📜

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਲਕ੍ਖਣਾਤੋ

ਬੁਦ੍ਧਥੋਮਨਾਗਾਥਾ

੧.

ਭਵਾਭਵੇਸੁ ਨੇਕੇਸੁ,

ਪੂਰੇਸਿ ਤਿਂਸਪਾਰਮੀ;

ਚਰਿਯਾਯੋਚ ਸਮ੍ਬੁਦ੍ਧੋ,

ਪਰਿਚ੍ਚਾਗੇਜਹਂਸਦਾ.

੨.

ਵੇਸ੍ਸਨ੍ਤਰਤ੍ਤਭਾਵਮ੍ਹਿ,

ਠਿਤੋਮਦ੍ਦਿਂ ਪਿਸੋਅਦਾ;

ਨਿਜਂਕਣ੍ਹਾਜਿਨਂਜਾਲਿਂ,

ਵਿਯਂਵਙ੍ਕਤਪਬ੍ਬਤੇ.

੩.

ਤਤੋਚਵਿਤ੍ਵਾਤੁਸਿਤੇ,

ਪੁਰੇਉਪ੍ਪਜ੍ਜਿਪੁਞ੍ਞਵਾ;

ਰੂਪਾਦਿਦਸਠਾਨੇਹਿ,

ਅਞ੍ਞੇਦੇਵੇਅਤਿਕ੍ਕਮਿ.

੪.

ਚਕ੍ਕਵਾਲ਼ਸਹਸ੍ਸੇਹਿ,

ਦਸਹਾਗਮ੍ਮਸਬ੍ਬਸੋ;

ਯਾਚਿਤੋਦੇਵਬ੍ਰਹ੍ਮੂਹਿ,

ਬੁਦ੍ਧਭਾਵਮਨੋਨਤੋ.

੫.

ਵਿਲੋਕਨਾਨਿਸੋਪਞ੍ਚ,

ਵਿਲੋਕੇਤ੍ਵਾਸਿਰਿਨ੍ਧਰੋ;

ਤਤੋਚਵਿਤ੍ਵਾਮਾਯਾਯ,

ਉਪ੍ਪਜ੍ਜਿਸਾਕਿਯੇਕੁਲੇ.

੬.

ਵਿਸਾਖਪੁਣ੍ਣਮੇਸੇਟ੍ਠੇ,

ਵਿਜਾਯਿਲੁਮ੍ਬਿਨੀਵਨੇ;

ਸੀਹਨਾਦਂਪਨਾਦੇਨ੍ਤੋ,

ਸਤ੍ਤਪਾਦਂਗਤੋਤਦਾ.

੮.

ਵਿਰੋਚਿਂਸੁਤਦਾਕਾਸੇ,

ਤਾਰੋਚਨ੍ਦਦਿਵਾਕਰਾ;

ਰਤਨਾਨਿਚਭੂਮਟ੍ਠਾ,

ਨਾਨਾਪੁਪ੍ਫਾਚਪੁਪ੍ਫਰੇ.

੮.

ਸੀਤਾਯਨ੍ਤਿ ਅਵੀਚਗ੍ਗੀ,

ਖੁਪ੍ਪਿਪਾਸਾਚਸੋਹਿਤਾ;

ਲੋਕਨ੍ਤਰੇਮਹਾਪਭਾ,

ਅਨ੍ਧਾਪਸ੍ਸਨ੍ਤਿਤਾਵਦੇ.

੯.

ਅਘਟ੍ਟਿਤਾਵਾਦਿਤਾਨਿ,

ਤੂਰਿਯਾਨਿਚਅਮ੍ਬਰੇ;

ਮਧੁਰੇਨਪਨਾਦਿਂਸੁ,

ਯਸਂਸਰੇਨਤਾਵਦੇ.

੧੦.

ਥੁਤਿਗੀਤਾਨਿਗਾਯਨ੍ਤਾ,

ਦੇਵਾਚਕਮਲਾਸਨਾ;

ਸਮ੍ਮੋਦੇਨ੍ਤਾਵਅਟ੍ਠਂਸੁ,

ਬੁਦ੍ਧਙ੍ਕੁਰਸ੍ਸਸਨ੍ਤਿਕੇ.

੧੧.

ਕੁਮਾਰੋਚਾਰੁਧਾਤੀਹਿ,

ਤੋਸਿਤਾਰਾਜਮਨ੍ਦਿਰੇ;

ਵੁਦ੍ਧੋਸਿਸੁਸੁਖਂਖੇਮਂ,

ਸਕ੍ਯਕਞ੍ਞਾਨਮਨ੍ਤਰੇ.

੧੨.

ਸੋਲ਼ਸਵਸ੍ਸਿਕੋਸਕ੍ਯ,

ਨਨ੍ਦਨੋਪਿਤਰਾਸਤਾ;

ਰਾਜਤ੍ਤੇਅਭਿਸਿਤ੍ਤੋਸਿ,

ਮੋਦੇਸਿਤੁਵਨਤ੍ਤਯੇ.

੧੩.

ਨਨ੍ਦਨਾਨਂਸੋਵਣ੍ਣ,

ਵਣ੍ਣਸੋਭਂਯਸੋਧਰਂ;

ਸੋਕਾਰੇਸਿਮਹੇਸਿਤ੍ਤਂ,

ਲੋਕਨੇਤ੍ਤਰਸਾਯਨਂ.

੧੪.

ਏਕੂਨਤਿਂਸਮੇਵਸ੍ਸੇ,

ਵਿਸਾਖਪੁਣ੍ਣਮੇਵਰੇ;

ਸਹਸੇਨਾਯਉਯ੍ਯਾਸਿ,

ਯਾਨੇਨੁਯ੍ਯਾਨਮਣ੍ਡਲਂ.

੧੫.

ਨਿਮਿਤ੍ਤੇਚਤੁਰੋਦਿਸ੍ਵਾ,

ਪੁਤ੍ਤਸ੍ਸਚਵਿਜਾਯਨਂ;

ਸੁਤ੍ਵਾਉਬ੍ਬਿਗ੍ਗਚਿਤ੍ਤੇਨ,

ਨਰਮਿਤ੍ਥਪੁਰੇਤਹਿਂ.

੧੬.

ਪਚ੍ਚਾਗਮ੍ਮਪੁਰਂਤਮ੍ਹਾ,

ਪਤ੍ਤੋਪਾਸਾਦਮਣ੍ਡਲਂ;

ਨਿਪ੍ਪਜ੍ਜਿਦੇਵਰਾਜਾਵ,

ਸਯਨੇਸੋਮਹਾਰਹੇ.

੧੭.

ਸੁਨ੍ਦਰੀਤਂਪੁਰਕ੍ਖਿਤ੍ਵਾ,

ਨਚ੍ਚਗੀਤੇਨਤੋਸਯੁਂ;

ਏਵਂਪਿਸੋਨਰਮਿਤ੍ਵਾ,

ਆਹੁਨਿਕ੍ਖਮਮਾਨਸੋ.

੧੮.

ਪਥਮਂਰਾਹੁਲਂਪੁਤ੍ਤਂ,

ਪਸ੍ਸਿਤ੍ਵਾਨਿਕ੍ਖਮਾਮਹਂ;

ਇਤਿਚਿਨ੍ਤਿਯਮਾਨੇਸੋ,

ਅਗਾਜਾਯਾਨਿਵੇਸਨਂ;

੧੯.

ਥਪੇਤ੍ਵਾਪਾਦਦੁਮ੍ਮਾਰੇ,

ਗੀਵਮਨ੍ਤੋਪਵੇਸਯਂ;

ਓਲੋਕਯਂਸਪਸ੍ਸਿਤ੍ਥ,

ਨਿਪ੍ਪਨ੍ਨਂਤਂਸਮਾਤਰਂ.

੨੦.

ਗਣ੍ਹੇਯ੍ਯਂਤਂਅਪਨੇਤ੍ਵਾ,

ਬਾਹੁਂਚੇਦੇਵਿਯਾਅਹਂ;

ਨਦਦੇਨਿਕ੍ਖਮੋਕਾਸਂ,

ਪਬੁਜ੍ਝਿਤ੍ਵਾਯਸੋਧਰਾ.

੨੧.

ਬੁਦ੍ਧਪਤ੍ਤੋਵਪਸ੍ਸੇਯ੍ਯਂ,

ਰਾਹੁਲਂਇਤਿਚਿਨ੍ਤਿਯ;

ਕਣ੍ਡਕਂਆਰੁਹਿਤ੍ਵਾਨ,

ਤਮ੍ਹਾਛਨ੍ਨੇਨਨਿਕ੍ਖਮਿ.

੨੨.

ਦ੍ਵਾਰਾਸਯਾਵਿਵਰਿਂਸੁ,

ਦੇਵਤਾਦ੍ਵਾਰਮਣ੍ਡਲਂ;

ਰਤਨੁਕ੍ਕਾਸਹਸ੍ਸਾਨਿ,

ਜਾਲਯਿਂਸੁਮਰੂਤਹਿਂ.

੨੩.

ਮਾਨਿਕ੍ਖਮਸ੍ਸੁਸਿਦ੍ਧਤ੍ਥ,

ਇਤੋਤ੍ਵਂਸਤ੍ਤਮੇਦਿਨੇ;

ਭਵਿਸ੍ਸਸੇਚਕ੍ਕਵਤ੍ਤੀ,

ਇਤਿਨੀਵਾਰਿਪਾਪਿਮਾ.

੨੪.

ਤਗ੍ਘਜਾਨਾਮਿਤਂਮਾਰ,

ਇਧਮਾਤਿਟ੍ਠਪਕ੍ਕਮ;

ਇਤਿਮਾਰਂ ਪਲਾਪੇਤ੍ਵਾ,

ਵਿਸ੍ਸਟ੍ਠੋਸੋਅਭਿਕ੍ਕਮਿ.

੨੫.

ਪਤ੍ਵਾਨੋਮਨਦੀਤੀਰਂ,

ਪੁਨਾਗਮੇਸਿਤੁਰਗਂ;

ਛਨ੍ਨਞ੍ਚਨਗਰਂ ਬਿਮ੍ਬਾ;

ਦੇਵਿਲਾਪਟਿਵੇਦਿਤੁਂ.

੨੬.

ਬਨ੍ਧਿਤਂਯਸੋਧਰਾਯ,

ਮੋਲ਼ਿਂਸੁਗਨ੍ਧਵਾਸਿਤਂ;

ਛੇਤ੍ਵਾਖਗ੍ਗੇਨਤਿਣ੍ਹੇਨ,

ਉਕ੍ਖਿਪਿਤ੍ਥਤਮਮ੍ਬਰੇ.

੨੭.

ਅਟ੍ਠਸੇਟ੍ਠਪਰਿਕ੍ਖਾਰੇ,

ਧਾਰੇਤ੍ਵਾਬ੍ਰਹ੍ਮੁਨਾਭਤੇ;

ਹਿਤ੍ਵਾਰਾਜਾਰਹਂਦੁਸ੍ਸਂ,

ਸਮਣਤ੍ਥਮੁਪਾਗਮਿ.

੨੮.

ਕਰੋਨ੍ਤੋਦੁਕ੍ਕਰਂਕਮ੍ਮਂ,

ਛਬ੍ਬਸ੍ਸਾਨਿਪਰਕ੍ਕਮੋ;

ਓਲ਼ਾਰਿਕਨ੍ਨਪਾਨੇਹਿ;

ਦੇਹਂਯਾਪੇਸਿਠੀਤਿਯਾ.

੨੯.

ਵਿਸਾਖਪੁਣ੍ਣਮੇਹੇਮ,

ਪਾਤਿਂਪਾਯਸਪੂਰਿਤਂ;

ਸੁਜਾਤਾਯਾਭਤਂਗਯ੍ਹ,

ਨੇਰਞ੍ਚਰਮੁਪਾਗਮਿ.

੩੦.

ਨੇਰਞ੍ਚਰਾਯਤੀਰਮ੍ਹਿ,

ਸੁਤ੍ਵਾਪਾਯਾਸਮੁਤ੍ਤਮਂ;

ਪਟਿਯਤ੍ਥਵਰਮਗ੍ਗੇਨ,

ਬੋਧਿਮਣ੍ਡਮੁਪਾਗਮਿ.

੩੧.

ਜਯਾਸਨੇਪਲ੍ਲਙ੍ਕਮ੍ਹਿ,

ਠਿਤੋਧਿਟ੍ਠੇਸਿਧੀਤਿਮਾ;

ਨਵੀਰਿਯਂਜਹਿਸ੍ਸਾਮਿ,

ਅਪਤ੍ਤੋਇਤਿਬੁਦ੍ਧਤਂ.

੩੨.

ਦੇਵਿਨ੍ਦੋਧਮਯਂਸਙ੍ਖਂ,

ਸੇਤਚ੍ਛਤ੍ਤਂਪਿਤਾਮਹੋ;

ਧਾਰਯਂਵਾਦੇਨ੍ਤੋਵੀਣਂ,

ਪਞ੍ਚਸੀਖੋਠਿਤੋਤਹਿਂ.

੩੩.

ਥੁਤਿਗੀਤਾਨਿਗਾਯਨ੍ਤੀ,

ਅਟ੍ਠਾਸੁਂਦੇਵਸੁਨ੍ਦਰੀ;

ਗਹੇਤ੍ਵਾਹੇਮਮਞ੍ਜੂਸਾ,

ਸੁਰਪੁਪ੍ਫੇਹਿਪੂਰਿਤਾ.

੩੪.

ਅਨਤ੍ਥਮੇਨ੍ਤੇਸੂਰਿਯੇ,

ਮਾਰਸੇਨਂਪਲਾਪਯੀ;

ਅਰੁਣੁਗ੍ਗਮਨੇਕਾਲੇ,

ਪਤ੍ਤੋਸਿਬੁਦ੍ਧਤਂਵਰਂ.

੩੫.

ਪਟ੍ਠਾਨਂਸਮ੍ਮਸਨ੍ਤਸ੍ਸ,

ਨਾਥਸ੍ਸਦੇਹਤੋਸੁਭਾ;

ਛਬ੍ਬਣ੍ਣਭਾਨਿਚ੍ਛਧਨ੍ਤਿ,

ਵਿਧਾਵਨ੍ਤਿ ਤਹਿਂ ਤਹਿਂ.

੩੬.

ਨੀਲਾਨੀਲਾਪਿਤਾਪੀਤਾ,

ਰਤ੍ਤਾਰਤ੍ਤਾਚਨਿਚ੍ਛਰੇ;

ਸੇਤਾਸੇਤਾਚਮਞ੍ਚਿਟ੍ਠਾ,

ਤਮ੍ਹਾਤਮ੍ਹਾਪਭਸ੍ਸਰਾ.

੩੭.

ਬੁਦ੍ਧਪਤ੍ਤੋਪਿਬੋਧੇਯ੍ਯ,

ਧਮ੍ਮਗਮ੍ਭੀਰਤਂਜਿਨੋ;

ਨਿਸਾਮੇਤ੍ਵਾਨਦੇਸੇਤੁਂ,

ਨਿਰੁਸ੍ਸਾਹਮੁਪਾਗਤੋ.

੩੮.

ਸਹਮ੍ਪਤਿਤਦਾਬ੍ਰਹ੍ਮਾ,

ਦੇਸਨਾਯਾਭਿਯਾਚਤਿ;

ਤੇਨਸੋਪਥਮਂਸੇਟ੍ਠਂ,

ਧਮ੍ਮਚਕ੍ਕਮਦੇਸਯਿ.

੩੯.

ਏਕਵਸ੍ਸੋਵਸਮ੍ਬੁਦ੍ਧੋ,

ਵਰੇਫਗ੍ਗੁਣਪੁਣ੍ਣਮੇ;

ਸਕ੍ਯਾਨਂਨਗਰਂਗਞ੍ਛੀ,

ਸਾਵਕੇਹਿਪੁਰਕ੍ਖਤੋ.

੪੦.

ਸਮਾਗਮਮ੍ਹਿਞਾਤੀਨਂ,

ਵਸ੍ਸਾਪੇਸਿਸੁਸੀਤਲਂ;

ਮਹਾਮੇਘਞ੍ਚਦੇਸੇਸਿ,

ਵੇਸ੍ਸਨ੍ਤਰਸ੍ਸਜਾਤਕਂ.

੪੧.

ਗਨ੍ਤ੍ਵਾਸਾਵਕਯੁਗੇਨ,

ਯਸੋਧਰਾਯਮਨ੍ਦਿਰਂ;

ਤਂਤੋਸੇਤ੍ਵਾਨਦੇਸੇਸਿ,

ਚਨ੍ਦਕਿਨ੍ਨਰਜਾਤਕਂ.

੪੨.

ਵਸਿਤ੍ਵਾਸਤ੍ਤਮੇਵਸ੍ਸੇ,

ਤਾਵਤਿਂਸੇ ਸਿਲਾਸਨੇ;

ਅਭਿਧਮ੍ਮੇਨ ਤੋਸੇਸਿ,

ਦੇਵਬ੍ਰਹ੍ਮਗਣਂਬਹੁਂ.

੪੩.

ਪਤ੍ਥਰਂਞਾਣਜਾਲੇਨ,

ਲੋਕਂਲੋਕੇਸਿਸਬ੍ਬਦਾ;

ਬੋਧੇਤੁਂਬੋਧਿਯਾਭਾਯ;

ਬੋਧੇਯ੍ਯਜਨਪਙ੍ਕਜਂ.

੪੪.

ਬੋਧਨੇਯ੍ਯਂਜਨਂਦਿਸ੍ਵਾ,

ਚਕ੍ਕਵਾਲ਼ਪਰਂਪਰਾ;

ਗਨ੍ਤ੍ਵਾਪਿਵਿਬੋਧੇਸਿ,

ਬੁਦ੍ਧਸੇਟ੍ਠੋਸੁਬੋਧਿਮਾ.

੪੫.

ਬਕਾਦਿਕੇਚਬ੍ਰਹ੍ਮਾਨੋ,

ਯਕ੍ਖੇਚਾਲ਼ਵਕਾਦਿਕੇ;

ਪੁਰਿਨ੍ਦਦਾਦਿਕੇਦੇਵੇ,

ਸੂਚਿਲੋਮਾਦਿਰਕ੍ਖਸੇ.

੪੬.

ਜਾਣੁਸੋਣਾਦਿਕੇਨੇਕੇ,

ਬ੍ਰਾਹ੍ਮਣੇਚਾਵਿਕਕ੍ਖਲ਼ੇ;

ਚੂਲ਼ੋਦਰਾਦਿਕੇਨਾਗੇ,

ਧਨਪਾਲਾਦਿਕੇਗਜੇ.

੪੭.

ਬੁਦ੍ਧਾਮਯਂਤਿਮਞ੍ਞਨ੍ਤੇ,

ਤਿਤ੍ਥਿਯੇਨੇਕਲਦ੍ਧਿਕੇ;

ਦਮੇਸਿਦਮਤਂਸੇਟ੍ਠੋ,

ਪਰਵਾਦਪ੍ਪਮਦ੍ਦਨੋ.

੪੮.

ਅਨੁਬ੍ਯਞ੍ਜਨਸਮ੍ਪਨ੍ਨੋ,

ਏਸਬਾਤ੍ਤਿਂਸਲਕ੍ਖਣੋ;

ਬ੍ਯਾਮਪ੍ਪਭਾਪਰਿਕ੍ਖਿਤ੍ਤੋ,

ਕੇਤੁਮਾਲਾਸਿਲਙ੍ਖਤੋ.

੪੯.

ਚਤੁਰਾਸੀਤਿਸਹਸ੍ਸ,

ਧਮ੍ਮਕ੍ਖਨ੍ਧੇਸਦੇਸਯਿ;

ਪਞ੍ਚਤਾਥੀਸਵਸ੍ਸਾਨਿ,

ਤਿਲੋਕਸ੍ਸਹਿਤਾਯਵੇ.

੫੦.

ਬੁਦ੍ਧਕਿਚ੍ਚਂਕਰੋਨ੍ਤੋਸੋ,

ਵਹਂਲੋਕਹਿਤਂਵਰਂ;

ਮੋਚਯਂਬਨ੍ਧਨਾਸਤ੍ਤੇ,

ਕਾਲਂਖੇਪੇਤਿਸਬ੍ਬਦਾ.

੫੧.

ਯਹਿਂ ਆਸੀਤਿਕੋਨਾਥੋ,

ਨਿਬ੍ਬੁਤੋਵਰਮਞ੍ਜਕੇ;

ਮਹਾਸਾਲਵਨੇਰਮ੍ਮੇ,

ਮਲ੍ਲਾਨਂਨਿਗਮੇਤਹਿਂ.

੫੨.

ਅਗ੍ਗਿਕ੍ਖਨ੍ਧੋਵਲੋਕਸ੍ਮਿਂ,

ਜਾਲੇਤ੍ਵਾਨਸਸਾਵਕੋ;

ਨਿਬ੍ਬਾਯਿਤ੍ਥਸਙ੍ਖਤਾਨਂ,

ਪਕਾਸੇਨ੍ਤੋਅਨਿਚ੍ਚਤਂਤਿ.

‘‘ਨਮੋਤੇਭਗਵਾਨਾਥ,

ਨਮੋਤੇਜਯਤਂਜਯ;

ਨਮੋਤੇਸਿਰਿਸਮ੍ਪਨ੍ਨ,

ਨਮੋਤੇਲੋਕਨਨ੍ਦਨ.’’

ਬੁਦ੍ਧਵਨ੍ਦਨਾ

੧.

ਦੇਵਲੋਕਾ ਚਵਿਤ੍ਵਾਨ,

ਮਹਾਮਾਯਾਯ ਕੁਚ੍ਛਿਯਂ;

ਉਪ੍ਪਜ੍ਜਿ ਗੁਰੁਵਾਰਮ੍ਹਿ,

ਵਨ੍ਦੇਤਂ ਸਕ੍ਯਪੁਙ੍ਗਵਂ.

੨.

ਦਸਮਾ ਸਚ੍ਚਯੇ ਨੇਸੋ,

ਵਿਜਾਯਿ ਮਾਤੁਕੁਚ੍ਛਿਤੋ;

ਸੁਕ੍ਕਵਾਰੇ ਲੁਮ੍ਬਿਨਿਯਂ,

ਵਨ੍ਦੇ ਤਂ ਲੋਕਪੂਜਿਤਂ.

੩.

ਚਕ੍ਕਵਤ੍ਤਿਸਿਰਿਂ ਹਿਤ੍ਵਾ,

ਮਹਾਸਿਨਿਕ੍ਖਮਂ ਸੁਧੀ;

ਨਿਕ੍ਖਮੀ ਚਨ੍ਦਵਾਰਮ੍ਹਿ,

ਨਮੇ ਤਂ ਮੁਨਿਕੁਞ੍ਜਰਂ.

੪.

ਅਸ੍ਸਤ੍ਥਬੋਧਿਮੂਲਮ੍ਹਿ,

ਪਲ੍ਲਙ੍ਕੇ ਅਪਰਾਜਿਤੇ;

ਪਤ੍ਤੋ ਸਬ੍ਬਞ੍ਞੁਤਂ ਨਾਥੋ,

ਨਮੇ ਤਂ ਬੁਧਵਾਸਰੇ.

੫.

ਪਞ੍ਚਵਗ੍ਗਿਯਮੁਖਾਨਂ,

ਦੇਵਾਨਂ ਮਿਗਦਾਵਨੇ;

ਸੋਰਿਵਾਰੇ ਧਮ੍ਮਚਕ੍ਕਂ,

ਵਤ੍ਤੇਸਿ ਤਂ ਜਿਨਂ ਨਮੇ.

੬.

ਸਬ੍ਬਸਙ੍ਖਤਧਮ੍ਮਾਨਂ,

ਪਕਾਸਿਯਅਨਿਚ੍ਚਤਂ;

ਨਿਬ੍ਬੁਤਂਅਙ੍ਗਵਾਰਮ੍ਹਿ,

ਨਮਾਧਿਅਮਤਨ੍ਦਦਂ.

੭.

ਸੂਰਿਯਵਾਰੇ ਸੋਣ੍ਣਾਯ,

ਦੋਣਿਯਾ ਜਿਨਵਿਗ੍ਗਹੋ;

ਅਗ੍ਗਿਨੁਜ੍ਜਲਿਤੋ ਤਸ੍ਸ,

ਨਮੇ ਧਾਤੁਸਰੀਰਕਂ.

ਉਣ੍ਣਾਲੋਮਿਕਨਾਥ ਵਨ੍ਦਨਾ

ਉਣ੍ਣਾਲੋਧਿਕਨਾਥਸ੍ਸ,

ਉਣ੍ਣਾਯ ਭਮੁਕਨ੍ਤਰੇ;

ਵਜਿਰਾਵਿਯ ਸੋਭਨ੍ਤਿ,

ਨਿਕ੍ਖਨ੍ਤਿ ਯੋ ਸੁਪਣ੍ਡਰਾ.

ਵਜਿਰਗ੍ਘਨਕਾਯਸ੍ਸ,

ਨਾਥਸ੍ਸ ਦੇਹਤੋ ਸੁਭਾ;

ਵਜਿਰੇਯ੍ਯਾ ਨਿਚ੍ਛਰਨ੍ਤਿ;

ਵਿਜ੍ਜੂਵ ਗਗਣਨ੍ਤਰੇ.

ਰਿਨਿਨ੍ਦਮਨ੍ਦਹਾਸੇਨ,

ਦਾਠਾਯ ਨਿਚ੍ਛਰਾ ਪਭਾ;

ਵਿਪ੍ਫੂਰਿਸਾ ਦਿਸਾਸਬ੍ਬਾ,

ਵਜਿਰਾਯਨ੍ਤਿ ਪਣ੍ਡਰਾ.