📜
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਮਹਾਪਣਾਮਪਾਠ
(ਬੁਦ੍ਧਵਨ੍ਦਨਾ)
ਸੋ ¶ , ਕੋ; ਨੇ, ਸਂ;
ਸਤ੍ਥਾ, ਨੇਸਂ; ਖੇਮਂ, ਦਾਤਾ;
ਹੇਲ਼ਾਤ-ਕ੍ਕਾਰੋ ਸੋ; ਜਨ੍ਤੂਨਂ, ਨੋ ਮਾ ਨੁ;
ਸੋ ਲੋਕਨ੍ਧਂ, ਹਨ੍ਤ੍ਵਾ ਨਕ੍ਕੋ;
ਸਤ੍ਤਮ੍ਬੋਜਂ, ਬੋਧੇਤਾ ਨੁ.
ਜਿਨਸੂਰਿਯੋ, ਤਿਭਵਨਭੇ;
ਮੁਹਤਿਮਿਰਂ, ਅਭਿਤਪਯੇ.
ਜੇਨੋ ਜਿਨਮੂਲੇ, ਦਿਸ੍ਵਾ ਜਨਕਾਯਂ;
ਸਂਸਾਰਨਿਮੁਗ੍ਗਂ, ਸਬ੍ਬਞ੍ਞੁਤ ਮਿਚ੍ਛਂ.
ਹਿਤ੍ਵਾ ਕਰੁਪੇਤਂ, ਮੋਕ੍ਖਂ ਪਣਿਧਾਨਂ;
ਵਤ੍ਤੇਸਿ ਦਯਾਣਾ, ਯੋ ਤਂ ਮੁਨਿ ਵਨ੍ਦੇ.
ਸੁਤਾਯੁਭਰਿਯਾ ਮੇ, ਧਨਙ੍ਗਮਪਿ ਚਜ੍ਜਂ.
ਚਿਨਂ ਬੁਧਿਨਿਦਾਨੇ, ਅਗਾ ਮੁਨਿਯਂ ਮੇਤਂ.
ਸੋ ਸਸਜਾਤਿਯ ਦੇਹਂ, ਚਜ੍ਜਿਯ ਦਾਨਵਰਞ੍ਚ;
ਨਾਗੁਸਭੋ ਵਰਸੀਲਂ, ਪੂਰਯਿ ਸਮ੍ਪਰਿਚਾਗੋ.
ਨੇਕ੍ਖਮ੍ਮਗ੍ਗਂ ਰਾਜਾ ਹੁਤ੍ਵਾ, ਸੇਨਬ੍ਬਿਦ੍ਵਾ ਪਞ੍ਞਾਸੇਟ੍ਠਂ;
ਵੇਦੇਹਿਨ੍ਦੋ ਵੀਰੁਕ੍ਕਂਸਂ, ਖਨ੍ਤੀਵਾਦੀ ਖਨ੍ਤੀਸੇਟ੍ਠਂ.
ਸੋ ਸੁਤਸੋਮੋ ਤਥਗਂ, ਤੇਮਿਯ ਧਿਟ੍ਠਾਨਵਰਂ;
ਏਕਭੁਗੋ ਮੇਤ੍ਤਵਰਂ, ਲੋਮਹਸੋਪੇਕ੍ਖਤਰਂ.
ਪਾਰਮੀ ¶ ਤਿਦੁਕ੍ਕਰਾਵ, ਪੂਰਿਯਾਨ ਸੇਟ੍ਠਬੋਧਿ;
ਪਾਪੁਣਿਤ੍ਥ ਯੋ ਅਨਨ੍ਤ-ਧਮ੍ਮਸਾਰਦਂ ਨਮਾਮਿ.
ਪਹਾਯ ਚਕ੍ਕਵਤ੍ਤਿਕਂ, ਕਰੋਪਨੀਤ ਮਦ੍ਦਿਯਂ;
ਭੁਸਿਧਰੇ ਸਸੇਨਕਂ, ਅਜੇਨਿ ਪਾਪਿਮਂ ਨਮੇ.
ਅਥੁਤ੍ਤਰਂ ਜਯਾਕਰਂ, ਬਹੂਪਕਾਰਤਂ ਜਿਨੋ;
ਪਟਿਚ੍ਚ ਨਿਮ੍ਮਿਸਕ੍ਖਿਭਿ, ਉਦਿਕ੍ਖਤੇ ਨਮਾਮਿ ਤਂ.
ਚਙ੍ਕਮੇ ਮਰੁਵਿਮਤਿ ਯੋ, ਛਿਨ੍ਦਯਂ ਕਮਿ ਰਤਨਿਯੇ;
ਇਦ੍ਧਿਪਾਟਿਹਿਰਣਕਰੋ, ਚਕ੍ਖੁਮਂ ਤਮਭਿਪਣਮੇ.
ਅਥ ਰਤਨਘਰੇ ਬੁਦ੍ਧੋ, ਛਦਿਧਿਤਿ ਜਨਯਂ ਸਙ੍ਖ੍ਯਂ;
ਸੀਮੀਸਾ ਤਮਭਿਧਮ੍ਮਂ ਯੋ, ਸੁਰਨਰਮਹਿਤਂ ਵਨ੍ਦੇ.
ਨਿਗ੍ਰੋਧਨ੍ਤਿਕ ਨੁਬ੍ਭਵੀ ਸੁਖਂ, ਧਮ੍ਮਂ ਯੋ ਵਿਚਿਨਂ ਨਧੀਵਰੋ;
ਕਿਚ੍ਛਾਲਦ੍ਧ ਮਨਞ੍ਞਬੋਧਿਯਂ, ਵਨ੍ਦੇ ਤਂ ਸੁਗਤਂ ਨਿਗ੍ਰੋਚਰਂ.
ਸਬ੍ਭੋਗੇਹਿ ਥ ਮੁਚਲਿਨ੍ਦੇਨ,
ਨਾਗਿਨ੍ਦੇਨ ਰਹਸਿ ਪਾਵੁਤ੍ਤੋ;
ਸੋਖ੍ਯਂ ਯੋ ਨੁਭਵਿ ਵਿਮੁਤ੍ਤਿਂਤਂ,
ਵਨ੍ਦੇ ਮਾਰਾਜਿ ਅਤੁਲਪ੍ਪਞ੍ਞੋ.
ਕਾਰੁਣਿਕੋ ਰਾਜਾਯਤਨੇ ਯੋ,
ਭੋਜ ਮੁਲ਼ਾਰਂ ਭੋਜ੍ਜਰਸੇਕਂ;
ਵਾਸ ਮਕਾ ਨਨ੍ਤਗ੍ਗੁਣਧਾਰੋ,
ਏਕਗਤੋ ਵਨ੍ਦਾਮਿ ਮਹੇਸੀ.
ਕੇਯ੍ਯਂ ਕੇਯ੍ਯਂ ਅਭਿਜਯਕੇਤੁਂ,
ਜੇਯ੍ਯਂ ਜੇਯ੍ਯਂ ਵਰਜਯਪਾਨਂ;
ਪੇਯ੍ਯਂ ਪੇਯ੍ਯਂ ਸੁਵਿਚਿ ਨਮੇ ਤਂ,
ਨੇਯ੍ਯਂ ਨੇਯ੍ਯਂ ਸਮਤਮੁਪੇਕ੍ਖਿਂ.
ਸਤ੍ਤ ਚ ਸਤ੍ਤਾਹੇ ਵਿਜਿਤਾਵੀ,
ਖੇਪਿਯ ਨਿਗ੍ਰੋਧਂ ਪੁਨ ਗਨ੍ਤ੍ਵਾ;
ਧਮ੍ਮਸੁਦੁਦ੍ਦਸ੍ਯਂ ਪਤਿ ਜਾਤੋ,
ਧਮ੍ਮਕਥਾ ਪ੍ਪੋਸੁਕ੍ਕ ਵਿਤਕ੍ਕੋ.
ਮਰੁਗਣੇਹਿ ¶ ਬ੍ਰਹ੍ਮੁਨਾ ਸਮਂ,
ਰਤਨਦਾਮਮੇਰੁਣਾ ਦਦਾ;
ਸਮਭਿਯਾਚਿਤੋ ਪਟਿਸ੍ਸਵਂ,
ਦਸਬਲੋ ਨਮਾਮਿ ਦੇਸਿਤੁਂ.
ਗਨ੍ਤ੍ਵਾ ਇਸਿਪ੍ਪਾਤਕ੍ਕਾਨਨਞ੍ਚ,
ਸਤ੍ਥਾ ਮਿਗਦ੍ਦਾਯਂ ਦੇਸਯਿਤ੍ਥ;
ਸਚ੍ਚਪ੍ਪਕਾਰਂ ਯੋ ਧਮ੍ਮਚਕ੍ਕ-
ਸੁਤ੍ਤਂ ਨਮੇ ਛਬ੍ਬੀਧਂਸੁ ਤਾਵ.
ਰਞ੍ਞੋ ਮਗਧਸ੍ਸ ਕਤਪ੍ਪਟਿਞ੍ਞੋ,
ਗਨ੍ਤ੍ਵਾਨਥ ਰਾਜਗਹਂ ਵਿਨੇਤਿ;
ਸਤ੍ਤੇ ਮਲਰੋਗਯੁਤੇ ਗਦਗ੍ਗਂ,
ਪਾਯੇਤੁਨ ਤਂ ਪਣਮੇ ਭਿਸਕ੍ਕਂ.
ਸਕ੍ਯਾਧਿਵਾਸੇ ਕਪਿਲੇ ਸਞ੍ਞਤਿਂ,
ਮਾਨਦ੍ਧਜਂ ਭਿਨ੍ਦਿਯ ਮਿਦ੍ਧਿਵਾਤਾ;
ਧਮ੍ਮਾਮਤਂ ਪਾਯਿ ਪਿਤੁਪ੍ਪਭੁਤਿ,
ਵਨ੍ਦਾਮਿ ਸਕ੍ਯਿਨ੍ਦ ਮਨੋਮਦਸ੍ਸਿਂ.
ਅਨਾਥਪਿਣ੍ਡੋਤਿ ਵ੍ਹਯੇਨ ਨਨ੍ਤ-
ਦ੍ਧਨਂ ਚਜਿਤ੍ਵਾ ਸੁਕਤੇ ਵਿਹਾਰੇ;
ਵਿਹਾਸਿ ਭਿਯ੍ਯੋ ਜਨਤਾ ਹਿਤਤ੍ਥਂ,
ਸੁਧਮ੍ਮਭੇਰਿਂ ਵਦਯਂ ਭਿਵਨ੍ਦੇ.
ਉਪੇਤਪੁਞ੍ਞਂ ਵਰਲਕ੍ਖਣੋਕਂ-
ਣੋਕਂ ਵਿਸੁਦ੍ਧਂ ਜਲਿਤਪ੍ਪਦੀਮਂ;
ਦੀਪਂ ਪਜਾਨਂ ਅਨਿਘਂ ਨਵਜ੍ਜਂ-
ਨਵਜ੍ਜਵਾਚਂ ਸੁਗਤਂ ਨਮਾਮਿ.
ਮੁਨਿਭਾਨੁ ਧਮ੍ਮਪਭਾਹਿ ਜਨ-
ਮ੍ਬੁਜ ਮੁਦ੍ਧਤਨ੍ਧਤਮੋ ਸੁਤਪੋ;
ਕਰੁਣਾਰੁਣੋ ਸਮਬੋਧਯਿ ਯੋ,
ਭਵਿਸੀਤਲਤ੍ਤਪਨੋ ਪਣਮੇ.
ਇਨ੍ਦੁ ਵਿਯਮ੍ਬਰਮਜ੍ਝਤਲੇ ਯੋ,
ਰਾਜਤਿ ਤਾਰਗਣੇਨ ਮੁਨਿਨ੍ਦੋ;
ਅਰਿਯਗਣਪ੍ਪਰਿਤੋ ਤਿਭਵੇ ਤਂ,
ਸਾਦਰ ਮੁਗ੍ਗਤਸੋਭ ਮਵਨ੍ਦਿ.
ਮੂਲਾਮੂਲਾ ¶ ਤਿਂਸਤਿਪਾਰਮਿਯੋ,
ਸਾਖਾਸਾਖਾ ਮਜ੍ਝਿਮਜ੍ਝਾਨਕਾਯਾ;
ਪਤ੍ਤਾਪਤ੍ਤਾ ਬੁਦ੍ਧਚਕ੍ਖੁਨਿ ਯਸ੍ਸ,
ਪੁਪ੍ਫਾਪੁਪ੍ਫਾ ਕਾਰੁਣਾ ਮਗ੍ਗਖਨ੍ਧੋ.
ਸਾਰਾਸਾਰਾ ਯਮਕਾ ਫੇਗ੍ਗੁਭਿਞ੍ਞਾ,
ਸਬ੍ਬਾਲਮ੍ਬਙ੍ਕੁਰਕਂ ਸੀਲਵਣ੍ਟਂ;
ਸੇਸਾਧਮ੍ਮਾ ਮਧੁਪਕ੍ਕਪ੍ਫਲਾਨਿ,
ਰਂਸੀਛਲ੍ਲੀ ਸੁਤਚਾ ਲਕ੍ਖਣਾਨਿ.
ਛਾਯੁਪਗਾ ਸੁਂ ਪੁਥੁਨਰਦੇਵਾ,
ਮਾਰਜਿਦੀਪਙ੍ਕਰ ਮਹਿਜਾਤਂ;
ਪਤ੍ਥਤਨਨ੍ਤਞ੍ਚ ਕੁਸਲਬੀਜਂ,
ਏਕਰੁਹਂ ਪਾਦਪਮੁਨਿ ਵਨ੍ਦੇ.
ਮਾਰਤਿਤ੍ਥਿਯਰਿਪੁਂ ਤਮਞ੍ਚ ਯੋ,
ਧਂਸਯਂ ਨਗਰਧਮ੍ਮ ਮਾਪਯਂ;
ਸੀਲਨੀਵਰਣ ਦ੍ਵਾਰਕੋਟ੍ਠਕਂ,
ਏਸਿਕਾਪਰਮਸਦ੍ਧ ਮੁਤ੍ਤਮਂ.
ਦ੍ਵਾਰਪਾਲਸੁਯਤਂ ਸਤਿਟਾਲਂ,
ਞਾਣਚਚ੍ਚਰ ਸਿਘਾਟਪਦਿਦ੍ਧਿਂ;
ਧਮ੍ਮਮਗ੍ਗਕੁਟਿਸਾਲ ਸਹਿਤ੍ਤਂ,
ਧਮ੍ਮਸੇਨਪਤਿਸਾਰਿਜਭੂਤਂ.
ਦੁਤਿਯਸੁਤਪਰੋਹਿਤਂ ਮਹਾ-
ਧੁਤਗੁਣਧਰਮਗ੍ਘ ਦਸ੍ਸਿਕਂ;
ਵਿਨਯਚਿਨਕ ਧਮ੍ਮਰਕ੍ਖਕਂ,
ਤਿਭਵਪਤਿਕ ਧਮ੍ਮਰਾਜਿਯਂ.
ਸੁਤਂ ਸੁਤਂ ਸਬ੍ਬਧਿ ਸਜ੍ਜਨਂਜਨਂ,
ਮਿਤਂ ਮਿਤਂ ਨਨ੍ਤਗੁਣਾਲਯਂ ਲਯਂ;
ਹੁਤਂ ਹੁਤਂ ਜਨ੍ਤੁਨਮਾਨਮਂ ਨਮਂ,
ਭਵੇ ਭਵੇ ਤੇਭਵਮਙ੍ਗਲਂ ਗਲਂ.
ਲੋਕਾਭਿਰਾਮਂ ਰਮਣੇਯ੍ਯਵੇਦੁਰਂ,
ਲੋਕਨ੍ਤਗੁਂ ਅਨ੍ਤੁਭਯਾਨੁਪਾਗਤਂ;
ਲੋਕਦ੍ਧਜਂ ਮਾਨਧਜਪ੍ਪਹਾਰਕਂ,
ਲੋਕਗ੍ਗਰੁਂ ਅਗ੍ਗਰੁ ਪਚ੍ਚਯੇ ਨਮੇ.
ਮਕੁਟਗ੍ਗਫਲਂ ¶ ਨਯਨਞ੍ਚਨਿਕਂ,
ਸਵਨਬ੍ਭੁਸਨਂ ਵਦਨਬ੍ਭੁਸਨਂ;
ਗਲਮਣ੍ਡਨਮਿਦ੍ਧਿ ਮਨਞ੍ਞੁਰਸਂ,
ਕਿਰਿਯਞ੍ਞੁਦਰਂ ਦ੍ਵਿਖਣਞ੍ਞੁਕਰਂ.
ਕਟਿਵਿਭੂਸਨ ਮਜ੍ਝਿਮਞ੍ਞਣਕਂ,
ਦਯਵਿਲੇਪਨ ਧਾਰਣਮਣ੍ਡਨਂ;
ਪਟਖਿਲਞ੍ਞੁਨਿਵਤ੍ਥ ਮਨੁਤ੍ਤਰਂ,
ਮੁਨਿਮਰੁਤ੍ਤਮ ਮੇਕ ਮਹਂ ਨਮੇ.
ਸਤਿਵਰ ਸੁਚਕਂ ਇਬ੍ਭਗ੍ਗਪਞ੍ਞਂ,
ਸੁਵੀਰਿਯਵਸੁਵਾਹਂ ਪੀਤਿਸੇਲਂ;
ਗਹਪਤਿਸਮਥਗ੍ਗਂ ਥੀਪਸਦ੍ਧਿਂ,
ਅਸਣਿਯਸੁਨੁਪੇਕ੍ਖਂ ਸਤ੍ਤਭੋਗਂ.
ਚਤੁਦਿਸਿਕਿਦ੍ਧਿਪ੍ਪਦ ਮਸਹਾਯਂ,
ਸੁਪਰਿਵੁਤਂ ਖਤ੍ਤਿਯਵਿਰਜਾਨਂ;
ਸੁਚਿਪਰਿਸਂ ਦੇਵਨਰ ਮਨਾਪਂ,
ਦਸਬਲਚਕ੍ਕਾਧਿਪਤਿ ਭਿਵਨ੍ਦੇ.
ਸਮਾਧਿਬ੍ਬਹਿਦ੍ਧਂ ਸਤਿਚ੍ਛਟ੍ਠਸੇਲਂ,
ਵਿਰਪ੍ਪਞ੍ਚਮਾ ਜੀਵਮਜ੍ਝਂ ਸੁਕਮ੍ਮ-
ਤ੍ਤਤਿਯਂ ਸੁਵਾਚਾਦੁਤਿਯਂ ਭਿਸੇਟ੍ਠਂ,
ਸਮਾਤਕ੍ਕਪੁਬ੍ਬਞ੍ਚ ਸਤ੍ਤਪ੍ਪਵਾਰਂ.
ਵਿਵਿਧਞਾਣਪਭੁਤਿਬ੍ਬਸਾਕਰਂ,
ਬਹੁਮਹਿਦ੍ਧਿਕ ਮਰੂਨ ਮਾਸਯਂ;
ਧੁਂਵਪਭਾਜਲਿਤਰਾਮਣੇਯ੍ਯਕਂ,
ਸੁਗਤਨੇਰੁਨਗਰਾਜ ਮਾਨਮੇ.
ਸੀਲਜ੍ਜਲਂ ਰਤਨਧਮ੍ਮ ਮਾਕਰਂ,
ਭਿਞ੍ਞਾਵਿਚਿਂ ਸਤਿਕੁਲਟ੍ਠਿ ਗਮ੍ਭਿਰਂ;
ਵਿਤ੍ਥਿਣ੍ਣਞਾਣ ਮਰਿਯੋਦਜਾਸਯਂ,
ਅਟ੍ਠਮ੍ਬੀਧਚ੍ਛਰਿਯਕਂ ਅਸਨ੍ਦਨਂ.
ਬਹੁਨਜ੍ਜਮੋਸਰਣ ਮੇਕਰਸਂ,
ਦੁਰੁਪਗ੍ਗਮਂ ਅਚਿਤਸਮ੍ਭਰਿਨਂ;
ਪੁਥੁਪੋਤਪੁਞ੍ਞਵਤਮੇਵ ਨਮੇ,
ਦ੍ਵੀਪਦੁਤ੍ਤਮਣ੍ਣਵ ਨਦਿਨ੍ਦਵਰਂ.
ਅਭਿਨਿਹਰਧਨੁਂ ¶ ਗੁਣਪਾਰਮਿਂ,
ਨਲ਼ਮਤਿਮਨਬਾਜਰਹਮ੍ਮੁਖਾ;
ਧਿਤਿਸਮਿਤਸਰੇਨ ਸੁਧਾਰਯਂ,
ਮਲਮ ਗਗਣ ਮੇਕਪਵੇਦਨਾ.
ਯੋ ਪਾਵੇਧੇਸਿਂ ਅਗ੍ਗਮਗ੍ਗਞ੍ਚ ਤੂਣਿਂ,
ਧਮ੍ਮਾਲਙ੍ਕਾਰਬ੍ਬਮ੍ਮ ਮੇਕਬ੍ਬਲਂ ਤਂ;
ਨੇਤ੍ਤਿਂਸਾਨਨ੍ਤਞਾਣ ਗੀਰੇਲ੍ਲਿਮਨ੍ਤਂ,
ਸਬ੍ਬਞ੍ਞੁਸ੍ਸਾਸਂ ਇਦ੍ਧਿਦਣ੍ਡਂ ਨਮਾਮਿ.
ਵਰਤਪਵੁਟ੍ਠਿ ਸੁਬੀਜਕਸਦ੍ਧਾ,
ਮਤਿਯੁਗਨਙ੍ਗਲ ਹੀਰੁਤਪੀਸਾ;
ਸੁਸਮਥਰਜ੍ਜੁ ਸਤਿਦ੍ਵਿਜਤੁਤ੍ਤਂ,
ਵੀਰਿਯਦੁਰਾਵਹ ਸਚ੍ਚਨਿਦਾਨਂ.
ਵਤਿਸਂਵਰਂ ਸੋਰਤਮੋਚਨਞ੍ਚਂ,
ਸਰਣਾ ਨਿਵਤ੍ਤਬ੍ਬਹਨਤ੍ਥਂ ਯਸ੍ਸ;
ਅਮਤਪ੍ਫਲਂ ਨੇਕਰਸੇਹੁਪੇਤਂ,
ਸੁਗਤਂ ਮਹਾਕਸ੍ਸਕ ਮਾਭਿਵਨ੍ਦੇ.
ਦੇਵਗ੍ਗੋ ਤਿਦਸਪੁਰੇ ਵਰਾਸਨੇ ਯੋ,
ਦੇਵਾਨਂ ਜਨਿਕਪਭੁਤਿਨਂ ਭਿਧਮ੍ਮਂ;
ਬਾਲਕ੍ਕੋਵ ਲਲ਼ਯਮਾਚਲੇ ਤਿਮਾਸਂ,
ਦੇਸੇਸ੍ਯਾ ਪਰਵਿਸਯਂ ਨਮੇ ਅਜੇਯ੍ਯੋ.
ਮਹਾਯਸੋ ਵਿਵਿਧਸੁਭਪ੍ਪਕਾਸਕਂ,
ਕੁਰੂਸੁ ਯੋ ਅਮਿਤਗੁਣੋ ਤਮੋਨੁਦੋ;
ਪਰਪ੍ਪਵਾਦਹਰਿ ਸੁਭਾਨੁਯੋਗਿਨਂ,
ਨਮਾਮਿ ਤਂ ਕਥਯਿ ਸਤਿਪ੍ਪਠਾਨਕਂ.
ਸਮਥਕਪਲਿਕੋ ਸਸ੍ਨੇਹਸਮ੍ਮਾਸਤਿ,
ਪਰਮਮਤਿਗਿਨੀ ਸਵਟ੍ਟਿਪਰਕ੍ਕਮੋ;
ਸਕਲਜੁਤਿਕਰੋ ਸੁਧਮ੍ਮਪਦੀਪਕੋ,
ਇਮ ਮੁਪਜਲਿਤੋ ਜਿਨੇਨ ਨਮਾਮਹਂ.
ਵਿਗਤਗਤਮਲਂ ਮਲਗਤਵਿਗਤਂ,
ਮਹਿਤ ਹਿਤਮਨਂ ਮਨਹਿਤਮਹਿਤਂ;
ਵਿਭਵਭਵਕਰਂ ਕਰਭਵਵਿਭਵਂ,
ਸੁਜਨ ਜਨਗੁਣਂ ਗੁਣਜਨਸੁਜਨਂ.
ਸੀਲਗ੍ਗਦਣ੍ਡਵਿਚਿਤਂ ¶ ਸੁਸਮਾਧਿਪਤ੍ਤਂ,
ਸੋਭਾਸਮੁਜ੍ਜਲ ਮਨਨ੍ਤਗ ਞਾਣਸੀਖਂ;
ਸਦ੍ਧਮ੍ਮਸੇਟ੍ਠਰਤਨਞ੍ਚ ਤਿਲੋਕਕੇਤੁਂ,
ਵਨ੍ਦਾਮਿ ਲੋਚਨਭਿਸੇਕ ਸੁਸੋਭਯੁਤ੍ਤਂ.
ਵਿਨਯਨਯ ਮਨਯਵਿਨਯ ਮਨਮਿਤਂ,
ਵਿਜਯਜਯ ਮਜਯਵਿਜਯ ਮਤੁਲਿਤਂ;
ਵਿਭਜਭਜ ਮਭਜਵਿਭਜ ਮਨਨਕਂ,
ਵਿਸਮਸਮ ਮਸਮਵਿਸਮ ਮਭਿਨਮੇ.
ਪਰਮਰਮ ਮਰਮਪਰਮ ਮਤਿਗੁਣਂ,
ਪਗਹਗਤਿ ਮਗਤਿਪਗਤ ਮਮਮਕਂ;
ਪਚਯਚਯ ਮਚਯਪਪਯ ਮਨਣਕਂ,
ਪਕਤਕਤ ਮਕਤਪਕਤ ਮਚਲਕਂ.
ਉਜੁਕ ਮਯਨਮਗ੍ਗੇ ਮੋਕ੍ਖਦੇਸਂ ਨਿਯਾਸਿ,
ਵਰਰਥਕੁਜਰੇਨ ਚਮ੍ਮਚਕ੍ਕੇਨ ਸਤ੍ਥਾ;
ਹਿਰਿਤਪਦੁਕਪਾਲਮ੍ਬੇਨ ਧਮ੍ਮਸ੍ਸੁਤੇਨ,
ਸਤਿਨਿਵਰਯੁਤੇਨ ਪ੍ਪਾਟਿਹਿਰਦ੍ਧਜੇਨ.
ਅਵਿਹਨਨਕ੍ਖਿਨਾ ਸੁਯਮ ਨੇਮੁਪਕ੍ਖਰਾ,
ਉਦਰਿਯਮਬ੍ਭਿਨਾ ਪਰਿਪੁਰਙ੍ਗਸਚ੍ਚਿਨਾ;
ਕੁਸਲਵਿਭੂਸਿਨਾ ਨਿਮਦਕੁਪ੍ਪਰੇਨ ਯੋ,
ਅਖਰਨਤੇਸਿਨਾ ਗੁਪਿਤਸਿਲਨਨ੍ਦਨਾ.
ਅਨੁਸਨੁਘਾਤਿਨਾ ਮਤਿਪੁਰੇਜਵੇਨ ਕਾਲ-
ਞ੍ਞੁਤਮਤਿਸਾਰਿਕੇ ਨ ਚ ਵਿਸਾਰਦਤ੍ਥਿਦਣ੍ਡਾ;
ਸਤਿਤੁਦ ਧੀਤਿਰਸ੍ਮਿ ਮਨਦਮ੍ਮਸਿਨ੍ਧਵੇਨ,
ਵਿਨਯਗਣੇ ਨਮਾਮਿ ਤ ਮਤੁਲ੍ਯਸਤ੍ਥਵਾਹਂ.
ਯਮਕ੍ਕਗ੍ਗਿਜਾਲਂ ਪਰਵਿਸਯ ਮਚ੍ਛੇਰਸਹਿਤਂ,
ਦੁਦਿਟ੍ਠਨ੍ਧੁਬ੍ਬਾਹਂ ਯੁਗਗਹਣਤਿਤ੍ਥੀਨ ਮਕਰੀ;
ਬਹੂਨਂ ਮਜ੍ਝੇ ਯੋ ਰਤਨਕਮਨੇ ਪਾਟਿਹਰਿਯਂ,
ਜਯਕ੍ਕੇਤੁਸ੍ਸਾਪਿ ਤ ਮਭਿਨਮਿ ਕਣ੍ਟਮ੍ਬਸਮਿਪੇ.
ਨਖਜੁਤਿਰਜਂ ਚਕ੍ਕਙ੍ਗੋਪੇਤ ਪਾਦਵਰਮ੍ਬੁਜਂ,
ਸੁਭਸਿਰਿਮਤੋ ਰਂਸਿਜਾਲਙ੍ਗੁਲਿਦਸਸਂਸੁਭਿਂ;
ਪਵਰਸਿਰਸਾ ਦੇਵਾਦੇਵਾ ਸਦਾ ਨ ਪਿਲਨ੍ਧਯੁਂ,
ਤ ਮਤਿਵ ਮਨੋਰਮ੍ਮਂ ਤਿਤ੍ਤੀਕਰਾ ਨਮਿ ਯਸ੍ਸ ਕੇ.
ਬੁਦ੍ਧੋਪ੍ਯੇਕੋ ¶ ਨਿਧਨਗੁਣਿਨੋ ਵਣ੍ਣਯੇ ਯਾਵਜੀਵਂ,
ਕਾਮਂ ਅਞ੍ਞਂ ਕਥਮਭਣ ਮਾਸੁਂ ਖਿਯੇਥਾ ਯੁਕਪ੍ਪੋ;
ਨ ਤ੍ਵੇਵਾ ਯਂ ਖਯ ਮੁਪਵਜ੍ਜੇ ਯਸ੍ਸ ਵਣ੍ਣੋ ਅਨਨ੍ਤੋ,
ਤਂ ਸਬ੍ਬਞ੍ਞੁਂ ਸਕਲਰਿਰੀ ਨੇਕਨਾਥਂ ਨਮਾਮਿ.
ਪਾਦਿਦੀਪਾਦਂ ਦ੍ਵਿਨਯਨਦਿਜਂ ਧਮ੍ਮਕਾਯਂ ਧਿਸੋਣ੍ਡਂ,
ਭਾਣੀਸੋਣ੍ਡਗ੍ਗਂ ਸਰਣਸਿਰਸਿਂ ਮਗ੍ਗਾਵਾਲਂ ਸੁਭਙ੍ਗਂ;
ਸੀਲਾਲਙ੍ਕਾਰਂ ਵਿਮਲਿਭਵੁ ਤਂ ਸਤ੍ਤਤਿਟ੍ਠਿਧਿਦਬ੍ਬਂ,
ਨਾਥੇਭਿਨ੍ਦਗ੍ਗਂ ਫਲਕਰਿਣੁਕਂ ਮੋਕ੍ਖਭੋਜਂ ਨਮਾਮਿ.
ਮਲਾਲੋਲ਼ੁਲ੍ਲੋਲਂ ਅਤਿਭਯਜਨਂ ਦੁਗ੍ਗਸਂਸਾਰਸਿਨ੍ਦੁਂ,
ਫਿਯਬ੍ਭਾਨਿਗ੍ਗਾਹੋ ਸਿਵਤਟਮੁਖੋ ਨਾਵਿ ਕਜ੍ਜੇਟ੍ਠਨਾਥੋ;
ਪਦਪ੍ਪਾਰਕ੍ਕਾਮਂ ਬਹੁਜਨਗਣਂ ਏਕਮਗ੍ਗਤ੍ਤਰਮ੍ਹਿ,
ਸਮਾਰੋਪੇਤ੍ਵਾ ਮਤ੍ਤਰਿ ਤ ਮਤੁਲਸਾਦਰਞ੍ਚਾ ਭਿਵਨ੍ਦੇ.
ਬ੍ਯਾਮਂਸੁਗ੍ਘਨਧਾਰ ਮਕ੍ਕੁਲ਼ੁਸਤਬ੍ਭਾਣੁਜ੍ਜਲਨ੍ਤਤ੍ਤਨਂ,
ਉਕ੍ਕਂਸਜ੍ਜੁਤਿ ਕੇਤੁਮਾਲਵਿਚਿਤਂ ਸਦ੍ਧਮ੍ਮਜੋਤਿਨ੍ਧਰਂ;
ਬੁਨ੍ਦਿਨ੍ਨਿਗ੍ਗਤਪਜ੍ਜਲਨ੍ਤ ਦਿਧਿਤਿਂ ਅਜ੍ਜਤ੍ਥਨਾ ਯਾਵ ਚ,
ਵਨ੍ਦੇਤਂ ਮੁਨਿ ਸਕ੍ਯਪੁਙ੍ਗਵ ਮਹਂ ਪੁਣ੍ਣਿਨ੍ਦੁਵਤ੍ਤਮ੍ਪਿ ਚ.
ਸਤ੍ਤਮਂਤਮਂ ਵਿਨਾਸਕਂਸਕਂ ਦਦਂ ਵਿਨੇਯ੍ਯਕਾਨਮੇਵ,
ਭਾਵਨਂਵਨਂ ਧੁਲੀਕਰਂ ਕਰਂ ਤਿਦੁਕ੍ਕਰਂ ਪਜਾਭਿਭੁਞ੍ਜ;
ਗਾਰਵਂਰਵਂ ਮਨੋਹਰਂਹਰਂ ਨਰਾਨਰਾਨਯਂ ਨਮਾਮਿ,
ਸਾਦਰਂਦਰਂ ਵਿਨੋਦਕਂਦਕਂ ਪਵਸ੍ਸਕਂ ਪਜਾਨਮਿਵ.
ਬੁਦ੍ਧੋ ਨਿਗ੍ਰੋਧਬਿਮ੍ਬੋ ਮੁਦੁਕਰਚਰਣੋ ਬ੍ਰਹ੍ਮਘੋਸੇਣਿਜਙ੍ਘੋ,
ਕੋਸਚ੍ਛਾਦਙ੍ਗਜਾਤੋ ਪੁਨਰਪਿ ਸੁਗਤੋ ਸੁਪ੍ਪਤਿਟ੍ਠਿਤਪਾਦੋ;
ਮੁਦੋਦਾਤੁਣ੍ਣਲੋਮੋ ਅਥਮਪਿ ਸੁਗਤੋ ਬ੍ਰਹ੍ਮੁਜੁਗ੍ਗਤ੍ਤਭਾਵੋ,
ਨੀਲਕ੍ਖੀ ਦੀਘਪਣ੍ਹੀ ਸੁਖੁਮਮਲਛਵੀ ਥੋਮ੍ਯਰਸ੍ਸਗ੍ਗਸਗ੍ਗੀ.
ਚਤ੍ਤਾਲੀਸਗ੍ਗਦਨ੍ਤੋ ਸਮਕਲਪਨਜੋ ਅਨ੍ਤਰਂਸਪ੍ਪਪੀਣੋ,
ਚਕ੍ਕੇਨਙ੍ਕੀਤਪਾਦੋ ਅਵਿਰਲ਼ਦਸਨੋ ਮਾਰਜੁਸ੍ਸਙ੍ਖਪਾਦੋ;
ਤਿਟ੍ਠਨ੍ਤੋਨੋਮੇਨ੍ਤੋ ਭਯਕਰਮੁਦੁਨਾ ਜਣ੍ਣੁਕਾਨਾ ਮਸਨ੍ਤੋ,
ਵਟ੍ਟਕ੍ਖਨ੍ਧੋ ਜਿਨੋ ਗੋਤਰੁਣਪਖੁਮਕੋ ਸੀਹਪੁਬ੍ਬਡ੍ਢੁਕਾਯੋ.
ਸਤ੍ਤਪ੍ਪੀਣੋ ਚ ਦੀਘਙ੍ਗੁਲਂ ਮਥ ਸੁਗਤੋ ਲੋਮਕੂਪੇਕਲੋਮੋ,
ਸਮ੍ਪਨ੍ਨੋਦਾਤਦਾਠੋ ਕਨਕਸਮਤਚੋ ਨੀਲਮੁਦ੍ਧਗ੍ਗਲੋਮੋ;
ਸਮ੍ਬੁਦ੍ਧੋ ਥੂਲਜਿਵ੍ਹੋ ਅਥ ਸੀਹਹਨੁਕੋ ਜਾਲਿਕਪ੍ਪਾਦਹਤ੍ਥੋ,
ਨਾਥੋ ਉਣ੍ਹੀਸਸੀਸੋ ਇਤਿ ਗੁਣਸਹਿਤਂ ਤਂ ਮਹੇਸਿਂ ਨਮਾਮਿ.
ਵਟ੍ਟਚਿਤਾਨੁਪੁਬ੍ਬਕਸੁਭਙ੍ਗੁਲੀ ¶ ਰੁਹਿਰਮਟ੍ਠਤੁਙ੍ਗਨਖਕੋ,
ਨਿਗ੍ਗੁਲ਼ਗੋਪ੍ਫਕੋ ਸਮਪਦੋ ਸੀਹੋਸਭਿਭ ਹਂਸਸਨ੍ਨਿਭਕਮੋ;
ਦਕ੍ਖਿਣਤਾਵਤਕ੍ਕਮਿ ਸਮਨ੍ਤਮਣ੍ਡਲ ਨਿਗਣ੍ਠਿ ਜਾਣੁਸੁਭਕੋ,
ਬ੍ਯਞ੍ਜਨਪੁਣ੍ਣਪੋਸਤਨੁ ਨਾਭਿਗਮ੍ਭੀਰ ਅਛਿਦ੍ਦਦਕ੍ਖਿਣਵਟੋ.
ਦ੍ਵਿਰਦਕਰਪ੍ਪਕਾਸੁਰੁਭੁਜੋ ਸੁਵਿਬ੍ਭਜਨੁਪੁਬ੍ਬਮਟ੍ਠਅਨੁਨਾ-
ਨੁਨਅਲਿਨਾਨੁਪੁਬ੍ਬਰੁਚਿਰ ਤ੍ਤਿਲਾਦਿਰਹਿਤਬ੍ਬਿਸੁਦ੍ਧਤਨੁਕੋ;
ਦਸਸਤਕੋਟਿ ਹਤ੍ਥਿਬਲਧਾਰਣੋ ਕਨਕਤੁਙ੍ਗਨਾਸਿਕਸੁਭੋ,
ਸੁਰੁਹਿਰਦਨ੍ਤਮਂਸਥ ਸੁਚਿਸਿਨਿਦ੍ਧਦਸਨੋ ਥ ਲੋਕਸਰਣੋ.
ਸੁਦ੍ਧਪਸਾਦਿਨ੍ਦ੍ਰਿ ਚ ਵਟ੍ਟਤਰਦਾਠੋ ਰੁਹਿਰੋਟ੍ਠ ਚ ਸੁਰਨਰਨਾਥੋ,
ਆਯਤਸੋਭਬ੍ਬਦਨੋ ਥ ਮੁਨਿ ਗਮ੍ਭੀਰੁਜੁਕਾਯਤਸੁਰੁਚਿਰਲੇਖੋ;
ਬ੍ਯਾਮਪਭਾਮਣ੍ਡਲਬੁਨ੍ਦਿ ਸੁਪੁਰਗ੍ਗਣ੍ਣਿ ਚ ਆਯਤਵਿਸਟਸੁਭਕ੍ਖੀ,
ਪਞ੍ਚਪਸਾਦਕ੍ਖਿ ਚ ਕੁਞ੍ਚਿਕਸੁਭਗ੍ਗਪਖੁਮੋ ਮੁਦੁਤਨੁਰੁਣਜਿਵ੍ਹੋ.
ਸੋਮ੍ਮਸਿਨਿਦ੍ਧ ਤ੍ਯੁਜ੍ਜਲਕੋਮਲ ਵਰੁਣਵਿਮਲਤਨੁ ਚ ਅਮਿਤਗੁਣੋ,
ਕੋਮਲ ਦਕ੍ਖਿਣਾਵਟ ਅਞ੍ਜਨਭਿਦਸਰਿਸਨਿਲਕ ਮੁਦੁਤਨੁਰੁਹੋ;
ਦਕ੍ਖਿਣਵਟ੍ਟਕੋਮਲ ਸਣੁਸਮਸੁਨਿਲ ਅਲੁਲਿਤ ਸਿਰਰੁਹਿ ਜਿਨੋ,
ਸੋਭਣਸਣ੍ਠਾਨੋ ਥ ਸਿਨਿਦ੍ਧਸਿਰਰੁਹਿ ਚ ਸੁਪਚਿਤਸਤਕੁਸਲ ਜੋ.
ਨਿਗ੍ਗੁਲ਼ੋਨਿਗ੍ਗਨ੍ਤਿਚ੍ਛਤ੍ਤਸ੍ਸਰਿਸਅਤਿਸੁਭਗਸਿਰ ਚਾਯਤਾਰੁਚਿ ਕਣ੍ਣਕੋ,
ਸੋਸਣ੍ਠਾਨਸ੍ਸਣ੍ਹਾਹਾਰਾਨੁਕਮਪਹੁਤਭਮੁਥ ਸੁਆਯਤਬ੍ਭਮੁਕੋ ਚ ਸੋ;
ਸੁਗ੍ਗਨ੍ਧਗ੍ਗਤ੍ਤੋ ਮੁਦ੍ਧਿਚਾਥ ਵਦਨਿ ਚ ਪੁਥੁਲਕਨਲਾਟ ਆਯਤਸੋਭਣੋ,
ਅਸ੍ਸਾਸਪ੍ਪਸ੍ਸਾਸਾਤਿਸ੍ਸਣੁ ਧਰਮਸਮਸਮ ਨਮਿ ਕੇਤੁਮਾਲਵਿਚਿਤ੍ਤਕਂ.
ਬੁਦ੍ਧੁਪ੍ਪਾਦੋ ਕਿਮਙ੍ਗਂ ਅਤਿਦੁਲਭਤਰਂ ਘੋਸਮਤ੍ਤਮ੍ਪਿ ਲੋਕੇ,
ਤਸ੍ਮਾ ਨਾਨਪ੍ਪਕਾਰਂ ਸਪਰਹਿਤਸੁਖਂ ਵਿਦ੍ਧਸੂ ਪਤ੍ਥਯਨ੍ਤਾ;
ਯਾਤਿਟ੍ਠਤ੍ਥਾਵ ਹਂ ਤਂ ਸੁਰਨਰਸਰਣਂ ਅਨ੍ਤਰਾਯਪ੍ਪਹਾਨਂ,
ਪੁਞ੍ਞਕ੍ਖੇਤ੍ਤੇਕਭੂਤਂ ਸੁਗਤਮਵਿਰਤਂ ਸਾਧੁ ਵਨ੍ਦਨ੍ਤੁ ਸਨ੍ਤੋ.
ਖੇਤ੍ਤਵਰਙ੍ਗਤਤ੍ਥੁਤਿਪੁਰੇ ਜਵਪਣਮ ਤੇਜਸਾ ਇਧ ਭਵੇ,
ਰੋਗਭਯਾਦ੍ਯੁਪਦ੍ਦਵਹਤੋ ਅਨੁਨਸੁਖ ਭੋਗਪੁਞ੍ਞਮਤਿਕੋ;
ਦੇਵਮਨੁਸ੍ਸਭੋਗਪਵਰਂ ਪਰਤ੍ਥਨੁਭਾਵਞ੍ਚ ਅਨ੍ਤਿਮਭਵੇ,
ਅਞ੍ਞਤਰੋ ਤਿਬੋਧਿਪਵਰੇ ਭਵਿਸ੍ਸਤਿ ਯਥਾਸਯਂ ਕਤਨਤੋ.
ਪੁਞ੍ਞੇਨਾਨੇਨ ¶ ਸੋਹਂ ਨਿਪੁਣਜਵਮਤਿ ਪੇਮਵਾਚੋ ਸਖੀਲੋ,
ਸਦ੍ਧੋ ਕਲ੍ਯਾਣਮਿਤ੍ਤੋਤਿਸਰਣਗਮਨੋ ਸੀਲਵਾ ਚਾਗਯੋਗੋ;
ਹਿਰੋਤ੍ਤਪ੍ਪੀ ਸੁਦਕ੍ਖੋ ਅਵਿਤਸੁਚਰਿਤੋ ਧਿਤਿਮਾ ਸਚ੍ਚਭਾਣੀ,
ਬਾਹੁਸ੍ਸਚ੍ਚਿ ਵਿਭਾਗਿ ਸਪਰਹਿਤਕਰੋ ਵਗ੍ਗੁਰਾਵੋ ਭਿਰੁਪੋ.
ਦੀਘਜ੍ਜੀਵਿ ਨਿਰੋਗੋ ਸੁਚਿਕੁਲਪਸ੍ਸੁਤੋ ਧਮ੍ਮਰਤ੍ਤੋ ਵਿਰਤ੍ਤੋ,
ਨਿਚ੍ਚਾਪਲ੍ਯੋ ਕਤਞ੍ਞੁ ਅਤਿਮੁਦੁਜੁਮਨੋ ਸਾਧੁਭਾਵਾਦਿਵਿਞ੍ਞੂ;
ਧਮ੍ਮਾਜੀਵੋ ਭਵੇਯ੍ਯਂ ਬਹੁਕੁਸਲਰਤੋ ਅਪ੍ਪਕੋਧੋ ਅਲੁਦ੍ਧੋ,
ਏਵਞ੍ਚਞ੍ਞਂ ਕਰੇਯ੍ਯਂ ਪਣਿਧਿ ਚਰਿਮਕੇ ਮੋਕ੍ਖਨਿਬ੍ਬਾਨਭਾਗੀ.
(੧) ਮਹਾਕਥਂ ਬੁਦ੍ਧਘੋਸੋ, ਤਨੁਮੇਵ ਕਰਂਅਪਿ;
ਚਜਂ ਹੇਯ੍ਯਾ ਦਿਯਾ ਦੇਯ੍ਯਂ, ਅਕਰਿਤ੍ਥ ਯਥਾ ਤਥਾ.
(੨) ਮਹਾਪਣਾਮਪੋਰਾਣਂ, ਕਿਞ੍ਚਿ ਏਵ ਪੁਨਪ੍ਪੁਨਂ;
ਕਾਮੋਕ੍ਕਮਂ ਦੁਧਾਰਞ੍ਚ, ਚਜਂ ਦੇਯ੍ਯਾ ਦਿਯਞ੍ਞਤ੍ਥ.
(੩) ਸੁਤਜ੍ਜਯ ਅਨੁਭਵ-ਟ੍ਠਪਨਤ੍ਥੇਨ ਲਞ੍ਛਿਨਾ;
ਸੁਤੇਨ ਗਰੁਨਾਨੇਨ, ਕਤੋਯਂ ਪਣਾਮੋ ਨਵੋ.
(੪) ਏਕਕ੍ਖਰਾਯ ਗਾਥਾਯੋ, ਯਾਵ ਛਬ੍ਬਿਸਤਕ੍ਖਰਾ;
ਜਾਤਿਯ ਪਜ੍ਜਸਤ੍ਤਤ੍ਯਾ, ਸਙ੍ਖਤੋ ਚਤੁਰਾਧਿਕਾ.
(੫) ਅਟ੍ਠਾਧਿਕਾ ਸਹੇਵੁਯ੍ਯੋ- ਜਨਾਦੀਹਿ ਮਿਦਂ ਨਤਂ;
ਯਥਾਵੁਤ੍ਤਤ੍ਥਕਾ ਕਾਮਾ, ਯੇ ਨਿਚ੍ਚਂ ਧਾਰਯਨ੍ਤੁ ਤੇ.
ਰਾਜਾਤਿਰਾਜਾਤਿਮਨੋਹਰੋ ਯੋ,
ਦੇਵਾਤਿਦੇਵਾਤਿਗੁਣੋਘਧਾਰੀ;
ਬ੍ਰਹ੍ਮਾਤਿਬ੍ਰਹ੍ਮਾਤਿਭਵਨ੍ਤਗੂ ਤਂ,
ਸਙ੍ਘਾਤਿਸਙ੍ਘਾਤਿਵਿਰਾਵ ਵਨ੍ਦੇ.
ਅਨਙ੍ਗਨਙ੍ਗਂ ਨਰਦੇਵਦੇਵਂ,
ਅਨਿਞ੍ਜਨਿਞ੍ਜਂ ਭਯਤਾਣਤਾਣਂ;
ਅਨਣ੍ਡਨਣ੍ਡਞ੍ਚ ਅਨਾਥਨਾਥਂ,
ਖਯਨ੍ਤਯਨ੍ਤਂ ਪਣਮਾਮਿ ਮਾਮਿ.
ਤਮ੍ਬਸਿਨਿਦ੍ਧਤੁਙ੍ਗਨਖਕੋ ਨੁਂਵਟ੍ਟਸੁਚਿਤੁਰਙ੍ਗੁਲਿ ਚ ਮੁਨਿਸੋ,
ਸੀਹੁਸਭੋਭਹਂਸਸਮਗੋ ਨਿਗੂਲ਼ਸਮ ਗੋਪ੍ਫਕਾਯਤਮੁਖੋ;
ਕੋਮਲਦਕ੍ਖਾਣਾਵਟਤਨੁਰੁਹੋ ਸੁਚਿਮਲੁਜ੍ਜਲਾਭਸਰਿਰੋ,
ਪਞ੍ਚਪਸਾਦਯੁਤ੍ਤਨਯਨੋ ਸੁਗਨ੍ਧਮੁਖਤੁਙ੍ਗਨਾਸਿਕਯੁਤੋ.
ਕੋਟਿਸਹਸ੍ਸਨਾਗਬਲਿਕੋ ¶ ਸੁਰਤ੍ਤਮਧਰੋ ਸੁਵਟ੍ਟਦਸਨੋ,
ਆਯਤਸਣੁਲੋਮਭਮੂਕੋ ਮੁਦੁਤ੍ਤਨੁਕਰਤ੍ਤ ਜਿਵ੍ਹਸਹਿਤੋ;
ਛਤ੍ਤਸਮਾਨਸੋਭਣਸਿਰੋ ਸੁਕੇਸਵਰ ਕੇਤੁਮਾਲਵਿਚਿਤੋ,
ਇਚ੍ਚਨੁਬ੍ਯਞ੍ਜਨੇਭਿ ਸਹਿਤਂ ਮੁਨਿਨ੍ਦਪਵਰਂ ਨਮਾਮਿ ਸਿਰਸਾ.
ਸਕਲਮਲੇਹਿ ਸੋ ਮੁਨਿ ਸੁਦੂਰਤਾਯ ਚ ਮਲਾਰਿਨਿਂ ਹਤਤਯਾ,
ਤਿਭਵਰਥੇ ਸਮਾਨਿਤਮਨਾਰਕਾਨਿ ਚ ਨਮਾਲਯੋ ਨਰਵਰੋ;
ਮਲਕਰਣੇ ਰਹਾਰਹ ਮਨਨ੍ਤਞੇਯ੍ਯ ਮਭਿਜਾਨਨਾ ਮੁਨਿ ਤਥਾ,
ਚਰਣਯੁਤੋ ਤਿਵਿਜ੍ਜਿ ਚ ਸੁਵਾਚਤਾ ਸੁਗਮਨਾ ਜਨੇਸੁ ਸੁਗਤੋ.
ਲੋਕਵਿਦੂ ਸੋ ਨਿਤਲੋਕਤਯਤਾ ਸਾਕਲਤੋ ਅਸਮਨਰਦਮਾ ਸੋ,
ਸਾਰਥਿ ਜਿਨੋ ਅਨੁਸਾਸਨਕਰੋ ਸਤ੍ਥਵਹੋ ਦੁਪਥਤਰਣਸਤ੍ਤਾ;
ਬੁਜ੍ਝਤਿ ਸਾਮਂ ਚਤੁਸਚ੍ਚਮਖਿਲਂ ਬੋਧਯਿ ਜਨ੍ਤੁਗਣਮਿਤਿ ਚ ਬੁਦ੍ਧੋ,
ਭਾਕਰਆਭਾਫੁਟਪਙ੍ਕਜਸਮੋ ਮਗ੍ਗਿਯਞਾਣਫੁਵਿਕਸਿਤੋ ਚ.
ਭਗ੍ਗਕਿਲੇਸੋ ਸੋ ਭਗਵਾ ਤਿਭਵ ਵਮਿਤ ਗਮਨ ਸੁਜਨ ਭਜਨਤੋ,
ਸੋ ਭਜਿ ਸਦ੍ਧਮ੍ਮੇ ਪਵਿਭਤ੍ਤ ਸਰਸ ਛਭਗਯੁਤ ਗਰੁਕਰਣਿਯਤੋ;
ਸਤ੍ਤਨਿਕਾਯੇ ਕੇਨਪਿਤੁਲ੍ਯਗੁਣਮਪਮਿਤ ਸਿਰਿਘਂਨਜੁਤਿਸੁਸੁਭਂ,
ਦੇਵਨਰਾਨਂ ਏਕਪਤਿਟ੍ਠ ਮਵਿਤਥੁਤਿਯਸ ਮਸਕਿ ਮਭਂਨਮੇ.
ਬੁਦ੍ਧੁਪ੍ਪਾਦੋ ਕਿਮ੍ਮਙ੍ਗਂ ਭੋ ਅਤਿਦੁਲਭਤਰਮਿਧ ਭਵੇ ਸੁਘੋਸ ਮਪਾਪਰੋ,
ਤਸ੍ਮਾ ਪਤ੍ਥੇਨ੍ਤਾ ਸਬ੍ਬਞ੍ਞੁਂ ਵਿਵਿਧਹਿਤਸੁਖ ਮਨਧਿਕਂ ਨਮਨ੍ਤੁ ਚ ਸਾਧਵੋ;
ਪੁਞ੍ਞੇਨਾਨੇਨੇਤੇ ਦਿਟ੍ਠੇ ਭਯਅਘਂਪੀਲ਼ਨਟ੍ਠ ਵਿਰਹਿਤਾ ਪਰਤ੍ਥ ਚੁਭੋ ਸੁਭੇ,
ਭੁਤ੍ਵਾਨਨ੍ਤੇ ਵੇ ਹੇਸ੍ਸਨ੍ਤੇ ਅਵਿਕਲਸੁਖਸਿਰਿਮਤਿਕਾ ਅਨੁਤ੍ਤਰ ਭਾਗਿਨੋ.
ਸੋ ਚਕ੍ਕੋਪੇਤਪਾਦੋ ਮੁਦੁਭੁਜਚਰਣੋ ਸੁਪ੍ਪਤਿਟ੍ਠਿਤਪਾਦੋ,
ਏਣੀਜਙ੍ਘੋ ਚ ਬੁਦ੍ਧੋ ਕਨਕਨਿਭਤਚੋ ਆਯਤਪਣ੍ਹਿ ਨਾਥੋ;
ਕੋਸੋਨਦ੍ਧਙ੍ਗਜਾਤੋ ਅਤਿਸੁਧੁਮਛਵੀ ਜਾਲਿਕਪ੍ਪਾਨਹੇਟ੍ਠਾ,
ਉਸ੍ਸਙ੍ਖਪਾਦਯੁਤ੍ਤੋ ਅਭਿਨਿਲਨਯਨੋ ਆਯਤਙ੍ਗੁਲਿਯੋਗੋ.
ਠਿਤੋ ¶ ਖੋ ਨੋ ਨਮਨ੍ਤੋ ਕਿਰੁਭਯਪੁਥੁਨਾਜਾਣੁਯੋ ਆਮਸਨ੍ਤੋ,
ਲੋਮਕੂਪੇਕੇਕਲੋਮੋ ਸਮਤਲਦਸਨੋ ਅਞ੍ਜਨੁਦ੍ਧਗ੍ਗਲੋਮੋ;
ਬ੍ਰਹ੍ਮਦ੍ਦੇਹੁਜ੍ਜੁਗਤ੍ਤੋ ਅਵਿਰਲ਼ਮੁਖਤੋ ਸਤ੍ਤਕਙ੍ਗੁਸ੍ਸਦੋ ਸੋ,
ਨਿਗ੍ਰੋਧਪ੍ਪਾਰਿਬਿਮ੍ਬੋ ਮਿਗਪਤਿਹਨੁਕੋ ਸੀਹਪੁਬ੍ਬਡ੍ਢਕਾਯੋ.
ਪੁਣ੍ਣਤ੍ਤਾਲੀਸਦਨ੍ਤੋ ਸੁਪਹੁਤਰਸਨੋ ਸੋਭਣੋਦਾਤਦਾਠੋ,
ਸਣ੍ਹੋਦਾਤੁਣ੍ਣਲੋਮੋ ਸਮਵਟਲਗਲੋ ਅਨ੍ਤਰਂਸਪਿਣੋ ਸੋ;
ਬ੍ਰਹ੍ਮਗ੍ਘੋਸੋ ਮੁਨਿਨ੍ਦੋ ਪੁਨਪਿ ਗੁਪਖੁਮੋ ਉਣ੍ਹਿਸਸਮ੍ਫੁਲ੍ਲਸੀਸੋ,
ਬਾਤ੍ਤਿਂਸਙ੍ਗੋਪਸੋਭਂ ਮੁਦੁਰਸਹਣੀ ਲੋਕਜੇਟ੍ਠਂ ਨਮੇ ਤਂ.
ਮਹਾਪਣਾਮ ਨਿਟ੍ਠਿਤਾ.
ਤਿਗੁਮ੍ਬਚੇਤਿਯ ਥੋਮਨਾ
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਯੋ ¶ ਦੀਪਙ੍ਕਰਮੂਲਮ੍ਹਿ, ਪਦਂ ਹਤ੍ਤਗਤਂ ਚਜਿ;
ਸਮ੍ਮਾਸਮ੍ਬੋਧਿ ਮਾਕਙ੍ਖਂ, ਵਨ੍ਦੇ ਤਸ੍ਸ ਸਿਰੋਰੁਹਂ.
(ਪਥ੍ਯਾਵਤ੍ਤਗਾਥਾ).
ਪੂਰੇਤ੍ਵਾ ਬੋਧਿਸਮ੍ਭਾਰ-ਮਹੇਸਂ ਯੋ ਅਨੁਤ੍ਤਰਂ;
ਅਲਤ੍ਥ ਬੁਦ੍ਧਤ੍ਤਂ ਤਸ੍ਸ, ਕੇਸਧਾਤੁਵਰਂ ਨਮੇ.
(ਪਥ੍ਯਾਵਤ੍ਤਗਾਥਾ).
ਲਦ੍ਧਾ ਬੁਦ੍ਧਤ੍ਤਂ ਛਠਾਨ-ਮਤਿਕ੍ਕਮ੍ਮ ਪਵੇਦਯਿ;
ਵਿਮੁਤ੍ਤਿਂ ਰਾਜਾਯਤਨੇ, ਤਸ੍ਸ ਕੇਸਵਰਂ ਨਮੇ.
(ਰਕਾਰ ਭਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਤਤ੍ਥ ਸਕ੍ਕਦਤ੍ਤਿਯਮ੍ਪਿ, ਨਾਗਲਤਂ ਹਰੀਤਕਂ;
ਅਨੋਤਤ੍ਤੋਦਕਂ ਭੁਞ੍ਜਿ, ਵਨ੍ਦੇ ਤਸ੍ਸ ਸਿਰੋਰੁਹਂ.
(ਰਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਤਦਾ ¶ ਮੁਗ੍ਗਸੇਲਪਤ੍ਤਂ, ਮਹਾਰਾਜੂਹਿ ਦਿਨ੍ਨਕਂ;
ਤਥਾਗਤੋ ਪਟਿਗ੍ਗਣ੍ਹਿ, ਵਨ੍ਦਾਮਿ ਤਸ੍ਸ ਸੀਸਜਂ.
(ਰਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਤਦਾ ਦ੍ਵਿਨ੍ਨਂ ਦ੍ਵੇਭਾਤਿਕ-ਜਨੇਹਿ ਮਧੁਪਿਣ੍ਡਿਕਂ;
ਪਰਿਭੁਞ੍ਜੇਸਿ ਮਨ੍ਥਮ੍ਪਿ, ਤਸ੍ਸ ਸੀਸਸਿਰਿਂ ਨਮੇ.
(ਤਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਯੋ ਤਪੁਸ੍ਸਭਲ੍ਲਿਕਾਨਂ, ਤਦਾ ਦ੍ਵਿਸਰਣਂ ਅਦਾ;
ਲੋਕਮ੍ਹਿ ਸਬ੍ਬਪਠਮਂ, ਤਸ੍ਸ ਸੀਰਿਵਹਂ ਨਮੇ.
(ਰਕਾਰ ਨਕਾਰ ਵਿਪੁਲਾਪਥ੍ਯਾਵਤ੍ਤਗਾਥਾ).
ਤਦਾ ¶ ਤਤ੍ਥੁਪਟ੍ਠਕਾਨਂ, ਤੇਸਂ ਕੇਸੇ ਅਦਾ ਅਠ;
ਲੋਕਹਿਤ ਮਪੇਕ੍ਖਨ੍ਤੋ, ਨਾਥੋ ਯੋ ਤਸ੍ਸ ਤੇ ਨਮੇ.
(ਰਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਤੇਪਿ ਤਂ ਆਹਾਰਿਤ੍ਵਾਨ, ਪੋਕ੍ਖਰਬ੍ਬਤਿਯਂ ਕਰੁਂ;
ਸਜੀਵਕੇਸ ਚੇਤਿਯਂ, ਨਮੇਤਂ ਸਬ੍ਬਪੁਬ੍ਬਕਂ.
(ਮਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਉਪੋਸਥੁਪੋਸਥਮ੍ਹਿ, ਮੁਞ੍ਚਨ੍ਤਂ ਨੀਲਰਸ੍ਮਿਯੋ;
ਭਗਵਾਵ ਲੋਕਅਤ੍ਥਂ, ਕਰੋਨ੍ਤਂ ਤਂ ਸਦਾ ਨਮੇ.
(ਰਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਚੂਲ਼ਾਮਣਿਦੁਸ੍ਸਚੇਤ੍ਯਂ ¶ , ਕਾਲਮ੍ਹਿ ਬੋਧਿਸਤ੍ਤਕੇ;
ਬੁਦ੍ਧਕਾਲੇ ਇਦਂ ਸਬ੍ਬ-ਪਠਮਂ ਤਂ ਨਮਾਮਹਂ.
(ਰਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਨਮਾਮਹਂ ਵਨ੍ਦਾਮਹਂ, ਪੂਜੇਮਹਂ ਸਿਰੋਰੁਹਂ;
ਪੁਞ੍ਞਮਿਦਂ ਭਵਤੁ ਮੇ, ਪਚ੍ਚਯੋ ਆਸਵਕ੍ਖਯੇ.
(ਤਕਾਰ ਨਕਾਰਵਿਪੁਲਾ ਪਥ੍ਯਾਵਤ੍ਤਗਾਥਾ).
ਤਿਗੁਮ੍ਬਚੇਤਿਯਥੋਮਨਾ ਨਿਟ੍ਠਿਤਾ.
ਵਾਸਮਾਲਿਨੀਕ੍ਯ
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਵੁਡ੍ਢੋਪਿ ¶ ਜਿਨਾਨਂ, ਬੁਦ੍ਧੋਸਿ ਵਿਜਾਨਂ;
ਪੁਬ੍ਬੋਦਿਤਿ ਮਾਹਂ, ਕੁਬ੍ਬੋਮਿ ਵਿਮਾਨਂ.
(ਤਨੁਮਜ੍ਝਾਗਾਥਾ)
ਮਹਾਸਮਤਕੂਲਂ, ਨਰਾਪਵਰਪੂਜਂ;
ਜਹਾ ਅਭਯਪੂਰਂ, ਨਮਾ ਕਨਕਰੂਪਂ.
(ਕੁਮਾਰਲਲਿਤਾਗਾਥਾ)
ਨਰਾਸਭਸੁਬੁਦ੍ਧਂ ¶ , ਪਜਾਮਤਨੁਰੁਤ੍ਤਂ;
ਦਯਾਕਰਮੁਦੁਤ੍ਤਂ, ਨਮਾਮ ਹ ਉਸੁਕ੍ਕਂ.
(ਕੁਮਾਰਲਲਿਤਾਗਾਥਾ)
ਹਿਤਂ ਵਹਸੁਸੀਲੋ, ਪਮੋਦਤਿ ਸੁਖਤ੍ਤੇ;
ਨਮੇ ਤਮਪਬੁਦ੍ਧਂ, ਜਿਨਂ ਗਤਸੁਖਨ੍ਤਂ.
(ਕੁਮਾਰਲਲਿਤਾਗਾਥਾ)
ਬਨ੍ਧੁ ਚ ਸਨ੍ਤਕਿਲੇਸੋ, ਯੋ ਪਿਤਵਣ੍ਣਪਭਾਸੋ;
ਗੋਤਮਗੋਤ੍ਤਸੁਞ੍ਞਤੋ, ਤਸ੍ਸ ਨਮੋ ਨਰਸੀਹੋ.
(ਚਿਤ੍ਰਪਦਾਗਾਥਾ)
ਬੁਦ੍ਧਂ ¶ ਸੁਦ੍ਧਂ ਲੋਕੇਸੀਤਂ, ਉਕ੍ਕਂ ਯੁਤ੍ਤਂ ਯੋਗੇ ਹਂ;
ਵਨ੍ਤਾਤੀਤਂ ਓਘੇ ਸੀਦਂ, ਵਨ੍ਦਾਪੀਹਂ ਸੋਕੇਹੀਹਂ.
(ਵਿਜ੍ਜੁਮ੍ਮਾਲਾਗਾਥਾ)
ਭੋਗਵਤੀ ਯੋਪਖਮੀ, ਸੀਤਦਯਾ ਲੋਕਸਖਾ;
ਧਾਤੁਤਯੇ ਕਿਤ੍ਤਿ ਸ ਵੇ, ਦਾਤੁ ਜਯੇ-ਤਸ੍ਸ ਚ ਮੇ;
(ਮਾਣਵਕਗਾਥਾ)
ਮਾਨਿਤੋ ਲੁਖੋ ਰੁਤੋਥ, ਸਨ੍ਨਿਭੋ ਸੁਭੋ ਸੁਖੋ ਚ;
ਜਾਨਿਤੋ ਧਰੋ ਨਮੋ ਚ, ਤਸ੍ਸ ਯੋ ਥੁਤੋ ਗੁਣੋਵ.
(ਸਮਾਨਿਕਾਗਾਥਾ)
ਜਯਂ ¶ ਧਜਂ ਪਜਾਪੁਗੇ, ਠਿਤਂ ਲਿਲਂ ਮਹਾਸੁਖੇ;
ਸੁਭਂ ਫੁਟਂ ਪਭਂ ਨਮੇ, ਹਿਤਂ ਸੁਖਂ ਦਦਾਤੁ ਮੇ.
(ਪਮਾਣਿਕਾਗਾਥਾ)
ਪੁਣ੍ਣਪੁਞ੍ਞਜਨਿਤਸੁਭਂ, ਜਾਤਿਞਾਤਿਥੁਤਿਯਗੁਣਂ;
ਭੇਦਵੇਰਵਿਮਲਜਿਨਂ, ਞਾਣਪਾਦਚਰਣ-ਮਹਂ.
(ਹਲਮੁਖੀਗਾਥਾ)
ਸਤਿ ਮਤਿ ਸੁਚਿ ਯੋ-ਭਾਸੋ, ਥੁਤਿ ਮੁਨਿ ਸੁਖਿਤੋ ਕਾਯੋ;
ਮਨੁਜਪੁਮਸੁਤੋ ਨਾਥੋ, ਜਯਵਰ ਮੁ-ਸਭੋ ਦਾਤੋ.
(ਭੁਜਗਸੁਸੁਗਾਥਾ)
ਯੋ ¶ ਬੁਦ੍ਧੋ ਪਵਰੋ ਲਿਲੋ ਪੁਗੇ,
ਲੋਕੁਤ੍ਤੋ ਅਭਯੋ ਠਿਤੋ ਸੁਖੇ;
ਉਤ੍ਤਿਣ੍ਣਂ ਨਿਸਭਂ ਹਿਤਂ ਵਹੇ,
ਮੋਨਿਨ੍ਦਂ ਵਿਮਲਂ ਜਿਨਂ ਨਮੇ.
(ਸੁਦ੍ਧਵਿਰਾਜਿਤਗਾਥਾ)
ਦੇਵਿਨ੍ਦਂ ਵਰਗਣਥੇਰਿਨ੍ਦਂ,
ਨਿਟ੍ਠਾਨਂ ਭਵਜਨਨਿਬ੍ਬਾਨਂ;
ਨਿਦ੍ਦੋਸਂ ਰਣਰਜਨਿਪ੍ਫੋਟਂ,
ਵਨ੍ਦੇ-ਹਂ ਸੁਭਮੁਖਸੋਣ੍ਣੇਮਂ.
(ਪਣਵਗਾਥਾ)
ਗੋਤਮਗੋਤ੍ਤੇ ¶ ਕੇਤੁਵ ਞਾਤਂ,
ਲੋਕਜਖੇਤ੍ਤੇ ਮੇਰੁਵ ਜਾਤਂ;
ਥਨ੍ਦਿਲਜੇਟ੍ਠੇ ਭੇਦਿਤਮਾਰਂ,
ਪਣ੍ਡਿਤਮਜ੍ਝੇ ਮੇਧਿਵ ਭਾਣਂ;
ਮਨ੍ਤਿਯ ਵਨ੍ਦੇ ਸੇਵਿਤਨਾਥਂ.
(ਰੁਮ੍ਮਵਤੀਗਾਥਾ)
ਬੁਦ੍ਧੋ ਸੁਕ੍ਕੋ ਅਮਿਤਗੁਣੀਸੋ,
ਯੁਤ੍ਤੋ ਮੁਤ੍ਤੋ ਸਸਿਵ ਤਿਮੀਤੋ;
ਖੇ ਯੋ ਤੇਜੋ ਤਪਸਿਵ ਅਕ੍ਕੋ,
ਫੇਲੋ ਥੇਤੋ ਤਵ ਨਮਕਾਰੋ.
(ਮਤ੍ਤਾਗਾਥਾ)
ਯੋ ¶ ਜਿਤਮਾਰੇ ਵੇ ਅਜਿ ਸਬ੍ਬਂ,
ਥੋ ਮਿਤਸਾਰੇ ਹੇ-ਧਿਤਪਤ੍ਤਂ;
ਸਂਸਿਤਪੁਣ੍ਣੋ ਸੋ ਨਮਿ ਤਸ੍ਸ,
ਪਣ੍ਡਿਤਫੁਲ੍ਲੋ ਸੋ ਮਤਿਕਸ੍ਸ.
(ਚਮ੍ਪਕਮਾਲਾਗਾਥਾ)
ਕਨਕਰੂਪ ¶ ਮੂਪਮੇਯ੍ਯਕਂ,
ਪਵਰਸੂਰ ਪੂਜਸੇਵਤਂ;
ਕਮਲਭੂਮ ਧੂਰਦੇਸਕਂ,
ਨਰਮਰੂਪ ਰੂ ਨਮੇ ਤ-ਹਂ.
(ਮਨੋਰਮਾਗਾਥਾ)
ਦੇਵੇ ਗਤੇ ਦ੍ਵੇਵਾਰਾ ਗਮਾਸਿ,
ਸੇਲੇ ਚਲੇ ਯੇ ਞਾਤਾ ਪਚਾਯਿ;
ਉਦ੍ਧਂ ਤਲੇ ਤੇਵਾਸਂ ਅਕਾਸਿ,
ਬੁਦ੍ਧਂ ਮਤੇ ਏਸਾਹਂ ਨਮਾਮਿ.
(ਉਬ੍ਭਾਸਕਨ੍ਤਗਾਥਾ)
ਉਕ੍ਕੇ ਸੁਨੁਤਂ ਪੁਥੁਕਞ੍ਚ ਥੇਰਂ,
ਵੁਤ੍ਤੇ ਸੁਖੁਮਂ ਉਜੁਕਂ ਤਥੇਤਂ;
ਦਿਬ੍ਬੇ ਪਟਿਮਂ ਕਿਰਿਯਂ ਵਦੇਤਂ,
ਇਦ੍ਧੇ ਮਹਿਤਂ ਕਥਿਤਂ ਨਮੇਹਂ.
(ਉਪਟ੍ਠਿਤਗਾਥਾ)
੨੦. ਦਿਬ੍ਬਸ੍ਸ ¶ ਪੂਰੇ ਪਵਰੇਹਿ ਗੁਤ੍ਤੋ,
ਸਿਦ੍ਧਤ੍ਥ ਭੂਤੇ ਨਗਰੇਹਿ ਵੁਟ੍ਠੋ;
ਸਙ੍ਕਸ੍ਸ ਪੂਰੇ ਮ-ਗਣੇਹਿ ਬੁਦ੍ਧੋ,
ਅਞ੍ਞਤ੍ਥ ਪੂਜੇ ਪਨਮੇ ਨਿ ਕੁਬ੍ਬੋ.
(ਇਨ੍ਦਵਜਿਰਾਗਾਥਾ)
ਸੁਭਂ ਥੁਤਂ ਯੋ ਰਜਤਂ ਬਲਤ੍ਥਂ,
ਯੁਗਂ ਹੁਤਂ ਸੋ ਕਨਕਂ ਕਮਤ੍ਥਂ;
ਚਿਤਂ ਠਿਤਂ ਲੋਹਿਤਕਂ ਮਨਾਪਂ,
ਲਿਲਂ ਇਤਂ ਸੋਰਚਿ ਤਂ ਨਮਾਹਂ.
(ਉਪੇਨ੍ਦਵਜਿਰਾਗਾਥਾ)
ਪਿਨਿਤਂ ¶ ਵਿਣਂ ਸਖਿਲਂ ਯਜਿ ਤਂ,
ਸੁਸੁਖਂ ਧੁਜਂ ਬਿਲੁਵਂ ਨਿਯੁਤਂ;
ਠਪਿਯਂ ਸਿਮਂ ਥੁਨੁਤਂ ਪੁਥੁਲਂ,
ਨਮਿ ਹਂ ਖਿਣਂ ਸੁਖੁਮਂ ਮੁਦੁਕਂ.
(ਸੁਮੁਖੀਗਾਥਾ)
ਸੋਗਤਿ ¶ ਬੋਧਯਿਂ ਗਾਹਿਯ ਪਤ੍ਤਂ,
ਓਤਰਿ ਸੋਨਮਿ ਜਾਨਿਤ ਅਤ੍ਥਂ;
ਭੂਪਤਿ ਪੂਜਯਿ ਸਾਕਿਯ ਵਂਸਂ,
ਸੂਜਧਿ ਊਪਧਿ ਭਾਸਿਤ ਧਮ੍ਮਂ.
(ਦੋਧਕਗਾਥਾ)
ਚਤ੍ਤਾਰੋ-ਮੇ ਯਾਚਿਤੇ ਸੋ ਪਵੁਤ੍ਥੇ,
ਲਦ੍ਧਾ ਭੋਗੇ ਕਾਮਿਤੇ ਓਘਮੁਤ੍ਤੇ;
ਕਤ੍ਤਾ ਤੋਸੇ-ਤਂ ਨਮੇ ਚੋਲਯੁਤ੍ਤੇ,
ਤਤ੍ਥਾ-ਲੋਕੇ ਤਂਪਤੇ ਖੋ ਪਦੁਕ੍ਕੇ.
(ਸਾਲਿਨੀਗਾਥਾ)
ਸਤ੍ਤਾ-ਲੋਕੋ ¶ ਸਰਿਤੋ ਯੋ ਧਜੁਕ੍ਕਂ,
ਤਤ੍ਥਾ-ਗੋਪੋ ਰਚਿਯੋ-ਨੋਜ-ਮੁਦ੍ਧਂ;
ਭਦ੍ਦਾ-ਸੋਕੋ-ਪਚਿਤੋ-ਭੋ ਪਬੁਦ੍ਧਂ,
ਸਦ੍ਧਾਯੋਗੋ ਭਜਿ ਸੋ-ਹੋ-ਨਮੁਚ੍ਚਂ.
(ਵਾਤੋਮ੍ਪੀਗਾਥਾ)
ਞਾਤਮਰੂਨਂ ਉਪਰਿ ਠਿਤਾਨਂ,
ਵਾਲਪਸੂਕਂ ਹੁਵਤਿ ਜਿਨਾਨਂ;
ਦੇਵਸੁਯਾਮੋ ਜਿਨਮਿਤਿ ਞਾਤੋ,
ਤੇਨ ਸੁਖਾ-ਭੋ ਵਿਨਮਿ ਇਦਾ ਸੋ.
(ਸਿਰੀਗਾਥਾ)
ਪੁਣ੍ਣਕੇਨ ¶ ਕੁਸੁਮੇਨ ਸੇਵਤਂ,
ਕੁਞ੍ਜਰੇਵ ਥੁਨੁਤੇਨ ਖੇ ਗਤਂ;
ਸੁਨ੍ਦਰੇਨ ਨਮਿ ਤੇਨ ਮੇ ਜਯਂ,
ਪੁਞ੍ਞਤੇਜਕਰਿ-ਧੇਸ ਵੇ ਦਦਂ.
(ਰਥੋਦ੍ਧਤਾਗਾਥਾ)
ਮਾਤੁ ਆਯੁ ਖਿਣੁ-ਕੇ ਇਹ ਪੁਬ੍ਬੇ,
ਤਾਸੁ ਸਾਧੁ ਵਿਸੁਤੇ-ਦਿਸਕੁਚ੍ਚੇ;
ਵਾਤ ਤਾਲ ਖਚਿਤੇਨਿ-ਧ ਸੋਣ੍ਣੇ,
‘‘ਤਾਤ ਤਾਤ’’ ਯਜਿ ਤੇ-ਤਿਸ ਵਨ੍ਦੇ.
(ਸ੍ਵਾਗਤਗਾਥਾ)
ਉਪਰਿ ¶ ਕਮਲਯੋਨਿ ਸੋਭਿਤਂ,
ਜੁਹਤਿ ਧਵਲਜੋਤਿ-ਦੋਸਿਤਂ;
ਸੁਕਰਿ ਯ-ਮਤਬੋਧਿ-ਮੋਚਿਤਂ,
ਸੁਨਮਿ ਚਰਣਲੋਕਿ-ਧੋ-ਰਿਮਂ.
(ਭਦ੍ਦਿਕਾਗਾਥਾ)
ਵਨੇ ¶ ਜਿਨੋ ਯੋ ਵਿਨਯਂ ਸੁਪੇਕ੍ਖਿ-ਮਂ,
ਮਤੇ ਠਿਤੋ-ਭੋ ਦਿਜਕਂ ਦੁਬਜ੍ਜਿਤਂ;
ਅਘੇ-ਨਿਧੋ ਖੋਭਿ-ਤਰਂ ਮੁਨੇ-ਚ੍ਛਿ-ਦਂ,
ਨਮੇ-ਭਿਤੋ ਬੋਧਿਮਹਂ ਲੁਖ-ਜ੍ਝਿਤਂ.
(ਵਂਸਟ੍ਠਗਾਥਾ)
ਯੋ ਜਾਤਿ-ਦੋਮਾਨੀ-ਮੁਪਾਸਿ ਲਮ੍ਬਿ ਤਂ,
ਕੋਧੇਹਿ ਲੋਕੇਹਿ ਦੁਭਾਸਿ ਪਣ੍ਡਿਤਂ;
ਪੂਰੇਪਿ ਮੂਲੇਪਿ ਪਹਾਸਿ ਦਿਟ੍ਠਿਕਂ,
ਸਬ੍ਬੇਹਿ ਪਤ੍ਤੇਹਿ ਨਮਾਮਿ ਇਚ੍ਛਿਤਂ.
(ਇਨ੍ਦਵਂਸਾਗਾਥਾ)
ਵੇਰਞ੍ਜਕੇ ¶ ਪੂਰਵਰੇ ਵਿਭੂਸਿਤੇ,
ਨੇਲਞ੍ਜਨੇ ਦੂਮਵਨੇ ਵਿਕੂਜਿਤੇ;
ਖੇਮਙ੍ਕਰੇ ਥੂਲਤਰੇ ਵਿਦੂ ਸਿਤੇ,
ਏਤ-ਙ੍ਗਮੇ ਪੂਨ ਨਮੇ ਵਿਰੂਪਿ ਵੇ.
(ਇਨ੍ਦਵਂਸਾਗਾਥਾ)
ਅਧੁਨਾਪਿ ਸ ਸਾਰਿਸੁਤੋ ਨਿਮਲਂ,
ਤਮੁਪਾਸਿ ਮਤਾਪਿ ਕੁਤੋ ਚਿ ਨਯਂ;
ਕਰੁਣਾਯਿ ਧ ਯਾਚਿ ਬੁਧੋ ਵਿਨਯਂ,
ਗਰੁਕਾਪਿ ਨਮਾਮਿ ਸੁ-ਯੋ ਜਿਤ-ਹਂ.
(ਤੋਟਕਗਾਥਾ)
ਜਨਵਰੋ ¶ ਮੁਨਿ ਸੋ ਸਰਿਤੋ ਵਨੇ,
ਵਸਭਤੋ ਉਦਿਤੋ-ਪਰਿ ਗੋਤਮੇ;
ਗਮਨਸੋ ਗੁਣਿਕੋ ਗਮਿ-ਤੋ ਨਮੇ,
ਨਗਰ-ਦੋ ਜੁਤਿ-ਮੋ ਘਤਿਤੋ-ਸਥੇ.
(ਦੁਤਵਿਲਮ੍ਬਿਤਗਾਥਾ)
ਭਗਵਤਿ ¶ ਕੁਟਿਗਾਰੇ ਯੋ ਨਿਸਿਨ੍ਨੇ,
ਧਨਵਤਿ ਸੁਵਿਸਾਲੇ-ਕੋ ਇਸਿਨ੍ਦੇ;
ਯ-ਮਲਭਿ ਮੁਨਿ ਲਾਭੇ ਮੋਲਿਛਿਨ੍ਨੇ,
ਸ ਪਨਮਿ ਜੁਤਿ-ਮਾਸੇ-ਤੋ ਕਿਲਿਨ੍ਨੇ.
(ਪੁਟਗਾਥਾ)
ਪਠਪਿਤ-ਮਿਚ੍ਚਸ੍ਸ ਸਿਦਤੁ ਸਬ੍ਬਂ,
ਪਠਮਿ-ਧ ਸਿਕ੍ਖਸ੍ਸ ਹਿਤਸੁਖਤ੍ਥਂ;
ਪਵਦਿਯ ਗਿਦ੍ਧਸ੍ਸ ਖਿਣਲੁਖਤ੍ਥਂ,
ਪਨਮਿ ਚ ਕਿਚ੍ਚਸ੍ਸ ਸਿਖਮੁਕਪ੍ਪਂ.
(ਕੁਸੁਮਵਿਚਿਤ੍ਤਾਗਾਥਾ)
ਨਿਲੋਭਾਸਿ ¶ ਧੂਮੇਹਿ ਯੁ-ਚ੍ਚੋ ਵਿਲਾਸੇ,
ਠਿਤੋ ਚਾ-ਭਿ ਭੂ ਤੇਹਿ ਰੁਕ੍ਖੋ-ਦਿਗਾਹੇ;
ਯਿ-ਤੋ ਤਾਨਿ ਪੂਰੇਪਿ ਲੁਦ੍ਧੋ ਦ੍ਵਿਵਾਰੇ,
ਜਿਨੋ-ਕਾਸਿ ਪੂਜੇਮਿ ਬੁਦ੍ਧੋ ਹਿਤਾ-ਸੇ.
(ਭੁਜਙ੍ਗਪ੍ਪਯਾਤਗਾਥਾ)
ਜਨਰਮੇ ¶ ਦਸਸਰੇ ਵਿਸਾਲਕੇ,
ਮੁਨਿਵਰੇ ਕੁਟਿਘਰੇ-ਰਿਯਾਪਥੇ;
ਧੁਤਤਰੇ-ਸੁਭਕਥੇ ਚਜਿ ਸ ਵੇ,
ਤਤਿਯਕੇ-ਤ-ਮਿਧ ਵੇ ਠਪਿ ਨਮੇ.
(ਪਿਯਂਵਦਾਗਾਥਾ)
ਵੇਸਾਲਿਕੇ ਤੁ ਵਸਿ ਕਾਤੁ ਚਾਤੁਕਂ,
ਤੇ ਞਾਹਿ ਤੇਸੁ ਲਭਿ-ਧਾ-ਮੁਕਾ-ਮੁਕਂ;
ਨੇਗਾਮਿਕੇਸੁ ਭਜਿ ਫਾਸੁ ਸਾ-ਯੁਕਂ,
ਏਤਾ-ਧਿਕੇਸੁ ਨਮਿ-ਕਾਸੁ-ਦਾ-ਤੁਲਂ.
(ਲਲਿਤਾਗਾਥਾ)
ਵਦਿ ¶ ਸੁਪ੍ਪਿਯੋ ਦੁਵਚਨਂ ਤਮਤੋ,
ਸਹਿ ਮੁਤ੍ਤਿਕੋ ਗੁਣਕਥਂ ਤਥਤੋ;
ਗਮਿ ਮਾਣਵੋ ਦੁਰਪਥਂ ਚਰਤੋ,
ਨਮਿ ਸਾਧਵੋ ਬੁਧਵਰਂ ਪਰਸੋ.
(ਪਮਿਤਕ੍ਖਰਾਗਾਥਾ)
ਯੁ-ਪਗਮਿ ਵਿਮਲੋ ਸਖਿਲੋ ਤਦਾ,
ਯੁਵਵਤਿ-ਪਿਵਨੋ ਰਮਿ ਯੋ ਬ੍ਰਹ੍ਮਾ;
ਏਕਸਯਿ ¶ ਠਿਤਤੋ ਕਥਿ ਖੋ ਗੁਣੇ,
ਏਸ ਨਮਿ ਜਿਨ-ਮੋ ਪਧਿ-ਦੋ-ਜੁਕੇ.
(ਉਜ੍ਜਲਾਗਾਥਾ)
ਜਾਨਂ ਸਬ੍ਬੇਸਂ ਦੇਸਿ ਯੋ ਖੋ-ਧਿਮੁਤ੍ਤਂ,
ਆਨਨ੍ਦਤ੍ਥੇਰਂ ਵੇਦਿਤੋ ਚੋਲ਼ਿਸੁਤ੍ਤਂ;
ਕਾਯਸ੍ਸਮ੍ਮੁਖੇ ਕਾਤੁਨੋ-ਲੋਕਿਯਂ-ਸੇ,
ਠਾਨ-ਸ੍ਸ-ਪ੍ਪੁਗੇ ਕਾਰੁਣੋ ਹੋਤਿ ਵਨ੍ਦੇ.
(ਵੇਸ੍ਸਦੇਵੀ ਗਾਥਾ)
ਸੁਕਥਿਯ ¶ ਮਜ੍ਝਿਮਸੀਲ-ਮਪਰਂ,
ਯੁ-ਪਚਿਤ-ਮੇਤ੍ਥਿ-ਧ ਚੀਰ-ਮਨਯਂ;
ਬੁਧਯਿ ਚ ਭਜ੍ਜਿਤ-ਮੀਣਵਤਰਂ,
ਸੁਨਮਿ ਪਵਜ੍ਜਿਤ-ਮੀਹ-ਮਮਲਂ.
(ਤਾਮਰਸਗਾਥਾ)
ਮਹਕਞ੍ਹਿ ਸੀਲਮ੍ਪਿ ਅਭਾਸਿ ਕਨ੍ਤੇ,
ਬ੍ਰਹ੍ਮਥਨ੍ਦਿਲੀ ਮਮ੍ਹਿ ਮਨਾਪਿ ਰਮ੍ਮੇ;
ਚਲਕਮ੍ਪਿ ਗੀਰਮ੍ਪਿ ਕਦਾਚਿ ਅਮ੍ਬੇ,
ਵਰਪਣ੍ਡਿ ਖੀਣਮ੍ਪਿ ਨਮਾਮਿ ਤਂ ਵੇ.
(ਕਮਲਾਗਾਥਾ)
ਮੋਹਨ੍ਤੇ ¶ ਜਿਨਿ ਪਠਮੇ ਜਯੇ ਜਿਤਾਯਂ,
ਸੋਰਮ੍ਮੇ ਇਸਿਪਤਨੇ ਵਨੇ ਨਿਵਾਸਂ.
ਖੋਭਨ੍ਤੇ ਕਿਰਿ ਸਕਲੇ ਵਦੇ ਵਿਲਾਸਂ,
ਘੋਰਂਵੇ ਵਿਨਿਦਮਨੇ ਨਮੇ ਜਿਨਾ-ਹਂ.
(ਪਹਾਸਿਨੀਗਾਥਾ)
ਦਿਵਾਰਕਂ ਬਜਨਗਰਂ ਫਿਤਂ ਵਸੇ,
ਨਿਸਾਯ ਤਂ ਜਨਗਣਨਂ ਠਿਤਂ ਮਤੇ;
ਵਿਜਾਨਕਂ ਤਮਜਟਕਂ ਸਿਤਂ ਵਨੇ,
ਹਿਤਾਵਹਂ ਨਰਪਵਰਂ ਇਮਂ ਨਮੇ.
(ਰੁਚਿਰਗਾਥਾ)
ਰਚਿਤ-ਮਵਿਰਲਂ ¶ ਮਨੁਸ੍ਸ ਮਥਾ ਪਣਂ,
ਪਸਿਯ ਤਤਿਯਕਂ ਚਤੁਤ੍ਥ ਮਕਾ ਸਯਂ;
ਕਰਿਤ-ਮਧਿਕਤਂ ਅਖੁਬ੍ਭਮਲਾ ਸਭਂ,
ਜਹਿਤਗਤਿਪਰਂ ਪਨੁਜ੍ਜ ਨਮਾਮ-ਹਂ.
(ਪਰਾਜਿਤਾਗਾਥਾ)
ਨਗਰ-ਮਜਯ-ਮੇਸ ਨਿਵਸਿ ਥ ਪਰੇ,
ਮਹਤਿ ਸ ਮਣਿਕੇ ਸਕੁਣਕੁਜਵਨੇ;
ਯਪਤਿ ਵਸਤਿ ਵੇ ਹਿਤਸਿਵਵਹਨੇ,
ਸੁਰਤ ਮੁਭਯਮੇ-ਸਿਤ ਮਿਮ ਪਨਮੇ.
(ਪਹਰਣਕਲਿਕਾਗਾਥਾ)
ਛਟ੍ਠਂ ¶ ਵਸੇ ਅਥੁ-ਦ ਤਤ੍ਥ ਵਨੇ ਮੁਨੇ ਸਂ,
ਸਬ੍ਬਂ ਧਰੇ ਮਕੁਲਪਬ੍ਬਤਕੇ ਉਪੇਦਂ;
ਚਤ੍ਤਂ ਮਲੇ ਮਨੁਜ ਮਤ੍ਥਵਸੇ ਸੁਦੇਸਂ,
ਭਤ੍ਤਂ ਨਮੇ ਲਹੁਕ ਮਪ੍ਪ ਮਰੇ ਧੁਨੇ ਤਂ.
(ਵਸਨ੍ਤਤਿਲਕਗਾਥਾ)
ਨੁਨ ¶ ਉਪਵਸਤਿ ਇਧ ਥ ਪੁਨ ਪਰਿਮੇ,
ਸੁਖਗੁਣਮਹਤਿ ਤਿਦਸਪੁਰ ਅਜਿਤੇ;
ਯੁਗਨੁਤ ਮਵਦਿ ਵਿਤਥ ਮੁਘਤਰਿ ਵੇ,
ਹੁਤਥੁਨ ਮਨਮਿ ਸਿਮਦ ਤੁਲ ਮਰਿਯੇ.
(ਸਸਿਕਲਾਗਾਥਾ)
ਜਿਨਪਤਿ ਸੁਸੁਮਾਰਂ ਭੇਸਕਲ੍ਲਾਵਨੇ-ਸਂ,
ਨਿਵਸਤਿ ਪੁਥੁਞਾਣਂ ਖ੍ਵੇ-ਸ ਨਨ੍ਦਾਲਯੇ-ਤਂ;
ਵਿਮਲ-ਮਿ ਧੁ-ਜੁਕਾਯਂ ਭੇਦਸਨ੍ਤਾਪ-ਸੇਸਂ,
ਵਿਜਹ-ਪਿ ਸੁਖੁਮਾਲਂ ਏਸਮਨ੍ਤਾ ਨਮੇ-ਹਂ.
(ਮਾਲਿਨੀਗਾਥਾ)
ਮਹਤਿ ¶ ਸੁਕਨ੍ਤਿਯੇ ਅਥ ਚ ਤਤ੍ਥ ਸੀਤਲੇ,
ਵਸਤਿ ਕੁਸਮ੍ਬਿਯੇ ਨਵਮਵਸ੍ਸ-ਪੀ-ਤਰੇ;
ਅਵਹਿ ਸੁਖ-ਨ੍ਤਿਮੇ ਪਜਹ-ਮਤ੍ਥ-ਮੀ-ਧ ਵੇ,
ਪਨਮਿ ਨੁਦਂ ਹਿਨੇ ਸਕਲਸਤ੍ਥਵਸਯੇ.
(ਪਭਦ੍ਦਕਗਾਥਾ)
ਯੁਧਵਤਿ ਪਾਲਿਲੇਯ੍ਯਕ ਵਨੇ ਪਹਾਯ ਨਾਗੇ,
ਉਪਠਹਿ ਨਾਗਿ-ਧੇ-ਸ ਦਸਮੇ ਜਹਾਯ ਬਾਲੇ;
ਸੁਖਵਸਿ ਕਾਯਿਕੇ ਚ ਮਨਕੇ ਤਦਾਸ ਸਾਤੇ,
ਯੁਤ-ਮਧਿ ਵਾਹਿਤੇ ਚ ਪਨਮੇ ਪਯਾਤ ਮਾਰੇ.
(ਵਾਣਿਨੀਗਾਥਾ)
ਇਤੋ ¶ ਪਤ੍ਤੇ ਨਾਲ਼ੇ ਵਸਤਿ ਦਿਜਗਾਮੇਪਿ ਦਸਮੇ,
ਹਿਤੋਪਤ੍ਥੇਨਾ-ਯੇਕ ਅਧਿਕਿ-ਧ ਵਾਦੇਹਿ ਵਦਕੇ;
ਵਿਲੋਮਤ੍ਥੇਹਾ-ਨੇਕ-ਸਹਿ ਠਿਤ-ਮਾਘੇਪਿ ਸਮਯੇ,
ਵਿਯੋਗਤ੍ਥੇ-ਤਾ-ਨੇਜ-ਮਪਿ ਪਿਹਵਾਸੇਹਿ ਪਨਮੇ.
(ਸਿਖਰਣੀਗਾਥਾ)
ਦ੍ਵਿਅਧਿਕਿ-ਤਰੇ ¶ ਵੇਰਞ੍ਜਾਯਂ ਤਤੋ ਦਸਮਂ ਪਰੇ,
ਨਿਵਸਿ ਨਿਲਕੇ ਖੇਦਙ੍ਘਾਤਂ ਕਰੋ ਪਰਮਂ ਵਨੇ;
ਕਿਲਮਿ ਇਧ ਵੇ ਵੇਹਙ੍ਗਾਨਂ ਮਨੋਰਮਕਂ ਵਸੇ,
ਵਿਰਜਿ-ਸਿਗਣੇ ਮੇਧਙ੍ਕਾਰਂ ਅਸੋਕਦਦਂ ਨਮੇ.
(ਹਿਰਿਣੀਗਾਥਾ)
ਯੋ ਸਮ੍ਪੁਣ੍ਣੇ ਉਪਰਿ ਤਿਰਸੇ ਚਾਲਿਯੇ ਪਬ੍ਬਤੇਪਿ,
ਸੋਭਂ ਫੁਲ੍ਲੇ ਸੁਵਸਿ ਇਤਰੇ ਕਾਮਿਤੇ ਅਪ੍ਪਮੇਹਿ;
ਸਾਵਤ੍ਥਿਕ੍ਕੇਨੁ-ਦ ਚਤੁਦਸੇ ਕਾਰਿਤੇ ਆਲਯੇਪਿ,
ਕਾਮੋ-ਚ੍ਛਿਦ੍ਦੇ ਤੁ ਭਯ ਮੁਨਮੇ ਞਾਤਿਮੇ ਦ੍ਵਾਰਕੇਹਿ.
(ਮਨ੍ਦਕ੍ਕਨ੍ਤਾਗਾਥਾ)
ਸਕ੍ਕੋ ¶ ਕਪ੍ਪਿਲੇ ਕਰਿਯ ਮਦਕੇ ਨਿਗ੍ਗਹੋ ਯੋਤਿ ਪਞ੍ਚੇ,
ਦਕ੍ਖੋ ਕਪ੍ਪਿਯੇ ਵਸਿਧ ਯਮਕੇ ਇਦ੍ਧਕੋ ਭੋਹਿ ਅਞ੍ਞੇ;
ਯਕ੍ਖੋ ਦਬ੍ਬਿਕੇ ਦਮਿਯ ਨਗਰੇ ਸੋਲ਼ਸੇ-ਤੋਪਿ ਵਙ੍ਕੇ,
ਅਗ੍ਗੋ-ਘਤ੍ਤਿਤੇ ਪਚਿਯ ਪਨਮੇ ਬੋਧਕੇ ਮੋਨਿਪਞ੍ਞੇ.
(ਕੁਸੁਮਿਤਲਤਾਵੇਲ੍ਲਿਤਗਾਥਾ)
ਦੁਲਦ੍ਧੇ ¶ ਪੂਰੇ ਯੋਪਰਿ ਚ ਦਸਤੋ ਰਾਜਗੇਹਂ ਭਜਨ੍ਤੋ,
ਤੁ ਸਤ੍ਤੇ ਕੂਲੇ ਖੋ ਕਰਿ ਧ ਯਪਤੋ ਵਾਸਮੇਜਂ ਜਹਨ੍ਤੋ;
ਦੁਮਟ੍ਠੇ ਪੂਨੇਸੋ ਰਮਿਤ-ਚਲਤੋ ਟ੍ਠਾਰਸੇਤਂ ਦਦਂ ਸੋ,
ਗੁਣਸ੍ਸੇ ਵੂਪੇਤੋ ਨਮਿਧ ਕਰਭੋ ਕਾਯਖੇਦਂ ਸਹਨ੍ਤੋ.
(ਮੇਘਵਿਪ੍ਫੁਜ੍ਜਿਤਗਾਥਾ)
ਚਾਲੀਯੇ ¶ ਪਰਿਮੇ ਤਥੇਵ ਅਚਲੇ-ਕੂਨੇਪਿ ਵੀਸੇ ਲਿਲਂ,
ਭਾਗੀ ਚੇ ਸ ਹਿਤੇ ਪਗੇਵ ਪਵਸੇ ਸੂਰੇਹਿ ਨਿਸੇਵਿਤਂ;
ਕਾਰਿਤੇ ਰਮਿਕੇ ਪਰੇ ਚ ਨਗਰੇ ਪੂਰੇਪਿ ਵੀਸੇ ਇਮਂ,
ਹਾਰਿਤੇ ਵਸਿਮੇ ਜਹੇਨ ਪਨਮੇ ਮੂਲੇਪਿ ਖੀਣੇ ਜਿਤਂ.
(ਸਦ੍ਦੂਲਵਿਕ੍ਕੀਲਿਤਗਾਥਾ)
ਪਞ੍ਚਪਞ੍ਚ-ਮਾਕਰੇ ਤਤੋਪਿ ਪਿਣ੍ਡਕੇਨ ਜੇਤਕਾਨਨੇ ਚ,
ਅਞ੍ਞਮਞ੍ਞ-ਮਾਦਰੇਨ ਯੋ ਨਿਸਿਨ੍ਨਕੇਨ ਤੇ ਚ ਮਾਪਯੇਵ;
ਪੁਬ੍ਬਪੁਬ੍ਬਆਰਾਮੇ ਪਯੋਜਿ-ਪਾਸਿਕਾਯ ਵਾਰਮਾਵਸੇਧ,
ਸੁਦ੍ਧਸੁਦ੍ਧ-ਮਾਮਲੇਨ ਪੋਰਿਯਾਤਿਮਾਯ ਮਾਨਸਾ ਨਮੇਸ.
(ਵੁਤ੍ਤਗਾਥਾ)
ਪੁਞ੍ਞੇਨਾ’ਨੇਨ ¶ ਸਂਸਾਰਮੁਪਧਿ ਸੁਚਿ ਸਪ੍ਪੂਰਿਸੇ ਵੋ ਪਸੇਵੇ,
ਤੇਹਾ ਦਿਨ੍ਨਂ ਸੁਗਾਹੋ ਸੁਚਿਪਰਿਸਉਪੇਤੋ ਅਰੋਗੋ ਭਵੇਯ੍ਯਂ;
ਦੀਘਾਯੂਕੋ ਮਹਾਪਞ੍ਞ ਯਸਧਨਸੁਲਾਭੋ ਚ ਕਲ੍ਯਾਣਮਿਤ੍ਤੋ,
ਲੋਕਾਦਿਬ੍ਬੋ ਚ ਮਗ੍ਗੋ ਸਮਮਤਿਪਰਿਵਾਰੋਵ ਨਿਬ੍ਬਾਨਪਤ੍ਤੋ.
(ਸਦ੍ਧਰਾਗਾਥਾ)
ਕ.
ਨਸ੍ਸਤਿ ¶ ਸਾਸਨੇ ਛਨਵੁਤਾਧਿਕੇ ਚ ਤਿਵਿਸੇ ਸਤੇ ਕਲਿਯੁਗੇ,
ਦ੍ਵੇਸਤਚੁਦ੍ਦਸਾਧਿਕਸਹਸ੍ਸਕੇ ਸਕਲਰਟ੍ਠਕਂ ਖੁਭਿ ਗਤੇ;
ਭਾਤਿਕਯੁਦ੍ਧਕੇਨ ਨਗਰਂ ਤਦਾ ਭਵਤਿ ਛਾਰਿਕਾ ਯਤਿਗਣੋ,
ਦੁਕ੍ਖਗਤੋ ਮਹਾਪਹਰਣੇਹਿ ਜਿਵਿਤਖਯਮ੍ਪਿ ਏਤਿ ਪਿਟਕੇ.
(ਭਦ੍ਦਕਗਾਥਾ)
ਖ.
ਉਦਿਸਕ ¶ ਚੇਤ੍ਯਕੇਪਿ ਵਿਕਿਰਿਯ ਨਾਸਤਿ ਧ ਸੋ ਥਿਰੋ ਸਗਣਤੋ,
ਵਿਜਹਿਯ ਪੁਰਤੋ ਤ੍ਤਰਵਨੇਕ ਕੁਮ੍ਭਕਰਗਾਮਕਂ ਨਿਵਸਯੇ;
ਸਤਗਣਕੇਹਿ ਤਤ੍ਥ ਜਨਕੋਪਿ ‘‘ਭੋਤ ਇਧ ਵਾਸ ਸਬ੍ਬਯਤਿਨਂ,
ਉਪਟ੍ਠਹਮੀ’’ਤਿ ਤਮ੍ਹਿ ਕਤਿਪਾਹਨਂ ਵਸਤਿ ਖੋ ਵਿਮਂਸਿਯ ਸੁਖਂ.
(ਲਲਿਤਗਾਥਾ)
ਗ.
ਤਤ੍ਥ ਅਰਞ੍ਞੇ ਰਮਿਤੋ ਸੁਚਰਿ ਸਦ੍ਧਮ੍ਮ-ਤਿਮਾਨਿ ਸੁਯਤੀਹਿ ਤਿਪੀਕੋ,
ਧੂਰਸੁਯੁਤ੍ਤੋ ਪਰਿਗਾਹਿਯ ਸੁਜਾਤੋ ਸੁਪਟ੍ਠਾਤਿ ਕੁਨਦਿਤ-ਮੁਯਾਨਂ;
ਸੋ ਸਤਮਚ੍ਚੇਹਿ ਕਤਂ ਨਗਰਿ ਦਂ ਤਸ੍ਸ ਚ ਪਾਚਿਨ ਰਹ ਧਿਕਕੋਸੇ,
ਪਚ੍ਚਯਨਾਯਾਸੁ ਦ ਛਾਯਬਹੁਕੋ ਸੁਦ੍ਧਯਤਿਪਿ ਇਧ ਵਸਨਕਾਲੇ.
(ਤਨੁਗਾਥਾ)
ਘ.
ਫਗ੍ਗੁਣਮਾਸੇ ਛਦਿਨੇ ਰਚਿਯ ਨਿਟ੍ਠਂਵ ਗਤੋ ਪਰਮਰਿ ਇਮਿਨਾ-ਯਂ,
ਸਿਜ੍ਝਤੁ ਪੇਮਂ ਵਤ ਰਕ੍ਖਤੁ ਸੁਦੇਵੋ ਉਦ ਵਡ੍ਢਤੁ ਜਿਨਵਚਨੇ ਤਂ;
ਵਾਸਮਾਲਿਨੀ ਨਿਟ੍ਠਿਤਾ.