁਕਸਦਿਸਮੇਵ. ਪਞ੍ਚਮਂ.

‘‘ਸਿਰਿਵਡ੍ਢਕੋ ਧਨਵਡ੍ਢਕੋ’’ਤਿਆਦਯੋ ਵਿਯ ਵਚਨਮਤ੍ਤਮੇਵ ਅਧਿਕਾਰਂ ਕਤ੍ਵਾ ਪਵਤ੍ਤਾ ਅਧਿਵਚਨਾ ਨਾਮ. ਨਾਮਧੇਯ੍ਯਨ੍ਤਿ ਤੇਸਂ ਤੇਸਂ ਧਮ੍ਮਾਨਂ ਨਾਮਾਨਿ. ਤਾਨਿ ਚਤੁਬ੍ਬਿਧਾਨਿ ਸਾਮਞ੍ਞਨਾਮਂ ਗੁਣਨਾਮਂ ਕਿਤ੍ਤਿਮਨਾਮਂ ਓਪਪਾਤਿਕਨਾਮਨ੍ਤਿ. ਤਤ੍ਥ ਪਠਮਕਪ੍ਪਿਕੇਸੁ ਮਹਾਜਨੇਨ ਸਮ੍ਮਨ੍ਨਿਤ੍ਵਾ ਠਪਿਤਤ੍ਤਾ ‘‘ਮਹਾਸਮ੍ਮਤੋ’’ਤਿ ਰਞ੍ਞੋ ਨਾਮਨ੍ਤਿ ਏਵਰੂਪਂ ਸਾਮਞ੍ਞਨਾਮਂ ਨਾਮ. ‘‘ਧਮ੍ਮਕਥਿਕੋ ਪਂਸੁਕੂਲਿਕੋ ਕਾਲ਼ੋ ਰਸ੍ਸੋ’’ਤਿ ਏਵਰੂਪਂ ਗੁਣਤੋ ਆਗਤਂ, ‘‘ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ’’ਤਿਆਦੀਨਿਪਿ ਤਥਾਗਤਸ੍ਸ ਅਨੇਕਾਨਿ ਨਾਮਸਤਾਨਿ ਗੁਣਨਾਮਂ ਨਾਮ. ਯਂ ਪਨ ਜਾਤਸ੍ਸ ਕੁਮਾਰਸ੍ਸ ਞਾਤਕਾ ਕਪ੍ਪੇਤ੍ਵਾ ਪਕਪ੍ਪੇਤ੍ਵਾ ‘‘ਅਯਂ ਅਸੁਕੋ ਨਾਮਾ’’ਤਿ ਨਾਮਂ ਕਰੋਨ੍ਤਿ, ਇਦਂ ਕਿਤ੍ਤਿਮਨਾਮਂ ¶ ਨਾਮ. ਯਾ ਪਨ ਪੁਰਿਮਪਞ੍ਞਤ੍ਤਿ ਅਪਰਪਞ੍ਞਤ੍ਤਿਯਂ ਨਿਪਤਤਿ, ਸੇਯ੍ਯਥਿਦਂ – ਪੁਰਿਮਕਪ੍ਪੇਪਿ ਚਨ੍ਦੋ ਚਨ੍ਦੋ ਏਵ, ਏਤਰਹਿਪਿ ਅਨਾਗਤੇਪਿ ਚਨ੍ਦੋ ਏਵ. ਤਥਾ ‘‘ਸੂਰਿਯੋ ਸਮੁਦ੍ਦੋ ਪਥਵੀ ਰੂਪਂ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਂ ਨਿਬ੍ਬਾਨ’’ਨ੍ਤਿਏਵਮਾਦਿ ਓਪਪਾਤਿਕਨਾਮਂ ਨਾਮ. ਤਾਨਿ ਪੁਨ ਵਿਜ੍ਜਮਾਨਪਞ੍ਞਤ੍ਤਿ ਅਵਿਜ੍ਜਮਾਨਪਞ੍ਞਤ੍ਤਿ ਵਿਜ੍ਜਮਾਨੇਨਅਵਿਜ੍ਜਮਾਨਪਞ੍ਞਤ੍ਤਿ ਅਵਿਜ੍ਜਮਾਨੇਨਵਿਜ੍ਜਮਾਨਪਞ੍ਞਤ੍ਤਿ ¶ ਵਿਜ੍ਜਮਾਨੇਨਵਿਜ੍ਜਮਾਨਪਞ੍ਞਤ੍ਤਿ ਅਵਿਜ੍ਜਮਾਨੇਨਅਵਿਜ੍ਜਮਾਨਪਞ੍ਞਤ੍ਤੀਤਿ ਏਵਂ ਨਾਮਪਞ੍ਞਤ੍ਤਿਵਸੇਨ ਛਬ੍ਬਿਧਾਨਿ ਹੋਨ੍ਤਿ.

ਤਤ੍ਥ ਪਰਮਤ੍ਥਤੋ ਉਪਲਬ੍ਭਮਾਨਾ ਯਥਾਵੁਤ੍ਤਦ੍ਵਾਸਤ੍ਤਤਿਵਿਧਾ ਨਾਮਰੂਪਧਮ੍ਮਾ ਵਿਜ੍ਜਮਾਨਾ ਨਾਮ, ਤੇਸਂ ਪਕਾਰੇਹਿ ਞਾਪਨਤੋ ਪਞ੍ਞਤ੍ਤਿ ਵਿਜ੍ਜਮਾਨਪਞ੍ਞਤ੍ਤਿ ਨਾਮ, ‘‘ਚਿਤ੍ਤਂ ਫਸ੍ਸੋ ਪਥਵੀ ਰੂਪਂ ਨਿਬ੍ਬਾਨ’’ਨ੍ਤਿਆਦਯੋ ਪਰਮਤ੍ਥਵਾਚਕਾ ਸਦ੍ਦਾ. ਉਪਾਦਿਨ੍ਨਨਾਮਰੂਪਧਮ੍ਮੇ ਪਨ ਉਪਾਦਾਯ ਪਞ੍ਞਤ੍ਤਾ ਸਤ੍ਤਪੁਗ੍ਗਲਇਤ੍ਥਿਪੁਰਿਸਦੇਵਮਨੁਸ੍ਸਤਿਰਚ੍ਛਾਨਾਦਿਭੇਦਾ, ਅਨੁਪਾਦਿਨ੍ਨਰੂਪਧਮ੍ਮੇ ਉਪਾਦਾਯ ਪਞ੍ਞਤ੍ਤਾ ਭੂਮਿਪਬ੍ਬਤਰੁਕ੍ਖਸਕਟਚਨ੍ਦਸੂਰਿਯਨਕ੍ਖਤ੍ਤਦਿਸਾਕਾਲਕਸਿਣਾਦਿਭੇਦਾ ਚ ਪਰਮਤ੍ਥਤੋ ਅਨੁਪਲਬ੍ਭਮਾਨਾ ਅਵਿਜ੍ਜਮਾਨਾ ਨਾਮ, ਤੇਸਂ ਪਞ੍ਞਤ੍ਤਿ ਅਵਿਜ੍ਜਮਾਨਪਞ੍ਞਤ੍ਤਿ ਨਾਮ. ਤਥਾ ‘‘ਅਤ੍ਤਾ ਭੂਮੀ’’ਤਿਆਦਯੋ ਅਤ੍ਥਪਞ੍ਞਤ੍ਤਿਵਾਚਕਾ ਸਦ੍ਦਾ ਚ ਚਿਤ੍ਤਸਨ੍ਤਤਿਵਣ੍ਣੁਪਗਨ੍ਤਿਆਦਿ ਵਿਜ੍ਜਮਾਨਤ੍ਥਵਾਚਕਾ ਸਦ੍ਦਾ ਵਿਜ੍ਜਮਾਨੇਨਅਵਿਜ੍ਜਮਾਨਪਞ੍ਞਤ੍ਤਿ ਨਾਮ. ‘‘ਪੁਰਿਸਸ੍ਸ ਚਿਤ੍ਤਂ, ਮੇਘਵਣ੍ਣੋ’’ਤਿਆਦੀਸੁ ਅਵਿਜ੍ਜਮਾਨੇਨਵਿਜ੍ਜਮਾਨਪਞ੍ਞਤ੍ਤਿ ਨਾਮ. ‘‘ਚਿਤ੍ਤਲਹੁਤਾ ਪਥਵੀਗਨ੍ਧੋ’’ਤਿਆਦਿ ਵਿਜ੍ਜਮਾਨੇਨਵਿਜ੍ਜਮਾਨਪਞ੍ਞਤ੍ਤਿ ਨਾਮ. ‘‘ਮਨੁਸ੍ਸਸਰੀਰਂ ਰੁਕ੍ਖਸਾਖਾ’’ਤਿਆਦਿ ਅਵਿਜ੍ਜਮਾਨੇਨਅਵਿਜ੍ਜਮਾਨਪਞ੍ਞਤ੍ਤਿ ਨਾਮ. ਏਵਂ ਛਬ੍ਬਿਧਾਪਿ ਚੇਤਾ ਅਧਿਪ੍ਪਾਯਂ ਵਿਞ੍ਞਾਪੇਤੁਕਾਮਤਾਚਿਤ੍ਤਸਮੁਟ੍ਠਾਪਿਤਸਵਿਞ੍ਞਤ੍ਤਿਸਦ੍ਦਾਨੁਸਾਰੇਨ ਞਾਤਸਙ੍ਕੇਤਸ੍ਸ ਸੋਤਵਿਞ੍ਞਾਣਵੀਥਿਅਨਨ੍ਤਰਂ ਉਪ੍ਪਨ੍ਨੇਹਿ ਮਨੋਦ੍ਵਾਰਿਕਵਿਞ੍ਞਾਣੇਹਿ ‘‘ਇਮਸ੍ਸੇਦਂ ਨਾਮ’’ਨ੍ਤਿ ਅਨੇਕਸਦ੍ਦੇਸੁ ਏਕਤ੍ਤਮਾਰੋਪੇਤ੍ਵਾ ਵਵਤ੍ਥਾਪਿਤਾ ਅਤ੍ਥਾਭਿਮੁਖਂ ਨਮਨਤੋ ਪਕਾਰੇਹਿ ਅਤ੍ਥਸ੍ਸ ਞਾਪਨਤੋ ‘‘ਨਾਮਪਞ੍ਞਤ੍ਤੀ’’ਤਿ ਵੁਚ੍ਚਨ੍ਤਿ, ਤੇਸਂ ¶ ਅਧਿਵਚਨਾਨਂ ਪਥਾ ਅਤ੍ਥਾ ਅਧਿਵਚਨਪਥਾ, ਸਮ੍ਮੁਤਿਪਰਮਤ੍ਥਭੇਦਾ ਸਬ੍ਬੇ ਧਮ੍ਮਾ ਸਦ੍ਦਵਚਨੀਯਸਭਾਵਾ. ਛਟ੍ਠਂ.

ਇਤੋ ਪਰਂ ਦ੍ਵੇ ਦੁਕਾ ਅਧਿਵਚਨਦੁਕਸਦਿਸਾਵ, ਕੇਵਲਂ ਪਦਤ੍ਥਮਤ੍ਤਮੇਵ ਵਿਸੇਸੋ. ਤਤ੍ਥ ਅਭਿਸਙ੍ਖਰੋਨ੍ਤੀਤਿ ਸਙ੍ਖਾਰਾਤਿ ਏਵਂ ਨਿਦ੍ਧਾਰੇਤ੍ਵਾ ਸਹੇਤੁਕਂ ਕਤ੍ਵਾ ਵੁਚ੍ਚਮਾਨਾ ਨਿਰੁਤ੍ਤਿ ਨਾਮ, ‘‘ਤਕ੍ਕੋ ਵਿਤਕ੍ਕੋ ਸਙ੍ਕਪ੍ਪੋ’’ਤਿ ਏਵਂ ਤੇਨ ਤੇਨ ਪਕਾਰੇਨ ਞਾਪਨਤੋ ਪਞ੍ਞਤ੍ਤਿ ਨਾਮ, ਯਥਾਵੁਤ੍ਤਨਾਮਪਞ੍ਞਤ੍ਤਿਯੋਵ. ਨ ਹਿ ਅਧਿਵਚਨਨਿਰੁਤ੍ਤਿਪਞ੍ਞਤ੍ਤੀਸੁ ਅਤ੍ਥਤੋ ਕੋਚਿਪਿ ਭੇਦੋ ਅਤ੍ਥਿ, ਨਿਬ੍ਬਤ੍ਤਿਨਿਮਿਤ੍ਤਭੇਦਦਸ੍ਸਨਤ੍ਥਂ ਪਨ ਨੇਸਂ ਵਿਭਾਗੇਨ ਪਦਤ੍ਥੋ ਦਸ੍ਸਿਤੋ. ਇਮੇਸੁ ਚ ਤੀਸੁ ਦੁਕੇਸੁ ਪਞ੍ਞਤ੍ਤਿਸਹਿਤਾ ਸਬ੍ਬੇ ਧਮ੍ਮਾ ਲਬ੍ਭਨ੍ਤਿ, ਅਨਨ੍ਤਰੇ ਨਾਮਰੂਪਦੁਕੇ ਪਞ੍ਞਤ੍ਤਿਰਹਿਤਾਤਿ ਇਮੇ ਚਤ੍ਤਾਰੋ ਦੁਕਾ ਇਮੇਸੁ ਸੁਤ੍ਤਨ੍ਤਿਕਦੁਕੇਸੁ ਨਿਪ੍ਪਦੇਸਾ, ਸੇਸਾ ਪਨ ਅਟ੍ਠਤਿਂਸਾਪਿ ਸਪ੍ਪਦੇਸਾਤਿ ਵੇਦਿਤਬ੍ਬਾ. ਸਤ੍ਤਮਟ੍ਠਮਾਨਿ.

ਨਾਮਕਰਣਟ੍ਠੇਨ, ਨਮਨਟ੍ਠੇਨ, ਨਾਮਨਟ੍ਠੇਨ ਚ ਨਾਮਂ, ਅਰੂਪਕ੍ਖਨ੍ਧਨਿਬ੍ਬਾਨਾਨਿ. ਤਾਨਿ ਹਿ ਸਬ੍ਬਦਾਪਿ ¶ ਵੇਦਨਾ ਸਞ੍ਞਾ ਸਙ੍ਖਾਰਾ ਵਿਞ੍ਞਾਣਂ ਨਿਬ੍ਬਾਨਨ੍ਤਿ ਓਪਪਾਤਿਕਨਾਮਵਸੇਨ ਅਤ੍ਤਨੋ ਨਾਮਂ ਕਰੋਨ੍ਤਾਵ ਪਵਤ੍ਤਨ੍ਤਿ ਚਨ੍ਦਸੂਰਿਯਾਦਯੋ ਵਿਯ. ਨ ਹਿ ਤੇਸਂ ਸਾਮਞ੍ਞਗੁਣਕਿਤ੍ਤਿਮਵਸੇਨ ਨਾਮਕਰਣਕਿਚ੍ਚਂ ਅਤ੍ਥੀਤਿ. ਏਵਂ ਨਾਮਕਰਣਟ੍ਠੇਨ ਨਾਮਂ ਵੇਦਿਤਬ੍ਬਂ. ਆਰਮ੍ਮਣਾਭਿਮੁਖਂ ਪਨ ਨਮਨਟ੍ਠੇਨ, ਅਞ੍ਞਮਞ੍ਞਂ ਤਤ੍ਥ ਨਾਮਨਟ੍ਠੇਨ ਚ ਚਤ੍ਤਾਰੋ ਅਰੂਪਕ੍ਖਨ੍ਧਾਵ ਨਾਮਂ. ਨਿਬ੍ਬਾਨਂ ਪਨ ਆਰਮ੍ਮਣਾਧਿਪਤਿਪਚ੍ਚਯਤਾਯ ਅਤ੍ਤਨਿ ਅਨਵਜ੍ਜਧਮ੍ਮਾਨਂ ਨਾਮਨਟ੍ਠੇਨੇਵ ਨਾਮਂ ਵੇਦਿਤਬ੍ਬਂ. ਰੁਪ੍ਪਨਟ੍ਠੇਨ ਰੂਪਂ, ਰੂਪਕ੍ਖਨ੍ਧੋ. ਨਵਮਂ.

ਅਵਿਜ੍ਜਾਤਿ ਦੁਕ੍ਖਾਦਿਪਟਿਚ੍ਛਾਦਕੋ ਸਬ੍ਬੋ ਮੋਹੋ. ਭਵਤਣ੍ਹਾਤਿ ਭਵਪਤ੍ਥਨਾਵਸੇਨ ਪਵਤ੍ਤੋ ਲੋਭੋ. ਤਥਾ ਅਪ੍ਪਵਤ੍ਤੋ ਪਨੇਤ੍ਥ ਲੋਭੋ, ਸੇਸਚੇਤਸਿਕਚਿਤ੍ਤਰੂਪਨਿਬ੍ਬਾਨਾਨਿ ਚ ਨ ਵਤ੍ਤਬ੍ਬਾਨਿ. ਇਤੋ ਪਰਂ ਪਨ ਏਵਂ ਨਵਤ੍ਤਬ੍ਬਵਿਭਾਗਂ ਅਦਸ੍ਸੇਤ੍ਵਾ ਪਦਤ੍ਥਸਰੂਪਮਤ੍ਤਮੇਵ ਦਸ੍ਸਯਿਸ੍ਸਾਮ, ਦਸ੍ਸਿਤਾਵਸੇਸਾ ਨ ਵਤ੍ਤਬ੍ਬਾਤਿ ਗਹੇਤਬ੍ਬਾ. ਦਸਮਂ.

ਭਵੋ ¶ ਵੁਚ੍ਚਤਿ ਸਸ੍ਸਤਂ. ‘‘ਭਵਿਸ੍ਸਤਿ ਅਤ੍ਤਾ ਚ ਲੋਕੋ ਚਾ’’ਤਿ ਸਸ੍ਸਤਵਸੇਨ ਉਪ੍ਪਜ੍ਜਨਕਦਿਟ੍ਠਿ ਭਵਦਿਟ੍ਠਿ ਨਾਮ. ਵਿਭਵੋ ਵੁਚ੍ਚਤਿ ਉਚ੍ਛੇਦੋ. ‘‘ਨ ਭਵਿਸ੍ਸਤਿ ਅਤ੍ਤਾ ਚ ਲੋਕੋ ਚਾ’’ਤਿ ਉਚ੍ਛੇਦਵਸੇਨ ਉਪ੍ਪਜ੍ਜਨਕਦਿਟ੍ਠਿ ਵਿਭਵਦਿਟ੍ਠਿ ਨਾਮ. ਉਭਯੇਨਾਪਿ ਮਿਚ੍ਛਾਦਿਟ੍ਠਿ ਗਹਿਤਾ. ਤਥਾ ਅਨਨ੍ਤਰੇਸੁਪਿ ਤੀਸੁ ਦੁਕੇਸੁ. ਏਕਾਦਸਮਂ.

ਖਨ੍ਧਪਞ੍ਚਕਂ ‘‘ਅਤ੍ਤਾ ਚ ਲੋਕੋ ਚਾ’’ਤਿ ਗਹੇਤ੍ਵਾ ‘‘ਸਸ੍ਸਤੋ ਅਤ੍ਤਾ ਚ ਲੋਕੋ ਚਾ’’ਤਿ ਪਵਤ੍ਤਾ ਦਿਟ੍ਠਿ ਸਸ੍ਸਤਦਿਟ੍ਠਿ ਨਾਮ. ਤਥਾ ‘‘ਉਚ੍ਛਿਜ੍ਜਿਸ੍ਸਤੀ’’ਤਿ ਪਵਤ੍ਤਾ ਦਿਟ੍ਠਿ ਉਚ੍ਛੇਦਦਿਟ੍ਠਿ ਨਾਮ. ‘‘ਅਨ੍ਤਵਾ’’ਤਿ ਪਵਤ੍ਤਾ ਅਨ੍ਤਵਾਦਿਟ੍ਠਿ ਨਾਮ. ‘‘ਅਨਨ੍ਤਵਾ’’ਤਿ ਪਵਤ੍ਤਾ ਅਨਨ੍ਤਵਾਦਿਟ੍ਠਿ ਨਾਮ. ਪੁਬ੍ਬਨ੍ਤਂ ਅਨੁਗਤਾ ਬ੍ਰਹ੍ਮਜਾਲੇ ਵੁਤ੍ਤਨਯੇਨ ਅਤੀਤਕੋਟ੍ਠਾਸਂ ਆਰਮ੍ਮਣਂ ਕਤ੍ਵਾ ਪਵਤ੍ਤਾ ਅਟ੍ਠਾਰਸਵਿਧਾ ਪੁਬ੍ਬਨ੍ਤਾਨੁਦਿਟ੍ਠਿ ਨਾਮ. ਅਪਰਨ੍ਤਂ ਅਨੁਗਤਾ ਤਤ੍ਥੇਵ ਆਗਤਨਯੇਨ ਅਨਾਗਤਕੋਟ੍ਠਾਸਂ ਆਰਮ੍ਮਣਂ ਕਤ੍ਵਾ ਪਵਤ੍ਤਾ ਚਤੁਚਤ੍ਤਾਲੀਸਵਿਧਾ ਅਪਰਨ੍ਤਾਨੁਦਿਟ੍ਠਿ ਨਾਮ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਬ੍ਰਹ੍ਮਜਾਲੇ (ਦੀ. ਨਿ. ੧.੨੮), ਤਦਟ੍ਠਕਥਾਯ (ਦੀ. ਨਿ. ਅਟ੍ਠ. ੧.੨੮) ਚ ਵੇਦਿਤਬ੍ਬੋ. ਦ੍ਵਾਦਸਮਤੇਰਸਮਚੁਦ੍ਦਸਮਾਨਿ.

ਅਹਿਰਿਕਦੁਕਂ, ਹਿਰਿਦੁਕਞ੍ਚ ਸੁਵਿਞ੍ਞੇਯ੍ਯਮੇਵ. ਪਞ੍ਚਦਸਮਸੋਲ਼ਸਮਾਨਿ.

ਦੁਕ੍ਖਂ ¶ ਵਚੋ ਏਤਸ੍ਮਿਂ ਵਿਪ੍ਪਟਿਕੂਲਗਾਹਿਮ੍ਹਿ ਵਿਪਚ੍ਚਨੀਕਸਾਤੇ ਅਨਾਦਰੇ ਪੁਗ੍ਗਲੇਤਿ ਦੁਬ੍ਬਚੋ, ਸਹਧਮ੍ਮਿਕਂ ਦਸ੍ਸੇਤ੍ਵਾ ਓਵਦਿਯਮਾਨੇ ਅਨਾਦਰਕਾਰਕੋ ਪੁਗ੍ਗਲੋ, ਤਸ੍ਸ ਕਮ੍ਮਂ ਦੋਵਚਸ੍ਸਂ, ਤਸ੍ਸ ਭਾਵੋ ਦੋਵਚਸ੍ਸਤਾ, ਅਨਾਦਰਵਸੇਨ ਪਵਤ੍ਤਾ ਦ੍ਵੇ ਪਟਿਘਚਿਤ੍ਤਾ, ਤਂਸਮ੍ਪਯੁਤ੍ਤਾ ਚ. ਪਾਪਾ ਅਸ੍ਸਦ੍ਧਾਦਯੋ ਪੁਗ੍ਗਲਾ ਏਤਸ੍ਸ ਮਿਤ੍ਤਾਤਿ ਪਾਪਮਿਤ੍ਤੋ, ਤਸ੍ਸ ਭਾਵੋ ਪਾਪਮਿਤ੍ਤਤਾ, ਪਾਪਪੁਗ੍ਗਲੇਸੁ ਦਲ਼੍ਹਭਤ੍ਤਿਵਸੇਨ, ਕਾਯਚਿਤ੍ਤੇਹਿ ਤਂਸੇਵਨਾਤਨ੍ਨਿਨ੍ਨਤਾਵਸੇਨ ਚ ਪਵਤ੍ਤਾਨਿ ਅਟ੍ਠ ਲੋਭਚਿਤ੍ਤਾਨਿ. ਸਤ੍ਤਰਸਮਂ.

ਸੋਵਚਸ੍ਸਤਾ ¶ , ਕਲ੍ਯਾਣਮਿਤ੍ਤਤਾ ਚ ਵੁਤ੍ਤਪਟਿਪਕ੍ਖਵਸੇਨ ਵੇਦਿਤਬ੍ਬਾ. ਅਤ੍ਥਤੋ ਪਨ ਤਥਾਪਵਤ੍ਤਾਨਿ ਸਹੇਤੁਕਕਾਮਾਵਚਰਕੁਸਲਕਿਰਿਯਚਿਤ੍ਤਾਨਿ. ਅਟ੍ਠਾਰਸਮਂ.

ਪਞ੍ਚਸੁ, ਸਤ੍ਤਸੁ ਵਾ ਆਪਤ੍ਤੀਸੁ ਕੁਸਲਭਾਵੋ ਆਪਤ੍ਤਿਕੁਸਲਤਾ, ਸਹ ਵਤ੍ਥੁਨਾ ਤਾਸਂ ਆਪਤ੍ਤੀਨਂ ਆਪਜ੍ਜਨਪਰਿਚ੍ਛੇਦਜਾਨਨਵਸੇਨ ਪਵਤ੍ਤਾ ਕਾਮਾਵਚਰਜਵਨਪਞ੍ਞਾ. ਆਪਤ੍ਤੀਹਿ ਵੁਟ੍ਠਾਨੇ ਕੁਸਲਭਾਵੋ ਆਪਤ੍ਤਿਵੁਟ੍ਠਾਨਕੁਸਲਤਾ, ਵੁਟ੍ਠਾਨਵਿਧਾਨੇਨ ਸਦ੍ਧਿਂ ਆਪਤ੍ਤਿਵੁਟ੍ਠਾਨਪਰਿਚ੍ਛੇਦਜਾਨਨਵਸੇਨ ਪਵਤ੍ਤਾ ਯਥਾਵੁਤ੍ਤਚਿਤ੍ਤਸਮ੍ਪਯੁਤ੍ਤਪਞ੍ਞਾਵ. ਏਕੂਨਵੀਸਤਿਮਂ.

ਸਮਾਪਜ੍ਜਿਤਬ੍ਬਤੋ ਸਮਾਪਤ੍ਤਿ, ਤਾਸੁ ਲੋਕਿਯਲੋਕੁਤ੍ਤਰਾਸੁ ਸਵਿਤਕ੍ਕਸਵਿਚਾਰਾਦੀਸੁ ਸਮਾਪਤ੍ਤੀਸੁ ਕੁਸਲਤਾ ਸਮਾਪਤ੍ਤਿਕੁਸਲਤਾ, ਸਹ ਪਰਿਕਮ੍ਮੇਨ ਅਪ੍ਪਨਾਪਰਿਚ੍ਛੇਦਜਾਨਨਵਸੇਨ ਪਵਤ੍ਤਾ ਪਞ੍ਞਾ. ਸਮਾਪਤ੍ਤੀਹਿ ਵੁਟ੍ਠਾਨੇ ਕੁਸਲਭਾਵੋ ਸਮਾਪਤ੍ਤਿਵੁਟ੍ਠਾਨਕੁਸਲਤਾ, ਯਥਾਪਰਿਚ੍ਛਿਨ੍ਨਕਾਲੇਯੇਵ ਤਾਹਿ ਵੁਟ੍ਠਾਨਕਪਞ੍ਞਾ ਕਾਮਾਵਚਰਜਵਨਪਞ੍ਞਾਵ. ਵੀਸਤਿਮਂ.

ਅਟ੍ਠਾਰਸਸੁ ਧਾਤੂਸੁ ਕੁਸਲਭਾਵੋ ਧਾਤੁਕੁਸਲਤਾ, ਸਵਨਧਾਰਣਪਟਿਵੇਧਪਚ੍ਚਵੇਕ੍ਖਣਪਞ੍ਞਾ. ਤਾਸਞ੍ਞੇਵ ਧਾਤੂਨਂ ਮਨਸਿਕਾਰੇ ਕੁਸਲਭਾਵੋ ਮਨਸਿਕਾਰਕੁਸਲਤਾ, ਤਾਸਂ ਸਮ੍ਮਸਨਪਟਿਵੇਧਪਚ੍ਚਵੇਕ੍ਖਣਪਞ੍ਞਾ. ਏਸ ਨਯੋ ਆਯਤਨਕੁਸਲਤਾਯਪਿ. ਤਤ੍ਥ ਹਿ ਸਵਨਧਾਰਣਪਚ੍ਚਵੇਕ੍ਖਣਾ ਕਾਮਾਵਚਰਾਵ, ਪਟਿਵੇਧੋ ਲੋਕੁਤ੍ਤਰੋਵ, ਸਮ੍ਮਸਨਂ ਕਾਮਾਵਚਰਲੋਕੁਤ੍ਤਰਂ. ਅਞ੍ਞਮਞ੍ਞਂ ਪਟਿਚ੍ਚ ਸਹਿਤਂ ਫਲਂ ਉਪ੍ਪਾਦੇਤੀਤਿ ਪਟਿਚ੍ਚਸਮੁਪ੍ਪਾਦੋ, ਅਵਿਜ੍ਜਾਦੀਹਿ ਨਿਦ੍ਦਿਟ੍ਠੋ ਪਚ੍ਚਯਸਮੂਹੋ, ਤਸ੍ਮਿਂ ਦ੍ਵਾਦਸਙ੍ਗੇ ਅਨੁਲੋਮਪਟਿਚ੍ਚਸਮੁਪ੍ਪਾਦੇ ਕੁਸਲਭਾਵੋ ਪਟਿਚ੍ਚਸਮੁਪ੍ਪਾਦਕੁਸਲਤਾ, ‘‘ਇਮਿਨਾ ਪਚ੍ਚਯੇਨ ਇਦਂ ਹੋਤੀ’’ਤਿ ਜਾਨਨਵਸੇਨ ਪਵਤ੍ਤਾ ਲੋਕਿਯਜਵਨਪਞ੍ਞਾਵ. ਏਕਵੀਸਤਿਮਦ੍ਵਾਵੀਸਤਿਮਾਨਿ.

ਤਿਟ੍ਠਤਿ ¶ ¶ ਏਤ੍ਥ ਫਲਂ ਤਦਾਯਤ੍ਤਵੁਤ੍ਤਿਤਾਯਾਤਿ ਠਾਨਂ, ਕਾਰਣਂ, ਤਸ੍ਮਿਂ ਠਾਨੇ ਕੁਸਲਤਾ ਠਾਨਕੁਸਲਤਾ. ਨ ਠਾਨੇ ਕੁਸਲਤਾ ਅਟ੍ਠਾਨਕੁਸਲਤਾ. ਤੇਵੀਸਤਿਮਂ.

ਉਜੁਭਾਵੋ ਅਜ੍ਜਵੋ. ਮੁਦੁਭਾਵੋ ਮਦ੍ਦਵੋ. ਕਾਯਚਿਤ੍ਤੁਜੁਕਤਾਮੁਦੁਕਤਾਦ੍ਵਯਂ. ਚਤੁਵੀਸਤਿਮਂ.

ਅਧਿਵਾਸਨਸਙ੍ਖਾਤਾ ਖਮਨਂ ਖਨ੍ਤਿ, ਤਥਾਪਵਤ੍ਤਕਾਮਾਵਚਰਜਵਨਾਨਿ. ਪਾਪਤੋ ਸੁਟ੍ਠੁ ਓਰਤੋ ਵਿਰਤੋਤਿ ਸੋਰਤੋ, ਤਸ੍ਸ ਭਾਵੋ ਸੋਰਚ੍ਚਂ. ਕਾਯਵਚੀਮਨੋਸਂਵਰਸੀਲਸਙ੍ਖਾਤਾਨਿ ਲੋਕਿਯਲੋਕੁਤ੍ਤਰਜਵਨਾਨਿ. ਪਞ੍ਚਵੀਸਤਿਮਂ.

ਸਮ੍ਮੋਦਕਪਿਯਵਾਦਿਤਾਸਙ੍ਖਾਤੋ ਸਖਿਲਭਾਵੋ ਸਾਖਲ੍ਯਂ, ਯਥਾ ਪਰੇਹਿ ਸਦ੍ਧਿਂ ਅਤ੍ਤਨੋ ਛਿਦ੍ਦਂ ਵਿਵਰਂ ਨ ਹੋਤਿ, ਏਵਂ ਧਮ੍ਮਾਮਿਸੇਹਿ ਪਟਿਸਨ੍ਥਰਣਂ ਪਟਿਚ੍ਛਾਦਨਂ ਪਟਿਸਨ੍ਥਾਰੋ. ਆਗਨ੍ਤੁਕਸ੍ਸ ਹਿ ਪਚ੍ਚੁਗ੍ਗਮਨਪਤ੍ਤਚੀਵਰਪਟਿਗ੍ਗਹਣਆਸਨਦਾਨਬੀਜਨਪਾਦਧੋਵਨਮਕ੍ਖਨਾਦਿਨਾ, ਪਾਨੀਯੇਨ ਆਪੁਚ੍ਛਨੇਨ, ਕਾਲੇ ਆਗਤਸ੍ਸ ਯਾਗੁਆਦੀਨਂ, ਵਿਕਾਲੇ ਪਾਨਕਾਦੀਨਞ੍ਚ ਦਾਨੇਨ, ਪੁਨਦਿਵਸੇ ਪਿਣ੍ਡਾਯ ਚਰਣਟ੍ਠਾਨਦਸ੍ਸਨਪਵੇਸਨਨਿਕ੍ਖਮਨਕਾਲਾਰੋਚਨਾਦਿਨਾ ਚ ਪਬ੍ਬਜਿਤਾ, ਗਹਟ੍ਠਾਨਞ੍ਚ ਵਿਨਯੇ ਆਗਤਨਯੇਨ ਯਥਾਨੁਰੂਪਂ ਆਮਿਸਪਟਿਸਨ੍ਥਾਰੋ ਕਾਤਬ੍ਬੋ. ਆਗਨ੍ਤੁਕਂ ਪਨ ਉਪਸਙ੍ਕਮਿਤ੍ਵਾ ‘‘ਤੁਮ੍ਹੇ ਕਤਰਭਾਣਕਾ’’ਤਿ ਅਪੁਚ੍ਛਿਤ੍ਵਾ ‘‘ਆਚਰਿਯੁਪਜ੍ਝਾਯਾ ਵੋ ਕਤਰਂ ਗਨ੍ਥਂ ਵਲ਼ਞ੍ਜੇਨ੍ਤੀ’’ਤਿ ਪੁਚ੍ਛਿਤ੍ਵਾ ਤਸ੍ਸ ਵਿਸਯੇ ਪਞ੍ਹਪੁਚ੍ਛਨੇਨ ਸਚੇ ਨ ਸਕ੍ਕੋਤਿ, ਸਯਂ ਕਥੇਤ੍ਵਾ ਦਾਨੇਨ, ਧਮ੍ਮਕਥਨਪਞ੍ਹਵਿਸ੍ਸਜ੍ਜਨਕਮ੍ਮਟ੍ਠਾਨਕਥਨਕੁਕ੍ਕੁਚ੍ਚਦਿਟ੍ਠਿਵਿਨੋਦਨਾਦਿਨਾ, ਪਰਿਵਾਸਾਦਿਵਿਨਯਕਮ੍ਮਕਰਣੇਨ, ਪਬ੍ਬਾਜਨਉਪਸਮ੍ਪਦਾਦਿਨਾ ਚ ਧਮ੍ਮਪਟਿਸਨ੍ਥਾਰੋ ਕਾਤਬ੍ਬੋ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰਤੋ ਪਨਾਯਂ ਸਦ੍ਧਿਂ ਆਨਿਸਂਸਦੀਪਕਵਤ੍ਥੂਹਿ ਅਟ੍ਠਸਾਲਿਨਿਯਂ (ਧ. ਸ. ਅਟ੍ਠ. ੧੩੫੧) ਞਾਤਬ੍ਬੋ. ਏਤਸ੍ਮਿਂ ਦੁਵਿਧੇ ਪਟਿਸਨ੍ਥਾਰੇ ਕੁਸਲਭਾਵੋ ਪਟਿਸਨ੍ਥਾਰਕੁਸਲਤਾ, ਤਥਾਪਵਤ੍ਤਕਾਮਾਵਚਰਜਵਨਾਨਿ ਏਵ. ਛਬ੍ਬੀਸਤਿਮਂ.

ਇਨ੍ਦ੍ਰਿਯੇਸੁ ¶ ਮਨਚ੍ਛਟ੍ਠੇਸੁ ਆਪਾਥਗਤਰੂਪਾਦੀਸੁ ਆਰਮ੍ਮਣੇਸੁ ਨਿਮਿਤ੍ਤਗਹਣਾਦਿਨਾ ਇਨ੍ਦ੍ਰਿਯਸਂਵਰਭੇਦਸਙ੍ਖਾਤੋ ਅਗੁਤ੍ਤਦ੍ਵਾਰਭਾਵੋ ਇਨ੍ਦ੍ਰਿਯੇਸੁ ਅਗੁਤ੍ਤਦ੍ਵਾਰਤਾ. ਪਟਿਗ੍ਗਹਣਪਰਿਭੋਗਵਸੇਨ ਭੋਜਨੇ ਮਤ੍ਤਂ ਅਜਾਨਨਭਾਵੋ ਭੋਜਨੇ ਅਮਤ੍ਤਞ੍ਞੁਤਾ, ਤਥਾਪਵਤ੍ਤਅਕੁਸਲਚਿਤ੍ਤਾਨਿ. ਸਤ੍ਤਵੀਸਤਿਮਂ.

ਅਨਨ੍ਤਰਦੁਕੇਪਿ ¶ ਵੁਤ੍ਤਪਟਿਪਕ੍ਖਵਸੇਨ ਕਾਮਾਵਚਰਸਹੇਤੁਕਕੁਸਲਕਿਰਿਯਚਿਤ੍ਤਾਨਿ ਵੇਦਿਤਬ੍ਬਾਨਿ. ਅਟ੍ਠਵੀਸਤਿਮਂ.

ਸਤਿਵਿਪ੍ਪਵਾਸਸਙ੍ਖਾਤੋ ਮੁਟ੍ਠਸਤਿਭਾਵੋ ਮੁਟ੍ਠਸ੍ਸਚ੍ਚਂ, ਸਬ੍ਬੇ ਅਕੁਸਲਾ ਧਮ੍ਮਾ, ਅਸਮ੍ਪਜਾਨਨਭਾਵੋ ਅਸਮ੍ਪਜਞ੍ਞਂ, ਮੋਹੋ. ਏਕੂਨਤਿਂਸਤਿਮਂ.

ਅਨਨ੍ਤਰਦੁਕੇ ਚਤੁਭੂਮਿਕਾ ਸਤਿਪਞ੍ਞਾਵ ਵੁਤ੍ਤਾ. ਤਿਂਸਤਿਮਂ.

ਅਪ੍ਪਟਿਸਙ੍ਖਾਨੇ ਅਪ੍ਪਟਿਵਾਨਸਙ੍ਖਾਤੇ ਅਕਮ੍ਪਿਯਟ੍ਠੇਨ ਯੋਨਿਸੋਦਸ੍ਸਨਸਙ੍ਖਾਤਂ ਪਟਿਸਙ੍ਖਾਨਮੇਵ ਬਲਨ੍ਤਿ ਪਟਿਸਙ੍ਖਾਨਬਲਂ, ਕਾਮਾਵਚਰਪਞ੍ਞਾਵ. ਸਤ੍ਤਬੋਜ੍ਝਙ੍ਗਾਦਿਭਾਵਨਾਵਸੇਨ ਪਵਤ੍ਤਾ ਚਤੁਭੂਮਕਧਮ੍ਮਾ ਭਾਵਨਾਬਲਂ. ਏਕਤਿਂਸਤਿਮਂ.

ਪਚ੍ਚਨੀਕਧਮ੍ਮੇ ਸਮੇਤੀਤਿ ਸਮਥੋ, ਸੋ ਤਿਵਿਧੋ ਚਿਤ੍ਤਸਮਥੋ ਅਧਿਕਰਣਸਮਥੋ ਸਬ੍ਬਸਙ੍ਖਾਰਸਮਥੋਤਿ. ਤਤ੍ਥ ਚ ਪੁਬ੍ਬਭਾਗਾਸੁ ਅਟ੍ਠਸਮਾਪਤ੍ਤੀਸੁ ਏਕਗ੍ਗਤਾ ਚਿਤ੍ਤਸਮਥੋ ਨਾਮ, ਸਮ੍ਮੁਖਾਵਿਨਯਾਦਿ ਸਤ੍ਤਵਿਧੋ ਅਧਿਕਰਣਸਮਥੋ ਨਾਮ, ਨਿਬ੍ਬਾਨਂ ਸਬ੍ਬਸਙ੍ਖਾਰਸਮਥੋ ਨਾਮ. ਇਧ ਪਨ ਚਤੁਭੂਮਕੋ ਸਮਾਧਿ ਅਧਿਪ੍ਪੇਤੋ. ਅਨਿਚ੍ਚਾਦਿਵਸੇਨ ਵਿਵਿਧੇਨਾਕਾਰੇਨ ਪਸ੍ਸਤੀਤਿ ਵਿਪਸ੍ਸਨਾ, ਲੋਕਿਯਲੋਕੁਤ੍ਤਰਾ ਵਿਪਸ੍ਸਨਾਪਞ੍ਞਾਵ. ਬਾਤ੍ਤਿਂਸਤਿਮਂ.

ਸਮਥੋਵ ਤਂ ਆਕਾਰਂ ਗਹੇਤ੍ਵਾ ਪੁਨ ਪਵਤ੍ਤੇਤਬ੍ਬਸ੍ਸ ਸਮਥਸ੍ਸ ਨਿਮਿਤ੍ਤਨ੍ਤਿ ਸਮਥਨਿਮਿਤ੍ਤਂ. ਪਗ੍ਗਾਹਨਿਮਿਤ੍ਤੇਪਿ ਏਸੇਵ ਨਯੋ. ਚਤੁਭੂਮਕਸਮਾਧਿਵੀਰਿਯਾਨਿ ਏਵ. ਤੇਤ੍ਤਿਂਸਤਿਮਂ.

ਅਨਨ੍ਤਰਦੁਕੇਪਿ ¶ ਵੀਰਿਯਸਮਾਧੀ ਏਵ ਵੁਤ੍ਤਾ. ਚਤੁਤ੍ਤਿਂਸਤਿਮਂ.

ਸੀਲਵਿਨਾਸਿਕਾ ਅਸਂਵਰਸਙ੍ਖਾਤਾ ਸੀਲਸ੍ਸ ਵਿਪਤ੍ਤੀਤਿ ਸੀਲਵਿਪਤ੍ਤਿ, ਤਥਾਪਵਤ੍ਤਾ ਅਕੁਸਲਧਮ੍ਮਾ. ਸਮ੍ਮਾਦਿਟ੍ਠਿਯਾ ਵਿਪਤ੍ਤਿ ਦਿਟ੍ਠਿਵਿਪਤ੍ਤਿ, ਮਿਚ੍ਛਾਦਿਟ੍ਠਿ ਏਵ. ਪਞ੍ਚਤਿਂਸਤਿਮਂ.

ਸੋਰਚ੍ਚਮੇਵ ਸੀਲਸ੍ਸ ਸਮ੍ਪਾਦਨਤੋ ਸੀਲਪਰਿਪੂਰਣਤੋ ਸੀਲਸ੍ਸ ਸਮ੍ਪਦਾਤਿ ਸੀਲਸਮ੍ਪਦਾ. ਦਿਟ੍ਠਿਪਾਰਿਪੂਰਿਭੂਤਂ ¶ ਞਾਣਮੇਵ ਦਿਟ੍ਠਿਯਾ ਸਮ੍ਪਦਾਤਿ ਦਿਟ੍ਠਿਸਮ੍ਪਦਾ. ਚਤੁਭੂਮਕਾ ਸੀਲਪਞ੍ਞਾਵ. ਤਥਾ ਅਨਨ੍ਤਰਦੁਕੇਪਿ. ਛਤ੍ਤਿਂਸਤਿਮਂ.

ਵਿਸੁਦ੍ਧਿਭਾਵਂ ਸਮ੍ਪਤ੍ਤਾ ਸੀਲਸਙ੍ਖਾਤਾ ਸੀਲਸ੍ਸ ਵਿਸੁਦ੍ਧਿ ਸੀਲਵਿਸੁਦ੍ਧਿ. ਨਿਬ੍ਬਾਨਸਙ੍ਖਾਤਂ ਵਿਸੁਦ੍ਧਿਂ ਪਾਪੇਤੁਂ ਸਮਤ੍ਥਾ ਦਸ੍ਸਨਸਙ੍ਖਾਤਾ ਦਿਟ੍ਠਿਯਾ ਵਿਸੁਦ੍ਧਿ ਦਿਟ੍ਠਿਵਿਸੁਦ੍ਧਿ. ਸਤ੍ਤਤ੍ਤਿਂਸਤਿਮਂ.

ਕਮ੍ਮਸ੍ਸਕਤਾਸਚ੍ਚਾਨੁਲੋਮਿਕਮਗ੍ਗਫਲਸਮ੍ਪਯੁਤ੍ਤਪਞ੍ਞਾ ਦਿਟ੍ਠਿ ਵਿਸੁਦ੍ਧਿ ਨਾਮ. ਯਥਾਦਿਟ੍ਠਿਸ੍ਸ ਤਦਨੁਰੂਪਂ ਪਧਾਨਂ ਯਥਾਦਿਟ੍ਠਿਸ੍ਸ ਚ ਪਧਾਨਂ ਨਾਮ. ਅਟ੍ਠਤਿਂਸਤਿਮਂ.

ਸਂਵੇਗਜਨਕਾਨਿ ਜਾਤਿਜਰਾਬ੍ਯਾਧਿਮਰਣਸਙ੍ਖਾਤਾਨਿ ਕਾਰਣਾਨਿ ਸਂਵੇਜਨੀਯਟ੍ਠਾਨਾਨਿ ਨਾਮ, ਤੇਸੁ ਜਾਤਿਆਦਿਪਟਿਚ੍ਚਸਮੁਪ੍ਪਨ੍ਨਭਯਸਙ੍ਖਾਤਂ ਸਂਵਿਜਨਂ ਸਂਵੇਗੋ ਨਾਮ, ਤਥਾਪਵਤ੍ਤਕੁਸਲਾਦਿ ਏਵ. ਏਵਂ ਸਂਵੇਗਜਾਤਸ੍ਸ ਯੋਨਿਸੋ ਉਪਾਯੇਨ ਪਧਾਨਂ ਸਂਵਿਗ੍ਗਸ੍ਸ ਯੋਨਿਸੋ ਪਧਾਨਂ, ਲੋਕਿਯਲੋਕੁਤ੍ਤਰਵੀਰਿਯਮੇਵ. ਏਕੂਨਚਤ੍ਤਾਲੀਸਤਿਮਂ.

ਕੁਸਲਧਮ੍ਮਪੂਰਣੇ ਅਸਨ੍ਤੁਟ੍ਠਿਭਾਵੋ ਅਸਨ੍ਤੁਟ੍ਠਿਤਾ. ਯੋ ਪਨ ਦਾਨਂ ਦਤ੍ਵਾ ਤਤੋ ਤੇਨ ਅਸਨ੍ਤੁਟ੍ਠੋ ਹੁਤ੍ਵਾ ਸਰਣਗਮਨਂ ਆਕਙ੍ਖਤਿ, ਤਤੋ ਪਞ੍ਚਸੀਲਾਦਿਂ, ਪਬ੍ਬਜ੍ਜਂ, ਬੁਦ੍ਧਵਚਨਾਨਂ ਉਗ੍ਗਣ੍ਹਨਂ, ਸਮਥਵਿਪਸ੍ਸਨਂ, ਤਤੋ ਤੇਨਾਪਿ ਅਸਨ੍ਤੁਟ੍ਠੋ ਅਨੁਕ੍ਕਮੇਨ ਅਰਹਤ੍ਤਂ ਗਣ੍ਹਾਤਿ, ਅਯਂ ਅਸਨ੍ਤੁਟ੍ਠਿਤਾ ਕੁਸਲੇਸੁ ਧਮ੍ਮੇਸੁ. ਅਧਿਕੁਸਲਧਮ੍ਮਾਨਂ ਭਾਵਨਾਯ ਉਕ੍ਕਣ੍ਠਮਾਨੋ ਪਧਾਨਂ ਪਟਿਵਾਪੇਤਿ ਨਿਵਤ੍ਤਾਪੇਤੀਤਿ ਪਟਿਵਾਨਿ, ਨ ਪਟਿਵਾਨਿ ¶ ਅਪ੍ਪਟਿਵਾਨਿ, ਤਸ੍ਸ ਭਵੋ ਅਪ੍ਪਟਿਵਾਨਿਤਾ. ਅਰਹਤ੍ਤਂ ਅਪ੍ਪਤ੍ਵਾ ਪਧਾਨਸ੍ਮਿਂ ਅਨਿਵਤ੍ਤਨਤਾ ਅਨੋਸਕ੍ਕਨਤਾ, ਤਥਾਪਵਤ੍ਤਲੋਕਿਯਲੋਕੁਤ੍ਤਰਕੁਸਲਾ ਧਮ੍ਮਾ. ਚਤ੍ਤਾਲੀਸਤਿਮਂ.

ਵਿਜਾਨਨਤੋ ਵਿਜ੍ਜਾ, ਪੁਬ੍ਬੇਨਿਵਾਸਚੁਤੂਪਪਾਤਆਸਵਕ੍ਖਯਞਾਣਾਨਿ. ਵਿਮੁਚ੍ਚਨਤੋ ਵਿਮੁਤ੍ਤਿ, ਅਟ੍ਠ ਸਮਾਪਤ੍ਤਿਯੋ, ਨਿਬ੍ਬਾਨਞ੍ਚ. ਅਟ੍ਠ ਸਮਾਪਤ੍ਤਿਯੋ ਹਿ ਆਰਮ੍ਮਣੇ ਅਧਿਮੁਚ੍ਚਨਤੋ, ਸਯਂ ਵਿਕ੍ਖਮ੍ਭਿਤਕਿਲੇਸੇਹਿ ਵਿਮੁਚ੍ਚਨਟ੍ਠੇਨ ਚ ਵਿਮੁਤ੍ਤੀਤਿ ਵੁਤ੍ਤਾ, ਨਿਬ੍ਬਾਨਂ ਪਨ ਸਬ੍ਬਕਿਲੇਸੇਹਿ ਅਚ੍ਚਨ੍ਤਵਿਮੁਚ੍ਚਨਟ੍ਠੇਨ. ਏਕਚਤ੍ਤਾਲੀਸਤਿਮਂ.

ਕਿਲੇਸਕ੍ਖਯਕਰੇਸੁ ¶ ਚਤੂਸੁ ਅਰਿਯਮਗ੍ਗੇਸੁ ਞਾਣਂ ਖਯੇ ਞਾਣਂ ਨਾਮ. ਪਟਿਸਨ੍ਧਿਵਸੇਨ ਅਨੁਪ੍ਪਾਦਭੂਤੇ ਤਂਤਂਮਗ੍ਗਵਜ੍ਝਕਿਲੇਸਾਨਂ ਅਨੁਪ੍ਪਾਦਪਰਿਯੋਸਾਨੇ ਉਪ੍ਪਨ੍ਨਅਰਿਯਫਲੇ ਞਾਣਂ ਅਨੁਪ੍ਪਾਦੇ ਞਾਣਂ ਨਾਮ. ਸੇਸਂ ਸਬ੍ਬਤ੍ਥ ਸੁਵਿਞ੍ਞੇਯ੍ਯਮੇਵ. ਦ੍ਵਾਚਤ੍ਤਾਲੀਸਤਿਮਂ.

ਸੁਤ੍ਤਨ੍ਤਿਕਦੁਕਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਮੋਹਵਿਚ੍ਛੇਦਨਿਯਾ ਅਭਿਧਮ੍ਮਮਾਤਿਕਤ੍ਥਵਣ੍ਣਨਾਯ

ਧਮ੍ਮਸਙ੍ਗਣੀਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਇਦਾਨਿ ¶ ¶ ਧਮ੍ਮਸਙ੍ਗਣੀਮਾਤਿਕਾਨਨ੍ਤਰਂ ਵਿਭਙ੍ਗਮਾਤਿਕਾਯ ਅਤ੍ਥਵਣ੍ਣਨਾ ਅਨੁਪ੍ਪਤ੍ਤਾ. ਤਸ੍ਸਾ ਪਨ –

ਅਤ੍ਥਤੋ ਧਮ੍ਮਭੇਦੇਨ, ਵਿਭਙ੍ਗਨਯਦਸ੍ਸਨਾ;

ਪਾਲ਼ਿਮੁਤ੍ਤਨਯਾ ਚਾਪਿ, ਹੋਤਿ ਸਂਵਣ੍ਣਨਾਨਯੋ.

ਸਾ ਪਨੇਸਾ ਅਟ੍ਠਾਰਸਨ੍ਨਂ ਵਿਭਙ੍ਗਾਨਂ ਆਦਿਮ੍ਹਿ ਠਪਿਤਾ ਅਟ੍ਠਾਰਸਵਿਧਾ ਹੋਤਿ – ਖਨ੍ਧਵਿਭਙ੍ਗਮਾਤਿਕਾ-ਆਯਤਨ-ਧਾਤੁ-ਸਚ੍ਚ-ਇਨ੍ਦ੍ਰਿਯ-ਪਚ੍ਚਯਾਕਾਰ-ਸਤਿਪਟ੍ਠਾਨ-ਸਮ੍ਮਪ੍ਪਧਾਨ-ਇਦ੍ਧਿਪਾਦਬੋਜ੍ਝਙ੍ਗ-ਮਗ੍ਗਙ੍ਗਝਾਨ-ਅਪ੍ਪਮਞ੍ਞਾ-ਸਿਕ੍ਖਾਪਦ-ਪਟਿਸਮ੍ਭਿਦਾ-ਞਾਣ-ਖੁਦ੍ਦਕਵਤ੍ਥੁ-ਧਮ੍ਮਹਦਯਵਿਭਙ੍ਗਮਾਤਿ

ਤਤ੍ਥ ਆਦਿਭੂਤਾਯ ਖਨ੍ਧਵਿਭਙ੍ਗਮਾਤਿਕਾਯ ਅਤ੍ਥਤੋ ਤਾਵ – ਪਞ੍ਚਕ੍ਖਨ੍ਧਾਤਿ ਏਤ੍ਥ ਪਞ੍ਚਾਤਿ ਗਣਨਪਰਿਚ੍ਛੇਦੋ, ਤੇਨ ਨ ਤਤੋ ਹੇਟ੍ਠਾ, ਨ ਉਦ੍ਧਨ੍ਤਿ ਦਸ੍ਸੇਤਿ. ਖਨ੍ਧਾਤਿ ਪਰਿਚ੍ਛਿਨ੍ਨਧਮ੍ਮਨਿਦਸ੍ਸਨਂ. ਤਤ੍ਰਾਯਂ ਖਨ੍ਧ-ਸਦ੍ਦੋ ਸਮ੍ਬਹੁਲੇਸੁ ਠਾਨੇਸੁ ਨਿਪਤਤਿ ਰਾਸਿਮ੍ਹਿ ਗੁਣੇ ਪਣ੍ਣਤ੍ਤਿਯਂ ਰੁਲ਼੍ਹਿਯਨ੍ਤਿ. ਤਤ੍ਥ ‘‘ਮਹਾਉਦਕਕ੍ਖਨ੍ਧੋ’’ਤਿਆਦੀਸੁ (ਸਂ. ਨਿ. ੫.੧੦੩੭; ਅ. ਨਿ. ੪.੫੧; ੫.੪੫; ੬.੩੭) ਹਿ ਰਾਸਿਤੋ ਖਨ੍ਧੋ ਨਾਮ. ‘‘ਸੀਲਕ੍ਖਨ੍ਧੋ ਸਮਾਧਿਕ੍ਖਨ੍ਧੋ’’ਤਿਆਦੀਸੁ (ਦੀ. ਨਿ. ੩.੩੫੫) ਗੁਣਤੋ. ‘‘ਅਦ੍ਦਸਾ ਖੋ ਭਗਵਾ ਮਹਨ੍ਤਂ ਦਾਰੁਕ੍ਖਨ੍ਧ’’ਨ੍ਤਿਆਦੀਸੁ (ਸਂ. ਨਿ. ੪.੨੪੧) ਪਣ੍ਣਤ੍ਤਿਤੋ. ‘‘ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ’’ਤਿਆਦੀਸੁ (ਧ. ਸ. ੬੩) ਏਕਮ੍ਪਿ ਚਿਤ੍ਤਂ ਰੁਲ਼੍ਹਿਤੋ ਖਨ੍ਧੋ ਨਾਮ, ਸ੍ਵਾਯਮਿਧ ਰਾਸਿਤੋ ਅਧਿਪ੍ਪੇਤੋ. ਰਾਸਟ੍ਠੋ ਹਿ ਖਨ੍ਧ-ਸਦ੍ਦੋ, ਕੋਟ੍ਠਾਸਟ੍ਠੋਤਿਪਿ ਵਤ੍ਤੁਂ ਵਟ੍ਟਤਿ. ਲੋਕਸ੍ਮਿਂ ਹਿ ਇਣਂ ਗਹੇਤ੍ਵਾ ਚੋਦਿਯਮਾਨਾ ‘‘ਦ੍ਵੀਹਿ ਖਨ੍ਧੇਹਿ ਦਸ੍ਸਾਮ ¶ , ਤੀਹਿ ਖਨ੍ਧੇਹਿ ਦਸ੍ਸਾਮਾ’’ਤਿ ਵਦਨ੍ਤਿ, ਤਸ੍ਮਾ ਖਨ੍ਧੋਤਿ ਕੋਟ੍ਠਾਸੋਤਿ ਵੁਤ੍ਤਂ ¶ ਹੋਤਿ. ਰੂਪਕ੍ਖਨ੍ਧੋਤਿ ਏਤ੍ਥ ਰੁਪ੍ਪਤੀਤਿ ਰੂਪਂ, ਸੀਤੁਣ੍ਹਾਦੀਹਿ ਪਸਿਦ੍ਧਾਕਾਰੇਨ ਰੁਪ੍ਪਤਿ ਘਟ੍ਟੀਯਤਿ, ਪੀਲ਼ਿਯਤੀਤਿ ਅਤ੍ਥੋ. ਵੁਤ੍ਤਂ ਹੇਤਂ ਭਗਵਤਾ –

‘‘ਰੁਪ੍ਪਤੀਤਿ ਖੋ, ਭਿਕ੍ਖਵੇ, ਤਸ੍ਮਾ ਰੂਪਨ੍ਤਿ ਵੁਚ੍ਚਤਿ. ਕੇਨ ਰੁਪ੍ਪਤਿ? ਸੀਤੇਨਪਿ ਰੁਪ੍ਪਤਿ, ਉਣ੍ਹੇਨਪਿ ਰੁਪ੍ਪਤਿ, ਜਿਘਚ੍ਛਾਯਪਿ ਰੁਪ੍ਪਤਿ, ਪਿਪਾਸਾਯਪਿ ਰੁਪ੍ਪਤੀ’’ਤਿਆਦਿ (ਸਂ. ਨਿ. ੩.੭੯).

ਰੂਪਞ੍ਚ ਤਂ ਖਨ੍ਧੋ ਚਾਤਿ ਰੂਪਕ੍ਖਨ੍ਧੋ, ਰੂਪਰਾਸਿ ਰੂਪਕੋਟ੍ਠਾਸੋਤਿ ਅਤ੍ਥੋ. ਵੇਦਨਾਕ੍ਖਨ੍ਧਾਦੀਸੁਪਿ ਏਸੇਵ ਨਯੋਤਿ ਅਯਂ ਤਾਵੇਤ੍ਥ ਅਤ੍ਥਤੋ ਸਂਵਣ੍ਣਨਾਨਯੋ.

ਧਮ੍ਮਭੇਦਤੋ ਪਨੇਤ੍ਥ ਹੇਟ੍ਠਾ ਕੁਸਲਤ੍ਤਿਕੇ ਵਿਭਤ੍ਤਾ ਅਤੀਤਾਦਿਭੇਦਭਿਨ੍ਨਾ ਸਬ੍ਬੇ ਰੂਪਧਮ੍ਮਾ ਰੂਪਕ੍ਖਨ੍ਧੋ ਨਾਮ. ਤਥਾ ਚਤੁਭੂਮਕਾ ਵੇਦਨਾਸਞ੍ਞਾਯੋ ਵੇਦਨਾਕ੍ਖਨ੍ਧੋ ਨਾਮ, ਸਞ੍ਞਾਕ੍ਖਨ੍ਧੋ ਨਾਮ. ਵੇਦਨਾਸਞ੍ਞਾ ਪਨ ਠਪੇਤ੍ਵਾ ਸੇਸਾ ਫਸ੍ਸਾਦਯੋ ਪਞ੍ਞਾਸ ਚੇਤਸਿਕਾ ਸਙ੍ਖਾਰਕ੍ਖਨ੍ਧੋ ਨਾਮ. ਪਞ੍ਚਸੁ ਖਨ੍ਧੇਸੁ ਨਿਬ੍ਬਾਨਮੇਵ ਅਸਙ੍ਗਹਿਤਂ, ਉਪਾਦਾਨਕ੍ਖਨ੍ਧੇਸੁ ਪਨ ਸਬ੍ਬੇ ਲੋਕੁਤ੍ਤਰਧਮ੍ਮਾ. ਅਯਮੇਵ ਹਿ ਖਨ੍ਧੇਹਿ ਉਪਾਦਾਨਕ੍ਖਨ੍ਧਾਨਂ ਵਿਸੇਸੋ. ਖਨ੍ਧਾ ਅਵਿਸੇਸਤੋ ਵੁਤ੍ਤਾ, ਉਪਾਦਾਨਕ੍ਖਨ੍ਧਾ ਸਾਸਵੋਪਾਦਾਨਿਯਭਾਵੇਨ ਵਿਸੇਸੇਤ੍ਵਾ. ਇਧ ਪਨ ਅਵਿਸੇਸੇਨ ਵੁਤ੍ਤਤ੍ਤਾ ਨਿਬ੍ਬਾਨਂ ਠਪੇਤ੍ਵਾ ਅਵਸੇਸਾ ਸਬ੍ਬੇ ਧਮ੍ਮਾ ਸਙ੍ਗਹਂ ਗਚ੍ਛਨ੍ਤੀਤਿ ਅਯਂ ਧਮ੍ਮਭੇਦਤੋ ਸਂਵਣ੍ਣਨਾਨਯੋ.

ਵਿਭਙ੍ਗਨਯਦਸ੍ਸਨਾਤਿ ਵਿਭਙ੍ਗਪਾਲ਼ਿਯਾ ਆਗਤਅਤ੍ਥਨਯਦਸ੍ਸਨਤੋ. ਵਿਭਙ੍ਗਪਾਲ਼ਿਯਂ ਹਿ ਸੁਤ੍ਤਨ੍ਤਭਾਜਨੀਯਂ ਅਭਿਧਮ੍ਮਭਾਜਨੀਯਂ ਪਞ੍ਹਾਪੁਚ੍ਛਕਨ੍ਤਿ ਤੀਹਿ ਨਯੇਹਿ ਖਨ੍ਧਵਿਭਙ੍ਗੋ ਵਿਭਤ੍ਤੋ. ਤਥਾ ਆਯਤਨਵਿਭਙ੍ਗਾਦਯੋ. ਕੇਵਲਂ ਹਿ ਇਨ੍ਦ੍ਰਿਯਵਿਭਙ੍ਗੇ, ਸਿਕ੍ਖਾਪਦਵਿਭਙ੍ਗੇ ਚ ਸੁਤ੍ਤਨ੍ਤਭਾਜਨੀਯਂ ਨਤ੍ਥਿ. ਪਚ੍ਚਯਾਕਾਰਵਿਭਙ੍ਗੇ ਪਞ੍ਹਾਪੁਚ੍ਛਕਂ ਨਤ੍ਥਿ. ਞਾਣਵਿਭਙ੍ਗਾਦੀਸੁ ਪਨ ਤੀਸੁ ਤਯੋਪਿ ਨਯਾ ¶ ਨ ਸਨ੍ਤਿ. ਤੇਸੁ ਹਿ ਞਾਣਵਿਭਙ੍ਗੋ ਏਕਵਿਧਤੋ ਪਟ੍ਠਾਯ ਯਾਵ ਦਸਵਿਧਾ ਵਿਭਤ੍ਤੋ, ਖੁਦ੍ਦਕਵਤ੍ਥੁਵਿਭਙ੍ਗੋ ਏਕਵਿਧਤੋ ਪਟ੍ਠਾਯ ਯਾਵ ਦ੍ਵਾਸਟ੍ਠਿਪਭੇਦਾ ਵਿਭਤ੍ਤੋ, ਧਮ੍ਮਹਦਯਵਿਭਙ੍ਗੋ ਪਨ ਸਬ੍ਬਸਙ੍ਗਹਾਦੀਹਿ ਦਸਹਿ ਵਾਰੇਹਿ ਵਿਭਤ੍ਤੋ, ਤਸ੍ਮਾ ਤੇਸਂ ਤੇਸਂ ਨਯਾਨਂ ਮੁਖਮਤ੍ਤਦਸ੍ਸਨਵਸੇਨ ਤਤ੍ਥ ਤਤ੍ਥ ਸਂਵਣ੍ਣਨਾ ਭਵਿਸ੍ਸਨ੍ਤਿ. ਤਤ੍ਰਿਦਂ ਖਨ੍ਧਵਿਭਙ੍ਗੇ ਤਿਣ੍ਣਂ ਨਯਾਨਂ ਮੁਖਮਤ੍ਤਦਸ੍ਸਨਂ. ਸੇਯ੍ਯਥਿਦਂ – ਸੁਤ੍ਤਨ੍ਤਭਾਜਨੀਯੇ ਤਾਵ ਰੂਪਕ੍ਖਨ੍ਧੋ –

‘‘ਤਤ੍ਥ ¶ ਕਤਮੋ ਰੂਪਕ੍ਖਨ੍ਧੋ? ਯਂ ਕਿਞ੍ਚਿ ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ, ਤਦੇਕਜ੍ਝਂ ਅਭਿਸਞ੍ਞੂਹਿਤ੍ਵਾ ਅਭਿਸਙ੍ਖਿਪਿਤ੍ਵਾ ਅਯਂ ਵੁਚ੍ਚਤਿ ਰੂਪਕ੍ਖਨ੍ਧੋ’’ਤਿ (ਵਿਭ. ੨) –

ਏਵਂ ਉਦ੍ਦਿਸਿਤ੍ਵਾ ਵਿਤ੍ਥਾਰਤੋ ਵਿਭਤ੍ਤੋ, ਤਥਾ ਵੇਦਨਾਕ੍ਖਨ੍ਧਾਦਯੋਪਿ. ਤਤ੍ਥ ਨਿਯਕਜ੍ਝਤ੍ਤਂ ਨਾਮ ਅਜ੍ਝਤ੍ਤਰੂਪਂ ਅਜ੍ਝਤ੍ਤਂ ਨਾਮ, ਤਤੋ ਅਞ੍ਞਂ ਪਰਪੁਗ੍ਗਲਗਤਂ, ਅਵਿਞ੍ਞਾਣਞ੍ਚ ਬਹਿਦ੍ਧਾ ਨਾਮ, ਤਥਾ ਵੇਦਨਾਦਯੋਪਿ. ਪਸਾਦਵਿਸਯਰੂਪਂ ਪਨ ਓਲ਼ਾਰਿਕਂ ਨਾਮ, ਸੇਸਂ ਸੁਖੁਮਂ ਨਾਮ. ਅਨਿਟ੍ਠਰੂਪਂ ਹੀਨਂ ਨਾਮ, ਇਟ੍ਠਰੂਪਂ ਪਣੀਤਂ ਨਾਮ.

ਨਨੁ ਇਟ੍ਠਾਨਿਟ੍ਠਂ ਨਾਮ ਪਾਟੇਕ੍ਕਂ ਪਟਿਵਿਭਤ੍ਤਂ ਨਾਮ ਨਤ੍ਥਿ, ਏਕਂ ਏਕਚ੍ਚਸ੍ਸ ਇਟ੍ਠਂ ਹੋਤਿ ਮਨਾਪਂ, ਤਦੇਵ ਅਞ੍ਞਸ੍ਸ ਚ ਅਨਿਟ੍ਠਂ ਹੋਤਿ. ਵਤ੍ਥਾਦੀਨਿ ਹਿ ਸੂਕਰਾਦੀਨਂ ਨਪ੍ਪਿਯਾਨਿ ਹੋਨ੍ਤਿ, ਨ ਮਨੁਸ੍ਸਾਦੀਨਂ, ਤੇਸਞ੍ਚ ਵਤ੍ਥਾਭਰਣਾਦੀਨਿ ਪਿਯਾਨਿ, ਨ ਸੂਕਰਾਦੀਨਨ੍ਤਿ, ਤਸ੍ਮਾ ਰੁਚਿਵਸੇਨੇਵ ਇਟ੍ਠਾਨਿਟ੍ਠਤਾ ਗਹੇਤਬ੍ਬਾ? ਨ, ਇਟ੍ਠਾਨਿਟ੍ਠਾਨਂ ਪਾਟੇਕ੍ਕਂ ਵਿਭਤ੍ਤਤ੍ਤਾ. ਕੁਸਲਕਮ੍ਮਜਂ ਹਿ ਕੁਸਲਵਿਪਾਕਵਿਸਯੋਵ ਇਟ੍ਠਂ ਨਾਮ, ਅਕੁਸਲਕਮ੍ਮਜਂ ਅਕੁਸਲਵਿਪਾਕਵਿਸਯੋਵ ਅਨਿਟ੍ਠਂ ਨਾਮ, ਸਞ੍ਞਾਵਿਪਲ੍ਲਾਸੇਨ ਪਨ ਕੋਚਿ ¶ ਇਟ੍ਠਮੇਵ ਬੁਦ੍ਧਰੂਪਾਦਿਂ ਜਵਨਕ੍ਖਣੇ ਅਨਿਟ੍ਠਤੋ ਮਨਸਿ ਕਰੋਤਿ, ਅਨਿਟ੍ਠਞ੍ਚ ਨਿਰਯਗ੍ਗਿਸਤ੍ਥਵਿਸਾਦਿਂ ਇਟ੍ਠਤੋ ਮਨਸਿ ਕਰੋਤਿ. ਜਵਨੇਹਿ ਏਵ ਵਿਪਲ੍ਲਾਸਭਾਵੋ, ਨ ਵਿਪਾਕੇਹੀਤਿ ਵਿਪਾਕਵਸੇਨ ਇਟ੍ਠਾਨਿਟ੍ਠਂ ਨਿਯਤਂ ਵੇਦਿਤਬ੍ਬਂ.

ਸਮ੍ਮੋਹਵਿਨੋਦਨਿਯਾ ਪਨ ਵਿਭਙ੍ਗਟ੍ਠਕਥਾਯ –

‘‘ਸੁਖਸਮ੍ਫਸ੍ਸਂ ਹਿ ਗੂਥਕਲਲਂ ਚਕ੍ਖੁਦ੍ਵਾਰਘਾਨਦ੍ਵਾਰੇਸੁ ਅਨਿਟ੍ਠਂ, ਕਾਯਦ੍ਵਾਰੇ ਇਟ੍ਠਂ ਹੋਤਿ. ਚਕ੍ਕਵਤ੍ਤਿਨੋ ਮਣਿਰਤਨੇਨ ਪੋਥਿਯਮਾਨਸ੍ਸ, ਸੁਵਣ੍ਣਸੂਲੇ ਉਤ੍ਤਾਸਿਯਮਾਨਸ੍ਸ ਚ ਮਣਿਰਤਨਸੁਵਣ੍ਣਸੂਲਾਨਿ ਚਕ੍ਖੁਦ੍ਵਾਰੇ ਇਟ੍ਠਾਨਿ ਹੋਨ੍ਤਿ, ਕਾਯਦ੍ਵਾਰੇ ਅਨਿਟ੍ਠਾਨੀ’’ਤਿ (ਵਿਭ. ਅਟ੍ਠ. ੬) –

ਏਵਂ ਦ੍ਵਾਰਵਸੇਨ ਏਕਸ੍ਸੇਵ ਵਤ੍ਥੁਨੋ ਇਟ੍ਠਤਾ, ਅਨਿਟ੍ਠਤਾ ਚ ਵੁਤ੍ਤਾ. ਸਾ ਚ ਏਕਕ੍ਖਣੇ ਨ ਯੁਤ੍ਤਾ ਏਕਕਲਾਪਗਤਭੂਤੋਪਾਦਾਯਰੂਪਾਨਂ ਏਕਸਾਮਗ੍ਗਿਯਮੁਪ੍ਪਤ੍ਤਿਤੋ. ਨ ਹਿ ਭੂਤੇਸੁ ਅਕੁਸਲਵਸੇਨ ਅਨਿਟ੍ਠੇਸੁ ¶ ਉਪ੍ਪਜ੍ਜਨ੍ਤੇਸੁ ਤਦੁਪਾਦਾਯਰੂਪਾਦਿਕੁਸਲੇਨ ਇਟ੍ਠਾਨਿ ਉਪ੍ਪਜ੍ਜਨ੍ਤਿ, ਭਿਨ੍ਨਕ੍ਖਣੇ ਪਨ ਇਟ੍ਠਾਨਿ ਮਣਿਰਤਨਾਦੀਨਿ ਤੇਹਿ ਪੋਥਿਯਮਾਨਸ੍ਸ ਅਕੁਸਲਪਚ੍ਚਯੇਨ ਉਤੁਨਾ ਅਨਿਟ੍ਠਾਨਿ ਵਿਪਰਿਣਮਨ੍ਤਿ, ਕੁਸਲਪਚ੍ਚਯੇਨ ਅਨਿਟ੍ਠਾਨਿ ਗੂਥਕਲਲਾਦੀਨਿ ਇਟ੍ਠਾਨੀਤਿ, ਅਯਂ ਨੋ ਅਤ੍ਤਨੋਮਤਿ. ਏਵਂ ਵਿਭਤ੍ਤੇਸੁ ਚ ਇਟ੍ਠਾਨਿਟ੍ਠੇਸੁ ਤਂ ਤਂ ਰੂਪਂ ਉਪਾਦਾਯੁਪਾਦਾਯ ਹੀਨਂ, ਪਣੀਤਞ੍ਚ ਦਟ੍ਠਬ੍ਬਂ. ਸੁਖੁਮਂ ਪਨ ਰੂਪਂ ਦੂਰੇਰੂਪਂ ਨਾਮ, ਓਲ਼ਾਰਿਕਂ ਸਨ੍ਤਿਕੇਰੂਪਂ ਨਾਮ. ਤਂ ਤਂ ਵਾ ਪਨ ਰੂਪਂ ਉਪਾਦਾਯੁਪਾਦਾਯ ਰੂਪਂ ਦੂਰੇ ਸਨ੍ਤਿਕੇ ਦਟ੍ਠਬ੍ਬਂ. ਸੇਸਂ ਵੁਤ੍ਤਨਯਮੇਵ.

ਵੇਦਨਾਦੀਸੁ ਪਨ ਅਕੁਸਲਾ ਵੇਦਨਾ ਓਲ਼ਾਰਿਕਾ, ਇਤਰਾ ਸੁਖੁਮਾ. ਕੁਸਲਾਕੁਸਲਾ ਓਲ਼ਾਰਿਕਾ, ਅਬ੍ਯਾਕਤਾ ਸੁਖੁਮਾ. ਦੁਕ੍ਖਾ ਵੇਦਨਾ ਓਲ਼ਾਰਿਕਾ, ਇਤਰਾ ਸੁਖੁਮਾ. ਸੁਖਦੁਕ੍ਖਾ ਵਾ ਓਲ਼ਾਰਿਕਾ, ਇਤਰਾ ਸੁਖੁਮਾ. ਅਸਮਾਪਨ੍ਨਸ੍ਸ ਵਾ ਵੇਦਨਾ ਓਲ਼ਾਰਿਕਾ, ਸਮਾਪਨ੍ਨਸ੍ਸ ਸੁਖੁਮਾ. ਸਾਸਵਾ ਓਲ਼ਾਰਿਕਾ ¶ , ਅਨਾਸਵਾ ਸੁਖੁਮਾ. ਤਂ ਤਂ ਵਾ ਪਨ ਵੇਦਨਂ ਉਪਾਦਾਯੁਪਾਦਾਯ ਓਲ਼ਾਰਿਕਸੁਖੁਮਤਾ ਦਟ੍ਠਬ੍ਬਾ. ਅਕੁਸਲਾ ਵੇਦਨਾ ਕੁਸਲਾਬ੍ਯਾਕਤਾਹਿ ਦੂਰੇ, ਤਾ ਚ ਤਾਯ ਦੂਰੇਤਿ ਏਵਂ ਜਾਤਿਸਭਾਵਪੁਗ੍ਗਲਭੂਮਿਭੇਦਤੋ ਵੁਤ੍ਤਨਯੇਨ ਦੂਰੇਵੇਦਨਾ ਦਟ੍ਠਬ੍ਬਾ, ਕੁਸਲਾ ਵੇਦਨਾ ਕੁਸਲਾਯ ਸਨ੍ਤਿਕੇਤਿ ਏਵਂ ਜਾਤਿਆਦਿਸਾਮਞ੍ਞਤੋ ਸਨ੍ਤਿਕੇਵੇਦਨਾ ਦਟ੍ਠਬ੍ਬਾ. ਤਂ ਤਂ ਵਾ ਪਨ ਵੇਦਨਂ ਉਪਾਦਾਯੁਪਾਦਾਯ ਵੇਦਨਾ ਦੂਰੇਸਨ੍ਤਿਕੇ ਦਟ੍ਠਬ੍ਬਾ. ਏਵਂ ਸਞ੍ਞਾਕ੍ਖਨ੍ਧਾਦੀਸੁਪਿ ਯਥਾਨੁਰੂਪਂ ਓਲ਼ਾਰਿਕਸੁਖੁਮਤਾਦਯੋ ਵੇਦਿਤਬ੍ਬਾਤਿ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਵਿਭਙ੍ਗਪਾਲ਼ਿਅਟ੍ਠਕਥਾਸੁ (ਵਿਭ. ੮ ਆਦਯੋ; ਵਿਭ. ਅਟ੍ਠ. ੮ ਆਦਯੋ) ਗਹੇਤਬ੍ਬੋਤਿ ਅਯਂ ਸੁਤ੍ਤਨ੍ਤਭਾਜਨੀਯਨਯੋ.

ਅਭਿਧਮ੍ਮਭਾਜਨੀਯਨਯੇ ਰੂਪਕ੍ਖਨ੍ਧਸ੍ਸ ਤਾਵ ਏਕਵਿਧਾਦਿਤੋ ਯਾਵ ਏਕਾਦਸਵਿਧਾ ਰੂਪਕਣ੍ਡੇ ਵੁਤ੍ਤਨਯੇਨ ਵੇਦਿਤਬ੍ਬਾ. ਵੇਦਨਾਕ੍ਖਨ੍ਧੋ ਪਨ ਏਕਵਿਧੋ ਫਸ੍ਸਸਮ੍ਪਯੁਤ੍ਤੋ, ਦੁਵਿਧੋ ਸਹੇਤੁਕਦੁਕਵਸੇਨ, ਤਿਵਿਧੋ ਕੁਸਲਤ੍ਤਿਕਵਸੇਨ, ਚਤੁਬ੍ਬਿਧੋ ਚਤੁਭੂਮਕਵਸੇਨ, ਪਞ੍ਚਵਿਧੋ ਸਭਾਵਭੇਦੇਨ, ਛਬ੍ਬਿਧੋ ਛਦ੍ਵਾਰਿਕਵਸੇਨ, ਸਤ੍ਤਵਿਧੋ ਸਤ੍ਤਵਿਞ੍ਞਾਣਸਮ੍ਪਯੋਗਵਸੇਨ, ਅਟ੍ਠਵਿਧੋ ਤੇਸੁ ਕਾਯਵਿਞ੍ਞਾਣਸਮ੍ਪਯੁਤ੍ਤਂ ਸੁਖਦੁਕ੍ਖਵਸੇਨ ਦ੍ਵਿਧਾ ਭਿਨ੍ਦਿਤ੍ਵਾ, ਨਵਵਿਧੋ ਤੇਸੁ ਮਨੋਵਿਞ੍ਞਾਣਸਮ੍ਪਯੁਤ੍ਤਂ ਕੁਸਲਤ੍ਤਿਕਵਸੇਨ ਤਿਧਾ ਭਿਨ੍ਦਿਤ੍ਵਾ, ਦਸਵਿਧੋ ਤੇਸੁ ਕਾਯਵਿਞ੍ਞਾਣਸਮ੍ਪਯੁਤ੍ਤਂ ਦੁਵਿਧਾ, ਮਨੋਵਿਞ੍ਞਾਣਸਮ੍ਪਯੁਤ੍ਤਞ੍ਚ ਤਿਧਾ ਭਿਨ੍ਦਿਤ੍ਵਾਤਿ ਏਵਂ ਸਹੇਤੁਕਦੁਕਮੂਲਂ ਪਠਮਵਾਰਂ ਵਤ੍ਵਾ ਪੁਨ ਕੁਸਲਤ੍ਤਿਕਟ੍ਠਾਨੇ ਵੇਦਨਾਤ੍ਤਿਕਪੀਤਿਤ੍ਤਿਕਸਨਿਦਸ੍ਸਨਤ੍ਤਿਕਵਜ੍ਜਿਤੇ ਸਬ੍ਬਤ੍ਤਿਕੇ ਯੋਜੇਤ੍ਵਾ ਯਾਵ ਦਸਵਿਧਾ, ਅਪਰੇਪਿ ਅਟ੍ਠਾਰਸ ਵਾਰਾ ਵੁਤ੍ਤਾ. ਯਥਾ ਚੇਤ੍ਥ ਸਹੇਤੁਕਦੁਕਮੂਲਿਕਾ ਸਬ੍ਬਤ੍ਤਿਕਯੋਜਨਾ, ਏਵਂ ਹੇਤੁਸਮ੍ਪਯੁਤ੍ਤਦੁਕਾਦੀਸੁ ਅਨੁਰੂਪਦੁਕਮੂਲਿਕਾਪਿ ਸਰਣਦੁਕਪਰਿਯੋਸਾਨਾ ਪਚ੍ਚੇਕਂ ਸਬ੍ਬਤ੍ਤਿਕਯੋਜਨਾਪਿ ਵੇਦਿਤਬ੍ਬਾਤਿ ¶ ਅਯਂ ਦੁਕਮੂਲਕੋ ਯੋਜਨਾਨਯੋ. ਯਥਾ ਚ ਏਕੇਕਦੁਕੇਨ ਸਬ੍ਬਤ੍ਤਿਕਯੋਜਨਾਵਸੇਨ ਦੁਕਮੂਲਕੋ ¶ ਨਯੋ ਵੁਤ੍ਤੋ, ਏਵਂ ਏਕੇਕਤ੍ਤਿਕੇਨ ਯਥਾਨੁਰੂਪਂ ਸਬ੍ਬਦੁਕਯੋਜਨਾਵਸੇਨ ਤਿਕਮੂਲਕੋ, ਤਦੁਭਯਮਿਸ੍ਸਕਵਸੇਨ ਉਭਤੋਵਡ੍ਢਨਕੋ ਚ ਨਯੋ ਵੇਦਿਤਬ੍ਬੋ. ਯਥਾ ਚੇਤ੍ਥ ਵੇਦਨਾਕ੍ਖਨ੍ਧੇ, ਏਵਂ ਸਞ੍ਞਾਕ੍ਖਨ੍ਧਾਦੀਸੁਪਿ ਯਥਾਰਹਂ ਦੁਕਮੂਲਕਾਦਿਨਯਾ ਵੇਦਿਤਬ੍ਬਾਤਿ ਅਯਂ ਅਭਿਧਮ੍ਮਭਾਜਨੀਯਨਯੋ.

ਪਞ੍ਹਾਪੁਚ੍ਛਕਨਯੇ ਪਨ ਪਞ੍ਚਨ੍ਨਂ ਖਨ੍ਧਾਨਂ ਕਤਿ ਕੁਸਲਾ, ਕਤਿ ਅਕੁਸਲਾ, ਕਤਿ ਅਬ੍ਯਾਕਤਾ, ਕਤਿ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ…ਪੇ… ਕਤਿ ਸਰਣਾ, ਕਤਿ ਅਰਣਾਤਿ? ਰੂਪਕ੍ਖਨ੍ਧੋ ਅਬ੍ਯਾਕਤੋ, ਚਤ੍ਤਾਰੋ ਖਨ੍ਧਾ ਸਿਯਾ ਕੁਸਲਾ, ਸਿਯਾ ਅਕੁਸਲਾ, ਸਿਯਾ ਅਬ੍ਯਾਕਤਾ, ਰੂਪਂ, ਵੇਦਨਾ ਚ ਵੇਦਨਾਤ੍ਤਿਕੇ ਨ ਵਤ੍ਤਬ੍ਬਾ, ਸੇਸਾ ਤਿਧਾਪਿ ਹੋਨ੍ਤਿ, ਰੂਪਂ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਂ, ਸਿਯਾ ਉਪਾਦਿਨ੍ਨੁਪਾਦਾਨਿਯਂ, ਸਿਯਾ ਅਨੁਪਾਦਿਨ੍ਨੁਪਾਦਾਨਿਯਂ, ਅਸਂਕਿਲਿਟ੍ਠਸਂਕਿਲੇਸਿਕਂ, ਸੇਸਾ ਚਤ੍ਤਾਰੋ ਖਨ੍ਧਾ ਤੀਹਿ ਤਿਕੇਹਿ ਤਿਧਾਪਿ ਹੋਨ੍ਤਿ. ਰੂਪਂ ਅਵਿਤਕ੍ਕਅਵਿਚਾਰਂ, ਤਯੋ ਖਨ੍ਧਾ ਤਿਧਾਪਿ ਹੋਨ੍ਤਿ, ਸਙ੍ਖਾਰਕ੍ਖਨ੍ਧੋ ਤਿਧਾ ਚ ਨ ਵਤ੍ਤਬ੍ਬੋ ਚ. ਰੂਪਂ ਨ ਵਤ੍ਤਬ੍ਬਂ, ਵੇਦਨਾ ਸਿਯਾ ਪੀਤਿਸਹਗਤਾ, ਨ ਵਤ੍ਤਬ੍ਬਾ, ਤਯੋ ਤਿਧਾ ਚ ਨ ਵਤ੍ਤਬ੍ਬਾ ਚ. ਰੂਪਂ ਨੇਵਦਸ੍ਸਨੇਨਨਭਾਵਨਾਯਪਹਾਤਬ੍ਬਂ, ਨਦਸ੍ਸਨੇਨਨਭਾਵਨਾਯਪਹਾਤਬ੍ਬਹੇਤੁਕਂ, ਨੇਵਾਚਯਗਾਮਿਨਅਪਚਯਗਾਮਿ, ਨੇਵਸੇਖਂਨਾਸੇਖਂ, ਪਰਿਤ੍ਤਂ, ਸੇਸਾ ਤਿਧਾਪਿ ਹੋਨ੍ਤਿ. ਪਰਿਤ੍ਤਾਰਮ੍ਮਣਤ੍ਤਿਕੇ ਰੂਪਂ ਅਨਾਰਮ੍ਮਣਂ, ਸੇਸਾ ਤਿਧਾ ਚ ਨ ਵਤ੍ਤਬ੍ਬਾ ਚ. ਰੂਪਂ ਮਜ੍ਝਿਮਂ, ਅਨਿਯਤਂ, ਸੇਸਾ ਤਿਧਾਪਿ. ਮਗ੍ਗਾਰਮ੍ਮਣਤ੍ਤਿਕੇ ਚ ਰੂਪਂ ਅਨਾਰਮ੍ਮਣਂ, ਸੇਸਾ ਤਿਧਾਪਿ ਵਾ ਨ ਵਤ੍ਤਬ੍ਬਾ. ਉਪ੍ਪਨ੍ਨਾਤੀਤਤ੍ਤਿਕੇਸੁ ਪਞ੍ਚਪਿ ਤਿਧਾ ਹੋਨ੍ਤਿ. ਅਤੀਤਾਰਮ੍ਮਣਤ੍ਤਿਕੇ ਰੂਪਂ ਅਨਾਰਮ੍ਮਣਂ, ਸੇਸਾ ਤਿਧਾ ਚ ਨ ਵਤ੍ਤਬ੍ਬਾ ਚ. ਅਜ੍ਝਤ੍ਤਤ੍ਤਿਕੇ ਪਞ੍ਚਪਿ ਤਿਧਾ ਹੋਨ੍ਤਿ. ਅਜ੍ਝਤ੍ਤਾਰਮ੍ਮਣਤ੍ਤਿਕੇ ਰੂਪਂ ਅਨਾਰਮ੍ਮਣਂ, ਸੇਸਾ ਤਿਧਾਪਿ ਨ ਵਤ੍ਤਬ੍ਬਾ ਚ. ਚਤ੍ਤਾਰੋ ਖਨ੍ਧਾ ਅਨਿਦਸ੍ਸਨਅਪ੍ਪਟਿਘਾ, ਰੂਪਕ੍ਖਨ੍ਧੋ ਤਿਧਾਪਿ ਹੋਤਿ.

ਚਤ੍ਤਾਰੋ ¶ ਖਨ੍ਧਾ ਨਹੇਤੂ, ਸਙ੍ਖਾਰਕ੍ਖਨ੍ਧੋ ਸਿਯਾ ਹੇਤੁ, ਸਿਯਾ ਨ ਹੇਤੁ. ਰੂਪਂ ਅਹੇਤੁਕਂ, ਹੇਤੁਵਿਪ੍ਪਯੁਤ੍ਤਂ, ਸੇਸਾ ਦ੍ਵਿਧਾਪਿ. ਤਯੋ ਖਨ੍ਧਾ ਸਿਯਾ ਸਹੇਤੁਕਾ ਚੇਵ ਨ ਚ ਹੇਤੂ, ਸਿਯਾ ਨ ਵਤ੍ਤਬ੍ਬਾ ਚ, ਸਙ੍ਖਾਰਕ੍ਖਨ੍ਧੋ ਦ੍ਵਿਧਾ ਚ ਨ ਵਤ੍ਤਬ੍ਬੋ ਚ, ਰੂਪਂ ਨ ਵਤ੍ਤਬ੍ਬਮੇਵ. ਤਥਾ ਅਨਨ੍ਤਰਦੁਕੇਪਿ. ਰੂਪਂ ਨਹੇਤੁਅਹੇਤੁਕਂ, ਤਯੋ ਦ੍ਵਿਧਾਪਿ, ਸਙ੍ਖਾਰਕ੍ਖਨ੍ਧੋ ਦ੍ਵਿਧਾ ਚ ਨ ਵਤ੍ਤਬ੍ਬੋ ਚ. ਪਞ੍ਚਪਿ ਸਪ੍ਪਚ੍ਚਯਾ, ਸਙ੍ਖਤਾ, ਚਤ੍ਤਾਰੋ ਅਨਿਦਸ੍ਸਨਾ, ਅਪ੍ਪਟਿਘਾ, ਰੂਪਂ ਦ੍ਵਿਧਾਪਿ. ਰੂਪਂ ਰੂਪੀ, ਸੇਸਾ ਅਰੂਪਿਨੋ. ਰੂਪਂ ਲੋਕਿਯਂ, ਸੇਸਾ ਦ੍ਵਿਧਾਪਿ. ਪਞ੍ਚਪਿ ਕੇਨਚਿ ਵਿਞ੍ਞੇਯ੍ਯਾ, ਨ ਚ ਕੇਨਚਿ ਵਿਞ੍ਞੇਯ੍ਯਾ ਚ. ਚਤ੍ਤਾਰੋ ਨੋ ਆਸਵਾ, ਸਙ੍ਖਾਰਾ ਦ੍ਵਿਧਾਪਿ, ਨ ਵਤ੍ਤਬ੍ਬਾ ਚ. ਰੂਪਂ ਸਾਸਵੋ, ਆਸਵਵਿਪ੍ਪਯੁਤ੍ਤੋ ¶ , ਸੇਸਾ ਦ੍ਵਿਧਾਪਿ. ਰੂਪਂ ਸਾਸਵਾ ਚੇਵ ਨੋ ਚ ਆਸਵਾ, ਤਯੋ ਤਥਾ ਚ ਨ ਵਤ੍ਤਬ੍ਬਾ ਚ. ਸਙ੍ਖਾਰੋ ਦ੍ਵਿਧਾ ਚ ਨ ਵਤ੍ਤਬ੍ਬੋ ਚ. ਰੂਪਂ ਨ ਵਤ੍ਤਬ੍ਬਮੇਵ, ਤਯੋ ਸਿਯਾ ਆਸਵਸਮ੍ਪਯੁਤ੍ਤਾ ਚੇਵ ਨੋ ਚ ਆਸਵਾ, ਸਿਯਾ ਨ ਵਤ੍ਤਬ੍ਬਾ, ਸਙ੍ਖਾਰੋ ਦ੍ਵਿਧਾ ਚ ਨ ਵਤ੍ਤਬ੍ਬੋ ਚ. ਰੂਪਂ ਆਸਵਵਿਪ੍ਪਯੁਤ੍ਤਂ ਸਾਸਵਞ੍ਚ, ਸੇਸਾ ਦ੍ਵਿਧਾ ਚ ਨ ਵਤ੍ਤਬ੍ਬਾ ਚ. ਇਮਿਨਾ ਨਯੇਨ ਸਂਯੋਜਨਗੋਚ੍ਛਕਾਦੀਸੁਪਿ ਯੋਜਨਾ ਵੇਦਿਤਬ੍ਬਾ. ਕੇਵਲਂ ਹਿ ਪਰਾਮਾਸਸਮ੍ਪਯੁਤ੍ਤਦੁਕੇ ਰੂਪਂ ਪਰਾਮਾਸਵਿਪ੍ਪਯੁਤ੍ਤਂ, ਤਯੋ ਦ੍ਵਿਧਾਪਿ, ਸਙ੍ਖਾਰੋ ਦ੍ਵਿਧਾਪਿ, ਦਿਟ੍ਠਿਵਸੇਨ ਨ ਵਤ੍ਤਬ੍ਬੋ ਚ. ਤਤਿਯੇ ਏਤ੍ਤਕਮੇਵ ਵਿਸੇਸੋ. ਰੂਪਂ ਅਨਾਰਮ੍ਮਣਂ, ਸੇਸਾ ਸਾਰਮ੍ਮਣਾ. ਵਿਞ੍ਞਾਣਂ ਚਿਤ੍ਤਂ, ਸੇਸਾ ਨੋ ਚਿਤ੍ਤਾ. ਤਯੋ ਚੇਤਸਿਕਾ, ਦ੍ਵੇ ਅਚੇਤਸਿਕਾ. ਤਯੋ ਚਿਤ੍ਤਸਮ੍ਪਯੁਤ੍ਤਾ, ਰੂਪਂ ਚਿਤ੍ਤਵਿਪ੍ਪਯੁਤ੍ਤਂ. ਵਿਞ੍ਞਾਣਂ ਨ ਵਤ੍ਤਬ੍ਬਂ. ਤਥਾ ਚਿਤ੍ਤਸਂਸਟ੍ਠਦੁਕੇਪਿ. ਤਯੋ ਚਿਤ੍ਤਸਮੁਟ੍ਠਾਨਾ, ਵਿਞ੍ਞਾਣਂ ਨੋ ਚਿਤ੍ਤਸਮੁਟ੍ਠਾਨਂ. ਰੂਪਂ ਦ੍ਵਿਧਾਪਿ. ਤਥਾ ਅਨਨ੍ਤਰਦੁਕਦ੍ਵਯੇਪਿ. ਤਯੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ, ਦ੍ਵੇ ਨੋ ਚਿਤ੍ਤਸਂਸਟ੍ਠਸਮੁਟ੍ਠਾਨਾ. ਤਥਾ ਅਨਨ੍ਤਰਦੁਕਦ੍ਵਯੇਪਿ. ਵਿਞ੍ਞਾਣਂ ਅਜ੍ਝਤ੍ਤਿਕਂ, ਤਯੋ ਬਾਹਿਰਾ, ਰੂਪਂ ਦ੍ਵਿਧਾਪਿ. ਚਤ੍ਤਾਰੋ ਨੋ ਉਪਾਦਾ. ਰੂਪਂ ਦ੍ਵਿਧਾਪਿ. ਪਞ੍ਚਪਿ ਸਿਯਾ ਉਪਾਦਿਨ੍ਨਾ, ਸਿਯਾ ਅਨੁਪਾਦਿਨ੍ਨਾ, ਨੋ ਉਪਾਦਾਨਾ.

ਕਿਲੇਸਗੋਚ੍ਛਕੋ ¶ ਵੁਤ੍ਤਨਯੋਵ. ਰੂਪਂ ਨੇਵਦਸ੍ਸਨੇਨਨਭਾਵਨਾਯ ਪਹਾਤਬ੍ਬਂ, ਸੇਸਾ ਦ੍ਵਿਧਾਪਿ. ਏਵਂ ਯਾਵਪੀਤਿਦੁਕਾ ਯੋਜਨਾ ਵੇਦਿਤਬ੍ਬਾ.

ਰੂਪਂ ਨ ਵੇਦਨਾ, ਨ ਸੁਖਾ, ਨ ਸੁਖਸਹਗਤਾ, ਸੇਸਾ ਦ੍ਵਿਧਾਪਿ. ਤਥਾ ਅਨਨ੍ਤਰਦੁਕੇਪਿ. ਰੂਪਂ ਕਾਮਾਵਚਰਂ, ਸੇਸਾ ਦ੍ਵਿਧਾਪਿ. ਏਵਂ ਯਾਵ ਸਰਣਦੁਕਾ ਯੋਜਨਾ ਵੇਦਿਤਬ੍ਬਾ. ਅਯਂ ਪਞ੍ਹਾਪੁਚ੍ਛਕਨਯੋ.

ਇਮੇ ਪਨ ਨਯਾ ਵਿਤ੍ਥਾਰਤੋ ਪਾਲ਼ਿਅਟ੍ਠਕਥਾਹਿ ਞਾਤਬ੍ਬਾ. ਅਤ੍ਥਵਿਨਿਚ੍ਛਯੋ ਚ ਨੇਸਂ ਧਮ੍ਮਸਙ੍ਗਣੀਮਾਤਿਕਤ੍ਥਸਂਵਣ੍ਣਨਾਯ ਵੁਤ੍ਤਾਨੁਸਾਰੇਨ ਞਾਤਬ੍ਬੋ. ਇਤੋ ਪਰਂ ਅਤਿਰੇਕਂ ਅਵਤ੍ਵਾ ਅਪੁਬ੍ਬਮੇਵ ਵਣ੍ਣਯਿਸ੍ਸਾਮਾਤਿ ਅਯਂ ਵਿਭਙ੍ਗਨਯਦਸ੍ਸਨਤੋ ਸਂਵਣ੍ਣਨਾਨਯੋ.

ਕਮਤੋਨੂਨਾਧਿਕਤੋ, ਦਟ੍ਠਬ੍ਬਸਮਭੇਦਤੋ;

ਪਾਲ਼ਿਮੁਤ੍ਤਨਯੋ ਞੇਯ੍ਯੋ, ਖਨ੍ਧਕੋਸਲ੍ਲਮਿਚ੍ਛਤਾ.

ਤਤ੍ਥ ¶ ਕਮਤੋਤਿ ਏਤ੍ਥ ਉਪ੍ਪਤ੍ਤਿਕ੍ਕਮੋ ਪਹਾਨਕ੍ਕਮੋ ਪਟਿਪਤ੍ਤਿਕ੍ਕਮੋ ਭੂਮਿਕ੍ਕਮੋ ਦੇਸਨਾਕ੍ਕਮੋਤਿ ਬਹੁਵਿਧੇਸੁ ਕਮੇਸੁ ਖਨ੍ਧਾਨਂ ਦੇਸਨਾਕ੍ਕਮੋਵ ਯੁਜ੍ਜਤਿ, ਨ ਇਤਰੇ, ਅਸਮ੍ਭਵਾ. ਅਭੇਦੇਨ ਹਿ ਪਞ੍ਚਸੁ ਖਨ੍ਧੇਸੁ ਅਤ੍ਤਗ੍ਗਾਹਪਤਿਤਂ ਵੇਨੇਯ੍ਯਜਨਂ ਸਮੂਹਘਨਵਿਨਿਬ੍ਭੋਗਦਸ੍ਸਨੇਨ ਅਤ੍ਤਗ੍ਗਾਹਤੋ ਮੋਚੇਤੁਕਾਮੋ ਭਗਵਾ ਹਿਤਕਾਮੋ ਤਸ੍ਸ ਤਸ੍ਸ ਜਨਸ੍ਸ ਸੁਖਗ੍ਗਹਣਤ੍ਥਂ ਚਕ੍ਖੁਆਦੀਨਂ ਵਿਸਯਭੂਤਂ ਓਲ਼ਾਰਿਕਂ ਪਠਮਂ ਰੂਪਕ੍ਖਨ੍ਧਂ ਦੇਸੇਸਿ, ਤਤੋ ਇਟ੍ਠਾਨਿਟ੍ਠਵਿਸਯਸਂਵੇਦਕਂ ਓਲ਼ਾਰਿਕਂ ਵੇਦਨਂ, ਯਂ ਵੇਦੇਤਿ, ਤਂ ਸਞ੍ਜਾਨਾਤੀਤਿ ਏਵਂ ਵੇਦਨਾਵਿਸਯਸ੍ਸ ਆਕਾਰਗ੍ਗਾਹਿਕਂ ਸਞ੍ਞਂ, ਸਞ੍ਞਾਵਸੇਨਾਭਿਸਙ੍ਖਾਰਕੇ ਸਙ੍ਖਾਰੇ, ਤੇਸਂ ਵੇਦਨਾਦੀਨਂ ਨਿਸ੍ਸਯਾਧਿਪਤਿਭੂਤਂ ਵਿਞ੍ਞਾਣਨ੍ਤਿ ਅਯਂ ਤਾਵੇਤ੍ਥ ਕਮੋ.

ਅਨੂਨਾਧਿਕਤੋਤਿ ¶ ਕਸ੍ਮਾ ਪਨ ਭਗਵਤਾ ਪਞ੍ਚੇਵ ਖਨ੍ਧਾ ਵੁਤ੍ਤਾ ਅਨੂਨਾ ਅਨਧਿਕਾਤਿ? ਸਬ੍ਬਸਙ੍ਖਤਸਭਾਗੇਕਸਙ੍ਗਹਤੋ, ਅਤ੍ਤਤ੍ਤਨਿਯਗ੍ਗਾਹਵਤ੍ਥੁਸ੍ਸ ਏਤਪ੍ਪਰਮਤੋ, ਅਞ੍ਞੇਸਞ੍ਚ ਤਦਵਰੋਧਤੋ. ਅਨੇਕਪ੍ਪਭੇਦੇਸੁ ਹਿ ਸਙ੍ਖਤਧਮ੍ਮੇਸੁ ਸਭਾਗਵਸੇਨ ਸਙ੍ਗਯ੍ਹਮਾਨੇਸੁ ਰੂਪਂ ਰੂਪਸਭਾਗੇਕਸਙ੍ਗਹਵਸੇਨ ਏਕੋ ਖਨ੍ਧੋ ਹੋਤਿ, ਵੇਦਨਾ ਵੇਦਨਾਸਭਾਗੇਕਸਙ੍ਗਹਵਸੇਨ ਏਕੋ ਖਨ੍ਧੋ ਹੋਤਿ. ਏਸ ਨਯੋ ਸਞ੍ਞਾਦੀਸੁਪਿ, ਤਸ੍ਮਾ ਸਬ੍ਬਸਙ੍ਖਤਸਭਾਗੇਕਸਙ੍ਗਹਤੋ ਪਞ੍ਚੇਵ ਵੁਤ੍ਤਾ. ਏਤਪਰਮਞ੍ਚੇਤਂ ਅਤ੍ਤਤ੍ਤਨਿਯਗ੍ਗਾਹਵਤ੍ਥੁ, ਯਦਿਦਂ ਰੂਪਾਦਯੋ ਪਞ੍ਚ, ਤਸ੍ਮਾ ਅਤ੍ਤਤ੍ਤਨਿਯਗ੍ਗਾਹਵਤ੍ਥੁਸ੍ਸ ਏਤਪਰਮਤੋਪਿ ਪਞ੍ਚੇਵ ਵੁਤ੍ਤਾ. ਯੇਪਿ ਚਞ੍ਞੇ ਸੀਲਾਦਯੋ ਪਞ੍ਚ ਧਮ੍ਮਕ੍ਖਨ੍ਧਾ ਵੁਤ੍ਤਾ, ਤੇਪਿ ਸਙ੍ਖਾਰਕ੍ਖਨ੍ਧਪਰਿਯਾਪਨ੍ਨਤ੍ਤਾ ਏਤ੍ਥੇਵ ਅਵਰੋਧਂ ਗਚ੍ਛਨ੍ਤਿ, ਤਸ੍ਮਾ ਅਞ੍ਞੇਸਂ ਤਦਵਰੋਧਤੋਪਿ ਪਞ੍ਚੇਵ ਵੁਤ੍ਤਾਤਿ ਅਯਂ ਅਨੂਨਾਧਿਕਤੋ.

ਦਟ੍ਠਬ੍ਬਸਮਭੇਦਤੋਤਿ ਦਟ੍ਠਬ੍ਬਭੇਦਤੋ, ਉਪਮਾਭੇਦਤੋ ਚ. ਤਤ੍ਥ ਦਟ੍ਠਬ੍ਬਭੇਦਤੋ ਤਾਵ ਪਞ੍ਚੁਪਾਦਾਨਕ੍ਖਨ੍ਧਾ ਸਾਮਞ੍ਞਤੋ ਉਕ੍ਖਿਤ੍ਤਾਸਿਕਪਚ੍ਚਤ੍ਥਿਕਤੋ, ਭਾਰਤੋ, ਖਾਦਕਤੋ, ਅਨਿਚ੍ਚਦੁਕ੍ਖਅਨਤ੍ਤਸਙ੍ਖਾਤਵਧਕਤੋ ਚ ਦਟ੍ਠਬ੍ਬਾ. ਵਿਸੇਸਤੋ ਪਨ ਫੇਣਪਿਣ੍ਡਂ ਵਿਯ ਰੂਪਂ ਦਟ੍ਠਬ੍ਬਂ, ਉਦਕਬੁਬ੍ਬੁਲ਼ਮਰੀਚਿਕਕਦਲਿਕ੍ਖਨ੍ਧਮਾਯਾ ਵਿਯ ਯਥਾਕ੍ਕਮਂ ਵੇਦਨਾਦਯੋ ਦਟ੍ਠਬ੍ਬਾ. ਯਥਾ ਹਿ ਫੇਣਪਿਣ੍ਡੋ ਵਿਮਦ੍ਦਾਸਹੋ, ਸੋ ਚ ਪਤ੍ਤਥਾਲਕਾਦਿਅਤ੍ਥਂ ਗਹਿਤੋਪਿ ਤਮਤ੍ਥਂ ਨ ਸਾਧੇਤਿ, ਭਿਜ੍ਜਤਿ, ਏਵਂ ਰੂਪਮ੍ਪਿ ਵਿਮਦ੍ਦਾਸਹਂ, ਤਞ੍ਚ ਸੁਭਾਦਿਵਸੇਨ ਗਹਿਤਮ੍ਪਿ ਨ ਤਥਾ ਤਿਟ੍ਠਤਿ, ਅਸੁਭਾਦਿਯੇਵ ਹੋਤਿ.

ਯਥਾ ਵਾ ਫੇਣਪਿਣ੍ਡੋ ਅਨੇਕਸਨ੍ਧਿਘਟਿਤੋ ਬਹੁਨ੍ਨਂ ਉਦਕਸਪ੍ਪਾਦਿਪਾਣਕਾਨਂ ਆਵਾਸੋ, ਆਦਿਤੋ ਚੇਸ ਬਦਰਪਕ੍ਕਮਤ੍ਤੋ ਹੁਤ੍ਵਾ ਅਨੁਪੁਬ੍ਬਵਡ੍ਢਨਕੋ ਉਟ੍ਠਿਤਮਤ੍ਤੋਪਿ ਚੇਸ ਭਿਜ੍ਜਤਿ, ਥੋਕਂ ਗਨ੍ਤ੍ਵਾਪਿ, ਸਮੁਦ੍ਦਂ ਪਤ੍ਵਾ ਪਨ ਅਵਸ੍ਸਮੇਵ ਭਿਜ੍ਜਤਿ ¶ , ਏਵਂ ਰੂਪਮ੍ਪਿ ਛਿਦ੍ਦਾਵਛਿਦ੍ਦਂ ਅਨੇਕਸਨ੍ਧਿਘਟਿਤਂ ¶ ਅਸੀਤਿਕਿਮਿਕੁਲਵੋਕਿਣ੍ਣਂ, ਆਦਿਤੋ ਚੇਤਂ ਕਲਲਮਤ੍ਤਂ ਹੁਤ੍ਵਾ ਅਨੁਪੁਬ੍ਬਵਡ੍ਢਨਕਂ, ਕਲਲਮਤ੍ਤੇਪਿ ਚੇਤਂ ਭਿਜ੍ਜਤਿ, ਅਬ੍ਬੁਦਾਦਿਭਾਵੇਪਿ ਆਯੁਕ੍ਖਯਂ ਪਤ੍ਵਾ ਅਵਸ੍ਸਮੇਵ ਭਿਜ੍ਜਤਿ. ਏਵਂ ਫੇਣਪਿਣ੍ਡਸਦਿਸਂ ਦਟ੍ਠਬ੍ਬਂ.

ਯਥਾ ਪਨ ਬੁਬ੍ਬੁਲ਼ੋ ਮੁਹੁਤ੍ਤਰਮਣੀਯੋ ਅਗਯ੍ਹੁਪਗੋ ਨ ਚਿਰਟ੍ਠਿਤਿਕੋਵ, ਏਵਂ ਵੇਦਨਾਪਿ. ਯਥਾ ਚ ਬੁਬ੍ਬੁਲ਼ੋ ਉਦਕਤਲਂ, ਉਦਕਬਿਨ੍ਦੁਂ, ਉਦਕਜਲ੍ਲਕਂ ਸਙ੍ਕਡ੍ਢਿਤ੍ਵਾ ਪੁਟਂ ਕਤ੍ਵਾ ਗਹਣਵਾਤਞ੍ਚਾਤਿ ਚਤ੍ਤਾਰਿ ਕਾਰਣਾਨਿ ਪਟਿਚ੍ਚ ਉਪ੍ਪਜ੍ਜਤਿ, ਏਵਂ ਵੇਦਨਾਪਿ ਵਤ੍ਥੁਂ, ਆਰਮ੍ਮਣਂ, ਕਿਲੇਸਜਲ੍ਲਂ, ਫਸ੍ਸਸਙ੍ਘਟ੍ਟਨਞ੍ਚਾਤਿ ਚਤ੍ਤਾਰਿ ਕਾਰਣਾਨਿ ਪਟਿਚ੍ਚ ਉਪ੍ਪਜ੍ਜਤੀਤਿ ਸਾ ਬੁਬ੍ਬੁਲ਼ਸਦਿਸਾ ਦਟ੍ਠਬ੍ਬਾ.

ਯਥਾ ਪਨ ਮਰੀਚਿਕਾ ਜਲਾਸਯਾਦਿਭਾਵੇਨ ਵਿਪ੍ਪਲਮ੍ਭਿਕਾ, ਏਵਂ ਸਞ੍ਞਾਪਿ ਨਿਚ੍ਚਾਦਿਭਾਵੇਨਾਤਿ ਮਰੀਚਿਸਦਿਸਾ ਦਟ੍ਠਬ੍ਬਾ. ਯਥਾ ਪਨ ਕਦਲਿਕ੍ਖਨ੍ਧੋ ਅਗਯ੍ਹੁਪਗੋ ਬਹੁਵਟ੍ਟਿਸਮੋਧਾਨੋ, ਏਵਂ ਸਙ੍ਖਾਰਕ੍ਖਨ੍ਧੋਪਿ ਅਗਯ੍ਹੁਪਗੋਨਿਚ੍ਚਾਦਿਸਾਰਵਿਰਹਿਤੋ, ਫਸ੍ਸਾਦਿਬਹੁਧਮ੍ਮਸਮੋਧਾਨੋ ਚ ਹੋਤੀਤਿ ਸੋ ਕਦਲਿਕ੍ਖਨ੍ਧਸਦਿਸੋ ਦਟ੍ਠਬ੍ਬੋ. ਯਥਾ ਪਨ ਮਾਯਾ ਅਸੁਵਣ੍ਣਰਜਤਾਦਿਰੂਪਾਨਿਪਿ ਤਥਾ ਗਾਹਾਪੇਤ੍ਵਾ ਮਹਾਜਨਂ ਵਞ੍ਚੇਤਿ, ਏਵਂ ਵਿਞ੍ਞਾਣਮ੍ਪਿ ਅਨਿਚ੍ਚਾਦਿਰੂਪਂ ਤੇਨੇਵ ਚਿਤ੍ਤੇਨ ਆਗਚ੍ਛਨ੍ਤਂ ਵਿਯ ਨਿਚ੍ਚਾਦਿਤੋ ਚ ਗਾਹਾਪੇਤ੍ਵਾ ਵਞ੍ਚੇਤੀਤਿ ਤਂ ਮਾਯਾਸਦਿਸਂ ਦਟ੍ਠਬ੍ਬਂ. ਵੁਤ੍ਤਞ੍ਚ –

‘‘ਫੇਣਪਿਣ੍ਡੂਪਮਂ ਰੂਪਂ, ਵੇਦਨਾ ਬੁਬ੍ਬੁਲ਼ੂਪਮਾ;

ਮਰੀਚਿਕੂਪਮਾ ਸਞ੍ਞਾ, ਸਙ੍ਖਾਰਾ ਕਦਲੂਪਮਾ;

ਮਾਯੂਪਮਞ੍ਚ ਵਿਞ੍ਞਾਣਂ, ਦੇਸਿਤਾਦਿਚ੍ਚਬਨ੍ਧੁਨਾ’’ਤਿ. (ਸਂ. ਨਿ. ੩.੯੫);

ਉਪਮਾਭੇਦਤੋ ਚ ਪਨ ਗਿਲਾਨਸਾਲੂਪਮੋ ਰੂਪੁਪਾਦਾਨਕ੍ਖਨ੍ਧੋ, ਗੇਲਞ੍ਞੂਪਮੋ ਵੇਦਨੁਪਾਦਾਨਕ੍ਖਨ੍ਧੋ, ਗੇਲਞ੍ਞਸਮੁਟ੍ਠਾਨੂਪਮੋ ਸਞ੍ਞੁਪਾਦਾਨਕ੍ਖਨ੍ਧੋ, ਅਸਪ੍ਪਾਯਸੇਵਨੂਪਮੋ ਸਙ੍ਖਾਰੁਪਾਦਾਨਕ੍ਖਨ੍ਧੋ ¶ , ਗਿਲਾਨੂਪਮੋ ਵਿਞ੍ਞਾਣੁਪਾਦਾਨਕ੍ਖਨ੍ਧੋ. ਅਪਿਚ ਚਾਰਕਕਾਰਣਅਪਰਾਧਕਾਰਣਕਾਰਕਅਪਰਾਧਿਕੂਪਮਾ ਏਤੇ ਭਾਜਨਭੋਜਨਬ੍ਯਞ੍ਜਨਪਰਿਵੇਸਕਭੁਞ੍ਜਕੂਪਮਾ ਚਾਤਿ ਅਯਮੇਤ੍ਥ ਉਪਮਾਭੇਦੋ. ਏਵਂ ਪਾਲ਼ਿਮੁਤ੍ਤਕਵਿਨਿਚ੍ਛਯਨਯੋ ਞੇਯ੍ਯੋ.

ਖਨ੍ਧਵਿਭਙ੍ਗਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਆਯਤਨਵਿਭਙ੍ਗਮਾਤਿਕਾਯ ¶ ਪਨ ਅਤ੍ਥਤੋ ਤਾਵ – ਦ੍ਵਾਦਸਾਯਤਨਾਨੀਤਿ ਏਤ੍ਥ ਆਯਤਨਤੋ, ਆਯਾਨਂ ਤਨਨਤੋ, ਆਯਤਸ੍ਸ ਚ ਨਯਨਤੋ ਆਯਤਨਾਨਿ. ਚਕ੍ਖੁਰੂਪਾਦੀਸੁ ਹਿ ਤਂਤਂਦ੍ਵਾਰਾਰਮ੍ਮਣਾ ਚਿਤ੍ਤਚੇਤਸਿਕਾ ਧਮ੍ਮਾ ਸੇਨ ਸੇਨ ਅਨੁਭਵਨਾਦਿਨਾ ਕਿਚ੍ਚੇਨ ਆਯਤਨ੍ਤਿ ਉਪਟ੍ਠਹਨ੍ਤਿ ਘਟੇਨ੍ਤਿ ਵਾਯਮਨ੍ਤਿ, ਤੇ ਚ ਪਨ ਆਯਭੂਤੇ ਧਮ੍ਮੇ ਏਤਾਨਿ ਤਨੋਨ੍ਤਿ ਵਿਤ੍ਥਾਰੇਨ੍ਤਿ, ਇਦਞ੍ਚ ਅਤੀਵ ਆਯਤਂ ਸਂਸਾਰਦੁਕ੍ਖਂ ਨਯਨ੍ਤੇਵ, ਪਵਤ੍ਤਯਨ੍ਤੀਤਿ ਵੁਤ੍ਤਂ ਹੋਤਿ, ਤਸ੍ਮਾ ‘‘ਆਯਤਨਾਨੀ’’ਤਿ ਵੁਚ੍ਚਨ੍ਤਿ.

ਅਪਿਚ ਨਿਵਾਸਟ੍ਠਾਨਟ੍ਠੇਨ, ਆਕਰਟ੍ਠੇਨ, ਸਮੋਸਰਣਟ੍ਠਾਨਟ੍ਠੇਨ, ਸਞ੍ਜਾਭਿਦੇਸਟ੍ਠੇਨ, ਕਾਰਣਟ੍ਠੇਨ ਚ ਸਾਸਨੇ, ਲੋਕੇ ਚ ‘‘ਆਯਤਨ’’ਨ੍ਤਿ ਵੁਚ੍ਚਨ੍ਤਿ. ਚਕ੍ਖੁਆਦੀਸੁ ਹਿ ਤੇ ਤੇ ਚਿਤ੍ਤਚੇਤਸਿਕਾ ਧਮ੍ਮਾ ਤਦਾਯਤ੍ਤਵੁਤ੍ਤਿਤਾਯ ਨਿਵਸਨ੍ਤਿ, ਤੇਸੁ ਚ ਆਕਰਭੂਤੇਸੁ ਆਕਿਣ੍ਣਾ ਵਤ੍ਥਾਰਮ੍ਮਣਵਸੇਨ ਚ ਸਮੋਸਰਨ੍ਤਿ, ਚਕ੍ਖਾਦਯੋਵ ਨੇਸਂ ਸਞ੍ਜਾਤਿਦੇਸੋ, ਕਾਰਣਞ੍ਚ, ਤਸ੍ਮਾ ਨਿਵਾਸਟ੍ਠਾਨਾਦਿਨਾ ਅਤ੍ਥੇਨ ਚਕ੍ਖਾਦੀਨਿ ਆਯਤਨਾਨੀਤਿ ਵੇਦਿਤਬ੍ਬਾਨਿ.

ਚਕ੍ਖਾਯਤਨਨ੍ਤਿਆਦੀਸੁ ਚਕ੍ਖਤੀਤਿ ਚਕ੍ਖੁ, ਰੂਪਂ ਅਸ੍ਸਾਦੇਤਿ, ਵਿਭਾਵੇਤਿ ਚਾਤਿ ਅਤ੍ਥੋ. ਰੂਪਯਤੀਤਿ ਰੂਪਂ. ਵਣ੍ਣਵਿਕਾਰਂ ਆਪਜ੍ਜਮਾਨਂ ¶ ਹਦਯਙ੍ਗਤਭਾਵਂ ਪਕਾਸੇਤੀਤਿ ਅਤ੍ਥੋ. ਸੁਣਾਤੀਤਿ ਸੋਤਂ. ਸਪ੍ਪਤੀਤਿ ਸਦ੍ਦੋ, ਉਦਾਹਰੀਯਤੀਤਿ ਅਤ੍ਥੋ. ਘਾਯਤੀਤਿ ਘਾਨਂ. ਗਨ੍ਧਯਤੀਤਿ ਗਨ੍ਧੋ, ਅਤ੍ਤਨੋ ਵਤ੍ਥੁਂ ਸੂਚਯਤੀਤਿ ਅਤ੍ਥੋ. ਜੀਵਿਤਂ ਅਵ੍ਹਾਯਤੀਤਿ ਜਿਵ੍ਹਾ. ਰਸਨ੍ਤਿ ਤਂ ਸਤ੍ਤਾਤਿ ਰਸੋ, ਅਸ੍ਸਾਦੇਨ੍ਤੀਤਿ ਅਤ੍ਥੋ. ਕੁਚ੍ਛਿਤਾਨਂ ਸਾਸਵਧਮ੍ਮਾਨਂ ਆਯੋਤਿ ਕਾਯੋ, ਉਪ੍ਪਤ੍ਤਿਦੇਸੋ. ਫੁਸੀਯਤੀਤਿ ਫੋਟ੍ਠਬ੍ਬਂ. ਮਨਤੀਤਿ ਮਨੋ. ਅਤ੍ਤਨੋ ਲਕ੍ਖਣਂ ਧਾਰੇਨ੍ਤੀਤਿ ਧਮ੍ਮਾ. ਚਕ੍ਖੁ ਚ ਤਂ ਯਥਾਵੁਤ੍ਤੇਨਤ੍ਥੇਨ ਆਯਤਨਞ੍ਚਾਤਿ ਚਕ੍ਖਾਯਤਨਂ…ਪੇ… ਧਮ੍ਮਾ ਚ ਤੇ ਆਯਤਨਞ੍ਚਾਤਿ ਧਮ੍ਮਾਯਤਨਨ੍ਤਿ ਅਯਂ ਤਾਵੇਤ੍ਥ ਪਦਤ੍ਥੋ.

ਧਮ੍ਮਭੇਦਤੋ ਪਨੇਤ੍ਥ ਸਬ੍ਬਮ੍ਪਿ ਵਿਞ੍ਞਾਣਂ ਮਨਾਯਤਨਂ ਨਾਮ. ਚੇਤਸਿਕਸੁਖੁਮਰੂਪਨਿਬ੍ਬਾਨਾਨਿ ਧਮ੍ਮਾਯਤਨਂ ਨਾਮ. ਸੇਸਾਨਿ ਸੁਵਿਞ੍ਞੇਯ੍ਯਾਨਿ. ਇਮੇਸੁ ਚ ਆਯਤਨੇਸੁ ਅਤੀਤਾਦਿਭੇਦਭਿਨ੍ਨਾ, ਕਾਲਵਿਨਿਮੁਤ੍ਤਾ ਚ ਲੋਕਿਯਲੋਕੁਤ੍ਤਰਾ ਸਬ੍ਬੇ ਨਾਮਰੂਪਧਮ੍ਮਾ, ਪਞ੍ਞਤ੍ਤਿਯੋ ਚ ਸਙ੍ਗਹਿਤਾਤਿ ਵੇਦਿਤਬ੍ਬਾ. ‘‘ਜਾਤਿ ਦ੍ਵੀਹਿ ਖਨ੍ਧੇਹਿ ਏਕੇਨਾਯਤਨੇਨ ਏਕਾਯ ਧਾਤੁਯਾ ਸਙ੍ਗਹਿਤਾ’’ਤਿਆਦਿਵਚਨਤੋ (ਧਾਤੁ. ੭੧) ਹਿ ¶ ਰੂਪਾਰੂਪਲਕ੍ਖਣਾਨਂ ਜਾਤਿਜਰਾਭਙ੍ਗਾਨਂ ਸਙ੍ਖਾਰਕ੍ਖਨ੍ਧਧਮ੍ਮਾਯਤਨਧਮ੍ਮਧਾਤੂਸੁ ਸਙ੍ਗਹਿਤਤ੍ਤਾ ਇਤਰਾਸਮ੍ਪਿ ਪਞ੍ਞਤ੍ਤੀਨਂ ਯਥਾਰਹਂ ਤਤ੍ਥ ਸਙ੍ਗਹਿਤਭਾਵੋ ਵੇਦਿਤਬ੍ਬੋਤਿ ਅਯਮੇਤ੍ਥ ਧਮ੍ਮਭੇਦੋ.

ਵਿਭਙ੍ਗਨਯਤੋ ਪਨੇਤ੍ਥ ਸੁਤ੍ਤਨ੍ਤਭਾਜਨੀਯੇ ਤਾਵ ‘‘ਚਕ੍ਖੁਂ ਅਨਿਚ੍ਚਂ ਦੁਕ੍ਖਂ ਅਨਤ੍ਤਾ ਵਿਪਰਿਣਾਮਧਮ੍ਮਂ. ਰੂਪਾ ਅਨਿਚ੍ਚਾ ਦੁਕ੍ਖਾ ਅਨਤ੍ਤਾ ਵਿਪਰਿਣਾਮਧਮ੍ਮਾ…ਪੇ… ਧਮ੍ਮਾ ਅਨਿਚ੍ਚਾ ਦੁਕ੍ਖਾ ਅਨਤ੍ਤਾ ਵਿਪਰਿਣਾਮਧਮ੍ਮਾ’’ਤਿ (ਵਿਭ. ੧੫੪) ਏਵਂ ਵਿਸਯਿਵਿਸਯਾਯਤਨਵਸੇਨ ਆਯਤਨਾਨਿ ਵੁਤ੍ਤਾਨੀਤਿ ਅਯਂ ਸੁਤ੍ਤਨ੍ਤਭਾਜਨੀਯਨਯੋ.

ਅਭਿਧਮ੍ਮਭਾਜਨੀਯੇ ਪਨ ਪਸਾਦਵਿਸਯਾਯਤਨਾਨਿ ਤਾਵ ‘‘ਤਤ੍ਥ ਕਤਮਂ ਚਕ੍ਖਾਯਤਨਂ? ਯਂ ਚਕ੍ਖੁ ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ¶ ਪਸਾਦੋ’’ਤਿਆਦਿਨਾ (ਵਿਭ. ੧੫੬) ਰੂਪਕਣ੍ਡੇ (ਧ. ਸ. ੫੯੭) ਵੁਤ੍ਤਨਯੇਨ ਵਿਭਤ੍ਤਾਨਿ. ਮਨਾਯਤਨਂ ਪਨ ਏਕਵਿਧਤੋ ਪਟ੍ਠਾਯ ਯਾਵਦਸਵਿਧਾ ਵੇਦਨਾਕ੍ਖਨ੍ਧੇ ਵੁਤ੍ਤਨਯੇਨ ਵਿਭਤ੍ਤਂ. ਧਮ੍ਮਾਯਤਨਂ ਪਨ ‘‘ਤਤ੍ਥ ਕਤਮਂ ਧਮ੍ਮਾਯਤਨਂ? ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ, ਯਞ੍ਚ ਰੂਪਂ ਅਨਿਦਸ੍ਸਨਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ ਅਸਙ੍ਖਤਾ ਚ ਧਾਤੂ’’ਤਿ (ਵਿਭ. ੧੬੭) ਉਦ੍ਦਿਸਿਤ੍ਵਾ ‘‘ਤਤ੍ਥ ਕਤਮੋ ਵੇਦਨਾਕ੍ਖਨ੍ਧੋ’’ਤਿਆਦਿਨਾ (ਵਿਭ. ੧੬੭) ਵੇਦਨਾਕ੍ਖਨ੍ਧਾਦੀਸੁ ਵੁਤ੍ਤਨਯੇਨ ਵਿਭਤ੍ਤਂ. ਸੁਖੁਮਰੂਪਨਿਬ੍ਬਾਨਾਨਿ ਰੂਪਕਣ੍ਡੇ ਵੁਤ੍ਤਨਯਾਨੇਵਾਤਿ ਅਯਂ ਅਭਿਧਮ੍ਮਭਾਜਨੀਯਨਯੋ.

ਪਞ੍ਹਾਪੁਚ੍ਛਕਨਯਂ ਪਨ ਇਤੋ ਪਰਂ ਵਿਤ੍ਥਾਰਤੋ ਅਦਸ੍ਸੇਤ੍ਵਾ ਤਿਕਦੁਕਾਨਂ ਆਦਿਅਨ੍ਤੇਹਿ ਚੇਵ ਵਿਸੇਸਤ੍ਥਦੀਪਕੇਹਿ ਚ ਤਿਕਦੁਕੇਹਿ ਯੋਜੇਤ੍ਵਾ ਦਸ੍ਸਯਿਸ੍ਸਾਮ, ਸੇਸੇਹਿਪਿ ਤਿਕਦੁਕੇਹਿ ਯੋਜਨਾਨਯੋ ਖਨ੍ਧੇ ਵੁਤ੍ਤਨਯੇਨ ਸਕ੍ਕਾ ਞਾਤੁਨ੍ਤਿ. ਕਥਂ ਦ੍ਵਾਦਸਨ੍ਨਂ ਆਯਤਨਾਨਂ ਕਤਿ ਕੁਸਲਾ…ਪੇ… ਕਤਿ ਅਰਣਾਤਿ? ਦਸਾਯਤਨਾ ਅਬ੍ਯਾਕਤਾ, ਦ੍ਵਾਯਤਨਾ ਸਿਯਾ ਕੁਸਲਾ, ਸਿਯਾ ਅਕੁਸਲਾ, ਸਿਯਾ ਅਬ੍ਯਾਕਤਾ. ਵੇਦਨਾਤ੍ਤਿਕੇ ਦਸਾਯਤਨਾਨਿ ਨ ਵਤ੍ਤਬ੍ਬਾਨਿ, ਮਨਾਯਤਨਂ ਤਿਧਾਪਿ, ਧਮ੍ਮਾਯਤਨਂ ਤਿਧਾ ਨ ਵਤ੍ਤਬ੍ਬਞ੍ਚ…ਪੇ… ਰੂਪਾਯਤਨਂ ਸਨਿਦਸ੍ਸਨਸਪ੍ਪਟਿਘਂ, ਨਵਾਯਤਨਾਨਿ ਅਨਿਦਸ੍ਸਨਸਪ੍ਪਟਿਘਾਨਿ, ਮਨਾਯਤਨਧਮ੍ਮਾਯਤਨਾਨਿ ਅਨਿਦਸ੍ਸਨਅਪ੍ਪਟਿਘਾਨਿ, ਏਕਾਦਸਾਯਤਨਾਨਿ ਨ ਹੇਤੂ, ਧਮ੍ਮਾਯਤਨਂ ਸਿਯਾ ਹੇਤੁ, ਸਿਯਾ ਨ ਹੇਤੁ…ਪੇ… ਏਕਾਦਸਾਯਤਨਾਨਿ ਸਪ੍ਪਚ੍ਚਯਾਨਿ, ਧਮ੍ਮਾਯਤਨਂ ਸਿਯਾ ਸਪ੍ਪਚ੍ਚਯਂ, ਸਿਯਾ ਅਪ੍ਪਚ੍ਚਯਂ…ਪੇ… ਦਸਾਯਤਨਾਨਿ ਰੂਪਂ, ਮਨਾਯਤਨਂ ਅਰੂਪਂ, ਧਮ੍ਮਾਯਤਨਂ ਦ੍ਵਿਧਾਪਿ…ਪੇ… ਦਸਾਯਤਨਾਨਿ ਅਰਣਾਨਿ, ਦ੍ਵਾਯਤਨਾਨਿ ਸਿਯਾ ਸਰਣਾਨਿ, ਸਿਯਾ ਅਰਣਾਨੀਤਿ ਅਯਂ ਪਞ੍ਹਾਪੁਚ੍ਛਕਨਯੋ.

ਕਮਤੋ ਤਾਵਤ੍ਤਤੋ ਚ, ਤੇਸਂ ਦਟ੍ਠਬ੍ਬਭੇਦਤੋ;

ਪਾਲ਼ਿਮੁਤ੍ਤਨਯੇਨੇਤ੍ਥ, ਵਿਞ੍ਞਾਤਬ੍ਬੋ ਵਿਨਿਚ੍ਛਯੋ.

ਤਤ੍ਥ ¶ ਕਮਤੋਤਿ ਇਧਾਪਿ ਦੇਸਨਾਕ੍ਕਮੋਵ ਯੁਜ੍ਜਤਿ. ਅਜ੍ਝਤ੍ਤਿਕੇਸੁ ਹਿ ਆਯਤਨੇਸੁ ਸਨਿਦਸ੍ਸਨਸਪ੍ਪਟਿਘਵਿਸਯਤ੍ਤਾ ਚਕ੍ਖਾਯਤਨਂ ਪਾਕਟਨ੍ਤਿ ਪਠਮਂ ਦੇਸਿਤਂ, ਤਤੋ ਅਨਿਦਸ੍ਸਨਸਪ੍ਪਟਿਘਵਿਸਯਾਨਿ ਸੋਤਾਯਤਨਾਦੀਨਿ. ਅਥ ਵਾ ਦਸ੍ਸਨਾਨੁਤ੍ਤਰਿਯਸਵਨਾਨੁਤ੍ਤਰਿਯਹੇਤੁਭਾਵਤੋ ਬਹੂਪਕਾਰਤ੍ਤਾ ਚਕ੍ਖੁਸੋਤਾਯਤਨਾਨਿ ਪਠਮਂ ਦੇਸਿਤਾਨਿ, ਤਤੋ ਘਾਨਾਯਤਨਾਦੀਨਿ ਤੀਣਿ, ਪਞ੍ਚਨ੍ਨਮ੍ਪਿ ਪਨ ਗੋਚਰਵਿਸਯਤ੍ਤਾ ਅਨ੍ਤੇ ਮਨਾਯਤਨਂ, ਚਕ੍ਖਾਯਤਨਾਦੀਨਂ ਗੋਚਰਤ੍ਤਾ ਤੇਸਂ ਅਨਨ੍ਤਰਂ ਰੂਪਾਯਤਨਾਦੀਨਿ. ਅਪਿਚ ਵਿਞ੍ਞਾਣੁਪ੍ਪਤ੍ਤਿਕਾਰਣਵਵਤ੍ਥਾਨਤੋਪਿ ਅਯਮੇਤੇਸਂ ਕਮੋ ਵੇਦਿਤਬ੍ਬੋ. ਵੁਤ੍ਤਂ ਹੇਤਂ ‘‘ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਂ…ਪੇ… ਮਨਞ੍ਚ ਪਟਿਚ੍ਚ ਧਮ੍ਮੇ ਚ ਉਪ੍ਪਜ੍ਜਤਿ ਮਨੋਵਿਞ੍ਞਾਣ’’ਨ੍ਤਿ (ਮ. ਨਿ. ੩.੪੨੧; ਸਂ. ਨਿ. ੪.੬੦, ੧੧੩; ਮਹਾਨਿ. ੧੦੭) ਅਯਂ ਤਾਵੇਤ੍ਥ ਕਮੋ.

ਤਾਵਤ੍ਤਤੋਤਿ ਤਾਵਭਾਵਤੋ. ਇਦਂ ਵੁਤ੍ਤਂ ਹੋਤਿ – ਚਕ੍ਖਾਦਯੋਪਿ ਹਿ ਧਮ੍ਮਾ ਏਵ, ਏਵਂ ਸਤਿ ਧਮ੍ਮਾਯਤਨਮਿਚ੍ਚੇਵ ਅਵਤ੍ਵਾ ਕਸ੍ਮਾ ਦ੍ਵਾਦਸਾਯਤਨਾਨਿ ਵੁਤ੍ਤਾਨੀਤਿ ਚੇ? ਛਵਿਞ੍ਞਾਣਕਾਯੁਪ੍ਪਤ੍ਤਿਯਾ ਦ੍ਵਾਰਾਰਮ੍ਮਣਵਵਤ੍ਥਾਨਤੋ ਅਯਮੇਤੇਸਂ ਭੇਦੋ ਹੋਤੀਤਿ ਦ੍ਵਾਦਸ ਵੁਤ੍ਤਾਨਿ. ਚਕ੍ਖੁਵਿਞ੍ਞਾਣਵੀਥਿਪਰਿਯਾਪਨ੍ਨਸ੍ਸ ਹਿ ਵਿਞ੍ਞਾਣਕਾਯਸ੍ਸ ਚਕ੍ਖਾਯਤਨਮੇਵ ਉਪ੍ਪਤ੍ਤਿਦ੍ਵਾਰਂ, ਰੂਪਾਯਤਨਮੇਵਾਰਮ੍ਮਣਂ. ਤਥਾ ਇਤਰਾਨਿ ਇਤਰੇਸਂ. ਛਟ੍ਠਸ੍ਸ ਪਨ ਭਵਙ੍ਗਮਨਸਙ੍ਖਾਤੋ ਮਨਾਯਤਨੇਕਦੇਸੋਵ ਉਪ੍ਪਤ੍ਤਿਦ੍ਵਾਰਂ, ਅਸਾਧਾਰਣਞ੍ਚ ਧਮ੍ਮਾਯਤਨਂ ਆਰਮ੍ਮਣਨ੍ਤਿ. ਇਤਿ ਛਨ੍ਨਂ ਵਿਞ੍ਞਾਣਕਾਯਾਨਂ ਉਪ੍ਪਤ੍ਤਿਦ੍ਵਾਰਾਰਮ੍ਮਣਵਵਤ੍ਥਾਨਤੋ ਦ੍ਵਾਦਸ ਵੁਤ੍ਤਾਨੀਤਿ ਅਯਮੇਤ੍ਥ ਤਾਵਤ੍ਤਤਾ.

ਦਟ੍ਠਬ੍ਬਭੇਦਤੋਤਿ ਏਤ੍ਥ ਪਨ ਸਬ੍ਬਾਨਿ ਚੇਤਾਨਿ ਆਯਤਨਾਨਿ ਅਨਾਗਮਨਤੋ, ਅਨਿਗ੍ਗਮਨਤੋ ਚ ਦਟ੍ਠਬ੍ਬਾਨਿ. ਨ ਹਿ ਤਾਨਿ ਪੁਬ੍ਬੇ ਉਦਯਾ ਕੁਤੋਚਿ ਆਗਚ੍ਛਨ੍ਤਿ, ਨਪਿ ਉਦ੍ਧਂ ਵਯਾ ਕੁਹਿਞ੍ਚਿ ਗਚ੍ਛਨ੍ਤਿ ¶ , ਅਥ ਖੋ ਪੁਬ੍ਬੇ ਉਦਯਾ ਅਪ੍ਪਟਿਲਦ੍ਧਸਭਾਵਾਨਿ ਉਦ੍ਧਂ ਵਯਾ ਪਰਿਭਿਨ੍ਨਸਭਾਵਾਨਿ, ਪੁਬ੍ਬਨ੍ਤਾਪਰਨ੍ਤਵੇਮਜ੍ਝੇ ਪਚ੍ਚਯਾਯਤ੍ਤਵੁਤ੍ਤਿਤਾਯ ਅਵਸਾਨਿ ਪਵਤ੍ਤਨ੍ਤਿ, ਤਸ੍ਮਾ ਅਨਾਗਮਨਤੋ, ਅਨਿਗ੍ਗਮਨਤੋ ਚ ਦਟ੍ਠਬ੍ਬਾਨਿ. ਤਥਾ ਨਿਰੀਹਤੋ, ਅਬ੍ਯਾਪਾਰਤੋ ਚ. ਨ ਹਿ ਚਕ੍ਖੁਰੂਪਾਦੀਨਂ ਏਵਂ ਹੋਤਿ ¶ ‘‘ਅਹੋ ਵਤ ਅਮ੍ਹਾਕਂ ਸਾਮਗ੍ਗਿਯਂ ਵਿਞ੍ਞਾਣਂ ਨਾਮ ਉਪ੍ਪਜ੍ਜੇਯ੍ਯਾ’’ਤਿ, ਨ ਚ ਤਾਨਿ ਵਿਞ੍ਞਾਣੁਪ੍ਪਾਦਨਤ੍ਥਂ ਦ੍ਵਾਰਭਾਵੇਨ, ਵਤ੍ਥੁਭਾਵੇਨ, ਆਰਮ੍ਮਣਭਾਵੇਨ ਵਾ ਬ੍ਯਾਪਾਰਮਾਪਜ੍ਜਨ੍ਤਿ, ਅਥ ਖੋ ਧਮ੍ਮਤਾਵੇਸਾ ਯਂ ਚਕ੍ਖੁਰੂਪਾਦਿਸਾਮਗ੍ਗਿਯਂ ਚਕ੍ਖੁਵਿਞ੍ਞਾਣਾਦੀਨਿ ਸਮ੍ਭਵਨ੍ਤਿ, ਤਸ੍ਮਾ ਨਿਰੀਹਤੋ, ਅਬ੍ਯਾਪਾਰਤੋ ਚ ਦਟ੍ਠਬ੍ਬਾਨਿ. ਅਪਿਚ ਅਜ੍ਝਤ੍ਤਿਕਾਨਿ ਸੁਞ੍ਞੋ ਗਾਮੋ ਵਿਯ ਦਟ੍ਠਬ੍ਬਾਨਿ ਧੁਵਸੁਭਸੁਖਤ੍ਤਭਾਵਵਿਰਹਿਤਤ੍ਤਾ, ਬਾਹਿਰਾਨਿ ਗਾਮਘਾਤਕਚੋਰਾ ਵਿਯ. ਤਥਾ ਅਜ੍ਝਤ੍ਤਿਕਾਨਿ ਛਪਾਣਕਾ ਵਿਯ ਦਟ੍ਠਬ੍ਬਾਨਿ, ਬਾਹਿਰਾਨਿ ਤੇਸਂ ਗੋਚਰਾ ਵਿਯਾਤਿ ਅਯਮੇਤ੍ਥ ਦਟ੍ਠਬ੍ਬਭੇਦੋ. ਏਵਂ ਪਾਲ਼ਿਮੁਤ੍ਤਨਯੇਨੇਤ੍ਥ ਵਿਞ੍ਞਾਤਬ੍ਬੋ ਵਿਨਿਚ੍ਛਯੋ.

ਆਯਤਨਵਿਭਙ੍ਗਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਧਾਤੁਵਿਭਙ੍ਗਮਾਤਿਕਾਯ ਪਨ ਅਤ੍ਥਤੋ ਤਾਵ – ਅਟ੍ਠਾਰਸ ਧਾਤੁਯੋਤਿ ਏਤ੍ਥ ਵਿਦਹਤਿ, ਧੀਯਤੇ, ਵਿਧਾਨਂ, ਵਿਧੀਯਤੇ ਏਤਾਯ, ਏਤ੍ਥ ਵਾ ਧੀਯਤੀਤਿ ਧਾਤੁ. ਲੋਕਿਯਾ ਹਿ ਧਾਤੁਯੋ ਕਾਰਣਭਾਵੇਨ ਵਵਤ੍ਥਿਤਾ. ਅਨੇਕਪ੍ਪਕਾਰਂ ਸਂਸਾਰਦੁਕ੍ਖਂ ਵਿਦਹਨ੍ਤਿ ਨਿਪ੍ਫਾਦੇਨ੍ਤਿ, ਸਤ੍ਤੇਹਿ ਚ ਧੀਯਨ੍ਤੇ ਧਾਰੀਯਨ੍ਤਿ, ਦੁਕ੍ਖਵਿਧਾਨਮਤ੍ਤਮੇਵ ਚੇਤਾ, ਏਤਾਹਿ ਚ ਕਾਰਣਭੂਤਾਹਿ ਸਂਸਾਰਦੁਕ੍ਖਂ ਸਤ੍ਤੇਹਿ ਅਨੁਵਿਧੀਯਤਿ, ਯਥਾਵਿਹਿਤਞ੍ਚ ਦੁਕ੍ਖਂ ਏਤਾਸ੍ਵੇਵ ਧੀਯਤਿ ਠਪੀਯਤੀਤਿ ਏਤੇਹਿ ਅਤ੍ਥੇਹਿ ਯਥਾਸਮ੍ਭਵਂ ‘‘ਧਾਤੁਯੋ’’ਤਿ ਵੁਚ੍ਚਨ੍ਤਿ.

ਯਥਾ ¶ ਵਾ ਸਰੀਰਸਙ੍ਖਾਤਸ੍ਸ ਸਮੁਦਾਯਸ੍ਸ ਅਵਯਵਭੂਤੇਸੁ ਰਸਸੋਣਿਤਾਦੀਸੁ ਅਞ੍ਞਮਞ੍ਞਂ ਵਿਸਭਾਗਲਕ੍ਖਣਪਰਿਚ੍ਛਿਨ੍ਨੇਸੁ ਧਾਤੁਸਮਞ੍ਞਾ, ਏਵਮੇਤੇਸੁਪਿ ਪਞ੍ਚਕ੍ਖਨ੍ਧਸਙ੍ਖਾਤਸ੍ਸ ਅਤ੍ਤਭਾਵਸ੍ਸ ਚਕ੍ਖਾਦੀਸੁ ਧਾਤੁਸਮਞ੍ਞਾ ਵੇਦਿਤਬ੍ਬਾ. ਲੋਕਿਯਲੋਕੁਤ੍ਤਰਸਾਧਾਰਣਤ੍ਥਵਸੇਨ ਪਨ ਅਤ੍ਤਨੋ ਸਭਾਵਂ ਧਾਰੇਨ੍ਤੀਤਿ ਧਾਤੁਯੋ. ਨਿਜ੍ਜੀਵਮਤ੍ਤਾਨਮੇਤਂ ਅਧਿਵਚਨਂ, ਤਸ੍ਮਾ ਯਥਾਵੁਤ੍ਤੇਨਤ੍ਥੇਨ ਚਕ੍ਖੁ ਚ ਤਂ ਧਾਤੁ ਚਾਤਿ ਚਕ੍ਖੁਧਾਤੁ. ਏਵਂ ਸੇਸੇਸੁਪੀਤਿ ਅਯਂ ਤਾਵੇਤ੍ਥ ਪਦਤ੍ਥੋ.

ਧਮ੍ਮਭੇਦਤੋ ਪਨੇਤ੍ਥ ਆਯਤਨੇਸੁ ਵੁਤ੍ਤਨਯੇਨ ਵੇਦਿਤਬ੍ਬੋ. ਅਪਿਚ ਪਞ੍ਚਦ੍ਵਾਰਾਵਜ੍ਜਨਸਮ੍ਪਟਿਚ੍ਛਨਦ੍ਵਯਵਿਞ੍ਞਾਣਂ ¶ ਮਨੋਧਾਤੁ ਨਾਮ. ਪਞ੍ਚਵਿਞ੍ਞਾਣਮਨੋਧਾਤੁਵਜ੍ਜਿਤਂ ਪਨ ਸਬ੍ਬਮ੍ਪਿ ਵਿਞ੍ਞਾਣਂ ਮਨੋਵਿਞ੍ਞਾਣਧਾਤੁ ਨਾਮ. ਸੇਸਂ ਸੁਵਿਞ੍ਞੇਯ੍ਯਮੇਵ.

ਵਿਭਙ੍ਗਨਯਤੋ ਪਨੇਤ੍ਥ ਸੁਤ੍ਤਨ੍ਤਭਾਜਨੀਯੇ ਤਾਵ – ‘‘ਪਥਵੀਧਾਤੁ ਆਪੋ ਤੇਜੋ ਵਾਯੋ ਆਕਾਸਵਿਞ੍ਞਾਣਧਾਤੂ’’ਤਿ ਛ ਧਾਤੁਯੋ ਉਦ੍ਦਿਸਿਤ੍ਵਾ ਆਦਿਤੋ ਪਞ੍ਚ ਅਜ੍ਝਤ੍ਤਿਕਬਾਹਿਰਵਸੇਨ, ਪਚ੍ਛਿਮਾ ਚ ਛ ਵਿਞ੍ਞਾਣਵਸੇਨ ਵਿਭਤ੍ਤਾ, ਅਪਰਾਪਿ ‘‘ਸੁਖਧਾਤੁ ਦੁਕ੍ਖਸੋਮਨਸ੍ਸਦੋਮਨਸ੍ਸੁਪੇਕ੍ਖਾਅਵਿਜ੍ਜਾਧਾਤੂ’’ਤਿ ਛ ਧਾਤੁਯੋ ਉਦ੍ਦਿਸਿਤ੍ਵਾ ਤਥਾ ਤਥਾ ਵਿਭਤ੍ਤਾ, ਪੁਨ ਅਪਰਾਪਿ ‘‘ਕਾਮਧਾਤੁ ਬ੍ਯਾਪਾਦਵਿਹਿਂਸਾਨੇਕ੍ਖਮ੍ਮਅਬ੍ਯਾਪਾਦਅਵਿਹਿਂਸਾਧਾਤੂ’’ਤਿ ਛ ਧਾਤੁਯੋ ਉਦ੍ਦਿਸਿਤ੍ਵਾ, ਏਵਂ ਤੀਹਿ ਛਕ੍ਕੇਹਿ ਪਚ੍ਚੇਕਂ ਤੇਭੂਮਕਾ ਅਟ੍ਠਾਰਸ ਧਾਤੁਯੋ ਸਰੂਪਤੋ, ਲਕ੍ਖਣਾਹਾਰਤੋ, ਨਿਸ੍ਸਯਵਿਸਯਪਯੋਗਵਿਨਾਭਾਵਾਦਿਤੋ ਚ ਵੁਤ੍ਤਾਤਿ ਵੇਦਿਤਬ੍ਬਾਤਿ ਅਯਂ ਸੁਤ੍ਤਨ੍ਤਭਾਜਨੀਯਨਯੋ.

ਅਭਿਧਮ੍ਮਭਾਜਨੀਯੇ ਪਨ ਸਰੂਪੇਨੇਵ ਅਟ੍ਠਾਰਸ ਧਾਤੁਯੋ ਉਦ੍ਦਿਸਿਤ੍ਵਾ ਪਸਾਦਵਿਸਯਧਾਤੁਯੋ ਆਯਤਨੇ ਵੁਤ੍ਤਨਯੇਨ ਵਿਭਤ੍ਤਾ, ਸਤ੍ਤ ਵਿਞ੍ਞਾਣਧਾਤੁਯੋ ਪਨ –

‘‘ਤਤ੍ਥ ਕਤਮਾ ਚਕ੍ਖੁਵਿਞ੍ਞਾਣਧਾਤੁ? ਚਕ੍ਖੁਞ੍ਚ ਪਟਿਚ੍ਚ ਰੂਪੇ ਚ ਉਪ੍ਪਜ੍ਜਤਿ ਚਿਤ੍ਤਂ…ਪੇ… ਚਕ੍ਖੁਵਿਞ੍ਞਾਣਧਾਤੁ. ਅਯਂ ਵੁਚ੍ਚਤਿ ਚਕ੍ਖੁਵਿਞ੍ਞਾਣਧਾਤੁ…ਪੇ… ਕਾਯਵਿਞ੍ਞਾਣਧਾਤੁ.

‘‘ਤਤ੍ਥ ¶ ਕਤਮਾ ਮਨੋਧਾਤੁ? ਚਕ੍ਖੁਵਿਞ੍ਞਾਣਧਾਤੁਯਾ…ਪੇ… ਕਾਯਵਿਞ੍ਞਾਣਧਾਤੁਯਾ…ਪੇ… ਨਿਰੁਦ੍ਧਸਮਨਨ੍ਤਰਾ ਉਪ੍ਪਜ੍ਜਤਿ ਚਿਤ੍ਤਂ…ਪੇ… ਸਬ੍ਬਧਮ੍ਮੇਸੁ ਵਾ ਪਨ ਪਠਮਸਮਨ੍ਨਾਹਾਰੋ ਉਪ੍ਪਜ੍ਜਤਿ ਚਿਤ੍ਤਂ…ਪੇ… ਅਯਂ ਵੁਚ੍ਚਤਿ ਮਨੋਧਾਤੁ.

‘‘ਤਤ੍ਥ ਕਤਮਾ ਧਮ੍ਮਧਾਤੁ? ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ, ਯਞ੍ਚ ਰੂਪਂ ਅਨਿਦਸ੍ਸਨਂ ਅਪ੍ਪਟਿਘਂ ਧਮ੍ਮਾਯਤਨਪਰਿਯਾਪਨ੍ਨਂ, ਅਸਙ੍ਖਤਾ ਚ ਧਾਤੁ…ਪੇ… ਅਯਂ ਵੁਚ੍ਚਤਿ ਧਮ੍ਮਧਾਤੁ.

‘‘ਤਤ੍ਥ ਕਤਮਾ ਮਨੋਵਿਞ੍ਞਾਣਧਾਤੁ…ਪੇ… ਮਨੋਧਾਤੁਯਾਪਿ ਉਪ੍ਪਜ੍ਜਿਤ੍ਵਾ ਨਿਰੁਦ੍ਧਸਮਨਨ੍ਤਰਾ ¶ ਉਪ੍ਪਜ੍ਜਤਿ ਚਿਤ੍ਤਂ…ਪੇ… ਮਨਞ੍ਚ ਪਟਿਚ੍ਚ ਧਮ੍ਮੇ ਚ ਉਪ੍ਪਜ੍ਜਤਿ ਚਿਤ੍ਤਂ…ਪੇ… ਅਯਂ ਵੁਚ੍ਚਤਿ ਮਨੋਵਿਞ੍ਞਾਣਧਾਤੂ’’ਤਿ (ਵਿਭ. ੧੮੪) –

ਏਵਂ ਵਿਭਤ੍ਤਾ. ਤਤ੍ਥ ਸਬ੍ਬਧਮ੍ਮੇਸੁ ਵਾ ਪਨ ਪਠਮਸਮਨ੍ਨਾਹਾਰੋਤਿ ਏਤ੍ਥ ਪਞ੍ਚਵਿਞ੍ਞਾਣਵਿਸਯੇਸੁ ਸਬ੍ਬਧਮ੍ਮੇਸੂਤਿ ਏਵਂ ਅਤ੍ਥੋ ਗਹੇਤਬ੍ਬੋ. ਮਨੋਧਾਤੁਯਾਪਿ ਉਪ੍ਪਜ੍ਜਿਤ੍ਵਾ ਨਿਰੁਦ੍ਧਸਮਨਨ੍ਤਰਾਤਿ ਏਤ੍ਥ ਪਨ ਪਿ-ਕਾਰੋ ਸਮ੍ਪਿਣ੍ਡਨਤ੍ਥੋ, ਤਸ੍ਮਾ ਮਨੋਧਾਤੁਯਾਪਿ ਸਨ੍ਤੀਰਣਵੋਟ੍ਠਬ੍ਬਨਾਦਿਮਨੋਵਿਞ੍ਞਾਣਧਾਤੁਯਾਪੀਤਿ ਏਵਮਤ੍ਥੋ ਗਹੇਤਬ੍ਬੋ. ਮਨਞ੍ਚ ਪਟਿਚ੍ਚਾਤਿਆਦੀਸੁ ਮਨੋਦ੍ਵਾਰੇ ਭਵਙ੍ਗਮਨਞ੍ਚੇਵ ਚਤੁਭੂਮਕਧਮ੍ਮਾਰਮ੍ਮਣਞ੍ਚ ਪਟਿਚ੍ਚ ਸਹਾਵਜ੍ਜਨਕਜਵਨਂ ਨਿਬ੍ਬਤ੍ਤਤੀਤਿ ਅਤ੍ਥੋ. ਅਯਂ ਅਭਿਧਮ੍ਮਭਾਜਨੀਯਨਯੋ.

ਪਞ੍ਹਾਪੁਚ੍ਛਕਨਯੇ ਪਨ ਅਟ੍ਠਾਰਸਨ੍ਨਂ ਧਾਤੂਨਂ ਕਤਿ ਕੁਸਲਾ…ਪੇ… ਕਤਿ ਅਰਣਾਤਿ? ਸੋਲ਼ਸ ਧਾਤੁਯੋ ਅਬ੍ਯਾਕਤਾ, ਦ੍ਵੇ ਧਾਤੁਯੋ ਤਿਧਾਪਿ ਹੋਨ੍ਤਿ…ਪੇ… ਦਸ ਧਾਤੁਯੋ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ, ਪਞ੍ਚ ਧਾਤੁਯੋ ਵਿਪਾਕਾ, ਮਨੋਧਾਤੁ ਸਿਯਾ ਵਿਪਾਕਾ, ਸਿਯਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ, ਦ੍ਵੇ ਧਾਤੁਯੋ ਤਿਧਾਪਿ ¶ ਹੋਨ੍ਤਿ. ਦਸ ਧਾਤੁਯੋ ਉਪਾਦਿਨ੍ਨੁਪਾਦਾਨਿਯਾ, ਸਦ੍ਦਧਾਤੁਯੋ ਅਨੁਪਾਦਿਨ੍ਨੁਪਾਦਾਨਿਯਾ, ਪਞ੍ਚ ਧਾਤੁਯੋ ਸਿਯਾ ਉਪਾਦਿਨ੍ਨੁਪਾਦਾਨਿਯਾ, ਸਿਯਾ ਅਨੁਪਾਦਿਨ੍ਨੁਪਾਦਾਨਿਯਾ, ਦ੍ਵੇ ਧਾਤੁਯੋ ਤਿਧਾਪਿ…ਪੇ… ਦਸ ਧਾਤੁਯੋ ਸਿਯਾ ਉਪ੍ਪਨ੍ਨਾ, ਸਿਯਾ ਉਪ੍ਪਾਦਿਨੋ, ਸਦ੍ਦਧਾਤੁ ਸਿਯਾ ਉਪ੍ਪਨ੍ਨਾ, ਸਿਯਾ ਅਨੁਪ੍ਪਨ੍ਨਾ, ਸਿਯਾ ਨ ਵਤ੍ਤਬ੍ਬਾ ਉਪ੍ਪਾਦਿਨੋਤਿ, ਛ ਧਾਤੁਯੋ ਤਿਧਾਪਿ. ਧਮ੍ਮਧਾਤੁ ਤਿਧਾਵ…ਪੇ… ਰੂਪਧਾਤੁ ਸਨਿਦਸ੍ਸਨਸਪ੍ਪਟਿਘਾ, ਨਵ ਧਾਤੁਯੋ ਅਨਿਦਸ੍ਸਨਸਪ੍ਪਟਿਘਾ, ਅਟ੍ਠ ਧਾਤੁਯੋ ਅਨਿਦਸ੍ਸਨਅਪ੍ਪਟਿਘਾ. ਸਤ੍ਤਰਸ ਧਾਤੁਯੋ ਨ ਹੇਤੂ, ਧਮ੍ਮਧਾਤੁ ਦ੍ਵਿਧਾਵ…ਪੇ… ਸੋਲ਼ਸ ਧਾਤੁਯੋ ਅਰਣਾ, ਦ੍ਵੇ ਧਾਤੁਯੋ ਦ੍ਵਿਧਾਪੀਤਿ ਅਯਂ ਪਞ੍ਹਾਪੁਚ੍ਛਕਨਯੋ.

ਕਮਤਾਵਤ੍ਤਤੋ ਦਟ੍ਠਬ੍ਬਾ, ਪਚ੍ਚਯਾਨਂ ਵਿਭਾਗਤੋ;

ਧਾਤੂਨਮਿਧ ਵਿਞ੍ਞੇਯ੍ਯੋ, ਪਾਲ਼ਿਮੁਤ੍ਤਵਿਨਿਚ੍ਛਯੋ.

ਤਤ੍ਥ ਕਮਤੋ ਤਾਵ ਇਧਾਪਿ ਦੇਸਨਾਕ੍ਕਮੋਵ ਯੁਜ੍ਜਤਿ. ਸੋ ਚ ਪਨਾਯਂ ਹੇਤੁਫਲਾਨੁਪੁਬ੍ਬਵਵਤ੍ਥਾਨਵਸੇਨ ¶ ਵੁਤ੍ਤੋ. ਚਕ੍ਖੁਧਾਤੁ ਰੂਪਧਾਤੂਤਿ ਇਦਂ ਹਿ ਦ੍ਵਯਂ ਹੇਤੁ, ਚਕ੍ਖੁਵਿਞ੍ਞਾਣਧਾਤੂਤਿ ਇਦਂ ਫਲਂ. ਏਵਂ ਸਬ੍ਬਤ੍ਥ. ਅਯਂ ਤਾਵੇਤ੍ਥ ਕਮੋ.

ਤਾਵਤ੍ਤਤੋ ਪਨ ਯਾ ਇਧ ਸੁਤ੍ਤਨ੍ਤਭਾਜਨੀਯੇ ਤੀਹਿ ਛਕ੍ਕੇਹਿ ਵੁਤ੍ਤਾ ਧਾਤੁਯੋ ਚੇਵ, ਤੇਸੁ ਤੇਸੁ ਸੁਤ੍ਤਾਭਿਧਮ੍ਮਪਦੇਸੇਸੁ ‘‘ਆਭਾਧਾਤੁ…ਪੇ… ਅਨੇਕਧਾਤੁਨਾਨਾਧਾਤੁਲੋਕੋ’’ਤਿਆਦਿਨਾ ਆਗਤਾ ਚਾਤਿ ਅਞ੍ਞਾਪਿ ਬਹੁਧਾਤੁਯੋ ਦਿਸ੍ਸਨ੍ਤਿ, ਤਾਸਮ੍ਪਿ ਵਸੇਨ ਪਰਿਚ੍ਛੇਦਂ ਅਵਤ੍ਵਾ ਕਸ੍ਮਾ ਅਟ੍ਠਾਰਸੇਵ ਵੁਤ੍ਤਾਤਿ? ਤਾਸਮ੍ਪਿ ਤਦਨ੍ਤੋਗਧਤ੍ਤਾ.

ਅਪਿਚ ਵਿਜਾਨਨਸਭਾਵੇ ਵਿਞ੍ਞਾਣੇ ਜੀਵਸਞ੍ਞੀਨਂ ਤਸ੍ਸਾ ਚਕ੍ਖੁਵਿਞ੍ਞਾਣਾਦਿਭੇਦੇਨ ਅਨੇਕਤਂ, ਚਕ੍ਖੁਰੂਪਾਦਿਪਚ੍ਚਯਾਯਤ੍ਤਵੁਤ੍ਤਿਤਾਯ ਅਨਿਚ੍ਚਤਞ੍ਚ ਪਕਾਸੇਤ੍ਵਾ ਤਸ੍ਮਿਂ ਦੀਘਰਤ੍ਤਾਨੁਸਯਿਤਜੀਵਸਞ੍ਞਾਸਮੂਹਨਨਤ੍ਥਞ੍ਚ ਅਟ੍ਠਾਰਸੇਵ ਵੁਤ੍ਤਾ. ਕਿਞ੍ਚ ਭਿਯ੍ਯੋ ¶ – ਵੇਨੇਯ੍ਯਜ੍ਝਾਸਯਵਸੇਨ ਚ. ਵੇਨੇਯ੍ਯਾ ਹਿ ਅਰੂਪਮੂਲ਼੍ਹੋ ਰੂਪਮੂਲ਼੍ਹੋ ਉਭਯਮੂਲ਼੍ਹੋਤਿ ਤਿਵਿਧਾ ਹੋਨ੍ਤਿ. ਤੇਸਂ ਤਿਣ੍ਣਮ੍ਪਿ ਯਥਾਕ੍ਕਮਂ ਨਾਤਿਸਙ੍ਖੇਪਵਿਤ੍ਥਾਰਤੋ ਅਰੂਪਭੇਦਵਿਭਾਵਿਨੀ ਖਨ੍ਧਦੇਸਨਾ, ਰੂਪਭੇਦਵਿਭਾਵਿਨੀ ਆਯਤਨਦੇਸਨਾ, ਤਦੁਭਯਭੇਦਵਿਭਾਵਿਨੀ ਧਾਤੁਦੇਸਨਾ ਸਪ੍ਪਾਯਾਤਿ ਵੇਨੇਯ੍ਯਜ੍ਝਾਸਯਵਸੇਨ ਅਟ੍ਠਾਰਸੇਵ ਵੁਤ੍ਤਾਤਿ. ਵੁਤ੍ਤਞ੍ਚ –

‘‘ਸਙ੍ਖੇਪਵਿਤ੍ਥਾਰਨਯੇਨ ਤਥਾ ਤਥਾ ਹਿ,

ਵੇਨੇਯ੍ਯਸਤ੍ਤਹਦਯੇਸੁ ਤਮੋ ਪਯਾਤੀ’’ਤਿ. (ਵਿਭ. ਅਟ੍ਠ. ੧੮੩);

ਦਟ੍ਠਬ੍ਬਤੋ ਪਨੇਤਾ ਸਬ੍ਬਾਪਿ ਸਙ੍ਖਤਾ ਧਾਤੁਯੋ ਪੁਬ੍ਬਨ੍ਤਾਪਰਨ੍ਤਵਿਵਿਤ੍ਤਤੋ, ਧੁਵਸੁਭਸੁਖਤ੍ਤਭਾਵਸੁਞ੍ਞਤੋ, ਪਚ੍ਚਯਾਯਤ੍ਤਵੁਤ੍ਤਿਤੋ ਚ ਦਟ੍ਠਬ੍ਬਾ. ਵਿਸੇਸਤੋ ਪਨੇਤ੍ਥ ਭੇਰਿਤਲਂ ਵਿਯ ਚਕ੍ਖੁਧਾਤੁ ਦਟ੍ਠਬ੍ਬਾ, ਦਣ੍ਡੋ ਵਿਯ ਰੂਪਧਾਤੁ, ਸਦ੍ਦੋ ਵਿਯ ਚਕ੍ਖੁਵਿਞ੍ਞਾਣਧਾਤੁ. ਤਥਾ ਤਿਸ੍ਸੋਪਿ ਚੇਤਾ ਯਥਾਕ੍ਕਮਂ ਆਦਾਸਤਲਮੁਖਮੁਖਨਿਮਿਤ੍ਤਾਨਿ ਵਿਯ. ਤਥਾ ਤਿਲਯਨ੍ਤਚਕ੍ਕਤੇਲਾਨਿ ਵਿਯ, ਅਧਰਾਰਣੀਉਤ੍ਤਰਾਰਣੀਅਗ੍ਗੀ ਵਿਯ ਚ ਦਟ੍ਠਬ੍ਬਾ. ਏਸ ਨਯੋ ਸੋਤਧਾਤੁਆਦੀਸੁਪਿ. ਮਨੋਧਾਤੁ ਪਨ ਯਥਾਸਮ੍ਭਵਤੋ ਚਕ੍ਖੁਵਿਞ੍ਞਾਣਧਾਤੁਆਦੀਨਂ ਪੁਰੇਚਰਾਨੁਚਰਾ ਵਿਯ ਦਟ੍ਠਬ੍ਬਾ. ਧਮ੍ਮਧਾਤੁਯਂ ਪਨ ਵੇਦਨਾ ਸਲ੍ਲਸੂਲਮਿਵ ¶ , ਸਞ੍ਞਾ ਰਿਤ੍ਤਮੁਟ੍ਠਿ ਵਿਯ, ਸਙ੍ਖਾਰਾ ਵਿਸਰੁਕ੍ਖਮਿਵ, ਸੁਖੁਮਰੂਪਂ ਖੁਰਚਕ੍ਕਂ ਵਿਯ, ਅਸਙ੍ਖਤਾ ਧਾਤੁ ਖੇਮਨ੍ਤਭੂਮਿ ਵਿਯ ਚ ਦਟ੍ਠਬ੍ਬਾ, ਮਨੋਵਿਞ੍ਞਾਣਧਾਤੁ ਪਨ ਮਕ੍ਕਟੋ ਵਿਯ, ਅਸ੍ਸਖਲ਼ੁਙ੍ਕੋ ਵਿਯ, ਯਤ੍ਥਕਾਮਨਿਪਾਤਿਤੋ ਵੇਹਾਸਕ੍ਖਿਤ੍ਤਦਣ੍ਡੋ ਵਿਯ, ਰਙ੍ਗਨਟੋ ਵਿਯ ਚ ਦਟ੍ਠਬ੍ਬਾ. ਅਯਮੇਤ੍ਥ ਦਟ੍ਠਬ੍ਬਤਾ.

ਪਚ੍ਚਯਾਨਂ ¶ ਵਿਭਾਗਤੋ ਪਨੇਤ੍ਥ ਚਕ੍ਖੁਵਿਞ੍ਞਾਣਧਾਤੁਯਾ ਚਕ੍ਖੁ ਨਿਸ੍ਸਯਪਚ੍ਚਯੋ, ਰੂਪਂ ਆਰਮ੍ਮਣਪਚ੍ਚਯੋ, ਕਿਰਿਯਾਮਨੋਧਾਤੁ ਅਨਨ੍ਤਰਪਚ੍ਚਯੋ, ਤਯੋ ਅਰੂਪਿਨੋ ਖਨ੍ਧਾ ਸਹਜਾਤਪਚ੍ਚਯੋ. ਏਵਂ ਸੋਤਵਿਞ੍ਞਾਣਾਦੀਸੁਪਿ. ਮਨੋਵਿਞ੍ਞਾਣਧਾਤੁਯਾ ਪਨ ਮਨੋਧਾਤੁ ਅਨਨ੍ਤਰਪਚ੍ਚਯੋ, ਧਮ੍ਮਧਾਤੁ ਆਰਮ੍ਮਣਪਚ੍ਚਯੋ, ਸਮ੍ਪਯੁਤ੍ਤਨਿਸ੍ਸਯਸਹਜਾਤਾਦਿਪਚ੍ਚਯੋਤਿ ਅਯਂ ਪਚ੍ਚਯਵਿਭਾਗੋ. ਏਵਂ ਵਿਞ੍ਞੇਯ੍ਯੋ ਪਾਲ਼ਿਮੁਤ੍ਤਵਿਨਿਚ੍ਛਯੋ.

ਧਾਤੁਵਿਭਙ੍ਗਮਾਤਿਕਤ੍ਥਵਣ੍ਣਨਾ ਨਿਟ੍ਠਿਤਾ.

ਸਚ੍ਚਵਿਭਙ੍ਗਮਾਤਿਕਾਯ ਪਨ ਅਤ੍ਥਤੋ ਤਾਵ – ਚਤ੍ਤਾਰਿ ਅਰਿਯਸਚ੍ਚਾਨੀਤਿ ਏਤ੍ਥਾਯਂ ਸਚ੍ਚ-ਸਦ੍ਦੋ ਅਨੇਕੇਸੁ ਅਤ੍ਥੇਸੁ ਦਿਸ੍ਸਤਿ. ਸੇਯ੍ਯਥਿਦਂ – ‘‘ਸਚ੍ਚਂ ਭਣੇ ਨ ਕੁਜ੍ਝੇਯ੍ਯਾ’’ਤਿਆਦੀਸੁ (ਧ. ਪ. ੨੨੪) ਵਾਚਾਸਚ੍ਚੇ. ‘‘ਸਚ੍ਚੇ ਠਿਤਾ ਸਮਣਬ੍ਰਾਹ੍ਮਣਾ’’ਤਿਆਦੀਸੁ (ਜਾ. ੨.੨੧.੪੩੩) ਵਿਰਤਿਸਚ੍ਚੇ. ‘‘ਕਸ੍ਮਾ ਨੁ ਸਚ੍ਚਾਨਿ ਵਦਨ੍ਤਿ ਨਾਨਾ, ਪਵਾਦਿਯਾਸੇ ਕੁਸਲਾਵਦਾਨਾ’’ਤਿਆਦੀਸੁ (ਸੁ. ਨਿ. ੮੯੧) ਦਿਟ੍ਠਿਸਚ੍ਚੇ. ‘‘ਏਕਂ ਹਿ ਸਚ੍ਚਂ, ਨ ਦੁਤਿਯਮਤ੍ਥੀ’’ਤਿਆਦੀਸੁ (ਸੁ. ਨਿ. ੮੯੦) ਪਰਮਤ੍ਥਸਚ੍ਚੇ, ਨਿਬ੍ਬਾਨੇ ਚੇਵ ਮਗ੍ਗੇ ਚ. ‘‘ਚਤੁਨ੍ਨਂ ਅਰਿਯਸਚ੍ਚਾਨਂ ਕਤਿ ਕੁਸਲਾ’’ਤਿਆਦੀਸੁ (ਵਿਭ. ੨੧੬) ਅਰਿਯਸਚ੍ਚੇ. ਸ੍ਵਾਯਮਿਧਾਪਿ ਅਰਿਯਸਚ੍ਚੇ ਵਤ੍ਤਤਿ. ਕੇਨਟ੍ਠੇਨ ਸਚ੍ਚਾਨਿ? ਤਥਟ੍ਠੇਨ. ਕੋਯਂ ਤਥਟ੍ਠੋ ਨਾਮ? ਯੋ ਪਞ੍ਞਾਚਕ੍ਖੁਨਾ ਉਪਪਰਿਕ੍ਖਮਾਨਾਨਂ ਮਾਯਾਵ ਵਿਪਰੀਤੋ, ਮਰੀਚੀਵ ਵਿਸਂਵਾਦਕੋ, ਤਿਤ੍ਥਿਯਾਨਂ ਅਤ੍ਥਾ ਵਿਯ ਅਨੁਪਲਬ੍ਭਮਾਨਸਭਾਵੋ ਚ ਨ ਹੋਤਿ, ਅਥ ਖੋ ਬਾਧਨਪ੍ਪਭਵਸਨ੍ਤਿਨਿਯ੍ਯਾਨਭੂਤੇਨ ਤਚ੍ਛਾਵਿਪਰੀਤਭੂਤਭਾਵੇਨ ਅਰਿਯਞਾਣਸ੍ਸ ਗੋਚਰੋ ਹੋਤਿ. ਅਯਂ ਤਥਟ੍ਠੋ ਸਚ੍ਚਟ੍ਠੋਤਿ ਵੇਦਿਤਬ੍ਬੋ. ਵੁਤ੍ਤਞ੍ਚ –

‘‘ਇਤਿ ¶ ¶ ਤਚ੍ਛਾਵਿਪਲ੍ਲਾਸਭੂਤਭਾਵਂ ਚਤੂਸੁਪਿ;

ਦੁਕ੍ਖਾਦੀਸ੍ਵਵਿਸੇਸੇਨ, ਸਚ੍ਚਟ੍ਠਂ ਆਹੁ ਪਣ੍ਡਿਤਾ’’ਤਿ (ਵਿਭ. ਅਟ੍ਠ. ੧੮੯; ਸਾਰਤ੍ਥ. ਟੀ. ਮਹਾਵਗ੍ਗ ੩.੧੪).

ਅਰਿਯਾਨਿ ਚ ਤਾਨਿ ਸਚ੍ਚਾਨਿ ਚਾਤਿ ਅਰਿਯਸਚ੍ਚਾਨਿ. ਅਰਿਯਾਨੀਤਿ ਉਤ੍ਤਮਾਨਿ, ਅਵਿਸਂਵਾਦਕਾਨੀਤਿ ਅਤ੍ਥੋ. ਅਰਿਯੇਹਿ ਬੁਦ੍ਧਾਦੀਹਿ ਪਟਿਵਿਜ੍ਝਿਤਬ੍ਬਾਨਿ ਸਚ੍ਚਾਨਿ, ਅਰਿਯਸ੍ਸ ਵਾ ਸਮ੍ਮਾਸਮ੍ਬੁਦ੍ਧਸ੍ਸ ਸਨ੍ਤਕਾਨਿ ਸਚ੍ਚਾਨਿ ਤੇਨ ਉਪ੍ਪਾਦਿਤਤ੍ਤਾ, ਪਕਾਸਿਤਤ੍ਤਾ ਚ, ਅਰਿਯਭਾਵਕਰਾਨਿ ਵਾ ਸਚ੍ਚਾਨਿ ਤੇਸਂ ਅਭਿਸਮ੍ਬੁਦ੍ਧਤ੍ਤਾ ਅਰਿਯਭਾਵਸਿਦ੍ਧਿਤੋਤਿ ਅਰਿਯਸਚ੍ਚਾਨਿ. ‘‘ਦੁਕ੍ਖਂ ਅਰਿਯਸਚ੍ਚ’’ਨ੍ਤਿਆਦੀਸੁ ਪਨ ਦੁ-ਇਤਿ ਅਯਂ ਸਦ੍ਦੋ ਕੁਚ੍ਛਿਤੇ ਦਿਸ੍ਸਤਿ. ਕੁਚ੍ਛਿਤਂ ਹਿ ਪੁਤ੍ਤਂ ‘‘ਦੁਪੁਤ੍ਤੋ’’ਤਿ ਵਦਨ੍ਤਿ. ਖਂ-ਸਦ੍ਦੋ ਪਨ ਤੁਚ੍ਛੇ. ਤੁਚ੍ਛਂ ਹਿ ਆਕਾਸਂ ‘‘ਖ’’ਨ੍ਤਿ ਵੁਚ੍ਚਤਿ. ਇਦਞ੍ਚ ਪਠਮਸਚ੍ਚਂ ਕੁਚ੍ਛਿਤਂ ਅਨੇਕੋਪਦ੍ਦਵਾਧਿਟ੍ਠਾਨਤੋ, ਤੁਚ੍ਛਂ ਬਾਲਜਨਪਰਿਕਪ੍ਪਿਤਧੁਵਸੁਭਸੁਖਤ੍ਤਭਾਵਵਿਰਹਿਤਤੋ, ਤਸ੍ਮਾ ਕੁਚ੍ਛਿਤਤ੍ਤਾ, ਤੁਚ੍ਛਤ੍ਤਾ ਚ ‘‘ਦੁਕ੍ਖ’’ਨ੍ਤਿ ਵੁਚ੍ਚਤਿ. ਸਂ-ਇਤਿ ਚ ਅਯਂ ਸਦ੍ਦੋ ‘‘ਸਮਾਗਮੋ, ਸਮੇਤ’’ਨ੍ਤਿਆਦੀਸੁ ਸਂਯੋਗਂ ਦੀਪੇਤਿ. ਉ-ਇਤਿ ਅਯਂ ਸਦ੍ਦੋ ‘‘ਉਪ੍ਪਨ੍ਨਂ ਉਦਿਤ’’ਨ੍ਤਿਆਦੀਸੁ ਉਪ੍ਪਤ੍ਤਿਂ. ਅਯ-ਸਦ੍ਦੋ ਪਨ ਕਾਰਣਂ ਦੀਪੇਤਿ. ਇਦਞ੍ਚ ਦੁਤਿਯਸਚ੍ਚਂ ਅਵਸੇਸਪਚ੍ਚਯਸਮਾਯੋਗੇ ਸਤਿ ਦੁਕ੍ਖਸ੍ਸੁਪ੍ਪਤ੍ਤਿਕਾਰਣਨ੍ਤਿ ‘‘ਦੁਕ੍ਖਸਮੁਦਯੋ’’ਤਿ ਵੁਚ੍ਚਤਿ.

ਤਤਿਯਸਚ੍ਚਂ ਪਨ ਯਸ੍ਮਾ ਨਿ-ਸਦ੍ਦੋ ਅਭਾਵਂ, ਰੋਧ-ਸਦ੍ਦੋ ਚਾਰਕਂ ਦੀਪੇਤਿ, ਤਸ੍ਮਾ ਅਭਾਵੋ ਏਤ੍ਥ, ਏਤਸ੍ਮਿਂ ਵਾ ਅਧਿਗਤੇ ਸਂਸਾਰਚਾਰਕਸਙ੍ਖਾਤਸ੍ਸ ਦੁਕ੍ਖਨਿਰੋਧਸ੍ਸ ਸਬ੍ਬਗਤਿਸੁਞ੍ਞਤ੍ਤਾ, ਤਪ੍ਪਟਿਪਕ੍ਖਤ੍ਤਾ ਚਾਤਿ ‘‘ਦੁਕ੍ਖਨਿਰੋਧ’’ਨ੍ਤਿ ਵੁਚ੍ਚਤਿ, ਦੁਕ੍ਖਸ੍ਸ ਵਾ ਅਨੁਪ੍ਪਾਦਨਿਰੋਧਪਚ੍ਚਯਤ੍ਤਾ. ਚਤੁਤ੍ਥਂ ਪਨ ਯਸ੍ਮਾ ਏਤਂ ਦੁਕ੍ਖਨਿਰੋਧਂ ਗਚ੍ਛਤਿ, ਸਤ੍ਤਂ ਵਾ ਤਂ ਗਮਯਤਿ ਆਰਮ੍ਮਣਵਸੇਨ ਤਦਭਿਮੁਖਤ੍ਤਾ, ਪਟਿਪਦਾ ਚ ਹੋਤਿ ਦੁਕ੍ਖਨਿਰੋਧਪ੍ਪਤ੍ਤਿਯਾ, ਤਸ੍ਮਾ ‘‘ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’’ਤਿ ਵੁਚ੍ਚਤਿ.

ਅਪਿਚ ¶ ਦੁਕ੍ਖਾਦੀਨਂ ਚਤ੍ਤਾਰੋ ਚਤ੍ਤਾਰੋ ਅਤ੍ਥਾ ਵਿਭਤ੍ਤਾ ਤਥਾ ਅਵਿਤਥਾ ਅਨਞ੍ਞਥਾ, ਯੇ ਦੁਕ੍ਖਾਦੀਨਿ ਅਭਿਸਮੇਨ੍ਤੇਹਿ ਅਭਿਸਮੇਤਬ੍ਬਾ. ਯਥਾਹ –

‘‘ਦੁਕ੍ਖਸ੍ਸ ਪੀਲ਼ਨਟ੍ਠੋ ਸਙ੍ਖਤਟ੍ਠੋ ਸਨ੍ਤਾਪਟ੍ਠੋ ਵਿਪਰਿਣਾਮਟ੍ਠੋ, ਇਮੇ ਚਤ੍ਤਾਰੋ ਦੁਕ੍ਖਸ੍ਸ ਦੁਕ੍ਖਟ੍ਠਾ ਤਥਾ ਅਵਿਤਥਾ ਅਨਞ੍ਞਥਾ. ਸਮੁਦਯਸ੍ਸ ਆਯੂਹਨਟ੍ਠੋ ਨਿਦਾਨਟ੍ਠੋ ਸਂਯੋਗਟ੍ਠੋ ਪਲਿਬੋਧਟ੍ਠੋ ¶ …ਪੇ… ਨਿਰੋਧਸ੍ਸ ਨਿਸ੍ਸਰਣਟ੍ਠੋ ਵਿਵੇਕਟ੍ਠੋ ਅਸਙ੍ਖਤਟ੍ਠੋ ਅਮਤਟ੍ਠੋ…ਪੇ… ਮਗ੍ਗਸ੍ਸ ਨਿਯ੍ਯਾਨਟ੍ਠੋ ਹੇਤ੍ਵਟ੍ਠੋ ਦਸ੍ਸਨਟ੍ਠੋ ਆਧਿਪਤੇਯ੍ਯਟ੍ਠੋ…ਪੇ… ਅਨਞ੍ਞਥਾ’’ਤਿ (ਪਟਿ. ਮ. ੨.੮).

ਏਵਂ ਵਿਭਤ੍ਤਾਨਂ ਚਤੁਨ੍ਨਂ ਚਤੁਨ੍ਨਂ ਅਤ੍ਥਾਨਂ ਵਸੇਨ ਦੁਕ੍ਖਾਦੀਨਿ ਵੇਦਿਤਬ੍ਬਾਨਿ. ਅਯਂ ਤਾਵੇਤ੍ਥ ਪਦਤ੍ਥੋ.

ਧਮ੍ਮਭੇਦਤੋ ਪਨ ਤਣ੍ਹਾਵਜ੍ਜਿਤਾ ਸਬ੍ਬਲੋਕਿਯਧਮ੍ਮਾ, ਸਂਕਿਲੇਸਿਕਵਜ੍ਜਿਤਾ ਵਾ ਦੁਕ੍ਖਸਚ੍ਚਂ ਨਾਮ, ਤਣ੍ਹਾ ਪਨ ਸਬ੍ਬਾ ਅਕੁਸਲਾ ਵਾ ਲੋਕਿਯਕੁਸਲਾ ਵਾ ਧਮ੍ਮਾ ਸਮੁਦਯਸਚ੍ਚਂ ਨਾਮ, ਨਿਬ੍ਬਾਨਂ ਨਿਰੋਧਸਚ੍ਚਂ ਨਾਮ, ਲੋਕੁਤ੍ਤਰਕੁਸਲਚਿਤ੍ਤਸਮ੍ਪਯੁਤ੍ਤਾਨਿ ਅਟ੍ਠਮਗ੍ਗਙ੍ਗਾਨਿ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚਂ ਨਾਮ. ਇਮੇਹਿ ਪਨ ਮਗ੍ਗਙ੍ਗੇਹਿ ਸਮ੍ਪਯੁਤ੍ਤਾ ਚਿਤ੍ਤਚੇਤਸਿਕਾ ਧਮ੍ਮਾ ਚੇਵ ਸਾਮਞ੍ਞਫਲਾਨਿ ਚੇਤ੍ਥ ਅਸਙ੍ਗਹਿਤਾਨੀਤਿ ਵੇਦਿਤਬ੍ਬਾਨਿ. ਤਾਨਿ ਹਿ ‘‘ਯਦਨਿਚ੍ਚਂ ਤਂ ਦੁਕ੍ਖ’’ਨ੍ਤਿ (ਸਂ. ਨਿ. ੩.੧੫) ਵਚਨਤੋ ਸਙ੍ਖਾਰਦੁਕ੍ਖਸਙ੍ਗਹਿਤਾਨਿਪਿ. ਯਾਯ ਪਰਿਞ੍ਞਾਯ ਭਗਵਤਿ ਬ੍ਰਹ੍ਮਚਰਿਯਂ ਵੁਸ੍ਸਤਿ ਤਥਤ੍ਤੇਨ ਨ ਹੋਨ੍ਤਿ, ਦੁਕ੍ਖਂ ਅਰਿਯਸਚ੍ਚਨ੍ਤਿ ਨ ਵੁਚ੍ਚਨ੍ਤਿ, ਤਾਨਿ ਠਪੇਤ੍ਵਾ ਸਬ੍ਬੇ ਲੋਕਿਯਲੋਕੁਤ੍ਤਰਧਮ੍ਮਾ ਸਙ੍ਗਹਿਤਾਤਿ ਦਟ੍ਠਬ੍ਬਾ. ਅਯਂ ਧਮ੍ਮਭੇਦੋ.

ਵਿਭਙ੍ਗਨਯਤੋ ਪਨੇਤ੍ਥ ਸੁਤ੍ਤਨ੍ਤਭਾਜਨੀਯੇ ਦੁਕ੍ਖਸਚ੍ਚਂ ਤਾਵ –

‘‘ਤਤ੍ਥ ¶ ਕਤਮਂ ਦੁਕ੍ਖਂ ਅਰਿਯਸਚ੍ਚਂ? ਜਾਤਿਪਿ ਦੁਕ੍ਖਾ, ਜਰਾਪਿ ਦੁਕ੍ਖਾ, ਮਰਣਮ੍ਪਿ ਦੁਕ੍ਖਂ, ਸੋਕਪਰਿਦੇਵਦੁਕ੍ਖਦੋਮਨਸ੍ਸੁਪਾਯਾਸਾਪਿ ਦੁਕ੍ਖਾ, ਅਪ੍ਪਿਯੇਹਿ ਸਮ੍ਪਯੋਗੋ ਦੁਕ੍ਖੋ, ਪਿਯੇਹਿ ਵਿਪ੍ਪਯੋਗੋ ਦੁਕ੍ਖੋ, ਯਮ੍ਪਿਚ੍ਛਂ ਨ ਲਭਤਿ, ਤਮ੍ਪਿ ਦੁਕ੍ਖਂ, ਸਂਖਿਤ੍ਤੇਨ ਪਞ੍ਚੁਪਾਦਾਨਕ੍ਖਨ੍ਧਾ ਦੁਕ੍ਖਾ’’ਤਿ (ਵਿਭ. ੧੯੦) –

ਉਦ੍ਦਿਸਿਤ੍ਵਾ ਵਿਭਤ੍ਤਂ. ਤਤ੍ਥ ਦੁਕ੍ਖਂ ਤਿਵਿਧਂ ਹੋਤਿ ਦੁਕ੍ਖਦੁਕ੍ਖਂ ਵਿਪਰਿਣਾਮਦੁਕ੍ਖਂ ਸਙ੍ਖਾਰਦੁਕ੍ਖਨ੍ਤਿ. ਤਤ੍ਥ ਦੁਕ੍ਖਦੁਕ੍ਖਂ ਦੁਵਿਧਂ ਪਰਿਯਾਯਦੁਕ੍ਖਂ ਨਿਪ੍ਪਰਿਯਾਯਦੁਕ੍ਖਨ੍ਤਿ. ਤਤ੍ਥ ਕਾਯਿਕਚੇਤਸਿਕਦੁਕ੍ਖਦੋਮਨਸ੍ਸਵੇਦਨਾ ਨਿਪ੍ਪਰਿਯਾਯਦੁਕ੍ਖਂ ਨਾਮ, ਤਦਵਸੇਸਾ ਪਨ ਦੁਕ੍ਖਦੁਕ੍ਖਸ੍ਸ ਵਤ੍ਥੁਭੂਤਾ ਪਞ੍ਚੁਪਾਦਾਨਕ੍ਖਨ੍ਧਾ ਪਰਿਯਾਯਦੁਕ੍ਖਂ ਨਾਮ. ਸੁਖਸੋਮਨਸ੍ਸਵੇਦਨਾ ਵਿਪਰਿਣਾਮਦੁਕ੍ਖਂ ਨਾਮ. ਸਬ੍ਬੇ ਪਨ ਪਞ੍ਚੁਪਾਦਾਨਕ੍ਖਨ੍ਧਾ, ਸਬ੍ਬਸਙ੍ਖਤਾ ਵਾ ਸਙ੍ਖਾਰਦੁਕ੍ਖਂ ਨਾਮ. ਇਮੇਸਂ ਤਿਣ੍ਣਂ ਦੁਕ੍ਖਾਨਂ ਵਸੇਨ ਯਥਾਯੋਗਂ ਤੀਸੁ ¶ ਭਵੇਸੁ ਜਾਤਿਆਦੀਨਂ ਦੁਕ੍ਖਦੁਕ੍ਖਤਾ ਵੇਦਿਤਬ੍ਬਾ. ਕਾਮਭਵਸ੍ਮਿਂ ਹਿ ਜਾਤਿ ਤਾਵ ਸਯਂ ਨ ਦੁਕ੍ਖਾ, ਅਪਾਯਗਤਿਮਨੁਸ੍ਸਗਤਿਆਦੀਸੁ ਪਨ ਨਿਰਯਗ੍ਗਿਸਨ੍ਤਾਪਾਦਿਮੂਲਕਂ, ਗਬ੍ਭੋਕ੍ਕਨ੍ਤਿਕਾਦਿਮੂਲਕਂ, ਜਿਘਚ੍ਛਾਪਿਪਾਸਾਦਿਮੂਲਕਞ੍ਚ ਦੁਕ੍ਖਂ ਤਸ੍ਸ ਸਬ੍ਬਸ੍ਸ ਕਾਯਿਕਚੇਤਸਿਕਦੁਕ੍ਖਸ੍ਸ ਵਤ੍ਥੁਭਾਵੇਨ ਪਰਿਯਾਯਤੋ ਦੁਕ੍ਖਨ੍ਤਿ. ਤਥਾ ਜਰਾਮਰਣਾਦਯੋਪਿ. ਕੇਵਲਂ ਜਰਾ ਕਾਯਦੁਬ੍ਬਲਤਾਮੂਲਸ੍ਸ, ਪੁਤ੍ਤਦਾਰਾਦਿਪਰਿਭਵਮੂਲਸ੍ਸ ਚ, ਮਰਣਂ ਪਨ ਮਾਰਣਨ੍ਤਿਕਵੇਦਨਾਭੂਤਸ੍ਸ, ਨਿਰਯਾਦਿਗਤਿਨਿਮਿਤ੍ਤਦਸ੍ਸਨਮੂਲਸ੍ਸ ਚ ਦੁਕ੍ਖਸ੍ਸ ਵਤ੍ਥੁਭਾਵਤੋ, ਸੋਕਾਦਯੋ ਸੋਕਾਦਿਮੂਲਸ੍ਸ ਕਾਯਿਕਚੇਤਸਿਕਦੁਕ੍ਖਸ੍ਸ ਵਤ੍ਥੁਭਾਵਤ੍ਤਾ ਚੇਵ ਸਯਂ ਦੁਕ੍ਖਤ੍ਤਾ ਚ ਦੁਕ੍ਖਾਤਿ ਵੇਦਿਤਬ੍ਬਾ. ਵਿਪਰਿਣਾਮਦੁਕ੍ਖਸਙ੍ਖਾਰਦੁਕ੍ਖਤਾ ਚੇਸਂ ਪਸਿਦ੍ਧਾਯੇਵ. ਏਵਂ ਕਾਮਭਵੇ ਜਾਤਿਆਦੀਨਂ ਤੀਹਿਪਿ ਦੁਕ੍ਖੇਹਿ ਦੁਕ੍ਖਤਾ ਵੇਦਿਤਬ੍ਬਾ. ਰੂਪਾਰੂਪਭਵੇਸੁ ਪਨ ਯਸ੍ਮਾ ਸੋਕਪਰਿਦੇਵਦੁਕ੍ਖਦੋਮਨਸ੍ਸੁਪਾਯਾਸਾ ਨ ਸਨ੍ਤਿ, ਤਸ੍ਮਾ ਤਤ੍ਥ ਜਾਤਿਆਦੀਨਂ ¶ ਵਿਪਰਿਣਾਮਦੁਕ੍ਖਸਙ੍ਖਾਰਦੁਕ੍ਖਵਸੇਨ ਚ ਦੁਕ੍ਖਤਾ ਵੇਦਿਤਬ੍ਬਾ, ਨ ਦੁਕ੍ਖਦੁਕ੍ਖਵਸੇਨਾਤਿ ਅਯਂ ਦੁਕ੍ਖਸਚ੍ਚੇ ਨਯੋ.

ਸਮੁਦਯਸਚ੍ਚਂ ਪਨ ‘‘ਕਾਮਤਣ੍ਹਾ ਭਵਤਣ੍ਹਾ ਵਿਭਵਤਣ੍ਹਾ’’ਤਿ (ਵਿਭ. ੨੦੩) ਤਤ੍ਤਕਮੇਵ ਉਦ੍ਦਿਸਿਤ੍ਵਾ ‘‘ਸਾ ਖੋ ਪਨੇਸਾ ਤਣ੍ਹਾ ਕਤ੍ਥ ਉਪ੍ਪਜ੍ਜਮਾਨਾ ਉਪ੍ਪਜ੍ਜਤੀ’’ਤਿ (ਵਿਭ. ੨੦੩) ਪੁਚ੍ਛਿਤ੍ਵਾ ਛਨ੍ਨਂ ਛਨ੍ਨਂ ਇਨ੍ਦ੍ਰਿਯਵਿਸਯਵਿਞ੍ਞਾਣਫਸ੍ਸਵੇਦਨਾਸਞ੍ਞਾਚੇਤਨਾਤਣ੍ਹਾਵਿਤਕ੍ਕਵਿਚਾਰਾਨਂ ਵਿਸਯਭੂਤਾਨਂ ਵਸੇਨ ਤਣ੍ਹਾਯ ‘‘ਏਤ੍ਥੇਸਾ ਤਣ੍ਹਾ ਉਪ੍ਪਜ੍ਜਮਾਨਾ ਉਪ੍ਪਜ੍ਜਤੀ’’ਤਿ ਏਵਂ ਉਪ੍ਪਤ੍ਤਿਂ ਪਕਾਸੇਤ੍ਵਾ ਵਿਤ੍ਥਾਰਤੋ ਵ�