ਅਞ੍ਞ > ਬ੍ਯਾਕਰਣ ਗਨ੍ਥ-ਸਙ੍ਗਹੋ

ਅਕਾਰਾਦਯੋ ¶ ਨਿਗ੍ਗਹੀਤਨ੍ਤਾ ਤੇਚਤ੍ਤਾਲੀਸਕ੍ਖਰਾ ਵਣ੍ਣਾ ਨਾਮ ਹੋਨ੍ਤਿ. ਤਂ ਯਥਾ ਅ, ਆ, ਇ, ਈ, ਉ, ਊ, ਏ, ऐ, ਓ, औ, ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ, ਯ ਰ ਲਵ ਸ ਹ ਲ਼ ਅਂ. ਤੇਨ ਕ੍ਵਤ੍ਥੋ ‘‘ਏ ਓਨ+ਮ ਵਣ੍ਣੇ’’ਤਿ. ਤਿਤਾਲੀਸਾਤਿ ਵਚਨਂ ਕਤ੍ਥਚਿ ਵਣ੍ਣਲੋਪਂ ਞਾਪੇਤਿ, ਤੇਨ ‘‘ਪਟਿਸਙ੍ਖਾ ਯੋਨਿਸੋ’’ਤਿਆਦਿ ਸਿਦ੍ਧਂ.

ਅਕਾਰੋ ਆਦਿ ਮਰਿਯਾਦਭੂਤੋ ਯੇਸਂ ਤੇ ਅਆਦਯੋ. ਤਯੋ ਚ ਚਤ੍ਤਾਲੀਸ ਚੇਤਿ ਤਿਤਾਲੀਸ, ਇਮਿਨਾ ਨਿਪਾਤਨੇਨ ਵਾ ਚਤਭਾਗਲੋਪੋ. ਵਣ੍ਣੀਯਤਿ ਅਤ੍ਥੋ ਏਤੇਹੀਤਿ ਵਣ੍ਣਾ.

ਏਤ੍ਥਾ+ਹ – ‘‘ਕਸ੍ਮਾ ਆਚਰਿਯਕਚ੍ਚਾਯਨਾਦੀਹਿ ਵਿਯ ਏਕਚਤ੍ਤਾਲੀਸਕ੍ਖਰਾਨ+ਮਕ੍ਖਰਸਞ੍ਞ+ਮਕਤ੍ਵਾ ਤਿਤਾਲੀਸਕ੍ਖਰਾਨਂ ਵਣ੍ਣਸਞ੍ਞਾ ਕਤਾ’’ਤਿ. ਵੁਚ੍ਚਤੇ –

ਸਾ ਮਾਗਧੀ ਮੂਲਭਾਸਾ, ਨਰਾ ਯਾਯਾ+ਦਿਕਪ੍ਪਿਕਾ;

ਬ੍ਰਹ੍ਮਾਨੋ ਚਾ-ਸੁਤਾਲਾਪਾ, ਸਮ੍ਬੁਦ੍ਧਾ ਚਾਪਿ ਭਾਸਰੇਤਿ –

ਵਚਨਤੋ ਮਾਗਧਿਕਾਨਂ ਏਤ੍ਥ, ਸੇਯ੍ਯੋ, ਓਟ੍ਠੋ, ਸੋਤ੍ਥਿ-ਤ੍ਯਾਦੀਸੁਪਿ ਅਸੇਸਬ੍ਯਾਪਿਕਾਨਂ ਤਿਤਾਲੀਸਕ੍ਖਰਾਨਂਵ ਉਜੁਕਾਨ੍ਵਤ੍ਥਪ੍ਪਕ੍ਖਰਗੁਣਿਕਾ, ਨੇਵ ਪਨ ‘ਰੁਕ੍ਖਾ ਵਨਂ’ਤ੍ਯਾਦੋ ਵਿਯ ਅਵਯਵੇ ਸਮੁਦਾਯਵੋਹਾਰੋ, ‘ਸਮੁਦ੍ਦੋ ਮਯਾ ਦਿਟ੍ਠੋ’ਤ੍ਯਾਦੋ ਵਿਯ ਚ ਸਮੁਦਾਯੇ ਅਵਯਵਵੋਹਾਰੋਤਿ ਦਸ੍ਸੇਤੁਂ ਪਚ੍ਚੇਕਂ ਵਣ੍ਣਸਞ੍ਞਾ ਕਤਾਤਿ.

‘‘ਸਕ੍ਕਚ੍ਚਸਵਨਂ ਬੁਦ੍ਧਸਾਸਨਸਮ੍ਪਤ੍ਤੀ’’ਤਿ ‘‘ਸਿਥਿਲਧਨਿਤਾਦਿ ਅਕ੍ਖਰਵਿਪਤ੍ਤਿਯਞ੍ਹਿ ਅਤ੍ਥਸ੍ਸ ਦੁਨ੍ਨਯਤਾ ਹੋਤੀ’’ਤਿ ਚ ਯਸ੍ਮਾ ਵੁਤ੍ਤਂ.

ਤਸ੍ਮਾ ¶ ਅਕ੍ਖਰਕੋਸਲ੍ਲਂ, ਸਮ੍ਪਾਦੇਯ੍ਯ ਵਿਚਕ੍ਖਣੋ;

ਉਪਟ੍ਠਹਂ ਗਰੁਂ ਸਮ੍ਮਾ, ਉਟ੍ਠਾਨਾਦੀਹਿ ਪਞ੍ਚਹਿ.

ਤਤ੍ਥ ਅਕਾਰਾਦੀਨ+ਮਨੁਕ੍ਕਮੋ ਪਨੇ+ਸ ਠਾਨਾਦਿਕ੍ਕਮਸਨ੍ਨਿਸ੍ਸਿਤੋ. ਤਥਾ ਹਿ ਠਾਨ+ਕਰਣ+ਪਯਤਨੇਹਿ ਵਣ੍ਣਾ ਜਾਯਨ੍ਤਿ. ਤਤ੍ਥ ਛ ਠਾਨਾਨਿ ਕਣ੍ਠ+ਤਾਲੁ+ਮੁਦ੍ਧ+ਦਨ੍ਤ+ਓਟ੍ਠ+ਨਾਸਿਕਾਵਸੇਨ.

ਤਤ੍ਥ ਅਵਣ੍ਣ+ਕਵਗ੍ਗ+ਹਾਨਂ ਕਣ੍ਠੋ ਠਾਨਂ, ਇਵਣ੍ਣ+ਚਵਗ੍ਗ+ਯਾਨਂ ਤਾਲੁ, ਟਵਗ੍ਗ+ਰ+ਲ਼ਾਨਂ ਮੁਦ੍ਧਾ, ਤਵਗ੍ਗ+ਲ+ਸਾਨਂ ਦਨ੍ਤਾ, ਉਵਣ੍ਣ+ਪਵਗ੍ਗਾਨਂ ਓਟ੍ਠੋ, ਏ ਵਣ੍ਣਸ੍ਸ ਕਣ੍ਠਤਾਲੂ, ਓ ਵਣ੍ਣਸ੍ਸ ਕਣ੍ਠੋ+ਟ੍ਠਾ, ਵਕਾਰਸ੍ਸ ਦਨ੍ਤੋ+ਟ੍ਠਾ, ਨਿਗ੍ਗਹੀਤਸ੍ਸ ਨਾਸਿਕਾ, ਙ, ਞ੍ਞ, ਣ, ਨ, ਮਾਨਂ ਸਕਠਾਨਂ ਨਾਸਿਕਾ ਚ. ਏਤ੍ਥ ਚ –

ਹਕਾਰੋ ਪਞ੍ਚਮੇਹੇਵ, ਅਨ੍ਤਟ੍ਠਾਹਿ ਚ ਸਂਯੁਤੋ;

ਓਰਸੋ ਇਤਿ ਵਿਞ੍ਞੇਯ੍ਯੋ, ਕਣ੍ਠਜੋ ਤਦਸਂਯੁਤੋ.

ਯਥਾ ਅਵਙ੍ਹੋਤਿ (ਅਵਙ ਹੋਤਿ., ਤਞ੍ਹਿ, ਤਣ੍ਹਾ, ਪੁਬ੍ਬਨ੍ਹੋ, ਅਮ੍ਹੇ, ਗੁਯ੍ਹਂ, ਗਾਰਯ੍ਹਾ, ਆਰੁਲ੍ਹੋ, ਬਹ੍ਵਕ੍ਖਰਨ੍ਤਿ.

ਵਣ੍ਣਾਨਂ ਉਚ੍ਚਾਰਣੁਸ੍ਸਾਹੋ ਪਯਤਨਂ, ਤਂ ਕਿਂ – ਸਂਵੁਤਾਦਿਕਰਣਵਿਸੇਸੋ, ਸਂਵੁਤਤ੍ਤ+ਮਕਾਰਸ੍ਸ, ਵਿਵਟਤ੍ਤਂ ਸੇਸਸਰਾਨਂ ਸਕਾਰ+ਹਕਾਰਾਨਞ੍ਚ, ਫੁਟ੍ਠਤ੍ਤਂ ਵਗ੍ਗਾਨਂ, ਈਸਂਫੁਟ੍ਠਤ੍ਤਂ ਯ+ਰ+ਲ+ਵਾਨਂ.

ਏਵਂ ਠਾਨ+ਕਰਣ+ਪਯਤਨ+ਸੁਤਿ ਕਾਲਭਿਨ੍ਨੇਸੁ ਅਕ੍ਖਰੇਸੁ ਸਰਾ ਨਿਸ੍ਸਯਾ, ਇਤਰੇ ਨਿਸ੍ਸਿਤਾ. ਤਤ੍ਥ –

ਨਿਸ੍ਸਯਾ+ਦੋ ¶ ਸਰਾ ਵੁਤ੍ਤਾ, ਨਿਸ੍ਸਿਤਾ ਬ੍ਯਞ੍ਜਨਾ ਤਤੋ;

ਵਗ੍ਗੇ+ਕਜਾ ਬਹੁਤ੍ਤਾ+ਦੋ, ਤਤੋ ਠਾਨ+ਲਹੁਕ੍ਕਮਾ.

‘‘ਅਆਦਯੋ’’ਤਿ ਵਤ੍ਤਤੇ ਯਾਵ ‘‘ਬਿਨ੍ਦੁ ਨਿਗ੍ਗਹੀਤ’’ਨ੍ਤਿ. ਤਞ੍ਚ ਖੋ ‘‘ਅਤ੍ਥਵਸਾ ਵਿਭਤ੍ਤਿਵਿਪਰਿਣਾਮੋ’’ਤਿ ਸਤ੍ਤਮ੍ਯਨ੍ਤ+ਮਭਿਸਮ੍ਬਨ੍ਧੀਯਤੇ, ‘‘ਵਣ੍ਣਾ’’ਤਿ ਵਤ੍ਤਤੇ –

ਅਆਦੀਸ੍ਵਾ+ਦਿਮ੍ਹਿ ਨਿਦ੍ਦਿਟ੍ਠਾ ਓਦਨ੍ਤਾ ਦਸ ਵਣ੍ਣਾ ਸਰਾ ਨਾਮ ਹੋਨ੍ਤਿ. ਯਥਾ ਅ ਆ, ਇ ਈ, ਉ ਊ, ਏ ऐ, ਓ औ. ਸਰਨ੍ਤਿ=ਸਪ੍ਪਧਾਨਭਾਵੇਨ ਪਵਤ੍ਤਨ੍ਤਿ, ਬ੍ਯਞ੍ਜਨੇ ਵਾ ਸਾਰੇਨ੍ਤੀਤਿ ਸਰਾ.

ਅਆਦੀਸ੍ਵਾ+ਦਿਮੇਸੁ ਦਸਸੁ ਦ੍ਵੇ ਦ੍ਵੇ ਸਵਣ੍ਣਾ ਨਾਮ ਹੋਨ੍ਤਿ ਯਥਾਕ੍ਕਮਂ. ਯਥਾ ਅ ਆਇਤਿ, ਇ ਈਇਤਿ, ਉ ਊ ਇਤਿ, ਏ ਏਇਤਿ, ਓ, ਓਇਤਿ. ਸਮਾਨਾ ਸਦਿਸਾ ਵਣ੍ਣਾ ਸਵਣ੍ਣਾ, ਸਮਾਨਤ੍ਤਞ੍ਚ ਠਾਨਤੋ. ‘‘ਦ੍ਵੇ ਦ੍ਵੇ’’ਤਿ ਵਤ੍ਤਤੇ ਵਕ੍ਖਮਾਨੇਸੁ ਦ੍ਵੀਸੁ.

ਤੇਸ੍ਵੇਵ ਦਸਸੁ ਯੇ ਦ੍ਵੇ ਦ੍ਵੇ ਸਵਣ੍ਣਾ, ਤੇਸੁ ਯੋ ਯੋ ਪੁਬ੍ਬੋ, ਸੋ ਸੋ ਰਸ੍ਸਸਞ੍ਞੋ ਹੋਤਿ. ਯਥਾ ਅ ਇ ਉ ਏ ਓ. ਤੇਸੁ ‘ਸਂਯੋਗਤੋ ਪੁਬ੍ਬਾਵ ਦਿਸ੍ਸਨ੍ਤਿ ਦ੍ਵੇ ਪਨਨ੍ਤਿਮਾ’ਤ ਦਸ੍ਸੇਤੁਂ ਤਤ੍ਥ ਸਾਧੁਤ੍ਤਾ ਤੇਸਮ੍ਪਿ ਇਧ ਸਙ੍ਗਹੋ, ਯਥਾ ਏਤ੍ਥ ਸੇਯ੍ਯੋ ਓਟ੍ਠੋ ਸੋਤ੍ਥਿ. ਰਸ੍ਸਕਾਲਯੋਗਾ ਤਬ੍ਬਨ੍ਤਤਾਯ ਵਾ ¶ ਰਸ੍ਸਾ. ਰਸ੍ਸਕਾਲੋ ਨਾਮ ਅਚ੍ਛਰਾਸਙ੍ਘਾਤੋ ਅਕ੍ਖਿਨਿਮ੍ਮਿਲਨਸਙ੍ਖਾਤੋ ਵਾ ਕਾਲੋ, ਤੇਨ ਏਕਮਤ੍ਤੋ ਰਸ੍ਸੋ, ਦ੍ਵਿਮਤ੍ਤੋ ਦੀਘੋ, ਅਡ੍ਢਮਤ੍ਤੋ ਬ੍ਯਞ੍ਜਨੋ. ਛਨ੍ਦਸਿ ਦਿਯਡ੍ਢਮਤ੍ਤਮ੍ਪਿ ਰਸ੍ਸਨ੍ਤਿ ਗਣ੍ਹਨ੍ਤਿ ਆਚਰਿਯਾ.

ਅਆਦੀਸ੍ਵਾ+ਦਿਭੂਤੇਸੁ ਦਸਸੁ ਯੇ ਦ੍ਵੇ ਦ੍ਵੇ ਸਵਣ੍ਣਾ, ਤੇਸੁ ਯੋ ਯੋ ਪਰੋ, ਸੋ ਸੋ ਦੀਘਸਞ੍ਞੋ ਹੋਤਿ. ਤਂ ਯਥਾ ਆ ਈ ਊ ਏ ਓ. ਦੀਘਕਾਲਯੋਗਾ ਤਬ੍ਬਨ੍ਤਤਾਯ ਵਾ ਦੀਘਾ.

ਅਆਦੀਸੁ ਕਾਦਯੋ ਨਿਗ੍ਗਹੀਤਪਰਿਯਨ੍ਤਾ ਤੇਤ੍ਤਿਂਸ ਬ੍ਯਞ੍ਜਨਾ ਨਾਮ ਹੋਨ੍ਤਿ. ਯਥਾ ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ, ਯ ਰ ਲਵ ਸ ਹ ਲ਼ ਅਂ ਇਤਿ. ਬ੍ਯਞ੍ਜੀਯਤਿ ਅਤ੍ਥੋ ਏਤੇਹੀਤਿ ਬ੍ਯਞ੍ਜਨਾ. ਕਕਾਰਾਦੀਸ੍ਵ+ਕਾਰੋ ਉਚ੍ਚਾਰਣਤ੍ਥੋ.

ਅਆਦੀਸੁ ਕਕਾਰਾਦਯੋ ਮਕਾਰਨ੍ਤਾ ਪਞ੍ਚਪਞ੍ਚਕਾ ਵਗ੍ਗਾ ਨਾਮ ਹੋਨ੍ਤਿ. ਯਥਾ ਕ ਖ ਗ ਘ ਙ, ਚ ਛ ਜ ਝ ਞ, ਟ ਠ ਡ ਢ ਣ, ਤ ਥ ਦ ਧ ਨ, ਪ ਫ ਬ ਭ ਮ ਇਤਿ. ਪਞ੍ਚ ਪਞ੍ਚ ਪਰਿਮਾਣ+ਮੇਸਂ ਪਞ੍ਚਪਞ੍ਚਕਾ. ਵਜ੍ਜੇਨ੍ਤਿ ਯਕਾਰਾਦਯੋਤਿ ਵਗ੍ਗਾ. ਤੇ ਪਨ ਪਠਮਕ੍ਖਰਵਸੇਨ ¶ ਕਵਗ੍ਗ+ਚਵਗ੍ਗਾਦਿਵੋਹਾਰਂ ਗਤਾ ਕੁਸਲਤ੍ਤਿਕਾਦਯੋ ਵਿਯ.

ਅਕਾਰਾਦੀਸ੍ਵ+ਯਂ ਵਣ੍ਣੋ ਬਿਨ੍ਦੁਮਤ੍ਤੋ, ਸੋ ਨਿਗ੍ਗਹੀਤਸਞ੍ਞੋ ਹੋਤਿ. ਰਸ੍ਸਸਰਂ ਨਿਸ੍ਸਾਯ ਗਹਿਤ+ਮੁਚ੍ਚਾਰਿਤਂ ਨਿਗ੍ਗਹੀਤਂ, ਕਰਣਂ ਨਿਗ੍ਗਹੇਤ੍ਵਾ ਵਾ.

ਕਰਣਂ ਨਿਗ੍ਗਹੇਤ੍ਵਾਨ, ਮੁਖੇਨਾ+ਵਿਵਟੇਨ ਯਂ;

ਵੁਚ੍ਚਤੇ ਨਿਗ੍ਗਹੀਤਨ੍ਤਿ, ਵੁਤ੍ਤਂ ਬਿਨ੍ਦੁ ਸਰਾਨੁਗਂ.

ਬਹ੍ਵਕ੍ਖਰਸਞ੍ਞਾਕਰਣਂ ਅਨ੍ਵਤ੍ਥਸਞ੍ਞਤ੍ਥਂ, ਝ+ਲਾਦਯੋ ਤੁ ਰੁਲ਼੍ਹੀਸਞ੍ਞਾ.

ਵਣ੍ਣਾ ਸਰਾ ਸਵਣ੍ਣਾ ਚ, ਰਸ੍ਸਾ ਦੀਘਾ ਚ ਬ੍ਯਞ੍ਜਨਾ;

ਵਗ੍ਗਾ ਚ ਨਿਗ੍ਗਹੀਤਨ੍ਤਿ, ਹੋਤਿ ਸਞ੍ਞਾਵਿਧਿਕ੍ਕਮੋ.

ਲੋਕ ਅਗ੍ਗਪੁਗ੍ਗਲੋ, ਪਞ੍ਞਾ ਇਨ੍ਦ੍ਰਿਯਂ, ਤੀਣਿ ਇਮਾਨਿ, ਨੋ ਹਿ ਏਤਂ, ਭਿਕ੍ਖੁਨੀ ਓਵਾਦੋ, ਮਾਤੁ ਉਪਟ੍ਠਾਨਂ, ਸਮੇਤੁ ਆਯਸ੍ਮਾ, ਅਭਿਭੂ ਆਯਤਨਂ, ਧਨਂ ਮੇ ਅਤ੍ਥਿ, ਸਬ੍ਬੇ ਏਵ, ਤਯੋ ਅਸ੍ਸੁ ਧਮ੍ਮਾ, ਅਸਨ੍ਤੋ ਏਤ੍ਥ ਨ ਦਿਸ੍ਸਨ੍ਤਿ ਇਤੀ+ਧ ਸਰਸਞ੍ਞਾਯਂ –

ਸਰੇ ਸਰੋ ਲੋਪਨੀਯੋ ਹੋਤਿ. ਸਰੋਤਿ ਕਾਰਿਯੀਨਿਦ੍ਦੇਸੋ, ਲੋਪੋਤਿ ਕਾਰਿਯਨਿਦ੍ਦੇਸੋ. ਲੋਪੋ= ਅਦਸ੍ਸਨਂ ਅਨੁਚ੍ਚਾਰਣਂ ¶ , ਸਰੋਤਿ ਜਾਤ੍ਯੇਕਵਚਨਵਸੇਨ ਵੁਤ੍ਤਂ, ਸਰੇਤਿ ਓਪਸਿਲੇਸਿਕਾਧਾਰਸਤ੍ਤਮੀ, ਤਤੋ ਵਣ੍ਣ ਕਾਲ ਬ੍ਯਵਧਾਨੇ ਕਾਰਿਯਂ ਨ ਹੋਤਿ, ਤ੍ਵ+ਮਸਿ, ਕਤਮਾ ਚਾਨਨ੍ਦ ਅਨਿਚ੍ਚਸਞ੍ਞਾਤਿ. ਏਵਂ ਸਬ੍ਬਸਨ੍ਧੀਸੁ.

ਥੇਰਯਟ੍ਠਿਨ੍ਯਾਯੇਨ ਪਵਤ੍ਤਤੇ ਪਰਿਭਾਸਾ ਦੁਬ੍ਬਲਵਿਧਿਨੋ ਪਤਿਟ੍ਠਾਭਾਵਤੋ. ਸਤ੍ਤਮੀਨਿਦ੍ਦੇਸੇ ਪੁਬ੍ਬਸ੍ਸੇਵ ਵਿਧੀਤਿ ਪੁਬ੍ਬਸਰਲੋਪੋ. ਲੋਕਗ੍ਗਪੁਗ੍ਗਲੋ, ਪਞ੍ਞਿਨ੍ਦ੍ਰਿਯਂ, ਤੀਣਿਮਾਨਿ, ਨੋ ਹੇਤਂ, ਭਿਕ੍ਖੁਨੋਵਾਦੋ, ਮਾਤੁਪਟ੍ਠਾਨਂ, ਸਮੇਤਾਯਸ੍ਮਾ, ਅਭਿਭਾਯਤਨਂ, ਧਨਂਮਤ੍ਥਿ, ਸਬ੍ਬੇਵ, ਤਯਸ੍ਸੁ ਧਮ੍ਮਾ, ਅਸਨ੍ਤੇ+ਤ੍ਥ ਨ ਦਿਸ੍ਸਨ੍ਤਿ. ਪੁਬ੍ਬਸ੍ਸ ਕਾਰਿਯਵਿਧਾਨਾ ਸਤ੍ਤਮੀਨਿਦ੍ਦਿਟ੍ਠਸ੍ਸ ਪਰਤਾ+ਵ ਗਮ੍ਯਤੇਤਿ ਪਰੇਤਿ ਪਰਵਚਨਮ੍ਪਿ ਘਟਤੇ.

ਯਸ੍ਸ ਇਦਾਨਿ, ਸਞ੍ਞਾ ਇਤਿ, ਛਾਯਾ ਇਵ, ਇਤਿ ਅਪਿ, ਅਸ੍ਸਮਣੀ ਅਸਿ, ਚਕ੍ਖੁ ਇਨ੍ਦ੍ਰਿਯਂ, ਅਕਤਞ੍ਞੂ ਅਸਿ, ਆਕਾਸੇ ਇਵ, ਤੇ ਅਪਿ, ਵਨ੍ਦੇ ਅਹਂ, ਸੋ ਅਹਂ, ਚਤ੍ਤਾਰੋ ਇਮੇ, ਵਸਲੋ ਇਤਿ, ਮੋਗ੍ਗਲ੍ਲਾਨੋ ਅਸਿ ਬੀਜਕੋ, ਕਥਾ ਏਵ ਕਾ, ਪਾਤੋ ਏਵਾਤੀ+ਧ ਪੁਬ੍ਬਸ੍ਸਰਲੋਪੇ ਸਮ੍ਪਤ੍ਤੇ ‘‘ਸਰੋ ਲੋਪੋ ਸਰੇ’’ ਤ੍ਵੇਵ.

ਸਰਮ੍ਹਾ ਪਰੋ ਸਰੋ ਕ੍ਵਚਿ ਲੋਪਨੀਯੋ ਹੋਤਿ. ਯਸ੍ਸ ਦਾਨਿ, ਸਞ੍ਞਾਤਿ, ਛਾਯਾਵ, ਇਤਿਪਿ, ਅਸ੍ਸਮਣੀਸਿ, ਚਕ੍ਖੁਨ੍ਦ੍ਰਿਯਂ, ਅਕਤਞ੍ਞੂਸਿ, ਆਕਾਸੇਵ, ਤੇਪਿ, ਵਨ੍ਦੇਹਂ, ਸੋਹਂ, ਚਤ੍ਤਾਰੋਮੇ, ਵਸ- ਲੋਭਿ ¶ , ਮੋਗ੍ਗਲ੍ਲਾਨੋਸਿ ਬੀਜਕੋ, ਕਥਾਵ ਕਾ, ਪਾਤੋਵ. ਕ੍ਵਚੀਤਿ ਕਿਂ, ਪਞ੍ਞਿਨ੍ਦ੍ਰਿਯਂ, ਪਞ੍ਚਿਨ੍ਦ੍ਰਿਯਾਨਿ, ਸਤ੍ਤੁਤ੍ਤਮੋ, ਏਕੂਨਵੀਸਤਿ, ਯਸ੍ਸੇਤੇ, ਸੁਗਤੋਵਾਦੋ, ਦਿਟ੍ਠਾਸਵੋ, ਦਿਟ੍ਠੋਘੋ, ਚਕ੍ਖਾਯਤਨਂ, ਤਂ ਕੁਤੇਤ੍ਥ ਲਬ੍ਭਾ. ‘‘ਵਿਵਕ੍ਖਾਤੋ ਸਨ੍ਧਯੋ ਭਵਨ੍ਤੀ’’ਤਿ ਞਾਯਾ ਵਤ੍ਤਿਚ੍ਛਾਪਿ ਇਧ ਸਿਜ੍ਝਤਿ. ਕ੍ਵਚੀਤ੍ਯ+ਧਿਕਾਰੋ ਸਬ੍ਬਸਨ੍ਧੀਸੁ, ਤੇਨ ਨਾਤਿਪ੍ਪਸਙ੍ਗੋ. (ਲੋਪਸਨ੍ਧਿ).

ਤਸ੍ਸ ਇਦਂ, ਵਾਤ ਈਰਿਤਂ, ਨ ਉਪੇਤਿ, ਵਾਮ ਊਰੁ, ਅਤਿ ਇਵ ਅਞ੍ਞੇਹਿ, ਵਿ ਉਦਕਂ ਇਤੀਧ ਪੁਬ੍ਬਸ੍ਸਰਲੋਪੇ –

ਲੁਤ੍ਤਾ ਸਰਾ ਪਰੇਸਂ ਇਵਣ੍ਣੁਵਣ੍ਣਾਨਂ ਏ+ਓ ਹੋਨ੍ਤਿ ਵਾ ਯਥਾਕ੍ਕਮਂ. ਯਥਾਸਂਖ੍ਯਾਨੁਦ੍ਦੇਸੋ ਸਮਾਨਾਨਂ.

ਵਣ੍ਣਸਦ੍ਦੋ ਪਰੋ ਯਸ੍ਮਾ, ਤੇਨ ਸਵਣ੍ਣੋਪਿ ਗਯ੍ਹਤਿ ਸਯਞ੍ਚ ਰੂਪਂਤਿ ਈਊਨਮ੍ਪਿ ਏ+ਓ. ਸਬ੍ਬਤ੍ਥ ਰਸ੍ਸਸ੍ਸ ਜਾਤਿਨਿਦ੍ਦੇਸੇ ਦੀਘਸ੍ਸਾਪਿ ਗਹਣਤ੍ਥਂ ਇਦ+ਮਾਰਦ੍ਧਂ. ਤਸ੍ਸੇਦਂ, ਵਾਤੇਰਿਤਂ, ਨੋਪੇਤਿ, ਵਾਮੋਰੁ, ਅਤੇਵਞ੍ਞੇਹਿ, ਵੋਦਕਂ. ਇਦਞ੍ਚ ਪਚ੍ਛਿਮੋਦਾਹਰਣਦ੍ਵਯਂ ‘‘ਅਵਣ੍ਣੇ ਲੁਤ੍ਤੇ ਏਵ ਏ+ਓ ਹੋਨ੍ਤੀ’’ਤਿ ਗਾਹਸ੍ਸ ਨਿਸੇਧਨਤ੍ਥਂ. ਵਾਤ੍ਵੇਵ, ਤਸ੍ਸਿਦਂ. ਕਥਂ ‘‘ਪਚ੍ਚੋਰਸ੍ਮਿ’’ਨ੍ਤਿ, ਯੋਗਵਿਭਾਗਾ. ਪਤਿ ਉਰਸ੍ਮਿਨ੍ਤਿ ਵਿਭਜ੍ਜ ‘‘ਯਵਾ ਸਰੇ’’ਤਿ ਯਕਾਰੇ ‘‘ਤਵਗ੍ਗਵਰਣਾ’’ਦਿਨਾ ਚੋ, ‘‘ਵਗ੍ਗਲਸੇਹਿ ਤੇ’’ਤਿ ਪੁਬ੍ਬਰੂਪਞ੍ਚ, ‘‘ਯੁਵਣ੍ਣਾਨ+ਮੇਓ’’ਤਿ (ਯੋਗਵਿਭਾਗਾ) ਉਸ੍ਸ ਓ ਚ. ਲੁਤ੍ਤਾਤਿ ਕਿਂ, ਦਸ ਇਮੇ ¶ ਧਮ੍ਮਾ, ਯਥਾ ਇਦਂ, ਕੁਸਲਸ੍ਸ ਉਪਸਮ੍ਪਦਾ. ਅਤਿਪ੍ਪਸਙ੍ਗਬਾਧਕਸ੍ਸ ਕ੍ਵਚਿਸਦ੍ਦਸ੍ਸਾਨੁਵਤ੍ਤਨਤੋ ਨ ਵਿਕਪ੍ਪਵਿਧਿ ਨਿਯਤਾ, ਤੇਨ ਉਪੇਤੋ, ਅਵੇਚ੍ਚਾਤਿ ਏਵਮਾਦੀਸੁ ਵਿਕਪ੍ਪੋ. ਤਾਰਕਿਤਾ, ਯਸ੍ਸਿਨ੍ਦ੍ਰਿਯਾਨਿ, ਮਹਿਦ੍ਧਿਕੋ, ਸਬ੍ਬੀਤਿਯੋ, ਤੇਨੁਪਸਙ੍ਕਮਿ, ਲੋਕੁਤ੍ਤਰੋਤਿਆਦੀਸੁ ਵਿਧਿ ਚ ਨ ਹੋਤਿ.

ਪਟਿਸਨ੍ਥਾਰਵੁਤ੍ਤਿ ਅਸ੍ਸ, ਸਬ੍ਬਵਿਤ੍ਤਿ ਅਨੁਭੂਯਤੇ, ਵਿ ਅਞ੍ਜਨਂ, ਵਿ ਆਕਤੋ, ਦਾਸੀ ਅਹਂ, ਅਹੁਵਾ ਪੁਰੇ, ਅਨੁ ਅਦ੍ਧਮਾਸਂ, ਅਨੁ ਏਤਿ, ਸੁ ਆਗਤਂ, ਸੁ ਆਕਾਰੋ, ਦੁ ਆਕਾਰੋ, ਚਕ੍ਖੁ ਆਪਾਥਂ, ਬਹੁ ਆਬਾਧੋ, ਪਾਤੁ ਅਕਾਸਿ, ਨ ਤੁ ਏਵ, ਭੂ ਆਪਨਲਾਨਿਲਂ ਇਤੀ+ਧ ‘‘ਯੁਵਣ੍ਣਾਨਂ’’ ‘‘ਵੇ’’ਤਿ ਚ ਵਤ੍ਤਤੇ,

ਸਰੇ ਪਰੇ ਇਵਣ੍ਣੁਵਣ੍ਣਾਨਂ ਯਕਾਰ+ਵਕਾਰਾ ਹੋਨ੍ਤਿ ਵਾ ਯਥਾਕ੍ਕਮਂ. ਪਟਿਸਨ੍ਥਾਰਵੁਤ੍ਯਸ੍ਸ, ਸਬ੍ਬਵਿਤ੍ਯਨੁਭੂਯਤੇ, ਬ੍ਯਞ੍ਜਨਂ, ਬ੍ਯਾਕਤੋ ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਦੀਘੇ ਦਾਸ੍ਯਾਹਂ, ਅਹਾਪੁਰੇ, ਅਨ੍ਵਦ੍ਧਮਾਸਂ, ਅਨ੍ਵੇਤਿ, ਸ੍ਵਾਗਤਂ, ਸ੍ਵਾਕਾਰੋ, ਦ੍ਵਾਕਾਰੋ, ਚਕ੍ਖ੍ਵਾਪਾਥਂ, ਬਹ੍ਵਾਬਾਧੋ, ਪਾਤ੍ਵਾਕਾਸਿ, ਨ ਤ੍ਵੇਵ, ਭ੍ਵਾਪਨਲਾਨਿਲਂ. ਵਾਤ੍ਵੇਵ, ਵਿਆਕਤੋ, ਸਾਗਤਂ.

ਅਧਿਗਤੋ ਖੋ ਮੇ ਅਯਂ ਧਮ੍ਮੋ, ਪੁਤ੍ਤੋ ਤੇ ਅਹਂ, ਤੇ ਅਸ੍ਸ ਪਹੀਨਾ ਪਞ੍ਚ, ਤੇ ਅਹਂ, ਯੇ ਅਸ੍ਸ, ਤੇ ਅਜ੍ਜ, ਯਾਵਤਕੋ ਅਸ੍ਸ ਕਾਯੋ, ਤਾਵਤਕੋ ਅਸ੍ਸ ਬ੍ਯਾਮੋ, ਕੋ ਅਤ੍ਥੋ, ਅਥ ਖੋ ਅਸ੍ਸ, ਅਹਂ ਖੋ ਅਜ੍ਜ, ਸੋ ਅਹਂ, ਸੋ ਅਜ੍ਜ, ਸੋ ਏਵ, ਯਤੋ ਅਧਿਕਰਣਂ, ਸੋ ਅਹਂ ਇਤੀ+ਧ ‘‘ਯਵਾ ਸਰੇ’’ ‘‘ਵੇ’’ਤਿ ਚ ਵਤ੍ਤਤੇ,

ਏਓਨਂ ¶ ਯਕਾਰ+ਵਕਾਰਾ ਹੋਨ੍ਤਿ ਵਾ ਸਰੇ ਪਰੇ ਯਥਾਕ੍ਕਮਂ. ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਦੀਘੇ ਅਧਿਗਤੋ ਖੋ ਮ੍ਯਾਯਂ ਧਮ੍ਮੋ, ਪੁਤ੍ਤੋ ਤ੍ਯਾਹਂ, ਤ੍ਯਾਸ੍ਸ ਪਹੀਨਾ ਪਞ੍ਚ, ਤ੍ਯਾਹਂ, ਯ੍ਯਸ੍ਸ, ਤ੍ਯਜ੍ਜ, ਯਾਵਤਕ੍ਵਸ੍ਸ ਕਾਯੋ, ਤਾਵਤਕ੍ਵਸ੍ਸ ਬ੍ਯਾਮੋ, ਕ੍ਵਤ੍ਥੋ, ਅਥ ਖ੍ਵਸ੍ਸ, ਅਹਂ ਖ੍ਵਜ੍ਜ, ਸ੍ਵਾਹਂ, ਸ੍ਵਜ੍ਜ, ਸ੍ਵੇਵ, ਯਤ੍ਵਾਧਿਕਰਣਂ, ਸ੍ਵਾਹਂ. ਵਾਤ੍ਵੇਵ, ਤੇਜ੍ਜ, ਸੋਹਂ. ਕ੍ਵਚਿ ਤ੍ਵੇਵ, ਧਨਮਤ੍ਥਿ, ਪੁਤ੍ਤਾਮਤ੍ਥਿ, ਤੇ ਨਾਗਤਾ, ਅਸਨ੍ਤੇਤ੍ਥ, ਚਤ੍ਤਾਰੋ ਇਮੇ.

ਗੋ ਏਲ਼ਕਂ, ਗੋ ਅਸ੍ਸਂ, ਗੋ ਅਜਿਨਂ ਇਤੀ+ਧ ‘‘ਸਰੇ’’ਤਿ ਵਤ੍ਤਤੇ.

ਸਰੇ ਪਰੇ ਗੋਸ੍ਸ ਅਵਵਾਦੇਸੋ ਹੋਤਿ. ਸ ਚ ‘‘ਟਾਨੁਬਨ੍ਧਾਨੇਕਵਣ੍ਣਾ ਸਬ੍ਬਸ੍ਸਾ’’ਤਿ ਸਬ੍ਬਸ੍ਸ ਪਸਙ੍ਗੇ ‘ਅਨ੍ਤਸ੍ਸਾ’’ਤਿ ਵਤ੍ਤਤੇ.

ਙ-ਕਾਰੋ ਅਨੁਬਨ੍ਧੋ ਯਸ੍ਸ, ਸੋ ਅਨੇਕਵਣ੍ਣੋਪਿ ਅਨ੍ਤਸ੍ਸ ਹੋਤੀਤਿ ਓਕਾਰਸ੍ਸੇਵ ਹੋਤਿ. ‘‘ਸਂਕੇਤੋ+ਨਵਯਵੋ+ਨੁਬਨ੍ਧੋ’’ਤਿ ਵਚਨਾ ਙ-ਕਾਰਸ੍ਸਾ+ਪ੍ਪਯੋਗੋ. ਉਚ੍ਚਾਰਿਤਾਨਨ੍ਤਰਪ੍ਪਧਂਸਿਨੋ ਹਿ ਅਨੁਬਨ੍ਧਾ, ਪਯੋਜਨਂ ਅਨੁਬਨ੍ਧੋਤਿ ਸਂਕੇਤੋ. ਗਵੇਲ਼ਕਂ, ਗਵਾਸ੍ਸਂ, ਗਵਾਜਿਨਂ.

ਏਵਸਦ੍ਦੇ ਪਰੇ ਇਤਿਸ੍ਸ ਵੋ ਹੋਤਿ ਵਾ. ਸ ਚ –

ਛਟ੍ਠੀਨਿਦ੍ਦਿਟ੍ਠਸ੍ਸ ¶ ਯਂ ਕਾਰਿਯਂ, ਤ+ਦਨ੍ਤਸ੍ਸ ਵਿਞ੍ਞੇਯ੍ਯਨ੍ਤਿ ਇਕਾਰਸ੍ਸਾ+ਦੇਸੋ. ਆਦੇਸਿਟ੍ਠਾਨੇ ਆਦਿਸ੍ਸਤੀਤਿ ਆਦੇਸੋ. ਇਤ੍ਵੇਵ. ਅਞ੍ਞਤ੍ਰ ਯਾਦੇਸੋ, ‘‘ਤਵਗ੍ਗਵਰਣਾਨਂ ਯੇ ਚਵਗ੍ਗਬਯਞਾ’’ਤਿ ਤਸ੍ਸ ਚੋ, ‘‘ਵਗ੍ਗਲਸੇਹਿ ਤੇ’’ਤਿ ਯਸ੍ਸ ਚਕਾਰੋ, ਇਚ੍ਚੇਵ. ਏਵੇਤਿ ਕਿਂ, ਇਚ੍ਚਾਹ. (ਆਦੇਸਸਨ੍ਧਿ).

ਤਿ ਅਙ੍ਗੁਲਂ,ਤਿ ਅਙ੍ਗਿਕਂ, ਭੂ ਆਦਯੋ, ਮਿਗੀ ਭਨ੍ਤਾ ਉਦਿਕ੍ਖਤਿਤ੍ਯਾਦਿਸਨ੍ਧਯੋ ਵੁਚ੍ਚਨ੍ਤੇ. ‘‘ਮਯਦਾ ਸਰੇ’’ਤਿ ਵਤ੍ਤਤੇ.

ਏਤੇ ਮਯਦਾ ਚ ਆਗਮਾ ਹੋਨ੍ਤਿ ਵਾ ਸਰੇ ਕ੍ਵਚਿ. ਆਗਮਿਨੋ ਅਨਿਯਮੇਪਿ –

ਸਰੋਯੇਵਾ+ਗਮਿ ਹੋਤਿ, ਵਨਾਦਿਨਨ੍ਤੁ ਞਾਪਕਾ;

ਅਞ੍ਞਥਾ ਹਿ ਪਦਾਦੀਨਂ, ਯੁਕਵਿਧਾਨ+ਮਨਤ੍ਥਕਂ.

ਏਤ੍ਥਾ+ਗਮਾ ਅਨਿਯਤਾਗਮੀਨਮੇਵ ਭਵਨ੍ਤਿ ਚੇ, ਯਕਾਰਾਗਮੇਨੇਵ ‘‘ਨਿਪਜ੍ਜ’’ਨ੍ਤਿ ਸਿਦ੍ਧੇ ‘‘ਪਦਾਦੀਨਂ ਕ੍ਵਚੀ’’ਤਿ ਬ੍ਯਞ੍ਜਨਸ੍ਸ ਯੁਕਾ+ਗਮੋ ਨਿਰਤ੍ਥਕੋਤਿ ਅਧਿਪ੍ਪਾਯੋ. ਤਿਵਙ੍ਗੁਲਂ, ਤਿਵਙ੍ਗਿਕਂ, ਭੂਵਾਦਯੋ, ਮਿਗੀ ਭਨ੍ਤਾ ਵੁਦਿਕ੍ਖਤਿ, ਪਵੁਚ੍ਚਤਿ, ਪਾਗੁਞ੍ਞਵੁਜੁਤਾ. ਇਤੋ ਨਾਯਤਿ, ਚਿਨਿਤ੍ਵਾ. ਯਸ੍ਮਾਤਿਹ, ਤਸ੍ਮਾਤਿਹ, ਅਜ੍ਜਤਗ੍ਗੇ. ਨਿਰਨ੍ਤਰਂ, ਨਿਰਾਲਯੋ, ਨਿਰਿਨ੍ਧਨੋ, ਨਿਰੀਹਕਂ, ਨਿਰੁਤ੍ਤਰੋ, ਨਿਰੋਜਂ, ਦੁਰਤਿਕ੍ਕਮੋ, ਦੁਰਾਗਤਂ, ਦੁਰੁਤ੍ਤਰਂ, ਪਾਤੁਰਹੋਸਿ, ਪੁਨਰਾਗਚ੍ਛੇਯ੍ਯ, ਪੁਨਰੁਤ੍ਤਂ, ਪੁਨਰੇਵ, ਪੁਨਰੇਤਿ, ਧੀਰਤ੍ਥੁ, ਪਾਤਰਾਸੋ, ਚਤੁਰਙ੍ਗਿਕਂ, ਚਤੁਰਾਰਕ੍ਖਂ, ਚਤੁਰਿਦ੍ਧਿਪਾਦਪਟਿਲਾਭੋ, ਚਤੁਰੋਘਨਿਤ੍ਥਰਣਤ੍ਥਂ, ਭਤ੍ਤੁਰਤ੍ਥੇ, ਵੁਤ੍ਤਿਰੇਸਾ, ਪਥਵੀਧਾਤੁਰੇਵੇਸਾ ¶ , ਨਕ੍ਖਤ੍ਤਰਾਜਾਰਿਵ ਤਾਰਕਾਨਂ, ਵਿਜ੍ਜੁਰਿਵਬ੍ਭਕੁਟੇ, ਆਰਗ੍ਗੇਰਿਵ ਸਾਸਪੋ, ਉਸਭੋਰਿਵ, ਸਬ੍ਭਿਰੇਵ ਸਮਾਸੇਥ. ਪੁਥਗੇਵ, ਰਸ੍ਸੇ ਪਗੇਵ. ਲਹੁਮੇਸ੍ਸਤਿ, ਗੁਰੁਮੇਸ੍ਸਤਿ, ਇਧਮਾਹੁ, ਕੇਨ ਤੇ ਇਧ ਮਿਜ੍ਝਤਿ, ਭਦ੍ਰੋ ਕਸਾਮਿਵ, ਆਕਾਸੇ ਮਭਿਪੂਜਯੇ, ਏਕਮੇਕਸ੍ਸ, ਯੇਨ ਮਿਧੇਕਚ੍ਚੇ. ਭਾਤਿਯੇਵ, ਹੋਤਿਯੇਵ, ਯਥਾਯਿਦਂ, ਯਥਾਯੇਵ, ਮਾਯਿਦਂ, ਨਯਿਦਂ, ਨਯਿਧ, ਛਯਿਮਾਨਿ, ਨਵਯਿਮੇ ਧਮ੍ਮਾ, ਬੋਧਿਯਾਯੇਵ, ਪਥਵੀਯੇਵ ਧਾਤੁ, ਤੇਸੁਯੇਵ, ਤੇਯੇਵ, ਸੋਯੇਵ, ਪਾਟਿਯੇਕ੍ਕਂ, ਵਿਯਞ੍ਜਨਂ, ਵਿਯਾਕਾਸਿ, ਪਰਿਯਨ੍ਤਂ, ਪਰਿਯਾਦਾਨਂ, ਪਰਿਯੁਟ੍ਠਾਨਂ, ਪਰਿਯੇਸਤਿ, ਪਰਿਯੋਸਾਨਂ, ਨਿਯਾਯੋਗੋ. ਉਦਗ੍ਗੋ, ਉਦਯੋ, ਉਦਾਹਟਂ, ਉਦਿਤੋ, ਉਦੀਰਿਤਂ, ਉਦੇਤਿ, ਸਕਿਦੇਵ, ਕਿਞ੍ਚਿਦੇਵ, ਕੇਨਚਿਦੇਵ, ਕਿਸ੍ਮਿਞ੍ਚਿਦੇਵ, ਕੋਚਿਦੇਵ, ਸਮ੍ਮਦਤ੍ਤੋ, ਸਮ੍ਮਦਞ੍ਞਾ ਵਿਮੁਤ੍ਤਾਨਂ, ਸਮ੍ਮਦੇਵ, ਯਾਵਦਤ੍ਥਂ, ਯਾਵਦਿਚ੍ਛਕਂ, ਯਾਵਦੇਵ, ਤਾਵਦੇਵ, ਪੁਨਦੇਵ, ਯਦਤ੍ਥਂ, ਯਦਨ੍ਤਰਂ, ਤਦਨ੍ਤਰਂ, ਤਦਙ੍ਗਵਿਮੁਤ੍ਤਿ, ਏਤਦਤ੍ਥਂ, ਅਤ੍ਤਦਤ੍ਥਂ, ਤਦਤ੍ਥਂ, ਸਦਤ੍ਥਪਸੁਤੋ ਸਿਯਾ, ਅਞ੍ਞਦਤ੍ਥੁ, ਮਨਸਾਦਞ੍ਞਾ ਵਿਮੁਤ੍ਤਾਨਂ, ਬਹੁਦੇਵ ਰਤ੍ਤਿ. ਵਾਤ੍ਵੇਵ, ਅਤ੍ਤਅਤ੍ਥਂ, ਦ੍ਵਾਧਿਟ੍ਠਿਤਂ, ਪਾਤੁਅਹੋਸਿ. ਵਵਤ੍ਥਿਤਵਿਭਾਸਤ੍ਤਾ ਵਾਧਿਕਾਰਸ੍ਸ ਬ੍ਯਞ੍ਜਨਤੋਪਿ, ਭਿਕ੍ਖੁਨੀਨਂ ਵੁਟ੍ਠਾਪੇਯ੍ਯ, ਚਿਰਂ ਨਾਯਤਿ, ਤਂਯੇਵ.

ਛ ਅਭਿਞ੍ਞਾ, ਛ ਅਙ੍ਗਂ, ਛ ਅਸੀਤਿ, ਛ ਅਂਸਾ, ਛ ਆਯਤਨਂ ਇਤੀ+ਧ ‘‘ਵਾ ਸਰੇ’’ ‘‘ਆਗਮੋ’’ਤਿ ਚ ਵਤ੍ਤਤੇ.

ਛਸਦ੍ਦਾ ਪਰਸ੍ਸ ਸਰਸ੍ਸ ਲ਼ਕਾਰੋ ਆਗਮੋ ਹੋਤਿ ਵਾ. ਛਾਤਿ ਅਨੁਕਰਣਤ੍ਤਾ ਏਕਵਚਨਂ. ਛਲ਼ਭਿਞ੍ਞਾ, ਛਲ਼ਙ੍ਗਂ, ਛਲ਼ਸੀਤਿ, ਛਲ਼ਂਸਾ, ਛਲ਼ਾਯਤਨਂ. ਵਾਤ੍ਵੇਵ, ਛਅਭਿਞ੍ਞਾ. (ਆਗਮਸਨ੍ਧਿ).

ਲੋਪੋ ¶ ਅਦਸ੍ਸਨਂ, ਠਾਨਿਂ, ਯ+ਮਾਮਦ੍ਦਿਯ ਦਿਸ੍ਸਤਿ;

ਆਦੇਸੋ ਨਾਮ ਸੋ ਯਾ ਤੁ, ਅਸਨ੍ਤੁਪ੍ਪਤ੍ਤਿ ਆਗਮੋ.

ਕਞ੍ਞਾ ਇਵ, ਕਞ੍ਞਾਵ ਇਚ੍ਚਾਦਿ ਸਰਸਨ੍ਧਿਨਿਸੇਧੋ ਵੁਚ੍ਚਤਿ, ਪਸਙ੍ਗਪੁਬ੍ਬਕੋ ਹਿ ਪਟਿਸੇਧੋ. ਪੁਬ੍ਬਸਰਾਨਂ ਲੋਪੇ ਸਮ੍ਪਤ੍ਤੇ ‘‘ਸਰੋ’’ ‘‘ਵੇ’’ਤਿ ਚ ਵਤ੍ਤਤੇ.

ਪੁਬ੍ਬਪਰਸ੍ਸਰਾ ਦ੍ਵੇਪਿ ਵਾ ਕ੍ਵਚਿ ਨ ਲੁਪ੍ਯਨ੍ਤੇ. ਕਞ੍ਞਾ ਇਵ, ਕਞ੍ਞੇਵ, ਕਞ੍ਞਾਵ.

ਸਾਰਿਪੁਤ੍ਤ ਇਧੇਕਚ੍ਚੋ, ਏਹਿ ਸਿਵਕ ਉਟ੍ਠੇਹਿ, ਆਯਸ੍ਮਾ ਆਨਨ੍ਦੋ, ਗਾਥਾ ਅਭਾਸਿ, ਦੇਵਾ ਆਭਸ੍ਸਰਾ ਯਥਾ, ਤੇਵਿਜ੍ਜਾ ਇਦ੍ਧਿਪਤ੍ਤਾ ਚ, ਭਗਵਾ ਉਟ੍ਠਾਯਾਸਨਾ, ਭਗਵਾ ਏਤ+ਦਵੋਚ, ਅਭਿਵਾਦੇਤ੍ਵਾ ਏਕਮਨ੍ਤਂ ਅਟ੍ਠਾਸਿ, ਗਨ੍ਤ੍ਵਾ ਓਲੋਕੇਨ੍ਤੋ, ਭੂਤਵਾਦੀ ਅਤ੍ਥਵਾਦੀ, ਯਂ ਇਤ੍ਥੀ ਅਰਹਂ ਅਸ੍ਸ, ਸਾਮਾਵਤੀ ਆਹ, ਪਾਪਕਾਰੀ ਉਭਯਤ੍ਥ ਤਪ੍ਪਤਿ, ਨਦੀ ਓਤ੍ਥਰਤਿ, ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ, ਭਿਕ੍ਖੂ ਆਮਨ੍ਤੇਸਿ, ਭਿਕ੍ਖੂ ਉਜ੍ਝਾਯਿਂਸੁ, ਭਿਕ੍ਖੂ ਏਵ+ਮਾਹਂਸੁ, ਇਮਸ੍ਮਿਂ ਗਾਮੇ ਆਰਕ੍ਖਕਾ, ਸਬ੍ਬੇ ਇਮੇ, ਕਤਮੇ ਏਕਾਦਸ, ਗਮ੍ਭੀਰੇ ਓਦਕਨ੍ਤਿਕੇ, ਅਪ੍ਪਮਾਦੋ ਅਮਤਂ ਪਦਂ, ਸਙ੍ਘੋ ਆਗਚ੍ਛਤੁ, ਕੋ ਇਮਂ ਪਥਵਿਂ ਵਿਚੇਸ੍ਸਤਿ, ਆਲੋਕੋ ਉਦਪਾਦਿ, ਏਕੋ ਏਕਾਯ, ਚਤ੍ਤਾਰੋ ਓਘਾ, ਅਰੇ ਅਹਮ੍ਪਿ, ਸਚੇ ਇਮਸ੍ਸ ਕਾਯਸ੍ਸ, ਨੋ ਅਤਿਕ੍ਕਮੋ, ਅਹੋ ਅਚ੍ਛਰਿਯੋ, ਅਥੋ ਅਨ੍ਤੋ ਚ, ਅਥ ਖੋ ਆਯਸ੍ਮਾ, ਅਥੋ ਓਟ੍ਠਵ+ਚਿਤ੍ਤਕਾ, ਤਤੋ ਆ- ਮਨ੍ਤਯਿ ¶ ਸਤ੍ਥਾਤਿ ਏਵਮਾਦਯੋ ਇਧ ਕਾਲਬ੍ਯਵਧਾਨੇਨੇਵ ਸਿਜ੍ਝਨ੍ਤਿ. ਕ੍ਵਚੀਤਿ ਕਿਂ, ਆਗਤਾ+ਤ੍ਥ, ਆਗਤਾ+ਮ੍ਹਾ, ਕਤਮ+ਸ੍ਸ ਵਾਰੋ, ਅਪ੍ਪਸ੍ਸੁਤਾ+ਯਂ ਪੁਰਿਸੋ, ਚਮਰੀ+ਵ, ਸਬ੍ਬੇ+ਵ, ਸ੍ਵੇ+ਵ, ਏਸੇ+ਵ ਨਯੋ, ਪਰਿਸੁਦ੍ਧੇ+ਤ੍ਥਾ+ਯਸ੍ਮਨ੍ਤੋ, ਨੇ+ਤ੍ਥ, ਕੁਤੇ+ਤ੍ਥ ਲਬ੍ਭਾ, ਸਚੇ+ਸ ਬ੍ਰਾਹ੍ਮਣ, ਤਥੂ+ਪਮਂ, ਯਥਾ+ਹ, ਜੀਵ੍ਹਾ+ਯਤਨਂ, ਅਵਿਜ੍ਜੋ+ਘੋ, ਇਤ੍ਥਿਨ੍ਦ੍ਰਿਯਂ, ਅਭਿਭਾ+ਯਤਨਂ, ਭਯਤੂ+ਪਟ੍ਠਾਨਂ, ਸਦ੍ਧੀ+ਧ ਵਿਤ੍ਤਂ ਪੁਰਿਸਸ੍ਸ ਸੇਟ੍ਠਂ. (ਸਰਸਨ੍ਧਿਨਿਸੇਧੋ)

ਤਤ੍ਰ ਅਭਿਰਤਿ, ਤਤ੍ਰ ਅਯਂ, ਬੁਦ੍ਧ ਅਨੁਸ੍ਸਤਿ, ਸ ਅਤ੍ਥਿਕਾ, ਸਞ੍ਞਾਵਾ ਅਸ੍ਸ, ਤਦਾ ਅਹਂ, ਯਾਨਿ ਇਧ ਭੂਤਾਨਿ, ਗਚ੍ਛਾਮਿ ਇਤਿ, ਅਤਿ ਇਤੋ, ਕਿਕੀ ਇਵ, ਬਹੁ ਉਪਕਾਰਂ, ਮਧੁ ਉਦਕਂ, ਸੁ ਉਪਧਾਰਿਤਂ, ਸੋਪਿ ਅਯਂ, ਇਦਾਨਿ ਅਹਂ, ਸਚੇ ਅਯਂ, ਅਪ੍ਪਸ੍ਸੁਤੋ ਅਯਂ, ਇਤਰ ਇਤਰੇਨ, ਸਦ੍ਧਾ ਇਧ ਵਿਤ੍ਤਂ, ਕਮ੍ਮ ਉਪਨਿਸ੍ਸਯੋ, ਤਥਾ ਉਪਮਂ, ਰਤ੍ਤਿ ਉਪਰਤੋ, ਵਿ ਉਪਸਮੋ, ਲੋਕਸ੍ਸ ਇਤਿ, ਦੇਵ ਇਤਿ, ਵਿ ਅਤਿਪਤਨ੍ਤਿ, ਵਿ ਅਤਿਨਾਮੇਨ੍ਤਿ, ਸਙ੍ਘਾਟਿ ਅਪਿ, ਜੀਵਿਤਹੇਤੁ ਅਪਿ, ਵਿਜ੍ਜੁ ਇਵ, ਕਿਂਸੁ ਇਧ ਵਿਤ੍ਤਂ, ਸਾਧੁ ਇਤਿ, ਤੇ ਅਸ੍ਸ ਪਹੀਨਾ, ਸੋ ਅਸ੍ਸ, ਮਧੁਵਾ ਮਞ੍ਞਤਿ ਬਾਲੋ, ਏਵਂ ਗਾਮੇ ਮੁਨਿ ਚਰੇ, ਖਨ੍ਤਿ ਪਰਮਂ ਤਪੋ ਤਿਤਿਕ੍ਖਾ, ਨ ਮਂਕੁ ਭਵਿਸ੍ਸਾਮਿ, ਸੁ ਅਕ੍ਖਾਤੋ, ਯੋ ਅਹਂ, ਸੋ ਅਹਂ, ਕਾਮਤੋ ਜਾਯਤਿ ਸੋਕੋ, ਕਾਮਤੋ ਜਾਯਤਿ ਭਯਂ, ਸਕ੍ਕੋ ਉਜੁ ਚ ਸੁਹੁਜੁਚ, ਅਨੁਪਘਾਤੋ, ਦੁਰਕ੍ਖਂ, ਦੁਰਮਂ, ਦੁਭਰਤਾ. ਯਿਟ੍ਠਂ ਵਾ ਹੁਤਂ ਵਾ ਲੋਕੇ, ਯਦਿ ਵਾ ਸਾਵਕੇ, ਪੁਗ੍ਗਲਾ ਧਮ੍ਮਦਸਾ ਤੇ, ਭੋਵਾਦੀ ਨਾਮ ਸੋ ਹੋਤਿ, ਯਥਾਭਾਵੀ ਗੁਣੇਨ ਸੋ, ਯਥਾ ਇਦਂ, ਸਮ੍ਮਾ ਦਕ੍ਖਾਤੋ, ਪਰਾ ਕਮੋ, ਤਣ੍ਹਾ ਕ੍ਖਯੋ, ਝਾਨਸ੍ਸ ਲਾਭੀ ਅਮ੍ਹਿ, ਥੁਲ੍ਲਚ੍ਚਯੋ ਇਤੀ+ਧ –

ਰਸ੍ਸ+ਦੀਘਾਨਂ ¶ ਕ੍ਵਚਿ ਦੀਘ+ਰਸ੍ਸਾ ਹੋਨ੍ਤਿ ਬ੍ਯਞ੍ਜਨੇ. ਤਤ੍ਰਾਭਿਰਤਿ, ਤਤ੍ਰਾਯਂ, ਬੁਦ੍ਧਾਨੁਸ੍ਸਤਿ, ਸਾਤ੍ਥਿਕਾ, ਸਞ੍ਞਾਵਾ+ਸ੍ਸ, ਤਦਾਹਂ, ਯਾਨੀ+ਧ ਭੂਤਾਨਿ, ਗਚ੍ਛਾਮੀਤਿ, ਅਤੀਤੋ, ਕਿਕੀਵ, ਬਹੂਪਕਾਰਂ, ਮਧੂਦਕਂ, ਸੂਪਧਾਰਿਤਂ, ਸੋਪਾਯਂ, ਇਦਾਨਾਹਂ, ਸਚਾਯਂ, ਅਪ੍ਪਸ੍ਸੁਤਾਯਂ, ਇਤਰੀਤਰੇਨ, ਸਦ੍ਧੀਧ ਵਿਤ੍ਤਂ, ਕਮ੍ਮੂਪਨਿਸ੍ਸਯੋ, ਤਥੂਪਮਂ, ਰਤ੍ਤੂਪਰਤੋ, ਵੂਪਸਮੋ, ਲੋਕਸ੍ਸਾਤਿ, ਦੇਵਾਤਿ, ਵੀਤਿਪਤਨ੍ਤਿ, ਵੀਤਿਨਾਮੇਨ੍ਤਿ, ਸਙ੍ਘਾਟੀਪਿ, ਜੀਵਿਤਹੇਤੂਪਿ, ਵਿਜ੍ਜੂਵ, ਕਿਂਸੂਧ ਵਿਤ੍ਤਂ, ਸਾਧੂਤਿ, ਤ੍ਯਾਸ੍ਸ ਪਹੀਨਾ, ਸ੍ਵਾਸ੍ਸ, ਮਧੁਵਾ ਮਞ੍ਞਤੀ ਬਾਲੋ, ਏਵਂ ਗਾਮੇ ਮੁਨੀ ਚਰੇ, ਖਨ੍ਤੀ ਪਰਮਂ ਤਪੋ ਤਿਤਿਕ੍ਖਾ, ਨ ਮਂਕੂ ਭਵਿਸ੍ਸਾਮਿ, ਸ੍ਵਾਕ੍ਖਾਤੋ, ਯ੍ਵਾਹਂ, ਸ੍ਵਾਹਂ, ਕਾਮਤੋ ਜਾਯਤੀ ਸੋਕੋ, ਕਾਮਤੋ ਜਾਯਤੀ ਭਯਂ, ਸਕ੍ਕੋ ਉਜੂ ਚ ਸੁਹੁਜੂ ਚ, ਅਨੂਪਘਾਤੋ, ਦੂਰਕ੍ਖਂ, ਦੂਰਮਂ, ਦੂਭਰਤਾ. ਯਿਟ੍ਠਂਵ ਹੁਤਂਵ ਲੋਕੇ, ਯਦਿਵ ਸਾਵਕੇ, ਪੁਗ੍ਗਲ ਧਮ੍ਮਦਸਾ ਤੇ, ਭੋਵਾਦਿ ਨਾਮ ਸੋ ਹੋਤਿ, ਯਥਾਭਾਵਿ ਗੁਣੇਨ ਸੋ, ਯਥਯਿਦਂ, ਸਮ੍ਮਦਕ੍ਖਾਤੋ, ਪਰਕ੍ਕਮੋ, ਤਣ੍ਹਕ੍ਖਯੋ, ਝਾਨਸ੍ਸ ਲਾਭਿਮ੍ਹਿ, ਵਸਿਮ੍ਹਿ, ਥੁਲ੍ਲਚ੍ਚਯੋ. ਕ੍ਵਚੀਤਿ ਕਿਂ, ਤ੍ਯਜ੍ਜ, ਸ੍ਵਸ੍ਸ, ਪਤਿਲਿਯਤੀਤਿ ਦੀਘਨਿਸੇਧੋ, ਮਾਯਿਦਂ, ਮਨਸਾਦਞ੍ਞਾ ਵਿਮੁਤ੍ਤਾਨਂ, ਯਥਾਕ੍ਕਮਂ, ਆਰਕ੍ਖਾਤੀਤਂ, ਦੀਯਤਿ, ਸੂਯਤੀਤਿ ਰਸ੍ਸਕਾਰਿਯਨਿਸੇਧੋ. ਕਥਂ ਯਾਨਿਵ ਅਨ੍ਤਲਿਕ੍ਖੇਤਿ, ‘‘ਦੀਘਰਸ੍ਸਾ’’ਤਿ ਯੋਗਵਿਭਾਗਾ. (ਦੀਘ+ਰਸ੍ਸਸਨ੍ਧਿ).

ਸਰਮ੍ਹਾ ਪਰਸ੍ਸ ਬ੍ਯਞ੍ਜਨਸ੍ਸ ਕ੍ਵਚਿ ਦ੍ਵੇ ਰੂਪਾਨਿ ਹੋਨ੍ਤਿ. ਏਤ੍ਥ ਚ ਆਵੁਤ੍ਤਿਦ੍ਵਿਵਚਨਂ ਠਾਨੇਦ੍ਵਿਵਚਨਨ੍ਤਿ ਦ੍ਵੀਸੁ ਠਾਨੇਦ੍ਵਿਵਚਨਂ ਵੇਦਿਤਬ੍ਬਂ.

ਤਾਨਿ ¶ ਚ ਪ+ਪਤਿ+ਪਟਿ+ਕਮ+ਕੁਸ+ਕੁਧ+ਕੀ+ਗਹ+ਜੁਤ+ਞਾ+ਸਿ+ ਸੁ+ਸੂ+ਸਮ੍ਭੂ+ਸਰ+ਸਸਾਦੀਨਮਾਦਿਬ੍ਯਞ੍ਜਨਾਨਞ੍ਚ ਹੋਤਿ. ਇਧ ਪਮਾਦੋ=ਇਧਪ੍ਪਮਾਦੋ, ਏਵਂ ਅਪ੍ਪਮਾਦੋ, ਵਿਪ੍ਪਯੁਤ੍ਤੋ, ਸੁਪ੍ਪਸਨ੍ਨੋ, ਸਮ੍ਮਾ ਪਧਾਨਂ=ਸਮ੍ਮਪ੍ਪਧਾਨਂ ਰਸ੍ਸਤ੍ਤਂ. ਅਪ੍ਪਤਿਵਤ੍ਤਿਯੋ, ਅਧਿਪ੍ਪਤਿਪਚ੍ਚਯੋ, ਸੁਪ੍ਪਤਿਟ੍ਠਿਤੋ,. ਅਪ੍ਪਟਿਪੁਗ੍ਗਲੋ, ਵਿਪ੍ਪਟਿਸਾਰੋ, ਸੁਪ੍ਪਟਿਪਤ੍ਤਿ. ਪਕ੍ਕਮੋ, ਪਟਿਕ੍ਕਮੋ, ਹੇਤੁਕ੍ਕਮੋ, ਆਕਮਤਿ=ਅਕ੍ਕਮਤਿ, ਏਵਂ ਪਕ੍ਕਮਤਿ, ਯਥਾਕ੍ਕਮਂ. ਅਕ੍ਕੋਸਤਿ, ਪਟਿਕ੍ਕੋਸਤਿ, ਅਨੁਕ੍ਕੋਸਤਿ, ਆਕੋਸਤਿ=ਅਕ੍ਕੋਸਤਿ. ਅਕ੍ਕੁਦ੍ਧੋ, ਅਭਿਕ੍ਕੁਦ੍ਧੋ. ਧਨਕ੍ਕੀਤੋ, ਵਿਕ੍ਕਯੋ, ਅਨੁਕ੍ਕਯੋ. ਪਗ੍ਗਹੋ, ਵਿਗ੍ਗਹੋ, ਅਨੁਗ੍ਗਹੋ, ਚਨ੍ਦਗ੍ਗਾਹੋ, ਦਿਟ੍ਠਿਗ੍ਗਾਹੋ. ਪਜ੍ਜੋਤੋ, ਵਿਜ੍ਜੋਤੋ, ਉਜ੍ਜੋਤੋ. ਕਤਞ੍ਞੂ, ਵਿਞ੍ਞੂ, ਪਞ੍ਞਾਣਂ, ਵਿਞ੍ਞਾਣਂ, ਅਨਞ੍ਞਾਣਂ. ਅਵਸ੍ਸਯੋ, ਨਿਸ੍ਸਯੋ, ਸਮੁਸ੍ਸਯੋ. ਅਪ੍ਪਸ੍ਸੁਤੋ, ਵਿਸ੍ਸੁਤੋ, ਬਹੁਸ੍ਸੁਤੋ. ਆਸਵਾ=ਅਸ੍ਸਵਾ. ਪਸ੍ਸਮ੍ਭੇਨ੍ਤੋ, ਵਿਸ੍ਸਮ੍ਭੇਨ੍ਤੋ. ਅਟ੍ਟਸ੍ਸਰੋ, ਵਿਸ੍ਸਰਤਿ, ਅਨੁਸ੍ਸਰਤਿ, ਅਨੁਸ੍ਸਤਿ. ਪਸ੍ਸਸਨ੍ਤੋ, ਵਿਸ੍ਸਸਨ੍ਤੋ, ਮੁਹੁਸ੍ਸਸਨ੍ਤੋ, ਆਸਾਸੋ=ਅਸ੍ਸਾਸੋ. ਆਦਿਸਦ੍ਦੇਨ ਅਵਿਸ੍ਸਜੇਨ੍ਤੋ, ਵਿਸ੍ਸਜੇਨ੍ਤੋ, ਅਭਿਕ੍ਕਨ੍ਤਤਰੋ, ਪਰਿਚ੍ਚਜੇਨ੍ਤੋ, ਉਪਦ੍ਦਵੋ, ਉਪਕ੍ਕਿਲੇਸੋ, ਮਿਤ੍ਤਦ੍ਦੁਨੋ, ਆਯਬ੍ਯਯੋ, ਅਬ੍ਬਹਿ ਇਚ੍ਚਾਦਿ.

ਤਿਕ+ਤਯ+ਤਿਂਸ+ਵਤਾਦੀਨ+ਮਾਦਿਬ੍ਯਞ੍ਜਨਸ੍ਸ ਚ. ਕੁਸਲਤ੍ਤਿਕਂ, ਪੀਤਿਤ੍ਤਿਕਂ, ਹੇਤੁਤ੍ਤਿਕਂ. ਲੋਕਤ੍ਤਯਂ, ਬੋਧਿਤ੍ਤਯਂ, ਵਤ੍ਥੁਤ੍ਤਯਂ. ਏਕਤ੍ਤਿਂਸ, ਦ੍ਵਤ੍ਤਿਂਸ, ਤੇਤ੍ਤਿਂਸ, ਚਤੁਤ੍ਤਿਂਸ. ਸੀਲਬ੍ਬਤਂ, ਸੁਬ੍ਬਤੋ. ਸਪ੍ਪੀਤਿਕੋ, ਸਮਨ੍ਨਾਗਤੋ, ਪੁਨਪ੍ਪੁਨਂ ਇਚ੍ਚਾਦਿ.

ਵਤੁ+ਵਟ+ਦਿਸਾਨ+ਮਨ੍ਤੇ, ਯਥਾ ਵਤ੍ਤਤਿ, ਵਟ੍ਟਤਿ, ਦਸ੍ਸਨਂ, ਫਸ੍ਸੋ ਇਚ੍ਚਾਦਿ.

ਉ+ਦੁ+ਨਿਉਪਸਗ੍ਗ+ਤ+ਚਤੁ+ਛ+ਸਨ੍ਤਸਦ੍ਦਾਦੇਸਾਦੀਹਿ ¶ ਪਰੇਸਞ੍ਚ. ਉਕਂਸੋ=ਉਕ੍ਕਂਸੋ, ਏਵਂ ਦੁਕ੍ਕਰਂ, ਨਿਕ੍ਕਙ੍ਖੋ, ਉਗ੍ਗਤਂ, ਦੁਚ੍ਚਰਿਤਂ, ਨਿਜ੍ਜਟਂ, ਉਜ੍ਜਹਂ, ਉਚ੍ਚਙ੍ਗਂ, ਉਨ੍ਨਮਤਿ, ਦੁਕ੍ਕਰੋ, ਨਿਦ੍ਦਰੋ, ਉਨ੍ਨਤੋ, ਦੁਪ੍ਪਞ੍ਞੋ, ਨਿਮ੍ਮਲੋ, ਉਯ੍ਯੁਤ੍ਤੋ, ਦੁਲ੍ਲਭੋ, ਨਿਬ੍ਬਤ੍ਤੋ, ਉਸ੍ਸਾਹੋ, ਨਿਸ੍ਸਾਰੋ. ਤਕ੍ਕਰੋ, ਤਜ੍ਜੋ, ਤਨ੍ਨਿਨ੍ਨੋ, ਤਪ੍ਪਭਵੋ, ਤਮ੍ਮਯੋ, ਚਤੁਕ੍ਕਂ, ਚਤੁਦ੍ਦਿਸਂ, ਚਤੁਪ੍ਪਦੋ, ਚਤੁਬ੍ਬਿਧਂ, ਚਤੁਸ੍ਸਾਲਂ, ਛਕ੍ਕਂ, ਛਨ੍ਨਵੁਤਿ, ਛਪ੍ਪਦਿਕੋ, ਛਬ੍ਬਸ੍ਸਾਨਿ. ਸਕ੍ਕਾਰੋ, ਸਗ੍ਗੁਣੋ, ਸਨ੍ਦਿਟ੍ਠਿ, ਸਪ੍ਪੁਰਿਸੋ, ਮਹਬ੍ਬਲੋ.

ਅਪਦਨ੍ਤਆਕਾਰਵਜ੍ਜਿਤਦੀਘਤੋ ਯਕਾਰਸ੍ਸ ਚ, ਨਿਯ੍ਯਾਤਿ, ਸੁਯ੍ਯਤਿ, ਅਭਿਭੁਯ੍ਯ, ਵਿਚੇਯ੍ਯ, ਵਿਨੇਯ੍ਯ, ਧੇਯ੍ਯਂ, ਨੇਯ੍ਯਂ, ਸੇਯ੍ਯੋ, ਜੇਯ੍ਯੋ, ਵੇਯ੍ਯਾਕਰਣੋ. ਆਕਾਰਵਜ੍ਜਿਤਨ੍ਤਿ ਕਿਂ, ਮਾਲਾਯ, ਦੋਲਾਯ, ਸਮਾਦਾਯ.

ਛਨ੍ਦਾਨੁਰਕ੍ਖਣੇ-ਨਪ੍ਪਜਹੇ ਵਣ੍ਣਬਲਂ ਪੁਰਾਣਂ, ਉਜ੍ਜੁਗਤੇਸੁ ਸੇਯ੍ਯੋ, ਗਚ੍ਛਨ੍ਤਿ ਸੁਗ੍ਗਤਿਂ. ਸਰਮ੍ਹਾਤਿ ਕਿਂ, ਞਾਯੋ, ਤਂਖਣਂ. ਕ੍ਵਚਿਤ੍ਵੇਵ, ਨਿਕਾਯੋ, ਨਿਦਾਨਂ, ਨਿਵਾਸੋ, ਤਤੋ, ਛਸਟ੍ਠਿ, ਉਪਨੀਯਤਿ, ਸੂਯਤਿ.

੩੫. ਚਤੁਤ੍ਥਦੁਤਿਯੇਸ੍ਵੇ+ਸਂ ਤਤਿਯਪਠਮਾ

ਚਤੁਤ੍ਥਦੁਤਿਯੇਸੁ ਪਰੇਸ੍ਵੇ+ਸਂ ਚਤੁਤ੍ਥਦੁਤਿਯਾਨਂ ਤਬ੍ਬਗ੍ਗੇ ਤਤਿਯਪਠਮਾ ਹੋਨ੍ਤਿ ਪਚ੍ਚਾਸਤ੍ਯਾ. ਵਗ੍ਗੇ ਘ+ਝ+ਢ+ਧ+ਭਾ ਚਤੁਤ੍ਥਾ, ਖ+ਛ+ਠ+ਥ+ਫਾ ਦੁਤਿਯਾ, ਗ+ਜ+ਡ+ਦ+ਬਾ ਤਤਿਯਾ, ਕ+ਚ+ਟ+ਤ+ਪਾ ਪਠਮਾ. ਪ+ਉ+ਦੁ-ਨਿਆਦੀਹਿ ਪਰੇਸਂ ਘਾਦੀਨਂ ਦ੍ਵਿਭਾਵੇ ਤਤਿਯਪਠਮਾ ਹੋਨ੍ਤਿ. ਪਗਰਤਿ=ਪਗ੍ਘਰਤਿ, ਏਵਂ ਉਗ੍ਘਰਤਿ, ਨਿਗ੍ਘੋਸੋ, ਉਗ੍ਘਾਟੇਤਿ. ਏਸੋਵ ਤਜ੍ਝਾਨਫਲੋ, ਪਠਮਜ੍ਝਾਨਂ, ਅਭਿਜ੍ਝਾ-ਯਤਿ ¶ , ਉਜ੍ਝਾਯਤਿ. ਦਡ੍ਢੋ, ਬੁਡ੍ਢੋ. ਵਿਦ੍ਧਂਸੇਤਿ, ਉਦ੍ਧਂਸਿਤੋ, ਉਦ੍ਧਾਰੋ, ਨਿਦ੍ਧਨੋ, ਨਿਦ੍ਧੁਤੋ. ਵਿਬ੍ਭਨ੍ਤੋ, ਉਬ੍ਭਨ੍ਤੋ, ਸਮੁਬ੍ਭਨ੍ਤੋ, ਦੁਬ੍ਭਿਕ੍ਖਂ, ਨਿਬ੍ਭਯਂ, ਤਬ੍ਭਾਵੋ, ਚਤੁਬ੍ਭਿ. ਸਦ੍ਧਾ, ਸਦ੍ਧਮ੍ਮੋ. ਮਹਬ੍ਭਯਂ.

ਰਸ੍ਸਸਰੇਹਿ ਪਰੇਸਂ ਵਗ੍ਗਦੁਤਿਯਾਨਂ ਦ੍ਵਿਭਾਵੋ ਚੇ, ਪਠਮਾ. ਪਞ੍ਚਕ੍ਖਨ੍ਧਾ, ਏਵਂ ਰੂਪਕ੍ਖਨ੍ਧੋ, ਅਕ੍ਖਮੋ, ਅਭਿਕ੍ਖਣਂ, ਅਵਿਕ੍ਖੇਪੋ, ਜਾਤਿਕ੍ਖੇਤ੍ਤਂ, ਧਾਤੁਕ੍ਖੋਭੋ, ਆਯੁਕ੍ਖਯੋ. ਸੇਤਚ੍ਛਤ੍ਤਂ, ਏਵਂ ਸਬ੍ਬਚ੍ਛਨ੍ਨਂ, ਵਿਚ੍ਛਨ੍ਨਂ, ਬੋਧਿਚ੍ਛਾਯਾ, ਜਮ੍ਬੁਚ੍ਛਾਯਾ, ਸਮੁਚ੍ਛੇਦੋ. ਤਤ੍ਰ ਠਿਤੋ=ਤਤ੍ਰਟ੍ਠਿਤੋ, ਏਵਂ ਥਲਟ੍ਠਂ, ਜਲਟ੍ਠਂ, ਅਟ੍ਠਿਤਂ, ਨਿਟ੍ਠਿਤਂ, ਚਤ੍ਤਾਰਿਟ੍ਠਾਨਾਨਿ, ਗਰੁਟ੍ਠਾਨਿਯੋ, ਸਮੁਟ੍ਠਿਤੋ. ਸਬ੍ਬਤ੍ਥਾਮੇਨ, ਯਸਤ੍ਥੇਰੋ, ਪਤ੍ਥਰਤਿ, ਵਿਤ੍ਥਾਰੋ, ਅਭਿਤ੍ਥੁਤੋ, ਵਿਤ੍ਥਮ੍ਭਿਤੋ, ਅਨੁਤ੍ਥੁਨਂ. ਪਪ੍ਫੋਟੇਤਿ, ਮਹਪ੍ਫਲਂ, ਅਨਿਪ੍ਫਲਂ, ਵਿਪ੍ਫਾਰੋ, ਪਰਿਪ੍ਫੁਟੇਯ੍ਯ, ਮਧੁਪ੍ਫਾਣਿਤਂ. ਆਕਾਰਤੋ, ਆਖਾਤੋ=ਅਕ੍ਖਾਤੋ, ਏਵਂ ਤਣ੍ਹਾਕ੍ਖਯੋ, ਆਣਾਕ੍ਖੇਤ੍ਤਂ, ਸਞ੍ਞਾਕ੍ਖਨ੍ਧੋ. ਆਛਾਦਯਿ=ਅਚ੍ਛਾਦਯਿ, ਏਵਂ ਅਚ੍ਛਿਨ੍ਦਤਿ, ਨਾਵਟ੍ਠਂ, ਅਤ੍ਥਰਤਿ, ਅਪ੍ਫੋਟੇਤਿ. ਕ੍ਵਚਿ ਤ੍ਵੇਵ, ਪੁਵਖਜ੍ਜਕਂ, ਤਸ੍ਸ ਛਵਿਆਦੀਨਿ ਛਿਨ੍ਦਿਤ੍ਵਾ, ਯਥਾਠਿਤਂ, ਕਮ੍ਮਫਲਂ, ਸੀਲਂ ਤਸ੍ਸ ਝਾਯਿਨੋ, ਯੇ ਝਾਨਪ੍ਪਸੁਤਾ ਧੀਰਾ, ਨਿਧਨਂ, ਮਹਾਧਨਂ. (ਦ੍ਵਿਭਾਵਸਨ੍ਧਿ).

ਅਕਰਮ੍ਹ ਸੇ ਤੇ, ਸੋ ਖੋ ਬ੍ਯਨ੍ਤਿ ਕਾਹਿਤਿ, ਸੋ ਗਚ੍ਛਂ ਨ ਨਿਵਤ੍ਤਤਿ, ਏਸੋ ਅਤ੍ਥੋ, ਏਸੋ ਆਭੋਗੋ, ਏਸੋ ਇਦਾਨਿ ਇਤੀ+ਧ ‘‘ਵੇ’’ਤਿ ਵਤ੍ਤਤੇ.

ਏਓਨਂ ਵਣ੍ਣੇ ਕ੍ਵਚਿ ਅ ਹੋਤਿ ਵਾ. ਅਕਰਮ੍ਹ ਸ ਤੇ, ਅਕਰਮ੍ਹ ਸੇ ਤੇ, ਏਵਂ ਸ ਖੋ ਬ੍ਯਨ੍ਤਿ ਕਾਹਿਤਿ, ਸ ਗਚ੍ਛਂ ਨ ਨਿਵਤ੍ਤਤਿ, ਏਸ ਅਤ੍ਥੋ ¶ , ਏਸ ਆਭੋਗੋ, ਏਸ ਇਦਾਨਿ. ਵਣ੍ਣੇਤਿ ਕਿਂ, ਅਮੋਘਵਚਨੋ ਚ ਸੋ, ਗਨ੍ਧਬ੍ਬਾਨਂ ਅਧਿਪਤਿ, ਮਹਾਰਾਜਾ ਯਸਸ੍ਸਿ ਸੋਤਿ. ‘‘ਨ ਸਨ੍ਧਿਸਮਾਸਾ ਵਦ੍ਧਸ੍ਸਾ’’ਤਿ ਵੁਤ੍ਤਤ੍ਤਾ ਗਾਥਾਮਜ੍ਝੇ ਸਨ੍ਧਿ ਨ ਹੋਤੀਤਿ ‘‘ਤਿਵਿਧਸ੍ਸਾ’’ਤਿ ਵੁਤ੍ਤਤਿਮ੍ਹਿ ਪਰੇਪਿ ਵਣ੍ਣੋ ਪਰੋ ਨਾਮ ਨ ਇਤਿ. (ਸਰਬ੍ਯਞ੍ਜਨਸਨ੍ਧਿ).

ਅਤ ਯਨ੍ਤਂ, ਤਥ ਯਂ, ਮਦ ਯਂ, ਬੁਧ ਯਤਿ, ਧਨ ਯਂ, ਸੇਵ ਯੋ, ਪਰ ਯੇਸਨਾ, ਪੋਕ੍ਖਰਣ ਯੋ ਇਤੀ+ਧ –

ਤਵਗ੍ਗਵਰਣਾਨਂ ਚਵਗ੍ਗਬਯਞਾ ਹੋਨ੍ਤਿ ਯਥਾਕ੍ਕਮਂ ਯਕਾਰੇ. ‘‘ਵਗ੍ਗਲਸੇਹਿ ਤੇ’’ਤਿ ਪੁਬ੍ਬਰੂਪਂ. ਅਚ੍ਚਨ੍ਤਂ, ਤਚ੍ਛਂ, ਮਜ੍ਜਂ, ਬੁਜ੍ਝਤਿ, ਧਞ੍ਞਂ, ਸੇਬ੍ਬੋ, ਪਯ੍ਯੇਸਨਾ, ਪੋਕ੍ਖਰਞ੍ਞੋ. ਅਪੁਚ੍ਚਣ੍ਡਕਾਯਂ, ਜਚ੍ਚਨ੍ਧੋ, ਯਜ੍ਜੇਵਂ, ਅਜ੍ਝਗਮਾ, ਅਜ੍ਝਤ੍ਤਂ, ਅਜ੍ਝੁਪਗਤੋ, ਅਜ੍ਝੋਗਾਹੇਤ੍ਵਾ, ਦਿਬ੍ਬਂ. ਕ੍ਵਚਿਤ੍ਵੇਵ, ਰਤ੍ਯਾ.

ਸਕ ਯਤੇ, ਰੁਚ ਯਤੇ, ਪਚ ਯਤੇ, ਅਟ ਯਤੇ, ਲੁਪ ਯਤੇ, ਕੁਪ ਯਤੇ, ਸਲ ਯਤੇ, ਫਲ ਯਤੇ, ਦਿਸ ਯਤੇ, ਅਸ ਯਤੇ ਇਤੀ+ਧ ‘‘ਯੇ’’ਤਿ ਵਤ੍ਤਤੇ ਵਕ੍ਖਮਾਨੇਸੁ ਦ੍ਵੀਸੁ.

ਵਗ੍ਗਲਸੇਹਿ ਪਰਸ੍ਸ ਯਕਾਰਸ੍ਸ ਕ੍ਵਚਿ ਤੇ ਵਗ੍ਗਲਸਾ ਹੋਨ੍ਤਿ. ਸਕ੍ਕਤੇ, ਰੁਚ੍ਚਤੇ, ਪਚ੍ਚਤੇ, ਅਟ੍ਟਤੇ, ਲੁਪ੍ਪਤੇ, ਕੁਪ੍ਪਤੇ, ਸਲ੍ਲਤੇ, ਫਲ੍ਲਤੇ, ਦਿਸ੍ਸਤੇ, ਅਸ੍ਸਤੇ. ਕ੍ਵਚਿਤ੍ਵੇਵ, ਕ੍ਯਾਹਂ.

ਹਸ੍ਸ ¶ ਵਿਪਲ੍ਲਾਸੋ ਹੋਤਿ ਯਕਾਰੇ. ਮੁਯ੍ਹਤਿ, ਗੁਯ੍ਹਤਿ.

ਬਹੁ ਆਬਾਧੋ ਇਤੀ+ਧ ਉਸ੍ਸਵਕਾਰੇ ‘‘ਹਸ੍ਸ ਵਿਪਲ੍ਲਾਸੋ’’ਤਿ ਵਤ੍ਤਤੇ.

ਹਸ੍ਸ ਵਿਪਲ੍ਲਾਸੋ ਹੋਤਿ ਵਾ ਵਕਾਰੇ. ਬਵ੍ਹਾਬਾਧੋ. ਵਾਤ੍ਵੇਵ, ਬਹ੍ਵਾਬਾਧੋ.

ਤਥਨਰਾਨਂ ਟਠਣਲਾ ਹੋਨ੍ਤਿ ਵਾ ਯਥਾਕ੍ਕਮਂ. ਦੁਕ੍ਕਤਂ=ਦੁਕ੍ਕਟਂ, ਏਵਂ ਸੁਕਟਂ, ਪਤ੍ਥਟੋ, ਪਤਟੋ, ਉਦ੍ਧਟੋ, ਵਿਸਟੋ. ਅਟ੍ਠਕਥਾ. ਪਣਿਧਾਨਂ, ਪਣਿਪਾਤੋ, ਪਣਾਮੋ, ਪਣੀਤਂ, ਪਰਿਣਤੋ, ਪਰਿਣਾਮੋ, ਦੁਣ੍ਣਯੋ, ਨਿਣ੍ਣਯੋ, ਓਣਤੋ. ਪਰਿਪਨ੍ਨੋ=ਪਲਿਪਨ੍ਨੋ, ਏਵਂ ਪਲਿਬੋਧੋ, ਪਲ੍ਲਙ੍ਕਂ, ਤਲੁਨੋ, ਮਹਾਸਾਲੋ, ਮਾਲੁਤੋ, ਸੁਖੁਮਾਲੋ. (ਬ੍ਯਞ੍ਜਨਸਨ੍ਧਿ).

ਚਕ੍ਖੁ ਉਦਪਾਦਿ, ਅਕ੍ਖਿ ਰੁਜਤਿ, ਪੁਰਿਮ ਜਾਤਿ, ਅਣੁ ਥੂਲਾਨਿ, ਕਤ੍ਤਬ੍ਬ ਕੁਸਲਂ ਬਹੁਂ, ਤ ਸਮ੍ਪਯੁਤ੍ਤਾ, ਤਤ ਸਭਾਵਤੋ ਇਤੀ+ਧ ‘‘ਵੇ’’ਤਿ ਵਤ੍ਤਤੇ ਯਾਵ ‘‘ਮਯਦਾ ਸਰੇ’’ਤਿ.

ਨਿਗ੍ਗਹੀਤਾਗਮੋ ਹੋਤਿ ਵਾ ਕ੍ਵਚਿ. ਸਾਮਤ੍ਥਿਯੇਨਾ+ਗਮੋਵ, ਸ ਚ ਰਸ੍ਸਸਰਸ੍ਸੇਵ ਹੋਤਿ… ਤਸ੍ਸ ਰਸ੍ਸਸਰਾਨੁਗਤਤ੍ਤਾ. ਠਾਨੀਨ+ਮਾਲਿਙ੍ਘਿਯ ਗਚ੍ਛਤਿ ਪਵਤ੍ਤਤੀਤਿ ਆਗਮੋ. ਚਕ੍ਖੁਂ ਉਦਪਾਦਿ, ਅਕ੍ਖਿਂ ¶ ਰੁਜਤਿ, ਪੁਰਿਮਂ ਜਾਤਿ, ਅਣੁਂ ਥੂਲਾਨਿ, ਕਤ੍ਤਬ੍ਬਂ ਕੁਸਲਂ ਬਹੁਂ, ਤਂਸਮ੍ਪਯੁਤ੍ਤਾ, ਤਂਤਂਸਭਾਵਤੋ. ਵਾਗ੍ਗਹਣੇਨ ਚਕ੍ਖੁ ਉਦਪਾਦਿ ਇਚ੍ਚਾਦਿ. ਅਵਂਸਿਰੋ, ਯਾਵਞ੍ਚਿਦਂਤਿਆਦਿ ਨਿਚ੍ਚਂ… ਵਵਤ੍ਥਿਤਵਿਭਾਸਤ੍ਤਾ ਵਾਧਿਕਾਰਸ੍ਸ, ਵਵਤ੍ਥਿਤਸ੍ਸ ਲਕ੍ਖਣਸ੍ਸਾ+ਨੁਰੋਧੇਨ ਲਕ੍ਖਣੇ ਪਵਤ੍ਤਿਤਾ ਵਿਭਾਸਾ ਵਵਤ੍ਥਿਤਵਿਭਾਸਾ. ਵਾਸਦ੍ਦੋ ਹਿ ਅਤ੍ਥਦ੍ਵਯੇ ਵਤ੍ਤਤੇ ਕਤ੍ਥਚਿ ਵਿਕਪ੍ਪੇ, ਕਤ੍ਥਚਿ ਯਥਾਵਵਤ੍ਥਿਤਰੂਪਪਰਿਗ੍ਗਹੇਤਿ. ਯਦਾ ਪਚ੍ਛਿਮੇ, ਤਦਾ ਨਿਚ੍ਚ+ਮਨਿਚ੍ਚ+ਮਸਨ੍ਤਞ੍ਚ ਵਿਧਿਂ ਦੀਪੇਤਿ. ਏਤ੍ਥ ਪਨ ਕ੍ਵਚਿਸਦ੍ਦਸ੍ਸਾ+ਨੁਵਤ੍ਤਨਾ ਤੇਨੇਵਾ+ਸਨ੍ਤਵਿਧਿ ਸਿਦ੍ਧੋਤਿ ਵਾਸਦ੍ਦੇਨਿ+ਤਰਦ੍ਵਯਂ. ਕ੍ਵਚਿ ਤ੍ਵੇਵ, ਨ ਹਿ ਏਤੇਹਿ, ਇਧ ਚੇਵ.

ਸਂ ਰਮ੍ਭੋ, ਸਂ ਰਤ੍ਤੋ, ਸਂ ਰਾਗੋ, ਤਾਸਂ ਅਹਂ ਸਨ੍ਤਿਕੇ, ਏਵਂ ਅਯਂ, ਪੁਂ ਲਿਙ੍ਗਂ, ਕਿਂ ਅਹਂ, ਤਸ੍ਸ ਅਦਾਸਿਂ ਅਹਂ ਇਤੀ+ਧ ‘‘ਨਿਗ੍ਗਹੀਤਾ’’ਧਿਕਾਰੋ ਆ ‘‘ਮਯਦਾ ਸਰੇ’’ਤਿ.

ਨਿਗ੍ਗਹੀਤਸ੍ਸ ਲੋਪੋ ਹੋਤਿ ਵਾ ਕ੍ਵਚਿ. ਦੀਘੇ ਸਾਰਮ੍ਭੋ ਸਂਰਮ੍ਭੋ, ਸਾਰਤ੍ਤੋ ਸਂਰਤ੍ਤੋ, ਸਾਰਾਗੋ ਸਂਰਾਗੋ, ਪੁਬ੍ਬਸ੍ਸਰਲੋਪੇ ਤਾਸਾਹਂ ਸਨ੍ਤਿਕੇ, ਏਵਾਯਂ, ਦ੍ਵਿਤ੍ਤੇ ਪੁਲ੍ਲਿਙ੍ਗਂ ਪੁਂਲਿਙ੍ਗਂ, ਕ੍ਯਾਹਂ, ਤਸ੍ਸ ਅਦਾਸਹਂ. ਪਟਿਸਲ੍ਲਾਨੋ, ਸਲ੍ਲੇਖੋ, ਪਾਤੁਕਾਮੋ, ਗਨ੍ਤੁਮਨੋ, ਅਰਿਯਸਚ੍ਚਾਨ ਦਸ੍ਸਨਂ, ਏਤਂ ਬੁਦ੍ਧਾਨ ਸਾਸਨਂ, ਅਵਿਸਾਹਾਰੋ, ਚਿਰਪ੍ਪਵਾਸਿਨ੍ਤਿਆਦੀਸੁ ਨਿਚ੍ਚਂ. ਕ੍ਵਚੀਤਿ ਕਿਂ, ਏਵ+ਮਯਂ, ਕਿ+ਮਹਂ, ਏਤਂ ਮਙ੍ਗਲ+ਮੁਤ੍ਤਮਂ.

ਕਤਂ ਇਤਿ, ਅਭਿਨਨ੍ਦੁਂ ਇਤਿ, ਉਤ੍ਤਤ੍ਤਂ ਇਵ, ਚਕ੍ਕਂ ਇਵ, ਕਲਿਂਇਵ, ਹਲਂ ਇਦਾਨਿ, ਕਿਂ ਇਦਾਨਿ, ਤ੍ਵਂ ਅਸਿ, ਇਦਂ ਅਪਿ, ਉਤ੍ਤਰਿਂ ਅਪਿ, ਦਾਤੁਂ ਅਪਿ, ਸਦਿਸਂ ਏਵ ਇਤੀ+ਧ –

ਨਿਗ੍ਗਹੀਤਮ੍ਹਾ ¶ ਪਰਸਰਸ੍ਸ ਲੋਪੋ ਹੋਤਿ ਵਾ ਕ੍ਵਚਿ. ਕਤਨ੍ਤਿ, ਅਭਿਨਨ੍ਦੁਨ੍ਤਿ, ਉਤ੍ਤਤ੍ਤਂਵ, ਚਕ੍ਕਂਵ, ਕਲਿਂਵ, ਹਲਂਦਾਨਿ, ਕਿਂਦਾਨਿ, ਤ੍ਵਂਸਿ, ਇਦਮ੍ਪਿ, ਉਤ੍ਤਰਿਮ੍ਪਿ, ਦਾਤੁਮ੍ਪਿ, ਸਦਿਸਂਵ. ਵਾਤਿ ਕਿਂ, ਕਤਂਇਤਿ, ਕਿਮਿਤਿ, ਦਾਤੁਮਪਿ, ਸਦਿਸਂ ਏਵ.

ਪੁਪ੍ਫਂ ਅਸ੍ਸਾ ਉਪ੍ਪਜ੍ਜਤਿ, ਏਵਂ ਅਸ੍ਸ ਤੇ ਆਸਵਾ ਇਤੀ+ਧ ਪਰਸ੍ਸਰਲੋਪੇ –

ਅਬ੍ਯਵਹਿਤਾਨਂ ਦ੍ਵਿਨ੍ਨਂ ਬ੍ਯਞ੍ਜਨਾਨਂ ਏਕਤ੍ਰ ਠਿਤਿ ਸਂਯੋਗੋ, ਤਸ੍ਮਿਂ ਸਂਯੋਗੇ ਯੋ ਆਦਿਭੂਤਾਵਯਵੋ, ਤਸ੍ਸ ਵਾ ਕ੍ਵਚਿ ਲੋਪੋ ਹੋਤੀਤਿਆਦਿਬ੍ਯਞ੍ਜਨਸ੍ਸ ਲੋਪੋ. ਪੁਪ੍ਫਂਸਾ ਉਪ੍ਪਜ੍ਜਤਿ, ਏਵਂਸ ਤੇ ਆਸਵਾ. ਤਿਣ੍ਣਂ ਸਂਯੋਗਾਨਂ ਵਿਸਯੇ ਅਗ੍ਯਾਗਾਰਂ, ਵੁਤ੍ਯਸ੍ਸ ਇਤਿ ਹੋਤਿ.

ਤਂ ਕਰੋਤਿ, ਤਂ ਖਣਂ, ਸਂ ਗਤੋ, ਤਂ ਘਤਂ, ਧਮ੍ਮਂ ਚਰੇ, ਤਂ ਛਨ੍ਨਂ, ਤਂ ਜਾਤਂ, ਤਂ ਝਾਨਂ, ਤਂ ਞਾਣਂ, ਤਂ ਠਾਨਂ, ਤਂ ਡਹਤਿ, ਤਂ ਤਨੋਤਿ, ਤਂ ਥਿਰਂ, ਤਂ ਦਾਨਂ, ਤਂ ਧਨਂ, ਤਂ ਨਿਚ੍ਚੁਤਂ, ਤਂ ਪਤ੍ਤੋ, ਤਂ ਫਲਂ, ਤੇਸਂ ਬੋਧੋ, ਸਂ ਭੂਤੋ, ਤਂ ਮਿਤ੍ਤਂ, ਕਿਂ ਕਤੋ, ਦਾਤੁਂ ਗਤੋ ਇਤੀ+ਧ –

ਨਿਗ੍ਗਹੀਤਸ੍ਸ ਖੋ ਵਗ੍ਗੇ ਵਗ੍ਗਨ੍ਤੋ ਵਾ ਹੋਤੀਤਿ ਨਿਮਿਤ੍ਤਾਨੁਸ੍ਸਰਾਨਂ ਪਚ੍ਚਾਸਤ੍ਯਾ ਤਬ੍ਬਗ੍ਗਪਞ੍ਚਮੋ ਹੋਤਿ. ਪਚ੍ਚਾਸਤ੍ਤਿ ਨਾਮ ਠਾਨਤੋ ਆਸਨ੍ਨਤਾ ਗੁਣਤੋ ਵਾ, ਗੁਣਤੋਤਿ ਵਣ੍ਣਸਞ੍ਞਾਦਿਗੁਣਤੋ. ਨਿਗ੍ਗਹੀਤਸ੍ਸ ¶ ਅਨੁਸਰੀਯਤੀਤਿ ਪਚ੍ਛਾ ਕਤ੍ਵਾ ਸਰੀਯਤੀਤਿ ਅਨੁਸ੍ਸਰੋਤਿਪਿ ਵੁਚ੍ਚਤਿ. ਤਙ੍ਕਰੋਤਿ=ਤਂ ਕਰੋਤਿ, ਏਵਂ ਤਙ੍ਖਣਂ, ਸਙ੍ਗਤੋ, ਤਙ੍ਘਤਂ. ਧਮ੍ਮਞ੍ਚਰੇ, ਤਞ੍ਛਨ੍ਨਂ, ਤਞ੍ਜਾਤਂ, ਤਞ੍ਝਾਨਂ, ਤਞ੍ਞਾਣਂ. ਤਣ੍ਠਾਨਂ, ਤਣ੍ਡਹਤਿ. ਤਨ੍ਤਨੋਤਿ, ਤਨ੍ਥਿਰਂ, ਤਨ੍ਦਾਨਂ, ਤਨ੍ਧਨਂ, ਤਨ੍ਨਿਚ੍ਚੁਤਂ, ਤਮ੍ਪਤ੍ਤੋ, ਤਮ੍ਫਲਂ, ਤੇਸਮ੍ਮੋਧੋ, ਸਮ੍ਭੂਤੋ, ਤਮ੍ਮਿਤ੍ਤਂ. ਕਿਙ੍ਕਤੋ, ਦਾਤੁਙ੍ਗਤੋ, ਤਣ੍ਹਙ੍ਕਰੋ, ਰਣਞ੍ਜਹੋ, ਸਣ੍ਠਿਤੋ, ਜੁਤਿਨ੍ਧਰੋ, ਸਮ੍ਮਤੋਤਿਆਦੀਸੁ ਨਿਚ੍ਚਂ.

ਆਨਨ੍ਤਰਿਕਂ ਯ+ਮਾਹੁ, ਯਂ ਯਦੇਵ, ਪਚ੍ਚਤ੍ਤਂ ਏਵ, ਤਂ ਹਿਇਤੀ+ਧ –

ਯ+ਏਵ+ਹਿਸਦ੍ਦੇਸੁ ਨਿਗ੍ਗਹੀਤਸ੍ਸ ਵਾ ਞੋ ਹੋਤਿ. ‘‘ਵਗ੍ਗਲਸੇਹਿ ਤੇ’’ਤਿ ਯਸ੍ਸ ਞਕਾਰੋ. ਆਨਨ੍ਤਰਿਕਞ੍ਞ+ਮਾਹੁ=ਆਨਨ੍ਤਰਿਕਂ ਯ+ਮਾਹੁ, ਯਞ੍ਞਦੇਵ=ਯਂਯਦੇਵ, ਞਸ੍ਸ ਦ੍ਵਿਤ੍ਤੇ ਪਚ੍ਚਤ੍ਤਞ੍ਞੇਵ, ਪਚ੍ਚਤ੍ਤਂ ਏਵ, ਤਞ੍ਹਿ, ਤਞ੍ਹਿ. ‘‘ਅਬ੍ਯਭਿਚਾਰਿਨਾ ਬ੍ਯਭਿਚਾਰੀ ਨਿਯਮ੍ਯਤੇ’’ਤਿ ਞਾਯਾ ਏਵਸਦ੍ਦਸਹਚਰਿਯਾ ‘‘ਯ’’ ਇਤਿ ਸਬ੍ਬਾਦਿਯਸਦ੍ਦਸ੍ਸੇਵ ਗਹਣਂ.

ਸਂਯੋਗੋ, ਸਂਯੋਜਨਂ, ਸਂਯਤੋ, ਸਂਯਾਚਿਕਾਯ ਇਤੀ+ਧ –

ਸਂਸਦ੍ਦਸ੍ਸ ਯਂ ਨਿਗ੍ਗਹੀਤਂ, ਤਸ੍ਸ ਵਾ ਞੋ ਹੋਤਿ ਯਕਾਰੇ. ਸਞ੍ਞੋਗੋ=ਸਂਯੋਗੋ, ਏਵਂ ਸਂਯੋਜਨਂ, ਸਞ੍ਞਤੋ, ਸਞ੍ਞਾਚਿਕਾਯ. ਇਧ ਯਕਾਰਮਤ੍ਤੋਵ ਗਯ੍ਹਤੇ. ਸਂਸ੍ਸਾਤਿ ਕਿਂ, ਏਤਂ ਯੋਜਨਂ, ਤਂ ਯਾਨਂ, ਤਂ ਸਰਣਂ ਯਨ੍ਤਿ.

ਤਂ ¶ ਏਵ, ਤਂ ਅਹਂ ਬ੍ਰੂਮਿ, ਯਂ ਆਹੁ, ਧਨਂ ਏਵ, ਕਿਂ ਏਤਂ, ਨਿਨ੍ਦਿਤੁਂ ਅਰਹਤਿ, ਤਂ ਇਦਂ, ਯਂ ਅਨਿਚ੍ਚਂ, ਤਂ ਅਨਤ੍ਤਾ, ਏਤਂ ਅਵੋਚ, ਏਤਂ ਏਵ ਇਤੀ+ਧ –

ਨਿਗ੍ਗਹੀਤਸ੍ਸ ਮ ਯ ਦਾ ਹੋਨ੍ਤਿ ਵਾ ਸਰੇ ਕ੍ਵਚਿ. ਤਮੇਵ ਤਂ ਏਵ, ਤਮਹਂ ਬ੍ਰੂਮਿ=ਤਂ ਅਹਂ ਬ੍ਰੂਮਿ, ਯਮਾਹੁ, ਧਨਮੇਵ, ਕਿਮੇਤਂ, ਨਿਨ੍ਦਿਤੁਮਰਹਤਿ. ਤਯਿਦਂ. ਯਦਨਿਚ੍ਚਂ, ਤਦਨਤ੍ਤਾ, ਏਤਦਵੋਚ, ਏਤਦੇਵ. ‘‘ਮਯਦਾ’’ਤਿ ਯੋਗਵਿਭਾਗਾ ਬੁਦ੍ਧਮ ਸਰਣਮ ਇਚ੍ਚਾਦਿ ਭਵਤਿ.

ਤਦਮਿਨਾਦੀਨਿ ਨਿਪ੍ਪਜ੍ਜਨ੍ਤਿ. ‘‘ਯ+ਦਲਕ੍ਖਣਿਕਂ, ਤਂ ਨਿਪਾਤਨਾ’’ਤਿ ਞਾਯਾ ਲਕ੍ਖਣਨ੍ਤਰੇਨ ਅਵਿਹਿਤਾ ਦੇਸ+ਲੋਪਾ+ਗਮ+ਵਿਪਲ੍ਲਾਸਾ, ਸਬ੍ਬਤ੍ਥ ਇਮਿਨਾਵ ਦਟ੍ਠਬ੍ਬਾ. ਇਦਞ੍ਚ ਪਰੇਸਂ ਪਿਸੋਦਰਾਦਿਮਿਵ ਦਟ੍ਠਬ੍ਬਂ. ਫੁਸਿਤਂ=ਜਲਬਿਨ੍ਦੁ, ਫੁਸਿਤ+ਮੁਦਰ+ਮਸ੍ਸ ਪਿਸੋਦਰਂ. ਇਸ੍ਸ ਅਕਾਰੇ ਤਂ ਇਮਿਨਾ=ਤਦਮਿਨਾ, ਸਕਿਂ ਆਗਾਮੀ=ਸਕਦਾਗਾਮੀ, ਧਸ੍ਸ ਦਕਾਰੇ ਏਕਂ ਇਧ ਅਹਂ=ਏਕ+ਮਿਦਾ+ਹਂ, ਵਿਧਸ੍ਸ ਵਿਦਾਦੇਸੋ ਸਂਵਿਧਾਯ ਅਵਹਾਰੋ=ਸਂਵਿਦਾਵਹਾਰੋ, ਵਾਰਿਸਦ੍ਦਸ੍ਸ ਵਕਾਰੇ, ਹਸ੍ਸ ਲਕਾਰੇ ਚ ਕਤੇ ਵਾਰਿਵਾਹਕੋ=ਵਲਾਹਕੋ, ਜੀਵਨਸ੍ਸ ਜੀਆਦੇਸੋ, ਜੀਵਨਸ੍ਸ ਮੁਤੋ=ਜੀਮੂਤੋ. ਛਵਸ੍ਸ ਸੁਆਦੇਸੇ, ਸਯਨਸ੍ਸ ਸਾਨਾਦੇਸੇ ਚ ਕਤੇ ਛਵਸ੍ਸ ਸਯਨਂ=ਸੁਸਾਨਂ. ਉਦ੍ਧਸ੍ਸ ਉਦੁਆਦੇਸੇ, ਖਸ੍ਸ ਖਲਆਦੇਸੇ ਚ ‘‘ਸਰਮ੍ਹਾ ਦ੍ਵੇ’’ਤਿ ਦ੍ਵਿਤ੍ਤਾਦਿਮ੍ਹਿ ਚ ਕਤੇ ਉਦ੍ਧਂ ਖਂ ਅਸ੍ਸ ਉਦੁਕ੍ਖਲਂ. ਪਿਸਿਤਸ੍ਸ ਪਿਆਦੇਸੇ, ਅਸਸ੍ਸ ਸਾਚਾਦੇਸੇ ਚ ਕਤੇ ਪਿਸਿਤਾਸੋ=ਪਿਸਾਚੋ.

ਮਹੀਸਦ੍ਦਸ੍ਸ ¶ ਮਯੂਆਦੇਸੇ, ਰਵਤਿਸ੍ਸ ਰਾਦੇਸੇ ਚ ਕਤੇ ਮਹਿਯਂ ਰਵਤੀਤਿ ਮਯੂਰੋ. ਏਵ+ਮਞ੍ਞੇਪਿ ਪਯੋਗਤੋ+ਨੁਗਨ੍ਤਬ੍ਬਾ. ਏਤ੍ਥ ਚ –

ਤ+ਦੁਚ੍ਚਤੇ ਪਞ੍ਚਵਿਧਂ ਨਿਰੁਤ੍ਤਂਤਿ.

ਯਥਾ ਦ੍ਵਾਰੇ ਨਿਯੁਤ੍ਤੋ=ਦੋਵਾਰਿਕੋਤਿ ਓਕਆਗਮੋ. ਹਿਂਸਸਦ੍ਦਸ੍ਸ ਸੀਹੋਤਿ ਵਿਪਲ੍ਲਾਸੋ. ਨਿਜਕੋ=ਨਿਯਕੋਤਿ ਵਿਕਾਰੋ. ਮੇਹਨਸ੍ਸ ਖਸ੍ਸ ਮਾਲਾ ਮੇਖਲਾਤਿ ਵਣ੍ਣਲੋਪੋ, ਹ+ਨ+ਮਕਾਰਾਨਂ ਲੋਪੋ. ਮਯੂਰੋਤਿ ਅਤ੍ਥੇ ਰਵਤਿਸ੍ਸ ਅਤਿਸ੍ਸਯਯੋਗੋਤਿ.

ਯਥਰਿਵ ਤਥਰਿਵੇਤਿ ਨਿਪਾਤਾਵ. ‘‘ਜਰਗ੍ਗਵਾ ਵਿਚਿਨ੍ਤੇਸੁਂ, ਵਰ+ਮ੍ਹਾਕਂ ਭੁਸਾਮਿਵੇ’’ਤਿ ਏਤ੍ਥ ਇਵਸਦ੍ਦੋ ਏਵਕਾਰਤ੍ਥੋ. ਨਿਗ੍ਗਹੀਤਸਨ੍ਧਿ.

ਇਤਿ ਪਯੋਗਸਿਦ੍ਧਿਯਂ ਸਨ੍ਧਿਕਣ੍ਡੋ ਪਠਮੋ.

ਅਥ ¶ ਨਾਮਾਨਿ ਵੁਚ੍ਚਨ੍ਤੇ. ਤਂ ਅਤ੍ਥਾਭਿਮੁਖਂ ਨਮਨਤੋ, ਅਤ੍ਤਨਾ ਚ+ਤ੍ਥਸ੍ਸ ਨਾਮਨਤੋ ਨਾਮਂ, ਦਬ੍ਬਾਭਿਧਾਨਂ. ਤਂ ਦੁਵਿਧਂ ਸਲਿਙ੍ਗਾ+ਲਿਙ੍ਗਤੋ, ਅਨ੍ਵਤ੍ਥਰੁਲ਼੍ਹਿਤੋ ਚ, ਤਿਵਿਧਂ ਪੁਮਿ+ਤ੍ਥਿ+ਨਪੁਂਸਕਲਿਙ੍ਗਤੋ, ਰੁਕ੍ਖੋ, ਲਤਾ, ਵਨਨ੍ਤਿ. ਚਤੁਬ੍ਬਿਧਂ ਸਾਮਞ੍ਞ+ਗੁਣ+ਕ੍ਰਿਯਾ+ਯਦਿਚ੍ਛਾਨਾਮਤੋ, ਰੁਕ੍ਖੋ, ਨੀਲੋ, ਪਾਚਕੋ, ਸਿਰਿਵਡ੍ਢੋਤਿ. ਅਟ੍ਠਵਿਧਂ ਅਵਣ੍ਣਿ+ਵਣ੍ਣੁ+ਵਣ੍ਣੋ+ਕਾਰ+ਨਿਗ੍ਗਹੀਤਨ੍ਤਪਕਤਿਭੇਦਤੋ, ਏਤ੍ਥ ਕਿਂਸਦ੍ਦੋ ਨਿਗ੍ਗਹੀਤਨ੍ਤੋ. ਪਚ੍ਚਯਾ ਪਠਮਂ ਕਰੀਯਤੀਤਿ ਪਕਤਿ, ਸਦ੍ਦੋ, ਧਾਤੁ ਚ.

ਤਤ੍ਥ ਸਲਿਙ੍ਗੇਸੁ ਤਾਵ ਅਕਾਰਨ੍ਤਤੋ ਪੁਲ੍ਲਿਙ੍ਗਾ ਸੁਗਤਸਦ੍ਦਾ ਸਤ੍ਤ ਵਿਭਤ੍ਤਿਯੋ ਪਰਾ ਯੋਜੀਯਨ੍ਤੇ. ਸੁਗਤਇਤਿ ਠਿਤੇ –

੧. ਦ੍ਵੇ ਦ੍ਵੇ+ਕਾਨੇਕੇਸੁ ਨਾਮਸ੍ਮਾ ਸਿਯੋ ਅਂਯੋ ਨਾ ਹਿ ਸ ਨਂ ਸ੍ਮਾ ਹਿ ਸ ਨਂ ਸ੍ਮਿਂ ਸੁ

ਏਤੇਸਂ ਦ੍ਵੇ ਦ੍ਵੇ ਹੋਨ੍ਤਿ ਏਕਾਨੇਕਤ੍ਥੇਸੁ ਵਤ੍ਤਮਾਨਤੋ ਨਾਮਸ੍ਮਾ ਯਥਾਕ੍ਕਮਂ. ਯਤੋ ਇਮੇ ਸਤ੍ਤ ਦੁਕਾ ਹੋਨ੍ਤਿ, ‘‘ਅਤ੍ਥਵਨ੍ਤ+ਮਧਾਤੁਕ+ਮਪਚ੍ਚਯਂ ਪਾਟਿਪਦਿਕਂ ਕਿਤਕ+ਤਦ੍ਧਿਤ+ਸਮਾਸਾ ਚੇ’’ਤਿ ਵੁਤ੍ਤਤ੍ਤਾ ਤਂ ਨਾਮਂ ਪਾਟਿਪਦਿਕਂ ਨਾਮ. ਕੇਚਿ ਸਕਤ੍ਥ+ਦਬ੍ਬ+ਲਿਙ੍ਗ+ਸਙ੍ਖ੍ਯਾ+ਕਮ੍ਮਾਦਿਪਞ੍ਚਕਂ ਪਾਟਿਪਦਿਕਨ੍ਤਿ ਵਦਨ੍ਤਿ. ਤੇਨੇ+ਤਂ ਵੁਚ੍ਚਤਿ –

ਸਕਤ੍ਥ+ਦਬ੍ਬ+ਲਿਙ੍ਗਾਨਿ, ਸਦ੍ਦਤ੍ਥ+ਮਬ੍ਰਵੁਂ ਪਰੇ;

ਸਙ੍ਖ੍ਯਾ+ਕਮ੍ਮਾਦਿਕਾਨਨ੍ਤੁ, ਵਿਭਤ੍ਤਿ ਵਾਚਕਾ ਮਤਾ.

ਸਕਤ੍ਥ+ਦਬ੍ਬ+ਲਿਙ੍ਗਾਨਿ, ਸਙ੍ਖ੍ਯਾ+ਕਮ੍ਮਾਦਿਪਞ੍ਚਕਂ;

ਸਦ੍ਦਤ੍ਥ+ਮਬ੍ਰਵੁਂ ਕੇਚਿ, ਵਿਭਤ੍ਤਿ ਪਨ ਜੋਤਕਾਤਿ ਚ.

ਤਤੋ ¶ ਏਕਮ੍ਹਿ ਵਤ੍ਤਬ੍ਬੇ ਏਕਵਚਨਂ ਬਹੁਮ੍ਹਿ ਵਤ੍ਤਬ੍ਬੇ ਬਹੁਵਚਨਞ੍ਚਾਤਿ ਅਨਿਯਮੇਨ ਪਸਙ੍ਗੇ ‘‘ਨਾਮਸ੍ਮਾ’’ਤਿ ਅਧਿਕਾਰੋ.

ਨਾਮਸ੍ਸਾ+ਭਿਧੇਯ੍ਯਮਤ੍ਤੇ ਪਠਮਾਵਿਭਤ੍ਤਿ ਹੋਤੀਤਿ ਵਤ੍ਤਿਚ੍ਛਾਵਸਾ ਪਠਮਾਯੇ+ਕਵਚਨਬਹੁਵਚਨਾਨਿ. ਸਿ ਯੋਇਤਿ ਪਠਮਾ. ਸਿਸ੍ਸਿ+ਕਾਰਸ੍ਸਾ+ਨੁਬਨ੍ਧਤ੍ਤਾ ਅਪ੍ਪਯੋਗੋ. ਪਯੋਜਨਂ ‘‘ਕਿ+ਮਂਸਿਸੂ’’ਤਿ ਸਂਕੇਤੋ, ਤਥਾ ਅਂਵਚਨਸ੍ਸਾ+ਕਾਰਸ੍ਸ. ਏਤ੍ਥ ਤਥਾਤਿ ਵੁਤ੍ਤਸ੍ਸਾਤਿਦੇਸੋ ਅਞ੍ਞਦੀਯਧਮ੍ਮਾਨ+ਮਞ੍ਞਤ੍ਥਪਾਪਨ+ਮਤਿਦੇਸੋ. ਏਕਮ੍ਹਿ ਵਤ੍ਤਬ੍ਬੇ ਪਠਮੇਕਵਚਨਂ ਸਿ.

ਅਤੋਤਿ ਵਤ੍ਤਤੇ, ਅਤੋਤਿ ਨਾਮਵਿਸੇਸਨਤ੍ਤਾ ‘‘ਵਿਧਿਬ੍ਬਿਸੇਸਨਨ੍ਤਸ੍ਸਾ’’ਤਿ ਪਰਿਭਾਸਤੋ ਅਕਾਰਨ੍ਤਤੋ ਨਾਮਸ੍ਮਾ ਵਿਧਿ.

ਅਕਾਰਨ੍ਤਤੋ ਨਾਮਸ੍ਮਾ ਸਿਸ੍ਸ ਓ ਹੋਤਿ. ਪੁਬ੍ਬਸਰਲੋਪੇ ਸੁਗਤੋ ਤਿਟ੍ਠਤਿ. ਬਹੁਮ੍ਹਿ ਵਤ੍ਤਬ੍ਬੇ ਬਹੁਵਚਨਂ ਯੋ. ਏਵਂ ਉਪਰਿਪਿ ਯੋਜੇਤਬ੍ਬਂ.

ਅਕਾਰਨ੍ਤਤੋ ਨਾਮਸ੍ਮਾ ਪਠਮਾਦੁਤਿਯਾਯੋਨਂ ਟਾਟੇ ਹੋਨ੍ਤਿ ਯਥਾਕ੍ਕਮਂ. ਟਕਾਰਾਨੁਬਨ੍ਧਤ੍ਤਾ ‘‘ਟਾਨੁਬਨ੍ਧਾ+ਨੇਕਵਣ੍ਣਾ ਸਬ੍ਬਸ੍ਸਾ’’ਤਿ ਸਬ੍ਬਾਦੇਸੋ. ਸੁਗਤਾ ਤਿਟ੍ਠਨ੍ਤਿ.

ਆਮਨ੍ਤਣਾਧਿਕੇ ¶ ਅਤ੍ਥਮਤ੍ਤੇ ਪਠਮਾਵਿਭਤ੍ਤਿ ਹੋਤੀਤਿ ਏਕਸ੍ਮਿਂ ਏਕਵਚਨਂ ਸਿ.

ਨਾਮਸ੍ਮਾ ਗ+ਸੀਨਂ ਲੋਪੋ ਹੋਤਿ. ਭੋ ਸੁਗਤ ਚਿਰਂ ਤਿਟ੍ਠ.

ਅਇਉਇਚ੍ਚੇਤੇਸਂ ਵਾ ਦੀਘੋ ਹੋਤਿ ਗੇ ਪਰੇ ਤਿਲਿਙ੍ਗੇ+ਤਿ ਦੀਘੇ ਭੋ ਸੁਗਤ ਸੁਗਤਾ ਚਿਰਂ ਤਿਟ੍ਠ. ਸਕ੍ਕਤੇ ਸੁਗਤਾਤਿ ਦੀਘਂ ਦੂਰਾਲਪਨੇਯੇਵਿ+ਚ੍ਛਨ੍ਤਿ, ਸਮੀਪਾਲਪਨੇਪਿ ਦਸ੍ਸਨਤੋ ਤਂ ਨ ਗਹੇਤਬ੍ਬਂ. ਬਹੁਵਚਨੇ ਯੋਸ੍ਸ ਟਾ, ਸੁਗਤਾ ਚਿਰਂ ਤਿਟ੍ਠਥ.

ਤਸ੍ਮਿਂ ਕਮ੍ਮਕਾਰਕੇ ਦੁਤਿਯਾਵਿਭਤ੍ਤਿ ਹੋਤਿ. ਅਂਯੋਇਤਿ ਦੁਤਿਯਾ. ਏਤ੍ਥ ਦੁਤਿਯਾਤਤਿਯਾਦਿਭਾਵੋ ਵਿਭਤ੍ਤਿਸੁਤ੍ਤੇ ਸਿਯੋ ਇਤਿ ਪਠਮਾਵਿਭਤ੍ਯਾਦੀਨਿ+ਮੁਪਾਦਾਯ ਵੁਚ੍ਚਤਿ, ਤਂ ਤਂ ਉਪਾਦਾਯ ਪਞ੍ਞਤ੍ਤਤ੍ਤਾ. ਦੁਤਿਯੇਕਵਚਨਂ ਅਂ, ਅਕਾਰਸ੍ਸਾ+ਪਯੋਗੋ. ਸੁਗਤਂ ਪਸ੍ਸ. ਦੁਤਿਯਾਬਹੁਵਚਨਂ ਯੋ, ਤਸ੍ਸ ਟੇ, ਸੁਗਤੇ ਪਸ੍ਸ.

ਤਸ੍ਮਿਂ ¶ ਕਤ੍ਤਰਿ ਕਰਣੇ ਚ ਕਾਰਕੇ ਤਤਿਯਾਵਿਭਤ੍ਤਿ ਹੋਤਿ. ਨਾ+ਹਿਇਤਿ ਤਤਿਯਾਵਿਭਤ੍ਤਿ. ਤਤਿਯਾਏਕਵਚਨਂ ਨਾ.

ਅਕਾਰਨ੍ਤਤੋ ਨਾਮਸ੍ਮਾ ਪਰਸ੍ਸ ਨਾਵਚਨਸ੍ਸ ਏਨਾਦੇਸੋ ਹੋਤਿ ਨਿਚ੍ਚਂ. ਸੁਗਤੇਨ ਕਤਂ.

ਅਕਾਰਨ੍ਤਸ੍ਸ ਸੁਹਿਸ੍ਵੇ+ਹੋਤਿ. ਸੁਗਤੇਹਿ.

ਨਾਮਸ੍ਮਾ ਪਰੇਸਂ ਸ੍ਮਾਹਿਸ੍ਮਿਂਨਂ ਮ੍ਹਾਭਿਮ੍ਹਿ ਹੋਨ੍ਤਿ ਯਥਾਕ੍ਕਮਂਤਿ ਹਿਸ੍ਸ ਭਿਆਦੇਸੇ ਸੁਗਤੇਭਿ. ਕਰਣੇ ਸੁਗਤੇਨ ਲੋਕੋ ਪੁਞ੍ਞਂ ਕਰੋਤਿ, ਸੁਗਤੇਹਿ ਸੁਗਤੇਹਿ ਵਾ.

ਤਸ੍ਮਿਂ ਸਮ੍ਪਦਾਨਕਾਰਕੇ ਚਤੁਤ੍ਥੀ ਸਿਯਾ. ਸ+ਨਂਇਤਿ ਚਤੁਤ੍ਥੀ. ਚਤੁਤ੍ਥੇ+ਕਵਚਨਂ ਸ. ਵਿਭਤ੍ਤਿਸੁਤ੍ਤੇ ਸ੍ਸ+ਨਂਤਿ ਦੀਘਪਾਠੇਨ ਸੁਗਤਸ੍ਸਾਤਿ ਸਿਦ੍ਧੇਪਿ ‘‘ਝਲਾ ਸਸ੍ਸ ਨੋ’’ ਤ੍ਯਾਦਿਕਾਰਿਯਸੁਤ੍ਤੇਸੁ ਸ੍ਸਸ੍ਸਾਤਿ ਅਕ੍ਖਰਗਾਰਵਤਾ ਹੋਤੀਤਿ ਲਾਘਵਤ੍ਥ+ਮਿਦ+ਮਾਰਦ੍ਧਂ –

ਨਾਮਸ੍ਮਾ ¶ ਪਰਸ੍ਸ ਸਸ੍ਸ ਸੁਞਾਗਮੋ ਹੋਤਿ. ਸ ਚ ‘‘ਛਟ੍ਠਿਯਾ’’ਤਿ ਵਤ੍ਤਮਾਨੇ –

ਛਟ੍ਠੀਨਿਦ੍ਦਿਟ੍ਠਸ੍ਸ ਞਾਨੁਬਨ੍ਧ+ਕਾਨੁਬਨ੍ਧਾ ਆਦ੍ਯਨ੍ਤਾਹੋਨ੍ਤੀਤਿ ਆਦ੍ਯਵਯਵੋ. ਉਕਾਰੋ ਉਚ੍ਚਾਰਣਤ੍ਥੋ, ਞ੍ਞਕਾਰੋ ਅਸ੍ਮਿਂ ਸੁਤ੍ਤੇ ਸਂਕੇਤਤ੍ਥੋ. ਸੁਗਤਸ੍ਸ ਦਾਨਂ ਦੇਤਿ.

ਬਹੁਲਾਧਿਕਾਰਂ ਕਪ੍ਪਦੁਮਮਿਵ ਮਞ੍ਞਨ੍ਤਿ ਸਦ੍ਦਿਕਾ. ਤਞ੍ਚ –

ਕ੍ਵਚਿ ਪਵਤ੍ਤ੍ਯ+ਪਵਤ੍ਤਿ, ਕ੍ਵਚ+ਞ੍ਞਂ ਕ੍ਵਚਿ ਵਾ ਕ੍ਵਚਿ;

ਸਿਯਾ ਬਹੁਲਸਦ੍ਦੇਨ, ਵਿਧਿ ਸਬ੍ਬੋ ਯਥਾਗਮਂਤਿ –

ਅਕਾਰਨ੍ਤਤੋ ਪਰਸ੍ਸ ਚਤੁਤ੍ਥਿਯਾ ਸਸ੍ਸ ਆਯੋ ਹੋਤਿ ਵਾ ਬਹੁਲਂ. ਸੁਗਤਾਯ. ਯੇਭੁਯ੍ਯੇਨ ਤਾਦਤ੍ਥੇਯੇਵਾ+ਯ+ਮਾਯੋ ਦਿਸ੍ਸਤੀਤਿ ਇਤੋ ਪਰਂ ਨੋ+ਦਾਹਰੀਯਤੇ. ਚਤੁਤ੍ਥੀਬਹੁਵਚਨਂ ਨਂ,

ਨਾਮਸ੍ਸ ¶ ਦੀਘੋ ਹੋਤਿ ਸੁਨਂਹਿਸੁ. ਸੁਗਤਾਨਂ.

ਏਤਸ੍ਮਾ ਅਵਧਿਕਾਰਕਾ ਪਞ੍ਚਮੀਵਿਭਤ੍ਤਿ ਹੋਤਿ. ਸ੍ਮਾ+ਹਿਇਤਿ ਪਞ੍ਚਮੀ. ਪਞ੍ਚਮ੍ਯੇਕਵਚਨਂ ਸ੍ਮਾ,

‘‘ਅਤੋ’’ ‘‘ਟਾਟੇ’’ ‘‘ਵੇ’’ਤਿ ਚ ਵਤ੍ਤਤੇ.

ਅਕਾਰਨ੍ਤਤੋ ਨਾਮਸ੍ਮਾ ਪਰੇਸਂ ਸ੍ਮਾ+ਸ੍ਮਿਂਨਂ ਟਾ+ਟੇ ਹੋਨ੍ਤਿ ਵਾ ਯਥਾਕ੍ਕਮਂ. ਸੁਗਤਾ ਅਪੇਹਿ ਸੁਗਤਮ੍ਹਾ ਸੁਗਤਸ੍ਮਾ ਵਾ. ਪਞ੍ਚਮੀਬਹੁਵਚਨਞ੍ਹਿ, ਸੁਗਤੇਭਿ ਸੁਗਤੇਹਿ.

ਕਾਰਕੇਹਿ ਅਞ੍ਞੋ ਸਮ੍ਬਨ੍ਧੋ, ਤਤ੍ਰ ਛਟ੍ਠੀਵਿਭਤ੍ਤਿ ਹੋਤਿ. ਸ+ਨਂਇਤਿ ਛਟ੍ਠੀ, ਛਟ੍ਠੇਕਵਚਨਂ ਸ, ਸੁਗਤਸ੍ਸ ਵਿਹਾਰੋ, ਛਟ੍ਠੀਬਹੁਵਚਨਂ ਨਂ, ਸੁਗਤਾਨਂ.

ਆਧਾਰਕਾਰਕੇ ਸਤ੍ਤਮੀਵਿਭਤ੍ਤਿ ਹੋਤਿ. ਸ੍ਮਿਂ+ਸੁਇਤਿ ਸਤ੍ਤਮੀ. ਸਤ੍ਤਮ੍ਯੇਕਵਚਨਂ ਸ੍ਮਿਂ, ਸੁਗਤੇ ਪਤਿਟ੍ਠਿਤਂ ਸੁਗਤਮ੍ਹਿ ਸੁਗਤਸ੍ਮਿਂ ਵਾ. ਸਤ੍ਤਮੀਬਹੁਵਚਨਂ ਸੁ, ‘‘ਸੁ+ਹਿਸ੍ਵ+ਸ੍ਸੇ’’ਤਿ ਏ, ਸੁਗਤੇਸੁ.

ਸੁਗਤੋ, ਸੁਗਤਾ. ਭੋ ਸੁਗਤ, ਭੋ ਸੁਗਤਾ, ਭਵਨ੍ਤੋ ਸੁਗਤਾ. ਸੁਗਤਂ, ਸੁਗਤੇ. ਸੁਗਤੇਨ, ਸੁਗਤੇਭਿ ¶ , ਸੁਗਤੇਹਿ. ਕਰਣੇ ਸੁਗਤੇਨ, ਸੁਗਤੇਭਿ, ਸੁਗਤੇਹਿ. ਸੁਗਤਸ੍ਸ, ਸੁਗਤਾਯ, ਸੁਗਤਾਨਂ. ਸੁਗਤਾ, ਸੁਗਤਮ੍ਹਾ, ਸੁਗਤਸ੍ਮਾ, ਸੁਗਤੇਭਿ, ਸੁਗਤੇਹਿ. ਸੁਗਤਸ੍ਸ, ਸੁਗਤਾਨਂ. ਸੁਗਤੇ, ਸੁਗਤਮ੍ਹਿ, ਸੁਗਤਸ੍ਮਿਂ, ਸੁਗਤੇਸੁ.

ਸੁਗਤੋ ਸੁਗਤੋ. ਸੁਗਤਂ ਨਮਤਿ. ਸੁਗਤੇਨ ਕਤੋ. ਸੁਗਤੇਨ ਜਿਤੋ. ਸੁਗਤਸ੍ਸ ਦਦੇ. ਸੁਗਤਾ ਵਿਗਤੋ. ਸੁਗਤਸ੍ਸ ਸੁਤੋ. ਸੁਗਤੇ ਰਮਤੇ. ਏਵਂ –

ਗਨ੍ਧਬ੍ਬ+ਕਿਨ੍ਨਰ+ਮਨੁਸ੍ਸ+ਪਿਸਾਚ+ਪੇਤਾ;

ਮਾਤਙ੍ਗ+ਜਙ੍ਗਮ+ਤੁਰਙ੍ਗ+ਵਰਾਹ+ਸੀਹਾ,

ਬ੍ਯਗ੍ਘ+ਚ੍ਛ+ਕਚ੍ਛਪ+ਤਰਚ੍ਛ+ਮਿਗ+ਸ੍ਸ+ਸੋਣਾ.

ਹਿਨ੍ਤਾਲ+ਤਾਲ+ਵਕੁਲ+ਜ੍ਜੁਨ+ਕਿਂਸੁਕਾ ਚ;

ਮਨ੍ਦਾਰ+ਕੁਨ੍ਦ+ਪੁਚਿਮਨ੍ਦ+ਕਰਞ੍ਜ+ਰੁਕ੍ਖਾ,

ਞੇਯ੍ਯਾ ਮਯੂਰ+ਸਕੁਣ+ਣ੍ਡਜ+ਕੋਞ੍ਚ+ਹਂਸਾ.

ਸੁਗਤਸਦ੍ਦੋਵ, ਯਤੋ ਸਬ੍ਬੋ ਸਦ੍ਦੋ, ਨ ਸਦ੍ਦਤਾਲਿਤਤ੍ਥੋਵ, ਅਥ ਖੋ ਸਂਯੋਗਾਦਿਵਸੇਨਪਿ ਅਤ੍ਥਂ ਵਦਨ੍ਤਿ. ਤੇਨੇ+ਤਂ ਵੁਚ੍ਚਤਿ –

ਸਂਯੋਗਾ ਵਿਪ੍ਪਯੋਗਾ ਚ, ਸਾਹਚਰਿਯਾ+ਵਿਰੋਧਤੋ;

ਅਤ੍ਥਾ ਪਕਰਣਾ ਲਿਙ੍ਗਾ, ਸਦ੍ਦਨ੍ਤਰਸਮੀਪਤੋ.

ਸਾਮਤ੍ਥ੍ਯੋ+ਚਿਤ੍ਰ+ਦੇਸੇਹਿ ¶ , ਕਾਲ+ਬ੍ਯਤ੍ਤਾ+ਨੁਰੂਪਤੋ;

ਉਪਚਾਰ+ਕਾਕੁਭੇਦ, ਸਮ੍ਬਨ੍ਧੇਹੁ+ਪਲਕ੍ਖਣਾ.

ਵਚਨਾ ਚ ਤਦਙ੍ਗਤ੍ਤਾ, ਪਧਾਨਤ੍ਤਾਤਿਆਦਿਹਿ;

ਸਦ੍ਦ+ਤ੍ਥਾ ਪਵਿਭਜ੍ਜਨ੍ਤੇ, ਨ ਸਦ੍ਦਾਦੇਵ ਕੇਵਲਾਤਿ.

ਏਤ੍ਥ ਸਂਯੋਗਤੋ ਤਾਵ, ‘‘ਸਕਿਸੋਰਾ ਧੇਨੁ ਦੀਯਤੂ’’ਤਿ, ਕਿਸੋਰੋ ਅਸ੍ਸਪੋਤਕੋ, ਤਂਸਂਯੋਗਤੋ ਵਲ਼ਵਾ ਏਵ ਪਤੀਯਤੇ.

ਵਿਪ੍ਪਯੋਗਤੋ – ‘‘ਅਕਿਸੋਰਾ ਆਨੀਯਤੂ’’ਤਿ ਤਪ੍ਪਟਿਸੇਧਾ ਵਲ਼ਵਾ ਏਵ ਪਤੀਯਤੇ.

ਸਹਚਰਣਤੋ – ‘‘ਰਾਮ+ਲਕ੍ਖਣ’’ਇਤਿ ਉਭਿਨ੍ਨਂ ਸਹਚਰਣੇਨ ਰਾਮੋਤਿ ਦਾਸਰਥਿ ਏਵ ਰਾਮੋ, ਨ ਅਞ੍ਞਾਭਿਧਾਨੋ ਜਾਮਦਗਨ੍ਯਾਦਿ. ਲਕ੍ਖਣੋਪਿ ਸੋਮਿਤ੍ਤਿ ਏਵ, ਨ ਤੁ ਯੋ ਕੋਚਿ ਲਕ੍ਖਣੋ.

ਵਿਰੋਧਤੋ – ‘‘ਰਾਮ+ਜ੍ਜੁਨਾ’’ ਇਤਿ ਭਗ੍ਗਵੋ ਸਹਸ੍ਸਬਾਹੁ ਚ ਅਞ੍ਞਮਞ੍ਞਵਿਰੁਦ੍ਧਾਤਿ ਤੇ ਏਵ ਪਤੀਯਨ੍ਤੇ, ਨ ਦਾਸਰਥਿ ਸਬ੍ਯਸਾਚਿ ਚ.

ਅਤ੍ਥਤੋ – ‘‘ਸਿਨ੍ਧਵ+ਮਾਨਯ, ਪਵਿਸਾਮਿ ਰਣਙ੍ਗਣ’’ਮਿਤਿ ਰਣਙ੍ਗਣਪਵੇਸੋ ਵਾਹਨਵਿਸੇਸੇਨ ਹੋਤੀਤਿ ਅਤ੍ਥਤੋ ਤੁਰਙ੍ਗਪਤੀਤਿ, ਨ ਤੁ ਲਵਣਵਿਸੇਸਂ.

ਪਕਰਣਤੋ-ਭੋਜਨਵਿਧਿਮ੍ਹਿ ਉਪਸਙ੍ਖਰਿਯਮਾਨੇ ‘‘ਸਿਨ੍ਧਵ+ਮਾਨਯੇ’’ਤਿ, ਅਤ੍ਰ ਹਿ ਸਦ੍ਦਨ੍ਤਰਸ੍ਸਾ+ਭਾਵੇਪਿ ਭੋਜਨੋਪਕਰਣਸਮਵਾਯ+ਮਾਲੋਕਿਤਭਾਵਤੋ ਲਵਣੇ ਪਟਿਪਤ੍ਤਿ, ਤਾਦਿਸੋ ਹਿ ਪਤ੍ਥਾਵੋਤਿ.

ਲਿਙ੍ਗਤੋ ¶ – ‘‘ਦੇਵਦਤ੍ਤਂ ਪਠਮ+ਮੁਪਵੇਸਯ ਸਮਾਰਾਧਿਤਗੁਰੁਂ’’ਤਿ, ਅਤ੍ਰ ਸਮਾਰਾਧਿਤਗੁਰੁਤ੍ਤੇਨ ਲਿਙ੍ਗੇਨ ਤਸ੍ਸ ਬਾਹੁਸ੍ਸਚ੍ਚ+ਮਵਗਮ੍ਯਤੇ, ਨ ਤੁ ਯੋ ਕੋਚਿ ਦੇਵਗੁਣੋ.

ਸਨ੍ਨਿਧਾਨਤੋ – ‘‘ਅਜ੍ਜੁਨੋ ਕਤਵੀਰਿਯੋਤਿ’’ ਪਤੀਯਤੇ, ਨੋ ਅਕਤਵੀਰਿਯੋ ਅਜ੍ਜੁਨੋਤਿ.

ਸਾਮਤ੍ਥਿਯਤੋ – ‘‘ਅਨੁਦਰਾ ਕਞ੍ਞਾ’’ਤਿ ਉਦਰੇ ਅਸਤਿ ਕਞ੍ਞਾ ਏਵ ਨਤ੍ਥੀਤਿ ਤਸ੍ਸਾ ਕਿਸਾਙ੍ਗਿਯਾ ਮਜ੍ਝਪਦੇਸੋਤਿ ਪਤੀਯਤੇ.

ਓਚਿਤ੍ਰਤੋ – ‘‘ਰਾਮਸਦਿਸੋ+ਯਂ’’ ਇਤਿ, ਅਤ੍ਰ ਹਿ ਰਾਮੋ ਪਯੁਤ੍ਤਦਾਸਰਥਿਸ੍ਮਿਂ ਭਿਯ੍ਯੋ ਸਾਧਾਰਣੋ ਪਰਿਚਯੋਤਿ ਦਾਸਰਥਿ ਏਵ ਪਤੀਯਤੇ, ਨ ਭਗ੍ਗਵਰਾਮੋ.

ਦੇਸਤੋ – ‘‘ਪੋਟ੍ਠਪਾ’’ ਇਤਿ ਕਿਸ੍ਮਿਞ੍ਚਿ ਦੇਸੇ ਪਸਂਸਾਵਚਨਂ. ਕਿਸ੍ਮਿਞ੍ਚਿ ਅਕ੍ਕੋਸਵਚਨਂ.

ਕਾਲਤੋ – ‘‘ਪਚੇ’’ਤਿ ਦਕ੍ਖਿਣਾਪਥੇ ਕਤ੍ਥਚਿ ਪੁਬ੍ਬਣ੍ਹੇ ਯਾਗੁਪਾਕੇ, ਸਾਯਣ੍ਹੇ ਤੁ ਓਦਨਪਾਕੇ.

ਬ੍ਯਤ੍ਤਿਤੋ – ‘‘ਗਾਮਸ੍ਸ ਅਦ੍ਧ’’ ਮਿਤਿ ਸਮਭਾਗੇ, ਨਪੁਂਸਕਤ੍ਤਾ. ‘‘ਗਾਮਸ੍ਸ ਅਦ੍ਧੋ’’ਤਿ ਪੁਮਤ੍ਤੇਨ ਤੁ ਅਸਮਭਾਗੇ.

ਅਨੁਰੂਪਤੋ – ‘‘ਨਰਪਤਿ ਸਾਧੁ ਰਕ੍ਖਤਿ ਗੋਮਣ੍ਡਲ’’ਮਿਤਿ ਮਹੀਮਣ੍ਡਲਪਾਲਨਂ ਰਾਜਿਨੋ+ਨੁਰੂਪ+ਮਿਤਿ ਮਹੀਮਣ੍ਡਲਪਾਲਨੇਵ ਪਤੀਤਿ, ਨ ਤੁ ਗੋਯੂਥਰਕ੍ਖਨੇ.

ਉਪਚਾਰਤੋ – ਅਤਂਸਭਾਵੇ ਤਂਸਭਾਵਾਰੋਪਨ+ਮੁਪਚਾਰੋ, ਸ ਚ ਤਦਟ੍ਠੋ, ਤਦ੍ਧਮ੍ਮੋ, ਤਂਸਹਚਰਿਯੋ, ਤਂਸਮੀਪੋਤਿ ਚਤੁਬ੍ਬਿਧੋ ¶ , ਤਤ੍ਥ ਯਥਾਕ੍ਕਮਂ ਮਞ੍ਚਾ ਉਕ੍ਕੋਸਨ੍ਤਿ, ਅਗ੍ਗਿ ਮਾਣਵੋ, ਯਟ੍ਠਿਂ ਪਵੇਸਯ, ਗਙ੍ਗਾਯਂ ਵਜੋਤਿ.

ਕਾਕੁਤੋ-ਕਾਕੁਸਦ੍ਦੋ ਇਤ੍ਥਿਯਂ, ਸ ਚ ਵਿਕਾਰ+ਸੋਕ+ਭੀਤਿ+ਧਨਿਰੂਪੇਸੁ ਦਿਸ੍ਸਤਿ, ਵਤ੍ਤੁ ਕਾਯਵਿਕਾਰਾ ਕਥਞ੍ਚਿ ਤਂ ਅਕਤਵਾਅਪਿ ਕੇਨਚਿ ਅਞ੍ਞੇਨ ‘‘ਕਿਂ ਤ੍ਵਂ ਤਂ ਅਕਾਸਿ ‘‘ਇਤਿ ਪੁਟ੍ਠੋ ਕੋਪੇਨ ਭਮੁਭੇਦਾ ‘‘ਅਹਂ ਕਤਵਾ ਅਮ੍ਹੀ’’ਤਿ ਕਥੇਤਿ, ਤਸ੍ਸ ਭਮੁਭੇਦਕ੍ਰਿਯਾ ਅਕ੍ਰਿਯਾਪਟਿਞ੍ਞਂ ਸੂਚਯਤਿ.

ਸਮ੍ਬਨ੍ਧ ਤੋ – ‘‘ਮਾਤਰਿ ਸਮ੍ਮਾ ਵਤ੍ਤਿਤਬ੍ਬਂ, ਪਿਤਰਿ ਸੁਸ੍ਸੂਯਿਤਬ੍ਬਂ’’ ਇਤਿ, ਅਤ੍ਰ ਹਿ ਸਮਾਤਰਿ ਸਪਿਤਰੀਤਿ ਸਮ੍ਬਨ੍ਧਿਸਦ੍ਦਾਭਾਵੇਪਿ ਸਾ ਮਾਤਾ ਸੋ ਪਿਤਾ ਚ ਅਸ੍ਸ ਪੁਤ੍ਤਸ੍ਸਾਤਿ ਪਤੀਯਤੇ.

ਉਪਲਕ੍ਖਣਤੋ – ‘‘ਕਾਕੇਹਿ ਰਕ੍ਖਿਤਬ੍ਬਂ ਦਧੀ’’ਤਿ ਕਾਕਸਦ੍ਦੋ ਸਬ੍ਬੇਸ+ਮੁਪਘਾਤਕਾਨਂ ਸਾਮਞ੍ਞਂ ਉਪਲਕ੍ਖੇਤੀਤਿ ਸੁਨਖਾਦਿਸਬ੍ਬੇਹਿਪਿ ਨਿਵਾਰੀਯਤੇ.

ਵਚਨਤੋ – ‘‘ਦਾਰਾ’’ਇਤਿ ਦਾਰਸਦ੍ਦੋ ਕਲਤ੍ਤੇ ਬਹੁਵਚਨਨ੍ਤੋ, ਅਞ੍ਞਤ੍ਥ ਅਨਿਯਤਵਚਨੋ.

ਤਦਙ੍ਗਤ੍ਤਾ – ‘‘ਸਜ੍ਜਿਤਂ ਭੋਜਨ’’ਮਿਤਿ ਵੁਤ੍ਤੇ ਤਪ੍ਪਰਿਕ੍ਖਾਰਤ੍ਤਾ ਤਦੁਪਕਰਣ ਆਸਨ, ਪਾਤਿ, ਬ੍ਯਞ੍ਜਨਾਦੀਨਂ ਸਮ੍ਪਾਦਨਮ੍ਪਿ ਪਤੀਯਤੇ.

ਪਧਾਨਭਾਵਤੋ – ‘‘ਨਿਗ੍ਗਚ੍ਛਤਿ ਅਵਨਿਨਾਥੋ’’ਤਿ ਰਞ੍ਞੋ ਨਿਗ੍ਗਮਨੇਨ ਤਦੁਪਜੀਵੀਨਮ੍ਪਿ ਨਿਗ੍ਗਮਨਂ ਵਿਞ੍ਞਾਯਤਿ.

ਨੇਯ੍ਯਨੀਤਤ੍ਥਸੁਤ੍ਤੇਸੁ ¶ , ਞੇਯ੍ਯਂ ਸਦ੍ਦਤ੍ਥਮਤ੍ਤਕਂ;

ਨੇ+ਤ੍ਥ ਵਤ੍ਤਬ੍ਬਅਤ੍ਥੇਨ, ਸੁਤ੍ਤਂ ਨੀਤਤ੍ਥਕਂ ਭਵੇਤਿ.

ਏਵ+ਮਞ੍ਞੇਸਮ੍ਪਿ ਅਕਾਰਨ੍ਤਾਨਂ ਪੁਲ੍ਲਿਙ੍ਗਾਨਂ ਸਦ੍ਦਾਨਂ ਰੂਪਨਯੋ ਕ੍ਰਿਯਾ+ਭਿਸਮ੍ਬਨ੍ਧੋ ਚ. ਸੁਗਤਸਦ੍ਦਤੋ ਯਸ੍ਸ ਸਦ੍ਦਸ੍ਸ ਵਿਸੇਸੋ ਅਤ੍ਥਿ, ਤਂ ਵਕ੍ਖਾਮ. ਇਤੋ ਪਰਂ ਛਟ੍ਠਿਯਾ ਚਤੁਤ੍ਥੀਸਮਤ੍ਤਾ ਪਞ੍ਚਮੀਬਹੁਵਚਨਸ੍ਸ ਚ ਤਤਿਯਾਬਹੁਵਚਨੇਨ ਸਮਤ੍ਤਾ ਨ ਤਾ ਦਸ੍ਸਿਯਨ੍ਤੇ.

ਗੁਮ੍ਬ ਸਿ, ‘‘ਅਤੋ’’ ‘‘ਸਿਸ੍ਸਾ’’ਤਿ ਚ ਵਤ੍ਤਤੇ.

ਅਕਾਰਨ੍ਤਤੋ ਨਾਮਸ੍ਮਾ ਪਰਸ੍ਸ ਸਿਸ੍ਸ ਏ ਹੋਤਿ ਵਾ ਕ੍ਵਚਿ. ਗੁਮ੍ਬੇ ਗੁਮ੍ਬੋ, ਗੁਮ੍ਬਾ. ਭੋ ਗੁਮ੍ਬ ਗੁਮ੍ਬਾ, ਭਵਨ੍ਤੋ ਗੁਮ੍ਬਾ ਇਚ੍ਚਾਦਿ ਸੁਗਤਸਮਂ. ਏਵਂ ਫੁਸ੍ਸਿਤਗ੍ਗੇ ਫੁਸ੍ਸਿਤਗ੍ਗੋ, ਵਤ੍ਤਬ੍ਬੇ ਵਤ੍ਤਬ੍ਬੋ ਇਚ੍ਚਾਦਿ. ਸਿਸ੍ਸੋ+ਕਾਰਸ੍ਸ ਨਿਚ੍ਚਤ੍ਤਾ ਕਤ੍ਥਚਿ ਪਕ੍ਖੇ ਏਕਾਰਤ੍ਤ+ਮਿਦ+ਮਾਰਦ੍ਧਨ੍ਤਿ ਸਿਸ੍ਸੋ+ਕਾਰਪਕ੍ਖੇ ਏਵ ਭਵਤੀਤਿ ‘‘ਅਂ ਨਪੁਂਸਕੇ’’ਤਿ ਅ+ਮਾਦੇਸੇਨ ਏਕਾਰਸ੍ਸ ਨਪੁਂਸਕਵਿਸਯੇ ਬਾਧਿਤਤ੍ਤਾ ‘‘ਬਹੁਲਂ’’ ਵਿਧਾਨਾ ਨਪੁਂਸਕੇਪਿ ਸੁਖੇ ਦੁਕ੍ਖੇਤਿ ਕ੍ਵਚਿ ਹੋਤੇਵ.

ਅਕਾਰਨ੍ਤੇਹਿ ਏਕਚ੍ਚਾਦੀਹਿ ਯੋਨਂ ਟੇ ਹੋਤਿ. ਏਕਚ੍ਚੋ, ਏਕਚ੍ਚੇ. ਭੋ ਏਕਚ੍ਚ ਏਕਚ੍ਚਾ, ਏਕਚ੍ਚੇ. ਏਕਚ੍ਚਂ, ਏਕਚ੍ਚੇ. ਏਵਂ ਏਸ+ਸ+ਪਠਮਸਦ੍ਦਾਨਂ.

ਕੋਧੋ ¶ , ਕੋਧਾ. ਭੋ ਕੋਧ ਕੋਧਾ, ਕੋਧਾ. ਕੋਧਂ, ਕੋਧੇ.

ਕੋਧਾਦੀਹਿ ਨਾਸ੍ਸ ਸਾ ਹੋਤਿ ਵਾ. ਕੋਧਸਾ ਕੋਧੇਨ. ਅਤ੍ਥਸਾ ਅਤ੍ਥੇਨ. ‘‘ਯੇ ਉਤ੍ਤਮਤ੍ਥਾਨਿ ਤਯਿ ਲਭਿਮ੍ਹਾ’’ਤਿ ਅਤ੍ਥਸਦ੍ਦੋ ਨਪੁਂਸਕਲਿਙ੍ਗੋਪਿ ਦਿਸ੍ਸਤਿ.

ਦਿਵਾਦੀਹਿ ਨਾਮੇਹਿ ਸ੍ਮਿਨੋ ਟਿ ਹੋਤਿ ਨਿਚ੍ਚਂ. ਦਿਵਿ, ਏਵਂ ਭੁਵਿ. ਏਤ੍ਥਟਿਮ੍ਹਿ ਨਿਚ੍ਚਂ ਵਕਾਰਾਗਮੋ ਰਸ੍ਸੋ ਚ. ਏਤ੍ਥ ਭੂਸਦ੍ਦੋ ਵਧੂਸਦ੍ਦਸਮਂ.

੧੪੪. ਮਨਾਦੀਹਿ ਸ੍ਮਿਂ+ਸਂ+ਨਾ+ਸ੍ਮਾਨਂ ਸਿ+ਸੋ+ਓ+ਸਾ+ਸਾ

ਮਨਾਦੀਹਿ ਸ੍ਮਿ+ਮਾਦੀਨਂ ਸਿ+ਸੋ+ਓ+ਸਾ+ਸਾ ਹੋਨ੍ਤਿ ਵਾ ਯਥਾਕ੍ਕਮਂ. ਮਨੋ, ਮਨਾ. ਭੋ ਮਨ ਮਨਾ, ਮਨਾ. ਮਨੋ, ਮਨਂ, ਮਨੇ. ਮਨਸਾ ਮਨੇਨ, ਮਨੇਹਿ ਮਨੇਭਿ. ਮਨਸੋ ਮਨਸ੍ਸ, ਮਨਾਨਂ. ਮਨਸਾ ਮਨਾ ਮਨਮ੍ਹਾ ਮਨਸ੍ਮਾ, ਮਨੇਹਿ ਮਨੇਭਿ. ਮਨਸਿ ਮਨਮ੍ਹਿ ਮਨਸ੍ਮਿਂ, ਮਨੇਸੁ.

ਰੂਪਸਿਦ੍ਧਿਯਂ ਅਹ+ਰਹਸਦ੍ਦਾ ਮਨਾਦੀਸੁ ਪਠਿਤਾ. ਅਹਸ੍ਸ ਆਪਾਦਿਤ੍ਤਾ ਰਹੋਤਿ ਨਿਪਾਤਤ੍ਤਾ ਰਹਸੀਤਿ ਵਿਭਤ੍ਯਨ੍ਤਪਟਿਰੂਪਕਨਿਪਾਤਤ੍ਤਾ ਇਧ ਨ ਗਹਿਤਾ.

ਗਚ੍ਛਨ੍ਤ ਸਿ, ‘‘ਸਿਸ੍ਸ’’ ‘‘ਵੇ’’ਤਿ ਚ ਵਤ੍ਤਤੇ. ਪਰਤੋ ਭਿਯ੍ਯੋ ਨਾਨੁਵਤ੍ਤਯਿਸ੍ਸਾਮ, ਵੁਤ੍ਤਿਯਾ ਏਵ ਅਨੁਵਤ੍ਤਸ੍ਸ ਗਮ੍ਯਮਾਨਤ੍ਤਾ.

ਸਿਮ੍ਹਿ ਨ੍ਤਪਚ੍ਚਯਸ੍ਸ ਅਂ ਹੋਤਿ ਵਾ. ‘‘ਸੁਤਾਨੁਮਿਤੇਸੁ ਸੁਤਸਮ੍ਬਨ੍ਧੋਵ ਬਲਵਾ’’ਤਿ ਞਾਯਾ ‘‘ਨ੍ਤਸ੍ਸਾ’’ਤਿ ਸੁਤਤ੍ਤਾ ਨ੍ਤਸ੍ਸੇਵ ਅਂ, ਨ ਤਦਨ੍ਤਸ੍ਸ ਅਨੁਮਿਤਸ੍ਸ ਸਦ੍ਦਸ੍ਸ. ਏਵ+ਮੁਪਰਿਪਿ ਨ੍ਤ+ਨ੍ਤੂਨਂ ਆਦੇਸਵਿਧਾਨਟ੍ਠਾਨੇਸੁ. ‘‘ਗਸਿਨਂ’’ਤਿ ਸਿਲੋਪੋ. ਗਚ੍ਛਂ ਗਚ੍ਛਨ੍ਤੋ.

੨੧੫. ਨ੍ਤ+ਨ੍ਤੂਨਂ ਨ੍ਤੋ ਯੋਮ੍ਹਿ ਪਠਮੇ

ਪਠਮੇ ਯੋਮ੍ਹਿ ਨ੍ਤ+ਨ੍ਤੂਨਂ ਸਵਿਭਤ੍ਤੀਨਂ ਨ੍ਤੋਇਚ੍ਚਾਦੇਸੋ ਹੋਤਿ ਵਾ. ਸ ਚ ਬਹੁਲਾਧਿਕਾਰਾ ਪੁਮੇਵ, ਗਚ੍ਛਨ੍ਤੋ ਗਚ੍ਛਨ੍ਤਾ.

ਗੇ ਪਰੇ ਨ੍ਤ+ਨ੍ਤੂਨਂ ਸਵਿਭਤ੍ਤੀਨਂ ਟ+ਟਾ+ਅਂਇਚ੍ਚਾਦੇਸਾ ਨਿਚ੍ਚਂ ਹੋਨ੍ਤਿ ਬਹੁਲਂ. ਭੋ ਗਚ੍ਛ ਗਚ੍ਛਾ ਗਚ੍ਛਂ, ਗਚ੍ਛਨ੍ਤੋ ਗਚ੍ਛਨ੍ਤਾ.

ਅਂਸੇਸੁ ¶ ਨ੍ਤਪਚ੍ਚਯਸ੍ਸ ਟ ਹੋਤਿ ਵਾ ਨ੍ਤੁਸ੍ਸ ਚ. ਵਵਤ੍ਥਿਤਵਿਭਾਸਾ+ਯਂ. ਗਚ੍ਛਂ ਗਚ੍ਛਨ੍ਤਂ, ਗਚ੍ਛਨ੍ਤੇ.

੨੧੭. ਤੋ+ਤਾ+ਤਿ+ਤਾ ਸ+ਸ੍ਮਾ+ਸ੍ਮਿਂ ਨਾਸੁ

ਸ+ਸ੍ਮਾ+ਸ੍ਮਿਂ+ਨਾਸੁ ਨ੍ਤ+ਨ੍ਤੂਨਂ ਸਵਿਭਤ੍ਤੀਨਂ ਤੋ+ਤਾ+ਤਿ+ਤਾ ਹੋਨ੍ਤਿ ਵਾ ਯਥਾਕ੍ਕਮਂ. ਗਚ੍ਛਤਾ ਗਚ੍ਛਨ੍ਤੇਨ, ਗਚ੍ਛਨ੍ਤੇਹਿ ਗਚ੍ਛਨ੍ਤੇਭਿ. ਗਚ੍ਛਤੋ ਗਚ੍ਛਸ੍ਸ ਗਚ੍ਛਨ੍ਤਸ੍ਸ.

ਨਂਮ੍ਹਿ ਨ੍ਤ+ਨ੍ਤੂਨਂ ਸਵਿਭਤ੍ਤੀਨਂ ਤਂ ਵਾ ਹੋਤਿ. ਗਚ੍ਛਤਂ ਗਚ੍ਛਨ੍ਤਾਨਂ. ਗਚ੍ਛਤਾ ਗਚ੍ਛਨ੍ਤਾ ਗਚ੍ਛਨ੍ਤਮ੍ਹਾ ਗਚ੍ਛਨ੍ਤਸ੍ਮਾ. ਗਚ੍ਛਤਿ ਗਚ੍ਛਨ੍ਤੇ ਗਚ੍ਛਨ੍ਤਮ੍ਹਿ ਗਚ੍ਛਨ੍ਥਸ੍ਮਿਂ, ਚ੍ਛੇਨ੍ਤੇਸੁ.

ਏਵਂ ਮਹਂ ਚਰਂ ਤਿਟ੍ਠਂ, ਦਦਂ ਭੁਞ੍ਜਂ ਸੁਣਂ ਪਚਂ;

ਜਯਂ ਜੀਰਂ ਵਚਂ ਪੀਯਂ, ਸਰਂ ਕੁਬ੍ਬਂ ਜਪਂ ਵਜਂ.

ਨਿਯਮਸੁਤ੍ਤ+ਮਿਦਂ. ਭੂਧਾਤੁਤੋ ਨ੍ਤਸ੍ਸ ਅਂ ਹੋਤਿ ਸਿਮ੍ਹਿ ਨਿਚ੍ਚਂ ਪੁਨਬ੍ਬਿਧਾਨਾ. ਭਵਂ.

ਭਵਨ੍ਤਸਦ੍ਦਸ੍ਸ ਭੋਨ੍ਤਾਦੇਸੋ ਵਾ ਹੋਤਿ ਗ+ਯੋ+ਨਾ+ਸੇ. ਨ੍ਤੋਆਦੇਸੋ, ਭੋਨ੍ਤੋ ਭੋਨ੍ਤਾ ਭਵਨ੍ਤੋ ਭਵਨ੍ਤਾ. ਗੇ ¶ ਪਨ ਭੋ ਭੋਨ੍ਤ ਭੋਨ੍ਤਾ ਭਵ ਭਵਾ ਭਵਂ, ਭੋਨ੍ਤੋ ਭੋਨ੍ਤਾ ਭਵਨ੍ਤੋ ਭਵਨ੍ਤਾ. ਭੋਨ੍ਤਾਦੇਸਪਕ੍ਖੇ ਟ+ਟਾ+ਅਂਆਦੇਸਾ ਬਹੁਲਾਧਿਕਾਰਾ ਨ ਹੋਨ੍ਤਿ. ਭਵਂ ਭਵਨ੍ਤਂ, ਭੋਨ੍ਤੇ ਭਵਨ੍ਤੇ. ਭੋਤਾ ਭੋਨ੍ਤੇਨ ਭਵਤਾ ਭਵਨ੍ਤੇਨ, ਭਵਨ੍ਤੇਹਿ ਭਵਨ੍ਤੇਭਿ. ਭੋਤੋ ਭੋਨ੍ਤਸ੍ਸ ਭਵਤੋ ਭਵਸ੍ਸ ਭਵਨ੍ਤਸ੍ਸ, ਭਵਤਂ ਭਵਨ੍ਤਾਨਂ. ਭਵਤਾ ਇਚ੍ਚਾਦਿ ਗਚ੍ਛਨ੍ਤਸਮਂ.

ਭੋਇਤਿ ਆਮਨ੍ਤਣੇ ਨਿਪਾਤੋ, ‘‘ਕੁਤੋ ਨੁ ਆਗਚ੍ਛਥ ਭੋ ਤਯੋ ਜਨਾ’’ਤਿ ਬਹੁਵਚਨੇਪਿ ਦਸ੍ਸਨਤੋ. ਏਵਂ ਭਨ੍ਤੇਤਿ. ਭਦ੍ਦੇਤਿ ਭਦ੍ਦਸਦ੍ਦਨ੍ਤਰੇਨ ਸਿਦ੍ਧਂ. ਭਦ੍ਦਨ੍ਤਇਤਿ ਦਸ੍ਸ ਦ੍ਵਿਭਾਵੇਨ.

ਸਂ ਸਨ੍ਤੋ, ਸਨ੍ਤੋ ਸਨ੍ਤਾ. ਭੋ ਸ ਸਾ ਸਂ, ਸਨ੍ਤੋ ਸਨ੍ਤਾ. ਸਂ ਸਨ੍ਤਂ ‘‘ਸਂਯੋਗਾਦਿਲੋਪੋਤਿ ਨਸ੍ਸ ਲੋਪੇ ‘‘ਯਂ ਯਞ੍ਹਿ ਰਾਜ ਭਜਤਿ, ਸਨ੍ਤਂ ਵਾ ਯਦਿ ਵਾ ਅਸਂ’’, ਸਨ੍ਤੇ. ਸਤਾ ਸਨ੍ਤੇਨ.

ਸਨ੍ਤਸਦ੍ਦਸ੍ਸ ਸਬ ਭਵਤਿ ਭਕਾਰੇ. ਸਬ੍ਭਿ ਸਨ੍ਤੇਹਿ. ਨਿਚ੍ਚਤ੍ਤਾ ਸਨ੍ਤੇਭੀਤਿ ਨ ਹੋਤਿ. ਸਤੋ ਸਸ੍ਸ ਸਨ੍ਤਸ੍ਸ ਇਚ੍ਚਾਦਿ ਗਚ੍ਛਨ੍ਤਸਮਂ.

ਸਿਮ੍ਹਿ ਮਹਨ੍ਤਾ+ਰਹਨ੍ਤਾਨਂ ਨ੍ਤਸ੍ਸ ਟਾ ਵਾ ਹੋਤਿ. ਮਹਾ ਮਹਂ ਮਹਨ੍ਤੋ, ਮਹਨ੍ਤੋ ਮਹਨ੍ਤਾ. ਅਰਹਾ ਅਰਹਂ, ਅਰਹਨ੍ਤੋ ਅਰਹਨ੍ਤਾ ਇਚ੍ਚਾਦਿ ਗਚ੍ਛਨ੍ਤਸਮਂ.

ਰਾਜਾਦੀਹਿ ¶ ਯੁਵਾਦੀਹਿ ਚ ਪਰਸ੍ਸ ਸਿਸ੍ਸ ਆ ਹੋਤਿ. ਅਸ੍ਮਾ,

ਰਾਜਾਦੀਹਿ ਯੁਵਾਦੀਹਿ ਚ ਯੋਨ+ਮਾਨੋ ਵਾ ਹੋਤਿ. ਅਸ੍ਮਾਨੋ ਅਸ੍ਮਾ. ਭੋ ਅਸ੍ਮ ਅਸ੍ਮਾ, ਅਸ੍ਮਾਨੋ ਅਸ੍ਮਾ.

ਰਾਜਾਦੀਨਂ ਯੁਵਾਦੀਨਞ੍ਚ ਆਨਙ ਹੋਤਿ ਵਾ ਅਂਮ੍ਹਿ. ਅਸ੍ਮਾਨਂ ਅਸ੍ਮਂ, ਅਸ੍ਮਾਨੋ ਅਸ੍ਮੇ.

ਕਮ੍ਮਾਦਿਤੋ ਨਾਵਚਨਸ੍ਸ ਏਨੋ ਵਾ ਹੋਤਿ. ਅਸ੍ਮੇਨ ਅਸ੍ਮਨਾ, ਅਸ੍ਮੇਹਿ ਅਸ੍ਮੇਭਿ. ਅਸ੍ਮਸ੍ਸ, ਅਸ੍ਮਾਨਂ. ਅਸ੍ਮਾ ਅਸ੍ਮਮ੍ਹਾ ਅਸ੍ਮਸ੍ਮਾ ਇਚ੍ਚਾਦਿ.

ਕਮ੍ਮਾਦਿਤੋ ਸ੍ਮਿਨੋ ਨਿ ਹੋਤਿ ਵਾ. ਅਸ੍ਮਨਿ ਅਸ੍ਮੇ ਅਸ੍ਮਮ੍ਹਿ ਅਸ੍ਮਸ੍ਮਿਂ, ਅਸ੍ਮੇਸੁ. ਕਮ੍ਮ ਚਮ੍ਮ ਵੇਸ੍ਮ ਭਸ੍ਮ ਬ੍ਰਹ੍ਮ ਅਤ੍ਤ ਆਤੁਮ ਘਮ੍ਮ ਮੁਦ੍ਧਇਤਿ ਕਮ੍ਮਾਦਯੋ. ਮੁਦ੍ਧ ਗਣ੍ਡਿਵਧਨ੍ਵ ਅਣਿਮ ਲਘਿਮਾਦਯੋ ਅਸ੍ਮਸਮਾ. ਰਾਜ ਬ੍ਰਹ੍ਮ ਸਖ ਅਤ੍ਤ ਆਤੁਮ ਗਣ੍ਡਿਵਧਨ੍ਵ ਅਸ੍ਮ ਅਣਿਮ ਲਘਿਮਾਦਯੋ ਰਾਜਾਦਯੋ.

‘‘ਧਮ੍ਮੋ ਵਾ+ਞ੍ਞਤ੍ਥੇ’’ਤਿ ਗਣਸੁਤ੍ਤੇਨ ਰਾਜਾਦੀਸੁ ਪਟ੍ਠਿਤਤ੍ਤਾ ਦਲ਼ਧਮ੍ਮੋ ਦਲ਼ਧਮ੍ਮਾਤਿ ਵਾ ਹੋਤਿ. ਯੁਵ ਸਾ ਸੁਵਾ ਮਘਵ ਪੁਮ ¶ ਵਤ੍ਤਹਾਤਿ ਯੁਵਾਦਯੋ. ਰਾਜਾ, ਰਾਜਾਨੋ ਰਾਜਾ. ਭੋਰਾਜ ਰਾਜਾ, ਰਾਜਾਨੋ ਰਾਜਾ. ਰਾਜਾਨਂ ਰਾਜਂ, ਰਾਜਾਨੋ ਰਾਜੇ.

‘‘ਸਬ੍ਬਦਤ੍ਤੇਨ ਰਾਜਿਨਾ’’ਤਿ ਪਾਠਮ੍ਪਤਿ ਇਦ+ਮਾਰਦ੍ਧਂ. ਰਾਜਸ੍ਸਿ ਵਾ ਹੋਤਿ ਨਾਮ੍ਹਿ. ਰਾਜਿਨਾ.

ਨਾ+ਸ੍ਮਾਸੁ ਰਾਜਸ੍ਸ ਸਵਿਭਤ੍ਤਿਸ੍ਸ ਰਞ੍ਞਾ ਹੋਤਿ ਨਿਚ੍ਚਂ. ਅਨੇਕਵਣ੍ਣਤ੍ਤਾ ਸਬ੍ਬਸ੍ਸ. ਰਞ੍ਞਾ.

ਰਾਜਸ੍ਸ ਊ ਹੋਤਿ ਵਾ ਸੁ+ਨਂ+ਹਿਸੁ. ‘‘ਛਟ੍ਠਿਯਨ੍ਤਸ੍ਸਾਤਿ ਅਨ੍ਤਸ੍ਸ ਹੋਤਿ. ਰਾਜੂਹਿ ਰਾਜੇਹਿ ਰਾਜੂਭਿ ਰਾਜੇਭਿ.

ਸੇ ਰਾਜਸ੍ਸ ਸਵਿਭਤ੍ਤਿਸ੍ਸ ਏਤੇ ਆਦੇਸਾ ਹੋਨ੍ਤਿ. ਰਞ੍ਞੋ ਰਞ੍ਞਸ੍ਸ ਰਾਜਿਨੋ, ਰਾਜੂਨਂ.

ਨਂਮ੍ਹਿ ਰਾਜਸ੍ਸ ਸਵਿਭਤ੍ਤਿਸ੍ਸ ਰਞ੍ਞਂ ਵਾ ਹੋਤਿ. ਰਞ੍ਞਂ. ਰਞ੍ਞਾ, ਰਾਜੂਹਿ ਰਾਜੇਹਿ ਰਾਜੂਭਿ ਰਾਜੇਭਿ.

ਸ੍ਮਿਮ੍ਹਿ ਰਾਜਸ੍ਸ ਸਵਿਭਤ੍ਤਿਸ੍ਸ ਰਞ੍ਞੇ+ਰਾਜਿਨਿ ਹੋਨ੍ਤਿ ਨਿਚ੍ਚਂ. ਰਞ੍ਞੇ ਰਾਜਿਨਿ, ਰਾਜੂਸੁ ਰਾਜੇਸੁ.

ਇਤਿ ¶ ਗਣਸੁਤ੍ਤੇਨ ਰਾਜਸ੍ਸ ਨਾ+ਸ੍ਮਾ+ਸ੍ਮਿਂਸੁ ਯਂ ਵੁਤ੍ਤਂ, ਤਂ ਵਾ ਹੋਤਿ. ਕਾਸਿਰਞ੍ਞਾ ਕਾਸਿਰਾਜਿਨਾ ਕਾਸਿਰਾਜੇਨ, ਕਾਸਿਰਾਜੂਭਿ ਕਾਸਿਰਾਜੇਭਿ ਕਾਸਿਰਾਜੂਹਿ ਕਾਸਿਰਾਜੇਹਿ. ਕਾਸਿਰਞ੍ਞੋ ਕਾਸਿਰਞ੍ਞਸ੍ਸ ਕਾਸਿਰਾਜਿਨੋ ਕਾਸਿਰਾਜਸ੍ਸ. ਕਾਸਿਰਞ੍ਞਾ ਕਾਸਿਰਾਜਸ੍ਮਾ. ਕਾਸਿਰਾਜੂਨਂ ਕਾਸਿਰਾਜਾਨਂ. ਕਾਸਿਰਞ੍ਞੇ ਕਾਸਿਰਾਜਿਨਿ ਕਾਸਿਰਾਜੇ ਕਾਸਿਰਾਜਮ੍ਹਿ ਕਾਸਿਰਾਜਸ੍ਮਿਂ, ਕਾਸਿਰਾਜੂਸੁ ਕਾਸਿਰਾਜੇਸੁ.

ਅਦ੍ਧਾ, ਅਦ੍ਧਾਨੋ ਅਦ੍ਧਾ. ਭੋ ਅਦ੍ਧ ਅਦ੍ਧਾ, ਅਦ੍ਧਾਨੋ ਅਦ੍ਧਾ. ਅਦ੍ਧਾਨਂ ਅਦ੍ਧਂ, ਅਦ੍ਧਾਨੋ ਅਦ੍ਧੇ.

੧੯੨. ਪੁਮ+ਕਮ੍ਮ+ਥਾਮ+ਦ੍ਧਾਨਂ ਸ+ਸ੍ਮਾਸੁ ਚ

ਪੁਮਾਦੀਨ+ਮੁ ਹੋਤਿ ਵਾ ਸ+ਸ੍ਮਾਸੁ ਨਾਮ੍ਹਿ ਚੇ+ਤਿ ਉਤ੍ਤੇ ਅਦ੍ਧੁਨਾ, ਕਮ੍ਮਾਦਿਤ੍ਤਾ ‘‘ਨਾਸ੍ਸੇ+ਨੋ’’ਤਿ ਵਾ ਏਨੋ, ਅਦ੍ਧੇਨ ਅਦ੍ਧਨਾ, ਅਦ੍ਧੇਹਿ ਅਦ੍ਧੇਭਿ. ਸੇ ਉਕਾਰੇ ਚ –

ਨਾਮਂ ਪਾਟਿਪਦਿਕਂ, ਤਸ੍ਸ ਅਨ੍ਤੇ ਵਤ੍ਤਮਾਨਾ ਇਵਣ੍ਣੁਵਣ੍ਣਾ ਝਲਸਞ੍ਞਾ ਹੋਨ੍ਤਿ ਯਥਾਕ੍ਕਮਂ. ਇ ਚ ਉ ਚ ਇਯੁ, ਇਯੁ ਚ ਤੇ ਵਣ੍ਣਾ ਚੇਤਿ ਇਯੁਵਣ੍ਣਾ, ‘‘ਦ੍ਵਨ੍ਦਨ੍ਤੇ ਸੂਯਮਾਨਂ ਪਚ੍ਚੇਕ+ਮਭਿਸਮ੍ਬਨ੍ਧਿਯ ਤੇ’’ਤਿ ਵੁਤ੍ਤਤ੍ਤਾ ਵਣ੍ਣਸਦ੍ਦਂ ਪਚ੍ਚੇਕ+ਮਭਿਸਮ੍ਬਨ੍ਧਿਯ ‘‘ਇਵਣ੍ਣੁਵਣ੍ਣਾ’’ਤਿ ਵੁਤ੍ਤਂ.

ਝਲਤੋ ਸਸ੍ਸ ਨੋ ਵਾ ਹੋਤਿ. ਅਦ੍ਧੁਨੋ ਅਦ੍ਧੁਸ੍ਸ ਅਦ੍ਧਸ੍ਸ, ਅਦ੍ਧਾਨਂ.

ਝਲਤੋ ¶ ਸ੍ਮਾਸ੍ਸ ਨਾ ਹੋਤਿ ਵਾ, ਅਦ੍ਧੁਨਾ ਅਦ੍ਧੁਮ੍ਹਾ ਅਦ੍ਧੁਸ੍ਮਾ ਅਦ੍ਧਾ ਅਦ੍ਧਮ੍ਹਾ ਅਦ੍ਧਸ੍ਮਾ. ‘‘ਕਮ੍ਮਾਦਿਤੋ’’ਤਿ ਸ੍ਮਿਨੋ ਨਿ, ਅਦ੍ਧਨਿ ਅਦ੍ਧੇ ਅਦ੍ਧਮ੍ਹਿ ਅਦ੍ਧਸ੍ਮਿਂ, ਅਦ੍ਧੇਸੁ. ਅਦ੍ਧਸਦ੍ਦੋ ਚੇ+ਤ੍ਥਕਾਲ+ਦ੍ਧਾਨਵਾਚਿ, ਨ ਭਾਗਵਾਚੀ.

ਅਤ੍ਤਾ, ਅਤ੍ਤਾਨੋ ਇਚ੍ਚਾਦਿ ਯਾਵ ਦੁਤਿਯਾ ਰਾਜਾਵ, ਕਮ੍ਮਾਦਿਤ੍ਤਾ ਏਨੇ ਅਤ੍ਤੇਨ ਅਤ੍ਤਨਾ.

ਅਤ੍ਤ+ਆਤੁਮਾਨਂ ਸੁ+ਹਿਸੁ ਨਕਾਗਮੋ ਹੋਤਿ. ‘‘ਞਕਾਨੁਬਨ੍ਧਾ+ਦ੍ਯਨ੍ਤਾ’’ਤਿ ਪਰਿਭਾਸਤੋ ਕਕਾਰੋ ਅਨ੍ਤਾਵਯਵਤ੍ਥੋ, ਅਤ੍ਤਨੇਹਿ ਅਤ੍ਥੇਹਿ ਅਤ੍ਤਨੇਭਿ ਅਤ੍ਤੇਭਿ.

ਅਤ੍ਤ+ਆਤੁਮੇਹਿ ਸਸ੍ਸ ਨੋ ਵਾ ਹੋਤਿ. ਅਤ੍ਤਨੋ ਅਤ੍ਤਸ੍ਸ, ਅਤ੍ਤਾਨਂ.

ਬ੍ਰਹ੍ਮਾ ਅਤ੍ਤ+ਆਤੁਮੇਹਿ ਚ ਪਰਸ੍ਸ ਸ੍ਮਾਸ੍ਸ ਨਾ ਹੋਤਿ ਨਿਚ੍ਚਂ. ਅਤ੍ਤਨਾ. ਸ੍ਮਿਮ੍ਹਿ ਕਮ੍ਮਾਦਿਤ੍ਤਾ ਨਿ, ਅਤ੍ਤਨਿ ਅਤ੍ਤੇ ਅਤ੍ਤਮ੍ਹਿ ਅਤ੍ਤਸ੍ਮਿਂ, ਅਤ੍ਤਨੇਸੁ ਅਤ੍ਤੇਸੁ. ਆਤੁਮਾ ਅਤ੍ਤਾਵ.

ਬ੍ਰਹ੍ਮਾ, ਬ੍ਰਹ੍ਮਾਨੋ ਬ੍ਰਹ੍ਮਾ, ‘‘ਬ੍ਰਹ੍ਮਸ੍ਸੁ ਵਾ’’ਤਿ ਸੁਤ੍ਤੇ ‘‘ਬ੍ਰਹ੍ਮਸ੍ਸੂ’’ਤਿ ਯੋਗਵਿਭਾਗਾ ਆਨੋਮ੍ਹਿ ਬ੍ਰਹ੍ਮਸ੍ਸ ਉ, ਪਰਸ੍ਸਰਲੋਪੇ ਬ੍ਰਹ੍ਮੁਨੋਤਿਪਿ ਸਿਜ੍ਝਤਿ. ਅਯਞ੍ਚ ਬ੍ਰਹ੍ਮਸਂਯੁਤ੍ਤੇ ਦਿਸ੍ਸਤਿ. ਬ੍ਰਹ੍ਮਾ ਗੇ-

ਆਕਤਿਗਣੋ+ਯਂ ¶ , ਆਕਤੀਤਿ ਜਾਤਿ, ਜਾਤਿਪਧਾਨਗਣੋਤ੍ਯ+ਤ੍ਥੋ. ਘਸਞ੍ਞਤੋ ਬ੍ਰਹ੍ਮ+ਕਤ੍ਤੁ+ਇਸਿ+ਸਖਾਦੀਹਿ ਚ ਗਸ੍ਸੇ+ਵਾ ਹੋਤਿ. ਭੋ ਬ੍ਰਹ੍ਮੇ ਬ੍ਰਹ੍ਮਾ, ਬ੍ਰਹ੍ਮਾਨੋ ਬ੍ਰਹ੍ਮਾ. ਬ੍ਰਹ੍ਮਾਨਂ ਬ੍ਰਹ੍ਮਂ, ਬ੍ਰਹ੍ਮਾਨੋ ਬ੍ਰਹ੍ਮੇ.

ਬ੍ਰਹ੍ਮਸ੍ਸੁ ਹੋਤਿ ਨਾਮ੍ਹਿ ਨਿਚ੍ਚਂ. ਬ੍ਰਹ੍ਮੁਨਾ, ਬ੍ਰਹ੍ਮੇਹਿ ਬ੍ਰਹ੍ਮੇਭਿ.

ਬ੍ਰਹ੍ਮਸ੍ਸੁ ਵਾ ਹੋਤਿ ਸ+ਨਂਸੁ. ‘‘ਝਲਾ ਸਸ੍ਸ ਨੋ’’ਤਿ ਨੋ. ਬ੍ਰਹ੍ਮੁਨੋ ਬ੍ਰਹ੍ਮੁਸ੍ਸ ਬ੍ਰਹ੍ਮਸ੍ਸ, ਬ੍ਰਹ੍ਮੂਨਂ ਬ੍ਰਹ੍ਮਾਨਂ. ‘‘ਸ੍ਮਾਸ੍ਸ ਨਾ ਬ੍ਰਹ੍ਮਾ ਚੇ’’ਤਿ ਸ੍ਮਾਸ੍ਸ ਨਾ, ਉਕਾਰੇ ਬ੍ਰਹ੍ਮੁਨਾ. ‘‘ਅਮ੍ਬ੍ਵਾਦੀਹਿ’’ਤਿ ਸ੍ਮਿਨੋ ਨਿ, ਇਮਸ੍ਸ ਆਕਤਿਗਣਤ੍ਤਾ ਬ੍ਰਹ੍ਮਸ੍ਸ ਕਮ੍ਮਾਦਿਤ੍ਤੇਪਿ ਏਤ੍ਥ ਵੁਤ੍ਤਾ. ਬ੍ਰਹ੍ਮਨਿ ਬ੍ਰਹ੍ਮੇ ਬ੍ਰਹ੍ਮਮ੍ਹਿ ਬ੍ਰਹ੍ਮਸ੍ਮਿਂ, ਬ੍ਰਹ੍ਮੇਸੁ.

ਸਖਤੋ ਯੋਨ+ਮਾਯੋ ਨੋ ਹੋਨ੍ਤਿ ਵਾ ਆਨੋ ਚ. ਸਖਾਯੋ ਸਖਾਨੋ.

ਸਖਸ੍ਸ ਇ ਹੋਤਿ ਨਿਚ੍ਚਂ ਨੋ+ਨਾ+ਸੇਸੁ. ਸਖਿਨੋ.

ਸਖਸ੍ਸ ਵਾ ਆਰਙ ਹੋਤਿ ਯੋ+ਸ੍ਵਂ+ਹਿਸੁ ਸ੍ਮਾ+ਨਂਸੁਚ.

ਆਰਵਾਦੇਸਤੋ ¶ ਪਰੇਸਂ ਯੋਨਂ ਟੋ ਹੋਤਿ. ਸਖਾਰੋ ਸਖਾ. ਗੇ ਤੁ ‘‘ਘ+ਬ੍ਰਹ੍ਮਾਦਿਤੇ’’ਤਿ ਏ, ਸਖੇ ਸਖ ਸਖਾ. ਬਹੁਵਚਨਂ ਪਠਮਾ ਵਿਯ. ਅਂਮ੍ਹਿ ‘‘ਵਾ+ਮ੍ਹਾ+ਨਙ’’ਤਿ ਆਨਙ, ਸਖਾਨਂ ਸਖਾਰਂ ਸਖਂ, ਸਖਾਯੋ ਸਖਾਨੋ ਸਖਿਨੋ.

ਆਰਵਾਦੇਸਮ੍ਹਾ ਯੋਨਂ ਟੋ ਟੇ ਵਾ ਹੋਨ੍ਤਿ ਯਥਾਕ੍ਕਮਂਤਿ ਟੇ. ਅਞ੍ਞਤ੍ਥ ‘‘ਆਰਙਸ੍ਮਾ’’ਤਿ ਟੋ. ਸਖਾਰੇ ਸਖਾਰੋ ਸਖੇ. ਟੋਗ੍ਗਹਣਂ ਲਾਘਵਤ੍ਥਂ. ਸਖਿਨਾ, ਸਖਾਰੇਹਿ ਸਖੇਹਿ. ‘‘ਝਲਾ ਸਸ੍ਸ ਨੋ’’ਤਿ ਝਤੋ ਸਸ੍ਸ ਨੋ, ਸਖਿਨੋ ਸਖਿਸ੍ਸ, ਸਖਾਰਾਨਂ.

ਸਖਸ੍ਸ ਵਾ ਇ ਹੋਤਿ ਸ੍ਮਾ+ਨਂਸੁ. ਸਖੀਨਂ ਸਖਾਨਂ.

ਆਰਵਾਦੇਸਮ੍ਹਾ ਨਾ+ਸ੍ਮਾਨਂ ਟਾ ਹੋਤਿ ਨਿਚ੍ਚਂ. ਸਖਾਰਾ, ਬਹੁਲਾਧਿਕਾਰਾ ਸਖਾਰਸ੍ਮਾ. ‘‘ਨਾ ਸ੍ਮਾਸ੍ਸਾ’’ਤਿ ਨਾ, ਸਖਿਨਾ ਸਖਿਸ੍ਮਾ ਸਖਾ ਸਖਮ੍ਹਾ ਸਖਸ੍ਮਾ.

ਸਖਤੋ ਸ੍ਮਿਨੋ ਟੇ ਹੋਤਿ ਨਿਚ੍ਚਂ. ਸਖੇ, ਸਖਾਰੇਸੁ ਸਖੇਸੁ. ਸਖਿ ਸਖੀਤਿ ਇਤ੍ਥਿਯਂਯੇਵ ਪਯੋਗੋ ਦਿਸ੍ਸਤਿ, ਤਸ੍ਮਾ ‘‘ਨਦਾਦਿਤੋ ਙੀ’’ਤਿ ਵੀਮ੍ਹਿ ਆਲਪਨਤ੍ਤਾ ਵਾ ਰਸ੍ਸੋ.

ਯੁਵਾਦੀਹਿ ਯੋਨਂ ਨੋ+ਨੇ ਵਾ ਹੋਨ੍ਤਿ ਯਥਾਕ੍ਕਮਂ. ‘‘ਯੋਨ+ਮਾਨੋ’’ਤਿ ਆਨੋਮ੍ਹਿ ਸਿਦ੍ਧੇਪਿ ‘‘ਦੁਤਿਯਸ੍ਸ ਨੇ’’ਤਿ ਗਨ੍ਥਗਾਰਵੋ ਹੋਤੀਤਿ ਯਥਾਕ੍ਕਮਂਪਤਿ ਲਾਘਵਤ੍ਥਂ ਨੋਗ੍ਗਹਣਂ.

ਨੋ+ਨਾ+ਨੇਸੁ ਯੁਵਾਦੀਨ+ਮਾ ਹੋਤਿ. ਯੁਵਾਨੋ ਯੁਵਾ. ਭੋ ਯੁਵ ਯੁਵਾ, ਯੁਵਾਨੋ ਯੁਵਾ. ਯੁਵਾਨਂ ਯੁਵਂ, ਯੁਵਾਨੋ ਯੁਵਾਨੇ ਯੁਵੇ. ਯੁਵਾਨਾ.

ਸੁ+ਹਿਸੁ ਯੁਵਾਦੀਨ+ਮਾਨਙ ਹੋਤਿ. ਯੁਵਾਨੇਹਿ ਯੁਵਾਨੇਭਿ.

ਯੁਵਾ ਸਸ੍ਸ ਵਾ ਇਨੋ ਹੋਤਿ. ਯੁਵਿਨੋ ਯੁਵਸ੍ਸ, ਯੁਵਾਨਂ.

ਯੁਵਾਦਹਿ ਸ੍ਮਾ+ਸ੍ਮਿਂਨਂ ਨਾ+ਨੇ ਨਿਚ੍ਚਂ ਹੋਨ੍ਤਿ ਯਥਾਕ੍ਕਮਂ. ਯੁਵਾਨਾ, ਯੁਵਾਨੇਹਿ ਯੁਵਾਨੇਭਿ. ਯੁਵਾਨੇ, ਯੁਵਾਨੇਸੁ. ਮਘਵ+ਪੁਮ+ਵਤ੍ਤਹਸਦ੍ਦਾ ਯੁਵਸਦ੍ਦਸਮਾ. ਅਯਂ ਵਿਸੇਸੋ –

ਪੁਮਸਦ੍ਦਤੋ ਗਸ੍ਸ ਅਂ ਵਾ ਹੋਤਿ. ਪੁਮਂ ਪੁਮ ਪੁਮਾ, ਪੁਮਾਨੋ ਪੁਮਾ. ਪੁਮਾਨਂ ਪੁਮਂ, ਪੁਮਾਨੋ ਪੁਮਾਨੇ ਪੁਮੇ.

ਪੁਮਸ੍ਸਾ ¶ ਹੋਤਿ ਨਾਮ੍ਹਿ. ਪੁਮਾਨਾ. ‘‘ਲਕ੍ਖਣਿਕਪਟਿਪਦੋਤ੍ਤੇਸੁ ਪਟਿਪਦੋਤ੍ਤਸ੍ਸੇਵ ਗਹਣਂ, ਨ ਲਕ੍ਖਣਿਕਸ੍ਸਾ’’ਤਿ ਞਾਯਾ ਪਟਿਪਦੋਤ੍ਤਨਾਵਿਭਤ੍ਤਿ ਏਵ ਗਯ੍ਹਤਿ, ਨ ਨਾਸ੍ਮਾਸ੍ਸ, ਕਤਲਕ੍ਖਣਿਕਤ੍ਤਾ. ਪਟਿਪਦਨ੍ਤਿ ਚ ‘‘ਨਾਮ੍ਹੀ’’ਤਿ ਨਾਵਿਭਤ੍ਤਿਯਾ ਪਟਿਪਦਭੂਤੋ ਅਨੁਕਰਣਸਦ੍ਦੋ. ਨ ਲਕ੍ਖਣਿਕੋ ਨਾ. ‘‘ਪੁਮ+ਕਮ੍ਮ+ਥਾਮ+ਦ੍ਧਾਨਂ ਵਾ ਸ+ਸ੍ਮਾਸੁ ਚੇ’’ਤਿ ਵਾ ਉਤ੍ਤੇ ਪੁਮੁਨਾ ਪੁਮੇਨ. ਪੁਮੁਨੋ ਪੁਮੁਸ੍ਸ ਪੁਮਸ੍ਸ. ਪੁਮੁਨਾ ਪੁਮਾ.

ਸ੍ਮਿਨੋ ਨੇ ਵਾ ਹੋਤਿ. ਪੁਮਾਨੇ ਪੁਮੇ ਪੁਮਮ੍ਹਿ ਪੁਮਸ੍ਮਿਂ.

ਪੁਮਸ੍ਸ ਸੁਮ੍ਹਿ ਪੁਮਾਦੀਨਂ ਯਂ ਨਿਚ੍ਚਂ ਵੁਤ੍ਤਂ, ਤਂ ਵਾ ਹੋਤੀਤਿ ਆਨਙ ਵਾ ਹੋਤਿ ਆ ਚ. ਪੁਮਾਨੇਸੁ ਪੁਮਾਸੁ ਪੁਮੇਸੁ. ਵਤ੍ਤਹਾ, ਵਤ੍ਤਹਾਨੋ ਵਤ੍ਤਹਾ ਇਚ੍ਚਾਦਿ ਯੁਵਸਦ੍ਦਸਮਂ.

ਵਤ੍ਤਹਾ ਸਨਂਨਂ ਨੋਨਾਨਂ ਨਿਚ੍ਚਂ ਹੋਨ੍ਤਿ ਯਥਾਕ੍ਕਮਂ. ਵਤ੍ਤਹਾਨੋ ਵਤ੍ਤਹਾਨਾਨਂ.

ਘੋ ਚ ਓ ਚ ਘੋ, ਨ ਘੋ ਅਘੋ. ‘‘ਅਘੋਨਂ’’ਤਿ ਘਪ੍ਪਟਿਸੇਧੇ ਅਕਤੇ ਸ੍ਸ+ਮਾਦੀਸੁ ਪਰੇਸੁ ਘਸ੍ਸ ਵਿਕਪ੍ਪੇਨ ਰਸ੍ਸੋ, ਏਕਵਚਨਾਦੀਸੁ ¶ ਯੋਸੁ ਚ ਪਰੇਸੁ ਘਸ੍ਸ ਨਿਚ੍ਚੇਨ ਰਸ੍ਸੋਤਿ ਵਿਰੁਦ੍ਧਤ੍ਥਗਹਣਨਿਵਤ੍ਤਨਤ੍ਥੋ ਘਪਟਿਸੇਧੋ. ਓਗ੍ਗਹਣ+ਮੁਤ੍ਤਰਤ੍ਥਂ. ਏਕਵਚਨੇ ਯੋਸੁ ਚ ਘ+ਓਕਾਰਨ੍ਤਵਜ੍ਜਿਤਾਨਂ ਨਾਮਾਨਂ ਰਸ੍ਸੋ ਹੋਤਿ ਤਿਲਿਙ੍ਗੇਤਿ ਰਸ੍ਸੇ ਸਮ੍ਪਤ੍ਤੇ –

ਅਨਪੁਂਸਕਸ੍ਸ ਰਸ੍ਸੋ ਨ ਹੋਤੀਤਿ ਸਿਮ੍ਹਿ ਤੁ ਨ ਰਸ੍ਸੋ. ਸਾ. ‘‘ਪਜ੍ਜੁਨ੍ਨੋਵ ਲਕ੍ਖਣਪਵੁਤ੍ਤਿ ਜਲੇਪਿ ਵਸ੍ਸਤਿ, ਥਲੇਪਿ ਵਸ੍ਸਤੀ’’ਤਿ ਞਾਯਾ ਯੁਵਾਦਿਤ੍ਤਾ ਸਿਸ੍ਸ ਆ. ਯੋਸੁ ਰਸ੍ਸੇ ‘‘ਯੋਨਂ ਨੋ+ਨੇ ਵਾ’’ਤਿ ਯੋਸ੍ਸ ਨੋ. ‘‘ਨੋ ਨਾਨੇਸ੍ਵਾ’’ਤਿ ਆ, ਸਾਨੋ. ਨੋਤ੍ਤਾਭਾਵਪਕ੍ਖੇ ‘‘ਯੋਨ+ਮਾਨੋ’’ਤਿ ਵਾਧਿਕਾਰਸ੍ਸ ਵਵਤ੍ਥਿਤਵਿਭਾਸਤ੍ਤਾ ਨਿਚ੍ਚ+ਮਾਨੋ, ਤਸ੍ਮਾ ਨੋ+ਨੇਅਭਾਵਪਕ੍ਖੇ ਸਾ, ਸੇਤਿ ਰੂਪਪਸਙ੍ਗੋ ਨ ਹੋਤਿ. ਸਾਨੋ. ਤਥਾ ਨੇਤ੍ਤਾਭਾਵਪਕ੍ਖੇ.

ਸਾਸਦ੍ਦਸ੍ਸ ਆਨਙ ਹੋਤਿ ਅਂ+ਸੇ ਗੇ ਚ ਨਿਚ੍ਚਂ. ਭੋ ਸਾਨ ਸਾਨਾ, ਸਾਨੋ. ਸਾਨਂ, ਸਾਨੇ ਸਾਨੋ. ਸਾਨਾ, ਸਾਨੇਹਿ ਸਾਨੇਭਿ. ਸਾਨਸ੍ਸ, ਸਾਨਂ. ਸਾਨਾ, ਸਾਨੇਹਿ ਸਾਨੇਭਿ. ਸਾਨੇ, ਸਾਨੇਸੁ.

ਸੁਵਾ ਯੁਵਾਵ. ‘‘ਏਕਵਚਨਯੋਸ੍ਵ+ਘੋਨਂ’’ਤਿ ਰਸ੍ਸਤ੍ਤਂ ਵਿਸੇਸੋ. ਗੇ ਤੁ –

ਅਘੋਨਂ ਗੇ ਵਾ ਰਸ੍ਸੋ ਹੋਤਿ ਤਿਲਿਙ੍ਗੇ. ਭੋ ਸੁਵ ਸੁਵਾ.

ਝਸਞ੍ਞਸ੍ਸ ਇਸ੍ਸ ਯੋਸੁ ਵਾ ਟ ਹੋਤਿ ਪੁਲ੍ਲਿਙ੍ਗੇ. ਮੁਨਯੋ, ਝਗ੍ਗਹਣਂ ਕਿਂ, ਇਕਾਰਨ੍ਤਸਮੁਦਾਯਸ੍ਸ ਮਾ ਸਿਯਾ. ਇਗ੍ਗਹਣਂ ਕਿਂ, ਈਕਾਰਸ੍ਸ ਵਾਤਿ. ਅਤੋਤਿ ਸਾਮਞ੍ਞਨਿਦ੍ਦੇਸਾ ਲਕ੍ਖਣਿਕਅਕਾਰਤੋ ਯੋਨਂ ਟਾਟੇ ਸਮ੍ਪਤ੍ਤਾਪਿ ਅਵਿਧਾਨਸਾਮਤ੍ਥਿਯਾ ਨ ਹੋਨ੍ਤਿ. ਸਾਮਤ੍ਥਿਯਞ੍ਚ ਅਞ੍ਞਥਾ ਅਨੁਪਪਤ੍ਤਿ.

ਝਲਤੋ ਯੋਨਂ ਲੋਪੋ ਹੋਤੀਤਿ ਯੋਲੋਪੇ –

ਯੋਨਂ ਲੋਪੇਨਿਸੁ ਚ ਦੀਘੋ ਹੋਤਿ. ਮੁਨਿ. ਮੁਨਯੋਤਿ ਏਤ੍ਥ ਯੋਲੋਪੋ ਕਿਮਤ੍ਥਂ ਨ ਹੋਤਿ, ਅਕ੍ਕੇਨ ਝਤ੍ਤਸ੍ਸ ਨਾਸਿਤਤ੍ਤਾ. ਕਿਨ੍ਤਿ ਪਠਮਂ ਨ ਹੋਤਿ, ਅਨ੍ਤਰਙ੍ਗਤ੍ਤਾ ਝਤ੍ਤਸ੍ਸ. ਭੋ ਮੁਨਿ ਮੁਨੀ, ਮੁਨਯੋ ਮੁਨੀ. ਮੁਨਿਂ, ਮੁਨਯੋ ਮੁਨੀ. ਮੁਨਿਨਾ, ਮੁਨੀਹਿ ਮੁਨੀਭਿ. ‘‘ਯੋਲੋਪਨਿਸੁ’’ ‘‘ਵੀਮਨ੍ਤੁਵਨ੍ਤੂਨ’’ ਮਿਚ੍ਚਾਦਿਞਾਪਕਾ ਇਕਾਰੁਕਾਰਾਨਂ ਸੁਨਂਹਿਸੁ ਦੀਘਸ੍ਸਾ+ਨਿਚ੍ਚਤ੍ਤਾ ਮੁਨਿਹਿ ਮੁਨਿਨਂ ਮੁਨਿਸੁ ਇਤਿਪਿ ਹੋਤਿ. ‘‘ਝਲਾ ਸਸ੍ਸ ਨੋ’’ਤਿ ਨੋ, ਮੁਨਿਨੋ ਮੁਨਿਸ੍ਸ, ਮੁਨੀਨਂ. ‘‘ਨਾਸ੍ਮਾਸ੍ਸਾ’’ਤਿ ਨਾ, ਮੁਨਿਨਾ ਮੁਨਿਮ੍ਹਾ ਮੁਨਿਸ੍ਮਾ. ਮੁਨਿਮ੍ਹਿ ਮੁਨਿਸ੍ਮਿਂ, ਮੁਨੀਸੁ. ‘‘ਇਤੋ ਕ੍ਵਚਿ ਸਸ੍ਸ ਟਾਨੁਬਨ੍ਧੋ’’ (ਗਣਸੁਤ੍ਤ)ਤਿ ਬ੍ਰਹ੍ਮਾਦੀਸੁ ਪਾਠਾ ‘‘ਯੋ ਚ ਸਿਸ੍ਸੋ ਮਹਾਮੁਨੇ’’ਤਿ ਏਤ੍ਥ ‘‘ਘ+ਬ੍ਰਹ੍ਮਾਦਿਤੇ’’ਤਿ ਸਸ੍ਸ ਏਟ.

ਜੋਤਿ ¶ ਪਾਣਿ ਗਣ੍ਠਿ ਮੁਟ੍ਠਿ, ਕੁਚ੍ਛਿ ਵਤ੍ਥਿ ਸਾਲਿ ਵੀਹਿ;

ਬ੍ਯਾਧਿ ਓਧਿ ਬੋਧਿ ਸਨ੍ਧਿ, ਰਾਸਿ ਕੇਸਿ ਸਾਤਿ ਦੀਪਿ.

ਇਸਿ ਗਿਨਿ ਮਣਿ ਧਨਿ, ਗਿਰਿ ਰਵਿ ਕਵਿ ਕਪਿ;

ਅਸਿ ਮਸਿ ਨਿਧਿ ਵਿਧਿ, ਅਹਿ ਕਿਮਿ ਪਤਿ ਹਰਿ.

ਅਞ੍ਜਲਿ ਸਾਰਥਿ ਅਤਿਥਿ, ਸਮਾਧਿ ਉਦਧਿਪ੍ਪਭੁਤਯੋ.

ਅਗ੍ਗਿਸ੍ਮਾ ਸਿਸ੍ਸ ਨਿ ਹੋਤਿ ਵਾ. ਅਗ੍ਗਿਨਿ ਅਗ੍ਗਿ, ਅਗ੍ਗਯੋ ਇਚ੍ਚਾਦਿ ਮੁਨਿਸਦ੍ਦਸਮਂ.

ਇਸਿਸ੍ਮਾ ਸਿਸ੍ਸ ਟੇ ਵਾ ਹੋਤਿ. ਇਸੇ ਇਸਿ. ‘‘ਘ+ਬ੍ਰਹ੍ਮਾਦਿਤੇ’’ਤਿ ਗਸ੍ਸ ਏ ਵਾ, ਭੋ ਇਸੇ ਇਸਿ, ਇਸਯੋ ਇਸੀ. ਇਸਿਂ.

‘‘ਦੁਤਿਯਾ ਯੋਸ੍ਸਾ’’ਤਿ ਅਵਤ੍ਵਾ ‘‘ਦੁਤਿਯਸ੍ਸ ਯੋਸ੍ਸਾ’’ਤਿ ਵਿਸੁਂ ਕਰਣਂ ‘‘ਏਕਯੋਗਨਿਦ੍ਦਿਟ੍ਠਾਨ+ਮਪ੍ਯੇ+ਕਦੇਸੋ+ਨੁਵਤ੍ਤਤੇ, ਨ ¶ ਤ੍ਵੇ+ਕਵਿਭਤ੍ਤਿਯੁਤ੍ਤਾਨਂ’’ਤਿ ਞਾਯਾ ਦੁਤਿਯਾਯੋਸ੍ਸਾਤਿ ਨਾਨੁਵਤ੍ਤਿਯ ਯੋਸ੍ਸਾਤਿ ਸਾਮਞ੍ਞੇਨ ਅਨੁਵੁਤ੍ਤਿਯ ਏਕਚ੍ਚਾਦਿਤੋ ਪਠਮਾ ਯੋਸ੍ਸਾਪਿ ਟੇਵਿਧਾਨਤ੍ਥਂ. ਇਸਿਸ੍ਮਾ ਪਰਸ੍ਸ ਦੁਤਿਯਾ ਯੋਸ੍ਸ ਟੇ ਵਾ ਹੋਤਿ. ਇਸੇ ਇਸਯੋ ਇਸੀ, ਸੇਸਂ ਮੁਨਿਸਮਂ.

ਰਤ੍ਯਾਦੀਹਿ ਸ੍ਮਿਨੋ ਟੋ ਵਾ ਹੋਤਿ. ਆਦੋ ਆਦਿਮ੍ਹਿ ਆਦਿਸ੍ਮਿਂ, ਆਦੀਸੁ.

ਸਮਾਸੇ ਇਕਾਰਨ੍ਤਤੋ ਯੋ+ਸ੍ਮਿਂਸੁ ਵਿਸੇਸੋ.

ਅਞ੍ਞਤ੍ਥੇ ਵਤ੍ਤਮਾਨਤੋ ਇਕਾਰਨ੍ਤਤੋ ਨਾਮਸ੍ਮਾ ਯੋਨਂ ਨੋ+ਨੇ ਵਾ ਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ. ਅਰਿਯਵੁਤ੍ਤਿਨੋ ਅਰਿਯਵੁਤ੍ਤਯੋ ਅਰਿਯਵੁਤ੍ਤੀ. ਭੋ ਅਰਿਯਵੁਤ੍ਤਿ ਅਰਿਯਵੁਤ੍ਤੀ, ਅਰਿਯਵੁਤ੍ਤਿਨੋ ਅਰਿਯਵੁਤ੍ਤਯੋ ਅਰਿਯਵੁਤ੍ਤੀ. ਅਰਿਯਵੁਤ੍ਤਿਂ, ਅਰਿਯਵੁਤ੍ਤਿਨੋ ਅਰਿਯਵੁਤ੍ਤਯੋ ਅਰਿਯਵੁਤ੍ਤੀ. ਅਰਿਯਵੁਤ੍ਤਿਨਾ ਇਚ੍ਚਾਦਿ ਤੁ ਮੁਨਿਸਦ੍ਦਸਮਂ.

ਅਞ੍ਞਤ੍ਥੇ ਇਕਾਰਨ੍ਤਤੋ ਨਾਮਸ੍ਮਾ ਸ੍ਮਿਨੋ ਨੇ ਵਾ ਹੋਤਿ ਕ੍ਵਚਿ. ਅਰਿਯਵੁਤ੍ਤਿਨੇ ਅਰਿਯਵੁਤ੍ਤਿਮ੍ਹਿ ਅਰਿਯਵੁਤ੍ਤਿਸ੍ਮਿਂ, ਅਰਿਯਵੁਤ੍ਤੀਸੁ. ਏਵਂ ਤੋਮਰਙ੍ਕੁਸਪਾਣਿਨੋ ਸਾਰਮਤਿਨੋ ਇਚ੍ਚਾਦਿ. ਕ੍ਵਚਿਗ੍ਗਹਣਾ ਨ ਸਬ੍ਬਤ੍ਥ ਨੇਆਦੇਸੋ.

ਦਣ੍ਡੀ ¶ , ਸਿਲੋਪੋ. ‘‘ਏਕਵਚਨੇ’’ ਚ੍ਚਾਦਿਨਾ ਰਸ੍ਸੇ ਸਮ੍ਪਤ੍ਤੇ ਅਨਪੁਂਸਕਤ੍ਤਾ ‘‘ਸਿਸ੍ਮਿਂਨਾ+ਨਪੁਂਸਕਸ੍ਸਾ’’ਤਿ ਨਿਸੇਧੋ. ਯੋਮ੍ਹਿ ਏਕਵਚਨੇ ਚ ਸਬ੍ਬਤ੍ਥ ਰਸ੍ਸੋ.

ਝਸਞ੍ਞਿਤੋ ਯੋਨਂ ਨੋ+ਨੇ ਵਾ ਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ. ਦਣ੍ਡਿਨੋ.

ਜਨ੍ਤੁ+ਹੇਤੂਹਿ ਈਕਾਰਨ੍ਤੇਹਿ ਘ+ਪਸਞ੍ਞੇਹਿ ਚ ਪਰੇਸਂ ਯੋਨਂ ਵਾ ਲੋਪੋ ਹੋਤਿ. ‘‘ਯੋਲੋਪਨਿਸੁ ਦੀਘੋ’’ਤਿ ਦੀਘੇ ਦਣ੍ਡੀ ਦਣ੍ਡਿਯੋ. ਗੇ ਤੁ ‘‘ਗੇ ਵਾ’’ਤਿ ਵਾ ਰਸ੍ਸੋ. ਭੋ ਦਣ੍ਡਿ ਦਣ੍ਡੀ, ਦਣ੍ਡਿਨੋ ਦਣ੍ਡੀ ਦਣ੍ਡਿਯੋ.

ਝਸਞ੍ਞੀਤੋ ਅਂਵਚਨਸ੍ਸ ਨਂ ਵਾ ਹੋਤਿ. ਦਣ੍ਡਿਨਂ ਦਣ੍ਡਿਂ, ਦਣ੍ਡਿਨੇ.

ਝੀਤੋ ਯੋਨਂ ਨੋ ਵਾ ਹੋਤਿ ਪੁਲ੍ਲਿਙ੍ਗੇ. ਦਣ੍ਡਿਨੋ ਦਣ੍ਡੀ ਦਣ੍ਡਿਯੋ. ਦਣ੍ਡਿਨਾ, ਦਣ੍ਡੀਹਿ ਦਣ੍ਡੀਭਿ. ‘‘ਝਲਾ ਸਸ੍ਸ ਨੋ’’ਤਿ ਨੋਮ੍ਹਿ ਕਤੇ ਦਣ੍ਡਿਨੋ ਦਣ੍ਡਿਸ੍ਸ, ਦਣ੍ਡੀਨਂ. ‘‘ਨਾ ਸ੍ਮਾਸ੍ਸਾ’’ਤਿ ਸ੍ਮਾਸ੍ਸ ਨਾ, ਦਣ੍ਡਿਨਾ ਦਣ੍ਡਿਮ੍ਹਾ ਦਣ੍ਡਿਸ੍ਮਾ.

ਝੀਤੋ ਸ੍ਮਿਂਵਚਨਸ੍ਸ ਨਿ ਹੋਤਿ ਵਾ. ਦਣ੍ਡਿਨਿ ਦਣ੍ਡਿਸ੍ਮਿਂ, ਦਣ੍ਡੀਸੁ, ਬਹੁਲਾਧਿਕਾਰਾ ਸ੍ਮਿਮ੍ਹਿ ਗਾਮਣੀ+ਸੇਨਾਨੀ+ਸੁਧੀਪਭੁਤੀਨਂ ਨਿਆਦੇਸਾਭਾਵੋ ਚ ਵਿਸੇਸੋ. ਏਵਂ –

ਧਮ੍ਮੀ ¶ ਸਙ੍ਘੀ ਞਾਣੀ ਹਤ੍ਥੀ, ਚਕ੍ਕੀ ਪਕ੍ਖੀ ਦਾਠੀ ਰਟ੍ਠੀ;

ਛਤ੍ਤੀ ਮਾਲੀ ਚਮ੍ਮੀ ਯੋਗੀ, ਭਾਗੀ ਭੋਗੀ ਕਾਮੀ ਸਾਮੀ.

ਧਜੀ ਗਣੀ ਸਸੀ ਕੁਟ੍ਠੀ, ਜਟੀ ਯਾਨੀ ਸੁਖੀ ਸਿਖੀ;

ਦਨ੍ਤੀ ਮਨ੍ਤੀ ਕਰੀ ਚਾਗੀ, ਕੁਸਲੀ ਮੁਸਲੀ ਬਲੀ; (ਵਾਚੀ, ਰੂ)

ਪਾਪਕਾਰੀ ਸਤ੍ਤੁਘਾਤੀ, ਮਾਲ੍ਯਕਾਰੀ ਦੀਘਜੀਵੀ;

ਧਮ੍ਮਵਾਦੀ ਸੀਹਨਾਦੀ, ਭੂਮਿਸਾਯੀ ਸੀਘਯਾਯੀ.

ਲਤੋ ਯੋਨਂ ਵੋ ਹੋਤਿ ਵਾ ਪੁਲ੍ਲਿਙ੍ਗੇ.

ਲਸਞ੍ਞਸ੍ਸ ਉਸ੍ਸ ਵੇ+ਵੋਸੁ ਟ ਹੋਤਿ. ਏਤ੍ਥ ‘‘ਪੁਮਾਲਪਨੇ ਵੇਵੋ’’ ਤ੍ਯ+ਤ੍ਰ ਵੋਸ੍ਸ ਸਹਚਰਿਤਞਾਯਾ ਅਨਿਸ੍ਸਿਤਤ੍ਤਾ ਜਾਤਿਵਸੇਨ ‘‘ਲਾ ਯੋਨਂ’’ ਤ੍ਯਾਦੋ ਵੋ ਚ ਗਯ੍ਹਤਿ. ਭਿਕ੍ਖਵੋ. ਅਞ੍ਞਤ੍ਰ ‘‘ਲੋਪੋ’’ਤਿ ਯੋਲੋਪੋ. ‘‘ਯੋਲੋਪਨਿਸੁ ਦੀਘੋ’’ਤਿ ਦੀਘੇ ਭਿਕ੍ਖੂ. ਭੋ ਭਿਕ੍ਖੁ ਭਿਕ੍ਖੂ.

ਲਸਞ੍ਞਤੋ ਉਤੋ ਯੋਸ੍ਸਾ+ਲਪਨੇ ਵੇ+ਵੋ ਹੋਨ੍ਤਿ ਵਾ ਪੁਲ੍ਲਿਙ੍ਗੇ. ਭਿਕ੍ਖਵੇ ਭਿਕ੍ਖਵੋ ਭਿਕ੍ਖੂ. ਭਿਕ੍ਖੁਂ, ਭਿਕ੍ਖਵੋ ਭਿਕ੍ਖੂ. ਭਿਕ੍ਖੁਨਾ ¶ , ਭਿਕ੍ਖੂਹਿ ਭਿਕ੍ਖੂਭਿ. ‘‘ਝਲਾ ਸਸ੍ਸ ਨੋ’’ਤਿ ਲਤੋ ਸਸ੍ਸ ਨੋ ਵਾ, ਭਿਕ੍ਖੁਨੋ ਭਿਕ੍ਖੁਸ੍ਸ, ਭਿਕ੍ਖੂਨਂ. ‘‘ਨਾ ਸ੍ਮਾਸ੍ਸਾ’’ਤਿ ਲਤੋ ਵਾ ਸ੍ਮਾਸ੍ਸ ਨਾ, ਭਿਕ੍ਖੁਨਾ ਭਿਕ੍ਖੁਮ੍ਹਾ ਭਿਕ੍ਖੁਸ੍ਮਾ. ਭਿਕ੍ਖੁਮ੍ਹਿ ਭਿਕ੍ਖੁਸ੍ਮਿਂ. ਏਵਂ –

ਸੇਤੁ ਕੇਤੁ ਰਾਹੁ ਭਾਣੁ, ਸਂਕੁ ਉਚ੍ਛੁ ਵੇਲ਼ੁ ਮਚ੍ਚੁ. (ਪਙ੍ਗੁ, ਰੂ) ਸਿਨ੍ਧੁ ਬਨ੍ਧੁ ਨੇਰੁ ਮੇਰੁ, ਸਤ੍ਤੁ ਕਾਰੁ ਹੇਤੁ ਜਨ੍ਤੁ. ਰੁਰੁ ਪਟੁ – ਇਚ੍ਚਾਦਯੋ.

ਜਨ੍ਤੁ+ਹੇਤੂਨਂ ਯੋਸ੍ਵ+ਯਂ ਭੇਦੋ. ‘‘ਜਨ੍ਤੁ+ਹੇਤ੍ਵੀ+ਘ+ਪੇਹਿ ਵਾ’’ਤਿ ਯੋਲੋਪੇ –

ਜਨ੍ਤ੍ਵਾਦਿਤੋ ਯੋਨਂ ਨੋ ਹੋਤਿ ਵੋ ਚ ਪੁਲ੍ਲਿਙ੍ਗੇ. ਜਨ੍ਤੁਨੋ ਜਨ੍ਤਵੋ ਜਨ੍ਤੁਯੋ. ਭੋ ਜਨ੍ਤੁ ਜਨ੍ਤੂ, ਜਨ੍ਤੁਨੋ, ‘‘ਪੁਮਾਲਪਨੇ ਵੇਵੋ’’ਤਿ ਵੇ+ਵੋ, ਜਨ੍ਤਵੇ ਜਨ੍ਤਵੋ ਜਨ੍ਤੁਯੋ. ਜਨ੍ਤੁਂ, ਜਨ੍ਤੂ ਜਨ੍ਤੁਨੋ ਜਨ੍ਤਵੋ ਜਨ੍ਤੁਯੋ. ਸੇਸਂ ਭਿਕ੍ਖੁਸਮਂ.

ਹੇਤੁ, ਹੇਤੂ ਹੇਤਵੋ. ‘‘ਯੋਮ੍ਹਿ ਵਾ ਕ੍ਵਚੀ’’ਤਿ ਲਸਞ੍ਞਸ੍ਸ ਉਸ੍ਸ ਵਾ ਟਾਦੇਸੋ, ਹੇਤਯੋ. ਯੋਮ੍ਹਿ ਅਨ੍ਤਰਙ੍ਗਤ੍ਤਾ ਪਠਮਂ ਟਾਦੇਸੇ ਕਤੇ ਪਚ੍ਛਾ ਯੋਲੋਪਾਭਾਵੋ, ਤਥਾ ਹਿ ਅਨ੍ਤਰਙ੍ਗ+ਬਾਹਿਰਙ੍ਗਵਿਧਾਨੇਸ੍ਵ+ਨ੍ਤਰਙ੍ਗਵਿਧਿਯੇਵ ਬਲਵਾ. ਏਤ੍ਥ ਚ ਪਕਤਿਨਿਸ੍ਸਿਤ+ਮਨ੍ਤਰਙ੍ਗਂ, ਪਚ੍ਚਯਨਿਸ੍ਸਿਤਂ ਬਾਹਿਰਙ੍ਗਂ. ਹੇਤੁਯੋ. ਭੋ ਹੇਤੁ, ਹੇਤੂ ਹੇਤਵੇ ਹੇਤਵੋ ਹੇਤਯੋ ਹੇਤੁਯੋ. ਸੇਸਂ ਪੁਬ੍ਬਸਮਂ.

ਨਂਮ੍ਹਿ ਬਹੁਨੋ ਕਤਿਸ੍ਸ ਚ ਨੁਕ ਹੋਤਿ ਤਿਲਿਙ੍ਗੇ. ਬਹੁਨ੍ਨਂ. ਸੇਸਂ ਭਿਕ੍ਖੁਸਮਂ.

ਲ੍ਤੁਪਚ੍ਚਯਨ੍ਤਾਨਂ ਪਿਤੁ+ਮਾਤੁ+ਭਾਤੁ+ਧੀਤੁ+ਦੁਹਿਤੁ+ਜਾਮਾਤੁ+ਨਤ੍ਤੁ+ਹੋਤੁ+ਪੋਤੂਨਞ੍ਚਾ ਹੋਤਿ ਸਿਮ੍ਹਿ. ਵਤ੍ਤਾ. ‘‘ਕਤ੍ਤਰਿ ਲ੍ਤੁ+ਣਕਾ’’ਤਿ ਵਿਹਿਤਲ੍ਤੁਪਚ੍ਚਯਸ੍ਸ ਗਹਣਾ ਯਤੋ ਧਾਤੁਤੋ ਹਿ ਸੋ ਵਿਹਿਤੋ, ‘‘ਪਚ੍ਚਯਗ੍ਗਹਣੇ ਯਸ੍ਮਾ ਸੋ ਵਿਹਿਤੋ, ਤਦਾਦਿਨੋ ਤਦਨ੍ਤਸ੍ਸ ਚ ਗਹਣਂ’’ਤਿ ਞਾਯਾ ਤਦਵਿਨਾਭਾਵਤੋ ਤਦਨ੍ਤਧਾਤੁਨੋਪਿ ਗਹਣਂਤਿ ਲ੍ਤੁਪਚ੍ਚਯਨ੍ਤਾਨਂਤਿ ਵੁਤ੍ਤਂ.

ਲ੍ਤੁਪਚ੍ਚਯਨ੍ਤਾਨਂ ਪਿਤਾਦੀਨਞ੍ਚਾ+ਰਙ ਹੋਤਿ ਸਤੋ+ਞ੍ਞਤ੍ਰ. ‘‘ਆਰਙਸ੍ਮਾ’’ਤਿ ਟੋ, ਵਤ੍ਤਾਰੋ.

ਗੇਲ੍ਤੁ+ਪਿਤਾਦੀਨਂ ਅ ਹੋਤਿ ਆ ਚ. ਭੋ ਵਤ੍ਤ ਵਤ੍ਤਾ, ਵਤ੍ਤਾਰੋ. ਵਤ੍ਤਾਰਂ, ਵਤ੍ਤਾਰੇ ਵਤ੍ਤਾਰੋ. ਨਾਵਚਨਸ੍ਸ ‘‘ਟਾ ਨਾਸ੍ਮਾਨਂ’’ਤਿ ਟਾ, ਵਤ੍ਤਾਰਾ.

ਸੁ+ਹਿਸੁ ਲ੍ਤੁ+ਪਿਤਾਦੀਨ+ਮਾਰਙ ਵਾ ਹੋਤਿ. ਵਤ੍ਤਾਰੇਹਿ ਵਤ੍ਤਾਰੇਭਿ ਵਤ੍ਤੂਹਿ ਵਤ੍ਤੂਭਿ.

ਲ੍ਤੁ+ਪਿਤਾਦੀਹਿ ¶ ਸਸ੍ਸ ਲੋਪੋ ਵਾ ਹੋਤਿ. ਵਤ੍ਤੁ ਵਤ੍ਤੁਨੋ ਵਤ੍ਤੁਸ੍ਸ.

ਨਂਮ੍ਹਿ ਲ੍ਤੁ+ਪਿਤਾਦੀਨ+ਮਾਰਙ ਵਾ ਹੋਤਿ. ਵਤ੍ਤਾਰਾਨਂ.

ਨਂਮ੍ਹਿ ਲ੍ਤੁ+ਪਿਤਾਦੀਨ+ਮਾ ਵਾ ਹੋਤਿ. ਵਤ੍ਤਾਨਂ ਵਤ੍ਤੂਨਂ. ਸ੍ਮਾਸ੍ਸ ਟਾ, ਵਤ੍ਤਾਰਾ.

ਸ੍ਮਿਮ੍ਹਿ ਆਰੋ ਰਸ੍ਸੋ ਹੋਤਿ. ਵਤ੍ਤਰਿ, ਵਤ੍ਤਾਰੇਸੁ ਵਤ੍ਤੂਸੁ ਵਤ੍ਤੁਸੁ. ਏਵਂ –

ਏਵਂ ਭਤ੍ਤੁ ਕਤ੍ਤੁ ਨੇਤੁ, ਸੋਤੁ ਞਾਤੁ ਜੇਤੁ ਛੇਤ੍ਤੁ;

ਭੇਤ੍ਤੁ ਦਾਤੁ ਧਾਤੁ ਬੋਦ੍ਧੁ, ਵਿਞ੍ਞਾਪੇਤਾਦਯੋਪਿ ਚ.

ਸਤ੍ਥੁਸਦ੍ਦਸ੍ਸ ਪਨ ਨਾਮ੍ਹਿ ਬਹੁਲਾਧਿਕਾਰਾ ‘‘ਲ੍ਤੁ+ਪਿਤਾਦੀਨ+ਮਸੇ’’ਤਿ ਵਾ ਆਰਵਾਦੇਸੇ ਸਤ੍ਥਾਰਾ ਸਤ੍ਥੁਨਾ. ਸੇਸਂ ਵਤ੍ਤੁਸਮਂ.

ਸਿਮ੍ਹਿ ਆ, ਪਿਤਾ. ‘‘ਲ੍ਤੁ+ਪਿਤਾਦੀਨ+ਮਸੇ’’ਤਿ ਆਰਵਾਦੇਸੇ –

ਨਤ੍ਵਾਦਿਵਜ੍ਜਿਤਾਨਂ ¶ ਪਿਤਾਦੀਨ+ਮਾਰੋ ਰਸ੍ਸੋ ਹੋਤਿ ਸਬ੍ਬਾਸੁ ਵਿਭਤ੍ਤੀਸੁ. ‘‘ਲ੍ਤੁ+ਪਿਤਾਦੀਨ+ਮਸੇ’’ ‘‘ਸੁ+ਹਿਸ੍ਵਾ+ਰਙ’’ ‘‘ਨਂਮ੍ਹਿ ਵਾ’’ਤਿ ਏਤ੍ਥ ਵੁਤ੍ਤਵਿਭਤ੍ਤੀਸੁ ਪਰੇਸੁ ਆਰਙ ਹੋਤੀਤਿ ਤਾ ਵਿਭਤ੍ਤਿਯੋ ਪਟਿਚ੍ਚ ਸਬ੍ਬਾਸੂਤਿ ਵੁਤ੍ਤਂ. ਪਿਤਰੋ. ਭੋ ਪਿਤ ਪਿਤਾ, ਪਿਤਰੋ. ਪਿਤਰਂ, ਪਿਤਰੇ ਪਿਤਰੋ. ਪਿਤਰਾ, ਪਿਤਰੇਹਿ ਪਿਤਰੇਭਿ ਪਿਤੂਹਿ ਪਿਤੂਭਿ. ਪਿਤੁ ਪਿਤੁਨੋ ਪਿਤੁਸ੍ਸ, ਪਿਤਰਾਨਂ ਪਿਤੂਨਂ. ‘‘ਪਿਤੁਨ੍ਨਂ’’ਤਿ ਨਂਮ੍ਹਿ ਦੀਘੇ ਰਸ੍ਸ+ਦ੍ਵਿਤ੍ਤਾਨੀਤਿ ਵੁਤ੍ਤਂ. ‘‘ਸਾਨੁਵੁਤ੍ਤਂ ਸੁਤ੍ਤਂ’’ਤਿ ਞਾਯਾ ‘‘ਬਹੁਕਤਿਨ੍ਨਂ’’ਤਿ ਏਤ੍ਥ ਨੁਕ-ਇਤਿ ਯੋਗਵਿਭਾਗੇਨਪਿ ਸਿਜ੍ਝਤਿ ਏਤ੍ਥ ਅਨੁਵਤ੍ਤਿਤਨਂਮ੍ਹਿ. ਪਞ੍ਚਮੀਛਟ੍ਠੀ ਤਤਿਯਾਚਤੁਤ੍ਥੀਸਮਂ. ਪਿਤਰਿ, ਪਿਤਰੇਸੁ ਪੀਤੂਸੁ, ਰਸ੍ਸਾਭਾਵੋ. ਨਤ੍ਤਾ, ਨਤ੍ਤਾਰੋ. ਭੋ ਨਤ੍ਤ ਨਤ੍ਤਾ, ਨਤ੍ਤਾਰੋ ਇਚ੍ਚਾਦਿ ਵਤ੍ਤੁਸਮਂ.

ਸਿਮ੍ਹਿ ਨ੍ਤੁਸ੍ਸ ਟਾ ਹੋਤਿ. ਗੁਣਵਾ. ਯੋਮ੍ਹਿ ‘‘ਨ੍ਤਨ੍ਤੂਨਂ ਨ੍ਤੋ ਯੋਮ੍ਹਿ ਪਠਮੇ’’ਤਿ ਸਵਿਭਤ੍ਤਿਸ੍ਸ ਨ੍ਤੁਸ੍ਸ ਨ੍ਤੋ ਹੋਤਿ. ਏਤ੍ਥ ਚ ‘‘ਨ੍ਤੁ ਵਨ੍ਤੁ+ਮਨ੍ਤਾ+ਵਨ੍ਤੁ+ਤਵਨ੍ਤੁਸਮ੍ਬਨ੍ਧੀ’’ਤਿ ਪਰਿਭਾਸਤੋ ਨ੍ਤੁ ਚ ਵਨ੍ਤ੍ਵਾਦਿਸਮ੍ਬਨ੍ਧੀਯੇਵ ਗਯ੍ਹਤੇ, ਨ ਜਨ੍ਤੁ ਤਨ੍ਤਾਦੀਨਂ. ਗੁਣਵਨ੍ਤੋ. ਅਞ੍ਞਤ੍ਰ –

ਯੋਆਦੀਸੁ ਨ੍ਤੁਸ੍ਸ ਅ ਹੋਤਿ. ਗੁਣਵਨ੍ਤਇਤਿ ਅਕਾਰਨ੍ਤਾ ਟਾ+ਟੇਆਦੇਸਾ ਹੋਨ੍ਤਿ, ਗੁਣਵਨ੍ਤਾ. ‘‘ਟਟਾਅਂ ਗੇ’’ਤਿ ਟਾਦਯੋ ¶ , ਭੋ ਗੁਣਵ ਗੁਣਵਾ ਗੁਣਵਂ, ਗੁਣਵਨ੍ਤੋ ਗੁਣਵਨ੍ਤਾ. ‘‘ਨ੍ਤਸ੍ਸ ਚ ਟ ਵਂ+ਸੇ’’ਤਿ ਅਂਸੇਸੁ ਨ੍ਤਸ੍ਸ ਟੋ ਵਾ, ਗੁਣਵਂ ਗੁਣਵਨ੍ਤਂ, ਗੁਣਵਨ੍ਤੇ. ‘‘ਤੋ+ਤਾ+ਤਿ+ਤਾ ਸ+ਸ੍ਮਾ+ਸ੍ਮਿਂ+ਨਾਸੂ’’ਤਿ ਤਾਆਦਯੋ ਹੋਨ੍ਤਿ, ਗੁਣਵਤਾ ਗੁਣਵਨ੍ਤੇਨ, ਗੁਣਵਨ੍ਤੇਹਿ ਗੁਣਵਨ੍ਤੇਭਿ. ‘‘ਲਕ੍ਖਣਿਕਪਟਿਪਦੋਤ੍ਤੇਸੁ ਪਟਿਪਦੋਤ੍ਤਸ੍ਸੇਵ ਗਹਣਂ, ਨ ਲਕ੍ਖਣਿਕਸ੍ਸਾ’’ਤਿ ਞਾਯਾ ‘‘ਨ ਲਕ੍ਖਣਿਕਸ੍ਸਾ’’ਤਿ ਵੁਤ੍ਤਬ੍ਯਤ੍ਤਿਪਕ੍ਖ+ਮਨਪੇਕ੍ਖਿਤ੍ਵਾ ‘‘ਅਤੋ’’ਤਿ ਰਸ੍ਸਾਕਾਰਜਾਤਿਯਾ ਪੇਕ੍ਖਿਤਤ੍ਤਾ ਗੁਣਵਨ੍ਤੇਨਾਤਿ ‘‘ਅਤੇਨਾ’’ ਤ੍ਯ+ਨੇਨ ਸਿਜ੍ਝਤਿ. ਜਾਤਿ=ਸਾਮਞ੍ਞਂ, ਬ੍ਯਤ੍ਤਿ=ਵਿਸੇਸੋ. ਗੁਣਵਤੋ ਗੁਣਵਸ੍ਸ ਗੁਣਵਨ੍ਤਸ੍ਸ, ‘‘ਤਂ ਨਂਮ੍ਹਿ’’ਤਿ ਨਂਮ੍ਹੀ ਤਂ ਵਾ, ਗੁਣਵਤਂ ਗੁਣਵਨ੍ਤਾਨਂ. ਗੁਣਵਤਾ ਗੁਣਵਨ੍ਤਾ ਗੁਣਵਨ੍ਤਮ੍ਹਾ ਗੁਣਵਨ੍ਤਸ੍ਮਾ. ਗੁਣਵਤਿ ਗੁਣਵਨ੍ਤੇ ਗੁਣਵਨ੍ਤਮ੍ਹਿ ਗੁਣਵਨ੍ਤਸ੍ਮਿਂ, ਗੁਣਵਨ੍ਤੇਸੁ. ‘‘ਨ੍ਤਸ੍ਸ ਚ ਟ ਵਾ’’ਤਿ ਯੋਗਵਿਭਾਗਾ ਯੋਸੁ ਚ ਨ੍ਤੁਸ੍ਸ ਵਾ ਟਾਦੇਸੇ ਕਤੇ ਯੋਸ੍ਸ ਟਾ, ‘‘ਚਕ੍ਖੁਮਾ ਅਨ੍ਧਿਤਾ ਹੋਨ੍ਤਿ’’, ‘‘ਵਗ੍ਗੁਮੁਦਾਤੀਰਿਯਾ ਭਿਕ੍ਖੁ ਵਣ੍ਣਵਾ’’ ਇਚ੍ਚਾਦੀ ਹੋਨ੍ਤਿ.

ਏਵਂ ਗਣਵਾ ਕੁਲਵਾ ਫਲਵਾ ਯਸਵਾ ਧਨਵਾ ਸੁਤਵਾ ਭਗਵਾ ਹਿਮਵਾ ਬਲਵਾ ਸੀਲਵਾ ਪਞ੍ਞਵਾ ਇਚ੍ਚਾਦੀ.

ਹਿਮਵਤੋ ਸਿਮ੍ਹਿ ਨ੍ਤੁਸ੍ਸ ਓ ਵਾ ਹੋਤਿ, ਹਿਮਵਨ੍ਤੋ ਹਿਮਵਾ. ਸੇਸਂ ਪੁਰਿਮਸਮਂ.

ਆਯਸ੍ਮਨ੍ਤੁਸਦ੍ਦੋ ਕਮ੍ਮਵਾਚਾਯ ਕ੍ਵਚਿ ਬਹੁਲਾਧਿਕਾਰਾ ਦ੍ਵਿਵਚਨੇਨ ਆਯਸ੍ਮਨ੍ਤਾ, ਤਿਣ੍ਣਂ ਵਚਨੇਨ ਆਯਸ੍ਮਨ੍ਤੋਤਿ ਦਿਸ੍ਸਤਿ.

ਏਵਂ ¶ ਸਤਿਮਾ ਧਿਤਿਮਾ ਗਤਿਮਾ ਮੁਤਿਮਾ ਮਤਿਮਾ ਜੁਤਿਮਾ ਸਿਰਿਮਾ ਹਿਰਿਮਾ ਥੁਤਿਮਾ ਰਤਿਮਾ ਯਤਿਮਾ ਸੁਚਿਮਾ ਕਲਿਮਾ ਬਲਿਮਾ ਕਸਿਮਾ ਰੁਚਿਮਾ ਬੁਦ੍ਧਿਮਾ ਚਕ੍ਖੁਮਾ ਬਨ੍ਧੁਮਾ ਹੇਤੁਮਾ ਸੇਤੁਮਾ ਕੇਤੁਮਾ ਰਾਹੁਮਾ ਭਾਣੁਮਾ ਖਾਣੁਮਾ ਵਿਜ੍ਜੁਮਾ ਇਚ੍ਚਾਦਯੋ.

ਵੇਸ੍ਸਭੂ ਸਿਲੋਪੋ. ਤੇ ਚ ਰਸ੍ਸਾਭਾਵੋਵ ਵਿਸੇਸੋ. ‘‘ਏਕਵਚਨਯੋਸ੍ਵ+ਘੋਨਂ’’ਤਿ ਰਸ੍ਸੇ ‘‘ਲਾ ਯੋਨਂ ਵੋ ਪੁਮੇ’’ਤਿ ਵੋ, ਵੇਸ੍ਸਭੁਵੋ, ‘‘ਵੇਵੋਸੁ ਲੁਸ੍ਸਾ’’ਤਿ ਵੁਤ੍ਤਤ੍ਤਾ ਨ ਟਾਦੇਸੋ, ‘‘ਲੋਪੋਤਿ ਯੋਲੋਪੇ ਵੇਸ੍ਸਭੂ. ‘‘ਗੇ ਵਾ’’ਤਿ ਵਾ ਰਸ੍ਸੇ ਭੋ ਵੇਸ੍ਸਭੁ ਵੇਸ੍ਸਭੂ, ਵੇਸ੍ਸਭੁਵੋ ਵੇਸ੍ਸਭੂ. ਵੇਸ੍ਸਭੁਂ, ਵੇਸ੍ਸਭੁਵੋ ਵੇਸ੍ਸਭੂ. ਵੇਸ੍ਸਭੁਨਾ ਇਚ੍ਚਾਦਿ ਭਿਕ੍ਖੁਸਮਂ. ਏਵਂ ਸਯਮ੍ਭੂ ਪਰਾਭਿਭੂ ਅਭਿਭੂਆਦਯੋ. ਗੋਤ੍ਰਭੂ+ਸਹਭੂਸਦ੍ਦੇਹਿ ਪਨ ਯੋਨਂ ‘‘ਜਨ੍ਤ੍ਵਾਦਿਤੋ ਨੋ ਵਾ’’ਤਿ ਨੋ, ਵੋ ਵਾ, ਗੋਤ੍ਰਭੁਨੋ ਗੋਤ੍ਰਭੁਵੋ ਗੋਤ੍ਰਭੂ. ਸਹਭੁਨੋ ਸਹਭੁਵੋ ਸਹਭੂ, ਸੇਸਂ ਵੇਸ੍ਸਭੂਸਮਂ.

ਕੂਪਚ੍ਚਯਨ੍ਤਤੋ ਯੋਨਂ ਨੋ ਵਾ ਹੋਤਿ ਪੁਲ੍ਲਿਙ੍ਗੇ. ਸਬ੍ਬਞ੍ਞੁਨੋ. ਅਞ੍ਞਤ੍ਰ ‘‘ਲਾ ਯੋਨਂ ਵੋ ਪੁਮੇ’’ਤਿ ਨ ਵੋ, ‘‘ਕੂਤੋ’’ਤਿ ਜਨ੍ਤ੍ਵਾਦੀਹਿ ਪੁਥਕ੍ਕਰਣਾ. ਯੋਲੋਪੇ ਸਬ੍ਬਞ੍ਞੂ. ਭੋ ਸਬ੍ਬਞ੍ਞੁ ਸਬ੍ਬਞ੍ਞੂ, ਸਬ੍ਬਞ੍ਞੁਨੋ ਸਬ੍ਬਞ੍ਞੂ ਇਚ੍ਚਾਦਿ.

ਏਵਂ ਮਗ੍ਗਞ੍ਞੂ ਧਮ੍ਮਞ੍ਞੂ ਅਤ੍ਥਞ੍ਞੂ ਕਾਲਞ੍ਞੂ ਰਤ੍ਤਞ੍ਞੂ ਮਤ੍ਤਞ੍ਞੂ ਕਤਞ੍ਞੂ ਕਥਞ੍ਞੂ ਵਿਞ੍ਞੂ ਵਿਦੂ ਇਚ੍ਚਾਦਯੋ. ਏਤ੍ਥ ‘‘ਵਿਦਾ ਕੂ’’ ‘‘ਵਿਤੋ ਞਾਤੋ’’ ¶ ‘‘ਕਮ੍ਮਾ’’ਤਿ ਤੀਸੁ ਸੁਤ੍ਤੇਸੁ ਕੂਪਚ੍ਚਯਸ੍ਸ ਗਹਿਤਤ੍ਤਾ ਵੇਦਗੂਆਦਯੋ ਰੂਪਚ੍ਚਯਨ੍ਤਾ ਨ ਗਹਿਤਾ.

ਗ+ਸਿ+ਹਿ+ਨਂਵਜ੍ਜਿਤਾਸੁ ਵਿਭਤ੍ਤੀਸੁ ਗੋਸਦ੍ਦਸ੍ਸ ਗਾਵ+ਗਵਾ ਹੋਨ੍ਤਿ ਨਿਚ੍ਚਂ.

ਉਭ+ਗੋਹਿ ਯੋਨਂ ਟੋ ਹੋਤਿ. ਗਾਵੋ ਗਵੋ. ਭੋ ਗੋ, ਗਾਵੋ ਗਵੋ.

ਅਂਵਚਨੇ ਗੋਸ੍ਸ ਗਾਵੁ ਵਾ ਹੋਤਿ. ਗਾਵੁਂ ਗਾਵਂ ਗਵਂ, ਗਾਵੋ ਗਵੋ.

ਗੋਤੋ ਨਾਸ੍ਸ ਆ ਹੋਤਿ ਵਾ. ਏਕਵਣ੍ਣਤ੍ਤਾ ਨ ਸਬ੍ਬਾਦੇਸੋ. ‘‘ਪਞ੍ਚਮਿਯਂ ਪਰਸ੍ਸੇ’’ਤਿ ਵਤ੍ਤਨ੍ਤੇ ‘‘ਆਦਿਸ੍ਸਾ’’ਤਿ ਨਾਸ੍ਸ ਆ ਹੋਤਿ, ਪਰਲੋਪੋ, ਗਾਵਾ ਗਾਵੇਨ ਗਵਾ ਗਵੇਨ, ਗੋਹਿ ਗੋਭਿ.

ਗੋਸ੍ਸ ਸੇ ਵਾ ਗਵਂ ਹੋਤਿ ਸਹ ਸੇਨ. ਗਵਂ ਗਾਵਸ੍ਸ ਗਵਸ੍ਸ. ਕਚ੍ਚਾਯਨੇ ‘‘ਗਵਂ ਚੇ ਤਰਮਾਨਾਨਂ’’ਤਿ ਪਾਲ਼ਿਂ ਪਟਿਚ੍ਚ ਨਂਮ੍ਹਿ ਬਹੁਵਚਨਮੇਵ ਸਾਧਿਤਂ, ਇਧ ‘‘ਗਵਂਵ ਸਿਙ੍ਗਿਨੋ ਸਙ੍ਗਂ’’ਤਿ ਦਸ੍ਸਨਤੋ ਏਕਵਚਨਞ੍ਚ.

ਨਂਵਚਨੇਨ ¶ ਸਹ ਗੋਸ੍ਸ ਗੁਨ੍ਨਂ ਹੋਤਿ ਗਵਞ੍ਚ ਵਾ. ਗੁਨ੍ਨਂ ਗਵਂ ਗੋਨਂ. ਗਾਵਾ ਗਾਵਮ੍ਹਾ ਗਾਵਸ੍ਮਾ ਗਵਾ ਗਵਮ੍ਹਾ ਗਵਸ੍ਮਾ. ਗਾਵੇ ਗਾਵਮ੍ਹਿ ਗਾਵਸ੍ਮਿਂ ਗਵੇ ਗਵਮ੍ਹਿ ਗਵਸ੍ਮਿਂ.

ਸੁਮ੍ਹਿ ਗੋਸ੍ਸ ਗਾਵ+ਗਵਾ ਹੋਨ੍ਤਿ ਵਾ. ਗਾਵੇਸੁ ਗਵੇਸੁ ਗੋਸੁ. ਗੋਸ੍ਸ ਗੋਣਾਦੇਸੋ ਨ ਕਤੋ, ਸਦ੍ਦਨ੍ਤਰਤ੍ਤਾ. ਗੋਣਸਦ੍ਦੋ ਹਿ ਸਤ੍ਤਸੁ ਵਿਭਤ੍ਤੀਸੁ ਦਿਸ੍ਸਤੀਤਿ.

ਉਸੁ+ਭੂਮਿ+ਪਸੁ+ਰਂਸਿ-ਦਿਸਾ+ਵਾਚਾ+ਮ੍ਬੁ+ਚਕ੍ਖੁਸੁ;

ਦਸਸ੍ਵ+ਤ੍ਥੇਸੁ ਗੋ ਵੁਤ੍ਤੋ, ਲਗ੍ਗੇ ਚ ਵਜਿਰੇ ਇਤਿ.

ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸ+ਨ੍ਤੇ ਵਤ੍ਤਮਾਨੋ ਆਕਾਰੋ ਘਸਞ੍ਞੋ ਹੋਤਿ. ‘‘ਜਨ੍ਤੁ+ਹੇਤ੍ਵੀ+ਘ+ਪੇਹਿ ਵਾ’’ਤਿ ਯੋਲੋਪੋ ਵਾ. ਕਞ੍ਞਾ ਕਞ੍ਞਾਯੋ. ‘‘ਘ+ਬ੍ਰਹ੍ਮਾਦਿਤੇ’’ਤਿ ਗਸ੍ਸ ਏ ਵਾ, ਕਞ੍ਞੇ ਕਞ੍ਞਾ, ਯੋਮ੍ਹਿ ਕਞ੍ਞਾ ਕਞ੍ਞਾਯੋ. ‘‘ਘੋ ਸ੍ਸਂ+ਸ੍ਸਾ ਯਂ+ਤਿਂਸੂ’’ਤਿ ਅਂਮ੍ਹਿ ਰਸ੍ਸੋ. ਕਞ੍ਞਂ, ਕਞ੍ਞਾ ਕਞ੍ਞਾਯੋ.

ਘਪਤੋ ¶ ਸ੍ਮਿਂਵਿਭਤ੍ਤਿਪਰਿਯਨ੍ਤਾਨਂ ਏਕਤ੍ਤੇ ਨਾਦੀਨਂ ਯ+ਯਾ ਹੋਨ੍ਤਿ ਯਥਾਕ੍ਕਮਂ. ਕਞ੍ਞਾਯ, ਕਞ੍ਞਾਭਿ ਕਞ੍ਞਾਹਿ. ਕਞ੍ਞਾਯ, ਕਞ੍ਞਾਨਂ.

ਘਪਤੋ ਸ੍ਮਿਨੋ ਯਂ ਵਾ ਹੋਤਿ. ਕਞ੍ਞਾਯਂ ਕਞ੍ਞਾਯ. ‘‘ਘ+ ਪਤੇ+ਕਸ੍ਮਿਂ ਨਾਦੀਨਂ ਯ+ਯਾ’’ ‘‘ਯਂ’’ਤਿ ਚ ਇਮੇਸਂ ਅਪਵਾਦਾਦੀਨਂ ਵਿਸਯੇ ਮ੍ਹਿਸ੍ਸ ਉਸ੍ਸਗ੍ਗਤ੍ਤਾ ਪਵਤ੍ਤਿ ਨਤ੍ਥੀਤਿ ਸ੍ਮਿਨੋ ਬਹੁਲਾਧਿਕਾਰਾ ‘‘ਸ੍ਮਾ+ਹਿ+ਸ੍ਮਿਨ੍ਨ’’ ਮਿਚ੍ਚਾਦਿਨਾ ਮ੍ਹਿਕਤੇ ‘‘ਦਸਸਹਸ੍ਸਿਮ੍ਹਿ ਧਾਤੁਮ੍ਹੀ’’ਤਿ ਸਿਜ੍ਝਤਿ. ਕਞ੍ਞਾਸੁ. ਏਵਂ –

ਸਦ੍ਧਾ ਮੇਧਾ ਪਞ੍ਞਾ ਵਿਜ੍ਜਾ, ਚਿਨ੍ਤਾ ਮਨ੍ਤਾ ਤਣ੍ਹਾ ਵੀਣਾ;

ਇਚ੍ਛਾ ਮੁਚ੍ਛਾ ਏਜਾ ਮਾਯਾ, ਮੇਤ੍ਤਾ ਮਤ੍ਤਾ ਸਿਕ੍ਖਾ ਭਿਕ੍ਖਾ.

ਜਙ੍ਘਾ ਗੀਵਾ ਜੀਵ੍ਹਾ ਵਾਚਾ, ਛਾਯਾ ਆਸਾ ਗਙ੍ਗਾ ਨਾਵਾ;

ਗਾਥਾ ਸੇਨਾ ਲੇਖਾ ਸਾਲਾ, ਮਾਲਾ ਵੇਲਾ ਪੂਜਾ ਖਿਡ੍ਡਾ.

ਪਿਪਾਸਾ ਵੇਦਨਾ ਸਞ੍ਞਾ, ਚੇਤਨਾ ਤਸਿਨਾ ਪਜਾ;

ਦੇਵਤਾ ਵਟ੍ਟਕਾ ਗੋਧਾ, ਬਲਾਕਾ ਪਰਿਸਾ ਸਭਾ.

ਊਕਾ ਸੇਫਾਲਿਕਾ ਲਙ੍ਕਾ, ਸਲਾਕਾ ਵਾਲੁਕਾ ਸਿਖਾ;

ਵਿਸਾਖਾ ਵਿਸਿਖਾ ਸਾਖਾ, ਵਾਚਾ ਵਞ੍ਝਾ ਜਟਾ ਘਟਾ.

ਜੇਟ੍ਠਾ ਸੋਣ੍ਡਾ ਵਿਤਣ੍ਡਾ ਚ, ਕਰੁਣਾ ਵਨਿਤਾ ਲਤਾ;

ਕਥਾ ਨਿਦ੍ਦਾ ਸੁਧਾ ਰਾਧਾ, ਵਾਸਨਾ ਸਿਂਸਪਾ ਪਪਾ.

ਪਭਾ ¶ ਸੀਮਾ ਖਮਾ ਛਾਯਾ, ਖਤ੍ਤਿਯਾ ਸਕ੍ਖਰਾ ਸੁਰਾ;

ਦੋਲਾ ਤੁਲਾ ਸਿਲਾ ਲਿਲਾ, ਲਾਲੇ+ਲਾ ਮੇਖਲਾ ਕਲਾ.

ਵਲ਼ਵਾ+ਲਮ੍ਬੁਸਾ ਮੂਸਾ, ਮਞ੍ਜੁਸਾ ਸੁਲਸਾ ਦਿਸਾ;

ਨਾਸਾ ਜੁਣ੍ਹਾ ਗੁਹਾ ਈਹਾ, ਲਸਿਕਾ ਵਸੁਧਾਦਯੋ.

‘‘ਨ+ਮ੍ਮਾਦੀਹੀ’’ਤਿ ਅਮ੍ਮਾ+ਅਨ੍ਨਾ+ਅਮ੍ਬਾਹਿ ਗਸ੍ਸ ਏਕਾਰਾ+ਭਾਵੇ –

ਅਮ੍ਮਾਦੀਨਂ ਗੇ ਰਸ੍ਸੋ ਵਾ ਹੋਤਿ. ਅਮ੍ਮ ਅਮ੍ਮਾ ਇਚ੍ਚਾਦਿ. ਸੇਸਂ ਕਞ੍ਞਾਵ. ਏਵਂ ਅਨ੍ਨਾ ਅਮ੍ਬਾ. ਸਭਾਪਰਿਸਾਹਿ ਸ੍ਮਿਨੋ ‘‘ਤਿਂ ਸਭਾਪਰਿਸਾਯਾ’’ਤਿ ਤਿਂ ਵਾ ਹੋਤਿ. ‘‘ਘੋਸ੍ਸ’’ ਮਾਦਿਨਾ ਰਸ੍ਸੇ ਸਭਤਿਂ ਸਭਾਯਂ ਸਭਾਯ. ਪਰਿਸਤਿਂ ਪਰਿਸਾਯਂ ਪਰਿਸਾਯ.

ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸ+ਨ੍ਤੇ ਵਤ੍ਤਮਾਨਾ ਇਵਣ੍ਣੁ+ਵਣ੍ਣਾ ਪਸਞ੍ਞਾ ਹੋਨ੍ਤਿ.

ਪਸਞ੍ਞਸ੍ਸ ਇਵਣ੍ਣਸ੍ਸ ਲੋਪੋ ਹੋਤਿ ਵਾ ਯਕਾਰੇ. ‘‘ਪਰੋ ਕ੍ਵਚੀ’’ਤਿ ਅਨੁਵਤ੍ਤਿਤਕ੍ਵਚਿਗ੍ਗਹਣਾ ਯੇ ਪਰੇ ਚ-ਕਾਰ+ਪੁਬ੍ਬਰੂਪਾ- ਨਿ ¶ ਨ ਹੋਨ੍ਤਿ. ਮਤ੍ਯੋ. ਅਞ੍ਞਤ੍ਰ ‘‘ਜਨ੍ਤ੍ਵਾ’’ਦਿਨਾ ਯੋਲੋਪੋ, ਦੀਘੋ, ਮਤੀ ਮਤਿਯੋ. ਭੋ ਮਤਿ ਮਤੀ, ਮਤ੍ਯੋ ਮਤੀ ਮਤਿਯੋ. ਮਤਿਂ, ਮਤ੍ਯੋ ਮਤੀ ਮਤਿਯੋ. ਮਤਿਯਾ, ਮਤੀਹਿ ਮਤੀਭਿ. ਮਤ੍ਯਾ ਮਤਿਯਾ, ਮਤੀਨਂ. ਸ੍ਮਿਨੋ ਯਂ, ਮਤ੍ਯਂ ਮਤਿਯਂ ਮਤ੍ਯਾ ਮਤਿਯਾ, ਮਤੀਸੁ. ਏਵਂ –

ਪਤ੍ਤਿ ਯੁਤ੍ਤਿ ਵੁਤ੍ਤਿ ਕਿਤ੍ਤਿ, ਮੁਤ੍ਤਿ ਤਿਤ੍ਤਿ ਖਨ੍ਤਿ ਕਨ੍ਤਿ;

ਸਨ੍ਤਿ ਤਨ੍ਤਿ ਸਿਦ੍ਧਿ ਸੁਦ੍ਧਿ, ਇਦ੍ਧਿ ਵੁਦ੍ਧਿ ਬੁਦ੍ਧਿ ਬੋਧਿ.

ਭੂਮਿ ਜਾਤਿ ਪੀਤਿ ਸੁਤਿ, ਨਨ੍ਦਿ ਸਨ੍ਧਿ ਸੋਣਿ ਕੋਟਿ;

ਦਿਟ੍ਠਿ ਵੁਟ੍ਠਿ ਤੁਟ੍ਠਿ ਯਟ੍ਠਿ, ਪਾਲ਼ਿ ਆਲ਼ਿ ਨਾਲ਼ਿ ਕੇਲ਼ਿ.

ਸਤਿ ਮੁਤਿ ਗਤਿ ਚੁਤਿ, ਧਿਤਿ ਯੁਵਤਿ ਵਿਕਤਿ;

ਰਤਿ ਰੁਚਿ ਰਸ੍ਮਿ ਅਸਨਿ, ਵਸਨਿ ਓਸਧਿ ਅਙ੍ਗੁਲਿ;

ਧੂਲਿ ਦੁਦ੍ਰਭਿ ਦੋਣਿ, ਅਟਵਿ ਛਵਿ ਇਚ੍ਚਾਦਿ.

ਰਤ੍ਯਾਦੀਹਿ ਸ੍ਮਿਨੋ ਟੋ ਵਾ ਹੋਤਿ. ਰਤ੍ਤੋ ਰਤ੍ਯਂ ਰਤ੍ਤਿਯਂ ਰਤ੍ਯਾ ਰਤ੍ਤਿਯਾ, ਰਤ੍ਤੀਸੁ. ਸੇਸਂ ਮਤਿਸਮਂ.

ਦਾਸੀ, ਸਿਲੋਪੋ. ‘‘ਏਕਵਚਨੇ’’ਚ੍ਚਾਦਿਨਾ ਰਸ੍ਸੋ. ‘‘ਯੇ ਪਸ੍ਸਿ+ਵਣ੍ਣਸ੍ਸਾ’’ਤਿ ਈਲੋਪੋ, ਦਾਸ੍ਯੋ. ‘‘ਜਨ੍ਤ੍ਵਾ’’ ਦਿਨਾ ਯੋਲੋਪੋ. ਦਾਸੀ ਦਾਸਿਯੋ. ‘‘ਗੇ ਵਾ’’ਤਿ ਰਸ੍ਸੋ. ਭੋ ਦਾਸਿ ਦਾਸੀ, ਦਾਸ੍ਯੋ ਦਾਸੀ ਦਾਸਿਯੋ.

ਪਸਞ੍ਞੀਤੋ ਅਂਵਚਨਸ੍ਸ ਯਂ ਵਾ ਹੋਤਿ. ਦਾਸ੍ਯਂ ਦਾਸਿਯਂ ਦਾਸਿਂ, ਦਾਸ੍ਯੋ ਦਾਸੀ ਦਾਸਿਯੋ. ‘‘ਘਪਤੇਕਾ’’ਦਿਨਾ ਯਾ. ਦਾਸ੍ਯਾ ਦਾਸਿਯਾ ¶ , ਦਾਸੀਹਿ ਦਾਸੀਭਿ. ਦਾਸ੍ਯਾ ਦਾਸਿਯਾ, ਦਾਸੀਨਂ. ਦਾਸ੍ਯਂ ਦਾਸਿਯਂ ਦਾਸ੍ਯਾ ਦਾਸਿਯਾ, ਦਾਸੀਸੁ. ਏਵਂ –

ਮਹੀ ਵੇਤਰਣੀ ਵਾਪੀ, ਪਾਟਲੀ ਕਦਲੀ ਘਟੀ;

ਨਾਰੀ ਕੁਮਾਰੀ ਤਰੁਣੀ, ਵਾਰੁਣੀ ਬ੍ਰਾਹ੍ਮਣੀ ਸਖੀ.

ਗਨ੍ਧਬ੍ਬੀ ਕਿਨ੍ਨਰੀ ਨਾਗੀ, ਦੇਵੀ ਯਕ੍ਖੀ ਅਜੀ ਮਿਗੀ;

ਵਾਨਰੀ ਸੂਕਰੀ ਸੀਹੀ, ਹਂਸੀ ਕਾਕੀ ਚ ਕੁਕ੍ਕੁਟੀ.

ਏਤ੍ਥ ਚ ਈਕਾਰਲੋਪੇ ਞ੍ਞਕਾਰਪੁਬ੍ਬਰੂਪੋ, ਵੇਤਰਞ੍ਞੋ ਵੇਤਰਣਿਯੋ. ਵੇਤਰਞ੍ਞਂ ਵੇਤਰਣਿਯਂ ਵੇਤਰਣਿਂ, ਵੇਤਰਞ੍ਞੋ ਵੇਤਰਣਿਯੋ ਇਚ੍ਚਾਦਿ. ਯੋਸੁ –

ਯੋਸੁ ਨਦੀਸਦ੍ਦਸ੍ਸ ਆਮ ਵਾ ਹੋਤਿ. ਸੁਞ+ਨਕ+ਆਮ ਇਤ੍ਯਾਦਿ ਞ੍ਞਕਾਰ+ਕਕਾਰ+ਮਕਾਰਾ ਆਗਮਲਿਙ੍ਗਾ. ਸ ਚ ‘‘ਮਾਨੁਬਨ੍ਧੋ ਸਰਾਨ+ਮਨ੍ਤਾ ਪਰੋ’’ਤਿ ਮਾਨੁਬਨ੍ਧਤ੍ਤਾ ਸਰਾਨ+ਮਨ੍ਤਾ ਪਰੋ ਹੋਤੀਤਿ ਈਕਾਰਾ ਪਰੋ. ‘‘ਯਵਾ ਸਰੇ’’ਤਿ ਯੇ ਦਸ੍ਸ ਜੋ, ਯਸ੍ਸ ਚ ਪੁਬ੍ਬਰੂਪਂ, ਨਜ੍ਜਾਯੋ. ਵਾ ਪ-ਲੋਪ+ਯੋਲੋਪੇਸੁ ਨਜ੍ਜੋ ਨਦੀ ਨਦਿਯੋ ਇਚ੍ਚਾਦਿ.

ਯਾਗੁ, ਯਾਗੂ ਯਾਗੁਯੋ. ਭੋ ਯਾਗੁ, ਯਾਗੂ ਯਾਗੁਯੋ. ਯਾਗੁਂ, ਯਾਗੂ ਯਾਗੁਯੋ. ਯਾਗੁਯਾ, ਯਾਗੂਹਿ ਯਾਗੂਭਿ. ਯਾਗੁਯਾ, ਯਾਗੂਨਂ. ਯਾਗੁਯਂ ਯਾਗੁਯਾ, ਯਾਗੂਸੁ. ਏਵਂ ਧਾਤੁ+ਧੇਨੁ+ਕਾਸੁ+ਦਦ੍ਦੁ+ਕਣ੍ਡੁ+ਕਚ੍ਛੁ+ਰਜ੍ਜੁ+ਕਰੇਣੁ+ਸਸ੍ਸੁ+ਪਿਯਙ੍ਗੁ ¶ ਆਦਯੋ.

ਏਤ੍ਥ ਧਾਤੁਸਦ੍ਦੋ ‘‘ਮਨੋਧਾਤੁਨਾ’’ਤਿ ਅਭਿਧਮ੍ਮਾਵਤਾਰੇ ਵੁਤ੍ਤਤ੍ਤਾ ਪੁਲ੍ਲਿਙ੍ਗੇਪਿ ਦਿਸ੍ਸਤਿ, ਤਂ ਸਕ੍ਕਟਮਤੇਨ ਵੁਤ੍ਤਨ੍ਤਿ ਕੇਚਿ.

ਮਾਤਾ, ਮਾਤਰੋ. ਭੋ ਮਾਤ ਮਾਤਾ, ਮਾਤਰੋ. ਮਾਤਰਂ, ਮਾਤਰੇ ਮਾਤਰੋ. ਮਾਤਰਾ, ਨਾਸ੍ਸ ਯਾਦੇਸੇ ‘‘ਯੇ ਪਸ੍ਸਾ’’ਤਿ ਯੋਗਵਿਭਾਗਾ ਪਲੋਪੋ, ਅਨੁਞ੍ਞਾਤੋ ਅਹਂ ਮਤ੍ਯਾ, ਅਞ੍ਞਤ੍ਰ ਮਾਤੁਯਾ, ਮਾਤਰੇਹਿ ਮਾਤਰੇਭਿ ਮਾਤੂਹਿ ਮਾਤੂਭਿ. ਸਲੋਪੇ ਮਾਤੁ, ਪਸਞ੍ਞਤ੍ਤਾ ‘ਨੋ’ ਨ ਹੋਤਿ, ਮਤ੍ਯਾ ਮਾਤੁਯਾ, ਮਾਤਰਾਨਂ ਮਾਤਾਨਂ ਮਾਤੂਨਂ. ਛਟ੍ਠਿਵਿਸਯੇ ‘‘ਮਾਤੁਸ੍ਸ ਸਰਤੀ’’ਤਿਪਿ ਦਿਸ੍ਸਤਿ. ਮਾਤਰਿ, ਮਾਤਰੇਸੁ ਮਾਤੂਸੁ. ਵਿਸੇਸਾ+ਞ੍ਞਤ੍ਰ ਪਿਤੁਸਮਂ. ਏਵਂ ਧੀਤੁ+ਦੁਹਿਤੁਸਦ੍ਦਾ.

ਰਸ੍ਸਨਿਸੇਧੇ ਸਿਲੋਪੇ ਚ ਕਤੇ ਜਮ੍ਬੂ. ‘‘ਜਨ੍ਤ੍ਵਾ’’ਦਿਨਾ ਯੋਲੋਪੇ, ਜਮ੍ਬੂ ਜਮ੍ਬੁਯੋ. ‘‘ਗੇ ਵਾ’’ਤਿ ਰਸ੍ਸੇ ਭੋ ਜਮ੍ਬੁ, ਜਮ੍ਬੂ ਜਮ੍ਬੁਯੋ. ਜਮ੍ਬੁਂ, ਜਮ੍ਬੂ ਜਮ੍ਬੁਯੋ. ਜਮ੍ਬੁਯਾ, ਜਮ੍ਬੂਹਿ ਜਮ੍ਬੂਭਿ. ਜਮ੍ਬੁਯਾ, ਜਮ੍ਬੂਨਂ. ਜਮ੍ਬੁਯਂ ਜਮ੍ਬੁਯਾ, ਜਮ੍ਬੂਸੁ.

ਵਾਮੂਰੂ ਨਾਗਨਾਸੁਰੂ, ਸਮਾਨਾ ਖਲੁ ਜਮ੍ਬੁਯਾ.

ਗੋ, ਗਾਵੋ ਗਵੋ ਇਚ੍ਚਾਦਿ ਪੁਲ੍ਲਿਙ੍ਗਸਮਂ.

ਅਕਾਰਨ੍ਤਤੋ ਨਾਮਸ੍ਮਾ ਸਿਸ੍ਸ ਅਂ ਹੋਤਿ ਨਪੁਂਸਕੇ. ਨਪੁਂਸਕਂ.

ਅਕਾਰਨ੍ਤਤੋ ਯੋਨਂ ਨਿ ਹੋਤਿ ਨਪੁਂਸਕੇ. ਨੀਨਂ ਨਿਚ੍ਚਵਿਧਾਨੇਪਿ ‘‘ਨਿਨਂ ਵਾ’’ਤਿ ਪਕ੍ਖੇ ਟਾਟੇ ਹੋਨ੍ਤਿ, ਦੀਘੇ ਨਪੁਂਸਕਾ ਨਪੁਂਸਕਾਨਿ. ਭੋ ਨਪੁਂਸਕ ਨਪੁਂਸਕਾ, ਨਪੁਂਸਕਾ ਨਪੁਂਸਕਾਨਿ. ਨਪੁਂਸਕਂ, ਨਪੁਂਸਕੇ ਨਪੁਂਸਕਾਨਿ. ਨਪੁਂਸਕੇਨ, ਇਚ੍ਚਾਦਿ ਸੁਗਤਸਦ੍ਦਸਮਂ. ਏਵਂ –

ਭਵਨ+ਭੁਵਨ+ਲੋਹਾ+ਲਾਤ+ਤੁਣ੍ਡ+ਣ੍ਡ+ਪੀਠਂ,

ਤਗਰ+ਨਗਰ+ਤੀਰ+ਚ੍ਛਤ੍ਤ+ਛਿਦ੍ਦੋ+ਦਕਾਨਿ.ਇਚ੍ਚਾਦਿ;

ਏਕਚ੍ਚਾਦੀਹਿ ਪਰਸ੍ਸ ਨਿਸ੍ਸ ਟਾ ਨ ਹੋਤਿ, ਏਕਚ੍ਚਾਨਿ. ਭੋ ਏਕਚ੍ਚ, ਏਕਚ੍ਚਾ ਏਕਚ੍ਚਾਨਿ. ਏਕਚ੍ਚਂ, ਏਕਚ੍ਚੇ ਏਕਚ੍ਚਾਨਿ. ਸੇਸਂ ਨਪੁਂਸਕਂਵ.

ਏਵਂ ਪਠਮਂ, ਪਠਮਾਨਿ ਇਚ੍ਚਾਦਿ. ਪਦਂ, ਪਦਾ ਪਦਾਨਿ ਇਚ੍ਚਾਦਿ ਨਪੁਂਸਕਸਮਂ. ਨਾਸ੍ਮਿਂਸੁ ਭੇਦੋ.

ਪਦਾਦੀਹਿ ਨਾਸ੍ਸ ਸਾ ਹੋਤਿ ਵਾ. ਪਦਸਾ ਪਦੇਨ.

ਪਦਾਦੀਹਿ ਸ੍ਮਿਨੋ ਸਿ ਹੋਤਿ ਵਾ. ਪਦਸਿ ਪਦੇ ਪਦਮ੍ਹਿ ਪਦਸ੍ਮਿਂ, ਪਦੇਸੁ. ਏਵਂ ਬਿਲਸਦ੍ਦੋ.

ਕਮ੍ਮਸਦ੍ਦਤੋ ਨਾਸ੍ਸ ‘‘ਨਾਸ੍ਸੇ+ਨੋ’’ਤਿ ਏਨੋ ਵਾ, ਕਮ੍ਮੇਨ, ‘‘ਪੁਮਕਮ੍ਮਥਾਮਾ’’ਦਿਨਾ ਉਤ੍ਤੇ ਕਮ੍ਮੁਨਾ ਕਮ੍ਮਨਾ. ਇਮਿਨਾਵ ਸਸ੍ਮਾਸੁ ਉਤ੍ਤਂ, ਉਸ੍ਸ ਲਸਞ੍ਞਾਯਂ ਸ+ਸ੍ਮਾਨਂ ਯਥਾਯੋਗਂ ਨੋ+ਨਾ ਨਿਚ੍ਚਂ, ਵਵਤ੍ਥਿਤਵਿਭਾਸਤ੍ਤਾ ਵਾਧਿਕਾਰਸ੍ਸ. ਕਮ੍ਮੁਨੋ ਕਮ੍ਮਸ੍ਸ. ਕਮ੍ਮੁਨਾ ਕਮ੍ਮਾ ਕਮ੍ਮਮ੍ਹਾ ਕਮ੍ਮਸ੍ਮਾ. ‘‘ਕਮ੍ਮਾਦਿਤੋ’’ਤਿ ਸ੍ਮਿਨੋ ਵਾ ਨਿਮ੍ਹਿ ਕਮ੍ਮਨਿ ਕਮ੍ਮੇ ਕਮ੍ਮਮ੍ਹਿ ਕਮ੍ਮਸ੍ਮਿਂ, ਸੇਸਂ ਨਪੁਂਸਕਸਮਂ. ਚਮ੍ਮ+ਵੇਸ੍ਮ+ਭਸ੍ਮਾਦਯੋ ਕਮ੍ਮਸਮਾ ਉਤ੍ਤਤੋ+ਞ੍ਞਤ੍ਰ.

ਗਚ੍ਛਨ੍ਤ, ਸਿ. ‘‘ਨ੍ਤਸ੍ਸਂ’’ਤਿ ਵਾ ਅਂਮ੍ਹਿ ਸਿਲੋਪੋ ਗਚ੍ਛਂ. ਅਞ੍ਞਤ੍ਰ ਸਿਸ੍ਸ ਦਂ, ਗਚ੍ਛਨ੍ਤਂ, ਗਚ੍ਛਨ੍ਤਾ ਗਚ੍ਛਨ੍ਤਾਨਿ. ਭੋ ਗਚ੍ਛ ਗਚ੍ਛਾ ਗਚ੍ਛਂ, ਗਚ੍ਛਨ੍ਤਾ ਗਚ੍ਛਨ੍ਤਾਨਿ. ਗਚ੍ਛਂ ਗਚ੍ਛਨ੍ਤਂ, ਗਚ੍ਛਨ੍ਤੇ ਗਚ੍ਛਨ੍ਤਾਨਿ. ਗਚ੍ਛਤਾ ਗਚ੍ਛਨ੍ਤੇਨੇ+ਚ੍ਚਾਦਿ ਪੁਲ੍ਲਿਙ੍ਗਸਮਂ. ਏਵਂ ਯਜਨ੍ਤ+ਵਜਨ੍ਤਾਦਯੋ.

ਝਲਤੋ ਯੋਨਂ ਨਿ ਹੋਤਿ ਵਾ ਨਪੁਂਸਕੇ. ਅਟ੍ਠੀਨਿ. ‘‘ਲੋਪੋ’’ਤਿ ਯੋਲੋਪੇ ਦੀਘੋ, ਅਟ੍ਠੀ. ਭੋ ਅਟ੍ਠਿ ਅਟ੍ਠੀ, ਅਟ੍ਠੀਨਿ ਅਟ੍ਠੀ. ਅਟ੍ਠਿਂ, ਅਟ੍ਠੀਨਿ ਅਟ੍ਠੀ. ਅਟ੍ਠਿਨਾ ਇਚ੍ਚਾਦਿ ਮੁਨਿਸਦ੍ਦਸਮਂ. ਏਵਂ ਪਚ੍ਛਿ+ਅਕ੍ਖਿ+ਦਧਿ+ਸਤ੍ਥਿ+ਵਾਰਿ+ਅਚ੍ਚਿਆਦਯੋ.

ਦਣ੍ਡਿ, ਨਪੁਂਸਕਤ੍ਤਾ ‘‘ਏਕਵਚਨੇ’’ਚ੍ਚਾਦਿਨਾ ਰਸ੍ਸੇ ਸਿਲੋਪੋ. ਦਣ੍ਡੀਨਿ ਦਣ੍ਡੀ. ‘‘ਗੇ ਵਾ’’ਤਿ ਰਸ੍ਸੇ ਭੋ ਦਣ੍ਡਿ ਦਣ੍ਡੀ, ਦਣ੍ਡੀਨਿ ਦਣ੍ਡੀ. ‘‘ਨਂ ਝੀਤੋ’’ਤਿ ਨਂ. ਦਣ੍ਡਿਨਂ ਦਣ੍ਡਿਂ, ਦਣ੍ਡੀਨਿ ਦਣ੍ਡੀ. ਸੇਸਂ ਪੁਲ੍ਲਿਙ੍ਗੇ ਦਣ੍ਡੀਸਮਂ. ਏਵਂ ਸੁਖਕਾਰੀ+ਸੀਘਯਾਯੀਆਦਯੋ.

ਚਕ੍ਖੁ, ਚਕ੍ਖੂਨਿ ਚਕ੍ਖੂ. ਸੇਸਂ ਅਟ੍ਠਿਸਮਂ. ਏਵਂ ਆਯੁ+ਵਸੁ+ਧਨੁ+ਦਾਰੁ+ਤਿਪੁ+ਮਧੁ+ਸਿਙ੍ਗੁ+ਹਿਙ੍ਗੁ+ਵਤ੍ਥੁ+ਜਤੁ+ਅਮ੍ਬੁ+ ਅਸ੍ਸੁਆਦੀਨਿ. ਆਯੁਸਦ੍ਦਤੋ ਨਾਸ੍ਸ ਕੋਧਾਦਿਤ੍ਤਾ ਸਾਵ ਵਿਸੇਸੋ.

ਗੋਤ੍ਰਭੁ, ਰਸ੍ਸੇ ਸਿਲੋਪੋ. ਗੋਤ੍ਰਭੂਨਿ ਗੋਤ੍ਰਭੂ. ਭੋ ਗੋਤ੍ਰਭੁ ਗੋਤ੍ਰਭੂ, ਗੋਤ੍ਰਭੂਨਿ ਗੋਤ੍ਰਭੂ. ਗੋਤ੍ਰਭੁਂ, ਗੋਤ੍ਰਭੂਨਿ ਗੋਤ੍ਰਭੂ ਇਚ੍ਚਾਦਿ ਪੁਲ੍ਲਿਙ੍ਗੇ ਵੇਸ੍ਸਭੂਸਮਂ. ਏਵਂ ਸਯਮ੍ਭੂ+ਅਭਿਭੂ+ਧਮ੍ਮਞ੍ਞੂ ਆਦਯੋ.

ਵਿਸਦਾ+ਵਿਸਦਾਕਾਰ-ਵੋਹਾਰੋ+ਭਯਮੁਤ੍ਤਕੋ ¶ ;

ਪੁਮਾਦਿਜਾਨਨੇ ਹੇਤੁ-ਭਾਵਤੋ ਲਿਙ੍ਗ+ਮੀਰਿਤੋ.

ਥਨ+ਕੇਸਾਵਤੀ ਨਾਰੀ, ਮਸ੍ਸੁਵਾ ਪੁਰਿਸੋ ਸਿਯਾ;

ਉਭਿਨ੍ਨ+ਮਨ੍ਤਰਂ ਏਤਂ, ਇਤਰੋ+ਭਯਮੁਤ੍ਤਕੋ.

ਅਥ ਸਬ੍ਬਾਦੀਨਂ ਰੂਪਨਯੋ ਨਿਦ੍ਦਿਸਿਯਤੇ,

ਸਬ੍ਬ ਕਤਰ ਕਤਮ ਉਭਯ ਇਤਰ ਅਞ੍ਞ ਅਞ੍ਞਤਰ ਅਞ੍ਞਤਮ, ਪੁਬ੍ਬ+ਪਰਾ+ਪਰ+ਦਕ੍ਖਿਣੁ+ਤ੍ਤਰਾ+ਧਰਾਨਿ ਵਵਤ੍ਥਾਯ+ਮਸਞ੍ਞਾਯਂ. ‘‘ਊਨਪੂਰਤ੍ਥ+ਮਧਿਕਪਦੋਦਾਹਰਣ+ਮਜ੍ਝਾਹਾਰੋ’’ਤਿ ਞਾਯਾ ਸਬ੍ਬਾਦੀਸੁ ਪਠੀਯਨ੍ਤੇਤਿ ਯੋਜੇਤਬ੍ਬਂ. ਯ ਤ੍ਯ ਤ ਏਤ ਇਮ ਅਮੁ ਕਿਂ ਏਕ ਤੁਮ੍ਹ ਅਮ੍ਹ ਇਚ੍ਚੇਤੇ ਸਬ੍ਬਾਦਯੋ. ਕਚ੍ਚਾਯਨੇ ਅਦਸ੍ਸਿਤਸ੍ਸਾਪਿ ਤ੍ਯਸਦ੍ਦਸ੍ਸ –

ਖਿਡ੍ਡਾ ਪਣਿਹਿਤਾ ਤ੍ਯਾਸੁ, ਰਤਿ ਤ੍ਯਾਸੁ ਪਤਿਟ੍ਠਿਤਾ;

ਬੀਜਾਨਿ ਤ੍ਯਾਸੁ ਰੁਹਨ੍ਤਿ, ਯਦਿਦਂ ਸਤ੍ਤਾ ਪਜਾਯਰੇਤਿ –

ਪਾਲ਼ਿਯਂ ਦਿਸ੍ਸਮਾਨਤ੍ਤਾ ਇਧ ਸਙ੍ਗਹੋ.

ਤਤ੍ਥ ਸਬ੍ਬਸਦ੍ਦੋ ਨਿਰਵਸੇਸਤ੍ਥੋ. ਕਤਰ+ਕਤਮਸਦ੍ਦਾ ਪੁਚ੍ਛਨਤ੍ਥਾ. ਉਭਯਸਦ੍ਦੋ ਦ੍ਵਿਅਵਯਵਸਮੁਦਾਯਵਚਨੋ. ਇਤਰਸਦ੍ਦੋ ਵੁਤ੍ਤਪਟਿਯੋਗੀਵਚਨੋ. ਅਞ੍ਞਸਦ੍ਦੋ ਅਧਿਕਤਾਪਰਵਚਨੋ. ਅਞ੍ਞ- ਤਰ+ਅਞ੍ਞਤਮਸਦ੍ਦਾ ¶ ਅਨਿਯਮਤ੍ਥਾ. ਪੁਬ੍ਬਾਦਯੋ ਦਿਸਾਦਿਵਵਤ੍ਥਾਵਚਨਾ. ਯਸਦ੍ਦੋ ਅਨਿਯਮਤ੍ਥੋ. ਤ੍ਯ+ਤਸਦ੍ਦਾ ਪਰਮ੍ਮੁਖਵਚਨਾ. ਏਤ+ਇਮ+ਅਮੁ+ਕਿਂ ਇਚ੍ਚੇਤੇ ਸਮੀਪ+ਅਚ੍ਚਨ੍ਤਸਮੀਪ+ਦੂਰ+ਪੁਚ੍ਛਨਤ੍ਥਵਚਨਾ. ਏਕਸਦ੍ਦੋ ਸਂਖ੍ਯਾਦਿਵਚਨੋ. ਤੁਮ੍ਹ+ਅਮ੍ਹਸਦ੍ਦਾ ਪਰ+ਅਤ੍ਤ ਨਿਦ੍ਦੇਸਵਚਨਾ.

ਅਕਾਰਨ੍ਤੇਹਿ ਸਬ੍ਬਾਦੀਹਿ ਯੋਨਂ ਏਟ ਹੋਤਿ ਨਿਚ੍ਚਂ. ਸਬ੍ਬੇ. ਭੋ ਸਬ੍ਬ ਸਬ੍ਬਾ, ਸਬ੍ਬੇ. ਸਬ੍ਬਂ, ਸਬ੍ਬੇ. ਸਬ੍ਬੇਨ, ਸਬ੍ਬੇਹਿ ਸਬ੍ਬੇਭਿ. ਏਵਂ ਕਰਣੇ. ਸਬ੍ਬਸ੍ਸ.

ਅਕਾਰਨ੍ਤਾਨਂ ਸਬ੍ਬਾਦੀਨਂ ਏ ਹੋਤਿ ਨਂਮ੍ਹਿ ਸੁ+ਹਿਸੁ ਚ. ਏਤ੍ਥ ਆਦਿਸਦ੍ਦੋ ਅਵਯਵੇ, ਵੁਤ੍ਤਞ੍ਹਿ –

ਮਰਿਯਾਦਾਯਂ ਪਕਾਰੇ ਚ, ਸਮੀਪੇ+ਵਯਵੇ ਤਥਾ;

ਚਤੂਸ੍ਵ+ਤ੍ਥੇਸੁ ਮੇਧਾਵੀ, ਆਦਿਸਦ੍ਦਂ ਪਕਾਸਯੇਤਿ.

ਸਬ੍ਬਾਦਿਤੋ ਨਂਵਚਨਸ੍ਸ ਸਂ+ਸਾਨਂ ਹੋਨ੍ਤਿ. ਸਬ੍ਬੇਸਂ ਸਬ੍ਬੇਸਾਨਂ. ਸਬ੍ਬਾ ਸਬ੍ਬਮ੍ਹਾ ਸਬ੍ਬਸ੍ਮਾ. ਸਬ੍ਬੇ ਸਬ੍ਬਮ੍ਹਿ ਸਬ੍ਬਸ੍ਮਿਂ, ਸਬ੍ਬੇਸੁ.

ਇਤ੍ਥਿਯਂ ‘‘ਇਤ੍ਥਿਯ+ਮਤ੍ਵਾ’’ਤਿ ਆਪਚ੍ਚਯੇ ਤਸ੍ਸ ਘਸਞ੍ਞਾ. ਸੇਸਂ ਕਞ੍ਞਾਵ. ਸਬ੍ਬਾ, ਸਬ੍ਬਾ ਸਬ੍ਬਾਯੋ. ਭੋ ਸਬ੍ਬੇ, ਸਬ੍ਬਾ ਸਬ੍ਬਾਯੋ. ‘‘ਘੋ ਸ੍ਸਂ+ਸ੍ਸਾ+ਸ੍ਸਾਯਂ+ਤਿਂ ਸੂ’’-ਤਿ ਰਸ੍ਸੇ ¶ ਸਬ੍ਬਂ, ਸਬ੍ਬਾ ਸਬ੍ਬਾਯੋ. ਸਬ੍ਬਾਯ, ਸਬ੍ਬਾਹਿ ਸਬ੍ਬਾਭਿ.

ਸਬ੍ਬਾਦੀਨਂ ਘਪਤੋ ਸਸ੍ਸ ਸ੍ਸਾ ਵਾ ਹੋਤਿ. ਅਮੁਸ੍ਸਾਤਿ ਰੂਪਸ੍ਸ ‘‘ਸ੍ਸਾ ਵਾ ਤੇ+ਤਿ+ਮਾ+ਮੂਹੀ’’ਤਿ ਸ੍ਸਾਦੇਸੇਨ ਸਿਦ੍ਧਤ੍ਤਾ ਵਾਗ੍ਗਹਣ+ਮੁਤ੍ਤਰਤ੍ਥਂ. ਰਸ੍ਸੇ ਸਬ੍ਬਸ੍ਸਾ ਸਬ੍ਬਾਯ, ਸਬ੍ਬਾਸਂ ਸਬ੍ਬਾਸਾਨਂ. ਪਞ੍ਚਮਿਯਂ ਸਬ੍ਬਾਯ.

ਸਬ੍ਬਾਦੀਨਂ ਘਪਤੋ ਸ੍ਮਿਨੋ ਸ੍ਸਂ ਵਾ ਹੋਤਿ. ਸਬ੍ਬਸ੍ਸਂ ਸਬ੍ਬਾਯਂ ਸਬ੍ਬਾਯ, ਸਬ੍ਬਾਸੁ.

ਨਪੁਂਸਕੇ ਸਬ੍ਬਂ. ‘‘ਯੋਨਂ ਨੀ’’ਤਿ ਨਪੁਂਸਕੇ ਯੋਸ੍ਸ ਨਿਮ੍ਹਿ –

ਸਬ੍ਬਾਦੀਹਿ ਪਰਸ੍ਸ ਨਿਸ੍ਸ ਟਾ ਨ ਹੋਤਿ. ਦੀਘੇ ਸਬ੍ਬਾਨਿ. ਭੋ ਸਬ੍ਬ ਸਬ੍ਬਾ, ਸਬ੍ਬਾਨਿ. ਸਬ੍ਬਂ, ਸਬ੍ਬੇ ਸਬ੍ਬਾਨਿ. ਨਾਦੀਸੁ ਪੁਮੇਵ. ਕਤਰਕਤਮਉਭਯਾ ਤੀਸੁ ਲਿਙ੍ਗੇਸੁ ਸਬ੍ਬਸਮਾ. ਏਵਂ ਇਤਰਅਞ੍ਞਸਦ੍ਦਾ. ਸ੍ਸਾ+ਸ੍ਸਂਸੁ ਵਿਸੇਸੋ.

੫੨. ਸ੍ਸਂ+ਸ੍ਸਾ+ਸ੍ਸਾਯੇਸ੍ਵਿ-ਤਰੇ+ਕ+ਞ੍ਞੇ+ਤਿ+ਮਾਨ+ਮਿ

ਸ੍ਸਮਾਦੀਸੁ ਇਤਰ+ਏਕ+ਅਞ੍ਞ+ਏਤ+ਇਮ ਇਚ੍ਚੇਤੇਸਂ ਇ ਹੋਤਿ ਨਿਚ੍ਚਂ. ਇਤਰਿਸ੍ਸਾ ਇਤਰਾਯ, ਅਞ੍ਞਿਸ੍ਸਾ ਅਞ੍ਞਾਯ, ਅਞ੍ਞਾਸਂ ¶ ਅਞ੍ਞਾਸਾਨਂ. ਅਞ੍ਞਿਸ੍ਸਂ ਅਞ੍ਞਾਯਂ ਅਞ੍ਞਾਯ. ਅਞ੍ਞਤਰ+ਞ੍ਞਤਮਾ ਲਿਙ੍ਗਤ੍ਤਯੇ ਸਬ੍ਬਸਮਾ.

ਏਤੇਹਿ ਛਹਿ ਸਵਿਸਯੇ ਏਟ ਵਾ ਹੋਤੀਤਿ ਯੋਸ੍ਸ ਏਟ, ਪੁਬ੍ਬੇ ਪੁਬ੍ਬਾ. ਭੋ ਪੁਬ੍ਬ ਪੁਬ੍ਬਾ, ਪੁਬ੍ਬੇ ਪੁਬ੍ਬਾ. ਪੁਬ੍ਬਂ, ਪੁਬ੍ਬੇ. ਪੁਬ੍ਬੇਨ. ਸੇਸਂ ਸਬ੍ਬਲਿਙ੍ਗੇ ਸਬ੍ਬਸਮਂ. ਏਵਂ ਪਰਾਦਯੋ ਪਞ੍ਚ.

ਤਂਨਾਮਭੂਤੇਹਿ ਅਪ੍ਪਧਾਨੇਹਿ ਚ ਸਬ੍ਬਾਦੀਹਿ ਸਬ੍ਬਾਦਿਕਾਰਿਯਂ ਨ ਹੋਤਿ. ਤੇ ਸਬ੍ਬਾ, ਸਬ੍ਬਨਾਮਾ ਤੇਤਿ ਅਤ੍ਥੋ. ਤੇ ਪਿਯਸਬ੍ਬਾ, ਤੇ ਅਤਿਸਬ੍ਬਾ. ਨਾਮਭੂਤੇ ਚ ਅਞ੍ਞਪਦਤ੍ਥਾਦੋ ਅਪ੍ਪਧਾਨਵਿਸਯੇ ਚ ਸਬ੍ਬਾਦਿਕਾਰਿਯਨਿਸੇਧੇਨ ‘‘ਪਰਮਸਬ੍ਬੇ ਤਿਟ੍ਠਨ੍ਤਿ’’ ਤ੍ਯਾਦਿਤੋ ਪਧਾਨਪਦਨ੍ਤਤੋ ਏਟਆਦਯੋ ਹੋਨ੍ਤਿ, ਵਿਸੇਸਨਸਮਾਸਸ੍ਸ ਉਤ੍ਤਰਪਦਤ੍ਥਪਧਾਨਤ੍ਤਾ.

ਤਤਿਯਤ੍ਥੇਨ ਯੋਗੇ ਚ ਸਬ੍ਬਾਦਿਕਾਰਿਯਂ ਨ ਹੋਤਿ. ਮਾਸੇਨ ਪੁਬ੍ਬਾ ਮਾਸਪੁਬ੍ਬਾ ਇਚ੍ਚਾਦਿ.

ਚਤ੍ਥਸਮਾਸਵਿਸਯੇ ਸਬ੍ਬਾਦਿਕਾਰਿਯਂ ਨ ਹੋਤਿ. ਦਕ੍ਖਿਣੁਤ੍ਤਰਪੁਬ੍ਬਾਨਨ੍ਤਿਆਦਿ.

ਇਤਿ ¶ ਚਤ੍ਥਸਮਾਸੇ ਸਬ੍ਬਾਦਿਕਾਰਿਯਂ ਨ ਹੋਤਿ, ਨਿਚ੍ਚੇਨ ਏਟਆਦੇਸਪ੍ਪਸਙ੍ਗੇ ਅਯਂ ਸਮ੍ਪਤ੍ਤਵਿਭਾਸਾ. ਪੁਬ੍ਬੁਤ੍ਤਰੇ ਪੁਬ੍ਬੁਤ੍ਤਰਾ. ਸੇਸਂ ਸੁਗਤਸਮਂ.

ਯੋ, ਯੇ. ਯਾ, ਯਾਯੋ. ਯਂ, ਯਾਨਿ ਇਚ੍ਚਾਦਿ ਸਬ੍ਬਸਮਂ. ਯਾਦੀਨ+ਮਾਲਪਨੇ ਰੂਪਂ ਨ ਸਮ੍ਭਵਤਿ.

ਤ੍ਯ+ਤੇ+ਤਾਨ+ਮਨਪੁਂਸਕਾਨਂ ਤਸ੍ਸ ਸੋ ਹੋਤਿ ਸਿਮ੍ਹਿ. ਸ੍ਯੋ, ਤ੍ਯੇ. ਸ੍ਯਾ, ਤ੍ਯਾ, ਤ੍ਯਾਯੋ. ਤ੍ਯਂ, ਤ੍ਯਾਨਿ ਇਚ੍ਚਾਦਿ ਸਬ੍ਬਸਮਂ.

ਤਸਦ੍ਦਸ੍ਸ ਤਸ੍ਸ ਨੋ ਵਾ ਹੋਤਿ ਸਬ੍ਬਾਸੁ ਵਿਭਤ੍ਤੀਸੁ. ‘‘ਤ੍ਯ+ਤੇ+ਤਾਨਂ ਤਸ੍ਸਾ’’ਤਿ ਚ ਏਤ੍ਥ ਤ੍ਯਾਦੀਨਂ ਤਕਾਰਗ੍ਗਹਣਂ ਸ੍ਯਾ ਸਾ ਏਸਾ ਨਾਯੋਤਿ ਇਤ੍ਥਿਯਂ ਸਬ੍ਬਸਮਾ ਹੋਤੀਤਿ. ਨੇ ਤੇ. ਨਂ ਤਂ, ਨੇ ਤੇ. ਨੇਨ ਤੇਨੇ, ਨੇਹਿ ਨੇਭਿ ਤੇਹਿ ਤੇਭਿ.

੧੩੨. ਟ ਸਸ੍ਮਾਸ੍ਮਿਂਸ੍ਸਾਯਸ੍ਸਂਸ੍ਸਾਸਂਮ੍ਹਾਮ੍ਹਿਸ੍ਵਿ+ਮਸ੍ਸ ਚ

‘‘ਟ ਸ+ਸ੍ਮਾ+ਸ੍ਮਿਂ+ਨਂਸ੍ਮਿ+ਮਸ੍ਸ ਚਾ’’ਤਿ ਵੁਤ੍ਤੇਪਿ ਤੇਸਂ ਵਿਭਤ੍ਤੀਨਂ ਆਦੇਸੇਸੁ ਸ੍ਸਾਯਾਦੀਸੁ ਪਰੇਸੁ ‘‘ਤਦਾਦੇਸਾ ਤਦਿਵ ¶ ਭਵਨ੍ਤੀ’’ਤਿ ਞਾਯਾ ਟਾਦੇਸੇ ਸਿਦ੍ਧੇਪਿ ਯਾਦਿਆਦੇਸਨ੍ਤਰੇ ਪਰੇ ਨਿਵਤ੍ਤਨਤ੍ਥਂ ਸ੍ਸਾਦੀਨਂ ਗਹਣਂ.

ਸਾਦੀਸ੍ਵਿ+ਮਸ੍ਸ ਤਸਦ੍ਦਤਕਾਰਸ੍ਸ ਚ ਟੋ ਵਾ ਹੋਤਿ. ਪੁਬ੍ਬਸ੍ਸਰਲੋਪੋ. ਏਵ+ਮੁਪਰਿਪਿ. ਅਸ੍ਸ ਨਸ੍ਸ ਤਸ੍ਸ, ਨੇਸਂ ਨੇਸਾਨਂ ਤੇਸਂ ਤੇਸਾਨਂ. ਅਮ੍ਹਾ ਅਸ੍ਮਾ ਨਮ੍ਹਾ ਨਸ੍ਮਾ ਤਮ੍ਹਾ ਤਸ੍ਮਾ. ਅਮ੍ਹਿ ਅਸ੍ਮਿਂ ਨਮ੍ਹਿ ਨਸ੍ਮਿਂ ਤਮ੍ਹਿ ਤਸ੍ਮਿਂ, ਨੇਸੁ ਤੇਸੁ.

ਇਤ੍ਥਿਯਂ ਸਾ, ਨਾ ਨਾਯੋ ਤਾ ਤਾਯੋ. ਨਂ ਤਂ, ਨਾ ਨਾਯੋ ਤਾ ਤਾਯੋ. ਨਾਮ੍ਹਿ –

ਘਪਸਞ੍ਞੇਹਿ ਤ+ਏਤ+ਇਮ+ਅਮੂਹਿ ਏਕਤ੍ਤੇ ਨਾਦੀਨਂ ਸ੍ਸਾ ਵਾ ਹੋਤਿ. ਅਨ੍ਤਸ੍ਸਰਾਨਂ ਘਪਵੋਹਾਰੇਨ ਤਂਸਹਚਰਿਤਾਪਿ ਸਦ੍ਦਾ ‘‘ਕੁਨ੍ਤੇ ਪਵੇਸਯਾ’’ਤਿ ਞਾਯਾ ਗਯ੍ਹਨ੍ਤੀਤਿ ‘‘ਘਪਸਞ੍ਞੇਹਿ ਤ+ਏਤ+ਇਮ+ਅਮੂਹੀ’’ਤਿ ਵੁਤ੍ਤਂ. ਵਾਟਾਦੇਸੇ ਅਸ੍ਸਾ ਨਸ੍ਸਾ ਨਾਯ.

ਸ੍ਸਂਸ੍ਸਾਸ੍ਸਾ ਯੇਸੁ ਤਸ੍ਸ ਵਾ ਇ ਹੋਤਿ. ਤਿਸ੍ਸਾ ਤਸ੍ਸਾ ਤਾਯ, ਨਾਹਿ ਨਾਭਿ ਤਾਹਿ ਤਾਭਿ. ਸਸ੍ਸ ਵਾ ਸ੍ਸਾਮ੍ਹਿ ਅਸ੍ਸਾ ਨਸ੍ਸਾ ਤਿਸ੍ਸਾ ਤਸ੍ਸਾ.

ਤਾ+ਏਤਾ+ਇਮਾਤੋ ਸਸ੍ਸ ਸ੍ਸਾਯੋ ਹੋਤਿ ਵਾ. ਅਸ੍ਸਾਯ ਨਸ੍ਸਾਯ ਤਿਸ੍ਸਾਯ ਤਸ੍ਸਾਯ, ‘‘ਘਪਤੇ’’ਚ੍ਚਾਦਿਨਾ ਯਾਦੇਸੇ ¶ ਨਾਯ ਤਾਯ. ਨਂਵਚਨਸ੍ਸ ਸ+ਮਾਦੇਸੇ ਤਕਾਰਸ੍ਸ ਚ ਵਾ ਟਾਦੇਸੇ ਆਸਂ ਨਾਸਂ ਨਾਸਾਨਂ ਤਾਸਂ ਤਾਸਾਨਂ. ਸਤ੍ਤਮਿਯਂ ਅਸ੍ਸਂ ਅਸ੍ਸਾ ਨਸ੍ਸਂ ਨਸ੍ਸਾ ਨਾਯਂ ਨਾਯ ਤਿਸ੍ਸਂ ਤਿਸ੍ਸਾ ਤਸ੍ਸਂ ਤਸ੍ਸਾ ਤਾਯਂ ਤਾਯ, ਨਾਸੁ ਤਾਸੁ.

ਨਪੁਂਸਕੇ ਨਂ ਤਂ, ਨਾਨਿ ਤਾਨਿ. ਨਂ ਤਂ, ਨੇ ਨਾਨਿ ਤੇ ਤਾਨਿ. ਸੇਸਂ ਪੁਮੇਵ.

‘‘ਯਂਤਂਸਦ੍ਦਾ ਨਿਚ੍ਚਸਮ੍ਬਨ੍ਧਾ’’ਤਿ ਞਾਯਾ ਯਂਸਦ੍ਦੇਨ ਅਨਿਯਮਿਤਤ੍ਥਂ ਤਂਸਦ੍ਦੋ ਨਿਯਮੇਤਿ.

ਪਸਿਦ੍ਧੇ ਅਨੁਭੂਤਤ੍ਥੇ, ਪਕ੍ਕਨ੍ਤਵਿਸਯੇ ਤਥਾ;

ਯਂਸਦ੍ਦ+ਮਨਪੇਕ੍ਖੇਵ, ਤਂਸਦ੍ਦੋ ਯੁਜ੍ਜਤੇ ਸਦਾਤਿ –

ਵੁਤ੍ਤਤ੍ਤਾ ਏਤ੍ਥੇਵ ਤਂਸਦ੍ਦੋ ਯਂਸਦ੍ਦਂ ਨਾਪੇਕ੍ਖਤਿ. ਯਥਾਕ੍ਕਮਂ ਤਤ੍ਰਿ+ਦ+ਮੁਦਾਹਰਣਂ –

(.) ‘‘ਨਮੋ ਤਸ੍ਸਾ’’ਤਿ ਚ, (.) ‘‘ਅਗ੍ਗਿਮ੍ਪ+ਕ੍ਖਿਨਾ…ਪੇ… ਞਾਤਕਾਰੀ ਹਿ ਸੋ ਜਿਨੋ’’ਤਿ ਚ, (..) ਪੁਰਿਮਗਾਥਾਯ ਵੁਤ੍ਤਮੁਨਿਸਦ੍ਦ+ਮਪੇਕ੍ਖਿਤ੍ਵਾ ‘‘ਸਵਾਸਨੇ ਕਿਲੇਸੇ ਸੋ’’ਤਿ ਚ.

ਏਸੋ, ਏਤੇ. ਏਸਾ, ਏਤਾ ਏਤਾਯੋ, ਏਤਂ, ਏਤਾਨਿ ਇਚ੍ਚਾਦਿ ਟ+ਨਾਦੇਸਾਭਾਵੋਵ ਵਿਸੇਸੋ.

ਇਮਸਦ੍ਦਸ੍ਸ ਅਨਪੁਂਸਕਸ੍ਸ ਅਯਂ ਹੋਤਿ ਸਿਮ੍ਹਿ. ਅਯਂ, ਇਮੇ. ਇਮਂ, ਇਮੇ.

ਇਮਸਦ੍ਦਸ੍ਸ ¶ ਅਨਿਤ੍ਥਿਯਂ ਨਾਮ੍ਹਿ ਅਨ+ਇਮਿਇਚ੍ਚਾਦੇਸਾ ਹੋਨ੍ਤਿ. ‘‘ਅਤੇ+ਨਾ’’ਤਿ ਏਨੇ ਅਨੇਨ ਇਮਿਨਾ. ਹਿਮ੍ਹਿ –

ਇਮਸ੍ਸਾ+ਨਿਤ੍ਥਿਯਂ ਟੇ ਹੋਤਿ ਵਾ ਸੁ+ਨਂ+ਹਿਸੁ. ‘‘ਨਾਮਗ੍ਗਹਣੇ ਲਿਙ੍ਗਵਿਸਿਟ੍ਠਸ੍ਸਾਪਿ ਗਹਣਂ’’ਤਿ ਞਾਯਾ ‘ਅਨਿਤ੍ਥਿਯਂ’ਤਿ ਇਤ੍ਥਿਲਿਙ੍ਗਨਿਸੇਧਾ ਇਮਸ੍ਸਾਤਿ ਨਾਮਗ੍ਗਹਣਵਿਸਯੇ ਲਿਙ੍ਗਵਿਸੇਸਿਤਸ੍ਸ ਇਮਸਦ੍ਦਸ੍ਸਾਪਿ ਗਹਣਂ. ਤਸ੍ਸ ਫਲਂ ‘‘ਤਤਸ੍ਸ ਨੋ ਸਬ੍ਬਾਸੁ’’ ਤ੍ਯਾਦੋ ਲਿਙ੍ਗਤ੍ਤਯੇ ਕਾਰਿਯਸਿਦ੍ਧਿ. ਏਹਿ ਏਭਿ ਇਮੇਹਿ ਇਮੇਭਿ. ‘‘ਟ ਸਸ੍ਮਾਸ੍ਮਿ’’ਮਿਚ੍ਚਾਦਿਨਾ ਸਬ੍ਬਸ੍ਸਿ+ਮਸ੍ਸ ਵਾ ਟਾਦੇਸੇ ਅਸ੍ਸ ਇਮਸ੍ਸ, ਵਾ ਟੇ ਏਸਂ ਏਸਾਨਂ ਇਮੇਸਂ ਇਮੇਸਾਨਂ. ਅਮ੍ਹਾ ਅਸ੍ਮਾ ਇਮਮ੍ਹਾ ਇਮਸ੍ਮਾ. ਅਮ੍ਹਿ ਅਸ੍ਮਿਂ ਇਮਮ੍ਹਿ ਇਮਸ੍ਮਿਂ, ਏਸੁ ਇਮੇਸੁ.

ਇਤ੍ਥਿਯਂ ਅਯਂ, ਇਮਾ ਇਮਾਯੋ. ਇਮਂ, ਇਮਾ ਇਮਾਯੋ. ਨਾ ‘‘ਸ੍ਸਾ ਵਾ ਤੇ+ਤਿ+ਮਾ+ਮੂਹੀ’’ਤਿ ਸ੍ਸਾ ਵਾ, ਵਾ ਟਾਦੇਸੇ ‘‘ਸ੍ਸ’’ ਮਿਚ੍ਚਾਦਿਨਾ ਇਆਦੇਸੇ ਚ ਕਤੇ ਅਸ੍ਸਾ ਇਮਿਸ੍ਸਾ ਇਮਾਯ, ਇਮਾਹਿ ਇਮਾਭਿ. ਅਸ੍ਸਾ ਇਮਿਸ੍ਸਾ ਅਸ੍ਸਾਯ ਇਮਿਸ੍ਸਾਯ ਇਮਾਯ. ਨਂਵਚਨਸ੍ਸ ਸ+ਮਾਦੇਸੇ ਇਮਸ੍ਸ ਚ ਵਾ ਟਾਦੇਸੇ ਅਸ੍ਸ ‘‘ਸੁਨਂਹਿ ਸੂ’’ਤਿ ਦੀਘੇ ਚ ਕਤੇ ਆਸਂ, ਅਞ੍ਞਤ੍ਰ ਇਮਾਸਂ ਇਮਾਸਾਨਂ. ਸਤ੍ਤਮਿਯਂ ਅਸ੍ਸਂ ਇਮਿਸ੍ਸਂ ਅਸ੍ਸਾ ਇਮਿਸ੍ਸਾ ਇਮਾਯਂ ਇਮਾਯ, ਇਮਾਸੁ.

ਅਂਸਿਸੁ ¶ ਸਹ ਤੇਹਿ ਇਮਸ੍ਸਿ+ਦਂ ਹੋਤਿ ਵਾ ਨਪੁਂਸਕੇ. ਇਦਂ ਇਮਂ, ਇਮੇ ਇਮਾਨਿ. ਇਦਂ ਇਮਂ, ਇਮੇ ਇਮਾਨਿ. ਅਨੇਨ ਇਮਿਨਾ ਇਚ੍ਚਾਦਿ ਪੁਲ੍ਲਿਙ੍ਗਸਮਂ.

੧੯੭. ਇਮੇ+ਤਾਨ+ਮੇਨਾ+ਨ੍ਵਾਦੇਸੇ ਦੁਤਿਯਾਯਂ

ਇਮਏਤਸਦ੍ਦਾਨਂ ਕਥਿਤਾਨੁਕਥਨਵਿਸਯੇ ਦੁਤਿਯਾਯ+ਮੇਨਾਦੇਸੋ ਹੋਤਿ. ਇਮਂ ਭਿਕ੍ਖੁਂ ਵਿਨਯ+ਮਜ੍ਝਾਪਯ, ਅਥੋ ਏਨਂ ਧਮ੍ਮ+ਮਜ੍ਝਾਪਯ. ਇਮੇ ਭਿਕ੍ਖੂ ਵਿਨਯ+ਮਜ੍ਝਾਪਯ, ਅਥੋ ਏਨੇ ਧਮ੍ਮ+ਮਜ੍ਝਾਪਯ. ਏਵ+ਮੇਤਸ੍ਸ ਚ ਯੋਜਨੀਯਂ.

ਅਨਪੁਂਸਕਸ੍ਸਾ+ਮੁਸ੍ਸ ਮਕਾਰਸ੍ਸ ਸੋ ਹੋਤਿ ਸਿਮ੍ਹਿ. ਅਸੁ, ਯੋ –

ਨਿਯਮਸੁਤ੍ਤ+ਮਿਦਂ, ਅਮੁਸਦ੍ਦਤੋ ਯੋਨਂ ਲੋਪੋ ਹੋਤਿ ਨਿਚ੍ਚਂ ਪੁਲ੍ਲਿਙ੍ਗੇ. ਦੀਘੇ ਅਮੂ. ਝਲਤੋ ਯੋਨਂ ‘‘ਲੋਪੋ’’ਤਿ ਲੋਪੇ ਸਿਦ੍ਧੇਪਿ ਵੋ+ਪਵਾਦੋ+ਯ+ਮਾਰਮ੍ਭੋ.

ਆਰਮ੍ਭੋ ਵਚਨਮ੍ਪਤ੍ਤਿ, ਲਕ੍ਖਣਂ ਯੋਗਲਕ੍ਖਣਂ;

ਵਾਕ੍ਯਂ ਸਤ੍ਥਞ੍ਚ ਇਚ੍ਚਾਦਿ, ਸੁਤ੍ਤਾਨ+ਮਭਿਧਾਯਕਾ.

ਅਮੁਸ੍ਮਾ ¶ ਸਸ੍ਸ ਨੋ ਨ ਹੋਤਿ. ਅਮੁਸ੍ਸ, ਅਮੂਸਂ ਅਮੂਸਾਨਂ. ‘‘ਨਾਸ੍ਮਾਸ੍ਸਾ’’ਤਿ ਲਤੋ ਸ੍ਮਾਸ੍ਸ ਨਾ, ਅਮੁਨਾ ਅਮੁਮ੍ਹਾ ਅਮੁਸ੍ਮਾ. ਅਮੁਮ੍ਹਿ ਅਮੁਸ੍ਮਿਂ, ਅਮੂਸੁ.

ਇਤ੍ਥਿਯਂ ਅਸੁ, ਅਮੂ ਅਮੁਯੋ. ਅਮੁਂ, ਅਮੂ ਅਮੁਯੋ. ਨਾ, ‘‘ਸ੍ਸਾ ਵਾ ਤੇ+ਤਿ+ਮਾ+ਮੂਹੀ’’ਤਿ ਨਾਦ੍ਯੇਕਵਚਨਾਨਂ ਸ੍ਸਾ ਵਾ, ਅਮੁਸ੍ਸਾ ਅਮੁਯਾ, ਅਮੂਹਿ ਅਮੂਭਿ. ਅਮੁਸ੍ਸਾ ਅਮੁਯਾ, ਅਮੂਸਂ ਅਮੂਸਾਨਂ. ਸਤ੍ਤਮਿਯਂ ਅਮੁਸ੍ਸਂ ਅਮੁਸ੍ਸਾ ਅਮੁਯਂ ਅਮੁਯਾ, ਅਮੂਸੁ.

ਅਂਸਿਸੁ ਸਹ ਤੇਹਿ ਅਮੁਸ੍ਸ ਅਦੁਂ ਹੋਤਿ ਵਾ ਨਪੁਂਸਕੇ. ਅਦੁਂ, ਸਿਲੋਪੋ, ਅਮੁਂ. ‘‘ਝਲਾ ਵਾ’’ਤਿ ਵਾਨਿਆਦੇਸੇ ਅਮੂਨਿ ਅਮੂ. ਅਦੁਂ ਅਮੁਂ, ਅਮੂਨਿ ਅਮੂ. ਅਮੁਨਾ ਇਚ੍ਚਾਦਿ ਪੁਲ੍ਲਿਙ੍ਗਸਮਂ.

ਅਮੁ ਏਵ ਅਮੁਕੋਤਿ ਸਕਤ੍ਥੇ ਕਪਚ੍ਚਯੇ ਤਦ੍ਧਿਤਵੁਤ੍ਤਿਤ੍ਤਾ ‘‘ਏਕਤ੍ਥਤਾਯਂ’’ਤਿ ਸਿਲੋਪੇ ਚ ਕਤੇ ‘‘ਨਿਮਿਤ੍ਤਾਭਾਵੇ ਨੇਮਿਤ੍ਤਿਕਸ੍ਸਾਭਾਵੋ’’ਤਿ ਞਾਯਾ ਨਿਮਿਤ੍ਤਭੂਤਸ੍ਸ ਸਿਸ੍ਸਾ+ਭਾਵੇ ਨੇਮਿਤ੍ਤਿਕਸ੍ਸ ‘‘ਮਸ੍ਸਾ+ਮੁਸ੍ਸਾ’’ਤਿ ਕਤ੍ਤਬ੍ਬਸ੍ਸ ਸਕਾਰਸ੍ਸ ਨਿਵੁਤ੍ਤੀਤਿ ‘ਕੇ ਵਾ’ਤਿ ਵਿਕਪ੍ਪੇਨ ਮਸ੍ਸ ਸਕਾਰਤ੍ਥ+ ਮਿਦ+ਮਾਰਦ੍ਧਂ ¶ . ਅਮੁਸ੍ਸ ਮਸ੍ਸ ਕੇ ਸ ਹੋਤਿ ਵਾ. ਅਸੁਕੋ ਅਮੁਕਾ, ਅਸੁਕਾ ਅਮੁਕਾ. ਅਸੁਕਂ ਅਮੁਕਂ ਇਚ੍ਚਾਦਿ.

ਸਬ੍ਬਾਸੁ ਵਿਭਤ੍ਤੀਸੁ ਕਿਸ੍ਸ ਕੋ ਹੋਤਿ. ਸਿਸ੍ਸੋ, ਕੋ, ਕੇ. ਕਂ, ਕੇ. ਕੇਨ, ਕੇਹਿ ਕੇਭਿ.

ਅਨਿਤ੍ਥਿਯਂ ਕਿਸ੍ਸ ਕਿ ਵਾ ਹੋਤਿ ਸਸ੍ਮਿਂਸੁ. ਕਿਸ੍ਸ ਕਸ੍ਸ, ਕੇਸਂ ਕੇਸਾਨਂ. ਕਮ੍ਹਾ ਕਸ੍ਮਾ. ਕਿਮ੍ਹਿ ਕਿਸ੍ਮਿਂ ਕਮ੍ਹਿ ਕਸ੍ਮਿਂ, ਕੇਸੁ.

ਇਤ੍ਥਿਯਂ ਵਿਭਤ੍ਤੀਸੁ ਪਰੇਸੁ ਕਾਦੇਸੇ ਕਤੇ ਅਕਾਰਨ੍ਤਤ੍ਤਾ ਮਜ੍ਝੇ ਆਪਚ੍ਚਯਕਰਣ+ਮਵਿਰੁਦ੍ਧਨ੍ਤਿ ਆ, ਕਾ, ਕਾਯੋ. ਕਂ, ਕਾ ਕਾਯੋ ਇਚ੍ਚਾਦਿ ਸਬ੍ਬਾਵ.

ਅਂਸਿਸੁ ਸਹ ਤੇਹਿ ਕਿਂ ਸਦ੍ਦਸ੍ਸ ਕਿਂਹੋਤਿ ਨਪੁਂਸਕੇ. ਕਾਦੇਸਸ੍ਸ ਸਾਮਞ੍ਞਤ੍ਤਾ ‘‘ਵਿਸੇਸਵਿਹਿਤਾ ਵਿਧਯੋ ਸਾਮਞ੍ਞਵਿਧਯੋ ਨਿਸੇਧੇਨ੍ਤੀ’’ਤਿ ਞਾਯਾ ਕਿਂਆਦੇਸੇਨ ਕਾਦੇਸਨਿਵੁਤ੍ਤਿ. ਕਿਂ, ਕਾਨਿ. ਕਿਂ, ਕੇ ਕਾਨਿ. ਕੇਨੇ+ਚ੍ਚਾਦਿ ਪੁਬ੍ਬੇਵ.

ਏਕਸਦ੍ਦੋ ¶ ਸਂਖ੍ਯਾ+ਤੁਲ੍ਯ+ਞ੍ਞ+ਸਹਾਯਵਚਨੋ. ਯਦਾ ਸਂਖ੍ਯਾਵਚਨੋ, ਤਦਾ ਏਕਵਚਨਨ੍ਤੋ, ਅਤ੍ਰ ਏਕਸਦ੍ਦੋ ਸਂਖ੍ਯੇਯ੍ਯਵਾਪੀ. ਅਞ੍ਞਤ੍ਰ ਤੁਲ੍ਯਾਦੀਸੁ ਬਹੁਵਚਨਨ੍ਤੋਪਿ. ਏਕੋ, ਏਕੇ. ਏਕਾ, ਏਕਾ ਏਕਾਯੋ. ਏਕਂ, ਏਕਾਨਿ+ਚ੍ਚਾਦਿ ਸਬ੍ਬਸਮਂ ਤਿਲਿਙ੍ਗੇ.

ਤੁਲ੍ਯੇ ਏਕੋ ਵਿਲਾਸੋ ਦ੍ਵਿਨ੍ਨਂ ਕੁਮਾਰਾਨਂ, ਏਕੇ ਵਣ੍ਣਸਦ੍ਦਾ ਦ੍ਵਿਨ੍ਨਂ ਕੁਮਾਰਾਨਂ. ਅਞ੍ਞਤ੍ਥੇ ਏਕੋ ਆਚਰਿਯੋ ਏਵ+ਮਾਹ, ਏਕੇ ਆਚਰਿਯਾ ਏਵ+ਮਾਹਂਸੁ. ਅਸਹਾਯਤੇ ਏਕੋਵ ਅਰਞ੍ਞਂ ਪਵਿਸਿਤ੍ਵਾ.

ਏਕੋ, ਏਕੇ. ਏਕਾ, ਏਕਾ ਏਕਾਯੋ. ਏਕਂ ਏਕਾਨਿ+ਚ੍ਚਾਦਿ ਸਬ੍ਬਸਮਂ ਤਿਲਿਙ੍ਗੇ. ਸ੍ਸਾ+ਸ੍ਸਂਸੁ ਪਨ ‘‘ਸ੍ਸ’’ਮਾਦਿਨਾ ਇ, ਏਕਿਸ੍ਸਾ ਏਕਾਯ, ਏਕਿਸ੍ਸਂ ਏਕਾਯਂ ਏਕਾਯ.

ਇਧ ਅਤ੍ਤਪਰਗਾਰਵਵਸੇਨ ਏਕਸ੍ਸਾਪਿ ‘‘ਅਮ੍ਹਾਕਂ ਰਞ੍ਞੋ’’ਤਿਪਿ ‘‘ਏਕੇ ਆਚਰਿਯਾ’’ਤਿਪਿ ਬਹੁਵਚਨਸ੍ਸ ਲੋਕੇਨ ਇਚ੍ਛਿਤਤ੍ਤਾ ਬਹੁਲਵਿਧਾਨਾ ਬਹੁਵਚਨੇਨੇਵ ਸਿਜ੍ਝਤਿ.

ਤੁਮ੍ਹ+ਅਮ੍ਹਸਦ੍ਦਾ ਅਲਿਙ੍ਗਾ, ਤਥਾ ਉਭ+ਕਤਿ+ਦ੍ਵਿਸਦ੍ਦਾ, ਪਞ੍ਚਾਦਯੋ ਅਟ੍ਠਾਰਸਨ੍ਤਾ ਚ. ਤੁਮ੍ਹ ਸਿ, ਅਮ੍ਹ ਸਿ.

ਅਮ੍ਹਿ ਸਿਮ੍ਹਿ ਚ ਤੁਮ੍ਹਸ੍ਸ ਸਵਿਭਤ੍ਤਿਸ੍ਸ ਤੁਵਂ+ਤ੍ਵਂ ਹੋਨ੍ਤਿ. ਤੁਵਂ ਤ੍ਵਂ.

ਸਿਮ੍ਹਿ ਅਮ੍ਹਸ੍ਸ ਸਵਿਭਤ੍ਤਿਸ੍ਸ ਅਹਂ ਹੋਤਿ. ਅਹਂ, ਯੇਵਸ੍ਵੇ+ਟ, ਤੁ ਮ੍ਹੇ.

ਯੋਸ੍ਵ+ਮ੍ਹਸ੍ਸ ¶ ਸਵਿਭਤ੍ਤਿਸ੍ਸ ਮਯ+ਮਸ੍ਮਾ ਵਾ ਹੋਨ੍ਤਿ ਯਥਾਕ੍ਕਮਂ. ਮਯਂ ਅਮ੍ਹੇ.

ਅਂਮ੍ਹਿ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਂ+ਮਂ+ਤਵਂ+ਮਮਂ ਹੋਨ੍ਤਿ ਯਥਾਕ੍ਕਮਂ. ਤਂ, ਮਂ, ਤਵਂ, ਮਮਂ.

ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਪਚ੍ਚੇਕਂ ਙਂ+ਙਾਕਂ ਵਾ ਹੋਨ੍ਤਿ ਯੋਮ੍ਹਿ ਦੁਤਿਯੇ, ਤੁਮ੍ਹਂ ਤੁਮ੍ਹਾਕਂ ਤੁਮ੍ਹੇ, ਅਮ੍ਹਂ ਅਮ੍ਹਾਕਂ ਅਮ੍ਹੇ.

ਨਾਸ੍ਮਾਸੁ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਯਾ+ਮਯਾ ਹੋਨ੍ਤਿ ਯਥਾਕ੍ਕਮਂ. ‘‘ਨਾਸ੍ਮਾਸੂ’’ਤਿ ਬਹੁਵਚਨੇਸੁਪਿ ਵਿਭਤ੍ਤਿਕ੍ਕਮ+ਮਨਪੇਕ੍ਖਿਤ੍ਵਾ ਸਦ੍ਦਕ੍ਕਮੇਨ ਪਚ੍ਚੇਕਂ ਦ੍ਵੇ ਦ੍ਵੇ ਹੋਨ੍ਤਿ.

ਤੁਮ੍ਹਸ੍ਸ ਤਯਾਤਯੀਨਂ ਤਕਾਰਸ੍ਸ ਤ੍ਵ ਹੋਤਿ ਵਾ. ਤ੍ਵਯਾ ਤਯਾ, ਮਯਾ. ਤੁਮ੍ਹੇਹਿ ਤੁਮ੍ਹੇਭਿ, ਅਮ੍ਹੇਹਿ ਅਮ੍ਹੇਭਿ.

ਸੇ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਏਤੇ ਆਦੇਸਾ ਹੋਨ੍ਤਿ ਯਥਾਕ੍ਕਮਂ. ਤਵ ਤੁਯ੍ਹਂ, ਮਮ ਮਯ੍ਹਂ.

ਨਂਸੇਸ੍ਵ+ਮ੍ਹਸ੍ਸ ¶ ਸਵਿਭਤ੍ਤਿਸ੍ਸ ਅਸ੍ਮਾਕਂ+ਮਮਂ ਹੋਨ੍ਤਿ ਯਥਾਕ੍ਕਮਂ. ਮਮਂ.

ਨਂਮ੍ਹਿ ਤੁਮ੍ਹਅਮ੍ਹਸਦ੍ਦਾਨਂ ਸਵਿਤਤ੍ਤੀਨਂ ਙਂ+ਙਾਕਂ ਹੋਨ੍ਤਿ ਪਚ੍ਚੇਕਂ. ਤੁਮ੍ਹਂ ਤੁਮ੍ਹਾਕਂ ਅਮ੍ਹਂ ਅਮ੍ਹਾਕਂ ਅਸ੍ਮਾਕਂ. ਕਚ੍ਚਾਯਨੇ ਏਕਵਚਨਸ੍ਸ ਅਂਵਿਧਾਨਤ੍ਥਂ ਸੁਤ੍ਤ+ਮਾਰਦ੍ਧਂ, ਏਤ੍ਥ ਪਨ ਅਤ੍ਤਗਾਰਵਵਸੇਨ ਅਂਮ੍ਹਿ ਤੁਮ੍ਹਂ ਅਮ੍ਹਂਭਿ ਸਿਜ੍ਝਨ੍ਤਿ ਬਹੁਲਾਧਿਕਾਰਾ.

ਸ੍ਮਾਮ੍ਹਿ ਤੁਮ੍ਹਸ੍ਸ ਸਵਿਤਤ੍ਤਿਸ੍ਸ ਤ੍ਵਮ੍ਹਾ ਹੋਤਿ ਵਾ. ਤ੍ਵਮ੍ਹਾ ਤ੍ਵਯਾ ਤਯਾ, ਮਯਾ.

੨੨੬. ਸ੍ਮਿਮ੍ਹਿ ਤੁਮ੍ਹਮ੍ਹਾਨਂ ਤਯਿ+ਮਯਿ

ਸ੍ਮਿਮ੍ਹਿ ਤੁਮ੍ਹਅਮ੍ਹਸਦ੍ਦਾਨਂਸਵਿਭਤ੍ਤੀਨਂ ਤਯਿ+ਮਯਿ ਹੋਤਿ ਯਥਾਕ੍ਕਮਂ. ਤ੍ਵਯਿ ਤਯਿ, ਮਯਿ. ਤੁਮ੍ਹੇਸੁ.

ਅਮ੍ਹਸ੍ਸ ਅਸ੍ਮਾ ਹੋਤਿ ਵਾ ਸੁਮ੍ਹਿ. ਅਸ੍ਮਾਸੁ ਅਮ੍ਹੇਸੁ. ਸਬ੍ਬਾਦਯੋ ਵੁਤ੍ਤ+ਮਪੇਕ੍ਖਨ੍ਤਾ ਵਕ੍ਖਮਾਨਂ ਵਾਤਿ ਇਦ+ਮੇਸਂ ਲਕ੍ਖਣਂ.

ਅਧਿਕਾਰੋ. ਏਤ੍ਥ ਪਾਦੋ ਨਾਮ ਗਾਥਾਯ ਚਤੁਤ੍ਥਂਸੋ, ਤਸ੍ਮਾ ‘‘ਤੁਮ੍ਹੇਹਿ ਪੁਞ੍ਞਂ ਪਸੁਤਂ ਅਨਪ੍ਪਕਂ’’ਤਿ ਏਤ੍ਥ ਵੋ ਨ ਹੋਤਿ. ਏਤ੍ਥ ਪਦਨ੍ਤਿ ਵੁਤ੍ਤ ਸਦ੍ਦੋ ਸਭਾਵਤੋ –

ਵਣ੍ਣਤ੍ਤ+ਮਾਗਚ੍ਛਤਿ ਸੋ ਤੁ ਸਦ੍ਦੋਤਿ –

ਵੁਤ੍ਤਤ੍ਤਾ ਏਕੇਕੋ ਵਣ੍ਣੋ ਸਦ੍ਦੋ ਨਾਮ, ਤਬ੍ਬਣ੍ਣਸਮੂਹੋ ਪਦਂ, ਤਪ੍ਪਦਸਮੂਹੋ ਵਾਕ੍ਯਞ੍ਚ. ਤਥਾ ਹਿ –

ਵਿਤਤ੍ਯਨ੍ਤਂ ਪਦਂ ਤਸ੍ਸ, ਚ ਯੋ ਵਾਕ੍ਯਨ੍ਤਿ ਮਨ੍ਵਯਂ;

ਉਪਚਾਰਾ ਵਣ੍ਣਸਦ੍ਦ-ਵਾਚ੍ਚਂ ਤਂ ਨ ਪਰਿਚ੍ਚਜੇ.

ਪਦਂ ਚਤੁਬ੍ਬਿਧਂ ਵੁਤ੍ਤਂ, ਨਾਮਾ+ਖ੍ਯਾਤੋ+ਪਸਗ੍ਗਜਂ;

ਨਿਪਾਤਜਞ੍ਚ ਤਞ੍ਞੂ ਹਿ, ਅਸ੍ਸੋ ਖਲ੍ਵਾ+ਭਿਧਾਵਤੀਤਿ.

ਏਕਾਖ੍ਯਾਤੋ ਪਦਚ੍ਚਯੋ, ਸਿਯਾ ਵਾਕ੍ਯਂ ਸਕਾਰਕੋਤਿ –

ਵੁਤ੍ਤਂ. ਤਸ੍ਮਾ ‘‘ਵਿਭਤ੍ਯਨ੍ਤਂ ਪਦਂ, ਪਦਸਮੂਹੋ ਵਾਕ੍ਯ’’ਨ੍ਤਿ ਚ ਵੁਚ੍ਚਤਿ.

ਅਪਞ੍ਚਮਿਯਾਯੋਨਂਹਿਸ੍ਵ+ਪਾਦਾਦੋ ਵਤ੍ਤਮਾਨਾਨਂ ਪਦਸ੍ਮਾ ਪਰੇਸ+ਮੇਕਵਾਕ੍ਯੇ ਠਿਤਾਨਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਵੋ+ਨੋ ਹੋਨ੍ਤਿ ਵਾ ਯਥਾਕ੍ਕਮਂ. ਗਾਮਂ ਵੋ ਗਚ੍ਛੇਯ੍ਯਾਥ, ਗਾਮਂ ਤੁਮ੍ਹੇ ਗਚ੍ਛੇਯ੍ਯਾਥ. ਗਾਮਂ ਨੋ ਗਚ੍ਛੇਯ੍ਯਾਮ, ਗਾਮਂ ਅਮ੍ਹੇ ਗਚ੍ਛੇਯ੍ਯਾਮ. ਪਹਾਯ ਵੋ ਗਮਿਸ੍ਸਾਮਿ, ਮਾ ਨੋ ਵਿਕਨ੍ਤਿਂਸੁ. ਦੀਯਤੇ ਵੋ, ਦੀਯਤੇ ਤੁਮ੍ਹਂ. ਦੀਯਤੇ ¶ ਨੋ, ਦੀਯਤੇ ਅਮ੍ਹਂ. ਤੁਟ੍ਠੋ+ਸ੍ਮਿ ਵੋ ਪਕਤਿਯਾ, ਤੁਟ੍ਠੋ+ਸ੍ਮਿ ਤੁਮ੍ਹਂ. ਸਤ੍ਥਾ ਨੋ ਭਗਵਾ, ਏਸੋ ਅਮ੍ਹਾਕਂ ਸਤ੍ਥਾ. ਕਤਂ ਵੋ, ਕਤਂ ਤੁਮ੍ਹੇਹਿ. ਕਤਂ ਨੋ, ਕਤਂ ਅਮ੍ਹੇਹਿ.

ਨਾਮ੍ਹਿ ਸੇ ਚ ਅਪਾਦਾਦੋ ਵਤ੍ਤਮਾਨਾਨਂ ਦਸ੍ਮਾ ਪਰੇਸ+ਮੇਕਵਾਕ੍ਯੇ ਠਿਤਾਨਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤੇ+ਮੇ ਵਾ ਹੋਨ੍ਤਿ ਯਥਾਕ੍ਕਮਂ. ਕਤਂ ਤੇ, ਕਤਂ ਤਯਾ. ਕਤਂ ਮੇ, ਕਤਂ ਮਯਾ. ਦੀਯਤੇ ਤੇ, ਦੀਯਤੇ ਤਵ. ਦੀਯਤੇ ਮੇ, ਦੀਯਤੇ ਮਮ. ਧਨਂ ਤੇ, ਧਨਂ ਤਵ. ਧਨਂ ਮੇ, ਧਨਂ ਮਮ.

ਚਾਦੀਹਿ ਯੋਗੇ ਤੁਮ੍ਹਅਮ੍ਹਸਦ੍ਦਾਨਂ ਵੋ+ਨੋ, ਤੇ+ਮੇ ਨ ਹੋਨ੍ਤਿ. ਗਚ੍ਛਾਮ ਤੁਮ੍ਹੇ ਚ ਮਯਞ੍ਚ, ਪਸ੍ਸਤਿ ਤੁਮ੍ਹੇ ਚ ਅਮ੍ਹੇ ਚ, ਕਤਂ ਤੁਮ੍ਹੇਹਿ ਚ ਅਮ੍ਹੇਹਿ ਚ, ਦੀਯਤੇ ਤੁਮ੍ਹਞ੍ਚ ਅਮ੍ਹਞ੍ਚ, ਧਨਂ ਤੁਮ੍ਹਞ੍ਚ ਅਮ੍ਹਞ੍ਚ, ਕਤਂ ਤਯਾ ਚ ਮਯਾ ਚ, ਦੀਯਤੇ ਤਵ ਚ ਮਮ ਚ, ਧਨਂ ਤਵ ਚ ਮਮ ਚ. ਏਵਂ ਵਾਦਿਯੋਗੇਪਿ.

ਕਥਿਤਾਨੁਕਥਿਤਵਿਸਯੇ ਤੁਮ੍ਹਅਮ੍ਹਸਦ੍ਦਾਨਂ ਆਦੇਸਾ ਨਿਚ੍ਚਂ ਹੋਨ੍ਤਿ ਪੁਨਬ੍ਬਿਧਾਨਾ. ਗਾਮੋ ਤੁਮ੍ਹਂ ਪਰਿਗ੍ਗਹੋ, ਅਥੋ ਜਨਪਦੋ ਵੋ ਪਰਿਗ੍ਗਹੋ. ਅਨ੍ਵਾਦੇਸੇ ਅਥੋ ਅਥੋਤਿ ਵਾਰਦ੍ਵਯਾਭਾਵਾ ਨਿਚ੍ਚਨ੍ਤਿ ਵੁਤ੍ਤਂ. ਅਥੋਸਦ੍ਦੋ ਕਥਿਤਸ੍ਸੇਵ ਪੁਨ ਕਥਨਤੋ ਅਨ੍ਵਾਦੇਸਜੋਤਕੋ.

ਵਿਜ੍ਜਮਾਨਪੁਬ੍ਬਸ੍ਮਾ ¶ ਪਠਮਨ੍ਤਾ ਪਰੇਸਂ ਤੁਮ੍ਹਾਮ੍ਹਾਨਂ ਆਦੇਸਾ ਵਾ ਹੋਨ੍ਤਿ ਅਨ੍ਵਾਦੇਸੇ. ਗਾਮੇ ਪਟੋ ਤੁਮ੍ਹਾਕਂ ਅਥੋ ਨਗਰੇ ਕਮ੍ਬਲੋ ਵੋ ਅਥੋ ਨਗਰੇ ਕਮ੍ਬਲੋ ਤੁਮ੍ਹਾਕਂ, ਅਥੋਤਿ ਅਨੁਕਥਨਵਾਰਦ੍ਵਯਤ੍ਤਾ ਵਿਕਪ੍ਪੋ ਸਪੁਬ੍ਬਾਤਿ ਕਿਂ, ਪਟੋ ਤੁਮ੍ਹਾਕਂ, ਅਥੋ ਕਮ੍ਬਲੋ ਵੋ. ਪਠਮਨ੍ਤਾਤਿ ਕਿਂ, ਪਟੋ ਨਗਰੇ ਤੁਮ੍ਹਾਕਂ, ਅਥੋ ਕਮ੍ਬਲੋ ਗਾਮੇ ਵੋ.

ਦਸ੍ਸਨਤ੍ਥੇ ਆਲੋਵਚਨਵਜ੍ਜਿਤੇ ਪਯੁਜ੍ਜਮਾਨੇ ਤੁਮ੍ਹਅਮ੍ਹਾਨ+ਮਾਦੇਸਾ ਨ ਹੋਨ੍ਤਿ. ਗਾਮੋ ਤੁਮ੍ਹੇ ਉਦ੍ਦਿਸ੍ਸ ਆਗਤੋ, ਗਾਮੋ ਅਮ੍ਹੇ ਉਦ੍ਦਿਸ੍ਸ ਆਗਤੋ. ਅਨਾਲੋਚਨੇਤਿ ਕਿਂ, ਗਾਮੋ ਵੋ ਆਲੋਚੇਤਿ, ਗਾਮੋ ਨੋ ਆਲੋਚੇਤਿ.

ਆਮਨ੍ਤਣਂ ਪੁਬ੍ਬ+ਵਿਜ੍ਜਮਾਨਂ ਵਿਯ ਹੋਤਿ ਤੁਮ੍ਹਾਮ੍ਹਾਨ+ਮਾਦੇਸਵਿਸਯੇ. ਦੇਵਦਤ੍ਤ ਤਵ ਪਰਿਗ੍ਗਹੋ. ਆਮਨ੍ਤਣਨ੍ਤਿ ਕਿਂ, ਕਮ੍ਬਲੋ ਤੇ ਪਰਿਗ੍ਗਹੋ.

ਸਮਾਨਾਧਿਕਰਣੇ ਪਰਤੋ ਸਾਮਞ੍ਞਵਚਨ+ਮਾਮਨ੍ਤਣਂ ਏਕਤ੍ਥੇ ਅਸਨ੍ਤਂ ਵਿਯ ਨ ਹੋਤਿ ਮਾਣਵਕ ਜਟਿਲਕ ਤੇ ਪਰਿਗ੍ਗਹੋ. ਪਰਾਮਨ੍ਥਣੇ ਅਸਤਿਪਿ ਪੁਬ੍ਬ+ਮੁਪਾਦਾਯ ਆਦੇਸੋ.

ਬਹੂਸੁ ¶ ਵਤ੍ਤਮਾਨ+ਮਾਮਨ੍ਤਣਂ ਸਾਮਞ੍ਞਵਚਨ+ਮੇਕਤ੍ਥੇ ਅਸਨ੍ਤਂ ਵਿਯ ਵਾ ਨ ਹੋਤਿ. ‘‘ਸਿਦ੍ਧੇ ਸਤ੍ਯਾਰਮ੍ਭੋ ਨੀਯਮਾਯ ਵਾ ਵਿਕਪ੍ਪਾਯਵਾ’’ਤਿ ਵੁਤ੍ਤਤ੍ਤਾ ਵਿਕਪ੍ਪਤ੍ਥ+ਮਿਦਂ. ਬ੍ਰਾਹ੍ਮਣਾ ਗੁਣਵਨ੍ਤੋ ਤੁਮ੍ਹਾਕਂ ਪਰਿਗ੍ਗਹੋ, ਬ੍ਰਾਹ੍ਮਣਾ ਗੁਣਵਨ੍ਤੋ ਵੋ ਪਰਿਗ੍ਗਹੋ.

ਉਭ+ਕਤਿਸਦ੍ਦਾ ਬਹੁਵਚਨਨ੍ਤਾ. ‘‘ਉਭ+ਗੋਹਿ ਟੋ’’ਤਿ ਯੋਨਂ ਟੋ, ਉਭੋ. ਕਥਂ ‘‘ਉਭਯੋ ਵਸੇਮਸੇ’’ਤਿ, ਟੋਮ੍ਹਿ ਯਕਾਰਾਗਮੋ. ਉਭੋ.

ਉਭਸ੍ਸ ਸੁਹਿਸ੍ਵੋ ਹੋਤਿ. ਉਭੋਹਿ ਉਭੋਭਿ.

ਉਭਾ ਨਂਵਚਨਸ੍ਸ ਇਨ੍ਨਂ ਹੋਤਿ. ਉਭਿਨ੍ਨਂ, ਉਭੋਸੁ.

ਕਤਿਮ੍ਹਾ ਯੋਨਂ ਟਿ ਹੋਤਿ. ਕਤਿ, ਕਤਿ. ਝਤੋ ਯੋਲੋਪਪਸਙ੍ਗੇ ਦੀਘਨਿਵਤ੍ਤਨਤ੍ਥਂ ਟਿਆਦੇਸੋ. ਕਤੀਹਿ ਕਤੀਭਿ. ‘‘ਬਹੁਕਤਿਨ੍ਨਂ’’ਤਿ ਨੁਕ, ਕਤਿਨ੍ਨਂ, ਕਤੀਸੁ.

ਵਿਚ੍ਛਾਯ+ਮਾਭਿਕ੍ਖਞ੍ਞੇ ਚ ਦ੍ਵੇ ਰੂਪਾਨਿ ਹੋਨ੍ਤਿ. ਕ੍ਰਿਯਾ+ਗੁਣ+ਦਬ੍ਬੇਹਿ ਬ੍ਯਾਪੇਤੁ+ਮਿਚ੍ਛਾ ਵਿਚ੍ਛਾ. ਰੁਕ੍ਖਂ ਰੁਕ੍ਖਂ ਸਿਞ੍ਚਨ੍ਤਿ, ਗਾਮੋ ਗਾਮੋ ਰਮਣੀਯੋ, ਗਾਮੇ ਗਾਮੇ ਪਾਨੀਯਂ. ਆਭਿਕ੍ਖਞ੍ਞਂ=ਪੋਨੋਪੁਞ੍ਞਂ, ਪਚਤਿ ਪਚਤਿ, ਪਪਚਤਿ ਪਪਚਤਿ.

੧,੫੫. ਸ੍ਯਾਦਿਲੋਪੋ ਪੁਬ੍ਬਸ੍ਸੇ+ਕਸ੍ਸ

ਵਿਚ੍ਛਾਯ+ਮੇਕਸ੍ਸ ¶ ਦ੍ਵਿਤ੍ਤੇ ਪੁਬ੍ਬਸ੍ਸ ਸ੍ਯਾਦਿਲੋਪੋ ਹੋਤਿ. ਏਕਸ੍ਸ ਏਕਸ੍ਸਾਤਿ ਦ੍ਵਿਤ੍ਤੇ ਏਕੇਕਸ੍ਸ. ਕਥਂ ‘‘ਮਤ੍ਥਕਮਤ੍ਥਕੇਨਾ’’ਤਿ, ‘‘ਸ੍ਯਾਦਿਲੋਪੋ ਪੁਬ੍ਬਸ੍ਸਾ’’ਤਿ ਯੋਗਵਿਭਾਗਾ, ਯੋਗਵਿਭਾਗਾ ਚ ਇਟ੍ਠਪਸਿਦ੍ਧੀਤਿ.

ਸਬ੍ਬਾਦੀਨਂ ਵੀਤਿਹਾਰੇ ਦ੍ਵੇ ਭਵਨ੍ਤਿ. ਪੁਬ੍ਬਸ੍ਸ ਸ੍ਯਾਦਿਲੋਪੋ ਚ, ਅਞ੍ਞਸ੍ਸ ਅਞ੍ਞਸ੍ਸ ਭੋਜਕਾ ਅਞ੍ਞਮਞ੍ਞਸ੍ਸ ਭੋਜਕਾ, ਏਵਂ ਇਤਰੀਤਰਸ੍ਸ.

ਤੁਰਿਤੇਨਾ+ਪਾਯਹੇਤੁਪਦਸ੍ਸਨਂ ਸਮ੍ਭਮੋ, ਤਸ੍ਮਿਂ ਸਤਿ ਵਤ੍ਤੁ ਯਾਵਨ੍ਤੇਹਿ ਸਦ੍ਦੇਹਿ ਸੋ+ਤ੍ਥੋ ਵਿਞ੍ਞਾਯਤੇ, ਤਾਵਨ੍ਤੋ ਪਯੁਜ੍ਜਨ੍ਤੇ. ਸਪ੍ਪੋ ਸਪ੍ਪੋ ਸਪ੍ਪੋ, ਬੁਜ੍ਝਸ੍ਸੁ ਬੁਜ੍ਝਸ੍ਸੁ ਬੁਜ੍ਝਸ੍ਸੁ, ਭਿਨ੍ਨੋ ਭਿਕ੍ਖੁਸਙ੍ਘੋ, ਭਿਨ੍ਨੋ ਭਿਕ੍ਖੁਸਙ੍ਘੋ.

ਭਯੇ ਕੋਧੇ ਪਸਂਸਾਯਂ, ਤੁਰਿਤੇ ਕੋਤੂਹਲ+ਚ੍ਛਰੇ;

ਹਾਸੇ ਸੋਕੇ ਪਸਾਦੇ ਚ, ਕਰੇ ਆਮੇਡਿਤਂ ਬੁਧੋ.

ਅਥ ਸਙ੍ਖ੍ਯਾਸਦ੍ਦਾ ਵੁਚ੍ਚਨ੍ਤੇ. ਏਕਾਦਯੋ ਅਟ੍ਠਾਰਸਨ੍ਤਾ ਸਙ੍ਖ੍ਯੇਯ੍ਯਵਚਨਾ. ਵੀਸਤਿਆਦਯੋ ‘‘ਭਿਕ੍ਖੂਨਂ ਵੀਸਤੀ’’ਤਿਆਦੀਸੁ ਸਙ੍ਖ੍ਯਾਵਚਨਾ, ‘‘ਵੀਸਤਿ ਭਿਕ੍ਖਵੋ’’ਤਿਆਦੀਸੁ ਸਙ੍ਖ੍ਯੇਯ੍ਯਵਚਨਾ. ਏਕਸਦ੍ਦੋ ਸਬ੍ਬਾਦੀਸੁ ਵੁਤ੍ਤੋਵ. ਦ੍ਵਾਦਯੋ ਅਟ੍ਠਾਰਸਨ੍ਤਾ ਬਹੁਵਚਨਨ੍ਥਾਵ.

੨੧੯. ਯੋਮ੍ਹਿ ਦ੍ਵਿਨ੍ਨਂ ਦੁਵੇ+ਦ੍ਵੇ

ਯੋਮ੍ਹਿ ¶ ਦ੍ਵਿਸ੍ਸ ਸਵਿਭਤ੍ਤਿਸ੍ਸ ਦੁਵੇ+ਦ੍ਵੇ ਹੋਨ੍ਤਿ ਪਚ੍ਚੇਕਂ. ਦੁਵੇ ਦ੍ਵੇ, ਦੁਵੇ ਦ੍ਵੇ, ਦ੍ਵੀਹਿ ਦ੍ਵੀਭਿ.

ਨਂਮ੍ਹਿ ਦ੍ਵਿਸ੍ਸ ਸਵਿਭਤ੍ਤਿਸ੍ਸ ਦੁਵਿਨ੍ਨਂ ਹੋਤਿ ਵਾ. ਦੁਵਿਨ੍ਨਂ, ਅਞ੍ਞਤ੍ਰ –

੪੭. ਨਂਮ੍ਹਿ ਨੁਕ ਦ੍ਵਾਦੀਨਂ ਸਤ੍ਤਰਸਨ੍ਨਂ

ਦ੍ਵਾਦੀਨਂ ਸਤ੍ਤਰਸਨ੍ਨਂ ਸਙ੍ਖ੍ਯਾਨਂ ਨੁਕ ਹੋਤਿ ਨਂਮ੍ਹਿ ਵਿਭਤ੍ਤਿਮ੍ਹਿ. ਉਕਾਰੋ ਉਚ੍ਚਾਰਣਤ੍ਥੋ, ਕਕਾਰੋ ਅਨ੍ਤਾਵਯਵਤ੍ਥੋ. ਏਤ੍ਥ ਨਾਗਮੋ ਵਿਭਤ੍ਤਿਸ੍ਸ ਆਦ੍ਯਾਵਯਵੋ ਚੇ, ‘‘ਆਗਮਾ ਤਗ੍ਗੁਣੀਭੂਤਾ ਤਗ੍ਗਹਣੇਨ ਗਯ੍ਹਨ੍ਤੇ’’ਤਿ ਞਾਯਾ ਨਾਗਮੋਪਿ ਤਂਗਹਣੇਨ ਗਯ੍ਹਤੀਤਿ ‘‘ਸੁਨਂਹਿਸੂ’’ਤਿ ਦੀਘਪ੍ਪਸਙ੍ਗੇ ਪਕਤਿਯਾ ਅਨ੍ਤਾਵਯਵਭੂਤੇ ਸਰਨ੍ਤਤਾ ਨਤ੍ਥੀਤਿ ਨ ਦੀਘੋ. ਦ੍ਵਿਨ੍ਨਂ, ਦ੍ਵੀਸੁ.

ਯੋਮ੍ਹਿ ਸਵਿਭਤ੍ਤੀਨਂ ਤਿ+ਚਤੁਨ੍ਨਂ ਤਯੋ+ਚਤ੍ਤਾਰੋ ਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ. ਤਯੋ, ਤਯੋ, ਤੀਹਿ ਤੀਭਿ.

ਝਸਞ੍ਞਿਤੋ ਤਿਤੋ ਨਂਵਚਨਸ੍ਸ ਣ੍ਣਂ+ਣ੍ਣਨ੍ਨਂ ਹੋਨ੍ਤਿ. ਤਿਣ੍ਣਂ ਤਿਣ੍ਣਨ੍ਨਂ, ਤੀਸੁ.

੨੦੫. ਤਿਸ੍ਸੋ ਚਤਸ੍ਸੋ ਯੋਮ੍ਹਿ ਸਵਿਭਤ੍ਤੀਨਂ

ਵਿਭਤ੍ਤਿਸਹਿਤਾਨਂ ਤਿਚਤੁਨ੍ਨਂ ਯੋਮ੍ਹਿ ਤਿਸ੍ਸੋ+ਚਤਸ੍ਸੋ ਹੋਨ੍ਤਿ ਇਤ੍ਥਿਯਂ ਯਥਾਕ੍ਕਮਂ. ਤਿਸ੍ਸੋ, ਤਿਸ੍ਸੋ, ਤੀਹਿ ਤੀਭਿ.

੨੦੪. ਨਂਮ੍ਹਿ ਤਿਚਤੁਨ੍ਨ+ਮਿਤ੍ਥਿਯਂ ਤਿਸ੍ਸ+ਚਤਸ੍ਸਾ

ਨਂਮ੍ਹਿ ¶ ਤਿਚਤੁਨ੍ਨਂ ਤਿਸ੍ਸ+ਚਤਸ੍ਸਾ ਹੋਨ੍ਤਿ+ਤ੍ਥਿਯਂ ਯਥਾਕ੍ਕਮਂ. ਨਂਮ੍ਹੀਤਿ ਚਤੁਤ੍ਥੀਛਟ੍ਠੀਨਂ ਸਾਮਞ੍ਞਵਚਨਂ, ਨੋ ਚੇ ਨਂਸੂਤਿ ਵਦਤਿ, ਯਥਾਕ੍ਕਮਂਤਿ ਸਦ੍ਦਦ੍ਵਯਾਪੇਕ੍ਖਂ. ਏਵ+ਮੀਦਿਸ+ਮਞ੍ਞਮ੍ਪਿ. ਤਿਸ੍ਸਨ੍ਨਂ ਤੀਸੁ.

ਯੋਮ੍ਹਿ ਸਵਿਭਤ੍ਤੀਨਂ ਤਿਚਤੁਨ੍ਨਂ ਯਥਾਕ੍ਕਮਂ ਤੀਣਿ+ਚਤ੍ਤਾਰਿ ਹੋਨ੍ਤਿ ਨਪੁਂਸਕੇ. ਤੀਣਿ, ਤੀਣਿ, ਤੀਹਿ ਇਚ੍ਚਾਦਿ ਪੁਲ੍ਲਿਙ੍ਗੇਵ.

ਚਤੁਸ੍ਸ ਸਵਿਭਤ੍ਤਿਸ੍ਸ ਯੋਮ੍ਹਿ ਚਤੁਰੋ ਹੋਤਿ ਵਾ ਪੁਲ੍ਲਿਙ੍ਗੇ. ਚਤੁਰੋ ਚਤ੍ਤਾਰੋ. ਕਥਂ ‘‘ਚਤੁਰੋ ਨਿਮਿਤ੍ਤੇ ਨਾਦ੍ਦਸਾਸਿ’’ਨ੍ਤਿ, ਲਿਙ੍ਗਵਿਪਲ੍ਲਾਸੇਨ ਸਿਦ੍ਧਂ, ਚਤ੍ਤਾਰਿ ਨਿਮਿਤ੍ਤਾਨੀਤਿ ਅਤ੍ਥੋ. ਵਿਪਲ੍ਲਾਸੋ ਤਿਵਿਧੋ ਲਿਙ੍ਗਵਿਪਲ੍ਲਾਸੋ ਵਚਨਵਿਪਲ੍ਲਾਸੋ ਵਿਭਤ੍ਤਿਵਿਪਲ੍ਲਾਸੋਤਿ. ਚਤੂਹਿ ਚਤੂਭਿ. ਚਤੁਨ੍ਨਂ, ਚਤੂਸੁ.

ਇਤ੍ਥਿਯਂ ਚਤਸ੍ਸੋ. ਚਤਸ੍ਸੋ. ਚਤੂਹਿ ਚਤੂਭਿ. ਚਤਸ੍ਸਨ੍ਨਂ. ਚਤਸ੍ਸਨ੍ਨਂ. ਚਤੂਸੁ.

ਨਪੁਂਸਕੇ ਚਤ੍ਤਾਰਿ. ਚਤ੍ਤਾਰਿ. ਚਤੂਹਿ ਚਤੂਭਿ. ਇਚ੍ਚਾਦਿ ਪੁਮੇਵ.

‘‘ਸੁਤ੍ਤੇ ਲਿਙ੍ਗਵਚਨਮਤ੍ਤ’’ਨ੍ਤਿ ਞਾਯਾ ਟ-ਇਤਿ ਵੁਤ੍ਤਂ. ਪਞ੍ਚਾਦੀਹਿ ਚੁਦ੍ਦਸਹਿ ਸਙ੍ਖ੍ਯਾਹਿ ਯੋਨਂ ਟ ਹੋਤਿ. ਪਞ੍ਚ. ਪਞ੍ਚ. ਯੋਨਂ ਟਾ+ਟੇਨਿਵਤ੍ਥਨਤ੍ਥਂ ਟ-ਵਿਧਾਨਂ.

ਪਞ੍ਚਾਦੀਨਂ ¶ ਚੁਦ੍ਦਸਨ੍ਨਂ ਸੁਨਂਹਿਸ੍ਵ ਹੋਤਿ. ਏਤ੍ਤ+ਦੀਘਾਪਵਾਦੋ+ਯਂ. ਅਪਵਾਦਤਿ ਬਾਧੇਤੀਤਿ ਅਪਵਾਦੋ. ਤਸ੍ਮਾ ‘‘ਪਕਪ੍ਯਾਪਵਾਦਵਿਸਯਮੁਸ੍ਸਗ੍ਗਾ ਅਭਿਨਿਵਿਸਨ੍ਤੇ’’ਤਿ ਞਾਯਾ ‘‘ਸੁਹਿਸ੍ਵ+ਸ੍ਸੇ’’ ‘‘ਸੁਨਂਹਿਸੁ’’ਤਿ ਚ ਉਸ੍ਸਗ੍ਗਾ ‘‘ਪਞ੍ਚਾਦੀਨਂ ਚੁਦ੍ਦਸਨ੍ਨ+ਮ’’ ਇਤਿ ਅਪਵਾਦਵਿਸਯਂ ਨ ਪਵਿਸਨ੍ਤਿ, ਸਾਮਞ੍ਞਤ੍ਤਾ. ਏਵ+ਮੁਪਰਿਪਿ ‘‘ਪਞ੍ਚਮਿਯਂ ਪਰਸ੍ਸ’’ ‘‘ਆਦਿਸ੍ਸਾ’’ਤਿ. ਪਞ੍ਚਹਿ ਪਞ੍ਚਭਿ ਪਞ੍ਚਨ੍ਨਂ. ਪਞ੍ਚਨ੍ਨਂ. ਪਞ੍ਚਸੁ. ਏਵਂ ਛਾਦਯੋ ਅਟ੍ਠਾਰਸਨ੍ਤਾ.

‘‘ਚਤ੍ਥੇ’’ਤਿ ਏਕੋ ਚ ਦਸ ਚਾਤਿ ਚਤ੍ਤਸਮਾਸੇ ‘‘ਅਮਾਦੀ’’ਤਿ ਏਕੇਨ ਅਧਿਕਾ ਦਸਾਤਿ ਤਤਿਯਾਸਮਾਸੇ ਵਾ ਕਤੇ ‘‘ਏਕਤ੍ਥਤਾਯ’’ਨ੍ਤਿ ਵਿਭਤ੍ਤਿਲੋਪੋ. ਏਵ+ਮੁਪਰਿ ਚ.

ਸਂਖ੍ਯਾਤੋ ਪਰਸ੍ਸ ਦਸਸ੍ਸ ਰ ਹੋਤਿ ਵਿਭਾਸਾ. ਸ ਚ ‘‘ਪਞ੍ਚਮਿਯਂ ਪਰਸ੍ਸਾ’’ਤਿ ਵਤ੍ਤਮਾਨੇ ‘‘ਆਦਿਸ੍ਸਾ’’ਤਿ ਦਕਾਰਸ੍ਸੇਵ ਹੋਤਿ. ਏਕਾਰਸ ਏਕਾਦਸ. ਏਕਾਰਸਹਿ ਏਕਾਦਸਹਿ. ਏਕਾਰਸਨ੍ਨਂ ਏਕਾਦਸਨ੍ਨਂ. ਏਕਾਰਸਸੁ ਏਕਾਦਸਸੁ. ਏਵ+ਮੇਕਾਦਸਇਚ੍ਚਾਦਿਪਿ.

੩,੯੪. ਆ ਸਂਖ੍ਯਾਯਾ ਸਤਾਦੋ ਨਾਞ੍ਞਤ੍ਥੇ

ਸਂਖ੍ਯਾਯ+ਮੁਤ੍ਤਰਪਦੇ ¶ ਦ੍ਵਿਸ੍ਸਾ ਹੋਤਿ ਅਸਤਾਦੋ ਨਾਞ੍ਞਤ੍ਥੇ.

ਆਵਿਟ੍ਠਲਿਙ੍ਗਤ੍ਤਾ ਸਂਖ੍ਯਾਯਂ ਉਤ੍ਤਰਪਦੇ ਸਲਿਙ੍ਗੇਨੇਵ ਵਿਸੇਸਨਂ ਭਵਤਿ.

ਸੁਦ੍ਧਂ ਮਿਸ੍ਸਞ੍ਚ ਸਂਕਿਣ੍ਣਂ, ਉਪਸਜ੍ਜਨਮੇਵ ਚ;

ਆਵਿਟ੍ਠ+ਮਥ ਵਾ+ਬ੍ਯਤ੍ਤਂ, ਛਧਾ ਲਿਙ੍ਗਂ ਵਿਵਂਯਤੇ.

ਏਤ੍ਥ ਯਥਾਕ੍ਕਮਂ ਰੁਕ੍ਖੋ ਲਤਾ ਪਣ੍ਣਂਤਿ ਸੁਦ੍ਧਂ. ਘਟੋ ਘਟੀ, ਵਜਿਰੋ ਵਜਿਰਂ, ਵੇਦਨਾ ਵੇਦਨਂਤਿ ਮਿਸ੍ਸਂ. ਤਟੋ ਤਟੀ ਤਟਂਤਿ ਸਂਕਿਣ੍ਣਂ. ਸੁਕ੍ਕੋ ਪਟੋ, ਸੁਕ੍ਕਾ ਪਟਿ, ਸੁਕ੍ਕਂ ਵਤ੍ਥਂਤਿ ਉਪਸਜ੍ਜਨਂ. ਰਾਜਾ ਸਰਣਂ, ਗੁਣੋ ਪਮਾਣਂਤਿ ਆਵਿਟ੍ਠਂ. ਤੁਵਂ ਅਹਂ ਕਤਿ ਪਞ੍ਚਾਤਿ ਅਬ੍ਯਤ੍ਤਂ. ਇਤਿ ਲਿਙ੍ਗਂ ਵੇਦਿਤਬ੍ਬਂ. ਦ੍ਵਾਦਸ.

ਦ੍ਵਿਸ੍ਸ ਬਾ ਵਾ ਹੋਤਿ ਚਤ੍ਤਾਲੀਸਾ ਦੋ ਨਾਞ੍ਞਤ੍ਥੇ. ਰਾਦੇ ਸੇ ਬਾਰਸ.

ਸਂਖ੍ਯਾਯ+ਮੁਤ੍ਤਰਪਦੇ ਤਿਸ੍ਸ ਏ ਹੋਤ+ਸਤਾਦੋ ਨਾ+ਞ੍ਞਤ੍ਥੇ.

ਛਤੀਹਿ ਪਰਸ੍ਸ ਦਸਸ੍ਸ ਲ਼ੋ ਹੋਤਿ ਰੋ ਚ. ਤੇਲ਼ਸ ਤੇਰਸ.

ਚਤੁਸ੍ਸ ਚੁ+ਚੋ ਹੋਨ੍ਤਿ ਵਾ ਦਸੇ ਪਰੇ. ਦ੍ਵਿਤ੍ਤੇ ਚੁਦ੍ਦਸ ਚੋਦ੍ਦਸ ਚਤੁਦ੍ਦਸ.

੩,੯੯. ਵੀਸਤਿਦਸੇਸੁ ਪਞ੍ਚਸ੍ਸ ਪਣ੍ਣ+ਪਨ੍ਨਾ

ਵੀਸਤਿ ¶ ਸੇਸੁ ਪਰੇਸੁ ਪਞ੍ਚਸ੍ਸ ਪਣ੍ਣ+ਪਨ੍ਨਾ ਹੋਨ੍ਤਿ ਯਥਾਕ੍ਕਮਂ. ਪਨ੍ਨਰਸ ਪਞ੍ਚਦਸ.

ਛਸ੍ਸ ਸੋ-ਇਚ੍ਚ+ਯ+ਮਾਦੇਸੋ ਹੋਤਿ ਸੇ ਪਰੇ. ਸੋਲ਼ਸ ਸੋਰਸ. ਸਤ੍ਤਰਸ ਸਤ੍ਤਦਸ. ‘‘ਏਕਟ੍ਠਾਨ+ਮਾ’’ਤਿ ਆ, ਅਟ੍ਠਾਰਸ ਅਟ੍ਠਾਦਸ.

ਊਨਾ ਚ ਸਾ ਵੀਸਤਿ ਚਾਤਿ ‘‘ਵਿਸੇਸਨ+ਮੇਕਤ੍ਥੇਨੇ’’ਤਿ ਵਿਸੇਸਨਸਮਾਸੇ ‘‘ਇਤ੍ਥਿਯਂ ਭਾਸਿਤਪੁਮਿ+ਤ੍ਥੀ ਪੁਮੇ+ਵੇਕਤ੍ਥੇ’’ਤਿ ਪੁਮਤ੍ਤੇ ਚ ਕਤੇ ਏਕੇਨ ਊਨਾ ਵੀਸਤੀਤਿ ਤਤਿਯਾਸਮਾਸੇ ਏਕੂਨਵੀਸਤਿ.

ਵੀਸਤਿਆਦਯੋ ਆਨਵੁਤਿਯਾ ਇਤ੍ਥਿਲਿਙ੍ਗੇ+ਕਵਚਨਾ. ਭੋ ਏਕੂਨਵੀਸਤਿ. ਏਕੂਨਵੀਸਤਿਂ. ਏਕੂਨਵੀਸਤ੍ਯਾ ਏਕੂਨਵੀਸਤਿਯਾ. ਏਕੂਨਵੀਸਤ੍ਯਂ ਏਕੂਨਵੀਸਤਿਯਂ ਏਕੂਨਵੀਸਤ੍ਯਾ ਏਕੂਨਵੀਸਤਿਯਾ. ਮਤਿਸਮਂ.

ਏਵਂ ਵੀਸਤਿ, ਏਕਵੀਸਤਿ, ਦ੍ਵਾਵੀਸਤਿ ਬਾਵੀਸਤਿ, ਤੇਵੀਸਤਿ ਚਤੁਵੀਸਤਿਪ੍ਪਭੁਤਯੋ. ਪਣ੍ਣਆਦੇਸੇ ਪਣ੍ਣਵੀਸਤਿ ਪਞ੍ਚਵੀਸਤਿ. ਏਵਂ ਛਬ੍ਬੀਸਤਿ, ਸਤ੍ਤਵੀਸਤਿ, ਅਟ੍ਠਵੀਸਤਿ.

ਏਕੇਨ ਊਨਾ ਤਿਂਸਤਿ ਤਿਂਸਾ ਵਾਤਿ ਏਕੂਨਤਿਂਸਤਿ ਏਕੂਨਤਿਂਸਾ ਵਾ. ਕਰਣੇ ਏਕੂਨਤਿਂਸਾਯ. ਏਕੂਨਤਿਂਸਾਯ, ਏਕੂਨਤਿਂਸਾਯ, ਏਕੂਨਤਿਂਸਾਯ, ਏਕੂਨਤਿਂਸਾਯਂ. ਏਵਂ ਤਿਂਸਤਿਣਿਂਸਾਵਭੁਤਯੋ ¶ . ਤਿਂਸਾਸਦ੍ਦਸ੍ਸ ਪਨ ਸਿਲੋਪੇ ‘‘ਦੀਘਸ੍ਸੋ’’ਤਿ ਯੋਗਵਿਭਾਗਾ ਰਸ੍ਸੋ, ਤਿਂਸ. ਨਿਗ੍ਗਹੀਤਾਗਮੋ, ਤਿਂਸਂ. ਭੋਤਿਂਸੇ+ਚ੍ਚਾਦਿ ਪੁਮੇਵ.

ਚਤ੍ਤਾਲੀਸਾਦੀਸੁਪਿ ਯਥਾਸਮ੍ਭਵਂ ਏਵਮੇਵ. ਦ੍ਵਿਤ੍ਤੇ ਏਕਤ੍ਤਿਂਸਤਿ ਏਕਤ੍ਤਿਂਸਾ. ਰਸ੍ਸਦ੍ਵਿਤ੍ਤੇ ਦ੍ਵਤ੍ਤਿਂਸਤਿ ਦ੍ਵਤ੍ਤਿਂਸ. ਏਵਂ ਤੇਤ੍ਤਿਂਸਤਿ ਤੇਤ੍ਤਿਂਸਾਦਯੋ ਯਾਵ ਏਕੂਨਚਤ੍ਤਾਲੀਸਤਿ ਏਕੂਨਚਤ੍ਤਾਲੀਸਾ. ਚਤ੍ਤਾਲੀਸਾਯ ਸਿਮ੍ਹਿ ਚਤ੍ਤਾਰੀਸਾ ਚਤ੍ਤਾਲੀਸਾ ਚਤ੍ਤਾਲੀਸਂ, ਭੋ ਚਤ੍ਤਾਲੀਸੇ+ਚ੍ਚਾਦਿ ਹੋਤਿ. ਏਵਂ ਏਕਚਤ੍ਤਾਰੀਸਾ.

ਅਸਤਾਦੋ ਨਾਞ੍ਞਤ੍ਥੇ ਚਤ੍ਤਾਲੀਸਾਦੋ ਦ੍ਵਿਸ੍ਸ ਏ ਵਾ ਹੋਤਿ ਆ ਚ. ਦ੍ਵੇਚਤ੍ਤਾਲੀਸਾ ਦ੍ਵੇਚਤ੍ਤਾਲੀਸ ਦ੍ਵੇਚਤ੍ਤਾਲੀਸਂ, ਏਵਂ ਦ੍ਵਾਚਤ੍ਤਾਲੀਸ-ਇਚ੍ਚਾਦਿ. ਦ੍ਵੇਚਤ੍ਤਾਰੀਸਾ ਦ੍ਵੇਚਤ੍ਤਾਰੀਸ ਦ੍ਵੇਚਤ੍ਤਾਰੀਸਂ, ਏਵਂ ਦ੍ਵਾਚਤ੍ਤਾਰੀਸਾ ਦ੍ਵਾਚਤ੍ਤਾਰੀਸ ਇਚ੍ਚਾਦਿ. ਚਤ੍ਤਾਲੀਸਤਿ ਏਕਚਤ੍ਤਾਲੀਸਤਿ ਦ੍ਵੇਚਤ੍ਤਾਲੀਸਤਿ ਦ੍ਵਾਚਤ੍ਤਾਲੀਸਤਿ ਇਚ੍ਚਾਦਿ ਏਕੂਨਵੀਸਤਿਸਮਂ.

ਅਸਤਾਦੋ ਨਾਞ੍ਞਤ੍ਥੇ ਚਤ੍ਤਾਲੀਸਾਦੋ ਤਿਸ੍ਸੇ ਹੋਤਿ ਵਾ. ਤੇਚਤ੍ਤਾਲੀਸਾ ਤੇਚਤ੍ਤਾਲੀਸ ਤੇਚਤ੍ਤਾਲੀਸਂ. ਭੋ ਤੇਚਤ੍ਤਾਲੀਸੇ ਇਚ੍ਚਾਦਿ ਹੋਤਿ. ਏਵਂ ਤਿਚਤ੍ਤਾਲੀਸਾ ਤੇਚਤ੍ਤਾਰੀਸਾ ਤਿਚਤ੍ਤਾਰੀਸਾ ਇਚ੍ਚਾਦਿ, ਤੇਚਤ੍ਤਾਲੀਸਤਿ ਤਿਚਤ੍ਤਾਲੀਸਤਿ ਇਚ੍ਚਾਦਿ ਪੁਬ੍ਬੇਵ.

ਏਵਂ ਚਤੁਚਤ੍ਤਾਲੀਸਾ ਪਞ੍ਚਚਤ੍ਤਾਲੀਸਾ ਚਤੁਚਤ੍ਤਾਲੀਸਤਿ ਪਞ੍ਚਚਤ੍ਤਾਲੀਸਤਿ ਇਚ੍ਚਾਦਿ ਯਾਵ ਏਕੂਨਪਞ੍ਞਾਸਾ.

ਪਞ੍ਞਾਸਾ ¶ ਪਞ੍ਞਾਸ ਪਞ੍ਞਾਸਂ ਇਚ੍ਚਾਦਿ ਹੋਤਿ. ਏਵਂ ਦ੍ਵੇਪਞ੍ਞਾਸਾ ਦ੍ਵਾਪਞ੍ਞਾਸਾ ਦ੍ਵਿਪਞ੍ਞਾਸਾ ਦ੍ਵੇਪਣ੍ਣਾਸਾ ਦ੍ਵਾਪਣ੍ਣਾਸਾ ਦ੍ਵਿਪਣ੍ਣਾਸਾ. ਤੇਪਞ੍ਞਾਸਾ ਤਿਪਞ੍ਞਾਸਾ ਤਿਪਞ੍ਞਾਸਂ ਤੇਪਣ੍ਣਾਸਾ ਤਿਪਣ੍ਣਾਸਾ. ਚਤੁਪਣ੍ਣਾਸਾ ਪਞ੍ਚਪਣ੍ਣਾਸਾ ਇਚ੍ਚਾਦਿ ਯਾਵ ਏਕੂਨਸਟ੍ਠਿ.

ਏਵਂ ਸਟ੍ਠਿ, ਏਕਸਟ੍ਠਿ, ਦ੍ਵੇਸਟ੍ਠਿ ਦ੍ਵਾਸਟ੍ਠਿ ਦ੍ਵਿਸਟ੍ਠਿ, ਤੇਸਟ੍ਠਿ ਤਿਸਟ੍ਠਿ, ਚਤੁਸਟ੍ਠਿ ਪਞ੍ਚਸਟ੍ਠਿ ਇਚ੍ਚਾਦਿ ਯਾਵ ਏਕੂਨਸਤ੍ਤਤਿ.

ਸਤ੍ਤਤਿ, ਏਕਸਤ੍ਤਤਿ, ਦ੍ਵੇਸਤ੍ਤਤਿ ਦ੍ਵਾਸਤ੍ਤਤਿ ਦ੍ਵਿਸਤ੍ਤਤਿ, ਤੇਸਤ੍ਤਤਿ ਤਿਸਤ੍ਤਤਿ. ਦ੍ਵੇਸਤ੍ਤਰਿ ਦ੍ਵਾਸਤ੍ਤਰਿ ਦ੍ਵਿਸਤ੍ਤਰਿ, ਚਤੁਸਤ੍ਤਤਿ, ਪਞ੍ਚਸਤ੍ਤਤਿ, ਚਤੁਸਤ੍ਤਰਿ, ਪਞ੍ਚਸਤ੍ਤਰੀਤਿ ਯਾਵ ਏਕੂਨਾਸੀਤਿ.

ਅਸੀਤਿ, ਏਕਾਸੀਤਿ, ਦ੍ਵਾਸੀਤਿ, ਯਾਗਮੇ ਦ੍ਵਿਯਾਸੀਤਿ, ਤੇਅਸੀਤਿ ਤਿਯਾਸੀਤਿ, ਚਤੁਰਾਸੀਤਿ, ਪਞ੍ਚਾਸੀਤਿ ਇਚ੍ਚਾਦਿ ਯਾਵ ਏਕੂਨਨਵੁਤਿ.

ਨਵੁਤਿ, ਏਕਨਵੁਤਿ, ਦ੍ਵੇਨਵੁਤਿ ਦ੍ਵਾਨਵੁਤਿ ਦ੍ਵਿਨਵੁਤਿ, ਤੇਨਵੁਤਿ ਤਿਨਵੁਤਿ, ਚਤੁਨਵੁਤਿ, ਪਞ੍ਚਨਵੁਤਿ ਇਚ੍ਚਾਦਿ ਯਾਵ ਏਕੂਨਸਤਂ, ਏਤਂ ਨਪੁਂਸਕਲਿਙ੍ਗ+ਮੇਕਵਚਨਨ੍ਤਂ.

ਸਤਂ, ਭੋ ਸਤ ਸਤਾ, ਸਤਂ, ਸਤਂ. ਸਤੇਨ, ਕਰਣੇ ਸਤੇਨ. ਸਤਸ੍ਸ, ਸਤਾ ਸਤਮ੍ਹਾ ਸਤਸ੍ਮਾ, ਸਤਸ੍ਸ, ਸਤੇ ਸਤਮ੍ਹਿ ਸਤਸ੍ਮਿਂ. ਏਵਂ ਏਕਸਤਤੋ ਪਭੁਤਿ ਯਾਵ ਸਹਸ੍ਸਂ.

ਕੋਟਿ ਪਕੋਟਿ ਕੋਟਿਪ੍ਪਕੋਟਿ ਅਕ੍ਖੋਭਿਣਿਯੋ ਇਤ੍ਥਿਲਿਙ੍ਗੇ+ਕਵਚਨਨ੍ਤਾ. ਵਗ੍ਗਭੇਦੇ ਤੁ ਸਬ੍ਬਾਸਮ੍ਪਿ ਸਂਖ੍ਯਾਨਂ ਬਹੁਵਚਨੋਪਿ ਹੋਤੇਵ ‘‘ਦ੍ਵੇਵੀਸਤਿਯੋ ਜਿਨਦਨ੍ਤਾ’’ ‘‘ਤਿਸ੍ਸੋ ਵੀਸਤਿਯੋ ਦਿਨਘਟਿਕਾ’’ ਇਚ੍ਚਾਦਿ.

ਦਸਦਸਕਂ ਸਤਂ ਨਾਮ, ਦਸਸਤਂ ਸਹਸ੍ਸਂ ਨਾਮ, ਦਸਸਹਸ੍ਸਂ ਨਹੁਤਂ, ਦਸਨਹੁਤਂ ਲਕ੍ਖਂ, ਸਤਸਹਸ੍ਸਨ੍ਤਿਪਿ ਵੁਚ੍ਚਤਿ.

ਲਕ੍ਖਸਤਂ ¶ ਕੋਟਿ, ਕੋਟਿਲਕ੍ਖਸਤਂ ਪਕੋਟਿ, ਪਕੋਟਿਲਕ੍ਖਸਤਂ ਕੋਟਿਪ੍ਪਕੋਟਿ, ਏਵਂ ਨਹੁਤਂ, ਨਿਨ੍ਨਹੁਤਂ, ਅਕ੍ਖੋਭਿਣੀ, ਬਿਨ੍ਦੁ, ਅਬ੍ਬੁਦਂ, ਨਿਰਬ੍ਬੁਦਂ, ਅਹਹਂ, ਅਬਬਂ, ਅਟਟਂ, ਸੋਗਣ੍ਡਿਕਂ, ਉਪ੍ਪਲਂ, ਕੁਮੁਦਂ, ਪੁਣ੍ਡਰੀਕਂ, ਪਦੁਮਂ, ਕਥਾਨਂ, ਮਹਾਕਥਾਨਂ, ਅਸਙ੍ਖ੍ਯੇਯ੍ਯਨ੍ਤਿ ਯਥਾਕ੍ਕਮਂ ਸਤਲਕ੍ਖਗੁਣਂ ਵੇਦਿਤਬ੍ਬਂ.

ਇਚ੍ਚੇਵਂ ਠਾਨਤੋ ਠਾਨਂ, ਸਤਲਕ੍ਖਗੁਣਂ ਮਤਂ;

ਕੋਟਿਪ੍ਪਭੁਤੀਨਂ ਵੀਸ-ਸਙ੍ਖ੍ਯਾਨਞ੍ਚ ਯਥਾਕ੍ਕਮਨ੍ਤਿ.

ਅਥਾ+ਸਂਖ੍ਯਾ ਵੁਚ੍ਚਤੇ, ਅਬ੍ਯਯਨ੍ਤਿ ਚ ਵੁਚ੍ਚਤੇ. ਤਂ ਪਾਦਿ ਚਾਦਿ, ਉਪਸਗ੍ਗਨਿਪਾਤਾਤਿ ਚ ਦੁਵਿਧਂ.

ਪ ਪਰਾ ਅਪ ਸਂ ਅਨੁ ਅਵ ਓ ਨਿ ਦੁ ਵਿ ਅਧਿ ਅਪਿ ਅਤਿ ਸੁ ਉ ਅਭਿ ਪਤਿ ਪਰਿ ਉਪ ਆ ਇਮੇ ਵੀਸਤਿ ਪਾਦਯੋ. ਪਾਦਯੋ ਹਿ ਜੋਤਕਾ, ਨ ਵਾਚਕਾ.

ਤਤ੍ਥ ਪ-ਸਦ੍ਦੋ ਪਕਾਰਾ+ਦਿਕਮ੍ਮ, ਪਧਾਨ+ਨ੍ਤੋਭਾਵ, ਵਿਯੋਗ, ਤਪ੍ਪਰ, ਭੁਸਤ੍ਥ, ਸਮ੍ਭਵ, ਤਿਤ੍ਤਿ, ਅਨਾਵਿਲ, ਪਤ੍ਥਨਾਦੀਸੁ. ਯਥਾ ਪਕਾਰੇ-ਪਞ੍ਞਾ. ਆਦਿਕਮ੍ਮੇ-ਵਿਪ੍ਪਕਤਂ, ਪਧਾਨੇ-ਪਣੀਤਂ, ਅਨ੍ਤੋਭਾਵੇ-ਪਕ੍ਖਿਤ੍ਤਂ, ਖਿਤ੍ਤਨ੍ਤਿ ਪੇਰਣਂ, ਪਕ੍ਖਿਤ੍ਤਨ੍ਤਿ ਅਨ੍ਤੋਕਰਣਂ, ਧਾਤ੍ਵਤ੍ਥਸ੍ਸ ਬਾਧਿਤਤ੍ਤਾ. ਵੁਤ੍ਥਞ੍ਹਿ –

ਧਾਤ੍ਵਤ੍ਥਂ ਬਾਧਤੇ ਕੋਚਿ, ਕੋਚਿ ਤਂ ਅਨੁਵਤ੍ਤਤੇ;

ਤਮੇਵ+ਞ੍ਞੋ ਵਿਸੇਸੇਤਿ, ਉਪਸਗ੍ਗਗਤੀ ਤਿਧਾਤਿ.

ਏਤ੍ਥ ਚ ‘‘ਅਨੁਰੁਦ੍ਧਕਾ ਮੇ ਸਙ੍ਗਾਮਯੁਦ੍ਧੇ’’ਤਿ ਚ ਇਮੇ ਉਪਸਗ੍ਗਾ ਧਾਤ੍ਵਤ੍ਥਂ ਵਿਸੇਸੇਨ੍ਤਿ ਨਾਮ. ਵਿਯੋਗੇ-ਪਵਾਸੀ, ਤਪ੍ਪਰੇ-ਪਾਚਰਿਯੋ, ਭੁਸਤ੍ਥੇ-ਪਵੁਦ੍ਧਕਾਯੋ, ਸਮ੍ਭਵੇ-ਹਿਮਵਨ੍ਤਾ ਗਙ੍ਗਾ ਪਭਵਤਿ ¶ , ਤਿਤ੍ਤਿਯਂ-ਪਹੂਤ+ਮਨ੍ਨਂ, ਅਨਾਵਿਲੇ-ਪਸਨ੍ਨ+ਮੁਦਕਂ, ਪਤ੍ਥਨੇ-ਪਣਿਹਿਤਂ.

ਪਰਾਇਤਿ ਪਰਿਹਾਨਿ, ਪਰਾਜਯ, ਗਤਿ, ਵਿਕ੍ਕਮਾ+ਮਸਨਾਦੀਸੁ. ਯਥਾ ਪਰਿਹਾਨਿਯਂ-ਪਰਾਭਵੋ. ਪਰਾਜਯੇ-ਪਰਾਜਿਤੋ, ਗਤਿਯਂ-ਪਰਾਯਨਂ, ਵਿਕ੍ਕਮੇ-ਪਰਕ੍ਕਮਤਿ, ਆਮਸਨੇ-ਅਙ੍ਗਸ੍ਸ ਪਰਾਮਸਨਂ.

ਅਪਇਤਿ ਅਪਗਤ, ਗਰਹ, ਵਜ੍ਜਨ, ਪੂਜਾ, ਪਦੁਸ੍ਸਨਾਦੀਸੁ. ਯਥਾ ਅਪਗਤੇ-ਅਪਮਾਨੋ ਅਪੇਤੋ, ਗਰਹੇ-ਅਪਗਬ੍ਭੋ, ਵਜ੍ਜਨੇ-ਅਪਸਾਲਾਯ ਆਯਨ੍ਤਿ ਵਾਣਿਜਾ, ਪੂਜਾਯਂ-ਵੁਦ੍ਧਾਪਚਾਯੀ, ਪਦੁਸ੍ਸਨੇ-ਅਪਰਜ੍ਝਨ੍ਤਿ.

ਸਂਇਤਿ ਸਮੋਧਾਨ, ਸਮ੍ਮਾਸਮ, ਸਮਨ੍ਤਭਾਵ, ਸਂਗਤ, ਸਂਖੇਪ, ਭੁਸਤ੍ਥ, ਸਹ+ਪ੍ਪਤ੍ਥ, ਪਭਵਾ+ਭਿਮੁਖਭਾਵ, ਵਿਧਾਨ, ਪੁਨਪ੍ਪੁਨ, ਕਰਣ, ਸਮਿਦ੍ਧਾਦੀਸੁ. ਯਥਾ ਸਮੋਧਾਨੇ-ਸਨ੍ਧਿ, ਸਮ੍ਮਾਸਮੇ-ਸਮਾਧਿ, ਸਮ੍ਪਯੁਤ੍ਤੋ, ਸਮਨ੍ਤਭਾਵੇ-ਸਂਕਿਣ੍ਣਂ, ਸਮੁਲ੍ਲਪਨਾ, ਸਂਗਤੇ-ਸਙ੍ਗਮੋ, ਸਂਖੇਪੇ-ਸਮਾਸੋ, ਭੁਸਤ੍ਥੇ-ਸਾਰਤ੍ਥੋ, ਸਹਤ੍ਥੇ-ਸਂਵਾਸੋ, ਅਪ੍ਪਤ੍ਥੇ-ਸਮਗ੍ਘੋ, ਪਭਵੇ-ਸਮ੍ਭਵੋ, ਅਭਿਮੁਖਭਾਵੇ-ਸਮ੍ਮੁਖਂ. ਸਂਗਤੇ-ਸਂਗਣ੍ਹਾਤਿ, ਵਿਧਾਨੇ-ਸਂਵੁਤਂ, ਪੁਨਪ੍ਪੁਨਕਰਣੇ-ਸਨ੍ਧਾਵਤਿ, ਸਮਿਦ੍ਧਿਯਂ-ਸਮ੍ਪਨ੍ਨੋ.

ਅਨੁਇਤਿ ਅਨੁਗਤਾ+ਨੁਪਚ੍ਛਿਨ੍ਨ, ਪਚ੍ਛਾਤ੍ਥ, ਭੁਸਤ੍ਥ, ਸਾਦਿਸ੍ਸ, ਹੀਨ, ਤਤਿਯਤ੍ਥ, ਲਕ੍ਖਣਿ+ਤ੍ਥਮ੍ਭੂਤਕ੍ਖਾਨ, ਭਾਗ, ਵਿਚ੍ਛਾਦੀਸੁ. ਅਨੁਗਤੇ-ਅਨ੍ਵੇਤਿ, ਅਨੁਪਚ੍ਛਿਨ੍ਨੇ-ਅਨੁਸਯੋ, ਪਚ੍ਛਾਤ੍ਥੇ-ਅਨੁਰਥਂ, ਭੁਸਤ੍ਥੇ-ਅਨੁਰਤ੍ਤੋ, ਸਾਦਿਸ੍ਸੇ-ਅਨੁਰੂਪਂ, ਹੀਨੇ-ਅਨੁਸਾਰਿਪੁਤ੍ਤਂ ਪਞ੍ਞਵਨ੍ਤੋ, ਤਤਿਯਤ੍ਥੇ-ਨਦਿ+ਮਨ੍ਵਵਸਿਤਾ ਸੇਨਾ, ਲਕ੍ਖਣੇਰੁਕ੍ਖ+ਮਨੁਵਿਜ੍ਜੋਤਤੇ ਵਿਜ੍ਜੁ, ਇਤ੍ਥਮ੍ਭੂਤਖ੍ਯਾਨੇ-ਸਾਧੁ ਦੇਵਦਤ੍ਤੋ ਮਾਤਰ+ਮਨੁ ¶ , ਭਾਗੇ-ਯ+ਦੇਤ੍ਥ ਮਂ ਅਨੁ ਸਿਯਾ, ਤਂ ਦੀਯਤੁ, ਵਿਚ੍ਛਾਯਂ-ਰੁਕ੍ਖਂ ਰੁਕ੍ਖਂ ਅਨੁ ਵਿਜ੍ਜੋਤਤੇ ਚਨ੍ਦੋ.

ਅਵਇਤਿ ਅਧੋਭਾਗ, ਵਿਯੋਗ, ਪਰਿਭਵ, ਜਾਨਨ, [ਸੁਦ੍ਧਿ] ਨਿਚ੍ਛਯ, ਦੇਸ, ਥੇਯ੍ਯਾਦੀਸੁ. ਅਧੋਭਾਗੇ-ਅਵਕ੍ਖਿਤ੍ਤਚਕ੍ਖੁ, ਵਿਯੋਗੇ-ਅਵਕੋਕਿਲਂ ਵਨਂ, ਪਰਿਭਵੇ-ਅਵਜਾਨਨਂ, ਅਵਮਞ੍ਞਤਿ, ਜਾਨਨੇ-ਅਵਗਚ੍ਛਤਿ. [ਸੁਦ੍ਧਿਯਂ–ਵੋਦਾਨਂ (ਰੂਪਸਿਦ੍ਧਿ)], ਨਿਚ੍ਛਯੇ-ਅਵਧਾਰਣਂ, ਦੇਸੇ-ਅਵਕਾਸੋ, ਥੇਯ੍ਯੇ-ਅਵਹਾਰੋ.

ਓਇਤਿ ਓਰੋਹਰਣ, ਨੀਹਰਣ, ਸੁਦ੍ਧਿਆਦੀਸੁ ਦਿਸ੍ਸਤਿ. ਓਰੋਹਣੇ-ਪਾਸਾਦਾ ਓਰੋਹਤਿ, ਨੀਹਰਣੇ-ਓਮੁਕ੍ਕੁਪਾਹਨੋ, ਸੁਦ੍ਧਿਯਂ-ਓਦਾਤਂ.

ਨਿਇਤਿ, ਨਿਸ੍ਸੇਸ, ਨਿਗ੍ਗਤ, ਨੀਹਰਣ,+ਨ੍ਤੋਪਵੇਸਨਾ+ਭਾਵ, ਨਿਸੇਧਨ, ਨਿਕ੍ਖਨ੍ਤ, ਪਾਤੁਭਾਵਾ+ਵਧਾਰਣ, ਵਿਭਜਨ, ਉਪਮੁ+ਪਧਾਰਣਾ+ਵਸਾਨ, ਛੇਕ, ਨੀਹਰਣਾ+ਵਰਣਾਦੀਸੁ. ਨਿਸ੍ਸੇਸੇ-ਨਿਰੁਤ੍ਤਿ, ਨਿਗ੍ਗਤੇ-ਨਿਕ੍ਕਿਲੇਸੋ, ਨਿਯ੍ਯਾਤਿ, ਨੀਹਰਣੇ-ਨਿਦ੍ਧਾਰਣਂ, ਅਨ੍ਤੋਪਵੇਸਨੇ-ਨਿਖਾਤੋ, ਅਭਾਵੇ-ਨਿਮ੍ਮਕ੍ਖਿਕਂ, ਨਿਸੇਧੇ-ਨਿਵਾਰੇਤਿ, ਨਿਕ੍ਖਨ੍ਤੇ-ਨਿਬ੍ਬਾਨਂ, ਪਾਤੁਭਾਵੇ-ਨਿਮ੍ਮਿਤਂ, ਅਵਧਾਰਣੇ-ਨਿਚ੍ਛਯੋ, ਵਿਭਜਨੇ-ਨਿਦ੍ਦੇਸੋ. ਉਪਮਾਯਂ-ਨਿਦਸ੍ਸਨਂ, ਉਪਧਾਰਣੇ-ਨਿਸਾਮਨਂ, ਅਵਸਾਨੇ-ਨਿਟ੍ਠਿਤਂ, ਛੇਕੇ-ਨਿਪੁਣੋ, ਨੀਹਰਣੇ-ਨੀਹਰਤਿ, ਇਸ੍ਸ ਦੀਘੋ. ਆਵਰਣੇ-ਨੀਵਰਣਂ.

ਦੁਇਤਿ ਅਸੋਭਣਾ+ਭਾਵ, ਕੁਚ੍ਛਿਤਾ+ਸਮਿਦ੍ਧਿ, ਕਿਚ੍ਛ, ਵਿਰੂਪਤਾਦੀਸੁ. ਅਸੋਭਣੇ-ਦੁਗ੍ਗਨ੍ਧੋ, ਅਭਾਵੇ-ਦੁਬ੍ਭਿਕ੍ਖਂ, ਕੁਚ੍ਛਿਤੇ – ਦੁਕ੍ਕਟਂ ¶ . ਅਸਮਿਦ੍ਧਿਯਂ-ਦੁਸ੍ਸਸ੍ਸਂ, ਕਿਚ੍ਛੇ-ਦੁਕ੍ਕਰਂ, ਵਿਰੂਪਤਾਯਂ-ਦੁਬ੍ਬਣ੍ਣੋ ਦੁਮ੍ਮੁਖੋ.

ਵਿਇਤਿ ਵਿਸੇਸ, ਵਿਵਿਧ, ਵਿਰੁਦ੍ਧ, ਵਿਗਤ, ਵਿਯੋਗ, ਵਿਰੂਪਤਾਦੀਸੁ. ਵਿਸੇਸੇ-ਵਿਮੁਤ੍ਤਿ, ਵਿਸਿਟ੍ਠੋ, ਵਿਵਿਧੇ-ਵਿਮਤਿ, ਵਿਰੁਦ੍ਧੇ-ਵਿਵਾਦੋ, ਵਿਗਤੇ-ਵਿਮਲਂ, ਵਿਯੋਗੇ-ਵਿਪ੍ਪਯੁਤ੍ਤੋ, ਵਿਰੂਪਤਾਯਂ-ਵਿਰੂਪੋ.

ਅਧਿਇਤਿ ਅਧਿਕਿ+ਸ੍ਸਰੂ+ਪਰਿਭਾਵਾ+ਧਿਭਵਨ+ਜ੍ਝਾਯਾ+ਧਿਟ੍ਠਾਨ, ਨਿਚ੍ਛਯ, ਪਾਪੁਣਨਾਦੀਸੁ. ਅਧਿਕੇ-ਅਧਿਸੀਲਂ, ਇਸ੍ਸਰੇ-ਅਧਿਪਤਿ, ਅਧਿ ਬ੍ਰਹ੍ਮਦਤ੍ਤੇ ਪਞ੍ਚਾਲਾ, ਉਪਰਿਭਾਵੇ-ਅਧਿਰੋਹਤਿ, ਪਥਵਿਂ ਅਧਿਸੇਸ੍ਸਤਿ, ਅਧਿਭਵਨੇ-ਅਧਿਭਵਤਿ, ਅਜ੍ਝਾਯਨੇ-ਬ੍ਯਾਕਰਣ+ਮਧੀਤੇ, ਅਧਿਟ੍ਠਾਨੇ-ਭੂਮਿਕਮ੍ਪਾਦਿਂ ਅਧਿਟ੍ਠਾਤਿ, ਨਿਚ੍ਛਯੇ-ਅਧਿਮੋਕ੍ਖੋ, ਪਾਪੁਣਨੇ-ਭੋਗਕ੍ਖਨ੍ਧਂ ਅਧਿਗਚ੍ਛਤਿ.

ਅਪਿਇਤਿ ਸਮ੍ਭਾਵਨਾ+ਪੇਕ੍ਖਾ, ਸਮੁਚ੍ਚਯ, ਗਰਹ, ਪਞ੍ਹਾਦੀਸੁ. ਸਮ੍ਭਾਵਨਾਯਂ-ਅਪਿ ਦਿਬ੍ਬੇਸੁ ਕਾਮੇਸੁ, ਮੇਰੁਮ੍ਪਿ ਵਿਨਿਵਿਜ੍ਝਿਤ੍ਵਾ ਗਚ੍ਛੇਯ੍ਯ, ਅਪੇਕ੍ਖਾਯਂ-ਅਯਮ੍ਪਿ ਧਮ੍ਮੋ ਅਨਿਯਤੋ, ਸਮੁਚ੍ਚਯੇ-ਇਤਿਪਿ ਅਰਹਂ, ਅਨ੍ਤਮ੍ਪਿ ਅਨ੍ਤਗੁਣਮ੍ਪਿ ਆਦਾਯ, ਗਰਹੇ-ਅਪਿ ਅਮ੍ਹਾਕਂ ਪਣ੍ਡਿਤਕ, ਪਞ੍ਹੇ-ਅਪਿ ਭਨ੍ਤੇ ਭਿਕ੍ਖਂ ਲਭਿਤ੍ਥ.

ਅਤਿਇਤਿ ਅਤਿਕ੍ਕਮਨਾ+ਤਿਕ੍ਕਨ੍ਤਾ+ਤਿਸਯ, ਭੁਸਤ੍ਥਾਦੀਸੁ. ਅਤਿਕ੍ਕਮੇ-ਅਤਿਰੋਚਤਿ ਅਮ੍ਹੇਹਿ, ਅਤੀਤੋ, ਅਤਿਕ੍ਕਨ੍ਤੇ-ਅਚ੍ਚਨ੍ਤਂ, ਅਤਿਸਯੇ-ਅਤਿਕੁਸਲੋ, ਭੁਸਤ੍ਥੇ-ਅਤਿਕੋਧੋ, ਅਤਿਵੁਦ੍ਧਿ.

ਸੁਇਤਿ ਸੋਭਣ, ਸੁਟ੍ਠੁ, ਸਮ੍ਮਾ, ਸਮਿਦ੍ਧਿ, ਸੁਖਤ੍ਥਾਦੀਸੁ. ਸੋਭਣੇ-ਸੁਗਨ੍ਧੋ, ਸੁਟ੍ਠੁ+ਸਮ੍ਮਾਦਤ੍ਥੇਸੁ-ਸੁਟ੍ਠੁ ਗਤੋ ਸੁਗਤੋ, ਸਮ੍ਮਾ ¶ ਗਤੋਤਿਪਿ ਸੁਗਤੋ, ਸਮਿਦ੍ਧਿਯਂ-ਸੁਭਿਕ੍ਖਂ, ਸੁਖਤ੍ਥੇ-ਸੁਕਰੋ.

ਉਇਤਿ ਉਗ੍ਗਤੁ+ਦ੍ਧਕਮ੍ਮ, ਪਧਾਨ, ਵਿਯੋਗ, ਸਮ੍ਭਵ, ਅਤ੍ਤਲਾਭ, ਸਤ੍ਤਿ, ਸਰੂਪਕਥਨਾਦੀਸੁ. ਉਗ੍ਗਤੇ-ਉਗ੍ਗਚ੍ਛਤਿ, ਉਦ੍ਧਕਮ੍ਮੇ-ਆਸਨਾ ਉਟ੍ਠਿਤੋ, ਉਕ੍ਖੇਪੋ, ਪਧਾਨੇ-ਉਤ੍ਤਮੋ, ਲੋਕੁਤ੍ਤਰੋ, ਵਿਯੋਗੇ-ਉਬ੍ਭਾਸਿਤੋ, ਸਮ੍ਭਵੇ-ਉਬ੍ਭੁਤੋ, ਅਤ੍ਤਲਾਭੇ-ਉਪ੍ਪਨ੍ਨਂ ਞਾਣਂ, ਸਤ੍ਤਿਯਂ-ਉਸ੍ਸਹਤਿ ਗਨ੍ਤੁਂ, ਸਰੂਪਕਥਨੇ-ਉਦ੍ਦਿਸਤਿ ਸੁਤ੍ਤਂ.

ਅਭਿਇਤਿ ਅਭਿਮੁਖਭਾਵ, ਵਿਸਿਟ੍ਠਾ+ਧਿਕੁ+ਦ੍ਧਕਮ੍ਮ, ਕੁਲ, ਸਾਰੁਪ੍ਪ, ਵਨ੍ਦਨ, ਲਕ੍ਖਣਿ+ਤ੍ਥਮ੍ਭੂਤਕ੍ਖਾਨ, ਵਿਚ੍ਛਾਦੀਸੁ. ਅਭਿਮੁਖਭਾਵੇ-ਅਭਿਮੁਖੋ, ਅਭਿਕ੍ਕਮਤਿ, ਵਿਸਿਟ੍ਠੇ-ਅਭਿਧਮ੍ਮੋ, ਅਧਿਕੇ-ਅਭਿਵਸਤਿ, ਉਦ੍ਧਕਮ੍ਮੇ-ਅਭਿਰੁਹਤਿ. ਕੁਲੇ-ਅਭਿਜਾਤੋ, ਸਾਰੁਪ੍ਪੇ-ਅਭਿਰੂਪੋ, ਵਨ੍ਦਨੇ-ਅਭਿਵਾਦੇਤਿ, ਲਕ੍ਖਣਾਦੀਸੁ ਪੁਰਿਮਸਮਂ.

ਪਤਿਇਤਿ ਪਟਿਗਤ, ਪਟਿਲੋਮ, ਪਟਿਨਿਧਿ, ਪਟਿਦਾਨ, ਨਿਸੇਧ, ਨਿਵਤ੍ਤਨ, ਸਾਦਿਸ੍ਸ, ਪਟਿਕਰਣਾ+ਦਾਨ, ਪਟਿਬੋਧ, ਪਟਿਚ੍ਚ, ਲਕ੍ਖਣਿਤ੍ਥਮ੍ਭੂਤਕ੍ਖਾਨ, ਭਾਗ, ਵਿਚ੍ਛਾਦੀਸੁ. ਪਟਿਗਤੇ-ਪਚ੍ਚਕ੍ਖਂ, ਪਟਿਲੋਮੇ-ਪਟਿਸੋਤਂ, ਪਟਿਨਿਧਿਮ੍ਹਿ-ਆਚਰਿਯਤੋ ਪਤਿ ਸਿਸ੍ਸੋ, ਪਟਿਦਾਨੇ-ਤੇਲਤ੍ਥਿਕਸ੍ਸ ਘਤਂ ਪਟਿਦਦਾਤਿ, ਨਿਸੇਧੇ-ਪਟਿਸੇਧੇਤਿ, ਨਿਵਤ੍ਤਨੇ-ਪਟਿਕ੍ਕਮਤਿ, ਸਾਦਿਸ੍ਸੇ-ਪਟਿਰੂਪਕਂ, ਪਟਿਕਰਣੇ-ਪਟਿਕਾਰੋ, ਆਦਾਨੇ-ਪਟਿਗ੍ਗਣ੍ਹਾਤਿ, ਪਟਿਬੋਧੇ-ਪਟਿਵੇਧੋ, ਪਟਿਚ੍ਚੇ-ਪਚ੍ਚਯੋ, ਲਕ੍ਖਣਾਦੀਸੁ ਪੁਰਿਮਸਮਂ.

ਪਰਿਇਤਿ ਸਮਨ੍ਤਤੋਭਾਵ, ਪਰਿਚ੍ਛੇਦ, ਵਜ੍ਜਨਾ+ਲਿਙ੍ਗਨ, ਨਿਵਸਨ, ਪੂਜਾ, ਭੋਜਨਾ+ਵਜਾਨਨ, ਦੋਸਕ੍ਖਾਨ, ਲਕ੍ਖਣਾਦੀਸੁ. ਸਮਨ੍ਥ- ਤੋਭਾਵੇ-ਪਰਿਵੁਤੋ ¶ , ਪਰਿਚ੍ਛੇਦੇ-ਪਰਿਞ੍ਞੇਯ੍ਯਂ, ਵਜ੍ਜਨੇ-ਪਰਿਹਰਤਿ, ਆਲਿਙ੍ਗਨੇ-ਪਰਿਸ੍ਸਜਤਿ, ਨਿਵਸਨੇ-ਯੋ ਵਤ੍ਥਂ ਪਰਿਦਹੇਸ੍ਸਤਿ, ਪੂਜਾਯਂ-ਪਰਿਚਰਿਯਾ, ਭੋਜਨੇ-ਭਿਕ੍ਖੁਂ ਪਰਿਵਿਸਤਿ, ਅਵਜਾਨਨੇ-ਪਰਿਭਵਤਿ. ਦੋਸਕ੍ਖਾਨੇ-ਪਰਿਭਾਸਤਿ, ਲਕ੍ਖਣਾਦੀਸੁ-ਰੁਕ੍ਖਂ ਪਰਿ ਵਿਜ੍ਜੋਤਤੇ ਵਿਜ੍ਜੁ ਇਚ੍ਚਾਦਿ.

ਉਪਇਤਿ ਉਪਗਮਨ, ਸਮੀਪੂ+ਪਪਤ੍ਤਿ, ਸਾਦਿਸ੍ਸਾ+ਧਿਕੁ+ਪਰਿਭਾਵਾ+ਨਸਨ, ਦੋਸਕ੍ਖਾਨ, ਸਞ੍ਞਾ, ਪੁਬ੍ਬਕਮ੍ਮ, ਪੂਜਾ, ਗਯ੍ਹਾਕਾਰ, ਭੁਸਤ੍ਥਾਦੀਸੁ. ਉਪਗਮਨੇ-ਨਿਸਿਨ੍ਨਂ ਵਾ ਉਪਨਿਸੀਦੇਯ੍ਯ, ਸਮੀਪੇ-ਉਪਨਗਰਂ, ਉਪਪਤ੍ਤਿਯਂ-ਸਗ੍ਗਂ ਲੋਕਂ ਉਪਪਜ੍ਜਤਿ, ਅਥ ਵਾ ਉਪਪਤ੍ਤਿ=ਯੁਤ੍ਤਿ, ਯਥਾ ਉਪਪਤ੍ਤਿਤੋ ਇਕ੍ਖਤੀਤਿ ਉਪੇਕ੍ਖਾ, ਸਾਦਿਸ੍ਸੇ-ਉਪਮਾਨਂ, ਉਪਮਾ, ਅਧਿਕੇ-ਉਪਖਾਰਿਯਂ ਦੋਣੋ, ਉਪਰਿਭਾਵੇ-ਉਪਸਮ੍ਪਨ੍ਨੋ, ਅਨਸਨੇ-ਉਪਵਾਸੋ, ਦੋਸਕ੍ਖਾਨੇ-ਪਰਂ ਉਪਵਦਤਿ, ਸਞ੍ਞਾਯਂ-ਉਪਧਾ, ਉਪਸਗ੍ਗੋ, ਪੁਬ੍ਬਕਮ੍ਮੇ-ਉਪਕ੍ਕਮੋ, ਉਪਕਾਰੋ, ਪੂਜਾਯਂ-ਬੁਦ੍ਧੁਪਟ੍ਠਾਕੋ, ਮਾਤੁਪਟ੍ਠਾਨਂ, ਗਯ੍ਹਾਕਾਰੇ-ਸੋਚੇਯ੍ਯਪਚ੍ਚੁਪਟ੍ਠਾਨਂ, ਭੁਸਤ੍ਥੇ-ਉਪਾਦਾਨਂ, ਉਪਾਯਾਸੋ, ਉਪਨਿਸ੍ਸਯੋਤਿ.

ਆਇਤਿ ਅਭਿਮੁਖਭਾਵੁ+ਦ੍ਧਕਮ੍ਮ+ਮਰਿਯਾਦਾ+ਭਿਵਿਧਿ, ਪਤ੍ਤਿ+ਚ੍ਛਾ, ਪਰਿਸ੍ਸਜਨ, ਆਦਿਕਮ੍ਮ, ਗਹਣ, ਨਿਵਾਸਨ, ਸਮੀਪ, ਆਵ੍ਹਾਨਾਦੀਸੁ. ਅਭਿਮੁਖਭਾਵੇ-ਆਗਚ੍ਛਨ੍ਤਿ, ਉਦ੍ਧਕਮ੍ਮੇ-ਆਰੋਹਤਿ, ਮਰਿਯਾਦਾਯਂ-ਆਪਬ੍ਬਤਾ ਖੇਤ੍ਤਂ, ਅਭਿਵਿਧਿਮ੍ਹਿ-ਆਕੁਮਾਰਂ ਯਸੋ ਕਚ੍ਚਾਯਨਸ੍ਸ, ਪਤ੍ਤਿਯਂ-ਆਪਤ੍ਤਿਂ ਆਪਨ੍ਨੋ, ਇਚ੍ਛਾਯਂ-ਆਕਙ੍ਖਾ, ਪਰਿਸ੍ਸਜਨੇ-ਆਲਿਙ੍ਗਨਂ, ਆਦਿਕਮ੍ਮੇ-ਆਰਮ੍ਭੋ, ਗਹਣੇ-ਆਦੀਯਤਿ, ਆਲਿਙ੍ਗਤਿ, (ਆਲਿਮ੍ਪਤਿ, ਰੂ), ਨਿਵਾਸੇ-ਆਵਸਥੋ, ਆਵਾਸੋ, ਸਮੀਪੇ-ਆਸਨ੍ਨਂ, ਆਵ੍ਹਾਨੇ-ਆਮਨ੍ਤੇਤਿ.

ਪ ¶ ਪਰਾ+ਪ ਸ+ਮਨ੍ਵ+ਵ, ਓ ਨਿ ਦੁ ਰਭਿ ਬ੍ਯਾ+ਧਿਸੁ;

ਅਤਿ ਨਿ ਪ੍ਪਤਿ ਪਰਿ ਅਪਯੋ, ਉਪ ਆ ਇਤਿ ਵੀਸਤਿ;

ਏਸ ਹਿ ਭੋ ਉਪਸਗ੍ਗ-ਵਿਧਿ+ਕ੍ਕਮਤੋ ਕਥਿਤੋ.

ਉਪਸਗ੍ਗ+ਨਿਪਾਤਾ ਚ, ਪਚ੍ਚਯਾ ਚ ਇਮੇ ਤਯੋ;

ਨੇਕੇ+ਨੇਕਤ੍ਥਵਾਚਕਾ, ਇਤਿ ਨੇਰੁਤ੍ਤਿਕਾ+ਬ੍ਰਵੁਂ.

ਅਵਿਜ੍ਜਮਾਨਸਂਖ੍ਯੇਹਿ ਪਰਾਸਂ ਸਬ੍ਬਾਸਂ ਵਿਭਤ੍ਤੀਨਂ ਲੋਪੋ ਹੋਤਿ. ਨ ਸਨ੍ਤਿ ਏਕਵਚਨਾਦਿਸਂਖ੍ਯਾ ਏਤੇਸਨ੍ਤਿ ਅਸਂਖ੍ਯਾ, ਤੇਸਂ ਅਸਂਖ੍ਯਾਨਂ ਵਿਭਤ੍ਤੀਨਂ ਭੇਦੇ ਅਸਤਿਪਿ ਸ੍ਯਾਦਿਵਿਧਾਨਂ ‘‘ਮਾ ਨੋ ਅਜ੍ਜ ਵਿਕਨ੍ਤਿਂਸੂ’’ਤਿਆਦੋ ਵਿਭਤ੍ਯਨ੍ਤਤ੍ਤਾ ਪਦਤ੍ਤਸਿਦ੍ਧੀਤਿ ਵੋ+ਨੋਆਦੀਨਂ ਸਿਦ੍ਧਿਯਾ ਚ ਤੇਸਂ ਪਠਮਾਦਿਅਤ੍ਥੇ ਦਸ੍ਸਨਤੋ ਚ ਹੋਤਿ. ਪਹਾਰੋ ਪਰਾਭਵੋ ਅਪਹਾਰੋ ਸਂਹਾਰੋ ਅਵਹਾਰੋ ਓਹਾਰੋ ਇਚ੍ਚਾਦਿ ਹੋਤਿ.

ਉਪੇਚ੍ਚ+ਤ੍ਥਂ ਸਜਨ੍ਤੀਤਿ, ਉਪਸਗ੍ਗਾ ਹਿ ਪਾਦਯੋ;

ਚਾਦੀ ਪਦਾਦਿਮਜ੍ਝਨ੍ਤੇ, ਨਿਪਾਤਾ ਨਿਪਤਨ੍ਤੀਤਿ.

ਸਮੁਚ੍ਚਯ+ਵਿਕਪ੍ਪਨ+ਪਟਿਸੇਧ+ਪੂਰਣਾਦਿਅਤ੍ਥਂ ਅਸਤ੍ਤਵਾਚਿਕਂ ਨੇਪਾਤਿਕਂ.

ਚ-ਇਤਿ ਸਮੁਚ੍ਚਯਾ+ਨ੍ਵਾਚਯ+ਇਤਰੇਤਰਯੋਗ+ਸਮਾਹਾਰਾ+ਵਧਾਰਣਾਦੀਸੁ. ਵਾ-ਇਤਿ ਵਿਕਪ੍ਪਨੁ+ਪਮਾਨ+ਸਮੁਚ੍ਚਯ+ਵਵਤ੍ਥਿਤਵਿਭਾਸਾਦੀਸੁ. ਨ, ਨੋ, ਮਾ, ਅ, ਅਲਂ, ਹਲਂ ਇਚ੍ਚੇਤੇ ਪਟਿਸੇਧੇ ¶ . ‘‘ਦ੍ਵੇ ਪਟਿਸੇਧਾ ਪਕਤਿਅਤ੍ਥਂ ਗਮਯਨ੍ਤੀ’’ਤਿ ਞਾਯਾ ‘‘ਨ ਤੇਸਂ ਪਨ ਰੂਪਾਨਂ ਪਚ੍ਚਯਾ ਨ ਚ ਹੋਨ੍ਤੀ’’ਤਿ ਏਤ੍ਥ ਨ ਚ ਨ ਹੋਨ੍ਤਿ-ਹੋਨ੍ਤੇਵਾਤਿ ਪਕਤਿਅਤ੍ਥਂ ਗਮਯਤਿ. ਅਲਂ ਪਰਿਯਤ੍ਤਿ+ਭੂਸਨੇਸੁ ਚ.

ਪੂਰਣਤ੍ਥਂ ਦੁਵਿਧਂ ਅਤ੍ਤਪੂਰਣਂ ਪਦਪੂਰਣਞ੍ਚ, ਤਤ੍ਥ ਅਥ, ਖਲੁ, ਵਤ, ਅਥੋ, ਅਸ੍ਸੁ, ਯਗ੍ਘੇ, ਹਿ, ਚਰਹਿ, ਨਂ, ਤਂ, ਚ, ਤੁ, ਵਾ, ਵੋ, ਪਨ, ਹਵੇ, ਕੀਵ, ਹ, ਤਤੋ, ਯਥਾ, ਸੁਦਂ, ਖੋ, ਵੇ, ਹਂ, ਏਨਂ, (ਏਵਂ, ਰੂ) ਸੇਯ੍ਯਥਿਦਂ ਇਚ੍ਚੇਵਮਾਦਿ ਪਦਪੂਰਣੇ. ਤਤ੍ਥ ਅਥ-ਇਤਿ ਪਞ੍ਹਾ+ਨਨ੍ਤਰਿਯਾ+ਧਿਕਾਰਾਦੀਸੁ ਚ. ਖਲੁ-ਇਤਿ ਪਟਿਸੇਧਾ+ਵਧਾਰਣ, ਪਸਿਦ੍ਧੀਸੁ ਚ. ਵਤ+ਇਤਿ ਏਕਂਸ, ਖੇਦਾ+ਨੁਕਮ੍ਪ, ਸਂਕਪ੍ਪੇਸੁ ਚ. ਅਥੋ-ਇਤਿ ਅਨ੍ਵਾਦੇਸੇ ਚ. ਹਿ-ਇਤਿ ਹੇਤੁ, ਅਵਧਾਰਣੇਸੁ ਚ. ਤੁ-ਇਤਿ ਵਿਸੇਸ, ਹੇਤੁ, ਨਿਵਤ੍ਤਨਾਦੀਸੁ ਚ. ਪਨ-ਇਤਿ ਵਿਸੇਸੇਪਿ. ਹਵੇ+ਵੇ ਇਚ੍ਚੇਤੇ ਏਕਂਸਤ੍ਥੇਪਿ. ਹਂ-ਵਿਸਾਦ, ਵਿਮ੍ਹੇਸੁਪਿ. (ਵਿਸਾਦ, ਸਮ੍ਭਵੇਸੁ, ਰੂ). ਸੇਯ੍ਯਥਿਦਂਤਿ ਤਂ ਕਤਮਂਤਿ ਅਤ੍ਥੇਪਿ.

ਅਤ੍ਥਪੂਰਣਂ ਦੁਵਿਧਂ ਵਿਭਤ੍ਤਿਯੁਤ੍ਤਂ ਅਵਿਭਤ੍ਤਿਯੁਤ੍ਤਞ੍ਚ. ਅਤ੍ਥਿ, ਸਕ੍ਕਾ, ਲਬ੍ਭਾ ਇਚ੍ਚੇਤੇ ਪਠਮਾਯਂ. ਆਵੁਸੋ ਅਮ੍ਭੋ ਹਮ੍ਭੋ ਅਰੇ ਹਰੇ ਰੇ ਜੇ ਇਚ੍ਚੇਤੇ ਆਮਨ੍ਤਣੇ. ਦਿਵਾ ਭਿਯ੍ਯੋ (ਨਮੋ, ਰੂ) ਇਚ੍ਚੇਤੇ ਪਠਮਾਦੁਤਿਯਾਸੁ. ਸਯਂ ਸਾਮਂ ਸਂ ਸਮ੍ਮਾ ਕਿਨ੍ਤਿ ਇਚ੍ਚੇਤੇ ਤਤਿਯਤ੍ਥੇ. ਸੋ+ਤੋ+ਧਾਪਚ੍ਚਯਨ੍ਤਾ ਚ ਸੁਤ੍ਤਸੋ ਪਦਸੋ ਅਨਿਚ੍ਚਤੋ ਦੁਕ੍ਖਤੋ ਏਕਧਾ ਦ੍ਵਿਧਾ ਇਚ੍ਚਾਦਿ. ਤਵੇ+ਤੁਂ ਪਚ੍ਚਯਨ੍ਤਾ ਚਤੁਤ੍ਥਿਯਾਵ, ਕਾਤਵੇ ਦਾਤਵੇ, ਕਾਤੁਂ ਕਾਰੇਤੁਂ, (ਦਾਤੁਂ, ਰੂ) ਦਾਪੇਤੁਂ ਇਚ੍ਚਾਦਿ. ਸੋ+ਤੋਪਚ੍ਚਯਨ੍ਤਾ ਪਞ੍ਚਮਿਯਤ੍ਥੇ, ਦੀਘਸੋ ਓਰਸੋ ਰਾਜਤੋ ਵਾ ਚੋਰਤੋ ਵਾ ਇਚ੍ਚਾਦਿ. ਤੋ ਸਤ੍ਤ- ਮ੍ਯਤ੍ਥੇਪਿ ¶ ਤ੍ਰ+ਤ੍ਥਾਦਿਪਚ੍ਚਯਨ੍ਤਾ ਚ, ਏਕਤੋ ਪੁਰਤੋ ਪਚ੍ਛਤੋ ਪਸ੍ਸਤੋ ਪਿਟ੍ਠਿਤੋ ਪਾਦਤੋ ਸੀਸਤੋ ਅਗ੍ਗਤੋ ਮੂਲਤੋ, ਯਤ੍ਰ ਯਤ੍ਥ ਯਹਿਂ ਤਤ੍ਰ ਤਤ੍ਥ ਤਹਿਂ ਇਚ੍ਚਾਦਿ. ਸਮਨ੍ਤਾ ਸਾਮਨ੍ਤਾ ਪਰਿਤੋ ਅਭਿਤੋ ਸਮਨ੍ਤਤੋ ਏਕਜ੍ਝਂ ਏਕਮਨ੍ਤਂ ਹੇਟ੍ਠਾ ਉਪਰਿ ਉਦ੍ਧਂ ਅਧੋ ਤਿਰਿਯਂ ਸਮ੍ਮੁਖਾ ਪਰਮੁਖਾ ਆਵਿ ਰਹੋ ਤਿਰੋ ਉਚ੍ਚਂ ਨੀਚਂ ਅਨ੍ਤੋ ਅਨ੍ਤਰਾ ਅਨ੍ਤਰਂ ਅਜ੍ਝਤ੍ਤਂ ਬਹਿਦ੍ਧਾ ਬਾਹਿਰਾ ਬਾਹਿਰਂ ਬਹਿ ਓਰਂ ਪਾਰਂ ਆਰਾ ਆਰਕਾ ਪਚ੍ਛਾ ਪੁਰੇ ਹੁਰਂ ਪੇਚ੍ਚ ਇਚ੍ਚੇਤੇ ਸਤ੍ਤਮਿਯਾ. ਸਮ੍ਪਤਿ ਆਯਤਿ ਅਜ੍ਜ ਅਪਰਜ੍ਝ ਸੁਵੇ ਸ੍ਵੇ ਉਤ੍ਤਰਸੁਵੇ (ਕਿਸੁ, ਰੂ) ਹਿਯ੍ਯੋ ਪਰੇ (ਪਰਸੁਵੇ, ਰੂ) ਸਜ੍ਜੁ ਸਾਯਂ ਪਾਤੋ ਕਾਲਂ ਕਲ੍ਲਂ ਦਿਵਾ ਰਤ੍ਤਂ ਨਿਚ੍ਚਂ ਸਤਤਂ ਅਭਿਣ੍ਹਂ ਅਭਿਕ੍ਖਣਂ ਮੁਹੁਂ ਮੁਹੁਤ੍ਤਂ ਭੂਤਪੁਬ੍ਬਂ ਪੁਰਾ ਯਦਾ ਤਦਾ (ਕਦਾ, ਰੂ) ਇਚ੍ਚਾਦਯੋ ਕਾਲਸਤ੍ਤਮਿਯਂ. ਇਤਿ ਵਿਭਤ੍ਤਿਯੁਤ੍ਤਾਨਿ.

ਅਵਿਭਤ੍ਤਿਯੁਤ੍ਤੇਸੁ ਅਪ੍ਪੇਵ ਅਪ੍ਪੇਵਨਾਮ ਨੁ ਇਚ੍ਚੇਤੇ ਸਂਸਯਤ੍ਥੇ. ਅਦ੍ਧਾ ਅਞ੍ਞਦਤ੍ਥੁ ਤਗ੍ਘ ਜਾਤੁ ਕਾਮਂ ਸਸਕ੍ਕਂ ਇਚ੍ਚੇਤੇ ਏਕਂਸਤ੍ਥੇ. ਏਵਂ ਇਤਿ ਅਵਧਾਰਣੇ. ਕਚ੍ਚਿ ਨੁ ਨਨੁ ਕਥਂ (ਕਿਂਸੁ, ਰੂ) ਕਿਂ ਇਚ੍ਚੇਤੇ ਪੁਚ੍ਛਨਤ੍ਥੇ. ਏਵਂ ਇਤਿ ਇਤ੍ਥਂ ਇਚ੍ਚੇਤੇ ਨਿਦਸ੍ਸਨਤ੍ਥੇ. ਇਤਿ ਹੇਤੁ+ਵਾਕ੍ਯਪਰਿਸਮਤ੍ਤੀਸੁ ਚ. ਯਾਵ ਤਾਵ ਯਾਵਤਾ ਤਾਵਤਾ ਕਿਤ੍ਤਾਵਤਾ ਏਤ੍ਤਾਵਤਾ ਕੀਵ ਇਚ੍ਚੇਤੇ ਪਰਿਚ੍ਛੇਦਨਤ੍ਥੇ. ਏਵਂ ਸਾਹੁ ਲਹੁ ਓਪਾਯਿਕਂ ਪਟਿਰੂਪਂ ਆਮ ਸਾਧੁ ਇਚ੍ਚੇਤੇ ਸਮ੍ਪਟਿਚ੍ਛਨਤ੍ਥੇ. ਤਥਾ ਯਥਾ ਯਥੇਵ ਤਥੇਵ ਏਵਂ ਏਵਮੇਵ ਏਵਮ੍ਪਿ ਯਥਾਪਿ ਸੇਯ੍ਯਥਾਪਿ ਸੇਯ੍ਯਥਾਪਿਨਾਮ ਵਿਯ ਇਵ ਯਥਰਿਵ ਤਥਰਿਵ ਯਥਾਨਾਮ ਤਥਾਨਾਮ ਯਥਾਹਿ ਤਥਾਹਿ ਯਥਾਚ ਤਥਾਚ ਇਚ੍ਚੇਤੇ ਪਟਿਭਾਗਤ੍ਥੇ. ਯਥਾਇਤਿ ਯੋਗ੍ਗਤਾ+ਵਿਚ੍ਛਾ+ਪਦਤ੍ਥਾਨਤਿਵਤ੍ਤਿ+ਨਿਦਸ੍ਸਨੇਸੁ ਚ. ਏਵਂਇਤਿ ¶ ਉਪਦੇਸ+ਪਞ੍ਹਾਦੀਸੁ ਚ. ਕਿਞ੍ਚਾਪਿਇਤਿ ਅਨੁਗ੍ਗਹਤ੍ਥੇ. ਧਿਇਤਿ ਗਰਹੇ. ਅਹੋਇਤਿ ਗਰਹ+ਪਸਂਸਨ+ਪਤ੍ਥਨੇਸੁ. ਨਾਮਇਤਿ ਗਰਹ+ਪਸਂਸਨ+ਸਞ੍ਞਾ+ਪਞ੍ਹੇਸੁ. ਸਾਧੂਤਿ ਪਸਂਸਨ+ਯਾਚਨੇਸੁ. ਇਙ੍ਘ ਹਨ੍ਦ ਇਚ੍ਚੇਤੇ ਚੋਦਨਤ੍ਥੇ. ਸਾਧੁ ਸੁਟ੍ਠੁ ਏਵਮੇਤਂਤਿ ਅਨੁਮੋਦਨੇ. ਕਿਰਇਤਿ ਅਨੁਸ੍ਸਵਨ+ਅਸਦ੍ਧੇਯ੍ਯੇਸੁ. ਨੁਨਇਤਿ ਅਨੁਮਾਨਾ+ਨੁਸ੍ਸਰਣ+ਪਰਿਵਿਤਕ੍ਕੇਸੁ. ਕਸ੍ਮਾਤਿ ਕਾਰਣਪੁਚ੍ਛਨੇ. ਯਸ੍ਮਾ ਤਸ੍ਮਾ ਤਥਾ ਹਿ ਤੇਨ ਇਚ੍ਚੇਤੇ ਕਾਰਣਚ੍ਛੇਦਨਤ੍ਥੇ. ਸਹ ਸਦ੍ਧਿਂ ਅਮਾ (ਸਮਂ, ਰੂ) ਇਤਿ ਸਮਕ੍ਰਿਯਾਯਂ. ਵਿਨਾ ਰਿਤੇ ਵਿਪ੍ਪਯੋਗੇ. ਨਾਨਾ ਪੁਥੁ ਬਹੁਪਕਾਰੇ. ਪੁਥੁ ਵਿਸੁਂ ਅਸਙ੍ਘਾਤੇ ਚ. ਦੁਟ੍ਠੁ ਕੁ ਕੁਚ੍ਛਾਯਂ (ਜਿਗੁਚ੍ਛਾਯਂ, ਰੂ). ਪੁਨ ਅਪ੍ਪਠਮੇ. ਕਥਂ ਚਿਕਿਚ੍ਛਤ੍ਥੇ. ਧਾ ਕ੍ਖਤ੍ਤੁਂ ਸੋ ਕਿਞ੍ਚਇਤਿ ਸਂਖ੍ਯਾਵਿਭਾਗੇ. ਈਸਕਂ ਅਪ੍ਪਮਾਨੇਸੁ (ਅਪ੍ਪਮਤ੍ਤੇ, ਰੂ). ਸਣਿਕਂ ਮਨ੍ਦਤ੍ਥੇ. ਖਿਪ੍ਪਂ ਅਰਂ ਲਹੁਂ ਆਸੁ ਤੁਣ੍ਹਂ ਅਚਿਰਂ ਸੀਘਤ੍ਥੇ. ਚਿਰਂ ਚਿਰਸ੍ਸਂ ਦੀਘਕਾਲੇ. ਚੇ ਯਦਿ ਸਂਕਾ+ਵਟ੍ਠਾਨੇ. ਧੁਰਂ ਥਿਰਾ+ਵਧਾਰਣੇਸੁ (ਧੁਵਂ ਥਿਰਾ+ਵਧਾਰਣੇਸੁ, ਰੂ). ਹਾ ਵਿਸਾਦੇ. ਤੁਣ੍ਹੀ ਅਭਾਸਨੇ. ਸਚ੍ਛਿ ਪਚ੍ਚਕ੍ਖੇ. ਮੁਸਾ ਮਿਚ੍ਛਾਅਲਿਕਂ ਅਸਚ੍ਚੇ. ਸੁਵਤ੍ਥਿ ਆਸਿਟ੍ਠੇ ਇਚ੍ਚਾਦਿ.

ਤੁਨ+ਕ੍ਤ੍ਵਾਨ+ਕ੍ਤ੍ਵਾਪਚ੍ਚਯਨ੍ਤਾ ਉਸ੍ਸੁਕ੍ਕਨਤ੍ਥੇ ਭਵਨ੍ਤਿ. ਯਥਾ ਪਸ੍ਸਿਤੁਨ ਪਸ੍ਸਿਯ ਪਸ੍ਸਿਤ੍ਵਾਨ ਪਸ੍ਸਿਤ੍ਵਾ, ਦਿਸ੍ਵਾ ਦਿਸ੍ਵਾਨ ਦਸ੍ਸੇਤ੍ਵਾ ਦਾਤੁਨ ਦਤ੍ਵਾਨ ਦਤ੍ਵਾ ਉਪਾਦਾਯ ਦਾਪੇਤ੍ਵਾ ਵਿਞ੍ਞਾਯ ਵਿਚੇਯ੍ਯ ਵਿਨੇਯ੍ਯ ਸਮੇਚ੍ਚ ਨਿਹਚ੍ਚ ਉਪੇਚ੍ਚ ਆਰਬ੍ਭ ਆਗਮ੍ਮ ਇਚ੍ਚਾਦਿ.

ਵਿਭਤ੍ਤਿਯਾ ¶ ਕਤੋ ਭੇਦੋ, ਸਲਿਙ੍ਗਾਨਂ ਭਵੇ ਤਥਾ;

ਤੁਮ੍ਹਾਦੀਨਂ ਤ੍ਵ+ਲਿਙ੍ਗੇਸੁ, ਨੇਵ+ਤ੍ਥਿ ਪਾਦਿ+ਚਾਦਿਨਂ.

ਏਵਂ ਨਾਮਾਖ੍ਯਾਤੋਪਸਗ੍ਗੇਹਿ ਵਿਨਿਮੁਤ੍ਤਂ ਏਤਂ ਨਿਪਾਤਪਦਂ ਵੇਦਿਤਬ੍ਬਂ.

ਪੁਲ੍ਲਿਙ੍ਗਂ ਇਤ੍ਥਿਲਿਙ੍ਗਞ੍ਚ, ਨਪੁਂਸਕ+ਮਥਾ+ਪਰਂ;

ਤਿਲਿਙ੍ਗਞ੍ਚ ਅਲਿਙ੍ਗਞ੍ਚ, ਨਾਮਿਕਂ ਪਞ੍ਚਧਾ ਠਿਤਂ.

ਇਤਿ ਪਯੋਗਸਿਦ੍ਧਿਯਂ ਨਾਮਕਣ੍ਡੋ ਦੁਤਿਯੋ.

ਅਥ ¶ ਵਿਭਤ੍ਤੀਨ+ਮਤ੍ਥਭੇਦਾ ਵੁਚ੍ਚਨ੍ਤੇ.

ਤਤ੍ਥ ਏਕਮ੍ਪਿ ਅਤ੍ਥਂ ਕਮ੍ਮਾਦਿਵਸੇਨ ਏਕਤ੍ਤਾਦਿਵਸੇਨ ਚ ਵਿਭਜਨ੍ਤੀਤਿ ਵਿਭਤ੍ਤਿਯੋ, ਸ੍ਯਾਦਯੋ. ਤਾ ਪਨ ਪਠਮਾਦਿਭੇਦੇਨ ਸਤ੍ਤਵਿਧਾ. ਤਾ ਯਥਾ ‘‘ਪਠਮਾ+ਤ੍ਥਮਤ੍ਤੇ’’ਤਿ ਪਠਮਾਵਿਭਤ੍ਤਿ ਹੋਤਿ. ਸਿਸ੍ਸ ਓਕਾਰ+ਲੋਪ+ਅ-ਮਾਦੇਸੇਸੁ ਨਰੋ ਇਤ੍ਥੀ ਨਪੁਂਸਕਂ.

ਸਕਤ੍ਥ+ਦਬ੍ਬ+ਲਿਙ੍ਗਾਨਿ, ਸਂਖ੍ਯਾ+ਕਮ੍ਮਾਦਿਪਞ੍ਚਕਂ;

ਨਾਮਤ੍ਥੋ ਤਸ੍ਸ ਸਾਮਞ੍ਞ-ਮਤ੍ਥਮਤ੍ਥਂ ਪਵੁਚ੍ਚਤੇ.

ਜਾਤਿ ਕ੍ਰਿਯਾ ਗੁਣੋ ਦਬ੍ਬਂ, ਤਥਾ ਨਾਮਨ੍ਤਿ ਪਞ੍ਚਧਾ;

ਸਦ੍ਦਸ੍ਸ+ਤ੍ਥੋ ਸ ਸਦ੍ਦੋਪਿ, ਪਞ੍ਚਧਾਵ+ਤ੍ਰ ਭਿਜ੍ਜਤੇ.

ਕਥਂ ਜਾਤਿਸਦ੍ਦੋ ਗੁਣਸਦ੍ਦੋਤ੍ਯਾਦਿਨਾ.

ਭਿਨ੍ਨੇਸ੍ਵ+ਭਿਨ੍ਨਧੀ+ਸਦ੍ਦਾ, ਸਬਲਾਦੀਸੁ ਯਬ੍ਬਲਾ;

ਵਤ੍ਤਨ੍ਤੇ ਜਾਤਿ ਏਸਾ+ਸ੍ਸ, ਮਾਲਾ ਸੁਤ੍ਤ+ਮਿਵਾ+ਨ੍ਵਿਤਾ.

ਅਦਬ੍ਬਭੂਤਂ ਕਤ੍ਤਾਦਿ-ਕਾਰਕਗ੍ਗਾਮਸਾਧਿਯਂ;

ਪਦਤ੍ਥਂ ਕਤ੍ਤੁਕਮ੍ਮਟ੍ਠਂ, ਕ੍ਰਿਯ+ਮਿਚ੍ਛਨ੍ਤਿ ਤਬ੍ਬਿਦੂ.

ਦਬ੍ਬਸ੍ਸਿਤੋ ਤਤੋ ਭਿਨ੍ਨੋ, ਨਿਮਿਤ੍ਤੋ ਤਪ੍ਪਤੀਤਿਯਾ;

ਵਿਨਸ੍ਸਨਸਭਾਵੋ ਚ, ਨਿਗ੍ਗੁਣੋਵ ਗੁਣੋ+ਚ੍ਚਤੇ.

ਏਤ੍ਥ ¶ ਪਟੋ ਸੁਕ੍ਕੋਤਿ ਵਿਨਸ੍ਸਨਸਭਾਵੋ ਚ ਚਸਦ੍ਦੇਨ ਵਿਪੁਲੋ ਆਕਾਸੋਤਿ ਅਵਿਨਸ੍ਸਨਸਭਾਵੋ ਚ ਅਤ੍ਤਨਿ ਵਿਸੁਂ ਗੁਣਰਹਿਤੋ ਗੁਣੋ+ਚ੍ਚਤੇ ਤ੍ਯਤ੍ਥੋ.

ਯਂ ਯਂ ਵਿਸੇਸ੍ਸਤੇ ਕਿਞ੍ਚਿ, ਤਂ ਤਂ ਦਬ੍ਬ+ਮਿਹੋ+ਚ੍ਚਤੇ;

ਜਾਤ੍ਯਾਦਿਨੋਪ੍ਯ+ਤੋ ਤਾਦਿ, ਦਬ੍ਬਤ੍ਤਂ ਪਰਿਕਪ੍ਪਤੇ.

ਏਤ੍ਥ ਗੋਜਾਤਿ ਅਸ੍ਸਜਾਤੀਤਿ ਵੁਤ੍ਤੇ ਜਾਤਿ ਦਬ੍ਬਂ. ਨੀਲੋ ਗੁਣੋਤਿ ਚ ਗੁਣੋ ਦਬ੍ਬਂ. ਪਚਨਕ੍ਰਿਯਾਤਿ ਚ ਗਮਨਾਦਿਕ੍ਰਿਯਾਤੋ ਵਿਸੇਸਿਯਤੀਤਿ ਕ੍ਰਿਯਾਵ ਦਬ੍ਬਂ.

ਨਾਮਰੂਪੇਨ ਸਦਬ੍ਬੇ, ਕ੍ਵਚਿ ਸਞ੍ਞੀ ਕਥੀਯਤੇ;

ਨਾਮਨ੍ਤਿ ਤਂ ਯਥਾ ਚਿਤ੍ਤੋ, ਸਞ੍ਞਾ ਸਦ੍ਦੋ ਤੁ ਤਦ੍ਧਨੀ.

ਨਾਮਸ੍ਸ ਦਬ੍ਬਤ੍ਤੇਪਿ ਚਿਤ੍ਤੋਤ੍ਯਾਦਿ ਨਾਮੇਨੇਵ ਪਸਿਜ੍ਝਤਿ, ਨੋ ਘਟ+ਪਟਾਦਯੋਵ ਦਬ੍ਬਤ੍ਤੇਨ, ਤਸ੍ਮਾ ਨਾਮ+ਮਿਤਿ ਸਞ੍ਞੀ ਕਥੀਯਤੇ, ਤਂਵਾਚਕਤ੍ਤਾ ਤਬ੍ਬਤੀ ਚਿਤ੍ਤਾਦਿ ਸਞ੍ਞਾਸਦ੍ਦੋਤਿ ਨਿਚ੍ਛਿਯਤੇਯ੍ਯ+ਧਿਪ੍ਪਾਯੋ.

ਅਯਂ ਪਞ੍ਚਵਿਧੋਪਿ ਅਤ੍ਥੋ ਸਦ੍ਦਤ੍ਥੋ ਚੇਵ ਸਾਮਤ੍ਥਿਯਾ ਗਮ੍ਯਮਾਨਤ੍ਥੋ ਚਾਤਿ ਦੁਬ੍ਬਿਧੋ. ਤਥਾ ਹਿ ‘‘ਪੀਨੋ ਦਿਵਾ ਨ ਭੁਞ੍ਜੇਯ੍ਯ’’ਮਿਤਿ ਭੁਤ੍ਤਿਨਿਰਾਕਤਿ ਸਦ੍ਦਤ੍ਥੋ. ਰਤ੍ਤਿਭੁਤ੍ਤਿ ਤੁ ਸਾਮਤ੍ਥਿਯਾ+ਵਗਮ੍ਯਤੇ. ਤੇਨੇ+ਤਂ ਵੁਚ੍ਚਤਿ –

ਅਤ੍ਥਪ੍ਪਤੀਤਿਯਂ ਸਦ੍ਦ-ਬ੍ਯਾਪਾਰੋ ਤਿਵਿਧੋ ਭਵੇ;

ਮੁਖ੍ਯੋ ਲਕ੍ਖਣ+ਬ੍ਯਞ੍ਜਨ-ਸਭਾਵੋ ਚਾਤਿ ਏਤ੍ਥ ਤੁ.

ਮੁਖ੍ਯੋ ਤੁ ਨਿਰਨ੍ਤਰਤ੍ਥੇ, ਲਕ੍ਖਣੋ ਤੁ ਤਿਰੋਹਿਤੇ;

ਅਤ੍ਥੇ+ਤਰੋ ਤੁ ਵਾਕ੍ਯਸ੍ਸ, ਅਤ੍ਥੇਯੇਵ ਪਵਤ੍ਤਤਿ.

‘‘ਮਞ੍ਚੇ’’ਤਿ ¶ ਨਿਰਨ੍ਤਰਤ੍ਥੇ ਵਤ੍ਤਮਾਨੋ ਮੁਖ੍ਯੋ, ‘‘ਮਞ੍ਚਾ ਉਗ੍ਘੋਸਨ੍ਤੀ’’ਤਿ ਤਿਰੋਹਿਤਤ੍ਥੇ ਵਤ੍ਤਮਾਨੋ ਲਕ੍ਖਣੋ, ਗਾਥਾਦਿਸਕਲਵਾਕ੍ਯਸ੍ਸ+ਤ੍ਥੇ ਵਤ੍ਤਮਾਨੋ ਬ੍ਯਞ੍ਜਨਸਭਾਵੋ.

ਬ੍ਯਾਪਾਰਸ੍ਸ ਪਭੇਦੇਨ, ਤਿਧਾ ਸਦ੍ਦੋਪਿ ਵਾਚਕੋ;

ਲਕ੍ਖਣਿਕੋ ਬ੍ਯਞ੍ਜਕੋਤਿ, ਤਦਤ੍ਥੋਪਿ ਤਿਧਾ ਮਤੋ.

ਵਚ੍ਚੋ ਲਕ੍ਖਣਿਕੋ ਬ੍ਯਙ੍ਗ੍ਯੋ, ਚੇਵਂ ਸਦ੍ਦੋ ਸੁਵਾਚਕੋ;

ਵੁਤ੍ਤਕਮੇਨ ਜਾਤ੍ਯਾਦਿ-ਭੇਦੇਨ ਪਞ੍ਚਧਾ ਭਵੇਤਿ.

ਤਿ ਆਮਨ੍ਤਣਾਧਿਕੇ ਅਤ੍ਥਮਤ੍ਤੇ ਪਠਮਾਵਿਭਤ੍ਤਿ ਹੋਤਿ. ਭੋ ਨਰ, ਭੋ ਇਤ੍ਥਿ, ਭੋ ਨਪੁਂਸਕ.

ਸਦ੍ਦੇਨਾ+ਭਿਮੁਖੀਕਾਰੋ, ਵਿਜ੍ਜਮਾਨਸ੍ਸ ਵਤ੍ਥੁਨੋ;

ਆਮਨ੍ਤਣਂ ਵਿਧਾਤਬ੍ਬੇ, ਨਤ੍ਥਿ ‘‘ਰਾਜਾ ਭਵੇ’’ਤਿ+ਦਂ.

ਕ੍ਰਿਯਾ ਨਿਮਿਤ੍ਤਂ ਕਾਰਕਨ੍ਤੁ ਕਮ੍ਮ, ਕਤ੍ਤੁ, ਕਰਣ, ਸਮ੍ਪਦਾਨ, ਅਵਧਿ, ਆਧਾਰਭੇਦੇਨ ਛਬ੍ਬਿਧਂ, ਤਂ ਯਥਾ –

ਕਰੀਯਤਿ ਕਤ੍ਤੁਕਿਰਿਯਾਯ ਸਮ੍ਬਨ੍ਧੀਯਤੀਤਿ ਕਮ੍ਮਂ, ਤਸ੍ਮਿਂ ਕਮ੍ਮਕਾਰਕੇ ਦੁਤਿਯਾਵਿਭਤ੍ਤਿ ਹੋਤਿ. ਤਂ ਤਿਵਿਧਂ ਨਿਬ੍ਬਤ੍ਤਿ, ਵਿਕਤਿ, ਪਤ੍ਤਿ ਭੇਦੇਨ, ਤਤ੍ਥ ਨਿਬ੍ਬਤ੍ਤਿਕਮ੍ਮੇ ਮਾਤਾ ਪੁਤ੍ਤਂ ਵਿਜਾਯਤਿ, ਆਹਾਰੋ ਸੁਖਂ ਜਨਯਤਿ, ਕਟਂ ਕਰੋਤਿ ਦਤ੍ਤੋ. ਵਿਕਤਿਯਂ ਕਟ੍ਠ+ਮਙ੍ਗਾਰਂ ਕਰੋਤਿ, ਸੁਵਣ੍ਣਂ ਕਟਕਂ ਕਰੋਤਿ, ਵੀਹਯੋ ਲੁਨਾਤਿ. ਪਤ੍ਤਿਯਂ ਦਤ੍ਤੋ ਘਰਂ ਪਵਿਸਤਿ, ਆਦਿਚ੍ਚਂ ਪਸ੍ਸਤਿ, ਧਮ੍ਮਂ ਸੁਣਾਤਿ, ਪਣ੍ਡਿਤੇ ਪਯਿਰੁਪਾਸਤਿ.

ਨਿਬ੍ਬਤ੍ਤਿ+ਵਿਕਤਿ+ਪਤ੍ਤਿ-ਭੇਦਾ ਕਮ੍ਮਂ ਤਿਧਾ ਮਤਂ;

ਕਤ੍ਤੁਕ੍ਰਿਯਾਭਿਗਮ੍ਮਨ੍ਤਂ, ਸੁਖ+ਮਙ੍ਗਾਰਂ+ਘਰਂ ਯਥਾਤਿ.

ਕਟਂ ਕਰੋਤਿ ਵਿਪੁਲਂ ਦਸ੍ਸਨੀਯਨ੍ਤਿ ਅਤ੍ਥੇਵ ਗੁਣਯੁਤ੍ਤਸ੍ਸ ਕਮ੍ਮਤਾ, ਵਿਪੁਲਂ ਕਰੋਤਿ, ਦਸ੍ਸਨੀਯਂ ਕਰੋਤੀਤਿ ਕ੍ਰਿਯਾਯ ਸਮ੍ਬਨ੍ਧਿਯਮਾਨਤ੍ਤਾ. ਓਦਨੋ ਪਚ੍ਚਤੇਤਿ ਓਦਨਸਦ੍ਦਤੋ ਕਮ੍ਮਤਾ ਨਪ੍ਪਤੀਯਤੇ, ਕਿਞ੍ਚਰਹਿ ਆਖ੍ਯਾਤਤੋ.

ਇਚ੍ਛਿਤਕਮ੍ਮਂ ਯਥਾ-ਗਾਵੁਂ ਪਯੋ ਦੋਹਤਿ, ਗੋਮਨ੍ਤਂ ਗਾਵਂ ਯਾਚਤਿ, ਗਾਵ+ਮਵ ਰੁਨ੍ਧਤਿ ਵਜਂ, ਮਾਣਵਕਂ ਮਗ੍ਗਂ ਪੁਚ੍ਛਤਿ, ਗੋਮਨ੍ਤਂ ਗਾਵਂ ਭਿਕ੍ਖਤੇ, ਰੁਕ੍ਖ+ਮਵਚਿਨਾਤਿ ਫਲਾਨਿ, ਰੁਕ੍ਖਾਤ੍ਯਤ੍ਥੋ. ਸਿਸ੍ਸਂ ਧਮ੍ਮਂ ਬ੍ਰੂਤੇ. ਏਤ੍ਥ ਪਯੋ, ਗਾਵਂ ਇਚ੍ਚਾਦਿ ਇਚ੍ਛਿਤਂ, ਗਾਵੁਂ, ਗੋਮਨ੍ਤ+ਮਿਚ੍ਚਾਦਿ ਅਨਿਚ੍ਛਿਤਂ. ਏਵ+ਮਨਿਚ੍ਛਿਤੇਪਿ ਕਣ੍ਟਕਂ ਮਦ੍ਦਤਿ, ਵਿਸਂ ਗਿਲਤਿ. ਯਂ ਨੇਵਿ+ਚ੍ਛਿਤਂ, ਨਾਪਿ ਅਨਿਚ੍ਛਿਤਂ, ਤਤ੍ਰਾਪਿ ਗਾਮਂ ਗਚ੍ਛਨ੍ਤੋ ਰੁਕ੍ਖਮੂਲ+ਮੁਪਸਪ੍ਪਤਿ.

ਆਧਾਰੇ ਅਧਿਸਿ+ਠਾ+ਸਾਨਂ ਪਯੋਗੇ ਚ, ਪਥਵਿਂ ਅਧਿਸੇਸ੍ਸਤਿ, ਗਾਮ+ਮਧਿਤਿਟ੍ਠਤਿ, ਰੁਕ੍ਖ+ਮਜ੍ਝਾਸਤੇਤਿ. ਏਤ੍ਥ ਪਥਵਿਨ੍ਤਿ ਪਥਵਿਯਨ੍ਤਿ ਅਤ੍ਥੋ. ਏਵ+ਮਭਿ, ਨਿਪੁਬ੍ਬਵਿਸਸ੍ਸਾਪਿ, ਧਮ੍ਮ+ਮਭਿਨਿਵਿਸਤੇ, ਧਮ੍ਮੇ ਵਾ. ਤਥਾ ਉਪ, ਨ੍ਵ+ਜ੍ਝਾ+ਪੁਬ੍ਬਵਸਤਿਸ੍ਸ, ਗਾਮ+ਮੁਪਵਸਤਿ, ਗਾਮ+ਮਨੁਵਸਤਿ, ਵਿਹਾਰ+ਮਧਿਵਸਤਿ, ਗਾਮ+ਮਾਵਸਤਿ, ਅਗਾਰਂ ਅਜ੍ਝਵਸਤਿ, ਏਤ੍ਥ ਗਾਮਨ੍ਤਿ ਗਾਮੇਤ੍ਯਤ੍ਥੋ. ਤਥਾ ਤਪ੍ਪਾਨਾ+ਚਾਰੇਪਿ, ਨਦਿਂ ਪਿਬਤਿ, ਗਾਮਂ ਚਰਤਿ, ਨਦਿਯਂਤ੍ਯਤ੍ਥੋ. ਸਚੇ ਮਂ ਨਾਲਪਿਸ੍ਸਤੀਤਿ ਮਯਾ ਸਦ੍ਧਿਂਤ੍ਯਤ੍ਥੋ. ਵਿਹਿਤਾਵ ਪਟਿ-ਯੋਗੇਪਿ ਦੁਤਿਯਾ, ਪਟਿਭਨ੍ਤੁ ਤਂ ਚੁਨ੍ਦ ਬੋਜ੍ਝਙ੍ਗਾ, ਤਮ੍ਪਟਿ ਬੋਜ੍ਝਙ੍ਗਾ ਭਾਸਨ੍ਤੂਤਿ ਅਤ੍ਥੋ. ਉਪਮਾ ਮਂ ਪਤਿਭਾਤਿ ¶ , ਉਪਮਾ ਮਂ ਉਪਟ੍ਠਾਤਿਤ੍ਯਤ੍ਥੋ. ਧਾਤੁਨਾਯੁਤ੍ਤੇ ‘‘ਤਸ੍ਸ ਨਪ੍ਪਟਿਭਾਤੀ’’ਤਿ ਛਟ੍ਠੀ.

ਕਾਲਦ੍ਧਾਨਂ ਦਬ੍ਬ+ਗੁਣ+ਕ੍ਰਿਯਾਹਿ ਅਚ੍ਚਨ੍ਤਸਂਯੋਗੇ ਤੇਹਿ ਕਾਲਦ੍ਧਾਨਵਾਚੀਹਿ ਦੁਤਿਯਾ ਹੋਤਿ. ਕਾਲੇ-ਸਤ੍ਤਾਹਂ ਗਵਪਾਨਂ, ਮਾਸਂ ਮਂਸੋਦਨਂ, ਸਰਦਂ ਰਮਣੀਯਾ ਨਦੀ, ਸਬ੍ਬਕਾਲਂ ਰਮਣੀਯਂ ਨਨ੍ਦਨਂ, ਤਯੋ ਮਾਸੇ ਅਭਿਧਮ੍ਮਂ ਦੇਸੇਤਿ. ਅਦ੍ਧਨਿ-ਯੋਜਨਂ ਵਨਰਾਜਿ, ਯੋਜਨਂ ਦੀਘੋ ਪਬ੍ਬਤੋ, ਕੋਸਂ ਸਜ੍ਝਾਯਤਿ.

ਪੁਬ੍ਬਨ੍ਹਸਮਯਂ ਨਿਵਾਸੇਤ੍ਵਾ, ਏਕਂ ਸਮਯਂ ਭਗਵਾ, ਇਮਂ ਰਤ੍ਤਿਂ ਚਤ੍ਤਾਰੋ ਮਹਾਰਾਜਾਨੋਤਿ ਏਵਮਾਦੀਸੁ ਕਾਲਵਾਚੀਹਿ ਅਚ੍ਚਨ੍ਤਸਂਯੋਗੇ ਦੁਤਿਯਾ, ਬਹੁਲਂਵਿਧਾਨਾ ਵਿਭਤ੍ਤਿਵਿਪਲ੍ਲਾਸੋ ਵਾ. ਮਾਸੇਨਾ+ਨੁਵਾਕੋ+ਧੀਤੋ, ਕੋਸੇਨਾ+ਨੁਵਾਕੋ+ਧੀਤੋਤਿ ਕਰਣਤ੍ਥੇ ਤਤਿਯਾ.

੪. ਗਤਿਬੋਧਾਹਾਰਸਦ੍ਦਤ੍ਥਾਕਮ੍ਮਕਭਜ੍ਜਾਦੀਨਂ ਪਯੋਜ੍ਜੇ

ਗਤ੍ਯਤ੍ਥਾਨਂ ਬੋਧਤ੍ਥਾਨਂ ਆਹਾਰਤ੍ਥਾਨਂ ਸਦ੍ਦਤ੍ਥਾਨ+ਮਕਮ੍ਮਕਾਨਂ ਭਜ੍ਜਾਦੀਨਞ੍ਚ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਹੋਤਿ. ਦਤ੍ਤੋ ਗਮਯਤਿ ਮਾਣਵਕਂ ਗਾਮਂ, ਯਾਪਯਤਿ ਵਾ. ਗੁਰੁ ਬੋਧਯਤਿ ਮਾਣਵਕਂ ਧਮ੍ਮਂ, ਵੇਦਯਤਿ ਵਾ. ਮਾਤਾ ਭੋਜਯਤਿ ਪੁਤ੍ਤ+ਮੋਦਨਂ, ਆਸਯਤਿ ਵਾ. ਗੁਰੁ ਅਜ੍ਝਾਪਯਤਿ ਸਿਸ੍ਸਂ ਵੇਦਂ, ਪਾਠਯਤਿ ਵਾ. ਪਯੋਜ੍ਜਤੋ+ਞ੍ਞਤ੍ਰ ਕਮ੍ਮੇ ਦੁਤਿਯਾ. ਪੋਸੋ ਆਸਯਤਿ ਦਤ੍ਤਂ, ਸਾਯਯਤਿ ਵਾ. ਪੋਸੋ ਅਞ੍ਞਂ ਭਜ੍ਜਾਪੇਤਿ, ਅਞ੍ਞਂ ਕੋਟ੍ਟਾਪੇਤਿ, ਅਞ੍ਞਂ ਸਨ੍ਥਰਾਪੇਤਿ.

ਹਰਾਦੀਨਂ ¶ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਹੋਤਿ ਵਾ. ਪੋਸੋ ਹਾਰੇਤਿ ਭਾਰਂ ਦਤ੍ਤਂ, ਦਤ੍ਤੇਨੇਤਿ ਵਾ. ਦਸ੍ਸਯਤੇ ਜਨਂ ਰਾਜਾ, ਜਨੇਨੇਤਿ ਵਾ. ਅਭਿਵਾਦਯਤੇ ਗੁਰੁਂ ਦਤ੍ਤਂ, ਦਤ੍ਤੇਨੇਤਿ ਵਾ. ਅਜ੍ਝੋਹਾਰੇਤਿ ਸਤ੍ਤੁਂ ਦਤ੍ਤਂ, ਦਤ੍ਤੇਨੇਤਿ ਵਾ. ਕਾਰੇਤਿ ਦਤ੍ਤੋ ਦਤ੍ਤਂ, ਦਤ੍ਤੇਨੇਤਿ ਵਾ. ਪਕ੍ਖੇ ਸਬ੍ਬਤ੍ਰ ਕਤ੍ਤਰਿ ਤਤਿਯਾ.

ਖਾਦਾਦੀਨਂ ਪਯੋਜ੍ਜੇ ਕਤ੍ਤਰਿ ਦੁਤਿਯਾ ਨ ਹੋਤਿ. ਗਤ੍ਯਤ੍ਥਾਦੀਸੁ ਕ੍ਵਚਿ ਪਟਿਸੇਧਤ੍ਥ+ਮਿਦਂ. ਖਾਦਯਤਿ ਦਤ੍ਤੋ ਦਤ੍ਤੇਨ, ਆਦਯਤਿ ਦਤ੍ਤੇਨ, ਅਵ੍ਹਾਪਯਤਿ ਦਤ੍ਥੇਨ, ਸਦ੍ਦਾਯਯਤਿ ਦਤ੍ਤੇਨ, ਨਾਯਯਤਿ ਦਤ੍ਤੇਨ, ਕਨ੍ਦਯਤਿ ਦਤ੍ਤੇਨ.

ਧਿਆਦੀਹਿ ਯੁਤ੍ਤਤੋ ਦੁਤਿਯਾ ਹੋਤਿ. ਧਿ+ਰਤ੍ਥੁ+ਮਂ ਪੁਤਿਕਾਯਂ, ਅਨ੍ਤਰਾ ਚ ਰਾਜਗਹਂ ਅਨ੍ਤਰਾ ਚ ਨਾਲਨ੍ਦਂ, ਰਾਜਗਹਸ੍ਸ ਚ ਨਾਲਨ੍ਦਸ੍ਸ ਚ ਵਿਵਰਭੂਤੇ ਮਜ੍ਝੇਤਿ ਅਤ੍ਥੋ. ਸਮਾਧਾਨ+ਮਨ੍ਤਰੇਨ, ਮੁਚਲਿਨ੍ਦ+ਮਭਿਤੋ ਸਰਂ. ਛਟ੍ਠ੍ਯਤ੍ਥੇ+ਯਂ ਦੁਤਿਯਾ.

੮. ਲਕ੍ਖਣਿਤ੍ਥਮ੍ਭੂਤਵਿਚ੍ਛਾਸ੍ਵ+ਭਿਨਾ

ਲਕ੍ਖਣਾਦੀਸ੍ਵ+ਤ੍ਥੇਸੁ ਅਭਿਨਾ ਯੁਤ੍ਤਮ੍ਹਾ ਦੁਤਿਯਾ ਹੋਤਿ. ਰੁਕ੍ਖ+ਮਭਿਵਿਜ੍ਜੋਤਤੇ ਚਨ੍ਦੋ, ਏਤ੍ਥ ਰੁਕ੍ਖੋ ਲਕ੍ਖਣਂ, ਚਨ੍ਦੋ ਲਕ੍ਖਿਤਬ੍ਬੋ, ਤਤ੍ਰ ਅਭਿਨਾ ਰੁਕ੍ਖਸ੍ਸ ਲਕ੍ਖਣਵੁਤ੍ਤਿਤਾ ਪਕਾਸੀਯਤੀਤਿ ਰੁਕ੍ਖੋ ਅਭਿਨਾ ਯੁਤ੍ਤੋ ਨਾਮ. ਸਾਧੁ ਦੇਵਦਤ੍ਤੋ ਮਾਤਰ+ਮਭਿ, ਮਾਤਰਿ ਸਾਧੁਤ੍ਤਂ ਪਤ੍ਤੋਤ੍ਯਤ੍ਥੋ. ਰੁਕ੍ਖਂ ਰੁਕ੍ਖਂਅਭਿ ਵਿਜ੍ਜੋਤਤੇ ਚਨ੍ਦੋ, ਰੁਕ੍ਖੇ ਰੁਕ੍ਖੇਤ੍ਯਤ੍ਥੋ.

ਪਤਿਪਰੀਹਿ ¶ ਯੁਤ੍ਤਤੋ ਲਕ੍ਖਣਾਦੀਸੁ ਭਾਗੇ ਚ+ਤ੍ਥੇ ਦੁਤਿਯਾ ਹੋਤਿ. ਰੁਕ੍ਖਂਪਤਿ ਵਿਜ੍ਜੋਤਤੇ, ਸਾਧੁ ਦੇਵਦਤ੍ਤੋ ਮਾਤਰਂਪਤਿ, ਰੁਕ੍ਖਂ ਰੁਕ੍ਖਂਪਤਿ ਤਿਟ੍ਠਤਿ, ਯ+ਦੇਤ੍ਥ ਮਂ ਪਤਿ ਸਿਯਾ, ਯੋ ਮਮ ਭਾਗੋ, ਸੋ ਦੀਯਤੁਤ੍ਯਤ੍ਥੋ. ਏਵਂ ਰੁਕ੍ਖਂਪਰਿਤ੍ਯਾਦਿਪਿ.

ਲਕ੍ਖਣਾਦੀਸੁ ਦੁਤਿਯਾ. ਰੁਕ੍ਖਮਨੁ ਵਿਜ੍ਜੋਤਤੇ, ਸਚ੍ਚਕਿਰਿਯ+ਮਨੁ ਵਸ੍ਸਿ, ਹੇਤੁ ਚ ਲਕ੍ਖਣਂ ਭਵਤਿ, ਸਾਧੁ ਦੇਵਦਤ੍ਤੋ ਮਾਤਰ+ਮਨੁ, ਰੁਕ੍ਖਂ ਰੁਕ੍ਖ+ਮਨੁ ਵਿਜ੍ਜੋਤਤੇ, ਯਦੇਤ੍ਥ ਮਂਅਨੁ ਸਿਯਾ.

ਸਹਤ੍ਥੇ ਅਨੁਨਾ ਯੁਤ੍ਤਮ੍ਹਾ ਦੁਤਿਯਾ. ਪਬ੍ਬਤ+ਮਨੁ ਤਿਟ੍ਠਤਿ, ਪਬ੍ਬਤੇਨ ਸਹ ਤ੍ਯਤ੍ਥੋ.

ਹੀਨਤ੍ਥੇ ਅਨੁਨਾ ਯੁਤ੍ਤਮ੍ਹਾ ਦੁਤਿਯਾ. ਅਨੁਸਾਰਿਪੁਤ੍ਤਂ ਪਞ੍ਞਵਨ੍ਤੋ ਭਿਕ੍ਖੂ, ਸਾਰਿਪੁਤ੍ਤਤੋ ਪਞ੍ਞਾਯ ਹੀਨਾਤ੍ਯਤ੍ਥੋ.

ਹੀਨਤ੍ਥੇ ਉਪੇਨ ਯੁਤ੍ਤਮ੍ਹਾ ਦੁਤਿਯਾ. ਉਪਸਾਰਿਪੁਤ੍ਤਂ ਪਞ੍ਞਵਨ੍ਤੋ.

ਕਤ੍ਤਰਿ ਕਰਣੇ ਚ ਕਾਰਕੇ ਤਤਿਯਾ ਹੋਤਿ. ਜਿਨੇਨ ਦੇਸਿਤੋ ਧਮ੍ਮੋ, ਬੁਦ੍ਧੇਨ ਜਿਤੋ ਮਾਰੋ, ਅਹਿਨਾ ਦਟ੍ਠੋ ਨਰੋ. ਯਤ੍ਥ ¶ ਕਾਰਣਕਾਰਣਮ੍ਪਿ ਕਾਰਣਵਸੇਨ ਵੁਚ੍ਚਤਿ, ਤਤ੍ਥਾਪਿ ਤਤਿਯਾ, ਚੋਰੇਹਿ ਗਾਮੋ ਦਡ੍ਢੋ, ਤਿਣੇਹਿ ਭਤ੍ਤਂ ਸਿਦ੍ਧਂ, ਸਦ੍ਧੇਹਿ ਕਾਰਿਤਾ ਵਿਹਾਰਾ.

ਅਤ੍ਤਪਧਾਨੋ ਕਿਰਿਯਂ, ਯੋ ਨਿਬ੍ਬਤ੍ਤੇਤਿ ਕਾਰਕੋ;

ਅਪਯੁਤ੍ਤੋ ਪਯੁਤ੍ਤੋ ਵਾ, ਸ ਕਤ੍ਤਾਤਿ ਪਵੁਚ੍ਚਤਿ.

ਕਰਣੇ-ਤਂ ਪਨ ਦੁਵਿਧਂ ਅਜ੍ਝਤ੍ਤਿਕਬਾਹਿਰਵਸੇਨ, ਯਥਾ ਹਤ੍ਥੇਨ ਕਮ੍ਮਂ ਕਰੋਤਿ, ਚਕ੍ਖੁਨਾ ਰੂਪਂ ਪਸ੍ਸਤਿ, ਮਨਸਾ ਧਮ੍ਮਂ ਵਿਞ੍ਞਾਯਤਿ. ਦਤ੍ਤੇਨ ਵਿਹਯੋ ਲੁਨਾਤਿ, ਅਗ੍ਗਿਨਾ ਕੁਟਿਂ ਝਾਪੇਤਿ.

ਬਾਹਿਰਞ੍ਚ ਤਥਾ+ਜ੍ਝਤ੍ਤਂ, ਕਰਣਂ ਦੁਵਿਧਂ ਯਥਾ;

ਵੀਹਿਂ ਲੁਨਾਤਿ ਦਤ੍ਤੇਨ, ਨੇਤ੍ਤੇਨ ਚਨ੍ਦ+ਮਿਕ੍ਖਤੇ.

ਪਕਤਿਯਾ ਅਭਿਰੂਪੋ, ਗੋਤ੍ਤੇਨ ਗੋਤਮੋ ਇਚ੍ਚਾਦਿ ਭੂਧਾਤੁਸ੍ਸ ਸਮ੍ਭਵਾ ਕਰਣੇ ਤਤਿਯਾ. ਤਥਾ ਸਾਰਿਪੁਤ੍ਤੋਤਿ ਨਾਮੇਨ ਵਿਸ੍ਸੁਤੋ, ਜਾਤਿਯਾ ਖਤ੍ਤਿਯੋ ਬੁਦ੍ਧੋ, ਜਾਤਿਯਾ ਸਤ੍ਤਵਸ੍ਸਿਕੋ, ਸਿਪ੍ਪੇਨ ਨਲ਼ਕਾਰੋ ਸੋ, ਏਕੂਨਤਿਂਸੋ ਵਯਸਾ, ਏਵਂ ਸਮੇਨ ਧਾਵਤਿ, ਵਿਸਮੇਨ ਧਾਵਤਿ, ਦ੍ਵਿਦੋਣੇਨ ਧਞ੍ਞਂ ਕਿਣਾਤਿ.

ਸਹਤ੍ਥੇਨ ਯੋਗੇ ਤਤਿਯਾ ਸਿਯਾ. ਤਤਿਯਾਪਿ ਛਟ੍ਠੀਵ ਅਪ੍ਪਧਾਨੇ ਏਵ ਭਵਤਿ. ਪੁਤ੍ਤੇਨ ਸਹਾ+ਗਤੋ, ਪੁਤ੍ਤੇਨ ਸਦ੍ਧਿਂ ਆਗਤੋ, ਵਿਤਕ੍ਕੇਨ ਸਹ ਵਤ੍ਤਤਿ, ਪੁਤ੍ਤੇਨ ਸਹ ਥੂਲੋ, ਨਿਸੀਦਿ ਭਗਵਾ ਸਦ੍ਧਿਂ ਭਿਕ੍ਖੁਸਙ੍ਘੇਨ, ਸਹਸ੍ਸੇਨ ਸਮਂ ਮਿਤਾ, ਸਬ੍ਬੇਹਿ ਮੇ ਪਿਯੇਹਿ ਮਨਾਪੇਹਿ ਨਾਨਾਭਾਵੋ.

ਲਕ੍ਖਣੇ ¶ ਵਤ੍ਤਮਾਨਤੋ ਤਤਿਯਾ. ਭਿਨ੍ਨੇਨ ਸੀਸੇਨ ਪਗ੍ਘਰਨ੍ਤੇਨ ਲੋਹਿਤੇਨ ਪਟੀਵਿਸ੍ਸਕੇ ਉਜ੍ਝਾਪੇਸਿ, ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਅਞ੍ਞਂ ਨਵਂ ਪਤ੍ਤਂ ਚੇਤਾਪੇਯ੍ਯ, ਤਿਦਣ੍ਡਕੇਨ ਪਰਿਬ੍ਬਾਜਕ+ਮਦ੍ਦਕ੍ਖਿ, ਅਕ੍ਖਿਨਾ ਕਾਣੋ, ਹਤ੍ਥੇਨ ਕੁਣੀ, ਪਾਦੇਨ ਖਞ੍ਜੋ, ਪਿਟ੍ਠਿਯਾ ਖੁਜ੍ਜੋ. ਤੇਨ ਹਿ ਵਿਕਲਙ੍ਗੇਨ ਵਿਕਲਙ੍ਗਿਨੋ ਵਿਕਾਰੋ ਲਕ੍ਖਿਯਤੇ.

ਵਾਸਾਦਿਲਕ੍ਖਣਕ੍ਰਿਯਾਯ ਹੇਤੁਤੋ ਤਤਿਯਾ. ਅਨ੍ਨੇਨ ਵਸਤਿ, ਵਿਜ੍ਜਾਯ ਵਸਤਿ, ਨ ਜਚ੍ਚਾ ਵਸਲੋ ਹੋਤਿ, ਕਮ੍ਮੁਨਾ ਵਸਲੋ ਹੋਤਿ, ਦਾਨੇਨ ਭੋਗਵਾ, ਆਚਾਰੇਨ ਕੁਲਂ, ਤੇਨ ਪਾਣਿ ਕਾਮਦਦੋ.

ਇਣੇ ਹੇਤੁਮ੍ਹਿ ਪਞ੍ਚਮੀ ਵਾ. ਸਤਸ੍ਮਾ ਬਦ੍ਧੋ, ਸਤੇਨ ਵਾ.

ਪਰਙ੍ਗਭੂਤੇ ਹੇਤੁਮ੍ਹਿ ਪਞ੍ਚਮੀ ਹੋਤਿ ਵਾ. ਜਲ਼ਤ੍ਤਾ ਬਦ੍ਧੋ, ਜਲ਼ਤ੍ਤੇਨਵਾ, ਪਞ੍ਞਾਯ ਮੁਤ੍ਤੋ, ਹੁਤ੍ਵਾ ਅਭਾਵਤੋ ਅਨਿਚ੍ਚਾ, ਸਙ੍ਖਾਰਨਿਰੋਧਾ ਵਿਞ੍ਞਾਣਨਿਰੋਧੋ. ਬਹੁਲਂਵਿਧਾਨਾ ਸਤ੍ਤਮ੍ਯਤ੍ਥੇਹਿਪਿ, ਤੇਨ ਸਮਯੇਨ, ਕਾਲੇਨ ਧਮ੍ਮਸਾਕਚ੍ਛਾ, ਪੁਰਤ੍ਥਿਮੇਨ ਧਤਰਟ੍ਠੋ, ਦਕ੍ਖਿਣੇਨ ਵਿਰੂਲ਼੍ਹਕੋ, ਉਤ੍ਤਰੇਨ ਕਪਿਲਵਤ੍ਥੁ, ਯੇਨ ਭਗਵਾ, ਤੇਨੁਪਸਙ੍ਕਮਿ, ਸੋ ਵੋ ਮਮ+ਚ੍ਚਯੇਨ ਸਤ੍ਥਾਤਿ. ਮਾਸੇਨ ਭੁਞ੍ਜਤਿ, ਏਕਾਹੇਨੇਵ ਬਾਰਾਣਸਿਂ ਪਾਵਿਸਿ, ਨਵਹਿ ਮਾਸੇਹਿ ਵਿਹਾਰਂ ਕਾਰਾਪੇਸਿ ¶ , ਕਹਾਪਣੇਨ ਊਨੋ, ਧਨੇਨ ਵਿਕਲੋ, ਅਸਿਨਾ ਕਲਹੋ, ਆਚਾਰੇਨ ਨਿਪੁਣੋ, ਗੁਲ਼ੇਨ ਮਿਸ੍ਸਕਂ, ਵਾਚਾਯ ਸਖਿਲੋ, ਮਣਿਨਾ ਅਤ੍ਥੋ, ਧਨੇਨ ਅਤ੍ਥੋ, ਯੋਜਨੇਨ ਗਚ੍ਛਤਿ ਇਚ੍ਚਾਦਿ ਹੇਤੁਮ੍ਹਿ ਕਰਣੇ ਵਾ ਤਤਿਯਾ. ਅਤ੍ਤਨਾਵ ਅਤ੍ਤਾਨਂ ਸਮ੍ਮਨ੍ਨਤੀਤਿ ਪਚ੍ਚਤ੍ਤੇ ਬਹੁਲਂਵਿਧਾਨਾ ਕਤ੍ਤਰਿ ਤਤਿਯਾ. ਏਵਂ ਤਿਲੇਹਿ ਖੇਤ੍ਤੇ ਵਪਤੀਤਿ ਕਮ੍ਮਤ੍ਥੇ, ਸੁਮੁਤ੍ਤਾ ਮਯਂ ਤੇਨ ਮਹਾਸਮਣੇਨਾਤਿ ਪਞ੍ਚਮ੍ਯਤ੍ਥੇ ਚ.

ਅਚੇਤਨਂ ਸਚੇਤਨਂ ਵਾ ਪਟਿਗ੍ਗਾਹਕਭਾਵੇਨਾ+ਪੇਕ੍ਖਿਤਂ, ਤਂ ਸਮ੍ਪਦਾਨਂ, ਤਞ੍ਚ ਦਾ-ਦਾਨੇਤਿ ਧਾਤੁਤੋ ਬ੍ਯਪ੍ਪੇਨ ਯੁਤ੍ਤਮੇਵ, ਤਤ੍ਥ ਚਤੁਤ੍ਥੀ ਹੋਤਿ. ਤਞ੍ਚ ਦੀਯਮਾਨਸ੍ਸ ਵਤ੍ਥੁਨੋ ਅਨਿਵਾਰਣ+ਜ੍ਝੇਸਨਾ+ਨੁਮਤਿਤੋ ਤਿਵਿਧੋ, ਯਥਾ ਬੁਦ੍ਧਸ੍ਸ ਪੁਪ੍ਫਂ ਦੇਤਿ, ਬੋਧਿਰੁਕ੍ਖਸ੍ਸ ਜਲਂ ਦੇਤਿ, ਯਾਚਕਸ੍ਸ ਧਨਂ ਦੇਤਿ, ਭਿਕ੍ਖੂਨਂ ਦਾਨਂ ਦੇਤਿ.

ਅਨਿਰਾਕਰਣਾ+ਰਾਧ-ਨ+ਬ੍ਭਨੁਞ੍ਞਵਸੇਨ ਹਿ;

ਸਮ੍ਪਦਾਨਂ ਤਿਧਾ ਵੁਤ੍ਤਂ, ਰੁਕ੍ਖ+ਯਾਚਕ+ਭਿਕ੍ਖਵੋ.

ਆਧਾਰਵਿਵਕ੍ਖਾਯਂ ਸਤ੍ਤਮੀਪਿ, ਸਙ੍ਘੇ ਗੋਤਮਿ ਦੇਹਿ, ਸਙ੍ਘੇ ਦਿਨ੍ਨੇ ਅਹਞ੍ਚੇਵ ਪੂਜਿਤੋ ਭਵਿਸ੍ਸਾਮਿ, ਯਾ ਪਲਾਲਮਯਂ ਮਾਲਂ, ਨਾਰੀ ਦਤ੍ਵਾਨ ਚੇਤਿਯੇਤਿ.

ਤਾਦਤ੍ਥ੍ਯੇ ਚਤੁਤ੍ਥੀ ਸਿਯਾ. ਤਦਤ੍ਥਸ੍ਸ ਭਾਵੇ, ਤਾਦਤ੍ਥ੍ਯਂ, ਤਸ੍ਮਿਂ ਤਦਤ੍ਥਭਾਵੇ ਜੋਤਨੀਯੇਵ ਚਤੁਤ੍ਥੀ ਸਿਯਾ. ਤਦਤ੍ਥਸ੍ਸ ਭਾਵੋਤਿ ਨਿਮਿਤ੍ਤਨਿਮਿਤ੍ਤੀਸਮ੍ਬਨ੍ਧੇ ¶ ਛਟ੍ਠੀ, ਤਸ੍ਮਾ ਛਟ੍ਠਾਪਵਾਦੋ+ਯਂ. ਸਮੇਪਿ ਨਿਮਿਤ੍ਤਨਿਮਿਤ੍ਤੀਨਂ ਸਮ੍ਬਨ੍ਧੇ ਨਿਮਿਤ੍ਤਭੂਤਯੂਪਤੋਵ ਚਤੁਤ੍ਥੀ, ਨੋ ਨਿਮਿਤ੍ਤੀਭੂਤਦਾਰੁਤੋ. ਯੂਪਾਯ ਦਾਰੁ, ਪਾਕਾਯ ਵਜਤਿ, ਬੁਦ੍ਧਸ੍ਸਤ੍ਥਾਯ ਜੀਵਿਤਂ ਪਰਿਚ੍ਚਜਾਮਿ, ਨੇਵ ਦਵਾਯ, ਨ ਮਦਾਯ, ਊਨਸ੍ਸ ਪਾਰਿਪੂਰਿਯਾ, ਅਤ੍ਥਾਯ ਹਿਤਾਯ ਸੁਖਾਯ ਸਂਵਤ੍ਤਤਿ, ਲੋਕਾਨੁਕਮ੍ਪਾਯ, ਫਾਸੁ ਵਿਹਾਰਾਯ.

ਇਚ੍ਚਾਯਂ ਕਚ੍ਚਾਯਨੇ ਉਪਰਿ ਵਕ੍ਖਮਾਨਸ੍ਸ ਚਤੁਤ੍ਥੀਤਿ ਸਾਧਿਤਤ੍ਤਾ ਇਧ ਛਟ੍ਠੀਤਿ ਦੀਪਨਤ੍ਥਂ ਵੁਚ੍ਚਤੇ –

ਕਸ੍ਸ ਸਾਦੁ ਨਰੁਚ੍ਚਤਿ, ਮਾ ਅਯਸ੍ਮਨ੍ਤਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ, ਖਮਤਿ ਸਙ੍ਘਸ੍ਸ, ਭਤ੍ਤ+ਮਸ੍ਸ ਨਚ੍ਛਾਦੇਤੀਤਿ ਛਟ੍ਠੀ ਸਮ੍ਬਨ੍ਧਵਚਨਿਚ੍ਛਾਯਂ, ਨ ਚੇ+ਵਂ ਵਿਰੋਧੋ ਸਿਯਾ, ਸਦਿਸਰੂਪਤ੍ਤਾ, ਏਵਂਵਿਧੇਸੁ ਚ ਸਮ੍ਬਨ੍ਧਸ੍ਸ ਸਦ੍ਦਿਕਾਨੁਮਤਤ੍ਤਾ. ਤਥਾ ਹਿ ਭਾਗਵੁਤ੍ਤਿਯਾ ‘‘ਉਪਪਦਵਿਭਤ੍ਤਿ ਛਟ੍ਠਿਯਾ+ਪਵਾਦਾ’’ਤਿ ਵੁਤ੍ਤਂ, ਸਦ੍ਦਨ੍ਤਰੇ ਵਿਹਿਤਾ ਵਿਭਤ੍ਤਿ ਉਪਪਦਵਿਭਤ੍ਤਿ.

ਕਸ੍ਸ ਵਾ ਤ੍ਵਂ ਧਮ੍ਮਂ ਰੋਚੇਸੀਤਿ ਅਤ੍ਥਮਤ੍ਤੇ ਪਠਮਾ, ਕਸ੍ਸ ਵਾ ਤੁਯ੍ਹਨ੍ਤਿ ਅਵਤ੍ਵਾ ਕਸ੍ਸ ਵਾ ਤ੍ਵਂ ਧਮ੍ਮਂ ਰੋਚੇਸੀਤਿ ਅਤ੍ਥਮਤ੍ਤੇ ਪਠਮਾਵਸੇਨ ਬ੍ਯਭਿਚਾਰਦਸ੍ਸਨਾ. ਏਵ+ਮਞ੍ਞਾਪਿ ਵਿਞ੍ਞੇਯ੍ਯਾ, ਪਰਤੋਪਿ ਯਥਾਗਮਂ.

ਰਞ੍ਞੋ ਸਤਂ ਧਾਰੇਤਿ ਰਞ੍ਞੋ ਛਤ੍ਤਂ ਧਾਰੇਤੀਤਿ ਸਮ੍ਬਨ੍ਧੇ ਛਟ੍ਠੀਵ. ਸਿਲਾਘ=ਕਥਨੇ, ਏਵਂ ਰਞ੍ਞੋ ਸਿਲਾਘਤੇ ਇਚ੍ਚਾਦਿ, ਥੁਤਿਂ ਕਰੋਤੀਤ੍ਯਤ੍ਥੋ. ਹਨੁ=ਅਪਨਯਨੇ, ਰਞ੍ਞੋ ਹਨੁਤੇ, ਵਞ੍ਚੇਤੀਤ੍ਯਤ੍ਥੋ. ਉਪਤਿਟ੍ਠੇਯ੍ਯ ਸਕ੍ਯਪੁਤ੍ਤਾਨਂ ਵਡ੍ਢਕੀ, ਉਪਗਚ੍ਛੇਯ੍ਯਾਤ੍ਯਤ੍ਥੋ. ਸਪ=ਅਕ੍ਕੋਸੇ, ਮਯ੍ਹਂ ਸਪਤੇ, ਸਚ੍ਚਂ ਕੁਰੁਤੇਤ੍ਯਤ੍ਥੋ ¶ . ਧਰ=ਧਾਰਣੇ, ਸੁਵਣ੍ਣਂ ਤੇ ਧਾਰਯਤੇ, ਇਣਂ ਤੇ ਧਾਰਯਤਿ, ਅਸ੍ਸ ਰਞ੍ਞੋ ਨਾਗਂ ਧਾਰਯਾਮ. ਪਿਹ=ਇਚ੍ਛਾਯਂ, ਦੇਵਾਪਿ ਤਸ੍ਸ ਪਿਹਯਨ੍ਤਿ ਤਾਦਿਨੋ, ਤੇਸਂ ਪਿਹਯਨ੍ਤਿ ਸਮ੍ਬੁਦ੍ਧਾਨਂ ਸਤੀਮਤਂ, ਪਿਹਯਨ੍ਤਿ=ਪਤ੍ਥੇਨ੍ਤਿ. ਤਸ੍ਸ ਕੁਜ੍ਝ ਮਹਾਵੀਰ, ਯਦਿ+ਹਂ ਤਸ੍ਸ ਪਕੁਪ੍ਪੇਯ੍ਯਂ, ਦੁਭਯਤਿ ਦਿਸਾਨਂ ਮੇਘੋ, ਯੋ ਮਿਤ੍ਤਾਨਂ ਨ ਦੂਭਤਿ, ਯੋ ਅਪ੍ਪਦੁਟ੍ਠਸ੍ਸ ਨਰਸ੍ਸ ਦੁਸ੍ਸਤਿ. ਇਸ੍ਸ=ਇਸ੍ਸਾਯਂ, ਤਿਤ੍ਥਿਯਾ ਇਸ੍ਸਯਨ੍ਤਿ ਸਮਣਾਨਂ. ਉਸੂਯ=ਦੋਸਾਵਿਕਰਣੇ, ਦੁਜ੍ਜਨਾ ਗੁਣਵਨ੍ਤਾਨਂ ਉਸ੍ਸੂਯਨ੍ਤਿ, ਕਾ ਉਸੁਯਾ ਵਿਜਾਨਤਂ. ਇਧ+ਸਿਧ+ਰਾਧ+ਸਾਧ=ਸਂਸਿਦ੍ਧਿਯਂ, ਆਰਾਧੋ ਮੇ ਰਞ੍ਞੋ, ਰਞ੍ਞੋ ਭਾਗ੍ਯ+ਮਾਰਜ੍ਝਤਿ, ਕ੍ਯਾ+ਹਂ ਅਯ੍ਯਾਨਂ ਅਪਰਜ੍ਝਾਮਿ, ਆਯਸ੍ਮਤੋ ਉਪਾਲਿਤ੍ਥੇਰਸ੍ਸ ਉਪਸਮ੍ਪਦਾਪੇਕ੍ਖੋ ਉਪਤਿਸ੍ਸੋ. ਭਿਕ੍ਖੂ ਭਗਵਤੋ ਪਚ੍ਚਸ੍ਸੋਸੁਂ, ਆਸੁਣਨ੍ਤਿ ਬੁਦ੍ਧਸ੍ਸ ਭਿਕ੍ਖੂ, ਤਸ੍ਸ ਭਿਕ੍ਖੁਨੋ ਜਨੋਅਨੁਗਿਣਾਤਿ, ਪਤਿਗਿਣਾਤਿ, ਸਾਧੁਕਾਰਦਾਨਾਦਿਨਾ ਤਂ ਉਸ੍ਸਹਤੀਤ੍ਯਤ੍ਥੋ. ਆਰੋਚਯਾਮਿ ਵੋ ਭਿਕ੍ਖਵੇ, ਪਟਿਵੇਦਯਾਮਿ ਵੋ, ਆਮਨ੍ਤਯਾਮਿ ਤੇ ਮਹਾਰਾਜ, ਧਮ੍ਮਂ ਤੇ ਦੇਸਿਸ੍ਸਾਮਿ, ਦੇਸੇਤੁ ਭਨ੍ਤੇ ਭਗਵਾ ਧਮ੍ਮਂ ਭਿਕ੍ਖੂਨਂ, ਯਥਾ ਨੋ ਭਗਵਾ ਬ੍ਯਾਕਰੇਯ੍ਯ, ਨਿਰੁਤ੍ਤਿਂ ਤੇ ਪਵਕ੍ਖਾਮਿ, ਅਲਂ ਮੇ ਰਜ੍ਜਂ, ਅਲਂ ਭਿਕ੍ਖੁ ਪਤ੍ਤਸ੍ਸ, ਅਲਂ ਮਲ੍ਲੋ ਮਲ੍ਲਸ੍ਸ, ਅਰਹਤਿ ਮਲ੍ਲੋ ਮਲ੍ਲਸ੍ਸ, ਅਲਂ ਤੇ ਇਧ ਵਾਸੇਨ, ਕਿਂ ਮੇ ਏਕੇਨ ਤਿਣ੍ਣੇਨਾਤਿ ਸਬ੍ਬਤ੍ਥ ਸਮ੍ਬਨ੍ਧੇ ਛਟ੍ਠੀ.

ਏਵਂ ਆਯੁ ਭੋਤੋ ਹੋਤੁ, ਚਿਰਂ ਜੀਵਿਤਂ, ਭਦ੍ਦਂ, ਕਲ੍ਯਾਣਂ, ਅਤ੍ਥਂ, ਪਯੋਜਨਂ, ਕੁਸਲਂ, ਅਨਾਮਯਂ, ਹਿਤਂ, ਪਤ੍ਥਂ, ਸੁਖਂ, ਸਾਤਂ, ਭੋਤੋ ਹੋਤੁ, ਸਾਧੁ ਸਮ੍ਮੁਤਿ ਮੇ ਤਸ੍ਸ, ਪੁਤ੍ਤਸ੍ਸਾ+ਵਿਕਰੇਯ੍ਯ ਗੁਯ੍ਹ+ਮਤ੍ਥਂ, ਤਸ੍ਸ ਮੇ ਸਕ੍ਕੋ ਪਾਤੁਰਹੋਸਿ, ਤਸ੍ਸ ਪਹਿਣੇਯ੍ਯ, ਭਿਕ੍ਖੂਨਂ ਦੂਤਂ ਪਾਹੇਸਿ, ਕਪ੍ਪਤਿ ਸਮਣਾਨਂ ਆਯੋਗੋ ¶ , ਏਕਸ੍ਸ ਦ੍ਵਿਨ੍ਨਂ ਤਿਣ੍ਣਂ ਵਾ ਪਹੋਤਿ, ਉਪਮਂ ਤੇ ਕਰਿਸ੍ਸਾਮਿ, ਅਞ੍ਜਲਿਂਤੇ ਪਗ੍ਗਣ੍ਹਾਮਿ, ਤਸ੍ਸ ਫਾਸੁ, ਲੋਕਸ੍ਸ+ਤ੍ਥੋ, ਨਮੋ ਤੇ ਪੁਰਿਸਾਜਞ੍ਞ, ਸੋਤ੍ਥਿ ਤਸ੍ਸ, ਸਮਤ੍ਥੋ ਮਲ੍ਲੋ ਮਲ੍ਲਸ੍ਸ, ਤਸ੍ਸ ਹਿਤਂ, ਤਸ੍ਸ ਸੁਖਂ, ਸ੍ਵਾਗਤਂ ਤੇ ਮਹਾਰਾਜਾਤਿ ਸਬ੍ਬਤ੍ਥ ਸਮ੍ਬਨ੍ਧੇ ਛਟ੍ਠੀ.

ਪਦਤ੍ਥਾਵਧਿਸ੍ਮਾ ਪਞ੍ਚਮੀਵਿਭਤ੍ਤਿ ਹੋਤਿ.

ਸਮੇਪ੍ਯ+ਪਗਮੇ ਦ੍ਵਿਨ੍ਨਂ, ਪੁਬ੍ਬਰੂਪਾ ਯ+ਦਚ੍ਚੁਤਂ;

ਵੁਚ੍ਚਤੇ ਤ+ਦਪਾਦਾਨਂ, ਤਂ ਚਲਾਚਲਤੋ ਦ੍ਵਿਧਾ;

ਯਥਾ+ਸ੍ਸਾ ਧਾਵਤਾ ਪੋਸੋ, ਪਤੋ, ਰੁਕ੍ਖਾਫਲਨ੍ਤਿ ਚ.

ਤਤ੍ਥ ਚਲਾਵਧਿ ਧਾਵਤਾ ਅਸ੍ਸਾ ਪੁਰਿਸੋ ਪਤਤਿ, ਅਚਲਾਵਧਿ ਪਬ੍ਬਤਾ ਓਤਰਨ੍ਤਿ ਵਨਚਾਰਕਾਤਿ.

ਤਞ੍ਚ ਅਵਧਿ ਵਿਸਯਕ੍ਰਿਯਾਵਿਸੇਸਸ੍ਸ ਨਿਦ੍ਦਿਟ੍ਠਤ੍ਤਾ ਨਿਦ੍ਦਿਟ੍ਠਵਿਸਯਂ, ਯਤ੍ਥ ਅਪ ਅਪਗਮਨਕ੍ਰਿਯਂ ਉਪਾਤ੍ਤਂ=ਅਜ੍ਝਾਹਟਂ ਵਿਸਯਂ ਕਤ੍ਵਾ ਪਵਤ੍ਤਤਿ, ਤਂ ਉਪਾਤ੍ਤਂ. ਯਂ ਕੇਨਚਿ ਗੁਣੇਨ ਉਕ੍ਕਂਸਿਯਤਿ, ਤਂ ਅਨੁਮੇਯ੍ਯਂ. ਯਥਾ ਗਾਮਾ ਅਪੇਨ੍ਤਿ ਮੁਨਯੋ, ਨਗਰਾ ਨਿਗ੍ਗਤੋ ਰਾਜਾ, ਪਾਪਾ ਚਿਤ੍ਤਂ ਨਿਵਾਰੇਨ੍ਤਿ. ਵਲਾਹਕਾ ਵਿਜ੍ਜੋਤਤੇ, ਕੁਸੁਲਤੋ ਪਚਤੀਤਿ. ਏਤ੍ਥ ਚ ਵਲ਼ਾਹਕਾ ਨਿਕ੍ਖਮ੍ਮ, ਕੁਸੁਲਤੋ ਅਪਨੇਤ੍ਵਾਤਿ ਚ ਪੁਬ੍ਬਕ੍ਰਿਯਾ ਅਜ੍ਝਾਹਰੀਯਤਿ. ਮਥੁਰਾ ਪਾਟਲਿਪੁਤ੍ਤਕੇਹਿ ਅਭਿਰੂਪਾਤਿ ਅਨੁਮੀਯਤਿ. ਵੁਤ੍ਤਞ੍ਹਿ –

ਨਿਦ੍ਦਿਟ੍ਠਵਿਸਯਂ ਕਿਞ੍ਚਿ, ਉਪਾਤ੍ਤਵਿਸਯਂ ਤਥਾ;

ਅਨੁਮੇਯ੍ਯਵਿਸਯਞ੍ਚੇਤਿ, ਤਿਧਾ+ਹੁ ਅਵਧਿਂ ਬੁਧਾਤਿ.

ਭਯਹੇਤੁਮ੍ਹਿ-ਚੋਰਾ ¶ ਭਯਂ ਜਾਯਤਿ, ਤਣ੍ਹਾਯ ਜਾਯਤਿ ਭਯਂ, ਪਾਪਤੋ ਉਤ੍ਤਸਤਿ, ਨਤ੍ਥਿ ਸੋਕੋ ਕੁਤੋ ਭਯਂ. ਅਕ੍ਖਾਤਰਿ-ਉਪਜ੍ਝਾਯਾ ਸਿਕ੍ਖਂ ਗਣ੍ਹਾਤਿ, ਆਚਰਿਯਮ੍ਹਾ ਅਧੀਤੋ ਸੁਣਾਤਿ ਵਾ. ਬੁਦ੍ਧਸ੍ਮਾ ਪਰਾਜੇਨ੍ਤਿ ਅਞ੍ਞਤਿਤ੍ਥਿਯਾ, ਪਰਾਜਿਤਾ ਭਵਨ੍ਤੀਤ੍ਯਤ੍ਥੋ. ਹਿਮਵਤਾ ਪਭਵਤਿ ਗਙ੍ਗਾ, ਅਚਿਰਵਤਿਯਾ ਪਭਵਨ੍ਤਿ ਕੁਨ੍ਨਦਿਯੋ. ਉਰਸ੍ਮਾ ਜਾਤੋ ਪੁਤ੍ਤੋ, ਕਮ੍ਮਤੋ ਜਾਤਂ ਇਨ੍ਦ੍ਰਿਯਂ, ਉਪਜ੍ਝਾਯਾ ਅਨ੍ਤਰਧਾਯਤਿ ਸਿਸ੍ਸੋ, ਮਾਤਾਪਿਤੂਹਿ ਅਨ੍ਤਰਧਾਰਯਤਿ ਪੁਤ੍ਤੋ, ਨਿਲੀਯਤੀਤ੍ਯਤ੍ਥੋ. ਦੂਰਤ੍ਥਯੋਗੇਕੀਵਦੂਰੋ ਇਤੋ ਨਲ਼ਕਾਰਗਾਮੋ, ਤਤੋ ਹਵੇ ਦੂਰਤਰਂ ਵਦਨ੍ਤਿ, ਗਾਮਤੋ ਨਾਤਿਦੂਰੇ, ਆਰਕਾ ਤੇ ਮੋਘਪੁਰਿਸਾ ਇਮਸ੍ਮਾ ਧਮ੍ਮਵਿਨਯਾ, ਆਰਕਾ ਤੇਹਿ ਭਗਵਾ ਦੂਰਤੋਵ ਨਮਸ੍ਸਨ੍ਤਿ, ਅਦ੍ਦਸ ਦੂਰਤੋਵ ਆਗਚ੍ਛਨ੍ਤਂ. ਅਨ੍ਤਿਕਤ੍ਥਯੋਗੇ-ਅਨ੍ਤਿਕਂ ਗਾਮਾ, ਆਸਨ੍ਨਂ ਗਾਮਾ, ਸਮੀਪਂ ਗਾਮਾ. ਪਰਿਮਾਣੇ-ਇਤੋ ਮਥੁਰਾਯ ਚਤੂਸੁ ਯੋਜਨੇਸੁ ਸਂਕਸ੍ਸਂ, ਰਾਜਗਹਤੋ ਪਞ੍ਚਚਤ੍ਤਾਲੀਸਯੋਜਨਮਤ੍ਥਕੇ ਸਾਵਤ੍ਥਿ. ਕਾਲਪਰਿਮਾਣੇ-ਇਤੋ ਏਕਨਵੁਤਿਕਪ੍ਪਮਤ੍ਥਕੇ, ਇਤੋ ਵਸ੍ਸਸਤਸਹਸ੍ਸਸ੍ਸ ਅਚ੍ਚਯੇਨ ਬੁਦ੍ਧੋ ਲੋਕੇ ਉਪ੍ਪਜ੍ਜਿਸ੍ਸਤਿ. ਪਾਸਾਦਾ ਸਂਕਮੇਯ੍ਯ, ਪਾਸਾਦਂ ਅਭਿਰੁਹਿਤ੍ਵਾ ਸਂਕਮੇਯ੍ਯਾਤਿ ਅਤ੍ਥੋ, ਤਥਾ ਹਤ੍ਥਿਕ੍ਖਨ੍ਧਾ ਸਂਕਮੇਯ੍ਯ, ਅਭਿਧਮ੍ਮਾ ਪੁਚ੍ਛਨ੍ਤਿ, ਅਭਿਧਮ੍ਮਂ ਸੁਤ੍ਵਾਤਿ ਅਤ੍ਥੋ, ਆਸਨਾ ਵੁਟ੍ਠਹੇਯ੍ਯ. ਦਿਸਤ੍ਥਵਾਚੀਹਿ ਯੋਗੇ-ਇਤੋ ਸਾ ਪੁਰਿਮਾ ਦਿਸਾ, ਇਤੋ ਸਾ ਦਕ੍ਖਿਣਾ ਦਿਸਾ, ਅਵੀਚਿਤੋ ਯਾਵ ਭਵਗ੍ਗਂ, ਉਦ੍ਧਂ ਪਾਦਤਲਾ, ਅਧੋ ਕੇਸਮਤ੍ਥਕਾ. ਵਿਭਜਨੇ-ਯਤੋ ਪਣੀਤਤਰੋ ਵਾ ਵਿਸਿਟ੍ਠਤਰੋ ਵਾ ਨਤ੍ਥਿ, ਅਤ੍ਤਦਨ੍ਤੋ ਤਤੋ ਵਰਂ, ਕਿਞ੍ਚਾਪਿ ਦਾਨਤੋ ਸੀਲਂ ਵਰਂ, ਤਤੋ ਮਯਾ ਬਹੁਤਰਂ ਸੁਤਂ, ਸੀਲਮੇਵ ਸੁਤਾ ਸੇਯ੍ਯੋ. ਆਰਤਿਪ੍ਪਯੋਗੇ-ਆਰਤਿ ਵਿਰਤਿ ਪਾਪਾ, ਪਾਣਾਤਿਪਾਤਾ ¶ ਵੇਰਮਣਿ, ਅਦਿਨ੍ਨਾਦਾਨਾ ਪਟਿਵਿਰਤੋ, ਅਪ੍ਪਟਿਵਿਰਤਾ ਮੁਸਾਵਾਦਾ. ਸੁਦ੍ਧਤ੍ਥਯੋਗੇ-ਲੋਭਨੀਯੇਹਿ ਧਮ੍ਮੇਹਿ ਸੁਦ੍ਧੋ, ਮਾਤੁਤੋ ਚ ਪਿਤੁਤੋ ਚ ਸੁਦ੍ਧੋ ਅਨੁਪਕ੍ਕੁਟ੍ਠੋ. ਪਮੋਚਨਤ੍ਥਯੋਗੇ-ਪਰਿਮੁਤ੍ਤੋ ਦੁਕ੍ਖਸ੍ਮਾਤਿ ਵਦਾਮਿ, ਮੁਤ੍ਤੋ+ਸ੍ਮਿ ਮਾਰਬਨ੍ਧਨਾ, ਨ ਤੇ ਮੁਚ੍ਚਨ੍ਤਿ ਮਚ੍ਚੁਨਾ, ਮੁਤ੍ਤੋ+ਹਂ+ਸਬ੍ਬਪਾਸੇਹਿ. ਵਿਵੇਚਨੇ-ਵਿਵਿਚ੍ਚੇਵ ਕਾਮੇਹਿ, ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ. ਪਮਾਣਤ੍ਥੇ-ਆਯਾਮਤੋ ਚ ਵਿਤ੍ਥਾਰਤੋ ਚ ਯੋਜਨਂ, ਗਮ੍ਭੀਰਤੋ ਚ ਪੁਥੁਲਤੋ ਚ ਯੋਜਨਂ ਚਨ੍ਦਭਾਗਾਯ ਪਰਿਮਾਣਂ, ਪਰਿਕ੍ਖੇਪਤੋ ਨਵਯੋਜਨਸਤਪਰਿਮਾਣੋ ਮਜ੍ਝਿਮਦੇਸੋ. ਪੁਬ੍ਬਾਦਿਯੋਗੇ-ਪੁਬ੍ਬੇਵ ਮੇ ਭਿਕ੍ਖਵੇ ਸਮ੍ਬੋਧਾ, ਇਤੋ ਪੁਬ੍ਬੇ ਨਾਹੋਸਿ, ਤਤੋ ਪਰਂ ਪਚ੍ਚਨ੍ਤਿਮਾ ਜਨਪਦਾ, ਤਤੋ ਅਪਰੇਨ ਸਮਯੇਨ. ਪਞ੍ਹੇ-ਕੁਤੋ+ਸਿ ਤ੍ਵਂ, ਕੁਤੋ ਭਵਂ, ਪਾਟਲਿਪੁਤ੍ਤਤੋ. ਕਿਚ੍ਛਾ ਲਦ੍ਧਨ੍ਤਿ ਗੁਣੇ ਪਞ੍ਚਮੀ, ਕਿਚ੍ਛੇਨ ਮੇ ਅਧਿਗਤਨ੍ਤਿ ਹੇਤੁਮ੍ਹਿ ਕਰਣੇ ਵਾ ਤਤਿਯਾ, ਏਵਂ ਥੋਕਾ ਮੁਤ੍ਤੋ, ਥੋਕੇਨ ਮੁਤ੍ਤੋਤਿ.

ਕਥਂ ‘‘ਥੋਕਂ ਚਲਤੀ’’ਤਿ, ਕ੍ਰਿਯਾਵਿਸੇਸਨੇ ਕਮ੍ਮਨਿ ਦੁਤਿਯਾ, ਥੋਕਂ ਚਲਨਂ ਕਰੋਤੀਤ੍ਯਤ੍ਥੋ, ਥੋਕਨ੍ਤਿ ਚਲਨਕ੍ਰਿਯਾਯ ਵਿਸੇਸਨਤ੍ਤਾ ਕ੍ਰਿਯਾਵਿਸੇਸਨਂ.

ਕ੍ਰਿਯਾਵਿਸੇਸਨਂ ਨਾਮ, ਕਮ੍ਮਤ੍ਤੇ+ਕਤ੍ਤਸਣ੍ਠਿਤਾ;

ਨ੍ਯਾਯਸਿਦ੍ਧਂ ਯਤੋ ਤਸ੍ਮਾ, ਤਦਤ੍ਥਂ ਨ ਵਿਸੁਂ ਵਿਧਿ.

ਨ੍ਯਾਯਸਿਦ੍ਧਂਵ=ਚਲਨਨ੍ਤਿ ਯਸ੍ਮਾ ਭਾਵੇ ਅਨੋ, ਤਸ੍ਮਾ ਭਾਵਸ੍ਸੇ+ਕਤ੍ਤਾ ਏਕਵਚਨਨ੍ਤਿ ਞਾਯਾ ਏਕਤ੍ਤਞ੍ਚ, ਭਾਵੇ ਅਨਤ੍ਤਾ ਨਪੁਂਸਕਤ੍ਤਞ੍ਚ, ਕਰੋਤਿਕ੍ਰਿਯਾਯ ਸਮ੍ਬਨ੍ਧੇਨ ਕਮ੍ਮਤ੍ਤਞ੍ਚ ਸਿਜ੍ਝਤੀਤਿ. ਕਰ+ਭੂਧਾਤਵੋ ਚ –

ਕਾਰਿਯਰੂਪਾਭਿਧਾਤ੍ਵਤ੍ਥਾ ¶ , ਸਬ੍ਬੇ ਸਤ੍ਤਾਯ ਯੁਜ੍ਜਰੇ;

ਤਤੋ ਕ੍ਰਿਯਾ ਚ ਭਾਵੋ ਚ, ਸਾਮਞ੍ਞਂ ਤੇਸੁ ਗਮ੍ਯਤੇ –

ਥੋਕਤ੍ਥੇ-ਥੋਕਾ ਮੁਚ੍ਚਤਿ. ਸਬ੍ਬਤ੍ਥ ਸਵਿਸਯੇ ਪਞ੍ਚਮੀ. ਏਤ੍ਥ ‘‘ਵਿਵਕ੍ਖਾ ਲੋਕਿਕਾ ਸਾ ਚ, ਨ ਸਕ੍ਕਾ ਅਨਿਵਤ੍ਤਿਤੁਂ’’ਤਿ ਵੁਤ੍ਤਤ੍ਤਾ ਅਨਿਟ੍ਠਪ੍ਪਸਙ੍ਗੋ ਨ ਸਿਯਾ. ਮਰਿਯਾਦਾਯਂ-ਆਪਬ੍ਬਤਾ ਖੇਤ੍ਤਂ. ਅਭਿਵਿਧਿਮ੍ਹਿ-ਆਬ੍ਰਹ੍ਮਲੋਕਾ ਸਦ੍ਦੋ ਅਬ੍ਭੁਗ੍ਗਚ੍ਛਤਿ, ਪਬ੍ਬਤਂ ਵਜ੍ਜੇਤ੍ਵਾ, ਬ੍ਰਹ੍ਮਲੋਕਮ੍ਹਿ ਬ੍ਯਾਪੇਤ੍ਵਾਤਿ ਚ ਅਤ੍ਥੋ. ਏਤ੍ਥ ਵਜ੍ਜਮਾਨਸੀਮਾ ਮਰਿਯਾਦਾ, ਗਯ੍ਹਮਾਨਸੀਮਾ ਅਭਿਵਿਧਿ.

ਵਜ੍ਜਨੇ ਵਤ੍ਤਮਾਨੇਹੀ ਅਪਪਰੀਹਿ ਯੋਗੇ ਪਞ੍ਚਮੀ ਹੋਤਿ. ਅਪਸਾਲਾਯ ਆਯਨ੍ਤਿ ਵਾਣਿਜਾ, ਪਰਿਸਾਲਾਯ ਆਯਨ੍ਤਿ ਵਾਣਿਜਾ, ਸਾਲਂ ਵਜ੍ਜੇਤ੍ਵਾਤਿ ਅਤ੍ਥੋ.

ਪਟਿਨਿਧਿਮ੍ਹਿ ਪਤਿਦਾਨੇ ਚ ਵਤ੍ਤਮਾਨੇਨ ਪਤਿਨਾ ਯੋਗੇ ਨਾਮਸ੍ਮਾ ਪਞ੍ਚਮੀ ਹੋਤਿ. ਬੁਦ੍ਧਸ੍ਮਾ ਪਤਿ ਸਾਰਿਪੁਤ੍ਤੋ, ਘਤ+ਮਸ੍ਸ ਤੇਲਸ੍ਮਾ ਪਤਿ ਦਦਾਤਿ.

ਰਿਤੇਸਦ੍ਦਯੋਗੇ ਨਾਮਸ੍ਮਾ ਦੁਤਿਯਾ ਹੋਤਿ ਪਞ੍ਚਮੀ ਚ. ਰਿਤੇ ਸਦ੍ਧਮ੍ਮਾ, ਰਿਤੇ ਸਦ੍ਧਮ੍ਮਂ.

ਵਿਨਾ+ਞ੍ਞਤ੍ਰਯੋਗੇ ¶ ਨਾਮਸ੍ਮਾ ਤਤਿਯਾ ਦੁਤਿਯਾ ਪਞ੍ਚਮੀ ਚ. ਵਿਨਾ ਵਾਤੇਨ, ਵਿਨਾ ਵਾਤਂ, ਵਿਨਾ ਵਾਤਸ੍ਮਾ. ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ, ਅਞ੍ਞਤ੍ਰ ਧਮ੍ਮਂ, ਅਞ੍ਞਤ੍ਰ ਧਮ੍ਮਾ.

ਏਤੇਹਿ ਯੋਗੇ ਤਤਿਯਾ ਹੋਤਿ ਪਞ੍ਚਮੀ ਚ. ਭਿਨ੍ਨਯੋਗਕਰਣਂ ਦੁਤਿਯਾਨਿਵਤ੍ਤਨਤ੍ਥਂ. ਪੁਥਗੇਵ ਜਨੇਨ, ਪੁਥਗੇਵ ਜਨਸ੍ਮਾ, ਜਨੇਨ ਨਾਨਾ, ਜਨਸ੍ਮਾ ਨਾਨਾ.

ਸਮ੍ਬਨ੍ਧੇ ਛਟ੍ਠੀ ਹੋਤਿ. ਰਞ੍ਞੋ ਪੁਰਿਸੋਤਿ ਵੁਤ੍ਤੇ ਯਸ੍ਮਾ ਰਾਜਾ ਦਦਾਤਿ, ਪੁਰਿਸੋ ਗਣ੍ਹਾਤਿ, ਤਸ੍ਮਾ ਰਾਜਪੁਰਿਸੋਤਿ ਵਿਞ੍ਞਾਯਤਿ. ਏਵਮੇਵ ਯੋ ਯਸ੍ਸ ਆਯਤ੍ਤੋ ਸੇਵਕਾਦਿਭਾਵੇਨ ਭਣ੍ਡਭਾਵੇਨ ਵਾ ਸਮੀਪ+ਸਮੂਹਾ+ਵਯਵ+ਵਿਕਾਰ+ਕਾਰਿਯ+ਅਵਤ੍ਥਾ+ਜਾਤਿ+ਗੁਣ+ਕ੍ਰਿਯਾਦਿਵਸੇਨ ਵਾ, ਠਾਨੀਵਸੇਨ ਵਾ, ਆਗਮੀਵਸੇਨ ਵਾ, ਸੋ ਤਿਵਿਧੋਪਿ ਅਤ੍ਥੋ ਸਮ੍ਬਨ੍ਧੋ ਨਾਮ. ਵੁਤ੍ਤਞ੍ਹਿ –

ਕ੍ਰਿਯਾਕਾਰਕਸਞ੍ਜਾਤੋ, ਅਸ੍ਸੇ+ਦਂਭਾਵਹੇਤੁਕੋ;

ਸਮ੍ਬਨ੍ਧੋ ਨਾਮ ਸੋ ਅਤ੍ਥੋ, ਤਤ੍ਥ ਛਟ੍ਠੀ ਵਿਧੀਯਤੇ.

ਪਾਰਤਨ੍ਤ੍ਯਞ੍ਹਿ ਸਮ੍ਬਨ੍ਧੋ, ਤਤ੍ਥ ਛਟ੍ਠੀ ਭਵੇ ਤਿਤੋ;

ਉਪਾਧਿ+ਠਾਨ੍ਯਾ+ਗਮਿਤੋ, ਨ ਵਿਸੇਸ੍ਸਾਦਿਤੋ ਤਿਤੋਤਿ.

ਉਪਾਧਿਸਙ੍ਖਾਤਵਿਸੇਸਨਤੋ ਤਾਵ-ਰਞ੍ਞੋ ਪੁਰਿਸੋ. ਏਤ੍ਥ ਚ ਬ੍ਰਾਹ੍ਮਣਾਦਿਸਾਮਿਤੋ ਨਿਵਤ੍ਤੇਤੀਤਿ ਰਾਜਾ ਵਿਸੇਸਨਂ, ਪੁਰਿਸੋ ਤੇਨ ¶ ਵਿਸੇਸਿਯਤੀਤਿ ਵਿਸੇਸ੍ਸੋ. ਭਣ੍ਡਸਮ੍ਬਨ੍ਧਤੋ-ਪਹੁਤਂ ਮੇ ਧਨਂ ਸਕ੍ਕ, ਏਕਸ੍ਸ ਪਟਿਵੀਸੋ, ਭਿਕ੍ਖੁਸ੍ਸ ਪਤ੍ਤਚੀਵਰਂ. ਸਮੀਪਤੋ-ਅਮ੍ਬਵਨਸ੍ਸ ਅਵਿਦੂਰੇ, ਨਿਬ੍ਬਾਨਸ੍ਸੇਵ ਸਨ੍ਤਿਕੇ. ਸਮੂਹੇ-ਸੁਵਣ੍ਣਸ੍ਸ ਰਾਸਿ, ਭਿਕ੍ਖੂਨਂ ਸਮੂਹੋ. ਅਵਯਵੇ-ਮਨੁਸ੍ਸਸ੍ਸੇਵ ਤੇ ਸੀਸਂ, ਰੁਕ੍ਖਸ੍ਸ ਸਾਖਾ. ਵਿਕਾਰੇ-ਸੁਵਣ੍ਣਸ੍ਸ ਵਿਕਤਿ, ਭਟ੍ਠਧਞ੍ਞਾਨਂ ਸਤ੍ਤੁ. ਕਾਰਿਯੇ-ਯਵਸ੍ਸ ਅਙ੍ਕੁਰੋ, ਮੇਘਸ੍ਸ ਸਦ੍ਦੋ, ਪੁਤ੍ਤਾਪਿ ਤਸ੍ਸ ਬਹਵੋ, ਕਮ੍ਮਾਨਂ ਫਲਂ ਵਿਪਾਕੋ. ਅਵਤ੍ਥਾਯਂ-ਖਨ੍ਧਾਨਂ ਪਾਤੁਭਾਵੋ, ਜਰਾ, ਭੇਦੋ ਵਾ. ਜਾਤਿਯਂ-ਮਨੁਸ੍ਸਸ੍ਸ ਭਾਵੋ, ਮਨੁਸ੍ਸਾਨਂ ਜਾਤਿ. ਗੁਣੇ-ਸੁਵਣ੍ਣਸ੍ਸ ਵਣ੍ਣੋ, ਵਣ੍ਣੋ ਨ ਖੀਯੇਥ ਤਥਾਗਤਸ੍ਸ ਬੁਦ੍ਧਸ੍ਸ ਗੁਣਘੋਸੋ, ਪੁਪ੍ਫਾਨਂ ਗਨ੍ਧੋ, ਫਲਾਨਂ ਰਸੋ, ਚਿਤ੍ਤਸ੍ਸ ਫੁਸਨਾ, ਸਿਪ੍ਪਿਕਾਨਂ ਸਤਂ ਨਤ੍ਥਿ, ਤਿਲਾਨਂ ਮੁਟ੍ਠਿ, ਤੇਸਂ ਸਮਾਯੋਗੋ, ਸਨ੍ਧਿਨੋ ਵਿਮੋਕ੍ਖੋ, ਤਥਾਗਤਸ੍ਸ ਪਞ੍ਞਾਪਾਰਮਿਂ ਆਰਬ੍ਭ, ਸੁਖਂ ਤੇ, ਦੁਕ੍ਖਂ ਤੇ, ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ, ਪਞ੍ਞਾਯ ਪਟੁਭਾਵੋ, ਰੂਪਸ੍ਸ ਲਹੁਤਾ, ਮੁਦੁਤਾ ਵਾ, ਉਪਚਯੋ ਵਾ. ਕ੍ਰਿਯਾਸਮ੍ਬਨ੍ਧੇ-ਪਾਦਸ੍ਸ ਉਕ੍ਖੇਪਨਂ, ਅਵਕ੍ਖੇਪਨਂ ਵਾ, ਹਤ੍ਥਸ੍ਸ ਸਮਿਞ੍ਜਨਂ, ਦਾਨਂ, ਪਸਾਰਣਂ, ਧਾਤੂਨਂ ਗਮਨਂ, ਠਾਨਂ, ਨਿਸਜ੍ਜਾ, ਸਯਨਂ ਵਾ, ਤਥਾਗਤਸ੍ਸ ਨਾਮਗੋਤ੍ਤਾਦਿ, ਤਸ੍ਸ ਕਾਰਣਂ, ਤਸ੍ਸ ਮਾਤਾਪਿਤਰੋ, ਤਸ੍ਸ ਪੁਰਤੋ ਪਾਤੁਰਹੋਸਿ, ਨਗਰਸ੍ਸ ਦਕ੍ਖਿਣਤੋ, ਵਸ੍ਸਾਨਂ ਤਤਿਯੇ ਮਾਸੇ, ਨ ਤਸ੍ਸ ਉਪਮਾ, ਕੁਵੇਰਸ੍ਸ ਬਲਿ ਇਚ੍ਚਾਦਿ. ਅਪਿ ਚ –

ਗਾਵਸ੍ਸ ਜਾਤਿ, ਧਵਲੋ, ਗਤਿ, ਸਿਙ੍ਗਂ, ਨਾਮਨ੍ਤਿ+ਧ;

ਦਬ੍ਬਸ੍ਸਾਪਿ ਚ ਜਾਤ੍ਯਾਦਿ, ਵਿਸੇਸ੍ਸਾ ਹੋਨ੍ਤਿ ਕਾਮਤੋ.

ਗੋਤ੍ਤਞ੍ਚ ¶ ਸਬਲੋਦਿਸ੍ਸ, ਪਾਕ+ਮਨ੍ਨਸ੍ਸ ਸੁਕ੍ਕਤਾ;

ਪਟਸ੍ਸ, ਸਿਙ੍ਗਂਮੇਣ੍ਡਸ੍ਸ, ਨਾ+ਞ੍ਞੇਸਂਤਿ ਵਿਸੇਸ੍ਸਤੇ.

ਠਾਨਿਤੋ-ਯੁਵਣ੍ਣਾਨ+ਮੇਓ ਲੁਤ੍ਤਾ. ਆਗਮਿਤੋ-ਸੁਞ ਸਸ੍ਸ. ਸਾਮਿਯੋਗੇ-ਦੇਵਾਨ+ਮਿਨ੍ਦੋ, ਮਿਗਾਨਂ ਰਾਜਾ. ਰੁਜਾਦਿਯੋਗੇ-ਦੇਵਦਤ੍ਤਸ੍ਸ ਰੁਜਤਿ, ਤਸ੍ਸ ਰੋਗੋ ਉਪ੍ਪਜ੍ਜਿ, ਮਹਾਸੇਨਾਪਤੀਨਂ ਉਜ੍ਝਾਪੇਤਬ੍ਬਂ, ਰਜਕਸ੍ਸ ਵਤ੍ਥਂ ਦਦਾਤਿ, ਮੁਸਾਵਾਦਸ੍ਸ ਓਤ੍ਤਪ੍ਪਂ ਇਚ੍ਚਾਦਿ. ਯਜਸ੍ਸ ਯੋਗੇ-ਪੁਪ੍ਫਸ੍ਸ ਬੁਦ੍ਧਸ੍ਸ ਯਜਤਿ, ਪੁਪ੍ਫੇਨਾਤ੍ਯਤ੍ਥੋ. ਏਵਂ ਘਤਸ੍ਸ ਅਗ੍ਗਿਂ ਜੁਹਤਿ. ਸੁਹਿਤਤ੍ਥੇ-ਪਤ੍ਤਂ ਓਦਨਸ੍ਸ ਪੂਰੇਤ੍ਵਾ, ਪੂਰਂ ਨਾਨਾਪਕਾਰਸ੍ਸ ਅਸੁਚਿਨੋ, ਪੂਰਂ ਹਿਰਞ੍ਞਸੁਵਣ੍ਣਸ੍ਸ, ਪੂਰਤਿ ਬਾਲੋ ਪਾਪਸ੍ਸ. ਕਿਤਕਪ੍ਪਯੋਗੇ-ਬਹੁਲਂਵਿਧਾਨਾ ਛਟ੍ਠੀ, ਰਞ੍ਞੋ ਸਮ੍ਮਤੋ, ਪੂਜਿਤੋ, ਸਕ੍ਕਤੋ, ਅਪਚਿਤੋ, ਮਾਨਿਤੋ ਵਾ, ਅਮਤਂ ਤੇਸਂ ਭਿਕ੍ਖਵੇ ਅਪਰਿਭੁਤ੍ਤਂ, ਯੇਸਂ ਕਾਯਗਤਾ ਸਤਿ ਅਪਰਿਭੁਤ੍ਤਾ, ਸਾਧੁਸਮ੍ਮਤੋ ਬਹੁਜਨਸ੍ਸ, ਸੁਪ੍ਪਟਿਵਿਦ੍ਧਾ ਬੁਦ੍ਧਾਨਂ ਧਮ੍ਮਧਾਤੁ, ਧਮ੍ਮਸ੍ਸ ਗੁਤ੍ਤੋ ਮੇਧਾਵੀ. ਕਮ੍ਮਤ੍ਥੇ-ਤਸ੍ਸ ਭਵਨ੍ਤਿ ਵਤ੍ਤਾਰੋ, ਸਹਸਾ ਕਮ੍ਮਸ੍ਸ ਕਤ੍ਤਾਰੋ, ਅਮਤਸ੍ਸ ਦਾਤਾ, ਭਿਨ੍ਨਾਨਂ ਸਨ੍ਧਾਤਾ, ਸਹਿਤਾਨਂ ਅਨੁਪ੍ਪਦਾਤਾ, ਬੋਧੇਤਾ ਪਜਾਯ, ਕਮ੍ਮਸ੍ਸ ਕਾਰਕੋ ਨਤ੍ਥਿ, ਵਿਪਾਕਸ੍ਸ ਚ ਵੇਦਕੋ, ਅਵਿਸਂਵਾਦਕੋ ਲੋਕਸ੍ਸ, ਚਤੁਨ੍ਨਂ ਮਹਾਭੂਤਾਨਂ ਉਪਾਦਾਯ ਪਸਾਦੋ. ਸਰਤਿ+ਚ੍ਛਾਯੋਗੇ-ਮਾਤੁ ਸਰਤਿ, ਨ ਤੇਸਂ ਕੋਚਿ ਸਰਤਿ, ਸਤ੍ਤਾਨਂ ਕਮ੍ਮਪਚ੍ਚਯਾ, ਪੁਤ੍ਤਸ੍ਸ ਇਚ੍ਛਤਿ. ਕਰੋਤਿਸ੍ਸ (ਯੋਗੇ) – ਉਦਕਸ੍ਸ ਪਤਿਕੁਰੁਤੇ, ਕਣ੍ਡਸ੍ਸ ਪਤਿਕੁਰੁਤੇ, ਅਭਿਸਙ੍ਖਰੋਤੀਤ੍ਯਤ੍ਥੋ. ਪਞ੍ਚਮਿਯਤ੍ਥੇ ਪਰਿਹਾਨਿਭਯਤ੍ਥਯੋਗੇਪਿ ਛਟ੍ਠੀ, ਅਸ੍ਸਵਨਤਾਯ ਧਮ੍ਮਸ੍ਸ ਪਰਿਯਾਯਨ੍ਤਿ, ਕਿਨ੍ਨੁ ਖੋ ਅਹਂ ਤਸ੍ਸ ਸੁਖਸ੍ਸ ਭਾਯਾਮਿ, ਸਬ੍ਬੇ ਤਸਨ੍ਤਿ ਦਣ੍ਡਸ੍ਸ, ਸਬ੍ਬੇ ਭਾਯਨ੍ਤਿ ¶ ਮਚ੍ਚੁਨੋ, ਭੀਤੋ ਚਤੁਨ੍ਨਂ ਆਸੀਵਿਸਾਨਂ ਘੋਰਵਿਸਾਨਂ ਇਚ੍ਚਾਦਿ.

ਤੁਲ੍ਯਤ੍ਥੇਨ ਯੋਗੇ ਵਾ ਛਟ੍ਠੀ ਹੋਤਿ ਤਤਿਯਾ ਚ. ਪਿਤੁ ਤੁਲ੍ਯੋ, ਪਿਤਰਾ ਵਾ, ਮਾਤੁ ਤੁਲ੍ਯੋ, ਮਾਤਰਾ ਵਾ.

ਕਤ੍ਤੁਕਮ੍ਮਟ੍ਠਾਨਂ ਨਿਸਜ੍ਜ+ਪਚਨਾਦਿਕ੍ਰਿਯਾਨਂ ਯੋ ਆਧਾਰੋ, ਤਂ ਆਧਾਰਕਾਰਕਂ ਨਾਮ. ਕਥਂ ਕਟੇ ਨਿਸੀਦਤਿ ਦੇਵਦਤ੍ਤੋ, ਥਾਲਿਯਂ ਓਦਨਂ ਪਚਤਿ, ਦੇਵਦਤ੍ਤ+ਤਣ੍ਡੁਲਾਨਂ ਕਤ੍ਤੁ+ਕਮ੍ਮਾਨਂ ਧਾਰਣਤੋ ਤਦਟ੍ਠਆਸਨ+ਪਚਨਕ੍ਰਿਯਂ ਕਟ+ਥਾਲਿਯੋ ਧਾਰੇਨ੍ਤਿ ਨਾਮ, ਤਸ੍ਮਿਂ ਸਤ੍ਤਮੀਵਿਭਤ੍ਤਿ ਹੋਤਿ.

ਸੋ ਬ੍ਯਾਪਿਕੋ, ਓਪਸਿਲੇਸਿਕੋ, ਵੇਸਯਿਕੋ, ਸਾਮੀਪਿਕੋਤਿ ਚਤੁਬ੍ਬਿਧੋ. ਤਤ੍ਥ ਯੋ ਆਧੇਯ੍ਯਸ੍ਸ ਨਿਸ੍ਸੇਸਾਧਾਰਭੂਤੋ, ਸੋ ਬ੍ਯਾਪਿਕੋ, ਯਥਾ ਤਿਲੇਸੁ ਤੇਲਂ ਅਤ੍ਥਿ, ਖੀਰੇਸੁ ਜਲਂ, ਦਧਿਮ੍ਹਿ ਸਪ੍ਪਿ. ਪਚ੍ਚੇਕਸਿਦ੍ਧਾਨਂ ਭਾਵਾਨਂ ਯਂ ਆਧੇਯ੍ਯਭਾਵੇਨ ਉਪਸਿਲੇਸਨਂ ਅਲ੍ਲੀਯਨਂ ਅਤ੍ਥਿ, ਸੋ ਓਪਸਿਲੇਸਿਕੋ. ਯਥਾ ਆਸਨੇ ਨਿਸਿਨ੍ਨੋ ਸਙ੍ਘੋ, ਥਾਲਿਯਂ ਓਦਨਂ ਪਚਤਿ, ਘਟੇ ਉਦਕ+ਮਤ੍ਥਿ, ਦੂਰੇ ਠਿਤੋ, ਸਮੀਪੇ ਠਿਤੋ. ਯਤ੍ਥ ਸਮੀਪੇ ਸਮੀਪੀਵੋਹਾਰਂ ਕਤ੍ਵਾ ਤਦਾਯਤ੍ਤਤਾਦੀਪਨਤ੍ਥਂ ਆਧਾਰਭਾਵੋ ਉਪਚਰੀਯਤਿ, ਤਂ ਸਾਮੀਪਿਕਂ, ਯਥਾ ਗਙ੍ਗਾਯਂ ਘੋਸੋ, ਗਙ੍ਗਾਯ ਸਮੀਪੇ ਵਜੋਤ੍ਯਤ੍ਥੋ. ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ. ਯਤ੍ਥ ਅਞ੍ਞਥਾਭਾਵਵਸੇਨ ਦੇਸਨ੍ਤਰਾਵਚ੍ਛੇਦਵਸੇਨ ਵਾ ਆਧਾਰਪਰਿਕਪ੍ਪੋ ¶ , ਸੋ ਵੇਸਯਿਤੋ. ਯਥਾ ਆਕਾਸੇ ਸਕੁਣਾ ਚਰਨ੍ਤਿ, ਭੂਮਿਯਂ ਮਨੁਸ੍ਸਾ, ਜਲੇ ਮਚ੍ਛਾ, ਪਾਸਾਦੇਸੁ ਪਤਿਤੋ, ਪਾਪਸ੍ਮਿਂ ਰਮਤੀ ਮਨੋ, ਪਸਨ੍ਨੋ ਬੁਦ੍ਧਸਾਸਨੇ, ਪਞ੍ਞਾਯ ਸਾਧੁ, ਵਿਨਯੇ ਨਿਪੁਣੋ, ਮਾਤਰਿ ਸਾਧੁ, ਪਿਤਰਿ ਨਿਪੁਣੋ.

ਕਿਰਿਯਾ ਕਤ੍ਤੁ+ਕਮ੍ਮਟ੍ਠਾ, ਆਧਾਰੀਯਤਿ ਯੇਨ ਸੋ;

ਆਧਾਰੋ ਚਤੁਧਾ ਵੁਤ੍ਤੋ, ਬ੍ਯਾਪਕਾਦਿਪ੍ਪਭੇਦਤੋ.

ਬ੍ਯਾਪਕੋ ਤਿਲਖੀਰਾਦਿ, ਕਟੋ ਓਪਸਿਲੇਸਿਕੋ;

ਸਾਮੀਪਿਕੋ ਤੁ ਗਙ੍ਗਾਦਿ, ਆਕਾਸੋ ਵਿਸਯੋ ਮਤੋ.

ਨਿਮਿਤ੍ਤਤ੍ਥੇ ਸਤ੍ਤਮੀ ਹੋਤਿ. ਅਜਿਨਮ੍ਹਿ ਹਞ੍ਞਤੇ ਦੀਪਿ, ਕੁਞ੍ਜਰੋ ਦਨ੍ਤੇਸੁ ਹਞ੍ਞਤੇ, ਅਣੁਮਤ੍ਤੇਸੁ ਵਜ੍ਜੇਸੁ ਭਯਦਸ੍ਸਾਵੀ, ਸਮ੍ਪਜਾਨਮੁਸਾਵਾਦੇ ਪਾਚਿਤ੍ਤਿਯਂ. ਸਬ੍ਬਤ੍ਥ ਨਿਮਿਤ੍ਯਤ੍ਥੋ.

ਯਸ੍ਸ ਭਾਵੋ ਭਾਵਨ੍ਤਰਸ੍ਸ ਲਕ੍ਖਣਂ ਭਵਤਿ, ਤਤੋ ਸਤ੍ਤਮੀ. ਕਾਲੇ ਗਾਵੀਸੁ ਦੁਯ੍ਹਮਾਨਾਸੁਗਤੋ, ਦੁਦ੍ਧਾਸੁ ਆਗਤੋ. ਏਤ੍ਥਗਮਨਕ੍ਰਿਯਾਯ ਦੋਹਨਕ੍ਰਿਯਾਚਿਹਨਂ, ਆਗਮਨਕ੍ਰਿਯਾਯ ਦੁਦ੍ਧਾਕ੍ਰਿਯਾਚਿਹਨਂ, ਏਵ+ਮੁਪਰਿਪਿ. ਪੁਬ੍ਬਣ੍ਹਸਮਯੇ ਗਤੋ, ਸਾਯਨ੍ਹਸਮਯੇ ਆਗਤੋ, ਜਾਯਮਾਨੇ ਖੋ ਸਾਰਿਪੁਤ੍ਤ ਬੋਧਿਸਤ੍ਤੇ ਅਯਂ ਦਸਸਹਸ੍ਸੀ ਲੋਕਧਾਤੁ ਸਮ੍ਪਕਮ੍ਪਿ.

ਪਾਸਾਣਾ ਸਕ੍ਖਰਾ ਚੇਵ, ਕਠਲਾ ਖਾਣੁਕਣ੍ਟਕਾ;

ਸਬ੍ਬੇ ਮਗ੍ਗਾ ਵਿਵਜ੍ਜਨ੍ਤਿ, ਗਚ੍ਛਨ੍ਤੇ ਲੋਕਨਾਯਕੇ.

ਇਮਸ੍ਮਿਂ ¶ ਸਤਿ ਇਦਂ ਹੋਤਿ ਇਚ੍ਚਾਦਿ. ‘‘ਅਕਾਲੇ ਵਸ੍ਸਤੀ ਤਸ੍ਸ, ਕਾਲੇ ਤਸ੍ਸ ਨ ਵਸ੍ਸਤੀ’’ਤਿ ਵਿਸਯਸਤ੍ਤਮੀ.

ਯਸ੍ਸ ਭਾਵੋ ਭਾਵਨ੍ਤਰਸ੍ਸ ਲਕ੍ਖਣਂ ਭਵਤਿ, ਤਤੋ ਛਟ੍ਠੀ ਹੋਤਿ ਸਤ੍ਤਮੀ ਚਾ+ਨਾਦਰੇ ਗਮ੍ਯਮਾਨੇ. ਅਕਾਮਕਾਨਂ ਮਾਤਾਪਿਤੂਨਂ ਰੁਦਨ੍ਤਾਨਂ ਪਬ੍ਬਜਿ, ਮਾਤਾਪਿਤੂਸੁ ਰੁਦਨ੍ਤੇਸੁ ਵਾ. ‘‘ਆਕੋਟਯਨ੍ਤੋ ਸੋ ਨੇਤਿ, ਸਿਵਿਰਾਜਸ੍ਸ ਪੇਕ੍ਖਤੇ’’, ‘‘ਮਚ੍ਚੁ ਆਦਾਯ ਗਚ੍ਛਤਿ, ਪੇਕ੍ਖਮਾਨੇ ਮਹਾਜਨੇ’’.

ਗੁਨ੍ਨਂ ਸਾਮੀਤਿ ਸਮ੍ਬਨ੍ਧੇ ਛਟ੍ਠੀ, ਗੋਸੁ ਸਾਮੀਤਿ ਵਿਸਯਸਤ੍ਤਮੀ. ਏਵਂ ਗੁਨ੍ਨਮਿਸ੍ਸਰੋ, ਗੋਸ੍ਵਿ+ਸ੍ਸਰੋ, ਗੁਨ੍ਨਂ ਅਧਿਪਤਿ, ਗੋਸੁ ਅਧਿਪਤਿ, ਗੁਨ੍ਨਂ ਦਾਯਾਦੋ, ਗੋਸੁ ਦਾਯਾਦੋ, ਗੁਨ੍ਨਂ ਸਕ੍ਖੀ, ਗੋਸੁ ਸਕ੍ਖੀ, ਗੁਨ੍ਨਂ ਪਤਿਭੂ, ਗੋਸੁ ਪਤਿਭੂ, ਗੁਨ੍ਨਂ ਪਸੁਤੋ, ਗੋਸੁ ਪਸੁਤੋ, ਕੁਸਲਾ ਨਚ੍ਚਗੀਤਸ੍ਸ, ਕੁਸਲਾ ਨਚ੍ਚਗੀਤੇ, ਆਯੁਤ੍ਤੋ ਕਟਕਰਣਸ੍ਸ, ਆਯੁਤ੍ਤੋ ਕਟਕਰਣੇ. ਤਥਾ ਆਧਾਰਵਚਨਿਚ੍ਛਾਯਂ ਸਤ੍ਤਮੀ, ਭਿਕ੍ਖੂਸੁ ਅਭਿਵਾਦੇਨ੍ਤਿ, ਮੁਦ੍ਧਨਿ ਚੁਮ੍ਬਿਤ੍ਵਾ, ਬਾਹਾਸੁ ਗਹੇਤ੍ਵਾ, ਹਤ੍ਥੇਸੁ ਪਿਣ੍ਡਾਯ ਚਰਨ੍ਤਿ, ਕਦਲੀਸੁ ਗਜੇ ਰਕ੍ਖਨ੍ਤਿ, ਞਾਣਸ੍ਮਿਂ ਪਸਨ੍ਨੋ, ਞਾਣਸ੍ਮਿਂ ਉਸ੍ਸੁਕ੍ਕੋਤਿ ਵਿਸਯਸਤ੍ਤਮੀ.

ਜਾਤਿਗੁਣਕ੍ਰਿਯਾਹਿ ਸਮੁਦਾਯਤੇ+ਕਦੇਸਸ੍ਸ ਪੁਥਕ੍ਕਰਣਂ ਨਿਦ੍ਧਾਰਣਂ, ਯਤੋ ਤਂ ਕਰੀਯਤਿ, ਤਤੋ ਛਟ੍ਠੀਸਤ੍ਤਮਿਯੋ ਹੋਨ੍ਤਿ. ਸਾਲਯੋ ਸੂਕਧਞ੍ਞਾਨਂ ਪਥ੍ਯਤਮਾ, ਸੂਕਧਞ੍ਞੇਸੁ ਸਾਲਯੋ ਪਥ੍ਯਤਮਾ. ਕਣ੍ਹਾ ਗਾਵੀਨਂ ਸਮ੍ਪਨ੍ਨਖੀਰਤਮਾ, ਕਣ੍ਹਾ ਗਾਵੀਸੁ ¶ ਸਮ੍ਪਨ੍ਨਖੀਰਤਮਾ. ਗਚ੍ਛਤਂ ਧਾਵਨ੍ਤੋ ਸੀਘਤਮਾ, ਗਚ੍ਛਨ੍ਤੇਸੁ ਧਾਵਨ੍ਤੋ ਸੀਘਤਮਾ.

ਆਧਿਕ੍ਯੇ ਅਤ੍ਥੇ ਉਪੇਨ ਯੁਤ੍ਤਮ੍ਹਾ ਸਤ੍ਤਮੀ ਹੋਤਿ. ਉਪਖਾਰਿਯਂ ਦੋਣੋ, ਖਾਰਿਯਾ ਦੋਣੋ ਅਧਿਕੋਤ੍ਯਤ੍ਥੋ. ਤਥਾ ਉਪਨਿਕ੍ਖੇ ਕਹਾਪਣਂ.

ਸਾਮਿਭਾਵਤ੍ਥੇ ਅਧਿਨਾ ਯੁਤ੍ਤਮ੍ਹਾ ਸਤ੍ਤਮੀ ਹੋਤਿ. ਅਧਿਬ੍ਰਹ੍ਮਦਤ੍ਤੇ ਪਞ੍ਚਾਲਾ, ਅਧਿਪਞ੍ਚਾਲੇਸੁ ਬ੍ਰਹ੍ਮਦਤ੍ਤੋ, ਬ੍ਰਹ੍ਮਦਤ੍ਤਿਸ੍ਸਰਾ ਪਞ੍ਚਾਲਾਤਿ ਅਤ੍ਥੋ. ਅਧਿਦੇਵੇਸੁ ਬੁਦ੍ਧੋ, ਸਮ੍ਮੁਤਿਦੇਵਾਦੀਹਿ ਬੁਦ੍ਧੋ ਅਧਿਕੋਤ੍ਯਤ੍ਥੋ.

ਏਤ੍ਥ ਚ ਯਥਾਵੁਤ੍ਤੇਸੁ ਅਤ੍ਥੇਸੁ ਅਯਂ ਭੇਦੋ –

ਕਾਰਕਂ ਸਾਧਕਂ ਨਿਬ੍ਬਤ੍ਤਕਂ ਕ੍ਰਿਯਾਨਿਮਿਤ੍ਤਨ੍ਤਿ ਅਤ੍ਥਤੋ ਏਕਮੇਵ, ਤਞ੍ਚ ਦਣ੍ਡੋ, ਧਵਲੋ, ਪਚਨਂ, ਚਿਤ੍ਤੋ, ਗੋਤਿ ਦਬ੍ਬ+ਗੁਣ+ਕ੍ਰਿਯਾ+ਨਾਮ+ਜਾਤਿਭੇਦੇਨ ਪਞ੍ਚਵਿਧਮ੍ਪਿ ਕਮ੍ਮ+ਕਤ੍ਤਾਦਿਵਸੇਨ ਛਬ੍ਬਿਧਂ, ਤਂ ਸਤ੍ਤਿਕਾਰਕਂ, ਤਦਾਧਾਰਭੂਤਦਬ੍ਬਾਦਯੋ ਤਤ੍ਰਟ੍ਠਕਾਰਕਂ, ਨ ਮੁਖ੍ਯਤੋ. ਮੁਖ੍ਯਤੋ ਚੇ ਹੋਨ੍ਤਿ, ਤੇਸਂ ਸਤ੍ਤਿਦਬ੍ਬਾਨਂ ਅਞ੍ਞਮਞ੍ਞਬ੍ਯਾਵਟਰੂਪਤ੍ਤਾ ਯੋ ਆਧਾਰੋ, ਸੋ ਆਧਾਰੋਯੇਵ, ਕਿਸ੍ਮਿਞ੍ਚਿਕਾਲੇ ਕਰਣਂ ਵਾ ਕਤ੍ਤੁਰੂਪਭੂਤੋ ਵਾ ਨ ਹੋਤਿ, ਤਸ੍ਮਾ ਥਾਲਿ ਪਚਤਿ, ਥਾਲਿਯਾ ਪਚਤਿ, ਥਾਲਿਯਂ ਪਚਤੀਤ੍ਯਾਦਿਨਾ ਏਕਸ੍ਸ ਵਤ੍ਥੁਨੋ ਕਤ੍ਤੁ+ਕਰਣਾ+ਧਾਰਭੇਦੋ ਨ ਸਿਯਾ. ਸਤ੍ਤਿਪਕ੍ਖੇ ਪਨ ਦਬ੍ਬਾਦੀਨਂ ਅਨੇਕਸਤ੍ਤਿਯਾ ਆਧਾਰਤ੍ਤਾ ਸਤ੍ਤਿਯਾ ਦਬ੍ਬਾਦਯੋ ਵਿਵਕ੍ਖਿਤਾ ਤਂ ਤਂ ਕਾਰਕਂ ਹੋਤੀਤਿ ਦਬ੍ਬਾਦੀਨਂ ਅਭੇਦੇਪਿ ਕਾਰਕਭੇਦੋ ਯੁਜ੍ਜਤੇ. ਵੁਤ੍ਤਞ੍ਹਿ –

ਵਿਚਿਤ੍ਤਕਤ੍ਤੁਆਦੀਹਿ ¶ , ਸਂਯੋਗਾ ਏਕਵਤ੍ਥੁਨੋ;

ਨਾਨਾਤ੍ਤਂ ਯੁਜ੍ਜਤੇ ਨਾਟ੍ਯ-ਭੇਦੇਨ ਨਟਕਸ੍ਸਿ+ਵਾਤਿ.

ਥਾਲਿ ਵਤ੍ਥੁਤੋ ਏਕਾ ਚੇਦਪਿ ਸਤ੍ਤਿਕਾਰਕਭੂਤਕਤ੍ਤੁ+ਕਰਣਾ+ਧਾਰਾਦੀਨਂ ਭੇਦੇਨ ਭੇਦ+ਮੁਪਯਾਤਿ, ਕਿਮਿਵ ਰਾਮ+ਰਾਵਣਾਦਿਵੇਸਧਾਰੀਨਟਕੋ ਤੇਸਂ ਨਾਮਵਸੇਨ ਰਾਮੋ, ਰਾਵਣੋਤਿ ਭੇਦ+ਮੁਪਯਾਤਿ, ਤ+ਮਿਵਾਤਿ ਅਧਿਪ੍ਪਾਯੋ.

ਯਥੇ+ਕੋਪਿ ਪਟੋ ਸੁਤ੍ਤ, ਪੀਤਾਦਿਗੁਣਸਂਯੁਤੋ;

ਸੁਕ੍ਕੋ ਪਟੋਤਿ ਪੀਤੋਤਿ, ਭੇਦਂ ਯਾਤ੍ਯੇ+ਵਮੇਵ+ਯਂ.

ਏਤ੍ਥ ਚ ਸਤ੍ਤਿਭੂਤਕਤ੍ਤਾਦਯੋ ਮੁਖ੍ਯਕਾਰਕਂ, ਤਂਯੋਗੇਨ ਦਬ੍ਬਭੂਤਥਾਲੀ ਗੁਣਕਾਰਕਂ, ਤੇ ਚ ਕਥਂ ਕ੍ਰਿਯਾਯ ਕਾਰਕਾ ਹੋਨ੍ਤਿ. ਕਤ੍ਤਾ ਅਤ੍ਤਨਾ ਪਤਿਟ੍ਠਿਤਾਯ ਹਸਤਿ+ਨਚ੍ਚਤਿਚ੍ਚਾਦਿਕ੍ਰਿਯਾਯ ਨਿਮਿਤ੍ਤਂ ਹੋਤਿ. ਕਮ੍ਮਞ੍ਚ ਅਤ੍ਤਨਾ ਪਤਿਟ੍ਠਿਤਕ੍ਰਿਯਾਯ ਤਦਤ੍ਥਭੂਤਇਨ੍ਧਨਾਦੀਨਿ ਪਵਤ੍ਤੇਨ੍ਤਂ ‘‘ਓਦਨਂ ਪਚਤੀ’’ਤ੍ਯਾਦੋ ਨਿਮਿਤ੍ਤਂ. ‘ਕਟ੍ਠੇਹਿ ਪਚ੍ਚਤੀ’ਤ੍ਯਾਦੋ ਕਟ੍ਠਾਨਿ ਜਲਨਕ੍ਰਿਯਾਯ ਸਾਧੇਤਬ੍ਬਪਾਕਸ੍ਸ ਅਙ੍ਗਭਾਵੇਨ ਨਿਮਿਤ੍ਤਂ. ‘ਫਰਸੁਨਾ ਛਿਨ੍ਦਤੀ’ਤ੍ਯਾਦੋ ਫਰਸੁ ਚ ਕਟ੍ਠਾਨਂ ਦ੍ਵਿਧਾਪਵਤ੍ਤਿਯਾ ਨਿਮਿਤ੍ਤਂ. ਕਮ੍ਮਞ੍ਚ ਕ੍ਰਿਯਾਯ ਸਮ੍ਬਨ੍ਧੀਯਮਾਨਬ੍ਯਾਪ੍ਯੇ ਸਤਿ ਨਿਮਿਤ੍ਤਭਾਵੇਨ ਕ੍ਰਿਯਾਯ ਨਿਮਿਤ੍ਤਂ. ਤਥਾ ਸਮ੍ਪਦਾਨਾ+ਵਧਿ+ਆਧਾਰਾਨਂ ‘ਗਾਵੋ ਦਦਾਤਿ’ ‘ਗਾਮਸ੍ਮਾ ਅਪਨਯਤਿ’ ‘ਥਾਲਿਯਂ ਪਚਤੀ’ਤ੍ਯਾਦੀਸੁ ਗੋਦਾਨਾ+ਪਨਯਨ+ਪਚਨਕ੍ਰਿਯਾਨਂ ਨਿਮਿਤ੍ਤਤ੍ਤਾ ਕ੍ਰਿਯਾਯ ਨਿਮਿਤ੍ਤਾਨਿ ਹੋਨ੍ਤਿ. ਤੇਸਂ ਯਥਾਸਕਂ ਕ੍ਰਿਯਾਯ ਪਵਤ੍ਤਕੋ ਕਤ੍ਤਾ, ਤਸ੍ਮਾ ਸ ਏਵ ਪਧਾਨੋ ਕਤ੍ਤਾਤਿ ਵੋਹਾਰਂ ¶ ਲਭਤਿ, ਅਞ੍ਞੇਸਂ ਕਰਣਾਦੀਨਂ ਕਤ੍ਤੁਭਾਵੇ ਸਤਿਪਿ ਅਪ੍ਪਧਾਨਤ੍ਤਾ ਤਂ ਨ ਲਭਤਿ.

ਨਨੁ ਸਾਮਗ੍ਯਮੀਨਾਯਂ, ਕ੍ਰਿਯਾਸਿਦ੍ਧਿ ਕਥਂ ਵਦ;

ਏਕਸ੍ਸ ਕਤ੍ਤੁਨੋ ਏਵ, ਸਬ੍ਬੇਸਂ ਕਤ੍ਤੁਤਂ ਵਿਨਾ.

ਸਬ੍ਬੇਸਂ ਕਰਣਾਦੀਨਂ, ਕਤ੍ਤੁਤਾਯ ਵਿਯੋਗਤੋ;

ਕਰਣਾਦੀਨਂ ਅਭਾਵਤ੍ਤਾ, ਕਾਰਕਂ ਨ ਹਿ ਛਬ੍ਬਿਧਨ੍ਤਿ.

ਯਦ੍ਯਪ੍ਯ+ਤ੍ਥਿ ਹਿ ਕਤ੍ਤੁਤ੍ਤਂ, ਸਭਾਵਾ ਕਰਣਾਦਿਸੁ;

ਕ੍ਰਿਯਾਸਿਦ੍ਧ੍ਯਾ ਤਥਾਪ੍ਯੇ+ਤ+ਮਪ੍ਪਧਾਨਂ ਪਰਙ੍ਗਤੋ.

ਏਤਂ ਸਭਾਵਤੋ ਉਪਲਬ੍ਭਮਾਨਂ ਕਰਣਾਦੀਸੁ ਕਤ੍ਤੁਤ੍ਤਂ ਪਰੇਸਂ ਕਰਣਾਦੀਨਂ ਜਲਨ+ਧਾਰਣਾਦਿਕ੍ਰਿਯਾਯ ਅਙ੍ਗਂ ਉਪਾਯਤਿ ਅਪ੍ਪਧਾਨਨ੍ਤਿ ਅਧਿਪ੍ਪਾਯੋ.

ਕਾਰਕਂ ਛਬ੍ਬਿਧਂ ਸਞ੍ਞਾ-ਵਸਾ ਛਬ੍ਬੀਸਤਿਵਿਧਂ;

ਪਭੇਦਾ ਸਤ੍ਤਧਾ ਕਮ੍ਮਂ, ਕਤ੍ਤਾ ਪਞ੍ਚਵਿਧੋ ਭਵੇ.

ਕਰਣਂ ਦੁਵਿਧਂ ਹੋਤਿ, ਸਮ੍ਪਦਾਨਂ ਤਿਧਾ ਮਤਂ;

ਅਪਾਦਾਨਂ ਪਞ੍ਚਵਿਧਂ, ਆਧਾਰੋ ਤੁ ਚਤੁਬ੍ਬਿਧੋ.

ਪਚ੍ਚਤ੍ਤ+ਮੁਪਯੋਗਞ੍ਚ, ਕਰਣਂ ਸਮ੍ਪਦਾਨਿਯਂ;

ਨਿਸ੍ਸਕ੍ਕਂ ਸਾਮਿਵਚਨਂ, ਭੁਮ੍ਮ+ਮਾਲਪਨ+ਟ੍ਠਮਂਤਿ.

ਇਤਿ ਪਯੋਗਸਿਦ੍ਧਿਯਂ ਕਾਰਕਕਣ੍ਡੋ ਤਤਿਯੋ.

ਅਥ ¶ ਨਾਮਾਨਮੇਵ ਅਞ੍ਞਮਞ੍ਞਸਮ੍ਬਨ੍ਧੀਨਂ ਸਮਾਸੋਤਿ ਨਾਮਨਿਸ੍ਸਿਤਤ੍ਤਾ, ਸਯਞ੍ਚ ਨਾਮਿਕਤ੍ਤਾ ਨਾਮਾਨਨ੍ਤਰਂ ਸਮਾਸੋ ਵੁਚ੍ਚਤੇ.

ਇਦ+ਮਧਿਕਤਂ ਵੇਦਿਤਬ੍ਬਂ. ਪੁਬ੍ਬੇ ਵੁਤ੍ਤਵਿਧਿਗ੍ਗਹਣਞਾਯੇਨ ਸ੍ਯਾਦੀਤਿ ਤਦਨ੍ਤਸ੍ਸ ਗਹਣਂ. ਸੋ ਚ ਭਿਨ੍ਨਤ੍ਥਾਨਂ ਨਾਮਾਨ+ਮੇਕਤ੍ਥੀਭਾਵੋ ਸਮਾਸੋਤਿ ਵੁਚ੍ਚਤੇ.

੨. ਅਸਙ੍ਖ੍ਯਂ ਵਿਭਤ੍ਤਿ+ਸਮ੍ਪਤ੍ਤਿ+ਸਮੀਪ+ਸਾਕਲ੍ਯਾ+ਭਾਵ+ਯਥਾ+ ਪਚ੍ਛਾ+ਯੁਗਪਦਤ੍ਥੇ

ਪੁਬ੍ਬਸ੍ਸ+ਤ੍ਥਪਰਂ ਯਸ੍ਸ, ਅਞ੍ਞਤ੍ਥਪਰਮਞ੍ਚ ਯਂ;

ਨਪੁਂਸਕਂ ਭਵੇ ਯਞ੍ਚ, ਤ+ਦਾਸਂਖ੍ਯ+ਮਿਹੇ+ਸ੍ਸਤੇ.

ਸਤ੍ਥਨ੍ਤਰੇ ਪਸਿਦ੍ਧਂ ਯਂ, ਅਬ੍ਯਯੀਭਾਵਨਾਮਤੋ;

ਉਪਕੁਮ੍ਭਂ ਤਿਟ੍ਠਗੁ ਚ, ਪਾਤਮੇਘਂਤਿ ਤਂ ਯਥਾ.

ਅਸਙ੍ਖ੍ਯਂ ਸ੍ਯਾਦ੍ਯਨ੍ਤਂ ਵਿਭਤ੍ਯਾਦੀਨ+ਮਤ੍ਥੇ ਵਤ੍ਤਮਾਨਂ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥਂ ਭਵਤਿ. ‘‘ਅਵਿਗ੍ਗਹੋ ਨਿਚ੍ਚਸਮਾਸੋ, ਪਦਨ੍ਤਰਵਿਗ੍ਗਹੋ ਚੇ’’ਤਿ ਪਦਨ੍ਤਰਵਿਗ੍ਗਹੋ. ਇਤ੍ਥੀਸੁ ਤਥਾ ਪਵਤ੍ਤਾਤਿ ਵਿਗ੍ਗਯ੍ਹ ਵਿਭਤ੍ਯਤ੍ਥੇ ਸਮਾਸੇ ਕਤੇ –

ਏਕੋ ਅਤ੍ਥੋ ਯਸ੍ਸ ਪਕਤਿਪਚ੍ਚਯਾਦਿਸਮੁਦਾਯਸ੍ਸ ਸੋ ਏਕਤ੍ਥੋ. ਤਸ੍ਸ ਭਾਵੋ ਪਵਤ੍ਤਿਨਿਮਿਤ੍ਤਂ ਏਕਤ੍ਥਤਾ, ਈਯਾਦਿ+ਣਾਦਿ+ਸਮਾਸਵਿਧਾਨਂ, ਤਸ੍ਮਿਂ ਸਤਿ ਸ੍ਯਾਦਿਲੋਪੋ ਹੋਤਿ.

ਨਪੁਂਸਕਲਿਙ੍ਗੇ ¶ ਚ ‘‘ਪੁਬ੍ਬਸ੍ਮਾ+ਮਾਦਿਤੋ’’ਤਿ ਸਬ੍ਬਵਿਭਤ੍ਤੀਨਂ ਲੋਪੇ ਚ ਕਤੇ ਅਧਿਤ੍ਥਿ ਤਿਟ੍ਠਤਿ, ਭੋ ਅਧਿਤ੍ਥਿ, ਅਧਿਤ੍ਥਿ ਪਸ੍ਸ, ਅਧਿਤ੍ਥਿ ਕਤਂ, ਅਧਿਤ੍ਤਿ ਚਰਤਿ, ਅਧਿਤ੍ਥਿ ਦੇਹਿ, ਅਧਿਤ੍ਥਿ ਅਪੇਹਿ, ਅਧਿਤ੍ਥਿ ਆਯਤ੍ਤਂ, ਅਧਿਤ੍ਥਿ ਪਤਿਟ੍ਠਿਤਂ. ਏਵਂ ਅਧਿਕੁਮਾਰਿ, ਅਨ੍ਤਭੂਤਸ੍ਸ ਅਪ੍ਪਧਾਨਸ੍ਸ ਘਪਸ੍ਸ ‘‘ਘਪਸ੍ਸ+ਨ੍ਤਸ੍ਸਾ+ਪ੍ਪਧਾਨਸ੍ਸਾ’’ਤਿ ਪਸ੍ਸ ਰਸ੍ਸੋ.

ਸਹ=ਸਮ੍ਪਨ੍ਨਂ ਬ੍ਰਹ੍ਮਂ ਸਬ੍ਰਹ੍ਮਂ. ਵੁਤ੍ਤਨਯੇਨ ਏਤ੍ਥ ਚ ਉਪਰਿ ਚ ਸਮਾਸਾਦਯੋ ਹੋਨ੍ਤਿ, ਏਤ੍ਥ ‘‘ਅਕਾਲੇ ਸਤਤ੍ਥੇ’’ਤਿ ਸਹਸ੍ਸ ਸਾਦੇਸੋ. ਸ੍ਯਾਦਿਮ੍ਹਿ ਕਤੇ ‘‘ਪੁਬ੍ਬਸ੍ਮਾ+ਮਾਦਿਤੋ’’ਤਿ ਸ੍ਯਾਦੀਨਂ ਲੋਪੇ ਚ ਸਮ੍ਪਤ੍ਤੇ ‘‘ਨਾ+ਤੋ+ਮਪਞ੍ਚਮਿਯਾ’’ਤਿ ਅਪਞ੍ਚਮਿਯਾ ਪਟਿਸੇਧੋ ਚ ਅਕਾਰਨ੍ਤਅਸਂਖ੍ਯਸਮਾਸਤੋ ਪਰਾਸਂ ਸਬ੍ਬਵਿਭਤ੍ਤੀਨਂ ਅਂਆਦੇਸੋ ਚ ਹੋਤਿ. ਏਵ+ਮੁਪਰਿਪਿ.

ਭਿਕ੍ਖਾਨਂ ਸਮਿਦ੍ਧਿ ਸੁਭਿਕ੍ਖਂ, ਏਤ੍ਥ ਘਸ੍ਸ ਰਸ੍ਸੋ. ਸੁਭਿਕ੍ਖਂ ਤਿਟ੍ਠਤਿ ਭੋ ਸੁਭਿਕ੍ਖਂ, ਸੁਭਿਕ੍ਖਂ ਪਸ੍ਸ. ਨਾ+ਸ੍ਮਿਂਸੁ ‘‘ਵਾ ਤਤਿਯਾ ਸਤ੍ਤਮੀਨਂ’’ਤਿ ਵਿਕਪ੍ਪੇਨ ਅਂ, ਸੁਭਿਕ੍ਖਂ ਸੁਭਿਕ੍ਖੇਨ ਵਾ ਕਤਂ, ਸੁਭਿਕ੍ਖਂ ਸੁਭਿਕ੍ਖੇਨ ਵਾ ਚਰਤਿ, ਸੁਭਿਕ੍ਖਂ ਦੇਹਿ. ਪਞ੍ਚਮਿਯਂ ਅ+ਮਬ੍ਭਾਵਾ ਸੁਭਿਕ੍ਖਾ ਅਪਗਚ੍ਛ, ਸੁਭਿਕ੍ਖ+ਮਾਯਤ੍ਤਂ, ਸੁਭਿਕ੍ਖਂ ਸੁਭਿਕ੍ਖੇ ਵਾ ਪਤਿਟ੍ਠਿਤਂ.

ਸਮੀਪਤ੍ਥੇ-ਕੁਮ੍ਭਸ੍ਸ ਸਮੀਪਂ ਉਪਕੁਮ੍ਭਂ, ਏਵਂ ਉਪਨਗਰਂ, ਭੋ ਉਪਕੁਮ੍ਭਂ ਇਚ੍ਚਾਦਿ.

ਸਾਕਲ੍ਯੇ-ਤਿਣਮ੍ਪਿ ਅਸੇਸੇਤ੍ਵਾਤਿ ਸਤਿਣਂ, ਤਿਣਮ੍ਪਿ ਅਸੇਸੇਤ੍ਵਾ ਅਜ੍ਝੋਹਰਣੀਯ+ਮਜ੍ਝੋਹਰਤੀਤ੍ਯਤ੍ਥੋ. ਸੇਸਂ ਸਬ੍ਰਹ੍ਮਸਮਂ ¶ . ਅਗ੍ਗਿਮ੍ਪਿ ਅਸੇਸੇਤ੍ਵਾਤਿ ਸਾਗ੍ਗਿ, ਅਗ੍ਗਿਗਨ੍ਥਂਪਿ ਅਸੇਸੇਤ੍ਵਾ ਅਧੀਤੇਤ੍ਯਤ੍ਥੋ. ਵਾਰਗ੍ਗਹਣਂ ਅਧਿਤ੍ਥਿਸਮਂ.

ਅਭਾਵੋ ਸਮ੍ਬਨ੍ਧੀਭੇਦਾ ਬਹੁਵਿਧੋ, ਤਤ੍ਰ ਇਦ੍ਧਾਭਾਵੇਵਿਗਤਾ ਇਦ੍ਧਿ=ਵਿਭੂਤਿ ਸਦ੍ਦਿਕਾਨਨ੍ਤਿ ਦੁਸ੍ਸਦ੍ਦਿਕਂ. ਅਤ੍ਥਾਭਾਵੇਮਕ੍ਖਿਕਾਨਂ ਅਭਾਵੋ ਨਿਮ੍ਮਕ੍ਖਿਕਂ, ਨਿਦ੍ਦਰਥਂ, ਨਿਮ੍ਮਸਕਂ. ਅਤਿਕ੍ਕਮਾਭਾਵੇ-ਅਤਿਗਤਾਨਿ ਤਿਣਾਨਿ ਨਿਤ੍ਤਿਣਂ. ਉਪਭੋਗਸਮ੍ਬਨ੍ਧੀਵਤ੍ਤਮਾਨਕਾਲਸ੍ਸ ਅਭਾਵੇ-ਅਤਿਗਤਂ ਲਹੁਪਾਵੁਰਣਂ ਅਤਿਲਹੁਪਾਵੁਰਣਂ, ਲਹੁਪਾਵੁਰਣਸ੍ਸ ਨਾ+ਯਂ ਉਪਭੋਗਤਾ ਲੋਤਿ ਅਤ੍ਥੋ.

ਯਥਾਤ੍ਥੋ+ਨੇਕਵਿਧੋ, ਤਤ੍ਰ ਯੋਗ੍ਗਤਾਯਂ-ਯੋਗ੍ਗਂ ਰੂਪ+ਮਨੁਰੂਪਂ. ਵਿਚ੍ਛਾਯਂ-ਅਦ੍ਧਮਾਸਂ ਅਦ੍ਧਮਾਸਂ ਅਨੁ ਅਨ੍ਵਦ੍ਧਮਾਸਂ, ਏਵਂ ਪਚ੍ਚਤ੍ਤਂ. ਅਤ੍ਥਾਨਤਿਵਤ੍ਤਿਯਂ-ਸਤ੍ਤਿਂ ਅਨਤਿਕ੍ਕਮ੍ਮ ਯਥਾਸਤ੍ਤਿ. ਏਵਂ ਯਥਾਕ੍ਕਮਂ, ਯਥਾਬਲਂ. ਬਹੁਲਾਧਿਕਾਰਾ ਯਾ ਯਾ ਪਰਿਸਾ ਯਥਾਪਰਿਸਾ. ਸਦਿਸਤ੍ਥੇ-ਕਿਖਿਯਾ ਕਣ੍ਹਵਿਚ੍ਛਿਤਧੇਨੁਯਾ ਸਦਿਸੋ ਸਕਿਖਿ, ਸਹਸ੍ਸ ਸਾਦੇਸੋ. ਆਨੁਪੁਬ੍ਬਿਯਂ-ਜੇਟ੍ਠਾਨੁਕ੍ਕਮੇਨ ਅਨੁਜੇਟ੍ਠਂ.

ਪਚ੍ਛਾਅਤ੍ਥੇ-ਰਥਸ੍ਸ ਪਚ੍ਛਾ ਅਨੁਰਥਂ.

ਯੁਗਪਦਤ੍ਥੇ-ਚਕ੍ਕੇਨ ਸਹ=ਏਕਕਾਲਂ ਸਚਕ੍ਕਂ, ਚਕ੍ਕੇਨ ਏਕਕ੍ਖਣੇ ਨਿਧੇਤੀਤਿ ਅਤ੍ਥੋ.

ਯਥਾਸਦ੍ਦੋ ਤੁਲ੍ਯਤ੍ਥੇ ਵਤ੍ਤਮਾਨੋ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥੋ ਨ ਭਵਤਿ. ਯਥਾ ਦੇਵਦਤ੍ਤੋ, ਤਥਾ ਯਞ੍ਞਦਤ੍ਤੋ. ਏਤ੍ਥ ਉਪਮਾਨਭੂਤੋ ਯਥਾਸਦ੍ਦੋ ‘ਤਥਾ ਯਞ੍ਞਦਤ੍ਤੋ’ਤਿ ਉਪਮੇਯ੍ਯ+ਮਪੇਕ੍ਖਤਿ, ਤਸ੍ਮਾ ‘‘ਸਾਪੇਕ੍ਖ+ਮਸਮਤ੍ਥਂ ਭਵਤੀ’’ਤਿ ਞਾਯਾ ਅਸਮਾਸੇ ¶ ‘‘ਨ ਤੁਲ੍ਯੇ’’ਤਿ ਪਟਿਸੇਧੋ ਕਿਮਤ੍ਥ+ਮਿਤਿ ਚੇ. ਯਸ੍ਮਾ ‘‘ਯਥਾ ਦੇਵਦਤ੍ਤੋ’’ਤਿ ਸਮੁਦਾਯਮੇਵ ਉਪਮਾਨਂ ਭਵਤਿ, ਨ ਵਿਸੁਂ ਯਥਾਸਦ੍ਦੋ, ਤਸ੍ਮਾ ਸਮੁਦਾਯਸ੍ਸੇਵ ਉਪਮੇਯ੍ਯਸਾਪੇਕ੍ਖਤ੍ਤੇ ਨ ਅਸਾਮਤ੍ਥਿਯਤਾ ਨ ਵਿਸੁਂ ਯਥਾਸਦ੍ਦਸ੍ਸ, ਤਸ੍ਮਾ ਸਾਦਿਸ੍ਸੇ ਪਤ੍ਤਸਮਾਸਸ੍ਸ ਪਟਿਸੇਧਤ੍ਥ+ਮਿਦਂ. ਤੁਲ੍ਯਤ੍ਥੇਤਿ ਵਤ੍ਤਬ੍ਬੇ ਤੁਲ੍ਯਂ ਵਿਨਾ ਤੁਲ੍ਯਤਾ ਨਤ੍ਥੀਤਿ ਤੁਲ੍ਯਤ੍ਥੇਤਿ ਅਵਤ੍ਵਾ ਤੁਲ੍ਯੇਤਿ ਵੁਤ੍ਤਂ.

ਯਥਾਕਥਞ੍ਚਿ ਸਾਦਿਸ੍ਸਂ, ਞਾਯਤੇ ਯਤ੍ਥ ਸਮ੍ਭਵਂ;

ਉਪਮਾ ਨਾਮ ਸਾ ਤਸ੍ਸਾ, ਪਪਞ੍ਚੋ ਬਹੁਧਾ ਭਵੇ.

ਯਾਵਸਦ੍ਦੋ ਅਵਧਾਰਣੇ ਵਤ੍ਤਮਾਨੋ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥੋ ਭਵਤਿ. ਅਵਧਾਰਣਂ=ਏਤ੍ਤਕਤਾਪਰਿਚ੍ਛੇਦੋ. ਯਾਵਨ੍ਤਾਨਿ ਅਮਤ੍ਤਾਨਿ=ਭਾਜਨਾਨਿ ਯਾਵਾਮਤ੍ਤਂ, ਇਮਿਨਾ ਸਮਾਸੇ ਕਤੇ ਸੇਸਂ ਪੁਬ੍ਬਸਮਂ. ਜੀਵਸ੍ਸ ਯਤ੍ਤਕੋ ਪਰਿਚ੍ਛੇਦੋ ਯਾਵਜੀਵਂ. ਯਾਵਤਾਯੁਕਂ, ‘‘ਸਕਤ੍ਥੇ’’ਤਿ ਕਪਚ੍ਚਯੋ. ਯਤ੍ਤਕੇਨ ਅਤ੍ਥੋ ਯਾਵਦਤ੍ਥਂ.

੫. ਪਯ੍ਯਪਾ ਬਹਿ ਤਿਰੋ ਪੁਰੇ ਪਚ੍ਛਾ ਵਾ ਪਞ੍ਚਮ੍ਯਾ

ਪਰਿਆਦਯੋ ਪਞ੍ਚਮ੍ਯਨ੍ਤੇਨ ਸਹੇ+ਕਤ੍ਥਾ ਹੋਨ੍ਤਿ ਵਾ. ਪਰਿ ਪਬ੍ਬਤਾ ਪਰਿਪਬ੍ਬਤਂ. ਵਾਸ੍ਸ ਵਾਕ੍ਯਵਿਕਪ੍ਪਤ੍ਥਤ੍ਤਾ ਪਰਿ ਪਬ੍ਬਤਾ ਇਚ੍ਚਾਦਯੋਪਿ ਹੋਨ੍ਤਿ. ਅਪ ਪਬ੍ਬਤਾ ਅਪਪਬ੍ਬਤਂ, ਆ ਪਾਟਲਿਪੁਤ੍ਤਾ ਆਪਾਟਲਿਪੁਤ੍ਤਂ, ਬਹਿ ਗਾਮਾ ਬਹਿਗਾਮਂ, ਤਿਰੋ ਪਬ੍ਬਤਾ ਤਿਰੋਪਬ੍ਬਤਂ, ਪੁਰੇ ਭਤ੍ਤਾ ਪੁਰੇਭਤ੍ਤਂ, ਪਚ੍ਛਾ ਭਤ੍ਤਾ ਪਚ੍ਛਾਭਤ੍ਤਂ, ਸਬ੍ਬਂ ਉਪਕੁਮ੍ਭਸਮਂ, ਇਮਿਨਾ ਸਮਾਸੋ ਵਿਸੇਸੋ. ਏਵ+ਮੁਪਰਿਸੁਤ੍ਤੇਪਿ.

‘‘ਅਸਂਖ੍ਯ’’ਮਿਚ੍ਚਾਦਿਨਾ ਨਿਚ੍ਚਸਮਾਸਸ੍ਸ ਵਿਕਪ੍ਪਤ੍ਥਂ ਸਮੀਪਗ੍ਗਹਣਂ. ਅਨੁਸਦ੍ਦੋ ਸਾਮੀਪ੍ਯੇ ਆਯਾਮੇ ਚ ਵਤ੍ਤਮਾਨੋ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥੋ ਵਾ ਹੋਤਿ. ਏਤ੍ਥ ਸਮੀਪਗ੍ਗਹਣਸ੍ਸ ਭਾਵਪ੍ਪਧਾਨਤ੍ਤਾ ਸਾਮੀਪ੍ਯਮੇਵ ਗਮ੍ਯਤੇਤਿ ਸਾਮੀਪ੍ਯੇਤਿ ਵੁਤ੍ਤਂ. ਵਨਸ੍ਸ ਅਨੁ=ਸਮੀਪਂ ਅਨੁਵਨਂ, ਗਙ੍ਗਾਯ ਅਨੁ=ਆਯਾਮੋ ਅਨੁਗਙ੍ਗਂ, ਗਙ੍ਗਾਯ ਅਨੁ ਵਾ ਬਾਰਾਣਸੀ.

ਤਿਟ੍ਠਗੁਆਦੀਨਿ ਅਞ੍ਞਤ੍ਥੇਨ ਸਿਦ੍ਧਾਪਿ ਅਸ੍ਮਿਂ ਅਸਂਖ੍ਯਸਮਾਸੇ ਨਿਪਾਤਿਯਨ੍ਤਿ. ਤਿਟ੍ਠਨ੍ਤਿ ਗਾਵੋ ਯਸ੍ਮਿਂ ਕਾਲੇਤਿ ਤਿਟ੍ਠਨ੍ਤਸਦ੍ਦ+ਗੋਸਦ੍ਦੇਹਿ ਪਠਮਾਯੋਮ੍ਹਿ ਕਤੇ ‘‘ਵਾ+ਨੇਕਞ੍ਞਤ੍ਥੇ’’ਤਿ ਸਮਾਸੋ, ਇਮਿਨਾ ਨਿਪਾਤਨਾ ਲੋਪੇ ਨਪੁਂਸਕਤ੍ਥੇ ਚ ਕਤੇ ਸਿਮ੍ਹਿ ਗੋਸ੍ਸ ‘‘ਗੋਸ੍ਸੁ’’ਤਿ ਉਕਾਰੇ ‘‘ਪੁਬ੍ਬਸ੍ਮਾ+ਮਾਦਿਤੋ’’ਤਿ ਵਿਭਤ੍ਤਿਲੋਪੋ. ਏਵਂ ਵਹਨ੍ਤੀ ਗਾਵੋ ਯਸ੍ਮਿਂ ਕਾਲੇਤਿ ਵਹਗ੍ਗੁ ਇਚ੍ਚਾਦਿ. ਵੇਲਾਪ੍ਪਕਾਸਕਪਾਤੋਆਦੀਨਮ੍ਪਿ ਏਤ੍ਥੇਵ ਸਙ੍ਗਹੋ, ਪਾਤੋ ਨਹਾਨਨ੍ਤਿ ਸਤ੍ਤਮੀਅਮਾਦਿਸਮਾਸੇ ਪਾਤਨਹਾਨਂ, ਏਵਂ ਸਾਯਨਹਾਨਂ, ਪਾਤਕਾਲਂ, ਸਾਯਕਾਲਂ, ਪਾਤਮੇਘਂ, ਸਾਯਮੇਘਂ, ਪਾਤਮਗ੍ਗਂ, ਸਾਯਮਗ੍ਗਂ, ਏਤ੍ਥ ‘‘ਏਓਨ+ਮ ਵਣ੍ਣੇ’’ਤਿ ਅਕਾਰੋ, ਨਿਗ੍ਗਹੀਤਸ੍ਸ ਲੋਪੋ ਚ ਹੋਤਿ.

੮. ਓਰੇ+ਪਰਿ+ਪਟਿ+ਪਾਰੇ+ਮਜ੍ਝੇ+ਹੇਟ੍ਠੁ+ਦ੍ਧਾ+ਧੋ+ਨ੍ਤੋ ਵਾ ਛਟ੍ਠਿਯਾ.

ਓਰਾਦਯੋ ਸਦ੍ਦਾ ਛਟ੍ਠਿਯਨ੍ਤੇਨ ਸਹੇ+ਕਤ੍ਥਾ ਵਾ ਹੋਨ੍ਤਿ. ਓਰਂ ਗਙ੍ਗਾਯ ਓਰੇਗਙ੍ਗਾ, ਉਪਰਿ ਸਿਖਰਸ੍ਸ ਉਪਰਿਸਿਖਰਂ, ਪਟਿ=ਮੁਖਂ ਸੋਤਸ੍ਸ ¶ ਪਟਿਸੋਤਂ, ਪਾਰਂ ਯਮੁਨਾਯ ਪਾਰੇਯਮੁਨਂ, ਮਜ੍ਝਂ ਗਙ੍ਗਾਯ ਮਜ੍ਝੇਗਙ੍ਗਂ, ਹੇਟ੍ਠਾ ਪਾਸਾਦਸ੍ਸ ਹੇਟ੍ਠਾਪਾਸਾਦਂ, ਉਦ੍ਧਂ ਗਙ੍ਗਾਯ ਉਦ੍ਧਗਙ੍ਗਂ, ਅਧੋ ਗਙ੍ਗਾਯ ਅਧੋਗਙ੍ਗਂ, ਅਨ੍ਤੋ ਪਾਸਾਦਸ੍ਸ ਅਨ੍ਤੋਪਾਸਾਦਂ. ਇਮਿਨਾ ਨਿਪਾਤਨਾਵ ਨਿਗ੍ਗਹੀਤਲੋਪੇ ਚ ਏਕਾਰੇ ਚ ਕਤੇ ਓਰੇਚ੍ਚਾਦਿ ਹੋਤਿ.

ਅ+ਮਾਦਿਸ੍ਯਾਦ੍ਯਨ੍ਤਂ ਸ੍ਯਾਦ੍ਯਨ੍ਤੇਨ ਸਹ ਬਹੁਲ+ਮੇਕਤ੍ਤਂ ਹੋਤਿ.

ਉਤ੍ਤਰਸ੍ਸ ਪਦਸ੍ਸ+ਤ੍ਥੋ, ਪਧਾਨਂ ਲਿਙ੍ਗ+ਮਸ੍ਸ ਚ;

ਦੁਤਿਯਨ੍ਤਾਦਿਪਦੇਕਤ੍ਥੋ, ਬਹੁਧਾ ਤਂ ਵਿਭਜ੍ਜਤੇ.

ਪਰੇਸ+ਮਿਸ੍ਸਤੇ ਤਞ੍ਚ, ਭਿਯ੍ਯੋ ਤਪ੍ਪੁਰਿਸਾ+ਖ੍ਯਯਾ;

ਤਂ ਯਥਾ+ਤ੍ਰ ਰਾਜਾਪਚ੍ਚਂ, ਕਤ੍ਥਚੀਤਿ+ਮਿਤੀਦਿਸਂ.

ਅ+ਮਾਦ੍ਯਨ੍ਤਾਨਂ ਕਾਰਕਾਨਂ ਅਕਾਰਕਾਨਞ੍ਚ ਸਮਾਸੋ ਕਤ੍ਥਚਿਮੇਵ ਵਾ ਹੋਤਿ. ਤਞ੍ਚ ਬਹੁਲਂਵਿਧਾਨੇਨਾਤਿ ਦਟ੍ਠਬ੍ਬਂ.

ਤਤ੍ਥ ਦੁਤਿਯਾਤਪ੍ਪੁਰਿਸੋ ਅਮਾਦਿ ਗਤ+ਨਿਸ੍ਸਿਤਾ+ਤੀਤਾ+ਤਿਕ੍ਕਨ੍ਤ+ਪਤ੍ਤਾ+ਪਨ੍ਨਾਦੀਹਿ ਭਵਤਿ. ਸਰਣਂ ਗਤੋਤਿ ਸਮਾਸੇ ਕਤੇ ‘‘ਏਕਤ੍ਥਤਾਯਂ’’ਤਿ ਵਿਭਤ੍ਤਿਲੋਪਾਦਿ ਉਪਰਿ ਸਬ੍ਬਤ੍ਥ ਪੁਬ੍ਬਸਮਂ. ਸਰਣਗਤੋ, ਸਰਣਗਤਾ. ਸਰਣਗਤਾ, ਸਰਣਗਤਾਯੋ. ਸਰਣਗਤਂ ਕੁਲਂ, ਸਰਣਗਤਾਨਿ ਕੁਲਾਨਿ ਇਚ੍ਚਾਦਿ. ਅਰਞ੍ਞਗਤੋ, ਭੂਮਿਗਤੋ. ਧਮ੍ਮਂ ਨਿਸ੍ਸਿਤੋ ਧਮ੍ਮਨਿਸ੍ਸਿਤੋ, ਅਤ੍ਥਨਿਸ੍ਸਿਤੋ. ਭਵਂ ਅਤੀਤੋ ਭਵਾਤੀਤੋ, ਕਾਲਾਤੀਤੋ. ਪਮਾਣਂ ਅਤਿਕ੍ਕਨ੍ਤਂ ਪਮਾਣਾਤਿਕ੍ਕਨ੍ਤਂ, ਲੋਕਾਤਿਕ੍ਕਨ੍ਤਂ. ਸੁਖਂ ਪਤ੍ਤੋ ਸੁਖਪ੍ਪਤ੍ਤੋ, ਦੁਕ੍ਖਪ੍ਪਤ੍ਤੋ. ਸੋਤਂ ਆਪਨ੍ਨੋ ਸੋਤਾਪਨ੍ਨੋ, ਨਿਰੋਧਸਮਾਪਨ੍ਨੋ, ਮਗ੍ਗਪ੍ਪਟਿਪਨ੍ਨੋ. ਰਥਂ ਆਰੁਲ਼੍ਹੋ ਰਥਾਰੁਲ਼੍ਹੋ ¶ . ਸਬ੍ਬਰਤ੍ਤਿਂ ਸੋਭਣੋ ਸਬ੍ਬਰਤ੍ਤਿਸੋਭਣੋ, ਮੁਹੁਤ੍ਤਸੁਖਂ. ਅਕਾਰਕਾਨਂ ਸਮਾਸੋ ਅਚ੍ਚਨ੍ਤਸਂਯੋਗੇ. ਵੁਤ੍ਤਿਯੇਵੋ+ਪਪਦਸਮਾਸੇ, ਤਸ੍ਸ ਨਿਚ੍ਚਤ੍ਤਾ. ਯਥਾ ਕਮ੍ਮਂ ਕਰੋਤੀਤਿ ਕਮ੍ਮਕਾਰੋ, ਕੁਮ੍ਭਕਾਰੋ, ਅਤ੍ਥਂ ਕਾਮੇਤੀਤਿ ਅਤ੍ਥਕਾਮੋ, ਧਮ੍ਮਕਾਮੋ, ਧਮ੍ਮਂ ਧਾਰੇਤੀਤਿ ਧਮ੍ਮਧਰੋ, ਵਿਨਯਧਰੋ. ਸਾਨਂ ਪਚਤੀਤਿ ਸਪਾਕੋ, ਤਨ੍ਤਂ ਵਾਯਤੀਤਿ ਤਨ੍ਤਵਾਯੋ, ਵਰਂ ਆਹਰਤੀਤਿ ਵਰਾਹਰੋ. ਨ੍ਤ+ਮਾਨ+ਕ੍ਤਵਨ੍ਤੇਹਿ ਵਾਕ੍ਯਮੇਵ. ਧਮ੍ਮਂ ਸੁਣਨ੍ਤੋ, ਧਮ੍ਮਂ ਸੁਣਮਾਨੋ, ਓਦਨਂ ਭੁਤ੍ਤਵਾ.

ਤਤਿਯਾਤਪ੍ਪੁਰਿਸੋ ਕਿਤਕ+ਪੁਬ੍ਬ+ਸਦਿਸ+ਸਮੋ+ਨਤ੍ਥ+ਕਲਹ+ਨਿਪੁਣ+ਮਿਸ੍ਸ+ਸਖਿਲਾਦੀਹਿ. ਬੁਦ੍ਧੇਨ ਭਾਸਿਤੋ ਬੁਦ੍ਧਭਾਸਿਤੋ ਧਮ੍ਮੋ, ਏਵਂ ਜਿਨਦੇਸਿਤੋ. ਸਤ੍ਥਾਰਾ ਵਣ੍ਣਿਤੋ ਸਤ੍ਥੁਵਣ੍ਣਿਤੋ. ਵਿਞ੍ਞੂਹਿ ਗਰਹਿਤੋ ਵਿਞ੍ਞੁਗਰਹਿਤੋ, ਵਿਞ੍ਞੁਪ੍ਪਸਤ੍ਥੋ, ਇਸ੍ਸਰਕਤਂ, ਸਯਂ ਕਤਂ, ਸੁਕੇਹਿ ਆਹਟਂ ਸੁਕਾਹਟਂ, ਰਞ੍ਞਾ ਹਤੋ ਰਾਜਹਤੋ, ਰਾਜਪੀਲ਼ਿਤੋ. ਅਗ੍ਗਿਨਾ ਦਡ੍ਢੋ ਅਗ੍ਗਿਦਡ੍ਢੋ, ਸਪ੍ਪੇਨ ਦਟ੍ਠੋ ਸਪ੍ਪਦਟ੍ਠੋ, ਸਲ੍ਲੇਹਿ ਵਿਦ੍ਧੋ ਸਲ੍ਲਵਿਦ੍ਧੋ, ਇਚ੍ਛਾਯ ਪਕਤੋ ਇਚ੍ਛਾਪਕਤੋ, ਸੀਲਸਮ੍ਪਨ੍ਨੋ. ਏਵਂ ਸੁਖਸਹਗਤਂ, ਞਾਣਸਮ੍ਪਯੁਤ੍ਤਂ, ਮਿਤ੍ਤਸਂਸਗ੍ਗੋ, ਪਿਯਵਿਪ੍ਪਯੋਗੋ, ਜਾਤਿਥਦ੍ਧੋ, ਗੁਣਹੀਨੋ, ਗੁਣਵੁਦ੍ਧੋ, ਚਤੁਵਗ੍ਗਕਰਣੀਯਂ, ਚਤੁਵਗ੍ਗਾਦਿਕਤ੍ਤਬ੍ਬਂ. ਕਾਕੇਹਿ ਪੇਯ੍ਯਾ ਕਾਕਪੇਯ੍ਯਾ, ਨਦੀ. ਕ੍ਵਚਿ ਵੁਤ੍ਤਿਯੇਵ, ਉਰਸਾ ਗਚ੍ਛਤੀਤਿ ਉਰਗੋ, ਪਾਦੇਨ ਪਿਵਤੀਤਿ ਪਾਦਪੋ. ਕ੍ਵਚਿ ਵਾਕ੍ਯਮੇਵ, ਫਰਸੁਨਾ ਛਿਨ੍ਨਵਾ, ਕਾਕੇਹਿ ਪਾਤਬ੍ਬਾ, ਦਸ੍ਸਨੇਨ ਪਹਾਤਬ੍ਬਾ. ਪੁਬ੍ਬਾਦਿਯੋਗੇ-ਮਾਸੇਨ ਪੁਬ੍ਬੋ ਮਾਸਪੁਬ੍ਬੋ. ਏਵਂ ਮਾਤੁਸਦਿਸੋ, ਮਾਤੁਸਮੋ. ਏਕੂਨਵੀਸਤਿ, ਸੀਲਵਿਕਲੋ, ਅਸਿਕਲਹੋ, ਵਾਚਾਨਿਪੁਣੋ, ਯਾਵਕਾਲਿਕਸਮ੍ਮਿਸ੍ਸਂ, ਵਾਚਾਸਖਿਲੋ ¶ . ਸਤ੍ਥਾਰਾ ਸਦਿਸੋ ਸਤ੍ਥੁਸਦਿਸੋ, ਸਤ੍ਥੁਕਪ੍ਪੋ, ਪੁਞ੍ਞੇਨ ਅਤ੍ਥਿਕੋ ਪੁਞ੍ਞਤ੍ਥਿਕੋ, ਗੁਣਾਧਿਕੋ. ਦਧਿਨਾ ਉਪਸਿਤ੍ਤਂ ਭੋਜਨਂ ਦਧਿਭੋਜਨਂ, ਗੁਲ਼ੇਨ ਸਂਸਟ੍ਠੋ ਓਦਨੋ ਗੁਲ਼ੋਦਨੋ. ਕਾਰਕਸਮ੍ਬਨ੍ਧੋ ਕ੍ਰਿਯਾਯ ਕਤੋ, ਉਪਸਿਤ੍ਤਾਦਿਕ੍ਰਿਯਾਨਂ ਅਪਞ੍ਞਾਯਨੇਪਿ ਵੁਤ੍ਤਿਯੇਵੋ+ਪਸਿਤ੍ਤਾਦਿਕ੍ਰਿਯਾਨ+ਮਾਖ੍ਯਾਪਨਤੋ ਨਤ੍ਥਾ+ਯੁਤ੍ਤਤ੍ਥਤਾ. ਏਵਂ ਖੀਰੋਦਨੋ. ਅਸ੍ਸੇਨ ਯੁਤ੍ਤੋ ਰਥੋ ਅਸ੍ਸਰਥੋ, ਮਗ੍ਗਚਿਤ੍ਤਂ, ਜਮ੍ਬੁਯਾ ਪਞ੍ਞਾਤੋ ਲਕ੍ਖਿਤੋ ਦੀਪੋ ਜਮ੍ਬੁਦੀਪੋ, ਏਕੇਨ ਅਧਿਕਾ ਦਸ ਏਕਾਦਸ, ਜਾਤਿਯਾ ਅਨ੍ਧੋ ਜਚ੍ਚਨ੍ਧੋ, ਪਕਤਿਯਾ ਮੇਧਾਵੀ ਪਕਤਿਮੇਧਾਵੀ ਇਚ੍ਚਾਦਿ.

ਚਤੁਤ੍ਥੀਤਪ੍ਪੁਰਿਸੋ ਤਦਤ੍ਥ+ਅਤ੍ਥ+ਹਿਤ+ਦੇਯ੍ਯਾਦੀਹਿ. ਤਦਤ੍ਥੇ-ਕਥਿਨਸ੍ਸ ਦੁਸ੍ਸਂ ਕਥਿਨਦੁਸ੍ਸਂ, ਕਥਿਨਚੀਵਰਸ੍ਸਾਤਿ ਅਤ੍ਥੋ. ਏਵਂ ਚੀਵਰਦੁਸ੍ਸਂ, ਚੀਵਰਮੂਲਂ, ਯਾਗੁਯਾ ਅਤ੍ਥਾਯ ਤਣ੍ਡੁਲਾ ਯਾਗੁਤਣ੍ਡੁਲਾ, ਭਤ੍ਤਤਣ੍ਡੁਲਾ, ਸਙ੍ਘਸ੍ਸ ਅਤ੍ਥਾਯ ਭਤ੍ਤਂ ਸਙ੍ਘਭਤ੍ਤਂ, ਆਗਨ੍ਤੁਕਭਤ੍ਤਂ, ਏਵਂ ਗਮਿਕਭਤ੍ਤਂ, ਪਾਸਾਦਾਯ ਦਬ੍ਬਂ ਪਾਸਾਦਦਬ੍ਬਂ. ਏਤ੍ਥ ਚਾ+ਯਂ ਨਿਚ੍ਚਸਮਾਸੋ, ਤਸ੍ਸ ਤਿਲਿਙ੍ਗਤਾ ਚ-ਭਿਕ੍ਖੁਸਙ੍ਘਸ੍ਸ ਅਤ੍ਥੋ ਵਿਹਾਰੋ ਭਿਕ੍ਖੁਸਙ੍ਘਤ੍ਥੋ ਵਿਹਾਰੋ, ਭਿਕ੍ਖੁਸਙ੍ਘਤ੍ਥਾ ਯਾਗੁ, ਭਿਕ੍ਖੁਸਙ੍ਘਤ੍ਥਂ ਚੀਵਰਂ. ਯਸ੍ਸ ਅਤ੍ਥੋ ਯਦਤ੍ਥੋ, ਯਦਤ੍ਥਾ, ਯਦਤ੍ਥਂ. ਏਵਂ ਤਦਤ੍ਥੋ, ਤਦਤ੍ਥਾ, ਤਦਤ੍ਥਂ. ਤਥਾ ਲੋਕਹਿਤੋ. ਬੁਦ੍ਧਸ੍ਸ ਦੇਯ੍ਯਂ ਬੁਦ੍ਧਦੇਯ੍ਯਂ ਪੁਪ੍ਫਂ. ਸਙ੍ਘਦੇਯ੍ਯਂ ਚੀਵਰਂ. ਇਧ ਨ ਹੋਤਿ ‘‘ਸਙ੍ਘਸ੍ਸ ਦਾਤਬ੍ਬਂ’’.

ਪਞ੍ਚਮੀਤਪ੍ਪੁਰਿਸੋ ਅਪਗਮਨ+ਭਯ+ਵਿਰਤਿ+ਮੋਚਨਤ੍ਥਾਦੀਹਿ. ਮੇਥੁਨਸ੍ਮਾ ਅਪੇਤੋ ਮੇਥੁਨਾਪੇਤੋ, ਏਵਂ ਪਲਾਪਗਤੋ, ਨਗਰਨਿਗ੍ਗਤੋ, ਪਿਣ੍ਡਪਾਤਪਟਿਕ੍ਕਨ੍ਤੋ, ਕਾਮਤੋ ਨਿਕ੍ਖਨ੍ਤਂ ਕਾਮਨਿਕ੍ਖਨ੍ਤਂ, ਰੁਕ੍ਖਗ੍ਗਾ ਪਤਿਤੋ ਰੁਕ੍ਖਗ੍ਗਪਤਿਤੋ, ਸਾਸਨਚ੍ਚੁਤੋ, ਆਪਤ੍ਤਿ- ਵੁਟ੍ਠਾਨਂ ¶ , ਧਰਣੀਤਲਗ੍ਗਤੋ, ਸਬ੍ਬਭਵੇਹਿ ਨਿਸ੍ਸਟੋ ਸਬ੍ਬਭਵਨਿਸ੍ਸਟੋ. ਭਯਤਾਦਿਯੋਗੇ-ਰਾਜਤੋ ਭਯਂ ਰਾਜਭਯਂ, ਚੋਰਭਯਂ, ਅਮਨੁਸ੍ਸਭਯਂ, ਅਗ੍ਗਿਭਯਂ, ਪਾਪਭੀਤੋ, ਪਾਪਭੀਰੁਕੋ. ਅਕਤ੍ਤਬ੍ਬਤੋ ਵਿਰਤਿ ਅਕਤ੍ਤਬ੍ਬਵਿਰਤਿ, ਏਵਂ ਕਾਯਦੁਚ੍ਚਰਿਤਵਿਰਤਿ, ਵਚੀਦੁਚ੍ਚਰਿਤਵਿਰਤਿ. ਬਨ੍ਧਨਾ ਮੁਤ੍ਤੋ ਬਨ੍ਧਨਮੁਤ੍ਤੋ, ਵਨਮੁਤ੍ਤੋ, ਬਨ੍ਧਨਮੋਕ੍ਖੋ. ਕਮ੍ਮਸਮੁਟ੍ਠਿਤਂ, ਉਕ੍ਕਟ੍ਠੁਕ੍ਕਟ੍ਠਂ, ਓਮਕੋਮਕਂ. ਕ੍ਵਚਿ ਵੁਤ੍ਤਿਯੇਵ, ਕਮ੍ਮਤੋ ਜਾਤਂ ਕਮ੍ਮਜਂ, ਏਵਂ ਚਿਤ੍ਤਜਂ, ਉਤੁਜਂ, ਆਹਾਰਜਂ. ਇਧ ਨ ਹੋਤਿ ‘ਪਾਸਾਦਾ ਪਤਿਤੋ’.

ਛਟ੍ਠੀਤਪ੍ਪੁਰਿਸੋ ਰਞ੍ਞੋ ਪੁਤ੍ਤੋ ਰਾਜਪੁਤ੍ਤੋ, ਏਵਂ ਰਾਜਪੁਰਿਸੋ, ਆਚਰਿਯਪੂਜਕੋ, ਬੁਦ੍ਧਸਾਵਕੋ, ਬੁਦ੍ਧਰੂਪਂ, ਜਿਨਵਚਨਂ, ਸਮੁਦ੍ਦਘੋਸੋ, ਧਞ੍ਞਾਨਂ ਰਾਸਿ ਧਞ੍ਞਰਾਸਿ, ਪੁਪ੍ਫਗਨ੍ਧੋ, ਫਲਰਸੋ, ਕਾਯਸ੍ਸ ਲਹੁਤਾ ਕਾਯਲਹੁਤਾ. ਮਰਣਸ੍ਸਤਿ, ਰੁਕ੍ਖਮੂਲਂ, ਅਯਸ੍ਸ ਪਤ੍ਤੋ ਅਯੋਪਤ੍ਤੋ, ਏਤ੍ਥ ‘‘ਮਨਾਦ੍ਯਾਪਾਦੀਨ+ਮੋ ਮਯੇ ਚੇ’’ਤਿ ਓ. ਏਵਂ ਸੁਵਣ੍ਣਕਟਾਹਂ, ਪਾਨੀਯਥਾਲਕਂ, ਸਪ੍ਪਿਕੁਮ੍ਭੋ, ਦੇਵਾਨਂ ਰਾਜਾ ਦੇਵਰਾਜਾ. ਪੁਮਸ੍ਸ ਲਿਙ੍ਗਂ ਪੁਲ੍ਲਿਙ੍ਗਂ, ‘‘ਪੁਂ ਪੁਮਸ੍ਸਵਾ’’ਤਿ ਪੁਮਸ੍ਸ ਪੁਂ, ਨਿਗ੍ਗਹੀਤਲੋਪੋ, ਲਸ੍ਸ ਦ੍ਵਿਭਾਵੋ ਚ. ਹਤ੍ਥਿਪਦਂ, ਇਤ੍ਥਿਰੂਪਂ, ਭਿਕ੍ਖੁਨਿਸਙ੍ਘੋ, ਜਮ੍ਬੁਸਾਖਾ, ਏਤ੍ਥ ਈਕਾਰੂਕਾਰਾਨਂ ਰਸ੍ਸੋ. ਬਹੁਲਾਧਿਕਾਰਾ ਨ੍ਤ+ਮਾਨ+ਨਿਦ੍ਧਾਰਿਯ+ਪੂਰਣ+ਭਾਵ+ਤਿਤ੍ਤਤ੍ਥੇਹਿ ਨ ਹੋਤਿ. ਮਮਾ+ਨੁਕੁਬ੍ਬਂ, ਮਮਾ+ਨੁਕੁਰੁਮਾਨੋ, ਗੁਨ੍ਨਂ ਕਣ੍ਹਾ ਸਮ੍ਪਨ੍ਨਖੀਰਤਮਾ, ਸਿਸ੍ਸਾਨਂ ਪਞ੍ਚਮੋ, ਪਟਸ੍ਸ ਸੁਤ੍ਤਤਾ. ਕ੍ਵਚਿ ਹੋਤੇਵ ‘ਵਤ੍ਤਮਾਨਸਾਮੀਪ੍ਯਂ’. ਬ੍ਰਾਹ੍ਮਣਸ੍ਸ ਸੁਕ੍ਕਾ ਦਨ੍ਤਾਤਿ ਸਾਪੇਕ੍ਖਤਾਯ ਨ ਹੋਤਿ. ਫਲਾਨਂ ਤਿਤ੍ਤੋ, ਫਲਾਨ+ਮਾਸਿਤੋ, ਫਲਾਨਂ ਸੁਹਿਤੋ. ‘‘ਬ੍ਰਾਹ੍ਮਣਸ੍ਸ ਉਚ੍ਚਂ ਗੇਹਂ’’ਤਿ ਸਾਪੇਕ੍ਖਤਾਯ ਨ ਹੋਤਿ. ‘‘ਰਞ੍ਞੋ ਪਾਟਲਿਪੁਤ੍ਤਕਸ੍ਸ ਧਨਂ’’ਤਿ ਧਨਸਮ੍ਬਨ੍ਧੇ ¶ ਛਟ੍ਠੀਤਿ ਪਾਟਲਿਪੁਤ੍ਤਕੇਨ ਸਮ੍ਬਨ੍ਧਾਭਾਵਾ ਨ ਹੋਤਿ. ‘‘ਰਞ੍ਞੋ ਗੋ ਚ ਅਸ੍ਸੋ ਚ ਪੁਰਿਸੋ ਚਾ’’ਤਿ ਭਿਨ੍ਨਤ੍ਥਤਾਯ ਵਾਕ੍ਯਮੇਵ. ਰਞ੍ਞੋ ਗਵਸ੍ਸਪੁਰਿਸਾ ਰਾਜਗਵਸ੍ਸਪੁਰਿਸਾਤਿ ਵੁਤ੍ਤਿ ਹੋਤੇਵ, ਏਕਤ੍ਥੀਭਾਵਾ. ਸਮ੍ਬਨ੍ਧੀਸਦ੍ਦਾਨਂ ਪਨ ਨਿਚ੍ਚਸਾਪੇਕ੍ਖਤ੍ਤੇਪਿ ਗਮਕਤ੍ਤਾ ਸਮਾਸੋ, ਗਮਕਤ੍ਤਮ੍ਪਿ ਹਿ ਸਮਾਸਸ੍ਸ ਨਿਬਨ੍ਧਨਂ, ਯਥਾ ਦੇਵਦਤ੍ਤਸ੍ਸ ਗੁਰੁਕੁਲਂ, ਭਗਵਤੋ ਸਾਵਕਸਙ੍ਘੋਤਿਆਦਿ.

ਸਤ੍ਤਮੀਤਪ੍ਪੁਰਿਸੋ ਰੂਪੇ ਸਞ੍ਞਾ ਰੂਪਸਞ੍ਞਾ, ਏਵਂ ਰੂਪਸਞ੍ਚੇਤਨਾ, ਸਂਸਾਰਦੁਕ੍ਖਂ. ਚਕ੍ਖੁਮ੍ਹਿ ਸਨ੍ਨਿਸ੍ਸਿਤਂ ਵਿਞ੍ਞਾਣਂ ਚਕ੍ਖੁਵਿਞ੍ਞਾਣਂ. ਧਮ੍ਮੇ ਰਤੋ ਧਮ੍ਮਰਤੋ, ਧਮ੍ਮਾਭਿਰਤਿ, ਧਮ੍ਮਰੁਚਿ, ਧਮ੍ਮਗਾਰਵੋ, ਧਮ੍ਮੇਸੁ ਨਿਰੁਤ੍ਤਿ ਧਮ੍ਮਨਿਰੁਤ੍ਤਿ, ਦਾਨਾਧਿਮੁਤ੍ਤਿ, ਭਵਨ੍ਤਰਕਤਂ. ਦਸ੍ਸਨੇ ਅਸ੍ਸਾਦੋ ਦਸ੍ਸਨਸ੍ਸਾਦੋ. ਅਰਞ੍ਞੇ ਵਾਸੋ ਅਰਞ੍ਞਵਾਸੋ, ਵਿਕਾਲਭੋਜਨਂ, ਕਾਲਵਸ੍ਸਂ, ਵਨਪੁਪ੍ਫਂ, ਵਨਮਹਿਸੋ, ਗਾਮਸੂਕਰੋ, ਸਮੁਦ੍ਦਮਚ੍ਛਾ, ਆਵਾਟਕਚ੍ਛਪੋ, ਆਵਾਟਮਣ੍ਡੂਕੋ, ਕੂਪਮਣ੍ਡੂਕੋ, ਤਿਤ੍ਥਨਾਵਾ. ਇਤ੍ਥੀਸੁ ਧੁਤ੍ਤੋ ਇਤ੍ਥਿਧੁਤ੍ਤੋ, ਅਕ੍ਖਧੁਤ੍ਤੋ. ਛਾਯਾਯਂ ਸੁਕ੍ਖੋ ਛਾਯਾਸੁਕ੍ਖੋ, ਅਙ੍ਗਾਰਪਕ੍ਕਂ, ਚਾਰਕਵਨੋ. ਕ੍ਵਚਿ ਵੁਤ੍ਤਿਯੇਵ, ਵਨੇ ਚਰਤੀਤਿ ਵਨਚਰਕੋ, ਕੁਚ੍ਛਿਮ੍ਹਿ ਸਯਨ੍ਤੀਤਿ ਕੁਚ੍ਛਿਸਯਾ, ਥਲੇ ਤਿਟ੍ਠਤੀਤਿ ਥਲਟ੍ਠੋ, ਜਲਟ੍ਠੋ, ਪਬ੍ਬਤਟ੍ਠੋ, ਮਗ੍ਗਟ੍ਠੋ. ਪਙ੍ਕੇ ਜਾਤਂ ਪਙ੍ਕਜਂ, ਸਰੋਰੁਹ+ਮਿਚ੍ਚਾਦਿ. ਇਧ ਨ ਹੋਤਿ, ਭੋਜਨੇ ਮਤ੍ਤਞ੍ਞੁਤਾ, ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ, ਆਸਨੇ ਨਿਸਿਨ੍ਨੋ, ਆਸਨੇ ਨਿਸੀਦਿਤਬ੍ਬਂ.

ਵਿਸੇਸਨਂ ਸ੍ਯਾਦ੍ਯਨ੍ਤਂ ਵਿਸੇਸ੍ਸੇਨ ਸ੍ਯਾਦ੍ਯਨ੍ਤੇਨ ਸਮਾਨਾਧਿਕਰਣੇਨਸਹੇ+ਕਤ੍ਥਂ ਹੋਤਿ.

ਸਮਾਨਤ੍ਥੇ ¶ ਪਦੇ ਯਤ੍ਥ, ਭੇਦ੍ਯਭੇਦਕਵਾਚਕੇ;

ਵਿਸੇਸਨਸਮਾਸੋ+ਯਂ, ਵਿਸੇਸ੍ਸਤ੍ਥਪਧਾਨਤੋ.

ਵਿਸੇਸ੍ਸਗਤ+ਮੇਵ+ਤ੍ਰ, ਲਿਙ੍ਗ+ਮੇਤਂ ਪਰਂ ਤਤੋ;

ਕਮ੍ਮਧਾਰਯ+ਮਿਚ੍ਚੇ+ਸ, ਸਮਾਸੋ+ਞ੍ਞੇਹਿ ਸਞ੍ਞਿਤੋ.

ਸੁਤ੍ਤੇ ਵਿਸੇਸ੍ਸੇਨਾਤਿ ਅਵੁਤ੍ਤੇਪਿ ਵਿਸੇਸਨਸ੍ਸ ਸਮ੍ਬਨ੍ਧੀਸਦ੍ਦਤ੍ਤਾ ਸਾਮਤ੍ਥਿਯਤੋ ਲਬ੍ਭਮਾਨਆਕਡ੍ਢਿਤਸਦ੍ਦਂ ਪਤਿ ‘‘ਵਿਸੇਸ੍ਸੇਨਾ’’ਤਿ ਵੁਤ੍ਤਂ. ਵੁਤ੍ਤਞ੍ਚ –

ਸਾਮਞ੍ਞਵਤ੍ਥੁ ਯਾ ਵਤ੍ਥ+ਨ੍ਤਰਤੋ ਤੁ ਵਿਸੇਸਿਯ;

ਏਕਪ੍ਪਕਾਰੇ ਠਪਨਾ, ਵਿਸੇਸਨ+ਮਿਤੀ+ਰਿਤਂ.

ਏਕਪ੍ਪਕਾਰਗਂ ਵਤ੍ਥੁ, ਵਿਸੇਸ੍ਸਨ੍ਤਿ ਪਵੁਚ੍ਚਤਿ;

ਪਦਾਨਿ ਯਾਨਿ ਯਾਨੇਵ, ਸਮ੍ਬਨ੍ਧ+ਮੁਪਯਨ੍ਤਿ+ਹ;

ਗਮ੍ਯਤੇ ਕਾਮਚਾਰੇਨ, ਵਿਸੇਸਨ+ਵਿਸੇਸ੍ਸਤਾਤਿ.

ਏਤ੍ਥ ਚ ਉਪ੍ਪਲਦਬ੍ਬਂ ਰਤ੍ਤੁਪ੍ਪਲਾਦਿਤੋ ਵਿਸੇਸਯਤੀਤਿ ਨੀਲਸਦ੍ਦੋ ਵਿਸੇਸਨਂ. ਤੇਨ ਵਿਸੇਸਿਯਤੀਤਿ ਉਪ੍ਪਲਸਦ੍ਦੋ ਵਿਸੇਸ੍ਸਂ. ਅਪਿ ਚ ਭਮਰ+ਙ੍ਗਾਰਾਦਿਸਾਮਞ੍ਞ ਨੀਲਤ੍ਥਤੋ ਵਿਸੇਸਿਯਤੀਤਿ ਨੀਲਂ ਵਿਸੇਸ੍ਸਂ. ਨ ਵਤ੍ਥਾਦੀਨਂ, ਉਪ੍ਪਲਸ੍ਸੇਵਾਤਿ ਵਿਸੇਸਨਤੋ ਉਪ੍ਪਲਂ ਵਿਸੇਸਨਂਤਿ ਕਾਮਚਾਰੇਨੇਤਿ ਵੁਤ੍ਤਂ. ਅਪਿ ਚ –

ਪਰਿਤੋ ਅਯਨ੍ਤ੍ਯ+ਨੇਨ+ਤ੍ਥਾ, ਪਰਿਯਾਯੋਤਿ ਵੁਚ੍ਚਤਿ;

ਗੋਵਾਚਾਤਿ ਪਵੁਤ੍ਤੇ ਤੁ, ਵਾਚਤ੍ਥੋ ਤੁ ਵਿਸੇਸਨਂ.

ਵਿਸੇਸ੍ਸੇ ਦਿਸ੍ਸਮਾਨਾ ਯਾ, ਲਿਙ੍ਗ+ਸਂਖ੍ਯਾ+ਵਿਭਤ੍ਤਿਯੋ;

ਤੁਲ੍ਯਾਧਿਕਰਣੇ ਭਿਯ੍ਯੋ, ਕਤ੍ਤਬ੍ਬਾ ਤਾ ਵਿਸੇਸਨੇਤਿ –

ਵੁਤ੍ਤਤ੍ਤਾ ਮਹਨ੍ਤੋ+ਚ੍ਚਾਦੀਸੁ ਸਮਾਨਲਿਙ੍ਗਾਦਯੋ ਦਟ੍ਠਬ੍ਬਾ. ਭਿਯ੍ਯੋਤਿ ਕਿਂ, ਦੇਵਾ ਪਮਾਣਂ ਇਚ੍ਚਾਦਿ.

ਸੋ ¶ ਚ ਛਬ੍ਬਿਧੋ ਵਿਸੇਸਨਪੁਬ੍ਬਪਦੋ, ਵਿਸੇਸਨੁਤ੍ਤਰਪਦੋ, ਵਿਸੇਸਨੋਭਯਪਦੋ, ਉਪਮਾਨੁਤ੍ਤਰਪਦੋ, ਸਮ੍ਭਾਵਨਾਪੁਬ੍ਬਪਦੋ, ਅਵਧਾਰਣਪੁਬ੍ਬਪਦੋਤਿ.

ਤਤ੍ਥ ਵਿਸੇਸਨਪੁਬ੍ਬਪਦੇ ਤਾਵ-ਮਹਨ੍ਤੋ ਚ ਸੋ ਪੁਰਿਸੋ ਚਾਤਿ ਵਾਕ੍ਯੇ ਇਮਿਨਾ ਸੁਤ੍ਤੇਨ ਸਮਾਸੋ. ‘‘ਟ ਨ੍ਤ+ਨ੍ਤੂਨਂ’’ਤਿ ਨ੍ਤਸ੍ਸ ਟਾਦੇਸੇ ਦੀਘੋ ਹੋਤਿ, ਮਹਾਪੁਰਿਸੋ, ਮਹਾਪੁਰਿਸਾ ਇਚ੍ਚਾਦਿ.

ਵਾਕ੍ਯੇ ਤੁਲ੍ਯਾਧਿਕਰਣਭਾਵ ਪਕਾਸਨਤ੍ਥਂ ਚ+ਤ-ਸਦ੍ਦਪਯੋਗੋ. ਵੁਤ੍ਤਿਯਨ੍ਤੁ ਸਮਾਸੇਨੇਵ ਤਪ੍ਪਕਾਸਨਤੋ ਨ ਤਪ੍ਪਯੋਗੋ. ਏਵ+ਮਞ੍ਞਤ੍ਰਾਪਿ ਵੁਤ੍ਤਤ੍ਥਾਨ+ਮਪ੍ਪਯੋਗੋ. ਏਵਂ ਮਹਾਵੀਰੋ, ਮਹਾਮੁਨਿ. ਮਹਨ੍ਤਞ੍ਚ ਤਂ ਬਲਞ੍ਚਾਤਿ ਮਹਾਬਲਂ, ਮਹਬ੍ਭਯਂ. ਸਨ੍ਤੋ ਚ ਸੋ ਪੁਰਿਸੋ ਚਾਤਿ ਸਪ੍ਪੁਰਿਸੋ. ਤਥਾ ਪੁਬ੍ਬਪੁਰਿਸੋ, ਅਪਰਪੁਰਿਸੋ, ਪਠਮਪੁਰਿਸੋ, ਮਜ੍ਝਿਮਪੁਰਿਸੋ, ਉਤ੍ਤਮਪੁਰਿਸੋ, ਪਰਪੁਰਿਸੋ, ਸੇਤਹਤ੍ਥੀ, ਕਣ੍ਹਸਪ੍ਪੋ, ਨੀਲੁਪ੍ਪਲਂ, ਰਤ੍ਤੁਪ੍ਪਲਂ, ਲੋਹਿਤਚਨ੍ਦਨਂ. ਕ੍ਵਚਿ ਨ ਹੋਤਿ, ਪੁਣ੍ਣੋ ਮਨ੍ਤਾਨੀਪੁਤ੍ਤੋ, ਚਿਤ੍ਤੋ ਗਹਪਤਿ. ਪੁਮਾ ਚ ਸੋ ਕੋਕਿਲੋ ਚਾਤਿ ਪੁਙ੍ਕੋਕਿਲੋ, ਉਤ੍ਤਰਪਦੇ ਪੁਮਸ੍ਸ ਪੁਂ ਹੋਤਿ. ਏਵਂ ਪੁਨ੍ਨਾਗੋ.

ਖਤ੍ਤਿਯਾ ਚ ਸਾ ਕਞ੍ਞਾ ਚਾਤਿ ਖਤ੍ਤਿਯਕਞ੍ਞਾ.

੬੭. ਇਤ੍ਥਿਯਂ ਭਾਸਿਤਪੁਮਿ+ਤ੍ਥੀ ਪੁਮੇਵੇ+ਕਤ੍ਥੇਤਿ

ਭਾਸਿਤਪੁਮਾ ਇਤ੍ਥੀ ਪੁਮੇਵ ਹੋਤੀਤਿ ਪੁਮ੍ਭਾਵਾ ਇਤ੍ਥਿਪਚ੍ਚਯਾਨਂ ਨਿਵਤ੍ਤਿ ਹੋਤਿ. ਏਵਂ ਰਤ੍ਤਲਤਾ, ਦੁਤਿਯਭਿਕ੍ਖਾ. ਬ੍ਰਾਹ੍ਮਣੀ ਚ ਸਾ ਦਾਰਿਕਾ ਚਾਤਿ ਬ੍ਰਾਹ੍ਮਣਦਾਰਿਕਾ, ਨਾਗਮਾਣਵਿਕਾ. ਇਤ੍ਥਿਯਨ੍ਤਿ ਕਿਂ, ਕੁਮਾਰਿਰਤਨਂ, ਸਮਣਿਪਦੁਮਂ. ਭਾਸਿਤਪੁਮਾਤਿ ਕਿਂ, ਗਙ੍ਗਾਨਦੀ, ਤਣ੍ਹਾਨਦੀ ¶ , ਪਥਵੀਧਾਤੁ. ਪੁਰਤ੍ਥਿਮੋ ਚ ਸੋ ਕਾਯੋ ਚਾਤਿ ਪੁਰਤ੍ਥਿਮਕਾਯੋ. ਏਤ੍ਥ ਚ ਕਾਯੇਕਦੇਸੇ ਕਾਯਸਦ੍ਦੋ. ਏਵਂ ਪਚ੍ਛਿਮਕਾਯੋ, ਉਪਰਿਮਕਾਯੋ, ਹੇਟ੍ਠਿਮਕਾਯੋ, ਸਬ੍ਬਕਾਯੋ, ਨਵਾਵਾਸੋ, ਕਤਰਨਿਕਾਯੋ, ਹੇਤੁਪਚ੍ਚਯੋ. ਜੀਵਿਤਪ੍ਪਧਾਨਂ ਨਵਕਂ ਜੀਵਿਤਨਵਕ+ਮਿਚ੍ਚਾਦਿ.

ਵਿਸੇਸਨੁਤ੍ਤਰਪਦੇ ਥੇਰਾ+ਚਰਿਯ+ਪਣ੍ਡਿਤਾ ਵਿਸੇਸਨਂ ਪਰਞ੍ਚ ਭਵਤਿ. ਯਥਾ ਸਾਰਿਪੁਤ੍ਤੋ ਚ ਸੋ ਥੇਰੋ ਚਾਤਿ ਸਾਰਿਪੁਤ੍ਤਤ੍ਥੇਰੋ, ਏਵਂ ਮਹਾਮੋਗ੍ਗਲ੍ਲਾਨਤ੍ਥੇਰੋ, ਮਹਾਕਸ੍ਸਪਤ੍ਥੇਰੋ, ਬੁਦ੍ਧਘੋਸਾਚਰਿਯੋ, ਧਮ੍ਮਪਾਲਾਚਰਿਯੋ, ਆਚਰਿਯਗੁਤ੍ਤਿਲੋ ਵਾ. ਮਹੋਸਧੋ ਚ ਸੋ ਪਣ੍ਡਿਤੋ ਚਾਤਿ ਮਹੋਸਧਪਣ੍ਡਿਤੋ, ਏਵਂ ਵਿਧੁਰਪਣ੍ਡਿਤੋ.

ਵਿਸੇਸਨੋਭਯਪਦੇ ਯਥਾ-ਸੀਤਞ੍ਚ ਤਂ ਉਣ੍ਹਞ੍ਚਾਤਿ ਸੀਤੁਣ੍ਹਂ, ਸਿਨਿਦ੍ਧੋ ਚ ਸੋ ਉਣ੍ਹੋ ਚਾਤਿ ਸਿਨਿਦ੍ਧੁਣ੍ਹੋ ਮਾਸੋ. ਖਞ੍ਜੋ ਚ ਸੋ ਖੁਜ੍ਜੋ ਚਾਤਿ ਖਞ੍ਜਖੁਜ੍ਜੋ, ਏਵਂ ਅਨ੍ਧਬਧਿਰੋ, ਕਤਾਕਤਂ, ਛਿਦ੍ਦਾਵਛਿਦ੍ਦਂ, ਉਚ੍ਚਾਵਚਂ, ਛਿਨ੍ਨਭਿਨ੍ਨਂ, ਗਤਪਚ੍ਚਾਗਤਂ. ਕ੍ਵਚਿ ਪੁਬ੍ਬਕਾਲਸ੍ਸਾਪਿ ਪਰਨਿਪਾਤੋ, ਵਾਸਿਤੋ ਚ ਸੋ ਲਿਤ੍ਤੋ ਚਾਤਿ ਲਿਤ੍ਤਵਾਸਿਤੋ, ਏਵਂ ਨਗ੍ਗਮੂਸਿਤੋ, ਸਿਤ੍ਤਸਮ੍ਮਟ੍ਠੋ, ਭਟ੍ਠਲੁਞ੍ਜਿਤੋ.

ਉਪਮਨੁਤ੍ਤਰਪਦੇ ਉਪਮਾਨਭੂਤਂ ਵਿਸੇਸਨਂ ਪਰਂ ਭਵਤਿ, ਯਥਾ ਸੀਹੋਤਿ ਵੁਤ੍ਤੇ ਉਪਚਰਿਤਾ+ਨੁਪਚਰਿਤਸੀਹਾਨਂ ਸਾਮਞ੍ਞਪ੍ਪਤੀਤਿਯਂ ਮੁਨਿਸਦ੍ਦੋ ਵਿਸੇਸੇਤਿ. ਏਤ੍ਥ ਚ –

ਉਪਮਾਨੋ+ਪਮੇਯ੍ਯਾਨਂ, ਸਧਮ੍ਮਤ੍ਤਂ ਸਿਯੋ+ਪਮਾ.

ਸਾ ਚ ਵਤ੍ਥੁ+ਵਣ੍ਣ+ਆਕਾਰਾਨਂ ਸਾਮ੍ਯੇਨ ਹੋਤਿ. ਸੀਹੋਵ ਸੀਹੋ, ਮੁਨਿ ਚ ਸੋ ਸੀਹੋ ਚਾਤਿ ਮੁਨਿਸੀਹੋ, ਮੁਨਿਵਸਭੋ, ਮੁਨਿਪੁਙ੍ਗਵੋ ¶ , ਬੁਦ੍ਧਨਾਗੋ, ਬੁਦ੍ਧਾਦਿਚ੍ਚੋ. ਰਂਸੀ ਵਿਯ ਰਂਸੀ, ਸਦ੍ਧਮ੍ਮੋ ਚ ਸੋ ਰਂਸੀ ਚਾਤਿ ਸਦ੍ਧਮ੍ਮਰਂਸੀ, ਏਵਂ ਵਿਨਯਸਾਗਰੋ. ਪੁਣ੍ਡਰਿਕਮਿਵ ਪੁਣ੍ਡਰਿਕੋ, ਸਮਣੋ ਚ ਸੋ ਪੁਣ੍ਡਰਿਕੋ ਚਾਤਿ ਸਮਣਪੁਣ੍ਡਰਿਕੋ, ਸਮਣਪਦੁਮੋ. ਚਨ੍ਦੋ ਵਿਯ ਚਨ੍ਦੋ, ਮੁਖਞ੍ਚ ਤਂ ਚਨ੍ਦੋ ਚਾਤਿ ਮੁਖਚਨ੍ਦੋ, ਮੁਖਪਦੁਮਂ ਇਚ੍ਚਾਦਿ.

ਸਮ੍ਭਾਵਨਾਪੁਬ੍ਬਪਦੇ ਯਥਾ-ਧਮ੍ਮੋਤਿ ਬੁਦ੍ਧਿ ਧਮ੍ਮਬੁਦ੍ਧਿ, ਏਵਂ ਧਮ੍ਮਸਞ੍ਞਾ, ਧਮ੍ਮਸਙ੍ਖਾਤੋ, ਧਮ੍ਮਸਮ੍ਮਤੋ, ਪਾਣਸਞ੍ਞਿਤਾ, ਅਸੁਭਸਞ੍ਞਾ, ਅਨਿਚ੍ਚਸਞ੍ਞਾ, ਧਾਤੁਸਞ੍ਞਾ, ਅਤ੍ਤਸਞ੍ਞਾ, ਅਤ੍ਤਦਿਟ੍ਠਿ ਇਚ੍ਚਾਦਿ.

ਅਵਧਾਰਣਪੁਬ੍ਬਪਦੇ ਯਥਾ-ਗੁਣੋ ਏਵ ਧਨਂ ਗੁਣਧਨਂ, ਏਵਂ ਸਦ੍ਧਾਧਨਂ, ਸੀਲਧਨਂ, ਪਞ੍ਞਾਰਤਨਂ, ਚਕ੍ਖੁ ਏਵ ਇਨ੍ਦ੍ਰਿਯਂ ਚਕ੍ਖੁਨ੍ਦ੍ਰਿਯਂ, ਏਵਂ ਚਕ੍ਖਾਯਤਨਂ, ਚਕ੍ਖੁਧਾਤੁ, ਚਕ੍ਖੁਦ੍ਵਾਰਂ, ਰੂਪਾਰਮ੍ਮਣ+ਮਿਚ੍ਚਾਦਿ.

ਵਿਸੇਸਨ+ਵਿਸੇਸ੍ਸੇਹਿ, ਕ੍ਰਿਯਾਯ ਚ ਸਹੇ+ਰਿਤੋ;

ਤੇਸਂ ਭਾਵਂ ਵਿਵੇਚੇਤਾ, ਨਿਪਾਤੋ ਬ੍ਯਵਚ੍ਛਿਨ੍ਦਤਿ.

ਅਯੋਗ+ਮਞ੍ਞਯੋਗਞ੍ਚ, ਅਚ੍ਚਨ੍ਤਾਯੋਗ+ਮੇਵਿ+ਤਿ;

ਵਿਵਕ੍ਖਾਤੋ ਪਯੁਤ੍ਤੋਪਿ, ਏਵਤ੍ਥੋ ਞਾਯਤੇ ਯਤੋ.

ਬ੍ਯਵਚ੍ਛੇਦਫਲਂ ਵਾਕ੍ਯਂ, ਤਤੋ ਚਿਤ੍ਤੋ ਧਨੁਦ੍ਧਰੋ;

ਪਾਤ੍ਥੋ ਧਨੁਦ੍ਧਰੋ ਨੀਲੁ+ਪ੍ਪਲ+ਮਤ੍ਥੀਤਿ ਤਂ ਯਥਾ.

ਏਤ੍ਥ ਨਿਪਾਤੋਤਿ ਏਵ-ਇਤਿਨਿਪਾਤੋ, ਅਪ੍ਪਯੁਤ੍ਤੋਪਿ ਏਵਸਦ੍ਦੋ ਏਵਂ ਯੋਜੇਤਬ੍ਬੋ – ‘‘ਚਿਤ੍ਤੋ ਧਨੁਦ੍ਧਰੋ ਏਵਾ’’ਤਿ ਵਿਸੇਸਨੇਨ ਯੁਤ੍ਤੋ ਅਯੋਗਵਿਵਚ੍ਛੇਦਕੋ, ਧਨੁਨਾ ਯੋਗੇ ਪਤਿਟ੍ਠਾਪਨਤੋ ‘‘ਪਾਤ੍ਥੋ ਏਵ ਧਨੁਦ੍ਧਰੋ’’ਤਿ ਵਿਸੇਸ੍ਸੇਨ ਯੁਤ੍ਤੋ ਅਞ੍ਞਯੋਗਵਿਵਚ੍ਛੇਦਕੋ, ਧਨੁਦ੍ਧਰਤ੍ਤਸ੍ਸ ਪਾਤ੍ਥਸਂਖਾਤਅਜ੍ਜੁਨੇ ਏਵ ਪਤਿਟ੍ਠਾਪਨਤੋ. ‘‘ਨੀਲੁਪ੍ਪਲ+ਮਤ੍ਥੇਵਾ’’ਤਿ ¶ ਕ੍ਰਿਯਾਯ ਯੁਤ੍ਤੋ ਅਚ੍ਚਨ੍ਤਾਯੋਗਵਿਵਚ੍ਛੇਦਕੋ, ਨੀਲੁਪ੍ਪਲਸ੍ਸ ਸਬ੍ਭਾਵੇਯੇਵ ਪਤਿਟ੍ਠਾਪਨਤੋ.

ਏਕਤ੍ਥੇ ਸਮਾਹਾਰੇ ਸਂਖ੍ਯਾਦਿ ਨਪੁਂਸਕਲਿਙ੍ਗਂ ਭਵਤਿ. ਤਯੋ ਲੋਕਾ ਸਮਾਹਟਾ=ਚਿਤ੍ਤੇਨ ਸਮ੍ਪਿਣ੍ਡਿਤਾ, ਤਿਣ੍ਣਂ ਲੋਕਾਨਂ ਸਮਾਹਾਰੋਤਿ ਵਾ ਵਾਕ੍ਯੇ ਵਿਸੇਸਨਸਮਾਸੇ ਕਤੇ ਇਮਿਨਾ ਨਪੁਂਸਕਤ੍ਤਂ ਭਵਤਿ. ਸਮਾਹਾਰਸ੍ਸੇ+ਕਤ੍ਤਾ ਏਕਵਚਨਮੇਵ, ਤਿਲੋਕਂ, ਭੋ ਤਿਲੋਕ, ਤਿਲੋਕਂ, ਤਿਲੋਕੇਨ ਇਚ੍ਚਾਦਿ. ਏਵਂ ਤਯੋ ਦਣ੍ਡਾ ਤਿਦਣ੍ਡਂ, ਤੀਣਿ ਮਲਾਨਿ ਸਮਾਹਟਾਨਿ, ਤਿਣ੍ਣਂ ਮਲਾਨਂ ਸਮਾਹਾਰੋਤਿ ਵਾ ਤਿਮਲਂ, ਤਿਲਕ੍ਖਣਂ, ਚਤੁਸਚ੍ਚਂ, ਪਞ੍ਚਸਿਕ੍ਖਾਪਦਂ, ਛਟ੍ਠਾਯਤਨਂ, ਸਤ੍ਤਾਹਂ, ਅਟ੍ਠਸੀਲਂ, ਨਵਲੋਕੁਤ੍ਤਰਂ, ਦਸਸੀਲਂ, ਸਤਯੋਜਨਂ. ਦ੍ਵੇ ਰਤ੍ਤਿਯੋ ਸਮਾਹਟਾ ਦ੍ਵਿਰਤ੍ਤਂ.

ਨਊਚ੍ਚੇਤਂ ਸ੍ਯਾਦ੍ਯਨ੍ਤਂ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥਂ ਹੋਤਿ. ਞ੍ਞਕਾਰੋ ‘‘ਟ ਨਞਸ੍ਸਾ’’ਤਿ ਵਿਸੇਸਨਤ੍ਥੋ ‘ਪਾਮਨਪੁਤ੍ਤਾਦੀਸੁ ਨਸ੍ਸ ਟੋ ਮਾ ਹੋਤੂ’ਤਿ. ਨ ਬ੍ਰਾਹ੍ਮਣੋ ਅਬ੍ਰਾਹ੍ਮਣੋ, ‘‘ਟ ਨਞਸ੍ਸਾ’’ਤਿ ਨਸ੍ਸ ਟਾਦੇਸੋ. ਞ੍ਞ-ਕਾਰੋ ਏਤ੍ਥੇਵ ਵਿਸੇਸਨਤ੍ਥੋ.

ਨ-ਨਿਸੇਧੋ ਸਤੋ ਯੁਤ੍ਤੋ, ਦੇਸਾਦਿਨਿਯਮਂ ਵਿਨਾ;

ਅਸਤੋ ਵਾ+ਫਲੋ ਤਸ੍ਮਾ, ਕਥ+ਮਬ੍ਰਾਹ੍ਮਣੋਤਿਚੇ.

ਨਿਸੇਧਤ੍ਥਾਨੁਵਾਦੇਨ, ਪਟਿਸੇਧਵਿਧਿ ਕ੍ਵਚਿ;

ਪਰਸ੍ਸ ਮਿਚ੍ਛਾਞਾਣਤ੍ਤਾ+ਖ੍ਯਾਪਨਾਯੋ+ਪਪਜ੍ਜਤੇ.

ਦੁਵਿਧੋ ¶ ਚ+ਸ੍ਸ ਨਸ੍ਸ ਅਤ੍ਥੋ ਪਸਜ੍ਜਪਟਿਸੇਧ+ਪਰਿਯੁਦਾਸਵਸੇਨ. ਤਤ੍ਥ ਯੋ ‘‘ਅਸੂਰਿਕਪਸ੍ਸਾਰਾਜਦਾਰਾ’’ਤਿਆਦੀਸੁ ਵਿਯ ਉਤ੍ਤਰਪਦਤ੍ਥਸ੍ਸ ਸਬ੍ਬਦਾ ਅਭਾਵਂ ਦੀਪੇਤਿ, ਸੋ ਪਸਜ੍ਜਪਟਿਸੇਧਵਾਚੀ ਨਾਮ. ਯੋ ਪਨ ‘‘ਅਬ੍ਰਾਹ੍ਮਣ+ਮਾਨਯਾ’’ਤਿਆਦੀਸੁ ਵਿਯ ਉਤ੍ਤਰਪਦਤ੍ਥਂ ਪਰਿਯੁਦਾਸਿਤ੍ਵਾ ਪਟਿਕ੍ਖਿਪਿਤ੍ਵਾ ਤਂਸਦਿਸੇ ਵਤ੍ਥੁਮ੍ਹਿ ਕਾਰਿਯਂ ਪਟਿਪਾਦਯਤਿ, ਸੋ ਪਰਿਯੁਦਾਸਵਾਚੀ ਨਾਮ. ਵੁਤ੍ਤਞ੍ਚ –

ਪਸਜ੍ਜਪਟਿਸੇਧਸ੍ਸ, ਲਕ੍ਖਣਂ ਵਤ੍ਥੁਨਤ੍ਥਿਤਾ;

ਵਤ੍ਥੁਤੋ+ਞ੍ਞਤ੍ਰ ਯਾ ਵੁਤ੍ਤਿ, ਪਰਿਯੁਦਾਸਲਕ੍ਖਣਂ.

ਯਤ੍ਰ ਅਬ੍ਰਾਹ੍ਮਣਾਦੀਸੁ, ਵਤ੍ਥੁਂ ਪਰਿਯੁਦਸ੍ਸਤਿ;

ਤਕ੍ਰਿਯਾਯੁਤ੍ਤਰਾਜਾਦਿਂ, ਵਦੇ ਸੋ ਪਰਿਯੁਦਾਸਕੋ.

ਪਸਜ੍ਜਪਟਿਸੇਧੋ ਤੁ, ਵਤ੍ਥਨ੍ਤਰ+ਮਨਾਦਿਯ;

ਕਿਞ੍ਚਿਵਤ੍ਥੁਨਿਸੇਧਸ੍ਸ, ਪਸਙ੍ਗੋ ਨ ਭਵੇਯ੍ਯ ਸੋ.

ਤਦਞ੍ਞਤ੍ਥੇ – ਅਬ੍ਰਾਹ੍ਮਣੋ, ਬ੍ਰਾਹ੍ਮਣਤੋ ਅਞ੍ਞੋ ਤਂਸਦਿਸੋਤਿ ਵੁਤ੍ਤਂ ਹੋਤਿ. ਏਵਂ ਅਮਨੁਸ੍ਸੋ, ਅਸ੍ਸਮਣੋ, ਨ ਬ੍ਯਾਕਤਾ ਅਬ੍ਯਾਕਤਾ ਧਮ੍ਮਾ. ਤਬ੍ਬਿਰੁਦ੍ਧਤ੍ਥੇ-ਨ ਕੁਸਲਾ ਅਕੁਸਲਾ, ਕੁਸਲਪਟਿਪਕ੍ਖਾਤਿ ਅਤ੍ਥੋ. ਏਵਂ ਅਲੋਭੋ, ਅਮਿਤ੍ਤੋ, ਅਯਂ ਪਰਿਯੁਦਾਸਨਯੋ. ਤਦਭਾਵੇ-ਨ ਕਤ੍ਵਾ ਅਕਤ੍ਵਾ, ਅਕਾਤੁਨ ਪੁਞ੍ਞਂ, ਅਕਰੋਨ੍ਤੋ, ਅਭਾਵੋ ਭਵਤਿ. ਅਯਂ ਪਸਜ੍ਜਪਟਿਸੇਧਨਯੋ.

ਏਤ੍ਥ ¶ ਚ ਉਭੋਸੁ ਪਰਿਯੁਦਾਸੇ ਬ੍ਰਾਹ੍ਮਣਾ ਅਞ੍ਞੋ ਬ੍ਰਾਹ੍ਮਣਧਮ੍ਮੇ ਅਪ੍ਪਤਿਟ੍ਠਿਤੋ ਖਤ੍ਤਿਯਾਦਿ ਬ੍ਰਾਹ੍ਮਣਸਦਿਸੋਵ ਅਬ੍ਰਾਹ੍ਮਣੋਤਿ ਵੁਤ੍ਤੇ ਪਤੀਯਤੇ. ਇਤਰਸ੍ਮਿਂ ਪਨ ਪਕ੍ਖੇ ਕੇਨਚਿ ਸਂਸਯਨਿਮਿਤ੍ਤੇਨ ਖਤ੍ਤਿਯਾਦੋ ਬ੍ਰਾਹ੍ਮਣੋਤਿ ਵੁਤ੍ਤਸ੍ਸ ਮਿਚ੍ਛਾਞਾਣਨਿਵੁਤ੍ਤਿ ਕਰੀਯਤਿ ‘‘ਬ੍ਰਾਹ੍ਮਣੋ+ਯਂ ਨ ਭਵਤਿ ਅਬ੍ਰਾਹ੍ਮਣੋ’’ਤਿ, ਬ੍ਰਾਹ੍ਮਣਤ੍ਤਜ੍ਝਾਸਿਤੋ ਨ ਭਵਤੀਤ੍ਯਤ੍ਥੋ. ਤਤ੍ਥ ਸਦਿਸਤ੍ਤਂ ਵਿਨਾ ਮਿਚ੍ਛਾਞਾਣਾਸਮ੍ਭਵਾ ਪਯੋਗਸਾਮਤ੍ਥਿਯਾ ਚ ਸਦਿਸਪਟਿਪਤ੍ਤਿ, ਤਗ੍ਗਤਾ ਚ ਲਿਙ੍ਗ+ਸਙ੍ਖ੍ਯਾ ਭਵਨ੍ਤਿ. ਅਤੋਯੇਵ ਉਚ੍ਚਤੇ ‘‘ਨਞ੍ਞਿਵਯੁਤ੍ਤ+ਮਞ੍ਞਸਦਿਸਾਧਿਕਰਣੇ, ਕਥਾ ਹਿ ਅਤ੍ਥਸਮ੍ਪਚ੍ਚਯੋ’’ਤਿ.

ਨਞਸਦ੍ਦਸ੍ਸ ਸਰੇ ਅਨ, ਨ ਅਸ੍ਸੋ ਅਨਸ੍ਸੋ, ਨ ਅਰਿਯੋ ਅਨਰਿਯੋ. ਏਵਂ ਅਨਿਸ੍ਸਰੋ, ਅਨਿਟ੍ਠੋ, ਅਨਾਸਵੋ. ਨ ਆਦਾਯ ਅਨਾਦਾਯ, ਅਨੋਲੋਕੇਤ੍ਵਾ ਇਚ੍ਛਾਦਿ. ਬਹੁਲਾਧਿਕਾਰਾ ਅਯੁਤ੍ਤਤ੍ਥੇਹਿ ਕੇਹਿਚਿ ਹੋਤਿ. ਪੁਨ ਨ ਗੀਯਨ੍ਤੀਤਿ ਅਪੁਨਗੇਯ੍ਯਾ ਗਾਥਾ, ਅਨੋਕਾਸਂ ਕਾਰੇਤ੍ਵਾ, ਅਮੂਲਾਮੂਲਂ ਗਨ੍ਤ੍ਵਾ, ਅਚਨ੍ਦਮੁਲ੍ਲੋਕਿਕਾਨਿ ਮੁਖਾਨਿ, ਅਸਦ੍ਧਭੋਜੀ, ਅਲਵਣਭੋਜੀ.

੧੩. ਕੁਪਾਦਯੋ ਨਿਚ੍ਚ+ਮਸ੍ਯਾਦਿਵਿਧਿਮ੍ਹਿ

ਕੁਸਦ੍ਦੋ ਪਾਦਯੋ ਚ ਸ੍ਯਾਦ੍ਯਨ੍ਤੇਨ ਸਹੇ+ਕਤ੍ਥਾ ਹੋਨ੍ਤਿ ਨਿਚ੍ਚਂ ਸ੍ਯਾਦਿਵਿਧਿਵਿਸਯਤੋ+ਞ੍ਞਤ੍ਥ. ਏਤ੍ਥ ਅਬ੍ਯਭਿਚਾਰਿਪਾਦਿਸਹਚਰਣਤ੍ਥੇਨ ਕੁਇਤਿ ਨਿਪਾਤੋਵ, ਨ ਪਥਵੀਵਾਚਕੋ ਕੁਸਦ੍ਦੋ. ਸ੍ਯਾਦਿਵਿਧਿਵਿਸਯੋ ਨਾਮ ‘‘ਲਕ੍ਖਣਿਤ੍ਥਮ੍ਭੂਤਾ’’ ਦਿਨਾ ਪਤਿਆਦੀਨਂ ਵਿਸਯੇ ਕਤਦੁਤਿਯਾ, ਤਞ੍ਚ ਅਨ੍ਵਦ੍ਧਮਾਸਨ੍ਤਿ ਅਸਂਖ੍ਯਸਮਾਸ+ਮਿਵ ਮਾ ਹੋਤੂਤਿ ‘‘ਅਸ੍ਯਾਦਿਵਿਧਿਮ੍ਹੀ’’ਤਿ ਨਿਸੇਧੋ. ਕੁਚ੍ਛਿਤੋ ਬ੍ਰਾਹ੍ਮਣੋ ਕੁਬ੍ਰਾਹ੍ਮਣੋ, ਨਿਚ੍ਚਸਮਾਸਤ੍ਤਾ ਅਸਪਦੇਨ ਵਿਗ੍ਗਹੋ.

ਕੁਸ੍ਸੁ+ਤ੍ਤਰਤ੍ਥੇ ¶ ਵਤ੍ਤਮਾਨਸ੍ਸ ਸਰਾਦੋ ਉਤ੍ਤਰਪਦੇ ਕਦਾਦੇਸੋ ਹੋਤਿ. ਈਸਕਂ ਉਣ੍ਹਂ ਕਦੁਣ੍ਹਂ, ਕੁਚ੍ਛਿਤਂ ਅਨ੍ਨਂ ਕਦਨ੍ਨਂ, ਕਦਸਨਂ. ਸਰੇਤਿ ਕਿਂ, ਕੁਪੁਤ੍ਤਾ, ਕੁਦਾਰਾ, ਕੁਦਾਸਾ, ਕੁਦਿਟ੍ਠਿ.

ਅਪ੍ਪਤ੍ਥੇ ਵਤ੍ਤਮਾਨਸ੍ਸ ਕੁਸ੍ਸ ਕਾ ਹੋਤੁ+ਤ੍ਤਰਪਦੇ. ਅਪ੍ਪਕਂ ਲਵਣਂ ਕਾਲਵਣਂ. ਏਵਂ ਕਾਪੁਪ੍ਫਂ.

ਕੁਸ੍ਸ ਕਾ ਵਾ. ਕੁਚ੍ਛਿਤੋ ਪੁਰਿਸੋ ਕਾਪੁਰਿਸੋ, ਕੁਪੁਰਿਸੋ ਵਾ. ਪਕਟ੍ਠੋ ਨਾਯਕੋ ਪਨਾਯਕੋ, ਪਧਾਨਂ ਵਚਨਂ ਪਾਵਚਨਂ ਭੁਸਂ ਵਦ੍ਧਂ ਪਵਦ੍ਧਂ ਸਰੀਰਂ, ਸਮਂ ਸਮ੍ਮਾ ਵਾ ਆਧਾਨਂ ਸਮਾਧਾਨਂ, ਵਿਵਿਧਾ ਮਤਿ ਵਿਮਤਿ, ਵਿਵਿਧੋ ਵਿਸਿਟ੍ਠੋ ਵਾ ਕਪ੍ਪੋ ਵਿਕਪ੍ਪੋ, ਅਧਿਕੋ ਦੇਵੋ ਅਤਿਦੇਵੋ, ਏਵਂ ਅਧਿਦੇਵੋ, ਅਧਿਸੀਲਂ. ਸੁਨ੍ਦਰੋ ਗਨ੍ਧੋ ਸੁਗਨ੍ਧੋ, ਕਚ੍ਛਿਤੋ ਗਨ੍ਧੋ ਦੁਗ੍ਗਨ੍ਧੋ, ਸੁਟ੍ਠੁ ਕਤਂ ਸੁਕਤਂ, ਦੁਟ੍ਠੁ ਕਤਂ ਦੁਕ੍ਕਤਂ ਅਭਿ ਸਿਞ੍ਚਨਂ ਅਭਿਸੇਕੋਤਿ ਸਨਨ੍ਤੋ, ਅਤਿਸਯੇਨ ਕਤ੍ਵਾ, ਕਤਂ ਪਕਰਿਤ੍ਵਾ, ਪਕਤਂ, ਅਤਿਸਯੇਨ ਥੁਤਂ ਅਤਿਤ੍ਥੁਤਂ, ਅਤਿਕ੍ਕਮ੍ਮ ਥੁਤਂ ਅਤਿਤ੍ਥੁਤਂ, ਈਸਂ ਕਲ਼ਾਰੋ ਆਕਲ਼ਾਰੋ, ਸੁਟ੍ਠੁ ਬਦ੍ਧੋ ਆਬਦ੍ਧੋ.

ਪਗਤੋ ਆਚਰਿਯੋ ਪਾਚਰਿਯੋ, ਏਵਂ ਪਨ੍ਤੇਵਾਸੀ.

ਅਚ੍ਚਾਦਯੋ ¶ ਕਨ੍ਤਾਦ੍ਯਤ੍ਥੇ ਦੁਤਿਯਾਯ

ਅਤਿਕ੍ਕਨ੍ਤੋ ਮਞ੍ਚਂ ਅਤਿਮਞ੍ਚੋ. ਅਤਿਮਾਲੋ, ‘‘ਘਪਸ੍ਸ+ਨ੍ਤਸ੍ਸਾ+ਪ੍ਪਧਾਨਸ੍ਸਾ’’ਤਿ ਮਾਲਾਸਦ੍ਦੇ ਘਸ੍ਸ ਰਸ੍ਸੋ. ਏਵ+ਮੁਪਰਿਪਿ ਘਪਾਨਂ ਰਸ੍ਸੋ.

ਅਵਕੁਟ੍ਠਂ ਕੋਕਿਲਾਯ ਵਨਂ ਅਵਕੋਕਿਲਂ, ਅਵਮਯੂਰਂ. ਅਵਕੁਟ੍ਠਨ੍ਤਿ ਪਰਿਚ੍ਚਤ੍ਤਂ.

ਪਰਿਯਾਦਯੋ ਗਿਲਾਨਾਦ੍ਯਤ੍ਥੇ ਚਤੁਤ੍ਥਿਯਾ

ਪਰਿਗਿਲਾਨੋ+ਜ੍ਝੇਨਾਯ ਪਰਿਯਜ੍ਝੇਨੋ.

ਨ੍ਯਾਦਯੋ ਕਨ੍ਤਾਦ੍ਯਤ੍ਥੇ ਪਞ੍ਚਮਿਯਾ

ਨਿਕ੍ਖਨ੍ਤੋ ਕੋਸਮ੍ਬਿਯਾ ਨਿਕ੍ਕੋਸਮ੍ਬਿ. ਅਸ੍ਯਾਦਿਵਿਧਿਮ੍ਹੀਤਿ ਕਿਂ, ਰੁਕ੍ਖਂ ਪਤਿ ਵਿਜ੍ਜੋਤਤੇ.

ਚੀਪਚ੍ਚਯਨ੍ਤੋ ਕ੍ਰਿਯਤ੍ਥੇਹਿ ਸ੍ਯਾਦ੍ਯਨ੍ਤੇਹਿ ਸਹੇ+ਕਤ੍ਥੋ ਹੋਤਿ. ਅਮਲੀਨਂ ਮਲੀਨਂ ਕਰਿਤ੍ਵਾਤਿ ਵਿਗ੍ਗਯ੍ਹ ‘‘ਅਭੂਤਤਬ੍ਭਾਵੇ ਕਰਾ+ਸ+ਭੂਯੋਗੇ ਵਿਕਾਰਾਚੀ’’ਤਿ ਚੀਪਚ੍ਚਯੇਕਤੇ ਇਮਿਨਾ ਸਮਾਸੋ. ਏਤ੍ਥ ਚ-ਕਾਰੋ ‘‘ਚੀ ਕ੍ਰਿਯਤ੍ਥੇਹੀ’’ਤਿ ਵਿਸੇਸਨਤ੍ਥੋ. ‘‘ਪ੍ਯੋ ਵਾ ਤ੍ਵਾਸ੍ਸ ਸਮਾਸੇ’’ਤਿ ਪ੍ਯ ਹੋਤਿ, ਪ-ਕਾਰੋ ‘‘ਪ੍ਯੇ ਸਿਸ੍ਸਾ’’ਤਿ ਵਿਸੇਸਨਤ੍ਥੋ. ਮਲਿਨੀਕਰਿਯ.

੧੫. ਭੂਸਨਾ+ਦਰਾ+ਨਾਦਰੇਸ੍ਵ+ਲਂ+ਸਾ+ਸਾਤਿ

ਭੂਸਨਾਦੀਸ੍ਵ+ਤ੍ਥੇਸ੍ਵ+ਲ+ਮਾਦਯੋ ਸਦ੍ਦਾ ਏਕਤ੍ਥਾ ਹੋਨ੍ਤਿ. ਅਲਂ ਕਰਿਤ੍ਵਾ ਸਕ੍ਕਰਿਤ੍ਵਾ ਅਸਕ੍ਕਰਿਤ੍ਵਾਤਿ ਵਿਗ੍ਗਯ੍ਹ ਸਮਾਸੇ ¶ ਕਤੇ ਪ੍ਯੇ ਚ ‘‘ਸਾ ਸਾਧਿਕਰਾ ਚ ਚਰਿਚ੍ਚਾ’’ਤਿ ਚਾਦੇਸੋ ਪਰਰੂਪਞ੍ਚ. ਅਲਂਕਰਿਯ, ਸਕ੍ਕਚ੍ਚ, ਅਸਕ੍ਕਚ੍ਚ.

ਅਨੇਕਂ ਸ੍ਯਾਦ੍ਯਨ੍ਤਂ ਅਞ੍ਞਸ੍ਸ ਪਦਸ੍ਸ ਅਤ੍ਥੇ ਏਕਤ੍ਥਂ ਵਾ ਹੋਤਿ.

ਪਦਨ੍ਤਰਸ੍ਸ ਯਸ੍ਸ+ਤ੍ਥੋ, ਪਧਾਨਂ ਲਿਙ੍ਗ+ਮਸ੍ਸ ਚ;

ਸਮਾਸੋ ਸੋ+ਯ+ਮਞ੍ਞਤ੍ਥੋ, ਬਹੁਬ੍ਬੀਹਿਪਰਵ੍ਹਯੋ.

ਸੋ ਚ ਨਵਵਿਧੋ ਦ੍ਵਿਪਦੋ, ਭਿਨ੍ਨਾਧਿਕਰਣੋ, ਤਿਪਦੋ, ਨ-ਨਿਪਾਤਪੁਬ੍ਬਪਦੋ, ਸਹਪੁਬ੍ਬਪਦੋ, ਉਪਮਾਨਪੁਬ੍ਬਪਦੋ, ਸਙ੍ਖ੍ਯੋਭਯਪਦੋ, ਦਿਸਨ੍ਤਰਾਲਤ੍ਥੋ, ਬ੍ਯਤਿਹਾਰਲਕ੍ਖਣੋ ਚਾਤਿ.

੧. ਤਤ੍ਥ ਦ੍ਵਿਪਦੋ ਤੁਲ੍ਯਾਧਿਕਰਣੋ ਕਮ੍ਮਾਦੀਸੁ ਛਸੁ ਵਿਭਤ੍ਯਤ੍ਥੇਸੁ ਭਵਤਿ.

(ਕ) ਤਤ੍ਥ ਦੁਤਿਯਤ੍ਥੇ ਤਾਵ-ਆਗਤਾ ਸਮਣਾ ਇਮਂ ਸਙ੍ਘਾਰਾਮਨ੍ਤਿ ਆਗਤਸਮਣੋ ਸਙ੍ਘਾਰਾਮੋ. ਸੋ ਚ ਦੁਵਿਧੋ ਤਗ੍ਗੁਣਾ+ਤਗ੍ਗੁਣਵਸੇਨ. ਵੁਤ੍ਤਞ੍ਹਿ –

ਤੇਸੁ ਯਤ੍ਥ ਵਿਸੇਸਨਭੂਤੋ ਅਤ੍ਥੋ ਅਞ੍ਞਪਦਤ੍ਥਗ੍ਗਹਣੇਨ ਗਯ੍ਹਤਿ, ਸੋ ਤਗ੍ਗੁਣਸਂਵਿਞ੍ਞਾਣੋ, ਯਥਾ ‘ਲਮ੍ਬਕਣ੍ਣ+ਮਾਨਯਾ’ਤਿ. ਯਤ੍ਥ ਪਨ ਨ ਗਯ੍ਹਤਿ, ਸੋ ਅਤਗ੍ਗੁਣਸਂਵਿਞ੍ਞਾਣੋ, ਯਥਾ ‘ਬਹੁਧਨ+ਮਾਨਯਾ’ਤਿ.

ਇਧ ਵਿਸੇਸਨਸ੍ਸ ਪੁਬ੍ਬਨਿਪਾਤੋ. ਏਤ੍ਥ ਚ ਆਗਤਸਦ੍ਦੋ ਚ ਸਮਣਸਦ੍ਦੋ ਚ ਅਤ੍ਤਨੋ ਅਤ੍ਥੇ ਅਟ੍ਠਤ੍ਵਾ ਦੁਤਿਯਾਵਿਭਤ੍ਯਤ੍ਥਭੂਤੇ ਸਙ੍ਘਾਰਾਮਸਙ੍ਖਾਤੇ ਅਞ੍ਞਪਦਤ੍ਥੇ ਵਤ੍ਤਨ੍ਤਿ, ਤਤੋ ਸਮਾਸੇਨੇਵ ਕਮ੍ਮਤ੍ਥਸ੍ਸ ਅਭਿਹਿਤਤ੍ਤਾ ਪੁਨ ਦੁਤਿਯਾ ਨ ਹੋਤਿ. ਤਥਾ ਆਗਤਸਮਣਾ ਸਾਵਤ੍ਥਿ, ਆਗਤਸਮਣਂ ਜੇਤਵਨਂ. ਪਟਿਪਨ੍ਨਾ ਅਦ੍ਧਿਕਾ ਯਂ ਪਟਿਪਨ੍ਨਦ੍ਧਿਕੋ ਪਥੋ, ਅਭਿਰੂਲ਼੍ਹਾਵ, ਣਿਜਾਯਂ ਨਾਵਂ ਸਾ ਅਭਿਰੂਲ਼੍ਹਵਾਣਿਜਾ ਨਾਵਾ.

(ਖ) ਤਤਿਯਤ੍ਥੇ-ਜਿਤਾਨਿ ਇਨ੍ਦ੍ਰਿਯਾਨਿ ਯੇਨ ਸੋ ਜਿਤਿਨ੍ਦ੍ਰਿਯੋ ਸਮਣੋ, ਏਵਂ ਦਿਟ੍ਠਧਮ੍ਮੋ, ਪਤ੍ਤਧਮ੍ਮੋ, ਕਤਕਿਚ੍ਚੋ. ਵਿਜਿਤਾ ਮਾਰਾ ਅਨੇਨਾਤਿ ਵਿਜਿਤਮਾਰੋ ਭਗਵਾ, ਪਟਿਵਿਦ੍ਧਸਬ੍ਬਧਮ੍ਮੋ. ਕਰਣਤ੍ਥੇ-ਛਿਨ੍ਨੋ ਰੁਕ੍ਖੋ ਯੇਨ ਸੋ ਛਿਨ੍ਨਰੁਕ੍ਖੋ ਫਰਸੁ.

(ਗ) ਚਤੁਤ੍ਥਿਯਤ੍ਥੇ-ਦਿਨ੍ਨੋ ਸੁਙ੍ਕੋ ਯਸ੍ਸ ਸੋ ਦਿਨ੍ਨਸੁਙ੍ਕੋ ਰਾਜਾ, ਦਿਨ੍ਨਂ ਭੋਜਨਂ ਅਸ੍ਸਾਤਿ ਦਿਨ੍ਨਭੋਜਨੋ.

(ਘ) ਪਞ੍ਚਮਿਯਤ੍ਥੇ-ਨਿਗ੍ਗਤਾ ਜਨਾ ਯਸ੍ਮਾ ਸੋ ਨਿਗ੍ਗਤਜਨੋ ਗਾਮੋ, ਨਿਗ੍ਗਤੋ ਅਯੋ=ਸੁਖਂ ਯਸ੍ਮਾਤਿ ਨਿਰਯੋ, ਨਿਕ੍ਕਿਲੇ- ਸੋ ¶ . ਅਪੇਤਂ ਵਿਞ੍ਞਾਣਂ ਅਸ੍ਮਾਤਿ ਅਪੇਤਵਿਞ੍ਞਾਣੋ ਮਤਕਾਯੋ, ਅਪਗਤਭਯਭੇਰਵੋ ਅਰਹਾ.

(ਙ) ਛਟ੍ਠਿਯਤ੍ਥੇ-ਛਿਨ੍ਨਾ ਹਤ੍ਥਾ ਯਸ੍ਸ ਸੋ ਛਿਨ੍ਨਹਤ੍ਥੋ. ਏਵਂ ਪਰਿਪੁਣ੍ਣਸਙ੍ਕਪ੍ਪੋ ਖੀਣਾਸਵੋ, ਵੀਤੋ ਰਾਗੋ ਅਸ੍ਸਾਤਿ ਵੀਤਰਾਗੋ. ਦ੍ਵੇ ਪਦਾਨਿ ਅਸ੍ਸਾਤਿ ਦ੍ਵਿਪਦੋ, ਦ੍ਵਿਹਤ੍ਥੋ ਪਟੋ. ਤੇਵਿਜ੍ਜੋਤਿ ਏਤ੍ਥ ਤਿਵਿਜ੍ਜੋ ਏਵਾਤਿ ਸਕਤ੍ਥੇ ਣੋ ਵੁਦ੍ਧਿ ਚ. ਚਤੁਪ੍ਪਦੋ, ਪਞ੍ਚ ਚਕ੍ਖੂਨਿ ਅਸ੍ਸਾਤਿ ਪਞ੍ਚਚਕ੍ਖੁ ਭਗਵਾ, ਛਲ਼ਭਿਞ੍ਞੋ, ‘‘ਘਪਸ੍ਸਾ’’ਦਿਨਾ ਰਸ੍ਸਤ੍ਤਂ. ਨਵਙ੍ਗਂ ਸਤ੍ਥੁਸਾਸਨਂ. ਦਸਬਲੋ, ਅਨਨ੍ਤਞਾਣੋ. ਤੀਣਿ ਦਸ ਪਰਿਮਾਣ+ਮੇਸਂਤਿ ਤਿਦਸਾ ਦੇਵਾ, ਇਧ ਪਰਿਮਾਣਸਦ੍ਦਸਨ੍ਨਿਮਾਨਤੋ ਦਸਸਦ੍ਦੋ ਸਙ੍ਖ੍ਯਾਨੇ ਵਤ੍ਤਤੇ. ਅਯਂ ਪਚ੍ਚਯੋ ਏਤੇਸਨ੍ਤਿ ਇਦਪ੍ਪਚ੍ਚਯਾ, ਉਤ੍ਤਰਪਦੇ ‘‘ਇਮਸ੍ਸਿ+ਦਂ ਵਾ’’ਤਿ ਇਮਸ੍ਸ ਇਦਂ. ਕੋ ਪਭਵੋ ਅਸ੍ਸਾਤਿ ਕਿਂ ਪਭਵੋ ਕਾਯੋ. ਵਿਗਤਂ ਮਲਂ ਅਸ੍ਸਾਤਿ ਵਿਮਲੋ, ਸੁਨ੍ਦਰੋ ਗਨ੍ਧੋ ਅਸ੍ਸਾਤਿ ਸੁਗਨ੍ਧਂ ਚਨ੍ਦਨਂ, ਏਵਂ ਸੁਸੀਲੋ, ਸੁਮੁਖੋ, ਕੁਚ੍ਛਿਤੋ ਗਨ੍ਧੋ ਅਸ੍ਸਾਤਿ ਦੁਗ੍ਗਨ੍ਧਂ ਕੁਣਪਂ, ਦੁਮ੍ਮੁਖੋ, ਦੁਟ੍ਠੁ ਮਨੋ ਅਸ੍ਸਾਤਿ ਦੁਮ੍ਮਨੋ, ਏਵਂ ਦੁਸ੍ਸੀਲੋ. ਤਪੋ ਏਵ ਧਨਂ ਅਸ੍ਸਾਤਿ ਤਪੋਧਨੋ. ਖਨ੍ਤਿਸਙ੍ਖਾਤਂ ਬਲਂ ਅਸ੍ਸਾਤਿ ਖਨ੍ਤਿਬਲੋ. ਇਨ੍ਦੋਤਿ ਨਾਮਂ ਏਤਸ੍ਸਾਤਿ ਇਨ੍ਦਨਾਮੋ.

ਛਨ੍ਦਜਾਤਾਦੀਸੁ ਵਿਸੇਸਨਵਿਸੇਸਿਤਬ੍ਬਾਨਂ ਯਥਿਚ੍ਛਿਤਤ੍ਤਾ ਉਭਯਂ ਪੁਬ੍ਬਂ ਨਿਪਤਤਿ, ਕਮਾਤਿਕ੍ਕਮੇ ਪਯੋਜਨਾਭਾਵਾ. ਜਾਤੋ ਛਨ੍ਦੋ ਅਸ੍ਸਾਤਿ ਜਾਤਛਨ੍ਦੋ, ਏਵਂ ਛਨ੍ਦਜਾਤੋ. ਸਞ੍ਜਾਤਪੀਤਿਸੋਮਨਸ੍ਸੋ, ਪੀਤਿਸੋਮਨਸ੍ਸਸਞ੍ਜਾਤੋ. ਮਾਸਜਾਤੋ, ਜਾਤਮਾਸੋ. ਛਿਨ੍ਨਹਤ੍ਥੋ, ਹਤ੍ਥਛਿਨ੍ਨੋ.

ਦੀਘਾਜਙ੍ਘਾ ¶ ਅਸ੍ਸਾਤਿ ਦੀਘਜਙ੍ਘੋ, ਏਤ੍ਥ ਪੁਮ੍ਭਾਵੋ, ‘‘ਘਪਸ੍ਸਾ’’ਦਿਨਾ ਰਸ੍ਸੋ ਚ. ਤਥਾ ਪਹੂਤਜਿਵ੍ਹੋ. ਮਹਨ੍ਤੀ ਪਞ੍ਞਾ ਅਸ੍ਸਾਤਿ ਮਹਾਪਞ੍ਞੋ. ‘‘ਇਤ੍ਥਿਯਂ ਭਾਸਿਤਪੁਮਿ+ਤ੍ਥੀ ਪੁਮੇ+ਵੇ+ਕਤ੍ਥੇ’’ਤਿ ਵੀਪਚ੍ਚਯਾਭਾਵੇਨ੍ਤਸ੍ਸ ਟਾਦੇਸੋ ਰਸ੍ਸਤ੍ਤਞ੍ਚ. ਇਤ੍ਥਿਯਨ੍ਤਿ ਕਿਂ, ਖਮਾਧਨੋ. ਭਾਸਿਤਪੁਮਾਤਿ ਕਿਂ, ਸਦ੍ਧਾਧੁਰੋ. ਪਞ੍ਞਾਪਕਤਿਕੋ, ਪਞ੍ਞਾਵਿਸੁਦ੍ਧਿਕੋ, ਏਤ੍ਥ ‘‘ਲ੍ਤ੍ਵਿਤ੍ਥਿਯੂਹਿ ਕੋ’’ਤਿ ਕੋ. ਗਣ੍ਡੀਵਧਨ੍ਵਾਤਿ ਪਕਤਨ੍ਤਰੇਨ ਸਿਦ੍ਧਂ.

ਨਾਨਾ=ਪ੍ਪਕਾਰਾ ਦੁਮਾ ਨਾਨਾਦੁਮਾ, ਨਾਨਾਦੁਮੇਹਿ ਪਤਿਤਾਨਿ ਨਾਨਾਦੁਮਪਤਿਤਾਨਿ, ਨਾਨਾਦੁਮਪਤਿਤਾਨਿ ਚ ਤਾਨਿ ਪੁਪ੍ਫਾਨਿ ਚੇਤਿ ਨਾਨਾਦੁਮਪਤਿਤਪੁਪ੍ਫਾਨਿ, ਤੇਹਿ ਵਾਸਿਤਾ ਨਾਨਾਦੁਮਪਤਿਤਪੁਪ੍ਫਵਾਸਿਤਾ, ਨਾਨਾਦੁਮਪਤਿਤਪੁਪ੍ਫਵਾਸਿਤਾਸਾਨੁਯਸ੍ਸਸੋ ਨਾਨਾਦੁਮਪਤਿਤਪੁਪ੍ਫਵਾਸਿਤਸਾਨੁ ਪਬ੍ਬਤੋ, ਅਯਂ ਵਿਸੇਸਨ+ਅਮਾਦਿਸਮਾਸਗਬ੍ਭੋ ਤੁਲ੍ਯਾਧਿਕਰਣਅਞ੍ਞਪਦਤ੍ਥੋ.

(ਚ) ਸਤ੍ਤਮ੍ਯਤ੍ਥੇ-ਸਮ੍ਪਨ੍ਨਾਨਿ ਸਸ੍ਸਾਨਿ ਯਸ੍ਮਿਂ ਸੋ ਸਮ੍ਪਨ੍ਨਸਸ੍ਸੋ ਜਨਪਦੋ. ਸੁਲਭੋ ਪਿਣ੍ਡੋ ਇਮਸ੍ਮਿਨ੍ਤਿ ਸੁਲਭਪਿਣ੍ਡੋ ਦੇਸੋ. ਆਕਿਣ੍ਣਾ ਮਨੁਸ੍ਸਾ ਯਸ੍ਸਂ ਸਾ ਆਕਿਣ੍ਣਮਨੁਸ੍ਸਾ ਰਾਜਧਾਨੀ. ਬਹਵੋ ਤਾਪਸਾ ਏਤਸ੍ਮਿਨ੍ਤਿ ਬਹੁਤਾਪਸੋ ਅਸ੍ਸਮੋ. ਉਪਚਿਤਂ ਮਂਸਲੋਹਿਤਂ ਅਸ੍ਮਿਨ੍ਤਿ ਉਪਚਿਤਮਂਸਲੋਹਿਤਂ ਸਰੀਰਂ. ਬਹਵੋ ਸਾਮਿਨੋ ਅਸ੍ਮਿਨ੍ਤਿ ਬਹੁਸਾਮਿਕਂ ਨਗਰਂ, ਬਹੂ ਨਦਿਯੋ ਅਸ੍ਮਿਨ੍ਤਿ ਬਹੁਨਦਿਕੋ, ਈਕਾਰਨ੍ਤਤ੍ਤਾ ਕਪਚ੍ਚਯੋ. ਏਵਂ ਬਹੁਜਮ੍ਬੁਕਂ ਵਨਂ, ਬਹਵੋ ਕਤ੍ਤਾਰੋ ਅਸ੍ਮਿਂ ਅਸ੍ਸ ਵਾਤਿ ਬਹੁਕਤ੍ਤੁਕੋ ਦੇਸੋ, ਏਵਂ ਬਹੁਭਤ੍ਤੁਕੋ, ‘‘ਲ੍ਤ੍ਵਿਤ੍ਥਿਯੂਹਿ ਕੋ’’ਤਿ ਕੋ.

੨. ਭਿਨ੍ਨਾਧਿਕਰਣੋ ¶ ਯਥਾ-ਏਕਰਤ੍ਤਿਂ ਵਾਸੋ ਅਸ੍ਸਾਤਿ ਏਕਰਤ੍ਤਿਵਾਸੋ, ਸਮਾਨੇਨ ਜਨੇਨ ਸਦ੍ਧਿਂ ਵਾਸੋ ਅਸ੍ਸਾਤਿ ਸਮਾਨਵਾਸੋ ਪੁਰਿਸੋ. ਉਭਤੋ ਬ੍ਯਞ੍ਜਨ+ਮਸ੍ਸਾਤਿ ਉਭਤੋਬ੍ਯਞ੍ਜਨਕੋ, ਵਿਭਤ੍ਯਲੋਪੋ ‘‘ਵਾ+ਞ੍ਞਤੋ’’ਤਿ ਕੋ ਚ, ਛਤ੍ਤਂ ਪਾਣਿਮ੍ਹਿ ਅਸ੍ਸਾਤਿ ਛਤ੍ਤਪਾਣਿ, ਏਵਂ ਦਣ੍ਡਪਾਣਿ, ਸਤ੍ਥਪਾਣਿ, ਵਜਿਰਪਾਣਿ, ਖਗ੍ਗਹਤ੍ਥੋ, ਪਤ੍ਤਹਤ੍ਥੋ, ਦਾਨੇ ਅਜ੍ਝਾਸਯੋ ਅਸ੍ਸਾਤਿ ਦਾਨਜ੍ਝਾਸਯੋ ਦਾਨਾਧਿਮੁਤ੍ਤਿਕੋ, ਬੁਦ੍ਧਭਤ੍ਤਿਕੋ, ਸਦ੍ਧਮ੍ਮਗਾਰਵੋ ਇਚ੍ਚਾਦਿ.

੩. ਤਿਪਦੋ ਯਥਾ-ਪਰਕ੍ਕਮੇਨਾ+ਧਿਗਤਾ ਸਮ੍ਪਦਾ ਯੇਹਿ ਤੇ ਪਰਕ੍ਕਮਾਧਿਗਤਸਮ੍ਪਦਾ ਮਹਾਪੁਰਿਸਾ. ਏਵਂ ਧਮ੍ਮਾਧਿਗਤਭੋਗਾ. ਓਨੀਤੋ ਪਤ੍ਤਤੋ ਪਾਣਿ ਯੇਨ ਸੋ ਓਨੀਤਪਤ੍ਤਪਾਣਿ. ਸੀਹਸ੍ਸ ਪੁਬ੍ਬਦ੍ਧਮਿਵ ਕਾਯੋ ਅਸ੍ਸਾਤਿ ਸੀਹਪੁਬ੍ਬਦ੍ਧਕਾਯੋ. ਮਤ੍ਤਾ ਬਹਵੋ ਮਾਤਙ੍ਗਾ ਅਸ੍ਮਿਨ੍ਤਿ ਮਤ੍ਤਬਹੁਮਾਤਙ੍ਗਂ ਵਨਂ.

੪. ਨ-ਨਿਪਾਤਪੁਬ੍ਬਪਦੋ ਯਥਾ-ਨਤ੍ਥਿ ਏਤਸ੍ਸ ਸਮੋਤਿ ਅਸ੍ਸਮੋ, ‘‘ਟ ਨਞਸ੍ਸਾ’’ਤਿ ਨਸ੍ਸ ਟੋ. ਏਵਂ ਅਪ੍ਪਟਿਪੁਗ੍ਗਲੋ, ਅਪੁਤ੍ਤਕੋ, ਅਹੇਤੁਕੋ, ਕਪਚ੍ਚਯੋ, ਏਵ+ਮੁਪਰਿਪਿ ਞੇਯ੍ਯਂ. ਨਤ੍ਥਿ ਸਂਵਾਸੋ ਏਤੇਨਾਤਿ ਅਸਂਵਾਸੋ, ਨ ਵਿਜ੍ਜਤੇ ਵੁਟ੍ਠਿ ਏਤ੍ਥਾਤਿ ਅਵੁਟ੍ਠਿਕੋ ਜਨਪਦੋ, ਅਭਿਕ੍ਖੁਕੋ ਵਿਹਾਰੋ. ਏਵਂ ਅਨੁਤ੍ਤਰੋ ‘‘ਅਨ ਸਰੇ’’ਤਿ ਅਨ, ਏਵਂ ਅਨਨ੍ਤਂ, ਅਨਾਸਵੋ.

੫. ਪਠਮਾਤ੍ਥੇ ਸਹਪੁਬ੍ਬਪਦੋ ਯਥਾ-ਸਹ ਹੇਤੁਨਾ ਵਤ੍ਤਤਿ ਸੋ ਸਹੇਤੁਕੋ ਸਹੇਤੁ ਵਾ, ‘‘ਸਹਸ੍ਸ ਸੋ+ਞ੍ਞਤ੍ਥੇ’’ਤਿ ਸਹਸ੍ਸ ਸੋ, ਏਵਂ ਸਪ੍ਪੀਤਿਕਾ, ਸਪ੍ਪਚ੍ਚਯਾ, ਸਕਿਲੇਸੋ, ਸਉਪਾਦਾਨੋ, ਸਪਰਿਵਾਰੋ ਸਹਪਰਿਵਾਰੋ ਵਾ, ਸਹ ਮੂਲੇਨ ਉਦ੍ਧਟੋ ਸਮੂਲੁਦ੍ਧਟੋ ਰੁਕ੍ਖੋ.

੬. ਉਪਮਾਨੋਪਮੇਯ੍ਯਜੋਤਕਇਵਯੁਤ੍ਤੋ ¶ ਉਪਮਾਨਪੁਬ੍ਬਪਦੋ ਪਠਮਾਯ ਯਥਾ-ਨਿਗ੍ਰੋਧੋ ਇਵ ਪਰਿਮਣ੍ਡਲੋ ਯੋ ਸੋ ਨਿਗ੍ਰੋਧਪਰਿਮਣ੍ਡਲੋ. ਸਙ੍ਖੋ ਵਿਯ ਪਣ੍ਡਰੋ ਅਯਨ੍ਤਿ ਸਙ੍ਖਪਣ੍ਡਰੋ, ਕਾਕੋ ਵਿਯ ਸੂਰੋ ਅਯਨ੍ਤਿ ਕਾਕਸੂਰੋ. ਚਕ੍ਖੁ ਇਵ ਭੂਤੋ ਅਯਂ ਪਰਮਤ੍ਥਦਸ੍ਸਨਤੋਤਿ ਚਕ੍ਖੁਭੂਤੋ ਭਗਵਾ. ਏਵਂ ਅਤ੍ਥਭੂਤੋ, ਧਮ੍ਮਭੂਤੋ, ਬ੍ਰਹ੍ਮਭੂਤੋ, ਅਨ੍ਧਭੂਤੋ. ਮੁਞ੍ਜਪਬ੍ਬਜਮਿਵ ਭੂਤਾ ਅਯਂ ਮੁਞ੍ਜਪਬ੍ਬਜਭੂਤਾ ਕੁਦਿਟ੍ਠਿ. ਤਨ੍ਤਾਕੁਲਮਿਵ ਜਾਤਾ ਅਯਂਤਿ ਤਨ੍ਤਾਕੁਲਜਾਤਾ.

ਛਟ੍ਠ੍ਯਤ੍ਥੇ-ਸੁਵਣ੍ਣਸ੍ਸ ਵਣ੍ਣੋ ਵਿਯ ਵਣ੍ਣੋ ਯਸ੍ਸ ਸੋ ਸੁਵਣ੍ਣਵਣ੍ਣੋ ਭਗਵਾ, ਮਜ੍ਝਪਦਲੋਪੋ. ਨਾਗਸ੍ਸ ਗਤਿ ਵਿਯ ਗਤਿ ਅਸ੍ਸਾਤਿ ਨਾਗਗਤਿ. ਏਵਂ ਸੀਹਗਤਿ, ਨਾਗਵਿਕ੍ਕਮੋ, ਸੀਹਵਿਕ੍ਕਮੋ, ਸੀਹਹਨੁ. ਏਣਿਸ੍ਸ ਵਿਯ ਜਙ੍ਘਾ ਅਸ੍ਸਾਤਿ ਏਣਿਜਙ੍ਘੋ. ਬ੍ਰਹ੍ਮੁਨੋ ਵਿਯ ਸਰੋ ਅਸ੍ਸਾਤਿ ਬ੍ਰਹ੍ਮਸ੍ਸਰੋ.

੭. ਵਾਸਦ੍ਦਤ੍ਥੇ ਸਙ੍ਖ੍ਯਾਉਭਯਪਦੋ ਯਥਾ-ਦ੍ਵੇ ਵਾ ਤਯੋ ਵਾ ਦ੍ਵਤ੍ਤਿ, ਦ੍ਵਤ੍ਤਯੋ ਚ ਤੇ ਪਤ੍ਤਾ ਚੇਤਿ ਦ੍ਵਤ੍ਤਿਪਤ੍ਤਾ, ‘‘ਤਿਸ੍ਵ’’ਇਤਿ ਤਿਸਦ੍ਦੇ ਪਰੇ ਦ੍ਵਿਸ੍ਸ ਅਤ੍ਤਂ. ਦ੍ਵੀਹਂ ਵਾ ਤੀਹਂ ਵਾ ਦ੍ਵੀਹਤੀਹਂ, ਛ ਵਾ ਪਞ੍ਚ ਵਾ ਵਾਚਾ ਛਪ੍ਪਞ੍ਚਵਾਚਾ, ਏਵਂ ਸਤ੍ਤਟ੍ਠਮਾਸਾ, ਏਕਯੋਜਨਦ੍ਵਿਯੋਜਨਾਨਿ.

੮. ਦਿਸਨ੍ਤਰਾਲਤ੍ਥੋ ਯਥਾ-ਪੁਬ੍ਬਸ੍ਸਾ ਚ ਦਕ੍ਖਿਣਸ੍ਸਾ ਚ ਦਿਸਾਯ ਯਦਨ੍ਤਰਾਲਂ ਸਾ ਪੁਬ੍ਬਦਕ੍ਖਿਣਾ ਵਿਦਿਸਾ. ਏਤ੍ਥ –

ਇਤ੍ਥਿਵਾਚਕਾ ਸਬ੍ਬਾਦਯੋ ਵੁਤ੍ਤਿਮਤ੍ਤੇ ਪੁਮੇਵ ਹੋਨ੍ਤਿ. ਏਵਂ ਪੁਬ੍ਬੁਤ੍ਤਰਾ, ਅਪਰਦਕ੍ਖਿਣਾ, ਪਚ੍ਛਿਮੁਤ੍ਤਰਾ. ਪੁਬ੍ਬਾ ਚ ਸਾ ਦਕ੍ਖਿਣਾ ਚੇਤਿ ਵਾ.

੯. ਬ੍ਯਤਿਹਾਰਲਕ੍ਖਣੋ ¶ ਯਥਾ – ‘‘ਤਤ੍ਥ ਗਹੇਤ੍ਵਾ ਤੇਨ ਪਹਰਿਤ੍ਵਾ ਯੁਦ੍ਧੇ ਸਰੂਪਂ’’ਤਿ ਸੁਤ੍ਤੇਨ ਸਮਾਸੇ ਕਤੇ ਕੇਸੇਸੁ ਚ ਕੇਸੇਸੁ ਚ ਗਹੇਤ੍ਵਾ ਯੁਦ੍ਧਂ ਪਵਤ੍ਤਂ ਕੇਸਾਕੇਸੀ, ਦਣ੍ਡੇਹਿ ਚ ਦਣ੍ਡੇਹਿ ਚ ਪਹਰਿਤ੍ਵਾ ਯੁਦ੍ਧਂ ਪਵਤ੍ਤਂ ਦਣ੍ਡਾਦਣ੍ਡੀਤਿ ਹੋਤਿ. ਏਤ੍ਥ ਚ ‘‘ਚੀ ਵੀਤਿਹਾਰੇ’’ਤਿ ਚੀਪਚ੍ਚਯੇ ‘‘ਚਿਸ੍ਮਿਂ’’ਤਿ ਆਕਾਰੋ, ਏਵਂ ਮੁਟ੍ਠਾਮੁਟ੍ਠੀ.

ਸੋਭਣੋ ਗਨ੍ਧੋ ਸੁਗਨ੍ਧੋ, ਸੋ ਅਸ੍ਸ ਅਤ੍ਥੀਤਿ ਸੁਗਨ੍ਧੀਹਿ ਅਤ੍ਥਿਅਤ੍ਥੇ ਈਪਚ੍ਚਯੇਨ ਸਿਦ੍ਧਂ. ਯਸ੍ਮਾ ਚ ਭਦ੍ਦਾਯ ਕਾਪਿਲਾਨਿਯਾ ਅਪਦਾਨੇ ‘‘ਪੁਨੋ ਪਤ੍ਤਂ ਗਹੇਤ੍ਵਾਨ, ਸੋਧਯਿਤ੍ਵਾ ਸੁਗਨ੍ਧਿਨਾ’’ਤਿ ਵੁਤ੍ਤਂ, ਤਸ੍ਮਾ ਵੁਤ੍ਤਿਯਂ ਇਕਾਰਨ੍ਤਸ੍ਸ ਅਭਾਵਦੀਪਨਤ੍ਥਂ ‘‘ਸੁਗਨ੍ਧਿ ਦੁਗ੍ਗਨ੍ਧੀਤਿ ਪਯੋਗਾ ਨ ਦਿਸ੍ਸਤੀ’’ਤਿ ਵੁਤ੍ਤਂ. ਸੁਗਨ੍ਧਿਨਾਤਿ ਏਕਵਚਨੇ ਰਸ੍ਸੋ.

ਅਨੇਕਂਸ੍ਯਾਦ੍ਯਨ੍ਤਂ ਚਤ੍ਥੇ ਏਕਤ੍ਥਂ ਵਾ ਹੋਤਿ. ਸਮੁਚ੍ਚਯੋ ਅਨ੍ਵਾਚਯੋ ਇਤਰੀਤਰਯੋਗੋ ਸਮਾਹਾਰੋਤਿ ਚਸਦ੍ਦਸ੍ਸ ਅਤ੍ਥੋ ਚਤੁਬ੍ਬਿਧੋ.

ਤਤ੍ਥ ਸਮੁਚ੍ਚਯਾ+ਨ੍ਵਾਚਯੇਸੁ ਸਮਾਸੋ ਨ ਹੋਤਿ, ਕ੍ਰਿਯਾਸਾਪੇਕ੍ਖਤਾਯ ਨਾਮਾਨਂ ਅਞ੍ਞਮਞ੍ਞਂ ਅਯੁਤ੍ਤਤ੍ਥਤ੍ਤਾ, ਯਥਾ-ਚੀਵਰਂ ਪਿਣ੍ਡਪਾਤਞ੍ਚ ਪਚ੍ਚਯਂ ਸਯਨਾਸਨਂ ਅਦਾਸਿ, ਦਾਨਞ੍ਚ ਦੇਹਿ, ਸੀਲਞ੍ਚਰਕ੍ਖਾਹਿ. ਇਤਰੀਤਰਯੋਗੇ ਸਮਾਹਾਰੇ ਚ ਅਞ੍ਞਮਞ੍ਞਾਪੇਕ੍ਖਤ੍ਤਾ ਸਮਾਸੋ.

ਉਭਯਤ੍ਥਪਧਾਨੇ ਚਤ੍ਥੇ ਕਥ+ਮੇਕਤ੍ਥੀਭਾਵੋ ਸਮ੍ਭਵੇ+ਤਿ ਚੇ, ਵੁਤ੍ਤਞ੍ਹਿ –

ਸਪ੍ਪਧਾਨਾਪਿ ਯਤ੍ਥ+ਤ੍ਥਾ, ਮਿਥੋ ਸਾਪੇਕ੍ਖਤਾ ਇਵ;

ਕ੍ਰਿਯਾਸਮ੍ਬਨ੍ਧਸਾਮਞ੍ਞਾ, ਚਤ੍ਥੇ+ਕਤ੍ਥਂ ਤ+ਦੁਚ੍ਚਤੇਤਿ.

ਯਸ੍ਮਾ ¶ ਏਕਤ੍ਥੀਭਾਵੇਪਿ ਸਤੀਯਸਤੀਯਤ੍ਥੇ ਪਧਾਨਂ, ਤਸ੍ਮਾ ਇਦਂ ਵੁਚ੍ਚਤੇ –

ਨ+ਞ੍ਞਮਞ੍ਞਂ ਵਿਸੇਸੇਨ੍ਤਿ, ਚਤ੍ਥੇ ਅਤ੍ਥਾ ਪਦਾਨਿਵ;

ਸਤ੍ਥਵੁਤ੍ਯੀ ਅਤੋ ਤੇਸਂ, ਪਧਾਨਤ੍ਥਂ+ਭਿਯੁਜ੍ਜਤੇ.

ਇਤਰੀਤਰਯੋਗੋ ਚ, ਸਮਾਹਾਰੋਤ੍ਯ+ਯਂ ਦ੍ਵਿਧਾ;

ਸਮਾਸੋ ਤੁ ਇਮਂ ਅਞ੍ਞੇ, ਜਾਨਨ੍ਤੇ ਦ੍ਵਨ੍ਦਨਾਮਤੋ.

ਇਤਰੀਤਰਯੋਗਸ੍ਮਿਂ+ਵਯਵਤ੍ਥਸ੍ਸ ਸਮ੍ਭਵੋ;

ਸਮੁਦਾਯਤਿਰੋਭਾਵੋ, ਪਰਂਵ ਲਿਙ੍ਗ+ਮਸ੍ਸ ਚ.

ਸਮੁਦਾਯਬ੍ਭਵੋ ਯਸ੍ਮਿਂ+ਵਯਵਾ ਚ ਤਿਰੋਹਿਤਾ;

ਸਮਾਹਾਰੋਤ੍ਯ+ਯਂ ਚਤ੍ਥੋ, ਸੋ ਚ ਹੋਤਿ ਨਪੁਂਸਕੇ.

ਇਤਰੀਤਰਯੋਗੋ ਯਥਾ-ਸਾਰਿਪੁਤ੍ਤੋ ਚ ਮੋਗ੍ਗਲ੍ਲਾਨੋ ਚ ਸਾਰਿਪੁਤ੍ਤਮੋਗ੍ਗਲ੍ਲਾਨਾ, ਭੋ ਸਾਰਿਪੁਤ੍ਤਮੋਗ੍ਗਲ੍ਲਾਨਾ ਇਚ੍ਚਾਦਿ. ਅਵਯਵਪਧਾਨਤ੍ਤਾ ਬਹੁਵਚਨਮੇਵ. ਸਮਣਾ ਚ ਬ੍ਰਾਹ੍ਮਣਾ ਚ ਸਮਣਬ੍ਰਾਹ੍ਮਣਾ, ਏਵਂ ਬ੍ਰਾਹ੍ਮਣਗਹਪਤਿਕਾ, ਖਤ੍ਤਿਯਬ੍ਰਾਹ੍ਮਣਾ, ਦੇਵਮਨੁਸ੍ਸਾ, ਚਨ੍ਦਿਮਸੂਰਿਯਾ.

੬੪. ਵਿਜ੍ਜਾਯੋਨਿਸਮ੍ਬਨ੍ਧੀਨ+ਮਾ ਤਤ੍ਰ ਚਤ੍ਥੇਤਿ

ਵਿਜ੍ਜਾਸਮ੍ਬਨ੍ਧੀਨਂ ਯੋਨਿਸਮ੍ਬਨ੍ਧੀਨਞ੍ਚ ਚਤ੍ਥੇ ਆ ਹੋਤੀਤਿ ਉਕਾਰਸ੍ਸ ਆ, ਹੋਤਾ ਚ ਪੋਤਾ ਚ ਹੋਤਾਪੋਤਾਰੋ. ਏਵਂ ਮਾਤਾਪਿਤਰੋ.

ਪੁਤ੍ਤੇ ਉਤ੍ਤਰਪਦੇ ਪਿਤਾਦੀਨ+ਮਾ ਹੋਤਿ ਚਤ੍ਥੇ. ਪਿਤਾ ਚ ਪੁਤ੍ਤੋ ਚ ਪਿਤਾਪੁਤ੍ਤਾ, ਏਵਂ ਮਾਤਾਪੁਤ੍ਤਾ.

ਪਤਿਮ੍ਹਿ ¶ ਪਰੇ ਜਾਯਾਯ ਜਯਂ ਹੋਤਿ. ਜਾਯਾ ਚ ਪਤਿ ਚ ਜਯਮ੍ਪਤਯੋ. ਜਾਨਿਪਤੀਤਿ ਪਕਤਨ੍ਤਰੇਨ ਸਿਦ੍ਧਂ, ਜਾਨਿ ਚ ਪਤਿ ਚ ਜਾਨਿਪਤਿ. ਏਵਂ ਜਮ੍ਪਤਿ ਦਮ੍ਪਤੀਤਿ.

ਕ੍ਵਚਿ ਅਪ੍ਪਸਰਂ ਪੁਬ੍ਬਂ ਨਿਪਤਤਿ, ਯਥਾ-ਚਨ੍ਦੋ ਚ ਸੂਰਿਯੋ ਚ ਚਨ੍ਦਸੂਰਿਯਾ, ਨਿਗਮਾ ਚ ਜਨਪਦਾ ਚ ਨਿਗਮਜਨਪਦਾ. ਏਵਂ ਸੁਰਾਸੁਰਗਰੁਡਮਨੁਜਭੁਜਗਗਨ੍ਧਬ੍ਬਾ.

ਕ੍ਵਚਿ ਇਵਣ੍ਣੁ+ਵਣ੍ਣਨ੍ਤਾਨਂ ਪੁਬ੍ਬਨਿਪਾਤੋ, ਯਥਾ-ਅਗ੍ਗਿਧੁਮਾ, ਗਤਿਬੁਦ੍ਧਿਭੁਜਪਠਹਰਕਰਸਯਾ, ਧਾਤੁਲਿਙ੍ਗਾਨਿ.

ਕ੍ਵਚਿ ਸਰਾਦਿਅਕਾਰਨ੍ਤਂ ਪੁਬ੍ਬਂ ਨਿਪਤਤਿ, ਯਥਾ-ਅਤ੍ਥਧਮ੍ਮਾ, ਅਤ੍ਥਸਦ੍ਦਾ, ਸਦ੍ਦਤ੍ਥਾ ਵਾ.

ਅਞ੍ਞਮਞ੍ਞਸਾਪੇਕ੍ਖਾਨਮੇਵ ਤਿਰੋਹਿਤਾਵਯਵਭੇਦੋ ਸਮੁਦਾਯਪਧਾਨੋ ਸਮਾਹਾਰੋ, ਯਥਾ-ਛਤ੍ਤਞ੍ਚ ਉਪਾਹਨਾ ਚ ਛਤ੍ਤੁਪਾਹਨਂ.

ਸਮਾਹਾਰੇ ਸਬ੍ਬਤ੍ਥ ਨਪੁਂਸਕਲਿਙ੍ਗਂ ਭਵਤਿ, ਸਮਾਹਾਰਸ੍ਸੇ+ਕਤ੍ਤਾ ਏਕਵਚਨਮੇਵ.

ਨਪੁਂਸਕੇ ਵਤ੍ਤਮਾਨਸ੍ਸ ਸ੍ਯਾਦੀਸੁ ਰਸ੍ਸੋ. ਭੋ ਛਤ੍ਤੁਪਾਹਨ, ਛਤ੍ਤੁਪਾਹਨਂ, ਛਤ੍ਤੁਪਾਹਨੇਨ ਇਚ੍ਚਾਦਿ.

ਤੇ ¶ ਚ ਸਮਾਹਾਰਿਤਰੀਤਰਯੋਗਾ ਬਹੁਲਂਵਿਧਾਨਾ ਨਿਯਤਵਿਸਯਾਯੇਵ ਹੋਨ੍ਤਿ, ਤਤ੍ਰਾ+ਯਂ ਵਿਸਯਵਿਭਾਗੋ-ਨਿਰੁਤ੍ਤਿਪਿਟਕਾਗਤੋ-ਪਾਣਿ+ਤੂਰਿਯ+ਯੋਗ੍ਗ+ਸੇਨਙ੍ਗਾਨਂ, ਨਿਚ੍ਚਵੇਰੀਨਂ, ਸਙ੍ਖ੍ਯਾਪਰਿਮਾਣਸਞ੍ਞਾਨਂ, ਖੁਦ੍ਦਜਨ੍ਤੁਕਾਨਂ, ਪਚਨਚਣ੍ਡਾਲਾਨਂ, ਚਰਣਸਾਧਾਰਣਾਨਂ, ਏਕਜ੍ਝਾਯਨਪਾਵਚਨਾਨਂ, ਲਿਙ੍ਗਵਿਸੇਸਾਨਂ, ਵਿਵਿਧਵਿਰੁਦ੍ਧਾਨਂ, ਦਿਸਾਨਂ, ਨਦੀਨਞ੍ਚ ਨਿਚ੍ਚਸਮਾਹਾਰੇਕਤ੍ਥਂ ਭਵਤਿ.

ਪਾਣਙ੍ਗਾਨਂ-ਚਕ੍ਖੁ ਚ ਸੋਤਞ੍ਚ ਚਕ੍ਖੁਸੋਤਂ, ਮੁਖਞ੍ਚ ਨਾਸਿਕਾ ਚ ਮੁਖਨਾਸਿਕਂ, ‘‘ਸ੍ਯਾਦੀਸੁ ਰਸ੍ਸੋ’’ਤਿ ਨਪੁਂਸਕੇ ਵਤ੍ਤਮਾਨਸ੍ਸ ਰਸ੍ਸੋ. ਹਨੁ ਚ ਗੀਵਾ ਚ ਹਨੁਗੀਵਂ, ਕਣ੍ਣਾ ਚ ਨਾਸਾ ਚ ਕਣ੍ਣਨਾਸਂ, ਪਾਣਿ ਚ ਪਾਦੋ ਚ ਪਾਣਿਪਾਦਂ, ਛਵਿ ਚ ਮਂਸਞ੍ਚ ਲੋਹਿਤਞ੍ਚ ਛਵਿਮਂਸਲੋਹਿਤਂ, ਨਾਮਞ੍ਚ ਰੂਪਞ੍ਚ ਨਾਮਰੂਪਂ, ਜਰਾ ਚ ਮਰਣਞ੍ਚ ਜਰਾਮਰਣਂ.

ਤੂਰਿਯਙ੍ਗਾਨਂ-ਅਲਸੋ ਚ ਤਾਲਮ੍ਬਰੋ ਚ ਅਲਸਤਾਲਮ੍ਬਰਂ, ਮੁਰਜੋ ਚ ਗੋਮੁਖੋ ਚ ਮੁਰਜਗੋਮੁਖਂ, ਸਂਖੋ ਚ ਪਣਵੋ ਚ ਦੇਣ੍ਡਿਮੋ ਚ, ਸਂਖਾ ਚ ਪਣਵਾ ਚ ਦੇਣ੍ਡਿਮਾ ਚਾਤਿ ਵਾ ਸਂਖਪਣਵਦੇਣ੍ਡਿਮਂ, ਪਣਵਾਦਯੋ ਦ੍ਵੇਪਿ ਭੇਰਿਵਿਸੇਸਾ, ਮਦ੍ਦਵਿਕੋ ਚ ਪਾਣਵਿਕੋ ਚ ਮਦ੍ਦਵਿਕਪਾਣਵਿਕਂ, ਗੀਤਞ੍ਚ ਵਾਦਿਤਞ੍ਚ ਗੀਤਵਾਦਿਤਂ, ਸਮ੍ਮਞ੍ਚ ਤਾਲ਼ਞ੍ਚ ਸਮ੍ਮਤਾਲ਼ਂ, ਸਮ੍ਮਂਤਿ ਕਂਸਤਾਲਂ, ਤਾਲ਼ਂਤਿ ਹਤ੍ਥਤਾਲ਼ਂ.

ਯੋਗ੍ਗਙ੍ਗਾਨਂ-ਫਾਲੋ ਚ ਪਾਚਨਞ੍ਚ ਫਾਲਪਾਚਨਂ, ਯੁਗਞ੍ਚ ਨਙ੍ਗਲਞ੍ਚ ਯੁਗਨਙ੍ਗਲਂ.

ਸੇਨਙ੍ਗਾਨਂ-ਹਤ੍ਥਿਨੋ ਚ ਅਸ੍ਸਾ ਚ ਹਤ੍ਥਿਅਸ੍ਸਂ, ਰਥਾ ਚ ਪਤ੍ਤਿਕਾ ਚ ਰਥਪਤ੍ਤਿਕਂ, ਅਸਿ ਚ ਸਤ੍ਤਿ ਚ ਤੋਮਰਞ੍ਚ ਪਿਣ੍ਡਞ੍ਚ ਅਸਿਸਤ੍ਤਿਤੋਮਰਪਿਣ੍ਡਂ, ਅਸਿ ਚ ਚਮ੍ਮਞ੍ਚ ਅਸਿਚਮ੍ਮਂ, ਚਮ੍ਮਨ੍ਤਿ ਸਰਵਾਰਣ-ਫਲਕਂ ¶ . ਧਨੁ ਚ ਕਲਾਪੋ ਚ ਧਨੁਕਲਾਪਂ, ਕਲਾਪੋ=ਤੁਣੀਰਂ. ਪਹਰਣਞ੍ਚ ਆਵਰਣਞ੍ਚ ਪਹਰਣਾਵਰਣਂ.

ਨਿਚ੍ਚਵੇਰੀਨਂ-ਅਹਿ ਚ ਨਕੁਲੋ ਚ, ਅਹੀ ਚ ਨਕੁਲਾ ਚਾਤਿ ਵਾ ਅਹਿਨਕੁਲਂ. ਏਵਂ ਬਿਲ਼ਾਰਮੂਸਿਕਂ, ਅਨ੍ਤਸ੍ਸ ਰਸ੍ਸਤ੍ਤਂ. ਕਾਕੋਲੁਕਂ, ਸਪ੍ਪਮਣ੍ਡੂਕਂ, ਗਰੁਲ਼ਸਪ੍ਪਂ, ਨਾਗਸੁਪਣ੍ਣਂ.

ਸਙ੍ਖ੍ਯਾਪਰਿਮਾਣਸਞ੍ਞਾਨਂ-ਏਕਕਞ੍ਚ ਦੁਕਞ੍ਚ ਏਕਕਦੁਕਂ. ਏਵਂ, ਦੁਕਤਿਕਂ, ਤਿਕਚਤੁਕ੍ਕਂ, ਚਤੁਕ੍ਕਪਞ੍ਚਕਂ. ਦਸਕਞ੍ਚ ਏਕਾਦਸਕਞ੍ਚ ਦਸੇਕਾਦਸਕਂ, ‘‘ਤਿਤਾਲੀਸ’’ ਇਤਿ ਚਕ-ਭਾਗਲੋਪਨਿਦ੍ਦੇਸੇਨ ਕਕਾਰਸ੍ਸ ਲੋਪੋ.

ਖੁਦ੍ਦਜਨ੍ਤੁਕਾਨਂ-ਕੀਟਾ ਚ ਪਟਙ੍ਗਾ ਚ ਕੀਟਪਟਙ੍ਗਂ, ਕੀਟਾ=ਕਪਾਲਪਿਟ੍ਠਿਕਪਾਣਾ. ਏਵਂ ਕੁਨ੍ਥਕਿਪਿਲ੍ਲਿਕਂ, ਡਂਸਾ ਚ ਮਕਸਾ ਚ ਡਂਸਮਕਸਂ, ਮਕ੍ਖਿਕਾ ਚ ਕਿਪਿਲ੍ਲਿਕਾ ਚ ਮਕ੍ਖਿਕਕਿਪਿਲ੍ਲਿਕਂ, ਕੀਟਾ ਚ ਸਰਿਂਸਪਾ ਚ ਕੀਟਸਰਿਂਸਪਂ. ਤਤ੍ਥ ਕੁਨ੍ਥਾ=ਸੁਖੁਮਕਿਪਿਲ੍ਲਿਕਾ.

ਖੁਦ੍ਦਜਨ੍ਤੁ ਅਨਟ੍ਠੀ ਵਾ, ਅਥ ਖੋ ਖੁਦ੍ਦਕੋਪਿ ਵਾ;

ਸਤਂ ਵਾ ਪਸਤੋ ਯੇਸਂ, ਕੇਚਿ ਆਨਤੁਲਾ ਇਤਿ.

ਪਚਨਚਣ੍ਡਾਲਾਨਂ-ਓਰਬ੍ਭਿਕਾ ਚ ਸੂਕਰਿਕਾ ਚ ਓਰਬ੍ਭਿਕਸੂਕਰਿਕਂ, ਏਵਂ ਸਾਕੁਨ੍ਤਿਕਮਾਗਵਿਕਂ. ਸਪਾਕੋ ਚ ਚਣ੍ਡਾਲੋ ਚ ਸਪਾਕਚਣ੍ਡਾਲਂ, ਪੁਕ੍ਕੁਸਛਵਡਾਹਕਂ, ਵੇਨਰਥਕਾਰਂ, ਤਤ੍ਥ ਵੇਨਾ=ਤਚ੍ਛਕਾ, ਰਥਕਾਰਾ=ਚਮ੍ਮਕਾਰਾ.

ਚਰਣਸਾਧਾਰਣਾਨਂ-ਅਤਿਸੋ ਚ ਭਾਰਦ੍ਵਾਜੋ ਚ ਅਤਿਸਭਾਰਦ੍ਵਾਜਂ, ਕਟ੍ਠੋ ਚ ਕਪਾਲੋ ਚ ਕਟ੍ਠਕਪਾਲਂ, ਸੀਲਞ੍ਚ ਪਞ੍ਞਾਣਞ੍ਚ ਸੀਲਪਞ੍ਞਾਣਂ, ਸਮਥੋ ਚ ਵਿਪਸ੍ਸਨਾ ਚ ਸਮਥਵਿਪਸ੍ਸਨਂ, ਵਿਜ੍ਜਾ ਚ ਚਰਣਞ੍ਚ ਵਿਜ੍ਜਾਚਰਣਂ, ਏਵਂ ਨਾਮਰੂਪਂ, ਹਿਰੋਤ੍ਤਪ੍ਪਂ, ਸਤਿਸਮ੍ਪ-ਜਞ੍ਞਂ ¶ , ਲੋਭਮੋਹਂ, ਦੋਸਮੋਹਂ, ਅਹਿਰਿਕਾਨੋਤ੍ਤਪ੍ਪਂ, ਥਿਨਮਿਦ੍ਧਂ, ਉਦ੍ਧਚ੍ਚਕੁਕ੍ਕੁਚ੍ਚ+ਮਿਚ੍ਚਾਦਿ.

ਏਕਜ੍ਝਾਯਨਪਾਵਚਨਾਨਂ-ਦੀਘੋ ਚ ਮਜ੍ਝਿਮੋ ਚ ਦੀਘਮਜ੍ਝਿਮਂ, ਏਵਂ ਏਕੁਤ੍ਤਰ ਸਂਯੁਤ੍ਤਕਂ, ਖਨ੍ਧਕਵਿਭਙ੍ਗਂ.

ਲਿਙ੍ਗਵਿਸੇਸਾਨਂ-ਇਤ੍ਥੀ ਚ ਪੁਮਾ ਚ ਇਤ੍ਥਿਪੁਮਂ, ਦਾਸੀ ਚ ਦਾਸੋ ਚ ਦਾਸਿਦਾਸਂ, ਚੀਵਰਞ੍ਚ ਪਿਣ੍ਡਪਾਤੋ ਚ ਸੇਨਾਸਨਞ੍ਚ ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੋ ਚ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਂ, ਤਿਣਞ੍ਚ ਕਟ੍ਠੋ ਚ ਸਾਖਾ ਚ ਪਲਾਸਞ੍ਚ ਤਿਣਕਟ੍ਠਸਾਖਾਪਲਾਸਂ. ‘‘ਲਾਭੀ ਹੋਤਿ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਾਨਂ’’ਤਿਪਿ ਦਿਸ੍ਸਤਿ.

ਵਿਵਿਧਵਿਰੁਦ੍ਧਾਨਂ-ਕੁਸਲਞ੍ਚ ਅਕੁਸਲਞ੍ਚ ਕੁਸਲਾਕੁਸਲਂ, ਏਵਂ ਸਾਵਜ੍ਜਾਨਵਜ੍ਜਂ, ਹੀਨਪਣੀਤਂ, ਕਣ੍ਹਸੁਕ੍ਕਂ, ਛੇਕਪਾਪਕਂ, ਸੁਖਦੁਕ੍ਖਂ, ਅਧਮੁਤ੍ਤਮਂ, ਪਟਿਘਾਨੁਨਯਂ, ਛਾਯਾਤਪਂ, ਆਲੋਕਨ੍ਧਕਾਰਂ. ਰਤ੍ਤਿਞ੍ਚ ਦਿਵਾ ਚ ਰਤ੍ਤਿਨ੍ਦਿਵਂ, ‘‘ਰਤ੍ਤਿਨ੍ਦਿਵਦਾਰਗਵਚਤੁਰਸ੍ਸਾ’’ਤਿ ਅਪਚ੍ਚਯੇ ਕਤੇ ਨੁਮਆਗਮੋ. ਅਹੋ ਚ ਰਤ੍ਤਿ ਚ ਅਹੋਰਤ੍ਤਂ, ‘‘ਦੀਘਾ+ਹੋਵਸ੍ਸੇਕਦੇਸੇਹਿ ਚ ਰਤ੍ਯਾ’’ਤਿ ਅਪਚ੍ਚਯੇ ਕਤੇ ‘‘ਮਨਾਦ੍ਯਾਪਾਦੀਨ+ਮੋ ਮਯੇ ਚੇ’’ਤਿ ਓਕਾਰੋ.

ਦਿਸਾਨਂ-ਪੁਬ੍ਬਾ ਚ ਅਪਰਾ ਚ ਪੁਬ੍ਬਾਪਰਂ, ਏਵਂ ਪੁਰਤ੍ਥਿਮਪਚ੍ਛਿਮਂ, ਦਕ੍ਖਿਣੁਤ੍ਤਰਂ, ਪੁਬ੍ਬਦਕ੍ਖਿਣਂ, ਪੁਬ੍ਬੁਤ੍ਤਰਂ, ਅਪਰਦਕ੍ਖਿਣਂ, ਅਪਰੁਤ੍ਤਰਂ.

ਨਦੀਨਂ-ਗਙ੍ਗਾ ਚ ਯਮੁਨਾ ਚ ਗਙ੍ਗਾਯਮੁਨਂ, ਏਵਂ ਮਹੀਸਰਭੂ.

ਤਿਣ+ਰੁਕ੍ਖ+ਪਸੁ+ਸਕੁਣ+ਧਨ+ਖਞ੍ਞ+ਬ੍ਯਞ੍ਜਨ+ਜਨਪਦਾਨਂ ਵਾ. ਤਿਣਵਿਸੇਸਾਨਂ-ਉਸੀਰਾਨਿ ਚ ਬੀਰਣਾਨਿ ਚ ਉਸੀਰਬੀਰਣਂ ਉਸੀਰਬੀਰਣਾਨਿ ਵਾ. ਏਵਂ ਮੁਞ੍ਜਪਬ੍ਬਜਂ ਮੁਞ੍ਜਪਬ੍ਬਜਾਨਿ ਵਾ, ਕਾਸਕੁਸਂ ਕਾਸਕੁਸਾ ਵਾ.

ਰੁਕ੍ਖਵਿਸੇਸਾਨਂ-ਅਸ੍ਸਤ੍ਥਾ ¶ ਚ ਕਪਿਟ੍ਠਾ ਚ ਅਸ੍ਸਤ੍ਥਕਪਿਟ੍ਠਂ ਅਸ੍ਸਤ੍ਥਕਪਿਟ੍ਠਾ ਵਾ, ਏਵਂ ਅਮ੍ਬਪਨਸਂ ਅਮ੍ਬਪਨਸਾ, ਖਦਿਰਪਲਾਸਂ ਖਦਿਰਪਲਾਸਾ, ਧਵਾਸ੍ਸਕਣ੍ਣਂ ਧਵਾਸ੍ਸਕਣ੍ਣਾ, ਪਿਲਕ੍ਖਨਿਗ੍ਰੋਧਂ ਪਿਲਕ੍ਖਨਿਗ੍ਰੋਧਾ, ਸਾਕਸਾਲਂ ਸਾਕਸਾਲਾ.

ਪਸੁਵਿਸੇਸਾਨਂ-ਗਜਾ ਚ ਗਵਜਾ ਚ ਗਜਗਵਜਂ ਗਜਗਵਜਾ ਵਾ, ਅਜਾ ਚ ਏਲ਼ਕਾ ਚ ਅਜੇਲ਼ਕਂ ਅਜੇਲ਼ਕਾ, ਹਤ੍ਥੀ ਚ ਗਾਵੋ ਚ ਅਸ੍ਸਾ ਚ ਵਲ਼ਵਾ ਚ ਹਤ੍ਥੀਗਵਸ੍ਸਵਲ਼ਵਂ ਹਤ੍ਥੀਗਵਸ੍ਸਵਲ਼ਵਾ, ਰਸ੍ਸਤ੍ਤਂ. ਏਵਂ ਗੋਮਹਿਸਂ ਗੋਮਹਿਸਾ, ਏਣੇਯ੍ਯਵਰਾਹਂ ਏਣੇਯ੍ਯਵਰਾਹਾ, ਸੀਹਬ੍ਯਗ੍ਘਤਰਚ੍ਛਂ ਸੀਹਬ੍ਯਗ੍ਘਤਰਚ੍ਛਾ, ਕੁਕ੍ਕੁਟਸੂਕਰਂ ਕੁਕ੍ਕੁਟਸੂਕਰਾ, ਏਣੇਯ੍ਯਗੋਮਹਿਸਂ ਏਣੇਯ੍ਯਗੋਮਹਿਸਾ.

ਸਕੁਣਵਿਸੇਸਾਨਂ-ਹਂਸਾ ਚ ਬਕਾ ਚ ਹਂਸਬਕਂ ਹਂਸਬਕਾ. ਏਵਂ ਕਾਰਣ੍ਡਵਚਕ੍ਕਵਾਕਂ ਕਾਰਣ੍ਡਵਚਕ੍ਕਵਾਕਾ, ਮਯੂਰਕੋਞ੍ਚਂ ਮਯੂਰਕੋਞ੍ਚਾ, ਸੁਕਸਾਲਿਕਂ ਸੁਕਸਾਲਿਕਾ, ਬਕਬਲਾਕਂ ਬਕਬਲਾਕਾ.

ਧਨਾਨਂ-ਹਿਰਞ੍ਞਞ੍ਚ ਸੁਵਣ੍ਣਞ੍ਚ ਹਿਰਞ੍ਞਸੁਵਣ੍ਣਂ ਹਿਰਞ੍ਞਸੁਵਣ੍ਣਾਨਿ. ਏਵਂ ਜਾਤਰੂਪਰਜਤਂ ਜਾਤਰੂਪਰਜਤਾਨਿ, ਮਣਿਸਙ੍ਖਮੁਤ੍ਤਵੇਲ਼ੁਰਿਯਂ ਮਣਿਸਙ੍ਖਮੁਤ੍ਤਵੇਲ਼ੁਰਿਯਾ.

ਧਞ੍ਞਾਨਂ-ਸਾਲੀ ਚ ਯਵਾ ਚ ਸਾਲਿਯਵਂ ਸਾਲਿਯਵਾ ਵਾ. ਏਵਂ ਤਿਲਮੁਗ੍ਗਮਾਸਂ ਤਿਲਮੁਗ੍ਗਮਾਸਾਨਿ, ਨਿਪ੍ਪਾਵਕੁਲਤ੍ਥਂ ਨਿਪ੍ਪਾਵਕੁਲਤ੍ਥਾ.

ਬ੍ਯਞ੍ਜਨਾਨਂ-ਸਾਕੋ ਚ ਸੁਵਾ ਚ ਸਾਕਸੁਵਂ ਸਾਕਸੁਵਾ. ਏਵਂ ਗਬ੍ਯਮਾਹਿਸਂ ਗਬ੍ਯਮਾਹਿਸਾ, ਏਣੇਯ੍ਯਵਰਾਹਂ ਏਣੇਯ, ਵਰਾਹਾ. ਮਿਗਮਯੂਰਂ ਮਿਗਮਯੂਰਾ.

ਜਨਪਦਾਨਂ-ਕਾਸਿ ¶ ਚ ਕੋਸਲਾ ਚ ਕਾਸਿਕੋਸਲਂ ਕਾਸਿਕੋਸਲਾ, ਵਜ੍ਜੀ ਚ ਮਲ੍ਲਾ ਚ ਵਜ੍ਜਿਮਲ੍ਲਂ ਵਜ੍ਜਿਮਲ੍ਲਾ, ਅਙ੍ਗਾ ਚ ਮਗਧਾ ਚ ਅਙ੍ਗਮਗਧਂ ਅਙ੍ਗਮਗਧਾ, ਏਵਂ ਚੇਤਿਵਂਸਂ ਚੇਤਿਵਂਸਾ, ਮਚ੍ਛਸੂਰਸੇਨਂ ਮਚ੍ਛਸੂਰਸੇਨਾ, ਕੁਰੁਪਞ੍ਚਾਲਂ ਕੁਰੁਪਞ੍ਚਾਲਾ. ਨਾਮਞ੍ਚ ਰੂਪਞ੍ਚ ਨਾਮਰੂਪਞ੍ਚ ਨਾਮਰੂਪਨਾਮਰੂਪਨ੍ਤਿ ਚਤੁਰੇਕਪਞ੍ਚਵੋਕਾਰਵਸੇਨ ਵਤ੍ਤਬ੍ਬੇ ਬਹੁਲਾਧਿਕਾਰਾ ਸਰੂਪੇਕਸੇਸਂ ਕਤ੍ਵਾ ਨਾਮਰੂਪਨ੍ਤਿ ਵੁਤ੍ਤਂ.

ਏਤਸ੍ਮਿਂ ਏਕਤ੍ਥੀਭਾਵਕਣ੍ਡੇ ਯਂ ਵੁਤ੍ਤਂ ਪੁਬ੍ਬਂ, ਤਦੇਵ ਪੁਬ੍ਬਂ ਨਿਪਤਤਿ, ਕਮਾਤਿਕ੍ਕਮੇ ਪਯੋਜਨਸ੍ਸਾ+ਭਾਵਾ. ਕ੍ਵਚਿ ਵਿਪਲ੍ਲਾਸੋਪਿ ਹੋਤਿ, ਬਹੁਲਾਧਿਕਾਰਤੋ, ਦਨ੍ਤਾਨਂ ਰਾਜਾ ਰਾਜਦਨ੍ਤੋ. ਚਤ੍ਥੇ ਸਮਾਹਾਰੇ ‘‘ਸਭਾਪਰਿਸਾਯਾ’’ਤਿ ਞਾਪਕਾ ਕ੍ਵਚਿ ਨਪੁਂਸਕਲਿਙ੍ਗਂ ਨ ਭਵਤਿ, ਆਧਿਪਚ੍ਚਞ੍ਚ ਪਰਿਵਾਰੋ ਚ ਆਧਿਪਚ੍ਚਪਰਿਵਾਰੋ. ਏਵਂ ਛਨ੍ਦਪਾਰਿਸੁਦ੍ਧਿ, ਪਟਿਸਨ੍ਧਿਪਵਤ੍ਤਿਯਂ.

ਪਾਪਾਦੀਹਿ ਪਰਾ ਯਾ ਭੂਮਿ, ਤਸ੍ਸਾ ਸਮਾਸਨ੍ਤੋ ਅ ਹੋਤਿ. ਪਾਪਾ ਭੂਮਿ ਯਸ੍ਮਿਨ੍ਤਿ ਪਾਪਭੂਮਂ, ਜਾਤਿਯਾ ਉਪਲਕ੍ਖਿਤਾ ਭੂਮਿ ਜਾਤਿਭੂਮਂ.

ਸਂਖ੍ਯਾਹਿ ਪਰਾਯ ਭੂਮਿਯਾ ਅ ਹੋਤਿ. ਦ੍ਵੇ ਭੂਮਿਯੋ ਅਸ੍ਸ ਦ੍ਵਿਭੂਮਂ. ਏਵਂ ਤਿਭੂਮਂ.

ਸਂਖ੍ਯਾਹਿ ਪਰਾਸਂ ਨਦੀਗੋਧਾਵਰੀਨਂ ਸਮਾਸਨ੍ਤੋ ਅ ਹੋਤਿ. ਪਞ੍ਚਨ੍ਨਂ ਨਦੀਨਂ ਸਮਾਹਾਰੋ ਪਞ੍ਚਨਦਂ. ਏਵਂ ਸਤ੍ਤਗੋਧਾਵਰਂ.

੪੪. ਅਸਂਖ੍ਯੇਹਿ ਚਾ+ਙ੍ਗੁਲ੍ਯਾ+ਨਾਞ੍ਞਾਸਂਖ੍ਯਤ੍ਥੇਸੁਤਿ

ਅਸਂਖ੍ਯੇਹਿ ¶ ਸਂਖ੍ਯਾਹਿ ਚ ਪਰਾਯ ਅਙ੍ਗੁਲਿਯਾ ਸਮਾਸਨ੍ਤੋ ਅ ਹੋਤਿ. ਨਿਗ੍ਗਤ+ਮਙ੍ਗੁਲੀਹਿ ਨਿਰਙ੍ਗੁਲਂ, ਦ੍ਵੇ ਅਙ੍ਗੁਲਿਯੋ ਸਮਾਹਟਾ ਦ੍ਵਙ੍ਗੁਲਂ. ਅਨਞ੍ਞਾਸਂਖ੍ਯਤ੍ਥੇਸੂਤਿ ਕਿਂ, ਪਞ੍ਚ ਅਙ੍ਗੁਲਿਯੋ ਅਸ੍ਮਿਂ ਹਤ੍ਥੇਤਿ ਪਞ੍ਚਙ੍ਗੁਲਿ, ਅਙ੍ਗੁਲਿਯਾ ਸਮੀਪਂ ਉਪਙ੍ਗੁਲਿ.

੪੫. ਦੀਘਾਹੋਵਸ੍ਸੇਕਦੇਸੇਹਿ ਚ ਰਤ੍ਤ੍ਯਾਤਿ

ਦੀਘਾਦੀਹਿ ਪਰਾਯ ਰਤ੍ਤਿਯਾ ਅ ਹੋਤਿ. ਦੀਘਾ ਚ ਸਾ ਰਤ੍ਤਿ ਚਾਤਿ ਦੀਘਰਤ੍ਤਂ. ਅਹੋ ਚ ਰਤ੍ਤਿ ਚ ਅਹੋਰਤ੍ਤਂ, ਆਪਾਦਿਤ੍ਤਾ ਓ. ਵਸ੍ਸਾਸੁ ਰਤ੍ਤਿ ਵਸ੍ਸਾਰਤ੍ਤਂ. ਪੁਬ੍ਬਾ ਚ ਸਾ ਰਤ੍ਤਿ ਚਾਤਿ ਪੁਬ੍ਬਰਤ੍ਤਂ. ਏਵਂ ਅਪਰਰਤ੍ਤਂ, ਅਡ੍ਢਰਤ੍ਤਂ, ਅਤਿਕ੍ਕਨ੍ਤੋ ਰਤ੍ਤਿਂ ਅਤਿਰਤ੍ਤੋ. ਦ੍ਵੇ ਰਤ੍ਤਿਯੋ ਸਮਾਹਟਾ ਦ੍ਵਿਰਤ੍ਤਂ. ਅਨਞ੍ਞਾਸਂਖ੍ਯਤ੍ਥੇਸੁ ਤ੍ਵੇਵ, ਦੀਘਾ ਰਤ੍ਤਿ ਅਸ੍ਮਿਨ੍ਤਿ ਦੀਘਰਤ੍ਤਿ, ਹੇਮਨ੍ਤੋ. ਰਤ੍ਤਿਯਾ ਸਮੀਪਂ ਉਪਰਤ੍ਤਿ. ਬਹੁਲਂਵਿਧਾਨਾ ਕ੍ਵਚਿ ਹੋਤੇਵ, ਰਤ੍ਤਿਪਰਿਮਾਣਾਨੁਰੂਪਂ ਯਥਾਰਤ੍ਤਂ.

ਗੋਸਦ੍ਦਾ ਅਲੋਪਵਿਸਯੇ ਸਮਾਸਨ੍ਤੋ ਅ ਹੋਤਿ ਨ ਚੇ ਚਤ੍ਥਾਦੀਸੁ ਸਮਾਸੋ. ਰਞ੍ਞੋ ਗੋ ਰਾਜਗਵੋ. ਪਰਮੋ ਚ ਸੋ ਗੋ ਚਾਤਿ ਪਰਮਗਵੋ. ਪਞ੍ਚਨ੍ਨਂ ਗੁਨ੍ਨਂ ਸਮਾਹਾਰੋ ਪਞ੍ਚਗਵਂ, ‘‘ਗੋਸ੍ਸਾ+ਵਙ’’ਤਿ ਅਵਙ. ਤਂ ਧਨ+ਮਸ੍ਸਾਤਿ ਪਞ੍ਚਗਵਧਨੋ. ਦਸਗਵਂ.

ਏਤੇ ਸਦ੍ਦਾ ਅ-ਅਨ੍ਤਾ ਨਿਪਚ੍ਚਨ੍ਤੇ. ਰਤ੍ਤਿ ਚ ਦਿਵਾ ਚ ਰਤ੍ਤਿਨ੍ਦਿਵਂ, ਇਮਿਨਾਵ ਨੁਮਾਗ ਮਾ. ਦਾਰਾ ਚ ਗਵੋ ਚ ਦਾਰਗਵਂ. ਚਤਸ੍ਸੋ ਅਸ੍ਸਿਯੋ ਅਸ੍ਸ ਚਤੁਰਸ੍ਸੋ.

ਅਨੁਗਵਂਤਿ ¶ ਨਿਪਚ੍ਚਤੇ ਆਯਾਮੇਗਮ੍ਯਮਾਨੇ. ਗਵਸ੍ਸ ਆਯਾਮੋ ਅਨੁਗਵਂ ਸਕਟਂ, ਅਸਙ੍ਖ੍ਯਸਮਾਸੋ.

ਅਕ੍ਖਿਸ੍ਮਾ ਸਮਾਸਨ੍ਤੋ ਅ ਹੋਤਿ ਅਞ੍ਞਤ੍ਥੇ. ਵਿਸਾਲਾਨਿ ਅਕ੍ਖੀਨਿ ਯਸ੍ਸ ਸੋ ਵਿਸਾਲਕ੍ਖੋ.

ਅਙ੍ਗੁਲਨ੍ਤਾ ਅਞ੍ਞਤ੍ਥੇ ਦਾਰੁਮ੍ਹਿ ਸਮਾਸਨ੍ਤੋ ਅ ਹੋਤਿ. ਦ੍ਵੇ ਅਙ੍ਗੁਲਿਯੋ ਅਵਯਵਾ ਅਸ੍ਸੇਤਿ ਦ੍ਵਙ੍ਗੁਲਂ ਦਾਰੁ, ਏਵਂ ਪਞ੍ਚਙ੍ਗੁਲਂ. ਅਙ੍ਗੁਲਿਸਦਿਸਾਵਯਵਂ ਧਞ੍ਞਾਦੀਨਂ ਵਿਕ੍ਖੇਪਕਂ ਦਾਰੂਤਿ ਵੁਚ੍ਚਤੇ.

ਉਤ੍ਤਰਪਦੇ ਇਮਸ੍ਸ ਇਦਂ, ਇਮਾਯ ਅਤ੍ਥੋ ਇਦਮਟ੍ਠੋ, ਥਸ੍ਸ ਠੋ, ਇਦਮਟ੍ਠੋ ਅਸ੍ਸ ਅਤ੍ਥੀਤਿ ਇਦਮਟ੍ਠੀ, ਇਦਮਟ੍ਠਿਨੋ ਭਾਵੋ ਇਦਮਟ੍ਠਿਤਾ. ਇਮੇਸਂ ਪਚ੍ਚਯਾ ਇਦਪ੍ਪਚ੍ਚਯਾ, ਨਿਗ੍ਗਹੀਤਲੋਪੋ ਪਸ੍ਸ ਚ ਦ੍ਵਿਭਾਵੋ.

ਨ੍ਤਨ੍ਤੂਨਂ ਉਤ੍ਤਰਪਦੇ ਟ ਹੋਤਿ. ਭਵਨ੍ਤੋ ਪਤਿਟ੍ਠਾ ਅਮ੍ਹਨ੍ਤਿ ਭਵਂਪਤਿਟ੍ਠਾ ਮਯਂ, ਨਿਗ੍ਗਹੀਤਾਗਮੋ, ਵਗ੍ਗਨ੍ਤੋ, ਯੋਸ੍ਸ ਟਾ ਚ. ਭਗਵਾ ਮੂਲਂ ਏਤੇਸਂਤਿ ਭਗਵਂਮੂਲਕਾ ਨੋ ਧਮ੍ਮਾ.

ਇਤਿ ¶ ਨ੍ਤਨ੍ਤੂਨਂ ਅ ਹੋਤਿ. ਗੁਣਵਨ੍ਤੋ ਪਤਿਟ੍ਠਾ ਮਮਾਤਿ ਗੁਣਵਨ੍ਤਪਤਿਟ੍ਠੋ+ਸ੍ਮਿ.

ਸਂਖ੍ਯਾਸੁ ਪਰਸ੍ਸ ਓ, ਪਰੋ ਸਤਸ੍ਮਾ ਅਧਿਕਾ ਪਰੋਸਤਂ.

ਪੁਥਸ੍ਸ ਜਨੇ ਉ ਹੋਤਿ. ਪੁਥਗੇਵਾ+ਯਂ ਜਨੋਤਿ ਪੁਥੁਜ੍ਜਨੋ, ਜਸ੍ਸ ਦ੍ਵਿਤ੍ਤਂ.

ਅਹੇ ਆਯਤਨੇ ਚ ਉਤ੍ਤਰਪਦੇ ਛਸ੍ਸ ਸੋ ਹੋਤਿ ਵਾ. ਸਾਹਂ ਛਾਹਂ, ਸਲ਼ਾਯਤਨਂ ਛਲ਼ਾਯਤਨਂ. (ਸਮ੍ਬਰਂ)

ਲ੍ਤੁਪਚ੍ਚਯਨ੍ਤਾਨਂ ਪਿਤਾਦੀਨਞ੍ਚ ਯਥਾਕ੍ਕਮ+ਮਾਰਵਰਙ ਵਾ ਹੋਨ੍ਤੁ+ਤ੍ਤਰਪਦੇ. ਸਤ੍ਥੁਨੋ ਦਸ੍ਸਨਂ ਸਤ੍ਥਾਰਦਸ੍ਸਨਂ, ਕਤ੍ਤਾਰਨਿਦ੍ਦੇਸੋ. ਮਾਤਰਪਿਤਰੋ. ਵਾਤ੍ਵੇਵ, ਸਤ੍ਥੁਦਸ੍ਸਨਂ, ਮਾਤੁਜਾਯੋ.

ਪਚ੍ਚਯੇ ਪੁਮਭਾਵੇ ਅਤਿਸਯੇਨ ਬ੍ਯਤ੍ਤਾ ਬ੍ਯਤ੍ਤਤਰਾ, ਬ੍ਯਤ੍ਤਤਮਾ. ‘‘ਤਸ੍ਸਂ ਤਤ੍ਰ, ਤਾਯ ਤਤੋ, ਤਸ੍ਸਂ ਵੇਲਾਯਂ ਤਦਾ’’[‘‘… ਏਤ੍ਥਨ੍ਤਰੇ ਰੂਪਾਨਿ ਆਚਰਿਯਸਂਘਰਕ੍ਖਿਤ ਮਹਾਸਾਮਿਤ੍ਥੇਰਮਤੇਨ ਇਮਿਨਾਵ ‘‘ਕ੍ਵਚਿ ਪਚ੍ਚਯੇਤਿ ਸੁਤ੍ਤੇਨ ਸਿਦ੍ਧਾਨਿ, ਤੇਨੇਵ ਤਾਨਿ ਇਮਸ੍ਮਿਂ ਸੁਤ੍ਤੇ ਉਦਾਹਟਾਨਿ. ਆਚਰਿਯਮੋਗ੍ਗਲ੍ਲਾਨਮਹਾਥੇਰਮਤੇਨ ਪਨੇ+ਤਾਨਿ ‘‘ਸਬ੍ਬਾਦਯੋ ਵੁਤ੍ਤਿਮਤ੍ਤੇਤਿ ਸੁਤ੍ਤੇਨ ਸਿਦ੍ਧਾਨਿ. ਤੋਆਦੀਨਂ ਵਿਭਤ੍ਯਤ੍ਥੇ ਵਿਹਿਤਪਚ੍ਚਯਤ੍ਤਾ, ਤਦਨ੍ਥਾਨਞ੍ਚ ਣਾਦਿਵੁਤ੍ਤਿਤ੍ਤਾ ਦ੍ਵਿਨ੍ਨਮ੍ਪਿ ਥੇਰਾਨਂ ਮਤਾ ਅਵਿਰੁਦ੍ਧਾ.]

ਸਞ੍ਞਾਯ+ਮੁਦਕਸ੍ਸੁ+ਤ੍ਤਰਪਦੇ ¶ ਉਦਾਦੇਸੋ ਹੋਤਿ. ਉਦਧਿ, ਉਦਪਾਨਂ.

ਕੁਮ੍ਭਾਦੀਸੁ+ਤ੍ਤਰਪਦੇਸੁ ਉਦਕਸ੍ਸ ਉਦਾਦੇਸੋ ਵਾ ਹੋਤਿ. ਉਦਕੁਮ੍ਭੋ, ਉਦਕਕੁਮ੍ਭੋ. ਉਦਪਤ੍ਤੋ ਉਦਕਪਤ੍ਤੋ. ਉਦਬਿਨ੍ਦੁ ਉਦਕਬਿਨ੍ਦੁ. ਆਕਤਿਗਣੋ+ਯਂ.

ਸੋਤਾਦੀਸੁ+ਤ੍ਤਰਪਦੇਸੁ ਉਦਕਸ੍ਸ ਉਸ੍ਸ ਲੋਪੋ ਹੋਤਿ. ਦਕਸੋਤਂ, ਦਕਰਕ੍ਖਸੋ.

ਇਤ੍ਥਿਯਂ ਵਤ੍ਤਮਾਨਤੋ ਅਕਾਰਨ੍ਤਤੋ ਨਾਮਸ੍ਮਾ ਆਪਚ੍ਚਯੋ ਹੋਤਿ. ਧਮ੍ਮਦਿਨ੍ਨਾ.

ਨਦਾਦੀਹਿ ਇਤ੍ਥਿਯਂ ਵੀਪਚ੍ਚਯੋ ਹੋਤਿ. ਨਦੀ ਮਹੀ ਕੁਮਾਰੀ ਤਰੁਣੀ ਵਾਰੁਣੀ ਗੋਤਮੀ.

ਗਾਵੀ ਗੋ. ਆਕਤਿਗਣੋ+ਯਂ. ਵ-ਕਾਰੋ ‘‘ਨ੍ਤਨ੍ਤੂਨਂ ਵੀਮ੍ਹਿ ਤੋ ਵਾ’’ਤਿ ਵਿਸੇਸਨਤ੍ਥੋ.

ਯਕ੍ਖਾਦਿਤੋ ¶ ਇਤ੍ਥਿਯਂ ਇਨੀ ਹੋਤਿ ਵੀ ਚ. ਯਕ੍ਖਿਨੀ ਯਕ੍ਖੀ, ਨਾਗਿਨੀ ਨਾਗੀ, ਸੀਹਿਨੀ ਸੀਹੀ.

ਆਰਾਮਿਕਾਦਿਤੋ ਇਨੀ ਹੋਤਿ+ਤ੍ਥਿਯਂ. ਆਰਾਮਿਕਿਨੀ, ਅਨਨ੍ਤਰਾਯਿਕਿਨੀ.

ਸਞ੍ਞਾਯਂ ਮਾਨੁਸੋ ਮਾਨੁਸਿਨੀ, ਅਞ੍ਞਤ੍ਰ ਮਾਨੁਸੀ.

ਇਤ੍ਥਿਯ+ਮਿਵਣ੍ਣੁਵਣ੍ਣਨ੍ਤੇਹਿ ਨੀ ਹੋਤਿ ਬਹੁਲਂ. ਸਦਾਪਯਤਪਾਣਿਨੀ, ਦਣ੍ਡਿਨੀ, ਭਿਕ੍ਖੁਨੀ, ਖਤ੍ਤਬਨ੍ਧੁਨੀ, ਪਰਚਿਤ੍ਤਵਿਦੁਨੀ. ਮਾਤੁਆਦਿਤੋ ਕਸ੍ਮਾ ਨ ਹੋਤਿ, ਇਤ੍ਥਿਪਚ੍ਚਯਂ ਵਿਨਾਪਿ ਇਤ੍ਥਤ੍ਤਾਭਿਧਾਨਤੋ.

ਤ੍ਤਿਮ੍ਹਾ+ਞ੍ਞਤ੍ਥੇਯੇਵ ਇਤ੍ਥਿਯਂ ਨੀ ਹੋਤਿ ਬਹੁਲਂ. ਸਾ+ਹਂ ਅਹਿਂਸਾਰਤਿਨੀ, ਤਸ੍ਸਾ ਮੁਟ੍ਠਸ੍ਸਤਿਨਿਯਾ, ਸਾ ਗਾਵੀ ਵਚ੍ਛਗਿਦ੍ਧਿਨੀ. ਅਞ੍ਞਤ੍ਥੇਤਿ ਕਿਂ, ਧਮ੍ਮਰਤਿ.

ਘਰਣਿਪਭੁਤਯੋ ਨੀਪਚ੍ਚਯਨ੍ਤਾ ਸਾਧਵੋ ਹੋਨ੍ਤਿ. ਘਰ+ਮਸ੍ਸਾ ਅਤ੍ਥੀਤਿ ਈਮ੍ਹਿ ‘‘ਯੁਵਣ੍ਣੇਹਿ ਨੀ’’ਤਿ ਨੀ, ਘਰਣੀ. ਇਮਿਨਾ ਨਸ੍ਸ ਣੋ, ਈਸ੍ਸ ਅਤ੍ਤਞ੍ਚ.

ਆਚਰਿਯਾ ¶ ਵਾ ਯਲੋਪੋ ਚ ਇਤਿ ਗਣਸੁਤ੍ਤੇਨ ਨਿਯਾਮਿਤਤ੍ਤਾ ਇਮਿਨਾਵ ਨੀਮ੍ਹਿ ਯਲੋਪੋ ਚ, ਆਚਰਿਨੀ ਆਚਰਿਯਾ.

੩੩. ਮਾਤੁਲਾਦਿਤ੍ਵਾ+ਨੀ ਭਰਿਯਾਯਨ੍ਤਿ

ਮਾਤੁਲਾਦਿਤੋ ਭਰਿਯਾਯ+ਮਾਨੀ ਹੋਤਿ. ਮਾਤੁਲਾਨੀ, ਵਰੁਣਾਨੀ, ਗਹਪਤਾਨੀ, ਆਚਰਿਯਾਨੀ.

ਅਭਰਿਯਾਯਂ ਖਤ੍ਤਿਯਾ ਵਾ ਇਤਿ ਗਣਸੁਤ੍ਤੇਨ ਨਿਯਮਿਤਤ੍ਤਾ ਇਮਿਨਾ ਵਾ ਆਨੀ, ਖਤ੍ਤਿਯਾਨੀ. ਨਦਾਦਿਪਾਠਾ ਭਰਿਯਾਯਨ੍ਤੁ ਈ, ਖਤ੍ਤਿਯੀ.

੩੪. ਉਪਮਾ+ਸਂਹਿਤ+ਸਹਿਤ+ਸਞ੍ਞਤ+ਸਹ+ਸਫ+ਵਾਮ+ਲਕ੍ਖਣਾਦਿਤੂ+ਰੁਤੂਤਿ

ਊਰੁਸਦ੍ਦਤੋ ਇਤ੍ਥਿਯ+ਮੂ ਹੋਤਿ. ਕਰਭੋ ਵਿਯ ਊਰੁ ਯਸ੍ਸਾ ਸਾ ਕਰਭੋਰੂ, ਸਂਹਿਤੋ ਊਰੁ ਅਸ੍ਸਾਤਿ ਸਂਹਿਤੋਰੂ, ਏਵਂ ਸਹਿਤੋਰੂ, ਸਞ੍ਞਤੋਰੂ, ਸਹੋਰੂ, ਸਫੋਰੂ, ਵਾਮੋਰੂ, ਲਕ੍ਖਣੋਰੂ. ਊਤਿ ਯੋਗਵਿਭਾਗਾ ਬ੍ਰਹ੍ਮਬਨ੍ਧੂ.

ਯੁਵਸਦ੍ਦਤੋਤਿ ਹੋਤਿ+ਤ੍ਥਿਯਂ. ਯੁਵਤਿ.

ਵੀਮ੍ਹਿ ਨ੍ਤਨ੍ਤੂਨਂ ਤੋ ਵਾ ਹੋਤਿ. ਗਚ੍ਛਤੀ ਗਚ੍ਛਨ੍ਤੀ, ਸੀਲਵਤ ਸੀਲਵਨ੍ਤੀ.

ਵੀਮ੍ਹਿ ¶ ਭਵਤੋ ਭੋਤਾਦੇਸੋ ਵਾ ਹੋਤਿ. ਭੋਤੀ ਭਵਨ੍ਤੀ.

ਵੀਮ੍ਹਿ ਪੁਥੁਸ੍ਸ ਪਥਵਪੁਥਵਾ ਹੋਨ੍ਤਿ. ਪਥਵੀ ਪੁਥਵੀ, ਠੇ ਪਥਵੀ.

ਇਤਿ ਪਯੋਗਸਿਦ੍ਧਿਯਂ ਸਮਾਸਕਣ੍ਡੋ ਚਤੁਤ੍ਥੋ.

ਸਮਾਸੋ ¶ ਪਦਸਂਖੇਪੋ, ਪਦਪਚ੍ਚਯਸਂਹਿਤਂ;

ਤਦ੍ਧਿਤਂ ਨਾਮ ਹੋਤੀਤਿ, ਵਿਞ੍ਞੇਯ੍ਯਂ ਤੇਸ+ਮਨ੍ਤਰਂ.

ਛਟ੍ਠੀਯਨ੍ਤਾ ਨਾਮਸ੍ਮਾ ਵਾ ਣਪਚ੍ਚਯੋ ਹੋਤਿ ਅਪਚ੍ਚੇ+ਭਿਧੇਯ੍ਯੇ. ਅਪਚ੍ਚਸਦ੍ਦਸਮ੍ਬਨ੍ਧਿਤ੍ਤੇਨ ਅਪਚ੍ਚਵਨ੍ਤਤੋ ਕਤਸਰਪਚ੍ਚਯੋ ਸਮਤ੍ਥ੍ਯਤੋ ਛਟ੍ਠ੍ਯਨ੍ਤਤੋ ਹੋਤੀਤਿ ‘‘ਛਟ੍ਠੀਯਨ੍ਤਾ ਨਾਮਸ੍ਮਾ’’ਤਿ ਸੁਤ੍ਤੇ ਅਵੁਤ੍ਤਮ੍ਪਿ ਵੁਤ੍ਤਂ. ਣਾਦੀਨਂ ਤਦ੍ਧਿਤਨ੍ਤਿ ਪੁਬ੍ਬਾਚਰਿਯਸਞ੍ਞਾ. ਣਕਾਰੋ ਵੁਦ੍ਧ੍ਯਤ੍ਥੋ. ਏਵ+ਮਞ੍ਞਤ੍ਰਾਪਿ. ਣਾਦਿਵੁਤ੍ਤਿਤ੍ਤਾ ‘‘ਏਕਤ੍ਥਤਾਯਂ’’ਤਿ ਵਿਭਤ੍ਤਿਲੋਪੋ.

੧੨੪. ਸਰਾਨ+ਮਾਦਿਸ੍ਸਾ+ਯੁਵਣ੍ਣਸ੍ਸਾ+ਏਓ ਣਾਨੁਬਨ੍ਧੇ

ਸਰਾਨ+ਮਾਦਿਭੂਤਾ ਯੇ ਅਕਾਰਿ+ਵਣ੍ਣੁ+ਵਣ੍ਣਾ, ਤੇਸਂ ਆ+ਏ+ਓ ਵਾ ਹੋਨ੍ਤਿ ਯਥਾਕ੍ਕਮਂ ਣਾਨੁਬਨ੍ਧੇਤਿ ਅਕਾਰਸ੍ਸ ਆਕਾਰੋ. ਆ+ਏ+ਓਨਂ ਵੁਦ੍ਧੀਤਿਪਿ ਪੁਬ੍ਬਾਚਰਿਯਸਞ੍ਞਾ. ਵਸਿਟ੍ਠਸ੍ਸਾ+ਪਚ੍ਚਂ ਵਾਸਿਟ੍ਠੋ. ਵੀਮ੍ਹਿ ਵਾਸਿਟ੍ਠੀ. ਵੇਤਿ ਵਸਿਟ੍ਠਸ੍ਸਾ+ਪਚ੍ਚਂਤਿ ਵਾਕ੍ਯਸ੍ਸ ਚ ਵਸਿਟ੍ਠਾਪਚ੍ਚਂਤਿ ਸਮਾਸਸ੍ਸ ਚ ਵਿਕਪ੍ਪਤ੍ਥਂ. ਸੋ ਚ ਵਾਸਦ੍ਦੋ ਯਾਵ ‘‘ਸਕਤ੍ਥੇ’’ਤਿ ਅਧਿਕਰੀਯਤਿ.

ਨਪੁਂਸਕੇਨ ਲਿਙ੍ਗੇਨ, ਸਦ੍ਦੋ+ਦਾਹੁ ਪੁਮੇਨ ਵਾ;

ਨਿਦ੍ਦਿਸ੍ਸਤੀਤਿ ਞਾਤਬ੍ਬ+ਮਵਿਸੇਸੇ ਪਨਿ+ਚ੍ਛਿਤੇਤਿ –

ਵੁਤ੍ਤਤ੍ਥਾ ਅਪਚ੍ਚਸਦ੍ਦਸ੍ਸ ਨਪੁਂਸਕਤ੍ਥੇਪਿ ਪੁਤ੍ਤਪੁਤ੍ਤੀਨਂ ਦ੍ਵਿਨ੍ਨਮ੍ਪਿ ਵਾਚਕੋ ਹੋਤਿ.

ਣਾਦਯੋ+ਭਿਧੇਯ੍ਯਲਿਙ੍ਗਾ ¶ , ਅਪਚ੍ਚੇ ਤ੍ਵ+ਨਪੁਂਸਕਾ;

ਨਪੁਂਸਕੇ ਸਕਤ੍ਥੇ ਣ੍ਯੋ, ਭਿਯ੍ਯੋ ਭਾਵਸਮੂਹਜਾ;

ਤਾ ਤੁ+ਤ੍ਥਿਯ+ਮਸਂਖ੍ਯਾਨੇ, ਤ੍ਵਾਦਿਚੀਪਚ੍ਚਯਨ੍ਤਕਾ.

ਭਾਰਦ੍ਵਾਜਸ੍ਸ ਅਪਚ੍ਚਂ=ਪੁਤ੍ਤੋ ਭਾਰਦ੍ਵਾਜੋ, ਏਵਂ ਵੇਸ੍ਸਾਮਿਤ੍ਤੋ, ਗੋਤਮੋ. ਏਤ੍ਥ ਚ ਅ+ਯੁਵਣ੍ਣਨ੍ਤਾਭਾਵਾ ਆ+ਏ+ਓਨਂ ਨ ਵੁਦ੍ਧਿ. ਵਾਸੁਦੇਵਸ੍ਸ ਅਪਚ੍ਚਂ ਵਾਸੁਦੇਵੋ, ਬਲਦੇਵੋ. ਚਿਤ੍ਤਕੋਤਿਆਦੀਸੁ ਪਨ ਸਂਯੋਗਨ੍ਤਤ੍ਤਾ ‘‘ਸਂਯੋਗੇ ਕ੍ਵਚੀ’’ਤਿ ਕ੍ਵਚਿ ਨ ਵੁਦ੍ਧਿ. ਉਪਗੁਨੋ ਅਪਚ੍ਚਂ ਓਪਗਵੋ ਓਪਗਵੀ. ਏਤ੍ਥ ‘‘ਉਵਣ੍ਣਸ੍ਸਾ+ਵਙ ਸਰੇ’’ਤਿ ਉਕਾਰਸ੍ਸ ਅਵਙ.

ਵਚ੍ਛਸ੍ਸਾ+ਪਚ੍ਚਨ੍ਤਿ ਵਿਗ੍ਗਯ੍ਹ ਪੁਬ੍ਬਸੁਤ੍ਤੇਨ ਣਪਚ੍ਚਯੇ ਕਤੇ ਪੁਨ ਵਚ੍ਛਸ੍ਸਾ+ਪਚ੍ਚਂਤਿ ਵਿਗ੍ਗਹੋ.

ਵਚ੍ਛਾਦੀਹਿ ਅਪਚ੍ਚਪਚ੍ਚਯਨ੍ਤੇਹਿ ਗੋਤ੍ਤਾਦੀਹਿ ਚ ਸਦ੍ਦੇਹਿ ਣਾਨ+ਣਾਯਨਪਚ੍ਚਯਾ ਵਾ ਹੋਨ੍ਤਿ ਅਪਚ੍ਚੇ. ਵਚ੍ਛਾਨੋ, ਵਚ੍ਛਾਯਨੋ, ‘‘ਸਂਯੋਗੇ ਕ੍ਵਚੀ’’ਤਿ ਨ ਵੁਦ੍ਧਿ. ਕਤਿਸ੍ਸਾ+ਪਚ੍ਚਂ ਕਚ੍ਚੋ, ‘‘ਣ੍ਯ ਦਿਚ੍ਚਾਦੀਹੀ’’ਤਿ ਣ੍ਯੋ, ‘‘ਲੋਪੋ+ਵਣ੍ਣਿ+ਵਣ੍ਣਾਨਂ’’ਤਿ ਅਕਾਰਲੋਪੇ ਚਵਗ੍ਗਪੁਬ੍ਬਰੂਪਾਨਿ. ਕਚ੍ਚਸ੍ਸਾ+ਪਚ੍ਚਂ ਕਚ੍ਚਾਨੋ, ਕਚ੍ਚਾਯਨੋ, ਯਾਗਮੇ ਕਾਤਿਯਾਨੋ. ਮੁਗ੍ਗਸ੍ਸਾ+ਪਚ੍ਚਂ=ਨਤ੍ਤਾਦੀਤਿ ਵਾਕ੍ਯੇ ਵੁਦ੍ਧਿ+ਇਕਾਰਲੋਪ+ਪੁਬ੍ਬਰੂਪਾਨਿ. ਮੋਗ੍ਗਲ੍ਲਸ੍ਸਾ+ਪਚ੍ਚਂਤਿ ਪੁਨਣਾਨ+ਣਾਯਨਾ ਹੋਨ੍ਤਿ, ਮੋਗ੍ਗਲ੍ਲਾਨੋ ਮੋਗ੍ਗਲ੍ਲਾਯਨੋ. ਇਮੇ ਚਤ੍ਤਾਰੋ ਅਪਚ੍ਚਪਚ੍ਚਯਨ੍ਤਾ. ਗੋਤ੍ਤਾਦਿਤੋ ਯਥਾਸਕਟਸ੍ਸਾ+ਪਚ੍ਚਂ ਨਤ੍ਤਾਦੀਹਿ ਸਕਟਾਨੋ ਸਕਟਾਯਨੋ. ਕਣ੍ਹਸ੍ਸਾ+ਪਚ੍ਚਂ ਨਤ੍ਤਾਦਿ ਕਣ੍ਹਾਨੋ ਕਣ੍ਹਾਯਨੋ. ਏਵਂ ਅਗ੍ਗਿਵੇਸ੍ਸਾਨੋ ਅਗ੍ਗਿਵੇਸ੍ਸਾਯਨੋ ¶ , ਮੁਞ੍ਜਾਨੋ ਮੁਞ੍ਜਾਯਨੋ, ਕੁਞ੍ਜਾਨੋ ਕੁਞ੍ਜਾਯਨੋ. ਸਬ੍ਬਤ੍ਥ ਸਂਯੋਗਤ੍ਤਾ ਨ ਵੁਦ੍ਧਿ. ਆਕਤਿਗਣੋ+ਯਂ.

੩. ਕਤ੍ਤਿਕਾਵਿਧਵਾਦੀਹਿ ਣੇਯ੍ਯਣੇਰਾ

ਕਤ੍ਤਿਕਾਦੀਹਿ ਵਿਧਵਾਦੀਹਿ ਚ ਣੇਯ੍ਯਣੇਰਪ੍ਪਚ੍ਚਯਾ ਹੋਨ੍ਤਿ ਵਾ ਯਥਾਕ੍ਕਮਂ. ਕਤ੍ਤਿਕਾਯ ਅਪਚ੍ਚਂ ਕਤ੍ਤਿਕੇਯ੍ਯੋ, ਗਰੁਲ਼ੋ ਵਿਨਤਾਯ=ਸੁਪਣ੍ਣਮਾਤੁਯਾ ਅਪਚ੍ਚਂ ਵੇਨਤੇਯ੍ਯੋ. ਰੋਹਿਣਿਯਾ ਅਪਚ੍ਚਂ ਰੋਹਿਣੇਯ੍ਯੋ, ਗਙ੍ਗਾਯ ਅਪਚ੍ਚਂ ਗਙ੍ਗੇਯ੍ਯੋ. ਏਵਂ ਭਾਗਿਨੇਯ੍ਯੋ, ਨਾਦੇਯ੍ਯੋ, ਅਨ੍ਤੇਯ੍ਯੋ, ਆਹੇਯ੍ਯੋ, ਕਾਪੇਯ੍ਯੋ, ਸੁਚਿਯਾ ਅਪਚ੍ਚਂ ਸੋਚੇਯ੍ਯੋ, ਬਾਲੇਯ੍ਯੋ. ਣੇਰੇ-ਵਿਧਵਾਯ ਅਪਚ੍ਚਂ ਵੇਧਵੇਰੋ. ਬਨ੍ਧਕਿਯਾ=ਅਭਿਸਾਰਿਕਾਯ ਅਪਚ੍ਚਂ ਬਨ੍ਧ-ਕੇਰੋ. ਸਮਣਸ੍ਸ ਉਪਜ੍ਝਾਯਸ੍ਸਾ+ਪਚ੍ਚਂ ਸਾਮਣੇਰੋ, ਨਾਲ਼ਿਕੇਰੋ ਇਚ੍ਚਾਦਿ.

ਦਿਤਿਪ੍ਪਭੁਤੀਹਿ ਣ੍ਯੋ ਹੋਤਿ ਅਪਚ੍ਚੇ.

ਸਂਯੋਗਵਿਸਯੇ ਕ੍ਵਚਿ ਆ+ਏ+ਓਵੁਦ੍ਧਿਯੋ ਹੋਨ੍ਤਿ ਣਾਨੁਬਨ੍ਧੇ.

ਅਵਣ੍ਣਿ+ਵਣ੍ਣਾਨਂ ਲੋਪੋ ਹੋਤਿ ਯਕਾਰਾਦੋ ਪਚ੍ਚਯੇ. ਦਿਤਿਯਾ=ਅਸੁਰਮਾਤੁਯਾ ਅਪਚ੍ਚਂ ਦੇਚ੍ਚੋ ਆਦਿਚ੍ਚੋ. ਕੁਣ੍ਡਨਿਯਾ ਅਪਚ੍ਚਂ ਕੋਣ੍ਡਞ੍ਞੋ, ਨਸ੍ਸ ਞ੍ਞੇ ਪੁਬ੍ਬਰੂਪਂ. ਅਦਿਤੀਤਿ ਦੇਵਮਾਤਾ.

ਭਾਤੁਨੋ ¶ ਅਪਚ੍ਚਂ ਭਾਤਬ੍ਯੋ, ‘‘ਯਮ੍ਹਿ ਗੋਸ੍ਸ ਚਾ’’ਤਿ ਯਮ੍ਹਿ ਉਸ੍ਸ ਅਵਙ ਅਕਾਰਲੋਪਪੁਬ੍ਬਰੂਪਾਨਿ.

ਅਕਾਰਨ੍ਤਤੋ ਣਿ ਵਾ ਹੋਤ+ਪਚ੍ਚੇ ਬਹੁਲਂ. ਆ=ਤਿ ਨਾਮਵਿਸੇਸਨਤ੍ਤਾ ਅ-ਕਾਰਨ੍ਤਤੋਤਿ ਵੁਤ੍ਤਂ. ਦਕ੍ਖਸ੍ਸਾ+ਪਚ੍ਚਂ ਦਕ੍ਖਿ, ਦਤ੍ਤਿ, ਦੋਣਿ, ਵਾਸਵਿ, ਵਾਰੁਣਿ. ਜਿਨਦਤ੍ਤਸ੍ਸਾ+ਪਚ੍ਚਂ ਜੇਨਦਤ੍ਤਿ, ਸੁਦ੍ਧੋਦਨਿ, ਆਨੁਰੁਦ੍ਧਿ ਇਚ੍ਚਾਦਿ.

ਰਾਜਤੋ ਞ੍ਞੋ ਵਾ ਹੋਤ+ਪਚ੍ਚੇ ਖਤ੍ਥਿਯਜਾਤਿਯਂ ਗਮ੍ਯਮਾਨਾਯਂ. ਰਞ੍ਞੋ ਅਪਚ੍ਚਂ ਰਾਜਞ੍ਞੋ. ਜਾਤੀਯਨ੍ਤਿ ਕਿਂ, ਰਾਜਾਪਚ੍ਚਂ.

ਤਿਜਾਤਿਯਂ ਅਪਚ੍ਚੇ ਯ+ਇਯਾ ਹੋਨ੍ਤਿ. ਖਤ੍ਤਸ੍ਸਾ+ਪਚ੍ਚਂ ਖਤ੍ਯੋ ਖਤ੍ਤਿਯੋ. ਜਾਤਿਯਂ ਤ੍ਵੇਵ, ਖਤ੍ਤਿ.

ਮਨੁਤੋ ਜਾਤਿਸਮੁਦਾਯੇ ਸ੍ਸ+ਸਣ ਹੋਨ੍ਤੁ+ਪਚ੍ਚੇ. ਮਨੁਨੋ ਅਪਚ੍ਚਂ ਮਨੁਸ੍ਸੋ ਮਾਨੁਸੋ, ਮਨੁਸ੍ਸੀ ਮਾਨੁਸੀ. ਜਾਤਿਯਂ ਤ੍ਵੇਵ, ਮਾਨਵੋ, ਨਸ੍ਸ ਣੋ, ਮਾਣਵੋ.

੯. ਜਨਪਦਨਾਮਸ੍ਮਾ ਖਤ੍ਤਿਯਾ ਰਞ੍ਞੇ ਚ ਣੋ

ਜਨਪਦਸ੍ਸ ਯਂ ਨਾਮਂ, ਤਂ ਨਾਮਸ੍ਮਾ ਖਤ੍ਤਿਯਾ ਅਪਚ੍ਚੇ ਰਞ੍ਞੇ ਚ ਣੋ ਹੋਤਿ. ਪਞ੍ਚਾਲਾਨਂ ਅਪਚ੍ਚਂ ਰਾਜਾ ਵਾ ਪਞ੍ਚਾਲੋ, ਕੋਸਲੋ ¶ , ਮਾਗਧੋ, ਓਕ੍ਕਾਕੋ. ਜਨਪਦਨਾਮਸ੍ਮਾਤਿ ਕਿਂ, ਦਾਸਰਥਿ. ਖਤ੍ਤਿਯਾਤਿ ਕਿਂ, ਪਞ੍ਚਾਲਸ੍ਸ ਬ੍ਰਾਹ੍ਮਣਸ੍ਸਾ+ਪਚ੍ਚਂ ਪਞ੍ਚਾਲਿ.

ਕੁਰੁਸਿਵੀਹਿ ਅਪਚ੍ਚੇ ਰਞ੍ਞੇ ਚ ਣ੍ਯੋ ਹੋਤਿ. ਕੁਰੂਨਂ ਅਪਚ੍ਚਂ ਰਾਜਾ ਵਾ ਕੋਰਬ੍ਯੋ. ‘‘ਯਮ੍ਹਿ ਗੋਸ੍ਸ ਚਾ’’ਤਿਮਿਨਾ ਅਵਙ, ਬਕਾਰਪੁਬ੍ਬਰੂਪਾਨਿ. ਸੇਬ੍ਬੋ, ਇਲੋਪੋ. (ਅਪਚ੍ਚਤਦ੍ਧਿਤਂ).

ਰਾਗਵਾਚੀਤਤਿਯਨ੍ਤਤੋ ਰਤ੍ਤ+ਮਿਚ੍ਚੇ+ਤਸ੍ਮਿਂ ਅਤ੍ਤੇ ਣੋ ਹੋਤਿ. ਕੁਸੁਮ੍ਭਾਦੀਹਿ ਵਣ੍ਣਨ੍ਤਰਪਤ੍ਤਂ ਰਤ੍ਤਂ ਨਾਮ. ਕਸਾਵੇਨ ਰਤ੍ਤਂ ਕਾਸਾਵਂ. ਏਵਂ ਕੁਸੁਮ੍ਭੇਨ ਰਤ੍ਤਂ ਕੋਸੁਮ੍ਭਂ, ਹਾਲਿਦ੍ਦਂ, ਪਤ੍ਤਙ੍ਗਂ, ਮਞ੍ਜੇਟ੍ਠਂ, ਕੁਙ੍ਕੁਮਂ. ਇਧ ਨ ਹੋਤਿ ਨੀਲਂ ਪੀਤਨ੍ਤਿ, ਗੁਣਵਚਨਤ੍ਤਾ ਣੇਨ ਵਿਨਾਪਿ ਦਬ੍ਬਸ੍ਸਾ+ਭਿਧਾਨਤੋ.

੧੨. ਨਕ੍ਖਤ੍ਤੇਨਿ+ਨ੍ਦੁਯੁਤ੍ਤੇਨ ਕਾਲੇ

ਤਤਿਯਨ੍ਤਤੋ ਨਕ੍ਖਤ੍ਤਾ ਤੇਨ ਲਕ੍ਖਿਤੇ ਕਾਲੇ ਣੋ ਹੋਤਿ, ਤਂ ਚੇ ਨਕ੍ਖਤ੍ਤ+ਮਿਨ੍ਦੁਯੁਤ੍ਤਂ ਹੋਤਿ. ਫੁਸ੍ਸੇਨ ਇਨ੍ਦੁਯੁਤ੍ਤੇਨ ਲਕ੍ਖਿਤਾ ਪੁਣ੍ਣਮਾਸੀ ਫੁਸ੍ਸੀ ਰਤ੍ਤਿ, ਫੁਸ੍ਸੋ ਅਹੋ, ਮਘਾਯ ਇਨ੍ਦੁਯੁਤ੍ਤਾਯ ਲਕ੍ਖਿਤਾ ਪੁਣ੍ਣਮਾਸੀ ਮਾਘੀ, ਮਾਘੋ.

ਸੇਤਿ ਪਠਮਨ੍ਤਾ ਅਸ੍ਸੇਤਿ ਛਟ੍ਠਿਯਤ੍ਥੇ ਣੋ ਹੋਤਿ, ਯਂ ਪਠਮਨ੍ਤਂ, ਸਾ ਚੇ ਦੇਵਤਾ ਪੁਣ੍ਣਮਾਸੀ ਵਾ. ਸੁਗਤੋ ਦੇਵਤਾ ਅਸ੍ਸ ਸੋਗਤੋ, ਮਾਹਿਨ੍ਦੋ, ਯਾਮੋ, ਵਾਰੁਣੋ. ਬੁਦ੍ਧੋ ਅਸ੍ਸ ਦੇਵਤਾਤਿ ¶ ਬੁਦ੍ਧੋ. ਫੁਸ੍ਸੀ ਪੁਣ੍ਣਮਾਸੀ ਅਸ੍ਸ ਸਮ੍ਬਨ੍ਧਿਨੀਤਿ ਫੁਸ੍ਸੋ ਮਾਸੋ. ਏਵਂ ਮਾਘੋ, ਫਗ੍ਗੁਨੋ, ਚਿਤ੍ਤੋ, ਵੇਸਾਖੋ, ਜੇਟ੍ਠਮੂਲੋ, ਆਸਾਲ਼੍ਹੋ, ਸਾਵਣੋ, ਪੋਟ੍ਠਪਾਦੋ, ਅਸ੍ਸਯੁਜੋ, ਕਤ੍ਤਿਕੋ, ਮਾਗਸਿਰੋ. ਪੁਣ੍ਣਮਾਸੀ ਚ ਭਤਕਮਾਸਸਮ੍ਬਨ੍ਧਿਨੀ ਨ ਹੋਤਿ, ਪੁਣ੍ਣੋ ਮਾ ਅਸ੍ਸਨ੍ਤਿ ਨਿਬ੍ਬਚਨਾ, ਅਤੋ ਏਵ ਨਿਪਾਤਨਾ ਣੋ, ਸਾਗਮੋ ਚ.

ਦੁਤਿਯਨ੍ਤਤੋ ਤ+ਮਧੀਤੇ ਤਂ ਜਾਨਾਤੀਤਿ ਏਤੇਸ੍ਵ+ਤ੍ਥੇਸੁ ਣੋ ਹੋਤਿ ਕੋ ਣਿਕੋ ਚ. ਏਤ੍ਥ ਚਸਦ੍ਦੋ ਕੋ ਚਣਿਕੋ ਚ ਹੋਤੀਤਿ ਸਮੁਚ੍ਚਿਨੋ, ਨੋ ਣਪਚ੍ਚਯਂ. ਬ੍ਯਾਕਰਣ+ਮਧੀਤੇ ਜਾਨਾਤੀਤਿ ਵਾ ਵੇਯ੍ਯਾਕਰਣੋ, ਵਿ+ਆ+ਕਰਣਨ੍ਤਿ ਵਿਚ੍ਛਿਜ੍ਜ ਕਤਯਾਦੇਸਸ੍ਸਿ+ਕਾਰਸ੍ਸ ‘‘ਤਦਾਦੇਸਾ ਤਦੀਵ ਭਵਨ੍ਤੀ’’ਤਿ ਞਾਯਾ ‘‘ਸਰਾਨ’’ਮਿਚ੍ਚਾਦਿਨਾ ਏਕਾਰੇ ਯਾਗਮਦ੍ਵਿਤ੍ਤਾਨਿ. ਏਵਂ ਮੋਹੁਤ੍ਤੋ, ਨੇਮਿਤ੍ਤੋ, ਅਙ੍ਗਵਿਜ੍ਜੋ, ਵਤ੍ਥੁਵਿਜ੍ਜੋ, ਛਨ੍ਦਸੋ, ‘‘ਮਨਾ, ਦੀਨਂ ਸਕ’’ ਇਤਿ ਸਕਾਗਮੋ. ਕਮਕੋ, ਪਦਕੋ, ਵੇਨਯਿਕੋ, ਸੁਤ੍ਤਨ੍ਤਿਕੋ, ਆਭਿਧਮ੍ਮਿਕੋ. ਦ੍ਵਿਤਗ੍ਗਹਣਂ ਅਜ੍ਝੇਨਜਾਨਨੇ ਚ ਵਿਸੁਂ ਵਿਸੁਂ ਪਚ੍ਚਯਵਿਧਾਨਤ੍ਥਂ, ਅਜ੍ਝੇਨਵਿਸਯਦਸ੍ਸਨਤ੍ਥਂ, ਪਸਿਦ੍ਧੁਪਸਂਹਰਣਤ੍ਥਞ੍ਚ.

ਛਟ੍ਠਿਯਨ੍ਤਾ ਵਿਸਯੇ ਦੇਸਸਰੂਪੇ ਣੋ ਹੋਤਿ. ਵਸਾਤੀਨਂ ਵਿਸਯੋ ਦੇਸੋ ਵਾਸਾਤੋ. ਦੇਸੇਤਿ ਕਿਂ, ਚਕ੍ਖੁਸ੍ਸ ਵਿਸਯੋ ਰੂਪਂ, ਦੇਵਦਤ੍ਤਸ੍ਸ ਵਿਸਯੋ+ਨੁਵਾਕੋ.

ਤਿ ਤਨ੍ਨਾਮੇ ¶ ਨਿਵਾਸੇ ਦੇਸੇ ਣੋ ਹੋਤਿ. ਸਿਵੀਨਂ ਨਿਵਾਸੋ ਦੇਸੋ ਸੇਬ੍ਬੋ. ਏਤ੍ਥ ‘‘ਯਵਾ ਸਰੇ’’ਤਿ ਯਕਾਰੇ ਬਕਾਰਪੁਬ੍ਬਰੂਪਾਨਿ. ਵਾਸਾਤੋ.

ਤਤਿਯਨ੍ਤਾ ਨਿਬ੍ਬਤ੍ਤਤ੍ਥੇ ਣੋ ਹੋਤਿ. ਕੁਸਮ੍ਬੇਨ ਨਿਬ੍ਬਤ੍ਤਾ ਕੋਸਮ੍ਬੀ ਨਗਰਂ, ਏਵਂ ਕਾਕਨ੍ਦੀ, ਮਾਕਨ੍ਦੀ, ਸਹਸ੍ਸੇਨ ਨਿਬ੍ਬਤ੍ਤਾ ਸਾਹਸ੍ਸੀ ਪਰਿਖਾ, ਹੇਤੁਮ੍ਹਿ ਕਤ੍ਤਰਿ ਕਰਣੇ ਚ ਯਥਾਯੋਗਂ ਤਤਿਯਾ.

ਤਨ੍ਤਿ ਪਠਮਨ੍ਤਾ ਇਧਾਤਿ ਸਤ੍ਤਮ੍ਯਤ੍ਥੇ ਦੇਸੇ ਤਨ੍ਨਾਮੇ ਣੋ ਹੋਤਿ, ਯਂ ਤਂ ਪਠਮਨ੍ਤ+ਮਤ੍ਥਿ ਚੇ. ਉਦੁਮ੍ਬਰਾ ਅਸ੍ਮਿਂ ਦੇਸੇ ਸਨ੍ਤੀਤਿ ਓਦੁਮ੍ਬਰੋ, ਬਾਦਰੋ, ਪਬ੍ਬਜੋ.

ਸਤ੍ਤਮ੍ਯਨ੍ਤਾ ਭਵਤ੍ਥੇ ਣੋ. ਉਦਕੇ ਭਵੋ ਓਦਕੋ, ਓਰਸੋ, ਜਾਨਪਦੋ, ਮਾਗਧੋ, ਕਾਪਿਲਵਤ੍ਥਵੋ, ਕੋਸਮ੍ਬੋ, ਮਨਸਿ ਭਵਂ ਮਾਨਸਂ ਸੁਖਂ, ਸਕਾਗਮੋ. ਸਾਰਸੋ ਸਕੁਣੋ, ਸਾਰਸੀ ਸਕੁਣੀ, ਸਾਰਸਂ ਪੁਪ੍ਫਂ. ਮਿਤ੍ਤੇ ਭਵਾ ਮੇਤ੍ਤਾ ਮੇਤ੍ਤੀ ਵਾ. ਪੁਰੇ ਭਵਾ ਪੋਰੀ ਵਾਚਾ. ਪਾਵੁਸੇ ਭਵੋ ਪਾਵੁਸੋ ਮੇਘੋ. ਪਾਵੁਸਾ ¶ ਰਤ੍ਤਿ, ਪਾਵੁਸਂ ਅਬ੍ਭਂ. ਸਾਰਦੋ, ਸਾਰਦਾ, ਸਾਰਦਂ ਪੁਪ੍ਫਂ. ਮਾਧੁਰੋ ਜਨੋ, ਮਾਧੁਰਾ ਗਣਿਕਾ, ਮਾਧੁਰਂ ਵਤ੍ਥਂ.

ਭਵਤ੍ਥੇ ਤਨੋ. ਅਜ੍ਜ ਭਵੋ ਅਜ੍ਜਤਨੋ, ਸ੍ਵਾਤਨੋ, ਹਿਯ੍ਯਤਨੋ. ‘‘ਏਓਨ+ਮ ਵਣ੍ਣੇ’’ਤਿ ਏਓਨਂ ਅ ਹੋਤਿ.

ਭਵਤ੍ਥੇ ਣੋ ਤਨੋ ਚ. ਏਤ੍ਥ ਣਕਾਰੋ ਅਵਯਵੋ, ਨੇਵਾ+ਨੁਬਨ੍ਧੋ. ਪੁਰਾਣੋ, ਪੁਰਾਤਨੋ.

ਭਵਤ੍ਥੇ ਅਚ੍ਚੋ ਹੋਤਿ. ਅਮਾ=ਸਹ ਭਵੋ ਅਮਚ੍ਚੋ.

ਭਵਤ੍ਥੇ ਇਮੋ, ਮਜ੍ਝੇ ਭਵੋ ਮਜ੍ਝਿਮੋ. ਏਵਂ ਅਨ੍ਤਿਮੋ, ਹੇਟ੍ਠਿਮੋ, ਉਪਰਿਮੋ, ਓਰਿਮੋ, ਪਾਰਿਮੋ, ਪਚ੍ਛਿਮੋ, ਅਬ੍ਭਨ੍ਤਰਿਧੋ, ਪਚ੍ਚਨ੍ਤਿਮੋ.

ਭਵਤ੍ਥੇ ਕਣਆਦਯੋ ਹੋਨ੍ਤਿ. ਕਣ-ਕੁਸਿਨਾਰਾਯਂ ਭਵੋ ਕੋਸਿਨਾਰਕੋ, ਮਾਗਧਕੋ, ਆਰਞ੍ਞਕੋ ਵਿਹਾਰੋ, ਰਾਜਗਹਕੋ, ਕੋਸਮ੍ਬਕੋ, ਇਨ੍ਦਪਤ੍ਤਕੋ, ਕਾਪਿਲਕੋ, ਭਾਰੁਕਚ੍ਛਕੋ, ਨਾਗਰਕੋ. ਅਙ੍ਗੇਸੁ ਜਾਤੋ ਅਙ੍ਗਕੋ, ਕੋਸਲਕੋ, ਵੇਦੇਹਕੋ, ਕਮ੍ਬੋਜਕੋ, ਗਨ੍ਧਾਰਕੋ, ਸੋਵੀਰਕੋ, ਸਿਨ੍ਧਵਕੋ, ਅਸ੍ਸਕੋ ਇਚ੍ਚਾਦਿ. ਣੇਯ੍ਯ-ਗਙ੍ਗੇਯ੍ਯੋ, ਪਬ੍ਬਤੇਯ੍ਯੋ, ਵਾਨੇਯ੍ਯੋ. ਣੇਯ੍ਯਕ-ਕੋਸਲੇਯ੍ਯਕੋ ¶ , ਬਾਰਾਣਸੇਯ੍ਯਕੋ, ਚਮ੍ਪੇਯ੍ਯਕੋ, ਸਿਲਾਯ ਜਾਤਂ ਸੇਲੇਯ੍ਯਕਂ, ਮਿਥਿਲੇਯ੍ਯਕੋ. ਬਾਰਾਣਸੇਯ੍ਯਕੋਤ੍ਯਾਦੀਸੁ ‘‘ਦਿਸ੍ਸਨ੍ਤ+ਞ੍ਞੇਪਿ ਪਚ੍ਚਯਾ’’ਤਿ ਏਯ੍ਯਕੋ, ਏਵਂ ਉਪਰਿ ਸੁਤ੍ਤੇ ਦਸ੍ਸਿਤਪਚ੍ਚਯਤੋ ਵਿਸੁਂ ਪਚ੍ਚਯੇ ਦਸ੍ਸਿਤੇ ਇਮਿਨਾ ਸੁਤ੍ਤੇਨਾਤਿ ਦਟ੍ਠਬ੍ਬਂ. ਯ-ਗਮ੍ਮੋ, ਯਮ੍ਹਿ ਅਕਾਰਲੋਪੇ ਪੁਬ੍ਬਰੂਪਂ ਰਸ੍ਸੋ ਚ. ਦਿਬ੍ਬੋ. ਇਯ-ਉਦਰਿਯੋ, ਦਿਵਿਯੋ, ਪਞ੍ਚਾਲਿਯੋ, ਬੋਧਿਪਕ੍ਖਿਯੋ, ਲੋਕਿਯੋ.

ਸਤ੍ਤਮ੍ਯਨ੍ਤਾ ਭਵਤ੍ਥੇ ਣਿਕੋ ਹੋਤਿ. ਸਰਦੇ ਭਵੋ ਸਾਰਦਿਕੋ ਦਿਵਸੋ, ਸਾਰਦਿਕਾ ਰਤ੍ਤਿ.

੨੭. ਤ+ਮਸ੍ਸ ਸਿਪ੍ਪਂ ਸੀਲਂ ਪਣ੍ਯਂ ਪਹਰਣਂ ਪਯੋਜਨਂ

ਪਠਮਨ੍ਤਾ ਸਿਪ੍ਪਾਦਿਵਾਚਕਾ ਅਸ੍ਸੇਤਿ ਛਟ੍ਠ੍ਯਤ੍ਥੇ ਣਿਕੋ ਹੋਤਿ. ਵੀਣਾਵਾਦਨਂ ਸਿਪ੍ਪ+ਮਸ੍ਸ ਵੇਣਿਕੋ, ਵੀਣਾਵਾਦਨਂ ਅਭੇਦੋਪਚਾਰੇਨ ਵੀਣਾ ਨਾਮ. ਮੋਦਿਙ੍ਗਿਕੋ, ਵਂਸਿਕੋ. ਪਂਸੁਕੂਲਧਾਰਣਂ ਸੀਲ+ਮਸ੍ਸ ਪਂਸੁਕੂਲਿਕੋ, ਤੇਚੀਵਰਿਕੋ. ਗਨ੍ਧੋ ਪਣ੍ਯ+ਮਸ੍ਸ ਗਨ੍ਧਿਕੋ, ਤੇਲਿਕੋ, ਗੋਲ਼ਿਕੋ, ਪੂਵਿਕੋ, ਪਣ੍ਣਿਕੋ, ਤਮ੍ਬੁਲਿਕੋ, ਲੋਣਿਕੋ. ਚਾਪੋਪਹਰਣ+ਮਸ੍ਸ ਚਾਪਿਕੋ, ਤੋਮਰਿਕੋ, ਮੁਗ੍ਗਰਿਕੋ, ਮੋਸਲਿਕੋ. ਉਪਧਿ=ਕ੍ਖਨ੍ਧਾਦਿ ਪਯੋਜਨ+ਮਸ੍ਸ ਓਪਧਿਕਂ, ਸਾਤਿਕਂ, ਸਾਹਸ੍ਸਿਕਂ.

੨੮. ਤਂ ਹਨ੍ਤ+ਰਹਤਿ ਗਚ੍ਛਤੁ+ਞ੍ਛਤਿ+ਚਰਤਿ

ਦੁਤਿਯਨ੍ਤਾ ਹਨ੍ਤੀਤਿ ਏਵਮਾਦੀਸ੍ਵ+ਤ੍ਥੇਸੁ ਣਿਕੋ ਹੋਤਿ. ਪਕ੍ਖਿਨੋ ਹਨ੍ਤੀਤਿ ਪਕ੍ਖਿਕੋ, ਸਾਕੁਣਿਕੋ, ਮਾਯੂਰਿਕੋ, ਮਚ੍ਛੇ ਹਨ੍ਤੀਤਿ ਮਚ੍ਛਿਕੋ, ਮੇਨਿਕੋ. ਮਿਗੇ ਹਨ੍ਤੀਤਿ ਮਾਗਵਿਕੋ, ਵਕਾਰਾਗਮੋ ¶ . ਮਿਗਸ੍ਸ ‘‘ਤਦਮਿਨਾ’’ਦਿਨਾ ਮਗਵਾਦੇਸੇਪਿ ਮਾਗਵਿਕੋ. ਓਰਬ੍ਭਿਕੋ, ਹਾਰਿਣਿਕੋ. ਸੂਕਰਿਕੋਤਿ ਇਕੋ. ਸਤ+ਮਰਹਤੀਤਿ ਸਾਤਿਕਂ, ਸਨ੍ਦਿਟ੍ਠਿਕਂ, ਏਹਿ ਪਸ੍ਸ ਵਿਧਿਂ ਅਰਹਤੀਤਿ ਏਹਿਪਸ੍ਸਿਕੋ. ਏਤ੍ਥ ਤ੍ਯਾਦ੍ਯਨ੍ਤਸਮੁਦਾਯਤੋ ਅਨੁਕਰਣਤ੍ਤਾ ਵਾ ਤਦ੍ਧਿਤਸ੍ਸ ਅਭਿਧਾਨਲਕ੍ਖਣਤ੍ਤਾ ਵਾ ਬਹੁਲਂਵਿਧਾਨੇਨ ਵਾ ਪਚ੍ਚਯੋ. ਸਾਹਸ੍ਸਿਕੋ, ਕੁਮ੍ਭਿਕੋ, ਦੋਣਿਕੋ, ਅਦ੍ਧਮਾਸਿਕੋ, ਕਹਾਪਣਿਕੋ, ਆਸੀਤਿਕਾ ਗਾਥਾ, ਨਾਵੁਤਿਕਾ. ਸਹਸ੍ਸਿਯੋਤਿ ਇਯੋ. ਪਰਦਾਰਂ ਗਚ੍ਛਤੀਤਿ ਪਾਰਦਾਰਿਕੋ, ਮਗ੍ਗਿਕੋ, ਪਞ੍ਞਾਸਯੋਜਨਿਕੋ, ਪਥਿਕੋ. ਬਦਰੇ ਉਞ੍ਛਤੀਤਿ ਬਾਦਰਿਕੋ, ਸਾਮਾਕਿਕੋ. ਧਮ੍ਮਂ ਚਰਤੀਤਿ ਧਮ੍ਮਿਕੋ, ਅਧਮ੍ਮਿਕੋ.

ਕਤਾਦੀਸ੍ਵ+ਤ੍ਥੇਸੁ ਣਿਕੋ. ਕਾਯੇਨ ਕਤਂ ਕਾਯਿਕਂ, ਵਾਚਸਿਕਂ, ਮਾਨਸਿਕਂਤਿ ਸਕਾਗਮੋ. ਵਾਤੇਨ ਕਤੋ ਆਬਾਧੋ ਵਾਤਿਤੋ, ਸੇਮ੍ਹਿਕੋ, ਪਿਤ੍ਤਿਕੋ. ਸਤੇਨ ਕੀਤਂ ਸਾਤਿਕਂ, ਸਾਹਸ੍ਸਿਕਂ, ਵਤ੍ਥੇਨ ਕੀਤਂ ਵਤ੍ਥਿਕਂ, ਕੁਮ੍ਭਿਕਂ, ਸੋਵਣ੍ਣਿਕਂ, ਘਾਤਿਕਂ. ਮੂਲਤੋਵ ਪਚ੍ਚਯੋ, ਅਮੂਲਵਾਚਿਤ੍ਤਾ ਦੇਵਦਤ੍ਤੇਨ ਕੀਤੋਤਿ ਨ ਹੋਤਿ, ਤਦਤ੍ਥਾਪ੍ਪਤੀਤਿਯਾ. ਵਰਤ੍ਥਾਯ ਬਦ੍ਧੋ ਵਾਰਤ੍ਤਿਕੋ, ਆਯਸਿਕੋ, ਪਾਸਿਕੋ, ਸੁਤ੍ਤਿਕੋ. ਘਤੇਨ ਅਭਿਸਙ੍ਖਤਂ ਸਂਸਟ੍ਠਂ ਵਾ ਘਾਤਿਕਂ, ਗੋਲ਼ਿਕਂ, ਦਧਿਕਂ, ਮਾਰੀਚਿਕਂ. ਜਾਲੇਨ ਹਤੋ ਹਨ੍ਤੀਤਿ ਵਾ ਜਾਲਿਕੋ, ਬਾਲਿਸਿਕੋ. ਅਕ੍ਖੇਹਿ ਜਿਤਂ ਅਕ੍ਖਿਕਂ ਧਨਂ, ਸਾਲਾਕਿਕਂ, ਤਿਨ੍ਦੁਕਿਕੋ, ਅਮ੍ਬਫਲਿਕੋ. ਅਕ੍ਖੇਹਿ ਜਯਤਿ ਦਿਬ੍ਬਤਿ ਵਾ ਅਕ੍ਖਿਕੋ. ਖਣਿਤ੍ਤਿਯਾ ਖਨਤੀਤਿ ¶ ਖਾਣਿਤ੍ਤਿਕੋ, ਕੁਦ੍ਦਾਲਿਕੋ. ਦੇਵਦਤ੍ਤੇਨ ਜਿਤਂ, ਅਙ੍ਗੁਲ੍ਯਾ ਖਨਤੀਤਿ ਨ ਹੋਤਿ, ਤਦਤ੍ਥਾਨਵਗਮਾ. ਉਲ਼ੁਮ੍ਪੇਨ ਤਰਤੀਤਿ ਓਲ਼ੁਮ੍ਪਿਕੋ, ਉਲ਼ੁਮ੍ਪਿਕੋਤਿ ਇਕੋ. ਕੁਲ੍ਲਿਕੋ, ਗੋਪੁਚ੍ਛਿਕੋ, ਨਾਵਿਕੋ. ਸਕਟੇਨ ਚਰਤੀਤਿ ਸਾਕਟਿਕੋ, ਰਥਿਕੋ. ਪਰਪ੍ਪਿਕੋਤਿ ਇਕੋ. ਖਨ੍ਧੇਨ ਵਹਤੀਤਿ ਖਨ੍ਧਿਕੋ. ਅਂਸਿਕੋ, ਸੀਸਿਕੋਤਿ ਇਕੋ. ਵੇਤਨੇਨ ਜੀਵਤੀਤਿ ਵੇਤਨਿਕੋ, ਭਤਿਕੋ, ਕਯਿਕੋ, ਵਿਕ੍ਕਯਿਕੋ, ਕਯਵਿਕ੍ਕਯਿਕੋਤਿ ਇਕੋ.

ਚਤੁਤ੍ਥ੍ਯਨ੍ਤਾ ਸਂਵਤ੍ਤਤੀਤਿ ਅਸ੍ਮਿਂ ਅਤ੍ਥੇਣਿਕੋ ਹੋਤਿ. ਪੁਨਬ੍ਭਵਾਯ ਸਂਵਤ੍ਤਤੀਤਿ ਪੋਨੋਬ੍ਭਵਿਕੋ, ਇਤ੍ਥਿਯਂ ਪੋਨੋਬ੍ਭਵਿਕਾ. ਲੋਕਾਯ ਸਂਵਤ੍ਤਤੀਤਿ ਲੋਕਿਕੋ. ਸੁਟ੍ਠੁ ਅਗ੍ਗੋਤਿ ਸਗ੍ਗੋ, ਸਗ੍ਗਾਯ ਸਂਵਤ੍ਤਤੀਤਿ ਸੋਵਗ੍ਗਿਕੋ, ਸਸ੍ਸੋ+ਵਕ ਤਦਮਿਨਾਦੀਪਾਠਾ. ਧਨਾਯ ਸਂਵਤ੍ਤਤੀਤਿ ਧਞ੍ਞਂ.

ਪਞ੍ਚਮ੍ਯਨ੍ਤਾ ਸਮ੍ਭੂਤ+ਮਾਗਤਨ੍ਤਿ ਏਤੇਸ੍ਵ+ਤ੍ਥੇਸੁ ਣਿਕੋ ਹੋਤਿ. ਮਾਤਿਤੋ ਸਮ੍ਭੂਤ+ਮਾਗਤਂਵਾ+ਤਿ ਏਤ੍ਥ ‘‘ਮਾਤਿਤੋ ਚ ਭਗਿਨਿਯਂਚ੍ਛੋ’’ਤਿ ‘‘ਮਾਤਿਤੋ’’ਤਿ ਭਾਗੇਨ ਉਸ੍ਸ ਇਮ੍ਹਿ ਵਾਕ੍ਯਂ, ਰਸ੍ਸਦ੍ਵਿਤ੍ਤੇਸੁ ਮਤ੍ਤਿਕਂ, ਪੇਤ੍ਤਿਕਂ. ਣ੍ਯ+ਰਿਯਣ+ਰ੍ਯਪਚ੍ਚਯਾਪਿ ਦਿਸ੍ਸਨ੍ਤਿ. ਸੁਰਭਿਤੋ ਸਮ੍ਭੂਤਂ ਸੋਰਭ੍ਯਂ. ਯਮ੍ਹਿ ਥਞ੍ਞਂ. ਉਭਯਤ੍ਥ ‘‘ਲੋਪੋ+ਵਣ੍ਣਿ+ਵਣ੍ਣਾਨਂ’’ਤਿ ਲੋਪੋ. ਰਿਯਣ-ਪਿਤੁਤੋ ਸਮ੍ਭੂਤੋ ਪੇਤ੍ਤਿਯੋ, ਮਾਤਿਯੋ, ‘‘ਰਾਨੁਬਨ੍ਧੇ+ਨ੍ਤਸਰਾਦਿਸ੍ਸਾ’’ਤਿ ਉਲੋਪੋ, ਮਤ੍ਤਿਯੋ. ਰ੍ਯਮ੍ਹਿ-ਉਲੋਪੋ, ਚਵਗ੍ਗਪੁਬ੍ਬਰੂਪਾਨਿ, ਮਚ੍ਚੋ ਵਾ.

੩੨. ਤਤ੍ਥ ਵਸਤਿ ਵਿਦਿਤੋ ਭਤ੍ਤੋ ਨਿਯੁਤ੍ਤੋ

ਸਤ੍ਤਮ੍ਯਨ੍ਤਾ ¶ ਵਸਤੀਤ੍ਵੇਵਮਾਦੀਸ੍ਵ+ਤ੍ਥੇਸੁ ਣਿਕੋ ਹੋਤਿ. ਰੁਕ੍ਖਮੂਲੇ ਵਸਤੀਤਿ ਰੁਕ੍ਖਮੂਲਿਕੋ, ਆਰਞ੍ਞਿਕੋ, ਰਾਜਗਹਿਕੋ, ਮਾਗਧਿਕੋ, ਸੋਸਾਨਿਕੋ. ਲੋਕੇ ਵਿਦਿਤੋ ਲੋਕਿਕੋ. ਚਤੁਮਹਾਰਾਜੇਸੁ ਭਤ੍ਤਾ ਚਾਤੁਮ੍ਮਹਾਰਾਜਿਕਾ. ਦ੍ਵਾਰੇ ਨਿਯੁਤ੍ਤੋ ਦੋਵਾਰਿਕੋ, ਦਸ੍ਸੋਕ ਤਦਮਿਨਾਦਿਪਾਠਾ. ਭਣ੍ਡਾਗਾਰਿਕੋ. ਇਕੇ-ਨਵਕਮ੍ਮਿਕੋ, ਆਦਿਕਮ੍ਮਿਕੋ. ਕਿਯੇ-ਜਾਤਿਕਿਯੋ, ਅਨ੍ਧਕਿਯੋ.

ਛਟ੍ਠਿਯਨ੍ਤਾ ਇਦ+ਮਿਚ੍ਚ+ਸ੍ਮਿਂ ਅਤ੍ਥੇ ਣਿਕੋ ਹੋਤਿ. ਸਙ੍ਘਸ੍ਸ ਇਦਂ ਸਙ੍ਘਿਕਂ, ਪੁਗ੍ਗਲਿਕਂ, ਸਕ੍ਯਪੁਤ੍ਤਿਕੋ, ਨਾਟਪੁਤ੍ਤਿਕੋ, ਜੇਨਦਤ੍ਤਿਕੋ. ਕਿਯੇ-ਸਸ੍ਸ ਇਦਂ ਸਕਿਯੋ, ਪਰਕਿਯੋ. ਨਿਯੇਅਤ੍ਤਨਿਯਂ. ਕੇ-ਸਕੋ, ਰਞ੍ਞੋ ਇਦਂ ਰਾਜਕਂ ਭਣ੍ਡਂ.

ਛਟ੍ਠਿਯਨ੍ਤਾ ਇਦ+ਮਿਚ੍ਚ+ਸ੍ਮਿਂ ਅਤ੍ਥੇ ਣੋ ਹੋਤਿ. ਕਚ੍ਚਾਯਨਸ੍ਸ ਇਦਂ ਕਚ੍ਚਾਯਨਂ, ਬ੍ਯਾਕਰਣਂ, ਸੋਗਤਂ ਸਾਸਨਂ, ਮਾਹਿਸਂ ਮਂਸਾਦਿ.

ਗਵਾਦੀਹਿ ਛਟ੍ਠਿਯਨ੍ਤੇਹਿ ਇਦ+ਮਿਚ੍ਚ+ਸ੍ਮਿਂ ਅਤ੍ਥੇ ਯੋ ਹੋਤਿ. ਗੁਨ੍ਨਂ ਇਦਂ ਗਬ੍ਯਂ, ਅਵਙ, ਮਂਸਾਦਿ. ਇਲੋਪੇ ਕਬ੍ਬਂ. ਦੁਨੋ ਇਦਂ ਦਬ੍ਬਂ.

‘‘ਪਿਤਿਤੋ ¶ ਮਾਤਿਤੋ’’ਤਿ ਤੇਨ ਤੇਨ ਸੁਤ੍ਤਨਿਪਾਤੇਨੇਵ ਉਸ੍ਸ ਇ. ਪਿਤੁਸਦ੍ਦਾ ਤਸ੍ਸ ਭਾਤਰਿ ਰੇਯ੍ਯਣ. ਪਿਤੁ ਭਾਤਾ ਪੇਤ੍ਤੇਯ੍ਯੋ.

ਮਾਤੁਤੋ ਚ ਪਿਤੁਤੋ ਚ ਤੇਸਂ ਭਗਿਨਿਯਂ ਚ੍ਛੋ ਹੋਤਿ. ਮਾਤੁ ਭਗਿਨਿ ਮਾਤੁਚ੍ਛਾ, ਪਿਤੁ ਭਗਿਨਿ ਪਿਤੁਚ੍ਛਾ. ਕਥਂ ‘‘ਮਾਤੁ ਭਾਤਾ ਮਾਤੁਲੋ’’ਤਿ, ‘‘ਮਾਤੁਲਾਦਿਤ੍ਵਾਨੀ’’ਤਿ ਨਿਪਾਤਨਾ ਲਪਚ੍ਚਯੋ.

ਮਾਤਾਪਿਤੂਹਿ ਤੇਸਂ ਮਾਤਾਪਿਤੂਸ੍ਵਾ+ਮਹੋ ਹੋਤਿ. ਮਾਤੁ ਮਾਤਾ ਮਾਤਾਮਹੀ, ਮਾਤੁ ਪਿਤਾ ਮਾਤਾਮਹੋ. ਪਿਤੁ ਮਾਤਾ ਪਿਤਾਮਹੀ, ਪਿਤੁ ਪਿਤਾ ਪਿਤਾਮਹੋ. ਨ ਯਥਾਸਙ੍ਖ੍ਯਂ ਪਚ੍ਚੇਕਾਭਿਸਮ੍ਬਨ੍ਧਤੋ ਵਿਸੁਂ ਵਿਸੁਂ ਮਾਤਾਪਿਤੁਸਦ੍ਦੇਹਿ ਤੇਸਂ ਮਾਤਾਪਿਤੁਨ੍ਨਂ ਅਤ੍ਥੇ ਪਚ੍ਚਯੋ ਹੋਤਿ.

ਮਾਤਾਪਿਤੂਹਿ ਹਿਤੇ ਰੇਯ੍ਯਣ ਹੋਤਿ. ਮਾਤੁ ਹਿਤੋ ਮਤ੍ਤੇਯ੍ਯੋ, ਪੇਤ੍ਤੇਯ੍ਯੋ.

੪੦. ਨਿਨ੍ਦਾ+ਞ੍ਞਾਤ+ਪ੍ਪ ਪਟਿਭਾਗ ਰਸ੍ਸ ਦਯਾ ਸਞ੍ਞਾਸੁ ਕੋ

ਨਿਨ੍ਦਾਦੀਸ੍ਵ+ਤ੍ਥੇਸੁ ਨਾਮਸ੍ਮਾ ਕੋ ਹੋਤਿ. ਨਿਨ੍ਦਾਯਂ-ਨਿਨ੍ਦਿਤੋ ਮੁਣ੍ਡੋ ਮੁਣ੍ਡਕੋ, ਏਵਂ ਸਮਣਕੋ, ਪਣ੍ਡਿਤਕੋ, ਬ੍ਰਾਹ੍ਮਣਕੋ ¶ , ਵੇਯ੍ਯਾਕਰਣਕੋ. ਅਞ੍ਞਾਤੇ-ਕਸ੍ਸਾ+ਯਂ ਅਸ੍ਸੋ ਅਸ੍ਸਕੋ, ਪਯੋਗਸਾਮਤ੍ਥਿਯਾ ਸਮ੍ਬਨ੍ਧਿਵਿਸੇਸਾਨਾਵਗਮੋ+ਵਗਮ੍ਯਤੇ. ਅਪ੍ਪਤ੍ਥੇ-ਅਪ੍ਪਕਂ ਤੇਲਂ ਤੇਲਕਂ, ਘਤਕਂ. ਪਟਿਭਾਗਤ੍ਥੇ-ਹਤ੍ਥੀ ਵਿਯ ਹਤ੍ਥਿਕੋ, ਅਸ੍ਸਕੋ, ਬਲੀਬਦ੍ਧਕੋ. ‘‘ਇਮੇ ਨੋ ਹਤ੍ਥਿਕਾ ਅਸ੍ਸਾ, ਬਲੀਬਦ੍ਧਾ ਚ ਨੋ ਇਮੇ’’ਤ੍ਯਾਦਿਪਾਠੇ ‘‘ਲੋਪੋ’’ਤਿ ਕਪਚ੍ਚਯਲੋਪੇਨ ਵਾ ਅਭੇਦੋਪਚਾਰੇਨ ਵਾ ਦਟ੍ਠਬ੍ਬਂ, ਇਮੇ ਚ ਦਾਰੁਆਦੀਹਿ ਕਤਰੂਪਾਨਿ. ਰਸ੍ਸੇਰਸ੍ਸੋ ਮਾਨੁਸੋ ਮਾਨੁਸਕੋ, ਰੁਕ੍ਖਕੋ, ਪਿਲਕ੍ਖਕੋ. ਦਯਾਯਂ-ਦਯਿਤੋ=ਨੁਕਮ੍ਪਿਤੋ ਪੁਤ੍ਤੋ ਪੁਤ੍ਤਕੋ, ਵਚ੍ਛਕੋ. ਸਞ੍ਞਾਯਂ-ਮੋਰੋ ਵਿਯ ਮੋਰਕੋ, ਕਤਕੋ, ਭਤਕੋ.

ਪਠਮਨ੍ਤਾ ਅਸ੍ਸੇਤਿ ਅਸ੍ਮਿਂ ਅਤ੍ਥੇ ਣਿਕੋ ਹੋਤਿ ਕੋ ਚ, ਤਞ੍ਚੇ ਪਠਮਨ੍ਤਂ ਪਰਿਮਾਣਂ ਭਵਤਿ. ਦੋਣਾਦੀਨਂ ਪਰਿਮਿਤਵੀਹਾਦੀਨਂ ਕਰਣਤ੍ਤਾ ‘‘ਪਰਿਮੀਯਨ੍ਤ੍ਯ+ਨੇਨਾਤਿ ਪਰਿਮਾਣ’’ਨ੍ਤਿ ਹੋਤਿ. ਦੋਣੋ ਪਰਿਮਾਣ+ਮਸ੍ਸਾਤਿ ਦੋਣਿਕੋ ਵੀਹਿ, ਖਾਰਸਤਿਕੋ, ਖਾਰਸਹਸ੍ਸਿਕੋ, ਆਸੀਤਿਕੋ ਵਯੋ, ਉਪਡ੍ਢਕਾਯੋ ਪਰਿਮਾਣ+ਮਸ੍ਸ ਉਪਡ੍ਢਕਾਯਿਕਂ ਬਿਮ੍ਬੋਹਨਂ. ਪਞ੍ਚਕਂ, ਛਕ੍ਕਂ.

ਯਾਦੀਹਿ ਪਠਮਨ੍ਤੇਹਿ ਅਸ੍ਸੇਤਿ ਛਟ੍ਠ੍ਯਤ੍ਥੇ ਤ੍ਤਕੋ ਹੋਤਿ, ਤਞ੍ਚੇ ਪਠਮਨ੍ਤਂ ਪਰਿਮਾਣਂ ਭਵਤਿ. ਯਂ ਪਰਿਮਾਣ+ਮਸ੍ਸ ਯਤ੍ਤਕਂ, ਤਤ੍ਤਕਂ, ‘‘ਏਤਸ੍ਸੇਟ ਤ੍ਤਕੇ’’ਤਿ ਏਤਸ੍ਸ ਏਟ, ਏਤ੍ਤਕਂ. ਆਵਤਕੇ-ਯਂ ਪਰਿਮਾਣ+ਮਸ੍ਸ ਯਾਵਤਕੋ, ਤਾਵਤਕੋ.

ਸਬ੍ਬਤੋ ¶ ਪਠਮਨ੍ਤਾ ਯਾਦੀਹਿ ਚ ਅਸ੍ਸੇਤਿ ਛਟ੍ਠ੍ਯਤ੍ਥੇ ਆਵਨ੍ਤੁ ਹੋਤਿ, ਤਞ੍ਚੇ ਪਠਮਨ੍ਤਂ ਪਰਿਮਾਣਂ ਭਵਤਿ. ਸਬ੍ਬਂ ਪਰਿਮਾਣ+ਮਸ੍ਸ ਸਬ੍ਬਾਵਨ੍ਤਂ, ‘‘ਅਂਙਂ ਨਪੁਂਸਕੇ’’ਤਿ ਅਂ. ਯਾਵਨ੍ਤਂ, ਤਾਵਨ੍ਤਂ.

੪੪. ਕਿਮ੍ਹਾ ਰਤਿ+ਰੀਵ+ਰੀਵਤਕ+ਰਿਤ੍ਤਕਾ

ਕਿਮ੍ਹਾ ਪਠਮਨ੍ਤਾ ਅਸ੍ਸੇਤਿ ਛਟ੍ਠ੍ਯਤ੍ਥੇ ਰਤਿ+ਰੀਵ+ਰੀਵਤਕ+ਰਿਤ੍ਤਕਾ ਹੋਨ੍ਤਿ. ਕਿਂਸਙ੍ਖ੍ਯਾਨਂ ਪਰਿਮਾਣ+ਮੇਸਂ ਕਤਿ, ਰਾਨੁਬਨ੍ਧਤ੍ਤਾ ਇਂਭਾਗਲੋਪੋ. ਕੀਵ, ਕੀਵਤਕਂ, ਕਿਤ੍ਤਕਂ. ਰੀਵਨ੍ਤੋ ਸਭਾਵਤੋ ਅਸਂਖ੍ਯੋ.

ਸਞ੍ਜਾਤਤ੍ਥੇ ਇਤੋ. ਤਾਰਕਾ ਸਞ੍ਜਾਤਾ ਅਸ੍ਸ ਤਾਰਕਿਤਂ ਗਗਨਂ, ਪੁਪ੍ਫਾਨਿ ਸਞ੍ਜਾਤਾਨਿ ਅਸ੍ਸ ਪੁਪ੍ਫਿਤੋ ਰੁਕ੍ਖੋ, ਪਲ੍ਲਵਿਤਾ ਲਤਾ.

ਪਠਮਨ੍ਤਾ ਮਾਨਵੁਤ੍ਤਿਤੋ ਅਸ੍ਸੇਤਿ ਅਸ੍ਮਿਂ ਅਤ੍ਥੇ ਮਤ੍ਤੋ ਹੋਤਿ. ਪਲਂ ਉਮ੍ਮਾਨ+ਮਸ੍ਸ ਪਲਮਤ੍ਤਂ. ਹਤ੍ਥੋ ਪਣਾਮ+ਮਸ੍ਸ ਹਤ੍ਥਮਤ੍ਤਂ. ਸਤਂ ਮਾਨ+ਮਸ੍ਸ ਸਤਮਤ੍ਤਂ. ਦੋਣੋ ਪਰਿਮਾਣ+ਮਸ੍ਸ ਦੋਣਮਤ੍ਤਂ. ਅਭੇਦੋਪਚਾਰਾ ਦੋਣੋਤਿਪਿ ਹੋਤਿ. ਮੀਯਤੇ+ਨੇਨਾਤਿ ਮਾਨਂ, ਮਾਨਸ੍ਸ ਸਮ੍ਬਨ੍ਧਿਤ੍ਤਾ ਛਟ੍ਠ੍ਯਨ੍ਤਭੂਤਾਨਮੇਵ ਵਿਧਿ ਹੋਤਿ. ਏਤ੍ਥ ਚ –

ਉਦ੍ਧਮਾਨਨ੍ਤੁ ¶ ਉਮ੍ਮਾਨਂ, ਪਰਿਮਾਣਨ੍ਤੁ ਸਬ੍ਬਤੋ;

ਪਮਾਣਂ ਹੋਤਿ ਆਯਾਮੋ, ਸਂਖ੍ਯਾਸੇਸੋ ਤੁ ਸਬ੍ਬਤੋ.

ਉਦ੍ਧਮਾਨਵੁਤ੍ਤਿਤੋ ਤਗ੍ਘੋ ਹੋਤਿ ਮਤ੍ਤੋ ਚ. ਜਣ੍ਣੁ ਪਰਿਮਾਣ+ਮਸ੍ਸ ਜਣ੍ਣੁਤਗ੍ਘਂ, ਜਣ੍ਣੁਮਤ੍ਤਂ.

ਪੁਰਿਸਾ ਣੋ ਹੋਤਿ ਮਤ੍ਤਾਦਯੋ ਚ. ਪੁਰਿਸੋ ਪਰਿਮਾਣ+ਮਸ੍ਸ ਪੋਰਿਸਂ, ਪੁਰਿਸਮਤ੍ਤਂ+ਪੁਰਿਸਤਗ੍ਘਂ.

ਉਭਦ੍ਵਿਤੀਹਿ ਅਵਯਵਵੁਤ੍ਤੀਹਿ ਅਯੋ ਹੋਤਿ. ਉਭੋ ਅਂਸਾ ਅਸ੍ਸ ਉਭਯਂ, ਦ੍ਵਯਂ, ਤਯਂ. ਅਂਸਸਮ੍ਬਨ੍ਧੇਨ ਸਮੁਦਾਯੇ ਵਿਧਿ ਹੋਤੀਤਿ ਨ ਉਭਯਾਦਿਤੋ ਬਹੁਵਚਨਨ੍ਤਿ ਚੇ, ‘‘ਰਾਹੁਨੋ ਸਿਰੋ’’ ਤ੍ਯਾਦੋ ਅਭੇਦੇਪਿ ਭੇਦਵਿਵਕ੍ਖਾਯ ਲਬ੍ਭਮਾਨਤੋ ਬਹੁਵਚਨਂ ਹੋਤੇਵ.

੫੦. ਸਙ੍ਖ੍ਯਾਯ ਸਚ੍ਚੁ+ਤੀ+ਸਾ+ਸ+ਦਸਨ੍ਤਾਯਾ+ਧਿਕਾ+ਸ੍ਮਿਂ ਸਤਸਹਸ੍ਸੇ ਡੋ

ਸਤ੍ਯਨ੍ਤਾਯ ਉਤ੍ਯਨ੍ਤਾਯ ਈਸਨ੍ਤਾਯ ਆਸਨ੍ਤਾਯ ਦਸਨ੍ਤਾਯ ਸਙ੍ਖ੍ਯਾਯ ਪਠਮਨ੍ਤਾਯ ਅਸ੍ਮਿਨ੍ਤਿ ਸਤ੍ਤਮ੍ਯਤ੍ਥੇ ਡੋ ਹੋਤਿ, ਸਾ ਚੇ ¶ ਸਙ੍ਖ੍ਯਾ ਅਧਿਕਾ ਹੋਤਿ, ਯ+ਦਸ੍ਮਿਨ੍ਤਿ, ਤਂ ਚੇ ਸਤਂ ਸਹਸ੍ਸਂ ਸਤਸਹਸ੍ਸਂ ਵਾ ਹੋਤਿ. ਵੀਸਤਿ ਅਧਿਕਾ ਅਸ੍ਮਿਂ ਸਤੇਤਿ ਵੀਸਂਸਤਂ.

ਡੇ ਪਰੇ ਸਤ੍ਯਨ੍ਤਸ੍ਸ ਤਿਕਾਰਸ੍ਸ ਲੋਪੋ ਹੋਤਿ. ਏਕਵੀਸਂਸਤਂ ਸਹਸ੍ਸਂ ਸਤਸਹਸ੍ਸਂ ਵਾ. ਤਿਂਸਤਿ ਅਧਿਕਾ ਅਸ੍ਮਿਂ ਸਤਾਦਿਕੇਤਿ ਤਿਂਸਸਤਂ ਏਕਤਿਂਸਸਤਂ ਇਚ੍ਚਾਦਿ. ਉਤ੍ਯਨ੍ਤਾਯਨਵੁਤਿ ਅਧਿਕਾ ਅਸ੍ਮਿਂ ਸਤਾਦਿਕੇਤਿ ਨਵੁਤਂਸਤਂ ਸਹਸ੍ਸਂ ਸਤਸਹਸ੍ਸਂ ਵਾ. ਈਸਨ੍ਤਾਯ-ਚਤ੍ਤਾਲੀਸਂ ਅਧਿਕਾ ਅਸ੍ਮਿਂ ਸਤੇ ਸਹਸ੍ਸੇ ਸਤਸਹਸ੍ਸੇਤਿ ਚਤ੍ਤਾਲੀਸਸਤ+ਮਿਚ੍ਚਾਦਿ. ਆਸਨ੍ਤਾਯ ਏਵਂ, ਪਞ੍ਞਾਸਂਸਤ+ਮਿਚ੍ਚਾਦਿ. ਦਸਨ੍ਤਾਯ-ਏਕਾਦਸਂਸਤ+ਮਿਚ੍ਚਾਦਿ.

ਛਟ੍ਠਿਯਨ੍ਤਾਯੇ+ਕਾਦਸਾਦਿਕਾਯ ਸਂਖ੍ਯਾਯ ਡੋ ਹੋਤਿ ਪੂਰਣਤ੍ਥੇ ਵਿਭਾਸਾ. ਸਾ ਸਂਖ੍ਯਾ ਪੂਰਿਯਤੇ ਯੇਨ ਤਂ ਪੂਰਣਂ. ਏਕਾਦਸਨ੍ਨਂ ਪੂਰਣੋ ਏਕਾਦਸੋ. ਅਞ੍ਞਤ੍ਰ ‘‘ਮ ਪਞ੍ਚਾਦਿਕਤੀਹੀ’’ਤਿ ਮੋ, ਏਕਾਦਸਮੋ. ਵੀਸਤਿਯਾ ਪੂਰਣੋ ਵੀਸੋ ਵੀਸਤਿਮੋ, ਤਿਂਸੋ, ਤਿਂਸਤਿਮੋ. ਵਾਸਦ੍ਦਸ੍ਸ ਵਵਤ੍ਥਿਤਵਿਭਾਸਤ੍ਤਾ ਨਿਚ੍ਚਂ ਚਤ੍ਤਾਲੀਸੋ ਪਞ੍ਞਾਸੋ.

ਮਪਚ੍ਚਯੇ ਪਞ੍ਚਮੋ, ਪਞ੍ਚਮੀ. ਸਤ੍ਤਮੋ, ਸਤ੍ਤਮੀ. ਅਟ੍ਠਮੋ, ਅਟ੍ਠਮੀ. ਕਤਿਮੋ, ਕਤਿਮੀ ਇਚ੍ਚਾਦਿ.

ਸਤਾਦੀਨਂ ¶ ਮੋ ਚ ਅਨ੍ਤਾਦੇਸੋ ਇ ਚ. ਸਤਸ੍ਸ ਪੂਰਣੋ ਸਤਿਮੋ, ਸਹਸ੍ਸਿਮੋ.

ਛਸਦ੍ਦਾ ਪੂਰਣਤ੍ਥੇ ਟ੍ਠ+ਟ੍ਠਮਾ. ਛਨ੍ਨਂ ਪੂਰਣੋ ਛਟ੍ਠੋ, ਛਟ੍ਠਮੋ. ਇਤ੍ਥਿਯਂ ਛਟ੍ਠੀ, ਛਟ੍ਠਮੀ. ‘‘ਚਤੁਤ੍ਥਦੁਤਿਯੇਸ੍ਵੇ+ਸਂ ਤਤਿਯਪਠਮਾ’’ਤਿ ਨਿਪਾਤਨਾ ਪੂਰਣਤ੍ਥੇ ਦ੍ਵਿਤੋ ਤਿਯੋ ਦ੍ਵਿਸ੍ਸ ਦੁ ਚ, ਤਿਚਤੂਹਿ ਤਿਸ੍ਸ ਅ, ਤਿਯ+ਤ੍ਥਾ ਚ ਯਥਾਕ੍ਕਮਂ, ਦੁਤਿਯੋ ਤਤਿਯੋ, ਚਤੁਤ੍ਥੋ.

‘‘ਸਤਿ ਬ੍ਯਭਿਚਾਰੇ ਵਿਸੇਸਨਂ ਸਾਤ੍ਥਕਂ’’ਤਿ ਞਾਯਾ ਸਂਖ੍ਯਾਤੋ ਵਿਸੇਸੇਤੁਂ ‘‘ਅਸਹਾਯੇ’’ਤਿ ਵੁਤ੍ਤਂ. ਏਕਸ੍ਮਾ ਅਸਹਾਯਤ੍ਥੇ ਕ+ਆਕੀ ਹੋਨ੍ਤਿ ਵਾ. ਏਕੋਵ ਏਕਕੋ, ਏਕਾਕੀ, ਏਕੋ ਵਾ.

ਵਚ੍ਛਾਦੀਨਂ ਸਭਾਵਸ੍ਸ ਤਨੁਤ੍ਤੇ=ਕਿਞ੍ਚਿਮਤ੍ਤਾਵਸੇਸੇ ਤਰੋ ਹੋਤਿ. ਸੋ=ਸਕੋ ਭਾਵੋ ਸਭਾਵੋ ਅਤ੍ਤਨਿਯਪਵਤ੍ਤਿਨਿਮਿਤ੍ਤਂ. ਸੁਸੁਤ੍ਤਸ੍ਸ ਤਨੁਤ੍ਤੇ ਵਚ੍ਛਤਰੋ, ਇਤ੍ਥਿਯਂ ਵਚ੍ਛਤਰੀ. ਯੋਬ੍ਬਨਸ੍ਸ ਤਨੁਤ੍ਤੇ ਓਕ੍ਖਤਰੋ. ਓਕ੍ਖਾ=ਦੁਤਿਯਵਯਟ੍ਠਗੋਣੋ. ਅਸ੍ਸਭਾਵਸ੍ਸ ਤਨੁਤ੍ਤੇ ਅਸ੍ਸਤਰੋ. ਗਾਵੋਤਿ ਜਾਤਿਸਾਮਤ੍ਥਿਯਸ੍ਸ ਤਨੁਤ੍ਤੇ ਉਸਭਤਰੋ. ਏਤ੍ਥ ਤਨੁਤ੍ਤਂ ਅਪ੍ਪਬਲਤਾ.

ਕਿਂਸਦ੍ਦਾ ¶ ਨਿਦ੍ਧਾਰਣੇ ਰਤਰ+ਰਤਮਾ ਹੋਨ੍ਤਿ. ਕੋ ਏਵਾਤਿ ਕਤਰੋ ਭਵਤਂ ਦੇਵਦਤ੍ਤੋ, ਕਤਰੋ ਭਵਤਂ ਕਟ੍ਠੋ. ਕਤਮੋ ਭਵਤਂ ਦੇਵਦਤ੍ਤੋ, ਕਤਮੋ ਭਵਤਂ ਕਟ੍ਠੋ. ਭਾਰਦ੍ਵਾਜਾਨਂ ਕਤਮੋ+ਸਿ ਬ੍ਰਹ੍ਮੇ.

ਦਤ੍ਤੇ+ਭਿਧੇਯ੍ਯੇ ਲ+ਇਯਾ ਹੋਨ੍ਤਿ ਬਹੁਲਾਧਿਕਾਰਾ ਮਨੁਸ੍ਸਸਞ੍ਞਾਯਂ. ਦੇਵੇਨ ਦਤ੍ਤੋ ਦੇਵਲੋ ਦੇਵਿਯੋ, ਬ੍ਰਹ੍ਮਲੋ ਬ੍ਰਹ੍ਮਿਯੋ. ਸੀਵਲੋ ਸੀਵਿਯੋ ਸਿਸ੍ਸ ਦੀਘੋ. ਦੇਵ+ਬ੍ਰਹ੍ਮ+ਸਿਵਾਤਿ ਤਨ੍ਨਾਮਕਾ ਮਨੁਸ੍ਸਾ. (ਰਤ੍ਤਮਿਚ੍ਚਾਦਿਅਨੇਕਤ੍ਥਤਦ੍ਧਿਤਂ).

੫੯. ਤਸ੍ਸ ਭਾਵਕਮ੍ਮੇਸੁਤ੍ਤ+ਤਾ+ਤ੍ਤਨ+ਣ੍ਯ+ਣੇਯ੍ਯ+ਣਿ+ਯ+ਣਿਯਾ

ਛਟ੍ਠਿਯਨ੍ਤਾ ਭਾਵੇ ਕਮ੍ਮੇ ਚ ਤ੍ਤਾਦਯੋ ਹੋਨ੍ਤਿ ਬਹੁਲਂ. ਨ ਸਬ੍ਬੇ ਪਚ੍ਚਯਾ ਸਬ੍ਬਤੋ ਹੋਨ੍ਤਿ ਅਞ੍ਞਤ੍ਰਤ੍ਤ+ਤਾਹਿ. ਭਵਨ੍ਤਿ ਏਤਸ੍ਮਾ ਬੁਦ੍ਧਿਸਦ੍ਦਾਤਿ ਭਾਵੋ ਸਦ੍ਦਪਵਤ੍ਤਿਨਿਮਿਤ੍ਤਂ. ਵੁਤ੍ਤਞ੍ਚ –

ਹੋਨ੍ਤ੍ਯ+ਸ੍ਮਾ ਸਦ੍ਦਬੁਦ੍ਧੀਤਿ, ਭਾਵੋ ਤਂ ਸਦ੍ਦਵੁਤ੍ਤਿਯਾ;

ਨਿਮਿਤ੍ਤਭੂਤਂ ਨਾਮਞ੍ਚ, ਜਾਤਿ ਦਬ੍ਬਂ ਕ੍ਰਿਯਾ ਗੁਣੋਤਿ.

ਨੀਲਸ੍ਸ ਪਟਸ੍ਸ ਭਾਵੋ ਨੀਲਤ੍ਤਂ ਨੀਲਤਾਤਿ ਗੁਣੋ ਭਾਵੋ. ਏਤ੍ਥ ਨੀਲਗੁਣਵਸੇਨ ਪਟੇ ਨੀਲਸਦ੍ਦਸ੍ਸ ਵੁਤ੍ਤਿਯਾ ਪਟਬੁਦ੍ਧਿਯਾ ਨਿਮਿਤ੍ਤਂ ਭਾਵੋ ਨਾਮ. ਨੀਲਸ੍ਸ ਗੁਣਸ੍ਸ ਭਾਵੋ ਨੀਲਤ੍ਤਂ ਨੀਲਤਾਤਿ ਨੀਲਗੁਣਜਾਤਿ, ਏਤ੍ਥ ਨੀਲਗੁਣਜਾਤਿ ਨਿਮਿਤ੍ਤਂ ਹੁਤ੍ਵਾ ਨੀਲਸਦ੍ਦਸ੍ਸ ਗੁਣਵੁਤ੍ਤਿਯਾ ¶ ਨੀਲਗੁਣਜਾਤਿ ਨਿਮਿਤ੍ਤਂ. ਗੋਤ੍ਤਂ ਗੋਤਾਤਿ ਗੋਜਾਤਿ, ਏਤ੍ਥ ਜਾਤਿਸਦ੍ਦਾਨਂ ਦਬ੍ਬਵੁਤ੍ਤਿਯਾ ਸਤਿ ਜਾਤਿ ਨਿਮਿਤ੍ਤਂ. ਪਾਚਕਸ੍ਸ ਭਾਵੋ ਪਾਚਕਤ੍ਤਂਤਿ ਕ੍ਰਿਯਾਸਮ੍ਬਨ੍ਧਿਤ੍ਤਂ ਭਾਵੋ, ਏਤ੍ਥ ਪਚਨਕ੍ਰਿਯਾਸਮ੍ਬਨ੍ਧਿਤ੍ਤਂ ਭਾਵੋ. ਦਣ੍ਡਿਤ੍ਤਂ ਵਿਸਾਣਿਤ੍ਤਂ ਰਾਜਪੁਰਿਸਤ੍ਤਂਤਿ ਦਣ੍ਡ+ਵਿਸਾਣ+ਰਾਜਦਬ੍ਬਾਨਂ ਸਮ੍ਬਨ੍ਧਿਤ੍ਤਂ ਭਾਵੋ, ਦਣ੍ਡੀਤ੍ਯਾਦਿਸਦ੍ਦਪਵਤ੍ਤਿਯਾ ਨਿਮਿਤ੍ਤਤ੍ਤਾ.

ਦੇਵਦਤ੍ਤਸ੍ਸ ਭਾਵੋ ਦੇਵਦਤ੍ਤਤ੍ਤਂ, ਚਨ੍ਦਤ੍ਤਂ, ਸੂਰਿਯਤ੍ਤਂਤਿ ਤਦਵਤ੍ਥਾ ਵਿਸੇਸਸਾਮਞ੍ਞਂ, ਦੇਵਦਤ੍ਤਸ੍ਸ ਬਾਲਤਾਦਿਅਵਤ੍ਥਾਭੇਦੋ, ਚਨ੍ਦਸ੍ਸ ਕਲਾਦਿਅਵਤ੍ਥਭੇਦੋ ਚ, ਸੂਰਿਯਸ੍ਸ ਮਨ੍ਦਪਟੁਤਾਦਿਅਵਤ੍ਥਾਭੇਦੋ ਚ ਸਾਮਞ੍ਞਂ, ਤਦੇਤ੍ਥ ਨਿਮਿਤ੍ਤਂ. ਏਤ੍ਥ ਵਿਜ੍ਜਮਾਨਪਦਤ੍ਥਾਨਂ ਵਿਸਯਭੂਤਸਞ੍ਞਾਸਦ੍ਦਾਨਂ ਪਵਤ੍ਤਿਨਿਮਿਤ੍ਤਂ ਵੁਤ੍ਤਂ. ਆਕਾਸਤ੍ਤਂ ਅਭਾਵਤ੍ਤਂਤਿ, ਤਤ੍ਥ ਘਟਾਕਾਸ+ਪੀਠਰਾਕਾਸ, ਪਟਾਭਾਵ+ਘਟਾਭਾਵਾਦਿਨਾ ਉਪਚਰਿਤਭੇਦਸਾਮਞ੍ਞਂ ਭਾਵੋ.

ਤ੍ਤਨ-ਪੁਥੁਜ੍ਜਨਤ੍ਤਨਂ. ਵੇਦਨਾਯ ਭਾਵੋ ਵੇਦਨਤ੍ਤਨਂ, ਰਸ੍ਸੋ. ਏਵਂ ਜਾਯਤ੍ਤਨਂ, ਜਾਰਤ੍ਤਨਂ.

ਣ੍ਯ-ਅਲਸਸ੍ਸ ਭਾਵੋ ਕਮ੍ਮਂ ਵਾ ਆਲਸ੍ਯਂ, ਏਤ੍ਥ ‘‘ਲੋਪੋ+ਵਣ੍ਣਿ+ਵਣ੍ਣਾਨਂ’’ਤਿ ਅ-ਲੋਪੇ ‘‘ਸਰਾਨ+ਮਾਦਿਸ੍ਸਾ’’ਦਿਨਾ ਆਕਾਰੋ, ਏਵ+ਮੁਪਰਿ ਚ. ਬ੍ਰਾਹ੍ਮਣਸ੍ਸ ਭਾਵੋ ਬ੍ਰਹ੍ਮਞ੍ਞਂ, ਞ੍ਞਕਾਰਪੁਬ੍ਬਰੂਪਾਨਿ. ਚਾਪਲ੍ਯਂ, ਨੇਪੁਞ੍ਞਂ, ਪੇਸੁਞ੍ਞਂ, ਰਞ੍ਞੋ ਭਾਵੋ ਰਜ੍ਜਂ, ਆਧਿਪਚ੍ਚਂ, ਦਾਯਜ੍ਜਂ, ਵੇਸਮ੍ਮਂ, ਵੇਸਮਂ, ਣਪਚ੍ਚਯੋ. ਸਖਿਨੋ ਭਾਵੋ ਸਖ੍ਯਂ, ਵਾਣਿਜ੍ਜਂ, ਆਰੋਗ੍ਯਂ, ਓਦਗ੍ਯਂ, ਆਨਣ੍ਯਂ, ਦੁਬ੍ਬਲ੍ਯਂ, ਬਲ੍ਯਂ, ਪਣ੍ਡਿਚ੍ਚਂ, ਬਾਹੁਸ੍ਸਚ੍ਚਂ, ਪੋਰੋਹਿਚ੍ਚਂ. ਮੁਟ੍ਠਸ੍ਸਤਿਸ੍ਸ ਭਾਵੋ ਮੁਟ੍ਠਸ੍ਸਚ੍ਚਂ, ਇਲੋਪੋ. ਕੋਸਲ੍ਲਂ, ਵੇਪੁਲ੍ਲਂ. ਸਮਾਨਸ੍ਸ ਭਾਵੋ ਸਾਮਞ੍ਞਂ, ਪੇਰਿਸ੍ਸਂ, ਸੋਮਨਸ੍ਸਂ, ਦੋਮਨਸ੍ਸਂ, ਸੋਵਚਸ੍ਸਂ, ਦੋਵਚਸ੍ਸਂ, ਨਿਪਕਸ੍ਸ ¶ ਭਾਵੋ ਨੇਪਕ੍ਕਂ, ਆਧਿਕ੍ਕਂ, ਦੁਭਗਸ੍ਸ ਭਾਵੋ ਦੋਭਗ੍ਗਂ, ਸਰੂਪਸ੍ਸ ਭਾਵੋ ਸਾਰੁਪ੍ਪਂ, ਓਪਮ੍ਮਂ, ਸੋਖੁਮ੍ਮਂ, ਤਥਸ੍ਸ ਭਾਵੋ ਤਚ੍ਛਂ. ਦੁਮ੍ਮੇਧਸ੍ਸ ਭਾਵੋ ਦੁਮ੍ਮੇਜ੍ਝਂ. ਭੇਸਜਸ੍ਸ ਭਾਵੋ ਭੇਸਜ੍ਜਂ, ਬ੍ਯਾਵਟਸ੍ਸ ਕਮ੍ਮਂ ਵੇਯ੍ਯਾਵਚ੍ਚਂ ਯਥਾ ਵੇਯ੍ਯਾਕਰਣਂ.

ਣੇਯ੍ਯ-ਸੁਚਿਨੋ ਭਾਵੋ ਸੋਚੇਯ੍ਯਂ, ਆਧਿਪਤੇਯ੍ਯਂ, ਕਪਿਸ੍ਸ ਭਾਵੋ ਕਾਪੇਯ੍ਯਂ. ਸਠਸ੍ਸ ਭਾਵੋ ਕਮ੍ਮਂ ਵਾ ਸਾਠੇਯ੍ਯਂ.

ਣ-ਗਰੂਨਂ ਭਾਵੋ ਗਾਰਵਂ, ਉ ਅਵਙ. ਪਾਟਵਂ, ਅਜ੍ਜਵਂ, ਮਦ੍ਦਵਂ, ‘‘ਕੋਸਜ੍ਜਾ’’ਦਿਨਾ ਉਸ੍ਸ ਅਤ੍ਤਂ ਦ੍ਵਿਤ੍ਤਞ੍ਚ. ਪਰਮਾਨਂ ਭਾਵੋ ਪਾਰਮੀ, ਵੀਪਚ੍ਚਯੋ. ਸਮਗ੍ਗਾਨਂ ਭਾਵੋ ਸਾਮਗ੍ਗੀ.

ਇਯ-ਅਧਿਪਤਿਨੋ ਭਾਵੋ ਅਧਿਪਤਿਯਂ, ਪਣ੍ਡਿਤਿਯਂ, ਬਹੁਸ੍ਸੁਤਿਯਂ, ਨਗ੍ਗਿਯਂ, ਸੂਰਿਯਂ.

ਣਿਯ-ਅਲਸਸ੍ਸ ਭਾਵੋ ਕਮ੍ਮਂ ਵਾ ਆਲਸਿਯਂ, ਤਾਲੁਸਿਯਂ, ਮਨ੍ਦਿਯਂ, ਦਕ੍ਖਿਯਂ, ਪੋਰੋਹਿਤਿਯਂ, ਵੇਯ੍ਯਤ੍ਤਿਯਂ.

ਕਥਂ ਰਾਮਣੀਯਕਂਤਿ, ਸਕਤ੍ਥੇ ਕਨ੍ਤਾ ਣੇਨ ਸਿਦ੍ਧਾ. ਕਮ੍ਮਂ=ਕ੍ਰਿਯਾ, ਤਤ੍ਥ ਅਲਸਸ੍ਸ ਕਮ੍ਮਂ ਅਲਸਤ੍ਤਂ ਅਲਸਤਾ ਅਲਸਤ੍ਤਨਂ ਆਲਸ੍ਯਂ ਆਲਸਿਯਂ ਵਾ.

ਸਕਤ੍ਥੇਪਿ ਯਥਾਯੋਗਂ ਤ੍ਤਾਦਯੋ ਹੋਨ੍ਤਿ. ਯਥਾਭੂਤਮੇਵ ਯਥਾਭੁਚ੍ਚਂ, ਕਾਰੁਞ੍ਞਂ, ਪਤ੍ਤਕਲ੍ਲਂ. ਆਕਾਸਾਨਨ੍ਤਮੇਵ ਆਕਾਸਾਨਞ੍ਚਂ, ਏਤ੍ਥ ਅਕਾਰਲੋਪੋ, ਤਸ੍ਸ ਚੇ ਪੁਬ੍ਬਰੂਪੇ ਚ ਕਤੇ ‘‘ਤਦਮਿਨਾ’’ਦਿਨਾ ਨਸ੍ਸ ਞ੍ਞੋ ਚ ਲੋਪੋ ਚ ਹੋਤਿ, ਕਾਯਪਾਗੁਞ੍ਞਤਾ.

ਛਟ੍ਠਿਯਨ੍ਤਾ ¶ ਵਦ੍ਧਾ ਦਾਸਾ ਚ ਬ੍ਯੋ ਹੋਤਿ ਭਾਵਕਮ੍ਮੇਸੁ. ਵਦ੍ਧਸ੍ਸ ਭਾਵੋ ਕਮ੍ਮਂ ਵਾ ਵਦ੍ਧਬ੍ਯਂ, ਵਦ੍ਧਤਾ. ਦਾਸਸ੍ਸ ਭਾਵੋ ਕਮ੍ਮਂ ਵਾ ਦਾਸਬ੍ਯਂ, ਦਾਸ੍ਯਂ, ਦਾਸਤਾ. ਕਥਂ ਵਦ੍ਧਵਂਤਿ, ਣੇ ਵਾਗਮੋ.

ਛਟ੍ਠਿਯਨ੍ਤਾ ਯੁਵਸਦ੍ਦਾ ਭਾਵਕਮ੍ਮੇਸੁ ਨਣ ਵਾ ਹੋਤਿ ਵਸ੍ਸ ਬੋ ਚ. ਯੁਵਸ੍ਸ ਭਾਵੋ ਯੋਬ੍ਬਨਂ, ਯੁਵਤ੍ਤਂ ਯੁਵਤਾ ਵਾ.

ਭਾਵੇ ਵਾ ਇਮੋ. ਅਣੁਨੋ ਭਾਵੋ ਅਣਿਮਾ, ਲਘਿਮਾ, ਮਹਤੋ ਭਾਵੋ ਮਹਿਮਾ. ਕਿਸਸ੍ਸ ਭਾਵੋ ਕਸਿਮਾ.

ਇਮਮ੍ਹਿ ਮਹਤੋ ਮਹੋ ਚ ਕਿਸਸ੍ਸ ਕਸਾਦੇਸੋ ਚ ਹੋਤਿ.

ਕ੍ਰਿਯਾਵਾਚਕਸਦ੍ਦਤੋ ਇਮੋ, ਪਾਕੇਨ ਨਿਬ੍ਬਤ੍ਤਂ ਪਾਕਿਮਂ, ਸੇਕਿਮਂ.

੧੨੭. ਕੋਸਜ੍ਜਾ+ਜ੍ਜਵ+ਪਾਰਿਸਜ੍ਜ+ਸੋਹਜ੍ਜ+ਮਦ੍ਦਵਾ+ਰਿਸ੍ਸਾ+ਸਭਾ+ਜਞ੍ਞ+ਥੇਯ੍ਯ+ ਬਾਹੁਸਚ੍ਚਾ

ਏਤੇ ਸਦ੍ਦਾ ਨਿਪਚ੍ਚਨ੍ਤੇ ਣਾਨੁਬਨ੍ਧੇ. ਕੁਸੀਤਸ੍ਸ ਭਾਵੋਤਿ ਭਾਵੇ ਣ੍ਯੋ ਹੋਤਿ, ਇਮਿਨਾ ਈਸ੍ਸ ਅਕਾਰੇ ਚ ਤਸ੍ਸ ਜੇ ਚ ¶ ਕਤੇ ਯਸ੍ਸ ਪੁਬ੍ਬਰੂਪਂ, ਕੋਸਜ੍ਜਂ. ਉਜੁਨੋ ਭਾਵੇ ਅਜ੍ਜਵਂਤਿ ਣੋ, ਇਮਿਨਾ ਉਸ੍ਸ ਅਤ੍ਤਂ, ‘‘ਉਵਣ੍ਣਸ੍ਸਾ+ਵਙ ਸਰੇ’’ਤਿ ਅਵਙਆਦੇਸੇ ਜਸ੍ਸ ਦ੍ਵਿਤ੍ਤਂ. ਪਰਿਸਾਸੁ ਸਾਧੂਤਿ ਵਾਕ੍ਯੇ ‘‘ਣ੍ਯੋ ਤਤ੍ਥ ਸਾਧੂ’’ਤਿ ਣ੍ਯੋ, ਇਮਿਨਾ ਜਾਗਮੋ ਚ, ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਆਸ੍ਸ ਰਸ੍ਸੇ ਚ ਕਤੇ ਜਸ੍ਸ ਪੁਬ੍ਬਰੂਪਂ, ਪਾਰਿਸਜ੍ਜੋ. ਇਮਿਨਾ ਕਮੇਨ ਵਾਕ੍ਯੇਨੇਵ ਸਦ੍ਦਸਿਦ੍ਧਿ ਵੇਦਿਤਬ੍ਬਾ. ਸੁਹਦਯੋਵ ਸੁਹਜ੍ਜੋ, ਤਸ੍ਸ ਭਾਵੋ ਸੋਹਜ੍ਜਂ, ਇਮਿਨਾ ਅਯਲੋਪੋ. ਮੁਦੁਨੋ ਭਾਵੋ ਮਦ੍ਦਵਂ, ਇਮਿਨਾ ਉਸ੍ਸ ਅਤ੍ਤਂ. ਇਸਿਨੋ ਇਦਂ ਭਾਵੋ ਵਾ ਆਰਿਸ੍ਸਂ, ਣ੍ਯਪਚ੍ਚਯੇ ਇਮਿਨਾ ਆਰਞਾਗਮੇ ‘‘ਲੋਪੋ+ਵਣ੍ਣਿ+ਵਣ੍ਣਾਨਂ’’ਤਿ ਅਨ੍ਤਇਕਾਰਲੋਪੋ ਚ. ਉਸਭਸ੍ਸ ਇਦਂ ਭਾਵੋ ਵਾ ਆਸਭਂ, ਇਮਿਨਾ ਉਸ੍ਸ ਆ. ਆਜਾਨੀਯਸ੍ਸ ਭਾਵੋ ਆਜਞ੍ਞਂ, ਇਮਿਨਾ ਯਲੋਪੇ ‘‘ਲੋਪੋ+ਵਣ੍ਣਿ+ਵਣ੍ਣਾਨਂ’’ਤਿ ਈਕਾਰਲੋਪੋ. ਥੇਨਸ੍ਸ ਭਾਵੋ ਥੇਯ੍ਯਂ, ਇਮਿਨਾ ਨਸ੍ਸ ਯਕਾਰੋ. ਬਹੁਸ੍ਸੁਤਸ੍ਸ ਭਾਵੋ ਬਾਹੁਸਚ੍ਚਂ, ਇਮਿਨਾ ਉਸ੍ਸ ਅਕਾਰੋ ਸਂਯੋਗਾਦਿਲੋਪੋ. (ਭਾਵਤਦ੍ਧਿਤਂ).

ਅਤਿਸਯੇ ਵਤ੍ਤਮਾਨਤੋ ਹੋਨ੍ਤੇ+ਤੇ ਪਚ੍ਚਯਾ. ਅਤਿਸਯੇਨ ਪਾਪੋ ਪਾਪਤਰੋ ਪਾਪਤਮੋ ਪਾਪਿਸ੍ਸਿਤੋ ਪਾਪਿਯੋ ਪਾਪਿਟ੍ਠੋ, ਇਤ੍ਥਿਯਂ ਪਾਪਤਰਾ ਇਚ੍ਚਾਦਿ. ਅਤਿਸਯਪ੍ਪਚ੍ਚਯਨ੍ਤਾਪਿ ਅਤਿਸਯਪ੍ਪਚ੍ਚਯੋ, ਅਤਿਸਯੇਨ ਪਾਪਿਟ੍ਠੋ ਪਾਪਿਟ੍ਠਤਰੋ ਪਾਪਿਟ੍ਠਤਮੋ. ਏਵਂ ਪਟੁਤਰੋ ਪਟੁਤਮੋ, ਪਟਿਸ੍ਸਿਕੋ, ਪਟਿਯੋ, ਪਟਿਟ੍ਠੋ, ਵਰਤਰੋ ਇਚ੍ਚਾਦਿ ਪਣੀਤਤਰੋ ਇਚ੍ਚਾਦਿ ਚ.

ਵੁਦ੍ਧਸ੍ਸ ¶ ਜੋ ਹੋਤਿ ਇਯਇਟ੍ਠੇਸੁ. ਅਤਿਸਯੇਨ ਵੁਦ੍ਧੋ ਜੇਯ੍ਯੋ ਜੇਟ੍ਠੋ, ਜਾਦੇਸੇ ਪੁਬ੍ਬਸਰਲੋਪੇ ਲੁਤ੍ਤਾ ਸਰਾ ਇਸ੍ਸ ਏਕਾਰੇ ਚ ਯਸ੍ਸ ਦ੍ਵਿਤ੍ਤਂ.

੧੩੬. ਬਾਲ਼੍ਹ+ਨ੍ਤਿਕ+ਪਸਤ੍ਥਾਨਂ ਸਾਧ+ਨੇਦ+ਸਾ

ਇਯਇਟ੍ਠੇਸੁ ਬਾਲ਼੍ਹ+ਨ੍ਤਿਕ+ਪਸਤ੍ਥਾਨਂ ਸਾਧ+ਨੇਦ+ਸਾ ਹੋਨ੍ਤਿ ਯਥਾਕ੍ਕਮਂ. ਅਤਿਸਯੇਨ ਬਾਲ਼੍ਹੋ ਸਾਧਿਯੋ ਸਾਧਿਟ੍ਠੋ. ਅਤਿਸਯੇਨ ਅਨ੍ਤਿਕੋ ਨੇਦਿਯੋ ਨੇਦਿਟ੍ਠੋ. ਅਤਿਸਯੇਨ ਪਸਤ੍ਥੋ ਸੇਯ੍ਯੋ ਸੇਟ੍ਠੋ, ਪੁਬ੍ਬੇਵ ਸਰੇ ਲੁਤ੍ਤੇ ਇਸ੍ਸ ਏ ਦ੍ਵਿਤ੍ਤਞ੍ਚ.

ਇਯਇਟ੍ਠੇਸੁ ਅਪ੍ਪਯੁਵਾਨਂ ਕਣ+ਕਨਾ ਹੋਨ੍ਤਿ ਯਥਾਕ੍ਕਮਂ. ਅਤਿਸਯੇਨ ਅਪ੍ਪੋ ਕਣਿਯੋ ਕਣਿਟ੍ਠੋ. ਅਤਿਸਯੇਨ ਯੁਵਾ ਕਨਿਯੋ ਕਨਿਟ੍ਠੋ.

ਇਯਇਟ੍ਠੇਸੁ ਵੀ+ਮਨ੍ਤੁ+ਵਨ੍ਤੂਨਂ ਲੋਪੋ. ਅਤਿਸਯੇਨ ਮੇਧਾਵੀ ਮੇਧਿਯੋ ਮੇਧਿਟ੍ਠੋ. ਅਤਿਸਯੇਨ ਸਤਿਮਾ ਸਤਿਯੋ ਸਤਿਟ੍ਠੋ. ਅਤਿਸਯੇਨ ਗੁਣਵਾ ਗੁਣਿਯੋ ਗੁਣਿਟ੍ਠੋ. ਏਤ੍ਥ ਯਥਾਕ੍ਕਮਂ ਮਨ੍ਤ੍ਵਤ੍ਥੇ ਵੀ+ਮਨ੍ਤੁ+ਵਨ੍ਤੁ ਹੋਤਿ.

ਲ੍ਲਪਚ੍ਚਯੋ ¶ ਹੋਤਿ ਦੁਤਿਯਨ੍ਤਾ ਤਨ੍ਨਿਸ੍ਸਿਤਤ੍ਥੇ. ਵੇਦਂ ਨਿਸ੍ਸਿਤਂ ਵੇਦਲ੍ਲਂ. ਦੁਟ੍ਠੁ ਨਿਸ੍ਸਿਤਂ ਦੁਟ੍ਠੁਲ੍ਲਂ. ਵੇਦਨ੍ਤਿ ਤੁਟ੍ਠਿ. ਇਲ੍ਲੇ ਸਙ੍ਖਾਰਂ ਨਿਸ੍ਸਿਤਂ ਸਙ੍ਖਾਰਿਲ੍ਲਂ.

੬੬. ਤਸ੍ਸ ਵਿਕਾਰਾਵਯਵੇਸੁ ਣ+ਣਿਕ+ਣੇਯ੍ਯ+ਮਯਾ

ਪਕਤਿਯਾ ਉਤ੍ਤਰ+ਮਵਤ੍ਥਨ੍ਤਰਂ ਵਿਕਾਰੋ. ਛਟ੍ਠਿਯਨ੍ਤਾ ਨਾਮਸ੍ਮਾ ਵਿਕਾਰੇ+ਵਯਵੇ ਚ ਣਾਦਯੋ ਹੋਨ੍ਤਿ ਬਹੁਲਂ. ਣ-ਅਯਸੋ ਵਿਕਾਰੋ ਆਯਸਂ ਬਨ੍ਧਨਂ, ਸਕਾਗਮੋ. ਉਦੁਮ੍ਬਰਸ੍ਸ ਅਵਯਵੋ ਵਿਕਾਰੋ ਵਾ ਓਦੁਮ੍ਬਰਂ ਭਸ੍ਮਂ ਪਣ੍ਣਂ ਵਾ. ਕਾਪੋਤਂ ਮਂਸਂ ਸਤ੍ਤਿ ਵਾ. ਣਿਕ-ਕਪ੍ਪਾਸਸ੍ਸ ਵਿਕਾਰੋ ਕਪ੍ਪਾਸਿਕਂ ਵਤ੍ਥਂ. ਣੇਯ੍ਯ-ਏਣਿਸ੍ਸ ਵਿਕਾਰੋ+ਵਯਵੋ ਵਾ ਏਣੇਯ੍ਯਂ. ਕੋਸਾਨਂ ਵਿਕਾਰੋ ਕੋਸੇਯ੍ਯਂ ਵਤ੍ਥਂ. ਮਯ-ਤਿਣਾਨਂ ਵਿਕਾਰੋ ਤਿਣਮਯਂ, ਦਾਰੁਮਯਂ, ਨਲ਼ਮਯਂ, ਮਤ੍ਤਿਕਾਮਯਂ, ਸੁਵਣ੍ਣਮਯੋ ਰਥੋ, ਰੂਪਿਯਮਯਂ. ‘‘ਅਞ੍ਞਸ੍ਮਿਂ’’ਤਿ ਮਯੋ, ਗੁਨ੍ਨਂ ਕਰੀਸਂ ਗੋਮਯਂ.

ਵਿਕਾਰਾਵਯਵੇਸੁ ਜਤੁਤੋ ਸ੍ਸਣ ਵਾ ਹੋਤਿ. ਏਤ੍ਥ ‘‘ਵਿਕਾਰਾਵਯਵੇਸੂ’’ਤਿ ਵਤ੍ਤਨ੍ਤੇਸੁਪਿ ਬਹੁਲਾਧਿਕਾਰਾ ਵਿਕਾਰੇਯੇਵ ਹੋਤਿ. ਜਤੁਨੋ ਵਿਕਾਰੋ ਜਾਤੁਸ੍ਸਂ ਜਤੁਮਯਂ.

ਬਹੁਲਂ ਪਚ੍ਚਯਲੋਪੋਪਿ. ‘‘ਫਲਿਤਸ੍ਸ ਰੁਕ੍ਖਸ੍ਸ ਫਲ+ਮਵਯਵੋ ਵਿਕਾਰੋ ਚ, ਪਲ੍ਲਵਿਤਸ੍ਸੇਵ ਪਲ੍ਲਵਂ’’ਤਿ ਵੁਤ੍ਤਤ੍ਤਾ ਫਲਾਦਯੋ ¶ ਅਵਯਵਾ ਵਿਕਾਰਾ ਚ ਹੋਨ੍ਤਿ, ਤਸ੍ਮਾ ਇਦਂ ਵੁਚ੍ਚਤਿ ਫਲਪੁਪ੍ਫਮੂਲੇਸੁ ਵਿਕਾਰਾਵਯਵੇਸੁ-ਪਿਯਾਲਸ੍ਸ ਫਲਾਨਿ ਪਿਯਾਲਾਨਿ, ਮਲ੍ਲਿਕਾਯ ਪੁਪ੍ਫਾਨਿ ਮਲ੍ਲਿਕਾ, ਉਸੀਰਸ੍ਸ ਮੂਲਂ ਉਸੀਰਂ. ਤਂਸਦ੍ਦੇਨ ਵਾ ਤਦਭਿਧਾਨਂ ਅਭੇਦੋਪਚਾਰੇਨ, ਤਸ੍ਮਾ ਪਚ੍ਚਯਲੋਪਂ ਵਿਨਾਪਿ ਸਿਜ੍ਝਤਿ.

ਛਟ੍ਠਿਯਨ੍ਤਾ ਸਮੂਹੇ ਕਣ+ਣ+ਣਿਕਾ ਹੋਨ੍ਤਿ. ਗੋਤ੍ਤਪਚ੍ਚਯਨ੍ਤਾ ਕਣ-ਰਾਜਞ੍ਞਾਨਂ ਸਮੂਹੋ ਰਾਜਞ੍ਞਕਂ, ਮਾਨੁਸਕਂ. ਉਕ੍ਖਾਦੀਹਿ ਉਕ੍ਖਾਨਂ ਸਮੂਹੋ ਓਕ੍ਖਕਂ, ‘‘ਸਂਯੋਗੇ ਕ੍ਵਚੀ’’ਤਿ ਓਕਾਰੋ. ਓਟ੍ਠਕਂ. ਉਰਬ੍ਭਾਨਂ ਸਮੂਹੋ ਓਰਬ੍ਭਕਂ. ਰਾਜਕਂ, ਰਾਜਪੁਤ੍ਤਕਂ, ਹਤ੍ਥਿਕਂ, ਧੇਨੁਕਂ, ਮਾਯੂਰਕਂ, ਕਾਪੋਤਕਂ, ਮਾਹਿਸਕਂ. ਣ-ਕਾਕਾਨਂ ਸਮੂਹੋ ਕਾਕਂ, ਭਿਕ੍ਖਂ. ਣਿਕ ਅਚਿਤ੍ਤਾ-ਅਪੂਪਾਨਂ ਸਮੂਹੋ ਆਪੂਪਿਕਂ, ਸਂਕੁਲਿਕਂ.

ਸਮੂਹਤ੍ਥੇ ਤਾ. ਜਨਾਨਂ ਸਮੂਹੋ ਜਨਤਾ, ਗਜਤਾ, ਬਨ੍ਧੁਤਾ, ਗਾਮਤਾ, ਸਹਾਯਤਾ, ਨਾਗਰਤਾ. ਤਾਨ੍ਤਾ ਸਭਾਵਤੋ ਇਤ੍ਥਿਲਿਙ੍ਗਾ.

ਮਦਨੀਯਨ੍ਤਿ ਕਰਣੇ+ਧਿਕਰਣੇ ਵਾ ਅਨੀਯੇਨ ਸਿਦ੍ਧਂ. ਧੂਮਾਯਿਤਤ੍ਤਨ੍ਤਿਕ੍ਤਨ੍ਤਾ ਨਾਮਧਾਤੁਤੋ ਤ੍ਤੇਨ ਸਿਦ੍ਧਂ, ਧੂਮੋ ਵਿਯ ਆਚਰਤੀਤਿ ‘‘ਕਤ੍ਤੁਤਾ+ਯੋ’’ਤਿ ਆਯੇ ‘‘ਗਮਨਤ੍ਥਾਕਮ੍ਮਕਾਧਾਰੇ ਚਾ’’ਤਿ ਕ੍ਤਪਚ੍ਚਯੇ ਊਆਗਮੇ ਚ ਕਤੇ ਧੂਮਾਯਿਤਸ੍ਸ ਭਾਵੋਤਿ ਧੂਮਾਯਿਤਤ੍ਤਂ.

ਹਿਤਤ੍ਥੇ ¶ ਇਯੋ. ਉਪਾਦਾਨਾਨਂ ਹਿਤਂ ਉਪਾਦਾਨਿਯਂ.

ਹਿਤਤ੍ਥੇ ਸ੍ਸੋ. ਚਕ੍ਖੁਨੋ ਹਿਤਂ ਚਕ੍ਖੁਸ੍ਸਂ, ਆਯੁਸ੍ਸਂ.

ਸਤ੍ਤਮ੍ਯਨ੍ਤਾ ਤਤ੍ਥ ਸਾਧੂਤਿ ਅਸ੍ਮਿਂ ਅਤ੍ਥੇ ਣ੍ਯੋ ਹੋਤਿ. ਸਾਧੂਤਿ ਕੁਸਲੋ ਯੋਗ੍ਗੋ ਹਿਤੋ ਵਾ. ਸਭਾਯਂ ਕੁਸਲੋ ਸਬ੍ਭੋ, ਆਕਾਰਲੋਪੋ. ਪਰਿਸਾਯਂ ਸਾਧੁ ਪਾਰਿਸਜ੍ਜੋ, ‘‘ਕੋਸਜ੍ਜਾ’’ਦਿਨਾ ਜਾਗਮੇ ਅਕਾਰਵੁਦ੍ਧਿ. ਮੇਧਾਯ ਹਿਤਂ ਮੇਜ੍ਝਂ ਘਤਂ. ਪਾਦਾਨਂ ਹਿਤਂ ਪਜ੍ਜਂ ਤੇਲਂ. ‘‘ਅਞ੍ਞਸ੍ਮਿਂ’’ਤਿ ਣ੍ਯੋ, ਰਥਂ ਵਹਤੀਤਿ ਰਚ੍ਛਾ.

ਕਮ੍ਮਸਦ੍ਦਾ ਸਾਧ੍ਵਤ੍ਥੇ ਨਿਯ+ਞ੍ਞਾ ਹੋਨ੍ਤਿ. ਕਮ੍ਮੇ ਸਾਧੁ ਕਮ੍ਮਨਿਯਂ ਕਮ੍ਮਞ੍ਞਂ.

ਇਕੋ. ਕਥਾਯਂ ਕੁਸਲੋ ਕਥਿਕੋ. ਧਮ੍ਮਕਥਿਕੋ, ਸਙ੍ਗਾਮਿਕੋ, ਪਵਾਸਿਕੋ, ਉਪਵਾਸਿਕੋ.

ਣੇਯ੍ਯੋ. ਪਥੇ ਹਿਤਂ ਪਾਥੇਯ੍ਯਂ, ਸਪਤਿਸ੍ਮਿਂ ਹਿਤਂ ਸਾਪਤੇਯ੍ਯਂ ਧਨਂ. ਪਦੀਪੇਯ੍ਯਂ ਤੇਲਂ.

ਅਰਹਤ੍ਥੇ ¶ ਣੇਯ੍ਯੋ. ਦਕ੍ਖਿਣਂ ਅਰਹਤੀਤਿ ਦਕ੍ਖਿਣੇਯ੍ਯੋ.

ਅਰਹਤ੍ਥੇ ਤੁਮਨ੍ਤਾ ਰਾਯੋ ਵਾ. ਘਾਤੇਤੁਂ ਅਰਹਤੀਤਿ ਘਾਤੇਤਾਯਂ, ‘‘ਰਾਨੁਬਨ੍ਧੇ+ਨ੍ਤਸਰਾਦਿਸ੍ਸਾ’’ਤਿ ਉਂਲੋਪੋ. ਜਾਪੇਤਾਯਂ, ਪਬ੍ਬਾਜੇਤਾਯਂ. ਵਾਤਿ ਕਿਂ, ਘਾਤੇਤੁਂ. (ਸਂਕਿਣ੍ਣਤਦ੍ਧਿਤਂ).

ਪਠਮਨ੍ਤਾ ਏਤ੍ਥ ਅਸ੍ਸ ਅਤ੍ਥੀਤਿ ਏਤੇਸ੍ਵ+ਤ੍ਥੇਸੁ ਮਨ੍ਤੁ ਹੋਤਿ. ਗਾਵੋ ਏਤ੍ਥ ਦੇਸੇ ਅਸ੍ਸ ਵਾ ਪੁਰਿਸਸ੍ਸ ਸਨ੍ਤੀਤਿ ਗੋਮਾ, ਗੋਮਨ੍ਤੋ ਇਚ੍ਚਾਦਿ ਗੁਣਵਨ੍ਤੁਸਮਂ.

ਅਤ੍ਥੀਤਿ ਵਤ੍ਤਮਾਨਕਾਲੋਪਾਦਾਨਤੋ ਭੂਤਾਹਿ ਭਵਿਸ੍ਸਨ੍ਤੀਹਿ ਵਾ ਗੋਹਿ ਨ ਗੋਮਾ. ਕਥਂ ਗੋਮਾ ਆਸਿ, ਗੋਮਾ ਭਵਿਸ੍ਸਤੀਤਿ. ਤਦਾਪਿ ਵਤ੍ਤਮਾਨਾਹਿਯੇਵ ਗੋਹਿ ਗੋਮਾ, ਆਸਿ ਭਵਿਸ੍ਸਤੀਤਿ ਪਦਨ੍ਤਰਾ ਕਾਲਨ੍ਤਰਂ. ਇਤਿਸਦ੍ਦਤੋ ਵਿਸਯਨਿਯਮੋ. ਵੁਤ੍ਤਞ੍ਹਿ –

ਪਹੂਤੇ ਚ ਪਸਂਸਾਯਂ, ਨਿਨ੍ਦਾਯਞ੍ਚਾ+ਤਿਸਾਯਨੇ;

ਨਿਚ੍ਚਯੋਗੇ ਚ ਸਂਸਗ੍ਗੇ, ਹੋਨ੍ਤਿ+ਮੇ ਮਨ੍ਤੁਆਦਯੋਤਿ.

ਮਨ੍ਤੁਮ੍ਹਿ ਆਯੁਸ੍ਸ ਆਯਸਾਦੇਸੋ ਹੋਤਿ. ਆਯੁ ਅਸ੍ਸ ਅਤ੍ਥੀਤਿ ਆਯਸ੍ਮਾ. ਗੋ ਅਸ੍ਸੋਤਿ ਜਾਤਿਸਦ੍ਦਾਨਂ ਦਬ੍ਬਾਭਿਧਾਨ- ਸਾਮਤ੍ਥਿਯਾ ¶ ਮਨ੍ਤ੍ਵਾਦਯੋ ਨ ਹੋਨ੍ਤਿ, ਤਥਾ ਗੁਣਸਦ੍ਦਾਨਂ ਸੇਤੋ ਪਟੋਤਿ. ਯੇਸਂ ਤੁ ਗੁਣਸਦ੍ਦਾਨਂ ਦਬ੍ਬਾਭਿਧਾਨਸਾਮਤ੍ਥਿਯਂ ਨਤ੍ਥਿ, ਤੇਹਿ ਹੋਨ੍ਤੇਵ, ਬੁਦ੍ਧਿ ਅਸ੍ਸ ਅਤ੍ਥੀਤਿ ਬੁਦ੍ਧਿਮਾ. ‘‘ਵਨ੍ਤ੍ਵ+ਵਣ੍ਣਾ’’ਤਿ ਵਨ੍ਤੁਮ੍ਹਿ ਰੂਪਵਾ ਰਸਵਾ ਗਨ੍ਧਵਾ ਸਦ੍ਦਵਾ. ‘‘ਦਣ੍ਡਾਦਿਤ੍ਵਿ+ਕਈ ਵਾ’’ਤਿ ਇਕ+ਈ, ਰਸੀ ਰਸਿਕੋ, ਰੂਪੀ ਰੂਪਿਕੋ, ਗਨ੍ਧੀ ਗਨ੍ਧਿਕੋਤਿ.

ਵਨ੍ਤੁ. ਪਸਤ੍ਥਂ ਸੀਲ+ਮਸ੍ਸ ਅਤ੍ਥੀਤਿ ਸੀਲਵਾ. ਪਹੁਤਾ ਪਸਤ੍ਥਾ ਵਾ ਪਞ੍ਞਾ ਅਸ੍ਸ ਅਤ੍ਥੀਤਿ ਪਞ੍ਞਵਾ.

ਇਕ+ਈ ਹੋਨ੍ਤਿ ਵਾ ਮਨ੍ਤਤ੍ਥੇ. ਬਹੁਲਂਵਿਧਾਨਾ ਕੁਤੋਚਿਸਦ੍ਦਤੋ ਦ੍ਵੇ ਹੋਨ੍ਤਿ, ਕੁਤੋ ਚੇ+ਕਮੇਕਂਵ. ਨਿਚ੍ਚਯੁਤ੍ਤੋ ਦਣ੍ਡੋ ਅਸ੍ਸ ਅਤ੍ਥੀਤਿ ਦਣ੍ਡਿਕੋ ਦਣ੍ਡੀ. ਗਨ੍ਧਿਕੋ ਗਨ੍ਧੀ. ਵਾਤ੍ਵੇਵ, ਦਣ੍ਡਵਾ.

‘‘ਉਤ੍ਤਮਿਣੇਵ ਧਨਾ ਇਕੋ’’ਤਿ ਗਣਸੁਤ੍ਤੇਨ ਇਕੋ ਧਨਿਕੋ. ਅਞ੍ਞੋ ਧਨੀ ਧਨਵਾ.

‘‘ਅਸਨ੍ਨਿਹਿਤੇ ਅਤ੍ਥਾ’’ ਅਸਨ੍ਨਿਹਿਤੋ ਅਤ੍ਥੋ ਅਸ੍ਸ ਅਤ੍ਥੀਤਿ ਅਤ੍ਥਿਕੋ ਅਤ੍ਥੀ. ਸਨ੍ਨਿਹਿਤੇ ਅਤ੍ਥਵਾ. ‘‘ਤਦਨ੍ਤਾ ਚ’’ ਪੁਞ੍ਞਤ੍ਥੋ ਅਸ੍ਸ ਅਤ੍ਥੀਤਿ ਪੁਞ੍ਞਤ੍ਥਿਕੋ ਪੁਞ੍ਞਤ੍ਥੀ.

‘‘ਵਣ੍ਣਨ੍ਤਾ ਈਯੇਵ’’. ਬ੍ਰਹ੍ਮਵਣ੍ਣਂ ਅਸ੍ਸ ਅਤ੍ਥੀਤਿ ਬ੍ਰਹ੍ਮਵਣ੍ਣੀ, ਦੇਵਵਣ੍ਣੀ.

‘‘ਹਤ੍ਥਦਨ੍ਤੇਹਿ ¶ ਜਾਤਿਯਂ’’. ਹਤ੍ਥ+ਮਸ੍ਸ ਅਤ੍ਥੀਤਿ ਹਤ੍ਥੀ, ਦਨ੍ਤੀ. ਅਞ੍ਞਤ੍ਰ ਹਤ੍ਥਵਾ ਦਨ੍ਤਵਾ.

‘‘ਵਣ੍ਣਤੋ ਬ੍ਰਹ੍ਮਚਾਰਿਮ੍ਹਿ’’. ਵਣ੍ਣੋ ਅਸ੍ਸ ਅਤ੍ਥੀਤਿ ਵਣ੍ਣਿਕੋ ਬ੍ਰਹ੍ਮਚਾਰੀ.

‘‘ਪੋਕ੍ਖਰਾਦਿਤੋ ਦੇਸੇ’’. ਪੋਕ੍ਖਰਂ ਜਲਂ ਪਦੁਮਂ ਵਾ ਅਸ੍ਸ ਅਤ੍ਥੀਤਿ ਪੋਕ੍ਖਰੀ, ‘‘ਯੁਵਣ੍ਣੇਹਿ ਨੀ’’ਤਿ ਨੀਮ੍ਹਿ ‘‘ਘਰਣ੍ਯਾਦਯੋ’’ਤਿ ਈਸ੍ਸ ਅਤ੍ਤਂ, ਨਸ੍ਸ ਣੋ ਚ, ਪੋਕ੍ਖਰਣੀ, ਉਪ੍ਪਲਿਨੀ, ਕੁਮੁਦਿਨੀ, ਭਿਸਿਨੀ, ਮੁਲਾਲਿਨੀ, ਸਾਲੁਕਿਨੀ.

‘‘ਕ੍ਵਚਾ+ਦੇਸੇਪਿ’’. ਪਦੁਮ+ਮਸ੍ਸ ਅਤ੍ਥੀਤਿ ਪਦੁਮੀ ਪਦੁਮਿਨੀ ਪਦੁਮਿਨੀਪਣ੍ਣਂ. ਦੇਸਤੋ+ਞ੍ਞਤ੍ਰ ਪੋਕ੍ਖਰਵਾ ਹਤ੍ਥੀ.

‘‘ਨਾਵਾਯਿ+ਕੋ’’ ਨਾਵਿਕੋ. ਸਿਖੀ, ਬਾਲੀ, ਸੀਲੀ, ਬਲੀ.

‘‘ਸੁਖਦੁਕ੍ਖਾ ਈ’’. ਸੁਖੀ ਦੁਕ੍ਖੀ. ‘‘ਬਲਾ ਬਾਹੂਰੁਪੁਬ੍ਬਾ ਚ’’. ਬਾਹੁਬਲੀ, ਊਰੁਬਲੀ.

ਸ੍ਸੀ. ਤਪੋ ਅਸ੍ਸ ਅਤ੍ਥੀਤਿ ਤਪਸ੍ਸੀ, ਯਸਸ੍ਸੀ, ਤੇਜਸ੍ਸੀ, ਮਨਸ੍ਸੀ, ਪਯਸ੍ਸੀ. ਵਾਤ੍ਵੇਵ, ਯਸਵਾ.

ਰੋ. ਨਿਨ੍ਦਿਤਂ ਮੁਖ+ਮਸ੍ਸ ਅਤ੍ਥੀਤਿ ਮੁਖਰੋ. ਸੁਸਿ=ਛਿਦ੍ਦਂ ਅਸ੍ਸ ਅਤ੍ਥੀਤਿ ਸੁਸਿਰੋ. ਊਸੋ=ਖਾਰਮਤ੍ਤਿਕਾ ਅਸ੍ਮਿਂ ਅਤ੍ਥੀਤਿ ਊਸਰੋ ¶ . ਮਧੁਰੋ ਗੁਲ਼ੋ, ਮਧੁਰਾ ਸਕ੍ਖਰਾ, ਮਧੁਰਂ ਖੀਰਂ. ਖਂ=ਗੀਵਾਯ ਵਿਵਰਂ ਅਸ੍ਸ ਅਤ੍ਥੀਤਿ ਖਰੋ ਗਦ੍ਰਭੋ. ਕੁਞ੍ਜੋ=ਹਨੁ ਅਸ੍ਸ ਅਤ੍ਥੀਤਿ ਕੁਞ੍ਜਰੋ. ਨਗਰੋ.

‘‘ਦਨ੍ਤਸ੍ਸ ਚ ਉਨ੍ਨਤਦਨ੍ਤੇ’’ਤਿ ਗਣਸੁਤ੍ਤੇਨ ਦਨ੍ਤਸ੍ਸ ਉ ਚ, ਉਨ੍ਨਤਂ ਦਨ੍ਤ+ਮਸ੍ਸ ਅਤ੍ਥੀਤਿ ਦਨ੍ਤੁਰੋ.

ਭੋ ਵਾ. ਤੁਟ੍ਠਿ ਅਸ੍ਸ ਅਤ੍ਥੀਤਿ ਤੁਟ੍ਠਿਭੋ, ਸਾਲਿਭੋ, ਵਾਲਿਭੋ.

ਇਤਿ ਵਾ ਅ ਹੋਤਿ. ਅਤਿਸਯਾ ਸਦ੍ਧਾ ਅਸ੍ਸ ਅਤ੍ਥੀਤਿ ਸਦ੍ਧੋ, ਪਞ੍ਞੋ, ਪਞ੍ਞਵਾ, ਸਦ੍ਧਾ ਕਞ੍ਞਾ, ਸਦ੍ਧਂ ਕੁਲਂ.

ਆਲੁ ਵਾ. ਅਭਿਜ੍ਝਾ ਅਸ੍ਸ ਅਤ੍ਥੀਤਿ ਅਭਿਜ੍ਝਾਲੁ, ਸੀਤਾਲੁ, ਧਜਾਲੁ, ਦਯਾਲੁ, ਦਯਾਵਾ. ਅਭਿਜ੍ਝਾਲੁ ਏਵ ਅਭਿਜ੍ਝਾਲੁਕੋ.

ਇਲੋ ਵਾ. ਪਿਚ੍ਛ+ਮਸ੍ਸ ਅਤ੍ਥੀਤਿ ਪਿਚ੍ਛਿਲੋ, ਪਿਚ੍ਛਵਾ. ਫੇਣਿਲੋ, ਜਟਿਲੋ, ਤੁਣ੍ਡਿਲੋ. ਨਿਨ੍ਦਿਤਾ ਵਾਚਾ ਅਸ੍ਸ ਅਤ੍ਥੀਤਿ ਵਾਚਾਲੋਤਿ ਪਰਸ੍ਸਰਲੋਪੋ.

ਵੋ ¶ ਹੋਤਿ ਵਾ. ਸੀਲਵੋ, ਸੀਲਵਾ. ਕੇਸਵੋ, ਕੇਸਵਾ.

‘‘ਅਣ੍ਣਾ ਨਿਚ੍ਚਂ’’ ਅਣ੍ਣਵੋ. ‘‘ਗਣ੍ਡੀਰਾਜੀਹਿ ਸਞ੍ਞਾਯਂ’’ ਗਣ੍ਡੀ=ਮੇਣ੍ਡਸਿਙ੍ਗਂ ਅਸ੍ਸ ਅਤ੍ਥੀਤਿ ਗਣ੍ਡੀਵਂ ਧਨੁ, ਰਾਜੀਵਂ ਪਙ੍ਕਜਂ.

ਵੀ. ਮਾਯਾਵੀ, ਮੇਧਾਵੀ ਪੁਮਾ. ਨੀਮ੍ਹਿ ਮੇਧਾਵਿਨੀ. ਮੇਧਾਵੀ ਕੁਲਂ, ‘‘ਏਕਵਚਨਯੋਸ੍ਵ+ਘੋਨਂ’’ਤਿ ਸਿਮ੍ਹਿ ਰਸ੍ਸੋ. ਏਵਂ ਮਾਯਾਵੀ.

ਇਸ੍ਸਰੇ+ਭਿਧੇਯ੍ਯੇ ਸਸਦ੍ਦਾ ਆਮੀ+ਉਵਾਮੀ ਹੋਨ੍ਤਿ ਮਨ੍ਤ੍ਵਤ੍ਥੇ. ਸਂ=ਆਯਤ੍ਤਂ ਅਸ੍ਸ ਅਤ੍ਥੀਤਿ ਸਾਮੀ ਸੁਵਾਮੀ. ਸੁਵਾਮਿਨੀ ਕਞ੍ਞਾ.

ਲਕ੍ਖੀਸਦ੍ਦਾ ਣੋ ਹੋਤਿ ਮਨ੍ਤ੍ਵਤ੍ਥੇ ਅ ਚ+ਨ੍ਤਸ੍ਸ. ਲਕ੍ਖੀ ਅਸ੍ਸ ਅਤ੍ਥੀਤਿ ਲਕ੍ਖਣੋ.

ਅਙ੍ਗਸ੍ਮਾ ਨੋ ਹੋਤਿ. ਕਲ੍ਯਾਣਾਨਿ ਸੋਭਣਾਨਿ ਅਙ੍ਗਾਨਿ ਅਸ੍ਸਾ ਅਤ੍ਥੀਤਿ ਅਙ੍ਗਨਾ.

ਲੋਮਾ ¶ ਸੋ, ਪਹੂਤਾ ਲੋਮਾ ਅਸ੍ਸ ਅਤ੍ਥੀਤਿ ਲੋਮਸੋ, ਲੋਮਸਾ ਕਞ੍ਞਾ.

ਇਮ+ਇਯਾ ਹੋਨ੍ਤਿ, ਪੁਤ੍ਤੋ ਅਸ੍ਸ ਅਤ੍ਥੀਤਿ ਪੁਤ੍ਤਿਮੋ, ਕਿਤ੍ਤਿਮੋ, ਪੁਤ੍ਤਿਯੋ, ਕਪ੍ਪਿਯੋ, ਜਟਿਯੋ, ਹਾਨਭਾਗਿਯੋ, ਸੇਨਿਯੋ. (ਅਤ੍ਥ੍ਯਤ੍ਥਤਦ੍ਧਿਤਂ).

ਪਞ੍ਚਮ੍ਯਨ੍ਤਾ ਬਹੁਲਂ ਤੋ ਹੋਤਿ ਵਾ. ਤੋਆਦਿਪਚ੍ਚਯਨ੍ਤਾ ਨਿਪ੍ਫਨ੍ਨਨਿਪਾਤਾ, ਤੇਹਿ ਪਰਾਸਂ ਵਿਭਤ੍ਤੀਨਂ ‘‘ਅਸਂਖ੍ਯੇਹਿ ਸਬ੍ਬਾਸਂ’’ਤਿ ਲੋਪੋਵ. ਗਾਮਤੋ ਆਗਚ੍ਛਤੀਤਿ ਗਾਮਸ੍ਮਾ ਆਗਚ੍ਛਤਿ, ਚੋਰਤੋ ਭਾਯਤੀਤਿ ਚੋਰੇਹਿ ਭਾਯਤਿ, ਸਤ੍ਥਤੋ ਪਰਿਹੀਨੋ ਸਤ੍ਥਾ ਪਰਿਹੀਨੋ. ਏਵਂ ਪੁਰਿਸਤੋ, ਰਾਜਤੋ, ਅਗ੍ਗਿਤੋ, ਹਤ੍ਥਿਤੋ, ਹੇਤੁਤੋ, ਯੁਤ੍ਤਿਤੋ, ਇਤ੍ਥਿਤੋ, ਭਿਕ੍ਖੁਨਿਤੋ, ਯਾਗੁਤੋ, ਜਮ੍ਬੁਤੋ, ਚਿਤ੍ਤਤੋ, ਆਯੁਤੋ. ਸਬ੍ਬਾਦਿਤੋ-ਸਬ੍ਬਤੋ, ਯਤੋ, ਤਤੋ ਇਚ੍ਚਾਦਿ.

ਤੋਮ੍ਹਿ ਇਮਸ੍ਸ ਟਿ ਨਿਪਚ੍ਚਤੇ ਏਤਸ੍ਸ ਟ+ਏਟ ਕਿਂ ਸਦ੍ਦਸ੍ਸ ਕੁਤ੍ਤਞ੍ਚ. ਇਤੋ ਇਮਸ੍ਮਾ, ਅਤੋ ਏਤ੍ਤੋ ਏਤਸ੍ਮਾ, ਕੁਤੋ ਕਸ੍ਮਾ.

ਤੋ. ਅਭਿਤੋ, ਪਰਿਤੋ, ਪਚ੍ਛਤੋ, ਹੇਟ੍ਠਤੋ.

ਸਤ੍ਤਮ੍ਯਨ੍ਤੇਹਿ ¶ ਤੋ ਹੋਤਿ. ਆਦੋ ਆਦਿਤੋ, ਮਜ੍ਝਤੋ, ਅਨ੍ਤਤੋ, ਪਿਟ੍ਠਿਤੋ, ਪਸ੍ਸਤੋ, ਮੁਖਤੋ. ਪਠਮਨ੍ਤਾ ਯਤੋ+ਦਕਂ ਤ+ਦਾਦਿਤ੍ਤਂ, ਯਂ ਉਦਕਂ, ਤਦੇਵਾ+ਦਿਤ੍ਤਨ੍ਤਿ ਅਤ੍ਥੋ.

੯੯. ਸਬ੍ਬਾਦਿਤੋ ਸਤ੍ਤਮ੍ਯਾ ਤ੍ਰ+ਤ੍ਥਾ

ਸਬ੍ਬਾਦੀਹਿ ਸਤ੍ਤਮ੍ਯਨ੍ਤੇਹਿ ਤ੍ਰ+ਤ੍ਥਾ ਵਾ ਹੋਨ੍ਤਿ. ਸਬ੍ਬਤ੍ਰ ਸਬ੍ਬਤ੍ਥ ਸਬ੍ਬਸ੍ਮਿਂ, ਯਤ੍ਰ ਯਤ੍ਥ, ਤਤ੍ਰ ਤਤ੍ਥ ਇਚ੍ਚਾਦਿ. ਬਹੁਲਾਧਿਕਾਰਾ ਨ ਤੁਮ੍ਹਅਮ੍ਹੇਹਿ.

੧੦੦. ਕਤ੍ਥੇ+ਤ੍ਥ+ਕੁਤ੍ਰਾ+ਤ੍ਰ ਕ੍ਵੇ+ਹਿ+ਧ

ਏਤੇਹਿ ‘‘ਸਬ੍ਬਾਦਿਤੋ’’ਤਿਆਦਿਨਾ ਤ੍ਰ+ਤ੍ਥਾ. ਸੇਸਾਦੇਸਾ ਚ ਪਚ੍ਚਯਾ ਚ ਇਮਿਨਾਵ ਨਿਪਚ੍ਚਨ੍ਤੇ. ਇਮਿਨਾ ਕਿਸ੍ਸ ਕ+ਕੁ ਚ, ਏਤਸ੍ਸ ਟੇ+ਟਾ ਚ, ਵਪਚ੍ਚਯੇ ਕਿਸ੍ਸ ਇਲੋਪੋ ਚ, ਹ+ਧਪਚ੍ਚਯੇਸੁ ਇਮਸ੍ਸ ਟਿ ਚ ਨਿਪਚ੍ਚਤੇ. ਕਸ੍ਮਿਂ ਕਤ੍ਥ ਕੁਤ੍ਰ ਕ੍ਵ, ਏਤਸ੍ਮਿਂ ਏਤ੍ਥ ਅਤ੍ਰ, ਇਮਸ੍ਮਿਂ ਇਹ ਇਧ.

ਸਬ੍ਬਸ੍ਮਾ ਧਿ ਵਾ. ਸਬ੍ਬਸ੍ਮਿਂ ਸਬ੍ਬਧਿ ਸਬ੍ਬਤ੍ਰ.

ਤਸਦ੍ਦਾ ਹਂ ਹੋਤਿ ਹਿਞ੍ਚ. ਤਹਂ ਤਹਿਂ ਤਤ੍ਰ.

ਹਿਂ ¶ ਹਂ ਨਿਪਚ੍ਚਨ੍ਤੇ ਕਿਸ੍ਸ ਕੁ+ਕਾ ਚ. ਕੁਹਿਂ ਕਹਂ. ਕੁਹਿਞ੍ਚਨਂਤਿ ਨਿਪਾਤਨ੍ਤਰਂ.

ਏਤੇਹਿ ਕਾਲੇ ਦਾ ਹੋਤਿ ਵਾ. ਸਬ੍ਬਸ੍ਮਿਂ ਕਾਲੇ ਸਬ੍ਬਦਾ, ਏਕਦਾ, ਅਞ੍ਞਦਾ, ਯਦਾ, ਤਦਾ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ. ਕਸ੍ਮਿਂਕਾਲੇ ਕਦਾ ਕੁਦਾ, ਸਬ੍ਬਸ੍ਮਿਂ ਕਾਲੇ ਸਦਾ, ਇਮਸ੍ਮਿਂ ਕਾਲੇ ਅਧੁਨਾ ਇਦਾਨਿ.

੧੦੭. ਅਜ੍ਜ ਸਜ੍ਜ੍ਵ+ਪਰਜ੍ਜ੍ਵੇ+ਤਰਹਿ ਕਰਹਾ

ਪਕਤਿ ਪਚ੍ਚਯੋ ਆਦੇਸੋ ਕਾਲਵਿਸੇਸੋਤਿ ਸਬ੍ਬ+ਮੇਤਂ ਨਿਪਾਤਨਾ ਲਬ੍ਭਤਿ. ਇਮਸ੍ਸ ਟੋ ਜ੍ਜੋ ਚਾ+ਹਨਿ ਨਿਪਚ੍ਚਨ੍ਤੇ, ਅਸ੍ਮਿਂ ਅਹਨਿ ਅਜ੍ਜ. ਸਮਾਨਸ੍ਸ ਸ-ਭਾਵੋ ਜ੍ਜੁ ਚਾ+ਹਨਿ. ਸਮਾਨੇ ਅਹਨਿ ਸਜ੍ਜੁ. ਅਪਰਸ੍ਮਾ ਜ੍ਜੁ, ਅਪਰਸ੍ਮਿਂ ਅਹਨਿ ਅਪਰਜ੍ਜੁ. ਇਮਸ੍ਸ ਏਤੋ, ਕਾਲੇ ਰਹਿ ਚ, ਇਮਸ੍ਮਿਂਕਾਲੇ ਏਤਰਹਿ. ਕਿਂ ਸਦ੍ਦਸ੍ਸ ਕੋ, ਰਹ ਚਾ+ਨਜ੍ਜਤਨੇ. ਕਸ੍ਮਿਂ ਕਾਲੇ ਕਰਹ.

ਸਾਮਞ੍ਞਸ੍ਸ ਭੇਦਕੋ ਵਿਸੇਸੋ ਪਕਾਰੋ, ਤਸ੍ਮਿਂ ਥਾਪਚ੍ਚਯੋ ਹੋਤਿ. ਸਬ੍ਬੇਨ ਪਕਾਰੇਨ ਸਬ੍ਬਥਾ, ਯਥਾ, ਤਥਾ.

ਕਿ+ਮਿਮੇਹਿ ¶ ਥਂਪਚ੍ਚਯੋ, ਕ+ਇਤ੍ਤਂ ਤੇਸਂ ਯਥਾਕ੍ਕਮਂ. ਕੇਨ ਪਕਾਰੇਨ ਕਥਂ, ਇਮਿਨਾ ਪਕਾਰੇਨ ਇਤ੍ਥਂ.

ਪਕਾਰੇ ਧਾ ਹੋਤਿ. ਦ੍ਵੀਹਿ ਪਕਾਰੇਹਿ ਦ੍ਵੇ ਵਾ ਪਕਾਰੇ ਕਰੋਤਿ ਦ੍ਵਿਧਾ ਕਰੋਤਿ, ਬਹੁਧਾ ਕਰੋਤਿ, ਏਕਂ ਰਾਸਿਂ ਪਞ੍ਚਪ੍ਪਕਾਰਂ ਕਰੋਤਿ ਪਞ੍ਚਧਾ ਕਰੋਤਿ. ਪਞ੍ਚਪ੍ਪਕਾਰ+ਮੇਕਪ੍ਪਕਾਰਂ ਕਰੋਤਿ ਏਕਧਾ ਕਰੋਤਿ.

ਏਕਸ੍ਮਾ ਪਕਾਰੇ ਜ੍ਝਂ ਵਾ ਹੋਤਿ. ਏਕੇਨ ਪਕਾਰੇਨ ਏਕਂ ਵਾ ਪਕਾਰਂ ਕਰੋਤਿ ਏਕਜ੍ਝਂ ਕਰੋਤਿ, ਏਕਧਾ ਕਰੋਤਿ ਵਾ.

ਏਧਾ ਵਾ. ਦ੍ਵੀਹਿ ਪਕਾਰੇਹਿ ਦ੍ਵੇ ਵਾ ਪਕਾਰੇ ਕਰੋਤਿ ਦ੍ਵੇਧਾ, ਤੇਧਾ. ਦ੍ਵਿਧਾ ਤਿਧਾ.

ਪਕਾਰਵਤਿ ਤਂਸਾਮਞ੍ਞਵਾਚਕਾ ਸਦ੍ਦਾ ਜਾਤਿਯੋ ਹੋਤਿ. ਪਟੁਜਾਤਿਯੋ, ਮੁਦੁਜਾਤਿਯੋ.

ਵਾਰਸਮ੍ਬਨ੍ਧਿਨਿਯਾ ਸਂਖ੍ਯਾਯ ਕ੍ਖਤ੍ਤੁਂ ਹੋਤਿ. ਦ੍ਵੇ ਵਾਰੇ ਭੁਞ੍ਜਤਿ ਦ੍ਵਿਕ੍ਖਤ੍ਤੁਂ ਦਿਵਸਸ੍ਸ ਭੁਞ੍ਜਤਿ. ਵਾਰਗ੍ਗਹਣਂ ਕਿਂ, ਪਞ੍ਚ ਭੁਞ੍ਜਤਿ. ਸਙ੍ਖ੍ਯਾਯਾਤਿ ਕਿਂ, ਪਹੂਤੇ ਵਾਰੇ ਭੁਞ੍ਜਤਿ.

ਕ੍ਖਤ੍ਤੁਂ ¶ ਹੋਤਿ. ਕਤਿ ਵਾਰੇ ਭੁਞ੍ਜਤਿ ਕਤਿਕ੍ਖਤ੍ਤੁਂ ਭੁਞ੍ਜਤਿ.

੧੧੬. ਬਹੁਮ੍ਹਾ ਧਾ ਚ ਪਚ੍ਚਾਸਤ੍ਤਿਯਂ

ਵਾਰਸਮ੍ਬਨ੍ਧਿਨਿਯਾ ਬਹੁਸਂਖ੍ਯਾਯ ਧਾ ਹੋਤਿ ਕ੍ਖਤ੍ਤੁਞ੍ਚ, ਵਾਰਾਨਂ ਚੇ ਪਚ੍ਚਾਸਤ੍ਤਿ ਹੋਤਿ. ਬਹੁਵਾਰੇ ਭੁਞ੍ਜਤਿ ਬਹੁਧਾ ਦਿਵਸਸ੍ਸ ਭੁਞ੍ਜਤਿ, ਬਹੁਕ੍ਖਤ੍ਤੁਂ ਵਾ. ਪਚ੍ਚਾਸਤ੍ਤਿਯਂਤਿ ਕਿਂ, ਬਹੁਕ੍ਖਤ੍ਤੁਂ ਮਾਸਸ੍ਸ ਭੁਞ੍ਜਤਿ.

ਕਿਂਪਚ੍ਚਯੋ ਏਕਸ੍ਸ ਸਾਦੇਸੋ ਚ ਨਿਪਚ੍ਚਤੇ. ਏਕਂ ਵਾਰਂ ਭੁਞ੍ਜਤਿ ਸਕਿਂ ਭੁਞ੍ਜਤਿ, ਏਕਕ੍ਖਤ੍ਤੁਂ ਵਾ.

ਵਿਚ੍ਛਾਯਂ ਪਕਾਰੇ ਚ ਸੋ ਹੋਤਿ. ਖਣ੍ਡਂ ਖਣ੍ਡਂ ਕਰੋਤਿ ਖਣ੍ਡਸੋ ਕਰੋਤਿ. ਪੁਥੁਪ੍ਪਕਾਰੇਨ ਪੁਥੁਸੋ. ਸਬ੍ਬੇਨ ਪਕਾਰੇਨ ਸਬ੍ਬਸੋ.

੧੧੯. ਅਭੂਤਤਬ੍ਭਾਵੇ ਕਰਾ+ਸ+ਭੂਯੋਗੇ ਵਿਕਾਰਾ ਚੀ

ਅਵਤ੍ਥਾਵਤੋ+ਵਤ੍ਥਨ੍ਤਰੇਨਾ+ਭੂਤਸ੍ਸ ਤਾਯਾ+ਵਤ੍ਥਾਯ ਭਾਵੇ ਕਰਾ+ਸ+ਭੂਹਿ ਸਮ੍ਬਨ੍ਧੇ ਸਤਿ ਵਿਕਾਰਵਾਚਕਾਚੀ ਹੋਤਿ. ਅਧਵਲਂ ਧਵਲਂ ਕਰੋਤਿ ਧਵਲੀ ਕਰੋਤਿ. ਅਧਵਲੋ ਧਵਲੋ ਸਿਯਾ ਧਵਲੀ ਸਿਯਾ. ਅਧਵਲੋ ਧਵਲੋ ਭਵਤਿ ਧਵਲੀ ਭਵਤਿ. ਅਭੂਤਤਬ੍ਭਾਵੇਤਿ ਕਿਂ, ਘਟਂ ਕਰੋਤਿ, ਦਧਿ ਅਤ੍ਥਿ, ਘਟੋ ਭਵਤਿ ¶ . ਕਰਾਸਭੂਯੋਗੇਤਿ ਕਿਂ, ਅਧਵਲੋ ਧਵਲੋ ਜਾਯਤੇ. ਵਿਕਾਰਾਤਿ ਕਿਂ, ਪਕਤਿਯਾ ਮਾ ਹੋਤੁ, ਸੁਵਣ੍ਣਂ ਕੁਣ੍ਡਲੀ ਕਰੋਤਿ. (ਨਿਪਾਤਤਦ੍ਧਿਤਂ).

ਵੁਤ੍ਤਤੋ+ਞ੍ਞੇਪਿ ਪਚ੍ਚਯਾ ਦਿਸ੍ਸਨ੍ਤਿ. ਵਿਵਿਧਾ ਮਾਤਰੋ ਵਿਮਾਤਰੋਤਿ ਵਿਸੇਸਨਸਮਾਸੋ, ਤਾਸਂ ਪੁਤ੍ਤਾ ਵੇਮਾਤਿਕਾਤਿ ਰਿਕਣਪਚ੍ਚਯੇ ਰਾਨੁਬਨ੍ਧਤ੍ਤਾ ਉਲੋਪੇ ਵੁਦ੍ਧਿਮ੍ਹਿ ਕਤੇ ਵੇਮਾਤਿਕਾ. ਪਥਂ ਗਚ੍ਛਨ੍ਤੀਤਿ ਪਥਾਵਿਨੋ, ਆਵੀ. ਇਸ੍ਸਾ ਅਸ੍ਸ ਅਤ੍ਥੀਤਿ ਇਸ੍ਸੁਕੀ, ਉਕੀ. ਧੁਰਂ ਵਹਨ੍ਤੀਤਿ ਧੋਰਯ੍ਹਾ, ਯ੍ਹਣ.

ਸਾਮਞ੍ਞਞ੍ਚ ਵਿਸੇਸੋ ਚ, ਭਾਵਜੋ ਚ ਨਿਪਾਤਜੋ;

ਇਤਿ ਵਿਞ੍ਞੂਹਿ ਵਿਞ੍ਞੇਯ੍ਯੋ, ਤਦ੍ਧਿਤੋ ਤੁ ਚਤੁਬ੍ਬਿਧੋ.

ਇਤਿ ਪਯੋਗਸਿਦ੍ਧਿਯਂ ਣਾਦਿਕਣ੍ਡੋ ਪਞ੍ਚਮੋ.

ਅਥ ¶ ਤ੍ਯਾਦਯੋ ਕ੍ਰਿਯਾਵਾਚੀਹਿ ਧਾਤੂਹਿ ਵੁਚ੍ਚਨ੍ਤੇ.

ਕ੍ਰਿਯਂ ਆਚਿਕ੍ਖਤੀਤਿ ਆਖ੍ਯਾਤਨ੍ਤਿ ਕ੍ਰਿਯਾਪਦਸ੍ਸ ਪੁਬ੍ਬਾਚਰਿਯਸਞ੍ਞਾ. ਕਾਲ+ਕਾਰਕ+ਪੁਰਿਸਪਰਿਦੀਪਕਂ ਕ੍ਰਿਯਾਲਕ੍ਖਣਂ ਤ੍ਯਾਦ੍ਯਨ੍ਤਂ ਅਲਿਙ੍ਗਞ੍ਚ, ਵੁਤ੍ਤਮ੍ਪਿ ਚੇ+ਤਂ –

ਯਂ ਤਿਕਾਲਂ ਤਿਪੁਰਿਸਂ, ਕ੍ਰਿਯਾਵਾਚੀ ਤਿਕਾਰਕਂ;

ਅਤਿਲਿਙ੍ਗਂ ਦ੍ਵਿਵਚਨਂ, ਤ+ਦਾਖ੍ਯਾਤਨ੍ਤਿ ਵੁਚ੍ਚਤਿ.

ਚ ਸਬ੍ਬਤ੍ਥ ਵਤ੍ਤਤੇ. ਕ੍ਰਿਯਾ ਅਤ੍ਥੋ ਏਤਸ੍ਸਾਤਿ ਕ੍ਰਿਯਤ੍ਥੋ ਧਾਤੁ, ਸੋ ਚ ਦੁਵਿਧੋ ਸਕਮ੍ਮਕਾ+ਕਮ੍ਮਕਵਸੇਨ. ਤਤ੍ਥ ਯਸ੍ਮਿਂ ਕ੍ਰਿਯਤ੍ਥੇ ਕਤ੍ਤੁਵਾਚਿਮ੍ਹਾ ਕਮ੍ਮਂ ਗਵੇਸੀਯਤੇ, ਸੋ ਸਕਮ੍ਮਕੋ. ਇਤਰੋ ਅਕਮ੍ਮਕੋ.

ਤਤ੍ਰ ਸਕਮ੍ਮਕਾ ਕਮ੍ਮਾਪੇਕ੍ਖਂ ਕ੍ਰਿਯਂ ਵਦਨ੍ਤਿ, ਯਥਾ ਕਟਂ ਕਰੋਤਿ, ਗਾਮਂ ਗਚ੍ਛਤਿ, ਓਦਨਂ ਪਚਤਿ. ਅਕਮ੍ਮਕਾ ਕਮ੍ਮਨਿਰਪੇਕ੍ਖਂ ਕ੍ਰਿਯਂ ਵਦਨ੍ਤਿ, ਯਥਾ ਅਚ੍ਛਤਿ ਸੇਤਿ ਤਿਟ੍ਠਤਿ. ਕ੍ਰਿਯਾਤਿ ਚ ਗਮਨਪਚਨਾਦਿਕੋ ਅਸਤ੍ਤਸਮ੍ਮਤੋ ਕਤ੍ਤਰਿ ਕਮ੍ਮੇ ਵਾ ਪਤਿਟ੍ਠਿਤੋ ਕਾਰਕਸਮੂਹਸਾਧਿਯੋ ਪਦਤ੍ਥੋ ਵੁਚ੍ਚਤਿ. ਅਪਿ ਚ –

ਤਤੋ ਕ੍ਰਿਯਾਦਿਵਾਚਤ੍ਤਂ, ਪਾਕਾਦੀਨਂ ਕਥਂ ਭਵੇ.

ਕਰ+ਭੂਧਾਤੂਹਿ ਕਰਣਞ੍ਚ ਭਵਨਞ੍ਚ ਵੁਚ੍ਚਤਿ, ਪਾਕ+ਗਮਨਾਦੀਹਿ ਤੇਸਂ ਕ੍ਰਿਯਾਭਵਨਾਨਂ ਵਾਚ੍ਚਤ੍ਤਂ ਕਥਂ ਭਵਤੀਤਿ ਵੁਤ੍ਤਂ ਹੋਤਿ. ਪੁਨਪਿ –

ਪਾਕਾਦੀਨਞ੍ਹਿ ¶ ਵਾਚ੍ਚਤ੍ਤਂ, ਕਰਭੂਸੁ ਨ ਯੁਜ੍ਜਤਿ;

ਤਂ ਬਹੁਤਰਵਾਚ੍ਚਤ੍ਤਂ, ਪਾਕਾਦੀਸੁ ਨ ਯੁਜ੍ਜਤਿ.

ਕਾਰਿਯਰੂਪਾ ਹਿ ਧਾਤ੍ਵਤ੍ਥਾ, ਸਤ੍ਤਾਯੁਤ੍ਤਾ ਚ ਤੇ+ਖਿਲਾ;

ਤਤੋ ਕ੍ਰਿਯਾ ਚ ਭਾਵੋ ਚ, ਸਾਮਞ੍ਞਂ ਤੇਸੁ ਗਮ੍ਯਤੇ.

੧. ਵਤ੍ਤਮਾਨੇਤਿ ਅਨ੍ਤਿ ਸਿ ਥ ਮਿ ਮ ਤੇ ਅਨ੍ਤੇ ਸੇ ਵ੍ਹੇ ਏ ਮ੍ਹੇ.

ਵਤ੍ਤਮਾਨੇ ਆਰਦ੍ਧਾਪਰਿਸਮਤ੍ਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਤ੍ਯਾਦਯੋ ਹੋਨ੍ਤਿ. ਕ੍ਰਿਯਾਧਿਕਾਰਤ੍ਤਾ ‘‘ਕ੍ਰਿਯਤ੍ਥਾ’’ਤਿ ਵੁਤ੍ਤਂ. ਤੇਸ+ਮਨਿਯਮੇ –

ਏਕਾਨੇਕੇਸੁ ਤੁਮ੍ਹਅਮ੍ਹਸਦ੍ਦਵਚਨੀਯੇਸੁ ਤਦਞ੍ਞਸਦ੍ਦਵਚਨੀਯੇਸੁ ਚ ਕਾਰਕੇਸੁ ਪੁਬ੍ਬਚ੍ਛਕ੍ਕਾਨਂ ਪਰਚ੍ਛਕ੍ਕਾਨਞ੍ਚ ਮਜ੍ਝਿਮੁ+ਤ੍ਤਮ+ਪਠਮਾ ਦ੍ਵੇ ਦ੍ਵੇ ਹੋਨ੍ਤਿ ਯਥਾਕ੍ਕਮਂ. ਤਤ੍ਥਤਿ ਅਨ੍ਤੀਤਿ ਪਠਮਪੁਰਿਸੋ, ਆਦੋ ਨਿਦ੍ਦਿਟ੍ਠਤ੍ਤਾ. ਸਿ ਥ ਇਤਿ ਮਜ੍ਝਿਮਪੁਰਿਸੋ, ਮਜ੍ਝੇ ਨਿਦ੍ਦਿਟ੍ਠਤ੍ਤਾ. ਮਿ ਮ ਇਤਿ ਉਤ੍ਤਮਪੁਰਿਸੋ. ਉਤ੍ਤਮਸਦ੍ਦੋ+ਯਂ ਸਭਾਵਤੋ ਤਿਪਭੁਤੀਨ+ਮਨ੍ਤ+ਮਾਹ. ਪਰਚ੍ਛਕ੍ਕੇਪਿ ਤੇ ਅਨ੍ਤੇਤਿਆਦਿਨਾ ਏਵਂ ਯੋਜੇਤਬ੍ਬਂ. ਏਵਂ ਸੇਸੇਸੁ ਭਵਿਸ੍ਸਤਿਆਦੀਸੁ ਸਤ੍ਤਸੁ ਪਚ੍ਚਯਵਿਧਾਨਸੁਤ੍ਤੇਸੁਪਿ ਯੋਜੇਤਬ੍ਬਂ.

ਇਦਾਨਿ ਭੂਵਾਦੀਨ+ਮਟ੍ਠਗਣਾਨਂ ਭੂਵਾਦਿਗਣੇਸੁ ਭੂ=ਸਤ੍ਤਾਯ+ਮਿਤਿ ਪਠਮਧਾਤੁਤੋ ਪਰਾ ਤ੍ਯਾਦਯੋ ਯੋਜੀਯਨ੍ਤੇ. ਤਤ੍ਥ ‘‘ਏਕਮ੍ਹਿ ਵਤ੍ਤਬ੍ਬੇ ¶ ਏਕਵਚਨਂ’’ਤਿ ਤ੍ਯਾਦੀਸੁ ਪਰਭੂਤੇਸੁ ਕਤ੍ਤੁ+ਕਮ੍ਮ+ਭਾਵੇਸੁਯੇਵ ਕ੍ਯਵਿਕਰਣਲਵਿਕਰਣਾ ਹੋਨ੍ਤੀਤਿ ‘‘ਕ੍ਯੋ ਭਾਵਕਮ੍ਮੇਸ੍ਵ+ਪਰੋਕ੍ਖੇਸੁ ਮਾਨ+ਨ੍ਤ+ਤ੍ਯਾਦੀਸੁ’’ ‘‘ਕਤ੍ਤਰਿ ਲੋ’’ ਇਚ੍ਚਾਦਿਨਾ ਤੇਸਂ ਵਿਕਰਣਾਨਂ ਵਿਧਾਨਾ ਤ੍ਯਾਦਯੋ ਕਤ੍ਤੁ+ਕਮ੍ਮ+ਭਾਵੇਸ੍ਵੇਵ ਵਿਞ੍ਞਾਯਨ੍ਤੀਤਿ ਕਤ੍ਤਰਿ ਤਿਮ੍ਹਿਲੋ. ਕੇ ਤੇ ਵਿਕਰਣਾ –

ਪੁਬ੍ਬਾਪਰਭਾਗਟ੍ਠਾਨਾ, ਭਿਨ੍ਨਧਾਤੁਵਿਭਤ੍ਤਿਯੋ;

ਨਿਸ੍ਸਾਯ ਪਚ੍ਚਯਾ ਹੋਨ੍ਤਿ, ਏਤੇ ਵਿਕਰਣਾ ਸਿਯੁਂ.

ਇਵਣ੍ਣੁ+ਵਣ੍ਣਨ੍ਤਾਨਂ ਕ੍ਰਿਯਤ੍ਤਾਨਂ ਏ+ਓ ਹੋਨ੍ਤਿ ਯਥਾਕ੍ਕਮਂ ਪਚ੍ਚਯੇਤਿ ਊਸ੍ਸੋ+ਕਾਰੋ.

ਸਰੇ ਪਰੇ ਏਓਨ+ਮਯਵਾ ਹੋਨ੍ਤਿ ਯਥਾਕ੍ਕਮਂਤਿ ਓਸ੍ਸ ਅਵਾਦੇਸੋ. ਸੋ ਪੁਰਿਸੋ ਸਾਧੁ ਭਵਤਿ, ਸਾ ਇਤ੍ਥੀ ਸਾਧੁ ਭਵਤਿ, ਚਿਤ੍ਤਂ ਸਾਧੁ ਭਵਤਿ.

ਉਤ੍ਤਤ੍ਤਾ ਕਤ੍ਤੁ ਆਖ੍ਯਾਤੇ, ਤਤਿਯਾ ਨ ਚ ਕਤ੍ਤਰਿ;

ਪਠਮਾਵਿਭਤ੍ਤਿ ਹੋਤੇਵ, ਅਤ੍ਥਮਤ੍ਤਂ ਅਪੇਕ੍ਖਿਯ.

ਸਤਿਪਿ ਕ੍ਰਿਯਾਯੇਕਤ੍ਤੇ ਕਤ੍ਤੂਨਂ ਬਹੁਤ੍ਤਾ ‘‘ਬਹੁਮ੍ਹਿ ਵਤ੍ਤਬ੍ਬੇ ਬਹੁਵਚਨਂ’’ਤਿ ਅਨ੍ਤਿ.

ਵਿਕਰਣਾਨਂ ਕ੍ਵਚਿ ਲੋਪੋ ਹੋਤੀਤਿ ਲਵਿਕਰਣਸ੍ਸ ਲੋਪੋ, ਸੇਸਂ ਪੁਰਿਮਸਦਿਸਂ. ਤੇ ਪੁਰਿਸਾ ਭਵਨ੍ਤਿ. ਮਜ੍ਝਿਮਪੁਰਿ- ਸੇਕਵਚਨਂ ¶ ਸਿ, ਤ੍ਵਂ ਭਵਸਿ. ਬਹੁਵਚਨਂ ਥਪਚ੍ਚਯੋ, ਤੁਮ੍ਹੇ ਭਵਥ. ਉਤ੍ਤਮਪੁਰਿਸੇਕਵਚਨਂ ਮਿਪਚ੍ਚਯੋ.

ਅਕਾਰਸ੍ਸ ਦੀਘੋ ਹੋਤਿ ਹਿਮਿਮੇਸੁ. ਅਹਂ ਭਵਾਮਿ. ਬਹੁਵਚਨਂ ਮਪਚ੍ਚਯੋ, ਮਯਂ ਭਵਾਮ. ਏਵਂ ਪਰਚ੍ਛੇਕ੍ਕੇਪਿ-ਭਵਤੇ, ਭਵਨ੍ਤੇ. ਭਵਸੇ, ਭਵਵ੍ਹੇ. ਭਵੇ, ਭਵਮ੍ਹੇ. ਕੇਚਿ ਦੀਘਂ ਕਤ੍ਵਾ ਪਠਨ੍ਤਿ, ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਦੀਘੋ, ਭਵਾਮ੍ਹੇ.

ਪਚ=ਪਾਕੇ, ਅਕਾਰੋ ਉਚ੍ਚਾਰਣਤ੍ਥੋ, ਏਵ+ਮੁਪਰਿਪਿ. ਪਚ ਇਤਿ ਠਿਤੇ ਲਵਿਕਰਣਂ, ਵਿਕਰਣਲੋਪਾਦਿ ਪੁਰਿਮਸਮਂ. ਸੋ ਓਦਨਂ ਪਚਤਿ, ਤੇ ਪਚਨ੍ਤਿ. ਤ੍ਵਂ ਪਚਸਿ, ਤੁਮ੍ਹੇ ਪਚਥ. ਅਹਂ ਪਚਾਮਿ, ਮਯਂ ਪਚਾਮ. ਪਰਚ੍ਛਕ੍ਕੇ-ਪਚਤੇ, ਪਚਨ੍ਤੇ. ਪਚਸੇ, ਪਚਵ੍ਹੇ. ਪਚੇ, ਪਚਾਮ੍ਹੇ.

ਵਿਪ੍ਪਟਿਸੇਧਨਂ=ਅਞ੍ਞਮਞ੍ਞਪਟਿਸੇਧਨਂ ਵਿਪ੍ਪਟਿਸੇਧੋ. ਪਠਮਮਜ੍ਝਿਮਪੁਰਿਸਾਨਂ ਦ੍ਵਿਨ੍ਨਂ ਏਕਤ੍ਥ ਪਸਙ੍ਗੇ ਮਜ੍ਝਿਮਪੁਰਿਸਬਹੁਵਚਨਂ ਥਪਚ੍ਚਯੋ. ਸੋ ¶ ਚ ਪਚਤਿ, ਤ੍ਵਞ੍ਚ ਪਚਸਿ, ਤੁਮ੍ਹੇ ਪਚਥ. ਤੁਲ੍ਯਬਲਵਿਰੋਧਿਨੋ ਹਿ ਵਿਪ੍ਪਟਿਸੇਧਾ ਪਠਮਮਜ੍ਝਿਮਉਤ੍ਤਮਪੁਰਿਸਾਨਂ ਤਿਣ੍ਣਂ ਏਕਤ੍ਥ ਪਸਙ੍ਗੇ ਉਤ੍ਤਮਪੁਰਿਸਬਹੁਵਚਨਂ ਹੋਤਿ, ਸੋ ਚ ਪਚਤਿ, ਤ੍ਵਞ੍ਚ ਪਚਸਿ, ਅਹਞ੍ਚ ਪਚਾਮਿ ਮਯਂ ਪਚਾਮਾਤਿ ਭਵਤਿ.

੫,੧੭੩. ਗਮ ਯਮਿ+ਸਾ+ਸ ਦਿਸਾਨਂ ਵਾ ਚ੍ਛਙ

ਏਤੇਸਂ ਧਾਤੂਨਂ ਚ੍ਛਙ ਵਾ ਹੋਤਿ ਨ੍ਤ+ਮਾਨ+ਤ੍ਯਾਦੀਸੁ. ਸੋ ਗਾਮਂ ਗਚ੍ਛਤਿ. ਅਨ੍ਤਿ –

੭੪. ਗਰੁਪੁਬ੍ਬਾ ਰਸ੍ਸਾ ਰੇ+ਨ੍ਤੇਨ੍ਤੀਨਂ

ਗਰੁਪੁਬ੍ਬਸ੍ਮਾ ਰਸ੍ਸਾ ਨ੍ਤੇ+ਨ੍ਤੀਨਂ ਰੇ ਵਾ ਹੋਤਿ.

ਗਚ੍ਛਰੇ ਗਚ੍ਛਨ੍ਤਿ. ਤ੍ਵਂ ਗਚ੍ਛਸਿ, ਤੁਮ੍ਹੇ ਗਚ੍ਛਥ. ਅਹਂ ਗਚ੍ਛਾਮਿ, ਮਯਂ ਗਚ੍ਛਾਮ. ਚ੍ਛਾਦੇਸਾਭਾਵਪਕ੍ਖੇ ‘‘ਊ ਲਸ੍ਸੇ’’ਤਿ ਏਕਾਰੇ ਗਮੇਤਿ. ਪਰਲੋਪੇ ਗਮੇਨ੍ਤਿ. ਗਮੇਸਿ, ਗਮੇਥ. ਗਮੇਮਿ, ਗਮੇਮ. ਪਰਚ੍ਛਕ੍ਕੇਪਿ ਸੋ ਗਚ੍ਛਤੇ, ਗਚ੍ਛਰੇ ਗਚ੍ਛਨ੍ਤੇ. ਗਚ੍ਛਸੇ, ਗਚ੍ਛਵ੍ਹੇ. ਗਚ੍ਛੇ, ਗਚ੍ਛਾਮ੍ਹੇ.

ਪੁਰੇ ਅਧਮ੍ਮੋ ਦਿਬ੍ਬਤਿ, ਪੁਰਾ ਮਰਾਮੀਤਿ ਚ ਤਂਸਮੀਪੇ ਤਬ੍ਬੋਹਾਰੂਪਚਾਰੇਨ ਵਤ੍ਤਮਾਨਵਚਨਂ. ਵੁਤ੍ਤਞ੍ਹਿ –

ਆਰਦ੍ਧਾ+ਨਿਟ੍ਠਿਤਂ ¶ ਕਿਚ੍ਚਂ, ਵਤ੍ਤਮਾਨਨ੍ਤਿ ਵੁਚ੍ਚਤਿ;

ਵਤ੍ਤਮਾਨਸਮੀਪਞ੍ਚ, ਵਤ੍ਤਮਾਨਨ੍ਤਿ ਵੁਚ੍ਚਤਿ.

ਗਙ੍ਗਾਚ ਤਂਸਮੀਪਞ੍ਚ, ਯਤੋ ਗਙ੍ਗਾਤਿ ਞਾਯਤੇ;

ਗਙ੍ਗਾਯਂ ਪਾਤੁ+ਮਾਗਚ੍ਛ, ਘੋਸੋ ਗਙ੍ਗਾਯ+ਮਿਤ੍ਯਪਿ.

ਮੁਖ੍ਯਾ+ਮੁਖ੍ਯਤ੍ਥਭੇਦੇਨ, ਵਤ੍ਤਮਾਨਂ ਤਤੋ ਦ੍ਵਿਧਾ;

ਮੁਖ੍ਯਞ੍ਹਿ ਰੁਲ਼੍ਹਿ+ਮਾਪਨ੍ਨਂ, ਤ+ਦਾਰੋਪਾ ਅਮੁਖ੍ਯਤਾਤਿ.

ਪੁਰੇ+ਪੁਰਾਸਦ੍ਦੇਹਿ ਵਾ ਅਨਾਗਤਤਾ ਗਮ੍ਯਤੇ, ਤਦਾ ਤਸ੍ਸ ਵਤ੍ਤਮਾਨਤ੍ਤਾ. ਕਾਲਬ੍ਯਤ੍ਤਯੋ ਵਾ ਏਸੋ, ਭਵਨ੍ਤ੍ਯੇਵ ਹਿ ਕਾਲਨ੍ਤਰੇਪਿ ਤ੍ਯਾਦਯੋ ਬਾਹੁਲਕਾ ‘‘ਸਨ੍ਤੇਸੁ ਪਰਿਗੂਹਾਮਿ’’ ‘‘ਕਾਯਸ੍ਸ ਭੇਦਾ ਅਭਿਸਮ੍ਪਰਾਯਂ, ਸਹਬ੍ਯਤਂ ਗਚ੍ਛਤਿ ਵਾਸਵਸ੍ਸ’’ ‘‘ਅਤਿਵੇਲਂ ਨਮਸ੍ਸਿਸ੍ਸਂ’’ਤਿ. ‘‘ਕੁਤੋ ਨੁ ਤ੍ਵਂ ਆਗਚ੍ਛਸਿ, ਰਾਜਗਹਤੋ ਆਗਚ੍ਛਾਮੀ’’ਤਿਆਦੀਸੁ ਪਨ ਪਚ੍ਚੁਪ੍ਪਨ੍ਨਸਮੀਪੇ ਵਤ੍ਤਮਾਨਵਚਨਂ.

੫,੧੭੫. ਗਮ ਵਦ ਦਾਨਂ ਘਮ੍ਮ ਵਜ੍ਜ ਦਜ੍ਜਾ

ਗਮਾਦੀਨਂ ਘਮ੍ਮਾਦਯੋ ਵਾ ਹੋਨ੍ਤਿ ਨ੍ਤ+ਮਾਨ+ਤ੍ਯਾਦੀਸੁ. ਘਮ੍ਮਤਿ, ਘਮ੍ਮਨ੍ਤਿ ਇਚ੍ਚਾਦਿ.

ਉਪਸਗ੍ਗਵਸਾ ਕੋਚਿ, ਅਕਮ੍ਮੋਪਿ ਸਕਮ੍ਮਕੋ;

ਯਥਾ+ਭਿਭੂਯਤੇ ਰਾਗੋ, ਤਾਪਸੇਨ ਮਹਿਦ੍ਧਿਨਾਤਿ –

ਵੁਤ੍ਤਤ੍ਤਾ ਅਕਮ੍ਮਕਤੋ ਕਮ੍ਮਨਿ ਅਨੁਪੁਬ੍ਬਾ ਭੂਧਾਤੁਤੋ ਤ੍ਯਾਦਯੋ ਹੋਨ੍ਤਿ.

੫,੧੭. ਕ੍ਯੋ ¶ ਭਾਵਕਮ੍ਮੇਸ੍ਵ+ਪਰੋਕ੍ਖੇਸੁ ਮਾਨ+ਨ੍ਤ+ਤ੍ਯਾਦੀਸੁ

ਭਾਵਕਮ੍ਮਵਿਹਿਤੇਸੁ ਪਰੋਕ੍ਖਾਵਜ੍ਜਿਤੇਸੁ ਮਾਨ+ਨ੍ਤ+ਤ੍ਯਾਦੀਸੁ ਪਰੇਸੁ ਕ੍ਯੋ ਹੋਤਿ ਕ੍ਰਿਯਤ੍ਥਾ. ਕਕਾਰੋ+ਨੁਬਨ੍ਧਕਾਰਿਯਤ੍ਥੋ. ‘‘ਨ ਤੇ ਕਾਨੁਬਨ੍ਧ+ਨਾਗਮੇਸੂ’’ਤਿ ਪਟਿਸੇਧਾ ਓਕਾਰਾਭਾਵੋ. ਅਨੁਭੂਯਤਿ ਸੁਖਂ ਦੇਵਦਤ੍ਤੇਨ.

ਆਖ੍ਯਾਤੇਨ ਅਵੁਤ੍ਤਤ੍ਤਾ, ਕਤ੍ਤੁਤੋ ਤਤਿਯਾ ਨ ਤੁ;

ਦੁਤਿਯਾ ਹੋਤਿ ਕਮ੍ਮਸ੍ਸ, ਵੁਤ੍ਤਤ੍ਤਾ ਪਠਮਾਪਿ+ਧ.

ਅਨੁਭੂਯਨ੍ਤਿ ਸਮ੍ਪਤ੍ਤਿਯੋ ਤਯਾ. ਅਨੁਭੂਯਸਿ ਤ੍ਵਂ ਦੇਵਦਤ੍ਤੇਨ. ਅਨੁਭੂਯਥ ਤੁਮ੍ਹੇ. ਅਹਂ ਅਨੁਭੂਯਾਮਿ, ਤਯਾ ਮਯਂ ਅਨੁਭੂਯਾਮ. ਦ੍ਵਿਤ੍ਤੇ ਅਨੁਭੁਯ੍ਯਤਿ+ਚ੍ਚਾਦਿ. ਏਵਂ ਪਰਚ੍ਛਕ੍ਕੇ.

ਭਾਵੇ ਅਦਬ੍ਬਵੁਤ੍ਤਿਨੋ ਭਾਵਸ੍ਸ ਏਕਤ੍ਤਾ ਏਕਵਚਨਮੇਵ. ਤਞ੍ਚ ਪਠਮਪੁਰਿਸੇਕਵਚਨੇਯੇਵ ਸਮ੍ਭਵਤਿ, ਨੇਵ+ਞ੍ਞਂ, ਬਹੁਲਂਵਿਧਾਨਾ. ਭੂਯਤਿ ਭੂਯਤੇ ਦੇਵਦਤ੍ਤੇਨ, ਸਮ੍ਪਤਿ ਭਵਨਨ੍ਤ੍ਯਤ੍ਥੋ.

ਕ੍ਰਿਯਤ੍ਥਾ ਕ੍ਯਸ੍ਸ ਈਞ ਵਾ ਹੋਤਿ. ਞੋ ਆਦ੍ਯਾਵਯਵਤ੍ਥੋ. ਦੇਵਦਤ੍ਤੇਨ ਓਦਨੋ ਪਚੀਯਤਿ ਪਚ੍ਚਤਿ, ਰੇਆਦੇਸੇ ਓਦਨਾ ਪਚੀਯਰੇ ਪਚੀਯਨ੍ਤਿ, ਪਚ੍ਚਰੇ ਪਚ੍ਚਨ੍ਤਿ. ਚਵਗ੍ਗਪੁਬ੍ਬਰੂਪਾਨਿ. ਤ੍ਵਂ ਪਚੀਯਸਿ ਪਚ੍ਚਸਿ, ਤੁਮ੍ਹੇ ਪਚੀਯਥ ਪਚ੍ਚਥ. ਅਹਂ ਪਚੀਯਾਮਿ ਪਚ੍ਚਾਮਿ, ਮਯਂ ਪਚੀਯਾਮ ਪਚ੍ਚਾਮ. ਪਰਚ੍ਛਕ੍ਕੇ ਦੇਵਦਤ੍ਤੇਨ ਓਦਨੋ ਪਚੀਯਤੇ ਇਚ੍ਚਾਦਿ.

ਗਮਿਤੋ ¶ ਕਮ੍ਮੇ ਚ੍ਛਙ ਚ ਈਞਆਗਮੇ ਚ ਕਤੇ ਤੇਨ ਗਾਮੋ ਗਚ੍ਛੀਯਤਿ, ਗਾਮਾ ਗਚ੍ਛੀਯਨ੍ਤਿ. ਗਚ੍ਛੀਯਸਿ, ਗਚ੍ਛੀਯਥ. ਗਚ੍ਛੀਯਾਮਿ, ਗਚ੍ਛੀਯਾਮ. ਏਵਂ ਪਰਚ੍ਛਕ੍ਕੇ. ਗਮੀਯਤਿ ਗਮ੍ਮਤਿ, ਗਮੀਯਨ੍ਤਿ ਗਮ੍ਮਨ੍ਤਿ. ਗਮੀਯਸਿ ਗਮ੍ਮਸਿ, ਗਮੀਯਥ ਗਮ੍ਮਥ, ਗਮੀਯਾਮਿ ਗਮ੍ਮਾਮਿ, ਗਮੀਯਾਮ ਗਮ੍ਮਾਮ ਪਰਚ੍ਛਕ੍ਕੇਪਿ ਏਵਂ. ਤਥਾ ਘਮ੍ਮੀਯਤਿ, ਘਮ੍ਮੀਯਨ੍ਤਿ ਇਚ੍ਚਾਦਿ.

ਕ੍ਰਿਯਤ੍ਥਾ ਕਤ੍ਤਰਿ ਤ੍ਯਾਦਿ, ਕਮ੍ਮਸ੍ਮਿਞ੍ਚ ਸਕਮ੍ਮਕਾ;

ਭਾਵੇ ਵਾ+ਕਮ੍ਮਕਾ ਕਮ੍ਮਾ+ਵਚਨਿਚ੍ਛਾਯ ਮਞ੍ਞਤੇ.

ਤਥਾ ਹਿ ਵਿਜ੍ਜਮਾਨਸ੍ਸਾਪਿ ਕਮ੍ਮਾਸ੍ਸ ਅਵਚਨਿਚ੍ਛਾਯਂ ਇਦਂ ਵੁਚ੍ਚਤਿ –

ਸਤੋਪਿ ਨ ਵਿਵਕ੍ਖਾ+ਸ੍ਸ, ਅਸਤੋਪਿ ਚ ਸਾ ਭਵੇ;

ਤਂ ਯਥਾ+ਨੁਦਰਾ ਕਞ੍ਞਾ, ਵਞ੍ਝਾਵਦ੍ਧਿਤਕੋ ਯਥਾ.

ਵਿਵਕ੍ਖਾ ਲੋਕਿਕਾ ਏਸਾ, ਅਸਕ੍ਯ+ਮਤਿਵਤ੍ਤਿਤੁਂ;

ਕਥ+ਮੇਸ ਵਿਪਰਿਯਾਸੋ, ਲੋਕੋ ਏਵਾ+ਨਯੁਜ੍ਜਤੇ.

ਭਵਿਸ੍ਸਤਿ=ਅਨਾਰਦ੍ਧੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਸ੍ਸਤ੍ਯਾਦਯੋ ਹੋਨ੍ਤਿ.

ਕ੍ਰਿਯਤ੍ਥਾ ਪਰੇਸਂ ਅਆਦੀਨਂ ਈਆਦੀਨਂ ਸ੍ਸਾਦੀਨਞ੍ਚ ਬ੍ਯਞ੍ਜਨਸ੍ਸਿ+ਞ ਹੋਤਿ ਵਿਭਾਸਾ. ਵਵਤ੍ਥਿਤਵਿਭਾਸਾ+ਯਂ. ਸ੍ਸੇਤਿ ਸ੍ਸਾਦੀਨਂ ਸ੍ਸਤਿਆਦੀਨਞ੍ਚਾਵਯਵੋ ਗਹਿਤੋ, ‘‘ਊਬ੍ਯਞ੍ਜਨਸ੍ਸਾ’’ਤਿ ਸਿਦ੍ਧੇਪਿ ¶ ਤ੍ਯਾਦੀਸੁ ਏਤੇਸਮੇਵਾਤਿ ਨਿਯਮਤ੍ਥੋ+ਯ+ਮਾਰਮ੍ਭੋ. ਲਸ੍ਸਾਕਾਰਲੋਪੇ ਓ+ਅਵਾਦੇਸੇ ਭਵਿਸ੍ਸਤਿ, ਭਵਿਸ੍ਸਨ੍ਤਿ. ਭਵਿਸ੍ਸਸਿ, ਭਵਿਸ੍ਸਥ. ਭਵਿਸ੍ਸਾਮਿ, ਭਵਿਸ੍ਸਾਮ. ਭਵਿਸ੍ਸਤੇ, ਭਵਿਸ੍ਸਨ੍ਤੇ. ਭਵਿਸ੍ਸਸੇ, ਭਵਿਸ੍ਸਵ੍ਹੇ. ਭਵਿਸ੍ਸਂ, ਭਵਿਸ੍ਸਾਮ੍ਹੇ.

ਕ੍ਯਸ੍ਸ ਵਾ ਲੋਪੋ ਹੋਤਿ ਸ੍ਸੇ. ਸੁਖਂ ਤਯਾ ਅਨੁਭਵਿਸ੍ਸਤਿ, ਅਨੁਭਵਿਸ੍ਸਨ੍ਤਿ. ਅਨੁਭਵਿਸ੍ਸਸਿ, ਅਨੁਭਵਿਸ੍ਸਥ. ਅਨੁਭਵਿਸ੍ਸਾਮਿ, ਅਨੁਭਵਿਸ੍ਸਾਮ. ਅਞ੍ਞਤ੍ਰ ਅਨੁਭੂਯਿਸ੍ਸਤਿ, ਅਨੁਭੂਯਿਸ੍ਸਨ੍ਤਿ ਇਚ੍ਚਾਦਿ. ਏਵਂ ਪਰਚ੍ਛਕ੍ਕੇ. ਭਾਵੇ-ਭੂਯਿਸ੍ਸਤਿ ਭੂਯਿਸ੍ਸਤੇ.

ਕਤ੍ਤਰਿ-ਪਚਿਸ੍ਸਤਿ, ਪਚਿਸ੍ਸਨ੍ਤਿ ਇਚ੍ਚਾਦਿ. ਕਮ੍ਮੇ-ਪਚਿਸ੍ਸਤਿ ਓਦਨੋ ਦੇਵਦਤ੍ਤੇਨ, ਪਚੀਯਿਸ੍ਸਤਿ, ਪਚ੍ਚਿਸ੍ਸਤਿ. ਪਚ੍ਚਿਸ੍ਸਨ੍ਤਿ ਓਦਨਾ ਪਚੀਯਿਸ੍ਸਨ੍ਤਿ, ਪਚੀਯਿਸ੍ਸਰੇ, ਪਚ੍ਚਿਸ੍ਸਰੇ, ਪਚ੍ਚਿਸ੍ਸਨ੍ਤਿ.

ਗਮਿਤੋ ਕਤ੍ਤਰਿ-ਸੋ ਗਚ੍ਛਿਸ੍ਸਤਿ, ਤੇ ਗਚ੍ਛਿਸ੍ਸਨ੍ਤਿ. ਤ੍ਵਂ ਗਚ੍ਛਿਸ੍ਸਸਿ, ਤੁਮ੍ਹੇ ਗਚ੍ਛਿਸ੍ਸਥ. ਅਹਂ ਗਚ੍ਛਿਸ੍ਸਾਮਿ, ਮਯਂ ਗਚ੍ਛਿਸ੍ਸਾਮ. ਗਚ੍ਛਿਸ੍ਸਤੇ, ਗਚ੍ਛਿਸ੍ਸਨ੍ਤੇ. ਗਚ੍ਛਿਸ੍ਸਸੇ, ਗਚ੍ਛਿਸ੍ਸਵ੍ਹੇ. ਗਚ੍ਛਿਸ੍ਸਂ, ਗਚ੍ਛਿਸ੍ਸਾਮ੍ਹੇ. ਸਗ੍ਗਂ ਗਮਿਸ੍ਸਤਿ, ਗਮਿਸ੍ਸਨ੍ਤਿ. ਗਮਿਸ੍ਸਸਿ, ਗਮਿਸ੍ਸਥ. ਗਮਿਸ੍ਸਾਮਿ, ਗਮਿਸ੍ਸਾਮ ਇਚ੍ਚਾਦਿ. ਕਮ੍ਮੇ-ਗਚ੍ਛਿਯਿਸ੍ਸਤਿ, ਗਚ੍ਛਿਯਿਸ੍ਸਨ੍ਤਿ ਇਚ੍ਚਾਦਿ. ਕ੍ਯਲੋਪੇ ਗਮਿਸ੍ਸਤਿ, ਗਮਿਸ੍ਸਨ੍ਤਿ ਇਚ੍ਚਾਦਿ. ਤਥਾ ਘਮ੍ਮਿਸ੍ਸਤਿ ਘਮ੍ਮੀਯਿਸ੍ਸਤਿ, ਘਮ੍ਮਿਸ੍ਸਨ੍ਤਿ, ਘਮ੍ਮੀਯਿਸ੍ਸਨ੍ਤਿ ਇਚ੍ਚਾਦਿ.

ਨਾਮਸਦ੍ਦੇ ¶ ਨਿਪਾਤੇ ਸਤਿ ਗਰਹਾਯਂ ਵਿਮ੍ਹਯੇ ਚ ਗਮ੍ਯਮਾਨੇ ਸ੍ਸਤ੍ਯਾਦਯੋ ਹੋਨ੍ਤਿ. ਇਮੇ ਹਿ ਨਾਮ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ. ਏਤ੍ਥ ‘‘ਜ੍ਯਾਦੀਹਿ ਕ੍ਨਾ’’ਤਿ ਕ੍ਨਾਵਿਕਰਣੇ ‘‘ਞਾਸ੍ਸਨੇ ਜਾ’’ਤਿ ਜਾਦੇਸੋ. ਨ ਹਿ ਨਾਮ ਭਿਕ੍ਖਵੇ ਤਸ੍ਸ ਮੋਘਪੁਰਿਸਸ੍ਸ ਪਾਣੇਸੁ ਅਨੁਦ੍ਦਯਾ ਭਵਿਸ੍ਸਤਿ. ਕਥਞ੍ਹਿ ਨਾਮ ਸੋ ਭਿਕ੍ਖਵੇ ਮੋਘਪੁਰਿਸੋ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰਿਸ੍ਸਤਿ. ਵਿਮ੍ਹਯੇ-ਅਚ੍ਛਰਿਯਂ ਵਤ ਭੋ, ਅਬ੍ਭੁਤਂ ਵਤ ਭੋ, ਸਨ੍ਤੇਨ ਵਤ ਭੋ ਪਬ੍ਬਜਿਤਾ ਵਿਹਾਰੇਨ ਵਿਹਰਨ੍ਤਿ, ਯਤ੍ਰ ਹਿ ਨਾਮ ਸਞ੍ਞੀ ਸਮਾਨੋ ਜਾਗਰੋ ਪਞ੍ਚਮਤ੍ਤਾਨਿ ਸਕਟਸਤਾਨਿ ਨਿਸ੍ਸਾਯ ਨਿਸ੍ਸਾਯ ਅਤਿਕ੍ਕਨ੍ਤਾਨਿ ਨੇਵ ਦਕ੍ਖਿਤਿ, ਨ ਪਨ ਸਦ੍ਦਂ ਸੋਸ੍ਸਤਿ. ਅਚ੍ਛਰਿਯਂ ਅਨ੍ਧੋ ਨਾਮ ਪਬ੍ਬਤ+ਮਾਰੋਹਿਸ੍ਸਤਿ, ਬਧਿਰੋ ਨਾਮ ਸਦ੍ਦਂ ਸੋਸ੍ਸਤਿ. (ਭਵਿਸ੍ਸਨ੍ਤਿਪਚ੍ਚਯਨਯੋ).

੪. ਭੂਤੇ ਈ ਉਂ ਓ ਤ੍ਥ ਇਂ ਮ੍ਹਾ ਆ ਊ ਸੇ ਵ੍ਹਂ ਅ ਮ੍ਹੇ

ਭੂਤੇ ਪਰਿਸਮਤ੍ਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਈਆਦਯੋ ਹੋਨ੍ਤਿ. ਭੂਤਾਨਜ੍ਜਤਨੇ ਉਪਰਿ ਵਕ੍ਖਮਾਨਤ੍ਤਾ ਇਮੇ ਈਆਦਯੋ ਭੂਤਜ੍ਜਤਨੇ. ‘‘ਸੁਵੋ ਅਹੋਸਿ ਆਨਨ੍ਦੋ’’ਤਿਆਦੀਸੁ ਭੂਤਸਾਮਞ੍ਞੇਵ ਭਵਨ੍ਤਿ.

ਅਹਸ੍ਸੁ+ਭਯਤੋ ਅਡ੍ਢ-ਰਤ੍ਤਂ ਵਾ ਤਦੁਪਡ੍ਢਤਂ;

ਅਨ੍ਤੋਕਤ੍ਵਾਨ ਵਿਞ੍ਞੇਯ੍ਯੋ, ਅਹੋ ਅਜ੍ਜਤਨੋ ਇਤਿ;

ਤਦਞ੍ਞੋ ਪਨ ਯੋ ਕਾਲੋ, ਸੋ+ਨਜ੍ਜਤਨਸਞ੍ਞਿਤੋ.

ਆਆਦੋ ¶ ਈਆਦੋ ਸ੍ਸਾਦੋ ਚ ਕ੍ਰਿਯਤ੍ਥਸ੍ਸ ਵਾ ਅਞ ਹੋਤੀਤਿ ਧਾਤੁਤੋ ਪੁਬ੍ਬਂ ਅਞ. ‘‘ਕਤ੍ਤਰਿ ਲੋ’’ਤਿ ਲੋ, ਏਕਾਰ+ਅਵਾਦੇਸਾ ਚ.

੩੮. ਏਯ੍ਯਾਥ+ਸ੍ਸੇ+ਅ+ਆ+ਈ+ਥਾਨਂ ਓ+ਅ+ਅਂ+ਤ੍ਥ+ਤ੍ਥੋ+ਵ੍ਹੋਕ

ਏਯ੍ਯਾਥਾਦੀਨਂ ਓਆਦਯੋ ਵਾ ਹੋਨ੍ਤਿ ਯਥਾਕ੍ਕਮਂਤਿ ਈਸ੍ਸਤ੍ਥੋ, ਅਭਵਿਤ੍ਥੋ, ਭਵਿਤ੍ਥੋ, ਅਭਵਤ੍ਥੋ, ਭਵਤ੍ਥੋ. ‘‘ਆ ਈ ਊ ਮ੍ਹਾ ਸ੍ਸਾ ਸ੍ਸਮ੍ਹਾਨਂ ਵਾ’’ਤਿ ਈਸ੍ਸ ਰਸ੍ਸਤ੍ਤਂ. ਸੋ ਅਭਵਿ ਭਵਿ, ਅਭਵੀ ਭਵੀ.

ਤਿਉਂਸ੍ਸ ਇਂਸੁ+ਅਂਸੁ ਵਾ ਹੋਨ੍ਤਿ. ਅਭਵਿਂਸੁ ਭਵਿਂਸੁ, ਅਭਵਂਸੁ ਭਵਂਸੁ, ਅਭਵੁਂ ਭਵੁਂ.

ਓਸ੍ਸ ਅਆਦਯੋ ਵਾ ਹੋਨ੍ਤਿ. ਅਭਵ ਭਵ, ਅਭਵਿ ਭਵਿ, ਇਞਾਗਮੇ ਅਭਵਿਤ੍ਥ ਭਵਿਤ੍ਥ, ਅਭਵਤ੍ਥ ਭਵਤ੍ਥ, ਅਭਵਿਤ੍ਥੋ ਭਵਿਤ੍ਥੋ, ਅਭਵਤ੍ਥੋ ਭਵਤ੍ਥੋ.

ਓਸ੍ਸ ਸਿ ਵਾ ਹੋਤਿ. ਅਭਵਿਸਿ ਭਵਿਸਿ, ਅਭਵਸਿ ਭਵਸਿ. ਅਭਵੋ ਭਵੋ.

ਏਸਂ ¶ ਉਞ ਵਾ ਹੋਤਿ. ਈਆਦਿਸਮ੍ਬਨ੍ਧੀਨਮੇਵ ਗਹਣਂ. ਅਭਵੁਤ੍ਥ ਭਵੁਤ੍ਥ.

ਇਂਸ੍ਸ ਚ ਸਿਞ ਵਾ ਹੋਤਿ ਮ੍ਹਾਤ੍ਥਾਨਞ੍ਚ ਬਹੁਲਂ. ਇਕਾਰਞ੍ਞਕਾਰਾ ਉਚ੍ਚਾਰਣਆਦ੍ਯਾਵਯਵਤ੍ਥਾ. ਅਭਵਸਿਤ੍ਥ ਭਵਸਿਤ੍ਥ, ਅਭਵਿਤ੍ਥ ਭਵਿਤ੍ਥ, ਅਭਵਤ੍ਥ ਭਵਤ੍ਥ, ਅਭਵਿਸਿਂ ਭਵਿਸਿਂ, ਅਭਵਸਿਂ ਭਵਸਿਂ, ਅਭਵਿਂ ਭਵਿਂ. ਉਞਾਗਮੇ ਆਸ੍ਸ ਰਸ੍ਸੋ. ਅਭਵੁਮ੍ਹ ਭਵੁਮ੍ਹ ਅਭਵੁਮ੍ਹਾ ਭਵੁਮ੍ਹਾ. ਸਿਞਾਗਮੇ ਅਭਵਸਿਮ੍ਹ ਭਵਸਿਮ੍ਹ ਅਭਵਸਿਮ੍ਹਾ ਭਵਸਿਮ੍ਹਾ ਅਭਵਿਮ੍ਹ ਭਵਿਮ੍ਹ ਅਭਵਿਮ੍ਹਾ ਭਵਿਮ੍ਹਾ ਅਭਵਮ੍ਹ ਭਵਮ੍ਹ ਅਭਵਮ੍ਹਾ ਭਵਮ੍ਹਾ. ਪਰਚ੍ਛਕ੍ਕੇ – ‘‘ਏਯ੍ਯਾਥਾ’’ਦਿਨਾ ਤ੍ਥੇ ਅਭਵਿਤ੍ਥ ਭਵਿਤ੍ਥ ਅਭਵਤ੍ਥ ਭਵਤ੍ਥ. ਰਸ੍ਸੇ ਅਭਵਥ ਭਵਥ, ਅਭਵਾ ਭਵਾ, ਅਭਵੁ ਭਵੁ. ਅਭਵਿਸੇ ਭਵਿਸੇ, ਅਭਵਸੇ ਭਵਸੇ, ਅਭਵਿਵ੍ਹਂ ਭਵਿਵ੍ਹਂ ਅਭਵਵ੍ਹਂ ਭਵਵ੍ਹਂ, ਅਸ੍ਸ ਅ+ਮਾਦੇਸੇ ਅਭਵਂ ਭਵਂ ਅਭਵ ਭਵ, ਅਭਵਿਮ੍ਹੇ ਭਵਿਮ੍ਹੇ ਅਭਵਮ੍ਹੇ ਭਵਮ੍ਹੇ. ਕਮ੍ਮੇ ਸੁਖਂ ਤਯਾ ਅਨੁਭੂਯਿਤ੍ਥੋ ਅਨ੍ਵਭੂਯਤ੍ਥੋ ਅਨੁਭੂਯਤ੍ਥੋ ਅਨ੍ਵਭੂਸਿ ਅਨੁਭੂਸੀ ਅਨ੍ਵਭੂਯੀ ਅਨੁਭੂਯੀ, ਅਨ੍ਵਭੂਯਿਂਸੁ ਅਨੁਭੂਯਿਂਸੁ ਅਨ੍ਵਭੂਯਂਸੁ ਅਨੁਭੂਯਂਸੁ ਅਨ੍ਵਭੂਯੁਂ ਅਨੁਭੂਯੁਂ ਇਚ੍ਚਾਦਿ. ਭਾਵੇ-ਤੇਨ ਅਭੂਯਿਤ੍ਥੋ ਭੂਯਿਤ੍ਥੋ ਅਭੂਯਤ੍ਥੋ ਭੂਯਤ੍ਥੋ ਅਭੂਯਿ ਭੂਯਿ ਅਭੂਯੀ ਭੂਯੀ. ਤੇਨ ਅਭੂਯਤ੍ਥ ਭੂਯਤ੍ਥ ਅਭੂਯ ਭੂਯ ਅਭੂਯਾ ਭੂਯਾ.

ਸੋ ਅਪਚਿਤ੍ਥੋ ਪਚਿਤ੍ਥੋ ਇਚ੍ਚਾਦਿ ਕਤ੍ਤੁਸਮਂ. ਕਮ੍ਮੇ-ਅਪਚੀਯਿਤ੍ਥੋ ਪਚੀਯਿਤ੍ਥੋ ਅਪਚੀਯਤ੍ਥੋ ਪਚੀਯਤ੍ਥੋ. ਚਵਗ੍ਗਪੁਬ੍ਬ- ਰੂਪੇ ¶ ਅਪਚ੍ਚਿਤ੍ਥੋ ਪਚ੍ਚਿਤ੍ਥੋ ਅਪਚ੍ਚਤ੍ਥੋ ਪਚ੍ਚਤ੍ਥੋ ਅਪਚੀਯਿ ਪਚੀਯਿ ਅਪਚੀਯੀ ਪਚੀਯੀ ਅਪਚ੍ਚਿ ਪਚ੍ਚਿ ਅਪਚ੍ਚੀ ਪਚ੍ਚੀ, ਅਪਚੀਯਿਂਸੁ ਪਚੀਯਿਂਸੁ ਅਪਚਿਂਸੁ ਪਚਿਂਸੁ ਅਪਚੀਯਂਸੁ ਪਚੀਯਂਸੁ ਅਪਚ੍ਚਂਸੁ ਪਚ੍ਚਂਸੁ ਅਪਚੀਯੁਂ ਪਚੀਯੁਂ ਅਪਚ੍ਚੁਂ ਪਚ੍ਚੁਂ ਇਚ੍ਚਾਦਿ ਕਤ੍ਤੁਸਮਂ, ਪੁਬ੍ਬਰੂਪੋਵ ਵਿਸੇਸੋ.

ਸੋ ਗਾਮਂ ਅਗਚ੍ਛਿਤ੍ਥੋ ਗਚ੍ਛਿਤ੍ਥੋ ਇਚ੍ਚਾਦਿ ਪੁਰਿਮਸਮਂ.

ਡਂਸਸ੍ਸ ਚ ਗਮਿਸ੍ਸ ਚ ਞ੍ਛਙ ਵਾ ਹੋਤਿ ਆ+ਈਆਦੀਸੁ. ਅਗਞ੍ਛਿਤ੍ਥੋ ਗਞ੍ਛਿਤ੍ਥੋ ਅਗਞ੍ਛਤ੍ਥੋ ਗਞ੍ਛਤ੍ਥੋ ਅਗਞ੍ਛਿ ਗਞ੍ਛਿ ਅਗਞ੍ਛੀ ਗਞ੍ਛੀ ਇਚ੍ਚਾਦਿ.

ਆਆਦੋ ਈਆਦੋ ਚ ਗਮਿਸ੍ਸ ਆ ਹੋਤਿ ਵਾ. ਸੋ ਅਗਾ ਅਗਮਿ ਗਮਿ ਅਗਮਿਤ੍ਥੋ ਗਮਿਤ੍ਥੋ ਅਗਮਤ੍ਥੋ ਗਮਤ੍ਥੋ. ਈਪਚ੍ਚਯੇ ਲਸ੍ਸਾਕਾਰਸ੍ਸ ‘‘ਹਿਮਿਮੇਸ੍ਵ+ਸ੍ਸਾ’’ਤਿ ਏਤ੍ਥ ‘‘ਅਸ੍ਸਾ’’ਤਿ ਯੋਗਵਿਭਾਗਾ ਦੀਘੇ ‘‘ਦੀਘਾ ਈਸ੍ਸਾ’’ਤਿ ਈਸ੍ਸ ਸਿਆਦੇਸੋ, ਅਗਮਾਸਿ ਅਗਮਿ ਗਮਿ ਅਗਮੀ ਗਮੀ, ਅਗਮਿਂਸੁ ਗਮਿਂਸੁ ਅਗਮਂਸੁ ਗਮਂਸੁ ਅਗਮੁਂ ਗਮੁਂ. ਓਸ੍ਸ ਅਆਦੇਸੇ ਅਜ੍ਝਗੁਂ. ਤ੍ਵਂ ਅਜ੍ਝਗਾ ਪਰਸ੍ਸ ਲੋਪੋ. ਤੁਮ੍ਹੇ ਅਜ੍ਝਗੁਤ੍ਥ. ਅਹਂ ਅਜ੍ਝਗਂ, ਮਯਂ ਅਜ੍ਝਗਮ੍ਹ. ਪਰਚ੍ਛਕ੍ਕੇ – ‘‘ਏਯ੍ਯਾਥਾ’’ਦਿਨਾ ਤ੍ਥੇ ਸੋ ਅਗਚ੍ਛਿਤ੍ਥ ਗਚ੍ਛਿਤ੍ਥ ਅਗਞ੍ਛਿਤ੍ਥ ਗਞ੍ਛਿਤ੍ਥ ਅਗਮਿਤ੍ਥ ਗਮਿਤ੍ਥ ਅਗਮ ਗਮ ਅਗਮਾ ਗਮਾ. ਤੇ ਅਗਮੂ ਗਮੂ, ਓਸ੍ਸ ਆਆਦੇਸੇ ਅਜ੍ਝਗੁਂ. ਤ੍ਵਂ ਅਗਮਿਸੇ ਗਮਿਸੇ. ਤੁਮ੍ਹੇ ਅਗਮਿਵ੍ਹਂ. ‘‘ਏਯ੍ਯਾਥਾ’’ ਦਿਨਾ ਅ+ਮਾਦੇਸੇ ਅਹਂ ਅਗਮਂ ਗਮਂ ਅਜ੍ਝਗਂ. ਮਯਂ ਅਗਮਿਮ੍ਹੇ ਗਮਿਮ੍ਹੇ. ਕਮ੍ਮੇਅਗਚ੍ਛੀਯਿ ਅਗਮੀਯਿ, ਅਗਚ੍ਛਿਯੁਂ ਅਗਮਿਯੁਂ ਇਚ੍ਚਾਦਿ. ਤਥਾ ਅਘਮ੍ਮੀ ਘਮ੍ਮੀ ਇਚ੍ਚਾਦਿ.

ਮਾਯੋਗੇ ¶ ਸਤਿ ਈਆਦਯੋ ਆਆਦਯੋ ਚ ਵਾ ਹੋਨ੍ਤਿ. ਸਕਕਾਲਤੋ ਕਾਲਨ੍ਤਰੇਪਿ ਪਚ੍ਚਯਵਿਧਾਨਤ੍ਥੋ+ਯਂ. ਮਾ ਭਵਂ ਅਭਵਿਤ੍ਥੋ ਇਚ੍ਚਾਦਿ. ਵਾਵਿਧਾਨਾਸ੍ਸਤ੍ਯਾਦਿ+ਏਯ੍ਯਾਦਿ+ਤ੍ਵਾਦਯੋਪਿ ਹੋਨ੍ਤਿ, ਮਾ ਭਵਂ ਭਵਿਸ੍ਸਤਿ, ਮਾ ਭਵਂ ਭਵੇਯ੍ਯ, ਮਾ ਭਵਂ ਭਵਤੁ ਇਚ੍ਚਾਦਿ. (ਈਆਦਿਪਚ੍ਚਯਨਯੋ).

੫. ਅਨਜ੍ਜਤਨੇ ਆ ਊਓ ਤ੍ਥ ਅ ਮ੍ਹਾ ਤ੍ਥ ਤ੍ਥੁਂ ਸੇ ਵ੍ਹਂ ਇਂ ਮ੍ਹਸੇ

ਅਵਿਜ੍ਜਮਾਨਜ੍ਜਤਨੇ ਭੂਤਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਆਆਦਯੋ ਹੋਨ੍ਤਿ ਵਾ. ‘‘ਏਯ੍ਯਾਥਾ’’ਦਿਨਾ ਤ੍ਥੇ ‘‘ਆ ਈ ਊ ਮ੍ਹਾ’’ ਇਚ੍ਚਾਦਿਨਾ ਰਸ੍ਸੇ ਚ ਸੋ ਅਭਵਤ੍ਥ ਭਵਤ੍ਥ ਅਭਵ ਭਵ ਅਭਵਾ ਭਵਾ, ਤੇ ਅਭਵੁ ਭਵੁ ਅਭਵੂ ਭਵੂ. ਓ, ‘‘ਓਸ੍ਸਾ’’ਤਿਆਦਿਨਾ ਅਆਦਯੋ, ਅਭਵ ਭਵ ਅਭਵਿ ਭਵਿ ਅਭਵਤ੍ਥ ਭਵਤ੍ਥ ਅਭਵਤ੍ਥੋ ਭਵਤ੍ਥੋ, ਸਿਆਦੇਸੇ ਅਭਵਸਿ ਭਵਸਿ ਅਭਵੋ ਭਵੋ. ਤੁਮ੍ਹੇ ਅਭਵਤ੍ਥ ਭਵਤ੍ਥ. ਅਹਂ ਅਭਵਂ ਭਵਂ ਅਭਵ ਭਵ, ਮਯਂ ਅਭਵਮ੍ਹ ਭਵਮ੍ਹ ਅਭਵਮ੍ਹਾ ਭਵਮ੍ਹਾ. ਸੋ ਅਭਵਤ੍ਥ ਭਵਤ੍ਥ. ਤੇ ਅਭਵਤ੍ਥੁਂ ਭਵਤ੍ਥੁਂ. ਤ੍ਵਂ ਅਭਵਸੇ ਭਵਸੇ. ਤੁਮ੍ਹੇ ਅਭਵਵ੍ਹਂ ਭਵਵ੍ਹਂ. ‘‘ਇਸ੍ਸ ਚ ਸਿਞ’’ਤਿ ਸਿਂ, ਅਹਂ ਅਭਵਸਿਂ ਭਵਸਿਂ ਅਭਵਿਂ ਭਵਿਂ. ਮਯਂ ਅਭਵਮ੍ਹਸੇ ਭਵਮ੍ਹਸੇ. ਕਮ੍ਮੇ-ਤ੍ਥੇ ਸੁਖਂ ਤਯਾ ਅਨੁਭੂਯਿਤ੍ਥ, ਇਞਾਗਮਾਭਾਵੇ ਅਨੁਭੂਯਤ੍ਥ ਇਚ੍ਚਾਦਿ. ਭਾਵੇ-ਅਭੂਯਤ੍ਥ ਭੂਯਤ੍ਥ ਇਚ੍ਚਾਦਿ.

ਸੋ ¶ ਓਦਨਂ ਅਪਚਤ੍ਥ ਪਚਤ੍ਥ ਇਚ੍ਚਾਦਿ ਕਤ੍ਤੁਸਮਂ. ਕਮ੍ਮੇ-ਅਪਚੀਯਤ੍ਥ ਪਚੀਯਤ੍ਥ ਅਪਚ੍ਚਤ੍ਥ ਪਚ੍ਚਤ੍ਥ ਅਪਚੀਯ ਪਚੀਯ ਅਪਚੀਯਾ ਪਚੀਯਾ ਅਪਚ੍ਚ ਪਚ੍ਚ ਅਪਚ੍ਚਾ ਪਚ੍ਚਾ. ਅਪਚੀਯੁ ਪਚੀਯੁ ਅਪਚੀਯੂ ਪਚੀਯੂ ਅਪਚ੍ਚੁ ਪਚ੍ਚੁ ਅਪਚ੍ਚੂ ਪਚ੍ਚੂ ਇਚ੍ਚਾਦਿ. ‘‘ਮਾਯੋਗੇ ਈ+ਆਆਦੀ’’ਤਿ ਮਾਯੋਗੇਪਿ ਆਆਦਯੋ, ਮਾ ਭਵਂ ਅਪਚ੍ਚਤ੍ਥ ਇਚ੍ਚਾਦਿ.

ਤਥਾ ਅਗਚ੍ਛਤ੍ਥ ਗਚ੍ਛਤ੍ਥ ਇਚ੍ਚਾਦਿ ਪੁਰਿਮਸਮਂ. ਤਥਾ ਅਗਮਤ੍ਥ ਗਮਤ੍ਥ ਇਚ੍ਚਾਦਿਪਿ ਅਘਮ੍ਮਤ੍ਥ ਘਮ੍ਮਤ੍ਥ ਇਚ੍ਚਾਦਿਪਿ. (ਅਨਜ੍ਜਤਨਪਚ੍ਚਯਨਯੋ).

੬. ਪਰੋਕ੍ਖੇ ਅ ਉ ਏ ਤ੍ਥ ਅ ਮ੍ਹ ਤ੍ਥ ਰੇ ਤ੍ਥੋ ਵ੍ਹੋ ਇ ਮ੍ਹੇ

ਅਪਚ੍ਚਕ੍ਖੇ ਭੂਤਾਨਜ੍ਜਤਨੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਅਆਦਯੋ ਹੋਨ੍ਤਿ. ਅਕ੍ਖਾਨਂ=ਇਨ੍ਦ੍ਰਿਯਾਨਂ ਪਰਂ ਪਰੋਕ੍ਖਂ. ਤਸ੍ਮਿਂ. ‘‘ਅਪਰੋਕ੍ਖੇਸੂ’’ਤਿ ਵਚਨਾ ਕ੍ਯ+ਲਾਦਿਵਿਕਰਣਾ ਨ ਹੋਨ੍ਤਿ.

ਪਰੋਕ੍ਖਾਯਂ ਪਠਮ+ਮੇਕਸ੍ਸਰਂ ਸਦ੍ਦਰੂਪਂ ਦ੍ਵੇ ਭਵਤਿ. ‘‘ਭੂਸ੍ਸ ਵੁਕ’’ ਇਤਿਆਦੀਸੁ ਵੁਕ, ਭੂਵ ਭੂਵ ਇਤਿ ਦ੍ਵਿਤ੍ਤੇ –

ਦ੍ਵਿਤ੍ਤੇ ਪੁਬ੍ਬਸ੍ਸ ਆਦਿਤੋ+ਞ੍ਞਸ੍ਸ ਬ੍ਯਞ੍ਜਨਸ੍ਸ ਲੋਪੋ ਹੋਤਿ.

ਅਆਦੀਸੁ ਦ੍ਵਿਤ੍ਤੇ ਪੁਬ੍ਬਸ੍ਸ ਭੂਸ੍ਸ ਅ ਹੋਤਿ.

ਦ੍ਵਿਤ੍ਤੇ ¶ ਪੁਬ੍ਬੇਸਂ ਚਤੁਤ੍ਥਦੁਤਿਯਾਨਂ ਤਤਿਯਪਠਮਾ ਹੋਨ੍ਤਿ ਯਥਾਕ੍ਕਮਂਤਿ ਬਕਾਰੇ ਸੋ ਬਭੂਵ ਕਿਰ, ਤੇ ਬਭੁਵੁ ਕਿਰ. ਤ੍ਵਂ ਬਭੁਵੇ ਕਿਰ, ਇਞ ਤੁਮ੍ਹੇ ਬਭੁਵਿਤ੍ਥ ਕਿਰ. ਅਹਂ ਬਭੁਵ ਕਿਰ, ਮਯਂ ਬਭੁਵਿਮ੍ਹ ਕਿਰ. ਸੋ ਬਭੁਵਿਤ੍ਥ ਕਿਰ, ਤੇ ਬਭੁਵਿਰੇ ਕਿਰ. ਤ੍ਵਂ ਬਭੁਵਿਤ੍ਥੋ ਕਿਰ, ਤੁਮ੍ਹੇ ਬਭੁਵਿਵ੍ਹੋ ਕਿਰ. ਅਹਂ ਬਭੁਵਿ ਕਿਰ, ਮਯਂ ਬਭੁਵਿਮ੍ਹੇ ਕਿਰ. ਕਮ੍ਮੇ-ਅਨੁਪਭੁਵ ਕਿਰ ਇਚ੍ਚਾਦਿ. ਭਾਵੇਬਭੁਵ ਬਭੁਵਿਤ੍ਥ ਕਿਰ.

ਪਪਚ, ਪਪਚੁ. ਪਪਚੇ, ਇਞਾਗਮੇ ਪਪਚਿਤ੍ਥ. ਅਞ੍ਞਤ੍ਰ ‘‘ਸਂਯੋਗਾਦਿਲੋਪੋ’’ਤਿ ਲੋਪੋ, ਪਪਚਿਤ੍ਥ. ਪਪਚ, ਪਪਚਿਮ੍ਹ. ਪਪਚਿਤ੍ਥ, ਪਪਚਿਰੇ. ਪਪਚਿਤ੍ਥੋ ਪਪਚਿਥੋ, ਪਪਚਿਵ੍ਹੋ. ਪਪਚਿ, ਪਪਚਿਮ੍ਹੇ. ਏਵਂ ਕਮ੍ਮੇ.

ਅਆਦਿਪਚ੍ਚਯੇ ਦ੍ਵਿਭਾਵੇ ਅਨਾਦਿਬ੍ਯਞ੍ਜਨਲੋਪੇ ਪੁਬ੍ਬਸ੍ਸ ‘‘ਕਵਗ੍ਗਹਾਨਂ ਚਵਗ੍ਗਜਾ’’ਤਿ ਚਵਗ੍ਗਜਕਾਰੇ ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਦੀਘੇ ਚ ਕਤੇ ਸੋ ਗਾਮਂ ਜਗਾਮ ਕਿਰ, ਜਗਮੁ. ਜਗਮੇ, ਜਗਮਿਤ੍ਥ. ਜਗਮ, ਜਗਮਿਮ੍ਹ. ਜਗਮਿਤ੍ਥ, ਜਗਮਿਰੇ. ਜਗਮਿਤ੍ਥੋ, ਜਗਮਿਵ੍ਹੋ. ਜਗਮਿ, ਜਗਮਿਮ੍ਹੇ. ਏਵਂ ਕਮ੍ਮੇ.

ਮੂਲ਼੍ਹਵਿਕ੍ਖਿਤ੍ਤਬ੍ਯਾਸਤ੍ਤਚਿਤ੍ਤੇਨ ਅਤ੍ਤਨਾਪਿ ਕ੍ਰਿਯਾ ਕਤਾ ਅਭਿਨਿਬ੍ਬਤ੍ਤਿਕਾਲੇ+ਨੁਪਲਦ੍ਧਾਸਮਾਨਾ ਫਲੇਨਾ+ਨੁਮੀਯਮਾਨਾ ਪਰੋਕ੍ਖਾਵ ਵਤ੍ਥੁਤੋ. ਤੇਨ ਉਤ੍ਤਮਵਿਸਯੇਪਿ ਪਯੋਗਸਮ੍ਭਵੋ. (ਪਰੋਕ੍ਖਾਪਚ੍ਚਯਨਯੋ).

੭. ਯ੍ਯੋਦੋ ¶ ਵਾ+ਤਿਪਤ੍ਤਿਯਂ ਸ੍ਸਾ ਸ੍ਸਂਸੁ ਸ੍ਸੇ ਸ੍ਸਥ ਸ੍ਸਂ ਸ੍ਸਮ੍ਹਾ ਸ੍ਸਥ ਸ੍ਸਿਂਸੁਸ੍ਸਸੇਸ੍ਸਵ੍ਹੇਸ੍ਸਿਂ ਸ੍ਸਾਮ੍ਹਸੇ.

ਏਯ੍ਯਾਦੋ ਵਿਸਯੇ ਕ੍ਰਿਯਾਤਿਪਤ੍ਤਿਯਂ ਸ੍ਸਾਦਯੋ ਹੋਨ੍ਤਿ. ਵਿਧੁਰਪਚ੍ਚਯੋਪਨਿਪਾਤਤੋ ਕਾਰਣਵੇਕਲ੍ਲਤੋ ਵਾ ਕ੍ਰਿਯਾਤਿਪਤਨ+ਮਨਿਪ੍ਫਤ੍ਤਿ ਕ੍ਰਿਯਾਤਿਪਤ੍ਤਿ. ਏਤੇ ਚ ਸ੍ਸਾਦਯੋ ਸਾਮਤ੍ਥਿਯਾ ਅਤੀਤਾਨਾਗਤੇਸ੍ਵੇਵ ਹੋਨ੍ਤਿ, ਨ ਵਤ੍ਤਮਾਨੇ, ਤਤ੍ਰ ਕ੍ਰਿਯਾਤਿਪਤ੍ਯਸਮ੍ਭਵਾ. ਇਞਾਗਮੇ ਸ੍ਸਾਸ੍ਸ ਵਾ ਰਸ੍ਸੇ ਚ ਸਚੇ ਸੋ ਪਠਮਵਯੇ ਪਬ੍ਬਜ੍ਜਂ ਅਲਭਿਸ੍ਸ, ਅਰਹਾ ਅਭਵਿਸ੍ਸ ਭਵਿਸ੍ਸ ਅਭਵਿਸ੍ਸਾ ਭਵਿਸ੍ਸਾ ਵਾ, ਤੇ ਚ ਤਂ ਅਲਭਿਸ੍ਸਂਸੁ, ਅਰਹਨ੍ਤੋ ਅਭਵਿਸ੍ਸਂਸੁ ਭਵਿਸ੍ਸਂਸੁ. ‘‘ਏਯ੍ਯਾਥਾ’’ਦਿਨਾ ਸ੍ਸੇਸ੍ਸ ਵਾ ਅਕਾਰੇ ਤ੍ਵਂ ਅਭਵਿਸ੍ਸ ਭਵਿਸ੍ਸੇ. ਤੁਮ੍ਹੇ ਅਭਵਿਸ੍ਸਥ. ਅਹਂ ਅਭਵਿਸ੍ਸਂ. ਰਸ੍ਸੇ ਮਯਂ ਅਭਵਿਸ੍ਸਮ੍ਹ ਭਵਿਸ੍ਸਮ੍ਹ ਅਭਵਿਸ੍ਸਮ੍ਹਾ ਭਵਿਸ੍ਸਮ੍ਹਾ. ਪਰਚ੍ਛਕ੍ਕੇ-ਸੋ ਅਭਵਿਸ੍ਸਥ, ਅਭਵਿਸ੍ਸਿਂਸੁ. ਅਭਵਿਸ੍ਸਸੇ, ਅਭਵਿਸ੍ਸਵ੍ਹੇ. ਅਭਵਿਸ੍ਸਿਂ, ਅਭਵਿਸ੍ਸਾਮ੍ਹਸੇ.

ਕਮ੍ਮੇ-ਤੇਨ ਸੁਖਂ ਅਨ੍ਵਭਵਿਸ੍ਸ, ਅਨ੍ਵਭਵਿਸ੍ਸਂਸੁ ਕ੍ਯਲੋਪੋ. ਅਨ੍ਵਭੂਯਿਸ੍ਸ ਅਨ੍ਵਭੂਯਿਸ੍ਸਾ ਇਚ੍ਚਾਦਿ. ਭਾਵੇ-ਤੇਨ ਅਭੂਯਿਸ੍ਸ ਭੂਯਿਸ੍ਸ ਅਭੂਯਿਸ੍ਸਾ ਭੂਯਿਸ੍ਸਾ. ਅਭੂਯਿਸ੍ਸਥ ਭੂਯਿਸ੍ਸਥ.

ਏਵਂ ਤਣ੍ਡੁਲਾਦਿਸਾਧਨਂ ਅਲਭਿਸ੍ਸ, ਓਦਨਂ ਅਪਚਿਸ੍ਸ ਪਚਿਸ੍ਸ ਇਚ੍ਚਾਦਿ. ਕਮ੍ਮੇ-ਤੇਨ ਓਦਨੋ ਅਪਚਿਸ੍ਸ ਪਚਿਸ੍ਸ ਅਪਚਿਸ੍ਸਾ ਪਚਿਸ੍ਸਾ ਅਪਚੀਯਿਸ੍ਸ ਪਚੀਯਿਸ੍ਸ ਅਪਚੀਯਿਸ੍ਸਾ ਪਚੀਯਿਸ੍ਸਾ ਅਪਚ੍ਚਿਸ੍ਸ ਪਚ੍ਚਿਸ੍ਸ ਅਪਚ੍ਚਿਸ੍ਸਾ ਪਚ੍ਚਿਸ੍ਸਾ ਇਚ੍ਚਾਦਿ.

ਸੋ ਅਗਚ੍ਛਿਸ੍ਸ ਗਚ੍ਛਿਸ੍ਸ ਅਗਚ੍ਛਿਸ੍ਸਾ ਗਚ੍ਛਿਸ੍ਸਾ ਇਚ੍ਚਾਦਿ. ਚ੍ਛਾਦੇਸਾ+ਭਾਵੇ ਅਗਮਿਸ੍ਸ ਗਮਿਸ੍ਸ ਅਗਮਿਸ੍ਸਾ ਗਮਿਸ੍ਸਾ ਇਚ੍ਚਾਦਿ. ਕਮ੍ਮੇ-ਅਗਚ੍ਛਿਸ੍ਸ ¶ ਗਚ੍ਛਿਸ੍ਸ ਅਗਚ੍ਛੀਯਿਸ੍ਸ ਇਚ੍ਚਾਦਿ. ਅਗਮਿਸ੍ਸ ਗਮਿਸ੍ਸ ਅਗਮੀਯਿਸ੍ਸ ਇਚ੍ਚਾਦਿ. ਤਥਾ ਅਘਮ੍ਮਿਸ੍ਸ ਇਚ੍ਚਾਦਿ. (ਕ੍ਰਿਯਾਤਿਪਤ੍ਤਿਪਚ੍ਚਯਨਯੋ).

ਹੇਤੁਭੂਤਾਯਂ ਫਲਭੂਤਾਯਞ੍ਚ ਕ੍ਰਿਯਾਯਂ ਵਤ੍ਤਮਾਨਤੋ ਕ੍ਰਿਯਤ੍ਥਾ ਏਯ੍ਯਾਦਯੋ ਹੋਨ੍ਤਿ ਵਾ. ਲਵਿਕਰਣਵੁਦ੍ਧਿਆਦਿ ਪੁਬ੍ਬਸਮਂ. ਪਰਿਕਪ੍ਪੇ –

ਏਯ੍ਯ+ਏਯ੍ਯਾਸਿ+ਏਯ੍ਯ+ਮਿਚ੍ਚੇਸ+ਮੇ ਵਾ ਹੋਤਿ. ਸੋ ਦਾਨਿ ਕਿਨ੍ਨੁ ਖੋ ਭਵੇ, ਯਦਿ ਸੋ ਪਠਮਵਯੇ ਪਬ੍ਬਜੇਯ੍ਯ, ਅਰਹਾ ਭਵੇਯ੍ਯ.

ਏਯ੍ਯੁ+ਮਿਚ੍ਚਸ੍ਸ ਞੁਂ ਵਾ ਹੋਤਿ. ਸਚੇ ਸਂਖਾਰਾ ਨਿਚ੍ਚਾ ਭਵੁਂ ਭਵੇਯ੍ਯੁਂ, ਨ ਨਿਰੁਜ੍ਝੇਯ੍ਯੁਂ. ਯਦਿ ਤ੍ਵਂ ਭਵੇ ਭਵੇਯ੍ਯਾਸਿ. ‘‘ਏਯ੍ਯਾਥਾ’’ ਦਿਨਾ ਅਸ੍ਸ ਓਕਾਰੇ ਤੁਮ੍ਹੇ ਭਵੇਯ੍ਯਾਥੋ ਭਵੇਯ੍ਯਾਥ ਕਥ+ਮਹਂ ਦੇਵੋ ਭਵੇਯ੍ਯਾਮਿ.

ਏਯ੍ਯਾਮਸ੍ਸ ਏਮੁ ਵਾ ਹੋਤਿ ਉ ਚ. ਕਿਨ੍ਨੁ ਖੋ ਮਯਂ ਭਵੇਮੁ ਭਵੇਯ੍ਯਾਮੁ ਭਵੇਯ੍ਯਾਮ. ਪਰਚ੍ਛਕ੍ਕੇ-ਭਵੇਥ, ਭਵੇਰਂ. ਭਵੇਥੋ, ਭਵੇਯ੍ਯਾਵ੍ਹੋ. ਭਵੇ ਭਵੇਯ੍ਯਂ, ਭਵੇਯ੍ਯਾਮ੍ਹੇ. ਕਮ੍ਮੇ-ਸੁਖਂ ¶ ਤਯਾ ਅਨੁਭੁਯ੍ਯੇ ਅਨੁਭੁਯ੍ਯੇਯ੍ਯ, ਅਨੁਭੁਯ੍ਯੁਂ ਅਨੁਭੂਯੇਯ੍ਯੁਂ. ਤੇਨ ਤ੍ਵਂ ਅਨੁਭੂਯੇ ਅਨੁਭੂਯੇਯ੍ਯਾਸਿ, ਤੁਮ੍ਹੇ ਅਨੁਭੂਯੇਯ੍ਯਾਥੋ ਅਨੁਭੂਯੇਯ੍ਯਾਥ. ਤੇਨਾ+ਹਂ ਅਨੁਭੂਯੇਯ੍ਯਾਮਿ, ਮਯਂ ਅਨੁਭੂਯੇਮੁ ਅਨੁਭੂਯੇਯ੍ਯਾਮੁ ਅਨੁਭੂਯੇਯ੍ਯਾਮ. ਪਰਚ੍ਛਕ੍ਕੇ-ਅਨੁਭੂਯੇਥ ਇਚ੍ਚਾਦਿ. ਭਾਵੇ-ਭੂਯੇ ਭੂਯੇਯ੍ਯ ਭੂਯੇਥ.

ਵਿਧਿਮ੍ਹਿ-ਸੋ ਓਦਨਂ ਪਚੇ ਪਚੇਯ੍ਯ ਇਚ੍ਚਾਦਿ. ਕਮ੍ਮੇ-ਪਚੀਯੇ ਪਚੀਯੇਯ੍ਯ ਪਚ੍ਚੇ ਪਚ੍ਚੇਯ੍ਯ ਇਚ੍ਚਾਦਿ.

ਅਨੁਮਤਿਯਂ-ਸੋ ਗਾਮਂ ਗਚ੍ਛੇ ਗਚ੍ਛੇਯ੍ਯ ਇਚ੍ਚਾਦਿ. ਅਞ੍ਞਤ੍ਰ ਗਮੇ ਗਮੇਯ੍ਯ ਇਚ੍ਚਾਦਿ. ਤਥਾ ਘਮ੍ਮੇ ਘਮ੍ਮੇਯ੍ਯ ਇਚ੍ਚਾਦਿ.

ਪਾਤੋ ਪਚੇਯ੍ਯ ਚੇ ਭੁਞ੍ਜੇ, ਇਚ੍ਚੇ+ਤ੍ਥ ਪਚਨਕ੍ਰਿਯਾ;

ਹੇਤੁਭੂਤਾਤਿ ਵਿਞ੍ਞੇਯ੍ਯਾ, ਫਲਂ ਤ੍ਵ+ਨੁਭਵਕ੍ਰਿਯਾ.

ਸਤ੍ਤਿਯਂ ਅਰਹਤੇ ਚ ਕ੍ਰਿਯਤ੍ਥਾ ਏਯ੍ਯਾਦਯੋ ਹੋਨ੍ਤਿ. ਭਵਂ ਖਲੁ ਪਤ੍ਤਂ ਪਚੇਯ੍ਯ, ਭਵਂ ਸਤ੍ਤੋ, ਭਵਂ ਅਰਹੋ.

ਸਮ੍ਭਾਵਨੇ ਗਮ੍ਯਮਾਨੇ ਧਾਤੁਨਾ ਵੁਚ੍ਚਮਾਨੇ ਚ ਏਯ੍ਯਾਦਯੋ ਹੋਨ੍ਤਿ ਵਿਭਾਸਾ. ਅਪਿ ਭਵਂ ਗਿਲਿਤਂ ਪਾਸਾਣਂ ਪਚੇਯ੍ਯ ਉਦਰਗ੍ਗਿਨਾ, ਸਮ੍ਭਾਵੇਮਿ ਸਦ੍ਦਹਾਮਿ ਭਵਂ ਪਚੇਯ੍ਯ, ਭਵਂ ਪਚਿਸ੍ਸਤਿ, ਭਵਂ ਅਪਚਿ.

ਪਞ੍ਹਾਦੀਸੁ ਕ੍ਰਿਯਤ੍ਥਤੋ ਏਯ੍ਯਾਦਯੋ ਹੋਨ੍ਤਿ.

ਪਞ੍ਹਾ ¶ ਸਂਪੁਚ੍ਛਨਂ, ਇਟ੍ਠਾ-ਸਿਂਸਨਂ ਯਾਚਨਂ ਦੁਵੇ;

ਪਤ੍ਥਨਾ, ਭਤ੍ਤਿਯਾ ਵਾ+ਥ, ਨ ਵਾ ਬ੍ਯਾਪਾਰਣਾ ਵਿਧਿ.

ਪਞ੍ਹੇ-ਕਿਂ ਸੋ ਭਤ੍ਤਂ ਪਚੇਯ੍ਯ, ਉਦਾਹੁ ਬ੍ਯਞ੍ਜਨਂ. ਪਤ੍ਥਨਾਯਂ-ਅਹੋ ਵਤ ਸੋ ਪਚੇਯ੍ਯ ਚੇ. ਵਿਧਿਮ੍ਹਿ-ਭਵਂ ਪਤ੍ਤਂ ਪਚੇਯ੍ਯ. (ਏਯ੍ਯਾਦਿਪਚ੍ਚਯਨਯੋ).

੧੦. ਤੁ ਅਨ੍ਤੁ ਹਿ ਥ ਮਿ ਮ ਤਂ ਅਨ੍ਤਂ ਸ੍ਸੁ ਵ੍ਹੋ ਏ ਆਮਸੇ

ਪਞ੍ਹਪਤ੍ਥਨਾਵਿਧਿਸ੍ਵੇ+ਤੇ ਹੋਨ੍ਤਿ ਕ੍ਰਿਯਤ੍ਥਤੋ. ਆਸਿਂਸਨਤ੍ਥੇ-ਸੋ ਸੁਖੀ ਭਵਤੁ, ਤੇ ਸੁਖਿਤਾ ਭਵਨ੍ਤੁ.

ਅਤੋ ਪਰਸ੍ਸ ਹਿਸ੍ਸ ਵਾ ਲੋਪੋ ਹੋਤਿ. ਤ੍ਵਂ ਸੁਖੀ ਭਵ ਭਵਾਹਿ, ਹਿਮ੍ਹਿ ਦੀਘੋ. ‘‘ਏਯ੍ਯਾਥਾ’’ਦਿਨਾ ਵ੍ਹੋਕ, ਤੁਮ੍ਹੇ ਸੁਖਿਤਾ ਭਵਥਵ੍ਹੋ ਭਵਥ. ਅਹਂ ਸੁਖੀ ਭਵਾਮਿ, ਮਯਂ ਸੁਖਿਨੋ ਭਵਾਮ. ਪਰਚ੍ਛਕ੍ਕੇ-ਤਥਾ ਭਵਤਂ, ਭਵਨ੍ਤਂ. ਭਵਸ੍ਸੁ, ਭਵਵ੍ਹੋ. ਭਵੇ ਭਵਾਮਸੇ. ਕਮ੍ਮੇ-ਤਯਾ ਅਨੁਭੂਯਤੁ, ਅਨੁਭੂਯਨ੍ਤੁ ਇਚ੍ਚਾਦਿ. ਭਾਵੇ-ਭੂਯਤੁ, ਭੂਯਤਂ.

ਆਣਤ੍ਤਿਯਂ-ਦੇਵਦਤ੍ਤੋ ਦਾਨਿ ਓਦਨਂ ਪਚਤੁ, ਪਚਨ੍ਤੁ ਇਚ੍ਚਾਦਿ. ਕਮ੍ਮੇ-ਤੇਨ ਓਦਨੋ ਪਚ੍ਚਤੁ ਇਚ੍ਚਾਦਿ. ਤਥਾ ਸੋ ਗਾਮਂ ਗਚ੍ਛਤੁ ਇਚ੍ਚਾਦਿ. ‘‘ਊ ਲਸ੍ਸੇ’’ਤਿ ਲਸ੍ਸੇ+ਕਾਰੇ ਗਮੇਤੁ, ਗਮੇਨ੍ਤੁ ਇਚ੍ਚਾਦਿ. ਘਮ੍ਮਾਦੇਸੇ ਘਮ੍ਮਤੁ, ਘਮ੍ਮਨ੍ਤੁ ਇਚ੍ਚਾਦਿ. ਕਮ੍ਮੇ-ਗਚ੍ਛੀਯਤੁ ਇਚ੍ਚਾਦਿ. ਤਥਾ ਗਮੀਯਤੁ ਇਚ੍ਚਾਦਿ.

ਵਿਧਿਮ੍ਹਿ-ਲਸ੍ਸ ਲੋਪੇ ਲੁਤ੍ਤੇ ਵੁਦ੍ਧਿ, ਇਧ ਪਬ੍ਬਤੋ ਹੋਤੁ.

ਨਿਮਨ੍ਤਨੇ-ਅਧਿਵਾਸੇਥ ¶ ਤੁਮ੍ਹੇ ਭਨ੍ਤੇ ਭਗਵਾ ਭੋਜਨਂ, ਵਸਤਿਸ੍ਸ ‘‘ਚੁਰਾਦਿਤੋ ਣੀ’’ਤਿ ਣਿਮ੍ਹਿ ‘‘ਅਸ੍ਸਾ ਣਾਨੁਬਨ੍ਧੇ’’ਤਿ ਆ, ‘‘ਯੁਵਣ੍ਣਾਨ+ਮੇਓ ਪਚ੍ਚਯੇ’’ਤਿ ਏ ਚ ਹੋਤਿ. ਇਧ ਨਿਸ੍ਸੀਦਤੁ ਭਵਂ, ਸਦਸ੍ਸ ‘‘ਜਰ+ਸਦਾਨ+ਮੀਮ ਵਾ’’ਤਿ ਈਮ, ਮਨੁਬਨ੍ਧਤ੍ਤਾ ਅਨ੍ਤਸਰਤੋ ਈਮ.

ਅਜ੍ਝੇਸਨੇ-ਦੇਸੇਤੁ ਭਨ੍ਤੇ ਭਗਵਾ ਧਮ੍ਮਂ, ਏਤ੍ਥ ਚੁਰਾਦਿਤ੍ਤਾ ਪੁਰਿਮਸਮਂ.

ਅਨੁਮਤਿਯਂ-ਪੁਚ੍ਛ ਵਾਸਵ ਮਂ ਪਞ੍ਹਂ, ਪਵਿਸਤੁ ਭਵਂ. ਏਤ੍ਥ ਪੁਚ੍ਛਤੋ ਹਿਸ੍ਸ ਲੋਪੋ. ਏਵਂ ਨਿਸੀਦ.

ਪਤ੍ਥਨਾ=ਯਾਚਨਾ, ਤਤ੍ਰ-ਦਦ=ਦਾਨੇ, ਦਦਾਹਿ ਮੇ ਗਾਮਵਰਾਨਿ ਪਞ੍ਚ, ਦਾਤੋ ਲਸ੍ਸ ਏਕਾਰੇ ਚ ਏਕਂ ਮੇ ਨਯਨਂ ਦੇਹਿ.

ਪਤ੍ਤਕਾਲੇ-ਸਮ੍ਪਤ੍ਤੋ ਤੇ ਕਾਲੋ ਕਟਕਰਣੇ, ਕਟਂ ਕਰੋਤੁ ਭਵਂ. ਏਤ੍ਥ ‘‘ਤਨਾਦਿਤ੍ਵੋ’’ਤਿ ਓ.

ਤ੍ਵਾਦੀ ਏਯ੍ਯਾਦਯੋ ਵਤ੍ਤ-ਮਾਨਾ ਸਮ੍ਪਤਿ,+ਨਾਗਤੇ;

ਭਵਿਸ੍ਸਤਿ, ਪਰੋਕ੍ਖਾਦਿ-ਚਤ੍ਤਾਰੋ+ਤੀਤਕਾਲਿਕਾ.

੫,੧੭੩. ਗਮ ਯਮਿ+ਸਾ+ਸ ਦਿਸਾਨਂ ਵਾ ਚ੍ਛਙ

ਏਤੇਸਂ ਵਾ ਚ੍ਛਙ ਹੋਤਿਨ੍ਤ+ਮਾਨ+ਤ੍ਯਾਦੀਸੁ. ਸੋ ਸਗ੍ਗਂ ਗਚ੍ਛਤਿ ਗਮੇਤਿ, ਗਚ੍ਛਨ੍ਤਿ ਇਚ੍ਚਾਦਿ. ਕਮ੍ਮੇ-ਗਚ੍ਛੀਯਤਿ ਗਮੀਯਤਿ ਇਚ੍ਚਾਦਿ. ਯਮ=ਉਪਰਮੇ, ਪਰੋਕ੍ਖਾਅਨਜ੍ਜਤਨਰੂਪਾਨਿ ਸਬ੍ਬਤ੍ਥ ਪਯੋਗ+ਮਨੁਗਮ੍ਮ ਯੋਜੇਤਬ੍ਬਾਨਿ. ਨਿਪੁਬ੍ਬੋ, ਨਿਯਚ੍ਛਤਿ ਨਿਯਮਤਿ, ਨਿਯਚ੍ਛਨ੍ਤਿ ਨਿਯਮਨ੍ਤਿ. ਸਂਪੁਬ੍ਬੋ, ‘‘ਯੇ ਸਂਸ੍ਸਾ’’ਤਿ ਞ੍ਞਤ੍ਤਂ, ਸਞ੍ਞਮਤਿ, ਸਞ੍ਞਮਨ੍ਤਿ. ਕਮ੍ਮੇ-ਨਿਯਚ੍ਛੀਯਤਿ ਨਿਯਮੀਯਤਿ ਨਿਯਮ੍ਮਤਿ, ਸਞ੍ਞਮੀਯਤਿ ਵਾ. ਤਥਾ ¶ ਨਿਯਚ੍ਛਿਸ੍ਸਤਿ, ਸਞ੍ਞਮਿਸ੍ਸਤਿ. ਨਿਯਚ੍ਛਿ, ਸਂਯਮਿ. ਨਿਯਚ੍ਛਿਸ੍ਸ, ਸਂਯਮਿਸ੍ਸ. ਨਿਯਚ੍ਛੇਯ੍ਯ, ਸਂਯਮੇਯ੍ਯ. ਨਿਯਚ੍ਛਤੁ, ਸਞ੍ਞਮਤੁ. ਇਸ+ਸਿਂਸ=ਇਚ੍ਛਾਯਂ, ਸੋ ਸਗ੍ਗਂ ਇਚ੍ਛਤਿ, ਇਚ੍ਛਨ੍ਤਿ ਇਚ੍ਚਾਦਿ. ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਵੁਦ੍ਧਿਮ੍ਹਿ ਏਸਤਿ, ਏਸਨ੍ਤਿ ਇਚ੍ਚਾਦਿ. ਕਮ੍ਮੇ-ਇਚ੍ਛੀਯਤਿ, ‘‘ਵਾ ਕ੍ਵਚੀ’’ਤਿ ਵੁਦ੍ਧਿਮ੍ਹਿ ਏਸੀਯਤਿ. ਪੁਬ੍ਬਰੂਪੇ ਇਸ੍ਸਤਿ ਇਸ੍ਸਤੇ ਇਚ੍ਚਾਦਿ. ਇਚ੍ਛਿਸ੍ਸਤਿ ਏਸਿਸ੍ਸਤਿ ਇਚ੍ਚਾਦਿ. ਇਚ੍ਛਿ ਏਸਿ. ਇਚ੍ਛਿਸ੍ਸ ਏਸਿਸ੍ਸ. ਇਚ੍ਛੇਯ੍ਯ ਏਸੇਯ੍ਯ. ਇਚ੍ਛਤੁ ਏਸਤੁ ਇਚ੍ਚਾਦਿ. ਆਸ=ਉਪਵੇਸਨੇ, ਸੋ ਆਸਨੇ ਅਚ੍ਛਤਿ ਇਚ੍ਚਾਦਿ. ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਰਸ੍ਸੋ, ਉਪਪੁਬ੍ਬੋ, ਤਥਾ ਉਪਾਸਤਿ. ਅਚ੍ਛਿਸ੍ਸਤਿ ਉਪਾਸਿਸ੍ਸਤਿ. ਅਚ੍ਛਿ ਉਪਾਸਿ. ਅਚ੍ਛਿਸ੍ਸ ਉਪਾਸਿਸ੍ਸ. ਅਚ੍ਛੇਯ੍ਯ ਉਪਾਸੇਯ੍ਯ. ਅਚ੍ਛਤੁ ਉਪਾਸਤੁ ਇਚ੍ਚਾਦਿ. ਦਿਸ=ਪੇਕ੍ਖਨੇ, ਦਿਚ੍ਛਤਿ ਦਿਚ੍ਛਨ੍ਤਿ ਇਚ੍ਚਾਦਿ ਸਬ੍ਬਂ ਪੁਰਿਮਸਮਂ. ਲਭ=ਲਾਭੇ, ਇਤੋ ਪਰਂ ਵਿਸੇਸਟ੍ਠਾਨਮੇਵਵਕ੍ਖਾਮ, ਸਬ੍ਬਵਾਰੋ ਵੁਤ੍ਤਾਨੁਸਾਰੇਨ ਗਹੇਤਬ੍ਬੋ. ਲਭਤਿ, ਲਭਨ੍ਤਿ ਇਚ੍ਚਾਦਿ. ਕਮ੍ਮੇ-ਕ੍ਯਸ੍ਸ ਪੁਬ੍ਬਰੂਪਾਦਿਮ੍ਹਿ ਕਤੇ ਲਬ੍ਭਤਿ ਇਚ੍ਚਾਦਿ.

ਲਭਸ੍ਮਾ ਇਂ ਈਨਂ ਥਂ+ਥਾ ਵਾ ਹੋਨ੍ਤਿ. ਸੋ ਅਲਭਿਤ੍ਥ ਲਭਿਤ੍ਥ ਅਲਭਿ ਲਭਿ ਇਂ ਪਚ੍ਚਯੇ ਅਲਤ੍ਥਂ ਅਲਭਿਂ ਇਚ੍ਚਾਦਿ.

ਲਭਾਦੀਨਂ ਚ੍ਛਙ ਹੋਤਿ ਸ੍ਸੇਨ ਸਹ. ਲਚ੍ਛਤਿ ਲਭਿਸ੍ਸਤਿ, ਲਚ੍ਛਨ੍ਤਿ ਲਭਿਸ੍ਸਨ੍ਤਿ ਇਚ੍ਚਾਦਿ. ਕ੍ਰਿਯਾਤਿਪਤ੍ਤਿਯਂ ਸ੍ਸਾਭਾਗਸ੍ਸ ਚ੍ਛਙਾਦੇਸੇ ਅਲਚ੍ਛਾ ਅਲਭਿਸ੍ਸ ਇਚ੍ਚਾਦਿ. ਵਸ=ਨਿਵਾਸੇ, ਵਚ੍ਛਤਿ ਵਸਿਸ੍ਸਤਿ. ਕਮ੍ਮੇ-ਬਹੁਲਾਧਿਕਾਰਾ ‘‘ਅਸ੍ਸੂ’’ਤਿ ਉਕਾਰੋ ¶ , ਪੁਬ੍ਬਰੂਪੇ ਵੁਸ੍ਸਤਿ ਵੁਸ੍ਸਿਸ੍ਸਤਿ ਇਚ੍ਚਾਦਿ. ਤਥਾ ਅਵਚ੍ਛਾ ਅਵਸਿਸ੍ਸਾ. ਛਿਦ=ਦ੍ਵੇਧਾਕਰਣੇ, ਛੇਚ੍ਛਤਿ ਛਿਨ੍ਦਿਸ੍ਸਤਿ, ‘‘ਮਞ੍ਚ ਰੁਧਾਦੀਨਂ’’ਤਿ ਮਂ ਲੋ ਚ. ਲਸ੍ਸ ਲੋਪੋ ਚ. ਭਿਦ=ਵਿਦਾਰਣੇ, ਭੇਚ੍ਛਤਿ ਭਿਨ੍ਦਿਸ੍ਸਤਿ. ਅਭੇਚ੍ਛਾ ਅਭਿਨ੍ਦਿਸ੍ਸਾ. ਰੁਦ=ਰੋਦਨੇ, ਰੁਚ੍ਛਤਿ ਰੋਦਿਸ੍ਸਤਿ. ਅਰੁਚ੍ਛਾ ਅਰੋਦਿਸ੍ਸਾ ਇਚ੍ਚਾਦਿ.

ਅਞ੍ਞਪਚ੍ਚਯੇਪਿ ਛਿਦਸ੍ਸ ‘‘ਚ੍ਛਙ’’ ਇਤਿ ਯੋਗਵਿਭਾਗਾ ਚ੍ਛਙ, ਭੂਤੇ ਊਂ ਪਚ੍ਚਯੇ ਅਚ੍ਛੇਚ੍ਛੁਂ ਅਚ੍ਛਿਨ੍ਦਿਂਸੁ. ਵੁਤ੍ਤਤੋ ਅਞ੍ਞਧਾਤੂਨਞ੍ਚ, ਗਮ=ਗਮਨੇ, ਗਚ੍ਛਂ ਗਚ੍ਛਿਸ੍ਸਂ. ਅਞ੍ਞਪਚ੍ਚਯੇਪਿ ਵਚ=ਬ੍ਯਤ੍ਤਵਚਨੇ ਇਚ੍ਚਾਦਿ, ਕਮ੍ਮੇ-ਬਹੁਲਾਧਿਕਾਰਾ ਤ੍ਯਾਦੀਸੁ ਪਰਭੂਤੇਸੁਪਿ ਯਥਾਗਮਂ ਵਚਾਦੀਨਞ੍ਚਸ੍ਸ ‘‘ਵਚਾਦੀਨਂ ਵਸ੍ਸੁਟ ਵਾ’’ਤਿ ਕਮ੍ਮੇ ਉਟ ਚ ‘‘ਅਸ੍ਸੂ’’ਤਿ ਅਸ੍ਸ ਉ ਚ, ਤੇਨ ਧਮ੍ਮੋ ਉਚ੍ਚਤਿ ਵੁਚ੍ਚਤਿ, ਵੁਚ੍ਚਨ੍ਤਿ ਇਚ੍ਚਾਦਿ, ਯਸ੍ਸ ਚ ਪੁਬ੍ਬਰੂਪਂ.

ਭੁਜਾਦੀਨਂ ਕ੍ਖਙ ਹੋਤਿ ਸ੍ਸੇਨ ਸਹ. ਵਕ੍ਖਤਿ ਵਚਿਸ੍ਸਤਿ, ਵਕ੍ਖਨ੍ਤਿ ਵਚਿਸ੍ਸਨ੍ਤਿ ਇਚ੍ਚਾਦਿ.

ਈਆਦੀਸੁ ਵਚਸ੍ਸ ਓਮ ਹੋਤਿ. ਮਕਾਰਾਨੁਬਨ੍ਧਤ੍ਤਾ ‘‘ਮਾਨੁਬਨ੍ਧੋ ਸਰਾਨ+ਮਨ੍ਤਾ ਪਰੋ’’ਤਿ ਪਰਿਭਾਸਤੋ ਸਰਾ ਪਰੋ. ਅਵੋਚਿ, ਅਵੋਚੁਂ, ਅਵੋਚੋ ਇਚ੍ਚਾਦਿ. ਅਨਜ੍ਜਤਨੇ-ਅਵਚ ਅਵਚਾ ਵਚਾ ਇਚ੍ਚਾਦਿ. ਕ੍ਰਿਯਾਤਿਪਤ੍ਤਿਯਂ-ਅਵਕ੍ਖਾ ਅਵਚਿਸ੍ਸਾ, ਅਵਕ੍ਖਿਂਸੁ ਅਵਚਿਸ੍ਸਿਂਸੁ ਇਚ੍ਚਾਦਿ. ਵਚੇਯ੍ਯ ਇਚ੍ਚਾਦਿ. ਕਮ੍ਮੇ-ਵੁਚ੍ਚੇਯ੍ਯ ਇਚ੍ਚਾਦਿ. ਤਥਾ ਵਚਤੁ, ਵੁਚ੍ਚਤੁ ਇਚ੍ਚਾਦਿ.

ਭੁਜ=ਪਾਲਨਜ੍ਝੋਹਾਰੇਸੁ ¶ , ‘‘ਭੁਜਾ’’ ਦਿਨਾ ਕ੍ਖਵਾਦੇਸੇ ਭੋਕ੍ਖਤਿ ਭੁਞ੍ਜਿਸ੍ਸਤਿ.

ਕੁਸ=ਅਕ੍ਕੋਸੇ, ਆਪੁਬ੍ਬੋ, ਤਸ੍ਸ ਰਸ੍ਸੋ ਚ, ਅਕ੍ਕੋਸਤਿ ਇਚ੍ਚਾਦਿ ਞੇਯ੍ਯਂ, ਲਵਿਕਰਣਲੋਪਵੁਦ੍ਧਿਯੋ.

ਕੁਸਾ ਰੁਹਾ ਚ ਪਰਸ੍ਸ ਈਸ੍ਸ ਛਿ ਵਾ ਹੋਤਿ. ਪਰਰੂਪਪਠਮਕ੍ਖਰਾਨਿ, ਅਕ੍ਕੋਚ੍ਛਿ ਅਕ੍ਕੋਸਿ ਇਚ੍ਚਾਦਿ. ਅਭਿਪੁਬ੍ਬੋ ਰੁਹ=ਰੋਹਨੇ, ਅਭਿਰੁਚ੍ਛਿ ਅਭਿਰੁਹਿ ਇਚ੍ਚਾਦਿ.

ਵਹ=ਪਾਪੁਣਨੇ, ਵਹਤਿ, ਵਹਨ੍ਤਿ. ਕਮ੍ਮੇ-ਕ੍ਯੇ ‘‘ਹਸ੍ਸ ਵਿਪਲ੍ਲਾਸੋ’’ਤਿ ਵਿਪਰਿਯਾਸੋ, ਤੇਨ ਸੋ ਵੁਯ੍ਹਤਿ, ‘‘ਅਸ੍ਸੂ’’ਤਿ ਉਤ੍ਤਂ. ਵਹਿਸ੍ਸਤਿ, ਵੁਯ੍ਹਿਸ੍ਸਤਿ. ਅਵਹਿ, ਅਵੁਯ੍ਹਿਤ੍ਥ, ਅਵੁਹਿ. ਅਵਹਿਸ੍ਸਾ, ਵੁਯ੍ਹੀਸ੍ਸਾ ਇਚ੍ਚਾਦਿ. ਵਹੇਯ੍ਯ, ਵੁਯ੍ਹੇਯ੍ਯ. ਵਹਤੁ, ਵੁਯ੍ਹਤੁ ਇਚ੍ਚਾਦਿ.

ਜਰ ਮਰਾਨਂ ਈਯਙ ਵਾ ਹੋਤਿ ਮਾਨ+ਨ੍ਤ+ਤ੍ਯਾਦੀਸੁ. ਜੀਯਤਿ. ‘‘ਜਰ ਸਦਾਨ+ਮੀਮ’’ਤਿ ਈਮਆਗਮੋ ਲੋ ਚ, ਜੀਰਤਿ. ਕਮ੍ਮੇ-ਜੀਰੀਯਤਿ ਜੀਯੀਯਤਿ. ਏਵਂ ਜੀਯਿਸ੍ਸਤਿ ਜੀਰਿਸ੍ਸਤਿ, ਜੀਯੀਯਿਸ੍ਸਤਿ ਜੀਰੀਯਿਸ੍ਸਤਿ. ਅਜੀਯਿ ਅਜੀਰਿ, ਅਜੀਯੀਯਿ ਅਜੀਰੀਯਿ. ਅਜੀਯਿਸ੍ਸਾ ਅਜੀਰਿਸ੍ਸਾ, ਅਜੀਯੀਯਿਸ੍ਸਾ ਅਜੀਰੀਯਿਸ੍ਸਾ ਅਜੀਯਿਸ੍ਸਾ ਅਜੀਰੀਯਿਸ੍ਸਾ ਇਚ੍ਚਾਦਿ. ਮਰ=ਪਾਣਚਾਗੇ, ਈਯਙ, ਮੀਯਤਿ ਮਰਤਿ, ਮੀਯਨ੍ਤਿ ਮਰਨ੍ਤਿ ਇਚ੍ਚਾਦਿ.

੫,੧੨੪. ਦਿਸਸ੍ਸ ¶ ਪਸ੍ਸ ਦਸ੍ਸ ਦਸ ਦ ਦਕ੍ਖਾਤਿ

ਏਤੇ ਆਦੇਸਾ ਦਿਸਸ੍ਸ ਵਾ ਹੋਨ੍ਤਿ. ਅਨੇਕਵਣ੍ਣਤ੍ਤਾ ਸਬ੍ਬਾਦੇਸੋ. ਪਸ੍ਸਤਿ ਪਸ੍ਸਨ੍ਤਿ, ਦਕ੍ਖਤਿ ਦਕ੍ਖਨ੍ਤਿ. ਕਮ੍ਮੇ-ਕ੍ਯੇ ਪੁਬ੍ਬਰੂਪੋ, ਦਿਸ੍ਸਤਿ ਦਿਸ੍ਸਨ੍ਤਿ, ਵਿਪਸ੍ਸੀਯਤਿ ਦਕ੍ਖੀਯਤਿ ਇਚ੍ਚਾਦਿ.

ਦਕ੍ਖਾਦੀਹਿ ਆਦੇਸੇਹਿ ਪਰਸ੍ਸ ਸ੍ਸਸ੍ਸ ਲੋਪੋ ਵਾ ਹੋਤਿ. ਦਕ੍ਖਤਿ ਦਕ੍ਖਿਸ੍ਸਤਿ. ਅਪਸ੍ਸਿ ਪਸ੍ਸਿ, ਅਪਸ੍ਸਿਂਸੁ ਪਸ੍ਸਿਂਸੁ ਅਪਸ੍ਸੋ ਪਸ੍ਸੋ, ਅਪਸ੍ਸਿਤ੍ਥ ਪਸ੍ਸਿਤ੍ਥ. ਅਪਸ੍ਸਿਂ ਪਸ੍ਸਿਂ, ਅਪਸ੍ਸਿਮ੍ਹ ਪਸ੍ਸਿਮ੍ਹ. ਤਥਾ ਅਦਸ੍ਸੀ ਦਸ੍ਸੀ, ਅਦਸ੍ਸਿਂਸੁ ਦਸ੍ਸਿਂਸੁ ਇਚ੍ਚਾਦਿ. ਅਨਜ੍ਜਤਨੇ ਦਸਾਦੇਸੋ, ਅਦ੍ਦਸਾ ਅਦ੍ਦਸ. ਅਦ੍ਦਾ ਅਦ੍ਦ ਇਚ੍ਚਾਦਿ. ਅਪਸ੍ਸਿਸ੍ਸ ਦਕ੍ਖਿਸ੍ਸ ਇਚ੍ਚਾਦਿ. ਪਸ੍ਸੇਯ੍ਯ ਦਕ੍ਖੇਯ੍ਯ, ਪਸ੍ਸਤੁ ਦਕ੍ਖਤੁ ਇਚ੍ਚਾਦਿ.

ਸਦ=ਵਿਸਰਣਗਤ੍ਯਾਵਸਾਦਨਾਦਾਨੇਸੁ, ਨਿਪੁਬ੍ਬੋ, ‘‘ਜਰਸਦਾਨ+ਮੀਮ ਵਾ’’ਤਿ ਈਮਆਗਮੋ. ਨਿਸੀਦਤਿ, ਨਿਸੀਦਨ੍ਤਿ ਇਚ੍ਚਾਦਿ. ਭਾਵੇ-ਨਿਸਜ੍ਜਤਿ, ਨਿਸਜ੍ਜਤੇ.

ਯਜ=ਦੇਵਪੂਜਾਸਂਗਤਿਕਰਣਦਾਨੇਸੁ, ਯਜਤਿ, ਯਜਨ੍ਤਿ ਇਚ੍ਚਾਦਿ. ਕਮ੍ਮੇ –

ਯਜਸ੍ਸ ਯਸ੍ਸ ਟਿ+ਯੀ ਹੋਨ੍ਤਿ ਕਾਨੁਬਨ੍ਧੇਤਿ ਬਹੁਲਾਧਿਕਾਰਾ ਤ੍ਯਾਦਿਵਿਸਯੇਪਿ ਕ੍ਯੇ ਪੁਬ੍ਬਰੂਪੇ ਚ ਇਜ੍ਜਤਿ ਯਿਜ੍ਜਤਿ ਮਯਾ ਬੁਦ੍ਧੋ. ਸੋ ਯਜਿਸ੍ਸਤਿ, ਤੇਨ ਇਜ੍ਜਿਸ੍ਸਤੇ ਯਿਜ੍ਜਿਸ੍ਸਤੇ. ਸੋ ਯਜੀ ¶ , ਤੇਨ ਇਜ੍ਜਿ ਯਿਜ੍ਜਿ. ਸੋ ਯਜਿਸ੍ਸਾ, ਤੇਨ ਇਜ੍ਜਿਸ੍ਸਾ ਯਿਜ੍ਜਿਸ੍ਸਾ. ਸੋ ਯਜੇਯ੍ਯ, ਤੇਨ ਇਜ੍ਜੇਯ੍ਯ ਯਿਜ੍ਜੇਯ੍ਯ. ਸੋ ਯਜਤੁ, ਤੇਨ ਇਜ੍ਜਤੁ ਯਿਜ੍ਜਤੁ ਇਚ੍ਚਾਦਿ.

ਵਦ=ਵਚਨੇ, ‘‘ਗਮਵਦਾ’’ ਦਿਨਾ ਵਦਸ੍ਸ ਵਜ੍ਜਾਦੇਸੋ ਵਾ, ਲਸ੍ਸ ‘‘ਊਲਸ੍ਸੇ’’ਤਿ ਕ੍ਵਚਿ ਏ ਚ, ਵਜ੍ਜਤਿ ਵਦੇਤਿ ਵਦਤਿ, ਵਜ੍ਜੇਨ੍ਤਿ ਵਦੇਨ੍ਤਿ ਇਚ੍ਚਾਦਿ. ਕਮ੍ਮੇ – ‘‘ਕ੍ਯਸ੍ਸਾ’’ਤਿ ਈਞ, ਵਜ੍ਜੀਯਤਿ ਵਜ੍ਜਤਿ ਵਦੀਯਤਿ, ਵਜ੍ਜੀਯਨ੍ਤਿ ਵਜ੍ਜਨ੍ਤਿ ਵਦੀਯਨ੍ਤਿ. ਵਦਿਸ੍ਸਤਿ, ਵਦਿਸ੍ਸਨ੍ਤਿ. ਅਵਦੀ ਵਦੀ, ਅਵਦਿਂਸੁ ਵਦਿਂਸੁ. ਅਵਦਿਸ੍ਸ ਵਦਿਸ੍ਸ. ਵਜ੍ਜੇ ਵਜ੍ਜੇਯ੍ਯ ਵਦੇ ਵਦੇਯ੍ਯ, ਵਜ੍ਜੇਯ੍ਯੁਂ ਵਦੇਯ੍ਯੁਂ. ਵਜ੍ਜੇਤੁ ਵਦੇਤੁ ਵਦਤੁ ਇਚ੍ਚਾਦਿ ਯਥਾਗਮਂ ਞੇਯ੍ਯਂ.

ਕਮੁ=ਪਦਵਿਕ੍ਖੇਪੇ, ‘‘ਪਰੋਕ੍ਖਾਯਞ੍ਚਾ’’ਤਿ ਚਗ੍ਗਹਣੇਨ ਕਮ ਕਮ ਇਤਿ ਦ੍ਵਿਤ੍ਤੇ ਅਨਾਦਿਬ੍ਯਞ੍ਜਨਲੋਪੇ ਲਵਿਕਰਣੇ ‘‘ਕਵਗ੍ਗਹਾ’’ ਦਿਨਾ ਕਸ੍ਸ ਚੇ ਨਿਗ੍ਗਹੀਤਾਗਮੇ ਚ ਕਤੇ ਚਂਕਮਤਿ ਕਮਤਿ ਇਚ੍ਚਾਦਿ. ਚਲ=ਕਮ੍ਪਨੇ, ਚਂਚਲਤਿ. ਜਲ+ਦਲ=ਦਿਤ੍ਤਿਯਂ, ਦ੍ਵਿਤ੍ਤੇ ਦਦ੍ਦਲ੍ਲਤਿ ਇਚ੍ਚਾਦਿ. (ਸਵੁਦ੍ਧਿਕਭੂਵਾਦਿਨਯੋ).

ਹੂ+ਭੂ=ਸਤ੍ਤਾਯਂ, ਤ੍ਯਾਦੀਸੁ ‘‘ਕਤ੍ਤਰਿ ਲੋ’’ਤਿ ਲੋ, ਤਸ੍ਸ ਲੋਪੇ ‘‘ਯੁਵਣ੍ਣਾਨ+ਮੇਓ ਪਚ੍ਚਯੇ’’ਤਿ ਓਕਾਰੋ. ਸੋ ਹੋਤਿ, ਤੇ ਹੋਨ੍ਤਿ. ਹੋਸਿ, ਹੋਥ. ਹੋਮਿ, ਹੋਮ ਇਚ੍ਚਾਦਿ. ਭਾਵੇ-ਤੇਨ ਹੂਯਤਿ ਹੂਯਤੇ.

੩੧. ਹੂਸ੍ਸ ਹੇ+ਹੇਹਿ+ਹੋਹਿ ਸ੍ਸਤ੍ਯਾਦੋ

ਹੂਸ੍ਸ ਹੇਆਦਯੋ ਹੋਨ੍ਤਿ ਸ੍ਸਚ੍ਚਾਦੋ. ਹੇਸ੍ਸਤਿ ਹੇਹਿ ਸ੍ਸਤਿ ਹੋਹਿਸ੍ਸਤਿ.

ਦਕ੍ਖਾਦੀਹਿ ¶ ਆਦੇਸੇਹਿ ਪਰਸ੍ਸ ਸ੍ਸਸ੍ਸ ਵਾ ਲੋਪੋ ਹੋਤਿ. ਹੇਹਿਤਿ ਹੇਹਿਸ੍ਸਤਿ, ਹੋਹਿਤਿ ਹੋਹਿਸ੍ਸਤਿ. ਹੇਹਿਨ੍ਤਿ ਹੇਹਿਸ੍ਸਨ੍ਤਿ, ਹੋਹਿਨ੍ਤਿ ਹੋਹਿਸ੍ਸਨ੍ਤਿ ਇਚ੍ਚਾਦਿ. ਅਨਜ੍ਜਤਨੇ ਈਮ੍ਹਿ ਅਞਾਗਮੋ, ‘‘ਪਰੋ ਕ੍ਵਚੀ’’ਤਿ ਈਸ੍ਸ ਲੋਪੋ, ਸੋ ਅਹੁ. ਵੁਦ੍ਧਿਮ੍ਹਿ ‘‘ਦੀਘਾ ਈਸ੍ਸ’’ ਇਤਿ ਈਸ੍ਸ ਸਿਆਦੇਸੋ, ਸੁਵੋ ਅਹੋਸਿ ਆਨਨ੍ਦੋ.

ਹੂਤੋ ਪਰਸ੍ਸ ਉ+ਮਿਚ੍ਚਸ੍ਸ ਰੇਸੁਂ ਵਾ ਹੋਤਿ. ਰਕਾਰਾਨੁਬਨ੍ਧੋ ‘‘ਰਾਨੁਬਨ੍ਧੇਨ੍ਤਸਰਾਦਿਸ੍ਸਾ’’ਤਿ ਅਨ੍ਤਸਰਾਦਿਸ੍ਸ ਲੋਪੋ. ਅਹੇਸੁਂ. ਓਕਾਰਵੁਦ੍ਧਿ ਅਵਾਦੇਸੇ ਅਹਵੁਂ. ਓਸ੍ਸ ਸਿਆਦੇਸੇ ਅਹੋਸਿ.

ਇਮਿਚ੍ਚਸ੍ਸ ਸਿਞ ਹੋਤਿ ਮ੍ਹਾਤ੍ਥਾਨਞ੍ਚ ਬਹੁਲਂ. ਞਾਕਾਰੋ ਆਖ੍ਯਾਵਯਵਤ੍ਥੋ (ਉਕਾਰੋ) ਇਕਾਰੋ ਉਚ੍ਚਾਰਣਤ੍ਥੋ. ‘‘ਅਈਸ੍ਸਾ’’ ਦਿਨਾ ਇਞਾਗਮੇ ਤੁਮ੍ਹੇ ਅਹੋਸਿਤ੍ਥ, ਅਹੋਸਿ. ਪਰਸ੍ਸਰਲੋਪੇ ਰਸ੍ਸੇ ਚ ਅਹੁਂ, ਅਹੋਸਿਮ੍ਹ, ਅਹੁਮ੍ਹ, ਰਸ੍ਸੋ. ਭਾਵੇ-ਅਭਵਿ, ਆਸ੍ਸਤ੍ਥਾਦੇਸੋ, ਅਭਵਿਤ੍ਥ. ਅਨਜ੍ਜਤਨੇ ਆਊਆਦਿਪਚ੍ਚਯੇ ਕਤੇ ‘‘ਯੁਵਣ੍ਣਾਨ+ਮਿਯ ਙੁਵਙ ਸਰੇ’’ਤਿ ਉਵਙਾਦੇਸੇ ਅਹੁਵਾ, ਅਹੁਵੁ, ਅਹੁਵੋ, ਅਹੁਵਤ੍ਥ. ਅਸ੍ਸ ਅਮਾਦੇਸੇ ਅਹੁਂ ਅਹੁਵਂ, ਅਹੁਮ੍ਹ ਇਚ੍ਚਾਦਿ. ਭਾਵੇ-ਤੇਨ ਅਹੁਯਿ ਅਹੁਯਿਤ੍ਥ. ਅਹਵਿਸ੍ਸਾ, ਅਹਵਿਸ੍ਸਂਸੁ ਇਚ੍ਚਾਦਿ. ਭਾਵੇ-ਅਹੁਯਿਸ੍ਸ, ਅਹੁਯਿਸ੍ਸਥ. ਪੁਬ੍ਬਸ੍ਸਰਲੋਪੋ, ਹੇਯ੍ਯ ¶ , ਹੇਯ੍ਯੁਂ ਇਚ੍ਚਾਦਿ. ਭਾਵੇ-ਹੂਯੇਯ੍ਯ, ਹੂਯੇਥ. ਹੋਤੁ, ਹੋਨ੍ਤੁ ਇਚ੍ਚਾਦਿ. ਭਾਵੇ-ਹੂਯਤੁ, ਹੂਯਤਂ. ਅਨੁਪੁਬ੍ਬੇ ਅਨੁਭੋਤਿ ਇਚ੍ਚਾਦਿ ਸਬ੍ਬਵਾਰੇਸੁ ਯੋਜੇਤਬ੍ਬਂ. ਭਾਵੇ ਰੂਪਾਭਾਵਾ. ਕਮ੍ਮੇ-ਅਨੁਭੂਯਤਿ ਇਚ੍ਚਾਦਿ ਵਿਸੇਸੋ.

ਸਿ=ਸਯੇ, ਲਸ੍ਸ ਲੋਪੋ ਵੁਦ੍ਧਿ, ਸੇਤਿ. ਅਯਾਦੇਸੇ ਸਯਤਿ, ਸੇਨ੍ਤਿ ਸਯਨ੍ਤਿ ਇਚ੍ਚਾਦਿ. ਕਮ੍ਮੇ-ਅਤਿਪੁਬ੍ਬੋ, ਕ੍ਯੇ ‘‘ਦੀਘੋ ਸਰਸ੍ਸਾ’’ਤਿ ਇਸ੍ਸ ਦੀਘੇ ਚ ਕਤੇ ਤੇਨ ਅਤਿਸੀਯਤਿ, ਅਤਿਸੀਯਨ੍ਤਿ ਇਚ੍ਚਾਦਿ. ਭਾਵੇ-ਤੇਨ ਸੀਯਤਿ, ਸੀਯਤੇ. ਤਥਾ ਭਵਿਸ੍ਸਤਿਆਦੀਸੁ.

ਨੀ=ਪਾਪਨੇ, ਦ੍ਵਿਕਮ੍ਮਕੋ+ਯਂ, ਅਜਂ ਗਾਮਂ ਨੇਤਿ ਨਯਤਿ, ਨੇਨ੍ਤਿ ਨਯਨ੍ਤਿ ਇਚ੍ਚਾਦਿ. ਕਮ੍ਮੇ-ਨੀਯਤੇ ਗਾਮਂ ਅਜੋ ਦੇਵਦਤ੍ਤੇਨ ਇਚ੍ਚਾਦਿ. ਤਥਾ ਸੇਸੇਸੁਪਿ ਯੋਜੇਤਬ੍ਬਂ.

ਠਾਪਾਨਂ ਤਿਟ੍ਠਪਿਵਾਹੋਨ੍ਤਿ ਵਾ ਨ੍ਤ+ਮਾਨ+ਤ੍ਯਾਦੀਸੁ. ਲਸ੍ਸ ਲੋਪੇ ਤਿਟ੍ਠਤਿ, ਤਿਟ੍ਠਨ੍ਤਿ, ਠਾਤਿ, ਠਾਨ੍ਤਿ.

੫,੧੩੧. ਪਾਦਿਤੋ ਠਾਸ੍ਸ ਵਾ ਠਹੋ ਕ੍ਵਚਿਤਿ

ਪਾਦਿਤੋ ਪਰਸ੍ਸ ਠਾਸ੍ਸ ਕ੍ਵਚਿ ਠਹੋ ਹੋਤਿ ਵਾ. ਸਣ੍ਠਹਤਿ, ਸਣ੍ਠਹਨ੍ਤਿ. ਲਸ੍ਸੇ, ਅਧਿਟ੍ਠੇਤਿ, ਅਧਿਟ੍ਠੇਨ੍ਤਿ. ਕਮ੍ਮੇ –

ਞਾਦਿਤੋ+ਞ੍ਞਸ੍ਸ ਆਕਾਰਨ੍ਤਸ੍ਸ ਕ੍ਰਿਯਤ੍ਥਸ੍ਸ ਈ ਹੋਤਿ ਕ੍ਯੇ. ਉਪਠੀਯਤਿ, ਉਪਠੀਯਨ੍ਤਿ. ਠਹਾਦੇਸੇ ‘‘ਕ੍ਯਸ੍ਸਾ’’ਤਿ ਈਞ ¶ , ਤੇਨ ਪਤਿਟ੍ਠਹੀਯਤਿ, ਪਤਿਟ੍ਠਹੀਯਨ੍ਤਿ. ਭਾਵੇ-ਈਮ੍ਹਿ ਠੀਯਤਿ, ਠੀਯਤੇ. ਤਥਾ ਪਪੁਬ੍ਬੇ ਪਤਿਟ੍ਠਿਸ੍ਸਤਿ ਪਤਿਟ੍ਠਹਿਸ੍ਸਤਿ. ਈਸ੍ਸ ਸਿਮ੍ਹਿ ਅਟ੍ਠਾਸਿ, ਅਟ੍ਠਂਸੁ, ਸਣ੍ਠਹਿ, ਸਣ੍ਠਹਿਂਸੁ. ਪਤਿਟ੍ਠਿਸ੍ਸ ਪਤਿਟ੍ਠਹਿਸ੍ਸ. ਤਿਟ੍ਠੇ ਤਿਟ੍ਠੇਯ੍ਯ, ਸਣ੍ਠੇ ਸਣ੍ਠੇਯ੍ਯ, ਸਣ੍ਠੇਯ੍ਯੁਂ, ਸਣ੍ਠਹੇ ਸਣ੍ਠਹੇਯ੍ਯ. ਤਿਟ੍ਠਤੁ ਠਾਤੁ, ਸਣ੍ਠਹਤੁ ਇਚ੍ਚਾਦਿ.

ਪਾ=ਪਾਨੇ, ਪਿਵਾਦੇਸੇ ਪਿਵਤਿ. ‘‘ਤਵਗ੍ਗਵਰਣਾ’’ ਦੋ ‘‘ਬਯਞਾ’’ਤਿ ਯੋਗਵਿਭਾਗੇਨ ਵਸ੍ਸ ਬਕਾਰੋ, ਪਿਬਤਿ. ਕਮ੍ਮੇਪੀਯਤਿ, ਪੀਯਨ੍ਤਿ ਇਚ੍ਚਾਦਿ.

ਅਤ੍ਥਿਤੋ ਪਰਸ੍ਸ ਤਸ੍ਸ ਥੋ ਹੋਤਿ. ਪਰਰੂਪੇ ਪਠਮਕ੍ਖਰਤਕਾਰੇ ਚ ਅਤ੍ਥਿ. ‘‘ਨ੍ਤ+ਮਾਨ+ਨ੍ਤਿ+ਯਿ+ਯੁਂਸ੍ਵਾ+ਦਿਲੋਪੋ’’ਤਿ ਅਸ੍ਸ ਲੋਪੋ, ਸਨ੍ਤਿ.

ਅਤ੍ਥਿਸ੍ਸ ਅਟ ਹੋਤਿ ਸਿਹਿਸੁ. ਟੋ ਸਬ੍ਬਾਦੇਸਤ੍ਥੋ. ਤ੍ਵਂ ਅਸਿ. ਪਰਰੂਪਾਦਿਮ੍ਹਿ ਕਤੇ ਇਦਾਨਿ ਤੁਮ੍ਹੇ ਅਤ੍ਥ.

ਅਸਸ੍ਮਾ ਪਰੇਸਂ ਮਿਮਾਨਂ ਮ੍ਹਿਮ੍ਹਾ ਵਾ ਹੋਨ੍ਤਿ ਤਂਸਨ੍ਨਿਯੋਗੇਨ ਅਸਸ੍ਸ ਅਟ ਚ. ਅਮ੍ਹਿ.

ਏਸੁ ¶ ਮਿਮੇਸੁ ਅਸਸ੍ਸ ਸੋ ਹੋਤਿ, ਪਰਰੂਪਬਾਧਨਤ੍ਥਂ. ਅਸ੍ਮਿ, ਅਮ੍ਹ ਅਸ੍ਮ. ਭਵਿਸ੍ਸਤਿਪਚ੍ਚਯੇ –

ਪਰੋਕ੍ਖਾ ਅ-ਆਦੋ ਅਨਜ੍ਜਤਨ ਆ-ਆਦੋ ਕ੍ਰਿਯਾਤਿਪਤ੍ਤਿਸ੍ਸਾ-ਆਦੋ ਭਵਿਸ੍ਸਤਿਸ੍ਸਤ੍ਯਾਦੋ ਚ ਅਤ੍ਥਿਸ੍ਸ ਭੁ ਹੋਤਿ. ਆਦੇਸਵਿਧਾਨਂ ਅਸਸ੍ਸਾਪਯੋਗਤ੍ਥਂ, ਕਿਸ੍ਮਿਞ੍ਚਿ ਪਚ੍ਚਯਵਿਸੇਸੇ, ਤਸ੍ਮਾ ਅਸਿਤਬ੍ਬਨ੍ਤਿਆਦਿ ਨ ਭਵਤਿ. ਭਵਿਸ੍ਸਤਿ, ਭਵਿਸ੍ਸਨ੍ਤਿ. ਅਭਵਾ, ਅਭਵੁ. ਕ੍ਰਿਯਾਤਿਪਤ੍ਤਿਯਂ ਭੁਆਦੇਸੇ ਅਭਵਿਸ੍ਸ, ਅਭਵਿਸ੍ਸਂਸੁ ਇਚ੍ਚਾਦਿ. ਏਯ੍ਯਾਦਿਮ੍ਹਿ –

੫੦. ਅਤ੍ਥਿਤੇ+ਯ੍ਯਾਦਿਚ੍ਛਨ੍ਨਂ ਸ+ਸੁ+ਸ+ਸਥ+ਸਂ+ਸਾਮ

ਅਸ=ਭੁਵਿ+ਚ੍ਚਸ੍ਮਾ ਪਰੇਸਂ ਏਯ੍ਯਾਦਿਚ੍ਛਨ੍ਨਂ ਸਾਦਯੋ ਹੋਨ੍ਤਿ ਯਥਾਕ੍ਕਮਂ. ਪਰਰੂਪੇ ਸੋ ਅਸ੍ਸ, ਤੇ ਅਸ੍ਸੁ. ਤ੍ਵਂ ਅਸ੍ਸ, ਤੁਮ੍ਹੇ ਅਸ੍ਸਥ. ਅਹਂ ਅਸ੍ਸਂ, ਮਯਂ ਅਸ੍ਸਾਮ. ਤ੍ਵਾਦਿਮ੍ਹਿ ਸੋ ਅਤੁ, ਅਸ੍ਸ ਲੋਪੇ ਸਨ੍ਥੁ, ਅਯਾਦੇਸੇ ਤ੍ਵਂ ਅਹਿ, ਤੁਮ੍ਹੇ ਅਤ੍ਥ. ਅਮ੍ਹਿ, ਅਮ੍ਹ, ਸਾਦੇਸੇ ਅਸ੍ਮਿ ਅਸ੍ਮ. ਬਹੁਲਾਧਿਕਾਰਾ ਅਜ੍ਜਤਨੇ ਆਸਿ, ਆਸਿਂਸੁ, ਆਸੁਂ ਇਚ੍ਚਾਦੀਪਿ ਹੋਨ੍ਤਿ.

ਬ੍ਰੂਤੋ ਪਰਸ੍ਸ ਤਿਸ੍ਸ ਈਞ ਵਾ ਹੋਤਿ. ਵੁਦ੍ਧਿਅਵਾਦੇਸੇ ਲਸ੍ਸ ਲੋਪੇ ਬ੍ਰਵੀਤਿ.

ਬ੍ਰੂਸ੍ਸ ¶ ਓ ਨ ਹੋਤਿ ਬ੍ਯਞ੍ਜਨੇ. ਬ੍ਰੂਤਿ. ਉਵਙਾਦੇਸੇ ਬ੍ਰੂਵਨ੍ਤਿ.

ਆਹਾ ਪਰੇਸਂ ਤਿ+ਅਨ੍ਤੀਨਂ ਟ+ਟੂ ਹੋਨ੍ਤਿ. ਟਕਾਰਾ ਸਬ੍ਬਾਦੇਸਤ੍ਥਾ. ਅਤੋਯੇਵ ਆਹਾ ਪਰੇਸਂ ਤਿਅਨ੍ਤੀਨਂ ਟਟੂਵਿਧਾਨਞਾਪਕਾ ਤਿਅਨ੍ਤੀਸੁ ਬ੍ਰੂਸ੍ਸ ਆਹੋ. ਆਹ, ਆਹੁ. ਬ੍ਰੂਸਿ, ਬ੍ਰੂਥ. ਬ੍ਰੂਮਿ, ਬ੍ਰੂਮ ਇਚ੍ਚਾਦਿ. ਬ੍ਰਵਿਸ੍ਸਤਿ. ਅਬ੍ਰਵਿ ਅਬ੍ਰਵੀ, ਅਬ੍ਰਵੁਂ. ਅਨਜ੍ਜਤਨੇ ਅਬ੍ਰਵਾ, ਅਬ੍ਰਵੁ. ਪਰੋਕ੍ਖਾਯਂ –

ਬ੍ਰੂਸ੍ਸ ਆਹੋ ਹੋਤਿ ਪਰੋਕ੍ਖਾਅਆਦੀਸੁ. ਸੁਪਿਨੇ ਕਿਰ ਸੋ ਆਹ, ਤੇ ਆਹੁ ਇਚ੍ਚਾਦਿ. ਅਬ੍ਰਵਿਸ੍ਸ. ਬ੍ਰਵੇ ਬ੍ਰਵੇਯ੍ਯ. ਵੁਦ੍ਧਿਪ੍ਪਟਿਸੇਧੇ ਬ੍ਰੂਤੁ, ਬ੍ਰਵਨ੍ਤੁ ਇਚ੍ਚਾਦਿ.

ਹਨ=ਹਿਂਸਾਯਂ, ਤਿਮ੍ਹਿ ਵਿਕਰਣਲੋਪੇ ਸੋ ਹਨਤਿ ਹਨ੍ਤਿ. ਤੇ ਹਨਨ੍ਤਿ ਇਚ੍ਚਾਦਿ. ਕਮ੍ਮੇ-ਯੇ ਨਸ੍ਸ ਞ੍ਞੇ ਪੁਬ੍ਬਰੂਪਂ, ਤੇਨ ਹਞ੍ਞਤਿ, ਹਞ੍ਞਨ੍ਤਿ ਹਞ੍ਞਰੇ. ਤਥਾ ਹਨਿਸ੍ਸਤਿ ਇਚ੍ਚਾਦਿ.

ਹਨਾ ਸ੍ਸਾਸ੍ਸ ਛ+ਖਾ ਵਾ ਹੋਨ੍ਤਿ. ਪਟਿਹਂਖਾਮਿ ਪਟਿਹਨਿਸ੍ਸਾਮਿ. ਹਂਛੇਮ ਹਨਿਸ੍ਸਾਮ. ਅਹਨਿ, ਅਹਨਿਂਸੂਤਿਆਦਿ ਸਬ੍ਬਤ੍ਥ ਯੋਜੇਤਬ੍ਬਂ. ਹੁਵਾਦਯੋ

ਹੁ=ਹਵਨੇ ¶ . ਤ੍ਯਾਦੀਸੁ ਲੋ. ‘‘ਪਰੋਕ੍ਖਾਯਞ੍ਚਾ’’ਤਿ ਚਗ੍ਗਹਣੇਨ ਹੁ ਹੁਤਿ ਦ੍ਵਿਤ੍ਤਂ, ‘‘ਕਵਗ੍ਗਹਾਨਂ ਚਵਗ੍ਗਜਾ’’ਤਿ ਹਸ੍ਸ ਜੋ, ਲਲੋਪੋ ਵੁਦ੍ਧਿ ਚ, ਜੁਹੋਤਿ ਅਗ੍ਗਿਂ, ਅਞ੍ਞਤ੍ਰ ‘‘ਯਵਾ ਸਰੇ’’ਤਿ ਵਕਾਰੋ, ਜੁਹ੍ਵਤਿ. ਜੁਹੋਨ੍ਤਿ. ਜੁਹ੍ਵਨ੍ਤਿ. ਜੁਹੋਸਿ ਜੁਹ੍ਵਸਿ, ਜੁਹੋਥ ਜੁਹ੍ਵਥ. ਇਚ੍ਚਾਦਿ. ਕਮ੍ਮੇ – ‘‘ਦੀਘੋ ਸਰਸ੍ਸਾ’’ਤਿ ਦੀਘੇ ਹੂਯਤਿ ਤੇਨ ਅਗ੍ਗਿ ਇਚ੍ਚਾਦਿ. ਜੁਹਿਸ੍ਸਤਿ, ਜੁਹਿਸ੍ਸਨ੍ਤਿ. ਅਜੁਹਵਿ ਅਜੁਹੋਸਿ, ਅਜੁਹਵੁਂ ਅਜੁਹਵਿਂਸੁ ਅਜੁਹਵਂਸੁ ਅਜੁਹੋਸੁਂ. ਅਜੁਹਿਸ੍ਸ, ਅਜੁਹਿਸ੍ਸਂਸ੍ਸੁ. ਜੁਹੇ ਜੁਹੇਯ੍ਯ. ਜੁਹੋਤੁ, ਜੁਹੋਨ੍ਤੁ ਇਚ੍ਚਾਦਿ.

ਹਾ=ਚਾਗੇ, ਪੁਰੇ ਵਿਯ ਦ੍ਵੇਭਾਵਛਾਦੇਸਲੋਪੇ ‘‘ਰਸ੍ਸੋ ਪੁਬ੍ਬਸ੍ਸਾ’’ਤਿ ਪੁਬ੍ਬਸ੍ਸ ਆਸ੍ਸ ਰਸ੍ਸੋ. ਜਹਾਤਿ ਇਚ੍ਚਾਦਿ. ਕਮ੍ਮੇ – ‘‘ਅਞ੍ਞਾਦਿਸ੍ਸਾ+ਸ੍ਸੀ ਕ੍ਯੇ’’ਤਿ ਕ੍ਯੇ ਆਸ੍ਸ ਈ, ਹੀਯਤਿ ਇਚ੍ਚਾਦਿ. ਜਹਿਸ੍ਸਤਿ. ਅਜਹਾਸਿ, ‘‘ਦੀਘਾ ਈਸ੍ਸ’’ ਇਤਿ ਸਿ, ਪਜਹਿ, ਅਜਹਿਂਸੁ ਅਜਹਂਸੁ, ਪਜਹਿਂਸੁ ਪਜਹੁਂ. ਕਮ੍ਮੇ-ਪਹੀਯਿ ਪਹੀਯਿਤ੍ਥ. ਸ੍ਸਾਦਿ+ਏਯ੍ਯਾਦਿ+ਤ੍ਵਾਦੀਸੁਪਿ ਞੇਯ੍ਯਾ.

ਦਾ=ਦਾਨੇ, ਦ੍ਵਿਭਾਵਰਸ੍ਸਤ੍ਤਾਨਿ, ਲਲੋਪੋ, ਦਦਾਤਿ, ਦਦਨ੍ਤਿ ਇਚ੍ਚਾਦਿ. ‘‘ਗਮਵਦਾ’’ ਦਿਨਾ ਦਜ੍ਜਾਦੇਸੇ ਦਜ੍ਜਤਿ, ਦਜ੍ਜਨ੍ਤਿ ਇਚ੍ਚਾਦਿ. ਲਸ੍ਸੇ+ਕਾਰੇ ਦਾਨਂ ਦੇਤਿ ਇਚ੍ਚਾਦਿ.

੨੨. ਦਾਸ੍ਸ ਦਂ ਵਾ ਮਿਮੇਸ੍ਵ+ਦ੍ਵਿਤ੍ਤੇ

ਅਦ੍ਵਿਤ੍ਤੇ ਵਤ੍ਤਮਾਨਸ੍ਸ ਦਾਸ੍ਸ ਦਂ ਹੋਤਿ ਵਾ ਮਿਮੇਸੁ. ਵਗ੍ਗਨ੍ਤਂ, ਦਮ੍ਮਿ ਦੇਮਿ, ਦਮ੍ਮ ਦੇਮ. ਈਕਾਰੇ ਦੀਯਤਿ ਇਚ੍ਚਾਦਿ. ਅਨਾਗਤਤ੍ਥੇ ਇਞਾਗਮੇ ਸਰਣੋਪਾਦਿ, ਦਦਿਸ੍ਸਤਿ, ਦਦਿਸ੍ਸਨ੍ਤਿ. ਦਜ੍ਜਿਸ੍ਸਤਿ, ਦਜ੍ਜਿਸ੍ਸਨ੍ਤਿ. ਲਵਿਕਰਣੇ ¶ ਦਸ੍ਸਤਿ, ਦਸ੍ਸਨ੍ਤਿ. ਅਜ੍ਜਤਨੇ-ਅਦਦਿ, ਅਦਦਿਂਸੁ, ਅਦਜ੍ਜਿ, ਅਦਜ੍ਜਿਂਸੁ, ਅਦਾਸਿ, ਅਦਂਸੁ. ਅਨਜ੍ਜਤਨੇ-ਅਦਦਾ, ਅਦਦੁ. ਕਾਲਾਤਿਪਤ੍ਤਿਯਂ-ਅਦਦਿਸ੍ਸ ਅਦਜ੍ਜਿਸ੍ਸ, ਲੇ ਅਦਸ੍ਸ, ਦਸ੍ਸਂਸੁ. ਏਯ੍ਯਾਦਿਮ੍ਹਿ-ਦਦੇ ਦਦੇਯ੍ਯ ਦਜ੍ਜੇ ਦਜ੍ਜੇਯ੍ਯ. ‘‘ਟਾ’’ਤਿ ਬਹੁਲਾਧਿਕਾਰਾ ਦਜ੍ਜਾਦੇਸਾ ਪਰਸ੍ਸ ਏਯ੍ਯਸ੍ਸ ਟਾ, ਦਜ੍ਜਾ, ਦਜ੍ਜੁਂ ਦਜ੍ਜੇਯ੍ਯਂ ਦਦੇਯ੍ਯੁਂ. ਤ੍ਵਾਦੀਸੁ-ਦਦਾਤੁ, ਦਦਨ੍ਤੁ, ਦਜ੍ਜਤੁ, ਦਜ੍ਜਨ੍ਤੁ, ਲਸ੍ਸੇ+ਕਾਰੇ ਦੇਤੁ, ਦੇਨ੍ਤੁ ਇਚ੍ਚਾਦਿ. ਸਬ੍ਬਤ੍ਥ ਕਮ੍ਮੇਪਿ ਯੋਜਨੀਯਂ.

ਧਾ=ਧਾਰਣੇ, ਤ੍ਯਾਦਿਮ੍ਹਿ ਚਗ੍ਗਹਣੇਨ ਦ੍ਵਿਤ੍ਤੇ ਪੁਬ੍ਬਾਕਾਰਸ੍ਸ ਰਸ੍ਸਤ੍ਤੇ ਲਲੋਪੇ ‘‘ਚਤੁਤ੍ਥਦੁਤਿਯਾਨਂ ਤਤਿਯਪਠਮਾ’’ਤਿ ਪੁਬ੍ਬਧਕਾਰਸ੍ਸ ਦਕਾਰੇ ਚ ਕਤੇ ਦਧਾਤਿ, ਦਧਨ੍ਤਿ. ਪਿਪੁਬ੍ਬੋ, ‘‘ਤਦਮਿਨਾ’’ ਦਿਨਾ ਆਸ੍ਸ ਲੋਪੋ, ‘‘ਧਾਸ੍ਸ ਹੋ’’ਤਿ ਦ੍ਵਿਤ੍ਤੇ ਪਰਸ੍ਸ ਧਾਸ੍ਸ ਹਕਾਰੋ, ਦ੍ਵਾਰਂ ਪਿਦਹਤਿ, ਪਿਦਹਨ੍ਤਿ. ਲਸ੍ਸੇ+ਕਾਰੇ ਨਿਧੇਤਿ, ਨਿਧੇਨ੍ਤਿ. ਕਮ੍ਮੇ-ਵਿਧੀਯਤਿ, ਵਿਧੀਯਨ੍ਤਿ ਇਚ੍ਚਾਦਿ. ਧਸ੍ਸਤਿ, ਪਿਦਹਿਸ੍ਸਤਿ, ਪਰਿਦਹੇਸ੍ਸਤਿ. ਅਧਾਸਿ, ਪਿਦਹਿ. ਅਧਸ੍ਸ, ਪਿਦਹਿਸ੍ਸ. ਦਧੇ ਦਧੇਯ੍ਯ, ਪਿਦਹੇ ਪਿਦਹੇਯ੍ਯ. ਦਦਾਤੁ, ਪਿਦਹਤੁ, ਨਿਧੇਤੁ, ਨਿਧੇਨ੍ਤੁ ਇਚ੍ਚਾਦਿ. (ਜੁਹੋਤ੍ਯਾਦਯੋ).

ਭੂਵਾਦਿ ਚ ਜੁਹਾਦਿ ਚ, ਹੁਵਾਦਿਧਾਤਵੋ ਚਿ+ਮੇ;

ਸਵੁਦ੍ਧਿਕਭੂਵਾਦੀਹਿ, ਤਿਧਾ ਭੇਦਂ ਉਪੇਨ੍ਤਿ ਤੇ.

ਅਧੁਨਾ ¶ ਵਿਕਰਣਪਭੇਦਪਕਾਸਨਤ੍ਥਂ ਰੁਧਾਦੀਨਂ ਅਟ੍ਠਗਣਾਨਂ ਕਾਨਿਚਿ ਰੂਪਾਨਿ ਉਦਾਹਰਿਯਨ੍ਤੇ –

ਰੁਧ=ਆਵਰਣੇ, ਤ੍ਯਾਦਯੋ ਹੋਨ੍ਤਿ. ਏਵ+ਮੁਪਰਿਪਿ ਸਬ੍ਬਗਣੇਸੁ.

ਰੁਧਾਦਿਕੋ ਅਪਰੋਕ੍ਖੇਸੁ ਕਤ੍ਤੁਵਿਹਿਤਮਾਨ+ਨ੍ਤ+ਤ੍ਯਾਦੀਸੁ ਲੋ ਹੋਤਿ ਮਞ੍ਚ+ਨ੍ਤਸਰਾ ਪਰੋ. ਨਿਗ੍ਗਹੀਤਸ੍ਸ ਵਗ੍ਗਨ੍ਤਂ, ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਸਂਯੋਗਤ੍ਤਾ ਨ ਵੁਦ੍ਧਿ. ਸੋ ਮਗ੍ਗਂ ਰੁਨ੍ਧਤਿ, ਰੁਨ੍ਧਨ੍ਤਿ ਇਚ੍ਚਾਦਿ. ਕਮ੍ਮੇ-ਨਿਪੁਬ੍ਬੋ ਕ੍ਯੋ ਧਸ੍ਸ ਚਵਗ੍ਗ+ਪੁਬ੍ਬਰੂਪ+ਤਤਿਯਕ੍ਖਰਜਕਾਰਾ, ਤੇਨ ਮਗ੍ਗੋ ਨਿਰੁਜ੍ਝਤਿ ਇਚ੍ਚਾਦਿ. ਇਞਾਗਮੇ ਰੁਨ੍ਧਿਸ੍ਸਤਿ, ਨਿਰੁਜ੍ਝਿਸ੍ਸਤਿ. ਅਰੁਨ੍ਧਿ, ਅਰੁਨ੍ਧਿਂਸੁ. ਨਿਰੁਜ੍ਝਿਤ੍ਥੋ, ਨਿਰੁਜ੍ਝਿ, ਨਿਰੁਜ੍ਝਿਂਸੁ. ਅਰੁਨ੍ਧਿਸ੍ਸ, ਅਰੁਨ੍ਧਿਸ੍ਸਂਸੁ, ਨਿਰੁਜ੍ਝਿਸ੍ਸ, ਨਿਰੁਜ੍ਝਿਸ੍ਸਂਸੁ. ਰੁਨ੍ਧੇ ਰੁਨ੍ਧੇਯ੍ਯ, ਨਿਰੁਜ੍ਝੇ ਨਿਰੁਜ੍ਝੇਯ੍ਯ. ਰੁਨ੍ਧਤੁ, ਰੁਨ੍ਧਨ੍ਤੁ. ਤ੍ਵਂ ਰੁਨ੍ਧ ਰੁਨ੍ਧਾਹਿ. ਨਿਰੁਜ੍ਝਤੁ, ਨਿਰੁਜ੍ਝਨ੍ਤੁ ਇਚ੍ਚਾਦਿ.

ਛਿਦ=ਦ੍ਵੇਧਾਕਰਣੇ, ਛਿਨ੍ਦਤਿ, ਛਿਨ੍ਦਨ੍ਤਿ. ਕਮ੍ਮੇ-ਛਿਜ੍ਜਤਿ, ਛਿਜ੍ਜਨ੍ਤਿ. ਭਵਿਸ੍ਸਤਿਪਚ੍ਚਯੇ – ‘‘ਲਭ ਵਸਚ੍ਛਿਦਾ’’ ਦਿਨਾ ਚ੍ਛਙਾਦੇਸੇ ਛੇਚ੍ਛਤਿ ਛਿਨ੍ਦਿਸ੍ਸਤਿ. ਕਮ੍ਮੇ-ਪੁਬ੍ਬਰੂਪਂ, ਛਿਜ੍ਜਿਸ੍ਸਤਿ, ਛਿਜ੍ਜਿਸ੍ਸਨ੍ਤਿ. ਅਛਿਨ੍ਦਿ ਛਿਨ੍ਦਿ, ਅਚ੍ਛੇਜ੍ਜਿ, ਅਚ੍ਛੇਜ੍ਜਿਂਸੁ. ਅਚ੍ਛਿਨ੍ਦਿਸ੍ਸਾ ਅਛਿਜ੍ਜਿਸ੍ਸਾ. ਛਿਨ੍ਦੇ ਛਿਨ੍ਦੇਯ੍ਯ, ਛਿਜ੍ਜੇ ਛਿਜ੍ਜੇਯ੍ਯ, ਛਿਨ੍ਦਤੁ, ਛਿਨ੍ਦਨ੍ਤੁ, ਛਿਜ੍ਜਤੁ, ਛਿਜ੍ਜਨ੍ਤੁ ਇਚ੍ਚਾਦਿ.

ਭੁਜ=ਪਾਲਨਜ੍ਝੋਹਾਰੇਸੁ, ਭੁਞ੍ਜਤਿ, ਭੁਞ੍ਜਨ੍ਤਿ ਇਚ੍ਚਾਦਿ. ਭਵਿਸ੍ਸਤਿਮ੍ਹਿ ‘‘ਭੁਜ+ਮੁਚ+ਵਚ+ਵਿਸਾਨਂ ਕ੍ਖਙ’’ਤਿ ਧਾਤ੍ਵਨ੍ਤੇਨ ਸਹ ਸ੍ਸਸ੍ਸ ¶ ਕ੍ਖਙਾਦੇਸੇ ਵੁਦ੍ਧਿ, ਭੋਕ੍ਖਤਿ, ਭੁਞ੍ਜਿਸ੍ਸਤਿ, ਭੋਕ੍ਖਨ੍ਤਿ, ਭੁਞ੍ਜਿਸ੍ਸਨ੍ਤਿ ਇਚ੍ਚਾਦਿ.

ਮੁਚ=ਮੋਚਨੇ, ਮੁਚ੍ਚਤਿ, ਮੁਚ੍ਚਨ੍ਤਿ ਇਚ੍ਚਾਦਿ. ਕਮ੍ਮੇ-ਮੁਚ੍ਚਤਿ, ਮੁਚ੍ਚਨ੍ਤਿ ਇਚ੍ਚਾਦਿ. (ਰੁਧਾਦਿਨਯੋ).

ਦਿਵ=ਕੀਲ਼ਾ ਵਿਜਿਗਿਂਸਾ ਵੋਹਾਰ ਜੁਤਿ ਥੁਤਿ ਗਤੀਸੁ,

ਦਿਵਾਦੀਹਿ ਕਤ੍ਤਰਿ ਲਵਿਸਯੇ ਯਕ ਹੋਤਿ. ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ, ਏਵ+ਮੁਪਰਿ ਚ. ਵਸ੍ਸ ਬਕਾਰੇ ਪੁਬ੍ਬਰੂਪਂ, ਸੋ ਜੁਤਂ ਦਿਬ੍ਬਤਿ, ਦਿਬ੍ਬਨ੍ਤਿ ਇਚ੍ਚਾਦਿ. ਕਮ੍ਮੇ-ਕ੍ਯੇ ਤੇਨ ਦਿਬ੍ਬਤਿ, ਦਿਬ੍ਬਨ੍ਤਿ ਇਚ੍ਚਾਦਿ. ਦਿਬ੍ਬਿਸ੍ਸਤਿ, ਤੇਨ ਦਿਬ੍ਬਿਸ੍ਸਤਿ. ਅਦਿਬ੍ਬਿ ਦਿਬ੍ਬਿ. ਤੇਨ ਅਦਿਬ੍ਬਿ ਦਿਬ੍ਬਿ. ਅਦਿਬ੍ਬਿਸ੍ਸ. ਤੇਨ ਅਦਿਬ੍ਬਿਸ੍ਸ. ਦਿਬ੍ਬੇ ਦਿਬ੍ਬੇਯ੍ਯ. ਤੇਨ ਦਿਬ੍ਬੇ ਦਿਬ੍ਬੇਯ੍ਯ. ਦਿਬ੍ਬਤੁ. ਤੇਨ ਦਿਬ੍ਬਤੁ ਇਚ੍ਚਾਦਿ.

ਸਿਵ=ਤਨ੍ਤੁਸਨ੍ਤਾਨੇ, ਸਿਬ੍ਬਤਿ, ਸਿਬ੍ਬਨ੍ਤਿ ਇਚ੍ਚਾਦਿ. ਪਦ=ਗਮਨੇ, ਉਪੁਬ੍ਬੋ, ਚਵਗ੍ਗਪੁਬ੍ਬਰੂਪਾਨਿ, ਉਪ੍ਪਜ੍ਜਤਿ, ਉਪ੍ਪਜ੍ਜਰੇ ਉਪ੍ਪਜ੍ਜਨ੍ਤਿ ਇਚ੍ਚਾਦਿ. ਕਮ੍ਮੇਕ੍ਯੇ ਤੇਨ ਪਟਿਪਜ੍ਜਤੇ ਇਚ੍ਚਾਦਿ. ਭਾਵੇ-ਉਪ੍ਪਜ੍ਜਤੇ ਤਯਾ. ਬੁਧ=ਅਵਗਮਨੇ, ਝਕਾਰਪੁਬ੍ਬਰੂਪਾਨਿ ਯਕ੍ਖਰੇਸੁ. ਧਮ੍ਮਂ ਬੁਜ੍ਝਤਿ, ਬੁਜ੍ਝਰੇ ਬੁਜ੍ਝਨ੍ਤਿ ਇਚ੍ਚਾਦਿ. ਕਮ੍ਮੇ-ਮਯਾ ਧਮ੍ਮੋ ਬੁਜ੍ਝਤੇ ਇਚ੍ਚਾਦਿ. ਯੁਧ=ਸਮ੍ਪਹਾਰੇ, ਯੁਜ੍ਝਤਿ+ਚ੍ਚਾਦਿ. ਨਹ=ਬਨ੍ਧਨੇ, ‘‘ਹਸ੍ਸ ਵਿਪਲ੍ਲਾਸੋ’’ਤਿ ਯੇ ਵਿਪਲ੍ਲਾਸੋ, ਸਨ੍ਨਯ੍ਹਤਿ+ਚ੍ਚਾਦਿ. ਮਨ=ਞਾਣੇ, ਞ੍ਞਕਾਰ+ਪੁਬ੍ਬਰੂਪਾਨਿ, ਮਞ੍ਞਤਿ+ਚ੍ਚਾਦਿ. ਤੁਸ=ਤੁਟ੍ਠਿਮ੍ਹਿ, ਪੁਬ੍ਬਰੂਪੇ ਤੁਸ੍ਸਤਿ+ਚ੍ਚਾਦਿ. ਸਮ=ਉਪਸਮੇ, ਸਮ੍ਮਤਿ+ਚ੍ਚਾਦਿ.

ਜਨ=ਜਨਨੇ ¶ , ‘‘ਜਨਿਸ੍ਸਾ’’ਤਿ ਆ ਹੋਤਿ ਕਾਨੁਬਨ੍ਧੇ ਬਹੁਲਾਧਿਕਾਰਾ, ਸੋ ਜਾਯਤਿ, ਜਾਯਨ੍ਤਿ+ਚ੍ਚਾਦਿ. ਕਮ੍ਮੇ-ਜਨਿਤੁਂ ਪਯੋਜੇਤੀਤਿ ‘‘ਪਯੋਜਕਬ੍ਯਾਪਾਰੇ ਣਾਪਿ ਚੇ’’ਤਿ ਣਿਮ੍ਹਿ ‘‘ਅਞ੍ਞਤ੍ਰਾਪੀ’’ਤਿ ਵੁਦ੍ਧਿਪਟਿਸੇਧੇ ਕ੍ਯਮ੍ਹਿ ‘‘ਦੀਘੋ ਸਰਸ੍ਸਾ’’ਤਿ ਦੀਘੇ ਚ ਕਤੇ ਤੇਨ ਜਨੀਯਤਿ, ਜਨੀਯਨ੍ਤਿ ਇਚ੍ਚਾਦਿ. ਸੋ ਜਾਯਿਸ੍ਸਤਿ. ਤੇਨ ਜਨਿਸ੍ਸਤਿ. ਸੋ ਅਜਾਯਿ, ਤੇਨ ਅਜਨੀਯਿ. ਸੋ ਅਜਾਯਿਸ੍ਸ, ਤੇਨ ਅਜਨੀਯਿਸ੍ਸ. ਸੋ ਜਾਯੇ ਜਾਯੇਯ੍ਯ, ਤੇਨ ਜਨੀਯੇਯ੍ਯ. ਸੋ ਜਾਯਤੁ, ਤੇਨ ਜਨੀਯਤੁ ਇਚ੍ਚਾਦਿ. (ਦਿਵਾਦਿਨਯੋ).

ਤੁਦਾਦੀਹਿ ਕਤ੍ਤਰਿ ਲਵਿਸਯੇ ਕੋ ਹੋਤਿ. ਤੁਦਤਿ, ਤੁਦਨ੍ਤਿ ਇਚ੍ਚਾਦਿ. ਕਮ੍ਮੇ-ਤੁਦ੍ਯਤਿ ਤੁਜ੍ਜਤਿ, ਤੁਦ੍ਯਰੇ ਤੁਦ੍ਯਨ੍ਤਿ, ਤੁਜ੍ਜਰੇ ਤੁਜ੍ਜਨ੍ਤਿ+ਚ੍ਚਾਦਿ. ਤਥਾ ਤੁਦਿਸ੍ਸਤਿ ਤੁਜ੍ਜਿਸ੍ਸਤਿ. ਅਤੁਦਿ, ਅਤੁਦਿਂਸੁ, ਅਤੁਜ੍ਜਿ. ਅਤੁਦਿਸ੍ਸ ਅਤੁਜ੍ਜਿਸ੍ਸ, ਤੁਦੇਯ੍ਯ ਤੁਜ੍ਜੇਯ੍ਯ. ਤੁਦਤੁ, ਤੁਦਨ੍ਤੁ, ਤੁਜ੍ਜਤੁ ਇਚ੍ਚਾਦਿ.

ਵਿਸ=ਪਵੇਸਨੇ, ਪਪੁਬ੍ਬੋ. ਸੋ ਗਾਮਂ ਪਵਿਸਤਿ ਇਚ੍ਚਾਦਿ. ਕਮ੍ਮੇ-ਪਵਿਸੀਯਤਿ ਇਚ੍ਚਾਦਿ. ਪਵਿਸਿਸ੍ਸਤਿ. ਪਵਿਸੀਯਿਸ੍ਸਤਿ. ਪਾਵਿਸਿ, ਈਮ੍ਹਿ ‘‘ਭੁਜਮੁਚਾ’’ ਦਿਨਾ ਯੋਗਵਿਭਾਗਾ ਕ੍ਖਙ. ਪਾਵਿਸਿ, ਪਵਿਸਿ ਪਾਵੇਕ੍ਖਿ, ਪਥਵਿਂ ਪਾਵਿਸਿਂਸੁ ਪਵਿਸਿਂਸੁ. ਪਾਵਿਸੀਯਿ. ਪਾਵਿਸਿਸ੍ਸ ਪਵਿਸਿਸ੍ਸ. ਪਾਵਿਸੀਯਿਸ੍ਸ. ਪਵਿਸੇ ਪਵਿਸੇਯ੍ਯ, ਵਿਕਰਣਲੋਪੋ ¶ ਪਵਿਸੀਯੇਯ੍ਯ. ਪਵਿਸਤੁ, ਪਵਿਸੀਯਤੁ ਇਚ੍ਚਾਦਿ. ਨੁਦਤਿ. ਦਿਸ=ਉਚ੍ਚਾਰਣੇ, ਉਦ੍ਦਿਸ੍ਸਤਿ, ਲਿਖਤਿ, ਤੁਸਤਿ ਇਚ੍ਚਾਦਿ. (ਤੁਦਾਦਿਨਯੋ).

ਜ੍ਯਾਦੀਹਿ ਕਤ੍ਤਰਿ ਲਵਿਸਯੇ ਕ੍ਨਾ ਹੋਤਿ. ਨ ਵੁਦ੍ਧਿ. ਕਿਲੇਸੇ ਜਿਨਾਤਿ, ਜਿਨਨ੍ਤਿ. ਤੇਨ ਕਿਲੇਸੋ ਜੀਯਤਿ, ਜੀਯਨ੍ਤਿ, ਕ੍ਯੇ ਦੀਘੋ. ਜਿਨਿਸ੍ਸਤਿ, ਜਿਨਿਸ੍ਸਨ੍ਤਿ. ਅਜਿਨਿ ਜਿਨਿ. ਅਜੀਯਿ, ਅਜੀਯਿਤ੍ਥ. ਅਜਿਨਿਸ੍ਸ. ਅਜੀਯਿਸ੍ਸ. ਜਿਨੇਯ੍ਯ. ਜਿਨਾਤੁ ਇਚ੍ਚਾਦਿ. ਚਿ=ਚਯੇ, ਤਥਾ ਚਿਨਾਤਿ, ਚਿਨਨ੍ਤਿ ਇਚ੍ਚਾਦਿ.

ਞਾਧਾਤੁਸ੍ਸ ਜਾ ਹੋਤਿ ਨਕਾਰੇ. ਵਿਜਾਨਾਤਿ.

ਸਨਾਸ੍ਸ ਞਾਸ੍ਸ ਨਾਯੋ ਵਾ ਹੋਤਿ ਤਿਮ੍ਹਿ. ਨਾਯਤਿ, ਵਿਜਾਨਾਤਿ ਇਚ੍ਚਾਦਿ. ਕਮ੍ਮੇ-ਵਿਞ੍ਞਾਯਤਿ ਇਚ੍ਚਾਦਿ. ਕ੍ਯੇ ‘‘ਆਸ੍ਸੇ ਚਾ’’ਤਿ ਏਤ੍ਥ ‘‘ਆਸ੍ਸੇ’’ਤਿ ਯੋਗਵਿਭਾਗਾ ਆਸ੍ਸ ਏ ਹੋਤਿ, ਯਸ੍ਸ ਦ੍ਵਿਤ੍ਤੇ ਞੇਯ੍ਯਤਿ, ਞੇਯ੍ਯਨ੍ਤਿ ਇਚ੍ਚਾਦਿ. ਵਿਜਾਨਿਸ੍ਸਤਿ, ਵਿਜਾਨਿਸ੍ਸਨ੍ਤਿ. ਕਮ੍ਮੇ – ‘‘ਕ੍ਯਸ੍ਸ ਸ੍ਸੇ’’ਤਿ ਕ੍ਯਲੋਪੇ ਰਸ੍ਸੇ ਚ ਕਤੇ ਞਾਸ੍ਸਤਿ, ਞਾਸ੍ਸਨ੍ਤਿ, ਵਿਞ੍ਞਾਯਿਸ੍ਸਤਿ, ਪਞ੍ਞਾਯਿਸ੍ਸਤਿ.

ਞਾਤੋ ਪਰਸ੍ਸ ਸ੍ਸਸ੍ਸ ਹਿ ਵਾ ਹੋਤਿ ਕਮ੍ਮੇ, ਪਞ੍ਞਾਯਿਹਿਤਿ, ਪਞ੍ਞਾਯਿਹਿਨ੍ਤਿ. ਅਞਾਗਮੇ ਸਮਜਾਨਿ, ਸਂਜਾਨਿ, ਸਂਜਾਨਿਂਸੁ. ਸਮਜਾ- ਨਿਂਸੁ ¶ . ਕਮ੍ਮੇ-ਪਞ੍ਞਾਯਿ, ਪਞ੍ਞਾਯਿਂਸੁ. ਅਜਾਨਿਸ੍ਸ. ਕਮ੍ਮੇ-ਅਞ੍ਞਾਯਿਸ੍ਸ.

ਞਾਤੋ ਪਰਸ੍ਸ ਏਯ੍ਯਸ੍ਸ ਇਯਾ+ਞਾ ਹੋਨ੍ਤਿ ਵਾ. ਜਾਨਿਯਾ.

ਞਾਦੇਸੇ ਸਨਾਸ੍ਸ ਞਾਸ੍ਸ ਜਂ ਵਾ ਹੋਤਿ. ਜਞ੍ਞਾ, ਜਾਨੇਯ੍ਯ, ਜਾਨੇਯ੍ਯੁਂ. ਕਮ੍ਮੇ-ਪਞ੍ਞਾਯੇਯ੍ਯ, ਪਞ੍ਞਾਯੇਯ੍ਯੁਂ. ਵਿਜਾਨਾਤੁ, ਵਿਜਾਨਨ੍ਥੁ. ਕਮ੍ਮੇ-ਵਿਞ੍ਞਾਯਤੁ ਇਚ੍ਚਾਦਿ.

ਮਾ=ਮਾਨੇ, ‘‘ਆ ਈ ਸ੍ਸਾਦੀਨਂ ਬ੍ਯਞ੍ਜਨਸ੍ਸਿਞ’’ ਇਤਿ ਇਞਇਤਿ ਯੋਗਵਿਭਾਗਾ ਇਞਾਗਮੇ ਪੁਬ੍ਬਸਰਲੋਪੋ, ਮਿਨਾਤਿ, ਮਿਨਨ੍ਤਿ. ਕਮ੍ਮੇ-ਮੀਯਤਿ ਇਚ੍ਚਾਦਿ. ਲੂ=ਛੇਦਨੇ, ‘‘ਕ੍ਣਾਕ੍ਨਾਸੁ ਰਸ੍ਸੋ’’ਤਿ ਧਾਤੁਸ੍ਸ ਰਸ੍ਸੋ, ਲੁਨਾਤਿ, ਲੁਨਨ੍ਤਿ. ਕਮ੍ਮੇ-ਲੂਯਤਿ ਇਚ੍ਚਾਦਿ. ਧੁ=ਕਮ੍ਪਨੇ, ਧੁਨਾਤਿ ਇਚ੍ਚਾਦਿ. (ਜ੍ਯਾਦਿਨਯੋ).

ਕ੍ਯਾਦੀਹਿ ਲਵਿਸਯੇ ਕ੍ਣਾ ਹੋਤਿ. ‘‘ਕ੍ਣਾਕ੍ਨਾਸੁ ਰਸ੍ਸੋ’’ਤਿ ਰਸ੍ਸੇ ਕਿਣਾਤਿ, ਕਿਣਨ੍ਤਿ ਇਚ੍ਚਾਦਿ. ਕਮ੍ਮੇ-ਵਿਕ੍ਕੀਯਤਿ, ਵਿਕ੍ਕੀਯਨ੍ਤਿ. ਵਿਕ੍ਕਿਣਿਸ੍ਸਤਿ, ਵਿਕ੍ਕਿਣਿਸ੍ਸਨ੍ਤਿ. ਵਿਕ੍ਕੀਯਿਸ੍ਸਤਿ, ਵਿਕ੍ਕੀਯਿਸ੍ਸਨ੍ਤਿ. ਅਕਿਣਿ, ਵਿਕ੍ਕਿਣਿ, ਵਿਕ੍ਕੀਯਿ. ਅਕਿਣਿਸ੍ਸ, ਵਿਕ੍ਕਿਣਿਸ੍ਸ. ਵਿਕ੍ਕਿਣੇ ਵਿਕ੍ਕਿਣੇਯ੍ਯ.

ਵਿਕ੍ਕੀਯੇ ¶ . ਵਿਕ੍ਕੀਯੇਯ੍ਯ. ਵਿਕ੍ਕਿਣਾਤੁ, ਵਿਕ੍ਕਿਣਨ੍ਤੁ, ਵਿਕ੍ਕੀਯਤੁ, ਵਿਕ੍ਕੀਯਨ੍ਤੁ ਇਚ੍ਚਾਦਿ. ਸੁ=ਸਵਨੇ, ਸੁਣਾਤਿ, ਸੁਣਨ੍ਤਿ ਇਚ੍ਚਾਦਿ.

ਸਕ+ਆਪਾਨਂ ਕੁਕ+ਕੁਇਚ੍ਚੇਤੇ ਆਗਮਾ ਹੋਨ੍ਤਿ ਣੇ. ਸਕ੍ਕੁਣਾਤਿ, ਸਕ੍ਕੁਣਨ੍ਤਿ. ਸਕ੍ਕੁਨਾਤਿ, ਸਕ੍ਕੁਨਨ੍ਤਿ.

ਸਕਸ੍ਮਾ ਕ੍ਣਾਸ੍ਸ ਕ੍ਖੋ ਵਾ ਹੋਤਿ ਸ੍ਸੇ. ਸਕ੍ਖਿਸ੍ਸਤਿ, ਸਕ੍ਖਿਸ੍ਸਨ੍ਤਿ.

ਸਕਸ੍ਮਾ ਕ੍ਣਾਸ੍ਸ ਖੋ ਵਾ ਹੋਤਿ ਈਆਦੀਸੁ. ਅਸਕ੍ਖਿ ਸਕ੍ਖਿ, ਸਕ੍ਖਿਂਸੁ. ਅਸਕ੍ਖਿਸ੍ਸ, ਅਸਕ੍ਖਿਸ੍ਸਂਸੁ. ਸਕ੍ਕੁਣੇ ਸਕ੍ਕੁਣੇਯ੍ਯ. ਸਕ੍ਕੁਣਾਤੁ, ਸਕ੍ਕੁਣਨ੍ਤੁ.

ਅਪ=ਪਾਪੁਣਨੇ, ਪਪੁਬ੍ਬੋ, ‘‘ਸਕਾ+ਪਾਨਂ ਕੁਕ+ਕੁ ਣੇ’’ਤਿ ਕੁਕਤੇ ਸਮ੍ਪਤ੍ਤਿ ਪਾਪੁਣਾਤਿ, ਪਾਪੁਣਨ੍ਤਿ ਇਚ੍ਚਾਦਿ. ਕਮ੍ਮੇਪਾਪੀਯਤਿ, ਪਾਪੀਯਨ੍ਤਿ. ਪਾਪੁਣਿਸ੍ਸਤਿ, ਪਾਪੁਣਿਸ੍ਸਨ੍ਤਿ. ਕਮ੍ਮੇ-ਪਾਪੀਯਿਸ੍ਸਤਿ, ਪਾਪੀਯਿਸ੍ਸਨ੍ਤਿ. ਪਾਪੁਣਿ, ਪਾਪੁਣਿਂਸੁ. ਕਮ੍ਮੇ-ਪਾਪੀਯਿ, ਪਾਪੀਯਿਤ੍ਥ. ਅਪਾਪੁਣਿਸ੍ਸ. ਕਮ੍ਮੇ-ਅਪਾਪੀਯਿਸ੍ਸ. ਪਾਪੁਣੇ, ਪਾਪੁਣੇਯ੍ਯ. ਕਮ੍ਮੇ-ਪਾਪੀਯੇਯ੍ਯ. ਪਾਪੁਣਾਤੁ, ਪਾਪੁਣਨ੍ਤੁ. ਕਮ੍ਮੇ-ਪਾਪੀਯਤੁ ਇਚ੍ਚਾਦਿ. (ਕ੍ਯਾਦਿਨਯੋ).

ਸੁਆਦੀਹਿ ¶ ਲਵਿਸਯੇ ਕ੍ਣੋ ਹੋਤਿ. ਕਾਨੁਬਨ੍ਧਤ੍ਤਾ ਨ ਵੁਦ੍ਧਿ. ਧਮ੍ਮਂ ਸੁਣੋਤਿ. ਪਰਸ੍ਸਰਲੋਪੇ ਸੁਣੋਨ੍ਤਿ. ਕਮ੍ਮੇ-ਕ੍ਯੇ ਦੀਘੇ ਸੂਯਤਿ, ਸੂਯਨ੍ਤਿ. ਦ੍ਵਿਤ੍ਤੇ ਸੁਯ੍ਯਤਿ ਸੁਯ੍ਯਨ੍ਤਿ+ਚ੍ਚਾਦਿ. ਇਞਾਗਮੇ ਸੁਣਿਸ੍ਸਤਿ, ਸੁਣਿਸ੍ਸਨ੍ਤਿ. ਕਮ੍ਮੇ-ਕ੍ਯਲੋਪੇ ਵੁਦ੍ਧਿ. ਸੋਸ੍ਸਤਿ, ਸੋਸ੍ਸਨ੍ਤਿ ਇਚ੍ਚਾਦਿ. ਅਸੁਣਿ ਸੁਣਿ, ਅਸੁਣਿਂਸੁ ਸੁਣਿਂਸੁ.

ਤੇਸੁ ਈਆਦੀਸੁ ਸੁਤੋ ਪਰੇਸਂ ਕ੍ਣੋ+ਕ੍ਣਾਨਂ ਰੋਟ ਵਾ ਹੋਤਿ. ਰਕਾਰੋ ਅਨੁਬਨ੍ਧੋ. ਟੋ ਸਬ੍ਬਾਦੇਸਤ੍ਥੋ. ਉਸ੍ਸ ਲੋਪੇ ਦ੍ਵਿਤ੍ਤਂ ਈਸ੍ਸ ਸਿ ਚ. ਅਸ੍ਸੋਸਿ, ਅਸ੍ਸੋਸਿਂਸੁ. ‘‘ਇਂਸ੍ਸ ਚ ਸਿਞ’’ਤਿ ਯੋਗਵਿਭਾਗਾ ਸਿਞ, ਅਸ੍ਸੋਸਿਂਸੁ, ਪਚ੍ਚਸ੍ਸੋਸੁਂ. ਅਸੁਯਿ, ਅਸੁਯਿਤ੍ਥ. ਅਸੁਣਿਸ੍ਸ, ਤੇਨ ਅਸੁਯਿਸ੍ਸ. ਸੁਣੇ ਸੁਣੇਯ੍ਯ, ਸੁਣੇਯ੍ਯਂ. ਤੇਨ ਸੂਯੇ ਸੂਯੇਯ੍ਯ. ਸੁਣਾਤੁ, ਸੁਣਨ੍ਤੁ. ਸੂਯਤੁ, ਸੂਯਨ੍ਤੁ ਇਚ੍ਚਾਦਿ.

ਗਿ=ਸਦ੍ਦੇ, ਗਿਣੋਤਿ. ਗਿਣਨ੍ਤਿ. ਤ੍ਵਂ ਗਿਣੋਸਿ. ਗਿਣਿਸ੍ਸਤਿ, ਗਿਣਿਸ੍ਸਨ੍ਤਿ. ਅਗਿਣਿਸ੍ਸ. ਗਿਣੇਯ੍ਯ. ਗਿਣੋਤੁ ਇਚ੍ਚਾਦਿ. ਵੁ=ਸਂਵਰਣੇ, ਆਵੁਣੋਤਿ, ਆਵੁਣਨ੍ਤਿ. ਆਵੁਣੋਸਿ ਇਚ੍ਚਾਦਿ. ਸੇਸੇਸੁਪਿ ਯੋਜੇਤਬ੍ਬਂ. (ਸ੍ਵਾਦਿਨਯੋ).

ਤਨਾਦਿਤੋ ਕਤ੍ਤਰਿ ਲਵਿਸਯੇ ਓ ਹੋਤਿ. ਕਿਤ੍ਤਿਂ ਤਨੋਤਿ, ਤਨੋਨ੍ਤਿ ਇਚ੍ਚਾਦਿ.

ਓਵਿਕਰਣਸ੍ਸ ¶ ਉ ਹੋਤਿ ਪਰਚ੍ਛਕ੍ਕਵਿਸਯੇ. ਤਨੁਤੇ, ਤਨ੍ਵਨ੍ਤੇ. ਤਨੁਸੇ, ਤਨੁਵ੍ਹੇ. ਤਨ੍ਵੇ, ਤਨ੍ਵਮ੍ਹੇ. ਕਮ੍ਮੇ –

ਤਨਸ੍ਸ ਵਾ ਆ ਹੋਤਿ ਕ੍ਯੇ. ਪਪੁਬ੍ਬੋ, ਪਤਾਯਤਿ. ਪਤਞ੍ਞਤਿ, ਪਤਾਯਰੇ ਪਤਾਯਨ੍ਤਿ ਪਤਞ੍ਞਰੇ ਪਤਞ੍ਞਨ੍ਤਿ+ਚ੍ਚਾਦਿ. ਤਥਾ ਵਿਕਰਣਲੋਪੇ ਇਞਾਗਮੇ ਚ ਤਨਿਸ੍ਸਤਿ, ਤਨਿਸ੍ਸਨ੍ਤਿ. ਪਤਾਯਿਸ੍ਸਤਿ. ਅਤਨਿ, ਅਤਨਿਂਸੁ. ਅਤਨਿਸ੍ਸ. ਪਤਾਯਿਸ੍ਸ. ਤਨੇਯ੍ਯ, ਤਨੇਯ੍ਯੁਂ. ਤਨੋਤੁ, ਤਨੋਨ੍ਤੁ ਇਚ੍ਚਾਦਿ.

੫,੧੭੭. ਕਰਸ੍ਸ ਸੋਸ੍ਸ ਕੁਬ੍ਬ+ਕੁਰੁ+ਕਯਿਰਾ

ਕਰਸ੍ਸ ਸ ਓਕਾਰਸ੍ਸ ਕੁਬ੍ਬਾਦਯੋ ਵਾ ਹੋਨ੍ਤਿ ਨ੍ਤ+ਮਾਨ+ਤ੍ਯਾਦੀਸੁ. ਕੁਬ੍ਬਤਿ, ਕੁਬ੍ਬਨ੍ਤਿ. ਕਰੋਤਿ, ਕਰੋਨ੍ਤਿ. ਕਰੋਸਿ, ਕਰੋਥ.

ਕਰਸ੍ਸ ਸ ਓਕਾਰਸ੍ਸ ਕੁਂ ਵਾ ਹੋਤਿ ਮਿਮੇਸੁ. ਕੁਮ੍ਮਿ ਕਰੋਮਿ. ਕੁਮ੍ਮ ਕਰੋਮ. ਪਰਚ੍ਛਕ੍ਕੇ ਕੁਰੁਤੇ ਕੁਬ੍ਬਤੇ, ਕੁਬ੍ਬਨ੍ਤੇ ਇਚ੍ਚਾਦਿ. ਕਯਿਰਤਿ, ਕਯਿਰਨ੍ਤਿ ਇਚ੍ਚਾਦਿ. ਕਮ੍ਮੇ-ਕ੍ਯਸ੍ਸ ਦ੍ਵਿਤ੍ਤੇ ਈਸ੍ਸ ਰਸ੍ਸੋ, ਕਰਿਯ੍ਯਤਿ, ਕਰੀਯਤਿ ਵਾ ਇਚ੍ਚਾਦਿ. ‘‘ਤਵਗ੍ਗਵਰਣਾ’’ ਦਿਨਾ ¶ ਯੇ ਰਸ੍ਸ ਯਕਾਰੇ ਕਯ੍ਯਤਿ, ਕਯ੍ਯਨ੍ਤਿ. ਬਹੁਲਾਧਕਾਰਾ ਕਮ੍ਮੇ ਕ੍ਵਚਿ ਇਮਿਨਾ ਕਯਿਰਾਦੇਸੇ ਤੇਨ ਕਯਿਰਤਿ, ਕਯਿਰਨ੍ਤਿ ਇਚ੍ਚਾਦਿ. ਭਵਿਸ੍ਸਤਿਮ੍ਹਿ –

ਕਰਸ੍ਸ ਸੋਸ੍ਸ ਹਾਸ੍ਸ ਚ ਆਹਙ ਵਾ ਹੋਤਿ ਸ੍ਸੇਨ ਸਹ. ਕਾਹਤਿ, ਕਾਹਨ੍ਤਿ ਇਚ੍ਚਾਦਿ. ਇਞਾਗਮੇ ਕਾਹਿਤਿ, ਕਾਹਿਨ੍ਤਿ ਇਚ੍ਚਾਦਿ. ਆਹਙਾਦੇਸਾਭਾਵਪਕ੍ਖੇ ਕਰਿਸ੍ਸਤਿ, ਕਰਿਸ੍ਸਨ੍ਤਿ ਇਚ੍ਚਾਦਿ. ਅਜ੍ਜਤਨੇ –

ਕਰਸ੍ਸ ਸ ਓਕਾਰਸ੍ਸ ਕਾ ਹੋਤਿ ਵਾ ਈਆਦੀਸੁ.

ਦੀਘਤੋ ਪਰਸ੍ਸ ਈਸ੍ਸ ਸਿ ਵਾ ਹੋਤਿ. ਅਕਾਸਿ. ਈਲੋਪੇ ਅਕਾ, ਅਕਂਸੁ. ਓਸ੍ਸ ਸਿਆਦੇਸੇ ਅਕਾਸਿ. ਸਿਞਾਗਮੇ ਅਕਾਸਿਤ੍ਥ. ਅਕਾਸਿ, ਅਕਾਸਿਂ, ਅਕਾਸਿਮ੍ਹ. ਅਞ੍ਞਤ੍ਰ ਅਕਰਿਕਰਿ, ਅਕਰਿਂਸੁ ਕਰਿਂਸੁ ਅਕਂਸੁ ਇਚ੍ਚਾਦਿ. ਤੇਨ ਅਕਰੀਯਿ ਇਚ੍ਚਾਦਿ. ਅਕਰਿਸ੍ਸ ਇਚ੍ਚਾਦਿ. ਕਮ੍ਮੇ-ਅਕਰੀਯਿਸ੍ਸ ਇਚ੍ਚਾਦਿ. ਏਯ੍ਯਾਦਿਮ੍ਹਿ ‘‘ਕ੍ਵਚਿ ਵਿਕਰਣਾਨਂ’’ਤਿ ਓਵਿਕਰਣਲੋਪੇ ਕਰੇਕਰੇਯ੍ਯ, ਕਰੇਯ੍ਯੁਂ ਇਚ੍ਚਾਦਿ. ਕੁਬ੍ਬੇ ਕੁਬ੍ਬੇਯ੍ਯ ਇਚ੍ਚਾਦਿ.

ਕਯਿਰਾ ਪਰਸ੍ਸ ਏਯ੍ਯਸ੍ਸ ਟਾ ਹੋਤਿ. ਸੋ ਕਯਿਰਾ.

ਕਯਿਰਾ ¶ ਪਰਸ੍ਸ ਏਯ੍ਯੁਮਾਦੀਨਂ ਏਯ੍ਯਸ੍ਸ ਲੋਪੋ ਹੋਤਿ. ਕਯਿਰੁਂ. ਤ੍ਵਂ ਕਯਿਰਾਸਿ, ਕਯਿਰਾਥ. ਕਯਿਰਾਮਿ, ਕਯਿਰਾਮ.

ਕਯਿਰਾ ਪਰਸ੍ਸੇ+ਥਸ੍ਸ ਆ ਹੋਤੀਤਿਆਦਿਸ੍ਸ ਏਸ੍ਸ ਆ ਹੋਤਿ. ਕਯਿਰਾਥ ਧੀਰੋ. ਕਮ੍ਮੇ-ਕਰਿਯੇਯ੍ਯ, ਕਰਿਯੇਯ੍ਯੁ+ਮਿਚ੍ਚਾਦਿ. ਕਰੋਤੁ ਕੁਰੁਤੁ ਵਾ, ਕੁਬ੍ਬਨ੍ਤੁ ਕਰੋਨ੍ਤੁ ਇਚ੍ਚਾਦਿ. ਪਰਚ੍ਛਕ੍ਕੇ-ਕੁਰੁਤਂ, ਕੁਬ੍ਬਨ੍ਤਂ. ਕੁਰੁਸ੍ਸੁ ਕਰਸ੍ਸੁ ਇਚ੍ਚਾਦਿ. ‘‘ਏਓਨ+ਮ ਵਣ੍ਣੇ’’ਤਿ ਅਕਾਰੋ. ਕੁਰੁਵ੍ਹੋ, ਕੁਬ੍ਬੇ, ਕੁਬ੍ਬਾਮਸੇ. ਕਮ੍ਮੇ-ਕਰੀਯਤੁ ਇਚ੍ਚਾਦਿ.

ਪਾਦਿਤੋ ਪਰਸ੍ਸ ਕਰਸ੍ਸ ਕ੍ਵਚਿ ਖ ਹੋਤਿ. ਅਭਿਸਙ੍ਖਰੋਤਿ ਇਚ੍ਚਾਦਿ. ਸਬ੍ਬਤ੍ਥ ਯੋਜੇਤਬ੍ਬਂ. ‘‘ਤਦਮਿਨਾ’’ਦਿਨਾ ਖਾਦੇਸੇ ਅਭਿਸਂਖਾਸੀਤਿ ਵਿਸੇਸੋ. ਸਕ=ਸਤ੍ਤਿਯਂ, ਸਕ੍ਕੋਤਿ ਇਚ੍ਚਾਦਿ. ਅਪ=ਪਾਪੁਣਨੇ, ਪਪੁਬ੍ਬੋ, ਪਪ੍ਪੋਤਿ ਇਚ੍ਚਾਦਿ. (ਤਨਾਦਿਨਯੋ).

ਚੁਰਾਦੀਹਿ ਕ੍ਰਿਯਤ੍ਥੇਹਿ ਸਕਤ੍ਥੇ ਣਿ ਪਰੋ ਹੋਤਿ. ‘‘ਣਿਣਾਪ੍ਯਾਪੀਹਿ ਵਾ’’ਤਿ ਵਿਕਪ੍ਪੇਨ ਲੋ. ਧਨਂ ਚੋਰਯਤਿ ਚੋਰੇਤਿ ਇਚ੍ਚਾਦਿ. ਕਮ੍ਮੇ-ਚੋਰੀਯਤਿ ਇਚ੍ਚਾਦਿ. ਚੋਰਯਿਸ੍ਸਤਿ ਚੋਰੇਸ੍ਸਤਿ ¶ ਇਚ੍ਚਾਦਿ. ਕਮ੍ਮੇ-ਚੋਰੀਯਿਸ੍ਸਤਿ ਇਚ੍ਚਾਦਿ. ਅਚੋਰਯਿ ਚੋਰਯਿ ਅਚੋਰੇਸਿ ਚੋਰੇਸਿ ਇਚ੍ਚਾਦਿ. ਅਚੋਰਯਿਸ੍ਸ ਇਚ੍ਚਾਦਿ. ਕਮ੍ਮੇ-ਅਚੋਰੀਯਿਸ੍ਸ ਇਚ੍ਚਾਦਿ. ਚੋਰਯੇ ਚੋਰਯੇਯ੍ਯ ਇਚ੍ਚਾਦਿ. ਚੋਰੇਤੁ ਚੋਰੇਨ੍ਤੁ ਇਚ੍ਚਾਦਿ.

ਚਿਨ੍ਤ=ਚਿਨ੍ਤਾਯਂ, ਸਂਯੋਗਤ੍ਤਾ ਨ ਵੁਦ੍ਧਿ, ਚਿਨ੍ਤੇਤਿ ਚਿਨ੍ਤਯਤਿ, ਚਿਨ੍ਤੇਨ੍ਤਿ. ਕਮ੍ਮੇ-ਚਿਨ੍ਤੀਯਤਿ, ਚਿਨ੍ਤੀਯਨ੍ਤਿ ਇਚ੍ਚਾਦਿ. ਮਨ੍ਤ=ਗੁਤ੍ਤਭਾਸਨੇ, ਮਨ੍ਤੇਤਿ ਮਨ੍ਤਯਤਿ ਇਚ੍ਚਾਦਿ. ਪਾਲ=ਰਕ੍ਖਣੇ, ਸੋ ਧਮ੍ਮਂ ਪਾਲੇਤਿ ਪਾਲਯਤਿ. ਤੇਨ ਪਾਲੀਯਤਿ+ਚ੍ਚਾਦਿ. (ਚੁਰਾਦਿਨਯੋ).

ਭੂਵਾਦਿ ਚ ਰੁਧਾਦਿ ਚ, ਦਿਵਾਦਿ ਚ ਤੁਦਾਦਯੋ;

ਜ੍ਯਾਦੀ ਕਿਯਾਦੀ ਸ੍ਵਾਦੀ ਚ, ਤਨਾਦੀ ਚ ਚੁਰਾਦਯੋ.

੫,੧. ਤਿਜ+ਮਾਨੇਹਿ ਖ+ਸਾ ਖਮਾ+ਵੀਮਂਸਾਸੁ

ਖਨ੍ਤਿਯਂ ਤਿਜਾ, ਵੀਮਂਸਾਯਂ ਮਾਨਾ ਚ ਖ+ਸਪਚ੍ਚਯਾ ਹੋਨ੍ਤਿ ਯਥਾਕ੍ਕਮਂ. ਤਿਜ=ਨਿਸਾਨੇ, ਅਕਾਰਸ੍ਸਾ+ਪਯੋਗੋ. ਖੇ ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਪਤ੍ਤੇ+ਕਾਰਸ੍ਸ ‘‘ਅਞ੍ਞਤ੍ਰਾਪੀ’’ਤਿ ਪਟਿਸੇਧੋ. ਯਕਾਰਵਜ੍ਜਿਤਬ੍ਯਞ੍ਜਨਸ੍ਸ ‘‘ਪਰਰੂਪ+ਮਯਕਾਰੇ ਬ੍ਯਞ੍ਜਨੇ’’ਤਿ ਪਰਰੂਪਞ੍ਚ. ‘‘ਚਤੁਤ੍ਥਦੁਤਿਯਾ’’ ਦਿਨਾ ਪਠਮਕ੍ਖਰਕਕਾਰੇ ਚ ‘‘ਖਛਸਾਨ+ਮੇਕਸ੍ਸਰੋ+ਦਿ ਦ੍ਵੇ’’ਤਿ ਤਿਕ੍ਖ ਤਿਕ੍ਖ ਇਤਿ ਦ੍ਵਿਭਾਵੇ ‘‘ਲੋਪੋ+ਨਾਦਿਬ੍ਯਞ੍ਜਨਸ੍ਸਾ’’ਤਿਆਦਿਤੋ+ਞ੍ਞਸ੍ਸ ਬ੍ਯਞ੍ਜਨਸ੍ਸ ਲੋਪੇ ਚ ਕਤੇ ਤਿਤਿਕ੍ਖਾਧਾਤੁਤੋ ਤ੍ਯਾਦਿਪਚ੍ਚਯ+ਲਵਿਕਰਣਾਨਿ. ਤਿਤਿਕ੍ਖਤਿ ਇਚ੍ਚਾਦਿ ਪੁਰਿਮਸਮਂ ¶ . ਕਮ੍ਮੇ-ਤਿਤਿਕ੍ਖੀਯਤਿ ਇਚ੍ਚਾਦਿ. ਇਤੋ ਪਰਂ ਕਮ੍ਮੋਦਾਹਰਣਂ ਨ ਕਰਿਸ੍ਸਾਮ.

ਮਾਨ=ਪੂਜਾਯਂ+ਤਿਮਸ੍ਮਾ ਸਪਚ੍ਚਯ, ਦ੍ਵਿਤ੍ਤਾਦਿਮ੍ਹਿ ਕਤੇ ‘‘ਮਾਨਸ੍ਸ ਵੀ ਪਰਸ੍ਸ ਚ ਮਂ’’ਤਿ ਪੁਬ੍ਬਮਾਨਸ੍ਸ ਵੀ ਚ ਪਰਮਾਨਸ੍ਸ ਮਞ੍ਚ ਹੋਤਿ. ਵੀਮਂਸਧਾਤੁਤੋ ਤਿਪਚ੍ਚਯਾਦਿਮ੍ਹਿ ਕਤੇ ਵੀਮਂਸਤਿ ਇਚ੍ਚਾਦਿ. ਤਿਤਿਕ੍ਖਿਸ੍ਸਤਿ, ਵੀਮਂਸਿਸ੍ਸਤਿ ਇਚ੍ਚਾਦਿ. ਏਵ+ਮੁਪਰਿਪਿ ਅਜ੍ਜਤਨਾਦੀਸੁਪਿ ਯੋਜੇਤਬ੍ਬਂ. ਪਯੋਜਕਤ੍ਤਾ ਣਿ, ‘‘ਣਿਣਾਪ੍ਯਾਪੀਹਿ ਵਾ’’ਤਿ ਲਵਿਕਰਣਂ, ਤੇਜਯਤਿ ਤੇਜੇਤਿ. ਤਥਾ ਚੁਰਾਦਿਤ੍ਤਾ ਨ ਲਵਿਕਰਣਂ, ਮਾਨਯਤਿ ਮਾਨੇਤਿ.

ਤਿਕਿਚ੍ਛਾਯਂ ਸਂਸਯੇ ਚ ਵਤ੍ਤਮਾਨਾ ਕਿਤਾ ਛੋ ਹੋਤਿ. ਕਿਤ=ਨਿਵਾਸੇ, ਛਪਚ੍ਚਯੇ ਪੁਬ੍ਬੇਵ ਪਰਰੂਪਾਦਿਮ੍ਹਿ ਚ ਕਤੇ ‘‘ਕਿਤਸ੍ਸਾ+ਸਂਸਯੇ ਵਾ’’ਤਿ ਦ੍ਵਿਤ੍ਤੇ ਪੁਬ੍ਬਸ੍ਸ ਤਿਆਦੇਸੇ ਤਿਕਿਚ੍ਛਧਾਤੁਤੋ ਤ੍ਯਾਦਯੋ. ਤਿਕਿਚ੍ਛਤਿ, ਤਿਕਿਚ੍ਛਨ੍ਤਿ+ਚ੍ਚਾਦਿ. ਵਿਪੁਬ੍ਬਤੋ ਕਿਤਾ ਛਪ੍ਪਚ੍ਚਯਾਦਿਮ੍ਹਿ ਕਤੇ ‘‘ਕਵਗ੍ਗਹਾਨਂ ਚਵਗ੍ਗਜਾ’’ਤਿ ਦ੍ਵਿਤ੍ਤੇ ਪੁਬ੍ਬਸ੍ਸ ਕਸ੍ਸ ਚੋ. ਵਿਚਿਕਿਚ੍ਛਤਿ, ਵਿਚਿਕਿਚ੍ਛਨ੍ਤਿ+ਚ੍ਚਾਦਿ. ਪਯੋਜਕਤ੍ਤਾ ਕੇਤਯਤਿ+ਚ੍ਚਾਦਿ ਪੁਰਿਮਸਮਂ.

ਨਿਨ੍ਦਾਯਂ ਗੁਪ+ਬਧੇਹਿ ਛੋ ਹੋਤਿ ਬਸ੍ਸ ਭੋ ਚ. ਗੁਪ=ਰਕ੍ਖਨੇ+ਤੀਮਸ੍ਮਾ ਛਪ੍ਪਚ੍ਚਯੇ ‘‘ਅਞ੍ਞਤ੍ਰਾਪੀ’’ਤਿ ਓਤ੍ਤਾਭਾਵੇ ਚ ਪਰਰੂਪਾਦਿਮ੍ਹਿ ‘‘ਕਵਗ੍ਗਹਾ’’ ਦਿਨਾ ਗਸ੍ਸ ਜੇ ਚ ਕਤੇ ‘‘ਗੁਪਿਸ੍ਸੁਸ੍ਸਾ’’ਤਿ ਦ੍ਵਿਤ੍ਤੇ ਪੁਬ੍ਬਸ੍ਸ ਉਸ੍ਸ ਇ ਹੋਤਿ. ਤ੍ਯਾਦਿ+ਲਵਿਕਰਣਾਦਿਮ੍ਹਿ ¶ ਜਿਗੁਚ੍ਛਤਿ ਇਚ੍ਚਾਦਿ. ਨਿਨ੍ਦਾਯਂ-ਬਧ=ਬਨ੍ਧਨੇ+ਤੀਮਸ੍ਮਾ ਛਪ੍ਪਚ੍ਚਯੇ ਚ ਇਮਿਨਾਵ ਬਸ੍ਸ ਭਕਾਰੇ ਚ ਪਰਰੂਪੇ ਪਠਮਕ੍ਖਰੇ ਭਚ੍ਛਭਚ੍ਛਇਤਿ ਦ੍ਵਿਤ੍ਤੇ ਅਨਾਦਿਬ੍ਯਞ੍ਜਨਸ੍ਸ ਲੋਪੇ ‘‘ਚਤੁਤ੍ਥਦੁਤਿਯਾਨਂ ਤਤਿਯਪਠਮਾ’’ਤਿ ਦ੍ਵਿਤ੍ਤੇ ਪੁਬ੍ਬਸ੍ਸ ਭਸ੍ਸ ਬਕਾਰੇ ‘‘ਖਛਸੇਸ੍ਵਸ੍ਸੀ’’ਤਿ ਇਕਾਰੇ ਦੀਘੇ ਚ ਕਤੇ ਬੀਭਚ੍ਛਧਾਤੁਤੋ ਤ੍ਯਾਦਯੋ ਹੋਨ੍ਤਿ. ਬੀਭਚ੍ਛਤਿ, ਬੀਭਚ੍ਛਨ੍ਤਿ ਇਚ੍ਚਾਦਿ. ਅਞ੍ਞਤ੍ਰ ਗੋਪੇਤਿ+ਚ੍ਚਾਦਿ.

ਤੁਮਨ੍ਤਤੋ ਇਚ੍ਛਾਯ+ਮਤ੍ਥੇ ਤੇ ਖ+ਸ+ਛਾ ਹੋਨ੍ਤਿ ਬਹੁਲਂ, ਤੁਂਪਚ੍ਚਯਸ੍ਸ ਲੋਪੋ ਚ ਹੋਤਿ, ਸੁਤਤ੍ਤਾ. ਭੁਜ=ਪਾਲਨ+ਜ੍ਝੋਹਾਰੇਸੁ. ਭੋਜਨਾਯਾਤਿ ਵਿਗ੍ਗਯ੍ਹ ‘‘ਤੁਂ+ਤਾਯੇ’’ਚ੍ਚਾਦਿਨਾ ਤੁਂਪਚ੍ਚਯੇ ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਓਕਾਰੇ ਪਰਰੂਪੇ ਚ ਕਤੇ ਭੋਤ੍ਤੁ+ਮਿਚ੍ਛਤੀਤਿ ਵਿਗ੍ਗਯ੍ਹ ਇਮਿਨਾ ਖਪਚ੍ਚਯੇ ਤੁਂਪਚ੍ਚਯਸ੍ਸ ਇਮਿਨਾ ਚ ਲੋਪੇ ‘‘ਨਿਮਿਤ੍ਤਾਭਾਵੇ ਨੇਮਿਤ੍ਤਿਕਸ੍ਸਾਪਿ ਚ ਅਭਾਵੋ’’ਤਿ ਞਾਯਾ ਪਰਰੂਪਓਕਾਰਾਨਂ ਅਭਾਵੇ ਖਸ੍ਸ ਪਰਰੂਪ+ਖਕਾਰਾਦਿਮ੍ਹਿ ਚ ਕਤੇ ਭੁਕ੍ਖ ਭੁਕ੍ਖ ਇਤਿ ਦ੍ਵਿਤ੍ਤੇ ਤਤਿਯਬਕਾਰੋ ਹੋਤਿ, ਬੁਭੁਕ੍ਖਧਾਤੁਤੋ ਤ੍ਯਾਦਯੋ ਹੋਨ੍ਤਿ, ਬੁਭੁਕ੍ਖਤਿ, ਬੁਭੁਕ੍ਖਨ੍ਤਿ ਇਚ੍ਚਾਦਿ.

ਜਿ=ਜਯੇ, ਜਯਨਾਯ ਇਤਿ ਵਿਗ੍ਗਯ੍ਹ ਪੁਰੇ ਵਿਯ ਤੁਮਾਦਿਮ੍ਹਿ ਕਤੇ ਜੇਤੁ+ਮਿਚ੍ਛਤੀਤਿ ਵਿਗ੍ਗਯ੍ਹ ਸਪ੍ਪਚ੍ਚਯੇ ਜਿਸ ਜਿਸ ਇਤਿ ਦ੍ਵਿਤ੍ਤੇ ਅਨਾਦਿਬ੍ਯਞ੍ਜਨਲੋਪੇ ਦ੍ਵਿਤ੍ਤੇ ਪਰਸ੍ਸ ਜਿਸ੍ਸ ‘‘ਜਿਹਰਾਨਂ ਗਿਂ’’ਤਿ ਗਿਂ. ਜਿਗਿਂਸਧਾਤੁਤੋ ਤ੍ਯਾਦੀਸੁ ਜਿਗਿਂਸਤਿ, ਜਿਗਿਂਸਨ੍ਤਿ ਇਚ੍ਚਾਦਿ.

ਘਸ=ਅਦਨੇ ¶ , ਘਸਿਤੁ+ਮਿਚ੍ਛਤਿ ਛਪ੍ਪਚ੍ਚਯਾਦਿਮ੍ਹਿ ਪੁਰੇ ਵਿਯ ਕਤੇ ਘਸ੍ਸ ‘‘ਕਵਗ੍ਗਹਾ’’ਦਿਨਾ ਝੇ ਝਸ੍ਸ ‘‘ਚਤੁਤ੍ਥਦੁਤਿਯਾ’’ ਦਿਨਾ ਜਕਾਰੇ ‘‘ਖਛਸੇਸ੍ਵਸ੍ਸੀ’’ਤਿ ਇਕਾਰੇ ਚ ਕਤੇ ਜਿਘਚ੍ਛਧਾਤੁਤੋ ਤ੍ਯਾਦਯੋ ਹੋਨ੍ਤਿ. ਜਿਘਚ੍ਛਤਿ, ਜਿਘਚ੍ਛਨ੍ਤਿ+ਚ੍ਚਾਦਿ.

ਇਚ੍ਛਾਕਮ੍ਮਤੋ ਇਚ੍ਛਾਯ+ਮਤ੍ਥੇ ਈਯਪਚ੍ਚਯੋ ਹੋਤਿ. ਪੁਤ੍ਤ+ਮਿਚ੍ਛਤੀਤਿ ਈਯਪਚ੍ਚਯੇ ਈਯਾਦਿਵੁਤ੍ਤਿਤ੍ਤਾ ‘‘ਏਕਤ੍ਥਤਾਯਂ’’ਤਿ ਵਿਭਤ੍ਤਿਲੋਪੋ. ਪੁਤ੍ਤੀਯਤਿ, ਪੁਤ੍ਤੀਯਨ੍ਤਿ+ਚ੍ਚਾਦਿ.

ਕਮ੍ਮਤੋ ਉਪਮਾਨਾ ਆਚਾਰਤ੍ਥੇ ਈਯੋ ਹੋਤਿ. ਪੁਤ੍ਤ+ਮਿਵਾ+ਚਰਤਿ ਪੁਤ੍ਤੀਯਤਿ ਸਿਸ੍ਸਂ, ਪੁਤ੍ਤੀਯਨ੍ਤਿ+ਚ੍ਚਾਦਿ.

ਈਯੋ ਹੋਤਿ. ਕੁਟਿਯ+ਮਿਵਾ+ਚਰਤਿ ਕੁਟੀਯਤਿ ਪਾਸਾਦੇ. ਪਾਸਾਦੇਵਾ+ਚਰਤਿ ਪਾਸਾਦੀਯਤਿ ਕੁਟਿਯਂ, ਪਾਸਾਦੀਯਨ੍ਤਿ+ਚ੍ਚਾਦਿ.

ਕਤ੍ਤੁਤੋ+ਪਮਾਨਾ ਆਚਾਰਤ੍ਥੇ ਆਯੋ ਹੋਤਿ. ਪਬ੍ਬਤੋ ਇਵਾ+ਚਰਤਿ ਸੀਲਾਦਿਗੁਣਯੋਗਤੋਤਿ ਪਬ੍ਬਤਾਯਤਿ ਯੋਗੀ, ਪਬ੍ਬਤਾਯਧਾਤੁਤੋ ਤ੍ਯਾਦਯੋ.

ਕਤ੍ਤੁਤੋ ¶ ਅਭੂਤਤਬ੍ਭਾਵੇ ਆਯੋ ਹੋਤਿ ਬਹੁਲਂ. ਭੁਸੋਤਿ ਪਠਮਨ੍ਤਤੋ ਅਭੁਸੋ ਭੁਸੋ ਭਵਤੀਤਿ ਭੁਸਾਯਤਿ, ਭੁਸਾਯਨ੍ਤਿ ਇਚ੍ਚਾਦਿ. ‘‘ਵਿਚ੍ਛਾਭਿਕ੍ਖਞ੍ਞੇਸੁ ਦ੍ਵੇ’’ਤਿ ਆਭਿਕ੍ਖਞ੍ਞਤ੍ਥੇ ਦ੍ਵਿਤ੍ਤੇ ਅਪਟਪਟਾ ਪਟਪਟਾ ਭਵਤੀਤਿ ਆਯੇ ਪਟਪਟਾਯਤਿ, ਪਟਪਟਾਯਨ੍ਤਿ+ਚ੍ਚਾਦਿ. ਅਲੋਹਿਤੋ ਲੋਹਿਤੋ ਭਵਤਿ ਲੋਹਿਤਾਯਤਿ.

ਸਦ੍ਦਾਦੀਹਿ ਦੁਤਿਯਨ੍ਤੇਹਿ ਕਰੋਤੀਤਿ ਅਸ੍ਮਿਂ ਅਤ੍ਥੇ ਆਯੋ ਹੋਤਿ. ਸਦ੍ਦਂ ਕਰੋਤਿ ਸਦ੍ਦਾਯਤਿ. ਏਵਂ ਵੇਰਾਯਤਿ, ਕਲਹਾਯਤਿ, ਧੂਪਾਯਤਿ+ਚ੍ਚਾਦਿ.

ਨਮੋਇਚ੍ਚਸ੍ਮਾ ਕਰੋਤੀਤਿ ਅਸ੍ਮਿਂ ਅਤ੍ਥੇ ਅਸ੍ਸੋ ਹੋਤਿ. ਨਮੋ ਕਰੋਤੀਤਿ ਅਸ੍ਮਿਂ ਅਤ੍ਥੇ ਅਸ੍ਸਪਚ੍ਚਯੇ ਤ੍ਯਾਦਯੋ ਹੋਨ੍ਤਿ, ਤਥਾਗਤਂ ਨਮਸ੍ਸਤਿ, ਨਮਸ੍ਸਨ੍ਤਿ ਇਚ੍ਚਾਦਿ.

ਨਾਮਸ੍ਮਾ ਧਾਤ੍ਵਤ੍ਥੇ ਬਹੁਲ+ਮਿ ਹੋਤਿ. ਹਤ੍ਥਿਨਾ ਅਤਿਕ੍ਕਮਤੀਤਿ ਇਪਚ੍ਚਯੇ ਲਵਿਕਰਣ+ਏਕਾਰ+ਅਯਾਦੇਸੇਸੁ ਕਤੇਸੁ ਅਤਿਹਤ੍ਥਯਤਿ. ਏਵਂ ਵੀਣਾਯ ਉਪਗਾਯਤਿ ਉਪਵੀਣਾਯਤਿ, ਵਿਨਯਂ ਦਲ਼੍ਹਂ ਕਰੋਤਿ ਦਲ਼੍ਹਯਤਿ, ਵਿਸੁਦ੍ਧਾ ਹੋਤਿ ਰਤ੍ਤਿ ਵਿਸੁਦ੍ਧਾਯਤਿ, ਕੁਸਲਂ ਪੁਚ੍ਛਤਿ ਕੁਸਲਾਯਤਿ+ਚ੍ਚਾਦਿ.

ਸਚ੍ਚਾਦੀਹਿ ¶ ਧਾਤ੍ਵਤ੍ਥੇ ਆਪਿ ਹੋਤਿ. ਸਚ੍ਚ+ਮਾਚਿਕ੍ਖਤੀਤਿ ਆਪਿਮ੍ਹਿ ਤ੍ਯਾਦਿਪਚ੍ਚਯੇ ‘‘ਣਿ+ਣਾਪ੍ਯਾ+ਦੀਹਿ ਵਾ’’ਤਿ ਲਵਿਕਰਣ+ਏ+ਅਯਾਦੇਸਾ. ਸਚ੍ਚਾਪਯਤਿ, ਸਚ੍ਚਾਪੇਤਿ ਇਚ੍ਚਾਦਿ. ਅਤ੍ਥ+ਮਾਚਿਕ੍ਖਤਿ ਅਤ੍ਥਾਪਯਤਿ. ਏਵਂ ਵੇਦਾਪਯਤਿ. ਸੁਕ੍ਖਂ ਕਰੋਤੀਤਿ ਸੁਕ੍ਖਾਪਯਤਿ ਸੁਕ੍ਖਾਪੇਤਿ ਇਚ੍ਚਾਦਿ.

ਕਤ੍ਤਾਰਂ ਯੋ ਪਯੋਜੇਤਿ, ਤਸ੍ਸ ਬ੍ਯਾਪਾਰੇ ਕ੍ਰਿਯਤ੍ਥਾ ਣਿ+ਣਾਪੀ ਹੋਨ੍ਤਿ ਬਹੁਲਂ.

ਣਿਪਚ੍ਚਯੋ ਉਵਣ੍ਣਨ੍ਤਾ, ਆਤੋ ਣਾਪੇਵ ਹੋਤਿ+ਹ;

ਦ੍ਵੇ ਦ੍ਵੇ+ਕੋ ਹੋਤਿ ਵਾ ਸੇਸੇ, ਬਹੁਲਂਤ੍ਯਨੁਵੁਤ੍ਤਿਯਾ.

ਅਕਮ੍ਮਕਾਪਿ ਹੋਨ੍ਤੇਵ, ਣਿ+ਣਾਪ੍ਯਨ੍ਤਾ ਸਕਮ੍ਮਕਾ;

ਸਕਮ੍ਮਕਾ ਦ੍ਵਿਕਮ੍ਮਾ+ਸ੍ਸੁ, ਦ੍ਵਿਕਮ੍ਮਾ ਚ ਤਿਕਮ੍ਮਕਾ.

ਤਸ੍ਮਾ ਕਤ੍ਤਰਿ ਕਮ੍ਮੇ ਚ, ਣਿ+ਣਾਪੀਨਂ ਤੁ ਸਮ੍ਭਵੋ;

ਨ ਭਾਵੇ ਸੁਦ੍ਧਕਤ੍ਤਾ ਤੁ, ਕਮ੍ਮਂ ਹੋਤਿ ਪਯੋਜਕੇ.

ਨਯਾਦੀਨਂ ਪਧਾਨਞ੍ਚ, ਅਪਧਾਨਂ ਦੁਹਾਦਿਨਂ;

ਸੁਦ੍ਧਕਤ੍ਤਾ ਣਿ+ਣਾਪੀਸੁ, ਕਮ੍ਮ+ਮਕ੍ਖ੍ਯਾਤ ਗੋਚਰਂ.

ਭਵਿਤੁਂ ਪਯੋਜਯਤੀਤਿ ਅਤ੍ਥੇ ਇਮਿਨਾ ਣਿਪ੍ਪਚ੍ਚਯੋ. ਣਕਾਰੋ ਣਾਨੁਬਨ੍ਧਕਾਰਿਯਤ੍ਥੋ. ‘‘ਯੁਵਣ੍ਣਾਨ+ਮੇ+ਓ ਪਚ੍ਚਯੇ’’ਤਿ ਓਕਾਰੇ ‘‘ਆਯਾ+ਵਾ ਣਾਨੁਬਨ੍ਧੇ’’ਤਿ ਣਾਨੁਬਨ੍ਧੇ ਆਵਾਦੇਸੋ. ਤ੍ਯਾਦਿਮ੍ਹਿ ‘‘ਣਿ+ਣਾਪ੍ਯਾ+ਪੀਹਿ ਵਾ’’ਤਿ ਲਵਿਕਰਣੇ ਏਕਾਰੇ ‘‘ਏਓਨ+ਮਯਵਾ ਸਰੇ’’ਤਿ ਅਯਾਦੇਸੋ. ਸੋ ਸਮਾਧਿਂ ਭਾਵਯਤਿ ਭਾਵੇਤਿ ¶ , ਭਾਵਯਨ੍ਤਿ ਭਾਵੇਨ੍ਤਿ+ਚ੍ਚਾਦਿ. ਕਮ੍ਮੇ-ਤੇਨ ਸਮਾਧਿ ਭਾਵੀਯਤਿ+ਚ੍ਚਾਦਿ. ਏਤ੍ਥ ‘‘ਦੀਘੋ ਸਰਸ੍ਸਾ’’ਤਿ ਕ੍ਯੇ ਇਕਾਰਸ੍ਸ ਦੀਘੋ. ਭਾਵਯਿਸ੍ਸਤਿ ਭਾਵੇਸ੍ਸਤਿ, ਭਾਵਯਿਸ੍ਸਨ੍ਤਿ ਭਾਵੇਸ੍ਸਨ੍ਤਿ+ਚ੍ਚਾਦਿ. ਅਜ੍ਜਤਨੇ ਈਸ੍ਸ ਸਿਮ੍ਹਿ ਅਭਾਵੇਸਿ ਭਾਵੇਸਿ, ਅਭਾਵਯਿ ਭਾਵਯਿ, ਅਭਾਵਯਿਂਸੁ ਭਾਵਯਿਂਸੁ. ਪਰਸ੍ਸਰਲੋਪੇ ਅਭਾਵੇਸੁਂ ਭਾਵੇਸੁਂ, ਅਭਾਵਯਂਸੁ ਭਾਵਯਂਸੁ, ਅਭਾਵਯੁਂ ਭਾਵਯੁਂ ਇਚ੍ਚਾਦਿ. ਕਮ੍ਮੇ-ਅਭਾਵੀਯਿ ਭਾਵੀਯਿ ਇਚ੍ਚਾਦਿ. ਅਭਾਵਿਸ੍ਸ ਅਭਾਵਯਿਸ੍ਸ, ਅਭਾਵਿਸ੍ਸਂਸੁ ਅਭਾਵਯਿਸ੍ਸਂਸੁ. ਕਮ੍ਮੇ-ਅਭਾਵਯਿਸ੍ਸਂ ਇਚ੍ਚਾਦਿ. ਭਾਵੇ ਭਾਵੇਯ੍ਯ ਇਚ੍ਚਾਦਿ. ਕਮ੍ਮੇ-ਭਾਵੀਯੇਯ੍ਯ ਇਚ੍ਚਾਦਿ. ਭਾਵਯਤੁ ਭਾਵੇਤੁ ਇਚ੍ਚਾਦਿ. ਕਮ੍ਮੇ-ਭਾਵੀਯਤੁ ਇਚ੍ਚਾਦਿ.

ਪਚਿਤੁਂ ਪਯੋਜੇਤੀਤਿ ਅਤ੍ਥੇ ਣਿ+ਣਾਪੀ ਹੋਨ੍ਤਿ. ਸੋ ਦੇਵਦਤ੍ਤੇਨ ਓਦਨਂ ਪਾਚਯਤਿ ਪਾਚੇਤਿ ਇਚ੍ਚਾਦਿ, ਤਥਾ ਪਾਚਾਪਯਤਿ ਪਾਚਾਪੇਤਿ+ਚ੍ਚਾਦਿ. ਕਮ੍ਮੇ-ਸੋ ਤੇਨ ਦੇਵਦਤ੍ਤੇਨ ਓਦਨੋ ਪਾਚੀਯਤਿ ਪਾਚਾਪੀਯਤਿ+ਚ੍ਚਾਦਿ, ਭਵਿਸ੍ਸਤ੍ਯਾਦੀਸੁਪਿ ਯੋਜੇਤਬ੍ਬਂ.

ਗਨ੍ਤੁਂ ਪਯੋਜੇਤੀਤਿ ਅਤ੍ਥੇ ਸੋ ਤਂ ਪੁਰਿਸਂ ਗਾਮਂ ਗਮਯਤਿ ਗਮੇਤਿ ਗਚ੍ਛਾਪਯਤਿ ਗਚ੍ਛਾਪੇਤਿ+ਚ੍ਚਾਦਿ. ਕਮ੍ਮੇ-ਤੇਨ ਸੋ ਗਾਮਂ ਗਮੀਯਤਿ ਗਚ੍ਛਾਪੀਯਤਿ+ਚ੍ਚਾਦਿ.

ਗੁਹ=ਸਂਵਰਣੇ, ਗੁਹਿਤੁਂ ਪਯੋਜੇਤੀਤਿ ਣਿਮ੍ਹਿ ‘‘ਗੁਹਿਸ੍ਸ ਸਰੇ’’ਤਿ ਦੀਘੋ. ਗੂਹਯਤਿ, ਗੂਹਯਨ੍ਤਿ ਇਚ੍ਚਾਦਿ.

ਦਿਸ+ਦੁਸ=ਅਪ੍ਪੀਤਿਯਂ, ਦੁਸਿਤੁਂ ਪਯੋਜੇਤੀਤਿ ਣਿਮ੍ਹਿ ‘‘ਣਿਮ੍ਹਿ ਦੀਘੋ ਦੁਸਸ੍ਸਾ’’ਤਿ ਦੀਘੇ ਦੂਸਯਤਿ+ਚ੍ਚਾਦਿ.

ਤਥਾ ਇਚ੍ਛਨ੍ਤਂ ਪਯੋਜਯਤਿ ਇਚ੍ਛਾਪਯਤਿ ਇਚ੍ਛਾਪੇਤਿ, ਏਸਯਤਿ ਏਸੇਤਿ. ਨਿਯਚ੍ਛਨ੍ਤਂ ਪਯੋਜਯਤਿ ਨਿਯਮਯਤਿ ਨਿਯਮੇਤਿ. ਤਥਾ ਆਸਯਤਿ ¶ ਆਸੇਤਿ, ਅਚ੍ਛਾਪਯਤਿ ਅਚ੍ਛਾਪੇਤਿ. ਲਾਭਯਤਿ ਲਾਭੇਤਿ, ਏਵਂ ਵਾਸਯਤਿ ਵਾਸੇਤਿ, ਵਾਸਾਪਯਤਿ ਵਾਸਾਪੇਤਿ. ਵਾਹਯਤਿ ਵਾਹੇਤਿ, ਵਾਹਾਪਯਤਿ ਵਾਹਾਪੇਤਿ+ਚ੍ਚਾਦਿ. ਏਵਂ ਜੀਰਯਤਿ, ਮਾਰਯਤਿ, ਦਸ੍ਸਯਤਿ ਇਚ੍ਚਾਦਿ. ਹੂ=ਸਤ੍ਤਾਯਂ, ਪਹੋਨ੍ਤਂ ਪਯੋਜਯਤਿ ਪਹਾਵਯਤਿ ਪਹਾਵੇਤਿ ਇਚ੍ਚਾਦਿ. ਸਾਯਯਤਿ ਸਾਯਾਪਯਤਿ ਸਾਯਾਪੇਤਿ. ਨਾਯਾਪਯਤਿ ਨਾਯਾਪੇਤਿ. ਪਤਿਟ੍ਠਾਪਯਤਿ ਪਤਿਟ੍ਠਾਪੇਤਿ. ਰਸ੍ਸੇ ਪਤਿਟ੍ਠਪੇਤਿ. ਹਨ੍ਤੁਂ ਪਯੋਜਯਤੀਤਿ ਣਿ+ਣਾਪੀ, ‘‘ਹਨਸ੍ਸ ਘਾਤੋ ਣਾਨੁਬਨ੍ਧੇ’’ਤਿ ਘਾਤਾਦੇਸੇ ਘਾਤਯਤਿ ਘਾਤੇਤਿ. ਤਥਾ ਜੁਹਾਵਯਤਿ ਜੁਹਾਵੇਤਿ, ਜਹਾਪਯਤਿ ਜਹਾਪੇਤਿ. ਹਾਪਯਤਿ ਹਾਪੇਤਿ. ਦਾਪਯਤਿ ਦਾਪੇਤਿ. ਵਿਧਾਪਯਤਿ ਵਿਧਾਪੇਤਿ, ਪਿਦਹਾਪਯਤਿ ਪਿਦਹਾਪੇਤਿ. (ਭੂਵਾਦਿਨਯੋ).

ਇਦਾਨਿ ਰੁਧਾਦਿਅਟ੍ਠਗਣਾ ਦਸ੍ਸੀਯਨ੍ਤੇ-ਰੋਧਯਤਿ ਰੋਧੇਤਿ. ਦੇਵਯਤਿ ਦੇਵੇਤਿ. ਤੋਦਯਤਿ ਤੋਦੇਤਿ. ਜਯਾਪਯਤਿ ਜਯਾਪੇਤਿ. ਵਿਕ੍ਕਯਤਿ ਵਿਕ੍ਕਯਾਪੇਤਿ. ਸਾਵਯਤਿ ਸਾਵੇਤਿ. ਵਿਤਾਨਯਤਿ ਵਿਤਾਨੇਤਿ. ਚੋਰਾਪਯਤਿ ਚੋਰਾਪੇਤਿ ਇਚ੍ਚਾਦਿ.

ਖਾਦੀਹਿ ਪਚ੍ਚਯਨ੍ਤੇਹਿ, ਅਪਿ ਹੋਨ੍ਤਿ ਣਿ+ਣਾਪਯੋ;

ਣਿ+ਣਾਪਿਨਾ+ਨਕਾਨਾਨਂ, ਦਸ੍ਸਨਞ੍ਚੇਤ੍ਥ ਸਾਧਨਂ.

ਤਿਤਿਕ੍ਖਨ੍ਤਂ ਪਯੋਜਯਤਿ ਤਿਤਿਕ੍ਖੇਤਿ ਤਿਤਿਕ੍ਖਾਪੇਤਿ, ਤਿਕਿਚ੍ਛਯਤਿ ਤਿਕਿਚ੍ਛੇਤਿ ਤਿਕਿਚ੍ਛਾਪਯਤਿ ਤਿਕਿਚ੍ਛਾਪੇਤਿ. ਏਵਂ ਬੁਭੁਕ੍ਖੇਤਿ ਬੁਭੁਕ੍ਖਾਪੇਤਿ. ਪਬ੍ਬਤਾਯਯਤਿ. ਪੁਤ੍ਤੀਯਯਤਿ ਇਚ੍ਚਾਦਿ. (ਖਾਦਿਪਚ੍ਚਯਨਯੋ).

ਇਤਿ ਪਯੋਗਸਿਦ੍ਧਿਯਂ ਤ੍ਯਾਦਿਕਣ੍ਡੋ ਛਟ੍ਠੋ.

ਅਥ ¶ ਧਾਤੂਹਿਯੇਵ ਭਾਵ+ਕਮ੍ਮ+ਕਤ੍ਤੁ+ਕਰਣਾਦਿਸਾਧਨਸਹਿਤਂ ਖਾਦਿਵਿਧਾਨਂ ਆਰਭੀਯਤੇ –

‘‘ਤਿਜਮਾਨੇਹਿ ਖਸਾ ਖਮਾਵੀਮਂਸਾਸੁ’’ ਇਚ੍ਚਾਦੀਹਿ ਪਚ੍ਚਯਵਿਧਾਨਞ੍ਚ ਪਰਰੂਪਦ੍ਵਿਤ੍ਤਾਦਿਕਾਰਿਯਞ੍ਚ ਤ੍ਯਾਦਿਕਣ੍ਡੇ ਵੁਤ੍ਤਨਯੇਨੇਵ ਞਾਤਬ੍ਬਂ. ਤਿਤਿਕ੍ਖਨਂ ਤਿਤਿਕ੍ਖਾ, ‘‘ਇਤ੍ਥਿਯ+ਮਣਕ੍ਤਿਕਯਕਯਾ ਚ’’ ਇਤਿ ਸੁਤ੍ਤੇਨ ਅਪਚ੍ਚਯੋ ਚ ‘‘ਇਤ੍ਥਿਯ+ਮਤ੍ਵਾ’’ਤਿ ਆਪਚ੍ਚਯੋ ਚ ਹੋਤਿ. ਤਥਾ ਵੀਮਂਸਨਂ ਵੀਮਂਸਾ. ‘‘ਕਿਤਾ ਤਿਕਿਚ੍ਛਾਸਂਸਯੇਸੁ ਛੋ’’ਤਿ ਛਪ੍ਪਚ੍ਚਯਾਦਿਮ੍ਹਿ ਕਤੇ ਤਿਕਿਚ੍ਛਨਂ ਤਿਕਿਚ੍ਛਾ, ਵਿਚਿਕਿਚ੍ਛਨਂ ਵਿਚਿਕਿਚ੍ਛਾ. ਗੁਪ=ਗੋਪਨੇ, ਬਧ=ਬਨ੍ਧਨੇਤਿ ਇਮੇਹਿ ਧਾਤੂਹਿ ‘‘ਨਿਨ੍ਦਾਯਂ ਗੁਪ+ਬਧਾ ਬਸ੍ਸ ਭੋ ਚ’’ ਇਤਿ ਛਪਚ੍ਚਯਾਦਿਮ੍ਹਿ ਚ ਦ੍ਵਿਤ੍ਤੇ ਪਰਬਕਾਰਸ੍ਸ ਇਮਿਨਾ ਭਕਾਰੇ ਚ ਕਤੇ ਅਪਚ੍ਚਯਾਦਿ ਹੋਤਿ. ਜਿਗੁਚ੍ਛਨਂ ਜਿਗੁਚ੍ਛਾ, ਬੀਭਚ੍ਛਨਂ ਬੀਭਚ੍ਛਾ. ‘‘ਤੁਂਸ੍ਮਾ ਲੋਪੋ ਚਿ+ਚ੍ਛਾਯਂ ਤੇ’’ ਇਤਿ ਇਚ੍ਛਾਯ+ਮਤ੍ਥੇ ਖ+ਸ+ਛਪ੍ਪਚ੍ਚਯਾ ਹੋਨ੍ਤਿ. ਭੁਜ=ਪਾਲਨਜ੍ਝੋਹਾਰੇਸੁ, ਬੁਭੁਕ੍ਖਨਂ ਬੁਭੁਕ੍ਖਾ. ਜਿ=ਜਯੇ, ਜਿਗਿਂਸਨਂ, ਜਿਗਿਂਸਾ. ਘਸ=ਅਦਨੇ, ਜਿਘਚ੍ਛਨਂ ਜਿਘਚ੍ਛਾ.

ਤਬ੍ਬਅਨੀਯਾ ਕ੍ਰਿਯਤ੍ਥਾ ਪਰੇ ਭਾਵਕਮ੍ਮੇਸੁ ਭਵਨ੍ਤਿ, ਬਹੁਲਂਵਿਧਾਨਾ ਕਤ੍ਤੁਕਰਣਾਦੀਸੁਪਿ. ਭੂ=ਸਤ੍ਤਾਯਂ, ‘‘ਯੁਵਣ੍ਣਾਨ+ਮੇ ਓਪਚ੍ਚਯੇ’’ਤਿ ਓਕਾਰੇ ‘‘ਊਬ੍ਯਞ੍ਜਨਸ੍ਸਾ’’ਤਿ ਊਆਗਮੋ, ਞ੍ਞਕਾਰੋ ਆਦ੍ਯਾਵਯਵਤ੍ਥੋ. ਓਸ੍ਸ ‘‘ਏਓਨ+ ਮਯਵਾ ¶ ਸਰੇ’’ਤਿ ਅਵਾਦੇਸੋ, ਭੂਯਤੇਤਿ ਭਵਿਤਬ੍ਬਂ ਭਵਤਾ ਭਵਨੀਯਂ. ਭਾਵਸ੍ਸੇ+ਕਤ੍ਤਾ ਏਕਵਚਨਮੇਵ, ਤਞ੍ਚ ਨਪੁਂਸਕਲਿਙ੍ਗਂ.

ਦਬ੍ਬਮਿਵ ਪਕਾਸਤੀਤਿ-ਬਹੁਵਚਨਞ੍ਚ ਹੋਤਿ.

ਕਮ੍ਮੇ-ਅਭਿਪੁਬ੍ਬੋ, ਅਭਿਭੂਯਤੇ ਅਭਿਭੂਯਿਤ੍ਥ ਅਭਿਭੂਯਿਸ੍ਸਤੇਤਿ ਅਭਿਭਵਿਤਬ੍ਬੋ ਕੋਧੋ ਪਣ੍ਡਿਤੇਨ, ਅਭਿਭਵਿਤਬ੍ਬਾ ਤਣ੍ਹਾ, ਅਭਿਭਵਿਤਬ੍ਬਂ ਦੁਕ੍ਖਂ. ਏਵਂ ਅਭਿਭਵਨੀਯੋ ਅਭਿਭਵਨੀਯਾ ਅਭਿਭਵਨੀਯਂ, ਕਮ੍ਮੇ ਅਭਿਧੇਯ੍ਯਸ੍ਸੇਵ ਲਿਙ੍ਗਵਚਨਾਨਿ.

ਵਿਸੇਸ੍ਸਲਿਙ੍ਗਾਤਬ੍ਬਾਦੀ, ਤਤ੍ਥਾ+ਦੋ ਪਞ੍ਚ ਭਾਵਜਾ;

ਨਪੁਂਸਕੇ ਸਿਯੁਂ ਭਾਵੇ, ਕ੍ਤੋ ਚਾ+ਨੋ ਅਕਤ੍ਤਰਿ.

ਭਾਵਸ੍ਮਿਂ ਘਣ ਪੁਮੇ ਏਵਂ, ਇਯੁਵਣ੍ਣਾ ਗਹਾਦਿਜੋ;

ਅਪਚ੍ਚਯੋਪਿ ਵਾ+ਸਂਖ੍ਯਾ, ਤੁ+ਮਾਦਿਤ੍ਵਨ੍ਤਕਾ ਸਿਯੁਂ.

ਇਤੋ ਪਰਂ ਉਪਸਗ੍ਗਪੁਬ੍ਬਤਾ ਚ ਕਾਲਤ੍ਤਯਸ੍ਸ ਵਾਕ੍ਯਗਹਣਞ੍ਚ ਵੁਤ੍ਤਨਯੇਨ ਞਾਤਬ੍ਬਂ, ਤਸ੍ਮਾ ਅਨੁਰੂਪਵਾਕ੍ਯਮੇਵ ਦਸ੍ਸਯਿਸ੍ਸਾਮ –

ਆਸ=ਉਪਵੇਸਨੇ, ਆਸਨੇ ਆਸਿਤਬ੍ਬਂ ਤਯਾ ਆਸਨੀਯਂ. ਕਮ੍ਮੇ-ਉਪਾਸੀਯਤੀਤਿ ਉਪਾਸਿਤਬ੍ਬੋ ਗੁਰੁ ਉਪਾਸਨੀਯੋ. ਸੀ=ਸਯੇ, ਏ+ਅਯਾਦੇਸਾ, ਸਯਨਂ ਸਯਿਤਬ੍ਬਂ ਸਯਨੀਯਂ ਤਯਾ. ਅਤਿਸੀਯਤੀਤਿ ਅਤਿਸਯਿਤਬ੍ਬੋ ਕਟੋ ਤੇ ਅਤਿਸਯਨੀਯੋ. ਪਦ=ਗਮਨੇ, ‘‘ਪਦਾਦੀਨਂ ਕ੍ਵਚੀ’’ਤਿ ਯੁਕ, ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ, ਉਕਾਰੋ ਉਚ੍ਚਾਰਣਤ੍ਥੋ, ਦਸ੍ਸਜੋ ਪੁਬ੍ਬਰੂਪਞ੍ਚ, ਉਪ੍ਪਜ੍ਜਨਂ ਉਪ੍ਪਜ੍ਜਿਤਬ੍ਬਂ ਉਪ੍ਪਜ੍ਜਨੀਯਂ. ਪਟਿਪਜ੍ਜੀਯਤੀਤਿ ਪਟਿਪਜ੍ਜਿਤਬ੍ਬੋ ਮਗ੍ਗੋ ਪਟਿਪਜ੍ਜਨੀਯੋ. ਬੁਧ=ਞਾਣੇ, ਬੁਜ੍ਝਤੇਤਿ ਬੁਜ੍ਝਿਤਬ੍ਬੋ ¶ ਧਮ੍ਮੋ ਬੁਜ੍ਝਨੀਯੋ. ਸੁ=ਸਵਨੇ, ਸੂਯਤੇਤਿ ਸੋਤਬ੍ਬੋ ਧਮ੍ਮੋ, ਞ੍ਞਿਮ੍ਹਿ ਨਾਗਮੇ ‘‘ਤਥਨਰਾਨਂ ਟਠਣਲਾ’’ਤਿ ਣੇ ਚ ਕਤੇ ‘‘ਨ ਤੇ ਕਾਨੁਬਨ੍ਧ+ਨਾਗਮੇਸੂ’’ਤਿ ਓਕਾਰਾਭਾਵੋ. ਸੁਣਿਤਬ੍ਬੋ, ਸਵਨੀਯੋ. ਕਰ=ਕਰਣੇ –

ਕ੍ਰਿਯਤ੍ਥਾਨ+ਮਨ੍ਤਬ੍ਯਞ੍ਜਨਸ੍ਸ ਪਰਰੂਪਂ ਹੋਤਿ ਯਕਾਰਤੋ ਅਞ੍ਞਸ੍ਮਿਂ ਬ੍ਯਞ੍ਜਨੇ. ਕਰੀਯਤੀਤਿ ਕਤ੍ਤਬ੍ਬੋ ਧਮ੍ਮੋ, ਕਤ੍ਤਬ੍ਬਾ ਪੂਜਾ, ਕਤ੍ਤਬ੍ਬਂ ਕੁਸਲਂ.

ਤੁਮਾਦੀਸੁ ਕਰਸ੍ਸਾ ਹੋਤਿ ਵਾ. ਕਾਤਬ੍ਬਂ ਹਿਤਂ.

ਰਨ੍ਤਤੋ ਕ੍ਰਿਯਤ੍ਥਾ ਪਚ੍ਚਯਨਕਾਰਸ੍ਸ ਣ ਹੋਤਿ. ਕਰਣੀਯੋ.

ਭਰ=ਭਰਣੇ, ਭਰੀਯਤੀਤਿ ਭਰਿਤਬ੍ਬੋ ਭਰਣੀਯੋ. ਗਹ=ਉਪਾਦਾਨੇ ‘‘ਮਂ ਵਾ ਰੁਧਾਦੀਨਂ’’ਤਿ ਅਨ੍ਤਸਰਾ ਪਰੋਮਂ ਵਾ ਹੋਤਿ. ਮਕਾਰੋ+ਨੁਬਨ੍ਧੋ. ‘‘ਣੋ ਨਿਗ੍ਗਹੀਤਸ੍ਸਾ’’ਤਿ ਨਿਗ੍ਗਹੀਤਸ੍ਸ ਣੋ, ਸਂਗਯ੍ਹਤੀਤਿ ਸਂਗਣ੍ਹਿਤਬ੍ਬੋ ਸਂਗਣ੍ਹਨੀਯੋ, ‘‘ਤਥਨਰਾ’’ਦਿਨਾ ਣਕਾਰੇ ਗਹਣੀਯੋ. ਰਮ=ਕੀਲ਼ਾਯਂ, ਰਮੀਯਤੀਤਿ ਰਮਣੀਯੋ ਵਿਹਾਰੋ. ਆਪ=ਪਾਪੁਣਨੇ, ‘‘ਸਕਾਪਾਨਂ ਕੁਕਕੂ ਣੇ’’ਤਿ ਏਤ੍ਥ ‘ਸਕਾਪਾਨਂ ਕੁਕ+ਕੂ’ਤਿ ਯੋਗਵਿਭਾਗਾ ਕੁ, ਊਆਗਮੇ ਨਾਗਮਸ੍ਸ ਣੇ ਚ ਕਤੇ ਪਾਪੀਯਤੀਤਿ ਪਾਪੁਣਿਤਬ੍ਬੋ. ਪਰਰੂਪੇ ਪਤ੍ਤਬ੍ਬੋ, ਪਾਪੁਣਨੀਯੋ, ਪਾਪਨੀਯੋ.

ਮਕਾਰ+ਨਕਾਰਨ੍ਤਾਨਂ ¶ ਕ੍ਰਿਯਤ੍ਥਾਨਂ ਨਿਗ੍ਗਹੀਤਂ ਹੋਤ੍ਯ+ਯਕਾਰੇ ਬ੍ਯਞ੍ਜਨੇ. ਵਗ੍ਗਨ੍ਤਂ, ਗਮਿਯਤੀਤਿ ਗਨ੍ਤਬ੍ਬੋ. ਗਮਿਤਬ੍ਬਂ ਗਮਨੀਯਂ. ਖਨ=ਖਣ=ਅਵਦਾਰਣੇ, ਨਿਗ੍ਗਹੀਤਂ ਵਗ੍ਗਨ੍ਤਤ੍ਤਞ੍ਚ, ਖਞ੍ਞਤੇਤਿ ਖਨ੍ਤਬ੍ਬਂ ਆਵਾਟਂ ਖਨਿਤਬ੍ਬਂ ਖਨਨੀਯਂ. ਹਨ=ਹਿਂਸਾਯਂ, ਹਞ੍ਞਤੇਤਿ ਹਨ੍ਤਬ੍ਬਂ ਹਨਿਤਬ੍ਬਂ ਹਨਨੀਯਂ. ਮਨ=ਞਾਣੇ, ਮਞ੍ਞਤੇਤਿ ਮਨ੍ਤਬ੍ਬੋ ਮਨਿਤਬ੍ਬੋ. ‘‘ਪਦਾਦੀਨਂ ਕ੍ਵਚੀ’’ਤਿ ਯੁਕ, ਚਵਗ੍ਗਾਦਿਮ੍ਹਿ ਕਤੇ ਮਞ੍ਞਿਤਬ੍ਬਂ ਮਞ੍ਞਨੀਯਂ.

ਪੂਜ=ਪੂਜਾਯਂ, ‘‘ਚੁਰਾਦਿਤੋ ਣੀ’’ਤਿ ਣਿਮ੍ਹਿ ਞੁਕਾਰਸ੍ਸ ਗੁਰੁਤ੍ਤਾ ਓਕਾਰਾਵੁਤ੍ਤਿ ‘‘ਯੁਵਣ੍ਣਾਨ+ਮੇਓ ਪਚ੍ਚਯੇ’’ਤਿ ਏਕਾਰੇ ਪੂਜੇਤਬ੍ਬੋ ਊਮ੍ਹਿ ਅਯਾਦੇਸੇ ਪੂਜਯਿਤਬ੍ਬੋ ਪੂਜਨੀਯੋ ਭਗਵਾ.

ਕਤ੍ਤਰਿ-ਯਾ=ਪਾਪੁਣਨੇ, ਨੀਯਤੀਤਿ ਨਿਯ੍ਯਾਨਿਯੋ ਮਗ੍ਗੋ, ਗਚ੍ਛਨ੍ਤੀਤਿ ਗਮਨੀਯਾ ਭੋਗਾ. ਕਰਣੇ-ਨਹ=ਸੋਚੇਯ੍ਯੇ, ਨਹਾਯਨ੍ਤ੍ਯ+ਨੇਨਾਤਿ ਨਹਾਨੀਯਂ ਚੁਣ੍ਣਂ. ਸਮ੍ਪਦਾਨੇ-ਦਾ=ਦਾਨੇ, ਸਂ+ਪਪੁਬ੍ਬੋ, ਸਮ੍ਮਾ ਪਦੀਯਤੇ ਅਸ੍ਸਾਤਿ ਸਮ੍ਪਦਾਨਿਯੋ ਬ੍ਰਾਹ੍ਮਣੋ.

ਭਾਵਕਮ੍ਮੇਸੁ ਕ੍ਰਿਯਤ੍ਥਾ ਪਰੋ ਘ੍ਯਣ ਹੋਤਿ ਬਹੁਲਂ. ਊਮ੍ਹਿ ਕਤ੍ਤਬ੍ਬਂ ਕਾਰਿਯਂ. ਹਰ=ਹਰਣੇ, ਹਰੀਯਤੀਤਿ ਹਾਰਿਯਂ. ਭਰ=ਭਰਣੇ, ਭਰਿਤਬ੍ਬਂ ਭਾਰਿਯਂ. ਲਭ=ਲਾਭੇ, ‘‘ਵਗ੍ਗਲਸੇਹਿ ਤੇ’’ਤਿ ਪੁਬ੍ਬਰੂਪਭਕਾਰੇ ‘‘ਚਤੁਤ੍ਥਦੁਤਿਯਾ’’ ਦਿਨਾ ਤਤਿਯਕ੍ਖਰੇ ਚ ਕਤੇ ਲਭਿਤਬ੍ਬਂ ਲਬ੍ਭਂ.

ਘਾਨੁਬਨ੍ਧੇ ¶ ਚਕਾਰ+ਜਕਾਰਨ੍ਤਾਨਂ ਕ੍ਰਿਯਤ੍ਥਾਨਂ ਕ+ਗਾ ਹੋਨ੍ਤਿ ਯਥਾਕ੍ਕਮਂ.

ਣਕਾਰਾਨੁਬਨ੍ਧੇ ਪਚ੍ਚਯੇ ਪਰੇ ਉਪਨ੍ਤਸ੍ਸ ਅਕਾਰਸ੍ਸ ਆ ਹੋਤਿ. ਵਚਨਂ ਵੁਚ੍ਚਤੇਤਿ ਵਾਕ੍ਯਂ. ਭਜ=ਸੇਵਾਯਂ, ਭਜਨੀਯਂ ਭਾਗ੍ਯਂ, ਜਸ੍ਸ ਗਕਾਰੋ. ਚਿ=ਚਯੇ, ਚਯਨਂ ਚੀਯਤੀਤਿ ਵਾ ਚੇਯ੍ਯਂ. ਯਸ੍ਸ ਦ੍ਵਿਤ੍ਤਂ.

ਨਿਤੋ ਪਰਸ੍ਸ ਚਿਸ੍ਸ ਛੋ ਹੋਤੀਤਿਆਦਿਚਕਾਰਸ੍ਸ ਛੋ. ਵਿਨਿਚ੍ਛਯਤੀਤਿ ਵਿਨਿਚ੍ਛੇਯ੍ਯਂ, ਨਾਗਮੇ ਵਿਨਿਚ੍ਛਿਨਿਤਬ੍ਬਂ. ਏ+ਅਯਾਦੇਸੇਸੁ ਵਿਨਿਚ੍ਛੇਤਬ੍ਬਂ ਵਿਨਿਚ੍ਛਨੀਯਂ. ਨੀ=ਪਾਪਨੇ, ਨੀਯਤੀਤਿ ਨੇਯ੍ਯੋ ਨੇਯ੍ਯਾ ਨੇਯ੍ਯਂ, ਨੇਤਬ੍ਬਂ.

ਆਕਾਰਨ੍ਤਤੋ ਕ੍ਰਿਯਤ੍ਥਾ ਘ੍ਯਣ ਹੋਤਿ ਭਾਵਕਮ੍ਮੇਸੁ ਆਸ੍ਸ ਏ ਚ. ਦਾ=ਦਾਨੇ, ਦਾਤਬ੍ਬਂ ਦੇਯ੍ਯਂ. ਪਾ=ਪਾਨੇ, ਪੀਯਤੀਤਿ ਪੇਯ੍ਯਂ. ਮਾ=ਮਾਨੇ, ਮੀਯਤੀਤਿ ਮੇਯ੍ਯਂ. ਞਾ=ਅਵਬੋਧਨੇ, ਞਾਯਤੀਤਿ ਞੇਯ੍ਯਂ ਞਾਤਬ੍ਬਂ, ਊਮ੍ਹਿ ਨਾਗਮੋ ‘‘ਞਾਸ੍ਸ ਨੇ+ਜਾ’’ਤਿ ਞਾਸ੍ਸ ਜਾਦੇਸੇ ਜਾਨਿਤਬ੍ਬਂ, ਵਿਜਾਨਿਯਂ. ਖਾ=ਪਕਥਨੇ, ਸਂਖਾਤਬ੍ਬਂ ਸਂਖੇਯ੍ਯਂ.

ਵਦਾਦੀਹਿ ¶ ਕ੍ਰਿਯਤ੍ਥੇਹਿ ਯੋ ਹੋਤਿ ਬਹੁਲਂ ਭਾਵਕਮ੍ਮੇਸੁ. ਵਦ=ਵਚਨੇ, ਵਦਨਂ ਵਜ੍ਜਤੀਤਿ ਵਾ ਵਜ੍ਜਂ. ਮਦ=ਉਮ੍ਮਾਦੇ, ਮਦਨਂ ਮਜ੍ਜਤੇ ਅਨੇਨਾਤਿ ਵਾ ਮਜ੍ਜਂ. ਗਮਨਂ ਗਮ੍ਮਤੇਤਿ ਵਾ ਗਮ੍ਮਂ. ਗਦ=ਵਚਨੇ, ਗਜ੍ਜਤੇ ਗਦਨੀਯਂ ਵਾਤਿ ਗਜ੍ਜਂ. ਪਦ=ਗਮਨੇ, ਪਜ੍ਜਨੀਯਂ ਪਜ੍ਜਂ ਗਾਥਾ. ਅਦ+ਖਾਦ=ਭਕ੍ਖਨੇ, ਖਜ੍ਜਤੀਤਿ ਖਜ੍ਜਂ ਖਾਦਨੀਯਂ. ਦਮ=ਦਮਨੇ, ਦਮ੍ਮਤੇਤਿ ਦਮ੍ਮੋ ਦਮਨੀਯੋ.

ਭੁਜਾ+ਨ੍ਨੇਤਿ ਗਣਸੁਤ੍ਤੇਨ ਅਨ੍ਨੇ ਵਤ੍ਤਬ੍ਬੇ ਯਪਚ੍ਚਯੋ.

ਲਹੁਭੂਤਸ੍ਸ ਉਪਨ੍ਤਸ੍ਸ ਇਯੁਵਣ੍ਣਸ੍ਸ ਏਓ ਹੋਨ੍ਤਿ ਯਥਾਕ੍ਕਮਂ. ਯਸ੍ਸ ਪੁਬ੍ਬਰੂਪੇ ਭੁਞ੍ਜਿਤਬ੍ਬੋਤਿ ਭੋਜ੍ਜੋ ਓਦਨੋ, ਭੋਜ੍ਜਾ ਯਾਗੁ.

੩੧. ਕਿਚ੍ਚ ਘਚ੍ਚ ਭਚ੍ਚ ਭਬ੍ਬ ਲੇਯ੍ਯਾ

ਏਤੇ ਸਦ੍ਦਾ ਯਪਚ੍ਚਯਨ੍ਤਾ ਨਿਪਚ੍ਚਨ੍ਤੇ. ਕਰ=ਕਰਣੇ, ਇਮਿਨਾ ਨਿਪਾਤਨਾ ਯੇ ਕਿਚਾਦੇਸੇ ਚ ਕਤੇ ਪੁਬ੍ਬਰੂਪਂ, ਕਤ੍ਤਬ੍ਬਂ ਕਿਚ੍ਚਂ. ਹਨ=ਹਿਂਸਾਯਂ, ਘਚ੍ਚਾਦੇਸਾਦਿਮ੍ਹਿ ਕਤੇ ਹਨਨਂ ਹਞ੍ਞਤੇਤਿ ਵਾ ਘਚ੍ਚਂ. ਭਰ=ਭਰਣੇ, ਭਚ੍ਚਾਦੇਸਾਦਿਮ੍ਹਿ ਕਤੇ ਭਰਣੀਯੋ ਭਚ੍ਚੋ. ਭੂ=ਸਤ੍ਤਾਯਂ, ਯਮ੍ਹਿ ਓਕਾਰੇ ਇਮਿਨਾ ਅਵਾਦੇਸੇ ਭਵਤੀਤਿ ਭਬ੍ਬੋ. ਲਿਹ=ਅਸ੍ਸਾਦਨੇ, ਯਮ੍ਹਿ ਇਮਿਨਾ ਹਸ੍ਸ ਯਕਾਰੇ ਲੇਹਿਤਬ੍ਬਂ ਲੇਯ੍ਯਂ, ਏਕਾਰਵੁਦ੍ਧਿ.

ਗੁਹਾਦੀਹਿ ¶ ਕ੍ਰਿਯਤ੍ਥੇਹਿ ਭਾਵਕਮ੍ਮੇਸੁ ਯਕ ਹੋਤਿ. ਗੁਹ=ਸਂਵਰਣੇ, ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਸਮ੍ਪਤ੍ਤਸ੍ਸ ਓਕਾਰਸ੍ਸ ‘‘ਨ ਤੇ ਕਾਨੁਬਨ੍ਧਨਾਗਮੇਸੂ’’ਤਿ ਪਟਿਸੇਧੋ. ‘‘ਹਸ੍ਸ ਵਿਪਲ੍ਲਾਸੋ’’ਤਿ ਵਿਪਲ੍ਲਾਸੇ ਗੁਹਨਂ ਗੁਹਿਤਬ੍ਬਂ ਗੁਯ੍ਹਂ. ਦੁਹ=ਪਪੂਰਣੇ, ਦੋਹਨਂ ਦੁਯ੍ਹਤੀਤਿ ਵਾ ਦੁਯ੍ਹਂ. ਸਾਸ=ਅਨੁਸਿਟ੍ਠਿਯਂ –

ਸਾਸਸ੍ਸ ਸਿਸ ਵਾ ਹੋਤਿ ਕਾਨੁਬਨ੍ਧੇ. ਪੁਬ੍ਬਰੂਪਂ, ਸਾਸੀਯਤੀਤਿ ਸਿਸ੍ਸੋ.

ਸਿਦ੍ਧਾ ਏਵੇ+ਤੇ ਤਬ੍ਬਾਦਯੋ ਪੇਸਾ+ਤਿਸਗ੍ਗ+ਪ੍ਪਤ੍ਤਕਾਲੇਸੁ ਗਮ੍ਯਮਾਨੇਸੁਪਿ, ਸਾਮਞ੍ਞੇਨ ਵਿਧਾਨਤੋ. ਪੇਸਨਂ – ‘‘ਕਤ੍ਤਬ੍ਬ+ਮਿਦਂ ਭਵਤਾ’’ਤਿ ਆਣਾਪਨਂ ਅਜ੍ਝੇਸਨਞ੍ਚ. ਅਤਿਸਗ੍ਗੋ ਨਾਮ ‘‘ਕਿ+ਮਿਦਂ ਮਯਾ ਕਤ੍ਤਬ੍ਬਂ’’ਤਿ ਪੁਟ੍ਠਸ੍ਸ ‘‘ਪਾਣੋ ਨ ਹਨ੍ਤਬ੍ਬੋ’’ਤਿਆਦਿਨਾ ਪਟਿਪਤ੍ਤਿਦਸ੍ਸਨਮੁਖੇਨ ਕਤ੍ਤਬ੍ਬਸ੍ਸ ਅਨੁਞ੍ਞਾ. ਪਤ੍ਤਕਾਲੋ ਨਾਮ ਸਮ੍ਪਤ੍ਤਸਮਯੋ. ਯੋ ਕਿਚ੍ਚਕਰਣਸਮਯਂ ਉਪਪਰਿਕ੍ਖਿਤ੍ਵਾ ਕਰੋਤਿ, ਤਸ੍ਸ ਸਮਯਾਰੋਚਨਂ, ਨ ਤਤ੍ਥ ਅਜ੍ਝੇਸਨ+ਮਤ੍ਥਿ. ਭੋਤਾ ਖਲੁ ਕਟੋ ਕਤ੍ਤਬ੍ਬੋ ਕਰਣੀਯੋ ਕਾਰਿਯੋ ਕਿਚ੍ਚੋ’’ ਏਵਂ ਤ੍ਵਯਾ ਕਟੋ ਕਤ੍ਤਬ੍ਬੋ, ਭੋਤੋ ਹਿ ਪਤ੍ਤੋ ਕਾਲੋ ਕਟਕਰਣੇ.

ਏਵਂ ਉਦ੍ਧਮੁਹੁਤ੍ਤੇਪਿ ਵਤ੍ਤਮਾਨਤੋ ਪੇਸਾਦੀਸੁ ਸਿਦ੍ਧਾ ਏਵ. ਤਥਾ ਅਰਹੇ ਕਤ੍ਤਰਿ ਸਤ੍ਤਿਵਿਸਿਟ੍ਠੇ ਚ ਪਤੀਯਮਾਨੇ, ਆਵਸ੍ਸਕਾ+ਧਮੀਣਤਾਵਿਸਿਟ੍ਠੇ ਚ ਭਾਵਾਦੋ ਸਿਦ੍ਧਾ. ਉਦ੍ਧਂ ਮੁਹੁਤ੍ਤਤੋ-ਭੋਤਾ ਕਟੋ ਕਤ੍ਤਬ੍ਬੋ. ਭੋਤਾ ਰਜ੍ਜਂ ਕਾਤਬ੍ਬਂ, ਭਵਂ ਅਰਹੋ. ਭੋਤਾ ¶ ਭਾਰੋ ਵਹਿਤਬ੍ਬੋ, ਭਵਂ ਸਕ੍ਕੋ. ਭੋਤਾ ਅਵਸ੍ਸਂ ਕਟੋ ਕਤ੍ਤਬ੍ਬੋ. ਭੋਤਾ ਨਿਕ੍ਖੋ ਦਾਤਬ੍ਬੋ.

ਕਤ੍ਤਰਿ ਕਾਰਕੇ ਕ੍ਰਿਯਤ੍ਥਾ ਲ੍ਤੁ+ਣ੍ਕਾ ਹੋਨ੍ਤਿ. ਕਰ=ਕਰਣੇ, ਪਰਰੂਪੇ ‘‘ਲ੍ਤੁ+ਪਿਤਾਦੀਨ+ਮਾ ਸਿਮ੍ਹੀ’’ਤਿ ਆ ਸਿਲੋਪੋ ਚ. ਕਰੋਤੀਤਿ ਕਤ੍ਤਾ. ਏਵਂ ਭਰਤੀਤਿ ਭਤ੍ਤਾ. ਹਰਤੀਤਿ ਹਤ੍ਤਾ. ਭਿਦਤੀਤਿ ਭੇਤ੍ਤਾ, ਏਕਾਰੋ, ਊਮ੍ਹਿ ਭੇਦਿਤਾ. ਛਿਨ੍ਦਤੀਤਿ ਛੇਤ੍ਤਾ. ਭੋਜਨਸ੍ਸ ਦਾਤਾ ਭੋਜਨਦਾਤਾ. ਸਨ੍ਧਾਤੀਤਿ ਸਨ੍ਧਾਤਾ. ਵਚਤੀਤਿ ਵਤ੍ਤਾ. ਓਕਾਰਪਰਰੂਪੇਸੁ ਭੁਞ੍ਜਤੀਤਿ ਭੋਤ੍ਤਾ. ‘‘ਪਦਾਦੀਨਂ ਕ੍ਵਚੀ’’ਤਿ ਯੁਕਾਗਮੋ, ਬੁਜ੍ਝਤੀਤਿ ਬੁਜ੍ਝਿਤਾ. ਜਾਨਾਤੀਤਿ ਞਾਤਾ. ਛਿਨ੍ਦਤੀਤਿ ਛੇਤਾ. ਸੁਣਾਤੀਤਿ ਸੋਤਾ. ‘‘ਊ+ਲਸ੍ਸੇ’’ਤਿ ਊਸ੍ਸ ਏਕਾਰੇ ਗਣ੍ਹਾਤੀਤਿ ਗਹੇਤਾ. ਭਵਤੀਤਿ ਭਵਿਤਾ. ਸਰਤੀਤਿ ਸਰਿਤਾ. ‘‘ਮਨਾਨਂ ਨਿਗ੍ਗਹੀਤਂ’’ਤਿ ਮਸ੍ਸ ਨਿਗ੍ਗਹੀਤੇ ਵਗ੍ਗਨ੍ਤੇ ਚ ਗਚ੍ਛਤੀਤਿ ਗਨ੍ਤਾ. ਨਕਾਰਨ੍ਤਾਨਮ੍ਪਿ ਨਿਗ੍ਗਹੀਤਂ, ਖਨਤੀਤਿ ਖਨ੍ਤਾ. ਸਨਤੀਤਿ ਸਨ੍ਤਾ. ਮਞ੍ਞਤੀਤਿ ਮਨ੍ਤਾ. ਪਾਲੇਤੀਤਿ ਪਾਲਯਿਤਾ ਪਾਲੇਤਾ, ਏਤ੍ਥ ਚੁਰਾਦਿਤ੍ਤਾ ਣਿ.

ਣਿਣਾਪੀਸੁ-ਭਾਵਯਤੀਤਿ ਭਾਵਯਿਤਾ ਭਾਵੇਤਾ. ਏਵਂ ਸਾਰਯਿਤਾ ਸਾਰੇਤਾ, ਦਾਪਯਿਤਾ ਦਾਪੇਤਾ, ਹਾਪਯਿਤਾ ਹਾਪੇਤਾ, ਨਿਰੋਧਯਿਤਾ ਨਿਰੋਧੇਤਾ, ਬੋਧਯਿਤਾ ਬੋਧੇਤਾ, ਞਾਪਯਿਤਾ ਞਾਪੇਤਾ, ਸਾਵਯਿਤਾ ਸਾਵੇਤਾ, ਗਾਹਯਿਤਾ ਗਾਹੇਤਾ, ਕਾਰਯਿਤਾ ਕਾਰੇਤਾ, ਕਾਰਾਪਯਿਤਾ ਕਾਰਾਪੇਤਾ ਇਚ੍ਚਾਦਿ.

ਣ੍ਕਪਚ੍ਚਯੇ-ਣਕਾਰੋ ¶ ਵੁਦ੍ਧ੍ਯਤ੍ਥੋ. ਰਥਂ ਕਰੋਤੀਤਿ ਰਥਕਾਰਕੋ, ‘‘ਅਸ੍ਸਾ ਣਾਨੁਬਨ੍ਧੇ’’ਤਿ ਆ ਅਮਾਦਿਸਮਾਸੋ ਚ. ਅਨ੍ਨਂ ਦਦਾਤੀਤਿ ਅਨ੍ਨਦਾਯਕੋ. ‘‘ਅਧਾਤੁਸ੍ਸ ਕਾ+ਸ੍ਯਾਦਿਤੋ ਘੇ+ਸ੍ਸੀ’’ਤਿ ਘੇ ਪਰੇ ਅਸ੍ਸ ਇਆਦੇਸੋ, ਅਨ੍ਨਦਾਯਿਕਾ, ਅਨ੍ਨਦਾਯਕਂ ਕੁਲਂ. ‘‘ਆਸ੍ਸਾ+ਣਾਪਿਮ੍ਹਿ ਯੁਕ’’ ਇਤਿਣਾਪਿਤੋ+ਞ੍ਞਤ੍ਰ ਯੁਕ. ਲੋਕਂ ਨੇਤੀਤਿ ਲੋਕਨਾਯਕੋ, ਏਕਾਰੇ ‘‘ਆਯਾ+ਵਾ ਣਾਨੁਬਨ੍ਧੇ’’ਤਿ ਆਯਾਦੇਸੋ. ਏਵਂ ਵਿਨੇਤੀਤਿ ਵਿਨਾਯਕੋ.

ਅਕਮ੍ਮੁਪਪਦੇ-ਕਰੋਤੀਤਿ ਕਾਰਕੋ, ਏਵਂ ਦਾਯਕੋ ਨਾਯਕੋ, ਓਕਾਰੇ ਆਵਾਦੇਸੇ ਸੁਣਾਤੀਤਿ ਸਾਵਕੋ. ਪੁਰੇ ਵਿਯ ਇਕਾਰੇ ਸਾਵਿਕਾ. ਲੁਨਾਤੀਤਿ ਲਾਵਕੋ. ਪੁ=ਪਵਨੇ, ਪੁਨਾਤੀਤਿ ਪਾਵਕੋ. ਭਵਤੀਤਿ ਭਾਵਕੋ, ਉਪਾਸਤੀਤਿ ਉਪਾਸਕੋ. ਗਣ੍ਹਾਤੀਤਿ ਗਾਹਕੋ ਪਾਵਕੋ, ਯਾਜਕੋ. ਵਧ=ਹਿਂਸਾਯਂ, ਵਧੇਤੀਤਿ ਵਧਕੋ, ‘‘ਅਞ੍ਞਤ੍ਰਾਪੀ’’ਤਿ ਵੁਦ੍ਧਿਪਟਿਸੇਧੋ. ‘‘ਹਨਸ੍ਸ ਘਾਤੋ ਣਾਨੁਬਨ੍ਧੇ’’ਤਿ ਘਾਤਾਦੇਸੋ, ਹਨਤੀਤਿ ਘਾਤਕੋ. ‘‘ਮਂ ਵਾ ਰੁਧਾਦੀਨਂ’’ਤਿ ਮਂ, ਰੁਨ੍ਧਕੋ, ਗੁਰੁਤ੍ਤਾ ਨ ਵੁਦ੍ਧਿ. ਤਥਾ ਭੁਞ੍ਜਤੀਤਿ ਭੁਞ੍ਜਕੋ. ਆਯਸ੍ਸ ਰਸ੍ਸੇ ਕਿਣਾਤੀਤਿ ਕਯਕੋ. ਪਾਲੇਤੀਤਿ ਪਾਲਕੋ. ਪੂਜੇਤੀਤਿ ਪੂਜਕੋ.

ਖਾਦੀਸੁ-ਤਿਤਿਕ੍ਖਤੀਤਿ ਤਿਤਿਕ੍ਖਕੋ. ਵੀਮਂਸਤੀਤਿ ਵੀਮਂਸਕੋ ਇਚ੍ਚਾਦਿ. ਪਨੁਦਤੀਤਿ ਪਨੂਦਕੋ, ‘‘ਬ੍ਯਞ੍ਜਨੇ’’ਚ੍ਚਾਦਿਨਾ ਦੀਘੋ. ‘‘ਭੀਤ੍ਵਾ+ਨਕੋ’’ਤਿ ਏਤ੍ਥ ‘ਆਨਕੋ’ਤਿ ਯੋਗਵਿਭਾਗਾ ਆਨਕੋ, ਆਸ੍ਸ ਰਸ੍ਸੇ ਨਕਾਰਾਗਮੇ ਚ ‘‘ਞਾਸ੍ਸ ਨੇ ਜਾ’’ਤਿ ਜਾਦੇਸੋ, ਜਾਨਨਕੋ. ਣਾਪਿਮ੍ਹਿ –

ਅਣ-ਇਤਿ ¶ ਦਣ੍ਡਕਧਾਤੁ, ਆਣਾਪੇਤੀਤਿ ਆਣਾਪਕੋ. ਤਥਾ ਸਞ੍ਞਾਪਕੋ, ਪਤਿਟ੍ਠਾਪਕੋ. ਸਂ+ਪ ਪੁਬ੍ਬੋ ਆਪ=ਪਾਪੁਣਨੇ, ਨਿਬ੍ਬਾਨਂ ਸਮ੍ਪਾਪੇਤੀਤਿ ਨਿਬ੍ਬਾਨਸਮ੍ਪਾਪਕੋ. ਕਾਰਾਪਕੋ, ਕਾਰਾਪਿਕਾ ਇਚ੍ਚਾਦਿ.

ਬਹੁਲਂਵਿਧਾਨਾ ਕਮ੍ਮੇਪਿ-ਪਾਦੇਹਿ ਹਰੀਯਤੀਤਿ ਪਾਦਹਾਰਕੋ. ਚੁਪ=ਮਨ੍ਦਗਮਨੇ, ਗਲੇ ਚੁਪ੍ਪਤੀਤਿ ਗਲਚੋਪਕੋ.

ਸਿਦ੍ਧੋਵ ਲ੍ਤੁ ਅਰਹਾਦੀਸੁ ‘‘ਭਵਂ ਖਲੁ ਕਞ੍ਞਾਯ ਪਰਿਗ੍ਗਹਾਰਹੋ’’ਤਿ (ਪਰਿਗ੍ਗਹਿਤਾ). ਸੀਲਤ੍ਥੇ-ਉਪਾਦਾਨਸੀਲੋਤਿ ਉਪਾਦਾਤਾ. ਸਾਧੁ ਗਚ੍ਛਤੀਤਿ ਗਨ੍ਤਾ. ਮੁਣ੍ਡਨਧਮ੍ਮਾ ਮੁਣ੍ਡਨਾਚਾਰਾਤਿ ਮੁਣ੍ਡਯਿਤਾਰੋ, ਏਤ੍ਥ ‘‘ਧਾਤ੍ਵਤ੍ਥੇ ਨਾਮਸ੍ਮੀ’’ਤਿ ਇਮ੍ਹਿ ਊਆਗਮੇ ਏ+ਅਯਾਦੇਸੇ ਮੁਣ੍ਡਯਿਤੁਸਦ੍ਦਮ੍ਹਿ ਆਰਙਾਦੇਸੇ ਚ ਕਤੇ ਯੋਸ੍ਸ ਟੋ.

ਕ੍ਰਿਯਤ੍ਥਾ ਆਵੀ ਹੋਤਿ ਬਹੁਲਂ ਕਤ੍ਤਰਿ. ‘‘ਦਿਸਸ੍ਸ ਪਸ੍ਸ+ਦਸ੍ਸ=ਦਸ+ਦ+ਦਕ੍ਖਾ’’ਤਿ ਦਸ੍ਸਾਦੇਸੋ, ਭਯਂ ਪਸ੍ਸਤੀਤਿ ਭਯਦਸ੍ਸਾਵੀ. ਨੀਮ੍ਹਿ ਭਯਦਸ੍ਸਾਵਿਨੀ. ਭਯਦਸ੍ਸਾਵਿ ਚਿਤ੍ਤਂ. ਅਪ੍ਪਵਿਸਯਤਾਞਾਪਨਤ੍ਥਂ ਭਿਨ੍ਨਯੋਗਕਰਣਂ. ਸਾਮਞ੍ਞਵਿਹਿਤਤ੍ਤਾ ਸੀਲਾਦੀਸੁ ਚ ਹੋਤੇਵ.

ਆਸਿਂਸਾਯਂ ਗਮ੍ਮਮਾਨਾਯਂ ਕ੍ਰਿਯਤ੍ਥਾ ਅਕੋ ਹੋਤਿ ਕਤ੍ਤਰਿ. ਜੀਵ=ਪਾਣਧਾਰਣੇ, ਜੀਵਤੂਤਿ ਜੀਵਕੋ. ਨਨ੍ਦ=ਸਮਿਦ੍ਧਿਯਂ, ਨਨ੍ਦਤੂਤਿ ਨਨ੍ਦਕੋ. ਭਵਤੂਤਿ ਭਵਕੋ.

ਕਰਤੋ ¶ ਕਤ੍ਤਰਿ ਣ ਨੋ ਹੋਤਿ. ਕਰੋਤੀਤਿ ਕਾਰਣਂ. ਕਤ੍ਤਰੀਤਿ ਕਿਂ, ਕਰੋਤਿ ਅਨੇਨਾਤਿ ਕਰਣਂ.

ਹਾਤੋ ਵੀਹਿਸ੍ਮਿਂ ਕਾਲੇ ਚ ਣਨੋ ਹੋਤਿ. ‘‘ਆਸ੍ਸਾ’’ਤ੍ਯਾਦਿਨਾ ਯੁਕ, ਜਹਨ੍ਤਿ ਉਦਕਂਤਿ ਹਾਯਨਾ ਵੀਹਯੋ. ਜਹਾਤਿ ਭਾਵੇ ਪਦਤ੍ਥੇਤਿ ਹਾਯਨੋ ਸਂਵਚ੍ਛਰੋ. ਵੀਹਿਕਾਲੇਸੂਤਿ ਕਿਂ, ਜਹਾਤੀਤਿ ਹਾਤਾ.

ਵਿਦਸ੍ਮਾ ਕੂ ਹੋਤਿ ਕਤ੍ਤਰਿ. ਕਕਾਰੋ ‘‘ਕੂਤੋ’’ਤਿ ਵਿਸੇਸਨਤ੍ਥੋ. ਵਿਦਤੀਤਿ ਵਿਦੂ, ਲੋਕਵਿਦੂ.

ਵਿਪੁਬ੍ਬਾ ਞਾਇਚ੍ਚ+ਸ੍ਮਾ ਕੂ ਹੋਤਿ ਕਤ੍ਤਰਿ. ਵਿਜਾਨਾਤੀਤਿ ਵਿਞ੍ਞੂ.

ਕਮ੍ਮਤੋ ਪਰਾ ਞਾਇਚ੍ਚ+ਸ੍ਮਾ ਕੂ ਹੋਤਿ ਕਤ੍ਤਰਿ. ਸਬ੍ਬਂ ਜਾਨਾਤੀਤਿ ਸਬ੍ਬਞ੍ਞੂ. ਏਵਂ ਮਤ੍ਤਞ੍ਞੂ, ਧਮ੍ਮਞ੍ਞੂ, ਅਤ੍ਥਞ੍ਞੂ ਕਾਲਞ੍ਞੂ, ਕਤਞ੍ਞੂ ਇਚ੍ਚਾਦਿ. (ਭਿਕ੍ਖੂਤਿ ਪਨ ‘‘ਭਰਾਦਿ’’ ਣ੍ਵਾਦਿਸੁਤ੍ਤੇਨ ਸਿਦ੍ਧਂ).

ਕਮ੍ਮਤੋ ਪਰਾ ਕ੍ਰਿਯਤ੍ਥਾ ਕ੍ਵਚਿ ਅਣ ਹੋਤਿ ਕਤ੍ਤਰਿ. ਕੁਮ੍ਭਂ ਕਰੋਤੀਤਿ ਕੁਮ੍ਭਕਾਰੋ, ਅਮਾਦਿਸਮਾਸੋ. ਇਤ੍ਥਿਯਂ ਕੁਮ੍ਭਕਾਰੀ. ਏਵਂ ਕਮ੍ਮਕਾਰੋ, ਮਾਸਾਕਾਰੋ, ਕਟ੍ਠਕਾਰੋ, ਰਥਕਾਰੋ ਸੁਵਣ੍ਣਕਾਰੋ ¶ , ਸੁਤ੍ਤਕਾਰੋ, ਵੁਤ੍ਤਿਕਾਰੋ, ਟੀਕਾਕਾਰੋ. ਸਰਂ ਲੁਨਾਤੀਤਿ ਸਰਲਾਵੋਤਿ ਓ+ਅਵਾਦੇਸਾ. ਮਨ੍ਤੇ ਅਜ੍ਝਾਯਤੀਤਿ ਮਨ੍ਥਜ੍ਝਾਯੋ, ਇ=ਅਜ੍ਝੇਨਗਤੀਸੁ, ਅਧਿਪੁਬ੍ਬੋ, ਏ+ਅਯਾਦੇਸਾ, ਅਧਿਨੋ ਇਸ੍ਸ ਯਕਾਰ+ਚਵਗ੍ਗਾਦਯੋ ਚ.

ਬਹੁਲਾਧਿਕਾਰਾ ਇਹ ਨ ਹੋਤਿ ‘‘ਆਦਿਚ੍ਚਂ ਪਸ੍ਸਤਿ, ਹਿਮਵਨ੍ਤਂ ਸੁਣੋਤਿ, ਗਾਮਂ ਗਚ੍ਛਤਿ’’. ਕ੍ਵਚੀਤਿ ਕਿਂ, ਕਮ੍ਮਕਰੋ, ਏਤ੍ਥ ਅਪਚ੍ਚਯੋ.

ਕਮ੍ਮਤੋ ਪਰਾ ਗਮਾ ਰੂ ਹੋਤਿ ਕਤ੍ਤਰਿ. ਰਾਨੁਬਨ੍ਧਤ੍ਤਾ ਅਮਭਾਗਲੋਪੋ. ਵੇਦਂ ਗਚ੍ਛਤੀਤਿ ਵੇਦਗੂ, ਏਵਂ ਪਾਰਗੂ.

ਸਾਮਞ੍ਞਵਿਧਾਨਤੋ ਸੀਲਾਦੀਸੁਪਿ ਹੋਤਿ. ਭਵਪਾਰਂ ਗਚ੍ਛਤਿ ਸੀਲੇਨਾਤਿ ਭਵਪਾਰਗੂ. ਅਨ੍ਤਗਮਨਸੀਲੋ ਅਨ੍ਤਗੂ, ਏਵਂ ਅਦ੍ਧਗੂ.

੪੩. ਸਮਾਨ+ਞ੍ਞ+ਭਵਨ੍ਤ+ਯਾਦਿਤੂ+ਪਮਾਨਾ ਦਿਸਾ ਕਮ੍ਮੇ ਰੀ+ਰਿਕ੍ਖ+ਕਾ

ਸਮਾਨਾਦੀਹਿ ਯਾਦੀਹਿ ਚੋ+ਪਮਾਨੇਹਿ ਪਰਾ ਦਿਸਾ ਕਮ੍ਮਕਾਰਕੇ ਰੀ+ਰਿਕ੍ਖ+ਕਾ ਹੋਨ੍ਤਿ. ‘‘ਸ੍ਯਾਦਿ ਸ੍ਯਾਦਿਨੇ+ਕਤ੍ਥਂ’’ਤਿ ਸਮਾਸੇ ‘‘ਰਾਨੁਬਨ੍ਧੇ+ਨ੍ਤਸਰਾਦਿਸ੍ਸਾ’’ਤਿ ਦਿਸਸ੍ਸ ਇਸਭਾਗਲੋਪੇ ‘‘ਰੀਰਿਕ੍ਖਕੇਸੂ’’ਤਿ ਸਮਾਨਸ੍ਸ ਸਾਦੇਸੇ ਚ ਸਮਾਨੋ ਵਿਯ ਦਿਸ੍ਸਤੀਤਿ ਸਦੀ, ਸਦਿਕ੍ਖੋ. ਕੇ – ‘‘ਨ ਤੇ ਕਾਨੁਬਨ੍ਧਨਾਗਮੇਸੂ’’ਤਿ ਏਤ੍ਤਾਭਾਵੋ, ਸਦਿਸੋ.

ਸਮਾਨਸਦ੍ਦਤੋ ¶ ਪਰਸ੍ਸ ਦਿਸਸ੍ਸ ਰ ਹੋਤਿ ਵਾ ਰੀ+ਰਿਕ੍ਖ+ਕੇਸੂਤਿ ਪਕ੍ਖੇ ਦਸ੍ਸ ਰਾਦੇਸੇ ਸਰੀ, ਸਰਿਕ੍ਖੋ, ਸਰਿਸੋ.

ਰੀ+ਰਿਕ੍ਖ+ਕੇਸੁ ਸਬ੍ਬਾਦੀਨ+ਮਾ ਹੋਤਿ. ਅਞ੍ਞੋ ਵਿਯ ਦਿਸ੍ਸਤੀਤਿ ਅਞ੍ਞਾਦੀ, ਅਞ੍ਞਾਦਿਕ੍ਖੋ, ਅਞ੍ਞਾਦਿਸੋ.

ਰੀ+ਰਿਕ੍ਖ+ਕੇਸੁ ਨ੍ਤ+ਕਿਂ+ਇਮਸਦ੍ਦਾਨਂ ਟਾ+ਕੀ+ਟੀ ਹੋਨ੍ਤਿ ਯਥਾਕ੍ਕਮਂ. ਟਕਾਰਾ ਸਬ੍ਬਾਦੇਸਤ੍ਥਾ. ਭਵਾਦੀ ਭਵਾਦਿਕ੍ਖੋ ਭਵਾਦਿਸੋ, ਕੀਦੀ ਕੀਦਿਕ੍ਖੋ ਕੀਦਿਸੋ, ਅਯਮਿਵ ਦਿਸ੍ਸਤੀਤਿ ਈਦੀ ਈਦਿਕ੍ਖੋ ਈਦਿਸੋ. ਆਕਾਰੇ ਯਾਦੀ ਯਾਦਿਕ੍ਖੋ ਯਾਦਿਸੋ, ਤ੍ਯਾਦੀ ਤ੍ਯਾਦਿਕ੍ਖੋ ਤ੍ਯਾਦਿਸੋ ਇਚ੍ਚਾਦਿ.

੩,੮੮. ਤੁਮ੍ਹਾਮ੍ਹਾਨਂ ਤਾਮੇ+ਕਸ੍ਮਿਂ

ਰੀ+ਰਿਕ੍ਖ+ਕੇਸੁ ਤੁਮ੍ਹਾਮ੍ਹਾਨਂ ਤਾਮਾ ਹੋਨ੍ਤੇ+ਕਸ੍ਮਿਂ ਯਥਾਕ੍ਕਮਂ. ਤ੍ਵਂ ਵਿਯ ਦਿਸ੍ਸਤਿ, ਅਯਂ ਵਿਯ ਦਿਸ੍ਸਤੀਤਿ ਤਾਦੀ ਮਾਦੀ ਇਚ੍ਚਾਦਿ. ਏਕਸ੍ਮਿਨ੍ਤਿ ਕਿਂ, ਤੁਮ੍ਹਾਦਿਸੋ ਅਮ੍ਹਾਦਿਸੋ.

ਰੀਰਿਕ੍ਖਕਨ੍ਤਤੋ+ਞ੍ਞਸ੍ਮਿਂ ਉਤ੍ਤਰਪਦੇ ਤੁਮ੍ਹਾਮ੍ਹਾਨ+ਮੇਕਸ੍ਮਿਂ ਤਂ+ਮਂ ਹੋਨ੍ਤਿ ਯਥਾਕ੍ਕਮਂ. ਤ੍ਵਂ ਦੀਪੋ ਏਸਂ, ਅਹਂ ਦੀਪੋ ਏਸਂਤਿ ਅਞ੍ਞਪਦਤ੍ਥੇ ਤਂਦੀਪਾ ਮਂਦੀਪਾ. ਤ੍ਵਂ ਸਰਣ+ਮੇਸਂ, ਅਹਂ ਸਰਣ+ ਮੇਸਨ੍ਤਿ ¶ ਤਂਸਰਣਾ ਮਂਸਰਣਾ. ਤਯਾ ਯੋਗੋ ਤਯ੍ਯੋਗੋ, ਮਯਾ ਯੋਗੋ ਮਯ੍ਯੋਗੋਤਿ ਅਮਾਦਿਸਮਾਸੇ ਨਿਗ੍ਗਹੀਤਲੋਪੋ.

ਰੀ+ਰਿਕ੍ਖ+ਕੇਸੁ ਏਤਸ੍ਸ ਏਟ ਵਾ ਹੋਤਿ. ਏਦੀ ਏਤਾਦੀ, ਏਦਿਕ੍ਖੋ ਏਤਾਦਿਕ੍ਖੋ, ਏਦਿਸੋ ਏਤਾਦਿਸੋ.

ਭਾਵੇ ਕਾਰਕੇ ਚ ਕ੍ਰਿਯਤ੍ਥਾ ਅ ਘਣ ਘ ਕਾ ਹੋਨ੍ਤਿ ਬਹੁਲਂ.

ਅਪਚ੍ਚਯੋ-ਪਗ੍ਗਣ੍ਹਨਂ ਪਗ੍ਗਹੋ, ਏਵਂ ਨਿਗ੍ਗਹੋ, ਧਮ੍ਮਂ ਧਾਰੇਤੀਤਿ ਧਮ੍ਮਧਰੋ, ਏਵਂ ਵਿਨਯਧਰੋ. ਤਥਾ ਤਂ ਕਰੋਤੀਤਿ ਤਕ੍ਕਰੋ, ਦ੍ਵਿਤ੍ਤਂ. ਏਵਂ ਹਿਤਕਰੋ, ਦਿਵਸਕਰੋ, ਦਿਨਕਰੋ, ਦਿਵਾਕਰੋ, ਨਿਸਾਕਰੋ, ਧਨੁਂ ਗਣ੍ਹੀਤਿ ਧਨੁਗ੍ਗਹੋ. ਏਵਂ ਕਵਚਗ੍ਗਹੋ. ਦਦ=ਦਾਨੇ, ਸਬ੍ਬਕਾਮਂ ਦਦਾਤੀਤਿ ਸਬ੍ਬਕਾਮਦਦੋ, ਸਬ੍ਬਦਦੋ. ਆਤੋ ‘‘ਪਰੋਕ੍ਖਾਯਞ੍ਚਾ’’ਤਿ ਚਗ੍ਗਹਣੇਨ ਦ੍ਵਿਤ੍ਤੇ ‘‘ਰਸ੍ਸੋ ਪੁਬ੍ਬਸ੍ਸਾ’’ਤਿ ਰਸ੍ਸੇ ਚ ਅਨ੍ਨਂ ਦਦਾਤੀਤਿ ਅਨ੍ਨਦਦੋ, ਏਵਂ ਧਨਦੋ. ਸਂਪੁਬ੍ਬੋ ਧਾ=ਧਾਰਣੇ, ਸਬ੍ਬਂ ਸਨ੍ਧਹਤੀਤਿ ਸਬ੍ਬਸਨ੍ਧੋ. ਨੀ=ਪਾਪਨੇ, ਵਿਪੁਬ੍ਬੋ, ਵਿਨੇਸਿ ਵਿਨੇਤਿ ਵਿਨੇਸ੍ਸਤਿ ਏਤੇਨ ਏਤ੍ਥਾਤਿ ਵਾ ਵਿਨਯੋ, ਏ+ਅਯਾਦੇਸਾ. ਨਯਨਂ ਨਯੋ. ਸਿ=ਸੇਵਾਯਂ, ਨਿਪੁਬ੍ਬੋ, ਨਿਸ੍ਸੀਯਤੀਤਿ ਨਿਸ੍ਸਯੋ. ਸਿ=ਸਯੇ, ਅਨੁਸਯਿ ਅਨੁਸੇਤਿ ਅਨੁਸੇਸ੍ਸਤੀਤਿ ਅਨੁਸਯੋ. ਇ=ਗਤਿਮ੍ਹਿ, ਪਤਿਪੁਬ੍ਬੋ, ਪਟਿਚ੍ਚ ਏਤਸ੍ਮਾ ਫਲ+ਮੇਤੀਤਿ ਪਚ੍ਚਯੋ. ਸਂ+ਉਪੁਬ੍ਬੋ, ਦਾਗਮੇ ਸਮੁਦਯੋ ¶ . ਚਿ=ਚਯੇ, ਵਿਨਿਚ੍ਛਯਤੇ+ਨੇਨ ਵਿਨਿਚ੍ਛਯਨਂ ਵਾ ਵਿਨਿਚ੍ਛਯੋ, ‘‘ਨਿਤੋ ਚਿਸ੍ਸ ਛੋ’’ਤਿ ਚਿਸ੍ਸ ਛੋ. ਉਚ੍ਚਯਨਂ ਉਚ੍ਚਯੋ, ਸਂਚਯੋ. ਖਿ=ਖਯੇ, ਖਯਨਂ ਖਯੋ. ਜਿ=ਜਯੇ, ਵਿਜਯਨਂ ਵਿਜਯੋ, ਜਯੋ. ਕੀ=ਦਬ੍ਬਵਿਨੀਮਯੇ, ਵਿਕ੍ਕਯਨਂ ਵਿਕ੍ਕਯੋ, ਕਯੋ. ਲੀ=ਸਿਲੇਸਨੇ, ਅਲ੍ਲੀਯਨ੍ਤਿ ਏਤ੍ਥਾਤਿ ਆਲਯੋ, ਲਯੋ. (ਇਵਣ੍ਣਨ੍ਤਾ).

ਆਸੁਣਨ੍ਤੀਤਿ ਅਸ੍ਸਵਾ, ਆਸ੍ਸ ਰਸ੍ਸੋ. ਪਟਿਸ੍ਸਵਨਂ ਪਟਿਸ੍ਸਵੋ. ਸੁ=ਪਸ੍ਸਵਨੇ, ਆਭਵਗ੍ਗਾ ਸਵਨ੍ਤੀਤਿ ਆਸਵਾ. ਰੁ=ਸਦ੍ਦੋ ਰਵਤੀਤਿ ਰਵੋ. ਭਵਤੀਤਿ ਭਵੋ. ਪਭਵਤਿ ਏਤਸ੍ਮਾਤਿ ਪਭਵੋ. ਲੂ=ਛੇਦਨੇ, ਲਵਨਂ ਲਵੋ. (ਉਵਣ੍ਣਨ੍ਤਾ).

ਚਰ=ਚਰਣੇ, ਸਂਚਰਣਂ ਸਂਚਰੋ. ਦਰ=ਵਿਦਾਰਣੇ, ਆਦਰਨਂ ਆਦਰੋ. ਆਗਚ੍ਛਤਿ ਆਗਮਨਂਤਿ ਵਾ ਆਗਮੋ. ਸਪ੍ਪ=ਗਮਨੇ, ਸਪ੍ਪਤੀਤਿ ਸਪ੍ਪੋ. ਦਿਬ੍ਬਤੀਤਿ ਦੇਵੋ. ਪਕ੍ਕਮਨਂ ਪਕ੍ਕਮਤੀਤਿ ਵਾ ਪਕ੍ਕਮੋ, ਏਵਂ ਵਿਕ੍ਕਮੋ. ਚਰ=ਚਰਣੇ, ਵਨਂ ਚਰਤੀਤਿ ਵਨਚਰੋ. ਕਾਮੋ ਅਵਚਰਤਿ ਏਤ੍ਥਾਤਿ ਕਾਮਾਵਚਰੋ ਲੋਕੋ, ਕਾਮਾਵਚਰਾ ਪਞ੍ਞਾ, ਕਾਮਾਵਚਰਂ ਚਿਤ੍ਤਂ. ਗਾਵੋ ਚਰਨ੍ਤਿ ਏਤ੍ਥਾਤਿ ਗੋਚਰੋ. ਪਾਦੇਨ ਪਿਵਤੀਤਿ ਪਾਦਪੋ. ਏਵਂ ਕਚ੍ਛਪੋ. ਸਿਰਸ੍ਮਿਂ ਰੁਹਤੀਤਿ ਸਿਰੋਰੁਹੋ, ਮਨਾਦਿਤ੍ਤਾ ਓ. ਗੁਹਾਯਂ ਸਯਤੀਤਿ ਗੁਹਾਸਯਂ ਚਿਤ੍ਤਂ, ਏਵਂ ਕੁਚ੍ਛਿਸਯਾ ਵਾਤਾ. ਪਬ੍ਬਤੇ ਤਿਟ੍ਠਤੀਤਿ ਪਬ੍ਬਤਟ੍ਠੋ ਪੁਰਿਸੋ, ਪਬ੍ਬਤਟ੍ਠਾ ਨਦੀ, ਪਬ੍ਬਤਟ੍ਠਂ ਭਸ੍ਮਂ. ਏਵਂ ਥਲਟ੍ਠਂ ਜਲਟ੍ਠਂ.

ਕਿਚ੍ਛਤ੍ਥੇ ਦੁਮ੍ਹਿ ਅਕਿਚ੍ਛਤ੍ਥੇ ਸੁ+ਈਸਂ+ਸੁਖ ਉਪਪਦੇਸੁ-ਦੁਕ੍ਖੇਨ ਕਰੀਯਤਿ ਕਰਣਂ ਵਾ ਦੁਕ੍ਕਰਂ. ਏਵਂ ਦੁਸ੍ਸਯੋ, ਦੁਕ੍ਖੇਨ ਭਰੀਯਤੀਤਿ ਦੁਬ੍ਭਰੋ ਮਹਿਚ੍ਛੋ. ਏਵਂ ਦੁਰਕ੍ਖਂ ਚਿਤ੍ਤਂ, ਦੁਦ੍ਦਸੋ ਧਮ੍ਮੋ, ਦੁਰਨੁਬੋਧੋ ਧਮ੍ਮੋ. ਈਸਂ ਸਯਤੀਤਿ ਈਸਂਸਯੋ, ਏਵਂ ¶ ਸੁਖਸਯੋ. ਈਸਂ ਕਰੀਯਤੀਤਿ ਈਸਕ੍ਕਰਂ ਕਮ੍ਮਂ. ਸੁਖੇਨ ਕਰੀਯਤੀਤਿ ਸੁਕਰਂ ਪਾਪਂ ਬਾਲੇਨ. ਏਵਂ ਸੁਭਰੋ ਅਪ੍ਪਿਚ੍ਛੋ, ਸੁਦਸ੍ਸਂ ਪਰਵਜ੍ਜਂ, ਸੁਬੋਧ+ਮਿਚ੍ਚਾਦਿ. ਸਬ੍ਬਤ੍ਥ ਪਾਦਿਅਮਾਦਿਸਮਾਸਾ.

ਘਣ-ਭਵਤੀਤਿ ਭਾਵੋ, ਓ+ਆਵਾਦੇਸਾ. ਅਯ=ਇਤਿ ਦਣ੍ਡਕਧਾਤੁ, ਅਯਤਿ ਇਤੋਤਿ ਆਯੋ, ਆਹਰਤੀਤਿ ਆਹਾਰੋ. ਉਪਹਨਤੀਤਿ ਉਪਘਾਤੋ, ‘‘ਹਨਸ੍ਸ ਘਾਤੋ ਣਾਨੁਬਨ੍ਧੇ’’ਤਿ ਘਾਤਾਦੇਸੋ. ਰਞ੍ਜਤੀਤਿ ਰਾਗੋ, ‘‘ਕਗਾ ਚਜਾਨਂ ਘਾਨੁਬਨ੍ਧੇ’’ਤਿ ਜਸ੍ਸ ਗੋ. ਰਞ੍ਜਨ੍ਤਿ ਅਨੇਨਾਤਿ ਰਾਗੋ. ‘‘ਅਸ੍ਸਾ ਣਾਨੁਬਨ੍ਧੇ’’ਤਿ ਆ, ਪਜ੍ਜਤੇ+ਨੇਨਾਤਿ ਪਾਦੋ. ਤੁਦ=ਬ੍ਯਥਨੇ, ਪਤੁਜ੍ਜਤੇ+ਨੇਨਾਤਿ ਪਤੋਦੋ. ਜਰੀਯਤਿ ਅਨੇਨਾਤਿ ਜਾਰੋ, ਏਵਂ ਦਾਰੋ. ਭਜੀਯਤੀਤਿ ਭਾਗੋ. ਏਵਂ ਭਾਰੋ. ਲਬ੍ਭਤੀਤਿ ਲਾਭੋ. ਵਿ+ਓਪੁਬ੍ਬੋ, ਵੋਹਰੀਯਤੀਤਿ ਵੋਹਾਰੋ. ਦਿਯ੍ਯਤੀਤਿ ਦਾਯੋ, ਯੁਕ. ਵਿਹਞ੍ਞਤਿ ਏਤਸ੍ਮਾਤਿ ਵਿਘਾਤੋ. ਵਿਹਰਨ੍ਤਿ ਏਤ੍ਥਾਤਿ ਵਿਹਾਰੋ. ਆਰਮਨ੍ਤਿ ਏਤਸ੍ਮਿਨ੍ਤਿ ਆਰਾਮੋ. ਪਚਨਂ ਵਾ ਪਾਕੋ, ਚਸ੍ਸ ਕੋ. ਚਜਨਂ ਚਾਗੋ. ਯਜਨਂ ਯਾਗੋ. ਰਜਨਂ ਰਾਗੋ.

ਆ+ਪਰੀਹਿ ਪਰਸ੍ਸ ਦਹਸ੍ਸ ਲ਼ੋ ਹੋਤ+ਨ+ਘਣਸੁ. ਪਰਿਦਹਨਂ ਪਰਿਲ਼ਾਹੋ. ਏਵਂ ਦਾਹੋ. ਭਞ੍ਜਨਂ ਸਙ੍ਗੋ. ਏਵਂ ਸਙ੍ਗੋ. ਸਂਖਰਨਂ ਸਂਖਾਰੋ, ‘‘ਕਰੋਤਿਸ੍ਸ ਖੋ’’ਤਿ ਕਸ੍ਸ ਖੋ. ਏਵਂ ਪਰਿਕ੍ਖਾਰੋ. ‘‘ਪੁਰਸ੍ਮਾ’’ਤਿ ਕਰਸ੍ਸ ਖੋ, ਪੁਰੇਕ੍ਖਾਰੋ, ਏਤ੍ਤਂ ਤਦਮਿਨਾਦਿਪਾਠਾ. ਏਵਂ ਉਪਕਾਰੋ, ਗਾਹੋ.

ਘ-ਵਚਤੀਤਿ ¶ ਵਕੋ. ਸਿਚ=ਪਗ੍ਘਰਣੇ, ਸੇਚਨਂ ਸੇਕੋ. ਏਵਂ ਸੋਕੋ, ਏਓਵੁਦ੍ਧਿਯੋ. ਯੁਞ੍ਜਨਂ ਯੋਗੋ.

ਕ-ਪੀ=ਤਪ੍ਪਨੇ, ਪੀਨੇਤੀਤਿ ਪੀਯੋ, ਕਾਨੁਬਨ੍ਧਤ੍ਤਾ ਨ ਵੁਦ੍ਧਿ, ‘‘ਯੁਵਣ੍ਣਾਨ+ਮਿਯਙੁਵਙ ਸਰੇ’’ਤਿ ਇਯਙ. ਖਿਪ=ਪੇਰਣੇ, ਖਿਪਤੀਤਿ ਖਿਪੋ. ਭੁਞ੍ਜਨ੍ਤ੍ਯ+ਨੇਨਾਤਿ ਭੁਜੋ. ਯੁਧ=ਸਮ੍ਪਹਾਰੇ ਆਯੁਜ੍ਝਨ੍ਤਿ ਅਨੇਨਾਤਿ ਆਯੁਧਂ.

ਦਾਧਾਤੋ ਬਹੁਲ+ਮਿ ਹੋਤਿ ਭਾਵਕਾਰਕੇਸੁ. ਦਾ=ਦਾਨੇ, ਆਦਿਯਤੀਤਿਆਦਿ. ਏਵਂ ਉਪਾਦਿ. ਧਾ=ਧਾਰਣੇ, ਉਦਕਂ ਦਧਾਤੀਤਿ ਉਦਧਿ, ‘‘ਸਞ੍ਞਾਯ+ਮੁਦੋ+ਦਕਸ੍ਸਾ’’ਤਿ ਉਦਕਸ੍ਸ ਉਦਾਦੇਸੋ. ਜਲਂ ਧਿਯਤੇ ਅਸ੍ਮਿਨ੍ਤਿ ਜਲਧਿ. ਵਾਲਾਨਿ ਧੀਯਨ੍ਤਿ ਅਸ੍ਮਿਨ੍ਤਿ ਵਾਲਧਿ. ਸਨ੍ਧੀਯਤਿ ਸਨ੍ਧਾਤੀਤਿ ਵਾ ਸਨ੍ਧਿ. ਧੀਯਤੀਤਿ ਧਿ. ਵਿਧੀਯਤਿ ਵਿਧਾਤਿ ਵਿਧਾਨਂ ਵਾ ਵਿਧਿ. ਸਮ੍ਮਾ ਸਮਂ ਵਾ ਚਿਤ੍ਤਂ ਆਦਧਾਤੀਤਿ ਸਮਾਧਿ.

ਵਮਾਦੀਹਿ ਭਾਵਕਾਰਕੇਸ੍ਵ+ਥੁ ਹੋਤਿ. ਵਮ=ਉਗ੍ਗਿਰਣੇ, ਵਮਨਂ ਵਮੀਯਤੀਤਿ ਵਾ ਵਮਥੁ. ਵੇਪ+ਕਮ੍ਪ=ਚਲਨੇ, ਵੇਪਨਂ ਵੇਪਥੁ.

ਕ੍ਰਿਯਤ੍ਥਾ ਕ੍ਵਿ ਹੋਤਿ ਬਹੁਲਂ ਭਾਵਕਾਰਕੇਸੁ. ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ.

ਕ੍ਰਿਯਤ੍ਥਾ ¶ ਪਰਸ੍ਸ ਕ੍ਵਿਸ੍ਸ ਲੋਪੋ ਹੋਤਿ. ਸਮ੍ਭਵਤੀਤਿ ਸਮ੍ਭੂ. ਏਵਂ ਵਿਭਵਤੀਤਿ ਵਿਭੂ, ਅਭਿਭੂ, ਸਯਮ੍ਭੂ. ਤਥਾ ਧੁ=ਕਮ੍ਪਨੇ, ਸਨ੍ਧੁਨਾਤੀਤਿ ਸਨ੍ਧੁ. ਵਿਭਾਤੀਤਿ ਵਿਭਾ. ਪਭਾਤੀਤਿ ਪਭਾ. ਸਂਗਮ੍ਮ ਭਾਸਨ੍ਤਿ ਏਤ੍ਥਾਤਿ ਸਭਾ, ‘‘ਕ੍ਵਿਮ੍ਹਿ ਲੋਪੋ+ਨ੍ਤਬ੍ਯਞ੍ਜਨਸ੍ਸਾ’’ਤਿ ਅਨ੍ਤਬ੍ਯਞ੍ਜਨਸ੍ਸ ਲੋਪੋ. ਭੁਜੇਨ ਗਚ੍ਛਤੀਤਿ ਭੁਜਗੋ. ਏਵਂ ਉਰਗੋ. ਤੁਰਂ=ਸੀਘਂ ਗਚ੍ਛਤੀਤਿ ਤੁਰਙ੍ਗੋ. ਖੇਨ ਗਚ੍ਛਤੀਤਿ ਖਗੋ. ਵਿਹਾਯਸੇ ਗਚ੍ਛਤੀਤਿ ਵਿਹਗੋ, ਤਦਮਿਨਾਦਿਪਾਠਾ ਵਿਹਾਦੇਸੋ. ਨ ਗਚ੍ਛਤੀਤਿ ਨਗੋ. ਏਵਂ ਅਗੋ, ‘‘ਨਗੋ ਵਾ+ਪ੍ਪਾਣਿਨੀ’’ਤਿ ਵਿਕਪ੍ਪੇਨ ਨਞਸਮਾਸੇ ਟਾਦੇਸਨਿਸੇਧੋ. ਜਨ=ਜਨਨੇ, ਕਮ੍ਮਤੋ ਜਾਤੋਤਿ ਕਮ੍ਮਜੋ, ਅਮਾਦਿਸਮਾਸੋ, ਕਮ੍ਮਜੋ ਵਿਪਾਕੋ, ਕਮ੍ਮਜਾ ਪਟਿਸਨ੍ਧਿ, ਕਮ੍ਮਜਂ ਰੂਪਂ. ਏਵਂ ਚਿਤ੍ਤਜਂ, ਉਤੁਜਂ, ਆਹਾਰਜਂ. ਅਤ੍ਤਜੋ ਪੁਤ੍ਤੋ, ਵਾਰਿਮ੍ਹਿ ਜਾਤੋ ਵਾਰਿਜੋ. ਏਵਂ ਥਲਜੋ. ਪਙ੍ਕਜਂ. ਜਲਜਂ. ਅਣ੍ਡਜਂ. ਸਰਸਿਜਂ, ਉਪਪਦਸਮਾਸੇ ਬਹੁਲਂਵਿਧਾਨਾ ਵਿਭਤ੍ਯਲੋਪੇ ‘‘ਮਨਾਦੀਹੀ’’ਤਿਆਦਿਨਾ ਸਿਆਦੇਸੋ. ਦ੍ਵਿਕ੍ਖਤ੍ਤੁਂ ਜਾਤੋ ਦ੍ਵਿਜੋ, ‘‘ਤਦਮਿਨਾ’’ ਦਿਨਾ ਕ੍ਖਤ੍ਤੁਂਲੋਪੋ. ਪਚ੍ਛਾ ਜਾਤੋ ਅਨੁਜੋ. ਸਞ੍ਜਾਨਾਤੀਤਿ ਸਞ੍ਞਾ. ਪਜਾਨਾਤੀਤਿ ਪਞ੍ਞਾ. ਏਵਂ ਪਤਿਟ੍ਠਾਤੀਤਿ ਪਤਿਟ੍ਠਾ. ਝਾ=ਚਿਨ੍ਤਾਯਂ, ਪਰਸਮ੍ਪਤ੍ਤਿਂ ਅਭਿਜ੍ਝਾਯਤੀਤਿ ਅਭਿਜ੍ਝਾ. ਹਿਤੇਸਿਤਂ ਉਪਟ੍ਠਾਪੇਤ੍ਵਾ ਝਾਯਤੀਤਿ ਉਪਜ੍ਝਾ. ਸੋ ਏਵ ਉਪਜ੍ਝਾਯੋ, ‘‘ਸਕਤ੍ਥੇ’’ਤਿ ਯੋ. ਸਮ੍ਮਾ ਝਾਯਨ੍ਤਿ ਏਤ੍ਥਾਤਿ ਸਂਝਾ. ਕ੍ਵਿਦਨ੍ਤਾ ਧਾਤ੍ਵਤ੍ਥਂ ਨ ਜਹਨ੍ਤਿ, ਲਿਙ੍ਗਤ੍ਥਂ ਪਟਿਪਾਦਯਨ੍ਤਿ.

ਕ੍ਰਿਯਤ੍ਥਾ ¶ ਭਾਵਕਾਰਕੇਸੁ ਅਨੋ ਹੋਤਿ. ਨਨ੍ਦ=ਸਮਿਦ੍ਧਿਯਂ, ਭਾਵੇ-ਨਨ੍ਦਿਯਤੇ ਨਨ੍ਦਨਂ. ਕਮ੍ਮੇ-ਅਨਨ੍ਦੀਯਿਤ੍ਥ ਨਨ੍ਦੀਯਤਿ ਨਨ੍ਦੀਯਿਸ੍ਸਤਿ ਨਨ੍ਦਿਤਬ੍ਬਨ੍ਤਿ ਵਾ ਨਨ੍ਦਨਂ ਵਨਂ. ਗਹਨਂ ਗਹਨੀਯਂ ਵਾ ਗਹਣਂ, ‘‘ਤਥਨਰਾ’’ ਦਿਨਾ ਨਸ੍ਸ ਣੋ. ਗਣ੍ਹਨਂ, ਨਿਗ੍ਗਹੀਤਸ੍ਸ ਨੋ. ਚਰਿਤਬ੍ਬਂ ਚਰਣਂ. ਭੁਯਤੇ ਭਵਨਂ. ਹੁਯਤੇ ਹਵਨਂ. ਰੁਨ੍ਧਿਤਬ੍ਬਂ ਰੁਨ੍ਧਨਂ ਰੋਧਨਂ ਵਾ. ਭੁਞ੍ਜਿਤਬ੍ਬਂ ਭੁਞ੍ਜਨਂ ਭੋਜਨਂ ਵਾ. ਬੁਜ੍ਝਿਤਬ੍ਬਂ ਬੁਜ੍ਝਨਂ, ‘‘ਪਦਾਦੀਨਂ ਕ੍ਵਚੀ’’ਤਿ ਯੁਕ. ਬੋਧਨਂ ਵਾ. ਸੁਤਿ ਸੁਯ੍ਯਤਿ ਵਾ ਸਵਨਂ. ਪਾਪੀਯਤੀਤਿ ਪਾਪੁਣਨਂ, ‘‘ਸਕਾਪਾਨਂ ਕੁਕ+ਕੂ’’ਤਿ ਯੋਗਵਿਭਾਗਾ ਕੁਆਗਮੇ ਨਾਗਮੇ ਚ ਤਸ੍ਸ ਣੋ ਚ. ਪਾਲੀਯਤੀਤਿ ਪਾਲਨਂ ਇਚ੍ਚਾਦਿ.

ਕਤ੍ਤਰਿ-ਰਜਂ ਹਰਤੀਤਿ ਰਜੋਹਰਣਂ ਤੋਯਂ. ਵਿਜਾਨਾਤੀਤਿ ਵਿਞ੍ਞਾਣਂ. ਘਾ=ਗਨ੍ਧੋਪਾਦਾਨੇ, ਘਾਯਤੀਤਿ ਘਾਨਂ. ਝਾ=ਚਿਨ੍ਤਾਯਂ, ਝਾਯਤੀਤਿ ਝਾਨਂ. ਕਰੋਤਿ ਅਨੇਨਾਤਿ ਕਾਰਣਂ, ਦੀਘੋ. ਵਿਆਕਰੀਯਨ੍ਤਿ ਏਤੇਨਾਤਿ ਬ੍ਯਾਕਰਣਂ. ਪੂਰਤਿ+ਨੇਨਾਤਿ ਪੂਰਣਂ. ਦੀਯਤੇ+ਨੇਨਾਤਿ ਦਾਨਂ. ਪਮੀਯਤੇ+ਨੇਨਾਤਿ ਪਮਾਣਂ. ਵੁਚ੍ਚਤੇ+ਨੇਨਾਤਿ ਵਚਨਂ. ਪਨੁਦਤਿ ਪਨੁਜ੍ਜਤੇ+ਨੇਨਾਤਿ ਵਾ ਪਨੁਦਨਂ. ਸੂਦ=ਪਗਰਣੇ, ਸੂਦਤਿ ਸੁਜ੍ਜਤੇ+ਨੇਨਾਤਿ ਵਾ ਸੂਦਨੋ. ਸੁਣਾਤਿ ਸੁਯਤੇ+ਨੇਨੇਤਿ ਵਾ ਸਵਨਂ. ਲੁਯਤਿ ਲੁਯਤੇ+ਨੇਨੇਤਿ ਵਾ ਲਵਨਂ. ਏਵਂ ਨਯਨਂ. ਪੁਨਾਤਿ ਪੁਯਤੇ+ਨੇਨੇਤਿ ਵਾ ਪਵਨੋ. ਸਮੇਤੀਤਿ ਸਮਣੋ ਸਮਨਂ ਵਾ. ਤਥਾ ਭਾਵੇਤਿ ਭਾਵੀਯਤਿ ਏਤਾਯਾਤਿ ਵਾ ਭਾਵਨਂ. ਏਵਂ ਪਾਚਨਂ ਪਾਚਾਪਨਂ ਇਚ੍ਚਾਦਿ. ‘‘ਅਨ+ਸਣਸ੍ਵਾ ਪਰੀਹਿ ਲ਼ੋ’’ਤਿ ਲ਼ੋ, ਆਲ਼ਾਹਨਂ.

ਅਧਿਕਰਣੇ-ਤਿਟ੍ਠਤਿ ਅਸਿਨ੍ਤਿ ਠਾਨਂ. ਏਵਂ ਸਯਨਂ, ਸੇਨਂ ਵਾ ਆਸਨਂ. ਅਧਿਕਰੀਯਤਿ ਏਤ੍ਥਾਤਿ ਅਧਿਕਰਣਂ.

ਸਮ੍ਪਦਾਨਾਪਾਦਾਨੇਸੁ-ਸਮ੍ਮਾ ¶ ਪਦੀਯਤੇ ਯਸ੍ਸ ਤਂ ਸਮ੍ਪਦਾਨਂ. ਅਪੇਚ੍ਚ ਏਤਸ੍ਮਾ ਆਦਦਾਤੀਤਿ ਅਪਾਦਾਨਂ. ਬਹੁਲਾਧਿਕਾਰਾ ਚਲਨਾਦੀਹਿਪਿ ਸੀਲਸਾਧੁਧਮ੍ਮੇਸੁਪਿ ਅਨੋ, ਚਲਤਿ ਸੀਲੇਨਾਤਿ ਚਲਨੋ ਏਵਂ ਜਲਨੋ, ਕੋਧਨੋ, ਕੋਪਨੋ. ਮਣ੍ਡ=ਭੁਸਨੇ, ਮਣ੍ਡੇਤਿ ਸੀਲੇਨਾਤਿ ਮਣ੍ਡਨੋ. ਏਵਂ ਭੂਸਨੋ. ‘‘ਅਞ੍ਞਾਤ੍ਰਪੀ’’ਤਿ ਓਕਾਰਨਿਸੇਧੋ.

ਇਤ੍ਥਿਲਿਙ੍ਗੇ ਭਾਵੇ ਕਾਰਕੇ ਚ ਕ੍ਰਿਯਤ੍ਥਾ ਅਆਦਯੋ ਹੋਨ੍ਤਿ ਅਨੋ ਚ ਬਹੁਲਂ.

ਅ-ਜਰ=ਵਯੋਹਾਨਿਯਂ, ਜਿਰਤਿ ਜਿਰਣਂ ਵਾ ਜਰਾ. ‘‘ਇਤ੍ਥਿਯ+ਮ+ਤ੍ਵਾ’’ਤਿ ਆਪਚ੍ਚਯੋ. ਪਟਿਸਮ੍ਭਿਜ੍ਜਤੀਤਿ ਪਟਿਸਮ੍ਭਿਦਾ. ਪਟਿਪਜ੍ਜਤਿ ਏਤਾਯਾਤਿ ਪਟਿਪਦਾ. ਏਵਂ ਸਮ੍ਪਦਾ, ਆਪਦਾ. ਉਪਾਦੀਯਤੀਤਿ ਉਪਾਦਾ. ਇਕ੍ਖ+ਚਕ੍ਖ=ਦਸ੍ਸਨੇ, ਉਪਇਕ੍ਖਤੀਤਿ ਉਪੇਕ੍ਖਾ. ‘‘ਯੁਵਣ੍ਣਾਨ+ਮੇਓ ਲੁਤ੍ਤਾ’’ਤਿ ਏਕਾਰੋ. ਚਿਨ੍ਤਨਂ ਚਿਨ੍ਤਾ. ਸਿਕ੍ਖ=ਵਿਜ੍ਜੋਪਾਦਾਨੇ, ਸਿਕ੍ਖਨਂ ਸਿਕ੍ਖੀਯਨ੍ਤੀਤਿ ਵਾ ਸਿਕ੍ਖਾ. ਏਵਂ ਭਿਕ੍ਖਾ. ਇਚ੍ਛਨਂ ਇਚ੍ਛਾ. ‘‘ਗਮਯਮਿ’’ਚ੍ਚਾਦਿਨਾ ਚ੍ਛਙਾਦੇਸੋ. ਪੁਚ੍ਛ=ਪੁਚ੍ਛਨੇ, ਪੁਚ੍ਛਨਂ ਪੁਚ੍ਛਾ. ਮਿਧ+ਮੇਧ=ਸਙ੍ਗਮੇ, ਅਪਠਿਤਧਾਤੁ, ਮੇਧਨਂ ਮੇਧਾ. ਏਵਂ ਗੁਧ=ਪਰਿਵੇਠਨੇ, ਗੋਧਨਂ ਗੋਧਾ. ਤਿਤਿਕ੍ਖਨਂ ਤਿਤਿਕ੍ਖਾ. ਏਵਂ ਵੀਮਂਸਾ, ਜਿਗੁਚ੍ਛਾ, ਪਿਪਾਸਾ, ਪੁਤ੍ਤਿਯਾ. ਈਹਨਂ ਈਹਾ.

ਣ-ਕਰਣਂ ਕਾਰਾ, ‘‘ਅਸ੍ਸਾ ਣਾਨੁਬਨ੍ਧੇ’’ਤਿ ਆ ਹੋਤਿ, ਏਵ+ਮੁਪਰਿਪਿ. ਹਰਣਂ ਹਾਰਾ ਮੁਤ੍ਤਾਵਲਿ. ਤਰਣਂ ਤਾਰਾ, ਧਰਣਂ ਧਾਰਾ. ਅਰਣਂ ਆਰਾ.

ਯਥਾਕਥਞ੍ਚਿ ਸਦ੍ਦਮ੍ਹਿ, ਰੁਲ਼੍ਹਿਯਾ ਅਤ੍ਥਨਿਚ੍ਛਯੋ.

ਕ੍ਤਿ-ਸਮ੍ਭੁਵਨਂ ¶ ਸਮ੍ਭੁਤਿ. ‘‘ਨ ਤੇ’’ਚ੍ਚਾਦਿਨਾ ਨ ਵੁਦ੍ਧਿ. ਸਵਨਂ ਸੁਤਿ. ਨਯਨਂ ਨਯਤਿ ਏਤਾਯਾਤਿ ਵਾ ਨੀਤਿ. ਮਞ੍ਞਤੀਤਿ ਮਤਿ, ‘‘ਗਮਾਦਿਰਾਨਂ ਲੋਪੋਨ੍ਤਬ੍ਯਞ੍ਜਨਸ੍ਸਾ’’ਤਿ ਗਮਾਦਿਤ੍ਤਾ ਨਲੋਪੋ. ਗਮਨਂ ਗਨ੍ਤਬ੍ਬਾਤਿ ਵਾ ਗਤਿ. ਉਪਹਨਨਂ ਉਪਹਤਿ. ਰਮਨ੍ਤਿ ਏਤਾਯ ਰਮਨਂ ਵਾ ਰਤਿ. ਤਨਨਂ ਤਤਿ. ਨਿਯਮਨਂ ਨਿਯਤਿ. ਭੁਞ੍ਜਨਂ ਭੁਤ੍ਤਿ. ਯੁਞ੍ਜਨਂ ਯੁਤ੍ਤਿ, ਪਰਰੂਪਂ. ਏਵਂ ਸਮਾਪਜ੍ਜਨਂ ਸਮਾਪਜ੍ਜਤੇਤਿ ਸਮਾਪਤ੍ਤਿ. ਸਮ੍ਪਤ੍ਤਿ. ਯਜ=ਦੇਵਪੂਜਾਸਙ੍ਗਤਿਕਰਣਦਾਨੇਸੁ, ਯਜਨਂ ਇਟ੍ਠਿ, ‘‘ਯਜਸ੍ਸ ਯਸ੍ਸ ਟਿਯੀ’’ਤਿ ਟਿਆਦੇਸੋ, ‘‘ਪੁਚ੍ਛਾਦਿਤੋ’’ਤਿ ਤਸ੍ਸ ਠੋ, ਪਰਰੂਪਪਠਮਕ੍ਖਰਾ ਚ. ਸਾਸਨਂ ਸਿਟ੍ਠਿ, ‘‘ਸਾਸਸ੍ਸ ਸਿਸ ਵਾ’’ਤਿ ਸਿਸ, ਸਾਨਨ੍ਤਰਸ੍ਸ ਤਸ੍ਸ ਠੋ’’ਤਿ ਠਾਦੇਸੋ. ਭੇਦਨਂ ਭਿਜ੍ਜਤੇਤਿ ਵਾ ਭਿਤ੍ਤਿ. ਭਜ=ਸੇਵਾਯਂ, ਭਜਨਂ ਭਤ੍ਤਿ. ਤਨ=ਵਿਤ੍ਥਾਰੇ, ਤਨੋਤੀਤਿ ਤਨ੍ਤਿ, ਨਸ੍ਸ ਨਿਗ੍ਗਹੀਤਾਦਿ.

ਕ-ਗੁਹਨ੍ਤੀ ਏਤ੍ਥਾਤਿ ਗੁਹਾ, ਓਕਾਰਨਿਵੁਤ੍ਤਿ. ਰੁਜਤੀਤਿ ਰੁਜਾ. ਮੋਦਨ੍ਤਿ ਏਤਾਯਾਤਿ ਮੁਦਾ ਨਾਮ ਮੁਦਿਤਾ.

ਯਕ-ਵਿਦ=ਞਾਣੇ, ਵਿਦਨਂ ਵਿਦਨ੍ਤਿ ਏਤਾਯਾਤਿ ਵਾ ਵਿਜ੍ਜਾ, ਦਸ੍ਸ ਜੇ ਪੁਬ੍ਬਰੂਪਂ. ਯਜਨਂ ਇਜ੍ਜਾ, ਟਿਆਦੇਸੋ.

ਯ-ਸਯਨ੍ਤਿ ਏਤ੍ਥਾਤਿ ਸੇਯ੍ਯਾ, ਦ੍ਵਿਤ੍ਤਂ. ਅਜ=ਵਜ=ਗਮਨੇ, ਸਮਜਨਂ ਸਮਜਨ੍ਤਿ ਏਤ੍ਥਾਤਿ ਵਾ ਸਮਜ੍ਜਾ. ਪਪੁਬ੍ਬੋ, ਪਬ੍ਬਜਨਂ ਪਬ੍ਬਜ੍ਜਾ. ਤਵਗ੍ਗਵਰਣਾ’’ਦਿਮ੍ਹਿ ‘‘ਚਵਗ੍ਗਬਯਞਾ’’ਤਿ ਯੋਗਵਿਭਾਗੇਨ ਵਸ੍ਸ ਬੇ ਦ੍ਵਿਤ੍ਤਂ. ਊਮ੍ਹਿ ਪਰਿਚਰਣਂ ਪਰਿਚਰਿਯਾ. ਜਾਗਰਣਂ ਜਾਗਰਿਯਾ.

ਅਨ-ਪਯੋਜਕੇ ¶ ਕਾਰਿਯਧਾਤੁਤੋ ਕਤ੍ਤੁਂ ਪਯੋਜਨਂ ਕਾਰਣਂ, ਏਕਾਰਨਿਸੇਧੋ ਨਸ੍ਸ ਣੋ ਚ. ਏਵਂ ਹਰਿਤੁਂ ਪਯੋਜਨਂ ਹਾਰਣਂ. ਵਿਦ=ਅਨੁਭਵੇ, ਵਿਤ੍ਤਿ ਵੇਦਯਤੀਤਿ ਵਾ ਵੇਦਨਾ. ਵਨ੍ਦ=ਅਭਿਵਾਦਨਥੁਤੀਸੁ, ਵਨ੍ਦਨਂ ਵਨ੍ਦਨਾ. ਉਪਾਸਨਂ ਉਪਾਸਨਾ. ਚਿਤ=ਸਂਚੇਤਨਾਯਂ, ਚੇਤਯਤੀਤਿ ਚੇਤਨਾ. ਦੇਸਿਯਤੀਤਿ ਦੇਸਨਾ. ਭਾਵਿਯਤੀਤਿ ਭਾਵਨਾ.

ਜਾ=ਵਯੋਹਾਨਿਮ੍ਹਿ, ਹਾ=ਚਾਗੇ, ਇਮੇਹਿ ਇਤ੍ਥਿਯਂ ਨਿ ਹੋਤਿ. ਜਾਨਂ=ਵਯਪਰਿਪਾਕੋ ਜਾਨਿ. ਹਾਨਂ ਹਾਨਿ.

ਕਰਤੋ ਰਿਰਿਯੋ ਹੋਤਿ+ਤ੍ਥਿਯਂ. ਰਾਨੁਬਨ੍ਧਤ੍ਤਾ ਅਰਲੋਪੇ ਕਰਣਂ ਕਿਰਿਯਾ. ‘‘ਕ੍ਰਿਯਾ’’ਤਿ ‘‘ਤੁਂਤਾਯੇ’’ਚ੍ਚਾਦਿਮ੍ਹਿ ‘‘ਕ੍ਰਿਯਾਯਂ’’ਤਿ ਯੋਗਵਿਭਾਗਾ ਰਿਯਰਮ੍ਹਿ ਅਰਲੋਪੋ, ਰਿਕਾਰੋ ਕਕਾਰੇ+ਨੁਬਨ੍ਧੋ ਹੋਤਿ.

ਧਾਤੁਸ੍ਸ ਸਰੂਪੇ+ਭਿਧੇਯ੍ਯੇ ਏਤੇ ਹੋਨ੍ਤਿ. ਵਚਇਚ੍ਚ+ਯਂ ਧਾਤੁ ਏਵ ਵਚਿ. ਏਵਂ ਯੁਧਿ. ‘‘ਕਰੋਤਿਸ੍ਸ ਖੋ’’ਤਿ ਵਿਕਰਣਸ੍ਸ ਞਾਪਿਤਤ੍ਤਾ ‘‘ਕਤ੍ਤਰਿ ਲੋ’’ਤਿ ਲੋ, ਪਚਤਿ. ਅਕਾਰੋ ਕਕਾਰੋਤਿ ਘਣਨ੍ਤੇਨ ਕਾਰਸਦ੍ਦੇਨ ਛਟ੍ਠੀਸਮਾਸੋ.

੫੩. ਸੀਲਾ+ਭਿਕ੍ਖਞ੍ਞਾ+ਵਸ੍ਸਕੇਸੁ ਣੀ

ਕ੍ਰਿਯਤ੍ਥਾ ¶ ਣੀ ਹੋਤਿ ਸੀਲਾਦੀਸੁ. ਸਂਸ=ਪਸਂਸਨੇ, ਪਿਯਪੁਬ੍ਬੋ, ਪਿਯਂ ਪਸਂਸਤਿ ਸੀਲੇਨਾਤਿ ਪਿਯਪਸਂਸੀ ਰਾਜਾ. ਅਥ ਵਾ ਪਿਯਂ ਪਸਂਸਤਿ ਸੀਲੇਨ ਵਾ ਧਮ੍ਮੇਨ ਵਾ ਤਸ੍ਮਿਂ ਸਾਧੁ ਵਾਤਿ ਪਿਯਪਸਂਸੀ, ਪਿਯਪਸਂਸਨੀ, ਪਿਯਪਸਂਸਿ ਕੁਲਂ, ਆਵੁਦ੍ਧਿਮ੍ਹਿ ਤਥਾ ਸਚ੍ਚਵਾਦੀ, ਧਮ੍ਮਵਾਦੀ. ਸੀਘਯਾਯੀਤਿ ‘‘ਅਸ੍ਸਾ+ਣਾਪਿਮ੍ਹੀ ਯੁਕ’’ ਇਤਿ ਯੁਕ. ਪਾਪਕਾਰੀ, ਮਾਲਕਾਰੀ ਇਚ੍ਚਾਦਿ. ਉਣ੍ਹਂ ਭੁਞ੍ਜਤਿ ਸੀਲੇਨਾਤਿ ਉਣ੍ਹਭੋਜੀ, ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਓਕਾਰੋ.

ਆਭਿਕ੍ਖਞ੍ਞੇ-ਪੁਨਪ੍ਪੁਨ ਖੀਰਂ ਪਿਵਤੀਤਿ ਖੀਰਪਾਯੀ, ਯੁਕ. ਅਵਸ੍ਸਂ ਕਰੋਤੀਤਿ ਅਵਸ੍ਸਕਾਰੀ. ‘‘ਸ੍ਯਾਦਿ ਸ੍ਯਾਦਿਨੇ+ਕਤ੍ਥਂ’’ਤਿ ਸਮਾਸੇ ਵਿਭਤ੍ਤਿਲੋਪੇ ਚ ਕਤੇ ‘‘ਲੋਪੋ’’ਤਿ ਨਿਗ੍ਗਹੀਤਲੋਪੋ. ਸਤਨ੍ਦਾਯੀਤਿ ਏਤ੍ਥ ਬਹੁਲਂਵਿਧਾਨਾ ਵਿਭਤ੍ਤਿਅਲੋਪੇ ਅਮਾਦਿਸਮਾਸਪਟਿਸੇਧੇ ਚ ਕਤੇ ਵਗ੍ਗਨ੍ਤਂ.

ਅਞ੍ਞਸ੍ਮਿਂ ਅਤ੍ਥੇਪਿ ‘‘ਣੀ’’ਤਿ ਯੋਗਵਿਭਾਗੇਨ ਸਿਦ੍ਧਂ. ਸਾਧੁਕਾਰੀ, ਬ੍ਰਹ੍ਮਚਾਰੀ, ਅਸ੍ਸਦ੍ਧਭੋਜੀ. ਪਣ੍ਡਿਤਂ ਅਤ੍ਤਾਨਂ ਮਞ੍ਞਤੀਤਿ ਪਣ੍ਡਿਤਮਾਨੀ, ਬਹੁਸ੍ਸੁਤਧਾਰੀ ਇਚ੍ਚਾਦਿ.

ਸਾਧੁਕਰਣਂ ਸਾਧੁਕਾਰੋ, ਸੋ ਅਸ੍ਸ ਅਤ੍ਥੀਤਿ ਸਾਧੁਕਾਰੀਤਿ ਘਣਨ੍ਤਾ ਈ.

੫੪. ਥਾਵਰਿ+ਤ੍ਤਰ ਭਙ੍ਗੁਰ ਭਿਦੁਰ ਭਾਸੁਰ ਭਸ੍ਸਰਾ

ਏਤੇ ਸਦ੍ਦਾ ਨਿਪਚ੍ਚਨ੍ਤੇ ਸੀਲੇ ਗਮ੍ਯਮਾਨੇ. ਇਮਿਨਾ ਨਿਪਾਤਨਾ ਵਰਪਚ੍ਚਯੋ ਚ ਥਾਸ੍ਸ ਥੋ ਚ, ਤਿਟ੍ਠਤਿ ਸੀਲੇਨਾਤਿ ਥਾਵਰੋ. ਇ=ਅਜ੍ਝੇਨਗਤੀਸੁ ¶ , ਤ੍ਤਰਪਚ੍ਚਯੋ, ਗਚ੍ਛਤਿ ਸੀਲੇਨਾਤਿ ਇਤ੍ਤਰੋ. ਭਞ੍ਜ=ਓਮਦ੍ਦਨੇ, ਭਜ੍ਜਤੇ ਸਯਮੇਵ ਭਜ੍ਜਤਿ ਵਾ ਅਤ੍ਤਨਾ ਅਤ੍ਤਾਨਨ੍ਤਿ ਭਙ੍ਗੁਰੋ, ਕਮ੍ਮੇ ਕਤ੍ਤਰਿ ਵਾ ਗੁਰਪਚ੍ਚਯੋ. ਭਿਜ੍ਜਤੇ ਸਯਮੇਵ ਭਿਨ੍ਦਤਿ ਵਾ ਅਤ੍ਤਾਨਨ੍ਤਿ ਭਿਦੂਰੋ, ਏਤ੍ਥ ਕੂਰਪਚ੍ਚਯੋ, ਕਕਾਰੋ+ਨੁਬਨ੍ਧੋ. ਪਰਭਞ੍ਜਨਵਿਸਯੇਸੁਪਿ ਉਦਾਹਰਣੇਸੁ ਨ ਹੋਤਿ. ਤਤ੍ਥਾਪਿ ਕੇਚਿ ‘‘ਦੋਸਨ੍ਧਕਾਰਭਿਦੂਰੋ’’ਤਿ ਇਦਂ ਸਨ੍ਧਾਯ ਇਚ੍ਛਨ੍ਤਿ. ਭਾਸਤਿ ਦਿਪ੍ਪਤੀਤਿ ਭਾਸੁਰੋ, ਉਰਪਚ੍ਚਯੋ. ਸਰਪਚ੍ਚਯੇ ਭਸ੍ਸਰੋ, ‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਰਸ੍ਸੋ. (ਤੇਕਾਲਿਕਪ੍ਪਚ੍ਚਯਾ).

੫੫. ਕਤ੍ਤਰਿ ਭੂਤੇ ਕ੍ਤਵਨ੍ਤੁ+ਕ੍ਤਾਵੀ

ਭੂਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਕ੍ਤਵਨ੍ਤੁ+ਕ੍ਤਾਵੀ ਹੋਨ੍ਤਿ ਕਤ੍ਤਰਿ. ਵਿਜਿਨੀਤਿ ਵਿਜਿਤਵਾ ਵਿਜਿਤਾਵੀ, ਕਾਨੁਬਨ੍ਧਤ੍ਤਾ ਨ ਵੁਦ੍ਧਿ. ਗੁਣਵਨ੍ਤੁ ਦਣ੍ਡਿਸਮਂ. ਹੁ=ਹਵਨੇ, ਅਗ੍ਗਿਂ ਅਹਵੀਤਿ ਹੁਤਵਾ ਹੁਤਾਵੀ, ਹੁਤਾਵਿਨੀ ਹੁਤਵਾਨੀ. ‘‘ਭੂਤੇ’’ਤਿ ਯਾਵ ‘‘ਆਹਾਰਤ੍ਥਾ’’ਤਿ ਅਧਿਕਾਰੋ.

ਭਾਵੇ ਕਮ੍ਮੇ ਚ ਭੂਤੇ ਕ੍ਤੋ ਹੋਤਿ. ਅਸਨਂ ਆਸਿਤਂ ਭਵਤਾ, ਞਿ. ਕਰੀਯਿਤ੍ਥਾਤਿ ਕਤੋ ਕਟੋ ਭਵਤਾ, ‘‘ਗਮਾਦਿਰਾਨਂ’’ ਤ੍ਯਾਦਿਨਾ ਰਲੋਪੋ. ਏਵ+ਮੁਪਰਿਪਿ.

ਕ੍ਰਿਯਾਰਮ੍ਭੇ ਕਤ੍ਤਰਿਕ੍ਤੋ ਹੋਤਿ ਯਥਾਪਤ੍ਤਞ੍ਚ, ਪਕਰੀਤਿ ਪਕਤੋ ਭਵਂ ਕਟਂ. ਪਕਰੀਯਿਤ੍ਥਾਤਿ ਪਕਤੋ ਕਟੋ ਭਵਤਾ. ਪਸੁਪੀਤਿ ¶ ਪਸੁਤ੍ਤੋ ਭਵਂ. ਪਸੁਪੀਯਿਤ੍ਥਾਤਿ ਪਸੁਤ੍ਤਂ ਭਵਤਾ, ਪਰਰੂਪਂ.

੫੮. ਠਾ+ਸ ਵਸ ਸਿਲਿਸ ਸੀ ਰੁਹ ਜਰ ਜਨੀਹਿ

ਠਾਦੀਹਿ ਕਤ੍ਤਰਿ ਕ੍ਤੋ ਹੋਤਿ ਯਥਾਪਤ੍ਤਞ੍ਚ. ਉਪਟ੍ਠਾਸੀਤਿ ਉਪਟ੍ਠੀਤੋ ਭਵਂ ਗੁਰੁਂ. ਉਪਟ੍ਠੀਯਿਤ੍ਥਾਤਿ ਉਪਟ੍ਠਿਤੋ ਗੁਰੁ ਭੋਤਾ, ‘‘ਠਾਸ੍ਸੀ’’ਤਿ ਠਾਸ੍ਸ ਇ. ਏਵਂ ਉਪਾਸੀਤਿ ਉਪਾਸਿਤੋ. ਉਪਾਸੀਯਿਤ੍ਥਾਤਿ ਉਪਾਸਿਤੋ. ‘‘ਞਿ ਬ੍ਯਞ੍ਜਨਸ੍ਸਾ’’ਤਿ ਞਿ. ਅਨੁਵੁਸਿ ਅਨੁਵੁਸੀਯਿਤ੍ਥਾਤਿ ਵਾ ਅਨੁਵੁਸੀਤੋ. ‘‘ਅਸ੍ਸੂ’’ਤਿ ਅਸ੍ਸ ਉਕਾਰੋ. ਆਪੁਬ੍ਬੋ ਸਿਲਿਸ=ਆਲਿਙ੍ਗਨੇ, ਆਸਿਲੇਸਿ ਆਸਿਲੇਸੀਯਿਤ੍ਥਾਤਿ ਵਾ ਆਸਿਲਿਟ੍ਠੋ. ‘‘ਸਾਨਨ੍ਤਰਸ੍ਸ ਤਸ੍ਸ ਠੋ’’ਤਿ ਠੇ ਪਰਰੂਪਂ ਪਠਮਕ੍ਖਰਞ੍ਚ. ਅਧਿਸਯਿ ਅਧਿਸੀਯਿਤ੍ਥਾਤਿ ਵਾ ਅਧਿਸਯਿਤੋ ਖਟੋਪਿਕਂ ਭਵਂ, ਅਧਿਸਯਿਤਾ ਖਟੋਪਿਕਾ ਭੋਤਾ. ਏਵਂ ਆਰੁਹਿ ਆਰੁਹੀਯਿਤ੍ਥਾਤਿ ਵਾ ਆਰੁਲ਼੍ਹੋ ਰੁਕ੍ਖਂ ਭਵਂ, ਆਰੁਲ਼੍ਹੋ ਰੁਕ੍ਖੋ ਭੋਤਾ, ‘‘ਰੁਹਾਦੀਹਿ ਹੋ ਲ਼ ਚਾ’’ਤਿ ਤਸ੍ਸ ਹਕਾਰੋ ਪੁਬ੍ਬਹਕਾਰਸ੍ਸ ਚ ਲ਼ੋ. ਅਨੁਜੀਰਿ ਅਨੁਜੀਰੀਯਿਤ੍ਥਾਤਿ ਵਾ ਅਨੁਜਿਣ੍ਣੋ ਵਸਲਿਂ ਭਵਂ, ਅਨੁਜਿਣ੍ਣਾ ਵਸਲੀ ਭੋਤਾ, ‘‘ਤਰਾਦੀਹਿ ਰਿਣ੍ਣੋ’’ਤਿ ਕ੍ਤਸ੍ਸ ਰਿਣ੍ਣਾਦੇਸੋ ‘‘ਰਾਨੁਬਨ੍ਧੇ’’ਤ੍ਯਾਦਿਨਾ ਅਰਭਾਗਸ੍ਸ ਲੋਪੋ ਚ. ਅਨ੍ਵਜਾਯਿ ਅਨ੍ਵਜਾਯਿਤ੍ਥਾਤਿ ਵਾ ਅਨੁਜਾਤੋ ਮਾਣਵਕੋ ਮਾਣਵਿਕਂ, ਅਨੁਜਾਤਾ ਮਾਣਵਿਕਾ ਮਾਣਵਕੇਨ, ‘‘ਜਨਿਸ੍ਸਾ’’ਤਿ ਨਸ੍ਸ ਆ.

ਗਮਨਤ੍ਥਤੋ ¶ ਅਕਮ੍ਮਕਤੋ ਚ ਕ੍ਰਿਯਤ੍ਥਾ ਆਧਾਰੇ ਕ੍ਤੋ ਹੋਤਿ ਕਤ੍ਤਰਿ ਚ ਯਥਾਪਤ੍ਤਞ੍ਚ. ਯਾ=ਪਾਪੁਣਨੇ, ਯਾਤਵਨ੍ਤੋ ਅਸ੍ਮਿਨ੍ਤਿ ਯਾਤਂ ਠਾਨਂ. ਯਾਤਵਨ੍ਤੋ ਯਾਤਾ, ਯਾਨਂ ਯਾਤਂ. ਏਤ੍ਥ ਸਨ੍ਤਮ੍ਪਿ ਕਮ੍ਮਂ ਅਨਿਚ੍ਛਿਤਂ. ਯਾਯਿਤਾਤਿ ਯਾਤੋ ਪਥੋ. ‘‘ਯੇ ਗਤ੍ਯਤ੍ਥਾ, ਤੇ ਬੁਦ੍ਧ੍ਯਤ੍ਥਾ. ਯੇ ਬੁਦ੍ਧ੍ਯਤ੍ਥਾ, ਤੇ ਗਤ੍ਯਤ੍ਥਾ’’ਤਿ ਵੁਤ੍ਤਤ੍ਤਾ ਤਥਲਕ੍ਖਣਂ ਯਾਥਾਵਤੋ ਆਗਤੋ ਅਭਿਸਮ੍ਬੁਦ੍ਧੋਤਿ ਤਥਾਗਤੋ ਇਤਿਪਿ ਹੋਤਿ. ਆਸਿਤਵਨ੍ਤੋ ਅਸ੍ਮਿਨ੍ਤਿ ਆਸਿਤਂ. ਆਸਿਤਵਨ੍ਤੋ ਆਸਿਤਾ. ਆਸਨ+ਮਾਸਿਤਂ.

ਅਜ੍ਝੋਹਾਰਤ੍ਥਾ ਆਧਾਰੇ ਕ੍ਤੋ ਹੋਤਿ ਯਥਾਪਤ੍ਤਞ੍ਚ. ਭੁਤ੍ਤਵਨ੍ਤੋ+ਸ੍ਮਿਨ੍ਤਿ ਭੁਤ੍ਤਂ. ਏਵਂ ਪੀਤਂ, ‘‘ਗਾਪਾਨ+ਮੀ’’ਤਿ ਈ. ਭੁਞ੍ਜਨਂ ਭੁਤ੍ਤਂ ਪਾਨਂ ਪੀਤਂ. ਭੁਞ੍ਜੀਯਿਤ੍ਥਾਤਿ ਭੁਤ੍ਤੋ ਓਦਨੋ. ਏਵਂ ਪੀਤਂ ਉਦਕਂ. ਅਕਤ੍ਤਤ੍ਥਂ ਭਿਨ੍ਨਯੋਗਕਰਣਂ. ਬਹੁਲਾਧਿਕਾਰਾ ਕਤ੍ਤਰਿਪਿ ‘‘ਅਪਿਵਿਂਸੂਤਿ ਪੀਤਾ ਗਾਵੋ’’ਤਿ ਹੋਤੇਵ. ਸਿਦ=ਪਾਕੇ, ਪਸ੍ਸਿਜ੍ਜੀਤਿ ਪਸ੍ਸਨ੍ਨੋ, ‘‘ਗਮਨਤ੍ਥ’’ ਦਿਨਾ ਕ੍ਤੋ, ‘‘ਭਿਦਾ’’ ਦਿਨਾ ਤਸ੍ਸ ਨੋ ਪਰਰੂਪਞ੍ਚ. ਅਮਞ੍ਞਿਤ੍ਥਾਤਿ ਮਤੋ. ਇਚ੍ਛੀਯਿਤ੍ਥਾਤਿ ਇਟ੍ਠੋ. ਅਬੁਜ੍ਝਿਤਾਤਿ ਬੁਦ੍ਧੋ, ‘‘ਧੋ ਧਹਭੇਹੀ’’ਤਿ ਤਸ੍ਸ ਧੋ. ਪੂਜੀਯਿਤ੍ਥਾਤਿ ਪੂਜਿਤੋ, ਚੁਰਾਦਿਤ੍ਤਾ ਣਿ. ਏਵਂ ਸੀਲੀਯਿਤ੍ਥਾਤਿ ਸੀਲਿਤੋ. ਰਕ੍ਖੀਯਿਤ੍ਥਾਤਿ ਰਕ੍ਖਿਤੋ. ਖਮੀਯਿਤ੍ਥਾਤਿ ਖਨ੍ਤੋ, ਮਸ੍ਸ ਨਿਗ੍ਗਹੀਤਂ. ਅਕ੍ਕੋਚ੍ਛੀਯਿਤ੍ਥਾਤਿ ਅਕ੍ਕੁਟ੍ਠੋ, ਆਸ੍ਸ ਰਸ੍ਸੋ. ਰੁਸ=ਰੋਸੇ, ਅਰੋਸੀਤਿ ਰੁਟ੍ਠੋ, ‘‘ਗਮਨਤ੍ਥਾ’’ ਦਿਨਾ ਕਤ੍ਤਰਿ ਕ੍ਤੋ. ਞਿਮ੍ਹਿ ਰੁਸਿਤੋ. ਹਰ=ਹਰਣੇ, ਅਭਿ+ ਵਿ+ਆਪੁਬ੍ਬੋ ¶ , ਅਭਿਬ੍ਯਾਹਰੀਯਿਤ੍ਥਾਤਿ ਅਭਿਬ੍ਯਾਹਟੋ. ਦਯ=ਦਾਨਗਤਿਹਿਂਸਾਦਾਨੇਸੁ, ਅਦਯੀਯਿਤ੍ਥਾਤਿ ਦਯਿਤੋ. ਹਸ=ਆਲਿਕ੍ਯੇ, ਅਹਸੀਤਿ ਹਟ੍ਠੋ. ਕਾਮੀਯਿਤ੍ਥਾਤਿ ਕਨ੍ਤੋ, ‘‘ਣਿਣਾਪੀਨਂ ਤੇਸੂ’’ਤਿ ਏਤ੍ਥ ‘‘ਣਿਣਾਪੀਨਂ’’ਤਿ ਯੋਗਵਿਭਾਗਾ ਚੁਰਾਦਿਣਿਲੋਪੋ. ਸਂਯਮੀਤਿ ਸਂਯਤੋ. ਨਞਪੁਬ੍ਬੋ, ਨ ਮਰੀਤਿ ਅਮਤੋ, ਨਞਸਮਾਸੇ ਨਸ੍ਸ ਟੋ.

ਕਟ੍ਠਂ ਦੁਕ੍ਖਂ ਆਪਨ੍ਨੋਤਿ ਫਲਭੂਤੇ ਦੁਕ੍ਖੇ ਕਟ੍ਠਸਦ੍ਦਸ੍ਸ ਵਤ੍ਤਨਤੋ ਫਲਸ੍ਸ ਭਾਵਿਤ੍ਤਾ ਭੂਤੇਯੇਵ ਕ੍ਤੋ. ਕਸ=ਗਤਿਹਿਂਸਾਵਿਲੇਖਨੇਸੁ, ਅਕਸਿ=ਹਿਂਸੀਤਿ ਕਟ੍ਠਂ.

੧੫੦. ਭਿਦਾਦਿਤੋ ਨੋ ਕ੍ਤ+ਕ੍ਤਵਨ੍ਤੂਨਂ

ਭਿਦਾਦੀਹਿ ਪਰੇਸਂ ਕ੍ਤ+ਕ੍ਤਵਨ੍ਤੂਨਂ ਤਸ੍ਸ ਨੋ ਹੋਤਿ. ਆਕਤਿਗਣੋ+ਯਂ. ‘‘ਕ੍ਤੋ ਭਾਵਕਮ੍ਮੇਸੂ’’ਤਿ ਕਮ੍ਮੇ ਉਪਰਿ ਸਬ੍ਬਤ੍ਥ ਕ੍ਤੋ. ਭਿਜ੍ਜਿਤ੍ਥੋਤਿ ਭਿਨ੍ਨੋ, ਤਸ੍ਸ ਨੇ ਪਰਰੂਪਂ. ਅਭਿਨ੍ਦੀਤਿ ਭਿਨ੍ਨਵਾ, ‘‘ਕਤ੍ਤਰਿ ਭੂਤੇ’’ ਚ੍ਚਾਦਿਨਾ ਕ੍ਤਵਨ੍ਤੁ. ਏਵ+ਮੁਪਰਿਪਿ. ਛਿਜ੍ਜਿਤ੍ਥਾਤਿ ਛਿਨ੍ਨੋ. ਅਛਿਨ੍ਦੀਤਿ ਛਿਨ੍ਨਵਾ. ਛਦ=ਅਪਵਾਰਣੇ, ਛਾਦੀਯਿਤ੍ਥਾਤਿ ਛਨ੍ਨੋ. ਅਛਾਦਯੀਤਿ ਛਨ੍ਨਵਾ, ਚੁਰਾਦਿਤ੍ਤਾ ਣਿ, ਤਸ੍ਸ ‘‘ਣਿਣਾਪੀਨਂ ਤੇਸੂ’’ਤਿ ਏਤ੍ਥ ‘‘ਣਿ’’ ਇਤਿ ਯੋਗਵਿਭਾਗਾ ਲੋਪੋ. ਖਿਦ=ਅਸਹਨੇ, ਖਿਜ੍ਜੀਤਿ ਖਿਨ੍ਨੋ ਖਿਨ੍ਨਵਾ, ਕਤ੍ਤਰਿ. ਏਵ+ਮੁਪਰਿਪਿ. ਉਪ੍ਪਜ੍ਜੀਤਿ ਉਪ੍ਪਨ੍ਨੋ ਉਪ੍ਪਨ੍ਨਵਾ. ਸਿਦ=ਪਾਕੇ, ਅਸਿਜ੍ਜੀਤਿ ਸਿਨ੍ਨੋ ਸਿਨ੍ਨਵਾ. ਸਦ=ਵਿਸਰਣਗਤ੍ਯ ਵਸਾਦਨਾਦਾਨੇਸੁ, ਸਿਦੀਤਿ ਸਨ੍ਨੋ ਸਨ੍ਨਵਾ. ਪੀਨੀਤਿ ਪੀਨੋ ਪੀਨਵਾ. ਸੂ=ਪਸਵੇ, ਸੂਨੀਤਿ ਸੂਨੋ. ਪਸਵੀਤਿ ਸੂਨਵਾ. ਦੀ=ਖਯੇ, ਦੀਯੀਤਿ ਦੀਨੋ ਦੀਨਵਾ. ਡੀ+ਲੀ=ਆਕਾਸਗਮਨੇ, ਡੀਯੀਤਿ ਡੀਨੋ ਡੀਨਵਾ. ਲੀਯਿ ¶ ਲੇਯਿ ਅਲੀਯੀਤਿ ਲੀਨੋ ਲੀਨਵਾ. ਅਲੁਯੀਤਿ ਲੂਨੋ ਲੂਨਵਾ.

ਦਾਤੋ ਕ੍ਤ+ਕ੍ਤਵਨ੍ਤੂਨਂ ਤਸ੍ਸ ਇਨ੍ਨੋ ਹੋਤਿ. ਅਦਾਯਿਤ੍ਥਾਤਿ ਦਿਨ੍ਨੋ. ਅਦ੍ਦੀਤਿ ਦਿਨ੍ਨਵਾ.

ਣੋ. ਉਪਰਿ ਸਬ੍ਬਤ੍ਥ ਕ੍ਤ+ਕ੍ਤਵਨ੍ਤੂਨਂਤਿ ਯੋਜੇਤਬ੍ਬਂ. ਕਿਰ=ਵਿਕਿਰਣੇ, ਅਕਿਰੀਯਿਤ੍ਥਾਤਿ ਕਿਣ੍ਣੋ. ਅਕਿਰੀਤਿ ਕਿਣ੍ਣਵਾ. ਅਪੁਰੀਤਿ ਪੁਣ੍ਣੋ ਪੁਣ੍ਣਵਾ. ਅਖੀਯਿਤ੍ਥਾਤਿ ਖੀਣੋ. ਅਖੀਯੀਤਿ ਖੀਣਵਾ.

ਤਸ੍ਸ ਰਿਣ੍ਣੋ. ਰਕਾਰੋ ਅਨ੍ਤਸਰਾਦਿਲੋਪਤ੍ਥੋ. ਅਤਰੀਤਿ ਤਿਣ੍ਣੋ ਤਿਣ੍ਣਵਾ. ਅਜੀਰੀਤਿ ਜਿਣ੍ਣੋ ਜਿਣ੍ਣਵਾ. ਪਰਿਚੀਯਿਤ੍ਥਾਤਿ ਚਿਣ੍ਣੋ. ਪਰਿਚੀਯੀਤਿ ਚਿਣ੍ਣਵਾ. ਏਤ੍ਥ ਚਿਸ੍ਸ ਵਿਕਪ੍ਪਵਿਧਾਨਤ੍ਤਾ ਪਨ ਪਰਿਚਿਤ+ਉਪਚਿਤਾਦਯੋਪਿ ਸਿਦ੍ਧਾ ਏਵ.

ਭਞ੍ਜਾਦਿਤੋ ਤਸ੍ਸ ਗ ਹੋਤਿ. ਅਭਞ੍ਜੀਤਿ ਭਗ੍ਗੋ ਭਗ੍ਗਵਾ. ‘‘ਗਮਨਤ੍ਥਾ’’ ਦਿਨਾ ਕਤ੍ਤਰਿ ਕ੍ਤਪਚ੍ਚਯੇ ਤਸ੍ਸ ਇਮਿਨਾ ਗਕਾਰੇ ਪਰਰੂਪਂ ਨਿਗ੍ਗਹੀਤਲੋਪੋ ਚ. ਲਗ=ਸਙ੍ਗੇ, ਅਲਗੀਤਿ ਲਗ੍ਗੋ ਲਗ੍ਗਵਾ. ਮੁਜ੍ਜ=ਮੁਜ੍ਜਨੇ, ਨਿਮੁਜ੍ਜੀਤਿ ਨਿਮੁਗ੍ਗੋ ਨਿਮੁਗ੍ਗਵਾ, ਏਤ੍ਥ ਸਂਯੋਗਾਦਿਲੋਪੋ. ਵੀਜ+ਭਯਚਲਨੇਸੁ, ਸਂਪੁਬ੍ਬੋ, ਸਂਵਿਜ੍ਜੀਤਿ ਸਂਵਿਗ੍ਗੋ ਸਂਵਿਗ੍ਗਵਾ.

ਸੁਸਤੋ ¶ ਪਰੇਸਂ ਕ੍ਤ+ਕ੍ਤਵਨ੍ਤੂਨਂ ਤਸ੍ਸ ਖੋ ਹੋਤਿ. ਸੁਸ=ਸੋਸੇ. ਸੁਸ੍ਸੀਤਿ ਸੁਕ੍ਖੋ ਸੁਕ੍ਖਵਾ.

ਪਚਾ ਪਰੇਸਂ ਕ੍ਤ+ਕ੍ਤਵਨ੍ਤੂਨਂ ਤਸ੍ਸ ਕੋ ਹੋਤਿ. ਪਚ੍ਚੀਤਿ ਪਕ੍ਕੋ. ਪਚੀਤਿ ਪਕ੍ਕਵਾ.

ਮੁਚਾ ਪਰੇਸਂ ਕ੍ਤ+ਕ੍ਤਵਨ੍ਤੂਨਂ ਤਸ੍ਸ ਕੋ ਵਾ ਹੋਤਿ. ਮੁਚ=ਮੋਚਨੇ, ਮੁਚ੍ਚੀਤਿ ਮੁਕ੍ਕੋ ਮੁਤ੍ਤੋ. ਅਮੁਚੀਤਿ ਮੁਕ੍ਕਵਾ ਮੁਤ੍ਤਵਾ. ਸਕ੍ਕੋ-ਤਿਣ੍ਵਾਦੀਸੁ ‘‘ਇ ਭੀ ਕਾ’’ ਦਿਨਾ ਸਿਦ੍ਧਂ. ਅਸਕ੍ਖੀਤਿ ਸਕ੍ਕੋ. ਕ੍ਤ+ਕ੍ਤਵਨ੍ਤੂਸੁ ਸਤ੍ਤੋ ਸਤ੍ਤਵਾਤ੍ਵੇਵ ਹੋਤਿ.

੧੦੬. ਮੁਹ+ਬਹਾਨਞ੍ਚ ਤੇ ਕਾਨੁਬਨ੍ਧੇ+ਤ੍ਵੇ

ਮੁਹ+ਬਹਾਨਂ ਦੁਹਿਸ੍ਸ ਚ ਦੀਘੋ ਹੋਤਿ ਤਕਾਰਾਦੋ ਕਾਨੁਬਨ੍ਧੇ ਤ੍ਵਾਨ+ਤ੍ਵਾਵਜ੍ਜਿਤੇ. ਮੁਹ=ਵੇਚਿਤ੍ਤੇ, ਬਹ+ਬ੍ਰਹ+ਬ੍ਰੂਹ ਵੁਦ੍ਧਿਯਂ. ਮੁਯ੍ਹਿਤ੍ਤ ਬਯ੍ਹਿਤ੍ਥਾਤਿ ਮੂਲ਼੍ਹੋ ਬਾਲ਼੍ਹੋ, ‘‘ਗਮਨਤ੍ਥਾ’’ ਦਿਨਾ ਅਕਮ੍ਮਕਤ੍ਤਾ ਕਤ੍ਤਰਿ ਕ੍ਤੇ ਦੀਘੋ ‘‘ਰੁਹਾਦੀਹਿ ਹੋ ਲ਼ ਚਾ’’ਤਿ ਤਸ੍ਸ ਹੋ ਚ ਹਸ੍ਸ ਲ਼ੋ ਚ ਹੋਤਿ. ਏਵਂ ਗੂਲ਼੍ਹੋ. ‘‘ਕਾਨੁਬਨ੍ਧੇ+ਤ੍ਵੇ’’ਤਿ ਯਾਵ ‘‘ਸਾਸਸ੍ਸ ਸਿਸ ਵਾ’’ ਤ੍ਯ+ਧਿਕਾਰੋ.

ਵਹਸ੍ਸ ਉਸ੍ਸ ਦੀਘੋ ਹੋਤਿ ਤੇ. ਵੁਯ੍ਹਿਤ੍ਥਾਤਿ ਵੂਲ਼੍ਹੋ, ‘‘ਅਸ੍ਸੂ’’ਤਿ ਉਕਾਰੇ ਇਮਿਨਾ ਦੀਘੋ.

ਧਾ=ਧਾਰਣੇ+ਤਿਮਸ੍ਸ ¶ ਹਿ ਹੋਤਿ ਵਾ ਤੇ. ਨਿਧੀਯਿਤ੍ਥਾਤਿ ਨਿਹਿਤੋ. ਨਿਦਹੀਤਿ ਨਿਹਿਤਵਾ ਨਿਹਿਤਾਵੀ.

ਗਮਾਦੀਨਂ ਰਕਾਰਨ੍ਤਾਨਞ੍ਚ ਅਨ੍ਤਸ੍ਸ ਲੋਪੋ ਹੋਤਿ ਤੇ. ਅਗਮੀਤਿ ਗਤੋ. ਖਞ੍ਞਿਤ੍ਥਾਤਿ ਖਤੋ, ਕਮ੍ਮੇ. ਏਵਂ ਹਞ੍ਞਿਤ੍ਥਾਤਿ ਹਤੋ. ਤਨ=ਵਿਤ੍ਥਾਰੇ, ਤਞ੍ਞਿਤ੍ਥਾਤਿ ਤਤੋ. ਯਮ=ਉਪਰਮੇ, ਸਂਯਮੀਤਿ ਸਞ੍ਞਤੋ, ‘‘ਗਮਨਤ੍ਥਾ’’ ਦਿਨਾ ਕਤ੍ਤਰਿ ਕ੍ਤੋ, ‘‘ਯੇ ਸਂਸ੍ਸਾ’’ਤਿ ਨਿਗ੍ਗਹੀਤਸ੍ਸ ਞੋ ਪੁਬ੍ਬਰੂਪਞ੍ਚ. ਏਵਂ ਅਰਮੀਤਿ ਰਤੋ. ਕਰੀਯਿਤ੍ਥਾਤਿ ਕਤੋ.

ਵਚਾਦੀਨਂ ਵਸ੍ਸ ਉਟ ਵਾ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਵੁਚ੍ਚਿਤ੍ਥਾਤਿ ਉਤ੍ਤਂ. ਅਸ੍ਸ ਉ ਵੁਤ੍ਤਂ, ਉਭਯਤ੍ਥ ਪਰਰੂਪਂ. ਵਸ=ਨਿਵਾਸੇ, ਵਸਨਂ ਅਵਸਿ ਵਸਿਂਸੁ ਏਤ੍ਥਾਤਿ ਵਾ ਉਤ੍ਥਂ ਵੁਤ੍ਥਂ, ‘‘ਗਮਨਤ੍ਥਾ’’ ਦਿਨਾ ਕ੍ਤੋ, ‘‘ਸਾਸ ਵਸ ਸਂਸ ਸਂਸਾ ਥੋ’’ਤਿ ਤਸ੍ਸ ਥੋ.

ਵਦ੍ਧਸ੍ਸ ਅਸ੍ਸ ਵਾ ਉ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਅਵਦ੍ਧੀਤਿ ਵੁਦ੍ਧੋ ਵਦ੍ਧੋ, ਕਤ੍ਤਰਿ ਕ੍ਤੇ ‘‘ਧੋ ਧ+ਹਭੇਹੀ’’ਤਿ ਤਸ੍ਸ ਧੋ, ਤਤਿਯਕ੍ਖਰਦੋ ਚ ਸਂਯੋਗਾਦਿਲੋਪੋ ਚ. ਵੁਤ੍ਤੀਤਿ ‘‘ਸਬ੍ਬਾਦਯੋ ਵੁਤ੍ਤਿਮਤ੍ਤੇ’’ਤਿ ਯੋਗਵਿਭਾਗਾ ਅਸ੍ਸ ਉ. ਵਤ੍ਤੀਤਿਪਿ ਯਥਾਲਕ੍ਖਣਂ.

ਯਜਸ੍ਸ ¶ ਯਸ੍ਸ ਟਿ+ਯੀ ਹੋਨ੍ਤਿ ਕਾਨੁਬਨ੍ਧੇ ਅਤ੍ਵੇ. ਯਜਨਂਤਿ ਕ੍ਤੋ, ‘‘ਪੁਚ੍ਛਾਦਿਤੋ’’ਤਿ ਤਸ੍ਸ ਠੇ ਪਰਰੂਪਾਦਿਮ੍ਹਿ ਕਤੇ ਇਟ੍ਠਂ ਯਿਟ੍ਠਂ.

ਠਾਸ੍ਸ ਇ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਅਟ੍ਠਾਸੀਤਿ ਠਿਤੋ.

ਗਾ+ਪਾਨ+ਮੀ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਗਾਨਂ ਗੀਤਂ. ਪਾਨਂ ਪੀਤਂ. ਬਹੁਲਾਧਿਕਾਰਾ ਪਿਤ੍ਵਾ.

ਜਨਿਸ੍ਸ ਆ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਅਜਨੀਤਿ ਜਾਤੋ, ‘‘ਛਟ੍ਠਿਯਨ੍ਤਸ੍ਸਾ’’ਤਿ ਅਨ੍ਤਸ੍ਸ ਆ ਹੋਤਿ.

ਸਾਸਸ੍ਸ ਸਿਸ ਹੋਤਿ ਕਾਨੁਬਨ੍ਧੇ ਅਤ੍ਵੇ. ਸਾਸਨਂਤਿ ਕ੍ਤੋ, ਤਸ੍ਸ ‘‘ਸਾਸ ਵਸ ਸਂਸ ਸਸਾ ਥੋ’’ਤਿ ਥੇ ਪਰਰੂਪਂ ਪਠਮਕ੍ਖਰੋ ਚ, ‘‘ਤ+ਥ+ਨ+ਰਾ’’ ਦਿਨਾ ਤਸ੍ਸ ਟੋ. ਥਸ੍ਸ ਠੋ, ਸਿਟ੍ਠਂ. ਅਞ੍ਞਤ੍ਰ ਸਤ੍ਥਂ. ‘‘ਗੁਹਾਦੀਹਿ ਯਕ’’ ਇਤਿ ਯਕਪਚ੍ਚਯੇ ਸਾਸੀਯਤੀਤਿ ਸਿਸ੍ਸੋ. ਉਮ੍ਹਿ ਸਾਸਿਯੋ.

ਸਕਾਰਨ੍ਤਾ ਕ੍ਰਿਯਤ੍ਥਾ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਠ ਹੋਤਿ. ਤੁਸ੍ਸੀਤਿ ਤੁਟ੍ਠੋ, ‘‘ਗਮਨਤ੍ਥਾ’’ ਦਿਨਾ ਕ੍ਤੇ ਇਮਿਨਾ ਤਸ੍ਸ ਠੇ ¶ ਪਰਰੂਪਾਦਿ. ਏਵਂ ਤੁਟ੍ਠਵਾ. ਤਬ੍ਬ+ਕ੍ਤੀਸੁ ਤੋਸਨਂ ਤੁਟ੍ਠਬ੍ਬਂ, ‘‘ਅਞ੍ਞਤ੍ਰਾਪੀ’’ਤਿ ਓਕਾਰਾਭਾਵੋ. ਏਵਂ ਤੁਟ੍ਠਿ, ਕਾਨੁਬਨ੍ਧਤ੍ਤਾ ਨ ਵੁਦ੍ਧਿ.

ਕਸਸ੍ਮਾ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਠ ਹੋਤਿ ਕਸਸ੍ਸ ਵਾ ਇਮ ਚ. ਕਸੀਯਿਤ੍ਥਾਤਿ ਕਿਟ੍ਠਂ. ਕਿਟ੍ਠਾਦਿਂ ਵਿਯ ਦੁਪ੍ਪਸੁਂ, ਕਮ੍ਮੇ ਕ੍ਤੋ. ਇਮਾਭਾਵੇ ਕਟ੍ਠਂ, ਅਕਟ੍ਠਪਾਕਿਮਂ ਸਾਲਿਂ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ. ਧਂਸ+ਧਂਸਨੇ, ਧਂਸੀਯਿਤ੍ਥਾਤਿ ਧਸ੍ਤੋ, ਬਿਨ੍ਦੁਲੋਪੋ. ਉਤ੍ਰਸੀਤਿ ਓਤ੍ਰਸ੍ਤੋ.

ਪੁਚ੍ਛਾਦੀਹਿ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਠ ਹੋਤਿ. ਪੁਚ੍ਛੀਯਿਤ੍ਥਾਤਿ ਪੁਟ੍ਠੋ. ਭਜ੍ਜ=ਪਾਕੇ, ਭਜੀਯਿਤ੍ਥਾਤਿ ਭਟ੍ਠੋ, ਸਂਯੋਗਾਦਿਲੋਪੋ. ਯਜਿਤ੍ਥਾਤਿ ਯਿਟ੍ਠੋ, ‘‘ਯਜਸ੍ਸ ਯਸ੍ਸ ਟਿ+ਯੀ’’ਤਿ ਯਿ.

ਏਤੇਹਿ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਥ ਹੋਤਿ. ਸਾਸਨਂ ਸਾਸੀਯਿਤ੍ਥਾਤਿ ਵਾ ਸਤ੍ਥਂ. ਵਸਨਂ ਵੁਤ੍ਥਂ, ‘‘ਅਸ੍ਸੂ’’ਤਿ ਉ. ਪਸਂਸਨਂ ਪਸਂਸੀਯਿਤ੍ਥਾਤਿ ਵਾ ਪਸਤ੍ਥਂ. ਸਸ=ਗਤਿ+ਹਿਂਸਾ+ਪਾਣਨੇਸੁ, ਸਸਨਂ ਗਮਨਂ ਹਿਂਸਨਂ ਜੀਵਨਞ੍ਚ ਸਤ੍ਥਂ. ਅਨੁਸਾਸੀਯਿਤ੍ਥਾਤਿ ਅਨੁਸਿਟ੍ਠੋ, ਤ੍ਥਸ੍ਸ ਟ੍ਠੋ.

ਧਕਾਰ ¶ ਹਕਾਰ ਭਕਾਰਨ੍ਤੇਹਿ ਪਰਸ੍ਸ ਤਸ੍ਸ ਧ ਹੋਤਿ. ਵਦ੍ਧਿਤ੍ਥਾਤਿ ਕਮ੍ਮੇ ਕ੍ਤੇ ਤਸ੍ਸ ਧਕਾਰਾਦਿਮ੍ਹਿ ਚ ‘‘ਵਦ੍ਧਸ੍ਸ ਵਾ’’ਤਿ ਉਕਾਰੇ ਕਤੇ ਸਂਯੋਗਾਦਿਲੋਪੋ, ਵੁਦ੍ਧੋ. ਦੁਯ੍ਹਿਤ੍ਥਾਤਿ ਦੁਦ੍ਧਂ. ਲਭੀਯਿਤ੍ਥਾਤਿ ਲਦ੍ਧਂ.

ਦਹਾ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਢ ਹੋਤਿ. ਦਯ੍ਹਿਤ੍ਥਾਤਿ ਦਡ੍ਢੋ, ਪਰਰੂਪਾਦਿਮ੍ਹਿ ਕਤੇ ‘‘ਚਤੁਤ੍ਥਦੁਤਿਯੇ’’ ਚ੍ਚਾਦਿਨਾ ਡਕਾਰੋ.

ਬਹਾ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਢ ਹੋਤਿ ਬਹਸ੍ਸੁ+ਮ ਚ ਢਸਨ੍ਨਿਯੋਗੇਨ. ਬਹ+ਬ੍ਰਹ+ਬ੍ਰੂਹ=ਵੁਦ੍ਧਿਯਂ. ਅਬਹੀਤਿ ਬੁਡ੍ਢੋ.

ਰੁਹਾਦੀਹਿ ਪਰਸ੍ਸਾ+ਨਨ੍ਤਰਸ੍ਸ ਤਸ੍ਸ ਹ ਹੋਤਿ ਲ਼ੋ ਚ+ਨ੍ਤਸ੍ਸ. ਆਰੁਹੀਤਿ ਆਰੁਲ਼੍ਹੋ. ਗੁਯ੍ਹਿਤ੍ਥਾਤਿ ਗੁਲ਼੍ਹੋ. ਅਬਹੀਤਿ ਬਾਲ਼੍ਹੋ. ਦ੍ਵੀਸੁ ‘‘ਮੁਹਬਹਾ’’ ਦਿਨਾ ਦੀਘੋ.

ਕ੍ਤਤਸ੍ਸ ਹਕਾਰੋ ਅਨ੍ਤਸ੍ਸ ਵਾ ਲ਼ੋ ਚ. ਅਮੋਹੀਤਿ ਮੁਲ਼੍ਹੋ, ਮੁਦ੍ਧੋ, ਤਸ੍ਸ ਧੋ. (ਅਤੀਤਕਾਲਿਕਪਚ੍ਚਯਵਿਧਾਨਂ).

ਵਤ੍ਤਮਾਨਤ੍ਥੇ ¶ ਵਤ੍ਤਮਾਨਤੋ ਕ੍ਰਿਯਤ੍ਥਾ ਨ੍ਤੋ ਹੋਤਿ ਕਤ੍ਤਰਿ. ਤਿਟ੍ਠਤੀਤਿ ਤਿਟ੍ਠਨ੍ਤੋ, ‘‘ਕਤ੍ਤਰਿ ਲੋ’’ਤਿ ਲੋ, ‘‘ਠਾਪਾਨਂ ਤਿਟ੍ਠਪਿਵਾ’’ਤਿ ਤਿਠਾਦੇਸੋ. ਕਤ੍ਤਰਿ ਮਾਨ+ਨ੍ਤ+ਤ੍ਯਾਦਿਸੁ ਇਮਿਨਾਵ ਲੋ.

ਭਾਵਕਮ੍ਮੇਸੁ ਮਾਨੋ. ਠਾਨਂ ਠੀਯਮਾਨਂ. ‘‘ਕ੍ਯੋ ਭਾਵਕਮ੍ਮੇਸ੍ਵ+ਪਰੋਕ੍ਖੇਸੁ ਮਾਨ+ਨ੍ਤ+ਤ੍ਯਾਦੀਸੂ’’ਤਿ ਭਾਵੇ ਕਮ੍ਮੇ ਚ ਕ੍ਯੋ. ‘‘ਕ੍ਯਸ੍ਸਾ’’ਤਿ ਈਮ. ਪਚੀਯਤੀਤਿ ਪਚ੍ਚਮਾ ਨੋ. ਕ੍ਯੇ ਪੁਬ੍ਬਰੂਪਂ.

ਅਨਾਗਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਤੇਨ੍ਤਮਾਨਾ ਸ੍ਸਪੁਬ੍ਬਾ ਹੋਨ੍ਤਿ, ਲੇ ਆਸ੍ਸ ਲੋਪੋ, ਠਸ੍ਸਤੀਤਿ ਠਸ੍ਸਨ੍ਤੋ ਠਸ੍ਸਮਾਨੋ. ਠੀਯਿਸ੍ਸਤੀਤਿ ਠੀਯਿਸ੍ਸਮਾਨਂ, ਕ੍ਯੇ ਈ, ‘‘ਞਿਬ੍ਯਞ੍ਜਨਸ੍ਸਾ’’ਤਿ ਞਿ. ਅਸ੍ਸ ਤ੍ਯਾਦਿਵਿਸਯਤ੍ਤਾ ‘‘ਆਈਸ੍ਸਾ’’ ਦਿਨਾ ਇਞ ਨ ਹੋਤਿ, ਅਈਹਿ ਸਹਚਰਿਤਤ੍ਤਾ ਸ੍ਸਾਸ੍ਸ. ਪਚ੍ਚਿਸ੍ਸਤੀਤਿ ਪਚ੍ਚਿਸ੍ਸਮਾਨੋ ਓਦਨੋ. ‘‘ਰਾ ਨਸ੍ਸ ਣੋ’’ਤਿ ਣੇ ਪਤ੍ਤੇ –

ਰਨ੍ਤਤੋ ¶ ਪਰੇਸਂ ਨ੍ਤ+ਮਾਨ+ਤ੍ਯਾਦੀਨਂ ਨਸ੍ਸ ਣੋ ਨ ਹੋਤਿ. ਕਰੋਤੀਤਿ ਕਰੋਨ੍ਤੋ ਕੁਰੁਮਾਨੋ, ‘‘ਤਨਾਦਿਤ੍ਵੋ’’ਤਿ ਓ.

੫,੧੭੩. ਗਮ ਯਮਿ+ਸਾਸ ਦਿਸਾਨਂ ਵਾ ਚ੍ਛਙ

ਏਤੇਸਂ ਵਾ ਚ੍ਛਙ ਹੋਤਿ ਨ੍ਤ+ਮਾਨ+ਤ੍ਯਾਦੀਸੁ. ਙ-ਨੁਬਨ੍ਧਤ੍ਤਾ ਅਨ੍ਤਸ੍ਸ ਹੋਤਿ, ਗਚ੍ਛਨ੍ਤੋ ਗਚ੍ਛਮਾਨੋ. ਯਮ=ਉਪਰਮੇ, ਯਚ੍ਛਨ੍ਤੋ ਯਚ੍ਛਮਾਨੋ. ਇਚ੍ਛਨ੍ਤੋ ਇਚ੍ਛਮਾਨੋ. ਆਸ=ਉਪਵੇਸਨੇ, ਅਚ੍ਛਨ੍ਤੋ ਅਚ੍ਛਮਾਨੋ, ‘‘ਬ੍ਯਞ੍ਜਨੇ’’ਚ੍ਚਾਦਿਨਾ ਰਸ੍ਸੋ. ਦਿਸ=ਅਤਿਸਜ੍ਜਨੇ, ਦਿਚ੍ਛਨ੍ਤੋ ਦਿਚ੍ਛਮਾਨੋ. ਵਵਤ੍ਥਿਤਵਿਭਾਸਤ੍ਤਾ ਵਾਸਦ੍ਦਸ੍ਸ ਅਞ੍ਞਪਚ੍ਚਯੇਸੁ ਚ ਕ੍ਵਚਿ, ਇਚ੍ਛੀਯਤੀਤਿ ਇਚ੍ਛਿਤਬ੍ਬਂ, ਇਚ੍ਛਨਂ ਇਚ੍ਛਾ, ‘‘ਇਤ੍ਥਿਯ+ਮਣਾ’’ ਦਿਨਾ ਅਪ੍ਪਚ੍ਚਯੋ. ਇਚ੍ਛਿਤਂ, ਇਚ੍ਛਿਤਬ੍ਬਂ, ਇਚ੍ਛਿਤੁਂ. ਅਞ੍ਞੇਸਞ੍ਚ ਯੋਗਵਿਭਾਗਾ, ਪਵੇਚ੍ਛਨ੍ਤੋ.

ਏਤੇਸ+ਮੀਯਙ ਵਾ ਹੋਤਿ ਨ੍ਤ+ਮਾਨ+ਤ੍ਯਾਦੀਸੁ. ਜੀਯਨ੍ਤੋ. ‘‘ਜਰਸਦਾ’’ ਦਿਚ੍ਚਾਦਿਨਾ ਈਮ. ਜੀਰਨ੍ਤੋ. ਜੀਯਮਾਨੋ ਜੀਰਮਾਨੋ. ਮੀਯਨ੍ਤੋ ਮਰਨ੍ਤੋ, ਮੀਯਮਾਨੋ ਮਰਮਾਨੋ.

ਠਾਪਾਨਂ ਤਿਟ੍ਠਪਿਵਾ ਹੋਨ੍ਤਿ ਵਾ ਨ੍ਤਾਦੀਸੁ. ਤਿਟ੍ਠਨ੍ਤੋ, ਤਿਟ੍ਠਮਾਨੋ. ਪਿਵਨ੍ਤੋ ਪਿਵਮਾਨੋ.

ਗਮਾਦੀਨਂ ¶ ਘਮ੍ਮਾਦਯੋ ਵਾ ਹੋਨ੍ਤਿ ਨ੍ਤਾਦੀਸੁ. ਘਮ੍ਮਨ੍ਤੋ ਗਚ੍ਛਨ੍ਤੋ, ਵਜ੍ਜਨ੍ਤੋ ਵਦਨ੍ਤੋ, ਦਜ੍ਜਨ੍ਤੋ ਦਦਨ੍ਤੋ.

੧੭੭. ਕਰਸ੍ਸ ਸੋਸ੍ਸ ਕੁਬ੍ਬ ਕੁਰੁ ਕਯਿਰਾ

ਕਰਸ੍ਸ ਸਓਕਾਰਸ੍ਸ ਕੁਬ੍ਬਾਦਯੋ ਵਾ ਹੋਨ੍ਤਿ ਨ੍ਤਾਦੀਸੁ. ਕੁਬ੍ਬਨ੍ਤੋ ਕਯਿਰਨ੍ਤੋ ਕਰੋਨ੍ਤੋ, ਏਵਂ ਕੁਬ੍ਬਮਾਨੋ ਇਚ੍ਚਾਦਿ. ਅਞ੍ਞਤ੍ਰ ‘‘ਮਾਨਸ੍ਸ ਮਸ੍ਸਾ’’ਤਿ ਮਾਨਸ੍ਸ ਮਸ੍ਸ ਲੋਪੇ ਕਰਾਣੋ. ‘‘ਸੋਸ੍ਸਾ’’ਤਿ ਵੁਤ੍ਤਤ੍ਤਾ ਕਤ੍ਤਰਿਯੇਵ.

ਗਹਸ੍ਸ ਵਾ ਘੇਪ੍ਪੋ ਹੋਤਿ ਨ੍ਤਾਦੀਸੁ. ਘੇਪ੍ਪਨ੍ਤੋ ਘੇਪ੍ਪਮਾਨੋ.

ਗਹਸ੍ਸ ਨਿਗ੍ਗਹੀਤਸ੍ਸ ਣੋ ਹੋਤਿ, ‘‘ਮਂ ਵਾ ਰੁਧਾਦੀਨਂ’’ਤਿ ਮਂ, ਗਣ੍ਹਿਤਬ੍ਬਂ, ਗਣ੍ਹਿਤੁਂ, ਗਣ੍ਹਨ੍ਤੋ.

੧੩੦. ਨ੍ਤ+ਮਾਨ+ਨ੍ਤਿ+ਯਿ+ਯੁਂਸ੍ਵਾ+ਦਿਲੋਪੋਤਿ

ਆਦਿਲੋਪੋ. ਅਸ=ਭੁਵਿ, ਭਵਤੀਤਿ ਸਨ੍ਤੋ ਸਮਾਨੋ.

੧੩੧. ਪਾਦਿਤੋ ਠਾਸ੍ਸ ਵਾ ਠਹੋ ਕ੍ਵਚਿਤਿ

ਠਾਸ੍ਸ ਪਾਦੀਸੁ ਠਹੋ. ਸਣ੍ਠਹਨ੍ਤੋ. ਸਨ੍ਤਿਟ੍ਠਨ੍ਤੋ.

੬੧. ਤੁਂ ਤਾਯੇ ਤਵੇ ਭਾਵੇ ਭਵਿਸ੍ਸਤਿ ਕ੍ਰਿਯਾਯਂ ਤਦਤ੍ਥਾਯਂ

ਭਵਿਸ੍ਸਤਿਅਤ੍ਥੇ ¶ ਵਤ੍ਤਮਾਨਤੋ ਕ੍ਰਿਯਤ੍ਥਾ ਭਾਵੇ ਤੁਮਾਦਯੋ ਹੋਨ੍ਤਿ ਕ੍ਰਿਯਾਯਂ ਤਦਤ੍ਥਾਯਂ ਪਤੀਯਮਾਨਾਯਂ. ਕਰਣਾਯ ਗਚ੍ਛਤਿ ਕਾਤੁਂ ਗਚ੍ਛਤਿ. ‘‘ਤੁਂਤੁਨਤਬ੍ਬੇਸੁ ਵਾ’’ਤਿ ਕਰਸ੍ਸ ਵਾ ਆ ਹੋਤਿ, ਪੁਬ੍ਬਰੂਪੇ ਕਤ੍ਤਾਯੇ. ‘‘ਕਰਸ੍ਸਾ ਤਵੇ’’ਤਿ ਨਿਚ੍ਚਂ ਆ, ਕਾਤਵੇ. ਨਿਪਾਤਤ੍ਤਾ ‘‘ਅਸਙ੍ਖ੍ਯੇਹਿ ਸਬ੍ਬਾਸਂ’’ਤਿ ਚਤੁਤ੍ਥੀਸਸ੍ਸ ਲੋਪੋ. ਏਵ+ਮੁਪਰਿ ਤੁਨਾਦੀਸੁ. ਕਤ੍ਤੁਂ ਕਾਮੇਤੀਤਿ ਕਤ੍ਤੁਕਾਮੋ, ਅਭਿਸਙ੍ਖਰਿਤੁ+ਮਾਕਙ੍ਖਤਿ. ਸਦ੍ਧਮ੍ਮਂ ਸੁਣਿਤੁਂ, ਞਿਮ੍ਹਿ ਨਾਗਮੇ ਤਸ੍ਸ ਣੋ, ਨਾਗਮਤ੍ਤਾ ਨ ਵੁਦ੍ਧਿ. ਸੋਤਵੇ ਸੋਤੁਂ ਸੁਣਿਤੁਂ ਵਾ ਪਤ੍ਥੇਹਿ. ਏਵਂ ਅਨੁਭਵਿਤੁਂ, ਪਚਿਤੁਂ. ਗਨ੍ਤੁਂ, ‘‘ਮਨਾਨਂ ਨਿਗ੍ਗਹੀਤਂ’’ਤਿ ਨਿਗ੍ਗਹੀਤਂ. ਗਮਿਤੁਂ, ਖਨ੍ਤੁਂ, ਖਨਿਤੁਂ, ਹਨ੍ਤੁਂ, ਹਨਿਤੁਂ, ਮਨ੍ਤੁਂ, ਮਨਿਤੁਂ, ਹਰਿਤੁਂ, ਅਨੁਸ੍ਸਰਿਤੁਂ ਇਚ੍ਛਤਿ. ਤਥਾ ਤੁਦਿਤੁਂ, ਪਵਿਸਿਤੁਂ, ਉਦ੍ਦਿਸਿਤੁਂ, ਭੋਤ੍ਤੁਂ, ਸਯਿਤੁਂ, ਨੇਤੁਂ, ਜੁਹੋਤੁਂ, ਪਜਹਿਤੁਂ, ਪਹਾਤੁਂ, ਦਾਤੁਂ, ਰੋਦ੍ਧੁਂ, ਰੁਨ੍ਧਿਤੁਂ, ਭੋਤ੍ਤੁਂ, ਭੁਞ੍ਜੀਤੁਂ, ਛੇਤ੍ਤੁਂ, ਛਿਨ੍ਦਿਤੁਂ, ਸਿਬ੍ਬਿਤੁਂ, ਊਮ੍ਹਿ ਵਸ੍ਸ ਬੋ, ਦ੍ਵਿਤ੍ਤਂ, ਬੁਦ੍ਧੁਂ, ਤਸ੍ਸ ਧੋ. ਬੁਜ੍ਝਿਤੁਂ, ਯੁਕ. ਜਾਨਿਤੁਂ ਞਾ=ਅਵਬੋਧਨੇ. ਜਨਿਤੁਂ. ਜੇਤੁਂ ਜਿਨਿਤੁਂ. ਪਤ੍ਤੁਂ ਪਾਪੁਣਿਤੁਂ. ਕੇਤੁਂ ਕਿਣਿਤੁਂ. ਵਿਨਿਚ੍ਛੇਤੁਂ, ਇਸ੍ਸ ਏ, ਵਿਨਿਚ੍ਛਿਨਿਤੁਂ. ਗਹੇਤੁਂ ਗਣ੍ਹਿਤੁਂ. ਚੋਰਿਤੁਂ ਚੋਰੇਤੁਂ ਚੋਰਯਿਤੁਂ, ਪਾਲੇਤੁਂ ਪਾਲਯਿਤੁਂ. ਪਯੋਜਕੇ-ਭਾਵੇਤੁਂ ਭਾਵਯਿਤੁਂ, ਕਾਰੇਤੁਂ ਕਾਰਯਿਤੁਂ ਕਾਰਾਪੇਤੁਂ ਕਾਰਾਪਯਿਤੁਂ ਇਚ੍ਛਤਿ+ਚ੍ਚਾਦਿ.

ਏਵਂ ਕ੍ਰਿਯਤ੍ਥਕ੍ਰਿਯਾਯਂ ਗਮ੍ਯਮਾਨਾਯਂ, ਯਥਾ ਸੁਬੋਦ੍ਧੁਂ ਵਕ੍ਖਾਮਿ, ਏਵਂ ਦਟ੍ਠੁਂ ਗਚ੍ਛਤਿ, ਗਨ੍ਤੁ+ਮਾਰਭਤਿ, ਗਨ੍ਤੁਂ ਪਯੋਜੇਤਿ, ਦਸ੍ਸੇਤੁ+ਮਾਹ ਇਚ੍ਚਾਦਿ.

ਅਰਹਸਕ੍ਕਾਦੀਸੁਪਿ ¶ ਸਿਦ੍ਧਂ, ਤਥਾ ਕਾਲ ਸਮਯਵੇਲਾਸੁ. ਕੋ ਤਂ ਨਿਨ੍ਦਿਤੁ+ਮਰਹਤਿ, ਰਾਜਾ ਭਵਿਤੁ+ਮਰਹਤਿ, ਅਰਹੋ ਭਵਂ ਵਤ੍ਤੁਂ, ਸਕ੍ਕਾ ਜੇਤੁਂ ਧਨੇਨ ਵਾ, ਸਕ੍ਕਾ ਲਦ੍ਧੁਂ, ਭਸ੍ਸ ਧੋ. ਕਤ੍ਤੁਂ ਸਕ੍ਖਿਸ੍ਸਤਿ. ਭਬ੍ਬੋ ਨਿਯਾਮਂ ਓਕ੍ਕਮਿਤੁਂ, ਅਭਬ੍ਬੋ ਕਾਤੁਂ. ਅਨੁਚ੍ਛਵਿਕੋ ਭਵਂ ਦਾਨਂ ਪਟਿਗ੍ਗਹੇਤੁਂ, ਇਦਂ ਕਾਤੁਂ ਅਨੁਰੂਪਂ, ਦਾਨਂ ਦਾਤੁਂ ਯੁਤ੍ਤਂ, ਦਾਤੁਂ ਵਤ੍ਤੁਞ੍ਚ ਲਭਤਿ. ਏਵਂ ਵਟ੍ਟਤਿ ਭਾਸਿਤੁਂ, ਛਿਨ੍ਦਿਤੁਂ ਨ ਚ ਕਪ੍ਪਤਿ ਇਚ੍ਚਾਦਿ. ਤਥਾਕਾਲੋ ਭੁਞ੍ਜਿਤੁਂ, ਸਮਯੋ ਭੁਞ੍ਜਿਤੁਂ, ਵੇਲਾ ਭੁਞ੍ਜਿਤੁਂ.

ਅਲਮਤ੍ਥੇਪਿ ਸਿਦ੍ਧਂ, ਅਲਮੇਵ ਦਾਨਾਨਿ ਦਾਤੁਂ, ਅਲਮੇਵ ਪੁਞ੍ਞਾਨਿ ਕਾਤੁਂ.

੬੨. ਪਟਿਸੇਧੇ+ਲਂਖਲੂਨਂ ਕ੍ਤੁਨ ਕ੍ਤ੍ਵਾਨ ਕ੍ਤ੍ਵਾ ਵਾ

ਅਲਂ+ਖਲੁਸਦ੍ਦਾਨਂ ਪਟਿਸੇਧਨਤ੍ਥਾਨਂ ਪਯੋਗੇ ਕ੍ਤੁਨਾਦਯੋ ਵਾ ਹੋਨ੍ਤਿ ਭਾਵੇ. ਅਲਂਪੁਬ੍ਬੋ, ਸੁ=ਸਵਨੇ, ਅਲਂ ਸਵਨਂ ਕਤ੍ਵਾ ਖਲੁ ਸਵਨਂ ਕਤ੍ਵਾਤਿ ਅਲਂ ਸੋਤੁਨ ਖਲੁ ਸੋਤੁਨ ਅਲਂ ਸੁਤ੍ਵਾਨ ਖਲੁ ਸੁਤ੍ਵਾਨ ਅਲਂ ਸੁਤ੍ਵਾ ਖਲੁ ਸੁਤ੍ਵਾ. ਨਿਪਾਤਤ੍ਤਾ ਸਿਲੋਪੋ.

ਏਕੋ ਕਤ੍ਤਾ ਯੇਸਂ ਬ੍ਯਾਪਾਰਾਨਂ, ਤੇਸੁ ਯੋ ਪੁਬ੍ਬੋ, ਤਦਤ੍ਥਤੋ ਕ੍ਰਿਯਤ੍ਥਾ ਤੁਨਾਦਯੋ ਹੋਨ੍ਤਿ ਭਾਵੇ. ‘‘ਤੁਂਤੁਨਾ’’ ਦਿਨਾ ਕਰਸ੍ਸ ਆ, ਸੋ ਕਾਤੁਨ ਕਮ੍ਮਂ ਗਚ੍ਛਤਿ, ਅਕਾਤੁਨ ਪੁਞ੍ਞਂ ਕਿਲਿਸ੍ਸਨ੍ਤਿ. ਰਲੋਪੇ ਕਮ੍ਮਂ ਕਤ੍ਵਾਨ ਭਦ੍ਰਕਂ, ਪੁਞ੍ਞਾਨਿ ਕਤ੍ਵਾ ਸਗ੍ਗਂ ਗਚ੍ਛਤਿ. ਅਭਿਸਙ੍ਖਰਣਂ ਕਤ੍ਵਾ ਅਭਿਸਙ੍ਖਰਿਤ੍ਵਾ ਕਰਿਤ੍ਵਾ ਵਾ ¶ . ਤਥਾ ਸਿਬ੍ਬਿਤ੍ਵਾ ਛਾਦਯਿਤ੍ਵਾ ਜਾਨਿਤ੍ਵਾ ਧਮ੍ਮਂ ਸੁਤ੍ਵਾ ਸੁਤ੍ਵਾਨ ਧਮ੍ਮਂ ਮੋਦਤਿ, ਸੁਣਿਤ੍ਵਾ, ਪਤ੍ਵਾ ਪਾਪੁਣਿਤ੍ਵਾ, ਕਿਨਿਤ੍ਵਾ, ਜੇਤ੍ਵਾ ਜਿਨਿਤ੍ਵਾ ਜਿਤ੍ਵਾ, ਚੋਰੇਤ੍ਵਾ ਚੋਰਯਿਤ੍ਵਾ, ਪੂਜੇਤ੍ਵਾ ਪੂਜਯਿਤ੍ਵਾ, ਤਥਾ ਮੇਤ੍ਤਂ ਭਾਵੇਤ੍ਵਾ ਭਾਵਯਿਤ੍ਵਾ, ਵਿਹਾਰਂ ਕਾਰੇਤ੍ਵਾ ਕਾਰਯਿਤ੍ਵਾ ਕਾਰਾਪੇਤ੍ਵਾ ਕਾਰਾਪਯਿਤ੍ਵਾ ਸਗ੍ਗਂ ਗਮਿਸ੍ਸਨ੍ਤਿ+ਚ੍ਚਾਦਿ. ਪੁਬ੍ਬੇਤਿ ਕਿਂ, ਭੁਞ੍ਜਤਿ ਚ ਪਚਤਿ ਚ. ‘‘ਅਪਤ੍ਵਾ ਨਦਿਂ ਪਬ੍ਬਤੋ, ਅਤਿਕ੍ਕਮ੍ਮ ਪਬ੍ਬਤਂ ਨਦੀ’’ਤਿਆਦੀਸੁ ਭੂਧਾਤੁਸ੍ਸ ਸਮ੍ਭਵਾ ਏਕਕਤ੍ਤੁਕਤਾ ਪੁਬ੍ਬਕਾਲਤਾ ਚ ਗਮ੍ਯਤੇ. ‘‘ਭੁਤ੍ਵਾ ਭੁਤ੍ਵਾ ਗਚ੍ਛਤੀ’’ਤਿ ਇਮਿਨਾਵ ਸਿਦ੍ਧਂ, ਆਭਿਕ੍ਖਞ੍ਞਨ੍ਤੁ ਦ੍ਵਿਬ੍ਬਚਨਾਵ ਗਮ੍ਯਤੇ. ਕਥਂ ‘‘ਜੀਵਗ੍ਗਾਹਂ ਅਗਾਹਯਿ, ਕਾਯਪ੍ਪਚਾਲਕਂ ਗਚ੍ਛਤੀ’’ਤਿ, ਘਣਨ੍ਤੇਨ ਕ੍ਰਿਯਾਵਿਸੇਸਨੇਨ ਸਿਦ੍ਧਂ, ਯਥਾ ਓਦਨਪਾਕਂ ਸਯਤੀਤਿ.

ਤ੍ਵਾਸ੍ਸ ਵਾ ਪ੍ਯੋ ਹੋਤਿ ਸਮਾਸੇ. ਪਕਾਰੋ ‘‘ਪ੍ਯੇ ਸਿਸ੍ਸਾ’’ਤਿ ਵਿਸੇਸਨਤ੍ਥੋ. ਅਭਿਪੁਬ੍ਬੋ ਪਾਦਿਸਮਾਸੋ, ਅਭਿਵਦਨਂ ਕਤ੍ਵਾ ਅਭਿਵਾਦਿਯ ਭਾਸਿਸ੍ਸਂ. ਤਥਾ ਅਭਿਭੁਯ੍ਯ, ਦ੍ਵਿਤ੍ਤਰਸ੍ਸਾਨਿ. ਸਿ=ਸਯੇ –

ਸਿਸ੍ਸ ਆ ਹੋਤਿ ਪ੍ਯਾਦੇਸੇ. ਨਿਸ੍ਸਯਨਂ ਕਤ੍ਵਾ ਨਿਸ੍ਸਾਯ. ਪੁਬ੍ਬਰੂਪੇ ਵਿਭਜ੍ਜ ਵਿਭਜਿਯ. ਦਿਸ=ਅਤਿਸਜ੍ਜਨੇ, ਉਦ੍ਦਿਸ੍ਸ. ਪਵਿਸ੍ਸ ਪਵਿਸਿਯ ਪਵਿਸਿਤ੍ਵਾ, ਉਪਨਯ, ਅਤਿਸੇਯ੍ਯ ਅਤਿਸਯਿਤ੍ਵਾ, ਓਹਾਯ ਓਹਿਤ੍ਵਾ. ਆਦਾਯ, ਦਾਸ੍ਸਿ+ਯਙ, ਆਦਿਯ. ਪਟ੍ਠਾਯ, ਵਿਚੇਯ੍ਯ, ਵਿਞ੍ਞਾਯ ਵਿਜਾਨਿਤ੍ਵਾ, ਸਮਾਸੇਤਿ ਕਿਂ, ਪਤ੍ਵਾ. ਕ੍ਵਚਾ+ ਸਮਾਸੇਪਿ ¶ ਬਹੁਲਾਧਿਕਾਰਾ, ਲਤਂ ਦਨ੍ਤੇਹਿ ਛਿਨ੍ਦਿਯ. ਤਥਾ ਭੁਞ੍ਜਿਤ੍ਵਾ.

ਤ੍ਵਾਸ੍ਸ ਵਾ ਤੁਂ+ਯਾਨਾ ਹੋਨ੍ਤਿ ਸਮਾਸੇ ਕ੍ਵਚਿ. ਅਭਿਹਰਣਂ ਕਤ੍ਵਾ ਅਭਿਹਟ੍ਠੁਂ, ਅਭਿਹਰਿਤ੍ਵਾ, ਪਾਦਿਸਮਾਸੋ, ‘‘ਪੁਚ੍ਛਾਦਿਤੋ’’ਤਿ ਤਸ੍ਸ ਠੋ ਪਰਰੂਪਾਦਿ ਚ. ਅਨੁਮੋਦਨਂ ਕਤ੍ਵਾ ਅਨੁਮੋਦਿਯਾਨ ਅਨੁਮੋਦਿਤ੍ਵਾ ਵਾ, ਕਾਨੁਬਨ੍ਧੇਪਿ ‘‘ਵਾ ਕ੍ਵਚੀ’’ਤਿ ਵਿਕਪ੍ਪਤ੍ਤਾ ‘‘ਲਹੁਸ੍ਸੁਪਨ੍ਤਸ੍ਸਾ’’ਤਿ ਓਕਾਰੋ. ਕ੍ਵਚਾ+ਸਮਾਸੇਪਿ ਬਹੁਲਾਧਿਕਾਰਾ, ਦਟ੍ਠੁਂ, ਦਿਸਤੋ ਤ੍ਵਾਸ੍ਸ ਤੁਮਾਦੇਸੇ ਦਿਸਸ੍ਸ ਦਸ. ਅਞ੍ਞਤ੍ਰ ‘‘ਦਿਸਾ ਵਾਨ+ਵਾ ਸ ਚਾ’’ਤਿ ਤ੍ਵਾਸ੍ਸ ਵਾਨ+ਵਾ ਸ ਹੋਨ੍ਤਿ, ਦਿਸ੍ਵਾ. ਏਵਂ ਲਭਨਂ ਕਤ੍ਵਾ ਲਦ੍ਧਾ ਧਨਂਤਿਆਦੀਸੁ ਤਸ੍ਸ ਧੋ ਭਵਤਿ.

ਇਤਿ ਪਯੋਗਸਿਦ੍ਧਿਯਂ ਖਾਦਿਕਣ੍ਡੋ ਸਤ੍ਤਮੋ.

ਮਨ੍ਥਾਚਲੋਲ੍ਲਸਿਤਞਾਣਵਰੇਨ ਲਦ੍ਧਾ;

ਸਾਰਾਮਤਾ+ਤਿਸੁਖਿਤਾ ਸੁਖਯਨ੍ਤਿ ਚ+ਞ੍ਞੇ,

ਤੇ ਮੇ ਜਯਨ੍ਤਿ ਗੁਰਵੋ ਗੁਰਵੋ ਗੁਣੇਹਿ.

ਯਸ੍ਸ ਸਾਧੁਗੁਣੁਬ੍ਭੂਤ-ਕਿਤ੍ਤਿ ਸਬ੍ਬਤ੍ਤ ਪਤ੍ਥਟਾ;

ਮੋਗ੍ਗਲ੍ਲਾਨੋ ਮਹਾਪਞ੍ਞੋ, ਜਯਤੀ ਸੋ ਹ ਸਬ੍ਬਦਾ.

ਪਰਮਪ੍ਪਿਚ੍ਛਤਾ+ਨੇਕ-ਸਨ੍ਤੋਸੂਪਸਮੇਸਿਨਂ;

ਸੁਚਿਸਲੇਖਵੁਤ੍ਤੀਨਂ, ਸਦਾ+ਰਞ੍ਞਨਿਵਾਸਿਨਂ.

ਸਾਸਨੁਜੋਤਕਾਰੀਨ+ਮਾਚੇਰਤ੍ਤ+ਮੁਪਾਗਤਂ;

ਉਦੁਮ੍ਬਰਗਿਰੀਖ੍ਯਾਤਾ+ਯਤਨਂ ਯਤਿਪੁਙ੍ਗਵਂ.

ਮੇਧਙ੍ਕਰੋਤਿ ਆਖ੍ਯਾਤ-ਨਾਮਧੇਯ੍ਯਂ ਤਪੋਧਨਂ;

ਥੇਰਂ ਥਿਰਦਯਾ ਮੇਧਾ-ਨਿਧਾਨਂ ਸਾਧੁ ਪੂਜਿਤਂ.

ਸਿਸ੍ਸਂ ਸਹਾਯ+ਮਾਗਮ੍ਮ, ਕਲ੍ਯਾਣਮਿਤ੍ਤ+ਮਤ੍ਤਨੋ;

ਸੋਧੇਤੁਂ ਸਾਸਨਂ ਸਤ੍ਥੁ, ਪਰਕ੍ਕਮ+ਮਕਾਸਿ ਯੋ.

ਸਙ੍ਘਰਕ੍ਖਿਤਨਾਮੇਨ, ਮਹਾਥੇਰੇਨ ਧੀਮਤਾ;

ਨਿਵਾਸਭੂਤੇਨਾ+ਨੇਕ-ਗੁਣਾਨ+ਪ੍ਪਿਚ੍ਛਤਾਦਿਨਂ.

ਮੋਗ੍ਗਲ੍ਲਾਨਬ੍ਯਾਕਰਣ-ਪਯੋਗਕ੍ਕਮਸਾਧਕਾ;

ਏਤ੍ਤਾਵਤਾ ਕਤਾ ਏਸਾ, ਪਯੋਗਸਿਦ੍ਧਿ ਨਿਟ੍ਠਿਤਾ.

ਤੇਨੇਵ ¶ ਰਚਿਤਾ ਸਾਧੁ, ਸਾਸਨੋਦਯਕਾਰਿਨਾ;

ਖੁਦ੍ਦਸਿਕ੍ਖਾਯ ਟੀਕਾ ਚ, ਤਥਾ ਸਮ੍ਬਨ੍ਧਚਿਨ੍ਤਨਾ.

ਸੁਸਦ੍ਦਸਿਦ੍ਧਿਂ ਯੋ ਯੋਗ-ਨਿਚ੍ਛਯਂ ਸਬ੍ਭਿ ਵਣ੍ਣਿਤਂ;

ਅਕਾ ਸੁਬੋਧਾਲਙ੍ਕਾਰਂ, ਤਥਾ ਸਮ੍ਬਨ੍ਧਚਿਨ੍ਤਨਂ.

ਸਤ੍ਥਸਞ੍ਚਿਤਪੁਞ੍ਞੇਨ, ਨਿਬ੍ਬਾਨਸਾਧਕਂ ਹਿਤਂ;

ਸਾਧੇਨ੍ਤੋ ਲੋਕਨਾਥਸ੍ਸ, ਸਦ੍ਧਮ੍ਮੋ ਤਿਟ੍ਠਤਂ ਚਿਰਨ੍ਤਿ.

ਇਤਿ ਸਙ੍ਘਰਕ੍ਖਿਤਮਹਾਸਾਮਿਥੇਰਪਾਦਵਿਰਚਿਤਾ

(ਵਿਸੇਸਲਕ੍ਖਣਂ). ਯਥਾਵੁਤ੍ਤਾਨਂ ਪਨ ਪਯੋਗਸਿਦ੍ਧਿਨਿਗਮਨ ਗਾਥਾਨਂ ਏਕਾਦਸਨ੍ਨਂ ਪੁਬ੍ਬੇਯੇਵ ਵਕ੍ਖਮਾਨਾ ਇਮਾ ਗਾਥਾਯੋ ਦਿਸ੍ਸਨ੍ਤਿ ਪੋਰਾਣੇ ਸੀਹਲ਼ਮੂਲਪਯੋਗਸਿਦ੍ਧਿਪਾਠੇ. ਤਾ ਚ ਗਾਥਾਯੋ ਪਚ੍ਛਾ ਸੀਹਲ਼ਮੂਲਪਯੋਗਸਿਦ੍ਧਿਸਂਸੋਧਕੇਨ ਮੇਧਙ੍ਕਰੋਤਿ ਗਰੂਹਿ ਗਹਿਤਨਾਮਧੇਯ੍ਯੇਨ ਥੇਰੇਨ ਪਕ੍ਖਿਤ੍ਤਾਤਿ ਵੇਦਿਤਬ੍ਬਾ, ਤਸ੍ਮਾ ਮਯਂ ਤਾ ਗਾਥਾਯੋ ਸਬ੍ਬਪਚ੍ਛਾਯੇਵ ਇਮਸ੍ਮਿਂ-ਠਾਨੇ ਠਪੇਮ. ਤਾ ਪਨ ਗਾਥਾਯੋ ਕਤਮਾਤਿ ਚੇ –

ਚਾਗਵਿਕ੍ਕਮਸਦ੍ਧਾਨੁ-ਸਮ੍ਪਨ੍ਨਗੁਣਸਾਮਿਨੋ;

ਪਰਕ੍ਕਮਨਰਿਨ੍ਦਸ੍ਸ, ਸੀਹਲ਼ਿਨ੍ਦਸ੍ਸ ਧੀਮਤੋ.

ਅਤ੍ਰਜੇਨਾ+ਨੁਜਾਤੇਨ, ਭੂਪਾਲਕੁਲਕੇਤੁਨਾ;

ਦਿਸਨ੍ਤਪਤ੍ਥਟੋਦਾਰ-ਵਿਕ੍ਕਮੇਨ ਯਸਸ੍ਸਿਨਾ.

ਭੁਵਨੇਕਭੁਜਵ੍ਹੇਨ, ਮਹਾਰਾਜੇਨ ਧੀਮਤਾ;

ਚਤੁਪਚ੍ਚਯਦਾਨੇਨ, ਸਤਤਂ ਸਮੁਪਟ੍ਠਿਤੋ.

ਅਪ੍ਪਿਚ੍ਛਾਦਿਗੁਣੂਪੇਤੋ, ਜਿਨਸਾਸਨਮਾਮਕੋ;

ਵਨੇਰਤਮਹਤ੍ਥੇਰੋ, ਮੇਧਙ੍ਕਰਸਮਵ੍ਹਯੋ.

ਪਾਟਵਤ੍ਥਾਯ ਭਿਕ੍ਖੂਨਂ, ਵਿਨਯੇ ਸੁਵਿਸਾਰਦੋ;

ਪਯੋਗਸਿਦ੍ਧਿਂ ਸੋਧਯਿ, ਸਦਾ ਸਪ੍ਪਞ੍ਞਗੋਚਰਂ.

ਇਮਂ ਲਿਖਿਤਪੁਞ੍ਞੇਨ, ਮੇਤ੍ਤੇਕ੍ਯਂ ਉਪਸਂਕਮਿ;

ਪਤਿਟ੍ਠਹਿਤ੍ਵਾ ਸਰਣੇ, ਸੁਪ੍ਪਤਿਟ੍ਠਾਮਿ ਸਾਸਨੇਤਿ.