📜
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ
ਕਚ੍ਚਾਯਨਬ੍ਯਾਕਰਣਂ
੧. ਸਨ੍ਧਿ
੧, ੧. ਅਤ੍ਥੋ ¶ ਅਕ੍ਖਰਸਞ੍ਞਾਤੋ.
੨, ੨. ਅਕ੍ਖਰਾਪਾਦਯੋ ਏਕਚਤ੍ਤਾਲਿਸਂ.
੧੦, ੧੨. ਪੁਬ੍ਬਮਧੋਠਿਤਮਸ੍ਸਰਂ ਸਰੇਨ ਵਿਯੋਜਯੇ.
ਇਤਿ ਸਨ੍ਧਿਕਪ੍ਪੇ ਪਠਮੋ ਕਣ੍ਡੋ.
੧੨, ੧੩. ਸਰਾ ¶ ਸਰੇ ਲੋਪਂ.
੨੨, ੨੮. ਏਵਾਦਿਸ੍ਸ ਰਿ ਪੁਬ੍ਬੋ ਚ ਰਸ੍ਸੋ.
ਇਤਿ ਸਨ੍ਧਿਕਪ੍ਪੇ ਦੁਤਿਯੋ ਕਣ੍ਡੋ.
੨੯, ੪੨. ਵਗ੍ਗੇ ਘੋਸਾਘੋਸਾਨਂ ਤਤਿਯਪਠਮਾ.
ਇਤਿ ਸਨ੍ਧਿਕਪ੍ਪੇ ਤਤਿਯੋ ਕਣ੍ਡੋ.
੩੦, ੫੮. ਅਂ ¶ ਬ੍ਯਞ੍ਜਨੇ ਨਿਗ੍ਗਹਿਤਂ.
੩੫, ੩੪. ਯ ਵ ਮ ਦ ਨ ਤ ਰ ਲਾ ਚਾਗਮਾ.
ਇਤਿ ਸਨ੍ਧਿਕਪ੍ਪੇ ਚਤੁਤ੍ਥੋ ਕਣ੍ਡੋ.
੪੨, ੩੨. ਗੋਸਰੇ ਪੁਥਸ੍ਸਾਗਮੋ ਕ੍ਵਚਿ.
੪੮, ੪੩. ਕ੍ਵਚਿ ¶ ਪਟਿ ਪਤਿਸ੍ਸ.
੫੧, ੫੯. ਅਨੁਪਦਿਟ੍ਠਾਨਂ ਵੁਤ੍ਤਯੋਗਤੋ.
ਇਤਿ ਸਨ੍ਧਿਕਪ੍ਪੇ ਪਞ੍ਚਮੋ ਕਣ੍ਡੋ.
ਸਨ੍ਧਿਸੁਤ੍ਤਂ ਨਿਟ੍ਠਿਤਂ.
੨. ਨਾਮ
੫੫, ੬੩. ਸਿ ਯੋ ਅਂ ਯੋ ਨਾ ਹਿ ਸ ਨਂ ਸ੍ਮਾ ਹਿ ਸਨਂ ਸ੍ਮਿਂ ਸੁ.
੬੩, ੨੧੭. ਏਤਿਮਾਸਮਿ ¶ .
੬੭, ੨੨੯. ਨੋ ਚ ਦ੍ਵਾਦਿਤੋ ਨਂਮ੍ਹਿ.
੬੮, ੧੮੪. ਅਮਾ ਪਤੋ ਸ੍ਮਿਂਸ੍ਮਾਨਂ ਵਾ.
੭੭, ੧੭੫, ਤਤੋ ਨਮਂ ਪਤਿਮ੍ਹਾਲੁਤ੍ਤੇ ਚ ਸਮਾਸੇ.
੭੯, ੪੬. ਤਬ੍ਬਿਪਰੀਤੂਪਪਦੇ ਬ੍ਯਞ੍ਜਨੇ ਚ.
੮੨, ੧੪੯. ਅਂਮੋ ¶ ਨਿਗ੍ਗਹਿਤਂ ਝਲਪੇਹਿ.
੮੩, ੬੭. ਸਰਲੋਪੋ ਮਾਦੇਸਪਚ੍ਚਯਾਦਿਮ੍ਹਿ ਸਰਲੋਪੇ ਤੁ ਪਕਤਿ.
੮੪, ੧੪੪. ਅਘੋ ਰਸ੍ਸਮੇਕਵਚਨਯੋਸ੍ਵਪਿ ਚ.
੮੭, ੨੩੧. ਇਣ੍ਣਮਿਣ੍ਣਨ੍ਨਂ ਤੀਹਿ ਸਙ੍ਖ੍ਯਾਹਿ.
੮੮, ੧੪੭. ਯਾਸੁ ਕਤਨਿਕਾਰਲੋਪੇਸੁ ਦੀਘਂ.
੯੮, ੧੮੯. ਮਾਤੁਲਾਦੀਨਮਾਨਤ੍ਤਮੀਕਾਰੇ.
੯੯, ੮੧. ਸ੍ਮਾਹਿਸ੍ਮਿਂਨਂ ਮ੍ਹਾਭਿਮ੍ਹਿ ਵਾ.
੧੦੧, ੮੦. ਸੁਹਿਸ੍ਵਕਾਰੋ ¶ ਏ.
੧੦੨, ੨੦੨. ਸਬ੍ਬਨਾਮਾਨਂ ਨਂਮ੍ਹਿ ਚ.
੧੦੯, ੨੯੫. ਆਯ ਚਤੁਤ੍ਥੇਕਵਚਨਸ੍ਸ ਤੁ.
੧੧੦, ੨੦੧. ਤਯੋ ਨੇਵ ਚ ਸਬ੍ਬਨਾਮੇਹਿ.
੧੧੬, ੧੫੭. ਅਕਤਰਸ੍ਸਾ ਲਤੋ ਯ੍ਵਾਲਪਨਸ੍ਸਵੇਵੋ.
ਇਤਿ ਨਾਮਕਪ੍ਪੇ ਪਠਮੋ ਕਣ੍ਡੋ.
੧੨੦, ੨੪੩. ਅਮ੍ਹਸ੍ਸ ¶ ਮਮਂ ਸਵਿਭਤ੍ਤਿਸ੍ਸ ਸੇ.
੧੨੯, ੨੨੨. ਇਮਸ੍ਸਿਦਮਂਸਿਸੁ ਨਪੁਂਸਕੇ.
੧੩੧, ੦. ਇਤ੍ਥਿਪੁਮਨਪੁਂਸਕਸਙ੍ਖ੍ਯਂ.
੧੩੨, ੨੨੮. ਯੋਸੁ ਦ੍ਵਿਨ੍ਨਂ ਦ੍ਵੇ ਚ.
੧੩੩, ੨੩੦. ਤਿਚਤੁਨ੍ਨਂ ਤਿਸ੍ਸੋ ਚਤਸ੍ਸੋ ਤਯੋਚਤ੍ਤਾਰੋ ਤੀਣਿ ਚਤ੍ਤਾਰਿ.
੧੩੫, ੧੧੮. ਰਾਜਸ੍ਸਾ ਰਞ੍ਞੋ ਰਾਜਿਨੋ ਸੇ.
੧੩੮, ੧੨੧. ਸ੍ਮਿਂਮ੍ਹਿ ਰਞ੍ਞੇ ਰਾਜਿਨਿ.
੧੩੯, ੨੪੫. ਤੁਮ੍ਹਮ੍ਹਾਕਂ ¶ ਤਯਿ ਮਯਿ.
੧੪੬, ੨੩੬. ਤੁਮ੍ਹਸ੍ਸ ਤੁਵਂਤ੍ਵਮਮ੍ਹਿ.
੧੪੭, ੨੪੬. ਪਦਤੋ ਦੁਤਿਯਾਚਤੁਤ੍ਥੀਛਟ੍ਠੀਸੁ ਵੋ ਨੋ.
੧੫੧, ੧੪੩. ਸੁਸ੍ਮਿਮਾ ¶ ਵਾ.
ਇਤਿ ਨਾਮਕਪ੍ਪੇ ਦੁਤਿਯੋ ਕਣ੍ਡੋ.
੧੬੯, ੧੧੭. ਰਾਜਸ੍ਸ ਰਾਜੁ ਸੁਨਂ ਹਿਸੁ ਚ.
੧੭੨, ੨੧੮. ਅਨਪੁਂਸਕਸ੍ਸਾ ਯਂ ਸਿਮ੍ਹਿ.
੧੭੫, ੨੧੨. ਤਸ੍ਸ ਵਾ ਨਤ੍ਤਂ ਸਬ੍ਬਤ੍ਥ.
੧੭੬, ੨੧੩. ਸਸ੍ਮਾਸ੍ਮਿਂਸਂਸਾਸ੍ਵਤ੍ਤਂ ੦.੦੦੧੧.
੧੭੯, ੨੦੪. ਘਪਤੋ ਸ੍ਮਿਂ ਸਾਨਂ ਸਂਸਾ.
੧੮੧, ੯੫. ਮਨੋਗਣਾਦਿਤੋ ਸ੍ਮਿਂਨਾਨਮਿਆ.
੧੮੫, ੧੧੨. ਸਨ੍ਤਸਦ੍ਦਸ੍ਸਾ ਸੋ ਭੇ ਬੋ ਚਨ੍ਤੇ.
੧੮੬, ੧੦੭. ਸਿਮ੍ਹਿ ਗਚ੍ਛਨ੍ਤਾਦੀਨਂ ਨ੍ਤਸਦ੍ਦੋ ਅਂ.
੧੮੮, ੧੫੫. ਬ੍ਰਹ੍ਮਤ੍ਤ ਸਖ ਰਾਜਾਦਿਤੋ ਅਮਾਨਂ.
੧੯੪, ੧੩੧. ਸਖਨ੍ਤਸ੍ਸਿ ਨੋਨਾਨਂਸੇਸੁ.
੧੯੫, ੧੩੪. ਆਰੋ ¶ ਹਿਮ੍ਹਿ ਵਾ.
੧੯੭, ੧੨੫. ਬ੍ਰਹ੍ਮਤੋ ਤੁ ਸ੍ਮਿਂਨਿ.
੧੯੯, ੧੫੮. ਸਤ੍ਥੁਪਿਤਾਦੀਨਮਾ ਸਿਸ੍ਮਿਂ ਸਿਲੋਪੋ ਚ.
੨੧੦, ੨੩੯. ਤਯਾਤਯਿਨਂ ਤਕਾਰੋ ਤ੍ਵਤ੍ਤਂ ਵਾ.
ਇਤਿ ਨਾਮਕਪ੍ਪੇ ਤਤਿਯੋ ਕਣ੍ਡੋ.
੨੧੧, ੧੨੬. ਅਤ੍ਤਨ੍ਤੋ ਹਿਸ੍ਮਿਮਨਤ੍ਤਂ.
੨੧੪, ੧੨੮. ਸ੍ਮਾ ¶ ਨਾ.
੨੨੧, ੨੮੨. ਸਬ੍ਬਾਸਮਾਵੁਸੋਪਸਗ੍ਗਨਿਪਾਤਾਦੀਹਿ ਚ.
੨੨੨, ੩੨੭. ਪੁਮਸ੍ਸ ਲਿਙ੍ਗਾਦੀਸੁ ਸਮਾਸੇਸੁ.
੨੩੧, ੨੬੩. ਸਬ੍ਬਸ੍ਸੇਤਸ੍ਸਾਕਾਰੋ ਵਾ.
੨੩੪, ੨੬੫. ਇਮਸ੍ਸਿ ¶ ਥਂ ਦਾਨਿ ਹ ਤੋ ਧੇਸੁ ਚ.
੨੩੯, ੧੯੦. ਣਵ ਣਿਕ ਣੇਯ੍ਯ ਣਨ੍ਤੁਹਿ.
੨੪੦, ੧੯੩. ਪਤਿਭਿਕ੍ਖੁਰਾਜੀਕਾਰਨ੍ਤੇਹਿ ਇਨੀ.
ਇਤਿ ਨਾਮਕਪ੍ਪੇ ਚਤੁਤ੍ਥੋ ਕਣ੍ਡੋ.
੨੪੭, ੨੬੧. ਤ੍ਵਾਦਯੋ ਵਿਭਤ੍ਤਿਸਞ੍ਞਾਯੋ.
੨੪੮, ੨੬੦. ਕ੍ਵਚਿ ਤੋ ਪਞ੍ਚਮ੍ਯਤ੍ਥੇ.
੨੪੯, ੨੬੬. ਤ੍ਰਥ ਸਤ੍ਤਮਿਯਾ ਸਬ੍ਬਨਾਮੇਹਿ.
੨੫੩, ੨੭੩. ਤਮ੍ਹਾ ¶ ਚ.
੨੫੭, ੨੭੬. ਕਿਂਸਬ੍ਬਞ੍ਞੇਕਯਕੁਹਿ ਦਾਦਾਚਨਂ.
੨੫੯, ੨੭੯. ਇਮਸ੍ਮਾ ਰਹਿਧੁਨਾਦਾਨਿ ਚ.
੨੬੦, ੨੭੭. ਸਬ੍ਬਸ੍ਸ ਸੋ ਦਾਮ੍ਹਿ ਵਾ.
੨੬੨, ੩੯੧. ਵੁਡ੍ਢਸ੍ਸ ਜੋ ਇਯਿਟ੍ਠੇਸੁ.
੨੬੮, ੩੯੭. ਵਨ੍ਤੁਮਨ੍ਤੁਵੀਨਞ੍ਚ ਲੋਪੋ.
੨੬੯, ੪੧. ਯਵਤਂ ਤਲਣਦਕਾਰਾਨਂ ਬ੍ਯਞ੍ਜਨਾਨਿ ਚਲਞਜਕਾਰਤ੍ਤਂ.
੨੭੦, ੧੨੦. ਅਮ੍ਹ ਤੁਮ੍ਹ ਨ੍ਤੁ ਰਾਜ ਬ੍ਰਹ੍ਮਤ੍ਤ ਸਖ ਸਤ੍ਥੁ– ਪਿਤਾਦੀਹਿ ਸ੍ਮਾ ਨਾਵ.
ਇਤਿ ਨਾਮਕਪ੍ਪੇ ਪਞ੍ਚਮੋ ਕਣ੍ਡੋ.
ਨਾਮਸੁਤ੍ਤਂ ਨਿਟ੍ਠਿਤਂ.
੩. ਕਾਰਕ
੨੭੧, ੮੮. ਯਸ੍ਮਾ ¶ ਦਪੇਤਿਂ ਭਯਮਾਦਤ੍ਤੇ ਵਾ ਤਦਪਾਦਾਨਂ. (੩੦੮)
੨੭੨, ੩੦੯. ਧਾਤੁਨਾਮਾਨਮੁਪਸਗ੍ਗਯੋਗਾਦੀਸ੍ਵਪਿ ਚ.
੨੭੫, ੩੧੨. ਦੂਰਨ੍ਤਿਕਦ੍ਧਕਾਲ ਨਿਮ੍ਮਾਨ ਤ੍ਵਾਲੋਪ ਦਿਸਾ ਯੋਗ ਵਿਭਤ੍ਤਾਰਪ੍ਪਯੋਗ ਸੁਦ੍ਧਪ੍ਪਮੋਚਨਹੇਤੁ ਵਿਵਿਤ੍ਤਪ੍ਪਮਾਣਪੁਬ੍ਬਯੋਗ ਬਨ੍ਧਨਗੁਣਵਚਨ ਪਞ੍ਹਕਥਨ ਥੋਕਾਤਤ੍ਤੂਸੁ ਚ.
੨੭੬, ੩੦੨. ਯਸ੍ਸ ਦਾਤੁਕਾਮੋ ਰੋਚਤੇ ਧਾਰਯਤੇ ਪਾ ਤਂ ਸਮ੍ਪਦਾਨਂ.
੨੭੭, ੩੦੩. ਸਿਲਾਘ ਹਨੁ ਠਾ ਸਪ ਧਾਰ ਪਿਹ ਕੁਧ ਦੁਹਿਸ੍ਸੋ ਸ੍ਸੂਯ ਰਾਧਿਕ੍ਖ ਪਚ੍ਚਾਸੁਣ ਅਨੁਪਤਿਗਿਣ ਪੁਬ੍ਬਕਤ੍ਤਾਰੋਚਨਤ੍ਥ ਤਦਤ੍ਥ ਤੁਮਤ੍ਥਾਲਮਤ੍ਥ ਮਞ੍ਞਾਨਾਦਰਪ੍ਪਾਣਿਨਿ ਗਤ੍ਯਤ੍ਥਕਮ੍ਮਨਿਆਸਿਸਤ੍ਥਸਮ੍ਮੁਤਿਭਿਯ੍ਯਸਤ੍ਤਮ੍ਯਤ੍ਥੇਸੁ ਚ.
੨੭੯, ੨੯੨. ਯੇਨ ਵਾ ਕਯਿਰਤੇ ਤਂ ਕਰਣਂ.
੨੮੩, ੩੧੬. ਯਸ੍ਸ ¶ ਵਾ ਪਰਿਗ੍ਗਹੋ ਤਂ ਸਾਮੀ.
੨੯੮. ੨੮੭. ਕਾਲਦ੍ਧਾਨਮਚ੍ਚਨ੍ਤਸਂਯੋਗੇ.
੩੦੦, ੨੮੬. ਗਤਿ ਬੁਦ੍ਧਿ ਭੁਜ ਪਠ ਹਰ ਕਰ ਸਯਾਦੀਨਂਕਾ ਰਿਤੇ ਵਾ.
੩੦੨, ੩੧੯. ਓਕਾਸੇ ¶ ਸਤ੍ਤਮੀ.
੩੦੩, ੩੨੧. ਸਾਮਿਸ੍ਸਰਾਧਿਪਤਿ ਦਾਯਾਦ ਸਕ੍ਖੀ ਪਥਿਭੂ ਪਸੁਤ ਕੁਸਲੇਹਿ ਚ.
੩੦੬, ੨੮੯. ਕ੍ਵਚਿ ਦੁਤਿਯਾ ਛਟ੍ਠੀਨਮਤ੍ਥੇ.
੩੧੦, ੩੨੪. ਕਮ੍ਮਕਰਣਨਿਮਿਤ੍ਤਤ੍ਥੇਸੁ ਸਤ੍ਤਮੀ.
੩੧੪, ੩੨੮. ਉਪ’ਧ੍ਯਾਧਿਕਿਸ੍ਸਰਵਚਨੇ.
੩੧੫, ੩੨੯. ਮਣ੍ਡਿਤੁਸ੍ਸੁਕ੍ਕੇਸੁ ਤਤਿਯਾ ਚ.
ਇਤਿ ਨਾਮਕਪ੍ਪੇ ਕਾਰਕਕਪ੍ਪੋ ਛਟ੍ਠੋ ਕਣ੍ਡੋ.
ਕਾਰਕਸੁਤ੍ਤਂ ਨਿਟ੍ਠਿਤਂ.
੪. ਸਮਾਸ
੩੧੬, ੩੩੧. ਨਾਮਾਨ ਸਮਾਸੋ ਯੁਤ੍ਤਤ੍ਥੋ.
੩੧੭, ੩੩੨. ਤੇਸਂ ਵਿਭਤ੍ਤਿਯੋ ਲੋਪਾ ਚ.
੩੧੯, ੩੩੦. ਉਪਸਗ੍ਗਨਿਪਾਤਪੁਬ੍ਬਕੋ ¶ ਅਬ੍ਯਯੀਭਾਵੋ.
੩੨੨, ੩੫੯. ਤਥਾ ਦ੍ਵਨ੍ਦੇ ਪਾਣਿ ਤੂਰਿਯੇ ਯੋਗ੍ਗ ਸੇਨਙ੍ਗ ਖੁਦ੍ਦਜਨ੍ਤੁਕ ਵਿਵਿਧ ਵਿਰੁਦ੍ਧ ਵਿਸਭਾਗਤ੍ਥਾਦੀਨਞ੍ਚ.
੩੨੩, ੩੬੦. ਵਿਭਾਸਾ ਰੁਕ੍ਖ ਤਿਣ ਪਸੁ ਧਨ ਧਞ੍ਞ ਜਨਪਦਾ ਦੀਨਞ੍ਚ.
੩੨੪, ੩੩੯. ਦ੍ਵਿਪਦੇ ਤੁਲ੍ਯਾਧਿਕਰਣੇ ਕਮ੍ਮਧਾਰਯੋ.
੩੨੮, ੩੫੨. ਅਞ੍ਞਪਦਤ੍ਥੇਸੁ ਬਹੁਬ੍ਬੀਹਿ.
੩੨੯, ੩੫੭. ਨਾਮਾਨਂ ਸਮੁਚ੍ਚਯੋ ਦ੍ਵਨ੍ਦੋ.
੩੩੦, ੩੪੦. ਮਹਤਂ ਮਹਾ ਤੁਲ੍ਯਾਧਿਕਰਣੇ ਪਦੇ.
੩੩੧, ੩੫੩. ਇਤ੍ਥਿਯਂ ਭਾਸਿਤਪੁਮਿਤ੍ਥੀ ਪੁਮਾਵ ਚੇ.
੩੩੩, ੩੪੪. ਅਤ੍ਤਂ ਨਸ੍ਸ ਤਪ੍ਪੁਰਿਸੇ.
੩੩੭, ੩੫੦. ਕ੍ਵਚਿ ¶ ਸਮਾਸਨ੍ਤ ਗਤਾਨਮਕਾਰਨ੍ਤੋ.
੩੩੯, ੩੫੮. ਜਾਯਾਯ ਤੁਦਂ ਜਾਨਿ ਪਤਿਮ੍ਹਿ.
੩੪੧, ੩੩੬. ਅਂਵਿਭਤ੍ਤੀਨਮਕਾਰਨ੍ਤਾ ਅਬ੍ਯਾਯਿਤਾਵਾ.
ਇਤਿ ਨਾਮਕਪ੍ਪੇ ਸਮਾਸਕਪ੍ਪੋ ਸਤ੍ਤਮੋ ਕਣ੍ਡੋ.
ਸਮਾਸਸੁਤ੍ਥਂ ਨਿਟ੍ਠਿਤਂ.
੫. ਤਦ੍ਧਿਤ
੩੫੦, ੩੭੩. ਯੇਨ ਵਾ ਸਂਸਟ੍ਠਂ ਤਰਤਿ ਚਰਤਿ ਵਹਤਿ ਣਿਕੋ.
੩੫੧, ੩੭੪. ਤਮਧੀਤੇ ਤੇਨਕਤਾਧਿ ਸਨ੍ਨਿਧਾਨਨਿਯੋਗ ਸਿਪ੍ਪ ਭਣ੍ਡ ਜੀਵਿਕਤ੍ਥੇਸੁ ਚ.
੩੫੨, ੩੭੬. ਣ ¶ ਰਾਗਾ ਤਸ੍ਸੇਦਮਞ੍ਞਤ੍ਥੇਸੁ ਚ.
੩੫੫, ੩੮੦. ਗਾਮ ਜਨ ਬਨ੍ਧੁ ਸਹਾਯਾਦੀਹਿ ਤਾ.
੩੬੩, ੩੯੦. ਵਿਸੇਸੇ ਤਰਤਮਿਸਿਕਿਯਿਟ੍ਠਾ.
੩੭੧, ੪੦੪. ਆਯੁਸ੍ਸੁਕਾਰਾਸ ਮਨ੍ਤੁਮ੍ਹਿ.
੩੭੨, ੩੮੫. ਤਪ੍ਪਕਤਿਵਚਨੇ ¶ ਮਯੋ.
੩੮੦, ੨੫੫. ਵੀਸਤਿ ਦਸੇਸੁ ਬਾ ਦ੍ਵਿਸ੍ਸ ਤੁ.
੩੮੧, ੨੫੪. ਏਕਾਦਿਤੋ ਦਸ੍ਸ ਰ ਸਙ੍ਖ੍ਯਾਨੇ.
੩੮੩, ੩੫੩. ਦ੍ਵੇਕਟ੍ਠਾਨਮਾਕਾਰੋ ਵਾ.
੩੮੭, ੪੧੧. ਤੇਸਮਡ੍ਢੂਪਪਦੇਨ ਅਡ੍ਢੁਡ੍ਢਦਿਵਡ੍ਢ ਦਿਯਡ੍ਢ’ ਡ੍ਢਤਿਯਾ.
੩੮੯, ੪੧੩. ਗਣਨੇਦਸਸ੍ਸ ਦ੍ਵਿ ਤਿ ਚਤੁ ਪਞ੍ਚ ਛ ਸਤ੍ਤ ਅਟ੍ਠਨਵਕਾਨਂ ਵੀ ਤਿ ਚਤ੍ਤਾਰ ਪਞ੍ਞਾ ਛ ਸਤ੍ਤਾਸਨਵਾ ਯੋਸੁ ਯੋਨਞ੍ਚੀਸਮਾਸਂਠਿਰਿਤੀਤੁਤਿ.
੩੯੦, ੨੫੬. ਚਤੂਪਪਦਸ੍ਸ ¶ ਲੋਪੋ ਤੁ’ਤ੍ਤਰਪਦਾਦਿਚਸ੍ਸ ਚੁ ਚੋਪਿ ਨਵਾ.
੩੯੧, ੪੨੩. ਯਦਨੁਪਪਨ੍ਨਾ ਨਿਪਾਤਨਾ ਸਿਜ੍ਝਨ੍ਤਿ.
੩੯੨, ੪੧੮. ਦ੍ਵਾਦਿਤੋ ਕੋ’ਨੇਕਤ੍ਥੇ ਚ.
੩੯੩, ੪੧੫. ਦਸਦਸਕਂ ਸਤਂ ਦਸਕਾਨਂ ਸਤਂ ਸਹਸ੍ਸਞ੍ਚ ਯੋਮ੍ਹਿ.
੩੯੪, ੪੧੬. ਯਾਵ ਤਦੁਤ੍ਤਰਿ ਦਸਗੁਣਿਤਞ੍ਚ.
੩੯੮, ੪੨੧. ਸਬ੍ਬਨਾਮੇਹਿ ਪਕਾਰਵਚਨੇ ਤੁ ਥਾ.
੪੦੦, ੩੬੪. ਵੁਦ੍ਧਾਦਿਸਰਸ੍ਸ ਵਾ’ਸਂਯੋਗਨ੍ਤਸ੍ਸ ਸਣੇ ਚ.
੪੦੩, ੩੫੪. ਕ੍ਵਚਾਦਿਮਜ੍ਝੁਤ੍ਤਰਾਨਂ ਦੀਘਰਸ੍ਸ ਪਚ੍ਚਯੇਸੁ ਚ.
੪੦੪, ੩੭੦. ਤੇਸੁ ਵੁਦ੍ਧਿ ਲੋਪਾਗਮ ਵਿਕਾਰ ਵਿਪਰਿਤਾਦੇਸਾ ਚ.
੪੦੫, ੩੬੫. ਅਯੁਵਣ੍ਣਾਨਞ੍ਚਾਯੋ ਵੁਦ੍ਧਿ.
ਇਤਿ ਨਾਮਕਪ੍ਪੇ ਤਦ੍ਧਿਤਕਪ੍ਪੋ ਅਟ੍ਠਮੋ ਕਣ੍ਡੋ.
ਤਦ੍ਧਿਤਸੁਤ੍ਤਂ ਨਿਟ੍ਠਿਤਂ.
੬. ਆਖ੍ਯਾਤਿ
੪੦੬, ੪੨੯. ਅਥ ¶ ਪੁਬ੍ਬਾਨਿ-ਵਿਭਤ੍ਤੀਨਂ ਛ ਪਰਸ੍ਸਪਦਾਨਿ.
੪੦੮, ੪੩੦. ਦ੍ਵੇ ਦ੍ਵੇ ਪਠਮਮਜ੍ਝਿਮੁਤ੍ਤਮਪੁਰਿਸਾ.
੪੦੯, ੪੪੧. ਸਬ੍ਬੇਸਮੇਕਾਭਿਧਾਨੇ ਪਰੋ ਪੁਰਿਸੋ.
੪੧੦, ੪੩੨. ਨਾਮਮ੍ਹਿ ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਪਠਮੋ.
੪੧੪, ੪੨੮. ਵਤ੍ਤਮਾਨਾ ਪਚ੍ਚੁਪ੍ਪਨ੍ਨੇ.
੪੧੫, ੪੫੧. ਆਣਾਤ੍ਯਾਸਿਟ੍ਠੇ’ਨੁਤ੍ਤਕਾਲੇ ਪਞ੍ਚਮੀ.
੪੧੬, ੪੫੪. ਅਨੁਮਤਿਪਰਿਕਪ੍ਪੇਤ੍ਥੇਸੁ ਸਤ੍ਤਮੀ.
੪੧੭, ੪੬੦. ਅਪਚ੍ਚਕ੍ਖੇ ਪਰੋਕ੍ਖਾ’ਤੀਤੇ.
੪੧੮, ੪੫੬. ਹਿਯ੍ਯੋਪਭੁਤਿ ਪਚ੍ਚਕ੍ਖੇ ਹਿਯ੍ਯਤ੍ਤਨੀ.
੪੨੨, ੪੭੫. ਕ੍ਰਿਯਾਤਿਪਨ੍ਨੇ’ਤੀਤੇ ਕਾਲਾਤਿਪਤ੍ਤਿ.
੪੨੩, ੪੨੬. ਵਤ੍ਤਮਾਨਾ ਤੀ ਅਨ੍ਤਿ, ਸਿ ਥ, ਮਿ ਮ ਤੇ ਅਨ੍ਤੇ, ਸੇਵ੍ਹੇ, ਏ ਮ੍ਹੇ.
੪੨੪, ੪੫੦. ਪਞ੍ਚਮੀ ¶ ਤੁ ਅਨ੍ਤੁ, ਹਿ ਥ, ਮਿ ਮ, ਤਂ ਅਨ੍ਤਂ, ਸ੍ਸੁ ਵ੍ਹੋ, ਏ ਆਮਸੇ.
੪੨੫, ੪੫੩. ਸਤ੍ਤਮੀ ਏਯ੍ਯ ਏਯ੍ਯੁਂ, ਏਯ੍ਯਾਸਿ ਏਯ੍ਯਾਥ, ਏਯ੍ਯਾਮਿ ਏਯ੍ਯਾਮ, ਏਥ ਏਰਂ, ਏਥੋ ਏਯ੍ਯਾਵ੍ਹੋ, ਏਯ੍ਯਂ ਏਯ੍ਯਾਮ੍ਹੇ.
੪੨੬, ੪੫੯. ਪਰੋਕ੍ਖਾ ਅ ਉ, ਏ ਤ੍ਥ, ਅਂ ਮ੍ਹ, ਤ੍ਥ ਰੇ, ਤ੍ਥੋ ਵ੍ਹੋ, ਇਂ ਮ੍ਹੇ.
੪੨੭, ੪੫੫. ਹਿਯ੍ਯਤ੍ਤਨੀ ਆ ਊ, ਓ ਤ੍ਥ, ਅਂ ਮ੍ਹਾ, ਤ੍ਥ ਤ੍ਥੁਂ, ਸੇਵ੍ਹਂ, ਇਂ ਮ੍ਹਸੇ.
੪੨੮, ੪੬੮. ਅਜ੍ਜਤਨੀ ਈਞਂ ਓਤ੍ਥ, ਇਂ ਮ੍ਹਾ, ਆ ਊ, ਸੇ ਵ੍ਹਂ, ਅਂ ਮ੍ਹੇ.
੪੨੯, ੪੭੨. ਸ੍ਸਵਿਸ੍ਸਨ੍ਤੀ ਸ੍ਸਤਿ ਸ੍ਸਨ੍ਤਿ, ਸ੍ਸਸਿ ਸ੍ਸਥ, ਸ੍ਸਾਮਿ ਸ੍ਸਾਮ, ਸ੍ਸਤੇ ਸ੍ਸਨ੍ਤੇ, ਸ੍ਸਸੇ ਸ੍ਸਵ੍ਹੇ, ਸ੍ਸਂ ਸ੍ਸਾਮ੍ਹੇ.
੪੩੦, ੪੭੪. ਕਾਲਾਤਿਪਤ੍ਤਿ ਸ੍ਸਾ ਸ੍ਸਂਸੁ, ਸ੍ਸੇ ਸ੍ਸਥ, ਸ੍ਸਂ ਸ੍ਸਾਮਾ, ਸ੍ਸਥ ਸ੍ਸਿਸੁ, ਸ੍ਸਸੇ ਸ੍ਸਵ੍ਹੇ, ਸ੍ਸਿਂ ਸ੍ਸਾਮ੍ਹਸੇ.
੪੩੧, ੪੨੮. ਹਿਯ੍ਯਤ੍ਤਨੀ ਸਤ੍ਤਮੀ ਪਞ੍ਚਮੀ ਵਤ੍ਤਮਾਨਾ ਸਬ੍ਬਧਾਤੁਕਂ.
ਇਤਿ ਆਖ੍ਯਾਤਕਪ੍ਪੇ ਪਠਮੋ ਕਣ੍ਡੋ.
੪੩੨, ੩੬੨. ਧਾਤੁਲਿਙ੍ਗੇਹਿ ਪਰਾ ਪਚ੍ਚਯਾ.
੪੩੩, ੫੨੮. ਤਿਜਗੁਪਕਿਤਮਾਨੇਹਿ ਖਛਸਾ ਵਾ.
੪੩੪, ੫੩੪. ਭੁਜਘਸਹਰਸੁਪਾਦੀਹਿਤੁਮਿਚ੍ਛਤ੍ਥੇਸੁ.
੪੩੫, ੫੩੬. ਆਯ ¶ ਨਾਮਤੋ ਕਤ੍ਤੂਪਮਾਨਾਦਾਚਾਰੇ.
੪੩੭, ੫੩੮. ਨਾਮਮ੍ਹਾ’ਤ੍ਤਿਚ੍ਛਤ੍ਥੇ.
੪੩੮, ੫੪੦. ਧਾਤੂਹਿ ਣੇ ਣਯ ਣਾਪੇ ਣਾਪਯਾ ਕਾਰਿਤਾਨਿ ਹੇਤ੍ਵਤ੍ਥੇ.
੪੩੯, ੫੩੯. ਧਾਤੁਰੂਪੇ ਨਾਮਸ੍ਮਾ ਣ ਯੋ ਚ.
੪੪੧, ੪੪੭. ਤਸ੍ਸ ਚਵਗ੍ਗਯਕਾਰਵਕਾਰਤ੍ਤਂ ਸਧਾਤ੍ਵਨ੍ਤਸ੍ਸ.
੪੪੬, ੫੦੯. ਰੁਧਾਦਿਤੋ ਨਿਗ੍ਗਹਿਤਪੁਬ੍ਬਞ੍ਚ.
੪੪੮, ੫੧੨. ਸ੍ਵਾਦਿਤੋ ਣੁਣਾ ਉਣਾ ਚ.
੪੫੩, ੪੪੪. ਅਤ੍ਤਨੋਪਦਾਨਿ ਭਾਵੇ ਚ ਕਮ੍ਮਨਿ.
੪੫੫, ੫੩੦. ਧਾਤੁਪ੍ਪਚ੍ਚਯੇਹਿ ¶ ਵਿਭਤ੍ਤਿਯੋ.
ਇਤਿ ਆਖ੍ਯਾਤਕਪ੍ਪੇ ਦੁਤਿਯੋ ਕਣ੍ਡੋ.
੪੫੮, ੪੬੧. ਕ੍ਵਚਾਦਿਵਣ੍ਣਾਨਮੇਕਸ੍ਸਰਾਨਂ ਦ੍ਵੇਭਾਵੋ.
੪੬੧, ੪੬੪. ਦੁਤਿਯਚਤੁਤ੍ਥਾਨਂ ਪਠਮਤਤਿਯਾ.
੪੬੩, ੫੩੨. ਮਾਨਕਿਤਾਨਂ ਵ ਤਤ੍ਤਂ ਵਾ.
੪੬੫, ੪੬੩. ਅਨ੍ਤਸ੍ਸਿਵਣ੍ਣਾਕਾਰੋ ਵਾ.
੪੬੭, ੫੩੩. ਤਤੋ ਪਾਮਾਨਾਨਂ ਵਾਮਂ ਸੇਸੁ.
੪੭੧, ੪੮੩. ਦਿਸਸ੍ਸ ਪਸ੍ਸ ਦਿਸ੍ਸ ਦਕ੍ਖਾ ਵਾ.
੪੭੨, ੫੩੧. ਬ੍ਯਞ੍ਜਨਨ੍ਤਸ੍ਸ ਚੋ ਛਪ੍ਪਚ੍ਚਯੇਸੁ ਚ.
੪੭੫, ੪੬੫. ਬ੍ਰੂਭੂਨਮਾਹਭੂਵਾ ¶ ਪਰੋਕ੍ਖਾਯਂ.
੪੭੬, ੪੪੨. ਗਮਿਸ੍ਸਨ੍ਤੋ ਚ੍ਛੋ ਵਾ ਸਬ੍ਬਾਸੁ.
੪੭੭, ੪੭੯. ਵਚਸ੍ਸ’ਜ੍ਜਤਨਿਮ੍ਹਿ ਮਕਾਰਾ ਓ.
੪੭੮, ੪੩੮. ਅਕਾਰੋ ਦੀਘਂ ਹਿਮਿਮੇਸੁ.
੪੮੦, ੪੯੦. ਹੋਤਿਸ੍ਸਰੇ’ ਹੋ’ਹੇ ਭਵਿਸ੍ਸਨ੍ਤਿਮ੍ਹਿ ਸ੍ਸਸ੍ਸ ਚ.
੪੮੧, ੫੨੪. ਕਰਸ੍ਸ ਸਪ੍ਪਚ੍ਚਯਸ੍ਸ ਕਾਹੋ.
ਇਤਿ ਆਖ੍ਯਾਤਕਪ੍ਪੇ ਤਤਿਯੋ ਕਣ੍ਡੋ.
੪੮੩, ੫੨੭. ਅਸਂਯੋਗਨ੍ਤਸ੍ਸ ਵੁਦ੍ਧਿ ਕਾਰਿਤੇ.
੪੮੭, ੪੭੮. ਵਚ ਵਸ ਵਹਾਦੀਨਮੁਕਾਰੋ ਵਸ੍ਸਯੇ.
੪੯੧, ੫੨੩. ਕਰਸ੍ਸ ਕਾਸਤ੍ਤਮਜ੍ਜਤਨਿਮ੍ਹਿ.
੪੯੨, ੪੯੯. ਅਸਸ੍ਮਾ ਮਿਮਾਨਂ ਮਿਮ੍ਹਾ’ਨ੍ਤਲੋਪੋ ਚ.
੪੯੪, ੪੯੫. ਤਿਸ੍ਸ ¶ ਤਿਸ੍ਸ ਤ੍ਥਿਤ੍ਥਂ.
੪੯੭, ੪੭੭. ਲਭਸ੍ਮਾ ਈਅਂਨਂ ਤ੍ਥਤ੍ਤਂ.
੫੦੨, ੪੯੩. ਯਮ੍ਹਿ ਦਾ ਧਾ ਮਾ ਠਾ ਹਾ ਪਾ ਮਹ ਮਥਾਦੀਨਮੀ.
੫੦੫, ੪੮੨. ਜਰਮਰਾਨਂ ਜੀਰ ਜੀਯ੍ਯ ਮੀਯ੍ਯਾ ਵਾ.
੫੦੬, ੪੯੬. ਸਬ੍ਬਤ੍ਥਾ’ਸਸ੍ਸਾਦਿਲੋਪੋ ਚ.
੫੦੮, ੫੧੫. ਯੇਯ੍ਯਸ੍ਸ ਞਾਤੋ ਇਯਾ ਞਾ.
੫੦੯, ੫੧੬. ਨਾਸ੍ਸ ਲੋਪੋ ਯਕਾਰਤ੍ਤਂ.
੫੧੫, ੫੪੧. ਤੇ ¶ ਆਵਾਯਾ ਕਾਰਿਤੇ.
੫੧੬, ੪੬੬. ਇਕਾਰਾਗਮੋ ਅਸਬ੍ਬਧਾਤੁਕਮ੍ਹਿ.
੫੧੭, ੪੮੮. ਕ੍ਵਚਿ ਧਾਤੁਵਿਭਤ੍ਤਿਪ੍ਪਚ੍ਚਯਾਨਂ ਦੀਘਵਿਪਰੀਤਾਦੇਸ ਲੋਪਾਗਮਾ ਚ.
੫੧੮, ੪੪੬. ਅਤ੍ਤਨੋਪਦਾਨਿ ਪਰਸ੍ਸਪਦਤ੍ਤਂ.
੫੧੯, ੪੫੭. ਅਕਾਰਾਗਮੋ ਹਿਯ੍ਯਤ੍ਥਨੀਅਜ੍ਜਤਨੀਕਾਲਾਤਿਪਤ੍ਤੀਸੁ.
੫੨੧, ੪੨੫. ਧਾਤੁਸ੍ਸਨ੍ਤੋ ਲੋਪੋ’ ਨੇਕਸਰਸ੍ਸ.
੫੨੨, ੪੭੬. ਇਸੁਯਮੂਨਮਨ੍ਤੋ ਚ੍ਛੋ ਵਾ.
ਇਤਿ ਆਖ੍ਯਾਤਕਪ੍ਪੇ ਚਤੁਤ੍ਥੋ ਕਣ੍ਡੋ.
ਆਖ੍ਯਾਤਸੁਤ੍ਤਂ ਨਿਟ੍ਠਿਤਂ.
੭. ਕਿਬ੍ਬਿਧਾਨ
੫੨੪, ੫੬੧. ਧਾਤੁਯਾ ਕਮ੍ਮਾਦਿਮ੍ਹਿ ਣੋ.
੫੨੭, ੫੬੮. ਸਬ੍ਬਤੋ ਣ੍ਵੁਤ੍ਵਾ’ਵੀ ਵਾ.
੫੩੧, ੫੮੯. ਧਰਾਦੀਹਿ ¶ ਰਮ੍ਮੋ.
੫੩੨, ੫੯੦. ਤਸ੍ਸੀਲਾਦੀਸੁ ਣੀ ਤ੍ਵਾ ਵੀ ਚ.
੫੩੩, ੫੯੧. ਸਦ੍ਦ ਕੁਧ ਚਲ ਮਣ੍ਡਤ੍ਥ ਰੁਚਾਦੀਹਿ ਯੁ.
੫੩੭, ੫੬੬. ਨੁ ਨਿਗ੍ਗਹਿਤਂ ਪਦਨ੍ਤੇ.
੫੩੮, ੫੯੫. ਸਂਹਨਾ’ਞ੍ਞਾਯ ਵਾ ਰੋ ਘੋ.
੫੪੦, ੫੪੫. ਭਾਵਕਮ੍ਮੇਸੁ ਤਬ੍ਬਾ’ਨੀਯਾ.
੫੪੪, ੫੫੬. ਵਦ ਮਦ ਗਮੁ ਯੁਜ ਗਰਹਾਕਾਰਾਦੀਹਿ ਜ੍ਜ ਮ੍ਮਗ੍ਗਯ੍ਹੇਯ੍ਯਾਵਾਰੋ ਵਾ.
ਇਤਿ ਕਿਬ੍ਬਿਧਾਨਕਪ੍ਪੇ ਪਠਮੋ ਕਣ੍ਡੋ.
੫੫੦, ੫੪੯. ਣਾਦਯੋ ¶ ਤੇਕਾਲਿਕਾ.
੫੫੫, ੬੧੨. ਅਤੀਤੇ ਤ ਤਵਨ੍ਤੁ ਤਾਵੀ.
੫੫੭, ੬੦੬. ਬੁਧਗਮਾਦਿਤ੍ਥੇ ਕਤ੍ਤਰਿ.
੫੬੧, ੬੩੬. ਇਚ੍ਛਤ੍ਥੇਸੁ ਸਮਾਨਕਤ੍ਤੁਕੇਸੁ ਤਵੇ ਤੁਂ ਵਾ.
੫੬੩, ੬੩੯. ਪਤ੍ਤਵਚਨੇ ਅਲਮਤ੍ਥੇਸੁ ਚ.
੫੬੪, ੬੪੦. ਪੁਬ੍ਬਕਾਲੇ’ਕਕਤ੍ਤੁਕਾਨਂ ਤੁਨ ਤ੍ਵਾਨ ਤ੍ਵਾ ਵਾ.
੫੬੮, ੫੭੬. ਮਾਨਾਦੀਹਿ ¶ ਰਾਤੁ.
ਇਤਿ ਕਿਬ੍ਬਿਧਾਨਕਪ੍ਪੇ ਦੁਤਿਯੋ ਕਣ੍ਡੋ.
੫੭੧, ੬੨੪. ਪਚ੍ਚਯਾਦਨਿਟ੍ਠਾ ਨਿਪਾਤਨਾ ਸਿਜ੍ਝਨ੍ਤਿ.
੫੭੨, ੬੨੫. ਸਾਸਦਿਸਤੋ ਤਸ੍ਸ ਰਿਟ੍ਠੋ ਚ.
੫੭੩, ੬੨੬. ਸਾਦਿਸਨ੍ਤ ਪੁਚ੍ਛ ਭਨ੍ਜ ਹਨ੍ਤਾਦੀਹਿ ਟ੍ਠੋ.
੫੭੬, ੬੦੭. ਧ ਢ ਭ ਹੇ ਹਿ ਧਡ੍ਢਾ ਚ.
੫੭੮, ੫੬੦. ਭੁਜਾਦੀਨਮਨ੍ਤੋ ਨੋ ਦ੍ਵਿ ਚ.
੫੮੨, ੬੩੧. ਭਿਦਾਦਿਤੋ ਇਨ੍ਨ ਅਨ੍ਨ ਈਣਾ ਵਾ.
੫੮੩, ੬੧੭. ਸੁਸ ਪਚ ਸਕਤੋ ਕ੍ਖ ਕ੍ਕਾ ਚ.
੫੮੬, ੬੦੦. ਗਮ ਖਨ ਹਨ ਰਮਾਦੀਨਮਨ੍ਤੋ.
੫੮੮, ਠਾਪਾਨਮਿਈ ¶ ਚ.
੫੮੯, ੬੨੧. ਹਨ੍ਤੇਹਿ ਹੋ ਹਸ੍ਸ ਲ਼ੋ ਵਾ ਅਦਹਨਹਾਨਂ.
ਇਤਿ ਕਿਬ੍ਬਿਧਾਨਕਪ੍ਪੇ ਤਤਿਯੋ ਕਣ੍ਡੋ.
੫੯੦, ੫੭੯. ਣਮ੍ਹਿ ਰਨ੍ਜਸ੍ਸ ਜੋ ਭਾਵਕਰਣੇਸੁ.
੫੯੪, ੫੮੨. ਪੁਰਸਮੁਪਪਰੀਹਿ ਕਰੋਤਿਸ੍ਸ ਖ ਖਰਾ ਵਾ ਤਪ੍ਪਚ੍ਚਯੇਸੁ ਚ.
੫੯੬, ੫੫੧. ਗਮਖਨਹਨਾਦੀਨਂ ਤੁਂਤਬ੍ਬਾਦੀਸੁ ਨ.
੫੯੭, ੬੪੧. ਸਬ੍ਬੇਹਿ ਤੁਨਾਦੀਨਂ ਯੋ.
੫੯੯, ੬੪੪. ਦਿਸਾ ਸ੍ਵਾਨਸ੍ਵਨ੍ਤਲੋਪੋ ਚ.
੬੦੦, ੬੪੫. ਮਹਦਭੇਹਿ ਮ੍ਮ ਯ੍ਹ ਜ੍ਜ ਬ੍ਭ ਦ੍ਧਾ ਚ.
੬੦੧, ੩੩੪. ਤਦ੍ਧਿਤਸਮਾਸਕਿਤਕਾ ਨਾਮਂ ਵਾ’ਤਵੇਤੁਨਾਦੀਸੁ ਚ.
੬੦੩, ੭. ਦੀਘੋ ¶ ਚ.
ਇਤਿ ਕਿਬ੍ਬਿਧਾਨਕਪ੍ਪੇ ਚਤੁਤ੍ਥੋ ਕਣ੍ਡੋ.
੬੦੭, ੫੭੮. ਨਿਗ੍ਗਹਿਤ ਸਂਯੋਗਾਦਿ ਨੋ.
੬੧੧, ੬੦੮. ਹਚਤੁਤ੍ਥਾਨਮਨ੍ਤਾਨਂ ਦੋ ਧੇ.
੬੧੫, ੫੮੬. ਧਾਤ੍ਵਨ੍ਤਸ੍ਸ ਲੋਪੋ ਕ੍ਵਿਮ੍ਹਿ.
੬੧੭, ੬੩੩. ਨ ਮ ਕ ਰਾਨਮਨ੍ਤਾਨਂ ਨਿਯੁਤ੍ਤਤਮ੍ਹਿ.
੬੧੮, ੫੭੧. ਨ ਕ ਵਤ੍ਥਂ ਚ ਜਾ ਣ੍ਵੁਮ੍ਹਿ.
੬੧੯, ੫੭੩. ਕਰਸ੍ਸ ਚ ਤਤ੍ਤਂ ਥੁਸ੍ਮਿਂ.
੬੨੧, ੫੫੩. ਕਾਰਿਤਂ ¶ ਵਿਯ ਣਾਨੁਬਨ੍ਧੋ.
ਇਤਿ ਕਿਬ੍ਬਿਧਾਨਕਪ੍ਪੇ ਪਞ੍ਚਮੋ ਕਣ੍ਡੋ.
ਕਿਬ੍ਬਿਧਾਨਸੁਤ੍ਤਂ ਨਿਟ੍ਠਿਤਂ.
੮. ਉਣਾਦਿਕਪ੍ਪ
੬੨੫, ੬੦੫. ਭਾਵਕਮ੍ਮੇਸੁ ਕਿਚ੍ਚਤ੍ਤਕ੍ਖਤ੍ਥਾ.
੬੨੬, ੬੩੪. ਕਮ੍ਮਨਿ ਦੁਤਿਯਾਯ ਤ੍ਤੋ.
੬੨੭, ੬੫੨. ਖ੍ਯਾਦੀਹਿ ਮਨ ਮ ਚ ਤੋ ਵਾ.
੬੩੦, ੬੫੪. ਮਸੁਸ੍ਸ ਸੁਸ੍ਸ ਚ੍ਛਰਚ੍ਛੇਰਾ.
੬੩੫, ੫੫੯. ਪੇਸਾਤਿਸਗ੍ਗਪਤ੍ਤਕਾਲੇਸੁ ਕਿਚ੍ਚਾ.
੬੩੬, ੬੫੯. ਅਵਸ੍ਸਕਾਧਮਿਣੇਸੁ ਣੀ ਚ.
੬੩੮, ੬੬੮. ਵਜਾਦੀਹਿ ਪਬ੍ਬਜ੍ਜਾਦਯੋ ਨਿਪ੍ਪਜ੍ਜਨ੍ਤੇ.
੬੩੯, ੫੮੫. ਕ੍ਵਿਲੋਪੋ ¶ ਚ.
੬੪੦, ੦. ਸਚਜਾਨਂ ਕ ਗਾ ਣਾਨੁਬਨ੍ਧੇ.
੬੪੧, ੫੭੨. ਨੁਦਾਦੀਹਿ ਯੁ ਣ੍ਵੂਨ ਮਨਾ ਨ ਨਾ ਕਾ ਨ ਨ ਕਾ ਸਕਾਰਿਤੇਹਿ ਚ.
੬੪੨, ੫੮੮. ਇ ਯ ਤ ਮ ਕਿਂ ਏਸਾਨਮਨ੍ਤਸ੍ਸਰੋ ਦੀਘਂ ਕ੍ਵਚਿ ਦੁਸਸ੍ਸ ਗੁਣਂ ਦੋਰਂ ਸ ਕ੍ਖੀ ਚ.
੬੪੩, ੬੩੫. ਭ੍ਯਾਦੀਹਿ ਮਤਿ ਬੁਧਿ ਪੂਜਾਦੀਹਿ ਚ ਤ੍ਤੋ.
੬੪੪, ੬੬੧. ਵੇਪੁ ਸੀ ਦਵ ਵਮੁ ਕੁ ਦਾ ਭੂਤ੍ਵਾਦੀਹਿ ਥੁਤ੍ਤਿਮ ਣਿਮਾ ਨਿਬ੍ਬਤ੍ਤੇ.
੬੪੬, ੪੧੯. ਏਕਾਦਿਤੋ ਸਕਿਸ੍ਸ ਕ੍ਖਤ੍ਤੁਂ.
੬੪੭, ੬੬੩. ਸੁਨਸ੍ਸੁਨਸ੍ਸੋ ਣ ਵਾਨੁਵਾਨੂਨਨਖੁਨਾਨਾ.
੬੪੯, ੬੬੫. ਯੁਵਸ੍ਸੁਵਸ੍ਸੁਵੁਵਾਨਨੂਨਾ.
੬੫੦, ੬੫੧. ਕਾਲੇ ਵਤ੍ਤਮਾਨਾਤੀਤੇ ਣ੍ਵਾਦਯੋ.
੬੫੧, ੬੪੭. ਭਵਿਸ੍ਸਤਿ ਗਮਾਦੀਹਿ ਣੀ ਘਿਣ.
੬੫੩, ੩੦੭. ਭਾਵਵਾਚਿਮ੍ਹਿ ਚਤੁਤ੍ਥੀ.
੬੫੫, ੬੫੦. ਸੇਸੇ ਸ੍ਸਂ ਨ੍ਤੁ ਮਾਨਾਨਾ.
੬੫੯, ੬੬੯. ਉਸੁਰਨ੍ਜਦਸਾਨਂ ¶ ਦਂਸਸ੍ਸ ਦਡ੍ਢੋ ਢਠਾ ਚ.
੬੬੦, ੬੭੦. ਸੂਵੁਸਾਨਮੂਵੁਸਾਨਮਤੋ ਥੋ ਚ.
੬੬੧, ੬੭੧. ਰਨ੍ਜੁਦਾਦੀਹਿ ਧਦਿਦ੍ਦਕਿਰਾ ਕ੍ਵਚਿ ਜਦਲੋਪੋ ਚ.
੬੬੨, ੬੭੨. ਪਟਿਤੋ ਹਿਸ੍ਸ ਹੇਰਣ ਹੀਰਣ.
੬੬੪, ੬੭੪. ਖਾਦਾਮਗਮਾਨਂ ਖਨ੍ਧਨ੍ਧਗਨ੍ਧਾ.
੬੬੬, ੬੭੬. ਪੁਥਸ੍ਸ ਪੁਥੁ ਪਥਾ ਮੋ ਵਾ.
੬੭੩, ੬੮੩. ਮਨੁਪੂਰਸੁਣਾਦੀਹਿ ਉਸ੍ਸਨੁਸਿਸਾ.
ਇਤਿ ਕਿਬ੍ਬਿਧਾਨਕਪ੍ਪੇ ਉਣਾਦਿਕਪ੍ਪੋ ਛਟ੍ਠੋ ਕਣ੍ਡੋ.
ਉਣਾਦਿਸੁਤ੍ਤਂ ਨਿਟ੍ਠਿਤਂ.
ਮਹਾਕਚ੍ਚਾਯਨਸਦ੍ਦਾਪਾਠ
੧. ਸਨ੍ਧਿਕਪ੍ਪ
ਪਠਮਕਣ੍ਡ
(ਕ)
ਸੇਟ੍ਠਂ ¶ ਤਿਲੋਕਮਹਿਤਂ ਅਭਿਵਨ੍ਦਿਯਗ੍ਗਂ,
ਬੁਦ੍ਧਞ੍ਚ ਧਮ੍ਮਮਮਲਂ ਗਣਮੁਤ੍ਤਮਞ੍ਚ;
ਸਤ੍ਥੁਸ੍ਸ ਤਸ੍ਸ ਵਚਨਤ੍ਥਵਰਂ ਸੁਬੁਦ੍ਧੁਂ,
ਵਕ੍ਖਾਮਿ ਸੁਤ੍ਤਹਿਤਮੇਤ੍ਥ ਸੁਸਨ੍ਧਿਕਪ੍ਪਂ.
(ਖ)
ਸੇਯ੍ਯਂ ਜਿਨੇਰਿਤਨਯੇਨ ਬੁਧਾ ਲਭਨ੍ਤਿ,
ਤਞ੍ਚਾਪਿ ਤਸ੍ਸ ਵਚਨਤ੍ਥਸੁਬੋਧਨੇਨ;
ਅਤ੍ਥਞ੍ਚ ਅਕ੍ਖਰਪਦੇਸੁ ਅਮੋਹਭਾਵਾ,
ਸੇਯ੍ਯਤ੍ਥਿਕੋ ਪਦਮਤੋ ਵਿਵਿਧਂ ਸੁਣੇਯ੍ਯਂ.
ਸਬ੍ਬਵਚਨਾਨਮਤ੍ਥੋ ਅਕ੍ਖਰੇਹੇਵ ਸਞ੍ਞਾਯਤੇ. ਅਕ੍ਖਰਵਿਪਤ੍ਤਿਯਂ ਹਿ ਅਤ੍ਥਸ੍ਸ ਦੁਨ੍ਨਯਥਾ ਹੋਤਿ, ਤਸ੍ਮਾ ਅਕ੍ਖਰਕੋਸਲ੍ਲਂ ਬਹੂਪਕਾਰਂ ਸੁਤ੍ਤਨ੍ਤੇਸੁ.
੨, ੨. ਅਕ੍ਖਰਾਪਾਦਯੋ ¶ ਏਕਚਤ੍ਤਾਲੀਸਂ.
ਤੇ ਚ ਖੋ ਅਕ੍ਖਰਾ ਅਪਿ ਅਕਾਰਾਦਯੋ ਏਕਚਤ੍ਤਾ ਲੀਸ ਸੁਤ੍ਤਨ੍ਤੇਸੁ ਸੋਪਕਾਰਾ.
ਤਂ ਯਥਾ? ਅ ਆ ਇ ਈ ਉ ਊ ਏ ਓ, ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ, ਯ ਰ ਲ ਵ ਸ ਹ ਲ਼ ਅਂ, ਇਤਿ ਅਕ੍ਖਰਾ ਨਾਮ.
ਤੇਨ ਕ੍ਵਤ੍ਥੋ? ਅਤ੍ਥੋ ਅਕ੍ਖਰਸਞ੍ਞਾਤੋ.
ਤਤ੍ਥ ਅਕ੍ਖਰੇਸੁ ਅਕਾਰਾਦੀਸੁ ਓਦਨ੍ਤਾ ਅਟ੍ਠ ਅਕ੍ਖਰਾ ਸਰਾ ਨਾਮ ਹੋਨ੍ਤਿ.
ਤਂ ਯਥਾ? ਅ ਆ ਇ ਈ ਉ ਊ ਏ ਓ, ਇਤਿ ਸਰਾ ਨਾਮ.
ਤੇਨ ਕ੍ਵਤ੍ਥੋ? ਸਰਾ ਸਰੇ ਲੋਪਂ.
ਤਤ੍ਥ ਅਟ੍ਠਸੁ ਸਰੇਸੁ ਲਹੁਮਤ੍ਤਾ ਤਯੋ ਸਰਾ ਰਸ੍ਸਾ ਨਾਮ ਹੋਨ੍ਤਿ.
ਤਂ ਯਥਾ? ਅ ਇ ਉ, ਇਤਿ ਰਸ੍ਸਾ ਨਾਮ.
ਤੇਨ ਕ੍ਵਤ੍ਥੋ? ਰਸ੍ਸਂ.
੫, ੫. ਅਞ੍ਞੇ ¶ ਦੀਘਾ.
ਤਤ੍ਥ ਅਟ੍ਠਸੁ ਸਰੇਸੁ ਰਸ੍ਸੇਹਿ ਅਞ੍ਞੇ ਪਞ੍ਚ ਸਰਾ ਦੀਘਾ ਨਾਮ ਹੋਨ੍ਤਿ.
ਤਂ ਯਥਾ? ਆ ਈ ਊ ਏ ਓ, ਇਤਿ ਦੀਘਾ ਨਾਮ.
ਤੇਨ ਕ੍ਵਤ੍ਥੋ? ਦੀਘਂ.
ਠਪੇਤ੍ਵਾ ਅਟ੍ਠ ਸਰੇ ਸੇਸਾ ਅਕ੍ਖਰਾ ਕਕਾਰਾਦਯੋ ਨਿਗ੍ਗਹਿਤਨ੍ਤਾ ਬ੍ਯਞ੍ਜਨਾ ਨਾਮ ਹੋਨ੍ਤਿ.
ਤਂ ਯਥਾ? ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ, ਯ ਰ ਲ ਵ ਸ ਹ ਲ਼ ਅਂ, ਇਤਿ ਬ੍ਯਞ੍ਜਨਾ ਨਾਮ.
ਤੇਨ ਕ੍ਵਤ੍ਥੋ? ਸਰਾ ਪਕਤਿ ਬ੍ਯਞ੍ਜਨੇ.
ਤੇਸਂ ਖੋ ਬ੍ਯਞ੍ਜਨਾਨਂ ਕਕਾਰਾਦਯੋ ਮਕਾਰਨ੍ਤਾ ਪਞ੍ਚਪਞ੍ਚਸੋ ਅਕ੍ਖਰਵਨ੍ਤੋ ਵਗ੍ਗਾ ਨਾਮ ਹੋਨ੍ਤਿ.
ਤਂ ਯਥਾ? ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ, ਇਤਿ ਵਗ੍ਗਾ ਨਾਮ.
ਤੇਨ ਕ੍ਵਤ੍ਥੋ? ਵਗ੍ਗਨ੍ਤਂ ਵਾ ਵਗ੍ਗੇ.
੮, ੧੦. ਅਂ ¶ ਇਤਿ ਨਿਗ੍ਗਹਿਤਂ.
ਅਂ ਇਤਿ ਨਿਗ੍ਗਹਿਤਂ ਨਾਮ ਹੋਤਿ.
ਤੇਨ ਕ੍ਵਤ੍ਥੋ? ਅਂ ਬ੍ਯਞ੍ਜਨੇ ਨਿਗ੍ਗਹਿਤਂ.
ਯਾ ਚ ਪਨ ਪਰੇਸੁ ਸਕ੍ਕਤਗਨ੍ਥੇਸੁ ਸਮਞ੍ਞਾ ਘੋਸਾਤਿ ਵਾ ਅਘੋਸਾਤਿ ਵਾ, ਤਾ ਪਯੋਗੇ ਸਤਿ ਏਤ੍ਥਾਪਿ ਯੁਜ੍ਜਨ੍ਤੇ.
ਤਤ੍ਥ ਘੋਸਾ ਨਾਮ-ਗ ਘ ਙ, ਜ ਝ ਞ, ਡ ਢ ਣ, ਦ ਧ ਨ, ਬ ਭ ਮ, ਯ ਰ ਲ ਵ ਹ ਲ਼, ਇਤਿ ਘੋਸਾ ਨਾਮ. ਅਘੋਸਾ ਨਾਮ-ਕ ਖ, ਚ ਛ, ਟ ਠ, ਤ ਥ, ਪ ਫ, ਸ, ਇਤਿ ਅਘੋਸਾ ਨਾਮ.
ਤੇਨ ਕ੍ਵਤ੍ਥੋ? ਵਗ੍ਗੇ ਘੋਸਾਘੋਸਾਨਂ ਤਤਿਯਪਠਮਾ.
੧੦, ੧੨. ਪੁਬ੍ਬਮਧੋਠਿਤ ਮਸ੍ਸਰਂ ਸਰੇਨ ਵਿਯੋਜਯੇ.
ਤਤ੍ਥ ਸਨ੍ਧਿਂ ਕਤ੍ਤੁਕਾਮੋ ਪੁਬ੍ਬਬ੍ਯਞ੍ਜਨਂ ਅਧੋਠਿਤਂ ਅਸ੍ਸਰਂ ਕਤ੍ਵਾ ਸਰਞ੍ਚ ਉਪਰਿ ਕਤ੍ਵਾ ਸਰੇਨ ਵਿਯੋਜਯੇ.
ਤਤ੍ਰਾਯਮਾਦਿ.
੧੧, ੧੪. ਨਯੇ ¶ ਪਰਂ ਯੁਤ੍ਤੇ.
ਅਸ੍ਸਰਂ ਖੋ ਬ੍ਯਞ੍ਜਨਂ ਅਧੋਠਤਂ ਪਰਕ੍ਖਰਂ ਨਯੇ ਯੁਤ੍ਤੇ. ਤਤ੍ਰਾਭਿਰਤਿਮਿਚ੍ਛੇਯ੍ਯ.
ਯੁਤ੍ਤੇਤਿਕਸ੍ਮਾ? ਅਕ੍ਕੋਚ੍ਛਿ ਮਂ ਅਵਧਿ ਮਂ, ਅਜਿਨਿ ਮਂ ਅਹਾਸਿ ਮੇ. ਏਤ੍ਥ ਪਨ ਯੁਤ੍ਤਂ ਨ ਹੋਤਿ.
ਇਤਿ ਸਨ੍ਧਿਕਪ੍ਪੇ ਪਠਮੋ ਕਣ੍ਡੋ.
ਦੁਤਿਯਕਣ੍ਡ
ਸਰਾ ਖੋ ਸਰੇ ਪਰੇ ਲੋਪਂ ਪਪ੍ਪੋਨ੍ਤਿ.
ਯਸ੍ਸਿਨ੍ਦ੍ਰਿਯਾਨਿ ਸਮਥਙ੍ਗਤਾਨਿ. ਨੋ ਹੇਤਂ ਭਨ੍ਤੇ ਸਮੇਤਾਯਸ੍ਮਾ ਸਙ੍ਘੇਨ.
ਸਰਮ੍ਹਾ ਅਸਰੂਪਾ ਪਰੋ ਸਰੋ ਲੋਪਂ ਪਪ੍ਪੋਤਿ ਵਾ.
ਚਤ੍ਤਾਰੋ’ਮੇ ਭਿਕ੍ਖਵੇ ਧਮ੍ਮਾ, ਕਿਨ੍ਨੁ’ ਮਾਵਸਮਣਿਯੋ. ਵਾਤਿ ਕਸ੍ਮਾ? ਪਞ੍ਚਿਨ੍ਦ੍ਰਿਯਾਨਿ, ਤਯਸ੍ਸੁ ਧਮ੍ਮਾ ਜਹਿਤਾ ਭਵਨ੍ਤਿ.
੧੪, ੧੬. ਕ੍ਵਚਾਸਚਣ੍ਣਂ ¶ ਲੁਤ੍ਤੇ.
ਸਰੋ ਖੋ ਪਰੋ ਪੁਬ੍ਬਸਰੇ ਲੁਤ੍ਤੇ ਕ੍ਵਚਿ ਅਸਵਣ੍ਣਂ ਪਪ੍ਪੋਤਿ.
ਸਙ੍ਖ੍ਯਂ ਨੋਪੇਤਿ ਵੇਦਗੂ, ਬਨ੍ਧੁਸ੍ਸੇਵ ਸਮਾਗਮੋ.
ਕ੍ਵਚੀਤਿ ਕਸ੍ਮਾ? ਯਸ੍ਸਿਨ੍ਦ੍ਰਿਯਾਨਿ, ਤਥੂਪਮਂ ਧਮ੍ਮਵਰਂ ਅਦੇਸਯਿ.
ਸਰੋ ਖੋ ਪਰੋ ਪੁਬ੍ਬਸਰੇ ਲੁਤ੍ਤੇ ਕ੍ਵਚਿ ਦੀਘਂ ਪਪ੍ਪੋਤਿ. ਸਦ੍ਧੀਧ ਵਿਤ੍ਤਂ ਪੁਰਿਸਸ੍ਸ ਸੇਟ੍ਠਂ, ਅਨਾਗਾਰੇਹਿ ਚੂਭਯਂ.
ਕ੍ਵਚੀਤਿ ਕਸ੍ਮਾ? ਪਞ੍ਚਹੁਪਾਲਿ ਅਙ੍ਗੇਹਿ ਸਮਨ੍ਨਾਗਤੋ. ਨਤ੍ਥਞ੍ਞਂ ਕਿਞ੍ਚਿ.
ਪੁਬ੍ਬੋ ਚ ਸਰੋ ਪਰਸਰਲੋਪੇ ਕਤੇ ਕ੍ਵਚਿ ਦੀਘਂ ਪਪ੍ਪੋਤਿ.
ਕਿਂਸੂਧ ਵਿਤ੍ਤਂ ਪੁਰਿਸਸ੍ਸ ਸੇਟ੍ਠਂ, ਸਾਧੂਤਿ ਪਟਿਸ੍ਸੁਣਿਤ੍ਵਾ, ਕ੍ਵਚੀਤਿ ਕਸ੍ਮਾ? ਇਤਿਸ੍ਸ ਮੁਹੁਤ੍ਤਮ੍ਪਿ.
੧੭, ੧੯. ਯਮੇਦਨ੍ਤਸ੍ਸਾਦੇਸੋ ¶ .
ਏਕਾਰਸ੍ਸ ਅਨ੍ਤਭੂਤਸ੍ਸ ਸਰੇ ਪਰੇ ਕ੍ਵਚਿ ਯਕਾਰਾਦੇਸੋ ਹੋਤਿ.
ਅਧਿਗਤੋ ਖੋ ਮ੍ਯਾਯਂ ਧਮ੍ਮੋ, ਤ੍ਯਾਹਂ ਏਵਂ ਵਦੇਯ੍ਯਂ, ਤ੍ਯਾਸ੍ਸ ਪਹੀਨਾ ਹੋਨ੍ਤਿ.
ਕ੍ਵਚੀਤਿ ਕਸ੍ਮਾ? ਨੇ’ਨਾਗਤਾ, ਇਤਿ ਨੇਤ੍ਥ.
ਓਕਾਰੁਕਾਰਾਨਂ ਅਨ੍ਤਭੂਤਾਨਂ ਸਰੇ ਪਰੇ ਕ੍ਵਚਿ ਵਕਾਰਾਦੇਸੋ ਹੋਤਿ.
ਅਥ ਖ੍ਵਸ੍ਸ, ਸ੍ਵਸ੍ਸ ਹੋਤਿ, ਬਹ੍ਵਾਬਾਧੋ, ਵਤ੍ਥ੍ਵੇਤ੍ਥ ਵਿਹਿਤਂ ਨਿਚ੍ਚਂ ਚਕ੍ਖਾਪਾਥਮਾਗਚ੍ਛਤਿ.
ਕ੍ਵਚੀਤਿਕਸ੍ਮਾ? ਚਤ੍ਤਾਰੋ’ਮੇ ਭਿਕ੍ਖਵੇ ਧਮ੍ਮਾ, ਕਿਨ੍ਨੁਮਾਵ ਸਮਣਿਯੋ.
ਸਬ੍ਬੋ ਇਚ੍ਚੇਸੋ ਤਿਸਦ੍ਦੋ ਬ੍ਯਞ੍ਜਨੋ ਸਰੇ ਪਰੇ ਕ੍ਵਚਿ ਚਕਾਰਂ ਪਪ੍ਪੋਤਿ.
ਇਚ੍ਚੇਤਂ ¶ ਕੁਸਲਂ, ਇਚ੍ਚਸ੍ਸ ਵਚਨੀਯਂ, ਪਚ੍ਚੁਤ੍ਤਰਿਤ੍ਵਾ, ਪਚ੍ਚਾਹਰਤਿ.
ਕ੍ਵਚੀਤਿ ਕਸ੍ਮਾ? ਇਤਿਸ੍ਸ ਮੁਹੁਤ੍ਤਮ੍ਪਿ.
ਧਇਚ੍ਚੇਤਸ੍ਸ ਸਰੇ ਪਰੇ ਕ੍ਵਚਿ ਦਕਾਰਾਦੇਸੋ ਹੋਤਿ.
ਏਕਮਿਦਾਹਂ ਭਿਕ੍ਖਵੇ ਸਮਯਂ.
ਕ੍ਵਚੀਤਿ ਕਸ੍ਮਾ? ਇਧੇਵ ਮਰਣਂ ਭਵਿਸ੍ਸਤਿ.
ਵਗ੍ਗਹਣੇਨ ਧਕਾਰਸ੍ਸ ਹਕਾਰਾਦੇਸੋ ਹੋਤਿ ਸਾਹੁ ਦਸ੍ਸਨ ਮਰਿਯਾਨਂ.
ਸੁਤ੍ਤਵਿਭਾਗੇਨ ਬਹੁਧਾ ਸਿਯਾ-
ਤੋ ਦਸ੍ਸ, ਯਥਾ? ਸੁਗਤੋ.
ਟੋ ਤਸ੍ਸ, ਯਥਾ? ਦੁਕ੍ਕਟਂ.
ਧੋ ਤਸ੍ਸ, ਯਥਾ? ਗਨ੍ਧਬ੍ਬੋ.
ਤ੍ਰੋ ਤ੍ਤਸ੍ਸ, ਯਥਾ? ਅਤ੍ਰਜੋ.
ਕੋ ਗਸ੍ਸ, ਯਥਾ? ਕੁਲੂਪਕੋ.
ਲੋ ¶ ਰਸ੍ਸ, ਯਥਾ? ਮਹਾਸਾਲੋ.
ਜੋ ਯਸ੍ਸ, ਯਥਾ? ਗਵਜੋ.
ਬ੍ਬੋ ਵਸ੍ਸ, ਯਥਾ? ਕੁਬ੍ਬਤੋ.
ਕੋ ਯਸ੍ਸ, ਯਥਾ? ਸਕੇ.
ਯੋ ਜਸ੍ਸ, ਯਥਾ? ਨਿਯਂਪੁਤ੍ਤਂ.
ਕੋ ਤਸ੍ਸ, ਯਥਾ? ਨਿਯਕੋ.
ਚ੍ਚੋ ਤ੍ਤਸ੍ਸ, ਯਥਾ ਭਚ੍ਚੋ.
ਫੋ ਪਸ੍ਸ, ਯਥਾ? ਨਿਪ੍ਫਤ੍ਤਿ.
ਖੋ ਕਸ੍ਸ, ਯਥਾ? ਨਿਕ੍ਖਮਤਿ. ਇਚ੍ਚੇਵਮਾਦੀ ਯੋਜੇਤਬ੍ਬਾ.
ਪੁਬ੍ਬੋ ਇਵਣ੍ਣੋ ਸਰੇ ਪਰੇ ਯਕਾਰਂ ਪਪ੍ਪੋਤਿ ਨਵਾ. ਪਟਿਸੁਨ੍ਥਾਰਵੁਤ੍ਯਸ੍ਸ, ਸਬ੍ਬਾ ਵਿਤ੍ਯਾਨੁਭੂਯਤੇ.
ਨਵਾਤਿ ਕਸ੍ਮਾ? ਪਞ੍ਚਹਙ੍ਗੇਹਿ ਸਮਨ੍ਨਾਗਤੋ, ਮੁਤ੍ਤਚਾਗੀ ਅਨੁਦ੍ਧਤੋ.
੨੨, ੨੮. ਏਵਾਦਿਸ੍ਸ ਰਿ ਪੁਬ੍ਬੋ ਚ ਰਸ੍ਸੋ.
ਸਰਮ੍ਹਾ ਪਰਸ੍ਸ ਏਵਸ੍ਸ ਏਕਾਰਸ੍ਸ ਆਦਿਸ੍ਸ ਰਿਕਾਰੋ ਹੋਤਿ, ਪੁਬ੍ਬੋ ਚ ਸਰੋ ਰਸ੍ਸੋ ਹੋਤਿ ਨਵਾ.
ਯਥਰਿਵ ¶ ਵਸੁਧਾਤਲਞ੍ਚ ਸਬ੍ਬਂ, ਤਥਰਿਵ ਗੁਣਵਾ ਸੁਪੂਜਨਿਯੋ.
ਨਵਾਤਿ ਕਸ੍ਮਾ? ਯਥਾ ਏਵ, ਤਥਾ ਏਵ.
ਇਤਿ ਸਨ੍ਧਿਕਪ੍ਪੇ ਦੁਤਿਯੋ ਕਣ੍ਡੋ.
ਤਤਿਯਕਣ੍ਡ
ਸਰਾ ਖੋ ਬ੍ਯਞ੍ਜਨੇ ਪਰੇ ਪਕਤਿਰੂਪਾਨਿ ਹੋਨ੍ਤਿ.
ਮਨੋਪੁਬ੍ਬਙ੍ਗਮਾ ਧਮ੍ਮਾ, ਪਮਾਦੋ ਮਚ੍ਚੁਨੋ ਪਦਂ, ਤਿਣ੍ਣੋ ਪਾਰਙ੍ਗਤੋ ਅਹੁ.
ਸਰਾ ਖੋ ਸਰੇ ਪਰੇ ਕ੍ਵਚਿ ਪਕਤਿਰੂਪਾਨਿ ਹੋਨ੍ਤਿ.
ਕੋ ਇਮਂ ਪਥਵਿਂ ਵਿਚੇਸ੍ਸਤਿ.
ਕ੍ਵਚੀਤਿ ਕਸ੍ਮਾ? ਅਪ੍ਪਸ੍ਸੁਤਾਯਂ ਪੁਰਿਸੋ.
ਸਰਾ ਖੋ ਬ੍ਯਞ੍ਜਨੇ ਪਰੇ ਕ੍ਵਚਿ ਦੀਘਂ ਪਪ੍ਪੋਨ੍ਤਿ.
ਸਮ੍ਮਾ ¶ ਧਮ੍ਮਂ ਵਿਪਸ੍ਸਤੋ, ਏਵਂ ਗਾਮੇ ਮੁਨੀ ਚਰੇ, ਖਨ੍ਤੀ ਪਰਮਂ ਤਪੋ ਤਿਤਿਕ੍ਖਾ.
ਕ੍ਵਚੀਤਿ ਕਸ੍ਮਾ? ਇਧ ਮੋਦਤਿ ਪੇਚ੍ਚ ਮੋਦਤਿ, ਪਤਿਲੀਯਤਿ, ਪਟਿਹਞ੍ਞਤਿ.
ਸਰਾ ਖੋ ਬ੍ਯਞ੍ਜਨੇ ਪਰੇ ਕ੍ਵਚਿ ਰਸ੍ਸਂ ਪਪ੍ਪੋਨ੍ਤਿ.
ਭੋਵਾਦਿਨਾਮ ਸੋ ਹੋਤਿ, ਯਥਾਭਾਵਿ ਗੁਣੇਨ ਸੋ.
ਕ੍ਵਚੀਤਿ ਕਸ੍ਮਾ? ਸਮ੍ਮਾਸਮਾਧਿ, ਸਾਵਿਤ੍ਤੀ ਛਨ੍ਦਸੋ ਮੁਖਂ, ਉਪਨੀਯਤਿ ਜੀਵਿਤਮਪ੍ਪਮਾਯੁ.
ਸਰਾ ਖੋ ਬ੍ਯਞ੍ਜਨੇ ਪਰੇ ਕ੍ਵਚਿ ਲੋਪਂ ਪਪ੍ਪੋਨ੍ਤਿ. ਤਤ੍ਰ ਚ ਲੋਪੇ ਕਤੇ ਅਕਾਰਾਗਮੋ ਹੋਤਿ.
ਸ ਸੀਲਵਾ. ਸ ਪਞ੍ਞਵਾ ਏਸ ਧਮ੍ਮੋ ਸਨਨ੍ਤਨੋ, ਸ ਵੇ ਕਸਾਵਮਰਹਤਿ, ਸ ਮਾਨਕਾਮੋਪਿ ਭਵੇਯ੍ਯ, ਸ ਵੇ ਮੁਨਿ ਜਾਤਿਭਯਂ ਅਦਸ੍ਸਿ.
ਕ੍ਵਚੀਤਿ ¶ ਕਸ੍ਮਾ? ਸੋ ਮੁਨਿ, ਏਸੋ ਧਮ੍ਮੋ ਪਦਿਸ੍ਸਤਿ, ਨ ਸੋ ਕਾਸਾਵਮਰਹਤਿ.
ਸਰਮ੍ਹਾ ਪਰਸ੍ਸ ਬ੍ਯਞ੍ਜਨਸ੍ਸ ਦ੍ਵੇਭਾਵੋ ਹੋਤਿ ਠਾਨੇ.
ਇਧਪ੍ਪਮਾਦੋ, ਪੁਰਿਸਸ੍ਸ ਜਨ੍ਤੁਨੋ, ਪਬ੍ਬਜ੍ਜਂ ਕਿਤ੍ਤਯਿਸ੍ਸਾਮਿ, ਚਾਤੁਦ੍ਦਸਿ, ਪਞ੍ਚਦ੍ਦਸਿ, ਅਭਿਕ੍ਕਨ੍ਤਤਰੋ ਚਨ੍ਦੋ.
ਠਾਨੇਤਿ ਕਸ੍ਮਾ? ਇਧ ਮੋਦਤਿ ਪੇਚ੍ਚ ਮੋਦਤਿ.
੨੯, ੪੨. ਵਗ੍ਗੇ ਘੋਸਾਘੋਸਾਨਂ ਤਤਿਯਪਠਮਾ.
ਵਗ੍ਗੇ ਖੋ ਪੁਬ੍ਬੇਸਂ ਬ੍ਯਞ੍ਜਨਾਨਂ ਘੋਸਾਘੋਸਭੂਤਾਨਂ ਸਰਮ੍ਹਾ ਯਥਾਸਙ੍ਖ੍ਯਂ ਤਤਿਯਪਠਮਕ੍ਖਰਾ ਦ੍ਵੇਭਾਵਂ ਗਚ੍ਛਨ੍ਤਿ ਠਾਨੇ.
ਏਸੇਵ ਚਜ੍ਝਾਨਪ੍ਫਲੋ, ਯਤ੍ਰਟ੍ਠਿਤਂ ਨਪ੍ਪਸਹੇਯ੍ਯ ਮਚ੍ਚੁ, ਸੇਲੇ ਯਥਾ ਪਬ੍ਬਤਮੁਦ੍ਧਨਿਟ੍ਠਿਤੋ, ਚਤ੍ਤਾਰਿਟ੍ਠਾਨਾਨਿ ਨਰੋ ਪਮਤ੍ਤੋ.
ਠਾਨੇਤਿ ਕਸ੍ਮਾ? ਇਧ ਚੇਤਸੋ ਦਲ਼੍ਹਂ ਗਣ੍ਹਾਤਿ ਥਾਮਸਾ.
ਇਤਿ ਸਨ੍ਧਿਕਪ੍ਪੇ ਤਤਿਯੋ ਕਣ੍ਡੋ.
ਚਤੁਤ੍ਥਕਣ੍ਡ
੩੦, ੫੮. ਅਂ ¶ ਬ੍ਯਞ੍ਜਨੇ ਨਿਗ੍ਗਹਿਤਂ.
ਨਿਗ੍ਗਹਿਤਂ ਖੋ ਬ੍ਯਞ੍ਜਨੇ ਪਰੇ ਅਂ ਇਤਿ ਹੋਤਿ.
ਏਵਂ ਵੁਤ੍ਤੇ, ਤਂ ਸਾਧੂਤਿ ਪਟਿਸ੍ਸੁਣਿਤ੍ਵਾ.
ਵਗ੍ਗਭੂਤੇ ਬ੍ਯਞ੍ਜਨੇ ਪਰੇ ਨਿਗ੍ਗਹਿਤਂ ਖੋ ਵਗ੍ਗਨ੍ਤਂ ਵਾ ਪਪ੍ਪੋਤਿ.
ਤਨ੍ਨਿਚ੍ਚੁਤਂ, ਧਮ੍ਮਞ੍ਚਰੇ ਸੁਚਰਿਤਂ, ਚਿਰਪ੍ਪਵਾਸਿਂ ਪੁਰਿਸਂ. ਸਨ੍ਤਨ੍ਤਸ੍ਸ ਮਨਂ ਹੋਤਿ, ਤਙ੍ਕਾਰੁਣਿਕਂ, ਏਵਙ੍ਖੋ ਭਿਕ੍ਖਵੇ ਸਿਕ੍ਖਿਤਬ੍ਬਂ.
ਵਾਗ੍ਗਹਣੇਨਨਿਗ੍ਗਹਿਤਂ ਖੋ ਲਕਾਰਾਦੇਸੋ ਹੋਤਿ. ਪੁਗ੍ਗਲਂ.
ਵਾਤਿ ਕਸ੍ਮਾ? ਨ ਤਂ ਕਮ੍ਮਂ ਕਤਂ ਸਾਧੁ.
ਏਕਾਰਹਕਾਰੇ ਪਰੇ ਨਿਗ੍ਗਹਿਤਂ ਖੋ ਞਕਾਰਂ ਪਪ੍ਪੋਤਿ ਵਾ.
ਪਚ੍ਚਤ੍ਤਞ੍ਞੇਵ ਪਰਿਨਿਬ੍ਬਾਯਿਸ੍ਸਾਮਿ, ਤਞ੍ਞੇਵੇਤ੍ਥ ਪਟਿਪੁਚ੍ਛਿਸ੍ਸਾਮਿ, ਏਵਞ੍ਹਿ ਵੋ ਭਿਕ੍ਖਵੇ ਸਿਕ੍ਖਿਤਬ੍ਬਂ. ਤਞ੍ਹਿ ਤਸ੍ਸ ਮੁਸਾ ਹੋਤਿ.
ਵਾਤਿ ¶ ਕਸ੍ਮਾ? ਏਵਮੇਤਂ ਅਭਿਞ੍ਞਾਯ, ਏਵਂ ਹੋਤਿ ਸੁਭਾਸਿਤਂ.
ਨਿਗ੍ਗਹਿਤਂ ਖੋ ਯਕਾਰੇ ਪਰੇ ਸਹ ਯਕਾਰੇਨ ਞਕਾਰਂ ਪਪ੍ਪੋਤਿ ਵਾ.
ਸਞ੍ਞੋਗੋ, ਸਞ੍ਞੁਤ੍ਤਂ.
ਵਾਤਿ ਕਸ੍ਮਾ? ਸਂਯੋਗੋ, ਸਂਯੁਤ੍ਤਂ.
ਨਿਗ੍ਗਹਿਤਸ੍ਸ ਖੋ ਸਰੇ ਪਰੇ ਮਕਾਰਦਕਾਰਾਦੇਸਾ ਹੋਨ੍ਤਿ ਵਾ.
ਤਮਹਂ ਬ੍ਰੂਮਿ ਬ੍ਰਾਹ੍ਮਣਂ, ਏਤਦਵੋਚ ਸਤ੍ਥਾ.
ਵਾਤਿ ਕਸ੍ਮਾ? ਅਕ੍ਕੋਚ੍ਛਿ ਮਂ ਅਵਧਿ ਮਂ, ਅਜਿਨਿ ਮਂ ਅਹਾਸਿ ਮੇ.
੩੫, ੩੪. ਯ ਵ ਮ ਦ ਨ ਤ ਰ ਲਾ ਚਾਗਮਾ.
ਸਰੇ ਪਰੇ ਯਕਾਰੋ ਵਕਾਰੋ ਮਕਾਰੋ ਦਕਾਰੋ ਨਕਾਰੋ ਤਕਾਰੋ ਰਕਾਰੋ ਲਕਾਰੋ ਇਮੇ ਆਗਮਾ ਹੋਨ੍ਤਿ ਵਾ.
ਨਯਿਮਸ੍ਸ ਵਿਜ੍ਜਾ, ਯਥਯਿਦਂ ਚਿਤ੍ਤਂ. ਮਿਗੀ ਭਨ੍ਤਾ ਵੁਦਿਕ੍ਖਤਿ, ਸਿਤ੍ਤਾ ਤੇ ਲਹੁ ਮੇਸ੍ਸਤਿ, ਅਸਿਤ੍ਤਾ ਤੇ ਗਰੁ ਮੇਸ੍ਸਤਿ. ਅਸ੍ਸੋ ¶ ਭਦ੍ਰੋ ਕਸਾਮਿਵ, ਸਮ੍ਮਦਞ੍ਞਾ ਵਿਮੁਤ੍ਤਾਨਂ. ਮਨਸਾਦਞ੍ਞਾ ਵਿਮੁਤ੍ਤਾਨਂ, ਅਤ੍ਤਦਤ੍ਥਮਭਿਞ੍ਞਾਯ. ਚਿਰਂਨਾਯਤਿ, ਇਤੋ ਨਾਯਤਿ. ਯਸ੍ਮਾਤਿਹ ਭਿਕ੍ਖਵੇ, ਤਸ੍ਮਾਤਿਹ ਭਿਕ੍ਖਵੇ, ਅਜ੍ਜਤਗ੍ਗੇ ਪਾਣੁਪੇਤਂ. ਸਬ੍ਭਿਰੇਵ ਸਮਾਸੇਥ, ਆਰਗ੍ਗੇਰਿਵ ਸਾਸਪੋ, ਸਾਸਪੋਰਿਵ ਆਰਗ੍ਗਾ. ਛਲ਼ਭਿਞ੍ਞਾ, ਸਲ਼ਾਯਤਨਂ.
ਵਾਤਿ ਕਸ੍ਮਾ? ਏਵਂ ਮਹਿਦ੍ਧਿਯਾ ਏਸਾ, ਅਕ੍ਕੋਚ੍ਛਿ ਮਂ ਅਵਧਿ ਮਂ, ਅਜਿਨਿ ਮਂ ਅਹਾਸਿ ਮੇ, ਅਜੇਯ੍ਯੋ ਅਨੁਗਾਮਿਕੋ.
ਚਗ੍ਗਹਣੇਨ ਇਧੇਵ ਮਕਾਰਸ੍ਸ ਪਕਾਰੋ ਹੋਤਿ. ਚਿਰਪ੍ਪਵਾਸਿਂ ਪੁਰਿਸਂ.
ਕਕਾਰਸ੍ਸ ਚ ਦਕਾਰੋ ਹੋਤਿ. ਸਦਤ੍ਥਪਸੁਤੋ ਸਿਯਾ.
ਦਕਾਰਸ੍ਸ ਚ ਤਕਾਰੋ ਹੋਤਿ, ਸੁਗਤੋ.
ਬ੍ਯਞ੍ਜਨੇ ਪਰੇ ਕ੍ਵਚਿ ਓਕਾਰਾਗਮੋ ਹੋਤਿ.
ਅਤਿਪ੍ਪਗੋ ਖੋ ਤਾਵ ਸਾਵਤ੍ਥਿਯਂ ਪਿਣ੍ਡਾਯ ਚਰਿਤੁਂ. ਪਰੋਸਹਸ੍ਸਂ.
ਕ੍ਵਚੀਕਿ ¶ ਕਸ੍ਮਾ? ਏਥ ਪਸ੍ਸਥਿਮਂ ਲੋਕਂ, ਅਨ੍ਧੀਭੂਤੋ ਅਯਂ ਲੋਕੋ.
ਨਿਗ੍ਗਹਿਤਞ੍ਚਾਗਮੋ ਹੋਤਿ ਸਰੇ ਵਾ ਬ੍ਯਞ੍ਜਨੇ ਵਾ ਪਰੇ ਕ੍ਵਚਿ.
ਚਕ੍ਖੁਂਉਦਪਾਦਿ, ਅਵਂਸਿਰੋ, ਯਾਵਞ੍ਚਿਧ ਭਿਕ੍ਖਵੇ ਪੁਰਿਮਂ ਜਾਤਿਂ ਸਰਾਮਿ, ਅਣੁਂਥੂਲਾਨਿ ਸਬ੍ਬਸੋ, ਮਨੋਪੁਬ੍ਬਙ੍ਗਮਾ ਧਮ੍ਮਾ.
ਕ੍ਵਚੀਤਿ ਕਸ੍ਮਾ? ਇਧੇਵ ਨਂ ਪਸਂਸਨ੍ਤਿ, ਪੇਚ੍ਚ ਸਗ੍ਗੇ ਪਮੋਦਤਿ, ਨ ਹਿ ਏਤੇਹਿ ਯਾਨੇਹਿ, ਗਚ੍ਛੇਯ੍ਯ ਅਗਤਂ ਦਿਸਂ.
ਚਗ੍ਗਹਣੇਨ ਵਿਸਦ੍ਦਸ੍ਸ ਚ ਪਕਾਰੋ ਹੋਤਿ. ਪਚੇਸ੍ਸਤਿ, ਵਿਚੇਸ੍ਸਤਿ ਵਾ.
ਨਿਗ੍ਗਹਿਤਂ ਖੋ ਸਰੇ ਪਰੇ ਕ੍ਵਚਿ ਲੋਪਂ ਪਪ੍ਪੋਤਿ.
ਤਾਸਾਹਂ ਸਨ੍ਤਿਕੇ, ਵਿਦੂਨਗ੍ਗਮਿਤਿ.
ਕ੍ਵਚੀਤਿ ਕਸ੍ਮਾ? ਅਹਮੇਵ ਨੂਨ ਬਾਲੋ ਏਤਮਤ੍ਥਂ ਵਿਦਿਤ੍ਵਾਨ.
੩੯, ੫੪. ਬ੍ਯਞ੍ਜਨੇ ¶ ਚ.
ਨਿਗ੍ਗਹਿਤਂ ਖੋ ਬ੍ਯਞ੍ਜਨੇ ਪਰੇ ਕ੍ਵਚਿ ਲੋਪਂ ਪਪ੍ਪੋਤਿ.
ਅਰਿਯਸਚ੍ਚਾਨਦਸ੍ਸਨਂ, ਏਤਂ ਬੁਦ੍ਧਾਨਸਾਸਨਂ.
ਕ੍ਵਚੀਤਿ ਕਸ੍ਮਾ? ਏਤਂ ਮਙ੍ਗਲਮੁਤ੍ਤਮਂ, ਤਂ ਵੋ ਵਦਾਮਿ ਭਦ੍ਦਨ੍ਤੇ.
ਨਿਗ੍ਗਹਿਤਮ੍ਹਾ ਪਰੋ ਸਰੋ ਲੋਪਂ ਪਪ੍ਪੋਤਿ ਵਾ.
ਭਾਸਿਤਂ ਅਭਿਨਨ੍ਦੁਨ੍ਤਿ, ਉਤ੍ਤਤ੍ਤਂਵ, ਯਥਾਬੀਜਂਵ, ਯਥਾਧਞ੍ਞਂਵ.
ਵਾਤਿ ਕਸ੍ਮਾ? ਅਹਮੇਵ ਨੂਨ ਬਾਲੋ, ਏਤਦਹੋਸਿ.
ਨਿਗ੍ਗਹਿਤਮ੍ਹਾ ਪਰਸ੍ਮਿਂ ਸਰੇ ਲੁਤ੍ਤੇ ਯਦਿ ਬ੍ਯਞ੍ਜਨੋ ਸਸਞ੍ਞੋਗੋ ਵਿਸਞ੍ਞੋਗੋ ਹੋਤਿ.
ਏਵਂਸ ਤੇ ਆਸਵੋ, ਪੁਪ੍ਫਂਸਾ ਉਪ੍ਪਜ੍ਜਿ.
ਲੁਤ੍ਤੇਤਿ ਕਸ੍ਮਾ? ਏਵਮਸ੍ਸ ਵਿਦੂਨਗ੍ਗਮਿਤਿ.
ਚਗ੍ਗਹਣੇਨ ¶ ਤਿਣ੍ਣਂ ਬ੍ਯਞ੍ਜਨਾਨਮਨ੍ਤਰੇ ਯੇ ਸਰੂਪਾ, ਤੇਸਮ੍ਪਿ ਲੋਪੋ ਹੋਤਿ. ਅਗ੍ਯਾਗਾਰਂ, ਪਟਿਸਨ੍ਥਾਰਵੁਤ੍ਯਸ੍ਸ.
ਇਤਿ ਸਨ੍ਧਿਕਪ੍ਪੇ ਚਤੁਤ੍ਥੋ ਕਣ੍ਡੋ.
ਪਞ੍ਚਮਕਣ੍ਡ
੪੨, ੩੨. ਗੋਸਰੇ ਪੁਥਸ੍ਸਾਗਮੋ ਕ੍ਵਚਿ.
ਪੁਥਇਚ੍ਚੇਤਸ੍ਸ ਅਨ੍ਤੇ ਸਰੇ ਪਰੇ ਕ੍ਵਚਿ ਗਕਾਰਾਗਮੋ ਹੋਤਿ.
ਪੁਥਗੇ ਵ.
ਪਾਇਚ੍ਚੇਤਸ੍ਸ ਅਨ੍ਤੇ ਸਰੇ ਪਰੇ ਕ੍ਵਚਿ ਗਕਾਰਾਗਮੋ ਹੋਤਿ, ਅਨ੍ਤੋ ਚ ਸਰੋ ਰਸ੍ਸੋ ਹੋਤਿ.
ਪਗੇਵ ਵੁਤ੍ਯਸ੍ਸ.
ਕ੍ਵਚੀਤਿ ਕਸ੍ਮਾ? ਪਾ ਏਵ ਵੁਤ੍ਯਸ੍ਸ.
ਅਭਿਇਚ੍ਚੇਤਸ੍ਸ ਸਰੇ ਪਰੇ ਅਬ੍ਭਾਦੇਸੋ ਹੋਤਿ. ਅਬ੍ਭੁਦੀਰਿਤਂ, ਅਬ੍ਭੁਗ੍ਗਚ੍ਛਤਿ.
੪੫, ੨੫. ਅਜ੍ਝੋ ¶ ਅਧਿ.
ਅਧਿਇਚ੍ਚੇਤਸ੍ਸ ਸਰੇ ਪਰੇ ਅਜ੍ਝਾਦੇਸੋ ਹੋਤਿ.
ਅਜ੍ਝੋਕਾਸੇ, ਅਜ੍ਝਾਗਮਾ.
ਤੇ ਚ ਖੋ ਅਭਿਅਧਿਇਚ੍ਚੇਤੇ ਇਵਣ੍ਣੇ ਪਰੇ ਅਬ੍ਭੋ ਅਜ੍ਝੋਇਤਿਵੁਤ੍ਤਰੂਪਾ ਨਂ ਹੋਨ੍ਤਿ ਵਾ.
ਅਭਿਚ੍ਛਿਤਂ, ਅਧੀਰਿਤਂ.
ਵਾਤਿ ਕਸ੍ਮਾ? ਅਬ੍ਭੀਰਿਤਂ, ਅਜ੍ਝਿਣਮੁਤ੍ਤੋ.
ਅਤਿਇਚ੍ਚੇਤਸ੍ਸ ਅਨ੍ਤਭੂਤਸ੍ਸ ਤਿਸਦ੍ਦਸ੍ਸ ਇਵਣ੍ਣੇ ਪਰੇ ‘‘ਸਬ੍ਬੋ ਚਂ ਤੀ’’ਤਿ ਵੁਤ੍ਤਰੂਪਂ ਨ ਹੋਤਿ.
ਅਤੀਸਿਗਣੋ, ਅਤੀਰਿਤਂ.
ਇਵਣ੍ਣੇਤਿ ਕਸ੍ਮਾ? ਅਚ੍ਚਨ੍ਤਂ.
ਪਤਿਇਚ੍ਚੇਤਸ੍ਸ ਸਰੇ ਵਾ ਬ੍ਯਞ੍ਜਨੇ ਵਾ ਪਰੇ ਕ੍ਵਚਿ ਪਟਿਆਦੇਸੋ ਹੋਤਿ.
ਪਟਗ੍ਗਿ ਦਾਤਬ੍ਬੋ, ਪਟਿਹਞ੍ਞਤਿ.
ਕ੍ਵਚੀਤਿ ¶ ਕਸ੍ਮਾ? ਪਚ੍ਚਨ੍ਤਿਮੇਸੁ ਜਨਪਦੇਸੁ, ਪਤਿਲੀਯਤਿ, ਪਤਿਰੂਪਦੇਸਵਾਸੋ ਚ.
ਪੁਥਇਚ੍ਚੇਤਸ੍ਸ ਅਨ੍ਤੋ ਸਰੋ ਬ੍ਯਞ੍ਜਨੇ ਪਰੇ ਉਕਾਰੋ ਹੋਤਿ.
ਪੁਥੁਜ੍ਜਨੋ, ਪੁਥੁਭੂਤਂ.
ਅਨ੍ਤਗ੍ਗਹਣੇਨ ਅਪੁਥਸ੍ਸਾਪਿ ਸਰੇ ਪਰੇ ਅਨ੍ਤਸ੍ਸ ਉਕਾਰੋ ਹੋਤਿ, ਮਨੁਞ੍ਞਂ.
ਅਵਇਚ੍ਚੇਤਸ੍ਸ ਬ੍ਯਞ੍ਜਨੇ ਪਰੇ ਕ੍ਵਚਿ ਓਕਾਰੋ ਹੋਤਿ.
ਅਨ੍ਧਕਾਰੇਨ ਓਨਦ੍ਧਾ.
ਕ੍ਵਚੀਤਿ ਕਸ੍ਮਾ? ਅਵਸੁਸ੍ਸਤੁ ਮੇ ਸਰੀਰੇ ਮਂਸਲੋਹਿਤਂ.
੫੧, ੫੯. ਅਨੁਪਦਿਟ੍ਠਾਨਂ ਵੁਤ੍ਤਯੋਗਤੋ.
ਅਨੁਪਦਿਟ੍ਠਾਨਂ ਉਪਸਗ੍ਗਨਿਪਾਤਾਨਂ ਸਰਸਨ੍ਧੀਹਿ ਬ੍ਯਞ੍ਜਨਸਨ੍ਧੀਹਿ ਵੁਤ੍ਤਸਨ੍ਧੀਹਿ ਚ ਯਥਾਯੋਗਂ ਯੋਜੇਤਬ੍ਬਂ.
ਪਾਪਨਂ ¶ , ਪਰਾਯਣਂ, ਉਪਾਯਨਂ, ਉਪਾਹਨਂ, ਨ੍ਯਾਯੋਗੋ, ਨਿਗੁਪਧਿ, ਅਨੁਬੋਧੋ, ਦੁਵੂਪਸਨ੍ਤਂ, ਸੁਵੂਪਸਨ੍ਤਂ, ਦ੍ਵਾਲਯੋ, ਸ੍ਵਾਲਯੋ, ਦੁਰਾਖ੍ਯਾਤਂ, ਸ੍ਵਾਖ੍ਯਾਤੋ, ਉਦੀਰਿਤਂ, ਸਮੁਦ੍ਦਿਟ੍ਠਂ, ਵਿਯਗ੍ਗਂ, ਵਿਜ੍ਝਗ੍ਗਂ, ਬ੍ਯਗ੍ਗਂ, ਅਵਯਾਗਮਨਂ, ਅਨ੍ਵੇਤਿ, ਅਨੁਪਘਾਤੋ, ਅਨਚ੍ਛਰਿਯਂ, ਪਰਿਯੇਸਨਾ, ਪਰਾਮਾਸੋ, ਏਵਂ ਸਰੇ ਚ ਹੋਨ੍ਤਿ.
ਪਰਿਗ੍ਗਹੋ, ਪਗ੍ਗਹੋ, ਪਕ੍ਕਮੋ, ਪਰਕ੍ਕਮੋ, ਨਿਕ੍ਕਮੋ, ਨਿਕ੍ਕਸਾਵੋ, ਨਿਲ੍ਲਯਨਂ, ਦੁਲ੍ਲਯਨਂ, ਦੁਮ੍ਭਿਕ੍ਖਂ, ਦੁਬ੍ਬੁਤ੍ਤਂ, ਸਨ੍ਦਿਟ੍ਠਂ, ਦੁਗ੍ਗਹੋ, ਵਿਗ੍ਗਹੋ, ਨਿਗ੍ਗਤੋ, ਅਭਿਕ੍ਕਮੋ, ਪਟਿਕ੍ਕਮੋ, ਏਵਂ ਬ੍ਯਞ੍ਜਨੇ ਚ. ਸੇਸਾ ਸਬ੍ਬੇ ਯੋਜੇਤਬ੍ਬਾ.
ਇਤਿ ਸਨ੍ਧਿਕਪ੍ਪੇ ਪਞ੍ਚਮੋ ਕਣ੍ਡੋ.
ਸਨ੍ਧਿਕਪ੍ਪੋ ਨਿਟ੍ਠਿਤੋ.
੨. ਨਾਮਕਪ੍ਪ
ਪਠਮਕਣ੍ਡ
੫੨, ੬੦. ਜਿਨਵਚਨਯੁਤ੍ਤਂ ¶ ਹਿ.
‘‘ਜਿਨਵਚਨਯੁਤ੍ਤਂ ਹਿ’’ ਇਚ੍ਚੇਤਂ ਅਧਿਕਾਰਤ੍ਥਂ ਵੇਦਿਤਬ੍ਬਂ.
ਯਥਾ ਯਥਾ ਜਿਨਵਚਨਯੁਤ੍ਤਂ ਹਿ ਲਿਙ੍ਗਂ, ਤਥਾ ਤਥਾ ਇਧ ਲਿਙ੍ਗਞ੍ਚ ਨਿਪ੍ਪਜ੍ਜਤੇ.
ਤਂ ਯਥਾ? ਏਸੋ ਨੋ ਸਤ੍ਥਾ, ਬ੍ਰਹ੍ਮਾ ਅਤ੍ਤਾ, ਸਖਾ, ਰਾਜਾ.
ਤਤੋ ਜਿਨਵਚਨਯੁਤ੍ਤੇਹਿ ਲਿਙ੍ਗੇਹਿ ਵਿਭਤ੍ਤਿਯੋ ਪਰਾ ਹੋਨ੍ਤਿ.
੫੫, ੬੩. ਸਿ ਯੋ, ਅਂ ਯੋ, ਨਾ ਹਿ, ਸ ਨਂ, ਸ੍ਮਾ ਹਿ, ਸ ਨਂ, ਸ੍ਮਿਂ ਸੁ.
ਕਾ ਚ ਪਨ ਤਾਯੋ ਵਿਭਤ੍ਤਿਯੋ? ਸਿ, ਯੋ ਇਤਿ ਪਠਮਾ, ਅਂ, ਯੋਇਤਿ ਦੁਤਿਯਾ, ਨਾ ਹਿ ਇਤਿ ਤਤਿਯਾ, ਸ, ਨਂਇਤਿ ਚਤੁਤ੍ਥੀ, ਸ੍ਮਾ, ਹਿ ਇਤਿ ਪਞ੍ਚਮੀ, ਸ, ਨਂ ਇਤਿ ਛਟ੍ਠੀ, ਸ੍ਮਿਂ, ਸੁ ਇਤਿ ਸਤ੍ਤਮੀ.
ਵਿਭਤ੍ਤਿਇਚ੍ਚਨੇਨ ¶ ਕ੍ਵਤ੍ਥੋ? ਅਮ੍ਹਸ੍ਸ ਮਮਂ ਸਵਿਭਤ੍ਤਿਸ੍ਸ ਸੇ.
ਯਥਾ ਯਥਾ ਤੇਸਂ ਜਿਨਵਚਨਾਨਂ ਅਨੁਪਰੋਧੋ. ਤਥਾ ਤਥਾ ਇਧ ਲਿਙ੍ਗਞ੍ਚ ਨਿਪ੍ਪਜ੍ਜਤੇ.
ਆਲਪਨਤ੍ਥੇ ਸਿ ਗਸਞ੍ਞੋ ਹੋਤਿ.
ਭੋਤਿ ਅਯ੍ਯੇ, ਭੋਤਿ ਕਞ੍ਞੇ, ਭੋਤਿ ਖਰਾਦਿਯੇ.
ਆਲਪਨੇਤਿ ਕਿਮਤ੍ਥਂ? ਸਾ ਅਯ੍ਯਾ.
ਸੀਤਿ ਕਿਮਤ੍ਥਂ? ਭੋਤਿਯੋ ਅਯ੍ਯਾਯੋ.
ਗਇਚ੍ਚਨੇਨ ਕ੍ਵਤ੍ਥੋ? ਘਤੇ ਚ.
ਇਵਣ੍ਣੁਵਣ੍ਣਾਇਚ੍ਚੇਤੇ ਝਲਸਞ੍ਞਾ ਹੋਨ੍ਤਿ ਯਥਾਸਙ੍ਖ੍ਯਂ.
ਇਸਿਨੋ ¶ , ਅਗ੍ਗਿਨੋ, ਗਹਪਤਿਨੋ, ਦਣ੍ਡਿਨੋ. ਸੇਤੁਨੋ, ਕੇਤੁਨੋ, ਭਿਕ੍ਖੁਨੋ. ਸਯਮ੍ਭੁਨੋ, ਅਭਿਭੁਨੋ.
ਝਲਇਚ੍ਚਨੇਨ ਕ੍ਵਤ੍ਥੋ? ਝਲਤੋ ਸਸ੍ਸ ਨੋ ਵਾ.
ਤੇ ਇਵਣ੍ਣੁਵਣ੍ਣਾ ਯਦਾ ਇਤ੍ਥਿਖ੍ਯਾ, ਤਦਾ ਪਸਞ੍ਞਾ ਹੋਨ੍ਤਿ.
ਰਤ੍ਤਿਯਾ, ਇਤ੍ਥਿਯਾ, ਧੇਨੁਯਾ, ਵਧੁਯਾ.
ਇਤ੍ਥਿਖ੍ਯਾਤਿ ਕਿਮਤ੍ਥਂ? ਇਸਿਨਾ, ਭਿਕ੍ਖੁਨਾ.
ਸਇਚ੍ਚਨੇਨ ¶ ਕ੍ਵਤ੍ਥੋ? ਪਤੋ ਯਾ.
ਆਕਾਰੋ ਯਦਾ ਇਤ੍ਥਿਖ੍ਯੋ, ਤਦਾ ਘਸਞ੍ਞੋ ਹੋਤਿ.
ਸਦ੍ਧਾਯ, ਕਞ੍ਞਾਯ, ਵੀਣਾਯ, ਗਙ੍ਗਾਯ, ਦਿਸਾਯ ਸਾਲਾਯ, ਮਾਲਾਯ, ਤੁਲਾਯ, ਦੋਲਾਯ, ਪਭਾਯ, ਸੋਭਾਯ, ਪਞ੍ਞਾਯ, ਕਰੁਣਾਯ ਨਾਵਾਯ, ਕਪਾਲਿਕਾਯ.
ਆਤਿ ਕਿਮਤ੍ਥਂ? ਰਤ੍ਤਿਯਾ, ਇਤ੍ਥਿਯਾ.
ਇਤ੍ਥਿਖ੍ਯੋਤਿ ਕਿਮਤ੍ਥਂ? ਸਤ੍ਥਾਰਾ ਦੇਸਿਤੋ ਅਯਂ ਧਮ੍ਮੋ.
ਘਇਚ੍ਚਨੇਨ ਕ੍ਵਤ੍ਥੋ? ਘਤੋ ਨਾਦੀਨਂ.
ਸਕਾਰਾਗਮੋ ਹੋਤਿ ਸੇ ਵਿਭਤ੍ਤਿਮ੍ਹਿ.
ਪੁਰਿਸਸ੍ਸ, ਅਗ੍ਗਿਸ੍ਸ, ਇਸਿਸ੍ਸ, ਦਣ੍ਡਿਸ੍ਸ, ਭਿਕ੍ਖੁਸ੍ਸ, ਸਯਮ੍ਭੁਸ੍ਸ, ਅਭਿਭੁਸ੍ਸ.
ਸੇਤਿ ਕਿਮਤ੍ਤਂ? ਪੁਰਿਸਸ੍ਮਿਂ.
ਸਂਸਾਸੁ ਏਕਵਚਨੇਸੁ ਵਿਭਤ੍ਤਾਦੇਸੇਸੁ ਸਕਾਰਾਗਮੋ ਹੋਤਿ.
ਏਤਿਸ੍ਸਂ, ਏਤਿਸ੍ਸਾ ਇਮਿਸ੍ਸਂ, ਇਮਿਸ੍ਸਾ, ਤਿਸ੍ਸਂ, ਤਿਸ੍ਸਾ,
ਤਸ੍ਸਂ ਤਸ੍ਸਾ, ਯਸ੍ਸਂ, ਯਸ੍ਸਾ, ਅਮੁਸ੍ਸਂ, ਅਮੁਸ੍ਸਾ.
ਸਂਸਾਸ੍ਵੀਤਿ ਕਿਮਤ੍ਥਂ? ਅਗ੍ਗਿਨਾ, ਪਾਣਿਨਾ.
ਏਕਵਚਨੇਸ੍ਵੀਤਿ ਕਿਮਤ੍ਥਂ? ਤਾਸਂ, ਸਬ੍ਬਾਸਂ.
ਵਿਭਤ੍ਤਾਦੇਸੇਸ੍ਵੀਤਿ ਕਿਮਤ੍ਥਂ? ਮਨਸਾ, ਵਚਸਾ, ਥਾਮਸਾ.
ਏਤਾਇਮਾਇਚ੍ਚੇਤੇਸਮਨ੍ਤੋ ਸਰੋ ਇਕਾਰੋ ਹੋਤਿ ਸਂਸਾਸੁ ਏਕਵਚਨੇਸੁ ਵਿਭਤ੍ਤਾਦੇਸੇਸੁ.
ਏਤਿਸ੍ਸਂ, ਏਤਿਸ੍ਸਾ, ਇਮਿਸ੍ਸਂ, ਇਮਿਸ੍ਸਾ.
ਸਂਸਾਸ੍ਵੀਤਿ ¶ ਕਿਮਤ੍ਥਂ? ਏਤਾਯ, ਇਮਾਯ.
ਏਕਵਚਨੇਸ੍ਵੀਤਿ ਕਿਮਤ੍ਥਂ? ਏਤਾਸਂ, ਇਮਾਸਂ.
ਤਸ੍ਸਾ ਇਤ੍ਥਿਯਂ ਵਤ੍ਤਮਾਨਸ੍ਸ ਅਨ੍ਤਸ੍ਸ ਆਕਾਰਸ੍ਸ ਇਕਾਰੋ ਹੋਤਿ ਵਾ ਸਂਸਾਸੁ ਏਕਵਚਨੇਸੁ ਵਿਭਤ੍ਤਾਦੇਸੇਸੁ.
ਤਿਸ੍ਸਂ, ਤਿਸ੍ਸਾ, ਤਸ੍ਸਂ, ਤਸ੍ਸਾ.
ਤਤੋ ਤਾ ਏਤਾ ਇਮਾਤੋ ਸਸ੍ਸ ਵਿਭਤ੍ਤਿਸ੍ਸ ਸ੍ਸਾਯਾਦੇਸੋ ਹੋਤਿ ਵਾ.
ਤਿਸ੍ਸਾਯ, ਏਤਿਸ੍ਸਾਯ, ਇਮਿਸ੍ਸਾਯ.
ਵਾਤਿ ਕਿਮਤ੍ਥਂ? ਤਿਸ੍ਸਾ, ਏਤਿਸ੍ਸਾ, ਇਮਿਸ੍ਸਾ.
ਘੋ ਰਸ੍ਸਮਾਪਜ੍ਜਤੇ ਸਂਸਾਸੁ ਏਕਵਚਨੇਸੁ ਵਿਭਤ੍ਤਾਦੇਸੇਸੁ.
ਤਸ੍ਸਂ, ਤਸ੍ਸਾ, ਯਸ੍ਸਂ, ਯਸ੍ਸਾ, ਸਬ੍ਬਸ੍ਸਂ, ਸਬ੍ਬਸ੍ਸਾ.
ਸਂਸਾਸ੍ਵੀਤਿ ਕਿਮਤ੍ਥਂ? ਤਾਯ, ਸਬ੍ਬਾਯ.
ਏਕਵਚਨੇਸ੍ਵੀਤਿ ਕਿਮਤ੍ਥਂ? ਤਾਸਂ, ਸਬ੍ਬਾਸਂ.
੬੭, ੨੨੯. ਨੋ ¶ ਚ ਦ੍ਵਾਦਿਤੋ ਨਂਮ੍ਹਿ.
ਦ੍ਵਿਇਚ੍ਚੇਵਮਾਦਿਤੋ ਸਙ੍ਖ੍ਯਾਤੋ ਨਕਾਰਾਗਮੋ ਹੋਤਿ ਨਂਮ੍ਹਿ ਵਿਭਤ੍ਤਿਮ੍ਹਿ.
ਦ੍ਵਿਨ੍ਨਂ, ਤਿਨ੍ਨਂ, ਚਤੁਨ੍ਨਂ, ਪਞ੍ਚਨ੍ਨਂ, ਛਨ੍ਨਂ, ਸਤ੍ਤਨ੍ਨਂ, ਅਟ੍ਠਨ੍ਨਂ, ਨਵਨ੍ਨਂ, ਦਸਨ੍ਨਂ.
ਦ੍ਵਾਦਿਤੋਤਿ ਕਿਮਤ੍ਥਂ? ਸਹਸ੍ਸਾਨਂ.
ਨਂਮ੍ਹੀਤਿ ਕਿਮਤ੍ਥਂ? ਦ੍ਵੀਸੁ, ਤੀਸੁ.
ਚਗ੍ਗਹਣੇਨਸ੍ਸਞ੍ਚਾਗਮੋ ਹੋਤਿ. ਚਤਸ੍ਸਨ੍ਨਂ ਇਤ੍ਥੀਨਂ ਤਿਸ੍ਸਨ੍ਨਂ ਵੇਦਨਾਨਂ.
੬੮, ੧੮੪. ਅਮਾ ਪਤੋ ਸ੍ਮਿਂਸ੍ਮਾਨਂ ਵਾ.
ਪਇਚ੍ਚੇਤਸ੍ਮਾ ਸ੍ਮਿਂਸ੍ਮਾਇਚ੍ਚੇਤੇਸਂ ਅਂਆਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਮਤ੍ਯਂ, ਮਤਿਯਂ, ਮਤ੍ਯਾ, ਮਤਿਯਾ, ਨਿਕਤ੍ਯਂ. ਨਿਕਤਿਯਂ, ਨਿਕਤ੍ਯਾ, ਨਿਕਤਿਯਾ, ਵਿਕਤ੍ਯਂ, ਵਿਕਤਿਯਂ, ਵਿਕਤ੍ਯਾ, ਵਿਕਤਿਯਾ, ਵਿਰਤ੍ਯਂ, ਵਿਰਤਿਯਂ, ਵਿਰਤ੍ਯਾ, ਵਿਰਤਿਯਾ, ਰਤ੍ਯਂ, ਰਤਿਯਂ, ਰਤ੍ਯਾ, ਰਤਿਯਾ, ਪੁਥਬ੍ਯਂ, ਪੁਥਵਿਯਂ, ਪੁਥਬ੍ਯਾ, ਪੁਥਵਿਯਾ, ਪਵਤ੍ਯਂ, ਪਵਤ੍ਯਾ, ਪਵਤ੍ਤਿਯਂ, ਪਵਤ੍ਤਿਯਾ.
ਆਦਿਇਚ੍ਚੇਤਸ੍ਮਾ ਸ੍ਮਿਂਵਚਨਸ੍ਸ ਅਂਓਆਦੇਸਾ ਹੋਨ੍ਤਿ ਵਾ.
ਆਦੀਂ ¶ , ਆਦੋ.
ਵਾਤਿ ਕਿਮਤ੍ਥਂ? ਆਦਿਸ੍ਮਿਂ, ਆਦਿਮ੍ਹਿ ਨਾਥਂ ਨਮਸ੍ਸਿਤ੍ਵਾਨ,
ਚਗ੍ਗਹਣੇਨ ਅਞ੍ਞਸ੍ਮਾਪਿ ਸ੍ਮਿਂ ਵਚਨਸ੍ਸ ਆ ਓ ਅਂਆਦੇਸਾ ਹੋਨ੍ਤਿ. ਦਿਵਾ ਚ ਰਤ੍ਤੋ ਚ ਹਰਨ੍ਤਿ ਯੇ ਬਲਿ. ਬਾਰਾਣਸਿਂ ਅਹੁ ਰਾਜਾ.
ਝਲਇਚ੍ਚੇਤੇਸਂ ਇਯ ਉਵਇਚ੍ਚੇਤੇ ਆਦੇਸਾ ਹੋਨ੍ਤਿ ਵਾ ਸਰੇ ਪਰੇ ਯਥਾਸਙ੍ਖ੍ਯਂ.
ਤਿਯਨ੍ਤਂ ਪਚ੍ਛਿਯਾਗਾਰੇ, ਅਗ੍ਗਿਯਾਗਾਰੇ, ਭਿਕ੍ਖੁਵਾਸਨੇ ਨਿਸੀਦਤਿ, ਵੁਥੁਵਾਸਨੇ ਨਿਸੀਦਤਿ.
ਸਰੇਤਿ ਕਿਮਤ੍ਥਂ? ਤਿਮਲਂ, ਤਿਫਲਂ, ਤਿਚਤੁਕ੍ਕਂ, ਤਿਦਣ੍ਡਂ, ਤਿਲੋਕਂ, ਤਿਨਯਨਂ, ਤਿਪਾਸਂ, ਤਿਹਂਸਂ, ਤਿਭਵਂ, ਤਿਖਨ੍ਧਂ, ਤਿਪਿਟਕਂ, ਤਿਵੇਦਨਂ, ਚਤੁਦ੍ਦਿਸਂ, ਪੁਥੁਭੂਤਂ.
ਵਾਤਿ ਕਿਮਤ੍ਥਂ? ਪਞ੍ਚਹਙ੍ਗੇਹਿ ਤੀਹਾਕਾਰੇਹਿ. ਚਕ੍ਖਾਯਤਨਂ.
ਵਾਤਿ ਵਿਕਪ੍ਪਨਤ੍ਥਂ, ਇਕਾਰਸ੍ਸ ਅਯਾਦੇਸੋ ਹੋਤਿ, ਵਤ੍ਥੁਤ੍ਤਯਂ.
ਝਲਾਨਂ ਯਕਾਰ ਵਕਾਰਾਦੇਸਾ ਹੋਨ੍ਤਿ ਸਰੇ ਪਰੇ ਯਥਾਸਙ੍ਖ੍ਯਂ.
ਅਗ੍ਯਾਗਾਰਂ ¶ , ਪਕ੍ਖਾਯਤਨਂ, ਸ੍ਵਾਗਤਂ, ਤੇ ਮਹਾਵੀਰ.
ਚਗ੍ਗਹਣਂ ਸਮ੍ਪਿਣ੍ਡਨਤ੍ਥਂ.
ਪਸਞ੍ਞਸ੍ਸ ਚ ਇਵਣ੍ਣਸ੍ਸ ਵਿਭਤ੍ਤਾਦੇਸੇ ਸਰੇ ਪਰੇ ਯਕਾਰਾਦੇਸੋ ਹੋਤਿ.
ਪੁਥਬ੍ਯਾ, ਰਤ੍ਯਾ, ਮਤ੍ਯਾ.
ਸਰੇਤਿ ਕਿਮਤ੍ਥਂ? ਪੁਥਵਿਯਂ.
ਗੋਇਚ੍ਚੇਤਸ੍ਸ ਓਕਾਰਸ੍ਸ ਆਵਾਦੇਸੋ ਹੋਤਿ ਸੇ ਵਿਭਤ੍ਤਿਮ੍ਹਿ.
ਗਾਵਸ੍ਸ.
ਗੋਇਚ੍ਚੇਤਸ੍ਸ ਓਕਾਰਸ੍ਸ ਆਵਾਦੇਸੋ ਹੋਤਿ ਯੋਇਚ੍ਚੇਤੇਸੁ ਪਰੇਸੁ.
ਗਾਵੋ ਗਚ੍ਛਨ੍ਤਿ, ਗਾਵੋ ਪਸ੍ਸਨ੍ਤਿ, ਗਾਵੀ ਗਚ੍ਛਨ੍ਤਿ, ਗਾਵੀ ਪਸ੍ਸਨ੍ਤਿ.
ਚਗ੍ਗਹਣਂ ਕਿਮਤ੍ਥਂ? ਨਾਸ੍ਮਾਸ੍ਮਿਂਸੁ ਵਚਨੇਸੁ ਆਵਾ ਦੇਸੋ ਹੋਤਿ.
ਗਾਵੇਨ, ਗਾਵਾ, ਗਾਵੇ, ਗਾਵੇਸੁ.
੭੫, ੧੭੦. ਅਵਮ੍ਹਿ ¶ ਚ.
ਗੋਇਚ੍ਚੇਤਸ੍ਸ ਓਕਾਰਸ੍ਸ ਆਵਅਵਇਚ੍ਚੇਤੇ ਆਦੇਸਾ ਹੋਨ੍ਤਿ ਅਂਮ੍ਹਿ ਵਿਭਤ੍ਤਿਮ੍ਹਿ.
ਗਾਵਂ, ਗਵਂ.
ਚਗ੍ਗਹਣੇਨ ਸਾਦਿਸੇਸੇਸੁ ਪੁਬ੍ਬੁਤ੍ਤਵਚਨੇਸੁ ਗੋਇਚ੍ਚੇਤਸ੍ਸ ਓਕਾਰਸ੍ਸ ਅਵਾਦੇਸੋ ਹੋਤਿ.
ਗਵਸ੍ਸ, ਗਵੋ, ਗਵੇਨ, ਗਵਾ, ਗਵੇ, ਗਵੇਸੁ.
ਆਵਇਚ੍ਚੇਤਸ੍ਸ ਗਾਵਾਦੇਸਸ੍ਸ ਅਨ੍ਤ ਸਰਸ੍ਸ ਉਕਾਰਾਦੇਸੋ ਹੋਤਿ ਵਾ ਅਂਮ੍ਹਿ ਵਿਭਤ੍ਤਿਮ੍ਹਿ.
ਗਾਵੁਂ, ਗਾਵਂ.
ਆਵਸ੍ਸੇਤਿ ਕਿਮਤ੍ਥਂ? ਗਾਵੋ ਤਿਟ੍ਠਨ੍ਤਿ.
੭੭, ੧੭੫. ਤਤੋ ਨਮਂ ਪਤਿਮ੍ਹਾ ਲੁਤ੍ਤੇ ਚ ਸਮਾਸੇ.
ਤਤੋ ਗੋਸਦ੍ਦਤੋ ਨਂਵਚਨਸ੍ਸ ਅਂਆਦੇਸੋ ਹੋਤਿ, ਗੋਇਚ੍ਚੇਤਸ੍ਸ ਓਕਾਰਸ੍ਸ ਅਵਾਦੇਸੋ ਹੋਤਿ ਪਤਿਮ੍ਹਿ ਪਰੇ ਅਲੁਤ੍ਤੇ ਚ ਸਮਾਸੇ.
ਗਵਪਤਿ.
ਅਲੁਤ੍ਤੇਤਿ ¶ ਕਿਮਤ੍ਥਂ? ਗੋਪਤਿ.
ਚਗ੍ਗਹਣੇਨ ਅਸਮਾਸੇਪਿ ਨਂਵਚਨਸ੍ਸ ਅਂਆਦੇਸੋ ਹੋਤਿ, ਗੋਇਚ੍ਚੇਤਸ੍ਸ ਓਕਾਰਸ੍ਸ ਅਵਾਦੇਸੋ ਹੋਤਿ.
ਗਵਂ.
ਗੋਇਚ੍ਚੇਤਸ੍ਸ ਓਕਾਰਸ੍ਸ ਅਵਾਦੇਸੋ ਹੋਤਿ ਸਮਾਸੇ ਚ ਸਰੇ ਪਰੇ.
ਗਵਸ੍ਸਕਂ, ਗਵੇਲ਼ਕਂ, ਗਵਾਜਿਨਂ.
ਚਗ੍ਗਹਣੇਨ ਉਵਣ੍ਣਇਚ੍ਚੇਵਮਨ੍ਤਾਨਂ ਲਿਙ੍ਗਾਨਂ ਉਵਅਵਉਰਾਦੇਸਾ ਹੋਨ੍ਤਿ ਸ੍ਮਿਂਯੋਇਚ੍ਚੇਤੇਸੁ ਕ੍ਵਚਿ.
ਭੁਵਿ, ਪਸਵੋ, ਗੁਰਵੋ, ਚਤੁਰੋ.
ਸਰੇਤਿ ਕਿਮਤ੍ਥਂ? ਗੋਧਨੋ, ਗੋਵਿਨ੍ਦੋ.
੭੯, ੪੬. ਤਬ੍ਬਿਪਰੀਤੂਪਪਦੇ ਬ੍ਯਞ੍ਜਨੇ ਚ.
ਤਸ੍ਸ ਅਵਸਦ੍ਦਸ੍ਸ ਯਦਾ ਉਪਪਦੇ ਤਿਟ੍ਠਮਾਨਸ੍ਸ ਤਸ੍ਸ ਓਕਾਰਸ੍ਸ ਵਿਪਰੀਤੋ ਹੋਤਿ ਬ੍ਯਞ੍ਜਨੇ ਪਰੇ.
ਉਗ੍ਗਤੇ ਸੂਰਿਯੇ, ਉਗ੍ਗਚ੍ਛਤਿ, ਉਗ੍ਗਹੇਤ੍ਵਾ.
ਚਗ੍ਗਹਣਮਵਧਾਰਣਤ੍ਥਂ. ਅਵਸਾਨੇ, ਅਵਕਿਰਣੇ, ਅਵਕਿਰਤਿ.
੮੦, ੧੭੩. ਗੋਣ ¶ ਨਂਮ੍ਹਿ ਵਾ.
ਸਬ੍ਬਸ੍ਸੇਵ ਗੋਸਦ੍ਦਸ੍ਸ ਗੋਣਾਦੇਸੋ ਹੋਤਿ ਵਾ ਨਂਮ੍ਹਿ ਵਿਭਤ੍ਤਿਮ੍ਹਿ.
ਗੋਣਾਨਂ ਸਤ੍ਤਨ੍ਨਂ.
ਵਾਤਿ ਕਿਮਤ੍ਥਂ?
ਗੋਨਞ੍ਚੇ ਤਰਮਾਨਾਨਂ, ਉਜੁਂ ਗਚ੍ਛਤਿ ਪੁਙ੍ਗਵੋ.
ਸਬ੍ਬਾ ਗਾਵੀ ਉਜੁਂ ਯਨ੍ਤਿ, ਨੇਤ੍ਤੇ ਉਜੁਂ ਗਤੇ ਸਤਿ.
ਯੋਗਵਿਭਾਗੇਨ ਅਞ੍ਞਤ੍ਰਾਪਿ ਗੋਣਾਦੇਸੋ ਹੋਤਿ. ਗੋਣਭੂਤਾਨਂ.
ਸੁਹਿਨਾਇਚ੍ਚੇਤੇਸੁ ਸਬ੍ਬਸ੍ਸ ਗੋਸਦ੍ਦਸ੍ਸ ਗੋਣਾਦੇਸੋ ਹੋਤਿ ਵਾ.
ਗੋਣੇਸੁ, ਗੋਣੇਹਿ, ਗੋਣੇਭਿ, ਗੋਣੇਨ.
ਵਾਤਿ ਕਿਮਤ੍ਥਂ? ਗੋਸੁ, ਗੋਹਿ, ਗੋਭਿ, ਗਵੇਨ.
ਚਗ੍ਗਹਣੇਨ ਸ੍ਯਾਦਿਸੇਸੇਸੁ ਪੁਬ੍ਬੁਤ੍ਤਰਵਚਨੇਸੁਪਿ ਗੋਣ ਗੁ ਗਵਯਾਦੇਸਾ ਹੋਨ੍ਤਿ. ਗੋਣੋ, ਗੋਣਾ, ਗੋਣਂ, ਗੋਣੇ, ਗੋਣਸ੍ਸ, ਗੋਣਮ੍ਹਾ. ਗੋਣਮ੍ਹਿ, ਗੁਨ੍ਨਂ, ਗਵਯੇਹਿ, ਗਵਯੇਭਿ.
੮੨, ੧੪੯. ਅਂਮੋ ¶ ਨਿਗ੍ਗਹਿਤਂ ਝਲਪੇਹਿ.
ਅਂਵਚਨਸ੍ਸ ਮਕਾਰਸ੍ਸ ਚ ਝਲਪਇਚ੍ਚੇਤੇਹਿ ਨਿਗ੍ਗਹਿਤਂ ਹੋਤਿ
ਅਗ੍ਗਿਂ, ਇਸਿਂ, ਗਹਪਤਿਂ, ਦਣ੍ਡਿਂ, ਮਹੇਸਿਂ, ਭਿਕ੍ਖੁਂ, ਪਟੁਂ, ਸਯਮ੍ਭੁਂ, ਅਭਿਭੁਂ, ਰਤ੍ਤਿਂ, ਇਤ੍ਥਿਂ, ਵਧੁਂ, ਪੁਲ੍ਲਿਙ੍ਗਂ, ਪੁਮ੍ਭਾਵੋ, ਪੁਙ੍ਕੋਕਿਲੋ.
ਅਂਮੋਤਿ ਕਿਮਤ੍ਥਂ? ਅਗ੍ਗਿਨਾ, ਪਾਣਿਨਾ, ਭਿਕ੍ਖੁਨਾ, ਰਤ੍ਤਿਯਾ, ਇਤ੍ਥਿਯਾ, ਵਧੁਯਾ.
ਝਲਪੇਹੀਤਿ ਕਿਮਤ੍ਥਂ? ਸੁਖਂ, ਦੁਕ੍ਖਂ.
ਪੁਨਾਰਮ੍ਭ ਹਣਂ ਵਿਭਾਸਾਨਿਵਤ੍ਤਨਤ੍ਥਂ. ਅਗ੍ਗਿਂ, ਪਟੁਂ, ਬੁਦ੍ਧਿਂ, ਵਧੁਂ.
੮੩, ੬੭. ਸਰਲੋਪੋ’ ਮਾਦੇਸ ਪਚ੍ਚਯਾਦਿਮ੍ਹਿ ਸਰਲੋਪੇ ਤੁ ਪਕਤਿ.
ਸਰਲੋਪੋ ਹੋਤਿ ਅਮਾਦੇਸਪਚ੍ਚਯਾਦਿਮ੍ਹਿ ਸਰ ਲੋਪੇ ਤੁ ਪਕਤਿ ਹੋਤਿ.
ਪੁਰਿਸਂ, ਪੁਰਿਸੇ, ਪਾਪਂ, ਪਾਪੇ, ਪਾਪਿਯੋ, ਪਾਪਿਟ੍ਠੋ.
ਅਮਾਦੇਸਪਚ੍ਚਯਾਦਿਮ੍ਹੀਤਿ ਕਿ ਤ੍ਥਂ? ਅਪ੍ਪਮਾਦੋ ਅਮਤਂ ਪਦਂ.
ਸਰਲੋਪੇਤਿ ਕਿਮਤ੍ਥਂ? ਪੁਰਿਸਸ੍ਸ, ਦਣ੍ਡਿਨਂ.
ਤੁਗ੍ਗਹਣਮਵਧਾਰਣਤ੍ਥਂ. ਭਿਕ੍ਖੁਨੀ, ਗਹਪਤਾਨੀ.
ਪਕਤਿਗ੍ਗਹਣਸਾਮਤ੍ਥੇਨ ¶ ਪੁਨ ਸਨ੍ਧਿਭਾਵੋ ਚ ਹੋਤਿ. ਸੇਯ੍ਯੋ, ਸੇਟ੍ਠੋ, ਜੇਯ੍ਯੋ, ਜੇਟ੍ਠੋ.
੮੪, ੧੪੪. ਅਘੋਰਸ੍ਸਮੇਕਵਚਨਯੋਸ੍ਵਪਿ ਚ.
ਅਘੋ ਸਰੋ ਰਸ੍ਸਮਾਪਜ੍ਜਤੇ ਏਕਵਚਨਯੋਇਚ੍ਚੇਤੇਸੁ.
ਇਤ੍ਥਿਂ, ਇਤ੍ਥਿਯੋ, ਇਤ੍ਥਿਯਾ. ਵਧੁਂ, ਵਧੁਯੋ, ਵਧੁਯਾ. ਦਣ੍ਡਿਂ, ਦਣ੍ਡਿਨੋ, ਦਣ੍ਡਿਨਾ. ਸਯਮ੍ਭੁਂ, ਸਯਮ੍ਭੁਵੋ, ਸਯਮ੍ਭੁਨਾ.
ਅਘੋਤਿ ਕਿਮਤ੍ਥਂ? ਕਞ੍ਞਂ, ਕਞ੍ਞਾਯੋ, ਕਞ੍ਞਾਯ.
ਏਕਵਚਨਯੋਸ੍ਵੀਤਿ ਕਿਮਤ੍ਥਂ? ਇਤ੍ਥੀਹਿ, ਸਯਮ੍ਭੂਹਿ.
ਚਗ੍ਗਹਣਮਵਧਾਰਣਤ੍ਥਂ. ਨਦਿਂ, ਨਦਿਯੋ, ਨਦਿਯਾ.
ਅਪਿਗ੍ਗਹਣੇਨ ਨ ਰਸ੍ਸਮਾਪਜ੍ਜਤੇ. ਇਤ੍ਥੀ, ਭਿਕ੍ਖੁਨੀ.
ਸਿਸ੍ਮਿਂ ਅਨਪੁਂਸਕਾਨਿ ਲਿਙ੍ਗਾਨਿ ਨ ਰਸ੍ਸਮਾਪਜ੍ਜਨ੍ਤੇ. ਇਤ੍ਥੀ, ਭਿਕ੍ਖੁਨੀ, ਵਧੂ, ਦਣ੍ਡੀ, ਸਯਮ੍ਭੂ.
ਸਿਸ੍ਮਿਂਨ੍ਤਿ ਕਿਮਤ੍ਥਂ? ਭੋਤਿ ਇਤ੍ਥਿ, ਭੋਤਿ ਵਧੁ, ਭੋ ਦਣ੍ਡਿ, ਭੋ ਸਯਮ੍ਭੁ.
ਅਨਪੁਂਸਕਾਨੀਤਿ ¶ ਕਿਮਤ੍ਥਂ? ਸੁਖਕਾਰਿ ਦਾਨਂ, ਸੁਖਕਾਰਿ ਸੀਲਂ, ਸੀਘਯਾਯਿ ਚਿਤ੍ਤਂ.
ਉਭਇਚ੍ਚੇਵਮਾਦਿਤੋ ਸਙ੍ਖ੍ਯਾਤੋ ਨਂਵਚਨਸ੍ਸ ਇਨ੍ਨਂ ਹੋਤਿ.
ਉਭਿਨ੍ਨਂ, ਦੁਵਿਨ੍ਨਂ.
ਉਭਾਦਿਤੋਤਿ ਕਿਮਤ੍ਥਂ? ਉਭਯੇਸਂ.
੮੭, ੨੩੧. ਇਣ੍ਣਮਿਣ੍ਣਨ੍ਨਂ ਤੀਹਿ ਸਙ੍ਖ੍ਯਾਹਿ.
ਨਂਵਚਨਸ੍ਸ ਇਣ੍ਣਂ ਇਣ੍ਣਨ੍ਨਂ ਇਚ੍ਚੇਤੇ ਆਦੇਸਾ ਹੋਨ੍ਤਿ ਤੀਹਿ ਸਙ੍ਖ੍ਯਾਹਿ.
ਤਿਣ੍ਣਂ, ਤਿਣ੍ਣਨ੍ਨਂ.
ਤੀਹੀਤਿ ਕਿਮਤ੍ਥਂ? ਦ੍ਵਿਨ੍ਨਂ.
੮੮, ੧੪੭. ਯੋਸੁ ਕਤਨਿਕਾਰਲੋਪੇਸੁ ਦੀਘਂ.
ਸਬ੍ਬੇ ਸਰਾ ਯੋਸੁ ਕਤਨਿਕਾਰਲੋਪੇਸੁ ਦੀਘਮਾਪਜ੍ਜਨ੍ਤੇ.
ਅਗ੍ਗੀ, ਭਿਕ੍ਖੂ, ਰਤ੍ਤੀ, ਯਾਗੂ, ਅਟ੍ਠੀ, ਅਟ੍ਠੀਨਿ, ਆਯੂ, ਆਯੂਨਿ, ਸਬ੍ਬਾਨਿ, ਯਾਨਿ, ਤਾਨਿ, ਕਾਨਿ, ਕਤਮਾਨਿ, ਏਤਾਨਿ, ਅਪੂਨਿ, ਇਮਾਨਿ.
ਯੋਸ੍ਵੀਤਿ ¶ ਕਿਮਤ੍ਥਂ? ਅਗ੍ਗਿ, ਭਿਕ੍ਖੁ, ਰਤ੍ਤਿ, ਯਾਗੁ, ਸਬ੍ਬੋ, ਯੋ, ਸੋ, ਕੋ, ਅਮੁਕੋ.
ਕਤਨਿਕਾਰਲੋਪੇਸ੍ਵੀਤਿ ਕਿਮਤ੍ਥਂ? ਇਤ੍ਥਿਯੋ, ਵਧੁਯੋ, ਸਯਮ੍ਭੁਵੋ.
ਪੁਨਾਰਮ੍ਭਗ੍ਗਹਣਂ ਕਿਮਤ੍ਥਂ? ਨਿਚ੍ਚਦੀਪਨਤ੍ਥਂ. ਅਗ੍ਗੀ, ਭਿਕ੍ਖੂ, ਰਤ੍ਤੀ, ਯਾਨਿ, ਤਾਨਿ, ਕਤਮਾਨਿ.
ਸੁਨਂਹਿਇਚ੍ਚੇਤੇਸੁ ਸਬ੍ਬੇ ਸਰਾ ਦੀਘਮਾਪਜ੍ਜਨ੍ਤੇ.
ਅਗ੍ਗੀਸੁ, ਅਗ੍ਗੀਨਂ, ਅਗ੍ਗੀਹਿ, ਰਤ੍ਤੀਸੁ, ਰਤ੍ਤੀਨਂ, ਰਤ੍ਤੀਹਿ. ਭਿਕ੍ਖੂਸੁ, ਭਿਕ੍ਖੂਨਂ, ਭਿਕ੍ਖੂਹਿ. ਪੁਰਿਸਾਨਂ.
ਏਤੇਸ੍ਵੀਤੀ ਕਿਮਤ੍ਥਂ? ਅਗ੍ਗਿਨਾ, ਪਾਣਿਨਾ, ਦਣ੍ਡਿਨਾ.
ਚਗ੍ਗਹਣਮਵਧਾਰਣਤ੍ਥਂ. ਸੁਖੇਤ੍ਤੇਸੁ ਬ੍ਰਹ੍ਮਚਾਰਿਸੁ, ਧਮ੍ਮਮਕ੍ਖਾਸਿ ਭਗਵਾ ਭਿਕ੍ਖੁਨਂ ਦਤ੍ਵਾ ਸਕੇਹਿ ਪਾਣਿਭਿ.
ਪਞ੍ਚਾਦੀਨਂ ਸਙ੍ਖ੍ਯਾਨਂ ਅਨ੍ਤੋ ਅਤ੍ਤਮਾਪਜ੍ਜਤੇ ਸੁਨਂਹਿਇਚ੍ਚੇਤੇਸੁ.
ਪਞ੍ਚਸੁ, ਪਞ੍ਚਨ੍ਨਂ, ਪਞ੍ਚਹਿ, ਛਸੁ, ਛਨ੍ਨਂ, ਛਹਿ, ਸਤ੍ਤਸੁ, ਸਤ੍ਤਨ੍ਨਂ, ਸਤ੍ਤਹਿ, ਅਟ੍ਠਸੁ, ਅਟ੍ਠਨ੍ਨਂ, ਅਟ੍ਠਹਿ, ਨਵਸੁ, ਨਵਨ੍ਨਂ, ਨਵਹਿ, ਦਸਸੁ, ਦਸਨ੍ਨਂ, ਦਸਹਿ.
ਪਞ੍ਚਾਦੀਨਮੀਤਿ ਕਿਮਤ੍ਥਂ? ਦ੍ਵੀਸੁ, ਦ੍ਵਿਨ੍ਨਂ, ਦ੍ਵੀਹਿ.
ਅਤ੍ਤਮਿਤਿਭਾਵਨਿਦ੍ਦੇਸੋ ¶ ਉਭਯਸ੍ਸਾਗਮਨਤ੍ਥਂ, ਅਨ੍ਤੋ ਉਕਾਰੋ ਅਤ੍ਤਮਾਪਜ੍ਜਤੇ. ਚਤਸ੍ਸਨ੍ਨਂ ਇਤ੍ਥੀਨਂ. ਤਿਸ੍ਸਨ੍ਨਂ ਵੇਦਨਾਨਂ.
ਪਤਿਸ੍ਸਨ੍ਤੋ ਅਤ੍ਤਮਾਪਜ੍ਜਤੇ ਇਨੀਮ੍ਹਿ ਪਚ੍ਚਯੇ ਪਰੇ.
ਗਹਪਤਾਨੀ.
ਇਨੀਮ੍ਹੀਤਿ ਕਿਮਤ੍ਥਂ? ਗਹਪਤਿ.
ਨ੍ਤੁਪਚ੍ਚਯਸ੍ਸ ਅਨ੍ਤੋ ਅਤ੍ਤਮਾਪਜ੍ਜਤੇ ਸੁਨਂਹਿਯੋਇਚ੍ਚੇਤੇਸੁ ਪਰੇਸੁ.
ਗੁਣਵਨ੍ਤੇਸੁ, ਗੁਣਵਨ੍ਤਾਨਂ, ਗੁਣਵਨ੍ਤੇਹਿ, ਗੁਣਵਨ੍ਤਾ, ਗੁਣਵਨ੍ਤੇ.
ਨ੍ਤੁਸ੍ਸੇਤਿ ਕਿਮਤ੍ਥਂ? ਇਸੀਨਂ.
ਏਤੇਸ੍ਵੀਤਿ ਕਿਮਤ੍ਥਂ? ਗੁਣਵਾ.
ਚਗ੍ਗਹਣੇਨ ਅਞ੍ਞੇਸੁ ਵਚਨੇਸੁ ਅਤ੍ਤਞ੍ਚ ਹੋਤਿ. ਗੁਣਵਨ੍ਤਸ੍ਮਿਂ, ਗੁਣਵਨ੍ਤੇਨ.
ਅਨ੍ਤਗ੍ਗਹਣੇਨ ਨ੍ਤੁਪਚ੍ਚਯਸ੍ਸ ਅਨ੍ਤੋ ਅਤ੍ਤਮਾਪਜ੍ਜਤੇ, ਯੋਨਞ੍ਚ ਇਕਾਰੋ ਹੋਤਿ. ਗੁਣਵਨ੍ਤਿ.
੯੩, ੧੦੬. ਸਬ੍ਬਸ੍ਸ ¶ ਵਾ ਅਂਸੇਸੁ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਅਤ੍ਤਂ ਹੋਤਿ ਵਾ ਅਂਸਇਚ੍ਚੇਤੇਸੁ.
ਸਤਿਮਂ ਭਿਕ੍ਖੁ, ਸਤਿਮਨ੍ਤਂ ਭਿਕ੍ਖੁਂ ਵਾ, ਬਨ੍ਧੁਮਂ ਰਾਜਾਨਂ, ਬਨ੍ਧੁਮਨ੍ਤਂ ਰਾਜਾਨਂ ਵਾ, ਸਤਿਮਸ੍ਸ ਭਿਕ੍ਖੁਨੋ, ਸਤਿਮਤੋ ਭਿਕ੍ਖੁਨੋ ਵਾ, ਬਨ੍ਧੁਮਸ੍ਸ ਰਞ੍ਞੋ ਸੁਙ੍ਕਂ, ਬਨ੍ਧੁਮਤੋ ਰਞ੍ਞੋ ਵਾ ਸੁਙ੍ਕਂ ਦੇਤਿ.
ਏਤੇਸ੍ਵੀਤਿ ਕਿਮਤ੍ਥਂ? ਸਤਿਮਾ ਭਿਕ੍ਖੁ, ਬਨ੍ਧੁਮਾ ਰਾਜਾ.
ਨ੍ਤੁਪਚ੍ਚਯਸ੍ਸ ਅਨ੍ਤਸ੍ਸ ਅਤ੍ਤਂ ਹੋਤਿ ਵਾ ਸਿਮ੍ਹਿ ਵਿਭਤ੍ਤਿਮ੍ਹਿ.
ਹਿਮਵਨ੍ਤੋ ਪਬ੍ਬਤੋ.
ਵਾਤਿ ਕਿਮਤ੍ਥਂ? ਹਿਮਵਾ ਪਬ੍ਬਤੋ.
੯੫, ੧੪੫. ਅਗ੍ਗਿਸ੍ਸਿਨਿ ¶ .
ਅਗ੍ਗਿਸ੍ਸਨ੍ਤਸ੍ਸ ਇਨਿ ਹੋਤਿ ਵਾ ਸਿਮ੍ਹਿ ਵਿਭਤ੍ਤਿਮ੍ਹਿ.
ਪੁਰਤੋ ਅਗ੍ਗਿਨਿ, ਪਚ੍ਛਤੋ ਅਗ੍ਗਿਨਿ, ਦਕ੍ਖਿਣਤੋ ਅਗ੍ਗਿਨਿ, ਵਾਮਤੋ ਅਗ੍ਗਿਨਿ.
ਵਾਤਿ ਕਿਮਤ੍ਥਂ? ਅਗ੍ਗਿ.
ਯੋਸੁ ਅਕਤਰਸ੍ਸੋ ਝੋ ਅਤ੍ਤਮਾਪਜ੍ਜਤੇ.
ਅਗ੍ਗਯੋ ਮੁਨਯੋ, ਇਸਯੋ, ਗਹਪਤਯੋ.
ਯੋਸ੍ਵੀਤਿ ਕਿਮਤ੍ਥਂ? ਅਗ੍ਗੀਸੁ.
ਅਕਤਰਸ੍ਸੋਤਿ ਕਿਮਤ੍ਥਂ? ਦਣ੍ਡਿਨੋ.
ਝੋਤਿ ਕਿਮਤ੍ਥਂ? ਰਤ੍ਤਿਯੋ.
ਵੇਵੋਇਚ੍ਚੇਤੇਸੁ ਅਕਤਰਸ੍ਸੋ ਲੋ ਅਤ੍ਤਮਾਪਜ੍ਜਤੇ.
ਭਿਕ੍ਖਵੇ, ਭਿਕ੍ਖਵੋ, ਹੇਤਵੇ, ਹੇਤਵੋ.
ਅਕਤਰਸ੍ਸੋਤਿ ਕਿਮਤ੍ਥਂ? ਸਯਮ੍ਭੁਵੋ, ਵੇਸ੍ਸਭੁਵੋ, ਪਰਾਭਿਭੁਵੋ.
ਵੇਵੋਸ੍ਵੀਤਿ ਕਿਮਤ੍ਥਂ? ਹੇਤੁਨਾ, ਕੇਤੁਨਾ, ਸੇਤੁਨਾ.
ਚਗ੍ਗਹਣਮਨੁਕਡ੍ਢਨਤ੍ਥਂ.
੯੮, ੧੮੬. ਮਾਤੁਲਾਦੀਨਮਾਨਤ੍ਤਮੀਕਾਰੇ.
ਮਾਤੁਲਇਚ੍ਚੇਵਮਾਦੀਨਂ ਅਨ੍ਤੋ ਆਨਤ੍ਤਮਾਪਜ੍ਜਤੇ ਈਕਾਰੇ ਪਚ੍ਚਯੇ ਪਰੇ.
ਮਾਤੁਲਾਨੀ ¶ , ਅਯ੍ਯਕਾਨੀ, ਵਰੁਣਾਨੀ.
ਈਕਾਰੇਤਿ ਕਿਮਤ੍ਥਂ? ਭਿਕ੍ਖੁਨੀ, ਰਾਜਿਨੀ, ਜਾਲਿਨੀ, ਗਹਪਤਾਨੀ.
ਆਨਤ੍ਤਗ੍ਗਹਣੇਨ ਨਦੀਇਚ੍ਚੇਤਸ੍ਸ ਦੀਸਦ੍ਦਸ੍ਸ ਜ੍ਜੋਜ੍ਜਾ ਆਦੇਸਾ ਹੋਨ੍ਤਿ ਸਹ ਵਿਭਤ੍ਤਿਯਾ ਯੋਨਾਸਇਚ੍ਚੇਤੇਸੁ. ਨਜ੍ਜੋ ਸਨ੍ਦਨ੍ਤਿ, ਨਜ੍ਜਾ ਕਤਂ ਤਰਙ੍ਗਂ, ਨਜ੍ਜਾ ਨੇਰਞ੍ਜਰਾਯ ਤੀਰੇ.
੯੯, ੮੧. ਸ੍ਮਾਹਿਸ੍ਮਿਂਨਂਮ੍ਹਾਭਿਮ੍ਹਿਵਾ.
ਸਬ੍ਬਤੋ ਲਿਙ੍ਗਤੋ ਸ੍ਮਾਹਿਸ੍ਮਿਂ ਇਚ੍ਚੇਤੇਸਂ ਮ੍ਹਾਭਿਮ੍ਹਿਇਚ੍ਚੇਤੇ ਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਪੁਰਿਸਮ੍ਹਾ, ਪੁਰਿਸਸ੍ਮਾ, ਪੁਰਿਸੇਭਿ, ਪੁਰਿਸੇਹਿ, ਪੁਰਿਸਮ੍ਹਿ, ਪੁਰਿਸਸ੍ਮਿਂ.
ਸ੍ਮਾਹਿਸ੍ਮਿਂਨਮਿਤਿ ਕਿਮਤ੍ਥਂ? ਵਣ੍ਣਵਨ੍ਤਂ ਅਗਨ੍ਧਕਂ ਵਿਰੁਲ਼੍ਹਪੁਪ੍ਫਂ, ਮਹਨ੍ਤਂ ਛਤ੍ਤਂ ਮਹਾਛਤ੍ਤਂ, ਮਹਨ੍ਤਂ ਧਜਂ ਮਹਾਧਜਂ.
ਤ ਇਮਇਚ੍ਚੇਤੇਹਿ ਕਤਾਕਾਰੇਹਿ ਸ੍ਮਾਸ੍ਮਿਂ ਨਂਮ੍ਹਾਮ੍ਹਿਇਚ੍ਚੇਤੇ ਆਦੇਸਾ ਨੇਵ ਹੋਨ੍ਤਿ.
ਅਸ੍ਮਾ ਠਾਨਾ ਭਯਂ ਉਪ੍ਪਜ੍ਜਤਿ, ਅਸ੍ਮਿਂ ਠਾਨੇ ਭਯਂ ਤਿਟ੍ਠਤਿ, ਅਸ੍ਮਾ, ਅਸ੍ਮਿਂ.
ਕਤਾਕਾਰੇਹੀਤਿ ¶ ਕਿਮਤ੍ਥਂ? ਤਮ੍ਹਾ, ਤਮ੍ਹਿ, ਇਮਮ੍ਹਾ, ਇਮਮ੍ਹਿ.
ਸੁਹਿਇਚ੍ਚੇਤੇਸੁ ਅਕਾਰੋ ਏਤ੍ਤਮਾਪਜ੍ਜਤੇ.
ਸਬ੍ਬੇਸੁ, ਯੇਸੁ, ਤੇਸੁ, ਕੇਸੁ, ਪੁਰਿਸੇਸੁ, ਇਮੇਸੁ, ਕੁਸਲੇਸੁ, ਤੁਮ੍ਹੇਸੁ, ਅਮ੍ਹੇਸੁ, ਸਬ੍ਬੇਹਿ, ਯੇਹਿ, ਤੇਹਿ, ਕੇਹਿ, ਪੁਰਿਸੇਹਿ, ਇਮੇਹਿ, ਕੁਸਲੇਹਿ, ਤੁਮ੍ਹੇਹਿ, ਅਮ੍ਹੇਹਿ.
੧੦੨, ੨੦੨. ਸਬ੍ਬਨਾਮਾਨਂ ਨਂਮ੍ਹਿ ਚ.
ਸਬ੍ਬੇਸਂ ਸਬ੍ਬਨਾਮਾਨਂ ਅਨ੍ਤੋ ਅਕਾਰੋ ਏਤ੍ਤਮਾਪਜ੍ਜਤੇ ਨਂਮ੍ਹਿ ਵਿਭਤ੍ਤਿਮ੍ਹਿ.
ਸਬ੍ਬੇਸਂ, ਸਬ੍ਬੇਸਾਨਂ, ਯੇਸਂ, ਯੇਸਾਨਂ, ਤੇਸਂ, ਤੇਸਾਨਂ, ਇਮੇਸਂ, ਇਮੇਸਾਨਂ, ਕੇਸਂ, ਕੇਸਾਨਂ, ਇਤਰੇਸਂ, ਇਤਰੇਸਾਨਂ, ਕਤਮੇਸਂ, ਕਤਮੇਸਾਨਂ. ਸਬ੍ਬਨਾਮਾਨਮਿਤਿ ਕਿਮਤ੍ਥਂ? ਬੁਦ੍ਧਾਨਂ ਭਗਵਨ੍ਤਾਨਂ ਆਚਿਣ੍ਣਸਮਾਚਿਣ੍ਣੋ.
ਅਕਾਰੋਤਿ ਕਿਮਤ੍ਥਂ? ਅਮੂਸਂ, ਅਮੂਸਾਨਂ.
ਨਂਮ੍ਹੀਤਿ ਕਿਮਤ੍ਥਂ? ਸਬ੍ਬੇ, ਇਮੇ.
ਚਗ੍ਗਹਣ ਮਨੁਕਡ੍ਢਨਤ੍ਥਂ.
੧੦੩, ੭੯. ਅਤੋ ¶ ਨੇਨ.
ਤਸ੍ਮਾ ਅਕਾਰਤੋ ਨਾਵਚਨਸ੍ਸ ਏਨਾਦੇਸੋ ਹੋਤਿ.
ਸਬ੍ਬੇਨ, ਯੇਨ, ਤੇਨ, ਕੇਨ, ਅਨੇਨ, ਪੁਰਿਸੇਨ, ਰੂਪੇਨ.
ਅਤੋਤਿ ਕਿਮਤ੍ਥਂ? ਮੁਨਿਨਾ, ਅਮੁਨਾ, ਭਿਕ੍ਖੁਨਾ.
ਨਾਤਿ ਕਿਮਤ੍ਥਂ? ਤਸ੍ਮਾ.
ਤਸ੍ਮਾ ਅਕਾਰਤੋ ਸਿਵਚਨਸ੍ਸ ਓਕਾਰਾਦੇਸੋ ਹੋਤਿ.
ਸਬ੍ਬੋ, ਯੋ, ਸੋ, ਕੋ, ਅਮੁਕੋ, ਪੁਰਿਸੋ.
ਸੀਤਿ ਕਿਮਤ੍ਥਂ? ਪੁਰਿਸਾਨਂ.
ਅਤੋਤਿ ਕਿਮਤ੍ਥਂ? ਸਯਮ੍ਭੂ.
ਤਸ੍ਮਾ ਅਕਾਰਤੋ ਨਾਵਚਨਸ੍ਸ ਸੋਆਦੇਸੋ ਹੋਤਿ ਵਾ.
ਅਤ੍ਥਸੋ ਧਮ੍ਮਂ ਜਾਨਾਤਿ, ਬ੍ਯਞ੍ਜਨਸੋ ਅਤ੍ਥਂ ਜਾਨਾਤਿ, ਅਕ੍ਖਰਸੋ, ਸੁਤ੍ਤਸੋ, ਪਦਸੋ, ਯਸਸੋ. ਉਪਾਯਸੋ, ਸਬ੍ਬਸੋ, ਥਾਮਸੋ, ਠਾਨਸੋ.
ਵਾਤਿ ¶ ਕਿਮਤ੍ਥਂ? ਪਾਦੇਨ ਵਾ ਪਾਦਾਰਹੇਨ ਵਾ ਅਤਿਰੇਕਪਾਦੇਨ ਵਾ ਯੋ ਭਿਕ੍ਖੁ ਥੇਯ੍ਯਚਿਤ੍ਤੇਨ ਪਰਸ੍ਸ ਭਣ੍ਡਂ ਗਣ੍ਹਾਤਿ, ਸੋ ਭਿਕ੍ਖੁ ਪਾਰਾਜਿਕੋ ਹੋਤਿ ਅਸਂਵਾਸੋ.
ਦੀਘਓਰਇਚ੍ਚੇਤੇਹਿ ਸ੍ਮਾਵਚਨਸ੍ਸ ਸੋਆਦੇਸੋ ਹੋਤਿ ਵਾ.
ਦੀਘਸੋ, ਓਰਸੋ, ਦੀਘਮ੍ਹਾ, ਓਰਮ੍ਹਾ.
ਦੀਘੋਰੇਹਿਤਿ ਕਿਮਤ੍ਥਂ? ਸਰਮ੍ਹਾ, ਵਚਨਮ੍ਹਾ.
ਤਸ੍ਮਾ ਅਕਾਰਤੋ ਸਬ੍ਬੇਸਂ ਯੋਨੀਨਂਆਏ ਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਪੁਰਿਸਾ, ਪੁਰਿਸੇ, ਰੂਪਾ, ਰੂਪੇ.
ਵਾਤਿ ਕਿਮਤ੍ਥਂ? ਅਗ੍ਗਯੋ, ਮੁਨਯੋ, ਇਸਯੋ.
ਯੋਨੀਨਨ੍ਤਿ ਕਿਮਤ੍ਥਂ? ਪੁਰਿਸਸ੍ਸ, ਰੂਪਸ੍ਸ.
ਅਕਾਰਤੋਤਿ ਕਿਮਤ੍ਥਂ? ਦਣ੍ਡਿਨੋ, ਅਟ੍ਠੀਨਿ, ਅਗ੍ਗੀ ਪਜ੍ਜਲਨ੍ਤਿ, ਮੁਨੀ ਚਰਨ੍ਤਿ.
ਤਸ੍ਮਾ ਅਕਾਰਤੋ ਸਬ੍ਬੇਸਂ ਸ੍ਮਾਸ੍ਮਿਂਇਚ੍ਚੇਤੇਸਂ ਆ ਏ ਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਪੁਰਿਸਾ ¶ , ਪੁਰਿਸਸ੍ਮਾ, ਪੁਰਿਸੇ, ਪੁਰਿਸਸ੍ਮਿਂ.
ਅਕਾਰਤੋਤਿ ਕਿਮਤ੍ਥਂ? ਦਣ੍ਡਿਨਾ, ਦਣ੍ਡਿਸ੍ਮਿਂ, ਭਿਕ੍ਖੁਨਾ, ਭਿਕ੍ਖੁਸ੍ਮਿਂ.
੧੦੯, ੩੦੪. ਆਯ ਚਤੁਤ੍ਥੇਕਵਚਨਸ੍ਸਤੁ.
ਤਸ੍ਮਾ ਅਕਾਰਤੋ ਚਤੁਤ੍ਥੇਕਵਚਨਸ੍ਸ ਆਯਾਦੇਸੋ ਹੋਤਿ ਵਾ.
ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਬੁਦ੍ਧੋ ਲੋਕੇ ਉਪ੍ਪਜ੍ਜਤਿ.
ਅਤੋਤਿ ਕਿਮਤ੍ਥਂ? ਇਸਿਸ੍ਸ.
ਚਤੁਤ੍ਥੀਤਿ ਕਿਮਤ੍ਥਂ? ਪੁਰਿਸਸ੍ਸ ਮੁਖਂ.
ਏਕਵਚਨਸ੍ਸੇਤਿ ਕਿਮਤ੍ਥਂ? ਪੁਰਿਸਾਨਂ ਦਦਾਤਿ.
ਵਾਤਿ ਕਿਮਤ੍ਥਂ? ਦਾਤਾ ਹੋਤਿ ਸਮਣਸ੍ਸ ਵਾ ਬ੍ਰਾਹ੍ਮਣਸ੍ਸ ਵਾ.
ਤੁਗ੍ਗਹਣੇਨਤ੍ਥਞ੍ਚ ਹੋਤਿ. ਅਤ੍ਥਤ੍ਥਂ, ਹਿਤਤ੍ਥਂ, ਸੁਖਤ੍ਥਂ.
੧੧੦, ੨੦੧. ਤਯੋ ਨੇਵ ਚ ਸਬ੍ਬਨਾਮੇਹਿ.
ਤੇਹਿ ਸਬ੍ਬਨਾਮੇਹਿ ਅਕਾਰਨ੍ਤੇਹਿ ਸ੍ਮਾਸ੍ਮਿਂ ਸਇਚ੍ਚੇਤੇਸਂ ਤਯੋ ਆ ਏ ਆਯਾਦੇਸਾ ਨੇਵ ਹੋਨ੍ਤਿ.
ਸਬ੍ਬਸ੍ਮਾ ¶ , ਸਬ੍ਬਸ੍ਮਿਂ, ਸਬ੍ਬਸ੍ਸ. ਯਸ੍ਮਾ, ਯਸ੍ਮਿਂ, ਯਸ੍ਸ. ਤਸ੍ਮਾ, ਤਸ੍ਮਿਂ, ਤਸ੍ਸ. ਕਸ੍ਮਾ, ਕਸ੍ਮਿਂ, ਕਸ੍ਸ. ਇਮਸ੍ਮਾ, ਇਮਸ੍ਮਿਂ, ਇਮਸ੍ਸ.
ਸਬ੍ਬਨਾਮੇਹੀਤਿ ਕਿਮਤ੍ਥਂ? ਪਾਪਾ, ਪਾਪੇ, ਪਾਪਾਯ.
ਚਗ੍ਗਹਣਮਨੁਕਡ੍ਢਨਤ੍ਥਂ.
ਤਸ੍ਮਾ ਘਤੋ ਨਾਦੀਨਮੇਕਵਚਨਾਨਂ ਵਿਭਤ੍ਤਿਗਣਾਨਂ ਆਯਾਦੇਸੋ ਹੋਤਿ.
ਕਞ੍ਞਾਯ ਕਤਂ ਕਮ੍ਮਂ, ਕਞ੍ਞਾਯ ਦੀਯਤੇ, ਕਞ੍ਞਾਯ ਨਿਸ੍ਸਟਂ ਵਤ੍ਥਂ. ਕਞ੍ਞਾਯ ਪਰਿਗ੍ਗਹੋ, ਕਞ੍ਞਾਯ ਪਤਿਟ੍ਠਿਤਂ ਸੀਲਂ.
ਘਤੋਤਿ ਕਿਮਤ੍ਥਂ? ਰਤ੍ਤਿਯਾ, ਇਤ੍ਥਿਯਾ, ਧੇਨੁਯਾ, ਵਧੁਯਾ.
ਨਾਦੀਨਮਿਤਿ ਕਿਮਤ੍ਥਂ? ਕਞ੍ਞਂ ਪਸ੍ਸਤਿ, ਵਿਜ੍ਜਂ, ਵੀਣਂ, ਗਙ੍ਗਂ.
ਏਕਵਚਨਾਨਮਿਤਿ ਕਿਮਤ੍ਥਂ? ਸਬ੍ਬਾਸੁ, ਯਾਸੁ, ਤਾਸੁ, ਕਾਸੁ, ਇਮਾਸੁ, ਪਭਾਸੁ.
ਤਸ੍ਮਾ ਪਤੋ ਨਾਦੀਨਮੇਕਵਚਨਾਨਂ ਵਿਭਤ੍ਤਿਗਣਾਨਂ ਯਾਆਦੇਸੋ ਹੋਤਿ.
ਰਤ੍ਤਿਯਾ ¶ , ਇਤ੍ਥਿਯਾ, ਦੇਵਿਯਾ, ਧੇਨੁਯਾ, ਯਾਗੁਯਾ, ਵਧੁਯਾ.
ਨਾਦੀਨਮਿਤਿ ਕਿਮਤ੍ਥਂ? ਰਤ੍ਤੀ, ਰਤ੍ਤਿਂ, ਇਤ੍ਥੀ, ਇਤ੍ਥਿਂ.
ਪਤੋਤਿ ਕਿਮਤ੍ਥਂ? ਕਞ੍ਞਾਯ, ਵੀਣਾਯ, ਗਙ੍ਗਾਯ, ਪਭਾਯ, ਸੋਭਾਯ.
ਏਕਵਚਨਾਨਮਿਤਿ ਕਿਮਤ੍ਥਂ? ਰਤ੍ਤੀਨਂ, ਇਤ੍ਥੀਨਂ.
ਤਸ੍ਮਾ ਸਖਤੋ ਗਸ੍ਸ ਅਕਾਰ ਆਕਾਰ ਇਕਾਰ ਈਕਾਰ ਏਕਾਰਾਦੇਸਾ ਹੋਨ੍ਤਿ ਵਾ.
ਭੋ ਸਖ, ਭੋ ਸਖਾ, ਭੋ ਸਖਿ, ਭੋ ਸਖੀ, ਭੋ ਸਖੇ.
ਤਸ੍ਮਾ ਘਤੋ ਗਸ੍ਸ ਏਕਾਰਾਦੇਸੋ ਹੋਤਿ.
ਭੋਤਿ ਅਯ੍ਯੇ, ਭੋਤਿ ਕਞ੍ਞੇ, ਭੋਤਿ ਖਰਾਦਿਯੇ.
ਚਗ੍ਗਹਣਮਵਧਾਰਣਤ੍ਥਂ, ਸਨ੍ਨਿਟ੍ਠਾਨਂ.
ਤਤੋ ਅਮ੍ਮਾਦਿਤੋ ਗਸ੍ਸ ਏਕਾਰਤ੍ਤਂ ਨ ਹੋਤਿ.
ਭੋਤਿ ¶ ਅਮ੍ਮਾ, ਭੋਤਿ ਅਨ੍ਨਾ, ਭੋਤਿ ਅਮ੍ਬਾ, ਭੋਤਿ ਤਾਤਾ.
ਅਮ੍ਮਾਦਿਤੋਤਿ ਕਿਮਤ੍ਥਂ? ਭੋਤਿ ਕਞ੍ਞੇ.
੧੧੬, ੧੫੭. ਅਕਤਰਸ੍ਸਾ ਲਤੋ ਯ੍ਵਾਲਪਨਸ੍ਸ ਵੇਵੋ.
ਤਸ੍ਮਾ ਅਕਤਰਸ੍ਸਾ ਲਤੋ ਯ੍ਵਾਲਪਨਸ੍ਸ ਵੇਵੋਆਦੇਸਾ ਹੋਨ੍ਤਿ.
ਭਿਕ੍ਖਵੇ, ਭਿਕ੍ਖਵੋ, ਹੇਤਵੇ, ਹੇਤਵੋ.
ਅਕਤਰਸ੍ਸਾਤਿ ਕਿਮਤ੍ਥਂ? ਸਯਮ੍ਭੁਵੋ.
ਲਤੋਤਿ ਕਿਮਤ੍ਥਂ? ਨਾਗਿਯੋ, ਧੇਨੁਯੋ, ਯਾਗੁਯੋ.
ਆਲਪਨਸ੍ਸੇਤਿ ਕਿਮਤ੍ਥਂ? ਤੇ ਹੇਤਵੋ, ਤੇ ਭਿਕ੍ਖਵੋ.
ਤਸ੍ਮਾ ਝਲਤੋ ਸਸ੍ਸ ਵਿਭਤ੍ਤਿਸ੍ਸ ਨੋ ਆਦੇਸੋ ਹੋਤਿ ਵਾ.
ਅਗ੍ਗਿਨੋ, ਅਗ੍ਗਿਸ੍ਸ, ਸਖਿਨੋ, ਸਖਿਸ੍ਸ, ਦਣ੍ਡਿਨੋ, ਦਣ੍ਡਿਸ੍ਸ, ਭਿਕ੍ਖੁਨੋ, ਭਿਕ੍ਖੁਸ੍ਸ, ਸਯਮ੍ਭੁਨੋ, ਸਯਮ੍ਭੁਸ੍ਸ.
ਸਸ੍ਸੇਤਿ ਕਿਮਤ੍ਥਂ? ਇਸਿਨਾ, ਭਿਕ੍ਖੁਨਾ.
ਝਲਤੋਤਿ ਕਿਮਤ੍ਥਂ? ਪੁਰਿਸਸ੍ਸ.
੧੧੮, ੧੪੬. ਘਪਤੋ ¶ ਚ ਯੋਨਂ ਲੋਪੋ.
ਤੇਹਿ ਘਪਝਲਇਚ੍ਚੇਤੇਹਿ ਯੋਨਂ ਲੋਪੋ ਹੋਤਿ ਵਾ.
ਕਞ੍ਞਾ, ਕਞ੍ਞਾਯੋ. ਰਤ੍ਤੀ, ਰਤ੍ਤਿਯੋ, ਇਤ੍ਥੀ, ਇਤ੍ਥਿਯੋ, ਯਾਗੂ, ਯਾਗੁਯੋ, ਵਧੂ, ਵਧੁਯੋ. ਅਗ੍ਗੀ, ਅਗ੍ਗਯੋ. ਭਿਕ੍ਖੂ, ਭਿਕ੍ਖਵੋ. ਸਯਮ੍ਭੂ, ਸਯਮ੍ਭੁਵੋ. ਅਟ੍ਠੀ, ਅਟ੍ਠੀਨਿ, ਆਯੂ, ਆਯੂਨਿ.
ਚਗ੍ਗਹਣਮਨੁਕਡ੍ਢਨਤ੍ਥਂ.
ਤਸ੍ਮਾ ਲਤੋ ਯੋਨਂ ਵੋਕਾਰੋ ਹੋਤਿ ਵਾ.
ਭਿਕ੍ਖਵੋ, ਭਿਕ੍ਖੂ, ਸਯਮ੍ਭੁਵੋ, ਸਯਮ੍ਭੂ.
ਕਾਰਗ੍ਗਹਣਂ ਕਿਮਤ੍ਥਂ? ਯੋਨਂ ਨੋ ਚ ਹੋਤਿ. ਜਨ੍ਤੁਨੋ.
ਚਗ੍ਗਹਣਮਵਧਾਰਣਤ੍ਥਂ, ਅਮੂ ਪੁਰਿਸਾ ਤਿਟ੍ਠਨ੍ਤਿ, ਅਮੂ ਪੁਰਿਸੇ ਪਸ੍ਸਥ.
ਇਤਿ ਨਾਮਕਪ੍ਪੇ ਪਠਮੋ ਕਣ੍ਡੋ.
ਦੁਤਿਯਕਣ੍ਡ
੧੨੦, ੨੪੩. ਅਮ੍ਹਸ੍ਸ ਮਮਂ ਸਪਿਭਤ੍ਤਿਸ੍ਸ ਸੇ.
ਸਬ੍ਬਸ੍ਸੇਵ ਅਮ੍ਹਸਦ੍ਦਸ੍ਸ ਸਵਿਭਤ੍ਤਿਸ੍ਸ ਮਮਂ ਆਦੇਸੋ ਹੋਤਿ ਸੇ ਵਿਭਤ੍ਤਿਮ੍ਹਿ.
ਮਮਂ ¶ ਦੀਯਤੇ ਪੁਰਿਸੇਨ, ਮਮਂ ਪਰਿਗ੍ਗਹੋ.
ਸਬ੍ਬਸ੍ਸੇਵ ਅਮ੍ਹਸਦ੍ਦਸ੍ਸ ਸਵਿਭਤ੍ਤਿਸ੍ਸ ਮਯਂਆਦੇਸੋ ਹੋਤਿ ਯੋਮ੍ਹਿ ਪਠਮੇ.
ਮਯਂ ਗਚ੍ਛਾਮ, ਮਯਂ ਦੇਮ.
ਅਮ੍ਹਸ੍ਸੇਤਿ ਕਿਮਤ੍ਥਂ? ਪੁਰਿਸਾ ਤਿਟ੍ਠਨ੍ਤਿ.
ਯੋਮ੍ਹੀਤਿ ਕਿਮਤ੍ਥਂ? ਅਹਂ ਗਚ੍ਛਾਮਿ.
ਪਠਮੇਤਿ ਕਿਮਤ੍ਥਂ? ਅਮ੍ਹਾਕਂ ਪਸ੍ਸਸਿ ਤ੍ਵਂ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਨ੍ਤੋਆਦੇਸੋ ਹੋਤਿ ਯੋਮ੍ਹਿ ਪਠਮੇ.
ਗੁਣਵਨ੍ਤੋ ਤਿਟ੍ਠਨ੍ਤਿ.
ਨ੍ਤੁਸ੍ਸੇਤਿ ਕਿਮਤ੍ਥਂ? ਸਬ੍ਬੇ ਸਤ੍ਤਾ ਗਚ੍ਛਨ੍ਤਿ.
ਪਠਮੇਤਿ ਕਿਮਤ੍ਥਂ? ਗੁਣਵਨ੍ਤੇ ਪਸ੍ਸਨ੍ਤਿ ਜਨਾ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਨ੍ਤਸ੍ਸਾਦੇਸੋ ਹੋਤਿ ਵਾ ਸੇ ਵਿਭਤ੍ਤਿਮ੍ਹਿ.
ਸੀਲਵਨ੍ਤਸ੍ਸ ਝਾਯਿਨੋ, ਸੀਲਵਤੋ ਝਾਯਿਨੋ ਵਾ.
ਸੇਤਿ ਕਿਮਤ੍ਥਂ? ਸੀਲਵਾ ਤਿਟ੍ਠਤਿ.
੧੨੪, ੯੮. ਆ ¶ ਸਿਮ੍ਹਿ.
ਸਬ੍ਬਸ੍ਸੇਵਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਆਆਦੇਸੋ ਹੋਤਿ ਸਿਮ੍ਹਿ ਵਿਭਤ੍ਤਿਮ੍ਹਿ.
ਗੁਣਵਾ, ਪਞ੍ਞਵਾ, ਸੀਲਵਾ, ਬਲਵਾ, ਧਨਵਾ, ਮਤਿਮਾ, ਸਤਿਮਾ, ਧਿਤਿਮਾ.
ਨ੍ਤੁਸ੍ਸੇਤਿ ਕਿਮਤ੍ਥਂ? ਪੁਰਿਸੋ ਤਿਟ੍ਠਤਿ.
ਸਿਮ੍ਹੀਤਿ ਕਿਮਤ੍ਥਂ? ਸੀਲਵਨ੍ਤੋ ਤਿਟ੍ਠਨ੍ਤਿ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਅਂਆਦੇਸੋ ਹੋਤਿ ਸਿਮ੍ਹਿ ਵਿਭਤ੍ਤਿਮ੍ਹਿ ਨਪੁਂਸਕੇ ਵਤ੍ਤਮਾਨਸ੍ਸ.
ਗੁਣਵਂ ਚਿਤ੍ਤਂ ਤਿਟ੍ਠਤਿ, ਰੁਚਿਮਂ ਪੁਪ੍ਫਂ ਵਿਰੋਚਤਿ.
ਸਿਮ੍ਹਿਤਿ ਕਿਮਤ੍ਥਂ? ਵਣ੍ਣਵਨ੍ਤਂ ਅਗਨ੍ਧਕਂ ਵਿਰੂਲ਼੍ਹਪੁਪ੍ਫਂ ਪਸ੍ਸਸਿ ਤ੍ਵਂ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਅਂ ਅਵਣ੍ਣਾ ਚ ਹੋਨ੍ਤਿ ਗੇ ਪਰੇ.
ਭੋ ਗੁਣਵਂ, ਭੋ ਗੁਣਵ, ਭੋ ਗੁਣਵਾ.
ਚਗ੍ਗਹਣਮਨੁਕਡ੍ਢਨਤ੍ਥਂ.
੧੨੭, ੧੦੨. ਤੋ ¶ ਤਿ ਤਾ ਸ ਸ੍ਮਿਂ ਨਾਸੁ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਤੋਤਿਤਾਆਦੇਸਾ ਹੋਨ੍ਤਿ ਵਾ ਸਸ੍ਮਿਂ ਨਾਇਚ੍ਚੇਤੇਸੁ ਯਥਾਸਙ੍ਖ੍ਯਂ.
ਗੁਣਵਤੋ, ਗੁਣਵਨ੍ਤਸ੍ਸ, ਗੁਣਵਤਿ, ਗੁਣਵਨ੍ਤਸ੍ਮਿਂ, ਗੁਣਵਤਾ, ਗੁਣਵਨ੍ਤੇਨ, ਸਤਿਮਤੋ, ਸਤਿਮਨ੍ਤਸ੍ਸ, ਸਤਿਮਤਿ, ਸਤਿਮਨ੍ਤਸ੍ਮਿਂ, ਸਤਿਮਤਾ, ਸਤਿਮਨ੍ਤੇਨ.
ਏਤੇਸ੍ਵੀਤਿ ਕਿਮਤ੍ਥਂ? ਗੁਣਵਾ. ਸਤਿਮਾ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਸਵਿਭਤ੍ਤਿਸ੍ਸ ਤਂਆਦੇਸੋ ਹੋਤਿ ਵਾ ਨਂਮ੍ਹਿ ਵਿਭਤ੍ਤਿਮ੍ਹਿ.
ਗੁਣਵਤਂ, ਗੁਣਵਨ੍ਤਾਨਂ, ਸਤਿਮਤਂ, ਸਤਿਮਨ੍ਤਾਨਂ.
ਨਂਮ੍ਹੀਤਿ ਕਿਮਤ੍ਥਂ? ਗੁਣਵਨ੍ਤੋ ਤਿਟ੍ਠਨ੍ਤਿ, ਸਤਿਮਨ੍ਤੋ ਤਿਟ੍ਠਨ੍ਤਿ.
੧੨੯, ੨੨੨. ਇਮਸ੍ਸਿਦਮਂਸਿਸੁ ਨਪੁਂਸਕੇ.
ਸਬ੍ਬਸ੍ਸੇਵ ਇਮਸਦ੍ਦਸ੍ਸ ਸਵਿਭਤ੍ਤਿਸ੍ਸ ਇਦਂਆਦੇਸੋ ਹੋਤਿ ਵਾ ਅਂਸਿਸੁ ਨਪੁਂਸਕੇ ਵਤ੍ਤਮਾਨਸ੍ਸ.
ਇਦਂ ਚਿਤ੍ਤਂ ਪਸ੍ਸਸਿ, ਇਦਂ ਚਿਤ੍ਤਂ ਤਿਟ੍ਠਤਿ, ਇਮਂ ਚਿਤ੍ਤਂ ਪਸ੍ਸਸਿ. ਇਮਂ ਚਿਤ੍ਤਂ ਤਿਟ੍ਠਤਿ.
ਨਥੁਂਸਕੇਤਿ ¶ ਕਿਮਤ੍ਥਂ? ਇਮਂ ਪੁਰਿਸਂ ਪਸ੍ਸਸਿ. ਅਯਂ ਪੁਰਿਸੋ ਤਿਟ੍ਠਤਿ.
ਸਬ੍ਬਸ੍ਸੇਵ ਅਮੁਸਦ੍ਦਸ੍ਸ ਸਵਿਭਤ੍ਤਿਸ੍ਸ ਅਦੁਂਆਦੇਸੋ ਹੋਤਿ ਅਂਸਿਸੁ ਨਪੁਂਸਕੇ ਵਤ੍ਤਮਾਨਸ੍ਸ.
ਅਦੁਂ ਪੁਪ੍ਫਂ ਪਸ੍ਸਸਿ, ਅਦੁਂ ਪੁਪ੍ਫਂ ਵਿਰੋਚਤਿ.
ਨਪੁਂਸਕੇਤਿ ਕਿਮਤ੍ਥਂ? ਅਮੁਂ ਰਾਜਾਨਂ ਪਸ੍ਸਸਿ, ਅਸੁ ਰਾਜਾ ਤਿਟ੍ਠਤਿ.
੧੩੧, ੦. ਇਤ੍ਥਿਪੁਮਨਪੁਂਸਕਸਙ੍ਖ੍ਯਂ.
‘‘ਇਤ੍ਥਿਪੁਮਨਪੁਂਸਕਸਙ੍ਖ੍ਯਂ’’ ਇਚ੍ਚੇਤਂ ਅਧਿਕਾਰਤ੍ਥਂ ਵੇਦਿਤਬ੍ਬਂ.
੧੩੨, ੨੨੮. ਯੋਸੁ ਦ੍ਵਿਨ੍ਨਂ ਦ੍ਵੇ ਚ.
ਦ੍ਵਿਨ੍ਨਂ ਸਙ੍ਖ੍ਯਾਨਂ ਇਤ੍ਥਿਪੁਮਨਪੁਂਸਕੇ ਵਤ੍ਤਮਾਨਾਨਂ ਸਵਿਭਤ੍ਤੀਨਂ ਦ੍ਵੇ ਹੋਤਿ ਯੋਇਚ੍ਚੇਤੇਸੁ.
ਦ੍ਵੇ ਇਤ੍ਥਿਯੋ, ਦ੍ਵੇ ਧਮ੍ਮਾ. ਦ੍ਵੇ ਰੂਪਾਨਿ.
ਯੋਸ੍ਵੀਤਿ ਕਿਮਤ੍ਥਂ? ਦ੍ਵੀਸੁ.
ਚਗ੍ਗਹਣੇਨ ਦੁਵੇ ਦ੍ਵਯ ਉਭ ਉਭਯ ਦੁਵਿ ਚ ਹੋਨ੍ਤਿ ਯੋਨਾਅਨਮਿਚ੍ਚੇਤੇਸੁ. ਦੁਵੇ ਸਮਣਾ. ਦੁਵੇ ਬ੍ਰਾਹ੍ਮਣਾ ¶ , ਦੁਵੇ ਜਨਾ, ਦ੍ਵਯੇਨ, ਦ੍ਵਯਂ, ਉਭਿਨ੍ਨਂ, ਉਭਯੇਸਂ ਦੁਵਿਨ੍ਨਂ.
੧੩੩, ੨੩੦. ਤਿ ਚਤੁਨ੍ਨਂ ਤਿਸ੍ਸੋ ਚਤਸ੍ਸੋ ਤਯੋ ਚਤ੍ਤਾਰੋ ਤੀਣਿ ਚਤ੍ਤਾਰਿ.
ਤਿਚਤੁਨ੍ਨਂ ਸਙ੍ਖ੍ਯਾਨਂ ਇਤ੍ਥਿਪੁਮਨਪੁਂਸਕੇ ਵਤ੍ਤਮਾਨਾਨਂ ਸਵਿਭਤ੍ਤੀਨਂ ਤਿਸ੍ਸੋ ਚਤਸ੍ਸੋ ਤਯੋ ਚਤ੍ਤਾਰੋ ਤੀਣਿ ਚਤ੍ਤਾਰਿਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਯੋਇਚ੍ਚੇਤੇਸੁ.
ਤਿਸ੍ਸੋ ਵੇਦਨਾ ਚਤਸ੍ਸੋ ਦਿਸਾ, ਤਯੋ ਜਨਾ, ਜਨੇ, ਚਤ੍ਤਾਰੋ ਪੁਰਿਸਾ, ਪੁਰਿਸੇ, ਤੀਣਿ ਆਯਤਨਾਨਿ, ਚਤ੍ਤਾਰਿ ਅਰਿਯਸਚ੍ਚਾਨਿ.
ਯੋਸ੍ਵੀਤਿ ਕਿਮਤ੍ਥਂ? ਤੀਸੁ, ਚਤੂਸੁ.
ਪਞ੍ਚਾਦੀਨਂ ਸਙ੍ਖ੍ਯਾਨਂ ਇਤ੍ਥਿਪੁਮਨਪੁਂਸਕੇ ਵਤ੍ਤਮਾਨਾਨਂ ਸਵਿਭਤ੍ਤਿਸ੍ਸ ਅਨ੍ਤਸ੍ਸ ਸਰਸ੍ਸ ਅਕਾਰੋ ਹੋਤਿ ਯੋਇਚ੍ਚੇਤੇਸੁ.
ਪਞ੍ਚ, ਪਞ੍ਚ, ਛ, ਛ, ਸਤ੍ਤ, ਸਤ੍ਤ, ਅਟ੍ਠ, ਅਟ੍ਠ, ਨਵ, ਨਵ, ਦਸ, ਦਸ.
ਪਞ੍ਚਾਦੀਨਮਿਤਿ ਕਿਮਤ੍ਥਂ? ਦ੍ਵੇ, ਤਯੋ.
੧੩੫, ੧੧੮. ਰਾਜਸ੍ਸ ¶ ਰਞ੍ਞੋ ਰਾਜਿਨੋ ਸੇ.
ਸਬ੍ਬਸ੍ਸੇਵ ਰਾਜਸਦ੍ਦਸ੍ਸ ਸਵਿਭਤ੍ਤਿਸ੍ਸ ਰਞ੍ਞੋ ਰਾਜਿਨੋਇਚ੍ਚੇਤੇ ਆਦੇਸਾ ਹੋਨ੍ਤਿ ਸੇ ਵਿਭਤ੍ਤਿਮ੍ਹਿ.
ਰਞ੍ਞੋ, ਰਾਜਿਨੋ.
ਸੇਤਿ ਕਿਮਤ੍ਥਂ? ਰਞ੍ਞਾ.
ਸਬ੍ਬਸ੍ਸੇਵ ਰਾਜਸਦ੍ਦਸ੍ਸ ਸਵਿਭਤ੍ਤਿਸ੍ਸ ਰਞ੍ਞਂਆਦੇਸੋ ਹੋਤਿ ਵਾ ਨਂਮ੍ਹਿ ਵਿਭਤ੍ਤਿਮ੍ਹਿ.
ਰਞ੍ਞਂ, ਰਾਜੂਨਂ ਇਦਂ ਰਟ੍ਠਂ.
ਸਬ੍ਬਸ੍ਸੇਵ ਰਾਜਸਦ੍ਦਸ੍ਸ ਸਵਿਭਤ੍ਤਿਸ੍ਸ ਰਞ੍ਞਾਆਦੇਸੋ ਹੋਤਿ ਵਾ ਨਾਮ੍ਹਿ ਵਿਭਤ੍ਤਿਮ੍ਹਿ.
ਤੇਨ ਰਞ੍ਞਾ ਕਤਂ. ਰਾਜੇਨ ਵਾ ਕਤਂ.
ਨਾਮ੍ਹੀਤਿ ਕਿਮਤ੍ਥਂ? ਰਞ੍ਞੋ ਸਨ੍ਤਕਂ.
੧੩੮, ੧੨੧. ਸ੍ਮਿਂਮ੍ਹਿ ਰਞ੍ਞੇ ਰਾਜਿਨਿ.
ਸਬ੍ਬਸ੍ਸੇਵ ਰਾਜਸਦ੍ਦਸ੍ਸ ਸਵਿਭਤ੍ਤਿਸ੍ਸ ਰਞ੍ਞੇਰਾਜਿਨਿਇਚ੍ਚੇਤੇ ਆਦੇਸਾ ਹੋਨ੍ਤਿ ਸ੍ਮਿਂਮ੍ਹਿਵਿਭਤ੍ਤਿਮ੍ਹਿ.
ਰਞ੍ਞੇ, ਰਾਜਿਨਿ ਸੀਲਂ ਤਿਟ੍ਠਤਿ.
੧੩੯, ੨੪੫. ਤੁਮ੍ਹਾਕਂ ¶ ਤਯਿਮਯਿ.
ਸਬ੍ਬੇਸਂ ਤੁਮ੍ਹ ਅਮ੍ਹ ਸਦ੍ਦਾਨਂ ਸਵਿਭਤ੍ਤੀਨਂ ਤਯਿ ਮਯਿਇਚ੍ਚੇਤੇ ਆਦੇਸੋ ਹੋਨ੍ਤਿ ਯਥਾਸਙ੍ਖ੍ਯਂ ਸ੍ਮਿਂਮ੍ਹਿ ਵਿਭਤ੍ਤਿਮ੍ਹਿ.
ਤਯਿ, ਮਯਿ.
ਸ੍ਮਿਂਮ੍ਹੀਤਿ ਕਿਮਤ੍ਥਂ? ਤ੍ਵਂ ਭਵਸਿ, ਅਹਂ ਭਵਾਮਿ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤ੍ਵਂ ਅਹਂਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਸਿਮ੍ਹਿ ਵਿਭਤ੍ਤਿਮ੍ਹਿ.
ਤ੍ਵਂ, ਅਹਂ.
ਸਿਮ੍ਹਿਤਿ ਕਿਮਤ੍ਥਂ? ਤਯਿ, ਮਯਿ.
ਚਗ੍ਗਹਣੇਨ ਤੁਵਂ ਚ ਹੋਤਿ. ਤੁਵਂ ਸਤ੍ਥਾ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਵਮਮਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਸੇ ਵਿਭਤ੍ਤਿਮ੍ਹਿ.
ਤਵ, ਮਮ.
ਸੇਤਿ ਕਿਮਤ੍ਥਂ? ਤਯਿ, ਮਯਿ.
੧੪੨, ੨੪੨. ਤੁਯ੍ਹਂ ¶ ਮਯ੍ਹਞ੍ਚ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤੁਯ੍ਹਂ ਮਯ੍ਹਂਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਸੇ ਵਿਭਤ੍ਤਿਮ੍ਹਿ.
ਤੁਯ੍ਹਂ, ਮਯ੍ਹਂ ਧਨਂ ਦੀਯਤੇ.
ਸੇਤਿ ਕਿਮਤ੍ਥਂ? ਤਯਾ, ਮਯਾ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਂ ਮਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਅਂਮ੍ਹਿ ਵਿਭਤ੍ਤਿਮ੍ਹਿ.
ਤਂ, ਮਂ.
ਅਂਮ੍ਹੀਤਿ ਕਿਮਤ੍ਥਂ? ਤਯਾ ਮਯਾ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਵਂ ਮਮਂਇਚ੍ਚੇਤੇ ਆਦੇਸਾ ਹੋਨ੍ਤਿ ਨਵਾ ਯਥਾਸਙ੍ਖ੍ਯਂ ਅਂਮ੍ਹਿ ਵਿਭਤ੍ਤਿਮ੍ਹਿ.
ਤਵਂ, ਮਮਂ ਪਸ੍ਸਤਿ.
ਨਵਾਤਿ ਕਿਮਤ੍ਥਂ? ਤਂ, ਮਂ ਪਸ੍ਸਤਿ.
ਚਗ੍ਗਹਣਮਨੁਕਡ੍ਢਨਤ੍ਥਂ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਯਾ ਮਯਾਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਨਾਮ੍ਹਿ ਵਿਭਤ੍ਤਿਮ੍ਹਿ.
ਤਯਾ ¶ , ਮਯਾ ਕਤਂ.
ਨਾਮ੍ਹਿਤਿ ਕਿਮਤ੍ਥਂ? ਤੁਮ੍ਹੇਹਿ, ਅਮ੍ਹੇਹਿ.
੧੪੬, ੨੩੬. ਤੁਮ੍ਹਸ੍ਸ ਤੁਵਂ ਤ੍ਵਮਂਮ੍ਹਿ.
ਸਬ੍ਬਸ੍ਸ ਤੁਮ੍ਹਸਦ੍ਦਸ੍ਸ ਸਵਿਭਤ੍ਤਿਸ੍ਸ ਤੁਵਂ ਤ੍ਵਂ ਇਚ੍ਚੇਤੇ ਆਦੇਸਾ ਹੋਨ੍ਤਿ ਅਂਮ੍ਹਿ ਵਿਭਤ੍ਤਿਮ੍ਹਿ.
ਕਲਿਙ੍ਗਰਸ੍ਸ ਤੁਵਂ ਮਞ੍ਞੇ, ਕਟ੍ਠਸ੍ਸ ਤ੍ਵਂ ਮਞ੍ਞੇ.
੧੪੭, ੨੪੬. ਪਦਤੋ ਦੁਤਿਯਾ ਚਤੁਤ੍ਥੀ ਛਟ੍ਠੀਸੁ ਵੋਨੋ.
ਸਬ੍ਬੇਸਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਯਦਾ ਪਦਸ੍ਮਾ ਪਰੇਸਂ ਵੋ ਨੋਆਦੇਸਾ ਹੋਨ੍ਤਿ ਨਵਾ ਯਥਾਸਙ੍ਖ੍ਯਂ ਦੁਤਿਯਾ ਚਤੁਤ੍ਥੀਛਟ੍ਠੀਇਚ੍ਚੇਤੇਸੁ ਬਹੁਵਚਨੇਸੁ.
ਪਹਾਯ ਵੋ ਭਿਕ੍ਖਵੇ ਗਮਿਸ੍ਸਾਮਿ, ਮਾ ਨੋ ਅਜ੍ਜ ਵਿਕਨ੍ਤਿਂਸੁ, ਰਞ੍ਞੋ ਸੂਦਾ ਮਹਾਨਸੇ, ਏਵਂ ਦੁਤਿਯਤ੍ਥੇ.
ਧਮ੍ਮਂ ਵੋ ਭਿਕ੍ਖਵੇ ਦੇਸੇਸ੍ਸਾਮਿ, ਸਂਵਿਭਜੇਥ ਨੋ ਰਜ੍ਜੇਨ, ਏਵਂ ਚਤੁਤ੍ਥ੍ਯਤ੍ਥੇ.
ਤੁਟ੍ਠੋਸ੍ਮਿ ਵੋ ਭਿਕ੍ਖਵੇ ਪਕਤਿਯਾ, ਸਤ੍ਥਾ ਨੋ ਭਗਵਾ ਅਨੁਪ੍ਪਤ੍ਤੋ, ਏਵਂ ਛਟ੍ਠ੍ਯਤ੍ਥੇ.
ਨਵਾਤਿ ¶ ਕਿਮਤ੍ਥਂ? ਏਸੋ ਅਮ੍ਹਾਕਂ ਸਤ੍ਥਾ.
ਤੁਮ੍ਹਮ੍ਹਾਕਮਿਤਿ ਕਿਮਤ੍ਥਂ? ਏਤੇ ਇਸਯੋ ਪਸ੍ਸਸਿ.
ਪਦਤੋਤਿ ਕਿਮਤ੍ਥਂ? ਤੁਮ੍ਹਾਕਂ ਸਤ੍ਥਾ.
ਏਤੇਸ੍ਵੀਤਿ ਕਿਮਤ੍ਥਂ? ਗਚ੍ਛਥ ਤੁਮ੍ਹੇ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਯਦਾ ਪਦਸ੍ਮਾ ਪਰੇਸਂ ਤੇ ਮੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਚਤੁਤ੍ਥੀਛਟ੍ਠੀਇਚ੍ਚੇਤੇਸੁ ਏਕਵਚਨੇਸੁ.
ਦਦਾਮਿ ਤੇ ਗਾਮਵਰਾਨਿ ਪਞ੍ਚ, ਦਦਾਹਿ ਮੇ ਗਾਮਵਰਂ, ਇਦਂ ਤੇ ਰਟ੍ਠਂ, ਅਯਂ ਮੇ ਪੁਤ੍ਤੋ.
ਪਦਤੋਤਿ ਕਿਮਤ੍ਥਂ? ਤਵ ਞਾਤਿ, ਮਮ ਞਾਤਿ.
ਸਬ੍ਬੇਸਂ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਯਦਾ ਪਦਸ੍ਮਾ ਪਰੇਸਂ ਤੇ ਮੇਆਦੇਸਾ ਨ ਹੋਨ੍ਤਿ ਅਂਮ੍ਹਿ ਵਿਭਤ੍ਤਿਮ੍ਹਿ.
ਪਸ੍ਸੇਯ੍ਯ ਤਂ ਵਸ੍ਸਸਤਂ ਅਰੋਗਂ, ਸੋ ਮਂ ਬ੍ਰਵੀਤਿ.
੧੫੦, ੨੪੯. ਵਾ ¶ ਤਤਿਯੇ ਚ.
ਸਬ੍ਬੇਸਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਯਦਾ ਪਦਸ੍ਮਾ ਪਰੇਸਂ ਤੇਮੇਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ ਤਤਿਯੇਕਵਚਨੇ ਪਰੇ.
ਕਤਂ ਤੇ ਪਾਪਂ, ਕਤਂ ਮੇ ਪਾਪਂ, ਕਤਂ ਤਯਾ ਪਾਪਂ, ਕਤਂ ਮਯਾ ਪਾਪਂ.
ਪਦਤੋਤਿ ਕਿਮਤ੍ਥਂ? ਤਯਾ ਕਤਂ, ਮਯਾ ਕਤਂ.
ਸਬ੍ਬੇਸਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਯਦਾ ਪਦਸ੍ਮਾ ਪਰੇਸਂ ਵੋਨੋਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਤਤਿਯਾਬਹੁਵਚਨੇਸੁ ਪਰੇਸੁ.
ਕਤਂ ਵੋ ਕਮ੍ਮਂ, ਕਤਂ ਨੋ ਕਮ੍ਮਂ.
ਪਦਤੋਤਿ ਕਿਮਤ੍ਥਂ? ਤੁਮ੍ਹੇਹਿ ਕਤਂ, ਅਮ੍ਹੇਹਿ ਕਤਂ.
ਬਹੁਵਚਨਗ੍ਗਹਣੇਨ ਯੋਮ੍ਹਿ ਪਠਮੇ ਵੋ ਨੋਆਦੇਸਾ ਹੋਨ੍ਤਿ. ਗਾਮਂ ਵੋ ਗਚ੍ਛੇਯ੍ਯਾਥ, ਗਾਮਂ ਨੋ ਗਚ੍ਛੇਯ੍ਯਾਮ.
ਪੁਮਇਚ੍ਚੇਵਮਨ੍ਤਸ੍ਸ ਸਵਿਭਤ੍ਤਿਸ੍ਸ ਆਆਦੇਸੋ ਹੋਤਿ ਸਿਮ੍ਹਿ ਵਿਭਤ੍ਤਿਮ੍ਹਿ.
ਪੁਮਾ ¶ ਤਿਟ੍ਠਤਿ.
ਸਿਮ੍ਹੀਤਿ ਕਿਮਤ੍ਥਂ? ਪੁਮਾਨੋ ਤਿਟ੍ਠਨ੍ਤਿ.
ਅਨ੍ਤਗ੍ਗਹਣੇਨ ਮਘਵ ਯੁਵਇਚ੍ਚੇਵਮਾਦੀਨਮਨ੍ਤਸ੍ਸਸਵਿਭਤ੍ਤਿਸ੍ਸ ਆਆਦੇਸੋ ਹੋਤਿ. ਮਘਵਾ, ਯੁਵਾ.
ਪੁਮਇਚ੍ਚੇਵਮਨ੍ਤਸ੍ਸ ਸਵਿਭਤ੍ਤਿਸ੍ਸ ਅਂਆਦੇਸੋ ਹੋਤਿ ਆਲਪਨੇਕਵਚਨੇ ਪਰੇ.
ਹੇ ਪੁਮਂ.
ਆਲਪਨੇਤਿ ਕਿਮਤ੍ਥਂ? ਪੁਮਾ.
ਏਕਵਚਨੇਤਿ ਕਿਮਤ੍ਥਂ? ਹੇ ਪੁਮਾਨੋ.
ਪੁਮਇਚ੍ਚੇਵਮਨ੍ਤਸ੍ਸ ਸਮਾਸੇ ਚ ਅਂਆਦੇਸੋ ਹੋਤਿ ਵਿਭਾਸਾ ਸਮਾਸੇ ਕਤੇ.
ਇਤ੍ਥੀ ਚ ਪੁਮਾ ਚ ਨਪੁਂਸਕਂ ਚ ਇਤ੍ਥਿਪੁਮਨਪੁਂਸਕਾਨਿ. ਇਤ੍ਥਿਪੁਮਨਪੁਂਸਕਾਨਂ ਸਮੂਹੋ ਇਤ੍ਥਿਪੁਮਨਪੁਂਸਕਸਮੂਹੋ.
ਵਿਭਾਸਾਤਿ ਕਿਮਤ੍ਥਂ? ਇਤ੍ਥਿਪੁਮਨਪੁਂਸਕਾਨਿ.
੧੫੫, ੧੩੭. ਯੋਸ੍ਵਾਨੋ ¶ .
ਪੁਮਇਚ੍ਚੇਵਮਨ੍ਤਸ੍ਸ ਸਵਿਭਤ੍ਤਿਸ੍ਸ ਆਨੋਆਦੇਸੋ ਹੋਤਿ ਯੋਸੁ ਵਿਭਤ੍ਤੀਸੁ.
ਪੁਮਾਨੋ, ਹੇ ਪੁਮਾਨੋ.
ਯੋਸ੍ਵੀਤਿ ਕਿਮਤ੍ਥਂ? ਪੁਮਾ.
ਪੁਮਇਚ੍ਚੇਵਮਨ੍ਤਸ੍ਸ ਸਵਿਭਤ੍ਤਿਸ੍ਸ ਆਨੇ ਆਦੇਸੋ ਹੋਤਿ ਵਾ ਸ੍ਮਿਂਮ੍ਹਿ ਵਿਭਤ੍ਤਿਮ੍ਹਿ.
ਪੁਮਾਨੇ, ਪੁਮੇ ਵਾ.
ਪੁਮਇਚ੍ਚੇਵਮਨ੍ਤਸ੍ਸ ਹਿਵਿਭਤ੍ਤਿਮ੍ਹਿ ਚ ਆਨੇਆਦੇਸੋ ਹੋਤਿ.
ਪੁਮਾਨੇਹਿ, ਪੁਮਾਨੇਭਿ.
ਪੁਨ ਵਿਭਤ੍ਤਿਗ੍ਗਹਣਂ ਕਿਮਤ੍ਥਂ? ਸਵਿਭਤ੍ਤਿਗ੍ਗਹਣਨਿਵਤ੍ਤਨਤ੍ਥਂ. ਪੁਮਾਨੇਹਿ.
ਚਗ੍ਗਹਣੇਨ ਮਘਵ ਯੁਵਇਚ੍ਚੇਵਮਾਦੀਨਮਨ੍ਤਸ੍ਸ ਆਨਆਦੇਸੋ ਹੋਤਿ ਸਿ ਯੋ ਅਂਯੋ ਇਚ੍ਚੇਤੇਸੁ ਵਿਭਤ੍ਤੀਸੁ, ਪੁਮਕਮ੍ਮਥਾਮਨ੍ਤਸ੍ਸ ਚੁਕਾਰੋ ਹੋਤਿ ਸਸ੍ਮਾ ਸੁ ਵਿਭਤ੍ਤੀਸੁ. ਮਘਵਾਨੋ, ਮਘਵਾਨਾ. ਮਘਵਾਨਂ, ਮਘਵਾਨੇ ¶ . ਯੁਵਾਨੋ, ਯੁਵਾਨਾ, ਯੁਵਾਨਂ, ਯੁਵਾਨੇ, ਪੁਮੁਨੋ, ਪੁਮੁਨਾ. ਕਮ੍ਮੁਨੋ, ਕਮ੍ਮੁਨਾ, ਥਾਮੁਨੋ, ਥਾਮੁਨਾ.
ਪੁਮਇਚ੍ਚੇਵਮਨ੍ਤਸ੍ਸ ਸੁਇਚ੍ਚੇਤਸ੍ਮਿਂਵਿਭਤ੍ਤਿਮ੍ਹਿ ਆਆਦੇਸੋ ਹੋਤਿ ਵਾ.
ਪੁਮਾਸੁ, ਪੁਮੇਸੁ ਵਾ.
ਪੁਮਇਚ੍ਚੇਵਮਨ੍ਤਸ੍ਸ ਆਉਆਦੇਸਾ ਹੋਨ੍ਤਿ ਵਾ ਨਾਮ੍ਹਿ ਵਿਭਤ੍ਤਿਮ੍ਹਿ.
ਪੁਮਾਨਾ, ਪੁਮੁਨਾ, ਪੁਮੇਨ ਵਾ.
ਚਗ੍ਗਹਣਮਨੁਕਡ੍ਢਨਤ੍ਥਂ.
ਕਮ੍ਮਇਚ੍ਚੇਵਮਨ੍ਤਸ੍ਸ ਚ ਉਅ ਆਦੇਸਾ ਹੋਨ੍ਤਿ ਵਾ ਨਾਮ੍ਹਿ ਵਿਭਤ੍ਤਿਮ੍ਹਿ.
ਕਮ੍ਮੁਨਾ, ਕਮ੍ਮਨਾ, ਕਮ੍ਮੇਨ ਵਾ.
ਚਗ੍ਗਹਣੇਨ ਮਘਵਯੁਵਇਚ੍ਚੇਵਮਨ੍ਤਸ੍ਸ ਆਆਦੇ ਸੋ ਹੋਤਿ ਕ੍ਵਚਿ ਨਾਸੁਇਚ੍ਚੇਤੇਸੁ ਵਿਭਤ੍ਤੀਸੁ. ਮਘਵਾਨਾ, ਮਘਵਾਸੁ, ਮਘਵੇਸੁ, ਮਘਵੇਨ ਵਾ. ਯੁਵਾਨਾ, ਯੁਵਾਸੁ, ਯੁਵੇਸੁ, ਯੁਵੇਨ ਵਾ.
ਇਤਿ ਨਾਮਕਪ੍ਪੇ ਦੁਤਿਯੋ ਕਣ੍ਡੋ.
ਤਤਿਯਕਣ੍ਡ
੧੬੧, ੨੪੪. ਤੁਮ੍ਹ’ਮ੍ਹੇਹਿ ¶ ਨਮਾਕਂ.
ਤੇਹਿ ਤੁਮ੍ਹਅਮ੍ਹੇਹਿ ਨਂਵਚਨਸ੍ਸ ਆਕਂ ਹੋਤਿ.
ਤੁਮ੍ਹਾਕਂ, ਅਮ੍ਹਾਕਂ.
ਨਮਿਤਿ ਕਿਮਤ੍ਥਂ? ਤੁਮ੍ਹੇਹਿ, ਅਮ੍ਹੇਹਿ.
ਤੇਹਿ ਤੁਮ੍ਹਅਮ੍ਹੇਹਿ ਯੋ ਅਪ੍ਪਠਮੋ ਆਕਂਹੋਤਿ ਵਾ.
ਤੁਮ੍ਹਾਕਂ ਪਸ੍ਸਾਮਿ, ਤੁਮ੍ਹੇ ਪਸ੍ਸਾਮਿ ਵਾ. ਅਮ੍ਹਾਕਂ ਪਸ੍ਸਸਿ, ਅਮ੍ਹੇ ਪਸ੍ਸਸਿ ਵਾ.
ਯੋਤਿ ਕਿਮਤ੍ਥਂ? ਤੁਮ੍ਹੇਹਿ, ਅਮ੍ਹੇਹਿ.
ਅਪ੍ਪਠਮੋਤਿ ਕਿਮਤ੍ਥਂ? ਗਚ੍ਛਥ ਤੁਮ੍ਹੇ, ਗਚ੍ਛਾਮ ਮਯਂ.
ਵਾਤਿਵਿਕਪ੍ਪਨਤ੍ਥੇਨ ਯੋਨਂ ਅਂ ਆਨਂ ਹੋਨ੍ਤਿ. ਤੁਮ੍ਹਂ ਤੁਮ੍ਹਾਨਂ. ਅਮ੍ਹਂ, ਅਮ੍ਹਾਨਂ.
ਤੇਹਿ ਹੁਮ੍ਹਅਮ੍ਹੇਹਿ ਸਸ੍ਸ ਵਿਭਤ੍ਤਿਸ੍ਸ ਅਂ ਆਦੇਸੋ ਹੋਤਿ ਵਾ.
ਤੁਮ੍ਹਂ ਦੀਯਤੇ, ਤਵ ਦੀਯਤੇ. ਤੁਮ੍ਹਂ ਪਰਿਗ੍ਗਹੋ, ਤਵ ਪਰਿਗ੍ਗਹੋ. ਅਮ੍ਹਂ ਦੀਯਤੇ, ਮਮ ਦੀਯਤੇ. ਅਮ੍ਹਂ ਪਰਿਗ੍ਗਹੋ, ਮਮ ਪਰਿਗ੍ਗਹੋ.
ਸਸ੍ਸੇਤਿ ¶ ਕਿਮਤ੍ਥਂ? ਤੁਮ੍ਹੇਸੁ, ਅਮ੍ਹੇਸੁ.
ਸਬ੍ਬੇਸਂ ਸਬ੍ਬਨਾਮਾਨਂ ਅਕਾਰਤੋ ਯੋ ਪਠਮੋ ਏਤ੍ਤਮਾਪਜ੍ਜਤੇ.
ਸਬ੍ਬੇ, ਯੇ, ਤੇ, ਕੇ, ਤੁਮ੍ਹੇ, ਅਮ੍ਹੇ, ਇਮੇ.
ਸਬ੍ਬਨਾਮਾਤਿ ਕਿਮਤ੍ਥਂ? ਦੇਵਾ, ਅਸੁਰਾ, ਨਾਗਾ, ਗਨ੍ਧਬ੍ਬਾ, ਮਨੁਸ੍ਸਾ.
ਅਕਾਰਤੋਤਿ ਕਿਮਤ੍ਥਂ? ਅਮੂ ਪੁਰਿਸਾ ਤਿਟ੍ਠਨ੍ਤਿ.
ਯੋਤਿ ਕਿਮਤ੍ਥਂ? ਸਬ੍ਬੋ, ਯੋ, ਸੋ, ਕੋ, ਅਯਂ.
ਪਠਮਗ੍ਗਹਣਂ ਉਤ੍ਤਰਸੁਤ੍ਤਤ੍ਥਂ.
ਤਸ੍ਮਾ ਸਬ੍ਬਨਾਮ’ਕਾਰਤੋ ਦ੍ਵਨ੍ਦਟ੍ਠਾ ਯੋ ਪਠਮੋ ਏਤ੍ਤਮਾਪਜ੍ਜਤੇ ਵਾ.
ਕਤਰਕਤਮੇ, ਕਤਰਕਤਮਾ ਵਾ.
ਸਬ੍ਬਨਾਮਾਤਿ ਕਿਮਤ੍ਥਂ? ਦੇਵਾਸੁਰਨਾਗ ਗਨ੍ਧਬ੍ਬਮਨੁਸ੍ਸਾ.
ਦ੍ਵਨ੍ਦਟ੍ਠਾਤਿ ਕਿਮਤ੍ਥਂ ਤੇ, ਸਬ੍ਬੇ.
੧੬੬, ੨੦੯. ਨਾਞ੍ਞਂ ¶ ਸਬ੍ਬਨਾਮਿਕਂ.
ਸਬ੍ਬਨਾਮਿਕਾਨਂ ਦ੍ਵਨ੍ਦਟ੍ਠੇ ਨਾਞ੍ਞਂ ਕਾਰਿਯਂ ਹੋਤਿ,
ਪੁਬ੍ਬਾਪਰਾਨਂ, ਪੁਬ੍ਬੁਤ੍ਤਰਾਨਂ, ਅਧਰੁਤ੍ਤਰਾਨਂ.
ਬਹੁਬ੍ਬੀਹਿਮ੍ਹਿ ਚ ਸਮਾਸੇ ਸਬ੍ਬਨਾਮਵਿਧਾਨਞ੍ਚ ਨਾਞ੍ਞਂ ਕਾਰਿਯਂ ਹੋਤਿ.
ਪਿਯਪੁਬ੍ਬਾਯ, ਪਿਯਪੁਬ੍ਬਾਨਂ, ਪਿਯਪੁਬ੍ਬੇ, ਪਿਯਪੁਬ੍ਬਸ੍ਸ.
ਚੇਤਿ ਕਿਮਤ੍ਥਂ? ਸਬ੍ਬਨਾਮਵਿਧਾਨਂ ਹੋਤਿ, ਦਕ੍ਖਿਣ ਪੁਬ੍ਬਸ੍ਸਂ, ਦਕ੍ਖਿਣਪੁਬ੍ਬਸ੍ਸਾ, ਉਤ੍ਤਰਪੁਬ੍ਬਸ੍ਸਂ, ਉਤ੍ਤਰਪੁਬ੍ਬਸ੍ਸਾ.
ਸਬ੍ਬਤੋ ਸਬ੍ਬਨਾਮਤੋ ਨਂਵਚਨਸ੍ਸ ਸਂਸਾਨਂਇਚ੍ਚੇਤੇ ਆਦੇਸਾ ਹੋਨ੍ਤਿ.
ਸਬ੍ਬੇਸਂ, ਸਬ੍ਬੇਸਾਨਂ, ਸਬ੍ਬਾਸਂ, ਸਬ੍ਬਾਸਾਨਂ. ਯੇਸਂ, ਯੇਸਾਨਂ, ਯਾਸਂ, ਯਾਸਾਨਂ. ਤੇਸਂ, ਤੇਸਾਨਂ, ਤਾਸਂ, ਤਾਸਾਨਂ. ਕੇਸਂ, ਕੇਸਾਨਂ, ਕਾਸਂ, ਕਾਸਾਨਂ. ਇਮੇਸਂ, ਇਮੇਸਾਨਂ, ਇਮਾਸਂ, ਇਮਾਸਾਨਂ. ਅਮੂਸਂ, ਅਮੂਸਾਨਂ.
ਨਮਿਤਿ ਕਿਮਤ੍ਥਂ? ਸਬ੍ਬਸ੍ਸ, ਯਸ੍ਸ, ਤਸ੍ਸ, ਕਸ੍ਸ. ਏਵਂ ਸਬ੍ਬਤ੍ਥ.
੧੬੯, ੧੧੭. ਰਾਜਸ੍ਸ ¶ ਰਾਜੁ ਸੁਨਂਹਿਸੁ ਚ.
ਸਬ੍ਬਸ੍ਸੇਵ ਰਾਜਸਦ੍ਦਸ੍ਸ ਰਾਜੁਆਦੇਸੋ ਹੋਤਿ ਸੁਨਂਹਿਇਚ੍ਚੇਤੇਸੁ.
ਰਾਜੂਸੁ, ਰਾਜੂਨਂ, ਰਾਜੂਹਿ, ਰਾਜੂਭਿ.
ਸੁਨਂਹਿਸੂਤਿ ਕਿਮਤ੍ਥਂ? ਰਾਜਾ.
ਚਗ੍ਗਹਣਮਵਧਾਰਣਤ੍ਥਂ. ਰਾਜੇਸੁ, ਰਾਜਾਨਂ, ਰਾਜੇਹਿ ਰਾਜੇਭਿ.
ਸਬ੍ਬਸ੍ਸੇਵ ਇਮਸਦ੍ਦਸ੍ਸ ਏਕਾਰੋ ਹੋਤਿ ਵਾ ਸੁਨਂਹਿਇਚ੍ਚੇਤੇਸੁ.
ਏਸੁ, ਇਮੇਸੁ, ਏਸਂ, ਇਮੇਸਂ, ਏਹਿ, ਏਭਿ, ਇਮੇਹਿ, ਇਮੇਭਿ.
ਇਮਸ੍ਸੇਤਿ ਕਿਮਤ੍ਥਂ? ਏਤੇਸੁ, ਏਤੇਸਂ, ਏਤੇਹਿ, ਏਤੇਭਿ.
ਇਮਸਦ੍ਦਸ੍ਸ ਸਬ੍ਬਸ੍ਸੇਵ ਅਨ ਇਮਿਇਚ੍ਚੇਤੇ ਆਦੇਸਾ ਹੋਨ੍ਤਿ ਨਾਮ੍ਹਿ ਵਿਭਤ੍ਤਿਮ੍ਹਿ.
ਅਨੇਨ ਧਮ੍ਮਦਾਨੇਨ. ਸੁਖਿਤਾ ਹੋਤੁ ਸਾ ਪਜਾ.
ਇਮਿਨਾ ਬੁਦ੍ਧਪੂਜੇਨ, ਪਤ੍ਵਾਨ ਅਮਤਂ ਪਦਂ.
ਨਾਮ੍ਹੀਤਿ ਕਿਮਤ੍ਥਂ? ਇਮੇਸੁ, ਇਮੇਸਂ, ਇਮੇਹਿ, ਇਮੇਭਿ.
੧੭੨, ੨੧੮. ਅਨਪੁਂਸਕਸ੍ਸਾ ¶ ਯਂ ਸਿਮ੍ਹਿ.
ਇਮਸਦ੍ਦਸ੍ਸ ਸਬ੍ਬਸ੍ਸੇਵ ਅਨਪੁਂਸਕਸ੍ਸ ਅਯਂਆਦੇਸੋ ਹੋਤਿ ਸਿਮ੍ਹਿ ਵਿਭਤ੍ਤਿਮ੍ਹਿ.
ਅਯਂ ਪੁਰਿਸੋ, ਅਯਂ ਇਤ੍ਥੀ.
ਅਨਪੁਂਸਕਸ੍ਸੇਤਿ ਕਿਮਤ੍ਥਂ? ਇਦਂ ਚਿਤ੍ਤਂ ਤਿਟ੍ਠਤਿ.
ਸਿਮ੍ਹਿਤਿ ਕਿਮਤ੍ਥਂ? ਇਮਂ ਪੁਰਿਸਂ ਪਸ੍ਸਸਿ ਤ੍ਵਂ.
ਅਮੁਸਦ੍ਦਸ੍ਸ ਅਨਪੁਂਸਕਸ੍ਸ ਮਕਾਰੋ ਸਕਾਰਮਾਪਜ੍ਜਤੇ ਵਾ ਸਿਮ੍ਹਿ ਵਿਭਤ੍ਤਿਮ੍ਹਿ.
ਅਸੁ ਰਾਜਾ, ਅਸੁ ਇਤ੍ਥੀ, ਅਮੁਕੋ ਰਾਜਾ, ਅਮੁਕਾ ਇਤ੍ਥੀ.
ਅਨਪੁਂਸਕਸ੍ਸੇਤਿ ਕਿਮਤ੍ਥਂ? ਅਦੁਂ ਪੁਪ੍ਫਂ ਵਿਰੋਚਤਿ.
ਅਮੁਸ੍ਸੇਤਿ ਕਿਮਤ੍ਥਂ? ਅਯਂ ਪੁਰਿਸੋ ਤਿਟ੍ਠਤਿ.
ਸਿਮ੍ਹਿਤਿ ਕਿਮਤ੍ਥਂ? ਅਮ੍ਹਂ ਪੁਰਿਸਂ ਪਸ੍ਸਸਿ.
ਏਤ ਤਇਚ੍ਚੇਤੇਸਂ ਅਨਪੁਂਸਕਾਨਂ ਤਕਾਰੋ ਸਕਾਰਮਾਪਜ੍ਜਤੇ ਸਿਮ੍ਹਿ ਵਿਭਤ੍ਤਿਮ੍ਹਿ.
ਏਸੋ ਪੁਰਿਸੋ, ਏਸਾ ਇਤ੍ਥੀ, ਸੋ ਪੁਰਿਸੋ, ਸਾ ਇਤ੍ਥੀ.
ਏਤਤੇਸਮਿਤਿ ¶ ਕਿਮਤ੍ਥਂ? ਇਤਰੋ ਪੁਰਿਸੋ, ਇਤਰਾ ਇਤ੍ਥੀ.
ਅਨਪੁਂਸਕਾਨਮਿਤਿ ਕਿਮਤ੍ਥਂ? ਏਤਂ ਚਿਤ੍ਤਂ, ਏਤਂ ਰੂਪਂ. ਤਂ ਚਿਤ੍ਤਂ, ਤਂ ਰੂਪਂ.
੧੫੭, ੨੧੨. ਤਸ੍ਸ ਵਾ ਨਤ੍ਤਂ ਸਬ੍ਬਤ੍ਥ.
ਤਸ੍ਸ ਸਬ੍ਬਨਾਮਸ੍ਸ ਤਕਾਰਸ੍ਸ ਨਤ੍ਤਂ ਹੋਤਿ ਵਾ ਸਬ੍ਬਤ੍ਥ ਲਿਙ੍ਗੇਸੁ.
ਨਾਯ, ਤਾਯ, ਨਂ, ਤਂ, ਨੇ, ਤੇ, ਨੇਸੁ, ਤੇਸੁ, ਨਮ੍ਹਿ, ਤਮ੍ਹਿ, ਨਾਹਿ, ਤਾਹਿ, ਨਾਭਿ, ਤਾਭਿ.
੧੭੬, ੨੧੩. ਸਸ੍ਮਾਸ੍ਮਿਂਸਂਸਾਸ੍ਵਤ੍ਤਂ.
ਤਸ੍ਸ ਸਬ੍ਬਨਾਮਸ੍ਸ ਤਕਾਰਸ੍ਸ ਸਬ੍ਬਸ੍ਸੇਵ ਅਤ੍ਤਂ ਹੋਤਿ ਵਾ ਸਸ੍ਮਾਸ੍ਮਿਂ ਸਂਸਾਇਚ੍ਚੇਤੇਸੁ ਸਬ੍ਬਤ੍ਥ ਲਿਙ੍ਗੇਸੁ.
ਅਸ੍ਸ, ਤਸ੍ਸ, ਅਸ੍ਮਾ, ਤਸ੍ਮਾ, ਅਸ੍ਮਿਂ, ਤਸ੍ਮਿਂ, ਅਸ੍ਸਂ, ਤਸ੍ਸਂ, ਅਸ੍ਸਾ, ਤਸ੍ਸਾ.
ਤਕਾਰਸ੍ਸੇਤਿ ਕਿਮਤ੍ਥਂ? ਅਮੁਸ੍ਸਂ, ਅਮੁਸ੍ਸਾ.
ਏਤੇਸ੍ਵੀਤਿ ਕਿਮਤ੍ਥਂ? ਨੇਸੁ, ਤੇਸੁ.
ਇਮਸਦ੍ਦਸ੍ਸ ਚ ਸਬ੍ਬਸ੍ਸੇਵ ਅਤ੍ਤਂ ਹੋਤਿ ਵਾ ਸਸ੍ਮਾਸ੍ਮਿਂ ਸਂ ਸਾਇਚ੍ਚੇਤੇਸੁ ਸਬ੍ਬਤ੍ਥ ਲਿਙ੍ਗੇਸੁ.
ਅਸ੍ਸ ¶ , ਇਮਸ੍ਸ, ਅਸ੍ਮਾ, ਇਮਸ੍ਮਾ, ਅਸ੍ਮਿਂ, ਇਮਸ੍ਮਿਂ, ਅਸ੍ਸਂ, ਇਮਿਸ੍ਸਂ, ਅਸ੍ਸਾ, ਇਮਿਸ੍ਸਾ.
ਇਮਸਦ੍ਦਸ੍ਸੇਤਿ ਕਿਮਤ੍ਥਂ? ਏਤਿਸ੍ਸਂ, ਏਤਿਸ੍ਸਾ.
ਸਬ੍ਬਤੋ ਸਬ੍ਬਨਾਮਤੋ ਕਕਾਰਾਗਮੋ ਹੋਤਿ ਵਾ ਸਿਮ੍ਹਿ ਵਿਭਤ੍ਤਿਮ੍ਹਿ.
ਸਬ੍ਬਕੋ, ਯਕੋ, ਸਕੋ, ਅਮੁਕੋ, ਅਸੁਕੋ.
ਵਾਤਿ ਕਿਮਤ੍ਥਂ? ਸਬ੍ਬੋ, ਯੋ, ਸੋ, ਕੋ.
ਸਬ੍ਬਨਾਮਤੋਤਿ ਕਿਮਤ੍ਥਂ? ਪੁਰਿਸੋ.
ਪੁਨ ਸਬ੍ਬਤੋਗ੍ਗਹਣੇਨ ਅਞ੍ਞਸ੍ਮਾਪਿ ਕਕਾਰਾਗਮੋ ਹੋਤਿ, ਹੀਨਕੋ, ਪੋਤਕੋ.
੧੭੯, ੨੦੪. ਯਪਤੋ ਸ੍ਮਿਂਸਾਨਂ ਸਂਸਾ.
ਸਬ੍ਬਤੋ ਸਬ੍ਬਨਾਮਤੋ ਘਪਸਞ੍ਞਤੋ ਸ੍ਮਿਂਸਇਚ੍ਚੇਤੇਸਂ ਸਂਸਾ ਆਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਸਬ੍ਬਸ੍ਸਂ, ਸਬ੍ਬਸ੍ਸਾ, ਸਬ੍ਬਾਯਂ, ਸਬ੍ਬਾਯ, ਇਮਿਸ੍ਸਂ, ਇਮਿਸ੍ਸਾ, ਇਮਾਯਂ, ਇਮਾਯ, ਅਮੁਸ੍ਸਂ, ਅਮੁਸ੍ਸਾ, ਅਮੁਯਂ, ਅਮੁਯਾ.
ਸਬ੍ਬਨਾਮਤੋਤਿ ਕਿਮਤ੍ਥਂ? ਇਤ੍ਥਿਯਂ, ਇਤ੍ਥਿਯਾ.
ਸ੍ਮਿਂਸਾਨਮਿਤਿ ਕਿਮਤ੍ਥਂ? ਅਮੁਯੋ.
੧੮੦, ੨੦੭. ਨੇਤਾਹਿ ¶ ਸ੍ਮਿਮਾਯ ਯਾ.
ਏਤੇਹਿ ਸਬ੍ਬਨਾਮੇਹਿ ਘਪਸਞ੍ਞੇਹਿ ਸ੍ਮਿਂਵਚਨਸ੍ਸ ਨੇਵ ਆਯ ਯਾਆਦੇਸਾ ਹੋਨ੍ਤਿ.
ਏਤਿਸ੍ਸਂ, ਏਤਾਯਂ, ਇਮਿਸ੍ਸਂ, ਇਮਾਯਂ, ਅਮੁਸ੍ਸਂ, ਅਮੁਯਂ.
ਸ੍ਮਿਂਨ੍ਤਿ ਕਿਮਤ੍ਥਂ? ਤਾਯ ਇਤ੍ਥਿਯਾ ਮੁਖਂ.
ਏਤਾਹੀਤਿ ਕਿਮਤ੍ਥਂ? ਕਞ੍ਞਾਯ, ਵੀਣਾਯ, ਗਙ੍ਗਾਯ, ਕਪਾਲਿਕਾਯ.
੧੮੧, ੯੫. ਮਨੋਗਣਾਦਿਤੋ ਸ੍ਮਿਂਨਾਨਮਿਆ.
ਤਸ੍ਮਾ ਮਨੋਗਣਾਦਿਤੋ ਸ੍ਮਿਂਨਾਇਚ੍ਚੇਤੇਸਂ ਇਕਾਰਆਕਾਰਾਦੇਸਾ ਹੋਨ੍ਤਿ ਵਾ ਯਥਾਸਙ੍ਖ੍ਯਂ.
ਮਨਸਿ, ਮਨੁਸ੍ਮਿਂ, ਸਿਰਸਿ, ਸਿਰਸ੍ਮਿਂ, ਮਨਸਾ, ਮਨੇਨ, ਵਚਸਾ, ਵਚੇਨ, ਸਿਰਸਾ, ਸਿਰੇਨ, ਸਰਸਾ, ਸਰੇਨ, ਤਪਸਾ, ਤਪੇਨ, ਵਯਸਾ, ਵਯੇਨ, ਯਸਸਾ, ਯਸੇਨ, ਤੇਜਸਾ, ਤੇਜੇਨ, ਉਰਸਾ, ਉਰੇਨ, ਥਾਮਸਾ, ਥਾਮੇਨ.
ਸ੍ਮਿਂਨਾਨਮਿਤਿ ਕਿਮਤ੍ਥਂ? ਮਨੋ, ਸਿਰੋ, ਤਮੋ, ਤਪੋ, ਤੇਜੋ.
ਆਦਿਗ੍ਗਹਣੇਨ ਅਞ੍ਞਾਸ੍ਮਾਪਿ ਸ੍ਮਿਂਨਾਨਂ ਇਕਾਰਆਕਾਰਾਦੇਸਾ ਹੋਨ੍ਤਿ, ਬਿਲਸਿ, ਬਿਲਸਾ, ਪਦਸਿ, ਪਦਸਾ.
੧੮੨, ੯੭. ਸਸ੍ਸ ¶ ਚੋ.
ਤਸ੍ਮਾ ਮਨੋਗਣਾਦਿਤੋ ਸਸ੍ਸ ਚ ਓਕਾਰੋ ਹੋਤਿ.
ਮਨਸੋ, ਥਾਮਸੋ, ਤਪਸੋ.
ਏਤੇਸਂ ਮਨੋਗਣਾਦੀਨਂ ਅਨ੍ਤੋ ਓਤ੍ਤਮਾਪਜ੍ਜਤੇ ਵਿਭਤ੍ਤਿਲੋਪੇ ਕਤੇ.
ਮਨੋਮਯਂ, ਅਯੋਮਯਂ, ਤੇਜੋਸਮੇਨ, ਤਪੋਗੁਣੇਨ, ਸਿਰੋਰੁਹੇਨ.
ਆਦਿਗ੍ਗਹਣਂਕਿਮਤ੍ਥਂ? ਅਞ੍ਞੇਸਮਨ੍ਤੋ ਓਤ੍ਤਮਾਪਜ੍ਜਤੇ. ਆਪੋਸਮੇਨ, ਵਾਯੋਸਮੇਨ.
ਲੋਪੇਤਿ ਕਿਮਤ੍ਥਂ? ਪਦਯਾ, ਤਪਸਾ, ਯਸਸਾ, ਵਚਸਾ, ਮਨਸਾ, ਏਵਮਞ੍ਞੇਪਿ ਯੋਜੇਤਬ੍ਬਾ.
ਏਤੇਹੇਵ ਮਨੋਗਣਾਦੀਹਿ ਵਿਭਤ੍ਤਾਦੇਸੇ ਸਰੇ ਪਰੇ ਸਕਾਰਾਗਮੋ ਹੋਤਿ ਵਾ.
ਮਨਸਾ, ਵਚਸਾ, ਮਨਸਿ, ਵਚਸਿ.
ਵਾਤਿ ਕਿਮਤ੍ਥਂ? ਮਨੇਨ, ਤੇਜੇਨ, ਵਸੇਨ,
ਸਰੇਤਿ ¶ ਕਿਮਤ੍ਥਂ? ਮਨੋ, ਤੇਜੋ, ਯਸੋ.
ਪੁਨ ਆਦਿਗ੍ਗਹਣੇਨ ਅਞ੍ਞਸ੍ਮਿਮ੍ਪਿ ਪਚ੍ਚਯੇ ਪਰੇ ਸਕਾਰਾਗਮੋ ਹੋਤਿ. ਮਾਨਸਿਕਂ, ਵਾਚਸਿਕਂ.
੧੮੫, ੧੧੨. ਸਨ੍ਤਸਦ੍ਦਸ੍ਸ ਸੋ ਤੇ ਬੋ ਚਨ੍ਤੇ.
ਸਬ੍ਬਸ੍ਸ ਸਨ੍ਤਸਦ੍ਦਸ੍ਸ ਸਕਾਰਾਦੇਸੋ ਹੋਤਿ ਭਕਾਰੇ ਪਰੇ, ਅਨ੍ਤੇ ਚ ਬਕਾਰਾਗਮੋ ਹੋਤਿ.
ਸਬ੍ਭਿਰੇਵ ਸਮਾਸੇਥ,
ਸਬ੍ਭਿਕੁਬ੍ਬੇਥ ਸਨ੍ਥਵਂ.
ਸਤਂ ਸਦ੍ਧਮ੍ਮਮਞ੍ਞਾਯ,
ਸੇਯ੍ਯੋ ਹੋਤਿ ਨ ਪਾਪਿਯੋ.
ਜੀਰਨ੍ਤਿ ਵੇ ਰਾਜਰਥਾ ਸੁਚਿਤ੍ਤਾ.
ਅਥੋ ਸਰੀਰਮ੍ਪਿ ਜਰਂ ਉਪੇਤਿ.
ਸਤਞ੍ਚ ਧਮ੍ਮੋ ਨ ਜਰਂ ਉਪੇਤਿ,
ਸਨ੍ਤੋ ਹਵੇ ਸਬ੍ਭਿ ਪਵੇਦਯਨ੍ਤਿ.
ਸਬ੍ਭੂਤੋ, ਸਬ੍ਭਾਵੋ.
ਭੇਤਿ ਕਿਮਤ੍ਥਂ? ਸਨ੍ਤੇਹਿ ਪੂਜਿਤੋ ਭਗਵਾ.
ਚਗ੍ਗਹਣਂ ਕ੍ਵਚਿ ਸਕਾਰਸ੍ਸੇਵ ਪਸਿਦ੍ਧਤ੍ਥਂ. ਸਕ੍ਕਾਰੋ, ਸਕ੍ਕਤੋ.
੧੯੬, ੧੦੭. ਸਿਮ੍ਹਿਗਚ੍ਛਨ੍ਤਾਦੀਨਂ ¶ ਨ੍ਤਸਦ੍ਦੋ ਅਂ.
ਸਿਮ੍ਹਿ ਗਚ੍ਛਨ੍ਤਾਦੀਨਂ ਨ੍ਤਸਦ੍ਦੋ ਅਮਾਪਜ੍ਜਤੇ ਵਾ.
ਗਚ੍ਛਂ, ਗਚ੍ਛਨ੍ਤੋ, ਮਹਂ, ਮਹਨ੍ਤੋ, ਚਰਂ, ਚਰਨ੍ਤੋ, ਖਾਦਂ, ਖਾਦਨ੍ਤੋ.
ਗਚ੍ਛਨ੍ਤਾਦੀਨਮਿਤਿ ਕਿਮਤ੍ਥਂ? ਅਨ੍ਤੋ, ਦਨ੍ਤੋ, ਵਨ੍ਤੋ, ਸਨ੍ਤੋ.
ਗਚ੍ਛਨ੍ਤਾਦੀਨਂਨ੍ਤਸਦ੍ਦੋਨ੍ਤੁਪ੍ਪਚ੍ਚਯੋਵ ਦਟ੍ਠਬ੍ਬੋ ਸੇਸੇਸੁ ਵਿਭਤ੍ਤਿਪ੍ਪਚ੍ਚਯੇਸੁ.
ਗਚ੍ਛਤੋ, ਮਹਤੋ, ਗਚ੍ਛਤਿ, ਮਹਤਿ, ਗਚ੍ਛਤਾ, ਮਹਤਾ.
ਸੇਸੇਸੂਤਿ ਕਿਮਤ੍ਥਂ? ਗਚ੍ਛਂ, ਮਹਂ, ਚਰਂ, ਖਾਦਂ.
੧੮੮, ੧੧੫. ਬ੍ਰਹ੍ਮਤ੍ਤ ਸਖ ਰਾਜਾਦਿਤੋ ਅਮਾਨਂ.
ਬ੍ਰਹ੍ਮ ਅਤ੍ਤ ਸਖ ਰਾਜਇਚ੍ਚੇਵਮਾਦਿਤੋ ਅਂਵਚਨਸ੍ਸ ਆਨਂ ਹੋਤਿ ਵਾ.
ਬ੍ਰਹ੍ਮਾਨਂ, ਬ੍ਰਹ੍ਮਂ, ਅਤ੍ਤਾਨਂ, ਅਤ੍ਤਂ, ਸਖਾਨਂ, ਸਖਂ, ਰਾਜਾਨਂ, ਰਾਜਂ.
ਅਮਿਤਿ ਕਿਮਤ੍ਥਂ? ਰਾਜਾ.
੧੮੯, ੧੧੩. ਸ੍ਯਾ ¶ ਚ.
ਬ੍ਰਹ੍ਮ ਅਤ੍ਤ ਸਖ ਰਾਜਇਚ੍ਚੇਵਮਾਦਿਤੋ ਸਿਵਚਨਸ੍ਸ ਆ ਚ ਹੋਤਿ.
ਬ੍ਰਹ੍ਮਾ, ਅਤ੍ਤਾ, ਸਖਾ, ਰਾਜਾ, ਆਤੁਮਾ.
ਬ੍ਰਹ੍ਮਅਤ੍ਤ ਸਖ ਰਾਜਇਚ੍ਚੇਵਮਾਦਿਤੋ ਯੋਨਂ ਆਨੋਆਦੇਸੋ ਹੋਤਿ.
ਬ੍ਰਹ੍ਮਾਨੋ, ਅਤ੍ਤਾਨੋ, ਸਖਾਨੋ, ਰਾਜਾਨੋ, ਆਤੁਮਾਨੋ.
ਤਸ੍ਮਾ ਸਖਤੋ ਚ ਯੋਨਂ ਆਯੋ ਨੋ ਆਦੇਸਾ ਹੋਨ੍ਤਿ.
ਸਖਾਯੋ, ਸਖਿਨੋ.
ਯੋਨਮਿਤਿ ਕਿਮਤ੍ਥਂ? ਸਖਾ.
ਤਸ੍ਮਾ ਸਖਤੋ ਸ੍ਮਿਂਵਚਨਸ੍ਸ ਏਕਾਰੋ ਹੋਤਿ. ਸਖੇ.
੧੯੩, ੧੨੨. ਬ੍ਰਹ੍ਮਤੋ ¶ ਗਸ੍ਸ ਚ.
ਤਸ੍ਮਾ ਬ੍ਰਹ੍ਮਤੋ ਗਸ੍ਸ ਚ ਏਕਾਰੋ ਹੋਤਿ. ਹੇ ਬ੍ਰਹ੍ਮੇ.
੧੯੪, ੧੩੧. ਸਖਨ੍ਤਸ੍ਸਿ ਨੋ ਨਾ ਨਂ ਸੇਸੁ.
ਤਸ੍ਸ ਸਖਨ੍ਤਸ੍ਸ ਇਕਾਰੋ ਹੋਤਿ ਨੋਨਾਨਂਸਇਚ੍ਚੇਤੇਸੁ.
ਸਖਿਨੋ, ਸਖਿਨਾ, ਸਖੀਨਂ, ਸਖਿਸ੍ਸ.
ਏਤੇਸ੍ਵੀਤਿ ਕਿਮਤ੍ਥਂ? ਸਖਾਰੇਹਿ.
ਤਸ੍ਸ ਸਖਨ੍ਤਸ੍ਸ ਆਰੋ ਹੋਤਿ ਵਾ ਹਿਮ੍ਹਿ ਵਿਭਤ੍ਤਿਮ੍ਹਿ. ਸਖਾਰੇਹਿ, ਸਖੇਹਿ.
ਤਸ੍ਸ ਸਖਨ੍ਤਸ੍ਸ ਆਰੋ ਹੋਤਿ ਵਾ ਸੁਨਂ ਅਂਇਚ੍ਚੇਤੇਸੁ.
ਸਖਾਰੇਸੁ, ਸਖੇਸੁ, ਸਖਾਰਾਨਂ, ਸਖੀਨਂ, ਸਖਾਰਂ, ਸਖਂ.
੧੯੭, ੧੨੫. ਬ੍ਰਹ੍ਮਤੋ ਤੁ ਸ੍ਮਿਂ ਨਿ.
ਤਸ੍ਮਾ ਬ੍ਰਹ੍ਮਤੋ ਸ੍ਮਿਂਵਚਨਸ੍ਸ ਨਿਆਦੇਸੋ ਹੋਤਿ. ਬ੍ਰਹ੍ਮਨਿ.
ਤੁਗ੍ਗਹਣੇਨ ¶ ਅਬ੍ਰਹ੍ਮਤੋਪਿ ਸ੍ਮਿਂ ਵਚਨਸ੍ਸ ਨਿ ਹੋਤਿ. ਕਮ੍ਮਨਿ, ਚਮ੍ਮਨਿ, ਮੁਦ੍ਧਨਿ.
ਤਸ੍ਸ ਬ੍ਰਹ੍ਮਸਦ੍ਦਸ੍ਸ ਅਨ੍ਤੋ ਉਤ੍ਤਮਾਪਜ੍ਜਤੇ ਸਨਾਇਚ੍ਚੇਤੇਸੁ.
ਬ੍ਰਹ੍ਮੁਨੋ, ਬ੍ਰਹ੍ਮੁਨਾ.
ਸਨਾਸੂਤਿ ਕਿਮਤ੍ਥਂ? ਬ੍ਰਹ੍ਮਾ.
੧੯੯, ੧੫੮. ਸਤ੍ਥੁਪਿਤਾਦੀਨਮਾ ਸਿਸ੍ਮਿਂਸਿਲੋਪੋਚ.
ਸਤ੍ਥੁਪਿਤੁਆਦੀਨਮਨ੍ਤੋ ਅਤ੍ਤਮਾਪਜ੍ਜਤੇ ਸਿਸ੍ਮਿਂ, ਸਿਲੋਪੋ ਚ ਹੋਤਿ.
ਸਤ੍ਥਾ, ਪਿਤਾ, ਮਾਤਾ, ਭਾਤਾ, ਕਤ੍ਤਾ.
ਸਿਸ੍ਮਿਨ੍ਤਿ ਕਿਮਤ੍ਥਂ? ਸਤ੍ਥੁਸ੍ਸ, ਪਿਤੁਸ੍ਸ, ਮਾਤੁਸ੍ਸ, ਭਾਤੁਸ੍ਸ, ਕਤ੍ਤੁਸ੍ਸ.
ਸਤ੍ਥੁਪਿਤੁਆਦੀਨਮਨ੍ਤੋ ਅਞ੍ਞੇਸੁ ਵਚਨੇਸੁ ਆਰਤ੍ਤਮਾਪਜ੍ਜਤੇ.
ਸਤ੍ਥਾਰਂ, ਪਿਤਰਂ, ਮਾਤਰਂ, ਭਾਤਰਂ, ਕਤ੍ਤਾਰਂ, ਸਤ੍ਥਾਰੇਹਿ, ਪਿਤਰੇਹਿ, ਮਾਤਰੇਹਿ, ਭਾਤਰੇਹਿ, ਕਤ੍ਤਾਰੇਹਿ.
ਅਞ੍ਞੇਸ੍ਵੀਤਿ ¶ ਕਿਮਤ੍ਥਂ? ਸਤ੍ਥਾ, ਪਿਤਾ, ਮਾਤਾ, ਭਾਤਾ, ਕਤ੍ਤਾ.
ਸਤ੍ਥੁਪਿਤੁਆਦੀਨਮਨ੍ਤੋ ਆਰਤ੍ਤਮਾਪਜ੍ਜਤੇ ਵਾ ਨਂਮ੍ਹਿ ਵਿਭਤ੍ਤਿਮ੍ਹਿ.
ਸਤ੍ਥਾਰਾਨਂ, ਪਿਤਰਾਨਂ, ਮਾਤਰਾਨਂ, ਭਾਤਰਾਨਂ.
ਵਾਤਿ ਕਿਮਤ੍ਥਂ? ਸਤ੍ਥਾਨਂ, ਪਿਤੂਨਂ, ਮਾਤੂਨਂ, ਭਾਤੂਨਂ.
ਤਸ੍ਸ ਸਤ੍ਥੁਸਦ੍ਦਸ੍ਸ ਅਨ੍ਤੋ ਅਤ੍ਤਮਾਪਜ੍ਜਤੇ ਵਾ ਨਂਮ੍ਹਿ ਵਿਭਤ੍ਤਿਮ੍ਹਿ.
ਸਤ੍ਥਾਨਂ, ਪਿਤਾਨਂ, ਮਾਤਾਨਂ, ਭਾਤਾਨਂ, ਕਤ੍ਤਾਨਂ.
ਵਾਤਿ ਕਿਮਤ੍ਥਂ? ਸਤ੍ਥਾਰਾਨਂ, ਪਿਤਰਾਨਂ, ਮਾਤਰਾਨਂ, ਭਾਤਰਾਨਂ, ਧੀਤਰਾਨਂ.
ਚਗ੍ਗਹਣਂ ਅਞ੍ਞੇਸਮ੍ਪਿ ਸਙ੍ਗਹਣਤ੍ਥਂ.
ਸਤ੍ਥੁਪਿਤੁਇਚ੍ਚੇਵਮਾਦੀਨਮਨ੍ਤਸ੍ਸ ਉਤ੍ਤਂ ਹੋਤਿ ਵਾ ਸਸ੍ਮਿਂ, ਸਲੋਪੋ ਚ.
ਸਤ੍ਥੁ ¶ , ਸਤ੍ਥੁਸ੍ਸ, ਸਤ੍ਥੁਨੋ ਦੀਯਤੇ, ਪਰਿਗ੍ਗਹੋ ਵਾ. ਪਿਤੁ, ਪਿਤੁਸ੍ਸ, ਪਿਤੁਨੋ ਦੀਯਤੇ, ਪਰਿਗ੍ਗਹੋ ਵਾ. ਭਾਤੁ, ਭਾਤੁਸ੍ਸ, ਭਾਤੁਨੋ ਦੀਯਤੇ, ਪਰਿਗ੍ਗਹੋ ਵਾ.
ਚਗ੍ਗਹਣਂ ਦੁਤਿਯਸਮ੍ਪਿਣ੍ਡਨਤ੍ਥਂ.
ਸਕ੍ਕਮਨ੍ਧਾਤੁਇਚ੍ਚੇਵਮਾਦੀਨਮਨ੍ਤੋ ਉਤ੍ਤਮਾਪਜ੍ਜਤੇ ਸਸ੍ਮਿਂ, ਸਲੋਪੋ ਚ ਹੋਤਿ.
ਸਕ੍ਕਮਨ੍ਧਾਤੁ ਇਵ ਅਸ੍ਸ ਰਾਜਿਨੋ ਵਿਭਵੋ. ਏਵਂ ਕਤ੍ਤੁ, ਗਨ੍ਤੁ, ਦਾਤੁ ਇਚ੍ਚੇਵਮਾਦੀ.
ਪੁਨਾਰਮ੍ਭਗ੍ਗਹਣਂ ਕਿਮਤ੍ਥਂ? ਨਿਚ੍ਚਦੀਪਨਤ੍ਥਂ. ਸਕ੍ਕਮਨ੍ਧਾਤੁ.
ਚਗ੍ਗਹਣਂ ਦੁਤਿਯਸਮ੍ਪਿਣ੍ਡਨਤ੍ਥਂ.
ਤਤੋ ਆਰਾਦੇਸਤੋ ਸਬ੍ਬੇਸਂ ਯੋ ਨਂ ਓਕਾਰਾਦੇਸੋ ਹੋਤਿ.
ਸਤ੍ਥਾਰੋ, ਪਿਤਰੋ, ਮਾਤਰੋ, ਭਾਤਰੋ, ਕਤ੍ਤਾਰੋ, ਵਤ੍ਤਾਰੋ.
ਤੁਗ੍ਗਹਣੇਨ ਅਞ੍ਞਸ੍ਮਾਪਿ ਯੋਨਂ ਓਕਾਰੋ ਹੋਤਿ. ਚਤੁਰੋ ਜਨਾ, ਗਾਵੋ, ਉਭੋ ਪੁਰਿਸਾ.
੨੦੬, ੧੬੫. ਤਤੋ ¶ ਸ੍ਮਿਮਿ.
ਤਤੋ ਆਰਾਦੇਸਤੋ ਸ੍ਮਿਂਵਚਨਸ੍ਸ ਇਕਾਰਾਦੇਸੋ ਹੋਤਿ.
ਸਤ੍ਥਰਿ, ਪਿਤਰਿ, ਮਾਤਰਿ, ਧੀਤਰਿ, ਭਾਤਰਿ, ਕਤ੍ਤਰਿ, ਵਤ੍ਤਰਿ.
ਪੁਨ ਤਤੋਗਹਣੇਨ ਅਞ੍ਞਸ੍ਮਾਪਿ ਸ੍ਮਿਂਵਚਨਸ੍ਸ ਇਕਾਰੋ ਹੋਤਿ. ਭੁਵਿ.
ਤਤੋ ਆਰਾਦੇਸਤੋ ਨਾਵਚਨਸ੍ਸ ਆਆਦੇਸੋ ਹੋਤਿ.
ਸਤ੍ਥਾਰਾ, ਪਿਤਰਾ, ਮਾਤਰਾ, ਭਾਤਰਾ, ਧੀਤਰਾ, ਕਤ੍ਤਾਰਾ, ਵਤ੍ਤਾਰਾ.
ਆਰਾਦੇਸੋ ਰਸ੍ਸਮਾਪਜ੍ਜਤੇ ਇਕਾਰੇ ਪਰੇ.
ਸਤ੍ਥਰਿ, ਪਿਤਰਿ, ਮਾਤਰਿ, ਧੀਤਰਿ, ਕਤ੍ਤਰਿ, ਵਤ੍ਤਰਿ.
ਪਿਤਾਦੀਨ ਮਾਰਾਦੇਸੋ ਰਸ੍ਸਮਾਪਜ੍ਜਤੇ ਅਸਿਮ੍ਹਿ ਵਿਭਤ੍ਤਿਮ੍ਹਿ.
ਪਿਤਰਾ, ਮਾਤਰਾ, ਭਾਤਰਾ, ਮੀਤਰਾ ਪਿਤਰੋ, ਮਾਤਰੋ, ਭਾਤਰੋ, ਧੀਤਰੋ.
ਅਸਿਮ੍ਹਿਗ੍ਗਹਣਂ ¶ ਤੋਮ੍ਹਿ ਪਰੇ ਇਕਾਰਾਦੇਸਞਾਪਨਤ੍ਥਂ. ਮਾਤਿਤੋ, ਪਿਤਿਤੋ, ਭਾਤਿਤੋ, ਦੁਹਿਤਿਤੋ.
੨੧੦, ੨੩੯. ਤਯਾਤਯੀਨਂ ਤਕਾਰੋ ਤ੍ਵਤ੍ਤਂ ਵਾ.
ਤਯਾਤਯਿ ਇਚ੍ਚੇਤੇਸਂ ਤਕਾਰੋ ਤ੍ਵਤ੍ਤਮਾਪਜ੍ਜਤੇ ਵਾ.
ਤ੍ਵਯਾ, ਤਯਾ, ਤ੍ਵਯਿ, ਤਯਿ.
ਏਤੇਸਮਿਤਿ ਕਿਮਤ੍ਥਂ? ਤੁਵਂ, ਤਵਂ.
ਇਤਿ ਨਾਧਕਪ੍ਪੇ ਤਤਿਯੋ ਕਣ੍ਡੋ.
ਚਤੁਤ੍ਥਕਣ੍ਡ
੨੧੧, ੧੨੬. ਅਤ੍ਤਨ੍ਤੋ ਹਿਸ੍ਮਿ’ਮਨਤ੍ਤਂ.
ਤਸ੍ਸ ਅਤ੍ਤਨੋ ਅਨ੍ਤੋ ਅਨਤ੍ਤਮਾਪਜ੍ਜਤੇ ਹਿਮ੍ਹਿ ਵਿਭਤ੍ਤਿਮ੍ਹਿ.
ਅਤ੍ਤਨੇਹਿ, ਅਤ੍ਤਨੇਭਿ.
ਅਤ੍ਤਨ੍ਤੋਤਿ ਕਿਮਤ੍ਥਂ? ਰਾਜੇਹਿ, ਰਾਜੇਭਿ.
ਹਿਸ੍ਮਿਨ੍ਤਿ ਕਿਮਤ੍ਥਂ? ਅਤ੍ਤਨੋ.
ਅਨਤ੍ਤਮਿਤਿਭਾਵਨਿਦ੍ਦੇਸੇਨ ਅਤ੍ਤਸਦ੍ਦਸ੍ਸ ਸਕਾਦੇਸੋ ਹੋਤਿ ਸਬ੍ਬਾਸੁ ਵਿਭਤ੍ਤੀਸੁ. ਸਕੋ, ਸਕਾ, ਸਕਂ, ਸਕੇ.
੨੧੨, ੩੨੯. ਤਤੋ ¶ ਸ੍ਮਿਂਨਿ.
ਤਤੋ ਅਤ੍ਤਤੋ ਸ੍ਮਿਂਵਚਨਸ੍ਸ ਨਿ ਹੋਤਿ. ਅਤ੍ਤਨਿ.
ਤਤੋਅਤ੍ਤਤੋ ਸਸ੍ਸ ਵਿਭਤ੍ਤਿਸ੍ਸ ਨੋ ਹੋਤਿ, ਅਤ੍ਤਨੋ.
ਤਤੋ ਅਤ੍ਤਤੋ ਸ੍ਮਾ ਵਚਨਸ੍ਸ ਨਾ ਹੋਤਿ. ਅਤ੍ਤਨਾ.
ਪੁਨ ਤਤੋਗਹਣੇਨ ਤਸ੍ਸ ਅਤ੍ਤਨੋ ਤਕਾਰਸ੍ਸੇਵ ਰਕਾਰੋ ਹੋਤਿ ਸਬ੍ਬੇਸੁ ਵਚਨੇਸੁ. ਅਤ੍ਰਜੋ, ਅਤ੍ਰਜਂ.
ਝਲਇਚ੍ਚੇਤੇਹਿ ਸ੍ਮਾਵਚਨਸ੍ਸ ਨਾ ਹੋਤਿ.
ਅਗ੍ਗਿਨਾ, ਦਣ੍ਡਿਨਾ, ਭਿਕ੍ਖੁਨਾ, ਸਯਮ੍ਭੁਨਾ.
ਸ੍ਮਾਤਿ ਕਿਮਤ੍ਥਂ? ਅਗ੍ਗਯੋ, ਮੁਨਯੋ, ਇਸਯੋ.
ਤਸ੍ਮਾ ਘਪਤੋ ਸ੍ਮਿਂ ਵਚਨਸ੍ਸ ਯਂ ਹੋਤਿ ਵਾ.
ਕਞ੍ਞਾਯਂ ¶ , ਕਞ੍ਞਾਯ. ਰਤ੍ਤਿਯਂ, ਰਤ੍ਤਿਯਾ. ਇਤ੍ਥਿਯਂ, ਇਤ੍ਥਿਯਾ. ਯਾਗੁਯਂ, ਯਾਗੁਯਾ. ਵਖੁਯਂ, ਵਧੁਯਾ.
ਸਬ੍ਬੇਸਂ ਯੋਨਂ ਨਿ ਹੋਤਿ ਵਾ ਨਪੁਂਸਕੇਹਿ ਲਿਙ੍ਗੇਹਿ.
ਅਟ੍ਠੀਨਿ, ਅਟ੍ਠੀ, ਆਯੂਨਿ, ਆਯੂ.
ਨਪੁਂਸਕੇਹੀਤਿ ਕਿਮਤ੍ਥਂ? ਇਤ੍ਥਿਯੋ.
ਅਕਾਰਨ੍ਤੇਹਿ ਨਪੁਂਸਕਲਿਙ੍ਗੇਹਿ ਯੋਨਂ ਨਿ ਹੋਤਿ ਨਿਚ੍ਚਂ.
ਯਾਨਿ, ਯਾਨਿ. ਤਾਨਿ, ਤਾਨਿ. ਕਾਨਿ, ਕਾਨਿ. ਭਯਾਨਿ, ਭਯਾਨਿ. ਰੂਪਾਨਿ, ਰੂਪਾਨਿ.
ਅਕਾਰਨ੍ਤੇਹਿ ਨਪੁਂਸਕਲਿਙ੍ਗੇਹਿ ਸਿਵਚਨਸ੍ਸ ਅਂ ਹੋਤਿ ਨਿਚ੍ਚਂ.
ਸਬ੍ਬਂ, ਯਂ, ਤਂ, ਕਂ, ਰੂਪਂ.
ਤਤੋ ਨਿਦ੍ਦਿਟ੍ਠੇਹਿ ਲਿਗੇਹਿ ਸੇਸਖਤਾ ਗਸਿਇਚ੍ਚੇਤੇ ਲੋਪਮਾਪਜ੍ਜਨ੍ਤੇ.
ਭੋਤਿ ¶ ਇਤ੍ਥਿ, ਸਾ ਇਤ੍ਥੀ. ਭੋ ਦਣ੍ਡਿ, ਸੋ ਦਣ੍ਡੀ. ਭੋ ਸਤ੍ਥ, ਸੋ ਸਤ੍ਥਾ. ਭੋ ਰਾਜ, ਸੋ ਰਾਜਾ. ਸੇਸਤੋਤਿ ਕਿਮਤ੍ਥਂ? ਪੁਰਿਸੋ ਗਚ੍ਛਤਿ.
ਗਸੀਤਿ ਕਿਮਤ੍ਥਂ? ਇਤ੍ਥਿਯਾ, ਸਤ੍ਥੁਸ੍ਸ.
੨੨੧, ੨੮੨. ਸਬ੍ਬਾਸਮਾਵੁਸੋ ਪਸਗ੍ਗਨਿਪਾਤਾਦੀਹਿ ਚ.
ਸਬ੍ਬਾਸਂ ਵਿਭਤ੍ਤੀਨਂ ਏਕਵਚਨਬਹੁਵਚਨਾਨਂ ਪਠਮਾ ਦੁਤਿਯਾਤਤਿਯਾ ਚਤੁਤ੍ਥੀ ਪਞ੍ਚਮੀ ਛਟ੍ਠੀ ਸਤ੍ਤਮੀਨਂ ਲੋਪੋ ਹੋਤਿ, ਆਵੁਸੋ ਉਪਸਗ੍ਗ ਨਿਪਾਤਇਚ੍ਚੇਵਮਾਦੀਹਿ ਚ,
ਤ੍ਵਂ ਪਨਾਵੁਸੋ, ਤੁਮ੍ਹੇ ਪਨਾਵੁਸੋ, ਪਦਸੋ ਧਮ੍ਮਂ ਵਾਚੇਯ੍ਯ, ਵਿਹਾਰਂ ਸ੍ਵੇ ਉਪਗਚ੍ਛੇਯ੍ਯ.
ਪ, ਪਰਾ, ਨਿ, ਨੀ, ਉ, ਦੁ, ਸਂ, ਵਿ, ਅਵ, ਅਨੁ, ਪਰਿ, ਅਧਿ, ਅਭਿ, ਪਤਿ, ਸੁ, ਆ, ਅਤਿ, ਅਪਿ, ਅਪ, ਉਪ, ਪਹਾਰੋ, ਪਰਾਭਵੋ, ਨਿਹਾਰੋ, ਨੀਹਾਰੋ, ਉਹਾਰੋ, ਦੁਹਾਰੋ, ਸਂਹਾਰੋ, ਵਿਹਾਰੋ, ਅਵਹਾਰੋ, ਅਨੁਹਾਰੋ, ਪਰਿਹਾਰੋ, ਅਧਿਹਾਰੋ, ਅਭਿਹਾਰੋ, ਪਤਿਹਾਰੋ, ਸੁਹਾਰੋ, ਆਹਾਰੋ, ਅਤਿਹਾਰੋ, ਅਪਿਹਾਰੋ, ਅਪਹਾਰੋ, ਉਪਹਾਰੋ, ਏਵਂ ਵੀਸਤਿ ਉਪਸਗ੍ਗੇਹਿ ਚ.
ਯਥਾ, ਤਥਾ, ਏਵਂ, ਖਲੁ, ਖੋ, ਤਤ੍ਰ, ਅਥੋ, ਅਥ, ਹਿ, ਤੁ ਚ, ਵਾ, ਵੋ, ਹਂ, ਅਭਂ, ਅਲਂ, ਏਵ, ਹੋ ਅਹੋ, ਹੇ ¶ , ਅਹੇ, ਰੇ, ਅਰੇ, ਏਵਮਾਦੀਹਿ ਨਿਪਾਤੇਹਿ ਚ ਯੋਜੇਤਬ੍ਬਾਨਿ.
ਚਗ੍ਗਹਣਮ ਵਧਾਰਣਤ੍ਥਂ.
੨੨੨, ੩੪੨. ਪੁਮਸ੍ਸ ਲਿਙ੍ਗਾਦੀਸੁ ਸਮਾਸੇਸੁ.
ਪੁਮਇਚ੍ਚੇਤਸ੍ਸ ਅਨ੍ਤੋ ਲੋਪਮਾਪਜ੍ਜਤੇ ਲਿਙ੍ਗਾਦੀਸੁ ਪਰਪਦੇਸੁ ਸਮਾਸੇਸੁ.
ਪੁਲ੍ਲਿਙ੍ਗਂ, ਪੁਮ੍ਭਾਵੋ, ਪੁਙ੍ਕੋਕਿਲੋ.
ਪੁਮਸ੍ਸੇਤਿ ਕਿਮਤ੍ਥਂ? ਇਤ੍ਥਿਲਿਙ੍ਗਂ, ਨਪੁਂਸਕਲਿਙ੍ਗਂ.
ਲਿਙ੍ਗਾਦੀਸੂਤਿ ਕਿਮਤ੍ਥਂ? ਪੁਮਿਤ੍ਥੀ.
ਸਮਾਸੇਸੂਤਿ ਕਿਮਤ੍ਥਂ? ਪੁਮਸ੍ਸ ਲਿਙ੍ਗਂ.
ਅਂ ਵਚਨਸ੍ਸ ਯਂ ਹੋਤਿ ਵਾ ਈਤੋ ਪਸਞ੍ਞਤੋ.
ਇਤ੍ਥਿਯਂ, ਇਤ੍ਥਿਂ.
ਪਸਞ੍ਞਤੋਤਿ ਕਿਮਤ੍ਥਂ? ਦਣ੍ਡਿਨਂ, ਭੋਗਿਨਂ.
ਅਮਿਤਿ ਕਿਮਤ੍ਥਂ? ਇਤ੍ਥੀਹਿ.
ਤਸ੍ਮਾ ਝਤੋ ਕਤਰਸ੍ਸਾ ਅਂ ਵਚਨਸ੍ਸ ਨਂ ਹੋਤਿ.
ਦਣ੍ਡਿਨਂ ¶ , ਭੋਗਿਨਂ.
ਝਤੋਤਿ ਕਿਮਤ੍ਥਂ? ਵੇਸ੍ਸਭੁਂ.
ਕਤਰਸ੍ਸਾਤਿ ਕਿਮਤ੍ਥਂ? ਕੁਚ੍ਛਿਂ.
ਸਬ੍ਬੇਸਂ ਯੋਨਂ ਝਤੋ ਕਤਰਸ੍ਸਾ ਨੋ ਹੋਤਿ.
ਦਣ੍ਡਿਨੋ ਭੋਗਿਨੋ, ਹੇ ਦਣ੍ਡਿਨੋ, ਹੇ ਭੋਗਿਨੋ.
ਕਤਰਸ੍ਸਾਤਿ ਕਿਮਤ੍ਥਂ? ਅਗ੍ਗਯੋ, ਮੁਨਯੋ, ਇਸਯੋ.
ਝਤੋਤਿ ਕਿਮਤ੍ਥਂ? ਸਯਮ੍ਭੁਨੋ.
ਯੋਨਨ੍ਤਿ ਕਿਮਤ੍ਥਂ? ਦਣ੍ਡਿਨਾ, ਭੋਗਿਨਾ.
ਤਸ੍ਮਾ ਝਤੋ ਕਤਰਸ੍ਸਾ ਸ੍ਮਿਂਵਚਨਸ੍ਸ ਨਿਆਦੇ ਸੋ ਹੋਤਿ.
ਦਣ੍ਡਿਨਿ, ਭੋਗਿਨਿ.
ਕਤਰਸ੍ਸਾਤਿ ਕਿਮਤ੍ਥਂ? ਬ੍ਯਾਧਿਮ੍ਹਿ.
ਕਿਮਿਚ੍ਚੇਤਸ੍ਸ ਕੋ ਚ ਹੋਤਿ ਵਪਚ੍ਚਯੇ ਪਰੇ.
ਕ੍ਵ ¶ ਗਤੋਸਿ ਤ੍ਵਂ ਦੇਵਾਨਂ ਪਿਯਤਿਸ੍ਸ.
ਚਗ੍ਗਹਣੇਨ ਅਵਪਚ੍ਚਯੇ ਪਰੇਪਿ ਕੋ ਚ ਹੋਤਿ. ਕੋ ਤਂਨਿਨ੍ਦਿਤੁ ਮਰਹਤਿ, ਕਥਂ ਬੋਧਯਿਤੁਂ ਧਮ੍ਮਂ.
ਵੇਤਿ ਕਿਮਤ੍ਥਂ? ਕੁਤੋ ਆਗਤੋਸਿ ਤ੍ਵਂ.
ਕਿਮਿਚ੍ਚੇਤਸ੍ਸ ਕੁ ਹੋਤਿ ਹਿਂ ਹਂਇਚ੍ਚੇਤੇਸੁ ਚ. ਕੁਹਿਂ ਗਚ੍ਛਸਿ, ਕੁਲਂ ਗਚ੍ਛਸਿ.
ਚਗ੍ਗਹਣੇਨ ਹਿਞ੍ਚਨਂਦਾਚਨਂ ਪਚ੍ਚਯੇਸੁ ਪਰੇਸੁ ਅਞ੍ਞਤ੍ਥਾਪਿ ਕੁ ਹੋਤਿ. ਕੁਹਿਞ੍ਚਨਂ, ਕੁਦਾਚਨਂ.
ਕਿਮਿਚ੍ਚੇਤਸ੍ਸ ਕੋ ਹੋਤਿ ਸੇਸੇਸੁ ਵਿਭਤ੍ਤਿਪਚ੍ਚਯੇਸੁ ਪਰੇਸੁ.
ਕੋ ਪਕਾਰੋ ਕਥਂ, ਕਂ ਪਕਾਰਂ ਕਥਂ.
ਚਗ੍ਗਹਣਮਨੁਕਡ੍ਢਨਤ੍ਥਂ.
ਕਿਮਿਚ੍ਚੇਤਸ੍ਸ ਕੁ ਹੋਤਿ ਤ੍ਰਤੋਥ ਇਚ੍ਚੇਤੇਸੁ ਚ.
ਕੁਤ੍ਰ, ਕੁਤੋ, ਕੁਤ੍ਥ.
ਚਗ੍ਗਹਣਮਨੁਕਡ੍ਢਨਤ੍ਥਂ,
੨੩੧, ੨੬੩. ਸਬ੍ਬਸ੍ਸੇਤਸ੍ਸ ¶ , ਕਾਰੋ ਵਾ.
ਸਬ੍ਬਸ੍ਸ ਏਤਸਦ੍ਦਸ੍ਸ ਅਕਾਰੋ ਹੋਤਿ ਵਾ ਤੋਥਇਚ੍ਚੇਤੇਸੁ.
ਅਤੋ, ਅਤ੍ਥ, ਏਤ੍ਤੋ, ਏਤ੍ਥ.
ਸਬ੍ਬਸ੍ਸ ਏਤਸਦ੍ਦਸ੍ਸ ਅਕਾਰੋ ਹੋਤਿ ਨਿਚ੍ਚਂ ਤ੍ਰਪਚ੍ਚਯੇ ਪਰੇ.
ਅਤ੍ਰ.
ਸਬ੍ਬਸ੍ਸ ਏਤਸਦ੍ਦਸ੍ਸ ਏਕਾਰੋ ਹੋਤਿ ਵਾ ਤੋਥਇਚ੍ਚੇਤੇਸੁ.
ਏਤ੍ਤੋ, ਅਤੋ, ਏਤ੍ਥ, ਅਤ੍ਥ.
੨੩੪, ੨੬੫. ਇਮਸ੍ਸਿ ਥਂ ਦਾਨਿ ਹ ਤੋ ਧੇਸੁ ਚ.
ਇਮਸਦ੍ਦਸ੍ਸ ਸਬ੍ਬਸ੍ਸੇਵ ਇਕਾਰੋ ਹੋਤਿ ਥਂ ਦਾਨਿਹਤੋ ਧਇਚ੍ਚੇਤੇਸੁ.
ਇਤ੍ਥਂ, ਇਦਾਨਿ, ਇਹ, ਇਤੋ, ਇਧ.
੨੩੫, ੨੮੧. ਅਧੁਨਾਮ੍ਹਿ ¶ ਚ.
ਇਮਸਦ੍ਦਸ੍ਸ ਸਬ੍ਬਸ੍ਸੇਵ ਅਕਾਰੋ ਹੋਤਿ ਧੁਨਾਮ੍ਹਿ ਪਚ੍ਚਯੇ ਪਰੇ.
ਅਧੁਨਾ.
ਚਗ੍ਗਹਣਮਵਧਾਰਣਤ੍ਥਂ.
ਸਬ੍ਬਸ੍ਸੇਵ ਇਮਸਦ੍ਦਸ੍ਸ ਏਤਾਦੇਸੋ ਹੋਤਿ ਰਹਿਮ੍ਹਿ ਪਚ੍ਚਯੇ ਪਰੇ.
ਏਤਰਹਿ.
ਇਤ੍ਥਿਯਂ ਵਤ੍ਤਮਾਨਾਯ ਅਕਾਰਤੋ ਆਪਚ੍ਚਯੋ ਹੋਤਿ.
ਸਬ੍ਬਾ, ਯਾ, ਸਾ, ਕਾ. ਕਤਰਾ.
ਨਦਾਦਿਤੋ ਵਾਅਨਦਾਦਿਤੋਵਾ ਇਤ੍ਥਿਯਂ ਵਤ੍ਤਮਾਨਾਯ ਈਪਚ੍ਚਯੋ ਹੋਤਿ.
ਨਦੀ, ਮਹੀ, ਕੁਮਾਰੀ, ਤਰੁਣੀ, ਸਖੀ, ਇਤ੍ਥੀ.
੨੩੯, ੧੯੦. ਣਵ ¶ ਣਿਕ ਣੇਯ੍ਯ ਣ ਨ੍ਤੁਹਿ.
ਣਵ ਣਿਕ ਣੇਯ੍ਯ ਣ ਨ੍ਤੁਇਚ੍ਚੇਤੇਹਿ ਇਤ੍ਥਿਯਂ ਵਤ੍ਤਮਾਨੇਹਿ ਈਪਚ੍ਚਯੋ ਹੋਤਿ.
ਮਾਣਵੀ, ਪਣ੍ਡਵੀ, ਨਾਵਿਕੀ, ਵੇਨਤੇਯ੍ਯੀ, ਕੁਨ੍ਤੇਯ੍ਯੀ, ਗੋਤਮੀ, ਗੁਣਵਤੀ, ਸਾਮਾਵਤੀ.
੨੪੦, ੧੯੩. ਪਤਿ ਭਿਕ੍ਖੁਰਾਜੀਕਾਰਨ੍ਤੇਹਿ ਇਨੀ.
ਪਤਿ ਭਿਕ੍ਖੁ ਰਾਜੀਕਾਰਨ੍ਤੇਹਿ ਇਤ੍ਥਿਯਂ ਵਤ੍ਤਮਾਨੇਹਿ ਇਨੀਪਚ੍ਚਯੋ ਹੋਤਿ.
ਗਹਪਤਾਨੀ, ਭਿਕ੍ਖੁਨੀ, ਰਾਜਿਨੀ, ਹਤ੍ਥਿਨੀ, ਦਣ੍ਡਿਨੀ, ਮੇਧਾਵਿਨੀ, ਤਪਸ੍ਸਿਨੀ.
ਸਬ੍ਬਸ੍ਸੇਵ ਨ੍ਤੁਪਚ੍ਚਯਸ੍ਸ ਤਕਾਰੋ ਹੋਤਿ ਵਾ ਈਕਾਰੇ ਪਰੇ.
ਗੁਣਵਤੀ, ਗੁਣਵਨ੍ਤੀ, ਕੁਲਵਤੀ, ਕੁਲਵਨ੍ਤੀ, ਸਤਿਮਤੀ. ਸਤਿਮਨ੍ਤੀ, ਮਹਤੀ, ਮਹਨ੍ਤੀ, ਗੋਤ੍ਤਮਤੀ, ਗੋਤ੍ਤਮਨ੍ਤੀ.
ਸਬ੍ਬਸ੍ਸੇਵ ਭਵਨ੍ਤਸਦ੍ਦਸ੍ਸ ਭੋਤਾਦੇਸੋ ਹੋਤਿ ਈਕਾਰੇ ਇਤ੍ਥਿਗਤੇ ਪਰੇ.
ਭੋਤਿ ਅਯ੍ਯੇ, ਭੋਤਿ ਕਞ੍ਞੇ, ਭੋਤਿ ਖਰਾਦਿਯੇ.
੨੪੩, ੧੧੦. ਭੋਗੇ ¶ ਤੁ.
ਸਬ੍ਬਸ੍ਸੇਵ ਭਵਨ੍ਤਸਦ੍ਦਸ੍ਸ ਭੋਆਦੇਸੋ ਹੋਤਿ ਗੇ ਪਰੇ.
ਭੋ ਪੁਰਿਸ, ਭੋ ਅਗ੍ਗਿ, ਭੋ ਰਾਜ, ਭੋ ਸਤ੍ਥ, ਭੋ ਦਣ੍ਡਿ, ਭੋ ਸਯਮ੍ਭੁ.
ਗੇਤਿ ਕਿਮਤ੍ਥਂ? ਭਵਤਾ, ਭਵਂ.
ਤੁਗ੍ਗਹਣੇਨ ਅਞ੍ਞਸ੍ਮਿਮ੍ਪਿ ਵਚਨੇ ਸਬ੍ਬਸ੍ਸ ਭਵਨ੍ਤਸਦ੍ਦਸ੍ਸ ਭੋਨ੍ਤ ਭਨ੍ਤੇ ਭੋਨ੍ਤੋ ਭਦ੍ਦੇ ਭੋਤਾ ਭੋ ਤੋਇਚ੍ਚੇਤੇ ਆਦੇਸਾ ਹੋਨ੍ਤਿ.
ਭੋਨ੍ਤ, ਭਨ੍ਤੇ, ਭੋਨ੍ਤੋ, ਭਦ੍ਦੇ, ਭੋਤਾ, ਭੋਤੋ.
ਅਕਾਰੋ ਚ ਪਿਤਾਦੀਨਮਨ੍ਤੋ ਚ ਅਤ੍ਤਮਾਪਜ੍ਜਤੇ ਗੇ ਪਰੇ.
ਭੋ ਪੁਰਿਸਾ, ਭੋ ਰਾਜਾ, ਭੋ ਪਿਤਾ, ਭੋ ਮਾਤਾ, ਭੋ ਸਤ੍ਥਾ.
ਝਲਪਇਚ੍ਚੇਤੇ ਰਸ੍ਸਮਾਪਜ੍ਜਨ੍ਤੇ ਗੇ ਪਰੇ.
ਭੋ ਦਣ੍ਡਿ, ਭੋ ਸਯਮ੍ਭੁ, ਭੋਤਿ ਇਤ੍ਥਿ, ਭੋਤਿਵਧੁ,
੨੪੬, ੭੩. ਆਕਾਰੋ ¶ ਵਾ.
ਆਕਾਰੋ ਰਸ੍ਸਮਾਪਜ੍ਜਤੇ ਵਾ ਗੇ ਪਰੇ.
ਭੋ ਰਾਜ, ਭੋ ਰਾਜਾ, ਭੋ ਅਤ੍ਤ, ਭੋ ਅਤ੍ਤਾ, ਭੋ ਸਖ, ਭੋ ਸਖਾ, ਭੋ ਸਤ੍ਥ, ਭੋ ਸਤ੍ਥਾ.
ਇਤਿ ਨਾਮਕਪ੍ਪੇ ਚਤੁਤ੍ਥੋ ਕਣ੍ਡੋ.
ਪਞ੍ਚਮਕਣ੍ਡ
੨੪੭, ੨੬੧. ਤ੍ਵਾਦਯੋ ਵਿਭਤ੍ਤਿਸਞ੍ਞਾਯੋ.
ਤੋਆਦਿ ਯੇਸਂ ਪਚ੍ਚਯਾਨਂ, ਤੇ ਹੋਨ੍ਤਿ ਤ੍ਵਾਦਯੋ. ਤੇ ਪਚ੍ਚਯਾ ਤ੍ਵਾਦਯੋ ਵਿਭਤ੍ਤਿਸਞ੍ਞਾਵ ਦਟ੍ਠਬ੍ਬਾ.
ਸਬ੍ਬਤੋ, ਯਤੋ, ਤਤੋ, ਕੁਤੋ, ਅਤੋ, ਇਤੋ, ਸਬ੍ਬਦਾ, ਯਦਾ, ਤਦਾ, ਕਦਾ, ਇਧ, ਇਦਾਨਿ.
੨੪੮, ੨੬੦. ਕ੍ਵਚਿ ਤੋ ਪਞ੍ਚਮ੍ਯਤ੍ਥੇ.
ਕ੍ਵਚਿ ਤੋਪਚ੍ਚਯੋ ਹੋਤਿ ਪਞ੍ਚਮ੍ਯਤ੍ਥੇ.
ਸਬ੍ਬਤੋ, ਯਤੋ, ਤਤੋ, ਕੁਤੋ, ਅਤੋ, ਇਤੋ.
ਕ੍ਵਚੀਤਿ ਕਿਮਤ੍ਥਂ? ਸਬ੍ਬਸ੍ਮਾ, ਇਮਸ੍ਮਾ.
੨੪੯, ੨੬੬. ਤ੍ਰ ¶ ਥ ਸਤ੍ਤਮਿਯਾ ਸਬ੍ਬਨਾਮੇਹਿ.
ਤ੍ਰਥਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਤ੍ਤਮ੍ਯਤ੍ਥੇ ਸਬ੍ਬ ਨਾਮੇਹਿ.
ਸਬ੍ਬਤ੍ਰ, ਸਬ੍ਬਤ੍ਥ, ਯਤ੍ਰ, ਯਤ੍ਥ, ਤਤ੍ਰ, ਤਤ੍ਥ.
ਸਬ੍ਬਇਚ੍ਚੇਤਸ੍ਮਾ ਧਿਪਚ੍ਚਯੋ ਹੋਤਿ ਕ੍ਵਚਿ ਸਤ੍ਤਮ੍ਯਤ੍ਥੇ. ਸਬ੍ਬਧਿ, ਸਬ੍ਬਸ੍ਮਿਂ.
ਕਿਮਿਚ੍ਚੇਤਸ੍ਮਾ ਵਪਚ੍ਚਯੋ ਹੋਤਿ ਸਤ੍ਤਮ੍ਯਤ੍ਥੇ.
ਕ੍ਵ ਗਤੋਸਿ ਤ੍ਵ ਦੇਵਾਨਂਪਿਯਤਿਸ੍ਸ.
ਕਿਮਿਚ੍ਚੇਤਸ੍ਮਾ ਹਿਂਹਂਹਿਞ੍ਚਨਂਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਤ੍ਤਮ੍ਯਤ੍ਥੇ.
ਕੁਹਿਂ, ਕੁਲਂ, ਕੁਹਿਞ੍ਚਨਂ.
ਤਮ੍ਹਾ ਚ ਹਿ ਹਂਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਤ੍ਤਮ੍ਯਤ੍ਥੇ. ਤਹਿਂ, ਤਹਂ.
ਚਗ੍ਗਹਣਂ ¶ ਹਿਞ੍ਚਨਗ੍ਗਹਣਨਿਵਤ੍ਤਨਤ੍ਥਂ.
ਇਮਸ੍ਮਾ ਹਧਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਤ੍ਤਮ੍ਯਤ੍ਥੇ. ਇਹ, ਇਧ.
ਚਗ੍ਗਹਣਮਵਧਾਰਣਤ੍ਥਂ.
ਤਸ੍ਮਾ ਯਤੋ ਹਿਂਪਚ੍ਚਯੋ ਹੋਤਿ ਸਤ੍ਤਮ੍ਯਤ੍ਥੇ. ਯਹਿਂ.
‘‘ਕਾਲੇ’’ਇਚ੍ਚੇਤਂ ਅਧਿਕਾਰਤ੍ਥਂ ਵੇਦਿਤਬ੍ਬਂ.
੨੫੭, ੨੭੯. ਕਿਂਸਬ੍ਬਞ੍ਞੇਕਯਕੁਹਿਦਾਦਾਚਨਂ.
ਕਿਂ ਸਬ੍ਬਅਞ੍ਞ ਏਕ ਯ ਕੁਇਚ੍ਚੇਤੇਹਿ ਦਾ ਦਾਚਨਂਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਾਲੇ ਸਤ੍ਤਮ੍ਯਤ੍ਥੇ.
ਕਦਾ, ਸਬ੍ਬਦਾ, ਅਞ੍ਞਦਾ, ਏਕਦਾ, ਯਦਾ, ਕੁਦਾਚਨਂ.
ਤਇਚ੍ਚੇਤਸ੍ਮਾ ਦਾਨਿ ਦਾਇਚ੍ਚੇਤੇ ਪਚ੍ਚਯਾ ਹੋਨ੍ਤਿ, ਕਾਲੇ ਸਤ੍ਤਮ੍ਯਤ੍ਥੇ.
ਤਦਾਨਿ ¶ , ਤਦਾ.
ਚਗ੍ਗਹਣਮਨੁਕਡ੍ਢਨਤ੍ਥਂ.
੨੫੯, ੨੭੯. ਇਮਸ੍ਮਾ ਰਹਿ ਧੁਨਾ ਦਾਨਿ ਚ.
ਇਮਸ੍ਮਾ ਰਹਿ ਧੁਨਾ ਦਾਨਿਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਾਲੇ ਸਤ੍ਤਮ੍ਯਤ੍ਥੇ.
ਤੇਰਹਿ, ਅਧੁਨਾ, ਇਦਾਨਿ.
ਚਗ੍ਗਹਣਮਨੁਕਡ੍ਢਨਤ੍ਥਂ.
੨੬੦, ੨੭੭. ਸਬ੍ਬਸ੍ਸ ਸੋ ਦਾਮ੍ਹਿ ਵਾ.
ਸਬ੍ਬਇਚ੍ਚੇਤਸ੍ਸ ਸਕਾਰਾਦੇਸੋ ਹੋਤਿ ਵਾ ਦਾਮ੍ਹਿ ਪਚ੍ਚਯੇ ਪਰੇ.
ਸਦਾ, ਸਬ੍ਬਦਾ.
ਅਵਣ੍ਣੋ ਯੇ ਪਚ੍ਚਯੇ ਪਰੇ ਲੋਪਮਾਪਜ੍ਜਤੇ.
ਬਾਹੁਸ੍ਸਚ੍ਚਂ, ਪਣ੍ਡਿਚ੍ਚਂ, ਵੇਪੁਲ੍ਲਂ, ਕਾਰੁਞ੍ਞਂ, ਕੋਸਲ੍ਲਂ, ਸਾਮਞ੍ਞਂ, ਸੋਹਜ੍ਜਂ.
੨੬੨, ੩੯੧. ਵੁਡ੍ਢਸ੍ਸ ਜੋ ਇਯਿਟ੍ਠੇਸੁ.
ਸਬ੍ਬਸ੍ਸੇਵ ਵੁਡ੍ਢਸਦ੍ਦਸ੍ਸ ਜੋਆਦੇਸੋ ਹੋਤਿ ਇਯ ਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਜੇਯ੍ਯੋ ¶ , ਜੇਟ੍ਠੋ.
ਸਬ੍ਬਸ੍ਸੇਵ ਪਸਤ੍ਥਸਦ੍ਦਸ੍ਸ ਸੋਆਦੇਸੋ ਹੋਤਿ, ਜਾਦੇਸੋ ਚ ਇਯਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਸੇਯ੍ਯੋ, ਸੇਟ੍ਠੋ, ਜੇਯ੍ਯੋ, ਜੇਟ੍ਠੋ.
ਸਬ੍ਬਸ੍ਸ ਅਨ੍ਤਿਕਸਦ੍ਦਸ੍ਸ ਨੇਦਾਦੇਸੋ ਹੋਤਿ ਇਯ ਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਨੇਦਿਯੋ, ਨੇਦਿਟ੍ਠੋ.
ਸਬ੍ਬਸ੍ਸ ਬਾਲ਼੍ਹਸਦ੍ਦਸ੍ਸ ਸਾਧਾਦੇਸੋ ਹੋਤਿ ਇਯ ਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਸਾਧਿਯੋ, ਸਾਧਿਟ੍ਠੋ.
ਸਬ੍ਬਸ੍ਸ ਅਪ੍ਪਸਦ੍ਦਸ੍ਸ ਕਣ ਆਦੇਸੋ ਹੋਤਿ ਇਯ ਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਕਣਿਯੋ, ਕਣਿਟ੍ਠੋ.
੨੬੭, ੩੯੬. ਯੁਵਾਨਞ੍ਚ ¶ .
ਸਬ੍ਬਸ੍ਸ ਯੁਵਸਦ੍ਦਸ੍ਸ ਕਣ ਆਦੇਸੋ ਹੋਤਿ ਇਯ ਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਕਨਿਯੋ, ਕਨਿਟ੍ਠੋ.
ਚਗ੍ਗਹਣਮਨੁਕਡ੍ਢਨਤ੍ਥਂ.
੨੬੮, ੩੯੭. ਵਨ੍ਤੁਮਨ੍ਤੁ ਵੀਨਞ੍ਚ ਲੋਪੋ.
ਵਨ੍ਤੁਮਨ੍ਤੁਵੀਇਚ੍ਚੇਤੇਸਂ ਪਚ੍ਚਯਾਨਂ ਲੋਪੋ ਹੋਤਿ ਇਯਇਟ੍ਠਇਚ੍ਚੇਤੇਸੁ ਪਚ੍ਚਯੇਸੁ.
ਗੁਣਿਯੋ, ਗੁਣਿਟ੍ਠੋ, ਸਤਿਯੋ, ਸਤਿਟ੍ਠੋ, ਮੇਧਿਯੋ, ਮੇਧਿਟ੍ਠੋ.
੨੬੯, ੪੦੧. ਯਵਤਂ ਤ ਲ ਣ ਦਕਾਰਾਨਂ ਬ੍ਯਞ੍ਜਨਾਨਿ ਚ ਲ ਞ ਜਕਾਰਤ੍ਤਂ.
ਯਕਾਰਵਨ੍ਤਾਨਂ ਤ ਲ ਣ ਦਕਾਰਾਨਂ ਬ੍ਯਞ੍ਜਨਾਨਿ ਚ ਲ ਞ ਜਕਾਰਤ੍ਤਮਾਪਜ੍ਜਨ੍ਤੇ ਯਥਾਸਙ੍ਖ੍ਯਂ.
ਬਾਹੁਸ੍ਸਚ੍ਚਂ, ਪਣ੍ਡਿਚ੍ਚਂ, ਵੇਪੁਲ੍ਲਂ, ਕਾਰੁਞ੍ਞਂ, ਕੋਸਲ੍ਲਂ, ਨੇਪੁਞ੍ਞਂ, ਸਾਮਞ੍ਞਂ, ਸੋਹਜ੍ਜਂ.
ਯ ਵ ਤਮਿਤਿ ਕਿਮਤ੍ਥਂ? ਤਿਣਦਲਂ.
ਤ ਲ ਣ ਦਕਾਰਾਨਮਿਤਿ ਕਿਮਤ੍ਥਂ? ਆਲਸ੍ਯਂ, ਆਰੋਗ੍ਯਂ.
ਬ੍ਯਞ੍ਜਨਾਨਮਿਤਿ ¶ ਕਿਮਤ੍ਥਂ? ਮਚ੍ਚੁਨਾ.
ਕਾਰਗ੍ਗਹਣਂ ਕਿਮਤ੍ਥਂ? ਯਕਾਰਸ੍ਸ ਮਕਾਰਾਦੇਸਞਾਪਨਤ੍ਥਂ. ਓਪਮ੍ਮਂ.
੨੭੦, ੧੨੦. ਅਮ੍ਹ ਤੁਮ੍ਹਨ੍ਤੁਰਾਜ ਬ੍ਰਹ੍ਮਤ੍ਤ ਸਖਸਤ੍ਥੁ ਪਿਤਾਦੀਹਿਸ੍ਮਾ ਨਾਵ.
ਅਮ੍ਹ ਤੁਮ੍ਹਨ੍ਤੁਰਾਜ ਬ੍ਰਹ੍ਮ ਅਤ੍ਤ ਸਖ ਸਤ੍ਥੁ ਪਿਤੁਇਚ੍ਚੇਵਮਾਦੀਹਿ ਸ੍ਮਾਵਚਨਂ ਨਾਵ ਦਟ੍ਠਬ੍ਬਂ.
ਮਯਾ, ਤਯਾ, ਗੁਣਵਤਾ, ਰਞ੍ਞਾ, ਬ੍ਰਹ੍ਮੁਨਾ, ਅਤ੍ਤਨਾ, ਸਖਿਨਾ, ਸਤ੍ਥਾਰਾ, ਪਿਤਰਾ, ਮਾਤਰਾ, ਭਾਤਰਾ, ਧੀਤਰਾ, ਕਤ੍ਤਾਰਾ, ਵਤ੍ਤਾਰਾ.
ਏਤੇਹੀਤਿ ਕਿਮਤ੍ਥਂ? ਪੁਰਿਸਾ.
ਇਤਿ ਨਾਮਕਪ੍ਪੇ ਪਞ੍ਚਮੋ ਕਣ੍ਡੋ
ਨਾਮਕਪ੍ਪੋ ਨਿਟ੍ਠਿਤੋ.
੩. ਕਾਰਕਕਪ੍ਪ
ਛਟ੍ਠਕਣ੍ਡ
੨੭੧, ੮੮, ੩੦੮. ਯਸ੍ਮਾ ¶ ਦਪੇਤਿ ਭਯਮਾਦਤ੍ਤੇ ਵਾ ਤਦਪਾਦਾਨਂ.
ਯਸ੍ਮਾ ਵਾ ਅਪੇਤਿ, ਯਸ੍ਮਾ ਵਾ ਭਯਂ ਜਾਯਤੇ, ਯਸ੍ਮਾ ਵਾ ਆਦਤ੍ਤੇ, ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਤਂ ਯਥਾ? ਗਾਮਾ ਅਪੇਨ੍ਤਿ ਮੁਨਯੋ, ਨਗਰਾ ਨਿਗ੍ਗਤੋ ਰਾਜਾ, ਚੋਰਾ ਭਯਂ ਜਾਯਤੇ, ਆਚਰਿਯੁਪਜ੍ਝਾਯੇਹਿ ਸਿਕ੍ਖਂ ਗਣ੍ਹਾਤਿ ਸਿਸ੍ਸੋ.
ਅਪਾਦਾਨਮਿਚ੍ਚਨੇਨ ਕ੍ਵਤ੍ਥੋ? ਅਪਾਦਾਨੇ ਪਞ੍ਚਮੀ.
੨੭੨, ੩੦੯. ਧਾਤੁਨਾ ਮਾਨਮੁਪਸਗ੍ਗਯੋਗਾਦ੍ਵੀਸ੍ਵਪਿ ਚ.
ਧਾਤੁਨਾਮਾਨਂ ਪਯੋਗੇ ਚ ਉਪਸਗ੍ਗਯੋਗਾਦੀਸ੍ਵਪਿ ਚ ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਧਾਤੂਨਂ ਪਯੋਗੇ ਤਾਵ ਜਿਇਚ੍ਚੇਤਸ੍ਸ ਧਾਤੁਸ੍ਸ ਪਰਾਪੁਬ੍ਬਸ੍ਸ ਪਯੋਗੇ ਯੋ ਅਸਹੋ, ਸੋ ਅਪਾਦਾਨਸਞ੍ਞੋ ਹੋਤਿ.
ਤਂ ਯਥਾ? ਬੁਦ੍ਧਸ੍ਮਾ ਪਰਾਜੇਨ੍ਤਿ ਅਞ੍ਞਤਿਤ੍ਥਿਯਾ.
ਭੂਇਚ੍ਚੇਤਸ੍ਸ ¶ ਧਾਤੁਸ੍ਸ ਪਪੁਬ੍ਬਸ੍ਸ ਪਯੋਗੇ ਯਤੋ ਅਚ੍ਛਿਨ੍ਨਪ੍ਪਭਵੋ, ਸੋ ਅਪਾਦਾਨਸਞ੍ਞੋ ਹੋਤਿ.
ਤਂ ਯਥਾ? ਹਿਮਵਤਾ ਪਭਵਨ੍ਤਿ ਪਞ੍ਚ ਮਹਾਨਦਿਯੋ, ਅਨਵਤਤ੍ਤਮ੍ਹਾ ਪਭਵਨ੍ਤਿ ਮਹਾਸਰਾ, ਅਚਿਰਵਤਿਯਾ ਪਭਵਨ੍ਤਿ ਕੁਨ੍ਨਦਿਯੋ.
ਨਾਮਪ੍ਪਯੋਗੇਪਿ ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਤਂ ਯਥਾ? ਉਰਸ੍ਮਾ ਜਾਤੋ ਪੁਤ੍ਤੋ, ਭੂਮਿਤੋ ਨਿਗ੍ਗਤੋ ਰਸੋ, ਉਭਤੋ ਸੁਜਾਤੋ ਪੁਤ੍ਤੋ ਮਾਤਿਤੋ ਚ ਪਿਤਿਤੋ ਚ.
ਉਪਸਗ੍ਗਯੋਗੇ ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਤਂ ਯਥਾ? ਅਪਸਾਲਾਯ ਆਯਨ੍ਤਿ ਵਾਣਿਜਾ, ਆਬ੍ਰਹ੍ਮਲੋਕਾ ਸਦ੍ਦੋ ਅਬ੍ਭੁਗ੍ਗਚ੍ਛਤਿ ਉਪਰਿ ਪਬ੍ਬਤਾ ਦੇਵੋ ਵਸ੍ਸਤਿ, ਬੁਦ੍ਧਸ੍ਮਾ ਪਤਿ ਸਾਰਿਪੁਤ੍ਤੋ ਧਮ੍ਮਦੇਸਨਾਯ ਭਿਕ੍ਖੂ ਆਲਪਤਿ ਤੇਮਾਸਂ, ਘਤਮਸ੍ਸ ਤੇਲਸ੍ਮਾ ਪਤਿ ਦਦਾਤਿ, ਉਪ੍ਪਲਮਸ੍ਸ ਪਦੁਮਸ੍ਮਾ ਪਤਿ ਦਦਾਤਿ, ਕਨਕਮਸ੍ਸ ਹਿਰਞ੍ਞਸ੍ਮਾ ਪਤਿ ਦਦਾਤਿ.
ਆਦਿਗ੍ਗਹਣੇਨ ਕਾਰਕਮਜ੍ਝੇਪਿ ਪਞ੍ਚਮੀਵਿਭਤ੍ਤਿ ਹੋਤਿ. ਇਤੋ ਪਕ੍ਖਸ੍ਮਾ ਵਿਜ੍ਝਤਿ ਮਿਗਂ ਲੁਦ੍ਦਕੋ, ਕੋਸਾ ਵਿਜ੍ਝਤਿ ਕੁਞ੍ਜਰਂ, ਮਾਸਸ੍ਮਾ ਭੁਞ੍ਜਤਿ ਭੋਜਨਂ.
ਅਪਿਗ੍ਗਹਣੇਨ ਨਿਪਾਤਪਯੋਗੇਪਿ ਪਞ੍ਚਮੀਵਿਭਤ੍ਤਿ ਹੋਤਿ ਦੁਤਿਯਾ ਚ ਤਤਿਯਾ ਚ. ਰਹਿਤਾ ਮਾਤੁਜਾ ਪੁਞ੍ਞਂ ਕਤ੍ਵਾ ¶ ਦਾਨਂ ਦੇਤਿ, ਰਹਿਤਾ ਮਾਤੁਜਂ, ਰਹਿਤਾ ਮਾਤੁਜੇਨ ਵਾ. ਰਿਤੇ ਸਦ੍ਧਮ੍ਮਾ ਕੁਤੋ ਸੁਖਂ ਲਭਤਿ, ਰਿਤੇ ਸਦ੍ਧਮ੍ਮਂ, ਰਿਤੇ ਸਦ੍ਧਮ੍ਮੇਨ ਵਾ. ਤੇ ਭਿਕ੍ਖੂ ਨਾਨਾ ਕੁਲਾ ਪਬ੍ਬਜਿਤਾ, ਵਿਨਾ ਸਦ੍ਧਮ੍ਮਾ ਨਤ੍ਥਞ੍ਞੋ ਕੋਚਿ ਨਾਥੋ ਲੋਕੇ ਵਿਜ੍ਜਤਿ, ਵਿਨਾ ਸਦ੍ਧਮ੍ਮਂ, ਵਿਨਾ ਸਦ੍ਧਮ੍ਮੇਨ ਵਾ. ਵਿਨਾ ਬੁਦ੍ਧਸ੍ਮਾ, ਵਿਨਾ ਬੁਦ੍ਧਂ, ਵਿਨਾ ਬੁਦ੍ਧੇਨ ਵਾ.
ਚਗ੍ਗਹਣੇਨ ਅਞ੍ਞਤ੍ਥਾਪਿ ਪਞ੍ਚਮੀਵਿਭਤ੍ਤਿ ਹੋਤਿ. ਯਤੋਹਂ ਭਗਿਨਿ ਅਰਿਯਾਯ ਜਾਤਿਯਾ ਜਾਤੋ. ਯਤੋ ਸਰਾਮਿ ਅਤ੍ਤਾਨਂ, ਯਤੋ ਪਤ੍ਤੋਸ੍ਮਿ ਵਿਞ੍ਞੁਤਂ, ਯਤ੍ਵਾਧਿਕਰਣਮੇਨਂ ਚਕ੍ਖੁਨ੍ਦ੍ਰਿਯਂ ਅਸਂਵੁਤਂ ਵਿਹਰਨ੍ਤਂ ਅਭਿਜ੍ਝਾਦੋਮਨਸ੍ਸਾ ਪਾਪਕਾ ਅਕੁਸਲਾ ਧਮ੍ਮਾ ਅਨ੍ਵਾਸਵੇਯ੍ਯੁਂ.
ਰਕ੍ਖਣਤ੍ਥਾਨਂ ਧਾਤੂਨਂ ਪਯੋਗੇ ਯਂ ਇਚ੍ਛਿਤਂ, ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਕਾਕੇ ਰਕ੍ਖਨ੍ਤਿ ਤਣ੍ਡੁਲਾ, ਯਵਾ ਪਟਿਸੇਧੇਨ੍ਤਿ ਗਾਵੋ.
ਯੇਨ ਵਾ ਅਦਸ੍ਸਨਮਿਚ੍ਛਿਤਂ, ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਉਪਜ੍ਝਾਯਾ ਅਨ੍ਤਰਧਾਯਤਿ ਸਿਸ੍ਸੋ, ਮਾਤਰਾ ਚ ਪਿਤਰਾ ਚ ਅਨ੍ਤਰਧਾਯਤਿ ਪੁਤ੍ਤੋ.
ਵਾਤਿ ¶ ਕਿਮਤ੍ਥਂ? ਸਤ੍ਤਮੀਵਿਭਤ੍ਯਤ੍ਤਂ. ਜੇਤਵਨੇ ਅਨ੍ਤਰਧਾਯਤਿ ਭਗਵਾ.
੨੭੫, ੩੧੨. ਦੂਰਨ੍ਤਿ ਕਦ੍ਧ ਕਾਲ ਨਿਮ੍ਮਾਨ ਤ੍ਵਾਲੋਪ ਦਿਸਾਯੋਗਵਿਭਤ੍ਤਾਰਪ੍ਪਯੋਗ ਸੁਦ੍ਧਪ੍ਪਮੋਚਨ ਹੇਤੁ ਵਿਵਿਤ੍ਤਪ੍ਪਮਾਣ ਪੁਬ੍ਬਯੋਗਬਨ੍ਧਨ ਗੁਣਵਚਨ ਪਞ੍ਹ ਕਥਨ ਥੋਕਾਕਤ੍ਤੂਸੁ ਚ.
ਦੂਰਤ੍ਥੇ, ਅਨ੍ਤਿਕਤ੍ਥੇ, ਅਦ੍ਧਨਿਮ੍ਮਾਨੇ, ਕਾਲਨਿਮ੍ਮਾਨੇ, ਤ੍ਵਾਲੋਪੇ, ਦਿਸਾਯੋਗੇ, ਵਿਭਤ੍ਤੇ, ਆਰਪ੍ਪਯੋਗੇ, ਸੁਦ੍ਧੇ, ਪਮੋਚਨੇ, ਹੇਤ੍ਵਤ੍ਥੇ, ਵਿਵਿਤ੍ਤਤ੍ਥੇ, ਪਮਾਣੇ, ਪੁਬ੍ਬਯੋਗੇ, ਬਨ੍ਧਨਤ੍ਥੇ, ਗੁਣਵਚਨੇ, ਪਞ੍ਹੇ, ਕਥਨੇ, ਥੋਕੇ, ਅਕਤ੍ਤਰਿ ਚ ਇਚ੍ਚੇਤੇਸ੍ਵਤ੍ਥੇਸੁ, ਪਯੋਗੇਸੁ ਚ, ਤਂ ਕਾਰਕਂ ਅਪਾਦਾਨਸਞ੍ਞਂ ਹੋਤਿ.
ਦੂਰਤ੍ਥੇਤਾਵ – ਕੀਵ ਦੂਰੋ ਇਤੋ ਨਲ਼ਕਾਰਗਾਮੋ, ਦੂਰਤੋ ਵਾ ਗਮ੍ਮ, ਆਰਕਾ ਤੇ ਮੋਘਪੁਰਿਸਾ ਇਮਸ੍ਮਾ ਧਮ੍ਮਵਿਨਯਾ. ਦੁਤਿਯਾ ਚ ਤਤਿਯਾ ਚ, ਦੂਰਂ ਗਾਮਂ ਆਵਤੋ, ਦੂਰੇਨ ਗਾਮੇਨ ਵਾ ਆਗਤੋ. ਆਰਕਾ ਇਮਂ ਧਮ੍ਮਵਿਨਯਂ, ਅਨੇਨ ਧਮ੍ਮਵਿਨਯੇਨ ਵਾ ਇਚ੍ਚੇਵਮਾਦਿ.
ਅਨ੍ਤਿਕਤ੍ਥੇ – ਅਨ੍ਤਿਕਂ ਗਾਮਾ, ਆਸਨ੍ਨਂ ਗਾਮਾ, ਸਮੀਪਂ ਗਾਮਾ, ਸਮੀਪਂ ਸਦ੍ਧਮ੍ਮਾ. ਦੁਤਿਯਾ ਚ ਤਤਿਯਾ ਚ, ਅਨ੍ਤਿਕਂ ਗਾਮਂ, ਅਨ੍ਤਿਕਂ ਗਾਮੇਨ ਵਾ. ਆਸਨ੍ਨਂ ਗਾਮਂ, ਆਸਨ੍ਨਂ ਗਾਮੇਨ ਵਾ. ਸਮੀਪਂ ਗਾਮਂ. ਸਮੀਪਂ ਗਾਮੇਨ ਵਾ. ਸਮੀਪਂ ਸਦ੍ਧਮ੍ਮਂ, ਸਮੀਪਂ ਸਦ੍ਧਮ੍ਮੇਨ ਵਾ ਇਚ੍ਚੇਵਮਾਦਿ.
ਅਦ੍ਧਨਿਮ੍ਮਾਨੇ ¶ – ਇਤੋ ਮਥੁਰਾਯ ਚਤੂਸੁ ਯੋਜਨੇਸੁ ਸਙ੍ਕਸ੍ਸਂ ਨਾਮ ਨਗਰਂ ਅਤ੍ਥਿ, ਤਤ੍ਥ ਬਹੂ ਜਨਾ ਵਸਨ੍ਤਿ ਇਚ੍ਚੇਵਮਾਦਿ.
ਕਾਲਨਿਮ੍ਮਾਨੇ – ਇਤੋ ਭਿਕ੍ਖਵੇ ਏਕਨਵੁਤਿਕਪ੍ਪੇ ਵਿਪਸ੍ਸੀ ਨਾਮ ਭਗਵਾ ਲੋਕੇ ਉਦਪਾਦਿ, ਇਤੋ ਤਿਣ੍ਣਂ ਮਾਸਾਨਂ ਅਚ੍ਚਯੇਨ ਪਰਿਨਿਬ੍ਬਾਯਿਸ੍ਸਤਿ ਇਚ੍ਚੇਵਮਾਦਿ.
ਤ੍ਵਾਲੋਪੇ ਕਮ੍ਮਾਧਿਕਰਣੇਸੁ – ਪਾਸਾਦਾ ਸਙ੍ਕਮੇਯ੍ਯ, ਪਾਸਾਦਂ ਅਭਿਰੁਹਿਤ੍ਵਾ ਵਾ. ਪਬ੍ਬਤਾ ਸਙ੍ਕਮੇਯ੍ਯ, ਪਬ੍ਬਤਂ ਅਭਿਰੁਹਿਤ੍ਵਾ ਵਾ. ਹਤ੍ਥਿਕ੍ਖਨ੍ਧਾ ਸਙ੍ਕਮੇਯ੍ਯ, ਹਤ੍ਥਿਕ੍ਖਨ੍ਧਂ ਅਭਿਰੁਹਿਤ੍ਵਾ ਵਾ. ਆਸਨਾ ਵੁਟ੍ਠਹੇਯ੍ਯ. ਆਸਨੇ ਨਿਸੀਦਿਤ੍ਵਾ ਵਾ ਇਚ੍ਚੇਵਮਾਦਿ.
ਦਿਸਾਯੋਗੇ – ਅਵਿਚਿਤੋ ਯਾਵ ਉਪਰਿਭਵਗ੍ਗਮਨ੍ਤਰੇ ਬਹੂ ਸਤ੍ਤਨਿਕਾਯਾ ਵਸਨ੍ਤਿ, ਯਤੋ ਖੇਮਂ ਤਤੋ ਭਯਂ, ਪੁਰਤ੍ਥਿਮਤੋ, ਦਕ੍ਖਿਣਤੋ, ਪਚ੍ਛਿਮਤੋ, ਉਤ੍ਤਰਤੋ ਅਗ੍ਗੀ ਪਜ੍ਜਲਨ੍ਤਿ, ਯਤੋ ਅਸ੍ਸੋਸੁਂ ਭਗਵਨ੍ਤਂ, ਉਦ੍ਧਂ ਪਾਦਤਲਾ ਅਧੋ ਕੇਸਮਤ੍ਥਕਾ ਇਚ੍ਚੇਵਮਾਦਿ.
ਵਿਭਤ੍ਤੇ – ਯਤੋ ਪਣੀਤਤਰੋ ਵਾ ਵਿਸਿਟ੍ਠਤਰੋ ਵਾ ਨਤ੍ਥਿ. ਛਟ੍ਠੀ ਚ, ਛਨ੍ਨਵੁਤੀਨਂ ਪਾਸਣ੍ਡਾਨਂ, ਧਮ੍ਮਾਨਂ ਪਵਰਂ ਯਦਿਦਂ ਸੁਗਤਵਿਨਯੋ ਇਚ੍ਚੇਵਮਾਦਿ.
ਆਰਪ੍ਪਯੋਗੇ – ¶ ਗਾਮਧਮ੍ਮਾ ਵਸਲਧਮ੍ਮਾ ਅਸਦ੍ਧਮ੍ਮਾ ਆਰਤਿ ਵਿਰਤਿ ਪਟਿਵਿਰਤਿ, ਪਾਣਾਤਿਪਾਤਾ ਵੇਰਮਣੀ ਇਚ੍ਚੇਵਮਾਦਿ.
ਸੁਦ੍ਧੇ – ਲੋਭਨਿਯੇਹਿ ਧਮ੍ਮੇਹਿ ਸੁਦ੍ਧੋ ਅਸਂਸਟ੍ਠੋ, ਮਾਤਿਤੋ ਚ ਪਿਤਿਤੋ ਚ ਸੁਦ੍ਧੋ ਅਸਂਸਟ੍ਠੋ ਅਨੁਪਕੁਦ੍ਧੋ ਅਗਰਹਿਤੋ ਇਚ੍ਚੇਵਮਾਦਿ.
ਪਮੋਚਨੇ – ਪਰਿਮੁਤ੍ਤੋ ਦੁਕ੍ਖਸ੍ਮਾਤਿ ਵਦਾਮਿ, ਮੁਤ੍ਤੋਸ੍ਮਿ ਮਾਰਬਨ੍ਧਨਾ, ਨ ਤੇ ਮੁਚ੍ਚਨ੍ਤਿ ਮਚ੍ਚੁਨਾ ਇਚ੍ਚੇਵਮਾਦਿ.
ਹੇਤ੍ਵਤ੍ਥੇ – ਕਸ੍ਮਾ ਹੇਤੁਨਾ, ਕੇਨ ਹੇਤੁਨਾ, ਕਿਸ੍ਸ ਹੇਤੁਨਾ, ਕਸ੍ਮਾ ਨੁ ਤੁਮ੍ਹਂ ਦਹਰਾ ਨ ਮੀਯਰੇ, ਕਸ੍ਮਾ ਇਧੇਵ ਮਰਣਂ ਭਵਿਸ੍ਸਤਿ ਇਚ੍ਚੇਵਮਾਦਿ.
ਵਿਵਿਤ੍ਤਤ੍ਥੇ – ਵਿਵਿਤ੍ਤੋ ਪਾਪਕਾ ਧਮ੍ਮਾ, ਵਿਵਿਚ੍ਚੇਵ ਕਾਮੇਹਿ ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ ਇਚ੍ਚੇਵਮਾਦਿ.
ਪਮਾਣੇ – ਦੀਘਸੋ ਨਵਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ ਪਮਾਣਿਕਾ ਕਾਰੇਤਬ੍ਬਾ, ਮਜ੍ਝਿਮਸ੍ਸ ਪੁਰਿਸਸ੍ਸ ਅਡ੍ਢ ਤੇਲ਼ਸਹਤ੍ਥਾ ਇਚ੍ਚੇਵਮਾਦਿ.
ਪੁਬ੍ਬਯੋਗੇ – ਪੁਬ੍ਬੇਵ ਸਮ੍ਮੋਧਾ ਇਚ੍ਚੇਵਮਾਦਿ.
ਬਨ੍ਧਨਤ੍ਥੇ – ਸਤਸ੍ਮਾ ਬਨ੍ਧੋ ਨਰੋ. ਤਤਿਯਾ ਚ, ਸਤੇਨ ਬਨ੍ਧੋ ਨਰੋ ਰਞ੍ਞਾ ਇਣਤ੍ਥੇਨ ਇਚ੍ਚੇਵਮਾਦਿ.
ਗੁਣਵਚਨੇ ¶ – ਪੁਞ੍ਞਾਯ ਸੁਗਤਿਂ ਯਨ੍ਤਿ, ਚਾਗਾਯ ਵਿਪੁਲਂ ਧਨਂ, ਪਞ੍ਞਾਯ ਵਿਮੁਤ੍ਤਿਮਨੋ, ਇਸ੍ਸਰਿਯਾਯ ਜਨਂ ਰਕ੍ਖਤਿ ਰਾਜਾ ਇਚ੍ਚੇਵਮਾਦਿ.
ਪਞ੍ਹੇ ਤ੍ਵਾਲੋਪੇ ਕਮ੍ਮਾਧਿਕਰਣੇਸੁ – ਅਭਿਧਮ੍ਮਾ ਪੁਚ੍ਛਨ੍ਤਿ, ਅਭਿਧਮ੍ਮਂ ਸੁਤ੍ਵਾ, ਅਭਿਧਮ੍ਮੇ ਠਤ੍ਵਾ ਵਾ. ਵਿਨਯਾ ਪੁਚ੍ਛਨ੍ਤਿ, ਵਿਨਯਂ ਸੁਤ੍ਵਾ, ਵਿਨਯੇ ਠਤ੍ਵਾ ਵਾ. ਦੁਤਿਯਾ ਚ ਤਤਿਯਾ ਚ, ਅਭਿਧਮ੍ਮਂ, ਅਭਿਧਮ੍ਮੇਨ ਵਾ. ਵਿਨਯਂ, ਵਿਨਯੇਨ ਵਾ. ਏਵ ਸੁਤ੍ਤਾ, ਗੇਯ੍ਯਾ, ਗਾਥਾਯ, ਵੇਯ੍ਯਾਕਰਣਾ, ਉਦਾਨਾ, ਇਤਿਵੁਤ੍ਤਕਾ, ਜਾਤਕਾ, ਅਬ੍ਭੁਤਧਮ੍ਮਾ, ਵੇਦਲ੍ਲਾ ਇਚ੍ਚੇਵਮਾਦਿ.
ਕਥਨੇ ਤ੍ਵਾਲੋਪੇ ਕਮ੍ਮਾਧਿਕਰਣੇਸੁ – ਅਭਿਧਮ੍ਮਾ ਕਥਯਨ੍ਤਿ, ਅਭਿਧਮ੍ਮਂ ਸੁਤ੍ਵਾ, ਅਭਿਧਮ੍ਮੇ ਠਤ੍ਵਾ ਵਾ. ਵਿਨਯਾ ਕਥਯਨ੍ਤਿ, ਵਿਨਯਂ ਸੁਤ੍ਵਾ, ਵਿਨਯੇ ਠਤ੍ਵਾ ਵਾ. ਦੁਤਿਯਾ ਚ ਤਤਿਯਾ ਚ, ਅਭਿਧਮ੍ਮਂ, ਅਭਿਧਮ੍ਮੇਨ ਵਾ. ਵਿਨਯਂ ਵਿਨਯੇਨ ਵਾ. ਏਵਂ ਸੁਤ੍ਤਾ, ਗੇਯ੍ਯਾ, ਗਾਥਾਯ, ਵੇਯ੍ਯਾਕਰਣਾ, ਉਦਾਨਾ, ਇਤਿਵੁਤ੍ਤਕਾ, ਜਾਤਕਾ, ਅਬ੍ਭੁਤਧਮ੍ਮਾ, ਵੇਦਲ੍ਲਾ ਇਚ੍ਚੇਵਮਾਦਿ.
ਥੋਕੇ – ਥੋਕਾ ਮੁਚ੍ਚਨ੍ਤਿ. ਅਪ੍ਪਮਤ੍ਤਕਾ ਮੁਚ੍ਚਨ੍ਤਿ, ਕਿਚ੍ਛਾ ਮੁਚ੍ਚਨ੍ਤਿ. ਤਤਿਯਾ ਚ. ਥੋਕੇਨ, ਅਪ੍ਪਮਤ੍ਤਕੇਨ, ਕਿਚ੍ਛੇਨ ਵਾ ਇਚ੍ਚੇਵਮਾਦਿ.
ਅਕਤ੍ਤਰਿਚ – ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਉਸ੍ਸਨ੍ਨਤ੍ਤਾ ਵਿਪੁਲਤ੍ਤਾ ਚਕ੍ਖੁਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਇਚ੍ਚੇਵਮਾਦਿ.
ਚਗ੍ਗਹਣੇਨ ¶ ਸੇਸੇਸੁਪਿ ਯੇ ਮਯਾ ਨੋਪਦਿਟ੍ਠਾ ਅਪਾਦਾਨਪਯੋਗਿਕਾ, ਤੇ ਪਯੋਗਵਿਚਕ੍ਖਣੇਹਿ ਯਥਾਯੋਗਂ ਯੋਜੇਤਬ੍ਬਾ.
੨੭੬, ੩੦੨. ਯਸ੍ਸ ਦਾਤੁਕਾਮੋ ਰੋਚਤੇ ਧਾਰਯਤੇ ਵਾ ਤਂ ਸਮ੍ਪਦਾਨਂ.
ਯਸ੍ਸ ਵਾ ਦਾਤੁਕਾਮੋ ਯਸ੍ਸ ਵਾਰੋਚਤੇ, ਯਸ੍ਸ ਵਾ ਧਾਰਯਤੇ, ਤਂ ਕਾਰਕਂ ਸਮ੍ਪਦਾਨਸਞ੍ਞਂ ਹੋਤਿ.
ਸਮਣਸ੍ਸ ਚੀਵਰਂ ਦਦਾਤਿ, ਸਮਣਸ੍ਸ ਰੋਚਤੇ ਸਚ੍ਚਂ, ਦੇਵਦਤ੍ਤਸ੍ਸ ਸੁਵਣ੍ਣਚ੍ਛਤ੍ਤਂ ਧਾਰਯਤੇ ਯਞ੍ਞਦਤ੍ਤੋ.
ਸਮ੍ਪਦਾਨਮਿਚ੍ਚਨੇਨ ਕ੍ਵਤ੍ਥੋ? ਸਮ੍ਪਦਾਨੇ ਚਤੁਤ੍ਥੀ.
ਵਾਤਿ ਵਿਕਪ੍ਪਨਤ੍ਥਂ, ਧਾਤੁਨਾਮਾਨਂ ਪਯੋਗੇ ਵਾ ਉਪਸਗ੍ਗਪ੍ਪਯੋਗੇ ਵਾ ਨਿਪਾਤਪ੍ਪਯੋਗੇ ਵਾ ਸਤਿ ਅਤ੍ਥਵਿਕਪ੍ਪਨਤ੍ਥਂ ਵਾਤਿ ਪਦਂ ਪਯੁਜ੍ਜਤਿ.
੨੭੭, ੩੦੩. ਸਿਲਾਘ ਹਨੁ ਠਾ ਸਪ ਧਾਰ ਪਿਹ ਕੁਧ ਦੁਹਿਸ੍ਸੋਸੂਯ ਰਾਧਿਕ੍ਖ ਪਚ੍ਚਾਸੁਣ ਅਨੁਪਤਿਗਿਣ ਪੁਬ੍ਬਕਤ੍ਤਾਰੋਚਨਤ੍ਥ ਤਦਤ੍ਥ ਤੁਮਤ੍ਥਾਲਮਤ੍ਥ ਮਞ੍ਞਾਨਾਦਰਪ੍ਪਾਣਿਨਿ, ਗਤ੍ਯਤ੍ਥਕਮ੍ਮਨਿ, ਆਸੀਸਤ੍ਥ ਸਮ੍ਮੁਤਿ ਭਿਯ੍ਯ ਸਤ੍ਤਮ੍ਯਤ੍ਥੇਸੁ ਚ.
ਸਿਲਾਘ ਹਨੁ ਠਾ ਸਪ ਧਾਰ ਪਿਹ ਕੁਧ ਦੁਹ ਇਸ੍ਸਇਚ੍ਚੇਤੇਸਂ ਧਾਤੂਨਂ ਪਯੋਗੇ, ਉਸੂਯਤ੍ਥਾਨਞ੍ਚ ਪਯੋਗੇ, ਰਾਧਿਕ੍ਖਪ੍ਪਯੋਗੇ, ਪਚ੍ਚਾਸੁਣਅਨੁਪਤਿਗਿਣਾਨਂ ਪੁਬ੍ਬਕਤ੍ਤਰਿ, ਆਰੋਚਨਤ੍ਥੇ ¶ , ਤਦਤ੍ਥੇ, ਤੁਮਤ੍ਥੇ, ਅਲਮਤ੍ਥੇ, ਮਞ੍ਞਤਿਪ੍ਪਯੋਗੇ ਅਨਾਦਰੇ ਅਪ੍ਪਾਣਿਨਿ, ਗਤ੍ਯਤ੍ਥਾਨਂ ਧਾਤੂਨਂ ਕਮ੍ਮਨਿ, ਆਸੀਸਤ੍ਥੇ ਚ ਸਮ੍ਮੁਤਿ ਭਿਯ੍ਯ ਸਤ੍ਤਮ੍ਯਤ੍ਥੇਸੁ ਚ, ਤਂ ਕਾਰਕਂ ਸਮ੍ਪਦਾਨਸਞ੍ਞਂ ਹੋਤਿ.
ਸਿਲਾਘਪ੍ਪਯੋਗੇ ਤਾਵ – ਬੁਦ੍ਧਸ੍ਸ ਸਿਲਾਘਤੇ, ਧਮ੍ਮਸ੍ਸ ਸਿਲਾਘਤੇ, ਸਙ੍ਘਸ੍ਸ ਸਿਲਾਘਤੇ, ਸਕਂਉਪਜ੍ਝਾਯਸ੍ਸ ਸਿਲਾਘਤੇ, ਤਵ ਸਿਲਾਘਤੇ ਮਮ ਸਿਲਾਘਤੇ ਇਚ੍ਚੇਵਮਾਦਿ.
ਹਨੁਪ੍ਪਯੋਗੇ – ਹਨੁਤੇ ਤੁਯ੍ਹਮੇਵ, ਹਨੁਤੇ ਮਯ੍ਹਮੇਵ ਇਚ੍ਚੇਵਮਾਦਿ.
ਠਾਪਯੋਗੇ – ਉਪਤਿਟ੍ਠੇਯ੍ਯ ਸਕ੍ਯਪੁਤ੍ਤਾਨਂ ਵਡ੍ਢਕੀ, ਭਿਕ੍ਖੁਸ੍ਸ ਭੁਞ੍ਜਨ੍ਤਸ੍ਸ ਪਾਨੀਯੇਨ ਵਾ ਵਿਧੂਪਨੇਨ ਵਾ ਉਪਤਿਟ੍ਠੇਯ੍ਯ ਭਿਕ੍ਖੁਨੀ ਇਚ੍ਚੇਵਮਾਦਿ.
ਸਪਪ੍ਪਯੋਗੇ – ਤੁਯ੍ਹਂ ਸਪਤੇ, ਮਯ੍ਹਂ ਸਪਤੇ ਇਚ੍ਚੇਵਮਾਦਿ.
ਧਾਰਪ੍ਪਯੋਗੇ – ਸੁਵਣ੍ਣਂ ਤੇ ਧਾਰਯਤੇ ਇਚ੍ਚੇਵਮਾਦਿ.
ਪਿਹਪ੍ਪਯੋਗੇ – ਬੁਦ੍ਧਸ੍ਸ ਅਞ੍ਞਤਿਤ੍ਥਿਯਾ ਪਿਹਯਨ੍ਤਿ, ਦੇਵਾ ਦਸ੍ਸਨਕਾਮਾ ਤੇ, ਯਤੋ ਇਚ੍ਛਾਮਿ ਭਦ੍ਦਨ੍ਤਸ੍ਸ, ਸਮਿਦ੍ਧਾਨਂ ਪਿਹਯਨ੍ਤਿ ਦਲਿਦ੍ਦਾ ਇਚ੍ਚੇਵਮਾਦਿ.
ਕੁਧਦੁਹਇਸ੍ਸਉਸੂਯਪ੍ਪਯੋਗੇ – ਕੋਧਯਤਿ ਦੇਵ ਦਤ੍ਤਸ੍ਸ, ਤਸ੍ਸ ਕੁਜ੍ਝ ਮਹਾਵੀਰ, ਮਾ ਰਟ੍ਠਂ ਵਿਨਸ੍ਸ ਇਦਂ. ਦੁਹਯਤਿ ¶ ਦਿਸਾਨਂ ਮੇਘੋ, ਤਿਤ੍ਥਿਯਾ ਸਮਣਾਨਂ ਇਸ੍ਸਯਨ੍ਤਿ ਗੁਣਗਿਦ੍ਧੇਨ, ਤਿਤ੍ਥਿਯਾ ਸਮਣਾਨਂ ਇਸ੍ਸਯਨ੍ਤਿ ਲਾਭਗਿਦ੍ਧੇਨ, ਦੁਜ੍ਜਨਾ ਗੁਣਵਨ੍ਤਾਨਂ ਉਸੂਯਨ੍ਤਿ ਗੁਣਗਿਦ੍ਧੇਨ, ਕਾ ਉਸੂਯਾ ਵਿਜਾਨਤਂ ਇਚ੍ਚੇਵਮਾਦਿ.
ਰਾਧ ਇਕ੍ਖ ਇਚ੍ਚੇਤੇਸਂ ਧਾਤੂਨਂ ਪਯੋਗੇ ਯਸ੍ਸ ਅਕਥਿਤਸ੍ਸ ਪੁਚ੍ਛਨਂ ਕਮ੍ਮਵਿਕ੍ਖ੍ਯਾਪਨਤ੍ਥਞ੍ਚ, ਤਂ ਕਾਰਕਂ ਸਮ੍ਪਦਾਨਸਞ੍ਞਂ ਹੋਤਿ, ਦੁਤਿਯਾ ਚ.
ਆਰਾਧੋਹਂ ਰਞ੍ਞੋ, ਆਰਾਧੋਹਂ ਰਾਜਾਨਂ, ਕ੍ਯਾਹਂ ਅਯ੍ਯਾਨਂ ਅਪਰਜ੍ਝਾਮਿ, ਕ੍ਯਾਹਂ ਅਯ੍ਯੇ ਅਪਰਜ੍ਝਾਮਿ, ਚਕ੍ਖੁਂ ਜਨਸ੍ਸ ਦਸ੍ਸਨਾਯ ਤਂ ਵਿਯ ਮਞ੍ਞੇ, ਆਯਸ੍ਮਤੋ ਉਪਾਲਿਤ੍ਥੇਰਸ੍ਸ ਉਪਸਮ੍ਪਦਾਪੇਕ੍ਖੋ ਉਪਤਿਸ੍ਸੋ, ਆਯਸ੍ਮਨ੍ਤਂ ਵਾ ਇਚ੍ਚੇਵਮਾਦਿ.
ਪਚ੍ਚਾਸੁਣ ਅਨੁਪਤਿਗਿਣਾਨਂ ਪੁਬ੍ਬਕਤ੍ਤਰਿ ਸੁਣੋਤਿਸ੍ਸ ਪਚ੍ਚਾਯੋਗੇ ਯਸ੍ਸ ਕਮ੍ਮੁਨੋ ਪੁਬ੍ਬਸ੍ਸ ਯੋ ਕਤ੍ਤਾ, ਸੋ ਸਮ੍ਪਦਾਨਸਞ੍ਞੋ ਹੋਤਿ.
ਤਂ ਯਥਾ? ਭਗਵਾ ਭਿਕ੍ਖੂ ਏਤਦਵੋਚ.
ਭਿਕ੍ਖੂਤਿ ਅਕਥੀਤ ਕਮ੍ਮਂ, ਏਤਨ੍ਤਿ ਕਥਿਤਕਮ੍ਮਂ. ਯਸ੍ਸ ਕਮ੍ਮੁਨੋ ਪੁਬ੍ਬਸ੍ਸ ਯੋ ਕਤ੍ਤਾ, ਸੋ‘ਭਗਵਾ’ਤਿ ‘‘ਯੋ ਕਰੋਤਿ ਸ ਕਤ੍ਤਾ’’ਤਿ ਸੁਤ੍ਤਵਚਨੇਨ ਕਤ੍ਤੁਸਞ੍ਞੋ. ਏਵਂ ਯਸ੍ਸ ¶ ਕਮ੍ਮੁਨੋ ਪੁਬ੍ਬਸ੍ਸ ਯੋ ਕਤ੍ਤਾ, ਸੋ ਸਮ੍ਪਦਾਨਸਞ੍ਞੋ ਹੋਤਿ.
ਤਂ ਯਥਾ? ਤੇ ਭਿਕ੍ਖੂ ਭਗਵਤੋ ਪਚ੍ਚਸ੍ਸੋਸੁਂ, ਆਸੁਣਨ੍ਤਿ ਬੁਦ੍ਧਸ੍ਸ ਭਿਕ੍ਖੂ.
ਗਿਣਸ੍ਸ ਅਨੁਪਤਿਯੋਗੇ ਯਸ੍ਸ ਕਮ੍ਮੁਨੋ ਪੁਬ੍ਬਸ੍ਸ ਯੋ ਕਤ੍ਤਾ, ਸੋ ਸਮ੍ਪਦਾਨਸਞ੍ਞੋ ਹੋਤਿ.
ਤਂ ਯਥਾ? ਭਿਕ੍ਖੁ ਜਨਂ ਧਮ੍ਮਂ ਸਾਵੇਤਿ, ਤਸ੍ਸ ਭਿਕ੍ਖੁਨੋ ਜਨੋ ਅਨੁਗਿਣਾਤਿ, ਤਸ੍ਸ ਭਿਕ੍ਖੁਨੋ ਜਨੋ ਪਤਿਗਿਣਾਤਿ.
ਯੋ ਵਦੇਤਿ ਸ‘ਕਤ੍ਤਾ’ਤਿ,
ਵੁਤ੍ਤਂ ‘ਕਮ੍ਮ’ਨ੍ਤਿ ਵੁਚ੍ਚਤਿ;
ਯੋ ਪਟਿਗ੍ਗਾਹਕੋ ਤਸ੍ਸ,
‘ਸਮ੍ਪਦਾਨਂ’ ਵਿਜਾਨਿਯਾ.
ਇਚ੍ਚੇਵਮਾਦਿ.
ਆਰੋਚਨਤ੍ਥੇ – ਆਰੋਚਯਾਮਿ ਵੋ ਭਿਕ੍ਖਵੇ, ਆਮਨ੍ਤਯਾਮਿ ਵੋ ਭਿਕ੍ਖਵੇ, ਪਟਿਵੇਦਯਾਮਿ ਵੋ ਭਿਕ੍ਖਵੇ, ਆਰੋਚਯਾਮਿ ਤੇ ਮਹਾਰਾਜ, ਆਮਨ੍ਤਯਾਮਿ ਤੇ ਮਹਾਰਾਜ, ਪਟਿਵੇਦਯਾਮਿ ਤੇ ਮਹਾਰਾਜ ਇਚ੍ਚੇਵਮਾਦਿ.
ਤਦਤ੍ਥੇ – ਊਨਸ੍ਸ ਪਾਰਿਪੂਰਿਯਾ ਤਂ ਚੀਵਰਂ ਨਿਕ੍ਖਿਪਿਤਬ੍ਬਂ. ਬੁਦ੍ਧਸ੍ਸ ਅਤ੍ਥਾਯ, ਧਮ੍ਮਸ੍ਸ ਅਤ੍ਥਾਯ, ਸਙ੍ਘਸ੍ਸ ਅਤ੍ਥਾਯ, ਜੀਵਿਤਂ ਪਰਿਚ੍ਚਜਾਮਿ ਇਚ੍ਚੇਵਮਾਦਿ.
ਤੁਮਤ੍ਥੇ ¶ -ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ ਬੁਦ੍ਧੋ ਲੋਕੇ ਉਪ੍ਪਜ੍ਜਤਿ. ਭਿਕ੍ਖੂਨਂ ਫਾਸੁਵਿਹਾਰਾਯ ਵਿਨਯੋ ਪਞ੍ਞਤ੍ਤੋ ਇਚ੍ਚੇਵਮਾਦਿ.
ਅਲਮਤ੍ਥਪ੍ਪਯੋਗੇ-ਅਲਮਿਤਿ ਅਰਹਤਿ ਪਟਿਕ੍ਖਿਤ੍ਤੇਸੁ. ਅਲਂ ਮੇ ਬੁਦ੍ਧੋ, ਅਲਂ ਮੇ ਰਜ੍ਜਂ, ਅਲਂ ਭਿਕ੍ਖੁ ਪਤ੍ਤਸ੍ਸ, ਅਲਂ ਮਲ੍ਲੋ ਮਲ੍ਲਸ੍ਸ, ਅਰਹਤਿ ਮਲ੍ਲੋ ਮਲ੍ਲਸ੍ਸ. ਪਟਿਕ੍ਖਿਤ੍ਤੇ ਅਲਂ ਤੇ ਰੂਪਂ ਕਰਣੀਯਂ, ਅਲਂ ਮੇ ਹਿਰਞ੍ਞਸੁਵਣ੍ਣੇਨ ਇਚ੍ਚੇਵਮਾਦਿ.
ਮਞ੍ਞਤਿਪ੍ਪਯੋਗੇ ਅਨਾਦਰੇ ਅਪ੍ਪਾਣਿਨਿ-ਕਟ੍ਠਸ੍ਸ ਤੁਵਂ ਮਞ੍ਞੇ, ਕਲਿਙ੍ਗਰਸ੍ਸ ਤੁਵਂ ਮਞ੍ਞੇ.
ਅਨਾਦਰੇਤਿ ਕਿਮਤ੍ਥਂ? ਸੁਵਣ੍ਣਂ ਵਿਯ ਤਂ ਮਞ੍ਞੇ.
ਅਪ੍ਪਾਣਿਨੀਤਿ ਕਿਮਤ੍ਥਂ? ਗਦ੍ਰਭਂ ਤੁਵਂ ਮਞ੍ਞੇ ਇਚ੍ਚੇਵਮਾਦਿ.
ਗਤ੍ਯਤ੍ਥਕਮ੍ਮਨਿ-ਗਾਮਸ੍ਸ ਪਾਦੇਨ ਗਤੋ, ਨਗਰਸ੍ਸ ਪਾਦੇਨ ਗਤੋ, ਅਪ੍ਪੋ ਸਗ੍ਗਾਯ ਗਚ੍ਛਤਿ, ਸਗ੍ਗਸ੍ਸ ਗਮਨੇਨ ਵਾ, ਮੂਲਾਯ ਪਟਿਕਸ੍ਸੇਯ੍ਯ ਸਙ੍ਘੋ. ਦੁਤਿਯਾ ਚ, ਗਾਮਂ ਪਾਦੇਨ ਗਤੋ, ਨਗਰਂ ਪਾਦੇਨ ਗਤੋ, ਅਪ੍ਪੋ ਸਗ੍ਗਂ ਗਚ੍ਛਤਿ, ਸਗ੍ਗਂ ਗਮਨੇਨ ਵਾ, ਮੂਲਂ ਪਟਿਕਸ੍ਸੇਯ੍ਯ ਸਙ੍ਘੋ ਇਚ੍ਚੇਵਮਾਦਿ.
ਆਸੀਸਤ੍ਥੇ-ਆਯਸ੍ਮਤੋ ਦੀਘਾਯੁਕੋ ਹੋਤੁ, ਭਦ੍ਦਂ ਭਵਤੋ ਹੋਤੁ, ਕੁਸਲਂ ਭਵਤੋ ਹੋਤੁ, ਅਨਾਮਯਂ ¶ ਭਵਤੋ ਹੋਤੁ, ਸੁਖਂ ਭਵਤੋ ਹੋਤੁ, ਸ੍ਵਾਗਤਂ ਭਵਤੋ ਹੋਤੁ, ਅਤ੍ਥੋ ਭਵਤੋ ਹੋਤੁ, ਹਿਤਂ ਭਵਤੋ ਹੋਤੁ ਇਚ੍ਚੇਵਮਾਦਿ.
ਸਮ੍ਮੁਤਿਪ੍ਪਯੋਗੇ– ਅਞ੍ਞਤ੍ਰ ਸਙ੍ਘਸਮ੍ਮੁਤਿਯਾ ਭਿਕ੍ਖੁਸ੍ਸ ਵਿਪ੍ਪਵਤ੍ਥੁਂ ਨ ਵਟ੍ਟਤਿ, ਸਾਧੁ ਸਮ੍ਮੁਤਿ ਮੇ ਤਸ੍ਸ ਭਗਵਤੋ ਦਸ੍ਸਨਾਯ ਇਚ੍ਚੇਵਮਾਦਿ.
ਭਿਯ੍ਯਪ੍ਪਯੋਗੇ – ਭਿਯ੍ਯੋਸੋ ਮਤ੍ਤਾਯਂ ਇਚ੍ਚੇਵਮਾਦਿ.
ਸਤ੍ਤਮ੍ਯਤ੍ਥੇ – ਤੁਯ੍ਹਞ੍ਚਸ੍ਸ ਆਵਿ ਕਰੋਮਿ, ਤਸ੍ਸ ਮੇ ਸਕ੍ਕੋ ਪਾਤੁਰਹੋਸਿ ਇਚ੍ਚੇਵਮਾਦਿ.
ਅਤ੍ਥਗ੍ਗਹਣੇਨ ਬਹੂਸੁ ਅਕ੍ਖਰਪ੍ਪਯੋਗੇਸੁ ਦਿਸ੍ਸਤਿ.
ਤਂ ਯਥਾ? ਉਪਮਂ ਮਤ ਕਰਿਸ੍ਸਾਮਿ, ਧਮ੍ਮਂ ਵੋ ਦੇਸੇਸ੍ਸਾਮਿ.
ਸਾਰਤ੍ਥੇ ਚ – ਦੇਸੇਤੁ ਭਨ੍ਤੇ ਭਗਵਾ ਧਮ੍ਮਂ ਭਿਕ੍ਖੂਨਂ. ਤਸ੍ਸ ਫਾਸੁ ਵਿਹਾਰਾਯ ਹੋਤਿ, ਏਤਸ੍ਸ ਪਹਿਣੇਯ੍ਯ, ਯਥਾ ਨੋ ਭਗਵਾ ਬ੍ਯਾਕਰੇਯ੍ਯ, ਤਥਾਪਿ ਤੇਸਂ ਬ੍ਯਾਕਰਿਸ੍ਸਾਮ ¶ , ਕਪ੍ਪਤਿ ਸਮਣਾਨਂ ਆਯੋਗੋ, ਅਮ੍ਹਾਕਂ ਮਣਿਨਾ ਅਤ੍ਥੋ, ਕਿਮਤ੍ਥੋ ਮੇ ਬੁਦ੍ਧੇਨ, ਸੇਯ੍ਯੋ ਮੇ ਅਤ੍ਥੋ, ਬਹੂਪਕਾਰਾ ਭਨ੍ਤੇ ਮਹਾਪਜਾ ਪਤਿਗੋਤਮੀ ਭਗਵਤੋ, ਬਹੂਪਕਾਰਾ ਭਿਕ੍ਖਵੇ ਮਾਤਾਪਿਤਰੋ ਪੁਤ੍ਤਾਨਂ ਇਚ੍ਚੇਵਮਾਦਿ.
ਸੇਸੇਸੁ ਅਕ੍ਖਰਪ੍ਪਯੋਗੇਸੁਪਿ ਅਞ੍ਞੇਪਿ ਪਯੋਗਾ ਪਯੋਗਵਿਚਕ੍ਖਣੇਹਿ ਯੋਜੇਤਬ੍ਬਾ.
ਚਗ੍ਗਹਣਂ ਵਿਕਪ੍ਪਨਤ੍ਥਵਾਗ੍ਗਹਣਾਨੁਕਡ੍ਢਨਤ੍ਥਂ. ਯੇ ਕੇਚਿ ਸਦ੍ਦਾ ਸਮ੍ਪਦਾਨਪ੍ਪਯੋਗਿਕਾ ਮਯਾ ਨੋਪਦਿਟ੍ਠਾ, ਤੇਸਂ ਗਹਣਤ੍ਥਂ ਇਧ ਵਿਕਪ੍ਪੀਯਤਿ ਵਾਸਦ੍ਦੋ.
ਤਂ ਯਥਾ? ਭਿਕ੍ਖੁਸਙ੍ਘਸ੍ਸ ਪਭੂ ਅਯਂ ਭਗਵਾ, ਦੇਸਸ੍ਸ ਪਭੂ ਅਯਂ ਰਾਜਾ. ਖੇਤ੍ਤਸ੍ਸ ਪਭੂ ਅਯਂ ਗਹਪਤਿ, ਅਰਞ੍ਞਸ੍ਸ ਪਭੂ ਅਯਂ ਲੁਦ੍ਦਕੋ ਇਚ੍ਚੇਵਮਾਦਿ. ਕ੍ਵਚਿ ਦੁਤਿਯਾ ਤਤਿਯਾ ਪਞ੍ਚਮੀ ਛਟ੍ਠੀ ਸਤ੍ਤਮ੍ਯਤ੍ਥੇਸੁ ਚ.
ਯੋ ਆਧਾਰੋ, ਤਂ ਓਕਾਸਸਞ੍ਞਂ ਹੋਤਿ. ਸ੍ਵਾਧਾਰੋ ਚਤੁਬ੍ਬਿਧੋ ਬ੍ਯਾਪਿਕੋ, ਓਪਸਿਲੇਸਿਕੋ, ਵੇਸਯਿਕੋ ਸਾਮੀਪਿਕੋ ਚਾਤਿ.
ਤਤ੍ਥ ¶ ਬ੍ਯਾਪਿਕੋ ਤਾਵ–ਜਲੇਸੁ ਖੀਰਂ ਤਿਟ੍ਠਤਿ, ਤਿਲੇਸੁ ਤੇਲਂ, ਉਚ੍ਛੂਸੁ ਰਸੋ.
ਓਪਸਿਲੇਸਿਕੋ–ਪਰਿਯਙ੍ਕੇ ਰਾਜਾ ਸੇਤਿ, ਆਸਨੇ ਉਪਵਿਟ੍ਠੋ ਸਙ੍ਘੋ.
ਵੇਸਯਿਕੋ–ਭੂਮੀਸੁ ਮਨੁਸ੍ਸਾ ਚਰਨ੍ਤਿ, ਅਨ੍ਤਲਿਕ੍ਖੇ ਵਾਯੂ ਵਾਯਨ੍ਤਿ. ਆਕਾਸੇ ਸਕੁਣਾ ਪਕ੍ਖਨ੍ਦਨ੍ਤਿ.
ਸਾਮੀਪਿਕੋ–ਵਨੇ ਹਤ੍ਥਿਨੋ ਚਰਨ੍ਤਿ, ਗਙ੍ਗਾਯਂ ਘੋਸੋ ਤਿਟ੍ਠਤਿ, ਵਜੇ ਗਾਵੋ ਦੁਹਨ੍ਤਿ, ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ.
ਓਕਾਸਮਿਚ੍ਚਨੇਨ ਕ੍ਵਤ੍ਥੋ? ਓਕਾਸੇ ਸਤ੍ਤਮੀ.
੨੭੯, ੨੯੨. ਯੇਨ ਵਾ ਕਯਿਰਤੇ ਤਂ ਕਰਣਂ.
ਯੇਨ ਵਾ ਕਯਿਰਤੇ, ਯੇਨ ਵਾ ਪਸ੍ਸਤਿ, ਯੇਨ ਵਾ ਸੁਣਾਤਿ, ਤਂ ਕਾਰਕਂ ਕਰਣਸਞ੍ਞਂ ਹੋਤਿ.
ਦਤ੍ਤੇਨ ਵਿਹਿਂ ਲੁਨਾਤਿ, ਵਾਸਿਯਾ ਕਟ੍ਠਂ ਤਚ੍ਛਤਿ, ਫਰਸੁਨਾ ਰੁਕ੍ਖਂ ਛਿਨ੍ਦਤਿ, ਕੁਦਾਲੇਨ ਪਥਵਿਂ ਖਣਤਿ, ਸਤ੍ਥੇਨ ਕਮ੍ਮਂ ਕਰੋਤਿ. ਚਕ੍ਖੁਨਾ ਰੂਪਂ ਪਸ੍ਸਤਿ.
ਕਰਣਮਿਚ੍ਚਨੇਨ ਕ੍ਵਤ੍ਥੋ? ਕਰਣੇ ਤਤਿਯਾ.
੨੮੦, ੨੮੫. ਯਂ ¶ ਕਰੋਤਿ ਤਂ ਕਮ੍ਮਂ.
ਯਂ ਵਾ ਕਰੋਤਿ, ਯਂ ਵਾ ਪਸ੍ਸਤਿ, ਯਂ ਵਾ ਸੁਣਾਤਿ, ਤਂ ਕਾਰਕਂ ਕਮ੍ਮਸਞ੍ਞਂ ਹੋਤਿ.
ਛਤ੍ਤਂ ਕਰੋਤਿ, ਰਥਂ ਕਰੋਤਿ, ਰੂਪਂ ਪਸ੍ਸਤਿ, ਸਦ੍ਦਂ ਸੁਣਾਤਿ, ਕਣ੍ਟਕਂ ਮਦ੍ਦਤਿ, ਵਿਸਂ ਗਿਲਤਿ.
ਕਮ੍ਮਮਿਚ੍ਚਨੇਨ ਕ੍ਵਤ੍ਥੋ? ਕਮ੍ਮਤ੍ਥੇ ਦੁਤਿਯਾ.
ਯੋ ਕਰੋਤਿ, ਸੋ ਕਤ੍ਤੁਸਞ੍ਞੋ ਹੋਤਿ.
ਅਹਿਨਾ ਦਟ੍ਠੋ ਨਰੋ, ਗਰੁਲ਼ੇਨ ਹਤੋ ਨਾਗੋ. ਬੁਦ੍ਧੇਨ ਜਿਤੋ ਮਾਰੋ, ਉਪਗੁਤ੍ਤੇਨ ਮਾਰੋ ਬਨ੍ਧੋ.
ਕਤ੍ਤੁਇਚ੍ਚਨੇਨ ਕ੍ਵਤ੍ਥੋ? ਕਤ੍ਤਰਿ ਚ.
ਯੋ ਕਤ੍ਤਾਰਂ ਕਾਰੇਤਿ, ਸੋ ਹੇਤੁਸਞ੍ਞੋ ਹੋਤਿ, ਕਤ੍ਤਾ ਚ.
ਸੋ ਪੁਰਿਸੋ ਤਂ ਪੁਰਿਸਂ ਕਮ੍ਮਂ ਕਾਰੇਤਿ ਸੋ ਪੁਰਿਸੋ ਤੇਨ ਪੁਰਿਸੇਨ ਕਮ੍ਮਂ ਕਾਰੇਤਿ, ਸੋ ਪੁਰਿਸੋ ਤਸ੍ਸ ਪੁਰਿਸਸ੍ਸ ਕਮ੍ਮਂ ਕਾਰੇਤਿ. ਏਵਂ ਹਾਰੇਤਿ ਪਾਠੇਤਿ ਪਾਚੇਤਿ, ਧਾਰੇਤਿ.
ਹੇਤੁਇਚ੍ਚਨੇਨ ਕ੍ਵਤ੍ਥੋ? ਧਾਤੂਹਿ ਣੇ ਣਯ ਣਾਪੇ ਣਾਪਯਾ ਕਾਰਿਤਾਨਿ ਹੇਤ੍ਵਤ੍ਥੇ.
੨੮੩, ੩੧੬. ਯਸ੍ਸ ¶ ਵਾ ਪਰਿਗ੍ਗਹੋ ਤਂ ਸਾਮੀ.
ਯਸ੍ਸ ਵਾ ਪਰਿਗ੍ਗਹੋ, ਤਂ ਸਾਮੀਸਞ੍ਞਂ ਹੋਤਿ.
ਤਸ੍ਸ ਭਿਕ੍ਖੁਨੋ ਪਟਿਵੀਸੋ, ਤਸ੍ਸ ਭਿਕ੍ਖੁਨੋ ਪਤ੍ਤੋ, ਤਸ੍ਸ ਭਿਕ੍ਖੁਨੋ ਚੀਵਰਂ, ਅਤ੍ਤਨੋ ਮੁਖਂ.
ਸਾਮੀਇਚ੍ਚਨੇਨ ਕ੍ਵਤ੍ਥੋ? ਸਾਮਿਸ੍ਮਿਂ ਛਟ੍ਠੀ.
ਲਿਙ੍ਗਤ੍ਥਾਭਿਧਾਨਮਤ੍ਤੇ ਪਠਮਾਵਿਭਤ੍ਤਿ ਹੋਤਿ.
ਪੁਰਿਸੋ, ਪੁਰਿਸਾ, ਏਕੋ, ਦ੍ਵੇ, ਚ, ਵਾ, ਹੇ, ਅਹੇ, ਰੇ, ਅਰੇ.
ਆਲਪਨਤ੍ਥਾ ਧਿਕੇ ਲਿਙ੍ਗਤ੍ਥਾਭਿਧਾਨਮਤ੍ਤੇ ਚ ਪਠਮਾਵਿਭਤ੍ਤਿ ਹੋਤਿ.
ਭੋ ਪੁਰਿਸ, ਭਵਨ੍ਤੋ ਪੁਰਿਸਾ, ਭੋ ਰਾਜ, ਭਵਨ੍ਤੋ ਰਾਜਾਨੋ, ਹੇ ਸਖੇ, ਹੇ ਸਖਿਨੋ.
ਕਰਣਕਾਰਕੇ ਤਤਿਯਾਵਿਭਤ੍ਤਿ ਹੋਤਿ.
ਅਗ੍ਗਿਨਾ ਕੁਟਿਂ ਝਾਪੇਤਿ, ਮਨਸਾ ਚੇ ਪਦੁਟ੍ਠੇਨ, ਮਨਸਾ ਚੇ ਪਸਨ੍ਨੇਨ, ਕਾਯੇਨ ਕਮ੍ਮਂ ਕਰੋਤਿ.
੨੮੭, ੨੯੯. ਸਹਾਦਿਯੋਗੇ ¶ ਚ.
ਸਹਾਦਿਯੋਗਤ੍ਥੇ ਚ ਤਤਿਯਾਵਿਭਤ੍ਤਿ ਹੋਤਿ.
ਸਹਾਪਿ ਗਗ੍ਗੇਨ ਸਙ੍ਘੋ ਉਪੋਸਥਂ ਕਰੇਯ੍ਯ, ਵਿਨਾਪਿ ਗਗ੍ਗੇਨ, ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ, ਸਹਸ੍ਸੇਨ ਸਮਂ ਮਿਤਾ.
ਕਤ੍ਤਰਿ ਚ ਤਤਿਯਾਵਿਭਤ੍ਤਿ ਹੋਤਿ.
ਰਞ੍ਞਾ ਹਤੋ ਪੋਸੋ, ਯਕ੍ਖੇਨ ਦਿਨ੍ਨੋ ਵਰੋ, ਅਹਿਨਾ ਦਟ੍ਠੋ ਨਰੋ.
ਹੇਤ੍ਵਤ੍ਥੇ ਚ ਤਤਿਯਾਵਿਭਤ੍ਤਿ ਹੋਤਿ.
ਅਨ੍ਨੇਨ ਵਸਤਿ, ਧਮ੍ਮੇਨ ਵਸਤਿ, ਵਿਜ੍ਜਾਯ ਵਸਤਿ, ਸਕ੍ਕਾਰੇਨ ਵਸਤਿ.
ਸਤ੍ਤਮ੍ਯਤ੍ਥੇ ਚ ਤਤਿਯਾਵਿਭਤ੍ਤਿ ਹੋਤਿ.
ਤੇਨ ¶ ਕਾਲੇਨ, ਤੇਨ ਸਮਯੇਨ. (ਯੇਨ ਕਾਲੇਨ, ਯੇਨ ਸਮਯੇਨ,) ਤੇਨ ਖੋ ਪਨ ਸਮਯੇਨ.
ਯੇਨ ਬ੍ਯਾਧਿਮਤਾ ਅਙ੍ਗੇਨ ਅਙ੍ਗਿਨੋ ਵਿਕਾਰੋ ਲਕ੍ਖੀਯਤੇ. ਤਤ੍ਥ ਤਤਿਯਾਵਿਭਤ੍ਤਿ ਹੋਤਿ.
ਅਕ੍ਖਿਨਾ ਕਾਣੋ, ਹਤ੍ਥੇਨ ਕੁਣੀ, ਕਾਣਂ ਪਸ੍ਸਤਿ ਨੇਤ੍ਤੇਨ, ਪਾਦੇਨ ਖਞ੍ਜੋ, ਪਿਟ੍ਠਿਯਾ ਖੁਜ੍ਜੋ.
ਵਿਸੇਸਨਤ੍ਥੇ ਚ ਤਤਿਯਾਵਿਭਤ੍ਤਿ ਹੋਤਿ.
ਗੋਤ੍ਤੇਨ ਗੋਤਮੋ ਨਾਥੋ, ਸੁਵਣ੍ਣੇਨ ਅਭਿਰੂਪੋ, ਤਪਸਾ ਉਤ੍ਤਮੋ.
ਸਮ੍ਪਦਾਨਕਾਰਕੇ ਚਤੁਤ੍ਥੀਵਿਭਤ੍ਤਿ ਹੋਤਿ.
ਬੁਦ੍ਧਸ੍ਸ ਵਾ ਧਮ੍ਮਸ੍ਸ ਵਾ ਸਙ੍ਘਸ੍ਸ ਵਾ ਦਾਨਂ ਦੇਤਿ, ਦਾਤਾ ਹੋਤਿ ਸਮਣਸ੍ਸ ਵਾ ਬ੍ਰਾਹ੍ਮਣਸ੍ਸ ਵਾ.
ਨਮੋਯੋਗਾਦੀਸ੍ਵਪਿ ਚ ਚਤੁਤ੍ਥੀਵਿਭਤ੍ਤਿ ਹੋਤਿ.
ਨਮੋ ¶ ਤੇ ਬੁਦ੍ਧ ਵੀਰਤ੍ਥੁ, ਸੋਤ੍ਥਿ ਪਜਾਨਂ, ਨਮੋ ਕਰੋਹਿ ਨਾਗਸ੍ਸ, ਸ੍ਵਾਗਤਂ ਤੇ ਮਹਾਰਾਜ.
ਅਪਾਦਾਨਕਾਰਕੇ ਪਞ੍ਚਮੀਵਿਭਤ੍ਤਿ ਹੋਤਿ.
ਪਾਪਾ ਚਿਤ੍ਤਂ ਨਿਵਾਰਯੇ, ਅਬ੍ਭਾ ਮੁਤ੍ਤੋਵ ਚਨ੍ਦਿਮਾ, ਭਯਾ ਮੁਚ੍ਚਤਿ ਸੋ ਨਰੋ.
ਕਾਰਣਤ੍ਥੇ ਚ ਪਞ੍ਚਮੀਵਿਭਤ੍ਤਿ ਹੋਤਿ.
ਅਨਨੁਬੋਧਾ ਅਪ੍ਪਟਿਵੇਧਾ ਚਤੁਨ੍ਨਂ ਅਰਿਯਸਚ੍ਚਾਨਂ ਯਥਾਭੂਤਂ ਅਦਸ੍ਸਨਾ.
ਕਮ੍ਮਤ੍ਥੇ ਦੁਤਿਯਾਵਿਭਤ੍ਤਿ ਹੋਤਿ.
ਗਾਵਂ ਹਨਤਿ, ਵੀਹਯੋ ਲੁਨਾਤਿ, ਸਤ੍ਥਂ ਕਰੋਤਿ, ਘਟਂ ਕਰੋਤਿ, ਰਥਂ ਕਰੋਤਿ, ਧਮ੍ਮਂ ਸੁਣਾਤਿ, ਬੁਦ੍ਧਂ ਪੂਜੇਤਿ, ਵਾਚਂ ਭਾਸਤੀ, ਤਣ੍ਡੁਲਂ ਵਚਤਿ, ਚੋਰਂ ਘਾਤੇਤਿ.
੨੯੮, ੨੮੭. ਕਾਲਦ੍ਧਾਨਮਚ੍ਚਨ੍ਤਸਂਯੋਗੇ.
ਕਾਲਦ੍ਧਾਨਂ ਅਚ੍ਚਨ੍ਤਸਂਯੋਗੇ ਦੁਤਿਯਾਵਿਭਤ੍ਤਿ ਹੋਤਿ.
ਮਾਸਂ ¶ ਮਂਸੋਦਨਂ ਭੁਞ੍ਜਤਿ, ਸਰਦਂ ਰਮਣੀਯਾ ਨਦੀ, ਮਾਸਂ ਸਜ੍ਝਾਯਤਿ, ਯੋਜਨਂ ਵਨਰਾਜਿ, ਯੋਜਨਂ ਦੀਘੋ ਪਬ੍ਬਤੋ, ਕੋਸਂ ਸਜ੍ਝਾਯਤਿ.
ਅਚ੍ਚਨ੍ਤਸਂਯੋਗੇਤਿ ਕਿਮਤ੍ਥਂ? ਸਂਵਚ੍ਛਰੇ ਭੋਜਨਂ ਭੁਞ੍ਜਤਿ.
ਕਮ੍ਮਪ੍ਪਵਚਨੀਯਯੁਤ੍ਤੇ ਦੁਤਿਯਾਵਿਭਤ੍ਤਿ ਹੋਤਿ.
ਤਂ ਖੋ ਪਨ ਭਵਨ੍ਤਂ ਗੋਤਮਂ ਏਵਂ ਕਲ੍ਯਾਣੋ ਕਿਤ੍ਤਿਸਦ੍ਦੋ ਅਬ੍ਭੁਗ੍ਗਤੋ, ਪਬ੍ਬਜਿਤਮਨੁਪਬ੍ਬਜਿਂਸੁ.
੩੦੦, ੨੮੬. ਗਤਿ ਬੁਦ੍ਧਿ ਭੁਜ ਪਠ ਹਰ ਕਰ ਸਯਾਦੀਨਂ ਕਾਰਿਤੇ ਵਾ.
ਗਤਿ ਬੁਦ੍ਧਿ ਭੁਜ ਪਠ ਹਰ ਕਰ ਸਯਾਦੀਨਂ ਪਯੋਗੇ ਕਾਰਿਤੇ ਦੁਤਿਯਾਵਿਭਤ੍ਤਿ ਹੋਤਿ ਵਾ.
ਪੁਰਿਸੋ ਪੁਰਿਸਂ (ਗਾਮਂ) ਗਾਮਯਤਿ, ਪੁਰਿਸੋ ਪੁਰਿਸੇਨ ਵਾ, ਪੁਰਿਸੋ ਪੁਰਿਸਸ੍ਸ ਵਾ. ਏਵਂ ਬੋਧਯਤਿ, ਭੋਜਯਤਿ, ਪਾਠਯਤਿ, ਹਾਰਯਤਿ, ਕਾਰਯਤਿ, ਸਯਾਪਯਤਿ. ਏਵਂ ਸਬ੍ਬਤ੍ਥ ਕਾਰਿਤੇ.
ਸਾਮਿਸ੍ਮਿਂ ਛਟ੍ਠੀਵਿਭਤ੍ਤਿ ਹੋਤਿ.
ਤਸ੍ਸ ¶ ਭਿਕ੍ਖੁਨੋ ਪਟਿਵੀਸੋ, ਤਸ੍ਸ ਭਿਕ੍ਖੁਨੋ ਪਤ੍ਤੋ, ਤਸ੍ਸ ਭਿਕ੍ਖੁਨੋ ਚੀਵਰਂ, ਅਤ੍ਤਨੋ ਮੁਖਂ.
ਓਕਾਸਕਾਰਕੇ ਸਤ੍ਤਮੀਵਿਭਤ੍ਤਿ ਹੋਤਿ.
ਗਮ੍ਭੀਰੇ ਓਦਕਨ੍ਤਿਕੇ, ਪਾਪਸ੍ਮਿਂ ਰਮਤਿ ਮਨੋ, ਭਗਵਤਿ ਬ੍ਰਹ੍ਮਚਰਿਯਂ ਵੁਸ੍ਸਤਿ ਕੁਲਪੁਤ੍ਤੋ.
੩੦੩, ੩੨੧. ਸਾਮਿਸ੍ਸਰਾਧਿਪਤਿ ਦਾਯਾਦ ਸਕ੍ਖੀਪਤਿਭੂ ਪਸੁਤਕੁਸਲੇਹਿ ਚ.
ਸਾਮੀ ਇਸ੍ਸਰ ਅਧਿਪਤਿ ਦਾਯਾਦ ਸਕ੍ਖੀਪਤਿਭੂ ਪਸੁਤਕੁਸਲ ਇਚ੍ਚੇਤੇਹਿ ਪਯੋਗੇ ਛਟ੍ਠੀਵਿਭਤ੍ਤਿ ਹੋਤਿ, ਸਤ੍ਤਮੀ ਚ.
ਗੋਣਾਨਂ ਸਾਮੀ, ਗੋਣੇਸੁ ਸਾਮੀ, ਗੋਣਾਨਂ ਇਸ੍ਸਰੋ, ਗੋਣੇਸੁ ਇਸ੍ਸਰੋ. ਗੋਣਾਨਂ ਅਧਿਪਤਿ, ਗੋਣੇਸੁ ਅਧਿਪਤਿ. ਗੋਣਾਨਂ ਦਾਯਾਦੋ, ਗੋਣੇਸੁ ਦਾਯਾਦੋ. ਗੋਣਾਨਂ ਸਕ੍ਖੀ, ਗੋਣੇਸੁ ਸਕ੍ਖੀ, ਗੋਣਾਨਂ ਪਤਿਭੂ, ਗੋਣੇਸੁ ਪਤਿਭੂ. ਗੋਣਾਨਂ ਪਸੁਤੋ, ਗੋਣੇਸੁ ਪਸੁਤੋ. ਗੋਣਾਨਂ ਕੁਸਲੋ, ਗੋਣੇਸੁ ਕੁਸਲੋ.
ਨਿਦ੍ਧਾਰਣਤ੍ਥੇ ਚ ਛਟ੍ਠੀਵਿਭਤ੍ਤਿ ਹੋਤਿ, ਸਤ੍ਤਮੀ ਚ.
ਕਣ੍ਹਾ ¶ ਗਾਵੀਨਂ ਸਮ੍ਪਨ੍ਨਖੀਰਤਮਾ, ਕਣ੍ਹਾ ਗਾਵੀਸੁ ਸਮ੍ਪਨ੍ਨਖੀਰਤਮਾ. ਸਾਮਾ ਨਾਰੀਨਂ ਦਸ੍ਸਨੀਯਤਮਾ, ਸਾਮਾ ਨਾਰੀਸੁ ਦਸ੍ਸਨੀਯਤਮਾ. ਮਨੁਸ੍ਸਾਨਂ ਖਤ੍ਤਿਯੋ ਸੂਰਤਮੋ, ਮਨੁਸ੍ਸੇਸੁ ਖਤ੍ਤਿਯੋ ਸੂਰਤਮੋ. ਪਥਿਕਾਨਂ ਧਾਵਨ੍ਤੋ ਸੀਘਤਮੋ, ਪਥਿਕੇਸੁ ਧਾਵਨ੍ਤੋ ਸੀਘਤਮੋ.
ਅਨਾਦਰੇ ਛਟ੍ਠੀਵਿਭਤ੍ਤਿ ਹੋਤਿ, ਸਤ੍ਤਮੀ ਚ.
ਰੁਦਤੋ ਦਾਰਕਸ੍ਸ ਪਬ੍ਬਜਿ, ਰੁਦਨ੍ਤਸ੍ਮਿਂ ਦਾਰਕੇ ਪਬ੍ਬਜਿ.
੩੦੬, ੨੮੯. ਕ੍ਵਚਿ ਦੁਤਿਯਾ ਛਟ੍ਠੀਨਮਤ੍ਥੇ.
ਛਟ੍ਠੀਨਮਤ੍ਥੇ ਕ੍ਵਚਿ ਦੁਤਿਯਾਵਿਭਤ੍ਤਿ ਹੋਤਿ.
ਅਪਿਸ੍ਸੁ ਮਂ ਅਗ੍ਗਿਵੇਸ੍ਸਨ ਤਿਸ੍ਸੋ ਉਪਮਾ ਪਟਿਭਂਸੁ.
ਤਤਿਯਾਸਤ੍ਤਮੀਨਂ ਅਤ੍ਥੇ ਚ ਕ੍ਵਚਿ ਦੁਤਿਯਾਵਿਭਤ੍ਤਿ ਹੋਤਿ.
ਸਚੇ ਮਂ ਸਮਣੋ ਗੋਤਮੋ ਆਲਪਿਸ੍ਸਤਿ, ਤ੍ਵਞ੍ਚ ਮਂ ਨਾਭਿਭਾਸਸਿ. ਏਵਂ ਤਤਿਯਤ੍ਥੇ.
ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ, ਏਕਂ ਸਮਯਂ ਭਗਵਾ. ਏਵਂ ਸਤ੍ਤਮ੍ਯਤ੍ਥੇ.
੩੦੮, ੩੧੭. ਛਟ੍ਠੀ ¶ ਚ.
ਤਤਿਯਾਸਤ੍ਤਮੀਨਂ ਅਤ੍ਥੇ ਚ ਕ੍ਵਚਿ ਛਟ੍ਠੀਵਿਭਤ੍ਤਿ ਹੋਤਿ.
ਕਤੋ ਮੇ ਕਲ੍ਯਾਣੋ, ਕਤਂ ਮੇ ਪਾਪਂ. ਏਵਂ ਤਤਿਯਤ੍ਥੇ.
ਕੁਸਲਾ ਨਚ੍ਚਗੀਤਸ੍ਸ ਸਿਕ੍ਖਿਤਾ ਚਾਤੁਰਿਤ੍ਥਿਯੋ, ਕੁਸਲੋ ਤ੍ਵਂ ਰਥਸ੍ਸ ਅਙ੍ਗਪਚ੍ਚਙ੍ਗਾਨਂ. ਏਵਂ ਸਤ੍ਤਮ੍ਯਤ੍ਥੇ.
ਕ੍ਵਚੀਤਿ ਕਿਮਤ੍ਥਂ? ਯੋ ਵੋ ਆਨਨ੍ਦ ਮਯਾ ਧਮ੍ਮੋ ਚ ਵਿਨਯੋ ਚ ਦੇਸਿਤੋ ਪਞ੍ਞਤ੍ਤੋ, ਆਨਨ੍ਦੋ ਅਤ੍ਥੇਸੁ ਵਿਚਕ੍ਖਣੋ.
ਦੁਤਿਯਾਪਞ੍ਚਮੀਨਞ੍ਚ ਅਤ੍ਥੇ ਕ੍ਵਚਿ ਛਟ੍ਠੀਵਿਭਤ੍ਤਿ ਹੋਤਿ.
ਤਸ੍ਸ ਭਵਨ੍ਤਿ ਵਤ੍ਤਾਰੋ, ਸਹਸਾ ਕਮ੍ਮਸ੍ਸ ਕਤ੍ਤਾਰੋ, ਏਵਂ ਦੁਤਿਯਤ੍ਥੇ.
ਅਸ੍ਸਵਨਤਾ ਧਮ੍ਮਸ੍ਸ ਪਰਿਹਾਯਨ੍ਤਿ, ਕਿਨ੍ਨੁ ਖੋ ਅਹਂ ਤਸ੍ਸ ਸੁਖਸ੍ਸ ਭਾਯਾਮਿ, ਸਬ੍ਬੇ ਤਸਨ੍ਤਿ ਦਣ੍ਡਸ੍ਸ, ਸਬ੍ਬੇ ਭਾਯਨ੍ਤਿ ਮਚ੍ਚੁਨੋ, ਭੀਤੋ ਚਤੁਨ੍ਨਂ ਆਸੀਵਿਸਾਨਂ ਘੋਰਵਿਸਾਨਂ, ਭਾਯਾਮਿ ਘੋਰਵਿਸਸ੍ਸ ਨਾਗਸ੍ਸ. ਏਵਂ ਪਞ੍ਚਮ੍ਯਤ੍ਥੇ.
੩੧੦, ੩੨੪. ਕਮ੍ਮ ¶ ਕਰਣ ਨਿਮਿਤ੍ਤਤ੍ਥੇਸੁ ਸਤ੍ਤਮੀ.
ਕਮ੍ਮਕਰਣਨਿਮਿਤ੍ਤਤ੍ਥੇਸੁ ਸਤ੍ਤਮੀਵਿਭਤ੍ਤਿ ਹੋਤਿ.
ਸੁਨ੍ਦਰਾਵੁਸੋ ਇਮੇ ਆਜੀਵਕਾ ਭਿਕ੍ਖੂਸੁ ਅਭਿਵਾਦੇਨ੍ਤਿ. ਏਵਂ ਕਮ੍ਮਤ੍ਥੇ.
ਹਤ੍ਥੇਸੁ ਪਿਣ੍ਡਾਯ ਚਰਨ੍ਤਿ, ਪਤ੍ਤੇਸੁ ਪਿਣ੍ਡਾਯ ਚਰਨ੍ਤਿ, ਪਥੇਸੁ ਗਚ੍ਛਨ੍ਤਿ. ਏਵਂ ਕਰਣਤ੍ਥੇ.
ਦੀਪਿ ਚਮ੍ਮੇਸੁ ਹਞ੍ਞਤੇ, ਕੁਞ੍ਜਰੋ ਦਨ੍ਤੇਸੁ ਹਞ੍ਞਤੇ, ਏਵਂ ਨਿਮਿਤ੍ਤਤ੍ਥੇ.
ਸਮ੍ਪਦਾਨੇ ਚ ਸਤ੍ਤਮੀਵਿਭਤ੍ਤਿ ਹੋਤਿ.
ਸਙ੍ਘੇ ਦਿਨ੍ਨਂ ਮਹਪ੍ਫਲ, ਸਙ੍ਘੇ ਗੋਤਮੀ ਦੇਹਿ, ਸਙ੍ਘੇ ਤੇ ਦਿਨ੍ਨੇ ਅਹਞ੍ਚੇਵ ਪੂਜਿਤੋ ਭਵਿਸ੍ਸਾਮਿ.
ਪਞ੍ਚਮ੍ਯਤ੍ਥੇ ਚ ਸਤ੍ਤਮੀਵਿਭਤ੍ਤਿ ਹੋਤਿ.
ਕਦਲੀਸੁ ਗਜੇ ਰਕ੍ਖਨ੍ਤਿ.
ਕਾਲਭਾਵੇਸੁ ਚ ਕਤ੍ਤਰਿ ਪਯੁਜ੍ਜਮਾਨੇ ਸਤ੍ਤਮੀਵਿਭਤ੍ਤਿ ਹੋਤਿ.
ਪੁਬ੍ਬਣ੍ਹਸਮਯੇ ¶ ਗਤੋ, ਸਾਯਨ੍ਹਸਮਯੇ ਆਗਤੋ. ਭਿਕ੍ਖੂਸੁ ਭੋਜੀਯਮਾਨੇਸੁ ਗਤੋ, ਭੁਤ੍ਤੇਸੁ ਆਗਤੋ. ਗੋਸੁਦੁਯ੍ਹਮਾਨੇਸੁ ਗਤੋ, ਦੁਦ੍ਧਾਸੁ ਆਗਤੋ.
ਉਪਅਧਿਇਚ੍ਚੇਤੇਸਂ ਪਯੋਗੇ ਅਧਿਕਇਸ੍ਸਰਵਚਨੇ ਸਤ੍ਤਮੀਵਿਭਤ੍ਤਿ ਹੋਤਿ.
ਉਪ ਖਾਰਿਯਂ ਦੋਣੋ, ਉਪ ਨਿਕ੍ਖੇ ਕਹਾਪਣਂ. ਅਧਿ ਬ੍ਰਹ੍ਮਦਤ੍ਤੇ ਪਞ੍ਚਾਲਾ, ਅਧਿ ਨਚ੍ਚੇਸੁ ਗੋਤਮੀ, ਅਧਿ ਦੇਵੇਸੁ ਬੁਦ੍ਧੋ.
੩੧੫, ੩੨੯. ਮਣ੍ਡਿਤੁ’ਸ੍ਸੁਕ੍ਕੇਸੁ ਤਤਿਯਾ.
ਮਣ੍ਡਿਤਉਸ੍ਸੁਕ੍ਕਇਚ੍ਚੇਤੇਸ੍ਵਤ੍ਥੇਸੁ ਤਤਿਯਾਵਿਭਤ੍ਤਿ ਹੋਤਿ, ਸਤ੍ਤਮੀ ਚ.
ਞਾਣੇਨ ਪਸੀਦਿਤੋ, ਞਾਣਸ੍ਮਿਂ ਵਾ ਪਸੀਦਿਤੋ, ਞਾਣੇਨ ਉਸ੍ਸੁਕ੍ਕੋ, ਞਾਣਸ੍ਮਿਂ ਵਾ ਉਸ੍ਸੁਕ੍ਕੋ ਤਥਾਗਤੋ ਵਾ ਤਥਾਗਤਗੋਤ੍ਤੋ ਵਾ.
ਇਤਿ ਨਾਮਕਪ੍ਪੇ ਕਾਰਕਕਪ੍ਪੋ ਛਟ੍ਠੋ ਕਣ੍ਡੋ.
ਕਾਰਕਕਪ੍ਪੋ ਨਿਟ੍ਠਿਤੋ.
੪. ਸਮਾਸਕਪ੍ਪ
ਸਤ੍ਤਮਕਣ੍ਡ
੩੧੬, ੩੩੧. ਨਾਮਾਨਂ ¶ ਸਮਾਸੋ ਯੁਤ੍ਤਤ੍ਥੋ.
ਤੇਸਂ ਨਾਮਾਨਂ ਪਯੁਜ੍ਜਮਾਨਪਦਤ੍ਥਾਨਂ ਯੋ ਯੁਤ੍ਤਤ੍ਥੋ, ਸੋ ਸਮਾਸਸਞ੍ਞੋ ਹੋਤਿ.
ਕਥਿਨਦੁਸ੍ਸਂ, ਆਗਨ੍ਤੁਕਭਤ੍ਤਂ, ਜੀਵਿਤਿਨ੍ਦ੍ਰਿਯਂ, ਸਮਣਬ੍ਰਾਹ੍ਮਣਾ, ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਬ੍ਰਾਹ੍ਮਣ ਗਹਪਤਿਕਾ.
ਨਾਮਾਨਮਿਤਿ ਕਿਮਤ੍ਥਂ? ਦੇਵਦਤ੍ਤੋ ਪਚਤਿ, ਯਞ੍ਞਦਤ੍ਤੋ ਪਚਤਿ.
ਯੁਤ੍ਤਤ੍ਥੋਤਿ ਕਿਮਤ੍ਥਂ? ਭਤੋ ਰਞ੍ਞੋ ਪੁਤ੍ਤੋ ਦੇਵਦਤ੍ਤਸ੍ਸ.
ਸਮਾਸਇਚ੍ਚਨੇਨ ਕ੍ਵਤ੍ਥੋ? ਕ੍ਵਚਿ ਸਮਾਸਨ੍ਤਗਤਾਨਮਕਾਰਨ੍ਤੋ.
੩੧੭, ੩੩੨. ਤੇਸਂ ਵਿਭਤ੍ਤਿਯੋ ਲੋਪਾ ਚ.
ਤੇਸਂ ਯੁਤ੍ਤਤ੍ਥਾਨਂ ਸਮਾਸਾਨਂ ਵਿਭਤ੍ਤਿਯੋ ਲੋਪਾ ਚ ਹੋਨ੍ਤਿ.
ਕਥਿਨਦੁਸ੍ਸਂ ¶ , ਆਗਨ੍ਤੁਕਭਤ੍ਤਂ.
ਤੇਸਂਗਹਣੇਨ ਸਮਾਸਤਦ੍ਧਿਤਾਖ੍ਯਾਤਕਿਤਕਾਨਂ ਵਿਭਤ੍ਤਿਪਚ੍ਚਯਪਦਕ੍ਖਰਾਗਮਾ ਚ ਲੋਪਾ ਹੋਨ੍ਤਿ. ਵਾਸਿਟ੍ਠੋ, ਵੇਨਤੇਯ੍ਯੋ.
ਚਗ੍ਗਹਣ ਮਵਧਾਰਣਤ੍ਥਂ, ਪਭਙ੍ਕਰੋ, ਅਮਤਦ੍ਦਦੋ, ਮੇਧਙ੍ਕਰੋ, ਦੀਪਙ੍ਕਰੋ.
ਲੁਤ੍ਤਾਸੁ ਵਿਭਤ੍ਤੀਸੁ ਅਸ੍ਸ ਸਰਨ੍ਤਸ੍ਸ ਲਿਙ੍ਗਸ੍ਸ ਪਕਤਿਰੂਪਾਨਿ ਹੋਨ੍ਤਿ.
ਚਕ੍ਖੁਸੋਤਂ, ਮੁਖਨਾਸਿਕਂ, ਰਾਜਪੁਤ੍ਤੋ, ਰਾਜਪੁਰਿਸੋ.
੩੧੯, ੩੩੦. ਉਪਸਗ੍ਗਨਿਪਾਤਪੁਬ੍ਬਕੋ ਅਬ੍ਯਯੀਭਾਵੋ.
ਉਪਸਗ੍ਗਨਿਪਾਤਪੁਬ੍ਬਕੋ ਸਮਾਸੋ ਅਬ੍ਯਯੀਭਾਵਸਞ੍ਞੋ ਹੋਤਿ.
ਨਗਰਸ੍ਸ ¶ ਸਮੀਪੇ ਪਵਤ੍ਤਤਿ ਕਥਾ ਇਤਿ ਉਪਨਗਰਂ, ਦਰਥਾਨਂ ਅਭਾਵੋ ਨਿਦ੍ਦਰਥਂ, ਮਕਸਾਨਂ ਅਭਾਵੋ ਨਿਮ੍ਮਕਸਂ, ਵੁਡ੍ਢਾਨਂ ਪਟਿਪਾਟਿ ਯਥਾਵੁਡ੍ਢਂ, ਯੇ ਯੇ ਵੁਡ੍ਢਾ ਵਾ ਯਥਾਵੁਡ੍ਢਂ, ਜੀਵਸ੍ਸ ਯਤ੍ਤਕੋ ਪਰਿਚ੍ਛੇਦੋ ਯਾਵਜੀਵਂ, ਚਿਤ੍ਤਮਧਿਕਿਚ੍ਚ ਪਵਤ੍ਤਨ੍ਤਿ ਤੇ ਧਮ੍ਮਾਤਿ ਅਧਿਚਿਤ੍ਤਂ, ਪਬ੍ਬਤਸ੍ਸ ਤਿਰੋ ਤਿਰੋਪਬ੍ਬਤਂ, ਸੋਤਸ੍ਸ ਪਤਿ ਪਵਤ੍ਤਤਿ ਨਾਵਾ ਇਤਿ ਪਤਿਸੋਤਂ, ਪਾਸਾਦਸ੍ਸ ਅਨ੍ਤੋ ਅਨ੍ਤੋਪਾਸਾਦਂ.
ਅਬ੍ਯਯੀਭਾਵਮਿਚ੍ਚਨੇਨ ਕ੍ਵਤ੍ਥੋ? ਅਂਵਿਭਤ੍ਤੀਨ ਮਕਾਰਨ੍ਤਾ ਅਬ੍ਯਯੀਭਾਵਾ.
ਸੋ ਅਬ੍ਯਯੀਭਾਵਸਮਾਸੋ ਨਪੁਂਸਕਲਿਙ੍ਗੋਵ ਦਟ੍ਠਬ੍ਬੋ.
ਕੁਮਾਰੀਸੁ ਅਧਿਕਿਚ੍ਚ ਪਵਤ੍ਤਤਿ ਕਥਾ ਇਤਿ ਅਧਿਕੁਮਾਰਿ, ਵਧੁਯਾ ਸਮੀਪੇ ਪਵਤ੍ਤਤਿ ਕਥਾ ਇਤਿ ਉਪਵਧੁ, ਗਙ੍ਗਾਯ ਸਮੀਪੇ ਪਵਤ੍ਤਤਿ ਕਥਾ ਇਤਿ ਉਪਗਙ੍ਗਂ, ਮਣਿਕਾਯ ਸਮੀਪੇ ਪਵਤ੍ਤਤਿ ਕਥਾ ਇਤਿ ਉਪਮਣਿਕਂ.
ਦਿਗੁਸ੍ਸ ਸਮਾਸਸ੍ਸ ਏਕਤ੍ਤਂ ਹੋਤਿ, ਨਪੁਂਸਕਲਿਙ੍ਗਤ੍ਤਞ੍ਚ.
ਤਯੋ ¶ ਲੋਕਾ ਤਿਲੋਕਂ, ਤਯੋ ਦਣ੍ਡਾ ਤਿਦਣ੍ਡਂ, ਤੀਣਿ ਨਯਨਾਨਿ ਤਿਨਯਨਂ, ਤਯੋ ਸਿਙ੍ਗਾ ਤਿਸਿਙ੍ਗਂ. ਚਤਸ੍ਸੋ ਦਿਸਾ ਚਤੁਦ੍ਦਿਸਂ, ਪਞ੍ਚ ਇਨ੍ਦ੍ਰਿਯਾਨਿ ਪਞ੍ਚਿਨ੍ਦ੍ਰਿਯਂ.
੩੨੨, ੩੫੯. ਤਥਾ ਦ੍ਵਨ੍ਦੇ ਪਾਣਿ ਤੂਰਿਯ ਯੋਗ੍ਗਸੇਨਙ੍ਗਖੁਦ੍ਦਜਨ੍ਤੁਕ ਵਿਵਿਧਵਿਰੁਦ੍ਧ ਵਿਸਭਾਗਤ੍ਥਾਦੀਨਞ੍ਚ.
ਤਥਾ ਦ੍ਵਨ੍ਦੇ ਸਮਾਸੇ ਪਾਣਿ ਤੂਰਿਯ ਯੋਗ੍ਗ ਸੇਨਙ੍ਗਖੁਦ੍ਦਜਨ੍ਤੁਕ ਵਿਵਿਧਵਿਰੁਦ੍ਧ ਵਿਸਭਾਗਤ੍ਥਇਚ੍ਚੇਵਮਾਦੀਨਂ ਏਕਤ੍ਤਂ ਹੋਤਿ, ਨਪੁਂਸਕਲਿਙ੍ਗਤ੍ਤਞ੍ਚ.
ਤਂ ਯਥਾ? ਚਕ੍ਖੁ ਚ ਸੋਤਞ੍ਚ ਚਕ੍ਖੁਸੋਤਂ, ਮੁਖਞ੍ਚ ਨਾਸਿਕਾ ਚ ਮੁਖਨਾਸਿਕਂ, ਛਵਿ ਚ ਮਂਸਞ੍ਚ ਲੋਹਿਤਞ੍ਚ ਛਵਿਮਂਸਲੋਹਿਤਂ. ਏਵਂ ਪਾਣ੍ਯਙ੍ਗਤ੍ਥੇ.
ਸਙ੍ਖੋ ਚ ਪਣਵੋ ਚ ਸਙ੍ਖਪਣਵਂ, ਗੀਤਞ੍ਚ ਵਾਦਿਤਞ੍ਚ ਗੀਤਵਾਦਿਤਂ, ਦਦ੍ਦਰਿ ਚ ਡਿਣ੍ਡਿਮੋ ਚ ਦਦ੍ਦਰਿਡਿਣ੍ਡਿਮਂ. ਏਵਂ ਤੂਰਿਯਙ੍ਗਤ੍ਥੇ.
ਫਾਲੋ ਚ ਪਾਚਨਞ੍ਚ ਫਾਲਪਾਚਨਂ, ਯੁਗਞ੍ਚ ਨਙ੍ਗਲਞ੍ਚ ਯੁਗਨਙ੍ਗਲਂ. ਏਵਂ ਯੋਗ੍ਗਙ੍ਗਤ੍ਥੇ.
ਅਸਿ ਚ ਚਮ੍ਮਞ੍ਚ ਅਸਿਚਮ੍ਮਂ, ਧਨੁ ਚ ਕਲਾਪੋ ਚ ਧਨੁਕਲਾਪਂ, ਹਤ੍ਥੀ ਚ ਅਸ੍ਸੋ ਚ ਹਤ੍ਥਿਅਸ੍ਸਂ, ਰਥੋ ਚ ਪਤ੍ਤਿਕੋ ਚ ਰਥਪਤ੍ਤਿਕਂ. ਏਵਂ ਸੇਨਙ੍ਗਤ੍ਥੇ.
ਡਂਸਾ ¶ ਚ ਮਕਸਾ ਚ ਡਂਸਮਕਸਂ, ਕੁਨ੍ਥੋ ਚ ਕਿਪਿਲ੍ਲਿਕੋ ਚ ਕੁਨ੍ਥਕਿਪਿਲ੍ਲਿਕਂ, ਕੀਟੋ ਚ ਸਰੀਸਪੋ ਚ ਕੀਟਸਰੀਸਪਂ. ਏਵਂ ਖੁਦ੍ਦਜਨ੍ਤੁਕਤ੍ਥੇ.
ਅਹਿ ਚ ਨਕੁਲੋ ਚ ਅਹਿਨਕੁਲਂ, ਬਿਲ਼ਾਰੋ ਚ ਮੂਸਿਕੋ ਚ ਬਿਲ਼ਾਰਮੂਸਿਕਂ, ਕਾਕੋ ਚ ਉਲੂਕੋ ਚ ਕਾਕੋਲੂਕਂ. ਏਵਂ ਵਿਵਿਧਵਿਰੁਦ੍ਧਤ੍ਥੇ.
ਸੀਲਞ੍ਚ ਪਞ੍ਞਾਣਞ੍ਚ ਸੀਲਪਞ੍ਞਾਣਂ, ਸਮਥੋ ਚ ਵਿਪਸ੍ਸਨਾ ਚ ਸਮਥਵਿਪਸ੍ਸਨਂ, ਵਿਜ੍ਜਾ ਚ ਚਰਣਞ੍ਚ ਵਿਜ੍ਜਾਚਰਣਂ. ਏਵਂ ਵਿਸਭਾਗਤ੍ਥੇ.
ਆਦਿਗ੍ਗਹਣਂ ਕਿਮਤ੍ਥਂ? ਦਾਸੀ ਚ ਦਾਸੋ ਚ ਦਾਸਿਦਾਸਂ, ਇਤ੍ਥੀ ਚ ਪੁਮਾ ਚ ਇਤ੍ਥਿਪੁਮਂ, ਪਤ੍ਤੋ ਚ ਚੀਵਰਞ੍ਚ ਪਤ੍ਤਚੀਵਰਂ, ਛਤ੍ਤਞ੍ਚ ਉਪਾਹਨਾ ਚ ਛਤ੍ਤੁਪਾਹਨਂ, ਤਿਕਞ੍ਚ ਚਤੁਕ੍ਕਞ੍ਚ ਤਿਕਚਤੁਕ੍ਕਂ, ਵੇਨੋ ਚ ਰਥਕਾਰੋ ਚ ਵੇਨਰਥਕਾਰਂ, ਸਾਕੁਣਿਕੋ ਚ ਮਾਗਵਿਕੋ ਚ ਸਵਕੁਣਿਕਮਾਗਵਿਕਂ, ਦੀਘੋ ਚ ਮਜ੍ਝਿਮੋ ਚ ਦੀਘਮਜ੍ਝਿਮਂ ਇਚ੍ਚੇਵਮਾਦਿ.
੩੨੩, ੩੬੦. ਵਿਭਾਸਾ ਰੁਕ੍ਖ ਤਿਣ ਪਸੁਖ ਨ ਧਞ੍ਞ ਜਨਪਦਾਦੀਨਞ੍ਚ.
ਰੁਕ੍ਖਤਿਣ ਪਸੁ ਧਨ ਧਞ੍ਞ ਜਨਪਦਇਚ੍ਚੇਵਮਾਦੀਨਂ ਵਿਭਾਸਾ ਏਕਤ੍ਤਂ ਹੋਤਿ, ਨਪੁਂਸਕਲਿਙ੍ਗਤ੍ਤਞ੍ਚ ਦ੍ਵਨ੍ਦੇ ਸਮਾਸੇ. ਅਸ੍ਸਤ੍ਥੋ ¶ ਚ ਕਪੀਤਨੋ ਚ ਅਸ੍ਸਤ੍ਥਕਪੀਤਨਂ, ਅਸ੍ਸਤ੍ਥਕਪੀਤਨਾ ਵਾ. ਉਸੀਰਞ੍ਚ ਬੀਰਣਞ੍ਚ ਉਸੀਰਬੀਰਣਂ, ਉਸੀਰਬੀਰਣਾ ਵਾ. ਅਜੋ ਚ ਏਲ਼ਕੋ ਚ ਅਜੇਲ਼ਕਂ, ਅਜੇਲ਼ਕਾ ਵਾ. ਹਿਰਞ੍ਞਞ੍ਚ ਸੁਵਣ੍ਣਞ੍ਚ ਹਿਰਞ੍ਞਸੁਵਣ੍ਣਂ, ਹਿਰਞ੍ਞਸੁਵਣ੍ਣਾ ਵਾ. ਸਾਲਿ ਚ ਯਵੋ ਚ ਸਾਲਿਯਵਂ, ਸਾਲਿਯਵਾ ਵਾ. ਕਾਸੀ ਚ ਕੋਸਲਾ ਚ ਕਾਸਿਕੋਸਲਂ, ਕਾਸਿਕੋਸਲਾ ਵਾ.
ਆਦਿਗ੍ਗਹਣਂ ਕਿਮਤ੍ਥਂ? ਸਾਵਜ੍ਜਞ੍ਚ ਅਨਵਜ੍ਜਞ੍ਚ ਸਾਵਜ੍ਜਾਨਵਜ੍ਜਂ, ਸਾਵਜ੍ਜਾ ਨਵਜ੍ਜਾ ਵਾ. ਹੀਨਞ੍ਚ ਪਣੀਤਞ੍ਚ ਹੀਨਪਣੀਤਂ. ਹੀਨਪਣੀਤਾ ਵਾ. ਕਣ੍ਹੋ ਚ ਸੁਕ੍ਕੋ ਚ ਕਣ੍ਹਸੁਕ੍ਕਂ, ਕਣ੍ਹਸੁਕ੍ਕਾ ਵਾ.
੩੨੪, ੩੩੯. ਦ੍ਵਿਪਦੇ ਤੁਲ੍ਯਾਧਿਕਰਣੇ ਕਮ੍ਮਧਾਰਯੋ.
ਦ੍ਵੇ ਪਦਾਨਿ ਤੁਲ੍ਯਾਧਿਕਰਣਾਨਿ ਯਦਾ ਸਮਸ੍ਯਨ੍ਤੇ, ਤਦਾ ਸੋ ਸਮਾਸੋ ਕਮ੍ਮਧਾਰਯਸਞ੍ਞੋ ਹੋਤਿ.
ਮਹਨ੍ਤੋ ¶ ਚ ਸੋ ਪੁਰਿਸੋ ਚਾਤਿ ਮਹਾਪੁਰਿਸੋ, ਕਣ੍ਹੋ ਚ ਸੋ ਸਪ੍ਪੋ ਚਾਤਿ ਕਣ੍ਹਸਪ੍ਪੋ, ਨੀਲਞ੍ਚ ਤਂ ਉਪ੍ਪਲਞ੍ਚਾਤਿ ਨੀਲੁਪ੍ਪਲਂ, ਲੋਹਿਤਞ੍ਚ ਤਂ ਚਨ੍ਦਨਞ੍ਚਾਤਿ ਲੋਹਿਤਚਨ੍ਦਨਂ, ਬ੍ਰਾਹ੍ਮਣੀ ਚ ਸਾ ਦਾਰਿਕਾ ਚਾਤਿ ਬ੍ਰਾਹ੍ਮਣਦਾਰਿਕਾ, ਖਤ੍ਤਿਯਾ ਚ ਸਾ ਕਞ੍ਞਾ ਚਾਤਿ ਖਤ੍ਤਿਯਕਞ੍ਞਾ.
ਕਮ੍ਮਧਾਰਯਇਚ੍ਚਨੇਨ ਕ੍ਵਤ੍ਥੋ? ਕਮ੍ਮਧਾਰਯਸਞ੍ਞੇ ਚ.
ਸਙ੍ਖ੍ਯਾਪੁਬ੍ਬੋ ਕਮ੍ਮਧਾਰਯਸਮਾਸੋ ਦਿਗੁਸਞ੍ਞੋ ਹੋਤਿ.
ਤੀਣਿ ਮਲਾਨਿ ਤਿਮਲਂ, ਤੀਣਿ ਫਲਾਨਿ ਤਿਫਲਂ, ਤਯੋ ਲੋਕਾ ਤਿਲੋਕਂ, ਤਯੋ ਦਣ੍ਡਾ ਤਿਦਣ੍ਡਂ, ਚਤਸ੍ਸੋ ਦਿਸਾ ਚਤੁਦ੍ਦਿਸਂ, ਪਞ੍ਚ ਇਨ੍ਦ੍ਰਿਯਾਨਿ ਪਞ੍ਚਿਨ੍ਦ੍ਰਿਯਂ, ਸਤ੍ਤ ਗੋਦਾਵਰਿਯੋ ਸਤ੍ਤਗੋਦਾਵਰਂ.
ਦਿਗੁਇਚ੍ਚਨੇਨ ਕ੍ਵਤ੍ਥੋ? ਦਿਗੁਸ੍ਸੇ ਕਤ੍ਤਂ.
ਉਭੇ ਦਿਗੁਕਮ੍ਮਧਾਰਯਸਮਾਸਾ ਤਪ੍ਪੁਰਿਸਸਞ੍ਞਾ ਹੋਨ੍ਤਿ.
ਨ ਬ੍ਰਾਹ੍ਮਣੋ ਅਬ੍ਰਾਹ੍ਮਣੋ, ਨ ਵਸਲੋ ਅਵਸਲੋ, ਨ ਭਿਕ੍ਖੁ ਅਭਿਕ੍ਖੁ, ਨ ਪਞ੍ਚਵਸ੍ਸਂ ਅਪਞ੍ਚਵਸ੍ਸਂ, ਨ ¶ ਪਞ੍ਚਪੂਲੀ ਅਪਞ੍ਚਪੂਲੀ, ਨ ਸਤ੍ਤਗੋਦਾਵਰਂਅਸਤ੍ਤਗੋਦਾਵਰਂ, ਨ ਦਸਗਵਂ ਅਦਸਗਵਂ, ਨ ਪਞ੍ਚਗਵਂ ਅਪਞ੍ਚਗਵਂ.
ਤਪ੍ਪੁਰਿਸਇਚ੍ਚਨੇਨ ਕ੍ਵਤ੍ਥੋ? ਅਤ੍ਤਂ ਨਸ੍ਸ ਤਪ੍ਪੁਰਿਸੇ.
ਤਾ ਅਮਾਦਯੋ ਨਾਮੇਹਿ ਪਰਪਦੇਭਿ ਯਦਾ ਸਮਸ੍ਯਨ੍ਤੇ, ਤਦਾ ਸੋ ਸਮਾਸੋ ਤਪ੍ਪੁਰਿਸਸਞ੍ਞੋ ਹੋਤਿ.
ਭੂਮਿਂ ਗਤੋ ਭੂਮਿਗਤੋ, ਸਬ੍ਬਰਤ੍ਤਿਂ ਸੋਭਣੋ ਸਬ੍ਬਰਤ੍ਤਿਸੋਭਣੋ. ਅਪਾਯਂ ਗਤੋ ਅਪਾਯਗਤੋ, ਇਸ੍ਸਰੇਨ ਕਤਂ ਇਸ੍ਸਰਕਤਂ, ਸਲ੍ਲੇਨ ਵਿਦ੍ਧੋ ਸਲ੍ਲਵਿਦ੍ਧੋ, ਕਥਿਨਸ੍ਸ ਦੁਸ੍ਸਂ ਕਥਿਨਦੁਸ੍ਸਂ, ਆਗਨ੍ਤੁਕਸ੍ਸ ਭਤ੍ਤਂ ਆਗਨ੍ਤੁਕਭਤ੍ਤਂ, ਮੇਥੁਨਾ ਅਪੇਤੋ ਮੇਥੁਨਾਪੇਤੋ, ਚੋਰਾ ਭਯਂ ਚੋਰਭਯਂ, ਰਞ੍ਞੋ ਪੁਤ੍ਤੋ ਰਾਜਪੁਤ੍ਤੋ, ਧਞ੍ਞਾਨਂ ਰਾਸਿ ਧਞ੍ਞਰਾਸਿ, ਰੂਪੇ ਸਞ੍ਞਾ ਰੂਪਸਞ੍ਞਾ, ਸਂਸਾਰੇ ਦੁਕ੍ਖਂ ਸਂਸਾਰਦੁਕ੍ਖਂ.
੩੨੮, ੩੫੨. ਅਞ੍ਞਪਦਤ੍ਥੇਸੁ ਬਹੁਬ੍ਬੀਹਿ.
ਅਞ੍ਞੇਸਂ ਪਦਾਨਂ ਅਤ੍ਥੇਸੁ ਦ੍ਵੇ ਨਾਮਾਨਿ ਬਹੂਨਿ ਨਾਮਾਨਿ ਯਦਾ ਸਮਸ੍ਯਨ੍ਤੇ, ਤਦਾ ਸੋ ਸਮਾਸੋ ਬਹੁਬ੍ਬੀਹਿ ਸਞ੍ਞੋ ਹੋਤਿ.
ਆਗਤਾ ¶ ਸਮਣਾ ਇਮਂ ਸਙ੍ਘਾਰਾਮਂ ਸੋਯਂ ਆਗਤਸਮਣੋ, ਸਙ੍ਘਾਰਾਮੋ. ਜਿਤਾਨਿ ਇਨ੍ਦ੍ਰਿਯਾਨਿ ਅਨੇਨ ਸਮਣੇਨ ਸੋਯਂ ਜਿਤਿਨ੍ਦ੍ਰਿਯੋ, ਸਮਣੋ. ਦਿਨ੍ਨੋ ਸੁਙ੍ਕੋ ਯਸ੍ਸ ਰਞ੍ਞੋ ਸੋਯਂ ਦਿਨ੍ਨਸੁਙ੍ਕੋ, ਰਾਜਾ. ਨਿਗ੍ਗਤਾ ਜਨਾ ਅਸ੍ਮਾ ਗਾਮਾ ਸੋਯਂ ਨਿਗ੍ਗਤਜਨੋ, ਗਾਮੋ. ਛਿਨ੍ਨੋ ਹਤ੍ਤੋ ਯਸ੍ਸ ਪੁਰਿਸਸ੍ਸ ਸੋਯਂ ਛਿਨ੍ਨਹਤ੍ਥੋ, ਪੁਰਿਸੋ. ਸਮ੍ਪਨ੍ਨਾਨਿ ਸਸ੍ਸਾਨਿ ਯਸ੍ਮਿਂ ਜਨਪਦੇ ਸੋਯਂ ਸਮ੍ਪਨ੍ਨਸਸ੍ਸੋ, ਜਨਪਦੋ.
ਨਿਗ੍ਰੋਧਸ੍ਸ ਪਰਿਮਣ੍ਡਲੋ ਨਿਗ੍ਰੋਧਪਰਿਮਣ੍ਡਲੋ, ਨਿਗ੍ਰੋਧਪਰਿਮਣ੍ਡਲੋ ਇਵ ਪਰਿਮਣ੍ਡਲੋ ਯੋ ਰਾਜਕੁਮਾਰੋ ਸੋਯਂ ਨਿਗ੍ਰੋਧਪਰਿਮਣ੍ਡਲੋ. ਅਥ ਵਾ ਨਿਗ੍ਰੋਧਪਰਿਮਣ੍ਡਲੋ ਇਵ ਪਰਿਮਣ੍ਡਲੋ ਯਸ੍ਸ ਰਾਜਕੁਮਾਰਸ੍ਸ ਸੋਯਂ ਨਿਗ੍ਰੋਧਪਰਿਮਣ੍ਡਲੋ, ਰਾਜਕੁਮਾਰੋ.
ਚਕ੍ਖੁਨੋ ਭੂਤੋ ਚਕ੍ਖੁਭੂਤੋ, ਚਕ੍ਖੁਭੂਤੋ ਇਵ ਭੂਤੋ ਯੋ ਭਗਵਾ ਸੋਯਂ ਚਕ੍ਖੁਭੂਤੋ, ਭਗਵਾ.
ਸੁਵਣ੍ਣਸ੍ਸ ਵਣ੍ਣੋ ਸੁਵਣ੍ਣਵਣ੍ਣੋ, ਸੁਵਣ੍ਣਵਣ੍ਣੋ ਵਿਯ ਵਣ੍ਣੋ ਯਸ੍ਸ ਭਗਵਤੋ ਸੋਯਂ ਸੁਵਣ੍ਣਵਣ੍ਣੋ, ਭਗਵਾ.
ਬ੍ਰਹ੍ਮੁਨੋ ਸਰੋ ਬ੍ਰਹ੍ਮਸ੍ਸਰੋ, ਬ੍ਰਹ੍ਮਸ੍ਸਰੋ ਵਿਯ ਸਰੋ ਯਸ੍ਸ ਭਗਵਤੋ ਸੋਯਂ ਬ੍ਰਹ੍ਮਸ੍ਸਰੋ, ਭਗਵਾ.
ਸਯਂ ¶ ਪਤਿਤ ਪਣ੍ਣ ਪੁਪ੍ਫਫਲਵਾਯੁਤੋਯਾਹਾਰਾਤਿ ਪਣ੍ਣਞ੍ਚ ਪੁਪ੍ਫਞ੍ਚ ਫਲਞ੍ਚ ਪਣ੍ਣਪੁਪ੍ਫਫਲਾਨਿ, ਸਯਮੇਵ ਪਤਿਤਾਨਿ ਸਯਂਪਤਿਤਾਨਿ, ਸਯਂਪਤਿਤਾਨਿ ਚ ਤਾਨਿ ਪਣ੍ਣਪੁਪ੍ਫਫਲਾਨਿ ਚੇਤਿ ਸਯਂਪਤਿਤਪਣ੍ਣਪੁਪ੍ਫਫਲਾਨਿ ਵਾਯੁ ਚ ਤੋਯਞ੍ਚ ਵਾਯੁਤੋਯਾਨਿ, ਸਯਂਪਤਿਤਪਣ੍ਣਪੁਪ੍ਫਫਲਾਨਿ ਚ ਵਾਯੁਤੋਯਾਨਿ ਚ ਸਯਂਪਤਿਤਪਣ੍ਣਪੁਪ੍ਫਫਲਵਾਯੁਤੋਯਾਨਿ. ਸਯਂਪਤਿਤਪਣ੍ਣਪੁਪ੍ਫਫਲਵਾਯੁਤੋਯਾਨਿ ਆਹਾਰਾ ਯੇਸਂ ਤੇ ਸਯਂਪਤਿਤਪਣ੍ਣਪੁਪ੍ਫਫਲਵਾਯੁਤੋਯਾਹਾਰਾ, ਇਸਯੋ. ਯਮੇਤ੍ਥ ਵਤ੍ਤਬ੍ਬਂ, ਤਂ ਹੇਟ੍ਠਾ ਵੁਤ੍ਤਮੇਵ. ਅਯਂ ਪਨ ਦ੍ਵਨ੍ਦਕਮ੍ਮਧਾਰਯਗਬ੍ਭੋ ਤੁਲ੍ਯਾਧਿਕਰਣਪਹੁਬ੍ਬੀਹਿ.
ਅਥ ਵਾ – ਸਯਂਪਤਿਤਪਣ੍ਣਪੁਪ੍ਫਫਲਵਾਯੁਤੋਯੇਹਿ ਆਹਾਰਾ ਯੇਸਂ ਤੇ ਸਯਂਪਤਿਤਪਣ੍ਣਪੁਪ੍ਫਫਲਵਾਯੁਤੋਯਾਹਾਰਾ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਨਾਨਾ ਦੁਮਪਤਿਤ ਪੁਪ੍ਫਵਾਸਿਤ ਸਾਨੂਤਿ ਨਾਨਾਪਕਾਰਾ ਦੁਮਾ ਨਾਨਾਦੁਮਾ, ਨਾਨਾਦੁਮੇਹਿ ਪਤਿਤਾਨਿ ਨਾਨਾਦੁਮਪਤਿ ਤਾਨਿ, ਨਾਨਾਦੁਮਪਤਿਤਾਨਿ ਚ ਤਾਨਿ ਪੁਪ੍ਫਾਨਿ ਚੇਤਿ ਨਾਨਾਦੁਮਪਤਿਤਪੁਪ੍ਫਾਨਿ, ਨਾਨਾਦੁਮਪਤਿਤਪੁਪ੍ਫੇਹਿ ਵਾਸਿਤਾ ਨਾਨਾਦੁਮਪਤਿਤਪੁਪ੍ਫਵਾਸਿਤਾ, ਨਾਨਾਦੁਮਪਤਿਤਪੁਪ੍ਫਵਾਸਿਤਾ ਸਾਨੂ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਨਾਨਾਦੁਮਪਤਿਤਪੁਪ੍ਫਵਾਸਿਤਸਾਨੁ, ਪਬ੍ਬਤਰਾਜਾ. ਅਯਂ ਪਨ ਕਮ੍ਮਧਾਰਯਤਪ੍ਪੁਰਿਸਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਅਥ ¶ ਵਾ – ਵਾਸਿਤਾ ਸਾਨੂ ਵਾਸਿਤਸਾਨੁ, ਸਾਪੇਕ੍ਖਤ੍ਤੇ ਸਤਿਪਿ ਗਮਕਤ੍ਤਾ ਸਮਾਸੋ. ਨਾਨਾਦੁਮਪਤਿਤਪੁਪ੍ਫੇਹਿ ਵਾਸਿਤਸਾਨੂ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਨਾਨਾਦੁਮਪਤਿਤਪੁਪ੍ਫਵਾਸਿਤਸਾਨੁ, ਪਬ੍ਬਤਰਾਜਾ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਬ੍ਯਾਲਮ੍ਬਮ੍ਬੁਧਰਬਿਨ੍ਦੁਚੁਮ੍ਬਿਤਕੂਟੋਤਿ ਅਮ੍ਬੁਂ ਧਾਰੇਤੀਤਿ ਅਮ੍ਬੁਧਰੋ, ਕੋ ਸੋ? ਪਜ੍ਜੁਨ੍ਨੋ. ਵਿਵਿਧਾ ਆਲਮ੍ਬੋ ਬ੍ਯਾਲਮ੍ਬੋ, ਬ੍ਯਾਲਮ੍ਬੋ ਚ ਸੋ ਅਮ੍ਬੁਧਰੋ ਚਾਤਿ ਬ੍ਯਾਲਮ੍ਬਮ੍ਬੁਧਰੋ, ਬ੍ਯਾਲਮ੍ਬਮ੍ਬੁਧਰਸ੍ਸ ਬਿਨ੍ਦੂ ਬ੍ਯਾਲਮ੍ਬਮ੍ਬੁਧਰਬਿਨ੍ਦੂ, ਬ੍ਯਾਲਮ੍ਬਮ੍ਬੁਧਰਬਿਨ੍ਦੂਹਿ ਚੁਮ੍ਬਿਤੋ ਬ੍ਯਾਲਮ੍ਬਮ੍ਬੁਧਰਬਿਨ੍ਦੁਚੁਮ੍ਬਿਤੋ, ਬ੍ਯਾਲਮ੍ਬਮ੍ਬੁਰੇਬਿਨ੍ਦੁਚੁਮ੍ਬਿਤੋ ਕੂਟੋ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਬ੍ਯਾਲਮ੍ਬਮ੍ਬੁਧਰਬਿਨ੍ਦੁਚੁਮ੍ਬਿਤਕੂਟੋ. ਅਯਂ ਪਨ ਕਮ੍ਮਧਾਰਯਤਪ੍ਪੁਰਿਸਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਅਥ ਵਾ – ਚੁਮ੍ਬਿਤੋ ਕੂਟੋ ਚੁਮ੍ਬਿਤਕੂਟੋ, ਸਾਪੇਕ੍ਖਤ੍ਤੇ ਸਤਿਪਿ ਗਮਕਤ੍ਤਾ ਸਮਾਸੋ. ਬ੍ਯਾਲਮ੍ਬਮ੍ਬੁਧਰਬਿਨ੍ਦੂਹਿ ਚੁਮ੍ਬਿਤਕੂਟੋ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਬ੍ਯਾਲਮ੍ਬਮ੍ਬੁਧਰਬਿਨ੍ਦੁਚੁਮ੍ਬਿਤਕੂਟੋ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਅਮਿਤ ਬਲ ਪਰਕ੍ਕਮਜੁਤੀਤਿ ਨ ਮਿਤਾ ਅਮਿਤਾ, ਬਲਞ੍ਚ ਪਰਕ੍ਕਮੋ ਚ ਜੁਤਿ ਚ ਬਲਪਰਕ੍ਕਮਜੁਤਿਯੋ, ਅਮਿਤਾ ਬਲਪਰਕ੍ਕਮਜੁਤਿਯੋ ਯਸ੍ਸ ਸੋਯਂ ਅਮਿਤਬਲਪਰਕ੍ਕਮਜੁਤਿ, ਅਯਂ ਪਨ ਕਮ੍ਮਧਾਰਯਦ੍ਵਨ੍ਦਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਪੀਣੋਰਕ੍ਖਂਸ ¶ ਬਾਹੂਤਿ ਉਰੋ ਚ ਅਕ੍ਖਞ੍ਚ ਅਂਸੋ ਚ ਬਾਹੁ ਚ ਉਰਕ੍ਖਂਸਬਾਹਵੋ, ਪੀਣਾ ਉਰਕ੍ਖਂਸਬਾਹਵੋ ਯਸ੍ਸ ਭਗਵਤੋ ਸੋਯਂ ਪੀਣੋਰਕ੍ਖਂਸਬਾਹੁ. ਅਯਂ ਪਨ ਦ੍ਵਨ੍ਦਵਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਪੀਣ ਗਣ੍ਡ ਵਦਨ ਥਨੂਰੁਜਘਨਾਤਿ ਗਣ੍ਡੋ ਚ ਵਦਨਞ੍ਚ ਥਨੋ ਚ ਊਰੁ ਚ ਜਘਨਞ੍ਚ ਗਣ੍ਡਵਦਨਥਨੂਰੁਜਘਨਾ, ਪੀਣਾ ਗਣ੍ਡਵਦਨਥਨੂਰੁਜਘਨਾ ਯਸ੍ਸਾ ਸਾਯਂ ਪੀਣਗਣ੍ਡਵਦਨਥਨੂਰੁਜਘਨਾ. ਅਯਮ੍ਪਿ ਦ੍ਵਨ੍ਦਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਵਵਰ ਸੁਰਾਸੁਰ ਗਰੁਡ ਮਨੁਜ ਭੁਜਗ ਗਨ੍ਧਬ੍ਬ ਮਕੁਟ ਕੂਟ ਚੁਮ੍ਬਿਤ ਸੇਲਸਙ੍ਘਟ੍ਟਿਤ ਚਰਣੋਤਿ ਸੁਰਾ ਚ ਅਸੁਰਾ ਚ ਗਰੁਡਾ ਚ ਮਨੁਜਾ ਚ ਭੁਜਗਾ ਚ ਗਨ੍ਧਬ੍ਬਾ ਚ ਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਾ, ਪਵਰਾ ਚ ਤੇ ਸੁਰਾਸੁਰਗਰੁਡਮਨੁਜਭੁਜਗ ਗਨ੍ਧਬ੍ਬਾ ਚੇਤਿ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਾ, ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਾਨਂ ਮਕੁਟਾਨਿ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਾਨਿ, ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਾਨਂ ਕੂਟਾਨਿ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਾਨਿ, ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟੇਸੁ ਚੁਮ੍ਬਿਤਾ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਾ, ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਾ ਚ ਤੇ ਸੇਲਾ ਚਾਤਿ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲਾ, ਪਵਰਸੁਰਾਸੁਰ ਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲੇਹਿ ਸਙ੍ਘਟ੍ਟਿਤਾ ਪਵਰਸੁਰਾਸੁਰ ਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲਸਙ੍ਘਟ੍ਟਿਤਾ, ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲਸਙ੍ਘਟ੍ਟਿਤਾ ਚਰਣਾ ਯਸ੍ਸ ਤਥਾਗਤਸ੍ਸ ਸੋਯਂ ¶ ਪਵਰਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲਸਙ੍ਘਟ੍ਟਿਤਚਰਣੋ, ਤਥਾਗਤੋ, ਅਯਂ ਪਨ ਦ੍ਵਨ੍ਦਕਮ੍ਮਧਾਰਯਤਪ੍ਪੁਰਿਸਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਅਥ ਵਾ–ਸਙ੍ਘਟ੍ਟਿਤਾ ਚਰਣਾ ਸਙ੍ਘਟ੍ਟਿਤਚਰਣਾ, ਸਾਪੇਕ੍ਖਤ੍ਤੇ ਸਤਿਪਿ ਗਮਕਤ੍ਤਾ ਸਮਾਸੋ. ਪਵਰਸੁਰਾਸੁਰ ਗਰੁਡਮਨੁਜਭੁਜਗ ਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲੇਹਿ ਸਙ੍ਘਟ੍ਟਿਤਚਰਣਾ ਯਸ੍ਸ ਤਥਾਗਤਸ੍ਸ ਸੋਯਂ ਪਵਰਸੁਰਾਸੁਰਗਰੁਡ ਮਨੁਜਭੁਜਗ ਗਨ੍ਧਬ੍ਬਮਕੁਟਕੂਟਚੁਮ੍ਬਿਤਸੇਲਸਙ੍ਘਟ੍ਟਿਤ ਚਰਣੋ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਚਤੁਦ੍ਦਿਸੋਤਿ ਚਤਸ੍ਸੋ ਦਿਸਾ ਯਸ੍ਸ ਸੋਯਂ ਚਤੁਦ੍ਦਿਸੋ, ਭਗਵਾ.
ਪਞ੍ਚਚਕ੍ਖੂਤਿ ਪਞ੍ਚ ਚਕ੍ਖੂਨਿ ਯਸ੍ਸ ਤਥਾਗਤਸ੍ਸ ਸੋਯਂ ਪਞ੍ਚਚਕ੍ਖੁ, ਤਥਾਗਤੋ.
ਦਸਬਲੋਤਿ ਦਸ ਬਲਾਨਿ ਯਸ੍ਸ ਸੋਯਂ ਦਸਬਲੋ, ਭਗਵਾ.
ਅਨਨ੍ਤਞਾਣੋਤਿ ਨਸ੍ਸ ਅਨ੍ਤੋ ਅਨਨ੍ਤਂ, ਅਨਨ੍ਤਂ ਞਾਣਂ ਯਸ੍ਸ ਤਥਾਗਤਸ੍ਸ ਸੋਯਂ ਅਨਨ੍ਤਞਾਣੋ, ਤਥਾਗਤੋ.
ਅਮਿਤ ਘਨ ਸਰੀਰੋਤਿ ਨ ਮਿਤਂ ਅਮਿਤਂ, ਘਨਂ ਏਵ ਸਰੀਰਂ ਘਨਸਰੀਰਂ, ਅਮਿਤਂ ਘਨਸਰੀਰਂ ਯਸ੍ਸ ਤਥਾਗਤਸ੍ਸ ਸੋਯਂ ਅਮਿਤਘਨਸਰੀਰੋ, ਤਥਾਗਤੋ.
ਅਮਿਤ ਬਲ ਪਰਕ੍ਕਮ ਪਤ੍ਤੋਤਿ ਨ ਮਿਤਾ ਅਮਿਤਾ, ਬਲਞ੍ਚ ਪਰਕ੍ਕਮੋ ਚ ਬਲਪਰਕ੍ਕਮਾ, ਅਮਿਤਾ ਏਵ ਬਲਪਰਕ੍ਕਮਾ ਅਮਿਤਬਲਪਰਕ੍ਕਮਾ ¶ , ਅਮਿਤਬਲਪਰਕ੍ਕਮਾ ਪਤ੍ਤਾ ਯੇਨ ਸੋਯਂ ਅਮਿਤਬਲਪਰਕ੍ਕਮਪਤ੍ਤੋ, ਭਗਵਾ. ਅਯਂ ਪਨ ਕਮ੍ਮਧਾਰਯਦ੍ਵਨ੍ਦਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਮਤ੍ਤ ਭਮਰ ਗਣ ਚੁਮ੍ਬਿਤ ਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੋ ਪਸੋਭਿਤ ਕਨ੍ਦਰੋਤਿ ਮਤ੍ਤਾ ਏਵ ਭਮਰਾ ਮਤ੍ਤਭਮਰਾ, ਮਤ੍ਤਭਮਰਾਨਂ ਗਣਾ ਮਤ੍ਤਭਮਰਗਣਾ, ਮਤ੍ਤਭਮਰਗਣੇਹਿ ਚੁਮ੍ਬਿਤਾਨਿ ਮਤ੍ਤਭਮਰਣਚੁਮ੍ਬਿਤਾਨਿ, ਵਿਕਸਿਤਾਨਿ ਏਵ ਪੁਪ੍ਫਾਨਿ ਵਿਕਸਿਤਪੁਪ੍ਫਾਨਿ, ਮਤ੍ਤਭਮਰਗਣਚੁਮ੍ਬਿਤਾਨਿ ਵਿਕਸਿਤਪੁਪ੍ਫਾਨਿ ਯੇਸਂ ਤੇਹਿ ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਾ, ਵਲ੍ਲਿ ਚ ਨਾਗਰੁਕ੍ਖੋ ਚ ਮਲ੍ਲਿਨਾਗਰੁਕ੍ਖਾ, ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਾ ਚ ਤੇ ਵਲ੍ਲਿਨਾਗਰੁਕ੍ਖਾ ਚੇਤਿ ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖਾ, ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੇਹਿ ਉਪਸੋਭਿਤਾਨਿ ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੋ ਪਸੋਭਿਤਾਨਿ, ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੋ ਪਸੋਭਿਤਾਨਿ ਕਨ੍ਦਰਾਨਿ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫ ਵਲ੍ਲਿਨਾਗਰੁਕ੍ਖੋ ਪਸੋ ਭਿਤਕਨ੍ਦਰੋ, ਪਬ੍ਬਤਰਾਜਾ. ਅਯਂ ਪਨ ਦ੍ਵਨ੍ਦਕਮ੍ਮਧਾਰਯਤਪ੍ਪੁਰਿਸਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਅਥ ਵਾ–ਉਪਸੋਭਿਤਾਨਿ ਕਨ੍ਦਰਾਨਿ ਉਪਸੋਭਿਤਕਨ੍ਦਰਾਨਿ, ਸਾਪੇਕ੍ਖਤ੍ਤੇ ਸਤਿਪਿ ਗਮਕਤ੍ਤਾ ਸਮਾਸੋ. ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੇਹਿ ਉਪਸੋਭਿਤਕਨ੍ਦਰਾਨਿ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਮਤ੍ਤਭਮਰਗਣਚੁਮ੍ਬਿਤਵਿਕਸਿਤਪੁਪ੍ਫਵਲ੍ਲਿਨਾਗਰੁਕ੍ਖੋ ਪਸੋਭਿਤਕਨ੍ਦਰੋ, ਪਬ੍ਬਤਰਾਜਾ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਨਾਨਾ ¶ ਰੁਕ੍ਖ ਤਿਣ ਪਤਿਤ ਪੁਪ੍ਫੋਪਸੋਭਿਤ ਕਨ੍ਦਰੋਤਿ ਰੁਕ੍ਖੋ ਚ ਤਿਣਞ੍ਚ ਰੁਕ੍ਖਤਿਣਾਨਿ, ਨਾਨਾ ਪਕਾਰਾਨਿ ਏਵ ਰੁਕ੍ਖਤਿਣਾਨਿ ਨਾਨਾਰੁਕ੍ਖਤਿਣਾਨਿ, ਨਾਨਾਰੁਕ੍ਖਤਿਣੇਹਿ ਪਤਿਤਾਨਿ ਨਾਨਾਰੁਕ੍ਖਤਿਣਪਤਿਤਾਨਿ, ਨਾਨਾਰੁਕ੍ਖਤਿਣਪਤਿਤਾਨਿ ਚ ਤਾਨਿ ਪੁਪ੍ਫਾਨਿ ਚੇਤਿ ਨਾਨਾਰੁਕ੍ਖਤਿਣਪਤਿਤਪੁਪ੍ਫਾਨਿ, ਨਾਨਾਰੁਕ੍ਖਤਿਣਪਤਿਤਪੁਪ੍ਫੇਹਿ ਉਪਸੋਭਿਤਾਨਿ ਨਾਨਾਰੁਕ੍ਖਤਿਣਪਤਿਤ ਪੁਪ੍ਫੋਪਸੋਭਿਤਾਨਿ, ਨਾਨਾਰੁਕ੍ਖਤਿਣਪਤਿਤਪੁਪ੍ਫੋਪਸੋਭਿਤਾਨਿ ਕਨ੍ਦਰਾਨਿ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਨਾਨਾਰੁਕ੍ਖਤਿਣਪਤਿਤਪੁਪ੍ਫੋਪਸੋਭਿਤਕਨ੍ਦਰੋ, ਪਬ੍ਬਤਰਾਜਾ. ਅਯਂ ਪਨ ਦ੍ਵਨ੍ਦਕਮ੍ਮਧਾਰਯਤਪ੍ਪੁਰਿਸਗਬ੍ਭੋ ਤੁਲ੍ਯਾਧਿਕਰਣਬਹੁਬ੍ਬੀਹਿ.
ਅਥ ਵਾ–ਉਪਸੋਭਿਤਾਨਿ ਏਵ ਕਨ੍ਦਰਾਨਿ ਉਪਸੋਭਿਤਕਨ੍ਦਰਾਨਿ, (ਸਾਪੇਕ੍ਖਤ੍ਤੇ ਸਤਿਪਿ ਗਮਕਤ੍ਤਾ ਸਮਾਸੋ.) ਨਾਨਾਰੁਕ੍ਖਤਿਣਪਤਿਤਪੁਪ੍ਫੇਹਿ ਉਪਸੋਭਿਤਕਨ੍ਦਰਾਨਿ ਯਸ੍ਸ ਪਬ੍ਬਤਰਾਜਸ੍ਸ ਸੋਯਂ ਨਾਨਾਰੁਕ੍ਖਤਿਣਪਤਿਤਪੁਪ੍ਫੋਪਸੋਭਿਤਕਨ੍ਦਰੋ, ਪਬ੍ਬਤਰਾਜਾ. ਅਯਂ ਪਨ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਨਾਨਾ ਮੁਸਲ ਫਾਲ ਪਬ੍ਬਤ ਤਰੁ ਕਲਿਙ੍ਗਰ ਸਰ ਧਨੁਗਦਾਸਿ ਤੋਮਰਹਤ੍ਥਾਤਿ ਮੁਸਲੋ ਚ ਫਾਲੋ ਚ ਪਬ੍ਬਤੋ ਚ ਤਰੁ ਚ ਕਲਿਙ੍ਗਰੋ ਚ ਸਰੋ ਚ ਧਨੁ ਚ ਗਦਾ ਚਅਸਿ ਚ ਤੋਮਰੋ, ਚ ਮੁਸਲਫਾਲਪਬ੍ਬਤਤਰੁਕਲਿਙ੍ਗਰਸਰਧਨੁਗਦਾਸਿਤੋਮਰਾ, ਨਾਨਾ ਪਕਾਰਾ ਏਵ ਮੁਸਲਫਾਲਪਬ੍ਬਤਤਰੁਕਲਿਙ੍ਗਰਸਰਧਨੁਗਦਾਸਿਤੋਮਰਾ ਨਾਨਾਮੁਸਲਫਾਲਪਬ੍ਬਤਤਰੁਕਲਿਙ੍ਗਰਸਰਧਨੁਗਦਾਸਿਤੋਮਰਾ, ਨਾਨਾਮੁਸਲਫਾਲਪਬ੍ਬਤਤਰੁਕਲਿਙ੍ਗਰਸਰਧਨੁਗਦਾਸਿਤੋਮਰਾ ਹਤ੍ਥੇਸੁ ¶ ਯੇਸਂ ਤੇ ਨਾਨਾਮੁਸਲਫਾਲਪਬ੍ਬਤਤਰੁਕਲਿਙ੍ਗਰ ਸਰਧਨੁਗਦਾਸਿਤੋਮਰਹਤ੍ਥਾ. ਅਯਂ ਪਨ ਦ੍ਵਨ੍ਦਕਮ੍ਮਧਾਰਯਗਬ੍ਭੋ ਭਿਨ੍ਨਾਧਿਕਰਣਬਹੁਬ੍ਬੀਹਿ.
ਬਹੁਬ੍ਬੀਹਿ ਇਚ੍ਚਨੇਨ ਕ੍ਵਤ੍ਥੋ? ਬਹੁਬ੍ਬੀਹਿਮ੍ਹਿ ਚ.
੩੨੯, ੩੫੭. ਨਾਮਾਨਂ ਸਮੁਚ੍ਚਯੋ ਦ੍ਵਨ੍ਦੋ.
ਨਾਮਾਨਂ ਏਕਵਿਭਤ੍ਤਿਕਾਨਂ ਯੋ ਸਮੁਚ੍ਚਯੋ, ਸੋ ਦ੍ਵਨ੍ਦਸਞ੍ਞੋ ਹੋਤਿ.
ਚਨ੍ਦਿਮਾ ਚ ਸੂਰਿਯੋ ਚ ਚਨ੍ਦਿਮਸੂਰਿਯਾ, ਸਮਣੋ ਚ ਬ੍ਰਾਹ੍ਮਣੋ ਚ ਸਮਣਬ੍ਰਾਹ੍ਮਣਾ, ਸਾਰਿਪੁਤ੍ਤੋ ਚ ਮੋਗ੍ਗਲ੍ਲਾਨੋ ਚ ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਬ੍ਰਾਹ੍ਮਣੋ ਚ ਗਹਪਤਿਕੋ ਚ ਬ੍ਰਾਹ੍ਮਣਗਹਪਤਿਕਾ, ਯਮੋ ਚ ਵਰੁਣੋ ਚ ਯਮਵਰੁਣਾ, ਕੁਵੇਰੋ ਚ ਵਾਸਵੋ ਚ ਕੁਵੇਰਵਾਸਵਾ.
ਦ੍ਵਨ੍ਦਇਚ੍ਚਨੇਨ ਕ੍ਵਤ੍ਥੋ? ਦ੍ਵਨ੍ਦਟ੍ਠਾ ਵਾ.
੩੩੦, ੩੪੦. ਮਹਤਂ ਮਹਾ ਤੁਲ੍ਯਾਧਿਕਰਣੇ ਪਦੇ.
ਤੇਸਂ ਮਹਨ੍ਤਸਦ੍ਦਾਨਂ ਮਹਾਆਦੇਸੋ ਹੋਤਿ ਤੁਲ੍ਯਾਧਿਕਰਣੇ ਪਦੇ.
ਮਹਨ੍ਤੋ ¶ ਚ ਸੋ ਪੁਰਿਸੋ ਚਾਤਿ ਮਹਾਪੁਰਿਸੋ, ਮਹਨ੍ਤੀ ਚ ਸਾ ਦੇਵੀ ਚਾਤਿ ਮਹਾਦੇਵੀ, ਮਹਨ੍ਤਞ੍ਚ ਤਂ ਬਲਞ੍ਚਾਤਿ ਮਹਾਬਲਂ, ਮਹਨ੍ਤੋ ਚ ਸੋ ਨਾਗੋ ਚਾਤਿ ਮਹਾਨਾਗੋ, ਮਹਨ੍ਤੋ ਚ ਸੋ ਯਸੋ ਚਾਤਿ ਮਹਾਯਸੋ, ਮਹਨ੍ਤਞ੍ਚ ਤਂ ਪਦੁਮਵਨਞ੍ਚਾਤਿ ਮਹਾਪਦੁਮਵਨਂ, ਮਹਨ੍ਤੀ ਚ ਸਾ ਨਦੀ ਚਾਤਿ ਮਹਾਨਦੀ, ਮਹਨ੍ਤੋ ਚ ਸੋ ਮਣਿ ਚਾਤਿ ਮਹਾਮਣਿ, ਮਹਨ੍ਤੋ ਚ ਸੋ ਗਹਪਤਿਕੋ ਚਾਤਿ ਮਹਾਗਹਪਤਿਕੋ, ਮਹਨ੍ਤਞ੍ਚ ਤਂ ਧਨਞ੍ਚਾਤਿ ਮਹਾਧਨਂ, ਮਹਨ੍ਤੋ ਚ ਸੋ ਪੁਞ੍ਞੋ ਚਾਤਿ ਮਹਾਪੁਞ੍ਞੋ.
ਬਹੁਵਚਨਗ੍ਗਹਣੇਨ ਕ੍ਵਚਿ ਮਹਨ੍ਤ ਸਦ੍ਦਸ੍ਸ ਮਹਾਦੇਸੋ ਹੋਤਿ. ਮਹਨ੍ਤਞ੍ਚ ਤਂ ਫਲਞ੍ਚਾਤਿ ਮਹਪ੍ਫਲਂ, ਮਹਬ੍ਬਲਂ, ਏਵਂ ਮਹਦ੍ਧਨਂ, ਮਹਬ੍ਭਯਂ.
੩੩੧, ੩੫੩. ਇਤ੍ਥਿਯਂ ਭਾਸਿਤਪੁਮਿਤ੍ਥੀ ਪੁਮਾਵ ਚੇ.
ਇਤ੍ਥਿਯਂ ਤੁਲ੍ਯਾਧਿਕਰਣੇ ਪਦੇ ਚੇ ਭਾਸਿਤਪੁਮਿਤ੍ਥੀ ਪੁਮਾਵ ਦਟ੍ਠਬ੍ਬਾ.
ਦੀਘਾ ਜਙ੍ਘਾ ਯਸ੍ਸ ਸੋਯਂ ਦੀਘਜਙ੍ਘੋ, ਕਲ੍ਯਾਣਭਰਿਯੋ, ਪਹੂਤਪਞ੍ਞੋ.
ਭਾਸਿਤਪੁਪੇਤਿ ¶ ਕਿਮਤ੍ਥਂ? ਬ੍ਰਾਹ੍ਮਣਬਨ੍ਧੁ ਚ ਸਾ ਭਰਿਯਾ ਚਾਤਿਬ੍ਰਾਹ੍ਮਣਬਨ੍ਧੁਭਰਿਯਾ.
ਕਮ੍ਮਧਾਰਯਸਞ੍ਞੇ ਚ ਸਮਾਸੇ ਇਤ੍ਥਿਯਂ ਤੁਲ੍ਯਾਧਿਕਰਣੇ ਪਦੇ ਪੁਬ੍ਬੇ ਭਾਸਿਤਪੁਮਿਤ੍ਥੀ ਚੇ, ਪੁਮਾਵ ਦਟ੍ਠਬ੍ਬਾ. ਬ੍ਰਾਹ੍ਮਣਦਾਰਿਕਾ, ਖਤ੍ਤਿਯਕਞ੍ਞਾ, ਖਤ੍ਤਿਯਕੁਮਾਰਿਕਾ.
ਭਾਸਿਤਪੁਮੇਤਿ ਕਿਮਤ੍ਥਂ? ਖਤ੍ਤਿਯਬਨ੍ਧੁਦਾਰਿਕਾ, ਬ੍ਰਾਹ੍ਮਣਬਨ੍ਧੁਦਾਰਿਕਾ.
੩੩੩, ੩੪੪. ਅਤ੍ਤਂ ਨਸ੍ਸ ਤਪ੍ਪੁਰਿਸੇ.
ਨਸ੍ਸ ਪਦਸ੍ਸ ਤਪ੍ਪੁਰਿਸੇ ਉਤ੍ਤਰਪਦੇ ਅਤ੍ਤਂ ਹੋਤਿ.
ਨਬ੍ਰਾਹ੍ਮਣੋ ਅਬ੍ਰਾਹ੍ਮਣੋ, ਅਵਸਲੋ, ਅਭਿਕ੍ਖੁ, ਅਪਞ੍ਚਵਸ੍ਸਂ, ਅਪਞ੍ਚਗਵਂ.
ਨਸ੍ਸ ਪਦਸ੍ਸ ਤਪ੍ਪੁਰਿਸੇ ਅਨ ਆਦੇਸੋ ਹੋਤਿ ਸਰੇ ਪਰੇ.
ਨ ਅਸ੍ਸੋ ਅਨਸ੍ਸੋ, ਅਨਿਸ੍ਸਰੋ, ਅਨਰਿਯੋ.
੩੩੫, ੩੪੬. ਕਦ ¶ ਕੁਸ੍ਸ.
ਕੁਇਚ੍ਚੇਤਸ੍ਸ ਕਦ ਹੋਤਿ ਸਰੇ ਪਰੇ.
ਕੁਚ੍ਛਿਤਂ ਅਨ੍ਨਂ ਕਦਨ੍ਨਂ, ਕੁਚ੍ਛਿਤਂ ਅਸਨਂ ਕਦਸ੍ਸਨਂ.
ਸਰੇਤਿ ਕਿਮਤ੍ਥਂ? ਕੁਚ੍ਛਿਤਾ ਦਾਰਾ ਯੇਸਂ (ਅਪੁਞ੍ਞਕਾਰਾਨਂ) ਤੇ ਹੋਨ੍ਤੀਤਿ ਕੁਦਾਰਾ, ਕੁਜਨਾ. ਏਵਂ ਕੁਪੁਤ੍ਤਾ, ਕੁਗੇਹਾ, ਕੁਵਤ੍ਥਾ, ਕੁਦਾਸਾ.
ਕੁਇਚ੍ਚੇਤਸ੍ਸ ਕਾ ਹੋਤਿ ਅਪ੍ਪਤ੍ਥੇਸੁ ਚ.
ਕਾਲਵਣਂ, ਕਾਪੁਪ੍ਫਂ.
ਬਹੁਵਚਨਗ੍ਗਹਣਂ ਕਿਮਤ੍ਥਂ? ਕੁਇਚ੍ਚੇਤਸ੍ਸ ਅਨਪ੍ਪਤਤ੍ਥੇਸੁਪਿ ਕ੍ਵਚਿ ਕਾ ਹੋਤਿ, ਕਾਪੁਰਿਸਾ.
੩੩੭, ੩੫੦. ਕ੍ਵਚਿ ਸਮਾਸਨ੍ਤਗਤਾਨਮਕਾਰਨ੍ਤੋ.
ਸਮਾਸਨ੍ਤਗਤਾਨਂ ਨਾਮਾਨਮਨ੍ਤੋ ਸਰੋ ਕ੍ਵਚਿ ਅਕਾਰੋ ਹੋਤਿ.
ਦੇਵਾਨਂ ਰਾਜਾ ਦੇਵਰਾਜੋ, ਦੇਵਰਾਜਾ, ਦੇਵਾਨਂ ਸਖਾ ਦੇਵਸਖੋ, ਦੇਵਸਖਾ, ਪਞ੍ਚ ਅਹਾਨਿ ਪਞ੍ਚਾਹਂ, ਸਤ੍ਤਾਹਂ, ਪਞ੍ਚਗਵਂ, ਛਤ੍ਤੁਪਾਹਨਂ, ਉਪਸਰਦਂ, ਵਿਸਾਲਕ੍ਖੋ, ਵਿਮੁਖੋ.
ਕਾਰਗ੍ਗਹਣਂ ¶ ਕਿਮਤ੍ਥਂ? ਆਕਾਰਨ੍ਤ ਇਕਾਰਨ੍ਤਾ ਚ ਹੋਨ੍ਤਿ, ਪਚ੍ਚਕ੍ਖਾ ਧਮ੍ਮਾ ਯਸ੍ਸ ਸੋਯਨ੍ਤਿ ਪਚ੍ਚਕ੍ਖਧਮ੍ਮਾ, ਸੁਰਭਿਨੋ ਗਨ੍ਧੋ ਸੁਰਭਿਗਨ੍ਧਿ, ਸੁਨ੍ਦਰੋ ਗਨ੍ਧੋ ਸੁਗਨ੍ਧਿ, ਪੂਤਿਨੋ ਗਨ੍ਧੋ ਪੂਤਿਗਨ੍ਧਿ, ਕੁਚ੍ਛਿਤੋ ਗਨ੍ਧੋ ਕੁਗਨ੍ਧਿ, ਦੁਟ੍ਠੁ ਗਨ੍ਧੋ ਯਸ੍ਸ ਸੋਯਨ੍ਤਿ ਦੁਗਨ੍ਧਿ, ਪੂਤਿ ਏਵ ਗਨ੍ਧੋ ਪੂਤਿਗਨ੍ਧਿ.
ਨਦੀਅਨ੍ਤਾ ਚ ਕਤ੍ਤੁਅਨ੍ਤਾ ਚ ਕਪਚ੍ਚਯੋ ਹੋਤਿ ਸਮਾਸਨ੍ਤੇ.
ਬਹੂ ਨਦਿਯੋ ਯਸ੍ਮਿਂ ਸੋਯਂ ਬਹੁਨਦਿਕੋ, ਜਨਪਦੋ. ਬਹਵੋ ਕਤ੍ਤਾਰੋ ਯਸ੍ਸ ਸੋਯਂ ਬਹੁਕਤ੍ਤੁਕੋ, ਪੁਰਿਸੋ.
ਨਦਿਮ੍ਹਾ ਚ ਕਪਚ੍ਚਯੋ ਹੋਤਿ ਸਮਾਸਨ੍ਤੇ.
ਬਹੂ ਨਦਿਯੋ ਯਸ੍ਮਿਂ ਸੋਯਨ੍ਤਿ ਬਹੁਨਦਿਕੋ. ਬਹੂ ਕਨ੍ਤਿਯੋ ਯਸ੍ਸ ਸੋਯਨ੍ਤਿ ਬਹੁਕਨ੍ਤਿਕੋ. ਬਹੁਨਾਰਿਕੋ.
੩੩੯, ੩੫੮. ਜਾਯਾਯ ਤੁਦਂ ਜਾਨਿ ਪਤਿਮ੍ਹਿ.
ਜਾਯਾਇਚ੍ਚੇਤਾਯ ਤੁਦਂ ਜਾਨਿਇਚ੍ਚੇਤੇ ਆਦੇਸਾ ਹੋਨ੍ਤਿ ਪਤਿਮ੍ਹਿ ਪਰੇ.
ਤੁਦਂਪਤੀ, ਜਾਨਿਪਤੀ.
ਧਨੁਮ੍ਹਾ ਚ ਆਪਚ੍ਚਯੋ ਹੋਤਿ ਸਮਾਸਨ੍ਤੇ.
ਗਾਣ੍ਡੀਵੋ ¶ ਧਨੁ ਯਸ੍ਸ ਸੋਯਂ ਗਾਣ੍ਡੀਵਧਨ੍ਵਾ.
੩੪੧, ੩੩੬. ਅਂ ਵਿਭਤ੍ਤੀਨਮਕਾਰਨ੍ਤਾ ਅਬ੍ਯਯੀਭਾਵਾ.
ਤਸ੍ਮਾ ਅਕਾਰਨ੍ਤਾ ਅਬ੍ਯਯੀਭਾਵਸਮਾਸਾ ਪਰਾਸਂ ਵਿਭਤ੍ਤੀਨਂ ਕ੍ਵਚਿ ਅਂ ਹੋਤਿ.
ਅਧਿਚਿਤ੍ਤਂ, ਯਥਾਵੁਡ੍ਢਂ, ਉਪਕੁਮ੍ਭਂ, ਯਾਵਜੀਵਂ, ਤਿਰੋਪਬ੍ਬਤਂ, ਤਿਰੋਪਾਕਾਰਂ, ਤਿਰੋਕੁਟ੍ਟਂ, ਅਨ੍ਤੋਪਾਸਾਦਂ.
ਕ੍ਵਚੀਤਿ ਕਿਮਤ੍ਥਂ? ਅਧਿਚਿਤ੍ਤਸ੍ਸ ਭਿਕ੍ਖੁਨੋ.
ਨਪੁਂਸਕੇ ਵਤ੍ਤਮਾਨਸ੍ਸ ਅਬ੍ਯਯੀਭਾਵਸਮਾਸਸ੍ਸ ਲਿਙ੍ਗਸ੍ਸ ਸਰੋ ਰਸ੍ਸੋ ਹੋਤਿ.
ਕੁਮਾਰੀਸੁ ਅਧਿਕਿਚ੍ਚ ਪਵਤ੍ਤਤਿ ਕਥਾ ਇਤਿ ਅਧਿਕੁਮਾਰਿ. ਉਪਵਧੁ, ਉਪਗਙ੍ਗਂ, ਉਪਮਣਿਕਂ.
ਅਞ੍ਞਸ੍ਮਾ ਅਬ੍ਯਯੀਭਾਵਸਮਾਸਾ ਅਨਕਾਰਨ੍ਤਾ ਪਰਾਸਂ ਵਿਭਤ੍ਤੀਨਂ ਲੋਪੋ ਚ ਹੋਤਿ.
ਅਧਿਤ੍ਥਿ, ਅਧਿਕੁਮਾਰਿ, ਉਪਵਧੁ.
ਇਤਿ ਨਾਮਕਪ੍ਪੇ ਸਮਾਸਕਪ੍ਪੋ ਸਤ੍ਤਮੋ ਕਣ੍ਡੋ.
ਸਮਾਸਕਪ੍ਪੋ ਨਿਟ੍ਠਿਤੋ.
੫. ਤਦ੍ਧਿਤਕਪ੍ਪ
ਅਟ੍ਠਮਕਣ੍ਡ
੩੪੪, ੩੬੧. ਵਾਣ’ਪਚ੍ਚੇ ¶ .
ਣਪਚ੍ਚਯੋ ਹੋਤਿ ਵਾ ‘‘ਤਸ੍ਸਾਪਚ੍ਚ’’ ਮਿਚ੍ਚੇਤਸ੍ਮਿਂ ਅਤ੍ਥੇ.
ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠੋ, ਵਸਿਟ੍ਠਸ੍ਸ ਅਪਚ੍ਚਂ ਵਾ, ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠੀ, ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠਂ. ਏਵਂ ਭਾਰਦ੍ਵਾਜੋ, ਭਾਰਦ੍ਵਾਜੀ, ਭਾਰਦ੍ਵਾਜਂ. ਗੋਤਮੋ, ਗੋਤਮੀ, ਗੋਤਮਂ. ਵਾਸੁਦੇਵੋ, ਵਾਸੁਦੇਵੀ, ਵਾਸੁਦੇਵਂ. ਬਾਲਦੇਵੋ, ਬਾਲਦੇਵੀ, ਬਾਲਦੇਵਂ. ਵੇਸਾਮਿਤ੍ਤੋ, ਵੇਸਾਮਿਤ੍ਤੀ ਵੇਸਾਮਿਤ੍ਤਂ.
ਤਸ੍ਮਾ ਵਚ੍ਛਾਦਿਤੋ ਗੋਤ੍ਤਗਣਤੋ ਣਾਯਨਣਾਨਪਚ੍ਚਯਾ ਹੋਨ੍ਤਿ ਵਾ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ.
ਵਚ੍ਛਸ੍ਸ ਅਪਚ੍ਚਂਵਚ੍ਛਾਯਨੋ, ਵਚ੍ਛਾਨੋ, ਵਚ੍ਛਸ੍ਸ ਅਪਚ੍ਚਂ ਵਾ, ਵਚ੍ਛਸ੍ਸ ਅਪਚ੍ਚਂ ਵਚ੍ਛਾਯਨੀ, ਵਚ੍ਛਾਨੀ, ਵਚ੍ਛਸ੍ਸ ਅਪਚ੍ਚਂ ਵਚ੍ਛਾਯਨਂ, ਵਚ੍ਛਾਨਂ. ਸਕਟਸ੍ਸ ਅਪਚ੍ਚਂ ਸਾਕਟਾਯਨੋ, ਸਾਕਟਾਨੋ ¶ , ਸਕਟਸ੍ਸ ਅਪਚ੍ਚਂ ਵਾ, ਸਾਕਟਾਯਨੀ, ਸਾ ਕਟਾਨੀ, ਸਾਕਟਾਯਨਂ, ਸਾਕਟਾਨਂ. ਏਵਂ ਕਣ੍ਹਾਯਨੋ, ਕਣ੍ਹਾਨੋ, ਕਣ੍ਹਸ੍ਸ ਅਪਚ੍ਚਂ ਵਾ. ਕਣ੍ਹਾਯਨੀ, ਕਣ੍ਹਾਨੀ, ਕਣ੍ਹਾਯਨਂ, ਕਣ੍ਹਾਨਂ. ਅਗ੍ਗਿਵੇਸ੍ਸਾਯਨੋ, ਅਗ੍ਗਿਵੇਸ੍ਸਾਨੋ, ਅਗ੍ਗਿਵੇਸ੍ਸਾਯਨੀ, ਅਗ੍ਗਿਵੇਸ੍ਸਾਨੀ, ਅਗ੍ਗਿਵੇਸ੍ਸਾਯਨਂ, ਅਗ੍ਗਿਵੇਸ੍ਸਾਨਂ. ਗਚ੍ਛਾਯਨੋ, ਗਚ੍ਛਾਨੋ, ਗਚ੍ਛਾਯਨੀ, ਗਚ੍ਛਾਨੀ, ਗਚ੍ਛਾਯਨਂ, ਗਚ੍ਛਾਨਂ. ਕਪ੍ਪਾਯਨੋ, ਕਪ੍ਪਾਨੋ, ਕਪ੍ਪਾਯਨੀ, ਕਪ੍ਪਾਨੀ, ਕਪ੍ਪਾਯਨਂ, ਕਪ੍ਪਾਨਂ. ਮੋਗ੍ਗਲ੍ਲਾਯਨੋ, ਮੋਗ੍ਗਲ੍ਲਾਨੋ, ਮੋਗ੍ਗਲ੍ਲਾਯਨੀ, ਮੋਗ੍ਗਲ੍ਲਾਨੀ, ਮੋਗ੍ਗਲ੍ਲਾਯਨਂ, ਮੋਗ੍ਗਲ੍ਲਾਨਂ. ਮੁਞ੍ਚਾਯਨੋ, ਮੁਞ੍ਚਾਨੋ, ਮੁਞ੍ਚਾਯਨੀ, ਮੁਞ੍ਚਾਨੀ, ਮੁਞ੍ਚਾਯਨਂ, ਮੁਞ੍ਚਾਨਂ. ਸਙ੍ਘਾਯਨੋ, ਸਙ੍ਘਾਨੋ, ਸਙ੍ਘਾਯਨੀ, ਸਙ੍ਘਾਨੀ, ਸਙ੍ਘਾਯਨਂ, ਸਙ੍ਘਾਨਂ. ਲੋਮਾਯਨੋ, ਲੋਮਾਨੋ, ਲੋਮਾਯਨੀ, ਲੋਮਾਨੀ, ਲੋਮਾਯਨਂ, ਲੋਮਾਨਂ, ਸਾਕਮਾਯਨੋ, ਸਾਕਮਾਨੋ, ਸਾਕਮਾਯਨੀ, ਸਾਕਮਾਨੀ, ਸਾਕਮਾਯਨਂ, ਸਾਕਮਾਨਂ. ਨਾਰਾਯਨੋ, ਨਾਰਾਨੋ, ਨਾਰਾਯਨੀ, ਨਾਰਾਨੀ, ਨਾਰਾਯਨਂ, ਨਾਰਾਨਂ. ਚੋਰਾਯਨੋਚੋਰਾਨੋ, ਚੋਰਾਯਨੀ, ਚੋਰਾਨੀ, ਚੋਰਾਯਨਂ, ਚੋਰਾਨਂ, ਆਵਸਾਲਾਯਨੋ, ਆਵਸਾਲਾਨੋ, ਆਵਸਾਲਾਯਨੀ, ਆਵਸਾਲਾਨੀ, ਆਵਸਾਲਾਯਨਂ, ਆਵਸਾਲਾਨਂ. ਦ੍ਵੇਪਾਯਨੋ, ਦ੍ਵੇਪਾਨੋ, ਦ੍ਵੇਪਾਯਨੀ, ਦ੍ਵੇਪਾਨੀ, ਦ੍ਵੇਪਾਯਨਂ, ਦ੍ਵੇਪਾਨਂ. ਕੁਞ੍ਚਾਯਨੋ, ਕੁਞ੍ਚਾਨੋ, ਕੁਞ੍ਚਾਯਨੀ, ਕੁਞ੍ਚਾਨੀ, ਕੁਞ੍ਚਾਯਨਂ, ਕੁਞ੍ਚਾਨਂ. ਕਚ੍ਚਾਯਨੋ, ਕਚ੍ਚਾਨੋ, ਕਚ੍ਚਾਯਨੀ, ਕਚ੍ਚਾਨੀ, ਕਚ੍ਚਾਯਨਂ, ਕਚ੍ਚਾਨਂ.
੩੪੬, ੩੬੭. ਣੇਯ੍ਯੋ ¶ ਕਤ੍ਤਿਕਾਦੀਹਿ.
ਤੇਹਿ ਗੋਤ੍ਤਗਣੇਹਿ ਕਤ੍ਤਿਕਾਦੀਹਿ ਣੇਯ੍ਯਪਚ੍ਚਯੋ ਹੋਤਿ ਵਾ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ.
ਕਤ੍ਤਿਕਾਯ ਅਪਚ੍ਚਂ ਕਤ੍ਤਿਕੇਯ੍ਯੋ, ਕਤ੍ਤਿਕਾਯ ਅਪਚ੍ਚਂ ਵਾ. ਏਵਂ ਵੇਨਤੇਯ੍ਯੋ, ਰੋਹਿਣੇਯ੍ਯੋ, ਗਙ੍ਗੇਯ੍ਯੋ, ਕਦ੍ਦਮੇਯ੍ਯੋ, ਨਾਦੇਯ੍ਯੋ, ਆਲੇਯ੍ਯੋ, ਆਹੇਯੋ, ਕਾਮੇਯ੍ਯੋ, ਸੁਚਿਯਾ ਅਪਚ੍ਚਂ ਸੋਚੇਯ੍ਯੋ, ਸਾਲੇਯ੍ਯੋ, ਬਾਲੇਯ੍ਯੋ, ਮਾਲੇਯ੍ਯੋ, ਕਾਲੇਯ੍ਯੋ.
ਤਸ੍ਮਾ ਅਕਾਰਤੋ ਣਿਪਚ੍ਚਯੋ ਹੋਤਿ ਵਾ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ.
ਦਕ੍ਖਸ੍ਸ ਅਪਚ੍ਚਂ ਦਕ੍ਖਿ, ਦਕ੍ਖਸ੍ਸ ਅਪਚ੍ਚਂ ਵਾ. ਦੁਣਸ੍ਸ ਅਪਚ੍ਚਂ ਦੋਣਿ, ਦੁਣਸ੍ਸ ਅਪਚ੍ਚਂ ਵਾ, ਏਵਂ ਵਾਸਵਿ, ਸਕ੍ਯਪੁਤ੍ਤਿ, ਨਾਟਪੁਤ੍ਤਿ, ਦਾਸਪੁਤ੍ਤਿ, ਦਾਸਵਿ, ਵਾਰੁਣਿ, ਗਣ੍ਡਿ, ਬਾਲਦੇਵਿ, ਪਾਵਕਿ, ਜੇਨਦਤ੍ਤਿ, ਬੁਦ੍ਧਿ, ਧਮ੍ਮਿ, ਸਙ੍ਘਿ, ਕਪ੍ਪਿ, ਅਨੁਰੁਦ੍ਧਿ.
ਵਾਤਿ ਵਿਕਪ੍ਪਨਤ੍ਥੇਨ ਣਿਕਪਚ੍ਚਯੋ ਹੋਤਿ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ. ਸਕ੍ਯਪੁਤ੍ਤਸ੍ਸ ਅਪਚ੍ਚਂ ਸਕ੍ਯਪੁਤ੍ਤਿਕੋ. ਏਵਂ ਨਾਟਪੁਤ੍ਤਿਕੋ, ਜੇਨਦਤ੍ਤਿਕੋ.
੧੪੮, ੩੭੧. ਣਵੋ’ ¶ ਪਕ੍ਵਾਦੀਹਿ.
ਉਪਕੁਇਚ੍ਚੇਵਮਾਦੀਹਿ ਣਵਪਚ੍ਚਯੋ ਹੋਤਿ ਵਾ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ.
ਉਪਕੁਸ੍ਸ ਅਪਚ੍ਚਂ ਓਪਕਵੋ, ਉਪਕੁਸ੍ਸ ਅਪਚ੍ਚਂ ਵਾ. ਮਨੁਨੋ ਅਪਚ੍ਚਂ ਮਾਨਵੋ, ਮਨੁਨੋ ਅਪਚ੍ਚਂ ਵਾ. ਭਗ੍ਗੁਸ੍ਸ ਅਪਚ੍ਚਂ ਭਗ੍ਗਵੋ, ਭਗ੍ਗੁਸ੍ਸ ਅਪਚ੍ਚਂ ਵਾ, ਪਣ੍ਡੁਸ੍ਸ ਅਪਚ੍ਚਂ ਪਣ੍ਡਵੋ, ਪਣ੍ਡੁਸ੍ਸ ਅਪਚ੍ਚਂ ਵਾ, ਬਹੁਸ੍ਸ ਅਪਚ੍ਚਂ ਬਾਹਵੋ, ਬਹੁਸ੍ਸ ਅਪਚ੍ਚਂ ਵਾ.
ਤਸ੍ਮਾ ਵਿਧਵਾਦਿਤੋ ਣੇਰਪਚ੍ਚਯੋ ਹੋਤਿ ਵਾ ‘‘ਤਸ੍ਸਾਪਚ੍ਚ’’ਮਿਚ੍ਚੇਤਸ੍ਮਿਂ ਅਤ੍ਥੇ.
ਵਿਧਵਾਯ ਅਪਚ੍ਚਂ ਵੇਧਵੇਰੋ, ਵਿਧਵਾਯ ਅਪਚ੍ਚਂ ਵਾ. ਬਨ੍ਧੁਕਿਯਾ ਅਪਚ੍ਚਂ ਬਨ੍ਧੁਕੇਰੋ, ਬਨ੍ਧੁਕਿਯਾ ਅਪਚ੍ਚਂ ਵਾ. ਸਮਣਸ੍ਸ ਅਪਚ੍ਚਂ ਸਾਮਣੇਰੋ, ਸਮਣਸ੍ਸ ਅਪਚ੍ਚਂ ਵਾ. ਏਵਂ ਸਾਮਣੇਰੀ, ਸਾਮਣੇਰਂ, ਨਾਲ਼ਿਕੇਰੋ, ਨਾਲ਼ਿਕੇਰੀ, ਨਾਲ਼ਿਕੇਰਂ.
੩੫੦, ੩੭੩. ਯੇਨ ਵਾ ਸਂਸਟ੍ਠਂ ਤਰਤਿ ਚਰਤਿ ਵਹਤਿ ਣਿਕੋ.
ਯੇਨ ਵਾ ਸਂਸਟ੍ਠਂ, ਯੇਨ ਵਾ ਤਰਤਿ, ਯੇਨ ਵਾ ਚਰਤਿ, ਯੇਨ ਵਾ ਵਹਤਿ ਇਚ੍ਚੇਤੇਸ੍ਵਤ੍ਥੇਸੁ ਣਿਕਪਚ੍ਚਯੋ ਹੋਤਿ ਵਾ.
ਤਿਲੇਨ ¶ ਸਂਸਟ੍ਠਂ ਭੋਜਨਂ ਤੇਲਿਕਂ, ਤਿਲੇਨ ਸਂਸਟ੍ਠਂ ਵਾ. ਏਵਂ ਗੋਲ਼ਿਕਂ, ਘਾਤਿਕਂ.
ਨਾਵਾਯ ਤਰਤੀਤਿ ਨਾਵਿਕੋ, ਨਾਵਾਯ ਤਰਤਿ ਵਾ. ਏਵਂ ਓਲ਼ੁਮ੍ਪਿਕੋ.
ਸਕਟੇਨ ਚਰਤੀਤਿ ਸਾਕਟਿਕੋ, ਸਕਟੇਨ ਚਰਤਿ ਵਾ. ਏਵਂ ਪਤ੍ਤਿਕੋ, ਦਣ੍ਡਿਕੋ, ਧਮ੍ਮਿਕੋ, ਪਾਦਿਕੋ.
ਸੀਸੇਨ ਵਹਤੀਤਿ ਸੀਸਿਕੋ, ਸੀਸੇਨ ਵਹਤਿ ਵਾ. ਅਂਸੇਨ ਵਹਤੀਤਿ ਅਂਸਿਕੋ, ਅਂਸੇਨ ਵਹਤਿ ਵਾ. ਏਵਂ ਖਨ੍ਧਿਕੋ, ਅਙ੍ਗੁਲਿਕੋ.
ਵਾਤਿ ਵਿਕਪ੍ਪਨਤ੍ਥੇਨ ਅਞ੍ਞੇਸੁਪਿ ਣਿਕਪਚ੍ਚਯੋ ਹੋਤਿ. ਰਾਜਗਹੇ ਵਸਤੀਤਿ ਰਾਜਗਹਿਕੋ, ਰਾਜਗਹੇ ਵਸਤਿ ਵਾ. ਰਾਜਗਹੇ ਜਾਤੋ ਰਾਜਗਹਿਕੋ, ਰਾਜਗਹੇ ਜਾਤੋ ਵਾ. ਏਵਂ ਮਾਗਧਿਕੋ, ਸਾਵਤ੍ਥਿਕੋ, ਕਾਪਿਲ ਵਤ੍ਥਿਕੋ, ਪਾਟਲਿਪੁਤ੍ਤਿਕੋ, ਵੇਸਾਲਿਕੋ.
੩੫੧, ੩੭੪. ਤਮਧੀਤੇ ਤੇਨਕਤਾਦਿ ਸਨ੍ਨਿਧਾਨ ਨਿਯੋਗ ਸਿਪ੍ਪ ਭਣ੍ਡ ਜੀਵਿਕਤ੍ਥੇਸੁ ਚ.
ਤਮਧੀਤੇ, ਤੇਨਕਤਾਦਿਅਤ੍ਥੇ, ਤਮ੍ਹਿ ਸਨ੍ਨਿਧਾਨਾ, ਤਤ੍ਥ ਨਿਯੁਤ੍ਤੋ, ਤਮਸ੍ਸ ਸਿਪ੍ਪਂ, ਤਮਸ੍ਸ ਭਣ੍ਡਂ, ਤਮਸ੍ਸ ਜੀਵਿਕਂ ਇਚ੍ਚੇਤੇਸ੍ਵਤ੍ਥੇਸੁ ਚ ਣਿਕਪਚ੍ਚਯੋ ਹੋਤਿ ਵਾ.
ਵਿਨਯਮਧੀਤੇ ¶ ਵੇਨਯਿਕੋ, ਵਿਨਯਮਧੀਤੇ ਵਾ. ਏਵਂ ਸੁਤ੍ਤਨ੍ਤਿਕੋ, ਆਭਿਧਮ੍ਮਿਕੋ, ਵੇਯ੍ਯਾਕਰਣਿਕੋ.
ਕਾਯੇਨ ਕਤਂ ਕਮ੍ਮਂ ਕਾਯਿਕਂ, ਕਾਯੇਨ ਕਤਂ ਕਮ੍ਮਂ ਵਾ. ਏਵਂ ਵਾਚਸਿਕਂ, ਮਾਨਸਿਕਂ.
ਸਰੀਰੇ ਸਨ੍ਨਿਧਾਨਾ ਵੇਦਨਾ ਸਾਰੀਰਿਕਾ, ਸਰੀਰੇ ਸਨ੍ਨਿਧਾਨਾ ਵਾ, ਏਵਂ ਮਾਨਸਿਕਾ.
ਦ੍ਵਾਰੇ ਨਿਯੁਤ੍ਤੋ ਦੋਵਾਰਿਕੋ, ਦ੍ਵਾਰੇ ਨਿਯੁਤ੍ਤੋ ਵਾ. ਏਵਂ ਭਣ੍ਡਾਗਾਰਿਕੋ, ਨਾਗਰਿਕੋ, ਨਾਵਕਮ੍ਮਿਕੋ.
ਵੀਣਾ ਅਸ੍ਸ ਸਿਪ੍ਪਂ ਵੇਣਿਕੋ, ਵੀਣਾ ਅਸ੍ਸ ਸਿਪ੍ਪਂ ਵਾ. ਏਵਂ ਪਾਣਵਿਕੋ, ਮੋਦਿਙ੍ਗਿਕੋ, ਵਂਸਿਕੋ.
ਗਨ੍ਧੋ ਅਸ੍ਸ ਭਣ੍ਡਂ ਗਨ੍ਧਿਕੋ, ਗਨ੍ਧੋ ਅਸ੍ਸ ਭਣ੍ਡਂ ਵਾ. ਏਵਂ ਤੇਲਿਕੋ, ਗੋਲ਼ਿਕੋ.
ਉਰਬ੍ਭਂ ਹਨ੍ਤ੍ਵਾ ਜੀਵਤੀਤਿ ਓਰਬ੍ਭਿਕੋ, ਉਰਬ੍ਭਂ ਹਨ੍ਤ੍ਵਾ ਜੀਵਤਿ ਵਾ. ਮਗਂ ਹਨ੍ਤ੍ਵਾ ਜੀਵਤੀਤਿ ਮਾਗਵਿਕੋ, ਮਗਂ ਹਨ੍ਤ੍ਵਾ ਜੀਵਤਿ ਵਾ. ਏਵਂ ਸੋਕਰਿਕੋ, ਸਾਕੁਣਿਕੋ.
ਆਦਿਗ੍ਗਹਣੇਨ ਅਞ੍ਞਤ੍ਥਾਪਿ ਣਿਕ ਪਚ੍ਚਯੋ ਯੋਜੇਤਬ੍ਬੋ. ਜਾਲੇਨ ਹਤੋ ਜਾਲਿਕੋ, ਜਾਲੇਨ ਹਤੋ ਵਾ.
ਸੁਤ੍ਤੇਨ ਬਨ੍ਧੋ ਸੁਤ੍ਤਿਕੋ, ਸੁਤ੍ਤੇਨ ਬਨ੍ਧੋ ਵਾ.
ਚਾਪੋ ¶ ਅਸ੍ਸ ਆਵੁਧੋ ਚਾਪਿਕੋ, ਚਾਪੋ ਅਸ੍ਸ ਆਵੁਧੋ ਵਾ. ਏਵਂ ਤੋਮਰਿਕੋ, ਮੁਗ੍ਗਰਿਕੋ, ਮੋਸਲਿਕੋ.
ਵਾਤੋ ਅਸ੍ਸ ਆਬਾਧੋ ਵਾਤਿਕੋ, ਵਾਤੋ ਅਸ੍ਸ ਆਬਾਧੋ ਵਾ. ਏਵਂ ਸੇਮ੍ਹਿਕੋ, ਪਿਤ੍ਤਿਕੋ.
ਬੁਦ੍ਧੇ ਪਸਨ੍ਨੋ ਬੁਦ੍ਧਿਕੋ, ਬੁਦ੍ਧੇ ਪਸਨ੍ਨੋ ਵਾ. ਏਵਂ ਧਮ੍ਮਿਕੋ, ਸਙ੍ਘਿਕੋ.
ਬੁਦ੍ਧਸ੍ਸ ਸਨ੍ਤਕਂ ਬੁਦ੍ਧਿਕਂ, ਬੁਦ੍ਧਸ੍ਸ ਸਨ੍ਤਕਂ ਵਾ. ਏਵਂ ਧਮ੍ਮਿਕਂ, ਸਙ੍ਘਿਕਂ.
ਵਤ੍ਥੇਨ ਕੀਤਂ ਭਣ੍ਡਂ ਵਤ੍ਥਿਕਂ, ਵਤ੍ਥੇਨ ਕੀਤਂ ਭਣ੍ਡਂ ਵਾ. ਏਵਂ ਕੁਮ੍ਭਿਕਂ, ਫਾਲਿਕਂ, ਕਿਂ ਕਣਿਕਂ, ਸੋਵਣ੍ਣਿਕਂ.
ਕੁਮ੍ਭੋ ਅਸ੍ਸ ਪਰਿਮਾਣਂ ਕੁਮ੍ਭਿਕਂ, ਕੁਮ੍ਭੋ ਅਸ੍ਸ ਪਰਿਮਾਣਂ ਵਾ.
ਕੁਮ੍ਭਸ੍ਸ ਰਾਸਿ ਕੁਮ੍ਭਿਕਂ, ਕੁਮ੍ਭਸ੍ਸ ਰਾਸਿ ਵਾ.
ਕੁਮ੍ਭਂ ਅਰਹਤੀਤਿ ਕੁਮ੍ਭਿਕੋ, ਕੁਮ੍ਭਂ ਅਰਹਤਿ ਵਾ.
ਅਕ੍ਖੇਨ ਦਿਬ੍ਬਤੀਤਿ ਅਕ੍ਖਿਕੋ, ਅਕ੍ਖੇਨ ਦਿਬ੍ਬਤਿ ਵਾ. ਏਵਂ ਸਾਲਾਕਿਕੋ, ਤਿਨ੍ਦੁਕਿਕੋ, ਅਮ੍ਬਫਲਿਕੋ. ਕਪਿਟ੍ਠਫਲਿਕੋ, ਨਾਲ਼ਿਕੇਰਿਕੋ ਇਚ੍ਚੇਵਮਾਦਿ.
੩੫੨, ੩੭੬. ਣ ਰਾਗਾ ਤਸ੍ਸੇ ਦਮਞ੍ਞਤ੍ਥੇਸੁ ਚ.
ਣਪਚ੍ਚਯੋ ਹੋਤਿ ਵਾ ਰਾਗਮ੍ਹਾ ‘‘ਤੇਨ ਰਤ੍ਤਂ’’ ਇਚ੍ਚੇਤਸ੍ਮਿਂ ਅਤ੍ਥੇ, ‘‘ਤਸ੍ਸੇਦਂ’’ ਅਞ੍ਞਤ੍ਥੇਸੁ ਚ.
ਕਸਾਵੇਨ ¶ ਰਤ੍ਤਂ ਵਤ੍ਥਂ ਕਾਸਾਵਂ, ਕਸਾਵੇਨ ਰਤ੍ਤਂ ਵਤ੍ਥਂ ਵਾ. ਏਵਂ ਕੋਸੁਮ੍ਭਂ, ਹਾਲਿਦ੍ਦਂ, ਪਾਟਙ੍ਗਂ, ਰਤ੍ਤਙ੍ਗ, ਮਞ੍ਜਿਟ੍ਠਂ, ਕੁਙ੍ਕੁਮਂ.
ਸੂਕਰਸ੍ਸ ਇਦਂ ਮਂਸਂ ਸੋਕਰਂ, ਸੂਕਰਸ੍ਸ ਇਦਂ ਮਂਸਂ ਵਾ. ਏਵਂ ਮਾਹਿਸਂ.
ਉਦੁਮ੍ਬਰਸ੍ਸ ਅਵਿਦੂਰੇ ਪਵਤ੍ਤਂ ਵਿਮਾਨਂ ਓਦੁਮ੍ਬਰਂ, ਉਦੁਮ੍ਬਰਸ੍ਸ ਅਵਿਦੂਰੇ ਪਵਤ੍ਤਂ ਵਿਮਾਨਂ ਵਾ.
ਵਿਦਿਸਾਯ ਅਵਿਦੂਰੇ ਨਿਵਾਸੋ ਵੇਦਿਸੋ, ਵਿਦਿਸਾਯ ਅਵਿਦੂਰੇ ਨਿਵਾਸੋ ਵਾ.
ਮਥੁਰਾਯ ਜਾਤੋ ਮਾਥੁਰੋ, ਮਥੁਰਾਯ ਜਾਤੋ ਵਾ.
ਮਥੁਰਾਯ ਆਗਤੋ ਮਾਥੁਰੋ, ਮਥੁਰਾਯ ਆਗਤੋ ਵਾ.
ਕਤ੍ਤਿਕਾਯ ਨਿਯੁਤ੍ਤੋ ਮਾਸੋ ਕਤ੍ਤਿਕੋ, ਕਤ੍ਤਿਕਾਯ ਨਿਯੁਤ੍ਤੋ ਮਾਸੋ ਵਾ. ਏਵਂ ਮਾਗਸਿਰੋ, ਫੁਸ੍ਸੋ, ਮਾਘੋ, ਫਗ੍ਗੁਨੋ, ਚਿਤ੍ਤੋ, ਵੇਸਾਖੋ, ਜੇਟ੍ਠੋ, ਆਸਲ਼੍ਹੋ, ਸਾਵਣੋ, ਭਦ੍ਦੋ, ਅਸ੍ਸਯੁਜੋ.
ਨ ਵੁਦ੍ਧਿ ਨੀਲਪੀਤਾਦੋ, ਪਚ੍ਚਯੇ ਸਣਕਾਰਕੇ.
ਫਕਾਰੋ ਫੁਸ੍ਸਸਦ੍ਦਸ੍ਸ, ‘‘ਸਿਰੋ’’ਤਿ ਸਿਰਸਂ ਵਦੇ.
ਸਿਕ੍ਖਾਨਂ ¶ ਸਮੂਹੋ ਸਿਕ੍ਖੋ, ਭਿਕ੍ਖਾਨਂ ਸਮੂਹੋ ਭਿਕ੍ਖੋ. ਏਵਂ ਕਾਪੋਤੋ, ਮਾਯੂਰੋ, ਕੋਕਿਲੋ.
ਬੁਦ੍ਧੇ, ਅਸ੍ਸ ਦੇਵਤਾ ਬੁਦ੍ਧੋ. ਏਵਂ ਭਦ੍ਦੋ, ਮਾਰੋ, ਮਾਹਿਨ੍ਦੋ, ਵੇਸ੍ਸਵਣੋ, ਯਾਮੋ, ਸੋਮੋ, ਨਾਰਾਯਣੋ.
ਸਂਵਚ੍ਛਰਮਧੀਤੇ ਸਂਵਚ੍ਛਰੋ. ਏਵਂ ਮੋਹੁਤ੍ਤੋ, ਨੇਮਿਤ੍ਤੋ, ਅਙ੍ਗਵਿਜ੍ਜੋ, ਵੇਯ੍ਯਾਕਰਣੋ, ਛਨ੍ਦੋ, ਭਾਸ੍ਸੋ, ਚਨ੍ਦੋ.
ਵਸਾਦਾਨਂ ਵਿਸਯੋ ਦੇਸੋ ਵਾਸਾਦੋ. ਏਵਂ ਕੁਮ੍ਭੋ, ਸਾਕੁਨ੍ਤੋ, ਆਤਿਸਾਰੋ.
ਉਦੁਮ੍ਬਰਾ ਅਸ੍ਮਿਂ ਪਦੇਸੇ ਸਨ੍ਤੀਤਿ ਓਦੁਮ੍ਬਰੋ. ਸਾਗਰੇਹਿ ਨਿਬ੍ਬਤ੍ਤੋ ਸਾਗਰੋ. ਸਾਗਲਮਸ੍ਸ ਨਿਵਾਸੋ ਸਾਗਲੋ. ਮਥੁਰਾ ਅਸ੍ਸ ਨਿਵਾਸੋ ਮਾਥੁਰੋ. ਮਥੁਰਾਯ ਇਸ੍ਸਰੋ ਮਾਥੁਰੋ. ਇਚ੍ਚੇਵਮਾਦਯੋ ਯੋਜੇਤਬ੍ਬਾ.
ਜਾਤਇਚ੍ਚੇਵਮਾਦੀਨਮਤ੍ਥੇ ਇਮਇਯਪਚ੍ਚਯਾ ਹੋਨ੍ਤਿ.
ਪਚ੍ਛਾ ਜਾਤੋ ਪਚ੍ਛਿਮੋ. ਏਵਂ ਅਨ੍ਤਿਮੋ, ਮਜ੍ਝਿਮੋ, ਪੁਰਿਮੋ, ਉਪਰਿਮੋ, ਹੇਟ੍ਠਿਮੋ, ਗੋਪ੍ਫਿਮੋ. ਬੋਧਿਸਤ੍ਤਜਾਤਿਯਾ ਜਾਤੋ ਬੋਧਿਸਤ੍ਤਜਾਤਿਯੋ, ਏਵਂ ¶ ਅਸ੍ਸਜਾਤਿਯੋ, ਹਤ੍ਥਿਜਾਤਿਯੋ, ਮਨੁਸ੍ਸਜਾਤਿਯੋ.
ਆਦਿਗ੍ਗਹਣੇਨ ਨਿਯੁਤ੍ਤਤ੍ਥਾਦਿਤੋਪਿ ਤਦਸ੍ਸਤ੍ਥਾਦਿਤੋਪਿ ਇਮ ਇਯ ਇਕ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ. ਅਨ੍ਤੋ ਨਿਯੁਤ੍ਤੋ ਅਨ੍ਤਿਮੋ. ਏਵਂ ਅਨ੍ਤਿਯੋ, ਅਨ੍ਤਿਕੋ.
ਪੁਤ੍ਤੋ ਅਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਪੁਤ੍ਤਿਮੋ. ਏਵਂ ਪੁਤ੍ਤਿਯੇਵ, ਪੁਤ੍ਤਿਕੋ, ਕਪ੍ਪਿਮੋ, ਕਪ੍ਪਿਯੋ, ਕਪ੍ਪਿਕੋ.
ਚਗ੍ਗਹਣੇਨ ਕਿਯਪਚ੍ਚਯੋ ਹੋਤਿ ਨਿਯੁਤ੍ਤਤ੍ਥੇ. ਜਾਤਿਯਂ ਨਿਯੁਤ੍ਤੋ ਜਾਤਿਕਿਯੋ, ਅਨ੍ਧੇ ਨਿਯੁਤ੍ਤੋ ਅਨ੍ਧਕਿਯੋ, ਜਾਤਿਯਾ ਅਨ੍ਧੋ ਜਚ੍ਚਨ੍ਧੋ, ਜਚ੍ਚਨ੍ਧੇ ਨਿਯੁਤ੍ਤੋ ਜਚ੍ਚਨ੍ਧਕਿਯੋ.
ਸਮੂਹਤ੍ਥੇ ਕਣ ਣਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਰਾਜਪੁਤ੍ਤਾਨਂ ਸਮੂਹੋ ਰਾਜਪੁਤ੍ਤਕੋ. ਏਵਂ ਰਾਜਪੁਤ੍ਤੋ, ਮਾਨੁਸ੍ਸਕੋ, ਮਾਨੁਸ੍ਸੋ, ਮਾਯੂਰਕੋ, ਮਾਯੂਰੋ, ਮਾਹਿਂਸਕੋ, ਮਾਹਿਂਸੋ.
੩੫੫, ੩੮੦. ਗਾਮ ਜਨ ਬਨ੍ਧੁ ਸਹਾਯਾਦੀਹਿਤਾ.
ਗਾਮ ਜਨ ਬਨ੍ਧੁ ਸਹਾਯਇਚ੍ਚੇਵਮਾਦੀਹਿ ਤਾਪਚ੍ਚਯੋ ਹੋਤਿ ਸਮੂਹਤ੍ਥੇ.
ਗਾਮਾਨਂ ¶ ਸਮੂਹੋ ਗਾਮਤਾ. ਏਵਂ ਜਨਤਾ, ਬਨ੍ਧੁਤਾ, ਸਹਾਯਤਾ, ਨਗਰਤਾ.
‘‘ਤਦਸ੍ਸ ਠਾਨ’’ ਮਿਚ੍ਚੇਤਸ੍ਮਿਂ ਅਤ੍ਥੇ ਇਯਪਚ੍ਚਯੋ ਹੋਤਿ.
ਮਦਨਸ੍ਸ ਠਾਨਂ ਮਦਨਿਯਂ, ਬਨ੍ਧਨਸ੍ਸ ਠਾਨਂ ਬਨ੍ਧਨਿਯਂ, ਮੁਚ੍ਛਨਸ੍ਸ ਠਾਨਂ ਮੁਚ੍ਛਨਿਯਂ, ਏਵਂ ਰਜਨਿਯਂ, ਕਮਨਿਯਂ, ਗਮਨਿਯਂ, ਦੁਸ੍ਸਨਿਯਂ, ਦਸ੍ਸਨਿਯਂ.
ਉਪਮਤ੍ਥੇ ਆਯਿਤਤ੍ਤਪਚ੍ਚਯੋ ਹੋਤਿ.
ਧੂਮੋ ਵਿਯ ਦਿਸ੍ਸਤਿ ਅਦੁਂ ਵਨਂ ਤਦਿਦਂ ਧੂਮਾਯਿਤਤ੍ਤਂ, ਤਿਮਿਰਂ ਵਿਯ ਦਿਸ੍ਸਤਿ ਅਦੁਂ ਵਨਂ ਤਦਿਦਂ ਤਿਮਿਰਾਯਿਤਤ੍ਤਂ.
‘‘ਤਨ੍ਨਿਸ੍ਸਿਤਤ੍ਥੇ, ਤਦਸ੍ਸ ਠਾਨ’’ਮਿਚ੍ਚੇਤਸ੍ਮਿਂ ਅਤ੍ਥੇ ਚ ਲਪਚ੍ਚਯੋ ਹੋਤਿ.
ਦੁਟ੍ਠੁ ¶ ਨਿਸ੍ਸਿਤਂ ਦੁਟ੍ਠੁਲ੍ਲਂ, ਵੇਦਂ ਨਿਸ੍ਸਿਤਂ ਵੇਦਲ੍ਲਂ, ਦੁਟ੍ਠੁ ਠਾਨਂ ਦੁਟ੍ਠੁਲ੍ਲਂ, ਵੇਦਸ੍ਸ ਠਾਨਂ ਵੇਦਲ੍ਲਂ.
ਆਲੁਪਚ੍ਚਯੋ ਹੋਤਿ ਤਬ੍ਬਹੁਲਤ੍ਥੇ.
ਅਭਿਜ੍ਝਾ ਅਸ੍ਸ ਪਕਤਿ ਅਭਿਜ੍ਝਾਲੁ, ਅਭਿਜ੍ਝਾ ਅਸ੍ਸ ਬਹੁਲਾ ਵਾ ਅਭਿਜ੍ਝਾਲੁ. ਏਵਂ ਸੀਤਾਲੁ, ਧਜਾਲੁ, ਦਯਾਲੁ.
ਣ੍ਯਤ੍ਤਤਾਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਭਾਵਤ੍ਥੇ.
ਅਲਸਸ੍ਸ ਭਾਵੋ ਆਲਸ੍ਯਂ, ਅਰੋਗਸ੍ਸ ਭਾਵੋ ਆਰੋਗ੍ਯਂ. ਪਂਸੁਕੂਲਿਕਸ੍ਸ ਭਾਵੋ ਪਂਸੁਕੂਲਿਕਤ੍ਤਂ, ਅਨੋਦਰਿਕਸ੍ਸ ਭਾਵੋ ਅਨੋਦਰਿਕਤ੍ਤਂ. ਸਙ੍ਗਣਿਕਾਰਾਮਸ੍ਸ ਭਾਵੋ ਸਙ੍ਗਣਿਕਾਰਾਮਤਾ, ਨਿਦ੍ਦਾਰਾਮਸ੍ਸ ਭਾਵੋ ਨਿਦ੍ਦਾਰਾਮਤਾ.
ਤੁਗ੍ਗਹਣੇਨ ਤ੍ਤਨਪਚ੍ਚਯੋ ਹੋਤਿ. ਪੁਥੁਜ੍ਜਨਤ੍ਤਨਂ, ਵੇਦਨਤ੍ਤਨਂ.
੩੬੧, ੩੮੮. ਣ ¶ ਵਿਸਮਾਦੀਹਿ.
ਣਪਚ੍ਚਯੋ ਹੋਤਿ ਵਿਸਮਾਦੀਹਿ ‘‘ਤਸ੍ਸ ਭਾਵੋ’’ਇਚ੍ਚੇਤਸ੍ਮਿਂ ਅਤ੍ਥੇ.
ਵਿਸਮਸ੍ਸ ਭਾਵੋ ਵੇਸਮਂ, ਸੁਚਿਸ੍ਸ ਭਾਵੋ ਸੋਚਂ.
ਰਮਣੀਯਇਚ੍ਚੇਵਮਾਦਿਤੋ ਕਣ ਪਚ੍ਚਯੋ ਹੋਤਿ ‘‘ਤਸ੍ਸ ਭਾਵੋ’’ਇਚ੍ਚੇਤਸ੍ਮਿਂ ਅਤ੍ਥੇ.
ਰਮਣੀਯਸ੍ਸ ਭਾਵੋ ਰਾਮਣੀਯਕਂ, ਮਨੁਞ੍ਞਸ੍ਸ ਭਾਵੋ ਮਾਨੁਞ੍ਞਕਂ.
੩੬੩, ੩੯੦. ਵਿਸੇਸੇ ਤਰਤਮਿਸਿਕਿਯਿਟ੍ਠਾ.
ਵਿਸੇਸਤ੍ਥੇ ਤਰ ਤਮ ਇਸਿਕ ਇਯ ਇਟ੍ਠਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਸਬ੍ਬੇ ਇਮੇ ਪਾਪਾ, ਅਯਮਿਮੇਸਂ ਵਿਸੇਸੇਨ ਪਾਪੋਤਿ ਪਾਪਤਰੋ. ਏਵਂ ਪਾਪਤਮੋ, ਪਾਪਿਸਿਕੋ, ਪਾਪਿਯੋ, ਪਾਪਿਟ੍ਠੋ.
‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ ਵੀਪਚ੍ਚਯੋ ਹੋਤਿ.
ਮੇਧਾ ¶ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿਮੇਧਾਵੀ. ਏਵਂ ਮਾਯਾਵੀ.
ਚਗ੍ਗਹਣੇਨ ਸੋਪਚ੍ਚਯੋ ਹੋਤਿ. ਸੁਮੇਧਾ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਸੁਮੇਧਸੋ.
ਤਪਾਦਿਤੋ ਸੀਪਚ੍ਚਯੋ ਹੋਤਿ ‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ.
ਤਪੋ ਯਸ੍ਸ ਅਤ੍ਥਿ ਤਸ੍ਮਿਂ ਵਾ ਵਿਜ੍ਜਤੀਤਿ ਤਪਸ੍ਸੀ. ਏਵਂ ਯਸਸ੍ਸੀ, ਤੇਜਸ੍ਸੀ.
ਦਣ੍ਡਾਦਿਤੋ ਇਕ ਈਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ.
ਦਣ੍ਡੋ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਦਣ੍ਡਿਕੋ, ਦਣ੍ਡੀ. ਏਵਂ ਮਾਲਿਕੋ, ਮਾਲੀ.
ਮਧੁਇਚ੍ਚੇਵਮਾਦਿਤੋ ਰਪਚ੍ਚਯੋ ਹੋਤਿ ‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ.
ਮਧੁ ¶ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਮਧੁਰੋ. ਏਵਂ ਕੁਞ੍ਜਰੋ, ਮੁਗ੍ਗਰੋ, ਮੁਖਰੋ, ਸੁਸਿਰੋ, (ਸੀਸਰੋ, ਸੁਕਰੋ, ਸੁਙ੍ਕਰੋ), ਸੁਭਰੋ, ਸੁਚਿਰੋ, ਰੁਚਿਰੋ.
ਗੁਣਇਚ੍ਚੇਵਮਾਦਿਤੋ ਵਨ੍ਤੁਪਚ੍ਚਯੋ ਹੋਤਿ ‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ.
ਗੁਣੋ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਗੁਣਵਾ. ਏਵਂ ਯਸਵਾ, ਧਨਵਾ, ਪਞ੍ਞਵਾ, ਬਲਵਾ, ਭਗਵਾ.
ਸਤਿਇਚ੍ਚੇਵਮਾਦੀਹਿ ਮਨ੍ਤੁਪਚ੍ਚਯੋਹੋਤਿ ‘‘ਤਦਸ੍ਸਤ੍ਥਿ’’ ਇਚ੍ਚੇਤਸ੍ਮਿਂ ਅਤ੍ਥੇ.
ਸਤਿ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਸਤਿਮਾ, ਏਵਂ ਜੁਤਿਮਾ, ਰੁਚਿਮਾ, ਥੁਤਿਮਾ, ਧਿਤਿਮਾ, ਮਤਿਮਾ, ਭਾਣੁਮਾ.
ਸਦ੍ਧਾਇਚ੍ਚੇਵਮਾਦਿਤੋ ਣ ਪਚ੍ਚਯੋ ਹੋਤਿ ‘‘ਤਦਸ੍ਸਤ੍ਥਿ’’ਇਚ੍ਚੇਤਸ੍ਮਿਂ ਅਤ੍ਥੇ.
ਸਦ੍ਧਾ ¶ ਯਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਭਿ ਸਦ੍ਧੋ, ਏਵਂ ਪਞ੍ਞੋ, ਅਮਚ੍ਛਰੋ.
੩੭੧, ੪੦੪. ਆਯੁਸ੍ਸੁਕਾਰਾਸ ਮਨ੍ਤੁਮ੍ਹਿ.
ਆਯੁਸ੍ਸ ਅਨ੍ਤੋ ਉਕਾਰੋ ਅਸਾਦੇਸੋ ਹੋਤਿਮਨ੍ਤੁਮ੍ਹਿ ਪਚ੍ਚਯੇ ਪਰੇ.
ਆਯੁ ਅਸ੍ਸ ਅਤ੍ਥਿ, ਤਸ੍ਮਿਂ ਵਾ ਵਿਜ੍ਜਤੀਤਿ ਆਯਸ੍ਮਾ.
ਤਪ੍ਪਕਤਿਵਚਨਤ੍ਥੇ ਮਯਪਚ੍ਚਯੋ ਹੋਤਿ.
ਸੁਵਣ੍ਣੇਨ ਪਕਤਂ ਕਮ੍ਮਂ ਸੋਵਣ੍ਣਮਯਂ. ਏਵਂ ਰੂਪਿਯਮਯਂ ਜਤੁਮਯਂ, ਰਜਤਮਯਂ, ਇਟ੍ਠਕਮਯਂ, ਅਯੋਮਯਂ, ਮਤ੍ਤਿਕਾ ਮਯਂ, ਦਾਰੁਮਯਂ, ਗੋਮਯਂ.
ਸਙ੍ਖ੍ਯਾਪੂਰਣਤ੍ਥੇ ਮਪਚ੍ਚਯੋ ਹੋਤਿ.
ਪਞ੍ਚਨ੍ਨਂ ਪੂਰਣੋ ਪਞ੍ਚਮੋ, ਏਵਂ ਸਤ੍ਤਮੋ, ਅਟ੍ਠਮੋ, ਨਵਮੋ, ਦਸਮੋ.
੩੭੪, ੪੦੮. ਸ ¶ ਛਸ੍ਸਵਾ.
ਛਸ੍ਸ ਸਕਾਰਾਦੇਸੋ ਹੋਤਿ ਵਾ ਸਙ੍ਖ੍ਯਾਪੂਰਣਤ੍ਥੇ.
ਛਨ੍ਨਂ ਪੂਰਣੋ ਸਟ੍ਠੋ, ਛਟ੍ਠੋ ਵਾ.
ਏਕਾਦਿਤੋ ਦਸਸ੍ਸ ਅਨ੍ਤੇ ਈਪਚ੍ਚਯੋ ਹੋਤਿ ਵਾ ਸਙ੍ਖ੍ਯਾਪੂਰਣਤ੍ਥੇ.
ਏਕੋ ਚ ਦਸ ਚ ਏਕਾਦਸ, ਏਕਾਦਸਨ੍ਨਂ ਪੂਰਣੀ ਏਕਾਦਸੀ. ਪਞ੍ਚਚ ਦਸ ਚ ਪਞ੍ਚਦਸ, ਪਞ੍ਚਦਸਨ੍ਨਂ ਪੂਰਣੀ ਪਞ੍ਚਦਸੀ. ਚਤ੍ਤਾਰੋ ਚ ਦਸ ਚ ਚਤੁਦ੍ਦਸ, ਚਤੁਦ੍ਦਸਨ੍ਨਂ ਪੂਰਣੀ ਚਾਤੁਦ੍ਦਸੀ.
ਪੂਰਣੇਤਿ ਕਿਮਤ੍ਥਂ? ਏਕਾਦਸ, ਪਞ੍ਚਦਸ.
ਦਸਸਦ੍ਦੇ ਪਰੇ ਨਿਚ੍ਚਂ ਛਸ੍ਸ ਸੋ ਹੋਤਿ.
ਸੋਲ਼ਸ.
ਤਾਸਂ ਸਙ੍ਖ੍ਯਾਨਂ ਅਨ੍ਤੇ ਨਿਗ੍ਗਹਿਤਾਗਮੋ ਹੋਤਿ.
ਪਞ੍ਚਦਸਿ, ਚਾਤੁਦ੍ਦਸਿ.
੩੭੮, ੪੧੪. ਤਿ ¶ ਚ.
ਤਾਸਂ ਸਙ੍ਖ੍ਯਾਨਂ ਅਨ੍ਤੇ ਤਿਕਾਰਾਗਮੋ ਹੋਤਿ. ਵੀਸਤਿ, ਤਿਂਸਤਿ.
ਦਕਾਰ ਰਕਾਰਾਨਂ ਸਙ੍ਖ੍ਯਾਨਂ ਲਕਾਰਾਦੇਸੋ ਹੋਤਿ. ਸੋਲ਼ਸ, ਚਤ੍ਤਾਲੀਸਂ.
੩੮੦, ੨੫੫. ਵੀਸਤਿ ਦਸੇਸੁ ਬਾ ਦ੍ਵਿਸ੍ਸ ਤੁ.
ਵੀਸਤਿ ਦਸਇਚ੍ਚੇਤੇਸੁ ਦ੍ਵਿਸ੍ਸ ਬਾ ਹੋਤਿ.
ਬਾਵੀਸਤਿਨ੍ਦ੍ਰਿਯਾਨਿ, ਬਾਰਸ ਮਨੁਸ੍ਸਾ.
ਤੁਗ੍ਗਹਣੇਨ ਦ੍ਵਿਸ੍ਸ ਦੁ ਦਿ ਦੋ ਆਦੇਸਾ ਚ ਹੋਨ੍ਤਿ. ਦੁਰਤ੍ਤਂ, ਦਿਰਤ੍ਤਂ, ਦਿਗੁਣਂ, ਦੋਹਲ਼ਿਨੀ.
੩੮੧, ੨੫੪. ਏਕਾਦਿਤੋ ਦਸ੍ਸ ਰ ਸਙ੍ਖ੍ਯਾਨੇ.
ਏਕਾਦਿਤੋ ਦਸਸ੍ਸ ਦਕਾਰਸ੍ਸ ਰਕਾਰੋ ਹੋਤਿ ਵਾ ਸਙ੍ਖ੍ਯਾਨੇ.
ਏਕਾਰਸ, ਏਕਾਦਸ, ਬਾਰਸ, ਦ੍ਵਾਦਸ.
ਸਙ੍ਖ੍ਯਾਨੇਤਿ ਕਿਮਤ੍ਥਂ? ਦ੍ਵਾਦਸਾਯਤਨਾਨਿ.
੩੮੨, ੨੫੯. ਅਟ੍ਠਾਦਿਤੋ ¶ ਚ.
ਅਟ੍ਠਇਚ੍ਚੇਵਮਾਦਿਤੋ ਚ ਦਸਸਦ੍ਦਸ੍ਸ ਦਕਾਰਸ੍ਸ ਰਕਾਰਾਦੇਸੋ ਹੋਤਿ ਵਾ ਸਙ੍ਖ੍ਯਾਨੇ.
ਅਟ੍ਠਾਰਸ, ਅਟ੍ਠਦਸ.
ਅਟ੍ਠਾਦਿਤੋਤਿ ਕਿਮਤ੍ਥਂ? ਪਞ੍ਚਦਸ, ਸੋਲ਼ਸ.
ਸਙ੍ਖ੍ਯਾਨੇਤਿ ਕਿਮਤ੍ਥਂ? ਅਟ੍ਠਦਸਿਕੋ.
੩੮੩, ੨੫੩. ਦ੍ਵੇਕਟ੍ਠਾਨਮਾਕਾਰੋ ਵਾ.
ਦ੍ਵਿ ਏਕ ਅਟ੍ਠਇਚ੍ਚੇਤੇਸਮਨ੍ਤੋ ਆਕਾਰੋ ਹੋਤਿ ਵਾ ਸਙ੍ਖ੍ਯਾਨੇ.
ਦ੍ਵਾਦਸ, ਏਕਾਦਸ, ਅਟ੍ਠਾਰਸ.
ਸਙ੍ਖ੍ਯਾਨੇਤਿ ਕਿਮਤ੍ਥਂ? ਦ੍ਵਿਦਨ੍ਤੋ, ਏਕਦਨ੍ਤੋ, ਏਕਚ੍ਛਨ੍ਨੋ, ਅਟ੍ਠਤ੍ਥਮ੍ਭੋ.
ਚਤੁ ਛਇਚ੍ਚੇਤੇਹਿ ਥ ਠਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਙ੍ਖ੍ਯਾਪੂਰਣਤ੍ਥੇ.
ਚਤੁਤ੍ਥੋ, ਛਟ੍ਠੋ.
੩੮੫, ੪੦੯. ਦ੍ਵਿਤੀਹਿ ¶ ਤਿਯੋ.
ਦ੍ਵਿ ਤਿਇਚ੍ਚੇਤੇਹਿ ਤਿਯਪਚ੍ਚਯੋ ਹੋਤਿ ਸਙ੍ਖ੍ਯਾਪੂਰਣਤ੍ਥੇ.
ਦੁਤਿਯੋ, ਤਤਿਯੋ.
ਦ੍ਵਿ ਤਿਇਚ੍ਚੇਤੇਸਂ ਦੁ ਤਇਚ੍ਚੇਤੇ ਆਦੇਸਾ ਹੋਨ੍ਤਿ ਤਿਯਪਚ੍ਚਯੇ ਪਰੇ.
ਦੁਤਿਯੋ, ਤਤਿਯੋ.
ਅਪਿਗ੍ਗਹਣੇਨ ਅਞ੍ਞੇਸੁਪਿ ਦ੍ਵਿਇਚ੍ਚੇਤਸ੍ਸ ਦੁਆਦੇਸੋ ਹੋਤਿ. ਦੁਰਤ੍ਤਂ.
ਚਗ੍ਗਹਣੇਨ ਦ੍ਵਿਇਚ੍ਚੇਤਸ੍ਸ ਦਿਕਾਰੋ ਹੋਤਿ. ਦਿਰਤ੍ਤਂ, ਦਿਗੁਣਂ ਸਙ੍ਘਾਟਿਂ ਪਾਰੁਪੇਤ੍ਵਾ.
੩੮੭, ੪੧੧. ਤੇਸਮਡ੍ਢੂਪਪਦੇਨ ਅਡ੍ਢੁਡ੍ਢ ਦਿਵਡ੍ਢ ਦਿਯਡ੍ਢਡ੍ਢਤਿਯਾ.
ਤੇਸਂ ¶ ਚਤੁਤ੍ਥ ਦੁਤਿਯ ਤਤਿਯਾਨਂ ਅਡ੍ਢੂਪਪਦਾਨਂ ਅਡ੍ਢਡ੍ਢੁਦਿਵਡ੍ਢ ਦਿਯਡ੍ਢ ਅਡ੍ਢਤਿਯਾਦੇਸਾ ਹੋਨ੍ਤਿ, ਅਡ੍ਢੂਪਪਦੇਨ ਸਹਨਿਪ੍ਪਜ੍ਜਨ੍ਤੇ.
ਅਡ੍ਢੇਨ ਚਤੁਤ੍ਥੋ ਅਡ੍ਢੁਡ੍ਢੋ, ਅਡ੍ਢੇਨ ਦੁਤਿਯੋ ਦਿਵਡ੍ਢੋ, ਅਡ੍ਢੇਨ ਦੁਤਿਯੋ ਦਿਯਡ੍ਢੋ, ਅਡ੍ਢੇਨ ਤਤਿਯੋ ਅਡ੍ਢਤਿਯੋ.
ਸਰੂਪਾਨਂ ਪਦਬ੍ਯਞ੍ਜਨਾਨਂ ਏਕਸੇਸੋ ਹੋਤਿ ਅਸਕਿਂ. ਪੁਰਿਸੋ ਚ ਪੁਰਿਸੋ ਚ ਪੁਰਿਸਾ.
ਸਰੂਪਾਨਮਿਤਿ ਕਿਮਤ੍ਥਂ? ਹਤ੍ਥੀ ਚ ਅਸ੍ਸੋ ਚ ਰਥੋ ਚ ਪਤ੍ਤਿਕੋ ਚ ਹਤ੍ਥਿਅਸ੍ਸਰਥਪਤ੍ਤਿਕਾ,
ਅਸਕਿਨ੍ਤਿ ਕਿਮਤ੍ਥਂ? ਪੁਰਿਸੋ.
੩੮੯, ੪੧੩. ਗਣਨੇ ਦਸਸ੍ਸ ਦ੍ਵਿਤਿਚਤੁਪਞ੍ਚਛਸਤ੍ਤਅਟ੍ਠਨਵਕਾਨਂ ਵੀ ਤਿ ਚਤ੍ਤਾਰ ਪਞ੍ਞਾ ਛ ਸਤ੍ਤਾਸਨਵਾ ਯੋਸੁ, ਯੋਨਞ੍ਚੀਸਮਾਸਂ ਠਿ ਰਿ ਤੀ ਤੁਤਿ.
ਗਣਨੇ ਦਸਸ੍ਸ ਦ੍ਵਿਕ ਤਿਕ ਚਤੁਕ੍ਕ ਪਞ੍ਚਕ ਛਕ੍ਕ ਸਤ੍ਤਕਅਟ੍ਠਕ ਨਵਕਾਨਂ ਸਰੂਪਾਨਂ ਕਤੇਕਸੇਸਾਨਂ ਯਥਾਸਙ੍ਖ੍ਯਂ ਵੀ ਤਿ ਚਤ੍ਤਾਰ ਪਞ੍ਞਾ ਛ ਸਤ੍ਤ ਅਸ ਨਵਇਚ੍ਚਾਦੇਸਾ ਹੋਨ੍ਤਿ ਅਸਕਿਂ ਯੋਸੁ, ਯੋਨਞ੍ਚ ਈਸਂ ਆਸਂ ਠਿ ਰਿ ਤਿ ਈਤਿ ਉਤਿਇਚ੍ਚਾਦੇਸਾ ਹੋਨ੍ਤਿ. ਪਚ੍ਛਾ ਪੁਨ ਨਿਪ੍ਪਜ੍ਜਨ੍ਤੇ.
ਵੀਸਂ ¶ , ਤਿਂਸਂ, ਚਤ੍ਤਾਲੀਸਂ, ਪਞ੍ਞਾਸਂ, ਸਟ੍ਠਿ, ਸਤ੍ਤਰਿ, ਸਤ੍ਤਤਿ, ਅਸੀਤਿ, ਨਵੁਤਿ.
ਅਸਕਿਨ੍ਤਿ ਕਿਮਤ੍ਥਂ? ਦਸ.
ਗਣਨੇਤਿ ਕਿਮਤ੍ਥਂ? ਦਸਦਸਕਾ ਪੁਰਿਸਾ.
੩੯੦, ੨੫੬. ਚਤੂਪਪਦਸ੍ਸ ਲੋਪੋ ਤੁਤ੍ਤਰਪਦਾਦਿਚਸ੍ਸ ਚੁਚੋਪਿ ਨਵਾ.
ਚਤੂਪਪਦਸ੍ਸ ਗਣਨੇ ਪਰਿਯਾਪਨ੍ਨਸ੍ਸ ਤੁਕਾਰਸ੍ਸ ਲੋਪੋ ਹੋਤਿ, ਉਤ੍ਤਰਪਦਾਦਿਚਕਾਰਸ੍ਸ ਚੁਚੋਪਿ ਆਦੇਸਾ ਹੋਨ੍ਤਿ ਨਵਾ.
ਚੁਦ੍ਦਸ, ਚੋਦ੍ਦਸ, ਚਤੁਦ੍ਦਸ.
ਅਪਿਗ੍ਗਹਣੇਨ ਅਨੁਪਪਦਸ੍ਸਾਪਿ ਪਦਾਦਿਚਕਾਰਸ੍ਸ. ਲੋਪੋਹੋਤਿ ਨਵਾ, ਚਸ੍ਸ ਚੁਚੋਪਿ ਹੋਨ੍ਤਿ. ਤਾਲੀਸਂ, ਚਤ੍ਤਾਲੀਸਂ, ਚੁਤ੍ਤਾਲੀਸਂ, ਚੋਤ੍ਤਾਲੀਸਂ.
੩੯੧, ੪੨੩. ਯਦਨੁਪਪਨ੍ਨਾ ਨਿਪਾਤਨਾ ਸਿਜ੍ਝਨ੍ਤਿ.
ਯੇ ਸਦ੍ਦਾ ਅਨਿਦ੍ਦਿਟ੍ਠਲਕ੍ਖਣਾ, ਅਕ੍ਖਰਪਦਬ੍ਯਞ੍ਜਨਤੋ, ਇਤ੍ਥਿਪੁਮਨਪੁਂਸਕਲਿਙ੍ਗਤੋ ¶ , ਨਾਮੁਪਸਗ੍ਗਨਿਪਾਤਤੋ, ਅਬ੍ਯਯੀਭਾਵਸਮਾਸਤਦ੍ਧਿਤਾਖ੍ਯਾਤਤੋ, ਗਣਨਸਙ੍ਖ੍ਯਾਕਾਲਕਾਰਕਪ੍ਪਯੋਗਸਞ੍ਞਾਤੋ, ਸਨ੍ਧਿਪਕਤਿਵੁਦ੍ਧਿਲੋਪਾਗਮਵਿਕਾਰਵਿਪਰਿਤਤੋ, ਵਿਭਤ੍ਤਿਵਿਭਜਨਤੋ ਚ, ਤੇ ਨਿਪਾਤਨਾ ਸਿਜ੍ਝਨ੍ਤਿ.
੩੯੨, ੪੧੮. ਦ੍ਵਾਦਿਤੋ ਕੋ’ਨੇਕਤ੍ਥੇਚ.
ਦ੍ਵਿਇਚ੍ਚੇਵਮਾਦਿਤੋ ਕਪਚ੍ਚਯੋ ਹੋਤਿ ਅਨੇਕਤ੍ਥੇ ਚ, ਨਿਪਾਤਨਾ ਸਿਜ੍ਝਨ੍ਤਿ.
ਸਤਸ੍ਸ ਦ੍ਵਿਕਂ ਦ੍ਵਿਸਤਂ, ਸਤਸ੍ਸ ਤਿਕਂ ਤਿਸਤਂ, ਸਤਸ੍ਸ ਚਤੁਕ੍ਕਂ ਚਤੁਸਤਂ, ਸਤਸ੍ਸ ਪਞ੍ਚਕਂ ਪਞ੍ਚਸਤਂ, ਸਤਸ੍ਸ ਛਕ੍ਕਂ ਛਸਤਂ, ਸਤਸ੍ਸ ਸਤ੍ਤਕਂ ਸਤ੍ਤਸਤਂ, ਸਤਸ੍ਸ ਅਟ੍ਠਕਂ ਅਟ੍ਠਸਤਂ, ਸਤਸ੍ਸ ਨਵਕਂ ਨਵਸਤਂ, ਸਤਸ੍ਸ ਦਸਕਂ ਦਸਸਤਂ, ਸਹਸ੍ਸਂ ਹੋਤਿ.
੩੯੩, ੪੧੫. ਦਸਦਸਕਂ ਸਤਂ ਦਸਕਾਨਂ ਸਤਂ ਸਹਸ੍ਸਞ੍ਚ ਯੋਮ੍ਹਿ.
ਗਣਨੇ ਪਰਿਯਾਪਨ੍ਨਸ੍ਸ ਦਸਦਸਕਸ੍ਸ ਸਤਂ ਹੋਤਿ, ਸਤਦਸਕਸ੍ਸ ਸਹਸ੍ਸਂ ਹੋਤਿ ਯੋਮ੍ਹਿ ਪਰੇ.
ਸਤਂ, ਸਹਸ੍ਸਂ.
ਦ੍ਵਿਕਾਦੀਨਂ ਤਦੁਤ੍ਤਰਪਦਾਨਞ੍ਚ ਨਿਪ੍ਪਜ੍ਜਨ੍ਤੇ ਯਥਾਸਙ੍ਖ੍ਯਂ. ਸਤਸ੍ਸ ਦ੍ਵਿਕਂ (ਤਦਿਦਂ ਹੋਤਿ) ਦ੍ਵਿਸਤਂ, ਏਵਂ ਤਿਸਤਂ, ਚਤੁਸਤਂ ¶ , ਪਞ੍ਚਸਤਂ, ਛਸਤਂ, ਸਤ੍ਤਸਤਂ, ਅਟ੍ਠਸਤਂ, ਨਵਸਤਂ, ਦਸਸਤਂ, ਸਹਸ੍ਸਂ ਹੋਤਿ.
੩੯੪, ੪੧੬. ਯਾਵ ਤਦੁਤ੍ਤਰਿ ਦਸਗੁਣਿਤਞ੍ਚ.
ਯਾਵ ਤਾਸਂ ਸਙ੍ਖ੍ਯਾਨਂ ਉਤ੍ਤਰਿ ਦਸਗੁਣਿਤਞ੍ਚ ਕਾਤਬ੍ਬਂ.
ਤਂ ਯਥਾ? ਦਸਸ੍ਸ ਗਣਨਸ੍ਸ ਦਸਗੁਣਿਤਂ ਕਤ੍ਵਾ ਸਤਂ ਹੋਤਿ, ਸਤਸ੍ਸ ਦਸਗੁਣਿਤਂ ਕਤ੍ਵਾ ਸਹਸ੍ਸਂ ਹੋਤਿ, ਸਹਸ੍ਸਸ੍ਸ ਦਸਗੁਣਿਤਂ ਕਤ੍ਵਾ ਦਸਸਹਸ੍ਸਂ ਹੋਤਿ, ਦਸਸਹਸ੍ਸਸ੍ਸ ਦਸਗੁਣਿਤਂ ਕਤ੍ਵਾਸਤਸਹਸ੍ਸਂ ਹੋਤਿ, ਸਤਸਹਸ੍ਸਸ੍ਸ ਦਸਗੁਣਿਤਂ ਕਤ੍ਵਾਦਸਸਤਸਹਸ੍ਸਂ ਹੋਤਿ, ਦਸਸਤਸਹਸ੍ਸਸ੍ਸਦਸਗੁਣਿਤਂ ਕਤ੍ਵਾ ਕੋਟਿ ਹੋਤਿ, ਕੋਟਿਸਤਸਹਸ੍ਸਸ੍ਸ ਸਤਗੁਣਿਤਂ ਕਤ੍ਵਾ ਪਕੋਟਿ ਹੋਤਿ. ਏਵਂ ਸੇਸਾਪਿ ਯੋਜੇਤਬ੍ਬਾ.
ਚਗ੍ਗਹਣਂ ਵਿਸੇਸਨਤ੍ਥਂ.
ਯਾਸਂ ਪਨ ਸਙ੍ਖ੍ਯਾਨਂ ਅਨਿਦ੍ਦਿਟ੍ਠਨਾਮਧੇਯ੍ਯਾਨਂ ਸਕੇਹਿ ਸਕੇਹਿ ਨਾਮੇਹਿ ਨਿਪ੍ਪਜ੍ਜਨ੍ਤੇ.
ਸਤਸਹਸ੍ਸਾਨਂ ਸਤਂ ਕੋਟਿ, ਕੋਟਿਸਤਸਹਸ੍ਸਾਨਂ ਸਤਂ ਪਕੋਟਿ, ਪਕੋਟਿਸਤਸਹਸ੍ਸਾਨਂ ਸਤਂ ਕੋਟਿਪਕੋਟਿ ¶ , ਕੋਟਿਪਕੋਟਿਸਤਸਹਸ੍ਸਾਨਂ ਸਤਂ ਨਹੁਤਂ, ਨਹੁਤਸਤਸਹਸ੍ਸਾਨਂ ਸਤਂ ਨਿਨ੍ਨਹੁਤਂ, ਨਿਨ੍ਨਹੁਤਸਤਸਹਸ੍ਸਾਨਂ ਸਤਂ ਅਕ੍ਖੋਭਿਣੀ. ਤਥਾ ਬਿਨ੍ਦੁ, ਅਬ੍ਬੁਦਂ, ਨਿਰਬ੍ਬੁਦਂ, ਅਹਹਂ, ਅਬਬਂ, ਅਟਟਂ, ਸੋਗਨ੍ਧਿਕਂ, ਉਪ੍ਪਲਂ, ਕੁਮੁਦਂ, ਪਦੁਮਂ, ਪੁਣ੍ਡਰਿਕਂ, ਕਥਾਨਂ, ਮਹਾਕਥਾਨਂ, ਅਸਙ੍ਖ੍ਯੇਯ੍ਯਂ.
ਤੇਸਂ ਪਚ੍ਚਯਾਨਂ ਣੋ ਲੋਪਮਾਪਜ੍ਜਤੇ.
ਗੋਤਮਸ੍ਸ ਅਪਚ੍ਚਂ ਗੋਤਮੋ. ਏਵਂ ਵਾਸਿਟ੍ਠੋ. ਵੇਨਤੇਯ੍ਯੋ, ਆਲਸ੍ਯਂ, ਆਰੋਗ੍ਯਂ.
ਵਿਭਾਗਤ੍ਥੇ ਚ ਧਾਪਚ੍ਚਯੋ ਹੋਤਿ.
ਏਕੇਨ ਵਿਭਾਗੇਨ ਏਕਧਾ. ਏਵਂ ਦ੍ਵਿਧਾ, ਤਿਧਾ, ਚਤੁਧਾ, ਪਞ੍ਚਧਾ, ਛਧਾ.
ਚੇਤਿ ਕਿਮਤ੍ਥਂ? ਸੋਪਚ੍ਚਯੋ ਹੋਤਿ. ਸੁਤ੍ਤਸੋ, ਬ੍ਯਞ੍ਜਨਸੋ, ਪਦਸੋ.
੩੯੮, ੪੨੧. ਸਬ੍ਬਨਾਮੇਹਿ ¶ ਪਕਾਰਵਚਨੇ ਤੁ ਥਾ.
ਸਬ੍ਬਨਾਮੇਹਿ ਪਕਾਰਵਚਨਤ੍ਥੇ ਥਾਪਚ੍ਚਯੋ ਹੋਤਿ.
ਸੋ ਪਕਾਰੋ ਤਥਾ, ਤਂ ਪਕਾਰਂ ਤਥਾ, ਤੇਨ ਪਕਾਰੇਨ ਤਥਾ, ਤਸ੍ਸ ਪਕਾਰਸ੍ਸ ਤਥਾ, ਤਸ੍ਮਾ ਪਕਾਰਾ ਤਥਾ, ਤਸ੍ਸ ਪਕਾਰਸ੍ਸ ਤਥਾ, ਤਸ੍ਮਿਂ ਪਕਾਰੇ ਤਥਾ. ਏਵਂ ਯਥਾ, ਸਬ੍ਬਥਾ, ਅਞ੍ਞਥਾ, ਇਤਰਥਾ.
ਤੁਗ੍ਗਹਣਂ ਕਿਮਤ੍ਥਂ? ਤਤ੍ਥਾਪਚ੍ਚਯੋ ਹੋਤਿ. ਸੋ ਪਕਾਰੋ ਤਥਤ੍ਥਾ. ਏਵਂ ਯਥਤ੍ਥਾ. ਸਬ੍ਬਥਤ੍ਥਾ, ਅਞ੍ਞਥਤ੍ਥਾ, ਇਤਰਥਤ੍ਥਾ.
ਕਿਂ ਇਮਇਚ੍ਚੇਤੇਹਿ ਥਂਪਚ੍ਚਯੋ ਹੋਤਿ ਪਕਾਰਵਚਨਤ੍ਥੇ.
ਕੋ ਪਕਾਰੋ ਕਥਂ, ਕਂ ਪਕਾਰਂ ਕਥਂ, ਕੇਨ ਪਕਾਰੇਨ ਕਥਂ, ਕਸ੍ਸ ਪਕਾਰਸ੍ਸ ਕਥਂ, ਕਸ੍ਮਾ ਪਕਾਰਾ ਕਥਂ. ਕਸ੍ਸ ਪਕਾਰਸ੍ਸ ਕਥਂ, ਕਸ੍ਮਿਂ ਪਕਾਰੇ ਕਥਂ, ਅਯਂ ਪਕਾਰੋ ਇਤ੍ਥਂ, ਇਮਂ ਪਕਾਰਂ ਇਤ੍ਥਂ, ਇਮਿਨਾ ਪਕਾਰੇਨ ਇਤ੍ਥਂ, ਇਮਸ੍ਸ ਪਕਾਰਸ੍ਸ ਇਤ੍ਥਂ, ਇਮਸ੍ਮਾ ਪਕਾਰਾ ਇਤ੍ਥਂ, ਇਮਸ੍ਸ ਪਕਾਰਸ੍ਸ ਇਤ੍ਥਂ, ਇਮਸ੍ਮਿਂ ਪਕਾਰੇ ਇਤ੍ਥਂ.
੪੦੦, ੩੬੪. ਵੁਦ੍ਧਾਦਿਸਰਸ੍ਸ ¶ ਵਾ’ਸਂਯੋਗਨ੍ਤਸ੍ਸ ਸਣੇ ਚ.
ਆਦਿਸਰਸ੍ਸ ਵਾ ਅਸਂਯੋਗਨ੍ਤਸ੍ਸ ਆਦਿਬ੍ਯਞ੍ਜਨਸ੍ਸ ਵਾ ਸਰਸ੍ਸ ਵੁਦ੍ਧਿ ਹੋਤਿ ਸਣਕਾਰਕੇ ਪਚ੍ਚਯੇ ਪਰੇ.
ਆਭਿਧਮ੍ਮਿਕੋ, ਵੇਨਤੇਯ੍ਯੋ, ਵਾਸਿਟ੍ਠੋ, ਆਲਸ੍ਯਂ, ਆਰੋਗ੍ਯਂ.
ਅਸਂਯੋਗਨ੍ਤਸ੍ਸੇਤਿ ਕਿਮਤ੍ਥਂ? ਭਗ੍ਗਵੋ, ਮਨ੍ਤੇਯ੍ਯੋ, ਕੁਨ੍ਤੇਯ੍ਯੋ.
ਇਉਇਚ੍ਚੇਤੇਸਂ ਆਦਿਭੂਤਾਨਂ ਮਾ ਵੁਦ੍ਧਿ ਹੋਤਿ. ਤੇਸੁ ਚ ਏ ਓ ਵੁਦ੍ਧਾਗਮੋ ਹੋਤਿ ਠਾਨੇ.
ਬ੍ਯਾਕਰਣਮਧੀਤੇ ਵੇਯ੍ਯਾਕਰਣਿਕੋ, ਨ੍ਯਾਯਮਧੀਤੇ ਨੇਯ੍ਯਾਯਿਕੋ, ਬ੍ਯਾਵਚ੍ਛਸ੍ਸ ਅਪਚ੍ਚਂ ਵੇਯ੍ਯਾਵਚ੍ਛੋ, ਦ੍ਵਾਰੇ ਨਿਯੁਤ੍ਤੋ ਦੋਵਾਰਿਕੋ.
੪੦੨, ੩੭੭. ਆਤ੍ਤਞ੍ਚ ¶ .
ਇਉਇਚ੍ਚੇਤੇਸਂ ਆਤ੍ਤਞ੍ਚ ਹੋਤਿ, ਰਿਕਾਰਾਗਮੋ ਚ ਠਾਨੇ.
ਇਸਿਸ੍ਸ ਭਾਵੋ ਆਰਿਸ੍ਯਂ, ਇਣਸ੍ਸ ਭਾਵੋ ਆਣ੍ਯਂ, ਉਸਭਸ੍ਸ ਭਾਵੋ ਆਸਭਂ, ਉਜੁਨੋ ਭਾਵੋ ਅਜ੍ਜਵਂ, ਇਚ੍ਚੇਵਮਾਦੀ ਯੋਜੇਤਬ੍ਬਾ.
ਯੂਨਮਿਤਿ ਕਿਮਤ੍ਥਂ? ਅਪਾਯੇਸੁ ਜਾਤੋ ਆਪਾਯਿ ਕੋ.
ਠਾਨੇਤਿ ਕਿਮਤ੍ਥਂ? ਵੇਮਤਿਕੋ, ਓਪਨਯਿਕੋ, ਓਪਮਾਯਿਕੋ, ਓਪਾਯਿਕੋ.
੪੦੩, ੩੫੪. ਕ੍ਵਚਾਦਿਮਜ੍ਝੁਤ੍ਤਰਾਨਂ ਦੀਘਰਸ੍ਸਾ ਪਚ੍ਚਯੇਸੁ ਚ.
ਕ੍ਵਚਿ ਆਦਿਮਜ੍ਝਉਤ੍ਤਰਇਚ੍ਚੇਤੇਸਂ ਦੀਘਰਸ੍ਸਾ ਹੋਨ੍ਤਿ ਪਚ੍ਚਯੇਸੁ ਚ ਅਪਚ੍ਚਯੇਸੁ ਚ.
ਆਦਿਦੀਘੋ ਤਾਵ – ਪਾਕਾਰੋ, ਨੀਵਾਰੋ, ਪਾਸਾਦੋ, ਪਾਕਟੋ, ਪਾਤਿਮੋਕ੍ਖੋ, ਪਾਟਿਕਙ੍ਖੋ ਇਚ੍ਚੇਵਮਾਦਿ.
ਮਜ੍ਝੇਦੀਘੋ ¶ ਤਾਵ – ਅਙ੍ਗਮਾਗਧਿਕੋ, ਓਰਬ੍ਭਮਾਗਵੀਕੋ ਇਚ੍ਚੇਵਮਾਦਿ.
ਉਤ੍ਤਰਦੀਘੋ ਤਾਵ – ਖਨ੍ਤੀ ਪਰਮਂ ਤਪੋ ਤਿਤਿਕ੍ਖਾ, ਅਞ੍ਜਨਾ ਗਿਰਿ, ਕੋਟਰਾ ਵਨਂ, ਅਙ੍ਗੁਲੀ ਇਚ੍ਚੇਵਮਾਦਿ.
ਆਦਿਰਸ੍ਸੋ ਤਾਵ – ਪਗੇਵ ਇਚ੍ਚੇਵਮਾਦਿ.
ਮਜ੍ਝੇਰਸ੍ਸੋ ਤਾਵ – ਸੁਮੇਧਸੋ ਸੁਵਣ੍ਣਧਰੇਹਿ ਇਚ੍ਚੇਵਮਾਦਿ.
ਉਤ੍ਤਰਰਸ੍ਸੋ ਤਾਵ – ਭੋਵਾਦਿ ਨਾਮ ਸੋ ਹੋਤਿ, ਯਥਾਭਾਵਿ ਗੁਣੇਨ ਸੋ ਇਚ੍ਚੇਵਮਾਦਿ. ਅਞ੍ਞੇਪਿ ਯਥਾਜਿਨਵਚਨਾਨੁਪਰੋਧੇਨ ਯੋਜੇਤਬ੍ਬਾ.
ਚਗ੍ਗਹਣੇਨ ਅਪਚ੍ਚਯੇਸੁ ਚਾਤਿ ਅਤ੍ਥਂ ਸਮੁਚ੍ਚੇਤਿ,
੪੦੪, ੩੭੦. ਤੇਸੁ ਵੁਦ੍ਧਿਲੋਪਾਗਮਵਿਕਾਰਵਿਪਰੀਤਾਦੇਸਾ ਚ.
ਤੇਸੁ ਆਦਿਮਜ੍ਝੁਤ੍ਤਰੇਸੁ ਯਥਾਜਿਨਵਚਨਾਨੁਪਰੋਧੇਨ ਕ੍ਵਚਿ ਵੁਦ੍ਧਿ ਹੋਤਿ, ਕ੍ਵਚਿ ਲੋਪੋ ਹੋਤਿ, ਕ੍ਵਚਿ ਆਗਮੋ ਹੋਤਿ, ਕ੍ਵਚਿ ਵਿਕਾਰੋ ਹੋਤਿ, ਕ੍ਵਚਿ ਵਿਪਰੀਤੋ ਹੋਤਿ, ਕ੍ਵਚਿ ਆਦੇਸੋ ਹੋਤਿ.
ਆਦਿਵੁਦ੍ਧਿ ਤਾਵ – ਆਭਿਧਮ੍ਮਿਕੋ, ਵੇਨਤੇਯ੍ਯੋ ਇਚ੍ਚੇਵਮਾਦਿ.
ਮਜ੍ਝੇਵੁਦ੍ਧਿ ¶ ਤਾਵ – ਸੁਖਸੇਯ੍ਯਂ, ਸੁਖਕਾਰਿ ਦਾਨਂ, ਸੁਖਕਾਰਿ ਸੀਲਂ ਇਚ੍ਚੇਵਮਾਦਿ.
ਉਤ੍ਤਰਵੁਦ੍ਧਿ ਤਾਵ – ਕਾਲਿਙ੍ਗੋ, ਮਾਗਧਿਕੋ, ਪਚ੍ਚਕ੍ਖਧਮ੍ਮਾ ਇਚ੍ਚੇਵਮਾਦਿ.
ਆਦਿਲੋਪੋ ਤਾਵ – ਤਾਲੀਸਂ ਇਚ੍ਚੇਵਮਾਦਿ.
ਮਜ੍ਝੇਲੋਪੋ ਤਾਵ – ਕਤ੍ਤੁਕਾਮੋ, ਕੁਮ੍ਭਕਾਰਪੁਤ੍ਤੋ, ਵੇਦਲ੍ਲਂ ਇਚ੍ਚੇਵਮਾਦਿ.
ਉਤ੍ਤਰਲੋਪੋ ਤਾਵ – ਭਿਕ੍ਖੁ, ਭਿਕ੍ਖੁਨੀ ਇਚ੍ਚੇਵਮਾਦਿ.
ਆਦਿਆਗਮੋ ਤਾਵ – ਵੁਤ੍ਤੋ ਭਗਵਤਾ ਇਚ੍ਚੇਵਮਾਦਿ.
ਮਜ੍ਝੇਆਗਮੋ ਤਾਵ – ਸਸੀਲਵਾ, ਸਪਞ੍ਞਵਾਇਚ੍ਚੇਵਮਾਦਿ.
ਉਤ੍ਤਰਆਗਮੋ ਤਾਵ – ਵੇਦਲ੍ਲਂ ਇਚ੍ਚੇਵਮਾਦਿ.
ਆਦਿਵਿਕਾਰੋ ਤਾਵ – ਆਰਿਸ੍ਯਂ, ਆਣ੍ਯਂ, ਆਸਭਂ, ਅਜ੍ਜਵਂ ਇਚ੍ਚੇਵਮਾਦਿ.
ਮਜ੍ਝੇਵਿਕਾਰੋ ਤਾਵ – ਵਰਾਰਿਸ੍ਯਂ, ਪਰਾਰਿਸ੍ਯਂ ਇਚ੍ਚੇਵਮਾਦਿ.
ਉਤ੍ਤਰਵਿਕਾਰੋ ਤਾਵ – ਯਾਨਿ, ਤਾਨਿ, ਸੁਖਾਨਿ ਇਚ੍ਚੇਵਮਾਦਿ.
ਆਦਿਵਿਪਰੀਤੋ ¶ ਤਾਵ – ਉਗ੍ਗਤੇ ਸੂਰਿਯੇ ਉਗ੍ਗਚ੍ਛਤਿ ਇਚ੍ਚੇਵਮਾਦਿ.
ਮਜ੍ਝੇਵਿਪਰੀਤੋ ਤਾਵ – ਸਮੁਗ੍ਗਚ੍ਛਤਿ, ਸਮੁਗ੍ਗਤੇ ਸੂਰਿਯੇ ਇਚ੍ਚੇਵਮਾਦਿ.
ਉਤ੍ਤਰਵਿਪਰੀਤੋ ਤਾਵ – ਦਿਗੁ, ਦਿਗੁਣਂ ਇਚ੍ਚੇਵਮਾਦਿ.
ਆਦਿਆਦੇਸੋ ਤਾਵ – ਯੂਨਂ ਇਚ੍ਚੇਵਮਾਦਿ.
ਮਜ੍ਝੇਆਦੇਸੋ ਤਾਵ – ਨ੍ਯਾਯੋਗਾ ਇਚ੍ਚੇਵਮਾਦਿ.
ਉਤ੍ਤਰਆਦੇਸੋ ਤਾਵ – ਸਬ੍ਬਸੇਯ੍ਯੋ, ਸਬ੍ਬਸੇਟ੍ਠੋ, ਚਿਤ੍ਤਂ ਇਚ੍ਚੇਵਮਾਦਿ. ਏਵਂ ਯਥਾਜਿਨਵਚਨਾਨੁਪਰੋਧੇਨ ਸਬ੍ਬਤ੍ਥ ਯੋਜੇਤਬ੍ਬਾ.
੪੦੫, ੩੬੫. ਅਯੁਵਣ੍ਣਾਨਞ੍ਚਾਯੋ ਵੁਦ੍ਧਿ.
ਅ ਇਤਿ ਅਕਾਰੋ, ਇ ਈਇਤਿ ਇਵਣ੍ਣੋ, ਉ ਊਇਤਿ ਉਵਣ੍ਣੋ, ਤੇਸਂ ਅਕਾਰਇਵਣ੍ਣੁਵਣ੍ਣਾਨਂ ਆ ਏ ਓਵੁਦ੍ਧਿਯੋ ਹੋਨ੍ਤਿ ਯਥਾਸਙ੍ਖ੍ਯਂ, ਆ ਈ ਊਵੁਦ੍ਧਿ ਚ.
ਆਭਿਧਮ੍ਮਿਕੋ, ਵੇਨਤੇਯ੍ਯੋ, ਓਲ਼ੁਮ੍ਪਿਕੋ.
ਪੁਨ ਵੁਦ੍ਧਿਗ੍ਗਹਣਂ ਕਿਮਤ੍ਥਂ? ਉਤ੍ਤਰਪਦਵੁਦ੍ਧਿਭਾਵਤ੍ਥਂ, ਅਙ੍ਗਮਗਧੇਹਿ ਆਗਤਾਤਿ ਅਙ੍ਗਮਾਗਧਿਕਾ. ਨਿਗਮਜਨਪਦੇਸੁ ਜਾਤਾਤਿ ¶ ਨੇਗਮਜਾਨਪਦਾ. ਪੁਰਿਮਜਨਪਦੇਸੁ ਜਾਤਾਤਿ ਪੋਰਿਮਜਾਨਪਦਾ. ਸਤ੍ਤਾਹੇ ਨਿਯੁਤ੍ਤੋਤਿ ਸਤ੍ਤਾਹਿਕਾ, ਚਤੁਵਿਜ੍ਜੇ ਨਿਯੁਤ੍ਤੋਤਿ ਚਾਤੁਵਿਜ੍ਜਿਕਾ. ਇਚ੍ਚੇਵਮਾਦੀ ਯੋਜੇਤਬ੍ਬਾ.
ਵੁਦ੍ਧਿਇਚ੍ਚਨੇਨ ਕ੍ਵਤ੍ਥੋ? ਵੁਦ੍ਧਾਦਿਸਰਸ੍ਸ ਵਾ’ਸਂਯੋਗਨ੍ਤਸ੍ਸ ਸਣੇ ਚ.
ਇਤਿ ਨਾਮਕਪ੍ਪੇ ਤਦ੍ਧਿਤਕਪ੍ਪੋ ਅਟ੍ਠਮੋ ਕਣ੍ਡੋ.
ਤਦ੍ਧਿਤਕਪ੍ਪੋ ਨਿਟ੍ਠਿਤੋ.
੬. ਆਖ੍ਯਾਤਕਪ੍ਪ
ਪਠਮਕਣ੍ਡ
(ਕ)
ਆਖ੍ਯਾਤਸਾਗਰਮਥਜ੍ਜਤਨੀਤਰਙ੍ਗਂ ¶ ,
ਧਾਤੁਜ੍ਜਲਂ ਵਿਕਰਣਾਗਮਕਾਲਮੀਨਂ;
ਲੋਪਾਨੁਬਨ੍ਧਰਿਯਮਤ੍ਥਵਿਭਾਗਤੀਰਂ,
ਧੀਰਾ ਤਰਨ੍ਤਿ ਕਵਿਨੋ ਪੁਥੁਬੁਦ੍ਧਿਨਾਵਾ.
(ਖ)
ਵਿਚਿਤ੍ਤਸਙ੍ਖਾਰਪਰਿਕ੍ਖਿਤਂ ਇਮਂ,
ਆਖ੍ਯਾਤਸਦ੍ਦਂ ਵਿਪੁਲਂ ਅਸੇਸਤੋ;
ਪਣਮ੍ਯ ਸਮ੍ਬੁਦ੍ਧਮਨਨ੍ਤਗੋਚਰਂ,
ਸੁਗੋਚਰਂ ਯਂ ਵਦਤੋ ਸੁਣਾਥ ਮੇ.
(ਗ)
ਅਧਿਕਾਰੇ ਮਙ੍ਗਲੇ ਚੇਵ, ਨਿਪ੍ਫਨ੍ਨੇ ਚਾਵਧਾਰਣੇ;
ਅਨਨ੍ਤਰੇ ਚ ਪਾਦਾਨੇ, ਅਥਸਦ੍ਦੋ ਪਵਤ੍ਤਤਿ.
੪੧੬, ੪੨੯. ਅਥ ਪੁਬ੍ਬਾਨਿ ਵਿਭਤ੍ਤੀਨਂ ਛ ਪਰਸ੍ਸਪਦਾਨਿ.
ਅਥ ਸਬ੍ਬਾਸਂ ਵਿਭਤ੍ਤੀਨਂ ਯਾਨਿ ਯਾਨਿ ਪੁਬ੍ਬਕਾਨਿ ਛ ਪਦਾਨਿ, ਤਾਨਿ ਤਾਨਿ ਪਰਸ੍ਸਪਦਸਞ੍ਞਾਨਿ ਹੋਨ੍ਤਿ.
ਤਂ ਯਥਾ? ਤਿ ਅਨ੍ਤਿ, ਸਿ ਥ, ਮਿ ਮ.
ਪਰਸ੍ਸਪਦਮਿਚ੍ਚਨੇਨ ਕ੍ਵਤ੍ਥੋ? ਕਤ੍ਤਰਿ ਪਰਸ੍ਸਪਦਂ.
੪੦੭, ੪੩੯. ਪਰਾਣ੍ਯਤ੍ਤਨੋਪਦਾਨਿ ¶ .
ਸਬ੍ਬਾਸਂ ਵਿਭਤ੍ਤੀਨਂ ਯਾਨਿ ਯਾਨਿ ਪਰਾਨਿ ਛ ਪਦਾਨਿ. ਤਾਨਿ ਤਾਨਿ ਅਤ੍ਤਨੋਪਦਸਞ੍ਞਾਨਿ ਹੋਨ੍ਤਿ.
ਤਂ ਯਥਾ? ਤੇ ਅਨ੍ਤੇ, ਸੇ ਵ੍ਹੇ, ਏ ਮ੍ਹੇ.
ਅਤ੍ਤਨੋਪਦਮਿਚ੍ਚਨੇਨ ਕ੍ਵਤ੍ਥੋ? ਅਤ੍ਤਨੋਪਦਾਨਿ ਭਾਵੇ ਚ ਕਮ੍ਮਨਿ.
੪੦੮, ੪੩੧. ਦ੍ਵੇ ਦ੍ਵੇ ਪਠਮ ਮਜ੍ਝਿਮੁਤ੍ਤਮਪੁਰਿਸਾ.
ਤਾਸਂ ਸਬ੍ਬਾਸਂ ਵਿਭਤ੍ਤੀਨਂ ਪਰਸ੍ਸਪਦਾਨਂ, ਅਤ੍ਤਨੋਪਦਾਨਞ੍ਚ ਦ੍ਵੇ ਦ੍ਵੇ ਪਦਾਨਿ ਪਠਮਮਜ੍ਝਿਮੁਤ੍ਤਮਪੁਰਿਸਸਞ੍ਞਾਨਿ ਹੋਨ੍ਤਿ.
ਤਂ ਯਥਾ? ਤਿ ਅਨ੍ਤਿ ਇਤਿ ਪਠਮਪੁਰਿਸਾ, ਸਿ ਥ ਇਤਿ ਮਜ੍ਝਿਮਪੁਰਿਸਾ, ਮਿ ਮ ਇਤਿ ਉਤ੍ਤਮਪੁਰਿਸਾ. ਅਤ੍ਤਨੋਪਦਾਨਮ੍ਪਿ ਤੇ ਅਨ੍ਤੇ ਇਤਿ ਪਠਮਪੁਰਿਸਾ, ਸੇ ਵ੍ਹੇ ਇਤਿ ਮਜ੍ਝਿਮਪੁਰਿਸਾ, ਏ ਮ੍ਹੇ ਇਤਿ ਉਤ੍ਤਮਪੁਰਿਸਾ. ਏਵਂ ਸਬ੍ਬਤ੍ਥ.
ਪਠਮਮਜ੍ਝਿਮੁਤ੍ਤਮਪੁਰਿਸਮਿਚ੍ਚਨੇਨ ਕ੍ਵਤ੍ਥੋ? ਨਾਮਮ੍ਹਿ ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਪਠਮੋ, ਤੁਮ੍ਹੇ ਮਜ੍ਝਿਮੋ, ਅਮ੍ਹੇ ਉਤ੍ਤਮੋ.
੪੦੯, ੪੪੧. ਸਬ੍ਬੇਸਮੇਕਾਭਿਧਾਨੇ ਪਰੋ ਪੁਰਿਸੋ.
ਸਬ੍ਬੇਸਂ ਤਿਣ੍ਣਂ ਪਠਮਮਜ੍ਝਿਮੁਤ੍ਤਮ ਪੁਰਿਸਾਨਂ ਏਕਾਭਿਧਾਨੇ ਪਰੋ ਪੁਰਿਸੋ ਗਹੇਤਬ੍ਬੋ.
ਸੋ ¶ ਚ ਪਠਤਿ, ਤ੍ਵਞ੍ਚ ਪਠਸਿ, ਤੁਮ੍ਹੇ ਪਠਥ. ਸੋ ਚ ਪਚਤਿ, ਤ੍ਵਞ੍ਚ ਪਚਸਿ. ਤੁਮ੍ਹੇ ਪਚਥ. ਏਵਂ ਸੇਸਾਸੁ ਵਿਭਤ੍ਤੀਸੁ ਪਰੋ ਪੁਰਿਸੋ ਯੋਜੇਤਬ੍ਬੋ.
੪੧੦, ੪੩੨. ਨਾਮਮ੍ਹਿ ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਪਠਮੋ.
ਨਾਮਮ੍ਹਿ ਪਯੁਜ੍ਜਮਾਨੇਪਿ ਅਪ੍ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਪਠਮਪੁਰਿਸੋ ਹੋਤਿ.
ਸੋ ਗਚ੍ਛਤਿ, ਤੇ ਗਚ੍ਛਨ੍ਤਿ.
ਅਪ੍ਪਯੁਜ੍ਜਮਾਨੇਪਿ – ਗਚ੍ਛਤਿ, ਗਚ੍ਛਨ੍ਤਿ.
ਤੁਲ੍ਯਾਧਿਕਰਣੇਤਿ ਕਿਮਤ੍ਥਂ? ਤੇਨ ਹਞ੍ਞਸੇ ਤ੍ਵਂ ਦੇਵਦਤ੍ਤੇਨ.
ਤੁਮ੍ਹੇ ਪਯੁਜ੍ਜਮਾਨੇਪਿ ਅਪ੍ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਮਜ੍ਝਿਮਪੁਰਿਸੋ ਹੋਤਿ.
ਤ੍ਵਂ ਯਾਸਿ, ਤੁਮ੍ਹੇ ਯਾਥ.
ਅਪ੍ਪਯੁਜ੍ਜਮਾਨੇਪਿ – ਯਾਸਿ, ਯਾਥ.
ਤੁਲ੍ਯਾਧਿਕਰਣੇਤਿ ਕਿਮਤ੍ਥਂ? ਤਯਾ ਪਚ੍ਚਤੇ ਓਦਨੋ.
੪੧੨, ੪੩੭. ਅਮ੍ਹੇ ¶ ਉਤ੍ਤਮੋ.
ਅਮ੍ਹੇ ਪਯੁਜ੍ਜਮਾਨੇਪਿ ਅਪ੍ਪਯੁਜ੍ਜਮਾਨੇਪਿ ਤੁਲ੍ਯਾਧਿਕਰਣੇ ਉਤ੍ਤਮਪੁਰਿਸੋ ਹੋਤਿ.
ਅਹਂ ਯਜਾਮਿ, ਮਯਂ ਯਜਾਮ.
ਅਪ੍ਪਯੁਜ੍ਜਮਾਨੇਪਿ – ਯਜਾਮਿ, ਯਜਾਮ.
ਤੁਲ੍ਯਾਧਿਕਰਣੇਤਿ ਕਿਮਤ੍ਥਂ? ਮਯਾ ਇਜ੍ਜਤੇ ਬੁਦ੍ਧੋ.
‘‘ਕਾਲੇ’’ ਇਚ੍ਚੇਤਂ ਅਧਿਕਾਰਤ੍ਥਂ ਵੇਦਿਤਬ੍ਬਂ.
੪੧੪, ੪੨੮. ਵਤ੍ਤਮਾਨਾ ਪਚ੍ਚੁਪ੍ਪਨ੍ਨੇ.
ਪਚ੍ਚੁਪ੍ਪਨ੍ਨੇ ਕਾਲੇ ਵਤ੍ਤਮਾਨਾਵਿਭਤ੍ਤਿ ਹੋਤਿ.
ਪਾਟਲਿਪੁਤ੍ਤਂ ਗਚ੍ਛਤਿ, ਸਾਵਤ੍ਥਿਂ ਪਵਿਸਤਿ.
੪੧੫, ੪੫੧. ਆਣਤ੍ਯਾ ਸਿਟ੍ਠੇ’ਨੁਤ੍ਤਕਾਲੇ ਪਞ੍ਚਮੀ.
ਆਣਤ੍ਯਤ੍ਥੇ ਚ ਆਸੀਸਤ੍ਥੇ ਚ ਅਨੁਤ੍ਤਕਾਲੇ ਪਞ੍ਚਮੀ ਵਿਭਤ੍ਤਿ ਹੋਤਿ.
ਕਰੋਤੁ ਕੁਸਲਂ, ਸੁਖਂ ਤੇ ਹੋਤੁ.
੪੧੬, ੪੫੪. ਅਨੁਮਤਿਪਰਿਕਪ੍ਪਤ੍ਥੇਸੁ ਸਤ੍ਤਮੀ.
ਅਨੁਮਤ੍ਯਤ੍ਥੇ ਚ ਪਰਿਕਪ੍ਪਤ੍ਥੇ ਚ ਅਨੁਤ੍ਤਕਾਲੇ ਸਤ੍ਤਮੀ ਵਿਭਤ੍ਤਿ ਹੋਤਿ.
ਤ੍ਵਂ ¶ ਗਚ੍ਛੇਯ੍ਯਾਸਿ, ਕਿਮਹਂ ਕਰੇਯ੍ਯਾਮਿ.
੪੧੭, ੪੬੦. ਅਪਚ੍ਚਕ੍ਖੇ ਪਰੋਕ੍ਖਾਤੀਤੇ.
ਅਪਚ੍ਚਕ੍ਖੇ ਅਤੀਤੇ ਕਾਲੇ ਪਰੋਕ੍ਖਾਵਿਭਤ੍ਤਿ ਹੋਤਿ.
ਸੁਪਿਨੇ ਕਿਲਮਾਹ, ਏਵਂ ਕਿਲ ਪੋਰਾਣਾਹੁ.
੪੧੮, ੪੫੬. ਹਿਯ੍ਯੋਪਭੁਤਿ ਪਚ੍ਚਕ੍ਖੇ ਹਿਯ੍ਯਤ੍ਤਨੀ.
ਹਿਯ੍ਯੋਪਭੁਤਿ ਅਤੀਤੇ ਕਾਲੇ ਪਚ੍ਚਕ੍ਖੇ ਵਾ ਅਪਚ੍ਚਕ੍ਖੇ ਵਾ ਹਿਯ੍ਯਤ੍ਤਨੀ ਵਿਭਤ੍ਤਿ ਹੋਤਿ.
ਸੋ ਅਗਮਾ ਮਗ੍ਗਂ, ਤੇ ਅਗਮੂ ਮਗ੍ਗਂ.
ਅਜ੍ਜਪ੍ਪਭੁਤਿ ਅਤੀਤੇ ਕਾਲੇ ਪਚ੍ਚਕ੍ਖੇ ਵਾ ਅਪਚ੍ਚਕ੍ਖੇ ਵਾ ਸਮੀਪੇ ਅਜ੍ਜਤਨੀਵਿਭਤ੍ਤਿ ਹੋਤਿ.
ਸੋ ਮਗ੍ਗਂ ਅਗਮੀ, ਤੇ ਮਗ੍ਗਂ ਅਗਮੁਂ.
ਹਿਯ੍ਯਤ੍ਤਨੀਅਜ੍ਜਤਨੀਇਚ੍ਚੇਤਾ ਵਿਭਤ੍ਤਿਯੋ ਯਦਾ ਮਾਯੋਗਾ, ਤਦਾ ਸਬ੍ਬਕਾਲੇ ਚ ਹੋਨ੍ਤਿ.
ਮਾ ਗਮਾ, ਮਾ ਵਚਾ, ਮਾ ਗਮੀ, ਮਾ ਵਚੀ.
ਚਗ੍ਗਹਣੇਨ ¶ ਪਞ੍ਚਮੀਵਿਭਤ੍ਤਿਪਿ ਹੋਤਿ. ਮਾ ਗਚ੍ਛਾਹਿ.
ਅਨਾਗਤੇ ਕਾਲੇ ਭਵਿਸ੍ਸਨ੍ਤੀ ਵਿਭਤ੍ਤਿ ਹੋਤਿ.
ਸੋ ਗਚ੍ਛਿਸ੍ਸਤਿ, ਕਰਿਸ੍ਸਤਿ. ਤੇ ਗਚ੍ਛਿਸ੍ਸਨ੍ਤਿ, ਕਰਿਸ੍ਸਨ੍ਤਿ.
੪੨੨, ੪੭੫. ਕ੍ਰਿਯਾਤਿਪਨ੍ਨੇ’ਤੀਤੇ ਕਾਲਾਤਿਪਤ੍ਤਿ.
ਕ੍ਰਿਯਾਤਿਪਨ੍ਨਮਤ੍ਤੇ ਅਤੀਤੇ ਕਾਲੇ ਕਾਲਾਤਿਪਤ੍ਤਿ ਵਿਭਤ੍ਤਿ ਹੋਤਿ.
ਸੋ ਚੇ ਤਂ ਯਾਨਂ ਅਲਭਿਸ੍ਸਾ, ਅਗਚ੍ਛਿਸ੍ਸਾ. ਤੇ ਚੇ ਤਂ ਯਾਨਂ ਅਲਭਿਸ੍ਸਂਸੁ, ਅਗਚ੍ਛਿਸ੍ਸਂਸੁ.
੪੨੩, ੪੨੬. ਵਤ੍ਤਮਾਨਾ ਤਿ ਅਨ੍ਤਿ, ਸਿ ਥ, ਮਿ ਮ, ਤੇ ਅਨ੍ਤੇ, ਸੇ ਵ੍ਹੇ, ਏ ਮ੍ਹੇ.
ਵਤ੍ਤਮਾਨਾ ਇਚ੍ਚੇਸਾ ਸਞ੍ਞਾ ਹੋਤਿ ਤਿ ਅਨ੍ਤਿ, ਸਿ ਥ, ਮਿ ਮ, ਤੇ ਅਨ੍ਤੇ, ਸੇ ਵ੍ਹੇ, ਏ ਮ੍ਹੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਵਤ੍ਤਮਾਨਾ ਇਚ੍ਚਨੇਨ ਕ੍ਵਤ੍ਥੋ? ਵਤ੍ਤਮਾਨਾ ਪਚ੍ਚੁਪ੍ਪਨ੍ਨੇ.
੪੨੪, ੪੫੦. ਪਞ੍ਚਮੀ ਤੁ ਅਨ੍ਤੁ, ਹਿਥ, ਮਿਮ, ਤਂ ਅਨ੍ਤਂ, ਸ੍ਸੁ ਵ੍ਹੋ, ਏ ਆਮਸੇ.
ਪਞ੍ਚਮੀਇਚ੍ਚੇਸਾ ¶ ਸਞ੍ਞਾ ਹੋਤਿ ਤੁ ਅਨ੍ਤੁ, ਹਿ ਥ, ਮਿਮ, ਤਂ ਅਨ੍ਤਂ, ਸ੍ਸੁ ਵ੍ਹੋ, ਏ ਆਮਸੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਪਞ੍ਚਮੀਇਚ੍ਚਨੇਨ ਕ੍ਵਤ੍ਥੋ? ਆਣਤ੍ਯਾਸਿਟ੍ਠੇ, ਨੁਤ੍ਤਕਾਲੇ ਪਞ੍ਚਮੀ.
੪੨੫, ੪੫੩. ਸਤ੍ਤਮੀ ਏਯ੍ਯ ਏਯ੍ਯੁਂ, ਏਯ੍ਯਾ ਸਿ ਏਯ੍ਯਾ ਥ, ਏਯ੍ਯਾਮਿ ਏਯ੍ਯਾਮ, ਏਥ ਏਰਂ, ਏਥੋ ਏਯ੍ਯਾਵ੍ਹੋ, ਏਯ੍ਯਂ ਏਯ੍ਯਾਮ੍ਹੇ.
ਸਤ੍ਤਮੀ ਇਚ੍ਚੇਸਾ ਸਞ੍ਞਾ ਹੋਤਿ ਏਯ੍ਯ ਏਯ੍ਯੁਂ, ਏਯ੍ਯਾਸਿ ਏਯ੍ਯਾਥ, ਏਯ੍ਯਾਮਿ ਏਯ੍ਯਾਮ, ਏਥ ਏਰਂ, ਏਥੋ, ਏਯ੍ਯਾਵ੍ਹੋ, ਏਯ੍ਯਂ ਏਯ੍ਯਾਮ੍ਹੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਸਤ੍ਤਮੀ ਇਚ੍ਚਨੇਨ ਕ੍ਵਤ੍ਥੋ? ਅਨੁਮਤਿਪਰਿਕਪ੍ਪਤ੍ਥੇਸੁ ਸਤ੍ਤਮੀ.
੪੨੬, ੪੫੯. ਪਰੋਕ੍ਖਾ ਅਉ ਏਤ੍ਥ, ਅਂਮ੍ਹ, ਤ੍ਥਰੇ, ਤ੍ਥੋ ਵ੍ਹੋ, ਇਂ ਮ੍ਹੇ.
ਪਰੋਕ੍ਖਾ ਇਚ੍ਚੇਸਾ ਸਞ੍ਞਾ ਹੋਤਿ ਅ ਉ, ਏਤ੍ਥ, ਅਂ ਮ੍ਹ, ਤ੍ਥ ਰੇ ਤ੍ਥੋ ਵ੍ਹੋ, ਇਂ ਮ੍ਹੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਪਰੋਕ੍ਖਾ ਇਚ੍ਚਨੇਨ ਕ੍ਵਤ੍ਥੋ? ਅਪਚ੍ਚਕ੍ਖੇ ਪਰੋਕ੍ਖਾਤੀਤੇ.
੪੨੭, ੪੫੫. ਹਿਯ੍ਯਤ੍ਤਨੀ ¶ ਆਊ, ਓਤ੍ਥ, ਅਂਮ੍ਹਾ, ਤ੍ਥਤ੍ਥੁਂ, ਸੇ ਵ੍ਹਂ, ਇਂ ਮ੍ਹਸੇ.
ਹਿਯ੍ਯਤ੍ਤਨੀ ਇਚ੍ਚੇਸਾ ਸਞ੍ਞਾ ਹੋਤਿ ਆ ਊ, ਓ ਤ੍ਥ, ਅਂ ਮ੍ਹਾ, ਤ੍ਥ ਤ੍ਥੁਂ, ਸੇ ਵ੍ਹਂ, ਇਂ ਮ੍ਹਸੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਹਿਯ੍ਯਤ੍ਤਨੀ ਇਚ੍ਚਨੇਨ ਕ੍ਵਤ੍ਥੋ? ਹਿਯ੍ਯੋਪਭੁਤਿ ਪਚ੍ਚਕ੍ਖੇ ਹਿਯ੍ਯਤ੍ਤਨੀ.
੪੨੮, ੪੬੮. ਅਜ੍ਜਤਨੀ ਈ ਉਂ, ਓ ਤ੍ਥ, ਇਂ ਮ੍ਹਾ, ਆ ਊ, ਸੇ ਵ੍ਹਂ, ਅਂ ਮ੍ਹੇ.
ਅਜ੍ਜਤਨੀ ਇਚ੍ਚੇਸਾ ਸਞ੍ਞਾ ਹੋਤਿ ਈ ਉਂ, ਓ ਤ੍ਥ, ਇਂਮ੍ਹਾ, ਆ ਊ, ਸੇਵ੍ਹਂ, ਅਂ ਮ੍ਹੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਅਜ੍ਜਤਨੀ ਇਚ੍ਚਨੇਨ ਕ੍ਵਤ੍ਥੋ? ਸਮੀਪੇਜ੍ਜਤਨੀ.
੪੨੯, ੪੭੨. ਭਵਿਸ੍ਸਨ੍ਤੀ ਸ੍ਸਤਿ ਸ੍ਸਨ੍ਤਿ, ਸ੍ਸਸਿ ਸ੍ਸਥ, ਸ੍ਸਾਮਿ ਸ੍ਸਾਮ, ਸ੍ਸਤੇ ਸ੍ਸਨ੍ਤੇ, ਸ੍ਸਸੇ ਸ੍ਸਵ੍ਹੇ, ਸ੍ਸਂ ਸ੍ਸਾਮ੍ਹੇ.
ਭਵਿਸ੍ਸਨ੍ਤੀ ਇਚ੍ਚੇਸਾ ਸਞ੍ਞਾ ਹੋਤਿ ਸ੍ਸਤਿ ਸ੍ਸਨ੍ਤਿ, ਸ੍ਸਸਿ ਸ੍ਸਥ, ਸ੍ਸਾਮਿ ਸ੍ਸਾਮ, ਸ੍ਸਤੇ ਸ੍ਸਨ੍ਤੇ, ਸ੍ਸਸੇ ਸ੍ਸਵ੍ਹੇ, ਸ੍ਸਂ ਸ੍ਸਾਮ੍ਹੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਭਵਿਸ੍ਸਨ੍ਤੀ ਇਚ੍ਚਨੇਨ ਕ੍ਵਤ੍ਥੋ? ਅਨਾਗਤੇ ਭਵਿਸ੍ਸਨ੍ਤੀ.
੪੩੦, ੩੭੩. ਕਾਲਾਤਿਪਤ੍ਤਿ ¶ ਸ੍ਸਾ ਸ੍ਸਂਸੁ, ਸ੍ਸੇ ਸ੍ਸਥ, ਸ੍ਸਂ ਸ੍ਸਾਮ੍ਹਾ, ਸ੍ਸਥ ਸਿਸ੍ਸੁ, ਸ੍ਸਸੇ ਸ੍ਸਵ੍ਹੇ, ਸ੍ਸਿਂ ਸ੍ਸਾਮ੍ਹਸੇ.
ਕਾਲਾਤਿਪਤ੍ਤਿ ਇਚ੍ਚੇਸਾ ਸਞ੍ਞਾ ਹੋਤਿ ਸ੍ਸਾ ਸ੍ਸਂਸੁ, ਸ੍ਸੇ ਸ੍ਸਥ, ਸ੍ਸਂ ਸ੍ਸਾਮ੍ਹਾ, ਸ੍ਸਥ ਸ੍ਸਿਸੁ, ਸ੍ਸਸੇ ਸ੍ਸਵ੍ਹੇ, ਸ੍ਸਿਂ ਸ੍ਸਾਮ੍ਹਸੇ ਇਚ੍ਚੇਤੇਸਂ ਦ੍ਵਾਦਸਨ੍ਨਂ ਪਦਾਨਂ.
ਕਾਲਾਤਿਪਤ੍ਤਿ ਇਚ੍ਚਨੇਨ ਕ੍ਵਤ੍ਥੋ? ਕ੍ਰਿਯਾਤਿਪਨ੍ਨੇ’ ਤੀਤੇ ਕਾਲਾਤਿਪਤ੍ਤਿ.
੪੩੧, ੪੫੮. ਹਿਯ੍ਯਤ੍ਤਨੀ ਸਤ੍ਤਮੀ ਪਞ੍ਚਮੀ ਵਤ੍ਤਮਾਨਾ ਸਬ੍ਬਧਾਤੁਕਂ.
ਹਿਯ੍ਯਤ੍ਤਨਾਦਯੋ ਚਤਸ੍ਸੋ ਵਿਭਤ੍ਤਿਯੋ ਸਬ੍ਬਧਾਤੁਕ ਸਞ੍ਞਾ ਹੋਨ੍ਤਿ.
ਅਗਮਾ, ਗਚ੍ਛੇਯ੍ਯ, ਗਚ੍ਛਤੁ, ਗਚ੍ਛਤਿ.
ਸਬ੍ਬਧਾਤੁਕ ਇਚ੍ਚਨੇਨ ਕ੍ਵਤ੍ਥੋ? ਇਕਾਰਾਗਮੋ ਅਸਬ੍ਬਧਾਤੁਕਮ੍ਹਿ.
ਇਤਿ ਆਖ੍ਯਾਤਕਪ੍ਪੇ ਪਠਮੋ ਕਣ੍ਡੋ.
ਦੁਤਿਯਕਣ੍ਡ
੪੩੨, ੩੬੨. ਧਾਤੁਲਿਙ੍ਗੇਹਿ ¶ ਪਰਾ ਪਚ੍ਚਯਾ.
ਧਾਤੁਲਿਙ੍ਗਇਚ੍ਚੇਤੇਹਿ ਪਰਾ ਪਚ੍ਚਯਾ ਹੋਨ੍ਤਿ.
ਕਰੋਤਿ, ਗਚ੍ਛਤਿ. ਯੋ ਕੋਚਿ ਕਰੋਤਿ, ਤਂ ਅਞ੍ਞੋ ‘‘ਕਰੋਹਿ ਕਰੋਹਿ’’ ਇਚ੍ਚੇਵਂ ਬ੍ਰਵੀਤਿ, ਅਥ ਵਾ ਕਰੋਨ੍ਤਂ ਪਯੋਜਯਤਿ = ਕਾਰੇਤਿ. ਸਙ੍ਘੋ ਪਬ੍ਬਤਮਿਵ ਅਤ੍ਤਾਨਮਾਚਰਤਿ = ਪਬ੍ਬਤਾਯਤਿ. ਤਲ਼ਾਕਂ ਸਮੁਦ੍ਦਮਿਵ ਅਤ੍ਤਾਨਮਾਚਰਤਿ = ਸਮੁਦ੍ਦਾਯਤਿ, ਸਦ੍ਦੋ ਚਿਚ੍ਚਿਟਮਿਵ ਅਤ੍ਤਾਨਮਾਚਰਤਿ = ਚਿਚ੍ਚਿਟਾਯਤਿ, ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠੋ. ਏਵਮਞ੍ਞੇਪਿ ਯੋਜੇਤਬ੍ਬਾ.
੪੩੩, ੫੨੮. ਤਿਜ ਗੁਪ ਕਿਤ ਮਾਨੇ ਹਿ ਖ ਛ ਸਾ ਵਾ.
ਤਿਜ ਗੁਪ ਕਿਤ ਮਾਨੁ ਇਚ੍ਚੇਤੇਹਿ ਧਾਤੂਹਿ ਖ ਛ ਸ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਵਾ.
ਤਿਤਿਕ੍ਖਤਿ, ਜਿਗੁਚ੍ਛਤਿ, ਤਿਕਿਚ੍ਛਤਿ, ਵੀਮਂਸਤਿ.
ਵਾਤਿ ਕਿਮਤ੍ਥਂ? ਤੇਜਤਿ, ਗੋਪਤਿ, ਮਾਨੇਤਿ.
੪੩੪, ੫੩੪. ਭੁਜ ਘਸ ਹਰ ਸੁ ਪਾਦੀਹਿ ਤੁਮਿਚ੍ਛਤ੍ਥੇਸੁ.
ਭੁਜ ¶ ਘਸ ਹਰ ਸੁ ਪਾਇਚ੍ਚੇਵਮਾਦੀਹਿ ਧਾਤੂਹਿ ਤੁਮਿਚ੍ਛਤ੍ਥੇਸੁ ਖ ਛ ਸਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਵਾ.
ਭੋਤ੍ਤੁਮਿਚ੍ਛਤਿ=ਬੁਭੁਕ੍ਖਤਿ, ਘਸਿਤੁਮਿਚ੍ਛਤਿ=ਜਿਘਚ੍ਛਤਿ, ਹਰਿਤੁਮਿਚ੍ਛਤਿ=ਜਿਗੀਸਤਿ, ਸੋਤੁਮਿਚ੍ਛਤਿ=ਸੁਸ੍ਸੁਸਤਿ, ਪਾਤੁਮਿਚ੍ਛਤਿ=ਪਿਵਾਸਤਿ.
ਵਾਤਿ ਕਿਮਤ੍ਥਂ? ਭੋਤ੍ਤੁਮਿਚ੍ਛਤਿ.
ਤੁਮਿਚ੍ਛਤ੍ਥੇਸੂਤਿ ਕਿਮਤ੍ਥਂ? ਭੁਞ੍ਜਤਿ.
੪੩੫, ੫੩੬. ਆਯ ਨਾਮਤੋ ਕਤ੍ਤੂਪਮਾਨਾਦਾਚਾਰੇ.
ਨਾਮਤੋ ਕਤ੍ਤੂਪਮਾਨਾ ਆਚਾਰਤ੍ਥੇ ਆਯਪਚ੍ਚਯੋ ਹੋਤਿ.
ਸਙ੍ਘੋ ਪਬ੍ਬਤਮਿਵ ਅਤ੍ਤਾਨਮਾਚਰਤਿ = ਪਬ੍ਬਤਾਯਤਿ, ਤਲ਼ਾਕਂ ਸਮੁਦ੍ਦਮਿਵ ਅਤ੍ਤਾਨਮਾਚਰਤਿ = ਸਮੁਦ੍ਦਾਯਤਿ, ਸਦ੍ਦੋ ਚਿਚ੍ਚਿਟਮਿਵ ਅਤ੍ਤਾਨਮਾਚਰਤਿ = ਚਿਚ੍ਚਿਟਾਯਤਿ. ਏਵਮਞ੍ਞੇਪਿ ਯੋਜੇਤਬ੍ਬਾ.
ਨਾਮਤੋ ਉਪਮਾਨਾ ਆਚਾਰਤ੍ਥੇ ਚ ਈਯਪਚ੍ਚਯੋ ਹੋਤਿ.
ਅਛਤ੍ਤਂ ¶ ਛਤ੍ਤਮਿਵ ਆਚਰਤਿ =ਛਤ੍ਤੀਯਤਿ, ਅਪੁਤ੍ਤਂ ਪੁਤ੍ਤਮਿਵ ਆਚਰਤਿ=ਪੁਤ੍ਤੀਯਤਿ.
ਉਪਮਾਨਾਤਿ ਕਿਮਤ੍ਥਂ? ਧਮ੍ਮਂ ਆਚਰਤਿ.
ਆਚਾਰੇਤਿ ਕਿਮਤ੍ਥਂ? ਅਛਤ੍ਤਂ ਛਤ੍ਤਮਿਵ ਰਕ੍ਖਤਿ. ਏਵਮਞ੍ਞੇਪਿ ਯੋਜੇਤਬ੍ਬਾ.
੪੩੭, ੫੩੮. ਨਾਮਮ੍ਹਾ’ਤ੍ਤਿਚ੍ਛਤ੍ਥੇ.
ਨਾਮਮ੍ਹਾ ਅਤ੍ਤਨੋ ਇਚ੍ਛਤ੍ਥੇ ਈਯਪਚ੍ਚਯੋ ਹੋਤਿ.
ਅਤ੍ਤਨੋ ਪਤ੍ਤਮਿਚ੍ਛਤਿ = ਪਤ੍ਤੀਯਤਿ. ਏਵਂ ਵਤ੍ਥੀਯਤਿ, ਪਰਿਕ੍ਖਾਰੀਯਤਿ, ਚੀਵਰੀਯਤਿ, ਧਨੀਯਤਿ, ਘਟੀਯਤਿ.
ਅਤ੍ਤਿਚ੍ਛਤ੍ਥੇਤਿ ਕਿਮਤ੍ਥਂ? ਅਞ੍ਞਸ੍ਸ ਪਤ੍ਤਮਿਚ੍ਛਤਿ. ਏਵਮਞ੍ਞੇਪਿ ਯੋਜੇਤਬ੍ਬਾ.
੪੩੮, ੫੪੦. ਧਾਤੂਹਿ ਣੇ ਣਯ ਣਾਪੇ ਣਾਪਯਾ ਕਾਰਿਤਾਨਿ ਹੇਤ੍ਵਤ੍ਥੇ.
ਸਬ੍ਬੇਹਿ ਧਾਤੂਹਿ ਣੇਣਯ ਣਾਪੇ ਣਾਪਯਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਾਰਿਤਸਞ੍ਞਾ ਚ ਹੇਤ੍ਵਤ੍ਥੇ.
ਯੋ ਕੋਚਿ ਕਰੋਤਿ, ਤਂ ਅਞ੍ਞੋ ‘‘ਕਰੋਹਿ ਕਰੋਹਿ’’ ਇਚ੍ਚੇਵਂ ਬ੍ਰਵੀਤਿ, ਅਥ ਵਾ ਕਰੋਨ੍ਤਂ ਪਯੋਜਯਤਿ ¶ = ਕਾਰੇਤਿ, ਕਾਰਯਤਿ, ਕਾਰਾਪੇਤਿ, ਕਾਰਾ ਪਯਤਿ. ਯੇ ਕੇਚਿ ਕਰੋਨ੍ਤਿ, ਤੇ ਅਞ੍ਞੇ ‘‘ਕਰੋਥ ਕਰੋਥ’’ ਇਚ੍ਚੇਵਂ ਬ੍ਰੁਵਨ੍ਤਿ = ਕਾਰੇਨ੍ਤਿ, ਕਾਰਯਨ੍ਤਿ, ਕਾਰਾਪੇਨ੍ਤਿ, ਕਾਰਾਪਯਨ੍ਤਿ. ਯੋ ਕੋਚਿ ਪਚਤਿ, ਤਂ ਅਞ੍ਞੋ ‘‘ਪਚਾਹਿ ਪਚਾਹਿ’’ਇਚ੍ਚੇਵਂ ਬ੍ਰਵੀਤਿ, ਅਥ ਵਾ ਪਚਨ੍ਤਂ ਪਯੋਜਯਤਿ = ਪਾਚੇਤਿ, ਪਾਚਯਤਿ, ਪਾਚਾਪੇਤਿ, ਪਾਚਾਪਯਤਿ. ਯੇ ਕੇਚਿ ਪਚਨ੍ਤਿ, ਤੇ ਅਞ੍ਞੇ ‘‘ਪਚਥ ਪਚਥ’’ ਇਚ੍ਚੇਵਂ ਬ੍ਰੁਵਨ੍ਤਿ = ਪਾਚੇਨ੍ਤਿ, ਪਾਚਯਨ੍ਤਿ, ਪਾਚਾਪੇਨ੍ਤਿ. ਪਾਚਾਪਯਨ੍ਤਿ. ਏਵਂ ਭਣੇਤਿ, ਭਣਯਤਿ, ਭਣਾਪੇਤਿ, ਭਣਾਪਯਤਿ. ਭਣੇਨ੍ਤਿ, ਭਣਯਨ੍ਤਿ, ਭਣਾਪੇਨ੍ਤਿ, ਭਣਾਪਯਨ੍ਤਿ. ਤਥਰਿਵ ਅਞ੍ਞੇਪਿ ਯੋਜੇਤਬ੍ਬਾ.
ਹੇਤ੍ਵਤ੍ਥੇਤਿ ਕਿਮਤ੍ਥਂ? ਕਰੋਤਿ, ਪਚਤਿ.
ਅਤ੍ਥਗ੍ਗਹਣੇਨ ਅਲਪਚ੍ਚਯੋ ਹੋਤਿ, ਜੋਤਲਤਿ.
੪੩੯, ੫੩੯. ਧਾਤੁਰੂਪੇ ਨਾਮਸ੍ਮਾ ਣਯੋ ਚ.
ਤਸ੍ਮਾ ਨਾਮਸ੍ਮਾ ਣਯਪਚ੍ਚਯੋ ਹੋਤਿ ਕਾਰਿਤਸਞ੍ਞੋ ਚ ਧਾਤੁਰੂਪੇ ਸਤਿ.
ਹਤ੍ਥਿਨਾ ਅਤਿਕ੍ਕਮਤਿ ਮਗ੍ਗਂ = ਅਤਿਹਤ੍ਥਯਤਿ, ਵੀਣਾਯ ਉਪਗਾਯਤਿ ਗੀਤਂ = ਉਪਵੀਣਯਤਿ, ਦਲ਼੍ਹਂ ਕਰੋਤਿ ਵੀਰਿਯਂ ¶ = ਦਲ਼੍ਹਯਤਿ, ਵਿਸੁਦ੍ਧਾ ਹੋਤਿ ਰਤ੍ਤਿ = ਵਿਸੁਦ੍ਧਯਤਿ.
ਚਗ੍ਗਹਣੇਨ ਆਰ ਆਲਇਚ੍ਚੇਤੇ ਪਚ੍ਚਯਾ ਹੋਨ੍ਤਿ. ਸਨ੍ਤਂ ਕਰੋਤਿ = ਸਨ੍ਤਾਰਤਿ, ਉਪਕ੍ਕਮਂ ਕਰੋਤਿ = ਉਪਕ੍ਕਮਾਲਤਿ.
ਸਬ੍ਬੇਹਿ ਧਾਤੂਹਿ ਭਾਵਕਮ੍ਮੇਸੁ ਯਪਚ੍ਚਯੋ ਹੋਤਿ.
ਠੀਯਤੇ, ਬੁਜ੍ਝਤੇ, ਪਚ੍ਚਤੇ, ਲਬ੍ਭਤੇ, ਕਰੀਯਤੇ, ਯੁਜ੍ਜਤੇ, ਉਚ੍ਚਤੇ.
ਭਾਵਕਮ੍ਮੇਸੂਤਿ ਕਿਮਤ੍ਥਂ? ਕਰੋਤਿ, ਪਚਤਿ, ਪਠਤਿ.
੪੪੧, ੪੪੭. ਤਸ੍ਸ ਚਵਗ੍ਗਯਕਾਰਵਕਾਰਤ੍ਤਂ ਸਧਾਤ੍ਵਨ੍ਤਸ੍ਸ.
ਤਸ੍ਸ ਯਪਚ੍ਚਯਸ੍ਸ ਚਵਗ੍ਗਯਕਾਰਵਕਾਰਤ੍ਤਂ ਹੋਤਿ ਧਾਤੂਨਂ ਅਨ੍ਤੇਨ ਸਹ ਯਥਾਸਮ੍ਭਵਂ.
ਵੁਚ੍ਚਤੇ, ਵੁਚ੍ਚਨ੍ਤੇ, ਉਚ੍ਚਤੇ, ਉਚ੍ਚਨ੍ਤੇ, ਪਚ੍ਚਤੇ, ਪਚ੍ਚਨ੍ਤੇ. ਮਜ੍ਜਤੇ, ਮਜ੍ਜਨ੍ਤੇ, ਯੁਜ੍ਜਤੇ, ਯੁਜ੍ਜਨ੍ਤੇ. ਬੁਜ੍ਝਤੇ, ਬੁਜ੍ਝਨ੍ਤੇ, ਕੁਜ੍ਝਤੇ, ਕੁਜ੍ਝਨ੍ਤੇ, ਉਜ੍ਝਤੇ, ਉਜ੍ਝਨ੍ਤੇ. ਹਞ੍ਞਤੇ, ਹਞ੍ਞਨ੍ਤੇ. ਕਯ੍ਯਤੇ, ਕਯ੍ਯਨ੍ਤੇ. ਦਿਬ੍ਬਤੇ, ਦਿਬ੍ਬਨ੍ਤੇ.
੪੪੨, ੪੪੮. ਇਵਣ੍ਣਾਗਮੋ ¶ ਵਾ.
ਸਬ੍ਬੇਹਿ ਧਾਤੂਹਿ ਯਮ੍ਹਿ ਪਚ੍ਚਯੇ, ਪਰੇ ਇਵਣ੍ਣਾਗਮੋ ਹੋਤਿ ਵਾ.
ਕਰੀਯਤੇ, ਕਰੀਯਤਿ, ਗਚ੍ਛੀਯਤੇ, ਗਚ੍ਛੀਯਤਿ.
ਵਾਤਿ ਕਿਮਤ੍ਥਂ? ਕਯ੍ਯਤੇ.
ਸਬ੍ਬੇਹਿ ਧਾਤੂਹਿ ਯਪਚ੍ਚਯੋ ਪੁਬ੍ਬਰੂਪਮਾਪਜ੍ਜਤੇ ਵਾ.
ਵੁਡ੍ਢਤੇ, ਫਲ੍ਲਤੇ, ਦਮ੍ਮਤੇ, ਸਕ੍ਕਤੇ, ਲਬ੍ਭਤੇ, ਦਿਸ੍ਸਤੇ.
ਯਥਾ ਹੇਟ੍ਠਾ ਭਾਵਕਮ੍ਮੇਸੁ ਯਪਚ੍ਚਯਸ੍ਸ ਆਦੇਸੋ ਹੋਤਿ ਤਥਾ ਕਤ੍ਤਰਿਪਿ ਯਪਚ੍ਚਯਸ੍ਸ ਆਦੇਸੋ ਕਾਤਬ੍ਬੋ.
ਬੁਜ੍ਝਤਿ, ਵਿਜ੍ਝਤਿ, ਮਞ੍ਞਤਿ, ਸਿਬ੍ਬਤਿ.
ਭੂਇਚ੍ਚੇਵਮਾਦਿਤੋ ਧਾਤੁਗਣਤੋ ਅਪਚ੍ਚਯੋ ਹੋਤਿ ਕਤ੍ਤਰਿ.
ਭਵਤਿ ¶ , ਪਠਤਿ, ਪਚਤਿ, ਜਯਤਿ.
੪੪੬, ੫੦੯. ਰੁਧਾਦਿਤੋ ਨਿਗ੍ਗਹਿਤਪੁਬ੍ਬਞ੍ਚ.
ਰੁਧਇਚ੍ਚੇਵਮਾਦਿਤੋ ਧਾਤੁਗਣਤੋ ਅਪਚ੍ਚਯੋ ਹੋਤਿ ਕਤ੍ਤਰਿ, ਪੁਬ੍ਬੇ ਨਿਗ੍ਗਹਿਤਾਗਮੋ ਹੋਤਿ.
ਰੁਨ੍ਧਤਿ, ਛਿਨ੍ਦਤਿ, ਭਿਨ੍ਦਤਿ.
ਚਗ੍ਗਹਣੇਨ ਇ ਈ ਏ ਓਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਨਿਗ੍ਗਹਿਤਪੁਬ੍ਬਞ੍ਚ.
ਰੁਨ੍ਧਿਤਿ, ਰੁਨ੍ਧੀਤਿ, ਰੁਨ੍ਧੇਤਿ, ਰੁਨ੍ਧੋਤਿ, ਸੁਮ੍ਭੋਤਿ, ਪਰਿਸੁਮ੍ਭੋਤਿ.
ਦਿਵੁਇਚ੍ਚੇਵਮਾਦਿਤੋ ਧਾਤੁਗਣਤੋ ਯਪਚ੍ਚਯੋ ਹੋਤਿ ਕਤ੍ਤਰਿ.
ਦਿਬ੍ਬਤਿ, ਥਿਬ੍ਬਤਿ, ਯੁਜ੍ਝਤਿ, ਵਿਜ੍ਝਤਿ, ਬੁਜ੍ਝਤਿ.
੪੪੮, ੫੧੨. ਸ੍ਵਾਦਿਤੋ ਣੁ ਣਾ ਉਣਾ ਚ.
ਸੁਇਚ੍ਚੇਵਮਾਦਿਤੋ ਧਾਤੁਗਣਤੋ ਣੁ ਣਾ ਉ ਣਾਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਤ੍ਤਰਿ.
ਅਭਿਸੁਣੋਤਿ ¶ , ਅਭਿਸੁਣਾਤਿ, ਸਂਵੁਣੋਤਿ, ਸਂਵੁਣਾਤਿ, ਆਵੁਣੋਤਿ, ਆਵੁਣਾਤਿ, ਪਾਪੁਣੋਤਿ, ਪਾਪੁਣਾਤਿ.
ਕੀਇਚ੍ਚੇਵਮਾਦਿਤੋ ਧਾਤੁਗਣਤੋ ਨਾਪਚ੍ਚਯੋ ਹੋਤਿ ਕਤ੍ਤਰਿ.
ਕਿਣਾਤਿ, ਜਿਨਾਤਿ, ਧੁਨਾਤਿ, ਮੁਨਾਤਿ, ਲੁਨਾਤਿ, ਪੁਨਾਤਿ.
ਗਹਇਚ੍ਚੇਵਮਾਦਿਤੋ ਧਾਤੁਗਣਤੋ ਪ੍ਪਣ੍ਹਾਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਤ੍ਤਰਿ.
ਘੇਪ੍ਪਤਿ, ਗਣ੍ਹਾਤਿ.
ਤਨੁਇਚ੍ਚੇਵਮਾਦਿਤੋ ਧਾਤੁਗਣਤੋ ਓ ਯਿਰਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਤ੍ਤਰਿ.
ਤਨੋਤਿ ¶ , ਤਨੋਹਿ, ਕਰੋਤਿ, ਕਰੋਹਿ, ਕਯਿ ਰਤਿ, ਕਯਿਰਾਹਿ.
ਚੁਰਇਚ੍ਚੇਵਮਾਦਿਤੋ ਧਾਤੁਗਣਤੋ ਣੇ ਣਯਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਕਤ੍ਤਰਿ, ਕਾਰਿਤਸਞ੍ਞਾ ਚ.
ਚੋਰੇਤਿ, ਚੋਰਯਤਿ, ਚਿਨ੍ਤੇਤਿ, ਚਿਨ੍ਤਯਤਿ, ਮਨ੍ਤੇਤਿ, ਮਨ੍ਤਯਤਿ.
੪੫੩, ੪੪੪. ਅਤ੍ਤਨੋਪਦਾਨਿ ਭਾਵੇ ਚ ਕਮ੍ਮਨਿ.
ਭਾਵੇ ਚ ਕਮ੍ਮਨਿ ਚ ਅਤ੍ਤਨੋਪਦਾਨਿ ਹੋਨ੍ਤਿ.
ਉਚ੍ਚਤੇ, ਉਚ੍ਚਨ੍ਤੇ, ਮਜ੍ਜਤੇ, ਮਜ੍ਜਨ੍ਤੇ, ਯੁਜ੍ਜਤੇ, ਯੁਜ੍ਜਨ੍ਤੇ, ਕੁਜ੍ਝਤੇ, ਕੁਜ੍ਝਨ੍ਤੇ, ਲਬ੍ਭਤੇ, ਲਬ੍ਭਨ੍ਤੇ, ਕਯ੍ਯਤੇ, ਕਯ੍ਯਨ੍ਤੇ.
ਕਤ੍ਤਰਿ ਚ ਅਤ੍ਤਨੋਪਦਾਨਿ ਹੋਨ੍ਤਿ.
ਮਞ੍ਞਤੇ, ਰੋਚਤੇ, ਸੋਚਤੇ, ਬੁਜ੍ਝਤੇ, ਜਾਯਤੇ.
੪੫੫, ੫੩੦. ਧਾਤੁਪ੍ਪਚ੍ਚਯੇਹਿ ਵਿਭਤ੍ਤਿਯੋ.
ਧਾਤੁਨਿਦ੍ਦਿਟ੍ਠੇਹਿ ਪਚ੍ਚਯੇਹਿ ਖਾਦਿਕਾਰਿਤਨ੍ਤੇਹਿ ਵਿਭਤ੍ਤਿਯੋ ਹੋਨ੍ਤਿ.
ਤਿਤਿਕ੍ਖਤਿ ¶ , ਜਿਗੁਚ੍ਛਤਿ, ਵੀਮਂਸਤਿ, ਸਮੁਦ੍ਦਾਯਤਿ, ਪੁਤ੍ਤੀਯਤਿ, ਕਾਰੇਤਿ, ਪਾਚੇਤਿ.
ਕਤ੍ਤਰਿ ਪਰਸ੍ਸਪਦਂ ਹੋਤਿ.
ਕਰੋਤਿ, ਪਚਤਿ, ਪਠਤਿ, ਗਚ੍ਛਤਿ.
ਭੂਇਚ੍ਚੇਵਮਾਦਯੋ ਯੇ ਸਦ੍ਦਗਣਾ, ਤੇ ਧਾਤੁਸਞ੍ਞਾ ਹੋਨ੍ਤਿ.
ਭਵਤਿ, ਭਵਨ੍ਤਿ, ਚਰਤਿ, ਚਰਨ੍ਤਿ, ਪਚਤਿ, ਪਚਨ੍ਤਿ, ਚਿਨ੍ਤਯਤਿ, ਚਿਨ੍ਤਯਨ੍ਤਿ, ਹੋਤਿ, ਹੋਨ੍ਤਿ, ਗਚ੍ਛਤਿ, ਗਚ੍ਛਨ੍ਤਿ.
ਇਤਿ ਆਖ੍ਯਾਤਕਪ੍ਪੇ ਦੁਤਿਯੋ ਕਣ੍ਡੋ.
ਤਤਿਯਕਣ੍ਡ
੪੫੮, ੪੬੧. ਕ੍ਵਚਾਦਿਵਣ੍ਣਾਨਮੇਕਸ੍ਸਰਾਨਂ ਦ੍ਵੇਭਾਵੋ.
ਆਦਿਭੂਤਾਨਂ ਵਣ੍ਣਾਨਂ ਏਕਸ੍ਸਰਾਨਂ ਕ੍ਵਚਿ ਦ੍ਵੇਭਾਵੋ ਹੋਤਿ.
ਤਿਤਿਕ੍ਖਤਿ ¶ , ਜਿਗੁਚ੍ਛਤਿ, ਤਿਕਿਚ੍ਛਤਿ, ਵੀਮਂਸਤਿ, ਬੁਭੁਕ੍ਖਤਿ, ਪਿਵਾਸਤਿ, ਦਦ੍ਦਲ੍ਲਤਿ, ਦਦਾਤਿ, ਜਹਾਤਿ, ਚਙ੍ਕਮਤਿ.
ਕ੍ਵਚੀਤਿ ਕਿਮਤ੍ਥਂ? ਕਮ੍ਪਤਿ, ਚਲਤਿ.
ਦ੍ਵੇਭੂਤਸ੍ਸ ਧਾਤੁਸ੍ਸ ਯੋ ਪੁਬ੍ਬੋ, ਸੋ ਅਬ੍ਭਾਸਸਞ੍ਞੋ ਹੋਤਿ.
ਦਧਾਤਿ, ਦਦਾਤਿ, ਬਭੂਵ.
ਅਬ੍ਭਾਸੇ ਵਤ੍ਤਮਾਨਸ੍ਸ ਸਰਸ੍ਸ ਰਸ੍ਸੋ ਹੋਤਿ. ਦਧਾਤਿ, ਜਹਾਤਿ.
੪੬੧, ੪੬੪. ਦੁਤਿਯਚਤੁਤ੍ਥਾਨਂ ਪਠਮਤਤਿਯਾ.
ਅਬ੍ਭਾਸਗਤਾਨਂ ਦੁਤਿਯਚਤੁਤ੍ਥਾਨਂ ਪਠਮਤਤਿਯਾ ਹੋਨ੍ਤਿ.
ਚਿਚ੍ਛੇਦ, ਬੁਭੁਕ੍ਖਤਿ, ਬਭੂਵ, ਦਧਾਤਿ.
ਅਬ੍ਭਾਸੇ ਵਤ੍ਤਮਾਨਸ੍ਸ ਕਵਗ੍ਗਸ੍ਸ ਚ ਵਗ੍ਗੋ ਹੋਤਿ.
ਚਿਕਿਚ੍ਛਤਿ ¶ , ਜਿਗੁਚ੍ਛਤਿ, ਜਿਘਚ੍ਛਤਿ, ਜਿਗੀਸਤਿ, ਜਙ੍ਗਮਤਿ, ਚਙ੍ਕਮਤਿ.
੪੬੩, ੫੩੨. ਮਾਨਕਿਤਾਨਂ ਵਤਤ੍ਤਂ ਵਾ.
ਮਾਨਕਿਤਇਚ੍ਚੇਤੇਸਂ ਧਾਤੂਨਂ ਅਬ੍ਭਾਸਗਤਾਨਂ ਵਕਾਰ ਤਕਾਰਤ੍ਤਂ ਹੋਤਿ ਵਾ ਯਥਾਸਙ੍ਖ੍ਯਂ.
ਵੀਮਂਸਤਿ, ਤਿਕਿਚ੍ਛਤਿ.
ਵਾਤਿ ਕਿਮਤ੍ਥਂ? ਚਿਕਿਚ੍ਛਤਿ.
ਅਬ੍ਭਾਸੇ ਵਤ੍ਤਮਾਨਸ੍ਸ ਹਕਾਰਸ੍ਸ ਜੋ ਹੋਤਿ.
ਜਹਾਤਿ, ਜੁਹ੍ਵਤਿ, ਜੁਹੋਤਿ, ਜਹਾਰ.
੪੬੫, ੪੬੩. ਅਨ੍ਤਸ੍ਸਿਵਣ੍ਣਾਕਾਰੋ ਵਾ.
ਅਬ੍ਭਾਸਸ੍ਸ ਅਨ੍ਤਸ੍ਸ ਇਵਣ੍ਣੋ ਹੋਤਿ, ਅਕਾਰੋ ਵਾ.
ਜਿਗੁਚ੍ਛਤਿ, ਪਿਵਾਸਤਿ, ਵੀਮਂਸਤਿ, ਜਿਘਚ੍ਛਤਿ, ਬਭੂਵ, ਦਧਾਤਿ.
ਵਾਤਿ ਕਿਮਤ੍ਥਂ? ਬੁਭੁਕ੍ਖਤਿ.
੪੬੬, ੪੮੯. ਨਿਗ੍ਗਹਿਤਞ੍ਚ ¶ .
ਅਬ੍ਭਾਸਸ੍ਸ ਅਨ੍ਤੇ ਨਿਗ੍ਗਹਿਤਾਗਮੋ ਹੋਤਿ ਵਾ.
ਚਙ੍ਕਮਤਿ, ਚਞ੍ਚਲਤਿ, ਜਙ੍ਗਮਤਿ.
ਵਾਤਿ ਕਿਮਤ੍ਥਂ? ਪਿਵਾਸਤਿ, ਦਦ੍ਦਲ੍ਲਤਿ.
੪੬੭, ੫੩੩. ਤਤੋ ਪਾਮਾਨਾਨਂ ਵਾ ਮਂ ਸੇਸੁ.
ਤਤੋ ਅਬ੍ਭਾਸਤੋ ਪਾਮਾਨਇਚ੍ਚੇਤੇਸਂ ਧਾਤੂਨਂ ਵਾਮਂਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਸਪਚ੍ਚਯੇ ਪਰੇ.
ਪਿਵਾਸਤਿ, ਵੀਮਂਸਤਿ.
ਠਾਇਚ੍ਚੇਤਸ੍ਸ ਧਾਤੁਸ੍ਸ ਤਿਟ੍ਠਾਦੇਸੋ ਹੋਤਿ ਵਾ.
ਤਿਟ੍ਠਤਿ, ਤਿਟ੍ਠਤੁ, ਤਿਟ੍ਠੇਯ੍ਯ, ਤਿਟ੍ਠੇਯ੍ਯੁਂ.
ਵਾਤਿ ਕਿਮਤ੍ਥਂ? ਠਾਤਿ.
ਪਾਇਚ੍ਚੇਤਸ੍ਸ ਧਾਤੁਸ੍ਸ ਪਿਵਾਦੇਸੋ ਹੋਤਿ ਵਾ.
ਪਿਵਤਿ, ਪਿਵਤੁ, ਪਿਵੇਯ੍ਯ, ਪਿਵੇਯ੍ਯੁਂ.
ਵਾਤਿ ਕਿਮਤ੍ਥਂ? ਪਾਤਿ.
੪੭੦, ੫੧੪. ਞਾਸ੍ਸ ¶ ਜਾ ਜਂ ਨਾ.
ਞਾਇਚ੍ਚੇਤਸ੍ਸ ਧਾਤੁਸ੍ਸ ਜਾ ਜਂ ਨਾਆਦੇਸਾ ਹੋਨ੍ਤਿ ਵਾ.
ਜਾਨਾਤਿ, ਜਾਨੇਯ੍ਯ, ਜਾਨਿਯਾ, ਜਞ੍ਞਾ, ਨਾਯਤਿ.
੪੭੧, ੪੮੩. ਦਿਸਸ੍ਸ ਪਸ੍ਸ ਦਿਸ੍ਸ ਦਕ੍ਖਾ ਵਾ.
ਦਿਸਇਚ੍ਚੇਤਸ੍ਸ ਧਾਤੁਸ੍ਸ ਪਸ੍ਸ ਦਿਸ੍ਸ ਦਕ੍ਖਇਚ੍ਚੇਤੇ ਆਦੇਸਾ ਹੋਨ੍ਤਿ ਵਾ.
ਪਸ੍ਸਤਿ, ਦਿਸ੍ਸਤਿ, ਦਕ੍ਖਤਿ, ਅਦਕ੍ਖ.
ਵਾਤਿ ਕਿਮਤ੍ਥਂ? ਅਦ੍ਦਸ.
੪੭੨, ੫੩੧. ਬ੍ਯਞ੍ਜਨਨ੍ਤਸ੍ਸ ਚੋ ਛਪਚ੍ਚਯੇਸੁ ਚ.
ਬ੍ਯਞ੍ਜਨਨ੍ਤਸ੍ਸ ਧਾਤੁਸ੍ਸ ਚੋ ਹੋਤਿ ਛਪਚ੍ਚਯੇਸੁ ਪਰੇਸੁ.
ਜਿਗੁਚ੍ਛਤਿ, ਤਿਕਿਚ੍ਛਤਿ, ਜਿਘਚ੍ਛਤਿ.
ਬ੍ਯਞ੍ਜਨਨ੍ਤਸ੍ਸ ਧਾਤੁਸ੍ਸ ਕੋ ਹੋਤਿ ਖਪਚ੍ਚਯੇ ਪਰੇ.
ਤਿਤਿਕ੍ਖਤਿ ¶ , ਬੁਭੁਕ੍ਖਤਿ.
ਹਰਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸੇਵ ਗੀਆਦੇਸੋ ਹੋਤਿ ਸਪਚ੍ਚਯੇ ਪਰੇ.
ਜਿਗੀਸਤਿ.
੪੭੫, ੫੬੫. ਬ੍ਰੂਭੂਨਮਾਹਭੂਵਾ ਪਰੋਕ੍ਖਾਯਂ.
ਬ੍ਰੂਭੂਇਚ੍ਚੇਤੇਸਂ ਧਾਤੂਨਂ ਆਹਭੂਵਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਪਰੋਕ੍ਖਾਯਂ ਵਿਭਤ੍ਤਿਯਂ.
ਆਹ, ਆਹੁ, ਬਭੂਵ, ਬਭੂਵੁ.
ਪਰੋਕ੍ਖਾਯਮਿਤਿ ਕਿਮਤ੍ਥਂ? ਅਬ੍ਰਚੁਂ.
੪੭੬, ੪੪੨. ਗਮਿਸ੍ਸਨ੍ਤੋ ਚ੍ਛੋ ਵਾ ਸਬ੍ਬਾਸੁ.
ਗਮੁਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤੋ ਮਕਾਰੋ ਚ੍ਛੋ ਹੋਤਿ ਵਾ ਸਬ੍ਬਾਸੁ ਪਚ੍ਚਯਵਿਭਤ੍ਤੀਸੁ.
ਗਚ੍ਛਮਾਨੋ, ਗਚ੍ਛਨ੍ਤੋ. ਗਚ੍ਛਤਿ, ਗਮੇਤਿ. ਗਚ੍ਛਤੁ, ਗਮੇਤੁ. ਗਚ੍ਛੇਯ੍ਯ. ਗਮੇਯ੍ਯ. ਅਗਚ੍ਛਾ, ਅਗਮਾ. ਅਗਚ੍ਛੀ, ਅਗਮੀ. ਗਚ੍ਛਿਸ੍ਸਤਿ, ਗਮਿਸ੍ਸਤਿ. ਅਗਚ੍ਛਿਸ੍ਸਾ, ਅਗਮਿਸ੍ਸਾ.
ਗਮਿਸ੍ਸੇਤਿ ¶ ਕਿਮਤ੍ਥਂ? ਇਚ੍ਛਤਿ.
੪੭੭, ੪੭੯. ਵਚਸ੍ਸਜ੍ਜਤਨਿਮ੍ਹਿ ਮਕਾਰੋ ਓ.
ਵਚਇਚ੍ਚੇਤਸ੍ਸ ਧਾਤੁਸ੍ਸ ਅਕਾਰੋ ਓਤ੍ਤਮਾਪਜ੍ਜਤੇ ਅਜ੍ਜਤਨਿਮ੍ਹਿ ਵਿਭਤ੍ਤਿਮ੍ਹਿ.
ਅਵੋਚ. ਅਵੋਚੁਂ.
ਅਜ੍ਜਤਨਿਮ੍ਹੀਤਿ ਕਿਮਤ੍ਥਂ? ਅਵਚ, ਅਵਚੂ.
੪੭੮, ੪੩੮. ਅਕਾਰੋ ਦੀਘਂ ਹਿ ਮਿ ਮੇਸੁ.
ਅਕਾਰੋ ਦੀਘਮਾਪਜ੍ਜਤੇ ਹਿਮਿਮਇਚ੍ਚੇਤੇਸੁ ਵਿਭਤ੍ਤੀਸੁ.
ਗਚ੍ਛਾਹਿ, ਗਚ੍ਛਾਮਿ, ਗਚ੍ਛਾਮ, ਗਚ੍ਛਾਮ੍ਹੇ.
ਮਿਕਾਰਗ੍ਗਹਣੇਨ ਹਿਵਿਭਤ੍ਤਿਮ੍ਹਿ ਅਕਾਰੋ ਕ੍ਵਚਿ ਨ ਦੀਘਮਾਪਜ੍ਜਤੇ. ਗਚ੍ਛਹਿ.
ਹਿਵਿਭਤ੍ਤਿ ਲੋਪਮਾਪਜ੍ਜਤੇ ਵਾ.
ਗਚ੍ਛ, ਗਚ੍ਛਾਹਿ, ਗਮ, ਗਮਾਹਿ, ਗਮਯ, ਗਮਯਾਹਿ.
ਹੀਤਿ ਕਿਮਤ੍ਥਂ? ਗਚ੍ਛਤਿ, ਗਮਯਤਿ.
੪੮੦, ੪੯੦. ਹੋਤਿਸ੍ਸਰੇਹੋਹੇ ਭਵਿਸ੍ਸਨ੍ਤਿਮ੍ਹਿਸ੍ਸਸ੍ਸ ਚ.
ਹੂਇਚ੍ਚੇਤਸ੍ਸ ¶ ਧਾਤੁਸ੍ਸ ਸਰੋ ਏ ਹ ਓਹ ਏਤ੍ਤਮਾਪਜ੍ਜ ਤੇ ਭਵਿਸ੍ਸਨ੍ਤਿਮ੍ਹਿ, ਸ੍ਸਸ੍ਸ ਚ ਲੋਪੋ ਹੋਤਿ ਵਾ.
ਹੇਹਿਤਿ, ਹੇਹਿਨ੍ਤਿ, ਹੋਹਿਤਿ, ਹੋਹਿਨ੍ਤਿ, ਹੇਤਿ, ਹੇਨ੍ਤਿ, ਹੇਹਿਸ੍ਸਤਿ, ਹੇਹਿਸ੍ਸਨ੍ਤਿ, ਹੋਹਿਸ੍ਸਤਿ, ਹੋਹਿਸ੍ਸਨ੍ਤਿ, ਹੇਸ੍ਸਤਿ, ਹੇਸ੍ਸਨ੍ਤਿ.
ਹੂਤਿ ਕਿਮਤ੍ਥਂ? ਭਵਿਸ੍ਸਤਿ, ਭਵਿਸ੍ਸਨ੍ਤਿ.
ਭਵਿਸ੍ਸਨ੍ਤਿਮ੍ਹੀਤਿ ਕਿਮਤ੍ਥਂ? ਹੋਤਿ.
੪੮੧, ੫੨੪. ਕਰਸ੍ਸ ਸਪਚ੍ਚਯਸ੍ਸ ਕਾਹੋ.
ਕਰਇਚ੍ਚੇਤਸ੍ਸ ਧਾਤੁਸ੍ਸ ਸਪਚ੍ਚਯਸ੍ਸ ਕਾਹਾਦੇਸੋ ਹੋਤਿ ਵਾ ਭਵਿਸ੍ਸਨ੍ਤਿਮ੍ਹਿ ਵਿਭਤ੍ਤਿਮ੍ਹਿ, ਸਸ੍ਸ ਚ ਨਿਚ੍ਚਂ ਲੋਪੋ ਹੋਤਿ.
ਕਾਹਤਿ, ਕਾਹਿਤਿ, ਕਾਹਸਿ, ਕਾਹਿਸਿ, ਕਾਹਾਮਿ, ਕਾਹਾਮ.
ਵਾਤਿ ਕਿਮਤ੍ਥਂ? ਕਰਿਸ੍ਸਤਿ, ਕਰਿਸ੍ਸਨ੍ਤਿ.
ਸਪਚ੍ਚਯਗ੍ਗਹਣੇਨ ਅਞ੍ਞੇਹਿਪਿ ਭਵਿਸ੍ਸਨ੍ਤਿਯਾ ਵਿਭਤ੍ਤਿਯਾ ਖਾਮਿ ਖਾਮ ਛਾਮਿ ਛਾਮਇਚ੍ਚਾਦਯੋ ਆਦੇਸਾ ਹੋਨ੍ਤਿ. ਵਕ੍ਖਾਮਿ, ਵਕ੍ਖਾਮ, ਵਚ੍ਛਾਮਿ, ਵਚ੍ਛਾਮ.
ਇਤਿ ਆਖ੍ਯਾਤਕਪ੍ਪੇ ਤਤਿਯੋ ਕਣ੍ਡੋ.
ਚਤੁਤ੍ਥਕਣ੍ਡ
੪੮੨, ੫੦੮. ਦਾਦਨ੍ਤਸ੍ਸਂ ¶ ਮਿ ਮੇਸੁ.
ਦਾਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤਸ੍ਸ ਅਂ ਹੋਤਿ ਮਿਮਇਚ੍ਚੇਤੇਸੁ.
ਦਮ੍ਮਿ, ਦਮ੍ਮ.
੪੮੩, ੫੨੭. ਅਸਂਯੋਗਨ੍ਤਸ੍ਸ ਵੁਦ੍ਧਿ ਕਾਰਿਤੇ.
ਅਸਂਯੋਗਨ੍ਤਸ੍ਸ ਧਾਤੁਸ੍ਸ ਕਾਰਿਤੇ ਵੁਦ੍ਧਿ ਹੋਤਿ.
ਕਾਰੇਤਿ, ਕਾਰੇਨ੍ਤਿ, ਕਾਰਯਤਿ, ਕਾਰਯਨ੍ਤਿ, ਕਾਰਾਪੇਤਿ, ਕਾਰਾਪੇਨ੍ਤਿ, ਕਾਰਾਪਯਤਿ, ਕਾਰਾਪਯਨ੍ਤਿ.
ਅਸਂਯੋਗਨ੍ਤਸ੍ਸੇਤਿ ਕਿਮਤ੍ਥਂ? ਚਿਨ੍ਤਯਤਿ, ਮਨ੍ਤਯਤਿ.
ਘਟਾਦੀਨਂ ਧਾਤੂਨਂ ਅਸਂਯੋਗਨ੍ਤਾਨਂ ਵੁਦ੍ਧਿ ਹੋਤਿ ਵਾ ਕਾਰਿਤੇ.
ਘਾਟੇਤਿ, ਘਟੇਤਿ, ਘਾਟਯਤਿ, ਘਟਯਤਿ, ਘਾਟਾਪੇਤਿ, ਘਟਾਪੇਤਿ, ਘਾਟਾਪਯਤਿ, ਘਟਾਪਯਤਿ, ਗਾਮੇਤਿ, ਗਮੇਤਿ, ਗਾਮਯਤਿ, ਗਮਯਤਿ, ਗਾਮਾਪੇਤਿ, ਗਮਾਪੇਤਿ. ਗਾਮਾਪਯਤਿ, ਗਮਾਪਯਤਿ.
ਘਟਾਦੀਨਮਿਤਿ ਕਿਮਤ੍ਥਂ? ਕਾਰੇਤਿ.
੪੮੫, ੪੩੪. ਅਞ੍ਞੇਸੁ ¶ ਚ.
ਅਞ੍ਞੇਸੁ ਚ ਪਚ੍ਚਯੇਸੁ ਸਬ੍ਬੇਸਂ ਧਾਤੂਨਂ ਅਸਂਯੋਗਨ੍ਤਾਨਂ ਵੁਦ੍ਧਿ ਹੋਤਿ.
ਜਯਤਿ, ਹੋਤਿ, ਭਵਤਿ.
ਚਗ੍ਗਹਣੇਨ ਣੁਪਚ੍ਚਯਸ੍ਸਾਪਿ ਵੁਦ੍ਧਿ ਹੋਤਿ. ਅਭਿਸੁਣੋਤਿ.
ਗੁਹ ਦੁਸਇਚ੍ਚੇਤੇਸਂ ਧਾਤੂਨਂ ਸਰੋ ਦੀਘਮਾਪਜ੍ਜਤੇ ਕਾਰਿਤੇ.
ਗੂਹਯਤਿ, ਦੂਸਯਤਿ.
੪੮੭, ੪੭੮. ਵਚ ਵਸ ਵਹਾਦੀਨਮੁਕਾਰੋ ਵਸ੍ਸ ਯੇ.
ਵਚ ਵਸ ਵਹਇਚ੍ਚੇਵਮਾਦੀਨਂ ਧਾਤੂਨਂ ਵਕਾਰਸ੍ਸ ਉਕਾਰੋ ਹੋਤਿ ਯਪਚ੍ਚਯੇ ਪਰੇ.
ਉਚ੍ਚਤੇ, ਵੁਚ੍ਚਤਿ, ਗੁਸ੍ਸਤਿ, ਵੁਯ੍ਹਤਿ.
ਹਕਾਰਸ੍ਸ ਵਿਪਰਿਯਯੋ ਹੋਤਿ ਯਪਚ੍ਚਯੇ ਪਰੇ, ਯਪਚ੍ਚਯਸ੍ਸ ਚ ਲੋ ਹੋਤਿ ਵਾ.
ਵੁਲ੍ਹਤਿ, ਵੁਯ੍ਹਤਿ.
੪੮੯, ੫੧੯. ਗਹਸ੍ਸ ¶ ਘੇ ਪ੍ਪੇ.
ਗਹਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਘੇਕਾਰੋ ਹੋਤਿ ਪ੍ਪਪਚ੍ਚਯੇ ਪਰੇ.
ਘੇਪ੍ਪਤਿ.
ਗਹਇਚ੍ਚੇਤਸ੍ਸ ਧਾਤੁਸ੍ਸ ਹਕਾਰਸ੍ਸ ਲੋਪੋ ਹੋਤਿ ਣ੍ਹਾਮ੍ਹਿ ਪਚ੍ਚਯੇ ਪਰੇ.
ਗਣ੍ਹਾਤਿ.
੪੯੧, ੫੨੩. ਕਰਸ੍ਸ ਕਾਸਤ੍ਤਮਜ੍ਜਤਨਿਮ੍ਹਿ.
ਕਰਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਕਾਸਤ੍ਤਂ ਹੋਤਿ ਵਾ ਅਜ੍ਜਤਨਿਮ੍ਹਿ ਵਿਭਤ੍ਤਿਮ੍ਹਿ.
ਅਕਾਸਿ, ਅਕਾਸੁਂ. ਅਕਰਿ, ਅਕਰੁਂ.
ਕਾਸਤ੍ਤਮਿਤਿਭਾਵਨਿਦ੍ਦੇਸੇਨ ਅਞ੍ਞਤ੍ਥਾਪਿ ਸਾਗਮੋ ਹੋਤਿ. ਅਹੋਸਿ, ਅਦਾਸਿ.
੪੯੨, ੪੯੯. ਅਸਸ੍ਮਾ ਮਿਮਾਨਂ ਮ੍ਹਿਮ੍ਹਾ’ ਨ੍ਤਲੋਪੋ ਚ.
ਅਸਇਚ੍ਚੇਤਾਯ ਧਾਤੁਯਾ ਮਿਮਇਚ੍ਚੇਤੇਸਂ ਵਿਭਤ੍ਤੀਨਂ ਮ੍ਹਿਮ੍ਹਾਦੇਸਾ ਹੋਨ੍ਤਿ ਵਾ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਮ੍ਹਿ ¶ , ਅਮ੍ਹ, ਅਸ੍ਮਿ, ਅਸ੍ਮ.
ਅਸਇਚ੍ਚੇਤਾਯ ਧਾਤੁਯਾ ਥਸ੍ਸ ਵਿਭਤ੍ਤਿਸ੍ਸ ਤ੍ਥਤ੍ਤਂ ਹੋਤਿ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਤ੍ਥ.
ਅਸਇਚ੍ਚੇਤਾਯ ਧਾਤੁਯਾ ਤਿਸ੍ਸ ਵਿਭਤ੍ਤਿਸ੍ਸ ਤ੍ਥਿਤ੍ਤਂ ਹੋਤਿ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਤ੍ਥਿ.
ਅਸਇਚ੍ਚੇਤਾਯ ਧਾਤੁਯਾ ਤੁਸ੍ਸ ਵਿਭਤ੍ਤਿਸ੍ਸ ਤ੍ਥੁਤ੍ਤਂ ਹੋਤਿ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਤ੍ਥੁ.
ਅਸਸ੍ਸੇਵ ਧਾਤੁਸ੍ਸ ਸਿਮ੍ਹਿ ਵਿਭਤ੍ਤਿਮ੍ਹਿ ਅਨ੍ਤਸ੍ਸ ਲੋਪੋ ਚ ਹੋਤਿ.
ਕੋ ਨੁ ਤ੍ਵਮਸਿ ਮਾਰਿਸ.
੪੯੭, ੪੭੭. ਲਭਸ੍ਮਾ ¶ ਈ ਇਂਨਂ ਤ੍ਥ ਤ੍ਥਂ.
ਲਭਇਚ੍ਚੇਤਾਯ ਧਾਤੁਯਾ ਈ ਇਂਨਂ ਵਿਭਤ੍ਤੀਨਂ ਤ੍ਥ ਤ੍ਥਂਆਦੇਸਾ ਹੋਨ੍ਤਿ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਲਤ੍ਥ, ਅਲਤ੍ਥਂ.
ਕੁਸਇਚ੍ਚੇਤਾਯ ਧਾਤੁਯਾ ਈਵਿਭਤ੍ਤਿਸ੍ਸ ਚ੍ਛਿਹੋਤਿ, ਧਾਤ੍ਵਨ੍ਤਸ੍ਸ ਲੋਪੋ ਚ.
ਅਕ੍ਕੋਚ੍ਛਿ.
ਦਾਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਦਜ੍ਜਾਦੇਸੋ ਹੋਤਿ ਵਾ.
ਦਜ੍ਜਾਮਿ, ਦਜ੍ਜੇਯ੍ਯ, ਦਦਾਮਿ, ਦਦੇਯ੍ਯ.
ਵਦਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਵਜ੍ਜਾਦੇਸੋ ਹੋਤਿ ਵਾ.
ਵਜ੍ਜਾਮਿ, ਵਜ੍ਜੇਯ੍ਯ, ਵਦਾਮਿ, ਵਦੇਯ੍ਯ.
੫੦੧, ੪੪੩. ਗਮਿਸ੍ਸ ¶ ਘਮ੍ਮਂ.
ਗਮੁਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਘਮ੍ਮਾਦੇਸੋ ਹੋਤਿ ਵਾ.
ਘਮ੍ਮਤੁ. ਘਮ੍ਮਾਹਿ, ਘਮ੍ਮਾਮਿ.
ਵਾਤਿ ਕਿਮਤ੍ਥਂ? ਗਚ੍ਛਤੁ, ਗਚ੍ਛਾਹਿ, ਗਚ੍ਛਾਮਿ.
੫੦੨, ੪੯੩. ਯਮ੍ਹਿ ਦਾ ਧਾ ਮਾ ਠਾ ਹਾ ਪਾ ਮਹਮਥਾਦੀਨਮੀ.
ਯਮ੍ਹਿ ਪਚ੍ਚਯੇ ਪਰੇ ਦਾ ਧਾ ਮਾ ਠਾ ਹਾ ਪਾ ਮਹ ਮਥ ਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤੋ ਈਕਾਰਮਾਪਜ੍ਜਤੇ.
ਦੀਯਤਿ, ਧੀਯਤਿ, ਮੀਯਤਿ, ਠੀਯਤਿ, ਹੀਯਤਿ, ਪੀਯਤਿ, ਮਹੀਯਤਿ, ਮਥੀਯਤਿ.
ਯਜਇਚ੍ਚੇਤਸ੍ਸ ਧਾਤੁਸ੍ਸ ਆਦਿਸ੍ਸ ਇਕਾਰਾਦੇਸੋ ਹੋਤਿ ਯਪਚ੍ਚਯੇ ਪਰੇ.
ਇਜ੍ਜਤੇ ਮਯਾ ਬੁਦ੍ਧੋ.
ਸਬ੍ਬੇਹਿ ਧਾਤੂਹਿ ਉਂਵਿਭਤ੍ਤਿਸ੍ਸ ਇਂਸੁਆਦੇਸੋ ਹੋਤਿ.
ਉਪਸਙ੍ਕਮਿਂਸੁ ¶ , ਨਿਸੀਦਿਂਸੁ.
੫੦੫, ੪੮੨. ਜਰ ਮਰਾਨਂ ਜੀਰ ਜਿਯ੍ਯ ਮਿਯ੍ਯਾ ਵਾ.
ਜਰ ਮਰ ਇਚ੍ਚੇਤੇਸਂ ਧਾਤੂਨਂ ਜੀਰ ਜਿਯ੍ਯ ਮਿਯ੍ਯਾਦੇਸਾ ਹੋਨ੍ਤਿ ਵਾ.
ਜੀਰਤਿ, ਜੀਰਨ੍ਤਿ, ਜਿਯ੍ਯਤਿ, ਜਿਯ੍ਯਨ੍ਤਿ, ਮਿਯ੍ਯਤਿ, ਮਿਯ੍ਯਨ੍ਤਿ, ਮਰਤਿ, ਮਰਨ੍ਤਿ.
੫੦੬, ੪੯੬. ਸਬ੍ਬਤ੍ਥਾ’ ਸਸ੍ਸਾਦਿਲੋਪੋ ਚ.
ਸਬ੍ਬਤ੍ਥ ਵਿਭਤ੍ਤਿਪਚ੍ਚਯੇਸੁ ਅਸਇਚ੍ਚੇਤਸ੍ਸ ਧਾਤੁਸ੍ਸ ਆਦਿਸ੍ਸ ਲੋਪੋ ਹੋਤਿ ਵਾ.
ਸਿਯਾ, ਸਨ੍ਤਿ, ਸਨ੍ਤੇ, ਸਮਾਨੋ.
ਵਾਤਿ ਕਿਮਤ੍ਥਂ? ਅਸਿ.
ਅਸਸ੍ਸੇਵ ਧਾਤੁਸ੍ਸ ਭੂਹੋਤਿ ਵਾ ਅਸਬ੍ਬਧਾਤੁਕੇ.
ਭਵਿਸ੍ਸਤਿ. ਭਵਿਸ੍ਸਨ੍ਤਿ.
ਵਾਤਿ ਕਿਮਤ੍ਥਂ? ਆਸੁਂ.
੫੦੮, ੫੧੫. ਏਯ੍ਯਸ੍ਸ ¶ ਞਾਤੋ ਇਯਾ ਞਾ.
ਏਯ੍ਯਸ੍ਸ ਵਿਭਤ੍ਤਿਸ੍ਸ ਞਾਇਚ੍ਚੇਤਾਯ ਧਾਤੁਯਾ ਪਰਸ੍ਸ ਇਯਾ ਞਾਆਦੇਸਾ ਹੋਨ੍ਤਿ ਵਾ.
ਜਾਨਿਯਾ, ਜਞ੍ਞਾ.
ਵਾਤਿ ਕਿਮਤ੍ਥਂ? ਜਾਨੇਯ੍ਯ.
੫੦੯, ੫੧੬. ਨਾਸ੍ਸ ਲੋਪੋ ਯਕਾਰਤ੍ਤਂ.
ਞਾਇਚ੍ਚੇਤਾਯ ਧਾਤੁਯਾ ਪਰਸ੍ਸ ਨਾਪਚ੍ਚਯਸ੍ਸ ਲੋਪੋ ਹੋਤਿ ਵਾ, ਯਕਾਰਤ੍ਤਞ੍ਚ.
ਜਞ੍ਞਾ, ਨਾਯਤਿ.
ਵਾਤਿ ਕਿਮਤ੍ਥਂ? ਜਾਨਾਤਿ.
ਅਕਾਰਪਚ੍ਚਯੋ ਲੋਪਮਾਪਜ੍ਜਤੇ, ਏਤ੍ਤਞ੍ਚ ਹੋਤਿ ਵਾ.
ਵਜ੍ਜੇਮਿ, ਵਦੇਮਿ, ਵਜ੍ਜਾਮਿ, ਵਦਾਮਿ.
ਓਕਾਰਪਚ੍ਚਯੋ ਉਤ੍ਤਮਾਪਜ੍ਜਤੇ ਵਾ.
ਕੁਰੁਤੇ, ਕਰੋਤਿ.
ਓਕਾਰੋਤਿ ¶ ਕਿਮਤ੍ਥਂ? ਹੋਤਿ.
ਕਰਇਚ੍ਚੇਤਸ੍ਸ ਧਾਤੁਸ੍ਸ ਅਕਾਰੋ ਉਤ੍ਤਮਾਪਜ੍ਜਤੇ ਵਾ.
ਕੁਰੁਤੇ, ਤਰੋਤਿ, ਤੁਬ੍ਬਨ੍ਤਿ, ਕਯਿਰਤਿ.
ਕਰਸ੍ਸੇਤਿ ਕਿਮਤ੍ਥਂ? ਸਰਤਿ, ਮਰਤਿ.
ਓਕਾਰਸ੍ਸ ਧਾਤ੍ਵਨ੍ਤਸ੍ਸ ਸਰੇ ਪਰੇ ਅਵਾਦੇਸੋ ਹੋਤਿ.
ਚਵਤਿ. ਭਵਤਿ.
ਓਤਿ ਕਿਮਤ੍ਥਂ? ਜਯਤਿ.
ਏਕਾਰਸ੍ਸ ਧਾਤ੍ਵਨ੍ਤਸ੍ਸ ਸਰੇ ਪਰੇ ਅਯਾਦੇਸੋ ਹੋਤਿ.
ਨਯਤਿ, ਜਯਤਿ.
੫੧੫, ੫੪੧. ਤੇ ¶ ਆਵਾਯਾ ਕਾਰਿਤੇ.
ਤੇ ਓ ਏਇਚ੍ਚੇਤੇ ਆਵ ਆਯਾਦੇਸੇ ਪਾਪੁਣਨ੍ਤਿ ਕਾਰਿਤੇ.
ਲਾਵੇਤਿ, ਨਾਯੇਤਿ.
ਯੋਗਵਿਭਾਗੇਨ ਅਞ੍ਞਸ੍ਮਿਮ੍ਪਿ ਏਕਾਰਸ੍ਸ ਆਯਾਦੇਸੋ ਹੋਤਿ. ਗਾਯਤਿ, ਗਾਯਨ੍ਤਿ.
੫੧੬, ੪੬੬. ਇਕਾਰਾਗਮੋ ਅਸਬ੍ਬਧਾਤੁਕਮ੍ਹਿ.
ਸਬ੍ਬਸ੍ਮਿਂ ਅਸਬ੍ਬਧਾਤੁਕਮ੍ਹਿ ਇਕਾਰਾਗਮੋ ਹੋਤਿ.
ਗਮਿਸ੍ਸਤਿ, ਕਰਿਸ੍ਸਤਿ, ਲਭਿਸ੍ਸਤਿ, ਪਚਿਸ੍ਸਤਿ.
ਅਸਬ੍ਬਧਾਤੁਕਮ੍ਹੀਤਿ ਕਿਮਤ੍ਥਂ? ਗਚ੍ਛਤਿ, ਕਰੋਤਿ, ਲਭਤਿ, ਪਚਤਿ.
੫੧੭, ੪੮੮. ਕ੍ਵਚਿ ਧਾਤੁਵਿਭਤ੍ਤਿਪਚ੍ਚਯਾਨਂ ਦੀਘ ਵਿਪਰੀਤਾਦੇਸਲੋਪਾਗਮਾ ਚ.
ਇਧ ਆਖ੍ਯਾਤੇ ਅਨਿਦ੍ਦਿਟ੍ਠੇਸੁ ਸਾਧਨੇਸੁ ਕ੍ਵਚਿ ਧਾਤੁਵਿਭਤ੍ਤਿਪਚ੍ਚਯਾਨਂ ਦੀਘਵਿਪਰੀਤਾਦੇਸਲੋਪਾਗਮਇਚ੍ਚੇਤਾਨਿ ਕਾਰਿਯਾਨਿ ਜਿਨਵਚਨਾਨੁਰੂਪਾਨਿ ਕਾਤਬ੍ਬਾਨਿ.
ਜਾਯਤਿ ¶ , ਕਰੇਯ੍ਯ, ਜਾਨਿਯਾ, ਸਿਯਾ, ਕਰੇ, ਗਚ੍ਛੇ, ਜਞ੍ਞਾ, ਵਕ੍ਖੇਥ, ਦਕ੍ਖੇਥ, ਦਿਚ੍ਛਤਿ, ਅਗਚ੍ਛਿ, ਅਗਚ੍ਛੁਂ, ਅਹੋਸਿ, ਅਹੇਸੁਂ ਇਚ੍ਚੇਵਮਾਦੀਨਿ ਅਞ੍ਞਾਨਿਪਿ ਸਾਧਨਾਨਿ ਯੋਜੇਤਬ੍ਬਾਨਿ.
੫੧੮, ੪੪੬. ਅਤ੍ਤਨੋਪਦਾਨਿ ਪਰਸ੍ਸਪਦਤ੍ਤਂ.
ਅਤ੍ਤਨੋਪਦਾਨਿ ਕ੍ਵਚਿ ਪਰਸ੍ਸਪਦਤ੍ਤਮਾਪਜ੍ਜਨ੍ਤੇ.
ਵੁਚ੍ਚਤਿ, ਲਬ੍ਭਤਿ, ਪਚ੍ਚਤਿ.
ਕ੍ਵਚੀਤਿ ਕਿਮਤ੍ਥਂ? ਕਰੀਯਤੇ, ਲਬ੍ਭਤੇ, ਪਚ੍ਚਤੇ.
੫੧੯, ੪੫੭. ਅਕਾਰਾਗਮੋ ਹਿਯ੍ਯਤ੍ਤਨੀਅਜ੍ਜਤਨੀਕਾਲਾਤਿਪਤ੍ਤੀਸੁ.
ਕ੍ਵਚਿ ਅਕਾਰਾਗਮੋ ਹੋਤਿ ਹਿਯ੍ਯਤ੍ਤਨੀ ਅਜ੍ਜਤਨੀਕਾਲਾਤਿਪਤ੍ਤਿਇਚ੍ਚੇਤਾਸੁ ਵਿਭਤ੍ਤੀਸੁ.
ਅਗਮਾ, ਅਗਮੀ, ਅਗਮਿਸ੍ਸਾ.
ਕ੍ਵਚੀਤਿ ਕਿਮਤ੍ਥਂ? ਗਮਾ, ਗਮੀ, ਗਮਿਸ੍ਸਾ.
ਬ੍ਰੂਇਚ੍ਚੇਤਾਯ ਧਾਤੁਯਾ ਈਕਾਰਾਗਮੋ ਹੋਤਿ ਤਿਮ੍ਹਿ ਵਿਭਤ੍ਤਿਮ੍ਹਿ.
ਬ੍ਰਵੀਤਿ.
੫੨੧, ੪੨੫. ਧਾਤੁਸ੍ਸਨ੍ਤੋ ¶ ਲੋਪੋ’ਨੇਕਸਰਸ੍ਸ.
ਧਾਤੁਸ੍ਸ ਅਨ੍ਤੋ ਕ੍ਵਚਿ ਲੋਪੋ ਹੋਤਿ ਅਨੇਕਸਰਸ੍ਸ.
ਗਚ੍ਛਤਿ, ਸਰਤਿ, ਮਰਤਿ.
ਅਨੇਕਸਰਸ੍ਸੇਤਿ ਕਿਮਤ੍ਥਂ? ਪਾਤਿ, ਯਾਤਿ, ਵਾਤਿ.
ਕ੍ਵਚੀਤਿ ਕਿਮਤ੍ਥਂ? ਮਹੀਯਤਿ, ਮਥੀਯਤਿ.
੫੨੨, ੪੭੬. ਇਸੁਯਮੂਨਮਨ੍ਤੋ ਚ੍ਛੋ ਵਾ.
ਇਸੁ ਯਮੁ ਇਚ੍ਚੇਤੇਸਂ ਧਾਤੂਨਂ ਅਨ੍ਤੋ ਚ੍ਛੋ ਹੋਤਿ ਵਾ. ਇਚ੍ਛਤਿ, ਨਿਯਚ੍ਛਤਿ.
ਵਾਤਿ ਕਿਮਤ੍ਥਂ? ਏਸਤਿ, ਨਿਯਮਤਿ.
ਕਾਰਿਤਇਚ੍ਚੇਤੇਸਂ ਪਚ੍ਚਯਾਨਂ ਣੋ ਲੋਪਮਾਪਜ੍ਜਤੇ.
ਕਾਰੇਤਿ, ਕਾਰਯਤਿ, ਕਾਰਾਪੇਤਿ, ਕਾਰਾਪਯਤਿ.
ਸਾਸਨਤ੍ਥਂ ਸਮੁਦ੍ਦਿਟ੍ਠਂ, ਮਯਾਖ੍ਯਾਤਂ ਸਮਾਸਤੋ;
ਸਕਂ ਬੁਦ੍ਧਿਵਿਸੇਸੇਨ, ਚਿਨ੍ਤਯਨ੍ਤੁ ਵਿਚਕ੍ਖਣਾ.
ਇਤਿ ਆਖ੍ਯਾਤਕਪ੍ਪੇ ਚਤੁਤ੍ਥੋ ਕਣ੍ਡੋ.
ਆਖ੍ਯਾਤਕਪ੍ਪੋ ਨਿਟ੍ਠਿਤੋ.
੭. ਕਿਬ੍ਬਿਧਾਨਕਪ੍ਪ
ਪਠਮਕਣ੍ਡ
(ਕ)
ਬੁਦ੍ਧਂ ¶ ਞਾਣਸਮੁਦ੍ਦਂ, ਸਬ੍ਬਞ੍ਞੁਂ ਲੋਕਹੇਤੁ’ਖੀਣਮਤਿਂ;
ਵਨ੍ਦਿਤ੍ਵਾ ਪੁਬ੍ਬਮਹਂ, ਵਕ੍ਖਾਮਿ ਸਸਾਧਨਂ ਹਿ ਕਿਤਕਪ੍ਪਂ.
(ਖ)
ਸਾਧਨਮੂਲਂ ਹਿ ਪਯੋਗਂ,
ਆਹੁ ਪਯੋਗਮੂਲਮਤ੍ਥਞ੍ਚ;
ਅਤ੍ਥੇਸੁ ਵਿਸਾਰਦਮਤਯੋ,
ਸਾਸਨਸ੍ਸੁਧਰਾ ਜਿਨਸ੍ਸ ਮਤਾ.
(ਗ)
ਅਨ੍ਧੋ ਦੇਸਕਵਿਕਲੋ,
ਘਤਮਧੁਤੇਲਾਨਿ ਭਾਜਨੇਨ ਵਿਨਾ;
ਨਟ੍ਠੋ ਨਟ੍ਠਾਨਿ ਯਥਾ,
ਪਯੋਗਵਿਕਲੋ ਤਥਾ ਅਤ੍ਥੋ.
(ਘ)
ਤਸ੍ਮਾ ਸਂਰਕ੍ਖਣਤ੍ਥਂ, ਮੁਨਿਵਚਨਤ੍ਥਸ੍ਸ ਦੁਲ੍ਲਭਸ੍ਸਾਹਂ;
ਵਕ੍ਖਾਮਿ ਸਿਸ੍ਸਕਹਿਤਂ, ਕਿਤਕਪ੍ਪਂ ਸਾਧਨੇਨ ਯੁਤਂ.
੫੨੪, ੫੬੧. ਧਾਤੁਯਾ ਕਮ੍ਮਾਦਿਮ੍ਹਿ ਣੋ.
ਧਾਤੁਯਾ ਕਮ੍ਮਾਦਿਮ੍ਹਿ ਣਪਚ੍ਚਯੋ ਹੋਤਿ.
ਕਮ੍ਮਂ ਕਰੋਤੀਤਿ ਕਮ੍ਮਕਾਰੋ, ਏਵਂ ਕੁਮ੍ਭਕਾਰੋ, ਮਾਲਾਕਾਰੋ, ਕਟ੍ਠਕਾਰੋ, ਰਥਕਾਰੋ, ਰਜਤਕਾਰੋ ¶ , ਸੁਵਣ੍ਣਕਾਰੋ, ਪਤ੍ਤਗ੍ਗਾਹੋ, ਤਨ੍ਤਵਾਯੋ, ਧਞ੍ਞਮਾਯੋ, ਧਮ੍ਮਕਾਮੋ, ਧਮ੍ਮਚਾਰੋ.
ਸਞ੍ਞਾਯਮਭਿਧੇਯ੍ਯਾਯਂ ਧਾਤੁਯਾ ਕਮ੍ਮਾਦਿਮ੍ਹਿ ਅਕਾਰਪਚ੍ਚਯੋ ਹੋਤਿ, ਨਾਮਮ੍ਹਿ ਚ ਨੁਕਾਰਾਗਮੋ ਹੋਤਿ.
ਅਰਿਂ ਦਮੇਤੀਤਿ ਅਰਿਨ੍ਦਮੋ, ਰਾਜਾ. ਵੇਸ੍ਸਂ ਤਰਤੀਤਿ ਵੇਸ੍ਸਨ੍ਤਰੋ, ਰਾਜਾ. ਤਣ੍ਹਂ ਕਰੋਤੀਤਿ ਤਣ੍ਹਙ੍ਕਰੋ, ਭਗਵਾ. ਮੇਧਂ ਕਰੋਤੀਤਿ ਮੇਧਙ੍ਕਰੋ, ਭਗਵਾ. ਸਰਣਂ ਕਰੋਤੀਤਿ ਸਰਣਙ੍ਕਰੋ, ਭਗਵਾ. ਦੀਪਂ ਕਰੋਤੀਤਿ ਦੀਪਙ੍ਕਰੋ, ਭਗਵਾ.
ਪੁਰਸਦ੍ਦੇ ਆਦਿਮ੍ਹਿ ਦਦਇਚ੍ਚੇਤਾਯ ਧਾਤੁਯਾ ਅਕਾਰਪਚ੍ਚਯੋ ਹੋਤਿ, ਪੁਰਸਦ੍ਦਸ੍ਸ ਅਕਾਰਸ੍ਸ ਚ ਇਂ ਹੋਤਿ.
ਪੁਰੇ ਦਾਨਂ ਅਦਾਸੀਤਿ ਪੁਰਿਨ੍ਦਦੋ ਦੇਵਰਾਜਾ.
੫੨੭, ੫੬੮. ਸਬ੍ਬਤੋ ਣ੍ਵੁ ਤ੍ਵਾਵੀ ਵਾ.
ਸਬ੍ਬਤੋ ਧਾਤੁਤੋ ਕਮ੍ਮਾਦਿਮ੍ਹਿ ਵਾ ਅਕਮ੍ਮਾਦਿਮ੍ਹਿ ਵਾ ਅਕਾਰ ਣ੍ਵੁ ਤੁ ਆਵੀਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਤਂ ¶ ਕਰੋਤੀਤਿ ਤਕ੍ਕਰੋ, ਹਿਤਂ ਕਰੋਤੀਤਿ ਹਿਤਕਰੋ, ਵਿਨੇਤਿ ਏਤ੍ਥ, ਏਤੇਨਾਤਿ ਵਾ ਵਿਨਯੋ ਨਿਸ੍ਸਾਯ ਨਂ ਵਸਤੀਤਿ ਨਿਸ੍ਸਯੋ.
ਣ੍ਵੁਮ੍ਹਿ – ਰਥਂ ਕਰੋਤੀਤਿ ਰਥਕਾਰਕੋ, ਅਨ੍ਨਂ, ਦਦਾਤੀਤਿ ਅਨ੍ਨਦਾਯਕੋ, ਵਿਨੇਤਿ ਸਤ੍ਤੇਤਿ ਵਿਨਾਯਕੋ, ਕਰੋਤੀਤਿ ਕਾਰਕੋ, ਦਦਾਤੀਤਿ ਦਾਯਕੋ, ਨੇਤੀਤਿ ਨਾਯਕੋ.
ਤੁਮ੍ਹਿ – ਤਂ ਕਰੋਤੀਤਿ ਤਕ੍ਕਤ੍ਤਾ, ਤਸ੍ਸ ਕਤ੍ਤਾਤਿ ਵਾ ਤਕ੍ਕਤ੍ਤਾ. ਭੋਜਨਂ ਦਦਾਤੀਤਿ ਭੋਜਨਦਾਤਾ, ਭੋਜਨਸ੍ਸ ਦਾਤਾਤਿ ਵਾ ਭੋਜਨਦਾਤਾ. ਕਰੋਤੀਤਿ ਕਤ੍ਤਾ. ਸਰਤੀਤਿ ਸਰਿਤਾ.
ਆਵੀਮ੍ਹਿ – ਭਯਂ ਪਸ੍ਸਤੀਤਿ ਭਯਦਸ੍ਸਾਵੀ ਇਚ੍ਚੇਵਮਾਦਿ.
ਵਿਸ ਰੁਜ ਪਦਇਚ੍ਚੇਵਮਾਦੀਹਿ ਧਾਤੂਹਿ ਣ ਪਚ੍ਚਯੋ ਹੋਤਿ.
ਪਵਿਸਤੀਤਿ ਪਵੇਸੋ, ਰੁਜਤੀਤਿ ਰੋਗੋ, ਉਪ੍ਪਜ੍ਜਤੀਤਿ ਉਪ੍ਪਾਦੋ, ਫੁਸਤੀਤਿ ਫਸ੍ਸੋ, ਉਚਤੀਤਿ ਓਕੋ, ਭਵਤੀਤਿ ਭਾਵੋ, ਅਯਤੀਤਿ ਆਯੋ, ਸਮ੍ਮਾ ਬੁਜ੍ਝਤੀਤਿ ਸਮ੍ਬੋਧੋ, ਵਿਹਰਤੀਤਿ ਵਿਹਾਰੋ.
੫੨੯, ੫੮੦. ਭਾਵੇ ¶ ਚ.
ਭਾਵਤ੍ਥਾਭਿਧੇਯ੍ਯੇ ਸਬ੍ਬਧਾਤੂਹਿ ਣਪਚ੍ਚਯੋ ਹੋਤਿ.
ਪਚ੍ਚਤੇ, ਪਚਨਂ ਵਾ ਪਾਤੋ, ਚਜਤੇ, ਚਜਨਂ ਵਾ ਚਾਗੋ, ਏਵਂ ਯਾਗੋ, ਯੋਗੋ, ਭਾਗੋ, ਪਰਿਦਾਹੋ.
ਸਬ੍ਬਧਾਤੂਹਿ ਕ੍ਵਿਪਚ੍ਚਯੋ ਹੋਤਿ.
ਸਮ੍ਭਵਤੀਤਿ ਸਮ੍ਭੂ, ਵਿਸੇਸੇਨ ਭਵਤੀਤਿ ਵਿਭੂ, ਭੁਜੇਨ ਗਚ੍ਛਤੀਤਿ ਭੁਜਗੋ, ਸਂ ਅਤ੍ਤਾਨਂ ਖਨਤਿ, ਸਂ ਸਟ੍ਠੁ ਖਨਤੀਤਿ ਵਾ ਸਙ੍ਖੋ.
ਧਰਇਚ੍ਚੇਵਮਾਦੀਹਿ ਧਾਤੂਹਿ ਰਮ੍ਮਪਚ੍ਚਯੋ ਹੋਤਿ.
ਧਰਤਿ ਤੇਨਾਤਿ ਧਮ੍ਮੋ, ਕਰੀਯਤੇ ਤਨ੍ਤਿ ਕਮ੍ਮਂ.
੫੩੨, ੫੯੦. ਤਸ੍ਸੀਲਾਦੀਸੁ ਣੀਤ੍ਵਾਵੀ ਚ.
ਸਬ੍ਬੇਹਿ ਧਾਤੂਹਿ ਤਸ੍ਸੀਲਾਦੀਸ੍ਵਤ੍ਥੇਸੁ ਣੀ ਤੁ ਆਵੀ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਪਿਯਂ ਪਸਂਸਿਤੁਂ ਸੀਲਂ ਯਸ੍ਸ ਰਞ੍ਞੋ, ਸੋ ਹੋਤਿ ਰਾਜਾ ਪਿਯਪਸਂਸੀ, ਬ੍ਰਹ੍ਮਂ ਚਰਿਤੁਂ ਸੀਲਂ ਯਸ੍ਸ ਪੁਗ੍ਗਲਸ੍ਸ ਸੋ ¶ ਹੋਤਿ ਪੁਗ੍ਗਲੋ ਬ੍ਰਹ੍ਮਚਾਰੀ, ਪਸਯ੍ਹ ਪਵਤ੍ਤਿਤੁਂ ਸੀਲਂ ਯਸ੍ਸ ਰਞ੍ਞੋ, ਸੋ ਹੋਤਿ ਰਾਜਾ ਪਸਯ੍ਹਪਵਤ੍ਥਾ, ਭਯਂ ਪਸ੍ਸਿਤੁਂ ਸੀਲਂ ਯਸ੍ਸ ਸਮਣਸ੍ਸ, ਸੋ ਹੋਤਿ ਸਮਣੋ ਭਯਦਸ੍ਸਾਵੀ ਇਚ੍ਚੇਵਮਾਦਿ.
੫੩੩, ੫੯੧. ਸਦ੍ਦ ਕੁ ਧ ਚਲ ਮਣ੍ਡਤ੍ਥਰੁਧਾਦੀਹਿਯੁ.
ਸਦ੍ਦ ਕੁਧ ਚਲ ਮਣ੍ਡਤ੍ਥੇਹਿ ਚ ਰੁਚਾਦੀਹਿ ਚ ਧਾਤੂਹਿ ਯੁਪਚ੍ਚਯੋ ਹੋਤਿ ਤਸ੍ਸੀਲਾਦੀਸ੍ਵਤ੍ਥੇਸੁ.
ਘੋਸਨਸੀਲੋ ਘੋਸਨੋ, ਭਾਸਨਸੀਲੋ ਭਾਸਨੋ. ਏਵਂ ਵਿਗ੍ਗਹੋ ਕਾਤਬ੍ਬੋ. ਕੋਧਨੋ, ਦੋਸਨੋ, ਚਲਨੋ, ਕਮ੍ਪਨੋ, ਫਨ੍ਦਨੋ, ਮਣ੍ਡਨੋ, ਵਿਭੂਸਨੋ, ਰੋਚਨੋ, ਜੋਤਨੋ, ਵਡ੍ਢਨੋ.
ਗਮੁਇਚ੍ਚੇਤਮ੍ਹਾ ਧਾਤੁਮ੍ਹਾ ਪਾਰਸਦ੍ਦਾਦਿਮ੍ਹਾ ਰੂਪਚ੍ਚਯੋ ਹੋਤਿ ਤਸ੍ਸੀਲਾਦੀਸ੍ਵਤ੍ਥੇਸੁ.
ਭਵਸ੍ਸ ਪਾਰਂ ਭਵਪਾਰਂ, ਭਵਪਾਰਂ ਗਨ੍ਤੁਂ ਸੀਲਂ ਯਸ੍ਸ ਪੁਰਿਸਸ੍ਸ, ਸੋ ਹੋਤਿ ਪੁਰਿਸੋ ਭਵਪਾਰਗੂ.
ਤਸ੍ਸੀਲਾਦੀਸ੍ਵੀਤਿ ਕਿਮਤ੍ਥਂ? ਪਾਰਙ੍ਗਤੋ.
ਪਾਰਾਦਿਗਮਿਮ੍ਹਾਤਿ ਕਿਮਤ੍ਥਂ? ਅਨੁਗਾਮੀ.
੫੩੫, ੫੯੩. ਭਿਕ੍ਖਾਦਿਤੋ ¶ ਚ.
ਭਿਕ੍ਖਇਚ੍ਚੇਵਮਾਦੀਹਿ ਧਾਤੂਹਿ ਰੂਪਚ੍ਚਯੋ ਹੋਤਿ ਤਸ੍ਸੀਲਾਦੀਸ੍ਵਤ੍ਥੇਸੁ.
ਭਿਕ੍ਖਨਸੀਲੋ ਯਾਚਨਸੀਲੋ ਭਿਕ੍ਖੁ, ਵਿਜਾਨਨਸੀਲੋ ਵਿਞ੍ਞੂ.
ਹਨਤ੍ਯਾਦੀਨਂ ਧਾਤੂਨਂ ਅਨ੍ਤੇ ਣੁਕਪਚ੍ਚਯੋ ਹੋਤਿ ਤਸ੍ਸੀਲਾਦੀਸ੍ਵਤ੍ਥੇਸੁ.
ਆਹਨਨਸੀਲੋ ਆਘਾਤੁਕੋ, ਕਰਣਸੀਲੋ ਕਾਰੁਕੋ.
੫੩੭, ੫੬੬. ਨੁ ਨਿਗ੍ਗਹਿਤਂ ਪਦਨ੍ਤੇ.
ਪਦਨ੍ਤੇ ਨੁਕਾਰਾਗਮੋ ਨਿਗ੍ਗਹਿਤਮਾਪਜ੍ਜਤੇ.
ਅਰਿਂ ਦਮੇਤੀਤਿ ਅਰਿਨ੍ਦਮੋ, ਰਾਜਾ. ਵੇਸ੍ਸਂ ਤਰਤੀਤਿ ਵੇਸ੍ਸਨ੍ਤਰੋ, ਰਾਜਾ. ਪਭਂ ਕਰੋਤੀਤਿ ਪਭਙ੍ਕਰੋ, ਭਗਵਾ.
੫੩੮, ੫੯੫. ਸਂਹਨਾਞ੍ਞਾਯ ਵਾ ਰੋ ਘੋ.
ਸਂਪੁਬ੍ਬਾਯ ਹਨਇਚ੍ਚੇਤਾਯ ਧਾਤੁਯਾ, ਅਞ੍ਞਾਯ ਵਾ ਧਾਤੁਯਾ ਰਪਚ੍ਚਯੋ, ਹਨਸ੍ਸ ਚ ਘੋ ਹੋਤਿ.
ਸਮਗ੍ਗਂ ¶ ਕਮ੍ਮਂ ਸਮੁਪਗਚ੍ਛਤੀਤਿ ਸਙ੍ਘੋ, ਸਮਨ੍ਤਤੋ ਨਗਰਸ੍ਸ ਮਾਹਿਰੇ ਖਞ੍ਞਤੀਤਿ ਪਰਿਖਾ, ਅਨ੍ਤਂ ਕਰੋਤੀਤਿ ਅਨ੍ਤਕੋ.
ਸਂਇਤਿ ਕਿਮਤ੍ਥਂ? ਉਪਹਨਨਂ ਉਪਘਾਤੋ.
ਰਮ੍ਹਿ ਪਚ੍ਚਯੇ ਪਰੇ ਸਬ੍ਬੋ ਧਾਤ੍ਵਨ੍ਤੋ ਰਕਾਰਾਦਿ ਲੋਪੋ ਹੋਤਿ.
ਅਨ੍ਤਕੋ, ਪਾਰਗੂ, ਸਤ੍ਥਾ, ਦਿਟ੍ਠੋ ਇਚ੍ਚੇਵਮਾਦਿ.
੫੪੦, ੫੪੫. ਭਾਵਕਮ੍ਮੇਸੁ ਤਬ੍ਬਾਨੀਯਾ.
ਭਾਵਕਮ੍ਮਇਚ੍ਚੇਤੇਸ੍ਵਤ੍ਥੇਸੁ ਤਬ੍ਬ ਅਨੀਯਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਬ੍ਬਧਾਤੂਹਿ.
ਭਵਿਤਬ੍ਬਂ, ਭਵਨੀਯਂ, ਆਸਿਤਬ੍ਬਂ, ਆਸਨੀਯਂ, ਪਜ੍ਜਿਤਬ੍ਬਂ, ਪਜ੍ਜਨੀਯਂ, ਕਤ੍ਤਬ੍ਬਂ, ਕਰਣੀਯਂ, ਗਨ੍ਤਬ੍ਬਂ, ਗਮਨੀਯਂ.
ਭਾਵਕਮ੍ਮੇਸੁ ਸਬ੍ਬਧਾਤੂਹਿ ਣ੍ਯਪਚ੍ਚਯੋ ਹੋਤਿ.
ਕਤ੍ਤਬ੍ਬਂ ਕਾਰਿਯਂ, ਜੇਤਬ੍ਬਂ ਜੇਯ੍ਯਂ, ਨੇਤਬ੍ਬਂ ਨੇਯ੍ਯਂ, ਇਚ੍ਚੇਵਮਾਦਿ.
ਚਗ੍ਗਹਣੇਨ ¶ ਤੇਯ੍ਯਪਚ੍ਚਯੋ ਹੋਤਿ. ਞਾਤਬ੍ਬਂ ਞਾਤੇਯ੍ਯਂ, ਦਟ੍ਠੇਯ੍ਯਂ, ਪਤ੍ਤੇਯ੍ਯਂ ਇਚ੍ਚੇਵਮਾਦਿ.
ਕਰਇਚ੍ਚੇਤਮ੍ਹਾ ਧਾਤੁਮ੍ਹਾ ਰਿਚ੍ਚਪਚ੍ਚਯੋ ਹੋਤਿ ਭਾਵਕਮ੍ਮੇਸੁ.
ਕਤ੍ਤਬ੍ਬਂ ਕਿਚ੍ਚਂ.
ਭੂਇਚ੍ਚੇਤਾਯ ਧਾਤੁਯਾ ਣ੍ਯਪਚ੍ਚਯਸ੍ਸ ਊਕਾਰੇਨ ਸਹ ਅਬ੍ਬਾਦੇਸੋ ਹੋਤਿ ਭਾਵਕਮ੍ਮੇਸੁ.
ਭਵਿਤਬ੍ਬੋ ਭਬ੍ਬੋ, ਭਵਿਤਬ੍ਬਂ ਭਬ੍ਬਂ.
੫੪੪, ੫੫੬. ਵਦ ਮਦ ਗਮੁ ਯੁਜ ਗਰਹਾਕਾਰਾਦੀਹਿ ਜ੍ਜ ਮ੍ਮ ਗ੍ਗ ਯ੍ਹੇਯ੍ਯਾ ਗਾਰੋ ਵਾ.
ਵਦ ਮਦ ਗਮੁ ਯੁਜ ਗਰਹਾਕਾਰਨ੍ਤਇਚ੍ਚੇਵਮਾਦੀਹਿ ਧਾਤੂਹਿ ਣ੍ਯਪਚ੍ਚਯਸ੍ਸ ਯਥਾਸਙ੍ਖ੍ਯਂ ਜ੍ਜ ਮ੍ਮ ਗ੍ਗ ਯ੍ਹ ਏਯ੍ਯਾਦੇਸਾ ਹੋਨ੍ਤਿ ਵਾ ਧਾਤ੍ਵਨ੍ਤੇਨ ਸਹ, ਗਰਸ੍ਸਂ ਚ ਗਾਰੋ ਹੋਤਿ ਭਾਵਕਮ੍ਮੇਸੁ.
ਵਤ੍ਤਬ੍ਬਂ ਵਜ੍ਜਂ, ਮਦਨੀਯਂ ਮਜ੍ਜਂ, ਗਮਨੀਯਂ ਗਮ੍ਮਂ, ਯੋਜਨੀਯਂ ਯੋਗ੍ਗਂ, ਗਰਹਿਤਬ੍ਬਂ ਗਾਰਯ੍ਹਂ, ਦਾਤਬ੍ਬਂ ਦੇਯ੍ਯਂ, ਪਾਤਬ੍ਬਂ ਪੇਯ੍ਯਂ, ਹਾਤਬ੍ਬਂ ¶ ਹੇਯ੍ਯਂ, ਮਾਤਬ੍ਬਂ ਮੇਯ੍ਯਂ, ਞਾਤਬ੍ਬਂ ਞੇਯ੍ਯਂ, ਇਚ੍ਚੇਵਮਾਦਿ.
ਯੇ ਪਚ੍ਚਯਾ ਤਬ੍ਬਾਦਯੋ ਰਿਚ੍ਚਨ੍ਤਾ, ਤੇ ਕਿਚ੍ਚਸਞ੍ਞਾਤਿ ਵੇਦਿਤਬ੍ਬਾ.
ਕਿਚ੍ਚਸਞ੍ਞਾਯ ਕਿਂਪਯੋਜਨਂ? ਭਾਵਕਮ੍ਮੇਸੁ ਕਿਚ੍ਚਤ੍ਤਖਤ੍ਥਾ.
ਅਞ੍ਞੇ ਪਚ੍ਚਯਾ ਕਿਤ ਏਵ ਸਞ੍ਞਾ ਹੋਨ੍ਤਿ.
ਕਿਤ ਸਞ੍ਞਾਯ ਕਿਂਪਯੋਜਨਂ? ਕਤ੍ਤਰਿ ਕਿਤ.
ਨਨ੍ਦਾਦੀਹਿ ਧਾਤੂਹਿ ਯੁਪਚ੍ਚਯੋ ਹੋਤਿ ਭਾਵਕਮ੍ਮੇਸੁ.
ਨਨ੍ਦੀਯਤੇ ਨਨ੍ਦਨਂ, ਨਿਨ੍ਦਿਤਬ੍ਬਂ ਵਾ ਨਨ੍ਦਨਂ, ਗਹਣੀਯਂ ਗਹਣਂ, ਚਰਿਤਬ੍ਬਂ ਚਰਣਂ, ਏਵਂ ਸਬ੍ਬਤ੍ਥ ਯੋਜੇਤਬ੍ਬਾ.
ਕਤ੍ਤੁਕਰਣਪਦੇਸਇਚ੍ਚੇਤੇਸ੍ਵਤ੍ਥੇਸੁ ਚ ਯੁਪਚ੍ਚਯੋ ਹੋਤਿ.
ਕਤ੍ਤਰਿ ¶ ਤਾਵ – ਰਜਂ ਹਰਤੀਤਿ ਰਜੋਹਰਣਂ ਤੋਯਂ.
ਕਰਣੇ ਤਾਵ – ਕਰੋਤਿ ਤੇਨਾਤਿ ਕਰਣਂ.
ਪਦੇਸੇ ਤਾਵ – ਤਿਟ੍ਠਨ੍ਤਿ ਤਸ੍ਮਿਨ੍ਤਿ ਠਾਨਂ. ਏਵਂ ਸਬ੍ਬਤ੍ਥ ਯੋਜੇਤਬ੍ਬਾ.
ਰਕਾਰਹਕਾਰਾਦ੍ਯਨ੍ਤੇਹਿ ਧਾਤੂਹਿ ਅਨਾਦੇਸਸ੍ਸ ਨਸ੍ਸ ਣੋ ਹੋਤਿ.
ਕਰੋਤਿ ਤੇਨਾਤਿ ਕਰਣਂ, ਪੂਰੇਤਿ ਤੇਨਾਤਿ ਪੂਰਣਂ. ਗਹਣੀਯਂ ਤੇਨਾਤਿ ਗਹਣਂ. ਏਵਮਞ੍ਞੇਪਿ ਯੋਜੇਤਬ੍ਬਾ.
ਇਤਿ ਕਿਬ੍ਬਿਧਾਨਕਪ੍ਪੇ ਪਠਮੋ ਕਣ੍ਡੋ.
ਦੁਤਿਯਕਣ੍ਡ
ਣਾਦਯੋ ਪਚ੍ਚਯਾ ਯੁਪਚ੍ਚਯਨ੍ਤਾ ਤੇਕਾਲਿਕਾਤਿ ਵੇਦਿਤਬ੍ਬਾ.
ਕੁਮ੍ਭਂ ਕਰੋਤਿ ਅਕਾਸਿ ਕਰਿਸ੍ਸਤੀਤਿ ਕੁਮ੍ਭਕਾਰੋ, ਕਰੋਤਿ ਅਕਾਸਿ ਕਰਿਸ੍ਸਤਿ ਤੇਨਾਤਿ ਕਰਣਂ. ਏਵਮਞ੍ਞੇਪਿ ਯੋਜੇਤਬ੍ਬਾ.
੫੫੧, ੫੯੮. ਸਞ੍ਞਾਯਂ ¶ ਦਾ ਧਾਤੋ ਇ.
ਸਞ੍ਞਾਯਮਭਿਧੇਯ੍ਯਾਯਂ ਦਾ ਧਾਤੋ ਇਪਚ੍ਚਯੋ ਹੋਤਿ.
ਪਠਮਂ ਆਦੀਯਤੀਤਿ ਆਦਿ, ਉਦਕਂ ਦਧਾਤੀਤਿ ਉਦਮਿ, ਮਹੋਦਕਾਨਿ ਦਧਾਤੀਤਿ ਮਹੋਦਧਿ, ਵਾਲਾਨਿ ਦਧਾਤਿ ਤਸ੍ਮਿਨ੍ਤਿ ਵਾਲਧਿ, ਸਮ੍ਮਾ ਧੀਯਤੀਤਿ ਸਨ੍ਧਿ.
ਸਞ੍ਞਾਯਮਭਿਧੇਯ੍ਯਾਯਂ ਸਬ੍ਬਧਾਤੂਹਿ ਤਿਪਚ੍ਚਯੋ ਹੋਤਿ, ਕਿਤ ਚ ਆਸਿਟ੍ਠੇ.
ਜਿਨੋ ਜਨਂ ਬੁਜ੍ਝਤੂਤਿ ਜਿਨਬੁਦ੍ਧਿ, ਧਨਂ ਅਸ੍ਸ ਭਵਤੂਤਿ ਧਨਭੂਤਿ, ਭਵਤੂਤਿ ਭੂਤੋ, ਭਵਤੂਤਿ ਭਾਵੋ, ਧਮ੍ਮੋ ਜਨਂ ਦਦਾਤੂਤਿ ਧਮ੍ਮਦਿਨ੍ਨੋ, ਵਡ੍ਢਤੂਤਿ ਵਡ੍ਢਮਾਨੋ. ਏਵਮਞ੍ਞੇਪਿ ਯੋਜੇਤਬ੍ਬਾ.
ਇਤ੍ਥਿਯਮਭਿਧੇਯ੍ਯਾਯਂ ਸਬ੍ਬਧਾਤੂਹਿ ਅਕਾਰ ਤਿ ਯੁ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਵਾ.
ਜੀਰਤੀਤੀ ਜਰਾ, ਮਞ੍ਞਤੀਤਿ ਮਤਿ, ਚੇਤਯਤੀਤਿ ਚੇਤਨਾ, ਵੇਦਯਤੀਤਿ ਵੇਦਨਾ. ਏਵਮਞ੍ਞੇਪਿ ਯੋਜੇਤਬ੍ਬਾ.
੫੫੪, ੬੦੧. ਕਰਤੋ ¶ ਰਿਰਿਯ.
ਕਰਤੋ ਇਤ੍ਥਿਯਮਨਿਤ੍ਥਿਯਂ ਵਾ ਅਭਿਖੇਯ੍ਯਾਯਂ ਰਿਰੀਯਪਚ੍ਚਯੋ ਹੋਤਿ ਵਾ.
ਕਤ੍ਤਬ੍ਬਾ ਕਿਰਿਯਾ, ਕਰਣੀਯਂ ਕਿਰਿਯਂ.
ਅਤੀਤੇ ਕਾਲੇ ਸਬ੍ਬਧਾਤੂਹਿ ਤਤਵਨ੍ਤੁਤਾਵੀਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਹੁਤੋ, ਹੁਤਵਾ, ਹੁਤਾਵੀ. ਵੁਸਿਤੋ, ਵੁਸਿਤਵਾ, ਵੁਸਿਤਾਵੀ. ਭੁਤ੍ਤੋ, ਭੁਤ੍ਤਵਾ, ਭੁਤ੍ਤਾਵੀ.
ਭਾਵਕਮ੍ਮੇਸੁ ਅਤੀਤੇ ਕਾਲੇ ਤਪਚ੍ਚਯੋ ਹੋਤਿ ਸਬ੍ਬਧਾਤੂਹਿ.
ਭਾਵੇ ਤਾਵ – ਤਸ੍ਸ ਗੀਤਂ, ਨਚ੍ਚਂ, ਨਟ੍ਟਂ, ਹਸਿਤਂ.
ਕਮ੍ਮਨਿ ਤਾਵ – ਤੇਨ ਭਾਸਿਤਂ, ਦੇਸਿਤਂ.
੫੫੭, ੬੦੬. ਬੁਧਗਮਾਦਿਤ੍ਥੇ ਕਤ੍ਤਰਿ.
ਬੁਧਗਮੁਇਚ੍ਚੇਵਮਾਦੀਹਿ ਧਾਤੂਹਿ ਤਦਤ੍ਥੇ ਗਮ੍ਯਮਾਨੇ ਤਪਚ੍ਚਯੋ ਹੋਤਿ ਕਤ੍ਤਰਿ ਸਬ੍ਬਕਾਲੇ.
ਸਬ੍ਬੇ ¶ ਸਙ੍ਖਤਾਸਙ੍ਖਤੇ ਧਮ੍ਮੇ ਬੁਜ੍ਝਤਿ ਅਬੁਜ੍ਝਿ ਬੁਜ੍ਝਿਸ੍ਸਤੀਤਿ ਬੁਦ੍ਧੋ, ਸਰਣਙ੍ਗਤੋ, ਸਮਥਙ੍ਗਤੋ, ਅਮਥਙ੍ਗਤੋ, ਜਾਨਾਤਿ ਅਜਾਨਿ ਜਾਨਿਸ੍ਸਤੀਤਿ ਞਾਤੋ, ਇਚ੍ਚੇਵਮਾਦਿ.
ਜਿਇਚ੍ਚੇਤਾਯ ਧਾਤੁਯਾ ਇਨਪਚ੍ਚਯੋ ਹੋਤਿ ਸਬ੍ਬਕਾਲੇ ਕਤ੍ਤਰਿ.
ਪਾਪਕੇ ਅਕੁਸਲੇ ਧਮ੍ਮੇ ਜਿਨਾਤਿ ਅਜਿਨਿ ਜਿਨਿਸ੍ਸਤੀਤਿ ਜਿਨੋ.
ਸੁਪਇਚ੍ਚੇਤਾਯ ਧਾਤੁਯਾ ਇਨਪਚ੍ਚਯੋ ਹੋਤਿ ਕਤ੍ਤਰਿ, ਭਾਵੇ ਚ.
ਸੁਪਤੀਤਿ ਸੁਪਿਨਂ, ਸੁਪੀਯਤੇ ਸੁਪਿਨਂ.
ਈਸਂਦੁਸੁਸਦ੍ਦਾਦੀਹਿ ਸਬ੍ਬਧਾਤੂਹਿ ਖਪਚ੍ਚਯੋ ਹੋਤਿ.
ਈਸਸ੍ਸਯੋ, ਦੁਸ੍ਸਯੋ, ਸੁਸ੍ਸਯੋ ਭਵਤਾ, ਈਸਕ੍ਕਰਂ, ਦੁਕ੍ਕਰਂ, ਸੁਕਰਂ, ਭਵਤਾ.
੫੬੧, ੬੩੬. ਇਚ੍ਛਤ੍ਥੇਸੁ ¶ ਸਮਾਨਕਤ੍ਤੁਕੇਸੁ ਤਵੇ ਤੁਂ ਵਾ.
ਇਚ੍ਛਤ੍ਥੇਸੁ ਸਮਾਨਕਤ੍ਤੁਕੇਸੁ ਸਬ੍ਬਧਾਤੂਹਿਤਵੇਤੁਂਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਸਬ੍ਬਕਾਲੇ ਕਤ੍ਤਰਿ.
ਪੁਞ੍ਞਾਨਿ ਕਾਤਵੇ, ਸਦ੍ਧਮ੍ਮਂ ਸੋਤੁ ਮਿਚ੍ਛਤਿ.
ਅਰਹਸਕ੍ਕਾਦੀਸੁ ਚ ਅਤ੍ਥੇਸੁ ਸਬ੍ਬਧਾਤੂਹਿ ਤੁਂਪਚ੍ਚਯੋ ਹੋਤਿ.
ਕੋ ਤਂ ਨਿਨ੍ਦਿਤੁਮਰਹਤਿ, ਸਕ੍ਕਾ ਜੇਤੁਂ ਧਨੇਨ ਵਾ. ਏਵਮਞ੍ਞੇਪਿ ਯੋਜੇਤਬ੍ਬਾ.
੫੬੩, ੬੩੯. ਪਤ੍ਤਵਚਨੇ ਅਲਮਤ੍ਥੇਸੁ ਚ.
ਪਤ੍ਤਵਚਨੇ ਅਲਮਤ੍ਥੇਸੁ ਸਬ੍ਬਧਾਤੂਹਿ ਤੁਂਪਚ੍ਚਯੋ ਹੋਤਿ.
ਅਲਮੇਵ ਦਾਨਾਨਿ ਦਾਤੁਂ, ਅਲਮੇਵ ਪੁਞ੍ਞਾਨਿ ਕਾਤੁਂ.
੫੬੪, ੬੪੦. ਪੁਬ੍ਬਕਾਲੇ’ ਕਕਤ੍ਤੁਕਾਨਂ ਤੁਨ ਤ੍ਵਾਨ ਤ੍ਵਾਵਾ.
ਪੁਬ੍ਬਕਾਲੇ ਏਕਕਤ੍ਤੁਕਾਨਂ ਧਾਤੂਨਂ ਤੁਨਤ੍ਵਾਨ ਤ੍ਵਾਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਵਾ.
ਕਾਤੁਨ ¶ ਕਮ੍ਮਂ ਗਚ੍ਛਤਿ, ਅਕਾਤੁਨ ਪੁਞ੍ਞਂ ਕਿਲਿਸ੍ਸਤਿ, ਸਤ੍ਤਾ ਸੁਤ੍ਵਾਨ ਧਮ੍ਮਂ ਮੋਦਨ੍ਤਿ, ਰਿਪੁਂ ਜਿਤ੍ਵਾਨ ਵਸਤਿ, ਧਮ੍ਮਂ ਸੁਤ੍ਵਾਨ’ਸ੍ਸ ਏਤਦਹੋਸਿ, ਇਤੋ ਸੁਤ੍ਵਾਨ ਅਮੁਤ੍ਰ ਕਥਯਨ੍ਤਿ, ਸੁਤ੍ਵਾ ਜਾਨਿਸ੍ਸਾਮ. ਏਵਂ ਸਬ੍ਬਤ੍ਥ ਯੋਜੇਤਬ੍ਬਾ.
ਵਤ੍ਤਮਾਨੇ ਕਾਲੇ ਸਬ੍ਬਧਾਤੂਹਿ ਮਾਨਅਨ੍ਤਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਸਰਮਾਨੋ ਰੋਦਤਿ. ਗਚ੍ਛਨ੍ਤੋ ਗਣ੍ਹਾਤਿ.
ਸਾਸਇਚ੍ਚੇਵਮਾਦੀਹਿ ਧਾਤੂਹਿ ਰਤ੍ਥੁਪਚ੍ਚਯੋ ਹੋਤਿ.
ਸਾਸਤੀਤਿ ਸਤ੍ਥਾ, ਸਾਸਤਿ ਹਿਂਸਤੀਤਿ ਵਾ ਸਤ੍ਥਾ.
ਪਾਇਚ੍ਚੇਤਾਯ ਧਾਤੁਯਾ ਰਿਤੁਪਚ੍ਚਯੋ ਹੋਤਿ.
ਪਾਤਿ ਪੁਤ੍ਤਨ੍ਤਿ ਪਿਤਾ.
੫੬੮, ੫੭੬. ਮਾਨਾਦੀਹਿ ¶ ਰਾਤੁ.
ਮਾਨਇਚ੍ਚੇਵਮਾਦੀਹਿ ਧਾਤੂਹਿ ਰਾਤੁਪਚ੍ਚਯੋ ਹੋਤਿ, ਰਿਤੁ ਪਚ੍ਚਯੋ ਚ.
ਧਮ੍ਮੇਨ ਪੁਤ੍ਤਂ ਮਾਨੇਤੀਤਿ ਮਾਤਾ, ਪੁਬ੍ਬੇ ਭਾਸਤੀਤਿ ਭਾਤਾ, ਮਾਤਾਪਿਤੂਹਿ ਧਾਰੀਯਤੀਤਿ ਧੀਤਾ.
ਆਇਚ੍ਚਾਦਿਮ੍ਹਾ ਗਮਿਤੋ ਤੁਕਪਚ੍ਚਯੋ ਹੋਤਿ.
ਆਗਚ੍ਛਤੀਤਿ ਆਗਨ੍ਤੁਕੋ, ਭਿਕ੍ਖੁ.
ਗਮੁਇਚ੍ਚੇਤਮ੍ਹਾ ਧਾਤੁਮ੍ਹਾ ਇਕਪਚ੍ਚਯੋ ਹੋਤਿ ਭਬ੍ਬੇ. ਗਮਿਸ੍ਸਤਿ ਗਨ੍ਤੁਂ ਭਬ੍ਬੋਤਿ ਗਮਿਕੋ, ਭਿਕ੍ਖੁ.
ਇਤਿ ਕਿਬ੍ਬਿਧਾਨਕਪ੍ਪੇ ਦੁਤਿਯੋ ਕਣ੍ਡੋ.
ਤਤਿਯਕਣ੍ਡ
੫੭੧, ੬੨੪. ਪਚ੍ਚਯਾਦਨਿਟ੍ਠਾ ਨਿਪਾਤਨਾ ਸਿਜ੍ਝਨ੍ਤਿ,
ਸਙ੍ਖ੍ਯਾਨਾਮਸਮਾਸਤਦ੍ਧਿਤਾਖ੍ਯਾਤਕਿਤਕਪ੍ਪਮ੍ਹਿ ਸਪ੍ਪਚ੍ਚਯਾ ਯੇ ਸਦ੍ਦਾ ਅਨਿਟ੍ਠਙ੍ਗਤਾ, ਤੇ ਸਾਧਨੇਨ ਨਿਰਕ੍ਖਿਤ੍ਵਾ ਸਕੇਹਿ ਸਕੇਹਿ ਨਾਮੇਹਿ ਨਿਪਾਤਨਾ ਸਿਜ੍ਝਨ੍ਤਿ.
ਸਙ੍ਖ੍ਯਾਯਂ ¶ ਤਾਵ – ਏਕਸ੍ਸ ਏਤਾ ਹੋਤਿ, ਦਸਸ੍ਸ ਚ ਦਕਾਰਸ੍ਸ ਰਕਾਰਾਦੇਸੋ ਹੋਤਿ. ਏਕੋ ਚ ਦਸ ਚ ਏਕਾਰਸ.
ਦ੍ਵਿਸ੍ਸ ਬਾ ਹੋਤਿ, ਦਸਸ੍ਸ ਚ ਦਕਾਰਸ੍ਸ ਰਕਾਰਾਦੇਸੋ ਹੋਤਿ, ਦ੍ਵੇ ਚ ਦਸ ਚ ਬਾਰਸ.
ਦ੍ਵਿਸ੍ਸ ਬਾ ਹੋਤਿ, ਦਸਸ੍ਸ ਚ ਵੀਸਂ ਹੋਤਿ. ਦ੍ਵੇ ਚ ਵੀਸਞ੍ਚ ਬਾਵੀਸਂ.
ਛਸ੍ਸ ਸੋ ਹੋਤਿ, ਦਸਸ੍ਸ ਚ ਦਕਾਰਸ੍ਸ ਲ਼ੋ ਹੋਤਿ, ਛ ਚ ਦਸ ਚ ਸੋਲ਼ਸ.
ਛਆਯਤਨਮ੍ਹਿ ਛਸ੍ਸ ਸਲ਼ੋ ਹੋਤਿ, ਸਲ਼ਾਯਤਨਂ. ਏਵਂ ਸੇਸਾ ਸਙ੍ਖ੍ਯਾ ਕਾਤਬ੍ਬਾ.
ਨਾਮਿਕੇ ਤਾਵ-ਇਮ ਸਮਾਨ ਅਪਰਇਚ੍ਚੇਤੇਹਿ ਜ੍ਜਜ੍ਜੁ ਪਚ੍ਚਯਾ ਹੋਨ੍ਤਿ, ਇਮ ਸਮਾਨਸਦ੍ਦਾਨਞ੍ਚ ਅਕਾਰਸਕਾਰਾਦੇਸਾ ਹੋਨ੍ਤਿ. ਇਮਸ੍ਮਿਂ ਕਾਲੇ ਅਜ੍ਜ, ਅਜ੍ਜੁ, ਸਮਾਨੇ ਕਾਲੇ ਸਜ੍ਜ, ਸਜ੍ਜੁ, ਅਪਰਸ੍ਮਿਂ ਕਾਲੇ ਅਪਰਜ੍ਜ, ਅਪਰਜ੍ਜੁ.
ਸਮਾਸੇ ਤਾਵ – ਭੂਮਿਗਤੋ, ਅਪਾਯਗਤੋ, ਇਸ੍ਸਰਕਤਂ. ਸਲ੍ਲਵਿਦ੍ਧੋ, ਕਥਿਨਦੁਸ੍ਸਂ, ਚੋਰਭਯਂ, ਧਞ੍ਞਰਾਸਿ, ਸਂਸਾਰਦੁਕ੍ਖਂ, ਪੁਬ੍ਬਾਪਰਂ.
ਤਦ੍ਧਿਤੇ ¶ ਤਾਵ – ਵਾਸਿਟ੍ਠੋ, ਭਾਰਦ੍ਵਾਜੋ, ਭਗ੍ਗਵੋ, ਪਣ੍ਡਵੋ, ਕਾਲੇਯ੍ਯੋ.
ਆਖ੍ਯਾਤੇ ਤਾਵ – ‘‘ਅਸ ਭਾਵੇ’’ਤਿ ਧਾਤੁਤੋ ਵਤ੍ਤਮਾਨੇਸੁ ਏਕਵਚਨਬਹੁਵਚਨੇਸੁ ਏਕਵਚਨਸ੍ਸ ਤਿਸ੍ਸ ਸ੍ਸੋ ਹੋਤਿ ਅਨ੍ਤੇਨ ਸਹ, ਬਹੁਵਚਨਸ੍ਸ ਅਨ੍ਤਿਸ੍ਸ ਸ੍ਸੁ ਹੋਤਿ ਅਨ੍ਤੇਨ ਸਹ. ਏਵਮਸ੍ਸ ਵਚਨੀਯੋ, ਏਵਮਸ੍ਸੁ ਵਚਨੀਯਾ.
ਆਣਤ੍ਤਿਯਂ ਹਿਸ੍ਸ ਸ੍ਸੁ ਹੋਤਿ ਵਾ, ਗਚ੍ਛਸ੍ਸੁ, ਗਚ੍ਛਾਹਿ.
ਕਿਤਕੇ ਤਾਵ – ਵਦ ਹਨਇਚ੍ਚੇਵਮਾਦੀਹਿ ਧਾਤੂਹਿ ਕਪਚ੍ਚਯੋ ਹੋਤਿ, ਵਦਸ੍ਸ ਚ ਵਾਦੋ ਹੋਤਿ, ਹਨਸ੍ਸ ਚ ਘਾਤੋ ਹੋਤਿ. ਵਾਦਕੋ, ਘਾਤਕੋ.
ਨਟਧਾਤੁਤੋ ਤਪਞ੍ਚਯਸ੍ਸ ਚ੍ਚ ਟ੍ਟਾਦੇਸਾ ਹੋਨ੍ਤਿ ਅਨ੍ਤੇਨ ਸਹ. ਨਚ੍ਚਂ, ਨਟ੍ਟਂ. ਇਚ੍ਚੇਵਮਾਦਯੋ ਨਿਪਾਤਨਾ ਸਿਜ੍ਝਨ੍ਤਿ.
੫੭੨, ੬੨੫. ਸਾਸ ਦਿਸਤੋ ਤਸ੍ਸ ਰਿਟ੍ਠੋ ਚ.
ਸਾਸ ਦਿਸਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਰਿਟ੍ਠਾਦੇਸੋ ਹੋਤਿ ਠਾਨੇ.
ਅਨੁਸਿਟ੍ਠੋ ਸੋ ਮਯਾ, ਦਿਟ੍ਠਂ ਮੇ ਰੂਪਂ.
ਚਗ੍ਗਹਣੇਨ ¶ ਕਿਚ੍ਚਤਕਾਰਸ੍ਸ ਚ ਤੁਂ ਪਚ੍ਚਯਸ੍ਸ ਚ ਰਟ੍ਠਰਟ੍ਠੁਂਆਦੇਸਾ ਹੋਨ੍ਤਿ. ਦਸ੍ਸਨੀਯਂ ਦਟ੍ਠਬ੍ਬਂ. ਦਟ੍ਠੁਂ ਵਿਹਾਰਂ ਗਚ੍ਛਨ੍ਤਿ ਸਮਣਾਨਂ.
੫੭੩, ੬੨੬. ਸਾਦਿਸਨ੍ਤ ਪੁਚ੍ਛ ਭਨ੍ਜ ਹਨ੍ਸਾਦੀਹਿਟ੍ਠੋ.
ਸਕਾਰਨ੍ਤ ਪੁਚ੍ਛ ਭਨ੍ਜ ਹਨ੍ਸ ਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਸਹਾਦਿਬ੍ਯਞ੍ਜਨੇਨ ਟ੍ਠਾਦੇਸੋ ਹੋਤਿ ਠਾਨੇ.
ਤੁਟ੍ਠੋ, ਅਹਿਨਾ ਦਟ੍ਠੋ ਨਰੋ, ਮਯਾ ਪੁਟ੍ਠੋ, ਭਟ੍ਠੋ, ਪਭਟ੍ਠੋ, ਹਟ੍ਠੋ, ਪਹਟ੍ਠੋ, ਯਿਟ੍ਠੋ. ਏਵਮਞ੍ਞੇਪਿ ਧਾਤਵੋ ਸਬ੍ਬਤ੍ਥ ਯੋਜੇਤਬ੍ਬਾ.
ਵਸਇਚ੍ਚੇਤਮ੍ਹਾ ਧਾਤੁਮ੍ਹਾ ਤਕਾਰਪਚ੍ਚਯਸ੍ਸ ਸਹਾਦਿਬ੍ਯਞ੍ਜਨੇਨ ਉਟ੍ਠਾਦੇਸੋ ਹੋਤਿ ਠਾਨੇ.
ਵਸ੍ਸਂਵੁਟ੍ਠੋ.
ਵਸਸ੍ਸੇਵ ਧਾਤੁਸ੍ਸ ਤਪਚ੍ਚਯੇ ਪਰੇ ਵਕਾਰਸ੍ਸ ਉਕਾਰਾਦੇਸੋ ਹੋਤਿ ਵਾ.
ਵੁਸਿਤਂ ਬ੍ਰਹ੍ਮਚਰਿਯਂ, ਉਟ੍ਠੋ. ਵੁਠੋ ਵਾ.
੫੭੬, ੬੦੭. ਧ ¶ ਢ ਭ ਯੇ ਹਿ ਧ ਢਾ ਚ.
ਧ ਢ ਭ ਹਇਚ੍ਚੇਵਮਨ੍ਤੇਹਿ ਧਾਤੂਹਿ ਤਕਾਰਪਚ੍ਚਯਸ੍ਸ ਯਥਾਕ੍ਕਮਂ ਧ ਢਾਦੇਸਾ ਹੋਨ੍ਤਿ.
ਯਥਾ? ਬੁਦ੍ਧੋ ਭਗਵਾ, ਵਡ੍ਢੋ ਭਿਕ੍ਖੁ, ਲਦ੍ਧਂ ਮੇ ਪਤ੍ਥਚੀਵਰਂ, ਅਗ੍ਗਿਨਾ ਦਡ੍ਢਂ ਵਨਂ.
ਭਨ੍ਜਤੋ ਧਾਤੁਮ੍ਹਾ ਤਕਾਰਪਚ੍ਚਯਸ੍ਸ ਗ੍ਗੋ ਆਦੇਸੋ ਹੋਤਿ ਸਹਾਦਿਬ੍ਯਞ੍ਜਨੇਨ.
ਭਗ੍ਗੋ.
੫੭੮, ੫੬੦. ਭੁਜਾਦੀਨਮਨ੍ਤੋ ਨੋ ਦ੍ਵਿ ਚ.
ਭੁਜਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤੋ ਨੋ ਹੋਤਿ, ਤਪਚ੍ਚਯਸ੍ਸ ਚ ਦ੍ਵਿਤਾਵੋ ਹੋਤਿ.
ਭੁਤ੍ਤੋ, ਭੁਤ੍ਤਾਵੀ, ਚਤ੍ਤੋ, ਸਤ੍ਤੋ, ਰਤ੍ਤੋ, ਯੁਤ੍ਤੋ, ਵਿਵਿਤ੍ਤੋ.
ਵਚਇਚ੍ਚੇਤਸ੍ਸ ¶ ਧਾਤ੍ਵਸ੍ਸ ਵਕਾਰਸ੍ਸ ਉਕਾਰਾਦੇਸੋ ਹੋਤਿ ਅਨ੍ਤੋ ਚਕਾਰੋ ਨੋ ਹੋਤਿ, ਤਪਚ੍ਚਯਸ੍ਸ ਚ ਦ੍ਵੇਭਾਵੋ ਹੋਤਿ ਵਾ.
ਵੁਤ੍ਤਂ ਭਗਵਤਾ, ਉਤ੍ਤਂ ਵਾ.
ਗੁਪਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤੋ ਚ ਬ੍ਯਞ੍ਜਨੋ ਨੋ ਹੋਤਿ, ਤਪਚ੍ਚਯਸ੍ਸ ਚ ਦ੍ਵੇਭਾਵੋ ਹੋਤਿ.
ਸੁਗੁਤ੍ਤੋ, ਚਤ੍ਤੋ, ਲਿਤ੍ਤੋ, ਸਨ੍ਤਤ੍ਤੋ, ਉਤ੍ਤੋ, ਵਿਵਿਤ੍ਤੋ, ਸਿਤ੍ਤੋ. ਏਵਮਞ੍ਞੇਪਿ ਯੋਜੇਤਬ੍ਬਾ.
ਤਰਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਇਣ੍ਣਾਦੇਸੋ ਹੋਤਿ, ਅਨ੍ਤੋ ਚ ਬ੍ਯਞ੍ਜਨੋ ਨੋ ਹੋਤਿ.
ਤਰਤੀਤਿ ਤਿਣ੍ਣੋ, ਉਤ੍ਤਰਤੀਤਿ ਉਤ੍ਤਿਣ੍ਣੋ, ਸਂਪੂਰਤੀਤਿ ਸਮ੍ਪੁਣ੍ਣੋ, ਤੁਰਤੀਤਿ ਤੁਣ੍ਣੋ, ਪਰਿਜੀਰਤੀਤਿ ਪਰਿਜਿਣ੍ਣੋ, ਆਕਿਰਤੀਤਿ ਆਕਿਣ੍ਣੋ.
੫੮੨, ੬੩੧. ਭਿਦਾਦਿਤੋ ¶ ਇਨ੍ਨ ਅਨ੍ਨ ਈਣਾਵਾ.
ਭਿਦਿਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਇਨ੍ਨ ਅਨ੍ਨ ਈਣਾਦੇਸਾ ਹੋਨ੍ਤਿ ਵਾ, ਅਨ੍ਤੋ ਚ ਬ੍ਯਞ੍ਜਨੋ ਨੋ ਹੋਤਿ.
ਭਿਨ੍ਦਿਤਬ੍ਬੋਤਿ ਭਿਨ੍ਨੋ, ਛਿਨ੍ਦੀਯਤੀਤਿ ਛਿਨ੍ਨੋ, ਉਚ੍ਛਿਨ੍ਦੀਯਿਤ੍ਥਾਤਿ ਉਚ੍ਛਿਨ੍ਨੋ, ਦੀਯਤੀਤਿ ਦਿਨ੍ਨੋ, ਨਿਸੀਦਤੀਤਿ ਨਿਸਿਨ੍ਨੋ, ਸੁਟ੍ਠੁ ਛਾਦੀਯਤੀਤਿ ਸੁਛਨ੍ਨੋ, ਖਿਦਤੀਤਿ ਖਿਨ੍ਨੋ, ਰੋਦਤੀਤਿ ਰੁਨ੍ਨੋ, ਖੀਣਾ ਜਾਤਿ.
ਵਾਤਿ ਕਿਮਤ੍ਥਂ? ਭਿਜ੍ਜਤੀਤਿ ਭਿਤ੍ਤਿ.
੫੮੩, ੬੧੭. ਸੁਸ ਪਚ ਸਕਤੋ ਕ੍ਖ ਕ੍ਕਾ ਚ.
ਸੁਸ ਪਚ ਸਕਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਕ੍ਖਕ੍ਕਾਦੇਸਾ ਹੋਨ੍ਤਿ, ਅਨ੍ਤੋ ਚ ਬ੍ਯਞ੍ਜਨੋ ਨੋ ਹੋਤਿ.
ਸੁਸ੍ਸਤੀਤਿ ਸੁਕ੍ਖਂ, ਕਟ੍ਠਂ, ਪਚ੍ਚਤੀਤਿ ਪਕ੍ਕਂ, ਫਲਂ. ਸਕਤਿ ਸਮਤ੍ਥੇਤਿ, ਪੂਜੇਤੀਤਿ ਵਾ ਸਕ੍ਕੋ, ਸੁਜਮ੍ਪਤਿ.
ਪਕ੍ਕਮਇਚ੍ਚੇਵਮਾਦੀਹਿ ਧਾਤੂਹਿ ਤਪਚ੍ਚਯਸ੍ਸ ਨ੍ਤੋਆਦੇਸੋ ਹੋਤਿ, ਅਨ੍ਤੋ ਚ ਨੋ ਹੋਤਿ.
ਪਕ੍ਕਮਤੀਤਿ ¶ ਪਕ੍ਕਨ੍ਤੋ, ਵਿਬ੍ਭਮਤੀਤਿ ਵਿਬ੍ਭਨ੍ਤੋ, ਸਙ੍ਕਨ੍ਤੋ, ਖਨ੍ਤੋ, ਸਨ੍ਤੋ, ਦਨ੍ਤੋ, ਵਨ੍ਤੋ.
ਚਗ੍ਗਹਣਂ ਕਿਮਤ੍ਥਂ? ਤੇਹੇਵ ਧਾਤੂਹਿ ਤਪਚ੍ਚਯਸ੍ਸਨ੍ਤਿ ਹੋਤਿ. ਅਨ੍ਤੋ ਚ ਨੋ ਹੋਤਿ. ਕਨ੍ਤਿ, ਖਨ੍ਤਿ. ਏਵਂ ਸਬ੍ਬਤ੍ਥ.
ਜਨਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤਸ੍ਸ ਬ੍ਯਞ੍ਜਨਸ੍ਸ ਆਤ੍ਤਂ ਹੋਤਿ ਤਪਚ੍ਚਯੇ ਪਰੇ, ਤਿਮ੍ਹਿ ਚ.
ਅਜਨੀਤਿ ਜਾਤੋ, ਜਨਨਂ ਜਾਤਿ.
ਤਿਮ੍ਹੀਤਿ ਕਿਮਤ੍ਥਂ? ਅਞ੍ਞਸ੍ਮਿਮ੍ਪਿ ਪਚ੍ਚਯੇ ਪਰੇ ਆਕਾਰਨਿਵਤ੍ਤਨਤ੍ਥਂ. ਜਨਿਤ੍ਵਾ, ਜਨਿਤਾ, ਜਨਿਤੁਂ, ਜਨਿਤਬ੍ਬਂ ਇਚ੍ਚੇਵਮਾਦਿ.
੫੮੬, ੬੦੦. ਗਮ ਖਨ ਹਨ ਰਮਾਦੀਨਮਨ੍ਤੋ.
ਗਮ ਖਨ ਹਨ ਰਮੁਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤੋ ਬ੍ਯਞ੍ਜਨੋ ਨੋ ਹੋਤਿ ਵਾ ਤਪਚ੍ਚਯੇ ਪਰੇ ਤਿਮ੍ਹਿ ਚ.
ਸੁਨ੍ਦਰਂ ਨਿਬ੍ਬਾਨਂ ਗਚ੍ਛਤੀਤਿ ਸੁਗਤੋ. ਸੁਨ੍ਦਰਂ ਨਿਬ੍ਬਾਨਂ ਗਚ੍ਛਤੀਤਿ ਸੁਗਤਿ, ਖਤਂ, ਖਤਿ. ਉਪਹਤਂ, ਉਪਹਤਿ. ਰਤੋ, ਰਤਿ, ਮਤੋ, ਮਤਿ.
ਵਾਤਿ ¶ ਕਿਮਤ੍ਥਂ? ਰਮਤੋ, ਰਮਤਿ.
ਰਕਾਰੋ ਚ ਧਾਤੂਨਮਨ੍ਤਭੂਤੋ ਨੋ ਹੋਤਿ ਤਪਚ੍ਚਯੇ, ਪਰੇ ਤਿਮ੍ਹਿ ਚ.
ਪਕਾਰੇਨ ਕਰੀਯਤੀਤਿ ਪਕਤੋ, ਪਠਮਂ ਕਰੀਯਤੀਤਿ ਪਕਤਿ, ਵਿਸਰੀਯਤੀਤਿ ਵਿਸਤੋ, ਵਿਸਤਿ.
ਠਾ ਪਾਇਚ੍ਚੇਤੇਸਂ ਧਾਤੂਨਂ ਅਨ੍ਤਸ੍ਸ ਆਕਾਰਸ੍ਸ ਇਕਾਰ ਈਕਾਰਾਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਤਪਚ੍ਚਯੇ ਪਰੇ, ਤਿਮ੍ਹਿ ਚ.
ਯਤ੍ਰ ਠਿਤੋ, ਠਿਤਿ, ਪੀਤੋ, ਪੀਤਿ.
੫੮੯, ੬੨੧. ਹਨ੍ਤੇਹਿ ਹੋ ਹਸ੍ਸ ਲ਼ੋ ਵਾ ਅਦਹਨਹਾਨਂ.
ਹਕਾਰਨ੍ਤੇਹਿ ਧਾਤੂਹਿ ਤਪਚ੍ਚਯਸ੍ਸ ਹਕਾਰਾਦੇਸੋ ਹੋਤਿ, ਹਕਾਰਸ੍ਸ ਧਾਤ੍ਵਨ੍ਤਸ੍ਸ ਲ਼ੋ ਹੋਤਿ ਵਾ ਅਦਹਨਹਾਨਂ.
ਆਰੁਹਿਤ੍ਥਾਤਿ ਆਰੁਲ਼੍ਹੋ. ਗਾਲ਼੍ਹੋ, ਬਾਲ਼੍ਹੋ. ਮੂਲ਼ੋ.
ਅਦਹਨਹਾਨਮਿਤਿ ¶ ਕਿਮਤ੍ਥਂ? ਦਯ੍ਹਤੀਤਿ ਦਡ੍ਢੋ, ਸਂਸੁਟ੍ਠੁ ਨਯ੍ਹਤੀਤਿ ਸਨ੍ਨਦ੍ਧੋ.
ਇਤਿ ਕਿਬ੍ਬਿਧਾਨਕਪ੍ਪੇ ਤਤਿਯੋ ਕਣ੍ਡੋ.
ਚਤੁਤ੍ਥਕਣ੍ਡ
੫੯੦, ੫੭੯. ਣਮ੍ਹਿਰਨ੍ਜਸ੍ਸ ਜੋ ਭਾਵਕਰਣੇਸੁ.
ਣਮ੍ਹਿ ਪਚ੍ਚਯੇ ਪਰੇ ਰਨ੍ਜਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤਭੂਤਸ੍ਸ ਨ੍ਜਕਾਰਸ੍ਸ ਜੋਆਦੇਸੋ ਹੋਤਿ ਭਾਵਕਰਣੇਸੁ.
ਰਞ੍ਜਨਂ ਰਾਗੋ, ਰਨ੍ਜਨ੍ਤਿ ਏਤੇਨਾਤਿ ਰਾਗੋ.
ਭਾਵਕਰਣੇਸੂਤਿ ਕਿਮਤ੍ਥਂ? ਰਨ੍ਜਤੀਤਿ ਰਙ੍ਗੋ.
ਹਨਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਘਾਤਾਦੇਸੋ ਹੋਤਿ ਣਮ੍ਹਿ ਪਚ੍ਚਯੇ ਪਰੇ.
ਉਪਹਨਤੀਤਿ ਉਪਘਾਤੋ, ਗਾਵੋ ਹਨਤੀਤਿ ਗੋਘਾਤਕੋ.
੫੯੨, ੫੦੩. ਵਧੋ ¶ ਵਾ ਸਬ੍ਬਤ੍ਥ.
ਹਨਇਚ੍ਚੇਤਸ੍ਸ ਧਾਤੁਸ੍ਸ ਵਧਾਦੇਸੋ ਹੋਤਿ ਵਾ ਸਬ੍ਬਤ੍ਥ ਠਾਨੇਸੁ.
ਹਨਤੀਤਿ ਵਧੋ, ਵਧਕੋ, ਅਵਧਿ, ਅਹਨਿ ਵਾ.
ਆਕਾਰਨ੍ਤਾਨਂ ਧਾਤੂਨਂ ਅਨ੍ਤਸ੍ਸ ਆਕਾਰਸ੍ਸ ਆਯਾਦੇਸੋ ਹੋਤਿ ਣਮ੍ਹਿ ਪਚ੍ਚਯੇ ਪਰੇ.
ਦਦਾਤੀਤਿ ਦਾਯਕੋ, ਦਾਨਂ ਦਾਤੁਂ ਸੀਲਂ ਯਸ੍ਸਾਤਿ ਦਾਨਦਾਯੀ, ਮਜ੍ਜਂ ਦਾਤੁਂ ਸੀਲਂ ਯਸ੍ਸਾਤਿ ਮਜ੍ਜਦਾਯੀ, ਨਗਰਂ ਯਾਤੁਂ ਸੀਲਂ ਯਸ੍ਸਾਤਿ ਨਗਰਯਾਯੀ.
੫੯੪, ੫੮੨. ਪੁਰ ਸਮੁਪ ਪਰੀਹਿ ਕਰੋਤਿਸ੍ਸ ਖ ਖਰਾ ਵਾ ਤਪ੍ਪਚ੍ਚਯੇਸੁਚ.
ਪੁਰ ਸਂ ਉਪ ਪਰਿਇਚ੍ਚੇਤੇਹਿ ਕਰੋਤਿਸ੍ਸ ਧਾਤੁਸ੍ਸ ਖ ਖਰਾਦੇਸਾ ਹੋਨ੍ਤਿ ਵਾ ਤਪਚ੍ਚਯੇ ਪਰੇ, ਣਮ੍ਹਿ ਚ.
ਪੁਰੇ ਕਰੀਯਤੀਤਿ ਪੁਰਕ੍ਖਤੋ, ਸਮ੍ਮਾ ਕਰੀਯਤੀਤਿ ਸਙ੍ਖਤੋ, ਉਪਗਨ੍ਤ੍ਵਾ ਕਰੀਯਤੀਤਿ ਉਪਕ੍ਖਤੋ, ਪਰਿਸਮਨ੍ਤਤੋ ਕਰੋਤੀਤਿ ਪਰਿਕ੍ਖਾਰੋ, ਸਂਕਰੀਯਤੀਤਿ ਸਙ੍ਖਾਰੋ.
ਵਾਤਿ ਕਿਮਤ੍ਥਂ? ਉਪਗਨ੍ਤ੍ਵਾ ਕਰੋਤੀਤਿ ਉਪਕਾਰੋ.
੫੯੫, ੬੩੭. ਤਵੇ ¶ ਤੁਨਾਦੀਸੁ ਕਾ.
ਤਵੇ ਤੁਨਇਚ੍ਚੇਵਮਾਦੀਸੁ ਪਚ੍ਚਯੇਸੁ ਕਰੋਤਿਸ੍ਸ ਧਾਤੁਸ੍ਸ ਕਾਆਦੇਸੋ ਹੋਤਿ ਵਾ.
ਕਾਤਵੇ, ਕਾਤੁਂ, ਕਤ੍ਤੁਂ ਵਾ, ਕਾਤੁਨ, ਕਤ੍ਤੁਨ ਵਾ.
੫੯੬, ੫੫੧. ਗਮ ਖਨ ਹਨਾਦੀਨਂ ਤੁਂ ਤਬ੍ਬਾਦੀਸੁ ਨ.
ਗਮ ਖਨ ਹਨਇਚ੍ਚੇਵਮਾਦੀਨਂ ਧਾਤੂਨਂ ਅਨ੍ਤਸ੍ਸ ਨਕਾਰੋ ਹੋਤਿ ਵਾ ਤੁਂ ਤਬ੍ਬਾਦੀਸੁ ਪਚ੍ਚਯੇਸੁ.
ਗਨ੍ਤੁਂ, ਗਮਿਤੁਂ, ਗਨ੍ਤਬ੍ਬਂ, ਗਮਿਤਬ੍ਬਂ. ਖਨ੍ਤੁਂ. ਖਨਿਤੁਂ, ਖਨ੍ਤਬ੍ਬਂ, ਖਨਿਤਬ੍ਬਂ. ਹਨ੍ਤੁਂ, ਹਨਿਤੁਂ, ਹਨ੍ਤਬ੍ਬਂ. ਹਨਿਤਬ੍ਬਂ. ਮਨ੍ਤੁਂ, ਮਨਿਤੁਂ, ਮਨ੍ਤਬ੍ਬਂ, ਮਨਿਤਬ੍ਬਂ.
ਆਦਿਗ੍ਗਹਣਂ ਕਿਮਤ੍ਥਂ? ਤੁਨਗ੍ਗਹਣਤ੍ਥਂ. ਗਨ੍ਤੁਨ, ਖਨ੍ਤੁਨ, ਹਨ੍ਤੁਨ, ਮਨ੍ਤੁਨ.
੫੯੭, ੬੪੧. ਸਬ੍ਬੇਹਿ ਤੁਨਾਦੀਨਂ ਯੋ.
ਸਬ੍ਬੇਹਿ ਧਾਤੂਹਿ ਤੁਨਾਦੀਨਂ ਪਚ੍ਚਯਾਨਂ ਯਕਾਰਾਦੇਸੋ ਹੋਤਿ ਵਾ.
ਅਭਿਵਨ੍ਦਿਯ, ਅਭਿਵਨ੍ਦਿਤ੍ਵਾ, ਓਹਾਯ, ਓਹਿਤ੍ਵਾ, ਉਪਨੀਯ, ਉਪਨੇਤ੍ਵਾ, ਪਸ੍ਸਿਯ, ਪਸ੍ਸਿਤ੍ਵਾ, ਉਦ੍ਦਿਸ੍ਸ, ਉਦ੍ਦਿਸਿਤ੍ਵਾ, ਆਦਾਯ, ਆਦਿਯਿਤ੍ਵਾ.
੫੯੮, ੬੪੩. ਚਨਨ੍ਤੇਹਿ ¶ ਰਚ੍ਚਂ.
ਚਕਾਰਨਕਾਰਨ੍ਤੇਹਿ ਧਾਤੂਹਿ ਤੁਨਾਦੀਨਂ ਪਚ੍ਚਯਾਨਂ ਰਚ੍ਚਾਦੇਸੋ ਹੋਤਿ ਵਾ.
ਵਿਵਿਚ੍ਚ, ਆਹਚ੍ਚ, ਉਹਚ੍ਚ.
ਵਾਤਿ ਕਿਮਤ੍ਥਂ? ਹਨ੍ਤ੍ਵਾ.
੫੯੯, ੬੪੪. ਦਿਸਾ ਸ੍ਵਾਨ ਸ੍ਵਾਨ੍ਤਲੋਪੋ ਚ.
ਦਿਸਇਚ੍ਚੇਤਾਯ ਧਾਤੁਯਾ ਤੁਨਾਦੀਨਂ ਪਚ੍ਚਯਾਨਂ ਸ੍ਵਾਨਸ੍ਵਾਦੇਸਾ ਹੋਨ੍ਤਿ, ਅਨ੍ਤਲੋਪੋ ਚ.
ਦਿਸ੍ਵਾਨ, ਦਿਸ੍ਵਾ.
੬੦੦, ੬੪੫. ਮ ਹ ਦ ਭੇਹਿ ਮ੍ਮ ਯ੍ਹ ਜ੍ਜ ਬ੍ਭ ਦ੍ਧਾ ਚ.
ਮ ਹ ਦ ਭ ਇਚ੍ਚੇਵਮਨ੍ਤੇਹਿ ਧਾਤੂਹਿ ਤੁਨਾਦੀਨਂ ਪਚ੍ਚਯਾਨਂ ਮ੍ਮ ਯ੍ਹ ਜ੍ਜ ਬ੍ਭ ਦ੍ਧਾ ਆਦੇਸਾ ਹੋਨ੍ਤਿ ਵਾ ਅਨ੍ਤਲੋਪੋ ਚ.
ਆਗਮ੍ਮ, ਆਗਮਿਤ੍ਵਾ, ਓਕ੍ਕਮ੍ਮ. ਓਕ੍ਕਮਿਤ੍ਵਾ, ਪਗ੍ਗਯ੍ਹ, ਪਗ੍ਗਣ੍ਹਿਤ੍ਵਾ, ਉਪ੍ਪਜ੍ਜ, ਉਪ੍ਪਜ੍ਜਿਤ੍ਵਾ, ਆਰਬ੍ਭ, ਆਰਭਿਤ੍ਵਾ, ਆਰਦ੍ਧ, ਆਰਭਿਤ੍ਵਾ.
੬੦੧, ੩੩੪. ਤਦ੍ਧਿਤਸਮਾਸਕਿਤਕਾ ¶ ਨਾਮਂ ਵਾ’ ਤਵੇ ਤੁਨਾਦੀਸੁ ਚ.
ਤਦ੍ਧਿਤਸਮਾਸਕਿਤਕਇਚ੍ਚੇਵਮਨ੍ਤਾ ਸਦ੍ਦਾਨਾਮਂਵ ਦਟ੍ਠਬ੍ਬਾ ਤਵੇ ਤੁਨ ਤ੍ਵਾਨ ਤ੍ਵਾਦਿਪਚ੍ਚਯਨ੍ਤੇ ਵਜ੍ਜੇਤ੍ਵਾ.
ਵਾਸਿਟ੍ਠੋ, ਪਤ੍ਤਧਮ੍ਮੋ, ਕੁਮ੍ਭਕਾਰੋ ਇਚ੍ਚੇਵਮਾਦਿ.
ਦੁਮ੍ਹਿ ਅਕ੍ਖਰੇ ਯੋ ਪੁਬ੍ਬੋ ਅਕ੍ਖਰੋ, ਸੋ ਗਰੁਕੋਵ ਦਟ੍ਠਬ੍ਬੋ.
ਭਿਤ੍ਵਾ, ਛਿਤ੍ਵਾ, ਦਤ੍ਵਾ, ਹੁਤ੍ਵਾ.
ਦੀਘੋ ਚ ਸਰੋ ਗਰੁਕੋਵ ਦਟ੍ਠਬ੍ਬੋ.
ਆਹਾਰੋ, ਨਦੀ, ਵਧੂ, ਤੇ ਧਮ੍ਮਾ, ਓਪਨਯਿਕੋ.
ਅਕ੍ਖਰਤ੍ਥੇਹਿ ਅਕ੍ਖਰਾਭਿਧੇਯ੍ਯੇਹਿ ਕਾਰਪਚ੍ਚਯੋ ਹੋਤਿ ਪਯੋਗੇ ਸਤਿ.
ਅ ਏਵ ਅਕਾਰੋ, ਆ ਏਵ ਆਕਾਰੋ, ਯ ਏਵ ਯਕਾਰੋ.
੬੦੫, ੬੪੭. ਯਥਾਗਮਮਿਕਾਰੋ ¶ .
ਯਥਾਗਮਂ ਸਬ੍ਬਧਾਤੂਹਿ ਸਬ੍ਬਪਚ੍ਚਯੇਸੁ ਇਕਾਰਾਗਮੋ ਹੋਤਿ.
ਕਾਰਿਯਂ, ਭਵਿਤਬ੍ਬਂ, ਜਨਿਤਬ੍ਬਂ, ਵਿਦਿਤਬ੍ਬਂ, ਕਰਿਤ੍ਵਾ, ਇਚ੍ਛਿਤਂ.
ਦਕਾਰਧਕਾਰਨ੍ਤਾਯ ਧਾਤੁਯਾ ਯਥਾਗਮਂ ਯਕਾਰਾਗਮੋ ਹੋਤਿ ਕ੍ਵਚਿ ਤੁਨਾਦੀਸੁ ਪਚ੍ਚਯੇਸੁ.
ਬੁਦ੍ਧੋ ਲੋਕੇ ਉਪ੍ਪਜ੍ਜਿਤ੍ਵਾ, ਧਮ੍ਮਂ ਬੁਜ੍ਝਿਤ੍ਵਾ.
ਦਧਨ੍ਤਤੋਤਿ ਕਿਮਤ੍ਥਂ? ਲਭਿਤ੍ਵਾ.
ਕ੍ਵਚੀਤਿ ਕਿਮਤ੍ਥਂ? ਉਪ੍ਪਾਦੇਤ੍ਵਾ.
ਇਤਿ ਕਿਬ੍ਬਿਧਾਨਕਪ੍ਪੇ ਚਤੁਤ੍ਥੋ ਕਣ੍ਡੋ.
ਪਞ੍ਚਮਕਣ੍ਡ
੬੦੭, ੫੭੮. ਨਿਗ੍ਗਹਿਤ ਸਂਯੋਗਾਦਿਨੋ.
ਸਂਯੋਗਾਦਿਭੂਤੋ ਨਕਾਰੋ ਨਿਗ੍ਗਹਿਤਮਾਪਜ੍ਜਤੇ.
ਰਙ੍ਗੋ, ਭਙ੍ਗੋ, ਸਙ੍ਗੋ.
੬੦੮, ੬੨੩. ਸਬ੍ਬਤ੍ਥ ¶ ਗੇ ਗੀ.
ਗੇਇਚ੍ਚੇਤਸ੍ਸ ਧਾਤੁਸ੍ਸ ਗੀਆਦੇਸੋ ਹੋਤਿ ਸਬ੍ਬਤ੍ਥ ਠਾਨੇ.
ਗੀਤਂ ਗਾਯਤਿ.
ਸਦਇਚ੍ਚੇਤਸ੍ਸ ਧਾਤੁਸ੍ਸ ਸੀਦਾਦੇਸੋ ਹੋਤਿ ਸਬ੍ਬਤ੍ਥ ਠਾਨੇ.
ਨਿਸਿਨ੍ਨੋ, ਨਿਸੀਦਤਿ.
ਯਜਇਚ੍ਚੇਤਸ੍ਸ ਧਾਤੁਸ੍ਸ ਸਰਸ੍ਸ ਇਕਾਰਾਦੇਸੋ ਹੋਤਿ ਟ੍ਠੇ ਪਰੇ.
ਯਿਟ੍ਠੋ, ਯਿਟ੍ਠਾ.
ਟ੍ਠੇਤਿ ਕਿਮਤ੍ਥਂ? ਯਜਨਂ.
੬੧੧, ੬੦੮. ਹਚਤੁਤ੍ਥਾਨਮਨ੍ਤਾਨਂ ਦੋ ਧੇ.
ਹਚਤੁਤ੍ਥਾਨਂ ਧਾਤ੍ਵਨ੍ਤਾਨਂ ਦੋ ਆਦੇਸੋ ਹੋਤਿ ਧੇ ਪਰੇ.
ਸਨ੍ਨਦ੍ਧੋ, ਕੁਦ੍ਧੋ, ਯੁਦ੍ਧੋ, ਸਿਦ੍ਧੋ, ਲਦ੍ਧੋ, ਆਰਦ੍ਧੋ.
੬੧੨, ੬੧੫. ਡੋ ¶ ਢਕਾਰੇ.
ਹਚਤੁਤ੍ਥਾਨਂ ਧਾਤ੍ਵਨ੍ਤਾਨਂ ਡੋ ਆਦੇਸੋ ਹੋਤਿ ਢਕਾਰੇ ਪਰੇ.
ਦਯ੍ਹਤੀਤਿ ਦਡ੍ਢੋ, ਵਡ੍ਢਤੀਤਿ ਵੁਡ੍ਢੋ.
ਢਕਾਰੇਤਿ ਕਿਮਤ੍ਥਂ? ਦਾਹੋ.
ਗਹਇਚ੍ਚੇਤਸ੍ਸ ਧਾਤੁਸ੍ਸ ਸਬ੍ਬਸ੍ਸ ਘਰਾਦੇਸੋ ਹੋਤਿ ਵਾ ਣਪਚ੍ਚਯੇ ਪਰੇ.
ਘਰਂ, ਘਰਾਨਿ.
ਵਾਤਿ ਕਿਮਤ੍ਥਂ? ਗਾਹੋ.
ਦਹਇਚ੍ਚੇਤਸ੍ਸ ਧਾਤੁਸ੍ਸ ਦਕਾਰੋ ਲ਼ਤ੍ਤਮਾਪਜ੍ਜਤੇ ਵਾ ਣਪਚ੍ਚਯੇ ਪਰੇ.
ਪਰਿਦਹਨਂ ਪਰਿਲ਼ਾਹੋ.
ਵਾਤਿ ਕਿਮਤ੍ਥਂ? ਪਰਿਦਾਹੋ.
੬੧੫, ੫੮੬. ਧਾਤ੍ਵਨ੍ਤਸ੍ਸ ਲੋਪੋ ਕ੍ਵਿਮ੍ਹਿ.
ਧਾਤ੍ਵਨ੍ਤਸ੍ਸ ਬ੍ਯਞ੍ਜਨਸ੍ਸ ਲੋਪੋ ਹੋਤਿ ਕ੍ਵਿਮ੍ਹਿ ਪਚ੍ਚਯੇ ਪਰੇ.
ਭੁਜੇਨ ¶ ਗਚ੍ਛਤੀਤਿ, ਭੁਜਗੋ. ਉਰੇਨ ਗਚ੍ਛਤੀਤਿ ਉਰਗੋ, ਤੁਰਗੋ, ਸਙ੍ਖੋ.
ਵਿਦਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤੇ ਊਕਾਰਾਗਮੋ ਹੋਤਿ ਕ੍ਵਿਮ੍ਹਿ ਪਚ੍ਚਯੇ ਪਰੇ.
ਲੋਕਂ ਵਿਦਤਿ ਜਾਨਾਤੀਤਿ ਲੋਕਵਿਦੂ.
੬੧੭, ੬੩੩. ਨ ਮ ਕ ਰਾਨਮਨ੍ਤਾਨਂ ਨਿਯੁਤ੍ਤਤਮ੍ਹਿ.
ਨਕਾਰ ਮਕਾਰ ਕਕਾਰ ਰਕਾਰਾਨਂ ਧਾਤ੍ਵਨ੍ਤਾਨਂ ਲੋਪੋ ਨ ਹੋਤਿ ਇਕਾਰਯੁਤ੍ਤੇ ਤਪਚ੍ਚਯੇ ਪਰੇ.
ਹਨਿਭੁਂ, ਗਮਿਤੋ, ਰਮਿਤੋ, ਸਕਿਤੋ, ਸਰਿਤੋ, ਕਰਿਤ੍ਵਾ.
ਇਯੁਤ੍ਤਤਮ੍ਹੀਤਿ ਕਿਮਤ੍ਥਂ? ਗਤੋ, ਸਤੋ.
੬੧੮, ੫੭੧. ਨ ਕ ਗਤ੍ਤਂ ਚ ਜਾਣ੍ਵੁਮ੍ਹਿ.
ਚਕਾਰ ਜਕਾਰਾ ਕਕਾਰ ਗਕਾਰਤ੍ਤਂ ਨਾਪਜ੍ਜਨ੍ਤੇ ਣ੍ਵੁਮ੍ਹਿ ਪਚ੍ਚਯੇ ਪਰੇ.
ਪਚਤੀਤਿ ਪਾਚਕੋ, ਯਜਤੀਤਿ ਯਾਜਕੋ.
੬੧੯, ੫੭੩. ਕਰਸ੍ਸ ¶ ਚ ਤਤ੍ਤਂ ਤੁਸ੍ਮਿਂ.
ਕਰਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤਸ੍ਸ ਰਕਾਰਸ੍ਸ ਤਕਾਰਤ੍ਤਂ ਹੋਤਿ ਤੁਪਚ੍ਚਯੇ ਪਰੇ.
ਕਰੋਤੀਤਿ ਕਤ੍ਤਾ, ਕਰੋਨ੍ਤੀਤਿ ਕਤ੍ਤਾਰੋ.
ਕਰਇਚ੍ਚੇਤਸ੍ਸ ਧਾਤੁਸ੍ਸ ਅਨ੍ਤਸ੍ਸ ਰਕਾਰਸ੍ਸ ਤਕਾਰਤ੍ਤਂ ਹੋਤਿ ਵਾ ਤੁਂ ਤੁਨ ਤਬ੍ਬਇਚ੍ਚੇਤੇਸੁ ਪਚ੍ਚਯੇਸੁ.
ਕਤ੍ਤੁਂ, ਕਾਤੁਂ, ਕਤ੍ਤੁਨ. ਕਾਤੁਨ, ਕਤ੍ਤਬ੍ਬਂ, ਕਾਤਬ੍ਬਂ.
੬੨੧, ੫੫੩. ਕਾਰਿਤਂ ਵਿਯ ਣਾਨੁਬਨ੍ਧੋ.
ਣਕਾਰਾਨੁਬਨ੍ਧੋ ਪਚ੍ਚਯੋ ਕਾਰਿਤਂ ਵਿਯ ਦਟ੍ਠਬ੍ਬੋ ਵਾ.
ਦਾਹੋ, ਦੇਹੋ, ਵਾਹੋ, ਬਾਹੋ, ਚਾਗੋ, ਵਾਰੋ, ਚਾਰੋ, ਪਰਿਕ੍ਖਾਰੋ, ਦਾਯਕੋ, ਨਾਯਕੋ, ਲਾਵਕੋ, ਭਾਵਕੋ, ਕਾਰੀ, ਘਾਤੀ, ਦਾਯੀ.
ਵਾਤਿ ਕਿਮਤ੍ਥਂ? ਉਪਕ੍ਖਰੋ.
੬੨੨, ੫੭੦. ਅਨਕਾ ¶ ਯੁ ਣ੍ਵੂਨਂ.
ਯੁਣ੍ਵੁਇਚ੍ਚੇਤੇਸਂ ਪਚ੍ਚਯਾਨਂ ਅਨ ਅਕਇਚ੍ਚੇਤੇ ਆਦੇਸਾ ਹੋਨ੍ਤਿ.
ਨਨ੍ਦਨਂ, ਕਾਰਕੋ.
ਚ ਜਇਚ੍ਚੇਤੇਸਂ ਧਾਤ੍ਵਨ੍ਤਾਨਂ ਕਕਾਰਗਕਾਰਾਦੇਸਾ ਹੋਨ੍ਤਿ ਣਾਨੁਬਨ੍ਧੇ ਪਚ੍ਚਯੇ ਪਰੇ.
ਪਾਕੋ, ਯੋਗੋ.
ਇਤਿ ਕਿਬ੍ਬਿਧਾਨਕਪ੍ਪੇ ਪਞ੍ਚਮੋ ਕਣ੍ਡੋ.
ਕਿਤਕਪ੍ਪੋ ਨਿਟ੍ਠਿਤੋ.
੮. ਉਣਾਦਿਕਪ੍ਪ
ਛਟ੍ਠਕਣ੍ਡ
੬੨੪, ੫੬੩. ਕਤ੍ਤਰਿ ¶ ਕਿਤ.
ਕਤ੍ਤੁਇਚ੍ਚੇਤਸ੍ਮਿਂ ਅਤ੍ਥੇ ਕਿਤ ਪਚ੍ਚਯਾ ਹੋਨ੍ਤਿ.
ਕਾਰੁ, ਕਾਰੁਕੋ, ਕਾਰਕੋ, ਪਾਚਕੋ, ਕਤ੍ਤਾ, ਜਨਿਤਾ, ਪਚਿਤਾ, ਨੇਤਾ.
੬੨੫, ੬੦੫. ਭਾਵਕਮ੍ਮੇਸੁ ਕਿਚ੍ਚਤ੍ਤ ਖਤ੍ਥਾ.
ਭਾਵਕਮ੍ਮਇਚ੍ਚੇਤੇਸ੍ਵਤ੍ਥੇਸੁ ਕਿਚ੍ਚ ਤ੍ਤ ਖਤ੍ਥਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਉਪਸਮ੍ਪਾਦੇਤਬ੍ਬਂ ਉਪਸਮ੍ਪਾਦਨੀਯਂ ਭਵਤਾ, ਸਯਿਤਬ੍ਬਂ ਭਵਤਾ, ਕਤ੍ਤਬ੍ਬਂ ਭਵਤਾ, ਭੋਤ੍ਤਬ੍ਬੋ ਓਦਨੋ ਭਵਤਾ, ਅਸਿਤਬ੍ਬਂ ਭੋਜਨਂ ਭਵਤਾ, ਅਸਿਤਂ ਭਵਤਾ, ਸਯਿਤਂ ਭਵਤਾ, ਪਚਿਤਂ ਭਵਤਾ, ਅਸਿਤਂ ਅਸਨਂ ਭਵਤਾ, ਸਯਿਤਂ ਸਯਨਂ ਭਵਤਾ, ਪਚਿਤੋ ਓਦਨੋ ਭਵਤਾ, ਕਿਞ੍ਚਿਸ੍ਸਯੋ, ਈਸਸ੍ਸਯੋ, ਦੁਸ੍ਸਯੋ, ਸੁਸ੍ਸਯੋ ਭਵਤਾ.
੬੨੬, ੬੩੪. ਕਮ੍ਮਨਿ ¶ ਦੁਤਿਯਾਯ ਤ੍ਤੋ.
ਕਮ੍ਮਨਿ ਇਚ੍ਚੇਤਸ੍ਮਿਂ ਅਤ੍ਥੇ ਦੁਤਿਯਾਯਂ ਵਿਭਤ੍ਤਿਯਂ ਕਤ੍ਤਰਿ ਤ੍ਤਪਚ੍ਚਯੋ ਹੋਤਿ.
ਦਾਨਂ ਦਿਨ੍ਨੋ ਦੇਵਦਤ੍ਤੋ, ਸੀਲਂ ਰਕ੍ਖਿਤੋ ਦੇਵਦਤ੍ਤੋ, ਭਤ੍ਤਂ ਭੁਤ੍ਤੋ ਦੇਵਦਤ੍ਤੋ, ਗਰੁਂ ਉਪਾਸਿਤੋ ਦੇਵਦਤ੍ਤੋ.
੬੨੭, ੬੫੨. ਖ੍ਯਾਦੀਹਿ ਮਾਨ ਮ ਚ ਤੋ ਵਾ.
ਖਿ ਭੀ ਸੁ ਰੁ ਹੁ ਵਾ ਧੂ ਹਿ ਲੂ ਪੀ ਅਦਇਚ੍ਚੇਵਮਾਦੀਹਿ ਧਾਤੂਹਿ ਮਨ ਪਚ੍ਚਯੋ ਹੋਤਿ, ਮਸ੍ਸ ਚ ਤੋ ਹੋਤਿ ਵਾ.
ਖੀਯਨ੍ਤਿ ਉਪਦ੍ਦਵਾ ਏਤ੍ਥਾਤਿ ਖੇਮੋ, ਭਾਯਿਤਬ੍ਬੋਤਿ ਭੇਮੋ, ਭਾਯਨ੍ਤਿ ਏਤਸ੍ਮਾਤਿ ਵਾ ਭੇਮੋ, ਰਂਸਿਯੋ ਅਭਿਸ੍ਸਵੇਤੀਤਿ ਸੋਮੋ, ਰਵਤਿ ਗਚ੍ਛਤੀਤਿ ਰੋਮੋ, ਹੁਵਤਿ ਜੁਹ੍ਵਤਿ ਏਤੇਨਾਤਿ ਹੋਮੋ, ਪਟਿਲੋਮਵਸੇਨ ਵਾਤਿ ਗਚ੍ਛਤੀਤਿ ਵਾਮੋ, ਲਾਮਕਵਸੇਨ ਵਾਤਿ ਗਚ੍ਛਤਿ ਪਵਤ੍ਤਤੀਤਿ ਵਾ ਵਾਮੋ, ਧੁਨਾਤਿ ਕਮ੍ਪਤੀਤਿ ਧੂਮੋ, ਸੇਟ੍ਠਭਾਵੇਨ ਹਿਨੋਤਿ ਪਵਤ੍ਤਤਿ ਚਿਤ੍ਤਂ ਏਤਸ੍ਮਿਨ੍ਤਿ ਹੇਮੋ, ਲੁਨਿਤਬ੍ਬੋਤਿ ਲੋਮੋ, ਮਂਸਚਮ੍ਮਾਨਿ ਲੁਨਾਤਿ ਛਿਨ੍ਦਤੀਤਿ ਵਾ ਲੋਮੋ, ਪਿਯਨਂ ਪੇਮੋ, ਪਿਯਾਯਿਤਬ੍ਬੋਤਿ ਵਾ ਪੇਮੋ, ਸੁਖਦੁਕ੍ਖਂ ਅਦਤਿ ਭਕ੍ਖਤੀਤਿ ਅਤ੍ਤਾ, ਜਾਤਿਜਰਾਮਰਣਾਦੀਹਿ ਅਦੀਯਤੇ ਭਕ੍ਖੀਯਤੇਤਿ ਵਾ ਅਤ੍ਤਾ, ਆਤੁਮਾ.
੬੨੮, ੬੫੩. ਸਮਾਦੀਹਿ ¶ ਥ ਮਾ.
ਸਮੁ ਦਮੁ ਦਰ ਰਹ ਦੁ ਹਿ ਸਿ ਭੀ ਦਾ ਯਾ ਸਾ ਠਾਭਸਇਚ੍ਚੇਵਮਾਦੀਹਿ ਧਾਤੂਹਿ ਥ ਮ ਪਚ੍ਚਯਾ ਹੋਨ੍ਤਿ.
ਸਮੇਤੀਤਿ ਸਮਥੋ, ਦਮਤੀਤਿ ਦਮਥੋ, ਦਮਨਂ ਵਾ ਦਮਥੋ, ਦਮਿਤਬ੍ਬੋਤਿ ਵਾ ਦਮਥੋ, ਦਰਤੀਤਿ ਦਰਥੋ, ਜਿਣ੍ਣਭਾਵਂ ਰਹਿਸ੍ਸਤਿ ਗਣ੍ਹਿਸ੍ਸਤੀਤਿ ਰਥੋ, ਦਬ੍ਬਸਮ੍ਭਾਰੇ ਰਹਤਿ ਗਣ੍ਹਾਤੀਤਿ ਵਾ ਰਥੋ, ਦਵਤਿ ਗਚ੍ਛਤੀਤਿ ਦੁਮੋ, ਦਵਤਿ ਵੁਦ੍ਧਿ ਵਿਰੁਲ਼੍ਹਿ ਗਚ੍ਛਤਿ ਪਵਤ੍ਤਤੀਤਿ ਉਦ੍ਧਂ ਵਾ ਦੁਮੋ, ਪਥਵੀਪਬ੍ਬਤਾਦੀਸੁ ਗਚ੍ਛਤਿ ਪਤਤੀਤਿ ਹਿਮੋ, ਕਮ੍ਮਵਾਚਾਯ ਬਨ੍ਧਤਿ ਏਤ੍ਥਾਤਿ ਸੀਮਾ. ਬਨ੍ਧਿਤਬ੍ਬਾਤਿ ਵਾ ਸੀਮਾ. ਭਾਯਨ੍ਤਿ ਏਤਸ੍ਮਾਤਿ ਭੀਮੋ, ਸਤ੍ਤੇ ਅਵਖਣ੍ਡੇਨ੍ਤਿ ਨਿਵਾਰੇਨ੍ਤਿ ਏਤੇਨਾਤਿ ਦਾਮੋ, ਮੂਸਿਕਾਦੀਹਿ ਖਾਦੀਯਤਿ ਅਵਖਣ੍ਡੀਯਤੀਤਿ ਵਾ ਦਾਮੋ, ਯਾਤਿ ਗਚ੍ਛਤੀਤਿ ਯਾਮੋ, ਪਰੇਸਂ ਚਿਤ੍ਤਂ ਗਣ੍ਹਿਤੁਂ ਸਮਤ੍ਥੇਤੀਤਿ ਸਾਮੋ, ਤਿਟ੍ਠਨ੍ਤਿ ਏਤੇਨਾਤਿ ਥਾਮੋ, ਭਸਤਿ ਭਸ੍ਮੀਕਰੀਯਤੀਤਿ ਭਸ੍ਮਾ.
ਗਹਇਚ੍ਚੇਤਸ੍ਸ ਧਾਤੁਸ੍ਸ ਉਪਧਸ੍ਸ ਅਕਾਰਸ੍ਸ ਏਤ੍ਤ ਹੋਤਿ ਵਾ.
ਦਬ੍ਬਸਮ੍ਭਾਰ ਗਣ੍ਹਾਤੀਤਿ ਗੇਹਂ, ਗਹਂ.
੬੩੦, ੬੫੪. ਮਸੁਸ੍ਸ ¶ ਸੁਸ੍ਸ ਚ੍ਛਰ ਚ੍ਛੇਰਾ.
ਮਸੁਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਸੁਸ੍ਸ ਚ੍ਛਰਚ੍ਛੇਰਾਦੇਸਾ ਹੋਨ੍ਤਿ.
ਮਚ੍ਛਰਤੀਤਿ ਮਚ੍ਛਰੋ, ਏਵਂ ਮਚ੍ਛੇਰੋ.
ਆਪੁਬ੍ਬਸ੍ਸ ਚਰਇਚ੍ਚੇਤਸ੍ਸ ਧਾਤੁਸ੍ਸ ਚ੍ਛਰਿਯਚ੍ਛਰਚ੍ਛੇਰਾ ਦੇਸਾ ਹੋਨ੍ਤਿ, ਆਪੁਬ੍ਬਸ੍ਸ ਚ ਰਸ੍ਸੋ ਹੋਤਿ.
ਆਭੁਸੋ ਚਰਿਤਬ੍ਬਨ੍ਤਿ ਅਚ੍ਛਰਿਯਂ. ਏਵਂ ਅਚ੍ਛਰਂ, ਅਚ੍ਛੇਰਂ.
ਚਗ੍ਗਹਣੇਨ ਮਸੁਸ੍ਸ ਸੁਸ੍ਸਾਪਿ ਚ੍ਛਰਿਯਾਦੇਸੋ ਹੋਤਿ, ਮਚ੍ਛਰਿਯਂ.
ਅਲ ਕਲ ਸਲਇਚ੍ਚੇਤੇਹਿ ਧਾਤੂਹਿ ਲ ਯਪਚ੍ਚਯਾ ਹੋਨ੍ਤਿ.
ਅਲਤਿ ਸਮਤ੍ਥੇਤੀਤਿ ਅਲ੍ਲਂ, ਕਲਿਤਬ੍ਬਂ ਸਙ੍ਖ੍ਯਾਤਬ੍ਬਨ੍ਤਿ ਕਲ੍ਲਂ, ਸਲਤਿ ਗਚ੍ਛਤਿ ਪਵਿਸਤੀਤਿ ਸਲ੍ਲਂ. ਏਵਂ ਅਲ੍ਯਂ, ਕਲ੍ਯਂ, ਸਲ੍ਯਂ.
੬੩੩, ੬੫੭. ਯਾਣ ¶ ਲਾਣਾ.
ਤੇਹਿ ਕਲ ਸਲਇਚ੍ਚੇਤੇਹਿ ਧਾਤੂਹਿ ਯਾਣ ਲਾਣਪਚ੍ਚਯਾ ਹੋਨ੍ਤਿ.
ਕਲਿਤਬ੍ਬਂ ਸਙ੍ਖ੍ਯਾਤਬ੍ਬਨ੍ਤਿ ਕਲ੍ਯਾਣਂ, ਗਣਤੋ ਪਟਿਕ੍ਕਮਿਤ੍ਵਾ ਸਲਨ੍ਤਿ ਏਤ੍ਥਾਤਿ ਪਟਿਸਲ੍ਯਾਣਂ. ਏਵਂ ਸਲ੍ਲਾਣੋ, ਪਟਿਸਲ੍ਲਾਣੋ.
ਮਥਇਚ੍ਚੇਤਸ੍ਸ ਧਾਤੁਸ੍ਸ ਥਸ੍ਸ ਲਾਦੇਸੋਹੋਤਿ. ਅਞ੍ਞਮਞ੍ਞਂ ਮਥਤਿ ਵਿਲੋਲ਼ਤੀਤਿ ਮਲ੍ਲੋ, ਮਲ੍ਲਂ.
ਚਗ੍ਗਹਣੇਨ ਲਤੋ ਕੋ ਚ ਆਗਮੋ ਹੋਤਿ. ਮਲ੍ਲਕੋ, ਮਲ੍ਲਕਂ.
੬੩੫, ੫੫੯. ਪੇਸਾਤਿਸਗ੍ਗਪਤ੍ਤਕਾਲੇਸੁਕਿਚ੍ਚਾ.
ਪੇਸ ਅਤਿਸਗ੍ਗ ਪਤ੍ਤਕਾਲਇਚ੍ਚੇਤੇਸ੍ਵਤ੍ਥੇਸੁ ਕਿਚ੍ਚਪਚ੍ਚਯਾ ਹੋਨ੍ਤਿ.
ਕਤ੍ਤਬ੍ਬਂ ਕਮ੍ਮਂ ਭਵਤਾ, ਕਰਣੀਯਂ ਕਿਚ੍ਚਂ ਭਵਤਾ, ਭੋਤ੍ਤਬ੍ਬਂ ਭੋਜਨਂ ਭਵਤਾ, ਭੋਜਨੀਯਂ ਭੋਜਨਂ ਭਵਤਾ, ਅਜ੍ਝਯਿਤਬ੍ਬਂ ਅਜ੍ਝੇਯ੍ਯਂ ਭਵਤਾ, ਅਜ੍ਝਯਨੀਯਂ ਅਜ੍ਝੇਯ੍ਯਂ ਭਵਤਾ.
੬੩੬, ੬੫੯. ਅਵਸ੍ਸਕਾ’ਧਮਿਣੇਸੁ ¶ ਣੀ ਚ.
ਅਵਸ੍ਸਕ ਅਧਮਿਣਇਚ੍ਚੇਤੇਸ੍ਵਤ੍ਥੇਸੁ ਣੀਪਚ੍ਚਯੋ ਹੋਤਿ, ਕਿਚ੍ਚਾ ਚ.
ਅਵਸ੍ਸਤੇ ਤਾਵ – ਕਾਰੀਸਿ ਮੇ ਕਮ੍ਮਂ ਅਵਸ੍ਸਂ ਹਾਰੀਸਿ ਮੇ ਭਾਰਂ ਅਵਸ੍ਸਂ.
ਅਧਮਿਣੇ – ਦਾਯੀਸਿ ਮੇ ਸਤਂ ਇਣਂ, ਧਾਰੀਸਿ ਮੇ ਸਹਸ੍ਸਂ ਇਣਂ.
ਕਿਚ੍ਚਾ ਚ – ਦਾਤਬ੍ਬਂ ਮੇ ਭਵਤਾ ਸਤਂ ਇਣਂ. ਧਾਰਯਿਤਬ੍ਬਂ ਮੇ ਭਵਤਾ ਸਹਸ੍ਸਂ ਇਣਂ, ਕਤ੍ਤਬ੍ਬਂ ਮੇ ਭਵਤਾ ਗੇਹਂ, ਕਰਣੀਯਂ ਮੇ ਭਵਤਾ ਕਿਚ੍ਚਂ, ਕਾਰਿਯਂ ਮੇ ਭਵਤਾ ਸਯਨਂ.
ਅਰਹ ਸਕ੍ਕ ਭਬ੍ਬਇਚ੍ਚੇਵਮਾਦੀਹਿ ਪਯੋਗੇ ਸਤਿ ਸਬ੍ਬਧਾਤੂਹਿ ਤੁਂਪਚ੍ਚਯੋ ਹੋਤਿ.
ਅਰਹਾ ਭਵਂ ਵਤ੍ਤੁਂ, ਅਰਹਾ ਭਵਂ ਕਤ੍ਤੁਂ, ਸਕ੍ਕਾ ਭਵਂ ਹਨ੍ਤੁਂ, ਸਕ੍ਕਾ ਭਵਂ ਜਨੇਤੁਂ, ਜਨਿਤੁਂ, ਭਵਿਤੁਂ, ਸਕ੍ਕਾ ਭਵਂ ਦਾਤੁਂ, ਸਕ੍ਕਾ ਭਵਂ ਗਨ੍ਤੁਂ, ਤਬ੍ਬੋ ਭਵਂ ਜਨੇਤੁਂ ਇਚ੍ਚੇਵਮਾਦਿ.
੬੩੮, ੬੬੦. ਵਜਾਦੀਹਿਪਬ੍ਬਜ੍ਜਾਦਯੋ ¶ ਨਿਪ੍ਪਜ੍ਜਨ੍ਤੇ.
ਵਜਇਚ੍ਚੇਵਮਾਦੀਹਿ ਧਾਤੂਹਿ, ਉਪਸਗ੍ਗਪਚ੍ਚਯਾਦੀਹਿ ਚ ਪਬ੍ਬਜ੍ਜਾਦਯੋ ਸਦ੍ਦਾ ਨਿਪ੍ਪਜ੍ਜਨ੍ਤੇ.
ਪਠਮਮੇਵ ਵਜਿਤਬ੍ਬਾਤਿ ਪਬ੍ਬਜ੍ਜਾ, ਇਞ੍ਜਨਂ ਏਜ੍ਜਾ, ਸਮਜ੍ਜਨਂ ਸਮਜ੍ਜਾ, ਨਿਸੀਦਨਂ ਨਿਸਜ੍ਜਾ, ਵਿਜਾਨਨਂ ਵਿਜ੍ਜਾ ਵਿਸਜ੍ਜਨਂ ਵਿਸਜ੍ਜਾ, ਪਦਨਂ ਪਜ੍ਜਾ, ਹਨਨਂ ਵਜ੍ਝਾ, ਏਸਨਂ ਇਚ੍ਛਾ, ਅਤਿਏਸਨਂ ਅਤਿਚ੍ਛਾ, ਸਦਨਂ ਸਜ੍ਜਾ, ਸਯਨ੍ਤਿ ਏਤ੍ਥਾਤਿ ਸੇਯ੍ਯਾ, ਸਮ੍ਮਾ ਚਿਤ੍ਤਂ ਨਿਧੇਤਿ ਏਤਾਯਾਤਿ ਸਦ੍ਧਾ, ਚਰਿਤਬ੍ਬਾ ਚਰਿਯਾ, ਕਰਣਂ ਕਿਰਿਯਾ, ਰੁਜਨਂ ਰੁਚ੍ਛਾ, ਪਦਨਂ ਪਚ੍ਛਾ, ਰਿਞ੍ਚਨਂ ਰਿਚ੍ਛਾ, ਤਿਕਿਚ੍ਛਨਂ ਤਿਤਿਚ੍ਛਾ, ਸਂਕੋਚਨਂ ਸਂਕੁਚ੍ਛਾ, ਮਦਨਂ ਮਚ੍ਛਾ, ਲਭਨਂ ਲਚ੍ਛਾ, ਰਦਿਹਬ੍ਬਾਤਿ ਰਚ੍ਛਾ, ਰਦਨਂ ਵਿਲੇਖਨਂ ਵਾਰਚ੍ਛਾ, ਅਧੋ ਭਾਗੇਨ ਗਚ੍ਛਤੀਤਿ ਤਿਰਚ੍ਛਾ, ਤਿਰਚ੍ਛਾਨੋ, ਅਜਨਂ ਅਚ੍ਛਾ, ਤਿਤਿਕ੍ਖਤੀਤਿ ਤਿਤਿਕ੍ਖਾ, ਸਹ ਆਗਮਨਂ ਸਾਗਚ੍ਛਾ, ਦੁਟ੍ਠੁ ਭਕ੍ਖਨਂ ਦੋਭਚ੍ਛਾ, ਦੁਟ੍ਠੁ ਰੋਸਨਂ ਦੁਰੁਚ੍ਛਾ, ਪੁਚ੍ਛਨਂ ਪੁਚ੍ਛਾ, ਮੁਹਨਂ ਮੁਚ੍ਛਾ, ਵਸਨਂ ਵਚ੍ਛਾ, ਕਚਨਂ ਕਚ੍ਛਾ, ਸਹ ਕਥਨਂ ਸਾਕਚ੍ਛਾ, ਤੁਦਨਂ ਤੁਚ੍ਛਾ, ਵਿਸਨਂ ਵਿਚ੍ਛਾ, ਪਿਸਨਂ ਪਿਚ੍ਛਿਲ੍ਲਾ, ਸੁਖਦੁਕ੍ਖਂ ਮੁਦਤਿ ਭਕ੍ਖਤੀਤਿ ਮਚ੍ਛੋ ¶ , ਸਤ੍ਤਾਨਂ ਪਾਣਂ ਮੁਸੇਤਿ ਚਜੇਤੀਤਿ ਮਚ੍ਚੁ, ਸਤਨਂ ਸਚ੍ਚਂ, ਉਦ੍ਧਂ ਧੁਨਾਤਿ ਕਮ੍ਪਤੀਤਿ ਉਦ੍ਧਚ੍ਚਂ, ਨਟਨਂ ਨਚ੍ਚਂ, ਨਿਤਨਂ ਨਿਚ੍ਚਂ, ਤਥਨਂ ਤਚ੍ਛਂ ਇਚ੍ਚੇਵਮਾਦਿ.
ਕ੍ਵਿਲੋਪੋ ਹੋਤਿ, ਪੁਨ ਚ ਨਿਪ੍ਪਜ੍ਜਨ੍ਤੇ.
ਵਿਵਿਧੇਹਿ ਸੀਲਾਦਿਗੁਣੇਹਿ ਭਵਤੀਤਿ ਵਿਭੂ, ਵਿਸੇਸੇਨ ਵਾ ਭਵਤੀਤਿ ਵਿਭੂ, ਸਯਂ ਅਤ੍ਤਨਾ ਭਵਤੀਤਿ ਸਯਮ੍ਭੂ, ਅਭਿਵਿਤ੍ਵਾ ਭਵਤੀਤਿ ਅਭਿਭੂ, ਸਂ ਸੁਟ੍ਠੁ ਧੁਨਾਤਿ ਕਮ੍ਪਤੀਤਿ ਸਨ੍ਧੂ, ਵਿਸੇਸੇਨ ਭਾਤਿ ਦਿਬ੍ਬਤੀਤਿ ਵਿਭਾ, ਨਿਸ੍ਸੇਸੇਨ ਭਾਤਿ ਦਿਬ੍ਬਤੀਤਿ ਨਿਭਾ, ਪਕਾਰੇਨ ਭਾਤਿ ਦਿਬ੍ਬਤੀਤਿ ਪਭਾ, ਸਹ ਭਾਸਨ੍ਤਿ ਏਤ੍ਥਾਤਿ ਸਭਾ, ਆਭੁਸੋ ਭਾਤਿ ਦਿਬ੍ਬਤੀਤਿ ਆਭਾ, ਭੁਜੇਨ ਕੁਟਿਲੇਨ ਗਚ੍ਛਤੀਤਿ ਭੁਜਗੋ, ਤੁਰਿਤਤੁਰਿਤੋ ਗਚ੍ਛਤੀਤਿ ਤੁਰਗੋ, ਸਂ ਸੁਟ੍ਠੁ ਪਥਵਿਂ ਖਨਤੀਤਿ ਸਙ੍ਖੋ, ਵਿਸੇਸੇਨ ਯਮਤਿ ਉਪਰਮਤੀਤਿ ਵਿਯੋ, ਸੁਟ੍ਠੁ ਮਨਤਿ ਜਾਨਾਤੀਤਿ ਸੁਮੋ, ਪਰਿ ਸਮਨ੍ਤਤੋ ਤਨੋਤਿ ਵਿਤ੍ਥਾਰੇਤੀਤਿ ਪਰਿਤੋ ਇਚ੍ਚੇਵਮਾਦਿ.
ਸਚ ਜਾਨਂ ਧਾਤੂਨਮਨ੍ਤਾਨਂ ਚਜਾਨਂ ਕਗਾਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਣਾਨੁਬਨ੍ਧੇ ਪਚ੍ਚਯੇ ਪਰੇ.
ਓਕੋ ¶ , ਪਾਕੋ, ਸੇਕੋ, ਸੋਕੋ, ਵਿਵੇਕੋ, ਚਾਗੋ, ਯੋਗੋ, ਭੋਗੋ, ਰੋਗੋ, ਰਾਗੋ, ਭਾਗੋ, ਭਙ੍ਗੋ, ਰਙ੍ਗੋ, ਸਙ੍ਗੋ.
੬੪੧, ੫੭੨. ਨੁਦਾਦੀਹਿ ਯੁਣ੍ਵੂਨਮਨਾਨਨਾਕਾਨਨਕਾ ਸਕਾਰਿਤੇਹਿ ਚ.
ਨੁਦ ਸੂਦ ਜਨ ਸੁ ਲੂ ਹੁ ਪੁ ਭੂ ਞਾ ਅ ਸ ਸਮੁਇਚ੍ਚੇਵਮਾਦੀਹਿ ਧਾਤੂਹਿ, ਫਨ੍ਦ ਚਿਤਿ ਆਣ ਇਚ੍ਚੇਵਮਾਦੀਹਿ ਸਕਾਰਿਤੇਹਿ ਚ ਯੁਣ੍ਵੂਨਂ ਪਚ੍ਚਯਾਨਂ ਅਨ ਆਨਨ ਅਕ ਆਨਨਕਾਦੇਸਾ ਹੋਨ੍ਤਿ ਯਥਾਸਙ੍ਖ੍ਯਂ ਕਤ੍ਤਰਿ, ਭਾਵਕਰਣੇਸੁ ਚ.
ਕਤ੍ਤਰਿ ਤਾਵ – ਪਨੁਦਤੀਤਿ ਪਨੂਦਨੋ. ਏਵਂ ਸੂਦਨੋ, ਜਨਨੋ, ਸਵਣੋ, ਲਵਨੋ, ਹਵਨੋ, ਪਵਨੋ, ਭਵਨੋ, ਞਾਣੋ, ਅਸਨੋ, ਸਮਣੋ.
ਭਾਵੇ ਚ – ਪਨੁਦਤੇ ਪਨੂਦਨਂ. ਏਵਂ ਸੂਦਨਂ, ਜਨਨਂ, ਸਵਣਂ, ਲਵਨਂ, ਹਵਨਂ, ਪਵਨਂ, ਭਵਨਂ, ਞਾਣਂ, ਅਸਨਂ, ਸਮਣਂ, ਸਞ੍ਜਾਨਨਂ, ਕੁਯਤੇ ਕਾਨਨਂ.
ਕਾਰਿਤੇ ਚ – ਫਨ੍ਦਾਪੀਯਤੇ ਫਨ੍ਦਾਪਨਂ, ਚੇਤਾਪੀਯਤੇ ਚੇਤਾਪਨਂ, ਆਣਾਪੀਯਤੇ ਆਣਾਪਨਂ.
ਕਰਣੇ – ਨੁਦਨ੍ਤਿ ਅਨੇਨਾਤਿ ਨੂਦਨਂ, ਏਵਂ ਸੂਦਨਂ, ਜਨਨਂ, ਸਵਣਂ, ਲਵਣਂ, ਹਵਨਂ, ਪਵਨਂ, ਭਗਨਂ, ਞਾਣਂ, ਅਸਨਂ, ਸਵਣਂ.
ਪੁਨ ¶ ਕਤ੍ਤਰਿ – ਨੁਦਤੀਤਿ ਨੂਦਕੋ, ਸੂਦਤੀਤਿ ਸੂਦਧਕਾ, ਜਨੇਤੀਤਿ ਜਨਕੋ, ਸੁਣੋਤੀਤਿ ਸਾਵਕੋ, ਲੁਨਾਤੀਤਿ ਲਾਵਕੋ, ਜੁਹੋਤੀਤਿ ਹਾਵਕੋ, ਪੁਨਾਤੀਤਿ ਪਾਵਕੋ, ਭਵਤੀਤਿ ਭਾਵਕੋ, ਜਾਨਾਤੀਤਿ ਜਾਨਕੋ, ਅਸਤੀਤਿ ਅਸਕੋ, ਉਪਾਸਤੀਤਿ ਉਪਾਸਕੋ, ਸਮੇਤੀਤਿ ਸਮਕੋ.
ਕਾਰਿਤੇ ਤੁ – ਫਨ੍ਦਾਪਯਤੀਤਿ ਫਨ੍ਦਾਪਯਕੋ. ਏਵਂ ਆਣਾਪਯਕੋ, ਚੇਤਾਪਯਕੋ, ਸਞ੍ਜਾਨਨਕੋ.
੬੪੨, ੫੮੮. ਇ ਯ ਤ ਮ ਕਿ ਏ ਸਾਨ’ਮਨ੍ਤਸ੍ਸਰੋ ਦੀਘਂ ਕ੍ਵਚਿ ਦੁ ਸ ਸ੍ਸ ਗੁਣਂ ਦੋ ਰਂ ਸਕ੍ਖੀ ਚ.
ਇਯ ਤ ਮ ਕਿ ਏ ਸਇਚ੍ਚੇਤੇਸਂ ਸਬ੍ਬਨਾਮਾਨਮਨ੍ਤੋ ਸਰੋ ਦੀਘਮਾਪਜ੍ਜਤੇ, ਕ੍ਵਚਿ ਦੁਸਇਚ੍ਚੇਤਸ੍ਸ ਧਾਤੁਸ੍ਸ ਉਕਾਰੋ ਗੁਣਮਾਪਜ੍ਜਤੇ, ਦਕਾਰੋ ਰਕਾਰਮਾਪਜ੍ਜਤੇ, ਧਾਤ੍ਵਨ੍ਤਸ੍ਸ ਸਸ੍ਸ ਚ ਸ ਕ੍ਖ ਈਇਚ੍ਚੇਤੇ ਆਦੇਸਾ ਹੋਨ੍ਤਿ ਯਥਾਸਮ੍ਭਵਂ. ਏਤੇ ਸਦ੍ਦਾ ਸਕੇਨ ਸਕੇਨ ਨਾਮੇਨ ਯਥਾਨੁਪਰੋਧੇਨ ਬੁਦ੍ਧਸਾਸਨੇ ਪਚ੍ਛਾ ਪੁਨ ਨਿਪ੍ਪਜ੍ਜਨ੍ਤੇ.
ਇਮਮਿਵ ਨਂ ਪਸ੍ਸਤੀਤਿ ਈਦਿਸੋ, ਯਮਿਵ ਨਂ ਪਸ੍ਸਤੀਤਿ ਯਾਦਿਸੋ, ਤਮਿਵ ਨਂ ਪਸ੍ਸਤੀਤਿ ਤਾਦਿਸੋ, ਮਮਿਵ ਨਂ ਪਸ੍ਸਤੀਤਿ ਮਾਦਿਸੋ, ਕਿਮਿਵ ਨਂ ਪਸ੍ਸਤੀਤਿ ਕੀਦਿਸੋ, ਏਤਮਿਵ ਨਂ ਪਸ੍ਸਤੀਤਿ ਏਦਿਸੋ, ਸਮਾਨਮਿਵ ਨਂ ਪਸ੍ਸਤੀਤਿ ਸਾਦਿਸੋ ¶ . ਇਮਮਿਵ ਨਂ ਪਸ੍ਸਤੀਤਿ ਈਰਿਸੋ, ਯਮਿਵ ਨਂ ਪਸ੍ਸਤੀਤਿ ਯਾਰਿਸੋ, ਤਮਿਵ ਨਂ ਪਸ੍ਸਤੀਤਿ ਤਾਰਿਸੋ, ਮਮਿਵ ਨਂ ਪਸ੍ਸਤੀਤਿ ਮਾਰਿਸੋ, ਕਿਮਿਵ ਨਂ ਪਸ੍ਸਤੀਤਿ ਕੀਰਿਸੋ, ਏਤਮਿਵ ਨਂ ਪਸ੍ਸਤੀਤਿ ਏਰਿਸੋ, ਸਮਾਨਮਿਵ ਨਂ ਪਸ੍ਸਤੀਤਿ ਸਾਰਿਸੋ. ਇਮਮਿਵ ਨਂ ਪਸ੍ਸਤੀਤਿ ਈਦਿਕ੍ਖੋ, ਯਮਿਵ ਨਂ ਪਸ੍ਸਤੀਤਿ ਯਾਦਿਕ੍ਖੋ, ਤਮਿਵ ਨਂ ਪਸ੍ਸਤੀਤਿ ਤਾਦਿਕ੍ਖੋ, ਏਵਂ ਮਾਦਿਕ੍ਖੋ, ਕੀਦਿਕ੍ਖੋ, ਏਦਿਕ੍ਖੋ, ਸਾਦਿਕ੍ਖੋ. ਈਦੀ, ਯਾਦੀ, ਤਾਦੀ, ਮਾਦੀ, ਕੀਦੀ, ਏਦੀ, ਸਾਦੀ.
ਚਗ੍ਗਹਣੇਨ ਤੇਸਮੇਵ ਸਦ੍ਦਾਨਂ ਇਯਇਚ੍ਚੇਵਮਾਦੀਨਮਨ੍ਤੋ ਚ ਸਰੋ ਕ੍ਵਚਿ ਦੀਘਤ੍ਥਮਾਹੁ. ਈਦਿਕ੍ਖੋ, ਯਾਦਿਕ੍ਖੋ, ਤਾਦਿਕ੍ਖੋ, ਮਾਦਿਕ੍ਖੋ, ਕੀਦਿਕ੍ਖੋ, ਏਦਿਕ੍ਖੋ, ਸਾਦਿਕ੍ਖੋ. ਇਦਿਸੋ, ਸਦਿਸੋ, ਸਰਿਸੋ, ਸਰਿਕ੍ਖੋ.
੬੪੩, ੬੩੫. ਭ੍ਯਾਦੀਹਿ ਮਤਿ ਬੁਧਿ ਪੂਜਾਦੀਹਿ ਚ ਤ੍ਤੋ.
ਭੀਇਚ੍ਚੇਵਮਾਦੀਹਿ ਧਾਤੂਹਿ, ਮਤਿ. ਬੁਧਿ ਪੂਜਾਦਿਤੋ ਚ ਤ੍ਤ ਪਚ੍ਚਯੋ ਹੋਤਿ.
ਭਾਯਿਤਬ੍ਬੋਤਿ ਭੀਤੋ, ਸੁਪਿਤਬ੍ਬੋਤਿ ਸੁਤ੍ਤੋ, ਮਿਜ੍ਜਿਤਬ੍ਬੋ ਸਿਨੇਹੇਤਬ੍ਬੋਤਿ ਮਿਤ੍ਤੋ, ਸਮ੍ਮਨ੍ਨਿਤਬ੍ਬੋਤਿ ਸਮ੍ਮਤੋ, ਸਂ ਸੁਟ੍ਠੁ ਮਾਨਿਤਬ੍ਬੋ ਪੂਜੇਤਬ੍ਬੋਤਿ ਸਮ੍ਮਤੋ, ਸਮ੍ਮਾਨੀਯਿਤ੍ਥਾਤਿ ਸਮ੍ਮਤੋ, ਸਂਕਪ੍ਪੀਯਤੇਤਿ ਸਙ੍ਕਪ੍ਪਿਤੋ ¶ , ਸਂਕਪ੍ਪੀਯਿਤ੍ਥਾਤਿ ਸਙ੍ਕਪ੍ਪਿਤੋ, ਸਮ੍ਪਾਦੀਯਤੇਤਿ ਸਮ੍ਪਾਦਿਤੋ, ਸਮ੍ਪਾਦੀਯਿਤ੍ਥਾਤਿ ਸਮ੍ਪਾਦਿਤੋ, ਅਵਧਾਰੀਯਤੇਤਿ ਅਵਧਾਰਿਤੋ, ਅਵਧਾਰੀਯਿਤ੍ਥਾਤਿ ਅਵਧਾਰਿਤੋ, ਬੁਜ੍ਝਿਤਬ੍ਬੋ ਞਾਤਬ੍ਬੋਤਿ ਬੁਦ੍ਧੋ, ਅਜ੍ਝਯਿਤਬ੍ਬੋਤਿ ਇਤੋ, ਏਤਬ੍ਬੋ ਗਨ੍ਤਬ੍ਬੋਤਿ ਇਤੋ, ਵਿਦਿਤਬ੍ਬੋ ਞਾਤਬ੍ਬੋਤਿ ਵਿਦਿਤੋ, ਤਕ੍ਕੀਯਤੇਤਿ ਤਕ੍ਕਿਤੋ, ਪੂਜੀਯਤੇਤਿ ਪੂਜਿਤੋ, ਪੂਜੀਯਿਤ੍ਥਾਤਿ ਪੂਜਿਤੋ, ਅਪਚਾਯਿਤਬ੍ਬੋਤਿ ਅਪਚਾਯਿਤੋ, ਮਾਨਿਤਬ੍ਬੋ ਪੂਜੇਤਬ੍ਬੋਤਿ ਮਾਨਿਤੋ, ਅਪਚੀਯਤੇਤਿ ਅਪਚਿਤੋ, ਵਨ੍ਦੀਯਤੇਤਿ ਵਨ੍ਦਿਤੋ, ਵਨ੍ਦੀਯਿਤ੍ਥਾਤਿ ਵਨ੍ਦਿਤੋ, ਸਕ੍ਕਰੀਯਤੇਤਿ ਸਕ੍ਕਾਰਿਤੋ, ਸਕ੍ਕਰੀਯਿਤ੍ਥਾਤਿ ਸਕ੍ਕਾਰਿਤੋ.
੬੪੪, ੬੬੧. ਵੇਪੁ ਸੀ ਦਵ ਵਮੁ ਕੁ ਦਾ ਭੂ ਹ੍ਵਾਦੀਹਿ ਥੁ ਤ੍ਤਿਮ ਣਿਮਾ ਨਿਬ੍ਬਤ੍ਤੇ.
ਵੇਪੁ ਸੀ ਦਵ ਵਮੁ ਕੁ ਦਾ ਭੂ ਹੁਇਚ੍ਚੇਵਮਾਦੀਹਿ ਧਾਤੂਹਿ ਯਥਾਸਮ੍ਭਵਂ ਥੁ ਤ੍ਤਿਮ ਣਿਮਪਚ੍ਚਯਾ ਹੋਨ੍ਤਿ ਨਿਬ੍ਬਤ੍ਤਤ੍ਥੇ.
ਵੇਪਨਂ ਵੇਪੋ, ਤੇਨ ਨਿਬ੍ਬਤ੍ਤੋ ਵੇਪਥੁ, ਸਯਨਂ ਸਯੋ, ਤੇਨ ਨਿਬ੍ਬਤ੍ਤੋ ਸਯਥੁ, ਦਵਨਂ ਦਵੋ, ਤੇਨ ਨਿਬ੍ਬਤ੍ਤੋ ਦਵਥੁ. ਵਮਨਂ ਵਮੋ, ਤੇਨ ਨਿਬ੍ਬਤ੍ਤੋ ਵਮਥੁ. ਕੁਤ੍ਤਿ ਕਰਣਂ, ਤੇਨ ਨਿਬ੍ਬਤ੍ਤਂ ਕੁਤ੍ਤਿਮਂ. ਦਾਤਿ ਦਾਨਂ, ਤੇਨ ਨਿਬ੍ਬਤ੍ਤਂ ਦਤ੍ਤਿਮਂ. ਭੂਤਿ ਭਵਨਂ, ਤੇਨ ਨਿਬ੍ਬਤ੍ਤਂ ਭੋਤ੍ਤਿਮਂ. ਅਵਹੁਤਿ ਅਵਹਨਂ, ਤੇਨ ਨਿਬ੍ਬਤ੍ਤਂ ਓਹਾਵਿਮਂ.
੬੪੫, ੬੬੨. ਅਕ੍ਕੋਸੇ ¶ ਨਮ੍ਹਾਨਿ.
ਅਕ੍ਕੋਸਇਚ੍ਚੇਤਸ੍ਮਿਂ ਅਤ੍ਥੇ ਨਮ੍ਹਿ ਪਟਿਸੇਧਯੁਤ੍ਤੇ ਆਨਿਪਚ੍ਚਯੋ ਹੋਤਿ ਧਾਤੂਹਿ.
ਨ ਗਮਿਤਬ੍ਬਂ ਅਗਮਾਨਿ ਤੇ ਜਮ੍ਮ ਦੇਸਂ, ਨ ਕਤ੍ਤਬ੍ਬਂ ਅਕਰਾਣਿ ਤੇ ਜਮ੍ਮ ਕਮ੍ਮਂ.
ਨਮ੍ਹੀਤਿ ਕਿਮਤ੍ਥਂ? ਵਿਪਤ੍ਤਿ ਤੇ ਜਮ੍ਮ, ਵਿਕਤਿ ਤੇ ਜਮ੍ਮ.
ਅਕ੍ਕੋਸੇਤਿ ਕਿਮਤ੍ਥਂ? ਨ ਗਨ੍ਤਬ੍ਬਾ ਅਗਤਿ ਤੇ.
੬੪੬, ੪੧੯. ਏਕਾਦਿਤੋ ਸਕਿਸ੍ਸ ਕ੍ਖਤ੍ਤੁਂ.
ਏਕਾਦਿਤੋ ਸਕਿਸ੍ਸ ਕ੍ਖਤ੍ਤੁਂ ਹੋਤਿ.
ਏਕਸ੍ਸ ਪਦਤ੍ਥਸ੍ਸ ਸਕਿਂ ਵਾਰਂ ਏਕਕ੍ਖਤ੍ਤੁਂ, ਦ੍ਵਿਨ੍ਨਂ ਪਦਤ੍ਥਾਨਂ ਸਕਿਂ ਵਾਰਂ ਦ੍ਵਿਕ੍ਖਤ੍ਤੁਂ, ਤਿਣ੍ਣਂ ਪਦਤ੍ਥਾਨਂ ਸਕਿਂ ਵਾਰਂ ਤਿਕ੍ਖਤ੍ਤੁਂ, ਏਵਂ ਚਤੁਕ੍ਖਤ੍ਤੁਂ, ਪਞ੍ਚਕ੍ਖਤ੍ਤੁਂ, ਛਕ੍ਖਤ੍ਤੁਂ, ਸਤ੍ਤਕ੍ਖਤ੍ਤੁਂ, ਅਟ੍ਠਕ੍ਖਤ੍ਤੁਂ, ਨਵਕ੍ਖਤ੍ਤੁਂ, ਦਸਕ੍ਖਤ੍ਤੁਂ. ਇਚ੍ਚੇਵਮਾਦਯੋ ਸਦ੍ਦਾ ਯੋਜੇਤਬ੍ਬਾ.
੬੪੭, ੬੬੩. ਸੁਨਸ੍ਸੁਨਸ੍ਸੋਣ ਵਾਨੁਵਾਨੂਨੁਨਖੁਨਾਨਾ.
ਸੁਨਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਉਨਸ੍ਸ ਓਣ ਵਾਨ ਉਵਾਨ ਊਨ ਉਨਖ ਉਨ ਆ ਆਨਾਦੇਸਾ ਹੋਨ੍ਤਿ.
ਸਾਮਿਕਸ੍ਸ ¶ ਸਦ੍ਦਂ ਸੁਣਾਤੀਤਿ ਸੋਣੋ, ਸਾਮਿਕਸ੍ਸ ਸਦ੍ਦਂ ਸੁਣਾਤੀਤਿ ਸ੍ਵਾਨੋ, ਏਵਂ ਸੁਵਾਨੋ, ਸੂਨੋ, ਸੁਨਖੋ, ਸੁਨੋ, ਸਾ, ਸਾਨੋ.
ਤਰੁਣਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਸੁਸੁ ਆਦੇਸੋ ਹੋਤਿ.
ਸੁਸੁ ਕਾਲ਼ਕੇਸੋ.
੬੪੯, ੬੬੫. ਯੁਵਸ੍ਸੁਵਸ੍ਸੁਵੁਵਾਨੁਨੂਨਾ.
ਯੁਵਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਉਵਸ੍ਸ ਉਵਉਵਾਨ ਉਨਊਨਾਦੇਸਾ ਹੋਨ੍ਤਿ.
ਯੁਵਾ, ਯੁਵਾਨੋ, ਯੁਨੋ, ਯੂਨੋ.
੬੫੦, ੬੫੧. ਕਾਲੇ ਵਤ੍ਤਮਾਨਾਤੀਤੇ ਣ੍ਵਾਦਯੋ.
ਕਾਲੇ ਵਤ੍ਤਮਾਨਤ੍ਥੇ ਚ ਅਤੀਤਤ੍ਥੇ ਚ ਣੁ ਯੁ ਤਪਚ੍ਚਯਾ ਹੋਨ੍ਤਿ.
ਅਕਾਸਿ, ਕਰੋਤੀਤਿ ਕਾਰੁ, ਅਗਚ੍ਛਿ, ਗਚ੍ਛਤੀਤਿ, ਵਾਯੁ, ਅਭਵਿ, ਭਵਤੀਤਿ ਭੂਤਂ.
੬੫੧, ੬੪੭. ਤਵਿਸ੍ਸਤਿ ¶ ਗਮਾਦੀਹਿ ਣੀ ਘਿਣ.
ਭਵਿਸ੍ਸਤਿਕਾਲਤ੍ਥੇ ਗਮੁ ਭਜ ਸੁ ਠਾਇਚ੍ਚੇਵਮਾਦੀਹਿ ਧਾਤੂਹਿ ਣੀ ਘਿਣ ਪਚ੍ਚਯਾ ਹੋਨ੍ਤਿ.
ਆਯਤਿਂ ਗਮਿਤੁਂ ਸੀਲਂ ਯਸ੍ਸ, ਸੋ ਹੋਤੀਤਿ ਗਾਮੀ, ਆਯਤਿਂ ਭਜਿਤੁਂ ਸੀਲਂ ਯਸ੍ਸ, ਸੋ ਹੋਤੀਤਿ ਭਾਜੀ, ਆਯਤਿਂ ਪਸ੍ਸਾਪਿਤੁਂ ਸੀਲਂ ਯਸ੍ਸ, ਸੋ ਹੋਤੀਤਿ ਪਸ੍ਸਾਵਿ, ਆਯਤਿਂ ਪਟ੍ਠਾਯਿਤੁਂ ਸੀਲਂ ਯਸ੍ਸ, ਸੋ ਹੋਤੀਤਿ ਪਟ੍ਠਾਯਿ.
ਕ੍ਰਿਯਾਯਮਤ੍ਥੇ ਣ੍ਵੁ ਤੁਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਭਵਿਸ੍ਸਤਿਕਾਲੇ.
‘‘ਕਰਿਸ੍ਸ’’ਨ੍ਤਿ ਕਾਰਕੋ ਵਜਤਿ, ‘‘ਭੁਞ੍ਜਿਸ੍ਸ’’ਨ੍ਤਿ ਭੋਤ੍ਤਾ ਵਜਤਿ.
੬੫੩, ੩੦੬. ਭਾਵਵਾਚਿਮ੍ਹਿ ਚਤੁਤ੍ਥੀ.
ਭਾਵਵਾਚਿਮ੍ਹਿ ਚਤੁਤ੍ਥੀਵਿਭਤ੍ਤਿ ਹੋਤਿ ਭਵਿਸ੍ਸਤਿਕਾਲੇ,
ਪਚਿਸ੍ਸਤੇ, ਪਚਨਂ ਵਾ ਪਾਕੋ, ਪਾਕਾਯ ਵਜਤਿ. ਭੁਞ੍ਜਿਸ੍ਸਤੇ, ਭੋਜਨਂ ਵਾ ਭੋਗੋ, ਭੋਗਾਯ ਵਜਤਿ. ਨਚ੍ਚਿਸ੍ਸਤੇ, ਨਚ੍ਚਨਂ ਵਾ ਨਚ੍ਚਂ, ਨਚ੍ਚਾਯ ਵਜਤਿ.
੬੫੪, ੬੪੯. ਕਮ੍ਮਨਿ ¶ ਣੋ.
ਕਮ੍ਮਨਿ ਉਪਪਦੇ ਣਪਚ੍ਚਯੋ ਹੋਤਿ ਭਵਿਸ੍ਸਤਿਕਾਲੇ.
ਨਗਰਂ ਕਰਿਸ੍ਸਤਿ ਨਗਰਕਾਰੋ ਵਜਤਿ, ਸਾਲਿਂ ਲਾਵਿਸ੍ਸਤਿ ਸਾਲਿਲਾਵੋ ਵਜਤਿ, ਧਞ੍ਞਂ ਵਪਿਸ੍ਸਤਿ ਧਞ੍ਞਵਾਪੋ ਵਜਤਿ, ਭੋਗਂ ਦਦਿਸ੍ਸਤਿ ਭੋਗਦਾਯੋ ਵਜਤਿ, ਸਿਨ੍ਧੁਂ ਪਿਵਿਸ੍ਸਤਿ ਸਿਨ੍ਧੁਪਾਯੋ ਵਜਤਿ.
੬੫੫, ੬੫੦. ਸੇਸੇ ਸ੍ਸਂ ਨ੍ਤੁਮਾਨਾਨਾ.
ਸੇਸਇਚ੍ਚੇਤਸ੍ਮਿਂ ਅਤ੍ਥੇ ਸ੍ਸਂ ਨ੍ਤੁ ਮਾਨ ਆਨ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਭਵਿਸ੍ਸਤਿਕਾਲੇ ਕਮ੍ਮੂਪਪਦੇ.
ਕਮ੍ਮਂ ਕਰਿਸ੍ਸਤਿ ਕਮ੍ਮਂ ਕਰਿਸ੍ਸਂ, ਏਵਂ ਕਮ੍ਮਂ ਕਰੋਨ੍ਤੋ, ਕਮ੍ਮਂ ਕੁਰੁਮਾਨੋ, ਕਮ੍ਮਂ ਕਰਾਨੋ ਵਜਤਿ. ਭੋਜਨਂ ਭੁਞ੍ਜਿਸ੍ਸਤਿ ਭੋਜਨਂ ਭੁਞ੍ਜਿਸ੍ਸਂ, ਏਵਂ ਭੋਜਨਂ ਭੁਞ੍ਜਨ੍ਤੋ, ਭੋਜਨਂ ਭੁਞ੍ਜਮਾਨੋ, ਭੋਜਨਂ ਭੁਞ੍ਜਾਨੋ ਵਜਤਿ. ਖਾਦਨਂ ਖਾਦਿਸ੍ਸਤਿ ਖਾਦਨਂ ਖਾਦਿਸ੍ਸਂ, ਏਵਂ ਖਾਦਨਂ ਖਾਦਨ੍ਤੋ, ਖਾਦਨਂ ਖਾਦਮਾਨੋ, ਖਾਦਨਂ ਖਾਦਾਨੋ ਵਜਤਿ. ਮਗ੍ਗਂ ਚਰਿਸ੍ਸਤਿ ਮਗ੍ਗਂ ਚਰਿਸ੍ਸਂ, ਏਵਂ ਮਗ੍ਗਂ ਚਰਨ੍ਤੋ, ਮਗ੍ਗਂ ਚਰਮਾਨੋ, ਮਗ੍ਗਂ ਚਰਾਨੋ ਵਜਤਿ. ਭਿਕ੍ਖਂ ਭਿਕ੍ਖਿਸ੍ਸਤਿ ਭਿਕ੍ਖਂ ਭਿਕ੍ਖਿਸ੍ਸਂ, ਏਵਂ ਭਿਕ੍ਖਂ ਭਿਕ੍ਖਨ੍ਤੋ, ਭਿਕ੍ਖਂ ਭਿਕ੍ਖਮਾਨੋ, ਭਿਕ੍ਖਂ ਭਿਕ੍ਖਾਨੋ ਵਜਤਿ.
੬੫੬, ੬੬੬. ਛਵਾਦੀਤਿ ¶ ਤਤ੍ਰਣ.
ਛ ਦ ਚਿ ਤਿ ਸੁ ਨੀ ਵਿ ਦ ਪਦ ਤਨੁ ਯਤ ਅਦ ਮਦ ਯੁਜ ਵਤੁਮਿਦ ਮਾ ਪੁ ਕ ਲ ਵਰ ਵੇ ਪੁ ਗੁਪ ਦਾ ਇਚ੍ਚੇਵਮਾਦੀਹਿ ਧਾਤੂਹਿ ਤਤ੍ਰਣ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ ਯਥਾਸਮ੍ਭਵਂ.
ਆਤਪਂ ਛਾਦੇਤੀਤਿ ਛਤ੍ਤਂ, ਛਤ੍ਰਂ. ਆਰਮ੍ਮਣਂ ਚਿਨ੍ਤੇਤੀਤਿ ਚਿਤ੍ਤਂ, ਚਿਤ੍ਰਂ. ਚਿਨ੍ਤੇਨ੍ਤਿ ਸਮ੍ਪਯੁਤ੍ਤਧਮ੍ਮਾ ਏਥੇਨਾਤਿ ਵਾ ਚਿਤ੍ਤਂ, ਚਿਤ੍ਰਂ. ਅਤ੍ਥੇ ਅਭਿਸ੍ਸਵੇਤੀਤਿ ਸੁਤ੍ਤਂ, ਸੁਤ੍ਰਂ. ਅਤ੍ਥੇ ਸੂਚੇਤੀਤਿ ਵਾ ਸੁਤ੍ਤਂ, ਸੁਤ੍ਰਂ. ਸਤ੍ਤੇ ਨੇਤੀਤਿ ਨੇਤ੍ਤਂ, ਨੇਤ੍ਰਂ. ਸਤ੍ਤੇ ਇਚ੍ਛਿਤਟ੍ਠਾਨਂ ਨੇਨ੍ਤਿ ਏਤੇਨਾਤਿ ਵਾ ਨੇਤ੍ਤਂ, ਨੇਤ੍ਰਂ. ਪਕਾਰੇਨ ਵਿਦਤੀਤਿ ਪਵਿਤ੍ਤਂ, ਪਵਿਤ੍ਰਂ. ਵਿਵਿਧੇਨ ਆਕਾਰੇਨ ਮਙ੍ਗ ਪਾਪਂ ਪੁਨਾਤਿ, ਸੋਧੇਤੀਤਿ ਪਵਿਤ੍ਤਂ, ਪਵਿਤ੍ਰਂ. ਸੁਚਿਭਾਵਂ ਵਾ ਪਾਪੁਣਾਤੀਤਿ ਪਵਿਤ੍ਤਂ, ਪਵਿਤ੍ਰਂ. ਪਦਤਿ ਪਾਪੁਣਾਤੀਤਿ ਪਤ੍ਤੋ, ਪਤ੍ਰੋ. ਆਹਾਰਾ ਪਤਨ੍ਤਿ ਏਤ੍ਥ ਭਾਜਨੇਤਿ ਪਤ੍ਤਂ, ਪਤ੍ਰਂ. ਪਦਤਿ ਪਵਤ੍ਤਤੀਤਿ ਵਾ ਪਤ੍ਤਂ, ਪਤ੍ਰਂ. ਤਨੋਤਿ ਵਿਤ੍ਥਾਰੇਤੀਤਿ ਤਨ੍ਤਂ, ਤਨ੍ਤ੍ਰਂ, ਤਨਿਤਬ੍ਬਂ ਵਿਤ੍ਥਾਰੇਤਬ੍ਬਨ੍ਤਿ ਵਾ ਤਨ੍ਤਂ, ਤਨ੍ਤ੍ਰ. ਯਤਤੀਤਿ ਯਤ੍ਤਂ, ਯਤ੍ਰਂ. ਯਤਤਿ ਵੀਰਿਯਂ ਕਰੋਤਿ ਏਤੇਨਾਤਿ ਵਾ ਯਤ੍ਤਂ, ਯਤ੍ਰਂ. ਯਤਨਂ ਵਾ ਯਤ੍ਤਂ, ਯਤ੍ਰਂ. ਸੁਖਦੁਕ੍ਖਂ ਅਦਤਿ ਭਕ੍ਖਤੀਤਿ ਅਤ੍ਤਾ, ਅਤ੍ਰਾ. ਮਦਤੀਤਿ ਮਤ੍ਤਂ, ਮਤ੍ਰਂ. ਵਤ੍ਥੁਂ ਯੁਜ੍ਜਨ੍ਤਿ ਏਤੇਨਾਤਿ ਯੋਤ੍ਤਂ, ਯੋਤ੍ਰਂ. ਵਤ੍ਤਤੀਤਿ ਵਤ੍ਤਂ, ਵਤ੍ਰਂ. ਮਿਦਤਿ ¶ ਸਿਨੇਹਂ ਕਰੋਤੀਤਿ ਮਿਤ੍ਤਂ. ਮਿਤ੍ਰਂ. ਮਿਦਤਿ ਸਿਨੇਹਤਿ ਏਤਾਯਾਤਿ ਮੇਤ੍ਤਾ, ਮੇਤ੍ਰਾ. ਪਰਿ ਸਮਨ੍ਤ ਤੋ ਸਬ੍ਬਾਕਾਰੇਨ ਮਿਨਨ੍ਤਿ ਏਤਾਯਾਤਿ ਮਤ੍ਤਾ, ਮਤ੍ਰਾ. ਮਾਨਨਂ ਵਾ ਮਤ੍ਤਂ, ਮਤ੍ਰਂ. ਅਤ੍ਤਨੋ ਕੁਲਂ ਪੁਨਾਤਿ ਸੋਧੇਤੀਤਿ ਪੁਤ੍ਤੋ, ਪੁਤ੍ਰੋ. ਕਲਿਤਬ੍ਬਂ ਸਙ੍ਖ੍ਯਾਤਬ੍ਬਨ੍ਤਿ ਕਲਤ੍ਤਂ, ਕਲਤ੍ਰਂ. ਸਂਸੁਟ੍ਠੁ ਵਾਰੇਤਿ ਏਤੇਨਾਤਿ ਵਰਤ੍ਤਂ, ਵਰਤ੍ਰਂ. ਵੇਪਤਿ ਕਮ੍ਪਤੀਤਿ ਵੇਤ੍ਤਂ, ਵੇਤ੍ਰਂ. ਗੋਪਿਤਬ੍ਬਂ ਰਕ੍ਖਿਤਬ੍ਬਨ੍ਤਿ ਗੁਤ੍ਤਂ. ਗੁਤ੍ਰਂ, ਗੋਤ੍ਤਂ, ਗੋਤ੍ਰਂ. ਦਾਤਿ ਅਵਖਣ੍ਡਤਿ ਏਤੇਨਾਤਿ ਦਾਤ੍ਤਂ, ਦਾਤ੍ਰਂ ਇਚ੍ਚੇਵਮਾਦਿ.
ਵਦ ਚਰ ਵਰਇਚ੍ਚੇਵਮਾਦੀਹਿ ਧਾਤੂਹਿ ਣਿਤ੍ਤਪਚ੍ਚਯੋ ਹੋਤਿ ਗਣਤ੍ਥੇ.
ਵਾਦਿਤਾਨਂ ਗਣੋ ਵਾਦਿਤ੍ਤਂ. ਏਵਂ ਚਾਰਿਤ੍ਤਂ, ਵਾਰਿਤ੍ਤਂ, ਇਚ੍ਚੇਵਮਾਦਿ.
ਮਿਦ ਪਦ ਰਨ੍ਜ ਤਨੁ ਧਾਇਚ੍ਚੇਵਮਾਦੀਹਿ ਧਾਤੂਹਿ ਤ੍ਤਿ ਤਿ ਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਮਿਦਤਿ ਸਿਨੇਹਤੀਤਿ ਮੇਤ੍ਤਿ, ਪਦਤਿ ਗਚ੍ਛਤੀਤਿ ਪਤ੍ਤਿ, ਰਨ੍ਜਤਿ ਏਤ੍ਥਾਤਿ ਰਤ੍ਤਿ, ਤਨੋਤਿ ਵਿਤ੍ਥਾਰੇਤੀਤਿ ਤਨ੍ਤਿ, ਅਤ੍ਤਨੋ ¶ ਕੁਲਂ ਤਨੋਤਿ ਵਿਤ੍ਥਾਰੇਤੀਤਿ ਵਾ ਤਨ੍ਤਿ, ਪਰੇਸਂ ਇਤ੍ਥੀਨਂ ਪੁਤ੍ਤਂ ਧਾਰੇਤੀਤਿ ਧਾਤਿ, ਖੀਰਂ ਧਾਰੇਤੀਤਿ ਵਾ ਧਾਤਿ, ਅਤ੍ਤਨੋ ਸਭਾਵਂ ਧਾਰੇਤੀਤਿ ਵਾ ਧਾਤਿ ਇਚ੍ਚੇਵਮਾਦਿ.
੬੫੯, ੬੬੯. ਉਸੁ ਰਨ੍ਜ ਦਂਸਾਨਂ ਦਂਸਸ੍ਸ ਦਡ੍ਢੋਢ ਠਾ ਚ.
ਉਸੁ ਰਨ੍ਜ ਦਂਸਇਚ੍ਚੇਤੇਸਂ ਧਾਤੂਨਂ ਦਂਸਸ੍ਸ ਦਡ੍ਢਾਦੇਸੋ ਹੋਤਿ, ਢ ਠਪਚ੍ਚਯਾ ਚ ਹੋਨ੍ਤਿ.
ਉਸੀਯਤੇ ਉਡ੍ਢੋ, ਰਨ੍ਜਨ੍ਤਿ ਏਤ੍ਥਾਤਿ ਰਟ੍ਠਂ, ਦਂਸੀਯਤੇਤਿ ਦਡ੍ਢੋ.
੬੬੦, ੬੭੦. ਸੂਵੁਸਾਨਮੂਵੁਸਾਨਮਤੋਥੋਚ.
ਸੂਵੁ ਅਸਇਚ੍ਚੇਤੇਸਂ ਧਾਤੂਨਂ ਊਉਅਸਾਨਂ ਅਤਾਦੇਸੋ ਹੋਤਿ, ਥਪਚ੍ਚਯੋ ਚ.
ਸਵਤਿ ਹਿਂਸਤਿ ਏਤੇਨਾਤਿ ਸਤ੍ਥਂ, ਹਿਰੋਤ੍ਤਪ੍ਪਂ ਸਂਵਰਤਿ ਏਤੇਨਾਤਿਵਤ੍ਥਂ, ਸਦ੍ਦਾਨੁਰੂਪਂ ਅਸਤਿਭਵਤੀਤਿ ਅਤ੍ਥੋ,
੬੬੧, ੬੭੧. ਰਨ੍ਜੁਦਾਦੀਹਿ ¶ ਧ ਦਿਦ੍ਦ ਕਿਰਾ ਕ੍ਵਚਿ ਜਦਲੋਪੋਚ.
ਰਨ੍ਜ ਉਦ ਇਦਿ ਚਦਿ ਮਦਿ ਖੁਦ ਛਿਦਿ ਰੁਦਿ ਦਲ ਸੁਸ ਸੁਚ ਵਚ ਵਜ ਇਚ੍ਚੇਵਮਾਦੀਹਿ ਧਾਤੂਹਿ ਧ ਦ ਇਦ੍ਦ ਕ ਇਰਇਚ੍ਚੇਤੇ ਪਚ੍ਚਯਾ ਹੋਨ੍ਤਿ, ਕ੍ਵਚਿ ਜ ਦ ਲੋਪੋ ਚ, ਪੁਨ ਨਿਪ੍ਪਜ੍ਜਨ੍ਤੇ.
ਰਞ੍ਜਿਤਬ੍ਬਨ੍ਤਿ ਰਨ੍ਧਂ, ਰਨ੍ਜਯਿਤ੍ਥਾਤਿ ਵਾ ਰਨ੍ਧਂ, ਅਤ੍ਤਨਿ ਸਨ੍ਨਿਸ੍ਸਿਤਾਨਂ ਮਚ੍ਛਮਕਰਾਨਂ ਪੀਤਿਸੋਮਨਸ੍ਸਂ ਉਨ੍ਦਤਿ ਪਸਵਤਿ ਜਨੇਤੀਤਿ ਸਮੁਦ੍ਦੋ, ਇਨ੍ਦਤਿ ਪਰਮਿਸ੍ਸਰਿਯਂ ਕਰੋਤੀਤਿ ਇਨ੍ਦੋ, ਇਨ੍ਦਤ੍ਤਂ ਅਧਿਪਤਿਭਾਵਂ ਕਰੋਤੀਤਿ ਵਾ ਇਨ੍ਦੋ, ਚਨ੍ਦਿਤਬ੍ਬੋ ਇਚ੍ਛਿਤਬ੍ਬੋਤਿ ਚਨ੍ਦੋ, ਮਨ੍ਦਤਿ ਹਾਸੇਤੀਤਿ ਮਨ੍ਦੋ, ਮਦਿਤਬ੍ਬੋ ਹਾਸੇਤਬ੍ਬੋਤਿ ਵਾ ਮਨ੍ਦੋ, ਖੁਦਤਿ ਪਿਪਾਸੇਤੀਤਿ ਖੁਦ੍ਦੋ, ਛਿਨ੍ਦਿਤਬ੍ਬੋਤਿ ਛਿਦ੍ਦੋ, ਰੁਦਤਿ ਹਿਂਸਤੀਤਿ ਰੁਦ੍ਦੋ, ਦਲਤਿ ਦੁਗ੍ਗਤਭਾਵਂ ਗਚ੍ਛਤੀਤਿ ਦਲਿਦ੍ਦੋ, ਸੁਸ੍ਸਤੀਤਿ ਸੁਕ੍ਕਂ, ਸੁਚਤੀਤਿਸੋਕੋ, ਵਚਿਤਬ੍ਬਨ੍ਤਿ ਵਕ੍ਕਂ, ਅਪ੍ਪਟਿਹਤੋ ਹੁਤ੍ਵਾ ਵਜਤਿ ਗਚ੍ਛਤੀਤਿ ਵਜਿਰਂ ਇਚ੍ਚੇਵਮਾਦਿ.
੬੬੨, ੬੭੨. ਪਟਿਤੋ ਹਿਸ੍ਸ ਹੇਰਣ ਹੀਰਣ.
ਪਟਿਇਚ੍ਚੇਤਸ੍ਮਾ ਹਿਸ੍ਸ ਧਾਤੁਸ੍ਸ ਹੇਰਣ ਹੀਰਣ ਆਦੇਸਾ ਹੋਨ੍ਤਿ.
ਪਟਿਪਕ੍ਖੇਮਦ੍ਦਿਤ੍ਵਾਗਚ੍ਛਤਿ ਪਵਤ੍ਤਤੀਤਿ ਪਾਟਿਹੇਰਂ, ਪਾਟਿਹੀਰਂ.
੬੬੩, ੬੭੩. ਕਡ੍ਯਾਦੀਹਿ ¶ ਕੋ.
ਕਡਿ ਘਡਿ ਵਡਿ ਕਰਡਿ ਮਡਿ ਸਡਿ ਕੁਠਿ ਭਡਿ ਪਡਿ ਦਡਿ ਰਡਿ ਤਡਿ ਇਸਿਡਿ ਚਡਿ ਗਡਿ ਅਡਿ ਲਡਿ ਮੇਡਿ ਏਰਡਿ ਖਡਿ ਇਚ੍ਚੇਵਮਾਦੀਹਿ ਧਾਤੂਹਿ ਕਪਚ੍ਚਯੋ ਹੋਤਿ ਸਹ ਪਚ੍ਚਯੇਨ ਚ ਨਿਪ੍ਪਜ੍ਜਨ੍ਤੇ ਯਥਾਸਮ੍ਭਵਂ.
ਕਣ੍ਡਿਤਬ੍ਬੋ ਛਿਨ੍ਦਿਤਬ੍ਬੋਤਿ ਕਣ੍ਡੋ, ਘਣ੍ਡਿਤਬ੍ਬੋ ਘਟੇਤਬ੍ਬੋਤਿ ਘਣ੍ਡੋ, ਵਣ੍ਡਨ੍ਤਿ ਏਤ੍ਥਾਤਿ ਵਣ੍ਡੋ, ਕਰਣ੍ਡਿਤਬ੍ਬੋ ਭਾਜੇਤਬ੍ਬੋਤਿ ਕਰਣ੍ਡੋ, ਮਣ੍ਡੀਯਤੇ ਵਿਭੂਸੀਯਤੇ ਏਤੇਨਾਤਿ ਮਣ੍ਡੋ, ਸਣ੍ਡਨ੍ਤਿ ਗੁਮ੍ਬਨ੍ਤਿ ਏਤ੍ਥਾਤਿ ਸਣ੍ਡੋ, ਅਙ੍ਗਮਙ੍ਗਾਨਿ ਕੁਣ੍ਠਤਿ ਛਿਨ੍ਦਤੀਤਿ ਕੁਟ੍ਠਂ, ਭਣ੍ਡਿਤਬ੍ਬਨ੍ਤਿ ਭਣ੍ਡਂ, ਪਣ੍ਡਤਿ ਲਿਙ੍ਗਵੇਕਲ੍ਲਭਾਵਂ ਗਚ੍ਛਤੀਤਿ ਪਣ੍ਡਕੋ. ਦਣ੍ਡਤਿ ਆਣਂ ਕਰੋਤਿ ਏਤੇਨਾਤਿ ਦਣ੍ਡੋ, ਰਣ੍ਡਤਿ ਹਿਂਸਤੀਤਿ ਰਣ੍ਡੋ, ਵਿਸੇਸੇਨ ਤਣ੍ਡਤਿ ਚਾਲੇਤਿ ਪਰੇਸਂ ਵਿਞ੍ਞੂਨਂ ਹਦਯਂ ਕਮ੍ਪੇਤੀਤਿ ਵਿਤਣ੍ਡੋ, ਇਸਿਣ੍ਡਤਿ ਪਰੇਸਂ ਮਦ੍ਦਤੀਤਿ ਇਸਿਣ੍ਡੋ, ਚਣ੍ਡਤਿ ਚਣ੍ਡਿਕ੍ਕਭਾਵਂ ਕਰੋਤੀਤਿ ਚਣ੍ਡੋ, ਗਣ੍ਡਤਿ ਸਨ੍ਨਿਚਯਤਿ ਸਮੂਹਂ ਕਰੋਤਿ ਏਤ੍ਥਾਤਿ ਗਣ੍ਡੋ, ਅਣ੍ਡੀਯਤਿ ਨਿਬ੍ਬਤ੍ਤੀਯਤੀਤਿ ਅਣ੍ਡੋ, ਲਣ੍ਡਿਤਬ੍ਬੋ ਜਿਗੁਚ੍ਛਿਤਬ੍ਬੋਤਿ ਲਣ੍ਡੋ, ਮੇਣ੍ਡਤਿ ¶ ਕੁਟਿਲਭਾਵਂ ਗਚ੍ਛਤੀਤਿ ਮੇਣ੍ਡੋ, ਏਰਣ੍ਡਤਿ ਰੋਗਂ ਹਿਂਸਤੀਤਿ ਏਰਣ੍ਡੋ, ਖਣ੍ਡਿਤਬ੍ਬੋ ਛਿਨ੍ਦਿਤਬ੍ਬੋਤਿ ਖਣ੍ਡੋ ਇਚ੍ਚੇਵਮਾਦਿ.
੬੬੪, ੬੭੪. ਖਾਦਾਮਗਮਾਨਂ ਖ ਨ੍ਧ’ਨ੍ਧ ਗਨ੍ਧਾ.
ਖਾਦ ਅਮ ਗਮੁਇਚ੍ਚੇਤੇਸਂ ਧਾਤੂਨਂ ਖਨ੍ਧ ਅਨ੍ਧ ਗਨ੍ਧਾਦੇਸਾ ਹੋਨ੍ਤਿ, ਕਪਚ੍ਚਯੋ ਚ ਹੋਤਿ.
ਜਾਤਿਜਰਾਮਰਣਾਦੀਹਿ ਸਂਸਾਰਦੁਕ੍ਖੇਹਿ ਖਾਦਿਤਬ੍ਬੋਤਿ ਖਨ੍ਧੋ, ਅਮਤਿ ਅਙ੍ਗਮਙ੍ਗਸ੍ਸ ਰੁਜ੍ਜਨਭਾਵਂ ਗਚ੍ਛਤੀਤਿ ਅਨ੍ਧੋ, ਚਕ੍ਖੁਨਾ ਅਮਤਿ ਰੁਜ੍ਜਤੀਤਿ ਵਾ ਅਨ੍ਧੋ, ਤਂ ਤਂ ਠਾਨਂ ਵਾਤੇਨ ਗਚ੍ਛਤੀਤਿ ਗਨ੍ਧੋ. ਏਵਂ ਖਨ੍ਧਕੋ, ਅਨ੍ਧਕੋ, ਗਨ੍ਧਕੋ.
ਪਟ ਕਲ ਕੁਸ ਕਦ ਭਗਨ੍ਦ ਮੇਖ ਵਕ੍ਕ ਤਕ੍ਕ ਪਲ੍ਲ ਸਦ੍ਦ ਮੂਲ ਬਿਲ ਵਿਦ ਚਡਂ ਪਞ੍ਚ ਵਾ ਵਸ ਪਚਿ ਮਚ ਮੁਸ ਗੋਤ੍ਥੁ ਪੁਥੁ ਬਹੁ ਮਙ੍ਗ ਬਹ ਕਮ੍ਬ ਸਮ੍ਬ ਅਗ੍ਗਇਚ੍ਚੇਵਮਾਦੀਹਿ ਧਾਤੂਹਿ ਪਾਟਿ ਪਦਿਕੇਹਿ ਚ ਉਤ੍ਤਰਪਦੇਸੁ ਅਲਪਚ੍ਚਯੋ ਹੋਤਿ, ਪਚ੍ਛਾ ਪੁਨ ਨਿਪ੍ਪਜ੍ਜਨ੍ਤੇ.
ਪਟੇ ਅਲਨ੍ਤਿ ਪਟਲਂ, ਕਲੇ ਅਲਨ੍ਤਿ ਕਲਲਂ, ਪਾਪਕੇ ਅਕੁਸਲੇ ਧਮ੍ਮੇ ਕੁਸਤਿ ਛਿਨ੍ਦਤੀਤਿ ਕੁਸਲਂ, ਕੁਸਭੂਤੇ ਯਥਾਸਭਾਵਧਮ੍ਮੇ ਅਲਨ੍ਤਿ ਵਾ ਕੁਸਲਂ, ਕੁਸੇ ਉਦ੍ਦਿਸ੍ਸ ਦਾਨੇ ਅਲਨ੍ਤਿ ਵਾ ਕੁਸਲਂ, ਕੁਸੇ ਸਞ੍ਚਯੇ ਧਮ੍ਮਸਮੁਦਾਯੇ ਅਲਨ੍ਤਿ ¶ ਵਾ ਕੁਸਲਂ, ਕਦ੍ਦੇ ਮਦ੍ਦੇ ਅਲਨ੍ਤਿ ਕਦਲਂ, ਭਗਨ੍ਦੇ ਸੇਚਨੇ ਅਲਨ੍ਤਿ ਭਗਨ੍ਦਲਂ, ਭਗਨ੍ਦੇ ਮੁਤ੍ਤਕਰੀਸਹਰਣੇ ਅਲਨ੍ਤਿ ਵਾ ਭਗਨ੍ਦਲਂ, ਮੇਖੇ ਕਟਿਵਿਚਿਤ੍ਤੇ ਅਲਨ੍ਤਿ ਮੇਖਲਂ, ਵਕ੍ਕੇ ਰੁਕ੍ਖਤਚੇ ਅਲਨ੍ਤਿ ਵਕ੍ਕਲਂ, ਤਕ੍ਕੇ ਰੁਕ੍ਖਸਿਲੇਸੇ ਅਲਨ੍ਤਿ ਤਕ੍ਕਲਂ, ਪਲ੍ਲੇ ਨਿਨ੍ਨਟ੍ਠਾਨੇ ਅਲਨ੍ਤਿ ਪਲ੍ਲਲਂ, ਸਦ੍ਦੇ ਹਰਿਤੇ ਅਲਨ੍ਤਿ ਸਦ੍ਦਲਂ, ਮੂਲੇ ਪਤਿਟ੍ਠਾਨੇ ਅਲਨ੍ਤਿ ਮੁਲਾਲਂ, ਬਿਲ਼ੇ ਨਿਸ੍ਸਯੇ ਅਲਨ੍ਤਿ ਬਿਲਾਲਂ, ਵਿਦੇ ਵਿਜ੍ਜਮਾਨੇ ਅਲਨ੍ਤਿ ਵਿਦਲਂ, ਚਣ੍ਡੇ ਅਲਨ੍ਤਿ ਚਣ੍ਡਾਲੋ, ਪਞ੍ਚਨ੍ਨਂ ਰਾਜੂਨਂ ਅਲਨ੍ਤਿ ਪਞ੍ਚਾਲੋ, ਵਾ ਗਤਿਗਨ੍ਧਨੇਸੁ ਅਲਨ੍ਤਿ ਵਾਲਂ, ਵਾ ਪਦਗਮਨੇ ਅਲਨ੍ਤਿ ਵਾ ਵਾਲ਼ੋ, ਵਸੇ ਅਚ੍ਛਾਦਨੇ ਅਲਨ੍ਤਿ ਵਸਲੋ, ਪਚੇ ਵਿਤ੍ਥਾਰੇ ਅਲਨ੍ਤਿ ਪਚਲੋ, ਮਚੇ ਚੋਰਕਮ੍ਮੇ ਅਲਨ੍ਤਿ ਮਚਲੋ, ਮੁਸੇ ਥੇਯ੍ਯੇ, ਮੁਸੇ ਪਾਣਚਾਗੇ ਵਾ ਅਲਨ੍ਤਿ ਮੁਸਲੋ, ਗੋਤ੍ਤੇ ਵਂਸੇ ਸਿਙ੍ਗਾਲਜਾਤਿਯਂ ਅਲਨ੍ਤਿ ਗੋਤ੍ਥੁਲੋ, ਪੁਥੁਮ੍ਹਿ ਵਿਤ੍ਥਾਰੇ ਅਲਨ੍ਤਿ ਪੁਥੁਲੋ, ਬਹੁਮ੍ਹਿ ਸਙ੍ਖ੍ਯਾਨੇ ਅਲਨ੍ਤਿ ਬਹੁਲੋ, ਬਹੁਮ੍ਹਿ ਵੁਦ੍ਧਿਮ੍ਹਿ ਅਲਨ੍ਤਿ ਵਾ ਬਹੁਲੋ, ਮਙ੍ਗਮ੍ਹਿ ਗਮਨੇ ਅਲਨ੍ਤਿ ਮਙ੍ਗਲਂ, ਬਹੁਮ੍ਹਿ ਵੁਦ੍ਧਿਮ੍ਹਿ ਅਲਨ੍ਤਿ ਬਹਲਂ, ਕਮ੍ਬਮ੍ਹਿ ਸਞ੍ਚਲਨੇ ਅਲਨ੍ਤਿ ¶ ਕਮ੍ਬਲਂ. ਸਮ੍ਬਮ੍ਹਿ ਮਣ੍ਡਲੇ ਅਲਨ੍ਤਿ ਸਮ੍ਬਲਂ, ਅਗ੍ਗੇ ਗਤਿਕੋਟਿਲ੍ਲੇ ਅਲਨ੍ਤਿ ਅਗ੍ਗਲ਼ਂ. ਇਚ੍ਚੇਵਮਾਦਯੋ ਅਞ੍ਞੇਪਿ ਸਦ੍ਦਾ ਭਵਨ੍ਤਿ.
੬੬੬, ੬੭੬. ਪੁਥਸ੍ਸ ਪੁਥੁ ਪਥਾ ਮੋ ਵਾ.
ਪੁਥਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਪੁਥੁ ਪਥਾਦੇਸਾ ਹੋਨ੍ਤਿ, ਕ੍ਵਚਿ ਅਮਪਚ੍ਚਯੋ ਹੋਤਿ.
ਪੁਥ ਹੁਤ੍ਵਾ ਜਾਤਨ੍ਤਿ ਪੁਥਵੀ ਪਥਮੇ ਜਾਤੋ ਪਥਮੋ, ਪਥਵੀ, ਪਠਮੋ ਵਾ, ਪੁਥੁ ਕਿਲੇਸੇ ਜਨੇਤੀਤਿ ਪੁਥੁਜ੍ਜਨੋ, ਪੁਥੁ ਹੁਤ੍ਵਾ ਜਾਤਨ੍ਤਿ ਪਥਵੀ, ਪਥਵੀ ਵਾ.
ਸਸੁ ਦਦ ਅਦ ਮਦਇਚ੍ਚੇਵਮਾਦੀਹਿ ਧਾਤੂਹਿ ਤੁ ਦੁਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਅਞ੍ਞੇ ਸਤ੍ਤੇ ਸਸਤਿ ਹਿਂਸਤੀਤਿ ਸਤ੍ਤੁ, ਦੁਕ੍ਖਂ ਦਦਾਤੀਤਿ ਦਦ੍ਦੁ, ਦੁਕ੍ਖੇਨ ਅਦਤਿ ਭਕ੍ਖਤਿ ਏਤ੍ਥਾਤਿ ਅਦ੍ਦੁ, ਦੁਕ੍ਖਂ ਅਦਤਿ ਅਨੁਭਵਤਿ ਜਨੋ ਏਤੇਨਾਤਿ ਵਾ ਅਦ੍ਦੁ, ਦੁਕ੍ਖਂ ਭਾਜਨਂ ¶ ਆਧਾਰਂ ਭਾਵਤੀਤਿ ਵਾ ਅਦ੍ਦੁ, ਮਦਤਿ ਉਮ੍ਮਤ੍ਤਂ ਕਰੋਤੀਤਿ ਮਦ੍ਦੁ, ਮਦਤਿ ਮਦ੍ਦਭਾਵਂ ਕਰੋਤੀਤਿ ਵਾ ਮਦ੍ਦੁ.
ਚਿ ਪਾ ਧਾਇਚ੍ਚੇਵਮਾਦੀਹਿ ਧਾਤੂਹਿ ਈਵਰਪਚ੍ਚਯੋਹੋਤਿ.
ਚੀਯਤੀਤਿ ਚੀਵਰਂ, ਪਿਵਤੀਤਿ ਪੀਵਰੋ, ਪਾਤਬ੍ਬਂ ਰਕ੍ਖਿਤਬ੍ਬਨ੍ਤਿ ਵਾ ਪੀਵਰਂ. ਧਾਰੇਤਿ ਧਾਰੇਤ੍ਵਾ ਜੀਵਿਤਂ ਕਪ੍ਪੇਤੀਤਿ ਧੀਵਰੋ, ਧੀਵਰਂ.
ਮੁਨ ਯਤ ਅਗ੍ਗ ਪਤ ਕਵ ਸੁਚ ਰੁਚ ਮਹਾਲ ਭਦ੍ਦਾਲ ਮਨਇਇਚ੍ਚੇਵਮਾਦੀਹਿ ਧਾਤੂਹਿ, ਪਾਟਿਪਦਿਕੇਹਿ ਚ ਇਪਚ੍ਚਯੋ ਹੋਤਿ.
ਅਤ੍ਥਾਨਤ੍ਥਂ ਮੁਨਾਤਿ, ਞੇਯ੍ਯਧਮ੍ਮਂ ਲਕ੍ਖਣਾਦਿਵਸੇਨ ਵਾ ਜਾਨਾਤੀਤਿ ਮੁਨਿ, ਯਤਤਿ ਵੀਰਿਯਂ ਕਰੋਤੀਤਿ ਯਤਿ, ਅਗ੍ਗਤਿ ਕੁਟਿਲਭਾਵਂ ਗਚ੍ਛਤੀਤਿ ਅਗ੍ਗਿ, ਪਤਤਿ ਸੇਟ੍ਠੋ ਹੁਤ੍ਵਾ ਪੁਰਤੋ ਗਚ੍ਛਤੀਤਿ ਪਤਿ, ਕਬ੍ਯਂ ਬਨ੍ਧਤੀਤਿ ਕਵਿ, ਕਨ੍ਤਂ ਮਨਾਪਵਚਨਂ ਵਦਤੀਤਿ ਵਾ ਕਵਿ. ਸੁਚਤਿ ਪਰਿਸੁਦ੍ਧਂ ਭਵਤੀਤਿ ਸੁਚਿ, ਰੁਚਤਿ ਦਿਬ੍ਬਤੀਤਿ ਰੁਚਿ, ਮਹਨ੍ਤਂ ਵਿਭਾਵਂ ਭੋਗਕ੍ਖਨ੍ਧਂ ਲਾਤੀਤਿ ਮਹਾਲਿ, ਭਦ੍ਦਂ ਯਸਂ ਲਾਤੀਤਿ ਭਦ੍ਦਾਲਿ, ਮਨਂ ਤਤ੍ਥ ਰਤਨੇ ਨਯਤੀਤਿ ਮਣਿ.
੬੭੦, ੬੮੦. ਵਿਦਾਦੀਹ੍ਯੂਰੋ ¶ .
ਵਿਦ ਵਲ੍ਲ ਮਸ ਸਿਦ ਦੁਕੁਕਪੁ ਮਯ ਉਦਿ ਖਜ੍ਜ ਕੁਰਇਚ੍ਚੇਵਮਾਦੀਹਿ ਧਾਤੂਹਿ, ਪਾਟਿਪਦਿਕੇਹਿ ਚ ਊਰਪਚ੍ਚਯੋਹੋਤਿ.
ਵਿਦਿਤੁਂ ਅਲਨ੍ਤਿ ਵਿਦੂਰੋ, ਵਿਦੂਰਟ੍ਠਾਨੇ ਜਾਤੋ ਵੇਦੂਰੋ, ਵਲ੍ਲਤਿ ਵਲ੍ਲਭਾਵੇਨ ਭਵਤੀਤਿ ਵਲ੍ਲੂਰੋ, ਵਲ੍ਲਤਿ ਅਞ੍ਞਮਞ੍ਞਂ ਬਨ੍ਧਤੀਤਿ ਵਾ ਵਲ੍ਲੂਰੋ, ਆਮਸਿਤਬ੍ਬੋਤਿ ਮਸੂਰੋ, ਸਿਨ੍ਦਤਿ ਸਿਙ੍ਗਾਰਭਾਵਂ ਗਚ੍ਛਤੀਤਿ ਸਿਨ੍ਦੂਰੋ, ਸਿਨ੍ਦਤਿ ਵਿਰੋਚਤੀਤਿ ਵਾ ਸਿਨ੍ਦੂਰੋ, ਗਮਿਤੁਂ ਅਲਂ ਅਨਾਸਨ੍ਨਤ੍ਤਾਤਿ ਦੂਰੋ, ਕੁਤਿ ਸਦ੍ਦਂ ਕਰੋਤੀਤਿ ਕੂਰੋ, ਅਤ੍ਤਨੋ ਗਨ੍ਧੇਨ ਅਞ੍ਞਂ ਗਨ੍ਧਂ ਕਪਤਿ ਹਨਤਿ ਹਿਂਸਤੀਤਿ ਕਪ੍ਪੂਰੋ, ਕਪ੍ਪਤਿ ਰੋਗਾਪਨਯਨੇ ਸਮਤ੍ਥੇਤੀਤਿ ਵਾ ਕਪ੍ਪੂਰੋ, ਮਹਿਯਂ ਰਵਤੀਤਿ ਮਯੂਰੋ, ਮਹਿਯਂ ਯਾਤਿ ਗਚ੍ਛਤੀਤਿ ਮਯੂਰੋ, ਪਂਸੁਂ ਉਨ੍ਦਤਿ ਪਸਵਤੀਤਿ ਉਨ੍ਦੂਰੋ, ਖਜ੍ਜਿਤਬ੍ਬੋ ਖਾਦਿਤਬ੍ਬੋਤਿ ਖਜ੍ਜੂਰੋ, ਕੁਰਤਿ ਅਕ੍ਕੋਸਤੀਤਿ ਕੁਰੂਰੋ.
ਹਨ ਜਨ ਭਾਰਿ ਖਨੁ ਅਮ ਵੇ ਵੇਧਾ ਸਿਕਿ ਹਿ ਇਚ੍ਚੇਵਮਾਦੀਹਿ ਧਾਤੂਹਿ ਨੁ ਣੁ ਕੁਇਚ੍ਚੇਤੇ ਪਚ੍ਚਯਾ ਹੋਨ੍ਤਿ.
ਭੋਜਨਂ ¶ ਹਨਤਿ ਹਿਂਸਤਿ ਏਤੇਨਾਤਿ ਹਣੁ, ਹਨੁ ਵਾ. ਗਮਨਂ ਜਨੇਤੀਤੀ ਜਾਣੁ, ਭਾਣੁ ਦਿਬ੍ਬਤੀਤਿ ਭਾਣੁ, ਨਿਵਾਤੇ ਰਿਤਿ ਗਚ੍ਛਤੀਤੀ ਰੇਣੁ, ਖਣਿਤਬ੍ਬੋ ਅਵਦਾਰਿਤਬ੍ਬੋਤਿ ਖਾਣੁ. ਅਙ੍ਗਮਙ੍ਗਸ੍ਸ ਰੁਜ੍ਜਨਭਾਵਂ ਵਿਜ੍ਝਨਭਾਵਂ ਅਮਤਿ ਗਚ੍ਛਤੀਤਿ ਅਣੁ, ਵੇਣੁ, ਵੇਤਿ ਤਨ੍ਤਸਨ੍ਤਾਨੇ ਭਵਤੀਤੀ ਵੇਣੁ, ਬਹਿਸਾਰੇਅਲਨ੍ਤਿਵਾਵੇਣੁ ਵਚ੍ਛਂ, ਪਾਯੇਤੀਤੀ ਧੇਨੁ, ਅਤ੍ਥਂ ਧਾਰੇਤੀਤੀ ਧਾਤੁ, ਗਮਨਪਚਨਾਦਿਕਂ ਕ੍ਰਿਯਂ ਧਾਰੇਤੀਤੀ ਵਾ ਧਾਤੁ, ਸੀਯਤੀ ਬਨ੍ਧੀਯਤੀਤੀ ਸੇਤੁ, ਉਦ੍ਧਂ ਗਚ੍ਛਤਿ ਪਵਤ੍ਤਤੀਤੀ ਕੇਤੁ, ਅਤ੍ਤਨੋ ਫਲਂ ਹਿਨੋਤਿ ਪਵਤ੍ਤਤੀਤੀ ਹੇਤੁ.
ਕੁਟ ਕੁਸ ਕਟਇਚ੍ਚੇਵਮਾਦੀਹਿ ਧਾਤੂਹਿ, ਪਾਟਿਪਦਿਕੇਹਿ ਚ ਠਪਚ੍ਚਯੋ ਹੋਤੀ.
ਅਙ੍ਗਮਙ੍ਗਂ ਕੁਟਤਿ ਛਿਨ੍ਦਤੀਤੀ ਕੁਟ੍ਠਂ, ਧਞ੍ਞੇਨ ਛਾਦੇਤਬ੍ਬੋ ਪੂਰੇਤਬ੍ਬੋਤੀ ਕੋਟ੍ਠੋ, ਕਟਿਤਬ੍ਬਂ ਮਦ੍ਦਿਤਬ੍ਬਨ੍ਤਿ, ਕਟ੍ਠਂ.
੬੭੩, ੬੮੩. ਮਨੁ ਪੂਰ ਸੁਣਾਦੀਹਿ ਉਸ੍ਸ ਨੁਸਿਸਾ.
ਮਨੁ ਪੂਰ ਸੁਣ ਕੁਸੁ ਇਲ ਅਲ ਮਹ ਸਿ ਕਿ ਇਚ੍ਚੇਵਮਾਦੀਹਿ ਧਾਤੂਹਿ, ਪਾਟਿਪਦਿਕੇਹਿ ਚ ਉਸ ਨੁਸ ਇਸਇਚ੍ਚੇਤੇ ਪਚ੍ਚਯਾ ਹੋਨ੍ਤਿ, ਪੁਨ ਨਿਪ੍ਪਜ੍ਜਨ੍ਤੇ.
ਕੁਸਲਾਕੁਸਲੇ ¶ ਧਮ੍ਮੇ ਮਨਤਿ ਜਾਨਾਤੀਤਿ ਮਨੁਸ੍ਸੋ, ਮਾਨੁਸੋ. ਕਾਰਣਾ ਕਾਰਣਂ ਮਨਤਿ ਜਾਨਾਤੀਤਿ ਵਾ ਮਨੁਸ੍ਸੋ, ਮਾਨੁਸ੍ਸੋ. ਅਤ੍ਥਾਨਤ੍ਥਂ ਮਨਤਿ ਜਾਨਾਤੀਤਿ ਵਾ ਮਨੁਸ੍ਸੋ, ਮਾਨੁਸ੍ਸੋ. ਮਾਤਾਪਿਤੂਨਂ ਹਦਯਂ ਪੂਰੇਤੀਤਿ ਪੁਰਿਸੋ, ਅਤ੍ਤਨੋ ਮਨੋਰਥਂ ਪੂਰੇਤੀਤਿ ਵਾ ਪੁਰਿਸੋ, ਪੂਰੇਤੀਤਿ ਵਾ ਪੋਸੋ, ਸਸੁਰੇਹਿ ਸੁਣਿਤਬ੍ਬਾ ਹਿਂਸਿਤਬ੍ਬਾਤਿ ਸੁਣਿਸਾ, ਦ੍ਵਿਨ੍ਨਂ ਜਾਨਾਨਂ ਕੁਲਸਨ੍ਤਾਨਂ ਕਰੋਤੀਤਿ ਵਾ ਸੁਣਿਸਾ, ਕੁਚ੍ਛਿਤਬ੍ਬਨ੍ਤਿ ਕਰੀਸਂ, ਗਬ੍ਭਂ ਵਿਮੋਚੇਤੀਤਿ ਸੁਰਿਸੋ, ਤਮਨ੍ਧਕਾਰਵਿਧਮਨੇਨ ਸਤ੍ਤਾਨਂ ਭਯਂ ਸੁਰਤਿ ਹਿਂਸਤੀਤਿ ਸੂਰਿਯੋ, ਰੋਗਂ ਹਿਂਸਤੀਤਿ ਸਿਰੀਸੋ, ਇਲਤਿ ਕਮ੍ਪਤੀਤਿ ਇਲ੍ਲਿਸੋ, ਤਣ੍ਹਾਯ ਦੁਬ੍ਬਲੋ ਹੁਤ੍ਵਾ ਇਲਤਿ ਕਮ੍ਪਤੀਤਿ ਵਾ ਇਲ੍ਲਿਘੋ, ਪਾਪਕਰਣੇ ਅਲਤਿ ਸਮਤ੍ਥੇਤੀਤਿ ਅਲਸੋ, ਮਹਿਤਬ੍ਬੋ ਪੂਜੇਤਬ੍ਬੋਤਿ ਮਹਿਸੋ, ਸੀਯਤਿ ਬਨ੍ਧੀਯਤੀਤਿ ਸੀਸਂ, ਕਿਤਬ੍ਬਂ ਹਿਂਸਿਤਬ੍ਬਨ੍ਤਿ ਕਿਸਂ, ਇਚ੍ਚੇਵਮਾਦਿ.
ਇਤਿ ਕਿਬ੍ਬਿਧਾਨਕਪ੍ਪੇ ਉਣਾਦਿਕਪ੍ਪੋ ਛਟ੍ਠੋ ਕਣ੍ਡੋ.
ਉਣਾਦਿਕਪ੍ਪੋ ਨਿਟ੍ਠਿਤੋ.
ਕਚ੍ਚਾਯਨਪਕਰਣਂ ਨਿਟ੍ਠਿਤਂ.