ਅਞ੍ਞ > ਬ੍ਯਾਕਰਣ ਗਨ੍ਥ-ਸਙ੍ਗਹੋ > ਅਭਿਧਾਨਪ੍ਪਦੀਪਿਕਾਟੀਕਾ

[ਕ] ਇਧਾਯਂ ਗਨ੍ਥਕਾਰੋ ਪਠਮਮਤ੍ਤਨੋ ਪਰੇਸਮ੍ਪਿ ਸਮ੍ਮਾ ਹਿਤਤ੍ਥਨਿਪ੍ਫਾਦਨਤ੍ਥਂ ਪੁਞ੍ਞਸਮ੍ਪਦ’ਮਾਚਿਨੋਤਿ ‘‘ਤਥਾਗਤੋ’’ਚ੍ਚਾਦਿਨਾ. ਤਤ੍ਥ ਕਰੁਣਾਕਰੋ ਮਹਾਕਰੁਣਾਯ ਉਪ੍ਪਤ੍ਤਿਟ੍ਠਾਨਭੂਤੋ ਯੋ ਤਥਾਗਤੋ ਭਗਵਾ ਕਰੋਪਯਾਤਂ ਅਤ੍ਤਨੋ ਹਤ੍ਥਗਤਂ ਸੁਖਪ੍ਪਦਂ ਸੁਖਸ੍ਸ ਪਤਿਟ੍ਠਾਨਭੂਤਂ ਸੁਖਕਾਰਣਂ ਵਾ ਸੁਖਦਾਯਕਂ ਵਾ ਪਦਂ ਨਿਬ੍ਬਾਨਂ ਓਸਜ੍ਜ ਚਜਿਤ੍ਵਾ ਕਲਿਸਮ੍ਭਵੇ ਦੁਕ੍ਖਕਾਰਣਭੂਤੇ ¶ ਭਵੇ ਸਂਸਾਰੇ ਕੇਵਲਦੁਕ੍ਕਰਂ ਸੁਕਰੇਨਾਸਮ੍ਮਿਸ੍ਸਂ ਅਚ੍ਚਨ੍ਤਦੁਕ੍ਕਰਂ ਪਞ੍ਚਵਿਧਪਰਿਚ੍ਚਾਗਾਦਿਕਂ ਕਰਂ ਕਰੋਨ੍ਤੋ ਪਰਤ੍ਥਂ ਪਰੇਸਮਤ੍ਥਂਯੇਵ ਅਕਾ ਕਤਵਾ, ਤਮੇਦਿਸਂ ਤਥਾਗਤਂ ਅਹਂ ਨਮਾਮਿ.

[ਖ] ਯਞ੍ਚ ਧਮ੍ਮਂ ਜਰਾਰੁਜਾਦਿਮੁਤ੍ਤਾ ਜਰਾਰੋਗਾਦੀਹਿ ਵਿਮੁਤ੍ਤਾ ਮੁਨਿਕੁਞ੍ਜਰਾ ਮੁਨਿਸੇਟ੍ਠਾ ਭਗਵਨ੍ਤੋ ਅਪੂਜਯੁਂ ਪੂਜਿਤਵਨ੍ਤੋ, ਤਥਾ ਉਤ੍ਤਰੇ ਉਤ੍ਤਮੇ ਸਤ੍ਤਾਨਂ ਵਾ ਸਂਸਾਰਮਹੋਘਪਕ੍ਖਨ੍ਦਾਨਂ ਤਤੋ ਉਤ੍ਤਰਣਸਮਤ੍ਥੇ ਯਹਿਂ ਤਰੇ ਯਸ੍ਮਿਂ ਧਮ੍ਮਪ੍ਲਵੇ ਠਿਤਾ ਸਮ੍ਮਾਪਟਿਪਜ੍ਜਨਵਸੇਨ ਆਰੂਲ਼੍ਹਾ ਨਰਾਨਰਾ ਮਨੁਸ੍ਸਾ ਚ ਦੇਵਾ ਚ ਤਿਵਟ੍ਟਮ੍ਬੁਨਿਧਿਂ ਕਿਲੇਸਕਮ੍ਮਵਿਪਾਕਵਟ੍ਟਸਙ੍ਖਾਤੇਹਿ ਤੀਹਿ ਵਟ੍ਟੇਹਿ ਆਕੁਲਿਤਂ ਸਂਸਾਰਮਹਮ੍ਬੁਰਾਸਿਂ ਤਰਿਂਸੁ ਤਿਣ੍ਣਾ, ਅਘਪ੍ਪਹਂ ਕਿਲੇਸਪ੍ਪਹਾਨਕਰਂ, ਸਂਸਾਰਦੁਕ੍ਖਪ੍ਪਹਾਨਕਰਂ ਵਾ ਤਂ ਧਮ੍ਮਮਪਿ ਅਹਂ ਨਮਾਮਿ.

[ਗ] ਮੁਨਿਨ੍ਦੋਰਸਸੂਨੁਤਂ ਭਗਵਤੋ ਉਰੇ ਸਮ੍ਭਵਧਮ੍ਮਦੇਸਨਾਯ ਅਰਿਯਭਾਵਪ੍ਪਤ੍ਤਤਾਯ ਮੁਨਿਨ੍ਦਸ੍ਸ ਓਰਸਪੁਤ੍ਤਭਾਵਂ ਗਤਂ ਪਤ੍ਤਂ ਨੁਤਂ ਕਿਲੇਸਖੇਪਨਕਂ ਸੁਪੁਞ੍ਞਖੇਤ੍ਤਂ ਪੁਞ੍ਞਤ੍ਥਿਕਾਨਂ ਪੁਞ੍ਞਬੀਜਵਿਰੁਹਨਟ੍ਠਾਨਂ ਸੁਖੇਤ੍ਤਭੂਤਂ ਭੁਵਨੇ ਲੋਕੇ ਸੁਤਂ ਵਿਸ੍ਸੁਤਂ ¶ , ਸੁਤਧਰਂ ਵਾ ਕਿਲੇਸਸਵਨਾਭਾਵੇਨ ਅਸ੍ਸੁਤਂ ਅਪਾਣੋਪਿ ਪਾਣੋ ਕਰੀਯਿਤ੍ਥਾਤਿ ਪਾਣੀਕਤੋ, ਪਾਤਿਮੋਕ੍ਖਸਂਵਰੋ, ਸੋਵ ਸਂਵਰੋ ਏਤਸ੍ਸਤ੍ਥੀਤਿ ਪਾਣੀਕਤਸਂਵਰੋ, ਤਂ ਪਾਣੀਕਤਸਂਵਰਂ, ਵਰਂ ਸੀਲਾਦਿਗੁਣੇਹਿ ਸਦੇਵਕੇਹਿ ਲੋਕੇਹਿ ਪਤ੍ਥਨੀਯਂ. ‘‘ਦੇਵਾਪਿ ਤਸ੍ਸ ਪਿਹਯਨ੍ਤਿ ਤਾਦਿਨੋ’’ਤਿ [ਉਦਾ. ੨੭] ਹਿ ਵੁਤ੍ਤਂ. ਸਦਾ ਸਬ੍ਬਸ੍ਮਿਂ ਕਾਲੇ ਗੁਣੋਘੇਨ ਸੀਲਾਦਿਗੁਣਸਮੂਹੇਨ ਨਿਰਨ੍ਤਰਨ੍ਤਰਂ ਅਵਿਚ੍ਛਿਨ੍ਨਮਾਨਸਂ, ਪਰਿਪੁਣ੍ਣਚਿਤ੍ਤਂ ਵਾ ਗਣਮ੍ਪਿ ਅਟ੍ਠਨ੍ਨਂ ਅਰਿਯਪੁਗ੍ਗਲਾਨਂ ਸਮੂਹਂ ਅਪਿ ਅਹਂ ਨਮਾਮੀਤਿ ਏਵਮੇਤ੍ਥ ਤਿਣ੍ਣਮ੍ਪਿ ਸਙ੍ਖੇਪਤੋ ਅਤ੍ਥਯੋਜਨਾ ਦਟ੍ਠਬ੍ਬਾ.

[ਘ-ਙ] ਏਵਂ ਪੁਞ੍ਞਸਮ੍ਪਦਮਾਚਿਨਿਤ੍ਵਾ ਕਿਮਭਿਮਤਂ ਸਾਧਨੀਯਮਿਚ੍ਚਾਹ ‘‘ਪਕਾਸਿਸ੍ਸਮਭਿਧਾਨਪ੍ਪਦੀਪਿਕ’’ਨ੍ਤਿ. ਬੁਦ੍ਧਾਦੀਨਮਭਿਧਾਨਾਨਂ ਸਰੂਪਵਸੇਨ, ਲਿਙ੍ਗਵਸੇਨ ਚ ਪਰਿਦੀਪਨਤੋ ਪਕਾਸਨਤੋ ‘‘ਅਭਿਧਾਨਪ੍ਪਦੀਪਿਕ’’ਨ੍ਤਿ ਲਦ੍ਧਨਾਮਂ ਸਤ੍ਥਂ ਪਕਾਸਿਸ੍ਸਂ ਅਨ੍ਤੋਭਾਵੇਨ ਨਿਪ੍ਫਨ੍ਨਂ ਬਹਿਭਾਵੇਨ ਪਕਾਸਿਸ੍ਸਂ. ਅਨ੍ਤੋਭਾਵਸ੍ਸ ਹਿ ਬਹਿਭਾਵਮਪੇਕ੍ਖਿਤ੍ਵਾ ਭਾਵਿਤਮੁਪਪਨ੍ਨਂ. ਨਨੁ ਸਨ੍ਤੇਵ ਪੁਬ੍ਬਾਚਰਿਯਾਨਂ ਨਾਮਲਿਙ੍ਗਪ੍ਪਕਾਸਨਾਨ੍ਯਮਰਕੋਸਤਿਕਣ੍ਡੋਪ੍ਪਲਿਨ੍ਯਾਦ੍ਯਭਿਧਾਨਸਤ੍ਥਾਨਿ, ਪਾਣਿਨਿ ਬ੍ਯਾਡਿਵਰਰੁਚਿਚਨ੍ਦਗੋਮਿ ਰੁਦ੍ਦਵਾਮਨਾਦਿਵਿਹਿਤਾਨਿ ਚ ਲਿਙ੍ਗਸਤ੍ਥਾਨਿ, ਤਤੋ ਕਿਮਿਦਮੁਚ੍ਚਤੇ ਇਚ੍ਚਾਹ ‘‘ਨਾਮਲਿਙ੍ਗਾਨਿ ਬੁਦ੍ਧਭਾਸਿਤਸ੍ਸਾਰਹਾਨਿ ਦਸ੍ਸਯਨ੍ਤੋ’’ਤਿ. ਏਤੇਨ ਸਨ੍ਤੇਸ੍ਵਪਿ ਪੁਬ੍ਬਾਚਰਿਯਾਨਂ ਸਤ੍ਥੇਸੁ ਯਸ੍ਮਾ ਨ ਤੇਸੁ ਨਾਮਲਿਙ੍ਗਾਨਿ ਬੁਦ੍ਧਵਚਨਾਨੁਰੂਪਾਨਿ ਹੋਨ੍ਤਿ ¶ , ਤਸ੍ਮਾ ਤਦਨੁਰੂਪਾਨਿ ਨਾਮਲਿਙ੍ਗਾਨਿ ਦਸ੍ਸਯਨ੍ਤੋ ਅਭਿਧਾਨਸਤ੍ਥਂ ਪਕਾਸਿਸ੍ਸਾਮੀਤਿ ਏਤਮਤ੍ਥਂ ਦੀਪੇਤਿ. ਨਮ੍ਯਤੇ ਅਭਿਧੀਯਤੇ ਅਤ੍ਥੋ ਅਨੇਨਾਤਿ ਨਾਮਂ, ਸਦ੍ਦਸਤ੍ਥੇ ਨਮੁਧਾਤੁਵਸੇਨ. ਲਿਙ੍ਗਯਤੇ ‘‘ਇਤ੍ਥਿਯਮਤੋ ਆਪਚ੍ਚਯੋ’’ਤ੍ਯਾਦਿਨਾ ਵਿਭਜ੍ਜਤੇਤਿ, ਇਤ੍ਥਾਦਯੋ ਵਾਨੇਨ ਲਿਙ੍ਗੀਯਨ੍ਤੇ ਬ੍ਯਞ੍ਜੀਯਨ੍ਤੇਤਿ ਲਿਙ੍ਗਂ, ਇਤ੍ਥਿਪੁਮਨਪੁਂਸਕਂ. ਕਿਮੇਤਸ੍ਸ ਅਭਿਧਾਨਸਤ੍ਥਸ੍ਸ ਕਰਣੇ ਪਯੋਜਨਨ੍ਤਿ ਪੁਚ੍ਛਾਯਂ ਯਸ੍ਮਿਂ ਸਤਿ ਤਂ ਸੋਤਾਰੋ ਸੋਤੁਮੁਸ੍ਸਹਨ੍ਤਿ, ਤਂ ਦਸ੍ਸੇਤੁਮਾਹ ‘‘ਨਾਮਲਿਙ੍ਗੇਸ੍ਵਿ’’ਚ੍ਚਾਦਿ. ਯਤੋ ਬੁਦ੍ਧਵਚਨੇ ਪਟੁਨੋ ਭਾਵੋ ਪਾਟਵਂ, ਤਦੇਵ ਅਤ੍ਥੋ ਪਯੋਜਨਂ, ਤਂ ਇਚ੍ਛਨ੍ਤੀਤਿ ਪਾਟਵਤ੍ਥਿਨੋ, ਤੇਸਂ ਪਾਟਵਤ੍ਥੀਨਂ ਸੋਤੂਨਂ ਨਾਮਲਿਙ੍ਗੇਸੁ ਕੋਸਲ੍ਲਂ ਕੁਸਲਤਾ ਛੇਕਭਾਵੋ ਬੁਦ੍ਧਵਚਨੇ ਮਹਬ੍ਬਲਂ ਅਤ੍ਥਸ੍ਸ ਨਿਚ੍ਛਯਕਾਰਣਂ ਹੋਤਿ, ਅਤੋ ਤਸ੍ਮਾ ਕਾਰਣਾ ਬੁਦ੍ਧਭਾਸਿਤਸ੍ਸਾਰਹਾਨਿ ਨਾਮਲਿਙ੍ਗਾਨਿ ਦਸ੍ਸਯਨ੍ਤੋ ਅਭਿਧਾਨਪ੍ਪਦੀਪਿਕਂ ਸਤ੍ਥਂ ਪਕਾਸਿਸ੍ਸਨ੍ਤਿ ਸਮ੍ਬਨ੍ਧੋ.

[ਚ] ਇਦਾਨਿ ਸਤ੍ਥਲਹੁਭਾਵਤ੍ਥਮਾਹ ‘‘ਭਿਯ੍ਯੋ’’ਚ੍ਚਾਦਿ. ਭਿਯ੍ਯੋ ਬਾਹੁਲ੍ਲੇਨ ਰੂਪਨ੍ਤਰਾ ਰੂਪਭੇਦੇਨ ਇਤ੍ਥਿਪਚ੍ਚਯਪੁਮ੍ਭਾਵਾਦਿਕਾਰਿਯਕਤੇਨ ਥੀਪੁਨ੍ਨਪੁਂਸਕਂ ਞੇਯ੍ਯਂ, ਸੋ ਚ ਨਾਮਾਨਂ ਨਾਮਵਿਸੇਸਨਸ੍ਸ, ਨਾਮਪਰਾਮਸਿਸਬ੍ਬਨਾਮਸਦ੍ਦਸ੍ਸ ਚ ਞੇਯ੍ਯੋ ਪਕਾਰਨ੍ਤਰਾਭਾਵਾ. ਤਤ੍ਰ ਨਾਮਾਨਂ ਰੂਪਭੇਦੋ ਯਥਾ – ਛੁਰਿਕਾ ਸਤ੍ਯ’ਸਿਪੁਤ੍ਤਿ [ਅਭਿਧਾਨ ੩੯੨ ਗਾਥਾ]. ਅਸਿ ਖਗ੍ਗੋ ਚ ਸਾਯਕੋ [ਅਭਿਧਾਨ ੩੯੧ ਗਾਥਾ]. ਪਾਨੀਯਂ ਸਲਿਲਂ ਦਕਨ੍ਤਿ [ਅਭਿਧਾਨ ੬੬੧ ਗਾਥਾ]. ਨਾਮਵਿਸੇਸਨਸ੍ਸ ਯਥਾ – ਨਿਸੀਥੋ ਮਜ੍ਝਿਮਾ ਰਤ੍ਤੀਤਿ [ਅਭਿਧਾਨ ੭੦ ਗਾਥਾ]. ਨਾਮਪਰਾਮਸਿਸਬ੍ਬਨਾਮਸਦ੍ਦਸ੍ਸ ਯਥਾ – ¶ ਆਕਙ੍ਖਾ ਰੁਚਿ ਵੁਤ੍ਤਾ ਸਾ, ਤ੍ਵਧਿਕਾ ਲਾਲਸਾ ਦ੍ਵਿਸੂਤਿ [ਅਭਿਧਾਨ ੧੬੩ ਗਾਥਾ]. ਸਾਹਚਰਿਯੇਨ ਨਿਯਤਲਿਙ੍ਗੇਨਾਵਿਪ੍ਪਯੋਗਤੋ ਥੀਪੁਨ੍ਨਪੁਂਸਕਂ ਞੇਯ੍ਯਂ. ਕਤ੍ਥਚੀਤਿ ਯਤ੍ਰ ਰੂਪਭੇਦੋ ਨਤ੍ਥਿ, ਤਂ ਯਥਾ – ਮਰੀਚਿ ਮਿਗਤਣ੍ਹਿਕਾ [ਅਭਿਧਾਨ ੬੫ ਗਾਥਾ]. ਰਂਸਿਮਾ ਭਾਕਰੋ ਭਾਨੁ [ਅਭਿਧਾਨ ੬੩ ਗਾਥਾ]. ਆਪੋ ਪਯੋ ਜਲਂ ਵਾਰਿ [ਅਭਿਧਾਨ ੬੬੧ ਗਾਥਾ]. ਮਰੀਝਾਦਯੋ ਹ੍ਯਭਿਨ੍ਨਰੂਪਤ੍ਤਾ ਲਿਙ੍ਗਨ੍ਤਰੇਪਿ ਸਮ੍ਭਾਵਿਯਨ੍ਤੇਹਿ ਨਿਯਤਲਿਙ੍ਗੇਹਿ ਮਿਗਤਣ੍ਹਿਕਾਭਾਕਰਜਲਾਦਿਸਦ੍ਦੇਹਿ ਸਾਹਚਰਿਯੇਨ ਤਂਲਿਙ੍ਗੇ ਨਿਚ੍ਛੀਯਨ੍ਤੇ. ਆਹਚ੍ਚਵਿਧਾਨੇਨ ਇਤ੍ਥਿਪੁਮਨਪੁਂਸਕਾਨਂ ਵਿਸੇਸੇਤ੍ਵਾ ਕਥਨੇਨ ਥੀਪੁਨ੍ਨਪੁਂਸਕਂ ਞੇਯ੍ਯਂ. ਕ੍ਵਚੀਤਿ ਯਤ੍ਰ ਨ ਰੂਪਭੇਦੋ ਲਿਙ੍ਗਨਿਣ੍ਣਯਸ੍ਸ ਨਿਮਿਤ੍ਤਂ, ਨ ਚ ਸਾਹਚਰਿਯਂ ਲਿਙ੍ਗਭੇਦੋਭਿਮਤੋ, ਨੇਕਮੇਵ ਵਾ ਲਿਙ੍ਗਮਿਚ੍ਛਤੇ, ਤਂ ਯਥਾ – ਵਲ੍ਲਰੀ ਮਞ੍ਜਰੀ ਨਾਰੀ [ਅਭਿਧਾਨ ੫੫੦ ਗਾਥਾ]. ਵਿਟਪੋ ਵਿਟਭੀਤ੍ਥਿਯਂ [ਅਭਿਧਾਨ ੫੪੭ ਗਾਥਾ]. ਭੀਤਿਤ੍ਥੀ ਭਯਮੁਤ੍ਤਾਸੋ [ਅਭਿਧਾਨ ੧੬੬ ਗਾਥਾ]. ਵਜਿਰਂ ਪੁਨ੍ਨਪੁਂਸਕੇਚ੍ਚਾਦਿ [ਅਭਿਧਾਨ ੨੪ ਗਾਥਾ].

[ਛ] ਇਦਾਨਿ ਰੂਪਭੇਦੋਤਿ ਲਿਙ੍ਗਨਿਣ੍ਣਯਸ੍ਸ ਪਟਿਪਤ੍ਤਿਹੇਤੁਕੋ ਯੋ ਭਿਨ੍ਨਲਿਙ੍ਗਾਨਂ ਦ੍ਵਨ੍ਦੋ, ਤਕ੍ਕਰਣਪਟਿਸੇਧੇਨ ਅਭਿਨ੍ਨਲਿਙ੍ਗਾਨਮੇਵ ਦ੍ਵਨ੍ਦੋ ਕਤੋਤਿ ਪਰਿਭਾਸਿਤੁਮੁਪਕ੍ਕਮਤੇ ‘‘ਅਭਿਨ੍ਨਲਿਙ੍ਗਿਨ’’ਮਿਚ੍ਚਾਦਿ. ਅਭਿਨ੍ਨਲਿਙ੍ਗੀਨਂਯੇਵ ਨਾਮਾਨਂ ਦ੍ਵਨ੍ਦੋ ਕਤੋ, ਨ ਭਿਨ੍ਨਲਿਙ੍ਗੀਨਂ, ਯਥਾ – ਵਿਮੁਤ੍ਯਸਙ੍ਖਤਧਾਤੁ, ਸੁਦ੍ਧਿਨਿਬ੍ਬੁਤਿਯੋ ਸਿਯੁਨ੍ਤਿ [ਅਭਿਧਾਨ ੯ ਗਾਥਾ]. ਨ ਕੇਵਲਂ ਦ੍ਵਨ੍ਦੋਯੇਵ, ਅਥ ਖੋ ਏਕਸੇਸੋਪ੍ਯਭਿਨ੍ਨਲਿਙ੍ਗਾਨਂਯੇਵ ਕਤੋ, ਯਥਾ – ਨਗ੍ਗੋ ਦਿਗਮ੍ਬਰਾਵਤ੍ਥਾ. [ਅਭਿਧਾਨ ੭੩੪ ਗਾਥਾ] ਸਬ੍ਬਧਰਕਤੇ ਪਨ ‘‘ਜੀਮੂਤਾ ਮੇਘਪਬ੍ਬਤਾ’’ ਇਚ੍ਚੁਦਾਹਟਂ. ਨਨੁ ਚ ਭਿਨ੍ਨਲਿਙ੍ਗਾਨਮ੍ਪਿ ਏਕਸੇਸੋ ਕਤੋ, ਯਥਾ ¶ – ਮਾਤਾ ਪਿਤਾ ਤੁ ਪਿਤਰੋ, ਪੁਤ੍ਤਾ ਤੁ ਪੁਤ੍ਤਧੀਤਰੋ [ਅਭਿਧਾਨ ੨੪੯ ਗਾਥਾ]. ਸਸੁਰਾ ਸਸ੍ਸੁ ਸਸੁਰਾ, ਭਾਤੁਭਗਿਨਿ ਭਾਤਰੋਤਿ [ਅਭਿਧਾਨ ੨੫੦ ਗਾਥਾ]. ਏਤ੍ਥ ਹਿ ਮਾਤਾ ਚ ਪਿਤਾ ਚ ਪਿਤਰੋ, ਪੁਤ੍ਤੋ ਚ ਧੀਤਾ ਚ ਪੁਤ੍ਤਾ, ਸਸ੍ਸੁ ਚ ਸਸੁਰੋ ਚ ਸਸੁਰਾ, ਭਾਤਾ ਚ ਭਗਿਨੀ ਚ ਭਾਤਰੋਤਿ ਭਿਨ੍ਨਲਿਙ੍ਗਾਨਮ੍ਪਿ ਏਕਸੇਸੋ ਦਸ੍ਸਿਤੋਤਿ. ਠਾਨਨ੍ਤਰੇ ਤੇਸਂ ਭਿਨ੍ਨਲਿਙ੍ਗਤਾਯ ਦਸ੍ਸਿਤਤ੍ਤਾ ਨ ਦੋਸੋ. ਤਾਤੋ ਤੁ ਜਨਕੋ ਪਿਤਾ [ਅਭਿਧਾਨ ੨੪੩ ਗਾਥਾ]. ਅਮ੍ਮਾ’ਮ੍ਬਾ ਜਨਨੀ ਮਾਤਾ [ਅਭਿਧਾਨ ੨੪੪ ਗਾਥਾ]. ਅਪਚ੍ਚਂ ਪੁਤ੍ਤੋਤ੍ਰਜੋ ਸੁਤੋ [ਅਭਿਧਾਨ ੨੪੦ ਗਾਥਾ]. ਨਾਰਿਯਂ ਦੁਹਿਤਾ ਧੀਤਾ [ਅਭਿਧਾਨ ੨੪੧ ਗਾਥਾ]. ਜਾਯਾਪਤੀਨਂ ਜਨਨੀ, ਸਸ੍ਸੁ ਵੁਤ੍ਤਾਥ ਤਪ੍ਪਿਤਾ. ਸਸੁਰੋਤਿ ਇਚ੍ਚਾਦਿਕਞ੍ਹਿ ਤੇਸਂ [ਅਭਿਧਾਨ ੨੪੬ ਗਾਥਾ] ਠਾਨਨ੍ਤਰਨ੍ਤਿ. ਤਥਾ ਏਤ੍ਥ ਕਮਂ ਵਿਨਾ ਭਿਨ੍ਨਲਿਙ੍ਗਾਨਂ ਗਣਨਪਾਠੋ ਵਿਯ ਸਙ੍ਕਰੋਪਿ ਨ ਕਤੋ. ਤਤ੍ਰ ਹਿ ਸਗ੍ਗਦਿਸਾਦਯੋ ਅਤ੍ਥਾ ਯਥਾਕ੍ਕਮਂ ਤਂਸਮ੍ਬਨ੍ਧਾ ਚ ਸਕ੍ਕਵਿਦਿਸਾਦਯੋ ਅਤ੍ਥਾ ਸਕਸਕਸਮ੍ਬਨ੍ਧਸਹਿਤਾ ਯਥਾਭਿਧਾਨਂ ਸਰੂਪਪਟਿਪਤ੍ਯਮਤ੍ਥਭਿਧੇਯ੍ਯਾ, ਤਥਾ ਤਪ੍ਪਰਿਯਾਯਸਮ੍ਬਨ੍ਧਾਨਿ ਚ ਯਾਨਿ ਨਾਮਾਨਿ, ਤਾਨਿ ਸਬ੍ਬਾਨਿ ਤਦਭਿਧਾਨਾਵਸਰੇ ਅਭਿਧੇਯ੍ਯਾਨੀਤਿ ਸੁਖੇਨੇਕਤ੍ਰੇਵ ਸਕਲਨਾਮਪਟਿਪਤ੍ਤਿ ਸਰੂਪਪਟਿਪਤ੍ਤਿ ਚ ਯਥਾ ਸਿਯਾਤਿਚ੍ਚੇਤਦਤ੍ਥਂ ਕਮੋ ਅਭ੍ਯੁਪਗਮ੍ਯਤੇ, ਤਥਾ ਚ ਸਤ੍ਯਾਵਸ੍ਸਂ ਸਗ੍ਗਾਦਿਪਰਿਯਾਯੇ ਦਿਵਸਦ੍ਦਾਦਯੋ, ਹਰਾਦ੍ਯਵਸਰੇ ਕੁਮਾਰਾਦਯੋ ਅਭਿਧੇਯ੍ਯਾ ਇਤਿ ਕਮਾਨੁਰੋਧੇਨ ਲਿਙ੍ਗਸਙ੍ਕਰੋ ਪਰਿਹਰਿਤੁਮਸਕ੍ਕੁਣੇਯ੍ਯੋ, ਯਥਾਵੁਤ੍ਤਨ੍ਤੁ ਕਮਂ ਵਿਨਾ ਨੇਹ ਸਙ੍ਕਰੋ ਕਤੋ, ਇਤਿ ਪਰਿਯਾਯੇਨ ਇਤ੍ਥਿਪ੍ਪਕਰਣਾਦਿਕ੍ਕਮੇਨ ਯਥਾਸਮ੍ਭਵਮਭਿਧਾਨਤੋ, ਤਂ ਯਥਾ – ਈਤਿ ਤ੍ਵਿਤ੍ਥੀ ਅਜਞ੍ਞਞ੍ਚ, ਉਪਸਗ੍ਗੋ ਉਪਦ੍ਦਵੋਤਿ [ਅਭਿਧਾਨ ੪੦੧ ਗਾਥਾ]. ਅਤ੍ਰ ਹਿ ਯੇ ਤਿਲਿਙ੍ਗਾ, ਤੇ ਤਿਲਿਙ੍ਗਾਵਸਰੇ ਏਵ ਨਿਬਦ੍ਧਾ, ਨ ਗਣਨਪਾਠਾ ਵਿਯ ਉਚ੍ਚਾਰਣਵਸੇਨ, ਏਵਂ ਸਬ੍ਬਤ੍ਰ ਯਥਾਸਮ੍ਭਵਂ ਨੀਯਤੇ. ਵੁਤ੍ਤਞ੍ਚ –

‘‘ਭੇਦਾਖ੍ਯਾਨਾਯ ¶ ਨ ਦ੍ਵਨ੍ਦੋ, ਨੇਕਸੇਸੋ ਨ ਸਙ੍ਕਰੋ;

ਕਤੋਤ੍ਰ ਭਿਨ੍ਨਲਿਙ੍ਗਾਨ-ਮਵੁਤ੍ਤਾਨਂ ਕਮਂ ਵਿਨਾ’’ਤਿ [ਅਮਰ ੧.੪].

ਇਦਾਨਿ ਲਿਙ੍ਗਵਾਚਕਾਨਂ ਠਾਨਵਸੇਨਤ੍ਥੇਸੁ ਗਮਨਂ ਦਸ੍ਸੇਤੁਮਾਹ ‘‘ਲਿਙ੍ਗਵਾਚਕੇ’’ਚ੍ਚਾਦਿ. ਗਾਥਾਪਾਦਨ੍ਤਮਜ੍ਝਟ੍ਠਾ ਗਾਥਾਨਂ ਪਾਦਾਨਞ੍ਚ ਅਨ੍ਤਮਜ੍ਝਟ੍ਠਾ ਲਿਙ੍ਗਵਾਚਕਾ ਅਨੇਕਤ੍ਥਲਿਙ੍ਗਵਾਚਕਾਨਿ ਞਾਣਦਸ੍ਸਨਾਦੀਨਿ ਲਿਙ੍ਗਾਨਿ ਪੁਬ੍ਬਮਤ੍ਥਂ ਵਾਚਕਵਸੇਨ ਯਨ੍ਤਿ ਗਚ੍ਛਨ੍ਤਿ. ਅਪਰੇ ਗਾਥਾਪਾਦਾਨਮਾਦਿਟ੍ਠਾ ਲਿਙ੍ਗਵਾਚਕਾ ਪਰਮਤ੍ਥਂ ਯਨ੍ਤਿ ਗਚ੍ਛਨ੍ਤਿ. ਤਂ ਯਥਾ –

ਫਲੇ ਵਿਪਸ੍ਸਨਾਦਿਬ੍ਬ-ਚਕ੍ਖੁਸਬ੍ਬਞ੍ਞੁਤਾਸੁ ਚ;

ਪਚ੍ਚਵੇਕ੍ਖਣਞਾਣਮ੍ਹਿ, ਮਗ੍ਗੇ ਚ ਞਾਣਦਸ੍ਸਨਂ [ਅਭਿਧਾਨ ੭੯੪ ਗਾਥਾ].

ਣਾਦੋ ਸਦ੍ਧਾਚੀਵਰਾਦਿ-ਹੇਤ੍ਵਾਧਾਰੇਸੁ ਪਚ੍ਚਯੋ;

ਕੀਲ਼ਾਦਿਬ੍ਬਵਿਹਾਰਾਦੋ, ਵਿਹਾਰੋ ਸੁਗਤਾਲਯੇ [ਅਭਿਧਾਨ ੮੫੭ ਗਾਥਾ].

ਖਗ੍ਗੇ ਕੁਰੂਰੇ ਨੇਤ੍ਤਿਂਸੋ, ਪਰਸ੍ਮਿਞ੍ਚਾਤ੍ਰ ਤੀਸ੍ਵਮੁ [ਅਭਿਧਾਨ ੧੦੮੯ ਗਾਥਾ];

ਕੁਸਲੇ ਸੁਕਤਂ ਸੁਟ੍ਠੁ-ਕਤੇ ਚ ਸੁਕਤੋ ਤਿਸੁ [ਅਭਿਧਾਨ ੯੩੮ ਗਾਥਾ].

ਸਮਯੋ ਸਮਵਾਯੇ ਚ, ਸਮੂਹੇ ਕਾਰਣੇ ਖਣੇ;

ਪਟਿਵੇਧੇ ਸਿਯਾ ਕਾਲੇ, ਪਹਾਨੇ ਲਾਭਦਿਟ੍ਠਿਸੁ [ਅਭਿਧਾਨ ੭੭੮ ਗਾਥਾ].

ਕਨ੍ਤਾਰੋ ਵਨਦੁਗ੍ਗੇਸੁ [ਅਭਿਧਾਨ ੧੧੦੭ ਗਾਥਾ].

ਯੇਭੁਯ੍ਯਤਾਬ੍ਯਾਮਿਸ੍ਸੇਸੁ, ਵਿਸਂਯੋਗੇ ਚ ਕੇਵਲਂ;

ਦਲ਼੍ਹਤ੍ਥੇਨਤਿਰੇਕੇ ਚਾ-ਨਵਸੇਸਮ੍ਹਿ ਤਂ ਤਿਸੁ [ਅਭਿਧਾਨ ੭੮੬ ਗਾਥਾ].

ਸਮਾਧਿਸ੍ਮਿਂ ਪੁਮੇਕਗ੍ਗੋ-ਨਾਕੁਲੇ ਵਾਚ੍ਚਲਿਙ੍ਗਿਕੋ [ਅਭਿਧਾਨ ੧੦੩੫ ਗਾਥਾ].

ਜਲ਼ੇ ਥੂਲੋ ਮਹਤ੍ਯਪਿ [ਅਭਿਧਾਨ ੧੦੬੬ ਗਾਥਾ] ਚ੍ਚਾਦੀਸੁ

ਗਾਥਾਮਜ੍ਝਟ੍ਠਾਨਂ ¶ , ਪਾਦਨ੍ਤਮਜ੍ਝਟ੍ਠਾਨਞ੍ਚ ਲਿਙ੍ਗਵਾਚਕਾਨਂ ਪੁਬ੍ਬਪਰਤ੍ਥੇਸ੍ਵਪਿ ਗਮਨਭਾਵਤੋ ‘‘ਪੁਬ੍ਬਂ ਯਨ੍ਤੀ’’ਤਿ ਇਦਂ ਯੇਭੁਯ੍ਯਵਸੇਨ ਵੁਤ੍ਤਨ੍ਤਿ ਦਟ੍ਠਬ੍ਬਂ. ਅਥ ਵਾ ਗਾਥਾਨਂ ਮਜ੍ਝਨ੍ਤਟ੍ਠਾ ਪੁਬ੍ਬਂ ਯਨ੍ਤਿ, ਗਾਥਾਮਜ੍ਝਟ੍ਠਾ, ਪਾਦਨ੍ਤਮਜ੍ਝਟ੍ਠਾ ਚ ਪੁਬ੍ਬਾਪਰਞ੍ਚ ਯਨ੍ਤੀਤਿ ਯਥਾਲਾਭਯੋਜਨਾ ਦਟ੍ਠਬ੍ਬਾ.

[ਜ] ਇਦਾਨਿ ਵਿਸੇਸਵਿਧਿਮ੍ਹਿ ਸਤ੍ਥਲਹੁਭਾਵਤ੍ਥਂ ਪਰਿਭਾਸਤੇ ‘‘ਪੁਮਿਤ੍ਥਿਯ’’ਮਿਚ੍ਚਾਦਿ. ਪੁਮਿਤ੍ਥਿਯਂ ‘‘ਦ੍ਵੀਸੂ’’ਤਿ ਪਦਂ ਞੇਯ੍ਯਂ, ਯਥਾ – ਅਸਨਿ ਦ੍ਵੀਸੁ [ਅਭਿਧਾਨ ੨੪ ਗਾਥਾ]. ਸਬ੍ਬਲਿਙ੍ਗੇ ਲਿਙ੍ਗਤ੍ਤਯੇ ‘‘ਤੀਸੂ’’ਤਿ ਪਦਂ ਞੇਯ੍ਯਂ, ਯਥਾ – ਸਤ੍ਤਨ੍ਨਂ ਪੂਰਣੇ ਸੇਟ੍ਠੇ’ਤਿਸਨ੍ਤੇ ਸਤ੍ਤਮੋ ਤਿਸੁ [ਅਭਿਧਾਨ ੯੪੨ ਗਾਥਾ]. ਏਤ੍ਥ ਚ ਨਿਸਿਦ੍ਧਲਿਙ੍ਗਨਾਮਂ ਪਾਰਿਸੇਸਤੋ ‘‘ਸੇਸਲਿਙ੍ਗ’’ਨ੍ਤਿ ਞੇਯ੍ਯਂ [ਨਿਸਿਦ੍ਧਲਿਙ੍ਗ ਸੇਸਤ੍ਥਂ (ਅਮਰ ੧.੫.)], ਯਥਾ – ਵਸ੍ਸ ਸਂਵਚ੍ਛਰਾ ਨਿਤ੍ਥੀਤਿ [ਅਭਿਧਾਨ ੮੧ ਗਾਥਾ]. ਅਤ੍ਰ ਚੇਕਲਿਙ੍ਗਨਿਸੇਧਬ੍ਯਾਖ੍ਯਾਨੇਨ ਲਿਙ੍ਗਦ੍ਵਯਵਿਧਾਨਨ੍ਤਿ [ਏਕਲਿਙ੍ਗਨਿਸੇਧਬ੍ਯਾਜੇਨ ਲਿਙ੍ਗਦ੍ਵਯਾਭਿਧਾਨਮਿਤਿ (ਅਮਰਕੋਸਚਿਨ੍ਤਾਮਣਿਟੀਕਾ)].

ਗਨ੍ਥਲਾਹਵਂ ਵਿਧਾਯੇਦਾਨਿ ਪਟਿਪਤ੍ਤਿਲਾਹਵਤ੍ਥਮਾਹ ‘‘ਅਭਿਧਾਨਨ੍ਤਰਾਰਮ੍ਭੇ’’ਇਚ੍ਚਾਦਿ. ਅਭਿਧਾਨਨ੍ਤਰਸ੍ਸ ਅਞ੍ਞਸ੍ਸ ਅਭਿਧਾਨਸ੍ਸ ਆਰਮ੍ਭੇ ਸਤਿ, ਤੁ ਅਨ੍ਤੋ ਯਸ੍ਸ ਅਭਿਧਾਨਸ੍ਸ, ਅਥ ਆਦਿ ਯਸ੍ਸ ਅਭਿਧਾਨਸ੍ਸਾਤਿ ਇਦਂ ਅਭਿਧਾਨਦ੍ਵਯਞ੍ਚ ਞੇਯ੍ਯਂ. ਤ੍ਵਨ੍ਤਮਥਾਦਿਕਂ ਨਾਮਾਦਿਪਦਂ ਪੁਬ੍ਬੇਨ ਨ ਸਮ੍ਬਜ੍ਝਤੇਤਿ ਭਾਵੋ. ਤਤ੍ਰ ਨਾਮਪਦਂ ਯਥਾ – ਜਿਨੋ ਸਕ੍ਕੋ ਤੁ ਸਿਦ੍ਧਤ੍ਥੋ [ਅਭਿਧਾਨ ੪ ਗਾਥਾ]. ਕੇਸਵੋ ਚਕ੍ਕਪਾਣ੍ਯਥ [ਅਭਿਧਾਨ ੧੬ ਗਾਥਾ]. ਮਹਿਸ੍ਸਰੋ ਸਿਵੋ ਸੂਲੀ [ਅਭਿਧਾਨ ੧੬ ਗਾਥਾ]. ਲਿਙ੍ਗਪਦਂ ਯਥਾ – ਪੁਮੇ ਤੁ ਪਣ੍ਹਿ ਪਾਸਣਿ [ਅਭਿਧਾਨ ੨੭੭ ਗਾਥਾ]. ਪੁਮੇ ਤੂਤੁ ਰਜੋ ਪੁਪ੍ਫਂ [ਅਭਿਧਾਨ ੨੩੮ ਗਾਥਾ]. ਸਾ ਤਿਰੋਕਰਣੀਪ੍ਯਥ ¶ [ਅਭਿਧਾਨ ੨੯੮ ਗਾਥਾ]. ਪੁਨ੍ਨਪੁਂਸਕਮੁਲ੍ਲੋਚਂ [ਅਭਿਧਾਨ ੨੯੯ ਗਾਥਾ]. ਅਤ੍ਥਪਦਂ ਯਥਾ – ਉਦਰੇ ਤੁ ਤਥਾ ਪਾਚਾ’ਨਲਸ੍ਮਿਂ ਗਹਣੀਤ੍ਥਿਯਂ [ਅਭਿਧਾਨ ੯੭੩ ਗਾਥਾ]. ਪਣੀਤੋ ਤੀਸੁ ਮਧੁਰੇ, ਉਤ੍ਤਮੇ ਵਿਹਿਤੇਪ੍ਯਥ. ਅਞ੍ਜਸੇ ਵਿਸਿਖਾਯਞ੍ਚ, ਪਨ੍ਤਿਯਂ ਵੀਥਿ ਨਾਰਿਯਂ [ਅਭਿਧਾਨ ੯੪੦ ਗਾਥਾ]. ਅਥਸਦ੍ਦੇਨ ਚਤ੍ਰ ਅਨਨ੍ਤਰਿਯਤ੍ਥੇਨ ਸਕਪਰਿਯਾਯੋਪਲਕ੍ਖਣਤੋ ਅਥੋ ਸਦ੍ਦਾਦੀਸੁ ਚ ਨ ਪੁਬ੍ਬੇਨ ਸਮ੍ਬਜ੍ਝਤੇ. ਪਾਣਕੋ ਚਾਪ੍ਯਥੋ ਉਚ੍ਚਾਲਿਙ੍ਗੋ ਲੋਮਸਪਾਣਕੋਤਿ [ਅਭਿਧਾਨ ੬੨੩ ਗਾਥਾ].

[ਝ] ਇਦਾਨਿ ਬੁਦ੍ਧਵਚਨਾਨਮਨੁਰੂਪਾਨਮ੍ਪਿ ਪਚੁਰਪ੍ਪਯੋਗਾਨਮੇਵ ਕੇਸਞ੍ਚਿ ਗਹਣਂ ਅਤ੍ਤਨੋ ਸਤ੍ਥਨ੍ਤਰਾਪਸਯ੍ਹਤਾਵਸੇਨ ਅਹਂਕਾਰਪੁਬ੍ਬਿਕਾਭਾਵਞ੍ਚ ਦਸ੍ਸੇਤੁਮਾਹ ‘‘ਭਿਯ੍ਯੋ ਪਯੋਗ’’ਮਿਚ੍ਚਾਦਿ. ਸੋਗਤੇ ਸੁਗਤਸ੍ਸ ਵਚਨਭੂਤੇ ਆਗਮੇ ਪਿਟਕਤ੍ਤਯੇ, ਤਞ੍ਹਿ ਆਗਚ੍ਛਨ੍ਤਿ ਤਿਵਿਧਸਮ੍ਪਤ੍ਤਿਯੋ ਏਤੇਨਾਤਿ ਆਗਮੋਤਿ ਵੁਚ੍ਚਤਿ. ਤਸ੍ਮਿਂ ਭਿਯ੍ਯੋ ਪਯੋਗਂ ਬਾਹੁਲ੍ਲੇਨ ਪਯੁਜ੍ਜਤੇਤਿ ਪਯੋਗੋ, ਤਂ ਆਗਮ੍ਮ ਗਹੇਤ੍ਵਾ ਕ੍ਵਚਿ ਅਰਞ੍ਞਵਗ੍ਗਾਦੀਸੁ ਨਿਘਣ੍ਟੁਯੁਤ੍ਤਿਞ੍ਚ ਨਿਘਣ੍ਟੁਨਾਮਕੇ ਸਤ੍ਥੇ ਆਗਤਂ ਬੁਦ੍ਧਵਚਨਾਨੁਰੂਪਂ ਯੁਤ੍ਤਿਞ੍ਚ ਆਨੀਯ ਆਨੇਤ੍ਵਾ ਨਾਮਲਿਙ੍ਗਂ ਕਥੀਯਤਿ ਅਨ੍ਤੋਭਾਵੇਨ ਨਿਪ੍ਫਨ੍ਨਂ ਬਹਿਭਾਵੇਨ ਪਕਾਸੀਯਤੇ. ਆਵਿਭਾਵਤ੍ਤਮੇਵ ਹਿ ਜਞ੍ਞਤ੍ਤਂ ਸਨ੍ਤਕਾਰਿਯਕਾਰਿਨੋ. ਆਸੀਸਾਯਂ ਵਾ ਅਵਸ੍ਸਮ੍ਭਾਵਿਨੋਪਿ ਵਚਨਸ੍ਸ ਵਤ੍ਤਮਾਨਤ੍ਥਵਤ੍ਤਿਚ੍ਛਾਯ ਵਤ੍ਤਮਾਨਤ੍ਤਂ, ਤਥਾ ਹਿ ਲੋਕੇ ਅਵਸ੍ਸਮ੍ਭਾਵਿਨੋ ਸਿਦ੍ਧਿਮਭਿਸਨ੍ਧਾਯ ਭਾਵਿਨਮਪ੍ਪਤ੍ਤਂ ਵਤ੍ਤਮਾਨਤ੍ਤੇਨ ਵਾ ਅਤੀਤਤ੍ਤੇਨ ਵਾ ਵਤ੍ਤੁਮਿਚ੍ਛਤਿ, ਤਂ ਯਥਾ – ‘‘ਇਦਂ ਮਮਮਪਾਪਯੇ’’ਤਿ ਕੋਚਿ ਕੇਨਚਾਭਿਹਿਤੋ ਸਨ੍ਤੋ ਅਵਸ੍ਸਂ ਤਂ ਭਵਿਸ੍ਸਤੀਤਿ ਮਞ੍ਞਮਾਨੋ ਪਾਪਿਯਮਾਨਂ ਪਤ੍ਤਂ ਵਾ ਵਤ੍ਤੁਮਿਚ੍ਛਤਿ ¶ , ਤਤੋਯੇਵ ‘‘ਆਸੀਸਾਯਂ ਭੂਤਮਿਵ ਚੇ’’ਤਿ [ਪਾਣਿਨਿ ੩.੩.੧੩੨] ਤਦਤਿਦੇਸਵਚਨਂ ਪਚ੍ਚਾਖ੍ਯਾਯਤੇ.

੧. ਇਦਾਨਿ ਯਸ੍ਮਾ ਅਭਿਧੇਯ੍ਯਤ੍ਥੋ ਨਾਮ ਪਞ੍ਞਤ੍ਤਿਪਰਮਤ੍ਥਤ੍ਥਵਸੇਨ ਦੁਵਿਧੋ, ਤੇਸੁ ਯੇਭੁਯ੍ਯੇਨ ਪਞ੍ਞਤ੍ਤਤ੍ਥਤੋ ਪਰਮਤ੍ਥਤ੍ਥੋਵ ਸੇਟ੍ਠੋ, ਤੇਸੁਪਿ ਓਧਿਸੋ ਕਿਲੇਸਾਨਂ ਸਮੁਚ੍ਛੇਦਪਟਿਪ੍ਪਸ੍ਸਦ੍ਧਿਕਰਤ੍ਤਾ ਯਥਾਕ੍ਕਮਂ ਅਟ੍ਠ ਧਮ੍ਮਾ ਸੇਟ੍ਠਾ, ਤਤੋਪਿ ਨਿਬ੍ਬਾਨਮੇਵ ਸੇਟ੍ਠਂ, ਤੇਸਂ ਸਬ੍ਬੇਸਮ੍ਪਿ ਧਮ੍ਮਾਨਂ ਸਮ੍ਮਾਸਮ੍ਬੁਦ੍ਧੋਵ ਸੇਟ੍ਠੋ. ਵੁਤ੍ਤਞ੍ਹਿ ਭਗਵਤਾ ‘‘ਵਿਰਾਗੋ ਸੇਟ੍ਠੋ ਧਮ੍ਮਾਨਂ, ਦ੍ਵਿਪਦਾਨਞ੍ਚ ਚਕ੍ਖੁਮਾ’’ਤਿ [ਧ. ਪ. ੨੭੩; ਨੇਤ੍ਤਿ. ੧੨੫]. ਏਤ੍ਥ ਹਿ ‘‘ਯਾਵਤਾ, ਭਿਕ੍ਖਵੇ, ਧਮ੍ਮਾ ਸਙ੍ਖਤਾ ਵਾ ਅਸਙ੍ਖਤਾ ਵਾ, ਵਿਰਾਗੋ ਤੇਸਂ ਧਮ੍ਮਾਨਂ ਅਗ੍ਗਮਕ੍ਖਾਯਤੀ’’ਤਿ [ਅ. ਨਿ. ੪.੩੪; ੫.੩੨; ਇਤਿਵੁ. ੯੦] ਵਚਨਤੋ ਸਬ੍ਬੇਸਮ੍ਪਿ ਸਙ੍ਖਤਾਸਙ੍ਖਤਧਮ੍ਮਾਨਂ ਵਿਰਾਗਸਙ੍ਖਾਤੋ ਨਿਬ੍ਬਾਨਮੇਵ ਸੇਟ੍ਠੋ, ਚਕ੍ਖੁਮਾ ਪਨ ਸਮ੍ਮਾਸਮ੍ਬੁਦ੍ਧੋ ਤੇਸਂ ਸਬ੍ਬੇਸਮ੍ਪਿ ਧਮ੍ਮਾਨਂ, ਦੇਵਮਨੁਸ੍ਸਾਦਿਭੇਦਾਨਂ ਦ੍ਵਿਪਦਾਨਞ੍ਚ ਪਞ੍ਞਤ੍ਤਤ੍ਥਾਨਂ ਸੇਟ੍ਠੋਤਿ ਅਯਮਤ੍ਥੋ ਵੁਤ੍ਤੋ ਭਗਵਤਾ, ਤਸ੍ਮਾ ਸਬ੍ਬਤ੍ਥਸੇਟ੍ਠਤ੍ਥਾਭਿਧਾਯਕਾਭਿਧਾਨਭੂਤਂ ਬੁਦ੍ਧਾਤਿਧਾਨਮੇਵ ਪਠਮਂ ਸਗ੍ਗਕਣ੍ਡਸ੍ਸ ਆਦਿਮ੍ਹਿ ਪਤ੍ਥਿਯਵਸੇਨ [ਸਤ੍ਥਿਯਵਸੇਨ (ਕ.)] ਦਸ੍ਸੇਤੁਮਾਹ ‘‘ਬੁਦ੍ਧੋ’’ਚ੍ਚਾਦਿ. ਤਤ੍ਥ ਜਿਨਸਦ੍ਦਨ੍ਤਂ ਸਬ੍ਬਬੁਦ੍ਧਸ੍ਸ ਨਾਮਂ. ਸਬ੍ਬਂ ਬੁਦ੍ਧਵਾਤਿ ਬੁਦ੍ਧੋ, ਸਕਮ੍ਮਕਾ ਕਤ੍ਤਰਿ ਤਪਚ੍ਚਯੋ. ਵਿਸਿਟ੍ਠਾ ਬੁਦ੍ਧਿ ਅਸ੍ਸਤ੍ਥੀਤਿ ਬੁਦ੍ਧੋ, ਪਸਂਸਾਯਂ ਯਦਾਦਿਨਾ ਣਪਚ੍ਚਯੋ. ਦਾਨਸੀਲਕ੍ਖਨ੍ਧਾਦਯੋ ਠਾਨਾਟ੍ਠਾਨਞਾਣਾਦਯੋ ਵਾ ਦਸ ¶ ਬਲਾਨਿ ਯਸ੍ਸੇਤਿ ਦਸਬਲੋ. ਸਾਸਤਿ ਵਿਨਯਤਿ ਸਤ੍ਤੇਤਿ ਸਤ੍ਥਾ. ਸਬ੍ਬਧਮ੍ਮਜਾਨਨਸੀਲਤਾਯ ਸਬ੍ਬਞ੍ਞੂ. ਦ੍ਵਿਪਦਾਨਂ, ਦ੍ਵਿਪਦੇਸੁ ਵਾ ਉਤ੍ਤਮੋ ਦ੍ਵਿਪਦੁਤ੍ਤਮੋ, ਬੁਦ੍ਧਵਂਸਵਣ੍ਣਨਾਯਂ [ਬੁ. ਵਂ. ਅਟ੍ਠ. ੩੭ ਨਿਦਾਨਕਥਾ] ਨਿਦ੍ਧਾਰਣਲਕ੍ਖਣਾਯ ਛਟ੍ਠਿਯਾ ਸਮਾਸਸ੍ਸ ਪਟਿਸਿਦ੍ਧਤ੍ਤਾ ਨੇਦਿਸੀ ਨਿਦ੍ਧਾਰਣਲਕ੍ਖਣਾ ਛਟ੍ਠੀ ਗਮ੍ਯਤੇ. ਕਸ੍ਮਾ ਪਨ ਸੋ ਤਤ੍ਥ ਪਟਿਸਿਦ੍ਧੋਤਿ? ਸਮਾਸੇ ਯੇਭੁਯ੍ਯੇਨ ਨਿਦ੍ਧਾਰਣਲਕ੍ਖਣਤ੍ਤਯਸ੍ਸ ਵਿਕਲਾਭਾਵਤੋ. ਕਿਞ੍ਚਾਪਿ ਹਿ ਤਤ੍ਥ ਛਟ੍ਠਿਯਾਯੇਵ ਪਟਿਸਿਦ੍ਧੋ, ਸਤ੍ਤਮਿਯਾ ਪਨ ਨਿਦ੍ਧਾਰਣਲਕ੍ਖਣਾਯ ਵਿਜ੍ਜਮਾਨਤ੍ਤਾ ਤਸ੍ਸਾਪਿ ਸੋ ਪਟਿਸੇਧਨੀਯੋਯੇਵ. ਮੁਨੀਨਂ ਇਨ੍ਦੋ ਰਾਜਾ ਮੁਨਿਨ੍ਦੋ. ਪੁਞ੍ਞਞਾਣਭਾਗ੍ਯਾਦਯੋ ਭਗਂ ਨਾਮ, ਤਂਯੋਗਾ ਭਗਵਾ. ਨਾਥਤਿ ਸਤ੍ਤਾਨਂ ਹਿਤਂ ਯਾਚਤਿ, ਕਿਲੇਸੇ ਵਾ ਉਪਤਾਪੇਤਿ, ਸਤ੍ਤੇਸੁ ਵਾ ਇਸ੍ਸਰਿਯਂ ਕਰੋਤਿ, ਤੇਸਂ ਵਾ ਹਿਤਂ ਆਸੀਸਤੀਤਿ ਨਾਥੋ. ਬੁਦ੍ਧਧਮ੍ਮਸਮਨ੍ਤਞਾਣਦਿਬ੍ਬਚਕ੍ਖੁਸਙ੍ਖਾਤੇਹਿ ਪਞ੍ਚਹਿ ਚਕ੍ਖੂਹਿ ਸਮਨ੍ਨਾਗਤਤ੍ਤਾ ਚਕ੍ਖੁਮਾ. ਸਬ੍ਬਦਾ ਬ੍ਯਾਮਪ੍ਪਭਾਯ ਕਾਯਤੋ ਨਿਚ੍ਛਰਣਵਸੇਨ ਅਙ੍ਗੀਰਸੋ. ਸਬ੍ਬਾਕਾਰੇਨ ਸਬ੍ਬਧਮ੍ਮਾਨਂ ਮੁਨਨਤੋ ਮੁਨਿ, ਧਮ੍ਮਵਾਦੇਸੁ ਵਾ ਮੋਨਕਰਣਤੋ ਮੁਨਿ.

੨. ਲੋਕਾਨਂ, ਲੋਕੇਸੁ ਵਾ ਨਾਥੋ ਲੋਕਨਾਥੋ. ਅਤ੍ਤਨੋ ਅਧਿਕਸ੍ਸ ਕਸ੍ਸਚਿਪਿ ਉਤ੍ਤਮਪੁਗ੍ਗਲਸ੍ਸ ਅਭਾਵਤੋ ਅਨਧਿਵਰੋ, ਸਬ੍ਬਪਰਿਯਨ੍ਤਗਤਤ੍ਤਭਾਵਤ੍ਤਾ ਵਾ ਨਤ੍ਥਿ ਏਤਸ੍ਸ ਇਤੋ ਅਞ੍ਞੋ ਅਧਿਕੋ ਪਤ੍ਥੇਤਬ੍ਬੋ ਅਤ੍ਤਭਾਵੋਤਿ ਅਨਧਿਵਰੋ. ਮਹਨ੍ਤਾਨਂ ਸੀਲਕ੍ਖਨ੍ਧਾਦੀਨਂ ਏਸਨਤੋ ਗਵੇਸਨਤੋ ਮਹੇਸਿ, ਮਹਨ੍ਤੋ ਵਾ ਈਸੋ ਵਿਭੂਤਿ ਏਤਸ੍ਸਾਤਿ ਮਹੇਸਿ. ਹਿਤਂ ਵਿਨਯਤਿ ਅਨੁਸਾਸਤੀਤਿ ਵਿਨਾਯਕੋ, ਵਿਸਿਟ੍ਠਂ ਵਾ ਨਿਬ੍ਬਾਨਂ ਸਤ੍ਤੇ ਨੇਤੀਤਿ ਵਿਨਾਯਕੋ. ਸਬ੍ਬਧਮ੍ਮਦਸ੍ਸਨਸੀਲਤਾਯ ¶ ‘‘ਸਮਨ੍ਤਚਕ੍ਖੂ’ਤਿ ਲਦ੍ਧਨਾਮੇਨ ਸਬ੍ਬਞ੍ਞੁਤਞ੍ਞਾਣੇਨ ਸਮਨ੍ਨਾਗਤਤ੍ਤਾ ਸਮਨ੍ਤਚਕ੍ਖੁ. ਸੋਭਨਂ ਗਤਂ ਞਾਣਮਸ੍ਸ, ਸਂਸਾਰਾ ਵਾ ਸੁਟ੍ਠੁ ਅਪੁਨਰਾਵਤ੍ਤਿਯਾ ਗਤਵਾਤਿ ਸੁਗਤੋ, ਸਪਰਸੁਖਸਿਦ੍ਧਤ੍ਥਂ ਵਾ ਸਮ੍ਮਾ ਗਤਵਾਤਿ ਸੁਗਤੋ. ਭੂਰਿ ਬਹੁਕਾ ਪਞ੍ਞਾ ਯਸ੍ਸ, ਅਨਨ੍ਤਤ੍ਤਾ ਵਾ ਭੂਰਿਸਮਾ ਪਞ੍ਞਾ ਏਤਸ੍ਸਾਤਿ ਭੂਰਿਪਞ੍ਞੋ, ਅਨਨ੍ਤਾਯ ਮਹਾਪਥਵਿਯਾ ਸਦਿਸਪਞ੍ਞੋਤ੍ਯਤ੍ਥੋ. ਕਿਲੇਸਾਦਿਪਞ੍ਚਵਿਧਂ ਮਾਰਂ ਜਿਤਵਾਤਿ ਮਾਰਜਿ.

੩. ਨਰਾਨਂ ਸੀਹੋ ਸੇਟ੍ਠੋ, ਪਰਪ੍ਪਵਾਦਮਦ੍ਦਨਸਹਨਤੋ ਵਾ ਨਰੋ ਚ ਸੋ ਸੀਹੋ ਚਾਤਿ ਨਰਸੀਹੋ, ਸਹਤੀਤਿ ਸੀਹੋ, ਨਿਰੁਤ੍ਤਿਨਯੇਨ ਪੁਬ੍ਬਵਣ੍ਣਾਕਾਰਸ੍ਸੀਕਾਰੋ, ਸੀਹਸਦਿਸਤ੍ਤਾ ਵਾ ਨਰੋ ਚ ਸੋ ਸੀਹੋ ਚਾਤਿ ਨਰਸੀਹੋ. ਯਥਾ ਹਿ ਸੀਹੋ ਮਿਗਰਾਜਾ ਚਤੂਹਿ ਦਾਠਾਹਿ ਸਬ੍ਬਸਤ੍ਤੇ ਹਿਂਸਤਿ ਅਭਿਭਵਤਿ, ਤਥਾ ਭਗਵਾਪਿ ਸੀਲਪਞ੍ਞਾਪੁਞ੍ਞਿਦ੍ਧਿਸਙ੍ਖਾਤੇਹਿ ਚਤੂਹਿ ਧਮ੍ਮੇਹਿ ਸਬ੍ਬਂ ਲੋਕਂ ਹਿਂਸਤਿ ਅਭਿਭਵਤੀਤਿ ਓਪਮ੍ਮਸਂਸਨ੍ਦਨਂ. ਸਬ੍ਬਪੁਰਿਸਾਨਂ ਸੇਟ੍ਠਤ੍ਤਾ ਨਰਵਰੋ, ਨਰਾਨਂ ਵਾ ਦੇਵਮਨੁਸ੍ਸਾਨਂ ਸੇਟ੍ਠਤ੍ਤਾ ਨਰਵਰੋ, ‘‘ਸੀਲੇ ਪਤਿਟ੍ਠਾਯ ਨਰੋ ਸਪਞ੍ਞੋ’’ਤਿ [ਸਂ. ਨਿ. ੧.੨੩] ਏਤ੍ਥ ਵਿਯ ਨਰਸਦ੍ਦੇਨ ਸਬ੍ਬੇ ਦੇਵਮਨੁਸ੍ਸਾ ਸਙ੍ਗਹਿਤਾ. ਧਮ੍ਮਸ੍ਸ ਰਾਜਪਵਤ੍ਤਕਤ੍ਤਾ ਧਮ੍ਮਰਾਜਾ, ਧਮ੍ਮਤੋ ਵਾ ਸਦੇਵਕਸ੍ਸ ਲੋਕਸ੍ਸ ਰਾਜਾ ਜਾਤੋ, ਨਾਧਮ੍ਮਤੋਤਿ ਧਮ੍ਮਰਾਜਾ, ਧਮ੍ਮੇਨ ਰਾਜਤੀਤਿ ਵਾ ਧਮ੍ਮਰਾਜਾ, ਧਮ੍ਮਪਾਲਕੋ ਵਾ ਰਾਜਾ ਧਮ੍ਮਰਾਜਾ. ਮੁਨੀਨਂ ਸੇਟ੍ਠਤ੍ਤਾ ਮਹਾਮੁਨਿ. ਦੇਵਾਨਂ ਅਤਿਦੇਵੋਤਿ ਦੇਵਦੇਵੋ, ਦੇਵਾਨਂ ਅਧਿਕੋ ਵਾ ਦੇਵੋ ਦੇਵਦੇਵੋ. ਲੋਕਾਨਂ ਗਰੁ ਆਚਰਿਯੋ ਲੋਕਗਰੁ, ਲੋਕਾਨਂ ਗਰੁਭਾਜਨਤ੍ਤਾ ਵਾ ਲੋਕਗਰੁ. ਧਮ੍ਮਸ੍ਸ ਸਾਮਿ ਯਥਾਵੁਤ੍ਤਨਯੇਨ ਧਮ੍ਮਸ੍ਸਾਮੀ. ਯਥਾ ਪੁਰਿਮਕਾ ਸਮ੍ਮਾਸਮ੍ਬੁਦ੍ਧਾ ¶ ਸਬ੍ਬਞ੍ਞੁਭਾਵਂ ਗਤਾ, ਤਥਾ ਅਯਮ੍ਪਿ ਗਤੋਤਿ ਤਥਾਗਤੋ, ਤਥਾ ਵਾ ਸਮ੍ਮਾ ਗਤਂ ਞਾਣਮਸ੍ਸਾਤਿ ਤਥਾਗਤੋਤ੍ਯਾਦਿਨਾ ਤਥਾਗਤਸਦ੍ਦਸ੍ਸ ਅਤ੍ਥਪਪਞ੍ਚੋ ਤਤ੍ਥ ਤਤ੍ਥ [ਦੀ. ਨਿ. ਅਟ੍ਠ. ੧.੭; ਮ. ਨਿ. ਅਟ੍ਠ. ੧.੧੨; ਸਂ. ਨਿ. ਅਟ੍ਠ. ੨.੩.੭੮; ਅ. ਨਿ. ਅਟ੍ਠ. ੧.੧.੭੦; ਉਦਾ. ਅਟ੍ਠ. ੧੮; ਇਤਿਵੁ. ਅਟ੍ਠ. ੩੮; ਥੇਰਗਾ. ਅਟ੍ਠ. ੧.੩; ਬੁ. ਵਂ. ਅਟ੍ਠ. ੨ ਨਿਦਾਨ ਕਥਾ; ਮਹਾਨਿ. ਅਟ੍ਠ. ੧੪; ਪਟਿ. ਸ. ਅਟ੍ਠ. ੧.੧.੩੭; ਦੀ. ਨਿ. ਟੀ. ੧.੭; ਦੀ. ਨਿ. ਅਭਿ. ਟੀ. ੧.੭; ਮ. ਨਿ. ਟੀ. ੧.੧੨; ਅ. ਨਿ. ਟੀ. ੧.੧.੧੭੦] ਵੁਤ੍ਤਨਯੇਨ ਵੇਦਿਤਬ੍ਬੋ.

੪. ਸਯਮੇਵ ਸਮ੍ਮਾਸਮ੍ਬੁਦ੍ਧੋ ਭਵਤਿ, ਅਨਞ੍ਞਬੋਧਿਤੋਤਿ ਸਯਮ੍ਭੂ. ਸਮ੍ਮਾ ਅਵਿਪਰੀਤੇਨ ਸ’ਮਤ੍ਤਨਾਯੇਵ ਸਬ੍ਬਧਮ੍ਮੇ ਬੁਜ੍ਝਤਿ ਅਬੁਜ੍ਝਿ ਬੁਜ੍ਝਿਸ੍ਸਤੀਤਿ ਸਮ੍ਮਾਸਮ੍ਬੁਦ੍ਧੋ. ਸੇਟ੍ਠਪਞ੍ਞਾਯ ਸਮਨ੍ਨਾਗਤਤ੍ਤਾ ਵਰਪਞ੍ਞੋ. ਸਤ੍ਤੇ ਸਂਸਾਰਣ੍ਣਵਤੋ ਨਿਬ੍ਬਾਨਪਾਰਂ ਨੇਤੀਤਿ ਨਾਯਕੋ. ਜਿਤਪਞ੍ਚਮਾਰਤ੍ਤਾ ਜਿਨੋ. ਏਤ੍ਥ ਚ ਸਮਨ੍ਤਭਦ੍ਰ, ਲੋਕਜਿ, ਛਲ਼ਭਿਞ੍ਞ, ਅਦ੍ਵਯਵਾਦੀ, ਸਿਰੀਘਨ, ਅਕਨਿਟ੍ਠਗ [ਅਕਨਿਟ੍ਠਕ (ਕ.)], ਧਮ੍ਮਚਕ੍ਕ, ਰਾਗਾਸਨਿ [ਰਾਗਾਰਿ (ਕ.)], ਤਿਸਰਣ, ਖਸਮ [ਖਣਸਮ (ਕ.) ਖੇਨ ਆਕਾਸੇਨ ਸਮਾ ਤੁਲ੍ਯਾ ਗੁਣਾ ਯਸ੍ਸ ਸੋ (ਤਿਕਣ੍ਡਸੇਸਟੀਕਾ ੧.੧.੮)], ਗੁਣਾਕਰ, ਮਹਾਸੁਖ, ਵਜਿਰ, ਮੇਤ੍ਤਾਬਲ, ਅਸਮ, ਜਿਤਾਰਿ, ਮਹਾਬੋਧਿ, ਧਮ੍ਮਧਾਤੁ, ਸੇਤਕੇਤੁ, ਖਜਿ, ਤਿਮੁਤ੍ਤਿ [ਖਜਿਰਵਿਮੁਤ੍ਤਿ (ਕ.) ਖੇਨ ਆਕਾਸਜ੍ਝਾਨੇਨ – ਸੁਞ੍ਞਭਾਵਨਾਯਾਤਿ ਭਾਵੋ – ਜਯਤਿ ਸਂਸਾਰਭਾਵਂ ਯੋ, ਜਿ+ ਕ੍ਵਿਪ ਸੁਞ੍ਞਵਾਦੀਨਂ ਬੋਦ੍ਧਾਨਂ ‘‘ਸੁਞ੍ਞਂ ਸਬ੍ਬਮੇਵ’’ ਇਤ੍ਯਾਕਾਰਭਾਵਨਾਯ ਸਂਸਾਰਭਾਵਜਯਨਤੋ ਤਥਾਭਾਵੋ (ਸਦ੍ਦਕਪ੍ਪਦ੍ਦੁਮ)], ਦਸਭੂਮਿਸ੍ਸਰ, ਪਞ੍ਚਞਾਣ, ਬਹੁਕ੍ਖਮ, ਸਮ੍ਬੁਦ੍ਧ, ਸਬ੍ਬਦਸ੍ਸੀ, ਮਹਾਬਲ, ਸਬ੍ਬਬੋਧ ¶ [ਸਮ੍ਬੋਧਧਮ੍ਮ (ਕ.)], ਧਮ੍ਮਕਾਯ, ਸਂਗੁਤ੍ਤ, ਅਰਹ, ਦ੍ਵਾਦਸਕ੍ਖ, ਵੀਤਰਾਗਾਦੀਨਿਪਿ ਅਨੇਕਾਨਿ ਬੁਦ੍ਧਸ੍ਸ ਨਾਮਾਨਿ [ਇਮਾਨਿ ਪਰਿਯਾਯਵਚਨਾਨਿ ਪਾਯਸੋ ਅਮਰਕੋਸਤੋ, ਤਿਕਣ੍ਡਸੇਸਾਭਿਧਾਨਤੋ ਚ ਗਹਿਤਾਨਿ]. ਸਮਨ੍ਤਤੋ ਪੁਞ੍ਞਸਮ੍ਭਾਰਤੋ ਚ ਞਾਣਸਮ੍ਭਾਰਤੋ ਚ ਭਦ੍ਰੋ ਸੇਟ੍ਠੋਤਿ ਸਮਨ੍ਤਭਦ੍ਰੋਤ੍ਯਾਦੀਨਿ ਚ ਨਿਬ੍ਬਚਨਾਨਿ ਵੇਦਿਤਬ੍ਬਾਨਿ. ਵੁਤ੍ਤਞ੍ਚ –

‘‘ਅਸਙ੍ਖ੍ਯੇਯ੍ਯਾਨਿ ਨਾਮਾਨਿ, ਸਗੁਣੇਨ ਮਹੇਸਿਨੋ;

ਗੁਣੇਨ ਨਾਮਮੁਦ੍ਧੇਯ੍ਯਂ, ਅਪਿ ਨਾਮਸਹਸ੍ਸਤੋ’’ਤਿ [ਧ. ਸ. ਅਟ੍ਠ. ੧੩੧੩; ਉਦਾ. ਅਟ੍ਠ. ੫੩; ਪਟਿ. ਮ. ਅਟ੍ਠ. ੧.੧.੭੬; ਨੇਤ੍ਤਿ. ਅਟ੍ਠ. ੩੮].

ਤਤ੍ਥ ਉਦ੍ਧੇਯ੍ਯਨ੍ਤਿ ਉਦ੍ਧਰਿਤਬ੍ਬਂ. ਅਪਿ ਨਾਮਸਹਸ੍ਸਤੋਤਿ ਅਨੇਕੇਹਿ ਨਾਮਸਹਸ੍ਸੇਹੀਤ੍ਯਤ੍ਥੋ. ਸਬ੍ਬਬੁਦ੍ਧਨਾਮਕਥਾ.

ਸਕ੍ਕਾਦਿਸਤ੍ਤਕਂ ਅਮ੍ਹਾਕਂ ਬੁਦ੍ਧਸ੍ਸ ਨਾਮਂ. ਪਞ੍ਚਮਾਰੇ ਜੇਤੁਂ ਸਕ੍ਕੋਤੀਤਿ ਸਕ੍ਕੋ, ਭਗਿਨੀਹਿ ਸਦ੍ਧਿਂ ਸਂਵਾਸਕਰਣਤੋ ਵਾ ਲੋਕਮਰਿਯਾਦਂ ਛਿਨ੍ਦਿਤੁਂ ਸਕ੍ਕੁਣਨ੍ਤੀਤਿ ਸਕ੍ਕਾ, ਸਾਕਿਯਰਾਜੂਨਂ ਪੁਬ੍ਬਰਾਜਾਨੋ, ਤੇਸਂ ਵਂਸਭੂਤਤ੍ਤਾ ਭਗਵਾ ‘‘ਸਕ੍ਕੋ’’ਤਿ ਵੁਚ੍ਚਤਿ. ਅਸ੍ਸ ਚ ਜਾਤਿਸਮਨਨ੍ਤਰਂ ਨਿਧਯੋ ਰਤਨਾਨਿ ਚ ਉਪ੍ਪਨ੍ਨਾਨੀਤਿ ਸਿਦ੍ਧਤ੍ਥੋਤਿ ਨਾਮਂ ਕਤਂ, ਸਬ੍ਬੇਸਂ ਵਾ ਲੋਕਾਨਂ ਸਿਦ੍ਧਾ ਅਤ੍ਥਾ ਏਤੇਨ ਹੇਤੁਭੂਤੇਨਾਤਿ ਸਿਦ੍ਧਤ੍ਥੋ. ਸੁਦ੍ਧਂ ਓਦਨਂ ਅਸ੍ਸਾਤਿ ਸੁਦ੍ਧੋਦਨੋ, ਤਸ੍ਸ ਅਪਚ੍ਚਂ ਸੁਦ੍ਧੋਦਨਿ. ਗੋਤਮਵਂਸਸ੍ਸ ਕਪਿਲਸ੍ਸ ਮੁਨਿਨੋ ਸਿਸ੍ਸਤਾਯ ਸਕ੍ਯਾ ਗੋਤਮਾ, ਭਗਵਾ ਪਨ ਗੋਤਮਵਂਸੇ ਉਪ੍ਪਨ੍ਨਤ੍ਤਾ ਗੋਤਮਸ੍ਸ ਮੁਨਿਨੋ ਅਪਚ੍ਚਂ ਗੋਤਮੋ.

੫. ਸਕ੍ਯਵਂਸਾਵਤਿਣ੍ਣੋ [ਸਕ੍ਯਵਂਸਾ ਪਿਤ੍ਥਿਣ੍ਣੋ (ਕ.)] ਸਕ੍ਯਮੁਨਿ ਯੋ ਬੁਦ੍ਧੋ ਸੋ ਸਕ੍ਯਸੀਹੋ, ਸਕ੍ਯਾਨਂ ਵਾ ਸੇਟ੍ਠਤ੍ਤਾ ਸਕ੍ਯਸੀਹੋ. ਸਕ੍ਯਕੁਲਤੋ ¶ ਜਾਤੋ ਮੁਨਿ ਸਕ੍ਯਮੁਨਿ. ਸੂਰਿਯਦੇਵਪੁਤ੍ਤਸ੍ਸ ਸੋਤਾਪਨ੍ਨਤ੍ਤਾ ਭਗਵਾ ਆਦਿਚ੍ਚਬਨ੍ਧੂਤਿ ਵੁਚ੍ਚਤਿ, ਆਦਿਚ੍ਚਸ੍ਸ ਬਨ੍ਧੁ ਞਾਤੀਤਿ ਨਿਬ੍ਬਚਨਂ ਕਤ੍ਵਾ. ਏਤ੍ਥਪਿ ਮਾਯਾਦੇਵੀਸੁਤ, ਮਹਾਸਮਣ, ਕਲਿਸਾਸਨਾਦੀਨਿ [ਕੁਲਿਸਾਸਨਾਦੀਨਿ (ਕ.) ਕਲਿਮ੍ਹਿ ਯੁਗੇ ਸਾਸਨਂ ਅਨੁਸਾਸਨਂ ਯਸ੍ਸ ਸੋ, ਅਥਵਾ ਕਲਿਮ੍ਹਿ ਪਾਪੇ ਵਿਵਾਦੇ ਵਾ ਸਾਸਨਂ ਹਿਤਸਾਧਨਂ ਯਸ੍ਸ ਸੋ (ਤਿਕਣ੍ਡਸੇਸਟੀਕਾ ੧.੧.੧੧)] ਗੋਤਮਪਰਿਯਾਯਾਨਿ ਵੇਦਿਤਬ੍ਬਾਨਿ.

੬. ਮੋਕ੍ਖਾਦੀਨਿ ਨਿਬ੍ਬੁਤਿਪਰਿਯਨ੍ਤਾਨਿ ਛਚਤ੍ਤਾਲੀਸ ਨਾਮਾਨਿ ਨਿਬ੍ਬਾਨਸ੍ਸ ਨਾਮਾਨਿ. ਮੁਚ੍ਚਨ੍ਤਿ ਏਤ੍ਥ, ਏਤੇਨ ਵਾ ਰਾਗਾਦੀਹੀਤਿ ਮੋਕ੍ਖੋ. ਨਿਰੁਜ੍ਝਨ੍ਤਿ ਏਤ੍ਥ ਰਾਗਾਦਯੋਤਿ ਨਿਰੋਧੋ, ਰੁਨ੍ਧਤਿ ਵਾ ਨਿਬ੍ਬਾਨਨ੍ਤਿ ਰੋਧੋ, ਕਿਲੇਸੋ, ਸੋ ਏਤ੍ਥ ਨਤ੍ਥੀਤਿ ਨਿਰੋਧੋ. ਵਾਨਸਙ੍ਖਾਤਾਯ ਤਣ੍ਹਾਯ ਨਿਕ੍ਖਨ੍ਤਤ੍ਤਾ, ਨਿਬ੍ਬਾਤਿ ਵਾ ਏਤੇਨ ਰਾਗਗ੍ਗਿਆਦਿਕੋਤਿ ਨਿਬ੍ਬਾਨਂ. ਯਥਾ ਪਕਤਿਦੀਪੋ ਨਦੀਸੋਤੇਨ ਵੁਯ੍ਹਮਾਨਾਨਂ ਪਤਿਟ੍ਠਾ ਹੋਤਿ, ਏਵਮਿਦਮ੍ਪਿ ਨਿਬ੍ਬਾਨਂ ਸਂਸਾਰਮਹੋਘੇਨ ਵੁਯ੍ਹਮਾਨਾਨਂ ਪਤਿਟ੍ਠਾਤਿ ਦੀਪੋ ਵਿਯਾਤਿ ਦੀਪੋ, ਨਿਕ੍ਕਿਲੇਸਾਨਂ ਵਾ ਪਦੀਪਸਦਿਸਭਾਵਕਰਣਤੋ ਦੀਪੋ ਵਿਯਾਤਿ ਦੀਪੋ, ‘‘ਨਿਬ੍ਬਨ੍ਤਿ ਧੀਰਾ ਯਥਯਂ ਪਦੀਪੋ’’ਤਿ ਹਿ ਵੁਤ੍ਤਂ, ਦਿਪ੍ਪਤਿ ਵਾ ਅਰਿਯਾਨਂ ਞਾਣਚਕ੍ਖੁਸ੍ਸੇਵ ਪਕਾਸਤੀਤਿ ਦੀਪੋ. ਤਣ੍ਹਾਨਂ ਖਯਹੇਤੁਤ੍ਤਾ ਤਣ੍ਹਕ੍ਖਯੋ. ਰਾਗਾਦੀਨਂ ਪਟਿਪਕ੍ਖਤ੍ਤਾ, ਉਤ੍ਤਮਟ੍ਠੇਨ ਵਾ ਪਰਂ. ਤਾਯਤਿ ਰਕ੍ਖਤਿ ਅਪਾਯਾਦਿਤੋਤਿ ਤਾਣਂ. ਨਿਲੀਯਨ੍ਤਿ ਏਤ੍ਥ ਸਂਸਾਰਭਯਭੀਰੁਕਾਤਿ ਲੇਣਂ. ਨਤ੍ਥਿ ਦੀਘਰਸ੍ਸਾਦਿਕਂ ਰੂਪਂ ਸਣ੍ਠਾਨਮੇਤਸ੍ਸਾਤਿ ਅਰੂਪਂ, ਅਪ੍ਪਚ੍ਚਯਤ੍ਤਾ ਵਾ ਅਰੂਪਂ. ਰਾਗਾਦੀਨਂ ਸਨ੍ਤਕਰਣਤ੍ਤਾ ਸਨ੍ਤਂ. ਰਾਗਕ੍ਖਯਹੇਤੁਭਾਵੇਨ ਅਵਿਪਰੀਤਤ੍ਤਾ, ਚਤੁਸਚ੍ਚਪਰਿਯਾਪਨ੍ਨਤ੍ਤਾ ¶ ਵਾ ਸਚ੍ਚਂ. ਨਤ੍ਥਿ ਆਲਯੋ ਤਣ੍ਹਾ ਏਤ੍ਥਾਤਿ ਅਨਾਲਯਂ.

੭. ਪਚ੍ਚਯੇਹਿ ਨ ਸਙ੍ਕਰੀਯਤੇਤਿ ਅਸਙ੍ਖਤਂ. ਸਿਵਂ ਖੇਮਭਾਵਂ ਕਰੋਤੀਤਿ ਸਿਵਂ, ਸਂਸਾਰਭੀਰੁਕੇਹਿ ਸੇਵਿਤਬ੍ਬਤ੍ਤਾ ਵਾ ਸਿਵਂ, ਯਦਾਦਿਨਾ ਵਪਚ੍ਚਯੋ. ਨਤ੍ਥਿ ਏਤ੍ਥ ਮਤਂ ਮਰਣਂ, ਏਤਸ੍ਮਿਂ ਵਾ ਅਧਿਗਤੇ ਪੁਗ੍ਗਲਸ੍ਸ ਮਤਨ੍ਤਿ ਅਮਤਂ. ਪਸ੍ਸਿਤੁਂ ਸੁਦੁਕ੍ਕਰਤਾਯ ਸੁਦੁਦ੍ਦਸਂ. ਪਰੇਹਿ ਉਤ੍ਤਮੇਹਿ ਅਰਿਯਪੁਗ੍ਗਲੇਹਿ ਅਯਿਤਬ੍ਬਂ ਗਨ੍ਤਬ੍ਬਨ੍ਤਿ ਪਰਾਯਣਂ, ਪਰਤੋ ਵਾ ਅਯਿਤਬ੍ਬਂ ਗਨ੍ਤਬ੍ਬਨ੍ਤਿ ਪਰਾਯਣਂ, ਸਂਸਾਰਸਭਾਵਤੋ ਅਞ੍ਞਸਭਾਵਵਸੇਨ ਬੁਜ੍ਝਿਤਬ੍ਬਨ੍ਤ੍ਯਤ੍ਥੋ, ਪਰੇਸਂ ਵਾ ਅਰਿਯਪੁਗ੍ਗਲਾਨਂ ਪਤਿਟ੍ਠਾਨਤ੍ਤਾ ਪਰਾਯਣਂ. ਯੇਨ ਚਤ੍ਤਾਰੋ ਮਗ੍ਗਾ ਓਧਿਸੋ ਕਿਲੇਸੇ ਸਰਨ੍ਤਿ ਹਿਂਸਨ੍ਤਿ ਤਂ ਧਮ੍ਮਂ ਸਰਣਂ, ਅਰਿਯਾਨਂ ਵਸਿਤਗੇਹਤ੍ਤਾ ਵਾ ਸਰਣਂ. ਈਤਿ ਉਪਦ੍ਦਵੋ ਪਵਾਸੋ ਚ ਤੇ ਯਤ੍ਥ ਨ ਸਨ੍ਤਿ, ਤਂ ਅਨੀਤਿਕਂ, ਸਤ੍ਤੇ ਸਂਸਾਰਂ ਨੇਤੀਤਿ ‘‘ਨੀਤੀ’’ਤਿ ਲਦ੍ਧਨਾਮਾਯ ਤਣ੍ਹਾਯ ਅਭਾਵਤੋ ਵਾ ਅਨੀਤਿਕਂ. ਆਸਵਾਨਂ ਅਨਾਰਮ੍ਮਣਤਾਯ ਅਨਾਸਵਂ. ਨਿਚ੍ਚਟ੍ਠੇਨ ਧੁਵਂ, ਧਵਤਿ ਵਾ ਮਗ੍ਗਾਨਮਾਰਮ੍ਮਣਭਾਵਂ ਗਚ੍ਛਤੀਤਿ ਧੁਵਂ, ‘‘ਧੁ ਗਤਿਥੇਰਿਯੇਸੂ’’ਤਿ ਹਿ ਕਾਤਨ੍ਤਧਾਤੁ. ਦਟ੍ਠਬ੍ਬਸਭਾਵਸ੍ਸ ਨਤ੍ਥਿਤਾਯ ਅਨਿਦਸ੍ਸਨਂ. ਪਚ੍ਚਯੇਹਿ ਅਕਤਤ੍ਤਾ ਅਕਤਂ. ਸਦਾ ਵਿਜ੍ਜਮਾਨਤ੍ਤਾ ਅਪਲੁਜ੍ਜਨਸਭਾਵਂ ਗਚ੍ਛਤਿ, ਤੇਨ ਵਾ ਵਿਞ੍ਞਾਯਤੀਤਿ ਅਪਲੋਕਿਤਂ. ‘‘ਇਤਂ ਗਤੇ ਚ ਵਿਞ੍ਞਾਤੇ’’ਤਿ ਹਿ ਨਾਨਤ੍ਥਸਙ੍ਗਹੇ ਵੁਤ੍ਤਂ. ਲੋਕਸਭਾਵੇਨ ਵਾ ਵਿਞ੍ਞਾਯਤੀਤਿ ਲੋਕਿਤਂ, ਤਬ੍ਭਾਵਾਪਗਮਨਤੋ ਅਪਲੋਕਿਤਂ. ਸਣ੍ਹਟ੍ਠੇਨ ਨਿਪੁਣਂ, ਯੇਨ ਵਾ ਚਤ੍ਤਾਰੋ ਮਗ੍ਗਾ ਓਧਿਸੋ ਕਿਲੇਸੇ ਨਿਸ੍ਸੇਸਤੋ ਪੁਨਨ੍ਤਿ ਸੋਧੇਨ੍ਤਿ, ਤਂ ਨਿਪੁਣਂ. ਨ ਕਦਾਚਿਪਿ ਯਸ੍ਸ ਅਨ੍ਤੋ ਵਿਨਾਸੋ ਅਤ੍ਥਿ, ਤਂ ਅਨਨ੍ਤਂ. ਖਰਨ੍ਤਿ ¶ ਵਿਨਸ੍ਸਨ੍ਤੀਤਿ ਖਰਾ, ਸਙ੍ਖਤਾ, ਤੇ ਯਤ੍ਥ ਨ ਸਨ੍ਤਿ, ਤਂ ਅਕ੍ਖਰਂ, ਖਰਸਙ੍ਖਾਤਾਨਂ ਵਾ ਸਙ੍ਖਤਾਨਂ ਪਟਿਪਕ੍ਖਤ੍ਤਾ ਅਕ੍ਖਰਂ. ਏਤ੍ਥ ਚ ਅਸਙ੍ਖਤਨ੍ਤ੍ਯਾਦਿਕਾ ਗਾਥਾ ਰੁਚਿਰਾ ਨਾਮ.

੮. ਸਬ੍ਬਦੁਕ੍ਖਾਨਂ ਖਯਕਾਰਣਤ੍ਤਾ ਦੁਕ੍ਖਕ੍ਖਯੋ. ਬ੍ਯਾਬਾਧਤੀਤਿ ਬ੍ਯਾਬਾਧੋ, ਸੋ ਏਵ ਬ੍ਯਾਬਾਦੋ, ਦੁਕ੍ਖਸਚ੍ਚਂ, ਤਸ੍ਸ ਭਾਵੋ ਬ੍ਯਾਬਜ੍ਜਂ, ਦੁਕ੍ਖਸ੍ਸ ਪੀਲ਼ਨਾਦ੍ਯਤ੍ਥੋ, ਤਂ ਯਤ੍ਥ ਨਤ੍ਥਿ, ਤਂ ਅਬ੍ਯਾਬਜ੍ਜਂ, ਅਬ੍ਯਾਪਜ੍ਝਨ੍ਤਿਪਿ ਪਾਠੋ, ਤਤ੍ਥ ਬ੍ਯਾਪਜ੍ਜਨ੍ਤਿ ਵਿਨਸ੍ਸਨ੍ਤੀਤਿ ਬ੍ਯਾਪਾਦਾ, ਸਙ੍ਖਤਾ, ਤੇਸਂ ਭਾਵੋ ਬ੍ਯਾਪਜ੍ਝਂ, ਸਙ੍ਖਤਾਨਂ ਵਿਨਸ੍ਸਨਭਾਵੋ, ਤਂ ਯਤ੍ਥ ਨਤ੍ਥਿ, ਤਂ ਅਬ੍ਯਾਪਜ੍ਝਨ੍ਤਿ ਏਵਮਤ੍ਥੋ ਵੇਦਿਤਬ੍ਬੋ, ਨਿਰੁਤ੍ਤਿਨਯੇਨ ਚ ਦ੍ਯਸ੍ਸ ਜ੍ਝਕਾਰੋ. ਕਿਲੇਸਕਮ੍ਮਵਿਪਾਕਵਟ੍ਟਾਨਮਭਾਵਤੋ ਵਿਵਟ੍ਟਂ. ਨਿਬ੍ਭਯਟ੍ਠੇਨ ਖੇਮਂ, ਖਯਨ੍ਤਿ ਵਾ ਏਤੇਨ ਰਾਗਗ੍ਗਿਆਦਯੋਤਿ ਖੇਮਂ. ਸਙ੍ਖਾਰੇਹਿ ਅਸਮ੍ਮਿਸ੍ਸਤਾਯ, ਵਿਸਂਯੋਗਤਾਯ ਚ ਕੇਵਲਂ. ਅਪਵਜ੍ਜਨ੍ਤਿ ਸਙ੍ਖਾਰਾ ਏਤਸ੍ਮਾਤਿ ਅਪਵਗ੍ਗੋ. ਯਸ੍ਮਾ ਰਾਗੋ ਵਿਗਤੋ, ਸੋ ਵਿਰਾਗੋ. ਪਧਾਨਭਾਵਂ ਨੀਤਂ ਪਣੀਤਂ. ਨਤ੍ਥਿ ਏਤਸ੍ਮਿਂ ਅਧਿਗਤੇ ਅਰਿਯਾਨਂ ਚੁਤਂ ਚਵਨਨ੍ਤਿ ਅਚ੍ਚੁਤਂ. ਅਰਿਯੇਹਿ ਪਜ੍ਜਿਤਬ੍ਬਤ੍ਤਾ ਗਨ੍ਤਬ੍ਬਤ੍ਤਾ ਪਦਂ.

੯. ਚਤ੍ਤਾਰੋ ਯੋਗਾ ਖਯਨ੍ਤਿ ਏਤੇਨਾਤਿ ਯੋਗਕ੍ਖੇਮੋ. ਪਾਰੇਤਿ ਸਕ੍ਕੋਤਿ ਸਂਸਾਰਦੁਕ੍ਖਸਨ੍ਤਾਪਂ ਸਮੇਤੁਨ੍ਤਿ ਪਾਰਂ, ‘‘ਸਂਸਾਰਦੁਕ੍ਖਸਨ੍ਤਾਪਤਤ੍ਤਸ੍ਸਾ’ਲਂ ਸਮੇਤਵੇ’’ਤਿ ਹਿ ਵੁਤ੍ਤਂ. ਪਗਤਾ ਸਂਸਾਰਚਕ੍ਕਸ੍ਸ ਅਰਾ ਏਤਸ੍ਮਾਤਿ ਵਾ ਪਾਰਂ. ਕਿਲੇਸੇਹਿ ਮੁਚ੍ਚਨਤੋ ਮੁਤ੍ਤਿ, ਨਿਕਾਯਨ੍ਤਰਿਯਾ ਪਨ ‘‘ਸਰੀਰੇਨ੍ਦ੍ਰਿਯੇਹਿ ਅਤ੍ਤਨੋ ਮੁਤ੍ਤਤ੍ਤਾ ਮੁਤ੍ਤੀ’’ਤਿ ਵਦਨ੍ਤਿ. ਕਿਲੇਸਸਮਨਤੋ ਸਨ੍ਤਿ. ਵਿਸੁਜ੍ਝਨ੍ਤਿ ਸਤ੍ਤਾ ਏਤਾਯ ਰਾਗਾਦਿਮਲੇਹੀਤਿ ਵਿਸੁਦ੍ਧਿ ¶ . ਸਬ੍ਬਸਙ੍ਖਾਰਾ ਵਿਮੁਚ੍ਚਨਤੋ ਵਿਮੁਤ੍ਤਿ. ਅਸਙ੍ਖਤਮੇਵ ਨਿਸ੍ਸਤ੍ਤਨਿਜ੍ਜੀਵਟ੍ਠੇਨ, ਸਨ੍ਤਿਲਕ੍ਖਣਧਾਰਣਤੋ ਵਾ ਧਾਤੂਤਿ ਅਸਙ੍ਖਤਧਾਤੁ. ਸੁਜ੍ਝਨ੍ਤਿ ਸਤ੍ਤਾ ਏਤਾਯ ਰਾਗਾਦਿਮਲੇਹੀਤਿ ਸੁਦ੍ਧਿ. ਆਵੁਣੋਤਿ ਸਂਸਾਰਤੋ ਨਿਕ੍ਖਨ੍ਤੁਮਪ੍ਪਦਾਨਵਸੇਨਾਤਿ ਵੁਤਿ, ਤਣ੍ਹਾ, ਤਤੋ ਨਿਕ੍ਖਨ੍ਤਤ੍ਤਾ ਨਿਬ੍ਬੁਤਿ.

੧੦. ਖੀਣਾਸਵਾਦਿਚਤੁਕ੍ਕਂ ਅਰਹਨ੍ਤੇ. ਖੀਣਾ ਆਸਵਾ ਯਸ੍ਸ ਸੋ ਖੀਣਾਸਵੋ. ਤਤੋ ਉਤ੍ਤਰਿ ਕਰਣੀਯਾਭਾਵਤੋ ਨਤ੍ਥਿ ਸਿਕ੍ਖਾ ਏਤਸ੍ਸਾਤਿ ਅਸੇਕ੍ਖੋ. ਵਿਗਤੋ ਰਾਗੋ ਯਸ੍ਮਾਤਿ ਵੀਤਰਾਗੋ. ਸਂਸਾਰਚਕ੍ਕਸ੍ਸ ਅਰੇ ਹਤਵਾਤਿ ਅਰਹਾ, ‘‘ਅਰਹ’’ਨ੍ਤਿਪਿ ਪਾਠੋ.

ਦੇਵਲੋਕਾਦਿਪਞ੍ਚਕਂ ਸਗ੍ਗਸ੍ਸ ਨਾਮਂ. ਦੇਵਾਨਂ ਲੋਕੋ ਭਵਨਂ ਦੇਵਲੋਕੋ. ਦਿਬ੍ਬਨ੍ਤ੍ਯਤ੍ਰ ਦਿਵੋ. ਅਜ ਗਤਿਯਂ, ਅਨੇਕਤ੍ਥਤ੍ਤਾ ਠਿਤਿਯਂ, ਚਿਰਂ ਠਿਯਤੇ ਅਸ੍ਮਿਨ੍ਤਿ ਅਗ੍ਗੋ, ਠਾਨਂ, ਸੋਭਨੋ ਅਗ੍ਗੋ ਸਗ੍ਗੋ, ਪੁਞ੍ਞੇਨ ਵਾ ਸੁਟ੍ਠੁ ਅਜੀਯਤੇਤਿ ਸਗ੍ਗੋ. ਤਯੋ ਦੇਵਾ ਦਿਬ੍ਬਨ੍ਤ੍ਯਤ੍ਰੇਤਿ ਤਿਦਿਵੋ. ਪਧਾਨਤੋ ਹਿ ਤੀਹਿ ਹਰਿਹਰਬ੍ਰਹ੍ਮੇਹਿ ਬ੍ਯਪਦੇਸੋ. ਤਿਦਸਾਨਂ ਦੇਵਾਨਂ ਆਲਯੋ ਠਾਨਨ੍ਤਿ ਤਿਦਸਾਲਯੋ. ਕੇਚਿ ਪਨ ‘‘ਦੇਵਲੋਕਾਦਿਤ੍ਤਯਂ ਸਗ੍ਗਸਾਮਞ੍ਞਸ੍ਸ ਨਾਮਂ, ਤਿਦਿਵਾਦਿਦ੍ਵਯਂ ਤਾਵਤਿਂਸਸ੍ਸਾ’’ਤਿ ਵਦਨ੍ਤਿ, ਤਂ ਅਮਰਕੋਸਾਦੀਸੁ ਸਾਮਞ੍ਞਸ੍ਮਿਂਯੇਵ ਦ੍ਵਿਨ੍ਨਮ੍ਪਿ ਗਹਣਤੋ ਨ ਸਾਰਤੋ ਪਚ੍ਚੇਤਬ੍ਬਂ. ਏਤ੍ਥਾਪਿ ਨਾਕ, ਸੁਰਲੋਕ, ਤਿਪਿਟ੍ਠਪ [ਵਿਸਨ੍ਤਿ ਸੁਕਤਿਨੋ ਅਸ੍ਮਿਂ ਇਤਿ ਪਿਟ੍ਠਪਂ ਪਿਸੋਦਰਾਦਿ ਤਿਦਸਾਨਂ ਪਿਟ੍ਠਪਧਿਤਿ ਦਸਸਦ੍ਦਲੋਪੋ (ਚਿਨ੍ਤਾਮਣਿਟੀਕਾ)], ਅਵਰੋਹ, ਫਲੋਦਯ ¶ [ਫਲਸ੍ਸ ਕਮ੍ਮਫਲਸ੍ਸ ਉਦਯੋ ਦਿਟ੍ਠਿਯੋਗ੍ਯਟ੍ਠਾਨਂ (ਤਿਕਣ੍ਡਟੀਕਾ)], ਮਨ੍ਦਰ, ਸੇਰਿਕ, ਸਕ੍ਕਭਵਨ, ਖਂ, ਨਭਾਦੀਨਿ ਦੇਵਲੋਕਸਾਮਞ੍ਞਾਨਿ ਇਧਾਨਾਗਤਾਨਿਪਿ ਗਹੇਤਬ੍ਬਾਨਿ.

੧੧-੧੨. ਤਿਦਸਾਦਿਚਤੁਦ੍ਦਸਕਂ ਦੇਵਤਾਸਾਮਞ੍ਞਸ੍ਸ ਨਾਮਂ. ਜਾਤੀਸੁ [ਜਾਤਿਜਾਤੀਸੁ (ਕ.)] ਵੁਤ੍ਤਾਸੁ ਬ੍ਯਤ੍ਤਿਪਿ ਵੁਚ੍ਚਤੀਤਿ ਬ੍ਯਤ੍ਤੀਨਂ ਬਹੁਤ੍ਤਾ ਬਹੁਵਚਨਨਿਦ੍ਦੇਸੋ. ਜਾਤਿਸਤ੍ਤਾਵਿਨਾਸਸਙ੍ਖਾਤਾ ਤਿਸ੍ਸੋ ਦਸਾ ਪਰਿਮਾਣਾ ਏਤੇਸਨ੍ਤਿ ਤਿਦਸਾ. ਏਤੇ ਹਿ ਮਨੁਸ੍ਸਾਦਯੋ ਵਿਯ ਬੁਦ੍ਧਿਵਿਪਰਿਣਾਮਖਯੇਹਿ ਨ ਯੁਜ੍ਜਨ੍ਤਿ, ਪਞ੍ਚਵੀਸਤਿਵਸ੍ਸੁਦ੍ਦੇਸਿਯਾ ਏਵ ਉਪ੍ਪਜ੍ਜਨ੍ਤਿ ਸਨ੍ਤਿ ਵਿਨਸ੍ਸਨ੍ਤਿ ਚ. ਮਰਣਂ ਮਰੋ, ਸੋ ਯੇਸਂ ਨਤ੍ਥਿ, ਤੇ ਅਮਰਾ. ਦਿਬ੍ਬਨ੍ਤਿ ਪਞ੍ਚਕਾਮਗੁਣਾਦੀਹਿ ਕੀਲ਼ਨ੍ਤੀਤਿ ਦੇਵਾ. ਵਿਬੁਜ੍ਝਨ੍ਤਿ ਨ ਸੁਪਨ੍ਤੀਤਿ ਵਿਬੁਧਾ, ਅਤੀਤਾਨਾਗਤਜਾਤਿਂ ਵਿਬੁਜ੍ਝਨ੍ਤੀਤਿ ਵਾ ਵਿਬੁਧਾ. ਸੁਧਾਭੋਜਨਭੁਞ੍ਜਨਸੀਲਤਾਯ ਸੁਧਾਸਿਨੋ. ਸਮੁਦ੍ਦੁਟ੍ਠਾ [ਅਮਤਮਥਨੋਟ੍ਠਾ (ਚਿਨ੍ਤਾਮਣਿਟੀਕਾ)] ਸੁਰਾ ਅਤ੍ਥਿ ਯੇਸਂ, ਤੇ ਸੁਰਾ, ਸੁਰਨ੍ਤਿ ਵਾ ਕੀਲ਼ਨ੍ਤੀਤਿ ਸੁਰਾ, ਸੁਖੇਨ ਰਮਨ੍ਤੀਤਿ ਵਾ ਸੁਰਾ. ਦੀਘਾਯੁਕਾਪਿ ਸਮਾਨਾ ਯਥਾਪਰਿਚ੍ਛੇਦਂ ਸਮ੍ਪਤ੍ਤਕਾਲੇ ਮਰਨ੍ਤਿ ਸੀਲੇਨਾਤਿ ਮਰੂ. ਦਿਵੋ ਦੇਵਲੋਕੋ ਓਕੋ ਆਸਯੋ ਯੇਸਂ ਤੇ ਦਿਵੋਕਾ. ਸੁਧਾਹਾਰਸ੍ਸ ਪਾਤਬ੍ਬਸ੍ਸਪਿ ਸਮ੍ਭਵਤੋ ਅਮਤਂ ਪਿਵਨ੍ਤੀਤਿ ਅਮਤਪਾ, ਅਮਤੋਸਧਂ ਵਾ ਪਿਵਨ੍ਤੀਤਿ ਅਮਤਪਾ. ਸਗ੍ਗੇ ਵਸਨਸੀਲਤ੍ਤਾ ਸਗ੍ਗਵਾਸਿਨੋ. ਸਦਾ ਪਞ੍ਚਵੀਸਤਿਵਸ੍ਸੁਦ੍ਦੇਸਿਯਤ੍ਤਾ ਨਿਰਾਕਤਾ ਜਰਾ ਏਤੇਸਨ੍ਤਿ ਨਿਜ੍ਜਰਾ. ਨ ਨਿਮਿਸਨ੍ਤੀਤਿ ਅਨਿਮਿਸਾ, ਭਮੁਕਾ ਨਿਚ੍ਚਲਂ ਕਰੋਨ੍ਤੀਤ੍ਯਤ੍ਥੋ. ਦਿਵੇ ਵਸਨ੍ਤੀਤਿ ਦਿਬ੍ਬਾ. ਦੇਵਾ ਏਵ ਦੇਵਤਾ, ਸਕਤ੍ਥੇ ਦੇਵਸਦ੍ਦਤੋ ਤਾਪਚ੍ਚਯੋ, ਦੇਵਤਾ ਏਵ ਦੇਵਤਾਨਿ, ਸਕਤ੍ਥੇ ਨਿਪਚ੍ਚਯੋ. ‘‘ਅਪੁਮੇ’’ਤਿ ਏਤ੍ਥ ਪਠਮਸਕਤ੍ਥਿਕਵਸੇਨ ਇਤ੍ਥਿਲਿਙ੍ਗਤ੍ਤਂ, ਦੁਤਿਯਸਕਤ੍ਥਿਕਵਸੇਨ ¶ ਨਪੁਂਸਕਲਿਙ੍ਗਤ੍ਤਂ ਵੇਦਿਤਬ੍ਬਂ, ਦੁਤਿਯਸਕਤ੍ਥਿਕਵਸੇਨੇਵ ਵਾ ਦ੍ਵਿਲਿਙ੍ਗਤ੍ਤਂ, ਤਤ੍ਥ ਇਤ੍ਥਿਲਿਙ੍ਗਪਕ੍ਖੇ ਯਦਾਦਿਨਾ ਨਿਕਾਰਾਦੇਸੋ. ਅਮਰਕੋਸੇ ਪਨ ‘‘ਦੇਵਤਾਨਿ ਪੁਮੇ ਵਾ’’ਤਿ [ਅਮਰ ੧.੯] ਵੁਤ੍ਤਂ. ਤਸ੍ਸਤ੍ਥੋ – ਦੇਵਤਾਨਿਸਦ੍ਦੋ ਵਿਕਪ੍ਪੇਨ ਪੁਲ੍ਲਿਙ੍ਗੇ, ਨਿਚ੍ਚਂ ਨਪੁਂਸਕੇਤਿ. ਟੀਕਾਯਞ੍ਚ ‘‘ਸਕਤ੍ਥਿਕਾ ਪਕਤਿਤੋ ਲਿਙ੍ਗਵਚਨਾਨਿ ਅਤਿਵਤ੍ਤਨ੍ਤੀਤਿ ਪੁਨ੍ਨਪੁਂਸਕਤ੍ਤ’’ਨ੍ਤਿ [ਦੇਵੋ ਏਵ ਦੇਵਤਾ, ਸਕਤ੍ਥੇ ਤਾ, ਸਕਤ੍ਥਿਕਾ ਅਪਿ ਪਚ੍ਚਯਾ ਪਕਤਿਤੋ ਲਿਙ੍ਗਵਚਨਾਦ੍ਯਤਿਵਤ੍ਤਨ੍ਤੇ, ਅਪੀਤਿ ਇਤ੍ਥਿਤ੍ਤਂ ਦੇਵਤਾ ਏਵ ਦੇਵਤਂ ਪਞ੍ਞਾਦਿਤ੍ਤਾ ਅਣ (ਚਿਨ੍ਤਾਮਣਿਟੀਕਾ)] ਵੁਤ੍ਤਂ. ਤਤ੍ਥ ਸਕਤ੍ਥਿਕਾਤਿ ਦੁਤਿਯਸਕਤ੍ਥਿਕਂ ਵੁਤ੍ਤਂ, ਪਕਤਿਤੋਤਿ ਪਠਮਸਕਤ੍ਥਿਕਂ. ਤੇਨ ਵੁਤ੍ਤਂ ‘‘ਪੁਨ੍ਨਪੁਂਸਕਤ੍ਤ’’ਨ੍ਤਿ, ਇਤਰਥਾ ਤਾਪਚ੍ਚਯਨ੍ਤਸ੍ਸ ਨਿਚ੍ਚਂ ਇਤ੍ਥਿਲਿਙ੍ਗਤਾਯ ਇਤ੍ਥਿਲਿਙ੍ਗਤ੍ਤਮੇਵ ਵਦੇਯ੍ਯ. ਸੁਪਬ੍ਬਾ, ਸੁਮਨਾ, ਤਿਦਿਵੇਸਾ, ਆਦਿਤੇਯ੍ਯਾ, ਦਿਵਿਸਦਾ, ਲੇਖਾ, ਅਦਿਤਿਨਨ੍ਦਨਾ, ਆਦਿਚ੍ਚਾ, ਰਿਭਵੋ [ਵਿਭਵਾ (ਕ.), ਰਿਕਾਰੋ ਦੇਵਮਾਤਾ ਸਿਯਾ ਇਤਿ ਤਿਕਣ੍ਡੇ, ਤਤੋ ਭਵਨ੍ਤੀਤਿ (ਚਿਨ੍ਤਾਮਣਿਟੀਕਾ)] ਅਸੋਪ੍ਪਾ, ਅਮਚ੍ਚਾ [ਮਰਣਂ ਮਤਿ ਇਤਿ ਤਿ, ਮਤਿਯਂ ਭਵਾ ਮਚ੍ਚਾ… ਨ ਮਚ੍ਚਾ ਅਮਚ੍ਚਾ (ਚਿਨ੍ਤਾਮਣਿਟੀਕਾ)], ਅਮਤਾਸਨਾ, ਅਗ੍ਗਿਮੁਖਾ, ਹਵਿਭੋਜਨਾ, ਗਿਰਬ੍ਬਾਣਾ, ਦਾਨਵਾਰਯੋ, ਬਿਨ੍ਦਾਰਕਾ, ਪੂਜਿਯਾ, ਚਿਰਾਯੁਕਾ, ਸਗ੍ਗਿਨੋ, ਨਭੋਸਦਾਇਚ੍ਚਾਦੀਨਿਪਿ ਦੇਵਤਾਨਂ ਸਾਮਞ੍ਞਨਾਮਾਨੇਵ.

੧੩. ਸਿਦ੍ਧਾਦਯੋ ਇਮੇ ਦੇਵਯੋਨਿਯੋ ਦੇਵਪ੍ਪਭਵਾ ਦੇਵਵਂਸਾ ਏਤੇਸਮੁਪ੍ਪਤ੍ਤਿਯਂ ਦੇਵਾਨਮੇਵ ਆਦਿਕਾਰਣਤ੍ਤਾ. ਅਣਿਮਾਦਿਗੁਣੋਪੇਤਤ੍ਤਾ ਸਿਜ੍ਝਨ੍ਤਿ ਏਤਸ੍ਸ ਯਥਿਚ੍ਛਿਤਾ ਅਤ੍ਥਾਤਿ ਸਿਦ੍ਧੋ. ਯਸ੍ਸ ਭਾਸਾਯ ਬ੍ਰੂਹਤਿ ਕਥਾ, ਸੋ ਭੂਤੋ ¶ , ਪਿਸਾਚਪ੍ਪਭੇਦੋ ਅਧੋਮੁਖਾਦਿ. ਵਚਨਤ੍ਥੋ ਪਨ ਭਵਨ੍ਤਿ ਬ੍ਰੂਹਨ੍ਤਿ ਕਥਾ ਏਤਸ੍ਮਾਤਿ ਭੂਤੋਤਿ. ਗਨ੍ਧਂ ਅਬ੍ਬਤਿ ਪਰਿਭੁਞ੍ਜਤੀਤਿ ਗਨ੍ਧਬ੍ਬੋ, ਦੇਵਗਾਯਨਾ ‘‘ਹਾਹਾ ਹੂਹੂ’’ ਪਭੁਤਯੋ [ਅਮਰ ੧.੫੫]. ਨਿਧਯੋ ਗੁਯ੍ਹਤੀਤਿ ਗੁਯ੍ਹਕੋ, ਸਞ੍ਞਾਯਂ ਕੋ, ਮਣਿਭਦ੍ਰਾਦਿਕੋ ਕੁਵੇਰਾਨੁਚਰੋ. ਯਕ੍ਖ ਪੂਜਾਯਂ, ਯਕ੍ਖੀਯਤੇ ਪੂਜੀਯਤੇਤਿ ਯਕ੍ਖੋ, ਕੁਵੇਰਾਦਿਕੋ. ਰਕ੍ਖਨ੍ਤਿ ਅਤ੍ਤਾਨਂ ਏਤਸ੍ਮਾਤਿ ਰਕ੍ਖਸੋ, ਵਿਭੀਸਣਾਦਿ. ਕੁਮ੍ਭਪ੍ਪਮਾਣਣ੍ਡਤਾਯ ਕੁਮ੍ਭਣ੍ਡੋ. ਪਿਸਿਤਂ ਮਂਸਂ ਅਸਤਿ ਭਕ੍ਖਤੀਤਿ ਪਿਸਾਚੋ, ਸਕੁਨਿ ਸਕੁਨ੍ਤਿਆਦਿਕੋ ਕੁਵੇਰਾਨੁਚਰੋ, ਯਦਾਦਿਨਾ ਪਿਸਿਤਸ੍ਸ ਪਿਭਾਵੋ, ਅਸਸ੍ਸ ਚ ਸਾਚਾਦੇਸਭਾਵੋ [ਪਾਣਿਨਿ ੬.੩.੧੦੯; ਮੋਗ੍ਗਲ੍ਲਾਨਪਞ੍ਚਿਕਾ ੧.੪੭]. ਆਦਿਸਦ੍ਦੇਨ ਵਿਜ੍ਜਾਧਰ, ਅਪਸਰ, ਕਿਨ੍ਨਰੇ ਚ ਸਙ੍ਗਣ੍ਹਾਤਿ. ਵਿਜ੍ਜਂ ਗੁਲ਼ਿਕਾਞ੍ਜਨਮਨ੍ਤਾਦਿਕਂ ਧਰਤੀਤਿ ਵਿਜ੍ਜਾਧਰੋ. ਅਪਸਾਰਯਨ੍ਤਿ ਖਲਯਨ੍ਤੀਤਿ ਅਪਸਰਾ, ਉਬ੍ਬਸ੍ਯਾਦਿਕਾ ਸੁਰਵੇਸਿਯੋ [ਅਮਰ ੧.੫੫], ਅਪਸਰਸਦ੍ਦਸ੍ਸ ਜਾਤਿਯਂ ਸਯਂ ਬਹੁਤ੍ਤਂ, ਬ੍ਯਤ੍ਤਿਯਨ੍ਤੁ ਤਦਵਯਵਂ ਵਾ ਸਯਂ, ਤਥਾ ਚ ਬਹੁਤ੍ਤਂਵ. ਵਨਾਦਿਸਦ੍ਦੋ ਕਦਾਚਿ ਜਾਤਿਯਂ ਪਯੁਜ੍ਜਤੇ, ਕਦਾਚਿ ਬ੍ਯਤ੍ਤਿਯਂ. ਤਤ੍ਰ ਯਦਾ ਜਾਤਿਯਂ, ਤਦਾ ਬ੍ਯਤ੍ਤਿਗਤਂ ਸਙ੍ਖ੍ਯਮਾਦਾਯ ਪਵਤ੍ਤਤਿ. ਯਦਾ ਬ੍ਯਤ੍ਤਿਯਂ ਪਯੁਜ੍ਜਤੇ, ਤਦਾ ਤਂਬ੍ਯਤ੍ਤਾਵਯਵਾਨਂ ਪਾਣਿਪਾਦਾਦੀਨਂ ਬਹੁਤ੍ਤਸਙ੍ਖ੍ਯਮਾਦਾਯ ਪਵਤ੍ਤਤਿ. ਵਨਸਦ੍ਦੋ ਤੁ ਜਾਤਿਗਤੇਕਸਙ੍ਖ੍ਯਾਵਿਸਿਟ੍ਠਦਬ੍ਬਾਭਿਧਾਨਤੋ ਧਵਾਦਿਬ੍ਯਤ੍ਤਿਗਤਜਾਤ੍ਯਾਭਿਧਾਨਤੋ ਵਾ ਏਕਵਚਨਨ੍ਤਿ ਅਪਸਰਸਦ੍ਦੋ ਵਾਮਨਾਦਿਮਤੇਨ ਇਤ੍ਥਿਯਂ ਬਹੁਵਚਨੇ ਚ, ਤਦਞ੍ਞੇਸਂ ਪਨ ਮਤੇਨ ਪੁਮਿਤ੍ਥਿਯਂ ਵਚਨਦ੍ਵਯੇ ਚ ਦਟ੍ਠਬ੍ਬੋ. ਅਸ੍ਸਮੁਖਨਰਸਰੀਰਤ੍ਤਾ ਕੁਚ੍ਛਿਤੋ ਨਰੋ, ਕਿਞ੍ਚਿ ਵਾ ਨਰੋ, ਨਰਸਦਿਸਤ੍ਤਾ ਵਾ ਕਿਨ੍ਨਰੋ. ਏਤਾ ਦੇਵਯੋਨਿਯੋ. ਗਣਦੇਵਤਾ ਪਨ –

‘‘ਆਦਿਚ੍ਚਾ ਵਿਸੁ ਵਸਵੋ, ਤੁਸਿਤਾ’ਭਸ੍ਸਰਾ’ਨਿਲਾ;

ਮਹਾਰਾਜਿਕਾ ਸਾਧ੍ਯਾ ਚ, ਰੁਦ੍ਦਾ ਚ ਗਣਦੇਵਤਾ’’ਤਿ [ਅਮਰ ੧.੧੦].

ਤਤ੍ਰਾਦਿਚ੍ਚਾ ਦ੍ਵਾਦਸਕਾ, ਵਿਸੁਦੇਵਾ ਦਸ ਠਿਤਾ;

ਵਸਵੋ ਅਟ੍ਠਸਙ੍ਖ੍ਯਾਤਾ, ਛਤ੍ਤਿਂਸ ਤੁਸਿਤਾ ਮਤਾ.

ਆਭਸ੍ਸਰਾ ਚਤੁਸਟ੍ਠਿ, ਵਾਤਾ ਪਣ੍ਣਾਸੇਕੂਨਕਾ;

ਮਹਾਰਾਜਿਕਨਾਮਾਯੋ, ਦ੍ਵਿਸਤਂ ਵੀਸਤਾਧਿਕਾ.

ਸਾਧ੍ਯਾ ਦ੍ਵਾਦਸ ਵਿਖ੍ਯਾਤਾ, ਰੁਦ੍ਦਾ ਚੇਕਾਦਸ ਠਿਤਾ;

ਸਮਯਨ੍ਤਰਤੋ ਏਤਾ, ਵਿਞ੍ਞੇਯ੍ਯਾ ਗਣਦੇਵਤਾ.

੧੪. ਪੁਬ੍ਬਦੇਵਾਦਿਚਤੁਕ੍ਕਂ ਅਸੁਰੇ. ਪੁਬ੍ਬਂ ਦੇਵਾ ਪੁਬ੍ਬਦੇਵਾ, ਦੁਤਿਯਾਸਮਾਸੋ, ਪੁਬ੍ਬੇ ਵਾ ਦੇਵਾ ਪੁਬ੍ਬਦੇਵਾ, ਪੁਬ੍ਬੇ ਹ੍ਯੇਤੇ ਦੇਵਪੁਰੇ ਠਿਤਾ, ਅਨਨ੍ਤਰਂ ਸਕ੍ਕਾਦੀਹਿ ਤਤੋ ਚਾਲਿਤਾ. ਸੁਰਾਨਂ ਰਿਪੂ ਸਤ੍ਤਵੋ ਸੁਰਰਿਪੂ. ਸੁਰਾਨਂ ਪਟਿਪਕ੍ਖਭਾਵਤੋ ਅਸੁਰਾ, ਦੇਵਾ ਵਿਯ ਨ ਸੁਰਨ੍ਤਿ ਨ ਕੀਲ਼ਨ੍ਤੀਤਿ ਵਾ ਅਸੁਰਾ, ਸਮੁਦ੍ਦੁਟ੍ਠਾ ਵਾ ਸੁਰਾ ਦੇਵੇਹਿ ਅਭ੍ਯੁਪਗਤਾ, ਨਾਸੁਰੇਹੀਤਿ ਨਤ੍ਥਿ ਸੁਰਾ ਏਤੇਸਨ੍ਤਿ ਅਸੁਰਾਤਿ ਨਿਕਾਯਨ੍ਤਰਿਯਾ. ਦਨੁਨਾਮਾਯ ਮਾਤੁਯਾ ਅਪਚ੍ਚਂ ਦਾਨਵਾ. ਦਨੁ ਨਾਮ ਤੇਰਸਸੁ ਰਕ੍ਖਸਦੁਹਿਤੀਸੁ ਏਕਿਸ੍ਸਾ ਦੁਹਿਤੁ ਨਾਮਂ. ਏਤੇ ਪੁਬ੍ਬਦੇਵਾਦਯੋ ਸਦਾ ਪੁਮੇ ਪੁਲ੍ਲਿਙ੍ਗੇ ਵਤ੍ਤਨ੍ਤਿ. ਦੇਚ੍ਚਾ, ਦੇਤੇਯ੍ਯਾ, ਦਨੁਜਾ, ਇਨ੍ਦਾਰੀ, ਸੁਰਦਿਸਾ, ਸੁਕ੍ਕਸਿਸ੍ਸਾ, ਦਿਤਿਸੁਤਾ, ਪੁਬ੍ਬਜਾਇਚ੍ਚਾਦੀਨਿਪਿ ਅਸੁਰਸ੍ਸ ਸਾਮਞ੍ਞਨਾਮਾਨਿ.

ਤਬ੍ਬਿਸੇਸਾ ਅਸੁਰਪ੍ਪਭੇਦਾ. ਸੁਰੇਹਿ ਸਦ੍ਧਿਂ ਸਙ੍ਗਾਮਤ੍ਥਂ ਅਤ੍ਤਨੋ ਬਲਕਾਯਾਨਂ ਪਹਾਰਂ ਆਯੁਧਂ ਦਦਾਤੀਤਿ ਪਹਾਰਦੋ, ਸੋ ਏਵ ਪਹਾਰਾਦੋ. ਸਂ ਪਸਤ੍ਥੋ ਵਰੋ ਜਾਮਾਤਾ ਯਸ੍ਸ ¶ ਸੋ ਸਮ੍ਬਰੋ, ਤਸ੍ਸ ਹਿ ਸਕ੍ਕੋ ਜਾਮਾਤਾ [ਸਂ. ਨਿ. ਅਟ੍ਠ. ੧.੧.੨੫੬], ਪੁਞ੍ਞਾਹਰੀਸੁ ਵਾ ਇਨ੍ਦ੍ਰਿਯਾਨਿ ਸਂਵੁਣੋਤੀਤਿ ਸਮ੍ਬਰੋ. ਬਲਮੇਤਸ੍ਸਤ੍ਥੀਤਿ ਬਲੀ, ਅਤਿਸਯਬਲਕਾਯਤ੍ਤਾ ਵਾ ਬਲੀ, ਸੋ ਏਵ ਬਲਿ, ‘‘ਬਲਿਆਦਯੋ’’ਤਿ ਇਮਿਨਾ ਸਮਾਸੇਪਿ ਸਨ੍ਧਿ ਨਤ੍ਥੀਤਿ ਦੀਪੇਤਿ. ਆਦਿਨਾ ਮਚ੍ਛਸਕੁਣਾਦਿਕੇਪਿ ਕੁਞ੍ਚਾਦਿਕੇਪਿ ਅਸੁਰਭੇਦੇ ਸਙ੍ਗਣ੍ਹਾਤਿ.

੧੫. ਪਿਤਾਮਹਾਦ੍ਯਟ੍ਠਕਂ ਬ੍ਰਹ੍ਮਨਿ. ਪਿਤੂਨਂ ਪਜਾਪਤੀਨਂ ਲੋਕਪਿਤੂਨਮ੍ਪਿ ਪਿਤਾ ਪਿਤਾਮਹੋ, ਆਮਹਪਚ੍ਚਯੋ [ਮੋਗ੍ਗਲ੍ਲਾਨ ੪.੩੮]. ਸਬ੍ਬਲੋਕਾਨਂ ਪਿਤੁਟ੍ਠਾਨਿਯਤ੍ਤਾ ਪਿਤਾ, ਸਬ੍ਬਲੋਕਂ ਵਾ ਪਾਤਿ ਰਕ੍ਖਤੀਤਿ ਪਿਤਾ, ਰਿਤੁਪਚ੍ਚਯੋ. ਮਹਨ੍ਤਸਰੀਰਤਾਯ ਬ੍ਰਹ੍ਮਾ, ਬ੍ਰਹ ਵੁਡ੍ਢਿਯਂ ਮਪਚ੍ਚਯੋ. ਲੋਕਾਨਂ ਈਸੋ ਇਨ੍ਦੋ ਲੋਕੇਸੋ. ਕਮਲਸਮ੍ਭਵਤ੍ਤਾ ਕਮਲਂ, ਪਦ੍ਮਂ. ਤਂ ਆਸਨਮੁਪ੍ਪਤ੍ਤਿਟ੍ਠਾਨਮਸ੍ਸ ਕਮਲਾਸਨੋ. ਹਿਰਞ੍ਞਂ ਸੁਵਣ੍ਣਮਯਂ ਅਣ੍ਡਂ ਹਿਰਞ੍ਞਂ, ਤਸ੍ਸ ਗਬ੍ਭੋ ਭੂਣੋ [ਗੁਣੋ (ਕ.)] ਹਿਰਞ੍ਞਗਬ੍ਭੋ. ਝਾਨਾਦਿਗੁਣੇਹਿ ਸੁਰਾਨਂ ਜੇਟ੍ਠਤ੍ਤਾ ਸੁਰਜੇਟ੍ਠੋ. ਪਜਾਨਂ ਸਤ੍ਤਾਨਂ ਪਤਿ ਸਾਮਿਭੂਤੋ ਪਜਾਪਤਿ, ਪਜਂ ਪਾਲੇਤੀਤਿ ਵਾ ਪਜਾਪਤਿ. ਅਤ੍ਤਭੂ, ਪਰਮੇਟ੍ਠਿ, ਸਯਮ੍ਭੂ, ਚਤੁਰਾਨਨੋ, ਧਾਤਾ, ਕਮਲਯੋਨਿ, ਦੁਹਿਣੋ, ਵਿਰਿਞ੍ਚਿ, ਸਜਿਤਾ, ਵੇਧਾ, ਵਿਧਾਤਾ, ਵਿਧਿ, ਹਂਸਰਥੋ, ਵਿਰਿਞ੍ਚੋ, ਪਪਿਤਾਮਹੋ ਇਚ੍ਚਾਦਯੋਪਿ ਬ੍ਰਹ੍ਮਨਾਮਾਨਿ.

੧੬-੧੭. ਵਾਸੁਦੇਵਾਦਿਪਞ੍ਚਕਂ ¶ ਕਣ੍ਹੇ. ਵਸੁਦੇਵਸ੍ਸ ਅਪਚ੍ਚਂ ਵਾਸੁਦੇਵੋ. ਮਚ੍ਚਾਨਂ ਜੀਵਿਤਂ ਹਰਤਿ ਸੀਲੇਨਾਤਿ ਹਰਿ. ਕਣ੍ਹਗੁਣਯੋਗਤੋ ਕਣ੍ਹੋ. ਕੇਸਿਂ ਨਾਮ ਅਸੁਰਂ ਹਤਵਾਤਿ ਕੇਸਵੋ, ਈਕਾਰਸ੍ਸ ਅਕਾਰੋ, ਹਨਸ੍ਸ ਚ ਵੋ. ਵੁਤ੍ਤਞ੍ਚ –

ਸੇਯ੍ਯੋ ਲੋਕੇ ਭਵਿਸ੍ਸਸੀ’’ਤਿ [ਚਿਨ੍ਤਾਮਣਿਟੀਕਾਯਮ੍ਪਿ].

ਚਕ੍ਕਂ ਪਾਣਿਮ੍ਹਿ ਅਸ੍ਸ ਚਕ੍ਕਪਾਣਿ. ਵਿਸਣੁ [ਪਿਣ੍ਹੁ (ਕ.)], ਨਾਰਾਯਨੋ, ਵੇਕੁਣ੍ਠੋ, ਦਾਮੋਦਰੋ, ਮਾਧਵੋ, ਸਮ੍ਭੂ, ਦੇਚ੍ਚਾਰਿ, ਪੁਣ੍ਡਰੀਕਕ੍ਖੋ, ਗੋਵਿਨ੍ਦੋ, ਗਰੁਲ਼ਦ੍ਧਜੋ, ਪੀਤਮ੍ਬਰੋ, ਅਚ੍ਚੁਤੋ, ਮਙ੍ਗਲੋ, ਸਿਙ੍ਗੀ, ਜਨਾਦ੍ਦਨੋ, ਉਪੇਨ੍ਦੋ, ਇਨ੍ਦਾਵਰਜੋ, ਚਤੁਭੁਜੋ, ਪਦ੍ਮਨਾਭੋ, ਮਧੁਰਿਪੁ, ਤਿਵਿਕ੍ਕਮੋ, ਦੇਵਕੀਨਨ੍ਦਨੋ, ਸੋਰੀ, ਸਿਰੀਪਤਿ, ਪੁਰਿਸੋਤ੍ਤਮੋ, ਵਨਮਾਲੀ, ਬਲਿਧਂਸੀ, ਕਂਸਾਰਾਤਿ, ਅਧੋਕ੍ਖਜੋ, ਸਬ੍ਬਮ੍ਭਰੋ, ਕੇਟਭਜਿ [ਕੇਟਭਂ ਜਿਤਵਾ (ਚਿਨ੍ਤਾਮਣਿਟੀਕਾ)], ਵਿਧੁ, ਸਸਬਿਨ੍ਦੁ, ਸਿਰੀਕਰੋ, ਸਿਰੀਵਰਾਹੋ, ਅਜਿਤੋ, ਪਰਪੁਰਿਸੋ, ਸਿਰੀਗਬ੍ਭੋ, ਛਬਿਨ੍ਦੁ, ਅਨਨ੍ਤੋ, ਨਰਕਜਿ, ਕੇਸਰੋ, ਜਾਤਿਕੀਲੋ, ਨਰਸੀਹੋ, ਪੁਰਾਣਪੁਰਿਸੋ, ਨਲਿਨੇਸਯੋ, ਵਾਸੁ, ਨਰਾਯਨੋ, ਪੁਨਬ੍ਬਸੁ, ਸਬ੍ਬਰੂਪੋ, ਧਰਣੀਧਰੋ, ਵਾਮਨੋ, ਏਕਸਿਙ੍ਗੋ, ਸੋਮਗਬ੍ਭੋ, ਆਦਿਦੇਵੋ, ਆਦਿਵਰਾਹੋ, ਸੁਵਣ੍ਣਬਿਨ੍ਦੁ, ਸਦਾਯੋਗੀ, ਸਨਾਤਨੋ, ਰਾਹੁਮੁਦ੍ਧਭਿਦੋ ¶ , ਕਾਲ਼ਨੇਮਿ, ਪਣ੍ਡਵੋ, ਵਡ੍ਢਮਾਨੋ, ਸਤਾਨਨ੍ਦੋ, ਪਜਾਨਾਥੋ, ਸੁਯਾਮੁਨੋਇਚ੍ਚਾਦੀਨਿ ਵਿਸਣੁਨਾਮਾਨਿ. ਅਸ੍ਸ ਪਨ ਪਿਤੁ ਨਾਮਾਨਿ ਵਸੁਦੇਵੋ, ਆਨਕਦੁਨ੍ਦੁਭਿ [ਅਮਰ ੧.੨੩] ਇਚ੍ਚਾਦੀਨਿ. ਰਥਵਾਹੋ ਪਨਸ੍ਸ ਦਾਰੁਕੋ ਨਾਮ [ਤਿਕਣ੍ਡਸੇਸ ੧.੧.੩੪]. ਮਨ੍ਤੀ ਪਨ ਪਵਨਬ੍ਯਾਧਿ ਨਾਮ [ਮਨ੍ਤੀ ਪਵਨਬ੍ਯਾਮਿ ਉਦ੍ਧਵੋ (ਤਿਤਣ੍ਡਸੇਸ ੧.੧.੩੫) ਪਵਨਬ੍ਯਾਧਿ… ਉਦ੍ਧਵੋ ਇਤਿ ਦ੍ਵੇ ਪਿਣ੍ਹੁਸ੍ਸ ਮਨ੍ਤਿਨੋ (ਕਟ੍ਟੀਕਾ)].

ਮਹਿਸ੍ਸਰਾਦਿਛਕ੍ਕਂ ਹਰੇ. ਮਹਨ੍ਤੋ ਇਸ੍ਸਰੋ ਵਿਭੂਤਿ ਏਤਸ੍ਸਾਤਿ ਮਹਿਸ੍ਸਰੋ. ਗੁਣਾਵਤ੍ਥਾਰਹਿਤੋ ਸਮ੍ਪਤਿ ਪਰਮਾਨਨ੍ਦਰੂਪਤ੍ਤਾ ਨਿਬ੍ਬਿਕਾਰੋ ਸਮਤਿ ਭਵਤੀਤਿ ਸਿਵੋ, ਨਿਰੁਤ੍ਤਿਨਯੇਨ ਅਕਾਰਸ੍ਸ ਇਤ੍ਤਂ, ਮਸ੍ਸ ਵੋ ਚ. ਏਵਂ ਸਬ੍ਬਤ੍ਥ ਯਦਾਦਿਨਾ ਵਾ ਨਿਰੁਤ੍ਤਿਨਯੇਨ ਵਾ ਸਦ੍ਦਸਿਦ੍ਧਿ ਵੇਦਿਤਬ੍ਬਾਤਿ. ਸੂਲਪਾਣਿਤ੍ਤਾ ਸੂਲੀ. ਇਟ੍ਠੇ ਪਭਵਤੀਤਿ ਇਸ੍ਸਰੋ, ਇਸ੍ਸਤਿ ਅਭਿਭਵਤੀਤਿ ਵਾ ਇਸ੍ਸਰੋ. ਪਸੂਨਂ ਪਮਥਾਨਂ ਪਤਿ ਪਸੁਪਤਿ. ‘‘ਪਸੁ ਮਿਗਾਦੋ ਛਗਲੇ, ਪਮਥੇਪਿ ਪਸੁ ਪੁਮੇ’’ਤਿ ਰੁਦ੍ਦੋ [ਰਭਸੋ (ਕ.)]. ( ) [(ਗੁਣੇ) (ਕ.)] ਵਿਸਿਟ੍ਠਤਮੋਗੁਣਤ੍ਤਾ ਸਬ੍ਬਂ ਹਰਤੀਤਿ ਹਰੋ. ਵੁਤ੍ਤੋਤਿ ਕ੍ਰਿਯਾਪਦਂ. ਸਮ੍ਭੁ, ਈਸੋ, ਸਬ੍ਬੋ, ਈਸਾਨੋ, ਸਙ੍ਕਰੋ, ਚਨ੍ਦਸੇਖਰੋ, ਭੂਤੇਸੋ, ਖਣ੍ਡਪਰਸੁ, ਗਿਰੀਸੋ, ਮਚ੍ਚੁਞ੍ਜਯੋ, ਪਿਨਾਕੀ, ਪਮਥਾਧਿਪੋ, ਉਗ੍ਗੋ, ਕਪਦ੍ਦਿ, ਸਿਰੀਕਣ੍ਠੋ, ਕਾਲ਼ਕਣ੍ਠੋ, ਕਪਾਲਭਰੋ, ਵਾਮਦੇਵੋ, ਮਹਾਦੇਵੋ, ਵਿਰੂਪਕ੍ਖੋ, ਤਿਲੋਚਨੋ, ਸਬ੍ਬਞ੍ਞੂ, ਨੀਲਲੋਹਿਤੋ, ਮਾਰਹਰੋ, ਭਗ੍ਗੋ, ਤ੍ਯਮ੍ਬਕੋ, ਤਿਪੁਰਨ੍ਤਕੋ, ਗਙ੍ਗਾਧਰੋ, ਅਨ੍ਧਕਰਿਪੁ, ਬ੍ਯੋਮਕੇਸੋ, ਭਵੋ, ਭੀਮੋ, ਰੁਦ੍ਦੋ, ਉਮਾਪਤਿ, ਭਗਾਲੀ, ਕਪਿਸਞ੍ਜਨੋ, ਹੀਰੋ, ਪਞ੍ਚਾਨਨੋ, ਖਕੁਨ੍ਤਲੋ, ਗੋਪਾਲਕੋ, ਪਿਙ੍ਗਕ੍ਖੋ [ਵਿਭਙ੍ਗੋ (ਕ.)], ਕੂਟਕਰੋ, ਚਨ੍ਦਾਪੀਲ਼ੋ, ਮਹਾਨਟੋ, ਸਮੀਰੋ, ਹੋ, ਨਨ੍ਦਿਵਡ੍ਢਨੋ, ਗੁਲ਼ਾਕੇਸੋ [ਮਿਗੂਹੋ (ਕ.)], ਮਿਹਿਰਾਣੋ, ਮੇਘਵਾਹਨੋ, ਸੁਪ੍ਪਤਾਪੋ [ਸੁਪ੍ਪਸਾਦੋ (ਕ.)], ਉ, ਥਾਣੁ [ਉਪਾਣ੍ਡੋ (ਕ.)], ਸਿਪਿਵਿਟ੍ਠੋ, ਕੀਲੋ, ਧਮ੍ਮਵਾਹਨੋਇਚ੍ਚਾਦੀਨਿਪਿ ਹਰਨਾਮਾਨਿ.

ਕੁਮਾਰਾਦਿਤ੍ਤਯਂ ¶ ਹਰਸ੍ਸ ਪੁਤ੍ਤੇ. ਕੁਮਾਰ ਕੀਲ਼ਾਯਂ, ਕੁਮਾਰੇਤਿ ਕੀਲ਼ਤੀਤਿ ਕੁਮਾਰੋ, ਸੋਲ਼ਸਵਸ੍ਸਿਕੋ, ਅਯਞ੍ਚ ਸੋਲ਼ਸਵਸ੍ਸਿਕੋ. ‘‘ਬਾਲੋ ਚ ਸੋਲ਼ਸ ਭਵੇ’’ਤਿ ਹਿ ਵੁਤ੍ਤਂ. ਖਣ੍ਡਤਿ ਦਾਨਵਬਲਨ੍ਤਿ ਖਨ੍ਦੋ, ਣ੍ਡਸ੍ਸ ਨ੍ਦੋ. ਸਤ੍ਤਿਂਪਹਰਣਵਿਸੇਸਂ ਧਰਤੀਤਿ ਸਤ੍ਤਿਧਰੋ, ਪਭਾਵੁਸ੍ਸਾਹਮਨ੍ਤਸਙ੍ਖਾਤਂ ਵਾ ਸਤ੍ਤਿਤ੍ਤਯਂ ਧਰਤੀਤਿ ਸਤ੍ਤਿਧਰੋ. ਅਮਰਕੋਸੇ ਪਨ –

ਕੁਮਾਰੋ ਕੋਞ੍ਚਦਾਰਣੋ’’ਤਿ [ਅਮਰ ੧.੪੧-੨] ਵੁਤ੍ਤਂ.

੧੮-੨੧. ਸਕ੍ਕਾਦੀਨਿ ਵੀਸਤਿ ਸਕ੍ਕਸ੍ਸ ਨਾਮਾਨਿ. ਅਸੁਰੇ ਜੇਤੁਂ ਸਕ੍ਕੁਣਾਤੀਤਿ ਸਕ੍ਕੋ. ਪੁਰੇ, ਪੁਰਂ ਵਾ ਦਦਾਤੀਤਿ ਪੁਰਿਨ੍ਦਦੋ ¶ . ਦੇਵਾਨਂ ਰਾਜਾ ਦੇਵਰਾਜਾ. ਵਜਿਰਂ ਪਾਣਿਮ੍ਹਿ ਅਸ੍ਸ ਵਜਿਰਪਾਣਿ. ਸੁਜਾਯ ਅਸੁਰਕਞ੍ਞਾਯ ਪਤਿ ਸੁਜਮ੍ਪਤਿ. ਬਹੂਨਂ ਦੇਵਮਨੁਸ੍ਸਾਨਂ ਚਿਨ੍ਤਿਤਤ੍ਥਸ੍ਸ ਦਸ੍ਸਨਸਮਤ੍ਥਤਾਯ ਸਹਸ੍ਸਕ੍ਖੋ. ਮਹਤਂ ਦੇਵਾਨਂ ਇਨ੍ਦੋ ਰਾਜਾ ਮਹਿਨ੍ਦੋ, ਦੇਵੇਹਿ ਮਹਿਤਬ੍ਬੋ ਵਾ ਇਨ੍ਦੋ ਰਾਜਾ ਮਹਿਨ੍ਦੋ, ਮਹਨ੍ਤੋ ਚ ਸੋ ਇਨ੍ਦੋ ਚਾਤਿ ਵਾ ਮਹਿਨ੍ਦੋ. ਵਜਿਰਂ ਆਵੁਧਂ ਯਸ੍ਸ ਵਜਿਰਾਵੁਧੋ, ‘‘ਵਜਿਰਾਯੁਧੋ’’ਤਿਪਿ ਪਾਠੋ. ਵਸੂਨਿ ਰਤਨਾਨਿ ਸਨ੍ਤ੍ਯਸ੍ਸੇਤਿ ਵਾਸਵੋ. ਦਸਸਤਾਨਿ ਨਯਨਾਨਿ ਯਸ੍ਸ ਸੋ ਦਸਸਤਨਯਨੋ. ਦ੍ਵਿਨ੍ਨਂ ਦੇਵਲੋਕਾਨਂ ਅਧਿਪਤਿਭੂਤਤ੍ਤਾ ਤਿਦਿਵਾਧਿਭੂ. ਸੁਰਾਨਂ ਨਾਥੋ ਸੁਰਨਾਥੋ. ਵਜਿਰਂ ਹਤ੍ਥੇ ਯਸ੍ਸ ਸੋ ਵਜਿਰਹਤ੍ਥੋ. ਭੂਤਾਨਂ ਸਤ੍ਤਾਨਂ ਪਤਿ ਭੂਤਪਤਿ. ਮਹਿਤਬ੍ਬਤ੍ਤਾ ਮਘਵਾ. ਮਹ ਪੂਜਾਯਂ, ਹਸ੍ਸ ਘਵੋ. ਕੋਸਸਙ੍ਖਾਤਾਨਿ ਧਨਾਨਿ ਸਨ੍ਤਿ ਯਸ੍ਸ, ਸੋ ਕੋਸਿਯੋ, ‘‘ਕੋਸਿਯਗੋਤ੍ਤਤਾਯ ਕੋਸਿਯੋ’’ਤਿ ਚ ਵਦਨ੍ਤਿ. ਇਨ੍ਦਤਿ ਪਰਮਿਸ੍ਸਰਿਯੇਨ ਯੁਜ੍ਜਤੇਤਿ ਇਨ੍ਦੋ. ਵਤ੍ਰਂ ਨਾਮ ਅਸੁਰਂ ਅਭਿਭਵਤੀਤਿ ਵਤ੍ਰਭੂ. ਪਾਕੋ ਨਾਮਵਤ੍ਰਾਸੁਰਸ੍ਸ ਭਾਤਾ, ਤਸ੍ਸ ਸਾਸਨਤੋ ਨਿਗ੍ਗਹਤੋ ਪਾਕਸਾਸਨੋ. ਵਿਡਂ ਬ੍ਯਾਪਕਂ ਓਜੋ ਏਤਸ੍ਸ ਵਿਡੋਜੋ. ਸੁਨਾਸੀਰੋ, ਪੁਰਨ੍ਦਰੋ, ਲੇਖਾਸਭੋ [ਲੇਖਨਂ ਦੇਵਾਨਂ ਉਸਤੋ ਉਤ੍ਤਮੋ (ਚਿਨ੍ਤਾਮਣਿਟੀਕਾ)], ਦਿਵਪਤਿ, ਸੁਰਪਤਿ, ਬਲਾਰਾਤਿ, ਸਚੀਪਤਿ, ਜਮ੍ਭਭੇਦੀ, ਹਰਿਹਯੋ, ਨਮੁਚਿਸੂਦਨੋ, ਸਂਕਨ੍ਦਨੋ, ਮੇਘਵਾਹਨੋ, ਆਖਣ੍ਡਲੋ [ਆਖਣ੍ਡਯਤਿ ਪਰਬਲਂ ਉਸਾਦਿਤ੍ਤਾ ਕਲਚ (ਚਿਨ੍ਤਾਮਣਿਟੀਕਾ)], ਕੋਸਿਕੋ, ਸੁਰਗਾਮਣੀ, ਨਾਕਨਾਥੋ, ਹਰੀ ਇਚ੍ਚਾਦੀਨਿਪਿ ਸਕ੍ਕਸ੍ਸ ਨਾਮਾਨਿ.

ਅਸ੍ਸ ਸਕ੍ਕਸ੍ਸ ਭਰਿਯਾ ਸੁਜਾਤਾ ਨਾਮ. ਸੁਖੇਨ ਜਾਤਾ, ਸੁਨ੍ਦਰਾ ਵਾ ਜਾਤਿ ਯਸ੍ਸਾ ਸਾ ਸੁਜਾਤਾ. ਪੁਲੋਮਜਾ, ਸਚੀ, ਇਨ੍ਦਾਨੀ ਇਚ੍ਚਾਦੀਨਿਪਿ ਸਕ੍ਕਭਰਿਯਾਯ ਨਾਮਾਨਿ.

ਅਸ੍ਸ ਸਕ੍ਕਸ੍ਸ ਪੁਰਂ ਮਸਕ੍ਕਸਾਰਾਦਯੋ ਤਯੋ ਭਵੇ. ਮੋ ਚ ਸਕ੍ਕੋ ਚ ਮਸਕ੍ਕਾ, ਤੇ ਸਰਨ੍ਤਿ ਗਚ੍ਛਨ੍ਤਿ ਏਤ੍ਥ ਕੀਲ਼ਾਵਸੇਨਾਤਿ ਮਸਕ੍ਕਸਾਰਾ, ਮਹਿਸ੍ਸਰਾਦੀਨਂ ਪਰਿਸਾਨਂ, ਸਕ੍ਕਸ੍ਸ ਚ ਕੀਲ਼ਾਨੁਭਵਨਟ੍ਠਾਨਨ੍ਤ੍ਯਤ੍ਥੋਤਿ ¶ ਚਿਨ੍ਤਾਮਣਿਥੁਤਿਟੀਕਾਯਂ ਵੁਤ੍ਤਂ. ਸਙ੍ਗਹਟੀਕਾਯਂ ਪਨ ‘‘ਮਸਕ੍ਕਨ੍ਤਿ ਵਾ ਵਸੋਕਨ੍ਤਿ ਵਾ ਅਸੁਰਪੁਰਸ੍ਸ ਨਾਮਂ, ਇਦਂ ਪਨ ਤੇਸਂ ਉਤ੍ਤਮਤ੍ਤਾ ਮਸਕ੍ਕਸਾਰੋ, ਵਸੋਕਸਾਰੋਤਿ ਚ ਵੁਤ੍ਤ’’ਨ੍ਤਿ ਵੁਤ੍ਤਂ. ਅਮਰਾ ਏਤਿਸ੍ਸਂ ਸਨ੍ਤਿ ਅਮਰਵਤੀ, ਸਾ ਏਵ ਅਮਰਾਵਤੀ, ਰਸ੍ਸਸ੍ਸ ਦੀਘਤਾ [ਪਾਣਿਨੀ ੬.੩.੧੧੯].

ਅਸ੍ਸ ਸਕ੍ਕਸ੍ਸ ਪਾਸਾਦੋ ਵੇਜਯਨ੍ਤੋ ਨਾਮ. ਵੇਜਯਨ੍ਤੀ ਪਟਾਕਾ ਪਸਤ੍ਥਾ, ਭੂਤਾ ਵਾ ਅਸ੍ਸ ਅਤ੍ਥੀਤਿ ਵੇਜਯਨ੍ਤੋ.

ਅਸ੍ਸ ਸਕ੍ਕਸ੍ਸ ਸਭਾ ਸੁਧਮ੍ਮਾ ਮਤਾ. ਸੋਭਨੋ ਧਮ੍ਮੋ ਅਸ੍ਸਾਤਿ ਸੁਧਮ੍ਮਾ, ਦੇਵਮਣ੍ਡਪੋ.

੨੨. ਤਸ੍ਸ ਸਕ੍ਕਸ੍ਸ ਰਥੋ ਵੇਜਯਨ੍ਤੋ ਨਾਮ. ਵੇਜਯਨ੍ਤੀਨਾਮਾਯ ਪਟਾਕਾਯ ਯੋਗਤੋ ਵੇਜਯਨ੍ਤੋ. ਤਸ੍ਸ ਸਕ੍ਕਸ੍ਸ ਸਾਰਥਿ ਸੂਤੋ ਮਾਤਲਿਨਾਮ. ਮਤਲਸ੍ਸ [ਮਾਤਲਾਯ (ਕ.)] ਅਪਚ੍ਚਂ ਮਾਤਲਿ, ਤਸ੍ਸ ਸਕ੍ਕਸ੍ਸ ਗਜੋ ਏਰਾਵਣੋ ਨਾਮ, ਇਰਾਵਣੋ ਸਮੁਦ੍ਦੋ, ਤਤ੍ਰਜਾਤੋ ਏਰਾਵਣੋ [ਇਰਾਵਤਿ ਸਮੁਦ੍ਦੇ ਜਾਤੋ (ਏਰਾਵਤੋ), ਸੇਸੇ ਅਣ… ਪਿਸੋਦਰਾਦਿਤ੍ਤਾ ਣਤ੍ਤੇ ਏਰਾਵਣੋ (ਚਿਨ੍ਤਾਮਣਿਟੀਕਾ)]. ਤਸ੍ਸ ਸਕ੍ਕਸ੍ਸ ਸਿਲਾਸਨਂ ਪਣ੍ਡੁਕਮ੍ਬਲੋ ਨਾਮ. ਪਣ੍ਡੁਵਣ੍ਣਕਮ੍ਬਲਸਦਿਸਤ੍ਤਾ ਪਣ੍ਡੁਕਮ੍ਬਲੋ. ਸਿਲਾ ਪਾਸਾਣੋ ਏਵ ਆਸਨਂ ਸਿਲਾਸਨਂ.

੨੩. ਤਸ੍ਸ ਸਕ੍ਕਸ੍ਸ ਪੁਤ੍ਤਾ ਸੁਵੀਰ, ਜਯਨ੍ਤਇਚ੍ਚਾਦਯੋ. ਅਤਿਸਯੇਨ ਸੂਰਤ੍ਤਾ ਸੁਵੀਰੋ. ਅਸੁਰੇ ਜਯਤੀਤਿ ਜਯਨ੍ਤੋ. ਤਸ੍ਸ ਸਕ੍ਕਸ੍ਸ ਪੋਕ੍ਖਰਣੀ ਨਨ੍ਦਾ ਨਾਮ ਭਵੇ. ਨਨ੍ਦੀਯਤੀਤਿ ਨਨ੍ਦਾ. ਪੋਕ੍ਖਰਂ ਵੁਚ੍ਚਤਿ ਪਦੁਮਂ, ਸਲਿਲਞ੍ਚ, ਤੇਹਿ ਸਤ੍ਤਾਨਂ ¶ ਮਨਂ ਅਤ੍ਤਾਨਂ ਨਯਤੀਤਿ ਪੋਕ੍ਖਰਣੀ, ਪੋਕ੍ਖਰੇਨ ਵਾ ਸੁਨ੍ਦਰੇਨ ਅਣ੍ਣੇਨ ਜਲੇਨ ਸਹਿਤਤ੍ਤਾ ਪੋਕ੍ਖਰਣ੍ਣੀ, ਸਾ ਏਵ ਪੋਕ੍ਖਰਣੀ. ਤਸ੍ਸ ਸਕ੍ਕਸ੍ਸ ਵਨਾਨਿ ਉਯ੍ਯਾਨਾਨਿ ਨਨ੍ਦਨਾਦੀਨਿ ਚਤ੍ਤਾਰਿ. ਨਨ੍ਦਯਤੀਤਿ ਨਨ੍ਦਨਂ. ਨਾਨਾਦਿਬ੍ਬਰੁਕ੍ਖੇਹਿ ਮਿਸ੍ਸਕਤ੍ਤਾ ਮਿਸ੍ਸਕਂ. ਨਾਨਾਲਤਾਹਿ ਵਲ੍ਲੀਹਿ ਚਿਤ੍ਤਤ੍ਤਾ ਚਿਤ੍ਤਲਤਾ, ਨਾਨਾਵਿਰਾਗਵਣ੍ਣਵਿਚਿਤ੍ਤਾਯ ਵਾ ਲਤਾਯ ਸਮਨ੍ਨਾਗਤਤ੍ਤਾ ਚਿਤ੍ਤਲਤਾ, ਦੇਵਤਾਨਂ ਵਾ ਚਿਤ੍ਤਾਸਾ ਏਤ੍ਥ ਅਤ੍ਥੀਤਿ ਚਿਤ੍ਤਾ, ਆਸਾਵਤੀ ਨਾਮ ਲਤਾ, ਸਾ ਯਸ੍ਸ ਅਤ੍ਥਿ, ਤਂ ਚਿਤ੍ਤਲਤਾ. ਦੇਵਤਾਨਂ ਵਾ ਚਿਤ੍ਤਂ ਲਨ੍ਤਿ ਗਣ੍ਹਨ੍ਤੀਤਿ ਚਿਤ੍ਤਲਾ, ਦਿਬ੍ਬਰੁਕ੍ਖਾ, ਤੇਸਂ ਸਮੂਹੋ ਚਿਤ੍ਤਲਤਾ, ਇਤ੍ਥਿਲਿਙ੍ਗੇਨ ਤਸ੍ਸ ਵਨਸ੍ਸ ਨਾਮਂ, ਯਥਾ ‘‘ਖੁਦ੍ਦਸਿਕ੍ਖਾ’’ਤਿ. ਫਾਰੁਸਕਾਨਿ ਯਤ੍ਥ ਸਨ੍ਤਿ, ਤਂ ਫਾਰੁਸਕਂ.

੨੪. ਅਸਨ੍ਯਾਦਿਤ੍ਤਯਂ ਤਸ੍ਸ ਸਕ੍ਕਸ੍ਸ ਆਯੁਧਂ. ਅਸ੍ਸਤੇ ਭੁਜ੍ਜਤੇ ਲੋਕਧਾਤੁਕਮਨੇਨਾਯੁਧੇਨਾਤਿ ਅਸਨਿ, ਅਯਂ ਅਸਨਿਸਦ੍ਦੋ ਦ੍ਵੀਸੁ ਪੁਮਿਤ੍ਥਿਲਿਙ੍ਗੇਸੁ ਵਤ੍ਤਤਿ. ਕੁਲਿਮ੍ਹਿ ਸਕ੍ਕਸ੍ਸ ਹਤ੍ਥੇ ਸੇਤਿ ਤਿਟ੍ਠਤੀਤਿ ਕੁਲਿਸਂ, ਕੁਲਿ ਹਤ੍ਥੋ ਭੁਜਾਦਲੋਤਿ ਹਿ ਤਿਕਣ੍ਡਸੇਸੋ [ਤਿਕਣ੍ਡਸੇਸ ੨.੬.੨੬]. ਕੁਯਂ ਵਾ ਪਥਵਿਯਂ ਲਿਸਤਿ ਤਨੁ ਭਵਤੀਤਿ ਕੁਲਿਸਂ. ਵਜ ਗਤਿਯਂ, ਵਜਤੇਵ ਨ ਪਟਿਹਞ੍ਞਤੇ ਯਸ੍ਸ ਗਮਨਂ ਕੇਨਚੀਤਿ ਵਜਿਰਂ, ਇਰਪਚ੍ਚਯੋ. ਵਜਿਰਸਹਚਰਣਤੋ ਕੁਲਿਸਸਦ੍ਦੋਪਿ ਪੁਨ੍ਨਪੁਂਸਕੇ. ਭਿਦੁਰਂ, ਪਵਿ, ਸਤਕੋਟਿ, ਸੁਰੁ, ਸਮ੍ਬੋ, ਦਮ੍ਭੋਲਿਇਚ੍ਚਾਦੀਨਿਪਿ ਵਜਿਰਸ੍ਸ ਨਾਮਾਨਿ. ਤਤ੍ਰ ਭਿਦੁਰਂ ਪੁਨ੍ਨਪੁਂਸਕੇ, ਪਵਿਆਦਯੋ ਪੁਮੇ.

ਰਮ੍ਭਾ ¶ ਚ ਅਲਮ੍ਬੁਸਾ ਚ ਇਚ੍ਚਾਦਿਕਾ ਦੇਵਿਤ੍ਥਿਯੋ ਅਚ੍ਛਰਾਯੋ ਨਾਮਾਤਿ ਵੁਤ੍ਤਾ. ਅਚ੍ਛਰਾਵਿਸੇਸਾ ਹਿ ਏਤਾ. ਅਚ੍ਛੋ ਨਿਮ੍ਮਲਵਣ੍ਣੋ ਏਤਾਸਮਤ੍ਥੀਤਿ ਅਚ੍ਛਰਾਯੋ. ‘‘ਅਪਸਰਾ’’ਤਿਪਿ ਏਤਾਸਮੇਵ ਸਾਮਞ੍ਞਸਞ੍ਞਾ. ਦੇਵਪੁਤ੍ਤਾਨਂ ਰਤਿਂ ਭਾਵੇਨ੍ਤਿ ਵਡ੍ਢੇਨ੍ਤੀਤਿ ਰਮ੍ਭਾ, ਰਂ ਕਾਮਗ੍ਗਿਂ ਭਨ੍ਤਿ ਦੀਪਯਨ੍ਤਿ ਜਾਲੇਨ੍ਤੀਤਿ ਵਾ ਰਮ੍ਭਾ, ਨਿਗ੍ਗਹੀਤਾਗਮੋ. ਕਾਮਰਤਿਵਸੇਨ ਦੇਵਪੁਤ੍ਤੇ ਅਤ੍ਤਨਿ ਵਸਾਪੇਤੁਂ ਅਲਂ ਸਮਤ੍ਥਾਤਿ ਅਲਮ੍ਬੁਸਾ, ਅਸ੍ਸੁਕਾਰੋ. ਦੇਵਾਨਂ ਦੇਵਪੁਤ੍ਤਾਨਂ, ਦੇਵੀਭੂਤਾ ਵਾ ਇਤ੍ਥਿਯੋ ਦੇਵਿਤ੍ਥਿਯੋ.

‘‘ਪਞ੍ਚਸਿਖੋ, ਹਾਹਾ, ਹੂਹੂ’’ਇਚ੍ਚਾਦਯੋ ਗਨ੍ਧਬ੍ਬਾ ਨਾਮ. ਪਞ੍ਚ ਸਿਖਾ ਚੂਲ਼ਾ ਯਸ੍ਸ ਸੋ ਪਞ੍ਚਸਿਖੋ. ‘‘ਹਾ’’ਤਿ ਅਨਨ੍ਦਿਤਂ ਧਨਿਂ [ਨਿਨ੍ਦਿਭਦ੍ਧਨਿਂ (ਚਿਨ੍ਤਾਮਣਿਟੀਕਾ)] ਜਹਤੀਤਿ ਹਾਹਾ. ‘‘ਹੂ’’ਤਿ ਗੀਤਵਿਸੇਸਸਦ੍ਦਂ ਹੂਯਤੇਤਿ ਹੂਹੂ. ਗਨ੍ਧਂ ਅਬ੍ਬਨ੍ਤਿ ਭੁਞ੍ਜਨ੍ਤੀਤਿ ਗਨ੍ਧਬ੍ਬਾ, ਗਾਯਨਂ ਵਾ ਧਮ੍ਮੋ ਏਤੇਸਂ ਗਨ੍ਧਬ੍ਬਾ, ਮ੍ਮਸ੍ਸ ਬ੍ਬੋ.

੨੫. ਵਿਮਾਨਾਦਿਦ੍ਵਯਂ ਵਿਮਾਨੇ. ਦੇਵਾਨਮਾਕਾਸੇ ਗਮਨਂ ਯੇਨ ਤਂ ਵਿਮਾਨਂ, ਵਿਗਤਂ [ਵਿਨਾ (ਕ.)] ਮਾਨਂ ਉਪਮਾਨਮਸ੍ਸ ਵਿਮਾਨਂ. ਵਿਹੇ ਆਕਾਸੇ ਗਚ੍ਛਤੀਤਿ ਬ੍ਯਮ੍ਹਂ, ਹਕਾਰਤੋ ਪੁਬ੍ਬੇ ਅਮਪਚ੍ਚਯੋ. ਏਤ੍ਥ ਚ ਵਿਮਾਨਬ੍ਯਮ੍ਹਸਦ੍ਦਾ ਦ੍ਵੇਪਿ ਅਨਿਤ੍ਥਿਯਂ ਪੁਨ੍ਨਪੁਂਸਕੇ ਵਤ੍ਤਨ੍ਤਿ.

ਪੀਯੁਸਾਦਿਤ੍ਤਯਂ ਅਮਤੇ. ਪੀਯਤੇਤਿ ਪੀਯੁਸਂ, ‘‘ਅਮਤਪਾ’’ਤਿ ਹਿ ਵੁਤ੍ਤਂ, ਉਸਪਚ੍ਚਯੋ [ਉਣਾਦਿ ੪.੭੬ ਣ੍ਵਾਦਿ ੨੧੫ ਸੁਤ੍ਤੇਸੁ ਪਨ ‘‘ਪੀਯੂਸ’’ਮਿਤਿ ਦਿਸ੍ਸਤਿ]. ‘‘ਪੇਯੁਸੋ’’ਤਿਪਿ ਨਾਮਮਸ੍ਸ. ਨ ਮਤਂ ਮਰਣਮਨੇਨ ਅਮਤਂ. ਸੁਖੇਨ ਧਯਨ੍ਤਿ ਪਿਵਨ੍ਤਿ ਤਂ ਇਤਿ ਸੁਧਾ. ਏਤ੍ਥ ਚ ਅਮਤਸਦ੍ਦੋ ਯਞ੍ਞਸੇਸਪੀਯੁਸਸਲਿਲਘਤਾਦੀਸੁ ਨਪੁਂਸਕੇ ¶ , ਧਨ੍ਵਨ੍ਤਰਿਦੇਵਾਦੀਸੁ ਪੁਲ੍ਲਿਙ੍ਗੇ, ਗਲ਼ੋਝਾਭਯਾਮਲਕ੍ਯਾਦੀਸੁ ਇਤ੍ਥਿਲਿਙ੍ਗੇਤਿ ਤੀਸੁ ਵਤ੍ਤਤਿ [ਅਮਤਂ ਯਞ੍ਞਸੇਸੇ ਚ, ਪੀਯੂਸੇ ਸਲਿਲੇ ਘਤੇ ਅਯਾਚਿਤੇ ਚ ਮੋਕ੍ਖੇ ਚ, ਨਾ ਧਨ੍ਵਨ੍ਤਰਿਦੇਵਸੁ ਅਮਤਾ ਮਾਗਧੀਪਥ੍ਯਾ ਗੁਲ਼ੁਚ੍ਯਾਮਲਕੀਸੁ ਚ (ਮੇਦਿਨੀਕੋਸ ੧੬ ੭੭-੮)], ਤਂਸਹਚਰਣਤੋ ਪੀਯੁਸਸਦ੍ਦੋਪਿ ਤੀਸੁ ਲਿਙ੍ਗੇਸੁ. ਸੁਧਾਸਦ੍ਦੋ ਪਨ ਅਮਤਨੁਹੀਲੇਪਾਦੀਸੁਪਿ ਨਿਚ੍ਚਮਿਤ੍ਥਿਲਿਙ੍ਗੋਵ [ਸੁਧਾ ਲੇਪੋ’ਮਤਂ ਨੁਹੀ (ਅਮਰ ੨੩.੧੦੧)].

ਸਿਨੇਰੁਆਦਿਪਞ੍ਚਕਂ ਪਬ੍ਬਤਰਾਜੇ. ਸਿਨਾ ਸੋਚੇਯ੍ਯੇ, ਸਿਨਾਤਿ ਸੋਚੇਤਿ ਦੇਵੇਤਿ ਸਿਨੇਰੁ, ਏਰੁਪਚ੍ਚਯੋ. ਮੀ ਹਿਂਸਾਯਂ, ਮਿਨਾਤਿ ਹਿਂਸਤਿ ਸਬ੍ਬੇ ਪਬ੍ਬਤੇ ਅਤ੍ਤਨੋ ਉਚ੍ਚਤਰਟ੍ਠੇਨਾਤਿ ਮੇਰੁ, ਰੁਪਚ੍ਚਯੋ. ਤਿਦਿਵਾਨਂ ਦ੍ਵਿਨ੍ਨਂ ਦੇਵਲੋਕਾਨਂ ਆਧਾਰੋ ਪਤਿਟ੍ਠਾਤਿ ਤਿਦਿਵਾਧਾਰੋ. ਦੇਵੇ ਨਯਤੀਤਿ ਨੇਰੁ. ਸੁਮੇਰੂਤਿ ਉਪਸਗ੍ਗੇਨ ਨਾਮਂ ਵਡ੍ਢਿਤਂ. ਹੇਮਦ੍ਦਿ, ਰਤਨਸਾਨੁ, ਸੁਰਾਲਯਾਦੀਨਿਪਿ ਪਬ੍ਬਤਰਾਜਸ੍ਸ ਨਾਮਾਨਿ.

੨੬. ਯੁਗਨ੍ਧਰਾਦੀਨਿ ਸਿਨੇਰੁਸ੍ਸ ਪਰਿਵਾਰਭੂਤਾਨਂ ਸਤ੍ਤਨ੍ਨਂ ਪਰਿਭਣ੍ਡਪਬ੍ਬਤਾਨਂ ਨਾਮਾਨਿ. ਚਨ੍ਦਸੂਰਿਯਸਙ੍ਖਾਤਂ ਯੁਗਂ ਧਾਰੇਤਿ ਤਦੁਬ੍ਬੇਧਮਗ੍ਗਚਾਰਿਤ੍ਤਾਤਿ ਯੁਗਨ੍ਧਰੋ. ਈਸਂ ਮਹਿਸ੍ਸਰਂ ਧਾਰੇਤਿ ਤਸ੍ਸ ਨਿਵਾਸਟ੍ਠਾਨਤ੍ਤਾਤਿ ਈਸਧਰੋ. ਕਰਵੀਰਾ ਅਸ੍ਸਮਾਰਕਾ ਬਹਵੋ ਏਤ੍ਥ ਸਨ੍ਤੀਤਿ ਕਰਵੀਰੋ, ਕੇ ਵਾ ਮਯੂਰਾ ਰਵਨ੍ਤਿ ਏਤ੍ਥਾਤਿ ਕਰਵੀਰੋ, ‘‘ਕਰਵੀਕੋ’’ਤਿਪਿ ਪਾਠੋ, ਇਧਾਪਿ ਪਚ੍ਛਿਮੋਯੇਵਤ੍ਥੋ, ਕਰਵੀਕਸਕੁਣਾ ਵਾ ਬਹਵੋ ਏਤ੍ਥ ਸਨ੍ਤੀਤਿ ਕਰਵੀਕੋ. ਸੁਦਸ੍ਸਨਾ ਓਸਧਿਵਿਸੇਸਾ ਬਹੁਕਾ ਏਤ੍ਥ ਸਨ੍ਤੀਤਿ ਸੁਦਸ੍ਸਨੋ, ਸੁਖੇਨ ਪਸ੍ਸਿਤਬ੍ਬਤ੍ਤਾ ਵਾ ਸੁਦਸ੍ਸਨੋ ¶ , ਸੁਨ੍ਦਰਂ ਵਾ ਦਸ੍ਸਨਂ ਏਤ੍ਥਾਤਿ ਸੁਦਸ੍ਸਨੋ. ਪਞ੍ਚਨ੍ਨਂ ਪਬ੍ਬਤਚਕ੍ਕਾਨਂ ਨੇਮਿਸਦਿਸਂ ਕਤ੍ਵਾ ਅਤ੍ਤਾਨਂ ਧਾਰੇਤੀਤਿ ਨੇਮਿਨ੍ਧਰੋ, ਨੇਮਿਭਾਵੇਨ ਵਾ ਧਾਰੇਤਬ੍ਬੋ ਉਪਲਕ੍ਖੇਤਬ੍ਬੋਤਿ ਨੇਮਿਨ੍ਧਰੋ, ਨੇਮਿਂਵਾ ਰਥਦ੍ਦੁਮਂ ਧਾਰੇਤਿ ਯੇਭੁਯ੍ਯੇਨਾਤਿ ਨੇਮਿਨ੍ਧਰੋ. ਵਿਨਤਾ ਨਾਮ ਸੁਪਣ੍ਣਮਾਤਾ, ਤਸ੍ਸਾ ਨਿਵਾਸਟ੍ਠਾਨਤ੍ਤਾ ਵਿਨਤਕੋਤਿ ਚਿਨ੍ਤਾਮਣਿਟੀਕਾ. ਵਿਤ੍ਥਿਣ੍ਣਾ ਵਾ ਨਤਾ ਨਦਿਯੋ ਏਤ੍ਥਾਤਿ ਵਿਨਤਕੋ. ਅਸ੍ਸਕਣ੍ਣਾ ਸਜ੍ਜਦੁਮਾ ਬਹਵੋ ਏਤ੍ਥ ਸਨ੍ਤੀਤਿ ਅਸ੍ਸਕਣ੍ਣੋ, ਅਸ੍ਸਕਣ੍ਣਸਦਿਸਕੂਟਤ੍ਤਾ ਵਾ ਅਸ੍ਸਕਣ੍ਣੋ. ਕੁਲਾਚਲਾਤਿ ਏਤੇ ਸਿਨੇਰੁਆਦਯੋ ਅਟ੍ਠ ਪਬ੍ਬਤਾ ਅਚਲਸਙ੍ਖਾਤਾਨਂ ਪਬ੍ਬਤਾਨਂ ਕੁਲਾਨਿ ਯੋਨਿਯੋ ਪਭਵਾ, ਏਤੇ ਚ ਸਿਨੇਰੁਆਦਯੋ ਅਨੁਪੁਬ੍ਬਸਮੁਗ੍ਗਤਾ, ਸਬ੍ਬਬਾਹਿਰੋ ਚੇਤ੍ਥ ਅਸ੍ਸਕਣ੍ਣੋ. ਨਿਮਿਜਾਤਕੇ ਪਨ –

‘‘ਸੁਦਸ੍ਸਨੋ ਕਰਵੀਕੋ, ਈਸਧਰੋ ਯੁਗਨ੍ਧਰੋ;

ਨੇਮਿਨ੍ਧਰੋ ਵਿਨਤਕੋ, ਅਸ੍ਸਕਣ੍ਣੋ ਗਿਰਿ ਬ੍ਰਹਾ’’ਤਿ [ਜਾ. ੨.੨੨.੫੬੮].

ਵਤ੍ਵਾ ਸਿਨੇਰੁਂ ਪਰਿਕ੍ਖਿਪਿਤ੍ਵਾ ਅਸ੍ਸਕਣ੍ਣੋ ਨਾਮ ਪਬ੍ਬਤੋ ਪਤਿਟ੍ਠਿਤੋ, ਤਂ ਪਰਿਕ੍ਖਿਪਿਤ੍ਵਾ ਵਿਨਤਕੋ ਨਾਮ ਪਬ੍ਬਤੋਤਿ ਏਵਮਞ੍ਞੋਯੇਵਾਨੁਕ੍ਕਮੋ ਕਥਿਤੋ. ਕਿਞ੍ਚਾਪਿ ਕਥਿਤੋ, ਨਾਮਭੇਦਮਤ੍ਤਕਤੋਯੇਵ ਪਨੇਤ੍ਥ ਭੇਦੋ, ਨਾਤ੍ਥਭੇਦਕਤੋਤਿ ਦਟ੍ਠਬ੍ਬਂ.

੨੭. ਆਕਾਸਵਾਹੀਗਙ੍ਗਾਯਂ ਮੇਰੁਸਿਙ੍ਗੋਬ੍ਭਵਾਯਂ ਮਨ੍ਦਾਕਿਨ੍ਯਾਦਿਨਾਮਤ੍ਤਯਂ. ਮਨ੍ਦਂ ਅਕਿਤੁਂ ਸੀਲਮਸ੍ਸਾਤਿ ਮਨ੍ਦਾਕਿਨੀ. ਆਕਾਸੇ ਸਨ੍ਦਮਾਨਾ ਗਙ੍ਗਾ ਆਕਾਸਗਙ੍ਗਾ. ਸੁਰਾਨਂ ਦੇਵਾਨਂ ਨਦੀ ਸੁਰਨਦੀ. ਸੁਰਦੀਘਿਕਾਤਿਪਿ ਏਤਿਸ੍ਸਾ ਨਾਮਂ.

੨੮. ਕੋਵਿਲ਼ਾਰਾਦਿਤ੍ਤਯਂ ¶ ‘‘ਫਲਹਰੋ’’ਤਿਖ੍ਯਾਤੇ ਪਾਰਿਚ੍ਛਤ੍ਤਕੇ. ਕੁਂ ਪਥਵਿਂ ਵਿਦਾਰਯਤਿ ਮੂਲੇਨਾਤਿ ਕੋਵਿਲ਼ਾਰੋ, ਦਸ੍ਸ ਲ਼ੋ. ਪਰਿ ਸਮਨ੍ਤਤੋ ਛਤ੍ਤਂ ਵਿਯ ਤਿਟ੍ਠਤੀਤਿ ਪਾਰਿਚ੍ਛਤ੍ਤਕੋ. ਪਾਰਿਨੋ ਸਮੁਦ੍ਦਸ੍ਸ ਜਾਤੋ ਅਪਚ੍ਚਂ ਪਾਰਿਜਾਤਕੋ, ਸਕਤ੍ਥੇ ਕੋ. ਪਾਰਿਭਦ੍ਦੋ, ਨਿਮ੍ਬਤਰੁ, ਮਨ੍ਦਾਰੋਇਚ੍ਚਾਦੀਨਿਪਿ ਪਾਰਿਚ੍ਛਤ੍ਤਕਸ੍ਸ ਨਾਮਾਨਿ.

ਕਪ੍ਪਰੁਕ੍ਖੋ ਚ ਸਨ੍ਤਾਨੋ ਚ ਆਦਿਨਾ ਮਨ੍ਦਾਰੋ ਪਾਰਿਜਾਤਕੋ ਚ ਹਰਿਚਨ੍ਦਨਞ੍ਚ ਏਤੇ ਪਞ੍ਚ ਦੇਵਦ੍ਦੁਮਾ [ਅਮਰ ੧.੫੩] ਦੇਵਤਰਵੋ ਦੇਵਭੂਮੀਸ੍ਵੇਵ ਸਮ੍ਭਵਤੋ. ਕਪ੍ਪੋ ਸਙ੍ਕਪ੍ਪਿਤੋ ਅਤ੍ਥੋ, ਤਸ੍ਸ ਰੁਕ੍ਖੋ ਜਞ੍ਞਜਨਕਭਾਵੇਨ ਸਮ੍ਬਨ੍ਧੋ, ਕਪ੍ਪਂ ਵਾ ਠਿਤੋ ਰੁਕ੍ਖੋ ਕਪ੍ਪਰੁਕ੍ਖੋ. ਤਨਨਂ ਤਾਨੋ, ਭਾਵੇ ਣੋ. ਗਨ੍ਧਸ੍ਸ ਸਮ੍ਮਾ ਤਾਨੋ ਅਸ੍ਸੇਤਿ ਸਨ੍ਤਾਨੋ, ਸਿਰੀਸਰੁਕ੍ਖੋ. ਮਨ੍ਦਨ੍ਤੇ ਮੋਦਨ੍ਤੇ ਦੇਵਾ ਅਨੇਨਾਤਿ ਮਨ੍ਦਾਰੋ, ਆਰਪਚ੍ਚਯੋ. ਹਰਿਮਿਨ੍ਦਂ ਚਦਯਤਿ ਸੁਖਯਤੀਤਿ ਹਰਿਚਨ੍ਦਨਂ. ਏਤੇ ਪਞ੍ਚ ਦੇਵਤਰਵੋ ਅਮਰਕੋਸਨਯੇਨ ਵੁਤ੍ਤਾ, ਸੋਗਤਨਯੇਨ ਪਨ ਸਤ੍ਤ ਦੇਵਤਰਵੋ. ਵੁਤ੍ਤਞ੍ਚ –

‘‘ਪਾਟਲੀ ਸਿਮ੍ਬਲੀ ਜਮ੍ਬੂ, ਦੇਵਾਨਂ ਪਾਰਿਛਤ੍ਤਕੋ;

ਕਦਮ੍ਬੋ ਕਪ੍ਪਰੁਕ੍ਖੋ ਚ, ਸਿਰੀਸੇਨ ਭਵਤਿ ਸਤ੍ਤਮ’’ਨ੍ਤਿ [ਧ. ਸ. ਅਟ੍ਠ. ੫੮੪; ਸਾਰਤ੍ਥ. ਟੀ. ੧.੧ਵੇਰਞ੍ਜਕਣ੍ਡਵਣ੍ਣਨਾ].

ਤਤ੍ਥ ਪਾਟਲੀਤਿ ਚਿਤ੍ਰਪਾਟਲੀ, ਸਾ ਅਸੁਰਲੋਕੇ ਤਿਟ੍ਠਤਿ. ਤਥਾ ਸਿਮ੍ਬਲੀ ਗਰੁਲ਼ੇਸੁ, ਜਮ੍ਬੂ ਜਮ੍ਬੁਦੀਪੇ, ਪਾਰਿਚ੍ਛਤ੍ਤਕੋ ਤਾਵਤਿਂਸੇ, ਕਦਮ੍ਬੋ ਅਪਰਗੋਯਾਨੇ. ਕਪ੍ਪਰੁਕ੍ਖੋ ਉਤ੍ਤਰਕੁਰੂਸੁ ¶ , ਸਿਰੀਸੋ ਪੁਬ੍ਬਵਿਦੇਹੇਤਿ. ਏਤੇ ਸਤ੍ਤ ਦੇਵਾਨਮੇਵ ਪਤਿਟ੍ਠਾਨਭੂਮੀਸੁ ਸਮ੍ਭਵਤੋ ਦੇਵਤਰਵੋਤ੍ਵੇਵ ਵੁਚ੍ਚਨ੍ਤਿ.

੨੯. ਪੁਬ੍ਬਪਚ੍ਛਿਮਉਤ੍ਤਰਾ ਦਿਸਾ ਯਥਾਕ੍ਕਮਂ ਪਾਚੀ ਪਤੀਚੀ ਉਦੀਚੀ ਨਾਮ ਭਵਨ੍ਤਿ. ਪਠਮਂ ਪਾਤੋ ਅਨ੍ਚਤਿ ਰਵਿ ਯਸ੍ਸਂ ਸਾ ਪਾਚੀ, ਨਕਾਰਲੋਪੋ. ਪਚ੍ਛਾ ਦਿਵਾਵਸਾਨੇ ਅਨ੍ਚਤਿ ਰਵਿ ਯਸ੍ਸਂ ਸਾ ਪਤੀਚੀ. ਉਦ੍ਧਂ ਅਨ੍ਚਤਿ ਰਵਿ ਯਸ੍ਸਂ ਸਾ ਉਦੀਚੀ, ਯਸ੍ਸਂ ਵਾ ਸੀਤਵਿਯੋਗਂ ਦਤ੍ਵਾ ਅਨ੍ਚਤਿ ਸਾ ਉਦੀਚੀ, ਵਿਯੋਗਤ੍ਥਵਾਚਕੋ ਹੇਤ੍ਥ ਉਕਾਰੋ, ਦਸਦ੍ਦੋ ਦਾਨਤ੍ਥੋ. ਅਥ ਵਾ ਪਨ੍ਚਤਿ ਪੁਬ੍ਬਭਾਵਮਾਪਜ੍ਜਤੇਤਿ ਪਾਚੀ. ਪਤਿਨ੍ਚਤਿ ਪਚ੍ਛਾਭਾਵਮਾਪਜ੍ਜਤੇਤਿ ਪਤੀਚੀ. ਉਦਞ੍ਚਤਿ ਸੀਤਵਿਯੋਗਦਾਨਤ੍ਤਮਾਪਜ੍ਜਤੇਤਿ ਉਦੀਚੀ. ਏਤ੍ਥ ਚ ਉਦੀਚੀਸਹਚਰਣਤੋ ਪਤੀਚੀ ਇਤ੍ਥਿਯਂ, ਪਤੀਚੀਸਹਚਰਣਤੋ ਪਾਚੀ ਇਤ੍ਥਿਯਂ ਵਤ੍ਤਤੀਤਿ ਦਟ੍ਠਬ੍ਬਂ. ਏਵਂ ਤਂਤਂਸਹਚਰਣਭਾਵੇਨ ਤਸ੍ਸ ਤਸ੍ਸ ਤਂਤਂਲਿਙ੍ਗਤ੍ਤਮੁਪਨੇਯ੍ਯੁਂ. ਪੁਬ੍ਬਪਚ੍ਛਿਮਉਤ੍ਤਰਾਤਿ ਸਬ੍ਬਨਾਮਸ੍ਸ ਵੁਤ੍ਤਮਤ੍ਤੇ ਪੁਮ੍ਭਾਵੋ.

ਦਕ੍ਖਿਣਾਦਿਦ੍ਵਯਂ ਦਕ੍ਖਿਣਦਿਸਾਯਂ. ਮਜ੍ਝੇ ਅਪਾਯਂ ਅਞ੍ਚਤਿ ਯਸ੍ਸਂ ਰਵਿ, ਸਾ ਅਪਾਚੀ. ਮਜ੍ਝਤ੍ਥੋਯਂ ਅਪਸਦ੍ਦੋ, ਯਥਾ ‘‘ਅਪਦਿਸ’’ਨ੍ਤਿ, ‘‘ਅਵਾਚੀ’’ਤਿਪਿ ਪਾਠੋ, ਅਵਪੁਬ੍ਬੋ ਅਞ੍ਚ ਅਧੋਮੁਖੀਭਾਵੇ. ਅਵਞ੍ਚਤਿ ਅਧੋਮੁਖੀ ਭਵਤਿ ਯਸ੍ਸਂ ਰਵਿ, ਸਾ ਅਵਾਚੀ. ਉਣ੍ਹਾਦਿਕੇ ਵਾ ਤਬ੍ਬਿਯੋਗੇ ਕਰੋਨ੍ਤੋ ਯਸ੍ਸਂ ਰਵਿ ਅਞ੍ਚਤਿ, ਸਾ ਅਵਾਚੀ. ਵਿਦਿਸਾਦਿਦ੍ਵਯਂ ਦਿਸਾਮਜ੍ਝੇ. ਦਿਸਾਹਿ ਵਿਨਿਗ੍ਗਤਾ ਵਿਦਿਸਾ. ਦਿਸਾਨਮਨੁਰੂਪਾ, ਅਨੁਵਤ੍ਤਕਾ ਵਾ ਦਿਸਾ ਅਨੁਦਿਸਾ. ਅਪਦਿਸਨ੍ਤਿਪਿ ਵਿਦਿਸਾਯ ਨਾਮਂ [ਨਪੁਂਸਕਾਬ੍ਯਯਂ ਤ੍ਵ’ਪਦਿਸਂ (ਅਮਰ ੩.੬)].

੩੦. ਏਰਾਵਤਾਦਯੋ ¶ ਅਟ੍ਠ ਗਜਾ ਪੁਬ੍ਬਾਦੀਨਂ ਦਿਸਾਨਂ ਰਕ੍ਖਣਤੋ ਦਿਸਾਗਜਾ ਨਾਮ, ਪੁਣ੍ਡਰੀਕਂ ਨਾਮ ਸਿਤਮ੍ਬੋਜਂ, ਤਂਸਦਿਸਵਣ੍ਣਤਾਯ ਪੁਣ੍ਡਰੀਕੋ. ਰਸ੍ਸਸਰੀਰਤਾਯ ਵਾਮਨੋ. ਕੁਯਂ ਪਥਵਿਯਂ ਮੋਦਤੇ ਕੁਮੁਦੋ. ਅਞ੍ਜਨਵਣ੍ਣਤਾਯ ਅਞ੍ਜਨੋ. ਪੁਪ੍ਫਾ ਪਕਾਸਮਾਨਾ ਦਨ੍ਤਾ ਅਸ੍ਸ ਪੁਪ੍ਫਦਨ੍ਤੋ. ਸਬ੍ਬਭੂਮਿਯਂ ਚਰਤੀਤਿ ਸਬ੍ਬਭੁਮ੍ਮੋ, ਸਬ੍ਬਭੁਮ੍ਮੋ ਵਾ ਚਕ੍ਕਵਤ੍ਤੀ ਤਸ੍ਸਾਨੁਰੂਪਤ੍ਤਾ ਸਬ੍ਬਭੁਮ੍ਮੋ. ਸੋਭਨਦਨ੍ਤਾਵਯਵਤ੍ਤਾ ਸੁਪ੍ਪਤੀਕੋ [ਸੋਭਨਾ ਪਤੀਕਾ ਅਵਯਵਾ’ਸ੍ਸ ਸੁਪ੍ਪਤੀਕੋ (ਕ.)]. ‘‘ਸੁਪ੍ਪਤੀਕੋ ਸੋਭਨਙ੍ਗੇ, ਭਵੇ ਈਸਾਨਦਿਸਾਗਜੇ’’ਤਿ ਹਿ ਨਾਨਤ੍ਥਸਙ੍ਗਹੇ ਵੁਤ੍ਤਂ. ਏਰਾਵਤਾਦੀਨਂ ਦਿਸਾਨਂ ਸਮ੍ਬਨ੍ਧਕਥਨਂ ਪਾਚੀਵਾਰਣਾਦਿਨਾਮਸੂਚਨਤ੍ਥਂ, ਏਸਂ ਕਰੇਣੁਯੋ ਪਨ –

ਅਬ੍ਭਮੁ ਕਪਿਲਾ ਚੇਵ, ਪਿਙ੍ਗਲਾ ਨੁਪਮਾ ਮਤਾ;

ਤਮ੍ਬਕਣ੍ਣੀ ਸੁਭਦਨ੍ਤੀ, ਅਙ੍ਗਨਾ ਅਞ੍ਜਨਾਵਤੀ [ਅਮਰ ੩.੫].

੩੧. ਧਤਰਟ੍ਠਾਦਿਦ੍ਵਯਂ ਪੁਬ੍ਬਦਿਸਾਧਿਪਤਿਦੇਵੇ. ਧਾਰਿਤਂ ਰਟ੍ਠਮਨੇਨਾਤਿ ਧਤਰਟ੍ਠੋ, ਰਸ੍ਸ ਤੋ. ਪਞ੍ਚਸਿਖਾਦੀਨਂ ਗਨ੍ਧਬ੍ਬਾਨਂ ਅਧਿਪੋ ਨਾਯਕੋ ਗਨ੍ਧਬ੍ਬਾਧਿਪੋ. ਕੁਮ੍ਭਣ੍ਡਸਾਮ੍ਯਾਦਿਦ੍ਵਯਂ ਦਕ੍ਖਿਣਦਿਸਾਧਿਪਤਿਦੇਵੇ. ਕੁਮ੍ਭਣ੍ਡਾਨਂ ਸਾਮਿ ਨਾਯਕੋ ਕੁਮ੍ਭਣ੍ਡਸਾਮਿ. ਵਿਰੁਹਨ੍ਤਿ ਵੁਡ੍ਢਿਂ ਵਿਰੂਲ਼੍ਹਿਮਾਪਜ੍ਜਨ੍ਤਿ ਏਤਸ੍ਮਿਂ ਕੁਮ੍ਭਣ੍ਡਾਤਿ ਵਿਰੂਲ਼੍ਹਕੋ. ਵਿਰੂਲ਼੍ਹਂ ਵੁਡ੍ਢਿਪ੍ਪਤ੍ਤਂ ਵਾ ਕਂ ਸੁਖਮੇਤਸ੍ਸਾਤਿ ਵਿਰੂਲ਼੍ਹਕੋ. ਵਿਰੂਪਕ੍ਖਾਦਿਦ੍ਵਯਂ ਪਚ੍ਛਿਮਦਿਸਾਧਿਪਤਿਦੇਵੇ. ਵਿਰੂਪਾਨਿ ਅਕ੍ਖੀਨਿ ਯਸ੍ਸ ਵਿਰੂਪਕ੍ਖੋ, ਵਿਵਿਧਸਣ੍ਠਾਨਾਨਿ ਅਕ੍ਖੀਨਿ ਯਸ੍ਸ ਵਾ ਵਿਰੂਪਕ੍ਖੋ. ਨਾਗਾਨਂ ਅਧਿਪਤਿ ਨਾਗਾਧਿਪਤਿ.

੩੨. ਯਕ੍ਖਾਧਿਪਾਦਿਚਤੁਕ੍ਕਂ ¶ ਕੁਵੇਰੇ. ਆਲ਼ਵਕਾਦਿਯਕ੍ਖਾਨਂ ਅਧਿਪੋ ਯਕ੍ਖਾਧਿਪੋ. ਵਿਸ੍ਸਵਣਸ੍ਸ ਅਪਚ੍ਚਂ ਵੇਸ੍ਸਵਣੋ. ਤਿਚਰਣਾਟ੍ਠਦਾਠਾਭਯਾਨਕਮਤ੍ਥਿਤਾਯ ਕੁਚ੍ਛਿਤਂ ਵੇਰੋ ਸਰੀਰਮਸ੍ਸ ਕੁਵੇਰੋ. ਖੁਦ੍ਦੇਨਾਸ੍ਸ ਨਰਯੁਤ੍ਤਾ ਸਿਵਿਕਾਰਥੇਤਿ ਨਰੋ ਵਾਹਨਮਸ੍ਸ ਨਰਵਾਹਨੋ. ਤ੍ਯਮ੍ਬਕਸਖੋ, ਯਕ੍ਖਰਾਜੋ, ਗੁਯ੍ਹਕੇਸਰੋ, ਮਨੁਸ੍ਸਧਮ੍ਮਾ, ਧਨਦੋ, ਰਾਜਰਾਜੋ, ਧਨਾਧਿਪੋ, ਕਿਨ੍ਨਰੇਸੋ, ਯਕ੍ਖੋ, ਏਕਪਿਙ੍ਗਲੋ, ਸਿਰਿਦੋ, ਪੁਞ੍ਞਜਨੇਸ੍ਸਰੋਇਚ੍ਚਾਦੀਨਿਪਿ ਕੁਵੇਰਸ੍ਸ ਨਾਮਾਨਿ.

ਅਸ੍ਸ ਕੁਵੇਰਸ੍ਸ ਪੁਰੀ ‘‘ਅਲ਼ਕਾ, ਅਲ਼ਕਮਨ੍ਦਾ’’ਤਿ ਚ ਵੁਚ੍ਚਤਿ. ਅਲਂ ਵਿਭੂਸਨੇ, ਅਲਂ ਵਿਭੂਸਨਂ ਕਰੋਤੀਤਿ ਅਲਕਾ, ਸਾ ਏਵ ਅਲ਼ਕਾ. ਅਲ਼ਕਾ ਏਵ ਮੋਦਕਰਣਤੋ ਅਲ਼ਕਮਨ੍ਦਾ, ਉਕਾਰਸ੍ਸ ਅਕਾਰੋ, ਨਾਗਮੋ ਚ. ਕੇਲਾਸੋਤਿਪਿ ਤਸ੍ਸ ਨਾਮਂ, ਕੇਲਿ ਪਯੋਜਨਂ ਅਸ੍ਸ ਕੇਲੋ, ਆਸਤੇ ਅਸ੍ਮਿਨ੍ਤਿ ਆਸੋ, ਕੇਲੋ ਚ ਸੋ ਆਸੋ ਚੇਤਿ ਕੇਲਾਸੋ, ਕਣ੍ਹਸਪ੍ਪਾਦਿ ਵਿਯ ਨਿਚ੍ਚਂ ਕਮ੍ਮਧਾਰਯੋ. ਅਸ੍ਸ ਕੁਵੇਰਸ੍ਸ ਪਹਰਣਂ ਆਯੁਧਂ ਗਦਾ, ਗਂ ਵੁਚ੍ਚਤਿ ਵਜਿਰਂ, ਤਂ ਵਿਯ ਦੁਕ੍ਖਂ ਦਦਾਤੀਤਿ ਗਦਾ. ਇਮੇ ਚਤ੍ਤਾਰੋ ਯਥਾਵੁਤ੍ਤਾ ਧਤਰਟ੍ਠਾਦਯੋ ਦੇਵਾ ਕਮਤੋ ਪੁਬ੍ਬਾਦੀਨਂ ਚਤੁਦ੍ਦਿਸਾਨਂ ਅਧਿਪਾ ਅਧਿਪਤਯੋ ਨਾਮ. ਅਮਰਕੋਸੇ ਪਨ –

‘‘ਇਨ੍ਦੋ ਅਗ੍ਗਿ ਪਿਤੁਪਤਿ, ਨੇਰਿਤੋ ਵਰੁਣੋ’ਨਿਲੋ;

ਕੁਵੇਰੋ ਈਸੋ ਪਤਯੋ, ਪੁਬ੍ਬਾਦੀਨਂ ਇਮੇ ਕਮਾ.

ਰਵਿ ¶ ਸੁਕ੍ਕੋ ਮਹੀਸੂਨੁ, ਤਮੋ ਚ ਭਾਨੁਜੋ ਵਿਧੁ;

ਬੁਧੋ ਸੁਰਗੁਰੁ ਚੇਤਿ, ਦਿਸਾਧਿਪਾ ਤਥਾ ਗਹਾ’’ਤਿ [ਅਮਰ ੩.੩-੪].

ਅਞ੍ਞੇਯੇਵ ਦਿਸਾਧਿਪਤਯੋ ਕਥਿਤਾ, ਇਨ੍ਦਰਵਿਮਾਦੀਨਞ੍ਚ ਦਿਸਾਧਿਪਚ੍ਚਕਥਨਂ ਪਾਝਾਦੀਨਂ ਇਨ੍ਦਦਿਸਾਰਵਿਦਿਸਾਦਿਨਾਮਸੂਚਨਫਲਂ.

੩੩-੩੪. ਜਾਤਵੇਦਾਦ੍ਯਟ੍ਠਾਰਸਕਂ ਅਗ੍ਗਿਮ੍ਹਿ. ਜਾਤੇ ਉਪ੍ਪਨ੍ਨੇ ਵਿਨ੍ਦਤਿ ਘਾਤਯਤੀਤਿ ਜਾਤਵੇਦੋ. ਅਨ੍ਧਕਾਰੇ ਜਾਤਂ ਵਿਜ੍ਜਮਾਨਂ ਵਿਨ੍ਦਤਿ ਲਭਤਿ, ਵਿਦਤਿ ਜਾਨਾਤਿ ਏਤੇਨਾਤਿ ਵਾ ਜਾਤਵੇਦੋ, ਜਨਨਂ ਜਾਤਂ ਵੇਦੋ ਪਾਕਟੋ ਯਸ੍ਸ ਵਾ ਸੋ ਜਾਤਵੇਦੋ. ਸਿਖਾ ਵੁਚ੍ਚਤਿ ਜਾਲਾ, ਤਾਯ ਯੋਗਤੋ ਸਿਖੀ. ਜੋਤਤਿ ਦਿਪ੍ਪਤੀਤਿ ਜੋਤਿ. ਪੁਨਾਤੀਤਿ ਪਾਵਕੋ, ਣ੍ਵੁ. ਦਹਤੀਤਿ ਦਹਨੋ. ਅਨਨ੍ਤਿ ਪਾਲੇਨ੍ਤ੍ਯਨੇਨੇਤਿ ਅਨਲੋ, ਅਲਪਚ੍ਚਯੋ. ਵੇਦੇ ਹੁਤਂ ਵਹਤਿ ਪਾਪਯਤਿ, ਸਯਂ ਵਾ ਲਭਤੇਤਿ ਹੁਤਾਵਹੋ. ਅਚ੍ਚਿ ਵੁਚ੍ਚਤਿ ਜਾਲਾ, ਤਾਯ ਯੋਗਤੋ ਅਚ੍ਚਿਮਾ. ਧੂਮੋ ਕੇਤੁ ਧਜੋ ਯਸ੍ਸਾਤਿ ਧੂਮਕੇਤੁ. ਅਜਤਿ ਜਲਮਾਨੋ ਕੁਟਿਲਂ ਗਚ੍ਛਤੀਤਿ ਅਗ੍ਗਿ, ਇ. ਗੋ ਰਂਸਿ ਏਤਸ੍ਸਤ੍ਥੀਤਿ ਗਿਨਿ, ਅਸ੍ਸਤ੍ਥ੍ਯਤ੍ਥੇ ਇਨਿ, ਅਗ੍ਗਿਨੀਤਿਪਿ ਪਾਠੋ, ਸੋ ਅਗ੍ਗਿਸਦਿਸੋ. ਭਾਨੁ ਪਭਾ ਯਸ੍ਸਤ੍ਥਿ, ਸੋ ਭਾਨੁਮਾ. ਤੇਜੇਤਿ ਸੇਸਭੂਤੋਪਾਦਾਰੂਪਾਨੀਤਿ ਤੇਜੋ. ਧੂਮੋ ਸਿਖਾ ਚੂਲ਼ਾ ਯਸ੍ਸ ਧੂਮਸਿਖੋ. ਵਾਯੁ ਸਖਾ ਅਸ੍ਸ ਵਾਯੁਸਖੋ. ਦਹਿਤ੍ਵਾ [ਦਹਤੋ (ਕ.)] ਗਚ੍ਛਤੋ ਕਣ੍ਹਾ ਵਤ੍ਤਨੀ ਮਗ੍ਗੋ ਯਸ੍ਸ ਕਣ੍ਹਵਤ੍ਤਨੀ. ਵਿਸ੍ਸਾਨਰਸ੍ਸ ਇਸਿਨੋ ਅਪਚ੍ਚਂ ਵੇਸ੍ਸਾਨਰੋ. ਹੁਤਂ ¶ ਹਵਿਂ ਅਸਤਿ ਭੁਞ੍ਜਤੀਤਿ ਹੁਤਾਸੋ. ਧਨਞ੍ਜਯੋ, ਜਲਨੋ, ਆਸਯਾਸੋ, ਰੋਹਿਤਸ੍ਸੋ, ਸਤ੍ਤਾਚ੍ਚਿ, ਸੁਕ੍ਕੋ, ਚਿਤ੍ਰਭਾਨੁ, ਵਿਭਾਵਸੁ, ਸੁਚਿਇਚ੍ਚਾਦੀਨਿਪਿ ਅਗ੍ਗਿਸ੍ਸ ਨਾਮਾਨਿ.

ਸਿਖਾਦਿਤ੍ਤਯਂ ਅਗ੍ਗਿਜਾਲਾਯਂ. ਸਿਨੋਤਿ ਨਿਸਾਨੀ ਭਵਤੀਤਿ ਸਿਖਾ, ‘‘ਸਿ ਨਿਸਾਨੇ’’ਤਿ ਕਾਤਨ੍ਤ ਧਾਤੁ, ਖਪਚ੍ਚਯੋ. ਜਲਤੀਤਿ ਜਾਲਾ. ਅਚ੍ਚਤੇ ਪੁਜ੍ਜਤੇ ਅਨੇਨੇਤਿ ਅਚ੍ਚਿ. ਸਿਖਾ ਜਾਲਾ ਭਿਯ੍ਯੋ ਰੂਪਨ੍ਤਰਾ ਇਤ੍ਥਿਯਂ, ਅਚ੍ਚਿ ਪਨ ਅਪੁਮੇ.

੩੫. ਦ੍ਵਯਂ ਅਗ੍ਗਿਕਣੇ [ਤੀਸੁ ਫੁਲਿਙ੍ਗੋ’ਗ੍ਗਿਕਣੋ (ਅਮਰ ੧.੬੦) ਫੁਲਿਙ੍ਗਾਨੀਤਿ ਅਗ੍ਗਿਕਣਾਨਿ (ਮ. ਨਿ. ਟੀ. ੩.੬੫)]. ਵਿਵਿਧਾਸੁ ਦਿਸਾਸੁ ਫੁਲ੍ਲਂ ਗਚ੍ਛਤੀਤਿ ਵਿਪ੍ਫੁਲਿਙ੍ਗਂ. ਤਥਾ ਫੁਲਿਙ੍ਗਂ. ਸਬ੍ਬਧਰਕਤੇ ਪਨ ‘‘ਫੁਲਿਂ ਗਚ੍ਛਤੀਤਿ ਫੁਲਿਙ੍ਗੋ’’ਤਿ ਵੁਤ੍ਤਂ. ਤਿਕਂ ਛਾਰਿਕਾਯਂ. ਮਲੀਨਕਂਸਵਤ੍ਥਾਦੀਨਂ ਤਂ ਦਿਤ੍ਤਿਂ ਸੇਤਿ ਪਵਤ੍ਤੇਤੀਤਿ ਭਸ੍ਮਂ, ਮਪਚ੍ਚਯੋ, ਭਸਤਿ ਵਾ ਅਧੋ ਪਤਤਿ ਵਤ੍ਥਾਦੀਨਂ ਮਲਮੇਤੇਨਾਤਿ ਭਸ੍ਮਂ. ਕਂਸਾਦੀਨਂ ਸੁਕ੍ਕਭਾਵਤ੍ਥਂ ਇਚ੍ਛਿਤਬ੍ਬਤ੍ਤਾ ਇਟ੍ਠਿ ਅਭਿਲਾਸੋ ਸੋਭਨਂ ਏਤਸ੍ਸਾ ਅਤ੍ਥੀਤਿ ਸੇਟ੍ਠਿ, ‘‘ਸਪਕ੍ਖਕੋ ਸਲੋਮਕੋ’’ਤ੍ਯਾਦੀਸੁ ਵਿਯ ਸਸਦ੍ਦਸ੍ਸ ਵਿਜ੍ਜਮਾਨਤ੍ਥਤ੍ਤਾ. ਮਲਸ੍ਸ ਸਰਣਂ ਕਰੋਤੀਤਿ ਸਾਰਿਕਾ, ਸਾ ਏਵ ਛਾਰਿਕਾ, ਯਥਾ ‘‘ਸਲ਼ਾਯਤਨ’’ਨ੍ਤ੍ਯਾਦੀਸੁ.

੩੬. ਦ੍ਵਯਂ ਉਣ੍ਹਛਾਰਿਕਾਯਂ. ਉਣ੍ਹਤ੍ਤਾ ਕੁਕ੍ਕੁਂ ਕੁਚ੍ਛਿਤਂ ਲਾਤੀਤਿ ਕੁਕ੍ਕੁਲੋ, ‘‘ਕੁਕ੍ਕੁ ਵਿਦਤ੍ਥਿਯਂ ਹਤ੍ਥੇ, ਪਕੋਟ੍ਠੇ ਕੁਚ੍ਛਿਤੇਪਿ ਚੇ’’ਤਿ ਹਿ ਨਾਨਤ੍ਥਸਙ੍ਗਹੇ ਵੁਤ੍ਤਂ. ਕੁਕ੍ਕੁਂ ਵਾ ਹਤ੍ਥਂ ਲੁਨਾਤਿ ਛਿਨ੍ਦਤਿ ਦਹਤੀਤਿ ਕੁਕ੍ਕੁਲੋ, ਸੋ ਏਵ ਕੁਕ੍ਕੁਲ਼ੋ ¶ . ਉਣ੍ਹਮੇਵ ਭਸ੍ਮਂ ਉਣ੍ਹਭਸ੍ਮਂ, ਤਸ੍ਮਿਂ. ਤਿਕਂ ਦਿਤ੍ਤਕਟ੍ਠਾਦਿਨ੍ਧਨੇ. ਅਙ੍ਗਤਿ ਹਾਨਿਂ ਗਚ੍ਛਤੀਤਿ ਅਙ੍ਗਾਰੋ, ਆਰਪਚ੍ਚਯੋ, ਪੁਨ੍ਨਪੁਂਸਕੋਯਂ. ‘‘ਅਲਾਤੇ’ਨਿਤ੍ਥਿ ਕੁਜੇ’ਙ੍ਗਾਰੋ’’ਤਿ ਹਿ ਤਿਕਣ੍ਡਸੇਸੇ [ਤਿਕਣ੍ਡਸੇਸ ੩.੩੨੯] ਵੁਤ੍ਤਂ. ਹਾਨਿਮੇਵ ਲਾਤਿ, ਨ ਠਿਤਿਂ ਵਿਸੇਸਞ੍ਚਾਤਿ ਅਲਾਤਂ. ਉਦ੍ਧਂ ਧੂਮਂ ਮੁਞ੍ਚਤੀਤਿ ਉਮ੍ਮੁਤਂ, ਤਦੇਵ ਉਮ੍ਮੁਕਂ. ਪਞ੍ਚਕਂ ਕਟ੍ਠਾਦਿਨ੍ਧਨੇ. ਸਨ੍ਤਮਗ੍ਗਿਂ ਏਧਯਤਿ ਵਡ੍ਢਯਤੀਤਿ ਸਮਿਧਾ. ਏਧਯਤੀਤਿ ਇਧੁਮਂ, ਉਮੋ. ਏਧਯਤੀਤਿ ਇਧੋ. ਉਪਾਦਿਯਤੇ ਅਗ੍ਗਿਨੇਤਿ ਉਪਾਦਾਨਂ. ਏਧਯਤੀਤਿ ਇਨ੍ਧਨਂ.

੩੭. ਪਞ੍ਚਕਂ ਆਲੋਕੇ. ਓਭਾਸਤਿ ਦਿਪ੍ਪਤੀਤਿ ਓਭਾਸੋ. ਪਕਾਸਤਿ ਦਿਪ੍ਪਤੀਤਿ ਪਕਾਸੋ. ਆਲੋਚਯਤਿ ਪਸ੍ਸਤਿ ਏਤੇਨਾਤਿ ਆਲੋਕੋ, ਆਲੋਕੇਤਿ ਵਾ ਏਤੇਨਾਤਿ ਆਲੋਕੋ, ‘‘ਲੋਕ, ਲੋਚ ਦਸ੍ਸਨੇ’’ਤਿ ਧਾਤੁਦ੍ਵਯਪਾਠਤੋ. ਉਜ੍ਜੋਤਤੀਤਿ ਉਜ੍ਜੋਤੋ, ਅਨ੍ਧਕਾਰਂ ਵਿਦ੍ਧਂਸੇਨ੍ਤੋ ਜੋਤਤੀਤਿ ਵਾ ਉਜ੍ਜੋਤੋ. ਆ ਸਮਨ੍ਤਤੋ ਤਪਤਿ ਦਿਪ੍ਪਤੀਤਿ ਆਤਪੋ. ਸਮਾਤਿ ਏਤੇ ਪਞ੍ਚ ਤੁਲ੍ਯਤ੍ਥਾਤਿ ਭਾਵੋ.

ਦਸਕਂ ਵਾਤੇ. ਆਹਾਰੋ ਵਿਯ ਪਾਣਭੂਤੋਪਿ ਕਦਾਚਿ ਸਤ੍ਤੇ ਮਾਰੇਤੀਤਿ ਮਾਰੁਤੋ, ਸੋਵ ਮਾਲੁਤੋ. ਪੁਨਾਤਿ ਸਙ੍ਕਾਰਾਦਿਕਨ੍ਤਿ ਪਵਨੋ. ਵਾਯਤਿ ਗਚ੍ਛਤੀਤਿ ਵਾਯੁ, ਵਾਯਤਿ ਵਾ ਪੁਪ੍ਫਾਦੀਨਂ ਗਨ੍ਧੋ ਯੇਨ ਸੋ ਵਾਯੁ. ਤਥਾ ਵਾਤੋ. ਅਨਨ੍ਤਿ ਪਾਣਨ੍ਤ੍ਯਨੇਨੇਤਿ ਅਨਿਲੋ, ਇਲੋ. ਸਨ੍ਤਂ ਨਿਚ੍ਚਲਂ ¶ ਈਰਯਤਿ ਕਮ੍ਪੇਤੀਤਿ ਸਮੀਰਣੋ, ਸਮੀਰਿਤੁਂ ਕਮ੍ਪਿਤੁਂ ਸੀਲਮਸ੍ਸਾਤਿ ਵਾ ਸਮੀਰਣੋ. ਗਨ੍ਧਂ ਵਹਤੀਤਿ ਗਨ੍ਧਵਾਹੋ, ਣੋ. ਵਾਯੋ ਵਾਯੁਸਦਿਸੋ, ਉਭਯਤ੍ਰਾਪਿ ਯਾਗਮੋ. ਸਮਨ੍ਤਤੋ ਈਰਤਿ ਖਿਪਤਿ ਰੁਕ੍ਖਾਦਯੋਤਿ ਸਮੀਰੋ. ਸਦਾ ਸਬ੍ਬਦਾ ਗਤਿ ਯਸ੍ਸ ਸਦਾਗਤਿ. ਸਸਨੋ, ਗਨ੍ਧਵਹੋ, ਆਸੁਗੋ, ਮਰੁਤੋ, ਜਗਤਿਪਾਣੋ, ਪਵਮਾਨੋ, ਪਭਞ੍ਜਨੋ ਇਚ੍ਚਾਦੀਨਿਪਿ ਵਾਤਨਾਮਾਨਿ.

੩੮. ਇਮੇ ਛ ਵਕ੍ਖਮਾਨਾ ਵਾਯੁਭੇਦਾ ਵਾਯੁਵਿਸੇਸਾ, ਉਦ੍ਧਂ ਗਚ੍ਛਤੀਤਿ ਉਦ੍ਧਙ੍ਗਮੋ, ਉਚ੍ਚਾਰਪਸ੍ਸਾਵਾਦੀਨਂ ਨੀਹਰਣਵਸੇਨ ਅਧੋਭਾਗਂ ਗਚ੍ਛਤੀਤਿ ਅਧੋਗਮੋ. ਕੁਚ੍ਛਿਮ੍ਹਿ ਉਦਰੇ ਤਿਟ੍ਠਤੀਤਿ ਕੁਚ੍ਛਿਟ੍ਠੋ. ਕੋਟ੍ਠੇ ਅਨ੍ਤੇ ਸੇਤਿ ਤਿਟ੍ਠਤੀਤਿ ਕੋਟ੍ਠਾਸਯੋ. ਪੁਨਪ੍ਪੁਨਂ ਸਸਨ੍ਤਿ ਯੇਨ ਅਸ੍ਸਾਸੋ, ਬਹਿਨਿਕ੍ਖਨ੍ਤਵਾਤੋ. ਪਸ੍ਸਾਸੋਤਿ ਅਨ੍ਤੋਪਵਿਸਨਕਵਾਤੋਪਿ ‘‘ਅਸ੍ਸਾਸੋ’’ਤਿ ਏਤੇਨ ਸਙ੍ਗਯ੍ਹਤੇ ਸਹਚਾਰਿਤਤ੍ਤਾ. ਸਬ੍ਬਙ੍ਗੇਸੁ ਅਨੁਸਰਤਿ ਸੀਲੇਨ ਸੇਦਲੋਹਿਤਾਦਿਸਮ੍ਪਾਦਨਤੋਤਿ ਅਙ੍ਗਾਨੁਸਾਰੀ. ਅਮਰਕੋਸੇ ਪਨਾਯਂ ਵਾਤੋ ਠਾਨਬ੍ਯਾਪਾਰਭੇਦੇਨ ਪਞ੍ਚਧਾ ਕਥਿਤੋ [ਪਾਣੋ’ਪਾਨੋ ਸਮਾਨੋਚੋਦਾਨਬ੍ਯਾਨਾ ਚ ਵਾਯਵੋ ਸਰੀਰਟ੍ਠਾ ਇਮੇ (ਅਮਰ ੧.੬੭)], ਟੀਕਾਯਞ੍ਚਸ੍ਸ –

‘‘ਹਦਯੇ ਪਾਣੋ ਗੁਦੇ’ਪਾਨੋ, ਸਮਾਨੋ ਨਾਭਿਮਜ੍ਝਟ੍ਠੋ;

ਉਦਾਨੋ ਕਣ੍ਠਦੇਸੇ ਤੁ, ਬ੍ਯਾਨੋ ਸਬ੍ਬਙ੍ਗਸਨ੍ਧਿਸੁ [ਹਦਯੇ ਪਾਣੋ ਗੁਦੇ’ਪਾਨੋ, ਸਮਾਨੋ ਨਾਭਿਸਣ੍ਠਿਤੋ; ਉਦਾਨੋ ਕਣ੍ਠਦੇਸਟ੍ਠੋ, ਬ੍ਯਾਨੋ ਸਬ੍ਬਸਰੀਰਗੋ ਇਤਿ ਠਾਨਨਿਣ੍ਣਯੋ (ਚਿਨ੍ਤਾਮਣਿਟੀਕਾ)].

ਤਤ੍ਰਪਾਣੋਅਨ੍ਨਪ੍ਪਵੇਸਾਦਿਕਰੋ ¶ . ਅਪਾਨੋ ਮੁਤ੍ਤਕਰੀਸਸੁਕ੍ਕਵਿਸਟ੍ਠਿਕਰੋ. ਸਮਾਨੋ ਮਜ੍ਝੇ ਅਨ੍ਨਪਚਨਾਦਿਕਰੋ. ਉਦਾਨੋ ਭਾਸਿਤਗੀਤਾਦਿਕਰੋ. ਬ੍ਯਾਨੋ ਸੇਦਰਤ੍ਤਸਵਨੁਮ੍ਮੇਸਨਿਮੇਸਗਤ੍ਯਾਦਿਕਰੋ [ਖੇਦਚੇਟ੍ਠਾਉਮ੍ਮੇਸਨਿਮ੍ਮੇਸਗਤ੍ਯਾਦਿਕਰੋ (ਕ.)]. ਪਕਟ੍ਠੇਨ ਅਨਨ੍ਤ੍ਯਨੇਨ ਭਤ੍ਤਾਦਿਪ੍ਪਵੇਸਨਤੋਤਿ ਪਾਣੋ. ਮੁਤ੍ਤਾਦਿਕਂ ਅਪਨੇਤ੍ਵਾ ਅਨਨ੍ਤ੍ਯਨੇਨਾਤਿ ਅਪਾਨੋ. ਸਮ੍ਮਾ ਅਨਨ੍ਤਿ ਅਨੇਨ ਭੁਤ੍ਤਪਰਿਪਾਚਨਤੋਤਿ ਸਮਾਨੋ. ਉਦ੍ਧਮਨਨ੍ਤ੍ਯਨੇਨ ਭਾਸਿਤਾਦੋ ਸਾਮਤ੍ਥਿਯਜਨਨਤੋਤਿ ਉਦਾਨੋ. ਵਿਸੇਸੇਨ ਅਨਨ੍ਤ੍ਯਨੇਨ ਸੇਦਰਤ੍ਤਸੇਮ੍ਹਾਦਿ [ਖੇਦਚੇਟ੍ਠਾਦਿ (ਚਿਨ੍ਤਾਮਣਿਟੀਕਾ)] ਸਮ੍ਪਾਦਨਤੋਤਿ ਬ੍ਯਾਨੋ’’ਤਿ [ਤਂਬ੍ਯਾਪਾਰਾ ਚ ਯਥਾ – ਅਨ੍ਨਪ੍ਪਵੇਸਨਂ ਮੁਤ੍ਤਾ-ਦ੍ਯੁਸ੍ਸਗ੍ਗੋ’ਨ੍ਨਵਿਪਾਚਨਂ ਭਾਸਣਾਦਿ ਨਿਮੇਸਾਦਿ, ਤਂਬ੍ਯਾਪਾਰਾ ਕਮਾ ਇਮੇ (ਚਿਨ੍ਤਾਮਣਿਟੀਕਾ)] ਵੁਤ੍ਤਂ.

੩੯. ਦ੍ਵਯਂ ਅਨ੍ਤੋਪਵਿਸਨਕਵਾਤੇ. ਆਨਂ ਵੁਚ੍ਚਤਿ ਬਹਿਨਿਕ੍ਖਮਨਵਾਤੋ, ਤਤੋ ਅਪਗਤਂ ਅਪਾਨਂ. ਅਸ੍ਸਾਸਤੋ ਅਪਗਤੋ ਪਸ੍ਸਾਸੋ. ਦ੍ਵਯਂ ਬਹਿਨਿਕ੍ਖਮਨਵਾਤੇ. ਆਦਿਮ੍ਹਿ ਪਵਤ੍ਤੋ ਸਾਸੋ ਅਸ੍ਸਾਸੋ. ਅਨਨ੍ਤਿ ਪਾਣਨ੍ਤ੍ਯਨੇਨੇਤਿ ਆਨਂ, ਆਦਿਮ੍ਹਿ ਪਵਤ੍ਤਂ ਆਨਂ ਆਨਂ, ਏਕਸ੍ਸਾਕਾਰਸ੍ਸ ਲੋਪੋ.

੪੦. ਵੇਗਖਿਪ੍ਪਾਦਯੋ ਵਾਤਧਮ੍ਮਤ੍ਤੇਨ ਨਿਚ੍ਚਪ੍ਪਵਤ੍ਤਿਕਾ ਇਤਿ ਤਪ੍ਪਕ੍ਕਮੇ [ਤਪ੍ਪਕ੍ਕਮੇਨ ਤਕ੍ਕਮੇਨ (ਕ.)] ਉਚ੍ਚਨ੍ਤੇ. ਤਤ੍ਰ ਰਯਨ੍ਤਂ ਵੇਗੇ. ਸਬ੍ਬਤ੍ਰ ਕਰਣਸਾਧਨਂ. ਇਚ੍ਛਿਤਟ੍ਠਾਨਂ ਵਜਨ੍ਤਿ ਪਾਪੁਣਨ੍ਤਿ ਏਤੇਨਾਤਿ ਵੇਗੋ.

‘‘ਕ੍ਰਿਯਾਵਾਚਿਤ੍ਤਮਾਖ੍ਯਾਤੁਂ ¶ , ਏਕੇਕਤ੍ਥੋ ਨਿਦਸ੍ਸਿਤੋ;

ਪਯੋਗਤੋਨੁਗਨ੍ਤਬ੍ਬਾ, ਅਨੇਕਤ੍ਥਾ ਹਿ ਧਾਤਵੋ’’ਤਿ [ਚਨ੍ਦ੍ਰਧਾਤੁਪਾਠੇ].

ਵੁਤ੍ਤਤ੍ਤਾ ਵਜਧਾਤੁ ਪਾਪੁਣਨੇਪਿ ਪਵਤ੍ਤਤਿ, ਏਵਂ ਸਬ੍ਬਤ੍ਰ, ਅਕਾਰਸ੍ਸ ਏ. ਜਵਨ੍ਤਿ ਏਤੇਨਾਤਿ ਜਵੋ, ਰਯਨ੍ਤਿ ਗਚ੍ਛਨ੍ਤਿ ਏਤੇਨਾਤਿ ਰਯੋ.

ਖਿਪ੍ਪਾਦਿਨਵਕਂ ਸੀਘੇ. ਅਥ ਜਵਸੀਘਾਨਂ ਕੋ ਭੇਦੋ? ਸਵੇਗਗਤਿਵਚਨਾ ਜਵਾਦਯੋ, ਸੀਘਾਦਯੋ ਤੁ ਧਮ੍ਮਵਚਨਾ, ਤਥਾ ਚ ‘‘ਸੀਘਂ ਪਚਤਿ [ਪਸ੍ਸਤਿ (ਕ.)], ਸੀਘਂ ਗਚ੍ਛਤੀ’’ਤਿ ਪਯੋਗੋ, ਨ ਤੁ ‘‘ਜਵਂ ਪਚਤਿ, ਜਵਂਗਚ੍ਛਤੀ’’ਤਿ ਪਨ ਪਯੋਗੋ. ‘‘ਵੇਗੇਨ ਗਚ੍ਛਤਿ, ਜਵੇਨ ਗਚ੍ਛਤੀ’’ਤ੍ਯਾਦੀਸੁ ਕਥਂ? ਤਤ੍ਰ ਭੇਦਸ੍ਸ ਵਤ੍ਤੁਮਿਚ੍ਛਿਤਤ੍ਤਾ ਨ ਦੋਸੋ. ਖਿਪ੍ਪਤਿ ਪੇਰਤੀਤਿ ਖਿਪ੍ਪਂ, ਖਿਪ ਪੇਰਣੇ. ਸਯਤੀਤਿ ਸੀਘਂ, ਸੀ ਸਯੇ, ਘਪਚ੍ਚਯੋ. ਬ੍ਯੁਪ੍ਪਤ੍ਤਿ ਹਿ ਯਥਾ ਕਥਞ੍ਚਿਪਿ ਭਵਤਿ, ਸਞ੍ਞਾ ਤੁ ਲੋਕਤੋਵਾਵਗਨ੍ਤਬ੍ਬਾ, ਸਬ੍ਬਤ੍ਰੇਵਂ. ਤਰਤੀਤਿ ਤੁਰਿਤਂ. ਲਙ੍ਘਤੀਤਿ ਲਹੁ, ਲਙ੍ਘ ਗਤਿਸੋਸਨੇਸੁ, ਘਸ੍ਸ ਹੋ, ਨਿਗ੍ਗਹੀਤਲੋਪੋ, ਉਪਚ੍ਚਯੋ ਚ, ਲਹੁਪਰਿਯਾਯੋ ਲਘੁਸਦ੍ਦੋਪ੍ਯਤ੍ਥਿ. ਅਸਤਿ ਖੇਪਤੀਤਿ ਆਸੁ, ਉ. ਤਰਤੀਤਿ ਤੁਣ੍ਣਂ, ਰਸ੍ਸ ਣੋ. ਅਰਤਿ ਗਚ੍ਛਤੀਤਿ ਅਰਂ. ਨ ਵਿਲਮ੍ਬੀਯਤਿ ਨ ਓਹੀਯਤੀਤਿ ਅਵਿਲਮ੍ਬਿਤਂ, ਲਬਿ ਅਵਸਂਸਨੇ. ਤੁਵਟ੍ਟਤਿ ਸਯਤੀਤਿ ਤੁਵਟ੍ਟਂ, ਤੁਰਿਤਭਾਵੇਨ ਵਤ੍ਤਤੀਤਿ ਵਾ ਤੁਵਟ੍ਟਂ, ਰਿਤਲੋਪੋ.

੪੧. ਅਰਿਯਾਸਾਮਞ੍ਞਸ੍ਸ ਪੁਬ੍ਬਡ੍ਢਂ ਸਨ੍ਤਤੇ. ਏਤ੍ਥ ਚ ਅਟ੍ਠਸੁ ਗਣੇਸੁ ਛਟ੍ਠੋ ਸਬ੍ਬਲਹੁਕੋ, ਤਤੋਪਰੇ ਛਗ੍ਗਣਾ ਸ ¶ , ਭ, ਸ, ਭ, ਭ, ਭਾ, ਅਟ੍ਠਮੋ ਗੋ. ਸਮਨ੍ਤਤੋ ਤਨੋਤੀਤਿ ਸਤਤਂ. ਨਾਸਭਾਵੇਨ ਨ ਇਚ੍ਚਂ ਨ ਗਨ੍ਤਬ੍ਬਂ ਨਿਚ੍ਚਂ, ਨਾਸਂ ਵਾ ਨ ਗਚ੍ਛਤੀਤਿ ਨਿਚ੍ਚਂ. ‘‘ਨਾਗੋ’’ਤ੍ਯਾਦੀਸੁ ਵਿਯਾਤਿ ਏਤ੍ਥਾਪਿ ਨ ਦੋਸੋ, ਤਸ੍ਸ ਚੋ. ਨ ਵਿਰਮਤੀਤਿ ਅਵਿਰਤਂ. ਨ ਆਰਮਤੀਤਿ ਅਨਾਰਤਂ. ਸਮਨ੍ਤਤੋ, ਪੁਨਪ੍ਪੁਨਂ ਵਾ ਤਨੋਤੀਤਿ ਸਨ੍ਤਤਂ. ਨ ਅਵਰਮਤੀਤਿ ਅਨਵਰਤਂ. ਸਦਾ ਧਵਤਿ ਗਚ੍ਛਤੀਤਿ ਧੁਵਂ. ‘‘ਧੁ ਗਤਿਥੇਰਿਯੇਸੂ’’ਤਿ ਕਾਤਨ੍ਤਧਾਤੁ.

ਵਿਪੁਲਾਡ੍ਢਂ ਅਤਿਸਯੇ. ਏਤ੍ਥ ਹਿ ਅਯੁਗਪਾਦੇ ਦ੍ਵਾਦਸਮਤ੍ਤਾ, ਯੁਗੇ ਅਟ੍ਠਾਰਸਮਤ੍ਤਾ, ਸਬ੍ਬਾਸੁ ਅਰਿਯਾਸੁ ਪਠਮੇ ਪਾਦੇ ਦ੍ਵਾਦਸਮਤ੍ਤਾ, ਦੁਤਿਯੇ ਅਟ੍ਠਾਰਸ, ਤਤਿਯੇ ਦ੍ਵਾਦਸ, ਚਤੁਤ੍ਥੇ ਪਞ੍ਚਦਸ. ਯਦਾ ਪਨ ਪਠਮਤਤਿਯੇਸੁ ਪਰਿਹਾਯਨ੍ਤਿ, ਤਦਾ ਯੁਗੇ ਅਧਿਕਾ ਹੋਨ੍ਤਿ, ਇਦਂ ਵਿਪੁਲਾਲਕ੍ਖਣਂ. ਅਥ ਸਤਤਾਤਿਸਯਾਨਂ ਕੋ ਭੇਦੋ? ਸਤਤਂ ਸਨ੍ਤਤਿ ਅਵਿਚ੍ਛੇਦੋਕ੍ਰਿਯਨ੍ਤਰੇਹਿ ਅਬ੍ਯਵਧਾਨਂ, ਅਤਿਸਯੋ ਤੁ ਪੋਨੋਪੁਞ੍ਞਂ, ਪਕਟ੍ਠੋ ਚ. ਤੇਸੁ ਪੋਨੋਪੁਞ੍ਞਂ ਕ੍ਰਿਯਾਬ੍ਯਾਵੁਤ੍ਤਿ, ਪਕਟ੍ਠੋ ਤੁ ਕ੍ਰਿਯਾਵਯਵਾਨਂ ਉਕ੍ਕਂਸਤਾ. ਭਾਸਤਿ ਸਬ੍ਬੇਸਨ੍ਤਿ ਭੁਸਂ, ਆਸ੍ਸ ਉ. ਭਸ੍ਸਤਿ ਅਧੋ ਪਤਤੀਤਿ ਵਾ ਭੁਸਂ. ਭਸ ਅਧੋਪਤਨੇ, ਅਸ੍ਸ ਉ. ਅਤਿਸਯਨਂ ਅਤਿਸਯੋ, ਅਤਿਕ੍ਕਮਿਤ੍ਵਾ ਵਾਸਯਨਂ ਪਵਤ੍ਤਨਂ ਅਤਿਸਯੋ. ਦਹਤਿ ਸਬ੍ਬਨ੍ਤਿ ਦਲ਼੍ਹਂ, ਹਤੋ ਪੁਬ੍ਬੇ ਲ਼ੋ, ਦਲਤਿ ਵਿਦਾਰਯਤੀਤਿ ਵਾ ਦਲ਼੍ਹਂ, ਹਪਚ੍ਚਯੋ, ਦਹਨ੍ਤੋ ਲਾਤੀਤਿ ਵਾ ਦਲ਼੍ਹਂ, ਵਣ੍ਣਵਿਪਰਿਯਯੋ, ਅਭਿਸਯੋ ਚ ਦਲ਼੍ਹਞ੍ਚ ਅਤਿਸਯਦਲ਼੍ਹਾ. ਤਰਤਿ ਅਤਿਕ੍ਕਮਤੀਤਿ ਤਿਬ੍ਬਂ, ਰਸ੍ਸ ਵੋ, ਅਸ੍ਸ ਇ. ਏਤਿ ਗਚ੍ਛਤੀਤਿ ਏਕੋ, ਸੋ ਏਵ ਏਕਨ੍ਤਂ, ਏਕਂ ਤਰਤਿ ਅਤਿਕ੍ਕਮਤੀਤਿ ਵਾ ਏਕਨ੍ਤਂ. ਮਤ੍ਤਤੋ ਅਤਿਕ੍ਕਨ੍ਤਂ ਅਤਿਮਤ੍ਤਂ. ਬਹੁਂ ਲਾਤੀਤਿ ਬਾਲ਼੍ਹਂ, ਉਲੋਪੋ, ਵਣ੍ਣਵਿਪਰਿਯਯੋ ਚ ਹਸਦ੍ਦੋ. ਅਤਿਵੇਲਂ, ਅਚ੍ਚਤ੍ਥਂ, ਨਿਬ੍ਭਰਂ, ਨਿਤਨ੍ਤਂ, ਗਾਲ਼੍ਹਂਇਚ੍ਚਾਦੀਨਿਪਿ ਅਤਿਸਯੇ.

ਦਬ੍ਬਂ ਸਤ੍ਵਂ, ਤਂਵਿਪਰੀਤੇ ਧਮ੍ਮਮਤ੍ਤੇ ਵਤ੍ਤਮਾਨਾ ਬਾਲ਼੍ਹਪਰਿਯਨ੍ਤਾ ਖਿਪ੍ਪਾਦਯੋ ਅਤਿਸਯਂ ਵਿਨਾ ਪਣ੍ਡਕੇ ਨਪੁਂਸਕੇ ਵਤ੍ਤਨ੍ਤਿ ¶ . ਖਿਪ੍ਪਂ ਭਵਤਿ [‘‘ਖਿਪ੍ਪ ਭਵਭੀ’’ਤਿ ਪਦਦ੍ਵਯਂ ਅਧਿਕਂ ਵਿਯ ਦਿਸ੍ਸਤਿ], ਅਤਿਸਯੋ ਪੁਲ੍ਲਿਙ੍ਗੋ, ਅਸ੍ਸ ਗੁਣਸ੍ਸਾਤਿਸਯੋ, ਅਸ੍ਸ ਦਬ੍ਬਸ੍ਸਾਤਿਸਯੋ ਇਤਿ. ‘‘ਖਿਪ੍ਪਂ ਭੁਞ੍ਜਤਿ, ਸਤਤਂ ਜੁਹੋਤਿ, ਸਤਤਂ ਰਮਣੀਯੋ’’ਇਚ੍ਚਤ੍ਰ ਤੁ ਕ੍ਰਿਯਾਵਿਸੇਸਨਤ੍ਤਾਯੇਵ ਪਣ੍ਡਕਤ੍ਤਂ. ਤੇਸੁ ਖਿਪ੍ਪਾਦੀਸੁ ਯੇ ਦਬ੍ਬਗਾ ਦਬ੍ਬਾਭਿਧਾਯਿਨੋ, ਤੇ ਤੀਸੁ ਲਿਙ੍ਗੇਸੁ. ‘‘ਦਬ੍ਬਧਮ੍ਮੋ ਲਿਙ੍ਗ’’ਨ੍ਤਿ ਦਸ੍ਸਨਨ੍ਤਰਂ. ਯਥਾ ਖਿਪ੍ਪਾ ਜਰਾ, ਖਿਪ੍ਪੋ ਮਚ੍ਚੁ, ਖਿਪ੍ਪਂ ਗਮਨਂ. ਸਨ੍ਤਤਾ ਤਣ੍ਹਾ, ਸਨ੍ਤਤਂ ਦੁਕ੍ਖਂ, ਸਨ੍ਤਤੋ ਆਕਾਸੋ. ਅਤਿਮਤ੍ਤਾ ਕ੍ਰਿਯਾ, ਅਤਿਮਤ੍ਤੋ ਨਰੋ, ਅਤਿਮਤ੍ਤਂ ਪਦਂ ਇਚ੍ਚਾਦਿ.

੪੨-੪੩. ਦ੍ਵਾਦਸਕਂ ਮਾਰੇ. ਹਰਨਯਨਗ੍ਗਿਦਡ੍ਢਤ੍ਤਾ [ਤਿਨਯਨਗ੍ਗਿਦਡ੍ਢਤ੍ਤਾ (ਕ.)] ਨਤ੍ਥਿ ਵਿਗ੍ਗਹੋ ਸਰੀਰਮੇਤਸ੍ਸ ਅਵਿਗ੍ਗਹੋ. ਕਾਮਯਤਿ ਰਤਿਚ੍ਛਂ ਉਪ੍ਪਾਦਯਤੀਤਿ ਕਾਮੋ, ਕਾਰਿਤਨ੍ਤਾ ਅਪਚ੍ਚਯੋ. ਸਿਙ੍ਗਾਰਰੂਪੇਨ ਪਾਣੀਨਂ ਮਨਸਿ ਭਵਤੀਤਿ ਮਨੋਭੂ. ਪਞ੍ਚਕਾਮਗੁਣੇਸੁ ਮਦਯਤੀਤਿ ਮਦਨੋ. ਲੋਕਾਨਂ ਅਨ੍ਤਂ ਵਿਨਾਸਂ ਕਰੋਤੀਤਿ ਅਨ੍ਤਕੋ. ਵਸੇ ਵਤ੍ਤੇਤਿ ਸੀਲੇਨਾਤਿ ਵਸਵਤ੍ਤੀ. ਪਾਪਂ ਇਚ੍ਛਤਿ ਕਰੋਤਿ, ਤੇਨ ਯੁਤ੍ਤੋਤਿ ਵਾ ਪਾਪਿਮਾ. ਪਰਤੋ ਜਾਯਤੀਤਿ ਪਜਾ, ਅਚ੍ਛਨ੍ਦਿਕਾ, ਤਾਸਂ ਪਤਿ ਪਜਾਪਤਿ. ਯੇ ਕੁਸਲਧਮ੍ਮੇਸੁ ਪਮਤ੍ਤਾ, ਤੇਸਮੇਵ ਬਨ੍ਧੁ ਪਮਤ੍ਤਬਨ੍ਧੁ. ਕਣ੍ਹਧਮ੍ਮਯੁਤ੍ਤਤਾਯ ਕਣ੍ਹੋ. ਕੁਸਲਧਮ੍ਮੇ ਮਾਰੇਤੀਤਿ ਮਾਰੋ. ਅਕੁਸਲਧਮ੍ਮੇ ਨ ਮੁਞ੍ਚਤੀਤਿ ਨਮੁਚਿ. ਮੀਨਕੇਤਨੋ, ਕਨ੍ਦਪ੍ਪੋ, ਦਪ੍ਪਕੋ, ਅਨਙ੍ਗੋ, ਪਞ੍ਚਸਰੋ, ਸਮ੍ਬਰਾਰਿ, ਮਨਸਿਜੋ, ਕੁਸੁਮੇਸੁ ¶ , ਅਨਞ੍ਞਜੋ, ਪੁਪ੍ਫਧਨ੍ਵਾ, ਰਤਿਪਤਿ, ਮਕਰਦ੍ਧਜੋਇਚ੍ਚਾਦੀਨਿਪਿ ਵਿਣ੍ਹੁਸੁਤਸ੍ਸ ਕਾਮਸ੍ਸ ਨਾਮਾਨਿ.

ਤਣ੍ਹਾ ਅਰਤੀ ਰਗਾ ਚੇਤਿ ਏਤਾ ਤਿਸ੍ਸੋ ਤਸ੍ਸ ਮਾਰਸ੍ਸ ਧੀਤਰੋ. ਯੋ ਤਂ ਪਸ੍ਸਤਿ, ਤਂ ਤਸਿਤਂ ਕਰੋਤੀਤਿ ਤਣ੍ਹਾ, ਸਲੋਪੋ, ਣ੍ਹਾ ਚ. ਪਰੇਸਂ ਕੁਸਲਧਮ੍ਮੇਸੁ ਅਰਤਿਂ ਕਰੋਤੀਤਿ ਅਰਤੀ. ਰਜ੍ਜਨ੍ਤਿ ਏਤ੍ਥਾਤਿ ਰਗਾ. ਤਸ੍ਸ ਮਾਰਸ੍ਸ ਹਤ੍ਥੀ ਗਿਰਿਮੇਖਲੋ ਨਾਮ. ਸਰੀਰਮਹਨ੍ਤਭਾਵੇਨ ਗਿਰਿਸਦਿਸਤ੍ਤਾ ਗਿਰਿ ਵਿਯਾਤਿ ਗਿਰਿ. ਮਾਰੇਨ ਮਮਾਯਨਵਸੇਨ ‘‘ਅਯਂ ਮੇ ਹਤ੍ਥੀ ਮੇਖਲੋ ਨਾਮ ਹੋਤੂ’’ਤਿ ਕਤਨਾਮਤ੍ਤਾ ਮੇਖਲਾ ਵਿਯਾਤਿ ਮੇਖਲੋਤਿ ਸਮੁਦਿਤਨਾਮਦ੍ਵਯੇਨ ਏਕਮੇਵ ਹਤ੍ਥਿਂ ਵਦਤਿ, ਯਥਾ ‘‘ਵਜਿਰਾਸਨਿ, ਸੀਤੁਣ੍ਹ’’ਨ੍ਤਿ.

੪੪. ਤਿਕਂ ਯਮੇ. ਪਜਾਸਂਯਮਨਤੋ ਯਮਾ, ਮਚ੍ਚੁਪ੍ਪਭੁਤਯੋ ਅਸ੍ਸ ਕਿਙ੍ਕਾਰਾ, ਤੇਸੁ ਰਾਜਤੇਤਿ ਯਮਰਾਜਾ. ਤੇਧਾਤੁਕੇਸੁਪਿ ਆਣਾਪਵਤ੍ਤਕਤ੍ਤਾ ਮਹਨ੍ਤੋ ਵਿਸਯੋ ਏਤਸ੍ਸ ਵਿਸਯੀ, ਣੀ, ਸੋ ਏਵ ਵੇਸਾਯੀ. ਯਤ੍ਥ ਲਕ੍ਖਣੇਨ ਨ ਸਿਜ੍ਝਤਿ, ਤਤ੍ਥ ਸਬ੍ਬਤ੍ਰ ‘‘ਯਦਾਦਿਨਾ ਵਾ ਨਿਰੁਤ੍ਤਿਨਯੇਨ ਵਾ ਸਦ੍ਦਸਿਦ੍ਧਿ ਵੇਦਿਤਬ੍ਬਾ’’ਤਿ ਹਿ ਪੁਬ੍ਬੇ ਵੁਤ੍ਤਂ, ਦੁਕ੍ਖਜਨਕਤ੍ਤਾ ਵਾ ਵਿਸਦਿਸਟ੍ਠਾਨਂ ਗਚ੍ਛਨ੍ਤੀਤਿ ਵੇਸਾ, ਨੇਰਯਿਕਾ, ਤੇਸਂ ਅਧਿਪਤਿਭਾਵੇਨ ਅਯਤਿ ਪਵਤ੍ਤਤੀਤਿ ਵੇਸਾਯੀ, ਈ. ਯਮਾਨਂ ਰਾਜਾ ਯਮੋ. ਧਮ੍ਮਰਾਜੋ, ਕਤਨ੍ਤੋ, ਸਮਵਤ੍ਤੀ, ਕਾਲੋ, ਦਣ੍ਡਧਰੋ, ਅਨ੍ਤਕੋਇਚ੍ਚਾਦੀਨਿਪਿ ਯਮਸ੍ਸ ਨਾਮਾਨਿ. ਅਸ੍ਸ ਯਮਸ੍ਸ ਆਵੁਧਂ ਨਯਨਮੇਵ. ਤੇਨ ਕਿਰ ਕੋਧਚਿਤ੍ਤੇਨ ਓਲੋਕਿਤਮਤ੍ਤੇਨ ਸਤ੍ਤਾਨਂ ਸਰੀਰਾਨਿ ਆਤਪੇ ਖਿਤ੍ਤਘਤਪਿਣ੍ਡਾਨਿ ਵਿਯ ਵਿਲੀਯਨ੍ਤੀਤਿ.

ਦ੍ਵਯਂ ¶ ਅਸੁਰਭੇਦੇ. ਏਤੇਸਞ੍ਹਿ ਸਤਿਪਿ ਦੇਵਭਾਵੇ ਹੇਟ੍ਠਾ ਨਿਵਾਸਿਤਭਾਵਸਾਮਞ੍ਞਤੋ ਏਤ੍ਥ ਵਚਨਂ, ਮਾਰਸ੍ਸ ਪਨ ਸਤ੍ਤਾਨਮਨਤ੍ਥਕਾਰਕਤਾਸਾਮਞ੍ਞੇਨ ਯਮੇਨ ਸਦ੍ਧਿਂ ਵਚਨਂ ਤਕ੍ਕਰਤ੍ਤਾ. ਯੁਦ੍ਧਾਦੀਸੁ ਵੇਪਿਤਂ ਕਮ੍ਪਿਤਂ ਚਿਤ੍ਤਮੇਤਸ੍ਸ ਵੇਪਚਿਤ੍ਤਿ [ਸਂ. ਨਿ. ਅਟ੍ਠ. ੧.੧.੨੫੬]. ਪੁਣ੍ਣਂ ਲੋਮਂ ਯਸ੍ਸ ਸੋ ਪੁਲੋਮੋ, ਪੁਲਾਮਹਤੀ ਉਮਾ ਕਿਤ੍ਤਿ, ਕਨ੍ਤਿ ਵਾ ਯਸ੍ਸਾਤਿ ਪੁਲੋਮੋ. ‘‘ਉਮਾਤਸੀਹੇਮਵਤਿ-ਹਲਿਦ੍ਦਾਕਿਤ੍ਤਿਕਨ੍ਤਿਸੂ’’ਤਿ ਹਿ ਨਾਨਤ੍ਥਸਙ੍ਗਹੇ ਵੁਤ੍ਤਂ. ਅਯਂ ਪਨ ਸਕ੍ਕਸ੍ਸ ਭਰਿਯਾਯ ਸੁਜਾਤਾਯ ਪਿਤਾ. ਦ੍ਵਯਂ ਕਿਨ੍ਨਰੇ. ਅਸ੍ਸਮੁਖਨਰਸਰੀਰਤਾਯ ਕੁਚ੍ਛਿਤੋ ਪੁਰਿਸੋ, ਕਿਞ੍ਚਿ ਵਾ ਪੁਰਿਸੋ, ਪੁਰਿਸਸਦਿਸੋਤਿ ਵਾ ਕਿਮ੍ਪੁਰਿਸੋ. ਏਵਂ ਕਿਨ੍ਨਰੋ. ਤੁਰਙ੍ਗਵਦਨ, ਅਸ੍ਸਮੁਖਾਦੀਨਿਪਿ ਕਿਨ੍ਨਰਸ੍ਸ ਨਾਮਾਨਿ.

੪੫-੪੬. ਅਦ੍ਧਪਜ੍ਜੇਨ ਆਕਾਸਸ੍ਸ ਨਾਮਾਨਿ. ਤੇਸਂ ਤੇਸਂ ਵਤ੍ਥੂਨਂ ਅਨ੍ਤਰਂ ਨਾਨਤ੍ਤਂ ਇਕ੍ਖਤੇ ਲੋਕੋ ਏਤ੍ਥ, ਅਨੇਨਾਤਿ ਵਾ ਅਨ੍ਤਲਿਕ੍ਖਂ, ਰਸ੍ਸ ਲੋ. ਇਕ੍ਖਨਂ ਵਾ ਦਸ੍ਸਨਂ ਇਕ੍ਖਾ, ਤਸ੍ਸ ਅਨ੍ਤਰਂ ਕਾਰਣਂ ਅਨ੍ਤਲਿਕ੍ਖਂ. ਖਨਤਿ ਬ੍ਯਵਧਾਨਨ੍ਤਿ ਖਂ, ਕ੍ਵਿ. ਸਬ੍ਬਗਹਗਾਮਣਿਨੋ ਆਦਿਚ੍ਚਸ੍ਸ ਪਥੋ ਮਗ੍ਗੋ ਆਦਿਚ੍ਚਪਥੋ. ਨ ਭਵਤੀਤਿ ਅਬ੍ਭਂ. ਗਚ੍ਛਨ੍ਤ੍ਯਨੇਨ ਦੇਵਾਤਿ ਗਗਨਂ, ਯੁ, ਮਸ੍ਸ ਗੋ. ਅਮ੍ਬਤੇ ਸਦ੍ਦਾਯਤੇ ਅਤ੍ਰਾਤਿ ਅਮ੍ਬਰਂ, ਰੋ. ਹਯ ਗਤਿਮ੍ਹਿ, ਵਿਸੇਸੇਨ ਹਯਤਿ ਗਚ੍ਛਤਿ ਸਬ੍ਬਤ੍ਰਾਤਿ ਵੇਹਾਸੋ, ਯਸ੍ਸ ਸੋ, ਵਿਗਤੋ ਵਾ ਹਾਸੋ ਚਿਤ੍ਤਸ੍ਸ ਏਤ੍ਥਾਰਮ੍ਮਣਾਲਾਭਤੋਤਿ ਵੇਹਾਸੋ. ਅਨਿਲਸ੍ਸ ਵਾਤਸ੍ਸ ਪਥੋ ਅਨਿਲਪਥੋ. ਭੁਸਂ ਕਾਸਨ੍ਤੇ ਦਿਪ੍ਪਨ੍ਤੇ ਪਦਤ੍ਥਾ ਏਤੇਨਾਤਿ ਆਕਾਸੋ, ਨ ਕਸ੍ਸਤਿ ਨ ਵਿਲੇਖੀਯਤੀਤਿ ਵਾ ਆਕਾਸੋ. ਨ ਭਵਤਿ ¶ ਏਤ੍ਥ ਕਿਞ੍ਚਿਪਿ ਵਤ੍ਥੂਤਿ ਨਭਂ, ਨਤ੍ਥਿ ਭੂਮਿ ਏਤ੍ਥਾਤਿ ਵਾ ਨਭਂ, ਨ ਭਾਯਨ੍ਤਿ ਪਕ੍ਖਿਨੋ ਅਨੇਨ, ਏਤ੍ਥਾਤਿ ਵਾ ਨਭਂ. ਵਿਨੋ ਪਕ੍ਖਿਨੋ ਹਯਨ੍ਤਿ ਗਚ੍ਛਨ੍ਤਿ ਏਤ੍ਥਾਤਿ ਵੇਹਾਯਸਂ, ਅਸੋ. ਤਾਰਾ ਵੁਚ੍ਚਨ੍ਤਿ ਨਕ੍ਖਤ੍ਤਾਦਯੋ, ਤੇਸਂ ਪਥੋ ਤਾਰਾਪਥੋ. ਸੁਰਾਨਂ ਦੇਵਾਨਂ ਪਥੋ ਸੁਰਪਥੋ. ਨ ਹਞ੍ਞਤੇਤਿ ਅਘਂ, ਹਨਸ੍ਸ ਘੋ. ਅਨਨ੍ਤਂ, ਵਿਸਣੁਪਦਂਇਚ੍ਚਾਦੀਨਿਪਿ ਆਕਾਸਸ੍ਸ ਨਾਮਾਨਿ.

੪੭-੪੮. ਮੇਘਾਦ੍ਯੇਕਾਦਸਕਂ ਮੇਘੇ. ਮੇਹਤਿ ਘਰਤਿ ਸੇਚਤੀਤਿ ਮੇਘੋ. ਵਾਰਿਂ ਵਹਤੀਤਿ ਵਲਾਹਕੋ, ਵਾਰਿਸਦ੍ਦਸ੍ਸ ਵੋ, ਵਸ੍ਸ ਲੋ [ਪਾਣਿਨਿ ੬.੩.੧੦੯; ਮੋਗ੍ਗਲ੍ਲਾਨਪਞ੍ਚਿਕਾ ੧.੪੭; ਨੀਤਿ-ਸੁਤ੍ਤ ੧੩੪੦, ੧੩੪੩]. ਦਿਬ੍ਬਨ੍ਤਿ ਵੁਡ੍ਢਿਂ ਵਿਰੂਲ਼੍ਹਿਂ ਗਚ੍ਛਨ੍ਤਿ ਲੋਕਾ ਅਨੇਨਾਤਿ ਦੇਵੋ. ਪਜਾਨਂ ਲੋਕਾਨਂ ਅਨ੍ਨਂ ਭੋਜਨਂ ਭਵਤਿ ਏਤੇਨਾਤਿ ਪਜ੍ਜੁਨ੍ਨੋ, ਅਕਾਰਸ੍ਸੁਕਾਰੋ. ਅਮ੍ਬੁਂ ਉਦਕਂ ਧਾਰੇਤੀਤਿ ਅਮ੍ਬੁਧਰੋ. ਲੋਕਾਨਂ ਸਨ੍ਤਾਪਂ ਹਨ੍ਤੀਤਿ ਘਨੋ, ਹਸ੍ਸ ਘੋ. ਜਲਧਾਰਂ ਧਾਰੇਤੀਤਿ ਧਾਰਾਧਰੋ. ਜੀਵਨਂ ਜਲਂ ਮੂਤਂ ਬਨ੍ਧਮਨੇਨੇਤਿ ਜੀਮੂਤੋ, ਵਨਸਦ੍ਦਲੋਪੋ, ਲੋਕਾਨਂ ਵਾ ਜੀਵਿਤਂ ਮੁਨਾਤਿ ਬਨ੍ਧਤੀਤਿ ਜੀਮੂਤੋ, ਵਿਤਲੋਪੋ, ਜੀਵਿਤਸ੍ਸ ਜੀ ਆਦੇਸੋ ਵਾ [ਪਾਣਿਨਿ ੬.੩.੧੦੯; ਮੋਗ੍ਗਲ੍ਲਾਨਪਞ੍ਚਿਕਾ ੧.੪੭; ਨੀਤਿ-ਸੁਤ੍ਤ ੧੩੪੦, ੧੩੪੩]. ਏਵਂ ਅਞ੍ਞਤ੍ਰ. ਵਾਰਿਂ ਵਹਤੀਤਿ ਵਾਰਿਵਾਹੋ. ਅਮ੍ਬੁਂ ਦਦਾਤੀਤਿ ਅਮ੍ਬੁਦੋ. ਆਪਂ ਭਰਤੀਤਿ ਅਬ੍ਭਂ, ਕ੍ਵਿ, ਪਸ੍ਸ ਬੋ.

ਤਿਕਂ ਵੁਟ੍ਠਿਯਂ. ਵਸ੍ਸਤਿ ਸਿਞ੍ਚਤੀਤਿ ਵਸ੍ਸਂ, ਵਸ੍ਸ ਸੇਚਨੇ. ਏਵਂ ਵਸ੍ਸਨਵੁਟ੍ਠਿਯੋ.

ਪਞ੍ਚਕਂ ¶ ਵਿਜ੍ਜੁਯਂ. ਸਤਤਂ ਈਰਤਿ ਕਮ੍ਪਤੀਤਿ ਸਤੇਰੋ, ਤਲੋਪੋ, ਸੋ ਏਵ ਸਤੇਰਿਤਾ. ਖਣਮਤ੍ਤਮ੍ਪਿ ਨ ਤਿਟ੍ਠਤੀਤਿ ਅਕ੍ਖਣਾ. ਕੁਟਿਲਂ ਅਚਿਰਟ੍ਠਾਯਿਤਤ੍ਤਾ ਵਿਰੂਪਂ ਹੁਤ੍ਵਾ ਜਵਤੀਤਿ ਵਿਜ੍ਜੁ. ਵਿਜ੍ਜੋਤਤੀਤਿ ਵਿਜ੍ਜੁਤਾ. ਅਚਿਰਂ ਪਭਾ ਯਸ੍ਸ ਅਚਿਰਪ੍ਪਭਾ.

੪੯. ਚਤੁਕ੍ਕਂ ਮੇਘਨਾਦੇ. ਮੇਘਾਨਂ ਨਾਦੋ ਮੇਘਨਾਦੋ. ਧਨੀਯਤੇ ਧਨਿਤਂ[ਥਨਿਤਂ (ਸੀ.)], ਧਨ ਸਦ੍ਦੇ. ਗਜ੍ਜਨਂ ਗਜ੍ਜਿਤਂ, ਗਜ੍ਜ ਸਦ੍ਦੇ. ਰਸੀਯਤੇ ਰਸਿਤਂ. ਆਦਿਨਾ ਹਰਾਦਾਦਿ [ਸਬ੍ਬਤ੍ਰ ਨਪੁਂਸਕੇਭਾਵੇ ਤੋ, ਆਦਿਨਾ ਸ੍ਵਨਿਤਧਨਿਤਾਦਯੋ (ਚਿਨ੍ਤਾਮਣਿਟੀਕਾ), ਆਦਿਨਾ ਧਨਿਤਹਰਾਦਰਾਸਾਦਯੋ (ਬ੍ਯਾਖ੍ਯਾਸੁਧਾਟੀਕਾ)]. ਦ੍ਵਯਂ ਸਕ੍ਕਧਨੁਮ੍ਹਿ. ਇਨ੍ਦਸ੍ਸ ਆਵੁਧਂ ਧਨੁ ਚ ਇਨ੍ਦਾਵੁਧਂ, ਇਨ੍ਦਧਨੁ ਚ. ਵਾਤੇਨ ਖਿਤ੍ਤਮਮ੍ਬੁ ਵਾਤਕ੍ਖਿਤ੍ਤਮ੍ਬੁ, ਬਿਨ੍ਦੁ. ਸੀਤਂ ਕਰੋਤੀਤਿ ਸੀਕਰੋ, ਸਿਞ੍ਚਤੀਤਿ ਵਾ ਸੀਕਰੋ, ਚਸ੍ਸ ਕੋ, ਅਰੋ ਚ, ਵਾਤਵਸੇਨ ਵਾ ਤਤੋ ਤਤੋ ਸਰਤੀਤਿ ਸੀਕਰੋ, ਅਸ੍ਸ ਈ, ਮਜ੍ਝੇ ਕਾਗਮੋ ਚ.

੫੦. ਤਿਕਂ ਜਲਧਾਰਾਯਂ. ਵੇਗਤੋ ਜਲਧਾਰਾਨਂ ਸਂ ਭੁਸਂ ਪਤਨਂ ਆਸਾਰੋ, ਪੁਨਪ੍ਪੁਨਂ ਸਰਤੀਤਿ ਆਸਾਰੋ. ਵੇਗਂ ਧਾਰੇਤੀਤਿ ਧਾਰਾ. ਅਧੋ ਪਤਤੀਤਿ ਸਮ੍ਪਾਤੋ, ਸਂਸਦ੍ਦੋ ਅਧੋਭਾਗੇ [ਵੇਗਤੋ ਜਲਧਾਰਾਨਂ ਸਮ੍ਭੂਯ ਪਤਨਂ ਧਾਰਾਸਮ੍ਪਾਤੋ, ਸਰ ਗਤਿਯਂ ਘਉ ਇਤਿ ਆਸਾਰੋ (ਚਿਨ੍ਤਾਮਣਿਟੀਕਾ)]. ਦ੍ਵਯਂ ਵਸ੍ਸੋਪਲੇ. ਕਰੇਨ ਹਤ੍ਥੇਨ ਗਯ੍ਹੁਪਗਤ੍ਤਾ ਕਰਕਾ, ਜਲਂ ਪਿਣ੍ਡਂ ਕਰੋਤੀਤਿ ਵਾ ਕਰਕਾ, ‘‘ਵਸ੍ਸੋਪਲੇ ¶ ਤੁ ਕਰਕਾ, ਕਰਕੋਪਿ ਚ ਦਿਸ੍ਸਤੇ’’ਤਿ ਰੁਦ੍ਦੋ, ਕਰਸਦ੍ਦੋਤ੍ਰ. ‘‘ਕਰੋ ਵਸ੍ਸੋਪਲੇ ਪਾਣਿ-ਸੋਣ੍ਡਾਪਚ੍ਚਾਯਰਂਸਿਸੂ’’ਤਿ ਨਾਨਤ੍ਥਸਙ੍ਗਹੇ ਵੁਤ੍ਤਂ. ਘਨਤੋ, ਘਨਕਾਲੇ ਵਾ ਸਞ੍ਜਾਤਂ ਉਪਲਂ ਸਿਲਾ ਘਨੋਪਲਂ. ਦੁਟ੍ਠੁ ਦਿਨਂ ਦੁਦ੍ਦਿਨਂ, ਅਯਂ ਦੁਦ੍ਦਿਨਸਦ੍ਦੋ ਮੇਘਚ੍ਛਨ੍ਨਾਹੇ ਵਤ੍ਤਤਿ, ਅਸੋਭਨਤ੍ਥੋਪ੍ਯਤ੍ਥਿ ਦੁਦ੍ਦਿਨਸਦ੍ਦੋ, ਅਗੁਣਵਚਨਤਾਯਂ ਵਾਚ੍ਚਲਿਙ੍ਗੋ.

੫੧-੫੨. ਛਕ੍ਕਂ ਤਿਰੋਧਾਨੇ. ਧਰ ਆਵਰਣੇ, ਅਪਾਦਿਪੁਬ੍ਬੋ. ਅਪਿਧਰਤਿ ਆਵੁਣੋਤੀਤਿ ਪਿਧਾਨਂ, ਅਲੋਪੋ. ਅਪਧਰਤੀਤਿ ਅਪਧਾਰਣਂ. ਤਿਰੋ ਧਰਤਿ ਪਿਦਹਤੀਤਿ ਤਿਰੋਧਾਨਂ. ਅਨ੍ਤਰਂ ਧਰਤੀਤਿ ਅਨ੍ਤਰਧਾਨਂ, ਨਿਗ੍ਗਹੀਤਲੋਪੋ. ਅਪਿਧਰਤੀਤਿ ਅਪਿਧਾਨਂ. ਏਤ੍ਥ ਚ ਅਪਾਦਿਉਪਸਗ੍ਗਾ ਧਾਤੁਨੋ ਆਵਰਣਤ੍ਥਜੋਤਕਾ. ਛਾਦਯਤੀਤਿ ਛਾਦਨਂ. ਬ੍ਯਵਧਾ, ਅਨ੍ਤਰਧਿਇਚ੍ਚਾਦਯੋਪਿ ਤਿਰੋਧਾਨੇ.

ਸਾਦ੍ਧਪਜ੍ਜੇਨ ਚਨ੍ਦਸ੍ਸ ਨਾਮਾਨਿ. ਇਨ੍ਦਤਿ ਨਕ੍ਖਤ੍ਤਾਨਂ ਪਰਮਿਸ੍ਸਰਿਯਂ ਕਰੋਤੀਤਿ ਇਨ੍ਦੁ. ਚਨ੍ਦਤਿ ਹਿਲਾਦਯਤਿ ਸੁਖਯਤਿ ਪਜਨ੍ਤਿ ਚਨ੍ਦੋ. ਨਕ੍ਖਤ੍ਤਾਨਂ ਰਾਜਾ ਨਕ੍ਖਤ੍ਤਰਾਜਾ. ਉਮਾ ਕਨ੍ਤਿ, ਤਾਯ ਸਹ ਵਿਜ੍ਜਤੀਤਿ ਸੋਮੋ, ਸੁਖਂ ਅਭਿਸ੍ਸਵਤੀਤਿ ਵਾ ਸੋਮੋ, ਮਪਚ੍ਚਯੋ. ਨਿਸਂ ਰਤ੍ਤਿਂ ਕਰੋਤਿ, ਤਤ੍ਥ ਵਾ ਕਰੋ ਰਂਸਿ ਏਤਸ੍ਸ ਨਿਸਾਕਰੋ. ਅਨ੍ਧਕਾਰਂ ਉਸੇਨ੍ਤਿ ਦਹਨ੍ਤਿ ਵਿਨਾਸੇਨ੍ਤੀਤਿ ਓਸਾ, ਰਂਸਯੋ, ਤੇ ਏਤ੍ਥ ਧਿਯਨ੍ਤਿ ਪਤਿਟ੍ਠਹਨ੍ਤੀਤਿ ਓਸਧਿ, ਤਾਰਾਵਿਸੇਸੋ, ਤਸ੍ਸ ਈਸੋ ਪਤਿ ਓਸਧੀਸੋ. ਹਿਮੋ ਸੀਤਲੋ ਰਂਸਿ ਯਸ੍ਸ ਹਿਮਰਂਸਿ. ਸਸੋ ਅਙ੍ਕੋ ਲਕ੍ਖਣਂ ਯਸ੍ਸ ਸਸਙ੍ਕੋ. ਚਨ੍ਦਂ ਕਪ੍ਪੂਰਂ ਮਾਤਿ ਸਦਿਸਂ ਨਯਤੀਤਿ ਚਨ੍ਦਿਮਾ. ਇਕਾਰਾਦੇਸੋ. ਸਸਲਕ੍ਖਣਮੇਤ੍ਥ ਅਤ੍ਥਿ ਸਸੀ ¶ . ਸਸਤਿ ਵਾ ਹਿਂਸਤਿ ਉਣ੍ਹਗੁਣਨ੍ਤਿ ਸਸੀ, ਈਪਚ੍ਚਯੋ ਤਦੁਪਲਕ੍ਖਿਤੇ ਤਦੁਪਚਾਰਂ. ਸੀਤਾ ਰਂਸਯੋ ਯਸ੍ਸਤ੍ਥੀਤਿ ਸੀਤਰਂਸਿ. ਨਿਸਾਯ ਰਤ੍ਤਿਯਾ ਨਾਥੋ ਤਦਾਲਙ੍ਕਾਰਭਾਵਤੋਤਿ ਨਿਸਾਨਾਥੋ. ਉਲ਼ੂਨਂ ਤਾਰਾਨਂ ਰਾਜਾ ਉਲ਼ੁਰਾਜਾ. ਮਾਤਿ ਅਤ੍ਤਾਨਂ ਕਪ੍ਪੂਰੇਨ ਸਦਿਸਂ ਕਰੋਤੀਤਿ ਮਾ, ਮਾਸਦ੍ਦੋਯਂ ਪੁਮੇ, ਤਂਸਹਚਰਣਤੋ ਉਲ਼ੁਰਾਜਾਦਯੋਪਿ. ਹਿਮਂਸੁ, ਕੁਮੁਦਬਨ੍ਧੁ, ਵਿਧੁ, ਸੁਧਂਸੁ, ਸੁਬ੍ਭਂਸੁ, ਨਿਸਾਪਤਿ, ਮਿਗਙ੍ਕੋ, ਕਲਾਨਿਧਿ, ਦ੍ਵਿਜਰਾਜੋ, ਸਸਧਰੋ, ਨਕ੍ਖਤ੍ਤੇਸੋਇਚ੍ਚਾਦੀਨਿਪਿ ਚਨ੍ਦਸ੍ਸ ਨਾਮਾਨਿ.

੫੩-੫੪. ਸੋਲ਼ਸਨ੍ਨਂ ਭਾਗਾਨਂ ਪੂਰਣੋ ਸੋਲ਼ਸਮੋ ਭਾਗੋ ਚਨ੍ਦਸ੍ਸ ਕਲਾ, ਕਲ ਸਙ੍ਖ੍ਯਾਨੇ, ਕਲੀਯਤੇ ਏਕਾਦਿਨਾ ਸਙ੍ਖ੍ਯਾਯਤੇਤਿ ਕਲਾ. ਦ੍ਵਯਂ ਚਨ੍ਦਸ੍ਸ ਸਰੀਰੇ. ਮਞ੍ਞਤੇ ਞਾਯਤੇ ਅਨੇਨੇਤਿ ਬਿਮ੍ਬਂ. ਮਨਤੋ ਵਪਚ੍ਚਯੋ, ਨਿਪਾਤਨਾ ਮਸ੍ਸ ਬੋ, ਅਸ੍ਸਿ, ਨਸ੍ਸ ਮੋ, ਵਸ੍ਸ ਬੋ, ਬਿਮ੍ਬਸਦ੍ਦੋ ਅਨਿਤ੍ਥਿਯਂ. ਮਣ੍ਡਯਤੇਤਿ ਮਣ੍ਡਲਂ, ਅਲੋ, ਇਤ੍ਥਿਯਂ ਮਣ੍ਡਲੀ, ਅਯਂ ਤੀਸ੍ਵਪਿ [ਬਿਮ੍ਬੋ ਅਨਿਤ੍ਥੀ, ਮਣ੍ਡਲਂ ਤੀਸੁ (ਅਮਰ ੩.੧੫)].

ਪਾਦਹੀਨਪਜ੍ਜੇਨ ਅਦ੍ਧਭਾਗੋ. ਅਸਤਿ ਖੇਪੇਤਿ ਸਮੁਦਾਯਨ੍ਤਿ ਅਡ੍ਢੋ, ਤੋ. ਤਥਾ ਅਦ੍ਧੋ. ਉਪਡ੍ਢੋਤਿ ਉਪਸਗ੍ਗੇਨ ਪਦਂ ਵਡ੍ਢਿਤਂ, ਏਤੇ ਤਯੋ ਪੁਮੇ. ਖਣ੍ਡਯਤਿ ਸਮੁਦਾਯਨ੍ਤਿ ਖਣ੍ਡਂ. ਸਕ੍ਯਤੇ ¶ ਉਬ੍ਬਾਹਨਾਦੀਸੁ ਥੋਕਤ੍ਤਾਤਿ ਸਕਲਂ, ਅਲੋ, ਖਣ੍ਡਸਕਲਾ ਵਾ ਪੁਮੇ, ਸਤ੍ਥੇ ਰੂਪਭੇਦਤੋ ਨਪੁਂਸਕੇ. ਏਤੇ ਚ ਅਡ੍ਢਾਦਯੋ ਤਯੋ ਅਸਮੇ ਭਾਗੇ ਪੁਮੇ, ਸਮੇ ਤੁ ਨਪੁਂਸਕੇਤਿ ਰੂਪਭੇਦੇਨਾਹ ‘‘ਅਦ੍ਧਂ ਵੁਤ੍ਤਂ ਸਮੇ ਭਾਗੇ’’ਤਿ. ਖਣ੍ਡਾਦਿਦ੍ਵਯਂ ਪਨ ਅਸਮੇਪਿ ਵਤ੍ਤਮਾਨਂ ਪੁਨ੍ਨਪੁਂਸਕੇ ਵਤ੍ਤਤਿ, ਤਸ੍ਮਾ ‘‘ਅਦ੍ਧਂ ਵੁਤ੍ਤਂ ਸਮੇ ਭਾਗੇ’’ਤਿ ਏਤ੍ਥ ‘‘ਅਡ੍ਢਂ, ਉਪਡ੍ਢ’’ਨ੍ਤਿ ਇਦਂ ਦ੍ਵਯਮ੍ਪਿ ਸਙ੍ਗਹਿਤਂ [ਅਸਮਭਾਗੇ ਪੁਮਾਨਿ, ਸਮੇ ਅਂਸੇ ਨਪੁਂਸਕਤ੍ਤਂ ਰੂਪਭੇਦਤੋ, ਉਪਚਾਰਤੋ ਤਬ੍ਭਾਗਵਤਿ ਵਾਚ੍ਚਲਿਙ੍ਗੋ – ਅਦ੍ਧਾ ਸਾਟੀ, ਅਦ੍ਧਂ ਵਤ੍ਥਂ ਅਦ੍ਧੋ ਕਮ੍ਬਲੋ (ਚਿਨ੍ਤਾਮਣਿਟੀਕਾ)].

ਪਸਾਦਾਦਯੋ ਚਨ੍ਦੇ ਅਵਸ੍ਸਮ੍ਭਾਵਿਨੋ, ਅਞ੍ਞਤ੍ਰ ਤੁ ਪਾਸਙ੍ਗਿਕਾ ਇਤਿ ਚਨ੍ਦਪਕ੍ਕਮੇ ਉਚ੍ਚਨ੍ਤੇ. ਵਿਸੇਸੇਨ ਸਾਦਯਤਿ ਪਸਾਦਯਤੀਤਿ ਪਸਾਦੋ. ਏਵਂ ਪਸਨ੍ਨੋ, ਸੋ ਏਵ ਪਸਨ੍ਨਤਾ.

ਤਿਕਂ ਚਨ੍ਦਪ੍ਪਭਾਯਂ. ਕੁਮੁਦਸ੍ਸਾਯਂ ਵਿਕਾਸੋ [ਵਿਕਾਰੋ (ਕ.)] ਕੋਮੁਦੀ. ਚਨ੍ਦਂ ਆਚਿਕ੍ਖਤਿ ਪਟਿਪਾਦਯਤੀਤਿ ਚਨ੍ਦਿਕਾ. ਜੁਤਿ ਅਸ੍ਸਾਤ੍ਥੀਤਿ ਜੁਣ੍ਹਾ. ਤਸ੍ਸ ਣੋ, ਹਪਚ੍ਚਯੋ ਚ, ਚਨ੍ਦਸ੍ਸ ਵਾ ਜੁਤਿਂ ਸੋਭਂ ਨਯ੍ਹਤਿ ਬਨ੍ਧਤੀਤਿ ਜੁਣ੍ਹਾ.

ਚਤੁਕ੍ਕਂ ਸੋਭਨਮਤ੍ਤੇ. ਕਨਤਿ ਦਿਪ੍ਪਤੀਤਿ ਕਨ੍ਤਿ, ਕਨ ਦਿਤ੍ਤਿਯਂ, ਕਾਮੀਯਤੀਤਿ ਵਾ ਕਨ੍ਤਿ. ਸੁਨ੍ਦਰਂ ਭਾਤਿ ਦਿਪ੍ਪਤੀਤਿ ਸੋਭਾ. ਜੋਤਯਤੀਤਿ ਜੁਤਿ. ਛਾਦਯਤੀਤਿ ਛਵਿ. ਛਦ ਸਂਵਰਣੇ, ਵਿਪਚ੍ਚਯੋ, ਦਲੋਪੋ.

੫੫. ਸਤ੍ਤਕਂ ਲਕ੍ਖਣੇ. ਕਂ ਅਤ੍ਤਾਨਂ ਲਙ੍ਕਯਤਿ ਹੀਨਂ ਕਰੋਤੀਤਿ ਕਲਙ੍ਕੋ. ਲਞ੍ਛਤੇ ਲਕ੍ਖਤੇ ਅਨੇਨੇਤਿ ਲਞ੍ਛਨਂ ¶ . ਲਕ੍ਖ੍ਯਤੇ ਅਨੇਨੇਤਿ ਲਕ੍ਖਂ. ਤਥਾ ਲਕ੍ਖਣਂ. ਅਙ੍ਕੀਯਤੇ ਲਕ੍ਖ੍ਯਤੇ ਅਨੇਨੇਤਿ ਅਙ੍ਕੋ. ਅਭਿ ਵਿਸੇਸਂ ਜਾਨਾਤਿ ਏਤੇਨਾਤਿ ਅਭਿਞ੍ਞਾਣਂ. ਚਿਹੀਯਤਿ ਲਕ੍ਖੀਯਤਿ ਅਨੇਨੇਤਿ ਚਿਹਨਂ. ਚਿਹ ਲਕ੍ਖਣੇ.

ਸਬ੍ਬਾਸਂ ਸੋਭਾਨਂ ਮਜ੍ਝੇ ਪਰਮਾ ਸੋਭਾ ਸੁਸਮਾ ਨਾਮ, ਸੋਭਨਂ ਸਮਂ ਸਬ੍ਬਂ ਅਸ੍ਸਂ ਸੁਸਮਾ, ਸੇਟ੍ਠਾ ਸੋਭਾ.

੫੬. ਗੁਣੇ ਫੋਟ੍ਠਬ੍ਬਵਿਸੇਸੇ ਸੀਤਨ੍ਤਿ ਨਪੁਂਸਕਂ ਭਵਤਿ. ਦੇਵਦਤ੍ਤਸ੍ਸ ਸੀਤਂ ਵਤ੍ਤਤਿ. ਸੀਤਾਦਯੋ ਤਯੋ ਗੁਣੀਲਿਙ੍ਗਾ ਗੁਣਿਨੋ ਲਿਙ੍ਗਂ ਗਣ੍ਹਨ੍ਤਿ, ਤਂ ਯਥਾ – ਸੀਤਲਾ ਭੂਮਿ, ਸੀਤਲਂ ਜਲਂ, ਸੀਤਲੋ ਵਾਤੋ. ਉਣ੍ਹਾਭਿਤਤ੍ਤੇਹਿ ਸੇਵੀਯਤੀਤਿ ਸੀਤਂ, ਤੇਨ ਯੁਤ੍ਤੋ ਸੀਤੋ. ਸਸ ਗਤਿਯਂ, ਇਰੋ, ਇਤ੍ਤਞ੍ਚ, ਸੀਤਤ੍ਥਿਕੇਨ ਸਰੀਯਤੀਤਿ ਵਾ ਸਿਸਿਰਂ. ਸੀਤਂ ਗੁਣਂ ਲਾਤੀਤਿ ਸੀਤਲੋ.

ਮਹਿਕਾਨ੍ਤਂ ਹਿਮੇ. ਹਿਂਸਤੀਤਿ ਹਿਮਂ, ਸਸ੍ਸ ਮੋ,ਨਿਗ੍ਗਹੀਤਲੋਪੋ ਚ. ਤੁਹ ਅਦਨੇ, ਤੋਹਤਿ ਹਿਂਸਤੀਤਿ ਤੁਹਿਨਂ, ਇਨੋ. ਉਪਰਿਤੋ ਸਵਤੀਤਿ ਉਸ੍ਸਾਵੋ. ਨੀਹਰਨ੍ਤਿ ਨਿਸ੍ਸਸਨ੍ਤ੍ਯਨੇਨੇਤਿ ਨੀਹਾਰੋ, ਨਤ੍ਥਿ ਈਹਾ ਵਾ ਏਤਸ੍ਮਾ ਹੇਤੁਭੂਤਾਤਿ ਨੀਹਾਰੋ, ਆਰੋ. ਮਹੀਯਤੇ ਰਾਗੀਹੀਤਿ [ਵਾਚਾਭਿ (ਚਿਨ੍ਤਾਮਣਿਟੀਕਾ)] ਮਹਿਕਾ, ਣ੍ਵੁ.

੫੭. ਛਕ੍ਕਂ ਨਕ੍ਖਤ੍ਤੇ. ਪੁਨਪ੍ਪੁਨਂ ਉਦਯਤ੍ਤਾ ਨ ਖੀਯਤੇ ਨਕ੍ਖਤ੍ਤਂ, ਅਤ੍ਤਨੋ ਗਮਨਟ੍ਠਾਨਂ ਨ ਖਰਤਿ ਨ ਵਿਨਾਸੇਤੀਤਿ ਵਾ ਨਕ੍ਖਤ੍ਤਂ, ਅਥ ¶ ਵਾ ਨਕ੍ਖ ਗਤਿਯਂ, ਨਕ੍ਖਤੀਤਿ ਨਕ੍ਖਤ੍ਤਂ. ਜੋਤਤਿ ਸੁਭਾਸੁਭਨਿਮਿਤ੍ਤਂ ਪਕਾਸੇਤੀਤਿ ਜੋਤਿ, ਨਕ੍ਖਤ੍ਤ ਭਂਸਦ੍ਦੇਹਿ ਸਹਚਰਣਤੋ ਨਪੁਂਸਕੇ. ਯਥਾਵੁਤ੍ਤਂ ਨਿਮਿਤ੍ਤਂ ਭਾਤਿ ਪਕਾਸੇਤੀਤਿ ਭਂ. ਕਤ੍ਤਬ੍ਬਂ ਤਰਨ੍ਤਿ ਲੋਕਾ ਏਤਾਯਾਤਿ ਤਾਰਾ, ਅਤ੍ਤਨੋ ਵੀਥਿਂ ਤਾਯਤਿ ਅਰਤਿ ਗਚ੍ਛਤੀਤਿ ਵਾ ਤਾਰਾ, ਤਾਰੇਤਿ ਵਾ ਲੋਕੇ ਅਹਿਤਤੋਤਿ ਤਾਰਾ, ਅਯਞ੍ਚ ਤਾਰਕਾ, ਉਲ਼ੁ ਚ ਏਤੇ ਤਯੋ ਅਪੁਮੇ. ਤਰਾ ਏਵ ਣ੍ਵੁ, ਤਾਰਕਾ [ਤਾਰਾ ਏਵ ਤਾਰਕਾ ਣ੍ਵੁ (ਕ.)]. ਉਚ੍ਚਂ ਲਵਤਿ [ਉਲਯਤਿ (ਕ.)] ਗਚ੍ਛਤੀਤਿ ਉਲੁ. ਸੋ ਏਵ ਉਲ਼ੁ. ਨ ਕੇਵਲਂ ਤਾਰਕਾ ਏਵ ਅਪੁਮੇ, ਅਥ ਖੋ ਉਲ਼ੁ ਚਾਤਿ ਚਸਦ੍ਦਤ੍ਥੋ. ਉਲ਼ੁਸਹਚਰਿਯਤੋ ਪਕ੍ਖੇ ਨਪੁਂਸਕੇ ਚ.

੫੮-੬੦. ਅਸ੍ਸਯੁਜਾਦਯੋ ਰੇਵਤ੍ਯਨ੍ਤਾ ਸਤ੍ਤਾਧਿਕਵੀਸਤਾਰਕਾ ਨਕ੍ਖਤ੍ਤਾ ਨਾਮ ਹੋਨ੍ਤਿ. ਤਾਨਿ ਚ ਨਕ੍ਖਤ੍ਤਾਨਿ ਆਕਾਸੇ ਯਥਾਠਿਤਾਨਿ ਕਮਤੋਯੇਵ ਏਤ੍ਥ ਕਥਿਤਾਨਿ, ਨ ਉਪ੍ਪਟਿਪਾਟਿਯਾ. ਵਕ੍ਖਤਿ ਚ ‘‘ਕਮਤੋ ਸਤ੍ਤਾਧਿਕਵੀਸਤਿ ਨਕ੍ਖਤ੍ਤਾ’’ਤਿ. ਅਸ੍ਸਰੂਪਯੋਗਤੋ ਅਸ੍ਸਯੁਜੋ. ਯਮਸਦਿਸਤ੍ਤਾਸਬ੍ਬਤ੍ਰ ਭਰਤੀਤਿ ਭਰਣੀ. ਯੁ, ਈ. ਅਗ੍ਗਿਸਦਿਸਤ੍ਤਾ ਕਨ੍ਤਤਿ ਛਿਨ੍ਦਤੀਤਿ ਕਤ੍ਤਿਕਾ, ਕਰੋਤਿ ਤਸ੍ਮਾ ਵਾ ਕਤ੍ਥਿਕਾ, ਕਤ੍ਤਿਕਾਯ ਸਹਿਤਾ ਸਕਤ੍ਤਿਕਾ. ਭਰਣੀ, ਰੋਹਿਣੀ ਵਾ. ਕਮਲਸਮ੍ਭਵਤ੍ਤਾ ਕਮਲੇ ਰੁਹਤਿ ਵਡ੍ਢਤੀਤਿ ਰੋਹਿਣੀ. ਮਿਗਸੀਸਣ੍ਠਾਨਤ੍ਤਾ ¶ ਤਾਰਾਪੁਞ੍ਜੋ ਮਿਗਸਿਰਂ, ਛਟ੍ਠੀਸਮਾਸੋ ਉਤ੍ਤਰਪ੍ਪਧਾਨਤ੍ਤਾ ਨਪੁਂਸਕਤ੍ਤਂ. ਰੁਦ੍ਦਰਸਾਵਟ੍ਠਿਤਕੋਧਰੁਦ੍ਦਸਦਿਸਤ੍ਤਾ ਕਦਾਚਿ ਅਦਤਿ ਘਸਤੀਤਿ ਅਦ੍ਦਾ. ਪੁਨਪ੍ਪੁਨਂ ਸਤ੍ਤੇਸੁ ਹਿਤਂ ਵਸ੍ਸਤੀਤਿ ਪੁਨਬ੍ਬਸੁ, ਵਸ੍ਸ ਸੇਚਨੇ. ਪੋਸੇਤਿ ਕ੍ਰਿਯਾਨਿ, ਪੋਸੇਨ੍ਤ੍ਯਸ੍ਮਿਨ੍ਤਿ ਵਾ ਪੁਸ੍ਸੋ. ਭੁਜਗਸਦਿਸਤ੍ਤਾ ਨ ਸਿਲਿਸ੍ਯਤੇ ਨਾਲਿਙ੍ਗ੍ਯਤੇਤਿ ਅਸਿਲੇਸੋ.

ਮਹੀਯਤੇ ਕਾਰਿਯਤ੍ਥਿਕੇਹੀਤਿ ਮਘਾ [ਮਾਘਾ (ਕ.)], ਹਸ੍ਸ ਘੋ. ਫਲਂ ਗਣ੍ਹਾਪੇਤੀਤਿ ਫਗ੍ਗੁਨੀ, ਯੁ, ਈ. ਦ੍ਵੇਤਿ ਪੁਬ੍ਬਫਗ੍ਗੁਨੀ, ਉਤ੍ਤਰਫਗ੍ਗੁਨੀ ਚੇਤਿ ਦ੍ਵੇ. ਹਤ੍ਥਸਣ੍ਠਾਨਤਾਯ ਹਤ੍ਥੋ. ਤਚ੍ਛਕਸਦਿਸਤ੍ਤਾ ਵਿਚਿਤ੍ਤਂ ਫਲਂ ਦਦਾਤੀਤਿ ਚਿਤ੍ਤਾ. ਸੋਭਨਾ ਆਤਿ, ਸਾਤਿ ਵਾ ਤਨੁਂ ਕਰੋਤਿ ਸੁਭਾਸੁਭਨ੍ਤਿ ਸਾਤਿ [ਸ੍ਵਾਤਿ (ਕ.)], ਸੁਭਾਸੁਭਫਲਦਾਨਤੋ ਵਾ ਸਾਤਿ, ‘‘ਸਾਤਿ ਦਾਨਾਵਸਾਨੇਸੂ’’ਤਿ ਹਿ ਨਾਨਤ੍ਥਸਙ੍ਗਹੇ ਵੁਤ੍ਤਂ, ਅਯਂ ਦ੍ਵੀਸੁ. ਵਿਸਦਿਸਂ ਫਲਂ ਖਣਤੀਤਿ ਵਿਸਾਖਾ, ਵਿਵਿਧਾ ਵਾ ਸਖਾ ਮਿਤ੍ਤਾ ਯਸ੍ਸਾ ਸਾ ਵਿਸਾਖਾ. ਅਨੁਰਾਧਯਤਿ ਸਂਸਿਜ੍ਝਤਿ ਸੁਭਾਸੁਭਫਲਮੇਤਾਯਾਤਿ ਅਨੁਰਾਧਾ. ਗੁਣੇਹਿ ਸਬ੍ਬਾਸਂ ਵੁਡ੍ਢਤ੍ਤਾ ਜੇਟ੍ਠਾ. ਮੂਲਤਿ ਪਤਿਟ੍ਠਾਤਿ ਸੁਭਾਸੁਭਫਲਮੇਤ੍ਥਾਤਿ ਮੂਲਂ. ਆਸਾਲ਼੍ਹੋ ਨਾਮ ਭਤੀਨਂ ਦਣ੍ਡੋ, ਤਂਸਣ੍ਠਾਨਤ੍ਤਾ ਆਸਾਲ਼੍ਹਾ ਨਾਮ ਦ੍ਵੇ ਨਕ੍ਖਤ੍ਤਾ ਪੁਬ੍ਬਾਸਾਲ਼੍ਹਉਤ੍ਤਰਾਸਾਲ਼੍ਹਵਸੇਨ.

ਸਵਤਿ ਸੁਭਾਸੁਭਫਲਮੇਤੇਨਾਤਿ ਸਵਣੋ, ਸਵਣਂ ਵਾ. ਧਨਮੇਸਨ੍ਤਿ ਏਤ੍ਥਾਤਿ ਧਨਿਟ੍ਠਾ, ਧਨਤਿ ਵਾ ਵਿਭੂਤਿ ਨਿਧਾਨਂ ਧਨਿਟ੍ਠਾ. ਸਤਂ ਭਿਸਜਾ ਏਤ੍ਥ, ਸਤਭਿਸਜਾਨਂ ਵਾ ਅਧਿਪਤਿ ਸਤਭਿਸਜੋ. ਭਦ੍ਦੋ ਗੋ, ਤਸ੍ਸੇਵ ਪਦਾਨਿ ਪਾਦਾ ਅਸ੍ਸਂ ਭਦ੍ਦਪਦਾ, ਪੁਬ੍ਬਭਦ੍ਦਪਦਾ ਦ੍ਵੇ, ਉਤ੍ਤਰਭਦ੍ਦਪਦਾ ਦ੍ਵੇ, ਸਮੂਹੋ ਚੇਸਂ ਚਤੁਸਙ੍ਖ੍ਯਾਤਿ ਬਹੁਵਚਨਂ. ਰਾ ਵੁਚ੍ਚਤਿ ਧਨਂ, ਤਬ੍ਬਨ੍ਤਤਾਯ ਰੇਵਤੀ, ਆਕਾਰਸ੍ਸੇ, ਰੇਵਤੋ ਵਾ ਇਸਿਭੇਦੋ, ਤਸ੍ਸ ਅਪਚ੍ਚਂ ਰੇਵਤੀ.

੬੧. ਦ੍ਵਯਂ ¶ ਰਾਹੁਗ੍ਗਹੇ. ਸੋ ਵੁਚ੍ਚਤਿ ਸਗ੍ਗੋ, ਤਤ੍ਥ ਭਾਤੀਤਿ ਸੋਬ੍ਭਾਨੁ. ਰਹਤਿ ਚਨ੍ਦਾਦੀਨਂ ਸੋਭਂ ਜਹਾਪੇਤੀਤਿ ਰਾਹੁ. ਤਮੋ, ਵਿਧੁਨ੍ਤੁਦੋ, ਚਨ੍ਦਾਦੋ, ਸੇਹਿਕੇਯੋਤਿਪਿ ਰਾਹੁਸ੍ਸ ਨਾਮਾਨਿ.

ਸੂਰ, ਚਨ੍ਦ, ਅਙ੍ਗਾਰਕ, ਬੁਧ, ਜੀਵ, ਸੁਕ੍ਕ, ਅਸਿਤ, ਰਾਹੁ, ਕੇਤੂਤਿ ਏਤੇ ਸੂਰਾਦਯੋ ਨਵਗ੍ਗਹਾ ਨਾਮ.

ਮੇਸਾਦਿਕੋ ਦ੍ਵਾਦਸਕੋਟ੍ਠਾਸੋ ਰਾਸਿ ਨਾਮ. ਆਦਿਨਾ ਉਸਭ, ਮੇਥੁਨ, ਕਕ੍ਕਟ, ਸੀਹ, ਕਞ੍ਞਾ, ਤੁਲਾ, ਵਿਚ੍ਛਿਕ, ਧਨੁ, ਮਕਰ, ਕੁਮ੍ਭ, ਮੀਨੇ ਸਙ੍ਗਣ੍ਹਾਤਿ.

ਦ੍ਵਯਂ ਭਦ੍ਦਪਦਨਕ੍ਖਤ੍ਤਾਨਂ ਨਾਮਂ. ਪੋਟ੍ਠੋ ਗੋ [ਪਾਠੋ ਭਦ੍ਦੋ ਗੋ (ਕ.)], ਤਸ੍ਸੇਵ ਪਦਾਨਿ ਪਾਦਾ ਅਸ੍ਸਂ ਪੋਟ੍ਠਪਦਾ.

੬੨-੬੩. ਪਜ੍ਜਦ੍ਵਯੇਨ ਸੂਰਿਯਸ੍ਸ ਨਾਮਾਨਿ. ਆ ਭੁਸੋ ਦਿਪ੍ਪਤੀਤਿ ਆਦਿਚ੍ਚੋ, ਪ੍ਪਸ੍ਸ ਚ੍ਚੋ. ਲੋਕਾਨਂ ਸੂਰਭਾਵਂ ਜਨੇਤੀਤਿ ਸੂਰਿਯੋ. ਤਥਾ ਸੂਰੋ. ਸਤਂ ਬਹਵੋ ਰਂਸਯੋ ਯਸ੍ਸ ਸਤਰਂਸਿ. ਦਿਵਾ ਦਿਵਸਂ ਕਰੋਤੀਤਿ ਦਿਵਾਕਰੋ, ਦਿਵਸੇ ਵਾ ਕਰੋ ¶ ਆਭਾ ਯਸ੍ਸ ਦਿਵਾਕਰੋ, ਦਿਵਾਸਦ੍ਦੋਯਂ ਸਬ੍ਬਕਾਰਕਵਚਨੋ, ਨ ਤੁ ਆਧਾਰਵਚਨੋ ਏਵ. ਵਿਸੇਸੇਨ ਰੋਚਤੇ ਦਿਪ੍ਪਤੇਤਿ ਵੇਰੋਚਨੋ. ਦਿਨਂ ਕਰੋਤਿ, ਕੁਮੁਦਾਨਂ ਵਾ ਦਿਨਂ ਮਾਕੁਲ੍ਯਂ ਕਰੋਤੀਤਿ ਦਿਨਕਰੋ, ਉਣ੍ਹੋ ਰਂਸਿ ਯਸ੍ਸ ਉਣ੍ਹਰਂਸਿ. ਪਭਂ ਕਰੋਤੀਤਿ ਪਭਙ੍ਕਰੋ.

ਅਂਸੁਨੋ ਮਾਲਾ, ਸਾ ਯਤ੍ਥ ਅਤ੍ਥਿ ਅਂਸੁਮਾਲੀ. ਦਿਨਾਨਂ ਪਤਿ ਦਿਨਪਤਿ. ਤਪਤੀਤਿ ਤਪਨੋ. ਰਵਨ੍ਤਿ ਏਤੇਨ ਸਤ੍ਤਾ ਪਭਾਵਿਤ੍ਤਾਤਿ ਰਵਿ. ਭਾਨੁ ਯਸ੍ਸ ਅਤ੍ਥੀਤਿ ਭਾਨੁਮਾ. ਰਂਸਿ ਯਸ੍ਸ ਅਤ੍ਥੀਤਿ ਰਂਸਿਮਾ. ਭਂ ਆਭਂ ਕਰੋਤਿ, ਤਾਸਂ ਵਾ ਆਕਰੋ ਉਪ੍ਪਤ੍ਤਿਟ੍ਠਾਨਂ ਭਾਕਰੋ. ਭਾਤਿ ਦਿਪ੍ਪਤੀਤਿ ਭਾਨੁ. ਦੇਵੇਹਿਪਿ ਅਚ੍ਚਤੇ ਪੂਜੀਯਤੇਤਿ ਅਕ੍ਕੋ. ਸਹਸ੍ਸਂ ਬਹਵੋ ਰਂਸਯੋ ਯਸ੍ਸ ਸਹਸ੍ਸਰਂਸਿ. ਦ੍ਵਾਦਸਤ੍ਤਾ, ਪਭਾਕਰੋ, ਵਿਭਾਕਰੋ, ਵਿਕਤ੍ਤਨੋ [ਵਿਸ੍ਸਕਮ੍ਮੁਨਾ ਵਿਕਤ੍ਤਿਤੋ, ਕਮ੍ਮਨਿ ਯੁ (ਚਿਨ੍ਤਾਮਣਿਟੀਕਾ)], ਮਤ੍ਤਣ੍ਡੋ, ਦਿਵਮਣਿ, ਤਰਣਿ, ਮਿਤ੍ਤੋ, ਚਿਤ੍ਰਭਾਨੁ, ਵਿਭਾਵਸੁ, ਗਹਪ੍ਪਤਿ, ਹਂਸੋ, ਸਵਿਤਾਇਚ੍ਚਾਦੀਨਿਪਿ ਸੂਰਿਯਸ੍ਸ ਨਾਮਾਨਿ.

੬੪. ਪਜ੍ਜੇਨ ਸੂਰਿਯਾਦੀਨਂ ਰਂਸਿਪ੍ਪਭਾਨਂ ਨਾਮਾਨਿ. ਰਸਨ੍ਤਿ ਤਂ ਸਤ੍ਤਾਤਿ ਰਂਸਿ. ਆ ਭੁਸੋ ਭਾਤੀਤਿ ਆਭਾ. ਪਕਾਰੇਨ ਭਾਤੀਤਿ ਪਭਾ. ਦਿਪ੍ਪਤੀਤਿ ਦਿਤ੍ਤਿ. ਰੋਚਤੇ ਦਿਪ੍ਪਤੇਤਿ ਰੁਚਿ. ਦੀਧ੍ਯਤਿ ਦਿਪ੍ਪਤੀਤਿ ਦੀਧਿਤਿ. ਦਿਪ੍ਪਤੀਤਿ ਵਾ ਦੀਧਿਤਿ, ਪਸ੍ਸ ਧੋ, ਇਕਾਰਾਗਮੋ. ਮਿਯ੍ਯਨ੍ਤੇ ਖੁਦ੍ਦਜਨ੍ਤਵੋ ਅਨੇਨੇਤਿ ਮਰੀਚਿ, ਈਚਿ. ਅਸਤਿ ਗਚ੍ਛਤਿ ਦਿਸਨ੍ਤਨ੍ਤਿ ਅਂਸੁ, ਉਸ੍ਸਾਗਮੋ. ਮਰੀਚਿਸਹਚਰਣਤੋ ਦੀਧਿਤ੍ਯਾਦਯੋ [ਖਲਿਤਪਾਠੋ (?), ਸਵਰਸਾਮੀ ਤੁ ਅਙ੍ਗੁਲਿ ਕਾਕਲਿਸਾਰਿ ਸਰਾਰਿ ਤੁਮ੍ਬਿਅਰਿ ਸੁਸਿ ਦੀਮਿਤ੍ਯਤ੍ਤਯੋ ਥੀਪੁਮੇਸੁ ਇਚ੍ਚਾਹ (ਚਿਨ੍ਤਾਮਣਿਟੀਕਾ)] ਭਾਨੁ ਅਂਸੁ ਚ ਦ੍ਵੀਸੁ. ਮਯ ਗਮਨਤ੍ਥੋ ¶ ਦਣ੍ਡਕੋ ਧਾਤੁ [ਦਣ੍ਡਕਪ੍ਪਕਰਣੇ ਆਗਤਧਾਤੂਤਿ ਅਤ੍ਥੋ, ਨਿਰੁਤ੍ਤਿਸਾਰਮਞ੍ਜੁਸਾਟੀਕਾਯਂ ੨੫੩.੪੧੩ ਪਿਟ੍ਠੇਸੁ ਪਸ੍ਸਿਤਬ੍ਬਂ], ਖਪਚ੍ਚਯੋ ਊਕਾਰਾਗਮੋ, ਅਥ ਵਾ ਮਾ ਮਾਨੇ, ਉਖ ਗਤ੍ਯਤ੍ਥੋ ਦਣ੍ਡਕੋ ਧਾਤੁ [ਦਣ੍ਡਕਪ੍ਪਕਰਣੇ ਆਗਤਧਾਤੂਤਿ ਅਤ੍ਥੋ, ਨਿਰੁਤ੍ਤਿਸਾਰਮਞ੍ਜੁਸਾਟੀਕਾਯਂ ੨੫੩.੪੧੩ ਪਿਟ੍ਠੇਸੁ ਪਸ੍ਸਿਤਬ੍ਬਂ], ਮਾਯ ਮਾਨਾਯ ਉਖਤੀਤਿ ਮਯੂਖੋ [ਮਾਪਸਂ ਗਗਨਂ ਪਮਾਣਯਂ ਉਖਤਿ ਗਚ੍ਛਤੀਤਿ ਪਿਸੋਦਰਾਦਿ (ਚਿਨ੍ਤਾਮਣਿਟੀਕਾ)]. ਕਿਰਤਿ ਤਿਮਿਰਂ ਕਿਰਣੋ. ਕਿਰਤਿ ਤਿਮਿਰਂ ਕਰੋ.

੬੫. ਦ੍ਵਯਂ ਆਦਿਚ੍ਚਮਣ੍ਡਲੋਤਿਖ੍ਯਾਤੇ ਉਪ੍ਪਾਤਾਦਿਜਾਤੇ ਰਂਸਿਮਣ੍ਡਲੇ. ਸੂਰਿਯਸ੍ਸ ਪਰਿ ਸਮਨ੍ਤਤੋ ਧੀਯਤੇ ਪਰਿਧੀ, ਪਰਿ ਸਮਨ੍ਤਤੋ ਵਿਸਤੀਤਿ ਪਰਿਵੇਸੋ, ਸੂਰਿਯਂ ਵਾ ਪਰਿਵੇਠਯਤੀਤਿ ਪਰਿਵੇਸੋ. ਠਸ੍ਸ ਸੋ. ਉਪਸੂਰਿਯਕਂ, ਮਣ੍ਡਲਨ੍ਤਿ ਦ੍ਵੇਪਿ ਪਰਿਧਿਨੋ ਨਾਮਾਨਿ.

ਦ੍ਵਯਂ ਮਰੀਚਿਕਾਯਂ. ਮਰੀਚਿਸਦਿਸਤਾਯ ਮਰੀਚਿ. ਮਿਗਾਨਂ ਤਣ੍ਹਾ ਪਿਪਾਸਾ ਯਸ੍ਸਂ ਜਲਾਭਾਸਤ੍ਤਾ ਸਾ ਮਿਗਤਣ੍ਹਿਕਾ.

ਸੂਰਿਯਸ੍ਸ ਉਦਯਤੋ ਪੁਬ੍ਬੇ ਉਟ੍ਠਿਤਰਂਸਿ ਉਗ੍ਗਤਰਂਸਿ ਅਰੁਣੋ ਨਾਮ ਸਿਯਾ. ਅਰੁਣਵਣ੍ਣਤਾਯ ਅਰਤਿ ਗਚ੍ਛਤੀਤਿ ਅਰੁਣੋ. ਸੂਰਸੂਤੋ, ਅਨੂਰੁ, ਕਸ੍ਸਪੇਯ੍ਯੋ, ਕਸ੍ਸਪਿ, ਗਰੁਡਾਗ੍ਗਜੋਤਿਪਿ ਅਰੁਣਸ੍ਸ ਨਾਮਾਨੀਤਿ. ਆਕਾਸਵਣ੍ਣਨਾ.

੬੬-੬੭. ਚਤੁਕ੍ਕਂ ¶ ਕਾਲੇ. ਕਲ੍ਯਨ੍ਤੇ ਸਙ੍ਖ੍ਯਾਯਨ੍ਤੇ ਆਯੁਪ੍ਪਮਾਣਾਦਯੋ ਅਨੇਨਾਤਿ ਕਾਲੋ, ਕਰਣਂ ਵਾ ਕਾਰੋ, ਭਾਵੇ ਣੋ, ਸੋ ਏਵ ਕਾਲੋ, ਨ ਹਿ ਕ੍ਰਿਯਾਵਿਨਿਮੁਤ੍ਤੋ ਕਾਲੋ ਨਾਮ ਕੋਚਿ ਅਤ੍ਥਿ, ਮਹਾਕਾਲਸ੍ਸ ਪਨ ਸਸ੍ਸਤਭਾਵਤੋ ਅਤੀਤਾਦਿਵੋਹਾਰੋ ਨਤ੍ਥੇਵਾਤਿ ਅਵਯਵਕਾਲਾਨਂ ਸਮੂਹਭਾਵਤੋ ਸੋਪਿ ‘‘ਕਾਲੋ’’ਤਿ ਵੁਤ੍ਤੋ. ਸਤ੍ਤਾਨਂ ਜੀਵਿਤਂ ਅਸਤਿ ਖੇਪੇਤੀਤਿ ਅਦ੍ਧਾ, ਤਸ੍ਸ ਧੋ, ਆਕਾਰਨ੍ਤੋਯਂ ਅਦ੍ਧਾਸਦ੍ਦੋ ਪੁਮੇ. ਪੁਨਪ੍ਪੁਨਂ ਏਤੀਤਿ ਸਮਯੋ. ਵਿਨਾਸਂ ਲਾਤੀਤਿ ਵੇਲਾ, ਵਣ੍ਣਲੋਪੋ. ਦਿਟ੍ਠੋ, ਅਨੇਹੋਤਿਪਿ ਕਾਲਸ੍ਸੇਵਨਾਮਾਨਿ.

ਖਣਾਦਯੋ ਪਨ ਤਬ੍ਬਿਸੇਸਾ ਤਸ੍ਸ ਕਾਲਸ੍ਸ ਵਿਸੇਸਾ ਭੇਦਾ. ਕੇ ਤੇ, ਕਿਤ੍ਤਕਪ੍ਪਮਾਣਾ ਚੇਤ੍ਯਾਹ ‘‘ਖਣੋ’’ਇਚ੍ਚਾਦਿ. ਦਸਹਿ ਅਚ੍ਛਰਾਹਿ ਅਙ੍ਗੁਲਿਫੋਟਨੇਹਿ ਲਕ੍ਖਿਤੋ ਕਾਲੋ ਖਣੋ ਨਾਮ, ਖਣੁ ਹਿਂਸਾਯਂ, ਖਣੋਤੀਤਿ ਖਣੋ, ਅ. ਦਸ ਖਣਾ ਲਯੋ ਨਾਮ ਭਵੇ ਭਵਨ੍ਤਿ, ਏਤੇਨ ਵਾ ਵਚਨੇਨ ਵਿਕਭਿਸਙ੍ਖ੍ਯਾਪੇਕ੍ਖਿਨੋਪਿ ਵਾਚਕਾ ਸਨ੍ਤੀਤਿ ਗਮ੍ਯਤੇ. ਲਯਤਿ ਗਚ੍ਛਤਿ, ਸਤ੍ਤਾਨਂ ਜੀਵਿਤਂ ਲੁਨਨ੍ਤੋ ਵਾ ਅਯਤਿ ਗਚ੍ਛਤੀਤਿ ਲਯੋ. ਦਸ ਲਯਾ ਖਣਲਯੋ ਨਾਮ, ਖਣਲਯਾਨਂ ਸਮੂਹਭਾਵਤੋ. ਤੇ ਦਸ ਖਣਲਯਾ ਮੁਹੁਤ੍ਤੋ ਨਾਮ ਸਿਯਾ ਸਿਯੁਂ ਵਾ, ਅਯਮਨਿਤ੍ਥੀ. ਹੁਚ੍ਛ ਕੋਟਿਲ੍ਯੇ ¶ , ਕੁਟਿਲਯਤਿ ਰਤ੍ਤਿਦਿਵਸੇ ਸੁਭਾਸੁਭਦਸ੍ਸਨਤੋਤਿ ਮੁਹੁਤ੍ਤੋ, ਤੋ, ਧਾਤੁਯਾਦਿਮ੍ਹਿ ਮੁਕਾਰਾਗਮੋ, ਚ੍ਛਲੋਪੋ ਚ. ਤੇ ਦਸ ਮੁਹੁਤ੍ਤਾ ਖਣਮੁਹੁਤ੍ਤੋ ਨਾਮ.

ਤਿਕਂ ਦਿਨੇ. ਦਿਬ੍ਬਨ੍ਤਿ ਕੀਲ਼ਨ੍ਤ੍ਯਸ੍ਮਿਂ ਦਿਵਸੋ, ਸੋ. ਨ ਜਹਾਤਿ ਪਚ੍ਚਾਗਮਨਂ ਅਹਂ. ਆਦਦਾਤਿ ਨਿਬ੍ਯਾਪਾਰਨ੍ਤਿ ਦਿਨਂ, ਇਨੋ, ਆਲੋਪੋ ਚ, ਦਿਬ੍ਬਤਿ ਵਾ ਏਤ੍ਥਾਤਿ ਦਿਨਂ, ਵਸ੍ਸ ਨੋ. ਘਸਰੋ [ਘਸਤਿ ਅਨ੍ਧਕਾਰਂ ਰੋ (ਚਿਨ੍ਤਾਮਣਿਟੀਕਾ)], ਵਾਸਰੋਤਿਪਿ ਦਿਨਸ੍ਸ ਨਾਮਾਨਿ.

੬੮. ਕਲ੍ਲਨ੍ਤਂ ਪਚ੍ਚੂਸੇ. ਪਭਾਤ੍ਯਸ੍ਮਿਂ ਲੋਕੋਤਿ ਪਭਾਤਂ. ਤਥਾ ਵਿਭਾਤਂ. ਉਸ ਰੁਜਾਯਂ, ਪਚ੍ਚੂਸਤਿ ਵਿਨਾਸੇਤਿ ਤਿਮਿਰਨ੍ਤਿ ਪਚ੍ਚੂਸੋ. ਕਲ੍ਯਨ੍ਤੇ ਸਙ੍ਖ੍ਯਾਯਨ੍ਤੇ ਅਨੇਨ ਸਙ੍ਖ੍ਯਾਦਯੋਤਿ ਕਲ੍ਲਂ. ਅਹੋਮੁਖਂ, ਊਸੋਤਿਪਿ ਪਚ੍ਚੂਸਸ੍ਸ ਨਾਮਾਨਿ.

ਦ੍ਵਯਂ ਪਦੋਸੇ. ਦੋਸਾਯ ਰਤ੍ਤਿਯਾ ਆਰਮ੍ਭੋ ਅਭਿਦੋਸੋ. ਦੋਸਾਯ ਰਤ੍ਤਿਯਾ ਪਾਰਮ੍ਭੋ ਪਦੋਸੋ. ਅਭਿਧਾਨਤੋ ਪਾਸਦ੍ਦਸ੍ਸ ਪੁਬ੍ਬਨਿਪਾਤੋ, ਅਪ੍ਪਧਾਨਰਸ੍ਸੋ ਚ, ਅਥ ਵਾ ਅਭਿਦੁਸ੍ਸਨ੍ਤਿ ਪਦੁਸ੍ਸਨ੍ਤਿ ਚ ਯਤ੍ਥ ਸਬ੍ਬਕਮ੍ਮਾਨਿ ਅਭਿਦੋਸੋ ਪਦੋਸੋ ਚ.

ਤਿਕਂ ਸਾਯਨ੍ਹੇ. ਸਾਯਤਿ ਦਿਨਂ ਅਵਸਾਯਤੀਤਿ ਸਾਯੋ, ਸਾਯਨ੍ਤੋ ਵਾ ਦਿਨਨ੍ਤਂ ਕਰੋਨ੍ਤੋ ਅਯਤੀਤਿ ਸਾਯੋ, ਪੁਨ੍ਨਪੁਂਸਕੇ. ਸਮ੍ਮਾਝਾਯਨ੍ਤਿ ਤਂ ਸਞ੍ਝਾ, (‘‘ਬ੍ਰਹ੍ਮੁਨੋ ਤਨੁ ਪਿਤਾ ਲੋਕਸ੍ਸ ਜਨੇਤ੍ਤੀ’’ਤਿ ਹਿ ਆਗਮੋ ਨਿਕਾਯਨ੍ਤਰਿਕਾਨਂ.) ¶ [( ) ਏਤ੍ਥਨ੍ਤਰੇ ਪਾਠੋ ਅਧਿਕੋ ਵਿਯ ਦਿਸ੍ਸਤਿ] ਦਿਨਾਨਂ ਅਚ੍ਚਯੋ ਅਤਿਕ੍ਕਮੋ, ਅਵਸਾਨਂ ਵਾ ਦਿਨਚ੍ਚਯੋ. ਦਿਨਨ੍ਤੋਤਿਪਿ ਤਸ੍ਸੇਵ ਨਾਮਂ.

ਪੁਬ੍ਬਣ੍ਹਾਪਰਣ੍ਹਮਜ੍ਝਨ੍ਹਵਸੇਨ ਤਿਵਿਧਾ ਸਞ੍ਝਾ [ਅਮਰ ੪.੩]. ਪੁਬ੍ਬਞ੍ਚ ਤਂ ਅਹਞ੍ਚਾਤਿ ਪੁਬ੍ਬਣ੍ਹਂ. ਅਪਰਞ੍ਚ ਤਂ ਮਜ੍ਝਞ੍ਚ ਤਂ ਅਹਞ੍ਚੇਤਿ ਅਪਰਣ੍ਹਂ ਮਜ੍ਝਨ੍ਹਂ. ਸਬ੍ਬਤ੍ਰਾਵਯਵੇ ਸਮੁਦਾਯੋਪਚਾਰਤੋ ਅਹਸ੍ਸੇਕਦੇਸੇ ਅਹਸਦ੍ਦੋਤਿ ਕਮ੍ਮਧਾਰਯੋ, ਤਾਸਂ ਤਿਸ੍ਸਨ੍ਨਂ ਸਞ੍ਝਾਨਂ ਸਮਾਹਾਰੋਤਿ ਸਞ੍ਝਮਿਤ੍ਯੁਚ੍ਚਤੇ. ਸਮਾਹਰਣਂ ਸਮਾਹਾਰੋ, ਏਕੀਭਾਵੋ, ਸੋ ਚ ਭਿਨ੍ਨਕਾਲਾਨਂ ਨ ਭਵਤੀਤਿ ਬੁਦ੍ਧਿਯਾ ਸਮਕਾਲਗ੍ਗਹਣਤੋ ਏਕਕਾਲਤ੍ਤਾ ਤਸ੍ਮਿਂ ਅਭਿਧੇਯ੍ਯੇ ਦਿਗੁਸਮਾਸੋ, ਤਥਾ ਹਿ ਸਮਾਹਾਰੋ ਸਮੂਹੋ ਤਂਸਮ੍ਬਨ੍ਧੇ ਛਟ੍ਠਿਯਾਯੇਵ ਭਵਿਤਬ੍ਬਨ੍ਤਿ ਚਿਨ੍ਤੇਨ੍ਤੋ ਆਚਰਿਯੋ ਨ ਅਞ੍ਞਪਦਤ੍ਥਸਮਾਸੋ ਅਯਨ੍ਤਿ ਆਕਾਰਸ੍ਸਾਪ੍ਪਧਾਨੇ ਰਸ੍ਸਤ੍ਤਨ੍ਤਿ ਸਞ੍ਝਂ. ਸਮਾਹਾਰੋ ਭਾਵੋ ਤਸ੍ਸੇਕਤ੍ਤਾ ਏਕਵਚਨਂ, ਕਮ੍ਮਵਚਨੇ ਤੁ ਸਮਾਹਾਰੇ ਤਿਸ੍ਸੋ ਸਞ੍ਝਾ ਸਮਾਹਟਾਤਿ ਪਠਮਨ੍ਤਾਨਂ ਸਮਾਸੇ ਸਪਦਤ੍ਥਪਾਧਾਨ੍ਯਾ ਬਹੁਵਚਨਂ, ਰਸ੍ਸਾਭਾਵੋ ਚ.

੬੯. ਪਞ੍ਚਕਂ ਰਤ੍ਤਿਯਂ. ਨਿਸਤਿ ਤਨੁਂ ਕਰੋਤਿ ਸਬ੍ਬਬ੍ਯਾਪਾਰਂ ਨਿਸਾ. ਰਜ੍ਜਨ੍ਤਿ ਰਾਗਿਨੋ ਅਤ੍ਰ ਰਜਨੀ, ਯੁ, ਈ. ਰਾਤਿ ਗਣ੍ਹਾਤਿ ਅਬ੍ਯਾਪਾਰਨ੍ਤਿ ਰਤ੍ਤਿ,ਤਿ, ਰਜ੍ਜਨ੍ਤਿ ਵਾ ਏਤ੍ਥ ਰਤ੍ਤਿ. ਪਠਮਮਜ੍ਝਿਮਪਚ੍ਛਿਮਯਾਮਵਸੇਨ ਤਯੋ ਯਾਮਾ ਪਹਾਰਾ ਯਸ੍ਸਾ ਤਿਯਾਮਾ. ਸਂਵੁਣੋਤਿ ਦਿਨਂ ਸਂਵਰੀ. ਨਿਸੀਥਿਨੀ, ਖਣਦਾ, ਖਪਾ, ਵਿਭਾਵਰੀ, ਤਮਸ੍ਸਿਨੀ, ਯਾਮਿਨੀ, ਤਮੀਇਚ੍ਚਾਦੀਨਿਪਿ ਰਤ੍ਤਿਯਾ ਨਾਮਾਨਿ.

ਚਨ੍ਦਿਕਾਯੁਤ੍ਤਾ ¶ ਚਨ੍ਦਪ੍ਪਭਾਯ ਯੁਤ੍ਤਾ ਰਤ੍ਤਿ ਜੁਣ੍ਹਾ ਨਾਮ, ਜੁਣ੍ਹਾਯੋਗਤੋ ਜੁਣ੍ਹਾ. ਤਮੋ ਉਸ੍ਸਨ੍ਨੋ ਯਸ੍ਸਂ ਸਾ ਤਮੁਸ੍ਸਨ੍ਨਾ ਰਤ੍ਤਿ ਤਿਮਿਸਿਕਾ ਨਾਮ, ਤਿਮਿਸਂ ਉਸ੍ਸਨ੍ਨਂ ਏਤ੍ਥਾਤਿ ਤਿਮਿਸਿਕਾ, ਉਪਧਾਯ ਇਤ੍ਤਞ੍ਚ.

੭੦. ਤਿਕਂ ਅਡ੍ਢਰਤ੍ਤਿਯਂ. ਮਜ੍ਝਿਮਾਰਤ੍ਤਿ ਕਮ੍ਮਭੂਤਾ ‘‘ਨਿਸੀਥੋ, ਅਡ੍ਢਰਤ੍ਤੋ, ਮਹਾਨਿਸਾ’’ਤਿ ਚ ਵੁਚ੍ਚਤਿ. ਨਿਸ੍ਸਤੇ ਸਯਤੇ ਅਸ੍ਮਿਂ ਨਿਸੀਥੋ. ਅਡ੍ਢਞ੍ਚ ਤਂ ਰਤ੍ਤਿ ਚਾਤਿ ਅਡ੍ਢਰਤ੍ਤੋ, ਰਤ੍ਤੇਕਦੇਸੇ ਰਤ੍ਤਿਸਦ੍ਦੋ, ਰਤ੍ਤਿਯਾ ਅਡ੍ਢਨ੍ਤਿ ਵਾ ਅਡ੍ਢਰਤ੍ਤੋ. ਮਹਤੀ ਚ ਸਾ ਨਿਸਾ ਚਾਤਿ ਮਹਾਨਿਸਾ.

ਚਤੁਕ੍ਕਂ ਅਨ੍ਧਕਾਰੇ. ਅਨ੍ਧਂ ਹਤਂ ਦਿਟ੍ਠਸਤ੍ਤਿਕਂ ਲੋਕਂ ਕਰੋਤੀਤਿ ਅਨ੍ਧਕਾਰੋ. ਤਮਤੀਤਿ ਤਮੋ, ਅਥ ਵਾ ਤਮਨ੍ਤਿ ਆਕਙ੍ਖਨ੍ਤਿ ਰਤਿਂ ਲੋਕਾ ਏਤ੍ਥ ਤਮੋ, ਤਮੁ ਆਕਙ੍ਖਾਯਂ, ਤਮਸਦ੍ਦੋ ਅਨਿਤ੍ਥੀ, ਤਂਸਹਚਰਣਤੋ ਅਨ੍ਧਕਾਰੋਪਿ. ਤਿਮਿਸਂ ਇਸੋ, ਅਥ ਵਾ ਤਿਮੁ ਤੇਮਨੇ, ਤਿਮਨ੍ਤਿ ਏਤ੍ਥ ਰਾਗੇਨਾਤਿ ਤਿਮਿਸਂ. ਤਿਮਿਰਂ, ਪੁਬ੍ਬੇਵ ਇਰਪਚ੍ਚਯੋ.

੭੧. ਚਤੁਦ੍ਦਸਨ੍ਨਂ ਰਤ੍ਤੀਨਂ ਪੂਰਣੀ ਚਤੁਦ੍ਦਸੀਸਙ੍ਖਾਤੋ ਕਾਲ਼ਪਕ੍ਖੋ ਚ ਏਕਗ੍ਘਨੋ ਵਨਸਣ੍ਡੋ ਚ ਮੇਘਪਟਲਞ੍ਚ ਅਡ੍ਢਰਤ੍ਤਿ ਚ ਏਤੇਹਿ ਚਤੂਹਿ ਸਮਨ੍ਨਾਗਤੋ ਤਮੋ ਚਤੁਰਙ੍ਗਤਮਂ ਨਾਮ.

੭੨. ਅਨ੍ਧਞ੍ਚ ਤਂ ਤਮਞ੍ਚਾਤਿ ਅਨ੍ਧਤਮਂ, ਯਂ ਲੋਕਂ ਅਨ੍ਧਕਾਰਂ ਕਰੋਤਿ. ਅਯਂ ਅਨ੍ਧਤਮਸਦ੍ਦੋ ਘਨਤਮੇ ਬਾਲ਼੍ਹਤਮੇ ਵਤ੍ਤਤਿ.

ਦ੍ਵਯਂ ¶ ਪਹਾਰੇ. ਪਹਰੀਯਤੇ ਭੇਰਿਯਾਦਿ ਅਤ੍ਰਾਤਿ ਪਹਾਰੋ, ਪੁਮੇ ਸਞ੍ਞਾਯਂ ਅਪਚ੍ਚਯੋ. ਯਾ ਪਾਪੁਣੇ ਮੋ, ਉਪਯਮੇਤਿ ਵਾ ਅਹੋ ਰਤ੍ਤਿ ਚਾਨੇਨ ਯਾਮੋ, ਯਮਿਤੋ ਣੋ. ਪਹਾਰੋ ਏਵ ਯਾਮੋ ਇਤਿ ਸਞ੍ਞਿਤੋ ਯਾਮਸਞ੍ਞਿਤੋ.

ਦੁਤਿਯਾ ਤਿਥਿ ਪਾਟਿਪਦੋ ਨਾਮ. ਪਟਿਪਜ੍ਜਤੇ ਚਨ੍ਦੋ ਖਯਂ, ਉਦਯਂ ਵਾ ਯਸ੍ਸਂ ਪਾਟਿਪਦੋ. ਤਤਿਯਾਦੀ ਤਿਥਿਯੇਵ, ਨ ਪਾਟਿਪਦੋ. ਤਨੋਤੀਤਿ ਤਿਥਿ, ਅਥ ਵਾ ਤਾ ਪਾਲਨੇ ਇਥਿ. ਤਿਥਿਸਦ੍ਦੋ ਦ੍ਵੀਸੁ.

੭੩. ਦ੍ਵਯਂ ਪਨ੍ਨਰਸਿਯਂ, ਪਨ੍ਨਰਸਨ੍ਨਂ ਤਿਥੀਨਂ ਪੂਰਣੀ ਪਨ੍ਨਰਸੀ, ਪਣ੍ਣਰਸੀਤਿਪਿ ਪਾਠੋ ਅਤ੍ਥਿ. ਦ੍ਵਯਂ ਪੁਣ੍ਣਮਾਯਂ ਤਿਥਿਯਂ. ਮਿਯ੍ਯਤੇ ਤਿਥੀਨਂ ਖਯੋ ਵੁਡ੍ਢਿ ਚਾਨੇਨ ਮਾਸੋ, ਚਨ੍ਦੋ, ਪੁਣ੍ਣੋ ਚ ਸੋ ਮਾਸੋ ਚਾਤਿ ਪੁਣ੍ਣਮਾਸੋ, ਤਸ੍ਸਾਯਂ ਤਿਥਿ, ਪੁਣ੍ਣਮਾਸੋ ਯਸ੍ਸਮਤ੍ਥੀਤਿ ਵਾ ਪੁਣ੍ਣਮਾਸੀ. ਪੁਣ੍ਣੋ ਮਾ ਚਨ੍ਦੋ ਯਤ੍ਥ, ਪੁਣ੍ਣਮਸ੍ਸਾਯਂ ਵਾ ਤਿਥਿ ਪੁਣ੍ਣਮਾ, ‘‘ਪੁਣ੍ਣਿਮਾ’’ਤਿ ਪਾਠੇ ਪਨ ਸਤਿ ਚਨ੍ਦਸ੍ਸ ਪੁਣ੍ਣਭਾਵੋ ਪੁਣ੍ਣੋ, ਤੇਨ ਨਿਬ੍ਬਤ੍ਤਾ ਭਾਵਪਚ੍ਚਯਨ੍ਤਾ ਤੇਨ ਨਿਬ੍ਬਤ੍ਤੇ ਇਮੋ ਦਿਸ੍ਸਤਿ, ਲੋਕਾਸਯਤ੍ਤਾ ਲਿਙ੍ਗਸ੍ਸ ਇਤ੍ਥਿਲਿਙ੍ਗਤ੍ਤਂ, ਸਾ ਪੁਣ੍ਣਮਾ ਏਕਕਲਾਹੀਨੇ ਚਨ੍ਦੇ ਸਤਿ ਅਨੁਮਤਿ ਨਾਮ, ਅਨੁਮਞ੍ਞਨ੍ਤੇ ਅਨੁਗਚ੍ਛਨ੍ਤੇ ਦੇਵਤਾਪਿਤੂਹਿ ਸਹ ਯਸ੍ਸਂ ਸਾ ਅਨੁਮਤਿ. ਪੁਣ੍ਣੇ ਪਨ ਚਨ੍ਦੇ ਸਾ ਪੁਣ੍ਣਮਾ ਰਾਕਾ ਨਾਮ, ਰਾਤਿ ਦਸ੍ਸਨਾਵਕਾਸਂ ਰਾਕਾ, ਕੋ [ਕਲਾਹੀਨੇ ਸਾ’ਨੁਮਤਿ ਪੁਣ੍ਣੇ ਰਾਕਾ ਨਿਸਾਕਰੇ (ਅਮਰ ੪.੮)].

ਅਪਰਾ ਕਾਲ਼ਪਕ੍ਖਸਮ੍ਭੂਤਾਪਨ੍ਨਰਸੀ ਪਨ ਅਮਾਵਸੀ, ਅਮਾਵਾਸੀਤਿਪਿ ਉਚ੍ਚਤੇ. ਅਮਾ ਸਹ ਵਸਨ੍ਤਿ ਰਵਿਚਨ੍ਦਾ ਯਸ੍ਸਂ ਅਮਾਵਸੀ, ਅਮਾਵਾਸੀ ਚ ਦੀਘਂ ਕਤ੍ਵਾ, ਅਮਾਸਦ੍ਦੋ ਸਹਤ੍ਥੋ ਅਬ੍ਯਯਂ. ਦਸ੍ਸੋ [ਦਸ੍ਸਲਾ (ਕ.), ਦਿਸ੍ਸਨ੍ਤੇ ਰਵਿਚਨ੍ਦਾ ਅਤ੍ਰ, ‘‘ਗਣਕੇਹੀ’’ਤਿ ਘ (ਚਿਨ੍ਤਾਮਣਿਟੀਕਾ)], ਸੂਰਿਯਿਨ੍ਦੁਸਙ੍ਗਮੋਤਿ ਤਸ੍ਸਾਯੇਵ ਨਾਮਾਨਿ.

੭੪. ਸਟ੍ਠਿਘਟਿਕਾਹਿ ¶ ਲਕ੍ਖਿਤੋ ਕਾਲੋ ਅਹੋਰਤ੍ਤੋ ਨਾਮ. ਘਟੇਨ੍ਤਿ ਅਹੋਰਤ੍ਤਿਯੋਤਿ ਘਟਿਕਾ. ਅਹੋ ਚ ਰਤ੍ਤਿ ਚ ਅਹੋਰਤ੍ਤੋ, ਪੁਮੇ. ਅਦਿਗੁਤ੍ਤੇਪਿ ਅਹੋਰਤ੍ਤਨ੍ਤਿ ਨਪੁਂਸਕੇਪਿ. ਤੇ ਪਞ੍ਚਦਸ ਅਹੋਰਤ੍ਤਾ ਪਕ੍ਖੋ ਨਾਮ. ਪਚਨ੍ਤਿ ਪਰਿਣਮਨ੍ਤਿ ਭੂਤਾਨ੍ਯਨੇਨੇਤਿ ਪਕ੍ਖੋ. ਪੁਬ੍ਬਾਪਰਭੂਤਾ ਤੇ ਚ ਪਕ੍ਖਾ ਯਥਾਕ੍ਕਮਂ ਸੁਕ੍ਕਕਾਲ਼ਾ ਸੁਕ੍ਕਪਕ੍ਖਕਾਲ਼ਪਕ੍ਖਾ ਨਾਮ. ਜੋਤਿਸਤ੍ਥਕ੍ਕਮੇਨ ਸੁਕ੍ਕਪਕ੍ਖੋ ਪੁਬ੍ਬਸਞ੍ਞਿਤੋ, ਕਣ੍ਹਪਕ੍ਖੋ ਅਪਰਸਞ੍ਞਿਤੋ. ਤਤੋ ਏਵ ਮਾਸਵਿਸੇਸੇ ਲੋਕੇ ਸਕਪਰਪਕ੍ਖੋਤਿ [ਲੋਕੇਪ੍ਯਪਰਪਕ੍ਖੋਤਿ (ਕ.)] ਰੂਲ਼੍ਹੀ. ਸੁਚ ਸੋਕੇ, ਸੁਕ੍ਕੋ, ਸੋਚਨ੍ਤਿ ਏਤ੍ਥ ਅਨ੍ਧਕਾਰਾਭਿਲਾਸਿਨੋਤਿ ਕਤ੍ਵਾ, ਸੂਚੇਤਿ ਪਕਾਸੇਤੀਤਿ ਵਾ ਸੁਕ੍ਕੋ. ਕਿਰਤਿ ਸੁਕ੍ਕਨ੍ਤਿ ਕਾਰੋ, ਣੋ, ਸੋਵ ਕਾਲ਼ੋ, ਕੇਨ ਵਾ ਜੋਤਿਨਾ ਅਰਤਿ ਏਤ੍ਥ ਕਾਰੋ, ਸੋਵ ਕਾਲ਼ੋ. ਤੇ ਦੁਵੇ ਸੁਕ੍ਕਕਾਲ਼ਪਕ੍ਖਾ ਸਮੁਦਿਤਾ ਮਾਸੋ ਨਾਮ. ਮਸਿ ਪਰਿਮਾਣੇ, ਕਮ੍ਮਨਿਣੋ.

੭੫-੭੬. ਸਾਦ੍ਧਪਜ੍ਜੇਨ ਦ੍ਵਾਦਸਮਾਸਾਨਂ ਨਾਮਾਨਿ. ਚਿਤ੍ਤਾਯ ਪਰਿਪੁਣ੍ਣੇਨ੍ਦੁਯੁਤ੍ਤਾਯ ਯੁਤ੍ਤੋ, ਉਪਲਕ੍ਖਿਤੋ ਵਾ ਮਾਸੋ ਚਿਤ੍ਤੋ ¶ , ਸਂਯੋਗਨ੍ਤਤ੍ਤਾ ਨ ਵੁਦ੍ਧਿ, ਏਵਂ ਸਬ੍ਬਤ੍ਰ. ਪਰਿਪੁਣ੍ਣੇਨ੍ਦੁਯੁਤ੍ਤਤਂਤਂਨਕ੍ਖਤ੍ਤਨਾਮਵਸੇਨ ਦ੍ਵਾਦਸਨ੍ਨਂ ਮਾਸਾਨਂ ਨਾਮਾਨਿ ਵੇਦਿਤਬ੍ਬਾਨਿ. ਚਿਤ੍ਤਮਾਸਾਦਯੋ ਫਗ੍ਗੁਨਮਾਸਪਰਿਯਨ੍ਤਾ ਦ੍ਵਾਦਸ ਕੋਟ੍ਠਾਸਾ ਕਮੇਨ ਮਾਸਾਤਿ ਞੇਯ੍ਯਾ. ਪਸਤ੍ਥਤਮਤ੍ਤਾ ਜੇਟ੍ਠਾ, ਤਂਯੋਗਾ ਜੇਟ੍ਠੋ. ਅਸਯ੍ਹੋ ਰਵਿ ਅਤ੍ਰੇਤਿ ਆਸਾਲ਼੍ਹੋ. ਯਸ੍ਸ ਲ਼ੋ, ਸਵਨ੍ਤ੍ਯਸ੍ਮਿਂ ਸਾਵਣੋ, ਯੁ. ਫਲਨ੍ਤ੍ਯਤ੍ਰ ਫਗ੍ਗੁਨੋ, ਯੁ, ਲਸ੍ਸ ਗੋ, ਅਸ੍ਸ ਉ. ਕਤ੍ਤਿਕਮਾਸੋ ਪਚ੍ਛਿਮਕਤ੍ਤਿਕੋ ਨਾਮ. ਅਸ੍ਸਯੁਜਮਾਸੋ ਪੁਬ੍ਬਕਤ੍ਤਿਕੋ ਨਾਮ.

੭੭. ਦ੍ਵਯਂ ਸਾਵਣਮਾਸੇ. ਅਨ੍ਤੋਵੀਥਿਤੋ ਬਹਿ ਨਿਕ੍ਖਮਤਿ ਸੂਰਿਯੋ ਏਤ੍ਥ, ਅਧਿਕਰਣੇ ਅਨੀਯੋ. ਦ੍ਵਯਂ ਚਿਤ੍ਤਮਾਸੇ. ਨਾਨਾਪੁਪ੍ਫਫਲਵਿਚਿਤ੍ਤਤਾਯ ਲੋਕਾਨਂ ਰਮ੍ਮਂ ਕਰੋਤਿ, ਰਮਨ੍ਤਿ ਵਾ ਏਤ੍ਥਾਤਿ ਰਮ੍ਮਕੋ.

੭੮. ਕਤ੍ਤਿਕਕਾਲ਼ਪਕ੍ਖਤੋ ਪਚ੍ਛਿਮਕਤ੍ਤਿਕਤੋ ਪਟ੍ਠਾਯ ਚਤੁਰੋ ਚਤੁਰੋ ਮਾਸਾ ਕਮਾ ਕਮਤੋ ਹੇਮਨ੍ਤਗਿਮ੍ਹਾਨਵਸ੍ਸਾਨਸਞ੍ਞਿਤਾ ਉਤੁਯੋ ਨਾਮ ਹੋਨ੍ਤਿ. ਹਿਮਾਨਿ ਏਤ੍ਥ ਸਨ੍ਤਿ ਹੇਮੋ, ਸੋ ਏਵ ਹੇਮਨ੍ਤੋ, ‘‘ਸੁਤ੍ਤਨ੍ਤੋ ਵਨਨ੍ਤੋ’’ਤਿ ਯਥਾ, ਹਿਨੋਤਿ ਵਾ ਹਾਨਿਂ ਗਚ੍ਛਤਿ ਸਬ੍ਬਮੇਤ੍ਥਾਤਿ ਹੇਮਨ੍ਤੋ, ਅਨ੍ਤਪਚ੍ਚਯੋ, ਮਾਗਮੋ ਚ. ਗਿਰਤਿ ਪੀਲ਼ਯਤੀਤਿ ਗਿਮ੍ਹਾਨੋ, ਮਾਨੋ, ਰਸ੍ਸ ਹੋ, ਵਣ੍ਣਵਿਪਰਿਯਯੋ ਚ. ਵਸ੍ਸਤਿ ਏਤ੍ਥ ਵਸ੍ਸਾਨੋਯੁ. ਉਤੁਯੋ ਦ੍ਵੀਸੂਤਿ ਪਚ੍ਚਾਸਤ੍ਯਾ ਉਤੁਸਦ੍ਦੋ ਏਵ ਦ੍ਵੀਸੁ, ਨ ਹੇਮਨ੍ਤਾਦਯੋ, ਅਮਰਕੋਸੇ ਪਨ ਉਤੁਸਦ੍ਦੋ ਪੁਮੇ ਵੁਤ੍ਤੋ [ਅਮਰ ੪.੨੦].

੭੯. ਅਞ੍ਞਥਾਪਿ ¶ ਉਤੁਭੇਦਂ ਦਸ੍ਸੇਤੁਂ ਅਰਿਯਸਾਮਞ੍ਞਮਾਹ ‘‘ਹੇਮਨ੍ਤੋ’’ਇਚ੍ਚਾਦਿ. ਵਾ ਅਥ ਵਾ ਵੁਤ੍ਤਾਨੁਸਾਰੇਨ ਉਤੁਤ੍ਤਯਪਭੇਦੇ ਵੁਤ੍ਤਵਚਨਸ੍ਸਾਨੁਸਾਰੇਨ. ਇਦਂ ਪਨ ‘‘ਕਤ੍ਤਿਕਕਾਲ਼ਪਕ੍ਖਤੋ’’ਤਿ ਵਚਨਂ ਸਨ੍ਧਾਯ ਵੁਤ੍ਤਂ, ਤਸ੍ਮਾ ਕਤ੍ਤਿਕਕਾਲ਼ਪਕ੍ਖਤੋ ਪਭੁਤਿ ਦ੍ਵੇ ਦ੍ਵੇ ਮਾਸਾ ਕਮਾ ਕਮਤੋ ਹੇਮਨ੍ਤੋ, ਸਿਸਿਰੋ, ਵਸਨ੍ਤੋ, ਗਿਮ੍ਹੋ, ਵਸ੍ਸਾਨੋ, ਸਰਦੋ ਉਤੂਤਿ ਛ ਉਤੂ ਭਵਨ੍ਤਿ, ਪੁਨਪ੍ਪੁਨਂ ਏਤੀਤਿ ਕਤ੍ਵਾ, ਤੁ, ਇਸ੍ਸ ਉ. ਸਿਸਿਰਂ ਸੀਤਲਂ, ਤਂਯੋਗਾ ਸਿਸਿਰਂ, ਵਾਵਿਧਾਨਤੋ ਨ ਵੁਦ੍ਧਿ, ਮਕਾਰੋ ਪਦਸਨ੍ਧਿਕਰੋ. ਵਸ ਕਨ੍ਤਿਯਂ. ਵਸੀਯਤੇਤਿ ਵਸਨ੍ਤੋ. ਪੁਪ੍ਫਧਨੁਤ੍ਤਾ [ਪੁਪ੍ਫਵਨ੍ਤਤ੍ਤਾ (ਕ.)] ਵਾ ਵਸਤਿ ਕਾਮੋ ਏਤ੍ਥ ਵਸਨ੍ਤੋ. ਸਰਤਿ ਪੀਲ਼ਯਤਿ ਅਸ੍ਮਿਨ੍ਤਿ ਸਰਦੋ, ਤਸ੍ਸ ਦੋ. ਸਾ ਸੁਨਖਾ ਰਮਨ੍ਤਿ ਏਤ੍ਥਾਤਿ ਵਾ ਸਰਦੋ, ਮਸ੍ਸ ਦੋ.

੮੦-੮੧. ਤਿਕਂ ਗਿਮ੍ਹੇ. ਉਸਤਿ ਦਹਤੀਤਿ ਉਣ੍ਹੋ, ਣ੍ਹੋ, ਸਲੋਪੋ ਚ. ਨਿਦਹਨ੍ਤੇ ਯਸ੍ਮਿਨ੍ਤਿ ਨਿਦਾਘੋ, ਹਸ੍ਸ ਘੋ. ਗਿਰਤਿ ¶ ਪੀਲ਼ਯਤੀਤਿ ਗਿਮ੍ਹੋ, ਮੋ, ਰਸ੍ਸ ਹੋ, ਵਣ੍ਣਵਿਪਰਿਯਯੋ ਚ. ਤਿਕਂ ਵਸ੍ਸਾਨੋਤੁਮ੍ਹਿ. ਵਸ੍ਸਤਿ ਪਵਸ੍ਸਤਿ ਏਤ੍ਥਾਤਿ ਵਸ੍ਸੋ, ਵਸ੍ਸਾਨੋ, ਪਾਵੁਸੋ ਚ. ਅਸ੍ਸ ਉ, ਸਂਯੋਗਲੋਪੋ ਚ.

ਵਸ੍ਸਾਨਾਦਿਕੇਹਿ ਤੀਹਿ ਉਤੂਹਿ ਦਕ੍ਖਿਣਾਯਨਂ ਸੂਰਿਯਸ੍ਸ ਦਕ੍ਖਿਣਦਿਸਾਗਮਨਂ ਭਵਤਿ, ਅਞ੍ਞੇਹਿ ਤੀਹਿ ਸਿਸਿਰਵਸਨ੍ਤਗਿਮ੍ਹੇਹਿ ਉਤ੍ਤਰਾਯਨਂ ਉਤ੍ਤਰਦਿਸਾਗਮਨਂ ਭਵਤਿ. ਇ ਗਤਿਯਂ, ਭਾਵੇ ਯੁ, ਅਯਨਂ. ਪੁਸ੍ਸਸਙ੍ਕਨ੍ਤਿਮਾਰਬ੍ਭ ਆਸਾਲ਼੍ਹਂ ਯਾਵ ਆਦਿਚ੍ਚਸ੍ਸ ਉਤ੍ਤਰਾ ਗਤਿ ਉਤ੍ਤਰਾਯਨਂ. ਆਸਾਲ਼੍ਹਸਙ੍ਕਨ੍ਤਿਮਾਰਬ੍ਭ ਪੁਸ੍ਸਂ ਯਾਵ ਦਕ੍ਖਿਣਾ ਗਤਿ ਦਕ੍ਖਿਣਾਯਨਂ. ਵਸ੍ਸੋਯਨਦ੍ਵਯਨ੍ਤਿ ਇਦਂ ਅਯਨਦ੍ਵਯਂ ਸਮ੍ਪਿਣ੍ਡਿਤਂ ਵਸ੍ਸੋ ਨਾਮ. ਵਸ੍ਸਨ੍ਤਿ ਏਤ੍ਥਾਤਿ ਵਸ੍ਸੋ, ਵਸ੍ਸਕਾਲੇਨ ਵਾ ਉਪਲਕ੍ਖਿਤੋ ਵਸ੍ਸੋ, ‘‘ਚਿਤ੍ਤੋ, ਚਕ੍ਖੁਦਸਕ’’ਨ੍ਤਿ ਯਥਾ.

ਪਜ੍ਜਦ੍ਧਂ ਵਸ੍ਸੇ. ਸਂਵਸਤਿ ਏਤ੍ਥ ਸਂਵਚ੍ਛਰੋ, ਛਰੋ, ਸਸ੍ਸ ਚੋ, ‘‘ਵਚ੍ਛਰੋ’’ਤਿਪਿ ਤਸ੍ਸੇਵ ਨਾਮਂ. ਨਤ੍ਥਿ ਇਤ੍ਥਿਲਿਙ੍ਗਤ੍ਤਮੇਤੇਸੁ ਅਨਿਤ੍ਥੀ. ਪਚ੍ਚਾਸਤ੍ਯਾ ਸਰਦੋਪਿ ਤਂਪਚ੍ਚਾਸਤ੍ਯਾ ਹਾਯਨੋਪਿ. ਸਰਦਕਾਲੇਨ ਲਕ੍ਖਿਤੋ ਸਰਦੋ, ਯਥਾ ‘‘ਸੋਤਦਸਕਂ, ਵੇਸਾਖੋ’’ਤਿ. ਜਹਾਤਿ ਭਾਵੇਤਿ ਹਾਯਨੋ, ਪਦਤ੍ਥੇ ਵਾ ਜਹਨ੍ਤੋ ਅਯਤੀਤਿ ਹਾਯਨੋ. ਸਮਯਤਿ ਵਿਕਲਯਤਿ ਭਾਵੇਤਿ ਸਮਾ, ਸਮ ਵੇਕਲ੍ਯੇ. ‘‘ਸਮਾ ਵਸ੍ਸੇ ਥੀਲਿਙ੍ਗੋ ਤੁ, ਸਮਂ ਸਬ੍ਬਸਮਾਨੇਸੂ’’ਤਿ ਰੁਦ੍ਦੋ.

ਸਬ੍ਬਸਤ੍ਤਾਨਂ ਸਬ੍ਬਪਾਰਿਸਦਤ੍ਤਾ [ਸਬ੍ਬਪਟਿਪਦਤ੍ਤਾ (ਕ.)] ਸਬ੍ਬਵੋਹਾਰਕੁਸਲਤ੍ਥਂ ਕਾਲਾਧਿਕਾਰਤ੍ਤਾ ਪਰਸਮਯੇ ਕਥਿਤਂ ਦੇਵਾਨਂ ਵਸ੍ਸਪ੍ਪਮਾਣਮ੍ਪਿ ਇਧਾਹਰਿਤ੍ਵਾ ਦੀਪੇਤਬ੍ਬਂ. ਤਥਾ ਹਿ ਮਨੁਸ੍ਸਾਨਂ ਮਾਸੇਨ ਪਿਤੂਨਂ ਅਹੋਰਤ੍ਤੋ, ਏਵਂ ਮਨੁਸ੍ਸਾਨਂ ਵਸ੍ਸੇਨ ਦੇਵਾਨਂ ਅਹੋਰਤ੍ਤੋ, ਤਤ੍ਰੋਤ੍ਤਰਾਯਨਂ ਦੇਵਾਨਂ ਦਿਨਂ, ਰਤ੍ਤਿ ਪਨ ਦਕ੍ਖਿਣਾਯਨਂ, ਦੇਵਤਾਨਂ ਸਟ੍ਠ੍ਯਾਧਿਕਾਹੋਰਤ੍ਤਿਸਤਤ੍ਤਯੇਨ ਵਸ੍ਸੇਨ ਦ੍ਵਾਦਸਵਸ੍ਸਸਹਸ੍ਸਾਨਿ ਦੇਵਾਨਂ ਯੁਗਂ. ਤੇਨ ਵੁਤ੍ਤਂ –

‘‘ਏਸਾ ¶ ਦ੍ਵਾਦਸਸਹਸ੍ਸੀ, ਯੁਗਾਖ੍ਯਾ ਪਰਿਕਿਤ੍ਤਿਤਾ;

ਏਤਂ ਸਹਸ੍ਸਗੁਣਿਤਂ, ਅਹੋ ਬ੍ਰਹ੍ਮਮੁਦਾਹਟ’’ਨ੍ਤਿ [‘‘ਵੇਦਦੀਪਕਗਨ੍ਥੇ’’ਤਿ ਨਿਸ੍ਸਯੇ].

ਤਞ੍ਚ ਨਰਾਨਂ ਚਤੁਯੁਗਂ ਦਿਬ੍ਬਸਹਸ੍ਸਦ੍ਵਯੇਨ ਬ੍ਰਹ੍ਮੁਨੋ ਦ੍ਵੇ ਦਿਵੇਤਿ. ਕਤ, ਤੇਤਾ, ਦ੍ਵਾਪਰ, ਕਲਿਵਸੇਨ ਚਤੁਯੁਗਂ. ਤਤ੍ਰ ਕਤਯੁਗਸ੍ਸ ਮਨੁਸ੍ਸਸਙ੍ਖ੍ਯਾਯ ਪਮਾਣਂ ਅਟ੍ਠਵੀਸਤਿਸਹਸ੍ਸਾਧਿਕਾਨਿ ਸਤ੍ਤਰਸਵਸ੍ਸਲਕ੍ਖਾਨਿ, ਤੇਤਾਯ ਛਨ੍ਨਵੁਤਿਸਹਸ੍ਸਾਧਿਕਾਨਿ ਦ੍ਵਾਦਸਵਸ੍ਸਲਕ੍ਖਾਨਿ, ਦ੍ਵਾਪਰਸ੍ਸ ਚਤੁਸਟ੍ਠਿਸਹਸ੍ਸਾਧਿਕਾਨਿ ਅਟ੍ਠਵਸ੍ਸਲਕ੍ਖਾਨਿ, ਕਲਿਸ੍ਸ ਬਾਤ੍ਤਿਂਸਸਹਸ੍ਸਾਧਿਕਾਨਿ ਚਤ੍ਤਾਰਿ ਵਸ੍ਸਲਕ੍ਖਾਨਿ. ਵੁਤ੍ਤਞ੍ਚ –

‘‘ਸੁਞ੍ਞਂ ਸੁਞ੍ਞਂ ਖਂ ਨਾਗਾ, ਕਰਮੁਨਿਸਸਿਨੋ;

ਮਾਨ’ਮਾਦੋ ਯੁਗਸ੍ਸ, ਤੇਤਾਯ ਖਂਖਂਸੁਞ੍ਞਂ.

ਰਸਨਵਸੂਰਿਯਾ, ਵਸ੍ਸਸਙ੍ਖ੍ਯਾ ਪਸਿਦ੍ਧਾ;

ਸੁਞ੍ਞਂ ਸੁਞ੍ਞਂ ਖਂ ਵੇਦਾ, ਰਸਭੁਜਗਮਿਤਿ.

ਦ੍ਵਾਪਰੇ ਵਸ੍ਸਸਙ੍ਖ੍ਯਾ, ਸੁਞ੍ਞਾਕਾਸਂਖਂਨੇਤ੍ਤ-;

ਗੁਣਜਲਨਿਧਯੋ, ਵਸ੍ਸਸਙ੍ਖ੍ਯਾ ਕਲਿਸ੍ਸੇ’’ਤਿ.

ਪਿਣ੍ਡੋ ਚੇਸ ਵੀਸਤਿਵਸ੍ਸਸਹਸ੍ਸਾਧਿਕਾਨਿ ਤੇਚਤ੍ਤਾਲੀਸਵਸ੍ਸਲਕ੍ਖਾਨਿ. ਵੁਤ੍ਤਞ੍ਚ ‘‘ਖਾਕਾਸਸੁਞ੍ਞਮ੍ਬਰਦਨ੍ਤਸਾਗਰਾ ਚਤੁਯੁਗਾਨਂ ਪਰਿਮਾਣਸਙ੍ਗਹੋ’’ਤਿ. ਬ੍ਰਹ੍ਮੁਨੋ ਅਹੋਰਤ੍ਤੇਨ ਨਰਾਨਂ ਦ੍ਵੇ ਕਪ੍ਪਾ.

ਤਤ੍ਰ ਅਟ੍ਠ ਨਾਗਾ, ਦ੍ਵੇ ਕਰਾ, ਸਤ੍ਤ ਮੁਨਯੋ, ਏਕੋ ਸਸੀ, ਛ ਰਸਾ, ਦ੍ਵਾਦਸ ਸੂਰਿਯਾ, ਚਤ੍ਤਾਰੋ ਵੇਦਾ ਜਲਨਿਧਯੋ ਚ. ਦ੍ਵੇ ਨੇਤ੍ਤਾਨਿ, ਤਯੋ ਗੁਣਾ, ਬਾਤ੍ਤਿਂਸ ਦਨ੍ਤਾ, ਸਙ੍ਖ੍ਯਾਯ ਪਸਿਦ੍ਧੇਹੇਤੇਹਿ ਸਙ੍ਖ੍ਯਾ ਗਹੇਤਬ੍ਬਾ. ਖਾਕਾਸਮ੍ਬਰਸਦ੍ਦਾ ਸੁਞ੍ਞਪਰਿਯਾਯਾ. ਸੁਞ੍ਞਞ੍ਚ ਗਣਿਤੇ ਬਿਨ੍ਦੁਨਾ ਸਙ੍ਗਹਿਤਂ. ਸਬ੍ਬਞ੍ਚੇਤਂ ਪਟਿਯੁਗਂ ਪਟਿਲੋਮੇਨ ਪਤ੍ਥਾਰਯੇ. ਤਤ੍ਰ ਕਤਯੁਗਸ੍ਸ ਪਤ੍ਥਾਰੋ ਯਥਾ – ੧੭੨੮੦੦੦. ਤੇਤਾਯ ਯਥਾ – ੧੨੯੬੦੦੦ ¶ . ਦ੍ਵਾਪਰਸ੍ਸ ਯਥਾ – ੮੬੪੦੦੦. ਕਲਿਸ੍ਸ ਯਥਾ – ੪੩੨੦੦੦. ਚਤੁਯੁਗਪਿਣ੍ਡਸ੍ਸ ਚ ਯਥਾ – ੪੩੨੦੦੦੦. ਯੁਗਾਨਂ ਪਟਿਪਤ੍ਥਾਰਞ੍ਚ ਪਿਣ੍ਡਸ੍ਸ ਚ ਯਥਾਕ੍ਕਮਂ ਅਨ੍ਤਿਮਂ ਬਿਨ੍ਦੁਮਾਦਾਯ ਪਟਿਲੋਮੇਨ ਗਣਯੇ. ਤਂ ਯਥਾ –

‘‘ਏਕਂ ਦਸ ਸਤਞ੍ਚੇਵ, ਸਹਸ੍ਸ’ਮਯੁਤਂ ਤਥਾ;

ਲਕ੍ਖਞ੍ਚ ਨਿਯੁਤਞ੍ਚੇਵ, ਕਮਾ ਦਸਗੁਣੋਤ੍ਤਰ’’ਨ੍ਤਿ.

ਤਤ੍ਰ ਦਸਸਹਸ੍ਸਾਨਿ ਅਯੁਤਂ. ਦਸਲਕ੍ਖਾਨਿ ਨਿਯੁਤਂ. ਤਞ੍ਚ ਕਲਿਦ੍ਵਾਪਰੇਸੁ ਨਤ੍ਥੀਤਿ ਲਕ੍ਖਪਰਿਯਨ੍ਤਮੇਵ ਤਤ੍ਰ ਗਣਯੇ, ਤਦੇਵਂ ਯੁਗਾਨਂ, ਤਂਪਿਣ੍ਡਸ੍ਸ ਚ ਅਙ੍ਕਤੋ ਪੁਬ੍ਬਵੁਤ੍ਤਾ ਵਸ੍ਸਸਙ੍ਖ੍ਯਾ ਸਞ੍ਞਾਤਾ ਭਵਤੀਤਿ.

ਤਤ੍ਰ ਬ੍ਰਹ੍ਮੁਨੋ ਦਿਨਂ ਨਰਾਨਂ ਉਦਯਕਪ੍ਪੋ, ਰਤ੍ਤਿ ਪਨ ਖਯਕਪ੍ਪੋ. ਏਕਸ੍ਮਿਞ੍ਚ ਬ੍ਰਹ੍ਮਦਿਨੇ ਮਨੁਸਞ੍ਞਿਤਾ ਚਤੁਦ੍ਦਸ ਬ੍ਰਹ੍ਮਸੁਤਾ ਭਵਨ੍ਤਿ. ਤਤ੍ਰੇਕਸ੍ਸ ਮਨ੍ਵਨ੍ਤਰਸ੍ਸ ਏਕਸਤ੍ਤਤਿਦਿਬ੍ਬਯੁਗਾਨਿ ਪਮਾਣਂ, ਤਞ੍ਚ ਮਾਨੁਸਂ ਚਤੁਦ੍ਦਸਭਿ ਉਤ੍ਤਰਂ [ਚਤੁਰਾਸੀਤਿਉਤ੍ਤਰਂ (?)] ਯੁਗਸਤਦ੍ਵਯਂ. ਤਦੇਵਂ ਚਤੁਦ੍ਦਸਭਿ ਮਨ੍ਵਨ੍ਤਰੇਹਿ ਚਤੁਨਵੁਤ੍ਯੁਤ੍ਤਰਾਨਿ ਨਵਦਿਬ੍ਬਯੁਗਸਤਾਨਿ ਭਵਨ੍ਤਿ. ਮਾਨੁਸਂ ਤੁ ਚਤੁਵੀਸਤਿਯੁਗਸਹਸ੍ਸਚਤੁਕ੍ਕਂ. ਏਸਞ੍ਚ [ਛਸਤ੍ਤਤ੍ਯਾਧਿਕਨਵਤਿਂਸਯੁਗਸਤਂ (?)] ਮਨ੍ਵਨ੍ਤਰਾਨਂ ਅਟ੍ਠਵੀਸਸਹਸ੍ਸਾਧਿਕਸਤ੍ਤਰਸਮਾਨੁਸਵਸ੍ਸਲਕ੍ਖਸਙ੍ਖ੍ਯਾ ਵਾ ਕਤਯੁਗਪ੍ਪਮਾਣਕਾ ਪਞ੍ਚ ਸਨ੍ਧਯੋ ਭਵਨ੍ਤਿ. ਤੇਨ ਵੁਤ੍ਤਂ ਸੂਰਿਯਸਿਦ੍ਧਨ੍ਤੇ [੧.੧੮-੧੯] –

‘‘ਯੁਗਾਨਂ ਸਤ੍ਤਤਿ ਸੇਕਾ, ਮਨ੍ਵਨ੍ਤਰ’ਮਿਹੋ’ਚ੍ਚਤੇ;

ਕਤਸ੍ਸ ਸਙ੍ਖ੍ਯਾ ਤਸ੍ਸਨ੍ਤੇ, ਸਨ੍ਧਿ ਵੁਤ੍ਤੋ ਜਲਪ੍ਲਵੋ.

ਸਸਨ੍ਧਯੋ ਤੇ ਮਨਵੋ, ਕਪ੍ਪੇ ਞੇਯ੍ਯਾ ਚਤੁਦ੍ਦਸ;

ਕਤਪ੍ਪਮਾਣਾ ਕਪ੍ਪਾਦੋ, ਸਨ੍ਧੀ ਪਞ੍ਚਦਸਟ੍ਠਿਤਾ’’ਤਿ.

ਕਤਯੁਗਸ੍ਸ ਚ ਪਾਦੇਨ ਕਲਿਨੋ ਪਮਾਣਂ, ਪਾਦਦ੍ਵਯੇਨ ਦ੍ਵਾਪਰਸ੍ਸ, ਪਾਦਤ੍ਤਯੇਨ ਤੇਤਾਯ. ਚਤੁਯੁਗਞ੍ਚੇਤਂ ਚਕ੍ਕਮਿਵ ਭਮਤੀਤਿ ਪਞ੍ਚਦਸਹਿ ਸਨ੍ਧੀਹਿ ਨਰਾਨਂ ਯੁਗਾਨਿ ਚਤੁਵੀਸਤਿ ਭਵਨ੍ਤਿ. ਦੇਵਾਨਂ ¶ ਤੁ ਯੁਗਚਕ੍ਕਂ. ਏਤਾਨਿ ਚ ਸਸਨ੍ਧਿਚਤੁਦ੍ਦਸਮਨ੍ਵਨ੍ਤਰਾਨ੍ਯੇਕਤੋਪਿ ਪਿਣ੍ਡਿਤਾਨਿ ਦੇਵਾਨਂ ਯੁਗਸਹਸ੍ਸਂ ਭਵਤਿ, ਨਰਾਨਂ ਚਤੁਯੁਗਸਹਸ੍ਸਂ, ਤਞ੍ਚ ਬ੍ਰਹ੍ਮੁਨੋ ਦਿਨਮੇਕਂ. ਅਞ੍ਞੋ ਮਨੁ ਅਸ੍ਮਿਂ ਮਨ੍ਵਨ੍ਤਰਂ, ਬ੍ਰਹ੍ਮਸੁਤਾ ਏਵ ਮਨਵੋ.

੮੨. ਪਞ੍ਚਕਂ ਖਯਕਪ੍ਪੇ. ਕਪ੍ਪਤੇ ਜਗਤੀ ਵਿਨਸ੍ਸਤੇਤਿ ਕਪ੍ਪੋ. ਖਯਨ੍ਤਿ ਏਤ੍ਥ ਖਯੋ. ਕਪ੍ਪੋ ਚ ਖਯੋ ਚਾਤਿ ਕਪ੍ਪਕ੍ਖਯਾ. ਸਂਵਤ੍ਤਤੇ ਉਪਰਮਤੇ, ਵਿਨਸ੍ਸਤੇ ਵਾ ਜਗਤੀ ਅਸ੍ਮਿਨ੍ਤਿ ਸਂਵਟ੍ਟੋ. ਚਤੁਯੁਗਾਨਮਨ੍ਤੇ ਜਾਤੋ ਯੁਗਨ੍ਤੋ. ਪਲੀਯਤੇ ਖੀਯਤੇ ਯਤ੍ਥ ਲੋਕੋਤਿ ਪਲਯੋ, ਪੁਮੇ, ਸਞ੍ਞਾਯਂ ਣੋ. ਕੇਚਿ ਪਨੇਤ੍ਥ ‘‘ਕਪ੍ਪਕ੍ਖਯੋ ਤੂ’’ਤਿ ਪਾਠਂ ਵਤ੍ਵਾ ਦ੍ਵਿਨ੍ਨਮੇਕਾਭਿਧਾਨਤ੍ਤਂ ਕਪ੍ਪੇਨ੍ਤਿ, ਤਂ ਅਮਰਕੋਸੇਨ ਚ ਤਟ੍ਟੀਕਾਯ ਚ ਨ ਸਮੇਤਿ. ਵੁਤ੍ਤਞ੍ਹਿ ਤਤ੍ਥ ‘‘ਸਂਵਟ੍ਟੋ, ਪਲਯੋ, ਕਪ੍ਪੋ, ਖਯੋ, ਕਪ੍ਪਨ੍ਤਮਿਚ੍ਚਪੀ’’ਤਿ [ਅਮਰ ੪.੨੨] ਚ ‘‘ਪਞ੍ਚਕਂ ਖਯਕਪ੍ਪੇ’’ਤਿ ਚ.

ਦ੍ਵਯਂ ਕਾਲ਼ਕਣ੍ਣਿਯਂ. ਨਿਨ੍ਦਿਤਬ੍ਬਤ੍ਤਾ ਨ ਲਕ੍ਖੀਯਤੇਤਿ ਅਲਕ੍ਖੀ. ਅਤ੍ਤਨੋ ਨਿਸ੍ਸਯਂ ਕਾਲ਼ਵਣ੍ਣਸਦਿਸਂ ਕਰੋਤਿ ਅਪ੍ਪਕਾਸਕਤ੍ਤਾਤਿ ਕਾਲ਼ਕਣ੍ਣੀ, ਕਰਤੋ ਣੋ, ਰਸ੍ਸ ਣੋ, ਈ ਚ. ਦ੍ਵਯਂ ਸਿਰਿਯਂ. ਪਸਂਸਿਤਬ੍ਬਤ੍ਤਾ ਲਕ੍ਖੀਯਤੇਤਿ ਲਕ੍ਖੀ. ਕਤਪੁਞ੍ਞੇਹਿ ਸੇਵੀਯਤੇ, ਤੇ ਵਾ ਸੇਵਤੀਤਿ ਸਿਰੀ, ਰੋ, ਈ ਚ.

੮੩. ਦ੍ਵਯਂ ਦਾਨਵਾਨਂ ਮਾਤਰਿ. ਦਾ ਅਵਖਣ੍ਡਨੇ, ਦਾਯਤੀਤਿ ਦਨੁ. ਦ੍ਵਯਂ ਦੇਵਾਨਂ ਮਾਤਰਿ. ਦਿਤੀਤਿ ਅਸੁਰਾਨਮੇਵ ਵੇਮਾਤਿਕਾ ਮਾਤਾ, ਤਸ੍ਸਾ ਪਟਿਪਕ੍ਖਭਾਵੇਨ ਅਦਿਤਿ.

੮੪. ਆਗੁਨ੍ਤਂ ¶ ਪਾਪੇ. ਪਾਨ੍ਤਿ ਰਕ੍ਖਨ੍ਤਿ ਅਤ੍ਤਾਨਮਸ੍ਮਾਤਿ ਪਾਪਂ, ਪਕਾਰਵਣ੍ਣਾਗਮੋ, ਦੁਗ੍ਗਤਿਂ ਪਾਪਨਤੋ ਵਾ ਪਾਪਂ. ਕਿਲ੍ਯਤੇ ਸਿਥਿਲੀ ਕਰਿਯ੍ਯਤੇ ਯੇਨੇਤਿ ਕਿਬ੍ਬਿਸਂ, ਲਸ੍ਸ ਵੋ, ਇਸੋ ਚ, ਕਰੋਤਿ ਅਨਿਟ੍ਠਫਲਨ੍ਤਿ ਵਾ ਕਿਬ੍ਬਿਸਂ, ਇਬ੍ਬਿਸੋ. ਵਿਰੂਪੇਨ ਗਚ੍ਛਤੀਤਿ ਵੇਰਂ. ਨ ਹਨ੍ਤਿ ਧਞ੍ਞਨ੍ਤਿ ਅਘਂ, ਹਨਸ੍ਸ ਘੋ, ਸਾਧੂਹਿ ਅਗਨ੍ਤਬ੍ਬਤ੍ਤਾ ਵਾ ਅਘਂ, ਹਨ ਗਤਿਯਂ. ਕੁਚ੍ਛਿਤਂ ਚਰਿਤਂ ਦੁਚ੍ਚਰਿਤਂ. ਦੁ ਨਿਨ੍ਦਿਤਂ ਕਰਣਮਸ੍ਸ ਦੁਕ੍ਕਟਂ. ਨ ਪੁਨਾਤੀਤਿ ਅਪੁਞ੍ਞਂ. ਕੁਸਲਾਨਂ ਪਟਿਪਕ੍ਖਂ ਅਕੁਸਲਂ. ਕਂ ਸੁਖਂ ਹਨਤੀਤਿ ਕਣ੍ਹਂ, ਵਣ੍ਣਵਿਪਰਿਯਯੋ. ਕਲ੍ਯਤੇ ਅਨੇਨ ਕਲੁਸਂ, ਉਸੋ, ਕਂ ਵਾ ਸੁਖਂ ਲੁਨਨ੍ਤੋ ਸੇਤੀਤਿ ਕਲੁਸਂ. ਦੁ ਨਿਨ੍ਦਿਤਂ ਇਤਂ ਗਮਨਮਸ੍ਸ ਦੁਰਿਤਂ. ਅਗਨ੍ਤਬ੍ਬਂ ਗਚ੍ਛਤਿ ਏਤੇਨਾਤਿ ਆਗੁ, ਆ ਪੀਲ਼ਯਂ ਗਚ੍ਛਤੀਤਿ ਵਾ ਆਗੁ, ‘‘ਆ ਤੁ ਕੋਧਮੁਦਾਟ੍ਟੀਸੂ’’ਤਿ ਹਿ ਏਕਕ੍ਖਰਕੋਸੇ ਵੁਤ੍ਤਂ.

੮੫-੮੬. ਛਕ੍ਕਂ ਧਮ੍ਮੇ. ਕੁਚ੍ਛਿਤੇਨਾਕਾਰੇਨ ਸਨ੍ਤਾਨੇ ਸੇਨ੍ਤੀਤਿ ਕੁਸਾ, ਰਾਗਾਦਯੋ, ਤੇ ਲੁਨਾਤਿ ਛਿਨ੍ਦਤੀਤਿ ਕੁਸਲਂ. ਸੁਖਂ ਕਰੋਤਿ, ਸੋਭਨਂ ਵਾ ਕਰਣਮਸ੍ਸ ਸੁਕਤਂ. ਸੁਖਂ ਕਰੋਤੀਤਿ ਸੁਕ੍ਕਂ. ਪੁਨਾਤੀਤਿ ਪੁਞ੍ਞਂ. ਧਰਤਿ ਸਬ੍ਬਨ੍ਤਿ ਧਮ੍ਮਂ. ਅਪਰੇ ਪਨਿਦਂ ‘‘ਪੁਞ੍ਞਧਮ੍ਮ’’ਮਿਤ੍ਯੇਕਪਦਂ ਵਦਨ੍ਤਿ, ਤਂ ਅਮਰਕੋਸੇਨ [ਅਮਰ ੪.੨੪] ਵਿਰੁਜ੍ਝਨਤੋ ਨ ਗਹੇਤਬ੍ਬਂ. ਸੁਨ੍ਦਰਂ ਚਰਣਮਸ੍ਸ ਸੁਚਰਿਤਂ.

ਤਿਕਂ ¶ ਦਿਟ੍ਠਧਮ੍ਮਿਕੇ. ਦਿਟ੍ਠਧਮ੍ਮੋ ਨਾਮ ਪਚ੍ਚਕ੍ਖੋ ਅਤ੍ਤਭਾਵੋ, ਤਤ੍ਥ ਨਿਬ੍ਬਤ੍ਤਂ ਦਿਟ੍ਠਧਮ੍ਮਿਕਂ. ਇਹਲੋਕੇ ਜਾਤਂ ਇਹਲੋਕਿਕਂ. ਸਨ੍ਦਿਟ੍ਠੇ ਪਚ੍ਚਕ੍ਖੇ ਅਤ੍ਤਭਾਵੇ ਜਾਤਂ ਸਨ੍ਦਿਟ੍ਠਿਕਂ. ਦ੍ਵਯਂ ਸਮ੍ਪਰਾਯਿਕੇ. ਤਂ ਵਚਨਤ੍ਥਤੋ ਸੁਵਿਞ੍ਞੇਯ੍ਯਂ.

ਦ੍ਵਯਂ ਤਕ੍ਕਾਲੇ. ਤਸ੍ਮਿਂਯੇਵ ਕਾਲੇ ਜਾਤਂ, ਨਾਸਨ੍ਨਕਾਲਾਦੀਸੂਤਿ ਤਕ੍ਕਾਲਂ. ਤਦਾ ਤਸ੍ਮਿਂਯੇਵ ਕਾਲੇ ਜਾਤਂ ਤਦਾਤ੍ਵਂ, ਤ੍ਵਂ, ਤਦਾਤ੍ਤਨ੍ਤਿਪਿ ਪਾਠੋ. ਦ੍ਵਯਂ ਆਯਤਿਕਾਲੇ. ਉਤ੍ਤਰਕਾਲੋ ਪਚ੍ਛਿਮੋ ਕਾਲੋ. ਆਗਮਿਸ੍ਸਤੀਤਿ ਆਯਤਿ, ਆਪੁਬ੍ਬੋ ਇ ਗਤਿਮ੍ਹਿ. ਏਤ੍ਥ ਚ ਯਂ ਇਮਸ੍ਮਿਂ ਅਤ੍ਤਭਾਵੇ ਦੂਰਮਾਸਨ੍ਨਂ ਵਾ, ਤਂ ਦਿਟ੍ਠਧਮ੍ਮਿਕਂ. ਯਂ ਪਨ ਇਮਸ੍ਮਿਂ ਅਤ੍ਤਭਾਵੇ ਵਾ ਸਮ੍ਪਰਾਯੇ ਵਾ ਦੂਰਤਰਂ, ਤਂ ਆਯਤਿ.

੮੭-੮੮. ਪਮੋਦਨ੍ਤਂ ਪਾਮੋਜ੍ਜੇ. ਹਸਤਿ ਯੇਨਾਤਿ ਹਾਸੋ. ਅਤ੍ਤਾ ਮਨੋ ਯਸ੍ਸ ਅਤ੍ਤਮਨੋ. ਦੁਟ੍ਠਸ੍ਸ ਹਿ ਮਨੋ ਅਤ੍ਤਾ ਨਾਮ ਨ ਹੋਤਿ, ਤਸ੍ਸ ਭਾਵੋ ਅਤ੍ਤਮਨਤਾ, ਪਾਮੋਜ੍ਜਂ. ਪੀਣੇਤਿ ਤਪ੍ਪੇਤੀਤਿ ਪੀਤਿ. ਵਿਨ੍ਦਤਿ ਸੁਖਂ ਏਤਾਯਾਤਿ ਵਿਤ੍ਤਿ. ਤੁਸ੍ਸਨ੍ਤਿ ਏਤਾਯਾਤਿ ਤੁਟ੍ਠਿ, ਤਂਸਹਚਰਣਤੋ ਵਿਤ੍ਤਿ, ਤਂਸਹਚਰਣਤੋ ਪੀਤਿ ਚ ਨਾਰਿਯਂ, ਅਤ੍ਤਮਨਤਾ ਪਨ ਨਿਦ੍ਦੇਸਤੋ ਰੂਪਭੇਦੋ. ਆ ਭੁਸੋ ਨਨ੍ਦਯਤੀਤਿ ਆਨਨ੍ਦੋ. ਮੁਦ ਹਾਸੇ, ਪਮੁਦੋ, ਆਮੋਦੋਪਿ. ਸਨ੍ਤੁਸ੍ਸਨਂ ਸਨ੍ਤੋਸੋ ¶ . ਨਨ੍ਦਨਂ ਨਨ੍ਦਿ. ਸਮ੍ਮਦੋ ਸਮ੍ਮਦਾਪਿ [ਸਮ੍ਮੁਦੋ, ਸਮ੍ਮਦੋਪਿ (?)], ਉਕਾਰਸ੍ਸ ਅ. ਪਮੋਦਿਤਸ੍ਸ ਪੁਗ੍ਗਲਸ੍ਸ, ਚਿਤ੍ਤਸ੍ਸ ਵਾ ਭਾਵੋ ਪਾਮੋਜ੍ਜਂ.

ਤਿਕਂ ਸੁਖੇ. ਸੁਟ੍ਠੁ ਖਣਤੀਤਿ ਸੁਖਂ, ਕ੍ਵਿ. ਸਾਦੀਯਤਿ ਅਸ੍ਸਾਦੀਯਤੀਤਿ ਸਾਤਂ. ਫਸ੍ਸਤਿ ਸਿਨੇਹਤੀਤਿ ਫਾਸੁ, ਫੁਸਤਿ ਵਾ ਬਾਧਤਿ ਦੁਕ੍ਖਨ੍ਤਿ ਫਾਸੁ. ਸਤ੍ਤਕਂ ਕਲ੍ਯਾਣੇ. ਭਦਿ ਕਲ੍ਯਾਣੇ, ਭਦ੍ਦਤੀਤਿ ਭਦ੍ਦਂ. ਪਸਤ੍ਥਤਰਤ੍ਤਾ ਸੇਯ੍ਯੋ. ਸੋਭਤੀਤਿ ਸੋਭਂ. ਖੀ ਖਯੇ, ਖੇਪੇਤਿ ਅਸੁਖਂ ਖੇਮਂ, ਮੋ. ਕਲ੍ਯਂ ਨਿਰੋਗਂ ਅਣਤਿ ਗਚ੍ਛਤਿ, ਕਲ੍ਯਂ ਵਾ ਹਿਤਂ ਅਣਯਤਿ ਪਾਪਯਤੀਤਿ ਕਲ੍ਯਾਣਂ, ਕਮ੍ਮਨਿ ਣੋ [ਕਮ੍ਮਨਿ ਉਪਪਦੇ ਣਪਚ੍ਚਯੋਤਿ ਅਧਿਪ੍ਪਾਯੋ]. ਮਙ੍ਗ ਗਤ੍ਯਤ੍ਥੋ, ਮਙ੍ਗਤਿ ਧਞ੍ਞਂ ਮਙ੍ਗਲਂ, ਅਲੋ. ਸਮੇਤਿ ਦੁਕ੍ਖਨ੍ਤਿ ਸਿਵਂ, ਵੋ.

੮੯. ਛਕ੍ਕਂ ਦੁਕ੍ਖੇ. ਦੁਕ੍ਕਰਂ ਖਮਨਮੇਤ੍ਥ ਦੁਕ੍ਖਂ. ਕਸ ਗਮਨੇ, ਕਸਤਿ ਅਪੁਞ੍ਞਨ੍ਤਿ ਕਸਿਰਂ, ਇਰੋ, ਕੁਚ੍ਛਿਤੇਨਾਕਾਰੇਨ ਸੇਤੀਤਿ ਵਾ ਕਸਿਰਂ. ਕਿਰ ਵਿਕ੍ਖਿਪਨੇ, ਕਿਰਤਿ ਸੁਖਨ੍ਤਿ ਕਿਚ੍ਛਂ, ਕਤਾ ਵਾ ਪੁਞ੍ਞਕਰਣਿਚ੍ਛਾ ਯੇਨਾਤਿ ਕਿਚ੍ਛਂ, ‘‘ਦੁਕ੍ਖੂਪਨਿਸਾ ਸਦ੍ਧਾ’’ਤਿ ਹਿ ਵੁਤ੍ਤਂ. ਨਤ੍ਥਿ ਅਧਿਗਮਨਤ੍ਥਂ ਈਹਾ ਏਤ੍ਥਾਤਿ ਨੀਘੋ, ਹਸ੍ਸ ਘੋ, ਅਥ ਵਾ ਨਿਹਨ੍ਤ੍ਯਪੁਞ੍ਞਂ ਹਿਂਸਤਿ ਗਚ੍ਛਤੀਤਿ ਵਾ ਨੀਘੋ, ਪੁਞ੍ਞਂ ਵਾ ਨ ਹਨ੍ਤਿ ਨ ਗਚ੍ਛਤੀਤਿ ਨੀਘੋ. ਵਿਰੂਪਮਸਤਿ ਯੇਨਾਤਿ ਬ੍ਯਸਨਂ, ਵਿਸਿਟ੍ਠਂ ਵਾ ਅਸਤਿ ਖੇਪੇਤੀਤਿ ਬ੍ਯਸਨਂ. ਨ ਹਨ੍ਤਿ ਧਞ੍ਞਨ੍ਤਿ ਅਘਂ. ਏਤੇ ਪਾਪਾਦਯੋ ਗੁਣੇ ਯਥਾਵੁਤ੍ਤਲਿਙ੍ਗਾ. ਪਾਪਪੁਞ੍ਞਾਨਿ ਸੁਖਾਦਿ ਚ ਆਕਿਚ੍ਛਂ ਕਿਚ੍ਛਨ੍ਤਂ ਗੁਣਯੋਗਤੋ ਦਬ੍ਬੇ ਵਿਸੇਸ੍ਯੇ ਵਤ੍ਤਮਾਨਾਨਿ ਤੀਸੁ. ਯਥਾ –

ਪਾਪਾ ਉਤੁਮਤੀ ਕਞ੍ਞਾ, ਪਾਪੋ ਰਾਜਾਪ੍ਯਰਕ੍ਖਕੋ;

ਪਾਪਂ ਬ੍ਯਾਧਕੁਲਂ ਹਿਂਸਂ, ਪਾਪੋ ਵਿਪ੍ਪੋ ਚ ਸੇਵਕੋ;

ਪੁਞ੍ਞਂ ਤਿਤ੍ਥਮਿਦਂ ਪੁਞ੍ਞਾ, ਨਦੀ ਪੁਞ੍ਞੋ’ਯ’ਮਸ੍ਸਮੋ.

ਸੁਖਂ ¶ ਕਾਮਿਕੁਲਂ ਦਬ੍ਬਂ [ਸਬ੍ਬਂ (?)], ਸੁਖੋ ਵਾਸੋ ਸਹਾ’ਮ੍ਬਯਾ [ਸਹਾਨ੍ਵਯੋ (ਕ.)];

ਸੁਖਾ ਯੁਵਤਿ’ਰਿਚ੍ਛਨ੍ਤੀ, ਸੁਖਾ ਵੇ ਮਘਵਗ੍ਗਹਾ [ਸੁਖਾ ਯੁਵਤਿਕਾ ਗਹਾ (ਕ.)].

ਯਦਾ ਤੁ ਸਕਤ੍ਥਪ੍ਪਧਾਨਂ ਸੁਖਾਦਿਕਮੇਵ ਵਿਸੇਸ੍ਯਤ੍ਤੇਨ ਵਤ੍ਤੁਮਿਚ੍ਛਤੇ, ਨ ਤੁ ਦਬ੍ਬਂ (ਪੁਬ੍ਬਮਿਵ ਵਿਸੇਸਨਂ,) [( ) ਚਿਨ੍ਤਾਮਣਿਟੀਕਾਯਂ ਨ ਦਿਸ੍ਸਤਿ] ਤਦਾ ਰੂਪਭੇਦੋਤ੍ਤਮੇਵ ਲਿਙ੍ਗਂ. ਯਥਾ –

‘‘ਦਾਲਿਦ੍ਦੇਪਿ [ਵਲਿਤ੍ਤੇਪਿ (ਕ.)] ਧਨਿਤ੍ਤੇਪਿ, ਵਸੋ ਪਰਿਜਨੋ ਸੁਖਂ;

ਸੁਖਂ ਸਜ੍ਜਨਵਾਸੋ ਚ, ਸੁਖਂ ਸਨ੍ਤਿ ਅਨੁਤ੍ਤਰਾ’’ਤਿ.

ਨਨੁ ‘‘ਦੁਕ੍ਕਟੋਯਂ ਬ੍ਯਾਪਾਰੋ, ਸੁਕਤਂ ਕਮ੍ਮਂ, ਕਲੁਸੋਯਂ ਮੇ ਬ੍ਯਾਪਾਰੋ’’ਤਿ ਅਞ੍ਞੇਸਮ੍ਪਿ ਤੀਸੁ ਵੁਤ੍ਤਿ ਅਤ੍ਥੇਵੇਤਿ ਕਿਂ ਪਾਪਪੁਞ੍ਞਾਨਮੇਵ ਗਹਣਂ ਭਵਤੀਤਿ? ਵੁਚ੍ਚਤੇ – ‘‘ਦੁਟ੍ਠੁ ਕਤੋ ਦੁਕ੍ਕਟੋ, ਸੁਟ੍ਠੁ ਕਤਂ ਸੁਕਤ’’ਮਿਚ੍ਚੇਵਂ ਕ੍ਰਿਯਾਨਿਬਨ੍ਧਨਾਪਿ ਤੀਸੁ ਵੁਤ੍ਤਿ ਸਮ੍ਭਵਤਿ, ਨਾਵਸ੍ਸਂ ਗੁਣਨਿਬਨ੍ਧਨਾ ਏਵ. ਕਲੁਸਸ੍ਸਪਿ ਯਦਾ ਸਿਟ੍ਠਪਯੋਗੇਸੁ ਵਿਸੇਸ੍ਯਵੁਤ੍ਤਿ ਤਿਲਿਙ੍ਗਤਾ ਉਪਲਬ੍ਭਤੇ, ਤਦਾ ਪਾਪਗ੍ਗਹਣ’ਮਤ੍ਥਪ੍ਪਧਾਨਂ ਬ੍ਯਾਖ੍ਯਾਤਬ੍ਬਂ.

੯੦. ਪਞ੍ਚਕਂ ਸੁਭਾਸੁਭਕਮ੍ਮਮਤ੍ਤੇ. ਇਟ੍ਠਾਨਿਟ੍ਠਵਿਪਾਕਭਾਗੋ ਯਤ੍ਥ ਅਤ੍ਥੀਤਿ ਭਾਗ੍ਯਂ. ਸੁਭਾਸੁਭਫਲਂ ਨੇਤੀਤਿ ਨਿਯਤਿ,ਤਿ. ਸੁਭਾਸੁਭਫਲਂ ਭਾਜੇਤੀਤਿ ਭਾਗੋ. ਇਟ੍ਠਾਨਿਟ੍ਠਵਿਭਾਗਭਾਗੋਧੀਯਤਿ ਏਤ੍ਥਾਤਿ ਭਾਗਧੇਯ੍ਯਂ. ਸੁਭਾਸੁਭਫਲਂ ਵਿਦਧਾਤੀਤਿ ਵਿਧਿ. ਅਯੋ, ਸੁਭਾਵਹੋ, ਦੇਵਂ, ਦਿਟ੍ਠਂਇਚ੍ਚਾਦੀਨਿਪਿ ਸੁਭਾਸੁਭਕਮ੍ਮਮਤ੍ਤਸ੍ਸ ਨਾਮਾਨਿ. ਪਞ੍ਚਕਂ ਜਾਤਿਯਂ. ਉਪ੍ਪਜ੍ਜਨਂ ਉਪ੍ਪਤ੍ਤਿ, ਨਿਪ੍ਪਜ੍ਜਨਂ ਨਿਬ੍ਬਤ੍ਤਿ, ਪਦ ਗਤਿਯਂ, ਨਿਪੁਬ੍ਬੋ,ਤਿ, ਪਸ੍ਸ ਬੋ. ਜਨਨਂ ਜਾਤਿ. ਜਨੀਯਤੇ ਜਨਨਂ. ਉਦ੍ਧਂ ਭਵਨਂ ਉਬ੍ਭਵੋ.

੯੧. ਪਜ੍ਜਂ ¶ ਹੇਤੁਮ੍ਹਿ. ਅਤ੍ਤਨੋ ਫਲਂ ਨਿਮਿਨਾਤੀਤਿ ਨਿਮਿਤ੍ਤਂ, ਮਾ ਪਰਿਮਾਣੇ, ਨਿਪੁਬ੍ਬੋ. ਕਰੋਤਿ ਫਲਨ੍ਤਿ ਕਾਰਣਂ. ਤਿਟ੍ਠਤਿ ਫਲਮੇਤ੍ਥਾਤਿ ਠਾਨਂ. ਪਜ੍ਜਤਿ ਨਿਪਜ੍ਜਤਿ ਫਲਮੇਤੇਨਾਤਿ ਪਦਂ, ਵਿਸੇਸੇਨ ਜਾਯਤੇਤਿ ਬੀਜਂ, ਰਸ੍ਸਸ੍ਸ ਦੀਘਤਾ. ਨਿਸ੍ਸੇਸੇਨ ਅਤ੍ਤਨੋ ਫਲਂ ਬਨ੍ਧਤਿ ਪਵਤ੍ਤੇਤੀਤਿ ਨਿਬਨ੍ਧਨਂ. ਨਿਦੀਯਤੇ ਨਿਚ੍ਛੀਯਤੇ ਅਨੇਨੇਤਿ ਨਿਦਾਨਂ, ਯੁ, ਨਿਦਦਾਤਿ ਫਲਨ੍ਤਿ ਵਾ ਨਿਦਾਨਂ. ਪਭਵਤਿ ਫਲਮੇਤਸ੍ਮਾਤਿ ਪਭਵੋ, ਹਿਨੋਤਿ ਗਚ੍ਛਤਿ ਪਰਿਣਮਤਿ ਕਾਰਿਯਰੂਪਤਨ੍ਤਿ ਹੇਤੁ, ਤੁ, ਹਿਨੋਤਿ ਵਾ ਪਤਿਟ੍ਠਾਤਿ ਫਲਮੇਤ੍ਥਾਤਿ ਹੇਤੁ, ਹਿ ਪਤਿਟ੍ਠਾਯਂ. ਸਮ੍ਭਵਤਿ ਯੇਨ ਫਲਨ੍ਤਿ ਸਮ੍ਭਵੋ. ਸਿਨੋਤਿ ਫਲਂ ਬਨ੍ਧਤੀਤਿ ਸੇਤੁ. ਪਟਿਚ੍ਚ ਫਲਮੇਤਸ੍ਮਾ ਏਤੀਤਿ ਪਚ੍ਚਯੋ.

੯੨. ਯਂ ਕਾਰਣਂ ਸਮਾਸਨ੍ਨਂ ਆਸਨ੍ਨਤਰਂ ਫਲੇਨ, ਤਂ ਪਦਟ੍ਠਾਨਨ੍ਤਿ ਮਤਂ. ਪਦਾਨਂ ਹੇਤੂਨਂ ਠਾਨਂ ਪਦਟ੍ਠਾਨਂ, ਯਥਾ ‘‘ਰਾਜਰਾਜਾ’’ਤਿ. ਤਿਵਿਧਂ ਕਾਰਣਂ ਉਪਾਦਾਨਕਾਰਣਂ ਸਹਕਾਰੀਕਾਰਣਂ ਕਾਰਣਕਾਰਣਨ੍ਤਿ. ਯਥਾ ਬੀਜਂ ਅਙ੍ਕੁਰਸ੍ਸ ਉਪਾਦਾਨਕਾਰਣਸਙ੍ਖਾਤਂ ਪਦਟ੍ਠਾਨਂ, ਭੂਮਿਜਲਾਦਿ ਸਹਕਾਰੀਕਾਰਣਂ, ‘‘ਕਮ੍ਮਸ੍ਸ [ਕਮ੍ਪਸ੍ਸ (?)] ਕਾਰਣਂ ਜਰੋ, ਤਸ੍ਸ ਕਾਰਣਂ ਕਫੋ’’ਤਿ ਕਫੋ ਕਾਰਣਕਾਰਣਂ ਕਮ੍ਮਸ੍ਸ [ਕਮ੍ਪਸ੍ਸ (?)].

ਤਿਕਂ ¶ ਸਰੀਰਾਧਿਪਤਿਦੇਵੇ. ਜੀਵਨ੍ਤਿ ਸਤ੍ਤਾ ਯੇਨਾਤਿ ਜੀਵੋ. ਪੂਰੇਤਿ ਨਿਸ੍ਸਯਸ੍ਸਾਭਿਲਾਸਨ੍ਤਿ ਪੁਰਿਸੋ, ਇਸੋ. ਅਤਨ੍ਤਿ ਸਤਤਂ ਗਚ੍ਛਨ੍ਤਿ ਸਤ੍ਤਾ ਯੇਨਾਤਿ ਅਤ੍ਤਾ. ਦ੍ਵਯਂ ਸਤ੍ਤਰਜੋਤਮੋਸਾਮ੍ਯਾਵਤ੍ਥਾਯਂ. ਪਧੀਯਨ੍ਤੇ ਪਲੀਯਨ੍ਤੇ ਅਤ੍ਰ ਗੁਣਾ ਸਤ੍ਤਰਜੋਤਮੋ ਰੂਪਾਤਿ ਪਧਾਨਂ, ਯੁ. ਪਕਰੋਤਿ ਪੁਰਿਸੋਪਭੋਗਤ੍ਥਂ ਸਦ੍ਦਾਦਿਕਾਰਿਯਨ੍ਤਿ ਪਕਤਿ,ਤਿ. ਮੋਹਰਾਗਦੋਸਾਨਂ ਯਥਾਸਙ੍ਖ੍ਯਂ ਸਤ੍ਤਰਜੋਤਮਾਨੀਤਿ ਸਞ੍ਞਾ. ਸਤੋ ਭਾਵੋ ਸਤ੍ਤਂ, ਠਿਤਿਪਰਤਾ. ਰਜ੍ਜਨ੍ਤ੍ਯਤ੍ਰਾਤਿ ਰਜੋ, ਸਟ੍ਠਿਪਰਤਾ. ਤਮਨ੍ਤ੍ਯਤ੍ਰਾਤਿ ਤਮੋ, ਪਲਯਪਰਤਾ.

੯੩. ਪਜ੍ਜੇਨ ਪਾਣਿਨੋ ਨਾਮਾਨਿ. ਪਣਨ੍ਤਿ ਜੀਵਨ੍ਤਿ ਸਤ੍ਤਾ ਯੇਨਾਤਿ ਪਾਣੋ, ਸੋ ਯਸ੍ਸਤ੍ਥਿ, ਸੋ ਪਾਣੋ. ਸਰੀਰਸਙ੍ਖਾਤੋ ਕਾਯੋ ਯਸ੍ਸਤ੍ਥਿ, ਸੋ ਸਰੀਰੀ. ਕਮ੍ਮੇਨ ਭਵਤੀਤਿ ਭੂਤਂ, ਨਪੁਂਸਕੇ, ਪੁਮੇਵਾਤਿ ਵਾਸਦ੍ਦਤ੍ਥੋ. ਰੂਪਾਦੀਸੁ ਸਞ੍ਜਤੀਤਿ ਸਤ੍ਤੋ, ਨਿਚ੍ਛਨ੍ਦਰਾਗਾਪਿ ਰੂਲ਼੍ਹਿਯਾ ਸਤ੍ਤਾਤਿ ਵੁਚ੍ਚਨ੍ਤਿ. ਦੇਹੋ ਕਾਯੋ ਯਸ੍ਸਤ੍ਥੀਤਿ ਦੇਹੀ. ਪੂਰੇਤੀਤਿ ਪੂਤਿ, ਪੂਤਿਸਙ੍ਖਾਤਂ ਆਹਾਰਂ ਗਿਲਤਿ ਅਦਤੀਤਿ ਪੁਗ੍ਗਲੋ, ਤਿਸ੍ਸ ਲੋਪੋ, ਸਤ੍ਤਾਨਂ ਆਯੁਂ ਪੂਰੇਨ੍ਤੋ ਗਚ੍ਛਤੀਤਿ ਪੁਗ੍ਗੋ, ਤਂ ਲਾਤਿ ਭਕ੍ਖਤੀਤਿ ਪੁਗ੍ਗਲੋ. ਜੀਵਨ੍ਤਿ ਯੇਨਾਤਿ ਜੀਵਂ, ਤਮਸ੍ਸਤ੍ਥੀਤਿ ਜੀਵੋ. ਯਥਾਵੁਤ੍ਤਤ੍ਥੋ ਪਾਣੋ ਯਸ੍ਸਤ੍ਥੀਤਿ ਪਾਣੀ. ਪਕਾਰੇਨ ਜਾਤਤ੍ਤਾ ਪਜਾ. ਜਾਯਤੀਤਿ ਜਨ੍ਤੁ, ਤੁ. ਕੁਸਲਾਕੁਸਲਂ ਜਨੇਤੀਤਿ ਜਨੋ. ਲੁਜ੍ਜਤੀਤਿ ਲੋਕੋ, ਲੁਜ ਵਿਨਾਸੇ, ਜਸ੍ਸ ਕੋ. ਯਥਾ ਪੁਰਿਮਕਾ ਸਤ੍ਤਾ ਜਾਤਿਜਰਾਮਰਣਂ ਗਚ੍ਛਨ੍ਤਿ, ਤਥਾ ਅਯਮ੍ਪਿ ਗਚ੍ਛਤੀਤਿ ਤਥਾਗਤੋ.

੯੪. ਰੂਪਾਦਯੋ ¶ ਛ ਚਕ੍ਖਾਦਿਗਯ੍ਹਾ ਧਮ੍ਮਾ ‘‘ਗੋਚਰਾ’’ਤਿ ‘‘ਆਲਮ੍ਬਾ’’ਤਿ ‘‘ਵਿਸਯਾ’’ਤਿ ‘‘ਆਰਮ੍ਮਣਾਨੀ’’ਤਿ ‘‘ਆਲਮ੍ਬਣਾਨੀ’’ਤਿ ਚ ਵੁਚ੍ਚਨ੍ਤੇ. ਰੂਪਯਤਿ ਪਕਾਸੇਤਿ ਅਤ੍ਤਨੋ ਸਭਾਵਨ੍ਤਿ ਰੂਪਂ. ਸਪ੍ਪਤਿ ਉਚ੍ਚਾਰੀਯਤੀਤਿ ਸਦ੍ਦੋ, ਸਪ੍ਪ ਗਤਿਯਂ ਵਾ, ਸਪ੍ਪਤੇ ਞਾਯਤੇ ਯੇਨੇਤਿ ਸਦ੍ਦੋ. ਗਨ੍ਧ ਅਦ੍ਦਨੇ, ਅਦ੍ਦਨਂ ਹਿਂਸਨਂ, ਯਾਚਨਞ੍ਚ, ਹਿਂਸਤੇ ਅਭਿਲਸੀਯਤੇ ਵਾ ਗਨ੍ਧੋ, ਗਨ੍ਧੇਤਿ ਵਾ ਅਤ੍ਤਨੋ ਵਤ੍ਥੁਂ ਸੂਚੇਤਿ ਪਕਾਸੇਤਿ ‘‘ਇਦਮੇਤ੍ਥ ਅਤ੍ਥੀ’’ਤਿ ਪੇਸੁਞ੍ਞਂ ਕਰੋਨ੍ਤੋ ਵਿਯ ਹੋਤੀਤਿ ਗਨ੍ਧੋ. ਰਸਨ੍ਤਿ ਤਂ ਸਤ੍ਤਾ ਅਸ੍ਸਾਦੇਨ੍ਤੀਤਿ ਰਸੋ. ਫੁਸੀਯਤੀਤਿ ਫਸ੍ਸੋ. ਗਾਵੋ ਇਨ੍ਦ੍ਰਿਯਾਨਿ ਚਰਨ੍ਤ੍ਯੇਤੇਸੁ ਗੋਚਰਾ. ਚਿਤ੍ਤਚੇਤਸਿਕੇਹਿ ਆਲਮ੍ਬੀਯਨ੍ਤੇਤਿ ਆਲਮ੍ਬਾ. ਸਿ ਬਨ੍ਧਨੇ ਵਿਪੁਬ੍ਬੋ, ਵਿਸਿਨੋਨ੍ਤਿ ਵਿਬਨ੍ਧਨ੍ਤਿ ਇਨ੍ਦ੍ਰਿਯਾਨੀਤਿ ਵਿਸਯਾ. ਆਗਨ੍ਤ੍ਵਾ ਚਿਤ੍ਤਚੇਤਸਿਕਾ ਰਮਨ੍ਤਿ ਏਤ੍ਥਾਤਿ ਆਰਮ੍ਮਣਾਨਿ, ਯੁ. ਏਤੇ ਇਨ੍ਦ੍ਰਿਯਤ੍ਥਾਤਿਪ੍ਯੁਚ੍ਚਨ੍ਤੇ, ਇਨ੍ਦ੍ਰਿਯੇਹਿ ਅਤ੍ਥ੍ਯਨ੍ਤੇ ਅਭਿਲਸੀਯਨ੍ਤੇਤਿ ਕਤ੍ਵਾ.

੯੫. ਪਜ੍ਜਦ੍ਧਂ ਸੁਕ੍ਕੇ. ਸੁਚ ਸੋਕੇ, ਸੋਚਨ੍ਤਿ ਏਤੇਨ ਤਦਤ੍ਥਿਕਾਤਿ ਸੁਕ੍ਕੋ, ਅ. ਗੁ ਸਦ੍ਦੇ, ਗੁਯਤੇ ਕਿਤ੍ਤੀਯਤੇਤਿ ਗੋਰੋ, ਰੋ. ਸਿ ਸੇਵਾਯਂ, ਸੇਵੀਯਤੇਤਿ ਸਿਤੋ, ਸਿਨੋਤਿ ਵਾ ਬਨ੍ਧਤਿ ਚਿਤ੍ਤਨ੍ਤਿ ਸਿਤੋ. ਅਵਦਾਯਤਿ ਸਬ੍ਬਵਣ੍ਣੇਤਿ ਓਦਾਤੋ. ਦਾ ਅਵਖਣ੍ਡਨੇ ਅਵਪੁਬ੍ਬੋ. ਧਾਵਤਿ ਸੁਜ੍ਝਤ੍ਯਨੇਨੇਤਿ ਧਵਲੋ, ਅਲੋ. ਸਿਤ ਵਣ੍ਣੇ, ਣੋ, ਸੇਤੋ ¶ . ਪਡਿ ਗਤਿਯਂ, ਪਣ੍ਡਤਿ ਪਕਾਸੇਤੀਤਿ ਪਣ੍ਡਰੋ, ਅਰੋ. ਸੁਚਿ, ਵਿਸਦੋ, ਅਜ੍ਜੁਨੋਤਿਪਿ ਸੁਕ੍ਕਨਾਮਾਨਿ.

ਛਕ੍ਕਂ ਰਤ੍ਤੇ. ਸੋਣ ਵਣ੍ਣੇ, ਣੋ, ਰਤ੍ਤੁਪ੍ਪਲਵਣ੍ਣੋ, ਰੁਹ ਜਨਨੇ, ਇਤੋ, ਲਤ੍ਤੇ ਲੋਹਿਤੋ. ਰਞ੍ਜਨ੍ਤ੍ਯਨੇਨੇਤਿ ਰਤ੍ਤੋ, ਰਨ੍ਜ ਰਙ੍ਗੇ. ਤਮ੍ਬੋ ਉਦੁਮ੍ਬਰਸਙ੍ਖਾਤੋ ਲੋਹਵਿਸੇਸੋ, ਤਬ੍ਬਣ੍ਣਤਾਯ ਤਮ੍ਬੋ. ਮਞ੍ਜੇਟ੍ਠਾ ਨਾਮ ਰਤ੍ਤਵਲ੍ਲਿ, ਯਾਯ ਹਤ੍ਥਿਦਨ੍ਤਾਦਿਵਿਕਤਿਯੋ ਰਤ੍ਤਾ ਭਵਨ੍ਤਿ, ਤਬ੍ਬਣ੍ਣਤਾਯ ਮਞ੍ਜੇਟ੍ਠੋ. ਰੋਹਿਤੋ ਲੋਹਿਤਸਮੋ, ਅਲਤ੍ਤਮੇਵ ਵਿਸੇਸੋ.

੯੬. ਸਾਮਲਨ੍ਤਂ ਕਣ੍ਹੇ. ਨੀਲ ਵਣ੍ਣੇ, ਅ. ਕਸ੍ਸਤੇਤਿ ਕਣ੍ਹੋ, ਕਸ ਵਿਲੇਖਨੇ, ਣ੍ਹੋ. ਨ ਸਿਤੋ ਅਸਿਤੋ. ਵਣ੍ਣੇਸੁ ਏਕਕੋਟ੍ਠਾਸਭਾਵੇਨ ਕਲ੍ਯਤੇਤਿ ਕਾਲੋ, ਸੋ ਏਵ ਕਾਲ਼ੋ. ਮਚ, ਮਚਿ ਕਕ੍ਕਨੇ, ਕਕ੍ਕਨਂ ਪਿਸਨਂ, ਸੇਤਾਦਿਕਂ ਮਚਤੀਤਿ ਮੇਚਕੋ, ਣ੍ਵੁ, ਅਸ੍ਸੇਤ੍ਤਂ. ਸਾ ਤਨੁਕਰਣੇ, ਸਾਯਤਿ ਤਨੁਕਰੀਯਤਿ ਪਟਿਪਕ੍ਖਵਣ੍ਣੇਹੀਤਿ ਸਾਮੋ. ਸਾਮਲੋ ਸਾਮਸਦਿਸੋ, ਮਲਪਚ੍ਚਯੋਵ ਵਿਸੇਸੋ.

ਪਣ੍ਡੁਸਦ੍ਦੋ ਸਿਤਪੀਤੇ ਉਤ੍ਤੋ, ਸਿਤਪੀਤਸਮ੍ਮਿਸ੍ਸਿਤਵਣ੍ਣੇ ਪਣ੍ਡੁਸਦ੍ਦੋ ਵੁਤ੍ਤੋਤ੍ਯਤ੍ਥੋ. ਵੁਤ੍ਤਞ੍ਚ ‘‘ਸਿਤਪੀਤਸਮਾਯੁਤ੍ਤੋ, ਪਣ੍ਡੁਵਣ੍ਣੋ ਪਕਿਤ੍ਤਿਤੋ’’ਤਿ [ਚਿਨ੍ਤਾਮਣਿਟੀਕਾ ੫.੧੩]. ਪਣ੍ਡਤਿ ਏਕਗਣਨਂ ਗਚ੍ਛਤੀਤਿ ਪਣ੍ਡੁ, ਪਡਿ ਗਤਿਯਂ, ਉ. ਹਰਿਣੋ, ਪਣ੍ਡੁਰੋਤਿਪਿ ਪਣ੍ਡੁਵਣ੍ਣਨਾਮਾਨਿ. ਈਸਂਪਣ੍ਡੁ ਅਬ੍ਯਤ੍ਤਪਣ੍ਡੁਵਣ੍ਣੋ ਧੂਸਰੋ ਨਾਮ, ਯਥਾ ਧੂਲਿਵਣ੍ਣੋ. ਧੂਸ ਕਨ੍ਤਿਕਰਣੇ, ਚੁਰਾਦਿ, ਅਰੋ.

੯੭. ਕਿਞ੍ਚਿਰਤ੍ਤੋ ¶ ਅਬ੍ਯਤ੍ਤਰਤ੍ਤਵਣ੍ਣੋ ਅਰੁਣੋ ਨਾਮ, ਯਥਾ ਮਚ੍ਛਸ੍ਸ ਚਕ੍ਖੁ [ਯਥਾ ਮਦਮਤ੍ਤਸ੍ਸ ਚਕ੍ਖੁਰਾਗੋ (ਚਿਨ੍ਤਾਮਣਿਟੀਕਾ ੫.੧੫)], ਸੂਰਿਯਾਦੋ ਤਰੁਣੋ ਵੁਤ੍ਤੋ.

ਸੇਤਲੋਹਿਤੋ ਸੇਤਰਤ੍ਤਮਿਸ੍ਸੋ ਵਣ੍ਣੋ ਪਾਟਲੋ ਨਾਮ, ਯਥਾ ਪਾਟਲਕੁਸੁਮਂ. ਪਾਟਯਤੇਤਿ ਪਾਟਲੋ, ਅਲੋ, ਪਟ ਵਿਭਾਜਨੇ.

ਦ੍ਵਿਕਂ ਪੀਤੇ. ਪਾ ਪਾਨੇ, ਕਮ੍ਮਨਿ ਤੋ, ਈਤ੍ਤਞ੍ਚ. ਹਲਿਦ੍ਦਿਯਾ ਇਵ ਆਭਾ ਯਸ੍ਸ ਹਲਿਦ੍ਯਾਭੋ.

ਤਿਕਂ ਤਿਣਪਤ੍ਤਾਦਿਗਤੇ ਵਣ੍ਣੇ. ਲਸ ਕਨ੍ਤਿਯਂ, ਅਤਿਸਯੇਨ ਲਸ੍ਯਤੇਤਿ ਪਲਾਸੋ. ‘‘ਪਾਲਾਸੋ’’ਤਿ ਪਾਠੇ ਤੁ ਰਸ੍ਸਸ੍ਸ ਦੀਘਤਾ. ਹਰ ਹਰਣੇ, ਮਨਂ ਹਰਤੀਤਿ ਹਰਿਤੋ, ਇਤੋ. ਇ, ਹਰਿ.

੯੮. ਨੀਲਪੀਤਸਮ੍ਮਿਸ੍ਸਵਣ੍ਣੇ ਕਲ਼ਾਰੋ, ਕਪਿਲੋ ਚ ਵਤ੍ਤਨ੍ਤਿ. ਕਲ ਸਙ੍ਖ੍ਯਾਨੇ. ਅਰੋ, ਲਸ੍ਸ ਲ਼ੋ, ਕਲ਼ਾਰੋ. ਕਬ ਵਣ੍ਣੇ, ਇਲੋ, ਬਸ੍ਸ ਪੋ, ਕਪਿਲੋ.

ਰੋਚਨਪ੍ਪਭੇ ਗੋਰੋਚਨਸਦਿਸਪ੍ਪਭਾਯਂ ਪਿਙ੍ਗੋ, ਪਿਸਙ੍ਗੋ ਚ ਵਤ੍ਤਨ੍ਤਿ. ਪਭਾਸਦ੍ਦਸ੍ਸ ਦ੍ਵਿਲਿਙ੍ਗਤ੍ਤਮੇਵ. ਪਿਜਿ ਭਾਸਤ੍ਥੋ, ਪਿਙ੍ਗੋ. ਪਰਤ੍ਰ ਸਕਾਰਵਣ੍ਣਾਗਮੋ, ਪਿਸਙ੍ਗੋ.

ਕਲ਼ਾਰਾਦੀਨਂ ¶ ਚਤੁਨ੍ਨਂ ਪਿਙ੍ਗਲਵਿਸੇਸਤ੍ਥਵਾਚਕਤਂ ਦਸ੍ਸੇਤ੍ਵਾ ਪਿਙ੍ਗਲਸਾਮਞ੍ਞਤ੍ਥਵਾਚਕਤ੍ਤਮ੍ਪਿ ਦਸ੍ਸੇਤੁਮਾਹ ‘‘ਕਲ਼ਾਰਾਦਿ’’ਚ੍ਚਾਦਿ. ਤਸ੍ਸਾਯਮਤ੍ਥੋ – ਨ ਕੇਵਲਂ ਕਲ਼ਾਰਾਦਯੋ ਪਿਙ੍ਗਲਵਿਸੇਸਤ੍ਥੇਯੇਵ ਪਵਤ੍ਤਨ੍ਤਿ, ਅਥ ਖੋ ਪਿਙ੍ਗਲਸਾਮਞ੍ਞਤ੍ਥੇਪਿ ਵਤ੍ਤਨ੍ਤੀਤਿ. ਵੁਤ੍ਤਞ੍ਹਿ ਅਮਰਕੋਸੇ ‘‘ਕਲ਼ਾਰੋ ਕਪਿਲੋ ਪਿਙ੍ਗੋ, ਪਿਸਙ੍ਗੋ ਕਦ੍ਦੁ ਪਿਙ੍ਗਲੋ’’ਤਿ [ਅਮਰ ੫.੧੬]. ਕੇਚਿ ਪਨ ਕਲ਼ਾਰਾਦਯੋ ਪਿਸਙ੍ਗਪਰਿਯਨ੍ਤਾ ਚਤ੍ਤਾਰੋ ਸਦ੍ਦਾ ਪਿਙ੍ਗਲਗੁਣੇ ਵਤ੍ਤਮਾਨਾ ਪੁਮੇ ਵਤ੍ਤਨ੍ਤਿ, ਗੁਣਿਨਿ ਪਨ ਵਾਚ੍ਚਲਿਙ੍ਗਾਤਿ ਏਵਂ ਪਚ੍ਛਿਮੇਨ ਸਮ੍ਬਨ੍ਧਂ ਕਤ੍ਵਾ ਵਦਨ੍ਤਿ, ਤਂ ਅਮਰਕੋਸੇਨ ਵਿਰੁਜ੍ਝਨਤੋ ਇਧ ਚ ‘‘ਸੁਕ੍ਕਾਦਯੋ’’ਤਿ ਸਬ੍ਬੇਸਂਯੇਵ ਗਹਣਤੋ ਨ ਗਹੇਤਬ੍ਬਂ.

੯੯. ਤਿਕਂ ਸਬਲੇ ਕੋਕਿਲਕਣ੍ਠਸਦਿਸੇ. ਕਲ੍ਯਤੇਤਿ ਕਲੋ, ਮਸਿ ਪਰਿਮਾਣੇ, ਕਮ੍ਮਨਿ ਣੋ, ਕਲੋ ਏਵ ਮਾਸੋ ਕਮ੍ਮਾਸੋ, ਲਸ੍ਸ ਮੋ, ਕਲਨਂ ਵਾ ਕਲੋ, ਤਂ ਮਸਤੀਤਿ ਕਮ੍ਮਾਸੋ, ਯਥਾ ‘‘ਕੁਮ੍ਭਕਾਰੋ’’ਤਿ. ਸਬ ਗਤਿਯਂ, ਸਬਤੀਤਿ ਸਬਲੋ, ਅਲੋ. ਚਿਯ੍ਯਤੇਤਿ ਚਿਤ੍ਤੋ, ਤ. ਤ੍ਰਣਪਚ੍ਚਯੇ ਚਿਤ੍ਰੋ. ਕਮ੍ਮੀਰੋ, ਕਬ੍ਬੁਰੋਤਿਪਿ ਸਬਲਸ੍ਸ ਨਾਮਾਨਿ.

ਕਣ੍ਹਪੀਤਮਿਸ੍ਸੇ ਸਾਵੋ ਵੁਤ੍ਤੋ. ਸੇ ਗਤਿਮ੍ਹਿ, ਸਯਤੀਤਿ ਸਾਵੋ, ਅਵੋ. ਕਪਿਸੋਤਿਪਿ ਸਾਵਸ੍ਸ ਨਾਮਂ. ਕਣ੍ਹਲੋਹਿਤਮਿਸ੍ਸੇ ਧੂਮਾਭੇ ਪਨ ਧੂਮ, ਧੂਮਲਾ ਵਤ੍ਤਨ੍ਤਿ. ਧੂਮੋ ਵਿਯਾਤਿ ਧੂਮੋ. ਧੂਮਂ ਲਾਤੀਤਿ ਧੂਮਲੋ. ਏਤੇ ਸੁਕ੍ਕਾਦਯੋ ਸਾਵਨ੍ਤਾ ਯਦਾ ਅਭੇਦੋਪਚਾਰਾ ਗੁਣਿਨਿ ਗੁਣਿਮ੍ਹਿ ਵਤ੍ਤਨ੍ਤਿ, ਤਦਾ ਵਾਚ੍ਚਲਿਙ੍ਗਾ, ਯਥਾ ਸੁਕ੍ਕੋ ਹਂਸੋ, ਸੁਕ੍ਕਾ ਹਂਸੀ ¶ , ਸੁਕ੍ਕਂ ਹਂਸਕੁਲਂਇਚ੍ਚਾਦਿ ਯੋਜ੍ਜਂ. ਯਦਾ ਗੁਣੇ ਗੁਣਮਤ੍ਤੇ ਵਤ੍ਤਨ੍ਤਿ, ਤਦਾ ਪੁਮੇ, ਯਥਾ ਹਂਸਸ੍ਸ ਸੁਕ੍ਕੋ, ਮਯੂਰਸ੍ਸ ਚਿਤ੍ਤੋ ਇਚ੍ਚਾਦਿ ਯੋਜ੍ਜਂ.

੧੦੦. ਲਾਸਨਨ੍ਤਂ ਨਚ੍ਚੇ. ਨਤ ਗਤ੍ਤਵਿਨਾਮੇ, ਪਬ੍ਬਜ੍ਜਾਦਿਤ੍ਤਾ ਨਚ੍ਚਾਦੇਸੋ. ਨਤਨਂ ਨਚ੍ਚਂ, ਨਟਨਂ ਵਾ ਨਚ੍ਚਂ, ਸਬ੍ਬਤ੍ਰ ਭਾਵਸਾਧਨਂ. ਨਤੀਯਤੇ ਨਤ੍ਤਨਂ. ਲਸ੍ਯਤੇ ਲਾਸਨਂ, ਲਸ ਕਨ੍ਤਿਯਂ, ਲਸਿਤਬ੍ਬਨ੍ਤਿ ਵਾ ਲਾਸਨਂ.

ਨਚ੍ਚਂ, ਵਾਦਿਤਂ, ਗੀਤਂ ਇਤਿ ਇਦਂ ਭੋਰਿਯਤ੍ਤਿਕਂ ਨਾਟ੍ਯਂ ਨਾਮੇਤ੍ਯੁਚ੍ਚਤੇ [ਅਮਰ ੭.੧੦]. ਤੁਰ ਤੁਰਣਹਿਂਸਾਸੁ. ਤੁਰੀਯਨ੍ਤੇਨੇਨੇਤਿ ਤੂਰਿਯਂ, ਮੁਰਜਾਦਿ. ਤਬ੍ਭਵੋ ਸਦ੍ਦੋ ਤੋਰਿਯੋ, ਣੋ. ਤੇਨ ਲਕ੍ਖਿਤਂ ਤਿਕਂ ਤੋਰਿਯਤ੍ਤਿਕਂ. ਨਟਸ੍ਸੇਦਂ ਨਾਟ੍ਯਂ. ਤਤਿਯਸ੍ਸ ਤੋਰਿਯਸਾਮਞ੍ਞਸ੍ਸ ਤੁ ਪਾਸਙ੍ਗਾ ਨਾਟਕਾ.

੧੦੧. ਨਚ੍ਚਟ੍ਠਾਨਂ ਰਾਜਙ੍ਗਣਾਦਿ ਰਙ੍ਗੋ ਨਾਮ ਸਿਯਾ ‘‘ਰਮਨ੍ਤਾ ਗਚ੍ਛਨ੍ਤਿ ਏਤ੍ਥ, ਰਜ੍ਜਨ੍ਤਿ ਏਤ੍ਥਾ’’ਤਿ ਵਾ ਕਤ੍ਵਾ. ਸੂਝਸੂਚਨਂ ਹਤ੍ਥਾਦੀਹਿ ਸੂਚਿਤਬ੍ਬਸ੍ਸ ਪਕਾਸੇਤਬ੍ਬਸ੍ਸ ਸਤ੍ਥਪ੍ਪਹਾਰਾਦਿਨੋ ਸੂਚਨਂ ਪਕਾਸਨਂ ਅਭਿਨਯੋ ਨਾਮ ‘‘ਨਯਨਂ ਨਯੋ, ਪਸ੍ਸਨ੍ਤਾਨਂ ਅਭਿਮੁਖਂ ਨਯੋ’’ਤਿ ਕਤ੍ਵਾ. ਬ੍ਯਞ੍ਜਕੋਤਿਪਿ ਤਸ੍ਸੇਵ ਨਾਮਂ.

ਭਰਤਸਤ੍ਥਵੁਤ੍ਤਅਟ੍ਠੁਤ੍ਤਰਸਤਕਰਣਨਿਪ੍ਫਨ੍ਨਥਿਰਹਤ੍ਥਪਰਿਯਤ੍ਥਕਾਦਿਨਾਮਕੋ ਦ੍ਵਤ੍ਤਿਂ ਸਪ੍ਪਕਾਰੋ [ਵਿਤ੍ਥਾਰੋ ਭਰਤਮੁਨਿਕਤੇ ਨਾਟ੍ਯਸਤ੍ਥੇ ਚਤੁਤ੍ਥ ਅਜ੍ਝਾਯੇ ਪਸ੍ਸਿਤਬ੍ਬੋ] ਨਚ੍ਚਵਿਸੇਸੋ ਅਙ੍ਗਵਿਕ੍ਖੇਪੋ, ਅਙ੍ਗਹਾਰੋ ਨਾਮ ‘‘ਅਙ੍ਗਸ੍ਸ ਹਾਰੋ, ਵਿਕ੍ਖੇਪੋ’’ਤਿ ਕਤ੍ਵਾ ¶ . ਤਿਕਂ ਨਟੇ. ਸਬ੍ਬਤ੍ਰ ਕਤ੍ਤੁਸਾਧਨਂ, ‘‘ਨਚ੍ਚਤੀਤਿ ਨਟ੍ਟਕੋ’’ਤ੍ਯਾਦਿਨਾ.

੧੦੨. ਸਿਙ੍ਗਾਰਾਦਯੋ ਨਵ ਰਸਾ ਨਾਟ੍ਯਰਸਾ ਅਸ੍ਸਾਦਨੀਯਤ੍ਤਾ. ਯਥਾ ਹਿ ਨਾਨਾਬ੍ਯਞ੍ਜਨਸਙ੍ਖਤਮਨ੍ਨਂ ਭੁਞ੍ਜਨ੍ਤਾ ਰਸੇ ਅਸ੍ਸਾਦਯਨ੍ਤਿ ਸੁਮਨਾ ਪੁਰਿਸਾ ਹਾਸਂਵ ਅਧਿਗਚ੍ਛਨ੍ਤਿ, ਤਥਾ ਨਾਨਾਭਿਨਯਬ੍ਯਞ੍ਜਿਤੇ ਅਙ੍ਗਸਤ੍ਤੋਪੇਤੇ ਠਾਯੀਭਾਵੇ ਅਸ੍ਸਾਦਯਨ੍ਤਿ ਸੁਮਨਾਤਿ [ਸੁਬੋਧਾਲਙ੍ਕਾਰਸ੍ਸ ਮਹਾਸਾਮਿਟੀਕਾਯ ੩੫੨ ਗਾਥਾਵਣ੍ਣਨਾਯਮ੍ਪਿ].

੧੦੩. ਤੇਸੁ ਸਿਙ੍ਗਾਰਸ੍ਸੇਵ ਸਰੂਪਂ, ਪਭੇਦਞ੍ਚ ਦਸ੍ਸੇਤੁਮਾਹ ‘‘ਪੋਸਸ੍ਸੇ’’ਚ੍ਚਾਦਿ. ਨਾਰਿਯਂ ਸਙ੍ਗਮਂ ਪਟਿਚ੍ਚ ਕਾਰਣਂ ਕਤ੍ਵਾ ਪੋਸਸ੍ਸ ਪੁਰਿਸਸ੍ਸ ਯਾ ਪਿਹਾ ਇਚ੍ਛਾ ਮਨੋਵਿਕਾਰਵਿਸੇਸੋ ਪੋਸੇ ਚ ਪੁਰਿਸੇ ਸਙ੍ਗਮਂ ਪਟਿਚ੍ਚ ਕਾਰਣਂ ਕਤ੍ਵਾ ਇਤ੍ਥਿਯਾ ਯਾ ਪਿਹਾ ਇਚ੍ਛਾ ਮਨੋਵਿਕਾਰਵਿਸੇਸੋ, ਏਸੋ ਰਤਿਕੀਲ਼ਾਦੀਨਂ ਕਾਰਣਭੂਤੋ, ਰਤਿਕੀਲ਼ਾਦਿਕਾਰਣਸਹਿਤੋ ਵਾ ਰਸੋ ਸਿਙ੍ਗਾਰੋ ਨਾਮ. ਏਤ੍ਥ ਚ ਇਤ੍ਥਿਪੁਰਿਸਾਨਂ ਦਸ੍ਸਨਸਵਨਫੁਸਨਵਸੇਨ ਵਾ ਵਿਪ੍ਪਯੋਗਵਸੇਨ ਵਾ ਯਾ ਪਿਹਾ ਸਞ੍ਜਾਤਾ, ਸੋ ਰਸੋ ਨਾਮ. ਯਂ ਪਨ ਤਂ ਕਾਰਣਂ ਕਤ੍ਵਾ ਪਵਤ੍ਤਂ ਗੀਤਂ, ਤਮੇਵ ਲੋਕਾਨਂ ਅਸ੍ਸਾਦਜਨਕਤ੍ਤਾ ਰਸੋ ਨਾਮ. ਫਲੂਪਚਾਰਵਸੇਨ ਪਨ ਪਿਹਾ ਰਸੋਤਿ ਵੁਤ੍ਤਾ, ਸਬ੍ਬਤ੍ਰੇਵਂ.

੧੦੪. ਉਤ੍ਤਮਾਨਂ ¶ ਇਤ੍ਥਿਪੁਰਿਸਾਨਂ ਪਕਤਿ ਸਂਯੋਗਵਿਯੋਗਸਭਾਵੋ ਸਾ ਏਤ੍ਥ ਸਿਙ੍ਗਾਰੇ ਪਾਯੋ ਬਹੁਲਨ੍ਤਿ ਉਤ੍ਤਮਪਕਤਿਪ੍ਪਾਯੋ, ਯੇਭੁਯ੍ਯੇਨ ਉਤ੍ਤਮਾਨਂ ਸਂਯੋਗਵਿਯੋਗਪ੍ਪਵਤ੍ਤਂ ਗੀਤਮੇਵ ਸਿਙ੍ਗਾਰੋ ਨਾਮਾਤ੍ਯਤ੍ਥੋ. ਇਤ੍ਥਿਪੁਰਿਸਾਨਂ ਪਿਹਾ ਹੇਤੁ ਏਤਸ੍ਸਾਤਿ ਇਤ੍ਥਿਪੁਰਿਸਹੇਤੁਕੋ. ਸੋ ਸਿਙ੍ਗਾਰੋ ਸਮ੍ਭੋਗੋ, ਵਿਯੋਗੋਤਿ ਇਮਿਨਾ ਪਭੇਦੇਨ ਦੁਵਿਧੋ ਮਤੋ. ਤਤ੍ਰ ਚ –

ਵਾਪਿਵਨਗੇਹੁਯ੍ਯਾਨ-ਮਾਲਾਚਨ੍ਦਨਾਦਯੋ;

ਸਮ੍ਭੋਗਸ੍ਸ ਵਿਭਾਵਾ ਤੇ, ਯੇ ਚਞ੍ਞੇ ਲਲਿਤਙ੍ਕਰਾ.

ਵਿਯੋਗਸ੍ਸ ਤੁ ਪਿਯਾਦਸ੍ਸਨਂ ਵਿਭਾਵੋ, ਰਸਜਨਕੋ ਚ ਵਿਭਾਵੋ. ਵੁਤ੍ਤਞ੍ਚ –

ਸਹ ਭੁਞ੍ਜਨਮਨੁਭਵਨਂ ਸਮ੍ਭੋਗੋ. ਵਿਯੁਜ੍ਜਨਂ ਨਾਨਾਭਵਨਂ ਵਿਯੋਗੋ. ਸਿਙ੍ਗਂ ਨਾਮਧਾਤੁ, ਵਿਜ੍ਝਨਟ੍ਠੇਨ ਸਿਙ੍ਗਂ, ਨਾਗਰਿਕਭਾਵਸਙ੍ਖਾਤਸ੍ਸ ਕਿਲੇਸਸਿਙ੍ਗਸ੍ਸੇਤਂ ਨਾਮਂ, ਤਂ ਕਰੋਤਿ, ਸਿਙ੍ਗਂ ਵਾ ਪਭੁਤ੍ਤਂ, ਤਂ ਕਰੋਤਿ ਰਾਗੀਸੂਤਿ ਸਿਙ੍ਗਾਰੋ, ਆਰੋ, ਕਿਲੇਸਸਿਙ੍ਗਕਰਣਂ ਵਿਲਾਸੋਤਿ ਵੁਤ੍ਤਂ. ਸੁਚਿ, ਉਜ੍ਜਲੋਤਿਪਿ ਸਿਙ੍ਗਾਰਸ੍ਸ ਨਾਮਾਨਿ.

ਇਟ੍ਠਨਾਸਙ੍ਗਨਾਸਾਯ [ਇਟ੍ਠਨਾਸਧਨਾਪਾਯ (ਚਿਨ੍ਤਾਮਣਿਟੀਕਾ)],

ਉਸ੍ਸਾਹਵਦ੍ਧਨੋ ਵੀਰੋ. ਵਿਭਾਵਾ ਤਸ੍ਸ ਵਿਨਯੁਪਤਾਪਬਲਵਿਕ੍ਕਮਾ. ਸ ਚਾਯਂ ਦਾਨਵੀਰੋ ਧਮ੍ਮਵੀਰੋ ਯੁਦ੍ਧਵੀਰੋਤਿ ਤਿਵਿਧੋ.

ਪਾਸਾਦੁਯ੍ਯਾਨਸੇਲਾਦਿ-ਗਮਨਾ ਦਿਬ੍ਬਦਸ੍ਸਨਾ;

ਸਭਾਵਿਮਾਨਮਾਯੇਨ੍ਦ-ਜਾਲਸਿਪ੍ਪਾਦਿਦਸ੍ਸਨਾ [ਜਾਲਵਿਜ੍ਜਾਦਿਦਸ੍ਸਨਾ (ਕ.)];

ਹਦਯੇਚ੍ਛਿਤਲਾਭੇਹਿ, ਵਿਭਾਵੇਹਿਸ੍ਸ ਸਮ੍ਭਵੋ.

ਸਾਬਹਿਤ੍ਥਾ ਸਵਿਕਤਾ, ਨੇਪਥ੍ਯਾ ਬ੍ਯਙ੍ਗਦਸ੍ਸਨਾ;

ਅਸਮ੍ਬਨ੍ਧਕਥਾਲਾਪਾ, ਹਾਸੋ ਸੋ ਕੁਹਕਾਦਿਭਿ.

ਉਚ੍ਚਭੇਰਵਸਂਰਾਵ-ਯਕ੍ਖਪੇਤਾਦਿਦਸ੍ਸਨਾ;

ਸੁਞ੍ਞਾਗਾਰਮਹਾਰਞ੍ਞ-ਵਧਬਨ੍ਧਨਦਸ੍ਸਨਾ.

ਤਾਸਾਯਾਸਙ੍ਕਤੋਬ੍ਬੇਗੋ, ਸਿਵੋਲੂਕਰੁਣਾਦਿਭਿ;

ਵਿਭਾਵੇਹਿ ਚ ਇਤ੍ਥੀਨਂ, ਨੀਚਾਨਞ੍ਚ ਭਯਾਨਕੋ.

ਦਸ੍ਸਨਾ ਸਨ੍ਤਵੇਸਾਨਂ, ਸਨ੍ਤਚਿਤ੍ਤਾਨ ਤਾਦਿਨਂ;

ਸਨ੍ਤਕਾਰਣਧਮ੍ਮਾਨਂ, ਸਨ੍ਤੋ ਨਾਮ ਰਸੋ ਭਵੇ.

ਪੂਤਿਮਂਸਾਦਿਕਾਨਂ ਤੁ, ਦਸ੍ਸਨਸੁਤਿਕਿਤ੍ਤਨਾ;

ਵਿਗਤੇਹਿ ਵਿਭਾਵੇਹਿ, ਬੀਭਚ੍ਚੋ ਜਾਯਤੇ ਰਸੋ.

ਤਞ੍ਚ ਸਙ੍ਗਾਮਹੇਤੁਕਂ, ਉਗ੍ਗਕਮ੍ਮਉਪਘਾਤ-;

ਮੁਸਾਵਾਦਾਦਿਫਰੁਸਾ, ਵਚਨਾਦੀਹਿ ਭਵਤਿ.

ਏਤੇਸੁ ਚ ਬੀਭਚ੍ਛਰੁਦ੍ਦਾਨਿ ਨਪੁਂਸਕੇ, ਅਞ੍ਞੇ ਤੁ ਪੁਮੇ ਰੂਪਭੇਦਾ. ਏਤੇ ਚ ਨਵ ਨਾਟ੍ਯਰਸਾ ਰਤਨਕੋਸਨਯੇਨ ਵੁਤ੍ਤਾ. ਵੁਤ੍ਤਞ੍ਹਿ ਤਤ੍ਥ –

‘‘ਸਿਙ੍ਗਾਰਵੀਰ ਬੀਭਚ੍ਛ-ਰੁਦ੍ਦ ਹਾਸ ਭਯਾਨਕਾ;

ਕਰੁਣਾ’ਬ੍ਭੁਤ ਸਨ੍ਤਾਚ, ਨਵ ਨਾਟ੍ਯਰਸਾ ਇਮੇ’’ਤਿ.

‘‘ਸਿਙ੍ਗਾਰਵੀਰ ਕਰੁਣਾ-ਬ੍ਭੁਤ ਹਾਸ ਭਯਾਨਕਾ;

ਬੀਭਚ੍ਛ ਰੁਦ੍ਦਾਤਿ ਰਸਾ’’ਤਿ [ਅਮਰ ੭.੧੭].

ਅਟ੍ਠੇਵ ਰਸਾ ਵੁਤ੍ਤਾ. ਅਥੇਹ ਨਵਮੋ ਸਨ੍ਤੋ ਰਸੋ ਕਸ੍ਮਾ ਨ ਵੁਤ੍ਤੋਤਿ? ਵੁਚ੍ਚਤੇ –

ਠਾਯੀ ਏਵ ਤੁ ਰਸੀਭਵਤਿਪ੍ਯਾਗਮੋ, ਤਸ੍ਮਾ ਪਕਤਿਯਾ ਅਟ੍ਠਸਙ੍ਖ੍ਯਤ੍ਤਾ ਅਟ੍ਠੇਵ ਤੁ ਤੇ ਵੁਤ੍ਤਾਤਿ ਨ ਵੁਤ੍ਤੋ. ਸਨ੍ਤਰਸੋ ਚਾਯਂ ਧਮ੍ਮਸਿਙ੍ਗਾਰਤ੍ਤਾ ਸਿਙ੍ਗਾਰਰਸੇ ਏਵਾਨੁਪਵਿਟ੍ਠੋ. ਧਮ੍ਮਯੁਦ੍ਧਕਾਮਤ੍ਤੇਨ ਤਿਵਿਧੋ ਹਿ ਸਿਙ੍ਗਾਰੋ. ਕੇਚਿ ਪਨ ਪਿਯਸਮਾਗਮਾਦਿਵਿਭਾਵਜਪਰਮਂ ਵਸ੍ਸਲ੍ਯਾਖ੍ਯਂ ਰਸਮਾਹੁ.

‘‘ਸਿਙ੍ਗਾਰ ਵੀਰ ਬੀਭਚ੍ਛ-ਰੁਦ੍ਦ ਹਾਸ ਭਯਾਨਕਾ;

ਕਰੁਣਾ’ਬ੍ਭੁਤਸਨ੍ਤਾ ਚ, ਵਸ੍ਸਲ੍ਯਞ੍ਚ ਰਸਾ ਦਸੇ’’ਤਿ.

ਬੀਭਚ੍ਛਨ੍ਤਿ ਵਧ ਬਨ੍ਧਨੇ, ਛੋ, ਅਬ੍ਭਾਸਿਕਾਰਸ੍ਸ ਦੀਘੋ. ਵਸ੍ਸ ਭੋ, ਧਸ੍ਸ ਚੋ ਬੀਭਚ੍ਛੋ. ਰੁਦ੍ਦੋ ਦੇਵਤਾ ਅਸ੍ਸੇਤਿ ਰੁਦ੍ਦਂ. ਵੁਤ੍ਤਞ੍ਚ –

‘‘ਸਿਙ੍ਗਾਰੋ ਹਰਿਦੇਵੋਹਿ, ਹਾਸੋ ਪਮਥਦੇਵਤੋ;

ਕਰੁਣੋ ਯਮਦੇਵੋ ਤੁ, ਰੁਦ੍ਦੋ ਰੁਦ੍ਦਾਧਿਦੇਵਤੋ’’ਤਿ [ਸਦ੍ਦਕਪ੍ਪਦ੍ਦੁਮੇ ਰੋਦ੍ਰਪਦੇਪਿ].

ਏਤ੍ਥ ਚ ਕਾਮਕੋਧਹਾਸਾਦਿਕਤੋ ਚਿਤ੍ਤਵਿਕਾਰੋ ਭਾਵੋ ‘‘ਭਾਵਯਤਿ ਪਕਾਸਯਤਿ ਕਵਿਨੋ ਅਧਿਪ੍ਪਾਯ’’ਨ੍ਤਿ ਕਤ੍ਵਾ. ਸੋ ਚ ਠਾਯੀ ਬ੍ਯਭਿਚਾਰੀ ਸਾਤ੍ਤਿਕੋ ਚੇਤਿ ਤਿਵਿਧੋ. ਤਤ੍ਰ –

ਬ੍ਯਭਿਚਾਰੀ ਤੁ ਤੇਤ੍ਤਿਂਸਪ੍ਪਭੇਦਾ. ਯਥਾ –

ਥਿਰਤ੍ਤਾ ਏਕਨ੍ਤਿਕਤ੍ਤਾ ਠਾਯੀ. ਬ੍ਯਭਿਚਾਰੀ ਅਨੇਕਨ੍ਤਿਕਤ੍ਤਾ. ਯਥਾ ਨਾਟਿਕਾਯ ਸਿਙ੍ਗਾਰੋ ਠਾਯੀ, ਤਦੁਪਕਾਰਾ ਹਾਸਾਦਯੋ ਬ੍ਯਭਿਚਾਰਿਨੋ, ਮੋਹਰਾਗਦੋਸਾ ਏਵ ਸਙ੍ਖ੍ਯਭਾਸਾਯ ਸਤ੍ਤਰਜੋਤਮਾਨੀਤ੍ਯੁਚ੍ਚਨ੍ਤੇ. ਤਤ੍ਰ ਸਤ੍ਤੇਨ ਆਸਯੇਨ ਨਿਬ੍ਬਤ੍ਤੋ ਸਾਤ੍ਤਿਕੋ. ਭਾਵਸ੍ਸ ਬੋਧਕੋ ਅਭਿਨਯੋ ਅਨੁਭਾਵੋ ‘‘ਅਨੁ ਪਚ੍ਛਾ ਭਾਵਯਤਿ ਪਕਾਸਯਤੀ’’ਤਿ ਕਤ੍ਵਾ.

ਤਤ੍ਰ ਸਮ੍ਭੋਗਸਭਾਵੋ ਯੋ ਰਤ੍ਯਾਖ੍ਯੋ ਭਾਵੋ, ਤਸ੍ਸ ਲੋਚਨਚਾਤੁਰਿਯਭਮੁਕ੍ਖੇਪਮਿਹਿਤਵਿਬ੍ਭਮਚਿਤ੍ਤਙ੍ਗਹਾਰਿਵਾਕ੍ਯਾਦਿ ਅਨੁਭਾਵੋ. ਵੁਤ੍ਤਞ੍ਚ –

‘‘ਤਸ੍ਸ ਲੋਚਨਚਾਤੁਰ-ਭਮੁਕ੍ਖੇਪਸਿਤਵਿਬ੍ਭਮੋ;

ਚਿਤ੍ਤਙ੍ਗਹਾਰਿਵਾਕ੍ਯਾਦਿ, ਅਨੁਭਾਵੋ ਪਕਿਤ੍ਤਿਤੋ’’ਤਿ.

ਹਾਸਸ੍ਸ ਤੁ ਵਿਕਾਰਕਾਲਾਦਿ ਅਨੁਭਾਵੋ, ਯੋ ਤੁ ਕਰੁਣੋ.

ਕਰਚਰਣਵਦਨਵੇਪਥੁਗਤ੍ਤਥਮ੍ਭਹਦਯਕਮ੍ਪਨਸੁਕ੍ਖੋਟ੍ਠਤਾਲੁਕਣ੍ਠੇਹਿ ਭਯਾਨਕੋ ਨਿਚ੍ਚਮਭਿਨਯੋ.

ਰੁਦ੍ਦਸ੍ਸ ਤੁ ਭੂਕੁਟ੍ਯਾਦਿ ਅਨੁਭਾਵੋ.

ਸਾਤ੍ਤਿਕਾਨਂ ਤ੍ਵਟ੍ਠਨ੍ਨਂ ਥਮ੍ਭਸੇਦਰੋਮਞ੍ਚਸਰਭੇਦਵੇਪਥੁਵੇਵਣ੍ਣਮਸ੍ਸੁਪਲਯਾਨਂ ਯਥਾਕ੍ਕਮਂ ਨਿਕ੍ਰਿਯਤਾ, ਵਾਤ, ਚ੍ਚਾਸੀਤ, ਦੋਭਗ੍ਗਲ਼ਾ’ਪਾਙ੍ਗਪੂਰਣ, ਮੁਖਚ੍ਛਾਯਾਵਿਪਲ੍ਲਾਸ, ਲੋਚਨਮਜ੍ਜਨ, ਮਹਿਪਾਤਾਦਯੋ ਅਭਿਨਯਾ.

ਏਵਂ ਬ੍ਯਭਿਚਾਰੀਨਮ੍ਪਿ ਨਿਬ੍ਬੇਦ, ਗਿਲਾਨਿ, ਸਙ੍ਕਿ’ਸ੍ਸਾ, ਮਦ, ਸਮਾ’ਲਸ੍ਯਾਦੀਨਂ ਯਥਾਕ੍ਕਮਂ ਸਾਸ, ਸਨ੍ਤਾਪ, ਦਿਸਾਵਲੋਕਨ, ਗੁਣਮਚ੍ਛੇਰ, ਭੀਤ, ਙ੍ਗਮਦ੍ਦਨ, ਸਮਾਦਯੋ ਅਭਿਨਯਾਤਿ.

ਬ੍ਯਭਿਚਾਰੀਸੁ ਸਙ੍ਕਾ ਨਾਮ ਆਸਙ੍ਕਚਿਤ੍ਤਤਾ. ਗਿਲਾਨਿ ਗੇਲਞ੍ਞਤਾ. ਨਿਬ੍ਬੇਦੋ ਅਤ੍ਤਾਵਮਾਨਨਂ. ਮਦੋ ਪਮਾਦੁਕ੍ਕਂਸੋ. ਸਮੋ ਖੇਦੋ. ਦੀਨਤਾ ਚੇਤਸੋ ਦੁਕ੍ਖਤਾ. ਧਿਤਿ ਸਨ੍ਤੋਸੋ. ਹਰਿਸੋ ਚੇਤੋਪਸਾਦੋ. ਪੀਲ਼ਾ ਰੁਦ੍ਦਾਚਾਰਾਦੀਹਿ ਮੁਖਵਿਕਾਰੋ. ਆਵੇਗੋ ਸਮ੍ਭਮੋ. ਜਲ਼ਤਾ ਅਪ੍ਪਟਿਪਤ੍ਤਿ, ਉਗ੍ਗਤਾ ਦਾਰੁਣਤ੍ਤਂ. ਸੁਤ੍ਤਂ ਸੁਪਨਂ. ਤਾਸੋ ਚਿਤ੍ਤਕ੍ਖੋਭੋ. ਉਸ੍ਸਾਹੋ ਉਸ੍ਸੁਕ੍ਕਂ. ਵਿਸਾਦੋ ਖੇਦੋ. ਅਬਹਿਤ੍ਥਾ ਆਕਾਰਗੁਤ੍ਤਤਾ. ਅਮਰਿਸੋ ਅਕ੍ਖਮਤਾ. ਵਿਬੋਧੋ ਵਿਨਿਦ੍ਦਤਾ. ਸੇਸਾ ਪਪਞ੍ਚਭਯਾ ਨ ਵਿਤ੍ਥਾਰਿਤਾਤਿ. ਰਸਵਣ੍ਣਨਾ.

੧੦੫. ਸਿਲੋਕੇਨ ਵਚਸੋ ਨਾਮਾਨਿ. ਭਾਸਿਤਬ੍ਬਨ੍ਤਿ ਭਾਸਿਤਂ. ਲਪ ਵਚਨੇ, ਲਪਿਤਂ. ਭਾਸੀਯਤੇਤਿ ਭਾਸਾ. ਵੋਹਰੀਯਤੇਤਿ ¶ ਵੋਹਾਰੋ, ਹਰ ਹਰਣੇ ਵਿਪੁਬ੍ਬੋ, ‘‘ਵੋਹਾਰ ਵਚਨੇ’’ਤਿ ਵਾ ਧਾਤੁ. ਵੁਚ੍ਚਤੇਤਿ ਵਚਨਂ. ਵਚੋਪਿ, ਮਨੋਗਣੋਯਂ. ਉਚ੍ਚਤੇਤਿ ਉਤ੍ਤਿ,ਤਿ. ਵੁਚ੍ਚਤੇਤਿ ਵਾਚਾ, ਅ. ਗਿਣਨ੍ਤਿ ਸਦ੍ਦਾਯਨ੍ਤਿ ਤਨ੍ਤਿ ਗਿਰਾ, ਗੇ ਸਦ੍ਦੇ, ਇਰੋ, ਗਾਯਿਤਬ੍ਬਾਤਿ ਵਾ ਗਿਰਾ. ਵਾਯਤੇ ਸਦ੍ਦਾਯਤੇਤਿ ਵਾਣੀ, ਯੁ, ਈ ਚ, ਪਰੇਸਂ ਮਮ੍ਮਵਿਜ੍ਝਨਟ੍ਠੇਨ ਵਾਣੋ ਵਿਯਾਤਿ ਵਾ ਵਾਣੀ, ਈ. ਭਰਤੋ ਨਾਮ ਸਤ੍ਥਕਾਰੋ ਇਸਿ, ਤਸ੍ਸੇਸਾ ਭਾਰਤੀ. ਕਥੀਯਤੇਤਿ ਕਥਿਤਾ. ਵੁਚ੍ਚਤੇਤਿ ਵਚੀ, ਈ. ਬ੍ਰਹ੍ਮੀ, ਸਰੋਵਤੀਤਿਪਿ ਵਚਸੋ ਨਾਮਾਨਿ.

੧੦੬. ਏਕਮੇਵਾਖ੍ਯਾਤਪਦਂ ਯਤ੍ਥ ਏਕਾਖ੍ਯਾਤੋ ਸਵਿਸੇਸਨੇਨ ਕਾਰਕਪਦੇਨ ਸਹਿਤਤ੍ਤਾ ਸਕਾਰਕੋ ਪਦਚਯੋ ਸਮ੍ਬਨ੍ਧਤ੍ਥੋ ਪਦਸਮੁਦਾਯੋ ਵਾਕ੍ਯਂ ਨਾਮ ਸਿਯਾ, ਯਥਾ – ਵੇਸ੍ਸਨ੍ਤਰੋ ਰਾਜਾ ਸੁਖਵਿਪਾਕਂ ਕਮ੍ਮਂ ਕਰੋਤਿ, ਪੁਰਿਸੋ ਗਚ੍ਛਤਿ. ਆਖ੍ਯਾਤਗ੍ਗਹਣਞ੍ਚੇਤ੍ਥ ਕ੍ਰਿਯਾਸਦ੍ਦੋਪਲਕ੍ਖਣਂ, ਤੇਨ ਦੇਵਦਤ੍ਤੋ ਕਟਂ ਕਤਵਾ ਇਚ੍ਚਾਦੀਨਿਪਿ ਵਾਕ੍ਯਂ ਨਾਮ ਸਿਯਾ. ਅਮਰਕੋਸੇ ਪਨ – ‘‘ਤਿਸ੍ਯਾਦ੍ਯਨ੍ਤਚਯੋ ਵਾਕ੍ਯਂ, ਕ੍ਰਿਯਾ ਵਾ ਕਾਰਕਾਨ੍ਵਿਤਾ’’ਤਿ [ਅਮਰ ੬.੨] ਦ੍ਵੀਹਿ ਲਕ੍ਖਣੇਹਿ ਵਾਕ੍ਯਮਾਹ. ਤਸ੍ਸਤ੍ਥੋ – ਤਿਸ੍ਯਾਦ੍ਯਨ੍ਤਚਯੋ ਤ੍ਯਾਦਿਸ੍ਯਾਦ੍ਯਨ੍ਤਪਦਾਨਂ ਚਯੋ ਸਮੂਹੋ ਸਮ੍ਬਨ੍ਧਤ੍ਥੋ ਵਾਕ੍ਯਂ, ਤਂ ਯਥਾ – ਉਚ੍ਚਂ ਪਠਤਿ, ਓਦਨਂ ਪਚਤਿ. ਤਥਾ ਚ ਭਾਵਾਖ੍ਯਂ ਆਖ੍ਯਾਤਂ ਸਾਬ੍ਯਯਕਾਰਕਵਿਸੇਸਨਂ ਵਾਕ੍ਯਂ, ਆਖ੍ਯਾਤਂ ਤ੍ਯਾਦ੍ਯਨ੍ਤਂ ਸਾਬ੍ਯਯਂ ਵਾ ਸਕਾਰਕਂ ਵਾ ਸਵਿਸੇਸਨਂ ਵਾ ਵਾਕ੍ਯਮੁਚ੍ਚਤੇ. ਤ੍ਯਾਦਿਗ੍ਗਹਣਂ ਕ੍ਰਿਯਾਸਦ੍ਦੋਪਲਕ੍ਖਣਂ, ਤੇਨ ਦੇਵਦਤ੍ਤੋ ¶ ਕਟਂ ਕਤਵਾ ਇਚ੍ਚਾਦੀਨਿਪਿ ਵਾਕ੍ਯਂ. ਉਪਲਕ੍ਖਣਨਿਰਪੇਕ੍ਖਂ ਅਪਰਂ ਵਾਕ੍ਯਲਕ੍ਖਣਮਾਹ ‘‘ਕ੍ਰਿਯਾ ਵਾ ਕਾਰਕਾਨ੍ਵਿਤਾ’’ਤਿ. ਕ੍ਰਿਯਾਪਦਂ ਵਾ ਕਾਰਕਸਮ੍ਬਨ੍ਧਂ ਵਾਕ੍ਯਂ, ਯਥਾ – ਰਾਜਾ ਗਚ੍ਛਤਿ, ਰਾਜਾ ਗਤੋ. ਇਮਸ੍ਮਿਂ ਪਕ੍ਖੇ ਸਾਬ੍ਯਯਸ੍ਸਪਿ ਅਨਬ੍ਯਯਸ੍ਸਪਿ ਸਬ੍ਬਸ੍ਸ ਕ੍ਰਿਯਾਕਾਰਕਪਦਸਮੂਹਸ੍ਸ ਵਾਕ੍ਯਤ੍ਤਮਾਹ.

ਭਯਾਦੀਹਿ ਯਂ ਦ੍ਵਿਕ੍ਖਤ੍ਤੁਂ ਵਾ ਤਿਕ੍ਖਤ੍ਤੁਂ ਵਾ ਉਦੀਰਣਂ ਕਥਨਂ ‘‘ਸਪ੍ਪੋ ਸਪ੍ਪੋ, ਵਿਜ੍ਝ ਵਿਜ੍ਝਾ’’ਤ੍ਯਾਦਿਕਂ, ਤਂ ਆਮੇਡਿਤਂ ਞੇਯ੍ਯਂ. ਮੇਡਿ ਉਮ੍ਮਾਦਨੇ, ਆਪੁਬ੍ਬੋ ਦ੍ਵਤ੍ਤਿਕ੍ਖਤ੍ਤੁਮੁਚ੍ਚਾਰਣੇ ਵਤ੍ਤਤਿ. ਯਥਾ ‘‘ਏਤਦੇਵ ਯਦਾ ਵਾਕ੍ਯਂ, ਆਮੇਡਯਤਿ ਵਾਸਵੋ’’ [‘‘ਹਰਿਵਂਸੇ’’ਤਿ ਚਿਨ੍ਤਾਮਣਿਟੀਕਾਯਂ ਵੁਤ੍ਤਂ]. ‘‘ਦੇਵਦਤ੍ਤੇਨਾਮੇਡੋ ਕਤੋ’’ ਇਚ੍ਚਤ੍ਰਾਪ੍ਯਯਮੇਵਤ੍ਥੋ, ਸੋਕਾਦਿਨਾ ਹਿ ‘‘ਭਾਤਾ ਭਾਤਾ’’ਇਤ੍ਯੁਚ੍ਚਾਰੀਯਤੇ, ਭਾਵੇ ਕਮ੍ਮਨਿ ਚ ਤੋ. ਕਮ੍ਮਞ੍ਚ ਪਦਂ ਵਾਕ੍ਯਮ੍ਹਾ.

੧੦੭. ਆਮੇਡਿਤਸ੍ਸ ਵਿਸਯਂ ਦਸ੍ਸੇਤੁਮਾਹ ‘‘ਭਯੇ’’ਚ੍ਚਾਦਿ. ‘‘ਸਪ੍ਪੋ ਸਪ੍ਪੋ, ਚੋਰੋ ਚੋਰੋ’’ਤ੍ਯਾਦੀਸੁ ਭਯੇ. ‘‘ਵਿਜ੍ਝ ਵਿਜ੍ਝ, ਪਹਰ ਪਹਰਾ’’ਤ੍ਯਾਦੀਸੁ ਕੋਧੇ. ‘‘ਸਾਧੁ ਸਾਧੂ’’ਤ੍ਯਾਦੀਸੁ ਪਸਂਸਾਯਂ. ‘‘ਗਚ੍ਛ ਗਚ੍ਛ, ਲੁਨਾਹਿ ਲੁਨਾਹੀ’’ਤ੍ਯਾਦੀਸੁ ਤੁਰਿਤੇ. ‘‘ਆਗਚ੍ਛ ਆਗਚ੍ਛਾ’’ਤ੍ਯਾਦੀਸੁ ਕੋਤੂਹਲੇ. ‘‘ਬੁਦ੍ਧੋ ਬੁਦ੍ਧੋਤਿ ਚਿਨ੍ਤਯਨ੍ਤੋ’’ਤ੍ਯਾਦੀਸੁ ਅਚ੍ਛਰੇ. ‘‘ਅਭਿਕ੍ਕਮਥਾਯਸ੍ਮਨ੍ਤੋ ਅਭਿਕ੍ਕਮਥਾਯਸ੍ਮਨ੍ਤੋ’’ਤ੍ਯਾਦੀਸੁ ਹਾਸੇ. ‘‘ਕਹਂ ਏਕਪੁਤ੍ਤਕ, ਕਹਂ ਏਕਪੁਤ੍ਤਕਾ’’ਤ੍ਯਾਦੀਸੁ ਸੋਕੇ. ‘‘ਅਹੋ ਸੁਖਂ ਅਹੋ ਸੁਖ’’ਨ੍ਤ੍ਯਾਦੀਸੁ ਪਸਾਦੇ. ਚਸਦ੍ਦੋ ਅਵੁਤ੍ਤਸਮੁਚ੍ਚਯਤ੍ਥੋ, ਤੇਨ ਗਰਹਾ’ਸਮ੍ਮਾਨਾਦੀਨਂ ਸਙ੍ਗਹੋ ¶ ਦਟ੍ਠਬ੍ਬੋ. ਤਤ੍ਥ ‘‘ਪਾਪੋ ਪਾਪੋ’’ਤ੍ਯਾਦੀਸੁ ਗਰਹਾਯਂ. ‘‘ਅਭਿਰੂਪਕ, ਅਭਿਰੂਪਕਾ’’ਤ੍ਯਾਦੀਸੁ ਅਸਮ੍ਮਾਨੇ. ਏਵਮੇਤੇਸੁ ਨਵਸੁ, ਅਞ੍ਞੇਸੁ ਚ ਆਮੇਡਿਤਵਚਨਂ ਬੁਧੋ ਪਣ੍ਡਿਤੋ ਕਰੇ ਕਰੇਯ੍ਯ ਯੋਜੇਯ੍ਯ ਆਮੇਡਨਂ ਪੁਨਪ੍ਪੁਨੁਚ੍ਚਾਰਣਂ ਆਮੇਡਿਯਤਿ ਵਾ ਪੁਨਪ੍ਪੁਨੁਚ੍ਚਾਰੀਯਤੀਤਿ ਆਮੇਡਿਤਨ੍ਤਿ ਕਤ੍ਵਾ.

੧੦੮. ਇਰੁ, ਯਜੁ, ਸਾਮਨ੍ਤਿ ਤਯੋ ਵੇਦਾ ਸਿਯੁਂ, ਤਤ੍ਰ ਇਰੁਸਦ੍ਦੋ ਨਾਰੀ ਇਤ੍ਥਿਲਿਙ੍ਗੋ. ਇਚ ਥੁਤਿਯਂ, ਇਚ੍ਚਨ੍ਤੇ ਦੇਵਾ ਏਤਾਯਾਤਿ ਇਰੁ, ਉ, ਚਸ੍ਸ ਰੋ. ਯਜਨ੍ਤੇ ਅਨੇਨੇਤਿ ਯਜੁ, ਉ. ਸੋ ਅਨ੍ਤਕਮ੍ਮਨਿ, ਕਰਣੇ ਮੋ, ਸੋਯਨ੍ਤਿ ਪਾਪਮਨੇਨੇਤਿ ਸਾਮਂ, ਓਸ੍ਸਾ, ‘‘ਸਾ ਤਨੁਕਰਣਾਵਸਾਨੇਸੂ’’ਤਿ ਵਾ ਧਾਤ੍ਵਤ੍ਥੋ. ਵਿਦਨ੍ਤਿ ਧਮ੍ਮਮੇਤੇਹੀਤਿ ਵੇਦਾ.

ਏਤੇ ਏਵ ਤਯੋ ਵੇਦਾ ਤਯੀ ਨਾਮ, ਤਯੋ ਅਵਯਵਾ ਅਸ੍ਸਾਤਿ ਤਯੀ. ਅਯਂ ਤਯੀਸਦ੍ਦੋ ਨਾਰੀ ਇਤ੍ਥਿਲਿਙ੍ਗੋ. ਤਿਕਂ ਵੇਦੇ. ਮੁਨਾਤਿ ਜਾਨਾਤਿ ਧਮ੍ਮਂ ਅਨੇਨਾਤਿ ਮਨ੍ਤੋ, ਤੋ, ਉਸ੍ਸ ਅ. ਸੁਯ੍ਯਤੇ ਧਮ੍ਮਂ ਏਤਾਯਾਤਿ ਸੁਤਿ. ਇਤ੍ਥਿਯਂ ਸੁਤਿਸਦ੍ਦੋ.

੧੦੯. ਵੇਦਸਤ੍ਥਕਾਰਕੇ ਦਸ ਇਸਯੋਦਸ੍ਸੇਤੁਮਾਹ ‘‘ਅਟ੍ਠਕੋ’’ਚ੍ਚਾਦਿ. ਅਤ੍ਥਂ ਹਿਤਂ, ਅਤ੍ਥੇ ਵਾ ਸਤ੍ਥੇ ਕਰੋਤੀਤਿ ਅਟ੍ਠਕੋ. ਵਾਮਂ ਕਲ੍ਯਾਣਵਚਨਂ ਕਰੋਤੀਤਿ ਵਾਮਕੋ, ਰਸ੍ਸਸਰੀਰਤ੍ਤਾ ¶ ਵਾ ਵਾਮਨੋ, ਸੋ ਏਵ ਵਾਮਕੋ, ਨਸ੍ਸ ਕਕਾਰਤ੍ਤਂ ਕਤ੍ਵਾ. ਵਾਮੋ ਨਾਮ ਹਰੋ, ਸੋ ਦੇਵੋ ਅਸ੍ਸ ਵਾਮਦੇਵੋ.

‘‘ਵਾਮਂ ਸਬ੍ਯੇ ਪਤੀਪੇ [ਪਤੀਪੇਤਿ ਪਟਿਕੂਲੇ] ਚ, ਦਵਿਣੇ [ਦਵਿਣੇਤਿ ਧਨੇ] ਚਾਤਿਸੁਨ੍ਦਰੇ;

ਪਯੋਧਰੇ ਹਰੇ ਕਾਮੇ, ਜਞ੍ਞਾ ਵਾਮ’ਮਪਿਤ੍ਥਿਯ’’ਨ੍ਤਿ.

ਅਙ੍ਗਿਰਸਸ੍ਸ ਇਸਿਨੋ ਅਪਚ੍ਚਂ ਅਙ੍ਗਿਰਸੋ, ਚਿਤ੍ਰਸਿਖਣ੍ਡਿਨੋ ਅਪਚ੍ਚਂ ਪੁਤ੍ਤੋ. ਅਥ ਵਾ ਅਙ੍ਗਿਮ੍ਹਿ ਕਾਯੇ ਰਸੋ ਸਿਦ੍ਧਿਪ੍ਪਤ੍ਤੋ ਪਾਰਦੋ ਯਸ੍ਸਾਤਿ ਅਙ੍ਗਿਰਸੋ. ਤੇਨੇਵ ਤਸ੍ਸ ਪੁਤ੍ਤਂ ਸੁਰਾਚਰਿਯਂ ‘‘ਜੀਵੋ’’ਤਿ ਵਦਤਿ. ਜੀਵਯਤਿ ਰਣੇ ਅਸੁਰਨਿਹਤੇ ਦੇਵੇਤਿ ਜੀਵੋ [ਅਮਰ ੩.੨੪ ਚਿਨ੍ਤਾਮਣਿਟੀਕਾ ਓਲੋਕੇਤਬ੍ਬਾ]. ਭਰਤੀਤਿ ਭਗੁ, ਭਂ ਵਾਨਕ੍ਖਤ੍ਤਂ ਗਚ੍ਛਤਿ ਜਾਨਾਤੀਤਿ ਭਗੁ, ਉ. ਯਮਂ ਸਂਯਮਂ ਦਦਾਤਿ ਪਰੇਸਨ੍ਤਿ ਯਮਦੋ ਚ ਸੋ ਦਕ੍ਖਿਣੇਯ੍ਯਗ੍ਗਿਤ੍ਤਾ ਅਗ੍ਗਿ ਚੇਤਿ ਯਮਦਗ੍ਗਿ, ਰਾਮਸ੍ਸ ਪਿਤਾ [ਪਰਸੁਰਾਮਸ੍ਸ ਪਿਤਾ (ਸਦ੍ਦਕਪ੍ਪਦ੍ਦੁਮੇ)]. ਵਸਿਟ੍ਠਸ੍ਸ ਅਪਚ੍ਚਂ ਵਾਸਿਟ੍ਠੋ. ਭਾਰਦ੍ਵਾਜਸ੍ਸ ਅਪਚ੍ਚਂ ਭਾਰਦ੍ਵਾਜੋ. ਕਸ੍ਸਪਸ੍ਸ ਅਪਚ੍ਚਂ ਕਸ੍ਸਪੋ. ਵੇਸ੍ਸਾਮਿਤ੍ਤਸ੍ਸ ਅਪਚ੍ਚਂ ਵੇਸ੍ਸਾਮਿਤ੍ਤੋ. ਇਤਿ ਇਮੇ ਦਸ ਇਸਯੋ ਮਨ੍ਤਾਨਂ ਵੇਦਾਨਂ ਕਤ੍ਤਾਰੋ ਕਾਰਕਾ.

੧੧੦. ਵੇਦੇ ਦਸ੍ਸੇਤ੍ਵਾ ਤਸ੍ਸ ਛਲ਼ਙ੍ਗਾਨਿ ਦਸ੍ਸੇਤੁਮਾਹ ‘‘ਕਪ੍ਪੋ’’ਚ੍ਚਾਦਿ. ਯਞ੍ਞਕਮ੍ਮਾਨਮੁਪਦੇਸਕੋ ਕਪ੍ਪੋ ‘‘ਕਪ੍ਪਤੇ ਪਭਵਤੀ’’ਤਿ ਕਤ੍ਵਾ. ਸਾਧੁਸਦ੍ਦਾਨਮਨ੍ਵਾਖ੍ਯਾਯਕਂ ਬ੍ਯਾਕਰਣਂ ਵਿਸੇਸੇਨ ਆਕਰੀਯਨ੍ਤੇ ਪਕਤਿਚ੍ਚਾਦਿਨਾ ਆਬ੍ਯਾਪਾਦ੍ਯਨ੍ਤੇ ਅਨੇਨ ¶ ਸਦ੍ਦਾਤਿ, ਯੁ. ਜੋਤਿਸਤ੍ਥਂ ਗਣਨਸਤ੍ਥਂ ਸੁਭਾਸੁਭਕਮ੍ਮਫਲਜੋਤਨਕਂ. ਸਿਕ੍ਖ੍ਯਨ੍ਤੇ ਅਬ੍ਭਸ੍ਯਨ੍ਤੇ [ਅਜ੍ਝਯਨ੍ਤੇ (ਕ.)] ਏਤਾਯਾਤਿ ਸਿਕ੍ਖਾ, ਅਕਾਰਾਦਿਵਣ੍ਣਾਨਂ ਠਾਨਕਰਣਪਯਤਨਾਨਂ ਪਟਿਪਾਦਿਕਾ. ਨਿਚ੍ਛਯੇਨ, ਨਿਸ੍ਸੇਸਤੋ ਵਾ ਉਤ੍ਤਿ ਨਿਰੁਤ੍ਤਿ, ਵਣ੍ਣਾਗਮੋ ਵਣ੍ਣਵਿਪਰਿਯਯੋਚ੍ਚਾਦਿਕਾ. ਛਨ੍ਦਸਿ ਅਨੁਟ੍ਠੁਭਾਦਿਵੁਤ੍ਤਾਨਂ ਪਟਿਪਾਦਿਕਾ ਛਨ੍ਦੋਵਿਚਿਤਿ, ਏਤਾਨਿ ਛ ਵੇਦਾਨਂ ਅਙ੍ਗਾਨੀਤਿ ਵਦਨ੍ਤਿ.

੧੧੧. ਪੁਰਾਵੁਤ੍ਤਨਿਬਨ੍ਧਨਪਾਯਤ੍ਤਾ ਪੁਰਾਵੁਤ੍ਤਂ, ਤਸ੍ਸ ਪਬਨ੍ਧੋ ਵਿਤ੍ਥਾਰੋ, ਸਨ੍ਤਾਨੋ ਵਾ ਭਾਰਤਾਦਿਕੋ ਭਾਰਤਯੁਦ੍ਧਕਥਾਦਿਕੋ ਬ੍ਯਾਸਾਦਿਪਕਤੋ ਗਨ੍ਥੋ ਇਤਿਹਾਸੋ ਨਾਮ, ਇਤਿਹਸਦ੍ਦੋ ਪਾਰਮ੍ਪਰਿਯੋਪਦੇਸੇ ਨਿਪਾਤੋ, ਇਤਿਹਾ’ਤ੍ਥਿ ਅਸ੍ਮਿਨ੍ਤਿ ਇਤਿਹਾਸੋ.

ਰੁਕ੍ਖਾਦੀਨਂ ਨਾਮਪਰਿਯਾਯੇਹਿ ਨਾਮਪ੍ਪਕਾਸਕਂ ਰਤਨਮਾਲਾਦਿਕਂ ਸਤ੍ਥਂ ਨਿਘਣ੍ਟੁ ਨਾਮ, ਸੋਤਿਮਿਨਾ ਨਿਘਣ੍ਟੁਸਦ੍ਦਸ੍ਸ ਪੁਲ੍ਲਿਙ੍ਗਤ੍ਤਂ ਦੀਪੇਤਿ, ਸਬ੍ਬਤ੍ਰੇਵਂ. ਤਤ੍ਥ ਤਤ੍ਥਾਗਤਾਨਿ ਨਾਮਾਨਿ ਨਿਸ੍ਸੇਸਤੋ ਘਟੇਨ੍ਤਿ ਰਾਸੀਕਰੋਨ੍ਤਿ ਏਤ੍ਥਾਤਿ ਨਿਘਣ੍ਟੁ, ਬਿਨ੍ਦਾਗਮੋ, ਵਚਨੀਯਵਾਚਕਭਾਵੇਨ ਅਤ੍ਥਂ ਸਦ੍ਦਞ੍ਚ ਨਿਖਣ੍ਡਤਿ ਭਿਨ੍ਦਤਿ ਵਿਭਜ੍ਜ ਦਸ੍ਸੇਤੀਤਿ ਵਾ ਨਿਖਣ੍ਟੁ, ਸੋ ਏਵ ਖਸ੍ਸ ਘਕਾਰਂ ਕਤ੍ਵਾ ਨਿਘਣ੍ਟੂਤਿ ਵੁਤ੍ਤੋ. ਰੁਕ੍ਖਾਦੀਨਂ ਨਾਮਪ੍ਪਕਾਸਕਨ੍ਤਿਮਿਨਾ ਏਕੇਕਸ੍ਸ ਅਤ੍ਥਸ੍ਸ ਅਨੇਕਪਰਿਯਾਯਨਾਮਪ੍ਪਕਾਸਕਤ੍ਤਂ ਵੁਤ੍ਤਂ, ਨਿਦਸ੍ਸਨਮਤ੍ਤਞ੍ਚੇਤਂ, ਅਨੇਕੇਸਂ ਅਤ੍ਥਾਨਂ ਏਕਸਦ੍ਦਵਚਨੀਯਤਾਪਕਾਸਕਵਸੇਨਪਿ ¶ ਤਸ੍ਸ ਗਨ੍ਥਸ੍ਸ ਪਵਤ੍ਤਤ੍ਤਾ [ਦੀ. ਨਿ. ਟੀ. ੧.੨੫੬; ਮ. ਨਿ. ਟੀ. ੧.੨੨; ਅ. ਨਿ. ਟੀ. ੨.੩.੫੯; ਸਾਰਤ੍ਥ. ਟੀ. ੧.ਤਤਿਯਸਙ੍ਗੀਤਿਕਥਾਵਣ੍ਣਨਾ].

੧੧੨. ਲੋਕੇ ਯਂ ਵਿਤਣ੍ਡਵਾਦੀਨਂ ਸਤ੍ਥਂ, ਤਂ ਲੋਕਾਯਤਨ੍ਤਿ ਵਿਞ੍ਞੇਯ੍ਯਂ. ਤਨੁ ਵਿਤ੍ਥਾਰੇ, ਅਞ੍ਞਮਞ੍ਞਵਿਰੁਦ੍ਧਂ, ਸਗ੍ਗਮੋਕ੍ਖਵਿਰੁਦ੍ਧਂ ਵਾ ਤਨੋਨ੍ਤਿ ਏਤ੍ਥਾਤਿ ਵਿਤਣ੍ਡੋ, ਡੋ, ਣਤ੍ਤਂ, ਵਿਰੁਦ੍ਧੇਨ ਵਾ ਵਾਦਦਣ੍ਡੇਨ ਤਾਲ਼ੇਨ੍ਤਿ ਏਤ੍ਥ ਵਾਦਿਨੋਤਿ ਵਿਤਣ੍ਡੋ, ਤਡਿ ਤਾਲ਼ਨੇ, ਅਦੇਸਮ੍ਪਿ ਹਿ ਯਂ ਨਿਸ੍ਸਾਯ ਵਾਦੀਨਂ ਵਾਦੋ ਪਵਤ੍ਤੋ, ਤਂ ਤੇਸਂ ਦੇਸਤੋਪਿ ਉਪਚਾਰਵਸੇਨ ਵੁਚ੍ਚਤਿ, ਯਥਾ ‘‘ਚਕ੍ਖੁਂ ਲੋਕੇ ਪਿਯਰੂਪਂ ਸਾਤਰੂਪਂ, ਏਤ੍ਥੇਸਾ ਤਣ੍ਹਾ ਪਹੀਯਮਾਨਾ ਪਹੀਯਤਿ, ਏਤ੍ਥ ਨਿਰੁਜ੍ਝਮਾਨਾ ਨਿਰੁਜ੍ਝਤੀ’’ਤਿ [ਦੀ. ਨਿ. ੨.੪੦੧; ਮ. ਨਿ. ੧.੧੩੪; ਵਿਭ. ੨੦੪]. ਲੋਕਾਤਿ ਬਾਲਲੋਕਾ, ਤੇ ਏਤ੍ਥ ਆਯਤਨ੍ਤਿ ਉਸ੍ਸਹਨ੍ਤਿ ਵਾਯਮਨ੍ਤਿ ਵਾਦਸ੍ਸਾਦੇਨਾਤਿ ਲੋਕਾਯਤਂ, ਆਯਤਿਂ ਹਿਤਂ ਤੇਨ ਲੋਕੋ ਨ ਯਤਤਿ ਨ ਈਹਤੀਤਿ ਵਾ ਲੋਕਾਯਤਂ, ਤਞ੍ਹਿ ਗਨ੍ਥਂ ਨਿਸ੍ਸਾਯ ਸਤ੍ਤਾ ਪੁਞ੍ਞਕ੍ਰਿਯਾਯ ਚਿਤ੍ਤਮ੍ਪਿ ਨ ਉਪ੍ਪਾਦੇਨ੍ਤਿ.

ਯੋ ਕਵੀਨਂ ਪਣ੍ਡਿਤਾਨਂ ਹਿਤੋ ਕਵਿਤ੍ਤਭੋਗਸਮ੍ਪਤ੍ਤਾਦਿਪਯੋਜਨਕਰੋ ਕ੍ਰਿਯਾਕਪ੍ਪਵਿਕਪ੍ਪੋ ਕਵੀਨਂ ਕ੍ਰਿਯਾਸਙ੍ਖਾਤਕਪ੍ਪਬਨ੍ਧਨਵਿਧਿਵਿਧਾਯਕੋ ਸੁਬੋਧਾਲਙ੍ਕਾਰਾਦਿਕੋ ਗਨ੍ਥੋ, ਸੋ ਕੇਟੁਭਂ ਨਾਮ, ਕਿਟਨ੍ਤਿ ਗਚ੍ਛਨ੍ਤਿ ਕੋਸਲ੍ਲਂ ਕਵਯੋ ਬਨ੍ਧਨੇਸੁ ਏਤੇਨਾਤਿ ਕੇਟੁਭਂ, ਕਿਟ ਗਤਿਯਂ, ਅਭੋ, ਅਸ੍ਸੁਕਾਰੋ, ਅਥ ਵਾ ਕਿਟਤਿ ਗਮੇਤਿ ਕ੍ਰਿਯਾਦਿਵਿਭਾਗਂ, ਤਂ ਵਾ ਅਨਵਸੇਸੇਨ ਪਰਿਯਾਦਾਨਤੋ ਗਮੇਨ੍ਤੋ ਪੂਰੇਤੀਤਿ ਕੇਟੁਭਂ, ਉਭ, ਉਮ੍ਭ ਪੂਰਣੇ.

ਵਚੀਭੇਦਾਦਿਲਕ੍ਖਣਾ ¶ ਕ੍ਰਿਯਾ ਕਪ੍ਪੀਯਤਿ ਵਿਕਪ੍ਪੀਯਤਿ ਏਤੇਨਾਤਿ ਕ੍ਰਿਯਾਕਪ੍ਪੋ. ਸੋ ਪਨ ਵਣ੍ਣਪਦਸਮ੍ਬਨ੍ਧਪਦਤ੍ਥਾਦਿਵਿਭਾਗਤੋ ਅਤਿਬਹੁ ਵਿਕਪ੍ਪੋਤਿ ਆਹ ‘‘ਕ੍ਰਿਯਾਕਪ੍ਪਵਿਕਪ੍ਪੋ’’ਤਿ, ਇਦਞ੍ਚ ਮੂਲਕ੍ਰਿਯਾਕਪ੍ਪਗਨ੍ਥਂ ਸਨ੍ਧਾਯ ਵੁਤ੍ਤਂ. ਸੋ ਹਿ ਮਹਾਵਿਸਯੋ ਸਤਸਹਸ੍ਸਪਰਿਮਾਣੋ ਨਯਚਰਿਤਾਦਿਪਕਰਣਂ [ਨਲਚਰਿਤਾਦਿਪਕਰਣਂ (?)].

੧੧੩. ਉਪਲਦ੍ਧੋ ਕੇਨਪ੍ਯਤ੍ਥੋ ਯਸ੍ਸਂ ਸਾ ਉਪਲਦ੍ਧਤ੍ਥਾ, ਇਤਿ ਆਖ੍ਯਾਯਿਕਾਤ੍ਯੁਚ੍ਚਤੇ ਆਖ੍ਯਾਯਤੇ ਨਾਯਕਾਨੁਸਾਸਕਚਰਿਤਮਸ੍ਸਨ੍ਤਿ, ਸਞ੍ਞਾਯਂ ਣ੍ਵੁ.

ਪਬਨ੍ਧੇਨੇਵ ਚ ਸਵਿਤ੍ਥਾਰੇਨ ਕਪ੍ਪਨਂ ਯਸ੍ਸਂ ਸਾ ਪਬਨ੍ਧਕਪ੍ਪਨਾ, ਕਾਦਮ੍ਬਰੀਪਭੁਤਿ. ਕਥੀਯਤੀਤਿ ਕਥਾ.

ਅਤ੍ਥਾ ਭੂਮਿਹਿਰਞ੍ਞਾਦਯੋ, ਤਤ੍ਰ ਪਧਾਨਂ ਭੂਮਿ ਇਤਰੇਸਂ ਤਪ੍ਪਭਵਤ੍ਤਾ, ਤੇਸਂ ਅਜ੍ਜਨੇ ਪਾਲਨੇ ਚ ਉਪਾਯਭੂਤਂ ਸਤ੍ਥਂ ਅਤ੍ਥਸਤ੍ਥਂ, ਪਯਾਨਕ੍ਯਾਦਿਪਣੀਤਂ [ਬਹਸ੍ਵਤਿਚਾਬ੍ਬੀਕ੍ਯਾਦਿਪ੍ਰਣੀਤਂ (ਚਿਨ੍ਤਾਮਣਿਟੀਕਾ ੬.੫)], ਤਸ੍ਮਿਂ ਦਣ੍ਡਨੀਤਿਸਦ੍ਦੋ ਪਵਤ੍ਤੋ. ਸਾਮਾਦੀਨਂ ਚਤੁਤ੍ਥੋਪਾਯੋ ਵਧਬਨ੍ਧਨਾਦਿਲਕ੍ਖਣੋ ਦਣ੍ਡੋ, ਤਸ੍ਸ ਨੀਤਿ ਪਣਯਨਂ ਦਣ੍ਡਨੀਤਿ, ਪਾਯੇਨ ਨੀਤਿਸ੍ਸ ਦਣ੍ਡੇਨ ਬ੍ਯਪ੍ਪਦੇਸੋ, ਵਧਦੋਸਬਾਹੁਲ੍ਯੇਨ ਪਾਯਸੋ ਦਣ੍ਡਸ੍ਸ ਪਣਯਨਤੋ, ਦਣ੍ਡਨੀਤ੍ਯਤ੍ਥਤ੍ਤਾ ਸਤ੍ਥਞ੍ਚ ਦਣ੍ਡਨੀਤਿ.

ਦ੍ਵਯਂ ਕਥਾਯਂ. ਵੁਤ੍ਤੋ ਅਨੁਵਤ੍ਤਨੀਯੋ ਅਨ੍ਤੋ ਪਰਿਸਮਤ੍ਤਿ ਯਸ੍ਸ ਅਤ੍ਤਨੋ ਕਾਰਿਯਭਾਗਸ੍ਸ ਪਾਪਨਤੋਤਿ ਵੁਤ੍ਤਨ੍ਤੋ. ਪਵਤ੍ਤਨ੍ਤੇ ਕਾਰਿਯਾ ਯਸ੍ਸਂ ਪਵਤ੍ਤਿ,ਤਿ. ਚਕਾਰੇਨ ਵੁਤ੍ਤਉਦਨ੍ਤਾਦਯੋ ਗਹਿਤਾ. ਕਾਰਿਯਸ੍ਸ ਵੁਤ੍ਤਿ ਅਤ੍ਰਤ੍ਥੀਤਿ ਅਸ੍ਸਤ੍ਥ੍ਯਤ੍ਥੇ ¶ ਣੋ. ਉਗ੍ਗਤੋ ਅਨ੍ਤੋ ਪਰਿਸਮਤ੍ਤਿ ਯਸ੍ਸ ਉਦਨ੍ਤੋ.

੧੧੪. ਅਧਿਵਚਨਨ੍ਤਂ ਨਾਮੇ. ਸਞ੍ਜਾਨਨ੍ਤਿ ਏਤਾਯਾਤਿ ਸਞ੍ਞਾ, ਅ. ਆਖ੍ਯਾਯਤੇ ਏਤਾਯਾਤਿ ਆਖ੍ਯਾ. ਅਹ੍ਵਯਤੇ ਏਤਾਯਾਤਿ ਅਵ੍ਹਾ, ਹੁ ਸਦ੍ਦੇ, ਵ੍ਹੇ ਅਵ੍ਹਾਨੇਤਿ ਵਾ ਧਾਤੁ, ਅ. ਸਮ੍ਮਾ ਆਜਾਨਾਤਿ, ਸਮਂ ਵਾ ਜਾਨਾਤਿ ਏਤਾਯਾਤਿ ਸਮਞ੍ਞਾ. ਅਭਿਧੀਯਤੇ ਯੇਨ, ਯੁ. ਨਮ੍ਯਤੇ ਅਬ੍ਭਸ੍ਸਤੇ ਅਸ੍ਮਿਨ੍ਤਿ ਨਾਮਂ, ਨਮਤਿ ਨਾਮਯਤੀਤਿ ਵਾ ਨਾਮਂ. ਅਹ੍ਵਾਯਤੇਤਿ ਅਵ੍ਹਯੋ, ਕਮ੍ਮੇ ਯੋ. ਨਾਮਮੇਵ ਨਾਮਧੇਯ੍ਯਂ. ਨਾਮਰੂਪੇਹਿ [ਨਾਮਸਦ੍ਦੇਹਿ (ਕ.) ਭਾਗਰੂਪਨਾਮੇਹਿ ਧੇਯ੍ਯੋ (ਪਾਣਿਨਿ ੫.੪.੩੬ ਵਾ)] ਸਕਤ੍ਥੇ ਧੇਯ੍ਯੋ ਯਦਾਦਿਨਾ, ਤਿਟ੍ਠਤਿ ਵਾ ਏਤ੍ਥ ਅਤ੍ਥੋਤਿ ਧੇਯ੍ਯਂ, ਧਰੀਯਤੇ ਉਚ੍ਚਾਰਿਯਤੇਤਿ ਵਾ ਧੇਯ੍ਯਂ, ਨਾਮਮੇਵ ਧੇਯ੍ਯਂ ਨਾਮਧੇਯ੍ਯਂ. ਅਧੀਨਂ ਵਚਨਂ ਅਧਿਵਚਨਂ, ਕੇਨ ਅਧੀਨਂ? ਅਤ੍ਥੇਨ. ਪੁਟ੍ਠਸ੍ਸ ਪਟਿਵਚਨਂ ਪਟਿਵਾਕ੍ਯਂ. ਪਟਿਗਤਂ ਪਚ੍ਛਾਗਤਂ ਵਾਕ੍ਯਂ ਪਟਿਵਾਕ੍ਯਂ. ਉਤ੍ਤਰੀਯਤੇ ਅਤਿਕ੍ਕਮ੍ਯਤੇ ਯੇਨਾਤਿ ਉਤ੍ਤਰਂ.

੧੧੫. ਤਿਕਂ ਪੁਚ੍ਛਾਯਂ. ਪੁਚ੍ਛਿਤਬ੍ਬੋਤਿ ਪਞ੍ਹੋ, ਞਾਤੁਮਿਚ੍ਛਿਤੋ ਹਿ ਅਤ੍ਥੋ ਪਞ੍ਹੋ ਨਾਮ. ਪੁਚ੍ਛ ਪੁਚ੍ਛਨੇ, ਚਸ੍ਸ ਞੋ, ਛਸ੍ਸ ਹੋ, ਉਸ੍ਸ ਅ, ਪਞ੍ਹ ਪੁਚ੍ਛਨੇਤਿਪਿ ਧਾਤੁ. ਯੁਜ ਯੋਗੇ, ਅਨੁਯੁਞ੍ਜਿਤਬ੍ਬੋ ¶ ਪੁਚ੍ਛਿਤਬ੍ਬੋਤਿ ਅਨੁਯੋਗੋ. ਪੁਚ੍ਛਨਂ, ਪੁਚ੍ਛਿਤਬ੍ਬਾਤਿ ਵਾ ਪੁਚ੍ਛਾ. ਏਤੇਨੇਵ ਨਯੇਨ ਦ੍ਵੀਸੁਪਿ ਭਾਵਸਾਧਨਮ੍ਪਿ ਕਤ੍ਤਬ੍ਬਮੇਵ.

ਚਤੁਕ੍ਕਂ ਨਿਦਸ੍ਸਨੇ. ਪਕਤੇਨ ਸਦਿਸਂ ਨਿਦਸ੍ਸੇਤਿ ਏਤੇਨਾਤਿ ਨਿਦਸ੍ਸਨਂ, ਪਕਤਸ੍ਸੋਪਪਾਦਨਂ ਵਾਕ੍ਯਂ. ਉਪੋਗ੍ਘਞ੍ਞਤੇ [ਉਪੋਹਞ੍ਞਤੇ (?)] ਪਟਿਪਾਦੀਯਤੇ ਅਨੇਨਾਤਿ ਉਪੋਗ੍ਘਾਤੋ. ਉਪ ਉਪੁਬ੍ਬੋ ਹਨਧਾਤੁ ਪਟਿਪਾਦਨਤ੍ਥੋ. ਦਸ੍ਸੀਯਤੇ ਅਨੇਨਾਤਿ ਦਿਟ੍ਠਨ੍ਤੋ, ਅਨ੍ਤੋ, ਦਿਟ੍ਠੋ ਵਾ ਪਕਤਸ੍ਸ ਅਨ੍ਤੋ ਪਰਿਸਮਤ੍ਤਿ ਯੇਨਾਤਿ ਦਿਟ੍ਠਨ੍ਤੋ. ਸਬ੍ਬਤ੍ਰਾਪਿ ਵਾ ਕਮ੍ਮਸਾਧਨਮ੍ਪਿ ਕਤ੍ਤਬ੍ਬਂ. ਉਦਾਹਰੀਯਤਿ ਪਕਤਸ੍ਸੋਪਪਾਦਨਾਯਾਤਿ ਉਦਾਹਰਣਂ.

੧੧੬. ਚਤੁਕ੍ਕਂ ਸਙ੍ਖੇਪੇ. ਸਮਾਤਿ ਤੁਲ੍ਯਤ੍ਥਾ. ਸਙ੍ਖਿਪੀਯਤੇ ਏਕਦੇਸਤੋ ਕਥੀਯਤੀਤਿ ਸਙ੍ਖੇਪੋ, ਖਿਪ ਪੇਰਣੇ. ਸਂਹਰੀਯਤੇ ਸਙ੍ਖੇਪੇਨ ਪਚ੍ਚਾਖ੍ਯਾਯਤੇ ਏਤੇਨਾਤਿ ਸਂਹਾਰੋ. ਸਮਸ੍ਯਤੇ ਸਙ੍ਖਿਪੀਯਤੇਤਿ ਸਮਾਸੋ, ਅਸੁ ਖੇਪਨੇ. ਸਙ੍ਖੇਪੇਨ ਗਯ੍ਹਤੇ ਅਨੇਨਾਤਿ ਸਙ੍ਗਹੋ.

‘‘ਤ੍ਵਂ ਸਤਂ ਸੁਵਣ੍ਣਂ ਧਾਰਯਸਿ’’ਇਤ੍ਯਾਦਿਕਂ ਤੁਚ੍ਛਭਾਸਨਂ ਅਭੂਤਭਾਸਨਂ ਅਬ੍ਭਕ੍ਖਾਨਂ ਨਾਮ. ਅਸਚ੍ਚੇਨ ਅਕ੍ਖਾਨਂ ਭਾਸਨਂ ਅਬ੍ਭਕ੍ਖਾਨਂ.

੧੧੭. ਦ੍ਵਯਂ ¶ ਵਿਵਾਦਾਯ ਵਿਭਾਗਵਿਸਯੇ [ਇਣਵਾਦਾਦਿਵਿਸਯੇ (ਚਿਨ੍ਤਾਮਣਿਟੀਕਾ ੬.੯)]. ਵਿਰੁਦ੍ਧਂ ਕਤ੍ਵਾ ਅਵਹਰਤਿ ਵਦਤਿ ਯਨ੍ਤਿ ਵੋਹਾਰੋ. ਵਿਰੁਦ੍ਧਂ ਕਤ੍ਵਾ ਵਦਤਿ ਯਨ੍ਤਿ ਵਿਵਾਦੋ. ਸਬ੍ਬਤ੍ਰ ਭਾਵਸਾਧਨਂ ਵਾ ਯੁਜ੍ਜਤਿ. ‘‘ਮੁਸਾਵਾਦਂ ਵਦਨ੍ਤੋ ਘੋਰਾਨਿ ਤ੍ਵਂ ਨਰਕਾਨਿ ਯਸ੍ਸਸੀ’’ਤ੍ਯਾਦਿਸਰੂਪਂ ਸਪਨਂ. ਸਪ ਅਕ੍ਕੋਸੇ, ਥੋ, ਸਪਥੋ.

ਤਿਕਂ ਖ੍ਯਾਤੇ. ਯਜਤਿ ਏਤੇਨਾਥਿ ਯਸੋ, ਜਸ੍ਸ ਸੋ, ਸਬ੍ਬਤ੍ਥ ਯਾਤੀਤਿ ਵਾ ਯਸੋ, ਸੋ, ਯਸਤਿ ਪਯਸਤੀਤਿ ਵਾ ਯਸੋ. ਸਿਲੋਕਤਿ ਪਤ੍ਥਰਤੀਤਿ ਸਿਲੋਕੋ, ਸਿਲੋਕ ਸਙ੍ਘਾਤੇ. ਕਿਤ੍ਤ ਸਦ੍ਦਨੇ, ਕਿਤ੍ਤੀਯਤੇ ਕਥੀਯਤੇਤਿ ਕਿਤ੍ਤਿ, ਇ. ਸਮਞ੍ਞਾ ਚ ਖ੍ਯਾਤੇ, ਸਂ ਆਪੁਬ੍ਬੋ ਜਾਨਾਤਿ ਖ੍ਯਾਤੇ. ਤਥਾ ਹਿ ‘‘ਞਾਤੋ, ਅਭਿਞ੍ਞਾਤੋ, ਸਙ੍ਖ੍ਯਾਤੋ, ਵਿਸ੍ਸੁਤੋ, ਸਮਞ੍ਞਾਤੋ’’ਤਿ ਰਤਨਕੋਸੇ ਵੁਤ੍ਤਂ. ਉਚ੍ਚਧਨਿਨਾ ਸਦ੍ਦਨਂ ਘੋਸਨਾ ਨਾਮ, ਘੁਸ ਸਦ੍ਦੇ, ਘੁਸਨਂ ਸਦ੍ਦਨਂ ਘੋਸਨਾ.

੧੧੮-੧੧੯. ਦ੍ਵਯਂ ਪਟਿਸਦ੍ਦੇ. ਘੁਸਨਂ ਘੋਸੋ, ਤਂ ਪਟਿਗਤੋ, ਦੁਤਿਯਾਸਮਾਸੋ. ਏਵਂ ਰਵਂ ਪਟਿਗਤੋ ਪਟਿਰਵੋ. ਅਥ ¶ ਵਾ ਘੋਸਸ੍ਸ ਪਤਿਰੂਪੋ ਪਟਿਘੋਸੋ. ਰਵਸ੍ਸ ਪਤਿਰੂਪੋ ਪਟਿਰਵੋ. ਪਟਿਸੁਤਿ, ਪਟਿਦ੍ਧਨੀਤਿਪਿ ਪਟਿਸਦ੍ਦਸ੍ਸ ਨਾਮਾਨਿ, ਵਚੀਮੁਖਂ ਵਚਨੋਪਕ੍ਕਮੋ ਉਪਞ੍ਞਾਸੋ ਨਾਮ, ਉਪਨਿਪੁਬ੍ਬੋ ਆਸ ਉਪਵੇਸਨੇ, ਉਪ ਪਠਮਂ ਪੁਰਿਮਵਚਨਸ੍ਸ ਸਮੀਪਂ ਵਾ ਨ੍ਯਾਸੋ ਠਪਨਂ ਉਪਞ੍ਞਾਸੋ, ਨ੍ਯਸ੍ਸ ਞੋ.

ਸਤ੍ਤਕਂ ਥੁਤਿਯਂ. ਕਤ੍ਥ ਸਿਲਾਘਾਯਂ, ਯੁ, ਕਥਨਂ ਵਾਅਸਰੂਪਦ੍ਵਿਭਾਵਵਸੇਨ ਕਤ੍ਥਨਾ. ਸਿਲਾਘ ਕਤ੍ਥਨੇ, ਸਿਲਾਘਾ. ਸੀਲਸ੍ਸ ਵਾ ਸਭਾਗਗੁਣਸ੍ਸ ਆਹਨਨਂ ਸੀਲਾਘਾ, ਸਾ ਏਵ ਰਸ੍ਸਂ ਕਤ੍ਵਾ ਸਿਲਾਘਾ. ਵਣ੍ਣ ਪਸਂਸਾਯਂ, ਵਣ੍ਣੀਯਤੇਤਿ ਵਣ੍ਣਨਾ. ਨੁ ਥੁਤਿਯਂ,ਤਿ, ਨੁਤਿ. ਥੁ ਅਭਿਤ੍ਥਵੇ,ਤਿ, ਥੁਤਿ. ਥੋਮ ਸਿਲਾਘਾਯਂ, ਥੋਮਨਂ. ਪਪੁਬ੍ਬੋ ਸਂਸ ਪਸਂਸਨੇ, ਅ.

ਸਿਖਣ੍ਡੀਨਂ ਮਯੂਰਾਨਂ ਨਾਦੋ ਨਦਰਵੋ ਕੇਕਾ ਨਾਮ, ਕਾ ਸਦ੍ਦੇ, ਕੇਇਤਿ ਕਾਯਤੀਤਿ ਕੇਕਾ, ਕਮ੍ਮਨਿ ਅ, ਅਥ ਵਾ ਕਾਯਤਿ, ਕਾਯਨਂ ਵਾ ਕਾ, ਕੇ ਮਯੂਰੇ ਪਵਤ੍ਤਾ ਕਾ ਕੇਕਾ, ਅਲੁਤ੍ਤਸਮਾਸੋ. ਗਜਾਨਂ ਨਾਦੋ ਕੋਞ੍ਚਨਾਦੋ ਨਾਮ, ਕੋਞ੍ਚਸਕੁਣਨਾਦਸਦਿਸੋ ਨਾਦੋ ਕੋਞ੍ਚਨਾਦੋ. ਹਯਾਨਂ ਅਸ੍ਸਾਨਂ ਧਨਿ ਸਦ੍ਦੋ ਹੇਸਾ ਨਾਮ, ਹੇਸ ਅਬ੍ਰਤ੍ਤਸਦ੍ਦੇ, ਹੇਸਨਂ ਹੇਸਾ, ਹੇ ਇਤਿ ਪਵਤ੍ਤਤੀਤਿ ਵਾ ਹੇਸਾ.

੧੨੦-੧੨੧. ਦ੍ਵਯਂ ਪਰਿਯਾਯੇ. ਪਰਿਬ੍ਯਤ੍ਤਮਤ੍ਥਂ ਅਯਨ੍ਤਿ ਗਚ੍ਛਨ੍ਤਿ ਬੁਜ੍ਝਨ੍ਤਿ ਏਤੇਨਾਤਿ ਪਰਿਯਾਯੋ. ਏਕੋ ਅਤ੍ਥੋ ਪੁਨਪ੍ਪੁਨਂ ਵੁਚ੍ਚਤਿ ¶ ਯੇਨਾਤਿ ਵੇਵਚਨਂ. ਦ੍ਵਯਂ ਸਾਕਚ੍ਛਾਯਂ. ਸਹ, ਸਮ੍ਮਾ ਵਾ ਅਵਿਰੋਧੇਨ ਕਥਾ ਸਾਕਚ੍ਛਾ, ਸਂਕਥਾ ਚ. ਤੋ, ਥਸ੍ਸ ਚੋ, ਤਸ੍ਸ ਛੋ.

ਸਾਦ੍ਧਪਜ੍ਜੇਨ ਗਰਹਸ੍ਸ ਨਾਮਾਨਿ. ਦੋਸਕ੍ਖਾਨੇਨ ਵਦਨਂ ਉਪਵਾਦੋ. ਕੁਸ ਅਵ੍ਹਾਨੇ ਭੇਦਨੇ ਚ, ਕ੍ਵਚਿ ‘‘ਅਪਕ੍ਕੋਸੋ’’ਤਿ ਪਾਠੋ, ਣੋ. ਵਣ੍ਣੋ ਥੁਤਿ, ਤਸ੍ਸ ਅਵਦਨਂ ਅਵਣ੍ਣਵਾਦੋ. ਹੀਲ਼ਨੇਨ ਵਦਨਂ ਅਨੁਵਾਦੋ. ਜਨਾਨਂ ਵਾਦੋ ਗਰਹਣਂ ਜਨਵਾਦੋ. ਗਰਹਣੇਨ ਵਾਦੋ ਅਪਵਾਦੋ. ਪਰਿਵਦਨਂ ਪਰਿਵਾਦੋ, ਰਸ੍ਸਸ੍ਸ ਦੀਘਤਾ. ਏਤੇ ਉਪਵਾਦਾਦਯੋ ਤੁਲ੍ਯਤ੍ਥਾ ਸਮਾਨਤ੍ਥਾ. ਵਿਸਮਵੁਤ੍ਤਪ੍ਪਭੇਦੇਸੁ ਵਤ੍ਤਮਿਦਂ. ਖਿਪ ਪੇਰਣੇ, ਖਿਪਨਂ ਬਹਿਕਰਣਂ ਖੇਪੋ. ਨਿਦਿ ਕੁਚ੍ਛਾਯਂ, ਅ, ਨਿਨ੍ਦਾ. ਯਥਾ ਉਪਵਾਦਾਦਯੋ ਗਰਹਤ੍ਥਾ, ਕੁਚ੍ਛਾਦਯੋਪਿ ਤਥਾਤਿ ਤਥਾਤ੍ਥੋ. ਕੁਚ੍ਛ ਅਵਕ੍ਖੇਪਨੇ, ਚੁਰਾਦਿ, ਕੁਸ ਅਕ੍ਕੋਸੇਤਿਮਸ੍ਸ ਵਾ ਪਬ੍ਬਜ੍ਜਾਦਿਤ੍ਤਾ ‘‘ਕੁਚ੍ਛਾ’’ਤਿ ਰੂਪਂ ਨਿਪ੍ਫਜ੍ਜਤਿ. ਗੁਪ, ਗੋਪ ਕੁਚ੍ਛਨੇਸੁ, ‘‘ਤਿਜਗੁਪਕਿਤਮਾਨੇਹਿ ਖਛਸਾ ਵਾ’’ਤਿ ਛੋ. ਗਰਹ ਕੁਚ੍ਛਨੇ. ਤਤ੍ਥ ਕੇਚਿ ‘‘ਉਪਵਾਦਾਦਯੋ ਅਬ੍ਭਕ੍ਖਾਨਤ੍ਥਾ, ਖੇਪਾਦਯੋ ਨਿਨ੍ਦਤ੍ਥਾ’’ਤਿ ਵਦਨ੍ਤਿ, ਤਂ ਅਮਰਕੋਸੇਨ ਵਿਰੁਜ੍ਝਨਤੋ ਅਬ੍ਭਕ੍ਖਾਨਤ੍ਥਸ੍ਸ ਚ ਵੁਤ੍ਤਤ੍ਤਾ ਨ ਗਹੇਤਬ੍ਬਂ. ਏਤੇ ਉਪਵਾਦਾਦਯੋ ਸਤ੍ਤ ਅਬ੍ਭਕ੍ਖਾਨੇਪਿ ਵਤ੍ਤਨ੍ਤਿ.

ਵਿਵਾਦਕਾਮਸ੍ਸ ਦੁਬ੍ਬਾਦੋ ਉਪਾਰਮ੍ਭੋ, ਸੋ ਚ ਈਦਿਸੇ ਸਬ੍ਬਲੋਕਚੂਲ਼ਾਮਣਿਭੂਤੇ ਸਕ੍ਯਕੁਲੇ ਸਮ੍ਭੂਤਸ੍ਸ ਭਗਵਤੋ ਕਿਮਿਦਂ ਕਮ੍ਮਮੁਚਿਤਨ੍ਤਿ ਗੁਣਾਵਿਕਰਣਪੁਬ੍ਬਕੋਪ੍ਯਤ੍ਥਿ, ਬਨ੍ਧਕੀਸੁਤਸ੍ਸ ਤਵੇਦਮੁਚਿਤਮੇਵਾਤਿ ਨਿਨ੍ਦਾਪੁਬ੍ਬਕੋਪਿ ਉਪਾਰਮ੍ਭੋ. ਤਤ੍ਰ ਯੋ ਨਿਨ੍ਦਾਪੁਬ੍ਬੋ ਸਨਿਨ੍ਦੋ ਉਪਾਰਮ੍ਭੋ, ਸੋ ਪਰਿਭਾਸਨਮੁਚ੍ਚਤੇ. ਉਪਗਨ੍ਤ੍ਵਾ ਪਰੇਸਂ ਚਿਤ੍ਤਸ੍ਸ ਆਰਮ੍ਭਨਂ ਵਿਕੋਪਨਂ ਉਪਾਰਮ੍ਭੋ. ਦੋਸਕ੍ਖਾਨੇਨ ਭਾਸਨਂ ਪਰਿਭਾਸਨਂ.

੧੨੨. ਅਨਰਿਯਾਨਂ ¶ ਲਾਮਕਾਨਂ ਵੋਹਾਰਤੋ, ਅਰਿਯਾਨਂ ਉਤ੍ਤਮਜਨਾਨਂ ਵਾ ਅਵੋਹਾਰਤੋ ਅਨਰਿਯਵੋਹਾਰੋਤਿ ਸਙ੍ਖਾਤਾਨਂ ਅਦਿਟ੍ਠੇ ਦਿਟ੍ਠਵਾਦਾਦੀਨਂ ਅਟ੍ਠਨ੍ਨਂ ਵੋਹਾਰਾਨਂ ਵਸੇਨ ਯਾ ਵਾਚਾ ਲਾਮਕਜਨੇਹਿ ਪਵਤ੍ਤਿਤਾ ਵੁਤ੍ਤਾ, ਵੀਤਿਕ੍ਕਮਦੀਪਨੀ ਅਜ੍ਝਾਚਾਰਵੀਤਿਕ੍ਕਮਸਾਧਨੀ ਸਾ ਵਾਚਾ ਅਰਿਯਜਨੇਹਿ ਵਤ੍ਤਬ੍ਬਮਰਿਯਾਦਾਤਿਕ੍ਕਮਤ੍ਤਾ ਅਭਿਵਾਕ੍ਯਂ ਨਾਮ ਸਿਯਾ.

੧੨੩. ਮੁਹੁਂਭਾਸਾ ਬਹੁਸੋ ਅਭਿਧਾਨਂ ਅਨੁਲਾਪੋ ਨਾਮ, ਅਨੁ ਪੁਨਪ੍ਪੁਨਂ ਲਾਪੋ ਅਨੁਲਾਪੋ. ਅਨਤ੍ਥਿਕਾ ਗਿਰਾ ਨਿਪ੍ਪਯੋਜਨਂ ਉਮ੍ਮਤ੍ਤਾਦਿਵਚਨਂ ਪਲਾਪੋ, ਪਯੋਜਨਰਹਿਤੋ ਲਾਪੋ ਪਲਾਪੋ, ਪਸਦ੍ਦੋ ਵਿਯੋਗਤ੍ਥਜੋਤਕੋ.

ਗਮਨਾਗਮਨਾਦਿਸਮਯੇ ਆਦਿਮ੍ਹਿ ਭਾਸਨਂ ਪਿਯਵਚਨਂ ਆਲਾਪੋ, ਆਦਿਮ੍ਹਿ ਲਾਪੋ ਆਲਾਪੋ, ਆਪੁਚ੍ਛਾਸਦ੍ਦੋਪ੍ਯਤ੍ਰ. ਦੋਸੇਨ ਪਤਿਟ੍ਠਿਤੋ ਪਰਿਦ੍ਦਵੋ ਪਰਿਦੇਵਨਂ ਅਨੁਸੋਚਨਂ ਅਤਿਕ੍ਕਮਲਾਪੋ ਵਿਲਾਪੋ ਨਾਮ, ਵਿਵਿਧੇਨ, ਵਿਵਿਧਂ ਵਾ ਲਾਪੋ ਵਿਲਾਪੋ. ਪਰਿਦੇਵਨਂ ਪਰਿਦੇਵੋ, ਸੋ ਏਵ ਪਰਿਦ੍ਦਵੋ, ਦੇਵ ਪਰਿਦੇਵਨੇ.

੧੨੪. ਵਿਰੁਦ੍ਧਂ ¶ ਵਚਨਂ ਵਿਰੋਧੋਤ੍ਤਿ. ਵਿਰੁਦ੍ਧਂ ਪਲਾਪੋ ਵਿਪ੍ਪਲਾਪੋ. ਸਨ੍ਦਿਸ੍ਸਤੇਤਿ ਸਨ੍ਦੇਸੋ, ਸਨ੍ਦਿਸ੍ਸਮਾਨੋ ਅਤ੍ਥੋ, ਤਸ੍ਸੋਤ੍ਤਿ. ਯਾਯ ਸਨ੍ਦਿਟ੍ਠੋ ਅਤ੍ਥੋ ਅਭਿਧੀਯਤੇ, ਸਾ ਸਨ੍ਦੇਸੋਤ੍ਤਿ ਵਾਚਿਕਮੁਚ੍ਚਤੇ. ਵਚ ਸਨ੍ਦੇਸੇ, ਸਕਤ੍ਥੇ ਣਿਕੋ, ਸਨ੍ਦਿਟ੍ਠਤ੍ਥਾ ਵਾਚਾ ਏਵ ਵਾਚਿਕਮਿਚ੍ਚਤ੍ਥੋ.

ਮਿਥੁ ਅਞ੍ਞਮਞ੍ਞਂ ਵਿਰੋਧਰਹਿਤਂ ਵਚਨਂ ‘‘ਸਮ੍ਭਾਸਨਂ, ਸਲ੍ਲਾਪੋ’’ਤਿ ਚ ਵੁਚ੍ਚਤਿ. ਯਥਾ ਏਕੋ ਬ੍ਰੂਤੇ ‘‘ਅਜ੍ਜ ਸੋਭਨਂ ਨਕ੍ਖਤ੍ਤ’’ਨ੍ਤਿ, ਇਤਰੋਪ੍ਯਾਹ ‘‘ਤਥੇਵਾ’’ਤਿ.

੧੨੫. ਨਿਟ੍ਠੁਰਂ ਵਾਕ੍ਯਂ ਕਕ੍ਕਸਵਚਨਂ ਫਰੁਸਂ ਨਾਮ, ਪਰੇ ਜਨੇ ਉਸ੍ਸਾਪੇਤਿ ਦਾਹੇਤੀਤਿ ਪਰੁਸਂ, ਤਦੇਵ ਪਸ੍ਸ ਫਕਾਰਂ ਕਤ੍ਵਾ ਫਰੁਸਂ. ਅਸਵਨੀਯਤ੍ਤਾ ਨ ਇਚ੍ਛਿਤਬ੍ਬਨ੍ਤਿ ਨਿਟ੍ਠੁਰਂ, ਉਰੋ, ਯਥਾ ‘‘ਨਾਗੋ’’ਤਿ. ਦ੍ਵਯਂ ਕਣ੍ਣਸੁਖਵਚਨੇ. ਮਨਂ ਆ ਭੁਸਂ ਞਾਪੇਤਿ ਤੋਸੇਤੀਤਿ ਮਨੁਞ੍ਞਂ, ਞਾ ਪਰਿਮਾਣਤੋਸਨਨਿਸਾਨੇਸੁ, ਅਸ੍ਸੁਕਾਰੋ. ਹਦਯਂ ਮਨਂ ਗਚ੍ਛਤਿ ਪਵਿਸਤੀਤਿ ਹਦਯਙ੍ਗਮਂ.

ਸਂਕੁਲਾਦਿਦ੍ਵਯਂ ਪੁਬ੍ਬਾਪਰਵਿਰੋਧਿਨਿ ਪੁਬ੍ਬਾਪਰਵਿਰੁਦ੍ਧੇ ਵਾਕ੍ਯੇ, ਯਥਾ –

ਯਾਵਜੀਵਮਹਂ ਮੋਨੀ, ਬ੍ਰਹ੍ਮਚਾਰੀ ਚ ਮੇ ਪਿਤਾ;

ਮਾਤਾ ਚ ਮਮ ਵਞ੍ਝਾਸਿ, ਅਪੁਤ੍ਤੋ ਚ ਪਿਤਾਮਹੋ.

ਸਂਕੁਲਨ੍ਤਿ ਜਲ਼ੀਭਵਨ੍ਤ੍ਯਨੇਨਾਤਿ ਸਂਕੁਲਂ. ਕਿਲਿਸ੍ਸਨ੍ਤੇ ਏਤ੍ਥਾਤਿ ਕਿਲਿਟ੍ਠਂ.

੧੨੬. ਸਮੁਦਾਯਤ੍ਥਰਹਿਤਂ ¶ ਦਸਦਾਲ਼ਿਮਾਦਿਵਾਕ੍ਯਂ [ਦਸ ਦਾਠਿਮਾਨਿ ਠਲ਼ਪੂਪਾ ਕੁਣ੍ਡ’ ਮਜਾਜਿਨਂ ਪਲਾਲਪਿਣ੍ਡਾ (ਨ੍ਯਾਯਭਾਸ੍ਸ ੫.੨.੧੦ ਮੋਗ੍ਗਲ੍ਲਾਨਪਞ੍ਚਿਕਾਟੀਕਾ ੧.੧)] ਅਸਮ੍ਬਦ੍ਧਤ੍ਤਾ ਅਬਦ੍ਧਮਿਤਿ ਕਿਤ੍ਤਿਤਂ ਕਥਿਤਂ, ਨ ਬਜ੍ਝਤੇ ਹਦਯਮਤ੍ਰਾਤਿ ਅਬਦ੍ਧਂ, ਤੋ.

ਨਤ੍ਥਿ ਤਥਂ ਸਚ੍ਚਮਤ੍ਰਾਤਿ ਵਿਤਥਂ. ਫਰੁਸਾਦਯੋ ਵਿਤਥਸਦ੍ਦਂ ਯਾਵ ਤਿਲਿਙ੍ਗਿਕਾ.

੧੨੭. ਪਜ੍ਜਦ੍ਧਂ ਸਚ੍ਚਵਚਨੇ. ਸਮ੍ਮਾਸਦ੍ਦੋਯਂ ਅਬ੍ਯਯਂ, ਸਬ੍ਬਲਿਙ੍ਗਵਿਭਤ੍ਤਿਵਚਨੇਸੁ ਚ ਸਮਾਨੋ. ਨ ਵਿਤਥਂ ਅਵਿਤਥਂ. ਸਨ੍ਤੇਸੁ ਸਾਧੂਸੁ ਭਵਂ ਸਚ੍ਚਂ. ਸਤ ਸਾਤਚ੍ਛੇ ਵਾ, ਵਜਾਦਿਨਾ ਯੋ, ਸਚ੍ਚਂ. ਤਥਸਦ੍ਦੋ ਭੂਤਪਰਿਯਾਯੋ, ‘‘ਤਥੇਨ ਮਗ੍ਗੇਨ ਯਥਾਤ੍ਥਭਾਜਿਨਾ’’ਤਿ [ਤਥਾਗਤਾ ਜਿਨਾਤਿ (ਕ.)] ਪਯੋਗੋ. ਤਥੇ ਸਾਧੁ ਤਚ੍ਛਂ, ਸਾਧ੍ਵਤ੍ਥੇ ਯੋ. ਯਥਾਤਥਸਦ੍ਦਾਪਿ ਚ ਸਚ੍ਚਤ੍ਥਾ ਅਲਿਙ੍ਗਾ. ਤਬ੍ਬਨ੍ਤਾ ਸਚ੍ਚਵਚਨਵਨ੍ਤਵਾਚਕਾ ਸਮ੍ਮਾ ਸਚ੍ਚਂ ਯਥਾਤਥਂਸਦ੍ਦਵਜ੍ਜਿਤਾ ਸੇਸਾ ਅਵਿਤਥਾਦਯੋ ਤੀਸੁ ਲਿਙ੍ਗੇਸੁ ਵਤ੍ਤਨ੍ਤਿ. ਸਚ੍ਚਂਸਦ੍ਦੋ ਤੁ ਅਲਿਙ੍ਗੋ. ਅਮਰਕੋਸੇ ਪਨ ਸਮ੍ਮਾ ਸਚ੍ਚਸਦ੍ਦਾਨਮ੍ਪਿ ਤਬ੍ਬਤਿ ਤਿਲਿਙ੍ਗਤ੍ਤਂ ਵੁਤ੍ਤਂ, ਯਥਾ – ਸਚ੍ਚਂ ਤਚ੍ਛਂ ਰਿਤਂ ਸਮ੍ਮਾ, ਅਮੂਨਿ ਤੀਸੁ ਤਬ੍ਬਤਿ [ਅਮਰ ੬.੨੨]. ਯਥਾ – ਸਚ੍ਚੋ ਬ੍ਰਾਹ੍ਮਣੋ, ਸਚ੍ਚਾ ਨਾਰੀ, ਸਚ੍ਚਂ ਵਿਪ੍ਪਕੁਲਂ. ਇਧ ਪਨ ਸਬ੍ਬਲਿਙ੍ਗਵਚਨਵਿਭਤ੍ਤੀਸੁ ਰੂਪਭੇਦਾਭਾਵਾ ਸਮ੍ਮਾਸਦ੍ਦਸ੍ਸ ਅਬ੍ਯਯਤ੍ਤਂ, ਤਿਲਿਙ੍ਗੇਸ੍ਵਪਿ ਰੂਪਭੇਦਾਭਾਵਾ ਸਚ੍ਚਂਸਦ੍ਦਸ੍ਸ ਅਲਿਙ੍ਗਤ੍ਤਞ੍ਚ ਵੁਤ੍ਤਂ. ਯਥਾ – ਸਮ੍ਮਾ ਵਾਚਾ, ਸਮ੍ਮਾ ਵੋਹਾਰੋ, ਸਮ੍ਮਾ ਵਚਨਂ. ਸਚ੍ਚਂ ਬ੍ਰਾਹ੍ਮਣੋ, ਸਚ੍ਚਂ ਨਾਰੀ, ਸਚ੍ਚਂ ਵਿਪ੍ਪਕੁਲਂ. ਮਿਚ੍ਛਾਮੁਸਾਸਦ੍ਦਾ ਪਨ ਸਬ੍ਬਤ੍ਰਾਪਿ ਅਬ੍ਯਯਮੇਵ ਭਵਨ੍ਤਿ. ਯਥਾ ¶ – ਮਿਚ੍ਛਾ ਵਾਚਾ, ਮਿਚ੍ਛਾ ਵੋਹਾਰੋ, ਮਿਚ੍ਛਾ ਵਚਨਂ. ਮੁਸਾ ਵਾਚਾ, ਮੁਸਾ ਵੋਹਾਰੋ, ਮੁਸਾ ਵਚਨਂ.

੧੨੮. ਸੋਲ਼ਸ ਸਦ੍ਦਮਤ੍ਤਪਰਿਯਾਯੇ ਦਸ੍ਸੇਤੁਂ ਉਪਜਾਤਿਂ ‘‘ਰਵੋ’’ਇਚ੍ਚਾਦਿਮਾਹ. ਰੁਯਤੇ ਸਦ੍ਦਾਯਤੇਤਿ ਰਵੋ, ਰੁ ਸਦ੍ਦੇ. ਨਦਨਂ ਨਾਦੋ, ਨਿਰਤ੍ਥੋ ਨਾਦੋ ਨਿਨਾਦੋ, ਨਦ ਅਬ੍ਯਤ੍ਤਸਦ੍ਦੇ. ਏਵਂ ਨਿਨਦੋ, ਰਸ੍ਸਤ੍ਤਮੇਵ ਵਿਸੇਸੋ. ਸਪ੍ਪਤਿ ਉਚ੍ਚਾਰੀਯਤੀਤਿ ਸਦ੍ਦੋ. ਘੁਸ ਸਦ੍ਦੇ, ਪਾਤੁਭਾਵੋ ਘੋਸੋ ਨਿਗ੍ਘੋਸੋ. ਨਦਨਂ ਨਾਦੋ. ਧਨ ਸਦ੍ਦੇ, ਧਨੀਯਤੀਤਿ ਧਨਿ. ਨਿਗ੍ਘੋਸੋ ਚ ਨਾਦੋ ਚ ਧਨਿ ਚ ਨਿਗ੍ਘੋਸਨਾਦਧਨਯੋ. ਰਵੋ ਏਵ ਰਾਵੋ. ਆਰਾਵੋਤਿ ਉਪਸਗ੍ਗੇਨ ਪਦਂ ਵਡ੍ਢਿਤਂ. ਤਥਾ ਸਂਰਾਵਵਿਰਾਵਆਰਵਾ. ਘੁਸਨਂ ਘੋਸੋ. ਆਰਾਵੋ ਚ ਸਂਰਾਵੋ ਚ ਵਿਰਾਵੋ ਚ ਘੋਸੋ ਚ ਆਰਵੋ ਚਾਤਿ ਦ੍ਵਨ੍ਦੋ. ਸੁ ਸਵਨੇ, ਸੁਯ੍ਯਤੇਤਿ ਸੁਤਿ. ਸਰਤਿ ਸੁਯ੍ਯਮਾਨਤਂ ਗਚ੍ਛਤੀਤਿ ਸਰੋ. ਨਿਸ੍ਸਨਤਿ ਏਤੇਨਾਤਿ ਨਿਸ੍ਸਨੋ, ਸਨ ਸਮ੍ਭਤ੍ਤਿਯਂ ਨਿਪੁਬ੍ਬੋ. ਸਰੋ ਚ ਨਿਸ੍ਸਨੋ ਚਾਤਿ ਦ੍ਵਨ੍ਦੋ.

੧੨੯. ਵਿਸਜ੍ਜੀਯਤੇ ਨ ਲਗ੍ਗੀਯਤੇ ਸੇਮ੍ਹਾਦੀਹੀਤਿ ਵਿਸਟ੍ਠੋ. ਮਨਿਤਬ੍ਬਨ੍ਤਿ ਮਞ੍ਜੁ, ਜੁ, ਮਨ ਞਾਣੇ, ਸੁਣਨ੍ਤਾਨਂ ਵਾ ਮਨਂ ਰਞ੍ਜੇਤੀਤਿ ਮਞ੍ਜੁ, ਉ, ਨ ਰਲੋਪੋ. ਸੁਖੇਨੇਵ ਵਿਜਾਨਿਤਬ੍ਬਤ੍ਤਾ ਵਿਞ੍ਞੇਯ੍ਯੋ. ਹਿਤਸੁਖਨਿਪ੍ਫਾਦਨਤੋ ਸੋਤਬ੍ਬੋਤਿ ਸਵਨੀਯੋ. ਬਹਿਦ੍ਧਾਪਰਿਸਾ ਅਙ੍ਗੁਲਿਮਤ੍ਤਮ੍ਪਿ ਨ ਵਿਸਰਤਿ ਨ ਗਚ੍ਛਤੀਤਿ ਅਵਿਸਾਰੀ ¶ , ਤਸ੍ਸੀਲਤ੍ਥੇ ਣੀ, ਵਿਵਿਧੇਨ ਵਾ ਨ ਸਰਤੀਤਿ ਅਵਿਸਾਰੀ, ਛਿਨ੍ਨਸ੍ਸਰਾਨਂ ਵਿਯ ਦ੍ਵੇਧਾ ਨ ਹੋਤੀਤ੍ਯਤ੍ਥੋ. ਵਿਨ੍ਦ੍ਯਤੇ ਲਬ੍ਭਤੇਤਿ ਬਿਨ੍ਦੁ, ਵਸ੍ਸ ਬੋ, ਨਿਗ੍ਗਹੀਤਾਗਮੋ, ਉ ਚ, ਵਟ੍ਟਤ੍ਤਾ ਵਾ ਬਿਨ੍ਦੁ, ਇਮਸ੍ਮਿਂ ਪਕ੍ਖੇ ਪਬ੍ਬਜ੍ਜਾਦਿਨਾ ਰੂਪਸਿਦ੍ਧਿ. ਪਞ੍ਚਨ੍ਨਂ ਠਾਨਗਤੀਨਂ ਦੂਰਟ੍ਠਾਨਤੋ ਜਾਤਤ੍ਤਾ ਗਮ੍ਭੀਰੋ. ਪੁਨਪ੍ਪੁਨਂ ਨਾਦੋ ਨਿਨ੍ਨਾਦੋ, ਕ੍ਰਿਯਾਭਿਕ੍ਖਞ੍ਞਤ੍ਤਾ ਦ੍ਵਿਤ੍ਤਂ, ਅਸ੍ਸ ਇ, ਨਿਗ੍ਗਹੀਤਾਗਮੋ, ਸੋ ਏਤ੍ਥ ਅਤ੍ਥੀਤਿ ਨਿਨ੍ਨਾਦੀ. ਇਚ੍ਚੇਵਂ ਭਗਵਤੋ ਅਟ੍ਠਙ੍ਗਿਕੋ ਸਰੋ ਹੋਤਿ.

੧੩੦. ਖਗ੍ਗਾਦੀਨਂ ਤਿਰਚ੍ਛਾਨਗਤਾਨਂ ਰੁਤਂ ਵਸ੍ਸਿਤਨ੍ਤ੍ਯੁਚ੍ਚਤੇ. ਰੁ ਸਦ੍ਦੇ, ਰੁਤਂ. ਵਸ੍ਸ ਸਦ੍ਦੇ, ਵਸ੍ਸਨਂ ਰਵਨਂ ਵਸ੍ਸਿਤਂ.

ਕੋਲਾਹਲਾਦਿਦ੍ਵਯਂ ਬਹੂਹਿ ਸਮ੍ਭੂਯ ਕਤੇ ਅਬ੍ਯਤ੍ਤਸਦ੍ਦੇ. ਕੁਲ ਸਙ੍ਘਾਤੇ [ਸਙ੍ਖ੍ਯਾਨੇ (ਕ.)], ਕੋਲਨਂ ਕੋਲੋ, ਏਕੀਭਾਵੋ, ਤਂ ਆਹਲਤਿ ਵਿਨ੍ਦਤੀਤਿ ਕੋਲਾਹਲੋ. ਕਰੋਤਿ ਹਿਂਸਤਿ ਮਧੁਰਨ੍ਤਿ ਕਲੋ, ਤਂ ਹਲਤੀਤਿ ਕਲਹਲੋ. ਹਲ ਵਿਲੇਖਨੇ.

ਤਿਕਂ ਗਾਯਨੇ. ਗੇ ਸਦ੍ਦੇ, ਗੇਤਬ੍ਬਂ ਗੀਤਂ ਗਾਨਂ ਗੀਤਿਕਾ ਚ. ਸਬ੍ਬਤ੍ਰ ਭਾਵਸਾਧਨਂ.

੧੩੧. ਤਨ੍ਤਿਕਣ੍ਠੋਟ੍ਠਿਤਾ [ਅਮਰ ੭.੧] ਉਸਭਾਦਯੋ ਸਤ੍ਤ ਸਰਾ. ਛਜ੍ਜਾਦਯੋ ਤਯੋ ਗਾਮਾ ਸਮੂਹਾਤ੍ਯਤ੍ਥੋ. ਵੁਤ੍ਤਞ੍ਚ ‘‘ਗਾਮੋ ਨਾਮ ਸਰਸਮੂਹਸ੍ਸ ਸਨ੍ਧਾਨ’’ਨ੍ਤਿ. ਮਨੁਸ੍ਸਲੋਕਵਾਦਨਵਿਧਿਨਾ ਏਕੇਕਸ੍ਸ ¶ ਸਰਸ੍ਸ ਵਸੇਨ ਤਯੋ ਤਯੋ ਮੁਚ੍ਛਨਾ ਕਤ੍ਵਾ ਏਕਵੀਸਤਿ ਮੁਚ੍ਛਨਾ, ਦੇਵਲੋਕਵਾਦਨਵਿਧਿਨਾ ਪਨ ਸਮਪਞ੍ਞਾਸ ਮੁਚ੍ਛਨਾ ਵਦਨ੍ਤਿ. ਤਤ੍ਥ ਹਿ ਏਕੇਕਸ੍ਸ ਸਰਸ੍ਸ ਵਸੇਨ ਸਤ੍ਤ ਸਤ੍ਤ ਮੁਚ੍ਛਨਾ, ਅਨ੍ਤਸਰਸ੍ਸ ਚ ਏਕਾਤਿ ਸਮਪਞ੍ਞਾਸ ਮੁਚ੍ਛਨਾ ਆਗਤਾ, ਤੇਨੇਵ ਸਕ੍ਕਪਞ੍ਹਸੁਤ੍ਤਸਂਵਣ੍ਣਨਾਯਂ ‘‘ਸਮਪਞ੍ਞਾਸ ਮੁਚ੍ਛਨਾ ਮੁਚ੍ਛਿਤ੍ਵਾ’’ਤਿ [ਦੀ. ਨਿ. ਅਟ੍ਠ. ੨.੩੪੫] ਪਞ੍ਚਸਿਖਸ੍ਸ ਵੀਣਾਵਾਦਨਂ ਦਸ੍ਸੇਨ੍ਤੇਨ ਵੁਤ੍ਤਂ. ਮੁਚ੍ਛ ਮੋਹਸਮੁਸ੍ਸਯੇਸੁ, ਯੁ, ਮੁਚ੍ਛਨਾ. ਯਥਾ ਕਮੇਨ ਵੀਣਾ ਵਾਦਿਤੁਂ ਸਕ੍ਕਾ, ਏਵਂ ਸਜ੍ਜਨਾਹਿ ਮੁਚ੍ਛਨਟ੍ਠਾਨਾਨਿ ਏਕੂਨਪਞ੍ਞਾਸਾਤ੍ਯਤ੍ਥੋ. ਏਕੇਕਸ੍ਸ ਸਰਸ੍ਸ ਸਤ੍ਤ ਸਤ੍ਤ ਠਾਨਾਨਿ. ਯਤੋ ਸਰਸ੍ਸ ਮਨ੍ਦਤਾਰਵਵਤ੍ਥਾਨਂ ਹੋਤਿ, ਤੇਨ ਏਕੂਨਪਞ੍ਞਾਸ ਠਾਨਾਨਿ. ਇਚ੍ਚੇਤਂ ਸਰਮਣ੍ਡਲਂ ਸਰਸਮੂਹੋ.

੧੩੨. ਸਰਾਦੀਨਂ ਨਾਮਸਰੂਪਪ੍ਪਭੇਦਂ ਦਸ੍ਸੇਤੁਮਾਹ ‘‘ਉਸਭੋ’’ਚ੍ਚਾਦਿ. ਇਸ ਗਤਿਯਂ. ਇਸਤਿ ਚਿਤ੍ਤਂ ਪਵਿਸਤੀਤਿ ਉਸਭੋ, ਅਭੋ, ਇਸ੍ਸੁ ਚ. ‘‘ਉਸ ਦਾਹੇ’’ਤਿ ਵਾ ਧਾਤ੍ਵਤ੍ਥੋ. ਯਸ੍ਮਾ ਪਨ ਸੋ ਸਰੋ ਉਸਭੋ ਵਿਯ ਨਦਤਿ, ਤਸ੍ਮਾ ਉਸਭੋਤਿ ਵੁਚ੍ਚਤਿ. ਧੀਮਨ੍ਤੇਹਿ ਗੀਯਤੇਤਿ ਧੇਵਤੋ, ਵਣ੍ਣਵਿਕਾਰੋ, ਵਤ੍ਤਂ.

ਤਸ੍ਮਾ ਛਜ੍ਜੋ ਸ ਉਚ੍ਚਤੇ [ਚਿਨ੍ਤਾਮਣਿਟੀਕਾ ੭.੧].

ਗਨ੍ਧਂ ¶ ਲੇਸਂ ਅਰਤੀਤਿ ਗਨ੍ਧਰੋ, ਰਸ੍ਸਸ੍ਸ ਦੀਘਤ੍ਤੇ ਗਨ੍ਧਾਰੋ ਚੇਤ੍ਯਞ੍ਞੇ [ਅਞ੍ਞੇਸਮਪੀਤਿ (ਪਾਣਿਨਿ ੩.੧੩੭) ਦੀਘੋ (ਚਿਨ੍ਤਾਮਣਿਟੀਕਾ ੭.੧)], ਗਨ੍ਧਾਰਾ ਨਾਮ ਜਨਪਦਾ, ਤੇਹ੍ਯਯਂ ਗੀਯਤੇਤਿ ਗਨ੍ਧਾਰੋ, ਣੋ. ਮਜ੍ਝੇ ਲਯਵਿਸੇਸੇ ਭਵੋ ਮਜ੍ਝਿਮੋ. ਪਞ੍ਚਨ੍ਨਮ੍ਪਿ ਧੇਵਤਾਦੀਨਂ ਪੂਰਣੋ ਪਞ੍ਚਮੋ, (ਪਞ੍ਚਨ੍ਨਂ ਵਾ ਮਹਾਭੂਤਾਨਂ ਪੂਰਣੋ ਪਞ੍ਚਮੋ.) [( ) ਏਤ੍ਥਨ੍ਤਰੇ ਪਾਠੋ ਅਧਿਕੋ ਵਿਯ ਦਿਸ੍ਸਤਿ] ਨਿਸ੍ਸੇਸਤੋ ਸੀਦਨ੍ਤਿ ਸਰਾ ਯਸ੍ਮਿਨ੍ਤਿ [ਯਸ੍ਮਾਤਿ (ਕ.) – ਸਦਤੋ ਅਧਿਕਰਣੇ ਘਉ (ਚਿਨ੍ਤਾਮਣਿਟੀਕਾ ੭.੧)], ਣੋ. ‘‘ਨਿਸੀਦਨ੍ਤਿ ਸਰਾ ਯਸ੍ਮਿਂ, ਨਿਸਾਦੋ ਤੇਨ ਹੇਤੁਨਾ’’ਤਿ ਹਿ ਵੁਤ੍ਤਂ. ਏਤੇ ਸਤ੍ਤ ਸਰਾਤਿ ਗਦਿਤਾ ਕਥਿਤਾ.

੧੩੩-੧੩੫. ਉਸਭਾਦਯੋ ਯੇ ਨਦਨ੍ਤਿ, ਤੇ ਦਸ੍ਸੇਤੁਮਾਹ ‘‘ਨਦਨ੍ਤਿ’’ਚ੍ਚਾਦਿ. ਉਸਭਂ ਨਾਮ ਸਰਂ ਗਾਵੋ ਨਦਨ੍ਤਿ. ਤਥਾ ਧੇਵਤਂ ਤੁਰਙ੍ਗਾ ਅਸ੍ਸਾ, ਛਜ੍ਜਂ ਮਯੂਰਾ ਸਿਖਣ੍ਡਿਨੋ, ਗਨ੍ਧਾਰਂ ਅਜਾ, ਮਜ੍ਝਿਮਂ ਕੋਞ੍ਚਾ ਸਕੁਣਵਿਸੇਸਾ, ਪਞ੍ਚਮਂ ਪਰਪੁਟ੍ਠਾਦੀ ਕੋਕਿਲਾਦਯੋ, ਨਿਸਾਦਂ ਵਾਰਣਾ ਹਤ੍ਥਿਨੋ ਨਦਨ੍ਤਿ. ਵੁਤ੍ਤਞ੍ਚ ਨਾਰਦਮੁਨਿਨਾ –

‘‘ਛਜ੍ਜਂ ¶ ਨਦਤਿ ਮਯੂਰੋ, ਗਾਵੋ ਨਦਨ੍ਤਿ ਉਸਭਂ;

ਅਜੋ ਰੋਤਿ ਚ [ਅਜਾਵਿਕਾ ਤੁ (ਕ.)] ਗਨ੍ਧਾਰਂ, ਕੋਞ੍ਚਾ ਨਦਨ੍ਤਿ ਮਜ੍ਝਿਮਂ.

ਪੁਪ੍ਫਸਾਧਾਰਨੇ ਕਾਲੇ, ਕੋਕਿਲੋ ਰੋਤਿ ਪਞ੍ਚਮਂ;

ਅਸ੍ਸੋ ਤੁ ਧੇਵਤਂ ਰੋਤਿ, ਨਿਸਾਦਂ ਰੋਤਿ ਕੁਞ੍ਜਰੋ’’ਤਿ.

ਮਯੂਰਾਦਯੋਪਿ ਸਬ੍ਬੇ ਇਮੇ ਸਤ੍ਤਾ ਸਮਦਾ [ਸਨ੍ਤੋ (ਕ.) ਏਤੇ ਚ ਸਮਦਾ ਪਞ੍ਚਮਂ ਗਾਯਨ੍ਤਿ (ਚਿਨ੍ਤਾਮਣਿਟੀਕਾ ੭.੧)] ਪਞ੍ਚਮਂ ਨਦਨ੍ਤਿ.

ਛਜ੍ਜੋ ਗਾਮੋ, ਮਜ੍ਝਿਮੋ ਗਾਮੋ, ਸਾਧਾਰਣੋ ਗਾਮੋਤਿ ਤਯੋ ਗਾਮਾ. ਤਤ੍ਰ ਵੀਣਾਦਣ੍ਡਂ ਵਿਭਾਗਂ ਕਤ੍ਵਾ ਅਧੋਭਾਗਸ੍ਸ ‘‘ਛਜ੍ਜਗਾਮੋ’’ਤਿ ਸਞ੍ਞਾ, ਮਜ੍ਝਭਾਗਸ੍ਸ ‘‘ਮਜ੍ਝਿਮਗਾਮੋ’’ਤਿ, ਉਪਰਿਭਾਗਸ੍ਸ ‘‘ਸਾਧਾਰਣਗਾਮੋ’’ਤਿ ਸਞ੍ਞਾ. ਕਿਂ ਪਨ ਗਾਮਭੇਦੇ ਕਾਰਣਂ? ਯਸ੍ਮਾ ਏਕਸ੍ਸੇਵ ਸਰਸ੍ਸ ਗਾਮਨ੍ਤਰੇ ਭੇਦੋ, ਤਂਭੇਦੇ ਗਾਮਾਨਮ੍ਪਿਭੇਦੋ. ਮਾਘਟੀਕਾਯਂ ਪਨ ਸਾਧਾਰਣਗਾਮਟ੍ਠਾਨੇ ਗਨ੍ਧਾਰਗਾਮੋ ਕਥਿਤੋ, ਏਕੇਕਸ੍ਮਿਞ੍ਚ ਗਾਮੇ ਸਤ੍ਤ ਸਤ੍ਤ ਮੁਚ੍ਛਨਾ. ਇਧ ਪਨ ਉਸਭਾਦੀਸੁ ਸਤ੍ਤਸੁ ਸਰੇਸੁ ਪਚ੍ਚੇਕਂ ਤਿਸ੍ਸੋ ਤਿਸ੍ਸੋ ਮੁਚ੍ਛਨਾ ਕਥਿਤਾ. ਕਿਂਕਾਰਣਾ? ਇਧ ਮਨੁਸ੍ਸਲੋਕਵਾਦਨਵਿਧਿਨਾ, ਤਤ੍ਥ ਚ ਦੇਵਲੋਕਵਾਦਨਵਿਧਿਨਾ ਕਥਿਤਤ੍ਤਾ ਤਥੇਵ ਠਾਨਾਨਿ ਸਤ੍ਤ ਸਤ੍ਤੇਵ ਲਬ੍ਭਰੇਤਿ. ਯਥਾ ਉਸਭਾਦੀਸੁ ਤੇਸੁ ਯਥਾਵੁਤ੍ਤੇਸੁ ਸਰੇਸੁ ਪਚ੍ਚੇਕਂ ਏਕੇਕਸ੍ਮਿਂ ਸਰੇ ਤਿਸ੍ਸੋ ਤਿਸ੍ਸੋ ਮੁਚ੍ਛਨਾ ਸਿਯੁਂ, ਤਥੇਵ ਠਾਨਾਨਿਪਿ ਸਤ੍ਤ ਸਤ੍ਤੇਵ ਲਬ੍ਭਰੇਤ੍ਯਤ੍ਥੋ.

੧੩੬. ਸਰਾਨਂ ਗਾਮੇਸੁ ਭਿਨ੍ਨਸੁਤਿਤ੍ਤਂ ਦਸ੍ਸੇਤੁਮਾਹ ‘‘ਤਿਸ੍ਸੋ’’ਇਚ੍ਚਾਦਿ. ਉਸਭਸ੍ਸ ਸਰਸ੍ਸ ਤਾਰਕਲਮਨ੍ਦਵਸੇਨ ਤਿਸ੍ਸੋ ਸੁਤਿਯੋ. ਧੇਵਤਸ੍ਸ ਸਰਸ੍ਸ ਤਾਰ ਮਨ੍ਦਵਸੇਨ ¶ ਦੁਵੇ. ਛਜ੍ਜਸ੍ਸ ਤਾਰਕਲ ਮਨ੍ਦ ਕਾਕਲੀਵਸੇਨ ਚਤਸ੍ਸੋ. ਗਨ੍ਧਾਰਸ੍ਸ ਚ ਤਥਾ. ਮਜ੍ਝਿਮਸ੍ਸ ਤਾਰਕਲ ਕਾਕਲੀਵਸੇਨ ਤਿਸ੍ਸੋ. ਪਞ੍ਚਮਸ੍ਸ ਕਲ ਕਾਕਲੀਵਸੇਨ ਦੁਵੇ. ਨਿਸਾਦਸ੍ਸ ਤਾਰਾਦਿਵਸੇਨ ਚਤਸ੍ਸੋ ਸੁਤਿਯੋ. ਇਚ੍ਚੇਵਂ ਸਤ੍ਤਸੁ ਸਰੇਸੁ ਕਮਤੋ ਸਮ੍ਪਿਣ੍ਡਿਤਾ ਦ੍ਵਾਵੀਸਤਿ ਸੁਤਿਯੋ ਸਿਯੁਂ. ਮਾਘਟੀਕਾਯਂ ਪਨ ਅਞ੍ਞਥਾ ਸੁਤਿਭੇਦੋ ਵੁਤ੍ਤੋ. ਵੁਤ੍ਤਞ੍ਹਿ ਤਤ੍ਥ –

‘‘ਚਤੁਸ੍ਸੁਤਿ ਸੁਵਿਞ੍ਞੇਯ੍ਯੋ, ਮਜ੍ਝਿਮੋ ਮਜ੍ਜਿਮਟ੍ਠਿਤੋ;

ਦ੍ਵਿਸ੍ਸੁਤਿ ਚਾਪਿ ਗਨ੍ਧਾਰੋ, ਤਿਸ੍ਸੁਤਿ ਉਸਭੋ ਤਥਾ.

ਛਜ੍ਜੋ ਚਤੁਸ੍ਸੁਤਿ ਞੇਯ੍ਯੋ, ਨਿਸਾਦੋ ਦ੍ਵਿਸ੍ਸੁਤੀ ਤਥਾ;

ਚਤੁਸ੍ਸੁਤਿ ਧੇਵਤੋ ਤੁ, ਪਞ੍ਚਮੋ ਤਿਸ੍ਸੁਤੀ ਮਤੋ’’ਤਿ.

ਸਬ੍ਬਮੇਤਂ ਨਾਟਕਸਤ੍ਥਤੋ ਗਹੇਤਬ੍ਬਂ.

੧੩੭. ‘‘ਉਚ੍ਚਤਰੇ’’ਤ੍ਯਾਦਿਨਾ ਸੁਤਿਭੇਦੇ ਸਰੂਪਤੋ ਦਸ੍ਸੇਤਿ. ਉਚ੍ਚਤਰੇ ਰਵੇ ਅਤ੍ਯੁਚ੍ਚਧਨਿਮ੍ਹਿ ਤਾਰੋ, ਤਾਰਯਤਿ ਬੋਧਯਤੀਤਿ ਤਾਰੋ. ਅਬ੍ਯਤ੍ਤੇ ਅਬ੍ਯਤ੍ਤਕ੍ਖਰੇ ਮਧੁਰੇ ਸੁਤਿਸੁਖੇ ਕਲੋ, ਕਲ ਮਦੇ. ਗਮ੍ਭੀਰੇ ਧਨਿਮ੍ਹਿ ਮਨ੍ਦੋ. ਮਦਿ ਥੁਤਿਮੋਦਮਦਮੋਹਸੁਪਨਗਤੀਸੁ. ਮਨ੍ਦਯਤੇ ਬੁਜ੍ਝਤੇਨੇਨਾਤਿ ਮਨ੍ਦੋ.

ਤਾਰਾਦਯੋ ਤਯੋ ਵਾਚ੍ਚਲਿਙ੍ਗਤ੍ਤਾ ਤੀਸੁ. ਤਾਰੋ ਧਨਿ, ਤਾਰਾ ਵਾਣੀ, ਤਾਰਂ ਰੁਤਂ ਇਚ੍ਚਾਦਿ. ਅਬ੍ਯਤ੍ਤਮਧੁਰਸਦ੍ਦੋ ਕਲੋ. ਤਤ੍ਰ ਕਲੇ ਸੁਖੁਮੇ ਕਾਕਲੀਸਦ੍ਦੋ, ਈਪਚ੍ਚਯਨ੍ਤੋ, ਈਸਂ ¶ ਕਲਾ ਵਾਣੀ ਕਾਕਲੀ ਨਾਮ, ਕਾਸਦ੍ਦੋਯਮੀਸਤ੍ਥੋ. ਕ੍ਰਿਯਾਦਿਸਮਤਾਤਿ ਗੀਤਵਾਦਿਤਪਾਦਨ੍ਯਾਸਾਦਿਕ੍ਰਿਯਾਨਂ, ਕਾਲਸ੍ਸ ਚ ਸਮਤ੍ਤਂ ਲਯੋ ਨਾਮ, ਲਯ ਸਾਮ੍ਯਗਤੀਸੁ, ਆਧਾਰੇ ਅਪਚ੍ਚਯੋ, ਸਬ੍ਬਾਭਿਨਯਾਨਮ੍ਪਿ ਸਾਮ੍ਯਂ ਲਯੋਤਿ ਕੇਚਿ.

੧੩੮. ਦ੍ਵਯਂ ਵੀਣਾਯਂ. ਵਿ ਜਨਨੇ, ਤੋ, ਈਣਤ੍ਤਂ, ਵੀਣ ਵੇਠਨੇਤਿ ਵਾ ਧਾਤੁ, ਆ, ਵੀਣਾ. ਵਲ੍ਲ ਸਂਵਰਣੇ, ਵਲ੍ਲਤੇ ਧਨਿਵਿਸੇਸਂ, ਣ੍ਵੁ, ਵਲ੍ਲਕੀ, ਨਦਾਦਿ. ਵਿਪਞ੍ਚੀਤਿਪਿ ਵੀਣਾਯ ਨਾਮਂ. ਵਿਪਞ੍ਚਯਤੀਤਿ ਵਿਪਞ੍ਚੀ [ਵਿਪਞ੍ਚਯਤਿ ਵਿਤ੍ਥਾਰਯਤਿਸਦ੍ਦਂ (ਚਿਨ੍ਤਾਮਣਿਟੀਕਾ ੭.੩)], ਨਦਾਦਿ.

ਸਾ ਵੀਣਾ ਸਤ੍ਤਤਨ੍ਤੀ ਸਤ੍ਤਹਿ ਤਨ੍ਤੀਹਿ ਵਿਸਿਟ੍ਠਾ ਪਰਿਵਾਦਿਨੀ ਨਾਮ, ਪਰਿਤੋ ਵਦਤੀਤਿ ਪਰਿਵਾਦਿਨੀ, ਇਨੀ. ਵੀਣਾਦਯੋ ਚਤ੍ਤਾਰੋਪਿ ਵੀਣਾਸਾਮਞ੍ਞਵਾਚਕਾ ਇਚ੍ਚੇਕੇ, ਤੇਸਂ ਮਤੇ ਸਾਸਦ੍ਦਸ੍ਸ ਚਤੁਨ੍ਨਮ੍ਪਿ ਇਤ੍ਥਿਲਿਙ੍ਗਤ੍ਥਦੀਪਕਤਾ ਵਿਞ੍ਞੇਯ੍ਯਾ, ਤਥਾਪਿ ਅਮਰਕੋਸੇਨ [ਅਮਰ ੭.੩] ਵਿਰੁਜ੍ਝਨਤੋ ਤੇਸਂ ਮਤਂ ਨ ਗਹੇਤਬ੍ਬਂ.

ਕਟ੍ਠਾਦੀਹਿ ਦੋਣਿਸਣ੍ਠਾਨੇਨ ਕਤਂ ਵਜ੍ਜਭਣ੍ਡਂ ਵੀਣਾਯ ਪੋਕ੍ਖਰੋ ਨਾਮ, ਪੋਸੇਤਿ ਵਡ੍ਢੇਤਿ ਸਦ੍ਦੇਤਿ ਪੋਕ੍ਖਰੋ, ਖਰੋ, ਵੁਦ੍ਧਿ, ਵਣ੍ਣਵਿਕਾਰੋ ਚ. ਦੁ ਗਮਨੇ, ਣਿ, ਦੋਣਿ. ਕਕੁਭੋ, ਪਸੇਵਕੋਤਿਪਿ ਪੋਕ੍ਖਰਸ੍ਸ ਨਾਮਾਨਿ. ਕਂ ਵਾਤਂ ਕੁਭਤਿ ਬਨ੍ਧਤੀਤਿ ਕਕੁਭੋ. ਪਸਿਬ੍ਬਨ੍ਤਿ ਤਮਿਤਿ ਪਸੇਵਕੋ.

ਦ੍ਵਯਂ ਪੋਕ੍ਖਰਵੇਠਕੇ ਚਮ੍ਮਨਿ. ਵੀਣਾਭਾਵਂ ਉਪਗਚ੍ਛਤਿ ਯੇਨਾਤਿ ਉਪਵੀਣੋ. ਵੇਠਤਿ ਪੋਕ੍ਖਰਨ੍ਤਿ ਵੇਠਕੋ, ਣ੍ਵੁ.

੧੩੯. ਆਤਤਾਦਿਪਞ੍ਚਕਂ ¶ ਪਞ੍ਚਙ੍ਗਿਕਤੂਰਿਯਸ੍ਸ ਨਾਮਾਨਿ.

੧੪੦. ਚਮ੍ਮਾਵਨਦ੍ਧੇਸੁ ਚਮ੍ਮੇਨ ਬਨ੍ਧਨੀਯੇਸੁ ਭੇਰਿਯਾਦੀਸੁ ਮਜ੍ਝੇ ਤਲੇਕੇਕਯੁਤਂ ਏਕੇਕੇਨ ਤਲੇਨ ਯੁਤ੍ਤਂ ਕੁਮ੍ਭਥੁਣਦਦ੍ਦਰਿਕਾਦਿਕਂ ਤੂਰਿਯਂ ਆਤਤਂ ਨਾਮ, ਆਤਨੋਤੀਤਿ ਆਤਤਂ, ਤਨੁ ਵਿਤ੍ਥਾਰੇ. ਮਹਤੀਆਦਿਵੀਣਾਵਿਸੇਸੋਪਿ [‘‘ਮਹਤੀ’’ਤਿ ਨਾਰਦਸ੍ਸ ਵੀਣਾ (ਸਦ੍ਦਕਪ੍ਪਦ੍ਦੁਮੇ)] ਆਤਤਮੇਵਾਤਿ ‘‘ਚਮ੍ਮਾਵਨਦ੍ਧੇਸੂ’’ਤਿ ਵਿਸੇਸਨਂ ਕਤਂ. ਕੁਮ੍ਭਸਣ੍ਠਾਨਤ੍ਤਾ ਕੁਮ੍ਭੋ ਚ ਤਂ ਥੁਨਨਗਰਸਮ੍ਭੂਤਤ੍ਤਾ ਥੁਨਞ੍ਚੇਤਿ ਕੁਮ੍ਭਥੁਨਂ. ਤਦੇਵ ਕੁਮ੍ਭਥੁਣਂ, ਅਥ ਵਾ ਥੁ ਅਭਿਤ੍ਥਵੇ, ਕਮ੍ਮਨਿ ਣੋ. ਕੁਮ੍ਭੋ ਚ ਸੋ ਥੁਣੋ ਚੇਤਿ ਕੁਮ੍ਭਥੁਣੋ, ਥੁਣ ਪੂਰਣੇਤਿ ਵਾ ਧਾਤ੍ਵਤ੍ਥੋ. ਦਰ ਵਿਦਾਰਣਦਾਹੇਸੁ, ਦ੍ਵੇਭਾਵੋ, ਕਾਪੁਬ੍ਬਸ੍ਸਿਕਾਰੋ ਚ, ਦਦ੍ਦਰਸਦ੍ਦਂ ਕਰੋਤੀਤਿ ਵਾ ਦਦ੍ਦਰਿਕਾ.

੧੪੧. ਉਭਯਤਲਂ ਮੁਰਜਾਦਿਕਂ ਤੂਰਿਯਂ ਵਿਤਤਂ ਨਾਮ, ਵਿਸੇਸੇਨ ਸਦ੍ਦਂ ਤਨੋਤੀਤਿ ਵਿਤਤਂ, ਸਬ੍ਬਵਿਨਦ੍ਧਂ ਸਬ੍ਬਪਸ੍ਸੇਸੁ, ਪੁਬ੍ਬਪਚ੍ਛਾਭਾਗੇਸੁ ਚ ਪਰਿਯੋਨਦ੍ਧਂ ਪਣਵਾਦਿਕਂ, ਆਦਿਨਾ ਚਤੁਰਸ੍ਸਆਲਮ੍ਬਰਗੋਮੁਖੀਆਦਯੋ ਆਤਤਵਿਤਤਂ ਨਾਮ, ‘‘ਚਮ੍ਮਪਰਿਯੋਨਦ੍ਧਂ ਹੁਤ੍ਵਾ ਤਨ੍ਤਿਬਦ੍ਧਂ ਆਤਤਵਿਤਤ’’ਨ੍ਤਿ ਹਿ ਵੁਤ੍ਤਂ. ਪਣ ਬ੍ਯਵਹਾਰਥੁਤੀਸੁ, ਪਣੀਯਤੀਤਿ ਪਣਵੋ, ਅਵੋ.

੧੪੨. ਵਂਸਸਙ੍ਖਾਦਿਕਂ ¶ ਸੁਸਿਰਂ ਨਾਮ, ਰਨ੍ਧਂ ਸੁਸਿਰਂ, ਤਂਯੋਗਾ ਸੁਸਿਰਂ. ਵਨ, ਸਨ ਸਮ੍ਭਤ੍ਤਿਯਂ, ਸੋ, ਵਂਸੋ. ਸਮ ਉਪਸਮਖੇਦੇਸੁ, ਖੋ, ਸਙ੍ਖੋ. ਸਮ੍ਮਤਾਲ਼ਾਦਿਕਂ ਅਚ੍ਚਨ੍ਤਂ ਪੀਲ਼ਨਤੋ, ਅਨਲਸਂਯੋਗਤੋ ਵਾ ਦ੍ਰਵੀਭੂਤਂ ਪੁਨ ਘਨਾਯਤੇਤਿ ਘਨਾਖ੍ਯਂ. ਹਨ ਹਿਂਸਾਯਂ, ਕਮ੍ਮਨਿ ਣੋ, ਹਸ੍ਸ ਘੋ. ਘਨਭਾਵੇਨ ਸਮਂ ਭਵਤੀਤਿ ਸਮ੍ਮਂ, ਦਣ੍ਡਾਦੀਹਿ ਤਾਲ਼ਿਤਬ੍ਬਤੋ ਤਾਲ਼ਂ, ਤਲ਼ ਤਾਲ਼ਨੇ, ਸਮ੍ਮਞ੍ਚ ਤਂ ਤਾਲ਼ਞ੍ਚੇਤਿ ਸਮ੍ਮਤਾਲ਼ਂ. ਆਦਿਨਾ ਕਂਸਤਾਲ਼ਸਿਲਾਤਾਲ਼ਾਦੀਨਂ ਗਹਣਂ. ਤਤ੍ਥ ਸਮ੍ਮਤਾਲ਼ਂ ਨਾਮ ਕਟ੍ਠਮਯਤਾਲ਼ਂ. ਕਂਸਤਾਲ਼ਂ ਨਾਮ ਲੋਹਮਯਂ. ਸਿਲਾਯ ਚ ਅਯੋਪਟ੍ਟੇਨ ਚ ਵਾਦਨਤਾਲ਼ਂ ਸਿਲਾਤਾਲ਼ਂ.

ਚਤੁਕ੍ਕਂ ਆਤਤਾਦੀਨਂ ਨਾਮਂ. ਆ ਸਮਨ੍ਤਤੋ ਤੁਜ੍ਜਤੇ ਤਾਲ਼ੀਯਤੇਤਿ ਆਤੋਜ੍ਜਂ. ਵਂਸਾਦਿਕੇਪਿ ਮੁਖਵਾਯੁਨਾ ਆਤੋਜ੍ਜਨਮਤ੍ਥੇਵ. ਵਾਦਯਨ੍ਤਿ ਧਨਯਨ੍ਤਿ ਤਨ੍ਤਿ ਵਾਦਿਤ੍ਤਂ ਵਾਦਿਤਞ੍ਚ, ਇਤ੍ਤੋ, ਤੋ ਚ. ਵਾਦਯਨ੍ਤਿ ਤਨ੍ਤਿ ਵਜ੍ਜਂ, ਯੋ.

੧੪੩. ਦ੍ਵਯਂ ਭੇਰਿਯਂ. ਭਾਯਨ੍ਤਿ ਸਤ੍ਤੁਜਨਾ ਏਤੇਨਾਤਿ ਭੇਰਿ, ਰਿ. ਉਭ ਪੂਰਣੇ, ਉਭਨਂ ਉਭਿ. ‘‘ਦੁਨ੍ਦ’’ਇਤਿ ਸਦ੍ਦੇਨ ਉਭਿ ਯਤ੍ਰ ਸ ਦੁਨ੍ਦੁਭਿ. ਪੁਮਿਤ੍ਥਿਯਮੇਤੇ ਦ੍ਵੇ [ਸੇਰੀ ਥੀ, ਦੁਨ੍ਦੁਭਿ ਪੁਮਾ (ਅਮਰ ੭.੬)]. ਦ੍ਵਯਂ ਮੁਦਿਙ੍ਗੇ. ਮੁਦਂ ਮੋਦਂ ਇਙ੍ਗਤਿ ਗਚ੍ਛਤਿ ਯੇਨਾਤਿ ਮੁਦਿਙ੍ਗੋ. ਮੁਰਾ ਅਸੁਰਾ ਜਾਤੋ ਮੁਰਜੋ.

ਅਸ੍ਸ ¶ ਮੁਰਜਸ੍ਸ ਭੇਦਾ ਵਿਸੇਸਾ ਆਲਿਙ੍ਗਙ੍ਕ੍ਯੋਦ੍ਧਕਾ ਭਵਨ੍ਤਿ. ਵੁਤ੍ਤਞ੍ਚ –

ਆਕਤ੍ਯਾ ਸਮ੍ਪਕਿਤ੍ਤਿਤੋ’’ਤਿ [ਚਿਨ੍ਤਾਮਣਿਟੀਕਾਯਮ੍ਪਿ].

ਆਲਿਙ੍ਗ੍ਯਤੇਤਿ ਆਲਿਙ੍ਗੋ, ਣੋ. ਉਚ੍ਛਙ੍ਕੇ ਭਵੋ ਅਕ੍ਯੋ. ਉਦ੍ਧਂ ਕਤ੍ਵਾ ਏਕੇਨ ਮੁਖੇਨ ਵਾਦਨਤੋ ਉਦ੍ਧੋ ਸਨ੍ਤੋ ਕਾਯਤਿ ਸਦ੍ਦਾਯਤੀਤਿ ਉਦ੍ਧਕੋ, ਉਦ੍ਧਸਦ੍ਦੋਯਂ ਤਿਲਿਙ੍ਗਿਕੋ. ਉਗ੍ਗਚ੍ਛਤੀਤਿ ਉਦ੍ਧੋ, ਤੋ, ਗਮਿਸ੍ਸ ਦੋ, ਨੇਰੁਤ੍ਤੋ. ਯੋ ਤੁ ਉਪਰਿਪਰਿਯਾਯੋ ਉਦ੍ਧਂਸਦ੍ਦੋ, ਸੋ ਅਬ੍ਯਯਮੇਵ.

ਤਿਣਵਾਦੀਨਿ ਚਤ੍ਤਾਰਿ ਪਣਵਸ੍ਸ ਨਾਮਾਨਿ. ਤਨੁ ਵਿਤ੍ਥਾਰੇ, ਅਵੋ, ਅਸ੍ਸ ਇਤ੍ਤਂ, ਣਤ੍ਤਞ੍ਚ, ਤਿਣਵੋ. ਮਾ ਮਾਨੇ ਸਦ੍ਦੇ ਚ, ‘‘ਡਿਣ੍ਡਿ’’ਇਤਿ ਮਾਯਤੇ ਸਦ੍ਦਾਯਤੇਤਿ ਡਿਣ੍ਡਿਮੋ, ਣੋ.

੧੪੪. ‘‘ਆਲਮ੍ਬ’’ਇਤਿ ਸਦ੍ਦਾਯਤੇਤਿ ਆਲਮ੍ਬਰੋ. ‘‘ਆਲਮ੍ਬਰੋ ਤੂਰਿਯਰਵੇ, ਗਜੇਨ੍ਦਾਨਞ੍ਚ ਗਜ੍ਜਿਤੇ’’ਤਿ [ਅਮਰ ੨੩.੧੬੭] ਹਿ ਅਮਰਕੋਸ ਨਾਨਤ੍ਥਸਙ੍ਗਹੇਸੁ.

ਵੀਣਾਦੀਨਂ ਵਾਦਨਕਟ੍ਠਕੁਟਿਲਾਦਿਕਂ ਕੋਣੋ, ਕੁਣ੍ਯਤੇ ਸਦ੍ਦਾਯਤੇਨੇਨਾਤਿ ਕੋਣੋ, ਣੋ. ‘‘ਦਦ੍ਦ’’ਇਤਿ ਸਦ੍ਦਂ ਕਰੋਤੀਤਿ ਦਦ੍ਦਰਿ, ਦਦ੍ਦਤਿ ਵਾ ਸਦ੍ਦਵਿਸੇਸੇਨ ਪਰਿਣਮਤੀਤਿ ਦਦ੍ਦਰਿ, ਰਿ. ‘‘ਪਟ’’ਇਤਿ ਸਦ੍ਦਂ ਜਹਾਤੀਤਿ ਪਟਹੋ, ਪਟਂ ਹਨ੍ਤੀਤਿ ਵਾ ਪਟਹੋ. ਹਨ ਹਿਂਸਾਗਤੀਸੁ, ਕ੍ਵਿ. ਅਪਰੇ ਮਦ੍ਦਲਾਦਯੋ ਭੇਰਿਪ੍ਪਭੇਦਾ ¶ . ‘‘ਮਦ੍ਦ’’ਇਤਿ ਸਦ੍ਦਂ ਲਾਤੀਤਿ ਮਦ੍ਦਲਾ, ਲਾ ਆਦਾਨੇ, ਅ. ‘‘ਮਨ੍ਦਲਾ’’ਤਿਪਿ ਪਾਠੋ, ਮਨ੍ਦਂ ਸਦ੍ਦਂ ਲਾਤੀਤਿ ਮਨ੍ਦਲਾ. ਆਦਿਨਾ ਡਮਰੁਆਦਯੋਪਿ ਭੇਰਿਪ੍ਪਭੇਦਾ ਵਿਞ੍ਞੇਯ੍ਯਾ.

੧੪੫. ਜਨਪ੍ਪਿਯੇ ਜਨੇਹਿ ਪਿਯਾਯਿਤਬ੍ਬੇ ਵਿਮਦ੍ਦੋਟ੍ਠੇ ਵਿਲੇਪਨਕੁਙ੍ਕੁਮਾਦੀਨਂ, ਨਾਨਾਗਨ੍ਧਦਬ੍ਬਾਨਞ੍ਚ ਵਿਮਦ੍ਦਨੋਬ੍ਭੂਤੇ ਪਰਿਮਲੋ ਭਵੇ, ਪਰਿਮਜ੍ਜਤਿ ਪਵਤ੍ਤਯਤ੍ਯਾਸਯਨ੍ਤਿ, ਅ, ਨੇਰੁਤ੍ਤੋ, ਮਲ, ਮਲ੍ਲ ਧਾਰਣੇ ਵਾ. ਪਰਿਮਲ੍ਯਤੇ ਧਾਰੀਯਤੇਤਿ, ਣੋ. ਵਿਮਦ੍ਦਗ੍ਗਹਣੇਨ ਵਾਪਿਕੂਪਾਦਿਨੋ [ਵਿਮਦ੍ਦਗਨ੍ਧਾਦਿਨੋ (ਕ.)] ਨਿਰਾਸੋ, ਜਨਗ੍ਗਹਣੇਨ ਮਕ੍ਖਿਕਾਦਿਨੋ. ਸੋ ਪਰਿਮਲੋ ਗਨ੍ਧੋ ਦੂਰਗਾਮੀ ਅਤਿਨਿਹਾਰੀ ਅਤਿਦੂਰਪਾਤੀ ਆਮੋਦੋ ਵੁਚ੍ਚਤੇ, ਆਮੋਦਨ੍ਤੇ ਅਨੇਨ, ਣੋ. ਇਤੋ ਪਰਂ ਇਟ੍ਠਗਨ੍ਧਾਦਯੋ ਵਿਸ੍ਸਸਦ੍ਦਪਰਿਯਨ੍ਤਾ ਤੀਸੁ ਲਿਙ੍ਗੇਸੁ ਵਤ੍ਤਨ੍ਤੇ.

੧੪੬. ਚਤੁਕ੍ਕਂ ਇਟ੍ਠਗਨ੍ਧੇ. ਇਟ੍ਠੋ ਗਨ੍ਧੋ ਇਟ੍ਠਗਨ੍ਧੋ, ਅਥ ਵਾ ਇਟ੍ਠੋ ਗਨ੍ਧੋ ਅਸ੍ਸ ਇਟ੍ਠਗਨ੍ਧੋ. ਸੁਟ੍ਠੁ ਰਭਨ੍ਤਿ ਤੁਸ੍ਸਨ੍ਤ੍ਯਨੇਨਾਤਿ ਸੁਰਭਿ, ਇ. ਸੁਨ੍ਦਰੋ ਗਨ੍ਧੋ ਅਸ੍ਸ ਸੁਗਨ੍ਧੋ, ਸੁਗਨ੍ਧਿ ਚ, ਅਨ੍ਤਸ੍ਸਿਕਾਰਾਦੇਸੋ.

ਦ੍ਵਯਂ ਦੁਗ੍ਗਨ੍ਧੇ. ਪੂਤਿ ਗਨ੍ਧੋ ਅਸ੍ਸ, ਪੁਬ੍ਬੇ ਵਿਯ ਇਕਾਰਾਦੇਸੋ, ਕਮ੍ਮਧਾਰਯਸਮਾਸਂ ਅਸ੍ਸਤ੍ਥ੍ਯਤ੍ਥੇਪਿ ਕਤ੍ਤੁਮਿਚ੍ਛਨ੍ਤਿ, ਪਕ੍ਰਿਯਾਲਾਘਵਤ੍ਥਂ ਬਹੁਬ੍ਬੀਹਿਯੇਵ ਨ੍ਯਾਯੋਤਿ. ਦੁਟ੍ਠੁ ਗਨ੍ਧੋ ਅਸ੍ਸਾਤਿ ¶ ਦੁਗ੍ਗਨ੍ਧੋ, ਤੇਨ ਵੁਤ੍ਤਂ ਕਚ੍ਚਾਯਨੇਨ – ‘‘ਕਮ੍ਮਧਾਰਯਮਨ੍ਤਤ੍ਥਿਯੇਹਿ ਬਹੁਬ੍ਬੀਹਿ ਲਘੁਤਰੋ’’ਤਿ. ਅਞ੍ਞੇ ਤੁ ਲਾਘਵ’ਮਨਾਦਰਮਾਨਾ ਇਚ੍ਛਨ੍ਤੇਵ ਮਨ੍ਤਤ੍ਥਿਯਂ. ਦੁਵਿਧੋ ਵਾ ਵਾਚ੍ਚਧਮ੍ਮੋ ਲਹੁ ਗਰੁ ਚ, ਤਤ੍ਰ ਬਹੁਬ੍ਬੀਹਿਨਾ ਲਹੁ, ਕਮ੍ਮਧਾਰਯਮਨ੍ਤਤ੍ਥਿਯੇਨਗਰੁ. ਕਿਞ੍ਚ ਬਹੁਬ੍ਬੀਹਿਨਾ ਅਤਿਸਾਯਨਾਦ੍ਯਤ੍ਥੋ ਨ ਗਮ੍ਯਤੇਤਿ ਅਵਸ੍ਸਂ ਤਪ੍ਪਟਿਪਾਦਨਾਯ ਕਮ੍ਮਧਾਰਯਪੁਬ੍ਬਕੋ ਮਨ੍ਤਤ੍ਥਿਯੇਵ ਦਟ੍ਠਬ੍ਬੋ.

ਦ੍ਵਯਂ ਚਿਤਾਧੂਮਾਦਿਗਨ੍ਧੇ. ਵਿਸ ਵਿਪ੍ਪਯੋਗੇ, ਸੋ. ਆਮਸ੍ਸ ਵਸਾਦਿਵਤ੍ਥੁਨੋ ਗਨ੍ਧੋ ਤਂਯੋਗਾ, ਇ, ਯਂਸਦ੍ਦੋ ਤਸ੍ਸ ਨਪੁਂਸਕਤ੍ਤਦੀਪਕੋ.

੧੪੭. ਕੁਙ੍ਕੁਮਾਦਯੋ ਚਤ੍ਤਾਰੋ ਚਤੁਜ੍ਜਾਤਿਗਨ੍ਧੋ ਨਾਮ. ਕੁਕ, ਵਕ ਆਦਾਨੇ, ਉਮੋ, ਨਿਗ੍ਗਹੀਤਾਗਮੋ ਚ, ਕੁਙ੍ਕੁਮਂ, ਲੋਹਿਤਚਨ੍ਦਨਂ, ਯਂ ‘‘ਕਸ੍ਮੀਰਜ’’ਨ੍ਤਿ ਵੁਚ੍ਚਤਿ, ਕਮਿਸ੍ਸ ਵਾ ਕੁਙ੍ਕਾਦੇਸੋ, ਕੁਙ੍ਕੁਮਂ. ਯੁ ਮਿਸ੍ਸਨੇ, ਯੁ, ਯਵਨਂ, ਤਸ੍ਸ ਪੁਪ੍ਫਂ ਯਵਨਪੁਪ੍ਫਂ, ਦੇਵਕੁਸੁਮਂ, ਯਵਨਦੇਸੇ ਜਾਤਂ ਪੁਪ੍ਫਨ੍ਤਿ ਵਾ ਯਵਨਪੁਪ੍ਫਂ. ਯਂ ‘‘ਲਵਙ੍ਗ’’ਨ੍ਤਿਪਿ ਵੁਚ੍ਚਤਿ, ਯਂ ਪੁਪ੍ਫਂ ਨੁਹੀਪੁਪ੍ਫਸਮਾਨਂ. ਤਗਿ ਗਤ੍ਯਤ੍ਥੋ ਦਣ੍ਡਕੋ ਧਾਤੁ, ਅਰੋ, ਤਗਰਂ, ਕੁਟਿਲਂ. ਤਰੁਤੋ ਜਾਤੋ ਤੁਰੁਕ੍ਖੋ, ਖੋ, ਉਤ੍ਤਞ੍ਚ, ਸਲ੍ਲਕੀਦਵੋ ਹਿ ‘‘ਤੁਰੁਕ੍ਖੋ’’ਤਿ ਵੁਤ੍ਤੋ.

੧੪੮. ਪਜ੍ਜੇਨ ਛਰਸਾਨਂ ਨਾਮਾਨਿ. ਕਂ ਪਾਨੀਯਂ ਸੇਵਤੇਤਿ ਕਸਾਵੋ, ਅਵੋ, ਅਥ ਵਾ ਕਂ ਸਵਾਪੇਤੀਤਿ ਕਸਾਵੋ ਸੁ ¶ ਸਵਨੇ. ਤੁਵਰੋਪਿ ਕਸਾਯੋਪਿ ਕਸਾਵਪਰਿਯਾਯੋ. ਤਿਜ ਨਿਸਾਨੇ, ਤੋ, ਤਿਤ੍ਤੋ, ਕਟੁ. ਮਧੁ ਮਾਧੁਰਿਯਂ, ਤਂਯੋਗਾ ਮਧੁਰੋ. ਲੁਨਾਤਿ ਜਲ਼ਤ੍ਤਨ੍ਤਿ ਲਵਣੋ, ਯੁ. ਅਮ੍ਬਸਦ੍ਦੇ, ਅਰੋ, ਇਤ੍ਤਂ, ਲਤ੍ਤਞ੍ਚ. ਕਟ ਗਤਿਯਂ, ਣ੍ਵੁ, ਉਤ੍ਤਂ. ਇਮੇ ਛ ਰਸਾ ਨਾਮ ਵੁਚ੍ਚਨ੍ਤਿ. ਤਬ੍ਬਤਿ ਦਬ੍ਬੇ ਕਸਾਵਾਦਿਸਦ੍ਦਾ ਤੀਸੁ ਲਿਙ੍ਗੇਸੁ ਵਤ੍ਤਨ੍ਤਿ.

੧੪੯. ਦ੍ਵਯਂ ਫੋਟ੍ਠਬ੍ਬੇ. ਫੁਸਿਤਬ੍ਬੋ ਫਸ੍ਸੋ, ਫੋਟ੍ਠਬ੍ਬੋ ਚ, ਤਬ੍ਬੋ, ਸਸ੍ਸ ਟੋ, ਤਸ੍ਸ ਠੋ. ਤਿਕਂ ਵਿਸਯਿਮ੍ਹਿ. ਵਿਸਯੋ ਅਸ੍ਸ ਗਯ੍ਹਟ੍ਠੇਨਾਤ੍ਥੀਤਿ ਵਿਸਯਿ. ਉਖਤਿ ਗਚ੍ਛਤਿ ਵਿਸਯੇਤਿ ਅਕ੍ਖਂ, ਉਸ੍ਸਤ੍ਤਂ ਦ੍ਵਿਤ੍ਤਞ੍ਚ, ਨਤ੍ਥਿ ਖਂ ਵੇਦਨਾ ਏਤ੍ਥਾਤਿ ਵਾ ਅਕ੍ਖਂ, ਨ ਹਿ ਸੁਖਵੇਦਨਾਦਯੋ ਸਮ੍ਪਯੋਗਵਸੇਨ ਪਞ੍ਚਸੁ ਇਨ੍ਦ੍ਰਿਯੇਸੁ ਉਪ੍ਪਜ੍ਜਨ੍ਤਿ, ਜਵਨਾਦੀਸੁ ਏਵ ਪਨ ਉਪ੍ਪਜ੍ਜਨ੍ਤੀਤਿ ਤਥਾ ਵੁਤ੍ਤਂ, ਮਨਿਨ੍ਦ੍ਰਿਯੇ ਤੂਪਚਾਰਾ [ਮਨਿਨ੍ਦ੍ਰਿਯੇਸੁਪਚਾਰਾ (ਕ.)] ਅਕ੍ਖਂ. ਇਨ੍ਦੋ ਅਤ੍ਤਾ, ਤਸ੍ਸ ਲਿਙ੍ਗਂ ਇਨ੍ਦ੍ਰਿਯਂ, ਇਯੋ. ਨਾ’ਨਨ੍ਤਰੇਨ ਪਯੋਜਕਂ ਚਕ੍ਖਾਦਯੋ ਬ੍ਯਾਪਾਰਯਨ੍ਤੇ, ਤਸ੍ਮਾ ਅਤ੍ਥਿ ਅਤ੍ਤਾ ਚਕ੍ਖਾਦੀਨਂ ਪਯੋਜਕੋਤਿ ਚਕ੍ਖਾਦਿਕਂ ਲਿਙ੍ਗਮਤ੍ਤਨੋ ਭਵਤੀਤਿ ਨਿਕਾਯਨ੍ਤਰਿਕਾ. ਸਯਂ ਤਿਕ੍ਖਮਨ੍ਦਾਦਿਭਾਵੇ ਚਕ੍ਖੁਵਿਞ੍ਞਾਣਾਦੀਨਂ ਤਿਕ੍ਖਮਨ੍ਦਾਦਿਭਾਵਸਮ੍ਭਵਤੋ ਤੇਸੁ ਇਨ੍ਦਤਿ ਪਰਮਿਸ੍ਸਰਿਯਂ ਕਰੋਤੀਤਿ ਵਾ ਇਨ੍ਦ੍ਰਿਯਂ.

ਛਕ੍ਕਂ ਨਯਨੇ. ਨੇਤਿ ਅਤ੍ਤਨੋ ਨਿਸ੍ਸਿਤਂ ਪੁਗ੍ਗਲਨ੍ਤਿ ਨਯਨਂ, ਯੁ. ਅਸੁ ਬ੍ਯਾਪਨੇ, ਅਸਤਿ ਵਿਸਯੇਸੁ ਬ੍ਯਾਪੀ ਵਿਯ ਭਵਤੀਤਿ ਅਕ੍ਖਿ, ਸਸ੍ਸ ਕੋ, ਅਥ ਵਾ ਅਕ੍ਖ ਬ੍ਯਾਪਨਦਸ੍ਸਨੇਸੁ, ਅਕ੍ਖਤਿ ਵਿਸਯੇਸੁ ਬ੍ਯਾਪੀਭਵਤਿ, ਅਕ੍ਖਤਿ ਵਾ ਪਸ੍ਸਤਿ ਏਤੇਨਾਤਿ ¶ ਅਕ੍ਖਿ. ਨੇਤੀਤਿ ਨੇਤ੍ਤਂ. ਲੋਚਤਿ ਪਸ੍ਸਤਿ ਏਤੇਨਾਤਿ ਲੋਚਨਂ. ਅਚ੍ਛ ਦਸ੍ਸਨਬ੍ਯਾਪਨੇਸੁ, ਇ, ਅਚ੍ਛਿ. ਚਕ੍ਖਤਿ ਅਸ੍ਸਾਦੇਤਿ ਰੂਪਨ੍ਤਿ ਚਕ੍ਖੁ, ਉ, ਚਕ੍ਖਤਿ ਪਸ੍ਸਤੀਤਿ ਵਾ ਚਕ੍ਖੁ.

੧੫੦. ਪਞ੍ਚਕਂ ਸੋਤੇ. ਸੁਣਾਤਿ ਏਤੇਨਾਤਿ ਸੋਤਂ. ਸਦ੍ਦੋ ਗਯ੍ਹਤੇ ਅਨੇਨਾਤਿ ਸਦ੍ਦਗ੍ਗਹੋ. ਕਰ ਕਰਣੇ, ਣੋ, ਕਣ੍ਣੋ, ਕਣ੍ਣਤਿ ਸੁਣਾਤਿ ਏਤੇਨਾਤਿ ਵਾ ਕਣ੍ਣੋ, ਕਣ੍ਣ ਸਵਨੇ. ਸੁਣਾਤਿ ਯੇਨਾਤਿ ਸਵਨਂ, ਸੁਤਿ ਚ, ਯੁ,ਤਿ ਚ.

ਚਤੁਕ੍ਕਂ ਘਾਨੇ. ਨਸਨ੍ਤਿ ਏਤਾਯਾਤਿ ਨਤ੍ਥੁ, ਥੁ, ਆ, ਨਾਸਾ. ਣ੍ਵੁ, ਅਕ ਚ ਇਕਾਰੋ ਚ ਨਾਸਿਕਾ. ਘਾ ਗਨ੍ਧੋਪਾਦਾਨੇ, ਘਾਯਤਿ ਗਨ੍ਧੋਪਾਦਾਨਂ ਕਰੋਤੀਤਿ ਘਾਨਂ, ਯੁ, ਘਾਯਨ੍ਤ੍ਯਨੇਨਾਤਿ ਵਾ ਘਾਨਂ.

ਦ੍ਵਯਂ ਜਿਵ੍ਹਾਯਂ. ਜੀਵਤਿ ਏਤਾਯਾਤਿ ਜਿਵ੍ਹਾ, ਹੋ, ਜੀਵ ਪਾਣਧਾਰਣੇ. ਜੀਵਿਤਨਿਮਿਤ੍ਤਂ ਰਸੋ ਜੀਵਿਤਂ ਨਾਮ, ਤਂ ਅਵ੍ਹਾਯਤੀਤਿ ਵਾ ਜਿਵ੍ਹਾ, ਵਣ੍ਣਲੋਪੋ. ਰਸਨ੍ਤਿ ਏਤਾਯਾਤਿ ਰਸਨਾ, ਰਸ ਅਸ੍ਸਾਦਨੇ, ਰਸਂ ਜਾਨਾਤੀਤਿ ਵਾ ਰਸਨਾ, ਞਾਸ੍ਸ ਨਾ, ਨੀ ਨਯੇ ਵਾ, ਅ.

੧੫੧. ਪਜ੍ਜਂ ਸਰੀਰੇ. ਸਰਤਿ ਗਚ੍ਛਤਿ, ਸਰਨ੍ਤਿ ਵਾ ਤਂ ਹਿਂਸਨ੍ਤੀਤਿ ਸਰੀਰਂ, ਈਰੋ. ਵਪ ਬੀਜਸਨ੍ਤਾਨੇ. ਵਪਤਿ ਕੁਸਲਾਕੁਸਲਬੀਜਮੇਤ੍ਥਾਤਿ ਵਪੁ, ਉ. ਗਚ੍ਛਤਿ, ਗਣ੍ਹਾਤਿ ਵਾ ਕੁਸਲਾਕੁਸਲਮੇਤੇਨਾਤਿ ¶ ਗਤ੍ਤਂ, ਗਮੁ ਗਤਿਯਂ, ਗਹ ਉਪਾਦਾਨੇ ਵਾ. ‘‘ਅਤ੍ਤਾ’’ਤਿ ਅਭਿਧਾਨਂ, ਬੁਦ੍ਧਿ ਚ ਭਵਨ੍ਤਿ ਏਤਸ੍ਮਾਤਿ ਅਤ੍ਤਭਾਵੋ. ਵੁਣੋਤਿ ਸਂਵਰਤਿ ਏਤ੍ਥਾਤਿ ਬੋਨ੍ਦਿ, ਵੁ ਸਂਵਰਣੇ, ਦਿ, ਨਿਗ੍ਗਹੀਤਾਗਮੋ. ਵਿਵਿਧਂ ਗਣ੍ਹਾਤਿ ਏਤ੍ਥਾਤਿ ਵਿਗ੍ਗਹੋ. ਦਿਹ ਉਪਚਯੇ, ਦਿਹਤਿ ਵਡ੍ਢਤਿ ਏਤ੍ਥ ਕੁਸਲਾਕੁਸਲਨ੍ਤਿ ਦੇਹਂ. ਅਯਂ ਦੇਹਸਦ੍ਦੋ ਪੁਰਿਸੇ ਪੁਲ੍ਲਿਙ੍ਗੇਵਤ੍ਤਤਿ. ਕੁਚ੍ਛਿਤਾਨਂ ਆਯੋ ਉਪ੍ਪਤ੍ਤਿਟ੍ਠਾਨਨ੍ਤਿ ਕਾਯੋ. ਤਨੁ ਵਿਤ੍ਥਾਰੇ, ਉ, ਤਨੁ, ਤਨੁਸਦ੍ਦੋਯਂ ਇਤ੍ਥਿਯਂ. ਏਤ੍ਥਾਪਿ ਵਾਸਦ੍ਦੋ ਸਮ੍ਬਨ੍ਧਿਤਬ੍ਬੋ. ‘‘ਅਙ੍ਗੇਨਾਙ੍ਗਂ ਤਨੁ ਚ ਤਨੁਨਾ ਗਾਲ਼੍ਹਤਤ੍ਤੇਨ ਤਤ੍ਤ’’ਨ੍ਤਿ [ਉਤ੍ਤਰਮੇਘ ੪੨] ਹਿ ਮੇਘਦੂਤੇ ਵੁਤ੍ਤਂ. ਕਲ਼ੇ ਰੇਤਸਿ ਵਰਂ ਕਲ਼ੇਵਰਂ, ਅਲੁਤ੍ਤਸਮਾਸੋਯਂ.

੧੫੨-੧੫੪. ਛਕ੍ਕਂ ਚਿਤ੍ਤੇ. ਚਿਨ੍ਤੇਤੀਤਿ ਚਿਤ੍ਤਂ. ਚੇਤੋ ਚ, ਨਲੋਪੋ. ਮਨਤਿ ਜਾਨਾਤੀਤਿ ਮਨੋ. ਵਿਜਾਨਾਤੀਤਿ ਵਿਞ੍ਞਾਣਂ, ਯੁ. ਹਰਤਿ ਅਤ੍ਤਨੋ ਆਧਾਰਨ੍ਤਿ ਹਦਯਂ, ਯੋ, ਰਸ੍ਸ ਦੋ ਚ. ਮਨੋ ਏਵ ਮਾਨਸਂ, ਸਕਤ੍ਥੇ ਸਣ.

ਚੁਦ੍ਦਸ ਬੁਦ੍ਧਾਖ੍ਯਸ੍ਸ ਗੁਣਸ੍ਸ ਨਾਮਾਨਿ. ਝਾਯਤੀਤਿ ਧੀ, ਝੇ ਚਿਨ੍ਤਾਯਂ, ਝਸ੍ਸ ਧੋ, ਨਦਾਦਿ, ਧੀ, ਧਾਰੇਤੀਤਿ ਵਾ ਧੀ, ਕ੍ਵਿ, ਨਦਾਦਿ, ਧੀ ¶ , ਸਙ੍ਖਾਰੇਸੁ ਧੀਕਾਰੋ ਜਾਯਤਿ ਏਤਾਯਾਤਿ ਵਾ ਧੀ, ਨਦਾਦਿ. ਪਞ੍ਞਾਯਤੇ ਏਤਾਯਾਤਿ ਪਞ੍ਞਾ, ਅ. ਬੁਜ੍ਝਤੇ ਤਾਯਾਤਿ ਬੁਦ੍ਧਿ,ਤਿ. ਮੇਧ ਹਿਂ ਸਾਸਙ੍ਗਮੇਸੁ, ਕਰਣੇ ਅ, ਮਿ ਹਿਂਸਾਯਂ ਵਾ, ਧੋ, ਮੇਧਾ. ਮਨਤਿ ਜਾਨਾਤੀਤਿ ਮਤਿ, ਮੁਤਿ ਚ, ਉਤ੍ਤਂ, ਮੁਨਾਤੀਤਿ ਵਾ ਮੁਤਿ, ਮੁਨ ਞਾਣੇ,ਤਿ, ਮੁਤਿ. ਭੂ ਸਤ੍ਤਾਯਂ, ਰਿ, ਨਦਾਦਿ, ਭੂਰੀ, ਭੂਸਙ੍ਖਾਤੇ ਅਤ੍ਥੇ ਰਮਤੀਤਿ ਵਾ ਭੂਰੀ, ਕ੍ਵਿ, ਨਦਾਦਿ. ਮਨਤਿ ਜਾਨਾਤੀਤਿ ਮਨ੍ਤਾ, ਅਨ੍ਤ, ਆ. ਵਿਦਤਿ ਜਾਨਾਤੀਤਿ ਵਿਜ੍ਜਾ, ਪਬ੍ਬਜ੍ਜਾਦਿਨਾ ਸਿਦ੍ਧਂ. ਯੁ ਮਿਸ੍ਸਨੇ. ਯਮਤਿ ਮਿਸ੍ਸੀਭਵਤਿ ਞੇਯ੍ਯੇਸੂਤਿ ਯੋਨਿ. ਪਟਿਮੁਖਂ ਭਨ੍ਤਿ ਉਪਟ੍ਠਹਨ੍ਤਿ ਞੇਯ੍ਯਾ ਏਤੇਨਾਤਿ ਪਟਿਭਾਨਂ, ਯੁ. ਨ ਮੁਯ੍ਹਤਿ ਏਤੇਨਾਤਿ ਅਮੋਹੋ. ਵੀਮਂਸਾ ਵਿਚਯੋ ਸਮੁਪੇਕ੍ਖਾ ਉਪਲਦ੍ਧਿ ਪਟਿਪਤ੍ਤਿ ਉਤ੍ਤਿਚੇਤਨਾਦੀਨਿਪਿ ਬੁਦ੍ਧਿਨਾਮਾਨਿ.

ਵਿਪਸ੍ਸਨਾਦਯੋ ਨੇਪਕ੍ਕਨ੍ਤਾ ਪਰਿਯਾਯਾ ਪਞ੍ਞਾਭੇਦਾ ਪਞ੍ਞਾਵਿਸੇਸਾ. ਤਤ੍ਥ ਵਿਵਿਧਂ ਅਨਿਚ੍ਚਾਦਿਕਂ ਸਙ੍ਖਾਰੇਸੁ ਪਸ੍ਸਤੀਤਿ ਵਿਪਸ੍ਸਨਾ, ਯੁ. ਸਮ੍ਮਾਦਸ੍ਸਨਲਕ੍ਖਣਾ ਸਮ੍ਮਾਦਿਟ੍ਠਿ, ਸਾ ਦੁਵਿਧਾ ਲੋਕਿਯਲੋਕੁਤ੍ਤਰਵਸੇਨ. ਤਤ੍ਥ ਪੁਰਿਮਾ ਛਬ੍ਬਿਸੁਦ੍ਧਿਪ੍ਪਵਤ੍ਤਿਕਾਲੇ, ਇਤਰਾ ਞਾਣਦਸ੍ਸਨਵਿਸੁਦ੍ਧਿਕਾਲੇ ਲਬ੍ਭਤਿ. ਆਦਿਪਰਿਯਾਯੇਨ ਪਭੁਤਿਨਾ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਾਦਯੋ ਗਹਿਤਾ. ਤਤ੍ਥ ਤਤ੍ਥ ਕਾਰਿਯੇਸੁ ਵਿਚਾਰਣਾ. ਮਾਨ ਵੀਮਂਸਾਯਂ, ਸੋ, ਚਿਤ੍ਤਾਭੋਗਾਦਿ. ਵਿਚਾਰਯਤੇ ਏਤਾਯਾਤਿ ਵਿਚਾਰਣਾ, ਚਰ ਸਞ੍ਚਯੇ, ਚੁਰਾਦਿਗਣੋ, ਯੁ. ਸਮ੍ਪਜਾਨਾਤੀਤਿ ਸਮ੍ਪਜਾਨੋ, ਪੁਗ੍ਗਲੋ, ਧਮ੍ਮਸਮੂਹੋ ਵਾ, ਞਾਸ੍ਸ ਜਾ, ਤਸ੍ਸ ਭਾਵੋ ਸਮ੍ਪਜਞ੍ਞਂ, ਨ੍ਯਸ੍ਸ ਞੋ, ਦ੍ਵਿਤ੍ਤਂ, ਤਂ ਸਾਤ੍ਥਕਸਮ੍ਪਜਞ੍ਞਾਦਿਵਸੇਨ ਚਤੁਬ੍ਬਿਧਂ. ਨਿਸ੍ਸੇਸਤੋ ਪਾਚੇਤਿ ਕੁਸਲਧਮ੍ਮੇਤਿ ਨਿਪਕੋ, ਞਾਣੀ ਪੁਗ੍ਗਲੋ, ਤਸ੍ਸ ਭਾਵੋ ਨੇਪਕ੍ਕਂ. ਦ੍ਵਯਂ ਵੇਦਨਾਯਂ. ਵੇਦਯਤੀਤਿ ਵੇਦਯਿਤਂ, ਵਿਦ ਅਨੁਭਵਨੇ, ਚੁਰਾਦਿਤ੍ਤਾ ਣਯੋ, ਤੋ, ਇਕਾਰਾਗਮੋ ਚ. ਵੇਦਯਤੀਤਿ ਵੇਦਨਾ, ਯੁ.

੧੫੫. ਪਞ੍ਚਕਂ ¶ ਵਿਤਕ੍ਕੇ. ਤਕ੍ਕ ਵਿਤਕ੍ਕੇ. ਤਕ੍ਕੇਤਿ ਸਮ੍ਪਯੁਤ੍ਤਧਮ੍ਮੇ ਆਰਮ੍ਮਣਂ ਅਭਿਨਿਰੋਪੇਤੀਤਿ ਤਕ੍ਕੋ. ਵਿਤਕ੍ਕੋਤਿ ਉਪਸਗ੍ਗਮਤ੍ਤਮੇਵ ਵਿਸੇਸੋ. ਸਙ੍ਕਪ੍ਪਨ੍ਤਿ ਪਭਵਨ੍ਤ੍ਯਨੇਨਾਤਿ ਸਙ੍ਕਪ੍ਪੋ, ਣੋ, ਕਪ੍ਪ ਵਿਤਕ੍ਕੇ, ਕਪ੍ਪ ਸਾਮਤ੍ਥਿਯੇ ਵਾ, ਭੂਵਾਦਿ, ਸਙ੍ਕਪ੍ਪਯਨ੍ਤਿ ਪਭਵਨ੍ਤ੍ਯਨੇਨਾਤਿ ਵਾ ਸਙ੍ਕਪ੍ਪੋ, ਕਪ੍ਪ ਵਿਤਕ੍ਕੇ, ਚੁਰਾਦਿ. ਅਪ ਪਾਪੁਣਨੇ, ਅਪ੍ਪੇਤਿ ਸਮ੍ਪਯੁਤ੍ਤਧਮ੍ਮੇ ਪਾਪੇਤਿ ਆਰਮ੍ਮਣਨ੍ਤਿ ਅਪ੍ਪਨਾ, ਯੁ, ਆ. ਊਹ ਵਿਤਕ੍ਕੇ. ਊਹਨ੍ਤ੍ਯਨੇਨਾਤਿ ਊਹੋ. ਤਕ੍ਕਊਹਸਦ੍ਦਾ ਚੇਤ੍ਥ ਅਜ੍ਝਾਹਾਰਵਾਚਕਾਪਿ ਭਵਨ੍ਤਿ, ਅਜ੍ਝਾਹਾਰਂ ਨਾਮ ਊਨਪੂਰਣਤ੍ਥਮਧਿਕਪ੍ਪਭੇਦਾਹਰਣਂ [ਮਧਿਕੋਪਾਦਾਨਂ (ਚਿਨ੍ਤਾਮਣਿਟੀਕਾ)]. ‘‘ਅਜ੍ਝਾਹਾਰੋ ਤਕ੍ਕ ਊਹਾ’’ਤਿ [ਅਮਰ ੫.੩] ਹਿ ਅਮਰਕੋਸੇ ਵੁਤ੍ਤਂ. ਦ੍ਵਯਂ ਜੀਵਿਤਿਨ੍ਦ੍ਰਿਯੇ. ਅਯਇਤਿ ਗਮਨਤ੍ਥੋ ਦਣ੍ਡਕੋ ਧਾਤੁ. ਅਯਤਿ ਅਦ੍ਧਾਨਂ ਗਚ੍ਛਤਿ ਯੇਨਾਤਿ ਆਯੁ, ਣੁ, ਏਤਿ ਏਤੇਨਾਤਿ ਵਾ ਆਯੁ, ਇ ਗਤਿਮ੍ਹਿ, ਣੁ, ਇਸ੍ਸੇ, ਏ ਅਯ. ਜੀਵਨ੍ਤਿ ਅਨੇਨਾਤਿ ਜੀਵਿਤਂ, ਜੀਵ ਪਾਣਧਾਰਣੇ.

ਚਤੁਕ੍ਕਂ ਸਮਾਧਿਮ੍ਹਿ. ਨਾਨਾਲਮ੍ਬਣਵਿਸਾਰਣਾਭਾਵਤੋ ਏਕਂ ਅਗ੍ਗਂ ਆਰਮ੍ਮਣਮੇਤਸ੍ਸਾਤਿ ਏਕਗ੍ਗਂ, ਚਿਤ੍ਤਂ, ‘‘ਅਗ੍ਗਸਦ੍ਦੋ ਚੇਤ੍ਥ ਆਲਮ੍ਬਣਵਾਚਕੋ’’ਤਿ ਹਿ ਸਦ੍ਧਮ੍ਮਟੀਕਾਯਂ ਵੁਤ੍ਤਂ, ਤਸ੍ਸ ਭਾਵੋ ਏਕਗ੍ਗਤਾ, ਏਕਂ ਵਾ ਆਰਮ੍ਮਣਂ ਅਜਤਿ ਗਚ੍ਛਤੀਤਿ ਏਕਗ੍ਗਂ, ਤਸ੍ਸ ਭਾਵੋ ਏਕਗ੍ਗਤਾ. ਕਾਮਚ੍ਛਨ੍ਦਂ ਸਮੇਤੀਤਿ ਸਮਥੋ, ਥੋ, ਸਮੁ ਉਪਸਮੇ, ‘‘ਸਮਾਧਿ ਕਾਮਚ੍ਛਨ੍ਦਸ੍ਸ ਪਟਿਪਕ੍ਖੋ’’ਤਿ [ਪਾਰਾ. ਅਟ੍ਠ. ੧.੧੧; ਧ. ਸ. ਅਟ੍ਠ. ੧੬੦] ਹਿ ਵੁਤ੍ਤਂ. ਵਿਕ੍ਖਿਪਨਂ ਨਾਨਾਰਮ੍ਮਣਪੇਰਣਂ ਵਿਕ੍ਖੇਪੋ, ਸੋ ਨਤ੍ਥਿ ਏਤ੍ਥਾਤਿ ਅਵਿਕ੍ਖੇਪੋ. ਏਕਾਰਮ੍ਮਣੇ ਸੁਟ੍ਠੁ ਆਧਾਨਂ ¶ ਸਮਾਧਿ, ਸਞ੍ਞਾਯਮਿ, ਨਾਨਾਲਮ੍ਬਣਵਿਕ੍ਖੇਪਵਸਪ੍ਪਵਤ੍ਤਂ ਅਧਿਸਙ੍ਖਾਤਂ ਚਿਤ੍ਤਬ੍ਯਧਂ ਸਮੇਤੀਤਿ ਵਾ ਸਮਾਧਿ, ਨੇਰੁਤ੍ਤੋ.

੧੫੬. ਪਜ੍ਜੇਨ ਵੀਰਿਯਸ੍ਸ ਨਾਮਾਨਿ. ਉ ਦੁਕ੍ਖਲਾਭਂ, ਉਦ੍ਧਂ ਵਾ ਸਹਤਿ ਖਮਤੀਤਿ ਉਸ੍ਸਾਹੋ, ਣੋ. ਆ ਭੁਸੋ ਕਾਯਂ, ਚਿਤ੍ਤਞ੍ਚ ਤਾਪੇਤੀਤਿ ਆਤਪ੍ਪੋ [ਆਤਾਪੋ (?) ਅਭਿਧਾਨਪ੍ਪਦੀਪਿਕਾਟੀਕਾ ੧੧੩੫ ਗਾਥਾਯਂ ਪਸ੍ਸਿਤਬ੍ਬਂ], ਤਪ ਸਨ੍ਤਾਪੇ. ਲੀਨਂ ਚਿਤ੍ਤਂ ਪਗ੍ਗਣ੍ਹਾਤਿ ਉਕ੍ਖਿਪਤੀਤਿ ਪਗ੍ਗਹੋ. ਅਤ੍ਤਨੋ ਨਿਸ੍ਸਯਂ ਪਰਮਤ੍ਥਂ ਗਣ੍ਹਾਪੇਤੀਤਿ ਵਾ ਪਗ੍ਗਹੋ. ‘‘ਪਸਦ੍ਦੋ ਪਰਮਤ੍ਥੇਪੀ’’ਤਿ ਹਿ ਏਕਕ੍ਖਰਕੋਸੇ ਵੁਤ੍ਤਂ. ਵਾਯਮਨ੍ਤਿ ਯੇਨਾਤਿ ਵਾਯਾਮੋ, ਵਾਯਮ ਉਸ੍ਸਾਹਨੇ, ਅਥ ਵਾ ਵਯ ਗਮਨਤ੍ਥੋ ਦਣ੍ਡਕੋ ਧਾਤੁ, ਵਯਤਿ ਸਬ੍ਬਕਾਲਨ੍ਤਿ ਵਾਯਾਮੋ, ਅਮੋ, ਵਾਯੋ ਵਿਯ ਸਦਾ ਅਮਤਿ ਗਚ੍ਛਤੀਤਿ ਵਾ ਵਾਯਾਮੋ. ਪਰਂ ਪਰਂ ਠਾਨਂ ਅਕ੍ਕਮਤੀਤਿ ਪਰਕ੍ਕਮੋ, ਪਰਂ ਪਚ੍ਚਨੀਕਭੂਤਂ ਕੋਸਜ੍ਜਂ ਅਕ੍ਕਮਤੀਤਿ ਵਾ ਪਰਕ੍ਕਮੋ. ਪਦਹਤਿ ਯੇਨਾਤਿ ਪਧਾਨਂ, ਯੁ. ਦਹਸ੍ਸ ਧੋ, ਦਹ ਭਸ੍ਮੀਕਰਣੇ [ਪਪੁਬ੍ਬਧਾਧਾਤੁਨਾ ਸਾਧੇਤਬ੍ਬਂ ਮਞ੍ਞੇ]. ਵੀਰੇ ਸਾਧੁ, ਵੀਰਾਨਂ ਵਾ ਕਮ੍ਮਂ, ਵਿਧਿਨਾ ਵਾ ਈਰਯਿਤਬ੍ਬਂ ਪਵਤ੍ਤੇਤਬ੍ਬਨ੍ਤਿ ਵੀਰਿਯਂ, ਈਰ ਗਤਿਯਂ, ਈਹਤਿ ਏਤਿ ਵਾ ਯਾਯ ਸੁਭਾਸੁਭਫਲਨ੍ਤਿ ਈਹਾ, ਈਹ ਚੇਟ੍ਠਾਯਂ, ਇ ਵਾ ਗਤਿਮ੍ਹਿ, ਪਚ੍ਛਿਮੇ ਹਪਚ੍ਚਯੋ, ਉਦ੍ਧਂ ਯਨ੍ਤਿ ਯੇਨਾਤਿ ਉਯ੍ਯਾਮੋ, ਅਮੋ. ਤਿਟ੍ਠਤਿ ਏਤ੍ਥ ਸੁਭਾਸੁਭਫਲਨ੍ਤਿ ਧਿਤਿ,ਤਿ, ਠਾ ਗਤਿਨਿਵਤ੍ਤਿਯਂ.

੧੫੭. ਪਜ੍ਜੇਨ ਵੁਤ੍ਤਪਰਿਯਾਯਸ੍ਸ ਵੀਰਿਯਸ੍ਸ ਚਤ੍ਤਾਰਿ ਅਙ੍ਗਾਨਿ ਦਸ੍ਸੇਤਿ. ਤਚਾਦੀਨਂ ਤਿਣ੍ਣਂ ਅਵਸਿਸ੍ਸਨਂ ਅਵਸੇਸਤਾ ਮਂਸਲੋਹਿਤੇਹਿ ਅਵਧਿਭੂਤੇਹਿ, ਮਂਸਲੋਹਿਤਾਨਂ ਪਨ ਸੁਸ੍ਸਨਂ ਸੁਕ੍ਖਤਾ ¶ . ਏਤਾਨਿ ਚਤ੍ਤਾਰਿ ਅਧਿਟ੍ਠਾਨਵਸਪ੍ਪਵਤ੍ਤਾਨਿ ਵੀਰਿਯਸ੍ਸ ਅਙ੍ਗਾਨਿ ਕਾਰਣਾਨਿ ਹੋਨ੍ਤਿ. ਅਙ੍ਗ ਗਮਨਤ੍ਥੋ ਦਣ੍ਡਕੋ ਧਾਤੁ. ਅਙ੍ਗਤਿ ਸਿਦ੍ਧਿਂ ਗਚ੍ਛਤਿ ਵੀਰਿਯਫਲਮੇਤੇਹੀਤਿ ਅਙ੍ਗਾਨਿ. ਤਚ ਪਾਲਨੇ, ਣੋ, ਤਚੋ. ਨਹ ਬਨ੍ਧਨੇ ਆਰੁ. ਨ੍ਹਾਰੂਤਿਪਿ ਪਾਠੋ. ਤਤ੍ਥ ਨਨ੍ਤਸ੍ਸ ਲੋਪੋ. ਸਿਸ ਅਸਬ੍ਬਪ੍ਪਯੋਗੇ, ਯੁ, ਦ੍ਵਿਤ੍ਤਂ. ਅਸਤਿ ਖੇਪੇਤਿ ਅਦ੍ਧਾਨਨ੍ਤਿ ਅਟ੍ਠਿ,ਤਿ, ਨਪੁਂਸਕੇ, ਨੇਰੁਤ੍ਤੋ, ਆ ਭੁਸੋ ਤਿਟ੍ਠਤਿ ਏਤੇਨਾਤਿ ਵਾ ਅਟ੍ਠਿ, ਇ. ਮਨ ਞਾਣੇ, ਸੋ, ਨਸ੍ਸ ਨਿਗ੍ਗਹੀਤਂ, ਮਂਸਂ. ਰੁਹ ਜਨਨੇ, ਇਤੋ, ਲਤ੍ਤਂ, ਲੋਹਿਤਂ.

੧੫੮. ਅਸਾਝਸਾਧਨੇਪਿ ਯਸ੍ਸਾ ਵਸੇਨ ਉਯ੍ਯਾਮੋ, ਸਾ ਅਧਿਮਤ੍ਤੇਹਾ ਅਧਿਕਸਤ੍ਤਿਯੁਤ੍ਤਾ ਈਹਾ ਉਸ੍ਸੋਲ਼੍ਹੀ ਨਾਮ, ਉ ਪਬਲਂ ਦੁਕ੍ਕਰਕਮ੍ਮਂ ਸਹਤਿ ਯਾਯਾਤਿ ਉਸ੍ਸੋਲ਼ੀ, ਸਹਸ੍ਸ ਸੋਲ਼੍ਹੋ, ਨਦਾਦਿ, ਉਸ੍ਸਾਹਾਨਂ ਊਹਾਤਿ ਵਾ ਉਸ੍ਸੋਲ਼ੀ, ਯਥਾ ‘‘ਪਦਟ੍ਠਾਨ’’ਨ੍ਤਿ, ਆਕਾਰਸ੍ਸੋ, ਹਸ੍ਸ ਲ਼ੋ, ਊਲੋਪੋ, ਨਦਾਦਿ, ਵਾਯਾਮਮਤ੍ਤੇਪਿ. ਦ੍ਵਯਂ ਸਤਿਯਂ. ਸਰਤਿ, ਸਰਨ੍ਤਿ ਵਾ ਤਾਯ, ਸਰਣਮਤ੍ਤਮੇਵ ਵਾ ਏਸਾਤਿ ਸਤਿ,ਤਿ, ਪਮਾਦਂ ਵਾ ਸਰਤਿ ਹਿਂਸਤੀਤਿ ਸਤਿ. ਅਨੁ ਪੁਨਪ੍ਪੁਨਂ ਸਤਿ ਅਨੁਸ੍ਸਤਿ, ਉਪਸਗ੍ਗਮਤ੍ਤਮੇਵ ਵਾ ਵਿਸੇਸੋ, ਦ੍ਵੇਪਿ ਇਤ੍ਥਿਯਂ.

ਦ੍ਵਯਂ ਲਜ੍ਜਾਯਂ. ਲਜਿ ਪੀਲ਼ੇ, ਕਾਤਨ੍ਤਧਾਤੁ. ਲਜ੍ਜ ਲਜ੍ਜਨੇ, ਮੋਗ੍ਗਲ੍ਲਾਨਧਾਤੁ, ਲਜ੍ਜਤਿ ਪਾਪਾਤਿ ਲਜ੍ਜਾ, ਅ. ਹਿਰੀ ਲਜ੍ਜਿਯਂ, ਇ. ਹਿਰਿਯਤਿ ਪਾਪਾਤਿ ਹਿਰੀ. ਸਮਾਨਾ ਤੁਲ੍ਯਤ੍ਥਾ ਦ੍ਵੇ. ਦ੍ਵਯਂ ਓਤ੍ਤਪ੍ਪੇ. ਓਤ੍ਤਪ੍ਪਤਿ ਭਾਯਤਿ ਪਾਪਤੋਤਿ ਓਤ੍ਤਪ੍ਪਂ, ਤਪ ਭਯੇ ਅਵਪੁਬ੍ਬੋ. ਪਾਪਤੋ ਭਾਯਤਿ ਸੀਲੇਨਾਤਿ ਪਾਪਭੀਰੁ, ਪੁਗ੍ਗਲੋ, ਚਿਤ੍ਤਂ ਵਾ, ਤਸ੍ਸ ਭਾਵੋ ਤਥਾ.

੧੫੯. ਪਜ੍ਜਦ੍ਧੇਨ ¶ ਉਪੇਕ੍ਖਾਯ ਵੇਦਨਾਯ ਨਾਮਾਨਿ. ਮਜ੍ਝਤ੍ਤੇ ਮਜ੍ਝਤ੍ਤਸਭਾਵੇ ਪਵਤ੍ਤਾ ਮਜ੍ਝਤ੍ਤਿਕਾ. ਦ੍ਵਿਨ੍ਨਂ ਵੇਦਨਾਨਂ ਸਮੀਪੇ ਪਵਤ੍ਤਾ ਇਕ੍ਖਾ ਅਨੁਭਵਨਨ੍ਤਿ ਉਪੇਕ੍ਖਾ, ਇਕ੍ਖ ਦਸ੍ਸਨੇ. ਅਦੁਕ੍ਖਾ ਚ ਸਾ ਅਸੁਖਾ ਚੇਤਿ ਅਦੁਕ੍ਖਮਸੁਖਾ, ਮਕਾਰੋ ਪਦਸਨ੍ਧਿਕਰੋ.

ਦ੍ਵਯਂ ਮਨਸਿਕਾਰੇ. ਭਵਙ੍ਗਵਸੇਨ ਪਵਤ੍ਤਸ੍ਸ ਚਿਤ੍ਤਸ੍ਸ ਆਭੁਜਨਤੋ ਆਵਟ੍ਟਾਪਨਤੋ ਚਿਤ੍ਤਾਭੋਗੋ. ਪਾਲਨਜ੍ਝੋਹਾਰਤ੍ਥੋ ਚੇਤ੍ਥ ਭੁਜਧਾਤੁ ਆਵਟ੍ਟਨਤ੍ਥੋ ਆਪੁਬ੍ਬਤ੍ਤਾ, ਇਦਂ ਪਨ ਵੀਥਿਜਵਨਪਟਿਪਾਦਕੇ ਸਨ੍ਧਾਯ ਵੁਤ੍ਤਂ, ਚਿਤ੍ਤਸ੍ਸਾਰਮ੍ਮਣੇ ਆਭੁਜਨਂ ਪਵਤ੍ਤਨਂ ਵਾ ਚਿਤ੍ਤਾਭੋਗੋ, ਇਦਂ ਪਨ ਆਰਮ੍ਮਣਪਟਿਪਾਦਕਵਸੇਨ ਵੁਤ੍ਤਂ. ਭਵਙ੍ਗਮਨਤੋ ਵਿਸਦਿਸਂ ਮਨਂ ਕਰੋਤੀਤਿ ਮਨਕ੍ਕਾਰੋ, ਕਰਣਂ ਵਾ ਕਾਰੋ, ਮਨਸ੍ਮਿਂ ਕਾਰੋ ਮਨਕ੍ਕਾਰੋ. ਏਤ੍ਥ ਚ ਪਠਮਵਿਕਪ੍ਪੇਨ ਦ੍ਵੇ ਪਟਿਪਾਦਕਾ ਵੁਤ੍ਤਾ, ਪਚ੍ਛਿਮੇਨ ਤੁ ਇਤਰੋ.

ਦ੍ਵਯਂ ਅਧਿਮੋਕ੍ਖੇ. ਮੁਚ ਮੋਚਨੇ, ਅਧਿਮੁਚ੍ਚਨਂ ‘‘ਇਦਮੇਵਾ’’ਤਿ ਸਨ੍ਨਿਟ੍ਠਾਨਕਰਣਂ ਅਧਿਮੋਕ੍ਖੋ. ਨਿਚ੍ਛਯਨਂ ਨਿਣ੍ਣਯਨਂ ਨਿਚ੍ਛਯੋ, ਚਯ ਗਮਨਤ੍ਥੋ ਦਣ੍ਡਕੋ ਧਾਤੁ, ਚਸ੍ਸ ਦ੍ਵਿਤ੍ਤਂ, ਛਤ੍ਤਂ, ਨਿ ਭੁਸਂ ਛੇਦਨਂ ਵਾ ਨਿਚ੍ਛਯੋ, ਛਿਦਿ ਦ੍ਵਿਧਾਕਰਣੇ, ਇਸ੍ਸਤ੍ਤਂ, ਦਸ੍ਸ ਯੋ, ਅਸਰੂਪਦ੍ਵਿਤ੍ਤਂ.

੧੬੦. ਪਜ੍ਜਦ੍ਧਂ ਦਯਾਯਂ. ਦਯ ਦਾਨਗਤਿਹਿਂਸਾਰਕ੍ਖਣੇਸੁ. ਦਯਤਿ ਪਰਦੁਕ੍ਖਂ, ਅਤ੍ਤਸੁਖਞ੍ਚ ਹਿਂਸਤੀਤਿ ਦਯਾ, ਅ. ਕਪਿ ¶ ਚਲਨੇ, ਅਨੁ ਪੁਨਪ੍ਪੁਨਂ ਕਮ੍ਪੇਤਿ ਅਤ੍ਤਾਧਾਰਸ੍ਸ ਚਿਤ੍ਤਨ੍ਤਿ ਅਨੁਕਮ੍ਪਾ. ਕਂ ਸੁਖਂ ਰੁਨ੍ਧਤੀਤਿ ਕਰੁਣਾ, ਰੁਧਿ ਆਵਰਣੇ, ਧਸ੍ਸ ਣੋ, ਅਥ ਵਾ ਕਰੋਨ੍ਤਿ ਅਤ੍ਤਾਨਮਧੀਨਮੇਤਾਯਾਤਿ ਕਰੁਣਾ, ਯੁ, ਆ, ਕਰੁਣਾ, ਸਾ ਏਵ ਕਾਰੁਞ੍ਞਂ. ਅਨੁਦ੍ਦਯਾਤਿ ਉਪਸਗ੍ਗੇਨ ਪਦਂ ਵਡ੍ਢਿਤਂ.

ਪਜ੍ਜਦ੍ਧਂ ਵਿਰਤਿਯਂ. ਰਮੁ ਉਪਰਮੇ ਵਿਪੁਬ੍ਬੋ, ਵਿਰਮਣਂ ਵੇਰਮਣੀ, ਯੁ, ਨਦਾਦਿ, ਵੇਰਂ ਮਣਤਿ ਵਿਨਾਸੇਤੀਤਿ ਵਾ ਵੇਰਮਣੀ. ਵਿਰਮਣਂ ਵਿਰਤਿ,ਤਿ. ਦੂਰਤੋ ਵਿਰਮਣਂ ਆਰਤਿ.

੧੬੧. ਚਤੁਕ੍ਕਂ ਖਨ੍ਤਿਯਂ. ਤਿਤਿਕ੍ਖਨਂ ਖਮਨਂ ਤਿਤਿਕ੍ਖਾ, ਤਿਜ ਖਨ੍ਤਿਯਂ, ਖੋ, ਦ੍ਵਿਤ੍ਤਂ, ਕਤ੍ਤਾਦਿ, ਆ. ਖਮਨਂ ਸਹਨਂ ਖਨ੍ਤਿ,ਤਿ. ਖਮਤੇ ਖਮਨਂ, ਖਮਾ ਚ, ਖਮੁ ਸਹਨੇ. ਦ੍ਵਯਂ ਮੇਤ੍ਤਿਯਂ. ਮਿਦ ਸ੍ਨੇਹੇ, ਮਿਜ੍ਜਤਿ ਸਿਨੇਹਤੀਤਿ ਮੇਤ੍ਤਾ, ਤ, ਆ. ਮੇਤ੍ਤਿ,ਤਿ. ਅਥ ਵਾ ਮਿਤ੍ਤੇ ਭਵਾ ਮੇਤ੍ਤਾ, ਮੇਤ੍ਤਿ ਚ.

ਪਜ੍ਜਦ੍ਧਂ ਦਿਟ੍ਠਿਯਂ. ਦਸ੍ਸੀਯਤੇ ਦਸ੍ਸਨਂ, ਦਿਸ ਪੇਕ੍ਖਨੇ, ਯੁ. ਦਸ੍ਸਨਂ ਦਿਟ੍ਠਿ. ਲਭ ਲਾਭੇ,ਤਿ, ਲਦ੍ਧਿ, ਮਿਚ੍ਛਾਦਿਟ੍ਠਿਯਮੇਵ. ਸੇਸਾ ਤੁ ਉਭਯਤ੍ਰ. ਠਿਤਪਕ੍ਖੋ ਸਿਦ੍ਧਨ੍ਤੋ [ਠਿਤੋ ਪਕ੍ਖੋ ਸਿਦ੍ਧਨ੍ਤੋ, ਪੁਬ੍ਬਪਕ੍ਖਂ ਨਿਰਸ੍ਯ ਸਿਦ੍ਧਪਕ੍ਖਟ੍ਠਾਪਨੇ ਇਤਿ ਭਾਵੋ (ਚਿਨ੍ਤਾਮਣਿਟੀਕਾ)], ਸਿਦ੍ਧੋ ਅਨ੍ਤੋ ਅਨੇਨਾਤਿ ਵਿਗ੍ਗਹੋ. ਸਮਨ੍ਤਤੋ ਅਯਨਂ ਗਤਿ ਸਮਯੋ.

੧੬੨. ਦੋਹਲ਼ਨ੍ਤਂ ਤਣ੍ਹਾਯਂ. ਤਸ ਪਿਪਾਸਾਯਂ, ਯਾਯ ਤਸਨ੍ਤਿ, ਸਾ ਤਣ੍ਹਾ, ਣ੍ਹੋ. ਇਣਮ੍ਹਿ ਤਸਿਣਾ. ਏਜ ਕਮ੍ਪਨੇ, ਏਜਾ ¶ . ਸਂਸਾਰਤੋ ਨਿਸ੍ਸਰਿਤੁਮਪ੍ਪਦਾਨਵਸੇਨ ਜਾਲਸਦਿਸਤ੍ਤਾ ਜਾਲਿਨੀ, ਉਪਮਾਨੇ ਇਨੀ. ਵਿਸ ਪਵੇਸਨੇ, ਸਬ੍ਬਤ੍ਰ ਵਿਸਤਾ ਪਤ੍ਥਤਾਤਿ ਵਿਸਤ੍ਤਿਕਾ, ਸਕਤ੍ਥੇ ਣਿਕੋ. ਛਨ੍ਦ ਇਚ੍ਛਾਯਂ, ਛਨ੍ਦਨਂ ਛਨ੍ਦੋ, ਕਤ੍ਤੁਕਮ੍ਯਤਾਪਿ. ਤੇਸੁ ਤੇਸ੍ਵਾਰਮ੍ਮਣੇਸੁ ਆਕੁਲੀਭੂਤਤ੍ਤਾ ਜਟਾ ਵਿਯਾਤਿ ਜਟਾ. ਕਮੁ ਇਚ੍ਛਾਯਂ,ਤਿ, ਨਿਕਨ੍ਤਿ. ਇਸੁ ਇਚ੍ਛਾਯਂ, ਅ, ਇਸ੍ਸ ਆ, ਆਸਾ. ਸਿਵੁ ਤਨ੍ਤਸਨ੍ਤਾਨੇ, ਭਵਾਦੀਹਿ ਭਵਾਦਯੋ ਸਿਬ੍ਬਤੀਤਿ ਸਿਬ੍ਬਿਨੀ, ਅ, ਇਨੀ. ਸਤ੍ਤੇ ਭਵਂ ਨੇਤੀਤਿ ਭਵਨੇਤ੍ਤਿ,ਤਿ.

੧੬੩. ਝੇਚਿਨ੍ਤਾਯਂ, ਆਰਮ੍ਮਣਾਭਿਮੁਖਂ ਝਾਯਤੀਤਿ ਅਭਿਜ੍ਝਾ, ਆ. ਵਨ ਸਮ੍ਭਤ੍ਤਿਯਂ, ਵਨਤਿ ਯੇਨ ਸੋ ਵਨਥੋ, ਥੋ. ਵਾ ਗਤਿਯਂ, ਵਾਤਿ ਆਰਮ੍ਮਣਨ੍ਤਿ ਵਾਨਂ, ਯੁ. ਲੁਭ ਇਚ੍ਛਾਯਂ, ਲੁਬ੍ਭਨਂ ਲੋਭੋ, ਣੋ. ਰਨ੍ਜ ਰਾਗੇ, ਰਜ੍ਜਨਂ, ਰਜ੍ਜਨ੍ਤਿ ਵਾ ਯੇਨ ਸੋ ਰਾਗੋ, ਣੋ. ਲਯ ਗਤਿਯਂ, ਆ ਪੁਨਪ੍ਪੁਨਂ ਲਯਤ੍ਯਾਰਮ੍ਮਣੇਸੂਤਿ ਆਲਯੋ, ਪੁਨਪ੍ਪੁਨਂ ਲਯਤਿ ਸਂਸਿਲੇਸਤਿ ਯੇਨਾਤਿ ਵਾ ਆਲਯੋ. ‘‘ਲਯੋ ਵਿਨਾਸੇ ਸਂਸਿਲੇਸੇ, ਸਾਮ੍ਯੇ ਤੋਰਿਯਤ੍ਤਿਕਸ੍ਸ ਚੇ’’ਤਿ ਨਾਨਤ੍ਥਸਙ੍ਗਹੇ. ਪਿਹ ਇਚ੍ਛਾਯਂ, ਚੁਰਾਦਿ, ਅ, ਪਿਹਯਤਿ ਯਾਯਾਤਿ ਪਿਹਾ. ਚਿਤ੍ਤਸ੍ਸ ਨਾਨਾਰਮ੍ਮਣੇਸੁ ਵਿਬ੍ਭਮਕਰਣਤੋ ਮਨਸੋ ਰਥੋ ਇਵ ਮਨੋਰਥੋ, ਮਨੋ ਏਵ ਰਥੋ ਵਿਯਾਤਿ ਵਾ ਮਨੋਰਥੋ. ਇਸੁ ਇਚ੍ਛਾਯਂ, ਅ, ਸਸ੍ਸ ਚ੍ਛਾਦੇਸੋ. ਲਸ ਕਨ੍ਤਿਯਂ, ਅਭਿਮੁਖਂ ਕਤ੍ਵਾ ਲਸਤਿ ਯੇਨਾਤਿ ਅਭਿਲਾਸੋ, ਣੋ. ਕਮੁ ਇਚ੍ਛਾਯਂ, ਣੋ, ਕਾਮੋ ¶ . ਦੁਹ ਪਪੂਰਣੇ, ਦੁਹਨਂ ਦੋਹੋ, ਤਂ ਲਾਤੀਤਿ ਦੋਹਲ਼ੋ, ਦੁਟ੍ਠਂ ਹਦਯਮੇਤੇਨਾਤਿ ਵਾ ਦੋਹਲ਼ੋ, ਹਦਯਸ੍ਸ ਹਲ਼ੋ, ਹਲ ਕਮ੍ਪਨੇ ਦ੍ਵਿਸਦ੍ਦੂਪਪਦੋ, ਦ੍ਵੀਹਿ ਹਲਤਿ ਕਮ੍ਪਤੀਤਿ ਵਾ ਦੋਹਲ਼ੋ, ਅ, ਦ੍ਵਿਸ੍ਸ ਦੋ, ਲਸ੍ਸ ਲ਼ੋ. ਦ੍ਵੇ ਹਦਯਾ ਅਸ੍ਸ ਪਰਮਤ੍ਥਸ੍ਸਾਤਿ ਵਾ ਦੋਹਲ਼ੋ. ਅ, ਦ੍ਵਿਸ੍ਸ ਦੋ, ਹਦਯਸ੍ਸ ਹਲ਼ੋ, ਦਸ੍ਸ ਲ਼ੋ ਵਾ, ਯਲੋਪੋ, ਇਚ੍ਛਾਵਿਸੇਸਤ੍ਤੇਪਿ ਦੋਹਲ਼ਸ੍ਸ ਸਾਮਞ੍ਞਵਤ੍ਤਿਚ੍ਛਾਯ ਨਿਦ੍ਦੇਸੋ.

ਅਤਣ੍ਹਾਸਭਾਵਮ੍ਪਿ ਰੁਚਿਂ ਆਲਮ੍ਬਣਿਚ੍ਛਾਸਭਾਵਸਾਮਞ੍ਞੇਨ ਇਧੇਵ ਵਤ੍ਤੁਮਾਹ ‘‘ਆਕਙ੍ਖਾਤੁ’’ਇਚ੍ਚਾਦਿ. ਕਙ੍ਖ ਇਚ੍ਛਾਯਂ, ਅ. ਰੁਚ ਰੋਚਨੇ, ਰੋਚਨਂ ਕਤ੍ਤੁਕਾਮਤਾ, ਇ, ਰੁਚ ਦਿਤ੍ਤਿਯਂ ਵਾ, ਰੁਚਿ. ਕਤ੍ਤੁਕਾਮਤੇਵ. ਸਾ ਰੁਚਿ ਅਧਿਕਾ ਲਾਲਸਾ ਨਾਮ, ਲਸ ਕਨ੍ਤਿਯਂ, ਪੁਨਪ੍ਪੁਨਂ, ਅਤਿਸਯਂ ਵਾ ਲਸਤੀਤਿ ਲਾਲਸਾ, ਦ੍ਵਿਤ੍ਤਂ, ਅਸ੍ਸਾ. ‘‘ਯਾਚਨਾਯਂ ਮਹਿਚ੍ਛਾਯਂ [ਤਣ੍ਹਾਤਿਰੇਕੇ ਯਾਚਨਾਯਂ (ਚਿਨ੍ਤਾਮਣਿਟੀਕਾ ੭.੨੮)], ਉਸ੍ਸੁਕ੍ਕੇ ਲਾਲਸਾ ਦ੍ਵਿਸੂ’’ਤਿ ਰੁਦ੍ਦੋ.

੧੬੪. ਤਿਕਂ ਵਿਰੋਧੇ. ਪਾਯੇਨ ਵੀਰੇਸੁ ਭਵਂ ਵੇਰਂ, ਪਟਿਘਪਾਪੇਸੁਪਿ. ਰੁਧ ਪਟਿਘਾਤੇ, ਵਿਰੁਜ੍ਝਨਂ ਵਿਰੋਧੋ. ਦਿਸ ਅਪ੍ਪੀਤਿਯਂ, ਵਿਦ੍ਦੇਸਨਂ ਵਿਦ੍ਦੇਸੋ.

ਰੋਸਨ੍ਤਂ ਕੋਧੇ. ਦੁਸ ਅਪ੍ਪੀਤਿਯਂ, ਦੁਸ੍ਸਨਂ ਦੋਸੋ. ਆਰਮ੍ਮਣੇ ਪਟਿਹਞ੍ਞਤੀਤਿ ਪਟਿਘਂ, ਹਨ ਹਿਂਸਾਯਂ, ਪਟਿਘਸਦ੍ਦੋਯਂ ਪੁਲ੍ਲਿਙ੍ਗੇ ਵਾ ਭਵਤਿ. ਕੁਧ ਕੋਪੇ, ਕੁਜ੍ਝਨਂ ਕੋਧੋ. ਆਗਨ੍ਤ੍ਵਾ ਹਞ੍ਞਤੀਤਿ ਆਘਾਤੋ. ਕੁਪ ਕੋਪੇ, ਕੁਪ੍ਪਤੀਤਿ ਕੋਪੋ, ਕੋਪਯਤਿ ਵਾ ਚਿਤ੍ਤਨ੍ਤਿ ਕੋਪੋ. ਰੁਸ ਰੋਸਨੇ, ਰੁਸਨਂ ਦੁਸ੍ਸਨਂ ਰੋਸੋ.

ਦ੍ਵਯਂ ¶ ਪਰਾਨਤ੍ਥਚਿਨ੍ਤਨੇ. ਬ੍ਯਾਪਜ੍ਜਤਿ ਵਿਨਸ੍ਸਤਿ ਚਿਤ੍ਤਮੇਤੇਨਾਤਿ ਬ੍ਯਾਪਾਦੋ, ਪਟਿਘੇਪਿ. ਪਦ ਗਤਿਮ੍ਹਿ. ਪਰਸਮ੍ਪਤ੍ਤੀਸੁ ਨਾਭਿਰਮਤੀਤਿ ਅਨਭਿਰਤਿ, ਰਮੁ ਰਮਣੇ,ਤਿ.

੧੬੫. ਦ੍ਵਯਂ ਉਪਨਾਹੇ. ਨਹ ਬਨ੍ਧਨੇ, ਪੁਨਪ੍ਪੁਨਂ, ਉਪਗਨ੍ਤ੍ਵਾ ਵਾ ਨਯ੍ਹਤਿ ਚਿਤ੍ਤਨ੍ਤਿ ਉਪਨਾਹੋ. ਬਜ੍ਝਤਿ ਵੇਰਮਨੇਨਾਤਿ ਬਦ੍ਧਵੇਰਂ. ਦ੍ਵਯਂ ਸੋਕੇ. ਸੁਚ ਸੋਕੇ, ਣੋ, ਸੁਚਨਂ ਸੋਕੋ. ਸੁਚਤੇ ਸੋਚਨਂ.

ਤਿਕਂ ਰੁਦਿਤੇ. ਰੁਦਿ ਅਸ੍ਸੁਵਿਮੋਚਨੇ, ਸਬ੍ਬਤ੍ਰ ਭਾਵੇ ਤੋ. ਕਦਿ ਅਵ੍ਹਾਨੇ, ਰੋਦਨੇ ਚ, ਤਪਚ੍ਚਯਸ੍ਸ ਅਣ੍ਣਾਦੇਸੇ ਰੁਣ੍ਣਂ. ਦ੍ਵਯਂ ਪਰਿਦੇਵਨੇ. ਦੇਵਨਂ ਸੋਕੇਨ ਵਿਲਾਪੋ, ਪੁਨਪ੍ਪੁਨਂ, ਸਮਨ੍ਤਤੋ ਵਾ ਦੇਵੋ ਪਰਿਦੇਵੋ, ਪਰਿਦ੍ਦਵੋ ਚ.

੧੬੬. ਤਿਕਂ ਭਯੇ ਚਿਤ੍ਤੁਤ੍ਰਾਸਸਙ੍ਖਾਤੇ. ਸਬ੍ਬਤ੍ਰ ਭਾਵਸਾਧਨਂ. ਭੀ ਭਯੇ, ਭਾਯਨਂ ਭੀਤਿ,ਤਿ. ਭਯਂ, ਣੋ. ਤਸ ਉਬ੍ਬੇਜੇ, ਉਤ੍ਤਸਤੇ ਉਤ੍ਤਾਸੋ, ਣੋ. ਦ੍ਵਯਂ ਮਹਤਿ ਭਯੇ. ਭੀਰੁਨੋ ਇਦਂ ਭੇਰਵਂ, ਣੋ. ਮਹਨ੍ਤਞ੍ਚ ਤਂ ਭਯਜਨਕਤ੍ਤਾ ਭਯਞ੍ਚਾਤਿ ਮਹਬ੍ਭਯਂ. ਮਹਾਭਯਨ੍ਤਿਪਿ ਪਾਠੋ.

੧੬੭. ਪਜ੍ਜਂ ਭਾਯਿਤਬ੍ਬਸਾਮਞ੍ਞੇ. ਭੇਰਵਸਦ੍ਦੋਯਂ ਸਾਮਞ੍ਞਵਾਚਕੋਪਿ ਅਤ੍ਥੀਤਿ ਇਧ ਨਿਦ੍ਦੇਸੋ. ਭਾਯਤਿ ਯਸ੍ਮਾਤਿ ਭਿਂਸਨਂ, ਸੋ, ਯੁ, ਬਿਨ੍ਦਾਗਮੋ. ਭਾਯਤਿ ਯਸ੍ਮਾਤਿ ਭੀਮਂ, ਮੋ. ਦਰ ਵਿਦਾਰਣੇ, ਦਰੀਯਤੀਤਿ ਦਾਰੁਣਂ, ਉਣੋ. ਭਾਯਤਿ ਯਸ੍ਮਾਤਿ ¶ ਭਯਾਨਕਂ, ਣ੍ਵੁ, ਅਨਕਾਦੇਸੋ. ਘੁਰ ਭੀਮੇ, ਘੁਰਤਿ ਭਿਂਸਤੀਤਿ ਘੋਰਂ, ਣੋ. ਪਟਿਵਤ੍ਤਤਿ ਭਯਂ ਚਿਤ੍ਤੁਤ੍ਰਾਸੋ ਯਸ੍ਮਾਤਿ ਪਟਿਭਯਂ. ਭਾਯਤਿ ਯਸ੍ਮਾਤਿ ਭੇਸ੍ਮਂ, ਸ੍ਮਪਚ੍ਚਯੋ. ਭਯਂ ਕਰੋਤੀਤਿ ਭਯਙ੍ਕਰਂ, ਅਲੁਤ੍ਤਸਮਾਸੋਯਂ. ਇਮੇ ਨਵ ਭੇਰਵਾਦਯੋ ਭਯਭੇਰਵਾਦਿਹੇਤੁਮ੍ਹਿ ਦਬ੍ਬੇ ਵਿਸੇਸਨਭਾਵੇਨ ਵਤ੍ਤਨ੍ਤੇ, ਤਦਾ ਤੀਸੁ ਲਿਙ੍ਗੇਸੁ, ਸਾਮਞ੍ਞੇਨ ਤੁ ਨਪੁਂਸਕੇ.

੧੬੮. ਦ੍ਵਯਂ ਪਰਾਭ੍ਯੁਦਯਾਸਹਨੇ. ਇਸ੍ਸ ਇਸ੍ਸਤ੍ਥੇ, ਇਸ੍ਸ ਇਸ੍ਸਾਯਨ੍ਤਿ ਵਾ ਧਾਤ੍ਵਤ੍ਥੋ, ਇਸ੍ਸਤਿ ਸਨ੍ਤੇਸੁਪਿ ਗੁਣੇਸੁ ਵਚਸਾ, ਮਨਸਾ ਵਾ ਦੋਸਾਰੋਪਨਂ ਕਰੋਤੀਤਿ ਇਸ੍ਸਾ, ਅ. ਉਸ੍ਸੁਯ [ਉਸੂਯ (?)] ਦੋਸਾਵਿਕਰਣੇ. ਤਿਕਂ ਮਚ੍ਛੇਰੇ. ਮਸੁ ਆਮਸਨੇ, ਚ੍ਛੇਰਚ੍ਛਰਪਚ੍ਚਯਾ, ਮਚ੍ਛਰਮੇਵ ਮਚ੍ਛਰਿਯਂ, ਸਕਤ੍ਥੇ ਇਯੋ, ਅਥ ਵਾ ਮਸੁਇਚ੍ਚੇਤਸ੍ਸ ਪਾਟਿਪਦਿਕਸ੍ਸ ਸੁਸ੍ਸ ਣਮ੍ਹਿ ਚ੍ਛੇਰਚ੍ਛਰਾ, ਮਸੁ ਮਚ੍ਛੇਰੇਤਿਪਿ ਧਾਤੁ.

ਤਿਕਂ ਅਞ੍ਞਾਣੇ. ਮੂਹ ਵੇਚਿਤ੍ਤੇ, ਮੁਯ੍ਹਨ੍ਤਿ ਤੇਨ ਸਮ੍ਪਯੁਤ੍ਤਧਮ੍ਮਾ, ਸਯਂ ਵਾ ਮੁਯ੍ਹਤਿ, ਮੁਯ੍ਹਨਮਤ੍ਤਮੇਵ ਵਾ ਤਨ੍ਤਿ ਮੋਹੋ. ਵਿਦ ਞਾਣੇ, ਨ ਵਿਦਤੀਤਿ ਅਵਿਜ੍ਜਾ. ਨ ਵਿਜਾਨਾਤੀਤਿ ਅਞ੍ਞਾਣਂ. ਤਿਕਂ ਮਾਨੇ. ਭੂਤੇਨਾਭੂਤੇਨ ਵਾ ਪਰਤੋ ਉਕ੍ਕਂਸਕਪ੍ਪਨੇਨ ਚੇਤਸੋ ਉਨ੍ਨਤਿ ਮਾਨੋ, ਯਥਾ ‘‘ਸੂਰੋ ਅਤ੍ਥਵਾਹ’ਮਸ੍ਮਿ ਸੀਲਵਾ ਬੁਦ੍ਧਿਸਮ੍ਪਨ੍ਨੋ’’ਤਿ [ਅਵੇਹਿ ਭਲਵਾ ਅਸ੍ਮਿ, ਸੀਲਵਾ ਬੁਦ੍ਧਿਸਂਯੁਤੋ (ਚਿਨ੍ਤਾਮਣਿਟੀਕਾ ੭.੨੨)]. ਮਾਨ ਪੂਜਾਯਂ, ਚੁਰਾਦਿ, ਅ. ਧਾਰਣਤ੍ਥੋ ਧਾਧਾਤੁ, ਕਰੋਤ੍ਯਤ੍ਥੇ ਵਿਪੁਬ੍ਬੋ, ਸੇਯ੍ਯਾਦਿਭਾਵੇ ਅਤ੍ਤਾਨਂ ਵਿਦਧਾਤਿ ਯਾਯ ਸਾ ਵਿਧਾ, ਤੀਸੁ. ਉਦ੍ਧਂ ਨਮਤਿ ਯਾਯ ਸਾ ਉਨ੍ਨਤਿ, ਇਤ੍ਥਿਯਨ੍ਤਿ.

੧੬੯. ਦ੍ਵਯਂ ¶ ਉਦ੍ਧਚ੍ਚੇ. ਹਨ ਗਤਿਯਂ, ਉਦ੍ਧਂ ਉਦ੍ਧਂ ਹਨਤਿ ਗਚ੍ਛਤੀਤਿ ਉਦ੍ਧਤੋ, ਤੋ, ਹਨਸ੍ਸ ਧੋ, ਅਸਰੂਪਦ੍ਵਿਤ੍ਤਂ, ਚਿਤ੍ਤਂ, ਉਦ੍ਧਤਸ੍ਸ ਭਾਵੋ ਉਦ੍ਧਚ੍ਚਂ. ਧਾਵ ਗਤਿਯਂ, ਉਦ੍ਧਂ ਧਾਵਤਿ ਚਿਤ੍ਤਮੇਤੇਨਾਤਿ ਉਦ੍ਧਵਂ, ਅ, ਰਸ੍ਸੋ.

ਤਾਪਾਦਿਪਞ੍ਚਕਂ ਕੁਕ੍ਕੁਚ੍ਚੇ. ਤਪ, ਧੁਪ ਸਨ੍ਤਾਪੇ, ਤਪਤਿ ਚਿਤ੍ਤਮੇਤੇਨਾਤਿ ਤਾਪੋ, ਣੋ. ਕੁਚ੍ਛਿਤਂ ਕਰੋਤੀਤਿ ਕੁਕ੍ਕੁਤਂ, ਚਿਤ੍ਤਂ, ਤਂਸਮਙ੍ਗੀ ਵਾ, ਤਸ੍ਸ ਭਾਵੋ ਕੁਕ੍ਕੁਚ੍ਚਂ. ਪਚ੍ਛਾ ਤਪਤਿ ਏਤੇਨਾਤਿ ਪਚ੍ਛਾਤਾਪੋ. ਅਨੁ ਪਚ੍ਛਾ ਤਪਤਿ ਯੇਨ ਸੋ ਅਨੁਤਾਪੋ. ਸਰ ਗਤਿਯਂ, ਵਿਰੂਪੇਨ ਪਤਿ ਪੁਨਪ੍ਪੁਨਂ ਸਰਤਿ ਚਿਤ੍ਤਮੇਤੇਨਾਤਿ ਵਿਪ੍ਪਟਿਸਾਰੋ, ਤਸ੍ਸ ਟੋ.

੧੭੦. ਪਜ੍ਜਂ ਵਿਚਿਕਿਚ੍ਛਾਯਂ. ਲਿਖ ਲੇਖਨੇ, ਮਨਂ ਵਿਲੇਖਤਿ ਦ੍ਵਿਧਾਕਰਣਵਸੇਨਾਤਿ ਮਨੋਵਿਲੇਖੋ. ਦਿਹ ਉਪਚਯੇ. ਇਧ ਪਨ ਸਂਪੁਬ੍ਬਤ੍ਤਾ ਸਂਸਯੇ, ਕਰਣੇ ਣੋ. ਸੀ ਸਯੇ, ਇਧ ਸਂਪੁਬ੍ਬਤ੍ਤਾ ਕਙ੍ਖਾਯਂ, ਸਬ੍ਬਤ੍ਰੇਵਂ. ‘‘ਕਥਮਿਦ’’ਮਿਤਿ ਕਥਯਤਿ ਯਾਯ ਸਾ ਕਥਂਕਥਾ. ਕਿਤ ਰੋਗਾਪਨਯਨੇ, ਛਪਚ੍ਚਯੋ, ਦ੍ਵਿਤ੍ਤਾਦਿ, ਵਿਗਤਾ ਚਿਕਿਚ੍ਛਾ ਞਾਣਪ੍ਪਟਿਕਾਰੋ ਏਤਾਯਾਤਿ ਵਿਚਿਕਿਚ੍ਛਾ. ਇਲ ਗਤਿਕਮ੍ਪਨੇਸੁ, ਦ੍ਵਿਧਾ ਇਲਤਿ ਚਿਤ੍ਤਮੇਤੇਨਾਤਿ ਦ੍ਵੇਲ਼੍ਹਕਂ, ਹਪਚ੍ਚਯੋ, ਸਕਤ੍ਥੇ ਕੋ ਚ. ਕਙ੍ਖ ਵਿਚਿਕਿਚ੍ਛਾਯਂ, ਅ, ਇਤ੍ਥਿਯਂ. ਸਙ੍ਕ ਸਙ੍ਕਾਯਂ. ਵਿਵਿਧੇਨਾਕਾਰੇਨ ਮਞ੍ਞਤਿ ਯਸ੍ਮਾ, ਸਾ ਵਿਮਤਿ. ਮਨ ਞਾਣੇ, ਇਤ੍ਥਿਯਨ੍ਤਿ.

੧੭੧. ਤਿਕਂ ¶ ਨੀਚਪਕਤਿਦੋਸਸਮ੍ਭੂਤਰੂਪਿਸ੍ਸਰਿਯਾਦਿਨਿਮਿਤ੍ਤਿਕੇ ਮਦੇ, ਯਸ੍ਮਿਂ ਸਤਿ ਉਤ੍ਤਰਦਾਨਸਾਦਰੋਲੋਕਨਾਦਿਵਿਮੁਖੋ ਪੁਰਿਸੋ ਜਾਯਤੇ. ਮਦੋਪ੍ਯਤ੍ਰ ‘‘ਕਤ੍ਥੂਰੀਗਬ੍ਬਰੇਤੇਸੁ, ਮਦੋਹਸ੍ਸੇਭਦਾਨੇਸੂ’’ਤਿ [ਕਤ੍ਤਰਿ ਗਬ੍ਭਰੇਤੇਸੁ, ਮਦੋ ਪੁਰਿਸਮਾਨੇਸੂਤਿ (ਨਿਸ੍ਸਯ)] ਰਭਸੋ. ਗਬ੍ਬ ਮਾਨੇ, ਚੁਰਾਦਿ, ਅ, ਅਥ ਵਾ ਗਰ ਸੇਚਨੇ, ਬੋ. ਮਾਨ ਪੂਜਾਯਂ, ਵਿਸੇਸਤੋ ਮਾਨੇਤੀਤਿ ਅਭਿਮਾਨੋ. ਅਹਂਕਾਰੇ ਅਹਂਸਦ੍ਦੋ ਨਿਪਾਤੋ, ਅਮ੍ਹਸਦ੍ਦੋਪ੍ਯਤ੍ਰ, ‘‘ਅਹ’’ਮਿਤਿ ਅਤ੍ਤਾਨਂ ਕਰੋਤਿ ਯੇਨਾਤਿ ਅਹਂਕਾਰੋ. ਦ੍ਵਯਂ ਚਿਨ੍ਤਾਯਂ. ਚਿਨ੍ਤ ਚਿਨ੍ਤਾਯਂ, ਅ. ਝੇ ਚਿਨ੍ਤਾਯਂ, ਝਾਯਤੇ ਝਾਨਂ, ਦ੍ਵੀਸੁਪਿ ਭਾਵਸਾਧਨਂ, ਅ. ਵਿਤਕ੍ਕਚਿਨ੍ਤਾਨਂ ਕੋ ਭੇਦੋ? ਵਿਤਕ੍ਕੋ ਤਾਵ ਵਾਚਾਯ ਪੁਬ੍ਬਭਾਗਪ੍ਪਵਤ੍ਤੋ, ‘‘ਪੁਬ੍ਬੇਵ ਖੋ, ਗਹਪਤਿ, ਵਿਤਕ੍ਕੇਤ੍ਵਾ ਵਿਚਾਰੇਤ੍ਵਾ ਪਚ੍ਛਾ ਵਾਚਂ ਭਿਨ੍ਦਤੀ’’ਤਿ [ਸਂ. ਨਿ. ੪.੩੪੮] ਹਿ ਵੁਤ੍ਤਂ. ਇਤਰਾ ਪਨ ਤਸ੍ਸਾ ਅਪੁਬ੍ਬਭਾਗਪ੍ਪਵਤ੍ਤਾਪੀਤਿ ਅਯਮੇਤਾਸਂ ਵਿਸੇਸੋ. ਅਥ ਵਾ ਵਿਤਕ੍ਕੋ ਪਕਿਣ੍ਣਕਪਰਿਯਾਪਨ੍ਨੋ ਏਕੋ ਚੇਤਸਿਕਧਮ੍ਮੋ, ਇਤਰਾ ਪਨ ਸਬ੍ਬਸਾਧਾਰਣਪਰਿਯਾਪਨ੍ਨੋ ਮਨਸਿਕਾਰਨਾਮਕੋ ਏਕੋ ਚੇਤਸਿਕਧਮ੍ਮੋਤਿ ਅਯਮੇਤਾਸਂ ਵਿਸੇਸੋ.

ਦ੍ਵਯਂ ਨਿਚ੍ਛਯੇ. ਨਯ ਗਮਨਤ੍ਥੋ ਦਣ੍ਡਕੋ ਧਾਤੁ, ਆਰਮ੍ਮਣਂ ਨਿਚ੍ਛਿਨਨ੍ਤੋ ਨਯਤੀਤਿ ਨਿਣ੍ਣਯੋ, ਨਸ੍ਸ ਣਤ੍ਤਂ. ਅਥ ਅਧਿਮੋਕ੍ਖਨਿਣ੍ਣਯਾਨਂ ਕੋ ਭੇਦੋ? ਅਧਿਮੋਕ੍ਖੋ ਆਰਮ੍ਮਣਂ ਅਜ੍ਝੋਗਾਹੇਤ੍ਵਾ ਤਿਟ੍ਠਤਿ, ਨਿਣ੍ਣਯੋ ਵਿਨਿਚ੍ਛਯਮਤ੍ਤਮੇਵਾਤਿ ਅਯਮੇਤੇਸਂ ਵਿਸੇਸੋ. ਅਥ ਵਾ ਅਧਿਮੋਕ੍ਖੋ ਪਸਾਦੇਪਿ ਸਮ੍ਭਵਤਿ, ਇਤਰੋ ਪਨ ਨ ਤਥਾਤਿ ਅਯਂਪ੍ਯੇਤੇਸਂ ਭੇਦੋ ¶ . ਤਤ੍ਰ ਨਿਚ੍ਛਯਸਦ੍ਦੋ ਇਧਾਪਿ ਪਵਤ੍ਤਤੀਤਿ ਦ੍ਵੀਸੁਪਿ ਵੁਤ੍ਤੋ.

ਪਾਦੇਨ ਅਭ੍ਯੁਪਗਮਸ੍ਸ ਨਾਮਾਨਿ. ਪਤਿਪੁਬ੍ਬੋ ਜਾਨਾਤਿ ਅਭ੍ਯੁਪਗਮੇ, ਇਤ੍ਥਿਯਂ ਅ, ਪਟਿਞ੍ਞਾ. ਤਥਾ ਸੁਣੋਤਿ ਚ, ਅ, ਪਟਿਸ੍ਸਵੋ, ਦ੍ਵੀਸੁਪਿ ਭਾਵਸਾਧਨਂ. ਸਂਵਿਦਾ’ਗੂ, ਪਟਿਞ੍ਞਾਨਂ, ਨਿਯਮੋ, ਅਸ੍ਸਵੋ, ਸਂਸਵੋ, ਅਙ੍ਗੀਕਾਰੋ, ਅਭ੍ਯੁਪਗਮੋ, ਸਮਾਧਿਇਚ੍ਚਾਦੀਨਿਪਿ ਅਭ੍ਯੁਪਗਮਸ੍ਸ ਨਾਮਾਨਿ [ਅਮਰ ੫.੫].

੧੭੨. ਛਹਿ ਪਦੇਹਿ ਅਨਾਦਰਸ੍ਸ ਨਾਮਾਨਿ. ਮਾਨ ਪੂਜਾਯਂ, ਚੁਰਾਦਿ, ਮਨ ਞਾਣੇ ਵਾ, ਹੇਟ੍ਠਾ ਕਤ੍ਵਾ ਜਾਨਨਂ ਅਵਮਾਨਂ, ਭਾਵੇ ਯੁ. ਯੋ ਯੇਨਾਨਾਦਰਿਤੋ, ਸ ਤਤੋ ਅਵਸ੍ਸਮੇਵ ਕਾਯਵਚੀਮਨਾਨਂ ਅਞ੍ਞਤਰੇਨਾਵਧੀਯਤੇਤਿ ਅਨਾਦਰੇਪਿ ਬ੍ਯਵਧਾਨਾਭਿਚਾਰਤੋ ਤਿਰਸਦ੍ਦੋ ਅਨ੍ਤਰਧਾਨੇ ਵਤ੍ਤਮਾਨੋ ਸਮ੍ਬਜ੍ਝਤੇਤਿ ਤਿਰੋਧਾਨਕਰਣਂ ਤਿਰਕ੍ਕਾਰੋ. ਪਰਿ ਪਰਾਪੁਬ੍ਬੋ ਭੂਧਾਤੁ ਅਵਞ੍ਞਾਣੇ, ਅਵਪੁਬ੍ਬੋ ਜਾਨਾਤਿ ਚ, ਸਬ੍ਬਤ੍ਰ ਭਾਵੇ ਣੋ, ਅ ਚ. ਦਰ ਆਦਰੇ, ਆਦਰੋ ਸਕ੍ਕਾਰੋ, ਤਬ੍ਬਿਪਰੀਤੋ ਅਨਾਦਰੋ. ਪਰਾਭਵਨਂ ਪਰਾਭਵੋ. ਅਵਜਾਨਨਂ ਅਵਞ੍ਞਾ.

ਦ੍ਵਯਂ ਉਮ੍ਮਾਦੇ. ਚਿਤ੍ਤਸ੍ਸ ਵਿਬ੍ਭਮੋ ਭਨ੍ਤਿ ਉਮ੍ਮਾਦੋ. ਮਦ ਉਮ੍ਮਾਦੇ, ਉਗ੍ਗਤੇਹਿ, ਉਮ੍ਮਗ੍ਗਸਣ੍ਠਿਤੇਹਿ ਵਾ ਦੋਸੇਹਿ ਮਦਨਂ ਉਮ੍ਮਾਦੋ.

੧੭੩. ਸ੍ਨੇਹਨ੍ਤਂ ¶ ਸ੍ਨੇਹੇ. ਪਿਯਸ੍ਸ ਭਾਵੋ ਪੇਮਂ, ਇਮੋ, ਪਿਯਸ੍ਸ ਪਤ੍ਤਂ, ਪੀਨਯਤੀਤਿ ਵਾਪੀ, ਪਿਨੋ ਭਾਵੋ ਪੇਮਂ, ਇਮੋ. ਸਿਨਿਹ, ਸ੍ਨਿਹ ਪੀਤਿਯਂ, ਭਾਵੇ ਣੋ. ਦ੍ਵਯਂ ਮੁਚ੍ਛਾਯਂ. ਪੀਲ਼ ਵਿਬਾਧਾਯਂ, ਚਿਤ੍ਤਸ੍ਸ ਪੀਲ਼ਾ ਚਿਤ੍ਤਪੀਲ਼ਾ, ਵਿਗਤਾ ਨੀਲਾਦਿਸਞ੍ਜਾਨਨਲਕ੍ਖਣਾ ਸਞ੍ਞਾ ਏਤਸ੍ਮਾਤਿ ਵਿਸਞ੍ਞੀ, ਤਸ੍ਸ ਭਾਵੋ ਵਿਸਞ੍ਞਿਤਾ.

ਦ੍ਵਯਂ ਪਮਾਦੇ. ਯੇਨ ਸਕ੍ਕੋ ਸਮਾਨੋ ਸਯਂ ਕਤ੍ਤਬ੍ਬਂ ਨ ਕਰੋਤਿ, ਸੋ ਪਮਾਦੋ, ਮਦ ਪਮਾਦੇ ਪਪੁਬ੍ਬੋ, ਪਮਜ੍ਜਨਂ ਪਮਾਦੋ, ਣੋ. ਸਜ ਵਿਸਜ੍ਜਨਾਲਿਙ੍ਗਨਨਿਮ੍ਮਾਨੇਸੁ. ਸਤਿਯਾ ਵਿਸਜ੍ਜਨਂ ਸਤਿਵੋਸਗ੍ਗੋ, ਇਸ੍ਸ ਓ. ਅਪੁਬ੍ਬਵਤ੍ਥੁਪਰਿਕ੍ਖਾਤਿਸਯੇ ਕੋਤੂਹਲਾਦਿਦ੍ਵਯਂ. ਤੁਜ ਹਿਂਸਾਯਂ, ਕੁਂ ਪਾਪਂ ਤੋਜਤੀਤਿ ਕੋਤੂਹਲਂ, ਅਲੋ, ਵਣ੍ਣਵਿਕਾਰੋ ਚ. ਤੁਲ ਨਿਕ੍ਕਸੇ, ਕੁਂ ਪਾਪਂ ਤੁਲਯਤੀਤਿ ਕੁਤੂਹਲਂ, ਅ, ਹਕਾਰਵਣ੍ਣਾਗਮੋ. ਕੋਤੁਕਂ, ਕੁਤੁਕਞ੍ਚ ਏਤੇਸਂ ਪਰਿਯਾਯਾਨਿ.

੧੭੪. ਵਿਲਾਸਾਦਯੋ ਕ੍ਰਿਯਾ ਚੇਟ੍ਠਾ, ਕਿਂਵਿਸਿਟ੍ਠਾ? ਸਾ ਕ੍ਰਿਯਾ ਨਾਰਿਸਿਙ੍ਗਾਰਭਾਵਜਾ ਇਤ੍ਥੀਨਂ ਰਤਿਭਾਵਜਾ, ਯਾ ਹਾਵਸਦ੍ਦੇਨੋਚ੍ਚਨ੍ਤੇ. ਹੁਯਨ੍ਤੇ ਰਾਗਿਨੋ ਅਤ੍ਰਾਤਿ ਹਾਵੋ, ਹੁ ਹਵਨੇ, ਣੋ. ਆਦਿਨਾ ਵਿਚ੍ਛਿਤ੍ਤਿਪਭੁਤੀਨਂ ਗਹਣਂ, ਤਥਾ ਹਿ ਵੁਤ੍ਤਂ ਨਾਟਕਰਤਨਕੋਸੇ –

‘‘ਲੀਲਾ ¶ ਵਿਲਾਸੋ ਵਿਚ੍ਛਿਤ੍ਤਿ, ਵਿਬ੍ਭਮੋ ਕਿਲਕਿਞ੍ਚਿਤਂ;

ਮੋਟ੍ਟਾਯਿਤਂ ਕੁਟ੍ਟਮਿਤਂ, ਵਿਬ੍ਬੋਕੋ ਲਲਿਤਂ ਤਥਾ.

ਵਿਕਤਞ੍ਚੇਤਿ ਵਿਞ੍ਞੇਯ੍ਯਾ, ਦਸ ਥੀਨਂ [ਥੀਨਂ ਚੇਟ੍ਠਾ (ਕ.)] ਸਭਾਵਜਾ;

ਹਾਵੋ ਚ ਹੇਲਾ ਵਿਕ੍ਖੇਪ-ਸਮ੍ਮੂਲ਼੍ਹਮਦਕਪਣ੍ਯ’’ਨ੍ਤਿ.

ਤਤ੍ਰ ਪਿਯਸਮੀਪਗਮਨੇ ਯੋ ਠਾਨਾਸਨਗਮਨਵਿਲੋਕਿਤੇਸੁ ਵਿਕਾਰੋ, ਅਕਸ੍ਮਾ ਚ ਕੋਧਮਿਹਿਤਚਮਕ੍ਕਾਰਮੁਖਵਿਕੂਣਨਂ, ਸੋ ਵਿਲਾਸੋ, ਵਿਪੁਬ੍ਬਾ ਲਸਧਾਤੁਮ੍ਹਾ ਣੋ. ਸੁਕੁਮਾਰਵਿਧਾਨੇਨ ਭਮੁਕਨੇਤ੍ਤਾਦਿਕ੍ਰਿਯਾਸਚਿਵਕਰਚਰਣਙ੍ਗਵਿਨ੍ਯਾਸੋ ਲਲਿਤਂ, ਲਲ ਵਿਲਾਸੇ, ਤੋ. ਅਲਦ੍ਧਪਿਯਸਮਾਗਮੇਨ ਕੁਚਿਤ੍ਤਵਿਨੋਦਨਤ੍ਥਂ ਪਿਯਸ੍ਸ ਯਾ ਵੇਸਗਤਿਦਿਟ੍ਠਿਹਸਿਤਭਣਿਤੇਹਾਨੁਕਤਿ ਕਰੀਯਤੇ, ਸਾ ਲੀਲਾ, ਲਲ ਵਿਲਾਸੇ, ਲਲ ਉਪਸੇਵਾਯਨ੍ਤਿ ਵਾ ਧਾਤ੍ਵਤ੍ਥੋ, ਅ. ਸੁਰਤੇ ਪਵਡ੍ਢੇਚ੍ਛਾ ਹੇਲ਼ਾ, ਹੇਲਾ ਵਾ, ਹਿਲ ਹਾਵਕਰਣੇ, ਅ. ਮਦਰਾਗਹਸ੍ਸਜਨਿਤੋ ਵਿਪਰਿਯਾਸੋ ਵਿਬ੍ਭਮੋ. ਆਭਰਣਵਿਲੇਪਨਾਦੀਨਂ ਕੁਤੋਚਿ ਪਿਯਾਪਰਾਧਤੋ ਇਸ੍ਸਾਯਾਨਾਦਰੇਨ ਚਤ੍ਤਾਨਂ ਸਖੀਨਂ ਪਯਤਨੇਨ ਵਾਰਣਂ ਵਿਚ੍ਛਿਤ੍ਤਿ, ਛਿਦਿ ਦ੍ਵੇਧਾਕਰਣੇ,ਤਿ. ਪਿਯੇਨ ਦਤ੍ਤਂ ਪੀਤਿਨਿਬਨ੍ਧਨਂ ਸ੍ਵਪ੍ਪਮਪਿ ਭੂਸਨਂ ਵਿਚ੍ਛਿਤ੍ਤੀਤ੍ਯਞ੍ਞੇ. ਕਿਲਕਿਞ੍ਚਿਤਾਦਯੋ ਨਾਟਕਸਤ੍ਥਾਨੁਸਾਰਤੋ [ਬ੍ਯਾਖ੍ਯਾਸੁਧਾਟੀਕਾਟੀਪ੍ਪਣੇ] ਞੇਯ੍ਯਾ.

੧੭੫. ਤਿਕਂ ਹਸਿਤੇ. ਹਸ ਹਸਨੇ, ਸਬ੍ਬਤ੍ਰ ਭਾਵਸਾਧਨਂ. ਸੋ ਹਾਸੋ ਮਨ੍ਦੋ ਸਮਾਨੋ ਮਿਹਿਤਂ, ਸਿਤਞ੍ਚੁਚ੍ਚਤੇ. ਮਿਹ ਈਸਂਹਸਨੇ. ਮਨ੍ਦਸ੍ਸਿਤਂ ਮ੍ਹਿਤਨ੍ਤਿਪਿ ਪਾਠੋ, ਮ੍ਹਿ ¶ ਈਸਂਹਸਨੇਤਿਪਿ ਧਾਤੁ, ਮ੍ਹਿਸ੍ਸ, ਮਿਹਿਸ੍ਸ ਵਾ ਸ੍ਯਾਦੇਸੋ, ਸਿਤਂ. ਸਬ੍ਬਤ੍ਰ ਭਾਵੇ ਤੋ.

ਈਸਂਫੁਲ੍ਲਿਤਦਨ੍ਤੇਹਿ, ਕਟਾਕ੍ਖੇਹਿ ਸੋਟ੍ਠਵੇਹਿ ਚ;

ਅਲਕ੍ਖਿਤਦ੍ਵਿਜਦ੍ਵਾਰਂ, ਸਿਤਮਿਚ੍ਛਨ੍ਤਿ ਸੂਰਯੋ [ਚਿਨ੍ਤਾਮਣਿਟੀਕਾ ੭.੩੪].

ਦ੍ਵਯਂ ਮਹਾਹਸਿਤੇ. ਅਟ ਗਤਿਯਂ, ਦੂਰਗਾਮਿਹਾਸੋ ਅਟਹਾਸੋ, ਅਤਿਕ੍ਕਨ੍ਤੋ ਵਾ ਹਾਸੋ ਅਟਹਾਸੋ, ਤਸ੍ਸ ਟੋ, ਇਕਾਰਸ੍ਸਤ੍ਤਞ੍ਚ. ਸਿਤਾਤਿਹਸਿਤਾਨਂ ਅਨ੍ਤਰਾਲ਼ਿਕਂ ਵਿਹਸਿਤਂ.

ਆਕੁਞ੍ਚਿਤਕਪੋਲ’ਕ੍ਖਂ, ਸਸ੍ਸਨਂ ਨਿਸ੍ਸਨਂ ਤਥਾ;

ਪਤ੍ਥਾਵੋਤ੍ਥਂ ਸਾਨੁਰਾਗਂ, ਆਹੁ ਵਿਹਸਿਤਂ ਬੁਧਾ [ਚਿਨ੍ਤਾਮਣਿਟੀਕਾ ੭.੩੫].

ਦ੍ਵਯਂ ਲੋਮੁਗ੍ਗਮੇ. ਰੋਮਾਨਂ ਅਞ੍ਚਨਂ ਰੋਮਞ੍ਚੋ, ਅਞ੍ਚ ਗਮਨੇ, ਣੋ. ਲੋਮਾਨਂ ਹਂਸਨਂ ਉਦ੍ਧਗ੍ਗਭਾਵੋ ਲੋਮਹਂਸਨੋ.

੧੭੬. ਪਰਿਹਾਸਾਦਿਛਕ੍ਕਂ ਵਲ੍ਲਭਾਦੀਨਂ ਪਰਿਹਾਸੇ. ਪਰਿਹਸਨ੍ਤ੍ਯਤ੍ਰਾਤਿ ਪਰਿਹਾਸੋ, ਣੋ, ਪਰਿਭਵਿਤੁਕਾਮੇਨ ਹਾਸੋਤਿ ਵਾ ਪਰਿਹਾਸੋ. ਦੁ ਪਰਿਹਾਸੇ, ਦੁ ਅਨਾਦਰੇਤਿ ਵਾ ਧਾਤੁ, ਅ, ਦਵ ਦਾਹੇਤਿ ਵਾ ਧਾਤੁ. ਖਿਡ ਕੀਲ਼ਾਯਂ, ਖਿਡ੍ਡਾ, ਖਿਦ੍ਦਾਤਿਪਿ ਪਾਠੋ, ਅਥ ਵਾ ਖਂ ਤੁਚ੍ਛਂ ਇਡ੍ਡਾ ਵਾਚਾ, ਸਾ ਏਤ੍ਥਾਤਿ ਖਿਡ੍ਡਾ. ਕੀਲ਼ ਪੀਤਿਯਕੀਲ਼ਨੇਸੁ, ਕੀਲ਼ ਵਿਹਾਰੇਤਿ ਵਾ, ਕੀਲ਼ਨਂ ਕੇਲ਼ਿ ਕੀਲ਼ਾ ਚ ਕੀਲ਼ਿਤਞ੍ਚ. ਪਰਿਹਾਸਾਦਿਛਕ੍ਕੇਸੁਪਿ ਅਧਿਕਰਣਸਾਧਨਮ੍ਪਿ ਆਚਰਿਯਾ ਵਦਨ੍ਤਿ.

ਤਿਕਂ ¶ ਨਿਦ੍ਦਾਯਂ. ਨਿਪੁਬ੍ਬੋ ਦਾ ਸੁਪਨੇ, ਅ. ਸੁਪ ਸਯੇ, ਇਨੋ, ਸੁਪਿਨਂ. ਅ, ਸੋਪ੍ਪਂ. ਅਚ੍ਚਨ੍ਤਪਰਿਸ੍ਸਮਾਦਿਕਾਰਣਾ ਸਬ੍ਬਙ੍ਗਨਿਮੀਲਨਂ ਮਿਦ੍ਧਂ. ਮੁਚ੍ਛਾਪਾਯਂ ਮਿਦ੍ਧਂ. ਮਿਦ ਕਾਰਿਯਕ੍ਖਮਨੇ, ਤੋ. ਮੇਧਯਤਿ ਵਾ ਮਿਦ੍ਧਂ, ਅਕਮ੍ਮਞ੍ਞਭਾਵੇਨ ਵਿਹਿਂ ਸਤੀਤ੍ਯਤ੍ਥੋ, ਕਮ੍ਪਨਤ੍ਥੋ ਚਲਧਾਤੁ ਮੁਚ੍ਛਾਪਾਯੇ ਪਪੁਬ੍ਬੋ. ਅਕ੍ਖਿਦਲਾਨਂ ਪਚਲਭਾਵੇਨ ਅਯਤਿ ਪਵਤ੍ਤਤੀਤਿ ਪਚਲਾਯਿਕਾ, ਣ੍ਵੁ, ਅਸ੍ਸਿਤ੍ਤਂ.

੧੭੭-੧੭੮. ਕੇਤਵਨ੍ਤਂ ਕੂਟੇ. ਕਰਣਂ ਕਤਿ, ਨਿਨ੍ਦਿਤਾ ਕਤਿ ਨਿਕਤਿ. ਅਟ ਗਮਨੇ, ਕੁਚ੍ਛਿਤੇਨਾਕਾਰੇਨ ਅਟਤੀਤਿ ਕੂਟਂ. ਕੁਟ ਛੇਦਨੇਤਿ ਵਾ ਧਾਤੁ [ਸਦ੍ਦਨੀਤਿਧਾਤੁਮਾਲਾਯਂ ਪਨ ‘‘ਕੂਟ ਅਪ੍ਪਸਾਦੇ’’ਤਿ ਧਾਤੁਨਾ ਸਾਧਿਤਂ]. ਰਭਿ ਬ੍ਯਾਜੇ, ਬ੍ਯਾਜੋ ਨਾਮ ਕੇਤਵਂ. ਸਠ ਕੇਤਵੇ, ਸਠਂ, ਸਠਯਤਿ ਨ ਸਮ੍ਮਾ ਭਾਸਤਿ ਯੇਨਾਤਿ ਵਾ ਸਠਂ. ਕਿਤਵਸ੍ਸ ਧਮ੍ਮੋ ਕੇਤਵਂ, ਕਿਤਵੋ ਨਾਮ ਜੂਤਕਾਰੋ, ਚੋਰੋ ਵਾ, ਕਿਤ ਨਿਵਾਸੇ, ਅਵੋ. ਕਪਟੋ, ਬ੍ਯਾਜੋ, ਉਪਧਿ, ਕੁਸਤਿ ਇਚ੍ਚਾਦੀਨਿਪਿ ਕੇਤਵਸ੍ਸ ਨਾਮਾਨਿ.

ਸਤ੍ਤਕਂ ਸਭਾਵੇ. ਭਵਨਂ ਭਾਵੋ, ਸਸ੍ਸ ਅਤ੍ਤਨੋ, ਸਨ੍ਤੋ ਵਾ ਸਂਵਿਜ੍ਜਮਾਨੋ ਭਾਵੋ ਸਭਾਵੋ. ਸਜ ਵਿਸਜ੍ਜਨਾਲਿਙ੍ਗਨਨਿਮ੍ਮਾਨੇਸੁ, ਨਤ੍ਥਿ ਵਿਸਜ੍ਜਨਮੇਤਸ੍ਸਾਤਿ ਨਿਸ੍ਸਗ੍ਗੋ. ਰੂਪ ਪਕਾਸਨੇ, ਸਂਵਿਜ੍ਜਮਾਨਂ ਰੂਪਂ ਸਰੂਪਂ. ਕਰਣਂ ਭਵਨਂ ਕਤਿ, ਪਠਮਂ ਕਤਿ ਪਕਤਿ. ਯਥਾ ਪਠਮਕਾਲੇ ਸਮ੍ਭੂਤਾ, ਤਥੇਵ ਸਬ੍ਬਦਾਪੀਤ੍ਯਤ੍ਥੋ. ਸੀਲ ਸਮਾਧਿਮ੍ਹਿ, ਸਮਾਧਿ ਨਿਯਮੋ. ਲਕ੍ਖ ਦਸ੍ਸਨਙ੍ਕੇਸੁ, ਤਥੇਵ ਲਕ੍ਖਿਤਬ੍ਬਨ੍ਤਿ ਲਕ੍ਖਣਂ, ਯੁ. ਤਥੇਵ ਭਵਤੀਤਿ ਭਾਵੋ.

ਦ੍ਵਯਂ ¶ ਉਸ੍ਸਵੇ. ਉਸ ਦਾਹੇ. ਕਂ ਉਸਵਨ੍ਤਿ ਉਗ੍ਗਿਰਯਨ੍ਤ੍ਯਤ੍ਰਾਤਿ ਉਸ੍ਸਵੋ, ਨਾਨਾਸਮਿਦ੍ਧੀਹਿ ਸਵਨ੍ਤਿ ਏਤ੍ਥਾਤਿ ਵਾ ਉਸ੍ਸਵੋ. ਛਿ ਛੇਦਨੇ, ਛਿਨ੍ਦਤਿ ਸੋਕਮੇਤ੍ਥਾਤਿ ਛਣੋ. ਯੁ. ਇਸ੍ਸ ਲੋਪੋ. ਸੋਕਂ, ਪਾਪਞ੍ਚ ਛਿਨ੍ਦਨ੍ਤਾ ਅਣਨ੍ਤਿ ਸਦ੍ਦਾਯਨ੍ਤਿ ਏਤ੍ਥਾਤਿ ਵਾ ਛਣੋ. ਛਿ ਛੇਦਨੇ. ਅਣ ਸਦ੍ਦਤ੍ਥੋ ਦਣ੍ਡਕੋ ਧਾਤੁ.

੧੭੯. ਯਥਾ ਸਸ੍ਨੇਹਂ ਪਕਤਿਤਿਲਤੇਲਾਦਿਸ੍ਨੇਹਸਹਿਤਂ ਦੀਪਕਂ ਪਜ੍ਜੋਤਂ ਧਾਰੇਨ੍ਤੋ ਜਨ੍ਤੁ ਨਰੋ ਅਤ੍ਯਨ੍ਧਕਾਰਗਬ੍ਭਾਦੀਸ੍ਵਪਿ ਠਿਤਾਨਿ ਖੁਦ੍ਦਕਾਨ੍ਯਤ੍ਥਜਾਤਾਨਿ ਅਤਿਸੁਖੁਮਾਨਿਪਿ ਨਾਨਾਦਬ੍ਬਸਮੂਹਾਨਿ ਸੁਖਂਵ ਸਮ੍ਪਸ੍ਸਤਿ, ਤਥਾ ਸਸ੍ਨੇਹਂ ਬੁਦ੍ਧਪਰਿਯਾਯਾਦਿਅਨੇਕਪਰਿਯਾਯਸ੍ਨੇਹਸਹਿਤਂ ਇਮਂ ਅਭਿਧਾਨਪ੍ਪਦੀਪਿਕਂ ਗਨ੍ਥਂ ਉਗ੍ਗਹਣਧਾਰਣਾਦਿਨਾ ਧਾਰੇਨ੍ਤੋ ਜਨ੍ਤੁ ਸੋਤੁਜਨੋ ਖੁਦ੍ਦਕਾਨਿ ਅਤ੍ਥਜਾਤਾਨਿ ਨਾਨਾਸਤ੍ਥੇਸੁ ਆਗਤਾਨਿ ਅਤਿਗਮ੍ਭੀਰਾਨਿ ਅਤ੍ਥਜਾਤਾਨਿ ਸੁਖਂ ਸਮ੍ਪਸ੍ਸਤੀਤਿ ਯੋਜਨਾ.

ਇਤਿ ਸਕਲਬ੍ਯਾਕਰਣਮਹਾਵਨਾਸਙ੍ਗਞਾਣਚਾਰਿਨਾ ਕਵਿਕੁਞ੍ਜਰਕੇਸਰਿਨਾ ਸਿਰਿਮਹਾਚਤੁਰਙ੍ਗਬਲੇਨ ਮਹਾਮਚ੍ਚੇਨ ਵਿਰਚਿਤਾਯਂ ਅਭਿਧਾਨਪ੍ਪਦੀਪਿਕਾਵਣ੍ਣਨਾਯਂ ਸਗ੍ਗਕਣ੍ਡਵਣ੍ਣਨਾ ਸਮਤ੍ਤਾ.

੧੮੦. ਇਧ ¶ ਭੂਕਣ੍ਡੇ ਸਾਙ੍ਗੋਪਾਙ੍ਗੇਹਿ ਭੂਮ੍ਯਾਦੀਹਿ ਦਸਹਿ, ਪਾਤਾਲੇਨ ਚਾਤਿ ਏਕਾਦਸਹਿ ਕੋਟ੍ਠਾਸੇਹਿ ਕਮਤੋ ਵਗ੍ਗਾ ਭੂਮਿਵਗ੍ਗਾਦਿਨਾਮਕਾ ਵਗ੍ਗਾ ਵੁਚ੍ਚਨ੍ਤੇ. ਸਪ੍ਪਧਾਨੋਪਕਾਰਕਾਨਿ ਅਙ੍ਗਾਨਿ ਖਾਰਾਦੀਨਿ, ਅਙ੍ਗਾਨਂ ਉਪਕਾਰਕਾਨਿ ਚ ਉਪਙ੍ਗਾਨਿ ਅਦ੍ਧਾਦੀਨਿ.

੧੮੧. ਸਾਦ੍ਧਪਜ੍ਜੇਨ ਭੂਮਿਯਾ ਨਾਮਾਨਿ. ਵਸੂਨਿ ਰਤਨਾਨਿ ਧਾਰਯਤੀਤਿ ਵਸੁਨ੍ਧਰਾ. ਖਮੁ ਸਹਨੇ, ਖਸ੍ਸ ਛੋ, ਛਮਾ, ਅਥ ਵਾ ਛਿ ਛੇਦਨੇ, ਸਤ੍ਤਾਨਮਧੋਪਤਨਂ ਛਿਨ੍ਦਤੀਤਿ ਛਮਾ, ਮੋ, ਇਤ੍ਥਿਯਮਾ ਚ. ਭਵਨ੍ਤ੍ਯਸ੍ਸਂ ਭੂਤਾਨੀਤਿ ਭੂਮਿ. ਭੂ ਸਤ੍ਤਾਯਂ, ਮਿ. ਪੁਥਇਤਿ ਪਾਟਿਪਦਿਕੇ ਠਿਤੇ ਨਦਾਦਿ, ਈ, ਪੁਥਸ੍ਸ ਪੁਥੁਆਦੇਸੇ, ਵੁਦ੍ਧਿਮ੍ਹਿ ਚ ਕਤੇ ਪੁਥਵੀ. ਉਸ੍ਸੁਵਾਦੇਸੇ ਪੁਥੁਵੀ. ਪਥਾਦੇਸੇ ਤੁ ਪਥਵੀ, ਇਮਸ੍ਮਿਂ ਪਕ੍ਖੇ ਅਵਾਗਮੋ, ਅਥ ਵਾ ਥਵ ਗਤਿਯਂ, ਪਥਵਤਿ ਏਤ੍ਥਾਤਿ ਪਥਵੀ, ਨਦਾਦਿ, ਸਬ੍ਬਤ੍ਥ ਪਤ੍ਥਰਤੀਤਿ ਵਾ ਪਥਵੀ, ਥਰ ਸਨ੍ਥਰਣੇ ਪਪੁਬ੍ਬੋ, ਰਸ੍ਸ ਵੋ, ਨਦਾਦਿ, ਪੁਥਵੀ, ਅਸ੍ਸੁ.

‘‘ਮਧੁਨੋ ਕੇਟਭਸ੍ਸਾਪਿ, ਮੇਦਮਂਸਪਰਿਪ੍ਲੁਤਾ;

ਤੇਨਾਯਂ ਮੇਦਿਨੀ ਦੇਵੀ, ਵੁਚ੍ਚਤੇ ਬ੍ਰਹ੍ਮਵਾਦਿਭੀ’’ਤਿ [ਚਿਨ੍ਤਾਮਣਿਟੀਕਾ ੧੧.੩]. –

ਵਚਨਤੋ ਮੇਦਯੋਗਾ ਮੇਦਿਨੀ, ਈ, ਇਨੀ ਚ. ਮਿਦ ਸ੍ਨੇਹਨੇ ਵਾ, ਯੁ, ਨਦਾਦਿ, ਇਸ੍ਸੇਤ੍ਤਞ੍ਚ. ਮਹ ਪੂਜਾਯਂ, ਨਦਾਦਿ. ਵਿਤ੍ਥਿਣ੍ਣਤ੍ਤਾ ¶ ਉਬ੍ਬੀ, ਨਦਾਦਿ, ਅਵਤਿ ਭੂਤਾਨੀਤਿ ਵਾ ਉਬ੍ਬੀ, ਅਸ੍ਸੁ. ਵਸੂਨਿ ਸਨ੍ਤ੍ਯਸ੍ਸਂ ਵਸੁਮਤੀ. ਗਚ੍ਛਨ੍ਤਿ ਯਸ੍ਸਂ ਲੋਕਾ, ਸਾ ਗੋ, ਪੁਮਿਤ੍ਥਿਯਂ. ਕਾ ਸਦ੍ਦੇ, ਕਾਯਤਿ ਏਤ੍ਥ, ਕਾਯਤਿ ਮਾਰਵਿਜਯਕਾਲੇਤਿ ਵਾ ਕੁ, ਉ. ਵਸੂਨਿ ਧਾਰਯਤੀਤਿ ਵਸੁਧਾ. ਸਬ੍ਬਂ ਲੋਕਂ ਧਰਯਤੀਤਿ ਧਰਣੀ, ਯੁ, ਨਦਾਦਿ. ਧਰਤੀਤਿ ਧਰਾ, ਇਤ੍ਥਿਯਂ ਆ. ਗਮੁ ਗਮਨੇ, ਗਚ੍ਛਨ੍ਤ੍ਯਸ੍ਸਂ ਜਗਤੀ, ਅਨ੍ਤਪਚ੍ਚਯੋ, ਗਸ੍ਸ ਦ੍ਵਿਤ੍ਤਂ, ਜਤ੍ਤਞ੍ਚ, ਨਲੋਪੋ, ਨਦਾਦਿ. ਭੂ ਸਤ੍ਤਾਯਂ, ਰਿ, ਨਦਾਦਿ, ਕ੍ਵਿਮ੍ਹਿ ਭੂ. ਭੂਤੇ ਸਤ੍ਤੇ ਧਰਤੀਤਿ ਭੂਤਰੋ. ਅਵ ਰਕ੍ਖਣੇ, ਯੁ, ਨਦਾਦਿ, ਅਵਨੀ.

੧੮੨. ਖਾਰਾ ਲਵਣਰਸਾ ਮਤ੍ਤਿਕਾ ਊਸੋਤ੍ਯੁਚ੍ਚਤੇ. ਖਾਦਤੀਤਿ ਖਾਰਾ, ਦਸ੍ਸ ਰੋ. ਪਦੇਸਕਤ੍ਤਾ ਮਤ੍ਤੇਨ ਪਮਾਣੇਨ ਯੁਤ੍ਤਾ ਮਤ੍ਤਿਕਾ. ਊਸ ਰੁਜਾਯਂ, ਊਸੋ. ਊਸਯੋਗਾ ਊਸਵਾ, ਵਨ੍ਤੁ. ਰਪਚ੍ਚਯੇ ਊਸਰੋ. ਦ੍ਵੇਪਿ ਤੀਸੁ ਵਤ੍ਤਨ੍ਤੇ.

ਥਲ ਠਾਨੇ, ਅਧਿਕਰਣੇ ਅ. ਕਿਤ੍ਤਿਮਂ ਥਲਂ, ਅਕਿਤ੍ਤਿਮਾ ਥਲੀ, ਨਦਾਦਿ. ਥਦ੍ਧਲੂਖਮ੍ਹਿ ਭੂਭਾਗੇ ਭੂਮਿਪ੍ਪਦੇਸੇ ਜਙ੍ਗਲਸਦ੍ਦੋ ਵਤ੍ਤਤਿ. ਤਤ੍ਥ ਨਿਜ੍ਜਲਤ੍ਤਾ ਕਕ੍ਖਲ਼ਤ੍ਤਾ ਥਦ੍ਧੋ. ਤਿਕ੍ਖਸਕ੍ਖਰਾਦਿਵਿਦਾਰਗਵਾਦਿਖੁਰਗਣ੍ਡੁਪ੍ਪਾਦਵਚ੍ਚਾਦਿਸਹਿਤਤ੍ਤਾ ਲੂਖੋ ਵੇਦਿਤਬ੍ਬੋ. ਗਲ ਚਵਨਾਧੋਪਤਨਾਦਨੇਸੁ. ਜਲਂ ਗਲਤਿ ਏਤ੍ਥ, ਜਲੇਨ ਵਾ ਗਲਨ੍ਤਿ ਏਤ੍ਥਾਤਿ ਜਙ੍ਗਲੋ, ਨਿਜ੍ਜਲੋ ਦੇਸੋ, ‘‘ਜਙ੍ਗਲੋ ਨਿਜ੍ਜਲੇ ਦੇਸੇ, ਤਿਲਿਙ੍ਗੋ ਪਿਸਿਤੇ ਥਿਯ’’ਨ੍ਤਿ [ਤਿਕਣ੍ਡਸੇਸ ੩.੩.੩੯੩] ਹਿ ਤਿਕਣ੍ਡਸੇਸੋ, ਲਸ੍ਸ ਲੋਪੋ, ਨਿਗ੍ਗਹੀਤਾਗਮੋ ਚ.

੧੮੩. ਵੇਦੇਨ ¶ ਪਞ੍ਞਾਯ ਈਹਨ੍ਤਿ ਏਤ੍ਥਾਤਿ ਵੇਦੇਹੋ. ਸੋ ਏਵ ਵਿਦੇਹੋ, ਇਮਂ ਦੀਪਮੁਪਾਦਾਯ ਸਿਨੇਰੁਨੋ ਪੁਬ੍ਬਦਿਸਾਭਾਗਤ੍ਤਾ ਪੁਬ੍ਬੋ ਚ ਸੋ ਵਿਦੇਹੋ ਚੇਤਿ ਪੁਬ੍ਬਵਿਦੇਹੋ. ਏਵਮਪਰੁਤ੍ਤਰੇਸੁ. ਗਵੇਨ ਯਨ੍ਤ੍ਯੇਤ੍ਥਾਤਿ ਗੋਯਾਨੋ. ਅਪਰੋ ਚ ਸੋ ਗੋਯਾਨੋ ਚੇਤਿ ਅਪਰਗੋਯਾਨੋ. ਜਮ੍ਬੁਯਾ ਲਕ੍ਖਿਤੋ, ਕਪ੍ਪਟ੍ਠਾਯਿਤਾਦਿਪ੍ਪਭਾਵੇਨ ਵਾ ਤਪ੍ਪਧਾਨੋਦੀਪੋਤਿ ਜਮ੍ਬੁਦੀਪੋ. ਧਮ੍ਮਤਾਸਿਦ੍ਧਸ੍ਸ ਪਞ੍ਚਸੀਲਸ੍ਸ ਆਨੁਭਾਵੇਨ ਕਂ ਸੁਖਂ ਉਰੁ ਮਹਨ੍ਤਮੇਤ੍ਥਾਤਿ ਕੁਰੁ, ਕੁਂ ਪਾਪਂ ਰੁਨ੍ਧਨ੍ਤਿ ਏਤ੍ਥਾਤਿ ਵਾ ਕੁਰੁ, ਕ੍ਵਿ. ਦੀਪ ਦਿਤ੍ਤਿਪ੍ਪਕਾਸਨੇਸੁ, ਜਲਮਜ੍ਝੇ ਦਿਪ੍ਪਨ੍ਤੀਤਿ ਦੀਪਾ, ਦਿਪ੍ਪਨ੍ਤਿ ਏਤ੍ਥ ਸਦ੍ਧਮ੍ਮਾਤਿ ਵਾ ਦੀਪਾ, ਪਮਾਣਤੋ ਮਹਨ੍ਤਾ ਦੀਪਾ ਮਹਾਦੀਪਾ.

੧੮੪. ਕੁਰੁਆਦਯੋ ਏਕਵੀਸਤਿ ਜਨਪਦਨ੍ਤਰਾ ਜਨਪਦਵਿਸੇਸਾ, ਆਦਿਨਾ ਸੁਰਮਹਪਚ੍ਚੁਗ੍ਗਤਾ ਤਲਕੁਟਾ ਅਸ੍ਮਾਕਾਦਯੋ ਚ ਪੁਮ੍ਬਹੁਤ੍ਤੇ ਪੁਲ੍ਲਿਙ੍ਗੇ ਬਹੁਤ੍ਤੇ ਚ ਸਿਯੁਂ. ਕੁਰੁ ਨਾਮ ਜਾਨਪਦਿਨੋ ਰਾਜਕੁਮਾਰਾ, ਤੇਸਂ ਨਿਵਾਸੋ ਏਕੋਪਿ ਜਨਪਦੋ ਰੂਲ਼੍ਹੀਸਦ੍ਦੇਨ ‘‘ਕੁਰੂ’’ਤਿ ਬਹੁਵਚਨੇਨ ਵੁਚ੍ਚਤਿ, ਏਵਂ ਸਬ੍ਬਤ੍ਰ. ਕੁਂ ਪਾਪਂ ਰੁਨ੍ਧਤੀਤਿ ਕੁਰੁ, ਖਤ੍ਤਿਯਕੁਮਾਰਾ, ਤੇਸਂ ਨਿਵਾਸੋ ਕੁਰੂ, ਪਚ੍ਚਯਲੋਪਤੋ ਨ ਵੁਦ੍ਧਿ, ਸਬ੍ਬਤ੍ਰੇਵਂ [ਪਾਣਿਨਿ ੧.੨.੫੨ ੪.੨.੮੧ ਸੁਤ੍ਤੇਸੁ ਪਸ੍ਸਿਤਬ੍ਬਂ]. ਅਰਿਵਿਜਯਲੋਕਮਰਿਯਾਦਾਤਿਕ੍ਕਮਾਦੀਸੁ ਸਕ੍ਕੋਨ੍ਤੀਤਿ ਸਕ੍ਕਾ. ਕੋਸਂ ਲਨ੍ਤਿ ਗਣ੍ਹਨ੍ਤਿ, ਕੁਸਲਂ ਪੁਚ੍ਛਨ੍ਤੀਤਿ ਵਾ ਕੋਸਲਾ. ਮਗੇਨ ਸਦ੍ਧਿਂ ਧਾਵਨ੍ਤੀਤਿ ਮਗਧਾ, ਕ੍ਵਿ, ਮਂਸੇਸੁ ਗਿਜ੍ਝਨ੍ਤੀਤਿ ਵਾ ਮਗਧਾ. ਗਿਧ ਅਭਿਕਙ੍ਖਾਯਂ. ਸੇਵਨ੍ਤਿ ਯੇਨਾਤਿ ਸਿਵਿ, ਸਿ ਸੇਵਾਯਂ, ਵਿ. ਸਿਵਂ ਕਰੋਨ੍ਤੀਤਿ ਵਾ ਸਿਵੀ, ਅਞ੍ਞਤ੍ਥੇ ਇ. ਕਲ ਸਦ੍ਦੇ, ਇਙ੍ਗਪਚ੍ਚਯੋ, ਕਲਿਙ੍ਗਾ ¶ , ਤੇਸਂ ਨਿਵਾਸੋ ਕਲਿਙ੍ਗਾ, ਉਤ੍ਤਰਾਪਥੋ [‘‘ਜਗਨ੍ਨਾਥਾ ਪੁਬ੍ਬਭਾਗੇ ਕਣ੍ਹਾਤੀਰਨ੍ਤਰਂ ਸਿਵੇ ਕਲਿਙ੍ਗਦੇਸੋ ਸਂਵੁਤ੍ਤੋ’’ ਇਤ੍ਯੁਤ੍ਤਦੇਸੇ (ਥੋਮਨਿਧਿ)], ਕਲਿਂ ਗਣ੍ਹਨ੍ਤੀਤਿ ਵਾ ਕਲਿਙ੍ਗਾ, ਕ੍ਵਿ, ਕਲਂ ਮਧੁਰਸਦ੍ਦਂ ਗਾਯਨ੍ਤੀਤਿਵਾ ਕਲਿਙ੍ਗਾ, ਅਸ੍ਸਿਤ੍ਤਂ, ਕੇਨ ਸੁਖੇਨ ਲਿਙ੍ਗਨ੍ਤੀਤਿ ਵਾ ਕਲਿਙ੍ਗਾ, ਲਿਙ੍ਗ ਗਮਨਤ੍ਥੋ ਦਣ੍ਡਕੋ ਧਾਤੁ. ਅਤ੍ਤਨਾ ਖਾਦਿਤਂ ਲਞ੍ਜਂ ਪਰਾਜਿਤੇਹਿ ਯਾਚਿਤੇਪਿ ਪੁਨ ਨ ਵਮਨ੍ਤੀਤਿ ਅਵਨ੍ਤੀ. ਪਞ੍ਚਾਲਸ੍ਸ ਪੁਤ੍ਤਾ ਪਞ੍ਚਾਲਾ. ਵਜ੍ਜੇਤਬ੍ਬਾਤਿ ਵਜ੍ਜੀ, ‘‘ਵਜ੍ਜੇਤਬ੍ਬਾ ਇਮੇ’’ਤ੍ਯਾਦਿਨਾ ਪਵਤ੍ਤਵਚਨਮੁਪਾਦਾਯ ਵਜ੍ਜੀਤਿ ਲਦ੍ਧਨਾਮਾ ਰਾਜਾਨੋ. ਵਜ੍ਜੀਰਟ੍ਠਸ੍ਸ ਵਾ ਰਾਜਾਨੋ ਵਜ੍ਜੀ. ਰਟ੍ਠਸ੍ਸ ਵਾ ਪਨ ਤਂਸਮਞ੍ਞਾ ਤਂਨਿਵਾਸਿਰਾਜਕੁਮਾਰਵਸੇਨ ਵੇਦਿਤਬ੍ਬਾ. ਗਂ ਪਥਵਿਂ ਧਾਰੇਨ੍ਤੀਤਿ ਗਨ੍ਧਾਰਾ, ਕਿਤ੍ਤਿਗਨ੍ਧੇਨ ਅਰਨ੍ਤੀਤਿ ਵਾ ਗਨ੍ਧਾਰਾ. ਚਿਤ ਉਸ੍ਸਾਹਨੇ, ਚੇਤਨ੍ਤਿ ਉਸ੍ਸਹਨ੍ਤਿ ਯੁਦ੍ਧਕਮ੍ਮਾਦੀਸੂਤਿ ਚੇਤਯੋ.

੧੮੫. ਵਙ੍ਗ ਗਮਨਤ੍ਥੋ ਦਣ੍ਡਕੋ ਧਾਤੁ. ਵਿਸਿਟ੍ਠਾਨਿ ਦੇਹਾਨਿ ਯੇਸਂ ਵਿਦੇਹਾ, ਪੁਬ੍ਬਵਿਦੇਹਦੀਪਤੋ ਆਗਤਤ੍ਤਾ ਵਾ ਵਿਦੇਹਾ. ਓਜ ਦਿਤ੍ਤਿਯਂ, ਕਮ੍ਬੁਨਾ ਸਮ੍ਬੁਕੇਨ ਓਜਨ੍ਤਿ ਤਸ੍ਸਂ ਵੋਹਾਰਕਰਣਤੋਤਿ ਕਮ੍ਬੋਜਾ, ਕਮ੍ਬੁਕਜੋ ਓਜੋ ਬਲਮੇਤੇਸਨ੍ਤਿ ਵਾ ਕਮ੍ਬੋਜਾ. ਮਦ ਮਦ੍ਦਨੇ, ਮਦ੍ਦਨ੍ਤੀਤਿ ਵਾ ਮਦ੍ਦਾ, ਮਂ ਸਿਵਂ ਦਦਨ੍ਤੀਤਿ ਵਾ ਮਦ੍ਦਾ, ਪਞ੍ਚਕਾਮਗੁਣਾਦੀਹਿ ਮੋਦਨ੍ਤੀਤਿ ਵਾ ਮਦ੍ਦਾ, ਮਦ ਹਾਸੇ. ਭਞ੍ਜ ਅਵਮਦ੍ਦਨੇ, ਭਗ੍ਗਾ. ਅਙ੍ਗ ਗਮਨਤ੍ਥੋ ਦਣ੍ਡਕੋ ਧਾਤੁ. ਸੀਹਂ ਲਨ੍ਤੀਤਿ ਸੀਹਲ਼ਾ. ਕਾਸ ਦਿਤ੍ਤਿਯਂ, ਸਮ੍ਪਤ੍ਤਿਯਾ ਕਾਸਨ੍ਤੀਤਿ ਕਸ੍ਮੀਰਾ, ਮੀਰੋ. ਕਾਸ ਦਿਤ੍ਤਿਯਂ, ਇ, ਕਾਸੀ. ਪਡਿ ਗਤਿਯਂ, ਪਣ੍ਡੁ, ਉ. ਅਥ ਵਾ ਕੁਂ ਪਾਪਂ ਰੁਨ੍ਧਤਿ ਏਤ੍ਥਾਤਿ ਕੁਰੁ, ਇਤਿ ਏਕੋਪਿ ਜਨਪਦੋ ਨਿਸ੍ਸਿਤਾਨਂ ਬਹੁਤ੍ਤਾ ਬਹੁਵਚਨੇਨ ਵੁਚ੍ਚਤਿ. ਏਵਂ ਸਬ੍ਬਤ੍ਥ.

੧੮੬. ਦ੍ਵਯਂ ¶ ਭੁਵਨੇ. ਲੁਜ ਅਦਸ੍ਸਨੇ, ਲੁਜ੍ਜਤੀਤਿ ਲੋਕੋ, ਗਸ੍ਸ ਕੋ, ਜਸ੍ਸ ਵੋ. ਭਵਨ੍ਤਿ ਏਤ੍ਥਾਤਿ ਭੁਵਨਂ, ਯੁ. ਜਗਤਿ, ਵਿਟ੍ਠਪਾਦੀਨਿਪਿ ਭੁਵਨਪਰਿਯਾਯਾਨਿ. ਦ੍ਵਯਂ ਦੇਸਸਾਮਞ੍ਞੇ. ਦਿਸ ਅਤਿਸਜ੍ਜਨੇ, ਅਤਿਸਜ੍ਜਨਂ ਪਬੋਧਨਂ, ‘‘ਅਯਂ ਇਤ੍ਥਨ੍ਨਾਮੋ’’ਤਿ ਦਿਸਤਿ ਅਪਦਿਸਤੀਤਿ ਦੇਸੋ. ਸਿ ਸੇਵਾਯਂ, ਸਞ੍ਞਾਯਂ ਅ, ਵਿਸਯੋ.

ਸਿਟ੍ਠਾਚਾਰਰਹਿਤੋ ਮਿਲਕ੍ਖਦੇਸੋ ਕਾਮਰੂਪਾਦਿ ਪਚ੍ਚਨ੍ਤੋ ਨਾਮ. ਮਿਲਕ੍ਖ ਅਬ੍ਯਤ੍ਤਿਯਂ ਵਾਚਾਯਂ, ਮਿਲਕ੍ਖਨ੍ਤਿ ਅਬ੍ਯਤ੍ਤਵਾਚਂ ਭਾਸਨ੍ਤੀਤਿ ਮਿਲਕ੍ਖਾ. ਸਿਟ੍ਠਾਚਾਰਮਗ੍ਗਦਸ੍ਸਨਤ੍ਥਾਯ ਪਞ੍ਞਾਚਕ੍ਖੁਨੋ ਅਭਾਵਾ ਰਾਗਾਦਿਮਲਂ ਅਕ੍ਖਿਮ੍ਹਿ ਯੇਸਨ੍ਤਿ ਵਾ ਮਿਲਕ੍ਖਾ, ਅਸ੍ਸਿਤ੍ਤਂ, ਤੇਸਂ ਨਿਵਾਸਟ੍ਠਾਨਂ ਮਿਲਕ੍ਖਦੇਸੋ. ਪਚ੍ਚਨ੍ਤੇ ਮਜ੍ਝਿਮਦੇਸਸ੍ਸ ਬਹਿਦ੍ਧਾਭਾਗੇ ਜਾਤੋ ਪਚ੍ਚਨ੍ਤੋ.

ਬ੍ਯਵਤ੍ਥਾ ਚਤੁਵਣ੍ਣਾਨਂ, ਯਸ੍ਮਿਂ ਦੇਸੇ ਨ ਵਿਜ੍ਜਤੇ;

ਮਿਲਕ੍ਖਦੇਸੋ ਸੋ ਵੁਤ੍ਤੋ, ਮਜ੍ਝਭੂਮਿ ਤਤੋ ਪਰਂ [ਚਿਨ੍ਤਾਮਣਿਟੀਕਾ ੧੧.੭].

ਅਰਿਯਾਚਾਰਭੂਮਿਤ੍ਤਾ ਮਜ੍ਝੋ ਚ ਸੋ ਦੇਸੋ ਚੇਤਿ ਮਜ੍ਝਦੇਸੋ, ਨਵਯੋਜਨਸਤਪਰਿਕ੍ਖੇਪੋ ਮਜ੍ਝਿਮਦੇਸੋ.

੧੮੭. ਸਲਿਲਪ੍ਪਾਯੋ ਬਹੂਦਕੋ ਦੇਸੋ ਅਨੂਪੋ ਨਾਮ, ਅਨੁਗਤਾ ਆਪਾ ਅਤ੍ਰਾਤਿ ਅਨੂਪੋ, ਆਪਸ੍ਸ ਆਦਿਨੋ ¶ ਉਤ੍ਤਂ, ਪਰਲੋਪੋ ਵਾ. ਕਚ ਬਨ੍ਧਨੇ, ਛੋ, ਕਚ੍ਛਂ. ਅਨੂਪਦੇਸੋ ਚ. ਅਭਿਨਵੋਗ੍ਗਮਨੇਨ ਤਿਣੇਨ ਲਕ੍ਖਿਤੇ ਹਰਿਤੇ ਦੇਸੇ ਸਦ੍ਦਲੋ, ਦਲ ਦਿਤ੍ਤਿਯਂ, ਭਾਵੇ ਅ. ਵਿਜ੍ਜਤਿ ਦਲੋ ਯਤ੍ਥ ਸਦ੍ਦਲੋ.

੧੮੮. ਨਦਿਯਾ ਆਭਤੇਨ ਅਮ੍ਬੁਨਾ ਉਦਕੇਨ ਜੀਵਨ੍ਤਿ ਏਤ੍ਥਾਤਿ ਨਦ੍ਯਮ੍ਬੁਜੀਵਨੋ ਦੇਸੋ ਨਦੀ ਮਾਤਾ ਅਸ੍ਸਾਤਿ ਨਦੀਮਾਤਿਕੋਤਿ ਵੁਚ੍ਚਤਿ, ਬਹੁਬ੍ਬੀਹਿਮ੍ਹਿ ਕੋ. ਵੁਟ੍ਠਿਯਾ ਵਸ੍ਸੇਨ ਨਿਪ੍ਫਜ੍ਜਤਿ ਸਸ੍ਸਮੇਤ੍ਥਾਤਿ ਵੁਟ੍ਠਿਨਿਪ੍ਫਜ੍ਜਸਸ੍ਸਕੋ ਦੇਸੋ ਦੇਵੋ ਮਾਤਾ ਅਸ੍ਸਾਤਿ ਦੇਵਮਾਤਿਕੋਤਿ ਵੁਚ੍ਚਤਿ, ਬਹੁਬ੍ਬੀਹਿਮ੍ਹਿਯੇਵ ਕੋ, ਦੇਵਸਦ੍ਦੋ ਚੇਤ੍ਥ ਵੁਟ੍ਠਿਮਾਹ.

੧੮੯. ਅਨੂਪਾਦਯੋ ਦੇਵਮਾਤਿਕਾਨ੍ਤਾ ਤੀਸੁ ਲਿਙ੍ਗੇਸੁ. ਚਨ੍ਦਸੂਰਾਦੋ ਚਨ੍ਦਸੂਰਿਯਸਿਨੇਰੁਪਬ੍ਬਤਾਦਿਮ੍ਹਿ ਸਸ੍ਸਤਿਸਦ੍ਦੋ ਈਰਿਤੋ ਕਥਿਤੋ. ਸਬ੍ਬਦਾ ਸਰਨ੍ਤਿ ਗਚ੍ਛਨ੍ਤੀਤਿ ਸਸ੍ਸਤਿਯੋ, ਸਰ ਗਤਿਯਂ, ਸਰਸਦ੍ਦਸ੍ਸ ਸੋ,ਤਿ.

ਰਠ ਗਤਿਯਂ, ਰਠਨ੍ਤਿ ਏਤ੍ਥ ਨਗਰਾਦਯੋਤਿ ਰਟ੍ਠਂ, ਤੋ. ਨਾਗਰੇਹਿ ਵਿਜਿਨਿਤਬ੍ਬਨ੍ਤਿ ਵਿਜਿਤਂ. ਆਲ਼ਿਯਂ ਪਵਤ੍ਤਮਾਨੋ ਯੋ ਸੇਤੁ, ਸੋ ਪੁਰਿਸੇ ਪੁਲ੍ਲਿਙ੍ਗੇ ਵਤ੍ਤਤਿ. ਸਿ ਬਨ੍ਧਨੇ, ਤੁ. ਅਲ ਭੂਸਨੇ, ਇ, ਆਲ਼ਿ, ਤਸ੍ਸਂ ਆਲ਼ਿਯਂ.

ਨਗਰਪਬ੍ਬਤਾਦਿਨੋ ¶ ਉਪਾਨ੍ਤਭੂ ਸਮੀਪਭੂਮਿ ਪਰਿਸਰੋ ਪਰਿਤੋ ਸਰਨ੍ਤ੍ਯਤ੍ਰਾਤਿ, ਣੋ.

ਤਿਕਂ ਵਜੇ. ਗਾਵੋ ਤਿਟ੍ਠਨ੍ਤ੍ਯਤ੍ਰਾਤਿ ਗੋਟ੍ਠਂ. ਕੁਲ ਸਙ੍ਖ੍ਯਾਨੇ, ਗਾਵੋ ਕੁਲਨ੍ਤ੍ਯੇਤ੍ਥਾਤਿ ਗੋਕੁਲਂ, ਗੁਨ੍ਨਂ ਕੁਲਂ ਘਰਨ੍ਤਿ ਵਾ ਗੋਕੁਲਂ. ਵਜ ਗਤਿਯਂ, ਵਜਨ੍ਤਿ ਯਂ ਗਾਵੋ ਨਿਵਾਸਨਤ੍ਥਾਯਾਤਿ ਵਜੋ. ਗੋਟ੍ਠਾਨਕਂ, ਗੋਟ੍ਠਾਨਨ੍ਤਿਪਿ ਵਜਸ੍ਸ ਨਾਮਾਨਿ.

੧੯੦. ਸਿਲੋਕੇਨ ਮਗ੍ਗਸ੍ਸ ਨਾਮਾਨਿ. ਪਥਿਕੇਹਿ ਮਜ੍ਜਤੇ ਨਿਤ੍ਤਿਣਂ ਕਰੀਯਤੇਤਿ ਮਗ੍ਗੋ, ਮਜ੍ਜ ਸੁਦ੍ਧਿਯਂ, ਣੋ, ਜਸ੍ਸ ਗਤ੍ਤਂ, ਪਥਿਕੇਹਿ ਮਗ੍ਗੀਯਤੇਤਿ ਵਾ ਮਗ੍ਗੋ, ਮਗ੍ਗ ਅਨ੍ਵੇਸਨੇ, ਮਂ ਸਿਵਂ ਗਚ੍ਛਤਿ ਏਤ੍ਥ, ਏਤੇਨਾਤਿ ਵਾ ਮਗ੍ਗੋ, ‘‘ਮੋ ਸਿਵੇ ਪਰਿਸਾਯਞ੍ਚੇ’’ਤਿ ਹਿ ਨਾਨਤ੍ਥਸਙ੍ਗਹੇ, ਸਿਵਂ ਗਮਨਂ ਕਰੋਤੀਤ੍ਯਤ੍ਥੋ, ਕ੍ਰਿਯਾਵਿਸੇਸਨਮੇਤਂ. ਪਥਿ ਗਤਿਯਂ, ਚੁਰਾਦਿ, ਨਾਗਮੋ. ਪਨ੍ਥਯਨ੍ਤਿ ਯਨ੍ਤ੍ਯਨੇਨਾਤਿ ਪਨ੍ਥੋ, ਅ, ਕਾਰਿਤਲੋਪੋ. ਪਥਤਿ ਯਾਤ੍ਯਨੇਨਾਤਿ ਪਥੋ. ਅਦ ਗਮਨੇ, ਅਦਤਿ ਯਤ੍ਥ ਸਾ ਅਦ੍ਧਾ, ਧੋ, ਅਦ੍ਧਾ ਮਗ੍ਗੋ, ਅਦ੍ਧਾਸਦ੍ਦੋਯਂ ਕਾਲੇਪਿ, ਸਮਭਾਗਤ੍ਥਵਚਨੇ ਤੁ ਅਦ੍ਧਂ, ਤਸ੍ਮਾ ਅਦ੍ਧਸਦ੍ਦੋ ਪੁਮਨਪੁਂਸਕਵਸੇਨ ਦ੍ਵਿਲਿਙ੍ਗੋ, ਰਾਜਾਦਿਤ੍ਤੇ ਅਦ੍ਧਾ, ਅਰਾਜਾਦਿਤ੍ਤੇ ਅਦ੍ਧਂ. ਅਞ੍ਜ ਗਤਿਯਂ, ਅਸੋ. ਵਜ ਗਤਿਯਂ, ਉਮੋ, ਜਸ੍ਸ ਟੋ. ਪਦ ਗਤਿਯਂ, ਅ, ਦਸ੍ਸ ਜੋ, ਦ੍ਵਿਤ੍ਤਂ, ਪਜ੍ਜੋ. ਅਯ ਗਤਿਯਂ, ਯੁ, ਪਦ ਗਤਿਯਂ, ਅਵੋ, ਨਦਾਦਿ. ਵਤ੍ਤ ਵਤ੍ਤਨੇ, ਵਤ੍ਤਨਂ ਗਮਨਾਦਿ, ਅਨਿ, ਨਦਾਦਿ, ਵਤ੍ਤਨੀ. ਕਨ੍ਤਨਦਣ੍ਡੇ ਪੁਨ੍ਨਪੁਂਸਕਂ. ਪਥਿਕੇਹਿ ਪਾਦੇਹਿ ਹਞ੍ਞਤੇਤਿ ਪਦ੍ਧਤਿ. ਪਾਦਸਦ੍ਦਸਮਾਨਤ੍ਥੇਨ ਪਦਸਦ੍ਦੇਨ ਨਿਯਤਪ੍ਪਯੋਗਤੋ ਵੁਤ੍ਤਿਨਾ ਸਿਦ੍ਧੋ, ਪਦਸਦ੍ਦੂਪਪਦੋ ਹਨਧਾਤੁ,ਤਿ, ਹਨਸ੍ਸ ਧੋ, ਅਲੋਪੋ. ਪਦ੍ਧਤਿਸਹਚਰਣਤੋ ਵਤ੍ਤਨੀ, ਤਂਸਹਚਰਣਤੋ ਪਦਵੀ ਚ ਇਤ੍ਥਿਯਂ.

੧੯੧-੧੯੨. ਤਬ੍ਭੇਦਾ ¶ ਤਸ੍ਸ ਮਗ੍ਗਸ੍ਸ ਵਿਸੇਸਾ ਜਙ੍ਘਮਗ੍ਗਾਦਯੋ ਅਪਥਨ੍ਤਾ. ਜਙ੍ਘਾਹਿ ਗਤੋ ਮਗ੍ਗੋ ਜਙ੍ਘਮਗ੍ਗੋ. ਸਕਟੇਹਿ ਗਤੋ ਮਗ੍ਗੋ ਸਕਟਮਗ੍ਗੋ. ਤੇ ਜਙ੍ਘਮਗ੍ਗਸਕਟਮਗ੍ਗਾ ਮਹਾਮਗ੍ਗੇ ਵਤ੍ਤਨ੍ਤਿ.

ਏਤ੍ਥ ਚ ‘‘ਤੇਥਾ’’ਤਿ ਅਥਸਦ੍ਦੋ ਨ ਵਤ੍ਤਬ੍ਬੋ, ‘‘ਤੇ ਚਾ’’ਤਿ ਪਨ ਵਤ੍ਤਬ੍ਬੋ. ‘‘ਮਤਾਦ੍ਧਨੀ’’ਤਿ ਪਾਠੇ ਪਨ ਸਤਿ ‘‘ਤੇਥਾ’’ਤਿ ਵਤ੍ਤਬ੍ਬੋਯੇਵ, ਤਦਾ ਏਕਪਦਿਕੇ ਅਦ੍ਧਨਿ ਮਗ੍ਗੇ ਏਕਪਦੀ ਮਤਾਤਿ ਯੋਜਨਾ ਕਾਤਬ੍ਬਾ. ਗਚ੍ਛਤਂ ਏਕੋ ਅਸਹਾਯੋ ਪਾਦੋ ਯਸ੍ਸਂ, ਨ ਨਿਸਿਨ੍ਨਸ੍ਸੇਵ ਯਮਕੋਤਿ ਏਕਪਦੀ, ਸਮਾਸਨ੍ਤੇ ਨਿਚ੍ਚਮੀਪਚ੍ਚਯੋ, ਕਪਚ੍ਚਯੇ ਏਕਪਦਿਕੋ, ਈਸ੍ਸ ਰਸ੍ਸਤ੍ਤਂ.

ਚੋਰਕਣ੍ਟਕਾਦਿਦੋਸੇ ਦੁਗ੍ਗਮੇ ਪਥੇ ਕਨ੍ਤਾਰੋ, ਪੁਨ੍ਨਪੁਂਸਕੇ, ਕੇਨ ਪਾਨੀਯੇਨ ਤਰਨ੍ਤਿ ਅਤਿਕ੍ਕਮਨ੍ਤਿ ਯਨ੍ਤਿ ਕਨ੍ਤਾਰੋ, ਤਰ ਤਰਣੇ, ਚੋਰਕਨ੍ਤਾਰਾਦੀਸੁ ਪਨਾਯਂ ਰੂਲ਼੍ਹਿਵਸੇਨ ਵੁਤ੍ਤੋ, ਅਥ ਵਾ ਕਤਿ ਛੇਦਨੇ, ਸਪ੍ਪਟਿਭਯਤ੍ਤਾ ਕਨ੍ਤਤਿ ਨਿਚ੍ਚਗਮਨਾਗਮਨਮੇਤ੍ਥਾਤਿ ਕਨ੍ਤਾਰੋ, ਆਰੋ, ਨਾਗਮੋ ਚ. ਦੁਕ੍ਖੇਨ ਗਚ੍ਛਨ੍ਤ੍ਯੇਤ੍ਥਾਤਿ ਦੁਗ੍ਗਮੋ.

੧੯੩. ਦ੍ਵਯਂ ਪਟਿਮਗ੍ਗੇ. ਪਟਿ ਅਭਿਮੁਖੇਨ ਗਨ੍ਤਬ੍ਬੋ ਮਗ੍ਗੋ, ਪਥੋ ਚ ਪਟਿਮਗ੍ਗੋ, ਪਟਿਪਥੋ ਚ. ਦੀਘਮਞ੍ਜਸਂ ਅਤਿਦੂਰੋ ਮਗ੍ਗੋ ¶ ਅਦ੍ਧਾਨਨ੍ਤਿ ਵੁਚ੍ਚਤੇ. ਅਦ੍ਧਾਨਂ ਅਯਨਂ ਅਦ੍ਧਾਨਂ, ਅਚ੍ਚਾਯਤੋ ਮਗ੍ਗੋ, ਯਥਾ ‘‘ਪਦਟ੍ਠਾਨ’’ਨ੍ਤਿ, ਯਲੋਪੋ.

ਦ੍ਵਯਂ ਪਸਤ੍ਥੇਦ੍ਧਨਿ. ਸੋਭਨੋ ਪਥੋ, ਪਨ੍ਥੋ ਚਾਤਿ ਵਿਗ੍ਗਹੋ. ਗਨ੍ਤਬ੍ਬਪਥਭਾਵਤੋ ਅਪੇਤਂ ਉਪ੍ਪਥਂ, ਅਪਥਞ੍ਚ, ਅਬ੍ਯਯੀਭਾਵਸਮਾਸੋ, ਅਸਦ੍ਦੋ ਅਤ੍ਰ ਨਿਪਾਤੋ.

੧੯੪-੧੯੬. ਪਰਮਾਣੂਨਂ ਛਤ੍ਤਿਂਸ ਏਕੋ ਅਣੁ ਨਾਮ, ਅਣੁਤੋਪਿ ਅਣੁਤਰਤ੍ਤਾ ਪਰਮੋ ਅਣੁ, ਅਣੁਤੋ ਵਾ ਪਰਮੋਤਿ ਪਰਮਾਣੁ, ਅਣ ਸਦ੍ਦਤ੍ਥੋ ਦਣ੍ਡਕੋ ਧਾਤੁ, ਉ. ਤੇ ਅਣਵੋ ਛਤ੍ਤਿਂਸ ਤਜ੍ਜਾਰੀ ਨਾਮ, ਤਂ ਤਂ ਅਤ੍ਤਨੋ ਨਿਸ੍ਸਯਂ ਮਲੀਨਕਰਣਵਸੇਨ ਜਰਾਪੇਤੀਤਿ ਤਜ੍ਜਾਰੀ, ਜਰ ਜੀਰਣੇ, ਜਰ ਵਯੋਹਾਨਿਮ੍ਹਿ ਵਾ, ਅ, ਨਦਾਦਿ. ਤਾਪਿ ਤਜ੍ਜਾਰਿਯੋ ਛਤ੍ਤਿਂਸ ਰਥਰੇਣੁ ਨਾਮ, ਰਥਾਨਂ ਸਞ੍ਚਰਣਵਸੇਨ ਪਵਤ੍ਤੋ ਰੇਣੁ ਰਥਰੇਣੁ. ਤੇ ਰਥਰੇਣਵੋ ਛਤ੍ਤਿਂਸ ਲਿਕ੍ਖਾ ਨਾਮ. ਲਕ੍ਖ ਦਸ੍ਸਨੇ, ਪਕਤਿਚਕ੍ਖੁਨਾਪਿ ਲਕ੍ਖ੍ਯਤੇਤਿ ਲਿਕ੍ਖਾ, ਅਸ੍ਸਿਤ੍ਤਂ.

ਤਾ ¶ ਲਿਕ੍ਖਾ ਸਤ੍ਤ ਊਕਾ ਨਾਮ, ਊਕਾਤਿ ਵੁਚ੍ਚਤਿ ਸਿਰੋਵਤ੍ਤਕਿਮਿ, ਤਪ੍ਪਮਾਣਤ੍ਤਾ ਊਕਾ. ਤਾ ਸਤ੍ਤ ਊਕਾ ਧਞ੍ਞਮਾਸੋ ਨਾਮ, ਧਞ੍ਞੋ ਵੀਹਿਯੇਵ ਪਰਿਮਾਣਿਤਬ੍ਬਤ੍ਤਾ ਮਾਸੋ ਚਾਤਿ ਧਞ੍ਞਮਾਸੋ, ਮਸਿ ਪਰਿਮਾਣੇ. ਤੇ ਸਤ੍ਤ ਧਞ੍ਞਮਾਸਾ ਅਙ੍ਗੁਲਂ ਨਾਮ, ਅਙ੍ਗ ਗਮਨਤ੍ਥੋ, ਉਲੋ, ਅਙ੍ਗੁਲਂ, ਪਮਾਣਂ, ਉਲਿਪਚ੍ਚਯੇ ਅਙ੍ਗੁਲਿ, ਕਰਸਾਖਾ. ਅਮੁਦ੍ਵਿਚ੍ਛੇਤਿ ਅਦੁਂ ਦ੍ਵਾਦਸਙ੍ਗੁਲਂ ਵਿਦਤ੍ਥਿ ਨਾਮ, ਕਣਿਟ੍ਠਸਹਿਤੇਨਙ੍ਗੁਟ੍ਠੇਨ ਵਿਤ੍ਥਾਰੀਯਤੇ, ਵਿਧੀਯਤੇਤਿ ਵਾ ਵਿਦਤ੍ਥਿ, ਵਿਪੁਬ੍ਬੋ ਤਨੁ ਵਿਤ੍ਥਾਰੇ. ਧਾ ਧਾਰਣੇ, ਉਭਯਤ੍ਰਾਪਿਤਿ, ਪੁਬ੍ਬਪਕ੍ਖੇ ਤਸ੍ਸ ਥੋ, ਨਸ੍ਸ ਤੋ, ਤਸ੍ਸ ਦੋ. ਪਚ੍ਛਿਮੇ ਧਸ੍ਸ ਦੋ, ਤਸ੍ਸ ਥੋ, ਅਸਰੂਪਦ੍ਵਿਭਾਵੋ ਚ. ਤਾ ਦੁਵੇ ਵਿਦਤ੍ਥੀ ਰਤਨਂ ਸਿਯੁਂ, ਰਮੁ ਕੀਲ਼ਾਯਂ, ਤਨੋ, ਮਲੋਪੋ. ਤਾਨਿ ਸਤ੍ਤੇਵ ਰਤਨਾਨਿ ਯਟ੍ਠਿ ਨਾਮ, ਯਤ ਪਯਤਨੇ,ਤਿ, ਤਸ੍ਸ ਠੋ, ਤਸ੍ਸ ਟੋ. ਤਾ ਵੀਸਤਿ ਯਟ੍ਠਿਯੋ ਉਸਭਂ ਨਾਮ, ਉਸ ਦਾਹੇ, ਅਭੋ. ਏਤ੍ਥ ਪਨ ਉਸਭਨਦਨ੍ਤਰਂ ਉਸਭਂ. ਉਸਭਾਨਂ ਅਸੀਤਿਪ੍ਪਮਾਣਂ ਗਾਵੁਤਂ ਨਾਮ, ਗਵਂ, ਗਵੇਹਿ ਵਾ ਯੁਤਂ ਗਾਵੁਤਂ. ਯੁਜ ਸਮਾਧਿਮ੍ਹਿ, ਗੋਨਦਨ੍ਤਰੇਹਿ ਗਹਿਤਪ੍ਪਮਾਣਸਮਾਧਾਨਨ੍ਤ੍ਯਤ੍ਥੋ, ਤਂ ਚਤੁਗਾਵੁਤਂ ਯੋਜਨਂ ਨਾਮ, ਯੁਜ ਸਮਾਧਿਮ੍ਹਿ, ਯੁ, ‘‘ਏਤ੍ਤਕਂ ਯੋਜਨਂ ਨਾਮ ਹੋਤੂ’’ਤਿ ਚਤੁਗਾਵੁਤੇਹਿ ਸਮਾਧਾਨਨ੍ਤ੍ਯਤ੍ਥੋ.

੧੯੭. ਆਰੋਪਿਤਾਨਂ ਆਚਰਿਯਧਨੂਨਂ ਪਞ੍ਚਸਤਂ ਕੋਸੋ ਨਾਮ, ਅਨਾਰੋਪਿਤਾਨਨ੍ਤ੍ਯਪਰੇ. ਕੁਸ ਅਵ੍ਹਾਨੇ, ਣੋ, ਕੁਸਨਂ ਅਵ੍ਹਾਨਂ ਕੋਸੋ, ਇਧ ਪਨ ਕੋਸਪ੍ਪਮਾਣਤ੍ਤਾ ਕੋਸੋ, ਦ੍ਵਿਸਹਸ੍ਸਕਰਪ੍ਪਮਾਣੋ. ਅਞ੍ਞਤ੍ਥ ਪਨ –

‘‘ਚਤੁਕ੍ਕਾਧਿਵੀਸਤਿਯਾ ¶ , ਅਙ੍ਗੁਲੇਹਿ ਕਰੋ ਭਵੇ;

ਖ੍ਯਾਤਮਟ੍ਠਸਹਸ੍ਸੇਹਿ, ਕੋਸਮਾਨਂ ਵਿਭਾਵਿਨਾ’’ਤ੍ਯੁਤ੍ਤਂ.

ਚਤੁਰਮ੍ਬਣਨ੍ਤਿ ਚਤੁਰਮ੍ਬਣਵੀਹਿਬੀਜਜਾਤਰੋਪਨਯੋਗ੍ਯੋ ਭੂਮਿਪ੍ਪਦੇਸੋ ਕਰੀਸਂ ਨਾਮ, ਕਰੋਨ੍ਤਿ ਏਤ੍ਥ ਕਸਨਰੋਪਨਾਦਿਕਨ੍ਤਿ ਕਰੀਸਂ, ਈਸੋ. ਚਤੁਰਮ੍ਬਣਬੀਜਜਾਤਾਨਿ ਰੋਪੇਨ੍ਤ੍ਯੇਤ੍ਥਾਤਿ ਚਤੁਰਮ੍ਬਣਂ, ਅਮ੍ਬਣਂ ਏਕਾਦਸਦੋਣਮਤ੍ਤਂ, ਅਞ੍ਞੇ ਪਨ ‘‘ਚਤੁਰਮ੍ਬਣਂ ਚਤੁਯਟ੍ਠਿਕਂ ਠਾਨਂ ਕਰੀਸਂ ਨਾਮਾ’’ਤਿ ਵਦਨ੍ਤਿ, ਤਂ ਕਰੀਸਬ੍ਭਨ੍ਤਰਾਨਂ ਪਰਿਯਾਯਭਾਵਪ੍ਪਸਙ੍ਗਾ ਨ ਗਹੇਤਬ੍ਬਂ.

ਪਮਾਣਤੋ ਹਤ੍ਥਾਨਮਟ੍ਠਵੀਸਪ੍ਪਮਾਣਂ ਠਾਨਂ ਅਬ੍ਭਨ੍ਤਰਂ ਨਾਮ, ਅਬ੍ਭਨ੍ਤਰੇ ਅਨ੍ਤੋਕੋਟ੍ਠਾਸੇ ਜਾਤਂ, ਨ ਬਹਿਕੋਟ੍ਠਾਸੇਤਿ ਅਬ੍ਭਨ੍ਤਰਂ. ਯਤ੍ਥ ਯਤ੍ਥ ਹਿ ਯੋ ਯੋ ਠਿਤੋ, ਨਿਸਿਨ੍ਨੋ ਵਾ, ਤਤ੍ਥ ਤਤ੍ਥ ਸਮਨ੍ਤਾ ਅਟ੍ਠਵੀਸਤਿਹਤ੍ਥਪ੍ਪਮਾਣਂ ਠਾਨਂ ਤਸ੍ਸ ਤਸ੍ਸ ਅਬ੍ਭਨ੍ਤਰਂ ਠਾਨਂ ਨਾਮ. ਭੂਮ੍ਯਾਦਿਤ੍ਤਾ ਭੂਮਿਵਗ੍ਗੋ, ਅਥ ਵਾ ਅਙ੍ਗਾਪੇਕ੍ਖਾਯ ਭੂਮਿਯੇਵ ਪਧਾਨਂ, ਪਧਾਨੇਨ ਚ ਬ੍ਯਪ੍ਪਦੇਸੋ ਭਵਤੀਤਿ ਭੂਮਿਵਗ੍ਗਬ੍ਯਪ੍ਪਦੇਸੋ.

‘‘ਪਟ੍ਟਨਞ੍ਚ ਅਧਿਟ੍ਠਾਨਂ, ਨਗਰਂ ਪੁਟਭੇਦਨਂ;

ਥਿਯੋ ਪੂ ਨਗਰੀ ਪੂਰਿਯੋ, ਠਾਨੀਯਂ ਕਬ੍ਬਟਂ ਪੁਟ’’ਨ੍ਤਿ.

‘‘ਵਿਚਿਤ੍ਤਦੇਵਾਯਤਨਂ ¶ , ਪਾਸਾਦਾਪਣਮਨ੍ਦਿਰਂ;

ਨਗਰਂ ਦਸ੍ਸਯੇ ਵਿਦ੍ਵਾ, ਰਾਜਮਗ੍ਗੋਪਸੋਭਿਤ’’ਨ੍ਤਿ [ਚਿਨ੍ਤਾਮਣਿਟੀਕਾ ੧.੨.੧]. –

ਨਗਰਲਕ੍ਖਣਂ. ਪੁ ਪਾਲਨੇ, ਪੁਰ ਪਾਲਨੇਤਿ ਚ, ਪੁਨਾਤਿ ਪੁਰੇਤਿ ਚ ਰਕ੍ਖਤਿ ਪਰਚਕ੍ਕਾ ਦੁਗ੍ਗਤਾਯਾਤਿ ਪੁਰਂ, ਰੋ, ਅ ਚ, ਪੁਰ ਅਗ੍ਗਗਮਨੇਤਿਪਿ ਧਾਤ੍ਵਤ੍ਥੋ. ਨਗਾ ਪਾਸਾਦਾਦਯੋ ਅਸ੍ਸ ਸਨ੍ਤਿ ਨਗਰਂ, ਰੋ. ਵਾਕਾਰੇਨ ਨਗਰਸਦ੍ਦਸ੍ਸ ਪੁਲ੍ਲਿਙ੍ਗਤ੍ਤਂ ਸਮੁਚ੍ਚਿਨੋਤਿ [ਨਗਰਿਯੋ ਵਾ ਪਤ੍ਤਨਂ (ਅਮਰ ੧.੨.੧) ਪਕ੍ਖੇ ਪਤ੍ਤਨਸਾਹਚਰਿਯਾ ਨਪੁਂਸਕਤ੍ਤਂ. (ਚਿਨ੍ਤਾਮਣਿਟੀਕਾ ੧.੨.੧)], ਪੁਰਸਦ੍ਦਸ੍ਸਾਪੀਤ੍ਯਾਚਰਿਯਾ. ਅਕੁਤੋਭਯਤ੍ਤਾ ਠਾਨਾਯ ਹਿਤਂ ਠਾਨੀਯਂ, ਈਯੋ. ਪਣਿਕਾਨਂ ਪੁਟਾ ਭਿਜ੍ਜਨ੍ਤੇ ਅਤ੍ਰਾਤਿ ਪੁਟਭੇਦਨਂ.

ਨਿਚ੍ਚਨਿਵਾਸਨਟ੍ਠਾਨਂ ਦਸ੍ਸੇਤ੍ਵਾ ਇਤਰਂ ਦਸ੍ਸੇਤੁਮਾਹ ‘‘ਥਿਯ’’ਮਿਚ੍ਚਾਦਿ. ਰਾਜਾ ਤਿਟ੍ਠਤਿ ਏਤ੍ਥਾਤਿ ਰਾਜਠਾਨੀ, ਯੁ, ਨਦਾਦਿ, ਨਿਚ੍ਚਨਿਵਾਸਨਟ੍ਠਾਨੇਪਿ ‘‘ਚਤੁਰਾਸੀਤਿਨਗਰਸਹਸ੍ਸਾਨਿ ਕੁਸਵਤੀਰਾਜਠਾਨੀਪਮੁਖਾਨੀ’’ਤ੍ਯਾਦੀਸੁ [ਦੀ. ਨਿ. ੨.੨੬੩]. ਦਾਰੁਕ੍ਖਨ੍ਧਾਦੀਹਿ ਆ ਸਮਨ੍ਤਤੋ ਵਰਨ੍ਤਿ ਪਰਿਕ੍ਖਿਪੀਯਨ੍ਤਿ ਏਤ੍ਥਾਤਿ ਖਨ੍ਧਾਵਾਰੋ, ਪਤ੍ਥਨਤ੍ਥੋ ਵਰਧਾਤੁ ਆਪੁਬ੍ਬਤ੍ਤਾ ਪਰਿਕ੍ਖਿਪਨਤ੍ਥੋ ਹੋਤਿ. ਪਞ੍ਚਕਂ ਨਗਰੇ, ‘‘ਖਨ੍ਧਾਵਾਰੋ’’ਤਿ ਪਨ ਏਕਮੇਵ ਅਚਿਰਨਿਵਾਸਨਟ੍ਠਾਨਸ੍ਸ ਨਾਮਂ.

੧੯੯. ਮੂਲਪੁਰਾ ਅਞ੍ਞਤ੍ਰ ਮੂਲਪੁਰਂ ਵਜ੍ਜੇਤ੍ਵਾ ਯਂ ਪੁਰਮਤ੍ਥਿ ਯੋਜਨਵਿਤ੍ਥਿਣ੍ਣਪਾਕਾਰਾਦਿਪਰਿਕ੍ਖਿਤ੍ਤਂ, ਤਂ ਮੂਲਪੁਰਸ੍ਸ ਤਰੁਟ੍ਠਾਨਿਯਸ੍ਸ ਸਾਖਾਸਦਿਸਤ੍ਤਾ ਸਾਖਾਨਗਰਂ ਨਾਮ.

੨੦੦-੨੦੧. ਸਾਦ੍ਧਪਜ੍ਜਦ੍ਵਯੇਨ ¶ ਮੂਲਪੁਰਸ੍ਸ ਨਾਮਾਨਿ. ਵਾਨਰਸੀਸਂ, ਤਂਸਣ੍ਠਾਨੋ ਵਾ ਪਾਸਾਣੋ ਏਤ੍ਥ ਅਤ੍ਥੀਤਿ ‘‘ਵਾਨਰਸੀਸ’’ਨ੍ਤਿ ਵਤ੍ਤਬ੍ਬੇ ਵਸ੍ਸ ਬਤ੍ਤਂ, ਵਣ੍ਣਵਿਪਰਿਯਯਂ, ਦੀਘਂ, ਣਤ੍ਤਂ, ਸਸ੍ਸ ਲੋਪਞ੍ਚ ਕਤ੍ਵਾ ‘‘ਬਾਰਾਣਸੀ’’ਤਿ ਵੁਤ੍ਤਂ. ਸਵਤ੍ਥਸ੍ਸ ਇਸਿਨੋ ਨਿਵਾਸਨਟ੍ਠਾਨਤ੍ਤਾ ਸਾਵਤ੍ਥਿ, ਸਬ੍ਬਂ ਧਨਮੇਤ੍ਥ ਅਤ੍ਥੀਤਿ ਵਾ ਸਾਵਤ੍ਥਿ [ਮ. ਨਿ. ਅਟ੍ਠ. ੧.੧੪], ਸਬ੍ਬਸ੍ਸ ਸਾਵੋ, ਧਨਵਾਚਕੋ ਅਤ੍ਥਸਦ੍ਦੋ, ਇ. ਤਿਕ੍ਖਤ੍ਤੁਂ ਵਿਸਾਲੀਭੂਤਤ੍ਤਾ ਵੇਸਾਲੀ, ਅਸ੍ਸਤ੍ਥੁਤ੍ਥੇ ਈ. ਮਥਿ ਹਿਂਸਾਯਂ, ਇਲੋ, ਅਸ੍ਸਿਤ੍ਤਂ, ਮਿਥਿਲਾ. ਅਲਂ ਭੂਸਨਮੇਤ੍ਥਾਤਿ ਆਲ਼ਵੀ, ਵੀ, ਲ਼ਤ੍ਤਞ੍ਚ. ਕੁਸ ਅਵ੍ਹਾਨੇ, ‘‘ਖਾਦਥ ਪਿਵਥਾ’’ਤ੍ਯਾਦੀਹਿ ਦਸਹਿ ਸਦ੍ਦੇਹਿ ਕੋਸਨ੍ਤਿ ਏਤ੍ਥਾਤਿ ਕੋਸਮ੍ਬੀ, ਬੋ, ਨਦਾਦਿ, ਕੁਸਮ੍ਬਰੁਕ੍ਖਵਨ੍ਤਤਾਯ ਵਾ ਕੋਸਮ੍ਬੀ, ਕੁਸਮ੍ਬਸ੍ਸ ਇਸਿਨੋ ਅਸ੍ਸਮਤੋ ਅਵਿਦੂਰੇ ਮਾਪਿਤਤ੍ਤਾਤਿ ਏਕੇ [ਉਦਾ. ਅਟ੍ਠ. ੩੫; ਮ. ਨਿ. ਟੀ. ੧.੧੪; ੨.੨੮੪]. ਉਗ੍ਗਂ ਰਿਪੁਂ ਜਯਤਿ ਯਤ੍ਥ, ਸਾ ਉਜ੍ਜੇਨੀ, ਯੁ, ਨਦਾਦਿ. ਤਕ੍ਕ ਊਹੇ, ਊਹੋ ਊਨਪੂਰਣਂ, ਤਕ੍ਕਨਂ ਤਕ੍ਕੋ, ਸੋ ਸੀਲਂ ਸਭਾਵੋ ਯਤ੍ਥ ਸਾ ਤਕ੍ਕਸੀਲਾ, ਯੋ ਹਿ ਪੁਰਿਸਕਾਰੇਨ ਊਨੋ, ਸੋ ਤਤ੍ਥ ਗਨ੍ਤ੍ਵਾ ਤਮੂਨਂ ਪੂਰੇਤੀਤਿ. ਚਮ ਅਦਨੇ, ਪੋ, ਚਮ੍ਪਾ. ਸਾਨਂ ਧਨਾਨਂ ਆਕਰਂ ਉਪ੍ਪਤ੍ਤਿਟ੍ਠਾਨਂ ਸਾਕਰੋ, ਸੋ ਏਵ ਸਾਗਲਂ. ਸਂਸੁਮਾਰਸਣ੍ਠਾਨੋ ਗਿਰਿ ਏਤ੍ਥਾਤਿ ਸਂਸੁਮਾਰਗਿਰਂ, ਸਂਸੁਮਾਰੋ ਗਾਯਤਿ ਏਤਸ੍ਸ ਮਾਪਿਤਕਾਲੇਤਿ ਵਾ ਸਂਸੁਮਾਰਗਿਰਂ, ਗੇ ਸਦ੍ਦੇ, ਇਰੋ. ਰਾਜੂਨਮੇਵ ਆਧਿਪਚ੍ਚਵਸੇਨ ਪਰਿਗ੍ਗਹਿਤਬ੍ਬਤ੍ਤਾ ਰਾਜਗਹਂ. ਆਦਿਕਾਲੇ ਕਪਿਲਨਾਮਸ੍ਸ ਇਸਿਨੋ ਨਿਵਾਸਨਟ੍ਠਾਨਤ੍ਤਾ ਕਪਿਲਵਤ੍ਥੁ, ਪੁਮਨਪੁਂਸਕੇ.

ਸਾਕੋ ਰਾਜੂਨਂ ਯੁਦ੍ਧਾਦੀਸੁ ਸਤ੍ਤਿ ਸਞ੍ਜਾਤਾ ਏਤ੍ਥਾਤਿ ਸਾਕੇਤਂ, ‘‘ਸਾਕੋ ਸਤ੍ਤਿਮ੍ਹਿ ਭੂਪਾਲੇ, ਦੁਮਦੀਪਨ੍ਤਰੇਸੁ ਚੇ’’ਤਿ ਨਾਨਤ੍ਥਸਙ੍ਗਹੇ. ਸਞ੍ਜਾਤਤ੍ਥੇ ਇਤੋ, ਸਾਕੋ ਨਾਮ ਰਾਜਾ, ਦੁਮੋ ਵਾ ਏਤ੍ਥ ਆਦਿਕਾਲੇ ਸਞ੍ਜਾਤੋਤਿ ਵਾ ਸਾਕੇਤਂ. ਇਨ੍ਦਂ ਪਰਮਿਸ੍ਸਰਿਯਭਾਵਂ ਪਾਪੁਣਨ੍ਤਿ ਏਤ੍ਥਾਤਿ ਇਨ੍ਦਪਤ੍ਤਂ, ਇਨ੍ਦੋ ਵਾ ¶ ਸਕ੍ਕੋ ਦੇਵਰਾਜਾ, ਸੋ ਪਤ੍ਤੋ ਏਤ੍ਥਾਤਿ ਇਨ੍ਦਪਤ੍ਤਂ. ਉਕ੍ਕਂ ਧਾਰਯਤਿ ਏਤਸ੍ਸ ਮਾਪਿਤਕਾਲੇਤਿ ਉਕ੍ਕਟ੍ਠਾ, ਵਣ੍ਣਵਿਕਾਰੋ. ਯਸ੍ਸ ਮਾਪਿਤਟ੍ਠਾਨੇ ਪਾਟਲੀਨਾਮਕੋ ਏਕੋ ਤਰੁਣਰੁਕ੍ਖੋ ਅਤ੍ਥੀਤਿ ਤਂ ਪਾਟਲਿਪੁਤ੍ਤਕਂ, ਅਥ ਵਾ ਪਟਲਿ ਨਾਮ ਏਕੋ ਗਾਮਣੀ, ਤਸ੍ਸ ਪੁਤ੍ਤੋ ਏਤ੍ਥ ਵਸਤਿਆਦਿਕਾਲੇਤਿ ਪਾਟਲਿਪੁਤ੍ਤਕਂ. ਚੇਤਿਯਰਟ੍ਠੇ ਉਤ੍ਤਮਤ੍ਤਾ ਚੇਤੁਤ੍ਤਰਂ, ‘‘ਜੇਤੁਤ੍ਤਰ’’ਨ੍ਤਿ ਪਾਠੇ ਪਨ ਵਣ੍ਣਵਿਕਾਰੋ, ਵੇਰਿਜਯਟ੍ਠਾਨਤ੍ਤਾ ਜੇਤਞ੍ਚ ਤਂ ਉਤ੍ਤਮਤ੍ਤਾ ਉਤ੍ਤਰਞ੍ਚੇਤਿ ਵਾ ਜੇਤੁਤ੍ਤਰਂ. ਯਸ੍ਸ ਮਾਪਿਤਕਾਲੇ ਦੀਪੋ ਦਿਪ੍ਪਤਿ, ਤਂ ਸਙ੍ਕਸ੍ਸਂ, ਕਾਸ ਦਿਤ੍ਤਿਯਂ, ਦ੍ਵਿਤ੍ਤਂ, ਸਮ੍ਮਾ ਕਸਨ੍ਤਿ ਏਤ੍ਥਾਤਿ ਵਾ ਸਙ੍ਕਸ੍ਸਂ, ਕਸ ਵਿਲੇਖਨੇ, ਯਸ੍ਸ ਮਾਪਿਤਕਾਲੇ ਨਿਮਿਤ੍ਤਮੋਲੋਕੇਨ੍ਤਾ ਬ੍ਰਾਹ੍ਮਣਾ ਕੁਸਹਤ੍ਥਂ ਨਰਂ ਪਸ੍ਸਿਤ੍ਵਾ ਮਾਪੇਨ੍ਤਿ, ਤਂ ਕੁਸਿਨਾਰਂ. ਆਦਿਨਾ ਮਥੁਰ [ਮਧੁਰ, ਮਾਧੁਰ (ਕ.)] ਪਾਸਾਣਪੁਰਸੋਣਿਕਾਦਯੋਪ੍ਯਨੇਕਪੁਰਵਿਸੇਸਾ ਸਙ੍ਗਹਿਤਾ.

੨੦੨. ਚਤੁਕ੍ਕਂ ਅਬ੍ਭਨ੍ਤਰਗਾਮਮਗ੍ਗੇ. ਰਥਸ੍ਸ ਹਿਤਾ ਰਚ੍ਛਾ, ਪਬ੍ਬਜ੍ਜਾਦਿ. ਵਿਸਯਨ੍ਤੇ ਪਕਾਸਯਨ੍ਤੇ ਵਿਕ੍ਕਯੇਨ ਦਬ੍ਬਾਨਿ ਯਸ੍ਸਂ, ਸਾ ਵਿਸਿਖਾ, ਵਿਪੁਬ੍ਬੋ ਸਿ ਸੇਵਾਯਂ, ਖੋ, ਵਿਸਨ੍ਤਿ ਏਤ੍ਥਾਤਿ ਵਾ ਵਿਸਿਖਾ, ਵਿਸ ਪਵੇਸਨੇ, ਖੋ. ਰਥਸ੍ਸ ਹਿਤਾ ਰਥਿਕਾ, ਇਕੋ. ਵੀ ਗਮਨੇ, ਥਿ, ਵੀਥਿ.

ਅਨਿਬ੍ਬਿਦ੍ਧਾ ਰਚ੍ਛਨ੍ਤਰੇਨ ਮਜ੍ਝੇ ਅਨਿਬ੍ਬਿਦ੍ਧਾ ਰਚ੍ਛਾ ਬ੍ਯੂਹੋ ਨਾਮ. ਬ੍ਯੂਹੇਤਿ ਸਮ੍ਪਿਣ੍ਡੇਤਿ ਜਨੇ ਅਞ੍ਞਤ੍ਰ ਗਨ੍ਤੁਮਪ੍ਪਦਾਨਵਸੇਨਾਤਿ ਬ੍ਯੂਹੋ, ਊਹ ਸਮ੍ਪਿਣ੍ਡਨੇ ਵਿਪੁਬ੍ਬਤ੍ਤਾ. ਨ ਨਿਬ੍ਬਿਜ੍ਝਤੇ ਰਚ੍ਛਨ੍ਤਰੇਨਾਤਿ ਅਨਿਬ੍ਬਿਦ੍ਧੋ, ਵਿਧ ਸਮ੍ਪਹਾਰੇ, ਅ. ਨਿਬ੍ਬਿਦ੍ਧਾ ਰਚ੍ਛਨ੍ਤਰੇਨ ਰਚ੍ਛਾ ਪਥੋ, ਅਦ੍ਧੀਤਿ ਚ ਵੁਚ੍ਚਤਿ. ਪਥ ਗਮਨੇ, ਪਥੋ. ਅਦ ਗਮਨੇ,ਤਿ, ਅਦ੍ਧਿ.

੨੦੩. ਚਤੁਕ੍ਕਂ ¶ ਚਚ੍ਚਰੇ. ਚਤੁਨ੍ਨਂ ਪਥਾਨਂ ਸਮਾਹਾਰੋ ਚਤੁਕ੍ਕਂ, ਚਰ ਗਤਿਭਕ੍ਖਨੇਸੁ, ਚਰੋ, ਰਸ੍ਸ ਚੋ, ਚਚ੍ਚਰਂ, ਅਙ੍ਗਣਵਾਚਕੋ ਚਾਯਂ. ਦ੍ਵਿਨ੍ਨਂ, ਚਤੁਨ੍ਨਂ ਵਾ ਮਗ੍ਗਾਨਂ ਸਨ੍ਧਿ ਮਗ੍ਗਸਨ੍ਧਿ. ਸਿਙ੍ਘ ਘਾਯਨੇ, ਆਟਕੋ.

ਦ੍ਵਯਂ ਵਪ੍ਪਸ੍ਸੋਪਰਿ ਇਟ੍ਠਕਾਦਿਰਚਿਤੇ ਵੇਠਨੇ. ਵਪ੍ਪਂ ਨਾਮ ਦੁਗ੍ਗਨਗਰੇ ਪਰਿਖਾਮਤ੍ਤਿਕਂ ਕੂਟਂ [ਕੁਟਿਂ (ਕ.)] ਕਤ੍ਵਾ ਗੋਹਿ, ਹਤ੍ਥੀਹਿ ਚ ਵਿਮਦ੍ਦਾਪੇਤ੍ਵਾ ਤਿਂਸਹਤ੍ਥਪ੍ਪਮਾਣਂ ਪਾਕਾਰਸ੍ਸ ਹੇਟ੍ਠਿਮਤਲਂ, ਤਥਾ ਹਤ੍ਥਸਤਂ ਤਤੋ ਉਦ੍ਧਰਿਤ੍ਵਾ ਪਂਸੁਨਾ ਵਪ੍ਪਂ ਕਾਰਯੇ, ਤਸ੍ਸੋਪਰਿ ਪਾਕਾਰਨ੍ਤਿ, ਪਕੁਬ੍ਬਨ੍ਤਿ ਤਨ੍ਤਿ ਪਾਕਾਰੋ, ਸਮਨ੍ਤਤੋ ਕਰੀਯਤੇਤਿ ਵਾ ਪਾਕਾਰੋ, ਅਕਤ੍ਤਰਿ ਚ ਕਾਰਕੇ ਸਞ੍ਞਾਯਂ ਣੋ, ਰਸ੍ਸਸ੍ਸ ਦੀਘਤਾ. ਵੁ ਸਂਵਰਣੇ, ਵੁਣੋਤੀਤਿ ਵਰਣੋ, ਯੁ, ਰਾਗਮੋ ਚ. ‘‘ਸਾਲੋ’’ਤਿਪਿ ਪਾਕਾਰਸ੍ਸ ਨਾਮਂ.

ਦ੍ਵਯਂ ਰਾਜਭਵਨਸਾਮਞ੍ਞੇ. ਸਬ੍ਬਗੇਹਾਨਂ ਵਿਸੇਸੇਨ ਪਕਾਸਨਤੋ ਉਦ੍ਦਾਪੋ, ਦੀਪ ਪਕਾਸਨੇ, ਈਸ੍ਸਾਕਾਰੋ. ਸਙ੍ਗਮ੍ਮ ਕਰੋਨ੍ਤਿ ਤਨ੍ਤਿ ਉਪਕਾਰਿਕਾ, ਣ੍ਵੁ. ਕੇ ਪਚ੍ਚਯੇ ਥੀਕਤਾਕਾਰਪਰੇ ਪੁਬ੍ਬੋ ਅਕਾਰੋ ਦੀਘਂ [ਕਾਤਨ੍ਤ ੨.੨.੬੫], ਅਕਾਦੇਸੋਪਿ ਹਿ ‘‘ਕੋ’’ਤਿ ਵੁਚ੍ਚਤਿ, ਯਥਾ ਦੇਵਦਤ੍ਤੋ ‘‘ਦਤ੍ਤੋ’’ਤਿ. ਕਪਚ੍ਚਯੋ ਵਾ.

੨੦੪. ਦ੍ਵਯਂ ਗੇਹਾਦਿਨੋ ਮਤ੍ਤਿਕੇਟ੍ਠਕਾਦਿਮਯਭਿਤ੍ਤਿਯਂ. ਕੁਟ ਛੇਦਨੇ, ਕੁਟਤਿ ਛਿਨ੍ਦਤਿ ਮਗ੍ਗਨ੍ਤਿ ਕੁਟ੍ਟਂ. ਭਿਦਿ ਦ੍ਵਿਧਾਕਰਣੇ,ਤਿ, ¶ ਭਿਤ੍ਤਿ. ਗੁਨ੍ਨਂ ਵਾਚਾਨਂ ਪੁਰਂ ਗੋਪੁਰਂ. ਦ੍ਵਾਰਸਮੀਪੇ ਕਤੋ ਕੋਟ੍ਠਕੋ ਦ੍ਵਾਰਕੋਟ੍ਠਕੋ, ਕੁਸ ਅਕ੍ਕੋਸੇ, ਠਕੋ, ਕੋਟ੍ਠਕੋਤਿ ਗੇਹਵਿਸੇਸੋ.

ਦ੍ਵਯਂ ਇਨ੍ਦਖੀਲੇ. ਇਸ ਇਚ੍ਛਾਯਂ, ਏਸ ਗਵੇਸਨੇ ਵਾ, ਇਕੋ. ਇਨ੍ਦਸ੍ਸ ਸਕ੍ਕਸ੍ਸ ਖੀਲੋ ਕਣ੍ਟਕੋ ਇਨ੍ਦਖੀਲੋ. ਦ੍ਵਯਂ ਦ੍ਵਾਰਪਸ੍ਸੋਪਸਾਲਾਯਂ’ਹਮ੍ਯਾਦਿਪਿਟ੍ਠੇ ਚ ਵਾਤਕੁਟਿਕਾਯਂ. ਅਡ੍ਡ ਅਤਿਕ੍ਕਮਹਿਂਸਾਸੁ, ਅ. ਆਲਕਪਚ੍ਚਯੇ ਅਟ੍ਟਾਲਕੋ.

੨੦੫. ਉਪਰਿ ਮਾਲਾਦਿਯੁਤ੍ਤਂ ਸੋਭਨਥਮ੍ਭਦ੍ਵਯਮੁਭਯਤੋ ਨਿਖਨਿਤ੍ਵਾ ਯਂ ਬਹਿਦ੍ਵਾਰਂ ਕਪ੍ਪੀਯਤੇ, ਤਂ ਤੋਰਣਂ. ਤੁਰ ਵਾਰਣੇ, ਯੁ, ਥਵਨ੍ਤਾ ਵਾ ਰਣਨ੍ਤ੍ਯਤ੍ਰਾਤਿ ਤੋਰਣਂ, ਤੁ ਅਭਿਤ੍ਥਵੇ. ਰਣ ਸਦ੍ਦਤ੍ਥੋ, ਵਣ੍ਣਵਿਕਾਰੋ. ਦ੍ਵਾਰਸ੍ਸ ਬਹਿ ਬਹਿਦ੍ਵਾਰਂ. ਪਰਿ ਸਮਨ੍ਤਤੋ ਖਞ੍ਞਤੇਤਿ ਪਰਿਖਾ. ਦੀਘਭਾਵੇਨ ਯੁਤ੍ਤਾ ਦੀਘਿਕਾ.

੨੦੬-੨੦੭. ਸਦੁਮਨ੍ਤਂ ਗੇਹੇ. ਮਨ੍ਦ ਮੋਦਨਥੁਤਿਜਲ਼ਤ੍ਤੇਸੁ, ਮਨ੍ਦਨ੍ਤੇ ਯਤ੍ਥਾਤਿ ਮਨ੍ਦਿਰਂ, ਇਰੋ. ਸੀਦਨ੍ਤਿ ਤਤ੍ਥਾਤਿ ਸਦਨਂ, ਯੁ. ਸਦ ¶ ਵਿਸਰਣਗਤ੍ਯਾਵਸਾਨੇਸੁ. ਨ ਗਚ੍ਛਨ੍ਤੀਤਿ ਅਗਾ, ਥਮ੍ਭਾਦਯੋ, ਤੇ ਰਾਤਿ ਗਣ੍ਹਾਤੀਤਿ ਅਗਾਰਂ. ਰਸ੍ਸਸ੍ਸ ਦੀਘਤ੍ਤੇ ਆਗਾਰਂ. ਚਿ ਚਯੇ, ਨਿਚੀਯਤੇ ਛਾਦੀਯਤੇਤਿ ਨਿਕਾਯੋ, ਯਮ੍ਹਿ ਚਿਸ੍ਸ ਕਾਦੇਸੋ ਨਿਪਾਤਨਾ. ਲੀ ਸਿਲੇਸਨੇ, ਣੋ, ਨਿਲਯੋ, ਆਲਯੋ ਚ. ਵਸ ਨਿਵਾਸੇ, ਆਵਸਨ੍ਤ੍ਯਤ੍ਰਾਤਿ ਆਵਾਸੋ, ਣੋ. ਭੂ ਸਤ੍ਤਾਯਂ, ਭਵਨ੍ਤ੍ਯਤ੍ਰਾਤਿ ਭਵਨਂ. ਵਿਸਨ੍ਤਿ ਤਨ੍ਤਿ ਵੇਸ੍ਮਂ, ਮੋ. ਕਿਤ ਨਿਵਾਸੇ, ਅਧਿਕਰਣੇ ਯੁ, ਨਿਕੇਤਨਂ. ਨਿਵਿਸਨ੍ਤਿ, ਨਿਵਸਨ੍ਤਿ ਵਾ ਯਤ੍ਰ, ਤਂ ਨਿਵੇਸਨਂ. ਘਰ ਸੇਚਨੇ, ਘਰਤਿ ਕਿਲੇਸਮੇਤ੍ਥਾਤਿ ਘਰਂ, ਗਯ੍ਹਤੀਤਿ ਵਾ ਘਰਂ, ਣੋ. ਗਹਸ੍ਸ ਘਰਾਦੇਸੋ. ਗਣ੍ਹਾਤਿ ਪੁਰਿਸੇਨ ਆਨੀਤਂ ਧਨਨ੍ਤਿ ਗਹਂ. ਅਧਿਕਰਣੇ ਥੋ, ਆਵਸਥੋ. ਸਰ ਗਤਿਚਿਨ੍ਤਾਹਿਂਸਾਸੁ, ਸਰਨ੍ਤਿ ਚਿਨ੍ਤੇਨ੍ਤਿ ਏਤ੍ਥ ਸੁਭਾਸੁਭਕਮ੍ਮਾਨਿ, ਸਰਤਿ ਵਾ ਸੂਰਿਯਸਨ੍ਤਾਪਾਦਿਕਨ੍ਤਿ ਸਰਣਂ. ਸਿ ਸੇਵਾਯਂ, ਣੋ, ਪਤਿਸ੍ਸਯੋ. ਉਚ ਸਮਵਾਯੇ, ਓਕਂ. ਸਲ ਗਮਨੇ, ‘‘ਇਤ੍ਥਿਯਮਤਿਯਵੋ ਵਾ’’ਤਿ ਅ, ਸਾਲਾ, ਸਰਧਾਤੁਮ੍ਹਿ ਸਤਿ ਲਤ੍ਤਮੇਵ ਵਿਸੇਸੋ. ਚਿ ਚਯੇ, ਕਮ੍ਮਨਿ ਣੋ, ਚਯੋ. ਕੁਟ ਛੇਦਨੇ, ਇ. ਵਸ ਨਿਵਾਸੇ,ਤਿ. ਉਪਧਸ੍ਸ ਏਤ੍ਤੇ ਗੇਹਂ. ਸਦਧਾਤੁਮ੍ਹਾ ਉਮੋ, ਸਦੁਮਂ.

ਦ੍ਵਯਂ ਮੁਖਰਹਿਤਦੇਵਕੁਲਸਦਿਸੇ ਯਞ੍ਞਾਯਤਨੇ. ਚਿਤ ਪੂਜਾਯਂ, ਕਮ੍ਮਨਿ ਇਯੋ. ਯਤ ਯਤਨੇ, ਆਯਤਨ੍ਤਿ ਵਾਯਮਨ੍ਤਿ ਏਤ੍ਥ ਫਲਕਾਮਾਤਿ ਆਯਤਨਂ, ਅਥ ਵਾ ਆਯਨ੍ਤੀਤਿ ਆਯਾਨਿ, ਤਾਨਿ ਤਨੋਤੀਤਿ ਆਯਤਨਂ, ਫਲਕਾਰਕਨ੍ਤ੍ਯਤ੍ਥੋ. ਏਤ੍ਥ ਤੁਸਦ੍ਦੋ ਸਮਾਗਤਾਨਂ ਦ੍ਵਿਨ੍ਨਂ ਪੁਬ੍ਬਾਪਰਗਮਨਤ੍ਥੋ. ‘‘ਚੇਤਿਯਾਯਤਨਾਨਿ ਚਾ’’ਤਿਪਿ ਪਾਠੋ.

੨੦੮. ਦ੍ਵਯਂ ਦੇਵਾਨਂ, ਨਰਪਤੀਨਞ੍ਚ ਇਟ੍ਠਕਾਦਿਮਯੇ ਭਵਨੇ. ਅਞ੍ਞਸ੍ਸਾਪਿ ਸਾਦਿਸ੍ਯਾ. ਪਸੀਦਨ੍ਤਿ ਨਯਨਮਨਾਨ੍ਯਤ੍ਰਾਤਿ ਪਾਸਾਦੋ. ਯੁ ¶ ਮਿਸ੍ਸਨੇ, ਪੋ, ਦੀਘੋ ਚ, ਦੀਘਵਿਧਾਨਸਾਮਤ੍ਥਿਯਾ ਓਤ੍ਤਾਭਾਵੋ.

ਦ੍ਵਯਂ ਰਾਜਤੋ ਅਞ੍ਞੇਸਂ ਧਨੀਨਂ ਬ੍ਯਵਹਾਰਕਾਦੀਨਂ ਭਵਨੇ. ਮੁਣ੍ਡੋ ਛਦਨਮੇਤਸ੍ਸ, ਨ ਪਾਸਾਦਸ੍ਸ ਵਿਯਾਤਿ ਮੁਣ੍ਡਚ੍ਛਦੋ, ਦ੍ਵਿਤ੍ਤਂ. ਹਰ ਹਰਣੇ, ਯੋ, ਯਮ੍ਹਿ ਮਿਆਗਮੋ ਚ.

ਦੁਗ੍ਗਪੁਰਦ੍ਵਾਰੇ ਵਾ, ਯਤ੍ਥ ਕਤ੍ਥਚਿ ਵਾ ਮਤ੍ਤਿਕਾਦਿਮਯੇ ਗਜਕੁਮ੍ਭਮ੍ਹਿ ਯੋ ਯੂਪੋ ਪਾਸਾਦੋ ਪਤਿਟ੍ਠਿਤੋ, ਸੋ ਹਤ੍ਥਿਨਖੋ ਨਾਮ, ਹਤ੍ਥਿਸ੍ਸੇਵ ਨਖੋ ਯਸ੍ਸਾਤਿ ਹਤ੍ਥਿਨਖੋ, ਨਖਸਦ੍ਦੇਨ ਵਾ ਨਖਸਹਿਤੋ ਪਾਸਾਦੋ ਗਯ੍ਹਤੇ.

੨੦੯. ਸੁਪਣ੍ਣਸ੍ਸ ਗਰੁਲ਼ਸ੍ਸ ਵਙ੍ਕੇਨ ਪਕ੍ਖੇਨ ਸਦਿਸਛਦਨਂ ਗੇਹਂ ਸੁਵਣ੍ਣਵਙ੍ਕਚ੍ਛਦਨਂ. ਵਙ੍ਕ ਗਮਨੇ. ਏਕਪਸ੍ਸੇਯੇਵ ਛਦਨਤੋ ਅਡ੍ਢਯੋਗੋ.

ਏਕੇਨੇਵ ਕੂਟੇਨ ਯੁਤ੍ਤੋ ਅਨੇਕਕੋਣੋ ਪਤਿਸ੍ਸਯਵਿਸੇਸੋ ਮਾਲ਼ੋ ਨਾਮ, ਵਟ੍ਟਾਕਾਰੇਨ ਕਤਸੇਨਾਸਨਨ੍ਤਿ ਕੇਚਿ. ਮਾ ਮਾਨੇ, ਲ਼ੋ, ਮਾਲ਼ੋ.

ਚਤੁਰਸ੍ਸੋ ਪਤਿਸ੍ਸਯਵਿਸੇਸੋ ਪਾਸਾਦੋ ਨਾਮ, ਆਯਤਚਤੁਰਸ੍ਸਪਾਸਾਦੋਤਿ ਕੇਚਿ.

੨੧੦. ਸਨ੍ਤੇਹਿ ਭਾਤਿ ਦਿਬ੍ਬਤੀਤਿ ਸਭਾਯਂ, ਸਭਾ ਚ, ਪੁਰਿਮੇ ਯਪਚ੍ਚਯੋ, ਸਨ੍ਤਸ੍ਸ ਸਾਦੇਸੋ ਤੂਭਯਤ੍ਰ. ਮਣ੍ਡਾ ਰਵਿਰਂਸਯੋ, ਤੇ ਪਿਵਤਿ ਨਾਸਯਤੀਤਿ ਮਣ੍ਡਪੋ, ਵਾਸਦ੍ਦੇਨ ਮਣ੍ਡਪਪਦਸ੍ਸ ¶ ਪੁਲ੍ਲਿਙ੍ਗਤ੍ਤਂ ਸਮੁਚ੍ਚਿਨੋਤਿ, ਜਨਾਨਂ ਆਲਯੋ ਸਨ੍ਨਿਪਾਤਟ੍ਠਾਨਂ ਜਨਾਲਯੋ. ਆਸਨਤ੍ਥਾਯ ਕਤਾ ਸਾਲਾ ਆਸਨਸਾਲਾ. ਪਟਿਕ੍ਕਮਨ੍ਤਿ ਏਤ੍ਥਾਤਿ ਪਟਿਕ੍ਕਮਨਂ, ਕਮੁ ਪਦਵਿਕ੍ਖੇਪੇ, ਅਧਿਕਰਣੇ ਯੁ.

੨੧੧. ਜਿਨਸ੍ਸ ਵਾਸਭੂਤਂ ਭਵਨਂ ਗਨ੍ਧਕੁਟਿ ਨਾਮ, ਦਿਬ੍ਬਗਨ੍ਧੇਹਿ ਪਰਿਭਾਵਿਤਾ ਕੁਟਿ ਗਨ੍ਧਕੁਟਿ.

ਤਿਕਂ ਪਾਕਟ੍ਠਾਨੇ. ਰਸਾਨਿ ਸਨ੍ਤ੍ਯਸ੍ਸਂ ਰਸਵਤੀ, ਪਚਨਂ ਪਾਕੋ, ਤਸ੍ਸ ਠਾਨਂ ਪਾਕਟ੍ਠਾਨਂ. ਮਹਨ੍ਤਾਨਿ ਬਹੂਨਿ ਅਸਿਤਬ੍ਬਾਨਿ ਸਨ੍ਤੇਤ੍ਥ ਮਹਾਨਸਂ, ਅਸ ਭਕ੍ਖਨੇ, ਯੁ, ਵਣ੍ਣਵਿਪਰਿਯਯੋ.

੨੧੨. ਸੁਵਣ੍ਣਕਾਰਾਦਿਸਿਪ੍ਪੀਨਂ ਕਮ੍ਮਸਾਲਾ ਆਵੇਸਨਂ. ਆਵਿਸਨ੍ਤ੍ਯਸ੍ਮਿਂ ਆਵੇਸਨਂ, ਯੁ. ਪਾਨਮਨ੍ਦਿਰਂ ਸੁਰਾਪਾਨਤ੍ਥਂ ਕਤਮਨ੍ਦਿਰਂ ਸੋਣ੍ਡਾ ਨਾਮ, ਕਤ੍ਤਬ੍ਬਾਕਤ੍ਤਬ੍ਬਂ ਵਿਚਾਰੇਤ੍ਵਾ ਅਤ੍ਤਨਾ ਇਚ੍ਛਿਤਵਤ੍ਥੁਕਾਰਣਾ ਸਬ੍ਬਂ ਦੇਯ੍ਯਧਮ੍ਮਂ ਸਨੋਨ੍ਤੀਤਿ ਸੋਣ੍ਡਾ, ਸਨ ਦਾਨੇ, ਤਨਾਦਿ. ਡੋ, ਅਸ੍ਸੋਤ੍ਤਂ, ਵਣ੍ਣਵਿਕਾਰੋ ਚ, ਤੇਸਂ ਏਸਾ ਵਸਤਿ ਸੋਣ੍ਡਾ. ਪਾਨਸਦ੍ਦਸਨ੍ਨਿਧਾਨਾ ਸੁਰਾਸੋਣ੍ਡਾਯੇਵਿਧ ਗਹਿਤਾ. ਵਚ੍ਚਸ੍ਸ ਗੂਥਸ੍ਸ ਵਿਸਜ੍ਜਨਟ੍ਠਾਨਂ ਵਚ੍ਚਟ੍ਠਾਨਂ. ਵਚ੍ਚਸ੍ਸ ਵਿਸਜ੍ਜਨਟ੍ਠਾਨਾ ਕੁਟਿ ਵਚ੍ਚਕੁਟਿ. ਮੁਨੀਨਂ ਇਸੀਨਂ ਵਸਨਟ੍ਠਾਨਂ ਅਸ੍ਸਮੋ ਨਾਮ, ਆ ਕੋਧਂ ਸਮੇਨ੍ਤਿ ਏਤ੍ਥਾਤਿ ਅਸ੍ਸਮੋ, ਆ ਭੁਸੋ ਸਮੇਨ੍ਤਿ ਏਤ੍ਥ ਰਾਗਾਦਯੋਤਿ ਵਾ ਅਸ੍ਸਮੋ.

੨੧੩. ਤਿਕਂ ¶ ਪਣ੍ਯਵਿਕ੍ਕਯਸਾਲਾਯਂ. ਪਣ ਬ੍ਯਵਹਾਰੇ, ਪਣਿਤਬ੍ਬਾਤਿ ਪਣ੍ਯਾ, ਵਤ੍ਥਾਦਯੋ, ਤੇ ਏਤ੍ਥ ਵਿਕ੍ਕਿਣਨ੍ਤੀਤਿ ਪਣ੍ਯਵਿਕ੍ਕਯੋ, ਕੀ ਦਬ੍ਬਵਿਨਿਮਯੇ, ਸੋ ਏਵ ਸਾਲਾ ਗੇਹਨ੍ਤਿ ਪਣ੍ਯਵਿਕ੍ਕਯਸਾਲਾ. ਆਪਣਯਨ੍ਤੇ ਬ੍ਯਵਹਰਨ੍ਤੇ ਅਸ੍ਮਿਨ੍ਤਿ ਆਪਣੋ, ਣੋ. ਪਣ੍ਯਾਨਂ ਵਿਕ੍ਕਯਾਯ ਨੀਯਮਾਨਾਨਂ ਵੀਥਿ ਪਨ੍ਥੋ ਪਣ੍ਯਵੀਥਿਕਾ. ਵਸ ਅਚ੍ਛਾਦਨੇ, ਤੋ, ਉਦਕਂ ਵਸਿਤਂ ਅਚ੍ਛਾਦਨਂ ਕਤਮਨੇਨਾਤਿ ਉਦੋਸਿਤੋ, ਵਸ੍ਸੋਤ੍ਤਂ, ਭਣ੍ਡਟ੍ਠਪਨਸ੍ਸ ਸਾਲਾ ਭਣ੍ਡਸਾਲਾ. ਕਮੁ ਪਦਵਿਕ੍ਖੇਪੇ, ਚਙ੍ਕਮਤ੍ਯਤ੍ਰਾਤਿ ਚਙ੍ਕਮਨਂ, ਚਙ੍ਕਮੋ ਚ, ਦ੍ਵਿਤ੍ਤਾਦਿ.

੨੧੪. ਜਲਨ੍ਤਿ ਏਤ੍ਥਾਤਿ ਜਨ੍ਤਾ, ਜਲ ਦਿਤ੍ਤਿਯਂ, ਅਨ੍ਤੋ, ‘‘ਇਤ੍ਥਿਯਮਤਿਯਵੋ ਵਾ’’ਤਿ ਅ, ਆ, ਲਲੋਪੋ, ਜਨੇਤ੍ਯਤ੍ਰ ਅਗ੍ਗਿਨ੍ਤਿ ਵਾ ਜਨ੍ਤਾ, ਜਨ ਜਨਨੇ, ਅਨ੍ਤੋ, ਸਾ ਏਵ ਘਰਂ ਜਨ੍ਤਾਘਰਂ. ਅਗ੍ਗਿਨੋ ਸਾਲਾ ਅਗ੍ਗਿਸਾਲਾ. ਪਾ ਪਿਵਨੇ, ਪਪਿਵਨ੍ਤ੍ਯਸ੍ਸਨ੍ਤਿ ਪਪਾ, ਅ. ਪਾਨੀਯਟ੍ਠਾ ਸਾਲਾ ਪਾਨੀਯਸਾਲਾ, ਸਾ ਏਵ ਪਾਨੀਯਸਾਲਿਕਾ.

ਗਸ ਗਮਨੇ, ਭੋ, ਸਸ੍ਸ ਬੋ. ਅਵਤਿ ਰਕ੍ਖਤੀਤਿ ਓਵਰਕੋ, ਅਰੋ, ਸਕਤ੍ਥੇ ਕੋ, ਅਸ੍ਸੋਤ੍ਤਞ੍ਚ. ਵਸਨਂ ਵਾਸੋ, ਤਦਤ੍ਥਂ ਅਗਾਰਂ ਵਾਸਾਗਾਰਂ. ਸਯਤਿ ਏਤ੍ਥਾਤਿ ਸਯਨੀ, ਯੁ, ਨਦਾਦਿ, ਸਾ ਏਵ ਗਹਂ ਸਯਨਿਗ੍ਗਹਂ.

੨੧੫. ਚਤੁਕ੍ਕਂ ¶ ਰਾਜਿਤ੍ਥਾਗਾਰੇ, ਤਦਤ੍ਥਿਯਤੋ [ਤਦਟ੍ਠਿਯਤੋ (ਕ.)] ਉਪਚਾਰੇਨ ਰਾਜਿਤ੍ਥੀਸੁਪਿ. ਰਾਜਿਤ੍ਥੀਨਮਗਾਰਂ ਇਤ੍ਥਾਗਾਰਂ. ਅਵਰੁਨ੍ਧੀਯਨ੍ਤੇ ਰਾਜਿਤ੍ਥਿਯੋ ਅਨੇਨਾਤਿ ਓਰੋਧੋ, ਰੁਧ ਆਵਰਣੇ. ਸੁਦ੍ਧਾ ਕਾਮਾਪਗਮਤ੍ਤਾ ਪਰਿਸੁਦ੍ਧਾ ਰਕ੍ਖਕਾ ਅਨ੍ਤੇ ਸਮੀਪੇ ਯਸ੍ਸਾਤਿ ਸੁਦ੍ਧਨ੍ਤੋ. ਅਨ੍ਤੇ ਅਬ੍ਭਨ੍ਤਰੇ ਪੁਰਂ ਗੇਹਂ ਅਨ੍ਤੇਪੁਰਂ, ਪੁਰਸ੍ਸ ਅਨ੍ਤੇਤਿ ਵਾ ਅਨ੍ਤੇਪੁਰਂ. ‘‘ਅਨ੍ਤੋਪੁਰ’’ਨ੍ਤਿਪਿ ਪਾਠੋ.

ਰਞ੍ਞਂ ਰਾਜੂਨਂ ਅਸਬ੍ਬਵਿਸਯਟ੍ਠਾਨਂ ਸਬ੍ਬੇਹ੍ਯਸਾਧਾਰਣਟ੍ਠਾਨਂ ‘‘ਕਚ੍ਛਨ੍ਤਰ’’ਨ੍ਤਿ ਮਤਂ ਕਥਿਤਂ, ਯਂ ‘‘ਪਮਦਵਨ’’ਨ੍ਤਿ ਵੁਚ੍ਚਤਿ, ਪਮਦਵਨਂ ਨਾਮ ਉਪਕਾਰਿਕਾਸਨ੍ਨਿਹਿਤਂ ਵਾ ਪੁਰਸਨ੍ਨਿਹਿਤਂ ਵਾ ਅਨ੍ਤੇਪੁਰੋਚਿਤਂ, ਯਤ੍ਰ ਅਨ੍ਤੇਪੁਰਸਹਿਤੋ ਏਵ ਰਾਜਾ ਵਿਹਰਤਿ, ਨਾਞ੍ਞਜਨਪ੍ਪਵੇਸੋ [ਅਮਰ ੧੪.੩]. ਪਮਦਾਨਂ ਵਨਂ ਪਮਦਵਨਂ. ਨਿਪਾਤਨਾ ਯਾਕਾਰਾਨਂ [ਈਕਾਰ ਆਕਾਰਾਨਨ੍ਤਿ ਅਤ੍ਥੋ] ਇਤ੍ਥਿਗਤਾਨਂ ਰਸ੍ਸੋ ਕ੍ਵਚੀਤਿਰਸ੍ਸੋ. ਕਚ੍ਛਸ੍ਸ ਪਕੋਟ੍ਠਸ੍ਸ ਅਨ੍ਤਰਂ ਅਬ੍ਭਨ੍ਤਰਂ ਕਚ੍ਛਨ੍ਤਰਂ. ਪਕੋਟ੍ਠਂ ਨਾਮ ਅਬ੍ਭਨ੍ਤਰਦ੍ਵਾਰਂ.

੨੧੬. ਦ੍ਵਯਂ ਇਟ੍ਠਕਾਦਿਰਚਿਤੇ ਆਰੋਹਨੇ. ਉਪਾਨੇਨ ਸਹ ਵਤ੍ਤਤੇਤਿ ਸੋਪਾਨੋ, ਸੋਪਾਨਂ ਵਾ ਨਪੁਂਸਕੇਪਿ. ਆਰੂਯ੍ਹਤੇ ਯੇਨ ਤਂ ਆਰੋਹਨਂ, ਯੁ, ਰੁਹ ਜਨਨੇ.

ਦ੍ਵਯਂ ਕਟ੍ਠਾਦਿਰਚਿਤਾਯਂ. ਨਿਚ੍ਛਯੇਨ ਸਯਨ੍ਤਿ ਪਾਕਾਰਾਦਿਕਮੇਤਾਯਾਤਿ ਨਿਸ੍ਸੇਣੀ, ਸਿ ਸੇਵਾਯਂ, ਣੀ, ਨਦਾਦਿ. ਉਦ੍ਧਮਾਰੋਹਤੇ ਏਤਾਯਾਤਿ ਅਧਿਰੋਹਿਣੀ, ਸਾਸਦ੍ਦੋ ਦ੍ਵਿਨ੍ਨਮ੍ਪਿ ਇਤ੍ਥਿਲਿਙ੍ਗਤ੍ਤਂ ਜੋਤੇਤਿ.

੨੧੭. ਪਞ੍ਚਕਂ ¶ ਜਾਲਕੇ. ਵਾਤਂ ਪਿਵਤੀਤਿ ਵਾਤਪਾਨਂ. ਗਵਂ ਅਕ੍ਖਿ ਗਵਕ੍ਖੋ, ਸਮਾਸਨ੍ਤਤ੍ਤਾ ਅ, ਸਞ੍ਞਾਸਦ੍ਦਤੋ ਪੁਲ੍ਲਿਙ੍ਗਤ੍ਤਂ, ਅਕ੍ਖਿ ਸਦ੍ਦੇ ਵਾ, ਗਵਂ ਅਕ੍ਖਿ ਗਵਕ੍ਖੀਤਿ ਵਿਗ੍ਗਹੋ. ਜਲ ਦਿਤ੍ਤਿਯਂ, ਜਾਲਂ. ਸੀਹਰੂਪਯੁਤ੍ਤਂ ਪਞ੍ਜਰਂ ਸੀਹਪਞ੍ਜਰਂ. ਆਲੋਕਾਨਂ ਆਤਪਾਨਂ ਪਵਿਸਨਟ੍ਠਾਨਂ ਸਨ੍ਧਿ ਛਿਦ੍ਦਨ੍ਤਿ ਆਲੋਕਸਨ੍ਧਿ, ਆਲੋਕੀਯਨ੍ਤਿ ਏਤੇਨਾਤਿ ਆਲੋਕੋ, ਸੋ ਏਵ ਸਨ੍ਧੀਤਿ ਵਾ ਆਲੋਕਸਨ੍ਧਿ.

ਦ੍ਵਯਂ ਲਙ੍ਗਿਯਂ. ਲਗਿ ਗਤ੍ਯਤ੍ਥੋ, ਅ, ਨਦਾਦਿ. ਪਰਿ ਪੁਨਪ੍ਪੁਨਂ ਗਮਨਾਗਮਨਵਸੇਨ ਹਨ੍ਤੀਤਿ ਪਲਿਘੋ, ਣੋ. ਕਪਿਰੂਪਮਤ੍ਥਕਤ੍ਤਾ ਕਪਿਸੀਸੋ. ਅਗ੍ਗਲ਼ਂ ਨਾਮ ਕਵਾਟਕੋ [ਕਵਾਟਫਲਵਿਧਾਰਣੋ (ਕ.)], ਤਸ੍ਸ ਥਮ੍ਭੋ ਅਗ੍ਗਲ਼ਤ੍ਥਮ੍ਭੋ, ‘‘ਅਗ੍ਗਲ਼ਂ ਤੀਸੁ ਕਲ੍ਲੋਲੇ, ਦਣ੍ਡੇ ਚਾਨ੍ਤਕਵਾਟੇਸੂ’’ਤਿ ਰਭਸੋ, ਇਤ੍ਥਿਯਮਤੋ ਆਪਚ੍ਚਯੋ, ਅਗ੍ਗਲ਼ਾ. ਨਿਸ੍ਸੇਸਤੋ ਅਬ੍ਬਤਿ ਵਸ੍ਸੋਦਕਮਨੇਨਾਤਿ ਨਿਬ੍ਬਂ, ਅਬ੍ਬ ਗਤਿਹਿਂਸਾਸੁ. ਛਦ੍ਦਸ੍ਸ ਛਦਨਸ੍ਸ ਕੋਟਿ ਹੇਟ੍ਠਿਮਾਵਸਾਨਂ ਛਦ੍ਦਕੋਟਿ, ਤਸ੍ਸਂ.

੨੧੮. ਤਿਕਂ ਗੇਹਚ੍ਛਦਨੇ. ਛਾਦੇਤਿ ਏਤੇਨਾਤਿ ਛਦਨਂ, ਛਦ ਸਂਵਰਣੇ, ਚੁਰਾਦਿ. ਪਟਗਮਨੇ, ‘‘ਪਟ੍ਯਾਦੀਹ੍ਯਲ’’ਨ੍ਤਿ ਅਲੋ. ਛਾਦੇਤਿ ਏਤੇਨਾਤਿ ਛਦ੍ਦਂ, ਦ੍ਵਿਤ੍ਤਾਦਿ.

ਤਿਕਂ ¶ ਗੇਹਙ੍ਗਣੇ. ਅਜ ਗਤਿਮ੍ਹਿ, ਇਰੋ, ਅਜਿਰਂ. ਚਰ ਗਤਿਭਕ੍ਖਨੇਸੁ, ਚਰੋ. ਅਙ੍ਗ ਗਮਨੇ, ਕਰਣਾਧਿਕਰਣੇਸੁ ਯੁ, ਵਣ੍ਣਵਿਕਾਰੋ, ਣਤ੍ਤਂ.

ਪਞ੍ਚਕਂ ਗੇਹਦ੍ਵਾਰਤੋ ਬਹਿਪਕੋਟ੍ਠਕੇ, ਵੀਥਿਯਂ ਦ੍ਵਾਰਪਿਣ੍ਡਕੇ ਚ. ਅਲਿਨ੍ਦੋ ਤ੍ਵਞ੍ਞਪਿਣ੍ਡਕੇਪਿਚ੍ਛਤੇ. ਪਠਮਂ ਹਨਨ੍ਤਿ ਗਚ੍ਛਨ੍ਤਿ ਏਤ੍ਥਾਤਿ ਪਘਾਣੋ, ਪਘਣੋ ਚ, ਹਨਸ੍ਸ ਘਣਾਦੇਸੋ. ਅਲਿ ਸਖਾ ਇਨ੍ਦੋ ਏਤ੍ਥਾਤਿ ਅਲਿਨ੍ਦੋ, ‘‘ਗੇਹੇਕਦੇਸੇ ਅਲਿਨ੍ਦੋ, ਪਘਾਣੋ ਪਘਣੋਭਵੇ’’ਤਿ [ਚਿਨ੍ਤਾਮਣਿਟੀਕਾ ੧੨.੧੨] ਅਮਰਮਾਲਾਯਂ. ਆਲਿਨ੍ਦੋ, ਦੀਘਾਦਿ. ਪਧਾਨਂ ਮੁਖਂ ਪਮੁਖਂ, ਗੇਹਸ੍ਸ ਹਿ ਚਤੂਸੁ ਮੁਖੇਸੁ ਤਦੇਵ ਪਧਾਨਂ, ਯਤ੍ਥ ਸਾਧੁਜਨਾਪਿ ਆਗਨ੍ਤੁਕਾਪਿ ਨਿਸੀਦਨ੍ਤਿ. ਦ੍ਵਾਰਂ ਬਨ੍ਧਤਿ ਪਿਦਹਤਿ ਏਤ੍ਥਾਤਿ ਦ੍ਵਾਰਬਨ੍ਧਨਂ.

੨੧੯. ਦ੍ਵਯਂ ਦ੍ਵਾਰਬਾਹਾਯਂ. ਪੀਠਾਨਿ ਲੋਹਵਿਕਤਿਆਦੀਹਿ ਸਙ੍ਘਟੀਯਨ੍ਤਿ ਏਤ੍ਥਾਤਿ ਪੀਠਸਙ੍ਘਾਟਕਂ, ਪੀਠੇਹਿ ਸਙ੍ਘਟੀਯਤੀਤਿ ਵਾ ਪੀਠਸਙ੍ਘਾਟਕਂ, ਘਟ ਘਟਨੇ. ਦ੍ਵਿਭਾਗੇਨ ਬਾਹਾਸਦਿਸਤ੍ਤਾ ਬਾਹਾ, ਦ੍ਵਾਰਸ੍ਸ ਬਾਹਾ ਦ੍ਵਾਰਬਾਹਾ. ‘‘ਕਪਾਟਂ, ਕਵਾਟ’’ਨ੍ਤਿਪਿ ਦ੍ਵਾਰਬਾਹਾਯ ਨਾਮਾਨਿ, ਕਂ ਵਾਤਂ ਪਾਟਯਤਿ, ਵਾਟਯਤਿ ਚੇਤਿ ਕਮ੍ਮਨਿ ਣੋ, ਇਤ੍ਥਿਯਂ ਕਪਾਟੀ.

ਦ੍ਵਯਂ ਗੇਹਾਦੀਨਂ ਕੂਟੇ. ਕੁਟ ਛੇਦਨੇ, ਕਮ੍ਮਨਿ ਣੋ. ਨਯ ਗਮਨਤ੍ਥੋ, ਕੇ ਸੀਸੇ ਨਯਤੀਤਿ ਕਣ੍ਣੀਕਾ, ਣ੍ਵੁ, ਇਤ੍ਤਂ, ਣਤ੍ਤਞ੍ਚ.

੨੨੦. ਦ੍ਵਯਂ ¶ ਦ੍ਵਾਰੇ. ਦ੍ਵੇ ਅਰਨ੍ਤ੍ਯਤ੍ਰਾਤਿ ਦ੍ਵਾਰਂ, ਦੁਜ੍ਜਨੇ ਵਾਰਯਨ੍ਤ੍ਯਸ੍ਮਾ ਰਕ੍ਖਕਾਤਿ ਵਾ ਦ੍ਵਾਰਂ, ਉਲੋਪੋ. ਪਟਿਹਰਨ੍ਤਿ ਅਪਨੇਨ੍ਤਿ ਏਤਸ੍ਮਾ ਰਕ੍ਖਕਾ ਅਞ੍ਞਾਤਨ੍ਤਿ ਪਟਿਹਰੋ, ਪਟਿਪਕ੍ਖੇ ਹਰਤਿ ਏਤਸ੍ਮਾਤਿ ਵਾ ਪਟਿਹਰੋ, ਰਸ੍ਸਸ੍ਸ ਦੀਘਤ੍ਤੇ ਪਟਿਹਾਰੋ.

ਚਤੁਕ੍ਕਂ ਉਮ੍ਮਾਰੇ, ਯਂ ‘‘ਦ੍ਵਾਰਪਿਣ੍ਡਿਕਾ’’ਤਿ ਵੁਚ੍ਚਤਿ. ਉਰ ਗਤਿਮ੍ਹਿ, ਮਾਰੋ ਕਰਣੇ. ਦੇਹਂ ਨੇਤਿ ਪਵੇਸੇਨਾਤਿ ਦੇਹਨੀ, ‘‘ਦੇਹਲੀ’’ਤਿਪਿ ਪਾਠੋ, ਦੇਹਂ ਲਾਤਿ ਪਵੇਸੇਨਾਤਿ ਦੇਹਲੀ. ਇਲ ਗਤਿਮ੍ਹਿ, ਣ੍ਵੁ. ਇਨ੍ਦੋ ਏਵ ਪਾਦਂ ਖਿਪਤਿ ਏਤ੍ਥਾਤਿ ਇਨ੍ਦਖੀਲੋ, ਖਿਪ ਪੇਰਣੇ. ਪਸ੍ਸ ਲੋਪੋ, ਅਥ ਵਾ ਇਂ ਗਮਨਂ ਦਦਾਤੀਤਿ ਇਨ੍ਦੋ, ਦ੍ਵਾਰਂ, ਤਤ੍ਥ ਠਪਿਤੋ ਖੀਲੋ ਕਣ੍ਟਕੋਤਿ ਇਨ੍ਦਖੀਲੋ, ਵੇਗਗਭਿਘਾਤਨਤੋ ਹਿ ਸੋ ਖੀਲੋ ਵਿਯ ਹੋਤਿ.

ਥਮ੍ਭ ਪਟਿਬਨ੍ਧਨੇ, ਥਮ੍ਭੋ, ਧਾਰੇਤੀਤਿ ਵਾ ਥਮ੍ਭੋ, ਧਰ ਧਰਣੇ, ਰਮ੍ਭਪਚ੍ਚਯੋ, ਵਣ੍ਣਵਿਕਾਰੋ ਚ. ਥੁ ਅਭਿਤ੍ਥਵੇ, ਉਣੋ, ਯੁ ਵਾ, ਧਾਰੇਤੀਤਿ ਵਾ ਥੂਣੋ, ਯੁ, ਰਲੋਪੋ, ਅਸ੍ਸੂ.

ਅਡ੍ਢੇਨ੍ਦੁਪਾਸਾਣੇ ਅਦ੍ਧਚਨ੍ਦਾਕਾਰੇ ਪਾਸਾਣੇ ਪਟਿਕਾਸਦ੍ਦੋ ਵਤ੍ਤਤਿ. ਪਟ ਗਤਿਯਂ, ਣ੍ਵੁ. ਇਤ੍ਥਿਕਤਾਕਾਰਪਰੇ ਕੇ ਅਸ੍ਸਿਤ੍ਤਂ. ਗਜਿ ਸਦ੍ਦੇ, ਣ੍ਵੁ, ਅਸ੍ਸਿਤ੍ਤਂ, ਬਿਨ੍ਦਾਗਮੋ ਚ. ਇਸ ਇਚ੍ਛਾਯਂ, ਠਕੋ.

੨੨੧. ਵਲਭੀਤਿ ¶ ਚੂਲ਼ਾ, ‘‘ਸਿਖਾਯਂ ਵਲਭੀ ਚੂਲ਼ੇ’’ਤਿ ਰੁਦ੍ਦੋ [ਰਸ੍ਸਨ੍ਤਾ ਚ, ਸਿਖਾਯਂ ਵਲ਼ਭਿਯਂ ਚੂਲ਼ੇਤਿ ਰੁਦ੍ਦੋ (ਚਿਨ੍ਤਾਮਣਿਟੀਕਾ ੧੨.੧੫)]. ਤਚ੍ਛਾਦਨੇ ਦਾਰੁਮ੍ਹਿ ਕਟ੍ਠੇ ਗੋਪਾਨਸੀ ਮਤਾ. ਵਙ੍ਕੇਤਿ ਦਾਰੁਵਿਸੇਸਨਂ. ਗਂ ਵਸ੍ਸੋਦਕਂ, ਸੂਰਿਯਾਦਿਕਿਰਣਞ੍ਚ ਪਿਵਨ੍ਤਿ ਵਿਨਾਸਯਨ੍ਤਿ ਅਬ੍ਭਨ੍ਤਰਮਪ੍ਪਵੇਸਨਵਸੇਨਾਤਿ ਗੋਪਾਨਾ, ਇਟ੍ਠਕਾਦਯੋ, ਤਾਨਿ ਸਿਨੋਨ੍ਤਿ ਬਨ੍ਧਨ੍ਤਿ ਏਤ੍ਥਾਤਿ ਗੋਪਾਨਸੀ.

ਸੋਧਾਦਿਗੇਹੇਸੁ ਛੇਕਪਕ੍ਖਾਵਾਸਤ੍ਥਂ ਯੋ ਬਹਿ ਕਰਿਯ ਕਟ੍ਠੇਕਦੇਸੋ ਠਪੀਯਤੇ, ਸੋ ਵਿਟਙ੍ਕੋ. ਕਪੋਤੇ ਪਾਲਯਤੀਤਿ ਕਪੋਤਪਾਲਿਕਾ, ਕਮ੍ਮਨਿ ਣ੍ਵੁ. ਟਕਿ ਨਿਵਾਸਗਤੀਸੁ. ਵਿਨੋ ਪਕ੍ਖਿਨੋ ਟਙ੍ਕਨ੍ਤਿ ਏਤ੍ਥਾਤਿ ਵਿਟਙ੍ਕੋ. ਣੋ.

੨੨੨. ਦ੍ਵਯਂ ਕੁਞ੍ਚਿਕਾਛਿਦ੍ਦੇ. ਕੁਞ੍ਚਿਕਾਯ ਵਿਵਰਂ ਛਿਦ੍ਦਂ ਕੁਞ੍ਚਿਕਾਵਿਵਰਂ. ਤਾਲ਼ਸ੍ਸ ਪਵੇਸਨਟ੍ਠਾਨਭੂਤੋ ਛਿਗ੍ਗਲ਼ੋ ਛਿਦ੍ਦਂ ਤਾਲ਼ਚ੍ਛਿਗ੍ਗਲ਼ੋ.

ਤਿਕਂ ਕੁਞ੍ਚਿਕਾਯਂ. ਕੁਞ੍ਚ ਕੋਟਿਲ੍ਯੇ, ਣ੍ਵੁ. ਤਾਯਤਿ ਰਕ੍ਖਤੀਤਿ ਤਾਲੋ. ਅਲੋ, ਤਲਤਿ ਤਿਟ੍ਠਤਿ ਏਤੇਨਾਤਿ ਵਾ ਤਾਲੋ, ਤਲ ਪਤਿਟ੍ਠਾਯਂ. ਅਵਾਪੁਰਤਿ ਵਿਵਰਤਿ ਯੇਨਾਤਿ ਅਵਾਪੁਰਣਂ, ਵਰ ਸਂਵਰਣੇ, ਯੁ, ਵਸ੍ਸ ਪੋ, ਉਤ੍ਤਂ, ਉਪਸਗ੍ਗਸ੍ਸ ਦੀਘਤਾ ਚ, ‘‘ਅਪਾਰੁਤਾ ਤੇਸਂ ਅਮਤਸ੍ਸ ¶ ਦ੍ਵਾਰਾ’’ਤਿ [ਦੀ. ਨਿ. ੨.੭੧; ਮ. ਨਿ. ੧.੨੮੩] ਵਚਨਤੋ ਪੁਰ, ਪਾਰ ਸਂਵਰਣੇਤਿਪਿ ਧਾਤ੍ਵਤ੍ਥਂ ਪਠਨ੍ਤਿ. ਅਵਪੁਬ੍ਬੋ ਵੁ ਸਂਵਰਣੇਤਿਪਿ ਧਾਤ੍ਵਤ੍ਥੇ ਪਨ ਸਤਿ ਵਸ੍ਸ ਰਤ੍ਤਂ, ਉਪਸਗ੍ਗਸ੍ਸ ਦੀਘਤਾ ਚ, ‘‘ਅਪਾਰੁਤਾ, ਸਙ੍ਘਾਟਿਂ ਪਾਰੁਪਿਤ੍ਵਾ’’ਤ੍ਯਾਦੀਸੁ ਪਨ ਪਕਾਰਵਣ੍ਣਾਗਮੇਨ ਸਿਦ੍ਧੋ. ਵਿਦ ਲਾਭੇ, ਇਮ੍ਹਿ ਵੇਦਿਕਾ, ਸਕਤ੍ਥੇ ਕੋ. ਇਤਰਤ੍ਥ ਇਯੇਵ.

੨੨੩. ਸਙ੍ਘਾਟਾਦਯੋ ਮਨ੍ਦਿਰਙ੍ਗਾ ਗੇਹਙ੍ਗਵਿਸੇਸਾ. ਸਮ੍ਮਾ ਘਟੇਨ੍ਤਿ ਏਤ੍ਥ ਗੋਪਾਨਸ੍ਯਾਦਯੋਤਿ ਸਙ੍ਘਾਟੋ, ਪੁਬ੍ਬਪਚ੍ਛਿਮਦਕ੍ਖਿਣੁਤ੍ਤਰਾਯਾਮਵਸੇਨ ਥਮ੍ਭਾਨਮੁਪਰਿ ਠਿਤੋ ਕਟ੍ਠਵਿਸੇਸੋ, ਤੇ ਪਨ ਪੁਬ੍ਬਪਚ੍ਛਿਮਯਾਮਾ ਤਯੋ ਕਟ੍ਠਾ, ਦਕ੍ਖਿਣੁਤ੍ਤਰਯਾਮਾ ਪਨ ਹੇਟ੍ਠਿਮਪਰਿਚ੍ਛੇਦਤੋ ਤਯੋ ਕਟ੍ਠਾ, ਉਕ੍ਕਟ੍ਠਪਰਿਚ੍ਛੇਦੇਨ ਪਨ ਪਞ੍ਚਸਤ੍ਤਨਵਾਦਯੋਪਿ. ਦ੍ਵਿਨ੍ਨਂ ਪਕ੍ਖਾਨਂ ਅਪਤਨਤ੍ਥਂ ਬਨ੍ਧਨਤੋ ਪਾਸੋ ਵਿਯਾਤਿ ਪਕ੍ਖਪਾਸੋ. ਤੁਲਤਿ ਸਙ੍ਘਾਟੇਸੁ ਪਤਿਟ੍ਠਤੀਤਿ ਤੁਲਾ, ਤਲ ਪਤਿਟ੍ਠਾਯਂ, ਅਸ੍ਸੁਤ੍ਤਂ, ਪਕ੍ਖਾਨਂ ਵਾ ਸਮਵਾਹਿਤਭਾਵਕਰਣਤੋ ਤੁਲਯਤਿ ਮਿਨਾਤਿ ਏਤਾਯਾਤਿ ਤੁਲਾ, ਤੁਲ ਉਮ੍ਮਾਨੇ.

ਤਿਕਂ ਸਮ੍ਮਜ੍ਜਨਿਯਂ. ਮੁਜਿ ਸੋਧਨੇ, ਯੁ. ਮਜ੍ਜ ਸਂਸੁਦ੍ਧਿਯਂ, ਯੁ. ਸੁਧ ਸੁਦ੍ਧਿਯਂ, ਸਬ੍ਬਤ੍ਰ ਕਰਣੇ ਯੁ.

੨੨੪. ਤਿਕਂ ਸਙ੍ਕਾਰਛਡ੍ਡਨਪ੍ਪਦੇਸੇ. ਕਟ ਛਡ੍ਡਨਮਦ੍ਦਨੇਸੁ, ਸਙ੍ਕਟਨ੍ਤਿ ਏਤ੍ਥਾਤਿ ਸਙ੍ਕਟੀਰਂ, ਈਰੋ, ‘‘ਸਙ੍ਕਟੋ’’ਤਿ ਵਾ ਸਙ੍ਕਾਰੋ ਵੁਚ੍ਚਤਿ, ਤਂ ਈਰਯਨ੍ਤਿ ਖਿਪਨ੍ਤਿ ਏਤ੍ਥਾਤਿ ਸਙ੍ਕਟੀਰਂ, ਈਰ ਖੇਪੇ. ਸਙ੍ਕਾਰਸ੍ਸ ਠਾਨਂ ਸਙ੍ਕਾਰਟ੍ਠਾਨਂ. ਸਙ੍ਕਾਰਂ ਕਟਤਿ ¶ ਛਡ੍ਡੇਤਿ ਏਤ੍ਥਾਤਿ ਸਙ੍ਕਾਰਕੂਟਂ, ਅਸ੍ਸੂ, ਸਕਤ੍ਥੇ ਕੋ.

ਚਤੁਕ੍ਕਂ ਸਮ੍ਮਜ੍ਜਨਿਯਾ ਨਿਰਾਕਤੇ [ਨਿਰਸ੍ਸਤੇ (ਕ.)] ਥੁਸਾਦਿਮ੍ਹਿ. ਨਾਨਾਵਿਧੇ ਸਙ੍ਕਾਰੇ ਰਾਸੀਕਰਣਵਸੇਨ ਕਚਤਿ ਬਨ੍ਧਤਿ ਏਤੇਨਾਤਿ ਕਚੋ, ਸੋ ਏਤ੍ਥ ਇਚ੍ਛਿਤਬ੍ਬੋਤਿ ਕਚਵਰੋ, ਵਰ ਇਚ੍ਛਾਯਂ. ਉਚ੍ਛਿਟ੍ਠੋ ਕਲਾਪੋ ਸਮੂਹੋ ਉਕ੍ਲਾਪੋ, ਕਸ੍ਸਾਕਾਰਲੋਪੋ. ਨਾਨਾਵਿਧੇਹਿ ਤਿਣਾਦੀਹਿ ਸਙ੍ਕਰੀਯਤੇ ਮਿਸ੍ਸੀਕਰੀਯਤੇਤਿ ਸਙ੍ਕਾਰੋ, ਣੋ. ਅਵਕਰੋਤਿਪ੍ਯਤ੍ਰ. ਅਵਕਰੀਯਤੇ ਨਿਰਸ੍ਸਤੇਤਿ, ਅ. ‘‘ਸਮ੍ਮਜ੍ਜੋ ਮਜ੍ਜਨੀ ਚੇਵ, ਸਙ੍ਕਾਰੋ’ਵਕਰੋ ਮਤੋ’’ਤਿ ਹਲਾਯੁਧੋ. ਕਸ ਵਿਲੇਖਨੇ, ਅਮ੍ਬੁ.

੨੨੫. ਘਰਾਦਿਭੂਮਿ ਘਰਖੇਤ੍ਤਵਿਹਾਰਾਦੀਨਂ ਯੋ ਭੂਮਿਪ੍ਪਦੇਸੋ ਵਤ੍ਥੁ ਨਾਮ, ਤਂ ਨਪੁਂਸਕੇ, ਵਸਨ੍ਤਿ ਏਤ੍ਥਾਤਿ ਵਤ੍ਥੁ, ਰਤ੍ਥੁ. ਗਸ ਮਦਨੇ, ਗਸਨ੍ਤਿ ਏਤ੍ਥਾਤਿ ਗਾਮੋ, ਮੋ. ਸਂਵਸਨ੍ਤ੍ਯਤ੍ਰਾਤਿ ਸਂਵਸਥੋ, ਅਥੋ.

ਪਾਕਟੋ ਖ੍ਯਾਤੋ ਗਾਮੋ, ਸੋ ਨਿਗਮੋ ਨਾਮ, ਅਤਿਰੇਕੋ ਗਾਮੋ ਨਿਗਮੋ, ਭੁਸਤ੍ਥੋ ਨਿ, ਸਞ੍ਞਾਸਦ੍ਦਤ੍ਤਾ ਰਸ੍ਸੋ.

ਉਪਭੁਞ੍ਜਿਤਬ੍ਬਭੋਗਮਨੁਸ੍ਸਾਦੀਹਿ ( ) [(ਇਭ੍ਯੋ) (?)] ਵਡ੍ਢਿਤੋ ਅਧਿਕੋ ਗਾਮੋ ਨਿਗਮਤੋਪਿ ਅਧਿਕਤਰਤ੍ਤਾ ‘‘ਅਧਿਭੂ’’ਤਿ ਈਰਿਤੋ ਕਥਿਤੋ, ਅਧਿਕੋ ਭਵਤੀਤਿ ਅਧਿਭੂ.

੨੨੬. ਦ੍ਵਯਂ ¶ ਗਾਮਾਦਿਪਰਿਯਨ੍ਤਭਾਗੇ. ਸਿ ਬਨ੍ਧਨੇ, ਮੋ. ਪਰਿਚ੍ਛਿਨ੍ਦਿਤ੍ਵਾ ਆਦੀਯਤੇਤਿ ਮਰਿਯਾਦਾ, ਪਸ੍ਸ ਮੋ.

ਦ੍ਵਯਂ ਆਭੀਰਕੁਟਿਯਂ [ਘੋਸੋ ਆਭੀਰਪਲ੍ਲੀ ਸਿਯਾ (ਅਮਰ ੧੨.੨੦)]. ਘੁ ਸਦ੍ਦੇ, ਘੋਸਨ੍ਤ੍ਯਤ੍ਰਾਤਿ ਘੋਸੋ. ਗੋਪਾਲਾਨਂ ਗਾਮੋ ਗੋਪਾਲਗਾਮਕੋ, ਸਕਤ੍ਥੇ ਕੋ.

੨੨੭-੨੨੮. ਪੋਰਿਸਨ੍ਤਾਨਿ ਮਨੁਸ੍ਸਜਾਤਿਯਾ ਨਾਮਾਨਿ. ਮਨੋ ਉਸ੍ਸਨ੍ਨਮਸ੍ਸਾਤਿ ਮਨੁਸ੍ਸੋ, ਸਤਿਸੂਰਭਾਵਬ੍ਰਹ੍ਮਚਰਿਯਯੋਗ੍ਯਤਾਦਿਗੁਣਵਸੇਨ ਉਪਚਿਤਮਾਨਸਾ ਉਕ੍ਕਟ੍ਠਗੁਣਚਿਤ੍ਤਾ, ਕੇ ਪਨ ਤੇ? ਜਮ੍ਬੁਦੀਪਵਾਸਿਨੋ ਸਤ੍ਤਵਿਸੇਸਾ. ਤੇਨਾਹ ਭਗਵਾ – ¶ ‘‘ਤੀਹਿ, ਭਿਕ੍ਖਵੇ, ਠਾਨੇਹਿ ਜਮ੍ਬੁਦੀਪਕਾ ਮਨੁਸ੍ਸਾ ਉਤ੍ਤਰਕੁਰੁਕੇ ਮਨੁਸ੍ਸੇ ਅਧਿਗ੍ਗਣ੍ਹਨ੍ਤਿ ਦੇਵੇ ਚ ਤਾਵਤਿਂਸੇ. ਕਤਮੇਹਿ ਤੀਹਿ, ਸੂਰਾ ਸਤਿਮਨ੍ਤੋ ਇਧ ਬ੍ਰਹ੍ਮਚਰਿਯਵਾਸੋ’’ਤਿ [ਅ. ਨਿ. ੯.੨੧]. ਤਥਾ ਹਿ ਬੁਦ੍ਧਾ ਭਗਵਨ੍ਤੋ ਪਚ੍ਚੇਕਬੁਦ੍ਧਾ ਅਗ੍ਗਸਾਵਕਮਹਾਸਾਵਕਚਕ੍ਕਵਤ੍ਤਿਨੋ ਚ ਅਞ੍ਞੇ ਚ ਮਹਾਨੁਭਾਵਾ ਸਤ੍ਤਾ ਤਤ੍ਥੇਵ ਉਪ੍ਪਜ੍ਜਨ੍ਤਿ. ਸਮਾਨਰੂਪਾਦਿਤਾਯ ਪਨ ਸਦ੍ਧਿਂ ਪਰਿਤ੍ਤਦੀਪਵਾਸੀਹਿ ਇਤਰਮਹਾਦੀਪਵਾਸਿਨੋਪਿ ਮਨੁਸ੍ਸਾਤ੍ਵੇਵ ਪਞ੍ਞਾਯਿਂਸੂਤਿ ਏਕੇ, ਅਪਰੇ ਪਨ ਭਣਨ੍ਤਿ ‘‘ਲੋਭਾਦੀਹਿ, ਅਲੋਭਾਦੀਹਿ ਚ ਸਹਿਤਸ੍ਸ ਮਨਸ੍ਸ ਉਸ੍ਸਦਤਾਯ ਮਨੁਸ੍ਸਾ, ਯੇ ਹਿ ਸਤ੍ਤਾ ਮਨੁਸ੍ਸਜਾਤਿਕਾ, ਤੇਸੁ ਵਿਸੇਸਤੋ ਲੋਭਾਦਯੋ, ਅਲੋਭਾਦਯੋ ਚ ਉਸ੍ਸਦਾ, ਤੇ ਲੋਭਾਦੀਹਿ ਉਸ੍ਸਦਤਾਯ ਅਪਾਯਮਗ੍ਗਂ, ਅਲੋਭਾਦੀਹਿ ਉਸ੍ਸਦਤਾਯ ਸੁਗਤਿਮਗ੍ਗਂ, ਨਿਬ੍ਬਾਨਗਾਮਿਮਗ੍ਗਞ੍ਚ ਪੂਰੇਨ੍ਤਿ, ਤਸ੍ਮਾ ਲੋਭਾਦੀਹਿ, ਅਲੋਭਾਦੀਹਿ ਚ ਸਹਿਤਸ੍ਸ ਮਨਸ੍ਸ ਉਸ੍ਸਦਤਾਯ ਪਰਿਤ੍ਤਦੀਪਵਾਸੀਹਿ ਸਦ੍ਧਿਂ ਚਤੁਮਹਾਦੀਪਵਾਸਿਨੋ ਸਤ੍ਤਵਿਸੇਸਾ ਮਨੁਸ੍ਸਾਤਿ ਵੁਚ੍ਚਨ੍ਤੀ’’ਤਿ. ਲੋਕਿਯਾ ਪਨ ਮਨੁਨੋ ਅਪਚ੍ਚਭਾਵੇਨ ਮਨੁਸ੍ਸਾਤਿ ਵਦਨ੍ਤਿ, ਮਨੁ ਨਾਮ ਪਠਮਕਪ੍ਪਿਕੋ ਲੋਕਮਰਿਯਾਦਾਯ ਆਦਿਭੂਤੋ ਹਿਤਾਹਿਤਵਿਧਾਯਕੋ ਸਤ੍ਤਾਨਂ ਪਿਤੁਟ੍ਠਾਨਿਯੋ, ਯੋ ਸਾਸਨੇ ‘‘ਮਹਾਸਮ੍ਮਤੋ’’ਤਿ ਵੁਚ੍ਚਤਿ, ਪਚ੍ਚਕ੍ਖਤੋ, ਪਰਮ੍ਪਰਤਾਯ ਚ ਤਸ੍ਸ ਓਵਾਦਾਨੁਸਾਸਨਿਯਂ ਠਿਤਾ ਤਸ੍ਸ ਪੁਤ੍ਤਸਦਿਸਤਾਯ ਮਨੁਸ੍ਸਾਤਿ ਵੁਚ੍ਚਨ੍ਤਿ, ਤਤੋ ਏਵ ਹਿ ਤੇ ‘‘ਮਾਨਵਾ, ਮਨੁਜਾ’’ਤਿ ਚ ਵੋਹਰੀਯਨ੍ਤਿ, ਉਸ੍ਸਪਚ੍ਚਯੋ. ਮਨੁਨੋ ਅਪਚ੍ਚਂ ਮਾਨੁਸੋ, ਉਸੋ. ਮਰ ਪਾਣਚਾਗੇ, ਚੋ, ਮਚ੍ਚੋ, ਪਬ੍ਬਜ੍ਜਾਦਿਨਾ ਵਾ ਤ੍ਯਪਚ੍ਚਯੋ, ਧਾਤ੍ਵਨ੍ਤਸ੍ਸ ਲੋਪੋ ਚ. ਤਤੋ ‘‘ਯਵਤ’’ਮਿਚ੍ਚਾਦਿਨਾ ਚੋ, ਦ੍ਵਿਤ੍ਤਂ. ਮਨੁਨੋ ਅਪਚ੍ਚਂ ਮਾਨਵੋ. ਮਾਣਵੋਪ੍ਯਤ੍ਰ, ਣਵੋ. ਮਨੁਮ੍ਹਾ ਜਾਤੋ ਮਨੁਜੋ. ਨੀ ਨਯੇ, ਨੇਤੀਤਿ ਨਰੋ, ਅਰੋ. ਪੁਸ ਪੋਸਨੇ, ਣੋ, ਪੁਰੇਤੀਤਿ ਵਾ ਪੋਸੋ. ਪੁਰ ਪੂਰਣੇ, ਸੋ, ਉਸ੍ਸੋਤ੍ਤਂ, ਰਲੋਪੋ. ਪੁਨਾਤੀਤਿ ਪੁਮਾ, ਪੁ ¶ ਪਵਨੇ, ਮੋ, ਸਿਸ੍ਸਾ. ਪੁਰੇਤੀਤਿ ਪੁਰਿਸੋ, ਪੋਰਿਸੋ ਚ, ਇਸੋ, ਰਸ੍ਸਸ੍ਸ ਦੀਘਤਾਯ ਪੂਰਿਸੋ ਚ. ਏਤ੍ਥ ਚ ਮਨੁਸ੍ਸਾਦਿਪਞ੍ਚਕਂ ਇਤ੍ਥਿਯਮ੍ਪਿ ਵਤ੍ਤਤੇ, ਨਰਾਦਯੋ ਤੁ ਪੁਮੇਯੇਵ ਵਿਸਿਟ੍ਠਲਿਙ੍ਗਤ੍ਤਾ. ਤਤ੍ਰ ਮਨੁਸ੍ਸ ਮਾਨੁਸ ਮਨੁਜ ਮਾਣਵੇਹਿ ਨਦਾਦਿਤ੍ਤਾ ਈਪਚ੍ਚਯੋ, ਏਕਸਕਾਰਲੋਪੋ, ਮਨੁਸੀ, ਮਾਨੁਸੀ, ਮਨੁਜੀ, ਮਾਣਵੀ. ਮਚ੍ਚਾ, ਇਤ੍ਥਿਯਮਤੋ ਆਪਚ੍ਚਯੋ.

ਵਿਦ੍ਦਸੁਪਰਿਯਨ੍ਤਂ ਪਣ੍ਡਿਤੇ. ਪਣ੍ਡਾ ਬੁਦ੍ਧਿ ਸਞ੍ਜਾਤਾ ਅਸ੍ਸਾਤਿ ਪਣ੍ਡਿਤੋ, ਤਰਤ੍ਯਾਦਿ. ਪਡਿ ਗਤਿਯਂ ਵਾ, ਤੋ. ਬੁਜ੍ਝਤੀਤਿ ਬੁਧੋ. ਵਿਦਤਿ ਜਾਨਾਤੀਤਿ ਵਿਦ੍ਵਾ, ਵਿਦ ਞਾਣੇ, ਵੋ, ਸਿਸ੍ਸਾ. ਭੂ ਸਤ੍ਤਾਯਂ, ਅਤ੍ਥੇ ਵਿਭਾਵੇਤਿ ਪਕਾਸੇਤਿ ਸੀਲੇਨਾਤਿ ਵਿਭਾਵੀ, ਣੀ. ਰਾਗਾਦਯੋ ਸਮੇਤੀਤਿ ਸਨ੍ਤੋ, ਤੋ, ਸੁਨ੍ਦਰੋ ਅਨ੍ਤੋ ਅਵਸਾਨਮੇਤਸ੍ਸਾਤਿ ਵਾ ਸਨ੍ਤੋ. ਸੁਨ੍ਦਰਾ ਪਞ੍ਞਾ ਯਸ੍ਸ ਸਪ੍ਪਞ੍ਞੋ. ਕਿਨ੍ਨਾਮ ਨ ਵਿਨ੍ਦਤੀਤਿ ਕੋਵਿਦੋ, ਨੇਰੁਤ੍ਤੋ, ਕੁਂ ਪਾਪਂ ਵਿਨ੍ਦਤੀਤਿ ਵਾ ਕੋਵਿਦੋ. ਧੀ ਪਞ੍ਞਾ ਯਸ੍ਸਤ੍ਥੀਤਿ ਸੋ ਧੀਮਾ, ਸੋਭਨਂ ਝਾਯਤੀਤਿ ਸੁਧੀ, ਝੇ ਚਿਨ੍ਤਾਯਂ. ਝਸ੍ਸ ਧੋ, ਈ, ਸੁਨ੍ਦਰਾ ਧੀ ਯਸ੍ਸਾਤਿ ਵਾ ਸੁਧੀ. ਕਵਿ ਵਣ੍ਣੇ, ਇ, ਇਤ੍ਥਿਯਂ ਕਵੀ ਚ, ਕੁ ਸਦ੍ਦੇ ਵਾ, ਇ, ਕਵਿ. ਬ੍ਯਞ੍ਜਯਤੀਤਿ ਬ੍ਯਤ੍ਤੋ, ਅਞ੍ਜ ਗਤਿਯਂ, ਤੋ. ਭੁਜਾਦੀਨਮਨ੍ਤੋ ਨੋ ਦ੍ਵਿ ਚ. ਵਿਸਿਟ੍ਠੋ ਅਤ੍ਤਾ ਯਸ੍ਸਾਤਿ ਵਾ ਬ੍ਯਤ੍ਤੋ. ਚਕ੍ਖ ਦਸ੍ਸਨੇ, ਯੁ, ਵਿਚਕ੍ਖਣੋ, ਵਿਚਾਰੇਤੀਤਿ ਵਾ ਵਿਚਕ੍ਖਣੋ, ਨੇਰੁਤ੍ਤੋ. ਵਿਗਤੋ ਸਾਰਦੋ ਏਤਸ੍ਮਾਤਿ ਵਿਸਾਰਦੋ.

੨੨੯. ਮੇਧਾ ਧਾਰਣਾ ਮਤਿ ਪਞ੍ਞਾ ਯਸ੍ਸਾਤਿ ਮੇਧਾਵੀ, ਵੀ. ਅਤਿਸਯਮਤਿਯੁਤ੍ਤਤਾਯ ਮਤਿਮਾ. ਪਞ੍ਞਾਯ ਯੋਗਤੋ ਪਞ੍ਞੋ. ਵਿਸੇਸਂ ਜਾਨਾਤਿ ਸੀਲੇਨਾਤਿ ਵਿਞ੍ਞੂ, ਰੂ. ਵਿਦ ਞਾਣੇ, ਉਰੋ, ਵਿਦੁਰੋ [ਵਿਦੂਰੋ (ਕ.)]. ਰੂਪਚ੍ਚਯੇ ਵਿਦੂ. ਧੀਯੋਗਾ ਧੀਰੋ, ਰੋ. ਵਿਸਿਟ੍ਠਦਸ੍ਸਨਸੀਲਤਾਯ ¶ ਵਿਪਸ੍ਸੀ, ਣੀ. ਦੋਸਂ ਜਾਨਾਤੀਤਿ ਦੋਸਞ੍ਞੂ, ਰੂ. ਬੁਜ੍ਝਤੀਤਿ ਬੁਦ੍ਧੋ, ਤੋ. ਦੁ ਗਤਿਯਂ, ਅ, ਉਸ੍ਸਾਵੋ [ਦੁ ਗਤਿਯਂ ਅਬ੍ਬੋ (ਸੂਚਿ)], ਦਬ੍ਬੋ. ਵਿਦ ਞਾਣੇ, ਦਸੁ.

੨੩੦-੨੩੧. ਮਹਿਲਾਨ੍ਤਂ ਇਤ੍ਥਿਸਾਮਞ੍ਞੇ. ਇਸੁ ਇਚ੍ਛਾਯਂ, ਤੋ, ਨਦਾਦਿ. ਸੀਮਸ੍ਸ ਅਨ੍ਤੋ ਸੀਮਨ੍ਤੋ, ਕੇਸਵੇਸੋ, ਤਂਯੋਗਾ ਸੀਮਨ੍ਤਿਨੀ, ਇਨੀ. ਨਰਸ੍ਸਾਯਂ ਨਾਰੀ, ਇਦਮਤ੍ਥੇ ਣੋ. ਤਿਟ੍ਠਤਿ ਗਬ੍ਭੋ ਯਸ੍ਸਂ, ਸਾ ਥੀ. ਧਾ ਧਾਰਣੇ ਵਾ, ਵਣ੍ਣਵਿਕਾਰੋ, ਈ. ਬਨ੍ਧ ਬਨ੍ਧਨੇ, ਊ, ਬਨ੍ਧਸ੍ਸ ਵਧਾਦੇਸੋ ਚ [ਣ੍ਵਾਦਿ ੩], ਵਧੂਸਦ੍ਦੋ ਸੁਣਿਸਾਭਰਿਯਾਨਮ੍ਪਿ ਵਾਚਕੋ. ਵਨ ਸਮ੍ਭਤ੍ਤਿਯਂ, ਤੋ, ਇਕਾਰਾਗਮੋ ਚ. ਅਙ੍ਗ ਗਮਨਤ੍ਥੋ, ਯੁ, ਅਙ੍ਗਨਾ, ਵਿਸਿਟ੍ਠਨਾਰਿਯਮ੍ਪਿ ਅਙ੍ਗਨਾ, ਤਦਾ ਕਲ੍ਯਾਣਙ੍ਗਨਾਰੀਲਕ੍ਖਣੋਪੇਤਂ ਪਸਤ੍ਥਂ ਹਤ੍ਥਪਾਦਾਦਿਕਮਙ੍ਗਮਸ੍ਸਤ੍ਥੀਤਿ ਅਸ੍ਸਤ੍ਥ੍ਯਤ੍ਥੇ ਅਙ੍ਗਾ ਕਲ੍ਯਾਣੇ ਨਪਚ੍ਚਯੋ [ਮੋਗ੍ਗਲ੍ਲਾਨ ੪.੯੨]. ਵਿਰੂਪੇਸੁਪਿ ਮਦੋ ਰਾਗਮਦੋ ਯਸ੍ਸਾ ਸਾ ਪਮਦਾ, ਵਿਸਿਟ੍ਠਨਾਰਿਯਂਪ੍ਯਤ੍ਰ ਪਮਦਾ, ਤਦਾ ਪਕਟ੍ਠੋ ਮਦੋ ਰੂਪਸੋਭਗ੍ਗਜਨਿਤੋ ਚੇਤੋਵਿਕਾਰੋ ਯਸ੍ਸਾ ਸਾ ਪਮਦਾ. ਰੂਪਲਾਵਣ੍ਯਸਮ੍ਪਨ੍ਨਤਾਯ ਸੁਨ੍ਦਰੀ, ਵਿਸਿਟ੍ਠਾਯਮ੍ਪਿ. ਕਮਨੀਯਵੁਤ੍ਤਿਤਾਯ ਕਨ੍ਤਾ, ਕਮੁ ਕਨ੍ਤਿਯਂ, ਤੋ. ਕਨ੍ਤਿਯੋਗਾ ਵਾ ਕਨ੍ਤਾ, ਵਿਸਿਟ੍ਠਾਯਮ੍ਪਿ. ਰਮਯਤਿ ਵਿਨੋਦਯਤਿ ਨਾਯਕਂ, ਸਾ ਰਮਣੀ, ਨਨ੍ਦਾਦੀਹਿ ਯੁ, ਨਦਾਦਿ, ਵਿਸਿਟ੍ਠਾਯਮ੍ਪਿ. ਦਯ ਰਕ੍ਖਣੇ, ਕਮ੍ਮਨਿ ਤੋ. ਅਪ੍ਪਂ ਬਲਂ ਯਸ੍ਸਾ ਸਾ ਅਬਲਾ, ਅਪ੍ਪਤ੍ਥੋਯਂ ਅਕਾਰੋ. ਮਾਤੁਯਾ ਗਾਮੋ ਵਿਯ ਗਾਮੋ ਯਸ੍ਸਾ ¶ ਸਾ ਮਾਤੁਗਾਮੋ, ਮਾਤਾ ਵਿਯ ਗਚ੍ਛਤੀਤਿ ਵਾ ਮਾਤੁਗਾਮੋ, ਗਮੁ ਗਮਨੇ, ਣੋ, ਮਾਤਾ ਵਿਯ ਗਸਤੀਤਿ ਵਾ ਮਾਤੁਗਾਮੋ, ਗਸ ਅਦਨੇ, ਮੋ, ਮਾਤਾ ਵਿਯ ਗਾਯਤੀਤਿ ਵਾ ਮਾਤੁਗਾਮੋ, ਗਾ ਸਦ੍ਦੇ, ਮੋ. ਮਹੀ ਵਿਯ ਸੁਚਿਂ ਅਸੁਚਿਮ੍ਪਿ ਲਾਤੀਤਿ ਮਹਿਲਾ, ਮਹਨ੍ਤੇਸੁ ਬਹੂਸੁਪਿ ਰਤ੍ਤਚਿਤ੍ਤੇਸੁ ਇਲਤਿ ਗਚ੍ਛਤੀਤਿ ਵਾ ਮਹਿਲਾ, ਇਲ ਗਮਨੇ, ਮਹ ਪੂਜਾਯਂ ਵਾ, ਇਰੋ, ਲਤ੍ਤਂ, ਆ, ਮਹਿਲਾ. ਮਹੇਲਾਪ੍ਯਤ੍ਰ.

ਤਿਕਂ ਵਿਸਿਟ੍ਠਨਾਰਿਯਮੇਵ. ਲਲ ਵਿਲਾਸੇ, ਨਨ੍ਦਾਦੀਹਿ ਯੁ. ਲਲ ਇਚ੍ਛਾਯਨ੍ਤਿ ਚੁਰਾਦਿਗਣਤੋ ਵਾ ਯੁ. ਭਯਪਕਤਿ ਭੀਰੁ, ਭੀ ਭਯੇ, ਰੁ, ‘‘ਭੀਰੁ ਅਤ੍ਤੇ ਜਨੇ’ਤ੍ਥਿਯ’’ਨ੍ਤਿ ਰਭਸੋ. ਅਤਿਸਯਿਤਕਾਮਾ ਕਾਮਿਨੀ, ਕਾਮੋ ਸਿਙ੍ਗਾਰਰੂਪੋ ਮਦੋ ਯਸ੍ਸਾਤ੍ਥੀਤਿ ਇਨੀ, ਸਬ੍ਬਤ੍ਰੇਵਂ. ਵਾਮਲੋਚਨਾ, ਭਾਵਿਨੀ, ਨਿਤਮ੍ਬਿਨੀ, ਰਾਮਾਇਚ੍ਚਾਦੀਨਿਪਿ ਵਿਸਿਟ੍ਠਨਾਰੀਨਾਮਾਨਿ.

ਅਟ੍ਠਵਸ੍ਸਾ ਭਵੇ ਗੋਰੀ, ਦਸਵਸ੍ਸਾ ਤੁ ਕਞ੍ਞਕਾ;

ਸਮ੍ਪਤ੍ਤੇ ਦ੍ਵਾਦਸੇ ਵਸ੍ਸੇ, ਕੁਮਾਰੀਤ੍ਯ’ਭਿਧੀਯਤੇ [ਚਿਨ੍ਤਾਮਣਿਟੀਕਾ ੧੬.੮].

ਇਹ ਤ੍ਵਭੇਦੋਪਚਾਰੇਨੇਕਤ੍ਤਂ. ਅਞ੍ਞੇ ਪਨਾਹੁ ‘‘ਕਞ੍ਞਾਸਦ੍ਦੋਯਂ ਪੁਮੁਨਾਭਿਸਮ੍ਬਨ੍ਧਪੁਬ੍ਬਕੇ ਸਮ੍ਪਯੋਗੇ ਨਿਵਤ੍ਤੇਤੀ’’ਤਿ. ਕੁਮਾਰ ਕੀਲ਼ਾਯਂ, ਚੁਰਾਦਿ, ਕੁਮਾਰਯਤੀਤਿ ਕੁਮਾਰੀ, ਅ, ਨਦਾਦਿ, ਸਕਤ੍ਥੇ ਕੋ, ਣ੍ਵੁਨਾ ਵਾ ਸਿਦ੍ਧੋ. ਕਮਨੀਯਤੇਤਿ ਕਞ੍ਞਾ, ਕਨ ਦਿਤ੍ਤਿਕਨ੍ਤਿਗਤੀਸੁ, ਯੋ, ਨ੍ਯਸ੍ਸ ਞਤ੍ਤਂ, ਅ, ਆ.

ਯੁਵਸਦ੍ਦਤੋ ¶ ਪਾਟਿਪਦਿਕਤੋਤਿ, ਯੁਵਤਿ. ਵਰਿਤ੍ਥਿਪਰਿਯਾਯਸਾਮਞ੍ਞੇਪਿ ਯੁਵਤਿਸਦ੍ਦੋ ਪਕਤ੍ਯਨ੍ਤਰਮਤ੍ਥੀਤਿ. ਤਰ ਤਰਣੇ, ਯੁ, ਉਤ੍ਤਂ, ਈ ਚ.

੨੩੨. ਸਾਭਿਸੇਕਾ ਲਦ੍ਧਾਭਿਸੇਕਾ ਰਾਜਿਤ੍ਥੀ ਮਹੇਸੀ ਨਾਮ, ਮਹ ਪੂਜਾਯਂ, ਕਮ੍ਮਨਿ ਇਸੋ, ਇਸ੍ਸੇ, ਤਤੋ ਈ, ਮਹਤਿਯੋ ਰਾਜਿਤ੍ਥਿਯੋ ਈਸਤਿ ਅਭਿਭਵਤੀਤਿ ਵਾ ਮਹੇਸੀ, ਈਸ ਇਸ੍ਸਰਿਯੇ, ਈ. ਮਹੇਸਿਤੋ ਅਞ੍ਞਾ ਰਾਜਨਾਰਿਯੋ ਭੋਗਿਨਿਯੋ ਭੋਗਯੋਗਾ, ਈ, ਇਨੀ ਚ. ਯਾਨਾਰੀ ਪੁਰਿਸਸ੍ਸ ਸਙ੍ਕੇਤਂ ਯਾਤਿ, ਸਾ ‘‘ਧਵਤ੍ਥਿਨੀ, ਅਭਿਸਾਰਿਕਾ’’ਤਿ ਚੋਚ੍ਚਤੇ. ਧਵਂ ਪਤਿਂ ਅਤ੍ਥਯਤਿ ਇਚ੍ਛਤੀਤਿ ਧਵਤ੍ਥਿਨੀ, ਅਤ੍ਥ ਯਾਚਨਿਚ੍ਛਾਸੁ, ਇਨੀ, ਅਸਤੀਵਿਸੇਸੋ. ਸਰ ਗਤਿਯਂ, ਅਭਿਸਰਤਿ ਸਙ੍ਕੇਤਨ੍ਤਿ, ਣ੍ਵੁ.

੨੩੩. ਛਕ੍ਕਂ ਵੇਸਿਯਂ. ਚਤੁਸਟ੍ਠਿਕਲਾਕੁਸਲਤਾਯ, ਸੀਲਰੂਪਾਦਿਮਤ੍ਤਾਯ ਚ ਗਣ੍ਯਤੇ ਆਦੀਯਤੇ ਗਣਿਕਾ, ਗਣ ਸਙ੍ਖ੍ਯਾਨੇ, ਣ੍ਵੁ. ਵੇਸੋ ਆਕਪ੍ਪੋ, ਤੇਨਾਤਿਸੋਭਤੇ, ਕਮ੍ਮਵੇਸੇਹਿ ਵਾ ਇਚ੍ਛੀਯਤੇਤਿ. ਅਤਿਸੋਭਨੇ, ਇਚ੍ਛਤ੍ਥੇ ਵਾ ਯਪਚ੍ਚਯੋ. ਵਣ੍ਣਸਮ੍ਪਨ੍ਨਾ ਦਾਸੀ ਵਣ੍ਣਦਾਸੀ, ਦਾਸਿਮ੍ਪਿ ਹਿ ਵਣ੍ਣਸਮ੍ਪਨ੍ਨਂ ਕੇਚਿ ਸਾਮਿਕਾ ਧਨਲੋਭੇਨ ਗਣਿਕਂ ਕਰੋਨ੍ਤਿ. ਨਗਰਂ ਸੋਭੇਤੀਤਿ ਨਗਰਸੋਭਿਨੀ. ਰੂਪੇਨ ਉਪਜੀਵਤੀਤਿ ਰੂਪੂਪਜੀਵਿਨੀ. ਅਤਿਸਯਵੇਸਯੁਤ੍ਤਤਾਯ ਵੇਸੀ.

ਦ੍ਵਯਂ ਅਸਤੀਸਾਮਞ੍ਞੇ. ਕੁਲਾਨਿ ਅਟਤਿ ਨਾਸਯਤੀਤਿ ਕੁਲਟਾ. ਬਨ੍ਧਮਨੁਬਨ੍ਧਂ ਕਾਯਤੀਤਿ ਬਨ੍ਧਕੀ, ਨਦਾਦਿ.

੨੩੪. ਚਤੁਕ੍ਕਂ ਉਤ੍ਤਮਨਾਰਿਯਂ. ਵਰੋ ਆਰੋਹੋ ਸੋਣਿ ਯਸ੍ਸਾ ਸਾ ਵਰਾਰੋਹਾ. ਉਤ੍ਤਮਗੁਣਯੋਗਾ ਉਤ੍ਤਮਾ. ਸੋਣਿਗਾਰਵੇਨ ¶ ਮਤ੍ਤਗਜੋ ਵਿਯ ਬਨ੍ਧਨਗਾਮਿਨੀ ਮਤ੍ਤਕਾਸਿਨੀ, ਕਸ ਗਤਿਯਂ. ਵਰਵਣ੍ਣਯੋਗਾ ਵਰਵਣ੍ਣਿਨੀ, ਇਨੀ.

‘‘ਸੀਤੇ ਸੁਖੋਣ੍ਹਸਬ੍ਬਙ੍ਗੀ, ਗਿਮ੍ਹੇ ਯਾ ਸੁਖਸੀਤਲਾ;

ਭਤ੍ਤੁ ਭਤ੍ਤਾ ਚ ਯਾ ਨਾਰੀ, ਸਾ ਭਵੇ ਵਰਵਣ੍ਣਿਨੀ’’ਤਿ. ਰੁਦ੍ਦੋ;

ਦ੍ਵਯਂ ਅਖਣ੍ਡਿਤਚਰਿਤ੍ਰਾਯਂ. ਪਤਿ ਸਾਮਿਕੋਵ ਕਮਨੀਯੋ ਯਸ੍ਸਾ ਪਤਿਬ੍ਬਤਾ, ਪਤਿਮ੍ਹਿ ਵਤਮਸ੍ਸਾਤਿ ਵਾ ਪਤਿਬ੍ਬਤਾ. ਅਸ ਭੁਵਿ, ਅਨ੍ਤੋ, ਈ, ਆਦਿਲੋਪੋ. ਸਮੇਤੀਤਿ ਵਾ ਸਤੀ, ਸਮੁ ਉਪਸਮੇ, ਅਨ੍ਤੋ, ਈ.

ਦ੍ਵਯਂ ਕਾਮਰਤ੍ਤਰਾਜਪੁਤ੍ਤਾਦਿਨੋ ਕੁਲਸ੍ਸ ਨਿਯਤਪਤਿਯਂ. ਕੁਲਾਨੁਰੂਪਾ ਇਤ੍ਥੀ ਕੁਲਿਤ੍ਥੀ, ਕੁਲਂ ਪਾਲੇਤਿ ਰਕ੍ਖਤੀਤਿ ਕੁਲਪਾਲਿਕਾ, ਣ੍ਵੁ.

੨੩੫. ਦ੍ਵਯਂ ਮਤਭਤ੍ਤਿਕਾਯਂ. ਵਿਗਤੋ ਧਵੋ ਭਤ੍ਤਾ ਯਸ੍ਸਾ ਵਿਧਵਾ. ਪਤਿ ਸੁਞ੍ਞੋ ਨਟ੍ਠੋ ਯਸ੍ਸਾਤਿ ਪਤਿਸੁਞ੍ਞਾ.

ਦ੍ਵਯਂ ਅਤ੍ਤਿਚ੍ਛਾਯ ਪਤ੍ਯਨ੍ਵੇਸਿਨਿਯਂ ਕਞ੍ਞਾਯਂ. ਪਤਿਂ ਵਰਤਿ ਗਵੇਸਤੀਤਿ ਪਤਿਮ੍ਬਰਾ, ਦੁਤਿਯਾਯਾਲੋਪੋ. ਸਯਮੇਵ ਪਤਿਂ ਵਰਤੀਤਿ ਸਯਮ੍ਬਰਾ, ਪਠਮਾਯਾਲੋਪੋ, ਵਰ ਪਤ੍ਥਨਾਯਂ.

ਚਤੁਕ੍ਕਂ ਵਿਜਾਤਾਯਂ. ਵਿਜਨੀ ਗਬ੍ਭਵਿਮੋਕ੍ਖਨੇ, ਤੋ, ਵਿਜਾਯਿਤ੍ਥਾਤਿ ਵਿਜਾਤਾ. ਸੂ ਅਭਿਸਵੇ, ਤੋ. ਜਾਤਂ ਅਪਚ੍ਚਂ ਪੁਤ੍ਤੋ ਏਤਿਸ੍ਸਾਤਿ ਜਾਤਾਪਚ੍ਚਾ. ਪਸੂਤਾਵ ਪਸੂਤਿਕਾ, ਕਪਚ੍ਚਯੋ, ਇਤ੍ਤਞ੍ਚ.

੨੩੬. ਦ੍ਵਯਂ ¶ ਦੂਤਿਯਂ. ਯਾ ਪੇਸੀਯਤੇ, ਸਾ ਦੂਤੀ, ਦੁ ਗਮਨੇ,ਤਿ, ਈਮ੍ਹਿ ਦੂਤੀ. ਸਞ੍ਚਾਰਯਤਿ ਯਥਾਭਿਮਤਨ੍ਤਿ, ਣ੍ਵੁ.

ਤਿਕਂ ਦਾਸਿਯਂ. ਦੁ ਕੁਚ੍ਛਿਤਂ ਅਸਤਿ ਭਕ੍ਖਤੀਤਿ ਦਾਸੀ, ਈ, ਦੀਯਨ੍ਤੇ ਤਾਯਾਤਿ ਵਾ ਦਾਸੀ, ਦਾ ਦਾਨੇ, ਸੋ, ਈ ਚ. ਚਿਟ ਪੇਸਨੇ, ਕਮ੍ਮਨਿ ਣੋ, ਈ. ਕੁਟਂ ਉਦਕਕੁਮ੍ਭਂ ਧਾਰੇਤੀਤਿ ਕੁਟਧਾਰਿਕਾ, ਣ੍ਵੁ.

ਦ੍ਵਯਂ ਸੁਭਾਸੁਭਨਿਰੂਪਿਨਿਯਂ ਸਂਵਰਿਕਾਦਿਮ੍ਹਿ. ਵਰ ਗਤਿਯਂ, ਕਤ੍ਤਰਿ ਇਨੀ. ਸੁਭਾਸੁਭਸ੍ਸ ਇਕ੍ਖਣਂ ਨਿਰੂਪਨਂ ਯਸ੍ਸਾਤ੍ਥੀਤਿ, ਇ, ਸਕਤ੍ਥੇ ਕੋ. ਇਮੇ ਦ੍ਵੇ ਸਦ੍ਦਾ ਤੁਲ੍ਯਤ੍ਥਾ.

ਯਾ ਸਯਂ ਖਤ੍ਤਿਯਜਾਤਿ ਯਸ੍ਸ ਕਸ੍ਸਚਿ ਭਰਿਯਾ, ਸਾ ਖਤ੍ਤਿਯਾਨੀ, ਖਤ੍ਤਿਯਾ ਚ. ਖਤ੍ਤਿਯਸ੍ਸਾਪਚ੍ਚਂ ਖਤ੍ਤਿਯਾਨੀ, ਆਨੋ, ਈ. ਣਮ੍ਹਿ ਖਤ੍ਤਿਯਾ.

੨੩੭. ਪਜ੍ਜਂ ਅਗ੍ਗਿਸਕ੍ਖਿਪੁਬ੍ਬਕਤਪਾਣਿਗਹਿਤਾਯਂ ਭਰਿਯਾਯਂ, ਅਞ੍ਞਤ੍ਰ ਤੂਪਚਾਰਾ. ਦਾਰਯਨ੍ਤੇ ਯੇਨਾਤਿ ਦਾਰੋ, ਦਰ ਵਿਦਾਰਣੇ, ਅਕਤ੍ਤਰਿ ਚ ਕਾਰਕੇ ਸਞ੍ਞਾਯਂ ਣੋ. ਜਾਯਤਿ ਪੁਤ੍ਤੋ ਯਾਯਾਤਿ ਜਾਯਾ, ਜਨ ਜਨਨੇ, ਯੋ, ਜਨਿਸ੍ਸ ਜਾ ਚ, ਆ, ਜਯਤੀਤਿ ਵਾ ਜਾਯਾ, ਜਿ ਜਯੇ, ਯੋ, ਜਿਸ੍ਸ ਜਾ, ਆ, ਜਾਯਾ. ਕਲ ਸਙ੍ਖ੍ਯਾਨੇ, ਅਤ੍ਤੋ. ਘਰਂ ਨੇਤੀਤਿ ਘਰਣੀ, ਣਤ੍ਤਂ. ਭਰਿਤਬ੍ਬਤੋ ਭਰਿਯਾ, ਭਰ ਭਰਣੇ, ਯੋ. ਪਿਯਾਯਿਤਬ੍ਬਤੋ ਪਿਯਾ,ਪੀ ਤਪ੍ਪਨਕਨ੍ਤੀਸੁ, ਯੋ. ਪਜਂ ਪੁਤ੍ਤਂ ਪਾਲੇਤੀਤਿ ਪਜਾਪਤਿ, ਪਾ ਪਾਲਨੇ,ਤਿ, ਆਤ੍ਤਂ, ਰਸ੍ਸਤ੍ਤਞ੍ਚ ¶ . ਦ੍ਵਿਨ੍ਨਂ ਪੂਰਣੀ ਦੁਤਿਯਾ. ਪਠਮੋ ਭਤ੍ਤਾ, ਭਰਿਯਾ ਦੁਤਿਯਾ. ਸਾਮਿਕਸ੍ਸ ਪਾਦੇ ਪਰਿਚਰਤੀਤਿ ਪਾਦਪਰਿਚਾਰਿਕਾ, ਣ੍ਵੁ. ਪਤਿਨੀ, ਪਾਣਿਗਹਿਤਾ, ਸਹਧਮ੍ਮਿਨੀਤਿਪਿ ਤਸ੍ਸਾਯੇਵ ਨਾਮਾਨਿ.

੨੩੮. ਤਿਕਂ ਸਖਿਯਂ. ਤੇਸੁ ਤੇਸੁ ਕਿਚ੍ਚੇਸੁ ਸਹ ਖਾਯਤਿ ਪਕਾਸਤੀਤਿ ਸਖੀ, ਸਹਪੁਬ੍ਬੋ ਖਾ ਪਕਾਸਨਕਥਨੇਸੁ, ਈ. ਅਲ ਭੂਸਨੇ ਆਪੁਬ੍ਬੋ, ਇ. ਵਯਸਾ ਤੁਲ੍ਯਾ ਵਯਸਾ, ਤੁਲ੍ਯੇ ਸਞ੍ਞਾਯਂ ਸੋ [ਪਾਣਿਨਿ ੪.੪.੯੧ ਸੁਤ੍ਤੇ ਯਪਚ੍ਚਯੋ ਦਿਸ੍ਸਤਿ].

ਜਰੋਵੁਚ੍ਚਤਿ ਚੋਰਸ੍ਸਾਮਿਕੋ, ਤਸ੍ਸਾਯਂ ਜਾਰੀ, ਣੋ, ਈ. ਸਾਮਿਕਂ ਅਤਿਕ੍ਕਮ੍ਮ ਅਞ੍ਞਤ੍ਰ ਚਰਤੀਤਿ, ਇਨੀ.

੨੩੯. ਪੁਮੇ ਤੂਤਿ ਲਿਙ੍ਗਨ੍ਤੋ ਤੁਸਦ੍ਦੋ ਨ ਪੁਬ੍ਬਂ ਭਜਤੇ. ਅਰ ਗਮਨੇ, ਤੁ, ਅਰਸ੍ਸੁਤ੍ਤਂ. ਰਤਿਯਾ ਜਾਯਤੀਤਿ ਰਜੋ, ਤਿਲੋਪੋ. ਪੁਪ੍ਫ ਵਿਕਸਨੇ, ਪੁਪ੍ਫਂ.

ਤਿਕਂ ਰਜਸ੍ਸਲਾਯਂ. ਉਤੁਯੋਗਾਉਤੁਨੀ, ਇਨੀ. ਰਜਯੋਗਾ ਰਜਸ੍ਸਲਾ, ਸਲੋ. ਪੁਪ੍ਫਵਨ੍ਤਤਾਯ ਪੁਪ੍ਫਵਤੀ. ਥੀਧਮ੍ਮਿਨੀ, ਅਵੀ, ਅਤ੍ਤੇਯੀ, ਮਲਿਨੀ, ਉਤੁਮਤੀ, ਉਦਕੀਇਚ੍ਚਾਦੀਨਿਪਿ ਤਸ੍ਸਾ ਨਾਮਾਨਿ.

ਤਿਕਂ ਗਬ੍ਭਿਨਿਯਂ. ਗਰੁ ਅਲਹੁਕੋ ਗਬ੍ਭੋ ਕੁਚ੍ਛਿ ਏਤਿਸ੍ਸਾਤਿ ਗਰੁਗਬ੍ਭਾ. ਆਪਨ੍ਨੋ ਪਤ੍ਤੋ ਗਬ੍ਭਟ੍ਠੋ ਸਤ੍ਤੋ ਏਤਾਯਾਤਿ ਆਪਨ੍ਨਸਤ੍ਤਾ. ਗਬ੍ਭਯੋਗਾ ਗਬ੍ਭਿਨੀ.

ਤਿਕਂ ¶ ਯੇਨ ਵੇਠਿਤੋ ਗਬ੍ਭੋ ਕੁਚ੍ਛਿਯਂ ਤਿਟ੍ਠਤਿ, ਤਤ੍ਰਾਸਯੇਤਿ ਖ੍ਯਾਤੇ. ਗਬ੍ਭੋ ਆਸਯਤੇ ਤਿਟ੍ਠਤ੍ਯਤ੍ਰਾਤਿ, ਣੋ. ਜਰਂ ਏਤੀਤਿ ਜਲਾਬੁ. ਉ, ਰਸ੍ਸ ਲੋ, ਯਸ੍ਸ ਬੋ, ਜਰਾਪੁਬ੍ਬੋ ਇ ਗਤਿਯਂ. ਕਲਂ ਜਰਤਂ ਲਾਤੀਤਿ ਕਲਲੋ, ਕਲ ਸਙ੍ਖ੍ਯਾਨੇ ਵਾ, ਅਲੋ.

੨੪੦-੨੪੧. ਸਤ੍ਤਕਂ ਭਤ੍ਤਰਿ. ਧੂ ਕਮ੍ਪਨੇ, ਸਨ੍ਤਾਸਂ ਧੁਨੋਤੀਤਿ ਧਵੋ, ਅ. ਸਂ ਏਤਸ੍ਸਤ੍ਥੀਤਿ ਸਾਮਿਕੋ, ਆਮਿਪਚ੍ਚਯੋ, ਸਕਤ੍ਥੇ ਕੋ, ਇਪਚ੍ਚਯੋ ਵਾ, ਨਿਗ੍ਗਹੀਤਸ੍ਸ ਮੋ, ਅਸ੍ਸ ਚ ਦੀਘੋ, ਸਾਮਿਕੋ. ਭਰ ਭਰਣੇ, ਭਰਤੀਤਿ ਭਤ੍ਤਾ, ਰਿਤੁ. ਕਮੁ ਇਚ੍ਛਾਯਂ, ਤੋ, ‘‘ਪਕ੍ਕਮਾਦੀਹਿ ਨ੍ਤੋ ਚਾ’’ਤਿ ਨ੍ਤਤ੍ਤਂ. ਪਾ ਰਕ੍ਖਣੇ, ਅਤਿ, ਪਤਿ. ਵਰ ਇਚ੍ਛਾਯਂ, ਅ, ਵਰੋ. ਪੀ ਤਪ੍ਪਨਕਨ੍ਤੀਸੁ, ਯੋ.

ਰਤਿਕਾਰਣਤ੍ਤਾ ਪਤਿਨੋ ਉਪ ਉਪਪਤਿ, ਸਮਾਸੇ ਕਤੇ ਅਭਿਧਾਨਤੋ ਪੁਬ੍ਬਨਿਪਾਤੋ, ਅਪ੍ਪਧਾਨਭੂਤੋ ਵਾ ਪਤਿ ਉਪਪਤਿ. ਜਰ ਵਯੋਹਾਨਿਮ੍ਹਿ, ਜੀਯਨ੍ਤੇ ਅਨੇਨਾਤਿ ਜਾਰੋ, ਦਾਰੋ ਚ.

ਸਤ੍ਤਕਂ ਪੁਤ੍ਤੇ. ਨਰਕੇ ਨ ਪਤਨ੍ਤ੍ਯਨੇਨ ਜਾਤੇਨਾਤਿ ਅਪਚ੍ਚਂ, ਪਤ ਗਤਿਯਂ, ਯੋ, ਤ੍ਯਸ੍ਸ ਚੋ, ਨ ਪਤਤਿ ਨ ਵਿਚ੍ਛਿਨ੍ਦਤਿ ਵਂਸੋ ¶ ਏਤੇਨਾਤਿ ਵਾ ਅਪਚ੍ਚਂ, ਪੁਤ੍ਤੇ, ਧੀਤਰਿ ਚ ਨਿਚ੍ਚਨਪੁਂਸਕੋਯਂ. ਪੂ ਪਵਨੇ. ਪੁਨਾਤਿ ਪਿਤਰੋ ਤੇਨਾਤਿ ਪੁਤ੍ਤੋ. ‘‘ਛਦਾਦੀਹਿ ਤਤ੍ਰਣ’’ਤਿ ਤੋ. ਪੂਰੇਤੀਤਿ ਵਾ ਪੁਤ੍ਤੋ. ਅਤ੍ਤਤੋ ਜਾਤੋ ਅਤ੍ਰਜੋ, ‘‘ਅਤ੍ਤਜੋ’’ਤਿਪਿ ਪਾਠੋ. ਸੁਯਤੇਤਿ ਸੁਤੋ. ਸੁ ਅਭਿਸਵੇ, ਸੁਣਾਤੀਤਿ ਵਾ ਸੁਤੋ, ਤੋ, ਸੁ ਸਵਨੇ. ਤਨੁਮ੍ਹਾ ਜਾਤੋ ਤਨੁਜੋ, ਤਨਯੋ ਚ, ਯੋ, ਤਨੋਤਿ ਮੁਦਨ੍ਤਿ ਵਾ ਤਨਯੋ, ਅਯੋ. ਸੂਯਤੇਤਿ ਸੂਨੁ, ਕਮ੍ਮਨਿ ਨੁ, ਸੂ ਪਸਵੇ.

ਪੁਤ੍ਤਾਦਯੋ ਸੂਨੁਪਰਿਯਨ੍ਤਾ ਧੀਤਰਿ ਵਤ੍ਤਮਾਨਾ ਇਤ੍ਥਿਯਂ ਵਤ੍ਤਨ੍ਤਿ. ਦੁਹਿਤਾ, ਧੀਤਾ ਚ ਸਦਾ ਨਾਰਿਯਮੇਵ. ਦੁਹ ਪਪੂਰਣੇ, ਰਾਤੁ, ਓਤ੍ਤਾਭਾਵੋ, ਇਕਾਰਾਗਮੋ ਚ. ਧਾ ਧਾਰਣੇ, ਰਾਤੁ, ਆਸ੍ਸੀ. ਪੁਤ੍ਤਾਦਯੋ ਚ ਤੇ ਸਾਮਞ੍ਞੇਨੇਵ ਕੁਣ੍ਡਗੋਲਕਾਦੀਨਂ ਵਾਚਕਾ. ਸਵਣ੍ਣਾਯਂ ਤੁ ਊਢਾਯਂ ਸਜਾਤੋ ਸਯਂ ਜਨਿਤੋ ਸੁਤੋ ਓਰਸੋ ਨਾਮ. ਸਜਾਤਸਦ੍ਦੇਨ ਕੁਣ੍ਡਕਗੋਲਕਖਤ੍ਤਾਦਿਬ੍ਯਵਚ੍ਛੇਦੋ. ਜੀਵਤਿ ਭਤ੍ਤਰਿ ਜਾਰਜੋ ਸੁਤੋ ਕੁਣ੍ਡਾਖ੍ਯੋ. ਮਤੇ ਭਤ੍ਤਰਿ ਜਾਰਜੋ ਗੋਲਕਾਖ੍ਯੋ. ਅਰਿਯਾਸੁਦ੍ਦਜੋ ਸੁਤੋ ਖਤ੍ਤਾ ਨਾਮ [ਖਤ੍ਤਾ ਅਰਿਯਾਸੁਦ੍ਦਾਨਂ (ਅਮਰ ੨੦.੩)]. ਆਦਿਨਾ ਮਾਗਧਾਦੀਨਂ ਗਹਣਂ. ਵੁਤ੍ਤਞ੍ਹਿ –

ਮਤੇ ਭਤ੍ਤਰਿ ਗੋਲਕੋ’’ਤਿ [ਅਮਰ ੧੬.੩੬].

‘‘ਮਾਗਧੋ ਸੁਦ੍ਦਖਤ੍ਤਾਜੋ’’ਤਿ [ਅਭਿਧਾਨੁ ੫੦੩ ਗਾਥਾ] ਚ.

ਉਰਸਾ ਮਨਸਾ ਨਿਮ੍ਮਿਤੋ, ਉਰਸਦ੍ਦਾ ਤਤਿਯਨ੍ਤਾ ਨਿਮ੍ਮਿਤਤ੍ਥੇ ਣੋ, ਨਿਵਿਟ੍ਠਤ੍ਤਾ ਤੇਨ ਨਿਮ੍ਮਿਤੋਤਿ ਵੁਚ੍ਚਤਿ. ਉਰਸਿ ਭਵੋਤਿ ਵਾ ਓਰਸੋ.

੨੪੨. ਚਤੁਕ੍ਕਂਪਤਿਪਤਿਨੀਨਂ ¶ ਯੁਗੇ, ‘‘ਦਾਰਾ ਪੁਮੇ ਬਹੁਤ੍ਤੇ ਚ, ਦਂ ਕਲਤ੍ਰੇ ਨਪੁਂਸਕੇ’’ਤਿ [ਚਿਨ੍ਤਾਮਣਿਟੀਕਾ ੧੬.੩੮] ਅਮਰਮਾਲਾ, ਜਂਸਦ੍ਦੋ ਤ੍ਵਬ੍ਯਯੋ ਦਾਰਵਚਨੋ. ਤਸ੍ਮਾ ‘‘ਜਮ੍ਪਤਿ, ਦਮ੍ਪਤੀ’’ਤਿਪਿ ਭਵਿਤਬ੍ਬਂ, ਇਧ ਪਨ ਕਚ੍ਚਾਯਨਮਤੇਨੋਦਾਹਟਾ. ਜਾਯਾ ਚ ਪਤਿ ਚ ਜਾਯਾਪਤਿ. ਇਤਰੀਤਰਯੋਗਦ੍ਵਨ੍ਦੋ. ਜਾਯਾ ਚ ਪਤਿ ਚ ਜਾਨਿਪਤਿ, ਤਥਾ ਜਾਯਮ੍ਪਤਿਆਦਯੋ, ਜਾਯਾਸਦ੍ਦਸ੍ਸ ਪਤਿਮ੍ਹਿ ਪਰੇ ਜਾਨਿ, ਤੁਦਞ੍ਚ, ਜਾਯਞ੍ਚ ਯਦਾਦਿਨਾ.

ਤਿਕਂ ਨਪੁਂਸਕੇ. ਵਿਗਤੋ ਰਾਗਸ੍ਸਵੋ ਯਸ੍ਮਾ ਵਸ੍ਸਵਰੋ. ਸੁ ਸਵਨੇ, ਅਰੋ. ਪਣ ਬ੍ਯਵਹਾਰੇ, ਡੋ, ਪਡਿ ਲਿਙ੍ਗਵੇਕਲ੍ਯੇ ਵਾ, ਭੂਵਾਦਿ. ਨ ਇਤ੍ਥੀ ਨ ਪੁਮਾ ਨਪੁਂਸਕਂ, ਨਿਰੁਤ੍ਤਿਨਯੇਨ ਇਤ੍ਥਿਪੁਮਾਨਂ ਪੁਂਸਕਭਾਵੋ, ਨਸ੍ਸ ਚ ਪਕਤਿ. ਤਤਿਯਾਪਕਤਿ, ਸਣ੍ਡੋ, ਕਲੀਬਨ੍ਤਿਪਿ ਤਸ੍ਸ ਨਾਮਾਨਿ. ਤਤਿਯਾ ਪਕਤਿ ਤਤਿਯਪ੍ਪਕਾਰੋ, ਸਮਜਾਤਿਕੇ ਇਤ੍ਥਿਪੁਰਿਸੇ ਅਪੇਕ੍ਖਿਤ੍ਵਾ ਤਤਿਯਤ੍ਤਂ ਪਕਾਰਸ੍ਸ. ਪਠਮਾ ਹਿ ਪਕਤਿ ਇਤ੍ਥੀ, ਦੁਤਿਯਾ ਪਕਤਿ ਪੁਰਿਸੋ, ਇਤਰਪਕਤਿ ਤਤਿਯਾ ਪਕਤਿ.

੨੪੩. ਛਕ੍ਕਂ ਞਾਤਿਮਤ੍ਤੇ, ਬਨ੍ਧੁਯੇਵ ਬਨ੍ਧਵੋ, ਅ, ਉਸ੍ਸਾਵੋ. ਬਨ੍ਧਤੀਤਿ ਬਨ੍ਧੁ, ਉ. ਸਸ੍ਸ ਅਤ੍ਤਨੋ ਜਨੋ ਸਜਨੋ. ਸਮਾਨਂ ਗੋਤ੍ਤਂ ਕੁਲਂ ਅਸ੍ਸਾਤਿ ਸਗੋਤ੍ਤੋ, ਸਮਾਨਸ੍ਸ ਸਭਾਵੋ. ਞਾ ਅਵਬੋਧਨੇ, ਕਮ੍ਮੇਤਿ, ਞਾਤਿਯੇਵ ਞਾਤਕੋ, ਅਤ੍ਤਂ, ਸਕਤ੍ਥੇ ਕੋ ਚ. ਸੁਸਦ੍ਦੋਪ੍ਯਤ੍ਰ [ਸ੍ਵ (ਅਮਰ ੧੬.੩੬)].

ਦ੍ਵਯਂ ¶ ਸਤ੍ਤਪੁਰਿਸਾਵਧਿਕੇਸੁ ਨਿਕਟਞਾਤੀਸੁ. ਲੋਹਿਤੇਨ ਸਮ੍ਬਨ੍ਧੋ ਸਾਲੋਹਿਤੋ, ਸਮ੍ਬਨ੍ਧਸ੍ਸ ਸਾਦੇਸੋ, ਪੁਬ੍ਬਨਿਪਾਤੋ ਚ, ਸਮਾਨਂ ਪਿਣ੍ਡਦਾਨਂ ਯਸ੍ਸ ਸਪਿਣ੍ਡੋ, ਸਨਾਭਯੋਪ੍ਯਤ੍ਰ [ਨਾਭਿ ਸਤ੍ਤਪੁਰਿਸਾਵਧਿਕਕੁਲੇ (ਚਿਨ੍ਤਾਮਣਿਟੀਕਾ ੧੬.੩੩)]. ਤਿਕਂ ਪਿਤਰਿ. ਤਾ ਪਾਲਨੇ, ਤੋ ਕਤ੍ਤਰਿ. ਜਨਯਤੀਤਿ ਜਨਕੋ, ਣ੍ਵੁ. ਪਾ ਰਕ੍ਖਣੇ, ਰਿਤੁ, ਅਸ੍ਸਿਤ੍ਤਂ.

੨੪੪. ਛਕ੍ਕਂ ਮਾਤਰਿ. ਅਮ ਪੂਜਾਯਂ, ਕਮ੍ਮਨਿ ਮੋ, ਬੋ ਚ, ਅਮ੍ਮਾ, ਅਮ੍ਬਾ. ਜਨਯਤੀਤਿ ਜਨਨੀ, ਯੁ, ਨਦਾਦਿ. ਮਾਨ ਪੂਜਾਯਂ, ਪੁਤ੍ਤਂ ਮਾਨੇਤੀਤਿ ਮਾਤਾ, ਰਾਤੁ, ਪਾਤੀਤਿ ਵਾ ਮਾਤਾ, ਪਾਤਿਸ੍ਸ ਮੋ. ਜਨੇਤੀਤਿ ਜਨੇਤ੍ਤਿ,ਤਿ. ਜਨੇਤੀਤਿ ਜਨਿਕਾ, ਣ੍ਵੁ, ਇਤ੍ਤਂ.

ਅਪ੍ਪਧਾਨਭੂਤਾ ਮਾਤਾ ਉਪਮਾਤਾ, ਕੁਮਾਰੇ ਧਾਰੇਤੀਤਿ ਧਾਤਿ. ਧਾ ਧਾਰਣੇ,ਤਿ. ਜਾਯਾਯ ਭਰਿਯਾਯ ਭਾਤਿਕੋ ਕਨਿਟ੍ਠੋ ਚ ਜੇਟ੍ਠੋ ਚ ਸਾਲੋ ਨਾਮ, ਸਸ੍ਸ ਅਤ੍ਤਨੋ ਏਸਾ ਸਾ, ਭਰਿਯਾ, ਤਸ੍ਸਾ ਭਾਤਾ ਸਾਲੋ, ਜਾਯਾਯ ਭਾਤਰਿ ਅਲੋ. ਸਰ ਗਤਿਚਿਨ੍ਤਾਹਿਂਸਾਸੁ ਵਾ, ਣੋ, ਲਤ੍ਤਂ, ਸਾਲ ਵਿਤਕ੍ਕੇ ਵਾ, ਚੁਰਾਦਿ.

੨੪੫. ਸਾਮਿਨੋ ਭਤ੍ਤੁ ਭਗਿਨੀ ਨਨਨ੍ਦਾ ਨਾਮ, ਨ ਨਨ੍ਦਤੀਤਿ ਨਨਨ੍ਦਾ, ਅਤ੍ਤਾਭਾਵੋ ਨਸ੍ਸ ਵਿਭਾਸਾਧਿਕਾਰਾ. ਨਨ੍ਦ ਸਮਿਦ੍ਧਿਯਂ, ਭੂਵਾਦਿ.

ਦ੍ਵਯਂ ¶ ਅਯ੍ਯਿਕਾਯਂ. ਮਾਤੁਯਾ ਮਾਤਾ ਮਾਤਾਮਹੀ. ਪਿਤੂਨਂ ਪਿਤਰਿ ਚ ਮਾਤਰਿ ਚ ਆਮਹਂ ਯਦਾਦਿਨਾ, ਨਦਾਦਿ. ਅਰਹ ਪੂਜਾਯਂ, ਣ੍ਵੁ, ਰਹਸ੍ਸ ਯੋ, ਅਯ ਗਤਿਮ੍ਹਿ ਵਾ, ਣ੍ਵੁ, ਅਯ੍ਯਿਕਾ.

ਮਾਤੁਯਾ ਭਾਤਾ ਮਾਤੁਲੋ ਨਾਮ, ਮਾਤੁਯਾ ਭਾਤਾ ਮਾਤੁਲੋ, ਮਾਤੁ ਭਾਤਰਿ ਉਲਪਚ੍ਚਯੋ. ਅਸ੍ਸ ਮਾਤੁਲਸ੍ਸ ਪਜਾਪਤਿ ਜਾਯਾ ਮਾਤੁਲਾਨੀ ਨਾਮ, ਮਾਤੁਲਸ੍ਸ ਭਰਿਯਾ ਮਾਤੁਲਾਨੀ, ਮਾਤੁਲਭਰਿਯਾਯਂ ਆਨੋ, ਨਦਾਦਿ, ਅਥ ਵਾ ਮਾਤੁਲਸ੍ਸ ਏਸਾ ਮਾਤੁਲਾਨੀ, ਈ, ਅਸ੍ਸ ਆਨੋ.

੨੪੬. ਜਾਯਾਪਤੀਨਂ ਦ੍ਵਿਨ੍ਨਂ ਜਨਨੀ ਮਾਤਾ ਸਸ੍ਸੁ ਵੁਤ੍ਤਾ, ਸਸ ਗਤਿਹਿਂਸਾਪਾਨੇਸੁ. ਤਪ੍ਪਿਤਾ ਤੇਸਂ ਜਾਯਾਪਤੀਨਂ ਪਿਤਾ ਪਨ ਸਸੁਰੋ ਨਾਮ, ਸਸਧਾਤੁਮ੍ਹਾ ਉਰੋ. ਭਗਿਨਿਯਾ ਪੁਤ੍ਤੋ ਪਨ ਭਾਗਿਨੇਯ੍ਯੋ ਨਾਮ, ਭਗਿਨਿਯਾ ਅਪਚ੍ਚਂ ਭਾਗਿਨੇਯ੍ਯੋ, ਣੇਯ੍ਯੋ.

੨੪੭. ਦ੍ਵਯਂ ਸੁਤਸ੍ਸ, ਸੁਤਾਯ ਚ ਪੁਤ੍ਤੇਸੁ. ਨਹ ਬਨ੍ਧਨੇ, ਰਿਤੁ, ਨੀ ਨਯੇ ਵਾ. ਪੁਤ੍ਤਸ੍ਸ ਪੁਤ੍ਤੋ ਪਪੁਤ੍ਤੋ, ਤ੍ਤਲੋਪੋ, ਉਸ੍ਸਤ੍ਤਞ੍ਚ. ਸਾਮਿਭਾਤਾ ਦੇਵਰੋ ਨਾਮ, ਅਥ ਵਾ ਸਾਮਿਭਾਤਾ ਕਨਿਟ੍ਠੋ ਸਾਮਿਨੋ ਭਾਤਾ ਦੇਵਰੋ ਨਾਮ. ਜੇਟ੍ਠੋ ਤੁ ਸਸੁਰੋ ਏਵੋਚ੍ਚਤੇ. ਦਿਵੁ ਕੀਲ਼ਾਯਂ, ਅਰੋ.

ਦ੍ਵਯਂ ¶ ਧੀਤੁਪਤਿਮ੍ਹਿ. ਜਨ ਜਨਨੇ, ਰਿਤੁ, ਅਸ੍ਸਾਤ੍ਤਂ, ਨਸ੍ਸ ਮਾਦੇਸੋ ਚ. ਦ੍ਵਯਂ ਪਿਤੁਪਿਤਰਿ. ਪਿਤੁਨੋ ਪਿਤਾ ਪਿਤਾਮਹੋ.

੨੪੮. ਹੁਸਾਨ੍ਤਾਨਿ ਪਦੇਨ ਪਦੇਨ ਨਾਮਾਨਿ. ਮਾਤੁਯਾ ਭਗਿਨੀ ਮਾਤੁਚ੍ਛਾ, ਚ੍ਛੋ. ਪਿਤੁਨੋ ਭਗਿਨੀ ਪਿਤੁਚ੍ਛਾ, ਪਿਤੁਭਗਿਨੀ ਪਿਤੁਚ੍ਛਾ ਭਵੇਤ੍ਯਤ੍ਥੋ.

ਪਿਤਾਮਹਸਦ੍ਦੋ ਨ ਕੇਵਲਂ ਜਨਕਪਿਤਰਮੇਵ ਵਦਤਿ, ਅਥ ਖੋ ਜਨਕਪਿਤੁਪਿਤਾਦਯੋਪੀਤਿ ਏਤ੍ਥਾਪਿ ‘‘ਪਪਿਤਾਮਹੋ’’ ਇਚ੍ਚੁਦਾਹਟੋ. ਪਿਤੁਨੋ ਅਯ੍ਯਕੋ ਪਯ੍ਯਕੋ, ਤੁਲੋਪੋ. ਸੁ ਸਵਨੇ, ਣ੍ਹਾ. ਣਿਸਮ੍ਹਿ ਸੁਣਿਸਾ. ਸਮ੍ਹਿ ਹੁਸਾ, ਹਤ੍ਤਂ. ਸਬ੍ਬਤ੍ਰ ‘‘ਇਤ੍ਥਿਯਮਤੋ ਆਪਚ੍ਚਯੋ’’ਤਿ ਆ.

੨੪੯. ਚਤੁਕ੍ਕਂ ਏਕੋਦਰੇ ਭਾਤਰਿ. ਸਮਾਨੋਦਰੇ ਠਿਤੋ ਸੋਦਰਿਯੋ, ਸਮਾਨਸ੍ਸ ਸੋ. ਸਮਾਨੋ ਗਬ੍ਭੋ ਸਗਬ੍ਭੋ, ਤਤ੍ਰ ਭਵੋ ਸਗਬ੍ਭੋ, ਣੋ. ਸਮਾਨੋਦਰੇ ਜਾਤੋ ਸੋਦਰੋ. ਸਮਾਨੋਦਰੇ ਜਾਤੋ ਸਹਜੋ. ਸਹਸਦ੍ਦੋ ਤੁਲ੍ਯਵਚਨੋ.

ਮਾਤਾਪਿਤੂ ਤੇ ਦ੍ਵੇ ਜਨਾ ਪਿਤਰੋ ਵੁਚ੍ਚਨ੍ਤੇ. ਉਭਿਨ੍ਨਮ੍ਪਿ ਜਨਕਬ੍ਯਪ੍ਪਦੇਸਨਿਯਤਤ੍ਤਾ ਅਭੇਦਵਚਨਿਚ੍ਛਾਯਂ ਪਿਤੁਤ੍ਤਮਤ੍ਥੇਵ. ਨਨ੍ਵਭੇਦਾ ਜਾਤਿ, ਤਸ੍ਸਾ ਚੋਭਯਤ੍ਰ ਸਤ੍ਤਾਦੇਕਤ੍ਤਂ, ਨ ਚ ਜਾਤਿਯਾ ¶ ਲਿਙ੍ਗਸਙ੍ਖ੍ਯਾ ਭਵਨ੍ਤਿ, ਅਦਬ੍ਬਤ੍ਤਾ ਬਹੁਵਚਨਂ ਨ ਸਿਯਾਤਿ? ਨੇਸ ਦੋਸੋ, ਨ ਹਿ ਜਾਤਿਪਦਤ੍ਥਿਕਸ੍ਸ ਨ ਦਬ੍ਬਂ, ਦਬ੍ਬਪਦਤ੍ਥਿਕਸ੍ਸ ਵਾ ਨ ਜਾਤੀਤਿ. ਕਿਨ੍ਤੁਭਯੇਸਂਪ੍ਯੁਭਯਪਦਤ੍ਥੋ ਇਹਾਤ੍ਥਵਿਸੇਸੋ. ਜਾਤਿਪਦਤ੍ਥਿਕਸ੍ਸ ਜਾਤਿ ਪਧਾਨਭੂਤਾ ਦਬ੍ਬਂ ਗੁਣਭੂਤਂ, ਦਬ੍ਬਪਦਤ੍ਥਿਕਸ੍ਸ ਤੁ ਵਿਪਰਿਯਯੋ, ਤਤ੍ਰ ਜਾਤਿਵਚਨਿਚ੍ਛਾਯਂ ਦਬ੍ਬੇ ਵਿਯ ਲਿਙ੍ਗਸਙ੍ਖ੍ਯਾ ਵਤ੍ਤਬ੍ਬਾ, ਤਸ੍ਸ ਚ ਬਹੁਤ੍ਤਾ ਬਹੁਵਚਨਂ. ਪੁਬ੍ਬੇ ਵਿਯਾਭੇਦਵਚਨਿਚ੍ਛਾਯਂ ਪੁਤ੍ਤੋ ਚ ਧੀਤਾ ਚ ਪੁਤ੍ਤਾ ਵੁਚ੍ਚਨ੍ਤੇ, ਜਞ੍ਞਤ੍ਤਞ੍ਹਿ ਪੁਤ੍ਤਬ੍ਯਪਦੇਸਨਿਯਤਂ ਧੀਤਰਿਪ੍ਯਤ੍ਥਿ, ਵਿਪਰਿਯਯੇ ਤੁ ਨ ਭਵਤ੍ਯਨਭਿਧਾਨਤੋ. ਭੇਦਵਚਨਿਚ੍ਛਾਯਂ ਪੁਤ੍ਤਧੀਤਰੋਤਿ ਭਵਤਿ.

੨੫੦. ਸਸ੍ਸੁ ਚ ਸਸੁਰੋ ਚ ਸਸੁਰਾਤਿ ਵੁਚ੍ਚਨ੍ਤੇ. ਤਦਪਚ੍ਚੋਹਨਸਮ੍ਬਨ੍ਧਿਨਿਬਨ੍ਧਨਾ ਹਿ ਬ੍ਯਪ੍ਪਦੇਸੋ ਸਸ੍ਸੁਯਮ੍ਪਿ ਠਿਤੋ. ਭੇਦਵਚਨਿਚ੍ਛਾਯਂ ਤੁ ਪੁਬ੍ਬੇ ਵਿਯ ਪਚ੍ਚਤ੍ਥਂ ਸਦ੍ਦਨਿਵੇਸੋ. ਭਾਤਾ ਚ ਭਗਿਨੀ ਚ ਭਾਤਰੋ ਵੁਚ੍ਚਨ੍ਤੇ. ਏਕਗਬ੍ਭੋਸਿਤਤ੍ਤਂ ਭਾਤੁਬ੍ਯਪ੍ਪਦੇਸਨਿਯਤਂ ਭਗਿਨਿਯਂਪ੍ਯਤ੍ਥਿ. ਤਤੋ ਏਕਗਬ੍ਭੋਸਿਤਤ੍ਤਸ੍ਸਾਭੇਦਵਚਨਿਚ੍ਛਾਯਂ ਉਭੋ ਭਾਤਰੋ ਵੁਚ੍ਚਨ੍ਤੇ. ਏਤ੍ਥ ਚ ਸਬ੍ਬਤ੍ਰਾਪਿ ਵਿਰੂਪੇਕਸੇਸੋ ਦਟ੍ਠਬ੍ਬੋ. ਦੁਵਿਧੋ ਹਿ ਏਕਸੇਸੋ ਸਰੂਪਾਸਰੂਪਵਸੇਨ. ਤਤ੍ਰ ਸਰੂਪੇਕਸੇਸੇ ਬਹੁਵਚਨਮੇਵ, ਇਤਰਤ੍ਰ ਪਨ ਦ੍ਵਿਵਚਨਂ, ਯਥਾ ਪੁਰਿਸੋ ਚ ਪੁਰਿਸੋ ਚ ਪੁਰਿਸਾ, ਨਾਮਞ੍ਚ ਰੂਪਞ੍ਚ ਨਾਮਰੂਪਞ੍ਚ ਨਾਮਰੂਪਂ, ਮਾਤਾ ਚ ਪਿਤਾ ਚ ਪਿਤਰੋਤਿ.

ਬਾਲ੍ਯਯੋਬ੍ਬਨਵੁਡ੍ਢਤ੍ਤਾਨਿ ਤੀਣਿ ਵਯਾਨਿ. ਤਤ੍ਰ ਤਿਕਂ ਬਾਲ੍ਯੇ. ਦ੍ਵਯਂ ਯੋਬ੍ਬਨੇ. ਬਾਲਸ੍ਸ ਭਾਵੋ ਬਾਲਤ੍ਤਂ, ਤ੍ਤਂ. ਤਾਪਚ੍ਚਯੇ ਬਾਲਤਾ. ਣ੍ਯਮ੍ਹਿ ਬਾਲ੍ਯਂ, ਅਥ ਵਾ ਬਲ ਪਾਣਨੇ, ਬਲਨ੍ਤਿ ਅਸ੍ਸਸਿਤਪਸ੍ਸਸਿਤਮਤ੍ਤੇਨ ¶ ਪਣਨ੍ਤੀਤਿ ਬਾਲਾ, ਬਲ੍ਯਨ੍ਤੇ ਸਂਵਰੀਯਨ੍ਤੇਤਿ ਵਾ ਬਾਲਾ, ਬਲ ਸਂਵਰਣੇ. ਤੇਸਂ ਭਾਵੋ ਬਾਲਤ੍ਤਾਦਿ. ਯੁਵਸ੍ਸ ਭਾਵੋ ਯੋਬ੍ਬਞ੍ਞਂ, ਯੋਬ੍ਬਨਞ੍ਚ, ਭਾਵੇ ਣ੍ਯੋ, ਣੋ ਚ, ਅਥ ਵਾ ਯੁ ਮਿਸ੍ਸਨੇ, ਯੁ, ਉਸ੍ਸ ਉਵਾਦੇਸੋ, ਵੁਦ੍ਧਿ. ਤੇਸਂ ਭਾਵੋ ਯੋਬ੍ਬਞ੍ਞਾਦਿ.

੨੫੧. ਯੇ ਜਰਾਕਤਾ ਸੁਕ੍ਕਾ ਕੇਸਾਦਯੋ, ਤੇ ਪਲਿਤਂ ਨਾਮ ਸਿਯੁਂ, ਤੇਸਂ ਵਾ ਯਂ ਸੁਕ੍ਕਤ੍ਤਂ, ਤਂ ਪਲਿਤਂ ਨਾਮ. ਪਚ ਪਾਕੇ, ਇਤੋ, ਚਸ੍ਸ ਲਤ੍ਤਞ੍ਚ.

ਦ੍ਵਯਂ ਵਲਿਪਲਿਤਾਦਿਮਤਿ ਕਾਯਪਰਿਪਾਕੇ. ਜੀਯਨ੍ਤਿ ਵੁਡ੍ਢਾ ਭਵਨ੍ਤਿ ਅਸ੍ਸਂ ਜਰਾ, ਜਰ ਵਯੋਹਾਨਿਮ੍ਹਿ, ਜਰਾ ਏਵ ਜਰਤਾ, ਸਕਤ੍ਥੇ ਤਾਪਚ੍ਚਯੋ. ਵਿਸ੍ਸਸਾਤਿਪਿ ਜਰਾਯ ਨਾਮਂ. ਵਿਸੇਸੇਨ ਸਂਸਤੇ ਅਧੋ ਪਾਤਯਤੀਤਿ ਵਿਸ੍ਸਸਾ. ਸਂਸਤਿ’ਰਯਂ ਪਮਾਦਤ੍ਥੋ, ਅਵਸਂਸਨਤ੍ਥੋ ਚ, ਇਹ ਅਵਸਂਸਨਤ੍ਥੋ, ਨਿਗ੍ਗਹੀਤਲੋਪੋ, ਦ੍ਵਿਤ੍ਤਞ੍ਚ.

ਬਾਲ੍ਯਯੋਬ੍ਬਨਵੁਡ੍ਢਤ੍ਤਾਨਿ ਪੁਬ੍ਬੇ ਵੁਤ੍ਤਾਨਿ. ਇਦਾਨਿ ਤਬ੍ਬਤਿਨਾਮਾਨ੍ਯਾਹ. ਤਤ੍ਰ ਅਦ੍ਧਂ ਛਾਪਸਾਮਞ੍ਞੇ. ਪੁਥ, ਪਥ ਵਿਤ੍ਥਾਰੇ, ਉਕੋ, ਪੁਥੁਕੋ, ਪਲ ਗਮਨੇ, ਣ੍ਵੁ, ਅਸ੍ਸਿਤ੍ਤਂ, ਦ੍ਵਿਤ੍ਤਞ੍ਚ, ਪਿਲ੍ਲਕੋ. ਛੁਪ ਸਮ੍ਫਸ੍ਸੇ, ਉਸ੍ਸਾਤ੍ਤਂ, ਛਾਪੋ. ਕੁਮਾਰ ਕੀਲ਼ਾਯਂ, ਕੁਮਾਰੋ. ਬਲ ਪਾਣਨੇ, ਣੋ, ਬਾਲੋ, ਪੂ ਪਵਨੇ, ਤੋ, ਸਕਤ੍ਥੇ ਕੋ, ਪੋਤਕੋ, ਇਤ੍ਥਿਯਂ ਪੋਤਕੀ. ਪੋਤੋ, ਸਾਵੋ, ਸਾਵਕੋ, ਅਬ੍ਭਕੋ, ਡਿਮ੍ਭੋ, ਸੁਸੁਕੋ, ਸੁਸੁਇਚ੍ਚਾਦੀਨਿਪਿ ਛਾਪਸਾਮਞ੍ਞਤ੍ਥਾਨਿ.

੨੫੨. ਬਾਲਸਾਮਞ੍ਞਵਾਚਕਾਨਿ ¶ ਦਸ੍ਸੇਤ੍ਵਾ ਵਿਸੇਸਬਾਲਨਾਮਾਨਿ ਦਸ੍ਸੇਤੁਮਾਹ ‘‘ਅਥੁ’’ਚ੍ਚਾਦਿ. ਉਤ੍ਤਾਨੋ, ਉਤ੍ਤਾਨਂ ਵਾ ਸਯਤੀਤਿ ਉਤ੍ਤਾਨਸਯੋ. ਕਪਚ੍ਚਯੇ ਉਤ੍ਤਾਨਸੇਯ੍ਯਕੋ. ਥਨਂ ਪਿਵਤੀਤਿ ਥਨਪੋ, ਡਿਮ੍ਭਸਦ੍ਦੋਪ੍ਯਤ੍ਰ.

ਤਰ ਤਰਣੇ, ਉਣੋ. ਵਯਸਿ ਯੋਬ੍ਬਨੇ ਤਿਟ੍ਠਤੀਤਿ ਵਯਟ੍ਠੋ, ਤੋ, ‘‘ਵਯੋ ਬਾਲ੍ਯਾਦਿ ਪਕ੍ਖੀ ਚ, ਯੋਬ੍ਬਨਞ੍ਚ ਵਯੋ ਕ੍ਵਚੀ’’ਤਿ [ਚਿਨ੍ਤਾਮਣਿਟੀਕਾ ੧੬.੪੨] ਰੁਦ੍ਦੋ, ਦਹ ਭਸ੍ਮੀਕਰਣੇ, ਅਰੋ, ਯੁ ਮਿਸ੍ਸਨੇ, ਅ, ਉਵਾਦੇਸੋ, ਸਿਸ੍ਸਾਕਾਰੋ. ਸਸ ਪ੍ਲੁਤਗਤਿਮ੍ਹਿ, ਉ, ਅਸ੍ਸੁਤ੍ਤਂ, ਸੁਸੁ, ਤਰੁਣਸ੍ਸ ਵਾ ਪਾਟਿਪਦਿਕਸ੍ਸ ਸੁਸ੍ਵਾਦੇਸੋ. ਮਨੁਨੋ ਅਪਚ੍ਚਂ ਮਾਨਵੋ, ਵਣ੍ਣਵਿਕਾਰੋ, ਨਸ੍ਸ ਣਤ੍ਤਂ, ਮਾਣਵੋ. ਕੁਚ੍ਛਾਯਂ ਕਪਚ੍ਚਯੋ, ਮਾਣਵਕੋਤਿ ਸਿਦ੍ਧਂ. ਵੁਤ੍ਤਞ੍ਚ –

‘‘ਅਪਚ੍ਚੇ ਕੁਚ੍ਛਿਤੇ ਮੂਲ਼੍ਹੇ, ਮਨੁਤੋਸ੍ਸਗ੍ਗਿਕੋ ਮਤੋ’’ਤਿ [ਮਹਾਭਾਸ੍ਸ ੪.੧.੧੬੧] ਦਰ ਵਿਦਾਰਣੇ, ਣ੍ਵੁ.

ਦ੍ਵਯਂ ਸੁਖਵਡ੍ਢਿਤੇ ਕੁਮਾਰੇ, ਸੁਖੋ ਕੁਮਾਰੋ ਸੁਕੁਮਾਰੋ, ਖਲੋਪੋ, ਸੁਖੇਨ ਏਧਤਿ ਵਦ੍ਧਤੀਤਿ ਸੁਖੇਧਿਤੋ. ‘‘ਸੁਖੋਚਿਤੋ’’ਤਿਪਿ ¶ ਪਾਠੋ, ਸੁਖਂ ਉਚਿਤਂ ਸਮ੍ਪਿਣ੍ਡਿਤਂ ਏਤ੍ਥਾਤਿ ਸੁਖੋਚਿਤੋ, ਉਚ ਸਮਵਾਯੇ.

੨੫੪-੨੫੫. ਦ੍ਵਿਪਾਦੇਨ ਵੁਡ੍ਢਸ੍ਸ ਨਾਮਾਨਿ. ਆਯੁਮਹਤ੍ਤਂ ਲਾਤੀਤਿ ਮਹਲ੍ਲਕੋ, ਣ੍ਵੁ, ਦ੍ਵਿਤ੍ਤਂ. ਵਡ੍ਢ ਵਡ੍ਢਨੇ, ਕਤ੍ਤਰਿ ਤੋ, ਤਸ੍ਸ ਢੋ, ਡ੍ਢਸ੍ਸ ਡੋ, ਅਸ੍ਸੁਤ੍ਤਂ, ਧਾ ਗਤਿਨਿਵਤ੍ਤਿਯਂ, ਇਰੋ, ਧਸ੍ਸ ਥਤ੍ਤਂ, ਇਸ੍ਸ ਏਤ੍ਤਂ. ਜਰ ਵਯੋਹਾਨਿਮ੍ਹਿ, ਕਤ੍ਤਰਿ ਤੋ, ਤਸ੍ਸ ਇਨ੍ਨਾਦੇਸੋ, ਧਾਤ੍ਵਨ੍ਤਲੋਪੋ, ਣਤ੍ਤਞ੍ਚ, ਜਿਣ੍ਣੋ, ਸਕਤ੍ਥੇ ਕਮ੍ਹਿ ਜਿਣ੍ਣਕੋ. ਪਕਤਂ ਵਯੋ ਯੋਬ੍ਬਨਮਸ੍ਸਾਤਿ ਪਵਯੋਤਿਪਿ ਵੁਡ੍ਢਸ੍ਸ ਨਾਮਂ.

ਵਲਿਨਨ੍ਤਾਨਿ ਪਾਦੇਨ ਨਾਮਾਨਿ. ਤਤ੍ਰ ਤਿਕਂ ਜੇਟ੍ਠਭਾਤਰਿ. ਅਗ੍ਗੇ ਪੁਰੇ ਕਾਲੇ, ਪੁਬ੍ਬੇ ਚ ਕਾਲੇ ਜਾਯਤੀਤਿ ਅਗ੍ਗਜੋ, ਪੁਬ੍ਬਜੋ ਚ. ਅਯਞ੍ਚ ਵੁਡ੍ਢੋ ਅਯਞ੍ਚ ਵੁਡ੍ਢੋ, ਅਯਮਿਮੇਸਂ ਵਿਸੇਸੇਨ ਵੁਡ੍ਢੋਤਿ ਜੇਟ੍ਠੋ, ਵੁਡ੍ਢਸਦ੍ਦਾ ਇਟ੍ਠਪਚ੍ਚਯੋ, ‘‘ਵੁਡ੍ਢਸ੍ਸ ਜੋ ਇਯਿਟ੍ਠੇਸੂ’’ਤਿ ਵੁਡ੍ਢਸ੍ਸ ਜੋ. ਅਲੋਪੇ ਪਰਸ੍ਸਾਸਵਣ੍ਣਤ੍ਤਂ.

ਤਿਕਂ ਪਚ੍ਛਾਜਾਤੇ ਭਾਤਰਿ. ਅਯਞ੍ਚ ਯੁਵਾ ਅਯਞ੍ਚ ਯੁਵਾ, ਅਯਮਿਮੇਸਂ ਵਿਸੇਸੇਨ ਯੁਵਾਤਿ ਕਨਿਟ੍ਠੋ, ਕਨਿਯੋ [ਕਣਿਟ੍ਠੋ ਕਣਿਯੋ (ਕ.)] ਚ. ਇਯਿਟ੍ਠੇਸੁ ਯੁਵਸਦ੍ਦਸ੍ਸ ਕਨਾਦੇਸੋ [ਕਣਾਦੇਸੋ (ਕ.)]. ਅਨੁ ਪਚ੍ਛਾਕਾਲੇ ਜਾਤੋ ਅਨੁਜੋ. ਜਘਞ੍ਞੇ ਪਚ੍ਛਾਕਾਲੇ ਜਾਤੋ ਜਘਞ੍ਞਜੋ. ਅਪਰਸ੍ਮਿਂ ਪਚ੍ਛਾਕਾਲੇ ਜਾਤੋ ਅਪਰਜੋਤਿ ਦ੍ਵੇਪ੍ਯਤ੍ਰ.

ਵਲਿ ¶ ਸਿਥਿਲਂ ਤਚੋ ਚਮ੍ਮਂ ਯਸ੍ਸ ਵਲਿਤ੍ਤਚੋ, ਦ੍ਵਿਤ੍ਤਂ. ਵਲਿ ਚਮ੍ਮਮੇਤਸ੍ਸਤ੍ਥੀਤਿ ਵਲਿਨੋ, ਇਨੋ. ਉਤ੍ਤਾਨਸਯਾਦਯੋ ਵਲਿਨਨ੍ਤਾ ਵਾਚ੍ਚਲਿਙ੍ਗਤ੍ਤਾ ਤੀਸੁ ਲਿਙ੍ਗੇਸੁ ਵਤ੍ਤਨ੍ਤਿ, ਯਥਾ – ਉਤ੍ਤਾਨਸਯੋ ਬਾਲੋ, ਉਤ੍ਤਾਨਸਯਾ ਕੁਮਾਰੀ, ਉਤ੍ਤਾਨਸਯਂ ਨਪੁਂਸਕਂ.

੨੫੬. ਪਞ੍ਚਕਂ ਮਤ੍ਥਕੇ. ਸਿ ਸਯੇ, ਸੋ, ਦੀਘੋ ਚ, ਅਙ੍ਗੇਸੁ ਉਤ੍ਤਮਙ੍ਗਤ੍ਤਾ ਉਤ੍ਤਮਙ੍ਗਂ, ਉਤ੍ਤਮੋ ਚ ਤਂ ਅਙ੍ਗਞ੍ਚਾਤਿਪਿ ਉਤ੍ਤਮਙ੍ਗਂ. ਸੀਸਞ੍ਚ ਉਤ੍ਤਮਙ੍ਗਞ੍ਚ ਸੀਸੋਤ੍ਤਮਙ੍ਗਾਨਿ. ਸਿ ਸੇਵਾਯਂ, ਰੋ, ਸੇਵਨ੍ਤਿ ਏਤੇਨਾਤਿ ਸਿਰੋ. ਮੁਦ ਤੋਸੇ, ਧੋ. ਸਿਸ੍ਸਾਕਾਰੋ. ਮਸ ਆਮਸਨੇ, ਤ੍ਥੋ, ਸਕਤ੍ਥੇ ਕੋ ਚ, ਮਸਿ ਪਰਿਮਾਣੇ ਵਾ.

ਪਜ੍ਜਦ੍ਧਂ ਕੇਸੇ. ਕੇ ਮਤ੍ਥਕੇ ਸੇਤਿ ਤਿਟ੍ਠਤੀਤਿ ਕੇਸੋ. ਸਤ੍ਤਮਿਯਾਲੋਪੋ, ਕਤਿ ਛੇਦਨੇ, ਅਲੋ, ਅਸ੍ਸੁਤ੍ਤਂ. ਵਲ ਸਂਵਰਣੇ, ਕਮ੍ਮਨਿ ਣਪਚ੍ਚਯੋ, ਵਾਲੋ. ਉਤ੍ਤਮਙ੍ਗੇ ਸੀਸੇ ਰੁਹਤੀਤਿ ਉਤ੍ਤਮਙ੍ਗਰੁਹੋ. ਮੁਦ੍ਧਨਿ ਜਾਯਤੀਤਿ ਮੁਦ੍ਧਜੋ. ਵਾਲੋ ਚ ਉਤ੍ਤਮਙ੍ਗਰੁਹੋ ਚ ਮੁਦ੍ਧਜੋ ਚੇਤਿ ਇਤਰੀਤਰਯੋਗਦ੍ਵਨ੍ਦੋ. ਚਿਕੁਰੋ, ਕਚੋਤਿਪ੍ਯਤ੍ਰ. ਚਿ ਚਯਨੇ, ਕੁਰ ਸਦ੍ਦੇ, ਅਨੇਕਤ੍ਥਤ੍ਤਾ ਛੇਦਨੇ. ਵਡ੍ਢਮਾਨੋ ਚਿਕਰੀਯਤੇਤਿ ਚਿਕੁਰੋ, ਕਚ ਬਨ੍ਧਨੇ, ਅ.

੨੫੭. ਕੁਸੁਮਗਬ੍ਭਾ ਕੇਸਾ ਕੇਸਚੂਲ਼ਾ ਮੁਤ੍ਤਿਕਾਦਿਨਾ ਬਹਿ ਸਂਯਤਾ ਸਨ੍ਥਤਾ ਧਮ੍ਮਿਲੋ ਨਾਮ. ਏਕਤੋ ਕਤ੍ਵਾ ਧਰੀਯਤਿ ¶ ਬਨ੍ਧੀਯਤੀਤਿ ਧਮ੍ਮਿਲੋ, ਕਮ੍ਮਨਿ ਇਲੋ. ਧਮ੍ਮੇਨ ਨਾਨਾਦੇਸਿਯਮਨੁਸ੍ਸਾਨਂ ਸਮਾਚਾਰੇਨ ਇਲਤੀਤਿ ਵਾ ਧਮ੍ਮਿਲੋ, ਇਲ ਗਮਨੇ.

ਦ੍ਵਯਂ ਕੁਮਾਰਾਨਂ ਸਿਖਾਪਞ੍ਚਕੇ, ਚੂਲ਼ਤ੍ਤਯੇਤਿ ਕੇਚਿ. ਕਾਕਾਨਂ ਪਕ੍ਖਸਣ੍ਠਾਨਤ੍ਤਾ ਕਾਕਪਕ੍ਖੋ. ਸਿਖਾ ਏਵ ਸਿਖਣ੍ਡਕੋ, ਸਕਤ੍ਥੇ ਕੋ. ਸਿਖਾਸਿਖਣ੍ਡਸਦ੍ਦਾਨਮਭੇਦਤ੍ਤਾਯੇਵ ਹਿ ‘‘ਸਿਖਣ੍ਡੀ, ਸਿਖੀ ਚਾ’’ਤਿ ਮੋਰੋ ਵੁਤ੍ਤੋ.

ਪਾਸੋ, ਹਤ੍ਥੋ ਚ ਇਮੇ ਦ੍ਵੇ ਕੇਸਚਯੇ ਕੇਸਪਰਿਯਾਯਤੋ ਪਰੇ ਹੁਤ੍ਵਾ ਕੇਸਾਨਂ ਕਲਾਪੇ ਵਤ੍ਤਨ੍ਤਿ, ਨ ਕੇਵਲਾ, ਯਥਾ – ਕੇਸਪਾਸੋ ਕੇਸਹਤ੍ਥੋ ਇਚ੍ਚਾਦਿ. ਪਾ ਰਕ੍ਖਣੇ, ਪਾਤਿ ਰਕ੍ਖਤਿ ਅਵਯਵੇਤਿ ਪਾਸੋ, ਸੋ, ਪਸ ਬਨ੍ਧਨੇਤਿ ਕੇਚਿ, ਣੋ. ਹਨ ਗਤਿਯਂ, ਅਵਯਵਾ ਨਿਹਨਨ੍ਤਿ ਏਤ੍ਥਾਤਿ ਹਤ੍ਥੋ, ਥੋ, ਪਕ੍ਖੋਪ੍ਯਤ੍ਰ.

ਤਾਪਸਾਨਂ ਵਤੀਨਂ ਤਹਿਂ ਕੇਸਚਯੇ ਜਟਾਸਦ੍ਦੋ ਵੁਚ੍ਚਤਿ, ਜਟ ਜਟਨੇ, ਜਟ ਸਙ੍ਘਾਤੇ ਵਾ, ‘‘ਇਤ੍ਥਿਯਮਤਿਯਵੋ ਵਾ’’ਤਿ ਅ.

੨੫੮. ਪੋਸਿਤਭਤ੍ਤਾਦੀਹਿ ਯਾ ਬਨ੍ਝਤੇ, ਤਤ੍ਰ ਵੇਣੀ, ਪਵੇਣੀ ਚ. ਵੀ ਪਜਨੇ, ਪਜਨਂ ਗਬ੍ਭਵਿਮੋਕ੍ਖੋ, ਵੀ ਤਨ੍ਤਸਨ੍ਤਾਨੇ ਵਾ, ਣੀ. ਪਕ੍ਖੇ ਪਵੇਣੀ.

ਦ੍ਵਯਂ ਸੀਸਮਜ੍ਝਟ੍ਠਚੂਲ਼ਾਯਂ. ਚੂਲ਼ ਸਞ੍ਚੋਦਨੇ, ਚੂਲ਼ ਹਾਵਕਰਣੇ ਵਾ, ਅ. ਸਿਖਾ ਵੁਤ੍ਤਾ. ਕੇਸਪਾਸੀਪ੍ਯਤ੍ਰ, ਨਦਾਦਿ.

ਨਾਰੀਨਂ ¶ ਕੇਸਮਜ੍ਝਮ੍ਹਿ ਪਦ੍ਧਤਿ ਉਜੁਗਤਮਗ੍ਗੋ ਸੀਮਨ੍ਤੋਤਿ ਮਤੋ ਕਥਿਤੋ. ਸੀਮਸ੍ਸ ਅਨ੍ਤੋ ਸੀਮਨ੍ਤੋ, ਸੀ ਸਯੇ ਵਾ, ਅਨ੍ਤੋ, ਮਜ੍ਝੇ ਮਕਾਰਵਣ੍ਣਾਗਮੋ.

੨੫੯. ਤਿਕਂ ਲੋਮੇ. ਲੂ ਛੇਦਨੇ, ਵਡ੍ਢਮਾਨਂ ਲੂਯਤੇਤਿ ਲੋਮਂ, ਮੋ. ਤਨੁਮ੍ਹਿ ਰੁਹਤੀਤਿ ਤਨੁਰੁਹਂ, ਅ. ਰੁਹ ਜਨਨੇ, ਰੂਹ ਪਾਤੁਭਾਵੇ ਵਾ, ਮੋ, ਹਲੋਪੋ, ਓਤ੍ਤਞ੍ਚ, ਲੂ ਛੇਦਨੇ ਵਾ, ਮੋ, ਲਸ੍ਸ ਰਤ੍ਤਂ, ਰੋਮਂ. ਅਕ੍ਖਿਮ੍ਹਿ ਜਾਤਂ ਲੋਮਂ ਪਮ੍ਹਂ, ਪਖੁਮਞ੍ਚੋਚ੍ਚਤੇ. ਪਮਿਨੋਤਿ ਤੇਨਾਤਿ ਪਮ੍ਹਂ, ਪਪੁਬ੍ਬੋ ਮਾ ਪਰਿਮਾਣੇ, ਹਪਚ੍ਚਯੋ. ਅਕ੍ਖਿਨੋ ਪਕ੍ਖਦ੍ਵਯੇ ਜਾਤਂ ਪਖੁਮਂ, ਉਮੋ, ਕਲੋਪੋ ਚ.

ਪੁਮਮੁਖੇ ਪੁਰਿਸਾਨਂ ਮੁਖੇ ਵੁਤ੍ਤਂ [ਪਵੁਟ੍ਠਂ (ਕ.)] ਲੋਮਂ ਮਸ੍ਸੁ ਨਾਮ, ਮਸ ਆਮਸਨੇ, ਸੁ, ਮਸ੍ਸੁ.

ਤਿਕਂ ਭਮੁਮ੍ਹਿ. ਭਮ ਅਨਵਟ੍ਠਾਨੇ, ਊ, ਮਲੋਪੋ, ਭੂ. ਉਮ੍ਹਿ ਭਮੁ, ਕਪਚ੍ਚਯੇ ਭਮੁਕੋ. ਭਮੁਕਸਹਚਰਣਤੋ ਭਮੁ ਪੁਲ੍ਲਿਙ੍ਗੋ.

੨੬੦. ਤਿਕਂ ਨੇਤ੍ਤੋਦਕੇ. ਖਿਪ ਪੇਰਣੇ, ਪੋ, ਇਸ੍ਸਤ੍ਤਂ. ਨੇਤ੍ਤੇ ਜਾਤਂ ਜਲਂ ਨੇਤ੍ਤਜਲਂ. ਅਸ ਅਧੋਪਤਨੇ, ਸੁ, ਅਸ੍ਸੁ. ਨੇਤ੍ਤਜਲਞ੍ਚ ਅਸ੍ਸੁ ਚਾਤਿ ਦ੍ਵਨ੍ਦੋ. ਅਸ੍ਸੁ ਨਪੁਂਸਕੇ.

ਦ੍ਵਯਂ ¶ ਅਕ੍ਖਿਪੁਤ੍ਤਲਿਕਾਯਂ. ਨੇਤ੍ਤੇ ਦਿਸ੍ਸਮਾਨਾ ਤਾਰਾ ਨੇਤ੍ਤਤਾਰਾ. ਕਞ੍ਞਾਸਦ੍ਦਤੋ ਤਦ੍ਧਿਤੋ ਅਪਚ੍ਚਯੋ, ਕਞ੍ਞਾਸਦ੍ਦਸ੍ਸ ਕਨੀਨਾਦੇਸੋ, ਇਤ੍ਥਿਕਤਾਕਾਰਪਰੇ ਕੇ ਪੁਬ੍ਬੋ ਅਕਾਰੋ ਇਕਾਰਮਾਪਜ੍ਜਤੇ [ਕਾਤਨ੍ਤ ੨.੨.੬੫], ਕਨੀਨਿਕਾ. ਤਾਰਕਾਪ੍ਯਤ੍ਰ.

ਛਕ੍ਕਂ ਮੁਖਵਿਵਰੇ, ਕਵਯੋ ਪਨ ਤਦੁਪਲਕ੍ਖਿਤੇਪਿ ਸਮੁਦਾਯੇ ਯੁਜ੍ਜਨ੍ਤੇ. ਵਦ ਵਿਯਤ੍ਤਿਯਂ ਵਾਚਾਯਂ, ਕਰਣੇ ਯੁ. ਮੁ ਬਨ੍ਧਨੇ, ਖੋ, ਓਤ੍ਤਾਭਾਵੋ ਨਿਪਾਤਨਾ, ਮੁਖਂ. ਸਬ੍ਬਧਰਕਤੇ ਪਨ ਖਞ੍ਞਤੇਤਿ ਧਾਤੁਨਾ ਮੁਖਨ੍ਤਿ ਨਿਪਾਤਿਤਂ, ਖਨੁ ਅਵਦਾਰਣੇ. ਤੁਡਿ ਤੋਡਨੇ, ਅ. ਤਨੁ ਵਿਤ੍ਥਾਰੇ ਵਾ, ਡੋ, ਅਸ੍ਸੁਤ੍ਤਂ. ਵਦਤਿ ਤੇਨਾਤਿ ਵਤ੍ਤਂ, ਤੋ, ਵੁਚ੍ਚਤੇ ਅਨੇਨਾਤਿ ਵਾ ਵਤ੍ਤਂ. ਵਦ ਵਿਯਤ੍ਤਿਯਂ ਵਾਚਾਯਂ, ਤੋ. ਲਪ ਵਚਨੇ, ਕਰਣੇ ਯੁ. ਆਨਨ੍ਤਿ ਅਸਨ੍ਤਿ ਅਨੇਨਾਤਿ ਆਨਨਂ, ਅਨ ਪਾਣਨੇ, ਯੁ. ਅਸ੍ਸਂਪ੍ਯਤ੍ਰ. ਅਸ ਭਕ੍ਖਨੇ. ਕਰਣੇ ਸੋ.

੨੬੧. ਅਡ੍ਢਂ ਦਨ੍ਤੇ. ਦ੍ਵੀਸੁ ਠਾਨੇਸੁ ਦ੍ਵਿਕ੍ਖਤ੍ਤੁਂ ਵਾ ਜਾਯਤੇਤਿ ਦ੍ਵਿਜੋ. ਲਪਨੇ ਮੁਖੇ ਜਾਯਤੀਤਿ ਲਪਨਜੋ. ਦਾ ਅਵਖਣ੍ਡਨੇ, ਦਾਯਤਿ ਭਕ੍ਖਮਨੇਨਾਤਿ ਦਨ੍ਤੋ, ਅਨ੍ਤੋ, ਦਸ ਅਦਨੇ ਵਾ, ਦਸਨ੍ਤਿ ਭੋਜ੍ਜਮਨੇਨਾਤਿ ਦਨ੍ਤੋ, ਅਨ੍ਤੋ, ਧਾਤ੍ਵਨ੍ਤਲੋਪੋ. ਦਮੁ ਦਮਨੇ ਵਾ, ਤੋ. ਦਂਸ ਦਂਸਨੇ, ਦਂਸਤੇ ਵਿਲਿਖ੍ਯਤੇ ਭਕ੍ਖਮਨੇਨਾਤਿ ਦਂਸਨੋ, ਯੁ. ਰਦ ਵਿਲੇਖਨੇ, ਯੁ, ਰਦਨੋ. ਅਮ੍ਹਿ ਰਦੋ.

ਦਨ੍ਤਭੇਦਸ੍ਮਿਂ ਦਨ੍ਤਵਿਸੇਸੇ ਦਾਠਾਸਦ੍ਦੋ. ਇਤ੍ਥਿਲਿਙ੍ਗੋਯਂ. ਦਂਸਧਾਤੁਤੋ ਠੋ, ਦਂਸਿਸ੍ਸ ਚ ਦਾ, ਦਾਠਾ, ਮੁਦ੍ਧਜਦੁਤਿਯੋਯਂ. ਅਕ੍ਖਿਕੋਟੀਸੁ ¶ ਵਾਮਦਕ੍ਖਿਣਨੇਤ੍ਤਾਨਂ ਅਨ੍ਤੇਸੁ ਅਪਾਙ੍ਗੋ ਵਤ੍ਤਤਿ, ਸਰੀਰਙ੍ਗਸਙ੍ਖਾਤਸ੍ਸ ਕਣ੍ਣਸ੍ਸ ਅਪ ਸਮੀਪਂ ਅਪਾਙ੍ਗੋ.

੨੬੨. ਚਤੁਕ੍ਕਂ ਓਟ੍ਠੇ. ਦਨ੍ਤੇ ਆਵਰਤਿ ਛਾਦਯਤੀਤਿ ਦਨ੍ਤਾਵਰਣਂ. ਉਸ ਦਾਹੇ, ਤੋ, ‘‘ਸਾਦਿਸਨ੍ਤਪੁਚ੍ਛਭਨ੍ਜਹਂਸਾਦੀਹਿ ਟ੍ਠੋ’’ਤਿ ਸਹਾਦਿਬ੍ਯਞ੍ਜਨੇਨ ਟ੍ਠੋ, ਓਤ੍ਤਦ੍ਵਿਤ੍ਤਾਨਿ, ਓਟ੍ਠੋ. ਗਦ੍ਰਭੇਪ੍ਯਯਂ. ਅਥ ਵਾ ਉਸ ਦਾਹੇ, ਟ੍ਠੋ, ਓਤ੍ਤਦ੍ਵਿਤ੍ਤਾਦਿ, ਉਭਯਤ੍ਰਾਪਿ ਮੁਦ੍ਧਜਦੁਤਿਯੋ, ਈਸਂ ਕਿਞ੍ਚਿ ਕਾਲਂ ਧਾਰੇਤਿ ਭਕ੍ਖਮੇਤ੍ਥਾਤਿ ਅਧਰੋ, ਈਸਤ੍ਥੋ ਹ੍ਯਤ੍ਰ ਅਕਾਰੋ.

ਹਿ ਏਕਕ੍ਖਰਕੋਸੇ ਵੁਤ੍ਤਂ. ਦਸਨੇ ਦਨ੍ਤੇ ਛਾਦਯਤੀਤਿ ਦਸਨਚ੍ਛਦੋ. ਏਤ੍ਥ ਕੇਚਿ ਅਧਰਸਦ੍ਦੇਨ ਹੇਟ੍ਠਿਮੋਟ੍ਠਮੇਵਾਹੁ, ਤੇਸਂ ਵਚਨਂ ‘‘ਨੇਤ੍ਤਨ੍ਤਾਧਰਪਾਣਿਪਾਦਯੁਗਲੇਹਿ’’ਚ੍ਚਾਦੀਹਿ ਮਹਾਕਵਿਪਯੋਗੇਹਿ ਅਸਂਸਨ੍ਦਨਤੋ ਨ ਗਹੇਤਬ੍ਬਂ.

ਤਿਕਂ ਕਪੋਲੇ. ਗਡਿ ਵਦਨੇਕਦੇਸੇ, ਅ, ਧਾਤੁਪ੍ਪਕ੍ਰਿਯਤ੍ਥਞ੍ਹਿ ਧਾਤੁਪਾਠਵਚਨਂ, ਸਬ੍ਬਤ੍ਰਾਪ੍ਯੇਵਂ. ਕੇਨ ਜਲੇਨ ਪੂਰਿਯਤੇਤਿ ਕਪੋਲੋ, ਅਲੋ, ਕਪ ਅਚ੍ਛਾਦਨੇ ਵਾ, ਓਲੋ, ਕਪੋਲੋ, ਨਦਾਦਿ. ਗਣ੍ਡੀ. ਅਧਰਾ ਅਧੋਭਾਗੋ ਚੁਬੁਕਂ ਨਾਮ, ਚਿਬੁਕਂਪ੍ਯਤ੍ਰ. ਚਿਬੁ ਓਲਮ੍ਬਕੇ, ਣ੍ਵੁ, ਅਸ੍ਸੁਤ੍ਤਂ.

੨੬੩. ਦ੍ਵਯਂ ¶ ਗੀਵਾਯ ਪੁਰੋਭਾਗੇ. ਗਲ ਅਦਨੇ, ਕਰਣੇ ਅ, ਗਿਲ ਗਿਲਨੇ ਵਾ, ਗਿਲਤਿ ਅਨੇਨਾਤਿ ਗਲੋ, ਇਸ੍ਸਤ੍ਤਂ. ਕਣ ਸਦ੍ਦਤ੍ਥੋ ਦਣ੍ਡਕੋ ਧਾਤੁ, ਠੋ, ਕਣ੍ਠੋ, ਮੁਦ੍ਧਜਦੁਤਿਯੋਯਂ.

ਤਿਕਂ ਏਕਤ੍ਥਂ. ਗਾ ਸਦ੍ਦੇ, ਈਵੋ. ਕਂ ਸੀਸਂ ਧਰਤੀਤਿ ਕਨ੍ਧਰਾ. ਸਿਰਂ ਧਰਤੀਤਿ ਸਿਰੋਧਰਾ, ਸਿਰੋ ਧਿਯ੍ਯਤੇ ਅਸ੍ਸਨ੍ਤਿ ਵਾ ਸਿਰੋਧਰਾ, ਧਾ ਗਤਿਨਿਵਤ੍ਤਿਯਂ, ਅਰੋ.

ਸੁਵਣ੍ਣਮਯੋ ਆਲਿਙ੍ਗੋ ਮੁਰਜਭੇਦੋ, ਤੇਨ ਸਨ੍ਨਿਭਾ ਸਦਿਸਾ ਯਾ ਗੀਵਾ, ਸਾ ਕਮ੍ਬੁਗੀਵਾ ਮਤਾ, ਮਹਾਪੁਰਿਸਲਕ੍ਖਣਮੇਤਂ. ਅਥ ਵਾ ਯਾ ਗੀਵਾ ਤੀਹਿ ਲੇਖਾਹਿ ਅਙ੍ਕਿਤਾ ਲਕ੍ਖਿਤਾ, ਸਾ ਕਮ੍ਬੁਗੀਵਾ ਮਤਾ, ਮਹਾਪੁਰਿਸਲਕ੍ਖਣਮੇਤਞ੍ਚ. ਕਮ੍ਬੁ ਵੁਚ੍ਚਤਿ ਸੁਵਣ੍ਣਂ, ਕਮ੍ਬੁਮਯੇਨ ਆਲਿਙ੍ਗੇਨ ਸਨ੍ਨਿਭਾ ਗੀਵਾ ਕਮ੍ਬੁਗੀਵਾ, ਕਮ੍ਬ ਸਂਵਰਣੇ, ਉ, ਕਮ੍ਬੁ.

੨੬੪. ਤਿਕਂ ਖਨ੍ਧੇ. ਅਨ ਗਤਿਯਂ, ਸੋ. ਭੁਜਾਨਂ ਸਿਰੋ ਮਤ੍ਥਕਂ ਭੁਜਸਿਰੋ. ਕਂ ਮਤ੍ਥਕਂ ਦਧਾਤੀਤਿ ਕਨ੍ਧੋ, ਸੋ ਏਵ ਖਨ੍ਧੋ ਕਕਾਰਸ੍ਸ ਖਕਾਰਕਰਣਵਸੇਨ, ਖਮਤਿ ਭਾਰਨ੍ਤਿ ਵਾ ਖਨ੍ਧੋ, ਖਮੁ ਸਹਨੇ, ਤੋ, ਤਸ੍ਸ ਧੋ, ਮਸ੍ਸ ਨੋ, ਨਿਗ੍ਗਹੀਤਂ ਵਾ ¶ . ਤਸ੍ਸਨ੍ਧਿ ਤਸ੍ਸ ਖਨ੍ਧਸ੍ਸ ਮਜ੍ਝਂ ਜਤ੍ਤੁ ਨਾਮ, ਯਂ ਖਨ੍ਧਾਨਂ ਮਜ੍ਝੇ ਤਿਟ੍ਠਤਿ. ਜਨ ਜਨਨੇ, ਜਰ ਵਯੋਹਾਨਿਮ੍ਹਿ ਵਾ, ਤੁ, ਜਤ੍ਤੁ, ਤਂ ਨਪੁਂਸਕਂ.

ਦ੍ਵਯਂ ਬਾਹੁਮੂਲੇ. ਬਾਹੂਨਂ ਭੁਜਾਨਂ ਮੂਲਂ ਬਾਹੁਮੂਲਂ. ਕਚ ਬਨ੍ਧਨੇ, ਛੋ. ਅਸ੍ਸ ਕਚ੍ਛਸ੍ਸ ਅਧੋਭਾਗਟ੍ਠਾਨਂ ਪਸ੍ਸਂ ਵੁਚ੍ਚਤਿ, ਦਿਸ ਪੇਕ੍ਖਨੇ, ਅਪਚ੍ਚਯੋ, ਦਿਸਸ੍ਸ ਪਸ੍ਸਾਦੇਸੋ.

੨੬੫. ਤਿਕਂ ਬਾਹੁਮ੍ਹਿ. ਵਹਤਿ ਅਨੇਨਾਤਿ ਵਾਹੁ, ਵਾਹੁ ਏਵ ਬਾਹੁ, ਕੁ [ਣ੍ਵਾਦਿ ੬]. ਭੁਞ੍ਜਤੇ ਅਨੇਨਾਤਿ ਭੁਜੋ. ਭੁਜ ਪਾਲਨਜ੍ਝੋਹਾਰੇਸੁ. ਬਾਹੁ ਚ ਭੁਜੋ ਚੇਤਿ ਦ੍ਵਨ੍ਦੋ, ਏਤੇ ਦ੍ਵੇ ਦ੍ਵੀਸੁ, ਇਤ੍ਥਿਯਂ ਭੁਜਾ. ਵਹਤਿ ਯਾਯਾਤਿ ਬਾਹਾ. ਅਪਰੋਸਦ੍ਦੋਪ੍ਯਤ੍ਰ [ਅ ਪਾਰੋਸਦ੍ਦੋਪ੍ਯਤ੍ਰ (ਕ.), ਅ ਪਵੇਟ੍ਠਸਦ੍ਦੋਪ੍ਯਤ੍ਰ (?)].

ਤਿਕਂ ਹਤ੍ਥੇ. ਹਸ ਹਸਨੇ, ਥੋ. ਹਰ ਹਰਣੇ ਵਾ. ਨਕ੍ਖਤ੍ਤੇਪ੍ਯਯਂ. ਕਰ ਕਰਣੇ, ਅ. ਪਣ ਬ੍ਯਵਹਾਰਥੁਤੀਸੁ, ਇ. ਪਾ ਰਕ੍ਖਨੇ ਵਾ, ਣਿ. ਕਰੋ ਚ ਪਾਣਿ ਚ ਕਰਪਾਣਯੋ. ਪਞ੍ਚਸਾਖੋ, ਸਯੋਪ੍ਯਤ੍ਰ.

ਪਕੋਟ੍ਠਨ੍ਤੋ ਹਤ੍ਥਗਣ੍ਠਿ ਮਣਿਬਨ੍ਧੋ ਨਾਮ. ਪਕੋਟ੍ਠੋ ਨਾਮ ਆਮਣਿਬਨ੍ਧਂ ਕਪ੍ਪਰਸ੍ਸ ਅਧੋਭਾਗੋ. ਮਣਿਵਿਕਤਿਂ ਬਨ੍ਧਤਿ ਏਤ੍ਥਾਤਿ ਮਣਿਬਨ੍ਧੋ. ਕੁਸ ਅਕ੍ਕੋਸੇ, ਠੋ, ਪਕੋਟ੍ਠੋ.

ਦ੍ਵਯਂ ਭੁਜਮਜ੍ਝਗਣ੍ਠਿਮ੍ਹਿ. ਕਪੁ ਹਿਂਸਾਯਂ, ਅਰੋ. ਕੁਪ੍ਪਰੋਤਿਪਿ ਪਾਠੋ, ਤਦਾ ਅਸ੍ਸੁਤ੍ਤਂ. ਕਪੁ ਹਿਂਸਾਯਂ, ਓਣਿ, ਕਪੋਣਿ, ਇਤ੍ਥਿਯਂ. ਕਫੋਣੀਪ੍ਯਤ੍ਰ, ਤਤ੍ਥ ਪਸ੍ਸ ਫਤ੍ਤਂ.

੨੬੬. ਪਾਣਿਸ੍ਸ ¶ ਪਾਣਿਤਲਸ੍ਸ ਸਮ੍ਬਨ੍ਧੀਨਂ ਮਣਿਬਨ੍ਧਕਨਿਟ੍ਠਾਨਂ ਦ੍ਵਿਨ੍ਨਂ ਅਨ੍ਤਰਂ ਬਹਿਟ੍ਠਾਨਂ ਕਰਭੋ ਵੁਚ੍ਚਤਿ, ਯੇਨ ਕੁਮਾਰਕਾ ਸਤ੍ਥਂ ਕਤ੍ਵਾ ਅਞ੍ਞਮਞ੍ਞਂ ਪਹਰਨ੍ਤਿ, ਕਰ ਹਿਂਸਾਯਂ, ਅਭੋ, ਕਰ ਕਰਣੇ ਵਾ.

ਦ੍ਵਯਂ ਅਙ੍ਗੁਲਿਮਤ੍ਤੇ. ਕਰਸ੍ਸ ਪਾਣਿਸ੍ਸ ਸਾਖਾ ਕਰਸਾਖਾ. ਅਗਿ ਗਤ੍ਯਤ੍ਥੋ, ਅਙ੍ਗ ਗਮਨਤ੍ਥੋ ਵਾ, ਉਲਿ. ਇਤ੍ਥਿਲਿਙ੍ਗੋਯਂ [(ਨਦਾਦਿ) (ਕ.)], ਅਙ੍ਗੁਲਿ.

ਤਾ ਅਙ੍ਗੁਲਿਯੋ ਪਞ੍ਚਪ੍ਪਭੇਦਾ, ਯਥਾ – ਅਙ੍ਗੁਟ੍ਠੋ ਤਜ੍ਜਨੀ ਮਜ੍ਝਿਮਾ ਅਨਾਮਿਕਾ ਕਨਿਟ੍ਠਾ ਚੇਤਿ ਕਮਾ ਸਿਯੁਂ. ਅਙ੍ਗ ਗਮਨਤ੍ਥੋ, ਅਸ੍ਸੁਤ੍ਤਂ, ਅਗ੍ਗੇ ਪੁਰੇ ਤਿਟ੍ਠਤੀਤਿ ਵਾ ਅਙ੍ਗੁਟ੍ਠੋ, ਨਿਗ੍ਗਹੀਤਾਗਮੋ, ਅਸ੍ਸੁਤ੍ਤਞ੍ਚ. ਤਜ੍ਜ ਹਿਂਸਾਯਂ, ਤਜ੍ਜੇਤਿ ਯਾਯ, ਸਾ ਤਜ੍ਜਨੀ, ਯੁ, ਨਦਾਦਿ. ਮਜ੍ਝੇ ਤਿਟ੍ਠਤੀਤਿ ਮਜ੍ਝਿਮਾ. ਨਤ੍ਥਿ ਨਾਮਮਸ੍ਸਾਤਿ ਅਨਾਮਿਕਾ, ਸਕਤ੍ਥੇ ਕੋ. ਅਤਿਸਯੇਨ ਖੁਦ੍ਦਕਾਤਿ ਕਨਿਟ੍ਠਾ. ਯੁਵਪ੍ਪਾਨਂ ਕਨ, ਕਣ ਵਾ ਇਯਿਟ੍ਠੇਸੁ.

੨੬੭. ਤਜ੍ਜਨ੍ਯਾਦੀਹਿ ਯੁਤੇ ਅਙ੍ਗੁਟ੍ਠੇ ਤਤੇ ਪਸਾਰਿਤੇ ਸਤਿ ਪਦੇਸਾਦਿਕਾ ਚਤਸ੍ਸੋ ਸਞ੍ਞਾ ਕਮਤੋ ਸਿਯੁਂ, ਯਥਾ – ਤਜ੍ਜਨੀਯੁਤੇ ¶ ਅਙ੍ਗੁਟ੍ਠੇ ਤਤੇ ਪਦੇਸੋ. ਦਿਸ ਪੇਕ੍ਖਨੇ. ਮਜ੍ਝਿਮਯੁਤੇ ਅਙ੍ਗੁਟ੍ਠੇ ਤਤੇ ਤਾਲੋ, ਤਲ ਪਤਿਟ੍ਠਾਯਂ. ਅਨਾਮਿਕਾਸਹਿਤੇ ਅਙ੍ਗੁਟ੍ਠੇ ਤਤੇ ਗੋਕਣ੍ਣੋ, ਗੋਕਣ੍ਣਸਦਿਸਤ੍ਤਾ, ਤਪ੍ਪਮਾਣਤ੍ਤਾ ਵਾ ਗੋਕਣ੍ਣੋ, ਅਥ ਵਾ ਗੋਕਣ੍ਣੋ ਨਾਮ ਏਕੋ ਮਿਗਵਿਸੇਸੋ, ਤਕ੍ਕਣ੍ਣਸਦਿਸਪ੍ਪਮਾਣਤ੍ਤਾ ਗੋਕਣ੍ਣੋ, ਤਾਲੋ ਚ ਗੋਕਣ੍ਣੋ ਚ ਤਾਲਗੋਕਣ੍ਣਾ. ਲਿਙ੍ਗਭੇਦਾ ‘‘ਤਾਲਗੋਕਣ੍ਣਵਿਦਤ੍ਥੀ’’ਤਿ ਨ ਵੁਤ੍ਤਂ, ਕਨਿਟ੍ਠਾਯੁਤੇ ਅਙ੍ਗੁਟ੍ਠੇ ਤਤੇ ਵਿਦਤ੍ਥਿ, ਵਿਤਨੋਤੀਤਿ ਵਿਤਤ੍ਥਿ, ਵਿਤਤ੍ਥਿ ਏਵ ਵਿਦਤ੍ਥਿ, ਤਨੁ ਵਿਤ੍ਥਾਰੇ,ਤਿ, ਤਸ੍ਸ ਥੋ. ਵਿਦਤ੍ਥਿ. ‘‘ਕਮਾ ਤਤੋ’’ਤਿਪਿ ਪਾਠੋ.

ਕੁਞ੍ਚਿਤੋ ਸਙ੍ਕੋਚਿਤੋ ਪਾਣਿ ਪਸਤਾਖ੍ਯੋ, ਪਪੁਬ੍ਬੋ ਸਰ ਗਤਿਯਂ, ਤੋ. ਪਮਾਣਪ੍ਪਕਰਣਤੋ ਵਿਤਤਞ੍ਜਲਿਯੇਵਾਯਂ ਕਵੀਹਿ ਇਚ੍ਛਿਤੋ. ਸਮ੍ਪੁਟਞ੍ਜਲਿ ਪਨਾਯਂ, ਪਸਾਰਿਤਸਹਿਤਾ [ਪਸਾਰਿਤਸਹਿਤਤ੍ਤਾ (ਕ.)] ਯਸ੍ਸ ਅਙ੍ਗੁਲਿਯੋ ਭਵਨ੍ਤੀਤਿ.

ਕੁਞ੍ਚਿਤੋ ਚ ਤਤਙ੍ਗੁਟ੍ਠੋ, ਸਪਤਾਕੋਤਿ ਸਮ੍ਮਤੋ;

ਪਤਾਕੇਹਿ ਤੁ ਹਤ੍ਥੇਹਿ, ਸਮ੍ਪੁਟਞ੍ਜਲਿ ਇਚ੍ਛਿਤੋ.

ਦੇਵਤਾਨਂ ਗਰੂਨਞ੍ਚ, ਪਿਤੂਨਞ੍ਚੇ’ਚ੍ਛਿਤੋ ਪੁਰੇ;

ਅਤ੍ਥਪ੍ਪਕਰਣਾਦੀਹਿ, ਭੇਦੋ ਞੇਯ੍ਯੋ ਤਹਿਂ ਤਹਿਂ.

ਯਥਾ ਜਲਞ੍ਜਲਿਂ ਦਦਾਤਿ, ਅਞ੍ਜਲਿਨਾ ਪਿਵਤਿ, ਦੇਵੋਯਂ ਕਤਞ੍ਜਲਿਰਿਤਿ. ਪੁਟਞ੍ਜਲਿਸ੍ਸ ਵਾ ਵਕ੍ਖਮਾਨਤ੍ਤਾ ਇਧ ਵਿਤਤਞ੍ਜਲਿਯੇਵ.

੨੬੮. ਤਿਕਂ ਸਪ੍ਪਕੋਟ੍ਠੇ ਵਿਤਤਕਰੇ. ਰਮੁ ਕੀਲ਼ਾਯਂ, ਤਨੋ, ਮਲੋਪੋ, ਰਤਨਂ, ਮਣਿਬੁਦ੍ਧਾਦੀਸੁ ਚ. ਕੁਕ ਆਦਾਨੇ, ਉ ¶ , ਦ੍ਵਿਤ੍ਤਂ. ਹਸ ਧਾਤੁਮ੍ਹਾ ਥੋ, ਤੋ ਵਾ, ਹਤ੍ਥੋ, ਹਤ੍ਥਸਹਿਤਤ੍ਤਾ ਵਾ ਪਕੋਟ੍ਠੋ ਹਤ੍ਥੋ.

ਦ੍ਵਯਂ ਸਮ੍ਪੁਟਞ੍ਜਲਿਮ੍ਹਿ. ਕਰਮਯੋ ਪੁਟੋ ਕਰਪੁਟੋ, ਅਞ੍ਜ ਬ੍ਯਤ੍ਤਿਗਤਿਕਨ੍ਤੀਸੁ, ਅਲਿ, ਅਞ੍ਜਲਿ. ਕਰਪੁਟੋ ਚ ਅਞ੍ਜਲਿ ਚੇਤਿ ਕਰਪੁਟਞ੍ਜਲੀ.

ਦ੍ਵਯਂ ਨਖੇ. ਕਰੇ ਜਾਯਤਿ ਰੁਹਤੀਤਿ ਕਰਜੋ. ਨਤ੍ਥਿ ਖਂ ਇਨ੍ਦ੍ਰਿਯਂ ਏਤ੍ਥਾਤਿ ਨਖੋ, ਸਞ੍ਞਾਸਦ੍ਦਤ੍ਤਾ ਨ ਅਤ੍ਤਂ, ਅਵਿਸਯਤ੍ਤਾ ਵਾ. ਪੁਨਬ੍ਭਵੋ, ਕਰਰੁਹੋ, ਨਖਰੋਤਿਪਿ ਨਖਸ੍ਸ ਨਾਮਾਨਿ.

ਦ੍ਵਯਂ ਪੁਟਙ੍ਗੁਲਿਕਰੇਤਿਖ੍ਯਾਤੇ ਮੁਟ੍ਠਿਮ੍ਹਿ. ਖਟ ਇਚ੍ਛਾਯਂ, ਣ੍ਵੁ, ਖਦ ਹਿਂਸਾਯਂ ਵਾ, ਦਸ੍ਸ ਟੋ. ਮੁ ਬਨ੍ਧਨੇ,ਤਿ, ਤਸ੍ਸ ਠੋ, ਦ੍ਵਿਤ੍ਤਂ.

੨੬੯. ਪਸ੍ਸਦ੍ਵਯਵਿਤ੍ਥਤਾ ਪਸ੍ਸਦ੍ਵਯੇਪਿ ਵਿਤਤਾ ਪਸਾਰਿਤਾ ਸਹਕਰਾ ਸਪਾਣਯੋ ਦ੍ਵੇ ਬਾਹੂ ਬ੍ਯਾਮੋ ਨਾਮ, ਬ੍ਯਾਮੀਯਤੇ ਅਨੇਨਾਤਿ ਬ੍ਯਾਮੋ, ਵਿਪੁਬ੍ਬੋ ਯਾਮ ਅਞ੍ਛੇ. ਉਦ੍ਧਂ ਉਪਰਿ ਤਤਾ ਵਿਤਤਾ ਭੁਜਾ ਚ ਪੋਸੋ ਚ ਤੇਸਂ ਸਮੁਦਿਤਾਨਂ ਪਮਾਣਸਦਿਸਂ ਪਮਾਣਂ ਯਸ੍ਸ ਤਸ੍ਮਿਂ ਉਦ੍ਧਨ੍ਤਤਭੁਜਪੋਸਪ੍ਪਮਾਣੇ ਪੋਰਿਸਸਦ੍ਦੋ ਵਤ੍ਤਤਿ. ਭੁਜਸਦ੍ਦੇਨ ਸਹਕਰਾ ਭੁਜਾ ਗਯ੍ਹਤੇ, ਏਕਸ੍ਸ ਪਮਾਣਸਦ੍ਦਸ੍ਸ ਲੋਪੋ, ਪੁਰਿਸਸ੍ਸ ਪਮਾਣਂ ਪੋਰਿਸਂ. ਪੁਰਿਸਸਦ੍ਦੋ ਚੇਤ੍ਥ ਸਕਰਭੁਜਪੁਰਿਸਂ ਵਦਤਿ, ਤੀਸੁ, ਯਥਾ – ਪੋਰਿਸਂ ਜਲਂ, ਪੋਰਿਸੋ ਹਤ੍ਥੀ, ਪੋਰਿਸੀ ਯਟ੍ਠਿ.

੨੭੦. ਦ੍ਵਯਂ ਉਰਸਿ. ਉਸ ਦਾਹੇ, ਰੋ, ਸਲੋਪੋ, ਅਰ ਗਤਿਮ੍ਹਿ ਵਾ, ਅਸ੍ਸੁਕਾਰੋ. ਹਰ ਹਰਣੇ, ਯੋ, ਰਸ੍ਸ ਦੋ. ਕੋਲ਼ਂ [ਕੋਟ੍ਠ (ਕ.)] ¶ , ਭੁਜਨ੍ਤਰਂ, ਵਕ੍ਖੋਤਿਪਿ ਉਰੋਨਾਮਾਨਿ. ਤਿਕਂ ਉਰੋਜੇ. ਤਨੁ ਵਿਤ੍ਥਾਰੇ, ਤਨੋਤਿ ਇਚ੍ਛਨ੍ਤਿ ਥਨੋ, ਤਸ੍ਸ ਥੋ, ਥਨ ਦੇਵਸਦ੍ਦੇ, ਥਨ ਚੋਰਿਯੇ ਵਾ. ਕੁਚ ਸਙ੍ਕੋਚਨੇ, ਕੁਚੋ. ਪਯੋ ਖੀਰਂ ਧਾਰੇਤੀਤਿ ਪਯੋਧਰੋ. ਕੁਚੋ ਚ ਪਯੋਧਰੋ ਚਾਤਿ ਦ੍ਵਨ੍ਦੋ.

ਥਨਗ੍ਗਸ੍ਮਿਂ ਥਨਸ੍ਸ ਅਗ੍ਗੇ ਚੂਚੁਕਂ, ਨਪੁਂਸਕੇ. ‘‘ਚੂਚੁਕੋ ਸੋ ਕੁਚਾਨਨ’’ਨ੍ਤਿ [ਚਿਨ੍ਤਾਮਣਿਟੀਕਾ ੧੬.੭੭] ਤੁ ਰਤਨਕੋਸੋ, ਚੁ ਚਵਨੇ, ਉਕੋ, ਦ੍ਵਿਤ੍ਤਂ, ਦੀਘੋ ਚ, ਚੂਚੁਕਂ, ਚਨ੍ਚੁ ਗਤਿਯਂ ਵਾ, ਉਕੋ, ਨਲੋਪੋ, ਅਸ੍ਸੂਕਾਰੋ, ਚੂਚੁਕਂ.

ਦ੍ਵਯਂ ਪਿਟ੍ਠੇ ਕਾਯਸ੍ਸ ਪਚ੍ਛਾਭਾਗੇ. ਪਿਟ ਸਦ੍ਦਸਙ੍ਘਾਤੇਸੁ, ਤੋ. ਇਤਰਤ੍ਰ ਤਿ, ਪਿਸੁ ਸੇਚਨੇ ਵਾ.

੨੭੧. ਤਿਕਂ ਤਨੁਮਜ੍ਝੇ. ਮਜ੍ਝੇ ਭਵੋ ਮਜ੍ਝੋ. ਲਗ ਸਙ੍ਗੇ, ਅ. ਮਜ੍ਝੇ ਭਵਂ ਮਜ੍ਝਿਮਂ. ਚਤੁਕ੍ਕਂ ਉਦਰੇ. ਕੁਸ ਅਕ੍ਕੋਸੇ, ਛਿ, ਸਸ੍ਸ ਚੋ. ਗਹ ਉਪਾਦਾਨੇ, ਅਨਿ, ਈਮ੍ਹਿ ਗਹਣੀ, ਗਬ੍ਭਂ ਗਣ੍ਹਾਤਿ ਧਾਰੇਤੀਤਿ ਵਾ ਗਹਣੀ, ਗਬ੍ਭਾਸਯਸਞ੍ਞਿਤੋ ਮਾਤੁਕੁਚ੍ਛਿਪ੍ਪਦੇਸੋ, ਤੇਜੋਧਾਤੁਮ੍ਹਿ ਪਨ ਯਥਾਭੁਤ੍ਤਾਹਾਰਸ੍ਸ ਵਿਪਾਚਨਵਸੇਨ ਗਣ੍ਹਨਤੋ ਅਛਡ੍ਡਨਤੋ ਗਹਣੀ. ਉਪੁਬ੍ਬੋ ਦਰ ਗਮਨੇ. ਉਦਰਤਿ ਉਦ੍ਧਂ ਗਚ੍ਛਤਿ ਵਾਯੁ ਯਤ੍ਰਾਤਿ ਉਦਰਂ. ਗੁ ਸਦ੍ਦੇ, ਅਭੋ, ਦ੍ਵਿਤ੍ਤਾਦਿ, ਗਬ੍ਭੋ. ਪਿਚਣ੍ਡ ਜਠਰ ਤੁਨ੍ਦਾਪ੍ਯਤ੍ਰ.

ਕੁਚ੍ਛਿਸਮ੍ਭਵੇ ਕੁਚ੍ਛਿਟ੍ਠੇ ਕੋਟ੍ਠੋ, ਅਨ੍ਤੋ ਚਾਤਿ ਇਮੇ ਦ੍ਵੇ ਵਤ੍ਤਨ੍ਤਿ, ਕੁਸ ਅਕ੍ਕੋਸੇ, ਤੋ, ਠੋ ਵਾ. ਅਮ ਗਮਨਤ੍ਥੋ, ਤੋ.

੨੭੨. ਚਤੁਕ੍ਕਂ ¶ ਕਟਿਯਂ. ਹਨਧਾਤੁਮ੍ਹਾ ਯੁ, ਹਸ੍ਸ ਦ੍ਵਿਤ੍ਤਂ, ਹਸ੍ਸ ਜੋ, ਹਨਸ੍ਸ ਘੋ ਚ, ਜਘਨਂ. ਨਿਚ੍ਛਯੇਨ ਤਮਤੀਤਿ ਨਿਤਮ੍ਬੋ, ਤਮੁਧਾਤੁਮ੍ਹਾ ਬੋ. ਸੂ ਪਸਵੇ, ਣਿ. ਕਟ ਵਸ੍ਸਾਵਰਣੇਸੁ, ਕਟ੍ਯਤੇ ਆਵਰੀਯਤੇ ਵਤ੍ਥਾਦੀਹਿ ਕਟਿ, ਇ, ਏਤੇ ਦ੍ਵੇ ਨਾਰਿਯਂ. ਏਤ੍ਥ ਚ ਜਘਨਸਦ੍ਦੇਨ ਇਤ੍ਥਿਕਟਿਯਾ ਅਗ੍ਗਭਾਗੋ, ਨਿਤਮ੍ਬਸਦ੍ਦੇਨ ਇਤ੍ਥਿਕਟਿਯਾ ਪਚ੍ਛਾਭਾਗੋ, ਸੇਸਦ੍ਵਯੇਨ ਕਟਿਸਾਮਞ੍ਞਂ ਵੁਤ੍ਤਨ੍ਤਿ ਦਟ੍ਠਬ੍ਬਂ, ਵੁਤ੍ਤਞ੍ਚ ‘‘ਪਚ੍ਛਾ ਨਿਤਮ੍ਬੋ ਥੀਕਟ੍ਯਾ, ਜਘਨਂ ਤੁ ਪੁਰੋ ਭਵੇ’’ਤਿ [ਅਮਰ ੧੬.੭੪].

੨੭੩. ਲਿਙ੍ਗਨ੍ਤਂ ਲਿਙ੍ਗਸਾਮਞ੍ਞੇ. ਅਙ੍ਗੇ ਸਰੀਰੇ ਜਾਯਤੀਤਿ ਅਙ੍ਗਜਾਤਂ, ਅਙ੍ਗਸਦ੍ਦੋ ਸਰੀਰਵਾਚਕੋ, ਅਙ੍ਗਮੇਤਸ੍ਸਤ੍ਥੀਤਿ ਕਤ੍ਵਾ. ਰਹਸਿ ਠਾਨੇ ਜਾਤਂ ਅਙ੍ਗਂ ਰਹਸ੍ਸਙ੍ਗਂ, ਸਤ੍ਤਮਿਯਾਲੋਪੋ, ਇਸ੍ਸਤ੍ਤਂ, ਸਸ੍ਸ ਦ੍ਵਿਤ੍ਤਞ੍ਚ. ਵਤ੍ਥੇਨ ਗੁਯ੍ਹਿਤਬ੍ਬਨ੍ਤਿ ਵਤ੍ਥਗੁਯ੍ਹਂ. ਮਿਹ ਸੇਚਨੇ, ਕਰਣੇ ਯੁ, ਮਿਹਤਿ ਰੇਤੋਮੁਤ੍ਤਾਨਿ ਯੇਨਾਤਿ ਮੇਹਨਂ. ਨਿਪੁਬ੍ਬੋ ਮਿਹ ਸੇਚਨੇ, ਤੋ, ਨਿਮਿਤ੍ਤਂ. ਉਤ੍ਤਮਙ੍ਗਤ੍ਤਾ ਵਰਙ੍ਗਂ. ਵਜ ਗਤਿਯਂ, ਅਸ੍ਸੀਕਾਰੋ, ਪਚ੍ਚਯੇਹਿ ਵਿਨਾ ਜਾਯਤੀਤਿ ਵਾ ਬੀਜਂ, ਵਿਰਹਤ੍ਤਜੋਤਕੋ ਹ੍ਯੇਤ੍ਥ ਵਿਕਾਰੋ. ਫਲ ਨਿਪ੍ਫਤ੍ਤਿਯਂ, ਫਲਤਿ ਏਤੇਨ ਪੁਤ੍ਤਨ੍ਤਿ ਫਲਂ. ਲਿਙ੍ਗਤਿ ‘‘ਇਤ੍ਥੀ, ਪੁਰਿਸੋ’’ਤਿ ਵਿਭਾਗਂ ਗਚ੍ਛਤਿ ਯੇਨਾਤਿ ਲਿਙ੍ਗਂ. ਲਿਙ੍ਗ ¶ ਗਮਨੇ, ਲੀਨਂ ਅਪਾਕਟਂ ਅਙ੍ਗਨ੍ਤਿ ਵਾ ਲਿਙ੍ਗਂ. ਏਤੇਸੁ ਬੀਜਫਲਸਦ੍ਦਾ ਅਣ੍ਡੇਪਿ ਵਤ੍ਤਨ੍ਤਿ.

ਦ੍ਵਯਂ ਪੁਰਿਸਲਿਙ੍ਗਪਸਿਬ੍ਬਕੇ. ਅਮ ਗਮਨੇ, ਡੋ, ਅਣਸਦ੍ਦਤ੍ਥੋ ਵਾ, ਡੋ, ਅਡਿ ਅਣ੍ਡਤ੍ਥੇ ਵਾ, ਤੋ. ਕੁਸ ਅਕ੍ਕੋਸੇ, ਣੋ. ਅਣ੍ਡਸਦ੍ਦੋ ਚੇਤ੍ਥ ਬੀਜੇਪਿ, ਅਣ੍ਡਕੋਸੋਤਿ ਸਮੁਦਿਤਮ੍ਪਿ ਕੋਸਸ੍ਸ ਨਾਮਂ, ‘‘ਕੁਕ੍ਕੁਟਚ੍ਛਾਪਕਸ੍ਸੇਵ ਅਣ੍ਡਕੋਸਮ੍ਹਾ’’ਤਿ [ਪਾਰਾ. ੧੩, ੧੪] ਹਿ ਵੁਤ੍ਤਂ, ਅਮਰਕੋਸੇਪਿ [ਅਮਰਕੋਸੇ ੧੬.੭੬] ਅਣ੍ਡਕੋਸੋਤਿ ਸਮੁਦਿਤੇਨੇਵ ਨਾਮਂ ਵੁਤ੍ਤਂ. ਏਤ੍ਥ ਚ ਅਣ੍ਡਸ੍ਸ ਬੀਜਸ੍ਸ ਕੋਸੋ ਅਣ੍ਡਕੋਸੋਤਿ ਵਿਗ੍ਗਹੋ ਕਾਤਬ੍ਬੋ.

ਦ੍ਵਯਂ ਇਤ੍ਥਿਯਾ ਅਙ੍ਗਜਾਤੇ. ਯੁ ਮਿਸ੍ਸਨੇ, ਅਧਿਕਰਣੇਨਿ, ਯੋਨਿ, ਇਤ੍ਥਿਯਂ ਪੁਮੇ ਚਾਯਂ, ਇਤ੍ਥੀ ਚ ਪੁਮਾ ਚ ਇਤ੍ਥਿਪੁਮਂ, ਤਸ੍ਮਿਂ. ਭਜਨ੍ਤਿ ਅਸ੍ਮਿਨ੍ਤਿ ਭਗਂ. ਮਾਰਮਨ੍ਦਿਰ ਮਾਰਕੂਪਾ ਚਾਤ੍ਰ.

੨੭੪-੨੭੫. ਤਿਕਂ ਇਤ੍ਥਿਪੁਰਿਸਾਨਂ ਸਮ੍ਭਵੇ. ਸੁਚਿਸ੍ਸ ਪਟਿਪਕ੍ਖੋ ਅਸੁਚਿ, ਇਕਾਰਨ੍ਤੋ, ਦ੍ਵੀਸੁ, ਸਮ੍ਭਵਲਿਙ੍ਗੋ ਵਾ. ਸਂਪੁਬ੍ਬਾ ਭੂਧਾਤੁਮ੍ਹਾ ਅ. ਸਕ ਸਾਮਤ੍ਥਿਯਂ, ਤੋ, ਤਸ੍ਸ ਕੋ, ਅਸ੍ਸੁਤ੍ਤਂ, ਸੁਚ ਸੋਕੇ ਵਾ, ਕੋ.

ਦ੍ਵਯਂ ਵਚ੍ਚਮਗ੍ਗੇ. ਪੁਨਨ੍ਤਿ ਅਨੇਨਾਤਿ ਪਾਯੁ. ਪੂ ਪਵਨੇ, ਉ, ਊਸ੍ਸਾਯੋ, ਪਯ ਗਮਨਤ੍ਥੋ ਵਾ, ਪਯਤਿ ਵਚ੍ਚਮਨੇਨਾਤਿ ਪਾਯੁ, ¶ ਕਰਣੇ ਉ, ਅਯਂ ਪੁਰਿਸੇ ਪੁਲ੍ਲਿਙ੍ਗੇ ਵਤ੍ਤਤਿ. ਗੁਦ ਕੀਲ਼ਾਯਂ, ਅ. ਅਪਾਨਂਪ੍ਯਤ੍ਰ.

ਅਟ੍ਠਕਂ ਵਚ੍ਚੇ. ਗੂਥ ਕਰੀਸੋਸ੍ਸਗ੍ਗੇ, ਗੁਪ ਗੋਪਨੇ ਵਾ, ਥੋ. ਕਿਰ ਵਿਕਿਰਣੇ, ਈਸੋ, ਕਰੀਸਂ. ਵਰ ਵਰਣਸਮ੍ਭਤ੍ਤੀਸੁ, ਚੋ, ਗੂਥਞ੍ਚ ਕਰੀਸਞ੍ਚ ਵਚ੍ਚਞ੍ਚੇਤਿ ਦ੍ਵਨ੍ਦੋ, ਤਾਨਿ ਵਿਕਪ੍ਪੇਨ ਪੁਮੇ ਵਤ੍ਤਨ੍ਤਿ, ਨਿਚ੍ਚਂ ਨਪੁਂਸਕੇ, ਪੁਲ੍ਲਿਙ੍ਗਤ੍ਤਂ ਤੇਸਂ ਕਤ੍ਥਚਿਯੇਵ, ਸਬ੍ਬਤ੍ਰ ਨਪੁਂਸਕਤ੍ਤਮੇਵ ਬਹੁਲਨ੍ਤ੍ਯਤ੍ਥੋ. ਮਲ ਚਲਨੇ, ਅ, ਮਲ ਧਾਰਣੇ ਵਾ. ਸਕ ਸਤ੍ਤਿਯਂ, ਸਸ੍ਸ ਛੋ. ਉਚ੍ਚਾਰੀਯਤੇ ਜਹ੍ਯਤੇਤਿ ਉਚ੍ਚਾਰੋ, ਉਪੁਬ੍ਬੋ ਚਰਧਾਤੁ ਚਜਨੇ, ਉਕ੍ਖਿਪਨੇ ਚ ਵਤ੍ਤਤਿ. ਮਿਹ ਸੇਚਨੇ, ਲੋ, ਵਣ੍ਣਵਿਪਰਿਯਯੋ, ਲ਼ਤ੍ਤਞ੍ਚ. ਅਵਕਰੀਯਤੇਤਿ ਉਕ੍ਕਾਰੋ, ਅਵਸ੍ਸੁਤ੍ਤਂ, ਕਿਰ ਵਿਕ੍ਖਿਪਨੇ. ਸਮਲਂਪ੍ਯਤ੍ਰ. ਸਮੁ ਉਪਸਮੇ, ਅਲੋ.

ਦ੍ਵਯਂ ਮੁਤ੍ਤੇ. ਸੁ ਸਵਨੇ, ਸਵਨਂ ਸਨ੍ਦਨਂ, ਚੁਰਾਦਿ, ਣੋ. ਮੁਚ ਮੋਚਨੇ, ਤੋ, ਮੁਤ੍ਤ ਪਸ੍ਸਾਵੇ ਵਾ. ਉਚ੍ਚਤੇ ਕਥੀਯਤੇ. ਗੋਮੁਤ੍ਤੇ ਗਵਂ ਸਮ੍ਬਨ੍ਧਿਨਿ ਮੁਤ੍ਤੇ ਪੂਤਿਮੁਤ੍ਤਸਦ੍ਦੋ ਵਤ੍ਤਤਿ. ਅਜ੍ਜ ਪਵਤ੍ਤਮ੍ਪਿ ਹਿ ਤਂ ਦੁਗ੍ਗਨ੍ਧਭਾਵੇਨ ਪੂਤਿਮੁਤ੍ਤਨ੍ਤ੍ਵੇਵ ਵੁਚ੍ਚਤਿ, ਯਥਾ ‘‘ਪੂਤਿਕਾਯੋ’’ਤਿ. ਅਸ੍ਸਾਦੀਨਂ ਮਲੇ ਛਕਣਸਦ੍ਦੋ, ਸਕ ਸਤ੍ਤਿਯਂ, ਯੁ, ਸਸ੍ਸ ਛੋ.

੨੭੬. ਨਾਭਿਯਾ ਅਧੋਭਾਗੋ ਵਤ੍ਥਿ ਨਾਮ, ਸੋ ਦ੍ਵੀਸੁ. ਵਤ੍ਥਿ ਮੁਤ੍ਤਪੁਟਂ. ‘‘ਮੁਤ੍ਤਾਸਯਪੁਟੋ ਵਤ੍ਥਿ’’ਰਿਤਿ [ਚਿਨ੍ਤਾਮਣਿਟੀਕਾ ੧੬.੭੩] ਰਤਨਮਾਲਾ. ਵਸਤਿ ਮੁਤ੍ਤਮੇਤ੍ਥਾਤਿ ਵਤ੍ਥਿ, ਵਸ ਨਿਵਾਸੇ,ਤਿ, ਤਸ੍ਸ ਥੋ, ਤ੍ਥਿਪਚ੍ਚਯੇਨ ਵਾ ਸਿਦ੍ਧਂ. ਉਚ੍ਛਙ੍ਗਂ ਅਙ੍ਕਞ੍ਚ ਇਮੇ ਦ੍ਵੇ ਉਭੋ ਸਦ੍ਦਾ ¶ ਪੁਮੇ ਵਤ੍ਤਨ੍ਤਿ. ਉਸ੍ਸਜ੍ਜਤਿ ਏਤ੍ਥਾਤਿ ਉਚ੍ਛਙ੍ਗਂ, ਸਜ ਸਙ੍ਗੇ, ਸਸ੍ਸ ਛੋ, ਦ੍ਵਿਤ੍ਤਂ. ਅਙ੍ਕ ਗਮਨਤ੍ਥੋ, ਅ, ਅਙ੍ਕੋ, ਅਥ ਵਾ ਅਙ੍ਕ ਲਕ੍ਖਣੇ, ਅ, ਅਙ੍ਕੋ, ‘‘ਉਚ੍ਛਙ੍ਗਚਿਹਨੇਸ੍ਵ’ਙ੍ਕੋ’’ਤਿ ਅਮਰਕੋਸੇ [ਅਮਰ ਕੋਸੇ ੨੩.੪].

ਦ੍ਵਯਂ ਜਾਣੂਪਰਿਭਾਗੇ. ਅਰ ਗਮਨੇ, ਉ, ਅਸ੍ਸੂਕਾਰੋ. ਸਨ੍ਜ ਸਙ੍ਗੇ, ਆਸਜ੍ਜਤਿ ਵਤ੍ਥਮਤ੍ਰਾਤਿ ਸਤ੍ਥਿ, ਥਿ. ਊਰੁ ਚ ਸਤ੍ਥਿ ਚੇਤਿ ਦ੍ਵਨ੍ਦੋ, ਨਪੁਂਸਕੇਪਿ.

ਤਿਕਂ ਜਾਣੁਮ੍ਹਿ, ਊਰੁਨੋ ਪਬ੍ਬਂ ਗਣ੍ਠਿ ਊਰੁਪਬ੍ਬਂ. ਜਨ ਜਨਨੇ, ਣੁ. ਦ੍ਵਿਤ੍ਤੇ ਜਣ੍ਣੁ.

੨੭੭. ਦ੍ਵਯਂ ਪਾਦਗਣ੍ਠਿਮ੍ਹਿ. ਗੁਪ ਰਕ੍ਖਣੇ ਫੋ, ਸਕਤ੍ਥੇ ਕੋ. ਪਾਦਸ੍ਸ ਗਣ੍ਠਿ ਪਾਦਗਣ੍ਠਿ. ਘੁਟਿਕਾਪ੍ਯਤ੍ਰ. ਘੁਟ ਪਰਿਵਤ੍ਤਨੇ, ਘੁਟ੍ਯਤੇ ਅਨੇਨੇਤਿ ਘੁਟਿਕਾ, ਣ੍ਵੁ.

ਦ੍ਵਯਂ ਪਾਦਸ੍ਸ ਪਚ੍ਛਾਭਾਗੇ ਗੋਪ੍ਫਕਸ੍ਸਾਧੋ ਭਾਗੇ. ਪੁਮੇ ਤੂਤਿ ਤ੍ਵਨ੍ਤਂ ਲਿਙ੍ਗਪਦਂ. ਪਸ ਬਾਧਨਫੁਸਨੇਸੁ,ਤਿ, ਤਸ੍ਸ ਣੋ, ਸਸ੍ਸ ਹੋ, ਵਣ੍ਣਵਿਪਰਿਯਯੋ, ਣਿਪਚ੍ਚਯੇਨ ਵਾ ਸਿਦ੍ਧਂ. ਸਕਾਰਵਣ੍ਣਾਗਮੇ ਵੁਦ੍ਧਿਯਞ੍ਚ ਪਾਸਣ੍ਹਿ. ਏਲਿਪ੍ਯਤ੍ਰ, ਇਲ ਗਤਿਯਂ,ਤਿ, ਤਲੋਪੋ.

ਦ੍ਵਯਂ ਪਾਦਗ੍ਗੇ. ਪਾਦਸ੍ਸ ਅਗ੍ਗਂ ਪਾਦਗ੍ਗਂ. ਪਕਟ੍ਠਂ ਪਦਂ ਪਪਦਨ੍ਤਿ ਕਮ੍ਮਧਾਰਯੋ. ‘‘ਪਪਦੋ’’ਤਿਪਿ ਪਾਠੋ. ਤਿਕਂ ਪਾਦੇ. ਪਦ ਗਤਿਮ੍ਹਿ, ਣੋ, ਪਜ੍ਜਤੇਤਿ ਪਾਦੋ. ਪਜ੍ਜਤੇ ਗਚ੍ਛਤੀਤਿ, ਅ. ਚਰਮ੍ਹਾ ਕਰਣੇ ਯੁ, ਚਰਣਂ, ਇਦਂ ਪੁਮੇ ਵਿਕਪ੍ਪੇਨ, ਨਿਚ੍ਚਂ ਨਪੁਂਸਕੇ. ਅਙ੍ਘਿਪ੍ਯਤ੍ਰ, ਅਹਿ ਗਤਿਯਂ. ਇ, ਹਸ੍ਸ ਘੋ.

੨੭੮. ਦ੍ਵਯਂ ¶ ਹਤ੍ਥਾਦ੍ਯਵਯਵੇ. ਅਙ੍ਗਿ ਗਤ੍ਯਤ੍ਥੋ, ਅ. ਅਵਪੁਬ੍ਬੋ ਯੁ ਮਿਸ੍ਸਨੇ, ਅ. ਪਤੀਕੋ, ਅਪਘਨੋਪ੍ਯਤ੍ਰ. ਪਤਿਪੁਬ੍ਬਾ ਇਮ੍ਹਾ ਕੋ. ਅਪਪੁਬ੍ਬਾ ਹਨਿਮ੍ਹਾ ਅ, ਘਨਾਦੇਸੋ ਚ.

ਦ੍ਵਯਂ ਪਸ੍ਸਟ੍ਠਿਮ੍ਹਿ. ਪਾ ਰਕ੍ਖਣੇ, ਸੁ, ਲ਼ਿਕਾਰਵਣ੍ਣਾਗਮੋ, ਸਕਤ੍ਥੇ ਕੋ, ਪਸ੍ਸ ਫੋ. ਅਲ਼ਾਗਮੇ ਫਾਸੁਕਾ. ‘‘ਪਾਸੁਲ਼ਿਕਾ, ਪਾਸੁਕਾ’’ਤਿਪਿ ਪਾਠੋ. ਫੁਸ ਸਮ੍ਫਸ੍ਸੇਤਿਪਿ ਧਾਤੁ, ਤਦਾ ਉਪਚ੍ਚਯਾਦਿ.

ਦ੍ਵਯਂ ਅਟ੍ਠਿਮਤ੍ਤੇ. ਅਸੁ ਖੇਪਨੇ, ਇ, ਸਸ੍ਸ ਟ੍ਠੋ, ਅਟ੍ਠਿ, ਇਦਂ ਪਣ੍ਡਕੇ ਨਪੁਂਸਕੇ ਵਤ੍ਤਤਿ. ਧਾ ਧਾਰਣੇ, ਤੁ, ਇਤ੍ਥੀ. ਕੀਕਸਂ, ਕੁਲ੍ਲਂਪ੍ਯਤ੍ਰ. ਗਲਸ੍ਸ ਕਣ੍ਠਸ੍ਸ ਹੇਟ੍ਠਿਮਨ੍ਤੇ ਜਾਤਮਟ੍ਠਿ ਗਲਨ੍ਤਟ੍ਠਿ. ਅਕ ਗਮਨੇ, ਖੋ, ਸਕਤ੍ਥੇ ਕੋ.

੨੭੯-੨੮੦. ਦ੍ਵਯਂ ਸਿਰਸੋਟ੍ਠਿਖਣ੍ਡੇ. ਸਮੁਦਿਤੇ ਤੁ ਕਰੋਟਿ, ਇਤ੍ਥੀ [ਅਮਰ ੧੬.੬੯]. ਕਪੁ ਸਾਮਤ੍ਥਿਯੇ, ਅਰੋ, ਕਂ ਸੀਸਂ ਪਾਲੇਤੀਤਿ ਵਾ ਕਪ੍ਪਰੋ, ਰਸ੍ਸੋ, ਲਸ੍ਸ ਰਤ੍ਤਞ੍ਚ. ਕਂ ਪਾਲਯਤੀਤਿ ¶ , ਕਮ੍ਮਾਦਿਮ੍ਹਿ ਣੋ. ‘‘ਸਿਰੋਟ੍ਠਿਮ੍ਹਿ ਕਪਾਲੋ’ਥੀ, ਘਟਾਦਿਸਕਲੇਪਿਚੇ’’ਤਿ ਰੁਦ੍ਦੋ [ਚਿਨ੍ਤਾਮਣਿਟੀਕਾ ੧੬.੬੮]. ਕਪਾਲੋ ਅਥੀਤਿ [ਅਨਿਤ੍ਥੀਤਿ ਅਤ੍ਥੋ] ਛੇਦੋ. ਕਪਾਲਸਦ੍ਦੋ ਵਿਕਪ੍ਪੇਨ ਪੁਲ੍ਲਿਙ੍ਗੋ. ਕਡਿ ਛੇਦੇ, ਅਰੋ. ਮਹਤੀ ਸਿਰਾ ਮਹਾਸਿਰਾ, ਸਿਰਾਤਿ ਚ. ਸਿ ਬਨ੍ਧਨੇ, ਰੋ.

ਤਿਕਂ ਸੁਸਿਰਵਤ੍ਯਂ ਵਾਯੁਵਹਨ੍ਤਸਿਰਾਯਂ. ਤਿਵਿਧਾ ਹਿ ਕਾਯਸਿਰਾ ਏਕਾ ਵਾਯੁਵਹਾ, ਅਪਰਾ ਸੁਤ੍ਤਮਿਵਾਟ੍ਠਿਬਨ੍ਧਿਨੀ, ਅਞ੍ਞਾ ਆਹਾਰਵਾਹਿਨੀ ਅਨ੍ਤਖ੍ਯਾ. ਤਤ੍ਰ ਤਤਿਯੇਨ ਪਠਮਾ, ਪਠਮਦੁਤਿਯੇਹਿ ਦੁਤਿਯਾ ਚ ਦੀਪਿਤਾ, ਤਤਿਯਾ ਪਨ ਪਰਤੋ ਵਕ੍ਖਤਿ. ਨਹ ਬਨ੍ਧਨੇ, ਅਰੁ. ਸਿ ਬਨ੍ਧਨੇ, ਰੋ. ਧਮ ਸਦ੍ਦੇ, ਯੁ. ਨਦਾਦਿ, ਅਨਿ ਵਾ, ਧਮਨੀ.

ਤਤਿਯਂ ਦਸ੍ਸੇਤੁਮਾਹ ‘‘ਰਸਗ੍ਗਸਾ’’ਤ੍ਯਾਦਿ. ਰਸਂ ਗਸਤੀਤਿ ਰਸਗ੍ਗਸਾ, ਗਸ ਅਦਨੇ. ਰਸਂ ਹਰਤਿ ਨੇਤੀਤਿ ਰਸਹਰਣੀ, ਯੁ, ਨਦਾਦਿ.

ਤਿਕਂ ਮਂਸੇ. ਮਨ ਞਾਣੇ, ਸੋ. ਮਿਸ ਸਦ੍ਦੇ, ਆਪੁਬ੍ਬੋ ਆਮਸਨੇ ਵਾ. ਪਿਸ ਅਵਯਵੇ, ਤੋ. ਪਲਲਂ, ਕਬ੍ਬਂਪ੍ਯਤ੍ਰ.

ਦ੍ਵਯਂ ਆਤਪਾਦਿਨਾ ਸੁਕ੍ਖਮਂਸੇ. ਤਿਲਿਙ੍ਗਕਨ੍ਤੂਤਿ ਤ੍ਵਨ੍ਤਂ ਲਿਙ੍ਗਪਦਂ. ਵਲ, ਵਲ੍ਲ ਸਂਵਰਣੇ, ਊਰੋ, ਇਤ੍ਥਿਯਂ ‘‘ਇਤ੍ਥਿਯਮਤੋ ਆਪਚ੍ਚਯੋ’’ਤਿ ਆ, ਵਲ੍ਲੂਰਾ. ਉਦ੍ਧਂ ਤਤ੍ਤਂ ਉਤ੍ਤਤ੍ਤਂ. ਤਪ ਸਨ੍ਤਾਪੇ, ਤੋ.

੨੮੧. ਚਤੁਕ੍ਕਂ ਲੋਹਿਤੇ. ਰੁਹ ਜਨਨੇ, ਤੋ, ਇਤੋ ਵਾ. ਰੁਨ੍ਝਤੇ ਚਮ੍ਮੇਨਾਤਿ ਰੁਧਿਰਂ, ਇਰੋ. ਸੋਣ ਵਣ੍ਣੇ, ਤੋ. ਰਞ੍ਜ ਰਾਗੇ, ਤੋ. ਅਸਂ, ਖਤਜਂਪ੍ਯਤ੍ਰ [ਖਤਾ ਜਾਯਤੇ (ਚਿਨ੍ਤਾਮਣਿਟੀਕਾ ੧੬.੬੪)].

ਤਿਕਂ ¶ ਖੇਲ਼ੇ. ਲਾ ਆਦਾਨੇ, ਅਲੋ, ਇਤ੍ਥਿਯਮਾ, ਲਲ ਇਚ੍ਛਾਯਂ ਵਾ, ਇਤ੍ਥਿਯਮਾ. ਖੇਲ ਗਤਿਯਂ, ਅ. ਖਲ ਚਲਨੇ, ਸਞ੍ਚਯੇ ਵਾ, ਣੋ, ਲ਼ਤ੍ਤਂ, ਖਂ ਵਾ ਆਕਾਸਂ ਇਲਤੀਤਿ ਖੇਲ਼ੋ. ਇਲ ਗਤਿਯਂ, ਕਮ੍ਮਨਿ ਣੋ, ਇਲ ਗਤਿਮ੍ਹਿ ਵਾ, ਅ, ਇਸ੍ਸੇ.

ਦ੍ਵਯਂ ਪਿਤ੍ਤੇ. ਮਾ ਪਰਿਮਾਣੇ, ਧੁ. ਮਦ ਉਮ੍ਮਾਦੇ ਵਾ, ਣੁ, ਦਸ੍ਸ ਧੋ. ਮਾਯੂਤਿ ਪਾਠੇ ਮਯ ਗਤਿਯਂ, ਣੁ. ਮਾਧੁਮਾਯੁਸਦ੍ਦਾ ਦ੍ਵੇ ਪੁਰਿਸੇ ਪੁਲ੍ਲਿਙ੍ਗੇ. ਅਪਿਦਧਾਤੀਤਿ ਪਿਤ੍ਤਂ. ਅਪਿਪੁਬ੍ਬੋ ਧਾ ਪਿਧਾਨੇ, ਤੋ, ਅਲੋਪੋ, ਭੁਜਾਦਿ, ਪਿਤ੍ਤਂ, ਨਪੁਂਸਕੇ.

ਦ੍ਵਯਂ ਸੇਮ੍ਹੇ. ਸਿਲਿਸ ਸਿਲੇਸਨੇ, ਚੁਰਾਦਿ, ਸਿਲਿਸ੍ਯਤੇ ਅਤ੍ਰੇਤਿ ਸੇਮ੍ਹੋ, ਮਨ, ਲਿਸਸ੍ਸ ਹੋ, ਵਣ੍ਣਵਿਪਰਿਯਯੋ. ਇਤਰਤ੍ਰ ਉਮੋ, ਸਿਲੇਸੁਮੋ. ਕਫੋਪ੍ਯਤ੍ਰ, ਕੇਨ ਤੋਯੇਨ ਫਾਤਿ ਵੁਦ੍ਧਿ ਯਸ੍ਸ ਕਫੋ, ਨੇਰੁਤ੍ਤੋ.

੨੮੨-੨੮੩. ਵਿਲੀਨੋ ਵਿਭੂਤੋ ਸ੍ਨੇਹੋ ਵਸਾਤ੍ਯੁਚ੍ਚਤੇ, ਵਸ ਨਿਵਾਸੇ, ਆ. ਦ੍ਵਯਂ ਅਵਿਲੀਨਸ੍ਨੇਹੇ. ਮਿਦ ਸ੍ਨੇਹਨੇ, ਣੋ. ਵਪ ਬੀਜਸਨ੍ਤਾਨੇ, ਅ, ਵਪਾ. ‘‘ਵਪਾ ਵਿਵਰਮੇਦੇਸੂ’’ਤਿ ਨਾਨਤ੍ਥਸਙ੍ਗਹੇ, ਅਮਰਕੋਸੇ ਪਨ ਮੇਦਾਦੀਨਮੇਕਤ੍ਥਤਾ ਦੀਪਿਤਾ, ਵੁਤ੍ਤਞ੍ਹਿ ਤਤ੍ਥ ‘‘ਮੇਦੋ ਤੁ ਵਪਾ ਵਸਾ’’ਤਿ [ਅਮਰ ੧੬.੬੪].

ਤਿਕਂ ਚਨ੍ਦਨਸੁਵਣ੍ਣਾਦ੍ਯਲਙ੍ਕਾਰਕਤਸਰੀਰਸੋਭਾਯਂ. ਕਪੁ ਸਾਮਤ੍ਥਿਯੇ, ਆਕਪ੍ਪਨਂ ਆਕਪ੍ਪੋ, ਣੋ. ‘‘ਨੇਪਚ੍ਛੇ ਗੇਹਮਤ੍ਤੇ ¶ ਚ, ਵੇਸੋ ਵੇਸ੍ਯਾਗਹੇਪਿ [ਵੇਸ੍ਸਗਹੇਪਿ (ਕ.)] ਚੇ’’ਤਿ [ਚਿਨ੍ਤਾਮਣਿਟੀਕਾ ੧੬.੯੯] ਰਭਸੋ. ਵਸ ਕਨ੍ਤਿਯਂ, ਵਿਸਿ ਬ੍ਯਾਪਨੇ ਵਾ, ਣੋ. ਨਿਸ੍ਸੇਸਤੋ ਪਥਨਂ ਪਖ੍ਯਾਨਂ ਨੇਪਚ੍ਛਂ, ਪਥ ਪਖ੍ਯਾਨੇ ਘ੍ਯਣ. ਪਟਿਕਮ੍ਮਂ, ਪਸਾਧਨਂਪ੍ਯਤ੍ਰ.

ਛਕ੍ਕਂ ਹਾਰਾਦ੍ਯਾਭਰਣੇ. ਮਡਿ ਭੂਸਾਯਂ, ਕਰਣੇ ਯੁ. ਸਾਧ ਸਂਸਿਦ੍ਧਿਯਂ, ਯੁ, ਸਾਠ ਸਙ੍ਖਾਰਗਤੀਸੁ ਵਾ, ਪਸਾਠਨਂ, ਮੁਦ੍ਧਜਦੁਤਿਯੋਤ੍ਰ. ਭੂਸ ਅਲਙ੍ਕਾਰੇ, ਕਰਣੇਯੇਵ ਯੁ. ਆਭਰਿਯ੍ਯਤੇ ਤਨ੍ਤਿ ਆਭਰਣਂ, ਭਰ ਭਰਣੇ, ਕਮ੍ਮਨਿ ਯੁ. ਅਲਂ ਵਿਭੂਸਨਂ ਕਰਿਯ੍ਯਤੇਨੇਨੇਤਿ ਅਲਙ੍ਕਾਰੋ, ਣੋ. ਪਿਲ਼ਨ੍ਧ ਭੂਸਨੇ, ਕਰਣੇ ਯੁ. ਪਰਿਕ੍ਖਾਰੋਪ੍ਯਤ੍ਰ [ਪਰਿਕਰੋਪ੍ਯਤ੍ਰ (ਕ.)].

ਦ੍ਵਯਂ ਮਕੁਟੇ. ਕਿਰ ਵਿਕਿਰਣੇ, ਈਟੋ. ਮਕਿ ਮਣ੍ਡਨੇ, ਉਟੋ. ਮੁਕੁਟੋਤਿਪਿ ਪਾਠੋ, ਏਤੇ ਦ੍ਵੇ ਅਨਿਤ੍ਥੀ.

ਦ੍ਵਯਂ ਮਕੁਟਗ੍ਗਟ੍ਠੇ ਨਾਯਕਮਣਿਮ੍ਹਿ. ਮਕੁਟਚੂਲ਼ਾਯਂ ਚੁਮ੍ਬਿਤਾ ਮਣਿ ਚੂਲ਼ਾਮਣਿ. ਮਕੁਟਸਿਰਸਿ ਚੁਮ੍ਬਿਤਾ ਮਣਿ ਸਿਰੋਮਣਿ.

੨੮੪. ਦ੍ਵਯਂ ਉਣ੍ਹੀਸਪਟ੍ਟੇ. ਸਿਰਸੋ ਵੇਠਨਂ ਸਿਰੋਵੇਠਨਂ. ਉਪੁਬ੍ਬੋ ਨਹ ਬਨ੍ਧਨੇ, ਈਸੋ, ਵਣ੍ਣਵਿਕਾਰੋ. ਯਂ ਬਹੁਕਾਲਂ ਦੇਬ੍ਯਾਮਨੁਸ੍ਸੇਸ੍ਵਪਿ ਭਵਤਿ, ਤਤ੍ਰ ਕਣ੍ਣਾਭਰਣੇ ਕੁਣ੍ਡਲਾਦਿਦ੍ਵਯਂ. ਕੁਡਿ ਦਾਹੇ, ਅਲੋ. ਵੇਠ ਵੇਠਨੇ, ਕਣ੍ਣਸ੍ਸ ਵੇਠਨਂ ਕਣ੍ਣਵੇਠਨਂ, ਮੁਦ੍ਧਜਦੁਤਿਯੋਯਂ.

ਤਿਕਂ ਤਾਲ਼ਕਾਖ੍ਯੇ ਕਣ੍ਣਾਭਰਣੇ. ਕਣ੍ਣਾਨਂ ਭੂਸਨਂ ਕਣ੍ਣਿਕਾ, ਕਣ੍ਣਾ ਭੂਸਨੇ ਬਹੁਲਲਕ੍ਖਣੇ ਣਿਕੋ. ਕਣ੍ਣਚ੍ਛਦਨਂ ¶ ਪੂਰਤਿ ਯੇਨ ਸੋ ਕਣ੍ਣਪੂਰੋ. ਕਣ੍ਣਸ੍ਸ ਵਿਭੂਸਨਂ ਕਣ੍ਣਵਿਭੂਸਨਂ, ਕਰਣੇ ਯੁ. ਤਾਲਪਤ੍ਤਂਪ੍ਯਤ੍ਰ.

੨੮੫. ਦ੍ਵਯਂ ਗੀਵਾਭਰਣੇ. ਕਣ੍ਠਸ੍ਸ ਭੂਸਾ ਕਣ੍ਠਭੂਸਾ, ਥੀ. ਗੀਵਾਯਂ ਭਵਂ ਗੀਵੇਯ੍ਯਂ, ਭਵਤ੍ਥੇ ਏਯ੍ਯੋ, ਗੀਵਾਯ ਆਭਰਣਂ ਵਾ ਗੀਵੇਯ੍ਯਂ, ਗੀਵਤੋ ਆਭਰਣੇ ਏਯ੍ਯੋ.

ਦ੍ਵਯਂ ਮੁਤ੍ਤਾਵਲਿਯਂ. ਹਰੀਯਤੇ ਮਨੋ ਯੇਨ ਹਾਰੋ. ਮੁਤ੍ਤਾਨਂ ਆਵਲਿ ਪਨ੍ਤਿ ਮੁਤ੍ਤਾਵਲਿ. ਹਾਰਾਸਦ੍ਦੋਪ੍ਯਤ੍ਰ.

ਚਤੁਕ੍ਕਂ ਪਕੋਟ੍ਠਾਭਰਣੇ. ਪਕੋਟ੍ਠੋ ਨਾਮ ਕਪ੍ਪਰਸ੍ਸਾਧੋਭਾਗੋ. ਨੀ ਨਯੇ, ਉਰੋ, ਇਯਾਦੇਸੋ. ਵਲ ਸਂਵਰਣੇ, ਅਯੋ, ਅਨਿਤ੍ਥੀ, ਨਿਯੁਰੋਪਿ. ਕਟ ਵਸਾਵਰਣਗਤੀਸੁ, ਣ੍ਵੁ. ਪਰਿ ਸਮਨ੍ਤਤੋ ਹਰਤਿ ਚਿਤ੍ਤਂ ਯਨ੍ਤਿ ਪਰਿਹਾਰਕਂ, ਣ੍ਵੁ. ਅਵਾਪਕੋਪ੍ਯਤ੍ਰ.

੨੮੬-੨੮੭. ਦ੍ਵਯਂ ਮੁਤ੍ਤਾਦਿਘਟਿਤਵਲਯਵਿਕਤ੍ਯਾਭਰਣੇ. ਕਾ ਸਦ੍ਦੇ, ਕਣਪਚ੍ਚਯੋ, ਕਣ ਸਦ੍ਦੇ ਵਾ, ਦ੍ਵਿਤ੍ਤਂ, ਕਙ੍ਕਣਂ, ਕਕਿ ਗਤ੍ਯਤ੍ਥੇ ¶ ਵਾ, ਯੁ, ਕਕਿ ਲੋਲ੍ਯੇ ਵਾ, ਕਙ੍ਕਤਿ ਯੇਨਾਤਿ ਕਙ੍ਕਣਂ, ਕਰਣੇ ਯੁ. ਕਰਸ੍ਸ ਭੂਸਾ ਕਰਭੂਸਾ, ਥੀ.

ਦ੍ਵਯਂ ਖੁਦ੍ਦਘਣ੍ਟਿਕਾਯਂ. ਕਿਂ ਕੁਚ੍ਛਿਤਂ ਕਣਤੀਤਿ ਕਿਙ੍ਕਣੀ, ਨਦਾਦਿ. ਕਿਙ੍ਕਿਣੀਤਿਪਿ ਪਾਠਨ੍ਤਰਂ, ਤਦਾ ਯਦਾਦਿ. ਖੁਦ੍ਦਾ ਏਵ ਘਣ੍ਟਾ ਖੁਦ੍ਦਘਣ੍ਟਿਕਾ, ਸਕਤ੍ਥੇ ਕੋ, ਘਟ ਚਲਨੇ.

ਦ੍ਵਯਂ ਅਙ੍ਗੁਲ੍ਯਾਭਰਣੇ. ਅਙ੍ਗੁਲਿਯਂ ਭਵਂ ਅਙ੍ਗੁਲੀਯਕਂ, ਈਯੋ, ਸਕਤ੍ਥੇ ਕੋ, ਅਙ੍ਗੁਲੀਨਮਾਭਰਣਂ ਅਙ੍ਗੁਲ੍ਯਾਭਰਣਂ. ਉਮ੍ਮਿਕਾਪ੍ਯਤ੍ਰ. ਤਮੇਵਾਙ੍ਗੁਲੀਯਕਂ ਸਾਕ੍ਖਰਮਕ੍ਖਰਵਨ੍ਤਂ ‘‘ਮੁਦ੍ਦਿਕਾ, ਅਙ੍ਗੁਲਿਮੁਦ੍ਦਾ’’ਤਿ ਚੋਚ੍ਚਤੇ. ਮੁਦ ਤੋਸੇ, ਣ੍ਵੁ, ਆ, ਮੁਦ੍ਦਿਕਾ, ਫਲਵਿਸੇਸੇਪ੍ਯਯਂ. ਅਙ੍ਗੁਲਿਯਂ ਭਵਾ ਮੁਦ੍ਦਾ ਅਙ੍ਗੁਲਿਮੁਦ੍ਦਾ.

ਦ੍ਵਯਂ ਇਤ੍ਥਿਕਟ੍ਯਾਭਰਣੇ. ਰਸ ਸਦ੍ਦੇ, ਕਤ੍ਤਰਿ ਯੁ, ਆ, ਰਸਨਾ. ਸਾਯੇਵ ਇਨੀਮ੍ਹਿ ਰਸਨੀ. ‘‘ਸਾਰੇ ਧਨਿਮ੍ਹਿ ਰਸਨਂ, ਜਿਵ੍ਹਾਯਂ ਰਸਨਾ ਨ ਸੋ’’ਤਿ ਰੁਦ੍ਦੋ. ਮੇਹਨਸ੍ਸ ਖਸ੍ਸ ਮਾਲਾ ਮੇਖਲਾਤਿ ਨਿਰੁਤ੍ਤਿ, ਮੇਹਨਿਨ੍ਦ੍ਰਿਯਸ੍ਸ ਮਾਲਾਤ੍ਯਤ੍ਥੋ. ਕਾਞ੍ਚੀ ਸਤ੍ਤਕੀ, ਸਾਰਸਨਂਪ੍ਯਤ੍ਰ.

ਏਕਯਟ੍ਠਿ ਭਵੇ ਕਾਞ੍ਚੀ, ਮੇਖਲਾ ਤ੍ਵ’ਟ੍ਠਯਟ੍ਠਿਕਾ;

ਰਸਨਾ ਸੋਲ਼ਸਾ ਞੇਯ੍ਯਾ, ਕਲਾਪਾ ਪਞ੍ਚਵੀਸਤਿ [ਕਲਾਪੋ ਪਞ੍ਚਵੀਸਕੋ (ਚਿਨ੍ਤਾਮਣਿਟੀਕਾ ੧੬.੧੦੮)].

ਤਿਕਂ ਸੋਵਣ੍ਣੇ ਪਗਣ੍ਡਭੂਸਨੇ. ਪਗਣ੍ਡੋ ਨਾਮ ਕਪ੍ਪਰਸ੍ਸੋਪਰਿਭਾਗੋ. ਕੇ ਸਦ੍ਦੇ, ਉਰੋ, ਯਾਗਮੋ. ਅਙ੍ਗ ਗਮਨੇ. ਦੋ. ਬਾਹੁਮੂਲਸ੍ਸ, ਬਾਹੁਮੂਲੇ ਵਾ ਭਵਂ ਵਿਭੂਸਨਂ ਬਾਹੁਮੂਲਵਿਭੂਸਨਂ.

੨੮੮. ਚਤੁਕ੍ਕਂ ਇਤ੍ਥਿਚਰਣਵਿਭੂਸਨੇ. ਅਙ੍ਗਦਾਕਾਰਂ ਪਾਦਭੂਸਨਂ ਪਾਦਙ੍ਗਦਂ. ਮਜਿ ਸਦ੍ਦਤ੍ਥੋ, ਈਰੋ, ਪਾਦੇ ਕਟਕਂ ਪਾਦਕਟਕਂ. ਊਨਂ ਪਾਦਂ ਪੂਰੇਤੀਤਿ ਨੂਪੁਰੋ, ਵਣ੍ਣਵਿਪਰਿਯਯੋ. ਪਾਦਕਟਕੋ ਚ ਨੂਪੁਰੋ ਚੇਤਿ ਕਟਕਸਦ੍ਦਸ੍ਸ ਪੁਲ੍ਲਿਙ੍ਗੇਪਿ ਪਵਤ੍ਤਨਤੋ ¶ ਦ੍ਵਨ੍ਦਸਮਾਸੋ. ਤੁਲਾਕੋਟਿ, ਹਂਸਕੋਪ੍ਯਤ੍ਰ. ਤੁਲ ਗਤਿਕੋਟਿਲ੍ਯੇ. ਕੁਟਿਲਕੋਟਿਤ੍ਤਾ ਤੁਲਾਕੋਟਿ, ਪੁਮੇ. ਹਂਸਗਤਿਤ੍ਤਾ ਹਂਸਕੋ.

੨੮੯. ਮੁਖਫੁਲ੍ਲਾਦਯੋ ਅਲਙ੍ਕਾਰਪ੍ਪਭੇਦਾ ਸਿਯੁਂ. ਮੁਖਫੁਲ੍ਲਂ ਨਾਮ ਸੁਵਣ੍ਣਮਯੋ ਮੁਖਾਲਙ੍ਕਾਰੋ, ਮੁਖੇ ਫੁਲ੍ਲਤੀਤਿ ਮੁਖਫੁਲ੍ਲਂ, ਫੁਲ੍ਲ ਵਿਕਸਨੇ, ਦਨ੍ਤਾਦੀਸੁ ਸੁਵਣ੍ਣਮਯਾਲਙ੍ਕਾਰੋਪਿ ਮੁਖਫੁਲ੍ਲਮੇਵ. ਉਣ੍ਣਤਂ ਸੁਵਣ੍ਣਾਦਿਰਚਿਤਂ ਨਲਾਟਾਭਰਣਂ, ਉਪੁਬ੍ਬੋ ਨਮੁ ਨਮਨੇ. ਏਤ੍ਥ ਚ ਮੁਖਫੁਲ੍ਲੁਣ੍ਣਤਾਨਂ ਵਿਸੇਸਂ ਵਿਪਰਿਯਯੇਨਾਪੀਤਿ ਵਦਨ੍ਤਿ. ਗਾਵੀਨਂ ਥਨਾਕਾਰਤ੍ਤਾ ਗਤ੍ਥਨਂ, ਓਸ੍ਸਤ੍ਤਂ, ਤਮੇਵ ਉਤ੍ਤਮਤ੍ਤਾ ਉਗ੍ਗਤ੍ਥਨਂ, ਚਤੁਯਟ੍ਠਿਕੋ ਹਾਰਭੇਦੋ. ਗਮੁ ਗਮਨੇ, ਣ੍ਵੁ, ਦ੍ਵਿਤ੍ਤਂ, ਅਸ੍ਸਿਤ੍ਤਞ੍ਚ, ਗਿਙ੍ਗਮਕਂ, ਬਾਤ੍ਤਿਂਸਯਟ੍ਠਿਕੋ ਹਾਰਭੇਦੋਵ. ਆਦਿਨਾ ਅਦ੍ਧਹਾਰੋ, ਮਾਣਵਕੋ, ਏਕਾਵਲੀ, ਨਕ੍ਖਤ੍ਤਮਾਲਾਦਯੋ ਹਾਰਭੇਦਾ ਚ ਸਙ੍ਗਯ੍ਹਨ੍ਤਿ [ਅਮਰ ੧੬.੧੦੬].

੨੯੦. ਪਜ੍ਜਂ ਵਤ੍ਥਮਤ੍ਤੇ. ਚਿਲ ਵਸ੍ਸਨੇ, ਚਿਲ੍ਯਤੇ ਅਚ੍ਛਾਦੀਯਤੇਤਿ, ਣੋ, ਥਿਯਂ ਚੇਲੀ. ਛਦ ਸਂਵਰਣੇ, ਆਪੁਬ੍ਬੋ ਕਰਣੇ, ਯੁ. ਵਸ ਅਚ੍ਛਾਦਨੇ, ਵਸ੍ਯਤੇ ਅਚ੍ਛਾਦੀਯਤੇਤਿ ਵਤ੍ਥਂ, ਥੋ. ਣਮ੍ਹਿ ਵਾਸੋ. ਯੁਮ੍ਹਿ ਵਸਨਂ. ਅਮ ਗਮਨੇ, ਕਰਣੇ ਯੁ, ਅਂਸੁਕਂ, ਰਂਸਿਪਰਿਯਾਯੋਪ੍ਯਯਂ. ਅਮ੍ਬ ਸਦ੍ਦੇ, ਕਤ੍ਤਰਿ ਅਰੋ. ਪਟ ਗਮਨੇ, ਕਰਣੇ ਅ, ਸੋਭਨਚੇਲੇਪ੍ਯਯਂ. ਦੁ ਗਮਨੇ, ਕਰਣੇ ਸੋ, ਦ੍ਵਿਤ੍ਤਂ, ਦੁਰੂਪਂ ਅਸਤਿ ਖੇਪਤੀਤਿ ਵਾ ਦੁਸ੍ਸਂ, ਦੁਰੂਪਂ ਅਸਤਿ ਦੀਪੇਤੀਤਿ ਵਾ ਦੁਸ੍ਸਂ, ਦੁਪੁਬ੍ਬੋ ਅਸ ਦਿਤ੍ਤਿਯਂ ¶ . ਚਲ ਵਸਨੇ, ਅਸ੍ਸੋਤ੍ਤਂ, ਲ਼ਤ੍ਤਞ੍ਚ. ਸਟ ਰੁਜਾਵਿਸਰਣਗਤ੍ਯਾਵਸਾਨੇਸੁ, ਣ੍ਵੁ.

੨੯੧. ਪਜ੍ਜਂ ਵਤ੍ਥਭੇਦੇ. ਤਤ੍ਰਾਦਿਦ੍ਵਯਂ ਦੁਕੂਲਖ੍ਯੇ ਵਤ੍ਥੇ. ਖੁ ਸਦ੍ਦੇ, ਮੋ, ਖੁਮਸਦ੍ਦਾ ਵਿਕਾਰੇ ਣੋ, ਖੁਮਾਯ ਵਿਕਾਰੋ ਖੋਮਂ, ਖੁਮਾ ਨਾਮ ਅਤਸੀ, ਤਬ੍ਬਕ੍ਕਲਸਮ੍ਭਵਂ ਵਤ੍ਥਂ, ਵਾਚ੍ਚਲਿਙ੍ਗੋਯਂ. ਕੂਲ ਆਵਰਣੇ, ਦੁਕ੍ਖੇਨ ਕੁਲ੍ਯਤੇਤਿ ਦੁਕੂਲਂ, ਦੁਮੇਹਿ ਜਾਤਂ ਕੂਲਨ੍ਤਿ ਵਾ ਦੁਕੂਲਂ. ਕੇਚਿ ਪਨ ‘‘ਦੁਕੂਲਮ੍ਪਿ ਏਕਂ ਵਤ੍ਥਨ੍ਤਰਂ, ਨ ਖੋਮਨਾਮ’’ਨ੍ਤਿ ਵਦਨ੍ਤਿ. ਤਂ ‘‘ਖੋਮ’ਮਟ੍ਟੇ ਦੁਕੂਲੇ ਚ, ਅਤਸੀਵਸਨੇਪਿ ਚ’’, ‘‘ਖੋਮ’ਮਟ੍ਟੇ ਦੁਕੂਲੇਚਾ’’ਤਿ ਨਾਨਤ੍ਥਸਙ੍ਗਹਤਿਕਣ੍ਡਸੇਸੇਸੁ [ਨਾਨਤ੍ਥਸਙ੍ਗਹ ੩.੩.੨੯੫] ਵੁਤ੍ਤਤ੍ਤਾ ਨ ਗਹੇਤਬ੍ਬਂ. ਕੋਸੋ ਨਾਮ ਕਿਮਿਗਬ੍ਭੋ, ਤਤੋ ਜਾਤਤ੍ਤਾ ਕੋਸੇਯ੍ਯਂ, ਏਯ੍ਯੋ, ‘‘ਕੋਸੇਯ੍ਯਂ ਕਿਮਿਕੋਸੋਤ੍ਥ’’ਨ੍ਤਿ [ਅਮਰ ੧੬.੧੧੧] ਹਿ ਵੁਤ੍ਤਂ. ਕੋਸੇਯ੍ਯਮੇਵ ਧੋਤਂ ਪਟ੍ਟੁਣ੍ਣਂ ਨਾਮ, ਵੁਤ੍ਤਞ੍ਚ ‘‘ਪਟ੍ਟੁਣ੍ਣਂ ਧੋਤਕੋਸੇਯ੍ਯ’’ਨ੍ਤਿ [ਅਮਰ ੧੬.੧੧੩]. ਪਤ੍ਤੁਣ੍ਣਨ੍ਤਿਪਿ ਪਾਠਨ੍ਤਰਂ. ਪਟ੍ਟੁਣ੍ਣਰਟ੍ਠੇ ਜਾਤਤ੍ਤਾ ਪਟ੍ਟੁਣ੍ਣਨ੍ਤਿਪਿ ਵਦਨ੍ਤਿ. ਕਮੁ ਕਨ੍ਤਿਯਂ, ਕਮਨੀਯਤ੍ਤਾ ਕਮ੍ਬਲੋ, ਰਙ੍ਕੁਨਾਮਕਸ੍ਸ ਹਰਿਣਵਿਸੇਸਸ੍ਸ ਲੋਮੇਨਸਞ੍ਜਾਤਵਤ੍ਥਂ [ਰਾਙ੍ਕਵਂ ਵਿਗਰੋਮਜਂ (ਅਮਰ ੧੬.੧੧੧)], ਅਲੋ, ਵਾਗਮੋ ਚ ਮਜ੍ਝੇ. ਵਾਸਦ੍ਦੋ ਕਮ੍ਬਲਸਦ੍ਦਸ੍ਸ ਨਪੁਂਸਕਤ੍ਤਂ ਸਮੁਚ੍ਚਿਨੋਤਿ. ਰਲ੍ਲਕੋਪਿ [ਅਮਰ ੧੬.੧੧੬] ਕਮ੍ਬਲਪਰਿਯਾਯੋ. ਸਣ ਸਦ੍ਦੇ, ਕਤ੍ਤਰਿ ਅ, ਸਣੋ ਨਾਮ ਥਿਰਤ੍ਤਚੋ ਏਕੋ ਰੁਕ੍ਖਯੋਨਿ, ਯਸ੍ਸ ਤਚੇਨ ਕੇਵਟ੍ਟਾਦਯੋ ਜਾਲਾਦੀਨਿ ਕਰੋਨ੍ਤਿ, ਸਣਸ੍ਸ ਵਿਕਾਰੋ ਸਾਣਂ, ਵਤ੍ਥਂ. ਮਿਗਲੋਮਾਨਿ ਕੋਟ੍ਟੇਤ੍ਵਾ ਸੁਖੁਮਾਨਿ ਕਤ੍ਵਾ ਕਤਮਮ੍ਬਰਂ ਕੋਟੁਮ੍ਬਰਂ, ਕੁਟ ਛੇਦਨੇ, ਉਸ੍ਸੋ, ਅਸ੍ਸੁ, ਕੋਟੁਮ੍ਬਰਟ੍ਠੇਜਾਤਤ੍ਤਾ ਵਾ ਕੋਟੁਮ੍ਬਰਂ. ਭਙ੍ਗਂ ਨਾਮ ਖੋਮਾਦੀਨਿ ਸਬ੍ਬਾਨਿ ¶ ਏਕਜ੍ਝਾਨਿ ਵੋਮਿਸ੍ਸੇਤ੍ਵਾ ਕਤਵਤ੍ਥਂ, ਭਨ੍ਜ ਅਵਮਦ੍ਦਨੇ, ਅਥ ਵਾ ਭਙ੍ਗਂ ਨਾਮ ਸਾਣਫਲਂ, ਤਬ੍ਬਿਕਾਰਤ੍ਤਾ ਵਤ੍ਥਂ ਭਙ੍ਗਂ, ਵੁਤ੍ਤਞ੍ਚ ਨਾਨਤ੍ਥਸਙ੍ਗਹੇ ‘‘ਭਙ੍ਗਾ ਸਾਣਾਖ੍ਯਸਸ੍ਸੇਪੀ’’ਤਿ. ਸਸ੍ਸਸਦ੍ਦੇਨ ਚੇਤ੍ਥ ਫਲਂ ਵੁਤ੍ਤਂ, ‘‘ਰੁਕ੍ਖਾਦੀਨਂ ਫਲਂ ਸਸ੍ਸ’’ਨ੍ਤਿ [ਅਮਰ ੧੪.੧੫] ਵਚਨਤੋ. ਭਙ੍ਗਮ੍ਪਿ ਵਾਕਮਯਮੇਵਾਤਿ ਕੇਚਿ. ਵਤ੍ਥਨ੍ਤਰਂ ਵਤ੍ਥਵਿਸੇਸੋ. ਆਦਿਨਾ ਕਪ੍ਪਾਸਾਦਯੋਪਿ ਗਹਿਤਾ.

੨੯੨-੨੯੩. ਚਤੁਕ੍ਕਂ ਪਰਿਧਾਨਭੂਤੇ ਅਧੋਵਤ੍ਥੇ. ਅਧੋਭਾਗੇ ਵਸੀਯਤੇਤਿ ਨਿਵਾਸਨਂ, ਨਿਸਦ੍ਦੋ ਅਧੋਭਾਗਸ੍ਸ ਜੋਤਕੋ. ਵਸ ਅਚ੍ਛਾਦਨੇ, ਕਮ੍ਮਨਿ ਯੁ. ਬਾਹੁਲ੍ਯੇਨ ਅਨ੍ਤਰੇ ਮਜ੍ਝੇ ਭਵਂ ਅਨ੍ਤਰੀਯਂ, ਈਯੋ. ਸਮਾਨਲਿਙ੍ਗਤ੍ਤਾ ਦ੍ਵਨ੍ਦੋ. ਅਨ੍ਤਰੇ ਭਵਂ ਅਨ੍ਤਰਂ, ਣੋ. ਅਨ੍ਤਰੇ ਮਜ੍ਝੇ ਭਵੋ ਵਾਸੋ ਅਨ੍ਤਰਵਾਸਕੋ, ਸਕਤ੍ਥੇ ਕੋ. ਉਪਸਂਬ੍ਯਾਨਂਪ੍ਯਤ੍ਰ [ਅਮਰ ੧੬.੧੧੭].

ਪਞ੍ਚਕਂ ਉਪਰਿਧਾਨੇ. ਵਰ ਅਚ੍ਛਾਦਨੇ, ਪਪੁਬ੍ਬੋ, ਕਮ੍ਮਨਿ ਣੋ, ਉਭਯਤ੍ਰਾਪਿ ਵੁਦ੍ਧਿ, ਪਾਵਾਰੋ. ਉਤ੍ਤਰਸ੍ਮਿਂ ਦੇਹਭਾਗੇ ਆਸਜ੍ਜਤੇਤਿ ਉਤ੍ਤਰਾਸਙ੍ਗੋ, ਆ ਪੁਬ੍ਬੋ ਸਞ੍ਜ ਸਙ੍ਗੇ. ਉਪਰਿ ਸਂਵੀਯਤੇ ਪਿਧੀਯਤੇ ਬਾਹੁਲ੍ਯੇਨਾਤਿ, ਯੁ. ਉਪਸਂਪੁਬ੍ਬੋ ਵੀ ਤਨ੍ਤਸਨ੍ਤਾਨੇ. ਉਤ੍ਤਰਸ੍ਮਿਂ ਦੇਹਭਾਗੇ ਭਵਂ ਵਿਜ੍ਜਮਾਨਂ ਉਤ੍ਤਰਂ, ਉਤ੍ਤਰੀਯਞ੍ਚ, ਣੋ, ਈਯੋ ਚ. ਸਂਬ੍ਯਾਨਂਪ੍ਯਤ੍ਰ.

ਨਵਂ ਵਤ੍ਥਂ ਅਹਤਨ੍ਤਿ ਮਤਂ ਕਥਿਤਂ, ਨ ਹਞ੍ਞਤਿ ਯਂ ਪਾਸਾਣਾਦੀਹੀਤਿ ਅਹਤਂ. ਤਨ੍ਤਤੋ ਅਚਿਰਮਾਹਰਿਤਂ ਵਤ੍ਥਂ. ਅਨਾਹਤਂ, ਨਿਪ੍ਪਵਾਣਿ, ਤਨ੍ਤਕਂਪ੍ਯਤ੍ਰ. ਵੁਤ੍ਤਞ੍ਚ ‘‘ਅਨਾਹਤਂ ਨਿਪ੍ਪਵਾਣਿ, ਤਨ੍ਤਕਞ੍ਚ ਨਵਮ੍ਬਰੇ’’ਤਿ [ਅਮਰ ੧੬.੧੧੨].

ਦ੍ਵਯਂ ¶ ਚਿਰਕਾਲਤ੍ਤਾ ਨਿਦ੍ਦਸੇ ਜਿਣ੍ਣਵਤ੍ਥੇ. ਨਤ੍ਥਿ ਅਨ੍ਤੋ ਦਸਾ ਯਸ੍ਸ ਨਨ੍ਤਕਂ, ਸਕਤ੍ਥੇ ਕੋ. ਕੁਚ੍ਛਿਤੋ ਪਟੋ ਕਪ੍ਪਟੋ, ਕਪ੍ਪ ਵਿਤਕ੍ਕੇ ਵਾ, ਅਟੋ. ਦ੍ਵਯਂ ਅਥਿਰਵਤ੍ਥੇ, ਜਿਣ੍ਣਵਸਨਂ ਅਥਿਰਂ ਵਤ੍ਥਂ. ‘‘ਪਟ’’ਇਤਿ ਚਰਤਿ ਫੋਟਤੀਤਿ ਪਟਚ੍ਚਰਂ, ਪਟਚ੍ਚਰਮੇਵ ਪਲ਼ਚ੍ਚਰਂ, ਲ਼ਤ੍ਤਂ.

੨੯੪. ਦ੍ਵਯਂ ਕੋਟਿਕਾਦਿਸਨ੍ਨਾਹੇ, ਚੋਲ਼ੇ ਚ. ਕਚ ਬਨ੍ਧਨੇ, ਉਕੋ, ਨਿਗ੍ਗਹੀਤਾਗਮੋ ਚ. ਵਾਣਂ ਸਰਂ ਵਾਰਯਤੀਤਿ ਵਾਰਵਾਣੋ, ਕਮ੍ਮਨਿ ਣੋ, ਅਭਿਧਾਨਤੋ ਵਾਰਸ੍ਸ ਪੁਬ੍ਬਨਿਪਾਤੋ, ਅਨਿਤ੍ਥਿਯਮੇਤੇ. ਵਤ੍ਥਸ੍ਸ ਅਵਯਵੇ ਦਸਾਸਦ੍ਦੋ ਇਤ੍ਥੀ. ‘‘ਦਸਾ ਵਤ੍ਯਮਵਤ੍ਥਾਯਂ, ਵਤ੍ਥਂਸੇ ਬਹੁਮ੍ਹਿ ਦ੍ਵਿਸੂ’’ਤਿ [ਚਿਨ੍ਤਾਮਣਿਟੀਕਾ ੧੬.੧੧੪] ਰਭਸੋ. ਦਾ ਛੇਦਨੇ, ਕਮ੍ਮਨਿ ਸੋ, ਰਸ੍ਸੋ.

ਉਤ੍ਤਮਙ੍ਗਮ੍ਹਿ ਸੀਸੇ ਯੋ ਕਞ੍ਚੁਕੋ ਸੁਵਣ੍ਣਾਦਿਮਯੋ, ਸੋ ‘‘ਨਾਲ਼ਿਪਤ੍ਤੋ’’ਤਿ ਕਥਿਤੋ. ਨਾਲ਼ਿਪਤ੍ਤੋ ਤਂਸਣ੍ਠਾਨੋ ਸੁਵਣ੍ਣਾਦਿਪਟੋ ਨਾਲ਼ਿਪਤ੍ਤੋ. ਸੀਸਕਂ, ਸਿਰਿਯਂ, ਸਿਰੋਹਨ੍ਤਿਪਿ ਤਸ੍ਸ ਨਾਮਾਨਿ.

੨੯੫. ਤਿਕਂ ਦੀਘਤ੍ਤੇ. ਆਪੁਬ੍ਬੋ ਯਮੁ ਉਪਰਮੇ, ਣੋ. ਆ ਭੁਸੋ ਯਾਤਿ ਗਚ੍ਛਤੀਤਿ ਵਾ ਆਯਾਮੋ, ਯਾ ਗਤਿਪਾਪੁਣੇਸੁ, ਮੋ. ਦੀਘਸ੍ਸ ਭਾਵੋ ਦੀਘਤਾ. ਰੁਹ ਜਨਨੇ, ਣੋ.

ਦ੍ਵਯਂ ¶ ਵਿਤ੍ਥਾਰੇ. ਵਤ੍ਥਵਿਸਯੇ ‘‘ਓਸਾਰੋ’’ਤਿ ਰੂਲ਼੍ਹੇ. ਸਮਨ੍ਤਤੋ ਨਯ੍ਹਤੀਤਿ ਪਰਿਣਾਹੋ, ਨਹ ਬਨ੍ਧਨੇ, ਣੋ. ਵਿਤ੍ਥਾਰੇਨ ਸਰਣਂ ਵਿਸਾਰੋ, ਸੋ ਏਵ ਵਿਸਾਲਤਾ.

੨੯੬. ਚਤੁਕ੍ਕਂ ਚੀਵਰੇ. ਅਰਹਤਂ ਧਜੋ ਅਰਹਦ੍ਧਜੋ, ਰੂਲ਼੍ਹਿਯਾ ਤਦਞ੍ਞਚੀਵਰੇਸੁ. ਕਸਾਯੇਨ, ਕਸਾਵੇਨ ਚ ਰਤ੍ਤਂ ਕਾਸਾਯਂ, ਕਾਸਾਵਞ੍ਚ, ਸਮਾਨਲਿਙ੍ਗਤ੍ਤਾ ਦ੍ਵਨ੍ਦੋ. ਚਿ ਚਯੇ, ਈਵਰੋ. ਵਤ੍ਥਖਨ੍ਧੇਹਿ ਚੀਯਤੇਤਿ ਚੀਵਰਂ.

ਮਣ੍ਡਲਾਦਯੋ ਤਦਙ੍ਗਾਨਿ ਸਮੂਹਭੂਤਸ੍ਸ ਚੀਵਰਸ੍ਸ ਅਵਯਵਾਨਿ. ਮਡਿ ਭੂਸਾਯਂ, ਅਲੋ, ਮਣ੍ਡਲਂ. ਚੀਵਰਪਰਿਯਨ੍ਤੋਯਂ ਮਹਾਪਥਵਿਯਾ ਚਕ੍ਕਵਾਲ਼ਪਬ੍ਬਤੋ ਵਿਯ ਚੀਵਰਸ੍ਸ ਸਮਨ੍ਤਤੋ ਤਿਟ੍ਠਤਿ. ਵਿਵਟ੍ਟੋ ਨਾਮ ਚੀਵਰਮਜ੍ਝਗਤਮਗ੍ਗੋ, ਸੋ ਹਿ ਵਿਸੁਂ ਵਿਸੁਂ ਵਟ੍ਟਤੀਤਿ ਵਿਵਟ੍ਟੋਤਿ ਵੁਚ੍ਚਤਿ, ਵਟ੍ਟ ਆਵਟ੍ਟਨੇ. ਕੁਸਿ ਨਾਮ ਮਗ੍ਗਾਨਂ ਮਜ੍ਝਗਤਵਤ੍ਥਖਣ੍ਡਂ, ਕੁਸ ਛੇਦਨੇ, ਕਮ੍ਮਨਿ ਇ, ਕੁਸਿ, ਪੁਮਿਤ੍ਥਿਯਂ.

੨੯੭. ਫਲਾਦੀਨਂ ਯਾਨਿ ਚਤ੍ਤਾਰਿ ਸਨ੍ਤਿ, ਏਤਾ ਵਤ੍ਥਸ੍ਸ ਯੋਨਿਯੋ ਕਾਰਣਾਨਿ ਤਤੋ ਤਦੁਪ੍ਪਤ੍ਤਿਤੋ. ਕਪ੍ਪਾਸਿਕਂ ਵਤ੍ਥਂ ਫਾਲਂ ਨਾਮ ਫਲਵਿਕਾਰਤ੍ਤਾ, ਵਿਕਾਰੇ ਣੋ, ਤੀਸੁ. ਯਥਾ – ਫਾਲੋ ਪਟੋ, ਫਾਲਾ ਚੇਲੀ, ਫਾਲਂ ਵਤ੍ਥਂ. ਖੋਮਾਦਯੋ ਪਨ ਪਟਾ ਤਚਬ੍ਭਵਾ ਤਚਤੋ ਸਞ੍ਜਾਤਾ.

੨੯੮. ਕੋਸੇਯ੍ਯਂ ¶ ਵਤ੍ਥਂ ਕਿਮਿਜਂ ਨਾਮ. ਮਿਗਲੋਮਮਯਨ੍ਤੁ ਕਮ੍ਬਲਂ. ਦ੍ਵਯਂ ਬ੍ਯਵਧਾਯਕਪਟੇ, ਕਣ੍ਡਪਟੇਪੀਤਿ ਕੇਚਿ. ਸਮਾਨਤ੍ਥਾ ਏਤੇ ਦ੍ਵੇ ਤੁਲ੍ਯਤ੍ਥਾਤ੍ਯਤ੍ਥੋ. ਜੁ ਗਤਿਯਂ, ਭੂਵਾਦਿ, ਜੁ ਬਨ੍ਧਨੇ ਵਾ, ਯੁ, ਅਨਕਾਦੇਸੋ, ਸਾ ਇਤ੍ਥੀ. ਤਿਰੋ ਕਰੀਯਤਿ ਪਿਧੀਯਤਿ ਯਾਯ, ਸਾ ਤਿਰੋਕਰਣੀ, ਯੁ. ਪਤਿਸੀਰਾਪ੍ਯਤ੍ਰ. ਪਤਿਪੁਬ੍ਬੋ ਸਿ ਬਨ੍ਧਨੇ, ਰੋ.

੨੯੯. ਦ੍ਵਯਂ ਉਪਰਿਬਨ੍ਧਪਟੇ, ਅਥਸਦ੍ਦੋਤ੍ਰ ਲਿਙ੍ਗਾਦਿਜੋਤਕੋ. ਉਦ੍ਧਂ ਲੋਚਤੇ ਬਨ੍ਧੀਯਤੇਤਿ ਉਲ੍ਲੋਚਂ, ਲੁਚ ਦਸ੍ਸਨੇ. ਚਨ੍ਦਾਤਪੇ ਵਿਤਨ੍ਯਤੇਤਿ ਵਿਤਾਨਂ, ਤਨੁ ਵਿਤ੍ਥਾਰੇ, ਣੋ, ਚੁਰਾਦਿ. ਦ੍ਵਯਮ੍ਪਿ ਪੁਨ੍ਨਪੁਂਸਕਨ੍ਤਿ ਈਰਿਤਂ ਕਥਿਤਂ.

ਦ੍ਵਯਂ ਸਿਨਾਨੇ. ਨਹ ਸੋਚੇ, ਕਰਣੇ ਯੁ, ਸਿਨਾ ਸੋਚੇ, ਕਰਣੇ ਯੁ, ‘‘ਸਿਨਾਨੇ’’ਤਿ ਸਤ੍ਤਮ੍ਯਨ੍ਤਂ ਪਦਂ. ਦ੍ਵਯਂ ਕੁਲ੍ਯਾਦਿਨਾ [ਕੁਟ੍ਯਾਦਿਨਾ (ਕ.), ਕੁਜ੍ਜਨਾਦਿਨਾ (ਨਿਸ੍ਸਯ), ਕੁਙ੍ਕੁਮਹਲਿਦ੍ਦਾਦਿਨਾ (ਚਿਨ੍ਤਾਮਣਿਟੀਕਾ ੧੬.੧੨੧)] ਅਙ੍ਗਨਿਮ੍ਮਲੀਕਰਣੇ. ਉਬ੍ਬਤ੍ਤੀਯਤੇ ਵਿਸਾਰੀਯਤੇ ਮਲਮਨੇਨੇਤਿ ਉਬ੍ਬਤ੍ਤਨਂ, ਵਤੁ ਵਤ੍ਤਨੇ, ਭੂਵਾਦਿ. ਮਜ੍ਜ ਸੁਦ੍ਧਿਯਂ, ਯੁ. ਸਮਨ੍ਤਿ ਦ੍ਵਯਮਿਦਂ ਸਮਾਨਤ੍ਥਂ.

੩੦੦. ਤਿਕਂ ਨਲਾਟਕਤੇ ਚਿਤ੍ਤਕੇ. ਤਿਲਕਾਕਤਿ ਤਿਲਕੋ. ਚਿਤ੍ਤਕਾਕਤਿ ਚਿਤ੍ਤਕਂ. ਚਕਾਰੇਨ ਤਮਾਲਪਤ੍ਤਾਕਤਿ ਤਮਾਲਪਤ੍ਤਂ ¶ . ਸਾਮਞ੍ਞੇਨ ਵਿਸੇਸਕਂ, ਉਭੋ ਵਿਸੇਸਕਤਿਲਕਾ ਅਨਿਤ੍ਥੀ, ਸੇਸਦ੍ਵਯਂ ਨਪੁਂਸਕਂ [ਅਮਰ ੧੬.੧੨੩].

ਤਿਕਂ ਚਨ੍ਦਨੇ, ਚਦਿ ਹਿਲਾਦਨੇ, ਹਿਲਾਦਨਂ ਸੁਖਾਪਨਂ, ਯੁ. ਗਨ੍ਧਾਨਂ ਸਾਰੋ ਉਤ੍ਤਮੋ ਗਨ੍ਧਸਾਰੋ, ਗਨ੍ਧਯੁਤ੍ਤੋ ਸਾਰੋ ਥਿਰਂਸੋ ਵਾ ਗਨ੍ਧਸਾਰੋ. ਮਲਯਦੀਪਗਿਰਿਮ੍ਹਿ ਜਾਯਤੀਤਿ ਮਲਯਜੋ. ਭਦ੍ਦਸਿਰੀਪ੍ਯਤ੍ਰ.

੩੦੧. ਤਿਕਂ ਪੀਤਚਨ੍ਦਨੇ. ‘‘ਗੋਸੀਸ’’ਇਤਿ ਪਬ੍ਬਤੇ ਮਲਯੇ ਦੇਸੇ ਜਾਤਂ ਗੋਸੀਸਂ, ਗੋ ਵਿਯ ਜਲਂ ਵਿਯ ਸੀਤਨ੍ਤਿ ਵਾ ਗੋਸੀਤਂ, ਤਦੇਵ ਤਸ੍ਸ ਸਕਾਰਂ ਕਤ੍ਵਾ ਗੋਸੀਸਂ. ਤਿਲਪਣ੍ਣਪ੍ਪਮਾਣਪਣ੍ਣਯੁਤ੍ਤਤਾਯ ਤੇਲਪਣ੍ਣਿਕਂ. ਮਨਂ ਹਰਤੀਤਿ ਹਰਿ, ਤਮੇਵ ਚਨ੍ਦਨਨ੍ਤਿ ਹਰਿਚਨ੍ਦਨਂ. ਪੀਤਸਾਰੁ, ਸੁਸੀਤਂਪ੍ਯਤ੍ਰ. ਗੋਸੀਸਾਦਯੋ ਤਯੋ ਪੁਮੇ, ਨਪੁਂਸਕੇ ਚ ਵਤ੍ਤਨ੍ਤਿ.

ਚਤੁਕ੍ਕਂ ਰਤ੍ਤਚਨ੍ਦਨੇ. ਤਿਲਪਣ੍ਣਪ੍ਪਮਾਣਪਣ੍ਣਯੁਤ੍ਤਤਾਯ ਤਿਲਪਣ੍ਣੀ. ਪੁਰਿਮੇਨ ਭੇਦਕਰਣਤ੍ਥਂ ਨ ਵੁਦ੍ਧਿ. ਪਤ੍ਤਮਙ੍ਗਮਸ੍ਸੇਤਿ ਪਤ੍ਤਙ੍ਗਂ, ਖੁਦ੍ਦਪਣ੍ਣਤਾਯ ਅਪ੍ਪਧਾਨਪਤ੍ਤਮਿਚ੍ਚਤ੍ਥੋ. ‘‘ਅਙ੍ਗਂ ਗਤ੍ਤਨ੍ਤਿ ਕੋਪਾਯ-ਪਤੀਕੇਸ੍ਵਪ੍ਪਧਾਨਕੇ’’ਤਿ ਹਿ ਨਾਨਤ੍ਥਸਙ੍ਗਹੇ. ਰਞ੍ਜ ਰਾਗੇ, ਹੇਤੁਕਤ੍ਤਰਿ ਯੁ. ਰਤ੍ਤਵਣ੍ਣਤਾਯ ਰਤ੍ਤਞ੍ਚ ਤਂ ਚਨ੍ਦਨਞ੍ਚੇਤਿ ਰਤ੍ਤਚਨ੍ਦਨਂ, ਅਮਰਕੋਸੇ ਪਨ ‘‘ਗੋਸੀਸਾਦੀਨਿ ਰਤ੍ਤਚਨ੍ਦਨਨ੍ਤਾਨਿ ਵਿਸੇਸੇ ਵਤ੍ਤਨ੍ਤੀ’’ਤਿ [ਅਮਰ ੧੬.੧੩੧] ਵੁਤ੍ਤਾਨਿ. ਤਤ੍ਰ ਗੋਸੀਸਸ੍ਸ ਯਥਾਵੁਤ੍ਤੋਯੇਵਤ੍ਥੋ. ਧਵਲਂ, ਸੁਸੀਤਲਂ, ਚਨ੍ਦਨਂ, ਤੇਲਪਣ੍ਣਿਕਂ ਮਲਯਪਬ੍ਬਤਦੇਸਜਮੇਵ. ਹਰਿ ਮਣ੍ਡੂਕੋ, ਤਦਾਕਾਰੇ ਪਬ੍ਬਤੇ ਜਾਤਂ ਚਨ੍ਦਨਂ ਹਰਿਚਨ੍ਦਨਂ. ਪਕ੍ਕਮ੍ਬਫਲਗਨ੍ਧਿ ਪੀਤਵਣ੍ਣਂ. ਤਿਲਪਣ੍ਣੀਪਤ੍ਤਙ੍ਗਾਨਿ ਰਤ੍ਤਚਨ੍ਦਨਸਦਿਸਸ੍ਸ ਰਤ੍ਤਸਾਰਸ੍ਸ ਏਕਸ੍ਸ ਚਨ੍ਦਨਸ੍ਸ ਨਾਮਾਨਿ.

ਦ੍ਵਯਂ ¶ ਰਤ੍ਤਚਨ੍ਦਨੇ. ਅਥ ਵਾ ਤਿਲਪਣ੍ਯਾਦੀਨਿ ਚਤ੍ਤਾਰਿ ਲੋਹਿਤਚਨ੍ਦਨਸਦਿਸਸ੍ਸ ਰਤ੍ਤਸਾਰਸ੍ਸ ਏਕਸ੍ਸ ਚਨ੍ਦਨਵਿਸੇਸਸ੍ਸ ਨਾਮਾਨਿ. ਕੁਚਨ੍ਦਨਂਪ੍ਯਤ੍ਰ. ‘‘ਪਤ੍ਤਙ੍ਗਂ ਰਞ੍ਜਨਂ ਰਤ੍ਤਂ, ਪਤ੍ਰਙ੍ਗਞ੍ਚ ਕੁਚਨ੍ਦਨ’’ਨ੍ਤਿ ਰਤਨਮਾਲਾਯਂ.

੩੦੨. ਦ੍ਵਯਂ ਵਣਿਜਾਦੀਨਂ ‘‘ਕਾਲ਼ੇਯਾ’’ਇਤਿ ਰੂਲ਼੍ਹੇਪੀਤਕਟ੍ਠੇ. ਕਾਲ਼ਵਣ੍ਣਂ ਅਨੁਸਰਤਿ ਸੀਲੇਨਾਤਿ ਕਾਲ਼ਾਨੁਸਾਰੀ, ਕਾਲ਼ਵਣ੍ਣਜਨਕੋਤ੍ਯਤ੍ਥੋ. ਕਾਲ਼ਂ ਜਨੇਤੀਤਿ ਕਾਲ਼ਿਯਂ, ‘‘ਕਾਲ਼ੀਯਕਨ੍ਤੁ ਕਾਲ਼ੇਯਂ, ਵਣ੍ਣਦਂ ਕਨ੍ਤਿਜਾਸਕ’’ਨ੍ਤਿ [ਜਾਸਕਂ ਕਨ੍ਤਿਦਾਯਕਂ (ਚਿਨ੍ਤਾਮਣਿਟੀਕਾ ੧੬.੧੨੬)] ਬ੍ਯਾਡਿ.

ਤਿਕਂ ਅਗਰੁਸਾਮਞ੍ਞੇ. ਲੂ ਛੇਦਨੇ, ਹੋ. ਲਹੁਨਾਮਤ੍ਤਾ ਅਗਰੁ. ਰਸ੍ਸ ਲਤ੍ਤੇ ਅਗਲੁ, ਦ੍ਵਯਂ ਪੁਮੇ. ਵਂਸਿਕਂ, ਰਾਜਾਰਹਂ, ਕਿਮਿਜਂ, ਜੋਙ੍ਗਕਂਪ੍ਯਤ੍ਰ.

ਅਸ੍ਮਿਂ ਅਗਰੁਮ੍ਹਿ ਕਾਲ਼ੇ ਸਤਿ ‘‘ਕਾਲ਼ਾਗਰੂ’’ਤ੍ਯੁਚ੍ਚਤੇ. ਮਲ੍ਲਿਕਾਪੁਪ੍ਫਗਨ੍ਧਿ ਅਗਰੁ ਪਨ ਮਙ੍ਗਲ੍ਯੋਚ੍ਚਤੇ.

ਦ੍ਵਯਂ ਸਲ੍ਲਕੀਦਵੇ. ਤੁਰੁਕ੍ਖੋ ਵੁਤ੍ਤੋ. ਪਿਡਿ ਸਙ੍ਘਾਤੇ, ਣ੍ਵੁ. ਸਿਹਲੋ, ਯਾਵਣੋਪ੍ਯਤ੍ਰ.

੩੦੩. ਦ੍ਵਯਂ ਮਿਗਨਾਭਿਯਂ. ਕਤ੍ਥ ਸਿਲਾਘਾਯਂ, ਊਰੋ, ਨਦਾਦਿ, ਸਕਤ੍ਥੇ ਕੋ. ਮਿਗਸ੍ਸ ਮਦੋ ਮਿਗਮਦੋ, ਮਿਗੋ ਮਰਤਿ ਯੇਨਾਤਿ ਵਾ ਮਿਗਮਰੋ, ਸੋ ਏਵ ਮਿਗਮਦੋ.

ਦ੍ਵਯਂ ¶ ਕੁਟ੍ਠੇ. ਕੁਟ ਛੇਦਨੇ, ਠੋ, ਤੋ ਵਾ, ‘‘ਕੁਟਾਦੀਹਿ ਠੋ’’ਤਿ ਠੋ, ਕੁਟ੍ਠਂ, ਰੋਗਭੇਦੇਪਿ. ਅਤ੍ਤਨੋ ਛਾਯੂਪਗਤੇ ਅਜੇ ਪਾਲੇਤੀਤਿ ਅਜਪਾਲਕਂ, ਣ੍ਵੁ. ਪਾਰਿਭਾਬ੍ਯਂ, ਪਾਕਲਂ [ਫਾਲਕੀ (ਕ.)], ਉਪ੍ਪਲਂ, ਵਾਪ੍ਪਂਪ੍ਯਤ੍ਰ.

ਦ੍ਵਯਂ ਪਿਡਙ੍ਗੇ. ਰੋਗਂ ਲੁਨਨ੍ਤੋ ਅਙ੍ਗਤਿ ਗਚ੍ਛਤੀਤਿ ਲਵਙ੍ਗੋ. ਦੇਵਾਨਂ ਕੁਸੁਮਂ ਪੁਪ੍ਫਂ ਦੇਵਕੁਸੁਮਂ. ਸਿਰਿਸਞ੍ਞਂਪ੍ਯਤ੍ਰ.

ਦ੍ਵਯਂ ਕੁਙ੍ਕੁਮੇ. ਕਸ੍ਮੀਰਰਟ੍ਠੇ ਜਾਤਂ ਕਸ੍ਮੀਰਜਂ. ਅਗ੍ਗਿਸਿਖਂ, ਵਰਂ, ਵਲ੍ਲੀਕਂ, ਪੀਤਨਂ, ਰਤ੍ਤਸਙ੍ਕੋਚਂ, ਪਿਸੁਨਂ, ਧੀਰਂ ਲੋਹਿਤਚਨ੍ਦਨਂਪ੍ਯਤ੍ਰ.

੩੦੪. ਦ੍ਵਯਂ ਧੁਨਕੇ. ਯਕ੍ਖੇਹਿ ਕਤੋ ਧੂਪੋ ਯਕ੍ਖਧੂਪੋ, ਯਕ੍ਖੋ ਦੇਵੋ. ਸਜ੍ਜਰੁਕ੍ਖਸ੍ਸ ਸਿਲੇਸੋ ਸਜ੍ਜੁਲਸੋ. ਅਸ੍ਸੁ, ਸਿਲੋਪੋ, ਏਸ੍ਸਤ੍ਤਞ੍ਚ, ਸਜ੍ਜਸ੍ਸ ਰਸੋ ਦਵੋ ਸਜ੍ਜੁਲਸੋ, ਅਸ੍ਸੁ, ਲਤ੍ਤਞ੍ਚ. ਸਜ੍ਜਰਸੋਤਿਪਿ ਪਾਠੋ. ਰਾਲੋ, ਸਬ੍ਬਰਸੋ, ਬਹੁਰੂਪੋਪ੍ਯਤ੍ਰ.

ਤਿਕਂ ਤਕ੍ਕੋਲੇ. ਤਕ੍ਕ ਵਿਤਕ੍ਕੇ, ਓਲੋ. ਕੁਲ ਸਙ੍ਖ੍ਯਾਨੇ, ਣ੍ਵੁ. ਕੋਸਯੁਤ੍ਤਂ ਫਲਮੇਤਸ੍ਸਾਤਿ ਕੋਸਫਲਂ. ਦ੍ਵਯਂ ਜਾਤਿਫਲੇ. ਕੋਸਸਹਿਤਂ ਜਾਤਿਫਲਮੇਤਸ੍ਸਾਤਿ ਜਾਤਿਕੋਸਂ. ਜਾਤਿਫਲਮੇਤਸ੍ਸ, ਨ ਕਿਤ੍ਤਿਮਨ੍ਤਿ ਜਾਤਿਫਲਂ.

੩੦੫. ਪਜ੍ਜਦ੍ਧਂ ਕਪ੍ਪੂਰੇ, ਘਨੋ ਹੁਤ੍ਵਾ ਸਰਤੀਤਿ ਘਨਸਾਰੋ. ਅਬ੍ਭਮਿਵ ਸਿਤਂ ਸਿਤਬ੍ਭੋ, ਅਭਿਧਾਨਤੋ ਪੁਬ੍ਬਨਿਪਾਤੋ, ਕਪ੍ਪ ¶ ਸਾਮਤ੍ਥਿਯੇ, ਊਰੋ. ਚਨ੍ਦਸਞ੍ਞੋ, ਹਿਮਵਾਲੁਕੋ, ਹਿਮਾਵ੍ਹਯੋਪ੍ਯਤ੍ਰ.

ਪਜ੍ਜਦ੍ਧਂ ਲਾਖਾਯਂ, ਆ ਭੁਸੋ ਰਤ੍ਤਂ ਕਰੋਤੀਤਿ ਅਲਤ੍ਤਕੋ, ਲਤ੍ਤਂ, ਕ੍ਵਿ. ਯੁ ਮਿਸ੍ਸਨੇ, ਣ੍ਵੁ. ਲਾਖ ਸੋਸਨੇ, ਅ, ਲਾ ਆਦਾਨੇ ਵਾ, ਖੋ. ਜਨ ਜਨਨੇ, ਤੁ, ਨਲੋਪੋ. ਦੁਮਾਮਯੋਪ੍ਯਤ੍ਰ.

੩੦੬. ਦ੍ਵਯਂ ਸਰਲਦ੍ਦਵੇ. ਸਿਰਿਯਾ ਲਕ੍ਖਿਯਾ ਆਵਾਸੋ ਸਿਰਿਵਾਸੋ. ਸਰਲਨਾਮਕਸ੍ਸ ਰੁਕ੍ਖਸ੍ਸ ਦਵੋ ਰਸੋ ਸਰਲਦ੍ਦਵੋ. ਪਾਯਸੋ, ਵਕਧੂਪੋ, ਸਿਰਿਵੇਟ੍ਠੋਪ੍ਯਤ੍ਰ. ‘‘ਸਿਰਿਵਾਸੇ ਪਰਮਨ੍ਨੇ ਚ, ਪਾਯਸੋ ਸਮ੍ਮਤੋ ਪੁਮੇ’’ਤਿ [ਚਿਨ੍ਤਾਮਣਿਟੀਕਾ ੧੬.੧੨੯] ਰੁਦ੍ਦੋ. ਦ੍ਵਯਂ ਅਞ੍ਜਨੇ. ਅਞ੍ਜੁ ਬ੍ਯਤ੍ਤਿਮਕ੍ਖਨਗਤਿਕਨ੍ਤੀਸੁ, ਯੁ. ਕਜ੍ਜ ਬ੍ਯਸਨੇ. ਕਜ੍ਜਤਿ ਰੋਗਨ੍ਤਿ ਕਜ੍ਜਲਂ, ਅਲੋ.

ਦ੍ਵਯਂ ਗਨ੍ਧਗਾਹਾਪਨਚੁਣ੍ਣੇ, ਵਸ ਹਿਂਸਤ੍ਥੋ, ਵਸਤਿ ਦੁਗ੍ਗਨ੍ਧਨ੍ਤਿ ਵਾਸੋ, ਣੋ, ਵਾਸ ਉਪਸੇਵਾਯਂ ਵਾ, ਵਸ ਨਿਵਾਸੇ ਵਾ. ਸੋ ਏਵ ਚੁਣ੍ਣਂ. ਯੁਜ ਯੋਗੇ, ਕਮ੍ਮਨਿ ਣੋ, ਵਾਸੋ ਏਵ ਯੋਗੋ ਵਾਸਯੋਗੋ. ਦ੍ਵਯਂ ਵਿਲੇਪਨਮਤ੍ਤੇ. ਵਣ੍ਣ ਵਣ੍ਣਕ੍ਰਿਯਾਵਿਤ੍ਥਾਰਗੁਣਵਚਨੇਸੁ, ਚੁਰਾਦਿ. ਵਣ੍ਣਯਤੀਤਿ ਵਣ੍ਣਕਂ. ਣ੍ਵੁ. ਲਿਪ ਉਪਦੇਹੇ. ਵਿਲੇਪੀਯਤੇਤਿ ਵਿਲੇਪਨਂ, ਕਮ੍ਮਨਿ ਯੁ.

੩੦੭. ਯੋ ਗਨ੍ਧਮਾਲ੍ਯਧੂਪਾਦੀਹਿ ਵਤ੍ਥਤਮ੍ਬੁਲਾਦੀਨਂ ਸਙ੍ਖਾਰੋ, ਤਂ ‘‘ਵਾਸਨ’’ਮਿਤ੍ਯੁਚ੍ਚਤੇ, ਵਾਸ ਉਪਸੇਵਾਯਂ, ਵਾਸੀਯਤੇ ਸਙ੍ਖਰੀਯਤੇਤਿ ਵਾਸਨਂ, ਯੁ.

ਤਿਕਂ ¶ ਪੁਪ੍ਫਦਾਮੇ. ਮਾ ਮਾਨੇ, ਲੋ, ਮਲ ਧਾਰਣੇ ਵਾ, ਅ. ਮਾਲੋਵ ਮਾਲ੍ਯਂ. ਦਮ ਗਤਿਯਂ, ਪੁਪ੍ਫਾਨਿ ਦਮਨ੍ਤ੍ਯਤ੍ਰੇਤਿ ਪੁਪ੍ਫਦਾਮਂ, ਪੁਪ੍ਫਾਨਂ ਰਾਸਿਕਰਣਟ੍ਠਾਨਮਿਚ੍ਚਤ੍ਥੋ. ਦਾ ਲਵਨੇ ਵਾ, ਮੋ. ਅਮਰਕੋਸੇ ਪਨ ‘‘ਮਾਲਾਮਾਲ੍ਯਾਨਿ ਮੁਦ੍ਧਨਿ ਪਵਤ੍ਤਾਯ ਮਾਲਾਯ ਨਾਮਾਨੀ’’ਤਿ [ਅਮਰ ੧੬.੧੩੫] ਵਦਤਿ. ਮਾਲਮਾਲ੍ਯਸਦ੍ਦਾ ਪੁਪ੍ਫੇਪਿ, ‘‘ਮਾਲਾ ਮਾਲ੍ਯਂ ਪਸੁਨੇ’’ਤਿ ਹਿ ਨਾਨਤ੍ਥਸਙ੍ਗਹੇ. ਦ੍ਵਯਂ ਗਨ੍ਧਗ੍ਗਾਹਿਤੇ ਵਤ੍ਥਾਦੋ. ਭੂ ਸਤ੍ਤਾਯਂ, ਕਮ੍ਮਨਿ ਤੋ, ਵੁਦ੍ਧਾਦਿ. ਵਾਸਾਪੇਤਿ ਗਨ੍ਧਂ ਗਾਹਾਪੇਤਿ ਯਨ੍ਤਿ ਵਾਸਿਤਂ, ਵਸ ਨਿਵਾਸੇ, ਕਮ੍ਮੇ ਤੋ, ਤੀਸੁ, ਯਥਾ – ਭਾਵਿਤੋ ਪਟੋ, ਭਾਵਿਤਾ ਚੇਲੀ, ਭਾਵਿਤਂ ਵਤ੍ਥਂ. ਵਾਸਿਤੋ, ਵਾਸਿਤਾ, ਵਾਸਿਤਂ ਵਤ੍ਥਂ.

੩੦੮. ਪਞ੍ਚਕਂ ਮੁਦ੍ਧਮਾਲਾਯਂ. ਤਸਿ ਅਲਙ੍ਕਾਰੇ, ਭੂਵਾਦਿ. ਉਦ੍ਧਂ ਤਸੀਯਤੇਤਿ ਉਤ੍ਤਂਸੋ. ਸਿਖਾਯਂ ਜਾਤੋ ਸੇਖਰੋ, ਰੋ. ਮੁਦ੍ਧਂ ਅਵਤਿ ਰਕ੍ਖਤੀਤਿ ਅਵੇਲ਼ਾ, ਅਵ ਰਕ੍ਖਣੇ, ਏਲੋ, ਲ਼ਤ੍ਤਂ. ‘‘ਆਵੇਲ਼ਾ’’ਤਿਪਿ ਪਾਠੋ, ਦੀਘਤ੍ਤਂ. ਸੇਖਰੋ ਚ ਆਵੇਲ਼ਾ ਚਾਤਿ ਦ੍ਵਨ੍ਦੋ. ਮੁਦ੍ਧਨਿ ਅਲਙ੍ਕਤਂ ਮਾਲ੍ਯਂ ਮੁਦ੍ਧਮਾਲ੍ਯਂ, ਤਸ੍ਮਿਂ. ਅਵਪੁਬ੍ਬੋ ਤਸਿ ਅਲਙ੍ਕਾਰੇ, ਉਦ੍ਧਂ ਤਸੀਯਤੇਤਿ ਅਵਤਂਸੋ, ਸੋ ਏਵ ਵਟਂਸਕੋ, ਸਕਤ੍ਥੇ ਕੋ, ਤਸ੍ਸ ਟੋ, ਅਨੇਕਤ੍ਥਤ੍ਤਾ ਉਪਸਗ੍ਗਨਿਪਾਤਾਨਂ ਉਦ੍ਧਂਭਾਵਜੋਤਕੋ ਚੇਤ੍ਥ ਅਵਸਦ੍ਦੋਤਿ ਤਥੋਤ੍ਤਂ.

ਤਿਕਂ ਸੇਯ੍ਯਾਯਂ. ਸਯਨ੍ਤ੍ਯਸ੍ਸਂ ਸੇਯ੍ਯਾ, ਯੋ. ਸਯਨ੍ਤ੍ਯਤ੍ਰੇਤਿ ਸਯਨਂ, ਸੇਨਞ੍ਚ. ਉਭਯਤ੍ਰਪਿ ਅਧਿਕਰਣੇ ਯੁ, ਇਸ੍ਸੇ, ਏ ਅਯ, ਇਤਰਤ੍ਰ ਏਤ੍ਤਂ, ‘‘ਵਾ ਪਰੋ ਅਸਰੂਪਾ’’ਤਿ ਅਲੋਪੋ ਚ, ਸਯਨੀਪ੍ਯਤ੍ਰ.

ਦ੍ਵਯਂ ¶ ਮਞ੍ਚੇ. ਪਰਿਪੁਬ੍ਬੋ ਅਕਿ ਲਕ੍ਖਣੇ, ਣੋ, ਇਲੋਪੋ, ਰਸ੍ਸ ਲਤ੍ਤਂ. ਮਚਿ ਧਾਰਣੋਚ੍ਛਾਯਪੂਜਨੇਸੁ, ਭੂਵਾਦਿ ਅ, ਸਕਤ੍ਥੇ ਕੋ. ਖਟਾਪ੍ਯਤ੍ਰ, ਖਟ੍ਯਤੇ ਆਕਙ੍ਖਤੇ ਸਯਨਤ੍ਥਿਕੇਹੀਤਿ ਖਟਾ, ਖਟ ਆਕਙ੍ਖਾਯਂ.

੩੦੯. ਦ੍ਵਯਂ ਮਞ੍ਚਾਧਾਰੇ. ਮਞ੍ਚਸ੍ਸ ਆਧਾਰੋ ਮਞ੍ਚਾਧਾਰੋ. ਪਟਿਪਜ੍ਜਤਿ ਪਵਤ੍ਤਤਿ ਸੇਯ੍ਯਾ ਯੇਨ, ਸੋ ਪਟਿਪਾਦੋ. ਮਞ੍ਚਙ੍ਗੇ ਮਞ੍ਚਾਵਯਵੇ ਅਟਨਿਸਦ੍ਦੋ ਇਤ੍ਥਿਯਂ, ਅਟ ਗਮਨਤ੍ਥੋ, ਅਨਿ, ਯੁ ਵਾ, ਨਦਾਦਿ, ਰਸ੍ਸੋ.

੩੧੦. ਕੁਲ਼ੀਰਪਾਦਾਦਯੋ ਇਮੇ ਚਤ੍ਤਾਰੋ ਮਞ੍ਚਨ੍ਤਰਾ ਮਞ੍ਚਭੇਦਾ ਸਿਯੁਂ. ਤਤ੍ਥ ਕੁਲ਼ੀਰੋ ਕਕ੍ਕਟਕੋ ਤਸ੍ਸ ਸਣ੍ਠਾਨਪਾਦਤ੍ਤਾ ਕੁਲ਼ੀਰਪਾਦੋ. ਅਟਨਿਯਂ ਆਹਚ੍ਚੋ, ਆਹਚ੍ਚ ਵਾ ਪਾਦੋ ਤਿਟ੍ਠਤਿ ਯਸ੍ਸਾਤਿ ਆਹਚ੍ਚਪਾਦੋ, ਪੁਬ੍ਬਪਕ੍ਖੇ ‘‘ਰਿਚ੍ਚਾ’’ਤਿ ਯੋਗਵਿਭਾਗੇਨ ਰਿਚ੍ਚਪਚ੍ਚਯਨ੍ਤੋ ਆਹਚ੍ਚਸਦ੍ਦੋ, ਪਰਪਕ੍ਖੇ ਤੁ ਤ੍ਵਾਪਚ੍ਚਯਨ੍ਤੋ, ਯਸ੍ਸ ਅਟਨਿਛਿਦ੍ਦੇ ਪਾਦੋ ਪਵਿਸਿਤ੍ਵਾ ਤਿਟ੍ਠਤਿ, ਸੋ ਆਹਚ੍ਚਪਾਦੋ. ਮਸ ਆਮਸਨੇ, ਆਰੋ, ਸਕਤ੍ਥੇ ਕੋ. ਯਸ੍ਸ ਪਾਦਚ੍ਛਿਦ੍ਦੇ ਅਟਨਿ ਪਵਿਸਿਤ੍ਵਾ ਤਿਟ੍ਠਤਿ, ਸੋ ਮਸਾਰਕੋ. ਬੁਨ੍ਦੇਨ ਪਾਦੇਨ ਸਹ ਏਕਾਬਦ੍ਧਾ ਅਟਨਿ ਯਸ੍ਸ ਸੋ ਬੁਨ੍ਦਿਕਾਬਦ੍ਧੋ, ਏਕਾਰਸ੍ਸਿਤ੍ਤਂ. ਏਤ੍ਥ ਚ ਮਜ੍ਝੇ ਦ੍ਵਿਨ੍ਨਂ ਮਞ੍ਚਾਨਂ ਲਕ੍ਖਣਂ ਵਿਪਰਿਯਯੇਨਾਪਿ ਵਦਨ੍ਤਿ.

੩੧੧. ਦ੍ਵਯਂ ਸੀਸਾਧਾਰੇ. ਵਿਸੇਸੇਨ ਸੀਸਂ ਵਹਤੀਤਿ ਬਿਬ੍ਬੋਹਨਂ, ਯੁ, ਬਤ੍ਤਂ, ਅਸ੍ਸੋਤ੍ਤਞ੍ਚ. ਉਪਧੀਯਤੇ ਸੀਸਾਸਨਂ ਕਰੀਯਤੇਤਿ ਉਪਧਾਨਂ, ਯੁ, ਧਾ ਧਾਰਣੇ.

ਤਿਕਂ ¶ ਸਾਮਞ੍ਞਪੀਠੇ. ਪੀਠ ਹਿਂਸਾਸਂਕਿਲੇਸੇਸੁ, ਭੂਵਾਦਿ, ਣ੍ਵੁ, ਆ. ਯਦਾਦਿਨਾ ਕੇ ਪਚ੍ਚਯੇ ਇਤ੍ਥਿਕਤਾਕਾਰੇ ਪਰੇ ਪੁਬ੍ਬੋ ਅਕਾਰੋ ਇਕਾਰਮਾਪਜ੍ਜਤੇ, ‘‘ਕੇ’’ਤਿ ਕਿਂ? ਚੇਤਨਾ. ‘‘ਪਚ੍ਚਯੇ’’ਤਿ ਕਿਂ? ਬਕਾ. ‘‘ਇਤ੍ਥੀ’’ਤਿ ਕਿਂ? ਪਾਚਕਾ. ‘‘ਕਤ’’ਇਤਿ ਕਿਂ? ਵੁਤ੍ਤਕਮ੍ਮਾ, ਕਮ੍ਮਪਚ੍ਚਯੋਯਂ, ਤਪਚ੍ਚਯੇ ਪੀਠਂ [ਮੋਗ੍ਗਲ੍ਲਾਨ ੪.੧੪੨ ਸੁਤ੍ਤਮ੍ਪਿ ਪਸ੍ਸਿਤਬ੍ਬਂ]. ਆਸਤੇ ਅਸ੍ਮਿਨ੍ਤਿ ਆਸਨਂ.

ਦ੍ਵਯਂ ਉਤ੍ਤਮਾਰਹਪੀਠੇ. ਕੁਚ ਸਂਪਚ੍ਚਨਕੋਟਿਲ੍ਯਪਤਿਥਮ੍ਭਵਿਲੇਖਨੇਸੁ, ਛੋ. ਭਦ੍ਦਂ ਕਲ੍ਯਾਣਂ ਪੀਠਂ ਭਦ੍ਦਪੀਠਂ. ਗਜਦਨ੍ਤਾਦਿਮਯਕੇਸਮਜ੍ਜਨਿਯਮ੍ਪਿ ਦ੍ਵਯਮਿਦਮਾਹੁ. ਤਦਾ ਪਸਾਧਨੀ, ਕਙ੍ਕਤਿਕਾਪ੍ਯਤ੍ਰ. ਪੀਠਨ੍ਤਰੇ ਦੀਘਪੀਠੇ ਆਸਨ੍ਦੀ ਮਤਾ. ਸਦ ਵਿਸਰਣਗਤ੍ਯਾਵਸਾਨੇਸੁ, ਨਦਾਦਿ, ਬਿਨ੍ਦਾਗਮੋ ਚ.

੩੧੨. ਆਯਾਮਵਿਤ੍ਥਾਰਵਸੇਨ ਮਹਨ੍ਤੋ ਆਸਨਪ੍ਪਭੇਦੋ ‘‘ਕੋਜਵੋ’’ਤਿ ਮਤੋ, ਕੁਜੁ ਥੇਯ੍ਯਕਰਣੇ, ਣੋ, ਕੁਯਂ ਪਥਵਿਯਂ ਜਵਤੀਤਿ ਵਾ ਕੋਜਵੋ, ਜੁ ਗਤਿਯਂ. ਦੀਘੇਨ ਲੋਮੇਨ ਯੁਤ੍ਤੋ ਆਸਨਪ੍ਪਭੇਦੋ ‘‘ਗੋਨਕੋ’’ਤਿ ਮਤੋ, ਗੁ ਸਦ੍ਦੇ, ਯੁ, ਸਕਤ੍ਥੇ ਕੋ, ਉਸ੍ਸੋਤ੍ਤਂ.

ਦ੍ਵਯਂ ਅਤ੍ਥਰਣੇ. ਮਿਗਲੋਮਪੁਣ੍ਣਤਾਯ ਜਾਤਂ ਉਣ੍ਣਾਮਯਂ. ਥਰ ਸਨ੍ਥਰਣੇ, ਪਾਦਿਪੁਬ੍ਬੋਵ, ਨ ਕਦਾਚਿਪਿ ਪਾਦਿਰਹਿਤੋ, ਆ ਭੁਸੋ ਥਰੀਯਤੇਤਿ ਅਤ੍ਥਰਣਂ, ਯੁ.

ਦ੍ਵਯਂ ਸਂਸਿਬ੍ਬਨਚਿਤ੍ਤਕੇ. ਚਿਤ੍ਤਰੂਪਮਸ੍ਸਤ੍ਥੀਤਿ ਚਿਤ੍ਤਕਂ. ਬਾਹੁਲ੍ਯੇਨ ਨ ਇਕਾਰਾਗਮੋ. ਵਾਨੇਨ ਸਂਸਿਬ੍ਬਨੇਨ ਸਞ੍ਜਾਤਂ ਚਿਤ੍ਤਰੂਪਮਸ੍ਸਾਤਿ ਵਾਨਚਿਤ੍ਤਕਂ, ਸਕਤ੍ਥੇ ਕੋ.

੩੧੩. ਦ੍ਵਯਂ ¶ ਨਿਰਨ੍ਤਰਪੁਪ੍ਫਪਟੇ. ਘਨਂ ਸਨ੍ਧਿਭੂਤਂ ਪੁਪ੍ਫਰੂਪਮੇਤ੍ਥਾਤਿ ਘਨਪੁਪ੍ਫਂ. ਪਟਲਮੇਤਿਸ੍ਸਾਤ੍ਥੀਤਿ ਪਟਲਿਕਾ, ਇਕੋ. ਦ੍ਵਯਂ ਬਹੁਮੁਦੁਲੋਮੇ ਸੇਤਵਤ੍ਥੇ. ਸਿ ਸੇਵਾਯਂ, ਸਿਵਤ੍ਥਿਕੇਹਿ ਸੇਵੀਯਤੇਤਿ ਸੇਤੋ, ਤੋ. ਪਟ ਗਮਨੇ, ਣ੍ਵੁ, ਪਟਿਕਾ, ਅਦ੍ਧੇਨ੍ਦੁਪਾਸਾਣੇਪਿ.

ਦ੍ਵੀਸੁਪਿ ਪਰਿਯਨ੍ਤੇਸੁ ਯਸ੍ਸਾ ਦਸਾ ਸਨ੍ਤਿ, ਸਾ ਉਦ੍ਦਲੋਮੀ, ਉਦਿਤਂ ਦ੍ਵੀਸੁ ਲੋਮਂ ਦਸਾ ਯਸ੍ਸਾ ਸਾ ਉਦ੍ਦਲੋਮੀ, ਇਸ੍ਸਤ੍ਤਂ, ਦ੍ਵਿਤ੍ਤਞ੍ਚ. ਏਕਸ੍ਮਿਂ ਪਰਿਯਨ੍ਤੇਯੇਵ ਦਸਾ ਯਸ੍ਸਾ ਏਕਨ੍ਤਲੋਮੀ, ਏਕਸ੍ਮਿਂ ਅਨ੍ਤੇ ਪਰਿਯਨ੍ਤੇ ਲੋਮਂ ਦਸਾ ਯਸ੍ਸਾਤ੍ਥੀਤਿ ਏਕਨ੍ਤਲੋਮੀ, ਉਦ੍ਦਲੋਮੀ ਚ ਏਕਨ੍ਤਲੋਮੀ ਚੇਤਿ ਉਦ੍ਦਲੋਮਿਏਕਨ੍ਤਲੋਮਿਨੋ, ‘‘ਪਦਾਨਂ ਸਨ੍ਧਿ ਵਤ੍ਤਿਚ੍ਛਾਤੋ, ਨ ਸਮਾਸਨ੍ਤਰਗੇਸੂ’’ਤਿ ਵੁਤ੍ਤੇਪਿ ਗਾਥਾਭਾਵਤੋ ਛਨ੍ਦੋਹਾਨਿਭਯਾ ਵਿਸਨ੍ਧਿ. ਯਤ੍ਥ ਪਨ ਗਾਥਾਯਮ੍ਪਿ [ਅਗਾਥਾਯਮ੍ਪਿ (?)] ਵਿਸਨ੍ਧਿ ‘‘ਧਮ੍ਮਸਂਵਣ੍ਣਨਾਯ’ਨ੍ਤਿਆਦਿਮਾਹਾ’’ਤ੍ਯਾਦੀਸੁ, ਤਤ੍ਥ ਕਥਨ੍ਤਿ? ‘‘ਨ ਸਮਾਸਨ੍ਤਰਙ੍ਗੇਸੂ’’ਤਿ ਇਮਸ੍ਸਾਨਿਚ੍ਚਤ੍ਤਾ ਤਤ੍ਥਾਪਿ ਨ ਦੋਸੋ, ‘‘ਨੇਨ ਨਿਦ੍ਦਿਟ੍ਠਮਨਿਚ੍ਚ’’ਨ੍ਤਿ ਹਿ ਪਰਿਭਾਸਿਤਂ [ਨਘਟਿਤਂ ਅਨਿਚ੍ਚਂ (ਪਰਿਭਾਸੇਨ੍ਦੁਸੇਖਰ ੯੭)].

੩੧੪. ਤਦੇਵ ਯਥਾਵੁਤ੍ਤਦ੍ਵਯਮੇਵ ਸੋਲ਼ਸਨ੍ਨਂ ਇਤ੍ਥੀਨਂ ਨਚ੍ਚਯੋਗ੍ਗਂ ਨਚ੍ਚਸ੍ਸ ਯੋਗ੍ਯਟ੍ਠਾਨਭੂਤਂ ‘‘ਕੁਤ੍ਤਕ’’ਮਿਤ੍ਯੁਚ੍ਚਤੇ. ਹਿ ਪਦਪੂਰਣੇ. ‘‘ਨਚ੍ਚਯੋਗ੍ਯਮ੍ਹੀ’’ਤਿਪਿ ਪਾਠੋ, ਤਦਾ ਭਾਵਸਤ੍ਤਮੀ. ਕਰੋਨ੍ਤਿ ¶ ਏਤ੍ਥ ਨਚ੍ਚਨ੍ਤਿ ਕੁਤ੍ਤਕਂ, ਕਰ ਕਰਣੇ, ਤੋ, ਅਸ੍ਸੁ, ਭੁਜਾਦਿ, ਸਕਤ੍ਥੇ ਕੋ.

ਸੀਹਾਦਿਰੂਪੇਹਿ ਵਿਚਿਤ੍ਤਰੂਪਂ ਵਤ੍ਥਂ, ਆਸਨਂ ਵਾ ਵਿਕਤਿਕਾ ਨਾਮ ਭਵੇ, ਏਕਸ੍ਸੇਵ ਹਿ ਕਤ੍ਤੁਨੋ ਪਕਤਿਵਿਕਤਿਸਙ੍ਖਾਤਾਵਤ੍ਥਾਵਸੇਨ ਦ੍ਵਿਤ੍ਤਂ, ਵਤ੍ਤਿਚ੍ਛਾਵਸੇਨ ਲਿਙ੍ਗਸਙ੍ਖ੍ਯਾਵਿਭਤ੍ਤਿਭੇਦਞ੍ਚ ਹੋਤਿ, ਯਥਾ – ਮਨੁਸ੍ਸਾ ਯਕ੍ਖਭਤ੍ਤਂ ਅਹੇਸੁਂ, ਸਤ੍ਤਪ੍ਪਕਰਣਾਨਿ ਅਭਿਧਮ੍ਮੋ ਨਾਮ ਭਵਨ੍ਤਿ, ਦੇਵਦਤ੍ਤੋ ਰਜ੍ਜਂ ਪਾਪੁਣਾਤੀਤਿ. ਯਤ੍ਰ ਹਿ ਪਕਤਿਯਾ ਵਾ ਵਿਕਤਿਯਾ ਵਾਤਿ ਦ੍ਵਿਨ੍ਨਮ੍ਪਿ ਵੁਤ੍ਤਤਾ ਸਿਯਾ, ਤਤ੍ਰ ਵਾਚਕੋ ਪਕਤਿਯਾਯੇਵ ਸਙ੍ਖ੍ਯਂ ਗਣ੍ਹਾਤਿ, ਨੇਤਰਸ੍ਸ ਤਨ੍ਨਿਸ੍ਸਿਤਭਾਵੇਨਾਪ੍ਪਧਾਨਤੋ [ਕਚ੍ਚਾਯਨਸਾਰੇ ੬-੭ ਗਾਥਾਸੁ ਪਸ੍ਸਿਤਬ੍ਬਂ]. ਯਦਾ ਪਨ ਪਕਤਿਯਾ ਸਮ੍ਬਨ੍ਧਾਦਿਭਾਵਂ ਵਤ੍ਤੁਮਿਚ੍ਛਤਿ, ਤਦਾ ਅਤ੍ਤਨਾ ਵਤ੍ਤਬ੍ਬਸ੍ਸ ਅਞ੍ਞਤ੍ਥਸ੍ਸਾਭਾਵਾ ਵਿਕਤਿਪ੍ਯੁਚ੍ਚਤੇ ਵਾਚਕੇਨ, ਯਥਾ – ਦੇਵਦਤ੍ਤਸ੍ਸ ਰਜ੍ਜਂ ਪਾਪੁਣਾਤਿ, ਇਧ ਪਨ ਲਿਙ੍ਗਭੇਦੇਨੇਵ ਵੁਤ੍ਤਂ ‘‘ਚਿਤ੍ਤਂ ਵਿਕਤਿਕਾ ਭਵੇ’’ਤਿ. ਵਿਕਰੀਯਤੇਤਿ ਵਿਕਤਿ.

੩੧੫. ਕਟ੍ਟਿਸ੍ਸਕੋਸੇਯ੍ਯਸਙ੍ਖਾਤਾਨਂ ਦ੍ਵਿਨ੍ਨਮਤ੍ਥਰਣਾਨਂ ਕਰਣਪ੍ਪਕਾਰਂ ਦਸ੍ਸੇਤੁਂ ਅਰਿਯਾਸਾਮਞ੍ਞਮਾਹ ‘‘ਕਟ੍ਟਿਸ੍ਸ’’ਮਿਚ੍ਚਾਦਿ. ਕੋਸਿਯਕਟ੍ਟਿਸ੍ਸਮਯਂ ਕੋਸਿਯਸੁਤ੍ਤਕਟ੍ਟਿਸ੍ਸਵਾਕੇਹਿ ਪਕਤਮਤ੍ਥਰਣਂ ਕਟ੍ਟਿਸ੍ਸਂ ਨਾਮ, ਵਿਰੂਪੇਕਸੇਸਵਸੇਨ ਕੋਸਿਯਞ੍ਚ ਕਟ੍ਟਿਸ੍ਸਞ੍ਚ ਕਟ੍ਟਿਸ੍ਸਾਨਿ, ਤੇਹਿ ਪਕਤਂ ਅਤ੍ਥਰਣਂ ਕਟ੍ਟਿਸ੍ਸਂ. ਕੋਸਿਯਸੁਤ੍ਤੇਨ ਪਕਤਨ੍ਤੁ ਅਤ੍ਥਰਣਂ ਕੋਸੇਯ੍ਯਂ ਨਾਮ. ਰਤਨਪਤਿਸਿਬ੍ਬਿਤਨ੍ਤਿ ਇਦਂ ਦ੍ਵਿਨ੍ਨਮ੍ਪਿ ਵਿਸੇਸਨਂ, ਅਤ੍ਥਰਣਞ੍ਚ ਇਤਿ ਕਮਾ ਕਮਤੋ ‘‘ਭਵੇ’’ਤਿ ਅਜ੍ਝਾਹਰਿਤਬ੍ਬਂ. ਅਤ੍ਥਰਣਸਦ੍ਦਸ੍ਸਾਨੁਣ੍ਣਾਮਯੇਸ੍ਵਪਿ ਪਵਤ੍ਤਨਤੋ ਏਤ੍ਥਾਪਿ ‘‘ਅਤ੍ਥਰਣ’’ਨ੍ਤਿ ¶ ਵੁਤ੍ਤਂ, ਯਥਾ – ਸੁਤ੍ਤਂ ਕਮ੍ਮਨ੍ਤਿ. ਏਤ੍ਥ ਚ ਚਕਾਰੋ ਪਾਦਨ੍ਤਤ੍ਤਾ ਗਰੂਸੁ ਗਣ੍ਹਿਤਬ੍ਬੋ, ਤੇਨੇਵ ਹਿ ਸਤ੍ਤਪਞ੍ਞਾਸਮਤ੍ਤਾ ਪਰਿਪੁਣ੍ਣਾ ਹੋਨ੍ਤਿ, ਅਰਿਯਾਯ ਹਿ ਪਠਮਪਾਦੇ ਦ੍ਵਾਦਸਮਤ੍ਤਾ, ਤਥਾ ਤਤਿਯੇ, ਦੁਤਿਯੇ ਅਟ੍ਠਾਰਸ, ਚਤੁਤ੍ਥੇ ਪਨ੍ਨਰਸਮਤ੍ਤਾਤਿ ਸਮ੍ਪਿਣ੍ਡਿਤਾ ਸਤ੍ਤਪਞ੍ਞਾਸਮਤ੍ਤਾ ਹੋਨ੍ਤਿ.

੩੧੬. ਤਿਕਂ ਦੀਪੇ. ਦੀਪ ਦਿਤ੍ਤਿਯਂ, ਦਿਵਾਦਿ. ਦਿਪ੍ਪਤੀਤਿ ਦੀਪੋ, ਣੋ. ‘‘ਪਦੀਪੋ’’ਤਿ ਅਞ੍ਞਪਦਨਿਵਤ੍ਤਨਤ੍ਥਂ ਉਪਸਗ੍ਗੇਨ ਪਦਂ ਵਡ੍ਢਿਤਂ. ਜੁਤਿ ਦਿਤ੍ਤਿਯਂ, ਭੂਵਾਦਿ, ਣੋ.

ਦ੍ਵਯਂ ਆਦਾਸੇ. ‘‘ਪੁਮੇ ਤੂ’’ਤਿ ਤ੍ਵਨ੍ਤਂ ਲਿਙ੍ਗਪਦਂ. ਆਦਿਸ੍ਸਤੇ ਅਸ੍ਮਿਨ੍ਤਿ ਆਦਾਸੋ, ਣੋ, ਆਪੁਬ੍ਬੋ ਦਿਸ ਪੇਕ੍ਖਨੇ, ਇਸ੍ਸਾ. ਦਿਪ੍ਪਤਿ ਏਤ੍ਥਾਤਿ ਦਪ੍ਪਣੋ, ਯੁ, ਇਸ੍ਸਤ੍ਤਂ. ਮਕੁਰੋਪ੍ਯਤ੍ਰ.

ਦ੍ਵਯਂ ਚਮ੍ਮਮਯਕੀਲ਼ਾਗੁਲ਼ਕੇ. ਵਾਸਭਵਨੇਹਿ ਯੁਵਤੀਹਿ ਸਹ ਕੀਲ਼ਾਸਮ੍ਭਵਾ ਞੇਯ੍ਯਾ, ਤਪ੍ਪਕ੍ਕਮੇਨਸ੍ਸਾਭਿਧਾਨਂ. ਗੁਡਿ ਵੇਧਨੇ, ਣੁਕੋ, ਉਸ੍ਸੇ, ਗੁਦ੍ਦ ਕੀਲ਼ਾਯਮੇਵ ਵਾ, ਤਦਾ ਦਸ੍ਸ ਣ੍ਡੋ. ਕਦਿ ਅਵ੍ਹਾਨੇ ਰੋਦਨੇ ਚ, ਣੁਕੋ, ਕੁਦ੍ਦ ਕੀਲ਼ਾਯਮੇਵ ਵਾ, ਉਸ੍ਸਤ੍ਤਂ, ਪੁਬ੍ਬਦਸ੍ਸ ਨੋ.

ਦ੍ਵਯਂ ਬੀਜਨੀਮਤ੍ਤੇ. ਵਟਿ ਵਿਭਾਜਨੇ, ਤਾਲਵਣ੍ਟੇਹਿ ਕਤਤ੍ਤਾ ਤਾਲਵਣ੍ਟਂ. ਵਣ੍ਟਂ ਨਾਮ ਬੀਜਨਾਦਿਕਰਣਤ੍ਥਂ ਵਿਸੁਂ ਭਾਜਿਤੋ ਤਾਲਪਤ੍ਤਾਵਯਵੋ, ਤਾਲਵਣ੍ਟਸਦ੍ਦਸ੍ਸ ਯਥਾਵੁਤ੍ਤਵਚਨਤ੍ਥਯੋਗੇਪਿ ਸਤਿ ਸਞ੍ਞਾਸਦ੍ਦਤ੍ਤਾ ਬੀਜਨੀਸਾਮਞ੍ਞੇ ਪਵਤ੍ਤਿ ਵੇਦਿਤਬ੍ਬਾ. ਯਦਾ ਪਨ ਤਾਲਵਣ੍ਟੇਹਿ ਕਤਬੀਜਨਿਮੇਵ ਵਤ੍ਤੁਮਿਚ੍ਛਤਿ, ਤਦਾ ਏਕੇਨ ਤਾਲਸਦ੍ਦੇਨ ਵਿਸੇਸੇਤ੍ਵਾ ‘‘ਤਾਲਤਾਲਵਣ੍ਟ’’ਨ੍ਤਿ ਵਤ੍ਤਬ੍ਬਂ. ਯਥਾ – ਤਿਲਸ੍ਸ ਤੇਲਂ, ਸੁਗਤਸ੍ਸ ਸੁਗਤਚੀਵਰਨ੍ਤਿ. ਬਿਜਨ੍ਤਿ ਵਾਯੁਨਾ ਯੋਜਯਨ੍ਤਿ ਯਾਯ ¶ , ਸਾ ਬੀਜਨੀ, ਯੁ, ਨਦਾਦਿ, ਯੁਜ ਯੋਗੇ, ਯਸ੍ਸ ਵੋ, ਉਸ੍ਸੀ, ਵਜ ਗਤਿਯਂ ਵਾ ਅਸ੍ਸੀ. ਬ੍ਯਜਨਂਪ੍ਯਤ੍ਰ.

੩੧੭. ਦ੍ਵਯਂ ਚਙ੍ਕੋਟਕੇ. ਕੁਟ ਛੇਦਨੇ, ਸਕਤ੍ਥੇ ਕੋ. ਕਰਡਿ ਭਾਜਨਤ੍ਥੇ, ਕੋ. ਦ੍ਵਯਂ ਕਪ੍ਪੂਰਾਦਿਸਮ੍ਪੁਟੇ [ਸਰੂਪਕਾਦਿਸਮ੍ਪੁਟੇ (ਕ.)]. ਸਮੁਗ੍ਗਚ੍ਛਤੀਤਿ ਸਮੁਗ੍ਗੋ, ਕ੍ਵਿ. ਪੁਟ ਸਂਸਿਲੇਸਨੇ, ਭੂਵਾਦਿ, ਅ.

ਪਜ੍ਜਦ੍ਧਂ ਮੇਥੁਨੇ. ਗਾਮਵਾਸੀਨਂ ਧਮ੍ਮੋ ਆਚਾਰੋ ਗਾਮਧਮ੍ਮੋ, ਗਾਮਸਦ੍ਦੇਨ ਚੇਤ੍ਥ ਗਾਮਵਾਸਿਨੋ ਵੁਤ੍ਤਾ, ਯਥਾ ‘‘ਗਾਮੋ ਆਗਤੋ’’ਤਿ. ਅਸਤਂ ਅਸਪ੍ਪੁਰਿਸਾਨਂ ਧਮ੍ਮੋ, ਸਦ੍ਧਮ੍ਮਪਟਿਪਕ੍ਖਤ੍ਤਾ ਵਾ ਅਸਦ੍ਧਮ੍ਮੋ. ਬ੍ਯਯ ਖਯੇ, ਬ੍ਯਯਤਿ ਬਲਮੇਤੇਨਾਤਿ ਬ੍ਯਵਾਯੋ, ਮਜ੍ਝੇ ਵਾਗਮੋ, ਅਥ ਵਾ ਵਿਗਤੋ ਅਯੋ ਵੁਡ੍ਢਿ ਤਸ੍ਮਾਤਿ ਅਵਾਯੋ, ਅਤਿਸਯੋ ਅਵਾਯੋ ਬ੍ਯਵਾਯੋ. ਮਿਥੁਨਾਨਂ ਇਤ੍ਥਿਪੁਰਿਸਾਨਂ ਸਮਾਨਚ੍ਛਨ੍ਦਾਨਂ ਆਚਾਰੋ ਮੇਥੁਨਂ, ਤਦਞ੍ਞੇਸੁ ਉਪਚਾਰੋ, ਰਮੁ ਰਮਨੇ, ਭਾਵੇ, ਕਰਣੇ ਵਾਤਿ.

੩੧੮. ਚਤੁਕ੍ਕਂ ਵਿਵਾਹੇ. ਵਹ ਪਾਪੁਣੇ, ਣੋ. ਉਪਪੁਬ੍ਬੋ ਯਮੁ ਉਪਰਮੇ, ਅ. ਅਞ੍ਞਮਞ੍ਞਸ੍ਸ ਪਾਣਿਨੋ ਗਹਣਂ ਪਾਣਿਗ੍ਗਹੋ. ਨੀ ਨਯੇ, ਅ. ਉਬ੍ਬਾਹੋ, ਪਾਣਿਪੀਲ਼ਨਂਪ੍ਯਤ੍ਰ.

ਧਮ੍ਮਕਾਮਤ੍ਥਾ ਤਯੋ ਵਗ੍ਗਾ ਵੁਚ੍ਚਨ੍ਤੇ. ਆਗਮਨਿਦ੍ਦਿਟ੍ਠੋ ਸਮਾਚਾਰੋ ਧਮ੍ਮੋ. ਵਿਸਯਵਿਸਯਿਸਨ੍ਨਿਪਾਤਜਂ ਸੁਖਂ ਕਾਮੋ. ਸਬ੍ਬੋਪਕਰਣਂ ¶ ਅਤ੍ਥੋ. ਸਮੋਕ੍ਖਕਾ ਮੋਕ੍ਖਸਹਿਤਾ ਧਮ੍ਮਕਾਮਤ੍ਥਾ ਚਤੁਬ੍ਬਗ੍ਗੋ ਵੁਚ੍ਚਨ੍ਤੇ. ਤਿਵਗ੍ਗੇਨ ਵਿਸਂਯੁਤ੍ਤੋ ਮੋਕ੍ਖੋ ਨਿਬ੍ਬਾਨਂ. ਤੁਲ੍ਯਬਲੇਹਿ ਪਨ ਧਮ੍ਮਾਦੀਹਿ ਚਤੂਹਿ ਪਧਾਨੇਹਿ ਚਤੁਭਦ੍ਰ [ਅਮਰ ੧੭.੫੭] ਮੁਚ੍ਚਤੇ.

੩੧੯-੩੨੦. ਦ੍ਵਯਂ ਖੁਜ੍ਜੇ. ਕੁਚ੍ਛਿਤਂ ਵਜ੍ਜਤੀਤਿ ਖੁਜ੍ਜੋ, ਕਸ੍ਸ ਖੋ, ਵਲੋਪੋ, ਣੋ. ਗਡਿ ਨਿਨ੍ਦਾਯਂ, ਉਲੋ.

ਤਿਕਂ ਰਸ੍ਸਸਰੀਰੇ ਪੁਗ੍ਗਲੇ. ਰਸ ਸਦ੍ਦੇ, ਸੋ. ਬ੍ਯਾਮਪ੍ਪਮਾਣਂ ਨ ਲਾਤੀਤਿ ਵਾਮਨੋ, ਨੇਰੁਤ੍ਤੋ. ਰਸ੍ਸੋ ਚ ਵਾਮਨੋ ਚੇਤਿ ਦ੍ਵਨ੍ਦੋ. ਲਕੁਡਿ ਵਾਮਨਤ੍ਥੇ, ਅ, ਸਕਤ੍ਥੇ ਕੋ, ਲਕੁ ਵਿਯ ਘਟਿਕਾ ਵਿਯ ਡੇਤਿ ਪਵਤ੍ਤੇਤੀਤਿ ਵਾ ਲਕੁਣ੍ਡਕੋ.

ਪਞ੍ਚਕਂ ਪਙ੍ਗੁਲ਼ਜਨੇ. ਪਰੇਨ ਅਙ੍ਗਤੀਤਿ ਪਙ੍ਗੁਲ਼ੋ, ਉਲੋ. ਪੀਠੇਨ ਸਪ੍ਪਤਿ ਸੀਲੇਨਾਤਿ ਪੀਠਸਪ੍ਪੀ, ਸਪ੍ਪ ਗਮਨੇ, ਉਪਚ੍ਚਯੇ ਪਙ੍ਗੁ, ਦ੍ਵੀਸੁ. ਛਿਨ੍ਨੋ ਗਮਨਾਦਿਇਰਿਯਾਪਥੋ ਯਸ੍ਸਾਤਿ ਸੋ ਛਿਨ੍ਨਿਰਿਯਾਪਥੋ. ਵਿਗਤਾ ਅਕ੍ਖਸਦਿਸਾ ਜਙ੍ਘਾ ਯਸ੍ਸਾਤਿ ਪਕ੍ਖੋ, ਯਥਾ ਹਿ ਰਥਸ੍ਸ ਅਕ੍ਖੇ ਭਿਨ੍ਨੇ ਗਮਨਂ ਨ ਸਿਜ੍ਝਤਿ, ਤਥੇਵ ਤਸ੍ਸਾਪਿ ਅਕ੍ਖਜਙ੍ਘਾਯ ਭਿਨ੍ਨਾਯਾਤਿ ਓਪਮ੍ਮਸਂਸਨ੍ਦਨਂ.

ਦ੍ਵਯਂ ਖਞ੍ਜੇ. ਖਜਿ ਗਤਿਵੇਕਲ੍ਯੇ, ਭੂਵਾਦਿ, ਖਞ੍ਜਤੀਤਿ, ਅ. ਖੋਡਿ ਗਤਿਪਟਿਘਾਤੇ, ਕੋ.

ਦ੍ਵਯਂ ¶ ਅਵਾਕ੍ਯੇ. ਵਤ੍ਤੁਮਸਕ੍ਕੁਣੇਯ੍ਯਤ੍ਤਾ ਮਿਗਸਦਿਸੋਤਿ ਮੂਗੋ, ਇਸ੍ਸੂ. ਸੁਞ੍ਞਂ ਵਚੋ ਯਸ੍ਸਾਤਿ ਸੋ ਸੁਞ੍ਞਵਚੋ.

ਹਤ੍ਥਾਦਿਵਙ੍ਕੋ ਪੁਰਿਸੋ ‘‘ਕੁਣੀ’’ਤ੍ਯੁਚ੍ਚਤੇ. ਕੁਣਨਂ ਕੁਣੋ ਹਤ੍ਥਾਦਿਵੇਕਲ੍ਯਂ, ਤਮੇਤਸ੍ਸਤ੍ਥੀਤਿ ਕੁਣੀ, ਅਥ ਵਾ ਕੁਣ ਸਙ੍ਕੋਚਨੇ, ਈ, ਕੁਚ੍ਛਿਤਂ ਨਯਤੀਤਿ ਵਾ ਕੁਣੀ, ਣਤ੍ਤਂ, ‘‘ਹਤ੍ਥੇਨ ਕੁਣੀ, ਪਾਦੇਨ ਕੁਣੀ’’ਇਚ੍ਚਾਦਿਪਯੋਗਾ. ਦ੍ਵਯਂ ਅਪਾਙ੍ਗਦਸ੍ਸਨੇ ਜਨੇ. ਵਲ ਸਂਵਰਣੇ, ਇਰੋ. ਕੁਚ੍ਛਿਤਂ ਕਰੋਤੀਤਿ ਕੇਕਰੋ, ਉਸ੍ਸੇ.

੩੨੧. ਦ੍ਵਯਂ ਨਿਕ੍ਕੇਸਸੀਸੇ. ਨਿਕ੍ਕੇਸਂ ਸੀਸਮੇਤਸ੍ਸ, ਖਲ ਖਲਨੇ, ਸਞ੍ਚਯੇ ਚ, ਆਟੋ, ਨਿਕ੍ਕੇਸਤ੍ਤਾ ਖਂ ਤੁਚ੍ਛਂ ਸੀਸਂ ਲਾਤੀਤਿ ਖਲ੍ਲਾਟੋ, ਟੋ.

ਤਿਕਂ ਖੁਰਮੁਣ੍ਡਸੀਸੇ. ਮੁਣ੍ਡ ਖਣ੍ਡਨੇ, ਭੂਵਾਦਿ, ਅ. ਭਣ੍ਡ ਪਰਿਭਾਸਨੇ, ਉ, ਸਕਤ੍ਥੇ ਕੋ, ਮੁਣ੍ਡਕੋ, ਮੁਣ੍ਡਿਕੋਪ੍ਯਤ੍ਰ.

ਅਕ੍ਖੀਨਂ ਮਜ੍ਝੇ ਏਕੇਨਾਕ੍ਖਿਨਾ ਸੁਞ੍ਞੋ ਕਾਣੋ ਨਾਮ, ਕਣ ਸਦ੍ਦਗਤਿਨਿਮੀਲਨੇਸੁ, ਣੋ, ਕਣਤਿ ਨਿਮੀਲਤੀਤਿ ਕਾਣੋ, ਤਂ ਪਨਸ੍ਸ ਨਿਮੀਲਨਂ ਏਕੇਨੇਵਕ੍ਖਿਨਾ. ਅਟ੍ਠਕਥਾਦੀਸੁ ਪਨ ‘‘ਕਾਣੋਤਿ ਏਕਚ੍ਛਿਕਾਣੋ, ਉਭਯਚ੍ਛਿਕਾਣੋ ਵਾ’’ਤਿ [ਸਂ. ਨਿ. ਅਟ੍ਠ. ੧.੧.੧੩੨] ਵੁਤ੍ਤਂ. ਦ੍ਵਯੇਨ ਅਕ੍ਖਿਦ੍ਵਯੇਨ ਸੁਞ੍ਞੋ ਅਨ੍ਧੋ ਨਾਮ, ਅਨ੍ਧ ਦਸ੍ਸਨੂਪਸਂਹਾਰੇ, ਅ.

੩੨੨. ਦ੍ਵਯਂ ¶ ਨਟ੍ਠਸੋਤਪ੍ਪਸਾਦੇ. ਬਨ੍ਧ ਬਨ੍ਧਨੇ, ਇਰੋ. ਨਲੋਪੋ. ਸੁਤਿ ਕਣ੍ਣੋ ਹੀਨੋ ਵਿਕਲੋ ਯਸ੍ਸਾਤਿ ਸੁਤਿਹੀਨੋ. ਏਲ਼ੋਪ੍ਯਤ੍ਰ.

ਤਿਕਂ ਗਿਲਾਨਸਾਮਞ੍ਞੇ. ਗਿਲ ਹਾਸਕ੍ਖਯੇ, ਯੁ, ਬ੍ਯਾਧਿਰੋਗੋਸਞ੍ਜਾਤੋ ਯਸ੍ਸ ਬ੍ਯਾਧਿਤੋ. ਅਤ ਸਾਤਚ੍ਚਗਮਨੇ, ਅਧਿਕਰਣੇ, ਕਤ੍ਤਰਿ ਵਾ ਉਰੋ, ਆਤੁਰੋ, ਦੀਘਾਦਿ. ਆਮਯਾਵੀ, ਵਿਕਤੋ, ਅਪਟੁ, ਅਬ੍ਭਮਿਤੋ, ਅਬ੍ਭਾਨ੍ਤੋਪ੍ਯਤ੍ਰ.

ਉਮ੍ਮਾਦੋ ਵਾਤਾਦਿਪਕੋਪੋ ਰੋਗਵਿਸੇਸੋ, ਤਬ੍ਬਤਿ ਉਮ੍ਮਤ੍ਤੋ, ਮਦ ਉਮ੍ਮਾਦੇ, ਉਗ੍ਗਤੇਹਿ ਵਾਤਾਦਿਦੋਸੇਹਿ ਮਦਯਤੀਤਿ ਉਮ੍ਮਾਦੋ, ਣੋ. ਖੁਜ੍ਜਾਦਯੋ ਉਮ੍ਮਤ੍ਤਨ੍ਤਾ ਵਾਚ੍ਚਲਿਙ੍ਗੇ ਯੁਤ੍ਤਤਾਯ ਵਾਚ੍ਚਲਿਙ੍ਗਿਕਾ, ਯਥਾ – ਖੁਜ੍ਜੋ ਪੁਰਿਸੋ, ਖੁਜ੍ਜਾ ਇਤ੍ਥੀ, ਖੁਜ੍ਜਂ ਨਪੁਂਸਕਂ. ਉਮ੍ਮਤ੍ਤੋ ਪੁਰਿਸੋ, ਉਮ੍ਮਤ੍ਤਾ ਇਤ੍ਥੀ, ਉਮ੍ਮਤ੍ਤਂ ਨਪੁਂਸਕਂ.

੩੨੩. ਨਵਕਂ ਰੋਗਮਤ੍ਤੇ. ਤਕਿ ਕਿਚ੍ਛਜੀਵਨੇ, ਭੂਵਾਦਿ, ਆ ਭੁਸੋ ਤਙ੍ਕਤੀਤਿ ਆਤਙ੍ਕੋ, ਅ. ਅਮ ਰੋਗੇ, ਯੋ, ਮਯ ਗਤਿਮ੍ਹਿ ਵਾ, ਅਥ ਵਾ ਅਮ ਰੋਗੇ, ਚੁਰਾਦਿ, ਆਮਯਤਿ ਰੁਜ੍ਜਤੀਤਿ ਆਮਯੋ, ਅ, ਕਾਰਿਤਲੋਪਾਭਾਵੋ. ਵਿਧ ਵਿਜ੍ਝਨੇ, ਵਿਜ੍ਝਤੀਤਿ ਬ੍ਯਾਧਿ, ਇ, ਅਕਾਰਵਣ੍ਣਾਗਮੋ, ਬਾਧ ਵਿਬਾਧਾਯਂ ਵਾ, ਤਦਾ ਯਾਗਮੋ, ਵਿਵਿਧਾ ਵਾ ਆਧਯੋ ਮਨੋਪੀਲ਼ਾ ਯਸ੍ਮਿਂਸ ¶ ਬ੍ਯਾਧਿ, ‘‘ਪੁਮੇ ਆਧਿ ਮਾਨਸੀ ਬ੍ਯਥਾ’’ਤਿ [ਅਮਰ ੮.੨੮] ਹਿ ਅਮਰਕੋਸੇ ਵੁਤ੍ਤਂ. ਰੋਗੇਗਦੋ, ਕੁਵੇਰਾਯੁਧੇ ਗਦਾ, ਗਦੋ ਭਾਥਰਿਕਣ੍ਹਸ੍ਸ, ‘‘ਆਮਯੇ ਚਾਯੁਧੇ ਗਦਾ’’ਤਿ ਹਿ ਨਾਨਤ੍ਥਸਙ੍ਗਹੇ. ਰੁਜ ਰੋਗੇ, ਕਤ੍ਤਰਿ ਣੋ, ਰੁਜਾ ਇਤ੍ਥੀ. ਗਿਲਾਨਸ੍ਸ ਭਾਵੋ ਗੇਲਞ੍ਞਂ. ਕਲ ਗਤਿਸਙ੍ਖ੍ਯਾਨੇਸੁ, ਨ ਕਲਤਿ ਯੇਨ ਤਂ ਅਕਲਂ, ਤਮੇਵ ਅਕਲ੍ਲਂ, ਲੋ. ਬਾਧ ਵਿਬਾਧਾਯਂ, ਭੂਵਾਦਿ, ਅ. ਉਪਤਾਪੋਪ੍ਯਤ੍ਰ.

ਦ੍ਵਯਂ ਖਯਰੋਗੇ, ਰਸਾਦਿਸਤ੍ਤਧਾਤੁਯੋ ਸੋਸਯਤੀਤਿ ਸੋਸੋ, ਸੁਸ ਸੋਸਨੇ, ਦਿਵਾਦਿ, ਣੋ. ਖਿ ਖਯੇ, ਖਯਤੀਤਿ, ਅ. ਯਕ੍ਖਾ, ਰਾਜਯਕ੍ਖਾਪ੍ਯਤ੍ਰ. ਯਕ੍ਖ ਪੂਜਾਯਂ, ਚੁਰਾਦਿ.

੩੨੪. ਦ੍ਵਯਂ ਨਾਸਰੋਗੇ. ਅਪਿਹਿਤਾ ਨਾਸਾ ਅਨੇਨਾਤਿ ਪੀਨਾਸੋ, ਪੀਨਸੋਪਿ. ਉਪਸਗ੍ਗਤੋ ਨਾਸਾਯ ਬਹੁਬ੍ਬੀਹਿਮ੍ਹਿ ਨਸਾਦੇਸਂ ਕੁਬ੍ਬਨ੍ਤਿ [ਪਾਣਿਨਿ ੫.੪.੧੧੯], ਅਪਿਸ੍ਸਾਕਾਰਲੋਪੋ ਵਣ੍ਣਨਾਸੋ, ਰਸ੍ਸਸ੍ਸ ਦੀਘਤਾ. ‘‘ਸੋਸੋ ਯਕ੍ਖਾ ਰਾਜਯਕ੍ਖਾ, ਪਤੀਸ੍ਸਾਯੋ ਤੁ ਪੀਨਸੋ, ਆਪੀਨਸੋ ਪਤਿਸ੍ਸਾਯੋ’’ਤਿ ਰਭਸੋ. ਪਤਿਸ੍ਸਯੋਪ੍ਯਤ੍ਰ. ਵੇਜ੍ਜਗਨ੍ਥੇ ਇਮੇਸਂ ਪੀਨਸਪਤਿਸ੍ਸਾਯਾਨਂ ਭੇਦੋ ਅਭਿਹਿਤੋ –

ਇਹ ਤ੍ਵਭੇਦੇਨੋਤ੍ਤਂ. ਪਤਿਪੁਬ੍ਬੋ ਸਿਧਾਤੁ ਰੁਜਤ੍ਯਤ੍ਥੋ. ਨਾਸਿਕਾਯ ਜਾਤੋ ਰੋਗੋ ਨਾਸਿਕਾਰੋਗੋ.

ਘਾਨੇ ਪਵਤ੍ਤੋ ਅਸ੍ਸਵੋ ਸਿਙ੍ਘਾਨਿਕਾ ਨਾਮ, ਸਿਙ੍ਘ ਆਘਾਨੇ, ਭੂਵਾਦਿ, ਸਿਙ੍ਘਤੀਤਿ ਸਿਙ੍ਘਾਨਂ, ਯੁ, ਤਤ੍ਥ ਜਾਤਾ ਸਿਙ੍ਘਾਨਿਕਾ. ਆ ਪੁਨਪ੍ਪੁਨਂ ਸਵਤਿ ਸਨ੍ਦਤੀਤਿ ਅਸ੍ਸਵੋ, ਸੂ ਅਭਿਸਵੇ. ਦ੍ਵਯਂ ਵਣਮਤ੍ਤੇ. ਅਰ ਗਮਨੇ, ਉ, ਅਰੁ, ਨਪੁਂਸਕੇਯੇਵ. ਵਣ ਗਤ੍ਤਵਿਚੁਣ੍ਣਨੇ, ਚੁਰਾਦਿ, ਅ, ਵਣੋ, ਅਨਿਤ੍ਥੀ. ਦ੍ਵਯਂ ਫੋਟੇ. ਫੁਟ ਸਂਸਿਲੇਸਨੇ, ਭੂਵਾਦਿ, ਫੋਟੋ, ਣੋ. ਪੀਲ਼ ਵਿਬਾਧਾਯਂ, ਚੁਰਾਦਿ, ਣ੍ਵੁ, ‘‘ਇਤ੍ਥਿਯਮਤੋ ਆਪਚ੍ਚਯੋ’’ਤਿ ਆ, ਪੀਲ਼ਕੋ, ਪੀਲ਼ਕਾ, ਪੀਲ਼ਕਂ, ਤੀਸ੍ਵਪਿ, ਤਥਾ ਫੋਟੋ.

੩੨੫. ਦ੍ਵਯਂ ਪਕ੍ਕਵਣਾਦੀਸੁ ਸਞ੍ਜਾਤਦੁਗ੍ਗਨ੍ਧਵਿਸੇਸੇ. ਪੁਬ੍ਬ ਪੂਰਣੇ, ਭੂਵਾਦਿ, ਅ. ਪੂਯ ਵਿਸਰਣੇ, ਦੁਗ੍ਗਨ੍ਧੇ ਚ, ਭੂਵਾਦਿ.

ਦ੍ਵਯਂ ਲੋਹਿਤਨਿਸ੍ਸਰਣਰੋਗੇ. ਰਤ੍ਤਸ੍ਸ ਲੋਹਿਤਸ੍ਸ ਸਣ੍ਠਾਨਮਤਿਕ੍ਕਮਿਤ੍ਵਾ ਸਰਣਂ ਗਮਨਂ ਰਤ੍ਤਾਤਿਸਾਰੋ. ਪਕ੍ਖਨ੍ਦਤਿ ਨਿਸ੍ਸਰਤੀਤਿ ਪਕ੍ਖਨ੍ਦਿਕਾ. ਕਮੁ ਪਦਵਿਕ੍ਖੇਪੇ. ‘‘ਇਤ੍ਥਿਯਮਤਿਯਵੋ ਵਾ’’ਤਿਤਿ. ‘‘ਪਕ੍ਕਮਾਦੀਹਿਨ੍ਤੋ ਚੇ’’ਤਿ ਏਤ੍ਥ ਚਕਾਰੇਨ ਤਿਸ੍ਸਨ੍ਤਿ, ਧਾਤ੍ਵਨ੍ਤਲੋਪੋ ਚ, ਸਕਤ੍ਥੇ ਕੋ. ਦ੍ਵਿਤ੍ਤੇ. ਯਦਾਦਿਨਾ ਪਰਕਕਾਰਸ੍ਸ ਖੋ, ਪਕ੍ਖਨ੍ਦਿਕਾ.

ਦ੍ਵਯਂ ¶ ਅਪਮਾਰੇ. ਸਰਣਂ ਸਾਰੋ, ਅਪਗਤੋ ਸਾਰੋ ਯੇਨ ਅਪਮਾਰੋ, ਸਸ੍ਸ ਮੋ. ਇਤਰਤ੍ਰ ਮਕਾਰਾਗਮੋ. ਦ੍ਵਯਂ ਪਾਦਭੇਦੇ. ਪਾਦਸ੍ਸ ਫੋਟੋ ਭੇਦਨਂ ਦਰਣਂ ਪਾਦਫੋਟੋ, ਫੁਟ ਭੇਦੇ. ਵਿਰੂਪੋ ਪਾਦੋ ਏਤਾਯ ਹੇਤੁਭੂਤਾਯਾਤਿ ਵਿਪਾਦਿਕਾ. ਸਮਾਸਨ੍ਤੇ ਕੋ, ਪੁਬ੍ਬਾਕਾਰਸ੍ਸਿਤ੍ਤਂ, ਵਿਦਾਰੀਯਮਾਨਤ੍ਤਾ ਵਿਪਜ੍ਜਮਾਨੋ ਪਾਦੋ ਅਸ੍ਸਨ੍ਤਿ ਵਾ ਵਿਪਾਦਿਕਾ.

੩੨੬. ਦ੍ਵਯਂ ਵੁਡ੍ਢਿਪ੍ਪਤ੍ਤਣ੍ਡਕੋਸਰੋਗੇ. ਵੁਡ੍ਢਿਪ੍ਪਤ੍ਤੋ ਰੋਗੋ ਵੁਡ੍ਢਿਰੋਗੋ. ਵਾਤਪੂਰਿਤਂ ਅਣ੍ਡਂ ਕੋਸੋ ਵਾਤਣ੍ਡਂ. ਦ੍ਵਯਂ ਥੂਲਪਾਦਰੋਗੇ. ਘਨਾਭਾਵਤੋ ਸਿਥਿਲਂ ਪਦਂ ਸੀਪਦਂ, ਵਣ੍ਣਨਾਸੋ, ਦੀਘਾਦਿ. ਭਾਰੋ ਪਾਦੋ ਯਸ੍ਸ, ਤਸ੍ਸ ਭਾਵੋ ਭਾਰਪਾਦਤਾ.

ਪਞ੍ਚਕਂ ਕਣ੍ਡੁਯਂ. ਕਣ੍ਡ ਭੇਦਨੇ, ਉ, ਦੀਘੇ ਕਣ੍ਡੂ, ਵਧੂਸਦ੍ਦੋਵ. ਤਿਮ੍ਹਿ ਕਣ੍ਡੂਤਿ, ਅਸ੍ਸੂ, ਚੁਰਾਦਿਤ੍ਤਾ ਯਮ੍ਹਿ ਕਣ੍ਡੂਯਾ, ਯਲੋਪਾਭਾਵੋ. ਖਜ੍ਜ ਥੇਯ੍ਯਕਰਣਬ੍ਯਥਨੇਸੁ, ਭੂਵਾਦਿ, ਉ. ਯੁਮ੍ਹਿ ਕਣ੍ਡੂਵਨਂ, ਅਸ੍ਸੂ. ਉਵਾਦੇਸੋ, ਦੀਘੋ ਚ.

੩੨੭. ਤਿਕਂ ਕਚ੍ਛੁਯਂ. ਯਾ ‘‘ਖਸੁਰੋਗੋ’’ਤਿ ਵੁਚ੍ਚਤਿ. ਪਾਤ੍ਯਤ੍ਤਾਨਨ੍ਤਿ ਪਾਮਂ, ਮਨ, ਪਾਮਾਪ੍ਯਤ੍ਥਿ, ਪੁਲ੍ਲਿਙ੍ਗੋ, ਰਾਜਾਦਿ, ਵਿਸੇਸੇਨ ਤਚ੍ਛਤਿ ਕਾਸਨ੍ਤਿ ਵਿਤਚ੍ਛਿਕਾ, ਤਚ੍ਛ ਤਨੁਕਰਣੇ, ਣ੍ਵੁ ¶ , ‘‘ਵਿਵਚ੍ਛਿਕਾ’’ [ਵਿਚ੍ਚਚ੍ਚਿਕਾ (ਅਮਰ ੧੬.੫੩)] ਤਿਪਿ ਪਾਠੋ. ਵਚ੍ਛ ਪਰਿਭਾਸਨਤਜ੍ਜਨੇਸੁ, ਭੂਵਾਦਿ. ਕਚ ਬਨ੍ਧਨੇ, ਉ, ਚਸ੍ਸ ਛਤ੍ਤਂ, ਦ੍ਵਿਤ੍ਤਾਦਿ. ਤਿਲਕਾਲ਼ਕਨ੍ਤਂ ਦ੍ਵਯਂ ਦ੍ਵਯਂ ਸਮਤ੍ਥਂ. ਤਤ੍ਰ ਦ੍ਵਯਂ ਸੋਥੇ. ਸੁ ਗਤਿਵੁਡ੍ਢੀਸੁ, ਭੂਵਾਦਿ, ਥੋ. ਥੁਪਚ੍ਚਯੇ ਸਯਥੁ, ਉਸ੍ਸਤ੍ਤਂ, ਯਾਗਮੋ ਚ. ਸੋਫੋਪ੍ਯਤ੍ਰ. ਸੋਕਂ ਫਾਯਤਿ ਬਹੁਲਂ ਕਰੋਤੀਤਿ ਸੋਫੋ, ਫਾਯ ਵੁਡ੍ਢਿਯਂ, ਫਾਯਸ੍ਸ ਫੋ, ਨੇਰੁਤ੍ਤੋ.

ਦ੍ਵਯਂ ਅਰਿਸਰੋਗੇ. ਅਮਙ੍ਗਲਤਾਯ ਦੁ ਨਿਨ੍ਦਿਤਂ ਨਾਮਮਸ੍ਸ ਦੁਨ੍ਨਾਮਂ, ਸਕਤ੍ਥੇ, ਕੁਚ੍ਛਾਯਂ ਵਾ ਕੋ, ਦੀਘਕੋਸਿਕਾਯਂ ਦੁਨ੍ਨਾਮਾ, ਇਤ੍ਥੀ. ਅਰਿ ਵਿਯ ਸਸਤਿ ਹਿਂ ਸਤੀਤਿ ਅਰਿਸਂ, ਸਸ ਹਿਂਸਾਯਂ, ਕ੍ਵਿ, ਅਰ ਗਮਨੇ ਵਾ, ਇਸੋ. ਦ੍ਵਯਂ ਵਮਨਰੋਗੇ. ਛਦ੍ਦ ਵਮਨੇ, ਚੁਰਾਦਿ, ਣ੍ਵੁ. ਵਮੁ ਉਗ੍ਗਿਰਣੇ, ਥੁ. ਵਮਿਧੁਪ੍ਯਤ੍ਰ. ਛਦ੍ਦਿਕਾ, ਵਮਿ ਇਤ੍ਥਿਯਂ, ਵਮਥੁ ਪੁਮੇ.

੩੨੮-੩੨੯. ਦ੍ਵਯਂ ਪਰਿਤਾਪੇ. ਦੁ ਪਰਿਤਾਪੇ, ਤਨਾਦਿ, ਥੁ. ਪਰਿਤਪਨਂ ਸਨ੍ਤਾਪਨਂ ਪਰਿਤਾਪੋ. ਦ੍ਵਯਂ ਤਿਲਕਾਲ਼ਕੇ. ਤਿਲਸਣ੍ਠਾਨਂ ਵਿਯ ਜਾਯਤੀਤਿ ਤਿਲਕੋ. ਤਿਲਂ ਵਿਯ ਕਾਲ਼ੋ ਹੁਤ੍ਵਾ ਜਾਯਤੀਤਿ ਤਿਲਕਾਲ਼ਕੋ.

ਮਹਾਵਿਰੇਕੋ ‘‘ਵਿਸੂਚਿਕਾ’’ਤ੍ਯੁਚ੍ਚਤੇ. ਨਿਸ੍ਸੇਸਤੋ ਸੁਚਤਿ ਗਚ੍ਛਤੀਤਿ ਸੂਚਿਕਾ. ਸੁਚਿ, ਸੁਚ ਗਤਿਯਂ, ਭੂਵਾਦਿ. ਸੁਚ ਸੋਚੇਯ੍ਯੇ ¶ ਵਾ, ਨਿਸ੍ਸੇਸਤੋ ਸੋਚੇਤੀਤਿ ਵਿਸੂਚਿਕਾ, ਵਿਸੇਸੇਨ ਸੂਚਿ ਵਿਯ ਵਿਜ੍ਝਤੀਤਿ ਵਾ ਵਿਸੂਚਿਕਾ. ਬਹੁਮੋਸਰਣਤ੍ਤਾ ਮਹਨ੍ਤੋ ਵਿਰੇਕੋ ਮਹਾਵਿਰੇਕੋ, ਰਿਚ ਵਿਯੋਜਨਸਮ੍ਪੁਚ੍ਛਨੇਸੁ, ਣੋ.

ਭਗਨ੍ਦਲਾਦਯੋ ਸਤ੍ਤ ਆਮਯਨ੍ਤਰਾ ਰੋਗਭੇਦਾ ਭਵਨ੍ਤਿ. ਤਤ੍ਰ ਗੁਦਸਮੀਪਜੋ ਵਣਵਿਸੇਸੋ ਭਗਨ੍ਦਲਾ, ਇਤ੍ਥੀ. ਭਗਂ ਯੋਨਿ, ਤਂ ਦਾਰਯਤੀਤਿ ਰੂਲ਼੍ਹੀਤੋ ਅਪਚ੍ਚਯਨ੍ਤੋ ਨਿਪਾਤਿਤੋ. ਦਰ ਵਿਦਾਰਣੇ, ਭੂਵਾਦਿ, ਲਤ੍ਤੇ ਭਗਨ੍ਦਲਾ. ਭਗਨ੍ਦਰੋਪ੍ਯਤ੍ਰ. ਮੇਹੋ ਮੁਤ੍ਤਮੇਹੋ, ਸੋ ਚ ਬਹੁਮੁਤ੍ਤਤਾਯ ਮਧੁਮੇਹੋ, ਰਤ੍ਤਮੇਹੋ, ਸੁਕ੍ਕਮੇਹੋਤ੍ਯਨੇਕਵਿਧੋ. ਮਿਹ ਸੇਚਨੇ, ਭੂਵਾਦਿ, ਮਿਹਤਿ ਮੁਤ੍ਤਨ੍ਤਿ ਮੇਹੋ, ਣੋ. ਜਰ ਰੋਗੇ. ਭੂਵਾਦਿ, ਜਰਤੀਤਿ, ਅ. ਜਰੋ ਪਸਿਦ੍ਧੋ. ਕਾਸ ਸਦ੍ਦਕੁਚ੍ਛਾਯਂ, ਦਿਤ੍ਤਿਯਞ੍ਚ, ਭੂਵਾਦਿ, ਕਾਸਤੀਤਿ ਕਾਸੋ, ਣੋ, ਕੁਚ੍ਛਿਤਂ ਅਸਤੀਤਿ ਵਾ ਕਾਸੋ, ਕੁਆਪੁਬ੍ਬੋ. ਸਸ ਪਾਣਨੇ, ਸਸਨਂ ਸਾਸੋ, ਭੁਸਂ ਸਸਨਮੇਤਸ੍ਸਤ੍ਥੀਤਿ ਵਾ ਸਾਸੋ, ਕੁਟ ਛੇਦਨੇ, ਠੋ, ਕੁਟ੍ਠਂ. ਸਾਮਞ੍ਞੇਨ ਤਚੋਵਿਕਾਰੇ. ਸੁਕ੍ਕੇ ਤੁ ਸਿਤ੍ਤਂ. ਸੂਲ ਰੁਜਾਯਂ, ਭੂਵਾਦਿ, ਸੂਲਂ. ਵਿਦ੍ਦਧਿ, ਅਸ੍ਮਰੀ, ਮੁਤ੍ਤਕਿਚ੍ਛਾਦਯੋਪ੍ਯਨੇਕਾ ਰੋਗਭੇਦਾ.

ਪਜ੍ਜਦ੍ਧਂ ਵੇਜ੍ਜੇ. ਆਯੁਬ੍ਬੇਦਸਙ੍ਖਾਤਂ ਵਿਜ੍ਜਂ ਜਾਨਾਤੀਤਿ ਵੇਜ੍ਜੋ, ‘‘ਣ ਰਾਗਾ ਤਸ੍ਸੇਦਮਞ੍ਞਤ੍ਥੇਸੁ ਚਾ’’ਤਿ ਣੋ, ਵਿਦ ਞਾਣੇ ਵਾ, ਵਿਨ੍ਦਤੀਤਿ ਵੇਜ੍ਜੋ, ਣ੍ਯੋ, ਦ੍ਯਸ੍ਸ ਜੋ. ਭਿਸਜ੍ਜਤਿ ਚਿਕਿਚ੍ਛਤੀਤਿ ਭਿਸਕ੍ਕੋ, ਅ, ਜਸ੍ਸ ਕੋ. ਰੋਗਂ ਹਰਤਿ ਸੀਲੇਨਾਤਿ ਰੋਗਹਾਰੀ, ਣੀ. ਹਰਸਦ੍ਦੋਯਂ ਕੇਵਲੋਪਿ ਆਨਯਨਾਪਨਯਨੇਸੁ ਵਤ੍ਤਤਿ ‘‘ਮਨੋਹਰੋ, ਦੁਕ੍ਖਹਰੋ’’ਇਚ੍ਚਾਦੀਸੁ, ਇਧ ਅਪਨਯਨੇ. ਕਿਤ ਰੋਗਾਪਨਯਨੇ, ਭੂਵਾਦਿ. ਤਿਕਿਚ੍ਛਤੀਤਿ ਤਿਕਿਚ੍ਛਕੋ, ਛਪਚ੍ਚਯੋ, ਣ੍ਵੁ, ਦ੍ਵਿਤ੍ਤਾਦਿ. ਅਗਦਕਰੋਪ੍ਯਤ੍ਰ, ਅਗਦਂ ਅਰੋਗਂ ਪਾਣੀਨਂ ਕਰੋਤੀਤਿ ਅਗਦਕਰੋ, ਕਮ੍ਮਾਦਿਮ੍ਹਿ ਣੋ.

੩੩੦. ਦ੍ਵਯਂ ¶ ਸਲ੍ਲਨੀਹਰਣੇ ਵੇਜ੍ਜੇ. ਕਾਯੇ ਪਵਿਟ੍ਠਸਰਾਦਿਸਲ੍ਲਸ੍ਸ ਨੀਹਰਣੋ ਵੇਜ੍ਜੋ ਸਲ੍ਲਵੇਜ੍ਜੋ. ਯਥਾਵੁਤ੍ਤਂ ਸਲ੍ਲਂ ਨੀਹਰਣਵਸੇਨ ਕਨ੍ਤਤਿ ਛਿਨ੍ਦਤੀਤਿ ਸਲ੍ਲਕਤ੍ਤੋ, ਕਤਿ ਛੇਦਨੇ, ਤੋ. ਦ੍ਵਯਂ ਪਟਿਕਾਰੇ. ਤਿਕਿਚ੍ਛਨਂ ਤਿਕਿਚ੍ਛਾ, ਭਾਵੇ ਅ. ਪਤਿਪੁਬ੍ਬੋ ਕਰੋਤਿ ਤਿਕਿਚ੍ਛਾਯਂ, ਕਰਤੋ ਰਿਰਿਯਾ.

ਚਤੁਕ੍ਕਂ ਓਸਧੇ. ਭਿਸਜਾਨਮਿਦਂ ਭੇਸਜ੍ਜਂ, ਣ੍ਯ. ਨ ਵਿਜ੍ਜਤੇ ਗਦੋ ਯਸ੍ਮਿਨ੍ਤਿ ਅਗਦੋ. ਭਿਸਜਾਨਮਿਦਂ ਭੇਸਜਂ, ਣੋ. ਉਸ ਦਾਹੇ. ਰੋਗਮੋਸਾਪੇਤੀਤਿ ਓਸਧਂ, ਧੋ, ਅਥ ਵਾ ਓਸਧੀ ਨਾਮ ਅਸਂਯੋਗਦਬ੍ਬਂ, ਤੇਹਿ ਸਂਯੋਜਿਤਂ ਓਸਧਂ. ਜਾਯੁਪ੍ਯਤ੍ਰ. ਜਿ ਜਯੇ, ਣੁ.

੩੩੧. ਤਿਕਂ ਆਰੋਗ੍ਯੇ. ਅਨਤ੍ਥਕਾਰਕਤ੍ਤਾ ਕੁਚ੍ਛਿਤਾਕਾਰੇਨ ਸਰੀਰੇ ਸੇਨ੍ਤੀਤਿ ਕੁਸਾ, ਰੋਗਾ, ਤੇ ਲੁਨਾਤਿ ਛਿਨ੍ਦਤੀਤਿ ਕੁਸਲਂ. ਆਮਯਸ੍ਸਾਭਾਵੋ ਅਨਾਮਯਂ, ਅਬ੍ਯਯੀਭਾਵੋ. ਅਰੋਗਸ੍ਸ ਭਾਵੋ ਆਰੋਗ੍ਯਂ. ਕੁਸਲਾਨਾਮਯਾਰੋਗ੍ਯਨ੍ਤਿ ਸਮਾਹਾਰਦ੍ਵਨ੍ਦੋ. ਦ੍ਵਯਂ ਅਨਾਮਯਜਨੇ. ਕਲ ਗਤਿਸਙ੍ਖ੍ਯਾਨੇਸੁ. ਕਲਤਿ ਯਥਾਸੁਖਂ ਸਬ੍ਬਿਰਿਯਾਪਥੇਸੂਤਿ ਕਲ੍ਲੋ, ਲੋ. ‘‘ਕਾਲਂ ਖਮਤੀਤਿ ਕਲ੍ਯਂ, ਅਰੋਗਤਾ, ਤਸ੍ਸਂ ਨਿਯੁਤ੍ਤੋ ਕਲ੍ਯੋ’’ਤਿ ਅਙ੍ਗੁਤ੍ਤਰਨਿਕਾਯਟੀਕਾਯਂ. ਨਤ੍ਥਿ ਆਮਯੋ ਯਸ੍ਮਿਂ ਨਿਰਾਮਯੋ. ਵੁਤ੍ਤੋਪ੍ਯਤ੍ਰ. ਵੁਤ੍ਤਿ ਜੀਵਿਤਵੁਤ੍ਤਿ ਪਸਤ੍ਥਾ ਅਸ੍ਸਤ੍ਥੀਤਿ ਵੁਤ੍ਤੋ. ਰੋਗਤੋ ਨਿਗ੍ਗਤਜਨੇ ਪਨ ਉਲ੍ਲਾਘੋ, ਲਾਘ ਸਾਮਤ੍ਥਿਯੇ, ਉਸਦ੍ਦੋਯਂ ਰੋਗਵਿਮੁਤ੍ਯਤ੍ਥੋ. ਨਰਾਦਿਤ੍ਤਾ, ਨਰਪ੍ਪਧਾਨਤ੍ਤਾ ਚ ਨਰਵਗ੍ਗੋ.

੩੩੨. ਸਨ੍ਤਤਿਪਰਿਯਨ੍ਤਂ ਵਂਸੇ. ਕੁਲ ਸਨ੍ਤਾਨਬਨ੍ਧੂਸੁ, ਭੂਵਾਦਿ, ਣੋ, ਕੁਲਂ, ਵਨ ਸਮ੍ਭਤ੍ਤਿਯਂ, ਸੋ. ਸਂਤਨੁ ਵਿਤ੍ਥਾਰੇ, ਣੋ. ਅਭਿਮੁਖਂ ਜਨੇਤੀਤਿ ਅਭਿਜਨੋ, ਣੋ. ਗੋ ਵੁਚ੍ਚਤਿ ਅਭਿਧਾਨਂ, ਬੁਦ੍ਧਿ ਚ, ਤੇ ਤਾਯਤੀਤਿ ਗੋਤ੍ਤਂ. ਗੋਤ੍ਰਮ੍ਪਿ. ਗਵਂ ਸਦ੍ਦਂ ਤਾਯਤੀਤਿ ਵਾ ਗੋਤ੍ਤਂ, ਤਾ ਪਾਲਨੇ. ਅਨੁਪੁਬ੍ਬੋ ਇ ਗਤਿਯਂ, ਕਰਣੇ ਅ. ਤਨੋਤਿਸ੍ਮਾਤਿ, ਸਨ੍ਤਤਿ, ਨਲੋਪੋ, ਇਤ੍ਥਿਯਂ.

ਸਨ੍ਤਤਿ ਪਨ੍ਤਿਵਿਤ੍ਥਾਰ-ਗੋਤ੍ਤੇਸੁ ਕਵਿਭੀ ਮਤਾ;

ਪਰਮ੍ਪਰਾ ਭਵੇ ਚਾਪਿ, ਪੁਤ੍ਤਕਞ੍ਞਾਸੁ ਸਨ੍ਤਤਿ.

ਖਤ੍ਤਿਯਾਦਯੋ ਖਤ੍ਤਿਯਬ੍ਰਾਹ੍ਮਣਵੇਸ੍ਸਸੁਦ੍ਦਾ ਚਤ੍ਤਾਰੋ ਵਣ੍ਣਾ ਕੁਲਾਨਿ ਭਵਨ੍ਤਿ, ਏਤੇ ਹਿ ਅਞ੍ਞਮਞ੍ਞਮਸਙ੍ਕਰਤੋ ਵਣ੍ਣੇਤਬ੍ਬਤੋ ਠਪੇਤਬ੍ਬਤੋ ਵਣ੍ਣਾਤਿ ਵੁਚ੍ਚਨ੍ਤੇ. ਵਣ੍ਣ ਠਪਨੇ.

੩੩੩-੩੩੪. ਛਕ੍ਕਂ ¶ ਕੁਲੀਨੇ. ਕੁਲਸ੍ਸਾਪਚ੍ਚਂ ਕੁਲਿਨੋ, ਇਨੋ ਅਪਚ੍ਚੇ. ਸੋਭਨੋ ਜਨੋ ਸਜ੍ਜਨੋ. ਸਪਰਤ੍ਥਂ ਸਾਧੇਤੀਤਿ ਸਾਧੁ, ਸਾਧ ਸਂਸਿਦ੍ਧਿਮ੍ਹਿ, ਉ. ਸਭਾਯਂ ਸਾਧੁ ਸਭ੍ਯੋ. ਸਾਧ੍ਵਤ੍ਥੇ ਯੋ. ਅਯ ਗਤਿਯਂ. ਅਯਿਤਬ੍ਬੋ ਉਪਗਨ੍ਤਬ੍ਬੋਤਿ ਅਯ੍ਯੋ, ਕਮ੍ਮਨਿ ਯੋ. ਮਹਾਕੁਲਸ੍ਸਾਪਚ੍ਚਂ ਮਹਾਕੁਲੋ, ਣੋ.

ਭੂਭੁਜਨ੍ਤਂ ਰਾਜਸਾਮਞ੍ਞੇ. ਅਤਿਤੇਜਵਨ੍ਤਤਾਯ ਵਿਸੇਸੇਨ ਰਾਜਤੇ ਦਿਬ੍ਬਤੇਤਿ ਰਾਜਾ, ਰਾਜ ਦਿਤ੍ਤਿਯਂ. ਭੁਯਾ ਭੂਮਿਯਾ ਪਤਿ ਭੂਪਤਿ, ਭੁਂ ਪਾਲੇਤੀਤਿ ਵਾ ਭੂਪਤਿ, ਪਾ ਰਕ੍ਖਣੇ,ਤਿ, ਰਸ੍ਸੋ. ਪਥਵਿਯਾ ਇਸ੍ਸਰੋ ਪਤ੍ਥਿਵੋ, ਣੋ, ਦ੍ਵਿਤ੍ਤਂ, ਇਤ੍ਤਞ੍ਚ. ਜਗਤਿਂ ਭੂਮਿਂ ਪਾਲੇਤੀਤਿ ਜਗਤਿਪਾਲੋ, ਕਮ੍ਮਨਿ ਣੋ. ਦਿਸਾਨਂ ਪਤਿ ਦਿਸਮ੍ਪਤਿ, ਦਿਸਾ, ਦਿਸਟ੍ਠੇ ਵਾ ਪਾਲੇਤੀਤਿ ਦਿਸਮ੍ਪਤਿ, ਰਸ੍ਸਤ੍ਤਂ, ਨਿਗ੍ਗਹੀਤਾਗਮੋ ਚ. ਭੁਂ ਭੂਮਿਂ ਭੁਞ੍ਜਤੀਤਿ ਭੂਭੁਜੋ, ਭੁਜ ਪਾਲਨਜ੍ਝੋਹਰਣੇਸੁ, ਇਧ ਪਾਲਨੇ, ਰੁਧਾਦਿ. ਮਹਿਖਿਤੋਪ੍ਯਤ੍ਰ. ਖਿ ਨਿਵਾਸਗਤੀਸੁ, ਮਹਿਂ ਅਖਿ ਗਤਵਾ ਮਹੀਖਿਤੋ.

੩੩੫. ਪਜ੍ਜਦ੍ਧਂ ਮੁਦ੍ਧਾਭਿਸਿਤ੍ਤੇ ਜਾਤਿਖਤ੍ਤਿਯੇ, ‘‘ਰਾਜਜਚ੍ਚੇ ਚ ਖਤ੍ਤਿਯੇ’’ਤਿ ਵਚਨਤੋ. ਰਞ੍ਞੋ ਖਤ੍ਤਿਯਸ੍ਸਾਪਚ੍ਚਂ ਰਾਜਞ੍ਞੋ, ਞ੍ਞੋ ¶ ਅਪਚ੍ਚੇ. ‘‘ਖਤ੍ਤਿਯੋ ਤੁ ਵਿਰਾ ਖਤ੍ਤਂ, ਰਾਜਞ੍ਞਦ੍ਵਿਜਲਿਙ੍ਗਨੋ’’ਤਿ ਰਭਸ, ਰਤਨਕੋਸੇਸੁ ਪਰਿਯਾਯਾ. ਖਤ੍ਤਸ੍ਸਾਪਚ੍ਚਂ ਖਤ੍ਤਿਯੋ, ਅਪਚ੍ਚੇ ਇਯਪਚ੍ਚਯੋ ਦਿਸ੍ਸਤੇ, ਖੇਤ੍ਤਾਨਂ ਅਧਿਪਤਿਭੂਤਤ੍ਤਾ ਵਾ ਖਤ੍ਤਿਯੋਤਿਆਦਿਕਪ੍ਪਿਕਰਾਜਾ ਵੁਚ੍ਚਤਿ, ਤਪ੍ਪਭਵਤ੍ਤਾ ਪਨ ਮੁਦ੍ਧਾਭਿਸਿਤ੍ਤੇਸ੍ਵਪਿ ਤਂਸਮਞ੍ਞਾ, ਏਸ੍ਸਤ੍ਤਂ. ਖਤ੍ਤਸ੍ਸਾਪਚ੍ਚਂ ਖਤ੍ਤਂ, ਣੋ. ਰਜ੍ਜਾਰੋਪਨਸਮਯੇ ਦਕ੍ਖਿਣਾਵਟ੍ਟਸਙ੍ਖੋਦਕੇਨ ਗਙ੍ਗਾਨੀਤੇਨ ਮੁਦ੍ਧਨਿ ਖਤ੍ਤਿਯਕਞ੍ਞਾਦੀਹਿ ਅਭਿਸਿਤ੍ਤਤ੍ਤਾ ਮੁਦ੍ਧਾਭਿਸਿਤ੍ਤੋ, ਪਠਮਖਤ੍ਤਿਯੋ. ਤਪ੍ਪਭਵਤਾਯ ਪਨ ਅਨਭਿਸਿਤ੍ਤਾ ਚ ਮੁਦ੍ਧਾਭਿਸਿਤ੍ਤਾਖ੍ਯਾ, ਯਥਾ – ਬ੍ਰਹ੍ਮਬਾਹੁਜਸ੍ਸ ਵਂਸੇ ਜਾਤਸ੍ਸਾਪਿ ਬ੍ਰਹ੍ਮਬਾਹੁਜੋ. ਬ੍ਰਹ੍ਮਬਾਹੁਤੋ ਜਾਤਤ੍ਤਾ ਬਾਹੁਜੋਤਿ ਹਿ ਨਿਕਾਯਨ੍ਤਰਿਕਾਨਂ ਲਦ੍ਧਿ. ਯਸ੍ਮਿਂ ਪਨ ਰਾਜਿਨਿ ਅਸੇਸਾ ਸਾਮਨ੍ਤਾ ਪਣਮਨ੍ਤਿ, ਸੋ ਅਧਿਸ੍ਸਰਾਖ੍ਯੋ [ਅਮਰ ੧੮.੨]. ਸਂ ਸਤ੍ਤੋ ਲਗ੍ਗੋ ਅਨ੍ਤੋ ਯਸ੍ਸਾ ਸਾ ਸਮਨ੍ਤਾ, ਸਵਿਸਯਾਨਨ੍ਤਰਾ ਭੂਮਿ, ਸਮਨ੍ਤਾਯ ਇਮੇ ਸਾਮਨ੍ਤਾ, ਅਨਨ੍ਤਰਰਾਜਾਨੋ.

ਦ੍ਵਯਂ ਚਕ੍ਕਵਤ੍ਤਿਨਿ. ਸਬ੍ਬਭੂਮਿਯਾ ਇਸ੍ਸਰੋ ਸਬ੍ਬਭੁਮ੍ਮੋ, ਣ੍ਯੋ. ਪੁਞ੍ਞੋਪਨੀਤੇਨ ਚਕ੍ਕਰਤਨੇਨ ਵਤ੍ਤਤੇ ਅਸਾਧੁਦਮਨਿਕਾਦਿਰਾਜਵਤ੍ਤਂ ਅਨੁਤਿਟ੍ਠਤੀਤਿ ਚਕ੍ਕਵਤ੍ਤੀ, ਣੀ, ਚਕ੍ਕਰਤਨਂ ਵਤ੍ਤੇਤਿ ਆਕਾਸੇ ਅਤ੍ਤਨੋ ਪੁਰਤੋ ਗਮਯਤੀਤਿ ਵਾ ਚਕ੍ਕਵਤ੍ਤੀ, ਪੁਞ੍ਞਚਕ੍ਕਂ, ਚਤੁਚਕ੍ਕਂ ਵਾ ਸਤ੍ਤੇਸੁ ਵਤ੍ਤੇਤਿ, ਤੇ ਵਾ ਅਸ੍ਮਿਂ ਵਤ੍ਤੇਤੀਤਿ ਚਕ੍ਕਵਤ੍ਤੀ, ਚਕ੍ਕਰਤਨੁਪ੍ਪਾਦਨਤ੍ਥਂ ਦ੍ਵਾਦਸਵਸ੍ਸਚਰਿਤਂ ਦਸਰਾਜਧਮ੍ਮਂ ਵਤ੍ਤਮੇਤਸ੍ਸਤ੍ਥੀਤਿ ਵਾ ਚਕ੍ਕਵਤ੍ਤੀ. ਤਤ੍ਥ ਅਨ੍ਤੋਜਨਸ੍ਮਿਂ ਬਲਕਾਯੇ ਧਮ੍ਮਿਕਾਰਕ੍ਖਾਵਰਣਗੁਤ੍ਤਿਯਾ ਸਂਵਿਧਾਨਂ, ਖਤ੍ਤਿਯੇਸੁ, ਅਨੁਯੁਤ੍ਤੇਸੁ, ਬ੍ਰਾਹ੍ਮਣਗਹਪਤਿਕੇਸੁ, ਨੇਗਮਜਾਨਪਦੇਸੁ, ਸਮਣਬ੍ਰਾਹ੍ਮਣੇਸੁ, ਮਿਗਪਕ੍ਖੀਸੁ, ਅਧਮ੍ਮਕਾਰਪਟਿਕ੍ਖੇਪੋ, ਅਧਨਾਨਂ ਧਨੁਪ੍ਪਾਦਨਂ, ਸਮਣਬ੍ਰਾਹ੍ਮਣੇ ਉਪਸਙ੍ਕਮਿਤ੍ਵਾ ਪਞ੍ਹਪੁਚ੍ਛਨਨ੍ਤਿ ਇਦਂ ਦਸਵਿਧਂ ਚਕ੍ਕਵਤ੍ਤਿਵਤ੍ਤਂ, ਇਦਮੇਵ ਚ ਗਹਪਤਿਕੇ, ਪਕ੍ਖਿਜਾਤੇ ਚ ਵਿਸੁਂ ਕਤ੍ਵਾ ਗਹਣਵਸੇਨ ਦ੍ਵਾਦਸਵਿਧਮ੍ਪਿ ਦੀਪੇਸੁ. ਚਤੂਸ੍ਵਪਿ ਦੀਪੇਸੁ ਆਣਾਧਮ੍ਮਚਕ੍ਕਾਨਿ ਸਤ੍ਤੇਸੁ ¶ ਪਵਤ੍ਤੇਤੀਤਿ ਵਾ ਚਕ੍ਕਵਤ੍ਤੀ. ਅਞ੍ਞੋ ਅਸਬ੍ਬਭੁਮ੍ਮੋ ਅਨਵਕਾਸੋ ਸਾਮਨ੍ਤੋ ਭੂਪੋ ਮਣ੍ਡਲਿਸ੍ਸਰੋ ਨਾਮ. ਸਯਮਾਣਾਪਵਤ੍ਤਿਟ੍ਠਾਨਵਸੇਨ ਪਰਿਚ੍ਛਿਨ੍ਨਸ੍ਸੇਵ ਮਣ੍ਡਲਸ੍ਸ ਇਸ੍ਸਰੋ, ਨ ਸਬ੍ਬਮਣ੍ਡਲਸ੍ਸਾਤਿ ਮਣ੍ਡਲਿਸ੍ਸਰੋਤਿਪਿ. ਏਤ੍ਥ ਚ ‘‘ਸਬ੍ਬਭੁਮ੍ਮੋ, ਚਕ੍ਕਵਤ੍ਤੀ’’ਤਿ ਦ੍ਵੀਹਿ ਨਾਮੇਹਿ ਚਤੁਦੀਪਿਸ੍ਸਰੋ ਰਾਜਾ ਦੀਪਿਤੋ, ਇਧਾਨਾਗਤੇਪਿ ਸਙ੍ਗਹੇਤ੍ਵਾ ਕਥਿਤੇਨ ਅਧਿਸ੍ਸਰਪਦੇਨ ਏਕਦੀਪਿਸ੍ਸਰੋ ਰਾਜਾ, ਮਣ੍ਡਲਿਸ੍ਸਰਪਦੇਨ ਪਦੇਸਿਸ੍ਸਰੋ ਰਾਜਾ ਦੀਪਿਤੋ. ਅਥ ਵਾ ਮਣ੍ਡਲਿਸ੍ਸਰਪਦੇਨ ਏਕਦੀਪਿਸ੍ਸਰੋ ਰਾਜਾ, ਸੇਸੇਹਿ ਰਾਜਰਾਜਞ੍ਞਾਦੀਹਿ ਬਾਹੁਜਪਰਿਯਨ੍ਤੇਹਿ ਪਦੇਸਿਸ੍ਸਰੋ ਦੀਪਿਤੋ.

੩੩੬. ਦ੍ਵਯਂ ਰਾਜਭੇਦੇ. ਸੁਖੁਮਤਾਯ ਲੀਨਾ ਅਪਾਕਟਾ ਛਵਿਯੋ ਯੇਸਂ ਤੇ ਲਿਚ੍ਛਵਿਨੋ. ਲਿਚ੍ਛਵੀ ਚ ਵਜ੍ਜੀ ਚਾਤਿ ਦ੍ਵਨ੍ਦੋ. ਦ੍ਵਯਂ ਸਮ੍ਮਾਸਮ੍ਬੁਦ੍ਧਕੁਲੇ ਰਾਜਿਨਿ. ਪੁਰਿਮਤਰਸਮ੍ਭੂਤੇ ਸਕ੍ਯਕੁਲੇ ਸਞ੍ਜਾਤਤ੍ਤਾ ਸਕ੍ਯੋ, ਣੋ. ਸਕ੍ਕੋਪਿ. ਸਕ੍ਯੇ ਭਵੋ ਸਾਕਿਯੋ, ਇਯੋ, ਯਲੋਪੋ, ਦੀਘੋ ਚ.

ਪਞ੍ਚਕਂ ਬੁਦ੍ਧਪੁਤ੍ਤਸ੍ਸਾਯਸ੍ਮਤੋ ਰਾਹੁਲਸ੍ਸ ਮਾਤਰਿ. ਭਦ੍ਦ ਕਲ੍ਯਾਣੇ, ਸੋਖ੍ਯੇ ਚ. ਕੁਲਾਚਾਰਰੂਪਾਦਿਵਸੇਨ ਕਲ੍ਯਾਣਤ੍ਤਾ ਭਦ੍ਦਾ. ਕਚ੍ਚਸ੍ਸਾਪਚ੍ਚਂ ਕਚ੍ਚਾਨਾ, ਅਪਚ੍ਚਸਦ੍ਦੋਯਂ ਨਿਚ੍ਚਂ ਨਪੁਂਸਕੇ ਪੁਤ੍ਤੇ, ਪੁਤ੍ਤਿਯਞ੍ਚ ਭਵਤੀਤਿ. ‘‘ਰਾਹੁ ਵਿਯ ਚਨ੍ਦਂ ਮਮ ਨਿਕ੍ਖਮਨਂ ਲਾਤੁਕਾਮੋ ਚਾਯਂ ਮੇ ਪੁਤ੍ਤੋਤਿ ਰਾਹੁਲੋਤਿ ਨਾਮੇਨ ਭਵਿਤਬ੍ਬ’’ਨ੍ਤਿ ਮਨਸਿ ਕਤ੍ਵਾ ‘‘ਰਾਹੁ ਜਾਤੋ, ਬਨ੍ਧਨਂ ਜਾਤ’’ਨ੍ਤਿ ਪਿਤਰਾ ਵੁਤ੍ਤੋ ਸਿਕ੍ਖਾਕਾਮੋ ਆਯਸ੍ਮਾ ਰਾਹੁਲੋਯੇਵੇਤ੍ਥ ਰਾਹੁਲੋ, ਤਸ੍ਸ ਮਾਤਾ ਰਾਹੁਲਮਾਤਾ, ਬਿਮ੍ਬਂ ਵੁਚ੍ਚਤਿ ਸਰੀਰਂ, ਅਤਿਸਯਵਣ੍ਣਸਰੀਰਯੁਤ੍ਤਤਾਯ ਬਿਮ੍ਬਾ, ਵਮਿਧਾਤੁਮ੍ਹਾ ਵਾ ¶ ਬੋ, ਵਸ੍ਸ ਬਤ੍ਤਂ. ਯਸੋ ਵੁਚ੍ਚਤਿ ਪਰਿਵਾਰੋ, ਕਿਤ੍ਤਿ ਚ, ਤੇ ਧਾਰੇਤੀਤਿ ਯਸੋਧਰਾ, ਮਨਾਦਿਤ੍ਤਾ ਅਸ੍ਸੋ.

੩੩੭-੩੩੯. ਯੇਸਂ ਖਤ੍ਤਿਯਾਨਂ ਧਨਂ ਸਤਂ ਹੋਤਿ, ਕੀਦਿਸਂ ਤਂ ਧਨਂ? ਨਿਧਾਨਗਂ ਪਥਵਾਦੀਸੁ ਨਿਧਾਨਵਸੇਨ ਗਤਂ ਪਵਤ੍ਤਂ, ਤੇਸਂ ਧਨਾਨਂ ਸਤਂ ਕਹਾਪਣਾਨਂ, ਕਿਤ੍ਤਕਪ੍ਪਮਾਣਾਨਂ? ਕੋਟੀਨਂ ਸਤਂ. ਕੇਨ ਪਰਿਚ੍ਛੇਦੇਨ? ਹੇਟ੍ਠਿਮਨ੍ਤੇਨ ਹੇਟ੍ਠਿਮਕੋਟ੍ਠਾਸੇਨ, ਹੇਟ੍ਠਿਮਪਰਿਚ੍ਛੇਦੇਨ ਵਾ ਕੋਟੀਨਂ ਸਤਂ ਹੋਤਿ. ਦਿਵਸਵਲ਼ਞ੍ਜੋ ਦਿਵਸੇ ਦਿਵਸੇ ਵਲ਼ਞ੍ਜਿਤਬ੍ਬੋ ਪਨ ਕਹਾਪਣੋ ਵੀਸਤਮ੍ਬਣਮਤ੍ਤਂ ਹੋਤਿ, ਤੇ ਖਤ੍ਤਿਯਾ ‘‘ਖਤ੍ਤਿਯਮਹਾਸਾਲਾ’’ਤ੍ਯੁਚ੍ਚਨ੍ਤੇ. ਮਹਨ੍ਤੋ ਧਨਸਾਰੋ ਯੇਸਨ੍ਤੇ ਮਹਾਸਾਲਾ, ਲਤ੍ਤਂ, ਅਮ੍ਬਣਮਤ੍ਰ ਏਕਾਦਸਦੋਣਮਤ੍ਤਂ.

ਯੇਸਂ ਦ੍ਵਿਜਾਨਂ ਬ੍ਰਾਹ੍ਮਣਾਨਂ ਨਿਧਾਨਗਾਨਿ ਨਿਧਾਨਵਸੇਨ ਪਵਤ੍ਤਾਨਿ ਅਸੀਤਿਕੋਟਿਧਨਾਨਿ ਹੋਨ੍ਤਿ, ਦਿਵਸਵਲ਼ਞ੍ਜੋ ਪਨ ਕਹਾਪਣੋ ਦਸਮ੍ਬਣਮਤ੍ਤਂ ਹੋਤਿ, ਤੇ ਦ੍ਵਿਜਾ ‘‘ਦ੍ਵਿਜਮਹਾਸਾਲਾ’’ਤ੍ਯੁਚ੍ਚਨ੍ਤੇ.

ਨਿਧਾਨਗੇ, ਵਲ਼ਞ੍ਜੇ ਚ ਧਨੇ ਤਦੁਪਡ੍ਢੇ ਤੇਸਂ ਦ੍ਵਿਜਮਹਾਸਾਲਾਨਂ ਧਨਸ੍ਸ ਉਪਡ੍ਢਭਾਗੇ ਸਤਿ ਗਹਪਤਿਮਹਾਸਾਲਾ ਨਾਮ ਸਿਯੁਂ, ਉਭਯਤ੍ਰਾਪਿ ਹੇਟ੍ਠਿਮਨ੍ਤੇਨੇਵ ਧਨਪਰਿਚ੍ਛੇਦੋ.

੩੪੦. ਯੋ ¶ ਨ ਹੀਨੋ, ਨ ਚੁਕ੍ਕਟ੍ਠੋ, ਮਜ੍ਝਿਮਾਧਿਕਾਰਬ੍ਯਵਟ੍ਠਿਤੋ ਰਾਜਪੁਤ੍ਤਸੇਨਾਪਤਿਮਹਾਕਣਿਤ੍ਥਰਾਦਿ, ਸੋ ਮਹਾਮਤ੍ਤੋ. ਮਹਤੀ ਮਤ੍ਤਾ ਪਰਿਚ੍ਛੇਦੋ ਯਸ੍ਸ ਮਹਾਮਤ੍ਤੋ, ਰੂਪਭੇਦੇਨ ਪਟ੍ਠਾਨਂ ਕ੍ਲੀਵਂ.

‘‘ਪਕਤਿਯਂ ਮਹਾਮਤ੍ਤੇ, ਪਞ੍ਞਾਯਂ ਪਰਮਤ੍ਤਨਿ;

ਨਪੁਂਸਕਂ ਪਧਾਨਂ ਤਂ, ਏਕਤ੍ਤੇ ਤੁ’ਤ੍ਤਮੇ ਸਦਾ’’ਤਿ.

ਰਭਸੋ ਚ. ‘‘ਮਹਾਮਤ੍ਤੋ, ਪਟ੍ਠਾਨੋ ਚਾ’’ਤਿ ਤੁ ਪੁਂਸਕਣ੍ਡੇ ਵੋਪਾਲਿਤੋ. ਪਕਟ੍ਠੇ ਤਿਟ੍ਠਤੀਤਿ ਪਟ੍ਠਾਨਂ, ਯੁ [ਅਭਿਧਾਨਪ੍ਪਦੀਪਿਕਾ ਟੀਕਾ ੯੮੩, ੧੧੨੩ ਗਾਥਾਸੁਪਿ ਪਸ੍ਸਿਤਬ੍ਬਂ].

ਪਞ੍ਚਕਂ ਮਨ੍ਤਿਨਿਮ੍ਹਿ. ਮਤਿਪ੍ਪਧਾਨੋ ਸਚਿਵੋ ਸਹਾਯੋ. ਇਤਿਕਤ੍ਤਬ੍ਬਤਾਵਧਾਰਣਂ ਮਨ੍ਤੋ, ਤਂਯੋਗਾ ਮਨ੍ਤਿਨੀ. ਅਸ੍ਸਤ੍ਥ੍ਯਤ੍ਥੇ ਇਨੀ, ਅਥ ਵਾ ਮਨ੍ਤੇਨ ਨਯਤੀਤਿ ਮਨ੍ਤਿਨੀ, ਅਥ ਵਾ ਮਨ੍ਤਯੋਗਾ ਮਨ੍ਤਿ, ਨੇਤੀਤਿ ਨੀ, ਮਨ੍ਤਿ ਚ ਨੀ ਚਾਤਿ ਮਨ੍ਤਿਨੀ. ‘‘ਮਤਿਸਚਿਵਮਨ੍ਤਿਨੀ’’ਤਿਪਿ ਪਾਠੋ, ਤਦਾ ਦ੍ਵਿਨ੍ਨਂ ਤਿਣ੍ਣਂ ਵਾ ਦ੍ਵਨ੍ਦੋ. ਰਞ੍ਞਾ ਸਹ ਜੀਵਤੀਤਿ ਸਜੀਵੋ. ਸਚਤੇ ਸਮਵੇਤੋ ਭਵਤੀਤਿ ਸਚਿਵੋ. ਸਚ ਸਮਵਾਯੇ, ਵੋ, ਇਕਾਰਾਗਮੋ ਚ. ਸਬ੍ਬਕਿਚ੍ਚੇਸੁ ਰਞ੍ਞਾ ਮਨ੍ਤੇਨ ਅਮਾ ਸਹ ਭਵਤੀਤਿ ਅਮਚ੍ਚੋ, ਅਮਾਸਦ੍ਦੋਯਂ ਨਿਪਾਤੋ ਸਹਤ੍ਥੇ ਚ੍ਚਪਚ੍ਚਯੋ. ਸਜੀਵਮਤ੍ਤੇ ਚਾਮਚ੍ਚਸਦ੍ਦੋ ਵਤ੍ਤਤਿ. ਦ੍ਵਯਂ ਸੇਨਾਪਤਿਮ੍ਹਿ. ਸੇਨਂ ਨਯਤੀਤਿ ਸੇਨਾਨੀ. ਚਮੂਨਂ ਸੇਨਾਨਂ ਪਤਿ ਚਮੂਪਤਿ.

੩੪੧. ਨ੍ਯਾਸਾਦੀਨਂ ¶ ਇਣਾਦਾਨਦਾਯਵਿਭਾਗਾਦੀਨਂ ਵਿਵਾਦਾਨਂ ਵੋਹਾਰਾਨਂ ਉਪਦਟ੍ਠਰਿ ਉਪਦਸ੍ਸਿਤੇ ਅਕ੍ਖਦਸ੍ਸੋ, ਅਕ੍ਖੇ ਵੋਹਾਰੇ ਪਸ੍ਸਤੀਤਿ ਅਕ੍ਖਦਸ੍ਸੋ, ਣੋ, ਧਮ੍ਮਾਧਿਕਰਣਿਯੋ. ਪੁਚ੍ਛਾਵਿਵਾਕੋ, ਪਞ੍ਹਵਿਵਾਕੋਪ੍ਯਤ੍ਰ.

ਪਜ੍ਜਡ੍ਢਂ ਪਟਿਹਾਰੇ. ਦ੍ਵਾਰੇ ਨਿਯੁਤ੍ਤੋ ਦੋਵਾਰਿਕੋ, ਣਿਕੋ, ਓਕਾਰਾਗਮੋ. ਪਟਿਹਰਤਿ ਵਿਞ੍ਞਾਯਤਿ ਤੇਨਾਤਿ ਪਟਿਹਾਰੋ, ਣੋ. ਦ੍ਵਾਰੇ ਤਿਟ੍ਠਤੀਤਿ ਦ੍ਵਾਰਟ੍ਠੋ, ਸਕਤ੍ਥੇ ਕੋ. ਦ੍ਵਾਰਪਾਲਕੋ. ਦ੍ਵਾਰਟ੍ਠਿਤੋ, ਦਸ੍ਸਕੋਪ੍ਯਤ੍ਰ.

੩੪੨. ਰਾਜੂਨਂ ਅਙ੍ਗਰਕ੍ਖਗਣੋ ਅਨੀਕਟ੍ਠੋਤਿ ਮਤੋ. ‘‘ਰਕ੍ਖਿਵਗ੍ਗੋ ਤੁ ਯੋ ਰਞ੍ਞਂ, ਸੋ’ਨੀਕਟ੍ਠੋ’ਭਿਧੀਯਤੇ’’ਤਿ ਅਮਰਮਾਲਾਯਞ੍ਚ, ਅਨੀਕੇਨ ਸਮੂਹੇਨ ਤਿਟ੍ਠਤੀਤਿ ਅਨੀਕਟ੍ਠੋ, ਣੋ.

ਦ੍ਵਯਂ ਮਹਲ੍ਲਕੇ. ਕਞ੍ਚੁਕਂ ਚੋਲ਼ਂ, ਤਂਯੋਗਾ ਕਞ੍ਚੁਕੀ. ਸੋਕਂ ਵਿਨ੍ਦਤੀਤਿ ਸੋਵਿਦਲ੍ਲੋ. ਵਿਦ ਲੋਭੇ, ਲੋ, ਕਲੋਪੋ. ਥਾਪਤਿ, ਸੋਵਿਦੋਪ੍ਯਤ੍ਰ. ਦ੍ਵਯਂ ਸੇਵਕੇ. ਪਭੁਨੋ ਪਚ੍ਛਾ ਜੀਵਤੀਤਿ ਅਨੁਜੀਵੀ, ਣੀ. ਸੇਵ ਸੇਵਨੇ, ਭੂ, ਣ੍ਵੁ. ਅਤ੍ਥੀਪ੍ਯਤ੍ਰ. ਅਤ੍ਥ ਯਾਚਨਾਯਂ. ਅਤ੍ਥਨਮਤ੍ਥੋ, ਆਸੀਸੋ, ਤਂਯੋਗਾ ਅਤ੍ਥੀ.

੩੪੩. ਦ੍ਵਯਂ ¶ ਅਧਿਕਮਤ੍ਤੇ. ਗਾਮੇਸੁ ਅਧਿਕਤ੍ਤਾ ਅਧਿਕਾ ਇਕ੍ਖਾ ਅਨੁਭਵਨਮੇਤਸ੍ਸ ਅਜ੍ਝਕ੍ਖੋ, ਇਸ੍ਸਤ੍ਤਂ. ਅਧਿਕਂ ਕਰੋਤੀਤਿ ਅਧਿਕਤੋ. ਇਦਂ ਦ੍ਵਯਂ ਥਾਯੁਕਗੋਪਾਨਂ ਦ੍ਵਿਨ੍ਨਮ੍ਪਿ ਨਾਮਂ. ਤਤ੍ਰ ਏਕਗਾਮੇ ਅਧਿਕਤੋ ਥਾਯੁਕੋ, ਬਹੂਸੁ ਗਾਮੇਸ੍ਵਧਿਕਤੋ ਗੋਪੋ. ਵੁਤ੍ਤਞ੍ਚਾਮਰਕੋਸੇ ‘‘ਥਾਯੁਕੋਧਿਕਤੋ ਗਾਮੇ, ਗੋਪੋ ਗਾਮੇਸੁ ਭੂਰਿਸੂ’’ਤਿ. [ਅਮਰ ੧੮.੭] ਰੁਦ੍ਦੇਨਾਪਿ ਵੁਤ੍ਤਂ ‘‘ਗਾਮੇਸ੍ਵਧਿਕਤੇ ਗੋਪੋ, ਗੋਟ੍ਠਜ੍ਝਕ੍ਖੇਪਿ ਵਲ੍ਲਭੋ’’ਤਿ [ਚਿਨ੍ਤਾਮਣਿਟੀਕਾ ੧੮.੭].

ਦ੍ਵਯਂ ਸੁਵਣ੍ਣਰਜਤਜ੍ਝਕ੍ਖਾਨਂ ਦ੍ਵਿਨ੍ਨਮ੍ਪਿ ਨਾਮਂ. ਹਿਰਞ੍ਞਂ ਵੁਚ੍ਚਤਿ ਅਕਤਸੁਵਣ੍ਣਾਦਿ, ਤਤ੍ਰ ਨਿਯੁਤ੍ਤੋ ਹੇਰਞ੍ਞਿਕੋ. ਕਨ ਦਿਤ੍ਤਿਗਤਿਕਨ੍ਤੀਸੁ, ਨਿਪੁਬ੍ਬੋ, ਖੋ, ਨਿਕ੍ਖੋ, ਸੁਵਣ੍ਣਾਦਿਵਿਕਾਰੋ, ਤਤ੍ਰ ਨਿਯੋਗੋ ਨਿਕ੍ਖਿਕੋ. ਵਿਸੇਸਤੋ ਪਨ ਸੁਵਣ੍ਣਜ੍ਝਕ੍ਖੇ ਭੋਰਿਕੋ. ਭੂਰਿਸਦ੍ਦੋ ਸੁਵਣ੍ਣੇ, ਤਂਯੋਗਾ ਭੋਰਿਕੋ. ਰੂਪ੍ਯਾਜ੍ਝਕ੍ਖੇਨਿਕ੍ਖਿਕੋ, ਤਸ੍ਮਾ’ਯ’ਮੁਭਯਤ੍ਰਾਪਿ ਹੇਰਞ੍ਞਿਕੋਤਿ ਸਾਮਞ੍ਞਸ੍ਮਿਂਯੇਵ. ਵੁਤ੍ਤਞ੍ਚ –

ਰੂਪ੍ਯਾ’ਜ੍ਝਕ੍ਖੋ ਤੁ ਨਿਕ੍ਖਿਕੋ’’ਤਿ [ਅਮਰ ੧੮.੭].

ਸਸ੍ਸ ਅਤ੍ਤਨੋ ਵਿਜਿਗੀਸਭੂਤਸ੍ਸ ਦੇਸਾਨਨ੍ਤਰੋ ਸਮਨ੍ਤਤੋ ਮਣ੍ਡਲੀਭੂਤੋ ਰਾਜਾ ਸਤ੍ਤੁਰੁਚ੍ਚਤੇ ਏਕਤ੍ਥਾਭਿਨਿਵੇਸਿਤਤ੍ਤਾ. ਤਤੋ ਪਰਂ ਵਿਜਿਗੀਸਭੂਮ੍ਯੇਕਨ੍ਤਰਿਕੋ ਮਿਤ੍ਤੋ ਏਕਤ੍ਥਕਾਰਿਤ੍ਤਨੋਪਕਾਰਤ੍ਤਾ. ਅਰਿਵਿਜਿਗੀਸਮਿਤ੍ਤਾਨਂ ਪਨ ਮਣ੍ਡਲਾਨਂ ਬਹਿਭੂਤੋ ਦੂਰਮਣ੍ਡਲਟ੍ਠੋ ਵਿਜਿਗੀਸਭੂਮਿਯਾ ਅਚ੍ਚਨ੍ਤਬ੍ਯਵਹਿਤੋ ਬਲਾਧਿਕੋਪਿ ਯੋ ਨਾਪਕਰੋਤ੍ਯੁਪਕਾਰੋਤਿ ਵਾ, ਸ ਉਦਾਸੀਨੋ ਦੂਰਮਣ੍ਡਲਤ੍ਤੇਨੋਪਕਾਰਤ੍ਤਾ. ਦੂਰਮਣ੍ਡਲੇ ¶ ਆਸਤੀਤਿ ਉਦਾਸੀਨੋ, ਉਪੁਬ੍ਬੋ ਆਸ ਉਪਸੇਵਨੇ, ਯੁ, ਅਸ੍ਸਿ, ਦਾਗਮੋ ਚ. ਸਤ੍ਤੁਮਭਿਯੁਞ੍ਜਮਾਨਸ੍ਸ ਵਿਜਿਗੀਸਸ੍ਸ ਸਤ੍ਤੁਹਿਤਾਯ ਯੋ ਪਣ੍ਹਿਂ ਗਣ੍ਹਤਿ ਪਿਟ੍ਠਿਤੋ ਵਤ੍ਤਤਿ, ਸੋ ਪਣ੍ਹਿਗ੍ਗਾਹੋ. ‘‘ਪਣ੍ਹਿ ਪਚ੍ਛਾ ਪਦਂ ਵਿਜਿਗੀਸਸ੍ਸਾ’’ਤਿ ਰਤਨਕੋਸੇ. ‘‘ਪਣ੍ਹਿਪਾਦੇ ਬ੍ਯੂਹਪਿਟ੍ਠੇ’’ਤਿ [ਤਿਕਣ੍ਡਸੇਸ ੩.੩.੧੩੪] ਤਿਕਣ੍ਡਸੇਸੋ. ‘‘ਪਣ੍ਹਿ ਪਚ੍ਛਿਮਭਾਗੇ ਚ, ਪਾਦਮੂਲੋਮਦਿਟ੍ਠਿਸੁ. ਸੇਨਾਪਿਟ੍ਠੇ ਕੁਮ੍ਭਿਯਞ੍ਚੇ’’ਤਿ ਤੁ ਨਾਨਤ੍ਥਸਙ੍ਗਹੇ.

੩੪੪-੩੪੫. ਦਿਟ੍ਠਨ੍ਤਂ ਰਿਪੁਮ੍ਹਿ. ਮਿਤ੍ਤਪਟਿਪਕ੍ਖਤ੍ਤਾ ਅਮਿਤ੍ਤੋ, ਰਪਤ੍ਯਵਣ੍ਣਂ ਰਜਤੇਤਿ ਰਿਪੁ, ਉ, ਇਤ੍ਤਂ, ਰਪ, ਲਪ, ਜਪ, ਜਪ੍ਪ ਵਚਨੇ ਵਾ. ਵੇਰਂ ਵਿਰੋਧੋ ਯਸ੍ਸਤ੍ਥੀਤਿ ਵੇਰੀ, ਈ, ਦੁਕ੍ਖਹੇਤੁਤ੍ਤਾ ਸਪਤ੍ਤਿ ਇਵ ਸਪਤ੍ਤੋ, ਇਵਤ੍ਥੇ ਅਕਾਰਪਚ੍ਚਯੋ. ਅਰ ਗਮਨੇ,ਤਿ, ਭੂਵਾਦਿਤ੍ਤਾ ਆਗਮੋ. ਸਦ ਸਾਦਨੇ, ਤੁ, ਭੂਵਾਦਿ, ਸਤ੍ਤੁ, ਯਵਾਦਿਚੁਣ੍ਣੇਪਿ. ਅਰ ਗਮਨੇ, ਵੇਰਮਰਤੀਤਿ ਅਰਿ, ਰਸ੍ਸਨ੍ਤੋ ਇ. ਸਪਤ੍ਤਾਦੀਨਂ ਚਤੁਨ੍ਨਂ ਦ੍ਵਨ੍ਦੋ, ‘‘ਬ੍ਯਞ੍ਜਨੋ ਚ ਵਿਸਂਯੋਗੋ’’ਤਿ ਸੁਤ੍ਤੇ ਚਗ੍ਗਹਣੇਨ ਏਕਤਕਾਰਸ੍ਸ ਲੋਪੋ ਚ. ਪਤਿਯਮਤ੍ਥਨਂ ਪਚ੍ਚਤ੍ਥੋ, ਤਂਯੋਗਾ ਪਚ੍ਚਤ੍ਥਿਕੋ, ਪਤਿਯਂ ਵਿਪਰੀਤਗਮਨਂ. ਪਨ੍ਥ ਗਤਿਯਂ, ਚੁਰਾਦਿ. ਪਰਿਪਨ੍ਥੋ ਪਰਿਸ੍ਸਵਟ੍ਠਾਨਂ, ਤਂਯੋਗਾ ਪਰਿਪਨ੍ਥੀ. ਪਟਿਵਿਰੁਦ੍ਧੋ ਪਕ੍ਖੋ ਸਹਾਯੋ ਪਟਿਪਕ੍ਖੋ, ਤਥਾ ਵਿਪਕ੍ਖੋ. ਨ ਹਿਤੋ ਅਹਿਤੋ. ਹਿਂਸਾਯਂ ਰਮਤੀਤਿ [ਪਰਤੀਤਿ (?)] ਪਰੋ, ਕ੍ਵਿ. ਪਟਿਪਕ੍ਖਭਾਵੇਨ ਅਮਤਿ ਗਚ੍ਛਤੀਤਿ ਪਚ੍ਚਾਮਿਤ੍ਤੋ, ਅਮ ਗਮਨੇ, ਤੋ, ਦ੍ਵਿਤ੍ਤਂ. ਨਤ੍ਥਿ ਏਤਸ੍ਮਾ ਈਤਿ ਉਪਦ੍ਦਵੋਤਿ ਅਨੀਤੋ ¶ , ਮਿਤ੍ਤੋ, ਤਪ੍ਪਟਿਪਕ੍ਖੋ ਪਚ੍ਚਨੀਤੋ, ਸੋ ਏਵ ਪਚ੍ਚਨੀਕੋ, ਤਸ੍ਸ ਕੋ, ਯਥਾ ਨਿਯਕੋ. ਵਿਰੋਧੋਸ੍ਸਤ੍ਥੀਤਿ ਵਿਰੋਧੀ, ਈ. ਦਿਸ, ਦੁਸ ਅਪ੍ਪੀਤਿਯਂ, ਦਿਵਾਦਿ. ਵਿਦੁਸ੍ਸਨਸੀਲਤਾਯ ਵਿਦ੍ਦੇਸੀ, ਦ੍ਵਿਤ੍ਤਂ, ਇਸ੍ਸੇਤ੍ਤਂ. ਦੁਸ੍ਸਤੀਤਿ ਦਿਸੋ, ਅ. ਤਪਚ੍ਚਯੇ ਦਿਟ੍ਠੋ, ਧਾਤ੍ਵਨ੍ਤੇਨ ਸਹ ਟ੍ਠਾਦੇਸੋ. ਦ੍ਵੇਸਣੋ, ਦੁਹਦਯੋ, ਦਸ੍ਸੁ, ਸਾਤ੍ਤਵੋ, ਅਭਿਘਾਤੀਪ੍ਯਤ੍ਰ.

ਦ੍ਵਯਂ ਅਨੁਕੂਲਨੇ. ਅਨੁਰੋਧਨਂ ਅਨੁਰੋਧੋ, ਣੋ. ਰੁਧ ਆਵਰਣੇ. ਅਨੁਰੂਪਂ ਪਵਤ੍ਤਨਂ ਅਨੁਵਤ੍ਤਨਂ, ਵਤੁ ਵਤ੍ਤਨੇ, ਭੂ, ਯੁ.

੩੪੬. ਪਞ੍ਚਕਂ ਮਿਤ੍ਤਸਾਮਞ੍ਞੇ. ਮਿਦ ਸ੍ਨੇਹੇ, ਭੂਵਾਦਿ, ਤੋ, ਵਯਸਾ ਤੁਲ੍ਯੋ ਵਯਸੋ, ਮੂਲਵਯੋਸਦ੍ਦੇਹਿ ਸਞ੍ਞਾਯਂ ਸਪਚ੍ਚਯੋ [ਯਪਚ੍ਚਯੋ (?) ਪਾਣਿਨਿ ੪.੪.੯੧ ਸੁਤ੍ਤਂ ਪਸ੍ਸਿਤਬ੍ਬਂ], ਸਬ੍ਬਕਾਰਿਯੇਸੁ ਸਹ ਵਯਤੀਤਿ ਵਾ ਵਯਸੋ, ਵਯ ਗਮਨੇ, ਸਹਸ੍ਸ ਸੋ ਵਣ੍ਣਵਿਪਰਿਯਯੋ. ਸਹ ਅਯਤਿ ਕਿਚ੍ਚੇਸੂਤਿ ਸਹਾਯੋ, ਅਯ ਗਮਨੇ, ਸਹਸ੍ਸ ਸਾਭਾਵੋ, ਯਥਾ ਸਹਧਮ੍ਮਿਕੋ. ਸਹ ਵਾ ਹਾਨਿ, ਅਯੋ ਵਾ ਵੁਡ੍ਢਿ ਯਸ੍ਸ ਸਹਾਯੋ, ਤਿਪਦਬਹੁਬ੍ਬੀਹਿ, ਯਥਾ ਪਰਕ੍ਕਮਾਧਿਗਤਸਮ੍ਪਦਾ. ਅਥ ਵਾ ਹਾਨਿ ਚ ਆਯੋ ਚ ਹਾਯਾ, ਨਿਲੋਪੋ, ਤੇ ਯਸ੍ਸ ਅਤ੍ਥਿ, ਸੋ ਸਹਾਯੋ, ‘‘ਸਪਕ੍ਖਕੋ, ਸਲੋਮਕੋ’’ਤ੍ਯਾਦੀਸੁ ਵਿਯ ਸਸਦ੍ਦਸ੍ਸ ਵਿਜ੍ਜਮਾਨਤ੍ਥਤ੍ਤਾ. ਸੁਨ੍ਦਰਂ ਹਦਯਮੇਤਸ੍ਸਾਤਿ ਸੁਹਦਯੋ, ਅਲੋਪੋ, ਦ੍ਯਸ੍ਸ ਜੋ, ਸੋਵ ਸੁਹਜ੍ਜੋ. ਸਹ ਪਰਿਸਹਨੇ. ਪਰਿਸਹਨਂ ਅਦੁਸ੍ਸਨਂ, ਖੋ, ਹਲੋਪੋ, ਸਖਾ, ਰਾਜਾਦਿ, ਸਮਾਨੋ ਖ੍ਯਾਤੋ ਪਤੀਤੋ ਵਾ ਸਖਾ, ਯਲੋਪੋ, ਸਮਾਨਸ੍ਸ ¶ ਚ ਸਭਾਵੋ. ਸਿਨਿਦ੍ਧੋ, ਸ੍ਨਿਦ੍ਧੋ, ਸਵਯੋਪ੍ਯਤ੍ਰ. ਸਖ੍ਯਸਤ੍ਤਪਦਿਨਾ ਪਨ ਮੇਤ੍ਤਿਯਂ ਵਤ੍ਤਨ੍ਤਿ. ਸਖਿਮ੍ਹਿ ਭਵਂ ਸਖ੍ਯਂ. ਸਤ੍ਤਹਿ ਪਦੇਹਿ ਅਵਗਮ੍ਯਤੇਤਿ ਸਤ੍ਤਪਦਿਨਂ [ਸਤ੍ਤਪਦੀਨ (ਅਮਰ ੧੮.੧੨)], ਇਨੋ.

ਦ੍ਵਯਂ ਅਭੇਜ੍ਜਮਿਤ੍ਤੇ. ਸਬ੍ਬਕਾਲਂ ਭਜਤੀਤਿ ਸਮ੍ਭਤ੍ਤੋ, ਭਜ ਸੇਵਾਯਂ, ਭੂਵਾਦਿ. ਦਲ਼੍ਹੋ ਥਿਰੋ ਮਿਤ੍ਤੋ ਦਲ਼੍ਹਮਿਤ੍ਤੋ. ਦ੍ਵਯਂ ਦਿਟ੍ਠਮਤ੍ਤਮਿਤ੍ਤੇ. ਕਿਞ੍ਚਿ ਕਾਲਂ ਪਸ੍ਸਿਤਬ੍ਬੋਤਿ ਸਨ੍ਦਿਟ੍ਠੋ. ਸਂਸਦ੍ਦੋਯਮਪ੍ਪਤ੍ਥੋ. ਦਿਸ ਪੇਕ੍ਖਨੇ, ਦਸ੍ਸਨਂ ਦਿਟ੍ਠਂ, ਤਂ ਮਤ੍ਤਾ ਪਮਾਣਮੇਤਸ੍ਸ ਦਿਟ੍ਠਮਤ੍ਤਕੋ, ਸਕਤ੍ਥੇ ਕੋ.

੩੪੭. ਦ੍ਵਯਂ ਚਰਪੁਰਿਸੇ ਤਾਪਸਾਦਿਰੂਪੇਨ ਚਰਮਤ੍ਤੇ. ਚਰਤਿ ਜਾਨਾਤਿ ਪਰਚਕ੍ਕਨ੍ਤਿ ਚਰੋ, ਅ, ਚਾਰੋਪਿ, ਣੋ. ਗੁਲ਼੍ਹਪੁਰਿਸੋ ਗੁਤ੍ਤਪੁਰਿਸੋ. ਯਥਾਰਹਵਣ੍ਣੋ, ਪਣਿਧਿ, ਅਪ੍ਪਸਪੋ, ਫਸ੍ਸੋਪ੍ਯਤ੍ਰ. ਤਤ੍ਰਾਦਿਦ੍ਵਯਂ ਵਾਣਿਜਕਸਿਬਲਲਿਙ੍ਗਭਿਕ੍ਖੁਕਚ੍ਚਾਯਨਾਦਿਲੇਸੇਨ ਥਾਯਿਨਿਚਰੇ. ਇਤਰੇ ਇਧਾਗਤਸਦਿਸਤ੍ਥੇ. ਵਣ੍ਣੋ ਪਕਾਰੋ, ਯਥਾਰਹਵਣ੍ਣੋ ਯਥਾਰਹਪ੍ਪਕਾਰੋ. ਯੇਨ ਪਰਚਕ੍ਕਂ ਸਕ੍ਕਾ ਞਾਤੁਂ ਤਪ੍ਪਕਾਰਵਾ ਇਚ੍ਚਤ੍ਥੋ. ਪਣਿਧਿਯ੍ਯਤੇ ਞੇਯ੍ਯਮਸ੍ਮਿਂ ਪਣਿਧਿ, ਇ. ਅਪਕਟ੍ਠਂ ਸਪ੍ਪਤਿ ਚਰਤੀਤਿ ਅਪਸਪ੍ਪੋ, ਅ. ਫੁਸ ਬਾਧਨਫੁਸਨੇਸੁ, ਅ, ਫਸ੍ਸੋ.

ਤਿਕਂ ਪਥਿਕੇ. ਪਥੇ ਗਚ੍ਛਤੀਤਿ ਪਥਾਵੀ, ਵੀ, ਦੀਘੋ. ਇਕੋ, ਪਥਿਕੋ. ਅਦ੍ਧਨਿ ਮਗ੍ਗੇ ਗਚ੍ਛਤਿ ਸੀਲੇਨਾਤਿ ਅਦ੍ਧਗੂ. ਅਦ੍ਧਗੋਪ੍ਯਤ੍ਰ.

ਦ੍ਵਯਂ ਦੂਤੇ. ਦੁ ਪਰਿਤਾਪੇ, ਤੋ. ਸਨ੍ਦੇਸਂ ਵਾਚਿਕਂ ਹਰਤ੍ਯਨੇਨੇਤਿ [ਹਰਤੀਤਿ (?)].

ਦ੍ਵਯਂ ¶ ਜੋਤਿਸਿਕੇ. ਗਣਯਤੀਤਿ ਗਣਕੋ, ਣ੍ਵੁ. ਮੁਹੁਤ੍ਤਂ ਕਾਲਵਿਸੇਸਂ ਜਾਨਾਤੀਤਿ ਮੁਹੁਤ੍ਤਿਕੋ, ਵਾਗ੍ਗਹਣੇਨ ਨ ਵੁਦ੍ਧਿ. ਸਂਵਚ੍ਛਰੋ, ਜੋਤਿਸਿਕੋ, ਦੇਵਞ੍ਞੂ, ਮੋਹੁਤ੍ਤੋ, ਞਾਣਿਕੋ, ਕਾਤਨ੍ਤਿਕੋਪ੍ਯਤ੍ਰ. ਕਤਨ੍ਤੋ ਦੇਵਮਤ੍ਤਂ, ਤਂ ਜਾਨਾਤੀਤਿ ਕਾਤਨ੍ਤਿਕੋ.

੩੪੮. ਦ੍ਵਯਂ ਲੇਖਕੇ. ਲਿਖ ਲੇਖਨੇ, ਭੂ, ਣ੍ਵੁ. ਲਿਪੇਨ ਮਸ੍ਯੋਪਦੇਸੇਨ ਭਵਤੀਤਿ ਲਿਪਿ, ਇ, ਵਣ੍ਣਸਣ੍ਠਾਨੋ, ਤਂ ਕਰੋਤੀਤਿ ਲਿਪਿਕਾਰੋ. ਅਕ੍ਖਰਚਣੋ, ਅਕ੍ਖਰਚੁਞ੍ਚੁਪ੍ਯਤ੍ਰ. ਚਨ ਦਾਨੇ, ਭੂ. ਚਞ੍ਚੁ ਗਤਿਯਂ.

ਮੇਲਾਨਨ੍ਦਾ ਮਸਿਮਣਿ, ਮੇਲਨ੍ਧੁ ਵਣ੍ਣਕੂਪਿਕਾ;

ਮਸਿਜਲਨ੍ਤੁ ਮੇਲਾ ਚ, ਪਤ੍ਤਞ੍ਜਨਂ ਮਸਿ ਦ੍ਵਿਸੁ.

ਲੇਖਨੀ ਵਣ੍ਣਤੂਲੀ ਚ, ਵਣ੍ਣਕਕ੍ਖਰਤੂਲਿਕਾ;

ਵਣ੍ਣਦੂਤੋ ਸੋਤ੍ਥਿਮੁਖੋ, ਲੇਖੋ ਵਾਚਿਕਹਾਰਕੋ.

ਕਾਚਨਕਿਤਲਿਕੋ ਚ, ਕਾਚਨਂ ਤਨ੍ਨਿਬਨ੍ਧਨਂ;

ਲੇਖ੍ਯਟ੍ਠਾਨਂ ਗਨ੍ਥਕੁਟਿ, ਮੁਦ੍ਦਾ ਪਚ੍ਚਯਕਾਰਿਨੀ [ਤਿਕਣ੍ਡਸੇਸ ੨.੮.੨੭, ੨੮, ੨੯].

ਦ੍ਵਯਂ ਵਣ੍ਣੇ. ਵਣ੍ਣੀਯਤਿ ਪਕਾਸੀਯਤਿ ਅਤ੍ਥੋ ਯੇਨ, ਸੋ ਵਣ੍ਣੋ, ਵਣ੍ਣ ਪਕਾਸਨੇ. ਨ ਖਰਤਿ ਨ ਖੀਯਤੀਤਿ ਅਕ੍ਖਰੋ, ਖਰ ਵਿਨਾਸੇ, ਖਿ ਖਯੇ ਵਾ, ਤਦਾ ਅਰੋ. ਲਿਖਨਂ, ਲਿਪਿ, ਲਿਖਿ ਇਮੇ ਵਣ੍ਣਸਣ੍ਠਾਨੇ ਵਤ੍ਤਨ੍ਤਿ. ਲਿਪਿਲਿਖਿਯੋ ਇਤ੍ਥਿਯਂ.

ਭੇਦਾਦਯੋ ਇਮੇ ਚਤੁਰੋ ਉਪਾਯਾ ਸਤ੍ਤੁਵਿਜਯਕਾਰਣਾਨਿ. ਸਤ੍ਤੁਵਿਜਯਮੁਪਗਚ੍ਛਨ੍ਤਿ ਏਤੇਹੀਤਿ ਉਪਾਯਾ. ਪਰਸ੍ਮਾ ਵਿਸਿਲੇਸਨਂ ਭੇਦੋ.

ਸ੍ਨੇਹਰਾਗਾਪਨਯਨਂ ¶ , ਸਂਹਾਸੋਪ੍ਪਾਦਨਂ ਤਥਾ;

ਸਨ੍ਤਜ੍ਜਨਞ੍ਚ ਭੇਦੋਯਂ, ਵਿਞ੍ਞੂਹਿ ਤਿਵਿਧੋ ਮਤੋ [ਕਾਮਨ੍ਦਕੀਯਨੀਤਿਸਾਰ ੧੭.੮].

ਤਤ੍ਰਾਯਂ ਤਵਾਨੁਗ੍ਗਤੇਨ ਪਵੁਦ੍ਧੋ ਪਾਸਾਦਤਰਵੋ ਵਿਯ ਅਤ੍ਤਾਨਞ੍ਚੋਚ੍ਛਿਨ੍ਦਿਸ੍ਸਤੀਤਿ ਸਙ੍ਕਾਯਂ ਜਨਿਤਾਯਂ ਸ੍ਨੇਹਭਤ੍ਤਿਞ੍ਚਾਪਨਯਤਿ. ਅਭਿਭਵਨਞ੍ਚੋਪਾਦਯਤਿ [ਪਦ੍ਧਞ੍ਚੋਪਾਦਯਤਿ (ਕ.)]. ਅਞ੍ਞਸ੍ਸ ਚ ਪਰਿਯਪਚ੍ਚਾਮਿਤ੍ਤਾਨੁਗ੍ਗਹਣਸ੍ਸ ਮਰਣਮੇਵਨ੍ਤੋ ਭਵਿਸ੍ਸਤੀਤ੍ਯੇਵਂਪਕਾਰਮਭਿਭਯਨਂ ਸਨ੍ਤਜ੍ਜਨਂ.

ਵਧੋਤ੍ਥਗ੍ਗਹਣਞ੍ਚੇਵ, ਪਰਿਕ੍ਲੇਸੋ ਤਥੇਵ ਚ;

ਇਤਿ ਦਣ੍ਡਵਿਧਞ੍ਞੂਹਿ, ਦਣ੍ਡੋਪਿ ਤਿਵਿਧੋ ਮਤੋ [ਕਾਮਨ੍ਦਕੀਯਨੀਤਿਸਾਰ ੧੭.੯].

ਅਞ੍ਞਮਞ੍ਞੋਪਕਾਰਾਨਂ, ਦਸ੍ਸਨਂ ਗੁਣਕਿਤ੍ਤਨਂ;

ਸਮ੍ਬਨ੍ਧਸ੍ਸ ਸਮਕ੍ਖਾਨਂ, ਆਯਤਿਂ ਸਮ੍ਪਕਾਸਨਂ.

ਵਾਚਾ ਪੇਸਲਯਾ ਸਾਧੁ, ਤਵਾਹਮਿਤਿ ਚਪ੍ਪਣਂ;

ਇਤਿ ਸਾਮਵਿਧਞ੍ਞੂਹਿ, ਸਾਮਂ ਪਞ੍ਚਵਿਧਂ ਮਤਂ [ਕਾਮਨ੍ਦਕੀਯਨੀਤਿਸਾਰ ੧੭.੪-੫].

‘‘ਅਸ੍ਮਿਂ ਏਵਂ ਕਤੇ ਇਦਂ ਅਮ੍ਹਾਕਂ ਭਵਿਸ੍ਸਤੀ’’ਤਿ ਆਸਾਦਸ੍ਸਨਂ ਆਯਤਿਸਮ੍ਪਕਾਸਨਂ. ਅਪ੍ਪਣਮਿਤ੍ਯਙ੍ਗਸ੍ਸ ਦਾਨਂ.

ਦਾਨਞ੍ਚ ਪਞ੍ਚਧਾ ਸਾਰਸ੍ਸਾਸਾਰਸ੍ਸ ਚ ਦਬ੍ਬਸ੍ਸ ਗਹਿਤਸ੍ਸ ਸਮਪ੍ਪਣਂ, ਤਥਾਗਹਿਤਸ੍ਸਾਨੁਮੋਦਨਂ, ਤਥਾ ਅਪੁਬ੍ਬਦਾਨਂ, ਤਥਾ ‘‘ਅਮੁਸ੍ਸ ਦਬ੍ਬਂ ਗਣ੍ਹਾਹਿ, ਤਥੇਵ ਭਵਿਸ੍ਸਤੀ’’ਤਿ ਪਰਸੇਸੁ ਸਯਂ ਗਾਹਪ੍ਪਵਤ੍ਤਨਂ, ਤਥਾ ਇਣਪ੍ਪਮੋਚਨਞ੍ਚੇਤਿ. ਯਥਾਹ –

‘‘ਯੋ ਸਮ੍ਪਤ੍ਤਧਨੋਸ੍ਸਗ੍ਗੋ, ਉਤ੍ਤਮਮਜ੍ਝਿਮਾਧਮੋ;

ਪਤਿਦਾਨਂ ਤਥਾ ਤਸ੍ਸ, ਗਹਿਤਸ੍ਸਾਨੁਮੋਦਨਂ.

ਦਬ੍ਬਦਾਨ’ਮਪੁਬ੍ਬਞ੍ਚ ¶ , ਸਯਂ ਗਾਹਪ੍ਪਵਤ੍ਤਨਂ;

ਦੇਯ੍ਯਸ੍ਸ ਪਟਿਮੋਕ੍ਖੋ ਚ, ਦਾਨਂ ਪਞ੍ਚਵਿਧਂ ਮਤ’’ਨ੍ਤਿ [ਕਾਮਨ੍ਦਕੀਯਨੀਤਿਸਾਰ ੧੭.੬-੭].

ਏਤੇ ਚਤ੍ਤਾਰੋ ਉਪਾਯਾ ਮਾਯਾਦੀਸ੍ਵੇਵਨ੍ਤੋਗਧਾ, ਤਥਾ ਹਿ ਮਾਯੋਪੇਕ੍ਖਾ ਚ ਦਣ੍ਡਨ੍ਤੋਗਧਾ. ਇਨ੍ਦਜਾਲਞ੍ਚ ਭੇਦੇ ਅਨ੍ਤੋਗਧਂ. ਕੇਚਿ ਪਨਾਹੁ

‘‘ਸਾਮਂ ਦਾਨਞ੍ਚ ਭੇਦੋ ਚ, ਦਣ੍ਡੋ ਚੇਤਿ ਚਤੁਕ੍ਕਕਂ;

ਮਾਯੋਪੇਕ੍ਖਿਨ੍ਦਜਾਲਞ੍ਚ, ਸਤ੍ਤੋਪਾਯਾ ਪਕਿਤ੍ਤਿਤਾ’’ਤਿ [ਕਾਮਨ੍ਦਕੀਯਨੀਤਿਸਾਰ ੧੭.੩].

੩੪੯. ਨਾਮਮਤ੍ਤੇਨ ਵੁਤ੍ਤਾਨਂ ਭੇਦਾਦੀਨਮਿਦਾਨਿ ਪਰਿਯਾਯਾਨ੍ਯਾਹ. ਤਤ੍ਰ ਦ੍ਵਯਂ ਭੇਦੇ. ਜਪ ਮਾਨਸੇ ਚ [ਜਪੋ ਚਿਨ੍ਤਨਵਾਚਾਸੁ (ਧਾਤ੍ਵਤ੍ਥਸਙ੍ਗਹ, ੧੩੫ ਗਾਥਾ)], ਭੂ, ਣੋ. ਭਿਦਿ ਦ੍ਵਿਧਾਕਰਣੇ, ਣੋ.

ਤਿਕਂ ਦਣ੍ਡੇ. ਦਣ੍ਡ ਨਿਪਾਤਨੇ, ਚੁਰਾਦਿ. ਸਹੋ ਵੁਚ੍ਚਤਿ ਬਲਂ, ਤਬ੍ਭਵਂ ਸਾਹਸਂ. ਦਮਨਂ ਦਮੋ, ਦੀਘਪਟਿਸੇਧੋ.

੩੫੦. ਸਾਮਂ ਸੁਦ੍ਦਵਗ੍ਗੇ, ਦਾਨਞ੍ਚ ਬ੍ਰਾਹ੍ਮਣਵਗ੍ਗੇ ਕਥੇਸ੍ਸਤਿ. ਸਾਮ੍ਯਾਦਯੋ ਸਤ੍ਤਰੇਵਾਚਰਿਯਮਤੇ. ਪਰਮ੍ਪਰੋਪਕਾਰਿਤ੍ਤਾ ਰਜ੍ਜਸ੍ਸਙ੍ਗਾਨਿ. ਪਕਟ੍ਠਮੁਪਕੁਬ੍ਬਨ੍ਤਿ ਰਜ੍ਜਨ੍ਤਿ ਪਕਤਿਯੋਤਿ ਚੋਚ੍ਚਨ੍ਤੇ. ਵੁਤ੍ਤਞ੍ਚ ਕਾਮਨ੍ਦਕੀਯੇ –

‘‘ਸਾਮ੍ਯ’ਮਚ੍ਚਞ੍ਚ ਰਟ੍ਠਞ੍ਚ, ਦੁਗ੍ਗਂ ਕੋਸੋ ਬਲਂ ਸਖਾ;

ਪਰਮ੍ਪਰੋਪਕਾਰੀਦਂ, ਸਤ੍ਤਙ੍ਗਂ ਰਜ੍ਜਮੁਚ੍ਚਤੇ [ਕਾਮਨ੍ਦਕੀਯਨੀਤਿਸਾਰ ੪.੧].

ਅਮਚ੍ਚਰਟ੍ਠਦੁਗ੍ਗਾਨਿ ¶ , ਕੋਸੋ ਦਣ੍ਡੋ ਚ ਪਞ੍ਚਮੋ;

ਏਤਾ ਪਕਤਿਯੋ ਵੁਤ੍ਤਾ, ਵਿਜਿਗੀਸਸ੍ਸ ਰਾਜਿਨੋ.

ਏਤਾ ਪਞ੍ਚ ਤਥਾ ਮਿਤ੍ਤਂ, ਸਤ੍ਤਮੋ ਪਥਵੀਪਤਿ;

ਸਤ੍ਤਪ੍ਪਕਤਿਕਂ ਰਜ੍ਜਂ, ਇਚ੍ਚਾਹ ਸੂਰਪੂਜਿਤੋ’’ਤਿ.

ਤਤ੍ਰ ਪੋਰਸੇਣੀਨਂ ਪਧਾਨਭਾਵੇਪਿ ਸਤਿ ਰਟ੍ਠਗ੍ਗਹਣੇਨ, ਬਲਗ੍ਗਹਣੇਨ ਵਾ ਗਹਣਸਿਦ੍ਧਨ੍ਤਿ ਨੇਹ ਵਿਸੁਂ ਗਹਣਂ ਕਤਂ, ਅਮਰਕੋਸੇ ਪਨ ਦ੍ਵੀਹਿ ਗਹਣੇ ਸਿਦ੍ਧੇਪਿ ਪਧਾਨਤ੍ਤਾਖ੍ਯਾਪਨਤ੍ਥਂ ਵਿਸੁਂ ਗਹਿਤਾ. ਵੁਤ੍ਤਞ੍ਹਿ ਤਤ੍ਰ –

‘‘ਸਾਮ੍ਯ’ਮਚ੍ਚੋ ਸਖਾ ਕੋਸੋ, ਰਜ੍ਜਦੁਗ੍ਗਬਲਾਨਿ ਚ;

ਰਜ੍ਜਙ੍ਗਾਨਿ ਪਕਤਯੋ, ਪੋਰਾਨਂ ਸੇਣਿਯੋਪਿ ਚੇ’’ਤਿ [ਅਮਰ ੧੮.੧੭].

ਏਸਞ੍ਚ ਸਾਮ੍ਯਮਚ੍ਚਰਟ੍ਠਦੁਗ੍ਗਕੋਸਬਲਸਖੀਨਂ ਪੁਬ੍ਬਤਰਸ੍ਸ ਗਰੁਤ੍ਤਂ ਵਿਞ੍ਞੇਯ੍ਯਂ, ਇਹ ਤੁ ਨਾਮਲਿਙ੍ਗਾਨੁਸਾਸਨੇ ਅਭਿਧਾਨਸਤ੍ਥੇ ਅਨੁਪਯੋਗਤੋ ਯਥਾਕ੍ਕਮਂ ਗਰੁਤ੍ਤਂ ਨ ਵਤ੍ਤੁਮਿਚ੍ਛਤੀਤਿ ਬ੍ਯਤਿਕ੍ਕਮੇਨੋਪਞ੍ਞਾਸੋ ਕਤੋ.

ਸੁਵਣ੍ਣਾਦਿਮਯਭਣ੍ਡਾਗਾਰਂ ਕੋਸੋ, ਪਬ੍ਬਤੋਦਕਰੁਕ੍ਖਾਦੀਹਿ ਦੁਗ੍ਗਮਂ ਪੁਰਂ ਦੁਗ੍ਗਂ, ਵਿਜਿਤਂ ਜਨਪਦਵਤੀ ਭੂਮਿ, ਬਲਂ ਚਕ੍ਕਂ, ਤਞ੍ਚ ਮੋਲਭਤਸੇਣਿਸਹਾਯਾਮਿਤ੍ਤਾਟਵਿਕਭੇਦੇਨ ਛਬ੍ਬਿਧਂ. ਤਤ੍ਰ ਕਮਾਗਤਂ ਮੋਲਂ, ਵੇਤਨਸਮ੍ਬਨ੍ਧਂ ਭਤਂ, ਪੋਰਂ ਬਲਂ ਸੇਣੀ, ਸਹਾਯਭੂਤਂ ਸਹਾਯੋ, ਅਮਿਤ੍ਤਭੂਤਂ ਅਮਿਤ੍ਤਂ, ਅਟਵਿਕਂ ਅਟਵਿਸਹਾਯੋ ਮਿਤ੍ਤਂ. ਤਦਪਿ ਸਹਜ੍ਜਂ, ਪਾਕਤਂ, ਕਿਤ੍ਤਿਮਞ੍ਚੇਤਿ ਤਿਵਿਧਂ. ‘‘ਲਿਙ੍ਗੇ ਸਭਾਵੇ ਪਕਤਿ, ਪੋਰਾਮਚ੍ਚਾਦਿਯੋਨਿਸੁ. ਤਿਲਿਙ੍ਗਂ ਗੁਣਸਾਮ੍ਯੇਪੀ’’ਤਿ [ਬ੍ਯਾਖ੍ਯਾਸੁਧਾ ੧.੪.੨੯] ਰੁਦ੍ਦੋ.

੩੫੧. ਪਭਾਵਾਦੀਨਂ ¶ ਵਸਾ ਸਤ੍ਤਿਯੋ ਨਾਮ ਤਿਸ੍ਸੋ ਭਵਨ੍ਤਿ. ਸਕ ਸਤ੍ਤਿਯਂ,ਤਿ. ਤਤ੍ਰ ਯਂ ਸਨ੍ਧਾਦੀਨਂ, ਭੇਦਾਦੀਨਞ੍ਚ ਯਾਥਾਵਤੋ ਅਵਟ੍ਠਾਪਨਂ, ਤਂ ਞਾਣਬਲਂ ਮਨ੍ਤਸਤ੍ਤਿ, ਸਕਸਮ੍ਪਤ੍ਤੁਪ੍ਪਤ੍ਤਿਯਂ ਕੋਸਦਣ੍ਡਾ ਪਭੂਸਤ੍ਤਿ, ਤੇਸਂਯੇਵ ਪਭੁਤ੍ਤਸਮ੍ਪਾਦਨੇ ਸਾਮਤ੍ਥਿਯਤੋ. ਵੁਤ੍ਤਞ੍ਚ ‘‘ਕੋਸਦਣ੍ਡਬਲਂ ਪਭੂਸਤ੍ਤਿ’’ਰਿਤਿ [ਚਿਨ੍ਤਾਮਣਿਟੀਕਾਯਮ੍ਪਿ]. ਬਲਵਤੀ ਉਸ੍ਸਾਹਚੇਟ੍ਠਾ ਉਸ੍ਸਾਹਸਤ੍ਤਿ. ਵੁਤ੍ਤਞ੍ਚ ‘‘ਵਿਕ੍ਕਮਬਲਮੁਸ੍ਸਾਹਸਤ੍ਤਿ’’ਰਿਤਿ [ਬ੍ਯਾਖ੍ਯਾਸੁਧਾ ੨.੮.੧੯ ਚਿਨ੍ਤਾਮਣਿਟੀਕਾਯਮ੍ਪਿ].

ਪਭਾਵਾਦੀਨਂ ਸਕਾਰਣਂ ਸਰੂਪਂ ਦਸ੍ਸੇਤੁਮਾਹ ‘‘ਪਭਾਵੋ’’ਚ੍ਚਾਦਿ. ਦਮਨਂ ਦਣ੍ਡੋ, ਤਦਤ੍ਥਿਯਾ ਬਲਮ੍ਪਿ ਦਣ੍ਡੋ. ਤਤੋ ਜਾਤਂ ਯਂ ਤੇਜੋ, ਤਂ ਪਭਾਵੋ. ਤਤੋ ਜਾਤੋ ਯੋ ਤੇਜੋ, ਸੋ ‘‘ਪਭਾਵੋ’’ਤਿਪਿ ਪੁਲ੍ਲਿਙ੍ਗੇਨ ਯੋਜਨੀਯਂ. ਪਭਵਨ੍ਤਿ ਤੇਜਸ੍ਸਿਨੋ ਅਨੇਨੇਤਿ ਪਭਾਵੋ, ਣੋ. ਪਕਟ੍ਠੋ ਵਾ ਭਾਵੋ ਪਭਾਵੋ. ਕੋਸੋ ਧਨਂ, ਤਤੋ ਜਾਤੋ ਯੋ ਤੇਜੋ, ਸੋ ਪਭਾਵੋ ਨਾਮ. ਤਥਾ ਕੋਸਜੋ ਤੇਜੋ ਧਨੇਨ ਸਤ੍ਤੂਨਮੁਪਕਰਣਂ. ਪਤਪਨ੍ਤਿ ਤੇਜਸ੍ਸਿਨੋ ਭਵਨ੍ਤ੍ਯਨੇਨੇਤਿ ਪਤਾਪੋ, ਣੋ.

੩੫੨. ਦ੍ਵਯਂ ਮਨ੍ਤੇ. ਮਨ੍ਤਾ ਵੁਚ੍ਚਤਿ ਪਞ੍ਞਾ, ਸਾ ਏਤਸ੍ਮਿਂ ਵਿਜ੍ਜਤਿ ਤਾਯ ਨਿਪ੍ਫਾਦੇਤਬ੍ਬਤ੍ਤਾਤਿ ਮਨ੍ਤੋ, ਅਥ ਵਾ ਮਨ੍ਤ ਗੁਤ੍ਤਭਾਸਨੇ, ਭਾਵੇ ਣੋ. ਇਤਰਤ੍ਰ ਭਾਵੇ ਯੁ.

ਸੋ ¶ ਮਨ੍ਤੋ ਦ੍ਵਿਗੋਚਰੋ ਦ੍ਵਿਨ੍ਨਂ ਜਨਾਨਂ ਵਿਸਯਭੂਤੋ ਚਤੁਕ੍ਕਣ੍ਣੋ ਨਾਮ. ਚਤ੍ਤਾਰੋ ਕਣ੍ਣਾ ਏਤ੍ਥ ਚਤੁਕ੍ਕਣ੍ਣੋ. ਸੋ ਮਨ੍ਤੋ ਤਿਗੋਚਰੋ ਤਿਣ੍ਣਂ ਜਨਾਨਂ ਵਿਸਯਭੂਤੋ ਛਕ੍ਕਣ੍ਣੋ ਨਾਮ. ਮਨ੍ਤੋ ਨਾਮ ਚਤੁਕ੍ਕਣ੍ਣੋ ਵਾ ਛਕ੍ਕਣ੍ਣੋ ਵਾ ਕਤ੍ਤਬ੍ਬੋ, ਨ ਤਤੋ ਪਰਨ੍ਤਿ ਦ੍ਵਿਨ੍ਨਮੇਵੇਤ੍ਥ ਗਹਣਂ. ਅਮਰਕੋਸੇ ਪਨ ਛਕ੍ਕਣ੍ਣੋਪਿ ਪਟਿਕ੍ਖਿਤ੍ਤੋ. ਵੁਤ੍ਤਞ੍ਹਿ ਤਤ੍ਥ ‘‘ਅਛਕ੍ਕਣ੍ਣੋ, ਯੋ ਤਤਿਯਾਦ੍ਯਗੋਚਰੋ’’ਤਿ [ਅਮਰ ੧੮.੨੨].

ਸਬ੍ਬਪਾਰਿਸਦਤ੍ਤਾ [ਸਬ੍ਬਪਾਠਿਪਦਤ੍ਤਾ (ਕ.)] ਬ੍ਯਾਕਰਣਸ੍ਸ ਸੋਤੂਨਂ ਸਮਯਨ੍ਤਰੇਸ੍ਵਪਿ ਪਟੁਭਾਵਜਨਨਤ੍ਥਂ ਇਧਾਨਾਗਤਾਪਿ ਛਗ੍ਗੁਣਾਦਯੋ ਆਨੇਤ੍ਵਾ ਕਥੇਤਬ੍ਬਾ. ਵੁਤ੍ਤਞ੍ਹਿ –

‘‘ਸਬ੍ਬਪਾਰਿਸਦਂ [ਸਬ੍ਬਪਾਟਿਪਦਂ (ਕ.)] ਹਿਦਂ, ਸਬ੍ਬਸਤ੍ਥ’ਮਤੋ ਮਤਂ;

ਨਿਸ੍ਸੀਯਤੇ ਕ੍ਵਚਿ ਕਿਞ੍ਚਿ, ਸਬ੍ਬੇਸ’ਮਤ੍ਰ ਵਾਦਿਨ’’ਨ੍ਤਿ.

ਯਥਾ ਛਗ੍ਗੁਣਾ ਸਨ੍ਧਿ ਵਿਗ੍ਗਹਯਾਨਾਸਨਦ੍ਵੇਧਾਸਯਾ [ਅਮਰ ੧੮.੧੮-੯]. ਤਤ੍ਰ ਸਨ੍ਧਿ ਉਪਹਾਰਲਕ੍ਖਣੋ ਤਿਵਿਧੋ ਕੋਸਦਣ੍ਡਭੂਮਿਪ੍ਪਦਾਨਹੇਤੁਕੋ. ਅਪਹਾਰਲਕ੍ਖਣੋ ਵਿਗ੍ਗਹੋ, ਸੋਪਿ ਤਿਵਿਧੋ ਪਕਾਸਯੁਦ੍ਧਂ ਕੂਟਯੁਦ੍ਧਂ ਤੁਣ੍ਹਿਯੁਦ੍ਧਨ੍ਤਿ.

ਪਰਬ੍ਯਸਨਤਾਸਪਤ੍ਤਿਦੇਸਕਾਲਾਤ੍ਯੁਦਯਾਵਾਪਯਾਨਮਤ੍ਤੇਨ ਸਾਦ੍ਧੇ ਪਰਸ੍ਮਿਂ ਕਤਾਚਰਸ੍ਸ ਗੁਣਾਨੁਰਤ੍ਤਪਕਤਿਸ੍ਸ ਵਿਜਿਗੀਸਸ੍ਸ ਯਾਤ੍ਰਾ ਯਾਨਂ [ਕਾਮਨ੍ਦਕੀਯਨੀਤਿਸਾਰੇ ੧੧ ਸਗ੍ਗੇ ਪਸ੍ਸਿਤਬ੍ਬਂ], ਤਞ੍ਚ ਵਿਗ੍ਗਯ੍ਹਯਾਨਂ ਸਨ੍ਧਾਯਯਾਨਂ ਸਮ੍ਭੂਯਯਾਨਂ ਪਸਙ੍ਗਯਾਨਂ ਉਪੇਕ੍ਖਿਯਯਾਨਮਿਤਿ ਪਞ੍ਚਵਿਧਂ. ਪਤਿਗ੍ਗਾਹੀਨਂ ਨਿਗ੍ਗਯ੍ਹ, ਸਨ੍ਧਾਯ, ਉਪੇਕ੍ਖਿਯ ਵਾ ਯਂ ਯਾਨਂ, ਤਂ ਵਿਗ੍ਗਯ੍ਹਯਾਨਾਦਿ. ਯਦਾ ਨ ਸਕ੍ਕੋਤਿ, ਤਦਾ ਸਾਮਨ੍ਤੇਹਿ ਸਹੇਕੀਭੂਯ ਯਾਨਂ ਸਮ੍ਭੂਯਯਾਨਂ. ਅਞ੍ਞਤ੍ਰ ਗਨ੍ਤਬ੍ਬੇ ਅਞ੍ਞਸ੍ਮਿਂ ਪਸਙ੍ਗਤੋ ਗਮਨਂ ਪਸਙ੍ਗਯਾਨਂ.

‘‘ਨ ਮਂ ਪਰੋ ਹਨ੍ਤੁਂ ਸਮਤ੍ਥੋ, ਨਾਹਮ੍ਪਿ ਪਰ’’ਮਿਤਿ ਕਾਲਾਦਿਕੇ ਪਰਿਕ੍ਖਿਤ੍ਵਾ ਵਿਜਿਗੀਸਸ੍ਸ ਦੁਗ੍ਗਾਦੀਨਿ ਵਡ੍ਢਯਤੋ ਠਿਤਿ ਆਸਨਂ, ਤਦਪਿ ਵਿਗ੍ਗਯ੍ਹਾਸਨਸਨ੍ਧਾਯਾਸਨਾਦਿਭੇਦੇਨ ਪਞ੍ਚਵਿਧਂ. ਬਲੀਨਂ ¶ ਸਤ੍ਤੂਨਂ ਮਜ੍ਝੇ ਕਾਕਕ੍ਖਿਵਾ’ਲਕ੍ਖਿਤਸ੍ਸੋ’ਭਯਤ੍ਰ ਵਚਨੇਨਤ੍ਤਨੋ ਸਮਪ੍ਪਣਂ ਦ੍ਵੇਧਂ. ਅਞ੍ਞਤਰੇਨ ਵਾ ਬਲਵਤਰੇਨ ਸਨ੍ਧਿ, ਅਞ੍ਞਤਰੇਨ ਅਬਲੇਨ ਵਿਗ੍ਗਹੋ ਦ੍ਵੇਧਂ. ਸਤ੍ਤੁਨੋ ਵਾ ਪਕਤੀਹਿ ਸਨ੍ਧਾਯ ਯੋ ਤੇਨ ਵਿਗ੍ਗਹੋ, ਸਤ੍ਤੁਨੇਵ ਵਾ ਯੋ ਸਨ੍ਧਿਵਿਗ੍ਗਹਸਮੁਦਾਯਹੇਤੁਕੋ [ਸਤ੍ਤੁਨੋਵ ਵਾ ਸਨ੍ਧਿਵਿਗ੍ਗਹਸਮੁਦਾਯਹੇਤੁਨੋ (ਬ੍ਯਾਖ੍ਯਾਸੁਧਾ ੧.੮.੧੮)] ਦੁਗ੍ਗਾਸਯਸ੍ਸ ਬ੍ਯਾਪਾਰੋ, ਸੋਪਿ ਦ੍ਵੇਧਂ. ਪਰਸਨ੍ਤਾਨਮਪ੍ਯੋਭਯਵੇਦਨਾਨਂ ਉਭਯਤੋ ਵੁਤ੍ਤਿ ਦ੍ਵੇਧਮੁਚ੍ਚਤੇ.

‘‘ਉਚ੍ਛਿਜ੍ਜਮਾਨੋ ਰਿਪੁਨਾ ਨਿਰੁਪਾਯ ਪਤਿਕ੍ਰਿਯੋ. ਸਤ੍ਤਿਹੀਨੋ ਸਮਾਸਿਯਤੇ’’ਤਿ [ਬ੍ਯਾਖ੍ਯਾਸੁਧਾ ੧.੮.੧੮] ਹੀਨੇਨਾਞ੍ਞਸ੍ਸ ਬਲਵਤਰਸ੍ਸ ਧਮ੍ਮਵਿਜਯਿਨੋ ਸਮਾਸਯਨਂ [ਬਲਵਤਾ ਅਰਿਨਾ ਉਚ੍ਛਿਜ੍ਜਮਾਨਸ੍ਸ ਹੀਨਸਤ੍ਤਿਨੋ ਯਂ ਬਲਵਧਮ੍ਮਵਿਜਯਿਸਮਾਸਯਨਂ (ਬ੍ਯਾਖ੍ਯਾਸੁਧਾ ੧.੮.੧੮)], ਤਸ੍ਸੇਵ ਵਾ ਬਲਿਨੋ ਸਤ੍ਤੁਨੋ ਕੋਸਾਦਿਪ੍ਪਦਾਨੇਨ ਆਸਯਨਂ ਆਸਯੋ ਵੁਚ੍ਚਤੇ. ਏਤੇ ਛਗ੍ਗੁਣਾ.

ਯਸ੍ਮਿਞ੍ਚ ਗੁਣੇ ਠਿਤੋ ਵਿਜਿਗੀਸੋ ਸਕ੍ਕੋਤ੍ਯਤ੍ਤਨੋ ਅਟ੍ਠਵਗ੍ਗਿਯਕਮ੍ਮਾਨਿ ਪਵਤ੍ਤਯਿਤੁਂ, ਪਰਸ੍ਸ ਚੇਤਾਨ੍ਯੁਪਹਨ੍ਤੁਂ, ਗੁਣਮਾਧਿਟ੍ਠੇਯ੍ਯ, ਸਾ ਵੁਡ੍ਢਿ.

ਕਸਿ ਵਣਿਜ੍ਜਂ ਪਥੋ ਦੁਗ੍ਗਂ, ਸੇਤੁ ਕੁਞ੍ਜਰਬਨ੍ਧਨਂ;

ਖਨ੍ਯਾਕਰਧਨਾਦਾਨਂ, ਸੁਞ੍ਞਾਨਞ੍ਚ ਨਿਵੇਸਨਂ [ਕਾਮਨ੍ਦਕੀਯਨੀਤਿਸਾਰ ੫.੭੮].

ਯਸ੍ਮਿਂ ਵਾ ਗੁਣੇ ਠਿਤੋ ਸਕਮ੍ਮਾਨਂ ਵੁਡ੍ਢਿ, ਖਯਂ ਵਾ ਨਾਭਿਪਸ੍ਸਤਿ, ਤਂ ਠਾਨਂ, ਯਸ੍ਮਿਂ ਵਾ ਗੁਣੇ ਠਿਤੋ ਸਕਮ੍ਮਾਨਮੁਪਘਾਤਂ ਪਸ੍ਸਤਿ, ਤਸ੍ਮਿਂ ਨ ਤਿਟ੍ਠੇਯ੍ਯ, ਸੋ ਖਯੋ, ਅਯਂ ਨੀਤਿਵੇਦੀਨਂ ਤਿਵਗ੍ਗੋ [ਅਮਰ ੧੮.੧੯]. ਇਤਰੇਸਂ ਧਮ੍ਮਤ੍ਥਕਾਮਾ ਤਿਵਗ੍ਗੋ.

ਦ੍ਵਯਂ ¶ ਗੁਯ੍ਹੇ. ਰਹਸਿ ਭਵਂ ਰਹਸ੍ਸਂ, ਸੋ, ਰਹੇ ਵਾ ਭਵਂ ਰਹਸ੍ਸਂ. ਗੁਹ ਸਂਵਰਣੇ, ਕਮ੍ਮਨਿ ਯੋ. ਇਦਂ ਦ੍ਵਯਂ ਤੀਸੁ. ਰਹਸ੍ਸੋ ਮਨ੍ਤੋ, ਰਹਸ੍ਸਾ ਵਾਚਾ, ਰਹਸ੍ਸਂ ਮਨ੍ਤਨਂ.

੩੫੩. ਪਞ੍ਚਕਂ ਵਿਜਨੇ. ਵਿਜਿ ਪੁਥਭਾਵੇ, ਭੂ, ਤੋ ਚ. ਵਿਚਿ ਵਿਵੇਚਨੇ, ਪੁਥੁਭਾਵੇ ਚ ਵਾ. ‘‘ਵਿਵਿਤ੍ਤਂ ਤੀਸੁ ਵਿਜਨੇ, ਅਸਂਪਕ੍ਕਪਵਿਤ੍ਤੇਸੂ’’ਤਿ ਰੁਦ੍ਦੋ. ਵਿਗਤੋ ਜਨੋ ਅਸ੍ਮਾਤਿ ਵਿਜਨੋ. ਛਾਦੇਤੀਤਿ ਛਨ੍ਨੋ. ਛਦ ਸਂਵਰਣੇ. ਵਿਤ੍ਤਮਰਹਤੀਤਿ ਰਹੋ, ਰਹ ਚਾਗੇ, ਰਮਨ੍ਤੇ ਅਸ੍ਮਿਨ੍ਤਿ ਵਾ ਰਹੋ, ਵਣ੍ਣਵਿਕਾਰੋ. ‘‘ਰਹੋ ਨਿਧੁਵਨੇ ਚਾਪਿ, ਰਹੋ ਗੁਯ੍ਹੇ ਨਪੁਂਸਕ’’ਨ੍ਤਿ [ਬ੍ਯਾਖ੍ਯਾਸੁਧਾ ੨.੮.੨੨] ਰਭਸੋ. ਦੁਤਿਯੋ ਰਹੋਸਦ੍ਦੋ ਅਬ੍ਯਯਂ. ਨਿਸ੍ਸਲਾਕਾ, ਉਪਾਸੁਪ੍ਯਤ੍ਰ. ਨਿਸ੍ਸਲਾਕਾ ਥੀ, ਉਪਾਸੁ ਅਬ੍ਯਯਂ.

ਦ੍ਵਯਂ ਵਿਸ੍ਸਾਸੇ. ਸਸ ਪਾਲਨੇ, ਣੋ. ਸਮ੍ਭ ਵਿਸ੍ਸਾਸੇ. ‘‘ਵਿਸ੍ਸਮ੍ਭੋ ਕੇਲਿਕਲਹੇ, ਵਿਸ੍ਸਾਸੇ’ਪਣਯੇਪਿ ਚੇ’’ਤਿ [ਚਿਨ੍ਤਾਮਣਿਟੀਕਾਯਮ੍ਪਿ] ਰੁਦ੍ਦੋ.

ਦ੍ਵਯਂ ਨ੍ਯਾਯੇ. ਯੁਜ ਸਮਾਧਿਮ੍ਹਿ, ਸਮਾਧਿ ਅਭ੍ਯੁਪਗਮੋ, ਤੋ. ਉਪਗਨ੍ਤਬ੍ਬਤ੍ਤਾ ਉਪਾਯਿਕਂ. ਉਪਾਯਾ ਸਕਤ੍ਥੇ ਇਕੋ, ਓਪਾਯਿਕਂ, ਓਪਯਿਕਮ੍ਪਿ [ਪਾਣਿਨਿ ੫.੪.੩੪ (ਗਣ)], ਲਬ੍ਭਂ, ਭਜਮਾਨਂ, ਅਭਿਨੀਤਂ, ਨ੍ਯਾਯਂ, ਞਾਯਂਪ੍ਯਤ੍ਰ.

੩੫੪. ਸਿਲੋਕਂ ਓਵਾਦੇ. ਅਵਪੁਬ੍ਬੋ ਵਦ ਵਿਯਤ੍ਤਿਯਂ ਵਾਚਾਯਂ, ਭਾਵੇ ਣੋ. ਸਾਸ ਅਨੁਸਿਟ੍ਠਿਮ੍ਹਿ,ਤਿ, ਆਸ੍ਸਿ, ਅਨੁਸਿਟ੍ਠਿ ¶ . ਅਨੁਸਾਸਤੇ ਅਨੁਸਾਸਨਂ. ਪੁਮਵਜ੍ਜੇ ਇਤ੍ਥਿਯਂ, ਨਪੁਂਸਕੇ ਚ. ਏਤ੍ਥ ਚ ਏਕਸ੍ਸੇਵਤ੍ਥਸ੍ਸ ਭਿਨ੍ਨਲਿਙ੍ਗੇਹਿ ਤੀਹਿ ਨਾਮੇਹਿ ਕਥਨਂ ਨ ਕੇਵਲਂ ਵਾਚ੍ਚਲਿਙ੍ਗੋਯੇਵ ਸਦ੍ਦੋ, ਅਥ ਖੋ ਵਾਚਕਲਿਙ੍ਗੋਪ੍ਯਤ੍ਥੀਤਿ ਦੀਪਨਤ੍ਥਂ.

ਦ੍ਵਯਂ ਆਣਾਯਂ. ਆਣ ਪੇਸਨੇ, ਭਾਵੇ ਅ, ਆਣਾ, ਇਤ੍ਥੀ. ਅਵਵਾਦੋ, ਨਿਦ੍ਦੇਸੋ, ਸਿਟ੍ਠਿਪ੍ਯਤ੍ਰ. ਦ੍ਵਯਂ ਬਨ੍ਧਨੇ. ਦਾ ਦਾਨੇ, ਭਾਵੇ ਯੁ, ਦਾ ਅਵਖਣ੍ਡਨੇ ਵਾ, ਵਿਯੋਗਦਾਨਤੋ ਉਦ੍ਦਾਨਂ.

੩੫੫-੩੫੬. ਦ੍ਵਯਂ ਅਪਰਾਧੇ. ਅਪਗਚ੍ਛਨ੍ਤ੍ਯਨੇਨਾਤਿ ਆਗੁ, ਣੁ, ਪਲੋਪੋ, ਰਸ੍ਸਸ੍ਸ ਦੀਘਤਾ, ਨਪੁਂਸਕੇ ਆਗੁ. ਅਪਗਤੋ ਰਾਧੋ ਯੇਨ ਅਪਰਾਧੋ, ਰਾਧ ਸਂਸਿਦ੍ਧਿਮ੍ਹਿ. ਦ੍ਵਯਂ ਰਾਜਗਯ੍ਹੇ. ਕਿਰ ਵਿਕਿਰਣੇ, ਕਤ੍ਤਰਿ ਅ, ਅਤ੍ਤਂ. ਬਲ ਪਾਣਨੇ, ਇ. ਕਰਸਾਹਚਰਿਯਤੋ ਬਲਿ ਪੁਲ੍ਲਿਙ੍ਗੇ. ਭਾਗਧੇਯ੍ਯੋਪ੍ਯਤ੍ਰ. ਭਾਗਾਸਕਤ੍ਥੇ ਧੇਯ੍ਯੋ [ਪਾਣਿਨਿ ੫.੪.੩੬ (ਵਾ.)], ਭਾਗਤ੍ਤੇਨ ਤਿਟ੍ਠਤੀਤਿ ਵਾ ਭਾਗਧੇਯ੍ਯੋ, ਇਯੋ.

ਦ੍ਵਯਂ ਤੁਟ੍ਠਿਦਾਯੇ. ਮਨੋਰਥਪੁਣ੍ਣਤ੍ਤਾ ਪਤ੍ਤਬ੍ਬੋ ਭਾਗੋ ਪੁਣ੍ਣਪਤ੍ਤੋ. ਤੁਸ੍ਸਨਂ ਤੁਟ੍ਠੋ, ਸੋਸ੍ਸਤ੍ਥੀਤਿ ਤੁਟ੍ਠੀ, ਤੇਨ ਦਾਤਬ੍ਬੋ ਦਾਯੋ ਤੁਟ੍ਠਿਦਾਯੋ, ਆਕਾਰਨ੍ਤਾਨਮਾਯੋ.

‘‘ਹੇਮਂ ਸੀਹਾਸਨਂ ਵੇਸਂ, ਵੁਤ੍ਤਂ ਭਦ੍ਦਾਸਨਂ ਤਥਾ;

ਉਪਾਯਨ’ਮੁਪਗ੍ਗਯ੍ਹਂ, ਪਾਭਤਞ੍ਚੋ’ਪਦਾ ਥਿਯ’’ਨ੍ਤਿ.

ਉਪਗਨ੍ਤ੍ਵਾਦਾਤਬ੍ਬਾਤਿ ਉਪਦਾ, ਅ, ਇਤ੍ਥੀ, ਤਂ ਤਮਤ੍ਥਂ ਪਤ੍ਥੇਨ੍ਤੇਹਿ ਆਭਰੀਯਤੇ ਆਨੀਯਤੇਤਿ ਪਾਭਤਂ, ਪਤ੍ਥਨਤ੍ਥਜੋਤਕੋਯਂ ਪਸਦ੍ਦੋ. ਉਪੇਯ੍ਯਤੇਤਿ ਉਪਾਯਨਂ, ਇਤੋ ਯੁ, ਉਪਗਚ੍ਛਤਿ ਯੇਨਾਤਿ ਵਾ ਉਪਾਯਨਂ. ਕੁਚ ਸਙ੍ਕੋਚਨੇ, ਣੋ, ਵਿਗਤੋ ਕੋਚੋ ਯੇਨ ਉਕ੍ਕੋਚੋ. ਪਣ੍ਣੇਨ ਸਤ੍ਥਪਣ੍ਣੇਨ ਸਦ੍ਧਿਂ ਆਕਰੀਯਤੇ ਆਨੀਯਤੇਤਿ ਪਣ੍ਣਾਕਾਰੋ, ਅਞ੍ਞਤ੍ਰ ਉਪਚਾਰਾ. ਪਹਿਣਨ੍ਤ੍ਯਨੇਨੇਤਿ ਪਹੇਣਕਂ, ਹਿ ਗਤਿਯਂ, ਯੁ, ਸਕਤ੍ਥੇ ਕੋ. ਪਦੇਸਨਂ, ਉਪਗ੍ਗਯ੍ਹਂ, ਉਪਹਾਰੋਪ੍ਯਤ੍ਰ.

ਗੁਮ੍ਬਾਦਿਦੇਯ੍ਯੋ ਗੁਮ੍ਬਘਟਾਦਿਕੋ [ਗੁਮ੍ਬਘਟਾਦਿਤੋ (?)] ਦੇਯ੍ਯੋਸੁਙ੍ਕਂ, ਅਨਿਤ੍ਥੀ, ਗੁਮ੍ਬੋ ਨਾਮ ਜਲਥਲਮਗ੍ਗਾਦੀਸੁ ਲਦ੍ਧਬ੍ਬਭਾਗੋ, ਤਥਾ ਘਟ੍ਟੋਪਿ, ਸਮਾਨਤ੍ਥਾ ਹੇਤੇ. ਆਦਿਨਾ ਪਾਭਤਮ੍ਪਿ ਸਙ੍ਗਣ੍ਹਾਤਿ. ਸੁਙ੍ਕ ਗਮਨੇ, ਸੁਙ੍ਕਤਿ ਯੇਨ, ਤਂ ਸੁਙ੍ਕਂ. ਗਮੁ ਗਮਨੇ, ਬੋ, ਅਸ੍ਸੁ, ਗੁਮ੍ਬੋ. ਦ੍ਵਯਂ ਗਾਮਜਨਪਦਾਦਿਤੋ ਲਦ੍ਧਬ੍ਬਭਾਗੇ. ਅਯ ਗਮਨੇ, ਣੋ, ਆਯੋ. ਅਪਚ੍ਚਯੇ ਅਯੋ. ਧਨਾਨਂ ਸਮ੍ਪਤ੍ਤਕਾਲੇ ਆਗਮੋ ਧਨਾਗਮੋ.

੩੫੭. ਦ੍ਵਯਂ ਛਤ੍ਤਸਾਮਞ੍ਞੇ. ਆਤਪਤੋ ਸੂਰਿਯਾਲੋਕਤੋ ਤਾਯਤੀਤਿ ਆਤਪਤ੍ਤਂ, ਤੋ. ਛਾਦਯਤੀਤਿ ਛਤ੍ਤਂ, ਛਦ ¶ ਅਪਵਾਰਣੇ, ਤੋ, ਤ੍ਰਣਪਚ੍ਚਯੇ ਛਤ੍ਰਂ, ਹੇਮਂ ਸੁਵਣ੍ਣਖਚਿਤਂ ਰਞ੍ਞਂ ਰਾਜੂਨਂ ਆਸਨਂ ਸੀਹਾਸਨਾਖ੍ਯਂ. ਸੀਹਾਕਤਿਪ੍ਪਧਾਨਤ੍ਤਾ ਸੀਹਾਕਤਿਪ੍ਪਧਾਨਂ ਆਸਨਨ੍ਤਿ ਵਿਗ੍ਗਹੋ.

ਦ੍ਵਯਂ ਚਾਮਰੇ. ਵਾਲੇਨ ਕਤਾ ਬੀਜਨੀ ਵਾਲਬੀਜਨੀ. ਚਮਰੋ ਮਿਗੋ ਤਸ੍ਸੇਦਂ ਚਾਮਰੀ. ‘‘ਚਾਮਰਾ ਚਾਮਰਂ ਰੋਮਂ, ਗੁਚ੍ਛਕਞ੍ਚਾਵਚੂਲਕ’’ਨ੍ਤਿ [ਤਿਕਣ੍ਡਸੇਸ ੨.੮.੪੦੬] ਤਿਕਣ੍ਡਸੇਸੋ. ਪਕਿਣ੍ਣਕਂਪ੍ਯਤ੍ਰ. ਪਕਰੀਯਤੇ ਵਿਕ੍ਖਿਪਤੇ ਪਕਿਣ੍ਣਕਂ, ਸਕਤ੍ਥੇ ਕੋ.

੩੫੮. ਖਗ੍ਗਾਦਯੋ ਇਮੇ ਪਞ੍ਚ ਰਾਜੂਨਂ ਕਕੁਧਭਣ੍ਡਾਨਿ ਭਵਨ੍ਤਿ. ਕੁਕ ਆਦਾਨੇ, ਧੋ, ਵਣ੍ਣਵਿਪਰਿਯਯੋ. ਰਞ੍ਞੋ ਗਮਨਕਾਲੇ ਸਦਾ ਆਦਾਤਬ੍ਬਤੋ ਕਕੁਧਾਨਿ ਚ ਤਾਨਿ ਰਾਜਧਨਤ੍ਤਾ ਭਣ੍ਡਾਨਿ ਚੇਤਿ ਕਕੁਧਭਣ੍ਡਾਨਿ.

੩੫੯. ਦ੍ਵਯਂ ਪੁਣ੍ਣਘਟੇ. ਜਲਪੁਣ੍ਣਤ੍ਤਾ ਭਦ੍ਦੋ ਕਲ੍ਯਾਣੋ ਕੁਮ੍ਭੋ ਭਦ੍ਦਕੁਮ੍ਭੋ. ਦ੍ਵਯਂ ਹੇਮਭਾਜਨੇ. ਭਰ ਭਰਣੇ, ਭਰਣਂ ਧਾਰਣਂ ਪੋਸਨਞ੍ਚ, ਧਾਰਣਤ੍ਥਸ੍ਸ ਭਰਤਿਸ੍ਸ ਭਿਙ੍ਗਾਦੇਸੋ, ਭਰਤਿ ਦਧਾਤਿ ਉਦਕਨ੍ਤਿ ਭਿਙ੍ਗਾਰੋ, ਆਰੋ. ਕਰਕੋ, ਕੁਣ੍ਡਿਕਾਪ੍ਯਤ੍ਰ.

ਹਤ੍ਥੀ ¶ ਚ ਅਸ੍ਸੋ ਚ ਰਥੋ ਚ ਪਤ੍ਤਿ ਚ, ਤੇਸਂ ਸਮੂਹੋ ਹਤ੍ਥਿਸ੍ਸਰਥਪਤ੍ਤਿ ਚਤੁਰਙ੍ਗਿਨੀ ਸੇਨਾਤ੍ਯੁਚ੍ਚਤੇ, ਸੇਨਙ੍ਗਤ੍ਤਾ ਸਮਾਹਾਰਦ੍ਵਨ੍ਦੋਯਂ. ਚਤ੍ਤਾਰਿ ਅਙ੍ਗਾਨਿ ਯਸ੍ਸਂ ਸਂਵਿਜ੍ਜਨ੍ਤਿ, ਸਾ ਚਤੁਰਙ੍ਗਿਨੀ, ਈ, ਇਨੀ.

੩੬੦. ਦਨ੍ਤ੍ਯਨ੍ਤਂ ਹਤ੍ਥਿਨਿ. ਕੁਞ੍ਜੋ ਹਨੁ, ਦਨ੍ਤੋ ਚ, ਤਂਯੋਗਾ ਕੁਞ੍ਜਰੋ, ਅਤਿਸਯੇ ਰੋ, ਕੁਂ ਪਥਵਿਂ ਜਰਾਪੇਤੀਤਿ ਵਾ ਕੁਞ੍ਜਰੋ, ਅਲੁਤ੍ਤਸਮਾਸੋ, ਕੁਞ੍ਜੇ ਵਾ ਗਿਰਿਕੂਟੇ ਰਮਤਿ, ਕੋਞ੍ਚਨਾਦਂ ਨਦਨ੍ਤੋ ਵਾ ਚਰਤਿ, ਕੁਂ ਵਾ ਪਥਵਿਂ ਤਦਾਘਾਤੇਨ ਜਰਯਤੀਤਿ ਕੁਞ੍ਜਰੋ. ਵਾਰਯਤਿ ਪਰਬਲਂ ਵਾਰਣੋ, ਨਨ੍ਦਾਦੀਹਿ ਯੁ. ਹਤ੍ਥਯੋਗਾ ਹਤ੍ਥੀ. ਮਤਙ੍ਗਸ੍ਸ ਇਸਿਨੋ ਅਪਚ੍ਚਂ ਮਾਤਙ੍ਗੋ, ਮਹਨ੍ਤਂ ਅਙ੍ਗਂ ਸਰੀਰਮੇਤਸ੍ਸਾਤਿ ਵਾ ਮਾਤਙ੍ਗੋ, ਹ ਨਲੋਪੋ, ਅਸ੍ਸਾਕਾਰੋ ਚ. ਦ੍ਵੇ ਰਦਾ ਦਨ੍ਤਾ ਯਸ੍ਸ ਦ੍ਵਿਰਦੋ, ‘‘ਰਦ ਵਿਲੇਖਨੇ ਦਨ੍ਤੇ’’ਤਿ ਹਿ ਨਾਨਤ੍ਥਸਙ੍ਗਹੇ. ਗਜ ਸਦ੍ਦੇ, ਗਜਤੀਤਿ, ਅ. ਨਗੋ ਪਬ੍ਬਤੋ, ਸੋ ਵਿਯ ਦਿਸ੍ਸਤੀਤਿ ਨਾਗੋ, ਣੋ. ਕਰੇਨ, ਮੁਖੇਨ ਚਾਤਿ ਦ੍ਵੀਹਿ ਪਿਵਤੀਤਿ ਦ੍ਵਿਪੋ. ਇ ਗਮਨੇ, ਭੋ. ਦਨ੍ਤਯੋਗਾ ਦਨ੍ਤੀ. ਸਟ੍ਠਿਹਾਯਨੋ, ਦਨ੍ਤਾਵਲੋ, ਅਨੇਕਪੋ, ਮਤਙ੍ਗਜੋ, ਕਰੀ, ਥਮ੍ਭੇਰਮੋ, ਪਦ੍ਮੀ, ਮਹਾਮਿਗੋ, ਪੀਲੁ, ਸਿਨ੍ਧੁਰੋ, ਦੀਘਮਾਰੁਤੋ, ਰਾਜੀਵੋ, ਜਲਕਕ੍ਖੋ, ਨਿਲ੍ਲੁਰੋ, ਕਰਟੀ, ਵਰਙ੍ਗੋ, ਸੁਪ੍ਪਕਣ੍ਣੋ ਇਚ੍ਚਾਦੀਨਿਪਿ ਹਤ੍ਥਿਨੋ ਨਾਮਾਨਿ. ਸਟ੍ਠਿਵਸ੍ਸਿਕਤ੍ਤਾ, ਜਾਤਿਯਾ ਸਟ੍ਠਿਵਸ੍ਸਕਾਲੇ ਥਾਮੇਨ ਹਾਯਨਤੋ ਵਾ ਸਟ੍ਠਿਹਾਯਨੋ.

ਵਨਕਰੀਨਂ ਯੋ ਯੂਥਜੇਟ੍ਠੋ, ਸੋ ਸਯੂਥਾਨਂ ਜੇਟ੍ਠਤ੍ਤਾ ਯੂਥਜੇਟ੍ਠੋ. ਸਯੂਥੇ ਪਾਤਿ ਰਕ੍ਖਤੀਤਿ ਯੂਥਪੋਤਿ ਚੋਚ੍ਚਤੇ.

੩੬੧. ਕਾਲ਼ਾਵਕਾਦੀਨਿ ¶ ਏਤਾਨਿ ਹਤ੍ਥਿਰਾਜਾਨਂ ਕੁਲਾਨਿ. ਕਲਮ੍ਬਤੇ ਸਦ੍ਦਾਯਤੇਤਿ ਕਾਲ਼ਾਵਕੋ, ਣ੍ਵੁ, ਮਲੋਪੋ. ਗਙ੍ਗਾਯਂ ਜਾਤੋ ਗਙ੍ਗੇਯ੍ਯੋ, ਠਾਨਵਸੇਨ ਸਾ ਸਞ੍ਞਾ. ਪਣ੍ਡਰਵਣ੍ਣਤਾਯ ਪਣ੍ਡਰੋ. ਵਣ੍ਣਵਸੇਨ ਤਮ੍ਬਵਣ੍ਣਤਾਯ ਤਮ੍ਬੋ. ਪਿਙ੍ਗਲਵਣ੍ਣਤਾਯ ਪਿਙ੍ਗਲੋ. ਗਨ੍ਧਯੁਤ੍ਤਤਾਯ ਗਨ੍ਧੋ. ਮਙ੍ਗ ਗਮਨਤ੍ਥੋ, ਸੋਭਨਗਮਨਯੁਤ੍ਤਤਾਯ ਮਙ੍ਗਲੋ, ਅਤਿਸਾਯਨੇ, ਪਸਂਸਾਯਂ ਵਾ ਲੋ. ਹੇਮਵਣ੍ਣਤਾਯ ਹੇਮੋ. ਉਪੋਸਥਕੁਲੇ ਜਾਤਤ੍ਤਾ ਉਪੋਸਥੋ, ਉਪਗਨ੍ਤ੍ਵਾ ਅਰਯੋ ਉਸਤੀਤਿ ਵਾ ਉਪੋਸਥੋ, ਥੋ, ਉਸ ਦਾਹੇ, ਉਪਪੁਬ੍ਬੋ ਵਸ ਨਿਵਾਸੇ ਵਾ, ਵਸ੍ਸੋ, ਉਪੋਸਥੋ, ਤਿਥੀਵਿਸੇਸੋ ਚ. ਛਬ੍ਬਣ੍ਣਦਨ੍ਤਤਾਯ ਛਦ੍ਦਨ੍ਤੋ. ਏਤੇਸਞ੍ਚ ਕਾਲ਼ਾਵਕੋ ਦਸਨ੍ਨਂ ਪੁਰਿਸਾਨਂ ਬਲਂ ਧਾਰੇਤਿ, ਗਙ੍ਗੇਯ੍ਯੋ ਦਸਨ੍ਨਂ ਕਾਲ਼ਾਵਕਾਨਂ, ਏਵਂ ਯਾਵਛਦ੍ਦਨ੍ਤਾ ਨੇਤਬ੍ਬੋ, ਸਮ੍ਮਾਸਮ੍ਬੁਦ੍ਧੋ ਪਨ ਦਸਨ੍ਨਂ ਛਦ੍ਦਨ੍ਤਾਨਂ ਬਲਂ ਧਾਰੇਤਿ, ਤੇਨੇਵ ਭਗਵਾ ਕਾਲ਼ਾਵਕਹਤ੍ਥਿਗਣਨਾਯ ਕੋਟਿਸਹਸ੍ਸਬਲਂ ਧਾਰੇਤਿ, ਪੁਰਿਸਗਣਨਾਯ ਦਸਨ੍ਨਂ ਪੁਰਿਸਕੋਟਿਸਹਸ੍ਸਾਨਂ ਬਲਂ.

੩੬੨. ਪਾਦੋ ਕਰਿਪੋਤੇ. ਪਞ੍ਚਵਸ੍ਸਾਨਿ ਯਾਵ ਕਲਭੋ, ਕਲ ਸਙ੍ਖ੍ਯਾਨੇ, ਅਭੋ, ਕਲਭੋ, ਲ਼ਤ੍ਤੇ ਕਲ਼ਭੋ, ਮਾਤਾਪਿਤੂਹਿ ¶ ਭਰਿਤਬ੍ਬਤ੍ਤਾ ਭਿਙ੍ਕੋ, ਭਰਤਿਸ੍ਸ ਭਿਙ੍ਕੋ. ਕਰਿਸਾਵਕੋਪ੍ਯਤ੍ਰ. ਪਾਦੋ ਮਤ੍ਤਮਾਤਙ੍ਗੇ. ਦਾਨਂ ਪਭਿਨ੍ਨੋ ਯਸ੍ਸ ਪਭਿਨ੍ਨੋ. ਮਜ੍ਜਤੀਤਿ ਮਤ੍ਤੋ, ਮਦ ਉਮ੍ਮਾਦੇ. ਗਜੇ ਜਾਯਤੀਤਿ ਗਜ੍ਜੋ, ਣ੍ਯੋ, ਮਦੋ. ਸੋ ਸਞ੍ਜਾਤੋ ਯਸ੍ਸ ਗਜ੍ਜਿਤੋ.

ਦ੍ਵਯਂ ਹਤ੍ਥਿਸਮੂਹੇ. ਹਤ੍ਥੀਨਂ ਸਮੂਹੋ ਹਤ੍ਥਿਘਟਾ. ਗਜਾਨਂ ਸਮੂਹੋ ਗਜਤਾ, ਗਾਮਜਨਬਨ੍ਧੁਸਹਾਯਾਦੀਹਿ ਤਾ. ਪਾਦੋ ਹਤ੍ਥਿਨਿਯਂ. ਹਤ੍ਥਯੋਗਾ ਹਤ੍ਥਿਨੀ, ਈ, ਇਨੀ. ਕਣ ਸਦ੍ਦੇ, ਇਰੁ, ਸਕਤ੍ਥੇ ਕੋ. ਕਰੇਣੁਕਾਤਿਪਿ, ਤਦਾ ਕਰਯੋਗਾ ਕਰੇਣੁਕਾ, ਇਣੁ. ਕਰਿਣੀ, ਧੇਨੁਕਾ, ਵਸਾ, ਕਰੇਣੁਪ੍ਯਤ੍ਰ.

੩੬੩. ਹਤ੍ਥਿਸਿਰੋਪਿਣ੍ਡਾ ਹਤ੍ਥਿਨੋ ਸਿਰਸਿ ਦ੍ਵੇ ਪਿਣ੍ਡਾ ਕੁਮ੍ਭਾਖ੍ਯਾ. ਕੇ ਸਿਰਸਿ ਭਵਤੀਤਿ ਕੁਮ੍ਭੋ, ਅਸ੍ਸੁ, ਨਿਗ੍ਗਹੀਤਾਗਮੋ ਚ. ਦ੍ਵਿਨ੍ਨਂ ਪਨ ਕੁਮ੍ਭਾਨਂ ਮਜ੍ਝਿਮਂ ਵਿਦੁ ਨਾਮ [ਅਮਰ ੧੮.੩੭]. ਅਙ੍ਕੁਸਸਙ੍ਘਾਤਂ ਵਿਨ੍ਦਤ੍ਯਸ੍ਮਿਨ੍ਤਿ ਵਿਦੁ, ਪੁਮੇ, ਉ. ਦ੍ਵਯਂ ਕਣ੍ਣਮੂਲੇ. ਚੂਲ਼ ਨਿਮਜ੍ਜਨੇ, ਣ੍ਵੁ, ਚੂਲ਼ਿਕਾ, ਚੁਦ ਸਞ੍ਚੋਦਨੇ ਵਾ, ਚੋਦੇਨ੍ਤਿ ਏਤ੍ਥ ਅਙ੍ਕੁਸਾਦੀਹਿ ਅਦਨ੍ਤਨ੍ਤਿ ਚੂਲ਼ਿਕਾ, ਦਸ੍ਸ ਲ਼ੋ, ਣ੍ਵੁ.

ਆਸਤੇ ਅਸ੍ਮਿਨ੍ਤਿ ਆਸਨਂ, ਖਨ੍ਧਦੇਸੋ. ਖਨ੍ਧੋ ਏਵ ਦੇਸੋ ਖਨ੍ਧਦੇਸੋ, ਤਸ੍ਮਿਂ. ਦ੍ਵਯਂ ਪੁਚ੍ਛਮੂਲੇ. ਪੁਚ੍ਛਸ੍ਸ ਮੂਲਂ ਹੇਟ੍ਠਿਮਭਾਗੋ.

੩੬੪. ਤਿਕਂ ਗਜਬਨ੍ਧਨਥਮ੍ਭੇ. ਆਲਨ੍ਤ੍ਯਸ੍ਮਿਂ, ਅਨੇਨ ਵਾ ਬਨ੍ਧਨ੍ਤਿ ਆਲਾਨਂ, ਯੁ. ਆਪੁਬ੍ਬੋ ਬਨ੍ਧਨਤ੍ਥੋ ਲਾਧਾਤੁ. ਆਹਨਨ੍ਤਿ ¶ ਬਨ੍ਧਨ੍ਤ੍ਯਸ੍ਮਿਂ, ਅਨੇਨ ਵਾ ਆਲ਼੍ਹਕੋ, ਹਨਧਾਤੁ, ਨਸ੍ਸ ਲ਼ੋ, ਵਣ੍ਣਵਿਪਰਿਯਯੋ ਚ, ਣ੍ਵੁ. ਥਮ੍ਭ ਪਟਿਬਨ੍ਧਨੇ. ਬਨ੍ਧੋਪ੍ਯਤ੍ਰ.

ਤਿਕਂ ਸਙ੍ਖਲੇ. ਅਨਿਤ੍ਥੀ ਤੂਤਿ ਤ੍ਵਨ੍ਤਂ ਲਿਙ੍ਗਪਦਂ. ਗਲ ਸੇਚਨੇ. ਨਿਗਲ਼ਤਿ ਬਨ੍ਧਤਿ ਯੇਨਾਤਿ ਨਿਗਲ਼ੋ, ਅ, ਕਤ੍ਤੁਸਾਧਨਂ ਵਾ. ਅਦਿ ਬਨ੍ਧਨੇ, ਅਨ੍ਦਤੀਤਿ ਅਨ੍ਦੁਕੋ. ਣ੍ਵੁ, ਅਸ੍ਸੁ. ਭੁਸਂ ਖਲਤ੍ਯਨੇਨ ਸਙ੍ਖਲਂ, ਕਟਿ ਵਤ੍ਥਬਨ੍ਧਨੇਪਿ, ‘‘ਥੀਕਟੀਵਤ੍ਥਬਨ੍ਧੇਪਿ, ਨਿਗਲ਼ੇ ਸਙ੍ਖਲਂ ਤਿਸੂ’’ਤਿ [ਚਿਨ੍ਤਾਮਣਿਟੀਕਾ ੧੮.੪੧] ਰਭਸੋ. ਸਙ੍ਖਲਿਕਾਪ੍ਯਤ੍ਰ.

ਦ੍ਵਯਂ ਗਜਗਣ੍ਡੇ. ਗਣ੍ਡ ਵਦਨੇਕਦੇਸੇ, ਅਧਾਤੂਨਮ੍ਪਿ ਧਾਤੂਸੁ ਪਾਠੋ, ਧਾਤੁ ਹਿ ਕ੍ਰਿਯਤ੍ਥੋ. ਗਣ੍ਡੋ ਕਪੋਲਸਾਮਞ੍ਞੇਪਿ. ਕਟ ਵਸ੍ਸਾਵਰਣੇਸੁ, ਅ. ਦ੍ਵਯਂ ਕਰਿਮਦਜਲੇ. ਦੀਯਤੇਤਿ ਦਾਨਂ. ਮਦ ਉਮ੍ਮਾਦੇ, ਕਰਣੇ ਅ.

੩੬੫. ਦ੍ਵਯਂ ਹਤ੍ਥਿਕਰੇ. ਸੋਣ ਵਣ੍ਣਗਤੀਸੁ, ਡੋ, ਸੋਡ ਗਬ੍ਬੇ ਵਾ, ਨਿਗ੍ਗਹੀਤਾਗਮੋ, ਣੋ ਚ. ਦ੍ਵੀਸੁ ਦ੍ਵੇਪਿ.

ਦ੍ਵਯਂ ਸੋਣ੍ਡਗ੍ਗੇ. ਕਰਸ੍ਸ ਸੋਣ੍ਡਸ੍ਸ ਅਗ੍ਗਂ. ਪੁਸ ਪੋਸਨੇ. ਖਰੋ, ਸਸ੍ਸ ਕੋ, ਉਸ੍ਸੋਤ੍ਤਂ, ਪੁਸ ਵੁਡ੍ਢਿਮ੍ਹਿ ਵਾ, ਭੂ, ਪੁਸ ਸ੍ਨੇਹਸੇਚਨਪੂਰਣੇਸੁ ਵਾ, ਕਿਯਾਦਿ, ਪੁਸ ਧਾਰਣੇ ਵਾ, ਚੁਰਾਦਿ.

ਹਤ੍ਥਿਸ੍ਸ ਕਾਯਮਜ੍ਝਮ੍ਹਿ ਬਨ੍ਧਨਰਜ੍ਜੁ ਕਚ੍ਛਾ ਨਾਮ. ਕਚ ਬਨ੍ਧਨੇ, ਛੋ. ਦੂਸਾ, ਵਰਤ੍ਰਾਪ੍ਯਤ੍ਰ. ਕੁਥੋ ਨਾਮ ਹਤ੍ਥਿਪਿਟ੍ਠਤ੍ਥਰਿਤਚਿਤ੍ਰਕਮ੍ਬਲਂ, ਸੋ ਆਦਿ ਯੇਸਨ੍ਤੇ ਕੁਥਾਦਯੋ. ਕੁਥਾਦਯੋ ਏਵ ਕਪ੍ਪਨੋ ਨਾਮ ਭਵਨ੍ਤਿ. ਕਪ੍ਪ ਸਾਮਤ੍ਥਿਯੇ, ਸਜ੍ਜਨਾਯਞ੍ਚ ¶ , ਕਰਣੇ ਯੁ. ਕਪ੍ਪਨਾਪਿ. ਕਚ ਸਜ੍ਜਨਾਯਂ, ਥੋ, ਕੁਥੋ, ਤੀਸੁ. ‘‘ਨਪੁਂਸਕਮਤ੍ਥਰਣਂ, ਥੀ ਪਵੇਣੀ ਕੁਥਂ ਤਿਸੂ’’ਤਿ [ਚਿਨ੍ਤਾਮਣਿਟੀਕਾ ੧੮.੪੨] ਹਿ ਵੋਪਾਲਿਤੋ. ਪਵੇਣੀ, ਅਤ੍ਥਰਣਂ, ਵਣ੍ਣੋ, ਪਰਿਤ੍ਥੋਮੋਤਿ ਏਤੇ ਕੁਥਪਰਿਯਾਯਾ.

੩੬੬. ਦ੍ਵਯਂ ਰਾਜਾਰਹੇ ਹਤ੍ਥਿਨਿ. ਰਾਜਾਨਮੁਪਗਨ੍ਤ੍ਵਾ ਵਹਿਤੁਮਰਹਤੀਤਿ ਓਪਵਯ੍ਹੋ, ਅਰਹਤ੍ਥੇ ਣ੍ਯੋ. ਰਾਜਾਨਂ ਵਹਿਤੁਂ ਅਰਹਤੀਤਿ ਰਾਜਵਯ੍ਹੋ, ਣ੍ਯੋ. ਦ੍ਵਯਂ ਕਪ੍ਪਿਤਹਤ੍ਥਿਨਿ. ਸਜ੍ਜਾ ਸਜ੍ਜਨਾ ਸਞ੍ਜਾਤਾ ਯਸ੍ਮਿਂ ਸਜ੍ਜਿਤੋ. ਕਪ੍ਪਾ ਕਪ੍ਪਨਾ ਸਞ੍ਜਾਤਾ ਯਸ੍ਮਿਂ ਕਪ੍ਪਿਤੋ. ਏਤਸ੍ਮਾਯੇਵ ਪਾਠਾ ਸਜ੍ਜਕਪ੍ਪਾ ਸਜ੍ਜਨਾਕਪ੍ਪਨਾਨਂ ਪਰਿਯਾਯਾਤਿ ਞੇਯ੍ਯਾ.

ਹਤ੍ਥਿਨੋ ਪਾਦੇ ਵਿਜ੍ਝਨਕਣ੍ਟਕੋ ‘‘ਤੋਮਰੋ’’ਤ੍ਯੁਚ੍ਚਤੇ. ਤੁਜ੍ਜਤੇਨੇਨੇਤਿ ਤੋਮਰੋ, ਤੁਦ ਬ੍ਯਥਨੇ, ਅਰੋ, ਦਸ੍ਸ ਮੋ, ਓਤ੍ਤਂ. ਵੇਣੁਕਂਪ੍ਯਤ੍ਰ [ਕੋਤ੍ਰਂ ਵੇਣੁਕਮਾਲਾਨਂ (ਅਮਰ ੧੮.੪੧)], ਕ੍ਵਚਿ ਵੇਲ਼ੁਕਨ੍ਤਿਪਿ ਪਾਠੋ.

੩੬੭. ਹਤ੍ਥਿਨੋ ਕਣ੍ਣਮੂਲਮ੍ਹਿ ਵਿਜ੍ਝਨਕਣ੍ਟਕੋ ‘‘ਤੁਤ੍ਤ’’ਮਿਤ੍ਯੁਚ੍ਚਤੇ. ਤੁਜ੍ਜਤੇਨੇਨੇਤਿ ਤੁਤ੍ਤਂ, ਤੋ. ਹਤ੍ਥਿਨੋ ਮਤ੍ਥਕਮ੍ਹਿ ਵਿਜ੍ਝਨਕਣ੍ਟਕੋ ‘‘ਅਙ੍ਕੁਸੋ’’ਤ੍ਯੁਚ੍ਚਤੇ. ਅਙ੍ਕਤੇ ਅਨੇਨੇਤਿ ਅਙ੍ਕੁਸੋ, ਅਙ੍ਕ ਲਕ੍ਖਣੇ, ਸੋ, ਅਸ੍ਸੁ.

ਪਜ੍ਜਦ੍ਧਂ ¶ ਹਤ੍ਥਾਰੋਹੇ. ਮਡਿ ਭੂਸਾਯਂ, ਹਤ੍ਥਿਂ ਮਣ੍ਡਯਤਿ ਰਕ੍ਖਤੀਤਿ ਹਤ੍ਥਿਮਣ੍ਡੋ, ਸੋਵ ਹਤ੍ਥਿਮੇਣ੍ਡੋ, ਮਿ ਹਿਂਸਾਯਂ ਵਾ, ਡੋ, ਨਿਗ੍ਗਹੀਤਾਗਮੋ. ਹਤ੍ਥਿਂ ਪਾਤਿ ਰਕ੍ਖਤੀਤਿ ਹਤ੍ਥਿਪੋ, ਕਮ੍ਮਨਿ ਣੋ. ਹਤ੍ਥਿਂ ਗੋਪਯਤਿ ਰਕ੍ਖਤੀਤਿ ਹਤ੍ਥਿਗੋਪਕੋ. ਗੁਪ ਰਕ੍ਖਣੇ, ਸਕਤ੍ਥੇ ਕੋ. ਆਧੋਰਣੋ, ਨਿਸਾਦਿਨੋਪ੍ਯਤ੍ਰ.

੩੬੮. ਮਾਤਙ੍ਗਹਯਾਦੀਨਂ ਗਮਨਾਦਿਕ੍ਰਿਯਾਸਿਕ੍ਖਾਪਕੋ ਆਚਰਿਯੋ ‘‘ਗਾਮਣੀਯੋ’’ਤ੍ਯੁਚ੍ਚਤੇ. ਗਮਨਂ ਗਾਮੋ, ਭਾਵੇ ਣੋ. ਹਤ੍ਥਾਦੀਨਂ ਗਮਨਕ੍ਰਿਯਾ ਗਾਮੋ, ਤਂ ਨੇਤਿ ਸਿਕ੍ਖਾਪੇਤੀਤਿ ਗਾਮਣੀਯੋ, ਅਞ੍ਞਕ੍ਰਿਯਾਸਿਕ੍ਖਾਪਨੇਤੂਪਚਾਰਾ, ਗਾਮਂ ਵਾ ਹਤ੍ਥਾਦਿਸਮੂਹਂ ਨੇਤੀਤਿ ਗਾਮਣੀਯੋ, ਗਮਨਂ ਵਾ ਸਿਕ੍ਖਾਪੇਤੀਤਿ ਗਾਮਣੀਯੋ, ਸਬ੍ਬਤ੍ਰ ਨਸ੍ਸ ਣਤ੍ਤਂ.

ਪਾਦਦ੍ਵਯਂ ਅਸ੍ਸੇ. ਹਯ ਗਤਿਯਂ, ਅ. ਤੁਰਂ ਸੀਘਂ ਗਚ੍ਛਤੀਤਿ ਤੁਰਙ੍ਗੋ, ਕ੍ਵਿ, ਬਿਨ੍ਦਾਲੋਪੋ, ਲੋਪੇ ਸਤਿ ਤੁਰਗੋ. ਵਾਹ ਪਯਤਨੇ, ਅ. ਅਸ ਭਕ੍ਖਨੇ, ਅ. ਸਿਨ੍ਧੂਨਮਦੂਰਭਵੋ ਜਨਪਦੋਪਿ ਸਿਨ੍ਧਵੋ, ਤਤ੍ਰ ਭਵੋ ਸਿਨ੍ਧਵੋ, ਸਂਯੋਗਨ੍ਤਤ੍ਤਾ ਨ ਵੁਦ੍ਧਿ. ਘੋਟਕੋ, ਪੀਤਿ, ਤੁਰਙ੍ਗਮੋ, ਵਾਜੀ, ਗਨ੍ਧਬ੍ਬੋ, ਸਤ੍ਤਿਰਿਚ੍ਚਾਦੀਨਿਪਿ ਅਸ੍ਸੇ. ਘੁਟ ਪਰਿਵਤ੍ਤਨੇ, ਣ੍ਵੁ. ਪਾ ਪਾਨੇ,ਤਿ. ‘‘ਪਾਨੇ ਥੀ ਪੀਤਿ ਅਸ੍ਸੇ ਸੋ’’ਤਿ ਰੁਦ੍ਦੋ. ਵਾਜਯੋਗਾ ਵਾਜੀ, ਈ. ‘‘ਏਸਞ੍ਚ ਪੁਬ੍ਬਂ ਪਕ੍ਖੋ ਆਸਿ, ਸ ਤੁ ਦੇਵੇਤ੍ਯਤ੍ਯਤ੍ਥਿਤੇਨ ਸਾਲੀਭੂਤਮੁਨਿਨਾ ਸਕ੍ਕਂ ਪਯੋਜੇਤ੍ਵਾ ਵਜਿਰਛੇਦਿਤੋ’’ਤਿ ਨਿਕਾਯਨ੍ਤਰਿਯਾ. ਸਪ ਸਮਵਾਯੇ,ਤਿ, ਸਤ੍ਤਿ, ਸਾਮਤ੍ਥਿਯੇਪਿ.

੩੬੯. ਤਸ੍ਸ ¶ ਅਸ੍ਸਸ੍ਸ ਭੇਦੋ ਵਿਸੇਸੋ ਅਸ੍ਸਤਰੋ, ਅਸ੍ਸਂ ਤਰਤੀਤਿ ਅਸ੍ਸਤਰੋ, ਤਰ ਅਤਿਕ੍ਕਮਨੇ, ਤਰਪਚ੍ਚਯੇਨਾਪਿ ਸਿਦ੍ਧਂ. ਪਧਾਨਸ੍ਸਭੂਮਿਭਵੋ ਸੁਜਾਤਿਕੋ ਅਵਿਕਾਰੀ ਕੁਲੀਨਕੋ ਅਸ੍ਸੋ ਆਜਾਨੀਯੋ ਨਾਮ, ਆ ਭੁਸੋ ਕਾਰਣਾਕਾਰਣਂ ਜਾਨਾਤੀਤਿ ਆਜਾਨੀਯੋ, ਅਨੀਯੋ, ਣ੍ਯਪਚ੍ਚਯੇਨ ਵਾ ਸਿਦ੍ਧਂ, ਤਦਾ ‘‘ਕਿਯਾਦਿਤੋ ਨਾ’’ਤਿ ਨਾਗਮੋ, ਈਕਾਰਾਗਮੋ ਚ [ਚਿਨ੍ਤਾਮਣਿਟੀਕਾ ੧੮.੪੪ ਗਾਥਾਯਮ੍ਪਿ ਪਸ੍ਸਿਤਬ੍ਬਂ]. ਕੁਲੇ ਸਮ੍ਭੂਤੋ ਕੁਲੀਨਕੋ, ਈਨੋ, ਸਕਤ੍ਥੇ ਕੋ. ਸਙ੍ਗਾਮੇ ਗਰੁਸਤ੍ਥਪ੍ਪਹਾਰੇਨ ਨਿਹਤੋ ਸਨ੍ਤੋ ਪਿਯੋ ਸਾਮਿਕਂ ਨ ਜਹਤਿ ਸੁਖਂ ਵਹਨਸੀਲੋ ਯੋ ਅਸ੍ਸੋ, ਸੋ ਵਿਨੀਤਸਦ੍ਦੇਨੋਚ੍ਚਤੇ. ਵਿਸੇਸੇਨ ਦਮ੍ਮਤਂ ਨੇਤਿ ਯਨ੍ਤਿ ਵਿਨੀਤੋ.

ਦ੍ਵਯਂ ਅਸ੍ਸਪੋਤੇ. ਕਸ ਗਮਨੇ, ਓਰੋ, ਅਸ੍ਸਿ, ਕਿਞ੍ਚਿ ਸਰਤੀਤਿ ਵਾ ਕਿਸੋਰੋ, ਬਿਨ੍ਦੁਲੋਪੋ, ਅਸ੍ਸੋ ਚ, ਹਯੋ ਏਵ ਬਾਲਤ੍ਤਾ ਹਯਪੋਤਕੋ, ਅਪ੍ਪਤ੍ਥੇ ਕੋ.

੩੭੦. ਦ੍ਵਯਂ ਅਥਾਮਸ੍ਸੇ. ਘੁਟ ਪਰਿਵਤ੍ਤਨੇ, ਣ੍ਵੁ, ਘੋਟਕੋ, ਅਸ੍ਸਸਾਮਞ੍ਞੇਪ੍ਯਯਂ, ਖਰਂ ਗਚ੍ਛਤੀਤਿ ਖਲੁਙ੍ਗੋ, ਸੋ ਏਵ ਖਲ਼ੁਙ੍ਕੋ, ਗਕਾਰਸ੍ਸ ਕਕਾਰਂ ਕਤ੍ਵਾ, ਰਸ੍ਸ ਲੋ, ਲ਼ਤ੍ਤਮੁਤ੍ਤਞ੍ਚ, ਖਲ਼ੁਕੋਤਿਪਿ. ਜਵੇਨ ਸਬ੍ਬੇਸਮਧਿਕੋ ਅਸ੍ਸੋ ਜਵਨੋ, ਯੁ.

ਦ੍ਵਯਂ ¶ ਕਵੀਤਿਖ੍ਯਾਤੇ ਮੁਖਬਨ੍ਧਨੇ. ਮੁਖਮਾਤਿਟ੍ਠਤੀਤਿ ਮੁਖਾਠਾਨਂ. ਖੇ ਮੁਖਵਿਵਰੇ ਲੀਨੋ ਖਲੀਨੋ. ‘‘ਕਵਿਕਾ ਤੁ ਖਲੀਨੋਤਿ [ਖਲੀਨੇ ਥੀ (?)], ਕਵਿਯਂ ਕਥਨਂਤ੍ਯਪੀ’’ਤਿ ਰਭਸੋ. ਕਵਿ, ਕਵਿਕਾਪ੍ਯਤ੍ਰ. ਕੁ ਸਦ੍ਦੇ. ਇ, ਈ ਚ, ਸਕਤ੍ਥੇ ਕੋ. ਵਾਸਦ੍ਦੇਨ ਨਪੁਂਸਕਤ੍ਤਂ ਸਮੁਚ੍ਚਿਨੋਤਿ. ਵੁਤ੍ਤਞ੍ਚ ਅਮਰਕੋਸੇ ‘‘ਕਵਿਕਾ ਤੁ ਖਲੀਨੋ’ਨਿਤ੍ਥੀ’’ਤਿ [ਅਮਰ ੧੮.੪੯].

ਅਸ੍ਸਾਭਿਤਾਲ਼ਿਨੀ ਵੇਤ੍ਤਵਿਕਤਾਦਿ ਕਸਾ ਨਾਮ. ਕਸ ਗਮਨੇ, ਅ, ਕਰਣਸਾਧਨਂ.

੩੭੧. ਅਸ੍ਸਸ੍ਸ ਨਾਸਾਗਤਰਜ੍ਜੁਮ੍ਹਿ ਕੁਸਾ, ਕੁਸ ਸਿਲੇਸਨੇ. ਦ੍ਵਯਂ ਅਸ੍ਸਾਯਂ. ਵਲ ਸਂਵਰਣੇ, ਵੋ, ਲ਼ਤ੍ਤਂ, ਆ, ਵਲ਼ਵਾ. ਅਸਤੀਤਿ ਅਸ੍ਸਾ, ‘‘ਇਤ੍ਥਿਯਮਤਿਯਵੋ ਵਾ’’ਤਿ ਅ, ਆ ਚ, ਅਸ੍ਸਾ. ਵਾਮੀਪ੍ਯਤ੍ਰ. ਦ੍ਵਯਂ ਖੁਰੇ. ਖੁਰ ਛੇਦਨੇ. ਸਂ ਸੁਖਂ ਫਰਤ੍ਯਨੇਨ ਸਫਂ, ਨੇਰੁਤ੍ਤੋ. ‘‘ਸਫਂ ਕ੍ਲੀਵੇ ਖੁਰੋ ਪੁਮਾ’’ਤਿ [ਅਮਰ ੧੮.੪੯] ਅਮਰਕੋਸੋ.

ਦ੍ਵਯਂ ਪੁਚ੍ਛਮਤ੍ਤੇ. ਪੁਚ੍ਛ ਪਮਾਦੇ. ਨ ਗਚ੍ਛਤੀਤਿ ਨਙ੍ਗੁਟ੍ਠੋ, ਅਙ੍ਗ ਗਮਨੇ, ਠੋ, ਅਸ੍ਸੁ, ਦ੍ਵੇਪਿ ਅਨਿਤ੍ਥਿਯਂ. ਲੂਮਂਪ੍ਯਤ੍ਰ. ਦ੍ਵਯਂ ਕੇਸਵਤਿ ਨਙ੍ਗੁਟ੍ਠਮਤ੍ਤੇ, ਨ ਤੁ ਹਤ੍ਥਿਨੋ ਏਵ. ਵਾਲਸਮੂਹਯੋਗਾ ਵਾਲਹਤ੍ਥੋ, ਯਥਾ ਕੇਸਹਤ੍ਥੋ ਚਯੇ, ਤਥਾਤ੍ਰਾਪਿ. ਵਾਲੋ ਧਿਯ੍ਯਤੇ ਅਸ੍ਮਿਨ੍ਤਿ ਵਾਲਧਿ, ਇ.

ਏਤ੍ਥਾਨਾਗਤਾਪਿ ਅਸ੍ਸਸ੍ਸ ਧਾਰਾਖ੍ਯਾ [ਧਾਵਾਖ੍ਯਾ (ਕ.)] ਪਞ੍ਚ ਗਤਿਯੋ ਕਥੇਤਬ੍ਬਾ. ਯਥਾ –

ਅਕ੍ਕਨ੍ਦਿਤਂ ¶ ਧੋਰਿਤਕਂ, ਰੇਚਿਤਂ ਵਗ੍ਗਿਤਂ ਪ੍ਲੁਤਂ;

ਗਤਿਯੋਮੇ ਪਞ੍ਚ ਧਾਰਾ [ਧਾਵਾ (ਕ.)], ਅਸ੍ਸਾਨਂ ਵਿਞ੍ਞੁਨਾ ਮਤਾ [ਅਮਰ ੧੮.੪੮-੯].

ਤਤ੍ਥ ਵਿਤ੍ਥਮ੍ਭਾ ਸਮਾਵਗਤਿ ਅਕ੍ਕਨ੍ਦਿਤਂ, ਕਨ੍ਦਿ ਗਤਿਸੋਸਨੇਸੁ, ਤੋ. ਤਤੋ ਅਧਿਕਾ ਚਤੁਰਾਗਤਿ ਧੋਰਿਤਕਂ, ਧੋਰ ਗਤਿਚਾਤੁਰਿਯੇ, ਤੋ, ਸਕਤ੍ਥੇ ਕੋ. ਮਣ੍ਡਲਿਕਾਯਾਨੇਨ ਗਮਨਂ ਰੇਚਿਤਂ, ਰਿਚ ਵਿਯੋਜਨਸਮ੍ਬਜ੍ਝਨੇਸੁ, ਸਮ੍ਬਜ੍ਝਨਂ ਮਿਸ੍ਸਨਂ. ਵੇਗੇਨ ਪਰਿਕ੍ਖਿਤ੍ਤੋ ਪਰਿਚਰਣਂ ਵਗ੍ਗਿਤਂ, ਵਗ੍ਗ ਗਮਨਤ੍ਥੋ. ਤੁਰਂ ਸਮੇਨ ਗਮਨਂ ਪ੍ਲੁਤਂ, ਪ੍ਲੁ ਗਤਿਯਂ. ਤ’ਦੁਤ੍ਤ’ਮਸ੍ਸਸਤ੍ਥੇ ‘‘ਸਮੋ’ਧਿਕੋ ਲਯੋ ਵੇਗੀ, ਤੁਰਿਤਸ੍ਸੋ ਭਵੇ ਕਮਾ’’ਤਿ.

੩੭੨. ਦ੍ਵਯਂ ਯੁਦ੍ਧਤ੍ਥੇ ਚਕ੍ਕਯੁਤ੍ਤਯਾਨੇ. ਸਨ੍ਦ ਗਮਨੇ, ਸਨ੍ਦਤੇ ਗਮ੍ਯਤੇਨੇਨੇਤਿ ਸਨ੍ਦਨੋ, ਯੁ. ਰਮਤੇਨੇਨੇਤਿ ਰਥੋ, ਥੋ, ਮਲੋਪੋ. ਸਤਙ੍ਗੋਪ੍ਯਤ੍ਰ. ਸਤਮਙ੍ਗਾਨ੍ਯਸ੍ਸ.

ਯਂ ਨ ਰਣਾਯ ਯੁਦ੍ਧਤ੍ਥਂ ਚਕ੍ਕਯੁਤ੍ਤਂ ਯਾਨਂ, ਅਪਿ ਤੁ ਕੀਲ਼ਾਭਮਨਾਦ੍ਯਤ੍ਥਂ, ਸੋ ਪੁਸ੍ਸਰਥੋ. ਵੁਤ੍ਤਞ੍ਚ ਅਮਰਕੋਸੇ ‘‘ਅਯਂ ਪੁਸ੍ਸਰਥੋ ਚਕ੍ਕ-ਯਾਨਂ ਨ ਸਮਰਾਯ ਯ’’ਨ੍ਤਿ [ਅਮਰ ੧੮.੫੧]. ਪੁਸ ਪਾਸਨੇ, ਸੋ, ਪੁਸਨਾਮਕੇਨ ਫਲਵਿਸੇਸੇਨ ਯੁਤ੍ਤੋ ਰਥੋ ਪੁਸ੍ਸਰਥੋ, ਪੁਸ੍ਸਨਕ੍ਖਤ੍ਤੇਨ ਕਤੋ, ਸਜ੍ਜਿਤੋ ਵਾ ਰਥੋਤਿ ਪੁਸ੍ਸਰਥੋ.

ਬ੍ਯਗ੍ਘਸ੍ਸ ਚਮ੍ਮਾਵੁਤੋ ਪਰਿਕ੍ਖਿਤ੍ਤੋ ਰਥੋ ਵੇਯ੍ਯਗ੍ਘੋ ਨਾਮ, ਬ੍ਯਗ੍ਘਸ੍ਸ ਵਿਕਾਰੋ ਚਮ੍ਮਂ ਵੇਯ੍ਯਗ੍ਘਂ, ਣੋ, ਤੇਨ ਪਰਿਵੁਤੋ ਰਥੋ ਵੇਯ੍ਯਗ੍ਘੋ, ਣੋ, ਉਭਯਤ੍ਰਾਪਿ ਵੁਡ੍ਢਾਗਮੋ. ‘‘ਪਚ੍ਚਤ੍ਤਂ [ਪਚ੍ਚਤ੍ਥਂ (ਕ.)] ਅਯਨ੍ਤਿ ¶ ਗਚ੍ਛਨ੍ਤੀਤਿ ਪਚ੍ਚਯਾ’’ਤਿ ਵਚਨਤ੍ਥਤੋ ਪਚ੍ਚਤ੍ਤਮੇਵ [ਪਚ੍ਚਤ੍ਥਮੇਵ (?)] ਪਚ੍ਚਯਾ ਭਵਨ੍ਤਿ, ਯਥਾ ਕਾਰਿਤਨ੍ਤਸ੍ਮਾਪਿ ਪਯੋਜਕਵਸੇਨ ਅਨੇਕਕਾਰਿਤਪਚ੍ਚਯਾ. ਦੀਪਿਨੋ ਚਮ੍ਮਾਵੁਤੋ ਰਥੋ ਦੀਪੋ ਨਾਮ, ਦੀਪਿਨੋ ਵਿਕਾਰੋ ਚਮ੍ਮਂ ਦੀਪਂ, ਣੋ, ਤੇਨ ਪਰਿਵੁਤੋ ਰਥੋ ਦੀਪੋ, ਣੋ.

੩੭੩. ਦ੍ਵਯਂ ਪੁਰਿਸਯੁਤ੍ਤਯਾਨੇ. ਸਿ ਸੇਵਾਯਂ. ਸੁਖਤ੍ਥਿਕੇਹਿ ਸੇਵੀਯਤੇਤਿ ਸਿਵਿਕਾ, ਣ੍ਵੁ, ਵਾਗਮੋ, ਇਤ੍ਤਂ, ਕਿਤਪਚ੍ਚਯਾ ਹਿ ਯੇਭੁਯ੍ਯੇਨ ਕਮ੍ਮਾਦੀਸੁਪਿ ਵਤ੍ਤਨ੍ਤਿ, ਕਿਚ੍ਚਪਚ੍ਚਯਾ ਚ ਕਤ੍ਤਰਿਪਿ, ਯਥਾ ‘‘ਵਿਨਯੋ, ਨਿਸ੍ਸਯੋ, ਤਪਨੀਯਾ ਧਮ੍ਮਾ’’ਤ੍ਯਾਦੀਸੁ, ਮਹਾਪਦੇਸੇਨ ਵਾ ਕਿਤਕਿਚ੍ਚਪਚ੍ਚਯਾਨਂ ਕਤ੍ਤੁਕਮ੍ਮਾਦੀਸ੍ਵਪਿ ਪਵਤ੍ਤਿ ਵੇਦਿਤਬ੍ਬਾ, ਸਿਵਂ ਕਰੋਤੀਤਿ ਵਾ ਸਿਵਿਕਾ, ਇਕੋ. ਯਾਪ੍ਯੇਹਿ ਅਧਮੇਹਿ ਯਾਯਤੇ ਨਿਯ੍ਯਤੇਤਿ ਯਾਪ੍ਯਯਾਨਂ. ‘‘ਯਾਪ੍ਯ ਪਾਨੀਯਕੇ ਨਿਨ੍ਦ੍ਯੇ’’ਤਿ ਹਿ ਨਾਨਤ੍ਥਸਙ੍ਗਹੇ.

ਦ੍ਵਯਂ ਸਕਟੇ. ਅਨਿਤ੍ਥੀ ਤੂਤਿ ਤ੍ਵਨ੍ਤਂ ਲਿਙ੍ਗਪਦਂ. ਸਕ ਸਤ੍ਤਿਯਂ, ਅਟੋ. ਅਨ ਪਾਣਨੇ, ਕਰਣਸਾਧਨਂ, ਨਤ੍ਥਿ ਨਾਸਾ ਯਸ੍ਸਾਤਿ ਵਾ ਅਨਂ, ਸਾਲੋਪੋ, ਰਸ੍ਸੋ ਚ. ਕ੍ਲੀਵੇ’ਨਂ, ਸਕਟੋ, ਨਿਤ੍ਥੀਤ੍ਯਮਰਕੋਸੋ [ਅਮਰ ੧੮.੫੨].

ਦ੍ਵਯਂ ਚਕ੍ਕੇ. ਕਰੋਤਿ ਗਮਨਮਨੇਨੇਤਿ ਚਕ੍ਕਂ, ਦ੍ਵਿਤ੍ਤਂ, ਚਕ੍ਕਾਦਿ. ਰਥਸ੍ਸ ਅਙ੍ਗਂ ਰਥਙ੍ਗਂ. ਤਸ੍ਸ ਚਕ੍ਕਸ੍ਸ ਅਨ੍ਤੋ ਅਵਸਾਨਂ ਨੇਮਿ, ਸਾ ਨਾਰਿਯਂ ਇਤ੍ਥਿਯਂ. ਨਯਤਿ ਚਕ੍ਕਂ ਨੇਮਿ. ਯਾ ਭੂਮਿਂ ਫੁਸਤਿ, ਨੀ ਨਯੇ, ਮਿ, ਈਪਚ੍ਚਯੇ ਨੇਮੀ ਚ. ਪਧਿਪ੍ਯਤ੍ਰ.

੩੭੪. ਤਮ੍ਮਜ੍ਝੇ ¶ ਤਸ੍ਸ ਰਥਸ੍ਸ, ਚਕ੍ਕਸ੍ਸ ਵਾ ਮਜ੍ਝੇ ਚਕ੍ਕਾਕਾਰੋ ਪਿਣ੍ਡਿਕਾ, ਯਸ੍ਸਂ ਸਬ੍ਬਾਨਿ ਕਟ੍ਠਾਨਿ ਆਸਜ੍ਜਨ੍ਤੇ. ਪਿਣ੍ਡਿਕਾਸਾਹਚਰਿਯਾ ਨਾਭਿ ਇਤ੍ਥੀ, ਈਪਚ੍ਚਯੇ ਨਾਭੀ ਚ. ਸਬ੍ਬਾਨਿ ਕਟ੍ਠਾਨਿ ਪਿਣ੍ਡੇਤੀਤਿ ਪਿਣ੍ਡਿਕਾ, ਪਿਣ੍ਡ ਸਙ੍ਘਾਤੇ, ਅ, ਸਕਤ੍ਥੇ ਕੋ. ਪਿਣ੍ਡੀਪਿ, ਨਾਭਿ ਵਿਯਾਤਿ ਨਾਭਿ.

ਰਥਸ੍ਸ ਯੁਗਕਟ੍ਠਂ ਯਤ੍ਰ ਆਸਜ੍ਜਤੇ, ਸ ਯੁਗਨ੍ਧਰੋ. ਕੁਂ ਪਥਵਿਂ ਵੁਣੋਤਿ ਅਚ੍ਛਾਦਯਤੀਤਿ ਕੁਬ੍ਬਰੋ, ਵੁ ਸਂਵਰਣੇ, ਰੋ, ਉਸ੍ਸਤ੍ਤਂ. ਯੁਗਂ ਧਾਰੇਤੀਤਿ ਯੁਗਨ੍ਧਰੋ, ਸਞ੍ਞਾਯਂ ਅ, ਅਭਿਧਾਨਾ ਰਸ੍ਸੋ.

ਅਕ੍ਖੋ ਸਕਟਂ, ਤਦਵਯਵੋ ਵਾ, ਤਥਾ ਚਾਹਾਜਯਾਚਰਿਯੋ –

‘‘ਅਕ੍ਖੋ ਵਿਭੀਟਕੇ ਨਿਮ੍ਬੇ, ਸਕਟੇ ਚ ਬ੍ਯਵਹਾਰੇ;

ਰਥਸ੍ਸਾਵਯਵੇ ਕਸ੍ਸੇ, ਪਾਸਕੇਪ੍ਯ’ਕ੍ਖ’ਮਿਨ੍ਦ੍ਰਿਯੇ’’ਤਿ.

ਤਸ੍ਸਗ੍ਗਗਤੇ ਕੀਲੇ ਆਣੀ, ਇਤ੍ਥੀ. ਅਣਿਪਿ, ‘‘ਸੀਮਾਸ੍ਸਿਕ੍ਖਗ੍ਗਕੀਲੇਸੁ, ਅਣੀ ਆਣੀ ਇਮੇ ਦ੍ਵਿਸੂ’’ਤਿ [ਚਿਨ੍ਤਾਮਣਿਟੀਕਾ ੧੮.੫੬] ਹਿ ਰੁਦ੍ਦੋ ਦ੍ਵਿਧਾ ਪਠਤਿ. ‘‘ਅਣੀ ਆਣੀ ਚ ਅਕ੍ਖਗ੍ਗਕੀਲੇ ਸੀਮਾਸ੍ਸਿਸੁ ਮਤਾ’’ਤਿ ਚ ਨਾਨਤ੍ਥਸਙ੍ਗਹੋਪਿ. ਅਸ੍ਸਿ ਕੋਣੋ. ਅਣ ਸਦ੍ਦੇ, ਣਿ. ਪੁਬ੍ਬਪਕ੍ਖੇ ਨ ਵੁਡ੍ਢਿ, ਅਨ ਪਾਣਨੇ ਵਾ, ਣਤ੍ਤਂ. ਕਣ੍ਡਕਾਦਿਸਤ੍ਥੇਹਿ ਪਰਿਰਕ੍ਖਣਤ੍ਥਂ ਕਤੋ ਰਥਾਵਰਣੋ ਵਰੁਥੋ, ਯੋ ‘‘ਰਥਗੁਤ੍ਤੀ’’ਤਿ ਖ੍ਯਾਤੋ. ਵਰ ਵਰਣੇ, ਵਰਣਮੇਤ੍ਥਾਵਰਣਂ, ਯਥਾ ਰਥਂ ਥਿਰਤ੍ਥਂ ਤਟ੍ਠਞ੍ਚ ਗੋਪਤੀਤਿ ਰਥਗੁਤ੍ਤਿ, ਇਤ੍ਥੀ, ‘‘ਗੁਤ੍ਤਿ ਕਾਰਾਗਾਰੇ ਵੁਤ੍ਤਾ, ਭੂਗਤੇ ਰਕ੍ਖਣੇ ਯਮੇ’’ਤਿ ਨਾਨਤ੍ਥਸਙ੍ਗਹੇ.

੩੭੫. ਰਥਾਦੀਨਂ ¶ ਪੁਰੋਭਾਗਸਙ੍ਖਾਤੇ ਮੁਖੇ ਧੁਰੋ. ਧਰ ਧਾਰਣੇ, ਅਸ੍ਸੁ, ਯਾਨਮੁਖਂਪ੍ਯਤ੍ਰ. ਅਕ੍ਖੋਪਕ੍ਖਰਾਦਯੋ ਰਥਸ੍ਸ ਅਙ੍ਗਾ ਨਾਮ. ਅਕ ਗਮਨੇ, ਖੋ, ਅਕ੍ਖੋ, ਦ੍ਵਿਨ੍ਨਂ ਰਥਚਕ੍ਕਾਨਂ ਅਨ੍ਤਰਗਤੋ ਕਟ੍ਠਵਿਸੇਸੋ. ਉਪਰਿ ਕਰੀਯਤੇਤਿ ਉਪਕ੍ਖਰੋ, ਅਕ੍ਖਸ੍ਸੋਪਰਿ ਕਟ੍ਠਵਿਸੇਸੋ. ਅਮਰਕੋਸੇ ਪਨ ਉਪਕ੍ਖਰਸਦ੍ਦਸ੍ਸ ਸਬ੍ਬਰਥਾਵਯਵਵਾਚਕਤ੍ਤਂ ਵੁਤ੍ਤਂ ‘‘ਰਥਙ੍ਗਨ੍ਤੁ ਉਪਕ੍ਖਰੋ’’ਤਿ [ਅਮਰ ੧੮.੫੫]. ‘‘ਅਪਕ੍ਖਰੋ’’ਤਿਪਿ ਪਾਠੋ.

ਸਬ੍ਬਸ੍ਮਿਂ ਹਤ੍ਥਾਦਿਕੇ ਵਾਹਨੇ ਯਾਨਾਦਿਤ੍ਤਯਂ, ਸਬ੍ਬਤ੍ਰ ਕਰਣਸਾਧਨਂ. ਯੋਜਨੀਯਂ ਯੁਜ੍ਜਤੇਨੇਨਾਤਿ ਯੋਗ੍ਗਂ, ਣ੍ਯੋ. ਪਤ੍ਤਂ ਧੋਰਣਞ੍ਚਾਤ੍ਰ. ਪਤ ਗਤਿਯਂ. ਧੋਰ ਗਤਿਚਾਤੁਰਿਯੇ, ਏਤ੍ਥਾਪਿ ਕਰਣਸਾਧਨਂ.

੩੭੬. ਚਤੁਕ੍ਕਂ ਸਾਰਥਿਮ੍ਹਿ. ਰਥੇਨ ਚਰਤਿ ਸੀਲੇਨਾਤਿ ਰਥਚਾਰੀ. ਸਵਤਿ ਪੇਰਯਤੀਤਿ ਸੂਤੋ, ਸੂ ਪੇਰਣੇ, ਤੋ. ਅਜ ਗਮਨੇ. ਪਾਜੇਤੀਤਿ ਪਾਜਿਤਾ, ਰਿਤੁ, ਦੀਘਾਦਿ. ਸਰ ਗਤਿਯਂ, ਥਿ, ਰਥੇਨ ਸਹ ਗਚ੍ਛਤੀਤਿ ਵਾ ਸਾਰਥਿ, ਇਣ, ਅਞ੍ਞਤ੍ਰੋਪਚਾਰਾ. ਨਿਯਨ੍ਤਾ, ਯਨ੍ਤਾ, ਖਤ੍ਤਾ, ਸਬ੍ਯਟ੍ਠੋ, ਦਕ੍ਖਿਣਤ੍ਥੋ, ਰਥਕੁਟੁਮ੍ਬੀਪ੍ਯਤ੍ਰ.

‘‘ਨਿਯਨ੍ਤਾ ਪਾਜਿਤਾ ਯਨ੍ਤਾ, ਸੂਤੋ ਖਤ੍ਤਾ ਚ ਸਾਰਥਿ;

ਸਬ੍ਯਟ੍ਠੋ ਦਕ੍ਖਿਣਤ੍ਥੋ ਚ, ਸਞ੍ਞਾ ਰਥਕੁਟੁਮ੍ਬਿਨੋ’’ਤਿ [ਅਮਰ ੧੮.੫੬-੬੦]. –

ਵੁਤ੍ਤਂ ¶ . ਅਤ੍ਥਤੋ ਸਾਰਥਿਨੋ ਰਥਕੁਟੁਮ੍ਬੀ ਚ ਨਾਮਂ. ਰਥਨਾਯਕੇ ਤੁ ‘‘ਰਥਾਰੋਹੋ ਚ ਰਥਿਕੋ ਰਥੀ’’ਤਿ ਪਚ੍ਛਾ ਵਕ੍ਖਤਿ. ਖੁਦਿ ਸਂਪੇਸਨੇ, ਤੁ, ਦਸ੍ਸ ਤੋ, ਉਸ੍ਸਤ੍ਤਞ੍ਚ, ਖਤ੍ਤਾ.

ਤਿਕਂ ਰਥੇ ਪਾਜਿਤਤਰਾ ਅਞ੍ਞੇ ਯੋਧਾ, ਅਤ੍ਰ ਯੇ ‘‘ਰਥਨਾਯਕਾ’’ਤਿਪ੍ਯੁਚ੍ਚਨ੍ਤੇ. ਰਥਮਾਰੋਹਤੀਤਿ ਰਥਿਕੋ, ਰਥੀ ਚ. ਰਥੇਨ ਯੁਜ੍ਜਤੀਤਿ ਵਾ ਰਥਿਕੋ, ਰਥੀ ਚ. ਰਥਿਨੋ, ਸਨ੍ਦਨਾਰੋਹੋਪ੍ਯਤ੍ਰ. ਦ੍ਵਯਂ ਯੋਧੇ. ਯੁਧ ਸਮ੍ਪਹਾਰੇ, ਣੋ. ਭਟਤਿ ਯੁਜ੍ਜਤੀਤਿ ਭਟੋ, ਅ. ਕ੍ਵਚਿ ਯੋਦ੍ਧੋਪਿ.

੩੭੭-੩੭੯. ਚਤੁਕ੍ਕਂ ਪਦਾਤਿਕੇ. ਪਦੇਹਿ ਅਤਤਿ ਅਜਤੀਤਿ ਪਦਾਤਿ, ਅਤ ਸਾਤਚ੍ਚਗਮਨੇ, ਇ. ਪਦ ਗਮਨੇ. ਪਦਤੀਤਿ ਪਤ੍ਤਿ, ਇ, ਦ੍ਵਿਤ੍ਤਂ. ਪਦੇਨ ਅਦਤੀਤਿ ਵਾ ਪਤ੍ਤਿ, ਅਲੋਪੋ, ਦਸ੍ਸ ਤੋ, ਇਮੇ ਦ੍ਵੇ, ਵਕ੍ਖਮਾਨਾ ਦ੍ਵੇ ਚ ਪੁਮੇ. ਪਦੇਹਿ ਗਚ੍ਛਤੀਤਿ ਪਦਗੋ, ਪਦਿਕੋ. ਪਾਦਾਤਿਕੋ, ਪਦਾਜਯੋਪ੍ਯਤ੍ਰ [ਪਾਦੇਹਿ ਅਜਤਿ ਈ, ਰਸ੍ਸੋ ਚ ਪਦਾਜਿਂ (ਚਿਨ੍ਤਾਮਣਿਟੀਕਾ ੧੮.੬੬)].

ਛਕ੍ਕਂ ¶ ਕਵਚੇ. ਨਹ ਬਨ੍ਧਨੇ, ਕਰਣੇ ਣੋ. ਕਙ੍ਕ ਗਤ੍ਯਤ੍ਥੋ, ਅਟੋ. ਵਰੀਯਤੇ ਤਨ੍ਤਿ ਵਮ੍ਮਂ, ਵਰ ਵਰਣੇ, ਵਰ ਇਚ੍ਛਾਯਂ ਵਾ, ਮੋ, ਰਸ੍ਸ ਮੋ. ਕਚ ਬਨ੍ਧਨੇ, ਅ, ਵਕਾਰਵਣ੍ਣਾਗਮੋ. ਉਰੋ ਛਾਦਯਨ੍ਤ੍ਯਨੇਨਾਤਿ ਉਰਚ੍ਛਦੋ. ਵਾਸਦ੍ਦੋ ਦ੍ਵਿਨ੍ਨਂ ਪੁਨ੍ਨਪੁਂਸਕਤ੍ਤਂ ਸਮ੍ਪਿਣ੍ਡੇਤਿ. ਜਲ ਦਿਤ੍ਤਿਯਂ, ਣ੍ਵੁ. ਤਨੁਤ੍ਤਂ, ਦਂਸਨਂ, ਜਗਰੋਪ੍ਯਤ੍ਰ. ‘‘ਜਗਰੋ ਕਙ੍ਕਟੋ ਯੋਗੋ, ਸਨ੍ਨਾਹੋ ਚ ਉਰਚ੍ਛਦੋ’’ਤਿ [ਚਿਨ੍ਤਾਮਣਿਟੀਕਾ ੧੮.੬੪ ਬ੍ਯਾਖ੍ਯਾਸੁਧਾ ੨.੮.੬੪] ਵੋਪਾਲਿਤੋ.

ਤਿਕਂ ਕਤਸਨ੍ਨਾਹੇ. ਚਮ੍ਮੇਨ ਸਮ੍ਮਾ ਨਦ੍ਧਵਾਤਿ ਸਨ੍ਨਦ੍ਧੋ, ਧੋ. ਸਜ੍ਜੁ ਗਤਿਯਂ, ਅ. ਵਮ੍ਮੇਨ ਨਦ੍ਧਵਾ ਵਮ੍ਮਿਕੋ. ਦਂਸਿਤੋ, ਉਰਚ੍ਛਦਿਕੋ, ਬ੍ਯੂਲ਼੍ਹਕਙ੍ਕਟੋ, ਜਗਰਿਕੋਪ੍ਯਤ੍ਰ.

ਦ੍ਵਯਂ ਪਰਿਦਹਿਤੇ ਵਤ੍ਥਾਦੋ. ਆਪਤਿਪੁਬ੍ਬੋ ਮੁਚਧਾਤੁ ਪਰਿਦਹਨੇ, ਉਭਯਤ੍ਥ ਤੋ, ਭੂਜਾਦਿ. ਪਕ੍ਖੇ ‘‘ਸੁਸਪਚਸਕਤੋ ਕ੍ਖਕ੍ਕਾ ਚੇ’’ਤਿ ਸੁਤ੍ਤੇ ਚਕਾਰੇਨ ਤਪਚ੍ਚਯਸ੍ਸ ਕ੍ਕੋ, ਧਾਤ੍ਵਨ੍ਤਲੋਪੋ ਚ. ਪਿਨਦ੍ਧੋ, ਅਪਿਨਦ੍ਧੋਪ੍ਯਤ੍ਰ. ਪੁਬ੍ਬਪਕ੍ਖੇ ਅਪਿਸ੍ਸਾਕਾਰਲੋਪੋ.

ਚਤੁਕ੍ਕਂ ਅਭਿਚਾਰਪਦਾਤਿਮ੍ਹਿ. ਪੁਰੇ ਚਰਣਸੀਲੋ, ਸਤ੍ਤਮਿਯਾ ਅਲੋਪੋ ਉਭਯਤ੍ਰਾਪਿ. ਪੁਬ੍ਬੇ ਣੀ. ਪਰਪਕ੍ਖੇ ਅ, ਪੁਬ੍ਬਂ, ਪੁਬ੍ਬੇ ਵਾ ਗਚ੍ਛਤੀਤਿ ਪੁਬ੍ਬਙ੍ਗਮੋ, ਦੁਤਿਯਾਯਾਲੋਪੋ. ਪੁਰੋਗੋ, ਅਗ੍ਗੇਸਰੋ, ਪਟ੍ਠੋ, ਅਗ੍ਗਤੋਸਰੋ, ਪੁਰਸ੍ਸਰੋ, ਪੁਰੋਗਮੋਪ੍ਯਤ੍ਰ.

ਦ੍ਵਯਂ ਅਸੀਘਗਾਮਿਨਿ. ਮਨ੍ਦਂ ਗਚ੍ਛਤਿ ਸੀਲੇਨਾਤਿ ਮਨ੍ਦਗਾਮੀ, ਣੀ. ਮਨ੍ਥ ਵਿਲੋਲ਼ਨੇ, ਅਨੇਕਤ੍ਥਤ੍ਤਾ ਸਂਕਿਲੇਸੇ ਚ. ਸਂਕਿਲਿਸ੍ਸਤੇਤਿ ਮਨ੍ਥਰੋ, ਅਰੋ.

ਤਿਕਂ ਵੇਗਿਨਿ. ਤੁਰਮੇਤਿ ਗਚ੍ਛਤੀਤਿ ਤੁਰਿਤੋ, ਇ ਗਤਿਯਂ, ਤੋ. ਤੁਰਸ੍ਸਿ, ਪਜਵੀ, ਜਵੋਪ੍ਯਤ੍ਰ. ਦ੍ਵਯਂ ਜੇਤੁਯੋਗ੍ਗਤਾਮਤ੍ਤੇ. ਜਿ ਜਯੇ, ਤਬ੍ਬੋ, ਜੇਤਬ੍ਬਂ, ਣ੍ਯਪਚ੍ਚਯੇ ਜੇਯ੍ਯਂ.

੩੮੦. ਤਿਕਂ ¶ ਸੂਰੇ. ਸੁਰ ਵੀਰ ਵਿਕ੍ਕਨ੍ਤੇਤਿ ਚੁਰਾਦਿਧਾਤੁ. ਸੁਰਯਤਿ, ਵੀਰਯਤੀਤਿ ਸੂਰੋ, ਵੀਰੋ ਚ, ਅ, ਦੀਘਾਦਿ, ਕਨ੍ਤ ਛੇਦਨੇ. ਵਿਕ੍ਕਨ੍ਤੋ. ਦ੍ਵਯਂ ਸਹਾਯਮਤ੍ਤੇ. ਸਹ ਏਤਿ ਗਚ੍ਛਤੀਤਿ ਸਹਾਯੋ, ਸਬ੍ਬਤ੍ਰ ਕਤ੍ਤਰਿ ਚ ਅ. ਅਨੁਸਦ੍ਦੋ ਪਚ੍ਛਾਤ੍ਥੋ. ਸਮਾਤਿ ਏਤੇ ਦ੍ਵੇ ਤੁਲ੍ਯਤ੍ਥਾ. ਅਨੁਪ੍ਲਪੋ, ਅਭਿਸਰੋਪਿ. ਸਨ੍ਨਦ੍ਧਪ੍ਪਭੁਤੀ ਸਨ੍ਨਦ੍ਧਸਦ੍ਦਾਦਯੋ ਅਨੁਚਰਨ੍ਤਾ ਤੀਸੁ.

ਪਾਥੇਯ੍ਯਂ ਨਾਮ ਰਾਜਾਦੀਨਂ ਯਾਤ੍ਰਾਸ੍ਵੇਵ ਬਹੁਲਂ ਪਵਤ੍ਤਤੀਤਿ ਇਧ ਤਂ ਵੁਤ੍ਤਂ, ਪਥੇ ਹਿਤਂ ਪਾਥੇਯ੍ਯਂ, ਏਯ੍ਯੋ. ਸਮ੍ਬ ਮਣ੍ਡਲੇ, ਅਲੋ, ਸਮੇਤਿ ਅਦ੍ਧਾਨਪਰਿਸ੍ਸਮਮੇਤੇਨਾਤਿ ਵਾ ਸਮ੍ਬਲਂ, ਅਲੋ, ਬਾਗਮੋ ਚ.

੩੮੧. ਚਤੁਕ੍ਕਂ ਸੇਨਾਯਂ. ਵਾਹਯੋਗਾ ਵਾਹਿਨੀ. ਧਜਯੋਗਾ ਧਜਿਨੀ. ਸਿ ਬਨ੍ਧਨੇ, ਨੋ, ਸੇਨਾ. ਚਮੁ ਅਦਨੇ, ਊ. ਚਮਤਿ ਭੀਰੁਨ੍ਤਿ ਚਮੂ. ਪੁਤਨਾ, ਅਨੀਕਿਨੀ, ਵਰੂਥਿਨੀਪ੍ਯਤ੍ਰ. ਏਤ੍ਥ ਚ ਪੁਤਨਾ ਅਨੀਕਿਨੀ ਵਾਹਿਨੀ ਚਮੂ ਸੇਨਾਭੇਦੇਪਿ. ‘‘ਪੁਤਨਾ’ਨੀਕਿਨੀ ਚਮੂ, ਸੇਨਾ ਸੇਨਾਨ੍ਤਰੇਪਿ ਚੇ’’ਤਿ ਰੁਦ੍ਦੋ, ‘‘ਸੇਨਾਪਭੇਦੇ ਸੇਨਾਯਂ, ਸਵਨ੍ਤ੍ਯਮਪਿ ਵਾਹਿਨੀ’’ਤਿ ਰਭਸੋ ਚ. ਚਕ੍ਕਾਦਿਤਿਕਂ ਸਾਮਞ੍ਞੇਨ ਸੇਨਾਯਂ, ਸੇਨਙ੍ਗੇ ਚ. ਚਾਣਕ੍ਯੇ ਤੁ ਸੇਨਾਵਿਸੇਸੇ ਅਨੀਕੋ ਵੁਤ੍ਤੋ ‘‘ਤੀਣਿ ਤਿਕਾਨ੍ਯਨੀਕ’’ਨ੍ਤਿ.

ਅਸ੍ਸੇਵ ¶ ਕਾਮਨ੍ਦਕੀਯੇ ਵਿਵਰਣਂ, ਯਥਾ –

‘‘ਅਸ੍ਸਸ੍ਸ ਪਤ੍ਤਿਯੋਧਾ ਯੇ, ਭਵੇਯ੍ਯੁਂ ਪੁਰਿਸਾ ਤਯੋ;

ਇਤਿ ਕਪ੍ਪਾ ਤੁ ਪਞ੍ਚਸ੍ਸਾ, ਵਿਧੇਯ੍ਯਾ ਕੁਞ੍ਜਰਸ੍ਸ ਤੁ;

ਪਾਦਙ੍ਗੋ ਪਾਜਿਤਾਵਨ੍ਤੋ, ਪੁਰਿਸਾ ਦਸ ਪਞ੍ਚ ਚ;

ਵਿਧਾਨਮਿਤਿ ਨਾਗਸ੍ਸ, ਚਤੁਕ੍ਕਂ ਸਨ੍ਦਨਸ੍ਸ ਚ;

ਅਨੀਕਮਿਤਿ ਵਿਞ੍ਞੇਯ੍ਯ-ਮਿਤਿ ਕਪ੍ਪਾ ਨਵ ਦ੍ਵਿਪਾ’’ਤਿ.

ਕਰੀਯਤੇ ਵਿਗ੍ਗਹੋ ਯੇਨੇਤਿ ਚਕ੍ਕਂ. ਬਲ ਸਂਵਰਣੇ, ਅ. ਅਣ ਸਦ੍ਦੇ, ਇਕੋ. ਵਾਕਾਰੋ ਨਪੁਂਸਕਤ੍ਤਂ ਸਮੁਚ੍ਚਿਨੋਤਿ.

ਚਤੁਰਙ੍ਗਬਲਾਯ ਸੁਸਨ੍ਨਦ੍ਧਾਯ ਸੇਨਾਯ ਯੁਦ੍ਧਤ੍ਥਂ ਦੇਸਵਿਦੇਸੇ ਵਿਨ੍ਯਾਸੋ ਵਿਭਜਿਤ੍ਵਾ ਨ੍ਯਸਨਂ ਠਪਨਂ ਬ੍ਯੂਹੋ ਕਥ੍ਯਤੇ. ਵਿਭਜਿਤ੍ਵਾ ਊਹਨਂ ਠਪਨਂ ਬ੍ਯੂਹੋ. ਤਬ੍ਭੇਦਾ ਦਣ੍ਡਭੋਗਮਣ੍ਡਲਾਸਂਹਤਾ ਚਤ੍ਤਾਰੋ ਪਕਤਿਬ੍ਯੂਹਾ. ਤਤ੍ਰ ਅਨੀਕਾਨਂ ਤਿਰਿਯਤੋ ਵੁਤ੍ਤਿ ਦਣ੍ਡੋ. ਸਮਤ੍ਥਾਨਮਨੀਕਾਨਮਨ੍ਵਾਵੁਤ੍ਤਿ ਅਞ੍ਞੋਞ੍ਞਤੋ ਵੁਤ੍ਤਿ ਭੋਗੋ. ਮਣ੍ਡਲਰਚਨਾਯ ਸਰਨ੍ਤਾਨਮਨੀਕਾਨਂ ਸਬ੍ਬਤੋ ਵੁਤ੍ਤਿ ਸਪ੍ਪਸਰੀਰਮਿਵ ਮਣ੍ਡਲੋ. ਠਿਤਾਨਮਿਤਰੇਤਰਾਸਂ ਹਤਾਨਂ ਵਿਸਿਲਿਟ੍ਠਤਰਾਨਂ ਅਨੀਕਾਨਂ ਪੁਥੁਵੁਤ੍ਤਿ ਅਸਂਹਤੋ. ਤਦੁਤ੍ਤਂ ਕਾਮਨ੍ਦਕੇਨ –

‘‘ਤਿਰਿਯਤੋ ਵੁਤ੍ਤਿ ਦਣ੍ਡਾਖ੍ਯਾ, ਭੋਗੋਨ੍ਵਾਵੁਤ੍ਤਿਰੇਵ ਚ;

ਮਣ੍ਡਲੋ ਸਬ੍ਬਤੋਵੁਤ੍ਤਿ, ਪੁਥੁਵੁਤ੍ਤਿ ਅਸਂਹਤੋ’’ਤਿ.

ਬ੍ਯੂਹਸਮਵੇਤੋ ਏਵ ਬ੍ਯੂਹਸ੍ਸੇਕਦੇਸੋ ਪਚ੍ਛਾਭਾਗੋ ਬ੍ਯੂਹਪਣ੍ਹਿ, ਬ੍ਯੂਹਸ੍ਸ ਪਚ੍ਛਾ, ਬ੍ਯੂਹਨ੍ਤਰਮੇਵ ਵਾ. ਯਤ੍ਰ ਠਿਤੋ ਰਾਜਾ ਸਸੇਨਂ ਪਟਿਗ੍ਗਣ੍ਹਤਿ, ਤਂ ਸੇਨਾਯ ਪਚ੍ਛਾ ਧਨੁਸਤਦ੍ਵਯਨ੍ਤਰੇਨ ਠਿਤਪਰਿਸਸਹਿਤਂ ਅਨੀਕਂ ‘‘ਪਟਿਗ੍ਗਹੋ’’ਤ੍ਯੁਚ੍ਚਤੇ.

੩੮੨-੩੮੩. ਏਕੋ ¶ ਹਤ੍ਥੀ ਦ੍ਵਾਦਸਪੁਰਿਸਸਹਿਤੋ ‘‘ਏਕੋ ਹਤ੍ਥੀ’’ਤ੍ਯੁਚ੍ਚਤੇ, ਏਤੇਨ ਲਕ੍ਖਣੇਨ ਅਧਮਨ੍ਤਤੋ ਹੇਟ੍ਠਿਮਪਰਿਚ੍ਛੇਦੇਨ ਤਯੋ ਹਤ੍ਥਿਨੋ ਹਤ੍ਥਾਨੀਕਂ ਨਾਮ, ਤਥਾ ਏਕੋ ਤੁਰਙ੍ਗੋ ਤਿਪੁਰਿਸਸਹਿਤੋ, ਏਕੋ ਚ ਰਥੋ ਚਤੁਪੁਰਿਸਸਹਿਤੋ ਏਕੋ ਹਯੋ, ਏਕੋ ਰਥੋਤਿ ਏਤੇਨ ਲਕ੍ਖਣੇਨ ਅਧਮਨ੍ਤਤੋ ਤਯੋ ਹਯਾ ਚ ਤਯੋ ਰਥਾ ਚ ਹਯਾਨੀਕਂ, ਰਥਾਨੀਕਂ ਨਾਮ, ਤੇਨਾਹ ‘‘ਤਯੋ ਤਯੋ ਗਜਾਦਯੋ’’ਤਿ. ਸਸਤ੍ਥਾ ਖਗ੍ਗਾਦਿਸਤ੍ਥਹਤ੍ਥਾ ਚਤੁਜ੍ਜਨਾ ਚਤ੍ਤਾਰੋ ਪੁਰਿਸਾ ਪਤ੍ਤਾਨੀਕਂ ਨਾਮ ਵੁਤ੍ਤਾ. ਹੇਟ੍ਠਿਮਨ੍ਤਤੋਯੇਵੇਤ੍ਥਾਪਿ ਪਰਿਚ੍ਛੇਦੋ. ਅਮਰਕੋਸੇ ਤ੍ਵਞ੍ਞਥਾ ਕਥਿਤਾ –

‘‘ਏਕਕੇਭਰਥਾ ਤ੍ਯਸ੍ਸਾ, ਪਤ੍ਤਿ ਪਞ੍ਚਪਦਾਤਿਕਾ;

ਪਤ੍ਯਙ੍ਗੇਹਿ ਤਿਗੁਣੇਹਿ, ਕਮਾ ਸਞ੍ਞਾ ਯਥੋਤ੍ਤਰਂ.

ਸੇਨਾਮੁਖਂ ਗੁਮ੍ਬਗਣਾ, ਵਾਹਿਨੀ ਪੁਤਨਾ ਚਮੂ;

ਅਨੀਕਿਨੀ ਚ ਤਾਸਨ੍ਤੁ, ਦਸ ਅਕ੍ਖੋਭਿਨੀ ਮਤ’’ਨ੍ਤਿ [ਅਮਰ ੧੮.੮੦-੧].

ਤਸ੍ਸਤ੍ਥੋ – ਤੀਹਿ ਅਸ੍ਸੇਹਿ ਗਜੇਨੇਕੇਨ ਰਥੇਨ ਚ ਪਦਾਤੀਭਿ ਚ ਪਞ੍ਚਹਿ ਪਤ੍ਤਿ ਨਾਮ ਸੇਨਨ੍ਤਰਂ. ਪਤ੍ਯਙ੍ਗੇਹਿ ਸਬ੍ਬੇਹਿ ਗਜਾਦੀਹਿ ¶ ਯਥਾਪੁਬ੍ਬਂ ਗੁਣੇਹਿ ਯਥੋਤ੍ਤਰਂ ਕਮੇਨ ਸੇਨਾਮੁਖਾਦਿਕਾ ਸਞ੍ਞਾ ਭਵਤਿ. ਯਥੋਤ੍ਤਰਨ੍ਤਿ ਵਚਨੇਨ ਯਥਾਪੁਬ੍ਬਮਿਤ੍ਯਤ੍ਥਮਾਹ, ਤੇਨੇਦਂ ਵੁਤ੍ਤਂ ‘‘ਭਵਤਿ ਤਯੋ ਪਤ੍ਤਿਨੋ ਸੇਨਾਮੁਖਂ. ਤੀਹਿ ਸੇਨਾਮੁਖੇਹਿ ਗੁਮ੍ਬੋ. ਗੁਮ੍ਬਤ੍ਤਯੇਨ ਗਣੋ. ਗਣਤ੍ਤਯਂ ਵਾਹਿਨੀ. ਵਾਹਿਨਿਤ੍ਤਯਂ ਪੁਤਨਾ. ਪੁਤਨਤ੍ਤਯਂ ਚਮੂ. ਚਮੁਤ੍ਤਯਂ ਅਨੀਕਿਨੀ. ਤਾਸਂ ਅਨੀਕਿਨੀਨਂ ਦਸ ਅਕ੍ਖੋਭਿਨੀ’’ਤਿ.

ਤਤ੍ਰ ਰਥਾਨਂ ਸਙ੍ਖ੍ਯਾ ਸਤ੍ਤਤਿਸਹਿਤੇਹਿ ਅਟ੍ਠਸਤੇਹਾਧਿਕਾਨ੍ਯੇਕਵੀਸਤਿਸਹਸ੍ਸਾਨਿ, ਏਵਮੇਵ ਗਜਾਨਮ੍ਪਿ ਸਙ੍ਖ੍ਯਾ, ਤਥਾ ਚ –

ਪਞ੍ਚਸਟ੍ਠਿਸਹਸ੍ਸਾਨਿ, ਛਸਤਾਨਿ ਦਸੇਵ ਤੁ;

ਸਙ੍ਖ੍ਯਾ ਤਾ ਤੁਰਙ੍ਗਾਨਞ੍ਹਿ, ਵਿਨਾ ਰਥੇ ਤੁਰਙ੍ਗਮੇ.

ਨਰਾਨਂ ਸਤਸਹਸ੍ਸਂ, ਸਹਸ੍ਸਾਨਿ ਨਵੇਵ ਚ;

ਸਤਾਨਿ ਤੀਣਿ ਚ’ਞ੍ਞਾਨਿ, ਪਞ੍ਞਾਸਞ੍ਚ ਪਦਾਤਯੋਤਿ [ਬ੍ਯਾਖ੍ਯਾਸੁਧਾ ੨.੮.੮੦].

੩੮੪. ਹੇਟ੍ਠਿਮਪਰਿਚ੍ਛੇਦੇਨ ਸੇਨਂ ਦਸ੍ਸੇਤ੍ਵਾ ਉਕ੍ਕਟ੍ਠਪਰਿਚ੍ਛੇਦੇਨ ਦਸ੍ਸੇਤੁਮਾਹ ‘‘ਸਟ੍ਠਿ…ਪੇ… ਯਨ੍ਤਿ’’ਚ੍ਚਾਦਿ. ਯਨ੍ਤਿਯਾ ਯਾਨਂ ਕੁਬ੍ਬਨ੍ਤਿਯਾ ਸੇਨਾਯ ਕਤ੍ਤੁਭੂਤਾਯ ਧੂਲੀਕਤੇਸੁ ਸਨ੍ਤੇਸੁ. ਕੇਸੁ? ਸਟ੍ਠਿਵਂਸਕਲਾਪੇਸੁ. ਕਿਤ੍ਤਕਪ੍ਪਮਾਣੇਸੁ? ਪਚ੍ਚੇਕਂ ਸਟ੍ਠਿਦਣ੍ਡਵਨ੍ਤੇਸੁ, ਏਸਾ ਅਕ੍ਖੋਭਿਨੀ ਨਾਮ ਸੇਨਾ ਉਕ੍ਕਟ੍ਠਪਰਿਚ੍ਛੇਦੇਨ. ਕੇਨਚਿ ਖੋਭੇਤੁਮਸਕ੍ਕੁਣੇਯ੍ਯਤਾਯ ਅਕ੍ਖੋਭਿਨੀ, ਯੁ, ਨਦਾਦਿ. ਖੁਭ ਚਲਨੇ.

੩੮੫. ਚਤੁਕ੍ਕਂ ¶ ਸਮ੍ਪਤ੍ਤਿਯਂ. ਧਨੁਕ੍ਕਂਸੋ ਸਮ੍ਪਤ੍ਤਿ. ਪਦ ਗਮਨੇ, ਭਾਵੇਤਿ. ਯੁਪਕ੍ਖੇ ‘‘ਇਤ੍ਥਿਯਮਤਿਯਵੋ ਵਾ’’ਤਿ ਅ. ਲਕ੍ਖ ਦਸ੍ਸਨਙ੍ਕੇਸੁ, ਈ, ਲਕ੍ਖੀ, ਸਿਰੀ ਚ ਪੁਬ੍ਬੇ ਦੇਵਤਾਵਸੇਨ ਵੁਤ੍ਤਾ, ਇਧ ਧਨੁਕ੍ਕਂਸਵਸੇਨ.

ਦ੍ਵਯਂ ਸਮ੍ਪਤ੍ਤਿਵਿਪਰੀਤਾਯਂ. ਵਿਰੂਪਂ ਪਜ੍ਜਤੀਤਿ ਵਿਪਤ੍ਤਿ, ਪਦਿਮ੍ਹਾ ਕਤ੍ਤਰਿਤਿ. ਵਿਰੂਪਂ ਪਜ੍ਜਨਂ ਵਾ ਵਿਪਤ੍ਤਿ, ਭਾਵੇਤਿ. ਆਪਦਾਸਹਚਰਣਤੋ ਵਿਪਤ੍ਤਿ ਥਿਯਂ.

ਚਤੁਕ੍ਕਂ ਸਤ੍ਥਮਤ੍ਤੇ. ਆਦਾਯ ਯੁਜ੍ਝਨ੍ਤੇ ਯਨ੍ਤਿ ਆਵੁਧਂ, ਯਸ੍ਸ ਵੋ. ਆਯੁਧਂ ਵਾ. ਹਰ ਹਰਣੇ. ਹਰਤਿ ਜੀਵਿਤਨ੍ਤਿ ਹੇਤਿ,ਤਿ, ਅਸ੍ਸੇ, ਰਲੋਪੋ, ਹਨਤਿਵਸੇਨ ਵਾ ਸਿਦ੍ਧਂ. ਸਸ ਹਿਂਸਾਯਂ, ਥੋ. ਅਤ੍ਥਂਪ੍ਯਤ੍ਰ. ਅਸੁ ਖੇਪਨੇ.

੩੮੬-੩੮੭. ਸਙ੍ਖੇਪੇਨਾਯੁਧਂ ਦਸ੍ਸੇਤੁਮਾਹ. ਮੁਤ੍ਤਾਮੁਤ੍ਤਞ੍ਚ ਅਮੁਤ੍ਤਞ੍ਚ ਪਾਣਿਤੋ ਮੁਤ੍ਤਞ੍ਚ ਯਨ੍ਤਮੁਤ੍ਤਞ੍ਚੇਤਿ ਸਕਲਂ ਤਂ ਆਯੁਧਂ ਚਤੁਬ੍ਬਿਧਂ ਬਹੂਨਮ੍ਪਿ ਤਬ੍ਭੇਦਾਨਤਿਵਤ੍ਤਨਤੋ.

ਚਤੁਨ੍ਨਂ ਸਰੂਪਮਾਹ ‘‘ਮੁਤ੍ਤਾਮੁਤ੍ਤਞ੍ਚਾ’’ਦਿ. ਯਟ੍ਠਿ ਨਾਮ ਸਤ੍ਥਵਿਸੇਸੋ, ਨ ਕਤ੍ਤਰਦਣ੍ਡੋ.

‘‘ਯਟ੍ਠਿ ਹਾਰਲਤਾਸਤ੍ਥ-ਭੇਦੇਸੁ ਧਨੁਦਣ੍ਡਕੇ’’ਤਿ ਹਿ ਨਾਨਤ੍ਥਸਙ੍ਗਹੇ.

ਤਦਾਦਿ ¶ ਆਯੁਧਂ ਮੁਤ੍ਤਞ੍ਚ ਤਂ ਅਮੁਤ੍ਤਞ੍ਚੇਤਿ ਮੁਤ੍ਤਾਮੁਤ੍ਤਂ, ਕਮ੍ਮਧਾਰਯੋ, ਯਥਾ ਕਤਾਕਤਂ. ਛੁਰਿਕਾ ਅਸਿਪੁਤ੍ਤਿ, ਤਦਾਦਿਕਂ ਅਮੁਤ੍ਤਂ. ਯਨ੍ਤ ਸਙ੍ਕੋਚਨੇ, ਯਨ੍ਤਂ, ਧਨ੍ਵਾਦਿ.

੩੮੮-੩੮੯. ਪਞ੍ਚਕਂ ਧਨੁਮ੍ਹਿ. ਉਸੁਂ ਅਸਤਿ ਖਿਪਤੀਤਿ, ਕਮ੍ਮਨਿ ਣੋ, ਉਸ੍ਸਿ. ਧਨ ਧਞ੍ਞੇ, ਉ, ਹਨ ਹਿਂਸਾਯਂ ਵਾ, ਉ, ਹਸ੍ਸ ਧੋ, ਧਨੁ. ‘‘ਧਨੁ ਵਂਸਵਿਸੁਦ੍ਧੋਪਿ, ਨਿਗ੍ਗੁਣੋ ਕਿਂ ਕਰਿਸ੍ਸਤੀ’’ਤਿ [ਹਿਤੋਪਦੇਸ ਕਥਾਮੁਖ ੨੩] ਪੁਮੇ ਪਯੋਗੋ. ‘‘ਸਰਾ ਵਾਪੋ ਧਨੁ ਇਤ੍ਥੀ, ਤੁਣਤਾ ਤਿਣਤਾਪਿਚੇ’’ਤਿ [ਤਿਕਣ੍ਡਸੇਸ ੨.੮.੫੧] ਤਿਕਣ੍ਡਸੇਸੋ. ਕਿਂ ਨਾਮੇਨ ਦਣ੍ਡਯਤੀਤਿ ਕੋਦਣ੍ਡਂ, ਦਣ੍ਡ ਨਿਪਾਤਨੇ, ਕਿਂ ਨਾਮੇਨ ਦਮ੍ਯਤੀਤਿ ਵਾ ਕੋਦਣ੍ਡਂ, ਦਮੁਧਾਤੁਮ੍ਹਾ ਡੋ, ਕਿਂ ਨਾਮੇਨ ਦੁਨੋਤੀਤਿ ਵਾ ਕੋਦਣ੍ਡਂ, ਦੁ ਪਰਿਤਾਪੇ, ਡੋ ਨਿਪਾਤਿਤੋ, ਕੁਟਿਲਤ੍ਤਾ ਵਾ ਕੁਚ੍ਛਿਤੋ ਦਣ੍ਡੋ ਯਸ੍ਸਤ੍ਥੀਤਿ ਕੋਦਣ੍ਡਂ. ਚਪ ਸਨ੍ਤਾਪੇ, ਅ, ਚਪੋ, ਵਂਸਭੇਦੋ, ਤਬ੍ਬਿਕਾਰੋ ਚਾਪੋ, ਣੋ. ਸਰਮਸਤਿ ਖਿਪਤੀਤਿ ਸਰਾਸਨਂ. ਕਮ੍ਮੁਕਮ੍ਪਿ. ਕਮ੍ਮਾਯ ਪਭਵਤੀਤਿ ਕਮ੍ਮੁਕਂ.

ਤਿਕਂ ਗੁਣੇ. ਗਚ੍ਛਤਿ ਸਰੋ ਯੇਨਾਤਿ ਗੁਣੋ, ਮਸ੍ਸ ਣੋ, ਅਸ੍ਸੁ, ਗੁ ਸਦ੍ਦੇ ਵਾ, ਗਵਤਿ ਏਤੇਨਾਤਿ ਗੁਣੋ, ਯੁ, ਣਤ੍ਤਂ. ਜਰ ਵਯੋਹਾਨਿਮ੍ਹਿ, ਅ, ਜਿਯਾਦੇਸੋ. ਪਕ੍ਖੇ ਇਕਾਰਲੋਪੋ, ਜਯਾ. ‘‘ਜਿਯਾ ਚਾਥਾ’’ਤਿਪਿ ਪਾਠੋ, ਤਦਾ ਦ੍ਵਯਂ ¶ ਗੁਣੇ. ਮੁਬ੍ਬੀ, ਸਿਞ੍ਜਿਨੀਪ੍ਯਤ੍ਰ. ਮੁਬ੍ਬਵਿਕਾਰੋ ਮੁਬ੍ਬੀ. ਸਿਞ੍ਜ ਅਬ੍ਯਤ੍ਤਸਦ੍ਦੇ, ਇਨੀ.

ਤਿਪਾਦੋ ਕਣ੍ਡੇ. ਸਰ ਹਿਂਸਾਯਂ. ਸਰਨ੍ਤ੍ਯਨੇਨਾਤਿ, ਪੁਮੇ, ਸਞ੍ਞਾਯਂ ਣੋ. ਪਤ੍ਤਂ ਵਾਜੋ, ਤਂਯੋਗਾ ਪਤ੍ਤੀ, ਈ. ਸਾ ਤਨੁਕਰਣਾਵਸਾਨੇਸੁ, ਦਿਵਾਦਿ, ਣ੍ਵੁ, ਯਸ੍ਸਾਲੋਪੋ. ਵਣ੍ਯਤੇ ਸਦ੍ਦਾਯਤੇਨੇਨੇਤਿ ਵਾਣੋ, ਣੋ, ਵਣ ਸਦ੍ਦੇ. ਕਣ੍ਯਤੇਨੇਨੇਤਿ ਕਣ੍ਡਂ, ਕਣ ਸਦ੍ਦੇ, ਡੋ, ਕਣ੍ਡ ਭੇਦੇ ਵਾ. ਇਸ ਗਮਨੇ, ਉ, ਇਸ੍ਸੁ, ਉਸ ਦਾਹੇ ਵਾ. ਖੁਰ ਛੇਦਨੇ, ਅਪੋ, ਅਥ ਵਾ ਖੇ ਅਰਤਿ ਗਚ੍ਛਤੀਤਿ ਖੁਰੋ, ਅਸ੍ਸੁ, ਤਂ ਪਾਤੀਤਿ ਖੁਰਪ੍ਪੋ. ਤਿਜ ਨਿਸਾਨੇ, ਯੁ. ਅਸ ਖਿਪਨੇ, ਕਮ੍ਮੇ ਯੁ. ਵਿਸਿਖੋ, ਅਜਿਮ੍ਹਗੋ, ਖਗੋ, ਆਸੁਗੋ, ਕਲਮ੍ਬੋ, ਮਗ੍ਗਣੋ, ਰੋਪੋਪ੍ਯਤ੍ਰ. ਵਿਸਨ੍ਤੋ ਖਣਤੀਤਿ ਵਿਸਿਖੋ. ਕਲ ਮਦੇ, ਅਮ੍ਬੋ. ਮਗ੍ਗ ਅਨ੍ਵੇਸਨੇ, ਯੁ. ਰੁਪ ਵਿਮੋਹਨੇ, ਦਿਵਾਦਿ, ਅ, ਰੋਪੋ. ‘‘ਥੂਲਖੇਡੋ ਵਿਪਾਟੋ ਚ, ਚਿਤ੍ਰਪੁਙ੍ਖੋ ਸਰੋਪਿ ਚੇ’’ਤਿ [ਤਿਕਣ੍ਡਸੇਸ ੨.੮.੫੨] ਤਿਕਣ੍ਡਸੇਸੇ.

ਪਞ੍ਚਕਂ ਕਲਾਪੇ. ਤੂਣ ਪੂਰਣੇ, ਚੁਰਾਦਿ, ਨਦਾਦਿ. ‘‘ਤੂਣੋ ਨਿਸਙ੍ਗੋ ਤੂਣਿਰੋ, ਉਪਾਸਙ੍ਗੋ ਚ ਵਾਣਧਿ’’ਰਿਤਿ [ਚਿਨ੍ਤਾਮਣਿਟੀਕਾ ੧੮.੮੮] ਅਮਰਮਾਲਾਯਂ ਪੁਂਸਕਣ੍ਡੇ. ‘‘ਤੂਣਾ’’ਤਿਪਿ ਇਤ੍ਥਿਲਿਙ੍ਗਪ੍ਪਕਰਣੇ ਵੁਤ੍ਤੋ, ਇਧ ਪਨ ‘‘ਤੁਣੀ, ਤੂਣੋ’’ਤਿ ਦ੍ਵੀਸੁ, ਸਰਸਮੂਹਾਨਂ ਠਾਨਤ੍ਤਾ ਕਲਾਪੋ. ਇਰਪਚ੍ਚਯੇ ਤੂਣਿਰੋ. ਵਾਣਾ ਸਰਾ ਧਿਯਨ੍ਤੇਤ੍ਰੇਤਿ ਵਾਣਧਿ. ‘‘ਤੂਣੋ ਪਸਙ੍ਗ ਤੂਣਿਰ-ਨਿਸਙ੍ਗਾ ਵਾਣਧਿ ਦ੍ਵਿਸੂ’’ਤ੍ਯਮਰਸੀਹੇ.

੩੯੦. ਦ੍ਵਯਂ ਵਾਜੇ, ਯਂ ‘‘ਕਣ੍ਡਪਤ੍ਤ’’ਮਿਤ੍ਯੁਚ੍ਚਤੇ. ਪਤ ਗਮਨੇ, ਕਰਣੇ ਖੋ, ਤਸ੍ਸ ਕੋ, ਪਕ੍ਖੇਨ ਕਤਤ੍ਤਾ ਵਾ ਪਕ੍ਖੋ ¶ . ਵਜਤ੍ਯਨੇਨਾਤਿ ਵਾਜੋ, ਣੋ. ਵਿਸਮਪਿਵਿਤ੍ਥਾਤਿ ਵਿਸਪ੍ਪੀਤੋ ਸਰੋ ਦਿਦ੍ਧੋ ਨਾਮ. ਦਿਸ ਅਪ੍ਪੀਤਿਯਂ, ਤੋ. ਲਿਤ੍ਤੋਪ੍ਯਤ੍ਰ.

ਤਿਕਂ ਵਿਜ੍ਝਿਤਬ੍ਬੇ. ਵਿਜ੍ਝਨਤ੍ਥਂ ਲਕ੍ਖ੍ਯਤੇਤਿ ਲਕ੍ਖਂ. ਵਿਜ੍ਝਿਤਬ੍ਬਨ੍ਤਿ ਵੇਜ੍ਝਂ, ਣ੍ਯੋ, ਝਸ੍ਸ ਜ੍ਝੋ, ਇਸ੍ਸੇ. ਸਰੋ ਵਯਤਿ ਗਚ੍ਛਤਿ ਯਸ੍ਮਿਂ ਸਰਬ੍ਯਂ, ਵਸ੍ਸਾਕਾਰਲੋਪੋ. ਨਿਚ੍ਚਂ ਸਰਾਨਮਭ੍ਯਾਸਨਂ ਵਸੀਕਰਣਂ ਸਰਾਭ੍ਯਾਸੋ. ‘‘ਬ੍ਯਾਧੇਪ੍ਯੁਪਾਸਨਾਯਞ੍ਚ, ਵਾਣਾਭ੍ਯਾਸੇਪ੍ਯੁਪਾਸਨ’’ਨ੍ਤਿ ਰੁਦ੍ਦੋ. ਲਕ੍ਖਮੁਪਗਨ੍ਤ੍ਵਾ ਅਸਨਂ ਖਿਪਨਂ ਉਪਾਸਨਂ.

੩੯੧. ਪਞ੍ਚਕਂ ਖਗ੍ਗੇ. ਮਣ੍ਡਲਂ ਅਗ੍ਗਂ ਯਸ੍ਸ. ਨਿਗ੍ਗਤੋ ਤਿਂਸਤੋ’ਙ੍ਗੁਲਿਤੋ ਨੇਤ੍ਤਿਂਸੋ. ਅਸ ਖੇਪਨੇ, ਅਸਤੇ ਖਿਪ੍ਪਤੇਤਿ ਅਸਿ, ਇ. ਖਗ੍ਗ ਖਣ੍ਡਭੇਦੇ. ਸਾਯਕੋ ਸਰੇਪਿ. ਚਨ੍ਦਹਾਸੋ, ਰਿਟ੍ਠਿ, ਕਕ੍ਖਲਕੋ, ਕਰਵਾਲੋਪ੍ਯਤ੍ਰ. ਤਸ੍ਸ ਖਗ੍ਗਸ੍ਸ ਪਿਧਾਨੇ ਕੋਸਿ, ਇਤ੍ਥੀ. ਕੁਸ ਸਿਲੇਸਨੇ, ਇ, ਕੋਸਿ, ਰਸ੍ਸਨ੍ਤੋ. ਖਗ੍ਗਛੁਰਿਕਾਦੀਨਂ ਮੁਟ੍ਠਿਯਂ ਥਰੁਸਦ੍ਦੋ. ਥਰ ਸਤ੍ਥਗਤਿਯਂ, ਉ.

੩੯੨. ਤਿਕਂ ਖਗ੍ਗਾਦੀਨਂ ਸਤ੍ਥਾਨਂ ਵਾਰਣਫਲਕੇ. ਖੇਟ ਭਕ੍ਖਨੇ, ਣ੍ਵੁ. ਫਲ ਵਿਸਾਰਣੇ, ਣ੍ਵੁ. ਫਲਤੀਤਿ ਫਲਕਂ, ਅਨਿਤ੍ਥੀ. ਚਰ ਗਤਿਭਕ੍ਖਨੇਸੁ, ਮੋ, ਚਮੁ ਅਦਨੇ ਵਾ, ਅ. ਫਲਮ੍ਪਿ.

ਵਣ੍ਟਾਨਿਹਾਰਸ੍ਸਾਖਗ੍ਗਾਕਤਿ ¶ ਹਤ੍ਥਕੁਣ੍ਡਾਦਿ ਇਲ੍ਲੀ, ਇਲੀਪਿ, ਇਲ ਗਤਿਯਂ, ਨਦਾਦਿ. ਕਰਂ ਪਾਲਯਤੀਤਿ ਕਰਪਾਲਿਕਾ, ਣ੍ਵੁ.

ਦ੍ਵਯਂ ਅਸਿਪੁਤ੍ਤਿਯਂ. ਛੁਰ ਛੇਦਨੇ, ਣ੍ਵੁ. ਸਸੁ ਹਿਂਸਾਯਂ,ਤਿ, ਨਦਾਦਿ. ਅਸਿਨੋ ਪੁਤ੍ਤੀ, ਅਸਿਧੇਨੁਕਾਪਿ.

ਦ੍ਵਯਂ ਵਡ੍ਢਕੀਨਂ ਮੁਗ੍ਗਰੇਹਿ ਸਮਾਨਾਕਾਰਾਯੁਧਭੇਦੇ. ਲਗ ਸਙ੍ਗੇ, ਅਲੋ, ਅਸ੍ਸੁ, ਲ਼ਤ੍ਤਞ੍ਚ. ਮੁਰਂ ਗਿਰਤੀਤਿ ਮੁਗ੍ਗਰੋ, ਰਸ੍ਸ ਗੋ, ਗਿਰ ਨਿਗ੍ਗਿਰਣੇ, ਮੁਚ੍ਚਤੀਤਿ ਵਾ ਮੁਗ੍ਗਰੋ, ਅਰੋ. ਦੁਘਣੋ, ਘਨੋਪਿ.

੩੯੩. ਦ੍ਵਯਂ ਸਲ੍ਲੇ. ਸਲ ਆਸੁਗਤਿਯਂ, ਅ, ਸਰ ਹਿਂਸਾਯਂ ਵਾ, ਲੋ, ਰਸ੍ਸ ਲੋ. ਸਙ੍ਕ ਸਙ੍ਕਾਯਂ, ਉ. ਸੂਲਮ੍ਪਿ. ਸੂਲ ਰੁਜਾਯਂ.

ਦ੍ਵਯਂ ਵਾਸਿਯਂ. ਵਸ ਛੇਦਨਸ੍ਨੇਹਾਵਹਾਰਣੇਸੁ, ਣੀ. ਤਚ੍ਛ ਤਨੁਕਰਣੇ, ਯੁ, ਨਦਾਦਿ.

ਦ੍ਵਯਂ ਫਰਸੁਮ੍ਹਿ. ਛੇਦਕਤ੍ਤਾ ਕੁਚ੍ਛਿਤਾ ਧਾਰਾ ਯਸ੍ਸਾਤਿ ਕੁਧਾਰੀ. ਕੁਧਾਰੋਪਿ. ਪਰਂ ਸਸਤਿ ਹਿਂਸਤੀਤਿ ਫਰਸੁ. ਉ, ਪਸ੍ਸ ਫੋ, ਸਲੋਪੋ ਚ. ਪਰਸੁਪਿ, ਸੋ ਪਰਸੁਸਦ੍ਦੋ ਨਪੁਂਸਕੋ. ਪਰਸੁਧੋਪ੍ਯਤ੍ਰ.

ਦ੍ਵਯਂ ਪਾਸਾਣਵਿਦਾਰਣੇ. ਟਙ੍ਕ ਬਨ੍ਧਨੇ. ਦਰ ਵਿਦਾਰਣੇ. ਪਾਸਾਣਂ ਦਾਰਯਤੀਤਿ ਪਾਸਾਣਦਾਰਣੋ, ਯੁ. ਪਾਸਾਣਦਾਰਕੋਪਿ.

੩੯੪. ਦ੍ਵਯਂ ¶ ਹਤ੍ਥਪ੍ਪਮਾਣੇ ਕਣਯੇ [ਕਣ੍ਡੇ (ਚਿਨ੍ਤਾਮਣਿਟੀਕਾ)]. ਚਕ੍ਕਪੂਰਣਾਦਿਵਾਯੁਵਸੇਨ ਖਿਪ੍ਪਤੇ. ਕਣ ਸਦ੍ਦੇ, ਅਯੋ. ਭਿਨ੍ਦਨਸੀਲਤਾਯ ਭਿਨ੍ਦੀ, ਵਾਤਿ ਗਚ੍ਛਤਿ ਤੇਨਾਤਿ ਵਾਲੋ, ਅਲੋ, ਭਿਨ੍ਦੀ ਚ ਸੋ ਵਾਲੋ ਚਾਤਿ ਭਿਨ੍ਦਿਵਾਲੋ, ਲ਼ਤ੍ਤੇ ਭਿਨ੍ਦਿਵਾਲ਼ੋ, ਰਸ੍ਸੋ.

ਚਕ੍ਕਾਦਯੋ ਸਤ੍ਥਭੇਦਾ. ਤਤ੍ਰ ਚਕ੍ਕਾਕਾਰੋ ਆਯੁਧਵਿਸੇਸੋ ਚਕ੍ਕਂ. ਕਨ੍ਤ ਛੇਦਨੇ, ਅਸ੍ਸੁ, ਕੁਨ੍ਤੋ ਦੀਘਦਣ੍ਡੋ. ਗਦਾ, ਸਤ੍ਤਿ ਚ ਪਸਿਦ੍ਧਾ.

ਤਿਕਂ ਕੋਣਭਾਗੇ. ਕੁਣ ਸਦ੍ਦੋਪਕਰਣੇਸੁ, ਕੁਣ ਸਙ੍ਕੋਚਨੇ ਵਾ, ਣੋ. ਸਿ ਸੇਵਾਯਂ, ਅ, ਰਸ੍ਸੋ, ਅਸ੍ਸੋ. ਕੁਟ ਕੋਟਿਲ੍ਲੇ, ਇਣ.

੩੯੫. ਦ੍ਵਿਪਾਦਂ ਵਿਜਿਗੀਸਸ੍ਸ ਯਾਤ੍ਰਾਯਂ, ਸਬ੍ਬਤ੍ਰ ਭਾਵਸਾਧਨਂ. ਯਾ ਪਾਪੁਣੇ, ਨਿਕ੍ਖਮਿਤ੍ਵਾ ਯਾਯਤੇ ਨਿਯ੍ਯਾਨਂ, ਯੁ. ‘‘ਛਦਾਦੀਹਿ ਤਤ੍ਰਣ’’ਤਿ ਤ੍ਰਣ. ਯਾਤ੍ਰਾ, ਆ. ਨਦਾਦਿਨੋ ਆਕਤਿਗਣਤ੍ਤਾ ਈਪਚ੍ਚਯਾਭਾਵੋ. ਠਾ ਗਤਿਨਿਵਤ੍ਤਿਯਂ, ਪਪੁਬ੍ਬੋ ਯਾਨੇ, ਯੁ, ਪਤਿਟ੍ਠੀਯਤੇ ਪਟ੍ਠਾਨਂ, ਪੁਰੇਚਾਰਿਮ੍ਹਿ ਪਟ੍ਠੋ.

ਪਞ੍ਚਕਂ ਧੂਲੀਮਤ੍ਤੇ. ਤਥਾ ਚ ‘‘ਪਂਸੁ ਖੋਦੋ ਮਤੋ ਰੇਣੁ, ਚੁਣ੍ਣੋ ਧੂਲਿ’ਤ੍ਥਿਯਂ ਭਵੇ’’ਤ੍ਯਮਰਮਾਲਾ. ਚੁਣ੍ਣ ਪਿਸਨੇ, ਚੁਣ੍ਣ ਸਞ੍ਚੁਣ੍ਣਨੇ ਵਾ. ਪਂਸ ਨਾਸਨੇ, ਉ. ਰਨ੍ਜ ਰਾਗੇ, ਰਜੋ, ਮਨੋਗਣੋਪਿ ਨਪੁਂਸਕੇ, ਤਂਸਹਚਰਣਤੋ ਪਂਸੁਪਿ. ‘‘ਕ੍ਲਿਵਂ’ਪਰਾਧੇ ਰੇਣੁਮ੍ਹੀ’’ਤਿ ¶ ਰਭਸੋ. ਅਥ ਵਾ ਚੁਣ੍ਣਰਜੋਸਹਚਰਣਤੋ ਪਂਸੁ ਨਪੁਂਸਕੇ. ਧੂ ਵਿਧੁਨਨੇ, ਧੂ ਕਮ੍ਪਨੇ ਵਾ, ਲਿ, ਨਦਾਦਿ. ਰਿ ਗਤਿਯਂ, ਣੁ, ਇਸ੍ਸੇ.

੩੯੬. ਵਂਸਕ੍ਕਮਵੇਦੀਵਂਸਥੁਤਿਂ ਯੋ ਕੁਬ੍ਬਤਿ, ਸੋ ਮਾਗਧੋ. ਤਸ੍ਮਿਂ ਮਧੁਕੋ ਵੁਤ੍ਤੋ. ਸੋ ਚ ਖਤ੍ਤਿਯਾਵੇਸ੍ਸਸਮ੍ਭਵੋ ਭਵਤਿ, ਵਂਸਮਗ੍ਗਂ ਥਵਤੀਤਿ ਮਾਗਧੋ, ਥਸ੍ਸ ਧੋ. ਮਗ੍ਗਂ ਧਵਤੀਤਿ ਮਧੁਕੋ, ਣ੍ਵੁ, ਗ੍ਗਲੋਪੋ.

ਵੀਰਿਯਾਦਿਥੁਤਿਂ ਸੀਲੇਨ ਯੋ ਪਠਤਿ, ਸੋ ਵਨ੍ਦੀ, ਤਸ੍ਸੀਲਾਦੀਸੁ ਣੀ.

ਯੋ ਨਿਸਾਵਸਾਨਂ ਵਿਭਾਵੇਨ੍ਤੋ ਬੋਧਯਤਿ, ਸੋ ਵੇਤਾਲ਼ਿਕੋ, ਵਿਭਾਵੇਨ੍ਤੋ ਤਾਲ਼ਸਦ੍ਦੇਨ ਬੋਧਯਤੀਤਿ ਵੇਤਾਲ਼ਿਕੋ, ਣਿਕੋ.

ਚਕ੍ਕੇਨ ਚਰਨ੍ਤੋ ਬਹੂਹਿ ਪੀਲ਼ੇਤ੍ਵਾ ਯੋ ਪਠਤਿ, ਸੋ ਚਕ੍ਕਿਕੋ, ਉਭਯਤ੍ਰ ਚਰਤ੍ਯਤ੍ਥੇ ਇਕੋ. ਘਣ੍ਟ ਭਾਸਤ੍ਥੋ, ਚੁਰਾਦਿ.

੩੯੭. ਪਞ੍ਚਕਂ ਧਜੇ. ਕਿਤ ਨਿਵਾਸੇ, ਰੋਗਾਪਨਯਨੇ ਚ, ਉ, ਕਿਤਤਿ ਅਪਨੇਤਿ ਏਤੇਨਾਤਿ ਕੇਤੁ. ਧਜ ਗਮਨੇ, ਅ. ਉਪ੍ਪਤਤੀਤਿ ਪਟਾਕਾ, ਆਕੋ, ਪਟ ਗਤਿਯਂ ਵਾ, ਪਟਾਕਾ. ਕੇਨ ਵਾਤੇਨ ਦਲੀਯਤੇ ਵਿਦਾਰੀਯਤੇਤਿ ਕਦਲੀ, ਨਦਾਦਿ, ਛਿਨ੍ਨਭਿਨ੍ਨਤ੍ਤਾ ¶ ਕੁਚ੍ਛਿਤਂ ਦਲਂ ਪਤ੍ਤਮੇਤਿਸ੍ਸਾਤ੍ਥੀਤਿ ਵਾ ਕਦਲੀ, ਪਟਾਕਾ ਸਹਚਰਣਤੋ ਇਤ੍ਥਿਯਂ. ਕਦਲੀ ਮੋਚੇਪਿ. ਯੁਮ੍ਹਿ ਕੇਤਨਂ. ਏਤ੍ਥ ਚ ਧਜਸਹਚਰਣਤੋ ਕੇਤੁ ਪੁਨ੍ਨਪੁਂਸਕੇ. ‘‘ਪਟਾਕਾ ਵੇਜਯਨ੍ਤੀ ਚ, ਕੇਤਨਂ ਧਜ’ਮਨਿਤ੍ਥੀ’’ਤ੍ਯ [ਅਮਰ ੧੮.੯੯] ਮਰਕੋਸੇ.

ਅਞ੍ਞਮਞ੍ਞਸ੍ਸੇਤਿ ਏਕਮਪੇਕ੍ਖਿਤ੍ਵਾ ਅਪਰਸ੍ਸਾਪਰਂ ਅਪੇਕ੍ਖਿਤ੍ਵਾ ਅਞ੍ਞਸ੍ਸ. ਯੋ ਅਹਂਕਾਰੋ ਅਭਿਮਾਨੋ, ਸੋ ‘‘ਅਹਂ ਅਹ’’ਮਿਤਿ ਕਰੋਤੀਤਿ ਅਹਮਹਮਿਕਾ ਭਵੇ. ‘‘ਅਹਂ ਅਗ੍ਗੋ ਭਵਾਮਿ, ਅਹਂ ਅਗ੍ਗੋ ਭਵਾਮੀ’’ਤਿ ਅਞ੍ਞਮਞ੍ਞਮਤਿਕ੍ਕਮ੍ਮ ਯੋਧਾਨਂ ਸਮਗ੍ਗੇ ਧਾਵਨਂ, ਤਤ੍ਰ ਤੁ ਅਹਂਪੁਬ੍ਬਿਕਾ. ਅਹਂਸਦ੍ਦੋ ਵਿਭਤ੍ਤਿਪਤਿਰੂਪਕੋ ਨਿਪਾਤੋ, ਸਕਤ੍ਥੇ ਕਪਚ੍ਚਯੇ ਕਤੇ ਵਿਚ੍ਛਾਯਂ ਗਮ੍ਯਮਾਨਤ੍ਤਾ ਦ੍ਵਿਤ੍ਤਾਭਾਵੋ.

੩੯੮. ਚਤੁਕ੍ਕਂ ਬਲੇ. ਬਲ ਪਾਣਨੇ, ਕਰਣੇ ਅ. ਧਾ ਗਤਿਨਿਵਤ੍ਤਿਯਂ, ਕਰਣੇ ਮੋ, ਧਸ੍ਸ ਥੋ. ਸਹਤੇਨੇਨਾਤਿ ਸਹਂ, ਸਹੋਪਿ. ਸਕ ਸਤ੍ਤਿਯਂ,ਤਿ. ਦ੍ਰਵਿਣਂ, ਤਰੋ, ਪਰਕ੍ਕਮੋ, ਪਾਣੋਪਿ.

ਜਯੇ ਜਿਤੇ ਸਤਿ, ਕਾਰਣਭੂਤੇ ਵਾ ਕਤਂ ਪਾਨਂ ਜਯਪਾਨਂ. ਅਮਰਕੋਸੇ ਪਨ ‘‘ਵੀਰਪਾਨਂ ਤੁ ਯਂ ਪਾਨਂ, ਜਾਤੇ ਭਾਵਿਨਿ ਵਾ ਰਣੇ’’ਤਿ [ਅਮਰ ੧੮.੧੦੩] ਵੁਤ੍ਤਂ. ਤਸ੍ਸਤ੍ਥੋ – ਭਵਿਸ੍ਸਤਿਰਣੇ ਜੀਵਿਤਸਂਸਯਾ ਸਂਹਾਸੁਪ੍ਪਾਦਨਤ੍ਥਂ, ਦੇਵਤਾਯਾਚਨਪੁਬ੍ਬਕਂ ਸਜਾਤਿਯੇਹਿ ਸਹ ਸਮ੍ਭੂਯ ਯੋਧਾਨਂ ਯਂ ਪਾਨਂ ਜਾਤੇ ਚ ਰਣੇ ਵਿਜਯਸ੍ਸ ਸਨ੍ਦਸ੍ਸਨਤ੍ਥਂ, ਤਂ ਵੀਰਪਾਨਮੁਚ੍ਚਤੇ.

੩੯੯-੪੦੦. ਸਾਡ੍ਢਪਜ੍ਜਂ ¶ ਯੁਦ੍ਧੇ. ਸਙ੍ਗਾਮ ਯੁਦ੍ਧੇ, ਚੁਰਾਦਿ, ਅ. ਹਰ ਹਰਣੇ, ਪਸਯ੍ਹਕਰਣੇ ਚ. ਅਰ ਗਮਨੇ, ਅ. ਸਮਰਂ. ਰਣ ਸਦ੍ਦੇ, ਦ੍ਵੇਪ੍ਯਨਿਤ੍ਥਿਯਂ. ਅਜ ਗਮਨੇ, ਣਿ, ਆਜਿ, ਰਸ੍ਸਨ੍ਤੋ. ਆਹੁਯ੍ਯਨ੍ਤੇ ਅਸ੍ਮਿਂਯੋਧਾ, ਹੁ ਸਦ੍ਦੇ, ਅ. ਯੁਧ ਸਮ੍ਪਹਾਰੇ, ਤੋ. ਆਦਾਯ ਯੁਜ੍ਝਨ੍ਤੇਤ੍ਰ ਆਯੋਧਨਂ, ਯੁ. ਯੁਜ ਯੋਗੇ, ਸਂਯੁਗਂ, ਸਂਯੁਤ੍ਤਮ੍ਪਿ. ਭਣ੍ਡ ਪਰਿਭਾਸਨੇ, ਯੁ. ਵਿਗ੍ਗਯ੍ਹਨ੍ਤਿ ਯੁਜ੍ਝਨ੍ਤ੍ਯਸ੍ਮਿਂ ਵਿਗ੍ਗਹੋ. ਕਲਹਨ੍ਤ੍ਯਸ੍ਮਿਂ ਕਲਹੋ. ਮੇਧ ਮੇਧਾਹਿਂਸਾਸਙ੍ਗਮੇਸੁ, ਣ੍ਵੁ. ਜਞ੍ਞਂ, ਪਵਿਦਾਰਣਂ, ਅਕ੍ਕਨ੍ਦਨਂ, ਸਙ੍ਖ੍ਯਂ, ਸਮੀਕਂ, ਸਮ੍ਪਰਾਯਕਂ, ਅਨੀਕਂ, ਅਭਿਸਮ੍ਪਾਤੋ, ਕਲਿਸਂ, ਫੋਟੋ, ਅਤ੍ਯਾਮਦ੍ਦੋਇਚ੍ਚਾਦਯੋਪਿ ਯੁਦ੍ਧੇ. ਕੇਚਿ ਪਨ ‘‘ਭਣ੍ਡਨਾਦਿਪਞ੍ਚਕਂ ਕਲਹੇ, ਨ ਯੁਦ੍ਧੇ’’ਤਿ ਵਦਨ੍ਤਿ, ਤਂ ‘‘ਭਣ੍ਡਨਂ ਕਵਚੇ ਯੁਦ੍ਧੇ, ਖਲਿਕਾਰੇਪਿ ਵਤ੍ਤਤੇ’’ਤਿ ਨਾਨਤ੍ਥਸਙ੍ਗਹੇ ਵੁਤ੍ਤਤ੍ਤਾ ਨ ਗਹੇਤਬ੍ਬਂ.

ਦ੍ਵਯਂ ਮੁਚ੍ਛਾਯਂ. ਮੁਚ੍ਛ ਮੋਹਸਮੁਸ੍ਸਯੇਸੁ. ਮੁਹ ਵੇਚਿਤ੍ਤੇ. ਤਿਕਂ ਬਲਕ੍ਕਾਰੇ. ਪਸਹਨਂ ਪਸਯ੍ਹੋ, ਸਹ ਸਤ੍ਤਿਯਂ, ਣ੍ਯੋ. ਬਲਿਨੋ, ਬਲੇਨ ਵਾ ਕਰਣਂ ਬਲਕ੍ਕਾਰੋ. ਹਠ ਬਲਕ੍ਕਾਰੇ, ਣੋ. ਪਸਙ੍ਗੋਪਿ.

੪੦੧. ਸੁਭਾਸੁਭਾਨਂ ਫਲਾਨਂ ਸੂਚਿਕਾ ਪਕਾਸਕਾ ਯਾ ਭੂਤਸ੍ਸ ਵਤ੍ਥੁਨੋ ਵਿਕਤਿ ਅਞ੍ਞਥਾ ਉਪ੍ਪਤ੍ਤਿ, ਸਾ ਉਪ੍ਪਾਤੋ. ਸੁਭਾਸੁਭਫਲਂ ¶ ਪਕਾਸੇਨ੍ਤੋ ਪਤਤਿ ਗਚ੍ਛਤੀਤਿ ਉਪ੍ਪਾਤੋ. ਉਪ੍ਪਾਦੋਪਿ. ਤਸਦ੍ਦੋ’ਯਂ ਪੁਬ੍ਬਪਦਸ੍ਸ, ਅਪਰਪਦਸ੍ਸ ਵਾ ਲਿਙ੍ਗਮਾਦਤ੍ਤੇ. ‘‘ਅਵਿਜ੍ਜਾ ਚ ਸਾ ਪਚ੍ਚਯੋ ਚਾਤਿ ਅਵਿਜ੍ਜਾਪਚ੍ਚਯੋ, ਵਿਗ੍ਗਹੋ ਚ ਤਂ ਵਾਕ੍ਯਞ੍ਚੇਤਿ ਵਿਗ੍ਗਹਵਾਕ੍ਯ’’ਨ੍ਤ੍ਯਾਦੀਸੁ, ਇਧ ਪਨ ਪੁਬ੍ਬਪਦਸ੍ਸ ਲਿਙ੍ਗਮਾਦਤ੍ਤੇ. ਉਪ੍ਪਾਤਸ੍ਸ ਤਤ੍ਰ ਯੁਦ੍ਧਪਕ੍ਕਮੇਨਾਭਿਧਾਨਂ.

ਚਤੁਕ੍ਕਂ ਉਪ੍ਪਾਤਸ੍ਸ ਪਰਿਯਾਯੇ. ਇ ਗਮਨੇ,ਤਿ, ਦੀਘਾਦਿ. ਸਬ੍ਬਕਾਲਂ ਨ ਜਾਯਤੀਤਿ ਅਜਞ੍ਞਂ, ਣ੍ਯੋ, ਫਲਂ ਨ ਜਨੇਤੀਤਿ ਵਾ ਅਜਞ੍ਞਂ, ਤਞ੍ਹਿ ਧੂਮੋ ਵਿਯ ਅਗ੍ਗਿਸ੍ਸ ਕਮ੍ਮਫਲਸ੍ਸ ਪਕਾਸਨਮਤ੍ਤਮੇਵ ਕਰੋਤਿ, ਨ ਤਂ ਜਨੇਤੀਤਿ ਅਜਞ੍ਞਂ ਨਾਮ. ਉਪਗਨ੍ਤ੍ਵਾ ਸਜ੍ਜਤਿ ਪਕਾਸੇਤੀਤਿ ਉਪਸਗ੍ਗੋ, ਣੋ. ਉਪਗਨ੍ਤ੍ਵਾ ਦੁਨੋਤੀਤਿ ਉਪਦ੍ਦਵੋ, ਦੁ ਪਰਿਤਾਪੇ, ਅ. ਏਤ੍ਥ ਚ ਈਤ੍ਯਾਦਯੋ ਜਨਕੇਪਿ ਵਤ੍ਤਨ੍ਤਿ, ਯਥਾ ਜਰਾਦੀਨਮੁਪਦ੍ਦਵਾ.

੪੦੨. ਮਲ੍ਲਯੁਦ੍ਧਮ੍ਹਿ ਬਾਹੁਯੁਦ੍ਧਮ੍ਹਿ ਨਿਬ੍ਬੁਦ੍ਧਂ. ਅਧੋਭਾਗਂ ਬਨ੍ਧਨਂ ਵਾ ਕਤ੍ਵਾ ਯੁਜ੍ਝਨ੍ਤ੍ਯਤ੍ਰ ਨਿਬ੍ਬੁਦ੍ਧਂ, ਯਸ੍ਸ ਬੋ, ਅਞ੍ਞਮਞ੍ਞਸ੍ਸ ਵੇਧਂ ਨਿਬ੍ਬੇਧੇਨ੍ਤ੍ਯਤ੍ਰੇਤਿ ਵਾ ਨਿਬ੍ਬੁਦ੍ਧਂ. ਵੇਧ ਵੇਧਨੇ, ਤੋ, ਏਸ੍ਸੁ, ਅਞ੍ਞਤ੍ਰੋਪਚਾਰਾ. ਦ੍ਵਯਂ ਜਯਕ੍ਰਿਯਾਯਂ. ਜਿ ਜਯੇ, ‘‘ਭਾਵੇ ਚਾ’’ਤਿ ਣੋ. ਰਣੇ ਯੁਦ੍ਧੇ ਯੋ ਭਙ੍ਗੋ, ਸੋ ਪਰਾਜਯੋ. ਪਰਾਪੁਬ੍ਬੋ ਜਿ ਯੁਦ੍ਧਭਙ੍ਗੇ. ਦ੍ਵਯਂ ਪਲਾਯਨਮਤ੍ਤੇ, ਨ ਤੁ ਸਙ੍ਗਾਮਤੋਯੇਵ ਪਲਾਯਨੇ. ਪਰਿਵਜ੍ਜੇਤ੍ਵਾ ਅਯਨਂ ਗਮਨਂ ਪਲਾਯਨਂ. ਅਪਵਜ੍ਜੇਤ੍ਵਾ ਗਮਨਂ ਅਪਕ੍ਕਮੋ. ਪਦਾਵੋ, ਦਾਵੋ, ਸਨ੍ਦਾਵੋ, ਵਿਦ੍ਦਵੋ, ਦਵੋ, ਅਪਯਾਨਂਪ੍ਯਤ੍ਰ.

੪੦੩. ਪਜ੍ਜਂ ¶ ਮਾਰਣੇ. ਮਰ ਪਾਣਚਾਗੇ, ਸਬ੍ਬਤ੍ਥ ਭਾਵਸਾਧਨਂ. ਮਾਰੀਯਤੇ ਮਾਰਣਂ, ਯੁ. ਹਨ ਹਿਂਸਾਯਂ, ਣਮ੍ਹਿ ‘‘ਹਨਸ੍ਸ ਘਾਤੋ’’ਤਿ ਘਾਤਾਦੇਸੋ. ਨਸ ਅਦਸ੍ਸਨੇ. ਸੂਦ ਧਾਰਣੇ. ਹਿਂਸ ਹਿਂਸਾਯਂ. ਸਰ ਹਿਂਸਾਯਂ, ਇਤ੍ਥਿਯਮਾਪਚ੍ਚਯੋ, ਹਿਂਸਾ. ਣਮ੍ਹਿ ਹਨਸ੍ਸ ਵਧਾਦੇਸੋ. ਸਸ ਹਿਂਸਾਯਂ. ਯੁਮ੍ਹਿ ਹਨਸ੍ਸ ਘਾਤੋ, ਘਾਤਨਂ, ਨਿਬ੍ਬਰਹਨਂ, ਨਿਕਾਰਣਂ, ਪਵਾਸਨਂ, ਸਞ੍ਞਾਪਨਂ, ਪਮਥਨਂ, ਕਥਨਂ, ਉਜ੍ਜਾਸਨਂ, ਆਰਮ੍ਭੋ, ਪਿਞ੍ਜੋਪ੍ਯਤ੍ਰ. ਵਰਹ ਬਾਧਾਨ੍ਯਪਰਿਭਾਸਨਹਿਂਸਾਦਾਨੇਸੁ. ਕਰ ਹਿਂਸਾਯਂ. ਵਸ ਨਿਵਾਸੇ, ਪਪੁਬ੍ਬੋ ਹਿਂਸਤ੍ਥੋ. ਞਾ ਮਾਰਣਤੋਸਨਨਿਸਾਮਨੇਸੁ, ਪਾਗਮੋ, ਸਞ੍ਞਾਪਨਂ. ਮਥ ਵਿਲੋਲ਼ਨੇ. ਕਥ ਹਿਂਸਤ੍ਥੋ. ਜਸੁ ਹਿਂਸਾਯਂ, ਜਸਿ ਤਾਲ਼ਨੇ ਵਾ, ਚੁਰਾਦਿ. ਆਪੁਬ੍ਬੋ ਰਭਿ ਮਾਰਣੇ. ਪਿਞ੍ਜ ਹਿਂਸਾਬਲਦਾਨਨਿਕੇਤਨੇਸੁ. ਏਤੇ ਯਥਾਕ੍ਕਮਮਿਧਾਨਾਗਤਾਨਂ ਧਾਤਵੋ.

੪੦੪. ਪਜ੍ਜਂ ਮਰਣੇ. ਕਾਲੋ ਅਤੀਤਾਦਿ, ਤਸ੍ਸ ਕਿਰਿਯਾ, ‘‘ਕਾਲੋ ਘਸਤਿ ਭੂਤਾਨੀ’’ਤਿ [ਜਾ. ੧.੨.੧੯੦] ਹਿ ਵੁਤ੍ਤਂ. ਮਰਤਿਤੋ ਚੁ, ਮਚ੍ਚੁ, ਵਜਾਦਿਨਾ ਵਾ ਤ੍ਯੁ. ਤਤੋ ਮਚ੍ਚੁਸਦਿਸੋ ਦ੍ਵੀਸੁ. ਅਤਿਕ੍ਕਮਿਤ੍ਵਾ ਅਯਨਂ ਅਚ੍ਚਯੋ. ਧਨ ਧਞ੍ਞੇ. ਕਾਲਸ੍ਸ ਕਿਰਿਯਤ੍ਤਾ ¶ ਕਾਲੋ, ਅਤ੍ਤਭਾਵਸ੍ਸ ਅਨ੍ਤਂ ਕਰੋਤੀਤਿ ਵਾ ਕਾਲੋ, ਣੋ. ਅਮਤਿ ਗਚ੍ਛਤੀਤਿ ਅਨ੍ਤੋ. ਚੁ ਚਵਨੇ.

੪੦੫. ਤਿਕਂ ਮਤੇ. ਪਰਂ ਲੋਕਂ ਏਤਿ ਗਚ੍ਛਤੀਤਿ ਪੇਤੋ, ਪਰੇਤੋ ਚ, ਤੋ, ਪੁਬ੍ਬੇ ਰਲੋਪੋ. ਮਰਤੀਤਿ ਮਤੋ. ਪਰਾਸੁ, ਪਤ੍ਤਪਞ੍ਚਤ੍ਤੋਪ੍ਯਤ੍ਰ. ਦ੍ਵਯਂ ਮਤਦਹਨਕਟ੍ਠਰਾਸਿਮ੍ਹਿ, ਯਾ ‘‘ਫੁਲ੍ਲੀ’’ਤਿ ਵੁਚ੍ਚਤਿ. ਚੀਯਤੇ ਯਤ੍ਥਾਤਿ ਚਿਤਕੋ, ਚਿਤੋ ਚ, ਤੋ. ਪੁਬ੍ਬਤ੍ਰ ਸਕਤ੍ਥੇ ਕੋ. ਚਿਤਾ, ਚਿਤ੍ਯਾ, ਚਿਤਿਪ੍ਯਤ੍ਰ.

ਦ੍ਵਯਂ ਸੁਸਾਨੇ, ਆਗਨ੍ਤ੍ਵਾ ਦਹਨ੍ਤਿ ਅਤ੍ਰ ਆਲ਼ਹਨਂ. ਦਹ ਭਸ੍ਮੀਕਰਣੇ, ਯੁ, ਦਸ੍ਸ ਲ਼ੋ. ਆਲ਼ਾਹਨਮ੍ਪਿ. ਛਵਸ੍ਸ ਸਯਨਟ੍ਠਾਨਂ ਸੁਸਾਨਂ, ਛਵਸ੍ਸ ਸੁ, ਸਯਨਸ੍ਸ ਚ ਸਾਨੋ, ਅਥ ਵਾ ਸੇਨ੍ਤਿ ਅਤ੍ਰਾਤਿ ਸਾਨਂ, ਯੁ, ਛਵਸ੍ਸ ਸਾਨਂ ਸੁਸਾਨਂ. ਛਵਸ੍ਸ ਸੁ. ਪਿਤੁਵਨਮ੍ਪਿ. ਦ੍ਵਯਂ ਮਤਸਰੀਰੇ, ਕੁਣਪ ਪੂਤਿਗਨ੍ਧਤ੍ਥੇ. ਕੁਚ੍ਛਿਤਂ ਨੇਤੀਤਿ ਵਾ ਕੁਣਪੋ, ਅਪੋ, ਣਤ੍ਤਂ. ਛਵ ਗਤਿਯਂ, ਅ.

੪੦੬. ਅਸੀਸਕਤ੍ਤਾ ਸਿਰੋਸੁਞ੍ਞੋ ਨਚ੍ਚਨਾਦਿਕ੍ਰਿਯਾਸਹਿਤਤ੍ਤਾ ਸਹਕ੍ਰਿਯੋ ਦੇਹੋ ਕਾਯੋ ਕਬਨ੍ਧੋ [‘‘ਯੁਦ੍ਧੇ ਯੋਧੇਸੁ ਸੂਰੇਸੁ ਸਹਸ੍ਸਂ ਕਤ੍ਤ (ਖਣ੍ਡ) ਮੁਦ੍ਧਸੁ ਤਦਾਵੇਸਾ ਕਬਨ੍ਧੋ ਤੁ ਏਕੋ’ਮੁਦ੍ਧਾ ਕ੍ਰਿਯਾਨ੍ਧਿਤੋ’’ਤਿ ਕਬਨ੍ਧਲਕ੍ਖਣਂ], ਯੁਦ੍ਧੇ ਸਹਸ੍ਸਪੂਰਣੋ ਕਬਨ੍ਧੋ. ‘‘ਨਚ੍ਚਤੀ’’ਤਿ ਵੁਤ੍ਤਤ੍ਤਾ ਨਚ੍ਚਨਾਦਿਕ੍ਰਿਯਾਰਹਿਤੇ ਤੂਪਚਾਰੋ. ਅਵਿਜ੍ਜਮਾਨੇਨ ਕੇਨ ਸਿਰਸਾ ਅਨ੍ਧੋ ਕਬਨ੍ਧੋ, ਵਕਾਰਮਜ੍ਝੋ. ਅਵਿਜ੍ਜਮਾਨਸ੍ਸਾਪਿ ਹਿ ਕਾਰਣਭਾਵੋ ¶ ਲੋਕੇ ਦਿਟ੍ਠੋ, ਯਥਾ ਵਸ੍ਸੇਨ ਕਤੋ ਸੁਭਿਕ੍ਖੋ, ਦੁਬ੍ਭਿਕ੍ਖੋ ਚ, ਯਥਾ ਲੋਕੇ, ਤਥਾ ਸਾਸਨੇਪਿ, ਯਥਾ ਅਨਨ੍ਤਰਪਚ੍ਚਯਾਦੀਨਿ.

ਆਮਕੇਹਿ ਕੁਚ੍ਛਿਤੇਹਿ ਅਪੂਤਿਗਤਮਤਸਰੀਰੇਹਿ ਸਮ੍ਪੁਣ੍ਣੇ ਆਮਕੇ ਸੁਸਾਨਸ੍ਮਿਂ ਸਿਵਥਿਕਾ ਵੁਤ੍ਤਾ, ਅਤ੍ਥਪ੍ਪਧਾਨਨਿਦ੍ਦੇਸੇਨ ਚੇਤ੍ਥ ਸਦ੍ਦੋ ਨਿਦ੍ਦਿਟ੍ਠੋ, ਯਥਾ ‘‘ਸਤੋ ਸਮ੍ਪਜਾਨੋ’’ਤਿ ਪੁਗ੍ਗਲਪ੍ਪਧਾਨਨਿਦ੍ਦੇਸੇਨ ਧਮ੍ਮੋਤਿ. ਛਵਾ ਧਿਯ੍ਯਨ੍ਤੇਤ੍ਰ ਸਿਵਥਿਕਾ, ਣ੍ਵੁ, ਛਸ੍ਸ ਸੋ, ਥਤ੍ਤਂ, ਇਤ੍ਤਞ੍ਚ. ਛਵਥਿਕਾਪਿ.

੪੦੭. ਦ੍ਵਯਂ ਆਕਡ੍ਢਿਤਮਨੁਸ੍ਸਗਵਾਦੋ. ਮੁਞ੍ਚਨਸਞ੍ਞਾਯ ਵਨ੍ਦਤੀਤਿ ਵਨ੍ਦੀ. ਵਨ੍ਦ ਅਭਿਵਾਦਨਥੁਤੀਸੁ, ਈ, ਰਸ੍ਸੋਪਿ, ਵਨ੍ਦਿ. ਸਤ੍ਤੂਨਂ ਕਰੇਨ ਹਤ੍ਥੇਨ ਮਰਿਤਬ੍ਬਤ੍ਤਾ ਕਰਮਰੋ. ਪਗ੍ਗਹੋ, ਉਪਗ੍ਗਹੋਪਿ. ਦ੍ਵਯਂ ਜੀਵਿਤੇ, ਅਨ ਪਾਣਨੇ, ਪਾਣਨ੍ਤਿ ਅਨੇਨਾਤਿ ਪਾਣੋ, ਣੋ. ਭਵਤਿ ਯੇਨਾਤਿ ਅਸੁ. ਅਸ ਭੁਵਿ, ਉ, ਆਸੁਪਿ, ਅਸੁ ਖੁਭਨੇ ਵਾ.

ਬਨ੍ਧਨਾਗਾਰਂ ਬਨ੍ਧਨਗੇਹਂ ਕਾਰਾ ਨਾਮ. ਕਰੋਨ੍ਤਿ ਹਿਂਸਨ੍ਤਿ ਅਤ੍ਰ ਕਾਰਾ, ਅ. ਕਰ ਹਿਂਸਾਯਂ. ਬਨ੍ਧਨਾਲਯੋਪਿ. ਕਰ ਹਿਂਸਾਯਂ, ਯਤ ਨਿਯ੍ਯਾਤਨੇ. ਕਾਰਣਾ, ਯਤਨਾ ਚ. ਤਿਬ੍ਬਵੇਦਨਾਪ੍ਯਤ੍ਰ.

੪੦੮. ਦ੍ਵਿਪਾਦਂ ¶ ਬ੍ਰਾਹ੍ਮਣੇ, ਬ੍ਰਹ੍ਮੁਨੋ ਬਨ੍ਧੁ, ਬ੍ਰਹ੍ਮਾ ਬਨ੍ਧੁ ਯਸ੍ਸ ਵਾ ਬ੍ਰਹ੍ਮਬਨ੍ਧੁ. ਕੁਲਾਚਾਰਬ੍ਰਾਹ੍ਮਣਭਾਵਵਸੇਨ ਦ੍ਵਿਕ੍ਖਤ੍ਤੁਂ ਜਾਤਤ੍ਤਾ ਦ੍ਵਿਜੋ, ਏਕਜੇ ਤੂਪਚਾਰਾ. ਵਪਿਸ੍ਮਾ ਪੋ, ਅਸ੍ਸਿ. ਬ੍ਰਹ੍ਮੁਨੋ ਅਪਚ੍ਚਂ ਬ੍ਰਹ੍ਮਾ, ਬ੍ਰਾਹ੍ਮਣੋ ਚ, ਨਾਗਮੋ, ਣਤ੍ਤਂ, ਦੀਘਾਦਿ. ਸੁਤਾਯੁਤਕਥਨਤ੍ਥਂ ‘‘ਭੋਭੋ’’ਤਿ ਵਚਨਂ ਵਦਤਿ ਸੀਲੇਨ, ਣੀ.

ਦ੍ਵਯਂ ਛਨ੍ਦੋਜ੍ਝੇਤਰਿ. ਬ੍ਰਹ੍ਮਸੁਤ੍ਤਂ ਅਧੀਤੇ ਸੋਤ੍ਤਿਯੋ, ‘‘ਨੇਨ ਨਿਦ੍ਦਿਟ੍ਠਮਨਿਚ੍ਚ’’ਨ੍ਤਿ [ਕਾਤਨ੍ਤ ੧.੨.੧੮ ਨਘਟਿਤਂ ਅਨਿਚ੍ਚਂ (ਪਰਿਭਾਸੇਨ੍ਦੁਸੇਖਰ ੯੭)] ਵੁਤ੍ਤਤ੍ਤਾ ਵੁਦ੍ਧਿ, ਯਦਾਦਿਨਾ ਵਾ ਛਨ੍ਦਸਦ੍ਦਸ੍ਸ ਸੋਤ੍ਤਿਯਾਦੇਸੋ [ਪਾਣਿਨਿ ੫.੨.੮੪]. ਛਨ੍ਦਂ ਅਧੀਤੇ ਛਨ੍ਦਸੋ, ਸੋ ਪੁਲ੍ਲਿਙ੍ਗੋ.

ਦ੍ਵਯਂ ਸਿਸ੍ਸੇ. ਸੋਤੁਂ ਇਚ੍ਛਨ੍ਤੀਤਿ ਸਿਸ੍ਸਾ, ਸੁ ਸਵਨੇ, ਸੋ, ਉਸ੍ਸਿ. ਆਚਰਿਯਸ੍ਸ ਅਨ੍ਤੇ ਸਮੀਪੇ ਵਸਨਸੀਲੋ, ਸਞ੍ਞਾਸਦ੍ਦਤ੍ਤਾ ਸਤ੍ਤਮਿਯਾ ਅਲੋਪੋ.

੪੦੯. ਬ੍ਰਹ੍ਮਚਾਰੀਆਦਯੋ ਏਤੇ ਚਤੁਰੋ ਜਨਾ ਅਸ੍ਸਮਾ ਨਾਮ ਭਵਨ੍ਤਿ, ਅਸ੍ਸਮਸਦ੍ਦੋਯਂ ਪੁਨ੍ਨਪੁਂਸਕੇ. ਤਤ੍ਰ ਮੁਞ੍ਜਮੇਖਲਾਦਿਯੁਤ੍ਤੋ ਵੇਦਜ੍ਝਾਯਕੋ ਬ੍ਰਹ੍ਮਚਰਿਯਾਯਂ ਠਿਤੋ ਬ੍ਰਹ੍ਮਚਾਰੀ. ਵੇਦਜ੍ਝਯਨਂ ਬ੍ਰਹ੍ਮਚਰਿਯਂ ਚਰਤੀਤਿ, ਣੀ. ਧਮ੍ਮਤ੍ਥਕਾਮੇਸੁ ਠਿਤੋ ਪਞ੍ਚਮਹਾਯਞ੍ਞਕਾਰੀ ਗਹਟ੍ਠੋ, ਗਹਾ ਦਾਰਾ ¶ ਤਤ੍ਰ ਤਿਟ੍ਠਨ੍ਤੀਤਿ ਗਹਟ੍ਠੋ. ਗਹਟ੍ਠੋ ਪਰੋ ਤਤਿਯਸ੍ਸਪਿ ਵਾਨਪਤ੍ਥੋ. ਵਨਪਤ੍ਥੇ ਵਨੇਕਦੇਸੇ, ਦੂਰਵਨੇ ਵਾ ਭਵੋ ਵਾਨਪਤ੍ਥੋ, ਅਸ੍ਸ ਭੂਮਿਸੇਯ੍ਯਾਜਟਾਜਿਨਧਾਰਣਵਨਵਾਸੋਨ੍ਯਹਾਰਭੋਜਿਤਾਦਿ ਧਮ੍ਮੋ. ਵਾਨਪਤ੍ਥਸ੍ਸਮੇਵ ਤਤਿਯਮਾਯੁਸੋ ਭਾਗਂ ਖੇਪਯਿਤ੍ਵਾ ਗਹਿਤਕਾਸਾਵਦਣ੍ਡੋ ਭਿਕ੍ਖੋ ਸਬ੍ਬਭੂਤੇਸੁ ਸਮੋ ਝਾਨਾਯਤਨਵਰੋ ਭਿਕ੍ਖੁ. ਸਮੁ ਤਪਸਿ, ਖੇਦੇ ਚ, ਆਸਮ੍ਮਨ੍ਤਿ ਅਤ੍ਰਾਤਿ, ਅਕਤ੍ਤਰਿ ਕਾਰਕੇ ਸਞ੍ਞਾਯਂ ਣੋ. ‘‘ਅਸ੍ਸਮੋ ਬ੍ਰਹ੍ਮਚਰਿਯਾਦਿ- ਚਤੁਕ੍ਕੇਪਿ ਮਠੇਪਿ ਚੇ’’ਤਿ ਨਾਨਤ੍ਥਸਙ੍ਗਹੇ.

੪੧੦. ਸੀਲਾਦਯੋ ਤਯੋ ਸਿਕ੍ਖਾਧਮ੍ਮੇ ਸਹ ਏਕਤੋ ਚਰਨ੍ਤਾ ਮਿਥੁ ਅਞ੍ਞਮਞ੍ਞਂ ਸਬ੍ਰਹ੍ਮਚਾਰਿਨੋ ਨਾਮ, ਬ੍ਰਹ੍ਮਚਾਰੀਹਿ ਸਹ ਚਰਨ੍ਤੀਤਿ ਸਬ੍ਰਹ੍ਮਚਾਰਿਨੋ. ‘‘ਮਿਥੂ’’ਤਿ ਇਮਿਨਾ ਸਬ੍ਰਹ੍ਮਚਾਰੀਸਦ੍ਦਸ੍ਸ ਤਗ੍ਗੁਣਸਂਵਿਞ੍ਞਾਣਤ੍ਤਂ ਦੀਪਿਤਂ, ਤੇਨ ਬ੍ਰਹ੍ਮਚਾਰੀਨਮ੍ਪਿ ਸਬ੍ਰਹ੍ਮਚਾਰਿਤ੍ਤਮੁਪਪਨ੍ਨਂ.

ਦ੍ਵਯਂ ਉਪਸਮ੍ਪਦਾਦਾਯਕੇ. ਮਨਸਾ ਉਪੇਚ੍ਚ ਸਿਸ੍ਸਾਨਂ ਵਜ੍ਜਾਵਜ੍ਜਂ ਝਾਯਤੀਤਿ ਉਪਜ੍ਝਾਯੋ, ਉਪਜ੍ਝਾ ਚ. ਝੇ ਚਿਨ੍ਤਾਯਂ, ਣੋ, ਪੁਬ੍ਬਤ੍ਰ ਏ ਅਯ, ਪਕ੍ਖੇ ਰਾਜਾਦਿਪਕ੍ਖੇਪੇਨ ਉਪਜ੍ਝਾ, ਪਰਸਮਯੇ ਪਨ ਵੇਦਾਦਿਪਾਠਯਿਤਾ ‘‘ਉਪਜ੍ਝਾਯੋ, ਉਪਜ੍ਝਾ’’ਤਿ ਚੋਚ੍ਚਤੇ, ਉਪੇਚ੍ਚ ਅਧੀਯਤੇ ਅਸ੍ਮਾਤਿ ਕਤ੍ਵਾ.

ਦ੍ਵਯਂ ਨਿਸ੍ਸਯਦਾਯਕੇ. ਸਿਸ੍ਸਾਨਂ ਹਿਤਂ ਆਚਰਤੀਤਿ ਆਚਰਿਯੋ, ਣ੍ਯੋ. ਨਿਸ੍ਸਯਂ ਦਦਾਤੀਤਿ, ਕਮ੍ਮਾਦਿਮ੍ਹਿ ਣ੍ਵੁ.

੪੧੧. ਸਾਸਨੇ ¶ ਆਚਰਿਯਂ ਦਸ੍ਸੇਤ੍ਵਾ ਪਰਸਮਯੇਪਿ ਦਸ੍ਸੇਤੁਮਾਹ ‘‘ਉਪਨੀਯੇ’’ਚ੍ਚਾਦਿ. ਅਥ ਵਾ ਯੋ ਦ੍ਵਿਜੋ ਬ੍ਰਾਹ੍ਮਣੋ ਯਂਕਿਞ੍ਚਿ ਬ੍ਰਾਹ੍ਮਣਂ ਉਪਨੀਯ ਅਤ੍ਤਨੋ ਸਨ੍ਤਿਕਂ ਆਨੇਤ੍ਵਾ ਕਪ੍ਪਾਦਿਛਲ਼ਙ੍ਗਿਕਤ੍ਤਾ ਸਾਙ੍ਗਂ ਸਗੁਯ੍ਹਤ੍ਤਾ ਰਹਸ੍ਸਞ੍ਚ ਵੇਦਂ ਕਮ੍ਮਭੂਤਂ ਪੁਬ੍ਬਂ ਪਠਮਮੇਵ ਕੇਨਚਿ ਅਸਿਕ੍ਖਾਪਿਤੇਯੇਵ ਅਜ੍ਝਾਪਯੇ ਸਿਕ੍ਖਾਪੇਯ੍ਯ, ਸੋ ਬ੍ਰਾਹ੍ਮਣੇਸੁ ‘‘ਆਚਰਿਯੋ’’ਤਿ ਵੁਚ੍ਚਤਿ, ਆਦਿਤੋ ਚਾਰੇਤਿ ਸਿਕ੍ਖਾਪੇਤੀਤਿ ਆਚਰਿਯੋਤਿ ਕਤ੍ਵਾ, ਣ੍ਯੋ. ਯਥਾਵੁਤ੍ਤਾ ਅਞ੍ਞੇ ਉਪਜ੍ਝਾਯਾ.

੪੧੨. ਪਜ੍ਜਦ੍ਧਂ ਉਪਦੇਸਪਰਮ੍ਪਰਾਯਂ. ਪਰੇ ਚ ਪਰੇ ਚ ਪਰਮ੍ਪਰਾ, ਪੁਬ੍ਬਾਚਰਿਯਾ. ਤਤੋ ਆਭਤਂ ਪਾਰਮ੍ਪਰਿਯਂ. ਇਤਿਹਸਦ੍ਦੋ ਨਿਪਾਤਸਮੁਦਾਯੋ. ‘‘ਇਤਿਹ ਪੁਬ੍ਬਾਚਰਿਯੇਹਿ ਵੁਤ੍ਤਮਿਦ’’ਨ੍ਤਿ ਕਥੇਤਬ੍ਬਂ ਵਚਨਂ ਏਤਿਹ੍ਯਂ, ਣ੍ਯੋ. ਣਮ੍ਹਿ ਏਤਿਹਂ. ਆਚਰਿਯਂ ਉਪਗਨ੍ਤ੍ਵਾ ਦਿਸ੍ਸਤਿ ਉਚ੍ਚਾਰੀਯਤੀਤਿ ਉਪਦੇਸੋ, ਦਿਸੀ ਉਚ੍ਚਾਰਣੇ, ਣੋ.

ਤਿਕਂ ਯਞ੍ਞੇ. ਯਜ ਦੇਵਪੂਜਾਸਙ੍ਗਹਕਰਣਦਾਨਧਮ੍ਮੇਸੁ, ਯਜਨਂ ਯਾਗੋ, ਣੋ. ਸਗ੍ਗਤ੍ਥਿਕੇਹਿ ਕਰੀਯਤੇਤਿ ਕਤੁ, ਤੁ. ਜਸ੍ਸ ਞ੍ਞਤ੍ਤੇ ਯਞ੍ਞੋ. ਯਾਗਤ੍ਥਂ ਮਨ੍ਤਾਦਿਨਾ ਪਰਿਕ੍ਖਤਾ ਪਰਿਸਙ੍ਖਤਾ ਭੂ ਭੂਮਿ ਵੇਦਿ ਨਾਮ, ਈਪਚ੍ਚਯੇ ਵੇਦੀ ਚ. ਵਿਨ੍ਦਤਿ ਅਸ੍ਸਂ ਲਾਭਸਕ੍ਕਾਰਨ੍ਤਿ ਵੇਦਿ, ਵਿਦ ਲਾਭੇ, ਇਣ.

੪੧੩. ਅਸ੍ਸਮੇਧਾਦਯੋ ¶ ਪਞ੍ਚ ‘‘ਮਹਾਯਾਗਾ’’ਤ੍ਯੁਚ੍ਚਨ੍ਤੇ. ਪੋਰਾਣਕਰਾਜਕਾਲੇ ਕਿਰ ਸਸ੍ਸਮੇਧਂ ਪੁਰਿਸਮੇਧਂ ਸਮ੍ਮਾਪਾਸਂ ਵਾਚਾਪੇਯ੍ਯਨ੍ਤਿ ਚਤ੍ਤਾਰਿ ਸਙ੍ਗਹਵਤ੍ਥੂਨਿ ਅਹੇਸੁਂ, ਯੇਹਿ ਰਾਜਾਨੋ ਲੋਕਂ ਸਙ੍ਗਣ੍ਹਿਂਸੁ, ਤਤ੍ਥ ਨਿਪ੍ਫਨ੍ਨਸਸ੍ਸਤੋ ਦਸਮਭਾਗਗ੍ਗਹਣਂ ਸਸ੍ਸਮੇਧਂ ਨਾਮ, ਸਸ੍ਸਸਮ੍ਪਾਦਨੇ ਮੇਧਾਵਿਤਾ ਸਸ੍ਸਮੇਧਂ ਨਾਮਾਤ੍ਯਤ੍ਥੋ. ਮਹਾਯੋਧਾਨਂ ਛਮਾਸਿਕਭਤ੍ਤਵੇਤਨਾਨੁਪ੍ਪਦਾਨਂ ਪੁਰਿਸਮੇਧਂ ਨਾਮ, ਪੁਰਿਸਸ੍ਸ ਸਙ੍ਗਣ੍ਹਨੇ ਮੇਧਾਵਿਤਾ ਪੁਰਿਸਮੇਧਂ ਨਾਮਾਤ੍ਯਤ੍ਥੋ. ਦਲਿਦ੍ਦਮਨੁਸ੍ਸਾਨਂ ਹਤ੍ਥਤੋ ਲੇਖਂ ਗਹੇਤ੍ਵਾ ਤੀਣਿ ਵਸ੍ਸਾਨਿ ਵਿਨਾ ਵਡ੍ਢਿਯਾ ਸਹਸ੍ਸਦ੍ਵਿਸਹਸ੍ਸਮਤ੍ਤਧਨਾਨੁਪ੍ਪਦਾਨਂ ਸਮ੍ਮਾਪਾਸਂ ਨਾਮ. ਤਞ੍ਹਿ ਸਮ੍ਮਾ ਮਨੁਸ੍ਸੇ ਪਾਸੇਤਿ ਹਦਯੇ ਬਨ੍ਧਿਤਾ ਵਿਯ ਠਪੇਤਿ, ਤਸ੍ਮਾ ‘‘ਸਮ੍ਮਾਪਾਸ’’ਨ੍ਤਿ ਵੁਚ੍ਚਤਿ. ‘‘ਤਾਤ ਮਾਤੁਲਾ’’ਤ੍ਯਾਦਿਨਾ ਪਨ ਸਣ੍ਹਵਾਚਾਯ ਭਣਨਂ ਵਾਚਾਪੇਯ੍ਯਂ ਨਾਮ, ਪੇਯ੍ਯੇ ਵਜ੍ਜਪਿਯਵਚਨਤਾਤ੍ਯਤ੍ਥੋ. ਏਵਂ ਚਤੂਹਿ ਵਤ੍ਥੂਹਿ ਸਙ੍ਗਹਿਤਂ ਰਟ੍ਠਂ ਇਦ੍ਧਞ੍ਚੇਵ ਹੋਤਿ ਫੀਤਞ੍ਚ ਪਹੂਤਨ੍ਨਪਾਨਂ ਖੇਮਂ ਨਿਰਬ੍ਬੁਦਂ. ਮਨੁਸ੍ਸਾ ਮੁਦਾ ਪਮੋਦਮਾਨਾ ਉਰੇ ਪੁਤ੍ਤੇ ਨਚ੍ਚੇਨ੍ਤਾ ਅਪਾਰੁਤਘਰਦ੍ਵਾਰਾ ਵਿਹਰਨ੍ਤਿ, ਇਦਂ ਘਰਦ੍ਵਾਰੇਸੁ ਅਗ੍ਗਲ਼ਾਨਂ ਅਭਾਵਤੋ ਨਿਰਗ੍ਗਲ਼ਨ੍ਤਿ ਵੁਚ੍ਚਤਿ, ਅਯਂ ਪੋਰਾਣਿਕਪਵੇਣੀ, ਅਪਰਭਾਗੇ ਪਨ ਓਕ੍ਕਾਕਰਾਜਕਾਲੇ ਬ੍ਰਾਹ੍ਮਣਾ ਇਮਾਨਿ ਚਤ੍ਤਾਰਿ ਸਙ੍ਗਹਵਤ੍ਥੂਨਿ, ਇਮਞ੍ਚ ਰਟ੍ਠਸਮ੍ਪਤ੍ਤਿਂ ਪਰਿਵਤ੍ਤੇਨ੍ਤਾ ਉਦ੍ਧਂ ਮੂਲਂ ਕਤ੍ਵਾ ‘‘ਅਸ੍ਸਮੇਧ’’ਨ੍ਤਿਆਦਿਕੇ ਪਞ੍ਚ ਯਞ੍ਞੇ ਨਾਮ ਅਕਂਸੁ, ਵੁਤ੍ਤਞ੍ਹੇਤਂ ਭਗਵਤਾ ਬ੍ਰਾਹ੍ਮਣਧਮ੍ਮਿਕਸੁਤ੍ਤੇ –

‘‘ਤੇਸਂ ਆਸਿ ਵਿਪਲ੍ਲਾਸੋ, ਦਿਸ੍ਵਾਨ ਅਣੁਨਾ ਅਣੁਂ;

ਤੇ ਤਤ੍ਥ ਮਨ੍ਤੇ ਗਨ੍ਥੇਤ੍ਵਾ, ਓਕ੍ਕਾਕਂ ਤਦੁਪਾਗਮੁ’’ਨ੍ਤਿ [ਸੁ. ਨਿ. ੩੦੧, ੩੦੪].

ਇਦਾਨਿ ¶ ਤੇਹਿ ਪਰਿਵਤ੍ਤੇਤ੍ਵਾ ਠਪਿਤਮਤ੍ਥਂ ਦਸ੍ਸੇਨ੍ਤੋ ‘‘ਅਸ੍ਸਮੇਧੋ’’ਚ੍ਚਾਦਿਮਾਹ. ਤਤ੍ਥ ਅਸ੍ਸਂ ਏਤ੍ਥ ਮੇਧਨ੍ਤਿ ਵਧਨ੍ਤੀਤਿ ਅਸ੍ਸਮੇਧੋ. ਪੁਰਿਸਂ ਏਤ੍ਥ ਮੇਧਨ੍ਤਿ ਵਧਨ੍ਤੀਤਿ ਪੁਰਿਸਮੇਧੋ. ਸਮ੍ਮਾ ਯੁਗਚ੍ਛਿਦ੍ਦੇ ਪਕ੍ਖਿਪਿਤਬ੍ਬਦਣ੍ਡਕਂ ਪਾਸੇਨ੍ਤਿ ਖਿਪੇਨ੍ਤਿ ਏਤ੍ਥ ਸਮ੍ਮਾਪਾਸੋ. ਮਨ੍ਤਪਦਾਭਿਸਙ੍ਖਤਾਨਂ ਸਪ੍ਪਿਮਧੂਨਂ ‘‘ਵਾਜ’’ਨ੍ਤਿ ਸਮਞ੍ਞਾ, ਤਮੇਤ੍ਥ ਪਿਵਯਨ੍ਤੀਤਿ ਵਾਜਪੇਯ੍ਯੋ. ਸਬ੍ਬਸ੍ਸ ਅਤ੍ਤਨੋ ਸਾਪਤੇਯ੍ਯਸ੍ਸ ਅਨਿਗੂਹਿਤ੍ਵਾ ਨਿਰਵਸੇਸਤੋ ਦਿਨ੍ਨਤ੍ਤਾ ਨਤ੍ਥਿ ਏਤ੍ਥ ਅਗ੍ਗਲ਼ਾਤਿ ਨਿਰਗ੍ਗਲ਼ੋ, ਅਯਂ ਪਾਲ਼ਿਯਾ ਆਗਤਕ੍ਕਮਤੋ ਅਤ੍ਥਵਣ੍ਣਨਾ, ਇਧਾਗਤਕ੍ਕਮੇਨ ਪਨ ਅਸ੍ਸਮੇਧਪੁਰਿਸਮੇਧਨਿਰਗ੍ਗਲ਼ਸਮ੍ਮਾਪਾਸਵਾਜਪੇਯ੍ਯਾਨਂ ਅਤ੍ਥਵਣ੍ਣਨਾ ਲਿਖਿਤਬ੍ਬਾ.

੪੧੪. ਤਿਕਂ ਯਾਜਕੇ. ਯਜਨਸੀਲੋ ਇਦਿ, ਯਸ੍ਸਿ, ਜਸ੍ਸ ਦੋ. ਯਜਤੀਤਿ ਇਜੋ, ਅ. ਅਥ ਵਾ ਇਤ੍ਥਿਯਾ ਉਤੁਮ੍ਹਿ ਜਾਤੇ ਜਾਯਤੀਤਿ ਇਤ੍ਥੀਤੁਜੋ. ‘‘ਨਾਰੀਤ੍ਵਿਜੋ’’ਤਿਪਿ ਪਾਠੋ. ‘‘ਉਤੁਜੋ ਯਾਜਕੋ ਤਥਾ’’ਤਿਪਿ ਪਾਠੋ, ਸੁਨ੍ਦਰੋ. ਪਰਸਮਯਂ ਅਮਨਸਿ ਕਤ੍ਵਾ ਪਨ ਆਚਰਿਯੇਨ ਇਤਿਦ੍ਵਿਜਸਦ੍ਦੋ ਇਦਿਤ੍ਵਿਜਸਦ੍ਦੋ ਚ ਸਮਾਨਤ੍ਥਾਤਿ ਮਞ੍ਞਮਾਨੇਨ ‘‘ਇਦਿ ਤ੍ਵਿਜੋ’’ਤਿ ਵੁਤ੍ਤਂ ਸਿਯਾ, ਣ੍ਵੁਮ੍ਹਿ ਯਾਜਕੋ [ਅਮਰ ੧੭.੧੭ ਗਾਥਾ ਪਸ੍ਸਿਤਬ੍ਬਾ].

ਦ੍ਵਯਂ ਯਾਗਸਭਾਯਂ, ਅਞ੍ਞਸਭਾਯਞ੍ਚਾਰਮ੍ਭਕੇ. ਸਭਾਯਂ ਸਾਧੁ ਸਭ੍ਯੋ, ਯੋ. ਸਮਾਜਂ ਜਨਸਙ੍ਘਾਤਂ ਸਮਾਵਸਨ੍ਤਿ ਆਗਨ੍ਤ੍ਵਾ ਏਕਦੇਸੀ ਭਵਨ੍ਤੀਤਿ ਸਮਾਜਾ, ਤੇਹਿ ਸਮਂ ਏਕੀਭਵਤੀਤਿ ¶ ਸਾਮਾਜਿਕੋ, ਣਿਕੋ. ਸਭਾਸਦੋ, ਸਭਾਤਾਰੋਪ੍ਯਤ੍ਰ.

ਪਞ੍ਚਕਂ ਸਭਾਸਾਮਞ੍ਞੇ. ਪਰਿ ਸਮਨ੍ਤਤੋ ਸੇਨ੍ਤ੍ਯਸ੍ਸਂ ਪਰਿਸਾ, ਸਿ ਸੇਵਾਯਂ. ਸਹ ਭਾਸਨ੍ਤ੍ਯਸ੍ਸਂ ਸਭਾ, ਹਲੋਪੋ, ਸਬ੍ਭਿ ਭਾਤੀਤਿ ਵਾ ਸਭਾ. ਸਮਜ੍ਜਨ੍ਤਿ ਸਂਗਚ੍ਛਨ੍ਤਿ ਮਿਲਨ੍ਤ੍ਯਸ੍ਸਂ ਸਮਜ੍ਜਾ, ਅਜ ਗਮਨੇ. ਸਮਯਨ੍ਤਿ ਮਿਲਨ੍ਤ੍ਯਸ੍ਸਂ ਸਮਿਤਿ, ਇ ਗਤਿਮ੍ਹਿ, ਇਤ੍ਥਿਯਨ੍ਤਿ. ਮਿਲਨਮੇਕੀਭਾਵੋ. ਸਮਨ੍ਤਤੋ ਸੀਦਨ੍ਤ੍ਯਸ੍ਮਿਂ ਸਂਸਦੋ, ਇਤ੍ਥਿਨਪੁਂਸਕੇਸੁ. ਗੋਟ੍ਠੀ, ਅਟ੍ਠਾਨੀਪ੍ਯਤ੍ਰ. ਗਾਵੋਵਾਚਾ ਤਿਟ੍ਠਨ੍ਤਿ ਭਵਨ੍ਤ੍ਯਸ੍ਸਂ ਗੋਟ੍ਠੀ. ਆਗਨ੍ਤ੍ਵਾ ਤਿਟ੍ਠਨ੍ਤ੍ਯਸ੍ਸਂ ਅਟ੍ਠਾਨੀ, ਯੁ, ਨਦਾਦਿ, ਰਸ੍ਸਾਦਿ.

੪੧੫-੪੧੬. ਭਿਕ੍ਖੁਆਦਿਕਾ ਇਮਾ ਚਤਸ੍ਸੋ ਪਰਿਸਾ ਨਾਮ. ਭਿਕ੍ਖਨਸੀਲਤਾਦੀਹਿ ਭਿਕ੍ਖੁ. ‘‘ਉਦ੍ਦਿਸ੍ਸ ਅਰਿਯਾ ਤਿਟ੍ਠਨ੍ਤਿ, ਏਸਾ ਅਰਿਯਾਨ ਯਾਚਨਾ’’ਤਿ [ਜਾ. ੧.੭.੫੯] ਹਿ ਵੁਤ੍ਤਂ. ਭਿਕ੍ਖ ਯਾਚਨੇ, ਰੂ. ਯੋਮ੍ਹਿ ਭਿਕ੍ਖੂ. ਇਨੀਪਚ੍ਚਯੇ ਭਿਕ੍ਖੁਨੀ, ਯੋਸ੍ਸ ਲੋਪੋ. ਰਤਨਤ੍ਤਯਮੁਪਗਨ੍ਤ੍ਵਾ ਆਸਯਨ੍ਤੀਤਿ ਉਪਾਸਕਾ, ਣ੍ਵੁ, ਆਸ ਉਪਵੇਸਨੇ. ਇਤ੍ਤੇ ਉਪਾਸਿਕਾਯੋ. ਏਤ੍ਥ ਚ ਪਬ੍ਬਜ੍ਜਾਸਾਮਞ੍ਞਤੋ, ਲਿਙ੍ਗਸਾਮਞ੍ਞਤੋ ਚ ਸਾਮਣੇਰਾ ਭਿਕ੍ਖੂਸੁ, ਸਾਮਣੇਰਿਯਾਦਯੋ, ਚ ਭਿਕ੍ਖੁਨੀਸੁ ਸਙ੍ਗਹਿਤਾ, ਤਤੋ, ਅਵਸੇਸਾ ਪਨ ਸਬ੍ਬੇਪਿ ਦੇਵਮਨੁਸ੍ਸਾਦਯੋ ਇਤ੍ਥਿਪੁਰਿਸਵਸੇਨ ਦ੍ਵੇ ਕੋਟ੍ਠਾਸੇ ਕਤ੍ਵਾ ਲਿਙ੍ਗਸਭਾਗਵਸੇਨ ਦ੍ਵੀਸੁ ਸਙ੍ਗਹਿਤਾ, ਬ੍ਰਹ੍ਮਾਨੋ ਪਨ ਲਿਙ੍ਗਾਭਾਵੇਪਿ ਪੁਰਿਸਸਣ੍ਠਾਨਤ੍ਤਾ ਪੁਰਿਸੇਸੁ ਸਙ੍ਗਹਿਤਾ, ਤਥਾ ਪਣ੍ਡਕਾਪਿ, ਉਭਤੋਬ੍ਯਞ੍ਜਨੇਸੁ ਪਨ ¶ ਪੁਰਿਸਉਭਤੋਬ੍ਯਞ੍ਜਨਂ ਪੁਰਿਸੇਸੁ, ਇਤ੍ਥਿਉਭਤੋਬ੍ਯਞ੍ਜਨਂ ਇਤ੍ਥੀਸੁ ਸਙ੍ਗਹਿਤਨ੍ਤਿ ਵੇਦਿਤਬ੍ਬਂ.

ਏਵਂ ਚਤੂਹਿ ਕੋਟ੍ਠਾਸੇਹਿ ਪਰਿਸਂ ਦਸ੍ਸੇਤ੍ਵਾ ਅਟ੍ਠਹਿਪਿ ਦਸ੍ਸੇਤੁਮਾਹ ‘‘ਅਥਵੇ’’ਚ੍ਚਾਦਿ. ਤਸ੍ਸਤ੍ਥੋ – ਪਰਿਸਾ ਨਾਮ ਅਟ੍ਠ ਸਿਯੁਂ, ਕੇਸਂ ਵਸੇਨਾ’ਟ੍ਠ ਸਿਯੁਂ? ਤਾਵਤਿਂਸਾਨਂ ਦ੍ਵਿਜਾਨਂ ਬ੍ਰਾਹ੍ਮਣਾਨਂ ਖਤ੍ਤਾਨਂ ਖਤ੍ਤਿਯਾਨਂ ਮਾਰਸ੍ਸ ਗਹਪਤਿਸ੍ਸ ਸਮਣਾਨਂ ਚਾਤੁਮਹਾਰਾਜਿਕਾਨਂ ਬ੍ਰਹ੍ਮੂਨਞ੍ਚ ਵਸੇਨਾਤਿ ਇਮਾ ਚਾ’ਟ੍ਠਪਰਿਸਾ ਪਾਕਟਵਸੇਨ, ਸੇਟ੍ਠਵਸੇਨ ਚ ਵੁਤ੍ਤਾਤਿ ਨ ਏਤ੍ਥ ਪੁਬ੍ਬੇ ਵਿਯ ਸਬ੍ਬਾ ਸਙ੍ਗਹਿਤਾ, ਤਾਵਤਿਂਸਾਦਿਕਾ ਹਿ ਪਾਕਟਵਸੇਨ ਵੁਤ੍ਤਾ, ਸਮਣਾ ਪਨ ਪਾਕਟਵਸੇਨ, ਸੇਟ੍ਠਵਸੇਨ ਚ ਵੁਤ੍ਤਾ.

੪੧੭. ਗਾਯਤ੍ਤਿ ਨਾਮ ਯਸ੍ਸ ਚਤੂਸੁ ਪਾਦੇਸੁ ਪਟਿਪਾਦਂ ਛਲ਼ਕ੍ਖਰਾਨਿ ਸਨ੍ਤਿ, ਸਾ ਪਮੁਖਮਾਦਿ ਯਸ੍ਸ ਉਤ੍ਥਾਦੀਨਂ ਪਾਯੇਨਾਨੁਪਯੋਗਤ੍ਤਾ ਗਾਯਤ੍ਤਿਪਮੁਖਂ ਛਨ੍ਦਂ ਨਾਮ. ਗਾਯਤੇਤਿ ਗਾਯਤ੍ਤਿ, ਗੇ ਸਦ੍ਦੇ, ਤ੍ਤਿ, ਏ ਅਯ. ਵਜ੍ਜਂ ਛਾਦਯਤੀਤਿ ਛਨ੍ਦਂ, ਛਦ ਸਂਵਰਣੇ, ਵੁਤ੍ਤਞ੍ਹਿ ਪਜ੍ਜਵਿਵੇਕੇ ਬੁਦ੍ਧਗੁਤ੍ਤੇਨ ਭਿਕ੍ਖੁਨਾ –

‘‘ਉਤ੍ਥ’ਮਚ੍ਚੁਤ੍ਥਕਂ ਮਜ੍ਝਂ, ਪਤਿਟ੍ਠਾ ਸੁਪ੍ਪਤਿਟ੍ਠਕਾ;

ਪਾਯੋ ਪਯੋਗਬਾਹ੍ਯਤ੍ਥਾ, ਅਭਬ੍ਬਤ੍ਤਾ ਚ ਨੇਰਿਤਾ’’ਤਿ.

ਯਂ ਪਨ ਚਤੁਵੀਸਕ੍ਖਰਵਨ੍ਤਂ, ਵੇਦਾਨਂ ਆਦਿਭੂਤਞ੍ਚ ਗਾਯਤ੍ਤਿ ਵਿਯ ਛਨ੍ਦਾਨਂ ਨਾਪਿ ਚਤੁਪ੍ਪਦਂ, ਅਥ ਖੋ ਤਿਪਦਮੇਵ ਸਿਯਾ, ਸਾ ਸਾਵਿਤ੍ਤਿ ਨਾਮ, ਸਾਵਿਤ੍ਤਿਸਦ੍ਦੋ ਗਾਯਤ੍ਤਿਪਰਿਯਾਯੋਪ੍ਯਤ੍ਥਿ, ‘‘ਸਾਵਿਤ੍ਤਿ ਛਨ੍ਦਸੋ ਮੁਖਂ’’ [ਮ. ਨਿ. ੨.੪੦੦; ਸੁ. ਨਿ. ੫੭੩], ‘‘ਗਾਯਤ੍ਤਿ ਤੁ ਚ ਸਾਵਿਤ੍ਤੀ’’ਤਿ ਚ ਵੁਤ੍ਤਤ੍ਤਾ. ਇਧ ਪਨ ਭੇਦੇਨ ਵੁਤ੍ਤਂ, ਯਥਾ ‘‘ਬੁਦ੍ਧਂ ਸਰਣਂ ਗਚ੍ਛਾਮਿ, ਧਮ੍ਮਂ ¶ ਸਰਣਂ ਗਚ੍ਛਾਮਿ, ਸਙ੍ਘਂ ਸਰਣਂ ਗਚ੍ਛਾਮੀ’’ਤਿ. ਸਵਿਤੁਸ੍ਸ ਇਸਿਨੋ ਅਯਂ ਵਾਚਾ ਸਾਵਿਤ੍ਤਿ, ਇਣ.

੪੧੮. ਹਬ੍ਯਂ ਦੇਵਤਾਤ੍ਥਮਨ੍ਨਂ, ਤਸ੍ਸ ਪਾਕੇ ਤਦਾਧਾਰੇ ਥਾਲ੍ਯਾਦਿਮ੍ਹਿ ਚਰੁ, ਤਤ੍ਥ ਠਿਤਤ੍ਤਾ ਉਪਚਾਰੇਨ ਹਬ੍ਯਮ੍ਪਿ ਚਰੁ, ਚਰਤਿਸ੍ਮਾ ਉ, ਚਰੁ ਪੁਮੇ. ‘‘ਹਬ੍ਯਪਾਕੇ ਚਰੁ ਪੁਮਾ’’ਤਿ [ਅਮਰ ੧੭.੨੨] ਹ੍ਯਮਰਕੋਸੇ. ਹੋਮਦਬ੍ਬਿਯਂ ਹੋਮਕਮ੍ਮਨਿ ਹਬ੍ਯਨ੍ਨਾਦੀਨਮੁਦ੍ਧਰਣਤ੍ਥਂ ਕਤਾਯਂ ਕਟਚ੍ਛੁਯਂ ਸੁਜਾ, ਇਤ੍ਥੀ, ਹਬ੍ਯਨ੍ਨਾਦੀਨਂ ਸੁਖਗ੍ਗਹਣਤ੍ਥਂ ਜਾਯਤੀਤਿ ਸੁਜਾ.

ਦ੍ਵਯਂ ਖੀਰਨ੍ਨੇ, ਦੇਵਨ੍ਨਤ੍ਤਾ ਪਰਮਂ ਅਨ੍ਨਂ. ਪਾਤਬ੍ਬਸ੍ਸ, ਅਸਿਤਬ੍ਬਸ੍ਸ ਚਾਤਿ ਦ੍ਵਿਨ੍ਨਮ੍ਪਿ ਭਾਵਾਨਂ ਸਮ੍ਭਵਤੋ ਪਾਯਾਸੋ, ਆਕਾਰਨ੍ਤਾਨਮਾਯੋ. ਪਾਯਸੋਪ੍ਯਤ੍ਰ. ਦ੍ਵਯਂ ਦੇਵਨ੍ਨੇ. ਹੁ ਦਾਨੇ, ਣ੍ਯੋ. ਇਮ੍ਹਿ ਹਵਿ, ਨਪੁਂਸਕੇ.

੪੧੯. ਥੂਣਾਯਂ ਯਞ੍ਞਥਮ੍ਭੇ ਯੂਪੋ. ਬੇਲੁਵੋ ਵਾ ਖਾਦਿਰੋ ਵਾ. ਆਲਮ੍ਬਪਸੁਬਨ੍ਧਨੇਯਟ੍ਠਿ, ਸਮਤ੍ਤਯਞ੍ਞੇ ਵਾ ਯਂ ਯਟ੍ਠਿਮਾਰੋਪਯਤਿ, ਸ ਯੂਪੋ [ਯੂਪ… ਯਞ੍ਞੀਯਪਸੁਬਨ੍ਧਨਕਟ੍ਠਭੇਦੇ… ਯਾਗਸਮਤ੍ਤਿਚਿਹ੍ਨਤ੍ਥੇ ਥਮ੍ਭੇ ਚ (ਵਾਚਪ੍ਪਤਿ)], ਯੁ ਮਿਸ੍ਸਨੇ, ਪੋ, ਦੀਘਾਦਿ. ਥੁ ਅਭਿਤ੍ਥਵੇ, ਣੋ, ਦੀਘਾਦਿ. ਯਂ ਕਟ੍ਠਂ ਕਟ੍ਠਨ੍ਤਰੇਨਾ’ਗ੍ਗਿਨਿਪ੍ਫਾਦਨਤ੍ਥਂ ਘਂਸਤੇ, ਤਸ੍ਮਿਂ ਨਿਮ੍ਮਨ੍ਥ੍ਯਦਾਰੁਮ੍ਹਿ ਅਰਣੀ, ਅਰ ਗਮਨੇ, ਅਣਿ, ਈਮ੍ਹਿ ਅਰਣੀ.

ਗਾਹਪਚ੍ਚਾਦਯੋ ¶ ਤਯੋ ਅਗ੍ਗਯੋ. ਗਹਪਤਿਨਾ ਸਂਯੁਤ੍ਤੋ ਗਾਹਪਚ੍ਚੋ, ਅਗ੍ਗਿ, ਣ੍ਯੋ. ਤਂਯੋਨਿਯਂਰੇਵਾਹਵਨੀਯੋ ਹੁਤਬ੍ਬਗ੍ਗਿਆਹਵਨਮਰਹਤੀਤਿ ਆਹਵਨੀਯੋ. ਦਕ੍ਖਿਣਗ੍ਗਿ ਪਨ ਤਂਯੋਨਿ ਅਞ੍ਞਯੋਨਿਪਿ. ਦਕ੍ਖਿਣਂ ਦੇਯ੍ਯਧਮ੍ਮਂ ਅਗ੍ਗਨ੍ਤਿ ਵਿਸ੍ਸਜ੍ਜਨ੍ਤ੍ਯਸ੍ਮਿਨ੍ਤਿ ਦਕ੍ਖਿਣਗ੍ਗਿ, ਅਗ੍ਗ ਦਾਨੇ, ਦਾਨਂ ਅਗ੍ਗੀਯਤਿ ਦੀਯਤ੍ਯਸ੍ਮਿਨ੍ਤਿ ਦਾਨਗ੍ਗਂ, ‘‘ਪਰਿਵੇਸਨਟ੍ਠਾਨ’’ਨ੍ਤਿ [ਅ. ਨਿ. ਟੀ. ੩.੯.੨੦] ਹਿ ਅਙ੍ਗੁਤ੍ਤਰਨਿਕਾਯਟੀਕਾ. ਏਤ੍ਥ ਚ ਗਾਹਪਚ੍ਚਗ੍ਗਾਦੀਨਂ ਤਿਣ੍ਣਂ ਵਿਪ੍ਪਟਿਪਜ੍ਜਨ੍ਤਾਨਂ ਵਿਨਾਸਹੇਤੁਭਾਵਤੋ ਅਗ੍ਗਿਤਾਦਟ੍ਠਬ੍ਬਾ. ਸਤ੍ਤਕਨਿਪਾਤਅਙ੍ਗੁਤ੍ਤਰਨਿਕਾਯਟ੍ਠਕਥਾਯਂ ਪਨ –

ਆਹੁਨਂ ਵੁਚ੍ਚਤਿ ਸਕ੍ਕਾਰੋ, ਆਹੁਨਂ ਅਰਹਨ੍ਤੀਤਿ ਆਹੁਨੇਯ੍ਯਾ, ਮਾਤਾਪਿਤਰੋ, ਮਾਤਾਪਿਤਰੋ ਹਿ ਪੁਤ੍ਤਾਨਂ ਬਹੂਪਕਾਰਤਾਯ ਆਹੁਨਂ ਅਰਹਨ੍ਤਿ, ਤੇਸੁ ਵਿਪ੍ਪਟਿਪਜ੍ਜਮਾਨਾ ਪੁਤ੍ਤਾ ਨਿਰਯਾਦੀਸੁ ਪਵਤ੍ਤਨ੍ਤਿ, ਤਸ੍ਮਾ ਕਿਞ੍ਚਾਪਿ ਮਾਤਾਪਿਤਰੋ ਨਾਨੁਦਹਨ੍ਤਿ, ਅਨੁਦਹਮਾਨਸ੍ਸ ਪਨ ਪਚ੍ਚਯੋ ਹੋਤੀਤਿ ਅਨੁਦਹਨਟ੍ਠੇਨੇਵ ‘‘ਆਹੁਨੇਯ੍ਯਗ੍ਗੀ’’ਤਿ ਵੁਚ੍ਚਤਿ. ਯੋ ਮਾਤੁਗਾਮਸ੍ਸ ਸਯਨਵਤ੍ਥਾਲਙ੍ਕਾਰਾਦਿਅਨੁਪ੍ਪਦਾਨੇਨ ਬਹੂਪਕਾਰੋ, ਤਂ ਅਤਿਚਰਨ੍ਤੋ ਮਾਤੁਗਾਮੋ ਨਿਰਯਾਦੀਸੁ ਨਿਬ੍ਬਤ੍ਤਤਿ, ਤਸ੍ਮਾ ਸੋਪਿ ਪੁਰਿਮਨਯੇਨੇਵ ਅਨੁਦਹਨਟ੍ਠੇਨ ‘‘ਗਹਪਤਗ੍ਗੀ’’ਤਿ ਵੁਤ੍ਤੋ. ‘‘ਦਕ੍ਖਿਣੇਯ੍ਯਗ੍ਗੀ’’ਤਿ ਏਤ੍ਥ ਪਨ ‘‘ਦਕ੍ਖਿਣਾ’’ਤਿ ਚਤ੍ਤਾਰੋ ਪਚ੍ਚਯਾ, ਭਿਕ੍ਖੁਸਙ੍ਘੋ ਦਕ੍ਖਿਣੇਯ੍ਯੋ, ਸੋ ਗਿਹੀਨਂ ਤੀਸੁ ਸਰਣੇਸੁ, ਪਞ੍ਚਸੁ ਸੀਲੇਸੁ, ਦਸਸੁ ਸੀਲੇਸੁ, ਮਾਤਾਪਿਤੁਪਟ੍ਠਾਨੇ, ਧਮ੍ਮਿਕਸਮਣਬ੍ਰਾਹ੍ਮਣੂਪਟ੍ਠਾਨੇਤਿ ਏਵਮਾਦੀਸੁ ਕਲ੍ਯਾਣਧਮ੍ਮੇਸੁ ਨਿਯੋਜਨੇਨ ਬਹੂਪਕਾਰੋ, ਤਸ੍ਮਿਂ ਮਿਚ੍ਛਾਪਟਿਪਨ੍ਨੋ ਗਿਹੀ ਭਿਕ੍ਖੁਸਙ੍ਘਂ ਅਕ੍ਕੋਸਿਤ੍ਵਾ ਨਿਰਯਾਦੀਸੁ ਨਿਬ੍ਬਤ੍ਤਤਿ, ਤਸ੍ਮਾ ਸੋਪਿ ਪੁਰਿਮਨਯੇਨੇਵ ਅਨੁਦਹਨਟ੍ਠੇਨ

‘‘ਦਕ੍ਖਿਣੇਯ੍ਯਗ੍ਗੀ’’ਤਿ ¶ ਵੁਤ੍ਤੋ. ਕਟ੍ਠਤੋ ਨਿਬ੍ਬਤ੍ਤੋ ਪਾਕਤਿਕੋਵ ਅਗ੍ਗਿ ਕਟ੍ਠਗ੍ਗਿ ਨਾਮਾਤਿ [ਅ. ਨਿ. ਅਟ੍ਠ. ੩.੭.੪੬] ਵੁਤ੍ਤੋ.

੪੨੦. ਸਿਲੋਕੋ ਦਾਨੇ. ਹਾ ਚਾਗੇ, ਣੋ, ਦ੍ਵਿਤ੍ਤਚਤ੍ਤਗਤ੍ਤਾਨਿ, ਚਜ ਹਾਨਿਮ੍ਹਿ ਵਾ. ਸਜ ਵਿਸਗ੍ਗੇ, ਵਿਸਗ੍ਗੋ ਦਾਨਂ, ਉਪੁਬ੍ਬੋ ਸਜ ਵਿਸਜ੍ਜੇ, ਣੋ, ਪੁਬ੍ਬੇ ਵਾਗਮੋ, ਵੋਸਗ੍ਗੋ. ਦਿਸ ਅਤਿਸਜ੍ਜਨੇ, ਅਤਿਸਜ੍ਜਨਂ ਦਾਨਂ, ਪਬੋਧਨਞ੍ਚ, ਇਹ ਦਾਨਂ ਪਦੇਸਨਂ. ਸਣ ਦਾਨੇ, ਯੁ. ਤਰ ਪ੍ਲਵਨਤਰਣੇਸੁ, ਮਚ੍ਛੇਰਸੋਤਾਤਿਕ੍ਕਮਨਮੇਤ੍ਥ ਤਰਣਂ. ਹਾ ਚਾਗੇ, ਚੁਰਾਦਿ, ਤੋ, ਯਾਲੋਪੋ, ਭੂਵਾਦਿਮ੍ਹਿ ਪਨ ‘‘ਆਕਾਰਨ੍ਤਾਨਮਾਯੋ’’ਤਿ ਆਯੋ, ਵਿਹਾਯਿਤਂ. ਵਜ੍ਜ ਵਜ੍ਜਨੇ, ਸਬ੍ਬਤ੍ਰ ਭਾਵਸਾਧਨਂ. ਉਪਸਗ੍ਗਵਿਸੇਸੇਨੇਤੇ ਦਾਨਤ੍ਥਾਭਿਧਾਯਿਨੋ. ਫਸ੍ਸਨਂ, ਪਤਿਪਾਦਨਂਪ੍ਯਤ੍ਰ.

੪੨੧. ਸੇਟ੍ਠਧਨਸ੍ਸ, ਪੁਤ੍ਤਾਨਂ, ਦਾਰਾਨਂ, ਰਜ੍ਜਸ੍ਸ, ਅਙ੍ਗਾਨਞ੍ਚ ਵਸੇਨ ਪਞ੍ਚਮਹਾਪਰਿਚ੍ਚਾਗੋ ਵੁਤ੍ਤੋ. ਤਤ੍ਰ ਸੇਟ੍ਠਧਨਂ ਸੇਤਹਤ੍ਥਾਦਿਰਤਨਂ. ਪੁਤ੍ਤਾ ਓਰਸਾ, ਅਥ ਵਾ ਪੁਤ੍ਤਧੀਤਰੋ. ਦਾਰੋ ਪਤਿਬ੍ਬਤਾ ਪਿਯਭਰਿਯਾ. ਰਜ੍ਜਂ ਪਕਤਿਰਜ੍ਜਂ, ਤਦੁਟ੍ਠਿਤੋ ਵਾ ਆਯੋ. ਅਙ੍ਗਂ ਚਕ੍ਖਾਦਿ. ਮਹਨ੍ਤੇਹਿ ਉਤ੍ਤਮਪੁਰਿਸੇਹੇਵ ਕਤੋ, ਮਹਨ੍ਤਾਨਂ ਵਾ ਪਰਿਚ੍ਚਾਗੋ ਮਹਾਪਰਿਚ੍ਚਾਗੋ, ਮਹਤ੍ਥਂ ਵਾ ਬੁਦ੍ਧਭਾਵਤ੍ਥਂ ਕਤੋ ਪਰਿਚ੍ਚਾਗੋ ਮਹਾਪਰਿਚ੍ਚਾਗੋ, ਕਾਪੁਰਿਸੇਹਿ ਦੁਕ੍ਕਰਤ੍ਤਾ ਮਹਨ੍ਤੋ ਵਾ ਸੇਟ੍ਠੋ ਪਰਿਚ੍ਚਾਗੋ ਮਹਾਪਰਿਚ੍ਚਾਗੋ.

੪੨੨. ਦਾਨਪਾਰਮੀਆਦਿਕਾਨਂ ¶ ਤਿਸ੍ਸਨ੍ਨਂ ਪਾਰਮੀਨਂ ਵਸੇਨ ਅਸਾਧਾਰਣਦਾਨਵਤ੍ਥੁਂ ਦਸ੍ਸੇਤ੍ਵਾ ਸਾਧਾਰਣਦਾਨਵਤ੍ਥੁਂ ਦਸ੍ਸੇਤੁਮਾਹ ‘‘ਅਨ੍ਨਂ ਪਾਨ’’ਮਿਚ੍ਚਾਦਿ. ਤਤ੍ਰ ਅਨ੍ਨਂ ਪਾਨਵਜ੍ਜਿਤਂ ਯਂ ਕਿਞ੍ਚਿ ਖਾਦਨੀਯਾਦਿਕਂ. ਪਾਨਂ ਪਾਤਬ੍ਬਂ ਉਦਕਾਦਿ. ਯਾਨਂ ਹਤ੍ਥ੍ਯਾਦਿ ਅਨ੍ਤਮਸੋ ਉਪਾਹਨਂ ਉਪਾਦਾਯ ਗਮਨਸਾਧਨਂ. ਮਾਲਾ ਮਾਲ੍ਯਂ, ਪੁਪ੍ਫਞ੍ਚ. ਵਿਲੇਪਨਂ ਛਵਿਰਾਗਕਰਣਂ, ਵਿਭੂਤੋ ਸੁਗਨ੍ਧੋ ਵਾ. ਗਨ੍ਧੋ ਤਦਞ੍ਞਗਨ੍ਧੋ. ਸੇਯ੍ਯਾ ਮਞ੍ਚਾਦਿ, ਸੇਯ੍ਯਾਗ੍ਗਹਣੇਨ ਚੇਤ੍ਥ ਆਸਨਮ੍ਪਿ ਗਹਿਤਂ. ਪਦੀਪੇਯ੍ਯਂ ਪਦੀਪਸ੍ਸ ਹਿਤਂ ਯਂ ਕਿਞ੍ਚਿ ਤੇਲਾਦਿ, ਇਮੇ ਦਸ ਦਾਨਵਤ੍ਥੂ ਨਾਮ ਸਿਯੁਂ. ਦੀਯਨ੍ਤੇ ਯਾਯਾਤਿ ਦਾਨਂ. ਤਸ੍ਸ ਵਤ੍ਥੁ ਕਾਰਣਂ, ਤਦੁਪ੍ਪਤ੍ਤਿਯਾ ਉਪ੍ਪਜ੍ਜਨਤੋਤਿ ਦਾਨਵਤ੍ਥੁ, ਦਾਤਬ੍ਬਂ ਵਾ ਦਾਨਂ, ਅਨ੍ਨਾਦਿ, ਤਦੇਵ ਵਤ੍ਥੁ. ਏਤਾਨਿ ਪਨ ਦਸ ਦਾਨਵਤ੍ਥੂਨਿ ਸੁਤ੍ਤਨ੍ਤਨਯੇਨ ਕਥਿਤਾਨਿ. ਵਿਨਯਾਭਿਧਮ੍ਮਨਯਵਸੇਨਾਪਿ ਪਨ ਕਥੇਤਬ੍ਬਾਨਿ, ਰੂਪਾਦਿਛਲ਼ਾਰਮ੍ਮਣਦਾਨਵਸੇਨ ਹਿ ਅਭਿਧਮ੍ਮੇ ਛ ਦਾਨਵਤ੍ਥੂਨਿ ਆਗਤਾਨਿ, ਵਿਨਯੇ ਚੀਵਰਪਿਣ੍ਡਪਾਤਭੇਸਜ੍ਜਸੇਨਾਸਨਵਸੇਨ ਚਤ੍ਤਾਰਿ ਆਗਤਾਨਿ. ਤਤ੍ਥੇਵਮਾਚਰਿਯਾ ਵਦਨ੍ਤਿ ‘‘ਸੁਤ੍ਤਨ੍ਤਨਯਦਾਨਤੋ ਵਿਨਯਦਾਨਮੇਵ ਮਹਪ੍ਫਲਂ, ਕਸ੍ਮਾ? ਅਨ੍ਨਾਦਿਦਾਨਮਤ੍ਤਵਸੇਨੇਵ ਯਸ੍ਸ ਕਸ੍ਸਚਿ ਦੁਸ੍ਸੀਲਾਦਿਕਸ੍ਸ ਦਾਤਬ੍ਬਨ੍ਤਿ ਅਨੁਜਾਨਿਤ੍ਵਾ ਪਿਣ੍ਡਪਾਤਾਦਿਕਪ੍ਪਿਯਵੋਹਾਰਵਸੇਨ ਸੀਲਵਨ੍ਤਾਦਿਕਸ੍ਸੇਵ ਚ ਦਾਤਬ੍ਬਨ੍ਤਿ ਅਨੁਞ੍ਞਾਤਤ੍ਤਾ. ਸਾਮਞ੍ਞਦਾਨਤੋ ਹਿ ਵਿਸੇਸਦਾਨਮੇਵ ਮਹਪ੍ਫਲਂ, ਤਤੋਪਿ ਅਭਿਧਮ੍ਮਨਯਦਾਨਮੇਵ ਮਹਪ੍ਫਲਂ, ਕਸ੍ਮਾ? ਰੂਪਾਦੀਸੁ ਪਰਮਤ੍ਥਵਸੇਨੇਵ ਅਭਿਨਿਵਿਸਿਤ੍ਵਾ ਦਾਨਵਸੇਨ ਤਤੋਪਿ ਅਤਿਸਯਦਾਨਤ੍ਤਾ’’ਤਿ. ਮਯਂ ਪਨ ਸੁਤ੍ਤਨ੍ਤਨਯਦਾਨਂ ਵਾ ਹੋਤੁ ਵਿਨਯਾਭਿਧਮ੍ਮਨਯਦਾਨਂ ਵਾ, ਯਂ ਖੇਤ੍ਤਾਦਿਤਿਵਿਧਸਮ੍ਪਦਾਯੁਤ੍ਤਂ, ਤਮੇਵ ਮਹਪ੍ਫਲਂ ਕਰੋਤੀਤਿ ਵਦਾਮ.

੪੨੩. ਤਦਹੇ ¶ ਮਤਦਿਵਸੇ ਮਤਤ੍ਥਂ ਯਂ ਪਿਣ੍ਡਪਾਤਜਲਾਞ੍ਜਲ੍ਯਾਦਿਦਾਨਂ, ਏਤਂ ਦਾਨਂ ਦੇਹਾ ਉਦ੍ਧੇ ਭਵਂ ਉਦ੍ਧਦੇਹਿਕਂ ਨਾਮ. ਪਿਤਰਂ ਉਦ੍ਦਿਸ੍ਸ ਜਲਾਞ੍ਜਲਿਸੁਵਣ੍ਣਾਦਿਦਾਨਂ ਨਿਵਾਪੋ, ਵਪ ਬੀਜਸਨ੍ਤਾਨੇ, ਣੋ. ਕਾਲਪਤ੍ਤਾਦਿਨਿਯਮੇਨ ਰਾਜਮਤ੍ਤਣ੍ਡਵਿਸੋਤ੍ਤਰਾਦਿਸਤ੍ਥਤੋ ਵਿਹਿਤਂ, ਤਂਵ ਤਮੇਵ ਪਿਤੁਦਾਨਂ ਸਮਣਬ੍ਰਾਹ੍ਮਣਭੋਜਨਾਦਿ ਸਦ੍ਧਂ ਨਾਮ, ਸਦ੍ਧਾ ਅਸ੍ਸ ਦਾਨਸ੍ਸਤ੍ਥੀਤਿ, ਣੋ. ਸਤ੍ਥਤੋਤਿ ਹੇਤੁਮ੍ਹਿ ਅਵਧ੍ਯਤ੍ਥਵਤ੍ਤਿਚ੍ਛਾਯ ਪਞ੍ਚਮੀ.

੪੨੪. ਚਤੁਕ੍ਕਂ ਗੇਹਾਗਤੇ. ਅਤ ਸਾਤਚ੍ਚਗਮਨੇ, ਇਥਿ, ਅਤਿਥਿ, ‘‘ਅਤਿਥਿ ਦ੍ਵੀਸੂ’’ਤਿ ਤਿਕਣ੍ਡਸੇਸੇ [ਤਿਕਣ੍ਡਸੇਸ ੨.੭.੯]. ਇਤ੍ਥਿਯਂ ਅਤਿਥੀ ਚ. ਆਗਚ੍ਛਤੀਤਿ ਆਗਨ੍ਤੁ, ਤੁ. ਆਹੁਨਂ ਵੁਚ੍ਚਤਿ ਗੇਹਾਗਤਾਨਂ ਦਾਤਬ੍ਬਭਤ੍ਤਾਦਿ, ਤਂ ਪਟਿਗ੍ਗਣ੍ਹਿਤੁਂ ਅਰਹਤੀਤਿ ਪਾਹੁਨੋ. ਵਿਸ ਪਵੇਸਨੇ, ਆਵੇਸਨਂ ਆਵੇਸੋ, ਤਮਰਹਤੀਤਿ ਆਵੇਸਿਕੋ. ਅਤ੍ਯਾਗਤੋਪ੍ਯਤ੍ਰ. ਗਨ੍ਤੁਮਿਚ੍ਛਤੀਤਿ ਗਮਿਕੋ, ਇਕੋ. ਦ੍ਵਯਂ ਪੂਜਿਤਪੁਪ੍ਫਦਬ੍ਬਕ੍ਖਤਾਦਿਮ੍ਹਿ. ਅਗ੍ਘ ਪੂਜਾਯਂ, ਅ. ਣ੍ਯਮ੍ਹਿ ਅਗ੍ਘਿਯਂ, ਅਗ੍ਘਯਮ੍ਪਿ. ਅਗ੍ਘਤੋ ਵਾ ਤਦਤ੍ਥਿਯੇ ਇਯੋ.

੪੨੫. ਪਾਦਤ੍ਥੇ [ਪਾਦਦ੍ਧੇ (ਕ.)] ਉਦਕਾਦਿਮ੍ਹਿ ਪਜ੍ਜਂ. ਪਦਸ੍ਸ ਹਿਤਂ ਪਜ੍ਜਂ. ਆਗਨ੍ਤ੍ਵਾਦਯੋ ਪਜ੍ਜਪਰਿਯਨ੍ਤਾ ਸਤ੍ਤ ਸਦ੍ਦਾ ਤੀਸੁ ਲਿਙ੍ਗੇਸੁ.

ਛਕ੍ਕਂ ¶ ਪੂਜਾਯਂ. ਚਿ ਚਯੇ,ਤਿ. ਅਚ੍ਚ ਪੂਜਾਯਂ, ਯੁ. ਪੂਜ ਪੂਜਾਯਂ, ਇਤ੍ਥਿਯਮਤਿ ਅ. ਹਰ ਹਰਣੇ, ਉਪਪੁਬ੍ਬੋ ਹਰ ਪੂਜਾਯਂ, ਣੋ, ਉਪਹਾਰੋ, ਪੁਮੇ. ਬਲ ਪਾਣਨਪੂਜਾਸਂਵਰਣੇਸੁ, ਇ, ਬਲਿ ਦ੍ਵੀਸੁ. ਮਾਨ ਪੂਜਾਯਂ, ਯੁ. ਨਮਸ੍ਸਾਪ੍ਯਤ੍ਰ, ਨਮਸ੍ਸ ਪੂਜਾਯਂ, ਇਤ੍ਥਿਯਂ ਅ.

੪੨੬. ਚਤੁਕ੍ਕਂ ਵਨ੍ਦਨਾਯਂ. ਨਮਸ੍ਸ ਵਨ੍ਦਨੇ, ਪੁਬ੍ਬੇਵ, ਨਮੁ ਨਮਨੇ ਵਾ, ਸ੍ਸਪਚ੍ਚਯੋ. ਨਮੋ ਕਰਣਂ ਨਮਕ੍ਕਾਰੋ, ਣੋ. ਨਮੋਤੋ ਛਟ੍ਠੀਲੋਪੋ, ‘‘ਲੋਪਞ੍ਚ ਤਤ੍ਰਾਕਾਰੋ’’ਤਿ ਓਕਾਰਲੋਪੇ ਅਕਾਰਾਗਮੋ, ਅਥ ਵਾ ਨਮਨਂ ਨਮੋ, ਤਸ੍ਸ ਕਰਣਂ ਨਮਕ੍ਕਾਰੋ, ਰਹੋਸਦ੍ਦੋ ਵਿਯ ਹਿ ਨਮੋਸਦ੍ਦੋਤ੍ਰ ਦ੍ਵਿਧਾ ਵਤ੍ਤਤਿ. ਏਕੋ ਅਕਾਰਨ੍ਤੋ ਸਲਿਙ੍ਗੋ, ਏਕੋ ਅਲਿਙ੍ਗੋ ਓਕਾਰਨ੍ਤੋਤਿ. ਵਨ੍ਦ ਅਭਿਵਾਦਨਥੁਤੀਸੁ, ਯੁ, ਵਨ੍ਦਨਾ, ਨਲੋਪੇ, ਦੀਘੇ ਚ ਅਭਿਵਾਦਨਂ.

ਤਿਕਂ ਪਤ੍ਥਨਾਮਤ੍ਤੇ. ਅਤ੍ਥ ਯਾਚਨਾਯਂ, ਯੁ, ਪਤ੍ਥਨਾ. ਅਤ੍ਥਨਾਪਿ. ਠਾ ਗਤਿਨਿਵਤ੍ਤਿਮ੍ਹਿ. ਪਨਿਦ੍ਵਯਪੁਬ੍ਬੋ ਪਤ੍ਥਨਾਯਂ, ਯੁ, ਣਤ੍ਤਂ, ਧਤ੍ਤਂ. ਇਮ੍ਹਿ ਪਣਿਧਿ. ਅਯਂ ਪੁਰਿਸੇ ਪੁਲ੍ਲਿਙ੍ਗੇ. ਯਾਚਨਾਪ੍ਯਤ੍ਰ.

੪੨੭. ਸਕ੍ਕਾਰਪੁਬ੍ਬਙ੍ਗਮਂ ਕਤ੍ਵਾ ਗਰੁਆਦੀਨਂ ਆਰਾਧਨੀਯਾਨਂ ਕ੍ਵਚਿ ਅਤ੍ਥੇ ਨਿਯੋਜਨਂ ਪਤ੍ਥਨਾਵਿਸੇਸੋ ਅਜ੍ਝੇਸਨਾ, ਇਸ ਗਵੇਸਨੇ, ਇਸ ਗਤਿਹਿਂਸਾਵਦਾਨੇਸੁਵਾ, ਯੁ, ਅਜ੍ਝੇਸਨਾ, ਯਥਾ ‘‘ਦੇਸੇਤੁ ਭਗਵਾ ਧਮ੍ਮਂ, ਦੇਸੇਤੁ ਸੁਗਤੋ ਧਮ੍ਮ’’ਨ੍ਤਿ [ਮਹਾਵ. ੮].

੪੨੮. ਚਤੁਕ੍ਕਂ ¶ ਅਨੁਸ੍ਸਰਣੇ. ਏਸ ਗਵੇਸਨੇ, ਯਾਗਮੇ ਪਰਿਯੇਸਨਾ. ਤਿਮ੍ਹਿ ਪਰਿਯੇਟ੍ਠਿ. ਗਵੇਸ ਮਗ੍ਗਨੇ.

ਤਿਕਂ ਆਰਾਧਨੀਯਸ੍ਸ ਚਿਤ੍ਤਾਨੁਕੂਲੇ. ਆਸ ਉਪਵੇਸਨੇ, ਯੁ, ਉਪਾਸਨਂ. ਸੁ ਸਵਨੇ. ਸੋਤੁਮਿਚ੍ਛਾ ਸੁਸ੍ਸੂਸਾ, ‘‘ਭੁਜਘਸਹਰਸੁਪਾਦੀਹਿ ਤੁਮਿਚ੍ਛਤ੍ਥੇਸੂ’’ਤਿ ਸਪਚ੍ਚਯੋ, ਦ੍ਵਿਤ੍ਤਾਦਿ, ਸੁਸ੍ਸੂਸਾ, ਸਾ ਇਤ੍ਥੀ. ਚਰਤਿਤੋ ਭਾਵੇ ਣ੍ਯੋ, ਪਾਰਿਚਰਿਯਾ.

੪੨੯. ਤਿਕਂ ਤੁਣ੍ਹੀਭਾਵੇ. ਮੁਨਿਨੋ ਕਮ੍ਮਂ ਮੋਨਂ, ਣੋ. ਤੁਹ ਅਦਨੇ, ਣ੍ਹਪਚ੍ਚਯੋ, ਹਲੋਪੋ ਚ, ਤੁਣ੍ਹੋ ਮੋਨਮੇਤਸ੍ਸਤ੍ਥੀਤਿ ਤੁਣ੍ਹੀ, ਤਸ੍ਸ ਭਾਵੋ ਤੁਣ੍ਹੀਭਾਵੋ, ਅਤੁਣ੍ਹਸ੍ਸ ਵਾ ਤੁਣ੍ਹੀਭਵਨਂ ਤੁਣ੍ਹੀਭਾਵੋ, ਅਥ ਵਾ ਤੋਹਤੀਤਿ ਤੁਣ੍ਹੀ, ਤੁਹ ਅਦਨੇ, ਅਦਨਂ ਹਿਂਸਾ, ਣੀਪਚ੍ਚਯੋ, ਵਣ੍ਣਵਿਪਰਿਯਯੋ, ਤੁਣ੍ਹਿਨੋ ਭਾਵੋ ਤੁਣ੍ਹੀਭਾਵੋ.

ਪਞ੍ਚਕਂ ਅਨੁਕ੍ਕਮੇ. ਪਤਿਰੂਪੇਨ ਪਤਨਂ ਪਟਿਪਾਟਿ, ਪਤ ਗਮਨੇ, ਉਭਯਤ੍ਰਾਪਿ ਤਸ੍ਸ ਟੋ, ਇ. ਸਾ ਇਤ੍ਥੀ. ਅਨੁਰੂਪੋ ਕਮੋ, ਕਮੋ ਏਵ ਵਾ ਅਨੁਕ੍ਕਮੋ. ਪਰਿ ਅਨਤਿਕ੍ਕਮੇਨ ਅਯਨਂ ਪਵਤ੍ਤਨਂ ਪਰਿਯਾਯੋ. ਪੁਬ੍ਬਸ੍ਸਾਨੁਰੂਪਾ ਅਨੁਪੁਬ੍ਬੀ, ਨਦਾਦਿ. ਅਯਂ ਅਪੁਮੇ. ਅਨੁਪੁਬ੍ਬਮ੍ਪਿ. ਕਮੁ ਇਚ੍ਛਾਕਨ੍ਤੀਸੁ, ਣੋ.

੪੩੦. ਤਿਕਂ ਸੀਲੇ. ਤਪ ਸਨ੍ਤਾਪੇ. ਕਿਲੇਸੇ ਤਾਪੇਤੀਤਿ ਤਪੋ, ਅ. ਯਮੁ ਉਪਰਮੇ, ਉਪਰਮੋ ਵਿਰਮਣਂ, ਭਾਵੇ ਣੋ ¶ . ਸਿ ਬਨ੍ਧਨੇ, ਸਿਨੋਤਿ ਚਿਤ੍ਤਮੇਤੇਨਾਤਿ ਸੀਲਂ, ਲੋ, ਸੀਲ ਸਮਾਧਾਨੇ ਵਾ, ਸਮਾਧਾਨਂ ਕੁਸਲਾਨਂ ਧਮ੍ਮਾਨਂ ਅਧਿਟ੍ਠਾਨਭਾਵੋ. ਸੀਲ ਸਮਾਧਿਮ੍ਹਿ ਵਾ, ਸਮਾਧਿਰਤ੍ਰ ਕੁਸਲਾਨਂ ਧਮ੍ਮਾਨਂ ਅਭ੍ਯੁਪਗਮੋ, ਅਞ੍ਞਤ੍ਰ ਸੀਲੇ ਤੁਪਚਾਰਾ, ਅਥ ਵਾ ਅਤ੍ਤਾਨਂ, ਪਰਞ੍ਚ ਨਿਰਯਾਦੀਸੁ ਤਾਪੇਤੀਤਿ ਤਪੋ. ਕੁਸਲਧਮ੍ਮਤੋ ਸਂਯਮਨਂ ਵਿਰਮਣਂ ਸਂਯਮੋ, ਸਮਾਧਾਨਞ੍ਚਾਤ੍ਰਾਕੁਸਲਧਮ੍ਮਵਸੇਨੇਵਾਤਿ ਅਯਂ ਅਞ੍ਞਤ੍ਰ ਸੀਲੇ ਨਿਬ੍ਬਚਨਂ.

ਸਤ੍ਥਵਿਹਿਤੋ ਨਿਯਮੋ ਵਤਂ. ‘‘ਮਨ੍ਤਨਾਯਂ ਪਟਿਞ੍ਞਾਯਂ, ਨਿਯਮੋ ਨਿਚ੍ਛਯੇ ਵਤੇ’’ਤਿ ਰਭਸੋ. ਤਞ੍ਚ ਵਤਂ ਉਪਵਾਸਾਦਿਲਕ੍ਖਣਂ ਪੁਞ੍ਞਮੁਚ੍ਚਤੇ. ‘‘ਸੀਲਂ ਚਾਰਿਤ੍ਤਂ ਵਾਰਿਤ੍ਤਮੁਪਵਾਸਾਦਿਪੁਞ੍ਞਕ’’ਨ੍ਤ੍ਯਮਰਮਾਲਾ. ਆਦਿਨਾ ਅਕ੍ਖਾਰਲਵਣਾਸਨਾਦਿ [ਅਖਾਦਨਾਭੋਜਨਾਦਿ (ਕ.)]. ਏਤ੍ਥ ਚ ਤਪਾਦਯੋ ਮੁਖ੍ਯਵਸੇਨ ਕੁਸਲਸੀਲੇ ਵਤ੍ਤਨ੍ਤਿ, ਰੂਲ਼੍ਹੀਵਸੇਨ ਅਕੁਸਲਸੀਲੇਪਿ. ਨਿਯਮਾਦਯੋ ਮੁਖ੍ਯਵਸੇਨ ਅਕੁਸਲਸੀਲੇ ਵਤ੍ਤਨ੍ਤਿ, ਰੂਲ਼੍ਹੀਵਸੇਨ ਕੁਸਲਸੀਲੇਤਿ ਅਯਂ ਸੀਲਬ੍ਬਤਾਨਂ ਵਿਸੇਸੋ. ਯਮੁ ਉਪਰਮੇ. ਵਤੁ ਵਤ੍ਤਨੇ, ਵਤ੍ਤਨਞ੍ਚਾਤ੍ਰ ਚਰਣਂ, ਸਮਾਧਾਨਂ ਵਾ. ਵਾ ਪੁਲ੍ਲਿਙ੍ਗੇਪਿ.

ਦ੍ਵਯਂ ਮਰਿਯਾਦਾਤਿਕ੍ਕਮੇ. ਕਮੁ ਪਦਵਿਕ੍ਖੇਪੇ, ਵਿਰੂਪੋ ਅਤਿਕ੍ਕ ਮੋ ਵੀਤਿਕ੍ਕਮੋ. ਮਰਿਯਾਦਾਤਿਕ੍ਕਮੋ ਆਚਾਰੋ ਅਜ੍ਝਾਚਾਰੋ. ਕਾਯਵਿਵੇਕਾਦਯੋ ਤਯੋ ਏਤ੍ਥ ਵਿਵੇਕੋ. ਵਿਚ ਵਿਵੇਚਨੇ, ਪੁਥਭਾਵੇ ਚ, ਭਾਵੇ ਣੋ, ਦ੍ਵਿਤ੍ਤਾਦਿ. ਪੁਥੁ ਵਿਸੁਂਭੂਤੋ ਗਣਾਦੀਹਿ ਅਤ੍ਤਾ ਸਰੀਰਂ ਮਨੋ ਸਭਾਵੋ ਚ ਏਤੇਸਨ੍ਤਿ ਪੁਥੁਗਤ੍ਤਾ, ਤੇਸਂ ਭਾਵੋ ਪੁਥੁਗਤ੍ਤਤਾ [ਪੁਥਗਤ੍ਤਤਾ (ਕ.)] ਕਾਯਵਿਵੇਕਾਦਯੋ, ਮਜ੍ਝੇ ਗਾਗਮੋ. ‘‘ਏਵਂਸਰੂਪੋਯਂ ਪੁਰਿਸੋ, ਏਵਂਸਰੂਪਾ ਵਾ ਅਮ੍ਹੇਪਿ ਨੇਸਂ ਪਕਤਿ’’ਰਿਤਿ ਪਕਤਿਪੁਰਿਸਾਨਂ ਵਿਭਾਗੇਨ ਞਾਣਵਿਵੇਕੋ. ਅਤ੍ਤਾ ਬੁਦ੍ਧਿ, ਸੋ ਪੁਥੁਭਾਵੇਨ ਯਸ੍ਸ, ਤਬ੍ਭਾਵੋ ਪੁਥੁਗਤ੍ਤਤਾਤ੍ਯਞ੍ਞੇ. ਅਞ੍ਞਤੋ ਵਿਲਕ੍ਖਣਸ੍ਸ ਭਾਵੋ ਪੁਥੁਗਤ੍ਤਤਾਤ੍ਯਞ੍ਞੇ.

੪੩੧. ਖੁਦ੍ਦਾਨੁਖੁਦ੍ਦਕਂ ¶ ਚੂਲ਼ਵਤ੍ਤਂ, ਮਹਾਵਤ੍ਤਞ੍ਚ, ਵਤ੍ਤਪਟਿਪਤ੍ਤਿ ਵਾ ‘‘ਆਭਿਸਮਾਚਾਰਿਕ’’ਮਿਤ੍ਯੁਚ੍ਚਤੇ, ਅਭਿਸਮਾਚਾਰੇ ਉਤ੍ਤਮਸਮਾਚਾਰੇ ਭਵਂ ਆਭਿਸਮਾਚਾਰਿਕਨ੍ਤਿ ਕਤ੍ਵਾ, ਤਦਞ੍ਞਂ ਖੁਦ੍ਦਾਨੁਖੁਦ੍ਦਕਤੋ ਅਞ੍ਞਂ ਪਾਤਿਮੋਕ੍ਖਸਂਵਰਸੀਲਾਦਿਕਂ ਸੀਲਂ ਬ੍ਰਹ੍ਮਚਰਿਯਸ੍ਸਾਰਿਯਮਗ੍ਗਸ੍ਸ ਆਦਿਮ੍ਹਿ ਤਦਤ੍ਥਾਯ ਚਰਿਤਬ੍ਬਤ੍ਤਾ ਆਦਿਬ੍ਰਹ੍ਮਚਰਿਯਮਿਤ੍ਯੁਚ੍ਚਤੇ.

੪੩੨. ਪਾਪੇਹਿ ਅਕੁਸਲਧਮ੍ਮੇਹਿ ਉਪਾਵਤ੍ਤੋ [ਉਪਾਵੁਤੋ (ਕ.)] ਅਨਾਵੁਤੋ ਵਿਗਤੋ ਸਬ੍ਬਨ੍ਨਪਾਨਭੋਗਾਦੀਹਿ ਵਿਵਜ੍ਜਿਤੋਵ ਹੁਤ੍ਵਾ ਗੁਣੇਹਿ ਸੀਲਾਦੀਹਿ ਸਦ੍ਧਿਂ ਯੋ ਵਾਸੋ ਵਸਨਂ ਥਮ੍ਭਨਮਤ੍ਥਿ, ਸੋ ‘‘ਉਪਵਾਸੋ’’ਤਿ ਵਿਜਾਨਿਤਬ੍ਬੋ. ਵਸੁ ਥਮ੍ਭੇ, ਦਿਵਾਦਿ, ਉਪਵਸਨਂ ਉਪਵਾਸੋ, ਣੋ, ਵਿਗਤੋ, ਉਪੇਤੋ ਚ ਵਾਸੋਤਿ ਵਾ ਉਪਵਾਸੋ.

੪੩੩. ਪਜ੍ਜਦ੍ਧਂ ਭਿਕ੍ਖੁਮ੍ਹਿ. ਤਪੋ ਕਮ੍ਮਮਸ੍ਸਤ੍ਥੀਤਿ ਤਪਸ੍ਸੀ, ਤਪਾਦਿਤੋ ਸੀ, ਦ੍ਵਿਤ੍ਤਂ. ਭਯਦਸ੍ਸਨਸੀਲੋ ਭਿਕ੍ਖੁ, ਰੂ, ਰਸ੍ਸੋ. ਸਮੇਤੀਤਿ ਸਮਣੋ, ਯੁ. ਪਬ੍ਬਜਾ ਸਞ੍ਜਾਤਾ ਯਸ੍ਸਾਤਿ ਪਬ੍ਬਜਿਤੋ, ਸਞ੍ਜਾਤਤ੍ਥੇ ਇਤੋ, ਸੇਟ੍ਠਤ੍ਤਂ ਵਜਤੀਤਿ ਵਾ ¶ ਪਬ੍ਬਜਿਤੋ, ਵਜ ਗਮਨੇ, ਤੋ. ਤਪੋਕਮ੍ਮਂ ਧਨਂ ਯਸ੍ਸਾਤਿ ਤਪੋਧਨੋ.

ਦ੍ਵਯਂ ਮੋਨਬ੍ਬਤੇ. ਵਾਚਤੋ ਯਮਤੀਤਿ ਵਾਚਂਯਮੋ, ਨਿਗ੍ਗਹੀਤਾਗਮੋ, ਰਸ੍ਸੋ ਚ. ਮੋਨਮਸ੍ਸਤ੍ਥੀਤਿ ਮੁਨਿ, ਰਸ੍ਸੋ, ਓਸ੍ਸੁ. ਦ੍ਵਯਂ ਆਭੁਸੋਪਵਾਸਨਬ੍ਰਹ੍ਮਚਰਿਯਾਦਿਯੁਤ੍ਤੇ. ਤਪੋਯੋਗਾ ਤਾਪਸੋ, ਸਣ. ਇਸ ਗਵੇਸਨੇ, ਇ, ਇਸਿ, ਇਸ ਗਤਿਯਂ ਵਾ, ਞਾਣਸ੍ਸ, ਸਂਸਾਰਸ੍ਸ ਵਾ ਪਾਰਂ ਗਮਨਤੋ ਇਸਿ, ਇ. ਪਾਰਿਕਙ੍ਖੀਪ੍ਯਤ੍ਰ, ਪਾਰਮਸ੍ਸਤ੍ਥੀਤਿ ਪਾਰੀ, ਬ੍ਰਹ੍ਮਞਾਣਂ, ਤਂ ਕਙ੍ਖਤੀਤਿ ਪਾਰਿਕਙ੍ਖੀ.

੪੩੪. ਦ੍ਵਯਂ ਜਿਤਿਨ੍ਦ੍ਰਿਯਗਣੇ. ਯੇਸਂ ਸਂਯਤਾ ਇਨ੍ਦ੍ਰਿਯਾਨਂ ਗਣਾ, ਤੇ ਯਤਿਨੋ, ਵਸਿਨੋ ਚ ਨਾਮ. ਯਤਂ ਇਨ੍ਦ੍ਰਿਯਸਂਯਮੋ ਨਿਚ੍ਚਮੇਤੇਸਮਤ੍ਥੀਤਿ ਯਤਿਨੋ, ਈ. ਯਤਯੋਪਿ, ਯਤ ਪਯਤਨੇ, ਇ. ਵਸ ਪਾਗੁਣ੍ਯੇ, ਵਸੋ ਯੇਸਮਤ੍ਥੀਤਿ ਵਸਿਨੋ, ਈ.

ਤਿਕਂ ਧਮ੍ਮਸੇਨਾਪਤਿਮ੍ਹਿ. ਸਾਰੀ ਨਾਮ ਬ੍ਰਾਹ੍ਮਣੀ, ਤਸ੍ਸਾ ਪੁਤ੍ਤੋ ਸਾਰਿਪੁਤ੍ਤੋ. ਤੁਸ੍ਸਨ੍ਤ੍ਯਸ੍ਮਿਂ ਅਤ੍ਥਸਿਦ੍ਧਿਤੋਤਿ ਤਿਸ੍ਸੋ, ਸੋ, ਤੁਸ੍ਸਿ ਚ. ਪੂਜਿਤੋ ਤਿਸ੍ਸੋ ਉਪਤਿਸ੍ਸੋ, ਅਥ ਵਾ ‘‘ਤਿਸ੍ਸੋ’’ਤਿ ਵਾ ‘‘ਫੁਸ੍ਸੋ’’ਤਿ ਵਾ ‘‘ਉਪਤਿਸ੍ਸੋ’’ਤਿ ਵਾ ਦਹਰਕਾਲੇ ਮਾਤਾਪਿਤੂਹਿ ਯਦਿਚ੍ਛਾਯ ਗਹਿਤਂ ਨਾਮਂ, ‘‘ਸਾਰਿਪੁਤ੍ਤੋ’’ਤਿ ਮਾਤੁਵਸੇਨ, ‘‘ਧਮ੍ਮਸੇਨਾਪਤੀ’’ਤਿ ਪਨ ਅਰਿਯਭਾਵਪ੍ਪਤ੍ਤੇ ਸਮ੍ਮਾਸਮ੍ਬੁਦ੍ਧੇਨ ਗਹਿਤਂ ਨਾਮਂ. ਕੁਸਲਧਮ੍ਮਾਵੁਧੇਹਿ ਕਾਮਾਦਿਕਾ ਅਕੁਸਲਧਮ੍ਮਸੇਨਾ ਜਿਤਾ ਯੇਸਂ ਧਮ੍ਮਸੇਨਾ, ਅਨੇਕਕੋਟਿਸਤਸਹਸ੍ਸਸਙ੍ਖ੍ਯਾ ਭਗਵਤੋ ਸਾਵਕਸਙ੍ਘਾ, ਤੇਸਂ ਪਤਿ ਨਾਯਕਟ੍ਠੇਨ ਧਮ੍ਮਸੇਨਾਪਤਿ.

੪੩੫. ਦ੍ਵਯਂ ¶ ਭਗਵਤੋ ਵਾਮਪਸ੍ਸਟ੍ਠੇ ਮਹਾਮੋਗ੍ਗਲ੍ਲਾਨੇ. ਕੁਲੇ ਜਾਯਤੀਤਿ ਕੋਲਿਕੋ, ਸੋ ਏਵ ਕੋਲਿਤੋ. ਮੋਗ੍ਗਲ੍ਲਿਬ੍ਰਾਹ੍ਮਣਿਯਾ ਅਪਚ੍ਚਂ ਮੋਗ੍ਗਲ੍ਲਾਨੋ, ਣਾਨੋ. ਦ੍ਵਯਂ ਅਰਿਯਸਾਮਞ੍ਞੇ. ਕਿਲੇਸਾਰਯੋ ਹਨਤੀਤਿ ਅਰਹੋ, ਸੋ ਏਵ ਅਰਿਯੋ, ਅਰ ਗਮਨੇ ਵਾ, ਅਰਤਿ ਅਧਿਗਚ੍ਛਤਿ ਮਗ੍ਗਫਲਧਮ੍ਮੇਤਿ ਅਰਿਯੋ, ਣ੍ਯੋ. ਅਧਿਗਚ੍ਛਿਤ੍ਥਾਤਿ ਅਧਿਗਤੋ, ਤੋ.

ਅਸੇਕ੍ਖਸ੍ਸ ਗਹਿਤਤ੍ਤਾ ‘‘ਸੋਤਾਪਨ੍ਨਾਦਿਕਾ’’ਤਿ ਏਤ੍ਥਾਦਿਨਾ ਛਲ਼ੇਵ ਪੁਗ੍ਗਲਾ ਸਙ੍ਗਹਿਤਾ, ਤੇਨ ਸੋਤਾਪਤ੍ਤਿਮਗ੍ਗਟ੍ਠਾਦਯੋ ਸਤ੍ਤ ਸੇਕ੍ਖਾ, ਏਕੋ ਅਰਹਾ ਅਸੇਕ੍ਖਾਤਿ ਸਿਦ੍ਧਂ. ਤੀਹਿ ਸਿਕ੍ਖਾਹਿ ਯੁਤ੍ਤਤਾਯ ਸੇਕ੍ਖਾ, ਕਕਾਰਲੋਪੇਨ ‘‘ਸੇਖਾ, ਅਸੇਖਾ’’ਤਿਪ੍ਯਤ੍ਥਿ. ਦ੍ਵਯਂ ਅਨਧਿਗਤੇ. ਅਰਿਯੇਹਿ ਪੁਥੁ ਵਿਸੁਂਭੂਤੋ ਜਨੋ ਪੁਥੁਜ੍ਜਨੋ, ਪੁਥੁ ਵਾ ਨਾਨਾਕਿਲੇਸੇ ਜਨੇਤੀਤਿ ਪੁਥੁਜ੍ਜਨੋ.

੪੩੬. ਦ੍ਵਯਂ ਅਗ੍ਗਫਲੇ. ਪਠਮਮਗ੍ਗਾਦੀਹਿ ਦਿਟ੍ਠਮਰਿਯਾਦਮਨਤਿਕ੍ਕਮਿਤ੍ਵਾ ਜਾਨਿਤ੍ਥਾਤਿ ਅਞ੍ਞਾ, ਰਸ੍ਸੋ, ਰੂਪਰਾਗਾਦੀਨਂ ਵਾ ਪਞ੍ਚੁਦ੍ਧਮ੍ਭਾਗਿਯਾਨਂ ਸਂਯੋਜਨਾਨਂ ਓਧਿਵਸੇਨ ਮਾਰਣਤੋ ਅਞ੍ਞਾ, ਮਰਿਯਾਦਤ੍ਥੋ ਚੇਤ੍ਥ ਆਕਾਰੋ, ਞਾ ਮਾਰਣਤੋਸਨਨਿਸਾਨੇਸੁ, ਇਤ੍ਥਿਯਮਤਿ ਅ. ਅਰਹਤੋ ਭਾਵੋ ਅਰਹਤ੍ਤਂ, ਭਾਵੇ ਤ੍ਤੋ, ਭਾਵੋਤ੍ਰ ਅਭਿਧਾਨਬੁਦ੍ਧੀਨਂ ਪਵਤ੍ਤਿਯਾ ਨਿਮਿਤ੍ਤਂ ¶ , ਤਞ੍ਚ ਦੁਵਿਧਂ ਬ੍ਯੁਪ੍ਪਤ੍ਤਿਪਵਤ੍ਤਿਨਿਮਿਤ੍ਤਵਸੇਨ. ਤਤ੍ਰ ਵਿਸੇਸੇਹਿ ਕ੍ਰਿਯਾਪਕਤਿਪਚ੍ਚਯਾਦੀਹਿ ਉਪ੍ਪਜ੍ਜਤੀਤਿ ਬ੍ਯੁਪ੍ਪਤ੍ਤਿ, ਗੋਆਦਿਸਦ੍ਦਸਰੂਪਂ, ਤਸ੍ਸਾ ਨਿਮਿਤ੍ਤਂ ਬ੍ਯੁਪ੍ਪਤ੍ਤਿਨਿਮਿਤ੍ਤਂ, ਕ੍ਰਿਯਾਪਕਤਿਪਚ੍ਚਯਾਦਯੋ, ਵਿਵਿਧਂ ਵਾ ਗੋਆਦਿਸਦ੍ਦਸਰੂਪਂ ਉਪ੍ਪਾਦੇਤੀਤਿ ਬ੍ਯੁਪ੍ਪਤ੍ਤਿ, ਸਾ ਏਵ ਨਿਮਿਤ੍ਤਂ, ਯਥਾਵੁਤ੍ਤਾ ਕ੍ਰਿਯਾਦਯੋਯੇਵ. ਪਵਤ੍ਤਯਤਿ ਤਤ੍ਥ ਤਤ੍ਥ ਅਤ੍ਥੇ ਪਯੋਜਯਤੀਤਿ ਪਵਤ੍ਤਿ, ਗੋਆਦਿਕੋ ਸਦ੍ਦੋ, ਤਸ੍ਸ ਨਿਮਿਤ੍ਤਂ ਪਵਤ੍ਤਿਨਿਮਿਤ੍ਤਂ, ਜਾਤਿਕ੍ਰਿਯਾਗੁਣਦਬ੍ਬਨਾਮਾਨਿ. ਤਤ੍ਰ ਬ੍ਯੁਪ੍ਪਤ੍ਤਿਨਿਮਿਤ੍ਤਂ ਸਦ੍ਦਸਰੂਪੁਪ੍ਪਤ੍ਤਿਯਾ ਕਾਰਣਂ, ਪਵਤ੍ਤਿਨਿਮਿਤ੍ਤਂ ਪਨ ਸਦ੍ਦਪ੍ਪਯੋਜਨਸ੍ਸ ਕਾਰਣਨ੍ਤਿ ਅਯਮੇਤੇਸਂ ਸਙ੍ਖੇਪਤੋ ਲਕ੍ਖਣਵਿਸੇਸੋ.

ਦ੍ਵਯਂ ਚੇਤਿਯੇ. ਥੁ ਅਭਿਤ੍ਥਵੇ, ਪੋ, ਦੀਘਾਦਿ. ਚਿਤ ਪੂਜਾਯਂ, ਚੇਤਿਤਬ੍ਬਂ ਪੂਜੇਤਬ੍ਬਨ੍ਤਿ, ਣ੍ਯੋ, ਚੇਤਿਯਂ. ਏਤ੍ਥ ਚ ਥੂਪਸਦ੍ਦੋ ਸਮੁਖੇਪਿ, ਚੇਤਿਯਸਦ੍ਦੋ ਪਨ ਮੁਖਰਹਿਤੇਯੇਵ ਵਤ੍ਤਤਿ. ‘‘ਚੇਤਿਯਮਾਯਤਨੇ ਬੁਦ੍ਧ-ਬਿਮ੍ਬੇ ਚੋਦ੍ਦਿਸ੍ਸਪਾਦਪੇ’’ਤਿ [ਚਿਨ੍ਤਾਮਣਿਟੀਕਾ ੧੨.੭ ਬ੍ਯਾਖ੍ਯਾਸੁਧਾ ੨.੨.੭] ਰੁਦ੍ਦੋ.

ਦ੍ਵਯਂ ਆਨਨ੍ਦੇ. ਧਮ੍ਮੋ ਪਰਿਯਤ੍ਤਿ, ਸੋਵ ਭਣ੍ਡਂ ਧਨਂ ਸੁਖਦਾਯਕਤੋ, ਤਸ੍ਸ ਅਗਾਰਂ ਠਪਨਟ੍ਠਾਨਂ ਗੇਹਂ, ਤਬ੍ਭਾਵੇ ਤਿਟ੍ਠਤੀਤਿ ਧਮ੍ਮਭਣ੍ਡਾਗਾਰਿਕੋ, ਇਕੋ. ਨਨ੍ਦ ਸਮਿਦ੍ਧਿਯਂ. ਇਮੇ ਦ੍ਵੇ ਸਦ੍ਦਾ ਸਮਾ ਸਮਾਨਤ੍ਥਾ.

੪੩੭. ਦ੍ਵਯਂ ਵਿਸਾਖਾਯਂ ਸੇਟ੍ਠਿਧੀਤਰਿ. ਵਿਵਿਧਾ ਬਹੁਕਾ ਪੁਤ੍ਤਨਤ੍ਤਪਨਤ੍ਤਾਦਿਕਾ ਸਾਖਾ ਯਸ੍ਸਾ ਸਾ ਵਿਸਾਖਾ. ਮਿਗਾਰਸ੍ਸ ਸੇਟ੍ਠਿਨੋ ਮਾਤੁਟ੍ਠਾਨਿਯਤ੍ਤਾ ਮਿਗਾਰਮਾਤਾ.

ਦ੍ਵਯਂ ਅਨਾਥਪਿਣ੍ਡਿਕਸੇਟ੍ਠਿਮ੍ਹਿ. ਸੁਨ੍ਦਰੋ ਅਤ੍ਤਾ ਯਸ੍ਸ ਸੁਦਤ੍ਤੋ, ਸੁਨ੍ਦਰਂ ਦਤ੍ਤਂ ਦਾਨਮਸ੍ਸ ਵਾ ਸੁਦਤ੍ਤੋ, ਇਦਮਸ੍ਸ ਦਹਰਕਾਲੇ ¶ ਪਵਤ੍ਤਂ ਨਾਮਂ. ਅਨਾਥਾਨਂ ਪਿਣ੍ਡਂ ਦਦਾਤੀਤਿ ਅਨਾਥਪਿਣ੍ਡਿਕੋ, ਇਦਮਸ੍ਸ ਕ੍ਰਿਯਾਨਾਮਂ.

੪੩੮-੪੩੯. ਭਿਕ੍ਖੁਆਦਯੋ ਏਤੇ ਪਞ੍ਚ ਸਹਧਮ੍ਮਿਕਾ. ਸਹ ਏਕਤੋ ਧਮ੍ਮਂ ਚਰਨ੍ਤੀਤਿ ਸਹਧਮ੍ਮਿਕਾ.

ਪਤ੍ਤਾਦਯੋ ਅਟ੍ਠ ਪਰਿਕ੍ਖਾਰਾ ਉਕ੍ਕਟ੍ਠਵਸੇਨ ਵੁਤ੍ਤਾ, ਮਜ੍ਝਿਮਵਸੇਨ ਪਨ ਕਤ੍ਤਰਦਣ੍ਡੋਪਿ ਤੇਲਨਾਲ਼ਿਪੀਤਿ ਦਸ ਪਰਿਕ੍ਖਾਰਾ ਵਤ੍ਤਬ੍ਬਾ, ਓਮਕਵਸੇਨ ਛਤ੍ਤਮ੍ਪਿ ਉਪਾਹਨਾਪੀਤਿ ਦ੍ਵਾਦਸ ਪਰਿਕ੍ਖਾਰਾ ਚ ਵਤ੍ਤਬ੍ਬਾ.

੪੪੦. ਦ੍ਵਯਂ ਸਾਮਣੇਰੇ. ਸਮਣਸ੍ਸਾਪਚ੍ਚਂ ਸਾਮਣੇਰੋ. ਸਮਣਲਿਙ੍ਗਾਚਾਰਤ੍ਤਾ ‘‘ਸਮਣੋਯ’’ਨ੍ਤਿ ਉਦ੍ਦਿਸਿਤਬ੍ਬੋਤਿ ਸਮਣੁਦ੍ਦੇਸੋ. ਦਿਸੀ ਉਚ੍ਚਾਰਣੇ.

ਤਿਕਂ ਅਚੇਲਕੇ. ਦਿਸਾ ਏਵ ਅਮ੍ਬਰਂ ਵਤ੍ਥਂ, ਨ ਪਕਤਿਵਤ੍ਥਮੇਤਸ੍ਸ ਦਿਗਮ੍ਬਰੋ, ਸਸ੍ਸ ਗੋ. ਨਤ੍ਥਿ ਚੇਲਂ ਵਤ੍ਥਮੇਤਸ੍ਸ, ਸਮਾਸਨ੍ਤੇ ਕੋ. ਚਤੂਹਿ ਗਨ੍ਥੇਹਿ ਬਨ੍ਧਨੀਯਤ੍ਤਾ ਨਿਗਨ੍ਥੋ, ਨਿਸਦ੍ਦੋ ¶ ਬਨ੍ਧਨੇ. ਦ੍ਵਯਂ ਜਟਾਵਤਿ. ਜਟਂ ਯਸ੍ਸਤ੍ਥਿ ਜਟਿਲੋ, ਇਲੋ. ਜਟਂ ਧਾਰੇਤੀਤਿ ਜਟਾਧਰੋ.

੪੪੧. ਕੁਟਿਸਕਾਦਿਕਾ ਚਤੁਤ੍ਤਿਂਸ ਲਦ੍ਧਿਯੋ ਪਰਸਮਯਾਨਮਾਗਮਤੋ ਗਹੇਤਬ੍ਬਾ, ਤਥਾ ਦ੍ਵਾਸਟ੍ਠਿ ਦਿਟ੍ਠਿਯੋ ਬ੍ਰਹ੍ਮਜਾਲਸੁਤ੍ਤਨ੍ਤਤੋ. ਇਤੀਤਿ ਪਰਿਸਮਾਪਨਤ੍ਥੋ. ਏਤੇਤਿ ਨਿਦਸ੍ਸਨਤ੍ਥੋ. ਏਤੇ ਛਨ੍ਨਵੁਤਿਲਦ੍ਧਿਯੋ ਤਣ੍ਹਾਪਾਸਂ, ਦਿਟ੍ਠਿਪਾਸਞ੍ਚ ਡੇਨ੍ਤਿ ਪਵਤ੍ਤੇਨ੍ਤੀਤਿ ਪਾਸਣ੍ਡਾਤਿ ਸਮ੍ਪਕਾਸਿਤਾ ਕਥਿਤਾ. ‘‘ਇਤਿ ਛਨ੍ਨਵੁਤਿ ਏਤਾ’’ਤਿਪਿ ਪਾਠੋ.

੪੪੨. ਤਿਕਂ ਸੁਚਿਮ੍ਹਿ. ਪੁ ਪਵਨੇ, ਤੋ. ਦ੍ਵਿਤ੍ਤਾਦਿ. ਯਤ ਪਯਤਨੇ, ਤੋ. ਦੀਘਾਦਿ. ਦ੍ਵਯਂ ਚਮ੍ਮਨਿ. ਚਰਿਤਂ ਤਨ੍ਤਿ ਚਮ੍ਮਂ, ਚਰਤਿਮ੍ਹਾ ਮਨ, ਚਮੁ ਅਦਨੇ ਵਾ, ਮਨ. ਅਜ ਗਮਨੇ, ਯੁ, ਇਨੋ ਵਾ.

ਦ੍ਵਯਂ ਦਨ੍ਤਕਟ੍ਠੇ. ਦਨ੍ਤੇ ਪੁਨਾਤਿ ਸੋਧੇਤਿ ਯੇਨਾਤਿ ਦਨ੍ਤਪੋਨੋ, ਯੁ. ਦਨ੍ਤਪੋਣੋਪਿ. ਦਨ੍ਤਸੋਧਨਤ੍ਥਂ ਕਟ੍ਠਂ ਦਨ੍ਤਕਟ੍ਠਂ. ਦ੍ਵਯਂ ਰੁਕ੍ਖਤ੍ਤਚੇ. ਵਕ੍ਕ ਤਚੇ, ਅਲੋ. ਤਰ ਤਰਣੇ, ਇਤੋ, ਸਕਤ੍ਥੇ ਕੋ.

੪੪੩. ਦ੍ਵਯਂ ਭਾਜਨਸਾਮਞ੍ਞੇ. ਪਤਤਿ ਯਤ੍ਥ ਸੋ ਪਤ੍ਤੋ, ਪਤ ਗਤਿਯਂ, ਤੋ. ਪਾ ਰਕ੍ਖਣੇ,ਤਿ.

ਦ੍ਵਯਂ ¶ ਕੁਣ੍ਡਿਕਾਯਂ. ਕਸ੍ਸ ਜਲਸ੍ਸ ਮਣ੍ਡੋ ਪਸਨ੍ਨਭਾਵੋ ਕਮਣ੍ਡੋ, ਤਂ ਲਾਤੀਤਿ ਕਮਣ੍ਡਲੁ, ਉ. ਕੁਡਿ ਰਕ੍ਖਣੇ, ਸਕਤ੍ਥੇ ਕੋ. ਕਤ੍ਤਰਸ੍ਸ ਜਿਣ੍ਣਸ੍ਸ ਆਲਮ੍ਬਨਯਟ੍ਠਿ.

੪੪੪. ਯਂ ‘‘ਪਾਣਾਤਿਪਾਤਾ ਵੇਰਮਣੀ’’ਤਿਆਦਿ ਬ੍ਰਹ੍ਮਚਰਿਯਕਮ੍ਮਂ ਨਿਚ੍ਚਂ ਯਾਵਜੀਵਮਵਸ੍ਸਮ੍ਭਾਵੇਨ, ਤਂ ਦੇਹਸਾਧਨਾਪੇਕ੍ਖਂ ਸਰੀਰੇਨੇਵ ਸਾਧਨਮਪੇਕ੍ਖਤੇ, ਨ ਬਾਹਿਰੇਨ ਸਾਧਨਂ, ਅਯਂ ਯਮੋ ਨਾਮ, ਯਮੁ ਉਪਰਮੇ.

‘‘ਸਰੀਰਸਾਧਨਾਪੇਕ੍ਖ-ਨਿਚ੍ਚਕਮ੍ਮਮਯੇ ਯਮੇ;

ਸਂਯਮੇ ਯਮਰਾਜੇ ਚ, ਯਮਕੇ ਤੁ ਯਮਂ ਤਿਸੂ’’ਤਿ [ਅਮਰ ੧੭.੩੮].

ਯਂ ਪਨਾਗਨ੍ਤੁਨਾ ਸੁਕ੍ਕਪਕ੍ਖਾਦਿਵਸੇਨ ਅਨਿਚ੍ਚਂ ਨਿਯਮਿਤਕਾਲਮੁਪਵਾਸਾਦਿਕਂ ਕਮ੍ਮਂ, ਅਯਂ ਨਿਯਮੋ, ਕਾਲਾਦਿਵਸੇਨ ਨਿਯਮਿਤਬ੍ਬੋਤਿ ਨਿਯਮੋ, ਯਮੁ ਉਪਰਮੇ. ‘‘ਮਨ੍ਤਨਾਯਂ ਪਟਿਞ੍ਞਾਯਂ, ਨਿਯਮੋ ਨਿਚ੍ਛਯੇ ਵਤੇ’’ਤਿ ਰੁਦ੍ਦੋ.

ਬ੍ਰਾਹ੍ਮਣਵਗ੍ਗਵਣ੍ਣਨਾ ਨਿਟ੍ਠਿਤਾ.

੪੪੫. ਦ੍ਵਯਂ ਵੇਸ੍ਸੇ. ਵਿਸ ਪਵੇਸਨੇ, ਸੋ. ਇਯਾਨਪਚ੍ਚਯੇ ਵੇਸਿਯਾਨੋ. ਊਰੁਜੋ, ਅਰਿਯੋਪ੍ਯਤ੍ਰ.

ਪਞ੍ਚਕਂ ¶ ਕਸਿਆਦਿਜੀਵਿਕਾਯਂ. ਜੀਵ ਪਾਣਧਾਰਣੇ, ਯੁ. ਸਬ੍ਬਤ੍ਰ ਭਾਵੇ ਪਚ੍ਚਯੋ, ਕਰਣੇਤ੍ਯੇਕੇ. ਵਤ ਵਤ੍ਤਨੇ,ਤਿ, ਅਸ੍ਸੁ, ਣ੍ਵੁਮ੍ਹਿ ਜੀਵਿਕਾ. ਵੁਤ੍ਤੀਨਂ ਸਰੂਪਪ੍ਪਕਾਰੇ ਦਸ੍ਸੇਤਿ. ਦ੍ਵਯਂ ਕਸਿਕਮ੍ਮੇ. ਕਸਨਂ ਕਸਿ, ਸਾ ਏਵ ਕਮ੍ਮਂ ਕਸਿਕਮ੍ਮਂ. ਕਸ ਵਿਲੇਖਨੇ, ਇ, ਕਸਿ.

੪੪੬. ਦ੍ਵਯਂ ਵਾਣਿਜ੍ਜੇ. ਵਣਿਜਾਨਂ ਕਮ੍ਮਂ ਵਾਣਿਜ੍ਜਂ, ਵਣਿਜ੍ਜਾ ਚ. ਦ੍ਵਯਂ ਪਸੁਪੋਸਨੇ. ਗੁਨ੍ਨਂ ਰਕ੍ਖਾ ਗੋਰਕ੍ਖਾ. ਪਸੂਨਂ ਗੋਮਹਿਂਸਾਦਿਕਾਨਂ ਪਾਲਨਂ ਪੋਸਨਂ ਚਿਕਿਚ੍ਛਾਦਿ ਪਸੁਪਾਲਨਂ ਵੁਤ੍ਤਂ ਸਰੂਪਂ, ਵੁਤ੍ਤਪ੍ਪਕਾਰਾ ਚ ਇਤਿ ਵੇਸ੍ਸਸ੍ਸ ਵੁਤ੍ਤਿਯੋ ਵੁਤ੍ਤਿਕਾਰਣਾ ਤਿਸ੍ਸੋ ਭਵਨ੍ਤਿ ਕਸਿਕਮ੍ਮਾਦਿਪ੍ਪਕਾਰੇਨ.

ਤਿਕਂ ਗਿਹਿਮ੍ਹਿ. ਗਹੇ ਗੇਹੇ, ਪਞ੍ਚਕਾਮਗੁਣੇ ਵਾ ਭਵਵਸੇਨ ਤਿਟ੍ਠਤੀਤਿ ਗਹਟ੍ਠੋ. ਅਗਾਰੇ ਗੇਹੇ ਵਸਤੀਤਿ ਅਗਾਰਿਕੋ, ਗਹਮੇਤਸ੍ਸਤ੍ਥੀਤਿ ਗਿਹਿ, ਅਸ੍ਸਿ, ਰਸ੍ਸੋ ਚ.

੪੪੭. ਦ੍ਵਯਂ ਕਸਿਬਲੇ. ਖੇਤ੍ਤੇਨਾਜੀਵਤਿ. ਕਸਤੀਤਿ ਕਸ੍ਸਕੋ, ਣ੍ਵੁ. ਦ੍ਵਯਂ ਖੇਤ੍ਤੇ. ਬੀਜਾਨਿ ਖਿਪਨ੍ਤ੍ਯਸ੍ਮਿਨ੍ਤਿ ਖੇਤ੍ਤਂ, ਖਿਪ ਪੇਰਣੇ, ਤੋ, ਖਿਤ੍ਤਂ ਤਾਯਤੀਤਿਪਿ ਖੇਤ੍ਤਂ, ਖਿ ਨਿਵਾਸਗਤੀਸੁ ਵਾ, ਤ, ਤ੍ਰਣ, ਖੇਤ੍ਤਂ, ਖੇਤ੍ਰਂ. ਕ੍ਲੇਦ, ਕ੍ਲਿਦ ਅਲ੍ਲਭਾਵੇ, ਲਲੋਪੋ, ਕ੍ਲੇਦੀਯਤੀਤਿ ਕੇਦਾਰਂ, ਕੇ ਜਲੇ ਸਤਿ ਦਾਰੋ ਵਿਦਾਰਣਮਸ੍ਸਾਤਿ ਵਾ ਕੇਦਾਰਂ, ਸਞ੍ਞਾਸਦ੍ਦਤ੍ਤਾ ਸਤ੍ਤਮਿਯਾ ਨ ਲੋਪੋ, ਵਾਪੋਪ੍ਯਤ੍ਰ, ਵਪ੍ਪਤੇ ਯਸ੍ਮਿਨ੍ਤਿ ਵਾਪੋ, ਣੋ.

ਦ੍ਵਯਂ ¶ ਮਤ੍ਤਿਕਾਖਣ੍ਡੇ. ਲੇਡ੍ਡ ਸਙ੍ਘਾਤੇ, ਉ, ਲੇਡ੍ਡੁ. ਪੁਮੇ ਉਤ੍ਤੋ ਕਥਿਤੋ. ‘‘ਲੇਡ੍ਡਵੋ ਪੁਮੇ’’ਤ੍ਯ [ਅਮਰ ੧੯.੧੨] ਮਰਕੋਸੇ. ਦ੍ਵਯਂ ਖਣਿਤ੍ਤਿਯਂ. ਖਞ੍ਞਤੇ ਯਾਯ, ਸਾ ਖਣਿਤ੍ਤਿ, ਖਨੁ ਅਵਦਾਰਣੇ,ਤਿ, ਣਤ੍ਤਂ, ਉਸ੍ਸਿ. ਅਵਦਾਰੀਯਤੇ ਯੇਨ ਅਵਦਾਰਣਂ, ਦਰ ਵਿਦਾਰਣੇ, ਯੁ.

੪੪੮. ਤਿਕਂ ਦਾਤ੍ਤੇ. ਦਨ੍ਤਿ ਲੁਨਨ੍ਤ੍ਯਨੇਨਾਤਿ ਦਾਤ੍ਤਂ, ਦਾ ਲਵਨੇ, ਤੋ. ਦਾਤ੍ਰਮ੍ਪਿ. ਲੂ ਛੇਦਨੇ, ਲਵਿਤ੍ਤਂ, ਅਸੁ ਖੇਪਨੇ. ਅਸਿਤਂ, ਸਬ੍ਬਤ੍ਰ ਕਰਣੇ ਪਚ੍ਚਯੋ.

ਤਿਕਂ ਪਾਜਨਦਣ੍ਡੇ. ਤੁਦ ਬ੍ਯਥਨੇ, ਣੋ, ਪਤੋਦੋ. ਤਪਚ੍ਚਯੇ ਤੁਤ੍ਤਂ. ਅਜ ਖੇਪਨੇ, ਗਤਿਮ੍ਹਿ ਚ, ਕਰਣੇ ਯੁ, ਪਾਜਨਂ. ਵਣ੍ਣਵਿਕਾਰੇ ਪਾਚਨਂ. ਤੋਦਨਂਪ੍ਯਤ੍ਰ.

ਤਿਕਂ ਰਜ੍ਜੁਯਂ. ਯੁਜ ਯੋਗੇ, ਤੋ, ਯੋਤ੍ਤਂ. ਰੁਧ ਆਵਰਣੇ, ਜੁ, ਉਸ੍ਸਤ੍ਤਂ, ਪਰਰੂਪਤ੍ਤਞ੍ਚ, ਰਜ੍ਜੁ ਥਿਯਂ. ਰਸ ਅਸ੍ਸਾਦਨੇ, ਮਿ, ਆਬਨ੍ਧੋਪ੍ਯਤ੍ਰ.

ਦ੍ਵਯਂ ਫਾਲੇ. ਫਾਲਯਤਿ ਪਾਟਯਤਿ ਭੂਮਿ ਯੇਨ ਫਾਲੋ, ਣੋ. ਕਸ ਵਿਲੇਖਨੇ, ਣ੍ਵੁ, ਕਸਕੋ. ‘‘ਫਾਲਕਸਕਾ’’ਤਿ [ਬ੍ਯਾਖ੍ਯਾਸੁਧਾ ੨.੯.੧੩] ਰੁਦ੍ਦੋ. ਨਿਰੀਸਂ, ਕੂਟਕਂ, ਹਲਮ੍ਪਿ. ਈਸਾਯ ਨਿਗ੍ਗਤਂ ਨਿਰੀਸਂ. ਕੁਟ ਛੇਦਨੇ, ਸਕਤ੍ਥੇ ਕੋ, ਕੂਟਕਂ, ਦੀਘਾਦਿ. ਹਲ ਵਿਲੇਖਨੇ.

੪੪੯. ਤਿਕਂ ਨਙ੍ਗਲੇ. ਭੂਮੀਨਙ੍ਗ’ਮਨਙ੍ਗਂ ਕਰੋਨ੍ਤੋ ਲੁਨਾਤੀਤਿ ਨਙ੍ਗਲਂ. ਸੀ ਬਨ੍ਧਨੇ, ਰੋ, ਸੀਰੋ. ‘‘ਸੀਰੋ ਤਿਕ੍ਖਕਰੇ ਹਲੇ’’ਤਿ ਨਾਨਤ੍ਥਸਙ੍ਗਹੇ. ¶ ਗੋਦਾਰਣਂਪ੍ਯਤ੍ਰ. ਨਙ੍ਗਲਸ੍ਸ ਦਣ੍ਡਕੇ ਈਸਾ, ਈਸ ਇਸ੍ਸਰਿਯੇ, ਈਸਾ ਨਾਰੀ. ‘‘ਪਭੁਮ੍ਹਿ ਸਙ੍ਕਰੇ ਈਸੋ, ਥਿਯਂ ਨਙ੍ਗਲਦਣ੍ਡਕੇ’’ਤਿ [ਚਿਨ੍ਤਾਮਣਿਟੀਕਾ ੧੯.੧੩-੪ ਬ੍ਯਾਖ੍ਯਾਸੁਧਾ ੨.੯.੧੪] ਰਭਸੋ.

ਯੁਗਕੀਲਕੇ ਸਮ੍ਮਾਸਦ੍ਦੋ, ਸਮਨ੍ਤਿ ਯਾਯ ਸਮ੍ਮਾ, ਸਮੁ ਸਮਨੇ. ਹਲਪਦ੍ਧਤਿ ਨਙ੍ਗਲਲੇਖਾ ਸੀਤਾ ਨਾਮ. ‘‘ਸੀਤਾ ਨਙ੍ਗਲਲੇਖਾ ਚ, ਦਿਵਗਙ੍ਗਾ ਚ ਜਾਨਕੀ’’ਤਿ [ਤਿਕਣ੍ਡਸੇਸ ੩.੩.੧੯੧] ਤਿਕਣ੍ਡਸੇਸੇ. ਸੀ ਸਯੇ, ਤੋ, ਸੀਤਾ ਨਾਰੀ.

੪੫੦-੪੫੧. ਮੁਗ੍ਗਾਦਿਕੇ ਧਞ੍ਞਵਿਸੇਸੇ ਅਪਰਨ੍ਨਸਦ੍ਦੋ, ਪੁਬ੍ਬਨ੍ਨਤੋ ਅਪਰਭਾਗੇ ਪਵਤ੍ਤਂ ਅਨ੍ਨਂ ਅਪਰਨ੍ਨਂ, ਅਪਰਣ੍ਣਞ੍ਚ. ਸਾਲਿਆਦਿਕੇ ਪੁਬ੍ਬਨ੍ਨਸਦ੍ਦੋ, ਅਪਰਨ੍ਨਸ੍ਸ ਪੁਬ੍ਬੇ ਪਵਤ੍ਤਂ ਅਨ੍ਨਂ ਪੁਬ੍ਬਨ੍ਨਂ, ਪੁਬ੍ਬਣ੍ਣਞ੍ਚ. ਪੁਬ੍ਬਾਪਰਤ੍ਤਞ੍ਚ ਨੇਸਂ ਆਦਿਕਪ੍ਪੇ ਸਮ੍ਭਵਾਸਮ੍ਭਵਵਸੇਨ ਦਟ੍ਠਬ੍ਬਂ.

ਸਾਲ੍ਯਾਦਯੋ ਸਤ੍ਤ ਧਞ੍ਞਾਨਿ. ਧਾਨਂ ਪੋਸਨਂ, ਤਤ੍ਰ ਸਾਧੂਨਿ ਧਞ੍ਞਾਨਿ, ਯੋ, ਰਸ੍ਸੋ. ਕਲਮਾ ਰਤ੍ਤਸਾਲਿ ਮਹਾਸਾਲਿਸਟ੍ਠਿਕਪ੍ਪਭੁਤਯੋ ਸੂਕਧਞ੍ਞਵਿਸੇਸਾ ਸਾਲਯੋ ਨਾਮ. ਸਟ੍ਠਿਦਿਨਾਨਿ ਪਰਿਪਾਕਮਸ੍ਸ ਸਟ੍ਠਿਕੋ. ਸਾਲ ਸਿਲਾਘਾਯਂ, ਇ, ਸਾਲਿ. ਵਹਤਿ, ਬ੍ਰੂਹੇਤਿ ਵਾ ਸਤ੍ਤਾਨਂ ਜੀਵਿਤਨ੍ਤਿ ਵੀਹਿ, ਵਹ ਪਾਪੁਣੇ, ਬ੍ਰੂਹ ਵੁਡ੍ਢਿਯਞ੍ਚ, ਇ, ਅਸ੍ਸੀ, ਪਕ੍ਖੇ ਰਲੋਪੋ, ਵੀਹਿ ¶ . ਕੋਰਂ ਰੁਧਿਰਂ ਦੂਸਤੀਤਿ ਕੁਦ੍ਰੂਸੋ, ਗੋਵਡ੍ਢਨੋ, ਅ. ਵਣ੍ਣਵਿਪਰਿਯਯੋ, ਓਸ੍ਸੁ ਚ. ਗੁਧ ਪਰਿਵੇਧਨੇ, ਉਮੋ. ਗੋਧੁਮੋ. ‘‘ਗੋਧੂਮਸੁਮਨੋ ਮਿਲਕ੍ਖ, ਭੋਜਨਂ ਪਾਵਟੋ ਯਵੋ’’ਤਿ ਰਭਸੋ. ਵਰ ਵਰਣਸਮ੍ਭਤ੍ਤੀਸੁ, ਣ੍ਵੁ, ਵਰਕੋ. ਯੁ ਮਿਸ੍ਸਨੇ, ਅ, ਯਵੋ. ਕਙ੍ਗੁ ਅਤਿਸੁਖੁਮਸਸ੍ਸੇ ਧਞ੍ਞਵਿਸੇਸੇ, ਸੋਭਨਸੀਸਤ੍ਤਾ ਕਮਨੀਯਭਾਵਂ ਗਚ੍ਛਤੀਤਿ ਕਙ੍ਗੁ, ਉ. ‘‘ਸਾਮਾ ਪਿਯਙ੍ਗੁ ਕਙ੍ਗੁ ਦ੍ਵੇ’’ਤਿ ਰੁਦ੍ਦੋ. ਤਬ੍ਭੇਦਾ ਤੇਸਂ ਧਞ੍ਞਾਨਂ ਭੇਦਾ ਵਿਸੇਸਾ ਨੀਵਾਰਾਦਯੋ ਵੁਚ੍ਚਨ੍ਤੇ. ਨੀਵਾਰਾਨਿ ਤਿਣਧਞ੍ਞਾਨਿ, ਆਦਿਨਾ ਸਾਮਾਕਾਦਯੋ.

ਦ੍ਵਯਂ ਕਲ਼ਾਯੇ. ਚਣ ਦਾਨੇ, ਣ੍ਵੁ, ਚਣਕੋ, ਹਰਿਮਨ੍ਥਕੇਪਿ. ਕਂ ਵਾਤਂ ਲਾਤੀਤਿ ਕਲ਼ਾਯੋ, ਲ਼ਤ੍ਤਂ, ਕਲਾਯਮ੍ਪਿ. ਦ੍ਵਯਂ ਸਾਸਪਸਾਮਞ੍ਞੇ. ‘‘ਸਾਸਪੋ ਤੁ ਸਰਿਸਪੋ, ਕਟੁਸ੍ਨੇਹੋ ਚ ਤਨ੍ਤੁਭੋ’’ਤਿ ਤਿਕਣ੍ਡਸੇਸੋ [੨.੮.੩]. ‘‘ਪੁਮੇ ਸੁਦ੍ਧੋਦਨਸੁਤੇ, ਸਿਦ੍ਧਤ੍ਥੋ ਸੇਤਸਾਸਪੇ’’ਤਿ ਰਭਸੋ. ਸਿਦ੍ਧਾ ਅਤ੍ਥਾ ਅਸ੍ਮਿਨ੍ਤਿ ਸਿਦ੍ਧਤ੍ਥੋ. ਸਾਸ ਅਨੁਸਿਟ੍ਠਿਯਂ, ਅਪੋ. ਸਾਸਪਸ੍ਸਾਪਿ ਵੀਹਿਭੇਦਤ੍ਤਾ ਇਧ ਗਹਣਂ.

੪੫੨. ਦ੍ਵਯਂ ਕਙ੍ਗੁਯਂ. ਪਿਯਭਾਵਂ ਅਙ੍ਗਤੀਤਿ ਪਿਯਙ੍ਗੁ. ਦ੍ਵਯਂ ਅਤਸਿਯਂ. ਅਵ ਰਕ੍ਖਣੇ, ਮੋ, ਅਵਸ੍ਸੁ, ਦ੍ਵਿਤ੍ਤਂ, ਉਮ੍ਮਾ. ਅਤ ਸਾਤਚ੍ਚਗਮਨੇ, ਅਸੋ, ਨਦਾਦਿ. ਖੁਮਾਪ੍ਯਤ੍ਰ.

ਚਤੁਕ੍ਕਂ ਸਸ੍ਸੇ. ਕਿਟ ਗਤਿਯਂ, ਠੋ, ਕਸਿਤੋ ਸਮ੍ਭੂਤਂ ਵਾ ਕਿਟ੍ਠਂ, ਕਿਟ੍ਠਟ੍ਠਾਨੇ ਉਪ੍ਪਨ੍ਨਸਸ੍ਸਞ੍ਹਿ ‘‘ਕਿਟ੍ਠ’’ਨ੍ਤਿ ਵੁਚ੍ਚਤਿ ਠਾਨੂਪਚਾਰੇਨ, ਠੋ, ਸਿਲੋਪੋ, ਅਸ੍ਸਿ. ਸਸ ਗਤਿਹਿਂਸਾਪਾਪੁਣਨੇਸੁ, ਸੋ. ਥਮ੍ਬੋ ਗੁਮ੍ਬੋ, ਤਂ ਕਰੋਤੀਤਿ ਥਮ੍ਬਕਰਿ, ਇ. ਧਞ੍ਞਂਪ੍ਯਤ੍ਰ. ‘‘ਧਞ੍ਞਂ ਵੀਹੀਸੁ ਧਞ੍ਞਕੇ, ਧਞ੍ਞੋ ਪੁਞ੍ਞਵਤੀਰਿਤੋ. ਧਞ੍ਞਾ ਵਾਤਾਮਲਕੀਸੂ’’ਤਿ ਹਿ ਨਾਨਤ੍ਥਸਙ੍ਗਹੇ.

੪੫੩. ਦ੍ਵਯਂ ¶ ਸਸ੍ਸਾਦੀਨਂ ਕਣ੍ਡਮਤ੍ਤੇ. ਕਣ ਸਦ੍ਦੇ, ਡੋ. ਨਲ ਗਨ੍ਥੇ, ਣੋ, ਨਾਲਂ. ਨਾਲ਼ਿਪਿ. ਸੋ ਏਵ ਸਸ੍ਸਾਦਿਕਣ੍ਡੋ ਨਿਪ੍ਫਲੋ ਚੇ, ਪਲਾਲਮੁਚ੍ਚਤੇ. ਪਲ ਲਵਨਪਵਨੇਸੁ, ਅਲੋ, ਪਲਾਲੋਪਿ.

ਦ੍ਵਯਂ ਅਸਾਰੇ ਤੁਚ੍ਛਧਞ੍ਞੇ. ਭਸ ਭਸ੍ਮੀਕਰਣੇ, ਅਸ੍ਸੁ, ਭੁਸਂ ਅਤਿਸਯੇਪਿ. ਥੁਸਮ੍ਪਿ. ਤੁਸ ਉਸ੍ਸਗ੍ਗੇ. ਕੇਨ ਵਾਤੇਨ ਇਙ੍ਗਤੀਤਿ ਕਲਿਙ੍ਗਰੋ, ਲਾਗਮੋ, ਅਰੋ ਚ. ਧਞ੍ਞਾਨਮੇਵ ਤਚੇ ਵਕ੍ਕਲੇ ਥੁਸੋ, ਤੁਸ ਤੁਟ੍ਠਿਮ੍ਹਿ, ਤਸ੍ਸ ਥੋ, ਥੁਸੋ ਪੁਮੇ. ‘‘ਧਞ੍ਞਤ੍ਤਚੇ ਪੁਮਾ ਥੁਸੋ’’ [ਅਮਰ ੧੯.੨੨] ਤ੍ਯਮਰਕੋਸੇ.

੪੫੪. ਦ੍ਵਯਂ ਸਸ੍ਸਰੋਗੇ. ਸੇਤਵਣ੍ਣਕਰਣਵਸੇਨ ਅਟਤਿ ਹਿਂਸਤੀਤਿ ਸੇਤਟ੍ਟਿਕਾ, ਸਾ ਏਵ ਸੇਤਟ੍ਠਿਕਾ. ਦ੍ਵਯਂ ਤਣ੍ਡੁਲਕਣੇ. ਕਣ ਨਿਮੀਲਨੇ, ਕਣ ਨਿਮੀਲਨਸਦ੍ਦਗਤੀਸੁ ਵਾ, ਅ, ਕਣੋ. ਕੁਣ੍ਡ ਦਾਹੇ, ਸਕਤ੍ਥੇ ਕੋ. ਦ੍ਵਯਂ ਧਞ੍ਞਮਦ੍ਦਨਭੂਮਿਯਂ. ਖਲ ਸੋਚੇਯ੍ਯੇ, ਧਞ੍ਞਾਨਿ ਕਰੋਨ੍ਤਿ ਮਦ੍ਦਨ੍ਤਿ ਅਸ੍ਮਿਂ ਧਞ੍ਞਕਰਣਂ. ਤਿਣਾਦੀਨਂ, ਸਸ੍ਸਾਨਞ੍ਚ ਥਮ੍ਬੋ ਗੁਮ੍ਬੋ ਨਾਮ, ਥਮ੍ਬ ਵੇਕਲ੍ਯੇ, ਥਮ੍ਬ ਪਟਿਬਨ੍ਧੇ ਵਾ. ਗੁਹ ਸਂਵਰਣੇ, ਬੋ, ਹਸ੍ਸ ਮੋ.

੪੫੫. ਦ੍ਵਯਂ ¶ ਮੁਸਲੇ. ਅਯੋ ਅਗ੍ਗੇਕੋਟਿਯਂ ਯਸ੍ਸਾਤਿ ਅਯੋਗ੍ਗਂ. ਮੁਸ ਖਣ੍ਡਨੇ, ਅਲੋ. ਦ੍ਵਯਂ ਸੁਪ੍ਪੇ. ਕੁਚ੍ਛਿਤਂ ਲੁਨਾਤ੍ਯਪਨੇਤੀਤਿ ਕੁਲ੍ਲੋ. ਸੁਪ ਮਾਨੇ, ਅ, ਸਰਤ੍ਯਨੇਨੇਤਿ ਵਾ ਸੁਪ੍ਪਂ, ਪੋ, ਅਸ੍ਸੁ. ਪਪ੍ਫੋਟਨਂਪ੍ਯਤ੍ਰ.

ਦ੍ਵਯਂ ਉਦ੍ਧਨੇ. ਉਪਰਿ ਧੀਯਤੇ ਥਾਲ੍ਯਾਦਿਕਮਸ੍ਮਿਨ੍ਤਿ ਉਦ੍ਧਨਂ, ਉਦ੍ਧਾਨਮ੍ਪਿ, ਯੁ. ਚੁਲ੍ਲ ਹਾਵਕਰਣੇ, ਇ, ਈਮ੍ਹਿ ਚੁਲ੍ਲੀ. ਅਧਿਸਯਨੀ, ਅਨ੍ਤਿਕਾਪ੍ਯਤ੍ਰ. ਅਤਿ ਅਦਿ ਬਨ੍ਧਨੇ, ਅਨ੍ਤ੍ਯਤੇ ਭਿਕ੍ਖਾਦਿਕਮਸ੍ਸਨ੍ਤਿ ਅਨ੍ਤਿਕਾ, ਣ੍ਵੁ. ‘‘ਸਨ੍ਤਿਕੇ ਸਨ੍ਨਿਧਾਨੇ ਚ, ਉਦ੍ਧਨੇ ਚਾਪਿ ਅਨ੍ਤਿਕਾ’’ਤ੍ਯਜਯੋ.

ਕਾਸਾਦਿਰਚਿਤੋ ਕਟੋ ਯੇਨ ਮਰਾਵੋ ਬਨ੍ਧੀਯਤੇ. ਮਰਾਵੋ ਚ ਵੀਹ੍ਯਗਾਰਂ, ‘‘ਕੁਸੂਲੋ ਵੀਹ੍ਯਗਾਰਞ੍ਚ, ਕਨ੍ਤਰੋ ਚ ਮਰਾਵਕੋ’’ਤਿ ਰਭਸੋ. ਕੇਚਿ ਮਰਾਵਮੇਵ ਕਟਮਾਹੁ, ਤਂ ਨ, ‘‘ਕੁਸੂਲੋ ਚ ਮਰਾਵੋ ਚ, ਕਿਲਞ੍ਜੋ ਚ ਕਟੋ ਭਵੇ’’ਤਿ ਅਮਰਮਾਲਾਯਂ ਪਾਦਨਾਮਪਕਰਣੇ ਭੇਦੇਨ ਪਾਠਾ. ਕਿਲ ਬਨ੍ਧਨੇ, ਕਿਲਨਂ ਕਿਲੋ, ਤਦਤ੍ਥਂ ਜਾਯਤੀਤਿ ਕਿਲਞ੍ਜੋ, ਨਿਗ੍ਗਹੀਤਾਗਮੋ. ਕਟ ਗਤਿਯਂ, ਅ.

੪੫੬. ਅਟ੍ਠਕਂ ਥਾਲਿਯਂ. ਕਾਮੀਯਤੀਤਿ ਕੁਮ੍ਭੀ, ਕਮੁ ਇਚ੍ਛਾਯਂ, ਭੋ, ਅਸ੍ਸੁ, ਈ ਚ, ਕੁਯਾ ਪਥਵਿਯਾ ਭਵਤੀਤਿ ਵਾ ਕੁਮ੍ਭੀ, ਕੇਨ ਅਗ੍ਗਿਨਾ ਭਣਤੀਤਿ ਵਾ ਕੁਮ੍ਭੀ, ਭਣ ਸਦ੍ਦੇ, ਣਲੋਪੋ, ਕੇਨ ¶ ਜਲੇਨ ਉਮ੍ਭੀਯਤਿ ਪੂਰੀਯਤੀਤਿ ਵਾ ਕੁਮ੍ਭੀ, ਉਭ ਉਬ੍ਭ ਉਮ੍ਭ ਪੂਰਣੇ, ਸਬ੍ਬਤ੍ਰ ਨਦਾਦਿ. ਪਿਠ ਹਿਂਸਾਸਂਕਿਲੇਸੇਸੁ, ਅਰੋ. ਕੁਣ੍ਡ ਦਾਹੇ. ਖਲ ਸੋਚੇਯ੍ਯੇ, ਲ਼ਤ੍ਤਂ. ਉਖ ਗਮਨੇ, ਅਲੋ, ਨਦਾਦਿ, ਰਸ੍ਸੋ. ਅਪਚ੍ਚਯੇ ਉਖਾ. ਥਲ ਠਾਨੇ, ਇ, ਥਾਲਿ, ਈਮ੍ਹਿ ਥਾਲੀ. ਕੇਨ ਅਗ੍ਗਿਨਾ ਲਪਤੀਤਿ ਕੋਲਮ੍ਬੋ, ਅਸ੍ਸੋਤ੍ਤਂ, ਨਿਗ੍ਗਹੀਤਾਗਮੋ, ਬਤ੍ਤਞ੍ਚ, ਕੇ ਅਗ੍ਗਿਮ੍ਹਿ ਓਲਮ੍ਬਤੀਤਿ ਵਾ ਕੋਲਮ੍ਬੋ. ਲਬਿ ਅਵਸਂਸਨੇ.

ਤਿਕਂ ਮਣਿਕੇ. ਮਨ ਞਾਣੇ, ਇ, ਣਤ੍ਤਂ, ਮਣਿਯੇਵ ਮਣਿਕਂ. ਭਣ ਸਦ੍ਦੇ, ਣ੍ਵੁ, ਅਰਂ ਸੀਘਂ ਜਰੋ ਅਸ੍ਸ ਅਰਞ੍ਜਰੋ.

੪੫੭. ਦ੍ਵਿਪਾਦਂ ਘਟੇ. ਘਟ ਚਲਨੇ, ਅ, ਨਦਾਦਿਮ੍ਹਿ ਘਟੀ, ਕੁਟ ਕੋਟਿਲ੍ਯੇ. ਕੇਨ ਜਲੇਨ ਲਸਤਿ ਸਿਲਿਸ੍ਸਤੀਤਿ ਕਲਸੋ, ਲਿਸ ਸਿਲੇਸਨੇ, ਅ, ਇਸ੍ਸਤ੍ਤਂ, ਕਲਸੋ ਤੀਸੁ. ਵਰ ਵਾਰਣਸਮ੍ਭਤ੍ਤੀਸੁ, ਣ੍ਵੁ. ਕਲਸਸਹਚਰਣਤੋ ਵਾਰਕੋਪਿ ਤੀਸੁ. ‘‘ਕਲਸੋ ਤੁ ਤੀਸੂ’’ਤ੍ਯਮਰਕੋਸੇ [ਅਮਰ ੧੯.੩੧].

ਭੁਞ੍ਜਿਤਬ੍ਬਨ੍ਤਿ ਭੁਞ੍ਜਨਂ, ਅਨ੍ਨਾਦਿ, ਤਸ੍ਸ ਪਤ੍ਤੋ ਭਾਜਨਂ ਸੁਵਣ੍ਣਰਜਤਾਦਿਨਿਮ੍ਮਿਤਮ੍ਪਿ ਕਂਸੋ ਨਾਮ.

‘‘ਕਂਸੋ ਰਚ੍ਛਨ੍ਤਰੇ ਮਾਨੇ, ਤੇਜਸੇਪਿ ਭਵੇ ਤਥਾ;

ਪਾਨਪਤ੍ਤੇ ਚ ਕਂਸ੍ਯੇ ਚ, ਸੋਭਿਕ੍ਖਾਸੁ ਚ ਕਿਤ੍ਤਿਸੂ’’. –

ਤ੍ਯਜਯੇਨ ਵੁਤ੍ਤਤ੍ਤਾ ਪਾਨਪਤ੍ਤੇਪਿ ਕਂਸੋ. ਕਨ ਦਿਤ੍ਤਿਗਤਿਕਨ੍ਤੀਸੁ, ਸੋ, ਕਂਸੋ. ਅਨਿਤ੍ਥੀ. ਤਿਕਂ ਭਾਜਨਸਾਮਞ੍ਞੇ. ਅਮ ਗਤਿਯਂ, ਅਤ੍ਤੋ, ਅਮਤ੍ਤਂ. ਭਾਜ ਪੁਥਕਮ੍ਮਨਿ, ਚੁਰਾਦਿ, ਯੁ.

੪੫੮. ਦ੍ਵਯਂ ¶ ਭਾਜਨਾਦੀਨਮਾਧਾਰੇ. ਅਨ੍ਤਂ ਸਮੀਪਮਾਧੇਯ੍ਯਸ੍ਸ ਉਪਗਚ੍ਛਤੀਤਿ ਅਣ੍ਡੁਪਕਂ, ਨ੍ਤਸ੍ਸਣ੍ਡੋ, ਗਸ੍ਸ ਚ ਕੋ. ਚੁਮ੍ਬ ਵਦਨਸਂਯੋਗੇ, ਅਟੋ, ਅਸ੍ਸੁ, ਸਕਤ੍ਥੇ ਕੋ. ਦ੍ਵਯਂ ਸਰਾਵੇ, ਸਰਤਿ ਵੁਡ੍ਢਿਂ ਗਚ੍ਛਤੀਤਿ ਸਰਾਵੋ, ਅਵੋ. ਮਲ੍ਲ ਧਾਰਣੇ. ਣ੍ਵੁ. ਵਡ੍ਢਮਾਨਕੋਪ੍ਯਤ੍ਰ, ਵਡ੍ਢਤਿ ਵਿਤ੍ਥਿਣ੍ਣੀ ਭਵਤੀਤਿ ਵਡ੍ਢਮਾਨਕੋ, ਸਕਤ੍ਥੇ ਕੋ.

ਦ੍ਵਯਂ ਭੇਲਬ੍ਯਞ੍ਜਨਾਦਿਘਟ੍ਟਨੋਪਯੁਤ੍ਤਭਣ੍ਡੇ. ਕਟ ਗਤਿਯਂ, ਛੁ, ਦ੍ਵਿਤ੍ਤਾਦਿ. ਦੁ ਗਤਿਯਂ, ਬੋ, ਨਦਾਦਿ, ਦਬ੍ਬੀ, ਰਸ੍ਸੇ ਦਬ੍ਬਿ. ਖਜਾਕਾਪਿ, ਖਜ ਮਨ੍ਥਨੇ, ਅਕੋ, ਖਜਾਕਾ ਥਿਯਂ. ਦ੍ਵਯਂ ਧਞ੍ਞਾਦਿਨਿਲਯੇ. ਕੁਸ ਸਿਲੇਸਨੇ, ਊਲੋ. ਕੁਸ ਅਕ੍ਕੋਸੇ, ਠੋ. ਦ੍ਵੇਪਿ ਪੁਨ੍ਨਪੁਂਸਕੇ.

੪੫੯. ਦ੍ਵਯਂ ਮਾਸਾਦਿਸਾਕਮਤ੍ਤੇ, ਸਾ ਤਨੁਕਰਣੇ, ਣ੍ਵੁ. ਡਂਸ ਖਾਦਨੇ, ਣ੍ਵੁ. ਸਲੋਪੋ, ਸਿਗ੍ਗੁ, ਹਰਿਤਕਮ੍ਪਿ. ਹਰਿਤਾ ਸਕਤ੍ਥੇ ਕੋ. ‘‘ਪੁਲ੍ਲਿਙ੍ਗੋ ਸਾਕਮਤ੍ਤਸ੍ਮਿਂ, ਸਿਗ੍ਗੁ ਸੋਭਞ੍ਜਨੇਪਿ ਚੇ’’ਤਿ [ਚਿਨ੍ਤਾਮਣਿਟੀਕਾ ੧੯.੩੪] ਰਭਸੋ. ਦ੍ਵਯਂ ਅਦ੍ਦਕੇ. ਆਦ੍ਦਾਯਂ ਜਾਤਂ ਅਦ੍ਦਕਂ, ਰਸ੍ਸੋ. ਸਿਙ੍ਗਮਿਵ ਵੇਰਂ ਵਪੁ ਯਸ੍ਸ ਤਮੇਵ ਸਿਙ੍ਗਿਵੇਰਂ.

ਯਦਾ ਸੁਕ੍ਖਂ, ਤਦਾ ਮਹੋਸਧਾਧ੍ਯਂ, ਤਿਕ੍ਖਰਸਤ੍ਤਾ ਮਹਨ੍ਤਂ ਓਸਧਂ. ਸੁਣ੍ਠੀ, ਨਾਗਰਂ, ਵਿਸਂ, ਵਿਸਭੇਸਜ੍ਜਮ੍ਪਿ. ਸੁਠਿ ਸੋਸਨੇ, ਇ, ਸੁਣ੍ਠਿ, ਈਪਚ੍ਚਯੇ ਸੁਣ੍ਠੀ.

ਦ੍ਵਯਂ ¶ ਮਰੀਚੇ. ਮਰ ਪਾਣਚਾਗੇ, ਚੋ. ਕੁਲ ਸਙ੍ਖ੍ਯਾਨੇ, ਣ੍ਵੁ. ‘‘ਮਰੀਚਂ ਕੋਲਕਂ ਕਣ੍ਹਂ, ਉਸਨਂ ਧਮ੍ਮਪਤ੍ਤਨ’’ਨ੍ਤ੍ਯਮਰਸੀਹੋ.

੪੬੦. ਤਿਪਾਦਂ ਕਞ੍ਜਿਕੇ. ਸੁਵੀਰਰਟ੍ਠੇ ਭਵਂ ਸੋਵੀਰਂ. ਕੇਨ ਜਲੇਨ ਅਞ੍ਜਿਯਮਭਿਬ੍ਯਤ੍ਤਂ ਅਸ੍ਸ ਕਞ੍ਜਿਯਂ. ਆਰਾਨਂ ਭੂਮ੍ਯਕ੍ਕਜਾਨਂ ਵਾਰੇਸੁ ਗਹਿਤੇਨ ਨਾਰੇਨ ਜਲੇਨ ਜਾਤਂ ਆਰਨਾਲ਼ਂ, ‘‘ਆਰੋ ਕ੍ਖਿਤਿ ਸੁਤੇ’ਕ੍ਕਜੇ, ਨਾਰੋ ਤਣ੍ਡੁਲਨੀਰੇਸੂ’’ਤਿ ਹਿ ਵੁਤ੍ਤਂ, ਰਸ੍ਸ ਲ਼ੋ. ਥੁਸਤੋ ਜਾਤਮੁਦਕਂ ਥੁਸੋਦਕਂ, ਥੁਸੋਦਕਤੋ ਵਾ ਜਾਤਂ ਥੁਸੋਦਕਂ. ਧਞ੍ਞਤੋ ਵੀਹਿਤੋ ਜਾਤਂ ਅਮ੍ਬਿਲਂ ਧਞ੍ਞਮ੍ਬਿਲਂ. ਵਾਤਂ ਲਙ੍ਕਤਿ ਹੀਨਂ ਕਰੋਤੀਤਿ ਬਿਲਙ੍ਕੋ, ਵਾਤਸ੍ਸ ਬਿ, ਵਿਸੇਸੇਨ ਲਙ੍ਕਤੀਤਿ ਵਾ ਬਿਲਙ੍ਕੋ. ਕੁਮ੍ਮਾਸੋ, ਅਭਿਸੁਤਂ, ਅਵਨ੍ਤਿਸੋਮਂ, ਕੁਞ੍ਜਲਂ, ਕਞ੍ਜਿਕਂ, ਮਣ੍ਡੋ, ਜੇਟ੍ਠਮ੍ਬੁ, ਖਦਿਕਾਪ੍ਯਤ੍ਰ.

ਦ੍ਵਯਂ ਲਵਣਮਤ੍ਤੇ. ਲੂ ਛੇਦਨੇ, ਯੁ, ਓਸ੍ਸਾ’ਨਵਾਦੇਸੇ ਲੋਣਂ.

੪੬੧. ਸਾਮੁਦ੍ਦਾਦਯੋ ਏਤੇ ਪਞ੍ਚ ਲਵਣਸ੍ਸ ਪਭੇਦਾ ਵਿਸੇਸਾ. ਸਮੁਦ੍ਦਭੂਮਿਯਮਵਟ੍ਠਿਤਂ ਲਦ੍ਧਂ ਲੋਣੋਦਕਂ ਸੁਕ੍ਖਸਨ੍ਤਨਂ ਸਿਤਂ ਯਂ ਭਵਤਿ, ਤਂ ਸਾਮੁਦ੍ਦਲਵਣਂ. ਅਕ੍ਖਿਵਂ, ਵਸਿਰਮ੍ਪਿ. ਵਸੁ ਥਮ੍ਭੇ, ਇਰੋ. ਸਿਨ੍ਧੁਦੇਸੇ ਭਵੋ ਸਿਨ੍ਧਵੋ, ਣੋ. ਸਿਤਸਿਵਂ [ਸੀਤਸਿਵਂ (ਸਕ੍ਕਤੇ)], ਮਾਣਿਮਨ੍ਥਂ, ਸਿਨ੍ਧੁਜਮ੍ਪਿ. ਸਿਤਂ ਧਵਲਂ, ਸਿਵਂ ਕਲ੍ਯਾਣਂ, ਕਮ੍ਮਧਾਰਯਸਮਾਸੋ ¶ . ਸਿਤਸਿਵਨ੍ਤਿ ਵਾ ਬਨ੍ਧਨਂ. ਮਣਿਮਨ੍ਥੋ ਪਬ੍ਬਤੋ, ਤਤ੍ਰ ਭਵੋ, ਣੋ. ਕਾਲ਼ਲੋਣੋ ਨਾਮ ਸੋਵਚ੍ਚਲਵਣਾਨਂ ਮਜ੍ਝੇ ਕਾਲ਼ਵਣ੍ਣਂ ਲਵਣਂ [ਤੀਣਿ ਮਧੁਰਲਵਣਸ੍ਸਲਵਣਭੇਦਸ੍ਸ (ਅਮਰਕੋਸ, ਮਹੇਸ੍ਵਰਟੀਕਾ)], ‘‘ਤਿਲਕਂ ਤਤ੍ਰ ਮੇਚਕੇ’’ਤਿ [ਮਦਂ ਸਨ੍ਦਤੇ ਪਿਸੋਦਰਾਦਿ (ਚਿਨ੍ਤਾਮਣਿਟੀਕਾ ੧੯.੪੩) ਮਦਂ ਮੁਦਂ ਵਾ ਸਨ੍ਦਤੇ… ਵਿਸੋਦਰਾਦਿ (ਬ੍ਯਾਖ੍ਯਾਸੁਧਾਟੀਕਾ)] ਵੁਤ੍ਤਤ੍ਤਾ ਤਿਲਕਮ੍ਪਿ. ਉਬ੍ਭਿਦਂ ਨਾਮ ਰੋਮਕਲਵਣਂ, ਸਮ੍ਭਰਿਦੇਸੇ ਕਿਰ ਰੁਮਾ ਨਾਮ ਲਵਣਾਕਰੋ. ਤਤ੍ਰ ਪਵਿਟ੍ਠਂ ਕਟ੍ਠਮ੍ਪਿ ਅਚਿਰੇਨ ਵਿਲੀਯ ਲਵਣਂ ਭਵਤਿ, ਤਬ੍ਭਵਂ ਰੋਮਲਵਣਂ. ਵਸੁਕਮ੍ਪਿ. ਕਟ੍ਠਾਦੀਨਂ ਸਯਂ ਸਭਾਵਵਿਜਹਨਕਰਤ੍ਤਾ ਭਿਨ੍ਦਿਤੁਂ ਸਕ੍ਕੋਤੀਤਿ ਉਬ੍ਭਿਦਂ, ਸਕ੍ਯਤ੍ਥੇ ਉਸਦ੍ਦੋ. ਬਿਲਾਲਂ ਨਾਮ ਸਮੁਦ੍ਦਤੀਰਾਸਨ੍ਨਦੇਸਭਵਂ ਮਤ੍ਤਿਕਂ ਪਾਚਯਿਤ੍ਵਾ ਨਿਪ੍ਫਾਦਿਤਲਵਣਂ. ਸਮੁਦ੍ਦਵੇਲਾਸਨ੍ਨਦੇਸੇ ਜਾਤਂ ਬਿਲਾਲਂ, ਏਸ੍ਸਿਤ੍ਤਂ, ਲੋ, ਅਥ ਵਾ ਉਬ੍ਭਿਦਂ ਨਾਮ ਯਤ੍ਥ ਕਤ੍ਥਚਿ ਪਦੇਸੇ ਭੂਮਿਤੋ ਉਗ੍ਗਤਂ ਲਵਣਮਤ੍ਤਿਕਂ ਪਾਚਯਿਤ੍ਵਾ ਨਿਪ੍ਫਾਦਿਤਲਵਣਂ. ਬਿਲਾਲਂ ਨਾਮ ਲਵਣਭੂਮਿਂ ਵਿਦਾਰਯਿਤ੍ਵਾ ਨਿਪ੍ਫਾਦਿਤਲਵਣਂ. ਵਿਪੁਬ੍ਬੋ ਦਲ ਵਿਦਾਰਣੇ. ਦਸ੍ਸ ਲੋ. ਅਥ ਵਾ ਉਬ੍ਭਿਦਂ ਨਾਮ ਪਾਕ੍ਯਂ ਲਵਣਂ. ਬਿਲਾਲਂ ਨਾਮ ਵਚ੍ਚਗਨ੍ਧਂ ਕਾਲ਼ਲਵਣਂ.

੪੬੨. ਗੁਲ਼ਾਦਯੋ ਪਞ੍ਚ ਉਚ੍ਛੁਨੋ ਵਿਕਾਰਾ. ਗੁਲ਼ ਰਕ੍ਖਾਯਂ, ਗੁਲ਼ੋ ਪਕ੍ਕਰਸੋ. ਫਾਣ ਗਤਿਯਂ, ਤੋ, ਫਾਣਿਤਂ ਗੁਲ਼ਤੋ ਕਿਞ੍ਚਿ ਥਦ੍ਧਂ. ਖਣ੍ਡ ਮਨ੍ਥੇ, ਖਣ੍ਡੋ ਫਾਣਿਤਤੋਪਿ ਥਦ੍ਧੋ. ਉਚ੍ਛੁਵਿਸੇਸਸ੍ਸ ਰਸਪਾਕੇ ਖਣ੍ਡਯੋਗ੍ਯਸਾਰਭੂਤੇ ਯਾ ਗੁਲ਼ਿਕਾਕਾਰਾ ਜਾਯਤੇ, ਸਾ ਮਚ੍ਛਣ੍ਡੀ ਖਣ੍ਡਸਾਲੂਕਂ. ‘‘ਮਚ੍ਛਣ੍ਡੀ ਤੁ ¶ ਪੁਪ੍ਫਗੁਲ਼ਾ, ਥਦ੍ਧਪਤ੍ਤਨ੍ਤੁ ਫਾਣਿਤ’’ਨ੍ਤਿ ਰਭਸੋ, ਖਣ੍ਡਕਕ੍ਕਂ ਫਾਣਿਤਮਿਚ੍ਚਞ੍ਞੇ. ਸਰ ਹਿਂਸਾਯਂ, ਖਰਪਚ੍ਚਯੋ, ਸਕ੍ਖਰਾ, ਯਾ ‘‘ਸਿਤਾ’’ਤਿਪਿ ਵੁਚ੍ਚਤਿ, ਸਿਨੋਤਿ ਬਨ੍ਧਤਿ ਤਣ੍ਹਂ ਸਿਤਾ. ਸਿਤਸਕ੍ਖਰੇਤ੍ਯਤ੍ਰ ਤੁ ਸਿਤੋ ਧਵਲਤ੍ਥੋ, ਸਕ੍ਖਰਾਪਮਾਣਸਣ੍ਠਾਨਤ੍ਤਾ ਵਾ ਸਕ੍ਖਰਾ. ਇਮੇ ਚ ਗੁਲ਼ਾਦਯੋ ਯਥਾਕ੍ਕਮਂ ਥਦ੍ਧਤਰਾ. ਏਤ੍ਥ ਚ ਮਚ੍ਛਣ੍ਡੀ ਫਾਣਿਤਾ ਖਣ੍ਡਵਿਕਾਰਾਪਿ. ਦ੍ਵਯਂ ਗੁਲ਼ੇ. ਰੋਗਾਧਿਕੇਸੁ ਵਿਨਾਸਕਰਤ੍ਤਾ ਵਿਸਞ੍ਚ ਤਂ ਕਣ੍ਟਕਞ੍ਚ.

੪੬੩. ਦ੍ਵਯਂ ਭਟ੍ਠਧਞ੍ਞੇ. ਲਾਜ ਭਸ੍ਸਨੇ, ਭਸ੍ਸਨਂ ਭਜ੍ਜਨਂ, ਅ. ਨ ਖਤਂ ਅਕ੍ਖਤਂ. ‘‘ਤਤਿਯਾ ਪਕਤਿ ਲਾਜੇਸ੍ਵਕ੍ਖਤਂ ਤੀਸ੍ਵ’ਹਿਂਸਿਤੇ’’ਤਿ ਰੁਦ੍ਦੋ.

ਭਟ੍ਠਯਵੇ ਧਾਨਾਸਦ੍ਦੋ ਸਿਯਾ, ‘‘ਬਹੁਮ੍ਹਿ ਭਟ੍ਠਯਵੇ ਧਾਨਾ, ਥਿਯਂ ਅਭਿਨਵੋ’ਬ੍ਭਿਦੇ’’ਤਿ ਰਭਸੋ. ਧਾ ਧਾਰਣੇ, ਯੁ.

ਦ੍ਵਯਂ ਯਵਾਦਿਚੁਣ੍ਣੇ. ਸਚ ਸਮਵਾਯੇ, ਸਚ ਸੇਚਨੇ ਵਾ, ਤੁ. ਮਨ੍ਥ ਵਿਲੋਲ਼ਨੇ. ਤਿਕਂ ਸਮਂ. ਪੂਰੇਤੀਤਿ ਪੂਪੋ, ਪੋ. ਅਕਾਰਯੁਤ੍ਤੇ ਅਪੂਪੋ, ਯਥਾ ‘‘ਲਾਬੁ, ਅਲਾਬੂ’’ਤਿ. ਤਣ੍ਡੁਲਾਦੀਨਂ ਪਿਟ੍ਠਾਨਂ ਵਿਕਾਰੋ ਪਿਟ੍ਠਕੋ, ਸਞ੍ਞਾਯਂ ਕੋ.

੪੬੪. ਛਕ੍ਕਂ ਸੂਦੇ. ਭਤ੍ਤਂ, ਸੂਪਞ੍ਚ ਕਰੋਤਿ ਅਕਾਸਿ ਕਰਿਸ੍ਸਤੀਤਿ ਭਤ੍ਤਕਾਰੋ, ਸੂਪਕਾਰੋ ਚ. ਸੁ ਪਗ੍ਘਰਣੇ. ਸਵਤਿ ਰਸਂ ਪਗ੍ਘਰਾਪੇਤੀਤਿ ਸੂਦੋ, ਦੋ, ਦੀਘਾਦਿ. ਸੂਦ ਪਗ੍ਘਰਣੇ ¶ ਵਾ, ਅ. ਅਲ਼ਾਰੋ ਨਾਮ ਸੂਪਾਦਿਵਿਕਤਿ, ਤਂ ਕਰੋਤੀਤਿ ਆਲ਼ਾਰਿਕੋ. ਓਦਨਂ ਪਚਤੀਤਿ ਓਦਨਿਕੋ. ਰਸਂ ਕਰੋਤੀਤਿ ਰਸਕੋ.

ਦ੍ਵਯਂ ਸੂਪੇ. ਸੁਖਤ੍ਥਾਯ ਪਾਤਬ੍ਬਤ੍ਤਾ ਸੂਪੋ, ਦੀਘਾਦਿ. ਵਿਸੇਸਤੋ ਭਤ੍ਤਂ ਅਞ੍ਜਤਿ ਅਨ੍ਤੋ ਗਚ੍ਛਤਿ ਯੇਨ, ਤਂ ਬ੍ਯਞ੍ਜਨਂ, ਅਞ੍ਜ ਗਤਿਯਂ, ਯੁ.

੪੬੫. ਪਞ੍ਚਕਂ [ਤਿਪਾਦਂ (ਕ.)] ਭਤ੍ਤੇ. ਉਦਿ ਸਵਨਕ੍ਲੇਦਨੇਸੁ, ਯੁ. ਵਾਕਾਰੋ ਓਦਨਸਦ੍ਦਸ੍ਸ ਨਪੁਂਸਕਤ੍ਤਂ ਸਮੁਚ੍ਚਿਨੋਤਿ. ਕੁਰ ਸਦ੍ਦੇ, ਕਰ ਕਰਣੇ ਵਾ, ਕਰੋਤਿ ਬਲਨ੍ਤਿ ਕੁਰਂ, ਅਸ੍ਸੁ, ਕਿਰ ਵਿਕ੍ਖਿਪਨੇ ਵਾ, ਕਿਰਤਿ ਬੁਭੁਕ੍ਖਨ੍ਤਿ ਕੁਰਂ, ਇਸ੍ਸੁ, ਕਰ ਹਿਂਸਾਯਂ ਵਾ, ਕੁ ਸਦ੍ਦੇ ਵਾ, ਰਪਚ੍ਚਯੋ. ਭਜਤਿ ਯੇਨ, ਭੁਞ੍ਜਿਤਬ੍ਬਨ੍ਤਿ ਵਾ ਭਤ੍ਤਂ, ਭਜ ਸੇਵਾਯਂ, ਤੋ. ਭਕ੍ਖਿਤਬ੍ਬਾਤਿ ਭਿਕ੍ਖਾ, ਭਕ੍ਖ ਅਦਨੇ, ਅਸ੍ਸਿ, ਭਿਕ੍ਖ ਯਾਚਨੇ ਵਾ, ਭਿਕ੍ਖਾ ਨਾਰੀ. ਅਦ ਭਕ੍ਖਨੇ, ਤੋ. ਭਿਦਾਦਿਤ੍ਤਾ ਅਨ੍ਨਾਦੇਸੋ, ਦਲੋਪੋ.

ਚਤੁਕ੍ਕਂ ਭੋਜਨੇ, ਅਸ ਭਕ੍ਖਨੇ, ਕਮ੍ਮੇ ਯੁ. ਹਰ ਹਰਣੇ. ਆਹਰਤਿ ਬਲਾਯੂਨੀਤਿ ਆਹਾਰੋ, ਣੋ. ਭੁਜਧਾਤੁਮ੍ਹਾ ਯੁ, ਭੋਜਨਂ. ਘਸ ਅਦਨੇ, ਣੋ. ਅਨ੍ਧੋਪ੍ਯਤ੍ਰ, ਅਦਧਾਤੁਮ੍ਹਾ ਤਪਚ੍ਚਯਸ੍ਸ ਅਨ੍ਧਾਦੇਸੋ ਨਿਪਾਤਨਾ.

ਦ੍ਵਯਂ ਯਾਗੁਯਂ. ਤਰ ਪ੍ਲਵਨਤਰਣੇਸੁ. ਤਰਤਿ ਪ੍ਲਵਤਿ ਬ੍ਯਾਪੀਭਵਤੀਤਿ ਤਰਣਂ, ਯੁ. ਤਰਲਂ, ਤਰਲਾਪਿ. ਯਾ ਪਾਪੁਣੇ, ਗੁ, ਯੁ ਮਿਸ੍ਸਨੇ ਵਾ, ਗੁ, ਉਸ੍ਸਾ. ਉਣ੍ਹਿਕਾ, ਸਾਣਾ, ਵਿਲੇਪੀ ਚ ਯਾਗੁਨਾਮਾਨਿ. ਸਾ ਪਾਕੇ, ਯੁ, ਸਾਣਾ.

੪੬੬. ਖਜ੍ਜਾਦਯੋ ¶ ਚਤ੍ਤਾਰੋ ਅਸਨਭੇਦਾ. ਖਾਦ ਭਕ੍ਖਨੇ, ਕਮ੍ਮੇ ਤੋ, ਭੁਜਾਦਿ. ਖਜ੍ਜਂ ਮਂਸਾਦਿ. ਭੋਜ੍ਜਂ ਅਨ੍ਨਾਦਿ. ਲਿਹ ਅਸ੍ਸਾਦਨੇ, ਣ੍ਯੋ, ਹਸ੍ਸ ਯੋ. ਲੇਯ੍ਯਂ ਮਧ੍ਵਾਦਿ. ਪਾਤਬ੍ਬਨ੍ਤਿ ਪੇਯ੍ਯਂ, ਪਾ ਪਾਨੇ, ਣ੍ਯੋ, ਆਸ੍ਸੇ, ਪੇਯ੍ਯਂ ਸੂਪਾਦਿ.

ਦ੍ਵਯਂ ਭਤ੍ਤਮਣ੍ਡੇ. ਸੁ ਸਵਨੇ, ਵਿਸਰੁਜਪਦਾਦਿਤੋ ਣ. ਚਮੁ ਅਦਨੇ, ਆਪੁਬ੍ਬਤ੍ਤਾ ਪਾਨੇ, ਕਮ੍ਮੇ ਣੋ. ਮਾਸਰੋਪ੍ਯਤ੍ਰ, ਮਸਿ ਪਰਿਮਾਣੇ, ਅਰੋ. ਦ੍ਵਯਂ ਆਲੋਪੇ. ਲੁਪ ਛੇਦਨੇ, ਆਪੁਬ੍ਬੋ ਸਮ੍ਪਿਣ੍ਡਨੇ, ਕੁ ਸਦ੍ਦੇ. ਕਬਿ ਵਣ੍ਣੇ ਵਾ, ਅਲੋ, ਲ਼ਤ੍ਤਂ, ਕੇਨ ਤੋਯੇਨ ਬਲਮਸ੍ਸਾਤਿ ਵਾ ਕਬਲ਼ੋ, ਪੁਮੇ, ਗਾਸੋਪਿ.

੪੬੭. ਰਸਾਨਂ ਸਬ੍ਬਰਸਾਨਂ ਅਗ੍ਗਮ੍ਹਿ ਰਸੇ ਮਣ੍ਡਸਦ੍ਦੋ, ਮਣ੍ਡ ਭੂਸਾਯਂ, ‘‘ਸਬ੍ਬਰਸਗ੍ਗੇ ਮਣ੍ਡਮਨਿਤ੍ਥਿਯ’’ਨ੍ਤ੍ਯਮਰਸੀਹੋ [ਅਮਰ ੧੯.੪੯]. ਦ੍ਵਯਂ ਭੁਤ੍ਤਤੋ ਸੇਸੇ. ਵਿਰੂਪੋ, ਕੁਚ੍ਛਿਤੋ ਵਾ ਘਾਸੋ ਵਿਘਾਸੋ. ਭੁਤ੍ਤਤੋ ਸੇਸੋ ਭੁਤ੍ਤਸੇਸੋ, ਸੋਵ ਭੁਤ੍ਤਸੇਸਕੋ, ਸਕਤ੍ਥੇ ਕੋ.

ਦ੍ਵਯਂ ਵਿਘਾਸਾਦੇ. ਵਿਘਾਸਂ ਅਦਤੀਤਿ, ਅ, ਦਮੁ ਦਮਨੇ, ਣ੍ਵੁ. ਦ੍ਵਯਂ ਪਿਪਾਸਾਯਂ. ਪਾਤੁਂ ਇਚ੍ਛਾ ਪਿਪਾਸਾ, ਪਾ ਪਾਨੇ, ਸੋ, ਦ੍ਵਿਤ੍ਤਾਦਿ. ਤਸ ਪਿਪਾਸਾਯਂ, ਯੁ.

੪੬੮. ਦ੍ਵਯਂ ¶ ਭੁਤ੍ਤੁਮਿਚ੍ਛਾਯਂ. ਖੁਦ ਬੁਭੁਕ੍ਖਾਯਂ, ਦੋ. ਘਸਿਤੁਮਿਚ੍ਛਾ ਜਿਘਚ੍ਛਾ, ਘਸ ਅਦਨੇ, ਇਚ੍ਛਤ੍ਥੇ ਛੋ, ਦ੍ਵਿਤ੍ਤਾਦਿ. ਮਂਸਸ੍ਸ ਰਸੋ ਪਟਿਚ੍ਛਾਦਨੀਯਮੁਚ੍ਚਤੇ. ਛਨ੍ਦ ਇਚ੍ਛਾਯਂ. ਪਟਿਚ੍ਛਾਦੇਤੀਤਿ ਪਟਿਚ੍ਛਾਦਨੀਯਂ, ਅਨੀਯੋ, ਛਦ ਸਂਵਰਣੇ ਵਾ, ਮਂਸੇਨ ਪਟਿਚ੍ਛਾਦੇਤਬ੍ਬਤ੍ਤਾ ਪਟਿਚ੍ਛਾਦਨੀਯਂ.

ਦ੍ਵਯਂ ਉਗ੍ਗਾਰੇ, ਦੇਕਿ ਸਦ੍ਦੋਸ੍ਸਾਹੇਸੁ, ਉਦ੍ਧਂ ਦੇਕਤਿ ਗਨ੍ਤੁਮੁਸ੍ਸਹਤੀਤਿ ਉਦ੍ਰੇਕੋ, ਏਕਸ੍ਸ ਦਕਾਰਸ੍ਸ ਰੋ. ਉਦ੍ਦੇਕੋਪਿ. ਗਿਰ ਨਿਗ੍ਗਿਰਣੇ, ਇਸ੍ਸਾ, ਉਗ੍ਗਾਰੋ. ਪਾਦੋ ਤਿਤ੍ਤਿਯਂ. ਸੁਹਿਤੋ ਤਿਤ੍ਤੋ, ਤਸ੍ਸ ਭਾਵੋ ਸੋਹਿਚ੍ਚਂ. ਤਿਪਿ ਪੀਣਨੇ,ਤਿ, ਭੁਜਾਦਿ. ਯੁਪਚ੍ਚਯੇ, ਇਸ੍ਸਤ੍ਤੇ ਚ ਤਪ੍ਪਨਂ.

੪੬੯. ਯਥਿਚ੍ਛਿਤਨ੍ਤਂ ਯਥਿਚ੍ਛਿਤੇ. ਕ੍ਰਿਯਾਵਿਸੇਸਨਤਾਯ ਚੇਤੇ ਨਪੁਂਸਕੇ, ਕ੍ਰਿਯਾਬ੍ਯਯਾਨਞ੍ਹਿ ਸਤਿਪ੍ਯੇਕਤ੍ਤੇ ਤਬ੍ਬਿਸੇਸਨਾਨਿ ਨਪੁਂਸਕੇ ਭਵਨ੍ਤਿ ਏਕਤ੍ਤੇਪਿ, ਤਥਾ ਹਿ ਕ੍ਰਿਯਾਨਮਬ੍ਯਯਾਨਞ੍ਚ ਸਤ੍ਤਾਭੂਤਤ੍ਤਾ ਲਿਙ੍ਗਸਙ੍ਖ੍ਯਾਵਿਸੇਸੋਪਾਦਾਨਂ ਨਤ੍ਥੀਤਿ ਤਬ੍ਬਿਸੇਸਨਾਨਮ੍ਪਿ ਸਾਮਞ੍ਞਲਿਙ੍ਗਾ ਨਪੁਂਸਕਤ੍ਤਂ, ਸਾਮਞ੍ਞਸਙ੍ਖ੍ਯਾ ਚੇਕਤ੍ਤਂ ਯੁਤ੍ਤਨ੍ਤਿ, ਤਂ ਯਥਾ – ਮੁਦੁਂ ਪਚਨ੍ਤਿ, ਸਾਦੁਂ ਪਚਨ੍ਤਿ. ਬਹੁਵਚਨਨ੍ਤੇਪਿ ਕ੍ਰਿਯਾਸਦ੍ਦੇ ਤਬ੍ਬਿਸੇਸਨਸ੍ਸੇਕਤ੍ਤਮੇਵ ਕ੍ਰਿਯਾਵਿਸੇਸਨਾਨਂ ਕਮ੍ਮਨਿ ਦੁਤਿਯਾ, ਸਬ੍ਬੋ ਹਿ ਧਾਤ੍ਵਤ੍ਥੋ ਕਰੋਤ੍ਯਤ੍ਥੇਨ ਬ੍ਯਾਪਿਤੋ, ਮੁਦੁਂ ਪਚਨ੍ਤਿ ਮੁਦੁਂ ਪਚਨਂ ਕੁਬ੍ਬਨ੍ਤੀਤ੍ਯਤ੍ਥੋ, ਤੇਨ ਮੁਦਾਦੀਨਞ੍ਚ ਤਬ੍ਬਿਸੇਸਨਾਨਂ ਕਮ੍ਮਤ੍ਤਂ. ਅਞ੍ਞੋ ਪਨਾਹ ¶ ‘‘ਸਬ੍ਬੇ ਧਾਤ੍ਵਤ੍ਥਾ ਭਵਤ੍ਯਤ੍ਥਾਨੁਗਤਾ, ਭਵਤਿਕ੍ਰਿਯਾ ਕਤ੍ਵਤ੍ਥਮਨੁਭਵਨ੍ਤੀਤ੍ਯਤ੍ਥੋ. ‘ਪਚਤਿ ਦੇਵਦਤ੍ਤੋ’ਤਿ ਦੇਵਦਤ੍ਤਪਯੁਤ੍ਤੋ ਪਾਕੋ ਭਵਤਿ, ਗਚ੍ਛਤਿ ਗਮਨਂ ਭਵਤਿ, ਪਠਤਿ ਪਾਠੋ ਭਵਤੀ’’ਤਿ, ਤਮ੍ਮਤੇਨ ਪਠਮਾ, ਮੁਦੁਪਚਨਂ ਯਥਾ ਭਵਤਿ, ਤਥਾ ਪਚਤੀਤ੍ਯਤ੍ਥੋ. ਰਮਣੀਯਂ ਪਾਤੋ, ਵਿਮਲਂ ਪਾਤੋ, ਇਦਮੁਪਕੁਮ੍ਭਂ. ਕਮੁ ਕਨ੍ਤਿਯਂ, ਕਮ੍ਮਨਿ ਣੋ, ਕਾਮਂ, ਨਿਕਾਮਞ੍ਚ. ਇਸੁ ਇਚ੍ਛਾਯਂ, ਤੋ, ‘‘ਸਾਦਿਸਨ੍ਤਪੁਚ੍ਛੇ’’ਤ੍ਯਾਦਿਨਾ ਅਨ੍ਤੇਨ ਸਹ ਤਸ੍ਸ ਟ੍ਠੋ, ਇਟ੍ਠਂ. ਪਰਿਪੁਬ੍ਬੋ ਆਪ ਪਾਪੁਣਨੇ, ਤੋ, ਭੁਜਾਦਿ, ਰਸ੍ਸੋ, ਯਾਗਮੋ ਚ. ‘‘ਸਤ੍ਤ੍ਯਂ ਨਿਵਾਰਣੇ ਤਿਤ੍ਤਿਯਂ, ਪਰਿਯਤ੍ਤਂ ਯਥਿਚ੍ਛਿਤੇ’’ਤਿ [ਚਿਨ੍ਤਾਮਣਿਟੀਕਾ ੧੯.੫੭] ਰਭਸੋ. ਇਚ੍ਛਿਤਸ੍ਸ ਅਨਤਿਕ੍ਕਮੋ ਯਥਿਚ੍ਛਿਤਂ, ਯਥਾਤ੍ਥੇ ਅਬ੍ਯਯੀਭਾਵੋ. ਪਕਾਮਂਪ੍ਯਤ੍ਰ.

ਦ੍ਵਿਪਾਦਂ ਵਣਿਜਕੇ. ਕਯਵਿਕ੍ਕਯੇਹਿ ਜੀਵਤੀਤਿ, ਇਕੋ. ਸਤ੍ਥਂ ਵਾਣਿਜ੍ਜੋਪਜੀਵੀਨਂ ਸਙ੍ਘਾਤਂ ਵਹਤਿ ਦੇਸਨ੍ਤਰਂ ਪਾਪਯਤੀਤਿ, ਕਮ੍ਮਾਦਿਮ੍ਹਿ ਣੋ. ਸਤ੍ਥਵਾਹੋ ਵਣਿਜਨਾਯਕੋ, ਤਂਯੋਗਾ ਸਤ੍ਥਵਾਹੋ, ਣੋ. ਆਪਣੋ ਕਯਵਿਕ੍ਕਯਵੋਹਾਰੋ, ਤਂਯੋਗਾ ਆਪਣਿਕੋ, ਣਿਕੋ. ਵਣ ਸਦ੍ਦੇ, ਇਜੋ. ਵੇਦਹਕੋ, ਨੇਗਮੋ, ਪਣ੍ਯਾਜੀਵੋ, ਵਣਿਜੋਪ੍ਯਤ੍ਰ.

੪੭੦. ਵਿਕ੍ਕਯੋ ਨਾਮ ਪੁਬ੍ਬਮੇਵ ਅਤ੍ਤਨੋ ਧਨਸ੍ਸ ਪਰਸ੍ਸ ਦਾਨਂ. ਕੀ ਦਬ੍ਬਵਿਨਿਮਯੇ, ਤਤ੍ਰ ਨਿਯੁਤ੍ਤੋ ਵਿਕ੍ਕਯਿਕੋ. ਵਿਕ੍ਕਿਣਾਤੀਤਿ ਵਿਕ੍ਕੇਤਾ, ਰਿਤੁ. ਕਯੋ ਨਾਮ ਪਰਸ੍ਸ ਧਨਂ ਗਹੇਤ੍ਵਾ ਅਤ੍ਤਨੋ ਧਨਸ੍ਸ ਦਾਨਂ. ਕਯੇਨ ਜੀਵਤੀਤਿ ਕਯਿਕੋ. ਕਿਨਾਤੀਤਿ, ਣ੍ਵੁ.

ਦ੍ਵਯਂ ¶ ਧਨਪ੍ਪਯੋਤ੍ਤਰਿ. ਇਣੇ ਉਤ੍ਤਮੋ ਉਤ੍ਤਮਣ੍ਣੋ, ਅਭਿਧਾਨਾ ਪੁਬ੍ਬਨਿਪਾਤੋ, ਇਸ੍ਸਤ੍ਤਂ, ਦ੍ਵਿਤ੍ਤਞ੍ਚ. ਧਨਂ ਵੁਡ੍ਢਤ੍ਥਂ ਪਯੋਜੇਤੀਤਿ ਧਨਿਕੋ. ਦ੍ਵਯਂ ਧਨਗਾਹਕੇ. ਇਣੇ ਅਧਮੋ ਅਧਮਣ੍ਣੋ. ਇਣਂ ਗਣ੍ਹਾਤੀਤਿ ਇਣਾਯਿਕੋ, ਆਯਿਕੋ. ਇਣਂ ਆਯਤਿ ਪਵਤ੍ਤੇਤੀਤਿ ਵਾ ਇਣਾਯਕੋ, ਣ੍ਵੁ.

੪੭੧-੪੭੨. ਦ੍ਵਯਂ ਇਣੇ. ਉਦ੍ਧਰੀਯਤੇ ਗਯ੍ਹਤੇਤਿ ਉਦ੍ਧਾਰੋ, ਉਪੁਬ੍ਬੋ ਧਰਤਿ ਗਹਣੇ, ਣੋ. ਏਤਿ ਵੁਡ੍ਢਿਂ ਗਚ੍ਛਤੀਤਿ ਇਣਂ, ਯੁ, ਣਤ੍ਤਂ. ਪਰਿਯੁਦਞ੍ਚਨਮ੍ਪਿ, ਪਰਿਤੋ ਉਦਞ੍ਝਤੇ ਗਯ੍ਹਤੇਤਿ, ਯੁ. ਵੁਤ੍ਤਨ੍ਤਿ ਕ੍ਰਿਯਾਪਦਂ. ਯਤ੍ਤਕੇਨ ਧਨੇਨ ਲਾਭੋ ਲਬ੍ਭਤੇ, ਤਤ੍ਰ ਮੂਲਧਨੇ ਮੂਲਾਦਿਦ੍ਵਯਂ. ਮੂਲ ਪਤਿਟ੍ਠਾਯਂ. ਪਠਮਮੇਵ ਆਭਤਂ ਪਾਭਤਂ.

ਦ੍ਵਯਂ ਪਟਿਪਾਦੇ. ‘‘ਅਵਸ੍ਸਮਸ੍ਸਿਦਂ ਕਯਿਤਬ੍ਬ’’ਮਿਤਿ ਸਚ੍ਚਸ੍ਸਾਖ੍ਯਾਪਨਂ, ਕਰਣਂ ਵਾ ਸਚ੍ਚਾਪਨਂ, ਸਚ੍ਚਸ੍ਸ ਕਰਞ੍ਚਿਤ੍ਤਭਰਣਮਿਚ੍ਚਤ੍ਥੋ, ਸਚ੍ਚਸਦ੍ਦਾ ਧਾਤੁਰੂਪਾ ਯੁ, ਮਜ੍ਝੇ ਅਪਾਗਮੋ, ਸਚ੍ਚਸ੍ਸ ਵਾ ਆਪੁਣਨਂ ਸਚ੍ਚਾਪਨਂ, ਅਪਧਾਤੁਮ੍ਹਾ ਯੁ. ‘‘ਸਚ੍ਚਾਪਨਾ ਸਚ੍ਚਾਕਤਿ’’ਰਿਤਿ ਤਿਕਣ੍ਡਸੇਸੇ [ਥੀਕਣ੍ਡੇ (?)] ਵੋਪਾਲਿਤੋ. ਸਚ੍ਚਂ ਕਰੋਤਿ, ਸਚ੍ਚਸ੍ਸ ਵਾ ਕਰਣਂ ਸਚ੍ਚਕਾਰੋ. ਸਚ੍ਚਂਕਾਰੋਪਿ. ‘‘ਕ੍ਲਿਵੇ ਸਚ੍ਚਾਪਨਂ ਸਚ੍ਚ-ਙ੍ਕਾਰੋ ਸਚ੍ਚਾਕਤਿਤ੍ਥਿਯ’’ਨ੍ਤ੍ਯਮਰਕੋਸੇ [ਅਮਰ ੧੯.੮੨]. ਦ੍ਵਯਂ ਵਿਕ੍ਕਨੀਯਦਬ੍ਬੇ. ਵਿਕ੍ਕਿਨਿਤਬ੍ਬਨ੍ਤਿ ਵਿਕ੍ਕੇਯ੍ਯਂ, ਣ੍ਯੋ. ਪਣ ਬ੍ਯਵਹਾਰੇ, ਣ੍ਯੋ, ਦ੍ਵੇਪਿ ਤੀਸੁ.

ਦ੍ਵਯਂ ¶ ਨ੍ਯਾਸਸ੍ਸਪ੍ਪਨੇ [ਨ੍ਯਾਸਮ੍ਪਨ੍ਨੇ (ਕ.)]. ਨ੍ਯਾਸਸ੍ਸ ਅਪ੍ਪਨਂ [ਸਮ੍ਪਨ੍ਨਂ (ਕ.)] ਪਟਿਦਾਨਂ. ਪਤਿਪੁਬ੍ਬੋ ਦਦਾਤਿ ਨ੍ਯਾਸਸਮ੍ਪਨ੍ਨਤ੍ਥੋ, ਤਥਾ ਪਰਿਪੁਬ੍ਬੋ ਵਤ੍ਤਤਿ. ਪਰਿਦਾਨਂਪ੍ਯਤ੍ਰ.

ਦ੍ਵਯਂ ਨ੍ਯਾਸੇ. ਅਸੁ ਖੇਪਨੇ. ਨ੍ਯਸ੍ਸਤੇ ਨਿਕ੍ਖਿਪੀਯਤੇਤਿ, ਣੋ. ਉਪਨਿਧਿਯ੍ਯਤੇਤਿ ਉਪਨਿਧਿ, ਇ, ਉਪਨਿਧਿ ਪੁਮੇ. ‘‘ਪੁਮੇ ਉਪਨਿਧਿਨ੍ਯਾਸੋ’’ਤਿ [ਅਮਰ ੧੯.੮੧] ਅਮਰਕੋਸੇ.

੪੭੩. ਏਕਾਦਯੋ ਅਟ੍ਠਾਰਸਪਰਿਯਨ੍ਤਾ ਸਙ੍ਖ੍ਯਾਸਦ੍ਦਾ ਸਙ੍ਖ੍ਯੇਯ੍ਯੇ ਦਬ੍ਬੇ ਵਤ੍ਤਨ੍ਤਿ ਤੀਸੁ ਚ ਲਿਙ੍ਗੇਸੁ. ਸਙ੍ਖ੍ਯੇਯ੍ਯੇਕਤ੍ਤੇ ਚ ‘‘ਏਕੋ ਬ੍ਰਾਹ੍ਮਣੋ, ਅਟ੍ਠਾਰਸ ਬ੍ਰਾਹ੍ਮਣਾ’’ਤਿ ਸਮਾਨਾਧਿਕਰਣਂ ਭਵਤਿ, ਨ ਤੁ ਭਿਨ੍ਨਾਧਿਕਰਣਂ ‘‘ਬ੍ਰਾਹ੍ਮਣਾਨਂ ਏਕਾਦਸ ਚੇ’’ਤਿ. ਤੀਸੂਤ੍ਯਨੇਨ ‘‘ਨ ਕੇਵਲਂ ਏਕਸਦ੍ਦੋਵ ਸਲਿਙ੍ਗੋ, ਅਥ ਖੋ ਅਟ੍ਠਾਰਸਪਰਿਯਨ੍ਤਾਪੀ’’ਤਿ ਦਸ੍ਸੇਤਿ, ਤੇਨ ਕਤ੍ਥਚਿ ਤੇਸਂ ਅਲਿਙ੍ਗਤਾਵਚਨਂ ਲਿਙ੍ਗਵਿਸੇਸਾਭਾਵਂ ਸਨ੍ਧਾਯ ਵੁਤ੍ਤਂ, ਨ ਪਨ ਸਾਮਞ੍ਞਲਿਙ੍ਗਾਭਾਵਨ੍ਤਿ ਦਟ੍ਠਬ੍ਬਂ. ਇਮਿਨਾ ਨਯੇਨ ‘‘ਅਤਿਲਿਙ੍ਗਂ ਦ੍ਵਿਵਚਨਂ, ਤਦਾਖ੍ਯਾਤਨ੍ਤਿ ਵੁਚ੍ਚਤੀ’’ਤ੍ਯਾਦੀਸੁਪਿ ਦਟ੍ਠਬ੍ਬਂ, ਤੇਨ ‘‘ਪੁਰਿਸੋ ਗਚ੍ਛਤਿ, ਇਤ੍ਥੀ ਗਚ੍ਛਤਿ, ਚਿਤ੍ਤਂ ਗਚ੍ਛਤੀ’’ਤ੍ਯਾਦੀਸੁ ਗਚ੍ਛਤਿਸਦ੍ਦਸ੍ਸ ਤਂਤਂਲਿਙ੍ਗਵਿਸੇਸਵਚਨਤਾ, ‘‘ਗਚ੍ਛਤੀ’’ਤ੍ਯਾਦੀਸੁ ਸਾਮਞ੍ਞਲਿਙ੍ਗਵਚਨਤਾ ਚ ਦਟ੍ਠਬ੍ਬਾ. ਵੀਸਤ੍ਯਾਦਯੋ ਸਙ੍ਖ੍ਯਾਸਦ੍ਦਾ ਸਙ੍ਖ੍ਯਾਨੇ, ਸਙ੍ਖ੍ਯੇਯ੍ਯੇ ਚ ਵਤ੍ਤਨ੍ਤਿ ‘‘ਵੀਸਤਿ ਗਾਵੋ, ਗਵਂ ਵੀਸਤੀ’’ਤਿ. ਏਕਤ੍ਤੇਤਿ ਯਦਾ ਪਨੇਤਾ ਸਙ੍ਖ੍ਯੇਯ੍ਯੇ ਏਕਤ੍ਤਵਿਸਿਟ੍ਠਮੇਵ ਵਗ੍ਗਤ੍ਤਂ ਸਭਾਵਤੋ ਪਟਿਪਾਦਯਨ੍ਤਿ. ਤਦਾ ਭਿਨ੍ਨਸਙ੍ਖ੍ਯੇਨਾਪਿ ਸਮਾਨਾਧਿਕਰਣੇ ਏਕਵਚਨੇਯੇਵ ਸਬ੍ਬਕਾਲਂ ਵਤ੍ਤਤੇ ‘‘ਵੀਸਤਿ ਗਾਵੋ’’ਤਿ. ਯਦ੍ਯੇਕਤ੍ਤੇ, ਕਥਂ? ਦ੍ਵੇਵੀਸਤਿਯੋ, ਤਿਸ੍ਸੋ ਵੀਸਤਿਯੋ, ਪਞ੍ਚਸਤਾਨਿਚ੍ਚਾਦਯੋ ਪਯੋਗਾ ਇਚ੍ਚਾਹ ‘‘ਵਗ੍ਗਭੇਦੇ ਬਹੁਤ੍ਤੇਪੀ’’ਤਿ ¶ . ਵੀਸਤ੍ਯਾਦੀਨਂ ਵਗ੍ਗਾਨਂ ਭੇਦੇ ਵਤ੍ਤੁਮਿਚ੍ਛਿਤੇ ਸਤਿ ਬਹੁਤ੍ਤੇਪਿ ਬਹੁਵਚਨੇਪਿ ਭਵਨ੍ਤਿ. ਅਮਰਕੋਸੇ ਪਨ ‘‘ਸਙ੍ਖ੍ਯਨ੍ਤਰਸ੍ਸਤ੍ਥੇ ਅਭਿਧੇਯ੍ਯੇਵੀਸਤ੍ਯਾਦਯੋ ਤਂਸਮਾਨਾਧਿਕਰਣਤੋ ਬਹੁਵਚਨਾਨਿਪਿ ਭਵਨ੍ਤੀ’’ਤਿ [ਅਮਰ ੧੯.੮੩-੪] ਵੁਤ੍ਤਂ, ਸਙ੍ਖ੍ਯਨ੍ਤਰਮਿਹ ਵਗ੍ਗਭੇਦੋ, ਤੇਨ ਦ੍ਵਿਨ੍ਨਮ੍ਪਿ ਵੋਹਾਰਮਤ੍ਤਨਾਨਤ੍ਤਂ, ਨ ਅਤ੍ਥਨਾਨਤ੍ਤਨ੍ਤਿ ਦਟ੍ਠਬ੍ਬਂ. ਆਨਵੁਤਿ ਨਵੁਤਿਸਦ੍ਦਮਭਿਬ੍ਯਾਪੇਤ੍ਵਾ ਤਾ ਵੀਸਤ੍ਯਾਦਯੋ ਭਿਨ੍ਨਲਿਙ੍ਗੇਨਾਪਿ ਸਮਾਨਾਧਿਕਰਣੇ ਨਾਰਿਯਂ ਇਤ੍ਥਿਯਂ, ਯਥਾ ਵੀਸਤਿ ਕੁਣ੍ਡਾਨਿ. ਵੀਸਤ੍ਯਾਦਯੋ ਵਿਕਤਸਮਾਹਾਰਦ੍ਵਨ੍ਦਾ. ਲਿਙ੍ਗਸ੍ਸ ਲੋਕਾਸਯਤ੍ਤਾ ਦ੍ਵਨ੍ਦੇਕਤ੍ਤਨ੍ਤਿ ਨਪੁਂਸਕਤ੍ਤਨ੍ਤਿ ਵੀਸਤ੍ਯਾਦਯੋ ਅਬ੍ਯੁਪ੍ਪਨ੍ਨਾ ਪਰਮਤੇਨ, ਕਚ੍ਚਾਯਨਮਤੇਨ ਪਨ ਬ੍ਯੁਪ੍ਪਨ੍ਨਾ.

੪੭੪-੪੭੬. ਸਤਾਦੀਨਿ ਅਸਙ੍ਖ੍ਯੇਯ੍ਯਪਰਿਯਨ੍ਤਾਨਿ ਚਤੁਵੀਸਤਿ ਠਾਨਾਨਿ ਗਣਨਭੇਦਾਨਿ. ਤਤ੍ਥ ਦਸਦਸਸਦ੍ਦੇਹਿ ਨਿਪ੍ਫਾਦਿਤੋ ਸਤਸਦ੍ਦੋ, ਤਥਾ ਸਤਦਸਸਦ੍ਦੇਹਿ ਸਹਸ੍ਸਸਦ੍ਦੋ. ਯੁਜ ਯੋਗੇ, ਨਿਯੁਤਂ, ਅਯੁਤਮ੍ਪਿ. ਯੁ ਮਿਸ੍ਸਨੇ ਵਾ, ਤੋ. ਲਕ੍ਖ ਦਸ੍ਸਨਙ੍ਕੇਸੁ, ਲਕ੍ਖਂ, ਸਤਸਹਸ੍ਸਮ੍ਪਿ. ਕੁਟ ਛੇਦਨੇ, ਦਸਗੁਣਂ ਕੁਟਤੀਤਿ ਕੋਟਿ. ਉਪਸਗ੍ਗੇਨ ਵਿਸੇਸੇਤ੍ਵਾ ਏਕੋ ਗਣਨਵਿਸੇਸੋ ਪਕੋਟੀਤਿ ਵੁਚ੍ਚਤਿ, ਦ੍ਵੇਪਿ ਮਿਸ੍ਸੇਤ੍ਵਾ ਏਕੋ ਕੋਟਿਪਕੋਟੀਤਿ. ਨਹ ਬਨ੍ਧਨੇ, ਤੋ. ਆਗਮਸ੍ਸੁ. ਵਿਦ ਲਾਭੇ, ਉ, ਨਿਗ੍ਗਹੀਤਾਗਮੋ. ਅਬ ਹਿਂਸਾਯਂ, ਗਤਿਮ੍ਹਿ ਚ, ਦੋ, ਆਗਮਸ੍ਸੁ. ਅਹਿ ਗਤਿਮ੍ਹਿ, ਹਪਚ੍ਚਯੋ. ਅਵ ਰਕ੍ਖਣੇ, ਵੋ ¶ . ਅਟ ਗਮਨੇ, ਟੋ. ਸੋਗਨ੍ਧਿਕਨ੍ਤਿ ਕਮਲਵਿਸੇਸਨਾਮੇਨ ਏਕੋ ਗਣਨਵਿਸੇਸੋ ਵੁਚ੍ਚਤਿ, ਤਥੋਪ੍ਪਲਾਦਿਨਾਮੇਹਿ ਏਕੇਕੋ ਗਣਨਵਿਸੇਸੋ. ਕਥ ਵਾਕ੍ਯਪ੍ਪਬਨ੍ਧੇ, ਯੁ, ਸਙ੍ਖ੍ਯਾਤੁਮਸਕ੍ਕੁਣੇਯ੍ਯਤਾਯ ਅਸਙ੍ਖ੍ਯੇਯ੍ਯਂ.

ਨਨੁ ਸਙ੍ਖ੍ਯਾਤੁਮਸਕ੍ਕੁਣੇਯ੍ਯਤ੍ਤੇ ਸਤਿ ਏਕੇਨ ਭਵਿਤਬ੍ਬਂ, ਅਥ ਕਥਮੇਕੋ ਅਸਙ੍ਖ੍ਯੇਯ੍ਯੋ, ਦ੍ਵੇ ਅਸਙ੍ਖ੍ਯੇਯ੍ਯਾਨਿਚ੍ਚਾਦੀਨਿ ਭੇਦਾਨਿ ਵੁਤ੍ਤਾਨੀਤਿ? ਨਾਯਂ ਦੋਸੋ, ਤੇਸਂ ਕਾਲਦੇਸਾਦਿਵਸੇਨ ਭਿਨ੍ਨਾਨਮ੍ਪਿ ਸਮ੍ਭਵਤੋ. ਏਤਾਸੁ ਸਙ੍ਖ੍ਯਾਸੁ ਕਮਾ ਕਮੇਨ ਸਤਾਦਿਲਕ੍ਖਪਰਿਯਨ੍ਤਂ ਦਸਗੁਣਂ ਦਸਹਿ ਗੁਣਿਤਂ ਭਵਤਿ. ਕੋਟ੍ਯਾਦਿਕਂ ਅਸਙ੍ਖ੍ਯੇਯ੍ਯਪਰਿਯਨ੍ਤਂ ਸਤਲਕ੍ਖਗੁਣਂ ਸਤਲਕ੍ਖੇਹਿ ਗੁਣਿਤਂ ਭਵਤਿ, ਤਸ੍ਮਾ ਏਕਾ ਲੇਖਾ ਦ੍ਵਿਸੁਞ੍ਞਸਹਿਤਾ ਸਤਂ ਭਵਤਿ, ਤਥਾ ਤਿਸੁਞ੍ਞਸਹਿਤਾ ਸਹਸ੍ਸਂ, ਚਤੁਸੁਞ੍ਞਸਹਿਤਾ ਨਿਯੁਤਂ, ਪਞ੍ਚਸੁਞ੍ਞਸਹਿਤਾ ਏਕਾ ਲੇਖਾ ਲਕ੍ਖਂ ਭਵਤਿ, ਏਕਾ ਪਨ ਲੇਖਾ ਸਤ੍ਤਸੁਞ੍ਞਸਹਿਤਾ ਕੋਟਿ, ਤਥਾ ਚੁਦ੍ਦਸਸੁਞ੍ਞਸਹਿਤਾ ਪਕੋਟਿ, ਇਮਿਨਾ ਨਯੇਨ ਯਾਵਾਸਙ੍ਖ੍ਯੇਯ੍ਯਂ ਨੇਤਬ੍ਬਂ, ਅਯਮੇਕਚ੍ਚਾਨਮਾਚਰਿਯਾਨਂ ਮਤਿ.

ਅਥ ਵਾ ਸਤਾਦਯੋ ਅਸਙ੍ਖ੍ਯੇਯ੍ਯਪਰਿਯਨ੍ਤਾ ਸਬ੍ਬੇਪਿ ਦਸਗੁਣਿਤਾ ਕਾਤਬ੍ਬਾ, ਅਯਂ ਕਚ੍ਚਾਯਨਸ੍ਸ ਮਤਿ, ਤੇਨ ਹਿ ‘‘ਯਾਵ ਤਦੁਤ੍ਤਰਿ ਦਸਗੁਣਿਤਞ੍ਚੇ’’ਤਿ ਸੁਤ੍ਤਮਾਹ. ਅਥ ਵਾ ਸਤਾਦਯੋ ਲਕ੍ਖਨ੍ਤਾ ਦਸਦਸਗੁਣਿਤਾ, ਤੇਨ ਏਕਾ ਲੇਖਾ ਦ੍ਵਿਬਿਨ੍ਦੁਸਹਿਤਾ ਸਤਂ ਭਵਤਿ, ਤਥਾ ਚਤੁਪਞ੍ਚਾਦਿਬਿਨ੍ਦੁਸਹਿਤਾ ਸਹਸ੍ਸਾਦਿਕਂ ਭਵਤਿ, ਏਕਾ ਲੇਖਾ ਪਨ ਦ੍ਵਾਦਸਬਿਨ੍ਦੁਸਹਿਤਾ ਕੋਟਿ, ਤਥਾ ਏਕੂਨਵੀਸਤਿਬਿਨ੍ਦੁਸਹਿਤਾ ਪਕੋਟੀਤਿ ਯਾਵ ਅਸਙ੍ਖ੍ਯੇਯ੍ਯਾ ਏਕੇਕਸ੍ਮਿਂ ਸਤ੍ਤ ਸਤ੍ਤ ਬਿਨ੍ਦੂਨਿ ਕਤ੍ਵਾ ਗਣਨਾ ਕਾਤਬ੍ਬਾ, ਤਸ੍ਮਾ ਅਸਙ੍ਖ੍ਯੇਯ੍ਯਗਣਨਵਿਸੇਸੇ ਪਞ੍ਚਚਤ੍ਤਾਲੀਸਾਧਿਕਾਨਿ ਸਤਬਿਨ੍ਦੂਨਿ ਭਵਨ੍ਤਿ, ਅਯਮਮ੍ਹਾਕਂ ਮਤਿ.

ਅਮਰਕੋਸੇ [ਅਮਰ ੧੯.੮੪] ਪਨ ‘‘ਪਨ੍ਤ੍ਯਾ ਸਤਸਹਸ੍ਸਾਦਿ, ਕਮਾ ਦਸਗੁਣੋਤ੍ਤਰ’’ਮਿਤ੍ਯੁਤ੍ਤਂ, ਤਸ੍ਸਤ੍ਥੋ – ਦਸਸਙ੍ਖ੍ਯਾ ਪਨ੍ਤੀਤ੍ਯੁਚ੍ਚਤੇ ¶ , ਤਤੋ ਆਰਬ੍ਭ ਦਸਗੁਣੋਤ੍ਤਰਂ ਸਤਸਹਸ੍ਸਾਦਿਕਂ ਕਮਾ ਵਿਞ੍ਞੇਯ੍ਯਂ, ਤਂ ਯਥਾ – ਦਸਸਙ੍ਖ੍ਯਾਯ ਦਸਗੁਣੋਤ੍ਤਰਂ ਸਤਂ, ਸਤਾ ਦਸਗੁਣੋਤ੍ਤਰਂ ਸਹਸ੍ਸਂ, ਸਹਸ੍ਸਾ ਦਸਗੁਣੋਤ੍ਤਰਂ ਅਯੁਤਂ, ਅਯੁਤਾ ਦਸਗੁਣੋਤ੍ਤਰਂ ਲਕ੍ਖਂ, ਲਕ੍ਖਾ ਦਸਗੁਣੋਤ੍ਤਰਂ ਪਯੁਤਂ, ਪਯੁਤਾ ਦਸਗੁਣੋਤ੍ਤਰਂ ਕੋਟਿ, ਏਵਂ ਕੋਟਿਯਾ ਅਬ੍ਬੁਦਂ, ਅਬ੍ਬੁਦਾ ਪਦੁਮਂ, ਪਦੁਮਾ ਖਬ੍ਬੋ, ਖਬ੍ਬਾ ਮਹਾਕਥੋ, ਤਤੋਪਿ ਮਹਾਪਦੁਮਂ, ਤਤੋਪਿ ਸਙ੍ਕੁ, ਸਙ੍ਕੁਤੋ ਸਮੁਦ੍ਦੋ, ਤਤੋ ਅਨ੍ਤ੍ਯਂ, ਅਨ੍ਤ੍ਯਾ ਮਜ੍ਝਂ, ਮਜ੍ਝਾ ਪਰਦ੍ਧਂ, ਪਰਦ੍ਧਾ ਅਮਤਂ, ਅਮਤਾ ਦਸਗੁਣੋਤ੍ਤਰਂ ਸਙ੍ਖ੍ਯਂ, ਸਙ੍ਖ੍ਯਞ੍ਚ ਵੀਸਤਿਮਂ ਠਾਨਂ, ਅਸਙ੍ਖ੍ਯੇਯ੍ਯਮਿਤੋ ਪਰਨ੍ਤਿ. ਸਬ੍ਬਪਾਰਿਸਦਤ੍ਤਾ ਹਿ ਬ੍ਯਾਕਰਣਸ੍ਸ ਸਬ੍ਬੇਸਂਪ੍ਯਤ੍ਰ ਵਾਦਾ ਦਸ੍ਸਿਤਾ.

੪੭੭-੪੭੮. ਸਾਧਿਕੇਨ ਦ੍ਵੇਪਾਦੇਨ ‘‘ਅਡ੍ਢੇਨ ਚਤੁਤ੍ਥੋ ਅਡ੍ਢੁਡ੍ਢੋ, ਅਡ੍ਢੇਨ ਤਤਿਯੋ ਅਡ੍ਢਤਿਯੋ, ਅਡ੍ਢਤੇਯ੍ਯੋ ਚਾ’’ਤਿ ਇਮਂ ਵਚਨਤ੍ਥਂ ਦਸ੍ਸੇਤਿ. ਅਡ੍ਢੂਪਪਦੇਨ ਸਹ ਚਤੁਤ੍ਥਾਦਿਸਦ੍ਦਾਨਂ ਅਡ੍ਢੁਡ੍ਢਾਦ੍ਯਾਦੇਸੋ. ਸਾਧਿਕਪਾਦੇਨ ‘‘ਅਡ੍ਢੇਨ ਦੁਤਿਯੋ ਦਿਯਡ੍ਢੋ, ਦਿਵਡ੍ਢੋ ਚਾ’’ਤਿ ਇਮਂ ਵਚਨਤ੍ਥਂ ਦਸ੍ਸੇਤਿ. ਅਨ੍ਤਰਿਤਸ੍ਸਾਪਿ ਅਡ੍ਢੇਨਸਦ੍ਦਸ੍ਸ ਇਧਾਨੁਵਤ੍ਤਨਤਾ ਅਧਿਪ੍ਪੇਤਾ ਅਭਿਧਾਨਨ੍ਤਰਾਭਾਵਾ, ਸਬ੍ਬਤ੍ਰੇਵਂ.

੪੭੯-੪੮੦. ਮੀਯਤੇ ਪਰਿਚ੍ਛਿਨ੍ਦੀਯਤੇ ਯੇਨ, ਤਂ ਮਾਨਂ. ਤਞ੍ਚ ਤੁਲਾਪਤ੍ਥਙ੍ਗੁਲਿਵਸਾ ਤਿਧਾ ਮਾਨਿਯਦਬ੍ਬਸ੍ਸ ਭਵਤਿ. ਤੁਲ ਉਮ੍ਮਾਨੇ ¶ , ਚੁਰਾਦਿ, ਤੁਲਾ ਇਤ੍ਥੀ. ਪਦ ਗਤਿਯਂ, ਥੋ. ਅਙ੍ਗ ਗਮਨੇ, ਉਲੋ, ਅਙ੍ਗੁਲਂ, ‘‘ਅਙ੍ਗੁਲੀ’’ਤਿਪਿ ਪਾਠੋ, ਕਰਸਾਖਾ.

ਚਤ੍ਤਾਰੋ ਵੀਹਯੋ ਸਮ੍ਪਿਣ੍ਡਿਤਾ ਏਕਾਵ ਗੁਞ੍ਜਾ ਸਮਗਰੁਕਾ, ਤਥਾ ਦ੍ਵੇ ਗੁਞ੍ਜਾ ਏਕੋਵ ਮਾਸਕੋ ਸਮਗਰੁਕੋਤਿ ਸਬ੍ਬਤ੍ਰ ਨਯੋ ਨੇਤਬ੍ਬੋ. ਦ੍ਵੇ ਮਾਸਕਾ ਅਕ੍ਖੋ ਨਾਮ, ਵਿਭੀਟਕੋਤਿ ਵੁਤ੍ਤੋ, ਅਕ੍ਖਫਲਸਮਾਨਗਰੁਕਤ੍ਤਾ ਵਾ ਅਕ੍ਖੋ. ਕਰਿਸੋਪ੍ਯਤ੍ਰ, ਕਸ ਵਿਲੇਖਨੇ, ਅ, ਰਿਮਜ੍ਝੋ, ਅਨਿਤ੍ਥੀ. ਅਕ੍ਖਾਨਂ ਪਞ੍ਚ ਧਰਣਂ ਨਾਮ, ਧਰਤਿਧਾਤੁਯਾ ਯੁ. ਅਕ੍ਖਾਨਮਟ੍ਠਕਂ ਸੁਵਣ੍ਣੋ ਨਾਮ. ਪਞ੍ਚਧਰਣਂ ਨਿਕ੍ਖਂ ਨਾਮ. ਤੇ ਨਿਕ੍ਖਾ ਪਞ੍ਚ ਪਾਦੋ ਨਾਮ. ਸੋ ਪਾਦੋ ਚਤੁਤ੍ਥੇ ਭਾਗੇ ਵਤ੍ਤਤੀਤ੍ਯੇਕਚ੍ਚਾਨਂ ਮਤਿ. ਯਥਾਵੁਤ੍ਤਾਯੇਵ ਚਤ੍ਤਾਰੋ ਵੀਹਯੋ ਗੁਞ੍ਜਾ ਨਾਮ. ਦ੍ਵੇ ਗੁਞ੍ਜਾ ਮਾਸਕੋ ਨਾਮ. ਦ੍ਵੇ ਪਞ੍ਚਮਾਸਕਾ ਦਸਮਾਸਕਾ ਅਕ੍ਖੋ ਨਾਮ. ਅਕ੍ਖਾਨਂ ਅਟ੍ਠਕਂ ਧਰਣਂ ਨਾਮ. ਪਞ੍ਚਧਰਣਂ ਸੁਵਣ੍ਣੋ ਨਾਮ. ਤੇ ਪਞ੍ਚਸੁਵਣ੍ਣਾ ਨਿਕ੍ਖਂ ਨਾਮਾਤ੍ਯਮ੍ਹਾਕਂ ਮਤਿ. ਕਨ ਦਿਤ੍ਤਿਗਤਿਕਨ੍ਤੀਸੁ, ਨਿਪੁਬ੍ਬੋ, ਨਸ੍ਸ ਖੋ, ਨਿਕ੍ਖੋ, ਸੁਵਣ੍ਣਵਿਕਾਰੇਪਿ. ਯਸ੍ਸ ਕਸ੍ਸਚਿ ਵਤ੍ਥੁਨੋ ਚਤੁਤ੍ਥੇ ਭਾਗੇ ਪਾਦੋ. ਦਸ ਧਰਣਾਨਿ ਪਲਂ ਨਾਮ, ਪਲ ਪਥੇ ਚ ਗਤਿਮ੍ਹਿ.

੪੮੧. ਯਸ੍ਸ ਕਸ੍ਸਚਿ ਵਤ੍ਥੁਨੋ ਪਲਸਤਂ ਤੁਲਾ. ਤੁਲ ਉਮ੍ਮਾਨੇ, ਤੁਲਾ ਨਾਰੀ.

ਗੇਹਾਨਂ ਦਾਰੁਬਨ੍ਧਾਯ, ਪਿਠਿਕਾਯਂ ਤੁਲਾ ਥਿਯਂ;

ਮਾਨਭਣ੍ਡੇ ਚ ਸਾਦਿਸੇ, ਰਾਸਿਪਲਸਤੇਸੁ ਚ.

ਤਾ ¶ ਤੁਲਾ ਵੀਸਤਿ ਭਾਰੋ ਨਾਮ. ਭਰ ਧਾਰਣਪੋਸਨੇਸੁ, ਣੋ. ‘‘ਭਾਰੋ ਤੁ ਦ੍ਵਿਸਹਸ੍ਸੇਸੁ, ਪਲਾਨਮਪਿ ਵਿਵਧੇ’’ਤ੍ਯਜਯੋ [ਬ੍ਯਾਖ੍ਯਾਸੁਧਾਟੀਕਾਯਮ੍ਪਿ]. ਵਿਵਧੋ ਭਾਰਭੇਦੋ.

ਰੂਪਿਯਸ੍ਸ ਕਰਿਸੇਨ ਕਤੋ ਸਂਵੋਹਾਰਪਦਤ੍ਥੋ ਕਹਾਪਣੋ ਨਾਮ. ਕਰਿਸਪ੍ਪਮਾਣੇਨ ਰੂਪਿਯੇਨ ਕਤੋ ਪਣੋ ਪਣਿਯੋ ਦਬ੍ਬਭੇਦੋ ਕਹਾਪਣੋ. ਰਿਸਸ੍ਸ ਹਾਦੇਸੋ. ਅਹਾਦੇਸੇ ਕਰਿਸਾਪਣੋ, ਏਤੇ ਦ੍ਵੇ ਰੂਪਵਿਕਾਰੋ, ਅਞ੍ਞਤ੍ਰੂਪਚਾਰਾ. ਇਤਿ ਤੁਲਾਮਾਨਂ ਵੁਤ੍ਤਂ.

੪੮੨. ਪਤ੍ਥਮਾਨਂ ਦਸ੍ਸੇਤੁਮਾਹ ‘‘ਕੁਡੁਵੋ’’ਚ੍ਚਾਦਿ. ਏਕੋ ਪਸਤੋ ਕੁਡੁਵੋ ਨਾਮ. ਸਰ ਗਤਿਯਂ, ਤੋ, ਰਲੋਪੋ, ਕਡਿ ਭੇਦੇ, ਵੋ, ਕਡਿਸ੍ਸ ਕੁਡੁ, ਤੇ ਕੁਡੁਵਾ ਚਤ੍ਤਾਰੋ ਪਤ੍ਥੋ. ਚਤੁਪਤ੍ਥਾ ਆਲ਼੍ਹਕੋ, ਅਹ ਪੂਜਾਯਂ, ਣ੍ਵੁ, ਲ਼ਤ੍ਤਾਦਿ ਦਸਙ੍ਗੁਲਂ, ਦ੍ਵਾਦਸਙ੍ਗੁਲਂ ਵਾਸਬ੍ਬਤੋ ਮਾਨਮ੍ਪਿ ਆਲ਼੍ਹਕੋ. ਚਤੁਰੋ ਆਲ਼੍ਹਕਾ ਦੋਣਂ ਨਾਮ, ‘‘ਚਤੁਰਾਲ਼੍ਹਕ’’ਨ੍ਤਿਪਿ ਪਾਠੋ, ਦੁ ਗਮਨੇ, ਣੋ, ਦੁਣ ਗਤਿਯਂ, ਹਿਂਸਾਯਞ੍ਚ ਵਾ, ਦੋਣਂ. ਵਾਕਾਰੇਨ ਦੋਣੋ.

੪੮੩. ਚਤੁਰੋ ਦੋਣਾ ਮਾਨਿਕਾ, ਮਾਨ ਪੂਜਾਯਂ, ਸਕਤ੍ਥੇ ਕੋ, ਅਸ੍ਸਿ. ਚਤੁਮਾਨਿਕਂ ਚਤਸ੍ਸਨ੍ਨਂ ਮਾਨਿਕਾਨਂ ਸਮੂਹੋ ਚਤੁਮਾਨਿਕਂ ¶ ਖਾਰੀ ਨਾਮ, ਖਰ ਵਿਨਾਸੇ, ਣੋ, ਨਦਾਦਿ. ਦਸਮ੍ਬਣਂ ਦਸਾਧਿਕਸਤਦੋਣਮਤ੍ਤਂ ਕੁਮ੍ਭੋਤਿ ਘਟਨਾਮੇਨ ਏਕੋ ਪਤ੍ਥਮਾਨਵਿਸੇਸੋ ਦਸ੍ਸਿਤੋ, ‘‘ਅਮ੍ਬਣ’’ਨ੍ਤਿਪਿ ਪਾਠੋ.

੪੮੪. ਪਤ੍ਥਮਾਨਵਿਸੇਸਾਨਂ ਲਬ੍ਭਮਾਨਪਰਿਯਾਯੇ ਦਸ੍ਸੇਤੁਮਾਹ ‘‘ਆਲ਼੍ਹਕੋ’’ਚ੍ਚਾਦਿ. ਤੁਮ੍ਬ ਕਮ੍ਪਨੇ, ਅ. ਦ੍ਵਯਂ ਪਤ੍ਥੇ. ਪਤ੍ਥਸਦ੍ਦੋਯਂ ਸਾਮਞ੍ਞਭੇਦਮਾਨੇਸੁ ਪਵਤ੍ਤਤਿ, ਇਧ ਪਨ ਵਿਸੇਸਮਾਨਵਾਚਕੋ ਅਧਿਪ੍ਪੇਤੋ. ਨਲ ਗਨ੍ਥੇ, ਇਣ.

ਦ੍ਵਯਂ ਵਾਹੇ. ਵਹਤੀਤਿ ਵਾਹੋ, ਵਹ ਪਾਪੁਣਨੇ, ਣੋ.

ਅਮ੍ਬਣਮਾਨਂ, ਪਰਿਯਾਯਂ ਵਾ ਦਸ੍ਸੇਤੁਮਾਹ ‘‘ਏਕਾਦਸ ਦੋਣੇ’’ਚ੍ਚਾਦਿ. ਅਮ੍ਬ ਗਮਨੇ, ਯੁ, ਅਮ੍ਬ ਸਦ੍ਦੇ ਵਾ, ਇਤਿ ਪਤ੍ਥਮਾਨਂ ਵੁਤ੍ਤਂ, ਅਙ੍ਗੁਲਮਾਨਂ ਪਨ ਅਣ੍ਵਾਦ੍ਯਾਭਿਧਾਨਾਵਸਰੇ ਭੂਮਿਵਗ੍ਗੇ ਅਭਿਹਿਤਂ.

੪੮੫. ਚਤੁਕ੍ਕਂ ਭਾਗੇ. ਵਿਸ ਪਵੇਸਨੇ, ਦੀਘਾਦਿ, ਕੋਟ੍ਠਂ ਵੁਚ੍ਚਤਿ ਸਰੀਰਂ, ਤਤ੍ਥ ਸੇਤੀਤਿ ਕੋਟ੍ਠਾਸੋ. ਆਤ੍ਤਂ. ਅਨ ਪਾਣਨੇ, ਅਮ ਗਮਨੇ ਵਾ, ਸੋ. ਭਜੀਯਤੇ ਸੇਵੀਯਤੇਤਿ ਭਾਗੋ. ਣੋ. ਵਣ੍ਟਕੋਪ੍ਯਤ੍ਰ. ਵਟਿ ਵਿਭਾਜਨੇ, ਣ੍ਵੁ, ਣਨ੍ਤਾ ਵਾ ਸਕਤ੍ਥੇ ਕੋ.

ਵਿਭਵਨ੍ਤਂ ਧਨੇ. ਧਨ ਧਞ੍ਞੇ, ਅ. ਸਸ੍ਸ ਅਤ੍ਤਨੋ ਅਯਂ ਸੋ, ਸਮ੍ਪਿ. ਦੁਇਵ ਦਬ੍ਬਂ, ਸਾਰਮਿਚ੍ਚਤ੍ਥੋ, ਇਵਤ੍ਥੇ ਵੋ, ਵਿਦ ਲਾਭੇ, ਤੋ ¶ . ਸਸ੍ਸ ਧਨਸ੍ਸ ਪਤਿ ਸਪਤਿ, ਤਸ੍ਮਿਂ ਸਾਧੁ ਸਾਪਤੇਯ੍ਯਂ, ਣੇਯ੍ਯੋ. ਵਸ ਨਿਵਾਸੇ, ਉ. ਅਰ ਗਮਨੇ, ਥੋ. ਰਸ੍ਸ ਤੋ. ਵਿਭਵਨ੍ਤਿ ਪਭਵਨ੍ਤ੍ਯਨੇਨਾਤਿ ਵਿਭਵੋ, ਅ. ਹਿਰਞ੍ਞਂ, ਕੋਸੋਪ੍ਯਤ੍ਰ.

੪੮੬. ਕਤਾਕਤਂ ਕਞ੍ਚਨਂ, ਰੂਪਿਯਞ੍ਚ ਮਿਸ੍ਸਿਤਂ [ਮਿਲਿਤਂ (ਕ.), ਮਿਲਿਤਂ ਪਚ੍ਚੇਕਞ੍ਚ (ਅਮਰ ਖੀਰਸ੍ਵਾਧੀਟੀਕਾ)] ਕੋਸਾਦਿਦ੍ਵਯਵਾਚ੍ਚਂ, ਤਤ੍ਰ ਪਿਣ੍ਡੀਕਤਂ ਆਭਰਣੀਕਤਂ, ਕਮ੍ਮੀਭਾਵਮਾਪਾਦਿਤਂ ਵਾ ਕਤਂ. ਆਕਰੋਤ੍ਥਂ ਅਜਾਤਕਮ੍ਮਂ ਚੁਣ੍ਣਾਦਿਰੂਪਂ ਅਕਤਂ, ਤਦਞ੍ਞਂ ਤੇਹਿ ਕਞ੍ਚਨਰੂਪਿਯੇਹਿ ਅਞ੍ਞਂ ਤੇਜਸਂ ਦਬ੍ਬਂ ਤਮ੍ਬਂ. ਆਦਿਨਾ ਕਂਸਰੀਤਿਸੀਸਕਾਦਿ, ਯਞ੍ਚਾਤੇਜਸਂ ਰਾਜਪਟ੍ਟਦਾਰੁਵਿਸਾਦਿਕ’ਮਸਾਰਂ ਦਬ੍ਬਂ, ਤਂ ਸਬ੍ਬਂ ਕੁਪ੍ਪਂ, ਗੁਪ ਰਕ੍ਖਣੇ, ਗੁਪ੍ਪਤੇਤਿ, ਪੋ, ਕਤ੍ਤਞ੍ਚ ਗਸ੍ਸ.

ਦ੍ਵਯਂ ਕਞ੍ਚਨਂ ਰੂਪਿਯਞ੍ਚਾਹਤਮੁਟ੍ਠਾਪਿਤਹਯਵਰਾਹਪੁਰਿਸਾਦਿ ਰੂਪਂ ਨਿਗ੍ਘਾਤਿਕਾਯ ਤਾਲ਼ਿਤਂ ਦੀਨਾਰਾਦਿਕਂ ਰੂਪਿਯਾਖ੍ਯਂ. ਅਸ੍ਸਾਦਿਰੂਪਮਸ੍ਸਾਹਤਮਤ੍ਥੀਤਿ ਰੂਪਿਯਂ. ਰੂਪ ਆਹਤਪਸਂਸਾਸੁ, ਇਯੋ.

੪੮੭-੪੮੮. ਹਿਰਞ੍ਞਨ੍ਤਂ ਸੁਵਣ੍ਣੇ. ਸੋਭਨੋ ਵਣ੍ਣੋ ਯਸ੍ਸ ਸੁਵਣ੍ਣਂ. ਕਨ ਦਿਤ੍ਤਿਯਂ, ਣ੍ਵੁ, ਜਨਨਂ ਜਾਤਂ, ਪਕਟ੍ਠਂ ਜਾਤਂ ਜਾਤਰੂਪਂ, ¶ ਪਕਟ੍ਠਤ੍ਥੇ ਰੂਪਪਚ੍ਚਯੋ [ਪਸਂਸਾਯਂ ਰੂਪਪਚ੍ਚਯੋ ਇਤਿ ਸੁਭੂ (ਚਿਨ੍ਤਾਮਣਿਟੀਕਾ) ਪਸਂਸਾਯਂ ਰੂਪਂ (ਪਾਣਿਨਿ ੫.੩.੬੬)]. ਜਾਤਂ ਰੂਪਮਸ੍ਸਾਤਿ ਵਾ ਜਾਤਰੂਪਂ. ਇਣ ਗਤਿਯਂ, ਦਿਤ੍ਤਿਯਞ੍ਚ ਅਨੇਕਤ੍ਥਤ੍ਤਾ. ਸੁਟ੍ਠੁ ਦਿਪ੍ਪਤੇ ਦਿਤ੍ਤਿਯਾ ਯੁਜ੍ਜਤੇਤਿ ਸੋਣ੍ਣਂ, ਉਸ੍ਸੋ, ‘‘ਵਾ ਪਰੋ ਅਸਰੂਪਾ’’ਤਿ ਇਲੋਪੋ, ਦ੍ਵਿਤ੍ਤਂ. ਕਞ੍ਚ ਦਿਤ੍ਤਿਯਂ, ਯੁ. ਸਤ੍ਥੁ ਵਣ੍ਣੋ ਵਿਯ ਵਣ੍ਣੋ ਯਸ੍ਸ. ਚਿਤ੍ਤਮਤ੍ਤਾਨਂ ਹਰਤੀਤਿ ਹਰਿ. ਇ, ਕਮੁ ਇਚ੍ਛਾਯਂ, ਬੁ. ਚਰਤਿ ਏਤ੍ਥ ਚਿਤ੍ਤਂ ਚਾਰੁ, ਣੁ. ਹਿ ਗਤਿਯਂ, ਮੋ. ਹਟ ਦਿਤ੍ਤਿਯਂ, ਣ੍ਵੁ. ਤਪਨਂ ਦਾਹਮਰਹਤੀਤਿ ਤਪਨਿਯੋ, ਇਯੋ. ਹਰ ਹਰਣੇ, ਅਞ੍ਞੋ, ਅਸ੍ਸਿ. ਹਾ ਚਾਗੇ, ਹਾ ਗਤਿਯਂ ਵਾ, ਅਞ੍ਞੋ, ਹਿਰਾਦੇਸੋ ਚ.

ਚਾਮੀਕਰਾਦਯੋ ਚਤ੍ਤਾਰੋ ਤਬ੍ਭੇਦਾ ਤਸ੍ਸ ਸੁਵਣ੍ਣਸ੍ਸ ਵਿਸੇਸਾ. ਚਾਮੀ ਨਾਮ ਏਕਾ ਪੁਪ੍ਫਜਾਤਿ, ਤਂਕਰਤ੍ਤਾ ਚਾਮੀਕਰੋ, ਅਥ ਵਾ ਚਾਮੀ ਨਾਮ ਅਗ੍ਗਿ. ਚਮੁ ਅਦਨੇ, ਣੀ, ਤਕ੍ਕਰਤ੍ਤਾ ਚਾਮੀਕਰੋ. ਸਤਕੁਮ੍ਭਂ ਪਦ੍ਧਕੇਸਰਵਣ੍ਣਂ, ਤਬ੍ਬਣ੍ਣਸਦਿਸਤ੍ਤਾ ਸਾਤਕੁਮ੍ਭਂ. ਦੇਵਰੁਕ੍ਖਭੂਤਾਯ ਮਹਾਜਮ੍ਬੁਯਾ ਪਤਿਟ੍ਠਿਤਟ੍ਠਾਨੇ ਨਦੀ ਜਮ੍ਬੁਨਦੀ, ਤਸ੍ਸਂ ਪਤਿਤੇਹਿ ਮਹਾਗਜਪ੍ਪਮਾਣਾਨਂ, ਕੁਮ੍ਭਪ੍ਪਮਾਣਾਨਂ ਵਾ ਫਲਾਨਂ ਬੀਜੇਹਿ ਜਾਤਂ ਸੁਵਣ੍ਣਂ ਜਮ੍ਬੁਨਦਂ, ਇਦਂ ਪਨ ਸੁਵਣ੍ਣਂ ਅਨਲਪ੍ਪਭਂ ਦੇਵਾਲਙ੍ਕਾਰਮਤੁਲਂ ਜਾਯਤੇ. ਤਂ ਪਨਾਨਲਮਿਤਿ ਵਿਸੇਸਤ੍ਥੇਪਿ ਅਮਰਸੀਹੋ ਸੁਵਣ੍ਣਸਾਮਞ੍ਞੇਵ ਪਠਤਿ. ਸਿਙ੍ਗੀ ਨਾਮ ਏਕਾ ਮਚ੍ਛਜਾਤਿ, ਤਬ੍ਬਣ੍ਣਤਾਯ. ਖਣਿਯਂ ਵਾ ਤਂਸਣ੍ਠਾਨਸਿਲਾਖਣ੍ਡੇਹਿ ਜਾਤਤਾਯ ਸਿਙ੍ਗੀ, ਅਮਰਕੋਸੇ ਪਨ ਚਾਮੀਕਰਾਦੀਨਿਪਿ ਸੁਵਣ੍ਣਸਾਮਞ੍ਞੇ ਪਠਤਿ, ਸਿਙ੍ਗੀ ਪਨ ਵਿਸੇਸੇ. ਵੁਤ੍ਤਞ੍ਹਿ ਤਤ੍ਥ ‘‘ਅਲਙ੍ਕਾਰਸੁਵਣ੍ਣਂ ਯਂ, ਸਿਙ੍ਗੀਕਨਕਮਿਚ੍ਚਯ’’ਨ੍ਤਿ [ਅਮਰ ੧੯.੯੬]. ਤਸ੍ਸਤ੍ਥੋ – ਕਟਕਕੁਣ੍ਡਲਾਦਿਨੋ ਅਲਙ੍ਕਾਰਸੁਵਣ੍ਣਸ੍ਸ ‘‘ਸਿਙ੍ਗੀ’’ਤਿ ਨਾਮਨ੍ਤਿ. ‘‘ਸਿਙ੍ਗੀਮਣ੍ਡਨਸੋਣ੍ਣ’’ਨ੍ਤਿ ¶ ਰਤਨਕੋਸੋ. ਸੁਵਣ੍ਣਤਾਯ ਸਿਙ੍ਗੀ ‘‘ਕਨਕ’’ਮਿਤ੍ਯੁਚ੍ਚਤੇ.

੪੮੯. ਪਞ੍ਚਕਂ ਰਜਤੇ. ਰੂਪਯੁਤ੍ਤਤਾਯ ਰੂਪਿਯਂ. ਰਞ੍ਜ ਰਾਗੇ, ਅਤੋ. ਸਞ੍ਜ ਸਙ੍ਗੇ, ਝੁ, ਞਲੋਪੋ, ਸਜ੍ਝੁ. ਰੂਪਯੁਤ੍ਤਤਾਯ ਰੂਪੀ, ਸਞ੍ਜ ਸਙ੍ਗੇ, ਝੋ, ਞਲੋਪੋ, ਸਜ੍ਝਂ, ‘‘ਰੂਪਿਯਜ੍ਝ’’ਨ੍ਤਿਪਿ ਪਾਠੋ. ਤਦਾ ਇਯਜ੍ਝਪਚ੍ਚਯੇਨ ਸਿਦ੍ਧਂ. ਦੁਬ੍ਬਣ੍ਣਂ, ਖਜ੍ਜੂਰਂ, ਸੇਤਮ੍ਪਿ.

ਆਹਤਸੋਣ੍ਣਰਜਤੇ, ਰਜਤੇ ਰੂਪਿਯਂ ਮਤਂ;

ਰਜਤੇ ਚ ਖਲੇਕ੍ਲਿਵਂ, ਖਜ੍ਜੂਰੋ ਪਾਦਪਨ੍ਤਰੇ;

ਸੇਤਾ ਚ ਭਤਿਕਾਯਂ ਥ, ਕ੍ਲਿਵਂ ਸਜ੍ਝੇ ਸਿਤੇ ਤਿਸੁ.

ਅਸ੍ਮਜਾਤਿਯਂ ਪੁਪ੍ਫਰਾਗਾਦਿਮ੍ਹਿ, ਮੁਤ੍ਤਾਵਜਿਰਾਦਿਮ੍ਹਿ ਚ ਵਸ੍ਵਾਦਿਤ੍ਤਯਂ. ਵਸ ਨਿਵਾਸੇ, ਉ. ਰਤਿਂ ਤਨੋਤੀਤਿ ਰਤਨਂ, ਕਮ੍ਮਾਦਿਮ੍ਹਿ ਣੋ, ਤਿਲੋਪੋ. ‘‘ਰਤ੍ਨਂ ਸਜਾਤਿਸੇਟ੍ਠੇਪੀ’’ਤ੍ਯਮਰਕੋਸੇ [ਅਮਰ ੨੩.੧੨੬], ਤੇਨ ਗਜਸੇਟ੍ਠੋ ਗਜਰਤਨਂ, ਇਤ੍ਥਿਸੇਟ੍ਠੋ ਇਤ੍ਥਿਰਤਨਨ੍ਤਿ. ਮਨਸਦ੍ਦਤੋ ਇ, ਈਪਚ੍ਚਯੇ ਮਣੀ ਚ. ਪੁਪ੍ਫਰਾਗਾਦਯੋ ਵਕ੍ਖਮਾਨਾ ਤਬ੍ਭਿਦਾ ਤਸ੍ਸ ਮਣਿਨੋ ਵਿਸੇਸਾ. ਭਾਸਨ੍ਤੋ ਰਞ੍ਜੇਤੀਤਿ ਪੁਪ੍ਫਰਾਗੋ, ਭਾਸਸ੍ਸ ਪੁਪ੍ਫੋ.

੪੯੦. ਸੁਵਣ੍ਣਾਦਯੋ ਇਮੇ ਸਤ੍ਤ ਰਤਨਾਨ੍ਯਾਹੁ. ਮਣਿ ਰਤ੍ਤਮਣਿ.

੪੯੧. ਸਤ੍ਤਰਤਨਾਨਂ ਲਬ੍ਭਮਾਨਪਰਿਯਾਯੇ ਦਸ੍ਸੇਤੁਮਾਹ ‘‘ਲੋਹਿਤਙ੍ਗੋ’’ਚ੍ਚਾਦਿ. ਲੋਹਿਤਙ੍ਗਾਦਿਤ੍ਤਯਂ ਰਤ੍ਤਮਣਿਯਂ ¶ . ਲੋਹਿਤਵਣ੍ਣੇਨ ਅਙ੍ਗੀਯਤੇਤਿ ਲੋਹਿਤਙ੍ਗੋ, ਲੋਹਿਤਂ ਅਙ੍ਗਂ ਸਰੀਰਮੇਤਸ੍ਸ ਵਾ ਲੋਹਿਤਙ੍ਗੋ. ਪਦੁਮਞ੍ਚਾਤ੍ਰ ਕੋਕਨਦਂ, ਤਬ੍ਬਣ੍ਣਸਦਿਸੋ ਮਣਿ ਪਦੁਮਰਾਗੋ. ਸੋਣਰਤਨਂ, ਲੋਹਿਤਕੋਪ੍ਯਤ੍ਰ.

ਦ੍ਵਯਂ ਵੇਲ਼ੁਰਿਯੇ. ਵਂਸੋ ਤਚਸਾਰੋ, ਤਬ੍ਬਣ੍ਣੋ ਮਣਿ ਵਂਸਵਣ੍ਣੋ. ਵੇਲ਼ੁ ਵਿਯ ਦਿਸ੍ਸਤੀਤਿ ਵੇਲ਼ੁਰਿਯੋ, ਇਵਤ੍ਥੇ ਇਯੋ, ਰਾਗਮੋ ਚ. ਦ੍ਵਯਂ ਪਵਾਲ਼ੇ. ਵਲ ਸਂਵਰਣੇ, ਣੋ, ਲ਼ਤ੍ਤਂ, ਵਾਕਾਰੇਨ ਪਵਾਲ਼ੋਪਿ. ਦੁ ਗਮਨੇ, ਦੁ ਉਪਤਾਪੇ ਵਾ, ਮੋ, ਦ੍ਵਿਤ੍ਤਂ.

੪੯੨. ਦ੍ਵਯਂ ਕਬਰਮਣਿਮ੍ਹਿ. ਮਸਾਰਗਿਰਿਮ੍ਹਿ ਜਾਤਂ ਮਸਾਰਗਲ੍ਲਂ, ਲੋ, ਰਸ੍ਸ ਲੋ. ਕਬਰੋ ਸਬਲੋ ਮਣਿ. ਦ੍ਵਯਂ ਮੁਤ੍ਤਾਯਂ. ਮੁਚ ਮੋਚਨੇ, ਥੋ, ਮੁਤ੍ਤਾ ਏਵ ਮੁਤ੍ਤਿਕਂ, ਸਕਤ੍ਥੇ ਇਕੋ. ਸਤ੍ਥਿਕਾ ਪਕਤਿਤੋ ਲਿਙ੍ਗਵਚਨਾਨ੍ਯਤਿਵਤ੍ਤਨ੍ਤੇਤਿ ਨਪੁਂਸਕਤ੍ਤਂ. ਏਤ੍ਥ ਚ ਰਤਨਪਰਿਯਾਯਾਨਂ ਉਪ੍ਪਟਿਪਾਟਿਯਾ ਕਥਨਂ ਸਤ੍ਤਨ੍ਨਂ ਰਤਨਾਨਂ ਉਪ੍ਪਤ੍ਤਿਕ੍ਕਮਪਣੀਤਕ੍ਕਮਾਦਿਨੋ ਅਭਾਵਦੀਪਨਤ੍ਥਂ.

ਦ੍ਵਯਂ ਪਿਤ੍ਤਲੇ. ਰੀ ਗਮਨੇ, ਰਿ. ਰੀਤਿਪਿ. ‘‘ਰੀਤਿ ਪਚਾਰੇ ਸਨ੍ਦੇ ਚ, ਲੋਹਕਿਟ੍ਟਾਰਕੂਟੇਸੂ’’ਤਿ ਰੁਦ੍ਦੋ. ਆਰਸ੍ਸੇਵ ਕੂਟੋ, ਯਸ੍ਸ. ਦਬ੍ਬਸਦ੍ਦੋਪ੍ਯਤ੍ਰ. ਦ੍ਵਯਂ ਅਬ੍ਭਕੇ. ਅਮ ਗਮਨੇ, ਅਲੋ. ਅਬ੍ਭਂ ਆਕਾਸੋ, ਮੇਘੋ ਚ, ਤਂਸਞ੍ਞਕਤ੍ਤਾ ਅਬ੍ਭਕਂ, ਸਞ੍ਞਾਯਂ ਕੋ. ‘‘ਮੇਘਮ੍ਬਰਾਭਿਧਾਨਞ੍ਚ, ਗੋਰਿ ਬੀਜਞ੍ਚ ਅਬ੍ਭਕ’’ਨ੍ਤਿ ਹਿ ਵੁਤ੍ਤਂ. ਗਿਰਿਜਤੁ, ਸਿਲਾਜਤੁਪ੍ਯਤ੍ਰ.

੪੯੩. ਤਿਕਂ ¶ ਲੋਹੇ. ਲੂ ਛੇਦਨੇ, ਹੋ. ਅਯ ਗਮਨੇ, ਮਨੋਗਣਾਦਿ. ਕਾਲ਼ਞ੍ਚ ਤਂ ਅਯਸਞ੍ਚੇਤਿ ਕਾਲ਼ਾਯਸਂ. ਸਤ੍ਥਕਂ, ਤਿਕ੍ਖਣਂ, ਪਿਣ੍ਡਂ, ਅਯਸਂ, ਅਸ੍ਮਸਾਰੋਪ੍ਯਤ੍ਰ. ‘‘ਸਤ੍ਥਮਾਯੁਧਲੋਹੇਸੂ’’ਤਿ ਅਨੇਕਤ੍ਥੋ. ‘‘ਸਾਮੁਦ੍ਦਲਵਣੇਤਿਕ੍ਖਂ, ਵਿਸਲੋਹਾਜਿਮੁਕ੍ਕਕੇ’’ਤਿ ਰਭਸੋ. ਪਣ੍ਡ ਗਮਨੇ, ਅ. ਅਸ੍ਮਸ੍ਸ ਸਾਰੋ. ‘‘ਕਾਲ਼ਾਯਸ’ਮਯੋ ਲੋਹਂ, ਅਸ੍ਮਸਾਰਞ੍ਚ ਸਤ੍ਥਕ’’ਨ੍ਤਿ ਤ੍ਵਮਰਮਾਲਾਯਂ ਕ੍ਲੀਵਕਣ੍ਡਂ.

ਦ੍ਵਯਂ ਚਪਲੇ. ਪਾਰ ਸਾਮਤ੍ਥਿਯੇ, ਦੋ, ਪਾਰਯਤਿ ਸਕ੍ਕੋਤਿ ਸਬ੍ਬਲੋਹਂ ਕਞ੍ਚਨਂ ਕਾਤੁਨ੍ਤਿ ਪਾਰਦੋ. ਰਸ ਸਦ੍ਦੇ, ਅਗ੍ਗਿਮ੍ਹਿ ਪਕ੍ਖਿਤ੍ਤੇ ਰਸਤੀਤਿ ਰਸੋ, ਮਧੁਰਾਦੀਸੁ ਚ ਰਸੋ. ਚਪਲੋ, ਸੂਤੋਪ੍ਯਤ੍ਰ.

‘‘ਸਾਰਥਿਮ੍ਹਿ ਰਸੇ ਸੂਤੋ, ਪਸੂਤੇ ਪੇਰਿਤੇ ਤਿਸੁ’’;

‘‘ਰਸੇਨ੍ਦੋ ਪਾਰਦੋ ਵੁਤ੍ਤੋ, ਪਾਰਤੋਪਿ ਨਿਗਦ੍ਯਤੇ’’ਤਿ. –

‘‘ਪਾਰਦੋ ਸਿਦ੍ਧਧਾਤੁ ਚ, ਵਰਬੀਜਞ੍ਚ ਸੂਤਕ’’ਨ੍ਤਿ. –

ਤਿਕਣ੍ਡਸੇਸੋ [ਤਿਕਣ੍ਡਸੇਸ ੨.੯.੩੪].

ਤਿਕਂ ਨਾਗੇ. ਤਿਪੁ ਪੀਲ਼ਨੇ, ਉ. ਤਿਪੁਸਦ੍ਦਸ੍ਸ ਸੇਤੇਪਿ ਪਵਤ੍ਤਨਤੋ ਕਾਲ਼ਸਦ੍ਦੇਨ ਵਿਸੇਸੇਤ੍ਵਾ ਕਾਲ਼ਤਿਪੂਤਿ ਵੁਤ੍ਤੋ, ਤੇਨ ਤਿਪੁਸਦ੍ਦਸ੍ਸਦ੍ਵਿਨ੍ਨਮ੍ਪਿ ਵਾਚਕਤਾਦਟ੍ਠਬ੍ਬਾਤ੍ਯੇਕੇ, ਤਂ ‘‘ਨਾਗੋ ਸੀਸਕਯੋਗਿਟ੍ਠ-ਵਪ੍ਪਾਣਿ ਤਿਪੁ ਪਿਚ੍ਚਟ’’ਨ੍ਤਿ [ਅਮਰ ੧੯.੧੦੫] ਅਮਰਕੋਸੇ, ‘‘ਤਿਪੁ ¶ ਸੀਸਕਰਙ੍ਗੇਸੂ’’ਤਿ ਚ ਤਿਕਣ੍ਡਸੇਸ ਨਾਨਤ੍ਥਸਙ੍ਗਹਾਦੀਸੁ ਵੁਤ੍ਤਤ੍ਤਾ ਨ ਗਹੇਤਬ੍ਬਂ, ਤੇਨ ਕਾਲ਼ੋ ਚ ਤਿਪੁ ਚਾਤਿ ਦ੍ਵੇਯੇਵਤ੍ਥਾਭਿਧਾਨਾਨਿ. ਕਾਲ਼ਵਣ੍ਣਤਾਯ ਕਾਲ਼ੋ. ਤਿਪੁ ਯਥਾਵੁਤ੍ਤਤ੍ਥੋਵ. ਤਪ ਸਨ੍ਤਾਪੇ ਵਾ, ਉ, ਅਸ੍ਸਿਤ੍ਤਂ. ਸੀ ਸਯੇ, ਸਿ ਬਨ੍ਧਨੇ ਵਾ, ਸੋ. ‘‘ਸੇਟ੍ਠਭਕਦ੍ਦੁਜੋ ਨਾਗੋ, ਕ੍ਲਿਵਂ ਸੀਸਕਰਙ੍ਗੇਸੂ’’ਤਿ ਰਭਸੋ. ‘‘ਯੋਗਿਟ੍ਠ’’ਮਿਤ੍ਯੇਕਂ ਨਾਮਂ ਸੀਸਸ੍ਸ. ‘‘ਵਪ੍ਪੋ ਸੋ ਸੀਸਮਤ੍ਤਕ’’ਨ੍ਤਿ ਤ੍ਵਮਰਮਾਲਾ.

‘‘ਆਰਕੂਟੋਸੀ ਰੀਤਿ ਚ, ਸੀਸਕਂ ਤਿਪੁ ਵਦ੍ਧਕਂ;

ਨਾਗਂ ਮਹਾਮਲਞ੍ਚੇਵ, ਯੋਗਿਟ੍ਠਕ’’ਨ੍ਤਿ. –

‘‘ਸੀਸਮਤ੍ਤਂ ਬਹੁਮਲਂ, ਯੋਗਿਟ੍ਠਂ ਪਿਟ੍ਠਪਿਚ੍ਚਟਾ;

ਸੁਵਣ੍ਣਾਦਿਸਮਾਲੁਕ-ਮਪਿ ਸਿਨ੍ਦੂਰਸਮ੍ਭਵ’’ਨ੍ਤਿ. –

ਸੇਤੇ ਤੁ ਰਙ੍ਗਵਙ੍ਗਾ, ਤੇ ਗਤ੍ਯਤ੍ਥਾ.

‘‘ਰਙ੍ਗਂਸੁਰੇਭਂ ਮੁਦਙ੍ਗਂ, ਕੁਸੁਮ੍ਭਂ ਗਾਮ੍ਯਕੁਙ੍ਕੁਮ’’ਨ੍ਤਿ. –

ਤਿਕਣ੍ਡਸੇਸੋ [ਤਿਕਣ੍ਡਸੇਸ ੨.੯.੩੪].

ਦ੍ਵਯਂ ਹਰਿਤਾਲੇ. ਹਰਿਤਵਣ੍ਣਂ ਅਲਂ ਹਰਿਤਾਲਂ, ਬ੍ਯੁਪ੍ਪਤ੍ਤਿਮਤ੍ਤਮੇਤਂ. ਰੂਲ਼੍ਹੀਸਦ੍ਦੋ ਤ੍ਵਯਂ. ਪੀਤਿਂ ਨੇਤੀਤਿ ਪੀਤਨਂ. ‘‘ਪਿਞ੍ਜਰਂ ਪੀਤਨਂ ਤਾਲ-ਮਾਲਞ੍ਚ ਹਰਿਤਾਲਕੇ’’ਤ੍ਯਮਰਸੀਹੋ [ਅਮਰ ੧੯.੧੦੩] . ਪਿਞ੍ਜ ਵਣ੍ਣੇ, ਅਰੋ. ਅਲ ਭੂਸਨੇ, ਅਲਨ੍ਤ੍ਯਨੇਨੇਤਿ, ਣੋ, ‘‘ਹਰਿਤਾਲਮਲਂ ਤਾਲ-ਵਣ੍ਣਕਂ ਨਟਭੂਸਨ’’ਨ੍ਤਿ ਤੁ ਮਾਧਵੋ. ‘‘ਹਰਿਤਾਲੇ ਤੁ ਕਪ੍ਪੂਰਂ, ਗੋਦਨ੍ਤੋ ਨਟਸਞ੍ਞਕੋ’’ਤਿ ਤਿਕਣ੍ਡਸੇਸੋ [ਤਿਕਣ੍ਡਸੇਸ ੨.੯.੩੫].

੪੯੪. ਦ੍ਵਯਂ ¶ ਸਿਨ੍ਦੂਰੇ. ਪਿਟ੍ਠੇਨ ਨਾਗੇਨ ਜਾਤਂ ਪਿਟ੍ਠਂ. ਚੀਨਦੇਸਪ੍ਪਵਤ੍ਤਂ ਪਿਟ੍ਠਂ ਚੀਨਪਿਟ੍ਠਨ੍ਤਿ ਪੁਬ੍ਬਪਦੇ ਉਤ੍ਤਰਪਦਲੋਪੋ. ਸਨ੍ਦ ਸਵਨੇ, ਊਰੋ, ਅਸ੍ਸਿ. ‘‘ਸਿਨ੍ਦੂਰਂ ਨਾਗਸਮ੍ਭਵ’’ਨ੍ਤ੍ਯਮਰਸੀਹੋ [ਅਮਰ ੧੯.੧੦੫]. ਵਸਨ੍ਤਸ੍ਸਵੋ, ਰਤ੍ਤਚੁਣ੍ਣਂ, ਰਤ੍ਤਵਾਲੁਕਂਪ੍ਯਤ੍ਰ. ਦ੍ਵਯਂ ਤੂਲੇ. ਤੁਲ ਨਿਕਸੇ, ਅ. ਪਿਚੁ ਮਦ੍ਦਨੇ, ਉ. ਪਿਚੁ ਤੁਲੋਤਿ ਸਮੁਦਿਤਞ੍ਚਸ੍ਸ ਨਾਮਂ. ‘‘ਤੂਲੋ ਪਿਚੁ ਪਿਚੁਤੂਲੋ, ਮਕ੍ਕਟਿਸੁਤ੍ਤਂ ਤਕ੍ਕੋਟੀ’’ਤਿ ਹਿ ਰਭਸੋ.

ਮਧੁਸਦ੍ਦੇਨ ਖੁਦ੍ਦਜਨ੍ਤੁ, ਖੁਦ੍ਦਞ੍ਚੋਚ੍ਚਤੇ. ਖੁਦ੍ਦਜਨ੍ਤਵੋ ਭਮਰਾਦਯੋ. ਤਤ੍ਰ ਭਮਰਕਤਂ ਖੁਦ੍ਦਂ ਭਾਮਰਂ, ਮਕ੍ਖਿਕਾਕਤਂ ਮਕ੍ਖਿਕਂ, ਸਰਘਞ੍ਚੋਚ੍ਚਤੇ. ਵਰਟਾ ਕਤਂ ਵਾਰਟਂ. ਪੁਤ੍ਤਿਕਾ ਕਤਂ ਪੁਤ੍ਤਿਕਨ੍ਤਿ ਸਬ੍ਬਤ੍ਰਞ੍ਞਤ੍ਥੇ ਣੋ. ਮਧੁ ਉਨ੍ਦੇ, ਉ. ਖੁ ਸਦ੍ਦੇ, ਦੋ, ਖੁਦ ਪਿਪਾਸਾਯਂ ਵਾ, ਦੋ.

ਦ੍ਵਯਂ ਸਿਤ੍ਥੇ. ਮਧੂਹਿ ਖੁਦ੍ਦਜਨ੍ਤੂਹਿ ਉਚ੍ਛਿਟ੍ਠਂ ਸਜ੍ਜਿਤਨ੍ਤਿ ਮਧੁਚ੍ਛਿਟ੍ਠਂ. ਸਜ੍ਜ ਵਿਸਜ੍ਜਨਾਲਿਙ੍ਗਨਨਿਮ੍ਮਾਨੇਸੁ. ਨਿਮ੍ਮਾਨਂ ਸਮ੍ਪਿਣ੍ਡੀਕਰਣਂ, ਤੋ, ਜਤਾਨਂ ਠਾਦੇਸੋ, ਸਸ੍ਸ ਛੋ, ਦ੍ਵਿਤ੍ਤਂ, ਇਤ੍ਤਞ੍ਚ. ਸਿਚ ਪਗ੍ਘਰਣੇ, ਥੋ. ਸਿਤ੍ਥਮੇਵ ਸਿਤ੍ਥਕਂ. ਮਦਨੋਪ੍ਯਤ੍ਰ.

੪੯੫. ਤਿਕਂ ਗੋਪਾਲੇ. ਗਾਵੋ ਪਾਲੇਤਿ, ਪਾਤਿ ਚਾਤਿ ਗੋਪਾਲੋ, ਗੋਪੋ ਚ, ਕਮ੍ਮਨਿ ਣੋ. ਗਾਵੋ ਸਙ੍ਖ੍ਯਾਯਤੀਤਿ ਗੋਸਙ੍ਖ੍ਯੋ, ਸਂਪੁਬ੍ਬੋ ਖ੍ਯਾ ਗਣਨੇ. ਗੋਦੁਹੋ, ਆਭਿਰੋ, ਵਲ੍ਲਵੋਪ੍ਯਤ੍ਰ. ਦ੍ਵਯਂ ਗੋਮਿਕੇ. ਗਾਵੋ ਅਸ੍ਸ ਸਨ੍ਤੀਤਿ ਗੋਮਾ, ਮਨ੍ਤੁ. ਇਕਪਚ੍ਚਯੇ, ਮਾਗਮੇ ਚ ਗੋਮਿਕੋ.

ਦ੍ਵਿਪਾਦਂ ¶ ਬਲੀਬਦ੍ਦੇ. ਉਸ ਦਾਹੇ, ਅਭੋ. ਬਲਂ ਵਦ੍ਧਯਤੀਤਿ ਬਲੀਬਦ੍ਦੋ, ਨਿਪਾਤਨਾ. ਗਚ੍ਛਤੀਤਿ ਗੋਣੋ, ਯੁ, ਮਲੋਪੋ, ਅਸ੍ਸੋ, ਣਤ੍ਤਂ. ਗਚ੍ਛਤੀਤਿ ਗੋ, ਗਮੁ ਗਮਨੇ, ਰੋ.

‘‘ਸਗ੍ਗੇ ਕਰੇ ਚ ਵਜਿਰੇ, ਬਲੀਬਦ੍ਦੇ ਚ ਗੋ ਪੁਮਾ;

ਥੀ ਸੋਰਭੇਯ੍ਯਿਨੇਤ੍ਤਮ੍ਬੁ-ਦਿਸਾਵਚਨਭੂਮਿਸੂ’’ਤਿ. –

ਰੁਦ੍ਦੋ. ਵਸ ਨਿਵਾਸੇ, ਅਭੋ. ਵਸ੍ਸਤੀਤਿ ਵੁਸੋ, ਵਸ੍ਸ ਸੇਚਨੇ, ਣੋ, ਅਸ੍ਸੁ, ਸਂਯੋਗਲੋਪੋ ਚ. ਉਕ੍ਖੋ, ਭਦ੍ਦੋ, ਅਨਵਾਹੋ, ਸੋਰਭੇਯ੍ਯੋਪ੍ਯਤ੍ਰ. ਉਕ੍ਖ ਸੇਚਨੇ. ਅਨਂ ਸਕਟਂ ਵਹਤੀਤਿ ਅਨਵਾਹੋ, ਣੋ. ਸੁਰਭਿ ਗੋ, ਤਸ੍ਸਾਪਚ੍ਚਂ ਸੋਰਭੇਯ੍ਯੋ, ਣੇਯ੍ਯੋ.

੪੯੬. ਸੋ ਗੋ ਵੁਦ੍ਧੋ ਜਰਗ੍ਗਵੋ ਨਾਮ. ਜਰਂ ਪਤ੍ਤੋ ਗੋ ਜਰਗ੍ਗਵੋ, ਸਿਮ੍ਹਿ ਓਸ੍ਸ ਅਵੋ. ਦ੍ਵਯਂ ਮਿਸਬਾਲ੍ਯਯੁਤ੍ਤੇ ਕਿਞ੍ਚਿਫੁਟ੍ਠਤਾਰੁਞ੍ਞੇ ਅਸਮ੍ਪਤ੍ਤਬਲੀਬਦ੍ਦਭਾਵੇ ਵਚ੍ਛੇ. ‘‘ਵਚ੍ਛੋ ਵੁਦ੍ਧੋ ਵਚ੍ਛਤਰੋ’’ਤਿ ਨਾਮਮਾਲਾ. ਦਮਨਾਰਹੋ ਦਮ੍ਮੋ, ਮੋ. ਵਸ ਨਿਵਾਸੇ, ਛੋ, ਵਚ੍ਛਸ੍ਸਾਯੇਵ ਗਾਵਿਯਾ ਤਨੁਤ੍ਥੇ ਨਿਪਾਤਨਾ ਤਰੋ [ਪਾਣਿਨਿ ੫.੩.੯੧ ਸੁਤ੍ਤਂ ਪਸ੍ਸਿਤਬ੍ਬਂ]. ਸਮਾਤਿ ਏਤੇ ਦ੍ਵੇ ਤੁਲ੍ਯਤ੍ਥਾ.

ਦ੍ਵਯਂ ਧੁਰਵਾਹੇ. ਧੁਰਂ ਵਹਤਿ ਸੀਲੇਨਾਤਿ ਧੁਰਵਾਹੀ, ਣੀ. ਧੁਰਂ ਵਹਿਤੁਮਰਹਤੀਤਿ ਧੋਰਯ੍ਹੋ, ਣੋ, ਵਸ੍ਸ ਯੋ.

ਗਵਂ ਗੁਨ੍ਨਂ ਅਧਿਕਤੋ ਜਨੋ ਗੋਵਿਨ੍ਦੋ, ਗਵਂ ਇਨ੍ਦੋ ਗੋਵਿਨ੍ਦੋ, ਗਵਂ ਵਿਨ੍ਦਤੀਤਿ ਵਾ ਗੋਵਿਨ੍ਦੋ.

੪੯੭. ਵਹਤ੍ਯਨੇਨ ¶ ਵਹੋ, ਅ. ਕੁਕ ਆਦਾਨੇ, ਉਦੋ, ਉਸ੍ਸਤ੍ਤਂ, ਦਸ੍ਸ ਧੋ ਵਾ, ਕਕੁਦੋ, ਕਕੁਧੋ ਚ. ਦ੍ਵਯਂ ਸਿਙ੍ਗੇ. ਵਿਸ ਪਵੇਸਨੇ, ਯੁ. ਸੀ ਸਯੇ, ਗੋ, ਨਿਗ੍ਗਹੀਤਾਗਮੋ, ਰਸ੍ਸਤ੍ਤਞ੍ਚ. ਲੋਹਿਤਵਣ੍ਣਤਾਯ ਰੋਹਿਣੀ, ਤਸ੍ਸ ਣੋ, ਨਦਾਦਿ.

੪੯੮. ਤਿਕਂ ਗਾਵੀਸਾਮਞ੍ਞੇ. ਪੁਮੇਪਿ ਗਾਵੀ, ਤਦਾ ਯੋਸ੍ਸ ਈ. ਸਿਙ੍ਗਯੁਤ੍ਤਤਾਯ ਸਿਙ੍ਗਿਨੀ, ਤਦ੍ਧਿਤਨ੍ਤਾ ਇਨੀ. ਦ੍ਵਯਂ ਅਪੁਤ੍ਤਿਕਾਯਂ. ਹਨਤਿਸ੍ਮਾ ਇਤ੍ਥਿਯਂ ਅ, ਹਨਤਿਸ੍ਸ ਵਧੋ, ਨਿਗ੍ਗਹੀਤਾਗਮੋ, ਧਸ੍ਸ ਝੋ ਚ, ਬਨ੍ਧ ਬਨ੍ਧਨੇ ਵਾ, ਵਞ੍ਝਾ. ਵਸ ਕਨ੍ਤਿਯਂ, ਅ.

ਨਵਪ੍ਪਸੂਤਿਕਾ ਪਚ੍ਚਗ੍ਘਪਸੂਤਾ ਗੋ ਧੇਨੁ ਨਾਮ, ਧੇ ਪਾਨੇ, ਨੁ. ਦ੍ਵਯਂ ਪਿਯਪੁਤ੍ਤਾਯਂ. ਵਚ੍ਛਂ ਕਾਮਯਤੀਤਿ ਵਚ੍ਛਕਾਮਾ. ਵਚ੍ਛਂ ਲਾਤੀਤਿ ਵਚ੍ਛਲਾ. ਸਵਚ੍ਛਕਾਯਮਪਿ ਦ੍ਵਯਮਿਦਂ ਵਦਨ੍ਤਿ.

੪੯੯. ਦ੍ਵਯਂ ਮਨ੍ਥਨਕੁਮ੍ਭਿਕਾਯਂ. ‘‘ਗਗ੍ਗ’’ਨ੍ਤਿ ਸਦ੍ਦਂਰਾਤੀਤਿ ਗਗ੍ਗਰੀ, ਨਦਾਦਿ. ਮਨ੍ਥਤਿ ਯਸ੍ਸ ਮਨ੍ਥਨੀ. ਮਨ੍ਥ ਵਿਲੋਲ਼ਨੇ, ਯੁ, ਨਦਾਦਿ, ਦ੍ਵੇਪਿ ਇਤ੍ਥੀ. ਯਤ੍ਰੇਕਸ੍ਮਿਂ ਬਹੁਪਗ੍ਗਹਯੁਤ੍ਤੇ ਅਨੇਕੇ ਬਨ੍ਧੀਯਨ੍ਤੇ, ਤਤ੍ਰ ¶ ਸਨ੍ਦਾਨਾਦਿਦ੍ਵਯਂ. ਸਂਪੁਬ੍ਬੋ ਦਾ ਦਾਨੇ ਸਂਯਮਨਤ੍ਥੋ, ਕਰਣੇ ਯੁ. ਦਾ ਦਾਨੇ, ਮੋ, ਦਾਮਂ.

ਦ੍ਵਯਂ ਗੋਵਚ੍ਚੇ. ਮਿਹ ਸੇਚਨੇ, ਲੋ. ਗਵਂ ਮੀਲ਼੍ਹੋ ਵਚ੍ਚੋ ਗੋਮੀਲ਼੍ਹੋ. ਗੋਤੋ ਨਿਬ੍ਬਤ੍ਤੋ ਗੋਮਯੋ, ਦ੍ਵੇਪ੍ਯਨਿਤ੍ਥੀ. ਦ੍ਵਯਂ ਘਤੇ. ਸਪ੍ਪ ਗਮਨੇ, ਇ, ਸਪ੍ਪਿ ਨਪੁਂਸਕੇ. ਘਰ ਸੇਚਨੇ, ਤੋ. ਹਵਿਪ੍ਯਤ੍ਰ.

੫੦੦. ਤਂਦਿਵਸਿਯਾ ਦਧਿਤੋ, ਦੁਦ੍ਧਾ ਵਾ ਸਮੁਬ੍ਭਤਂ ਘਤਂ ਤਪ੍ਪਕਤਿ ਚ ਨਵਨੀਤਂ. ਨਵਦਧ੍ਯਾਦੀਹਿ ਨੀਤਂ ਪਵਤ੍ਤਂ ਨੋਨੀਤਂ, ਵਸ੍ਸੋ. ਨਵਨੀਤਮ੍ਪਿ. ਦ੍ਵਯਂ ਦਧਿਸਾਰੇ. ਦਧਿਨੋ ਮਣ੍ਡਂ ਸਾਰੋ ਦਧਿਮਣ੍ਡਂ. ਮਸ ਪਰਿਮਾਣੇ, ਥੁ, ਸਸ੍ਸ ਤੋ, ਮਤ੍ਥੁ ਨਪੁਂਸਕੇ.

ਚਤੁਕ੍ਕਂ ਖੀਰੇ, ਖਿ ਖਯੇ, ਈਰੋ. ਦੁਹ੍ਯਤੇਤਿ ਦੁਦ੍ਧਂ, ਦੁਹ ਪਪੂਰਣੇ, ਤੋ. ਪਾ ਪਾਨੇ, ਪਾਤਬ੍ਬਨ੍ਤਿ ਪਯੋ, ਣ੍ਯੋ, ਆਸ੍ਸਤ੍ਤਂ. ਥਨਤੋ ਸਮ੍ਭੂਤਂ ਥਞ੍ਞਂ.

ਦ੍ਵਯਂ ਤਕ੍ਕੇ. ਤੀਣਿ ਕਾਨਿ ਜਲਭਾਗਾਨਿ ਏਤ੍ਥ ਸਨ੍ਤੀਤਿ ਤਕ੍ਕਂ, ਇਸ੍ਸਤ੍ਤਂ, ਦ੍ਵਿਤ੍ਤਞ੍ਚ. ਮਥ ਵਿਲੋਲ਼ਨੇ, ਤੋ, ‘‘ਯਥਾਗਮਮਿਕਾਰੋ’’ਤਿ ਇਕਾਰਾਗਮੋ, ਅਞ੍ਞਤ੍ਰ ਪਨ –

‘‘ਅਦ੍ਧੋਦਕਸਮਾਯੁਤ੍ਤਂ, ਉਦਸ੍ਸਿਤਮੁਦੀਰਿਤਂ;

ਤਕ੍ਕਂ ਤਿਭਾਗਸਂਯੁਤ੍ਤਂ, ਮਥਿਤਨ੍ਤਿ ਗਤੋਦਕ’’ਨ੍ਤਿ. –

ਤਕ੍ਕਮਥਿਤਾ ਭੇਦੇਨੁਤ੍ਤਾ, ਗਤੋਦਕਮਿਤਿ ਨਿਜ੍ਜਲਂ.

‘‘ਨਿਜ੍ਜਲਂ ਮਥਿਤਂ ਸਿਨਿਦ੍ਧਂ, ਤਕ੍ਕਨ੍ਤੁ ਜਲਪਾਦਿਕਂ;

ਉਦਸ੍ਸਿਤਂ ਜਲਦ੍ਧਞ੍ਚ, ਸੋਤਖ੍ਯਨ੍ਤੁ ਸਮੋਦਕ’’ਨ੍ਤਿ. –

੫੦੧. ਖੀਰਾਦਯੋ ¶ ਪਞ੍ਚ ਗੋਤੋ ਸਞ੍ਜਾਤਰਸਾ. ਖੀਰਂ ਨਵਂ, ਦਧਿ ਖੀਰਤੋ ਜਾਤਂ. ‘‘ਖੀਰਜਂ ਦਧਿਮਙ੍ਗਲ’’ਨ੍ਤਿ ਹਿ ਰਤਨਾਮਾਲਾ. ਧਾ ਧਾਰਣੇ. ਇ, ਦ੍ਵਿਤ੍ਤਂ, ਨਿਪਾਤਨਾ. ਦਧਿਤੋ ਵਾ ਘਤਂ, ਨੋਨੀਤਞ੍ਚ. ਸਬ੍ਬਸੇਸੋ ਤਕ੍ਕਂ, ਖੀਰਤੋਯੇਵ ਵਾ.

ਛਕ੍ਕਂ ਏਲ਼ਕੇ. ਬਾਧਿਯਮਾਨੋਪਿ ਨ ਰਵਤੀਤਿ ਉਰਬ੍ਭੋ. ਰੁ ਸਦ੍ਦੇ, ਭੋ. ਮੇਣ੍ਡ ਕੁਟਿਲਤ੍ਥੇ, ਕੋ. ਮਿਸਤਿ ਪਦ੍ਧਤੇ ਅਞ੍ਞਮਞ੍ਞਂ ਮੇਸੋ. ‘‘ਸਂਹਸਨੇ ਮੇਸੋ, ਪਦ੍ਧਾਯ’ਮਸਮੁਨ੍ਨਤੀ’’ਤਿ ਨਾਨਤ੍ਥਸਙ੍ਗਹੇ. ਨ ਰਣਤੀਤਿ ਉਰਣੋ, ਰਣ ਸਦ੍ਦੇ. ਅਵ ਰਕ੍ਖਣੇ, ਇ. ਅਵਿ, ‘‘ਅਵਯੋ ਸੇਲਮੇਸਕ੍ਕਾ’’ਤ੍ਯਮਰਸੀਹੋ [ਅਮਰ ੨੩.੨੦੭]. ‘‘ਅਜੀ’’ਤਿਪਿ ਪਾਠੋ. ਇਲ ਗਤਿਯਂ, ਣ੍ਵੁ. ਉਣ੍ਣਾਯੁਪ੍ਯਤ੍ਰ, ਉਣ੍ਣਾਯੋਗਾ ਉਣ੍ਣਾਯੁ, ਯੁ, ਲੁਹੁ ਉਭੇ ਉਲੋਮਸਸਦ੍ਦਾ ਚ ਰਭਸੇਨ ਵੁਤ੍ਤਾ.

੫੦੨. ਤਿਕਂ ਅਜੇ. ਵਸ ਨਿਵਾਸੇ. ਤੋ, ਵਸ੍ਤੋ, ਵਤ੍ਤੋਪਿ. ਅਞ੍ਞੇ ਤੁ ‘‘ਵਸ ਗਨ੍ਧਅਦਨੇ’’ਤਿ ਚੁਰਾਦਿਮਾਹੁ, ਅਜ ਗਮਨੇ, ਨ ਜਾਯਤੀਤਿ ਵਾ ਅਜੋ. ਛਿਨ੍ਦਨ੍ਤੋ ਗਚ੍ਛਤੀਤਿ ਛਗਲਕੋ, ਛੋ ਛੇਦਨੇ, ਗਮੁ ਗਮਨੇ, ਣੋ, ਮਸ੍ਸ ਲੋ, ਓਸ੍ਸਤ੍ਤਂ, ਸਕਤ੍ਥੇ ਕੋ, ਛਕਲਕੋਪਿ. ਛਾਗੋਪ੍ਯਤ੍ਰ. ਦ੍ਵਯਂ ਕਰਭੇ. ਵਸ ਕਨ੍ਤਿਮ੍ਹਿ, ਤੋ, ਵਸ੍ਸੋਤ੍ਤਂ, ਉਸ ¶ ਦਾਹੇ ਵਾ, ਓਤ੍ਤਾਦਿ, ਓਟ੍ਠੋ, ਦਨ੍ਤਚ੍ਛਦੇਪਿ. ਕਰ ਕਰਣੇ, ਅਭੋ. ‘‘ਖਰਭੋ’’ਤ੍ਯੇਕੇ ਪਠਨ੍ਤਿ. ਕਮੇਲਕੋ, ਮਯੋ, ਮਹਾਙ੍ਗੋਪ੍ਯਤ੍ਰ.

ਦ੍ਵਯਂ ਗਦ੍ਰਭੇ. ਗਦਤਿਸ੍ਮਾ ਰਭੋ, ਗਦ੍ਰਭੋ. ਖਂ ਕਣ੍ਠਵਿਵਰਂ ਮਹਨ੍ਤਮਸ੍ਸਤ੍ਥੀਤਿ ਖਰੋ, ਰੋ. ਚਕ੍ਕਵਾ, ਬਾਲੇਯ੍ਯੋ, ਰਾਸਭੋਪ੍ਯਤ੍ਰ. ਚਕ੍ਕਯੋਗਾ, ਵਨ੍ਤੁ. ਬਲਯੁਤ੍ਤਤ੍ਤਾ ਬਾਲੇਯ੍ਯੋ. ਰਸ ਸਦ੍ਦੇ, ਅਭੋ. ਦ੍ਵਯਂ ਅਵਿਯਂ. ਉਰਣਸ੍ਸ ਅਯਂ ਉਰਣੀ. ਅਵਿਨੋ ਏਸਾ ਅਵੀ. ਅਜਾਸਦ੍ਦੋ ਏਕੋ ਛਾਗਿਯਂ. ਅਞ੍ਞੇ ਤੁ ‘‘ਉਰਣੀ ਤੁ ਅਜੀ ਅਜਾ’’ਤਿਪਿ ਪਾਠਂ ਵਤ੍ਵਾ ਤਿਣ੍ਣਮ੍ਪਿ ਉਰਣੀਪਰਿਯਾਯਤ੍ਤਂ ਵਦਨ੍ਤਿ, ਤੇਸਂ ਮਤੇ ਅਜੀਅਜਾਸਦ੍ਦਾਪਿ ਉਰਣੀਪਰਿਯਾਯਾ ਅਤ੍ਥੀਤਿ ਦਟ੍ਠਬ੍ਬਾ. ਅਥ ਵਾ ਤਿਕਂ ਅਜਿਯਂ. ਉਰਣਸਦ੍ਦਸ੍ਸਾਪਿ ਅਜਪਰਿਯਾਯਸ੍ਸ ਸਮ੍ਭਵਤੋ ‘‘ਉਰਣੀ ਤੁ ਅਜੀ ਅਜਾ’’ਤਿ ਵੁਤ੍ਤਂ, ਵਕ੍ਖਤਿ ਹਿ ਅਨੇਕਤ੍ਥਵਗ੍ਗੇ ‘‘ਉਮ੍ਮਾਰੇ ਏਲ਼ਕੋ ਅਜੇ’’ਤਿ [ਅਭਿਧਾਨ ੧੧੨੪ ਗਾਥਾ], ਉਰਣਪਰਿਯਾਯੋ ਹੇਤ੍ਥ ਏਲ਼ਕੋ.

੫੦੩. ਤਿਕਂ ਸੁਦ੍ਦੇ. ਸਦ ਅਸ੍ਸਾਦਨੇ, ਦੋ, ਅਸ੍ਸੁ. ਅਨ੍ਤਵਣ੍ਣੋ ਲਾਮਕਵਣ੍ਣੋ. ਵਸ ਸੇਚਨੇ, ਵਸੇਤਬ੍ਬੋ ਅਸੁਚਿਤਤ੍ਤਾ ਵਸਲੋ, ਅਲੋ. ਯਤ੍ਰ ਯਤ੍ਰ ਵਾ ਮੁਤ੍ਤਂ ਕਰੀਸਂ ਸਿਞ੍ਚਤੀਤਿ ਵਸਲੋ, ਅਲੋ, ਜਘਞ੍ਞਜੋਪ੍ਯਤ੍ਰ. ਬ੍ਰਹ੍ਮੁਨੋ ਜਘਞ੍ਞਙ੍ਗੇ ਪਾਦੇ ਜਾਤੋ ਜਘਞ੍ਞਜੋ.

ਮਾਗਧਾਦਯੋ ¶ ਸੂਤਪਰਿਯਨ੍ਤਾ ਵਿਜਾਤਿਯਮਾਤਾਪਿਤਿਕਤ੍ਤਾ ਉਭਯਵਣ੍ਣੋਪ੍ਪਤ੍ਤਿਯਾ ਸਂਕਿਣ੍ਣਜਾਤਿਯੋ ਇਚ੍ਚਤ੍ਥੋ, ਭਿਨ੍ਨਜਾਤਿਸਂਸਗ੍ਗੋ ਏਵ ਹਿ ਸਙ੍ਕਰੋ. ਸੁਦ੍ਦੇਨ ਸਮ੍ਬਨ੍ਧਾਯ ਖਤ੍ਤਾਯ ਜਾਤੋ ਪੁਤ੍ਤੋ ਮਾਗਧੋ. ਥੁਤਿਕ੍ਰਿਯਾਵੁਤ੍ਤਿ. ਸੁਦ੍ਦਾਯ ਸਮ੍ਬਨ੍ਧੇਨ ਖਤ੍ਤਿਯੇਨ ਜਾਤੋ ਉਗ੍ਗੋ, ਉਚ ਸਮਵਾਯੇ, ਣੋ.

੫੦੪. ਬ੍ਰਾਹ੍ਮਣਿਯਾ ਸਮ੍ਬਨ੍ਧੇਨ ਖਤ੍ਤਿਯੇਨ ਜਾਤੋ ਸੂਤੋ, ਸੁ ਅਭਿਭਵੇ, ਤੋ, ਦੀਘਾਦਿ.

ਸੁਦ੍ਦਾਵੇਸ੍ਸਹਿ ਕਰਣੋ-ਮ੍ਬਟ੍ਠੋ ਵੇਸ੍ਸਾਦ੍ਵਿਜਾਤਿਹਿ. ਮਾਹਿਂਸੋ ਵੇਸ੍ਸਾਖਤ੍ਤਜੋ, ਖਤ੍ਤਾ ਖਤ੍ਤਾਯ ਸੁਦ੍ਦਜੋ.

ਤਤ੍ਰ ਕਰਣੋ ਲਿਪਿਲੇਖਨਵੁਤ੍ਤਿ, ਅਮ੍ਬਟ੍ਠੋ ਵਿਚਿਕਿਚ੍ਛਾਵੁਤ੍ਤਿ.

ਦ੍ਵਯਂ ਸਿਪ੍ਪਿਨਿ. ਕਰੋਤਿ ਨਿਮ੍ਮਿਨਾਤਿ ਚਿਤ੍ਰਲੇਪ੍ਯਾਦਿਕਨ੍ਤਿ ਕਾਰੁ, ਣੁ. ਸਿਪ੍ਪਮਸ੍ਸਤ੍ਥੀਤਿ ਸਿਪ੍ਪਿਕੋ. ਸਜਾਤੀਨਂ ਤੇਸਂ ਸਿਪ੍ਪੀਨਂ ਸਙ੍ਘਾਤੋ ‘‘ਸੇਣੀ’’ਤ੍ਯੁਚ੍ਚਤੇ. ਸਿ ਸੇਵਾਯਂ, ਣਿ.

੫੦੫. ਤਚ੍ਛਕਾਦਯੋ ¶ ਇਮੇ ਪਞ੍ਚ ਕਾਰਵੋ ਸਿਪ੍ਪਿਨੋ ਨਾਮ ਸਿਯੁਂ. ਵੁਤ੍ਤਞ੍ਚ –

‘‘ਤਚ੍ਛਕੋ ਤਨ੍ਤਵਾਯੋ ਚ, ਰਜਕੋ ਚ ਨਹਾਪਿਤੋ;

ਪਞ੍ਚਮੋ ਚਮ੍ਮਕਾਰੋ ਚ, ਕਾਰਵੋ ਸਿਪ੍ਪਿਨੋ ਮਤਾ’’ਤਿ.

੫੦੬. ਪਞ੍ਚਕਂ ਤਚ੍ਛਕੇ. ਤਚ੍ਛ ਤਨੁਕਰਣੇ. ਤਚ੍ਛਤਿ ਤਨੁਂ ਕਰੋਤੀਤਿ ਤਚ੍ਛਕੋ, ਣ੍ਵੁ, ਵਦ੍ਧਯਤਿ ਛਿਨ੍ਦਤੀਤਿ ਵਦ੍ਧਕੀ, ਵਦ੍ਧ ਛੇਦਨੇ, ਚੁਰਾਦਿ, ‘‘ਛੇਦਨੇ ਚਾਪਿ ਵਦ੍ਧਨ’’ਨ੍ਤਿ ਰਤਨਮਾਲਾ, ਣ੍ਵੁ. ਸਕਤ੍ਥੇ ਈ, ਵਦ੍ਧਕੀ, ਵਡ੍ਢਕੀਪਿ. ਪਲਾਦ੍ਯੁਮ੍ਮਾਨਪ੍ਪਕਾਰੇਨ ਗਣ੍ਡਤਿ ਛਿਨ੍ਦਤੀਤਿ ਪਲਗਣ੍ਡੋ. ਗਣ੍ਡ ਛੇਦਨੋਪਲੇਪਨਸਨ੍ਨਿਚਯਵਦਨੇਕਦੇਸੇਸੁ. ਪਲਗਣ੍ਡੋ ਸੁਧਾਜੀਵਿਨ੍ਯਪਿ. ਠਾ ਗਤਿਨਿਵਤ੍ਤਿਯਂ,ਤਿ, ਪਕਾਰਵਣ੍ਣਾਗਮੋ. ਠਾਤਿਸ੍ਸ ਥੋਪਿ. ਰਥਂ ਕਰੋਤੀਤਿ, ਕਮ੍ਮਨਿ ਣੋ, ਰਥਕਾਰੋ, ਚਮ੍ਮਕਾਰੇਪਿ. ਦ੍ਵਯਂ ਸੁਵਣ੍ਣਕਾਰੇ. ਨਾਲ਼ਿਂ ਧਮਤਿ ਮੁਖੇ ਵਿਨਾਸਯਿਤ੍ਵਾ ਮੁਖਵਾਯੁਨਾ ਅਗ੍ਗਿਦੀਪਨਤ੍ਥਂ ਨਾਲ਼ਿਂ ਸਦ੍ਦਾਪਯਤੀਤਿ ਨਾਲ਼ਿਧਮੋ.

੫੦੭. ਅਥੋਪਰਂ ਪੁਕ੍ਕੁਸਂਯਾਵਪਾਦੇਨ ਨਾਮਂ. ਵੇ ਤਨ੍ਤਸਨ੍ਤਾਨੇ, ਤਨ੍ਤਂ ਵਾਯਤੀਤਿ, ਣੋ. ਪੇਸ ਪੇਰਣਪਯਤਨਗਤੀਸੁ. ਪੇਸਨਂ ਪੇਸੋ, ਤਂ ਕਰੋਤੀਤਿ, ਣੋ. ਕੁਵਿਨ੍ਦੋਪ੍ਯਤ੍ਰ ¶ , ਕੁਚ੍ਛਿਤਂ ਵਿਨ੍ਦਤੀਤਿ ਕੁਵਿਨ੍ਦੋ. ਮਾਲਾਸਿਪ੍ਪਯੋਗਾ, ਮਾਲਾਪਨਯੋਗਾ ਵਾ ਮਾਲਿਕੋ, ਇਕੋ.

ਕੁਂ ਲਲਯਤਿ ਇਚ੍ਛਤੀਤਿ ਕੁਲਾਲੋ, ਲਲ ਇਚ੍ਛਾਯਂ, ਣੋ. ਦ੍ਵਯਂ ਸੂਚਿਕਮ੍ਮੋਪਜੀਵਿਨਿ. ਸੂਚਿਵਾਨਕਮ੍ਮਂ ਦੁਵਿਧਂ ਸੂਚਨਂ, ਤੁਨ੍ਨਞ੍ਚਾਤਿ, ਤਤ੍ਰ ਤੁਨ੍ਨਵਾਨਕਮ੍ਮੇਨ ਪਵਤ੍ਤਿਨਿਮਿਤ੍ਤੇਨ ਤੁਨ੍ਨਵਾਯੋ, ਸੂਚਿਵਾਨਸਿਪ੍ਪਯੋਗਾ ਸੋਚਿਕੋ.

੫੦੮. ਚਮ੍ਮਂ ਕਰੋਤਿ ਵਿਕਾਰਮਾਪਾਦਯਤੀਤਿ, ਕਮ੍ਮਨਿ ਣੋ. ਪਾਦੁਕਰੋਪ੍ਯਤ੍ਰ. ਕਪ੍ਪ ਛੇਦਨੇ, ਣ੍ਵੁ. ਨਹ ਸੋਚੇਯ੍ਯੇ, ਦਿਵਾਦਿਤੋ ਨਿਪਾਤਨਾ ਪਕਾਰਾਗਮਾਦਿ, ਨ ਹਾਪੇਤੀਤਿ ਵਾ ਨਹਾਪਿਤੋ, ਹਾ ਪਰਿਹਾਨੇ, ਣਾਪੇ ਪਚ੍ਚਯੋ, ਤੋ, ਏਸ੍ਸਿਤ੍ਤਂ, ਸਞ੍ਞਾਸਦ੍ਦਤ੍ਤਾ ਨਸ੍ਸਪਕਤਿ. ਖੁਰੀ, ਮੁਣ੍ਡੀ, ਦਿਵਾਕਿਤ੍ਤਿਪ੍ਯਤ੍ਰ. ਖੁਰਵਾ ਖੁਰੀ, ਮੁਣ੍ਡਵਾ ਮੁਣ੍ਡੀ, ਮੁਣ੍ਡੋ, ਮੁਣ੍ਡੀ, ਮੁਣ੍ਡਕੋਤਿ ਪਸਿਦ੍ਧਿ. ਦਿਵਾ ਦਿਵਸੇ ਕਿਤ੍ਤਿ ਬ੍ਯਾਪਾਰੋ ਅਸ੍ਸ ਦਿਵਾਕਿਤ੍ਤਿ. ‘‘ਚਣ੍ਡਾਲੇ ਤੁ ਦਿਵਾਕਿਤ੍ਤਿ, ਨਹਾਪਿਤੋ’’ਤਿ ਰੁਦ੍ਦੋ.

ਰਞ੍ਜਤੇ ਸੁਤ੍ਤਂ ਰਤ੍ਤਮਾਪਜ੍ਜਤੇ ਯਸ੍ਮਿਂ, ਸ ਰਙ੍ਗੋ. ਹਰਿਤਾਲਮਨੋਸਿਲਾਦਿ, ਤਮਾਜੀਵਤੀਤਿ, ਕਮ੍ਮਨਿ ਣੋ.

ਪੁਞ੍ਜਂ ਕਸਤੀਤਿ ਪੁਕ੍ਕੁਸੋ, ਨਿਪਾਤਨਾ, ਅਥ ਵਾ ‘‘ਪੁ’’ਇਤਿ ਪੁਰਿਸਸ੍ਸ ਨਾਮਂ, ਤਂ ਕੁਸੇਤਿ ਅਪਨੇਤੀਤਿ ਪੁਕ੍ਕੁਸੋ. ਪੁਪ੍ਫਂ ਵੁਚ੍ਚਤਿ ਕਰੀਸਂ, ਕੁਸੁਮਂ ਵਾ, ਤਂ ਛਡ੍ਡੇਤੀਤਿ, ਣ੍ਵੁ. ਛਡ੍ਡ ਅਪਨਯਨੇ.

੫੦੯. ਵੇਨਾਦਯੋ ¶ ਤਯੋ ਸਮਾ ਤੁਲ੍ਯਤ੍ਥਾ. ਵੇਣੁਨਾ ਜੀਵਤੀਤਿ ਵੇਨੋ. ਣਸ੍ਸ ਨਤ੍ਤਂ. ਵੇਣੋਪਿ. ਵੇਣੁਵੇਤ੍ਤਾਦੀਨਂ ਵਿਕਤਿ ਵਿਲੀਵਾ, ਤੇਹਿ ਵਿਲੀਵਂ ਕਰੋਤੀਤਿ ਵਿਲੀਵਕਾਰੋ. ਨਲ਼ੋਪਿ ਵੇਣੁਵੇਤ੍ਤਾਦੀਨਂਯੇਵ ਵਿਕਤਿ, ਤਂ ਕਰੋਤੀਤਿ, ਕਮ੍ਮਨਿ ਣੋ. ਨਲ਼ੇਹਿ ਵਾ ਵਿਲੀਵਂ ਕਰੋਤੀਤਿ ਨਲ਼ਕਾਰੋ.

ਇਤੋ ਪਰਂ ਸੋਣ੍ਡਿਕਂ ਯਾਵ ਪਾਦੇਨ ਨਾਮਂ. ਚੁਨ੍ਦ ਛੇਦਨੇ, ਸਞ੍ਚੋਦਨੇ ਚ. ਚੁਨ੍ਦ ਨਿਸਾਮਨੇ ਵਾ. ਭਮੁ ਅਨਵਟ੍ਠਾਨੇ, ਤਂ ਕਰੋਤੀਤਿ ਭਮਕਾਰੋ. ਕਰ ਕਰਣੇ, ਮਾਰੋ, ਕਮ੍ਮਾਰੋ, ਕਮ੍ਮਨਿ ਣ੍ਵੁ. ਲੋਹਕਾਰਕੋ. ਆਕਰੋਟ੍ਠਿਤਂ [ਆਟਵੋਟ੍ਠਿਤਂ (ਕ.)] ਯੋ ਲੋਹਂ ਧਮਿਤ੍ਵਾ ਸਙ੍ਖਰੋਤਿ, ਤਤ੍ਰਾਪਿ ਲੋਹਕਾਰਕੋ.

੫੧੦. ਰਜਕਸ੍ਸ ਦ੍ਵੇ ਕਮ੍ਮਾਨਿ ਚੇਲਧੋਵਨਂ, ਰਜਨਞ੍ਚ. ਤਤ੍ਰ ਚੇਲਧੋਵਨੋ ਨਿਨ੍ਨੇਜਕੋ, ਣ੍ਵੁ, ਨਿਜਿ ਸੁਦ੍ਧਿਯਂ, ਨਿਜਿ ਸੋਚੇਯ੍ਯਸੋਚਨੇਸੁ ਵਾ. ਵਤ੍ਥਰਞ੍ਜਨਾ ਰਜਕੋ. ਰਨ੍ਜ ਰਙ੍ਗੇ, ਣ੍ਵੁ. ਨੇਤੀਤਿ ਨੇਤ੍ਤਿਕੋ. ਸਕਤ੍ਥੇ ਕੋ, ਨੇਤ੍ਤਿਯਂ ਉਦਕਨਯੇਨ ਨਿਯੁਤ੍ਤੋਤਿ ਵਾ ਨੇਤ੍ਤਿਕੋ, ਨੇਤ੍ਤਿਯਾ ਮਾਤਿਕਾਯ ਨੇਤੀਤਿ ਵਾ ਨੇਤ੍ਤਿਕੋ, ਇਕੋ. ਉਦਕਂ ਹਾਰੇਤੀਤਿ ਉਦਹਾਰਕੋ. ਕਲੋਪੋ, ਣ੍ਵੁ.

ਵੀਣਾਵਾਦਨਸੀਲਤ੍ਤਾ ਵੀਣਾਵਾਦਿ. ਵੀਣਾਵਾਦਨਸਿਪ੍ਪਯੋਗਾ ਵੇਣਿਕੋ. ਉਸੁਮ੍ਹਿ, ਉਸੁਕਾਰੋ ਵਾ ਵਡ੍ਢਕੀ ਉਸੁਵਡ੍ਢਕੀ, ¶ ਏਤੇਨ ਵਡ੍ਢਕੀਸਦ੍ਦਸ੍ਸ ਸਬ੍ਬੇਸਮ੍ਪਿ ਸਿਪ੍ਪਿਕਾਨਂ ਵਾਚਕਤਾ ਦੀਪਿਤਾ, ਤੇਨ ਸੁਵਣ੍ਣਵਡ੍ਢਕੀ, ਤਨ੍ਤਵਡ੍ਢਕੀਤ੍ਯਾਦਯੋਪਿ ਯੋਜ੍ਜਾ.

੫੧੧. ਵੇਣੁਂ ਵਂਸਂ ਧਮਤੀਤਿ ਵੇਣੁਧਮੋ. ਵੇਣੁਵਾਦਨਸਿਪ੍ਪਯੋਗਾ ਵੇਣਵਿਕੋ, ਣਿਕੋ. ਯੋ ਪਾਣਿਨੇਵ ਪਾਣਨ੍ਤਰੇ ਮੁਰਜਾਦਿਸਦ੍ਦਂ ਉਟ੍ਠਾਪਯਤਿ, ਸੋ ਪਾਣਿਵਾਦੋ. ਪਾਣਿਂ ਹਨ੍ਤੀਤਿ ਪਾਣਿਘੋ. ਪਾਣਿਯੋਪਿ. ਪਾਣਿਵਾਦਨਸਿਪ੍ਪਯੋਗਾ ਪਾਣਿਯੋ, ਯੋ.

ਪੂਪੇਨ ਜੀਵਤੀਤਿ ਪੂਪਿਯੋ, ਪੂਪੋ ਪਣਿਯੋ ਵਿਕ੍ਕੇਯ੍ਯੋ ਯਸ੍ਸ. ਪਾਨਾਗਾਰਂ ਸੁਣ੍ਡਾ, ਤਟ੍ਠਤ੍ਤਾ ਸੁਰਾ ਸੋਣ੍ਡਾ, ਤਂ ਵਿਕ੍ਕਿਣਾਤੀਤਿ ਸੋਣ੍ਡਿਕੋ, ‘‘ਨੇਨਨਿਦ੍ਦਿਟ੍ਠਮਨਿਚ੍ਚ’’ਨ੍ਤਿ [ਕਾਤਨ੍ਤ ੧.੨.੧੮ ਨਘਟੀਤਂ ਅਨਿਚ੍ਚਂ (ਪਰਿਭਾਸੇਨ੍ਦੁਸੇਖਰ ੯੭)] ਪਰਿਭਾਸਤੋ ਵੁਦ੍ਧਿ. ਮਜ੍ਜਂ ਵਿਕ੍ਕਿਣਾਤਿ ਸੀਲੇਨ. ਮਣ੍ਡਹਾਰੋਪ੍ਯਤ੍ਰ, ਮਣ੍ਡਂ ਸੁਰਾਸਮ੍ਬਨ੍ਧਮਗ੍ਗਭਾਗਂ ਹਰਤਿ ਉਦ੍ਧਰਤੀਤਿ ਮਣ੍ਡਹਾਰੋ.

੫੧੨. ਦ੍ਵਯਂ ਇਨ੍ਦਚਾਲਖ੍ਯੇ ਕਪਟੇ. ਮਯੇਨ ਅਸੁਰੇਨ ਸੁਰੇ ਵਞ੍ਚਯਿਤੁਂ [ਚਲਯਿਤੁਂ (ਕ.)] ਪਯੁਤ੍ਤਤ੍ਤਾ ਮਯਸ੍ਸ ਅਯਂ ਮਾਯਾ, ਮਯੋ ਏਵ ਸਮ੍ਬਰੋ, ਤਸ੍ਸਾਯਂ ਸਮ੍ਬਰੀ, ਣੀ, ਨਦਾਦਿ. ਦ੍ਵਯਂ ਮਾਯਾਕਾਰੇ. ਇਨ੍ਦਜਾਲੇ ਨਿਯੁਤ੍ਤੋ ਇਨ੍ਦਜਾਲਿਕੋ. ਪਾਟਿਹਾਰਕੋਪਿ. ਪਟਿਹਰਤਿ ਨਯਨਮਨੇਨਾਤਿ ਪਾਟਿਹਾਰਕੋ, ਣ੍ਵੁ.

੫੧੩. ਅਰਿਯਾਸਾਮਞ੍ਞਂ ¶ ਓਰਬ੍ਭਿਕਾਦੀਨਂ ਚਤੁਨ੍ਨਮਤ੍ਥੇ. ਯੇ ਉਰਬ੍ਭਂ ਏਲ਼ਕਂ ਹਨ੍ਤ੍ਵਾ ਜੀਵਨ੍ਤੀਤਿ ਓਰਬ੍ਭਿਕਾ. ਸੂਕਰੇ ਹਨ੍ਤ੍ਵਾ ਜੀਵਨ੍ਤਿ ਸੂਕਰਿਕਾ, ਤਥਾ ਮਗਂ ਹਨ੍ਤ੍ਵਾ ਜੀਵਨ੍ਤਿ ਮਾਗਵਿਕਾ. ਸਕੁਣੇ ਪਕ੍ਖਿਨੋ ਹਨ੍ਤ੍ਵਾ ਜੀਵਨ੍ਤਿ ਸਾਕੁਣਿਕਾ, ਇਤਿ ਕਮਤੋ ਭਵਨ੍ਤਿ.

੫੧੪. ਦ੍ਵਯਂ ਜਾਲਿਕੇ. ਵਾਗੁਰਾ ਮਿਗਬਨ੍ਧਨਜਾਲਂ, ਤਾਯ ਚਰਤੀਤਿ ਵਾਗੁਰਿਕੋ, ਵਾਕਰਿਕੋਪਿ. ਵਕ ਆਦਾਨੇ, ਅਰੋ, ਆ, ਵਾਕਰਾ, ਤਾਯ ਚਰਤੀਤਿ ਵਾਕਰਿਕੋ, ਪੁਬ੍ਬਪਕ੍ਖੇ ਕਸ੍ਸ ਗੋ, ਅਸ੍ਸੁ ਚ, ਵਾਗੁਰਿਕੋ. ਦ੍ਵਯਂ ਭਾਰਵਾਹੇ. ਭਾਰਂ ਵਹਤੀਤਿ, ਕਮ੍ਮਨਿ ਣੋ. ਭਾਰਂ ਵਹਤੀਤਿ ਭਾਰਿਕੋ.

ਤਿਕਂ ਵੇਤਨੋਪਜੀਵਿਨਿ ਕਿਙ੍ਕਰੇ. ਵੇਤਨੇਨ ਜੀਵਤੀਤਿ ਵੇਤਨਿਕੋ. ਭਤੋ ਵੇਤਨੇਨ ਕੀਤੋ, ਸੋ ਏਵ ਭਤਕੋ, ਸਞ੍ਞਾਯਂ ਵਾ ਕੋ. ਭਤਿਂ ਵੇਤਨਂ ਭੁਞ੍ਜਤੀਤਿ ਵਾ ਭਤਕੋ, ਕੋ, ਇਸ੍ਸਤ੍ਤਂ. ਕਮ੍ਮਂ ਕਰੋਤੀਤਿ ਕਮ੍ਮਕਰੋ, ਕਮ੍ਮਕਾਰੋਪਿ.

ਛਕ੍ਕਂ ¶ ਦਾਸੇ. ਕਿਞ੍ਚਿ ਕਰੋਤੀਤਿ ਕਿਙ੍ਕਰੋ, ‘‘ਅਹਮਜ੍ਜ ਕਿਂ ਕਰਿਸ੍ਸਾਮੀ’’ਤਿ ਭਤ੍ਤੁ ਕਤ੍ਤਬ੍ਬਕਿਚ੍ਚਯਾਚਨਤ੍ਤਾ ਵਾ ਕਿਙ੍ਕਰੋ. ਦਾਸ ਦਾਹੇ. ਦਾਸਨ੍ਤੇਤਸ੍ਸਾਤਿ ਦਾਸੋ, ਅ. ਚਿਟ ਪੇਸਨੀਯੇ, ਪੇਸੀਯਤੇ ਸਾਮਿਨਾਤਿ ਚੇਟੋ, ਣੋ, ਸਕਤ੍ਥੇ ਕੋ, ਚੇਟਕੋ. ਪਿਸ ਪੇਸਨੀਯੇ, ਣੋ, ਸਸ੍ਸ ਦ੍ਵਿਤ੍ਤਂ. ਭਰ ਧਾਰਣਪੋਸਨੇਸੁ, ਭਰੀਯਤੀਤਿ ਭਚ੍ਚੋ, ‘‘ਰਿਚ੍ਚਾ’’ਤਿਯੋਗਵਿਭਾਗੇਨ ਭਰਾਦਿਤੋਪਿ ਰਿਚ੍ਚਪਚ੍ਚਯੋ, ‘‘ਰਮ੍ਹਿ ਰਨ੍ਤੋ ਰਾਦਿਨੋ’’ਤਿ ਰਲੋਪੋ ਚ, ਭਚ੍ਚੋ. ਪਰਿਚਰਤਿ ਸਾਮੀਨਨ੍ਤਿ ਪਰਿਚਾਰਿਕੋ. ਦਾਸੇਰੋ, ਦਾਸੇਯ੍ਯੋ, ਗੋਪ੍ਪਕੋ, ਨਿਯੋਜ੍ਜੋ, ਅਭੁਜਿਸ੍ਸੋਪ੍ਯਤ੍ਰ.

੫੧੫. ਤੇ ਚ ਦਾਸਾ ਅਨ੍ਤੋਜਾਤਾਦਿਵਸੇਨ ਚਤੁਧਾ ਸਿਯੁਂ. ਅਨ੍ਤੋਗੇਹੇ ਦਾਸਿਯਾ ਕੁਚ੍ਛਿਮ੍ਹਿ ਜਾਤੋ ਅਨ੍ਤੋਜਾਤੋ, ਧਨੇਨ ਕੀਤੋ ਧਨਂ ਦਤ੍ਵਾ ਦਾਸਭਾਵਂ ਗਤੋ ਧਨਕ੍ਕੀਤੋ, ਸਯਮੇਵ ਦਾਸਬ੍ਯੋਪਗਤੋ ਭਯਨਿਵਾਰਣਾਦ੍ਯਤ੍ਥਂ ਦਾਸਭਾਵਮੁਪਗਤੋ ਚ ਕਰਮਰਭਾਵੇਨ ਆਨੀਤੋ ਕਰਮਰਾਨੀਤੋ ਚ, ਇਚ੍ਚੇਵਂ ਤੇ ਦਾਸਾ ਚਤੁਧਾ ਸਿਯੁਨ੍ਤਿ ਪਕਤਂ.

੫੧੬. ਦ੍ਵਯਂ ਭੁਜਿਸ੍ਸੇ. ਭੁਜ ਪਾਲਨਜ੍ਝੋਹਾਰੇਸੁ, ਇਸੋ, ਦ੍ਵਿਤ੍ਤਂ. ਤਿਕਂ ਨੀਚੇ. ਨਿਹੀਨਂ ਚਿਨੋਤੀਤਿ ਨੀਚੋ, ਣੋ, ਰਸ੍ਸਸ੍ਸ ਦੀਘਤਾ. ਜਮ ਅਦਨੇ, ਮੋ. ਨਿਚ੍ਛਯੇਨ ਹਾਨਿਂ ਗਚ੍ਛਤੀਤਿ ¶ ਨਿਹੀਨਕੋ, ਹਾ ਪਰਿਹਾਨੇ, ਇ ਗਤਿਯਂ, ਯੁ, ਸਕਤ੍ਥੇ ਕੋ.

‘‘ਵਿਵਣ੍ਣੋ ਪਾਪਰੋ ਨੀਚੋ, ਪਾਕਿਤੋ ਚ ਪੁਥੁਜ੍ਜਨੋ;

ਨਿਹੀਨੋ’ਪਸਦੋ ਜਮ੍ਮੋ, ਖੁਲ੍ਲਕੋ ਇਤਰੋ ਚ ਸੋ’’. –

ਤ੍ਯਮਰਕੋਸੇ [ਅਮਰ ੨੦.੧੬]. ਵਿਗਤੋ ਵਣ੍ਣੋ ਅਸ੍ਸਮੋ ਯਸ੍ਸ ਵਿਵਣ੍ਣੋ. ‘‘ਅਸ੍ਸਮੋ ਬ੍ਰਹ੍ਮਚਾਰਿਯਾਦਿ, ਚਤੁਕ੍ਕੇਪਿ ਮਠੇਪਿ ਚੇ’’ਤਿ ਨਾਨਤ੍ਥਸਙ੍ਗਹੇ. ਪਾਪਂ ਰਾਤੀਤਿ ਪਾਪਰੋ. ਪਕਤਿਯਂ ਯਥਾਜਾਤਭਾਵੇ ਭਵੋ ਵਿਜ੍ਜਮਾਨੋ, ਨ ਤੁ ਬ੍ਯਾਪਾਰੋਤਿ ਪਾਕਿਤੋ, ਣੋ. ਸਜ੍ਜਨੇਹਿ ਪੁਥੁਭੂਤੋ ਜਨੋ ਪੁਥੁਜ੍ਜਨੋ. ਅਪਕਟ੍ਠਂ ਸਦਤਿ ਗਚ੍ਛਤੀਤਿ ਅਪਸਦੋ. ਖੁਦਂ ਲਾਤੀਤਿ ਖੁਲ੍ਲੋ, ਦਸ੍ਸ ਲੋ, ਖੁਲ੍ਲੋ ਏਵ ਖੁਲ੍ਲਕੋ. ਇਤਂ ਕਮ੍ਪਿਤਂ ਰਾਤੀਤਿ ਇਤਰੋ.

ਦ੍ਵਯਂ ਅਨਾਲਸੇ. ਕੁਸੀਤਸ੍ਸ ਭਾਵੋ ਕੋਸਜ੍ਜਂ, ਤਂ ਯਸ੍ਸ ਨਤ੍ਥੀਤਿ ਨਿਕ੍ਕੋਸਜ੍ਜੋ. ਲਸ ਕਨ੍ਤਿਯਂ, ਅਪ੍ਪਂ ਲਸਤੀਤਿ ਕਿਲਾਸੁ, ਣੁ, ਨ ਕਿਲਾਸੁ ਅਕਿਲਾਸੁ. ਮਨ੍ਦ ਸੁਪਨੇ, ਅ. ਨ ਲਸਤਿ ਕੀਲ਼ਤੀਤਿ ਅਲਸੋ.

੫੧੭. ਚਤੁਕ੍ਕਂ ਚਣ੍ਡਾਲੇ. ਸਂ ਸੁਨਖਂ ਪਚਤੀਤਿ ਸਪਾਕੋ. ਚਣ੍ਡ ਚਣ੍ਡਿਕ੍ਕੇ, ਆਲੋ. ਮਤਙ੍ਗਸ੍ਸ ਅਪਚ੍ਚਂ ਮਾਤਙ੍ਗੋ. ਚੁ ਚਵਨੇ, ਣ੍ਵੁ, ਚਵਕੋ. ‘‘ਪ੍ਲਵਕੋ’’ਤਿਪਿ ਪਾਠੋ, ਪ੍ਲਵ ਗਤਿਯਂ, ਣ੍ਵੁ.

‘‘ਚਣ੍ਡਾਲਪ੍ਲਵਮਾਤਙ੍ਗਾ ¶ , ਦਿਵਾਕਿਤ੍ਤਿਜਨਙ੍ਗਮਾ;

ਨਿਸਾਦਸਪਚਾਅਨ੍ਤੇ-ਵਾਸੀ ਚਣ੍ਡਾਲਪੁਕ੍ਕੁਸਾ’’. –

ਮਿਲਕ੍ਖਜਾਤ੍ਯਾਦਯੋ ਮਹਾਰਞ੍ਞਨਿਵਾਸਿਨੋ ਤਬ੍ਭੇਦਾ ਤਸ੍ਸ ਚਣ੍ਡਾਲਸ੍ਸ ਵਿਸੇਸਾ.

ਮਿਲਕ੍ਖਜਾਤਿ ਵੁਚ੍ਚਤੇ [ਚਿਨ੍ਤਾਮਣਿਟੀਕਾ ੨੦.੨੦].

ਮਿਲਕ੍ਖ ਅਬ੍ਯਤ੍ਤਸਦ੍ਦੇ. ਮਿਲਕ੍ਖਨ੍ਤੇ ਅਬ੍ਯਤ੍ਤਂ ਭਾਸਨ੍ਤੇਤਿ ਮਿਲਕ੍ਖਾ, ਤੇਸਂ ਜਾਤਿ ਯੋਨਿ ਮਿਲਕ੍ਖਜਾਤਿ. ਮਯੂਰਪਿਞ੍ਛਾਦਿਪਰਿਧਾਨੋ ਕਿਰਾਤੋ, ਕਿਰ ਵਿਕਿਰਣੇ, ਅਤੋ, ਕਿਰਤੀਤਿ ਕਿਰਾਤੋ. ਕਿਰਤੋਪਿ. ਪਤ੍ਤਪਰਿਧਾਨੋ ਸਵਰੋ. ਸਵ ਗਤਿਯਂ, ਅਰੋ. ਆਦਿਨਾ ਪੁਲਿਨ੍ਦੋ, ਪੁਲ ਮਹਤ੍ਥੇ, ਦੋ, ਪੁਲਿਨ੍ਦੋ, ਸਭਾਸਾ ਬ੍ਯਵਹਾਰੀ ਦੇਸਨ੍ਤਰਭਾਸਾਨਭਿਞ੍ਞੋ, ਪੁਲਿਨ੍ਦੋ ਸਵਰਪਰਿਯਾਯੋਤਿ ਕੇਚਿ.

੫੧੮-੫੧੯. ਤਿਕਂ ਲੁਦ੍ਦਮਤ੍ਤੇ, ਅਯਮ੍ਪਿ ਮਿਲਕ੍ਖਪ੍ਪਕਾਰੋ. ਮਿਗਮਚ੍ਛਾਦੀਨਂ ਨਿਸਾਦਨਤੋ ਮਾਰਣਤੋ ਨੇਸਾਦੋ. ਲੁਧ ਉਪਘਾਤੇ ¶ , ਦੋ, ਧਸ੍ਸ ਦੋ, ਲੂ ਛੇਦਨੇ ਵਾ, ਦੋ, ਉਭਯਤ੍ਰਾਪਿ ਸਕਤ੍ਥੇ ਕੋ. ਵਿਜ੍ਝਤੀਤਿ ਬ੍ਯਾਧੋ, ਰਸ੍ਸਸ੍ਸ ਦੀਘਤਾ. ਦ੍ਵਯਂ ਮਿਗਲੁਦ੍ਦੇ. ਮਿਗੇ ਹਨ੍ਤੀਤਿ ਮਿਗਵੋ, ਵੋ. ਮਿਗੇ ਵਿਜ੍ਝਤੀਤਿ ਮਿਗਬ੍ਯਧੋ.

ਸਿਲੋਕੋ ਸੁਨਖੇ. ਸਰਮਾ ਸੁਨੀ, ਤਸ੍ਸਾਪਚ੍ਚਂ ਸਾਰਮੇਯ੍ਯੋ, ਣੇਯ੍ਯੋ. ਸੁਨ੍ਦਰਂ ਨਖਮੇਤਸ੍ਸ ਸੁਨਖੋ, ਸੁਨਸ੍ਸ ਵਾ ਪਾਟਿਪਦਿਕਸ੍ਸ ਉਨਖੋ, ਸੁਨ ਗਤਿਯਂ ਵਾ, ਖੋ, ਏਵਂ ਸਬ੍ਬਤ੍ਰ ਪਾਟਿਪਦਿਕਵਸੇਨ ਵਾ ਧਾਤੁਵਸੇਨ ਵਾ ਰੂਪਸਿਦ੍ਧਿ ਵੇਦਿਤਬ੍ਬਾ. ਸੁਨ ਗਤਿਯਂ, ਸੁਨਸ੍ਸ ਵਾ ਉਨੋ. ਸੋਣ ਵਣ੍ਣਗਤੀਸੁ, ਸੁਨ ਗਤਿਯਂ ਵਾ, ਣੋ, ਣਤ੍ਤਂ, ਸੁਨਸ੍ਸ ਵਾ ਓਣੋ. ਕੁਕ ਆਦਾਨੇ, ਉਰੋ, ਕੁਕ੍ਕੁਰੋ. ਸੁਨ ਗਤਿਯਂ, ਉਸ੍ਸ ਵਾਦੇਸੇ ਸ੍ਵਾਨੋ, ਉਵਾਦੇਸੇ ਸੁਵਾਨੋ. ਮਿਗੇ ਸਰਤਿ ਹਿਂਸਤੀਤਿ ਸਾਲ਼ੂਰੋ, ਊਰੋ, ਰਸ੍ਸ ਲ਼ੋ. ਦੀਘਾਦਿਮ੍ਹਿ ਸੂਨੋ. ਉਸ੍ਸਾਤ੍ਤੇ ਸਾਨੋ. ਨਲੋਪੇ ਉਸ੍ਸਾਤ੍ਤੇ ਸਾ, ਅਯਂ ਪੁਮੇ, ਕੋਲੇਯ੍ਯੋ, ਮਿਗਦਂਸਕੋ, ਭਸਕੋਪ੍ਯਤ੍ਰ, ਕੁਲੇ ਗੇਹੇ ਭਵੋ ਕੋਲੇਯ੍ਯੋ. ਮਿਗਂ ਦਂਸਤੀਤਿ ਮਿਗਦਂਸਕੋ. ਭਸਤਿ ਬੁਕ੍ਕਤੀਤਿ ਭਸਕੋ, ਭਸ ਭਣਨੇ.

ਭੇਸਜ੍ਜਾਦਿਯੋਗੇਨ, ਨਿਸ੍ਸਗ੍ਗੇਨ ਵਾ ਉਮ੍ਮਤ੍ਤਾਦਿਭਾਵਮਾਪਨ੍ਨੋ ਸੁਨਖੋ ‘‘ਅਲ਼ਕ੍ਕੋ, ਅਤਿਸੁਨੋ’’ਤਿ ਚ ਵੁਚ੍ਚਤੇ. ਅਲ ਨਿਵਾਰਣੇ, ਕਮ੍ਮਨਿ ਣ੍ਵੁ, ਦ੍ਵਿਤ੍ਤਲ਼ਤ੍ਤਾਨਿ, ਅਲ਼ਕ੍ਕੋ. ਅਲਕ੍ਕੋਪਿ. ਪਕਤਿਂ ਅਤਿਕ੍ਕਨ੍ਤੋ ਸੁਨੋ ਅਤਿਸੁਨੋ.

੫੨੦. ਸਾਦਿਬਨ੍ਧਨਂ ਸੁਨਖਾਦਿਬਨ੍ਧਨਂ ਰਜ੍ਜਾਦਿ ਗਦ੍ਦੂਲੋ ਨਾਮ. ਗਦ੍ਦ ਸਦ੍ਦੇ, ਉਲੋ, ਦੀਘੋ. ਦ੍ਵਯਂ ਦੀਪਕੇ. ਦੀਪ ਦਿਤ੍ਤਿਯਂ, ਣ੍ਵੁ, ਚਿਟ ਪੇਸਨੀਯੇ, ਲੁਦ੍ਦੇਨ ਚਿਟ੍ਯਤੇਤਿ ਚੇਟਕੋ, ਣੋ, ਸਕਤ੍ਥੇ ਕੋ, ਣ੍ਵੁਪਚ੍ਚਯੇਨ ਵਾ ਸਿਦ੍ਧਂ.

ਤਿਕਂ ¶ ਪਾਸੇ. ਬਨ੍ਧ ਬਨ੍ਧਨੇ, ਕਤ੍ਤਰਿ ਯੁ. ਗਨ੍ਥ ਗਨ੍ਥਨੇ, ਗਨ੍ਥ ਕੋਟਿਲ੍ਯੇ ਵਾ, ਨ੍ਥਸ੍ਸ ਣ੍ਠੋ. ਪਸ ਬਾਧਨਫੁਸਨੇਸੁ, ਕਤ੍ਤਰਿ ਣੋ. ਦ੍ਵਯਂ ਵਾਕਰਾਯਂ, ਯਾ ਸਾਣਤਚਾਦੀਹਿ ਮਿਗਾਦੀਨਂ ਬਨ੍ਧਨਤ੍ਥਂ ਕਤਾ. ਵਕ ਆਦਾਨੇ, ਅਰੋ, ਇਤ੍ਥਿਯਮਤੋ ਆ. ਮਿਗੇ ਗਨ੍ਥਤਿ ਬਨ੍ਧਤੀਤਿ ਮਿਗਗਨ੍ਥਨੀ, ‘‘ਮਿਗਬਨ੍ਧਨੀ’’ਤਿਪਿ ਪਾਠੋ.

੫੨੧. ਦ੍ਵਯਂ ਕੁਮੀਨੇ. ਯਤ੍ਰ ਮਚ੍ਛਾ ਪਵਿਸਨ੍ਤੇਵ, ਨ ਨਿਸ੍ਸਰਨ੍ਤਿ, ਕੁਚ੍ਛਿਤਾ ਵੇਣੀ ਅਸ੍ਸਾ ਕੁਵੇਣੀ, ਨਦਾਦਿ. ਵਜ੍ਝਪ੍ਪਤ੍ਤਤਾਯ ਕੁਚ੍ਛਿਤਾ ਮੀਨਾ ਯਸ੍ਮਿਂ ਕੁਮੀਨਂ, ਕਮੁ ਪਦਵਿਕ੍ਖੇਪੇ ਵਾ, ਇਨੋ, ਮਚ੍ਛਾਧਾਨੀਪ੍ਯਤ੍ਰ, ਮਚ੍ਛਾ ਆਧੀਯਨ੍ਤੇ ਯਸ੍ਸਂ ਮਚ੍ਛਾਧਾਨੀ, ਯੁ, ਨਦਾਦਿ. ਦ੍ਵਯਂ ਜਾਲੇ. ਆਨੀਯਨ੍ਤੇਨੇਨਾਤਿ ਆਨਯੋ, ਣੋ, ਈਸ੍ਸੇ, ਏ ਅਯ. ਜਲੇ ਹਿਤਂ ਜਾਲਂ, ਣ.

ਦ੍ਵਯਂ ਵਧਟ੍ਠਾਨੇ. ਆਗਨ੍ਤ੍ਵਾ ਹਨਨ੍ਤਿ ਯਸ੍ਮਿਂ ਆਘਾਤਨਂ, ਯੁ, ਹਨਸ੍ਸ ਘਾਤੋ. ਵਧਸ੍ਸ ਮਾਰਣਸ੍ਸ ਠਾਨਂ ਵਧਟ੍ਠਾਨਂ. ਦ੍ਵਯਂ ਅਧਿਕੋਟ੍ਟਨੇ. ਸਦਾ ਆਕੋਟ੍ਟਨਤ੍ਤਾ ਸਹ ਊਨੇਨਾਤਿ ਸੂਨਾ, ਸੁਨ ਗਤਿਯਂ ਵਾ, ਇਤ੍ਥਿਯਮਤਿ ਅ, ਦੀਘਾਦਿ. ਕੁਟ ਛੇਦਨੇ, ਅਧਿਕੋਟੇਨ੍ਤਿ ਯਸ੍ਮਿਂ ਅਧਿਕੋਟ੍ਟਨਂ.

੫੨੨. ਦ੍ਵਿਪਾਦਂ ਚੋਰੇ. ਤਂ ਕਰੋਤੀਤਿ ਤਕ੍ਕਰੋ, ਥੇਯ੍ਯਤ੍ਥਂ ਵਾ ਤਕ੍ਕਯਤੀਤਿ ਤਕ੍ਕਰੋ. ਤਕ੍ਕ ਵਿਤਕ੍ਕੇ, ਅਰੋ. ਮੁਸ ¶ ਥੇਯ੍ਯੇ, ਕਤ੍ਤਰਿ ਣ੍ਵੁ. ਚੁਰ ਥੇਯ੍ਯੇ, ਣੋ, ਚੁਰਾ ਥੇਯ੍ਯਸੀਲਮਸ੍ਸੇਤਿ ਵਾ ਚੋਰੋ, ਣੋ. ਥੇਨ ਚੋਰਿਯੇ, ਚੁਰਾਦਿ, ਅ. ਏਕਂ ਅਸਹਾਯਂ ਅਗਾਰਂ ਗੇਹਂ ਏਕਾਗਾਰਂ, ਤਂ ਪਯੋਜਨਂ ਯਸ੍ਸ ਏਕਾਗਾਰਿਕੋ, ਇਕੋ. ਮੋਸਤ੍ਥਿਨੋ ਹ੍ਯੇਕਾਗਾਰਂ ਪਯੋਜਨਂ. ਸਮਾਤਿ ਤੁਲ੍ਯਤ੍ਥਾ. ਦਸ੍ਸੁਪ੍ਯਤ੍ਰ. ਦਂਸ ਦਂਸਨੇ, ਸੁ, ਨਿਗ੍ਗਹੀਤਲੋਪੋ.

ਤਿਕਂ ਥੇਯ੍ਯਕ੍ਰਿਯਾਯਂ. ਥੇਨਸ੍ਸ ਕਮ੍ਮਂ ਥੇਯ੍ਯਂ, ਚੋਰਸ੍ਸ ਕਮ੍ਮਂ ਚੋਰਿਕਾ. ਮੁਸਨਂ ਮੋਸੋ, ਭਾਵੇ ਣੋ. ਵੇ ਤਨ੍ਤਸਨ੍ਤਾਨੇ, ਵੇਮੋ, ਅਨਿਤ੍ਥੀ. ਵਾਯਨਤ੍ਥੋ ਦਣ੍ਡਕੋ ਵਾਯਨਦਣ੍ਡਕੋ, ਵਾਸਰਦਣ੍ਡਕੋਪਿ.

੫੨੩. ਤਿਕਂ ਸੁਤ੍ਤੇ. ਸੁਚ ਗਤਿਯਂ, ਤੋ. ਤਨੁ ਵਿਤ੍ਥਾਰੇ, ਤੁ, ਤਨ੍ਤੁ ਪੁਮੇ, ਤਨ੍ਤਪਯੋਜਨਤ੍ਤਾ ਤਨ੍ਤਂ. ਲੇਪ੍ਯਾਦਿਕਮ੍ਮਨਿ ਲੇਪਨਾਦਿਕ੍ਰਿਯਾਯਂ ਪੋਤ੍ਥਸਦ੍ਦੋ ਵਤ੍ਤਤਿ. ਆਦਿਨਾ ਪੋਤ੍ਥਲਿਕਾਦਿਲਿਖਨਕਮ੍ਮਂ ਗਯ੍ਹਤੇ, ਪੁਸ ਸ੍ਨੇਹਸੇਚਨਪੂਰਣੇਸੁ, ਭਾਵੇ ਥੋ. ਅਥ ਵਾ ਲੇਪ੍ਯਾਦਿਕਮ੍ਮਨਿ ਕਮ੍ਮਕਾਰਕਭੂਤੇ ਲੇਪਿਤਬ੍ਬਾਦਿਮ੍ਹਿ ਪੋਤ੍ਥਸਦ੍ਦੋ, ਤਦਾ ਕਮ੍ਮਨਿ ਥੋ, ਪੋਤ੍ਥਂ.

ਵਤ੍ਥਦਨ੍ਤਕਟ੍ਠਸਿਙ੍ਗਾਦਿਪੋਤ੍ਥਲਿਕਾਯਂ ਪਞ੍ਚਾਲਿਕਾਦਿਦ੍ਵਯਂ. ਪਞ੍ਚਙ੍ਗਾਨਿ ਯਸ੍ਸਾ ਸਨ੍ਤਿ ਸਜੀਵਸ੍ਸੇਵਾਤਿ ਪਞ੍ਚਾਲਿਕਾ, ਇਕੋ. ਮਜ੍ਝੇ ਲਕਾਰਾਗਮੋ. ਪੋਤ੍ਥੇਨ ਵਤ੍ਥੇਨ ਅਲਙ੍ਕਰਿਯਤ੍ਤਾ ਪੋਤ੍ਥਲਿਕਾ. ਅਲ ਭੂਸਨੇ, ਣ੍ਵੁ. ‘‘ਚਤੁਰੋ ਜਨਾ ਪੋਤ੍ਥਕਮਗ੍ਗਹੇਸੁ’’ਨ੍ਤਿ ਏਤ੍ਥ ਪੋਤ੍ਥਕਸਦ੍ਦੇਨ ਵਤ੍ਥਂ ਵੁਤ੍ਤਂ, ਪੋਤ੍ਥਸਦ੍ਦੋਯੇਵ ਹਿ ਸਕਤ੍ਥੇ ਕਪਚ੍ਚਯੇਨ ‘‘ਪੋਤ੍ਥਕੋ’’ਤਿ ਵੁਤ੍ਤੋ. ‘‘ਪੁਤ੍ਤਲਿਕਾ’’ਤਿਪਿ ਪਾਠੋ, ਪੁਤ੍ਤੋ ਵਿਯ ਅਲਙ੍ਕਰੀਯਤੇਤਿ ਪੁਤ੍ਤਲਿਕਾ, ਪੁਤ੍ਤਿਕਾਪ੍ਯਤ੍ਰ.

੫੨੪. ਯਂ ¶ ਕੂਪਤੋ ਆਵਾਟਤੋ ਅਮ੍ਬੁਨੋ ਜਲਸ੍ਸ ਉਬ੍ਬਾਹਨਂ ਉਦ੍ਧਾਰਣਂ ਭਵੇ, ਤਂ ‘‘ਉਗ੍ਘਾਟਨਂ, ਘਟੀਯਨ੍ਤ’’ਮਿਤਿ ਚੋਚ੍ਚਤੇ. ਉਦ੍ਧਂ ਘਟੀਯਤਿ ਉਦਕਨ੍ਤਿ ਉਗ੍ਘਾਟਨਂ, ਯੁ. ਘਟ ਚੇਤਾਯਂ, ਘਟੀਯੇਵ ਉਦ੍ਧਾਧੋਗਮਨਵਸੇਨ ਗਮਨਤੋ ਘਟੀਯਨ੍ਤਂ, ਯਾ ਗਤਿਪਾਪੁਣਨੇਸੁ, ਅਨ੍ਤੋ, ਤੋ ਵਾ.

ਦ੍ਵਯਂ ਮਞ੍ਜੁਸਾਯਂ, ਯਾ ਕਟ੍ਠੇਹਿ ਕਰੀਯਤਿ. ਮਨ ਞਾਣੇ, ਸੋ, ਜੁਮਜ੍ਝੋ [ਮਨਿਸ੍ਸ ਜੂਕ (ਣ੍ਵਾਦਿ ੨੧੫) ਉਣਾਦਿਵੁਤ੍ਤਿਯਂ ੪.੭੭ ਸੁਤ੍ਤੇ ਚ ਪਸ੍ਸਿਤਬ੍ਬਂ], ਪੇਲ ਗਤਿਯਂ, ਪੇ ਪਾਲਨੇ ਵਾ, ਲੋ, ਲ਼ਤ੍ਤਂ, ਪੇਲ਼ਾ, ਪਲ ਰਕ੍ਖਣੇ ਵਾ, ਕਤ੍ਤਰਿ ਅ, ਅਸ੍ਸੇ, ਪੇਲ਼ਾ. ਤਿਕਂ ਪਚ੍ਛਿਯਂ. ਪਿਟ ਸਙ੍ਘਾਤੇ, ਣ੍ਵੁ, ਪਿਟਕੋ, ਵੁਦ੍ਧਿਮ੍ਹਿ ਪੇਟਕੋ. ਪਸ ਪਾਲਨੇ, ਛਿ, ਪਚ੍ਛਿ, ਇਤ੍ਥਿਯਂ.

੫੨੫. ਦ੍ਵਯਂ ਕਾਜੇ. ਵਿਵਿਧਂ ਭਾਰਮਾਭਞ੍ਜਨ੍ਤਿ ਓਲਮ੍ਬਨ੍ਤਿ ਯਸ੍ਸਂ ਬ੍ਯਾਭਙ੍ਗੀ. ਕਜ੍ਜ ਬ੍ਯਧਨੇ, ਕਤ੍ਤਰਿ ਣੋ, ਏਕਸ੍ਸ ਜਸ੍ਸ ਲੋਪੋ, ਕਚ ਬਨ੍ਧਨੇ ਵਾ, ਅਧਿਕਰਣੇ ਣੋ, ਚਸ੍ਸ ਜੋ, ਕਾਜੋ, ਕਾਚੋਪਿ. ਅਤ੍ਰ ਕਾਜੇ ਅਵਲਮ੍ਬਨਂ ਵੇਤ੍ਤਾਦਿਵਿਕਤਿ ਸਿਕ੍ਕਾ ਨਾਮ. ਸਕ ਸਤ੍ਤਿਯਂ, ਕਤ੍ਤਰਿ ਕੋ, ਉਪਾਨ੍ਤਸ੍ਸਿ, ਸਿਕ੍ਕਾ, ਕਾਜੋਪਿ.

ਦ੍ਵਯਂ ਉਪਾਹਨੇ. ਉਪਨਯ੍ਹਤੇ ਬਨ੍ਧੀਯਤੇਤਿ ਉਪਾਹਨੋ, ਵਣ੍ਣਵਿਪਰਿਯਯੋ, ਰਸ੍ਸਸ੍ਸ ਦੀਘਤਾ, ਵਾਕਾਰੇਨ ਉਪਾਹਨਂ. ਪਜ੍ਜਤੇ ¶ ਯਾਯ ਪਾਦੁ, ਉ, ਪਾਦੁ ਇਤ੍ਥੀ, ‘‘ਪਨ੍ਨਦ੍ਧੀ ਪਾਦੁਕਾ ਪਾਣਿਹਿਤਾ ਪਦਰਥੀ’’ਤਿਪਿ ਤਿਕਣ੍ਡਸੇਸੋ [ਤਿਕਣ੍ਡਸੇਸ ੨.੧੦.੧੩] . ਤਬ੍ਭੇਦਾ ਤਸ੍ਸੁਪਾਹਨਸ੍ਸ ਭੇਦਾ ਵਿਸੇਸਾ ਪਾਦੁਕਾ ਨਾਮ, ਪਦ ਗਮਨੇ, ਣੁਕੋ, ਪਾਦੁਕਾ, ਬਹੁਪਟਲਾ ਚਮ੍ਮਮਯਾ ਕਟ੍ਠਮਯਾਤ੍ਯੇਕੇ.

੫੨੬. ਤਿਕਂ ਚਮ੍ਮਰਜ੍ਜੁਯਂ. ਵਰ ਇਚ੍ਛਾਯਂ, ਵਰ ਸਂਵਰਣੇ ਵਾ, ਛਦਾਦੀਹਿ ਤਤ੍ਰਣ. ਵਰਤ੍ਤਾ, ਵਰਤ੍ਤਂ, ਵਰਤ੍ਰਾ, ਵਰਤ੍ਰਮ੍ਪਿ. ਵਦ੍ਧ ਵਦ੍ਧਿਯਂ, ਸਕਤ੍ਥੇ ਕੋ, ਵਦ੍ਧਿਕਾ. ਨਯ੍ਹਤੇ ਬਨ੍ਧੀਯਤੇ ਯਾਯ ਨਦ੍ਧੀ, ਨਹ ਬਨ੍ਧਨੇ, ਤੋ, ਨਦਾਦਿ.

ਦ੍ਵਯਂ ਅਗ੍ਗਿਦੀਪਨੇ. ਭਸ ਭਾਸਦਿਤ੍ਤੀਸੁ, ਦਿਬ੍ਬਤੇ ਅਗ੍ਗਿ ਯਾਯ ਭਸ੍ਤਾ, ਤੋ, ਤ੍ਰਣਮ੍ਹਿ ਭਸ੍ਤ੍ਰਾ, ਨਦਾਦਿਨੋ ਆਕਤਿਗਣਤ੍ਤਾ ਈਪਚ੍ਚਯਾਭਾਵੋ. ਚਮ੍ਮਮਯਂ ਪਸਿਬ੍ਬਕਂ ਚਮ੍ਮਪਸਿਬ੍ਬਕਂ, ਚਮ੍ਮਪਸਿਬ੍ਬਕਾਪਿ.

ਤੇਜਸੇ ਸੁਵਣ੍ਣਾਦਿਕੇ ਆਵਤ੍ਯਤੇ ਯਤ੍ਰ, ਸਾ ਸੋਣ੍ਣਾਦ੍ਯਾਵਤ੍ਤਨੀ ਮੂਸਾ ਨਾਮ, ਮੁਸ ਥੇਯ੍ਯੇ, ਅ, ਮੂਸਾ, ਦੀਘਾਦਿ. ਕਲਾਦਿਕਂ ਯਾਵ ਪਾਦੇਨ ਨਾਮਂ. ਕੁਟ ਛੇਦਨੇ, ਕਰਣਸਾਧਨਂ, ਕੂਟਂ, ਦੀਘਾਦਿ, ਵਾਕਾਰੇਨ ਕੂਟੋ. ਅਯਸੋ, ਅਯੋਮਯੋ ਵਾ ਘਨੋ ਅਯੋਘਨੋ.

੫੨੭. ਕਮ੍ਮਾਰਾਨਂ ਭਣ੍ਡਂ ਕਮ੍ਮਾਰਭਣ੍ਡਂ. ਸਙ੍ਗਮ੍ਮ ਡਂਸਤੀਤਿ ਸਣ੍ਡਾਸੋ, ਣੋ, ਨਿਗ੍ਗਹੀਤਲੋਪੋ, ਸਣ੍ਡਾਸੋ, ਯੇਨਾਦਿਤ੍ਤਲੋਹਾਦਿ ¶ ਗਯ੍ਹਤੇ. ਦ੍ਵਯਂ ਅਧੋਭਾਗਟ੍ਠੇ ਅਯੋਘਨੇ. ਮੁਦ ਸਂਸਗ੍ਗੇ, ਥਿ, ਮੁਟ੍ਠਿ, ਇਤ੍ਥੀ. ਅਧਿਕਰੋਤਿ ਯਸ੍ਸਂ ਅਧਿਕਰਣੀ, ਯੁ, ਨਦਾਦਿ.

ਤਬ੍ਭਸ੍ਤਾ ਤੇਸਂ ਕਮ੍ਮਾਰਾਨਂ ਭਸ੍ਤਾ ਅਗ੍ਗਿਦੀਪਨੀ ਗਗ੍ਗਰੀ ਨਾਮ, ਯਾ ‘‘ਉਕ੍ਕਾ’’ਤਿਪਿ ਵੁਚ੍ਚਤਿ, ਸਾ ਚ ਨਾਰੀ, ‘‘ਗਗ੍ਗ’’ਇਤਿ ਸਦ੍ਦਂ ਰਾਤੀਤਿ ਗਗ੍ਗਰੀ, ਮਨ੍ਥਨਿਯਮ੍ਪਿ. ਦ੍ਵਯਂ ਖੁਦ੍ਦਕਸਤ੍ਥੇ. ਸਸ ਹਿਂਸਾਯਂ, ਥੋ. ਪਿਯਮ੍ਪਿ ਫਾਲੇਤੀਤਿ ਪਿਪ੍ਫਲਂ, ਫਲ ਵਿਦਾਰਣੇ.

੫੨੮. ਦ੍ਵਯਂ ਨਿਕਸੇ. ਸਾ ਤਨੁਕਰਣੇ, ਯੁ, ਣਤ੍ਤਂ, ਨਿਕਸਤੇ ਪਰਿਕ੍ਖ੍ਯਤੇ ਸੁਵਣ੍ਣਨ੍ਤਿ ਨਿਕਸੋ. ਕਸੋਪਿ. ਸੂਚਿਯਾ ਨਾਸਾਵਿਜ੍ਝਨਂ ਆਰਾ, ਅਰ ਗਮਨੇ, ਆ, ਆਰਾ, ਚਮ੍ਮਕਾਰਾਨਂ ਚਮ੍ਮਵੇਧਨੇਪਿ ਆਰਾ, ‘‘ਤਿਕਂ ਸੂਚਿਯ’’ਨ੍ਤਿ ਕੇਚਿ.

ਦ੍ਵਯਂ ਖਰਪਤ੍ਤੇ. ਖਰਸਮ੍ਫਸ੍ਸਤਾਯ ਖਰੋ. ‘‘ਕ’’ਇਤਿ ਕਚਤਿ ਪਾਟਯਤਿ ਕਕਚੋ, ਅਨਿਤ੍ਥੀ, ‘‘ਕਕਚਂ ਖਰਪਤ੍ਤਞ੍ਚੇ’’ਤ੍ਯਮਰਮਾਲਾਯਂ ਨਪੁਂਸਕਕਣ੍ਡਂ. ਵਚ੍ਛਾਯਨਸਤ੍ਥੇ ਵੁਤ੍ਤਾ ਗੀਤਵਜ੍ਜਾਦਿਕਾ ਵਿਜ੍ਜਾ ਚਤੁਸਟ੍ਠਿਕ੍ਰਿਯਾ, ਤਥਾ ਆਲਿਙ੍ਗਨਚੁਮ੍ਬਨਾਦਿਕਾ ਚ ਅਬ੍ਭਨ੍ਤਰਾ ਚਤੁਸਟ੍ਠਿਕ੍ਰਿਯਾ ਕਲਾਸਦ੍ਦੇਨੋਚ੍ਚਤੇ. ਆਦਿਨਾ ਯਂ ਤਤ੍ਰ ਵੁਤ੍ਤਂ ਕਾਰੁਕਮ੍ਮਂ, ਤਂ ਗਯ੍ਹਤੇ, ਤਂ ਸਬ੍ਬਮ੍ਪਿ ਕਲਾਦਿਕਂ ਕਮ੍ਮਂ ਕ੍ਰਿਯਾ ਸਿਪ੍ਪਂ ਨਾਮ, ਸੀ ਸਯੇ, ਪੋ, ਸਪ੍ਪ ਗਮਨੇ ਵਾ, ਉਪਾਨ੍ਤਸ੍ਸਿ, ਸਿਪ੍ਪਂ.

੫੨੯-੫੩੦. ਪਤਿਸਦਿਸਂ ¶ ਯਂ ਸਿਲਾਦਿਨਾ ਪਤਿਰੂਪਕਂ ਕਰੀਯਤੇ, ਤਤ੍ਰ ਪਟਿਮਾਦਿਚਤੁਕ੍ਕਂ. ਮਾ ਮਾਨੇ, ਮਾਨਮਤ੍ਰ ਸਦਿਸੀਕਰਣਂ, ਕਤ੍ਤਰਿ, ਕਰਣੇ ਵਾ ਅ, ਪਟਿਮਾ, ਨਾਰੀ. ਵਮੁ ਉਗ੍ਗਿਰਣੇ, ਬੋ, ਇਤ੍ਤਂ, ਪਟਿਬਿਮ੍ਬਂ. ਧਾ ਧਾਰਣੇ, ਇ, ਪਟਿਨਿਧਿ, ਦ੍ਵੀਸੁ. ਪਟਿਮਾਨਂ, ਪਟਿਯਾਤਨਾ, ਪਟਿਚ੍ਛਾਯਾ, ਪਟਿਕਤਿਪ੍ਯਤ੍ਰ.

ਪਜ੍ਜਂ ਸਦਿਸੇ, ਤਤ੍ਰ ਸਮਾਦਯੋ ਕੇਵਲਾ ਅਪਿ ਤੀਸੁ, ਸਦਿਸਤ੍ਥੇ ਚ ਵਤ੍ਤਨ੍ਤਿ, ਸਨ੍ਨਿਕਾਸੋ, ਪਨ ਅਨ੍ਤੇ ਤਯੋ ਚ ਉਤ੍ਤਰਪਦੀਭੂਤਾ, ਤਂ ਯਥਾ – ਤੇਨ ਸਮੋ’ਯਂ [ਤਂਸਮੋ’ਯਂ (?)], ਤਂਸਮਮਿਦਂ, ਤਂਸਨ੍ਨਿਕਾਸੋ ਇਚ੍ਚਾਦਿ [ਅਮੂ ਨਿਭਾਦਯੋ ਉਤ੍ਤਰਪਦਟ੍ਠਾ ਏਵ ਸਦਿਸਵਚਨਾ ਵਾਚ੍ਚਲਿਙ੍ਗਾ ਸਿਯੁਂ ਯਥਾ ‘‘ਪਿਤੁਨਿਭੋ ਪੁਤ੍ਤੋ, ਮਾਤੁਨਿਭਾ ਕਞ੍ਞਾ, ਦੇਵਨਿਭਮ- ਪਚ੍ਚ’’ਮਿਤਿ, ਬ੍ਯਾਖ੍ਯਾਸੁਧਾ ੨.੧੦.੩੭]. ਸਮ ਵੇਲਮ੍ਬੇ, ਅ. ਪਤਿਰੂਪਕਂ ਭਜਤੀਤਿ ਪਟਿਭਾਗੋ, ਣੋ, ਕਾਸ ਦਿਤ੍ਤਿਯਂ, ਅ, ਸਨ੍ਨਿਕਾਸੋ. ਸਮਾਨਮਿਵ ਨਂ ਦਿਸ੍ਸਤੀਤਿ ਸਰਿਕ੍ਖਕੋ, ਸਮਾਨਸ੍ਸ ਸੋ, ਦਿਸ੍ਸ ਰਿ, ਸਸ੍ਸ ਕ੍ਖੋ, ਸਕਤ੍ਥੇ ਕੋ, ਸਰਿਕ੍ਖਕੋ. ਸਮ ਵੇਲਮ੍ਬੇ, ਯੁ, ਸਮਾਨੋ, ਸਹ ਮਾਨੇਨਾਤਿ ਵਾ ਸਮਾਨੋ. ਸਮਾਨਂ ਕਤ੍ਵਾ ਨਂ ਪਸ੍ਸਤੀਤਿ ਸਦਿਸੋ, ਸਮਾਨਸ੍ਸ ਸੋ. ਪਰਿਚ੍ਛੇਦਸਧਮ੍ਮਾ ਤੁਲ੍ਯਾਧਿਟ੍ਠਿਤਾਯ ਸਮ੍ਮਿਤੋ ਪਰਿਚ੍ਛਿਨ੍ਨੋ ਤੁਲ੍ਯੋ, ਸਮ੍ਮਿਤਤ੍ਥੇ ਯੋ, ਅਪਚ੍ਚਯੇ ਤੁਲੋਪਿ. ਭਾ ਦਿਤ੍ਤਿਯਂ ¶ , ਸਨ੍ਨਿਭੋ, ਨਿਭੋ ਚ. ਭੂਤ ਰੂਪਾਦਯੋਪ੍ਯਤ੍ਰ, ਯਥਾ ਪਿਤੁਭੂਤੋ, ਮਾਤੁਰੂਪੋ.

ਤਿਕਂ ਉਪਮਾਨੇ. ਉਪਮੀਯਤੇ ਯੇਨ ਓਪਮ੍ਮਂ, ਮਨ, ਉਪਪੁਬ੍ਬੋ ਮਾ ਮਾਨੇ, ਯੁਪਚ੍ਚਯੇ ਉਪਮਾਨਂ, ਇਤ੍ਥਿਯਮਤਿ ਅ, ਉਪਮਾ, ਉਪਮਾਨੋਪਮੇਯ੍ਯਾਨਂ ਸਧਮ੍ਮਤ੍ਤੇਪ੍ਯਯਂ, ਵੁਤ੍ਤਞ੍ਚ ‘‘ਉਪਮਾਨੋਪਮੇਯ੍ਯਾਨਂ, ਸਧਮ੍ਮਤ੍ਤਂ ਸਿਯੋਪਮਾ’’ਤਿ [ਸੁਬੋਧਾਲਙ੍ਕਾਰ ੧੭੬ ਗਾਥਾ]. ‘‘ਯੇਨੋਪਮੀਯਤੇ, ਯਾ ਚੋਪਮੀਯਤੇ, ਤੇਸ੍ਵਪਿ ਓਪਮ੍ਮਾਦਿਤ੍ਤਯ’’ਨ੍ਤ੍ਯਮਰਸੀਹੋ [ਬ੍ਯਾਖ੍ਯਾਸੁਧਾ ੨.੧੦.੩੬].

੫੩੧. ਚਤੁਕ੍ਕਂ ਵੇਤਨੇ. ਭਰਤਿ ਕਮ੍ਮਕਰੇ ਯਾਯ, ਸਾ ਭਤਿ,ਤਿ. ਵਿਸ ਪੇਰਣੇ, ਪੇਰਣਂ ਗਮਨਾਦੀਸੁ ਨਿਯੋਜਨਂ, ਕਰਣੇ ਣੋ, ਨਿਬ੍ਬੇਸੋ, ਨਿਵੇਸੋਪਿ. ਵੀ ਗਮਨੇ, ਤਨੋ. ਮੂਲੇਨ ਸਮਿਤਂ ਮੂਲ੍ਯਂ, ਮੂਲ ਪਤਿਟ੍ਠਾਯਂ ਵਾ, ਕਰਣੇ ਯੋ.

‘‘ਕਮ੍ਮਞ੍ਞਾ ਤੁ ਵਿਧਾ ਭਚ੍ਚਾ, ਭਤਯੋ ਭਮ੍ਮਵੇਤਨਂ;

ਭਰਣ੍ਯਂ ਭਰਣਂ ਮੂਲ੍ਯਂ, ਨਿਬ੍ਬੇਸੋ ਪਣਮਿਚ੍ਚਪੀ’’. –

ਦ੍ਵਯਂ ਜੂਤੇ. ਜੁ ਗਤਿਜਵਨੇਸੁ, ਤੋ, ਦੀਘਾਦਿ, ਜੂਤਂ, ਜੁਤ ਦਿਤ੍ਤਿਯਂ ਵਾ, ਕਰਣੇ ਅ. ਕਿਤਵਸ੍ਸ ਜੂਤਕਾਰਸ੍ਸ ਕਮ੍ਮਂ ਕੇਤਵਂ, ਣੋ. ਅਕ੍ਖਵਤੀ, ਪਣੋਪ੍ਯਤ੍ਰ. ਅਕ੍ਖਾ ਪਾਸਕਾ ਉਪਾਯਤ੍ਥੇਨ ਅਸ੍ਸਂ ਸਨ੍ਤੀਤਿ, ਵਨ੍ਤੁ, ਸਭਾਵਤੋ ਇਤ੍ਥਿਤ੍ਤਂ. ਪਣੋ ਅਟ੍ਟੋ, ਤਂਯੋਗਾ ਪਣੋ.

ਪਞ੍ਚਕਂ ¶ ਜੂਤਕਾਰੇ. ਧਾਵਨ੍ਤੀ ਅਤ੍ਤਿ ਧੁਤ੍ਤਿ, ਨਿਪਾਤਨਾ, ਤਂਯੋਗਾ ਧੁਤ੍ਤੋ, ਣੋ, ਧੂ ਕਮ੍ਪਨੇ ਵਾ, ਤੋ, ਰਸ੍ਸੋ, ਧੁਤ੍ਤੋ, ਸਬ੍ਬਕੀਲ਼ਾਦਿਪਸੁਤੇਪ੍ਯਯਂ. ਅਕ੍ਖੇਸੁ ਧੁਤ੍ਤੋ ਅਕ੍ਖਧੁਤ੍ਤੋ. ਮਰਿਯਾਦਮਤਿਕ੍ਕਮ੍ਮ ਕੀਲ਼ਾਦਿਪਸੁਤੋ ਹਿ ‘‘ਧੁਤ੍ਤੋ’’ਤਿ ਵੁਚ੍ਚਤਿ. ਕਿਤਵਂ ਅਸ੍ਸਤ੍ਥੀਤਿ ਕਿਤਵੋ, ਨਿਪਾਤਨਾ, ਕਿਤ ਨਿਵਾਸੇ ਵਾ, ਅਵੋ. ਅਕ੍ਖੇਹਿ ਜੂਤੇਹਿ ਦਿਬ੍ਬਤੀਤਿ ਅਕ੍ਖਦੇਵੀ, ਣੀ.

੫੩੨. ਦ੍ਵਯਂ ਪਾਟਿਭੋਗੇ, ਪਟਿਭੁਞ੍ਜਤਿ ਪਾਲਯਤੀਤਿ ਪਾਟਿਭੋਗੋ, ਭੁਜ ਪਾਲਨੇ, ਣੋ. ਪਟਿਭਵਤੀਤਿ ਪਟਿਭੂ. ਦ੍ਵਯਂ ਚਤੁਵੀਸਤਿਪਾਸਕੇ, ਯੇਨ ਜੂਤਕਾਰਾ ਦਿਬ੍ਬਨ੍ਤਿ. ਅਕ ਕੁਟਿਲਾਯਂ ਗਤਿਯਂ, ਖੋ, ਅਕ੍ਖੋ. ਪਸ ਬਾਧਨਫੁਸਨੇਸੁ, ਣ੍ਵੁ. ਦੇਵਨੋਪ੍ਯਤ੍ਰ. ਦਿਬ੍ਬਨ੍ਤਿ ਯੇਨ ਦੇਵਨੋ, ਦਿਵੁ ਕੀਲ਼ਾਯਂ, ਯੁ.

ਸਾਰਫਲਕੇ ਅਟ੍ਠਾਪਦਂ, ਪੁਮੇ, ਨਪੁਂਸਕੇ ਵਾ, ਅਟ੍ਠਪਦਾਨ੍ਯਸ੍ਸ ਅਟ੍ਠਾਪਦਂ. ਦੇਸਨ੍ਤਰੇ ਹਿ ਚਤੁਰਙ੍ਗਸ੍ਸੇਵ ਪਟ੍ਟਿਕਾਯਂ ਪਾਸਕਜੂਤਮ੍ਪਿ ਵਤ੍ਤਤੇ, ਸਞ੍ਞਾਯਂ ਅਟ੍ਠਸਦ੍ਦਸ੍ਸ ਉਤ੍ਤਰਪਦੇ ਰਸ੍ਸਸ੍ਸ ਦੀਘਤਾ [ਪਾਣਿਨਿ ੬.੩.੧੨੫]. ਅਟ੍ਠਪਦਮ੍ਪਿ. ਪਟ੍ਟੇ ਇਤੋ ਚਿਤੋ ਚ ਸਰਨ੍ਤਿ ਪਰਿਵਤ੍ਤਨ੍ਤੀਤਿ ਸਾਰਿਨੋ, ਤੇਸਂ ਫਲਕਂ ਸਾਰਿਫਲਕਂ, ਸਕਤ੍ਥੇ ਕੋ.

ਦ੍ਵਯਂ ਅਬ੍ਭੁਤੇ, ਯੇਨ ਸਤਾਦਿਲਾਭਜਾਨਿਵਸੇਨ ਜੂਤਕਾਰਾਦੀਨਂ ਜਯਪਰਾਜਯਾ ਹੋਨ੍ਤਿ. ਪਣ ਬ੍ਯਵਹਾਰੇ, ਅ, ਪਣੋ, ਪਨੋਪਿ. ਅਬ੍ਭ ਗਮਨੇ, ਤੋ, ਅਭਿ ਸਦ੍ਦੇ ਵਾ, ਤੋ, ਅਸਰੂਪਦ੍ਵਿਤ੍ਤਂ, ਅਬ੍ਭਤੋਪਿ.

੫੩੩. ਨਾਨਾਦਬ੍ਬਕਤੇ ¶ ਮਦਿਰਾਬੀਜੇ ਸੁਰਾਬੀਜੇ ਕਿਣ੍ਣਾ, ਕਿਰਨ੍ਤਿ ਨਾਨਾਦਬ੍ਬਾਨਿ ਮਿਸ੍ਸੀਭਵਨ੍ਤ੍ਯਸ੍ਸਂ ਕਿਣ੍ਣਾ, ਤੋ. ਮਧ੍ਵਾਸਵੇ ਮਧੁਕਪੁਪ੍ਫਕਤੇ ਮਜ੍ਜੇ ਮਧੁ ਮਤਂ, ਮਧੁਕਪੁਪ੍ਫਂ ਮਧੁ, ਤਪ੍ਪਕਤਤ੍ਤਾ ਮਧੁ, ਮਧੁਕਤੇਪਿ ਮਜ੍ਜੇ ਮਧੁ ਮਧ੍ਵਾਸਵਾ ਵੁਤ੍ਤਾ, ਮਾਧਵਕੋ, ਮਾਧ੍ਵਿਕਮ੍ਪਿ, ਅਦ੍ਵੀਸ੍ਵਿਦਂ.

ਸੁਰਾਨ੍ਤਂ ਮਜ੍ਜੇ. ਮਦ ਉਮ੍ਮਾਦੇ, ਕਰਣੇ ਇਰੋ. ਵਰੁਣੋ ਨਾਮ ਏਕੋ ਜਨੋ, ਤੇਨੇਵ ਪਠਮਂ ਦਿਟ੍ਠਤ੍ਤਾ ਵਰੁਣਤੋ ਜਾਯਤੀਤਿ ਵਾਰੁਣੀ, ਣੀ, ਵਰ ਪਤ੍ਥਨਾਯਂ ਵਾ, ਕਮ੍ਮੇ ਯੁ, ਅਸ੍ਸੁ, ਨਦਾਦਿ. ਮਜ੍ਜਨ੍ਤੇ ਯੇਨ ਮਜ੍ਜਂ, ਵਜਾਦਿਨਾ ਯੋ, ਦ੍ਯਸ੍ਸ ਜ੍ਜੋ ਚ. ਸੁ ਅਭਿਸਵੇ, ਰੋ, ਸੁ ਸਵਨੇ ਵਾ, ਸੁਰਾ. ਹਲਿਪ੍ਪਿਯਾ, ਹਾਲਾ, ਗਨ੍ਧੋਤ੍ਤਮਾ, ਪਸਨ੍ਨਾ, ਇਰਾ, ਕਾਦਮ੍ਬਰੀਪ੍ਯਤ੍ਰ. ਹਲਿਨੋ ਬਲਭਦ੍ਦਸ੍ਸ ਪਿਯਾ ਰੁਚ੍ਚਾ ਹਲਿਪ੍ਪਿਯਾ. ਹਲ ਵਿਲੇਖਨੇ, ਣੋ, ਹਾਲਾ. ਇ ਗਮਨੇ, ਰੋ, ਇਰਾ. ਪਠਮ’ਮਯਂ ਗੋਮਨ੍ਥ ਪਬ੍ਬਤੇ ਕਦਮ੍ਬਕੋਟਰੇ ਭਵਾ ਕਾਦਮ੍ਬਰੀ, ਤਥਾ ਚਾਗਮੋ ‘‘ਕਦਮ੍ਬਕੋਟਰੇ ਜਾਤਾ, ਤੇਨ ਕਾਦਮ੍ਬਰੀ ਮਤਾ’’ਤਿ [ਚਿਨ੍ਤਾਮਣਿਟੀਕਾ ੨੦.੩੯].

ਦ੍ਵਯਂ ਤਾਲਾਦਿਰਸਜੇ. ਆਸਵਨ੍ਤਿ ਮਾਨਪੁਰਿਸਮਦਾਦਯੋ ਯੇਨਾਤਿ ਆਸਵੋ. ਮਦਂ ਜਨੇਤੀਤਿ ਮੇਰਯਂ, ਣੇਯ੍ਯੋ, ਅਸ੍ਸੇ, ਦਸ੍ਸ ਰੋ ਚ. ਸੀਧੁਪ੍ਯਤ੍ਰ. ਮਜ੍ਜਵਿਸੇਸੇਪਿ ਤਯਮਿਦਂ ਵਦਨ੍ਤਿ, ਵੁਤ੍ਤਞ੍ਚ –

‘‘ਸੀਧੁਉਚ੍ਛੁਰਸੇ ਪਕ੍ਕੇ, ਅਪਕ੍ਕੇ ਆਸਵੋ ਭਵੇ;

ਮੇਰਯਂ ਧਾਤਕੀਪੁਪ੍ਫ-ਗੁਲ਼ਧਞ੍ਞਮ੍ਬਿਲੋਟ੍ਠਿਤ’’ਨ੍ਤਿ [ਚਿਨ੍ਤਾਮਣਿਟੀਕਾ ੨੦.੪੨ ਬ੍ਯਾਖ੍ਯਾਸੁਧਾ ੨.੧੦.੪੧].

੫੩੪. ਦ੍ਵਯਂ ¶ ਪਾਨਪਤ੍ਤੇ. ਸਰ ਗਤਿਯਂ, ਣ੍ਵੁ. ਸਰ ਗਤਿਹਿਂਸਾਚਿਨ੍ਤਾਸੁ ਵਾ. ਚਸ ਭਕ੍ਖਨੇ, ਣ੍ਵੁ, ਦ੍ਵਯਂਪ੍ਯਨਿਤ੍ਥੀ. ਸੀਧੁਮ੍ਹਿ ਚ ਸਰਕੋ.

ਦ੍ਵਯਂ ਪਾਨਮਣ੍ਡਲੇ. ਆਪਿਵਨ੍ਤਿ ਸਂਭੂਯ ਪਿਵਨ੍ਤ੍ਯਸ੍ਮਿਂ ਆਪਾਨਂ, ਯੁ. ਪਾਨਸ੍ਸ ਮਣ੍ਡਲਂ ਕੋਟ੍ਠਂ ਪਾਨਮਣ੍ਡਲਂ.

੫੩੫. ਸਮਤ੍ਤਲਿਙ੍ਗਾਸਙ੍ਗਹਤੋ ਅਸਮ੍ਪੁਣ੍ਣਤਂ ਪਰਿਹਰਤਿ. ਅਤ੍ਰ ਅਸ੍ਮਿਂ ਵਗ੍ਗੇ ਯੇ ਯੋਗਿਕਾ ਸਦ੍ਦਾਵੇਣਿਕਮਾਯਾਕਾਰਚੋਰਅਕ੍ਖਦੇਵਿਪ੍ਪਭੁਤਯੋ ਪੁਮੇ ਭੂਰਿਪ੍ਪਯੋਗਤ੍ਤਾ ਪਚੁਰਪ੍ਪਯੋਗਦਸ੍ਸਨਤੋ ਏਕਸ੍ਮਿਂ ਲਿਙ੍ਗੇ ਪੁਮੇ ਈਰਿਤਾ ਕਥਿਤਾ, ਤੇ ਤਦ੍ਧਮ੍ਮਤ੍ਤਾ ਤਂਯੋਗਵਸਾ ਏਕਕ੍ਰਿਯਾਕਾਰਿਤ੍ਤਾ ਅਞ੍ਞਵੁਤ੍ਤਿਯਂ ਤਤੋ ਅਞ੍ਞਤ੍ਰ ਇਤ੍ਥਾਦੀਸੁ ਵੁਤ੍ਤਿਯਂ ਸਤ੍ਯਂ ਲਿਙ੍ਗਨ੍ਤਰੇਪਿ ਇਤ੍ਥਿਲਿਙ੍ਗਾਦੋਪਿ ਨੇਯ੍ਯਾ ਉਪਨੀਯਾ, ਤਂ ਯਥਾ – ਮਾਯਾਕਾਰੀ ਇਤ੍ਥੀ, ਮਾਯਾਕਾਰਮਿਦਂ ਕੁਲਮਿਚ੍ਚਾਦਿ. ਯੇ ਤ੍ਵਯੋਗਿਕਾ ਮਾਗਧਮਾਲਿਕਕੁਮ੍ਭਕਾਰਾਦਯੋ, ਤੇ ਜਾਤਿਵਚਨਤ੍ਤਾ ਸੁਦ੍ਦਾਦਯੋ ਵਿਯ ਦ੍ਵੀਸੂਤਿ.

੫੩੬. ਸਤ੍ਤਕਂ ¶ ਵਨੇ. ਅਰ ਗਮਨੇ, ਅਞ੍ਞੋ, ਅਰਞ੍ਞਂ. ਕੇਨ ਜਲੇਨ ਅਨਨਂ ਪਾਣਮਨਸ੍ਸ ਕਾਨਨਂ, ਦਾ ਅਵਖਣ੍ਡਨੇ, ਦਾ ਛੇਦਨੇ ਵਾ. ਅਧਿਕਰਣੇ ਣੋ, ‘‘ਆਕਾਰਨ੍ਤਾਨਮਾਯੋ’’ਤਿ ਆਯੋ. ਦਯ ਦਾਨਗਤਿਹਿਂ ਸਾਦਾਨੇਸੁ ਵਾ, ਣੋ, ਗਹ ਉਪਾਦਾਨੇ [ਗਾਹੂ ਵਿਲੋਲ਼ਨੇ (?)], ਅਧਿਕਰਣੇ ਯੁ. ਵਪ ਬੀਜਨਿਕ੍ਖੇਪੇ, ਇਨੋ, ਅਸ੍ਸਿਤ੍ਤਂ. ਵਨ ਸਮ੍ਭਤ੍ਤਿਸਦ੍ਦੇਸੁ, ਕਤ੍ਤਰਿ ਅ, ਵਨਂ. ਅਟਾ ਅਵਯਵੋ ਸੇਲਾ ਅਤ੍ਰੇਤਿ ਅਟਵਿ, ਇ, ਈਮ੍ਹਿ ਅਟਵੀ.

ਮਹਾਪਦੁਮਲਤਾਵਨਂ ਮਹਾਰਞ੍ਞਂ, ਨਦਾਦਿ, ਅਨਨ੍ਤੋ ਚ, ਅਰਞ੍ਞਾਨੀ.

੫੩੭. ਨਗਰਤੋ ਨਾਤਿਦੂਰਸ੍ਮਿਂ ਠਾਨੇ ਸਨ੍ਤੇਹਿ ਅਭਿਰੋਪਿਤੋ ਤਰੁਸਣ੍ਡੋ ਪੂਗਪਨਸਾਦਿਤਰੁਸਮੂਹੋ ਅਤ੍ਥਿ, ਸੋ ‘‘ਉਪਵਨ’’ਨ੍ਤਿ ਚੋਚ੍ਚਤੇ, ਕਿਤ੍ਤਿਮਵਨਮੇਤਂ. ਆਰਮਨ੍ਤ੍ਯਸ੍ਮਿਨ੍ਤਿ ਆਰਾਮੋ, ਣੋ. ਉਪਗਤਂ, ਉਪਰੋਪਿਤਂ ਵਾ ਵਨਂ ਉਪਵਨਂ.

੫੩੮. ਸਬ੍ਬਸਾਧਾਰਣਂ ਸਬ੍ਬਲੋਕੇਹਿ ਸਾਧਾਰਣੋਪਭੋਗਂ ਰਞ੍ਞਂ ਰਾਜੂਨਂ ਅਰਞ੍ਞਂ ‘‘ਉਪਵਨਂ, ਉਯ੍ਯਾਨ’’ਮਿਤ੍ਯੁਚ੍ਚਤੇ, ਉਲ੍ਲੋਕੇਨ੍ਤਾ ¶ ਯਨ੍ਤਿ ਜਨਾ ਏਤਸ੍ਮਿਨ੍ਤਿ ਉਯ੍ਯਾਨਂ, ਯੁ. ਆਕੀਲ਼ੋਪ੍ਯਤ੍ਰ.

ਤਦੇਵ ਰਾਜੋਪਵਨਮੇਵ ਉਪਕਾਰਿਕਾਸਨ੍ਨਿਹਿਤਂ, ਪੁਰਸਨ੍ਨਿਹਿਤਂ ਵਾ ਅਨ੍ਤੇਪੁਰਾਚਿਤਂ ਪਮਦਵਨਾਖ੍ਯਂ. ਯਤ੍ਰ ਅਨ੍ਤੇਪੁਰਸਹਿਤੋ ਏਵ ਰਾਜਾ ਵਿਹਰਤਿ, ਨਾਞ੍ਞਜਨਪ੍ਪਵੇਸੋ. ਪਮਦਾਨਂ ਇਤ੍ਥੀਨਂ ਵਨਂ ਪਮਦਵਨਂ, ਰਸ੍ਸੋ.

੫੩੯-੫੪੦. ਸਾਨ੍ਤਰਾਲ਼ਾ ਪਨ੍ਤਿ, ਯਥਾ – ਤਰੁਪਨ੍ਤਿ, ਪਾਸਾਦਪਨ੍ਤਿ, ਨਿਰਨ੍ਤਰਾਲ਼ਾ ਤੁ ਰਾਜੀਤਿ. ਤਤ੍ਰ ਪਞ੍ਚਕਂ ਪਨ੍ਤਿਯਂ. ਪਨ ਬ੍ਯਵਹਾਰੇ, ਥੁਤਿਮ੍ਹਿ ਚ, ਪਨ੍ਤਿ. ਵੀ ਗਮਨੇ, ਥਿ, ਵੀਥਿ. ਵਲ ਸਂਵਰਣੇ, ਇ, ਆਵਲਿ. ਆਲਿਪਿ, ਅਲਧਾਤੁਮ੍ਹਾ ਇ. ਸਿ ਸੇਵਾਯਂ, ਣਿ, ਸੇਣਿ. ਪਾ ਰਕ੍ਖਣੇ, ਲ਼ਿ, ਪਾਲ਼ਿ, ਸੋਗਤੇਪਿ. ਦ੍ਵੇ ਸਮਾ. ਲਿਖ ਲੇਖਨੇ, ਅ. ਰਾਜ ਦਿਤ੍ਤਿਯਂ, ਇ.

ਤਿਪਾਦਂ ਰੁਕ੍ਖਮਤ੍ਤੇ. ਪਾਦੇਨ ਮੂਲੇਨ ਪਿਵਤੀਤਿ ਪਾਦਪੋ, ਣੋ. ਵਿਟਪਯੋਗਾ ਵਿਟਪੀ. ਰੁਕ੍ਖ ਵਰਣੇ, ਅ, ਰੁਹ ਜਨਨੇ ਵਾ, ਖੋ, ਹਸ੍ਸ ਕੋ. ਨ ਗਚ੍ਛਤੀਤਿ ਅਗੋ. ਸਲ ਗਮਨੇ, ਣੋ, ਸਾਰਵਨ੍ਤਤਾਯ ਵਾ ਸਾਰੋ, ਸੋ ਏਵ ਸਾਲੋ, ਅਞ੍ਞਤ੍ਰੋਪਚਾਰਾ. ਮਹਿਯਂ ਰੁਹਤੀਤਿ, ਅ. ਦੁ ਗਤਿਯਂ, ਮੋ. ਤਰ ਤਰਣੇ, ਉ. ਕੁਤੋ ਭੂਮਿਤੋ ਜਾਯਤੀਤਿ ਕੁਜੋ, ਅਙ੍ਗਾਰੇਪਿ. ਸਾਖਾਯੋਗਤੋ ਸਾਖੀ.

ਗਮੁ ¶ ਗਮਨੇ, ਣੋ, ‘‘ਗਮਿਸ੍ਸਨ੍ਤੋ ਚ੍ਛੋ ਵਾ ਸਬ੍ਬਾਸੂ’’ਤਿ ਚ੍ਛੋ. ਖੁਦ੍ਦੋ ਅਵੁਡ੍ਢਿਪ੍ਪਤ੍ਤੋ ਪਾਦਪੋ ਖੁਦ੍ਦਪਾਦਪੋ. ਯੇ ਰੁਕ੍ਖਾ ਪੁਪ੍ਫਂ ਵਿਨਾ ਅਪੁਪ੍ਫਕਾ ਫਲਨ੍ਤਿ, ਤੇ ਅਸ੍ਸਤ੍ਥੋਦੁਮ੍ਬਰਪਨਸਾਦਯੋ ‘‘ਵਨਪ੍ਪਤੀ’’ਤਿ ਵੁਚ੍ਚਨ੍ਤਿ, ਵਨਾਨਂ ਪਤਿ ਵਨਪ੍ਪਤਿ. ਪੁਪ੍ਫਤੋ ਜਾਤਫਲਾ ਪਨ ਅਮ੍ਬਖਜ੍ਜੂਰਾਦਯੋ ਵਾਨਪ੍ਪਤਯੋ. ਵਨਪ੍ਪਤਿਮ੍ਹਿ ਭਵਾ ਵਾਨਪ੍ਪਤਯੋ.

੫੪੧. ਯੋ ਫਲਪਾਕਾਵਸਾਨੇ ਮਰਤਿ, ਸੋ ਕਦਲੀਧਞ੍ਞਾਦਿਕੋ ਓਸਧਿ ਨਾਮ ਭਵੇ, ਓਸੋ ਧੀਯਤੇ ਯਸ੍ਸਂ [ਓਸੋ ਗ੍ਲੋਸੋ ਦਿਤ੍ਤਿਬ੍ਬਾ ਧੀਯਤੇ’ਤ੍ਰ ਬ੍ਯਾਖ੍ਯਾਸੁਧਾ ੨.੪.੬], ਸਾ ਓਸਧਿ, ਇ. ਸਾਸਦ੍ਦੋ ਓਸਧਿਸਦ੍ਦਸ੍ਸ ਇਤ੍ਥਿਲਿਙ੍ਗਤ੍ਤਦੀਪਕੋ.

ਦ੍ਵਯਂ ਉਤੁਪ੍ਪਤ੍ਤੇਪਿ ਫਲਹੀਨੇ. ਵਨ ਯਾਚਨੇ, ਝੋ, ਵਞ੍ਝਾ, ਵਧਤਿ ਫਲਨ੍ਤਿ ਵਾ ਵਞ੍ਝਾ, ਵਜਾਦਿਨਾ ਯੋ, ਝਸ੍ਸ ਝੋ, ਨਿਗ੍ਗਹੀਤਾਗਮੋ ਚ. ਨ ਵਿਜ੍ਜਤਿ ਫਲਮੇਤਿਸ੍ਸਾਤਿ ਅਫਲਾ, ਦ੍ਵੇ ਤੀਸੁ. ਤਿਕਂ ਵਤ੍ਤਮਾਨਫਲੇ ਰੁਕ੍ਖਾਦੋ. ਫਲਯੋਗਾ, ਇਨੋ, ਵਨ੍ਤੁ, ਈ ਚ.

੫੪੨. ਚਤੁਕ੍ਕਂ ਵਿਕਸਿਤੇ. ਫੁਲ੍ਲ ਵਿਕਸਨੇ, ਕਤ੍ਤਰਿ ਤੋ, ਸਞ੍ਜਾਤਤ੍ਥੇ ਵਾ ਇਤੋ, ਫਲ ਵਿਸਰਣੇ ਵਾ, ਵਿਸਰਣਂ ਵਿਕਾਸੋ, ਅਸ੍ਸੁ. ਕਚ ਬਨ੍ਧਨੇ, ਵਿਪੁਬ੍ਬੋ ਵਿਕਸਨੇ, ਕਤ੍ਤਰਿ ਅ ¶ . ਵਿਕਚਤੇ ਵਿਦਲਤਿ ਵਿਸਿਲਿਟ੍ਠਦਲੋ ਭਵਤੀਤਿ ਵਾ ਵਿਕਚੋ, ਅ, ਵਿਸਦ੍ਦੋ ਵਿਸਿਲੇਸਜੋਤਕੋ. ਕਸ ਗਮਨੇ, ਤੋ. ਦਲਾਨਂ ਅਞ੍ਞਮਞ੍ਞਂ ਵਿਸਿਲੇਸਤੋ ਸਮੁਦਾਯੋ ‘‘ਵਿਕਸਿਤੋ’’ਤ੍ਯੁਚ੍ਚਤੇ. ਫੁਟੋਪ੍ਯਤ੍ਰ. ਫੁਟ ਵਿਕਸਨੇ.

ਪਾਦੋ ਰੁਕ੍ਖਗ੍ਗੇ. ‘‘ਨ ਨਾ’ਗ੍ਗਂ ਸਿਖਰਂ ਸਿਰੋ’’ਤਿ ਵੋਪਾਲਿਤਵਚਨਤੋ ‘‘ਸਿਰਸੋ ਅਗ੍ਗ’’ਨ੍ਤਿ ਨ ਛਟ੍ਠੀਸਮਾਸੋ. ਸਿਰੋ ਵੁਤ੍ਤੋ. ਅਜ ਗਮਨੇ, ਗੋ, ਅਗ੍ਗਂ, ਸੇਟ੍ਠੇ ਤੀਸੁ. ਸੀ ਸਯੇ, ਖਰੋ, ਸਿਖਾ ਵਾ ਚੂਲ਼ਾ, ਸਾ ਵਿਯ ਜਾਯਤੀਤਿ ਸਿਖਰੋ. ਦ੍ਵਯਂ ਸਾਖਾਯਂ. ਸਾਖ ਬ੍ਯਾਪਨੇ, ਅ. ‘‘ਲਤਾ ਵਲ੍ਲੀ ਸਮਾਖ੍ਯਾਤਾ, ਲਤਾ ਸਾਖਾ ਚ ਸਾਖਿਨ’’ਨ੍ਤਿ ਲਤਾ ਨਾਨਤ੍ਥਾ. ਲਾ ਆਦਾਨੇ, ਤੋ, ਰਸ੍ਸੋ.

੫੪੩. ਛਕ੍ਕਂ ਪਤ੍ਤੇ. ਦਲਤਿ ਵਿਕਸਤੀਤਿ ਦਲਂ, ਅ. ਲਸ ਕਨ੍ਤਿਯਂ, ਪਕਾਰੇਨ ਲਸਤੀਤਿ ਪਲਾਸੋ, ਣੋ. ਛਦ ਸਂਵਰਣੇ, ਛਾਦੀਯਤੇ ਯੇਨ ਛਦਨਂ, ਯੁ. ਪੂਰਯਤੀਤਿ ਪਣ੍ਣਂ, ਨਿਪਾਤਨਾ, ਪਤ ਅਧੋਗਮਨੇ ਵਾ, ਪਤਤ੍ਯਚਿਰੇਨ ਪਣ੍ਣਂ, ਪਤ੍ਤਞ੍ਚ, ਤੋ, ਪੁਮੇ. ਸਞ੍ਞਾਯਂ ਣਮ੍ਹਿ ਛਦੋ.

ਦ੍ਵਯਂ ਪਤ੍ਤਾਦਿਸਙ੍ਘਾਤਵਤਿ ਸਾਖਾਯ ਪਬ੍ਬੇ. ਪਲ੍ਲ ਗਮਨੇ, ਅਵੋ. ਕਿਸ ਗਮਨੇ, ਯੋ, ਲਾਗਮੋ ਮਜ੍ਝੇ. ਦ੍ਵਯਂ ਅਙ੍ਕੁਰੇ. ਨਵੋ ਏਵ ਉਬ੍ਭਿਤੋ ਉਗ੍ਗਤੋ ਨਵੁਬ੍ਭਿਨ੍ਨੋ. ਅਙ੍ਕ ਲਕ੍ਖਣੇ, ਉਰੋ.

੫੪੪. ਪਕ੍ਕਂ ਯਾਵ ਪਾਦੇਨ ਨਾਮਂ. ਵਿਕਾਸੋ ਮੁਖਪਬੁਦ੍ਧਕਲਿਕਾਯਂ ਮਕੁਲ਼ਾਦਿਦ੍ਵਯਂ. ਮੁਚ ਮੋਚਨੇ, ਉਲੋ, ਉਸ੍ਸਤ੍ਤਂ, ਚਸ੍ਸ ਕੋ, ਮਕੁਲ਼ਂ, ਮਕੁਲ਼ੋ ਵਾ. ਕੁਟ ਛੇਦਨੇ, ਮਲੋ, ਅਸ੍ਸੁ, ਕੁਟੁਮਲੋ, ਕੁਤੁਮਲੋਪਿ. ਪੁਪ੍ਫਸ੍ਸ ਚ ਫਲਸ੍ਸ ਚ ਪਕਤਿਭੂਤੇ ¶ ਜਾਲਪਤ੍ਤੇ ਖਾਰਕਾਦਿਦ੍ਵਯਂ. ਖੁਰ ਵਿਨਾਸੇ. ਣ੍ਵੁ. ਜਲ ਧਞ੍ਞੇ, ਸਕਤ੍ਥੇ ਕੋ. ਜਾਲਕਂ ਨਪੁਂਸਕੇ. ਦ੍ਵਯਂ ਜਾਲਕਤੋ ਪਵੁਦ੍ਧੇ ਪੁਪ੍ਫੇ, ਫਲੇ ਚ. ਕਲ ਸਙ੍ਖ੍ਯਾਨੇ, ਣ੍ਵੁ, ਕੁਰ ਸਦ੍ਦੇ, ਣ੍ਵੁ.

ਪੁਪ੍ਫਾਦਿਬਨ੍ਧਨਂ ਪੁਪ੍ਫਫਲਾਨਂ ਬਨ੍ਧਨਂ ਵਣ੍ਟਂ ਨਾਮ. ਬਨ੍ਧੀਯਤੇ ਯੇਨ ਵਣ੍ਟਂ, ਵਜਾਦਿ.

੫੪੫. ਤਿਕਂ ਪੁਪ੍ਫੇ. ਪਸੁ ਪਾਣਿਗਬ੍ਭਵਿਮੋਚਨੇ, ਣੋ. ਖਪਣਕਭਾਸਾਯ ਰੁਕ੍ਖੋਪਿ ਪਾਣਿ, ਵੁਦ੍ਧਾਦਿ, ਪਸਵੋ. ਕੁਸ ਅਕ੍ਕੋਸੇ, ਉਮੋ, ਕਸ ਗਮਨੇ ਵਾ, ਕਾਸ ਦਿਤ੍ਤਿਯਂ ਵਾ, ਉਮੋ, ਰਸ੍ਸੋ. ਪੁਪ੍ਫ ਵਿਕਸਨੇ, ਪੁਪ੍ਫਤੀਤਿ, ਅ. ਪੁਪ੍ਫਜੋ ਰਜੋ ਪੁਪ੍ਫਧੂਲੀ ਪਰਾਗੋ ਨਾਮ, ਰਨ੍ਜ ਰਙ੍ਗੇ, ਣੋ.

ਮਧੁਰਪੁਪ੍ਫਰਸੋ ਮਕਰਨ੍ਦੋ ਨਾਮਾਤਿ ਮਤਂ. ਮਕ੍ਖਿਕਾ ਰਮਨ੍ਤਿ ਯਸ੍ਮਿਂ ਮਕਰਨ੍ਦੋ, ਵਜਾਦਿ. ਦ੍ਵਯਂ ਕਲਿਕਾਭਿ ਆਕਿਣ੍ਣੇ ਪਰਿਣਾਯਵਤਿ. ਥੁ ਅਭਿਤ੍ਥਵੇ, ਣ੍ਵੁ, ਥਵਕੋ. ਗੁਧ ਪਰਿਵੇਧਨੇ, ਣ੍ਵੁ, ਧਸ੍ਸ ਛੋ, ਗੋਚ੍ਛਕੋ.

੫੪੬-੫੪੭. ਆਮੇ ਅਪਕ੍ਕੇ ਫਲੇ ਸਲਾਟੁ ਉਤ੍ਤੋ, ਸਲਾਟ ਬਾਲ੍ਯਪਰਿਭਾਸਨੇਸੁ, ਉ, ਵਿਜ੍ਜਮਾਨਬਾਲ੍ਯਤਾਯ ਸਲਾਟੁ ¶ . ਪਕ੍ਕਨ੍ਤੁ ਫਲਂ ਨਿਪ੍ਪਰਿਯਾਯੇਨ ‘‘ਫਲ’’ਮਿਤ੍ਯੁਚ੍ਚਤੇ, ਤੇਨ ‘‘ਆਮਸ੍ਮਿਂ ਫਲਵੋਹਾਰੋ ਰੂਲ਼੍ਹਿਯਾ ਪਵਤ੍ਤਤੀ’’ਤਿ ਞਾਤਬ੍ਬੋ, ਫਲ ਨਿਪ੍ਫਤ੍ਤਿਯਂ, ਨਿਪ੍ਫਤ੍ਤਿ ਚਾਤ੍ਰ ਸੁਪਕ੍ਕਤ੍ਤਂ, ਸੁਕ੍ਖੇ ਤੁ ਫਲੇ ਵਾਨੋ. ਤਤ੍ਰ ਸਲਾਟੁ ਵਾਨਾ ਤੀਸੁ, ਯਥਾ ਸਲਾਟੁ ਜਮ੍ਬੂ, ਸਲਾਟਵੋ ਮਾਸਾ, ਸਲਾਟੂਨਿ ਕੁਮ੍ਭਣ੍ਡਾਨਿ, ਵਾਨਾ ਹਰੀਟਕੀ, ਵਾਨੋ ਮੁਗ੍ਗੋ, ਵਾਨਮਮ੍ਬਂ.

ਚਮ੍ਪਕਾਦਿ ਚਮ੍ਪਕਂ ਕਰਵੀਰਂ ਕਦਮ੍ਬਕਂ ਅਸੋਕਂ ਕਣ੍ਣਿਕਾਰਂ ਚਮ੍ਪਕਾਦੀਨਂ ਪੁਪ੍ਫਂ ਵਿਕਾਰੋ, ਅਵਯਵੋ ਚੇਤਿ ਅਞ੍ਞਤ੍ਥੇ ਣੋ ਨ ਭਵਤਿ, ਤਦਨ੍ਤਤੋ ਪੁਪ੍ਫਸ੍ਸੁਪ੍ਪਤਿਤਤੋ, ਏਵਂ ਚਮ੍ਪਕਾਦੀਨਿ ਕੁਸੁਮਨਾਮਾਨਿ ਨਪੁਂਸਕੇ ਵਤ੍ਤਨ੍ਤਿ, ਅਮ੍ਬਾਦਿ ਦਾਲ਼ਿਮਂ ਨਾਰਙ੍ਗਂ ਆਮਲਕਂ ਕੁਵਲਂ ਬਦਰਨ੍ਤਿ ਪਕਤ੍ਯਨ੍ਤਰਮੇਵ ਫਲੇ ਵਤ੍ਤਤੇ, ਆਮਲਕਿਯਾ ਕੁਵਲਿਯਾ ਬਦਰਿਯਾ ਫਲਂ ਵਿਕਾਰੋ, ਅਵਯਵੋ ਚੇਤਿ ਅਞ੍ਞਤ੍ਥੇ ਤਦ੍ਧਿਤੋਪਿ ਨੋਪ੍ਪਜ੍ਜਤੇ, ਤਦਨ੍ਤਤੋ ਫਲਸ੍ਸੁਪ੍ਪਤਿਤਤੋ, ਏਵਂ ਅਮ੍ਬਾਦੀਨਿ ਫਲਨਾਮਾਨਿ ਨਪੁਂਸਕੇ ਵਤ੍ਤਨ੍ਤਿ. ਮਲ੍ਲਿਕਾਦਯੋ ਕੁਸੁਮੇਪਿ ਵਤ੍ਤਮਾਨਾ ਸਲਿਙ੍ਗਾ ਪਕਤਿਲਿਙ੍ਗਾਅਭੇਦੋਪਚਾਰੇਨ ਪਵਤ੍ਤਿਯਾ, ਯਥਾ – ਮਲ੍ਲਿਕਾ ਜਾਤਿ, ਵਨਮਲ੍ਲਿਕਾ ਇਚ੍ਚਾਦਿ. ਵੀਹਯੋਪ੍ਯਭੇਦੋਪਚਾਰੇਨ ਫਲੇਪਿ ਸਲਿਙ੍ਗਾ, ਯਥਾ ਮਾਸਸ੍ਸ ਫਲਂ ਮਾਸੋ, ਮੁਗ੍ਗਸ੍ਸ ਫਲਂ ਮੁਗ੍ਗੋ, ਏਵਂ ਯਵੋ, ਤਿਲੋ, ਅਤਸੀ, ਕਙ੍ਗੁ, ਧਞ੍ਞਂ.

ਤਿਕਂ ਜਮ੍ਬੁਯਾ ਫਲੇ. ਤਤ੍ਰ ਯਦਾ ਲੋਕਤੋ ਫਲੇ ਵੁਤ੍ਤਿ, ਤਦਾ ਜਮ੍ਬੁਸਦ੍ਦੋ ਪਕਤ੍ਯਨ੍ਤਰਮੇਵ ਫਲੇ ਵਤ੍ਤਤੇ, ਯਦਾ ਨ ਫਲਵੁਤ੍ਤਿ, ਤਦਾ ਵਿਕਾਰੇ ਅਵਯਵੇ ਵਾਨੋ, ਜਮ ਅਦਨੇ, ਬੂ, ਜਮ੍ਬੂ, ਪਕਤ੍ਯਨ੍ਤਰਾਫਲੇ ਵੁਤ੍ਤਿ. ਜਮ੍ਬੁਯਾ ਫਲਂ ਜਮ੍ਬੁਵਂ. ਜਮ੍ਬੁ ਚ. ਲੋਕਤੋ ਏਵ ਫਲੇਪਿ ਵਤ੍ਤਮਾਨਾ ਹਰੀਟਕ੍ਯਾਦਯੋ ਸਭਾਵਤੋ ਇਤ੍ਥਿਯਂ ਭਵਨ੍ਤਿ [ਅਮਰ ੧੪.੧੮-੨੦]. ਹਰੀਟਕਿਯਾ ਫਲਂ ਹਰੀਟਕੀ, ਏਵਂ ਕੋਸਾਤਕੀ, ਸਲ੍ਲਕੀ, ਦਕ੍ਖਾ, ਕਣ੍ਡਕਾਰਿਕਾ, ਸੇਫਾਲਿਕਾ ਇਚ੍ਚਾਦਿ, ਪੁਬ੍ਬੇ ਵਿਯ ਵਿਕਾਰਾਵਯਵਤ੍ਥੇਸੁ ਪਚ੍ਚਯਾਭਾਵੋ, ਅਸ੍ਸਤ੍ਥਾਦਿਕਂ ਛਕ੍ਕਮੇਵ ਤਦ੍ਧਿਤਨ੍ਤਂ ਅਸ੍ਸਤ੍ਥਾਦੀਨਂ ¶ ਫਲੇ ਵਤ੍ਤਮਾਨਾਨਂ ਨਪੁਂਸਕਂ ਸਿਯਾ ਰੂਪਭੇਦੋ, ਯਥਾ – ਅਸ੍ਸਤ੍ਥਸ੍ਸ ਫਲਂ ਅਸ੍ਸਤ੍ਥਂ, ਵੇਣੁਨੋ ਫਲਂ ਵੇਣਵਂ, ਪਿਲਕ੍ਖਸ੍ਸ ਫਲਂ ਪਿਲਕ੍ਖਂ, ਨਿਗ੍ਰੋਧਸ੍ਸ ਫਲਂ ਨਿਗ੍ਰੋਧਂ, ਇਙ੍ਗੁਦਿਯਾ ਫਲਂ ਇਙ੍ਗੁਦਂ, ਬ੍ਰਹਤਿਯਾ ਫਲਂ ਬ੍ਰਾਹਤਂ, ਵਿਦਾਰੀ ਅਂਸੁਮਤੀ ਗਮ੍ਭਰਿਯਾਦਯੋ ਮੂਲੇ, ਪੁਪ੍ਫੇਪਿ ਸਲਿਙ੍ਗਾ [ਅਮਰ ੧੪.੧੮-੨੦]. ਪਾਟਲਾਸਦ੍ਦੋ ਪਨ ਅਭੇਦਵਤ੍ਤਿਚ੍ਛਾਯਂ ਮੂਲੇ ਪੁਪ੍ਫੇਪਿ ਵਤ੍ਤਮਾਨੋ ਸਭਾਵਤੋ ਇਤ੍ਥਿਲਿਙ੍ਗੋ, ਭੇਦਵਤ੍ਤਿਚ੍ਛਾਯਂ ਵਿਕਾਰੇ ਅਵਯਵੇ ਵਾ ਣਮ੍ਹਿ ਪਾਟਲਂ [ਅਮਰ ੧੪.੧੮-੨੦]. ਦ੍ਵਯਂ ਸਾਖਾਪਲ੍ਲਵਾਦਿਸਮੁਦਾਯਲਕ੍ਖਣੇ ਆਭੋਗੇ, ਵਿਟ ਵੇਧਨੇ, ਵਿਟ ਅਕ੍ਕੋਸੇ ਵਾ, ਅਪੋ, ਪਸ੍ਸ ਭਤ੍ਤੇ ਵਿਟਭੀ, ਨਦਾਦਿ.

੫੪੮. ਮੂਲਮਾਰਬ੍ਭ ਮੂਲਤੋ ਪਟ੍ਠਾਯ ਸਾਖਨ੍ਤੋ ਸਾਖਾਵਧਿ ਤਰੁਸ੍ਸ ਭਾਗੋ ਖਨ੍ਧੋ ਨਾਮ, ਯੋ ‘‘ਪਕਣ੍ਡੋ’’ਤਿਪਿ ਵੁਚ੍ਚਤਿ, ਖਨੁ ਅਵਦਾਰਣੇ, ਧੋ, ਖਨ੍ਧੋ, ਖਾਦ ਭਕ੍ਖਨੇ ਵਾ, ਕੋ, ‘‘ਖਾਦਾਮਗਮਾਨਂ ਖਨ੍ਧਨ੍ਧਗਨ੍ਧਾ’’ਤਿ ਖਨ੍ਧਾਦੇਸੋ, ਕਲੋਪੋ.

ਰੁਕ੍ਖਚ੍ਛਿਦ੍ਦੇ ਰੁਕ੍ਖਾਦੀਨਂ ਵਿਵਰੇ ਕੋਟਰੋ. ਕੁਟ ਛੇਦਨੇ, ਅਰੋ, ਕੋਟਰੋ, ਨਿਕ੍ਕੁਹੋਪਿ. ਦ੍ਵੇ ਸਮਾ. ਕਾਸ ਦਿਤ੍ਤਿਯਂ, ਕਾਸਤੇ ਅਗ੍ਗਿਨਾ ਦਿਪ੍ਪਤੇਤਿ ਕਟ੍ਠਂ, ਤੋ, ਤਸ੍ਸ ਟ੍ਠੋ, ਰਸ੍ਸੋ ਚ, ਕਸ ਗਮਨੇ ਵਾ, ਤੋ, ਕਟ੍ਠਂ. ਦਰ ਵਿਦਾਰਣੇ, ਣੁ.

੫੪੯. ਤਿਕਂ ਮੂਲੇ. ਵੁ ਸਂਵਰਣੇ, ਦੋ, ਨਿਗ੍ਗਹੀਤਾਗਮੋ, ਬੁਧ ਗਮਨੇ ਵਾ, ਅ, ਧਸ੍ਸ ਦੋ. ਮੂਲ ਪਤਿਟ੍ਠਾਯਂ, ਣੋ, ਪਾਦਸਦ੍ਦੇਨ ¶ ਤਪ੍ਪਰਿਯਾਯਾ ਚਰਣਤ੍ਥਾ ਸਬ੍ਬੇ ਸਙ੍ਗਹਿਤਾ, ਪਾਦਸਦਿਸਤ੍ਤਾ ਪਾਦੋ, ਦ੍ਵਯਂ ਛਿਨ੍ਨਸ੍ਸ ਤਰੁਕ੍ਖਨ੍ਧਸ੍ਸ ਭੂਮਿਟ੍ਠਭਾਗੇ. ਸਙ੍ਕ ਸਙ੍ਕਾਯਂ, ਉ, ਸਕ ਸਤ੍ਤਿਯਂ ਵਾ, ਨਿਗ੍ਗਹੀਤਾਗਮੋ. ਖਨੁ ਅਵਦਾਰਣੇ, ਣੁ, ਖਾਣੁ. ਧੁਵੋਪਿ, ਧੁਵਤਿ ਥਿਰਾਯਤੇਤਿ ਧੁਵੋ, ਧੁ ਗਤਿਥੇਰਿਯੇਸੁ, ਅ, ਉਵਾਦੇਸੋ.

ਦ੍ਵਯਂ ਵਿਦਾਰਿਯਾਦੀਨਂ ਕਨ੍ਦੇ. ਕੁਯਂ ਪਥਵਿਯਂ ਰੁਹਤੀਤਿ ਕੁਰੁਹਾਟਂ, ਅਟੋ, ਕਨ੍ਦ ਅਵ੍ਹਾਨੇ, ਰੋਦਨੇ ਚ, ‘‘ਕਰਹਾਟੋ’ਮ੍ਬੁਜਕਨ੍ਦੇ, ਪੁਪ੍ਫਰੁਕ੍ਖਭੀਤੇਸੁ ਚੇ’’ਤਿ ਨਾਨਤ੍ਥਸਙ੍ਗਹੇ. ਦ੍ਵਯਂ ਹਲਾਦੀਨਂ ਕਲੀਰੇ. ਕਲ ਸਙ੍ਖ੍ਯਾਨੇ, ਈਰੋ. ਮਸ ਆਮਸਨੇ, ਥਕੋ, ਮਤ੍ਥਕੇ ਸੀਸੇ ਵਾ ਜਾਤੋ ਮਤ੍ਥਕੋ.

੫੫੦. ਦ੍ਵੇ ਸਮਾ. ਅਭਿਨਵਨਿਗ੍ਗਤਾ ਆਯਤਾ ਸਕੁਸੁਮਾ, ਕੁਸੁਮਸੁਞ੍ਞਾ ਚ ਮਞ੍ਜਰੀ, ਵਲ੍ਲਰੀ ਤੁ ਤਦਞ੍ਞਾਪਿ, ਯਥਾ ਤਾਲਵਲ੍ਲਰੀ, ਵਲ, ਵਲ੍ਲ ਸਂਵਰਣੇ, ਅਰੋ, ਨਦਾਦਿ. ਮੁਞ੍ਜਯੋਗਤੋ ਮਞ੍ਜਰੀ, ਰੋ, ਨਦਾਦਿ, ਉਸ੍ਸਤ੍ਤਞ੍ਚ, ਦ੍ਵੇਪਿ ਨਾਰੀ. ਦ੍ਵਯਂ ਲਤਾਯਂ. ਵਲ੍ਲ ਸਂਵਰਣੇ, ਨਦਾਦਿ. ਲਤਾ ਵੁਤ੍ਤਾ, ‘‘ਲਤਾ ਪਤਾਨਿਨੀ ਵਲ੍ਲੀ ਮਤਕੀਥਾ’’ਤਿ ਹਲਾਯੁਧੋ.

ਅਕ੍ਖਨ੍ਧੋ ਅਪ੍ਪਕ੍ਖਣ੍ਡੋ, ਬਹੁਪਤ੍ਤਤਚਦਣ੍ਡਿਕਾਦਿ. ਯੋ ਵਾ ਤਨੁਪਕਣ੍ਡੋ ਵਂਸਨਲ਼ਾਦਿ, ਸੋ ‘‘ਥਮ੍ਬੋ, ਗੁਮ੍ਬੋ’’ਤਿ ਚੋਚ੍ਚਤੇ, ਥਕ ਸਂਵਰਣੇ, ਬੋ, ਕਸ੍ਸ ਮੋ. ਗੁਪ ਰਕ੍ਖਣੇ, ਬੋ, ਪਸ੍ਸ ਮੋ. ਪਤਾਨੋ ਸਾਖਾਪਤ੍ਤਚਯੋ, ਤੇਨ ਯੁਤ੍ਤਾ ਗੋਰਕ੍ਖਾ ¶ ਤਮ੍ਬੂਲਿ ਧਿਵੁਸਜੀਮੂਤ ਗਲ਼ੋਝਾਦਿਕਾ ਲਤਾ, ਸਾ ਵੀਰੁ ਨਾਮ, ਵਿਵਿਧੇਹਿ ਰੁਹਤੀਤਿ ਕਤ੍ਵਾ, ਕ੍ਵਿ, ਵੀਰੁ, ਦੀਘਾਦਿ, ਗੁਮ੍ਬਿਨੀਪਿ.

੫੫੧. ਪਜ੍ਜੇ ਪਾਦੇਨ ਨਾਮਂ. ਯਤ੍ਰ ਦ੍ਵਯਂ ‘‘ਬੋਧਿਰੁਕ੍ਖੋ’’ਤਿ ਸਞ੍ਞਿਤੇ ਬੁਦ੍ਧਸ੍ਸ ਭਗਵਤੋ ਸਬ੍ਬਞ੍ਞੁਤਞ੍ਞਾਣਪ੍ਪਟਿਲਾਭਟ੍ਠਾਨਭੂਤੇ ਦੁਮਰਾਜੇ, ਅਞ੍ਞਤ੍ਰ ਤੂਪਚਾਰਾ. ਅਸ੍ਸਂ ਸਬ੍ਬਞ੍ਞੁਤਞ੍ਞਾਣਂ ਤਿਟ੍ਠਤਿ ਏਤ੍ਥਾਤਿ ਅਸ੍ਸਤ੍ਥੋ, ਠਸ੍ਸ ਥੋ, ਦ੍ਵਿਤ੍ਤਂ, ਮਾਰਵਿਜਯਸਬ੍ਬਞ੍ਞੁਤਞ੍ਞਾਣਪ੍ਪਟਿਲਾਭਾਦਿਕੇਹਿ ਭਗਵਨ੍ਤਂ ਅਸ੍ਸਾਸੇਤੀਤਿ ਵਾ ਅਸ੍ਸਤ੍ਥੋ, ਆਪੁਬ੍ਬੋ ਸਾਸ ਅਨੁਸਿਟ੍ਠਿਯਂ, ਤੋਸਨੇ ਚ ਵਤ੍ਤਤਿ, ਤੋ, ਰਸ੍ਸੋ. ਸਬ੍ਬਞ੍ਞੁਤਞ੍ਞਾਣਂ ਬੁਜ੍ਝਤਿ ਏਤ੍ਥਾਤਿ ਬੋਧਿ, ਬੁਧ ਅਵਗਮਨੇ, ਇ, ਬੋਧਿ, ਦ੍ਵੀਸੁ. ਚਲਦਲੋ, ਪਿਪ੍ਪਲੋ, ਕੁਞ੍ਜਰਾਸਨੋਪਿ. ਦ੍ਵਯਂ ਬਹੁਪਾਦੇ. ਅਧੋਭਾਗਂ ਰੁਨ੍ਧਤੀਤਿ ਨਿਗ੍ਰੋਧੋ, ਉਸ੍ਸੋ, ਗਾਗਮੋ ਚ. ਵਟ ਵੇਧਨੇ, ਵਟਤੀਤਿ, ਅ.

ਦ੍ਵਯਂ ਕਬਿਟ੍ਠੇ. ਕਵਿਮ੍ਹਿ ਵਾਨਰੇ ਤਿਟ੍ਠਤੀਤਿ ਕਬਿਟ੍ਠੋ [ਪਾਯੇਨ ਕਪਯੋ ਤਿਟ੍ਠਨ੍ਤਿ ਅਤ੍ਰ ਕਪਿਤ੍ਥੋ (ਚਿਨ੍ਤਾਮਣਿਟੀਕਾ ੧੪.੨੧)] ‘‘ਵਾਨਰੇ ਪਣ੍ਡਿਤੇ ਕਵੀ’’ਤਿ ਵੋਪਾਲਿਤੋ, ਤਥਾ ਕਪਿਤ੍ਥੋ, ਤੋ, ਠਸ੍ਸ ਥੋ ਚ. ਦਧਿਤ੍ਥੋ, ਅਮ੍ਬਿਲਫਲੋਪਿ. ਦ੍ਵਯਂ ਉਦੁਮ੍ਬਰੇ. ਯਞ੍ਞਕਮ੍ਮਾਨਮਙ੍ਗੋ ਏਕਙ੍ਗਤ੍ਤਾ ਯਞ੍ਞਙ੍ਗੋ, ਦੁਬ੍ਬੀ ਹਿਂਸਾਯਂ, ਅਰੋ, ਨਿਗ੍ਗਹੀਤਾਗਮੋ, ਏਕਸ੍ਸ ਬਸ੍ਸ ਲੋਪੋ ਚ. ਜਨ੍ਤੁਫਲੋ ਹੇਮਦੁਦ੍ਧੋਪਿ.

ਯੁਗਪਤ੍ਤਾ ਉਭੋਪਿਤੇ’’ਤਿ [ਚਿਨ੍ਤਾਮਣਿਟੀਕਾ ੧੪.੨੨].

ਹਿ ਰਤਨਕੋਸੋ, ਕਞ੍ਜਨਾਲਕੋਪ੍ਯਤ੍ਰ. ਯੁਗਂ ਯਮਕਂ ਪਤ੍ਤਮਸ੍ਸ.

ਤਿਪਾਦਂ ਉਦ੍ਦਾਲੇ. ਵਾਤਂ ਉਦ੍ਦਾਲਤੀਤਿ ਉਦ੍ਦਾਲੋ. ਸਿਙ੍ਗਾਰਾਦੀਨਂ ਸਞ੍ਞਾਵਸੇਨ ਰੁਕ੍ਖਾਨਂ ਰਾਜਾ ਰਾਜਰੁਕ੍ਖੋ, ਵਾਤਰੋਗਹਨਨੇ ਰਾਜਭੂਤੋ ਰੁਕ੍ਖੋ ਵਾ ਰਾਜਰੁਕ੍ਖੋ. ਕਤਾ ਮਾਲਾ ਅਸ੍ਸ ਪੁਪ੍ਫੇਹੀਤਿ ਕਤਮਾਲੋ, ਸਿਙ੍ਗਾਰਪ੍ਪਕਾਸੋ. ਇਨ੍ਦਤਿ ਪਰਮਿਸ੍ਸਰਿਯਂ ਕਰੋਤਿ ਵਾਤਹਨਨੇਤਿ ਇਨ੍ਦੀਵਰੋ, ਈਵਰੋ, ਇਨ੍ਦਿਯਾ ਸਕ੍ਕਸ੍ਸ ਭਰਿਯਾਯ ਇਚ੍ਛਿਤਬ੍ਬਤ੍ਤਾ ਵਾ ਇਨ੍ਦੀਵਰੋ. ਚਤੁਰਙ੍ਗੁਲੋ, ਆਰੇਵਤੋ, ਸੁਵਣ੍ਣਕੋਪਿ.

੫੫੩. ਦ੍ਵਯਂ ਜਮ੍ਭੀਰੇ, ਯਸ੍ਸ ਫਲਮਮ੍ਬਿਲਂ ਹੋਤਿ. ਅਮ੍ਬਿਲਤ੍ਤਾ ਦਨ੍ਤਸ੍ਸ ਸਠੋ ਦਨ੍ਤਸਠੋ. ਸਠ ਕੇਤਵਹਿਂਸਾਸਂਕਿਲੇਸੇਸੁ, ਅ. ਜਮੁ ਅਦਨੇ, ਈਰੋ, ਭਨ੍ਤੋ ਚ, ਜਮ੍ਭ ਗਤ੍ਤਵਿਨਾਮੇ ਵਾ, ਜਮ੍ਭੋ, ਜਮ੍ਭਲੋ, ਜਮ੍ਬੀਰੋਪਿ. ਦ੍ਵਯਂ ਵਰਣੇ. ਵਰ ਇਚ੍ਛਾਯਂ ¶ , ਯੁ. ਕਲ ਸਙ੍ਖ੍ਯਾਨੇ, ਇਰੋ, ਨਦਾਦਿ, ਰਸ੍ਸਨ੍ਤੋ. ਵਰੁਣੋ, ਤਿਤ੍ਤਸਾਕੋਪਿ.

ਦ੍ਵਯਂ ਫਲਹਰੇ. ‘‘ਕੋ ਅਯਂ, ਸੁਕੋ’’ਤਿ ਵਿਮਤੁਪ੍ਪਤ੍ਤਿਕਰਪਤ੍ਤਕੁਸੁਮਤਾਯ ਕਿਂਸੁਕੋ. ਪਾਰਿ ਸਮੁਦ੍ਦੋ, ਤਤ੍ਰ ਭਦ੍ਦੋ ਪਾਰਿਭਦ੍ਦੋ, ਸੋ ਏਵ ਪਾਲ਼ਿਭਦ੍ਦੋ, ਕੋਵਿਲ਼ਾਰੋ, ਤਂਸਣ੍ਠਾਨਪਤ੍ਤਕੁਸੁਮਤਾਯ ਪਾਲ਼ਿਭਦ੍ਦੋ. ਦ੍ਵਯਂ ਵਿਦੁਲੇ, ਯੋ ਅਬ੍ਭਸਮਯੇ ਪੁਪ੍ਫਤਿ. ਵਜ ਗਮਨੇ, ਉਲੋ. ਵੀ ਪਜਨੇ, ਅਸੋ, ਤੋਨ੍ਤੋ ਚ, ਵਿਪੁਬ੍ਬੋ ਅਤ ਸਾਤਚ੍ਚਗਮਨੇ ਵਾ, ਅਸੋ. ਵਾਨੀਰੋਪਿ.

੫੫੪. ਦ੍ਵਯਂ ਪੀਤਨੇ, ਯਸ੍ਸ ਪਤ੍ਤਫਲਾਨਿ ਅਮ੍ਬਿਲਾਨਿ, ਪੂਗਫਲਪ੍ਪਮਾਣਞ੍ਚ ਫਲਂ, ਸਲ੍ਲਕੀਰੁਕ੍ਖਸਣ੍ਠਾਨੋ ਚ, ਸੋ ਰੁਕ੍ਖੋ. ਅਮ੍ਬ ਸਦ੍ਦੇ, ਅਟੋ, ਸਕਤ੍ਥੇ ਕੋ. ਪੀ ਤਪ੍ਪਨਕਨ੍ਤੀਸੁ, ਤਨੋ, ਪੀਤਿਂ ਵਾ ਤਨੋਤੀਤਿ ਪੀਤਨੋ, ਸਕਤ੍ਥੇ ਕੋ. ਦ੍ਵਯਂ ਗੁਲ਼ਪੁਪ੍ਫੇ. ਮਨ ਞਾਣੇ, ਕੋ, ਮਧ੍ਵਾਦੇਸੋ ਚ. ਮਧੁਨਾਮੋ ਦੁਮੋ ਮਧੁਦ੍ਦੁਮੋ. ਦ੍ਵਯਂ ‘‘ਲਮ੍ਬੂ’’ਤਿ ਖ੍ਯਾਤੇ. ਗੁਲ਼ੋ ਵਿਯ ਸਾਤੇਨ ਫਲਮਸ੍ਸ ਗੁਲ਼ਫਲੋ. ਪੀਲ ਪਤਿਤ੍ਥਮ੍ਭੇ, ਉ. ਦ੍ਵਯਂ ਤਿਕ੍ਖਗਨ੍ਧੇ. ਸੋਭਂ ਜਨੇਤੀਤਿ ਸੋਭਞ੍ਜਨੋ, ਸੋਭਂ ਵਿਸਞ੍ਜਨਮੇਤੇਨ ਹੇਤੁਭੂਤੇਨਾਤਿ ਵਾ ਸੋਭਞ੍ਜਨੋ. ਵੁਤ੍ਤਞ੍ਚ –

ਸਿ ਸੇਵਾਯਂ, ਵਿਦ੍ਧਵਿਨਾਸਨਤ੍ਥਂ ਸੇਵੀਤੇਤਿ ਸਿਗ੍ਗੁ, ਗੁ, ਥੀ. ਚਿਤ੍ਤਹਾਰੀ, ਪਭਞ੍ਜਨੋ, ਵਿਦ੍ਧਵਿਨਾਸਨੋਪਿ.

੫੫੫. ਦ੍ਵਯਂ ¶ ਵਿਸਾਲਤਚੇ, ਯੋ ਸਰਦੇ ਪੁਪ੍ਫਤਿ ਪੁਪ੍ਫਂ. ਸਤ੍ਤਪਣ੍ਣਾਨ੍ਯਸ੍ਸ ਸਤ੍ਤਪਣ੍ਣੀ ਪੁਮੇ. ਛਤ੍ਤਮਿਵ ਪਣ੍ਣਮਸ੍ਸ ਛਤ੍ਤਪਣ੍ਣੋ. ਵਿਸਮਚ੍ਛਦੋਪਿ, ਸਤ੍ਤਪਣ੍ਣਤ੍ਤਾ ਵਿਸਮਚ੍ਛਦੋ. ਦ੍ਵਯਂ ਰਥਦ੍ਦੁਮੇ. ਰਥਂ ਤਨੋਤਿ ਯੇਨ ਤਿਨਿਸੋ, ਇਸੋ. ਅਤਿਪਮੁਚ੍ਚਤਿ ਦਾਹਪਿਤ੍ਤਮਨੇਨੇਤਿ ਅਤਿਮੁਤ੍ਤਕੋ. ਚਿਤ੍ਤਕਿਪਿ.

ਦ੍ਵਯਂ ਵਾਤਪੋਥੇ, ਪਂ ਵਾਤਂ ਲੁਨਾਤੀਤਿ ਪਲਾਸੋ, ਅਸੋ. ‘‘ਪਤ੍ਤੇ ਪਲਾਸਂ ਸੋ ਰੁਕ੍ਖੇ, ਪੀਤਹਰਿਤਕਿਂ ਸੁਕੇ’’ਤਿ ਹਿ ਰੁਦ੍ਦੋ. ਵਾਤਪੋਥੋਪਿ, ਵਾਤਸ੍ਸ ਪੋਥੋ ਵਾਤਪੋਥੋ, ਪੁਥ ਹਿਂਸਾਯਂ.

ਦ੍ਵਯਂ ‘‘ਪੁਤੀਤਿ’’ ਖ੍ਯਾਤੇ. ਹਤਜਨ੍ਤੁਪਮੋਹਸਙ੍ਖਾਤਾਰਿਫਲਤਾਯ ਅਰਿਟ੍ਠੋ, ਨਿਪਾਤਨਾ ਹਨ੍ਤਿਸ੍ਸ ਟ੍ਠੋ, ਤਂਰੋਗਾਰਿਵਨ੍ਤਜਨੇਹਿ ਇਚ੍ਛਿਤਬ੍ਬਫਲਤ੍ਤਾ ਵਾ ਅਰਿਟ੍ਠੋ, ਇਸੁ ਇਚ੍ਛਾਯਂ. ਫਣ ਗਤਿਯਂ, ਇਲੋ, ਅਸ੍ਸੇ.

੫੫੬. ਤਿਕਂ ਸਿਰਿਫਲੇ. ਮਲ ਧਾਰਣੇ, ਊਰੋ. ਬਿਲ ਭੇਦਨੇ, ਣੁਵੋ, ਬੇਲੁਵੋ. ਲਪਚ੍ਚਯੇ ਬਿਲ੍ਲੋ. ਸਣ੍ਡਿਲ੍ਯੋ, ਸੇਲੁਸੋਪਿ. ‘‘ਮੁਨਿਪ੍ਪਭੇਦੇ ਮਾਲੂਰੇ, ਸਣ੍ਡਿਲ੍ਯੋ ਪਾਦਪਨ੍ਤਰੇ, ਨਟੇ ਬਿਲ੍ਲੇ ਚ ਸੇਲੁਸੋ’’ਤਿ [ਚਿਨ੍ਤਾਮਣਿਟੀਕਾ ੧੪.੩੨] ਰਭਸੋ.

ਦ੍ਵਯਂ ¶ ਤੁਙ੍ਗੇ. ਪੁਮਨਾਮੋ ਨਾਗੋ ਰੁਕ੍ਖੋ ਪੁਨ੍ਨਾਗੋ. ‘‘ਪੁਨ੍ਨਾਗੇ ਪੁਰਿਸੋ ਤੁਙ੍ਗੋ, ਕੇਸਰੋ ਦੇਵਵਲ੍ਲਭੋ’’ਤਿ [ਅਮਰ ੧੪.੨੫] ਹ੍ਯਮਰਸੀਹੋ, ਦੀਘੋ, ‘‘ਪੁਮਸ੍ਸ ਲਿਙ੍ਗਾਦੀਸੁ ਸਮਾਸੇਸੂ’’ਤਿ ਅਕਾਰਲੋਪੋ ਚ. ਅਤਿਸਯਪੁਪ੍ਫਕੇਸਰਵਨ੍ਤਤਾਯ ਕੇਸਰੋ, ਕਿਸ ਤਨੁਕਰਣੇ ਵਾ, ਅਰੋ, ਪੁਪ੍ਫਕੇਸਯੁਤ੍ਤਤਾਯ ਵਾ ਕੇਸਰੋ, ਰੋ.

ਦ੍ਵਯਂ ਲੋਦ੍ਦਮਤ੍ਤੇ. ਸਲ ਗਮਨਤ੍ਥੋ, ਅਵੋ. ਰਤ੍ਤਕਫਪਿਤ੍ਤਸੋਤੇ ਲੁਨਾਤੀਤਿ ਲੋਦ੍ਦੋ, ਦ੍ਦੋ. ਤਿਰਿਟੋ, ਸਾਵਰੋਪਿ. ‘‘ਸਾਵਰੋ ਅਪਰਾਧੇ ਚ, ਲੋਦ੍ਦੇ ਪਾਪੇ ਚ ਕਥ੍ਯਤੇ’’ [ਚਿਨ੍ਤਾਮਣਿਟੀਕਾ ੧੪.੩੩] ਤ੍ਯਜਯੋ. ਦ੍ਵਯਂ ਧਨੁਪਟ੍ਟੇ ਫਲਿਨਿ. ਪੀ ਪਾਨੇ, ਅਲੋ, ਈਸ੍ਸ ਇਯਾਦੇਸੋ. ਸਨ੍ਨਕਾ ਤਾਪਸਾ, ਤੇਸਂ ਦੁ ਦੁਮੋ ਸਨ੍ਨਕਦ੍ਦੁ, ‘‘ਸਨ੍ਨਕਦ੍ਦੁ ਚਾਪਪਟਾ, ਵਰਣੋ ਤਾਪਸਪ੍ਪਿਯੋ’’ਤਿ [ਚਿਨ੍ਤਾਮਣਿਟੀਕਾ ੧੪.੩੫] ਹਿ ਕੋਸਨ੍ਤਰੇ.

੫੫੭. ਦ੍ਵਯਂ ‘‘ਮ੍ਹਨਕੂ’’ਇਤਿ ਖ੍ਯਾਤੇ. ਲਿਕੁਚੋ ਨਾਮ ਡਹੁਰੁਕ੍ਖੋ, ਤਗ੍ਗੁਣਤ੍ਤਾ ਲਿਕੋਚਕੋ, ਸਞ੍ਞਾਯਂ ਕੋ. ਅਙ੍ਕ ਲਕ੍ਖਣੇ, ਓਲੋ, ਅਙ੍ਕੋਲੋ. ਦ੍ਵਯਂ ਕੁਮ੍ਭੇ. ਰੋਗਹਰਣੇ ਗਰੁਨੋਪਿ ਵੇਜ੍ਜਸ੍ਸ ਗਰੁ ਗੁਗ੍ਗੁਲੁ, ਨਿਪਾਤਨਾ. ਕੁਸ ਛੇਦਨੇ, ਣ੍ਵੁ. ਕੁਮ੍ਭੋ, ਪੁਰੋਪਿ.

ਕੁਮ੍ਭੋ ਕ੍ਲੀਵਨ੍ਤੁ ਵਗ੍ਗੁਲੁਮ੍ਹੀ’’ਤਿ [ਚਿਨ੍ਤਾਮਣਿਟੀਕਾ ੧੪.੩੪].

ਦ੍ਵਯਂ ¶ ਅਮ੍ਬੇ. ਅਮ ਗਤਿਯਂ, ਬੋ, ਅਮ੍ਬ ਸਦ੍ਦੇ ਵਾ, ਅ. ਚੁਤਿ ਆਸੇਚਨੇ, ਰਕ੍ਖਣੇ ਚ, ਅ, ਚੁ ਚਵਨੇ ਵਾ, ਤੋ, ਦੀਘਾਦਿ. ਰਸਾਲੋਪਿ, ਰਸਂ ਲਾਤੀਤਿ ਰਸਾਲੋ, ਦੀਘੋ. ਏਸੋ ਅਮ੍ਬੋ ਸੁਗਨ੍ਧਵਾ ਅਤਿਸਯਗਨ੍ਧਯੁਤ੍ਤੋ ਸਮਾਨੋ ‘‘ਸਹੋ, ਸਹਕਾਰੋ’’ਤਿ ਚੋਚ੍ਚਤੇ. ਸਹ ਸਤ੍ਤਿਯਂ, ਸੁਗਨ੍ਧਂ ਕਤ੍ਤੁਂ ਸਹਤੀਤਿ ਸਹੋ, ਅ. ਸਹਨਂ ਸਹੋ, ਤਂ ਕਰੋਤੀਤਿ ਸਹਕਾਰੋ, ਹਾ ਵਾ ਪਮੁਦਾ, ਤਾਯ ਸਹ ਵਤ੍ਤਤੀਤਿ ਸਹੋ, ਸਹਂ ਸਮੁਦਂ ਕਰੋਤੀਤਿ ਸਹਕਾਰੋ.

੫੫੮. ਦ੍ਵਯਂ ਸੇਤਮ੍ਬੇ. ਪੁਣ੍ਡ ਪੁਣ੍ਡਨੇ. ਪੁਣ੍ਡ ਖਣ੍ਡਨੇਤ੍ਯੇਕੇ, ਣ੍ਵੁ, ਅਸ੍ਸੀ, ਅਰਾਗਮੋ ਚ. ਸੇਤਵਣ੍ਣੋ ਅਮ੍ਬੋ ਸੇਤਮ੍ਬੋ. ਦ੍ਵਯਂ ਬਹੁਵਾਰਕੇ, ਯਸ੍ਸ ਫਲਾਨਿ ਅਤਿਪਿਚ੍ਛਿਲਾਨਿ. ਸਿ ਬਨ੍ਧਨੇ, ਲੁ, ਸਲ ਗਮਨਤ੍ਥੋ ਵਾ, ਉ, ਅਸ੍ਸੇ. ਪਿਚ੍ਛਿਲਤ੍ਤਾ ਬਹੂਨਿ ਵਾਰੀਨਿ ਯਸ੍ਮਿਂ ਬਹੁਵਾਰਕੋ, ਸਞ੍ਞਾਯਂ ਕੋ. ਸੀਤੋ, ਉਦ੍ਦਾਲੋ, ਕਫਲੋਪਿ.

ਦ੍ਵਯਂ ਕਾਸ੍ਮਰਿਯਂ. ਸਿਰਿਮਨ੍ਤਾਨਿ ਪਣ੍ਣਾਨਿ ਯਸ੍ਸਾ ਸੇਪਣ੍ਣੀ, ਨਦਾਦਿ, ਸਿਰੀਸਦ੍ਦਸ੍ਸ ਸੇ. ਕਸ੍ਮੀਰਦੇਸਜਤ੍ਤਾ ਕਾਸ੍ਮਰੀ, ਕਾਸ ਦਿਤ੍ਤਿਯਂ ਵਾ, ਮਰੋ, ਨਦਾਦਿ. ਮਧੁਪਣ੍ਣੀ, ਭਦ੍ਦਪਣ੍ਣੀਪਿ. ਦ੍ਵਯਂ ਸਕਣ੍ਟਕਮ੍ਬਿਲਫਲਰੁਕ੍ਖੇ. ਸਕਣ੍ਟਕਤ੍ਤਾ ਕੁਚ੍ਛਿਤਂ ਲਾਤੀਤਿ ਕੋਲੀ, ਨਦਾਦਿ. ਵਦ ਥੇਰਿਯੇ, ਅਰੋ, ਨਦਾਦਿ. ਕੁਵਲੀ, ਕਕ੍ਕਨ੍ਧੂਪਿ.

੫੫੯. ਦ੍ਵਯਂ ¶ ਤਸ੍ਸਾ ਕੋਲਿਯਾ ਫਲੇ. ਕੋਲਿਯਾ ਫਲਂ ਕੋਲਂ. ਬਦਰਿਯਾ ਅਯਂ ਅਵਯਵੋ ਬਦਰੋ. ਕੁਵਲਂ, ਫੇਨਿਲਂ, ਸੋਵੀਰਮ੍ਪਿ. ‘‘ਸੋਤਞ੍ਜਨੇ ਤੁ ਸੋਵੀਰਂ, ਕਞ੍ਜਿਕੇ ਬਦਰੇਪਿ ਚੇ’’ਤਿ [ਚਿਨ੍ਤਾਮਣਿਟੀਕਾ ੧੪.੩੬] ਰਭਸੋ. ਦ੍ਵਯਂ ਅਸ੍ਸਤ੍ਥਕੁਲਸਮ੍ਭੂਤੇ ਰੁਕ੍ਖਪਾਸਾਣਾਦੀਸੁ ਸਞ੍ਜਾਤਰੁਕ੍ਖੇ. ਪਿਲਂ ਪਰਂ ਨਿਸ੍ਸਯਭੂਤਂ ਕਸਤੀਤਿ ਪਿਲਕ੍ਖੋ, ਕਸ ਵਿਲੇਖਨੇ, ਸਸ੍ਸ ਖਤ੍ਤਾਦਿ ਨਿਪਾਤਨਾ. ਅਖਾਦਨੀਯਫਲਤਾਯ ਵਿਰੂਪਂ ਫਲਮਸ੍ਸਤ੍ਥੀਤਿ ਪਿਪ੍ਫਲੀ, ਈ, ਨਦਾਦਿ, ਵਿਸ੍ਸਪਿ ਚ.

ਦ੍ਵਯਂ ਤੋਯਾਦਿਵਾਪਿਨਿਯਂ, ਯਸ੍ਸਾ ਮੂਲਂ ਮਹਾਪਞ੍ਚਮੂਲੇ ਪਵਿਟ੍ਠਂ. ਪਟ ਗਮਨੇ, ਅਲੋ, ਨਦਾਦਿ, ਪਾਟਲੀ, ਪਾਟਲਾਪਿ. ਕਣ੍ਹਂ ਪੁਪ੍ਫਵਣ੍ਟਂ ਯਸ੍ਸਾ ਸਾ ਕਣ੍ਹਵਣ੍ਟਾ, ਕਾਸ੍ਮਰਿਯਮ੍ਪਿ. ਅਲਿਪ੍ਪਿਯਂ, ਤਮ੍ਬਪੁਪ੍ਫਿਪ੍ਯਤ੍ਰ. ਦ੍ਵਯਂ ਗਨ੍ਧਿਲੇ. ਸਾਦੁਫਲਤਾਯ ਸਾਦੁ ਚ ਸੋ ਕਣ੍ਟਸਹਿਤਤਾਯ ਕਣ੍ਟੋ ਚੇਤਿ ਸਾਦੁਕਣ੍ਟੋ. ਸਕਣ੍ਟਕਤਾਯ ਅਤ੍ਤਾਨਂ ਵਿਰੂਪਂ ਕਰੋਤੀਤਿ ਵਿਕਙ੍ਕਤੋ, ਦ੍ਵਿਤ੍ਤਂ, ਨਿਗ੍ਗਹੀਤਾਗਮੋ ਚ.

੫੬੦. ਚਤੁਕ੍ਕਂ ਤਿਨ੍ਦੁਕੇ. ਤਨੁ ਵਿਤ੍ਥਾਰੇ, ਉਕੋ, ਦਨ੍ਤੋ ਚ. ਤਿਦਿ ਹਿਂਸਾਯਂ ਵਾ, ਉ, ਸਞ੍ਞਾਯਂ ਕੋ. ਕਾਲ਼ੋ ਖਨ੍ਧੋ ਪਕਣ੍ਡੋ ਯਸ੍ਸਾਤਿ. ਤਿਮ ਅਦ੍ਦਭਾਵੇ, ਊਸੋ, ਸਕਤ੍ਥੇ ਕੋ, ਵਰਨ੍ਤੋ ਚ. ਉਪਚ੍ਚਯੇ ਤਿਮ੍ਬਰੁ.

ਦ੍ਵਯਂ ¶ ਤਮ੍ਬਫਲੇ. ਇਰਾਵਤੀ ਨਦੀ, ਪਠਮਕਾਲੇ ਤਸ੍ਸਾ ਤੀਰੇ ਜਾਤੋ ਏਰਾਵਤੋ. ਨਾਰਂ ਵੁਚ੍ਚਤਿ ਨੀਰਂ, ਤਂ ਗਚ੍ਛਤੀਤਿ ਨਾਰਙ੍ਗੋ. ਦ੍ਵਯਂ ਮਕ੍ਕਟਤਿਨ੍ਦੁਕੇ. ਕੁਲ ਸਙ੍ਖ੍ਯਾਨੇ, ਣ੍ਵੁ. ਕਾਕੇਨ੍ਦੁ, ਕਾਕਲੁਕੋਪਿ.

੫੬੧. ਤਿਕਂ ਕਦਮ੍ਬੇ. ਕਂ ਵਾਤਂ ਦਮੇਤੀਤਿ ਕਦਮ੍ਬੋ, ਬੋ. ਪਿਨੇਤੀਤਿ ਪਿਯਕੋ, ਣ੍ਵੁ, ਇਯਾਦੇਸੋ. ਨਯਤਿ ਮੁਦਂ ਨੀਪੋ, ਪੋ. ਦ੍ਵਯਂ, ਵਿਦਰੁਕ੍ਖੇ, ਯਸ੍ਸ ਨਿਯ੍ਯਾਸੇਨ ਪੇਲ਼ਾਦਯੋ ਲਿਮ੍ਪਨ੍ਤਿ. ਭਲ, ਭਲ੍ਲ ਪਰਿਭਾਸਨਹਿਂਸਾਦਾਨੇਸੁ, ਨਦਾਦਿ, ਅਞ੍ਞਤ੍ਰ ਤੋ, ਕਨ੍ਤੋ ਚ, ਭਲ੍ਲਾਤਕੋ, ਤੀਸ੍ਵਯਂ. ਅਰੁਕਰੋ, ਅਗ੍ਗਿਮੁਖੋਪਿ.

ਦ੍ਵਯਂ ‘‘ਪਾਵੁਸਾ’’ਇਤਿ ਖ੍ਯਾਤੇ. ਝਪ ਦਾਹੇ, ਣ੍ਵੁ. ਪਸ੍ਸ ਵੋ. ਪਚ ਪਾਕੇ, ਉਲੋ. ਦ੍ਵਯਂ ਸਿਰਿਮਤਿ, ਯਸ੍ਸ ਫਲਾਨਿ ਮਰੀਚਪ੍ਪਮਾਣਾਨਿ, ਅਮ੍ਬਿਲਾਨਿ ਚ. ਤਿਲ ਗਮਨੇ, ਣ੍ਵੁ. ਖੁਰ ਛੇਦਨੇ, ਣ੍ਵੁ.

੫੬੨. ਦ੍ਵਯਂ ਅਮ੍ਬਿਲਿਕਾਯਂ. ਚਿ ਚਯਨੇ, ਚੋ, ਚਿਚ ਆਦਾਨਸਂਵਰਣੇਸੁ ਵਾ. ਤਨੁ ਵਿਤ੍ਥਾਰੇ, ਅਮ੍ਬਿਲਰਸਂ ਤਨੋਤੀਤਿ ਤਿਨ੍ਤਿਣੀ, ਦ੍ਵਿਤ੍ਤਮਿਤ੍ਤਂ, ਣਤ੍ਤਞ੍ਚ, ਨਦਾਦਿ. ਦ੍ਵਯਂ ਅਮ੍ਬਿਲਙ੍ਕੁਰਫਲੇ ਸੇਤਰੁਕ੍ਖੇ. ਗਦ੍ਰਭਣ੍ਡਪ੍ਪਮਾਣਫਲਤ੍ਤਾ ਗਦ੍ਦਭਣ੍ਡੋ, ਰਲੋਪੋ. ਕਪਿ ਚਲਨੇ, ਤਨੋ, ਦੀਘੋ ਆਗਮਸ੍ਸ. ਕਨ੍ਦਰਾਲੋ, ਪਿਲਕ੍ਖੋਪਿ.

ਤਿਕਂ ¶ ਸਾਲਰੁਕ੍ਖੇ. ਸਲ ਗਮਨੇ, ਣੋ, ਸਾਰਵਨ੍ਤਤਾਯ ਵਾ ਸਾਲੋ. ਅਸ੍ਸਕਣ੍ਣਸਦਿਸਪਣ੍ਣਤਾਯ ਅਸ੍ਸਕਣ੍ਣੋ. ਸਨ੍ਜ ਸਙ੍ਗੇ, ਅ, ਸਜ੍ਜ ਅਦਨੇ ਵਾ, ਅ. ਦ੍ਵਯਂ ਨਦੀਸਜ੍ਜੇ. ਅਜ੍ਜ ਅਜ੍ਜਨੇ, ਉਨੋ. ਕਕ ਲੋਲ੍ਯੇ, ਉਧੋ. ਵੀਰਤਰੁ, ਇਨ੍ਦਦੁਮੋਪਿ.

੫੬੩. ਤਿਕਂ ਮੁਚਲਿਨ੍ਦੇ. ਚੁਲ ਨਿਮੁਜ੍ਜਨੇ. ਮੁਚਲ ਸਙ੍ਗਾਤੇ, ਇਨ੍ਦੋ. ਨੀਪੋ ਕਦਮ੍ਬੇਪਿ. ਤਿਕਂ ਪੀਤਸਾਲੇ. ਪਿਯਕੋ ਕਦਮ੍ਬੇਪਿ. ਅਸ ਭਕ੍ਖਨੇ, ਯੁ, ਪੀਤਪੁਪ੍ਫੋ ਸਾਲੋ ਰੁਕ੍ਖੋ ਪੀਤਸਾਲੋ. ਬਨ੍ਧੂਕਪੁਪ੍ਫੋ, ਜੀਵਕੋਪਿ.

ਦ੍ਵਯਂ ਝਾਟਲਿਯਂ. ਗਾਵੋ ਲਿਹਨ੍ਤੀਤਿ ਗੋਲੀਸੋ, ਹਸ੍ਸ ਸੋ. ਝਟ ਸਙ੍ਘਾਤੇ, ਅਲੋ. ਝਾਟਲੋ, ਪਾਟਲਿਪੁਪ੍ਫਾਕਾਰੋ ਦੀਘਫਲੋ ਰੁਕ੍ਖੋ. ਪਮੋਕ੍ਖੋਪਿ.

੫੬੪. ਦ੍ਵਯਂ ਰਾਜਾਯਤਨੇ, ਖੀਰਵਨ੍ਤਤਾਯ ਖੀਰਿਕਾ. ਦੇਵਰਾਜਸ੍ਸ ਨਿਵਾਸਨਟ੍ਠਾਨਭੂਤਤ੍ਤਾ ਰਾਜਾਯਤਨਂ, ਪਿਯਾਲੇਪਿ. ਦ੍ਵਯਂ ਕਪ੍ਫਲੇ. ਕੁਚ੍ਛਿਤੇਨ ਫਲੇਨ ਉਮ੍ਭਤਿ ਪੂਰਤੀਤਿ ਕੁਮ੍ਭੋ. ਕੁਚ੍ਛਿਤੇਨ ਮੋਦਤੀਤਿ ਕੁਮੁਦਿਕਾ, ਣ੍ਵੁ.

ਦ੍ਵਯਂ ਗੁਵਾਕਰੁਕ੍ਖੇ, ਯਸ੍ਸ ਫਲੇਨ ਤਮ੍ਬੂਲਨਾਮਂ ਜਾਯਤਿ. ਪੂਜ ਪੂਜਾਯਂ, ਣੋ, ਜਸ੍ਸ ਗੋ. ਕਮੁ ਇਚ੍ਛਾਯਂ, ਹੇਤੁਕਤ੍ਤਰਿ ਣ੍ਵੁ. ਖਪੁਰੋਪਿ. ਦ੍ਵਯਂ ਲੋਹਿਤਲੋਦ੍ਦੇ. ਪਟ੍ਟਿਇਤ੍ਯਾਖ੍ਯਾ ਯਸ੍ਸ ਪਟ੍ਟਿ ¶ . ‘‘ਪਦ੍ਧੀ’’ਤਿਪਿ ਪਾਠੋ. ਅਸ੍ਮਿਂ ਪਕ੍ਖਿਤ੍ਤੇ ਲਾਖਾ ਰਤ੍ਤਾ ਭਵਤੀਤਿ ਲਾਖਾਪਸਾਦਨੋ. ਕਮੁਕੋਪਿ.

੫੬੫. ਦ੍ਵਯਂ ਇਙ੍ਗੁਦਿਯਂ, ਅਯਞ੍ਚ ਕਣ੍ਟਕੀ ਬਾਹੁਲ੍ਯੇਨ ਮਜ੍ਝਿਮਦੇਸੇ ਜਾਯਤੇ. ਇਙ੍ਗ ਗਮਨਤ੍ਥੋ, ਇਦੋ, ਇਸ੍ਸੁ, ਨਦਾਦਿ. ਤਾਪਸੋ ਪਯੁਜ੍ਜਮਾਨਫਲਕਤਾਯ ਤਾਪਸਤਰੁ. ਦ੍ਵਯਂ ‘‘ਭੁਜਪਤ੍ਤੋ’’ਇਤਿਖ੍ਯਾਤੇ ਸੁਨ੍ਦਰਤਚੇ ਰੁਕ੍ਖੇ, ਯਸ੍ਸ ਤਚੇ ਮਨ੍ਤਕ੍ਖਰਾਨਿ ਲਿਖਨ੍ਤਿ. ਭੁਜੋ ਪਾਣਿ, ਤਂਸਦਿਸਪਤ੍ਤਤਾਯ ਭੁਜਪਤ੍ਤੋ. ਮਨ੍ਤਲੇਖਕੇਹਿ ਆਭੁਜਿਤਤਚਵਨ੍ਤਤਾਯ ਆਭੁਜੀ. ਭੂਜੋ, ਚਮ੍ਮੀ, ਮੁਦੁਤ੍ਤਚੋਪਿ.

ਦ੍ਵਯਂ ਸਿਮ੍ਬਲਿਯਂ. ਪਿਚ੍ਛਾਯੋਗਾ ਪਿਚ੍ਛਿਲਾ, ਇਲੋ. ਸਮ੍ਬ ਮਣ੍ਡਲੇ, ਅਲਿ, ਅਸ੍ਸਿ. ‘‘ਪਿਚ੍ਛਿਲਾ ਪੂਰਣੀ ਮੋਚਾ, ਥਿਰਾਯੁ ਸਿਮ੍ਬਲੀ ਦ੍ਵਿਸੂ’’ਤਿ [ਅਮਰ ੧੪.੪੬] ਅਮਰਕੋਸੋ. ਦ੍ਵਯਂ ਪਿਚ੍ਛਿਲਾਕਾਰੇ ਕਣ੍ਟਕਸਹਿਤੇ ਰੁਕ੍ਖੇ. ਰੁਚ ਦਿਤ੍ਤਿਯਂ, ਹੇਤੁਕਤ੍ਤਰਿ ਯੁ, ਕੁਟ ਕੋਟਿਲ੍ਯੇ, ਕਤ੍ਤਰਿ ਣੋ, ਕੋਟੋ ਅਸਿਮ੍ਬਲਿ ਸਮਾਨੋਪਿ ਸਿਮ੍ਬਲਿਸਦਿਸਾਕਾਰਦਸ੍ਸਨਤੋ ਕੋਟਸਿਮ੍ਬਲਿ, ਪੁਮੇ. ਕਸਮ੍ਬਲੋਪਿ.

੫੬੬. ਦ੍ਵਯਂ ‘‘ਕਣ੍ਟਕਰਞ੍ਜ’’ਇਤਿ ਖ੍ਯਾਤੇ ਕਣ੍ਟਕਿਨਿ ਕਰਞ੍ਜਗੁਮ੍ਬੇ, ਯਂ ਲੋਕੇ ‘‘ਕਲਿਨੋ’’ਤਿ ਵੁਚ੍ਚਤਿ. ਕਰ ਹਿਂਸਾਯਂ, ਕਰਤੋ ¶ ਰਿਰਿਯਾ. ਪੂ ਪਵਨੇ, ਇਕੋ, ਤੋਨ੍ਤੋ ਚ. ਪੂਤਿਕਰਜੋ, ਕਲਿਮਾਰਕੋਪਿ, ਕਲਿਨੋ. ਦ੍ਵਯਂ ਦਾਲਿਮਪੁਪ੍ਫਾਕਾਰੇ ਪੀਤਨਾਸਕਰੁਕ੍ਖੇ. ਰੁਹ ਜਨਨੇ, ਣੀ. ਲੋਹਿਤਪੁਪ੍ਫਤਾਯ ਰੋਹਿਤਕੋ.

ਦ੍ਵਯਂ ਏਰਣ੍ਡੇ. ਏਰਡਿ ਹਿਂਸਾਯਂ. ਵਾਤਂ ਏਰਣ੍ਡਤੀਤਿ ਏਰਣ੍ਡੋ, ਣੋ. ਮਣ੍ਡ ਭੂਸਨੇ, ਈਸਂਪਸਨ੍ਨਤੇਲਤਾਯ ਵਾ ਆਮਣ੍ਡੋ, ਆਮਂ ਵਾ ਵਾਤਂ, ਤਂ ਦਾਯਤੀਤਿ ਆਮਣ੍ਡੋ. ਦਾ ਅਵਖਣ੍ਡਨੇ, ਦਾਸ੍ਸ ਡੋ. ਚਿਤ੍ਤਕੋ, ਚਞ੍ਚੁਪਿ.

‘‘ਅਗ੍ਗਿਸਞ੍ਞੇਪਿ ਚਿਤ੍ਤਕੋ, ਪੁਮੇ ਏਰਣ੍ਡਕੇ ਚਞ੍ਚੁ.

ਦ੍ਵਯਂ ਸਿਵਾਰੁਕ੍ਖੇ. ਸਤ੍ਤੁਯੁਤ੍ਤਫਲਤਾਯ ਸਤ੍ਤੁਫਲਾ. ਗਣ੍ਡਂ ਸਮੇਤੀਤਿ ਸਮੀ, ਅ, ਨਦਾਦਿ, ਪਾਰਿਭਦ੍ਦਕੇਪਿ. ਗਰੁਦਾਰੁ, ਪੂਤਿਕਟ੍ਠਮ੍ਪਿ.

੫੬੭. ਦ੍ਵਯਂ ਕਰਞ੍ਜੇ. ਨਤ੍ਤਂ ਰਤ੍ਤਾ ਮਾਲਾ ਯਸ੍ਸ. ਕਂ ਰਞ੍ਜਯਤੀਤਿ ਕਰਞ੍ਜੋ, ਣੋ. ਚਿਲ੍ਲਵਿਲ੍ਲੋ, ਕਰਜੋਪਿ. ਦ੍ਵਯਂ ਖਦਿਰੇ. ਖਦ ਹਿਂਸਾਯਂ, ਥੇਰਿਯੇ ਚ. ਖਦਨ੍ਤਿ ਦਨ੍ਤਾ ਯੇਨਾਤਿ ਖਦਿਰੋ, ਇਰੋ. ਦਨ੍ਤਾ ਧਾਵਨ੍ਤਿ ਯੇਨ ਨਿਰੋਗਤ੍ਤਾਤਿ ਦਨ੍ਤਧਾਵਨੋ, ਯੁ, ਧਾਵ ਗਤਿਸੁਦ੍ਧਿਯਂ. ਗਾਯਤ੍ਤੀ, ਬਾਲਤਨਯੋਪਿ. ‘‘ਗਾਯਤ੍ਤੀ ਖਦਿਰੇ ਇਤ੍ਥੀ, ਛਨ੍ਦਸਿਪਿ ਛਲ਼ਕ੍ਖਰੇ’’ਤਿ [ਚਿਨ੍ਤਾਮਣਿਟੀਕਾ ੧੪.੪੯ ਬ੍ਯਾਖ੍ਯਾਸੁਧਾ ੨.੪.੫੦] ਰਭਸੋ. ਬਾਲੋ ਸੁਖੁਮੋ ਪਤ੍ਤਸਞ੍ਞਿਤੋ ਤਨਯੋ ਯਸ੍ਸ ਬਾਲਤਨਯੋ. ਦ੍ਵਯਂ ਪੀਤਸਾਰੇ ਖਦਿਰੇ. ਖਦਿਰਾਦਿਕਨ੍ਤੁ ਪੀਤਸਾਰੇ. ਸੇਤਵਣ੍ਣਤਾਯ ¶ ਸੋਮੋ ਕਪ੍ਪੂਰਸਦਿਸੋ ਵਕ੍ਕੋ ਵਕ੍ਕਲਮੇਤਸ੍ਸ ਸੋਮਵਕ੍ਕੋ. ‘‘ਸੋਮੋ ਕੁਵੇਰੇ ਪਿਤੁਦੇਵਤਾਯਂ, ਵਸੁਪ੍ਪਭੇਦੇ ਵਸੁਧਾਕਰੇ ਚ. ਦਿਬ੍ਬੋਸਧੀ ਸੋਮਲਤਾ ਸਮੀਰਣੇ, ਕਪ੍ਪੂਰਨੀਰੇਸੁ ਚ ਵਾਨਰੇ ਚਾ’’ਤਿ ਨਾਨਤ੍ਥਸਙ੍ਗਹੋ. ਈਸਂ ਖੁਦ੍ਦਕਂ ਦਲਮੇਤਸ੍ਸ ਕਦਰੋ, ਲਸ੍ਸ ਰੋ. ਦ੍ਵਯਂ ਪਿਣ੍ਡੀਤਕੇ. ਸਲ ਗਮਨੇ, ਲੋ. ਮਦ ਉਮ੍ਮਾਦੇ, ਯੁ. ‘‘ਪਿਣ੍ਡੀਤਕੋ ਮਰਵਕੋ, ਸਸਨੋ ਕਰਹਾਟਕੋ’’ਤ੍ਯਮਰਕੋਸੇ [ਅਮਰ ੧੪.੫੨].

੫੬੮. ਤਿਕਂ ਇਨ੍ਦਸਾਲੇ. ਸਾਲਾਨਂ ਰੁਕ੍ਖਾਨਂ ਇਨ੍ਦੋ ਰਾਜਾ ਇਨ੍ਦਸਾਲੋ, ਦਾਸਾਦੀਸੁ ਸਿਰਿਵਡ੍ਢਕਾਦਿਸਦ੍ਦੋ ਵਿਯ ਅਧਿਵਚਨਮਤ੍ਤਮਿਦਂ. ਇਨ੍ਦਸ੍ਸ ਸਕ੍ਕਸ੍ਸ ਸਾਲੋਤਿਪਿ ਇਨ੍ਦਸਾਲੋ. ਸਲ੍ਲਤੋ ਣ੍ਵੁ, ਨਦਾਦਿ, ਸਲ੍ਲਕੀ. ਖਰ ਛੇਦਨਵਿਨਾਸਨੇਸੁ, ਣ੍ਵੁ.

ਦ੍ਵਯਂ ਦੇਵਦਾਰੁਮ੍ਹਿ. ਦੇਵਾਨਂ ਦਾਰੁ. ਭਦ੍ਦਤ੍ਤਾ ਭਦ੍ਦਦਾਰੁ. ਸਕ੍ਕਪਾਦਪੋ, ਪਾਰਿਭਦ੍ਦਕੋ, ਪੀਤਦਾਰੁ, ਦਾਰੁ, ਪੂਤਿਕਟ੍ਠਮ੍ਪਿ. ਦ੍ਵਯਂ ਹੇਮਪੁਪ੍ਫਕੇ. ਪਠਮਕਾਲੇ ਚਮ੍ਪਾਨਗਰੇ ਜਾਤੋ ਚਮ੍ਪੇਯ੍ਯੋ, ਣੇਯ੍ਯੋ. ਕਪਚ੍ਚਯੇ ਚਮ੍ਪਕੋ.

੫੬੯. ਦ੍ਵਯਂ ਪਨਸੇ. ਪਨ ਬ੍ਯਵਹਾਰੇ, ਥੁਤਿਮ੍ਹਿ ਚ, ਅਸੋ. ਕਣ੍ਟਕਯੁਤ੍ਤਂ ਫਲਮਸ੍ਸ ਕਣ੍ਟਕਿਫਲੋ. ਦ੍ਵਯਂ ਸਿਵਾਯਂ. ਨ ਵਿਜ੍ਜਤੇ ¶ ਰੋਗਭਯਂ, ਰੋਗਬ੍ਯਥੋ ਚੋਪਯੁਜ੍ਜਮਾਨਾਯਮਸ੍ਸਨ੍ਤਿ ਅਭਯਾ. ਰੋਗਭਯਂ ਹਰਤਿ ਅਪਨੇਤੀਤਿ ਹਰੀਤਕੀ, ਤੋ, ਸਕਤ੍ਥੇ ਕੋ, ਨਦਾਦਿ. ਹਰਿਤ੍ਤਕੀਪਿ. ਅਬ੍ਯਥਾ, ਪੁਤਨਾ, ਅਮਤਾ, ਹੇਮਵਤੀ, ਚੇਤਕੀ, ਸਿਵਾਪਿ.

ਦ੍ਵਯਂ ਕਰਿਸਫਲੇ. ਰੋਗਂ ਅਸਤਿ ਭਕ੍ਖਤੀਤਿ ਅਕ੍ਖੋ, ਖੋ, ਸਸ੍ਸ ਕੋ. ਰੋਗਂ ਵਿਭੂਤਂ ਕਰੋਤੀਤਿ ਵਿਭੀਤਕੋ, ਵਿਭੀਟਕੋਪਿ. ਭੂਤਾਵਾਸੋ, ਕਲਿਦ੍ਦੁਮੋਪਿ, ਕਲਿਸ੍ਸ ਆਸਯਭੂਤੋ ਦੁਮੋ ਕਲਿਦ੍ਦੁਮੋ. ਦ੍ਵਯਂ ਪੁਸ੍ਸਫਲੇ. ਨਤ੍ਥਿ ਮਤਮੇਤਿਸ੍ਸਂ ਹੇਤੁਭੂਤਾਯਂ ਅਮਤਾ. ਮਲ ਧਾਰਣੇ, ਣ੍ਵੁ, ਨਦਾਦਿ, ਆਮਲਕੀ. ਵਯਟ੍ਠਾਪਿ. ਵਯੋ ਤਿਟ੍ਠਤਿ ਥਿਰੀਭਵਤ੍ਯੇਤਾਯਾਤਿ ਵਯਟ੍ਠਾ.

੫੭੦. ਦ੍ਵਯਂ ਡਹੁਰੁਕ੍ਖੇ. ਲਬੁਨਾਮਕੇ ਪਬ੍ਬਤੇ ਜਾਯਤੀਤਿ ਲਬੁਜੋ. ਖੁਦ੍ਦਕਤ੍ਤਾ ਲੀਨਂ ਅਪਾਕਟਂ ਕੁਚਸਙ੍ਖਾਤਂ ਫਲਮੇਤਸ੍ਸ ਲਿਕੁਚੋ, ਨਿਪਾਤਨਾ. ਦ੍ਵਯਂ ਪੀਤਪੁਪ੍ਫੇ. ਅਗਨ੍ਧਪੁਪ੍ਫਤਾਯ ਅਤ੍ਤਾਨਂ ਕਣਿਟ੍ਠਂ ਕਰੋਤੀਤਿ ਕਣਿਕਾਰੋ, ਟ੍ਠਲੋਪੋ, ਪਦੁਮਪ੍ਪਮਾਣਪੁਪ੍ਫਦੁਮਤਾਯ ਦੁਮੁਪ੍ਪਲੋ.

ਤਿਕਂ ਹਿਙ੍ਗੁਨਿਯ੍ਯਾਸੇ. ਨੀ ਨਯੇ, ਬੋ, ਮੋਨ੍ਤੋ ਚ. ਤਿਤ੍ਤਰਸਤ੍ਤਾ ਅਰਿਭਾਵੇ ਤਿਟ੍ਠਤੀਤਿ ਅਰਿਟ੍ਠੋ. ਪੁਚਿਂ ਕੁਟ੍ਠਂ ਮਦ੍ਦਤੀਤਿ ਪੁਚਿਮਨ੍ਦੋ, ਇਤ੍ਤਂ, ਬਿਨ੍ਦਾਗਮੋ. ਧਮ੍ਮਸੇਨੋ, ਮਾਲਕੋਪਿ. ਮਲਤੇ ਰੋਗਂ ਮਾਲਕੋ, ਣ੍ਵੁ. ਦ੍ਵਯਂ ਰਤ੍ਤਪੁਪ੍ਫੇ. ਕਰੋਤਿਸ੍ਮਾ ਣ੍ਵੁ. ਦਲ ਵਿਦਾਰਣੇ, ਮੋ, ਇਕਾਰਾਗਮੋ. ਦਾਲ਼ਿਮੋਪਿ.

੫੭੧. ਦ੍ਵਯਂ ¶ ਪੀਤਦ੍ਦੁਮੇ. ਸਰਤਿ ਕਾਲਨ੍ਤਰਂ ਸਰਲੋ, ਅਲੋ. ਪੂਤਿਯੇਵ ਕਟ੍ਠਂ ਪੂਤਿਕਟ੍ਠਂ, ਪੂਤਿਮੁਤ੍ਤਨ੍ਤਿ ਯਥਾ. ਦ੍ਵਯਂ ਪਿਚ੍ਛਿਲਾਯਂ. ਕਪਿ ਚਲਨੇ, ਇਲੋ. ਸਾਸ ਅਨੁਸਿਟ੍ਠਿਯਂ, ਸਿਸ ਇਚ੍ਛਾਯਂ ਵਾ, ਅਪੋ, ਨਿਗ੍ਗਹੀਤਾਗਮੋ, ਸਿਂਸਪਾ. ਅਗੁਰੁਪਿ.

ਤਿਕਂ ਫਲਿਨਿਯਂ. ਸਾ ਤਨੁਕਰਣੇ, ਮੋ. ਪਿਯਭਾਵਂ ਗਚ੍ਛਤੀਤਿ ਪਿਯਙ੍ਗੁ, ਉ. ਕਮਨੀਯਭਾਵਂ ਗਚ੍ਛਤੀਤਿ ਕਙ੍ਗੁ, ਉ, ਨਿਪਾਤਨਾ. ਮਹਿਲਾਵ੍ਹਯਾ, ਲਤਾ, ਗੁਨ੍ਦਾ, ਗਨ੍ਧਫਲੀ, ਕਾਰਮ੍ਭਾਪਿ. ਦ੍ਵਯਂ ਸਿਰੀਸੇ. ਸਰਤਿ ਰੋਗਂ ਹਿਂਸਤੀਤਿ ਸਿਰੀਸੋ. ਈਸੋ, ਅਸ੍ਸਿ. ਭਣ੍ਡ ਪਰਿਭਾਸਨੇ, ਇਲੋ. ਕਪੀਤਨੋਪਿ. ਅਮ੍ਬਾਟਕੇ, ਗਦ੍ਦਭਣ੍ਡੇ ਚ ਕਪੀਤਨੋ.

੫੭੨. ਦ੍ਵਯਂ ਮਣ੍ਡੂਕਪਣ੍ਣੇ. ਸੁਣ ਗਤਿਯਂ, ਣ੍ਵੁ, ਦੀਘਂ ਫਲਵਣ੍ਟਂ ਯਸ੍ਸ. ਨਟੋ ਕੁਟਨ੍ਨਟਾਪਿ. ਦ੍ਵਯਂ ਬਕੁਲੇ. ਵਕ ਆਦਾਨੇ, ਉਲੋ. ਕੇਸਰਯੁਤ੍ਤਪੁਪ੍ਫਤਾਯ ਕੇਸਰੋ.

ਦ੍ਵਯਂ ਮਲਪੁਪ੍ਫਸ੍ਮਿਂ. ਕਾਕਾਨਂ ਉਦੁਮ੍ਬਰੋ ਕਾਕੋਦੁਮ੍ਬਰੋ, ਸੋ ਏਵ ਕਾਕੋਦੁਮ੍ਬਰਿਕਾ, ਸਕਤ੍ਥੇ ਇਕੋ. ਫਲ ਨਿਪ੍ਫਤ੍ਤਿਯਂ, ਗੁ, ਲਸ੍ਸ ਗੋ. ਦ੍ਵਯਂ ਨਾਗਰੁਕ੍ਖੇ. ਨ ਗਚ੍ਛਤੀਤਿ ਨਾਗੋ, ਦੀਘਾਦਿ. ਨਾਗਾਨਂ ਮਾਲਾ, ਸਾ ਸਞ੍ਜਾਤਾ ਯਤ੍ਰ ਨਾਗਮਾਲਿਕਾ.

੫੭੩. ਦ੍ਵਯਂ ¶ ਅਸੋਕੇ. ਨਤ੍ਥਿ ਸੋਕੋ ਯੇਨ. ਵਜ ਗਮਨੇ, ਉਲੋ. ਦ੍ਵਯਂ ਜਯਾਯਂ. ਤਂਤਂਰੋਗਜਯਾਦਿਕਂ ਕਰੋਤੀਤਿ ਤਕ੍ਕਾਰੀ, ਣੀ. ਵਿਸੇਸੇਨ ਜਯਤੀਤਿ ਵੇਜਯਨ੍ਤਿਕਾ, ਅਨ੍ਤੋ, ਨਦਾਦਿ, ਸਕਤ੍ਥੇ ਕੋ. ‘‘ਜਯਾ ਜਯਨ੍ਤੀ ਤਕ੍ਕਾਰੀ, ਨਾਦੇਯੀ ਵੇਜਯਨ੍ਤਿਕਾ’’ਤ੍ਯਮਰਕੋਸੋ [ਅਮਰ ੧੪.੬੫].

ਦ੍ਵਯਂ ਸਮੁਦ੍ਦਸਮੀਪਦੇਸਜੇ ਸਾਮਦਲੇ ਤਮਾਲਨਾਮੇ ਤਰੁਮ੍ਹਿ. ਤਾਪਿਯਂ ਜਾਯਤੀਤਿ ਤਾਪਿਞ੍ਛੋ, ਅਞ੍ਞਤ੍ਥੇ ਛੋ, ਬਿਨ੍ਦਾਗਮੋ, ‘‘ਤਾਪੀ ਤੁ ਸਰਿਤਾਨ੍ਤਰੇ’’ਤਿ ਹਿ ਨਾਨਤ੍ਥਸਙ੍ਗਹੋ. ਤਮੁ ਕਙ੍ਖਾਯਂ, ਅਲੋ. ਦ੍ਵਯਂ ਕੁਟਜੇ. ਰੋਗਂ ਛਿਨ੍ਦਤੀਤਿ ਕੁਟਜੋ, ਜੋ. ਗਿਰਿਮ੍ਹਿ ਜਾਤਾ ਮਲ੍ਲਿਕਾ ਗਿਰਿਮਲ੍ਲਿਕਾ, ਸਕ੍ਕਪਰਿਯਾਯੋਪ੍ਯਤ੍ਰ.

੫੭੪. ਤਸ੍ਸ ਕੁਟਜਸ੍ਸ ਫਲੇ ਇਨ੍ਦਯਵੋ. ਇਨ੍ਦਸ੍ਸ ਸਕ੍ਕਸ੍ਸ ਯਵੋ ਧਞ੍ਞਵਿਸੇਸੋ ਇਨ੍ਦਯਵੋ. ਕਲਿਙ੍ਗਂ, ਕਦ੍ਦਯਵਮ੍ਪਿ.

‘‘ਪੂਤਿਕਰਞ੍ਜ ਧੂਮ੍ਯਾਟੇ, ਦੇਸਭੇਦੇ ਪੁਮਾ ਭਵੇ;

ਕੁਟਜਸ੍ਸ ਫਲੇ ਕ੍ਲੀਵਂ, ਕਲਿਙ੍ਗਂ ਥੀ ਤੁ ਨਾਰਿਯ’’ਨ੍ਤਿ [ਚਿਨ੍ਤਾਮਣਿਟੀਕਾ ੧੪.੬੭]. –

ਰਭਸੋ. ਅਮਰਮਾਲਾਯਨ੍ਤੁ ‘‘ਕਲਿਙ੍ਗੇ’ਨ੍ਦਯਵੋ ਪੁਮਾ’’ਤਿ ਇਤ੍ਥਿਕਣ੍ਡੇ ਪਾਠੋ. ਤਸ੍ਸਤ੍ਥੋ ਕਲਿਙ੍ਗਾ ਇਤ੍ਥੀ, ਇਨ੍ਦਯਵੋ ਪੁਮਾ ¶ . ਦ੍ਵਯਂ ਕਣਿਕਾਰਿਕਾਯਂ. ਅਗ੍ਗਿ ਅਨੇਨ ਮਨ੍ਥ੍ਯਤੇ ਅਗ੍ਗਿਮਨ੍ਥੋ, ਣੋ. ਤਂ ਕਟ੍ਠੇਹਿ ਘਂਸਿਯਮਾਨੇ ਅਗ੍ਗਿ ਉਟ੍ਠਹਤਿ. ਕਣ ਗਤਿਯਂ, ਣ੍ਵੁ. ਜਯਾਪ੍ਯਤ੍ਰ. ‘‘ਵਿਜਯੇ ਸੋ ਜਯਾ ਦੁਗ੍ਗਾ, ਜਯਨ੍ਤੀ ਗਣਿਕਾਰਿਕੇ’’ਤਿ ਜਯਾ ਨਾਨਾਤ੍ਥਾ.

ਦ੍ਵਯਂ ਨਿਗ੍ਗੁਣ੍ਡਿਯਂ. ਨਤ੍ਥਿ ਗੁਣ੍ਡਂ ਗਬ੍ਭਬਨ੍ਧਨਮੇਤਾਯਾਤਿ ਨਿਗ੍ਗੁਣ੍ਡੀ. ਸਿ ਬਨ੍ਧਨੇ, ਦੁ, ਸਿਨ੍ਦੁਂ ਗਬ੍ਭਬਨ੍ਧਨਂ ਵਾਰੇਤੀਤਿ ਸਿਨ੍ਦੁਵਾਰੋ. ਇਨ੍ਦਾਨੀਪ੍ਯਤ੍ਰ. ਇਨ੍ਦਾਨੀਕਰਣੇ ਥੀਨਂ, ਸਿਨ੍ਦੁਵਾਰੇਨ੍ਦਨਾਰਿਸੁ. ਦ੍ਵਯਂ ਮਲ੍ਲਿਕਾਯਂ. ਤਿਣਾਨਿ ਸੂਲਨ੍ਤਿ ਯਸ੍ਮਿਨ੍ਤਿ ਤਿਣਸੂਲਂ, ਸੂਲ ਰੁਜਾਯਂ. ਯਤ੍ਰ ਤਂ ਜਾਯਤਿ, ਤਤ੍ਰ ਤਿਣਾਨਿ ਰੋਗੀਨਿ ਭਵਨ੍ਤੀਤ੍ਯਤ੍ਥੋ. ‘‘ਤਿਣਸੂਲਂ ਮਲ੍ਲਿਕਾਯਂ, ਪਣ੍ਡਕਂ ਕੇਤਕੀਫਲੇ’’. ਮਲ੍ਲਤੇ ਧਾਰੀਯਤੇ ਸਬ੍ਬੇਹੀਤਿ ਮਲ੍ਲਿਕਾ, ਮਲ੍ਲ ਧਾਰਣੇ, ਇ, ਸਕਤ੍ਥੇ ਕੋ. ਭੂਪਦੀ, ਸੀਤਭੀਰੁ ਚ.

੫੭੫. ਦ੍ਵਯਂ ਕਣ੍ਹਪੁਪ੍ਫਸੇਫਾਲਿਕਾਯਂ. ਸਿਫਾ ਜਟਾ ਯਸ੍ਸਤ੍ਥਿ ਸੇਫਾਲਿਕਾ, ਇਕੋ, ਲਮਜ੍ਝੋ. ਨੀਲਪੁਪ੍ਫਤਾਯ ਨੀਲਿਕਾ. ਸੁਵਹਾ, ਨਿਗ੍ਗੁਣ੍ਡੀਪਿ. ‘‘ਸਿਨ੍ਦੁਵਾਰੇਪਿ ਨਿਗ੍ਗੁਣ੍ਡੀ, ਨੀਲਸੇਫਾਲਿਕਾਯ ਚੇ’’ਤਿ ਰੁਦ੍ਦੋ. ਦ੍ਵਯਂ ਵਨਮਲ੍ਲਿਕਾਯਂ. ਫੁਟ ਵਿਕਸਨੇ, ਆ ਭੁਸੋ ਫੁਟਤੀਤਿ ਅਪ੍ਫੋਟਾ, ਰਸ੍ਸਾਦਿ.

ਚਤੁਕ੍ਕਂ ਰਤ੍ਤਪੁਪ੍ਫੇ. ਬਨ੍ਧ ਬਨ੍ਧਨੇ, ਉ, ਸਕਤ੍ਥੇ ਕੋ. ਜਯਤ੍ਥਂ ਸੁਮਨਂ ਜਯਸੁਮਨਂ. ਭਣ੍ਡਤਿਸ੍ਮਾ ਇਕੋ, ਭਣ੍ਡਿਕੋ. ਜੀਵਤੀਤਿ ਜੀਵਕੋ, ਜੀਵ ਪਾਣਧਾਰਣੇ, ਣ੍ਵੁ. ਜੀਵਕਸਦ੍ਦਸ੍ਸ ਪੀਤਸਾਲਾਦੀਸ੍ਵਪਿ ਪਵਤ੍ਤਨਤੋ ਬਨ੍ਧੁ ਏਵ ਜੀਵਕੋ ਬਨ੍ਧੁਜੀਵਕੋਤਿ ਬਨ੍ਧੁਸਦ੍ਦੇਨ ਵਿਸੇਸੇਤ੍ਵਾ ਵੁਤ੍ਤਂ, ਸਮੁਦਿਤੇਨ ਵਾ ਨਾਮਮਿਦਮੇਕਸ੍ਸ. ‘‘ਬਨ੍ਧੁ ਬਨ੍ਧੁਕਪੁਪ੍ਫੇ ਚ, ਬਨ੍ਧੁਭਾਤਰਿ ਬਨ੍ਧਵੇ’’ਤਿ ਵਚਨਤੋ,

‘‘ਜੀਵਕੋ ¶ ਪੀਤਸਾਲੇ ਚ, ਖੇਪਨੇ ਵੁਦ੍ਧਿਜੀਵਿਨਿ;

ਸੇਵਿਨਿ ਪਾਣਕੇ ਫਾਤਿ-ਕੁਣ੍ਡਿਕੇ ਪਾਦਪਨ੍ਤਰੇ’’ਤਿ. –

ਵਚਨਤੋ ਚ ‘‘ਬਨ੍ਧੁਜੀਵਕੋ’’ਤਿ ਏਤ੍ਥ ਦ੍ਵੇ ਨਾਮਾਨਿਪਿ ਦਟ੍ਠਬ੍ਬਾਨਿ.

੫੭੬. ਪਞ੍ਚਕਂ ਸੁਮਨਾਯਂ. ਸੁਨ੍ਦਰਂ ਮਨੋ ਯਸ੍ਸਂ. ਸੁਗਨ੍ਧਤ੍ਤਾ ਜਾਤਿਸੁਮਨਾਤਿ ਸਮੁਦਿਤਨਾਮਂ. ਮਲ ਧਾਰਣੇ, ਤੋ, ਨਦਾਦਿ. ਜਨ ਜਨਨੇ,ਤਿ. ਵਸ੍ਸਕਾਲਸਞ੍ਜਾਤਪੁਪ੍ਫਤਾਯ ਵਸ੍ਸਿਕੀ. ਇਕੋ, ਨਦਾਦਿ.

ਦ੍ਵਯਂ ‘‘ਚਮ੍ਪੇਯ੍ਯ’’ਇਤਿ ਖ੍ਯਾਤੇ. ਯੁਥ ਹਿਂਸਾਯਂ, ਇ, ਸਕਤ੍ਥੇ ਕੋ, ਦੀਘਾਦਿ. ਮਗਧੇ ਭਵਾ ਮਾਗਧੀ. ਗਣਿਕਾ, ਅਮ੍ਬਟ੍ਠਾਪਿ. ਦ੍ਵਯਂ ‘‘ਦੇਵਾਲਿ’’ਇਤਿ ਖ੍ਯਾਤਾਯਂ. ਸੁਨ੍ਦਰਂ ਦਲਮੇਤਿਸ੍ਸਾ ਸਤ੍ਤਲਾ, ਦਸ੍ਸ ਤੋ, ਸਤ੍ਤ ਦਲਾਨਿ ਯਸ੍ਸਾ ਵਾ ਸਤ੍ਤਲਾ. ਨਵਾ ਨੂਤਨਾ ਮਲ੍ਲਿਕਾ ਨਵਮਲ੍ਲਿਕਾ. ਨਵਮਾਲਿਕਾਪਿ.

੫੭੭. ਦ੍ਵਯਂ ਪੁਣ੍ਡਕੇ ‘‘ਲਂਸ੍ਵਣ’’ਇਤਿ ਖ੍ਯਾਤੇ. ਵਸਨ੍ਤੇ ਪੁਪ੍ਫਤਿ ਵਾਸਨ੍ਤੀ. ਅਤਿਮੁਦਂ ਤਨੋਤੀਤਿ ਅਤਿਮੁਤ੍ਤੋ, ਨਿਪਾਤਨਾ. ਮਾਧਵੀ, ਲਤਾਪਿ. ਮਧੁਮ੍ਹਿ ਚਿਤ੍ਤੇ, ਵੇਸਾਖੇ ਵਾ ਪੁਪ੍ਫਤੀਤਿ ਮਾਧਵੀ.

‘‘ਲਤਾ ਜੋਤਿਮਤੀਪਕ੍ਕ-ਸਾਖਾਵਲ੍ਲੀਪਿਯਙ੍ਗੁਸੁ;

ਲਤਾ ਕਤ੍ਥੂਰਿਕਾਯਞ੍ਚ, ਸਾ ਦੁਬ੍ਬਾਮਾਧਵੀਸੁ ਚਾ’’ਤਿ.

ਲਤਾ ¶ ਅਨੇਕਤ੍ਥਾ. ਦ੍ਵਯਂ ਕਰਵੀਰੇ. ਕੁਚ੍ਛਿਤਂ ਰਵਨ੍ਤਿ ਅਸ੍ਸਾ ਯੇਨ ਕਰਵੀਰੋ, ਈਰੋ. ਅਸ੍ਸੇ ਮਾਰੇਤੀਤਿ ਅਸ੍ਸਮਾਰਕੋ. ਪਟਿਹਾਸੋਪਿ.

ਦ੍ਵਯਂ ਮਾਤੁਲੁਙ੍ਗੇ. ਮਤ੍ਤੋ ਲੁਜ੍ਜਤਿ ਯੇਨ ਮਾਤੁਲੁਙ੍ਗੋ, ਲੁਜ ਵਿਨਾਸੇ. ਪਰਿਪੁਣ੍ਣਬੀਜਤਾਯ ਬੀਜਪੂਰੋ. ਰੁਚਕੋਪਿ, ਰੁਚ ਦਿਤ੍ਤਿਯਂ, ਣ੍ਵੁ. ਦ੍ਵਯਂ ਧੁਤ੍ਤੁਰੇ. ਉਗ੍ਗਂ ਮਜ੍ਜਤਿ ਯੇਨ ਉਮ੍ਮਤ੍ਤੋ, ਮਦ ਉਮ੍ਮਾਦੇ. ਮਾਰੇਤੀਤਿ ਮਾਤੁਲੋ, ਉਲੋ, ਰਸ੍ਸ ਤੋ. ‘‘ਉਮ੍ਮਤ੍ਤੋ ਕਿਤਵੋ ਧੁਤ੍ਤੋ, ਧਤ੍ਤੂਰੋ ਕਨਕਾਵ੍ਹਯੋ, ਮਾਤੁਲੋ ਮਦਨੋ’’ਤ੍ਯਮਰਕੋਸੋ [ਅਮਰ ੧੪.੭੭].

੫੭੮. ਦ੍ਵਯਂ ਕਣ੍ਹਪਾਕਫਲੇ. ਕਰਂ ਹਤ੍ਥਂ ਮਦ੍ਦਤਿ ਕਣ੍ਟਕੇਨ ਕਰਮਨ੍ਦੋ. ਕਰਮਦ੍ਦੋਪਿ. ਸੁਟ੍ਠੁ ਸਿਨੋਤੀਤਿ ਸੁਸੇਨੋ, ਸਿ ਬਨ੍ਧਨੇ, ਯੁ. ਦ੍ਵਯਂ ਕੁਨ੍ਦੇ. ਕੁਣ ਸਙ੍ਕੋਚਨੇ, ਦੋ, ਨਤ੍ਤਂ, ਕੁਣ ਸਦ੍ਦੋਪਕਰਣੇਸੁ ਵਾ. ਮਾਘੇ ਭਵਂ ਮਾਘ੍ਯਂ, ਯੋ, ਤਸ੍ਮਿਂ ਕਾਲੇ ਹਿ ਪੁਪ੍ਫਾਦਿਸਮਿਦ੍ਧਿ ਭਵਤੀਤਿ ਤਬ੍ਭਵਤ੍ਤੇਨ ਬ੍ਯਪਦੇਸੋ.

ਦ੍ਵਯਂ ਦੇਵਤਾਸੇ. ਦੇਵਤਾ ਆਸਨ੍ਤਿ ਯਂ ਦੇਵਤਾਸੋ. ਜੀਮੂਤਕਾਲੇ ਸਞ੍ਜਾਤਤ੍ਤਾ ਜੀਮੂਤੋ, ਮ੍ਹਨਲਾ. ਦ੍ਵਯਂ ਸਨਾਮਪਸਿਦ੍ਧੇ ਪੁਪ੍ਫਵਿਟਪੇ. ਪੁਪ੍ਫਮਾਸੁਂ ਨ ਮਿਲਾਤਮਸ੍ਸ ਭਵਤੀਤਿ ਅਮਿਲਾਤੋ. ਮਹਨ੍ਤਮ੍ਪਿ ਕਾਲਂ ਸਹਤੀਤਿ ਮਹਾਸਹਾ.

੫੭੯. ਚਤੁਕ੍ਕਂ ¶ ਝਿਣ੍ਡਿਸਾਮਞ੍ਞੇ. ਸਿਰੀ ਵਤ੍ਤਤਿ ਯੇਨ ਸੇਰੇਯ੍ਯਕੋ, ਣੇਯ੍ਯਕੋ. ਦਾਸਨਾਮਕਤ੍ਤਾ ਦਾਸੀ. ਕਿਰ ਵਿਕ੍ਕਿਰਣੇ, ਆਤੋ, ਦ੍ਵਿਤ੍ਤਂ. ਕੁਰ ਸਦ੍ਦੇ, ਡੋ, ਸਕਤ੍ਥੇ ਕੋ.

ਦ੍ਵਯਂ ਕਣ੍ਟੇਨ, ਪਤ੍ਰੇਨ ਚ ਸਿਤੇ ਪਣ੍ਣਾਸੇ. ਅਜ ਗਮਨੇ, ਉਕੋ. ਸਿਤੋ ਸੁਕ੍ਕੋ ਪਣ੍ਣਾਸੋ ਸਿਤਪਣ੍ਣਾਸੋ. ਦ੍ਵਯਂ ਅਪ੍ਪਪਤ੍ਤੇ ਪਣ੍ਣਾਸੇ. ਈਰ ਕਮ੍ਪਨੇ, ਯੁ. ਫਣਿਂ ਜਯਤਿ ਫਣਿਜ੍ਜਕੋ, ਯਸ੍ਸ ਕੋ.

੫੮੦. ਦ੍ਵਯਂ ਜਪਾਕੁਸੁਮੇ. ਜਪਤਿ ਯਾਯ ਜਪਾ, ਜੁ ਜਵਨੇ ਵਾ, ਪੋ, ਉਸ੍ਸਤ੍ਤਂ. ਮਰੁਦੇਸਜੇ ਕਣ੍ਟਕਿਨਿ ਕਰਭਪ੍ਪਿਯੇ ਤਰੁਵਿਸੇਸੇ ਕਰੀਰਾਦਿਦ੍ਵਯਂ. ਕਰੋਤਿਸ੍ਮਾ ਈਰੋ. ਕਚ ਬਨ੍ਧਨੇ, ਦ੍ਵਿਤ੍ਤਂ, ਕਕਚੋ, ਗਨ੍ਥਿਲੋਪਿ.

ਦ੍ਵਯਂ ਰੁਕ੍ਖੋਪਰਿਜਾਤੇ ਵਿਜਾਤਿਯੇ ਪਲ੍ਲਵੇ. ਰੁਕ੍ਖੇ ਜਾਯਮਾਨਾ ਤਂ ਅਦ੍ਦਤਿ ਹਿਂਸਤੀਤਿ ਰੁਕ੍ਖਾਦਨੀ, ਅਦ੍ਦ ਹਿਂਸਾਯਂ, ਯੁ, ਨਦਾਦਿ, ਦਲੋਪੋ. ਵਨ੍ਦ ਅਭਿਵਾਦਨਥੁਤੀਸੁ, ਅ, ਇਤ੍ਥਿਯਂ, ਸਕਤ੍ਥੇ ਕੋ, ਅਸ੍ਸ ਦੀਘੋ. ਰੁਕ੍ਖਰੁਹਾ, ਜੀਵਨ੍ਤਿਕਾਪਿ. ਦ੍ਵਯਂ ਚਿਤ੍ਤਕੇ. ਚਿਤਿ ਹਿਂਸਾਯਂ, ਗਨ੍ਧੇ ਚ, ਣ੍ਵੁ. ਅਗ੍ਗਿਸਞ੍ਞਿਤੋਤਿ ਅਗ੍ਗਿਪਰਿਯਾਯਨਾਮਕੋ. ਪਾਠੀਪਿ, ਪੁਮੇ’ਯਂ.

੫੮੧. ਦ੍ਵਯਂ ¶ ਗਣਰੂਪੇ. ਅਕ੍ਕੋ ਸੂਰਿਯੋ, ਤਪ੍ਪਰਿਯਾਯਨਾਮਕਤ੍ਤਾ ਅਕ੍ਕੋ. ਵਿਕਰੋਤੀਤਿ ਵਿਕਿਰਣੋ, ਯੁ. ਅਸ੍ਸਿ. ਅਕ੍ਕਵ੍ਹੋ, ਵਸੁਕੋ, ਅਪ੍ਫੋਟੋ, ਮਨ੍ਦਾਰੋ, ਅਕ੍ਕਪਣ੍ਣੋਪਿ. ‘‘ਪੁਮੇ ਅਕ੍ਕਵ੍ਹੋ ਅਪ੍ਫੋਟੋ, ਵਨਮਾਲ੍ਯਪਰਾਜਿਤੇ’’ਤਿ [ਚਿਨ੍ਤਾਮਣਿਟੀਕਾ ੧੪.੮੦] ਰੁਦ੍ਦੋ. ਮਨ੍ਦਾਰੋ ਦੇਵਦੁਮਮ੍ਹਿ ਪਾਰਿਭਦ੍ਦਕੇਪਿ. ਤਸ੍ਮਿਂ ਅਕ੍ਕੇ ਯੋ ਸੇਤਪੁਪ੍ਫਕੋ, ਤਸ੍ਮਿਂ ਅਲ਼ਕ੍ਕੋ. ਸੇਤਪੁਪ੍ਫਤਾਯ ਅਲਂਭੂਤੋ ਅਕ੍ਕੋ ਅਲ਼ਕ੍ਕੋ, ਅਲ ਭੂਸਨੇ, ਲ਼ਤ੍ਤਂ. ਪਤਾਪਸੋਪਿ. ਦ੍ਵਯਂ ਛਿਨ੍ਨਰੁਹਾਯਂ. ਤਿਤ੍ਤਰਸਤ੍ਤਾ ਪੂਤਿਭੂਤਾ ਲਤਾ ਪੂਤਿਲਤਾ, ਪੂ ਪਵਨੇ ਵਾ,ਤਿ. ਰੋਗਮਲਂ ਪੁਨਾਤੀਤਿ ਪੂਤਿ, ਸਾ ਏਵ ਲਤਾ ਪੂਤਿਲਤਾ. ਗੁਲ਼ ਰਕ੍ਖਣੇ, ਚੋ, ਨਦਾਦਿ. ਗਰ ਸੇਚਨੇ ਵਾ. ਅਮਤਾ, ਮਧੁਪਣ੍ਣੀਪਿ. ਮਧੁ ਇਵ ਪਣ੍ਣਮਸ੍ਸਾ ਮਧੁਪਣ੍ਣੀ. ਦ੍ਵਯਂ ਧਨੁਸੇਨਿਯਂ, ਯਾ ਪਤ੍ਤੇਹਿ ਵਚਾਸਦਿਸੀ, ਤਤ੍ਤਚੋ ਤਨ੍ਤਧਨੁਗੁਣੋਪਯੁਤ੍ਤੋ. ਮੁਬ੍ਬਾਵਿਕਾਰਤਾਯੇਵ ਧਨੁਜਿਯਾ ‘‘ਮੁਬ੍ਬੀ’’ਤ੍ਯੁਚ੍ਚਤੇ, ਮੁਬ੍ਬ ਬਨ੍ਧਨੇ, ਅ, ਮੁਬ੍ਬਾ. ਮਧੁਰਸਤ੍ਤਾ ਮਧੁਰਸਾ. ਦੇਵੀ, ਮੋਰਟਾਪਿ. ਮੁਰ ਪਵੇਧਨੇ, ਅਟੋ, ਮੋਰਟਾ.

੫੮੨. ਦ੍ਵਯਂ ਮਕ੍ਕਟਿਯਂ. ਕਪੀਨਂ ਵਾਨਰਾਨਂ ਕਚ੍ਛੁਂ ਜਨੇਤੀਤਿ ਕਪਿਕਚ੍ਛੁ. ਕਪਿਕਚ੍ਚੁਪਿ. ਦੁਕ੍ਖਸਮ੍ਫਸ੍ਸਤਾਯ ਦੁਫਸ੍ਸੋ. ਅਤ੍ਤਗੁਤ੍ਤਾ, ਜਡਾ, ਅਬ੍ਯਣ੍ਡਾ, ਕਣ੍ਡੂਰਾ, ਪਾਵੁਸਾਯਿਨੀ, ਸੂਕਸਿਮ੍ਬਿਪਿ. ‘‘ਅਯਂ ¶ ਫਸ੍ਸੇਨ ਕਣ੍ਡੁਂ ਜਨਯਤੀ’’ਤਿ ਯਾ ਲੋਕੇਹਿ ਪਰਿਹਰੀਯਤੇ, ਤਤੋ ਅਯਂ ਅਤ੍ਤਨਾ ਗੁਤ੍ਤਾ ਰਕ੍ਖਿਤਾ ਅਤ੍ਤਗੁਤ੍ਤਾ. ਪਾਵੁਸਾਯਂ ਉਤੁਯਂ ਏਤਿ ਜਾਯਤੇ, ਣੋ, ਇਨੀ. ਸੂਕਸਹਿਤਾ ਸਿਮ੍ਬਿ ਅਸ੍ਸਾ ਸੂਕਸਿਮ੍ਬਿ, ਰਸ੍ਸਨ੍ਤੋ. ਦ੍ਵਯਂ ਮਣ੍ਡੂਕਪਣ੍ਣਿਯਂ. ਮਜ ਸੁਦ੍ਧਿਯਂ, ਠੋ. ਕਾਸ ਦਿਤ੍ਤਿਯਂ, ਕਰਣੇ ਅ, ਰਸ੍ਸੋ. ਸਮਙ੍ਗਾ, ਯੋਜਨਵਲ੍ਲੀਪਿ. ਸਮਙ੍ਗਤੀਤਿ ਸਮਙ੍ਗਾ, ਅ. ਯੋਜਨਂ ਵਲ੍ਲੀ ਯਸ੍ਸਾ ਯੋਜਨਵਲ੍ਲੀ.

ਦ੍ਵਯਂ ਵਨਤਿਤ੍ਤਿਕਾਯਂ. ਅਮ੍ਬ ਸਦ੍ਦੇ, ਠੋ, ਅਵ ਰਕ੍ਖਣੇ ਵਾ, ਨਿਗ੍ਗਹੀਤਾਗਮੋ. ਪਾ ਰਕ੍ਖਣੇ, ਠੋ. ਸੇਤਾ, ਪਾਪਚੇਲੀਪਿ. ਸੇਤਰਸੇਨ ਯੁਜ੍ਜਤੇਤਿ, ਅ. ਦ੍ਵਯਂ ਕਟੁਕਰੋਹਿਣਿਯਂ. ਕਟ ਵਸ੍ਸਾਵਰਣਗਤੀਸੁ. ਉ, ਕਟੁ, ਨਾਰੀ. ਕਟੁਕਰਸਾ ਹੁਤ੍ਵਾ ਰੁਹਤੀਤਿ ਕਟੁਕਰੋਹਿਣੀ, ਰੁਹ ਜਨਨੇ, ਯੁ, ਨਦਾਦਿ. ‘‘ਕਟੁਕਰੋਹਿਣੀ’’ਤਿ ਸਮੁਦਿਤੇਨ ਨਾਮਮਿਦਂ. ਕਟੁਰੋਹਿਣੀਪਿ.

੫੮੩. ਦ੍ਵਯਂ ਖਰਮਞ੍ਜਰਿਯਂ ‘‘ਚਚਸਿਮ’’ਇਤਿ ਖ੍ਯਾਤਾਯਂ. ਅਪਮਜ੍ਜਨ੍ਤਿ ਵਤ੍ਥਾਦਿਕ’ਮਨੇਨੇਤਿ ਅਪਾਮਗ੍ਗੋ, ਦੀਘੋ ਉਪਸਗ੍ਗਸ੍ਸ. ਸਿਖਰਮਸ੍ਸਾਤਿ ਸੇਖਰਿਕੋ. ਧਾਮਗ੍ਗਵੋ, ਵਿਮੁਖਪੁਪ੍ਫੀਪਿ. ‘‘ਘੋਸਕੇ ਖਰਮਞ੍ਜਰਿਯਂ, ਧਾਮਗ੍ਗਵੋ ਪੁਮੇ ਮਤੋ’’. ਵਿਮੁਖਂ ਪੁਪ੍ਫਮਸ੍ਸਾ. ਦ੍ਵਯਂ ਕਣਾਯਂ. ਪਿਤ੍ਤਂ ਫਲਤਿ ਕੁਪ੍ਪਤਿ ਯਾਯ ਪਿਪ੍ਫਲੀ, ਨਦਾਦਿ. ਮਗਧੇ ਭਵਾ ਮਾਗਧੀ, ਮਗਧਾਨਂ ਅਯਂ ਵਾ ਮਾਗਧੀ, ਤਤ੍ਰ ਪਠਮੁਪ੍ਪਨ੍ਨਤ੍ਤਾ, ਬਾਹੁਲ੍ਯੇਨ ਵਾ ਤਤ੍ਰ ਜਾਯਮਾਨਤ੍ਤਾ ਤਂਸਮਞ੍ਞਾਯ ਬ੍ਯਪਦਿਸ੍ਸਤੇ. ਵੇਦੇਹੀ, ਕਣਾ, ਕੋਲਾਪਿ. ਵੇਦੇਹਾਨਮਯਂ ਵੇਦੇਹੀ. ਕਣਾ ਨਾਨਤ੍ਥਾ, ਵੁਤ੍ਤਞ੍ਚ ‘‘ਕਣਾ ਪਿਪ੍ਫਲਿ’ਜਾਜੀ ਚੇ’’ਤਿ.

ਦ੍ਵਯਂ ¶ ਤਿਕਣ੍ਟਕੇ. ਗਵਂ ਕਣ੍ਟਕੋ ਗੋਕਣ੍ਟਕੋ, ਪਥਵਿਯਂ ਵਾ ਲਗ੍ਗੋ ਕਣ੍ਟਕੋ ਗੋਕਣ੍ਟਕੋ. ਸਿਙ੍ਘ ਘਾਯਨੇ, ਆਟੋ. ਪਲਙ੍ਕਸਾ, ਸਾਦੁਕਣ੍ਟੋਪਿ. ਯੁਤ੍ਤਰਾਸ੍ਨਾਯਂ ਪਲਾਸੇ ਚ ਪਲਙ੍ਕਸਾ ਥਿਯਂ. ਸਾਦੁਕਣ੍ਟੋ ਵਿਕਙ੍ਕਤੇਪਿ. ਦ੍ਵਯਂ ਹਤ੍ਥਿਪਿਪ੍ਫਲਿਯਂ. ਕੋਲਾਕਾਰਾ, ਤਂਨਾਮਿਕਾ ਵਾ ਵਲ੍ਲੀ ਕੋਲਵਲ੍ਲਿ, ਰਸ੍ਸੋ. ਇਭਾਨਂ ਹਤ੍ਥੀਨਂ ਪਿਪ੍ਫਲੀ ਇਭਪਿਪ੍ਫਲੀ. ਕਪਿਵਲ੍ਲੀ, ਵਸਿਰੋਪਿ. ਵਸਿਰੋ ਨਾਨਤ੍ਥੋ. ਵਸਿਰੋ ਅਪਾਮਗ੍ਗੋ ਸਾਮੁਦ੍ਦਲਵਣਂ ਹਤ੍ਥਿਪਿਪ੍ਫਲਿ ਚੇਤਿ. ਪੁਮੇ’ਯਂ.

੫੮੪. ਦ੍ਵਯਂ ਛਗਨ੍ਥਾਯਂ, ਯਾ ‘‘ਉਗ੍ਗਗਨ੍ਧਾ’’ਤਿਪ੍ਯੁਚ੍ਚਤੇ. ਗੁਨ੍ਨਂ ਲੋਮਸਮ੍ਪਾਤਨਟ੍ਠਾਨੇ ਜਾਤਾ ਗੋਲੋਮੀ, ਵਚ ਵਿਯਤ੍ਤਿਯਂ ਵਾਚਾਯਂ, ਕਰਣੇ ਅ, ਸਤਪਬ੍ਬਿਕਾਪਿ. ਵਚਾ ਸੁਕ੍ਕਲੋਹਿਤਮੂਲਭੇਦੇਨ ਦੁਵਿਧਾ, ਤਤ੍ਰਸੁਕ੍ਕਾ ‘‘ਹੇਮਵਤੀ’’ਤ੍ਯੁਚ੍ਚਤੇ ਅਮਰਕੋਸੇ [ਅਮਰ ੧੪.੧੦੨-੩]. ਦ੍ਵਯਂ ਅਪ੍ਫੋਟਾਯਂ. ਕਣ੍ਣਸਣ੍ਠਾਨਪੁਪ੍ਫਤਾਯ ਕਣ੍ਣੀ. ਗਿਰਿਮ੍ਹਿ ਜਾਤਾ ਕਣ੍ਣੀ ਗਿਰਿਕਣ੍ਣੀ. ਰੋਗਾਦਿਜਿਤਤ੍ਤਾ ਅਪਰਾਜਿਤਾ.

ਦ੍ਵਯਂ ਕਲਸਿਯਂ. ਸੀਹਪੁਚ੍ਛਾਕਾਰਕੁਸੁਮਮਞ੍ਜਰਿਤਾਯ ਸੀਹਪੁਚ੍ਛਿ. ਪਞ੍ਹਿ ਅਪ੍ਪਤਨੁ ਵੁਚ੍ਚਤੇ. ਪਞ੍ਹਿ ਪਣ੍ਣਂ ਯਸ੍ਸਾ ਪਞ੍ਹਿਪਣ੍ਣੀ. ਪੁਥੁਪਣ੍ਣੀ, ਗੁਹਾਪਿ, ਪੁਥੁ ਅਸਿਲਿਟ੍ਠਂ ਪਣ੍ਣਮਸ੍ਸਾ ਪੁਥੁਪਣ੍ਣੀ. ਗਹ੍ਵਰੇ ਸੀਹਪੁਚ੍ਛਞ੍ਚ, ਥਿਯਂ ਛਮਾਤੁਕੇ ਗੁਹੋ [ਚਿਨ੍ਤਾਮਣਿਟੀਕਾ ੧੪.੯੩]. ਦ੍ਵਯਂ ਸਾਲਪਣ੍ਣਿਯਂ. ਸਾਲਪਣ੍ਣਸਦਿਸਵਿਟਤਾਯ ਸਾਲਪਣ੍ਣੀ. ਸਾਲਂ ਸੋਭਨਯੁਤ੍ਤਂ ਪਣ੍ਣਮਸ੍ਸਾ ਵਾ ਸਾਲਪਣ੍ਣੀ. ਥੁ ਗਤਿਥੇਰਿਯੇਸੁ, ਇਰੋ, ਥਿਰੋ.

੫੮੫. ਦ੍ਵਯਂ ¶ ਕਣ੍ਟਕਾਰਿਕਾਯਂ. ਨਿਦ੍ਦਹਤਿ ਕਣ੍ਟਕਮੁਟ੍ਠੇਤਿ ਨਿਦਿਦ੍ਧਿਕਾ, ਣ੍ਵੁ. ਭਯਕਰਣਵਸੇਨ ਬ੍ਯਗ੍ਘਸਦਿਸਤਾਯ ਬ੍ਯਗ੍ਘੀ, ਬ੍ਰਹਤੀ, ਖੁਦ੍ਦਾਪਿ. ਦ੍ਵਯਂ ਨੀਲਿਰੁਕ੍ਖੇ. ਨੀਲ ਵਣ੍ਣੇ. ਨੀਲਵਣ੍ਣਤਾਯ ਨੀਲੀ, ਨਦਾਦਿ, ਇਨੀ, ਨੀਲਿਨੀ, ਕਾਲ਼ਾ, ਤੁਤ੍ਥਾਪਿ.

ਕਾਲ਼ਾ ਕਣ੍ਹਤਿਵੁਤਾਯਂ, ਨੀਲੀ ਯੋਜਨਵਲ੍ਲਿਸੁ;

ਪਣ੍ਡੇ ਰਸਞ੍ਜਨੇ ਤੁਤ੍ਥਾ, ਸੁਖੁਮੇਲਾਯ ਨੀਲਿਯਂ [ਚਿਨ੍ਤਾਮਣਿਟੀਕਾ ੧੪.੯੪-੫].

ਦ੍ਵਯਂ ਗੁਞ੍ਜਾਯਂ. ਜਞ੍ਜ ਯੁਦ੍ਧੇ, ਉਕੋ, ਅਸ੍ਸਿ, ਗੁਜ ਸਦ੍ਦੇ, ਅ, ਬਿਨ੍ਦਾਗਮੋ. ਨਾਮਨ੍ਤਰਾਨਿ ਚਸ੍ਸ –

ਦੁਮੇ ਸਾ ਰਤ੍ਤਿਕਾ ਰਤ੍ਤ-ਦਲਾ ਚੂਲ਼ਾਮਣੀ ਚ ਸਾ;

ਕਾਕਚਿਞ੍ਚੀ ਤੁਲਾਬੀਜਂ, ਕਣ੍ਹਲਾ ਚ ਸਿਖਣ੍ਡਿਨੀ.

ਦ੍ਵਯ’ਮਹੇਰੁਯਂ. ਅਯਮਹੇਰੁਇਚ੍ਚੇਵ ਖ੍ਯਾਤਕਣ੍ਟਕਵਤੀ ਭਵਤਿ. ਸਤਂ ਮੂਲਾਨਿ ਯਸ੍ਸ ਸਤਮੂਲੀ. ਸਤਂ ਰੋਗੇ ਆਵਰਤੀਤਿ ਸਤਾਵਰੀ, ਵਰ ਆਵਰਣਿਚ੍ਛਾਸੁ, ਅਥ ਵਾ ‘‘ਸਤਾ’’ਤਿ ਚ ‘‘ਆਵਰੀ’’ਤਿ ਚ ਦ੍ਵੇ ਨਾਮਾਨਿ ਤਸ੍ਸਾ. ‘‘ਸਤਮੂਲੀ ਬਹੁਸੁਤਾ-ਭੀਰੁ ਇਨ੍ਦੀਵਰੀ ਵਰੀ’’ਤਿ [ਅਮਰ ੧੪.੧੦੦] ਹਿ ਵੁਤ੍ਤਂ.

੫੮੬. ਦ੍ਵਯਂ ਅਤਿਵਿਸਾਯਂ. ਮਹਾਵੀਰਿਯਂ ਓਸਧਂ ਮਹੋਸਧਂ. ‘‘ਲਸੁਣੇ ਤਿਵਿਸਾਯਞ੍ਚ, ਸੁਣ੍ਠਿਯਮ੍ਪਿ ਮਹੋਸਧ’’ਨ੍ਤਿ ਰੁਦ੍ਦੋ ¶ . ਅਤੀਵ ਵਿਸਤਿ ਭੇਸਜ੍ਜਪਯੋਗੇਸੂਤਿ ਅਤਿਵਿਸਾ, ਵਿਸਾ, ਅਰੁਣਾ, ਸਿਙ੍ਗੀਪਿ.

‘‘ਅਰੁਣੋ ਕਿਞ੍ਚਿਰਤ੍ਤਕ੍ਕੇ, ਸਞ੍ਝਾਰਾਗੇ ਅਨੂਰੁਕੇ;

ਨਿਸਦ੍ਦੇ ਕਪਿਲੇ ਕੁਟ੍ਠੇ, ਦਬ੍ਬੇਵ ਵਾਚ੍ਚਲਿਙ੍ਗਿਕੋ’’.

‘‘ਅਰੁਣਾਤਿਵਿਸਾਸਾਮਾ, ਮਞ੍ਜਟ੍ਠਾਤਿਵੁਤਾਸੁ ਚ;

ਉਸੀਰੇਤਿਵਿਸਾਯਞ੍ਚ, ਸਿਙ੍ਗਿਮਗ੍ਗੁਰਵਲ੍ਲਭਾ’’ਤਿ.

ਦ੍ਵਯਂ ਸੋਮਰਾਜਿਯਂ. ਵਕ ਆਦਾਨੇ, ਅਚੋ, ਸੋਮਸਮਤਾਯ ਕਾਰਿਤਾ ਵਲ੍ਲਿਕਾ ਸੋਮਵਲ੍ਲਿਕਾ, ਸਕਤ੍ਥੇ ਕੋ, ਕਣ੍ਹਫਲਾ, ਪੂਤਿਫਲਾਪਿ.

ਦ੍ਵਯਂ ਦਾਰੁਹਲਿਦ੍ਦਾਰੁਕ੍ਖੇ. ਦਰ ਵਿਦਾਰਣੇ, ਬੋ, ਰਸ੍ਸ ਬੋ, ਦਾਬ੍ਬੀ, ਦੀਘਾਦਿ, ਨਦਾਦਿ. ਹਲਿਦ੍ਦਵਣ੍ਣਦਾਰੁਤਾਯ ਦਾਰੁਹਲਿਦ੍ਦਾ, ਹਲਿਦ੍ਦਾਪਿ. ਦ੍ਵਯਂ ਬਿਲ਼ਙ੍ਗੇ. ਅਙ੍ਗ, ਰਙ੍ਗ, ਲਙ੍ਗ, ਗਤ੍ਯਤ੍ਥਾ ਦਣ੍ਡਕਾ ਧਾਤੂ, ਅ, ਲ਼ਤ੍ਤਂ, ਬਿਲ਼ਙ੍ਗਂ. ਚਿਤ੍ਰਾਨਿ ਤਣ੍ਡੁਲਾਨਿ ਯਸ੍ਸਾ, ਤਣ੍ਡੁਲੋ, ਕਿਮਿਸਤ੍ਤੁਪਿ.

੫੮੭. ਦ੍ਵਯਂ ਸਮਨ੍ਤਦੁਦ੍ਧਾਯਂ, ਨੁਹ ਉਗ੍ਗਿਰਣੇ, ਨਦਾਦਿ, ਮਹਨ੍ਤਂ ਨਾਮਮਸ੍ਸ. ਸੀਹੁਣ੍ਡੋ, ਵਜਿਰਦੁਮੋ, ਗੁਲ਼ਾਪਿ. ਦ੍ਵਯਂ ਦਕ੍ਖਾਯਂ. ਮੁਦੁਗੁਣਯੋਗਾ ਮੁਦ੍ਦਿਕਾ, ਮਧੁਰਸੋ ਸਾਦੁ, ਤੇਨ ਵੁਤ੍ਤਂ ਵੇਜ੍ਜਗਨ੍ਥੇ ‘‘ਸਾਦੁ ਲਵਣਤਿਤ੍ਤਮ੍ਬਿਲਕਟੁਕਸਾਯਕਾ’’ਇਤਿ, ਤਂਯੋਗਾ ਮਧੁਰਸਾ. ਗੋਤ੍ਥਨੀ, ਦਕ੍ਖਾਪਿ. ਤਿਕਂ ਯਟ੍ਠਿਮਧੁਕਾਯਂ. ਮਧੁਰਸਤਾਯ ਮਧੁਕਂ, ਉਪਮਾਨੇ ਕੋ. ਦਣ੍ਡਾਕਾਰਤ੍ਤਾ ਯਟ੍ਠਿ ਚ ਸਾ ਮਧੁਰਸਤ੍ਤਾ ਮਧੁਕਾ ਚੇਤਿ ਯਟ੍ਠਿਮਧੁਕਾ. ਮਧੁਰਸਭਾਵੇ ਤਿਟ੍ਠਤੀਤਿ ਮਧੁਲਟ੍ਠਿਕਾ, ਰਸ੍ਸ ਲੋ, ਸਕਤ੍ਥੇ ਕੋ ਚ. ‘‘ਮਧੁਯਟ੍ਠਿਕਾ’’ਤਿਪਿ ਪਾਠੋ, ਵੁਤ੍ਤਞ੍ਚ ‘‘ਮਧੁਕਂ ਕ੍ਲੀਤਕਂ ਯਟ੍ਠਿ-ਮਧੁਕਂ ਮਧੁਯਟ੍ਠਿਕਾ’’ਤਿ [ਅਮਰ ੧੪.੧੦੯].

੫੮੮. ਦ੍ਵਯਂ ¶ ਵਾਤਿਙ੍ਗਣੇ. ਵਾਤਹਰਤ੍ਤੇਨ ਗਣੀਯਤੇਤਿ ਵਾਤਿਙ੍ਗਣੋ, ਭਣ੍ਡ ਪਰਿਭਾਸਨੇ, ਣ੍ਵੁ, ਨਦਾਦਿ. ਟਕਾਰਕਰਣੇ ਭਣ੍ਟਾਕੀਪਿ, ਬ੍ਰਹਤਿਯਮ੍ਪਿ ਅਯਂ.

ਵਾਤ੍ਤਾਕੀ ਦੁਪ੍ਪਹਾਸਿਨੀ’’ਤਿ [ਚਿਨ੍ਤਾਮਣਿਟੀਕਾ ੧੪.੧੧੪].

ਰਭਸੋ. ਦ੍ਵਯਂ ਬ੍ਰਹਤਿਯਂ. ਵਾਤ੍ਤਂ ਨਿਰਾਮਯਂ ਕਰੋਤੀਤਿ ਵਾਤ੍ਤਾਕੀ, ਵਾਤਿਙ੍ਗਣੇਪਿ. ਬ੍ਰਹ ਵੁਤ੍ਤਿਯਂ, ਤੋ, ਨਦਾਦਿ.

ਦ੍ਵਯਂ ਗੋਰਕ੍ਖਤਣ੍ਡੁਲੇ, ਵੁਤ੍ਤਞ੍ਚ ਤਨ੍ਤਨ੍ਤਰੇ ‘‘ਗਙ੍ਗੇਰੁਕੀ ਨਾਗਬਲਾ, ਤਥਾ ਗੋਰਕ੍ਖਤਣ੍ਡੁਲਾ’’ਤਿ. ਨਾਗਸ੍ਸ ਬਲਮਿਵ ਬਲਮੇਤਿਸ੍ਸਾ ਰੋਗਹਰਣਤ੍ਤਾ ਨਾਗਬਲਾ, ਝਸ ਹਿਂਸਤ੍ਥੋ, ਅ. ਦ੍ਵਯਂ ਅਗ੍ਗਿਸਿਖਾਯਂ. ਨਙ੍ਗਲਸਦਿਸਮੂਲਤਾਯ ਲਾਙ੍ਗਲੀ, ਨਸ੍ਸ ਲੋ, ਦੀਘੋ ਚ. ‘‘ਨਙ੍ਗਲੀ’’ਤਿਪਿ ਪਾਠੋ, ਸਰਦਕਾਲੇ ਸਞ੍ਜਾਤਤ੍ਤਾ ਸਾਰਦੀ.

੫੮੯. ਤਿਕਂ ਕਦਲਿਯਂ. ਰਮਨ੍ਤਿ ਯਸ੍ਸਂ ਰਮ੍ਭਾ, ਭੋ. ਕਦ ਮਾਰਣੇ, ਅਲੋ, ਨਦਾਦਿ. ਮੁਚ ਮੋਚਨੇ, ਣੋ. ਦ੍ਵਯਂ ਕਪ੍ਪਾਸਿਯਂ ¶ , ਯਸ੍ਸਾ ਫਲਂ ਕਪ੍ਪਾਸਂ ਕਰੋਤਿ ਲੋਕਾਨਮੁਪਕਾਰਨ੍ਤਿ ਕਪ੍ਪਾਸੀ, ਕਰੋਤਿਸ੍ਮਾ ਪਾਸੋ, ਨਦਾਦਿ. ਵਦ ਥੇਰਿਯੇ, ਅਰੋ, ਸਮੁਦ੍ਦਨ੍ਤਾਪਿ.

ਸਮੁਦ੍ਦਨ੍ਤਾ ਤੁ ਕਪ੍ਪਾਸੀ, ਸਿਕ੍ਕਾਦੁਰਾਲਭਾਸੁ ਚ;

ਕਪ੍ਪਾਸੀ ਵਨਸਮ੍ਭਵਾ ਚੇ, ਭਾਰਦ੍ਵਾਜੀਤਿ ਵੁਚ੍ਚਤਿ.

ਦ੍ਵਯਂ ਪਣ੍ਣਲਤਾਯਂ. ਨਾਗਲੋਕੇ ਜਾਤਾ ਲਤਾ ਨਾਗਲਤਾ. ਤਮ੍ਬਵਣ੍ਣਂ ਲਾਤੀਤਿ ਤਮ੍ਬੂਲੀ, ਅਸ੍ਸੂ, ਨਦਾਦਿ. ਤਮ੍ਬੂਲਸ੍ਸ ਅਯਂ ਵਾ ਤਮ੍ਬੂਲੀ. ਤਮ੍ਬੂਲਵਲ੍ਲੀ, ਨਾਗਵਲ੍ਲੀਪਿ, ਤਮ੍ਬੂਲਂ ਨਾਮ ਫਲਪਤ੍ਤਚੁਣ੍ਣਾਦਿਯੋਗਸਮੂਹਾਨਂ ਨਾਮਂ, ਤਦਤ੍ਥਾ ਵਲ੍ਲੀ ਤਮ੍ਬੂਲਵਲ੍ਲੀ, ਨਾਗਲੋਕਸ੍ਸ ਵਲ੍ਲੀ. ਦ੍ਵਯਂ ਧਾਤਕਿਯਂ, ਅਯਂ ਤਮ੍ਬਪੁਪ੍ਫੀ, ਮਜ੍ਜੋਪਯੁਤ੍ਤਾ. ਪੁਪ੍ਫਾ ਸੁਗਨ੍ਧਿਕਾ ਧਾਤਕਿਚ੍ਚੇਵ ਖ੍ਯਾਤਾ. ਅਗ੍ਗਿਜਾਲਸਮਾਨਪੁਪ੍ਫਤਾਯ ਅਗ੍ਗਿਜਾਲਾ. ਅਤਿਸਯਂ ਠਿਤਿਂ ਕਰੋਤੀਤਿ ਧਾਤਕੀ, ਨਦਾਦਿ.

੫੯੦. ਦ੍ਵਯਂ ਸੁਕ੍ਕਤਿਵੁਤਾਯਂ. ਤਿਸ੍ਸੋ ਵੁਤਾ ਤਚਰਾਜਿਯੋ ਯਸ੍ਸਾ ਤਿਵੁਤਾ. ਤਿਸ੍ਸੋ ਪੁਟਾ ਤਚਰਾਜਿਯੋ ਯਸ੍ਸਾ ਤਿਪੁਟਾ. ਸਰਲਾ, ਤਿਭਣ੍ਡੀ, ਰੋਚਨੀਪਿ [ਦੇਵਨੀਪਿ (ਕ.)]. ਦ੍ਵਯਂ ਕਣ੍ਹਤਿਵੁਤਾਯਂ. ਸਾ ਤਨੁਕਰਣੇ, ਵਿਰੇਚਨਕਰਣੇਨ ਕਾਯਂ, ਰੋਗਞ੍ਚ ਸਾਯਤੀਤਿ ਸਾਮਾ.

‘‘ਸਾਮਾ ਤੁ ਮੇਚਕੇ ਵੁਦ੍ਧ-ਦਾਰਕੇ ਹਰਿਤੇ ਨਦਿ;

ਤਿਕਣ੍ਹਤਿਵੁਤਾ ਗੁਨ੍ਦਾ, ਸਾਰਿਵਾਯਮਿਨੀਸੁ ਚੇ’’ਤਿ. –

ਰਭਸੋ, ਕਲ ¶ ਸਙ੍ਖ੍ਯਾਨੇ, ਕਰ ਕਰਣੇ ਵਾ, ਅ, ਕਾਲ਼ਾ. ਥੀ ਕਾਲ਼ਾ ਕਣ੍ਹਤਿਵੁਤਾਯਂ, ਨੀਲੀਯੋਜਨਵਲ੍ਲਿਸੁ. ਮਸੂਰਵਿਦਲਾ, ਅਦ੍ਧਚਨ੍ਦਾ, ਕਾਲ਼ਮੇਸਿਕਾਪਿ.

ਦ੍ਵਯਂ ਕੁਕ੍ਕੁਟਸਿਙ੍ਗਾਯਂ. ਸਿਙ੍ਗਸਦਿਸਪੁਪ੍ਫਤਾਯ ਸਿਙ੍ਗੀ, ਕੁਲ਼ੀਰਸਿਙ੍ਗੀ, ਵਕ੍ਕਙ੍ਗੀਪਿ. ਦ੍ਵਯਂ ਰੇਣੁਕਾਖ੍ਯੇ ਗਨ੍ਧਦਬ੍ਬੇ, ਅਯਂ ਰੇਣੁਕੇਤ੍ਯੇਵ ਵਾਣਿਜਾਦੀਨਂ ਖ੍ਯਾਤਾ. ਅਸ੍ਸਾ ਚ ਮਰੀਚਾਕਤਿ ਫਲਂ. ਰੇਣੁ ਗਤਿਸਦ੍ਦੇਸੁ, ਣੁ, ਕਪਿਲਾ ਵੁਤ੍ਤਾ. ਦ੍ਵਿਜਾ, ਹਰੇਣੂ, ਕੋਨ੍ਤੀ, ਭਸ੍ਮਗਨ੍ਧਨੀਪਿ. ‘‘ਹਰੇਣੁ ਸੋ ਕਲਾਯੇਪਿ, ਰੇਣੁਕਾਯਂ ਥਿਯਂ ਭਵੇ’’ਤਿ [ਚਿਨ੍ਤਾਮਣਿਟੀਕਾ ੧੪.੧੨੦] ਰੁਦ੍ਦੋ.

੫੯੧. ਦ੍ਵਯਂ ਫਾਲਕੇ. ਹਿਰੀਨਾਮਿਕਾਯ ਦੇਵਧੀਤਾਯ ਸਰੀਰਤੋ ਸਞ੍ਜਾਤਤ੍ਤਾ ਹਿਰਿਵੇਰਂ. ਵਾਰੇਤੀਤਿ ਵਾਰਂ, ਵਾਰਿਨਾਮਕਤ੍ਤਾ ਵਾ ਵਾਰਂ, ਲਤ੍ਤੇ ਵਾਲਂ. ਉਦੀਝਂ. ਕੇਸਮ੍ਬੁਨਾਮਮ੍ਪਿ, ਉਦੀਚੀਦੇਸੇ ਭਵਂ ਉਦੀਝਂ, ਕੇਸਸ੍ਸ ਅਮ੍ਬੁਨੋ ਚ ਯਾਨਿ ਨਾਮਾਨਿ, ਤਾਨਿ ਸਬ੍ਬਾਨ੍ਯਸ੍ਸਾਤਿ ਕੇਸਮ੍ਬੁਨਾਮਂ. ਦ੍ਵਯਂ ਬਿਮ੍ਬਿਕਾਯਂ. ਰਤ੍ਤਂ ਪਕ੍ਕਫਲਮਸ੍ਸਾ. ਓਟ੍ਠਵਣ੍ਣਸਮਾਨਫਲਤਾਯ ਬਿਮ੍ਬਿਕਾ, ਅਸ੍ਸਾ ਏਵ ਹਿ ਫਲੇਨੋਟ੍ਠੋ ਉਪਮੀਯਤੇ. ਤੁਣ੍ਡਿਕੇਰੀ, ਪਿਲੁਪਣ੍ਣੀਪਿ.

ਦ੍ਵਯਂ ਸੇਲੇਯ੍ਯੇ, ਤਞ੍ਚ ਪਾਸਾਣਭਵਂ ਸੁਗਨ੍ਧਰਸਦਬ੍ਬਂ ਸੇਲਜਨ੍ਤਿ ਖ੍ਯਾਤਂ. ਸਿਲਾਯਂ ਪਾਸਾਣੇ ਭਵਂ ਸੇਲੇਯ੍ਯਂ, ਣੇਯ੍ਯੋ. ਅਸ੍ਮਨੋ, ਅਸ੍ਮਸ੍ਸ ਵਾ ਪੁਪ੍ਫਂ ਅਸ੍ਮਪੁਪ੍ਫਂ, ਕਾਲ਼ਾਨੁਸਾਰਿਯਮ੍ਪਿ. ਦ੍ਵਯਂ ਏਲਾਯਂ ‘‘ਫਾਲਾ’’ਤਿ ਖ੍ਯਾਤਾਯਂ. ਇਲ ਗਮਨੇ, ਅ, ਇਸ੍ਸੇ. ਬਹਵੋ ਅਤ੍ਥੇ ਲਾਤੀਤਿ ਬਹੁਲਾ, ਬਹੁਰੋਗੇ ਵਾ ਲੁਨਾਤੀਤਿ ਬਹੁਲਾ, ਚਨ੍ਦਵਾਲਾਪਿ.

੫੯੨. ਦ੍ਵਯਂ ¶ ‘‘ਕੁਟ੍ਠ’’ਇਤਿ ਖ੍ਯਾਤੇ ਸੁਗਨ੍ਧਦਬ੍ਬੇ. ਕੁਟ ਚੇਦਨੇ, ਠੋ. ਕੁਯਂ ਪਥਵਿਯਂ ਤਿਟ੍ਠਤੀਤਿ ਵਾ ਕੁਟ੍ਠਂ. ਬ੍ਯਾਧਿਨਾਮਕਤ੍ਤਾ ਬ੍ਯਾਧਿ, ਤਥਾ ਚ ‘‘ਕੋਵੇਰਂ ਭਾਸੁਰਂ ਕੁਟ੍ਠਂ, ਪਾਰਿਭਾਬ੍ਯਂ ਗਦਾਹ੍ਵਯ’’ਨ੍ਤਿ [ਚਿਨ੍ਤਾਮਣਿਟੀਕਾ ੧੪.੧੨੬] ਰਭਸੋ. ਪਾਕਲਂ, ਉਪ੍ਪਲਮ੍ਪਿ. ਦ੍ਵਯਂ ਕੇਵਤ੍ਤੀਮੁਤ੍ਥਕੇ. ਵੁਤ੍ਤਞ੍ਚ –

‘‘ਪਰਿਪੇਲਵਂ ਪ੍ਲਵਂ ਵਨ੍ਯਂ, ਤਂ ਕੁਟਨ੍ਨਟਸਞ੍ਞਕਂ;

ਜਾਯਤੇ ਮਣ੍ਡੂਕਾਕਾਰਂ, ਸੇਵਾਲਦਲਸਞ੍ਚਯੇ’’ਤਿ.

ਵਨੇ ਪਾਨੀਯੇ ਜਾਤਂ ਵਾਨੇਯ੍ਯਂ, ਣੇਯ੍ਯੋ, ਕੇਵਤ੍ਤੀਮੁਤ੍ਥਕੇ ਪਣ੍ਡੋ, ਸੋਣਕੋਸੋ ਕੁਟਨ੍ਨਟੋ. ਕੁਟ ਛੇਦਨੇ, ਨਟ ਅਵਬਨ੍ਧਨੇ, ਨਟ ਨਟ੍ਟਨੇ ਵਾ, ਕੁਟਨ੍ਨਟਨ੍ਤਿ ਸਮੁਦਿਤਨਾਮਂ. ਨਿਗ੍ਗਹੀਤਾਗਮੋ. ਦਾਸਪੁਰਮ੍ਪਿ.

ਫਲਪਾਕਨ੍ਤਲਤਾਦਿ ਜਾਤਿਮਤ੍ਤਮੇਵ ਓਸਧਿ ਨਾਮ, ਨ ਤੁ ਤਿਫਲਕਕ੍ਕੋਲਾਦਿ, ਇਪਚ੍ਚਯੋ, ਬਹੁਵਚਨਨ੍ਤੁ ਅਤ੍ਥਬਹੁਲਤ੍ਤਾ ਏਵ, ਏਕਵਚਨਨ੍ਤੋਪਿ ਦਿਸ੍ਸਤੇ, ਓਸਧਿ ਇਤ੍ਥਿਯਮੇਵ. ਓਸਧਂ ਸਬ੍ਬਮਜਾਤਿਯਂ. ਫਲਪਾਕਨ੍ਤਤ੍ਤਾ ਜਾਤਿਤੋ ਅਞ੍ਞਂ ਯਂ ਕਿਞ੍ਚਿ ਰੋਗਾਪਨਯਨਕਰਂ, ਤਦੋਸਧਮੁਚ੍ਚਤੇ. ਓਸਧਿਜਾਤਿਸਮ੍ਬਨ੍ਧਿਦਬ੍ਬਮ੍ਪਿ ਜਾਤਿਵਤ੍ਤਿਚ੍ਛਾਯਂ ਰੋਗਪਹੀਨਕ੍ਰਿਯਾਹੇਤੁਤ੍ਤਾ ਓਸਧਸਦ੍ਦਵਾਚ੍ਚਨ੍ਤਿ ਪਟਿਪਾਦਨਤ੍ਥਂ ਸਬ੍ਬਗ੍ਗਹਣਂ. ਓਸਧਸਦ੍ਦਤੋ ਜਾਤਿਯਂ ਣੋ. ਕੇਚਿ ਪਨ ‘‘ਓਸਧਿਜਾਤਿਮਤ੍ਤਮੋਸਧਂ ਸਬ੍ਬਮਜਾਤਿਯ’’ਨ੍ਤਿ ਪਾਠਮਵਤ੍ਵਾ ‘‘ਓਸਧਿਜਾਤਿਮਤ੍ਤਂ ਭੇਸਜ੍ਜਂ ਸਬ੍ਬਮਜਾਤਿਯ’’ਨ੍ਤਿ ਪਠਨ੍ਤਿ. ਤਮਿਧ ਓਸਧਿਓਸਧਸਦ੍ਦਾਨਮੇਵ ਏਕਦੇਸਵਿਕਤਿਵਸੇਨ ਵੁਤ੍ਤਾਨਂ ਸਂਸਯਾਪਗਮਨਤ੍ਥਂ ਵਿਸੇਸਸ੍ਸ ਵੁਤ੍ਤਤ੍ਤਾ ਨ ¶ ਗਹੇਤਬ੍ਬਂ, ਅਮਰਕੋਸੇਪਿ ਵੁਤ੍ਤਂ ‘‘ਓਸਧ੍ਯੋ ਜਾਤਿਮਤ੍ਤੇਸੁ, ਅਜਾਤ੍ਯਂ ਸਬ੍ਬਮੋਸਧ’’ਨ੍ਤਿ [ਅਮਰ ੧੪.੧੩੫]. ਤਤ੍ਥ ਸਕਵਾਦੀਪਕ੍ਖੇ ਏਕੋ ਮਕਾਰੋ ਆਗਮਵਸੇਨ ਵੁਤ੍ਤੋ.

੫੯੩. ਮੂਲਾਦਿਕਂ ਦਸਵਿਧਂ ਸਾਕਨ੍ਤਿ ਮਤਂ, ਸਕ੍ਕੋਤਿ ਯੇਨਾਤਿ ਕਤ੍ਵਾ. ਤਤ੍ਰ ਮੂਲਂ ਮੂਲਕਾਦੀਨਂ, ਪਤ੍ਤਂ ਬਾਕੁਚਾਦੀਨਂ, ਕਲੀਰਂ ਵਂਸਾਦੀਨਂ, ਅਗ੍ਗਂ ਵੇਤ੍ਤਾਦੀਨਂ, ਕਨ੍ਦਂ ਨੀਲੁਪ੍ਪਲਾਦੀਨਂ, ਮਿਞ੍ਜਂ ਤਾਲਾਦੀਨਂ, ਫਲਂ ਕੁਮ੍ਭਣ੍ਡਾਦੀਨਂ, ਤਚੋ ਮਾਤੁਲੁਙ੍ਗਾਦੀਨਂ, ਪੁਪ੍ਫਂ ਵਙ੍ਗਸੁਸੇਨਾਦੀਨਂ, ਛਤ੍ਤਂ ਅਹਿਛਤ੍ਤਾਦੀਨਂ.

੫੯੪. ਦ੍ਵਯਂ ਏਲ਼ਗਲੇ. ਪਕਾਰੇਨ ਦਦ੍ਦੁਂ ਪੁਨਾਤੀਤਿ ਪਪੁਨ੍ਨਾਟੋ. ਪੁ ਪਵਨੇ, ਕਿਯਾਦਿ, ਅਟੋ, ਨਿਗ੍ਗਹੀਤਾਗਮੋ. ਏਲ਼ਗਂ ਦਦ੍ਦੁਂ ਲੁਨਾਤੀਤਿ ਏਲ਼ਗਲੋ. ਦਦ੍ਦੁਘੋ, ਚਕ੍ਕਮਦ੍ਦਕੋ, ਉਰਣਾਖ੍ਯੋਪਿ, ਦਦ੍ਦੁਂ ਹਨ੍ਤੀਤਿ ਦਦ੍ਦੁਘੋ, ਹਨਸ੍ਸ ਘੋ. ਚਕ੍ਕਾਕਾਰਤਾਯ ਚਕ੍ਕਂ, ਦਦ੍ਦੁ, ਤਂ ਮਦ੍ਦਯਤੀਤਿ ਚਕ੍ਕਮਦ੍ਦਕੋ. ਉਰਣਾਖ੍ਯੋ ਮੇਸਾਖ੍ਯੋ. ਮਾਰਿਸਾਕਤਿਅਪ੍ਪਪਤ੍ਤਕੋ ਭੂਮਿਲਗ੍ਗਪਤ੍ਤੋ ਤਣ੍ਡੁਲੇਯ੍ਯੋ ਅਪ੍ਪਮਾਰਿਸੋ ਚ ਨਾਮ, ਤਣ੍ਡੁਲਤੋ ਜਾਯਤੀਤਿ ਤਣ੍ਡੁਲੇਯ੍ਯੋ, ਣੇਯ੍ਯੋ. ਅਪ੍ਪਪਤ੍ਤਤਾਯ ਅਪ੍ਪੋ ਚ ਸੋ ਮਾਰਿਸਾਕਤਿਤ੍ਤਾ ਮਾਰਿਸੋ ਚੇਤਿ ਅਪ੍ਪਮਾਰਿਸੋ.

ਦ੍ਵਯਂ ¶ ਜੀਵਨ੍ਤਿਯਂ, ਅਯਂ ਰਤ੍ਤਙ੍ਗਮਾਰਿਸਾਕਤਿ, ਜੀਵਤੋ ਅਨ੍ਤੋ, ਨਦਾਦਿ. ਇਤਰਤੋ ਯੁ, ਨਦਾਦਿ. ਜੀਵਾ, ਜੀਵਨੀਯਾ, ਮਧੁਪਿ. ‘‘ਹੇਂ ਨੁ ਨ੍ਵੇ ਨੀ’’. ਦ੍ਵਯਂ ਜੀਵਕੇ, ਅਯਂ ਅਟ੍ਠਵਗ੍ਗਪਵਿਟ੍ਠੋ. ਅਨੇਨੇਵ ਨਾਮੇਨ ਵਾਣਿਜਾਨਂ ਪਸਿਦ੍ਧੋ. ਮਧੁਰਸਤਾਯ ਮਧੁਰਕੋ, ਜੀਵਾਪੇਤੀਤਿ ਜੀਵਕੋ, ਣ੍ਵੁ.

ਤਨ੍ਤਨ੍ਤਰਂ [ਅਮਰਕੋਸੁਗ੍ਘਾਟਨਟੀਕਾਯਮ੍ਪਿ ਅਪਰਾਦ੍ਧਂ ਚਿਨ੍ਤਾਮਣਿਟੀਕਾਯਮ੍ਪਿ].

੫੯੫. ਦ੍ਵਯਂ ਲਸੁਣੇ. ਯਸ੍ਸ ਮੂਲਂ ਸੇਤਵਣ੍ਣਂ. ਪਲਣ੍ਡੁਕਨ੍ਦਤੋ ਮਹਨ੍ਤਕਨ੍ਦਤਾਯ ਮਹਾਕਨ੍ਦੋ. ਅਮ੍ਬਿਲੇਨੇਕੇਨ ਰਸੇਨ ਊਨਤਾਯ ਲਸੁਣਂ, ਲਤ੍ਤਂ, ਰਸ੍ਸਤ੍ਤਂ, ਣਤ੍ਤਞ੍ਚ, ਲਸ ਕਨ੍ਤਿਯਂ ਵਾ, ਯੁ, ਅਸ੍ਸੁ, ਣਤ੍ਤਂ. ਮਹੋਸਧਂ, ਅਰਿਟ੍ਠਂ, ਰਸੋਨੋਪਿ. ਦ੍ਵਯਂ ਰਤ੍ਤਮੂਲੇ, ਹਰਿਤੇ ਚ. ਪਲਡਿ ਗਨ੍ਧਨੇ, ਉ, ਸੁਨ੍ਦਰੋ ਕਨ੍ਦੋ ਯਸ੍ਸ ਸੁਕਨ੍ਦਕੋ. ਕ੍ਰਣਸ੍ਵਨਨੀ.

ਦ੍ਵਯਂ ਪਟੋਲੇ. ਪਟ ਗਮਨੇ, ਓਲੋ, ਪਟੁਂ ਰਸਂ ਲਾਤੀਤਿ ਵਾ ਪਟੋਲੋ, ਉਸ੍ਸੋ, ਤਿਤ੍ਤਰਸਤਾਯ ਤਿਤ੍ਤਕੋ. ਸਕਤ੍ਥੇ ਕੋ. ਕੁਲਕਂ, ਪਟੁਪਿ. ਦ੍ਵਯਂ ‘‘ਭਿਙ੍ਗਰਾਜ’’ਇਤਿ ਖ੍ਯਾਤੇ ਕੇਸਰਞ੍ਜਨੇ. ਭਿਙ੍ਗੋ ਵੁਚ੍ਚਤਿ ਭਮਰੋ, ਤਬ੍ਬਣ੍ਣਂ ਕਤ੍ਵਾ ਤੇਸਂ ਰਞ੍ਜੇਤੀਤਿ ਭਿਙ੍ਗਰਾਜੋ. ਮੁਚ ਮੋਚਨੇ, ਅਵੋ, ਉਸ੍ਸਾ, ਮਾਕ੍ਕਵੋ.

੫੯੬. ਦ੍ਵਯਂ ¶ ਪੁਨਨ੍ਨਵਾਯਂ, ਵੁਦ੍ਧੋਪਿ ਪੁਨ ਨਵੋ ਭਵਤਿ ਯਾਯ ਯੋਗਿਤਾਯਾਤਿ ਪੁਨਨ੍ਨਵਾ. ਸੋਥਂ ਹਨ੍ਤੀਤਿ ਸੋਥਘਾਤਂ, ਹਨਸ੍ਸ ਘਾਤੋ. ਦ੍ਵਯਂ ਅਨੂਪਜੇ ਸਾਕੇ. ਤੁਦ ਬ੍ਯਥਨੇ, ਭਾਵੇ ਤੋ. ਵਿਗਤਂ ਤੁਨ੍ਨਮੇਤਸ੍ਸ ਖਾਦਨੇ ਵਿਤੁਨ੍ਨਂ. ਸਦ ਵਿਸਰਣਗਤ੍ਯਾਵਸਾਨੇਸੁ, ਤੋ, ਅਨ੍ਨਾਦੇਸੋ, ਸਕਤ੍ਥੇ ਕੋ.

ਦ੍ਵਯਂ ਕਾਰਵੇਲ੍ਲਕੇ. ਤਿਤ੍ਤਰਸਤਾਯ ਕੁਚ੍ਛਿਤਾਕਾਰੇਨ ਲਮ੍ਬਤੀਤਿ ਕਾਰਵੇਲ੍ਲੋ. ਉਸ੍ਸਾਤ੍ਤਂ, ਰਤ੍ਤਂ, ਇਲ੍ਲੋ, ਕੁਪੁਬ੍ਬੋ ਲਵਿ ਅਵਸਂਸਨੇ. ਸਸੁ ਹਿਂਸਾਯਂ, ਅਵੋ, ਨਦਾਦਿ, ਅਸ੍ਸੁ. ‘‘ਹੇ ਖਾ ਲੇ-ਖ੍ਯਾ’’. ਤਿਕਂ ਲਾਬੁਯਂ. ਤੁਮ੍ਬ ਅਦਨੇ, ਤੁਮ੍ਬਤਿ ਹਿਂਸਤਿ ਪਿਤ੍ਤਨ੍ਤਿ ਤੁਮ੍ਬੀ, ਨਦਾਦਿ. ਨਪੁਬ੍ਬੋ ਲਮ੍ਬ ਅਵਸਂਸਨੇ, ਉ, ਮਲੋਪੋ, ਨਸ੍ਸ ਅਤ੍ਤਂ, ਅਲਾਬੁ, ਪਾਣਿਨਿਯਾਨਂ [ਉਣਾਦਿ ੧.੮੭], ਆਪੁਬ੍ਬੋ ਲਮ੍ਬ ਅਵਸਂਸਨੇ, ਆਲਾਬੁ. ਕਾਤਨ੍ਤਿਕਾਨਂ, ਚਨ੍ਦਾਨਞ੍ਚੇਵਂ, ਅਸ੍ਮਾਕਨ੍ਤੁ ਰਸ੍ਸਂ ਕਤ੍ਵਾ ਅਲਾਬੁ, ਅਲੋਪੇ ਲਾਬੁ, ਅਭੇਦੋਪਚਾਰੇਨ ਤੀਣਿਪਿ ਫਲੇਪਿ ਇਤ੍ਥਿਲਿਙ੍ਗਾਨਿ, ਸਾਸਦ੍ਦੋ ਇਤ੍ਥਿ ਲਿਙ੍ਗਤ੍ਥਜੋਤਕੋ.

੫੯੭. ਦ੍ਵਯਂ ਸਮ੍ਪੁਸੇ. ਇਰਂ ਵਾਰਿਂ ਲਾਤਿ ਤਬ੍ਬਾਹੁਲ੍ਯਤੋਤਿ ਏਲ਼ਾਲੁਕਂ. ‘‘ਇਰਾ ਵਾਰਿਸੁਰਾ ਭੂਮਿ-ਭਾਰਤੀਸੁ ਪਯੁਜ੍ਜਤੇ’’ਤਿ ਹਿ ¶ ਨਾਨਤ੍ਥਸਙ੍ਗਹੋ. ਥਿਯਂ, ਉ, ਸਕਤ੍ਥੇ ਕੋ. ਕੁਕ ਆਦਾਨੇ, ਅਰੋ, ਨਦਾਦਿ, ਉਸ੍ਸਤ੍ਤਂ, ਕਂ ਵਾਤਂ, ਕਫਞ੍ਚ ਕਰੋਤੀਤਿ ਕਕ੍ਕਰੀ, ਅਪਰਤ੍ਰ ਫਲੋਪੋ. ਕਕਲ਼ਿਪਿ. ਦ੍ਵਯਂ ਕੁਮ੍ਭਣ੍ਡੇ. ਕੁਮ੍ਭਪ੍ਪਮਾਣਫਲਤਾਯ ਕੁਮ੍ਭਣ੍ਡੋ, ਅਞ੍ਞਤ੍ਥੇ ਣ੍ਡੋ, ਕੁਮ੍ਭੋ ਵਿਯ ਡੇਤੀਤਿ ਵਾ ਕੁਮ੍ਭਣ੍ਡੋ, ਬਿਨ੍ਦਾਗਮੋ, ਕੁਸ ਛੇਦਨੇ ਵਾ, ਅਣ੍ਡੋ, ਸਸ੍ਸ ਭੋ, ਬਿਨ੍ਦਾਗਮੋ, ਕਂ ਵਾਤਂ ਉਮ੍ਭੇਤੀਤਿ ਵਾ ਕੁਮ੍ਭਣ੍ਡੋ, ਅਣ੍ਡੋ. ਵਲ੍ਲ ਸਂਵਰਣੇ, ਇਭੋ, ਮਹਾਫਲਤਾਯ ਸਬ੍ਬਾਸਂ ਵਲ੍ਲਿਜਾਤੀਨਂ ਭਾਤਿ ਦਿਬ੍ਬਤੀਤਿ ਵਾ ਵਲ੍ਲਿਭੋ, ਕਕ੍ਕਾਰੂਪਿ.

ਦ੍ਵਯਂ ਗੋਰਕ੍ਖਕਕ੍ਕਰਿਯਂ. ਇਨ੍ਦਸ੍ਸ ਸਕ੍ਕਸ੍ਸ ਵਾਰੁਣੀ ਸੁਰਾ ਇਨ੍ਦਵਾਰੁਣੀ. ਵਿਸੇਸੇਨ ਸਰਤਿ ਹਿਂਸਤਿ ਕਫਪਿਤ੍ਤਾਦਯੋਤਿ ਵਿਸਾਲਾ. ‘‘ਸਰਮੇਹੋ ਕੁਟ੍ਠਹਰਿ, ਵਿਸਾਲਾ ਕਫਪਿਤ੍ਤਘਾ’’ਤਿ ਹਿ ਦਬ੍ਬਗੁਣੇ. ਵਿਸਰਤਿ ਵਿਰੇਚਤਿ ਏਤਾਯਾਤਿ ਵਾ ਵਿਸਾਲਾ. ਦ੍ਵਯਂ ਅਨੁਪਸਾਕੇ. ਵਸਤਿ ਯਸ੍ਮਿਂ ਖਾਰਗੁਣੋ ਵਤ੍ਥੁ. ਵਸ ਨਿਵਾਸੇ, ਰਤ੍ਥੁ, ਵਸ ਹਿਂਸਾਯਂ ਵਾ, ਵਸਤਿ ਕਫਵਾਤਪਿਤ੍ਤੇਤਿ ਵਤ੍ਥੁ. ਵਤ੍ਥੁਲੇਯ੍ਯਕੋਤਿ ਸਮੁਦਿਤਨਾਮਂ. ਲਯ ਸਾਯ੍ਯੇ, ਲਯਾਪੇਤਿ ਸਬ੍ਬਦੋਸੇਤਿ ਲੇਯ੍ਯਕੋ, ਣ੍ਵੁ, ਅਸ੍ਸੇ, ਵਤ੍ਥੁ ਚ ਸੋ ਲੇਯ੍ਯਕੋ ਚਾਤਿ ਵਤ੍ਥੁਲੇਯ੍ਯਕੋ. ‘‘ਮ੍ौਂ-ਹੇਂ’’.

੫੯੮. ਦ੍ਵਯਂ ਮੂਲਕੇ. ਣ੍ਵੁਮ੍ਹਿ ਮੂਲਕੋ. ਚਚ੍ਚ ਪਰਿਭਾਸਨਤਜ੍ਜਨੇਸੁ, ਉ, ਅਸ੍ਸੁ, ਮੁਂਲਾਪਙ. ਦ੍ਵਯਂ ਕਲਮ੍ਬੁਕੇ. ਤਮੁ ਕਙ੍ਖਾਯਂ, ਣ੍ਵੁ, ਬਨ੍ਤੋ ਚ, ਕੇ ਜਲੇ ਲਮ੍ਬਤੀਤਿ ਕਲਮ੍ਬੁਕੋ, ਣ੍ਵੁ, ਅਸ੍ਸੁ. ਉਪੋਦਿਕਾਪਿ, ਉਦਕਂ ਅਪਗਤਾ ਉਪੋਦਿਕਾ.

ਕਾਸਮਦ੍ਦਝਜ੍ਝਰੀਮਗ੍ਗਵਾਦਯੋ ¶ ਸਾਕਭੇਦਾ ਸਾਕਵਿਸੇਸਾ. ਕਾਸਂ ਮਦ੍ਦਤੀਤਿ ਕਾਸਮਦ੍ਦੋ. ਕਚੋ, ਝਜ੍ਝ ਪਰਿਭਾਸਨਤਜ੍ਜਨੇਸੁ, ਅਰੋ, ਨਦਾਦਿ, ਝਜ੍ਝਰੀ. ਕਨਕਲਾ. ਫਂ ਵਾਤਂ ਗਣ੍ਹਾਤੀਤਿ ਫਗ੍ਗਵੋ, ਹਸ੍ਸ ਵੋ, ਫਗ੍ਗਵੋ, ‘‘ਪ੍ै-ਤੇਂ-ਖਾ’’.

੫੯੯-੬੦੦. ਦ੍ਵਯਂ ਦੁਬ੍ਬਾਯਂ. ਸੁਨ੍ਦਰਂ ਦਲਂ ਪਤ੍ਤਮੇਤਸ੍ਸ ਮਙ੍ਗਲਪਾਠੇਤਿ ਸਦ੍ਦਲੋ, ਸਦ੍ਦਂ ਮਙ੍ਗਲਸਦ੍ਦਂ ਲਾਨ੍ਤਿ ਭਾਸਨ੍ਤਿ ਪਠਨ੍ਤਿ ਬ੍ਰਾਹ੍ਮਣਾ ਯੇਨਾਤਿ ਵਾ ਸਦ੍ਦਲੋ. ਦੁਬ੍ਬੀ ਹਿਂਸਾਯਂ, ਅ, ਅਵਮਙ੍ਗਲਂ ਦੁਬ੍ਬਤੀਤਿ ਦੁਬ੍ਬਾ, ਦੁਨ੍ਨਿਮਿਤ੍ਤਾਦਯੋ ਵਾਰੇਨ੍ਤਿ ਯਾਯਾਤਿ ਵਾਦੁਬ੍ਬਾ, ਨੇਰੁਤ੍ਤੋ. ਸਤਪਬ੍ਬਿਕਾ, ਭਗ੍ਗਵੀ, ਅਨਨ੍ਤਾ, ਰੁਹਾਪਿ. ਸਾ ਦੁਬ੍ਬਾ ਸਿਤਾ ਸੁਕ੍ਕਾ ਚੇ, ਗੋਲੋਮੀ ਨਾਮ, ਗੋਲੋਮਜਤ੍ਤਾ ਗੋਲੋਮੀ. ਸਤਵੀਰਿਯਾ, ਗਣ੍ਡਾਲੀ, ਸਕੁਲਾਕ੍ਖਕੋਪਿ.

ਦ੍ਵਯਂ ਭਦ੍ਦਮੁਤ੍ਤੇ. ਗੁ ਸਦ੍ਦੇ, ਦੋ. ਮੁਚ ਮੋਚਨੇ, ਤੋ, ਰੋਗਹਰਣਤ੍ਤਾ ਭਦ੍ਦਞ੍ਚ ਤਂ ਮੁਤ੍ਤਞ੍ਚੇਤਿ ਭਦ੍ਦਮੁਤ੍ਤਂ, ‘‘ਨ੍ਵਾ-ਮ੍ਯੇ-ਯੇਂ-ਜੀ’’. ਦ੍ਵਯਂ ਉਚ੍ਛੁਮ੍ਹਿ. ਰਸਂ ਲਾਤੀਤਿ ਰਸਾਲੋ, ਦੀਘੋ. ਇਸੁ ਇਚ੍ਛਾਯਂ, ਉ, ਉਸ ਦਾਹੇ ਵਾ, ਉ, ਸਸ੍ਸ ਛੋ, ਪੁਬ੍ਬਤ੍ਰ ਇਸ੍ਸੁ, ਅਸਰੂਪਦ੍ਵਿਤ੍ਤਂ, ਉਚ੍ਛੁ, ਪੁਮੇ.

ਚਤੁਕ੍ਕਂ ¶ ਵਂਸੇ. ਵੀ ਗਮਨੇ, ਲ਼ੁ, ਤਚੋਵ ਸਾਰੋ ਯਸ੍ਸ. ਵੀ ਗਮਨੇ, ਉ, ਨਾਗਮੋ, ਣਤ੍ਤਂ, ਵਨਤਿ ਸਮ੍ਭਤੀਤਿ ਵਂਸੋ. ਵਨ ਸਮ੍ਭਤ੍ਤਿਯਂ, ਸੋ, ਵਸ ਨਿਵਾਸੇ ਵਾ, ਕਰਣੇ ਅ, ਨਿਗ੍ਗਹੀਤਾਗਮੋ. ਸਤਪਬ੍ਬੋ, ਯਵਫਲੋ, ਮਕ੍ਕਰੋ, ਤੇਜਨੋਪਿ, ਮਕ੍ਕਰੋਤਿ ਪਟਿਸੇਵਤਿ ਯੇਨ ਮਕ੍ਕਰੋ, ਸਞ੍ਞਾਯਂ ਅ. ਤਿਕਂ ਪਬ੍ਬੇ. ਪਬ੍ਬ ਪੂਰਣੇ, ਪਬ੍ਬਂ. ਫਲ ਵਿਸਰਣੇ, ਉ, ਲ਼ਤ੍ਤਂ. ਗਨ੍ਥ ਗਨ੍ਥਨੇ, ਇ, ਵਣ੍ਣਵਿਕਾਰੇ ਗਣ੍ਠਿ, ਸੋ ਪੁਮਾ.

ਅਨਿਲਦ੍ਧੁਤਾ ਅਨਿਲੇਨ ਕਮ੍ਪਿਤਾ ਯੇ ਵੇਣੂ ਕੀਟਾਦਿਭਿ ਕਤਰਨ੍ਧਤਾਯ ਨਦਨ੍ਤਿ, ਤੇ ਕੀਚਕਾ ਨਾਮ ਸਿਯੁਂ, ਚਕੀ ਆਮਸਨੇ, ਣ੍ਵੁ, ਪੁਬ੍ਬਾਪਰਬ੍ਯਞ੍ਜਨਾਨਂ ਵਿਪਰਿਯਯੋ, ਕੀਚਕਾ.

੬੦੧. ਦ੍ਵਯਂ ਨਲ਼ੇ. ਨੀ ਨਯੇ, ਅਲੋ, ਲ਼ਤ੍ਤਂ, ਧਮ ਸਦ੍ਦਗ੍ਗਿਸਂਯੋਗੇਸੁ, ਯੁ, ਪੋਟਗਲੋਪ੍ਯਤ੍ਰ. ਦ੍ਵਯਂ ਕਾਸੇ. ਪੁਟਂ ਅਞ੍ਞਮਞ੍ਞਂ ਸਂਸਗ੍ਗਂ ਗਚ੍ਛਤੀਤਿ ਪੋਟਗਲੋ, ਮਸ੍ਸ ਲੋ. ਕਾਸ ਦਿਤ੍ਤਿਯਂ, ਅ, ਅਯਮਨਿਤ੍ਥੀ.

ਦ੍ਵਯਂ ਸਰੇ. ਤਿਜ ਨਿਸਾਨੇ, ਯੁ. ਸਰਨ੍ਤ੍ਯਨੇਨੇਤਿ ਸਰੋ. ਪੁਮੇ ਸਞ੍ਞਾਯਂ ਅ, ਸਰ ਹਿਂਸਾਯਂ ਵਾ. ਗੁਨ੍ਦੋਪ੍ਯਤ੍ਰ. ਬੀਰਣਸ੍ਸ ਸੇਤਕੁਸੁਮਸ੍ਸ ਤਿਣਵਿਸੇਸਸ੍ਸ ਮੂਲਂ ਉਸੀਰਂ ਨਾਮ, ਵਸ ਕਨ੍ਤਿਯਂ, ਉਸ ਦਾਹੇ ਵਾ, ਈਰੋ, ਪੁਬ੍ਬਸ੍ਮਿਂ ਵਸ੍ਸੁ, ਅਭਯਂ, ਨਲਦਂ, ਸੇਬ੍ਯਂ, ਜਲਾਸਯਂ, ਅਮਣਾਲਂ, ਲਾਮਜ੍ਜਕਮ੍ਪਿ.

ਹਰਿਤਕ੍ਯਾਭਯਾ ਪਣ੍ਡੋ, ਉਸੀਰੇ ਨਿਬ੍ਭਯੇ ਤਿਸੁ.

ਜਲਾਸਯੋ ਜਲਾਧਾਰੇ, ਉਸੀਰੇ ਤੁ ਜਲਾਸਯਂ.

੬੦੨. ਤਿਕਂ ¶ ਕੁਸੇ, ਕੁਸ ਛੇਦਨੇ, ਅ, ਵਰਹ ਪਾਧਾਨ੍ਯੇ, ਪਰਿਭਾਸਨਹਿਂ ਸਾਦਾਨੇਸੁ ਚ, ਇਸੋ, ਦੁ ਪਰਿਤਾਪੇ, ਅਬ੍ਭੋ, ਦਬ੍ਭੋ, ਕੁਥੋ, ਪਵਿਤ੍ਰਮ੍ਪਿ.

ਦ੍ਵਯਂ ‘‘ਗਨ੍ਧਖੇਡ’’ਇਤਿ ਖ੍ਯਾਤੇ ਤਿਣੇ, ਵੁਤ੍ਤਞ੍ਚ ‘‘ਭੂਤਿਨਂ ਗਨ੍ਧਖੇਡਞ੍ਚ, ਸੁਗਨ੍ਧਂ ਗੋਮਯਪ੍ਪਿਯ’’ਨ੍ਤਿ. ਅਥ ਰਾਮਕਪ੍ਪੂਰਤੋ ਕੋ ਅਸ੍ਸ ਭੇਦੋ. ਰਾਮਕਪ੍ਪੂਰਂ ਬਹੁਪਕਣ੍ਡਂ ਕਪ੍ਪੂਰਸੁਗਨ੍ਧਂ. ਗਨ੍ਧਖੇਡਨ੍ਤੁ ਇਕਡਸਮਾਨਪਤ੍ਤਂ ਸਾਖਾਸਭਾਵਂ ਭੂਮਿਲਗ੍ਗਂ, ਅਤੋਯੇਵ ਭੂਤਿਨਕਮੁਚ੍ਚਤੇ, ਭੂਮਿਯਂ ਲਗ੍ਗਂ ਤਿਣਂ ਭੂਤਿਨਕਂ, ਨਤ੍ਤਂ, ਸਕਤ੍ਥੇ ਕੋ.

ਦ੍ਵਯਂ ਗਵਾਦੀਨਂ ਮਦਨੀਯੇ ਤਿਣੇ, ਘਸ ਅਦਨੇ, ਣੋ, ਯੁ ਮਿਸ੍ਸਨੇ, ਅਸੋ. ਦ੍ਵਯਂ ਪੂਗਰੁਕ੍ਖੇ. ਪੂਜ ਪੂਜਾਯਂ, ਣੋ, ਪੂਗੋ. ਕਮੁ ਇਚ੍ਛਾਯਂ, ਣ੍ਵੁ. ਘੋਣ੍ਟਾਪਿ, ‘‘ਘੋਣ੍ਟਾ ਬਦਰਪੂਗੇਸੂ’’ਤਿ ਰੁਦ੍ਦੋ.

੬੦੩. ਦ੍ਵਯਂ ਤਾਲੇ. ਤਲ ਪਤਿਟ੍ਠਾਯਂ, ਚੁਰਾਦਿ, ਅ. ਵਾਤਾਦਯੋ ਵਿਭਿਨ੍ਦਤੀਤਿ ਵਿਭੇਦਿਕਾ.

‘‘ਵਾਤਘੋ ਬ੍ਰੂਹਨੋ ਚਾਪਿ, ਕਿਮਿਹਾ ਕੁਟ੍ਠਨਾਸਨੋ;

ਰਤ੍ਤਪਿਤ੍ਤਹਰੋ ਸਾਦੁ, ਤਾਲੋ ਸਤ੍ਤਗੁਣੋ ਮਤੋ’’ਤਿ.

ਹਿ ਦਬ੍ਬਗੁਣੋ. ਤਿਣਰਾਜਾਪਿ. ਦ੍ਵਯਂ ਖਜ੍ਜੂਰਿਯਂ. ਖਜ੍ਜ ਖਜ੍ਜਨੇ, ਬ੍ਯਥਨੇ ਚ, ਊਰੋ, ਨਦਾਦਿ. ਸਿਦ ਮੋਚਨੇ, ਸ੍ਨੇਹਨੇ ਚ, ਇ, ਸਨ੍ਦ ਸਵਨੇ ਵਾ, ਇ, ਉਪਾਨ੍ਤਸ੍ਸਿ ਚ, ਸਿਨ੍ਦਿ.

੬੦੪. ਹਿਨ੍ਤਾਲਾਦਯੋ ¶ ਸਤ੍ਤ ਨਿਸ੍ਸਾਰਤਾਯ ਤਿਣਾਨਿ ਚ ਤਾਨਿ ਮੂਲੇਨ ਜਲਪਾਨਸਾਮਞ੍ਞਤੋ ਪਾਦਪਾ ਚੇਤਿ ਤਿਣਪਾਦਪਾ ਵੁਚ੍ਚਨ੍ਤਿ, ਤਿਣ ਅਦਨੇ, ਪਮਾਣਤੋ ਤਾਲਤੋ ਹੀਨੋ ਹਿਨ੍ਤਾਲੋ, ਪਦਵਿਪਰਿਯਯੋ, ਰਸ੍ਸੋ ਚ. ਨਾਲ਼ਿ ਵਿਯ ਜਾਯਤੀਤਿ ਨਾਲ਼ਿਕੇਰੋ. ਅਞ੍ਞਤ੍ਥੇ ਇਰੋ, ਕੋਨ੍ਤੋ ਚ, ਨਾਲ਼ਿਕੇਰੋ. ਲਾਙ੍ਗਲੀਪਿ. ‘‘ਲਾਙ੍ਗਲੀ ਨਾਲ਼ਿਕੇਰੇ ਚ, ਸਿਰਪਾਣਿਮ੍ਹਿ ਲਾਙ੍ਗਲੀ’’ਤਿ [ਚਿਨ੍ਤਾਮਣਿਟੀਕਾ ੧੪.੧੬੮] ਰਭਸੋ. ਸਣ੍ਠਾਨਤੋ ਤਾਲਸਦਿਸਤਾਯ ਤਾਲ਼ੀ, ਲ਼ਤ੍ਤਂ, ਉਪਮਾਨੇ ਈ, ਤਲ਼ ਆਘਾਤੇ ਵਾ, ਚੁਰਾਦਿ, ਨਦਾਦਿ, ਤਾਲ਼ੀ. ਕਿਤ ਨਿਵਾਸੇ, ਰੋਗਾਪਨਯਨੇ ਚ, ਣ੍ਵੁ, ਨਦਾਦਿਤ੍ਤਾ ਈ, ਕੇਤਕੀ, ਅਯਂ ਨਾਰੀ.

੬੦੫. ਨਵ ਪਬ੍ਬਤਸ੍ਸ ਨਾਮਾਨਿ. ਪਬ੍ਬ ਪੂਰਣੇ, ਤੋ. ਗਿਰ ਨਿਗ੍ਗਿਰਣੇ, ਓਸਧਾਦਯੋ ਨਿਗ੍ਗਿਰਤੀਤਿ ਗਿਰਿ, ਇ. ਸਿਲਾਨਂ ਰਾਸਿ ਸੇਲੋ, ¶ ਸਿਲਾ ਪਚੁਰਾ ਸਨ੍ਤ੍ਯਸ੍ਮਿਂ ਵਾ ਸੇਲੋ, ਸੇਲ ਗਤਿਯਂ ਵਾ, ਅ. ਅਦ੍ਦ ਗਤਿਮ੍ਹਿ ਯਾਚਨੇ ਚ, ਭੂਵਾਦਿ, ਇ, ਅਦ੍ਦ ਹਿਂਸਾਯਂ ਵਾ, ਚੁਰਾਦਿ. ਨ ਗਚ੍ਛਤੀਤਿ ਨਗੋ. ਨ ਚਲਤੀਤਿ ਅਚਲੋ. ਸਿਲਾਨਮੁਚ੍ਚਯੋ ਉਬ੍ਬੇਧੋ, ਥੂਪੋ ਵਾ ਸਿਲੁਚ੍ਚਯੋ. ਸਿਖਰਯੋਗਾ ਸਿਖਰੀ, ਈ, ਤਿਲਕੀਭੂਤੋ. ਭੁਂ ਭੂਮਿਂ ਧਰਤੀਤਿ ਭੂਧਰੋ, ਭੁਯਾ ਧਰੀਯਤੀਤਿ ਵਾ ਭੂਧਰੋ, ਬਾਹੁਲ੍ਯੇਨ ਅ, ਭੂਧਰੋ. ਅਹਾਰਿਯੋ, ਗੋਤ੍ਤੋਪਿ, ਦੇਸਨ੍ਤਰਂ ਨੇਤੁਮਸਕ੍ਯਤ੍ਤਾ ਅਹਾਰਿਯੋ, ਗਵਂ ਭੂਮਿਂ ਧਾਰਣੇਨ ਤਾਯਤੇ ਗੋਤ੍ਤੋ.

ਪਞ੍ਚਕਂ ਸਿਲਾਯਂ. ਅਮ ਗਤਿਯਂ, ਭੋ. ਵਨ, ਸਨ ਸਮ੍ਭਤ੍ਤਿਯਂ, ਪਸਨਤਿ ਬ੍ਯਾਪੇਤੀਤਿ ਪਾਸਾਣੋ, ਨਿਪਾਤਨਾ, ਪਸ ਬਨ੍ਧਨੇ ਵਾ, ਯੁ. ਅਸੁ ਖੇਪਨੇ, ਮੋ, ਅਸ੍ਮਾ, ਰਾਜਾਦਿ, ਅਸੁ ਬ੍ਯਾਪਨੇ ਵਾ. ਪਲ ਰਕ੍ਖਣੇ, ਉਪਲੋ, ਉਪ ਦੇਹੇ ਵਾ, ਅਲਪਚ੍ਚਯੋ ਨਿਪਾਤੋ. ਸਿਲ ਉਚ੍ਚੇ, ਅ. ਸਿਲਾ, ਨਾਰੀ.

੬੦੬. ਗਿਜ੍ਝਕੂਟਾਦਯੋ ਤਿਕੂਟਨ੍ਤਾ ‘‘ਵਙ੍ਕਾਦੀ’’ਤਿ ਏਤ੍ਥ ਆਦਿਨਾ ਮਲਯਦਦ੍ਦੁਰਾਦਯੋ ਚ ਨਗਾ ਨਗਵਿਸੇਸਾ. ਗਿਜ੍ਝਾ ਸਕੁਣਵਿਸੇਸਾ ਅਸ੍ਸ ਕੂਟੇ ਵਸਨ੍ਤਿ, ਗਿਜ੍ਝਸਦਿਸਕੂਟਯੁਤ੍ਤਤਾਯ ਵਾ ਗਿਜ੍ਝਕੂਟੋ. ਵਿਸੇਸੇਨ ਭਾਤੀਤਿ ਵੇਭਾਰੋ, ਅਰੋ. ਪੁਲ ਮਹਤ੍ਤੇ, ਵਿਸੇਸੇਨ ਪੁਲਤੀਤਿ ਵੇਪੁਲ੍ਲੋ. ਇਸਯੋ ਗਿਲਤੀਤਿ ਇਸਿਗਿਲਿ, ਇ. ਆਦਿਚ੍ਚਗਮਨਵਿਰੋਧੇਨ ਵਿਰੁਦ੍ਧਂ ਝਾਯਤੀਤਿ ਵਿਞ੍ਝੋ. ਪਣ੍ਡੁਵਣ੍ਣਤਾਯ ਪਣ੍ਡਵੋ ¶ , ਪਣ੍ਡ ਗਤਿਯਂ ਵਾ, ਅਵੋ. ਕੁਟਿਲਤਾਯ ਵਙ੍ਕੋ. ਦ੍ਵਯਂ ਉਦਯਗਿਰਿਮ੍ਹਿ. ਅਪਰਸੇਲਾਪੇਕ੍ਖਾਯ ਪੁਬ੍ਬਸੇਲੋ. ਉਦਯਨ੍ਤ੍ਯਸ੍ਮਾ ਸੂਰਿਯਾਦਯੋਤਿ ਉਦਯੋ, ਸੂਰਿਯਾਦੀਨਮੁਦਯਯੋਗਤੋ ਵਾ ਉਦਯੋ.

ਤਿਕਂ ਅਤ੍ਥਗਿਰਿਮ੍ਹਿ. ਮਨ੍ਦਯਤਿ ਸੂਰਿਯੋ ਯਸ੍ਮਿਂ ਮਨ੍ਦਰੋ. ਮਨ੍ਦਪ੍ਪਭੋ ਵਾ ਅਰਤਿ ਯਸ੍ਮਿਂ ਸੂਰਿਯੋਤਿ ਮਨ੍ਦਰੋ, ਅਤ੍ਥਂ ਅਨੁਪਲਦ੍ਧਿਂ ਗਹਨਕ੍ਖਤ੍ਤਾਨਂ ਕਰੋਤੀਤ੍ਯਤ੍ਥੋ, ਨਾਮਧਾਤੁਕਾਰਿਤਨ੍ਤਾ ਅ. ਦ੍ਵਯਂ ਹਿਮਵਤਿ ਪਬ੍ਬਤੇ. ਹਿਮਪ੍ਪਚੁਰਤਾਯ ਹਿਮਵਾ, ਹਿਮਂ ਵਾ ਵਮਤੀਤਿ ਹਿਮਵਾ, ਕ੍ਵਿ, ਰਾਜਾਦਿਪਕ੍ਖੇਪਤ੍ਤਾ ਸਿਸ੍ਸਾ. ਹਿਮਯੁਤ੍ਤੋ ਅਚਲੋ ਹਿਮਾਚਲੋ.

੬੦੭. ਅਤ੍ਤਨਿ ਸਞ੍ਜਾਤਗਨ੍ਧਦਬ੍ਬਾਨਂ ਗਨ੍ਧੇਹਿ ਲੋਕੇ ਮਦਯਤਿ, ਮੋਦਯਤੀਤਿ ਵਾ ਗਨ੍ਧਮਾਦਨੋ, ਯੁ. ਕੇਲਾਸੋ ਵੁਤ੍ਤੋ. ਵਿਚਿਤ੍ਤਕੂਟਯੁਤ੍ਤਤਾਯ ਚਿਤ੍ਤਕੂਟੋ. ਸੁਖਂ ਦਸ੍ਸਨਂ ਯਸ੍ਸ, ਯਸ੍ਮਿਂ ਵਾ ਸੁਦਸ੍ਸਨੋ, ਕਾਲ਼ਵਣ੍ਣਕੂਟਤਾਯ ਕਾਲ਼ਕੂਟੋ. ਤੀਣਿ ਕੂਟਾਨ੍ਯਸ੍ਸ ਤਿਕੂਟੋ, ਛਲ਼ੇਤੇਪਿ ਪਬ੍ਬਤਵਿਸੇਸਾ. ਅਸ੍ਸ ਯਥਾਵੁਤ੍ਤਸ੍ਸ ਪਬ੍ਬਤਸ੍ਸ ਪਤ੍ਥੋ ਸਮੋ ਭੂਮਿਭਾਗੋ ਸਾਨੁ ਨਾਮ, ਅਸ੍ਸ ਵਾ ਪਬ੍ਬਤਸ੍ਸ ਸਮਾਯ ਭੂਮਿਯਂ ਪਤ੍ਥੋ ਸਾਨੁ ਚ ਭਵਨ੍ਤੀਤਿ ਅਜ੍ਝਾਹਰਿਤਬ੍ਬਂ. ਪਤਿਟ੍ਠਤੇ ਅਸ੍ਮਿਨ੍ਤਿ ਪਤ੍ਥੋ, ਠਸ੍ਸ ਥੋ. ਸਨ ਸਮ੍ਭਤ੍ਤਿਯਂ, ਣੁ, ਸਮ੍ਭਜੀਯਤੇ ਸੇਵੀਯਤੇਤਿ ਸਾਨੁ, ਦ੍ਵੇਪ੍ਯਨਿਤ੍ਥਿਯਂ.

੬੦੮. ਤਿਕਂ ¶ ਸਿਙ੍ਗਸ੍ਸ ਨਾਮਂ. ਕੁਟ ਦਾਹੇ, ਕਮ੍ਮਨਿ ਣੋ, ਵਾਕਾਰੇਨ ਕੂਟਮ੍ਪਿ. ਸਿਖਂ ਰੁਹਤੀਤਿ ਸਿਖਰਂ. ਨੇਰੁਤ੍ਤੋ. ਸਿਖਂ ਗਚ੍ਛਤੀਤਿ ਸਿਙ੍ਗਂ, ਇਙ੍ਗ ਗਮਨਤ੍ਥੋ, ਖਲੋਪੋ. ਦ੍ਵਯਂ ਪਬ੍ਬਤਾਦੀਨਂ ਪਪਤਨਟ੍ਠਾਨਸ੍ਸ ਨਾਮਂ. ਪਪਤਨ੍ਤ੍ਯਸ੍ਮਾ, ਣੋ. ਪਤ ਅਧੋਗਮਨੇ, ਪਪਾਤੋ. ਤਟ ਸਮੁਸ੍ਸਯੇ, ਤਟੋ.

ਦ੍ਵਯਂ ਪਬ੍ਬਤਨਿਤਮ੍ਬੇ. ਨਿਤਮ੍ਬੋ ਜਘਨੇਪਿ, ਕਟ ਵਸ੍ਸਾਵਰਣੇਸੁ, ਣ੍ਵੁ. ਪਬ੍ਬਤੇ ਪਾਸਾਣਾਦੀਸੁ ਅਮ੍ਬੁਨੋ ਜਲਸ੍ਸ ਪਸਵੋ ਪਸਵਨਂ ਨਿਜ੍ਝਰੋ ਨਾਮ, ਨਿਸ੍ਸਰਣਂ ਨਿਜ੍ਝਰੋ, ਸਸ੍ਸ ਝੋ, ਅਸਰੂਪਦ੍ਵਿਤ੍ਤਂ. ਝਰੋਪਿ.

੬੦੯. ਦ੍ਵਯਂ ਕਿਤ੍ਤਿਮੇ ਅਕਿਤ੍ਤਿਮੇ, ਸਜਲੇ ਨਿਜ੍ਜਲੇ ਵਾ ਕਨ੍ਦਰੇ. ਦਰ ਵਿਦਾਰਣੇ, ਅ, ਈ, ਦਰੀ. ਕਂ ਜਲਵਾਚਕਮਬ੍ਯਯਂ, ਕੇਨ ਦਰੀਯਤੇ ਕਨ੍ਦਰੋ, ਆ, ਕਨ੍ਦਰਾ. ਤਿਕਂ ਦੇਵਖਾਤਬਿਲੇ. ਨਿਲੀਯਨ੍ਤ੍ਯਸ੍ਮਿਂ ਲੇਣਂ, ਲੀ ਸਿਲੇਸਨੇ, ਯੁ. ਗਤਿਂ ਹ੍ਵਯਤਿ ਕੁਟਿਲਯਤੀਤਿ ਗਬ੍ਭਰਂ, ਨਿਪਾਤਨਾ. ਗਬ੍ਭ ਧਾਰਣੇ ਵਾ, ਅਰੋ. ਗੁਹੂ ਸਂਵਰਣੇ, ਅ, ਗੁਹਾ.

ਦ੍ਵਯਂ ਸਿਲਾਮਯਪੋਕ੍ਖਰਣਿਯਂ. ਸੋਡਿ ਗਬ੍ਭੇ, ਈ. ਸੋਣ ਵਣ੍ਣਗਤਿਸਙ੍ਘਾਤੇਸੁ ਵਾ, ਡੋ, ਈ. ਦ੍ਵਯਂ ਪਬ੍ਬਤਾਦੀਨਂ ਗਬ੍ਭਰਦੇਸੇ ਲਤਾਪਲ੍ਲਵਤਿਣਾਦੀਹਿ ਪਿਹਿਤੋਦਰੇ ਗਬ੍ਭਰੇ. ਕੁਞ੍ਜ ਅਬ੍ਯਤ੍ਤਸਦ੍ਦੇ, ਕਰਣੇ, ਣੋ, ਨਿਕੁਞ੍ਜਂ ਨਿਪੁਬ੍ਬੋ. ਦ੍ਵਯਂਪ੍ਯਨਿਤ੍ਥਿਯਂ. ਨਿਕੁਞ੍ਜਵਚਨਂ ਪਕੁਞ੍ਜਾਦਿਨਿਵਤ੍ਤਨਤ੍ਥਂ.

੬੧੦. ਸੇਲਸ੍ਸ ¶ ਪਬ੍ਬਤਸ੍ਸ ਉਦ੍ਧਂਭੂਮਿ ਅਧਿਚ੍ਚਕਾ ਨਾਮ. ਸੇਲਸ੍ਸਾਧੋਭਾਗਾਸਨ੍ਨਭੂਮਿ ਉਪਚ੍ਚਕਾ ਨਾਮ. ਅਤ੍ਰ ਤੇਹਿ ਉਪਾਦਿਸਦ੍ਦੇਹਿ ਚ੍ਚਕੋ ਯਦਾਦਿਨਾ [ਪਾਣਿਨਿ ੫.੨.੩੪].

ਮੂਲਪਬ੍ਬਤਸ੍ਸਨ੍ਤੇ ਪਰਿਵਾਰੇਤ੍ਵਾ ਠਿਤਾ ਖੁਦ੍ਦਪਬ੍ਬਤਾ ਪਾਦਾ ਨਾਮ. ਤਤ੍ਰ ਪਾਦਾਦਿਦ੍ਵਯਂ. ਪਜ੍ਜਤੇ ਗਮ੍ਯਤੇਤਿ, ਣੋ. ਸੇਲਸ੍ਸ ਉਪਨ੍ਤੋ ਸਮੀਪੇ ਪਬ੍ਬਤੋ ਉਪਨ੍ਤਸੇਲੋ.

ਗੇਰਿਕਮਨੋਸਿਲਾਹਰਿਤਾਲਕਟ੍ਠਿਨ੍ਯਾਦਿਕੋਸਬ੍ਬੋ ਏਵ ਸਿਲਾਵਿਕਾਰੋ ‘‘ਧਾਤੂ’’ਤ੍ਯੁਤ੍ਤੋ, ਧਰ ਧਾਰਣੇ, ਤੁ, ਧਾਤੁ.

੬੧੧. ਤਿਕਂ ਸੀਹੇ. ਕੇਸਰੋ ਜਟਾ, ਤਂਯੋਗਾ, ਈ, ਕੇਸਰੀ. ਮਿਗੇ ਹਿਂਸਤੀਤਿ ਸੀਹੋ, ਨਿਪਾਤਨਾ ਵਣ੍ਣਵਿਪਰਿਯਯੋ, ਮਿਗੇ ਹਨ੍ਤੁਂ ਸਂਵਿਜ੍ਜਮਾਨਾ ਈਹਾ ਅਸ੍ਸਾਤਿ ਵਾ ਸੀਹੋ, ਸਹਤੀਤਿ ਵਾ ਸੀਹੋ. ਪਞ੍ਚਸ੍ਸੋ, ਹਰਿਪਿ. ਮੁਖਮਿਵ ਚਰਣਾਪ੍ਯਸ੍ਸ ਕਰਿਕੁਮ੍ਭਦਾਰਣਸਮਤ੍ਥਾਤਿ ਤੇਹਿ ਸਹ ਪਞ੍ਚਸ੍ਸਾਨਿ ¶ ਯਸ੍ਸ. ਹਰਤਿ ਮਿਗੇਤਿ ਹਰਿ, ਇ. ਮਹਾਕੁਕ੍ਕੁਰਪ੍ਪਮਾਣੋ ਕੁਕ੍ਕੁਰਾਕਤਿ ਕਣ੍ਹਲੇਖਾਚਿਤ੍ਤਸਰੀਰੋ ਗੋਮਨੁਸ੍ਸਾਦਿਹਿਂਸਕ੍ਖਮੋ ਰਸ੍ਸਮੁਖੋ ਤਰਚ੍ਛੋ ਨਾਮ, ਸੋ ‘‘ਸੁਨਖਬ੍ਯਗ੍ਘੋ’’ਤਿ ਵੁਚ੍ਚਤਿ. ਤਰ ਤਰਣੇ, ਛੋ, ਮਿਗੇ ਅਦਤੀਤਿ ਮਿਗਾਦਨੋ, ਨਨ੍ਦਾਦੀਹਿ ਯੁ.

ਦ੍ਵਯਂ ਬ੍ਯਗ੍ਘੇ. ਵਿਨਿਹਨ੍ਤ੍ਵਾ ਆਘਾਯਤੀਤਿ ਬ੍ਯਗ੍ਘੋ, ਘਾ ਗਨ੍ਧੋਪਾਦਾਨੇ, ਬ੍ਯਗ੍ਘੋ ਦੀਪਿਨਿਪਿ. ਪੁਂ ਪੁਮਾਨੋ ਦਾਲੇਤੀਤਿ ਪੁਣ੍ਡਰੀਕੋ, ਦਲ ਵਿਦਾਰਣੇ, ਣ੍ਵੁ. ਦਸ੍ਸ ਡੋ, ਲਸ੍ਸ ਰੋ, ਅਸ੍ਸੀ, ਪੁਣ੍ਡਰੀਕੋ.

ਨਾਨਤ੍ਥਸਙ੍ਗਹੇ. ਵਗ੍ਘੋਪਿ. ਦੀਪਿਨਿਵਿਸਯੇ ਸਦ੍ਦੂਲੋ ਈਰਿਤੋ, ਸਰਤੀਤਿ ਸਦ੍ਦੂਲੋ, ਊਲੋ, ਦੋ ਚਨ੍ਤੋ, ਸਦ੍ਦੇਨ ਉਲਤਿ ਗਚ੍ਛਤੀਤਿ ਵਾ ਸਦ੍ਦੂਲੋ. ਦੀਪਂ ਤਚ੍ਚਮ੍ਮਂ, ਤਂਯੋਗਾ ਦੀਪੀ, ਤਸ੍ਮਿਂ ਦੀਪਿਨਿ.

੬੧੨. ਪਞ੍ਚਕਂ ਅਚ੍ਛੇ. ਅਸੁ ਖੇਪਨੇ, ਛੋ. ਇਚ ਥੁਤਿਯਂ, ਅ, ਇਕ੍ਕੋ. ਭਲ੍ਲੁਕੋਪਿ, ਭਲ, ਭਲ੍ਲ ਪਰਿਭਾਸਨਹਿਂਸਾਦਾਨੇਸੁ, ਣ੍ਵੁ, ਅਸ੍ਸੁ, ਈਸ ਗਤਿਹਿਂਸਾਦਾਨੇਸੁ, ਸੋ, ਰਸ੍ਸਾਦਿ. ਅਪਚ੍ਚਯੇ ਇਸੋ.

ਦ੍ਵਯਂ ਰੋਹਿਤੇ. ਲੋਹਿਤਵਣ੍ਣਤਾਯ ਰੋਹਿਸੋ, ਲੋਹਿਤੋ ਚ, ਪੁਬ੍ਬਤ੍ਰ ਤਸ੍ਸ ਸੋ. ਤਿਕਂ ਗੋਕਣ੍ਣੇ. ਗਵਸ੍ਸ ¶ ਕਣ੍ਣੋ ਵਿਯ ਯਸ੍ਸ ਕਣ੍ਣੋਤਿ ਗੋਕਣ੍ਣੋ. ਗਣਯੁਤ੍ਤਤਾਯ ਗਣੀ ਚ ਸੋ ਕਣ੍ਟਕਸਦਿਸਸਿਙ੍ਗਤਾਯ ਕਣ੍ਟਕੋ ਚੇਤਿ ਗਣਿਕਣ੍ਟਕੋ, ਸਮੁਦਿਤਨਾਮਮ੍ਪਿ ਵਦਨ੍ਤਿ. ਗਣਿ ਚ ਕਣ੍ਟਕੋ ਚ ਗਣਿਕਣ੍ਟਕਾਤਿ ਦ੍ਵੇ ਨਾਮਾਨਿਪਿ ਦਟ੍ਠਬ੍ਬਾਨਿ, ਤੇਨੇਵ ਹਿ ‘‘ਗਣਿਕਣ੍ਟਕਾ’’ਤਿ ਬਹੁਵਚਨਨਿਦ੍ਦੇਸੋ ਕਤੋ.

੬੧੩-੬੧੪. ਚਤੁਕ੍ਕਂ ਖਗ੍ਗੇ. ਸਿਙ੍ਗਞ੍ਚ ਖਗ੍ਗਾਖ੍ਯਂ, ਤਂਯੋਗਾ ਖਗ੍ਗੋ. ‘‘ਖਗ੍ਗੋ ਗਣ੍ਡਕਸਿਙ੍ਗਾਸਿ-ਵੁਦ੍ਧਭੇਦੇਸੁ ਗਣ੍ਡਕੇ’’ਤਿ [ਬ੍ਯਾਖ੍ਯਾਸੁਧਾ ੨.੫.੪] ਹਿ ਨਾਨਤ੍ਥਸਙ੍ਗਹੇ. ਖਗ੍ਗਸਦਿਸਂ ਵਿਸਾਣਮਸ੍ਸ ਸਣ੍ਠਾਨਤੋਤਿ ਖਗ੍ਗਵਿਸਾਣੋ, ਣੋ. ਏਤ੍ਥ ਖਗ੍ਗਸਦ੍ਦੋ ਅਸਿਪਰਿਯਾਯੋ. ਪਲਾਸਮਦਤੀਤਿ ਪਲਾਸਾਦੋ. ਗਣ੍ਡ ਵਦਨੇਕਦੇਸੇ, ਣ੍ਵੁ, ਗਣ੍ਡਕੋ.

ਬ੍ਯਗ੍ਘਾਦਿਕੋ ਸਬ੍ਬੋਪਿ ਮਿਗਭੇਦੋ ‘‘ਵਾਲ਼ਮਿਗੋ, ਸਾਪਦੋ’’ਤਿ ਚੋਚ੍ਚਤੇ. ਬ੍ਯਗ੍ਘਸ੍ਸਾਤਿਸਯੇਨ ਮਨੁਸ੍ਸਾਦੀਨਂ ਹਿਂਸਨਤੋ ਦੁਟ੍ਠਤਾ ਪਾਕਟਾਤਿ ਤਪ੍ਪਮੁਖਤਾ ਵੁਤ੍ਤਾ. ਵਲ ਸਂਵਰਣੇ, ਵਲਨ੍ਤ੍ਯਤ੍ਤਾਨਮਸ੍ਮਾਤਿ ਵਾਲ਼ੋ, ਣੋ, ਵਾਲ਼ੋ ਚ ਸੋ ਮਿਗੋ ਚੇਤਿ ਵਾਲ਼ਮਿਗੋ, ਦੁਟ੍ਠਮਿਗੋਤ੍ਯਤ੍ਥੋ. ‘‘ਬ੍ਯਗ੍ਘੋ ਤਂ ਖਾਦਤੂ’’ਤ੍ਯਾਦਿਨਾ ਸਪਨ੍ਤਿ ਯੇਨਾਤਿ ਸਾਪਦੋ, ਸਪ ਅਕ੍ਕੋਸੇ, ਦੋ, ਦੀਘਾਦਿ.

ਪ੍ਲਵਙ੍ਗਨ੍ਤਂ ¶ ਮਕ੍ਕਟੇ. ਪ੍ਲਵੋ ਗਤਿਭੇਦੋ, ਤੇਨ ਗਚ੍ਛਤੀਤਿ ਪ੍ਲਵਙ੍ਗਮੋ, ਪ੍ਲਵਙ੍ਗੋ ਚ. ਮਰ ਪਾਣਚਾਗੇ, ਅਟੋ, ਕੋ ਚਨ੍ਤੋ, ਮਕ੍ਕਟੋ. ਨਰੋ ਇਵ ਵਾਨਰੋ, ਵਾਸਦ੍ਦੋ ਇਵਤ੍ਥੇ, ਨਾਮਾਨਂ ਯੁਤ੍ਤਤ੍ਥਤ੍ਤਾ ਸਮਾਸੋ. ਸਾਖਾਯਂ ਪਸੁਤੋ ਮਿਗੋ ਸਾਖਾਮਿਗੋ. ਗਤ੍ਯਤ੍ਥਤਾਯ ਕ੍ਰਿਯਾਯ ਪਯੋਗਾ. ਕਪਿ ਚਲਨੇ, ਇ, ਕਪਿ. ਵਲੀ ਸਿਥਿਲਂ ਚਮ੍ਮਂ ਮੁਖੇ ਅਸ੍ਸ ਵਲੀਮੁਖੋ. ਕਿਸੋ, ਵਨੋਕੋਪਿ, ਕੁਚ੍ਛਿਤੇਨਾਕਾਰੇਨ ਸੇਤੀਤਿ ਕਿਸੋ, ਉਸ੍ਸਿ. ਵਨਮੋਕਮਾਸਯੋ ਅਸ੍ਸ ਵਨੋਕੋ. ਸੋ ਮਕ੍ਕਟੋ ਚੇ ਕਣ੍ਹਤੁਣ੍ਡੋ ਕਾਲ਼ਮੁਖੋ ਸਿਯਾ, ਤਦਾ ‘‘ਗੋਨਙ੍ਗਲੋ’’ਤਿ ਮਤੋ, ਗੁਨ੍ਨਂ ਨਙ੍ਗਲਸਦਿਸਤਾਯ ਗੋਨਙ੍ਗਲੋ.

੬੧੫. ਪਜ੍ਜਦ੍ਧਂ ਸਿਙ੍ਗਾਲਸ੍ਸ ਨਾਮਂ. ਸਰ ਗਤਿਹਿਂਸਾਚਿਨ੍ਤਾਸੁ, ਅਲੋ. ਸਰਤਿਸ੍ਸ ਸਿਙ੍ਗੋ. ਜਮੁ ਅਦਨੇ, ਣ੍ਵੁ, ਬੋ ਚਨ੍ਤੋ, ਅਸ੍ਸੁ. ਕੁਸ ਅਕ੍ਕੋਸੇ, ਤੁ, ਥੁ ਵਾ. ਭੇਰਵਯੁਤ੍ਤਤਾਯ ਭੇਰਵੋ, ‘‘ਭੇ’’ਇਤਿ ਰਵਤੀਤਿ ਵਾ ਭੇਰਵੋ. ਸਮੁ ਉਪਸਮੇ, ਇਵੋ, ਸਿਵਾ, ਨਾਰੀ, ਸਿ ਸੇਵਾਯਂ ਵਾ, ਵੋ. ਮਿਗਧੁਤ੍ਤੋ, ਵਞ੍ਚਕੋਪਿ, ਮਿਗੇਸੁ ਵਨਪਸੂਸੁ ਧੁਤ੍ਤੋ. ਬ੍ਰਾਹ੍ਮਣਂ ਵਞ੍ਚੇਤੀਤਿ ਵਞ੍ਚਕੋ.

ਤਿਕਂ ਬਿਲ਼ਾਰੇ. ਬਿਲ ਭੇਦਨੇ, ਅਰੋ, ਲ਼ਤ੍ਤਂ. ਬਬ੍ਬ ਗਤਿਯਂ, ਉ. ਮਜ ਸੁਦ੍ਧਿਯਂ, ਆਰੋ, ਨਿਗ੍ਗਹੀਤਾਗਮੋ. ਓਤੁ, ਆਖੁਭੁਜੋਪਿ. ਦ੍ਵਯਂ ਕੋਕੇ, ਅਯਂ ਕੁਕ੍ਕੁਰਪ੍ਪਮਾਣੋ ਕਪਿਲੋ ਹਰਿਣੋ. ਕੁਕ, ਵਕ ਆਦਾਨੇ. ਈਹਾਮਿਗੋਪਿ, ਮਿਗੇ ਈਹਤਿ ਕਙ੍ਖਤੀਤਿ, ਕਮ੍ਮਨਿ ਣੋ.

੬੧੬. ਦ੍ਵਯਂ ¶ ਮਹਿਂਸੇ. ਮਹਿਯਂ ਸੇਤੀਤਿ ਮਹਿਂਸੋ, ਰਸ੍ਸੋ, ਨਿਗ੍ਗਹੀਤਾਗਮੋ ਚ. ਲਲ ਇਚ੍ਛਾਯਂ, ਉਦਕਂ ਲਲਤੀਤਿ ਲੁਲਾਯੋ, ਨਿਪਾਤਨਾ, ਅਯੋ, ਅਸ੍ਸੁ ਚ. ਗੋ ਵਿਯ ਵਜਤਿ ਜਾਯਤੀਤਿ ਗਵਜੋ. ਗੋ ਵਿਯ ਅਯਤੀਤਿ ਗਵਯੋ, ਸਮਾ ਦ੍ਵੇ ਤੁਲ੍ਯਤ੍ਥਾ.

ਦ੍ਵਯਂ ਸਲ੍ਲੇ. ਸਲ੍ਲ ਆਸੁਗਤਿਯਂ, ਅ, ਸਲ੍ਲੋ, ਸਕਤ੍ਥੇ ਕੋ, ਸਲ੍ਲਕੋ ਅਤ੍ਤਨੋ ਸਰੀਰਜਾਤੇਨ ਸਲ੍ਲੇਨ ਸੁਨਖਂ ਸਲਤਿ ਹਿਂਸਤੀਤਿ ਵਾ ਸਲ੍ਲੋ, ਸਲ੍ਲਕੋ ਚ, ਅਯਂ ਸੂਕਰਸਣ੍ਠਾਨੋ, ਸਲਾਕਾਪਾਯੋ ਚ. ਅਸ੍ਸ ਸਲ੍ਲਸ੍ਸ ਲੋਮਮ੍ਹਿ ਸਲਲਂ, ਸਲਞ੍ਚ ਭਵੇ. ਪਲ, ਸਲ, ਪਥ ਗਤਿਯਂ, ਅਲੋ, ਨਦਾਦਿਤ੍ਤੇ ਸਲਲੀ, ਥਿਤ੍ਤਾਭਾਵੇ ਸਲਲਂ, ਅਮ੍ਹਿ ਸਲਂ.

੬੧੭. ਪਞ੍ਚਕਂ ਮਿਗੇ, ਹਰਨ੍ਤ੍ਯਨੇਨ ਹਰਿਣੋ, ਹਰ ਹਰਣੇ ਯੁ. ਣਤ੍ਤਮਿਤ੍ਤਞ੍ਚ. ਮਰ ਪਾਣਚਾਗੇ, ਅ, ਰਸ੍ਸ ਗੋ, ਇਤ੍ਤਞ੍ਚ. ਸੇਨ ਸੁਨਖੇਨ ਰਙ੍ਗਤਿ ਗਚ੍ਛਤਿ ਪਲਾਯਤੀਤਿ ਸਾਰਙ੍ਗੋ. ਦੀਘਾਦਿ, ਮਗੋ, ਮਿਗੋ ਚ ਏਤੇ ਦ੍ਵੇ ਮਿਗਮਤ੍ਤੇਪਿ. ਅਜਿਨਸ੍ਸੋਪਯੁਜ੍ਜਮਾਨਸ੍ਸ ਯੋਨਿ, ਤੇਨ ਭੂਤਸ੍ਸਾਜਿਨਸ੍ਸੁਪ੍ਪਤ੍ਤਿਕਾਰਣਤ੍ਤਾ ਵਾ ਅਜਿਨਯੋਨਿ. ਅਯਮ੍ਪਿ ਮਿਗਮਤ੍ਤੇਪਿ. ਕੁਰਙ੍ਗੋ, ਵਾਤਾਯੁਪਿ. ਕੁਯਂ ਪਥਵਿਯਂ ਰਙ੍ਗਤੀਤਿ ਕੁਰਙ੍ਗੋ. ਵਾਤਮਯਤੀਤਿ ਵਾਤਾਯੁ, ਉ.

ਦ੍ਵਯਂ ¶ ਸੂਕਰੇ. ਸੁਨ੍ਦਰਂ ਫਲਂ ਕਰੋਤੀਤਿ ਸੂਕਰੋ. ਵੁਤ੍ਤਞ੍ਚ ਦਬ੍ਬਗੁਣੇ –

‘‘ਸ੍ਨੇਹਨਂ ਬ੍ਰੂਹਨਂ ਵਸ੍ਸਂ, ਤਥਾ ਵਾਤਸਮਾਪਹਂ;

ਵਾਰਾਹਂ ਪਿਸਿਤਂ ਬਾਲ੍ਯਂ, ਰੋਚਨਂ ਸੇਦਨਂ ਗਰੂ’’ਤਿ [ਦਬ੍ਬਗੁਣਸਙ੍ਗਹ ੨.੧੧-੨].

ਸੁਖਂ ਕਰੋਤੀਤਿ ਵਾ ਸੂਕਰੋ. ਸੁਨ੍ਦਰੋ ਕਰੋ ਯਸ੍ਸ ਵਾ ਸੂਕਰੋ. ਵਰੇ ਆਹਨ੍ਤੀਤਿ ਵਰਾਹੋ, ਵਰੇ ਸਤਿ ਆਹਨ੍ਤਬ੍ਬੋਤਿ ਵਾ ਵਰਾਹੋ, ਕੋਲੋ, ਥਦ੍ਧਲੋਮੋ, ਭੂਦਾਰੋਪਿ. ਦ੍ਵਯਂ ਸਸੇ. ਪੇਲ ਗਤਿਯਂ, ਣ੍ਵੁ. ਸਸ ਪ੍ਲੁਤਗਤਿਯਂ, ਅ.

੬੧੮. ਦ੍ਵਯਂ ਏਣੀਮਿਗੇ. ਏਣਿਯਾ ਮਿਗਿਯਾ, ਏਣਸ੍ਸ ਵਾ ਅਪਚ੍ਚਂ ਏਣੇਯ੍ਯੋ, ਅਯਂ ਚਮ੍ਮਾਦੀਸੁਪਿ ‘‘ਏਣਸ੍ਸ, ਏਣਿਯਾ ਵਾ ਚਮ੍ਮਾਦਿਕੋ ਏਣੇਯ੍ਯੋ’’ਤਿ ਵਚਨਤ੍ਥਂ ਕਤ੍ਵਾ. ਏਣਿਯਾ ਇਤ੍ਥਿਯਾ ਪੁਤ੍ਤੋ ਮਿਗੋ ਏਣੀਮਿਗੋ, ਇ ਗਤਿਯਂ, ਯੁ, ਨਦਾਦਿ, ਅਨਦਾਦਿਤ੍ਤੇ ਏਣੋ, ਏਵਮੇਤੇਪ੍ਯੁਪ੍ਪਾਦਿਤਾ. ਦ੍ਵਯਂ ਪਮ੍ਪਟਕੇ. ਪਟ ਗਮਨੇ, ਣ੍ਵੁ, ਉਪਸਗ੍ਗਨ੍ਤੇ ਬਿਨ੍ਦਾਗਮੋ ਚ. ਪਬ੍ਬ ਗਤਿਯਂ, ਣ੍ਵੁ, ਬਿਨ੍ਦਾਗਮੋ, ਬਲੋਪੋ ਚ.

ਦ੍ਵਯਂ ਵਾਤਮਿਗੇ. ਗਮਨੇਨ ਵਾਤਸਮੋ ਮਿਗੋ ਵਾਤਮਿਗੋ. ਚਲਤਿਸ੍ਮਾ ਯੁ, ਨਦਾਦਿ. ਤਿਕਂ ਮੂਸਿਕੇ. ਮੁਸ ਥੇਯ੍ਯੇ, ਣ੍ਵੁ, ਇਤ੍ਤਞ੍ਚ. ਆਪੁਬ੍ਬੋ ਖਨੁ ਅਵਦਾਰਣੇ, ਉ, ਨਲੋਪੋ. ਉਨ੍ਦ ਪਸਵਨਕ੍ਲੇਦਨੇਸੁ, ਊਰੋ.

੬੧੯. ਚਮਰਾਦਯੋ ¶ , ਸਰਭਾਦਯੋ ਚ ਮਿਗਨ੍ਤਰਾ ਮਿਗਵਿਸੇਸਾ. ਚਮਰੋ ਉਤ੍ਤਰਾਪਥੇ ਖ੍ਯਾਤੋ, ਯਸ੍ਸ ਪੁਚ੍ਛਂ ਚਾਮਰਂ, ਚਮੁ ਅਦਨੇ, ਅਰੋ, ਚਮਰੋ, ਥਿਯਂ ਚਮਰੀ. ਪਸਦੋ ਚਿਤ੍ਤਲੋਮੀ, ਪਸ ਬਨ੍ਧਨੇ, ਅਦੋ. ਕੁਯਂ ਰਙ੍ਗਤੀਤਿ ਕੁਰੁਙ੍ਗੋ, ਅਸ੍ਸੁ, ਉਤ੍ਤਾਭਾਵੇ ਕੁਰਙ੍ਗੋ. ਸਬ੍ਬੇਸਮ੍ਪਿ ਮਿਗਾਨਂ ਮਾਤੁਟ੍ਠਾਨੇ ਤਿਟ੍ਠਤੀਤਿ ਮਿਗਮਾਤੁਕਾ, ਉਪਮਾਨੇ ਕੋ. ਰੁ ਸਦ੍ਦੇ, ਰੁ. ਰੁਣਂ ਕਰੋਤੀਤਿ ਰਙ੍ਕੁ, ਉ, ਣਸ੍ਸ ਲੋਪੋ ਰਕਾਰਸ੍ਸ, ਉਸ੍ਸ ਚ. ਅਤ੍ਤਾਨਂ ਨੀਚਂ ਕਰੋਤੀਤਿ ਨੀਕੋ. ਸਰਤਿਸ੍ਮਾ ਅਭੋ, ਸਰਭੋ. ਅਟ੍ਠਾਪਦੋ ਉਦ੍ਧਂਨਯਨੋ ਸੀਹਸ੍ਸਾਪਿ ਹਨ੍ਤਾ, ਤਸ੍ਸ ਚ ਪਾਦਚਤੁਕ੍ਕਂ ਉਦ੍ਧਂ ਭਵਤੀਤਿ.

੬੨੦. ਪਿਯਕਾਦਯੋ ਤਯੋ, ਆਦਿਨਾ ਕਨ੍ਦਲੀਚੀਨਸਮੂਰੁਆਦਯੋ ਚ ਚਮ੍ਮਯੋਨਯੋ, ਤੇਨ ਭੂਤਸ੍ਸ ਚਮ੍ਮਸ੍ਸ ਉਪ੍ਪਤ੍ਤਿਕਾਰਣਤ੍ਤਾ, ਏਤੇ ਚ ਚਿਤ੍ਰਤਨੁਰੁਹਾਦਯੋ ਕਮ੍ਬੋਜਾਦਿਮ੍ਹਿ, ਉਤ੍ਤਰਾਪਥੇ ਚ ਜਾਯਨ੍ਤਿ, ਤਤ੍ਰੇਵ ਸਨਾਮਖ੍ਯਾਤਾ. ਯਥਾ ਮਿਗਸਦ੍ਦੋ ਵਨ੍ਯਪਸੁਸਾਮਞ੍ਞੇ, ਵਿਸੇਸੇ ਚ ਕੁਰਙ੍ਗਾਖ੍ਯੇ ਵਤ੍ਤਤਿ, ਯਥਾ ਚ ਲੋਹਸਦ੍ਦੋ ਸੁਵਣ੍ਣਾਦਿਕੇ ਤੇਜਸਸਾਮਞ੍ਞੇ, ਵਿਸੇਸੇ ਚ, ਤਥਾ ਚਮ੍ਮਯੋਨਿਅਜਿਨਯੋਨਿਸਦ੍ਦਾਪਿ ਮਿਗਸਾਮਞ੍ਞੇ, ਮਿਗਵਿਸੇਸੇ ਚੇਤਿ ਤਥਾ ਵੁਤ੍ਤਾ.

ਪੀ ਤਪ੍ਪਨਕਨ੍ਤੀਸੁ, ਣ੍ਵੁ, ਇਯਾਦੇਸੋ. ਊਰੁਮ੍ਹਿ ਅਤਿਸਯਚਮ੍ਮਯੁਤ੍ਤਤਾਯ ਚਮੂਰੁ, ਏਕਸ੍ਸ ਮਸ੍ਸ ਲੋਪੋ. ਕਦਿ ਅਵ੍ਹਾਨੇ, ਅਲੋ, ਈ, ਕਦਲੀ ਚ ਸੋ ਮਿਗੋ ਚੇਤਿ ਕਦਲੀਮਿਗੋ.

ਸੀਹਾਦਯੋ ¶ ਯਥਾਵੁਤ੍ਤਾ, ਅਵੁਤ੍ਤਾ ਚ ਸਬ੍ਬੇ ਚਤੁਪ੍ਪਦਾ ਸਤ੍ਤਾ ‘‘ਮਿਗਾ, ਪਸਵੋ’’ਤਿ ਚੋਚ੍ਚਨ੍ਤੇ. ਪਸਵਨ੍ਤੀਤਿ ਪਸਵੋ, ਸੁ ਅਭਿਸਵੇ, ਪਸ ਬਨ੍ਧਨੇ ਵਾ, ਉ.

੬੨੧. ਚਤੁਕ੍ਕਂ ਲੂਤਾਯਂ. ਲੂ ਛੇਦਨੇ, ਤੋ, ਲੂਤਾ, ਸਕਤ੍ਥੇ ਇਕੋ, ਲੂਤਿਕਾ, ਦ੍ਵੇ ਨਾਰਿਯਂ. ਉਣ੍ਣਾਪਾਯੋ ਤਨ੍ਤੁ ਉਣ੍ਣਾ, ਸਾ ਨਾਭਿਯਂ ਅਸ੍ਸ ਉਣ੍ਣਨਾਭਿ, ਰਸ੍ਸੋ. ਮਕ੍ਕਟੋ ਵਿਯ ਸਾਖਾਯਂ ਅਤ੍ਤਨੋ ਤਨ੍ਤੁਮ੍ਹਿ ਗਚ੍ਛਤੀਤਿ ਮਕ੍ਕਟਕੋ.

ਦ੍ਵਯਂ ਗੋਮਯਜਵਿਚ੍ਛਿਕੇ. ਵਿਚ੍ਛ ਗਮਨੇ, ਣ੍ਵੁ, ਵਿਚ੍ਛਿਕੋ, ਸਤਪਦਿਯਮ੍ਪਿ, ਆਲ਼ਂ ਵਿਚ੍ਛਿਕਨਙ੍ਗੁਲਂ, ਤਂਯੋਗਾ ਆਲ਼ਿ. ਦ੍ਵਯਂ ਘਰਗੋਧਾਯਂ. ਸਰਤਿਸ੍ਮਾ ਊ, ਅਵੋ ਚਨ੍ਤੋ. ਘਰਂ ਨਿਸ੍ਸਿਤਾ ਗੋਧਾ ਘਰਗੋਲ਼ਿਕਾ, ਧਸ੍ਸ ਲ਼ੋ, ਸਕਤ੍ਥੇ ਕੋ.

੬੨੨. ਦ੍ਵਯਂ ਗੋਧਾਯਂ. ਗੁਧ ਰੋਸੇ, ਅ, ਗੋਧਾ, ਨਾਰੀ. ਕੁਣ੍ਡ ਦਾਹੇ, ਅ, ਕੁਣ੍ਡੋ. ਦ੍ਵਯਂ ਰਤ੍ਤਪਾਯਂ. ਕਣ੍ਣਸ੍ਸ ਜਲੂਕਾ ਰਤ੍ਤਪਾ ਕਣ੍ਣਜਲੂਕਾ. ਸਤਂ ਪਦਾ ਯਸ੍ਸਾ ਸਤਪਦੀ, ਪਦਸਦ੍ਦੋ ਪਾਦਤ੍ਥੋ.

ਦ੍ਵਯਂ ਕਲਨ੍ਦਕੇ. ਕਨ੍ਦ ਅਵ੍ਹਾਨੇ, ਰੋਦਨੇ ਚ, ਕਨ੍ਦਤੀਤਿ ਕਲਨ੍ਦਕੋ, ਲਮਜ੍ਝੋ, ਣ੍ਵੁ. ਕਾਲ਼ਵਣ੍ਣਤਾਯ ਕਾਲ਼ਕਾ, ਨਾਰਿਯਂ. ਦ੍ਵਯਂ ਨਕੁਲੇ, ਨਤ੍ਥਿ ਕੁਲਂ ਏਤਸ੍ਸ ਸਪ੍ਪੇਸੁ ਨਕੁਲੋ, ਅਰਿਸਪ੍ਪੋਪਿ. ਨਕ੍ਕ ਨਾਸਨੇ ਵਾ, ਉਲੋ, ਕਲੋਪੋ, ਸਪ੍ਪੇ ਨਾਸੇਤੀਤਿ ¶ ਨਕੁਲੋ. ਮਙ੍ਗ ਗਤ੍ਯਤ੍ਥੋ ਦਣ੍ਡਕੋ ਧਾਤੁ, ਉਸੋ.

੬੨੩. ਦ੍ਵਯਂ ਕਕਣ੍ਟਕੇ. ਕੁਚ੍ਛਿਤੋ ਕਣ੍ਟਕੋ ਅਸ੍ਸ, ਉਸ੍ਸਤ੍ਤਂ. ਸਰਤਿ ਧਾਵਤੀਤਿ ਸਰਟੋ, ਅਟੋ.

ਚਤੁਕ੍ਕਂ ਕੀਟੇ. ਕੀਟ ਬਨ੍ਧਨੇ, ਅ, ਕੀਟ ਗਮਨੇ ਵਾ, ਦੀਘਾਦਿ. ਪੁਲ ਮਹਤ੍ਥੇ, ਅਵੋ, ਲ਼ਤ੍ਤਂ. ਕੁਚ੍ਛਿਤਂ ਅਮਤਿ ਗਚ੍ਛਤੀਤਿ ਕਿਮਿ, ਇ, ਅਸ੍ਸਿਤ੍ਤਂ. ਪਕਾਰੇਨ ਅਨਤੀਤਿ ਪਾਣਕੋ, ਣ੍ਵੁ, ਣਤ੍ਤਂ.

ਦ੍ਵਯਂ ਕਣ੍ਟਲੋਮਕੀਟੇ. ਉਚ੍ਚਂ ਠਾਨਂ ਆਲਿਙ੍ਗਤੀਤਿ ਉਚ੍ਚਾਲਿਙ੍ਗੋ. ਬਹੁਲੋਮਯੁਤ੍ਤੋ ਪਾਣਕੋ ਲੋਮਸਪਾਣਕੋ.

੬੨੪-੬੨੫. ਸਾਦ੍ਧਪਜ੍ਜੇਨ ਸਕੁਣਸ੍ਸ ਨਾਮਾਨਿ. ਵਿਹੇ ਆਕਾਸੇ ਗਚ੍ਛਤੀਤਿ ਵਿਹਙ੍ਗੋ, ਵਿਹਙ੍ਗਮੋ ਚ, ਆਕਾਸਪਰਿਯਾਯੋ ਚੇਤ੍ਥ ਵਿਹਸਦ੍ਦੋ, ਵੇਹਾਸਸ੍ਸ ਵਾ ਵਿਹਾਦੇਸੋ. ਪਕ੍ਖਯੁਤ੍ਤਤਾਯ ¶ ਪਕ੍ਖੀ. ਖੇਨ, ਖਸ੍ਮਿਂ ਵਾ ਗਚ੍ਛਤੀਤਿ ਖਗੋ. ਅਣ੍ਡਤੋ ਜਾਤੋ. ਸਕ੍ਕੋਤਿ ਉਦ੍ਧਂ ਗਨ੍ਤੁਨ੍ਤਿ ਸਕੁਣੋ, ਸਕੁਨ੍ਤੋ, ਸਕੁਣੀ ਚ, ਸਕ ਸਤ੍ਤਿਯਂ, ਉਣੋ, ਉਨ੍ਤੋ, ਉਣੀ ਚ. ਪਤਨ੍ਤੋ ਡੇਨ੍ਤੋ, ਪਤ੍ਤੇਨ ਵਾ ਗਚ੍ਛਤੀਤਿ ਪਤਙ੍ਗੋ, ਅਪਰਤ੍ਰ ਤਲੋਪੋ. ਮਾਤੁਕੁਚ੍ਛਿਤੋ, ਅਣ੍ਡਤੋ ਚਾਤਿ ਦ੍ਵਿਕ੍ਖਤ੍ਤੁਂ ਜਾਯਤੀਤਿ ਦ੍ਵਿਜੋ. ਉਡ੍ਡਨਾਦੀਸੁ ਵਕ੍ਕਂ ਕੁਟਿਲਂ ਅਙ੍ਗਂ ਗੀਵਾਦਿਕਂ ਏਤਸ੍ਸ, ਵਕ੍ਕੇਨ ਗਮਨੇਨ ਅਙ੍ਗਤੀਤਿ ਵਾ ਵਕ੍ਕਙ੍ਗੋ. ਪਤ੍ਤੇਨ ਯਾਤਿ, ਤਂ ਵਾ ਯਾਨਂ ਏਤਸ੍ਸ. ਪਤਤਿ ਪਤਨ੍ਤੋ ਵਿਯ ਆਕਾਸਤੋ ਹੋਤੀਤਿ ਪਤਨ੍ਤੋ. ਨੀਲ਼ੇ ਕੁਲਾਵਕੇ ਜਾਯਤੀਤਿ ਨੀਲ਼ਜੋ.

ਵਟ੍ਟਕਾਦਯੋ, ਪੋਕ੍ਖਰਸਾਤਕਾਦਯੋ ਚ ਤਬ੍ਭੇਦਾ ਤੇਸਂ ਸਕੁਣਾਨਂ ਵਿਸੇਸਾ. ਵਟ੍ਟ ਵਟ੍ਟਨੇ, ਣ੍ਵੁ, ਵਟ੍ਟਕਾ ਨਾਰੀ. ਮਯੂਰਪ੍ਪਮਾਣੋ ਤਦਾਕਤਿਚਿਤ੍ਤਪਕ੍ਖੋ ਜੀਵਞ੍ਜੀਵੋ ਦਕ੍ਖਿਣਪਥਾਦੀਸੁ ਜਾਯਤੇ, ‘‘ਜੀਵਜੀਵਾ’’ਤਿ ਸਦ੍ਦਂ ਕਰੋਤੀਤਿ ਜੀਵਞ੍ਜੀਵੋ. ‘‘ਜੀਵਜੀਵੋ’’ਤਿ ਨਿਰਾਨੁਨਾਸਿਕਾਪਿ. ਚਨ੍ਦਿਕਾਯੁਤ੍ਤਰਤ੍ਤਿਪ੍ਪਿਯੋ ਪਕ੍ਖੀ ਚਕੋਰੋ, ਚਕ ਪਰਿਤਕ੍ਕਨੇ, ਉਰੋ, ਉਸ੍ਸੋ, ਚਙ੍ਕੋਰੋਪਿ. ਤਰਤਿਸ੍ਮਾ ਇਰੋ, ਦ੍ਵਿਤ੍ਤਮਿਤ੍ਤਞ੍ਚ, ਤਿਤ੍ਤਿਰੋ.

੬੨੬. ਸਲ ਗਤਿਯਂ, ਣਿਕੋ, ਲ਼ਤ੍ਤਂ, ਸਾਲ਼ਿਕਾ, ਨਾਰੀ. ਕਲਂ ਰਵਤੀਤਿ ਕਰਵੀਕੋ, ਈਕੋ, ਲਲੋਪੋ. ਕਰਵੀਕੋ, ਯਸ੍ਸ ਸਰੋ ਭਗਵਤੋ ਸਰੇਨ ਉਪਮੀਯਤੇ, ਸੋ ਵੁਚ੍ਚਤਿ ‘‘ਕਰਵੀਕੋ’’ਤਿ. ਜਵੇਨ ਰਵਿਨਾ ਸਦਿਸੋ ਹਂਸੋ ਰਵਿਹਂਸੋ. ਕੁਸ ਸਦ੍ਦੇ, ਥਕੋ, ਦ੍ਵਿਤ੍ਤਂ, ਕੁਸਸ੍ਸ ਸਸ੍ਸ ਤੋ, ਕੁਕੁਤ੍ਥਕੋ ¶ . ਕਰਣ੍ਡ ਭਾਜਨਤ੍ਥੇ, ਅਵੋ, ਕਰਣ੍ਡਵੋ, ਜਲਚਰੋ ਪਕ੍ਖੀ. ਬਿਲੁ ਪਤਿਤ੍ਥਮ੍ਭੇ, ਅ, ਅਵਾਦੇਸੋ, ਬਿਲਵੋ, ‘‘ਗਣ੍ਡਪ੍ਲਵੋ’’ਤਿ ਖ੍ਯਾਤੋ ਰਤ੍ਤਪਕ੍ਖੋ ਮਹਾਪਕ੍ਖੀ ਪੋਕ੍ਖਰਸਾਤਕੋ, ਪੋਕ੍ਖਰਸ੍ਸ ਸਞ੍ਞਾ ਯਸ੍ਸ ਪੋਕ੍ਖਰਸਾਤਕੋ, ਞ੍ਞਸ੍ਸ ਤੋ, ਦੀਘੋ ਚ, ਸਮੁਦਿਤਨਾਮਮੇਵ ਵਾ ਤਸ੍ਸ, ਤਦਾ ਸਾਦ ਅਸ੍ਸਾਦਨੇ, ਣ੍ਵੁ, ਦਸ੍ਸ ਤੋ, ਪੋਕ੍ਖਰਸਾਤਕੋ.

੬੨੭. ਸਤ੍ਤਕਂ ਪਕ੍ਖੇ. ਪਤਨ੍ਤਿ ਅਨੇਨਾਤਿ ਪਤਤ੍ਤਂ, ਯਦਾਦਿਨਾ ਤੋ, ਦ੍ਵਿਤ੍ਤਂ. ਉਖ ਗਤਿਯਂ, ਯੁ, ਉਸ੍ਸੇ, ਅਸ੍ਸੁ, ਪੇਖੁਣਂ, ਣਤ੍ਤਂ. ਪਤ ਗਮਨੇ, ਤੋ, ਪਾਤਤੋ ਤਾਯਤੀਤਿ ਵਾ ਪਤ੍ਤਂ. ਪਤ ਗਮਨੇ, ਖੋ, ਤਸ੍ਸ ਕੋ, ਪਕ੍ਖੋ. ਪਤਿਤੁਂ ਇਚ੍ਛਤਿ ਯੇਨ ਪਿਞ੍ਛਂ, ਨੇਰੁਤ੍ਤੋ, ਪਤ ਗਮਨੇ ਵਾ, ਛੋ, ਤਲੋਪੋ, ਬਿਨ੍ਦਾਗਮੋ, ਅਸ੍ਸਿ. ਛਾਦ੍ਯਤੇ ਅਨੇਨ ਛਦੋ. ਗਿਰ ਨਿਗ੍ਗਿਰਣੇ, ਉ, ਇਸ੍ਸਤ੍ਤਂ, ਗਮੁ ਗਮਨੇ ਵਾ, ਉ, ਮਸ੍ਸ ਰੋ.

ਪਕ੍ਖੀਨਂ ਬੀਜੇ ‘‘ਅਉ’’ਇਤਿ ਖ੍ਯਾਤੇ ਅਣ੍ਡਂ, ਕਚ੍ਛਪਾਦੀਨਂ ਬੀਜੇਪਿ, ‘‘ਅਣ੍ਡਂ ਖਗਾਦਿਕੋਸੇ ਚਾ’’ਤਿ ਨਾਨਤ੍ਥਸਙ੍ਗਹੇ. ਅਡਿ ਅਣ੍ਡਤ੍ਥੇ, ਣੋ, ਪੇਸਿ, ਕੋਸੋਪਿ, ਪਿਸ ਅਵਯਵੇ, ਇ, ਪੇਸਿ, ‘‘ਪੇਸਿਯਂ ਪਤ੍ਤਭੇਦੇ ਚ, ਕੋਸੋ ਪੁਮੇਵ ਇਚ੍ਛਿਤੋ’’ਤਿ [ਚਿਨ੍ਤਾਮਣਿਟੀਕਾ ੧੫.੩੭] ਰੁਦ੍ਦੋ. ਦ੍ਵਯਂ ਪਕ੍ਖਿਗੇਹੇ. ਨੀਲ ਵਣ੍ਣੇ, ਅ, ਲ਼ਤ੍ਤਂ, ਨੀ ਨਯੇ ਵਾ, ਇਲੋ. ਕੁਚ੍ਛਿਤਂ ਅਣ੍ਡਵਿਨਾਸਨਾਦਿਕਂ ਲੁਨਾਤੀਤਿ ਕੁਲਾਵਕਂ, ਣ੍ਵੁ.

੬੨੮. ਦ੍ਵਯਂ ਗਰੁਲ਼ਾਨਂ ਮਾਤਰਿ. ਵਿਨੋ ਪਕ੍ਖਿਨੋ ਨਮਨ੍ਤਿ ਯਂ ਵਿਨਤਾ. ਥੀਪੁਮਦ੍ਵਯਂ ਇਤ੍ਥਿਪੁਰਿਸਾਨਂ ਦ੍ਵਯਂ ਮਿਥੁਨਂ ਨਾਮ, ਸਙ੍ਖ੍ਯਾਨਸ੍ਸ ¶ ਸਙ੍ਖ੍ਯੇਯ੍ਯਨਿਸ੍ਸਿਤਤਾਯ ਇਤ੍ਥਿਪੁਰਿਸਾਯੇਵ ਮਿਥੁਨਂ, ਮਿਥ ਸਙ੍ਗਮੇ, ਉਨੋ.

ਛਕ੍ਕਂ ਯੁਗਲ਼ਮਤ੍ਤੇ. ਯੁਜ ਯੋਗੇ, ਅ, ਯੁਗਂ, ਅਲਪਚ੍ਚਯੇ ਯੁਗਲ਼ਂ, ਲ਼ਤ੍ਤਂ, ਯੁਗਲਮ੍ਪਿ. ਉਭ ਪੂਰਣੇ, ਣੋ, ਦ੍ਵਨ੍ਦਾਦੇਸੋ ਚ, ਦ੍ਵਨ੍ਦਂ, ਯਮੁ ਉਪਰਮੇ, ਣ੍ਵੁ, ਅਲੋ ਚ, ਯਮਕਂ, ਯਮਲਞ੍ਚ, ਅਪਚ੍ਚਯੇ ਯਮਂ.

੬੨੯-੬੩੧. ਮਣ੍ਡਲਨ੍ਤਂ ਸਮੂਹੇ. ਸਮ੍ਮਾ, ਵਿਸੇਸੇਨ ਚ ਊਹਤੇ ਪੁਞ੍ਜੀਭੂਤਤ੍ਤਾਤਿ ਸਮੂਹੋ, ਣੋ, ਸਮਂ ਸਹ ਅਵਯਵੇਨ ਊਹਤਿ ਤਿਟ੍ਠਤੀਤਿ ਵਾ ਸਮੂਹੋ. ਗਣ ਸਙ੍ਖ੍ਯਾਨੇ, ਗਣੀਯਤਿ ਅਵਯਵੇਨ ਸਹਾਤਿ ਗਣੋ. ਸਹ ਅਵਯਵੇਨ ਗਚ੍ਛਤੀਤਿ ਸਙ੍ਘਾਤੋ, ਹਨ ਗਮਨੇ, ਣੋ, ਸਹ ਅਵਯਵੇਨ ਉਦਯਤੀਤਿ ਸਮੁਦਾਯੋ, ਦਾਗਮੋ, ਮਜ੍ਝੇ ਦੀਘੋ. ਸਞ੍ਚਿਨੋਤਿ ਅਵਯਵਨ੍ਤਿ ਸਞ੍ਚਯੋ, ਚਿ ਚਯੇ. ਸਹ ਅਵਯਵੇਨ ਦੁਹਯਤੀਤਿ ਸਨ੍ਦੋਹੋ, ਦੁਹ ਪਪੂਰਣੇ. ਨਿਸ੍ਸੇਸਤੋ ਵਹਤਿ ਅਵਯਵਨ੍ਤਿ ਨਿਵਹੋ. ਅਵਯਵਂ ਕਤ੍ਵਾ ਬ੍ਯਪਿਯਤਿ ਗਚ੍ਛਤੀਤਿ ਓਘੋ [ਉਚ੍ਯਤੇ ਓਘੋ ਉਚ ਸਮਵਾਯੇ ਘਉ ਨਿਪਾਤਨਾ ਚਸ੍ਸ ਘੋ (ਚਿਨ੍ਤਾਮਣਿਟੀਕਾ ੧੫.੩੯)]. ਵਿਸਨ੍ਤਿ ਅਵਯਵਾ ਯਸ੍ਮਿਨ੍ਤਿ ਵਿਸਰੋ, ¶ ਅਰੋ. ਅਵਯਵਂ ਸਮੀਪੇ ਕਰੋਤੀਤਿ ਨਿਕਰੋ. ਏਕੇਕਾਪੇਕ੍ਖਾਯ ਅਪ੍ਪਤ੍ਥੇਨ ਕਸਙ੍ਖਾਤਾ ਅਵਯਵਾ ਆਯਨ੍ਤਿ ਯਸ੍ਮਿਂ ਕਾਯੋ, ਅਥ ਵਾ ਕੁਚ੍ਛਿਤਾਨਂ ਕੇਸਾਦੀਨਂ ਆਯੋਤਿ ਕਾਯੋ, ਸੋ ਵਿਯ ਅਵਯਵਾਨਂ ਉਪ੍ਪਤ੍ਤਿਟ੍ਠਾਨਂ ਕਾਯੋਤਿ ਇਧ ਸਮੂਹੋ ਵੁਤ੍ਤੋ. ਅਨ੍ਤਤ੍ਥੇਨ ਖਂਸਙ੍ਖਾਤਂ ਅਵਯਵਂ ਧਾਰੇਤੀਤਿ ਖਨ੍ਧੋ, ਖਾਦਤਿ ਅਵਯਵੇਤਿ ਵਾ ਖਨ੍ਧੋ, ਅਮਜ੍ਝਦੀਘੇ ਸਮੁਦਯੋ. ਘਟ ਘਟਨੇ. ਘਟਨਂ ਰਾਸਿਭਵਨਂ, ਘਟੇਨ੍ਤਿ ਅਸ੍ਸਂ ਅਵਯਵਾਤਿ ਘਟਾ. ਸਹ ਅਵਯਵੇਨ ਏਤੀਤਿ ਸਮਿਤਿ,ਤਿ. ਸਹ ਅਵਯਵੇਨ ਗਚ੍ਛਤੀਤਿ ਸਂਹਤਿ, ਹਨ ਗਤਿਯਂ,ਤਿ, ਨਲੋਪੋ. ਰਸ ਅਸ੍ਸਾਦਨੇ, ਇਣ. ਪੁਞ੍ਜ ਕੁਚ੍ਛਾਯਂ. ਸਹ ਅਵਯਵੇਨ ਬ੍ਯਾਪੇਤ੍ਵਾ ਅਯਤੀਤਿ ਸਮਵਾਯੋ. ਪੂਗੋ ਤਮ੍ਬੂਲੇਪਿ. ਜਨੇਤਿ ਅਵਯਵੇਤਿ ਜਾਤਂ, ਤੋ. ਕਂ ਅਤ੍ਤਾਨਂ ਦੇਤੀਤਿ ਕਦੋ, ਚਕ੍ਖਾਦਿਕੋ ਸਰੀਰਾਵਯਵੋ. ਕਦੋ ਵਿਯ ਕਦੋ, ਅਵਯਵੋ, ਤਂ ਵਕਤਿ ਆਦਦਾਤੀਤਿ ਕਦਮ੍ਬਕਂ. ਵਿਸੇਸੇਨ ਊਹਨ੍ਤ੍ਯਸ੍ਮਿਂ ਅਵਯਵਾ ਬ੍ਯੂਹੋ. ਵਿਤਨੋਤਿ ਅਵਯਵੇਤਿ ਵਿਤਾਨਂ, ਣੋ. ਗੁਪ ਰਕ੍ਖਣੇ, ਬੋ, ਪਸ੍ਸ ਮੋ, ਗੁਮ੍ਬੋ, ਗੁਮ੍ਬਮ੍ਪਿ. ਕਲਂ ਅਵਯਵਭਾਵਂ ਪਾਤਿ ਰਕ੍ਖਤੀਤਿ ਕਲਾਪੋ, ‘‘ਕਲਾ ਸੋਲ਼ਸਮੋ ਭਾਗੋ’’ਤਿ ਹਿ ਵੁਤ੍ਤਤ੍ਤਾ ਕਲਾਸਦ੍ਦੋ ਭਾਗਤ੍ਥੋਪ੍ਯਤ੍ਥੀਤਿ ਞਾਯਤਿ. ਜਲ ਦਿਤ੍ਤਿਯਂ. ਜਲਤਿ ਅਵਯਵੇਨਾਤਿ ਜਾਲਂ. ਅਵਯਵੇਨ ਮਣ੍ਡਤੀਤਿ ਮਣ੍ਡਲਂ, ਮਣ੍ਡ ਵਿਭੂਸਾਯਂ, ਅਲੋ.

੬੩੨. ਸਾਦ੍ਧਪਜ੍ਜੇਨ ਗਣਭੇਦਾ ਵੁਚ੍ਚਨ੍ਤੇ. ਤਤ੍ਰ ਜਾਤ੍ਯਾਦੀਹਿ ਸਮਾਨਾਨਂ ਪਾਣੀਨਂ, ਅਪਾਣੀਨਞ੍ਚ ਗਣੋ ਵਗ੍ਗੋ ਨਾਮ, ਯਥਾ ¶ ‘‘ਬਨ੍ਧੁਵਗ੍ਗੋ, ਕਵਗ੍ਗੋ’’ਚ੍ਚਾਦਯੋ, ਵਜ੍ਜ ਵਜ੍ਜਨੇ, ਵਜ੍ਜੇਤਿ ਅਸਮਾਨਜਾਤ੍ਯਾਦਯੋਤਿ ਵਗ੍ਗੋ, ਣੋ, ਜ੍ਜਸ੍ਸ ਗ੍ਗੋ. ਜਨ੍ਤੂਨਂ ਸਮਾਨਜਾਤਿਯਾਨਂ, ਵਿਜਾਤਿਯਾਨਞ੍ਚ ਗਣੋ ‘‘ਸਙ੍ਘੋ, ਸਤ੍ਥੋ’’ਤਿ ਚੋਚ੍ਚਤੇ, ਯਥਾ ‘‘ਭਿਕ੍ਖੁਸਙ੍ਘੋ, ਵਾਣਿਜਸਤ੍ਥੋ’’ਚ੍ਚਾਦਯੋ. ਸਂਹਞ੍ਞਨ੍ਤੇ ਨਿਬ੍ਬਿਸੇਸੇਨ ਞਾਯਨ੍ਤੇ ਅਵਯਵਾ ਤਸ੍ਮਿਨ੍ਤਿ ਸਙ੍ਘੋ, ਰੋ. ਸਰਨ੍ਤਿ ਵਤ੍ਤਨ੍ਤਿ ਅਵਯਵਾ ਯਸ੍ਮਿਨ੍ਤਿ ਸਤ੍ਥੋ, ਥੋ, ਰਸ੍ਸ ਤੋ.

ਸਜਾਤਿਕਾਨਂ ਸਮਾਨਜਾਤਿਕਾਨਂ ਜਨ੍ਤੂਨਮੇਵ ਗਣੋ ਕੁਲਂ ਨਾਮ, ਯਥਾ ‘‘ਖਤ੍ਤਿਯਕੁਲਂ, ਗੋਕੁਲ’’ਮਿਚ੍ਚਾਦਯੋ. ਕੁਲ ਸਙ੍ਖ੍ਯਾਨੇ, ਬਨ੍ਧੁਮ੍ਹਿ ਚ, ਅ, ਕੁਲਂ. ਸਧਮ੍ਮੀਨਂ ਸਮਾਨਧਮ੍ਮਾਨਮੇਵ ਜਨ੍ਤੂਨਂ ਗਣੋ ਨਿਕਾਯੋ ਨਾਮ, ਯਥਾ ‘‘ਭਿਕ੍ਖੁਨਿਕਾਯੋ’’ਤਿ. ਚਿ ਚਯੇ, ਣੋ, ਨਿਬ੍ਬਿਸੇਸੇਨ ਚਿਨੋਤਿ ਅਵਯਵੇਤਿ ਨਿਕਾਯੋ.

ਸਜਾਤਿਯਤਿਰਚ੍ਛਾਨਾਨਂਯੇਵ ਗਣੋ ‘‘ਯੂਥੋ’’ਤ੍ਯੁਚ੍ਚਤੇ, ਸੋ ਚਾਨਿਤ੍ਥੀ, ਯਥਾ ‘‘ਹਤ੍ਥਿਯੂਥੋ, ਮਿਗਯੂਥ’’ਮਿਚ੍ਚਾਦਯੋ, ਯੁ ਮਿਸ੍ਸਨੇ, ਥੋ, ਦੀਘਾਦਿ, ਯੂਥੋ, ‘‘ਗਣੋ ਪਸੂਨਂ ਸਮਜੋ, ਸਮਾਜੋਞ੍ਞੇਸ’ਮੁਚ੍ਚਤੇ’’ਤਿ [ਅਮਰ ੧੫.੪੨ ਗਾਥਾਯਂ ਪਸ੍ਸਿਤਬ੍ਬਂ] ਇਧਾਨਾਗਤਵਚਨਮ੍ਪਿ ਞਾਤਬ੍ਬਂ.

੬੩੩. ਚਤੁਕ੍ਕਂ ਗਰੁਲ਼ੇ. ਕਨਕਰੁਚਿਰਤ੍ਤਾ ਸੋਭਨੋ ਪਣ੍ਣੋ ਪਕ੍ਖੋ ਯਸ੍ਸ ਸੁਪਣ੍ਣੋ. ਵਿਨਭਾਯ ਨਾਮ ਮਾਤੁਯਾ ਅਪਚ੍ਚਂ ਵੇਨਤੇਯ੍ਯੋ, ਣੇਯ੍ਯੋ. ਗਰਂ ਵਿਸਧਰਂ ਹਨ੍ਤੀਤਿ ਗਰੁਲ਼ੋ, ਣੋ, ਰਨ੍ਤਸ੍ਸੁ, ਹਸ੍ਸ ਚ ਲ਼ਤ੍ਤਂ, ਵਣ੍ਣਵਿਕਾਰੋ, ਗਰੁਡੋ. ¶ ਪਕ੍ਖਿਸੀਹੋ, ਉਲ਼ੂਤੀਸੋ, ਵਜਿਰਤੁਣ੍ਡੋ, ਸੁਧਾਹਰੋ, ਸੁਵਣ੍ਣਪਕ੍ਖੋ, ਭੁਜਗਾਸਨੋਪਿ [ਤਿਕਣ੍ਡਸੇਸ ੧.੧.੪੨].

ਪਿਕਨ੍ਤਂ ਕੋਕਿਲੇ. ਪਰੇਨ ਵਿਜਾਤਿਯੇਨ ਕਾਕੇਨ ਪੋਸਿਤੋਤਿ ਪਰਪੁਟ੍ਠੋ, ਪੁਸ ਪੋਸਨੇ, ਤੋ. ਪਰੇਨ ਭਤੋ ਪੁਟ੍ਠੋ ਪਰਭਤੋ, ਭਰ ਧਾਰਣਪੋਸਨੇਸੁ, ਤੋ. ਕੁਣ ਸਦ੍ਦੋਪਕਰਣੇਸੁ, ਅਲੋ. ਕੁਕ, ਵਕ ਆਦਾਨੇ, ਇਲੋ, ਕੋਕਿਲੋ. ਅਪਿਹਿਤੋ ਕਾਯਤੀਤਿ ਪਿਕੋ, ਅਪਿ ਅਨ੍ਤਰਧਾਨੇ, ਵਣ੍ਣਨਾਸੋ, ਅਪਿਸ੍ਸਾਕਾਰਲੋਪੋ.

੬੩੪. ਅਟ੍ਠਕਂ ਮੋਰੇ. ਮੁਰ ਸਂਵਰਣੇ, ਣੋ. ਮਯ ਗਤਿਯਂ, ਊਰੋ, ਮਹਿਯਂ ਰਵਤੀਤਿ ਵਾ ਮਯੂਰੋ, ਧਾਤੁਸ੍ਸ ਅਤ੍ਥਾਤਿਸਯੇਨ ਯੋਗੋਤਿ ਨੇਰੁਤ੍ਤੋ. ਵਰਹਂ ਸਿਖਣ੍ਡੋ, ਤਂਯੋਗਾ ਵਰਹੀ. ਨੀਲਾ ਗੀਵਾ ਕਣ੍ਠੋ ਯਸ੍ਸ, ਭੁਜਙ੍ਗਭੁਜੋਪਿ.

ਦ੍ਵਯਂ ਮਯੂਰਮਤ੍ਥਕਸਿਖਾਯਂ. ਸਿਖਾ ਅਗ੍ਗਿਜਾਲਾਯਞ੍ਚ, ਪੁਬ੍ਬੇ ਵੁਤ੍ਤਾ.

੬੩੫-੬੩੬. ਚਤੁਕ੍ਕਂ ਮਯੂਰਕਲਾਪੇ. ਸਿਖਣ੍ਡਿਨੋ ਅਯਂ ਸਿਖਣ੍ਡੋ, ਵਰਹ ਪਾਧਾਨ੍ਯੇ, ਪਰਿਭਾਸਨਹਿਂਸਾਦਾਨੇਸੁ ਚ, ਕਰਣੇ ¶ ਅ. ਕੋ ਮਯੂਰੋ ਲਸਤਿ ਯੇਨ ਕਲਾਪੋ, ਣੋ, ਸਸ੍ਸ ਪੋ. ਪੀ ਤਪ੍ਪਨਕਨ੍ਤੀਸੁ, ਛੋ, ਨਿਗ੍ਗਹੀਤਾਗਮੋ, ਰਸ੍ਸੋ ਚ. ਦ੍ਵਯਂ ਮੋਰਸ੍ਸ ਪਿਞ੍ਛਟ੍ਠੇ ਅਕ੍ਖਿਸਣ੍ਠਾਨੇ. ਚਦਿ ਹਿਲਾਦਨੇ, ਦਿਤ੍ਤਿਯਞ੍ਚ, ਣ੍ਵੁ. ਮੇਚਕੋ ਕਣ੍ਹਵਣ੍ਣੇਪਿ ਵੁਤ੍ਤੋ.

ਅਲ਼੍ਯਨ੍ਤਂ ਭਮਰੇ, ਛ ਪਦਾਨਿ ਅਸ੍ਸ. ਮਧੁਂ ਵਤਯਤਿ ਭੁਞ੍ਜਤੇ ਮਧੁਬ੍ਬਤੋ, ਵਤ ਭੋਜਨੇ. ਭਮ ਅਨਵਟ੍ਠਾਨੇ, ਪੁਪ੍ਫਮਤ੍ਥਕੇ ਭਮਤੀਤਿ ਭਮਰੋ, ਅਰੋ. ਅਰ ਗਮਨੇ, ਇ, ਲ਼ਤ੍ਤਂ.

ਚਤੁਕ੍ਕਂ ਗੇਹਵਨਕਪੋਤੇਸੁ. ਪਾਰੇਨ ਸਬਲੇਨ ਆਪਤਤੀਤਿ ਪਾਰਾਪਤੋ, ਪਾਰਵਤੋਪਿ. ਕਪ ਅਚ੍ਛਾਦਨੇ, ਕਮ੍ਪ ਚਲਨੇ ਵਾ. ਓਤੋ, ਪਰਪਕ੍ਖੇ ਮਲੋਪੋ. ਕੁਕ ਆਦਾਨੇ, ਅਟੋ, ਉਸ੍ਸਤ੍ਤਮਸ੍ਸੁਤ੍ਤਞ੍ਚ. ਪਕਾਰੇਨ ਰਵਤੀਤਿ ਪਾਰੇਵਟੋ, ਰੁ ਸਦ੍ਦੇ, ਅਟੋ, ਉਪਸਗ੍ਗਸ੍ਸ ਦੀਘੋ, ਅਸ੍ਸੇ, ਪਾਰੇਵਟੋ, ਪਰੇਵਟੋਪਿ.

ਪਤ੍ਤੀ ਸੇਨੋ ਸਸਾਦਨੋ’’ਤਿ [ਚਿਨ੍ਤਾਮਣਿਟੀਕਾ ੧੫.੧੪]. –

੬੩੭. ਦ੍ਵਯਂ ਗਿਜ੍ਝੇ. ਗਿਧ ਅਭਿਕਙ੍ਖਾਯਂ, ਯੋ, ਝਸ੍ਸ ਝੋ, ਅਸਰੂਪਦ੍ਵਿਤ੍ਤਂ, ਝਪਚ੍ਚਯੇਨ ਵਾ ਸਿਦ੍ਧਂ, ਤਥਾ ਧਸ੍ਸ ਜੋ. ਗਿਧਤਿਸ੍ਮਾ ਅ, ਨਿਗ੍ਗਹੀਤਾਗਮੋ, ਇਸ੍ਸਤ੍ਤਂ, ਗਨ੍ਧੋ. ਤਿਕਂ ਸੇਨਸਾਮਞ੍ਞੇ. ਕੁਕ੍ਕੁਟਾਦੀਨਂ ਕੁਲਂ ਲੁਨਾਤਿ ਛਿਨ੍ਦਤੀਤਿ ਕੁਲਲੋ, ਕੁਲ ਸਨ੍ਤਾਨੇ ¶ ਵਾ, ਅਲੋ. ਸੇ ਗਮਨੇ, ਨੋ. ਸਤ੍ਤਾਨਂ ਹਿਂਸਨਤੋ ਬ੍ਯਗ੍ਘੋ ਵਿਯ ਬ੍ਯਗ੍ਘਿ, ਸਤ੍ਤੇ ਨਾਸੇਤੀਤਿ ਨਾਸੋ. ਬ੍ਯਗ੍ਘਿ ਏਵ ਨਾਸੋਤਿ ਸਮੁਦਿਤਨਾਮਂ.

ਸਕੁਣਗ੍ਘਾਦਯੋ ਤਯੋ ਤਬ੍ਭੇਦਾ ਤਸ੍ਸ ਸੇਨਸ੍ਸ ਵਿਸੇਸਾ. ਸਕੁਣਂ ਹਨ੍ਤੀਤਿ ਸਕੁਣਗ੍ਘਿ, ਸਿਨ?. ਅਟ ਗਮਨੇ, ਣੋ. ਆਟੋ. ਦਬ੍ਬਿਸਦਿਸਂ ਤੁਣ੍ਡਂ ਯਸ੍ਸ ਦ੍ਵਿਜਸ੍ਸ ਸੋ ਦਬ੍ਬਿਮੁਖਦ੍ਵਿਜੋ. ‘‘ਦਬ੍ਬਿਮੁਖਦ੍ਵਿਜੋ ਆਟੋ ਨਾਮਾ’’ਤਿਪ੍ਯੇਕੋ ਅਤ੍ਥੋ, ਤਦਾ ਦ੍ਵੇਯੇਵ ਸੇਨਭੇਦਾ.

੬੩੮. ਚਤੁਕ੍ਕਂ ਉਲੂਕੇ. ‘‘ਉਹੁ’’ਨ੍ਤਿ ਸਦ੍ਦਂ ਕਰੋਤੀਤਿ ਉਹੁਙ੍ਕਾਰੋ. ‘‘ਉਦ੍ਧਂ ਕਣ੍ਣਾ ਯਸ੍ਸ ਉਦ੍ਧਂਕਣ੍ਣੋ’’ਤਿ ਸਮ੍ਪਤ੍ਤੇ ਨਿਰੁਤ੍ਤਿਨਯੇਨ ਉਲੂਕੋ [ਉਲਭਿਨੇਤ੍ਤੇਥਿ ਦਹਤ੍ਯੁਲੂਕੋ, ਉਦ੍ਧੋਲੋਕਨਾ ਇਤਿ ਨਿਰੁਤ੍ਤਮ (ਅਮਰਕੋਸੁਗ੍ਘਾਟਨਟੀਕਾ ੧੫.੧੫)], ਉਚਤਿ ਸਮਵੇਤਿ ਕੋਟਰਨ੍ਤਿ ਵਾ ਨਿਪਾਤਨਾ. ਕੁਸ ਅਕ੍ਕੋਸੇ, ਯਸ੍ਸ ਅਮਨਾਪਤਾਯ ਸਦ੍ਦੇਨ ਲੋਕਾ ਕੋਸਨ੍ਤਿ, ਸੋ ਕੋਸਿਯੋ, ਕੋਸਿਤਬ੍ਬੋਤਿ ਕਤ੍ਵਾ, ਕੋਟਰੇ ਵਸਤੀਤਿ ਵਾ ਕੋਸਿਯੋ, ਨੇਰੁਤ੍ਤੋ, ਵਾਯਸਾਨਂ ਕਾਕਾਨਂ ਅਰਿ ਸਤ੍ਤੁ, ਸਕ੍ਕਹ੍ਵਯੋ, ਦਿਵਾਨ੍ਧੋ ਵਕ੍ਕਨਾਸਿਕੋ, ਹਰਿਨੇਤ੍ਤੋ, ਦਿਵਾਭੀਤੋ, ਕਾਕਭੀਰੂ, ਰਤ੍ਤਿਚਾਰੀਪਿ.

ਵਾਯਸਨ੍ਤਂ ਕਾਕੇ. ‘‘ਕਾ’’ਇਤਿ ਸਦ੍ਦਂ ਕਾਯਤੀਤਿ ਕਾਕੋ. ਰਿਟ੍ਠਂ ਮਰਣਲਕ੍ਖਣਂ, ਤਦਸ੍ਸ ਨਤ੍ਥਿ ਅਰਿਟ੍ਠੋ. ਧਙ੍ਕ ਘੋਰਵਾਸਿਤੇ, ਅ. ਬਲਿਨਾ ਪੁਟ੍ਠੋ ਭਤੋ. ਵਯ ਗਮਨੇ, ਵਯੋ ਏਵ ਵਾਯਸੋ, ਸਕਤ੍ਥੇ ਸੋ, ਸਕਿਂਪਜੋ, ਅਤ੍ਤਘੋਸੋ, ਪਰਭਰੋ, ਬਲਿਭੁਜੋ, ਗੁਲ਼੍ਹਮੇਥੁਨੋਪਿ. ਸਕਿਂ ਏਕਵਾਰਂਪਜਾ ¶ ਪਸੂਤਿ ਯਸ੍ਸ. ‘‘ਕਾਕ’’ਇਚ੍ਚਤ੍ਤਾਨਂ ਘੋਸਯਤਿ. ਵਿਜਾਤਿਯਂ ਕੋਕਿਲਂ ਭਰਤਿ.

੬੩੯. ਕਾਕੋ ਵਿਯ ਉਲਤਿ ਗਚ੍ਛਤੀਤਿ ਕਾਕੋਲ਼ੋ, ਲ਼ਤ੍ਤਂ. ਦੋਣਕਾਕੋ, ਦਦ੍ਧਕਾਕੋਪਿ. ਦ੍ਵਯਂ ‘‘ਬੀ-ਲ੍ौਂ’’ਇਤਿ ਖ੍ਯਾਤੇ ਸਕੁਣੇ. ਲੂ ਛੇਦਨੇ, ਣੋ, ਵਸ੍ਸ ਪੋ, ਲਾਪੋ, ਲਾਵੋਪਿ. ਲੇਡ੍ਡੁ ਵਿਯ ਅਕਤੀਤਿ ਲਟੁਕਿਕਾ [ਲੇਡ੍ਡੁਕਿਕਾ (ਕ.)], ਣ੍ਵੁ.

ਤਿਕਂ ਹਤ੍ਥਿਲਿਙ੍ਗਸਕੁਣੇ. ਵਾਰਣਸਦਿਸਤ੍ਤਾ ਵਾਰਣੋ. ਹਤ੍ਥਿਨੋ ਲਿਙ੍ਗਂ ਞਾਪਕਂ ਸੋਣ੍ਡਂ ਯਸ੍ਮਿਂ ਵਿਜ੍ਜਤੀਤਿ ਹਤ੍ਥਿਲਿਙ੍ਗੋ. ਹਤ੍ਥਿਸੋਣ੍ਡਂ ਯਸ੍ਮਿਂ ਵਿਜ੍ਜਤਿ, ਸੋ ਹਤ੍ਥਿਸੋਣ੍ਡੋ ਚ ਵਿਹਙ੍ਗਮੋ ਚੇਤਿ ਹਤ੍ਥਿਸੋਣ੍ਡਵਿਹਙ੍ਗਮੋ.

੬੪੦. ਦ੍ਵਯਂ ਉਕ੍ਕੁਸੇ. ਉਚ੍ਚਂ ਕੋਸਤੀਤਿ ਉਕ੍ਕੁਸੋ, ਕੁਸ ਸਦ੍ਦੇ, ਅ. ਕੁਰ ਸਦ੍ਦੇ, ਅਰੋ, ਥਿਯਂ ਕੁਰਰੀ. ਕੋਲਟ੍ਠਿਪਕ੍ਖਿਮ੍ਹਿ ‘‘ਉਭੁਤ’’ਇਤਿ ਖ੍ਯਾਤੇ ਪਕ੍ਖਿਮ੍ਹਿ ਕੁਕ੍ਕੁਹੋ. ਕੋਲਟ੍ਠਿਅਜ੍ਝੋਹਾਰਕੋ ਪਕ੍ਖੀ ਕੋਲਟ੍ਠਿਪਕ੍ਖੀ. ‘‘ਕੁਕ੍ਕੁ’’ਇਤਿ ਸਦ੍ਦਾਯਤੀਤਿ ਕੁਕ੍ਕੁਹੋ, ਹੋ, ਕੁਕ ਅਵ੍ਹਾਨੇ ਵਾ, ਉਹੋ.

ਤਿਕਂ ਸੁਵੇ. ਸੁ ਸਵਨੇ. ਮਨੁਸ੍ਸਸਦ੍ਦਮ੍ਪਿ ਸੁਣਾਤੀਤਿ ਸੁਵੋ, ਅ, ਉਵਾਦੇਸੋ. ‘‘ਕੀ’’ਇਤਿ ਸਦ੍ਦਂ ਕਰੋਤੀਤਿ ਕੀਰੋ. ਕਰੋਤਿ ਮਨੁਸ੍ਸਸਦ੍ਦਨ੍ਤਿ ਵਾ ਕੀਰੋ. ਅ, ਅਸ੍ਸੀ. ਸੁਕ ਗਤਿਯਂ, ਸੁਨ੍ਦਰਂ ¶ , ਸੁਟ੍ਠੁ ਵਾ ਮਨੁਸ੍ਸਸਦ੍ਦਂ ਕਾਯਤੀਤਿ ਸੁਕੋ. ਦ੍ਵਯਂ ਕੁਕ੍ਕੁਟਮਤ੍ਤੇ. ਤਮ੍ਬਾ ਚੂਲ਼ਾ ਯਸ੍ਸ. ਕੁਕ੍ਕੁਟਤੀਤਿ ਕੁਕ੍ਕੁਟੋ, ਕੁਕ, ਵਕ ਆਦਾਨੇ ਵਾ, ਅਟੋ.

੬੪੧. ਦ੍ਵਯਂ ਨਿਜ੍ਜਿਵ੍ਹੇ. ਨਤ੍ਥਿ ਜਿਵ੍ਹਾ ਯਸ੍ਸ ਨਿਜ੍ਜਿਵ੍ਹੋ. ਦ੍ਵਯਂ ਕੋਞ੍ਚਾਸਕੁਣੇ. ਇਤ੍ਥਿਲਿਙ੍ਗੇਨ ਮਿਥੁਨਾਨਂ ਨਾਮਾਨਿ. ਕੋਞ੍ਚ ਕੋਟਿਲ੍ਯਪ੍ਪੀਭਾਵੇਸੁ, ਅ, ਕੋਞ੍ਚਾ. ਕਨ੍ਤ ਛੇਦਨੇ, ਯੁ, ਨਦਾਦਿ, ਅਸ੍ਸੁ. ਕੁਣ੍ਡਨੀਪਿ, ਕੁਣ੍ਡ ਦਾਹੇ.

ਦ੍ਵਯਂ ਚਕ੍ਕਵਾਕੇ. ਚਕ੍ਕੇਨ ਚਕ੍ਕਸਦ੍ਦੇਨ ਉਚ੍ਚਤੇ ਚਕ੍ਕਵਾਕੋ, ਣੋ. ਵਚ ਵਿਯਤ੍ਤਿਯਂ ਵਾਚਾਯਂ, ਚਕ੍ਕਮਿਚ੍ਚਾਵ੍ਹਾ ਯਸ੍ਸ, ਰਥਙ੍ਗਾਵ੍ਹਯਨਾਮਕੋਪਿ, ਰਥਙ੍ਗਂ ਚਕ੍ਕਂ, ਤਸ੍ਸ ਅਵ੍ਹਯੋ ਰਥਙ੍ਗਾਵ੍ਹਯੋ, ਸੋ ਨਾਮਂ ਅਸ੍ਸ ਰਥਙ੍ਗਾਵ੍ਹਯਨਾਮਕੋ, ਤੇਨ ਰਥਙ੍ਗਨਾਮੋ ਰਥਚਰਣਸਮਾਨੋ ਅਵ੍ਹਯੋ ਚੋਚ੍ਚਤੇ.

ਲਕ੍ਖਿਤਲਕ੍ਖਣਾ ਚਾਤ੍ਰ, ਲਕ੍ਖਣੋਪਚਰਿਤਵੁਤ੍ਤਿਯਾ, ਗੋਣਮੁਖ੍ਯਾਯ ਵਾ ਵੁਤ੍ਤਿਯਾ ਲਕ੍ਖਿਤੇਨ ਅਤ੍ਥੇਨ ਯਤ੍ਰ ਅਤ੍ਥਨ੍ਤਰਂ ਲਕ੍ਖ੍ਯਤੇ, ਸਾ ਲਕ੍ਖਿਤਲਕ੍ਖਣਾ. ਯਥਾ ‘‘ਰਥਾਵਯਵਾਯੁਧੋ’’ ਇਚ੍ਚਤ੍ਰ ਰਥਾਵਯਵਸਦ੍ਦੇਨ ਚਕ੍ਕਂ ਲਕ੍ਖ੍ਯਤੇ, ਨ ਤਦਾਕਤਿ ਤਨ੍ਨਾਮੋ ਚਾਯੁਧਵਿਸੇਸੋ. ‘‘ਪਨ੍ਤਿਰਥੋ’’ਇਚ੍ਚਤ੍ਰ ਪਨ੍ਤਿਸਦ੍ਦੇਨ ਦਸਕ੍ਖਰਂ ਛਨ੍ਦੋ ਲਕ੍ਖ੍ਯਤੇ, ਨ ਦਸਸਦ੍ਦੋ, ਤੇਹਿ ਤੁ ਆਯੁਧਰਥਸਦ੍ਦਸਨ੍ਨਿਵੇਸੋ ‘‘ਚਕ੍ਕਾਵਯਵਾਯੁਧੋ, ਦਸਰਥੋ’’ ਇਤਿ ਦੇਵਵਿਸੇਸੋ, ਰਾਜਵਿਸੇਸੋ ਚ ਲਕ੍ਖ੍ਯਤੇ, ਤਥਾਤ੍ਰਾਪਿ ‘‘ਰਥਙ੍ਗ’’ਨ੍ਤ੍ਯਨੇਨ ਰਥੇਕਦੇਸੋ ਲਕ੍ਖੀਯਤੇ, ‘‘ਅਵ੍ਹਾਯਤੇ’’ਇਚ੍ਚਨੇਨ ਚ ਪਰਿਭਾਸਨਂ, ਨ ਤੇਨਾਪਿ ਵਾਕਸਦ੍ਦੋ. ਤੇਹਿ ਚ ਅਞ੍ਞਮਞ੍ਞਸਨ੍ਨਿਵੇਸੋ ਚਕ੍ਕਵਾਕੋਤਿ ਪਕ੍ਖਿਵਿਸੇਸੋ ¶ ਲਕ੍ਖੀਯਤੇਤਿ ਗੁਣਤੋ ਸੁਕ੍ਕਾਦੀਹਿ ਏਵਂਗਤਾ ਗੋਣੀ ਵੁਤ੍ਤਿ.

ਦ੍ਵਯਂ ਚਾਤਕੇ. ਅਯਂ ਮੇਘਜਲਪਾਯੀ, ਸਰ ਹਿਂਸਾਯਂ, ਸਰਣਂ ਸਾਰੋ, ਤਂ ਗਚ੍ਛਤੀਤਿ ਸਾਰਙ੍ਗੋ. ‘‘ਚਾਤਕੇ ਹਰਿਣੇ ਪੁਮੇ, ਸਾਰਙ੍ਗੋ ਸਬਲੇ ਤਿਸੂ’’ਤਿ [ਚਿਨ੍ਤਾਮਣਿਟੀਕਾ ੨੩.੨੩] ਰਭਸੋ. ਚਤ ਯਾਚਨੇ, ਣ੍ਵੁ, ਥੋਕਕੋਪਿ, ਥੋਕਂ ਕਂ ਜਲਂ ਈਹਨੀਯਟ੍ਠੇਨ ਅਸ੍ਸਤ੍ਥਿ ਥੋਕਕੋ.

੬੪੨. ਦ੍ਵਯਂ ਪਕ੍ਖਿਬਿਲ਼ਾਲੇ. ਤੁਲ ਉਮ੍ਮਾਨੇ, ਇਯੋ. ਪਕ੍ਖਯੁਤ੍ਤੋ ਬਿਲ਼ਾਲੋ, ‘‘ਸੂ’’.

ਦ੍ਵਯਂ ਰੁਕ੍ਖਕੀਟਖਾਦਕੇ. ਸਤਂ ਪਤ੍ਤਾਨਿ ਅਸ੍ਸ. ਸਰਤਿ ਕੀਟੇਤਿ ਸਾਰਸੋ, ਸੋ, ‘‘ਖਾਵ ਸਾ’’.

ਦ੍ਵਯਂ ਕਾਕੇਹਿ ਸਦ੍ਧਿਂ ਨੀਲ਼ਂ ਕਤ੍ਵਾ ਵਸਨਕੇ ਸੁਕ੍ਕਸਕੁਣੇ. ਵਕ ਆਦਾਨੇ, ਅ. ਸੇਤਵਣ੍ਣਤਾਯ ਸੁਕ੍ਕੋ ਚ ਸੋ ਕਾਕੇਹਿ ਸਦ੍ਧਿਂ ਨਿਵਾਸਨਤੋ, ਕਾਕਸਣ੍ਠਾਨਤ੍ਤਾ ਵਾ ਕਾਕੋ ਚੇਤਿ ਸੁਕ੍ਕਕਾਕੋ.

ਦ੍ਵਯਂ ਵਿਸਕਣ੍ਠਿਕਾਯਂ. ਬਲ ਪਾਣਨੇ, ਣ੍ਵੁ, ਦੀਘੋ, ਆਕੋ ਵਾ. ਵਿਸਸਦਿਸੋ ਕਾਲ਼ਵਣ੍ਣੋ ਕਣ੍ਠੋ ਯਸ੍ਸਾ ਸਾ ਵਿਸਕਣ੍ਠਿਕਾ, ਏਤਿਸ੍ਸਾ ਪੁਮੋ ਨਾਮ ਨ ਵਿਜ੍ਜਤਿ. ਵੁਤ੍ਤਞ੍ਚ ਅਪਦਾਨੇ –

‘‘ਯਥਾ ਬਲਾਕਯੋਨਿਮ੍ਹਿ, ਨ ਵਿਜ੍ਜਤਿ ਪੁਮੋ ਸਦਾ;

ਮੇਘੇਸੁ ਗਜ੍ਜਮਾਨੇਸੁ, ਗਬ੍ਭਂ ਗਣ੍ਹਨ੍ਤਿ ਤਾ ਤਦਾ’’ਤਿ [ਅਪ. ਥੇਰ. ੧.੧.੫੧੧].

੬੪੩. ਦ੍ਵਯਂ ¶ ਕਙ੍ਕੇ. ਲੋਹਸਦਿਸੋ ਪਿਟ੍ਠਿ ਯਸ੍ਸ ਲੋਹਪਿਟ੍ਠੋ. ਕਙ੍ਕ ਲੋਲ੍ਯੇ, ਅ, ਕਙ੍ਕੋ.

ਦ੍ਵਯਂ ਪਤ੍ਤਕਣ੍ਠੇ. ਖਞ੍ਜੋ ਵਿਯ ਚਰਤੀਤਿ ਖਞ੍ਜਰੀਟੋ, ਈਟੋ. ਪਸ੍ਸਨ੍ਤਾਨਂ ਖਂ ਸੁਖਂ ਜਨੇਤੀਤਿ ਖਞ੍ਜਨੋ. ਖਞ੍ਜ ਗਤਿਵੇਕਲ੍ਯੇ ਵਾ, ਯੁ.

ਦ੍ਵਯਂ ਗਾਮਚਾਟਕੇ, ਚਾਟਕਮਤ੍ਤੇ ਵਾ. ਕਲਹਂ ਰਵਤੀਤਿ ਕਲਵਿਙ੍ਕੋ, ਯਦਾਦਿ. ਕਂ ਸੁਖਂ ਲੁਨਾਤੀਤਿ ਵਾ ਕਲਵਿਙ੍ਕੋ, ਇਕੋ, ਨਿਗ੍ਗਹੀਤਾਗਮੋ ਚ. ਚਟ ਭੇਦੇ, ਣ੍ਵੁ, ਚਾਟਕੋ.

ਦ੍ਵਯਂ ਵੇਲ਼ੁਰਿਯਚ੍ਛਵਿਲੋਮੇ ਚਿਤ੍ਰਪਕ੍ਖੇ ‘‘ਸੁਵਣ੍ਣਚੂਲ਼ੇ’’ਤਿ ਖ੍ਯਾਤੇ. ਦਿਭ ਸਨ੍ਥਮ੍ਭੇ, ਦ੍ਵਿਤ੍ਤਂ, ਬਿਨ੍ਦਾਗਮੋ ਚ. ‘‘ਕਿ’’ਇਤਿ ਸਦ੍ਦਂ ਕਰੋਤੀਤਿ ਕਿਕੀ, ਣੀ, ਚਾਸੋ, ਦਿਵਿਪਿ [ਚਾਸੋ ਕਿਕੀਦਿਵਿ (ਅਮਰ ੧੫.੧੬)].

੬੪੪. ਦ੍ਵਯਂ ਮੇਘਸਾਮੇ ‘‘ਟੀ-ਟ੍ौ’’ਇਤਿ ਖ੍ਯਾਤੇ. ਕਦਮ੍ਬਯੋਗਾ ਕਾਦਮ੍ਬੋ. ਕਾਲ਼ਵਣ੍ਣੋ ਹਂਸੋ ਕਾਲ਼ਹਂਸੋ, ਕਾਲਹਂਸੋਪਿ.

ਦ੍ਵਯਂ ¶ ‘‘ਙਹੇ-ਡੋ’’ਇਤਿ ਖ੍ਯਾਤੇ ਸਕੁਣੇ. ਸਕੁਨ੍ਤੋ ਵੁਤ੍ਤੋ, ‘‘ਸਕੁਨ੍ਤੋ ਪਕ੍ਖਿਭੇਦਸ੍ਮਿਂ, ਭਾਸਪਕ੍ਖੀਖਗੇਸੁ ਚੇ’’ਤਿ ਨਾਨਤ੍ਥਸਙ੍ਗਹੇ. ਸੁਨ੍ਦਰਾਕਾਰੇਨ ਪਕ੍ਖੇਨ ਯੁਤ੍ਤੋ ਸਕੁਣੋ ਭਾਸਪਕ੍ਖੀ, ‘‘ਭਾਸਨ੍ਤੋ ਸੁਨ੍ਦਰਾਕਾਰੇ, ਭਾਸਨ੍ਤੋ ਭਾਸਪਕ੍ਖਿਨੀ’’ਤਿ ਹਿ ਨਾਨਤ੍ਥਸਙ੍ਗਹੇ.

ਦ੍ਵਯਂ ‘‘ਨ੍ਵਾ-ਮੀ-ਸ੍ਵੇ’’ਇਤਿ ਖ੍ਯਾਤੇ ਨੀਲਪਕ੍ਖਿਨਿ. ਧੂਮ੍ਯਂ ਧੂਮਂ ਅਟਤਿ ਸਹਤੀਤਿ ਧੂਮ੍ਯਾਟੋ, ਣੋ. ਕਾਲ਼ਵਣ੍ਣਤਾਯ ਕੁਚ੍ਛਿਤਂ ਲਿਙ੍ਗਂ ਯਸ੍ਸ. ਭਿਙ੍ਗੋਪਿ.

ਦ੍ਵਯਂ ਜਲਕੁਕ੍ਕੁਟੇ. ਦਾ ਲਵਨੇ,ਤਿ, ਦਾਤਿ ਊਹਤਿ ਉਸ੍ਸਹਤੀਤਿ ਦਾਤ੍ਯੂਹੋ, ਖਣ੍ਡਿਤਦ੍ਧਨਿਇਚ੍ਚਤ੍ਥੋ. ਕਾਲੇ ਸਸ੍ਸਮੁਤੁਮ੍ਹਿ ਕਣ੍ਠੋ ਕਣ੍ਡਦ੍ਧਨਿ ਯਸ੍ਸ ਕਾਲ਼ਕਣ੍ਠਕੋ, ਸਮਾਸਨ੍ਤੇ ਕੋ.

੬੪੫. ਖੁਦ੍ਦਾਦਿ ਮਧੁਚ੍ਛਿਟ੍ਠਕਰਾਦਿਕੋ ਕਮ੍ਮਭੂਤੋ ‘‘ਮਕ੍ਖਿਕਾਭੇਦੋ’’ਤ੍ਯੁਚ੍ਚਤੇ, ਮਕ੍ਖਿ ਸਙ੍ਘਾਤੇ, ਣ੍ਵੁ, ਮਕ੍ਖਿਕਾ, ਤਾਸਂ ਭੇਦੋ ਮਕ੍ਖਿਕਾਭੇਦੋ. ਪਿਙ੍ਗਲਮਕ੍ਖਿਕਾਯਂ ‘‘ਮ੍ਹਣ’’ਇਤਿ ਖ੍ਯਾਤਾਯਂ ਦ੍ਵਯਂ. ਡਂਸ ਡਂਸਨੇ, ਡਂਸੋ. ਦਂਸੋਪਿ, ਡਂਸ ਖਾਦਨੇ ਵਾ, ਪਿਙ੍ਗਲਮਕ੍ਖਿਕਾਤਿਵਣ੍ਣਨਾਮਂ.

ਮਕ੍ਖਿਕਾਯ ਅਣ੍ਡਂ ਆਸਾਟਿਕਾ ਨਾਮ, ਸਟ ਅਵਯਵੇ, ਣ੍ਵੁ. ਦ੍ਵਯਂ ‘‘ਨ੍ਹਂ’’ਇਤਿ ਖ੍ਯਾਤੇ. ਪਟਂ ਗਚ੍ਛਤੀਤਿ ਪਟਙ੍ਗੋ, ਪਤਙ੍ਗੋਪਿ, ਸਰਤਿ ਹਿਂਸਤੀਤਿ ਸਲਭੋ, ਅਭੋ, ਲਤ੍ਤਂ, ਸਲ ਗਮਨੇ ਵਾ.

੬੪੬. ਦ੍ਵਯਂ ¶ ‘‘ਛੇਂ’’ਇਤਿ ਖ੍ਯਾਤੇ, ਮਕ ਪਾਣੇ, ਅਸੋ, ਮਕਸੋ. ਦ੍ਵਯਂ ਨਿਦਾਘੇ ਨੁਹਾਦੀਸੁ ਵਰਣਕਮਕ੍ਖਿਕਾਯਂ. ‘‘ਚੀਰੀ’’ਤਿ ਸਦ੍ਦਾਯਤੀਤਿ ਚੀਰੀ, ਚਿਰਿ ਹਿਂਸਾਯਂ ਵਾ, ਨਦਾਦਿ, ਦੀਘਾਦਿ. ਝਲ੍ਲ ਸਦ੍ਦੇ, ਣ੍ਵੁ, ਝਲ੍ਲਿਕਾ.

ਦ੍ਵਯਂ ਤਾਲਪਤ੍ਤਾਦ੍ਯਨ੍ਤਰੇਸੁ ਨਿਲੀਨਾਯਂ ਚਮ੍ਮਪਤ੍ਤਾਯਂ. ਜਤੁ ਵਿਯ ਜਤੁਕਾ, ਉਪਮਾਨੇ ਕੋ, ‘‘ਰਾਮਠੇ ਜਤੁਕਂ ਚਮ੍ਮ-ਪਤ੍ਤਜਤੁਕਰੇਸੁ ਥੀ’’ਤਿ [ਚਿਨ੍ਤਾਮਣਿਟੀਕਾ ੧੯.੪੦] ਹਿ ਰਭਸੋ. ਅਜਿਨਂ ਚਮ੍ਮਂ ਪਤ੍ਤਂ ਯਸ੍ਸਾ ਅਜਿਨਪਤ੍ਤਾ. ਦ੍ਵਯਂ ਹਂਸਸਾਮਞ੍ਞੇ. ਹਨ੍ਤਿ ਅਦ੍ਧਾਨਂ ਹਂਸੋ. ਸੇਤੋ ਛਦੋ ਪਤ੍ਤਂ ਯਸ੍ਸ. ਯਥਾਕਥਞ੍ਚਿ ਬ੍ਯੁਪ੍ਪਤ੍ਤੀਤਿ ਵੁਤ੍ਤਤ੍ਤਾ ਅਸੇਤਚ੍ਛਦੇਪਿ, ਚਕ੍ਕਙ੍ਗੋ, ਮਾਨਸੋਕੋਪਿ, ਚਕ੍ਕਸ੍ਸ ਚਕ੍ਕਵਾਕਸ੍ਸੇਵ ਅਙ੍ਗਾਨਿ ਯਸ੍ਸ. ਮਾਨਸਂ ਸਰੋ ਓਕੋ ਯਸ੍ਸ.

੬੪੭. ਯੇ ਰਤ੍ਤੇਹਿ ਲੋਹਿਤੇਹਿ ਪਾਦਤੁਣ੍ਡੇਹਿ ਚਰਣਚਞ੍ਚੂਹਿ ਵਿਸਿਟ੍ਠਾ ਸਿਤਾ ਚ ਸਰੀਰੇ, ਤੇ ਰਾਜਹਂਸਾ ਨਾਮ, ਹਂਸਾਨਂ ਰਾਜਾਨੋ ਰਾਜਹਂਸਾ.

ਮਲੀਨੇਹਿ ਪਾਦਤੁਣ੍ਡੇਹਿ ਵਿਸਿਟ੍ਠਾ ਯੇ ਤੇ ਮਲ੍ਲਿਕਾਖ੍ਯਾ, ਮਲ, ਮਲ੍ਲ ਧਾਰਣੇ, ਇ, ਸਞ੍ਞਾਯਂ ਕੋ, ‘‘ਮਲ੍ਲਿਕੋ ਹਂਸਭੇਦੇ ਚ, ਤਿਣਸੂਲੇ ਚ ਮਲ੍ਲਿਕੇ’’ਤਿ [ਚਿਨ੍ਤਾਮਣਿਟੀਕਾ ੧੫.੨੪] ਰੁਦ੍ਦੋ. ਆਖ੍ਯਾਸਦ੍ਦੇਨ ਬਹੁਬ੍ਬੀਹਿ. ਅਸਿਤੇਹਿ ਕਣ੍ਹੇਹਿ ਪਾਦਤੁਣ੍ਡੇਹਿ ਵਿਸਿਟ੍ਠਾ ਯੇ, ਤੇ ਧਤਰਟ੍ਠਾ, ਧਤਰਟ੍ਠਾਨਂ ਅਪਚ੍ਚਾਨਿ ਧਤਰਟ੍ਠਾਤਿ, ਣੋ.

੬੪੮. ਤਿਕਂ ¶ ਤਿਰਚ੍ਛਾਨੇ. ਤਿਰਿਯਂ ਅਞ੍ਚਯਤੀਤਿ ਤਿਰਚ੍ਛੋ, ਤਿਰਿਯਸ੍ਸ ਤਿਰੋ, ਅਞ੍ਚਤਿਸ੍ਸ ਚ੍ਛੋ. ਯੁਮ੍ਹਿ ਤਿਰਚ੍ਛਾਨੋ, ਤਿਰਚ੍ਛਾਨੋਯੇਵ ਤਿਰਚ੍ਛਾਨਗਤਂ, ਤਬ੍ਭਾਵਂ ਵਾ ਗਤਂ ਪਤ੍ਤਂ, ਤੇਸੁ ਵਾ ਗਤਂ ਅਨ੍ਤੋਗਧਨ੍ਤਿ ਤਿਰਚ੍ਛਾਨਗਤਂ, ਸਿਯਾਤਿ ਪਕਤ੍ਯਾਨਪੇਕ੍ਖਕ੍ਰਿਯਾਪਦਂ, ਭਵਤ੍ਯਤ੍ਥੋ ਵਾ ਹਿ ਕਰੋਤ੍ਯਤ੍ਥੋ ਵਾ ਕਦਾਚਿ ਪਕਤ੍ਯਾਨਪੇਕ੍ਖੋ ਭਵਤਿ, ਨ ਪਨ ਵਿਕਤ੍ਯਾਨਪੇਕ੍ਖੋ. ਤਥਾ ਕਦਾਚਿ ਉਭਯਾਪੇਕ੍ਖੋਪਿ ਭਵਤਿ, ਨ ਪਨੁਭਯਾਨਪੇਕ੍ਖੋਤਿ ਸਬ੍ਬਤ੍ਰੇਵਂ. ਸੀਹਾਦਿਵਗ੍ਗੋ.

ਅਰਞ੍ਞਾਦਿਵਗ੍ਗਵਣ੍ਣਨਾ ਨਿਟ੍ਠਿਤਾ.

੬੪੯-੬੫੦. ਚਤੁਕ੍ਕਂ ਪਾਤਾਲੇ. ਅਧਰਂ ਭੁਵਨਂ ਅਧੋਭੁਵਨਂ. ਪਤਨ੍ਤਿ ਅਸ੍ਮਿਂ ਪਾਤਾਲਂ, ਅਲੋ, ਮਜ੍ਝੇ ਦੀਘੋ. ਨਾਗਾਨਂ ਲੋਕੋ. ਰਸਾਯ ਤਲਂ ਰਸਾਤਲਂ.

ਸੋਬ੍ਭਨ੍ਤਂ ¶ ਛਿਦ੍ਦਮਤ੍ਤੇ. ਰਣ ਸਦ੍ਦੇ, ਧੋ, ਨਤ੍ਤਂ, ਯਦਾਦਿ. ਵਰ ਦਿਤ੍ਤਿਯਂ. ਵਿਗਤੋ ਵਰੋ ਵਾਰਣਂ ਅਸ੍ਸ ਵਿਵਰਂ, ਛਿਦਿ ਦ੍ਵਿਧਾਕਰਣੇ, ਦੋ. ਕੁਹ ਵਿਮ੍ਹਯਨੇ, ਅਰੋ. ਸੁਸ ਸੋਸਨੇ, ਇਰੋ. ਬਿਲ ਭੇਦਨੇ, ਅ. ਸੁਸਤੋ ਇ, ਸੁਸਿ. ਛਿਨ੍ਦਿਤ੍ਵਾ ਗਚ੍ਛਤੀਤਿ ਛਿਗ੍ਗਲਂ, ਯਦਾਦਿ. ਸੁਟ੍ਠੁ ਅਬ੍ਭਂ ਆਕਾਸਂ ਅਸ੍ਮਿਂ ਸੋਬ੍ਭਂ.

‘‘ਸੁਸਿਰ’’ਨ੍ਤਿ ਛਿਦ੍ਦਸਾਮਞ੍ਞੇ ਯਂ ਨਪੁਂਸਕਵਚਨਂ, ਤਂ ਸਚ੍ਛਿਦ੍ਦੇ ਛਿਦ੍ਦਵਤਿ ਦਬ੍ਬੇ ਤੀਸੁ, ਯਥਾ ‘‘ਸੁਸਿਰੋ ਰੁਕ੍ਖੋ, ਸੁਸਿਰਾ ਚਿਞ੍ਚਾ, ਸੁਸਿਰਂ ਕਟ੍ਠ’’ਨ੍ਤਿ.

ਦ੍ਵਯਂ ਭੂਮਿਛਿਦ੍ਦੇ. ਕਾਸ ਦਿਤ੍ਤਿਯਂ, ਉ. ਅਵ ਰਕ੍ਖਣੇ, ਅਟੋ, ਆਵਾਟੋ, ਅਵਾਟੋਪਿ. ਦ੍ਵਯਂ ਸਪ੍ਪਾਨਂ ਰਾਜਿਨਿ. ਵਸੁ ਰਤਨਂ ਯਸ੍ਸਤ੍ਥੀਤਿ ਵਾਸੁਕੀ.

੬੫੧. ਦ੍ਵਯਂ ਨਾਗਾਨਂ ਰਾਜਿਨਿ. ਦੇਵੇਹਿਪ੍ਯਸ੍ਸਨ੍ਤੋ ਨੋਪਲਦ੍ਧੋਤਿ ਅਨਨ੍ਤੋ, ਸੇਸੋਪਿ, ਸਿਸ ਹਿਂਸਾਯਂ, ਸਿਸਤਿ ਕਪ੍ਪਨ੍ਤੇਤਿ ਸੇਸੋ, ਅ.

ਦ੍ਵਯਂ ਅਜਗਰੇ. ਵਹਤਿਸ੍ਮਾ ਅਸੋ, ਵਾਹਸੋ. ਅਜਂ ਛਾਗਂ ਗਿਲਤੀਤਿ ਅਜਗਰੋ, ਅ, ਇਸ੍ਸਤ੍ਤਂ, ਲਸ੍ਸ ਰਤ੍ਤਞ੍ਚ. ਸਯੀਪਿ, ਸਯਨਸੀਲੋ ਸਯੀ.

ਦ੍ਵਯਂ ਗੋਨਸਸਪ੍ਪੇ ‘‘ਙਾ-ਚ੍ਵੇ’’ਇਤਿ ਖ੍ਯਾਤੇ. ਗਵਸ੍ਸੇਵ ਨਾਸਾ ਅਸ੍ਸਾਤਿ ਗੋਨਸੋ, ਸਞ੍ਞਾਯਂ ਨਾਸਸਦ੍ਦਸ੍ਸ ਨਸੋ ਕਤੋ [ਪਾਣਿਨਿ ੫.੪.੧੧੯]. ਤਿਲਂ ਇਚ੍ਛਤੀਤਿ ਤਿਲਿਚ੍ਛੋ, ਤਿਰਿਯਂ ਅਞ੍ਚਤੀਤਿ ਵਾ ਤਿਲਿਚ੍ਛੋ, ਯਦਾਦਿ.

ਦ੍ਵਯਂ ¶ ਦੇਡ੍ਡੁਭੇ, ਯੋ ‘‘ਜਲਸਪ੍ਪੋ’’ਤਿ ਵੁਚ੍ਚਤਿ. ਦੇਡ੍ਡੁਨਾ ਰਾਜਿਯਾ ਉਭਤੀਤਿ ਦੇਡ੍ਡੁਭੋ. ਪਿਟ੍ਠੇ ਰਾਜਿਯੋਗਾ ਰਾਜੁਲੋ, ਉਲੋ, ਬਧਿਰਸਪ੍ਪੇਪ੍ਯੇਤੇ.

੬੫੨. ਕਮ੍ਬਲੋ ਚ ਅਸ੍ਸਤਰੋ ਚਾਤਿ ਇਮੇ ਦ੍ਵੇ ਨਾਗਕੁਲਾ ਮੇਰੁਪਾਦੇ ਵਸਨ੍ਤਿ.

ਦ੍ਵਯਂ ਵੇਸ੍ਮਨਿਵੁਟ੍ਠਸਪ੍ਪੇ. ‘‘ਵਮ੍ਮਨੀ’’ਤਿਪਿ ਪਾਠੋ. ‘‘ਅਸੁਦ੍ਦੋ ਘਰਸਪ੍ਪੋ’’ਤਿ ਵੁਤ੍ਤਤ੍ਤਾ ਨਿਬ੍ਬਿਸਤਾਯ ਅਮਾਰਿਤਤ੍ਤਾ ਸੀਲਯੁਤ੍ਤਂ ਅਤ੍ਤਾ ਮਨੋ ਯਸ੍ਮਿਂ ਸਿਲੁਤ੍ਤੋ, ਅਸ੍ਸੁ, ਰਸ੍ਸਾਦਿ.

ਦ੍ਵਯਂ ਰੁਕ੍ਖਗ੍ਗਾਦੀਸੁ ਨਿਵੁਟ੍ਠਸਪ੍ਪੇ. ਨੀਲੋ ਹਰਿਤੋ ਸਪ੍ਪੋਤਿ ਨੀਲਸਪ੍ਪੋ. ‘‘ਨੀਲੋ ਕਣ੍ਹਮ੍ਹਿ ਹਰਿਤੇ’’ਤਿ ਹਿ ਤਾਰਪਾਲੋ. ਪਠਮਕਾਲੇ ਸਿਲਾਯਂ ਭਵਤੀਤਿ ਸਿਲਾਭੁ.

੬੫੩-੬੫੪. ਵਿਸਧਰਨ੍ਤਂ ਸਪ੍ਪਮਤ੍ਤੇ. ਆਸਿਯਂ ਵਿਸਂ ਏਤਸ੍ਸ ਆਸੀਵਿਸੋ, ਆਸੀ ਸਪ੍ਪਦਾਠਾ. ਭੁਜ ਕੋਟਿਲ੍ਯੇ, ਕੁਟਿਲਾਯਮਾਨੋ ਗਚ੍ਛਤੀਤਿ ਭੁਜਙ੍ਗੋ, ਏਵਂ ਭੁਜਗੋ, ਭੁਜਙ੍ਗਮੋ ਚ. ਅਹਿ ਗਮਨੇ, ਇ. ਸਰਨ੍ਤੋ ਸਪ੍ਪਤਿ ਗਚ੍ਛਤੀਤਿ ਸਰੀਸਪੋ, ਅਸ੍ਸੀ, ਸਂਯੋਗਲੋਪੋ, ਅਲੁਤ੍ਤਸਮਾਸੋਯਂ, ਭੁਜਙ੍ਗਭੁਜਙ੍ਗਮਾਪਿ, ਸਬ੍ਬਧਰਕਤੇ ਪਨ ‘‘ਭੁਸਂ, ਪੁਨਪ੍ਪੁਨਂ ਵਾ ਕੁਟਿਲਂ ਸਪ੍ਪਤੀਤਿ ¶ ਸਰੀਸਪੋ’’ਤਿ ਵੁਤ੍ਤਂ. ਫਣਯੋਗਾ, ਈ, ਫਣੀ. ਸਪ੍ਪਤਿਸ੍ਮਾ ਅ, ਭੂਮਿਫੁਟ੍ਠੇਨ ਗਤ੍ਤੇਨ ਗਤਿ ਸਪ੍ਪਨਂ. ਅਰਂ ਸੀਘਂ ਗਚ੍ਛਤੀਤਿ ਅਲਗਦ੍ਦੋ, ਮਸ੍ਸ ਦੋ, ਰਸ੍ਸ ਲਤ੍ਤਞ੍ਚ, ਅਲਗਦ੍ਦੋ, ਜਲਸਪ੍ਪੇਪ੍ਯਯਂ, ‘‘ਅਲਗਦ੍ਦੋ ਜਲਵਾਲ਼ੋ’’ਤਿ [ਅਮਰ ੮.੫] ਹਿ ਅਮਰਸੀਹੋ. ਭੋਗੋ ਫਣਿਕਾਯੋ, ਤਂਯੋਗਾ ਭੋਗੀ. ਪਨ੍ਨਂ ਗਚ੍ਛਤੀਤਿ ਪਨ੍ਨਗੋ, ਪਾਦੇਹਿ ਵਾ ਨ ਗਚ੍ਛਤੀਤਿ ਪਨ੍ਨਗੋ. ਦ੍ਵੇ ਜਿਵ੍ਹਾ ਅਸ੍ਸ. ਉਰਸਾ ਗਚ੍ਛਤੀਤਿ ਉਰਗੋ. ਵਿਸੇਸੇਨ ਆਲਾਤਿ ਗਣ੍ਹਾਤਿ ਆਯੁਨ੍ਤਿ ਵਾਲ਼ੋ, ਲਸ੍ਸ ਲ਼ਤ੍ਤਂ, ਵਾ ਗਮਨੇ ਵਾ, ਅਲੋ. ਦੀਘਸਰੀਰਤਾਯ ਦੀਘੋ. ਦੀਘਾ ਪਿਟ੍ਠਿ ਯਸ੍ਸ, ਸਮਾਸੇ ਕੋ. ਉਦਰਮੇਵ ਪਾਦੋ ਯਸ੍ਸ. ਵਿਸਂ ਧਰਤਿ. ਚਕ੍ਕੀ, ਕੁਣ੍ਡਲੀ, ਗੂਲ਼੍ਹਪਾਦੋ, ਚਕ੍ਖੁਸ੍ਸਵੋ, ਕਾਕੋਦਰੋ, ਦਬ੍ਬੀਕਰੋ, ਬਿਲੇਸਯੋ, ਜਿਮ੍ਹਗੋ, ਪਵਨਾਸਨੋਪਿ. ਸਿਰਸਿ ਚਕ੍ਕਯੋਗਾ ਚਕ੍ਕੀ. ਕੁਣ੍ਡਲਮਿਵ ਵਪੁ ਅਸ੍ਸਤ੍ਥੀਤਿ ਤਂਯੋਗਾ ਕੁਣ੍ਡਲੀ. ਚਕ੍ਖੁਨਾ ਸੁਣੋਤੀਤਿ ਚਕ੍ਖੁਸ੍ਸਵੋ. ਕਾਕੋਦਰਮਿਵ ਉਦਰਂ ਅਸ੍ਸ. ਦਬ੍ਬਿਗਤਿਕਤ੍ਤਾ ਫਣਾ ਦਬ੍ਬੀ, ਤਂ ਕਰੋਤਿ ਬਨ੍ਧਤੀਤਿ ਦਬ੍ਬੀਕਰੋ. ਸਾਮਞ੍ਞਨਿਦ੍ਦੇਸੇਪਿ ਕਣ੍ਹਸਪ੍ਪਾਦਿਯੇਵ ਦਬ੍ਬੀਕਰੋ. ਜਿਮ੍ਹਂ ਕੁਟਿਲਂ ਗਚ੍ਛਤੀਤਿ. ਪਵਨਾਸਨੋ ਵਾਤਭੋਜੀ.

ਫਣਿਨੋ ਸਪ੍ਪਸ੍ਸ ਤਨੁ ਕਾਯੋ ਭੋਗੋ ਨਾਮ. ਭੁਜਤੀਤਿ ਭੋਗੋ, ਭੁਜ ਕੋਟਿਲ੍ਯੇ, ਣੋ.

੬੫੫-੬੫੬. ਦ੍ਵਯਂ ਸਪ੍ਪਸ੍ਸ ਦਾਠਾਯਂ. ਅਸਤਿ ਯੇਨ ਅਸਂ, ਮੁਖਂ, ਤਸ੍ਮਿਂ ਭਵਾ ਆਸੀ, ਸਪ੍ਪਸ੍ਸ ਦਾਠਾ ਦਨ੍ਤੁਤ੍ਤਮਾ. ਦ੍ਵਯਂ ਸਪ੍ਪਸ੍ਸ ਜਿਣ੍ਣਤਚੇ ¶ , ਨਿਮੁਚ੍ਚਤੇ ਯਸ੍ਮਾ ਸਪ੍ਪੋਤਿ, ਣੋ. ਕਞ੍ਚੁਕਸਦਿਸਤ੍ਤਾ ਕਞ੍ਚੁਕੋ. ਸਮਾ ਤੁਲ੍ਯਤ੍ਥਾ.

ਦ੍ਵਯਂ ਵਿਸਮਤ੍ਤੇ. ਸੋਣਿਪਥਗਤਂ ਵਿਸਤਿ ਦੇਹਨ੍ਤਿ ਵਿਸਂ, ਵਿਸ ਪਵੇਸਨੇ. ਗਿਰਤੀਤਿ ਗਰਲ਼ਂ, ਅਲ਼ੋ.

ਹਲਾਹਲੋ, ਕਾਲ਼ਕੂਟੋ, ਆਦਿਨਾ ਕਾਕੋਲਾਦਯੋ ਚ ਸਤ੍ਤਾਤਿ ਇਮੇ ਨਵ ਤਬ੍ਭੇਦਾ ਤਸ੍ਸ ਵਿਸਸ੍ਸ ਭੇਦਾ. ਵੁਤ੍ਤਞ੍ਚ –

‘‘ਪੁਮੇ ਪਣ੍ਡੇ ਚ ਕਾਕੋਲ-ਕਾਲ਼ਕੂਟਹਲਾਹਲਾ;

ਸੋਰਟ੍ਠਿਕੋ ਸੁਕ੍ਕਿਕੇਯ੍ਯੋ, ਬ੍ਰਹ੍ਮਪੁਤ੍ਤੋ ਪਦੀਪਨੋ;

ਦਾਰਦੋ ਵਚ੍ਛਨਾਭੋ ਚ, ਵਿਸਭੇਦਾ ਇਮੇ ਨਵਾ’’ਤਿ [ਅਮਰ ੮.੧੦-੧੧].

ਤਤ੍ਰ ਹਲਾਹਲੋ ਪੁਮੇ, ਵਾਕਾਰੇਨ ਨਪੁਂਸਕੇਪਿ, ‘‘ਹਾਲਾਹਲ’’ਨ੍ਤਿ ਹਿ ਤਿਕਣ੍ਡਸੇਸੇ [ਤਿਕਣ੍ਡਸੇਸ ੧.੮.੫] ਦੀਘਾਦਿਪਿ. ਤਾਲਪਤ੍ਰਸਣ੍ਠਾਨੋ ਨੀਲਪਤ੍ਰੋ ਗੋਥਨਾਕਤਿਫਲੋ ਗਚ੍ਛੋ ਹਲਾਹਲੋ. ਅਸ੍ਸ ਚ ਸਮੀਪੇ ਰੁਕ੍ਖਾਦਯੋ ਡਯ੍ਹਨ੍ਤੇ. ਹਿਮਵਤਿ, ਕਿਕ੍ਕਿਨ੍ਦਾਯਂ, ਕੋਙ੍ਕਣੇਸੁ, ਦਕ੍ਖਿਣਸਮੁਦ੍ਦੇ ਚ ਜਾਯਤੇ, ਹਨਤੀਤਿ ਹਲੋ, ਅ, ਨਸ੍ਸ ਲੋ, ਹਲਾਨਮ੍ਪਿ ਹਲੋ ਹਲਾਹਲੋ, ਮਜ੍ਝਦੀਘੋ. ਤਿਰਿਯਲੇਖਾਯ ਚਿਤਂ ਦ੍ਵਿਜਪਦੇਹਿ ਯੁਤ੍ਤਂ, ਤਥਾ ਗਣ੍ਠਿਭਿ ਬ੍ਯਾਪਿਤਂ ਬਿਨ੍ਦੁਭਿਦੇਵ ਯਂ ਘਨਤਰੇਹਿ, ਤਂ ਕਾਲ਼ਕੂਟਂ. ਇਦਞ੍ਚ ਪੁਥੁਮਾਲਿਨਾਮਸ੍ਸਾਸੁਰਸ੍ਸ ਸੋਣਿਤਮ੍ਹਾ ਏਵ ਅਸੁਰਸਮਯੇ [ਦੇਵਾਸੁਰਰਣੇ (?)] ਸਮੁਪ੍ਪਨ੍ਨਸ੍ਸ ਅਸ੍ਸਤ੍ਥਰੁਕ੍ਖਸਦਿਸਸ੍ਸ ਰੁਕ੍ਖਸ੍ਸ ਨਿਯ੍ਯਾਸੋ, ਅਹਿਚ੍ਛਤ੍ਤਮਲਯਕੋਙ੍ਕਣਸਿਙ੍ਗਵੇਰਪਬ੍ਬਤਾਦੀਸੁ ਚੋਪ੍ਪਜ੍ਜਤੇ. ਵਣ੍ਣੇਨ ਕਾਲ਼ਞ੍ਚ ਤਂ ਸਤ੍ਤਾਨਂ ਜੀਵਿਤਹਰਣਤੋ ਲੋਹਮੁਗ੍ਗਰਸਦਿਸਤਾਯ ਕੂਟਞ੍ਚੇਤਿ ਕਾਲ਼ਕੂਟਂ.

ਬ੍ਰਹ੍ਮਪੁਤ੍ਤੋ ਤੁ ਕਪਿਲੋ, ਮਲਯਦ੍ਦਿਭਵੋ ਖਰੋ;

ਪਦੀਪਨੋ ਤੁ ਦਹਨੋ, ਰਤ੍ਤਵਣ੍ਣੋ’ਞ੍ਜਨਦ੍ਦਿਜੋ [ਚਿਨ੍ਤਾਮਣਿਟੀਕਾ ੮.੧੦-੧੧].

ਦਰਦੇ ¶ ਭਵੋ ਦਾਰਦੋ, ਸੁਪ੍ਪਭਨਾਮਕੋ ਤਂਦੇਸਪਸਿਦ੍ਧੋ ਚ. ਵਚ੍ਛਨਾਭੋ ਸਿਨ੍ਦੁਵਾਰਪਤ੍ਤਸਦਿਸੋ ਚ ਤਂਸਮੀਪੇ ਰੁਕ੍ਖੋ ਨ ਵਦ੍ਧਤੇ, ਤਂਸਮ੍ਫਸ੍ਸਵਾਯੁ ਚ ਜਰਯਤਿ, ਵਿਞ੍ਝਾਯਂ, ਕਿਕ੍ਕਿਨ੍ਦਾਯਞ੍ਚ ਜਾਯਤੇ, ਏਵਂ ਵਿਸਨ੍ਤਰਾਨਮ੍ਪਿ ਸਰੂਪਂ ਆਗਮਤੋ ਵਿਞ੍ਞੇਯ੍ਯਂ.

ਦ੍ਵਯਂ ਧਨਤ੍ਥਂ ਸਪ੍ਪਗ੍ਗਾਹੇ. ਵਾਲ਼ਂ ਸਪ੍ਪਂ ਗਣ੍ਹਨਸੀਲਤਾਯ ਵਾਲ਼ਗਾਹੀ. ਅਹਿਨੋ ਤੁਣ੍ਡੇਨ ਮੁਖੇਨ ਦਿਬ੍ਬਤੀਤਿ ਅਹਿਤੁਣ੍ਡਿਕੋ, ਣਿਕੋ, ‘‘ਵਾਲ਼ਗ੍ਗਾਹੋ’ਹਿਤੁਣ੍ਡਿਕੋ’’ਤਿ [ਅਮਰਕੋਸੇ ੮.੧੧-ਗਾਥਾਯਮ੍ਪਿ] ਅਮਰਮਾਲਾ.

੬੫੭. ਤਿਕਂ ਨਿਰਯੇ. ਅਯੋ ਇਟ੍ਠਫਲਂ, ਸੋ ਨਿਗ੍ਗਤੋ ਅਸ੍ਮਾਤਿ ਨਿਰਯੋ, ਨਿਨ੍ਦਿਤੋ ਰਯੋ ਗਮਨਂ ਏਤ੍ਥਾਤਿ ਵਾ ਨਿਰਯੋ. ਦੁਟ੍ਠਾ ਗਤਿ ਦੁਗ੍ਗਤਿ. ਅਪੁਞ੍ਞੇ ਨੇਤੀਤਿ ਨਰਕੋ, ਣ੍ਵੁ, ਰਨ੍ਤੋ ਚ, ਨਰਕੋ.

ਤੇਸੁ ਨਿਰਯੇਸੁ ਯੋ ‘‘ਮਹਾਨਿਰਯੋ’’ਤਿ ਵੁਤ੍ਤੋ, ਸੋ ਅਟ੍ਠਧਾ ਹੋਤੀਤਿ ਤਂ ਦਸ੍ਸੇਤਿ ‘‘ਸਞ੍ਜੀਵੋ’’ਚ੍ਚਾਦਿਨਾ ਸਿਲੋਕੇਨ. ਮਰਨ੍ਤਾਪਿ ਕਮ੍ਮਫਲਾਨੁਭਵਨਤ੍ਥਂ ਪੁਨਪ੍ਪੁਨਂ ਜੀਵਨ੍ਤਿ ਅਸ੍ਮਿਂ ਸਞ੍ਜੀਵੋ. ਯਤ੍ਥ ਨਿਰਯੇ ਨੇਰਯਿਕਾਨਂ ਸਰੀਰਾਨਿ ਵਡ੍ਢਕੀਨਂ ਕਾਲ਼ਸੁਤ੍ਤੇਨ ਸਞ੍ਞਾਣਂ ਕਤ੍ਵਾ ਵਾਸਿਯਾ ਤਚ੍ਛਨ੍ਤਿ, ਸੋ ਕਾਲ਼ਸੁਤ੍ਤੋ. ਭੁਸਂ, ਪੁਨਪ੍ਪੁਨਂ ਵਾ ਦੁਕ੍ਖਿਤਸਦ੍ਦੇਨ ਰਵਨ੍ਤਿ ਅਸ੍ਮਿਂ ਰੋਰੁਵੋ, ਮਹਨ੍ਤੋ ਚ ਸੋ ਰੋਰੁਵੋ ਚਾਤਿ ਮਹਾਰੋਰੁਵੋ. ਪੁਨ ‘‘ਰੋਰੁਵੋ’’ਤਿ ਚੂਲ਼ਰੋਰੁਵੋ ਵੁਤ੍ਤੋ. ਭੁਸਂ ਪਤਨ੍ਤਿ ¶ ਅਸ੍ਮਿਂ ਪਤਾਪਨੋ, ‘‘ਵੀਚਿ ਤਰਙ੍ਗੇ ਅਪ੍ਪੇ ਚਾ’’ਤਿ ਰੁਦ੍ਦੋ, ਨਤ੍ਥਿ ਸੁਖਸ੍ਸ ਵੀਚਿ ਲੇਸੋਪਿ ਅਤ੍ਰਾਤਿ ਅਵੀਚਿ, ‘‘ਵੀਚਿ ਸੁਖਤਰਙ੍ਗੇਸੂ’’ਤਿ ਤਿਕਣ੍ਡਸੇਸੋ [ਤਿਕਣ੍ਡਸੇਸ ੩.੩.੭੮], ਤਸ੍ਮਾ ਨਤ੍ਥਿ ਵੀਚਿ ਸੁਖਂ ਏਤ੍ਥਾਤਿ ਅਵੀਚਿ. ਸਮਨ੍ਤਤੋ ਆਗਤੇਹਿ ਪਬ੍ਬਤੇਹਿ ਹਞ੍ਞਨ੍ਤਿ ਅਤ੍ਰਾਤਿ ਸਙ੍ਘਾਤੋ. ਤਪਨ੍ਤਿ ਅਤ੍ਰ ਤਾਪਨੋ, ਇਤਿਸਦ੍ਦੋ ਅਟ੍ਠਨ੍ਨਂ ਪਰਿਸਮਾਪਨਤ੍ਥੋ.

੬੫੮. ਤਤ੍ਥ ਨਿਰਯੇਸੁ ਵੇਤਰਣੀ ਚ ਲੋਹਕੁਮ੍ਭੀ ਚਾਤਿ ਇਮੇ ਦ੍ਵੇ ਨਿਰਯਾ ਜਲਾਸਯਾ ਜਲਾਧਾਰਾ, ਤੇ ਚ ਥਿਯਂ, ਤਰਣੀ ਨਾਵਾ, ਸਾ ਨਤ੍ਥਿ ਯਸ੍ਸਂ ਵੇਤਰਣੀ. ਲੋਹਮਯਾ ਕੁਮ੍ਭੀ ਲੋਹਕੁਮ੍ਭੀ.

ਦ੍ਵਯਂ ਨਿਰਯਪਾਲੇ. ਕਾਰਣਾ ਯਾਤਨਾ, ਸਾ ਚ ਤਿਬ੍ਬਵੇਦਨਾ, ਤਂ ਕਰੋਤੀਤਿ ਕਾਰਣਿਕੋ. ਨਿਰਯਗਤਸਤ੍ਤੇ ਪਾਤੀਤਿ ਨਿਰਯਪੋ.

ਦ੍ਵਯਂ ਨਿਰਯਗਤਸਤ੍ਤੇ. ਨਿਰਯਂ ਗਚ੍ਛਤੀਤਿ ਨੇਰਯਿਕੋ. ਨਰਕਂ ਗਚ੍ਛਤੀਤਿ ਨਾਰਕੋ.

੬੫੯. ਉਦਧਿ ਪਰਿਯਨ੍ਤਂ ਸਮੁਦ੍ਦਸ੍ਸ ਨਾਮਂ. ਅਣ੍ਣੋ ਜਲਂ, ਸੋ ਵਾਤਿ ਗਚ੍ਛਤਿ ਯਸ੍ਮਿਂ ਅਣ੍ਣਵੋ, ਅਣ੍ਣੋ ਯਸ੍ਮਿਂ ਵਿਜ੍ਜਤੀਤਿ ਵਾ ਅਣ੍ਣਵੋ, ਅਸ੍ਸਤ੍ਥ੍ਯਤ੍ਥੇ ਵੋ. ਸਗਰੇਹਿ ਰਾਜਕੁਮਾਰੇਹਿ ਖਤੋ ¶ ਸਾਗਰੋ, ਸਾਨਂ ਧਨਾਨਂ ਆਕਰੋਤਿ ਵਾ ਸਾਗਰੋ, ਕਸ੍ਸ ਗੋ, ਸਾਗ ਸਂਵਰਣੇ ਵਾ, ਅਰੋ. ਸਨ੍ਦਤੇਤਿ ਸਿਨ੍ਧੁ, ਸਨ੍ਦ ਸਵਨੇ, ਯਦਾਦਿ. ਉਦਿ ਕ੍ਲੇਦਨੇ, ਸਮ੍ਮਾ ਕ੍ਲਿਦਨ੍ਤਿ ਚਨ੍ਦੋਦਯੇ ਅਸ੍ਮਾ ਆਪਾਨੀਤਿ ਸਮੁਦ੍ਦੋ. ਜਲਾਨਿ, ਉਦਕਾਨਿ ਚ ਨਿਧੀਯਨ੍ਤੇ, ਧੀਯਨ੍ਤੇ ਚਾਤ੍ਰਾਤਿ ਜਲਨਿਧਿ, ਉਦਧਿ ਚ, ਉਦਕਸ੍ਸ ਉਦਾਦੇਸੋ.

ਤਸ੍ਸ ਸਮੁਦ੍ਦਸ੍ਸ ਖੀਰਣ੍ਣਵੋ, ਆਦਿਨਾ ਲਵਣੋਦੋ, ਦਧ੍ਯੁਦੋ, ਘਤੋਦੋ, ਉਚ੍ਛੁਰਸੋਦੋ, ਮਦਿਰੋਦੋ, ਸਾਦੁਦਕੋ ਚਾਤਿ ਇਮੇ ਸਤ੍ਤ ਮਹਣ੍ਣਵਵਿਸੇਸਾ ਭਵਨ੍ਤਿ [ਬ੍ਯਾਖ੍ਯਾਸੁਧਾ ੧.੧੦.੨]. ਖੀਰਵਣ੍ਣੋ ਅਣ੍ਣਵੋ ਖੀਰਣ੍ਣਵੋ.

੬੬੦. ਅਸ੍ਸ ਸਮੁਦ੍ਦਸ੍ਸ ਕੂਲਦੇਸੋ ਤੀਰਦੇਸੋ ਵੇਲਾ ਨਾਮ, ਵਿਗਚ੍ਛਨ੍ਤਿ ਇਰਾ ਯਸ੍ਸਂ ਵੇਲਾ, ਲਤ੍ਤਂ. ਚਕ੍ਕਮਿਵ ਸਲਿਲਾਨਂ ਜਲਾਨਂ ਭਮੋ ਭਮਨਂ ਆਵਟ੍ਟੋ ਨਾਮ, ਆਵਟ੍ਟਨ੍ਤਿ ਜਲਾਨਿ ਅਤ੍ਰਾਤਿ ਆਵਟ੍ਟੋ.

ਤਿਕਂ ਬਿਨ੍ਦੁਮ੍ਹਿ. ਥੁ ਅਭਿਤ੍ਥਵੇ, ਵੋ, ਉਸ੍ਸੇ. ਵਿਦਿ ਅਵਯਵੇ, ਉ, ਬਿਨ੍ਦੁ. ਫੁਸ ਫੁਸਨੇ, ਤੋ, ਫੁਸਿਤਂ. ਪਾਕਾਰੇ, ਗੇਹਾਦਿਤਿਤ੍ਤਿਯਞ੍ਚ ਜਲਨਿਗ੍ਗਮੋ ਭਮੋ ਨਾਮ, ਭਮੁ ਅਨਵਟ੍ਠਾਨੇ.

੬੬੧. ਸਿਲੋਕੋ ਉਦਕੇ. ਆਪ ਬ੍ਯਾਪਨੇ, ਅਪ੍ਪੋਤਿ ਸਬ੍ਬਤ੍ਰਾਤਿ ਆਪੋ. ਪਾਤਬ੍ਬਨ੍ਤਿ ਪਯੋ, ਪਾ ਪਾਨੇ, ਣ੍ਯੋ. ਰਸ੍ਸੋ ¶ , ਪਯੋ. ਜਲ ਧਞ੍ਞੇ, ਅ. ਵਾਰਯਤਿ ਨਿਨ੍ਨੋਨਤਨ੍ਤਿ ਵਾਰਿ, ਵਰ ਨਿਸੇਧੇ, ਣਿ, ਵਾਰਯਤਿ ਪਿਪਾਸਨ੍ਤਿ ਵਾ ਵਾਰਿ. ਪੀਯਤੇਤਿ ਪਾਨੀਯਂ, ਅਨੀਯੋ. ਸਲਤੀਤਿ ਸਲਿਲਂ, ਸਲ ਗਤਿਯਂ, ਇਲੋ. ਉਦਿ ਕ੍ਲੇਦਨੇ, ਣ੍ਵੁ, ਉਲੋਪੋ, ਦਕਂ ਪਿਪਾਸਚ੍ਛੇਦਂ ਕਰੋਤੀਤਿ ਵਾ ਦਕਂ, ‘‘ਦਾ ਦਾਨਚ੍ਛੇਦਧਾਤੂ’’ਤਿ [ਏਕਕ੍ਖਰਕੋਸ ੨੦ ਗਾਥਾ] ਹਿ ਏਕਕ੍ਖਰਕੋਸੇ, ਰਸ੍ਸੋ. ਅਨ ਸਦ੍ਦੇ, ਅ, ਦ੍ਵਿਤ੍ਤਂ, ਅਰ ਗਮਨੇ ਵਾ, ਤੋ, ਅਨ੍ਨਾਦੇਸੋ, ਣਤ੍ਤਂ. ਨੀ ਨਯੇ, ਈਰੋ. ਵਨ ਸਮ੍ਭਤ੍ਤਿਯਂ. ਵਨੀਯਤੇ ਪਿਪਾਸੇਹੀਤਿ ਵਨਂ. ਵਾ ਗਮਨੇ, ਅਲੋ. ਤਾਯਤੇ ਪਾਲਯਤੇਤਿ ਤੋਯਂ, ਤਾ ਪਾਲਨੇ, ਚੁਰਾਦਿ, ਯੋ, ਆਕਾਰਸ੍ਸੋਤ੍ਤਂ. ਅਮ੍ਬ ਸਦ੍ਦੇ, ਉ, ਅਮ੍ਬੁ. ਉਦਿ ਪਸਵਨਕ੍ਲੇਦਨੇਸੁ, ਣ੍ਵੁ, ਉਦਕਂ. ਕਰ ਕਰਣੇ, ਕ੍ਵਿ, ਕਂ. ਕਮਲਂ, ਖੀਰਮ੍ਪਿ, ਕਮੁ ਇਚ੍ਛਾਕਨ੍ਤੀਸੁ, ਅਲੋ. ਖਨੁ ਹਿਂਸਾਯਂ, ਈਰੋ, ਨਲੋਪੋ, ਖੀ ਖਯੇ ਵਾ, ਖੀਰਂ.

੬੬੨. ਚਤੁਕ੍ਕਂ ਤਰਙ੍ਗੇ. ਤਰਨ੍ਤੋ ਗਚ੍ਛਤਿ, ਤੀਰਂ ਵਾ ਗਚ੍ਛਤੀਤਿ ਤਰਙ੍ਗੋ, ਅਲੁਤ੍ਤਸਮਾਸੋ, ਪਰਤ੍ਰ ਈਸ੍ਸਤ੍ਤਂ. ਸਯਮੇਵ ਭਿਜ੍ਜਤੇਤਿ ਭਙ੍ਗੋ, ਅ. ਊਹ ਵਿਤਕ੍ਕੇ, ਮਿ, ਹਲੋਪੋ, ਊਮਿ, ਅਰ ਗਮਨੇ ਵਾ, ਮਿ, ਅਸ੍ਸੂ, ਰਲੋਪੋ. ਵਿਮ੍ਹਯਂ ਵਿਚਿਤ੍ਤਂ ਚਿਨੋਤੀਤਿ ਵੀਚਿ, ਇ, ਉਪਸਗ੍ਗਸ੍ਸ ਦੀਘੋ, ਏਤੇ ਦ੍ਵੇ ਪੁਮਿਤ੍ਥਿਯਂ.

ਉਲ੍ਲੋਲੋ, ਕਲ੍ਲੋਲੋ ਚਾਤਿ ਇਦਂ ਦ੍ਵਯਂ ਮਹਾਵੀਚੀਸੁ ਕਥ੍ਯਤੇ, ਲੋਲ ਉਮ੍ਮਾਦਨੇ, ਉਲ੍ਲੋਲਯਤੀਤਿ ਉਲ੍ਲੋਲੋ, ਣੋ, ਉਲ ਗਮਨੇ ਵਾ, ਓਲੋ, ਦ੍ਵਿਤ੍ਤਂ. ਕਲ੍ਲ ਸਦ੍ਦੇ, ਓਲੋ, ਕਲ੍ਲੋਲੋ.

੬੬੩. ਸਿਲੋਕਦ੍ਧਂ ¶ ਕਦ੍ਦਮੇ. ਜਲਂ ਬਲਤੇ ਜਮ੍ਬਾਲੋ, ਕਮ੍ਮਨਿ ਣੋ, ਮਕਾਰੋ ਵਣ੍ਣਵਿਕਾਰੋ. ਕਲ ਸਙ੍ਖ੍ਯਾਨੇ, ਅਲੋ. ਪਚ ਵਿਤ੍ਥਾਰਵਚਨੇ, ਕਮ੍ਮਨਿ ਣੋ. ਚਿਕ੍ਖ ਵਚਨੇ, ਅਲੋ, ਦ੍ਵਿਤ੍ਤਂ. ਕਦ ਮਦ੍ਦੇ, ਅਮੋ, ਦ੍ਵਿਤ੍ਤਂ.

ਛਕ੍ਕਂ ਵਾਲੁਕਾਯਂ. ਪੁਲ ਮਹਤ੍ਥੇ, ਇਨੋ, ਲ਼ਤ੍ਤਂ. ਵਲ ਸਂਵਰਣੇ, ਣ੍ਵੁ, ਅਸ੍ਸੁ, ਵਾਲੁਕਾ, ਥੀ. ਵਣ੍ਣ ਸਦ੍ਦੇ, ਵਣ੍ਣੋ. ਮਰ ਪਾਣਚਾਗੇ, ਉ, ਮਰੁ, ਦੇਵੇਪਿ. ਅਰ ਗਮਨੇ, ਉ, ਅਸ੍ਸੁ, ਉਰੁ, ਮਹਨ੍ਤੇਪਿ, ਵਣ੍ਣੋ ਚ ਮਰੁ ਚ ਉਰੁ ਚ ਵਣ੍ਣਮਰੂਰੁ. ਸਿਚ ਪਗ੍ਘਰਣੇ, ਤੋ, ਸਿਕਤਾ, ਥੀ.

੬੬੪. ਜਲਮਜ੍ਝਗਤਂ ਤਲਂ ਕਮ੍ਮਭੂਤਂ ‘‘ਅਨ੍ਤਰੀਪਂ, ਦੀਪੋ’’ਤਿ ਚੋਚ੍ਚਤੇ. ਦ੍ਵਿਧਾਗਤਾਨਂ ਆਪਾਨਂ ਅਨ੍ਤਰਗਤਂ ਅਨ੍ਤਰੀਪਂ, ਆਕਾਰਸ੍ਸੀ. ‘‘ਅਨ੍ਤਰੀਯ’’ਨ੍ਤਿ ਵਾ ਪਾਠੋ, ਤਦਾ ਦ੍ਵਿਧਾਗਤਾਨਂ ਆਪਾਨਂ ਅਨ੍ਤਰੇ ਭਵਂ ਅਨ੍ਤਰੀਯਨ੍ਤਿ ਵਿਗ੍ਗਹੋ, ਅਕਾਰਸ੍ਸੀ. ਦ੍ਵਿਧਾਗਤਾਨਿ ਆਪਾਨਿ ਅਸ੍ਮਿਂ ਹੇਤੁਭੂਤੇਤਿ ਦੀਪੋ. ਵਕਾਰਆਕਾਰਾਨਂ ਲੋਪੋ, ਇਸ੍ਸੀ ਚ, ਦੀਪੋ, ਵਾਕਾਰੇਨ ਦੀਪਮ੍ਪਿ.

ਪਞ੍ਚਕਂ ਤੀਰਸ੍ਸ ਨਾਮਂ. ਪਾਰ ਤੀਰ ਕਮ੍ਮਸਮ੍ਪਤ੍ਤਿਯਂ, ਚੁਰਾਦਿ, ਅ. ਕੂਲ ਆਵਰਣੇ, ਣੋ. ਰੁਧ ਆਵਰਣੇ, ਰੋਧਂ. ਅਞ੍ਞਪਾਰਾਦਿਨਿਵਤ੍ਤਨਤ੍ਥਂ ‘‘ਪਤੀਰ’’ਨ੍ਤਿ ਵੁਤ੍ਤਂ. ਤਟ ਉਸ੍ਸਯੇ, ਅ, ਥਿਯਂ, ਤਟੀ.

੬੬੫. ਪਰਮ੍ਹਿ ¶ ਤੀਰਸ੍ਮਿਂ ਪਾਰਸਦ੍ਦੋ, ਸੋ ਚ ਨਪੁਂਸਕੇ, ਪਾਰ ਤੀਰ ਕਮ੍ਮਸਮ੍ਪਤ੍ਤਿਯਂ, ਪਾਰ ਸਾਮਤ੍ਥਿਯੇ ਵਾ, ਪਾਰਯਤਿ ਤਰਙ੍ਗਾਦਯੋ ਵਾਰੇਤੁਨ੍ਤਿ ਪਾਰਂ. ਓਰਨ੍ਤੁਤੀਰਂ ‘‘ਅਪਾਰ’’ਨ੍ਤ੍ਯੁਚ੍ਚਤੇ, ਅਵਰੇ ਤੀਰਦੇਸੇ ਭਵਂ ਓਰਂ, ਣੋ. ਪਾਰਤੋ ਅਞ੍ਞਂ ਤੀਰਂ ਅਪਾਰਂ.

ਪਞ੍ਚਕਂ ਉਲ਼ੁਮ੍ਪੇ. ਉਲ਼ੁਤੋ ਦਕਤੋ ਪਾਤਿ ਰਕ੍ਖਤਿ ਉਲ਼ੁਪੋ, ਸੋਯੇਵ ਨਿਗ੍ਗਹੀਤਾਗਮਵਸੇਨ ਉਲ਼ੁਮ੍ਪੋ. ਪ੍ਲਵਤਿ, ਪ੍ਲਵਨ੍ਤਿ ਅਨੇਨਾਤਿ ਵਾ ਪ੍ਲਵੋ, ਪ੍ਲਵ ਗਮਨੇ, ਗਮਨਂ ਅਤ੍ਰ ਜਲਗਮਨਂ. ਕੁਲ ਸਨ੍ਤਾਨੇ, ਅ, ਕੇ ਉਲਤਿ ਗਚ੍ਛਤੀਤਿ ਵਾ ਕੁਲ੍ਲੋ, ਅ, ਦ੍ਵਿਤ੍ਤਂ. ਤਰਨ੍ਤਿ ਅਨੇਨ ਤਰੋ, ਤਰ ਪ੍ਲਵਤਰਣੇਸੁ. ਗਮਨਾਗਮਨਵਸੇਨ ਪੁਨਪ੍ਪੁਨਂ ਜਲੇ ਅਰਨ੍ਤਿ ਯਾਯ, ਸਾ ਪਚ੍ਚਰੀ, ਅ, ਨਦਾਦਿ.

੬੬੬. ਤਿਕਂ ਨਾਵਾਯਂ. ਤਰਨ੍ਤਿ ਯਾਯ ਤਰਣੀ, ਯੁ, ਨਦਾਦਿ, ਇਪਚ੍ਚਯੇ ਤਰਿ, ਈਮ੍ਹਿ ਤੁ ਤਰੀ. ਨੁ ਥੁਤਿਯਂ, ਅ, ਵੁਡ੍ਢਾਵਾਦੇਸਾ, ਨਾਵਾ. ਦ੍ਵਯਂ ਲਙ੍ਕਾਰਥਮ੍ਭੇ. ਕੂਪ ਗਮਨੇ, ਣ੍ਵੁ, ਕੂਪਕੋ, ਅਪਚ੍ਚਯੋ ਵਾ, ਤਦਾ ਸਕਤ੍ਥੇ ਕੋ. ਕਮੁ ਇਚ੍ਛਾਯਂ, ਭੋ, ਸਕਤ੍ਥੇ ਕੋ, ਅਸ੍ਸੁ ਚ, ਕੁਮ੍ਭਕਂ.

ਦ੍ਵਯਂ ‘‘ਪੇ ਸੇਂ’’ਇਤਿ ਖ੍ਯਾਤੇ. ਤਰਸ੍ਸ ਪਚ੍ਛਾਭਾਗੇ ਬਨ੍ਧਿਤਬ੍ਬੋਤਿ ਪਚ੍ਛਾਬਨ੍ਧੋ. ਗ’ਮਿਚ੍ਛਿਤਦਿਸਂ ਅਟਤਿ ਯੇਨ ਗੋਟਵਿਸੋ, ਇਸੋ, ਅਵਨ੍ਤੋ ਚ ਅਸ੍ਸੋਤ੍ਤਞ੍ਚ, ਗੋਟਵਿਸੋ. ਦ੍ਵਯਂ ‘‘ਪੇ ਤਮਾ’’ਇਤਿ ¶ ਖ੍ਯਾਤੇ. ਨਾਵਾਯ ਕਣ੍ਣੋ ਵਿਯ ਕਣ੍ਣੋ, ਮਹਨ੍ਤੋ ਕੇਨਿਪਾਤੋ, ਤੇਨ ਪਵਹਣਪਤਿਸਵਨਤੋ, ਤਂ ਧਰਤੀਤਿ, ਕਮ੍ਮਨਿ ਣੋ. ਨਾਵਾਯ ਯੁਤ੍ਤੋ ਨਾਵਿਕੋ.

੬੬੭. ਦ੍ਵਯਂ ਨਾਵਾਯ ਗਮਨੋਪਾਯੇ. ਅਰਤਿ ਯੇਨਾਤਿ ਅਰਿਤ੍ਤਂ, ਛਦਾਦੀਹਿ ਤਤ੍ਰਣ, ਇਕਾਰਾਗਮੋ, ਦ੍ਵਿਤ੍ਤਞ੍ਚ. ਕੇ ਜਲੇ ਨਿਪਾਤਿਯਤੇ ਕੇਨਿਪਾਤੋ, ਅਲੁਤ੍ਤਸਮਾਸੋਯਂ.

ਦ੍ਵਯਂ ਨਿਯਾਮਕੇ. ਪੋਤੋ ਪਵਹਨਂ, ਤਂ ਵਾਹਯਤੀਤਿ ਪੋਤਵਾਹੋ. ਨਿਯਚ੍ਛਤਿ ਪੋਤਨ੍ਤਿ ਨਿਯਾਮਕੋ, ਯਮੁ ਉਪਰਮੇ, ਨਿਪੁਬ੍ਬੋ ਗਮਨੇ, ਣ੍ਵੁ, ਨਿਯਾਮਕੋ, ਚੁਰਾਦਿ. ਨਿਯਾਮਕੇਪਿ.

ਯੇ ਵਾਣਿਜਾ ਨਾਵਾਯ ਵਾਣਿਜਕਮ੍ਮਂ ਆਚਰਨ੍ਤਿ, ਤੇ ਸਂਯਤ੍ਤਿਕਾ ਨਾਮ, ਸਂਯਾਨਂ ਸਂਯਾਤ੍ਰਾ, ਦੀਪਨ੍ਤਰਗਮਨਂ, ਤ੍ਰਣ, ਸਾ ਪਯੋਜਨਮੇਤੇਸਂ ਸਂਯਤ੍ਤਿਕਾ, ਣਿਕੋ, ਰਲੋਪੋ, ਰਸ੍ਸੋ ਚ. ਤਪਚ੍ਚਯੇਨ ਵਾ ਸਿਦ੍ਧਂ. ਪੋਤਵਾਣਿਜਾਪਿ, ਪੋਤੋ ਪਵਹਨਂ, ਤਸ੍ਸ ਵਾਣਿਜਾ.

੬੬੮. ਲਙ੍ਕਾਰਾਦਯੋ, ਫਿਯਾਦਯੋ ਚ ਨਾਵਾਯ ਅਙ੍ਗਾ ਅਵਯਵਾ. ਲੋ ਇਨ੍ਦੋ, ਤਸ੍ਸ ਕਾਰਣਂ ਲਙ੍ਕਾਰੋ. ਵਟੋ ਵੁਚ੍ਚਤਿ ਸਿਵਟੋ, ਤਦਾਕਾਰਤਾਯ ਵਟਾਕਾਰੋ. ‘‘ਵਟੋ ਕਮਦ੍ਦੇ ¶ ਨਿਗ੍ਰੋਧੇ’’ਤਿ ਹਿ ਨਾਨਤ੍ਥਸਙ੍ਗਹੋ. ਫਾ ਵੁਡ੍ਢਿਯਂ, ਇਯੋ, ਫਿਯੋ.

ਦ੍ਵਯਂ ‘‘ਤਲਕ’’ਇਤਿ ਖ੍ਯਾਤੇ. ਪੂ ਪਵਨੇ, ਤੋ, ਵੁਡ੍ਢਿ, ਪਵਹਤਿ ਨਿਯਾਮਕੇਤਿ ਪਵਹਨਂ. ਵੁਤ੍ਤਨ੍ਤਿ ਕ੍ਰਿਯਾਪਦਂ. ਦ੍ਵਯਂ ਕਟ੍ਠਮ੍ਬੁਵਾਹਿਨਿਯਂ, ਦੁਣ ਗਤਿਹਿਂਸਾਸੁ, ਅ, ਨਦਾਦਿ, ਵੁਡ੍ਢਿ, ਦੋਣੀ. ਅਮ੍ਬੁਂ ਨੇਤਿ ਯੇਨ ਅਮ੍ਬਣਂ, ਉਸ੍ਸਤ੍ਤਂ, ਣਤ੍ਤਞ੍ਚ, ਅਮ੍ਬ ਸਦ੍ਦੇ ਵਾ, ਯੁ.

੬੬੯. ਤਿਕਂ ਗਮ੍ਭੀਰੇ. ਗਮੁ ਗਮਨੇ, ਈਰੋ, ਭੋਨ੍ਤੋ ਚ ਮਲੋਪੋ ਚ, ਗਭੀਰੋ. ਮਾਲੋਪੇ ਤੁ ਗਮ੍ਭੀਰੋ, ਗਚ੍ਛਨ੍ਤਾ ਭਾਯਨ੍ਤਿ ਅਸ੍ਮਿਨ੍ਤਿ ਵਾ ਗਭੀਰੋ, ਗਮ੍ਭੀਰੋ ਚ. ਨਿਪੁਬ੍ਬੋ ਮਨ ਅਭ੍ਯਾਸੇ, ਣੋ, ਮਸ੍ਸ ਨੋ. ਤਬ੍ਬਿਪਕ੍ਖਤੋ ਗਮ੍ਭੀਰਵਿਪਰੀਤਤੋ ਉਤ੍ਤਾਨਂ ਨਾਮ, ਉਗ੍ਗਤਂ ਤਾਨਂ ਪਮਾਣਂ ਅਸ੍ਸ ਉਤ੍ਤਾਨਂ, ਅਗਮ੍ਭੀਰਂ.

ਦ੍ਵਯਂ ਅਗਾਧੇ. ਗਾਧ ਪਤਿਟ੍ਠਾਕਙ੍ਖਾਸੁ, ਗਨ੍ਥੇ ਚ, ਨਤ੍ਥਿ ਗਾਧਂ ਯਤ੍ਰ ਅਗਾਧਂ. ਨ ਹੇਟ੍ਠਿਮਤਲਂ ਫੁਸਤਿ ਯਤ੍ਰ ਅਤਲਮ੍ਫਸ੍ਸਂ.

ਤਿਕਂ ਅਪ੍ਪਸਨ੍ਨੇ. ਨਤ੍ਥਿ ਅਚ੍ਛਭਾਵੋ ਅਤ੍ਰ ਅਨਚ੍ਛੋ. ਕਲੁਸਂ ਪਾਪੇਪਿ ਵੁਤ੍ਤਂ. ਵਿਲ ਭੇਦਨੇ, ਣੋ, ਆਵਿਲੋ. ਅਵ ਰਕ੍ਖਣੇ ਵਾ, ਇਲੋ.

੬੭੦. ਤਿਕਂ ਨਿਮ੍ਮਲੇ. ਛੋ ਛੇਦਨੇ, ਨ ਛਿਨ੍ਦਤਿ ਦਸ੍ਸਨਨ੍ਤਿ ਅਚ੍ਛੋ, ਣੋ, ਸਚ੍ਛੋਪਿ, ਸਰ ਵਿਸਰਣੇ, ਤੋ, ਅਨ੍ਨਾਦੇਸੋ. ਨਤ੍ਥਿ ਮਲਂ ਏਤਸ੍ਮਿਂ ਵਿਮਲੋ. ਗਭੀਰਪ੍ਪਭੁਤੀ ਗਭੀਰਾਦਯੋ ਵਿਮਲਨ੍ਤਾ ਤੀਸੁ ਲਿਙ੍ਗੇਸੁ.

ਪਞ੍ਚਕਂ ¶ ਕੇਵਟ੍ਟੇ. ਧਾ ਧਾਰਣੇ, ਈਵਰੋ. ਮਚ੍ਛੇ ਹਨ੍ਤ੍ਵਾ ਜੀਵਤੀਤਿ ਮਚ੍ਛਿਕੋ, ਇਕੋ. ਮਚ੍ਛੇ ਬਨ੍ਧਤਿ ਜਾਲੇਨਾਤਿ ਮਚ੍ਛਬਨ੍ਧੋ, ਮਚ੍ਛੇ ਵਧਤੀਤਿ ਵਾ ਮਚ੍ਛਬਨ੍ਧੋ, ਨਿਗ੍ਗਹੀਤਾਗਮੋ, ਕਂ ਜਲਂ, ਤਸ੍ਸ ਈਲਕ੍ਖੀ, ਤਾਯ ਵਟ੍ਟੋ ਵਟ੍ਟਨਂ ਅਸ੍ਸਤ੍ਥੀਤਿ ਕੇਵਟ੍ਟੋ. ਕੇਵਤ੍ਤੋਪਿ, ਣੋ. ਜਾਲੇ ਨਿਯੁਤ੍ਤੋ, ਜਾਲੇਨ ਹਨ੍ਤੀਤਿ ਵਾ ਜਾਲਿਕੋ, ਦਾਸੋਪ੍ਯਤ੍ਰ, ਦਾਸ ਦਾਨੇ, ਅ, ‘‘ਦਾਸੋ ਕੇਵਟ੍ਟਭਚ੍ਚੇਸੂ’’ਤਿ [ਚਿਨ੍ਤਾਮਣਿਟੀਕਾ ੧੦.੧੫] ਰੁਦ੍ਦੋ.

੬੭੧-੬੭੨. ਝਸਾਨ੍ਤਂ ਮਚ੍ਛੇ. ਮਸ ਆਮਸਨੇ, ਛੋ, ਮਰਧਾਤੁਵਸੇਨ ਵਾ ਸਿਦ੍ਧੋ, ਮਰ ਪਾਣਚਾਗੇ, ਇਨੋ, ਰਲੋਪੋ. ਮੁਖਪ੍ਪਦੇਸੇ ਪੁਥੂਨਿ ਲੋਮਾਨਿ ਅਸ੍ਸ ਪੁਥੁਲੋਮੋ. ਪਾਠੀਨਾਦੀਨਂ ਮਚ੍ਛਤ੍ਤਾ ਵਿਸੇਸਤੋ ਅਲੋਮਕੇਪ੍ਯਸ੍ਸ ਵੁਤ੍ਤਿ. ਝਸ ਹਿਂਸਤ੍ਥੋ ਦਣ੍ਡਕੋ ਧਾਤੁ, ਅ, ਝਸੋ. ਅਣ੍ਡਜੋ, ਵਿਸਾਰੋ, ਸਕਲੀਪਿ, ਵਿਚਿਤ੍ਰਂ ਸਰਤਿ ਅਨੇਨ ਵਿਸਾਰੋ, ਣੋ. ਰੋਹਿਤਾਦੀਨਂ ਵਕ੍ਕਲਪ੍ਪਾਯੋ [ਬਤ੍ਤਲਪ੍ਪਾਯੋ (ਕ.)] ਤਚੋ ਸਕਲਂ. ਤਂਯੋਗਾ, ਈ, ਸਕਲੀ.

ਰੋਹਿਤਾਦਯੋ, ਮਕਰਾਦਯੋ ਚ ਮਚ੍ਛਪ੍ਪਭੇਦਾ. ਰੁਹ ਜਨਨੇ, ਤੋ, ਰੋਹਿਤੋ. ਵਿਪਾਕੇ ਮਧੁਰਸਤ੍ਤਾ ਮਗ੍ਗੁਰੋ, ਵਣ੍ਣਵਿਕਾਰੋ, ਮਜ੍ਜਤੀਤਿ ਵਾ ਮਗ੍ਗੁਰੋ, ਊਰੋ, ਮਜ੍ਜ ਸੁਦ੍ਧਿਯਂ, ਜ੍ਜਸ੍ਸ ਗ੍ਗਤ੍ਤਂ, ਰਸ੍ਸੋ ਚ, ਮਗ੍ਗੁਰੋ, ‘‘ਙਾ ਖੂ’’. ਸਿਙ੍ਗਯੁਤ੍ਤਤਾਯ ਸਿਙ੍ਗੀ, ਣੋ, ਨਦਾਦਿ, ਸਙ੍ਗੁਪਿ, ਸਰਤਿ ਵਾਤਨ੍ਤਿ ਵਾ ਸਿਙ੍ਗੀ, ਸਰ ਹਿਂਸਾਯਂ, ਅ, ਰਸ੍ਸ ਗੋ, ਅਸ੍ਸਿ, ਨਿਗ੍ਗਹੀਤਾਗਮੋ, ਨਦਾਦਿ, ਸਿਙ੍ਗੀ, ‘‘ਙ ਚ੍ਵੇ’’. ਬਲ ¶ ਸਂਵਰਣੇ, ਅਲੋ, ਲਸ੍ਸ ਜੋ, ਬਲਜੋ,’’ਙ ਪਾ’’. ਮੁਞ੍ਜ ਸਦ੍ਦਤ੍ਥੋ, ਮੁਞ੍ਜੋ. ਪੂ ਪਵਨੇ, ਉਸੋ, ਵੁਦ੍ਧ੍ਯਾਵਾਦੇਸਾ, ਪਾਵੁਸੋ, ਮਹਾਮੁਖਮਚ੍ਛੋ, ‘‘ਙ ਟਾ’’.

ਸਤ੍ਤਕ੍ਖਤ੍ਤੁਂ ਵਙ੍ਕਤੀਤਿ ਸਤ੍ਤਵਙ੍ਕੋ, ‘‘ਙ ਸੇ’’. ਸਹ ਵਙ੍ਕੇਨ, ਸਂਵਿਜ੍ਜਮਾਨੋ ਵਾ ਵਙ੍ਕੋ ਯਸ੍ਸ ਸਵਙ੍ਕੋ, ‘‘ਙ ਮ੍ਵੇ’’. ਨਲ਼ਸਣ੍ਠਾਨੋ ਮੀਨੋ ਨਲ਼ਮੀਨੋ, ‘‘ਙ ਫ੍ौ-ਯੋ’’. ਕਡਿ ਸਨ੍ਨਿਚਯਵਦਨੇਕਦੇਸੇਸੁ, ਣ੍ਵੁ, ਗਣ੍ਡਕੋ, ‘‘ਙ ਮਾ’’. ਸਸੁ ਹਿਂਸਾਯਂ, ਉ, ਅਸ੍ਸੁ, ਸੁਸੁਕਾ, ਸਕਤ੍ਥੇਕੋ, ‘‘ਙ-ਪ੍ौ-ਟਯੇ’’. ਸਯਨਤੋ ਪਸ੍ਸੇਨ ਫਰਤੀਤਿ ਸਫਰੀ, ਨਦਾਦਿ, ਫਰ ਫਰਣੇ, ਸਫਰੀ ਦ੍ਵੀਸੁ, ‘‘ਙ ਖੂ-ਮਾ’’. ਪਾਣਿਗ੍ਗਹਣੇ ਮੁਖਂ ਕਿਰਤੀਤਿ ਮਕਰੋ, ਯਦਾਦਿ.

੬੭੩. ਤਿਮਿਆਦਯੋ ਸਤ੍ਤ ਮਹਾਮਚ੍ਛਾ ਨਾਮ. ਤਿਮ ਅਦ੍ਦਭਾਵੇ, ਤਿਮਤੀਤਿ ਤਿਮਿ, ਇ, ਤਿਮਿ ਮਚ੍ਛਮਤ੍ਤੇਪਿ. ਗਿਰ ਨਿਗ੍ਗਿਰਣੇ, ਣੋ, ਲਤ੍ਤਂ, ਇਸ੍ਸਤ੍ਤਂ. ਤਿਮਿਨੋ ਗਲੋ ਤਿਮਿਙ੍ਗਲੋ, ਨਿਗ੍ਗਹੀਤਾਗਮੋ. ਵਣ੍ਣੇਨ ਪਿਙ੍ਗਲਤਿਮਿਰਸਦਿਸਤਾਯ ਤਿਮਿਰਪਿਙ੍ਗਲੋ. ਆ ਭੁਸੋ ਨਨ੍ਦਤੀਤਿ ਆਨਨ੍ਦੋ, ਨਨ੍ਦ ਸਮਿਦ੍ਧਿਯਂ. ਤਿਮਿਨੋ ਮਚ੍ਛੇ ਨਨ੍ਦਯਤੀਤਿ ਤਿਮਿਨਨ੍ਦੋ. ‘‘ਤਿਮਿਨ੍ਦੋ’’ਤਿਪਿ ਪਾਠੋ, ਤਿਮੀਨਂ ਮਚ੍ਛਾਨਂ ਇਨ੍ਦੋ ਤਿਮਿਨ੍ਦੋ. ਅਧਿਕੋ ਆਰੋਹੋ ਯਸ੍ਸ ਅਜ੍ਝਾਰੋਹੋ. ਮਹਨ੍ਤੋ ਤਿਮਿ ਮਚ੍ਛੋ ਮਹਾਤਿਮਿ.

੬੭੪. ਦ੍ਵਯਂ ‘‘ਙ ਫੇ’’ਇਤਿ ਖ੍ਯਾਤੇ. ਪਾਸਾਣਸਦਿਸਸਣ੍ਠਾਨੋ ਮਚ੍ਛੋ ਪਾਸਾਣਮਚ੍ਛੋ. ਪਠ ਵਿਯਤ੍ਤਿਯਂ ਵਾਚਾਯਂ, ਇਨੋ ¶ , ਉਭਯਤ੍ਰ ਦੀਘੋ, ਪਾਠੀਨੋ, ‘‘ਙ-ਪ੍ौ’’ਤਿ ਚ ਵਦਨ੍ਤਿ. ਦ੍ਵਯਂ ਬਲ਼ਿਸੇ. ਵਙ੍ਕਤੀਤਿ ਵਙ੍ਕੋ, ਵਙ੍ਕ ਕੋਟਿਲ੍ਯੇ. ਬਲ ਸਂਵਰਣੇ, ਇਸੋ, ਲ਼ਤ੍ਤਂ. ਮਚ੍ਛਵੇਧਨਮ੍ਪਿ, ਵਿਧ ਵਿਧਾਨੇ, ਭੇਦਨੇ ਚ, ਅਨੇਕਤ੍ਥਤ੍ਤਾ, ਯੁ.

ਤਿਕਂ ਕੁਮ੍ਭੀਲੇ. ‘‘ਸੁਂਸੁਮਾਰੋ’’ਤਿ ਸਮੁਦਿਤਨਾਮਂ, ਸਸਤੀਤਿ ਸੁਸੁ. ਸੁਸੁ ਏਵ ਸੁਂਸੁ, ਮਾਰੇਤੀਤਿ ਮਾਰੋ, ਸੁਂਸੁ ਏਵ ਮਾਰੋ ਸੁਂਸੁਮਾਰੋ. ਕੇਨ ਉਭਤਿ ਪੂਰੇਤੀਤਿ ਕੁਮ੍ਭੋ, ਜਲਾਸਯੋ, ਤਤ੍ਰ ਉਲਤਿ ਗਚ੍ਛਤੀਤਿ ਕੁਮ੍ਭੀਲੋ, ਕੁਮ੍ਭੀ ਵਾ ਘਟੋ, ਤਂ ਲਾਤੀਤਿ ਕੁਮ੍ਭੀਲੋ. ਨ ਕਮਤੀਤਿ ਨਕ੍ਕੋ, ਕ੍ਵਿ, ਸਞ੍ਞਾਸਦ੍ਦਤ੍ਤਾ ਨਸ੍ਸ ਪਕਤਿ, ਨਕ੍ਕ ਨਾਸਨੇ ਵਾ, ਚੁਰਾਦਿ.

ਦ੍ਵਯਂ ਕਚ੍ਛਪੇ. ਕੁਚ੍ਛਿਤੋ ਊਮਿ ਵੇਗੋ ਅਸ੍ਸ ਕੁਮ੍ਮੋ, ‘‘ਪਕਾਸੇ ਵੇਗਭਙ੍ਗੇਸੁ, ਤਰਙ੍ਗੇ ਊਮਿ ਪੁਂਥਿਯ’’ਨ੍ਤਿ [ਚਿਨ੍ਤਾਮਣਿਟੀਕਾ ੧੦.੨੧] ਰਭਸੋ, ‘‘ਵੇਗੇ ਭਙ੍ਗਪ੍ਪਕਾਸੇਸੁ, ਬਿਲਾਯਂ ਊਮਿ ਵੀਚਿਯ’’ਨ੍ਤਿ ਨਾਨਤ੍ਥਸਙ੍ਗਹੋ. ਕਚ੍ਛੇਨ ਪਿਵਤੀਤਿ ਕਚ੍ਛਪੋ, ਣੋ, ਕਮਠੋਪ੍ਯਤ੍ਰ, ਕਮੁ ਇਚ੍ਛਾਯਂ, ਅਠੋ.

੬੭੫. ਦ੍ਵਯਂ ਕਕ੍ਕਟੇ. ਕਕਤੀਤਿ ਕਕ੍ਕਟਕੋ. ਸਕਤ੍ਥੇ ਕੋ, ਕੁਕ ਆਦਾਨੇ ਵਾ, ਅਟੋ, ਉਸ੍ਸਤ੍ਤਂ. ਕੁਲ ਸਨ੍ਤਾਨੇ, ਬਨ੍ਧੁਮ੍ਹਿ ਚ, ਈਰੋ, ਕੁਂ ਵਾ ਪਥਵਿਂ ਲੁਨਾਤੀਤਿ ਕੁਲ਼ੀਰੋ, ਈਰੋ. ਦ੍ਵਯਂ ਰਤ੍ਤਪੇ. ਜਲਸ੍ਸ ਊਕਾ ਕਿਮਿਵਿਸੇਸੋ ਜਲੂਕਾ, ਜਲਂ ਓਕਂ ਗੇਹਂ ਏਤਿਸ੍ਸਾਤਿ ਵਾ ਜਲੂਕਾ, ਓਸ੍ਸੂ, ਉਚ ਸਮਵਾਯੇ, ਣੋ, ਓਕਂ. ਰਤ੍ਤਂ ਰੁਧਿਰਂ ਪਿਵਤੀਤਿ ਰਤ੍ਤਪਾ.

ਤਿਕਂ ¶ ਮਣ੍ਡੂਕੇ. ਮਣ੍ਡ ਭੂਸਨੇ, ਉਕੋ, ਦੀਘੋ. ਦਦ ਦਾਨੇ, ਉਰੋ, ਦ੍ਵਿਤ੍ਤਂ. ਭੀ ਭਯੇ, ਸਪ੍ਪਤੋ ਭਾਯਤੀਤਿ ਭੇਕੋ, ਇਕੋ, ਈਸ੍ਸੇ. ਵਸ੍ਸਾਭੂ, ਸਾਲੁਰੋ, ਪ੍ਲਵੋਪਿ. ਦ੍ਵਯਂ ‘‘ਤੀ’’ਇਤਿ ਖ੍ਯਾਤੇ. ਗਣ੍ਡਂ ਵਚ੍ਚਸਨ੍ਨਿਚਯਂ ਉਪ੍ਪਾਦੇਤੀਤਿ ਗਣ੍ਡੁਪ੍ਪਾਦੋ. ਮਹਿਯਾ ਲਤਾ ਮਹੀਲਤਾ, ਕਿਞ੍ਚੁਲੁਕੋਪਿ. ਕਿਞ੍ਚ ਚੁਲਤੀਤਿ ਕਿਞ੍ਚੁਲੁਕੋ, ਉਕੋ.

੬੭੬. ਦ੍ਵਯਂ ਮੁਤ੍ਤਾਫੋਟੇ. ਸਪ੍ਪ ਗਮਨੇ, ਇ, ਅਸ੍ਸਿ, ਸਿਪ੍ਪਿ, ਥੀ. ਸੁ ਅਭਿਸਵੇ, ਤ੍ਤਿ, ਸੁਤ੍ਤਿ. ਦ੍ਵਯਂ ਸਙ੍ਖੇ. ਖਨੁ ਅਵਦਾਰਣੇ, ਕ੍ਵਿ, ਸਙ੍ਖੋ. ਸਮੁ ਉਪਸਮੇ ਵਾ, ਖੋ, ਸਙ੍ਖੋ. ਕਂ ਵਾਤਿ ਗਚ੍ਛਤੀਤਿ ਕੁਮ੍ਬੁ, ਉ, ਦ੍ਵੇਪ੍ਯਨਿਤ੍ਥਿਯਂ.

ਦ੍ਵਯਂ ਖੁਦ੍ਦਸਙ੍ਖਜਾਤਿਯਂ. ਸਙ੍ਖਸ੍ਸ ਨਖੋ ਇਵ ਸਙ੍ਖਨਖੋ. ਦ੍ਵਯਂ ‘‘ਖਰੁ’’ਇਤਿ ਖ੍ਯਾਤੇ. ਜਲੇ ਸਵਤੀਤਿ ਜਲਸੁਤ੍ਤਿ, ਸੁ ਪਸਵੇ, ਤ੍ਤਿ. ਸਮਤੀਤਿ ਸਮ੍ਬੁਕੋ, ਉਕੋ, ਬੋਨ੍ਤੋ ਚ, ‘‘ਸਮ੍ਬੁਕੋ ਜਲਸੁਤ੍ਤਿ’ਤ੍ਥੀ’’ਤਿ [ਚਿਨ੍ਤਾਮਣਿਟੀਕਾ ੧੦.੨੩] ਪੁਂਕਣ੍ਡੇ ਵੋਪਾਲਿਤੋ.

੬੭੭. ਦ੍ਵਯਂ ਜਲਾਸਯੇ. ਜਲਾਨਂ ਆਸਯੋ ਪਤਿਟ੍ਠਿਤਟ੍ਠਾਨਂ ਜਲਾਸਯੋ. ਤੇਸੁ ਜਲਾਸਯੇਸੁ ਮਜ੍ਝੇ ਯੋ ਗਮ੍ਭੀਰੋ ¶ ਅਗਾਧੋ, ਸੋ ਰਹਦਾਖ੍ਯੋ, ਹਰ ਹਰਣੇ, ਭੂਵਾਦਿ, ਦੋ, ਵਣ੍ਣਵਿਪਰਿਯਯੋ, ਰਹਦੋ.

ਦ੍ਵਯਂ ਉਦਪਾਨੇ. ਉਦਕਂ ਪਿਵਨ੍ਤਿ ਅਸ੍ਮਿਂ, ਯੁ, ਕਲੋਪੋ. ਪਿਵਨ੍ਤਿ ਅਸ੍ਮਿਂ ਪਾਨੋ, ਸੋ ਏਵ ਕੂਪੋ ਪਾਨਕੂਪੋ, ਕੁ ਸਦ੍ਦੇ, ਪੋ, ਦੀਘਾਦਿ, ਕੂਪੋ, ਕੇਨ ਉਭਤੀਤਿ ਵਾ ਕੂਪੋ, ਭਸ੍ਸ ਪੋ. ਅਨ੍ਧੁਪਿ, ਅਨ੍ਧ ਦਸ੍ਸਨੁਪਸਙ੍ਘਾਤੇ, ਚੁਰਾਦਿ, ਉ. ਦ੍ਵਯਂ ਸਮਚਤੁਰਸ੍ਸਪੋਕ੍ਖਰਣਿਯਂ. ਖਨੁ ਅਵਦਾਰਣੇ, ਕਮ੍ਮੇ ਤੋ, ਨਲੋਪੋ, ਦੀਘਾਦਿ. ਪੋਕ੍ਖਰਂ ਜਲਂ, ਤਂਯੋਗਾ ਅਨੋ, ਨਦਾਦਿ, ਪੋਕ੍ਖਰਣੀ.

੬੭੮. ਤਿਪਾਦੇਨ ਮਹਤੋ ਸਦਾ ਅਗਾਧਜਲਸ੍ਸ ਪਦ੍ਮਟ੍ਠਾਨਸ੍ਸ ਚ ਪਦ੍ਮਸੁਞ੍ਞਸ੍ਸ ਚ ਯੋਗ੍ਯਤਾਯ ਨਾਮਂ [ਅਮਰ ੧੦.੨੮ ਗਾਥਾਯਂ ਪਸ੍ਸਿਤਬ੍ਬਂ]. ਤਲ਼ ਆਘਾਤੇ, ਤਲ ਪਤਿਟ੍ਠਾਯਂ ਵਾ, ਆਕੋ, ਅਪਰਪਕ੍ਖੇ ਲ਼ਤ੍ਤਂ. ਸਰ ਗਮਨੇ, ਅ, ਸਰੋ. ਵਪ ਬੀਜਨਿਕ੍ਖੇਪੇ, ਵਪਨ੍ਤਿ ਯਾਯ ਵਾਪੀ, ਆਯਤਚਤੁਰਸ੍ਸਾਯਮ੍ਪਿ. ਸਰਤਿਸ੍ਮਾ ਅਸੋ, ਨਦਾਦਿ, ਸਰਸੀ. ਦਹ ਭਸ੍ਮੀਕਰਣੇ, ਅ, ਦਧ ਧਾਰਣੇ ਵਾ, ਧਸ੍ਸ ਹੋ. ਅਮ੍ਬੁਜਾਨਂ ਪਦ੍ਧਾਨਂ ਆਕਰੋ ਉਪ੍ਪਤ੍ਤਿਟ੍ਠਾਨਂ.

ਖੁਦ੍ਦਕੋ ਸਰੋ ‘‘ਪਲ੍ਲਲ’’ਨ੍ਤ੍ਯੁਚ੍ਚਤੇ. ਯਤ੍ਰ ਵਸ੍ਸਾਸੁ ਅਧਿਕਂ ਜਲਂ, ਗਿਮ੍ਹੇਸੁ ਜਾਣੁਮਤ੍ਤਂ, ਸੁਕ੍ਖਤ੍ਯੇਵ ਵਾ, ਪਲ੍ਲ ਰਕ੍ਖਣੇ, ਚੁਰਾਦਿ, ਅਲੋ, ਪਲ੍ਲਲਂ.

੬੭੯-੬੮੦. ਅਨੋਤਤ੍ਤਾਦਯੋ ¶ ਏਤੇ ਸਤ੍ਤ ਮਹਾਸਰਾ ਨਾਮ. ਤਤ੍ਰ ਸੂਰਿਯਰਂਸਿਸਮ੍ਫੁਟ੍ਠਾਭਾਵੇਨ ਨ ਅਵਤਪਤਿ ਉਦਕਮੇਤ੍ਥਾਤਿ ਅਨੋਤਤ੍ਤੋ. ਕਣ੍ਣਮੁਣ੍ਡਪਬ੍ਬਤਸਮੀਪਤ੍ਤਾ ਕਣ੍ਣਮੁਣ੍ਡੋ. ਰਥਂ ਕਰੋਤੀਤਿ ਰਥਕਾਰਕੋ, ਯਥਾਕਥਞ੍ਚਿ ਅਯਂ ਬ੍ਯੁਪ੍ਪਤ੍ਤਿ ਨਾਮ, ਸਞ੍ਞਾ ਪਨ ਲੋਕਤੋਯੇਵਾਵਗਨ੍ਤਬ੍ਬਾ. ਛਬ੍ਬਣ੍ਣਦਨ੍ਤਵਨ੍ਤਤਾਯ ਛਦ੍ਦਨ੍ਤੋ, ਨਾਗਰਾਜਾ, ਤਸ੍ਸ ਨਿਵਾਸਨਟ੍ਠਾਨਸਮੀਪਤ੍ਤਾ ਛਦ੍ਦਨ੍ਤੋ, ਸਰੋ. ਕੁਣਾਲਸਕੁਣਾ ਬਹਵੋ ਯਤ੍ਥ ਸਨ੍ਤਿ ਕੁਣਾਲੋ. ਮਨ੍ਦਾਕਿਨੀ ਆਕਾਸਗਙ੍ਗਾਯਮ੍ਪਿ ਵੁਤ੍ਤਾ. ਬਹਵੋ ਸੀਹਾ ਪਪਤਨ੍ਤਿ ਅਸ੍ਮਿਂ ਸੀਹਪ੍ਪਪਾਤੋ.

ਦ੍ਵਯਂ ਜਲਪ੍ਪਾਯੇ ਦੇਸੇ ਕੂਪਨਿਕਟੇ ਪਸੁਪਾਨਤ੍ਥਂ ਪਤ੍ਥਾਰਾਦਿਰਚਿਤੇ ਜਲਾਸਯੇ. ਆਹੂਯਨ੍ਤੇ ਪਸਵੋ ਅਤ੍ਰ ਪਾਨਾਯਾਤਿ ਆਹਾਵੋ, ਣੋ, ਵੁਡ੍ਢਾਵਾਦੇਸੋ. ਨਿਪਿਵਨ੍ਤਿ ਅਸ੍ਮਿਂ ਨਿਪਾਨਂ, ਯੁ. ਦ੍ਵਯਂ ਸੁਰਖਾਤੇ, ਅਪੋਰਿਸੇ ਦੇਵਨਿਮ੍ਮਿਤੇਤਿ ਭਾਵੋ, ਸੋਣ੍ਡੇਇਚ੍ਚਞ੍ਞੇ. ‘‘ਅਖਾਤੋ ਦੇਵਖਾਤਕੋ’’ਤਿ [ਅਮਰ ੧੦.੨੭] ਹਿ ਅਮਰਮਾਲਾਯਂ ਪੁਂਸਕਣ੍ਡਂ.

੬੮੧. ਨਦ੍ਯਨ੍ਤਂ ¶ ਨਦੀਯਂ. ਸਵਤੀਤਿ, ਅਨ੍ਤੋ, ਨਦਾਦਿ, ਸਵਨ੍ਤੀ. ਨਿਨ੍ਨਟ੍ਠਾਨਂ ਗਚ੍ਛਤੀਤਿ ਨਿਨ੍ਨਗਾ, ਕ੍ਵਿ. ਸਨ੍ਦ ਪਸਵਨੇ, ਉ, ਅਸ੍ਸਿਤ੍ਤਂ, ਵਣ੍ਣਵਿਕਾਰੋ, ਸਿਨ੍ਧੁ. ਸਰ ਗਮਨੇ, ਤੋ, ਇਕਾਰਾਗਮੋ, ਸਰਿਤਾ. ਆਪਾਨਂ ਨਿਵਾਸੋ ਆਪੋ, ਸਮੁਦ੍ਦੋ, ਣੋ, ਤਂ ਗਚ੍ਛਤੀਤਿ ਆਪਗਾ. ਨਦ ਅਬ੍ਯਤ੍ਤਸਦ੍ਦੇ, ਨਦਤੀਤਿ ਨਦੀ, ਨਦਾਦਿ, ਤਰਙ੍ਗਨੀਪ੍ਯਤ੍ਰ.

ਦ੍ਵਯਂ ਗਙ੍ਗਾਯਂ. ਭਗੀਰਥੇਨ ਰਞ੍ਞਾ ਨਿਬ੍ਬਤ੍ਤਿਤਾ ਭਾਗੀਰਥੀਤਿ ਲੋਕਿਯਾ, ਅਸ੍ਮਾਕਨ੍ਤੁ ਮਤੇਨ ਨਾਮਮਤ੍ਤਮੇਵੇਤਂ ਤਸ੍ਸਾਤਿ ਸਨ੍ਨਿਟ੍ਠਾਨਂ, ਏਵਂ ਸਬ੍ਬਤ੍ਰ. ਗਚ੍ਛਤੀਤਿ ਗਙ੍ਗਾ, ਗਮਿਤੋ ਗੋ, ਤਿਪਥਗਤਾਪਿ, ਤਯੋ ਸਗ੍ਗਮਚ੍ਚਪਾਤਾਲਪਥੇ ਗਤਾ ਤਿਪਥਗਤਾ. ਸਿਨ੍ਧੂਨਂ ਨਦੀਨਂ ਸਙ੍ਗਮੋ ਮੇਲਕੋ ਸਮ੍ਭੇਦੋ. ਸਮ੍ਮਾ ਭਿਜ੍ਜਨ੍ਤਿ ਅਸ੍ਮਿਂ ਸਮ੍ਭੇਦੋ, ਸਂਪੁਬ੍ਬੋ ਭਿਦਿ ਮੇਲਨੇ, ਣੋ.

੬੮੨. ਗਙ੍ਗਾਦਿਕਾ ਇਮਾ ਪਞ੍ਚ ਨਦਿਯੋ ਮਹਾਨਦੀ ਨਾਮ. ਅਚਿਰਂ ਸੀਘਗਮਨਂ ਏਤਿਸ੍ਸਮਤ੍ਥੀਤਿ ਅਚਿਰਵਤੀ. ਯਮੁ ਉਪਰਮੇ, ਉਨੋ, ਯਮਸ੍ਸ ਭਗਿਨੀ ਵਾ ਯਮੁਨਾ, ਭਗਿਨ੍ਯਤ੍ਥੇ ਉਨੋ. ਸਰਾਨਿ ਭਵਨ੍ਤਿ ਯਾਯ ਅਵਧਿਭੂਤਾਯਾਤਿ ਸਰਭੂ, ਸਰ ਗਤਿਹਿਂਸਾਚਿਨ੍ਤਾਸੁ ਵਾ, ਊ, ਅਭੋਨ੍ਤੋ ਚ, ਸਰਭੂ. ਮਹ ਪੂਜਾਯਂ, ਅ, ਨਦਾਦਿ.

ਚਨ੍ਦਭਾਗਾਦਿਕਾ ¶ ਨਿਨ੍ਨਗਾ ਪਞ੍ਚ ਮਹਾਨਦਿਤੋ ਅਞ੍ਞਾਸਂ ਨਦੀਨਂ ਭੇਦਾ. ਚਨ੍ਦਭਾਗੋ ਨਾਮ ਪਬ੍ਬਤੋ, ਤਤੋ ਪਭਵਤੀਤਿ ਚਨ੍ਦਭਾਗਾ. ਸਰਯੋਗਾ ਵਨ੍ਤੁ, ਮਜ੍ਝੇ ਸਕਾਰਾਗਮੋ, ਨਦਾਦਿ, ਸਰਸ੍ਵਤੀ. ਵਨ੍ਤੁਰਤ੍ਰਾਤਿਸਯੇ.

੬੮੩. ਨਿਦ੍ਦੋਸਂ ਜਲਂ ਅਸ੍ਸਂ ਨੇਰਞ੍ਜਰਾ, ਯਦਾਦਿ, ਅਥ ਵਾ ਨੇਰਞ੍ਜਰਾ ਨਾਮ ਤੂਰਿਯਵਿਸੇਸੋ, ਤਂਸਮਾਨਸਦ੍ਦਤਾਯ ਅਯਂ ਨਦੀ ਨੇਰਞ੍ਜਰਾ ਨਾਮ. ਨਾਨਾਗਾਹਾਕੁਲੀਭੂਤਤਾਯ ਕੁਚ੍ਛਿਤਂ ਵੇਰਂ ਅਸ੍ਸਾ ਕਾਵੇਰੀ, ਨਦਾਦਿ. ਨਮ੍ਮਂ ਸੁਖਂ ਦਦਾਤੀਤਿ ਨਮ੍ਮਦਾ, ਣੋ. ਆਦਿਨਾ ਸਰਾਵਤੀ ਵੇਤ੍ਤਵਤੀ ਕਣ੍ਟਕੀ ਕੋਸਿਕੀਆਦਿਕਾ ਅਨੇਕਾ ਨਦੀਭੇਦਾ ਸਙ੍ਗਹਿਤਾ.

ਦ੍ਵਯਂ ਹਮ੍ਮਿਯਦੇਵਾਲਯਾਦੀਸੁ ਜਲਮਗ੍ਗੇ. ਵਾਰਿਨੋ ਨਿਕ੍ਖਮਨਮਗ੍ਗੋ ਵਾਰਿਮਗ੍ਗੋ. ਨਲ ਗਨ੍ਧੇ, ਅ, ਨਦਾਦਿ, ਲ਼ਤ੍ਤਂ, ਪਨਾਲ਼ਿ, ਅਯਂ ਇਤ੍ਥਿਯਂ, ਪੁਮੇ ਚ.

ਤਿਕਂ ਗਾਮਦ੍ਵਾਰਮ੍ਹਿ ਅਸੁਚਿਪੂਤਿਪਙ੍ਕਸਮ੍ਪੁਣ੍ਣਾਯਂ ਕਾਸੁਯਂ. ਚਿਤ੍ਤਂ ਦੁਨੋਤੀਤਿ ਚਨ੍ਦਨਿਕਾ, ਯਦਾਦਿ.

੬੮੪-੬੮੫. ਜਮੁ ਅਦਨੇ, ਅਲੋ, ਨਦਾਦਿ, ਬੋਨ੍ਤੋ ਚ, ਲ਼ਤ੍ਤਂ, ਜਮ੍ਬਾਲ਼ੀ. ਅਵਲਗ੍ਗਨ੍ਤਿ ਅਸ੍ਮਿਂ ਓਲ਼ਿਗਲ੍ਲੋ, ਲਗ੍ਗ ਸਙ੍ਗੇ, ਅਲੋ, ਲ਼ਤ੍ਤਂ, ਅਸ੍ਸਿ, ਗਲੋਪੋ, ਦ੍ਵਿਤ੍ਤਞ੍ਚ. ਸਾਦ੍ਧਪਜ੍ਜੇਨ ਪਦੁਮਸ੍ਸ ਨਾਮਂ. ਸਰਸਿ ਰੁਹਤੀਤਿ ਸਰੋਰੁਹਂ, ਰੋ. ਸਤਂ ਪਤ੍ਤਾਨਿ ¶ ਅਸ੍ਸ, ਪਦ੍ਮਵਿਸੇਸਤ੍ਥੇਪ੍ਯਸ੍ਸ ਪਦ੍ਮਤ੍ਤਾ ਵਿਸੇਸਤੋ ਅਭੇਦੋ. ਅਰਂ ਵਿਨ੍ਦਤੀਤਿ ਅਰਵਿਨ੍ਦਂ. ਪਦ ਗਮਨੇ, ਉਮੋ. ਪਦੁਮਂ, ਅਨਿਤ੍ਥੀ. ਪਙ੍ਕੇ ਕਦ੍ਦਮੇ ਰੁਹਤੀਤਿ ਪਙ੍ਕੇਰੁਹਂ, ਅਲੁਤ੍ਤਸਮਾਸੋਯਂ. ਨਲ ਗਨ੍ਧੇ, ਇਨੋ, ਲ਼ਤ੍ਤਂ. ਪੁਸ ਵੁਡ੍ਢਿਮ੍ਹਿ, ਖਰੋ, ਵੁਡ੍ਢਿ, ਸਸ੍ਸ ਕੋ, ਪੋਕ੍ਖਰੇ ਜਲੇ ਜਾਤਨ੍ਤਿ ਵਾ ਪੋਕ੍ਖਰਂ. ਮੁਲ਼ਾਲਤੋਪਿ ਉਗ੍ਗਨ੍ਤ੍ਵਾ ਪੁਪ੍ਫਤਿ ਮੁਲ਼ਾਲਪੁਪ੍ਫਂ. ਕਂ ਜਲਂ ਅਲਯਤਿ ਭੂਸਯਤੀਤਿ ਕਮਲਂ, ਅਲ ਭੂਸਨੇ. ਭਿਸਤੋਪਿ ਉਗ੍ਗਨ੍ਤ੍ਵਾ ਪੁਪ੍ਫਤੀਤਿ ਭਿਸਪੁਪ੍ਫਂ. ਕੁਸੇ ਜਲੇ ਸੇਤਿ ਤਿਟ੍ਠਤੀਤਿ ਕੁਸੇਸਯਂ, ਰੋ, ਅਲੁਤ੍ਤਸਮਾਸੋ. ਤਾਮਰਸਮ੍ਪਿ, ਤਾਮਰਂ ਜਲਂ, ‘‘ਤਾਮਰਂ ਘਤਮਣ੍ਣੋ ਚੇ’’ਤਿ ਤਨ੍ਤਤਨ੍ਤਰਂ, ਤਤ੍ਰ ਸੇਤਿ ਤਿਟ੍ਠਤੀਤਿ ਤਾਮਰਸਂ, ਰੋ.

੬੮੬. ਸਿਤਂ ਸੇਤਂ ਕਮਲਂ ‘‘ਪੁਣ੍ਡਰੀਕ’’ਨ੍ਤ੍ਯੁਚ੍ਚਤੇ, ਪੁਡਿ ਖਣ੍ਡਨੇ, ਮੁਡਿਰਿਤ੍ਯੇਕੇ, ਇਕੋ, ਅਰਾਗਮੋ ਚ, ਮਸ੍ਸ ਪੋ, ਇਸ੍ਸੀਕਾਰੋ ਚ, ਪੁਣ੍ਡਰੀਕਂ. ਰਤ੍ਤਂ ਤੁ ਕਮਲਂ ‘‘ਕੋਕਨਦਂ, ਕੋਕਾਸਕੋ’’ਤਿ ਚੋਚ੍ਚਤੇ. ਕੋਕੇ ਨਾਦਯਤੀਤਿ ਕੋਕਨਾਦਂ, ਣੋ. ਰਤ੍ਤੁਪ੍ਪਲੇ ਚ, ‘‘ਕੋਕਨਦਂ, ਕੋਕਨੁਦ’’ਨ੍ਤਿਪਿ ਪਾਠੋ, ਕੇ ਕਨਤਿ ਦਿਬ੍ਬਤੀਤਿ ਵਾ ਕੋਕਨਦਂ, ਭੂਵਾਦਿ, ਦੋ, ਅਸ੍ਸੋ. ਕਨ ਦਿਤ੍ਤਿਕਨ੍ਤਿਗਤੀਸੁ, ਕੇ ਕਾਸਤੀਤਿ ਕੋਕਾਸਕੋ, ਣ੍ਵੁ, ਕਾਸ ਦਿਤ੍ਤਿਯਂ.

ਦ੍ਵਯਂ ਕੇਸਰੇ, ਕੇ ਜਾਯਤੀਤਿ ਕਿ, ਕਮਲਾਦਿ, ਤਸ੍ਮਿਂ ਜਾਯਤਿ, ਜਲਤੀਤਿ ਵਾ ਕਿਞ੍ਜਕ੍ਖੋ, ਖੋ, ਨਸ੍ਸ, ਲਸ੍ਸ ਵਾ ਕੋ, ਨਿਗ੍ਗਹੀਤਾਗਮੋ, ਕੇ ਸਰਤੀਤਿ, ਅ, ਸਤ੍ਤਮਿਯਾ ਅਲੋਪੋ, ਦ੍ਵਯਮਨਿਤ੍ਥੀ. ਦ੍ਵਯਂ ਪਦ੍ਮਾਦਿਦਣ੍ਡੇ. ਦਣ੍ਡਸਦਿਸਤਾਯ ਦਣ੍ਡੋ. ਨਲ ਗਨ੍ਧੇ, ਣੋ.

੬੮੭. ਦ੍ਵਯਂ ¶ ਮੁਲ਼ਾਲੇ. ਵਿਸ ਪੇਰਣੇ, ਵਸ੍ਸ ਭੋ, ਭਿਸਂ, ਭਾਸ ਦਿਤ੍ਤਿਯਂ ਵਾ, ਆਕਾਰਸ੍ਸਿ. ਮੂਲੇ ਜਾਯਤੀਤਿ ਮੁਲ਼ਾਲੋ, ਅਞ੍ਞਤ੍ਥੇ ਅਲੋ, ਰਸ੍ਸਾਦਿ, ਲ਼ਤ੍ਤਞ੍ਚ, ਮੂਲ ਪਤਿਟ੍ਠਾਯਂ ਵਾ, ਅਲੋ, ਸੇਸਂ ਪੁਬ੍ਬਸਦਿਸਂ, ਦ੍ਵਯਂਪ੍ਯਨਿਤ੍ਥੀ.

ਦ੍ਵਯਂ ਕਣ੍ਣਿਕਾਯਂ. ਬੀਜਸ੍ਸ ਕੋਸੋ ਆਕਰੋ ਬੀਜਕੋਸੋ. ਕਣ੍ਣੇ ਕਰੀਯਤੀਤਿ ਕਣ੍ਣਿਕਾ, ਕਣ੍ਣਾਲਙ੍ਕਾਰੋ, ਤਂਸਦਿਸਸਣ੍ਠਾਨਤਾਯ ਕਣ੍ਣਿਕਾ, ਪਦੁਮਾਦੀਨਂ ਸਮੂਹੇ ਗਹਨੇ ਵਨੇਤ੍ਯਤ੍ਥੋ. ਸਣ ਦਾਨੇ, ਡੋ, ਸਣ੍ਡਂ, ‘‘ਸਣ੍ਡਂ ਪਦ੍ਧਾਦਿਸਙ੍ਘਾਤੇ, ਗੋਪਤਿਮ੍ਹਿ ਪੁਮੇ ਭਵੇ’’ਤਿ ਨਾਨਤ੍ਥਸਙ੍ਗਹੋ.

੬੮੮. ਦ੍ਵਯਂ ਪਦ੍ਮਕੁਮੁਦਾਦਿਸਾਮਞ੍ਞੇ, ਤਥਾ ਹਿ ਪਦ੍ਮਂ ਮਹੋਪ੍ਪਲਂ ਸਿਤੋਪ੍ਪਲਮੁਚ੍ਚਤੇ, ‘‘ਕੁਵਲਯਂ ਉਪ੍ਪਲਞ੍ਚ, ਨੀਲਮਿਨ੍ਦੀਵਰਨ੍ਤਿ ਹਿ’’ਇਤਿ ਬ੍ਯਾਡਿ, ‘‘ਉਪ੍ਪਲਞ੍ਚ ਕੁਵਲਯਂ, ਨੀਲਮਿਨ੍ਦੀਵਰਂ ਮਤ’’ਨ੍ਤਿ ਭਾਗੁਰਿ ਚ, ‘‘ਰੋਮੋ ਸਿਤਿ ਚ ਨੀਲੋ, ਕੁਵਲਯਮਿਨ੍ਦੀਵਰਞ੍ਚ ਨੀਲਮ੍ਬੁਜ’’ਨ੍ਤਿ ਤੁ ਵਰਰੁਚਿ. ‘‘ਕੁਵਲਯਦਲਸਾਮੋਪ੍ਯਙ੍ਗਦਧਿਤਿ ਪਰਿਧੂ ਸਰ’’ਨ੍ਤਿ ਮਾਲਧਿ, ਮਾਧਵੋ ਚ, ਤਤ੍ਰ ਪੁਬ੍ਬਕਮਤਮਿਹ ਨਿਸ੍ਸੀਯਤੇ. ਯਦ੍ਯੇਵਂ ਕਥਮੁਪ੍ਪਲਸਦ੍ਦੇਨ ਨੀਲੁਪ੍ਪਲਾਦੀਸ੍ਵੇਵ ਬੁਦ੍ਧਿ, ਨ ਪਨ ਮਹੋਪ੍ਪਲਾਦਿਮ੍ਹੀਤਿ? ਵੁਚ੍ਚਤੇ – ਸਾਮਞ੍ਞੇਪਿ ਧਞ੍ਞਤ੍ਤੇ ਯਥਾ ਧਞ੍ਞਸਦ੍ਦੇਨ ਕਲਮਾਦੀਸ੍ਵੇਵ ਬੁਦ੍ਧਿ, ਨ ਪਨ ਮੁਗ੍ਗਾਦੀਸੁ, ਏਵਮਿਹਾਪਿ. ਉਪੁਬ੍ਬੋ ¶ ਪਾ ਪਾਨੇ, ਅਲੋ, ਦ੍ਵਿਤ੍ਤਂ, ਉਦਕੇ ਪ੍ਲਵਤੀਤਿ ਵਾ ਉਪ੍ਪਲਂ, ਯਦਾਦਿ. ਕੁਯਾ ਪਥਵਿਯਾ ਵਲਯਂ ਇਵ ਸੋਭਾਕਰਤ੍ਤਾ ਕੁਵਲਯਂ.

ਦ੍ਵਯਂ ਨੀਲੁਪ੍ਪਲੇ. ਨੀਲਵਣ੍ਣੇ, ਅ, ਨੀਲਂ, ਇਨ੍ਦਤੀਤਿ ਇਨ੍ਦੀ, ਨਦਾਦਿ, ਇਨ੍ਦੀ ਲਕ੍ਖੀ, ਤਸ੍ਸਾ ਵਰਂ ਇਨ੍ਦੀਵਰਂ, ਇਨ੍ਦ ਪਰਮਿਸ੍ਸਰਿਯੇ ਵਾ, ਈਰੋ.

ਅਸ੍ਮਿਂ ਨੀਲੁਪ੍ਪਲੇ ਸੇਤੇ ਕੁਮੁਦਂ ਨਾਮ. ਕੁਯਂ ਮੋਦਤੇ ਕੁਮੁਦਂ, ਣੋ. ਅਸ੍ਸ ਪਦੁਮਾਦਿਨੋ ਕਨ੍ਦੋ ਸਾਲੂਕਮੁਚ੍ਚਤੇ. ਕਂ ਸੁਖਂ ਦਦਾਤੀਤਿ ਕਨ੍ਦੋ, ਕਨ੍ਦ ਅਵ੍ਹਾਨੇ ਵਾ ਰੋਦਨੇ ਚ. ਸਲ ਗਮਨਤ੍ਥੋ ਦਣ੍ਡਕੋ ਧਾਤੁ, ਉਕੋ, ਦੀਘੋ, ਸਾਲੂਕਂ.

੬੮੯. ਤਿਕਂ ਰਤ੍ਤਾਰਤ੍ਤਸਾਮਞ੍ਞੇ. ਕਮਲਤੋ ਅਞ੍ਞਤਰਸ੍ਮਿਂ ਜਲਕੁਸੁਮੇ, ਨ ਤੁ ਰਤ੍ਤੇਯੇਵ, ਸੁਗਨ੍ਧੇਨ ਯੁਤ੍ਤਂ ਸੋਗਨ੍ਧਿਕਂ. ਕਸ੍ਸ ਹਾਰਂ ਇਵ ਸੋਭਾਕਰਤ੍ਤਾ ਕਲ੍ਲਹਾਰਂ, ਲਾਗਮੋ, ਦ੍ਵਿਤ੍ਤਞ੍ਚ. ਦਕਂ ਸੀਤਲਂ ਕਰੋਤੀਤਿ ਦਕਸੀਤਲਿਕਂ.

ਦ੍ਵਯਂ ਸੇਵਾਲੇ. ਉਦਕਂ ਸੇਵਤੀਤਿ ਸੇਵਾਲੋ, ਅਲੋ, ਵਕਾਰਾਗਮੋ, ਇਸ੍ਸੇ ਚ. ਨੀਲਤੀਤਿ ਨੀਲਿਕਾ, ਨੀਲ ਵਣ੍ਣੇ, ਇਕੋ, ਨੀਲਵਣ੍ਣਯੋਗਤੋ ਵਾ ਨੀਲਿਕਾ, ਸੇਵਲੋਪਿ, ਦ੍ਵਯਂ ਪਦ੍ਮਯੁਤ੍ਤੇ ਦੇਸੇ, ਪਦ੍ਮਸਮੂਹੇ ਚ. ਨਲ਼ਿਨੀ ਚ ਪਙ੍ਕਜਿਨੀ ਵਿਸਿਨੀ ਚ ਸਰੋਜਿਨੀ ਪਦ੍ਮਿਨੀਤਿ ਪਰਿਯਾਯਾ. ‘‘ਪਦ੍ਮਸਣ੍ਡਂ ਤਦਾਕਰੇ’’ਤਿ ਹਿ ਪਰਿਯਾਯਂ ਰਤਨਮਾਲਾਯਂ ਮਾਧਵੋ, ਵਿਸਂ ਸਮਂ, ਤਬ੍ਬਨ੍ਤਤਾਯ ਵਿਸਿਨੀ, ਇਨੋ, ਨਦਾਦਿ. ਅਮ੍ਬੁਜਯੋਗਤੋ, ਅਮ੍ਬੁਜਾਨਂ ਸਮੂਹਤੋ ਵਾ ਅਮ੍ਬੁਜਿਨੀ.

੬੯੦. ਤਿਲਬੀਜਾਦਯੋ ¶ ਸੇਵਾਲੋ ਨਾਮ. ਤਤ੍ਰ ਤਿਲਬੀਜਪ੍ਪਮਾਣਂ ਜਲਸਣ੍ਠਿਤਂ ਨੀਲਾਦਿਵਣ੍ਣਯੁਤ੍ਤਂ ਤਿਲਬੀਜਂ ਨਾਮ. ਸਙ੍ਖੋ ਨਾਮ ਸਪਤ੍ਤੋ ਅਪ੍ਪਕਣ੍ਡੋ ਉਖਾਪਿਧਾਨਾਦਿਪ੍ਪਮਾਣੋ ਸਮੂਲੋ ਏਕੋ ਸੇਵਾਲਵਿਸੇਸੋ. ਪਣਕੋ ਨਾਮ ਭਮਰਸਣ੍ਠਾਨੋ ਨੀਲਵਣ੍ਣੋ ਏਕੋ ਸੇਵਾਲਵਿਸੇਸੋ, ਪਣ ਸਙ੍ਖਾਤੇ, ਣ੍ਵੁ, ਪਣਕੋ.

ਇਤਿ ਸਕਲਬ੍ਯਾਕਰਣਮਹਾਵਨਾਸਙ੍ਗਞਾਣਚਾਰਿਨਾ ਕਵਿਕੁਞ੍ਜਰਕੇਸਰਿਨਾ ਧੀਮਤਾ ਸਿਰਿਮਹਾਚਤੁਰਙ੍ਗਬਲੇਨ ਮਹਾਮਚ੍ਚੇਨ ਵਿਰਚਿਤਾਯਂ ਅਭਿਧਾਨਪ੍ਪਦੀਪਿਕਾਵਣ੍ਣਨਾਯਂ ਭੂਕਣ੍ਡਵਣ੍ਣਨਾ ਸਮਤ੍ਤਾ.

੬੯੧. ਇਹ ਵਕ੍ਖਮਾਨੇ ਸਾਮਞ੍ਞਕਣ੍ਡੇ ਸਾਙ੍ਗੋਪਾਙ੍ਗੇਹਿ ਅਙ੍ਗਉਪਾਙ੍ਗਦ੍ਵਯਸਹਿਤੇਹਿ ਵਿਸੇਸ੍ਯਾਧੀਨੇਹਿ ਵਿਸੇਸ੍ਯਾਯਤ੍ਤੇਹਿ ਵਿਸੇਸਨਸਦ੍ਦੇਹਿ ਸੋਭਨਾਦੀਹਿ ਸਂਕਿਣ੍ਣੇਹਿ ਅਞ੍ਞਮਞ੍ਞਵਿਜਾਤਿਯਤ੍ਥੇਹਿ ਦਬ੍ਬਕ੍ਰਿਯਾਗੁਣਾਦੀਹਿ ਅਨੇਕਤ੍ਥੇਹਿ ਸਮਯਵਣ੍ਣਾਦੀਹਿ ਅਬ੍ਯਯੇਹਿ ਚਿਰਸ੍ਸਮਾਦੀਹਿ ਚ ਕਮਾ ਕਮਤੋ ਵਗ੍ਗਾ ਕਥ੍ਯਨ੍ਤੇ, ਤੇ ਚ ਪੁਬ੍ਬਵਗ੍ਗਸਨ੍ਨਿਸ੍ਸਯਾ, ਤਥਾ ਹਿ ਸੋਭਨਾਦਯੋ ¶ ਦੇਵਮਨੁਸ੍ਸਾਦੀਸੁ ਵਿਸੇਸਨਭਾਵੇਨ ਸਮ੍ਬਨ੍ਧਾ, ਕ੍ਰਿਯਾਦਯੋ ਤੁ ਤਦਾਧਾਰਤਾਯ, ਸਮਯਾਦਯੋ ਵਾਚਕਤਾਯ, ਚਿਰਸ੍ਸਮਾਦਯੋ ਤਂਕ੍ਰਿਯਾਵਿਸੇਸਨਭਾਵੇਨ, ਤਤੋਯੇਵ ਸਾਧਾਰਣਤ੍ਤਾ ਸਾਮਞ੍ਞਕਣ੍ਡਮਿਦਂ.

੬੯੨. ਇਹ ਸਤ੍ਥੇ ਭਿਯ੍ਯੋ ਰੂਪਨ੍ਤਰਾ ਲਿਙ੍ਗਵਿਨਿਚ੍ਛਯੋ, ਸੋ ਅਤ੍ਰਾਪਿ ਵਗ੍ਗੇ ਭਿਯ੍ਯੋ ਰੂਪਨ੍ਤਰਾਯੇਵਾਤਿ ਵਿਪ੍ਪਟਿਪਤ੍ਤਿਨਿਰਾਸਤ੍ਥਂ ਬ੍ਯਾਪਕਨ੍ਯਾਯਮਾਹ ‘‘ਗੁਣਿ’’ਚ੍ਚਾਦਿਨਾ. ਤਸ੍ਸਤ੍ਥੋ – ਵਿਸੇਸਨਭੂਤਾ ਸਬ੍ਬੇ ਗੁਣਸਦ੍ਦਾ, ਦਬ੍ਬਸਦ੍ਦਾ, ਕ੍ਰਿਯਾਸਦ੍ਦਾ ਚ ਵਿਸੇਸ੍ਯਾਧੀਨਭਾਵੇਨ ਹੇਤੁਨਾਯੇਵ, ਨ ਭਿਯ੍ਯੋ ਰੂਪਨ੍ਤਰਾਪਿ ਵਿਸੇਸਨਸਦ੍ਦੇਨ ਸਮਲਿਙ੍ਗਿਨੋ ਸਿਯੁਨ੍ਤਿ, ਯਥਾ – ਸੋਭਨਾ ਇਤ੍ਥੀ, ਸੋਭਨੋ ਪੁਰਿਸੋ, ਸੋਭਨਂ ਚਿਤ੍ਤਂ.

੬੯੩-੬੯੬. ਸੁਭਨ੍ਤਂ ਸੋਭਨੇ. ਸੁਭ ਸੋਭਨੇ, ਯੁ. ਰੁਚ ਦਿਤ੍ਤਿਯਂ, ਇਰੋ. ਸਾਧ ਸਂਸਿਦ੍ਧਿਯਂ, ਉ. ਮਨਂ ਤੋਸੇਤੀਤਿ ਮਨੁਞ੍ਞਂ. ਞਾ ਪਰਿਮਾਣਤੋਸਨਨਿਸਾਮਨੇਸੁ, ਅਨ੍ਤਸ੍ਸੁਕਾਰੋ, ਮਨਂ ਆ ਭੁਸੋ ਤੋਸੇਤੀਤਿ ਵਾ ਮਨੁਞ੍ਞਂ, ਤਦਾ ‘‘ਮਨੋ ਅਞ੍ਞ’’ਨ੍ਤਿ ਛੇਦੋ, ਆਲੋਪੋ. ਚਰ ਗਤਿਭਕ੍ਖਨੇਸੁ, ਣ੍ਵੁ, ਚਰਤਿ ਚਿਤ੍ਤਮੇਤ੍ਥਾਤਿ ਚਾਰੁ. ਸੁਟ੍ਠੁ ਦਰੀਯਤੇ ਸੁਨ੍ਦਰਂ, ਦਰ ਦਾਰਣੇ ¶ . ਵਗ੍ਗ ਗਮਨੇ, ਉ, ਵਗ੍ਗੁ. ਮਨੋ ਰਮਤਿ ਅਸ੍ਮਿਂ. ਕਮੁ ਇਚ੍ਛਾਯਂ, ਤੋ. ਹਰਤਿ ਚਿਤ੍ਤਂ ਹਾਰੀ, ਣੀ. ਮਨ ਞਾਣੇ, ਜੁ, ਮਨੋ ਜਵਤਿ ਯਸ੍ਮਿਂ ਵਾ ਮਞ੍ਜੁ, ਨਲੋਪੋ. ਪਿਯਸੀਲਯੁਤ੍ਤਤਾਯ ਪੇਸਲਂ, ਪਿਯਸ੍ਸ ਪੇ, ਈਸ੍ਸਤ੍ਤਂ. ਭਦਿ ਕਲ੍ਯਾਣੇ, ਦੋ. ਵਾ ਗਤਿਯਂ, ਮੋ. ਕਲ ਸਙ੍ਖ੍ਯਾਨੇ, ਯਾਣੋ. ਮਨਂ ਅਪ੍ਪੇਤਿ ਵਡ੍ਢੇਤੀਤਿ ਮਨਾਪਂ, ਮਨੋ ਅਪ੍ਪੋਤਿ ਯਸ੍ਮਿਨ੍ਤਿ ਵਾ ਮਨਾਪਂ, ਆਪ ਪਾਪੁਣਨੇ, ਅਪਾਦਿਪੁਬ੍ਬੋ ਚ. ਲਭਿਤਬ੍ਬਨ੍ਤਿ ਲਦ੍ਧਂ, ਤੋ, ਸਕਤ੍ਥੇ ਕੋ. ਸੁਭਤੀਤਿ ਸੁਭਂ, ਸੁਨ੍ਦਰੇਨ ਸਭਾਵੇਨ ਭਵਤੀਤਿ ਵਾ ਸੁਭਂ.

ਪੁਙ੍ਗਵਨ੍ਤਂ ਉਤ੍ਤਮੇ, ਉਬ੍ਭੁਤੋ ਅਤ੍ਯਤ੍ਥਂ ਉਤ੍ਤਮੋ, ਉਭਸਦ੍ਦਤੋ ਉਬ੍ਭੁਤਤ੍ਥਤੋ ਵਿਸੇਸਤ੍ਥੇ ਤਮੋ, ਉਗ੍ਗਤਤਮਤ੍ਤਾ ਵਾ ਉਤ੍ਤਮੋ. ਵਰ ਪਤ੍ਥਨਾਯਂ, ਪਵਰੋ. ਇਟ੍ਠਪਚ੍ਚਯੇ ਵੁਡ੍ਢਸ੍ਸ ਜਾਦੇਸੋ, ਜੇਟ੍ਠੋ. ਪਕਟ੍ਠਂ ਮੁਖਂ ਆਰਮ੍ਭੋ ਅਸ੍ਸ ਪਮੁਖੋ. ਨਤ੍ਥਿ ਉਤ੍ਤਰੋ ਉਤ੍ਤਮੋ ਯਸ੍ਮਾ ਅਨੁਤ੍ਤਰੋ. ਪਮੁਖੋ ਚ ਅਨੁਤ੍ਤਰੋ ਚਾਤਿ ਦ੍ਵਨ੍ਦੋ. ਅਪਾਦਿਪੁਬ੍ਬੇ ਵਰੋ. ਮੁਖਮਿਵ ਮੁਖ੍ਯੋ, ਇਵਤ੍ਥੇ ਯੋ. ਪਦਧਾਤੀਤਿ ਪਧਾਨਂ, ਯੁ. ਪਮੁਖਭਾਵੇ ਤਿਟ੍ਠਤੀਤਿ ਪਾਮੋਕ੍ਖੋ, ਉਭਯਤ੍ਰਾਪਿ ਵੁਡ੍ਢਿ. ਪਕਟ੍ਠਂ ਰਾਤੀਤਿ ਪਰਂ, ਣੋ. ‘‘ਅਗ੍ਗ’’ਨ੍ਤਿ ਜਾਨਿਤਬ੍ਬਨ੍ਤਿ ਅਗ੍ਗਞ੍ਞਂ, ‘‘ਅਗ੍ਗ’’ਨ੍ਤਿ ਪਮਾਨਿਤਬ੍ਬਨ੍ਤਿ ਵਾ ਅਗ੍ਗਞ੍ਞਂ. ਉਤ੍ਤਰੋ ਉਤ੍ਤਮਸਦਿਸੋ. ਪਧਾਨਭਾਵਂ ਨੀਤਂ ਪਣੀਤਂ, ਨੀ ਨਯੇ, ਕਮ੍ਮਨਿ ਣੋ. ਪਰਂ ਪਚ੍ਚਨੀਕਂ ਮਾਰੇਤੀਤਿ ਪਰਮਂ, ਪਕਟ੍ਠਭਾਵੇ ਰਮਤੀਤਿਵਾ ਪਰਮਂ, ਣੋ. ਇਯਿਟ੍ਠੇਸੁ ਪਸਤ੍ਥਸ੍ਸ, ਵੁਡ੍ਢਸ੍ਸ ਚ ਸੋ, ਸੇਯ੍ਯੋ, ਸੇਟ੍ਠੋ ਚ, ‘‘ਕ੍ਵਚਾਸਵਣ੍ਣਂ ਲੁਤ੍ਤੇ’’ਤਿ ਇਸ੍ਸੇ. ਗਾਮਂ ਨੇਤੀਤਿ ਗਾਮਣਿ, ‘‘ਤਸ੍ਸੀਲਾਦੀਸੁ ਣੀ ਤ੍ਵਾਵੀ ਚਾ’’ਤਿ ਣੀ, ਰਸ੍ਸੋ, ਗਾਮਣਿ. ਸਨ੍ਤਤਮਤਾਯ ਸਤ੍ਤਮੋ, ਸਨ੍ਤਤੋ ਤਮੋ, ਸਨ੍ਤਸ੍ਸ ਚ ਸੋ. ਵਿਸੇਸੀਯਤੇਤਿ ਵਿਸਿਟ੍ਠੋ, ਸਿਸ ਵਿਸੇਸਨੇ, ਤੋ. ਅਰ ਗਮਨੇ, ਣ੍ਯੋ, ਇਕਾਰਾਗਮੋ, ਅਰਿਯੋ. ਨਤ੍ਥਿ ਅਗ੍ਗੋ ਯਸ੍ਮਾ ਨਾਗੋ, ਦੀਘਾਦਿ, ਗਲੋਪੋ ਚ. ਇ ਗਤਿਯਂ, ਣ੍ਵੁ, ਇਸ੍ਸੇ, ਅਲੋਪੋ ਚ, ਏਕੋ, ਸਦਿਸਰਹਿਤਤਾਯ ਵਾ ਏਕੀਭਾਵੇ ਤਿਟ੍ਠਤੀਤਿ ਏਕੋ, ਕੋ. ਉਸ੍ਸਾਪੇਤਿ ਪਚ੍ਚਨੀਕੇਤਿ ਉਸਭੋ, ਉਸ ਦਾਹੇ, ਅਭੋ ¶ . ਅਜ ਗਮਨੇ, ਅ, ਜਸ੍ਸ ਗੋ, ਦ੍ਵਿਤ੍ਤਂ, ਅਗ੍ਗੋ. ਮੁਚ ਮੋਚਨੇ, ਹੀਨਮਜ੍ਝਿਮਭਾਵੇਹਿ ਮੁਚ੍ਚਤੀਤਿ ਮੋਕ੍ਖੋ, ਤੋ, ਤਸ੍ਸ ਖੋ. ਮੋਕ੍ਖ ਮੋਚਨੇ ਵਾ, ਅ. ਪਧਾਨਭਾਵਂ ਗਚ੍ਛਤੀਤਿ ਪੁਙ੍ਗਵੋ, ਯਦਾਦਿ, ਪੁਕ੍ਖਲੋਪ੍ਯਤ੍ਰ, ਪੁਸ ਵੁਡ੍ਢਿਮ੍ਹਿ, ਅਲੋ, ਸਸ੍ਸ ਖੋ, ਅਸਰੂਪਦ੍ਵਿਤ੍ਤਂ. ਏਤੇ ਚੁਤ੍ਤਮਾਦਯੋ ਸਮਾਸਗਾਪਿ ਅਸਮਾਸਗਾਪਿ ਉਤ੍ਤਮਤ੍ਥਵਾਚਕਾ. ਅਮਰਕੋਸੇ ਪਨ ਨਾਗੋਸਭਪੁਙ੍ਗਵਾਨਂ ਸਮਾਸਗਤ੍ਤੇਯੇਵ ਉਤ੍ਤਮਤ੍ਥਵਾਚਕਤਾ ਵੁਤ੍ਤਾ, ਵੁਤ੍ਤਞ੍ਚ –

‘‘ਉਤ੍ਤਰਸ੍ਮਿਂ ਪਦੇ ਬ੍ਯਗ੍ਘ-ਪੁਙ੍ਗਵੋ’ਸਭਕੁਞ੍ਜਰਾ;

ਸੀਹਸਦ੍ਦੂਲਨਾਗਾਦ੍ਯਾ, ਪੁਮੇ ਸੇਟ੍ਠਤ੍ਥਗੋਚਰਾ’’ਤਿ [ਅਮਰ ੨੧.੫੯].

ਤਸ੍ਸਤ੍ਥੋ – ਬ੍ਯਗ੍ਘਾਦਯੋ ਕਮ੍ਮਧਾਰਯਸਮਾਸੇ ਸਤਿ ਉਤ੍ਤਰਪਦੀਭੂਤਾ ਸੇਟ੍ਠਤ੍ਥਵਿਸਯਾ ਪੁਬ੍ਬਪਦਸ੍ਸ ਸੇਟ੍ਠਤ੍ਥਵਾਚਕਾ ਪੁਲ੍ਲਿਙ੍ਗਾ ਚ ਭਵਨ੍ਤਿ, ਯਥਾ ‘‘ਪੁਰਿਸਬ੍ਯਗ੍ਘੋ, ਮੁਨਿਪੁਙ੍ਗਵੋ’’ਇਚ੍ਚਾਦਿ. ਸੀਹਾਦਯੋ, ਆਦਿਨਾ ਵਰਾਹਪੁਣ੍ਡਰੀਕਧੋਰਯ੍ਹਸੋਵੀਰਾਦਯੋ ਚ ਸਮਾਸਗਾ ਕਮ੍ਮਧਾਰਯਸਮਾਸੇ ਉਤ੍ਤਰਪਦਭੂਤਾ ਸੇਟ੍ਠਤ੍ਥਵਾਚਕਾ ਪੁਮੇਵ ਭਵਨ੍ਤਿ, ਯਥਾ ‘‘ਸਕ੍ਯਸੀਹੋ, ਕਵਿਕੁਞ੍ਜਰੋ, ਪੁਰਿਸਸਦ੍ਦੂਲੋ, ਪੁਰਿਸਵਰਾਹੋ’’ਇਚ੍ਚਾਦਿ.

੬੯੭. ਚਿਤ੍ਤਸ੍ਸ, ਅਕ੍ਖਿਨੋ ਚ ਪੀਤਿਜਨਕਂ ਵਤ੍ਥੁ ਅਬ੍ਯਾਸੇਕਂ, ਅਸੇਚਨਞ੍ਚ ਨਾਮ, ਨ ਬ੍ਯਾਸਿਞ੍ਚਨ੍ਤਿ ਨਕ੍ਖਰਨ੍ਤਿ ਨਯਨਮਨਾਨਿ ਯਸ੍ਮਾਤਿ ਅਬ੍ਯਾਸੇਕਂ, ਅਸੇਚਨਞ੍ਚ, ਨ ਬ੍ਯਾਸਿਞ੍ਚਨ੍ਤਿ ਚ ਯਸ੍ਮਿਂ ਆਗਨ੍ਤੁਕਭੂਤਾਨਿ ਅਞ੍ਞਰਸਾਨੀਤਿ ਵਾ ਅਬ੍ਯਾਸੇਕਂ, ਅਸੇਚਨਞ੍ਚ. ਣੋ, ਯੁ ਚ.

ਛਕ੍ਕਂ ਇਟ੍ਠੇ ਵਤ੍ਥੁਮ੍ਹਿ. ਇਚ੍ਛਿਤਬ੍ਬਂ, ਏਸਿਤਬ੍ਬਨ੍ਤਿ ਵਾ ਇਟ੍ਠਂ, ਇਸੁ ਇਚ੍ਛਾਯਂ, ਇਸ ਗਵੇਸਨੇ ਚ, ਤੋ. ਸੁਭਤ੍ਤਂ ਗਚ੍ਛਤੀਤਿ ਸੁਭਗਂ, ਕ੍ਵਿ. ਹਦਯੇ ਸਾਧੁ, ਹਦਯਸ੍ਸ ਵਾ ਪਿਯਨ੍ਤਿ ਹਜ੍ਜਂ, ਣੋ, ਦਨ੍ਤਸ੍ਸ ਲੋਪੋ, ਦ੍ਯਸ੍ਸ ਜ੍ਜੋ. ਦਯਿਤਬ੍ਬਂ ਆਦਾਤਬ੍ਬਨ੍ਤਿ ਦਯਿਤਂ, ¶ ਤੋ. ਵਲ੍ਲ ਸਂਵਰਣੇ, ਕਮ੍ਮਨਿ ਅਭੋ. ਪਿਯਾਯਿਤਬ੍ਬਨ੍ਤਿ ਪਿਯਂ,ਪੀ ਤਪ੍ਪਨਕਨ੍ਤੀਸੁ, ਣ੍ਯੋ, ਰਸ੍ਸਾਦਿ.

੬੯੮. ਤਿਕਂ ਤੁਚ੍ਛੇ. ਤੁਚ ਵਿਨਾਸੇ, ਛੋ. ਰਿਚ ਵਿਯੋਜਨਸਮ੍ਬਜ੍ਝਨੇਸੁ, ਸਮ੍ਬਜ੍ਝਨਂ ਮਿਸ੍ਸਨਂ, ਤੋ, ਸਕਤ੍ਥੇ ਕੋ. ਸੁਨਸ੍ਸ ਹਿਤਂ ਸੁਞ੍ਞਂ, ਯੋ, ਨ੍ਯਸ੍ਸ ਞ੍ਞੋ, ਸੁਨ ਗਤਿਯਂ ਵਾ, ਯੋ. ਦ੍ਵਯਂ ਅਸਾਰੇ. ਫਲ ਨਿਪ੍ਫਤ੍ਤਿਯਂ, ਉ, ਗੁ ਵਾ. ਪੁਬ੍ਬਤ੍ਰ ਗੋਨ੍ਤੋ, ਅਸ੍ਸੇ, ਫੇਗ੍ਗੁ.

ਤਿਕਂ ਪਵਿਤ੍ਤੇ. ਮੇਧ ਹਿਂਸਾਸਙ੍ਗਮੇਸੁ, ਮੇਧੀਯਤੇ ਸਙ੍ਗਮੀਯਤੇ ਮੇਜ੍ਝਂ, ਣ੍ਯੋ, ਝਸ੍ਸ ਝੋ, ਅਸਰੂਪਦ੍ਵਿਤ੍ਤਂ. ਪੁ ਪਵਨੇ, ਤੋ, ਦੀਘਾਦਿ. ਵੁਡ੍ਢਾਵਾਦੇਸੋ, ਇਕਾਰਾਗਮੋ ਚ. ਦ੍ਵਯਂ ਅਵਿਰਦ੍ਧੇ. ਨ ਵਿਰਜ੍ਝਤੀਤਿ ਅਵਿਰਦ੍ਧੋ, ਰਧ ਹਿਂਸਾਪਰਾਧਾਪਗਮਨੇਸੁ, ਤੋ. ‘‘ਧਢਭਹੇਹਿ ਧਢਾ ਚੇ’’ਤਿ ਤਸ੍ਸ ਧੋ. ਪਣ ਬ੍ਯਵਹਾਰਥੁਤੀਸੁ, ਣ੍ਵੁ, ਵਿਰਦ੍ਧਵੋਹਾਰੇਨ ਨ ਪਣਾਮੇਤੀਤਿ ਅਪਣ੍ਣਕੋ.

੬੯੯-੭੦੧. ਦ੍ਵਯਂ ਜਾਤ੍ਯਾਚਾਰਾਦਿਨਾ ਅਨਿਨ੍ਦਿਤੇ. ਉਪੁਬ੍ਬੋ, ਪਪੁਬ੍ਬੋ ਚ ਕਸ ਵਿਲੇਖਨੇ, ਹਿਂਸਾਯਞ੍ਚ, ਤੋ, ‘‘ਸਾਦਿਸਨ੍ਤਪੁਚ੍ਛਭਨ੍ਜਹਂਸਾਦੀਹਿ ਟ੍ਠੋ’’ਤਿ ਸਹਾਦਿਬ੍ਯਞ੍ਜਨੇਨ ਤਸ੍ਸ ਟ੍ਠੋ.

ਗਾਰਯ੍ਹਨ੍ਤਂ ¶ ਜਾਤ੍ਯਾਚਾਰਾਦਿਨਾ ਨਿਨ੍ਦਿਤੇ. ਨਿਹੀਯਤੇਤਿ ਨਿਹੀਨੋ, ਹਾ ਚਾਗੇ, ਇਨੋ, ਦੀਘੋ. ਅਪਾਦਿਪੁਬ੍ਬੇ ਹੀਨੋ. ਲਮ ਨਿਨ੍ਦਾਯਂ, ਣ੍ਵੁ, ਲਾਮਕੋ. ਕਿਟ ਗਤਿਯਂ, ਪਤਿ ਨਿਪੁਬ੍ਬੋ ਤੁ ਨਿਨ੍ਦਾਯਂ, ਠੋ, ਪਤਿਕਿਟ੍ਠਂ, ਨਿਕਿਟ੍ਠਞ੍ਚ. ਇਤ੍ਤਰਸਦ੍ਦੋ ਲਾਮਕਤ੍ਥਵਾਚਕੋ ਪਾਟਿਪਦਿਕੋ, ‘‘ਜਾਤ੍ਯਾਚਾਰਾਦੀਹਿ ਨਿਹੀਨੋਯ’’ਨ੍ਤਿ ਅਵਦਿਤਬ੍ਬੋਤਿ ਅਵਜ੍ਜੋ, ਤਬ੍ਭਾਵਤ੍ਥੋ ਚੇਤ੍ਥ ਅਕਾਰੋ. ਵਦ ਵਿਯਤ੍ਤਿਯਂ ਵਾਚਾਯਂ, ਣ੍ਯੋ, ਦ੍ਯਸ੍ਸ ਜ੍ਜੋ. ਕੁਚ੍ਛਾ ਸਞ੍ਜਾਤਾ ਅਸ੍ਸ ਕੁਚ੍ਛਿਤੋ. ਅਧੋਭਾਗੇ ਜਾਤੋ ਅਧਮੋ, ਓਸ੍ਸਤ੍ਤਂ. ਉਮ ਨਿਨ੍ਦਾਯਂ, ਕਮ੍ਮੇ ਅ, ਸਕਤ੍ਥੇ ਕੋ, ਉਸ੍ਸੋ, ਓਮਕੋ. ਗਰਹਿਤਬ੍ਬੋਤਿ ਗਾਰਯ੍ਹੋ, ਗਰਹ ਨਿਨ੍ਦਾਯਂ, ਣ੍ਯੋ, ਵਣ੍ਣਵਿਪਰਿਯਯੋ.

ਦ੍ਵਯਂ ਮਲਯੁਤ੍ਤੇ. ਮਲਯੁਤ੍ਤਤਾਯ ਮਲੀਨੋ, ਇਨੋ, ਦੀਘੋ. ਅਸ੍ਸਤ੍ਥ੍ਯਤ੍ਥੇ ਈ, ਮਸਪਚ੍ਚਯੇ ਮਲੀਮਸੋ, ਕਚ੍ਚਰਂ, ਮਲਦੂਸਿਤਮ੍ਪਿ, ਕੁਚ੍ਛਿਤਂ ਚਰਤੀਤਿ ਕਚ੍ਚਰਂ.

ਤਿਪਾਦਂ ਵਿਪੁਲੇ. ਬ੍ਰਹ ਵੁਦ੍ਧਿਯਂ, ਰਾਜਾਦਿ, ਬ੍ਰਹਾ. ਮਹ ਪੂਜਾਯਂ, ਅਨ੍ਤੋ. ਪੁਲ ਮਹਤ੍ਤੇ, ਵਿਪੁਲਂ. ਸਲ ਗਮਨੇ, ਵਿਸਾਲਂ, ਣੋ. ਪਥ ਸਙ੍ਖ੍ਯਾਨੇ, ਉਲੋ, ਅਸ੍ਸੁ, ਪੁਥੁਲਂ, ਉਮ੍ਹਿ ਪੁਥੁ. ਗਰ ਸੇਚਨੇ, ਉ, ਗਰੁ. ਅਰ ਗਮਨੇ, ਉ, ਅਸ੍ਸੁ, ਉਰੁ. ਤਨੁ ਵਿਤ੍ਥਾਰੇ, ਤੋ, ਇਣ੍ਣਾਦੇਸੋ, ਤਸ੍ਸ ਥੋ, ਅਸ੍ਸਿ, ਅਸਰੂਪਦ੍ਵਿਤ੍ਤਂ, ਵਿਤ੍ਥਿਣ੍ਣਂ.

ਵਠਰਨ੍ਤਂ ਥੂਲੇ. ਪੀ ਤਪ੍ਪਨਕਨ੍ਤੀਸੁ, ਇਨੋ. ਥੂਲ ਪਰਿਬ੍ਰੂਹਨੇ, ਅ. ਪੀਧਾਤੁਤੋ ਈਵਰੋ, ਪੀਵਰਂ. ਲਪਚ੍ਚਯੇ ਥੁਲ੍ਲਂ, ਰਸ੍ਸਾਦਿ. ਵਦ ਵਿਯਤ੍ਤਿਯਂ ਵਾਚਾਯਂ, ਵਦਤੀਤਿ ਵਠਰਂ, ਅਰੋ, ਦਸ੍ਸ ਠੋ. ਥੂਲਮੁਪਚਿਤਮਂਸਵਿਪੁਲਾਯਤਮਂਸਾਦਿ.

ਦ੍ਵਯਂ ਸਨ੍ਨਿਚਿਤੇ. ਆਨਿਪੁਬ੍ਬੋ ਚਿ ਚਯੇ, ਕਮ੍ਮੇ ਤੋ, ਆਚਿਤਂ, ਨਿਚਿਤਞ੍ਚ.

੭੦੨. ਸਿਲੋਕੋ ¶ ਸਬ੍ਬਸ੍ਮਿਂ. ਸਰਤੀਤਿ ਸਬ੍ਬਂ, ਵੋ, ਰਸ੍ਸ ਚ ਵੋ. ਸਂਪੁਬ੍ਬੋ ਅਸੁ ਖੇਪਨੇ, ਤੋ, ਸਮਤ੍ਤਂ, ਅਥ ਵਾ ਸਮ ਤਿਮ ਵੇਕਲ੍ਲਬ੍ਯੇ, ਤੋ, ਸਮਤ੍ਤਂ. ਨ ਖਿਯਤੀਤਿ ਅਖਿਲਂ, ਲੋ, ਅਖਿਲਂ, ਨਿਖਿਲਞ੍ਚ ਤਥਾ. ਸਕ ਸਤ੍ਤਿਯਂ, ਅਲੋ, ਕਲਾਭਿ ਅਵਯਵੇਹਿ ਸਹ ਵਤ੍ਤਤੇਤਿ ਵਾ ਸਕਲਂ. ਸੇਸਤੋ ਅਵਸਿਟ੍ਠਤੋ ਨਿਗ੍ਗਤਂ ਨਿਸ੍ਸੇਸਂ. ਕਸ ਗਮਨੇ, ਇਨੋ, ਣਤ੍ਤਂ, ਕਸਿਣਂ. ਨ ਸੇਸਂ ਅਵਸਿਟ੍ਠਂ ਅਸੇਸਂ. ਅਗ੍ਗੇਨ ਸਿਖਰੇਨ ਸਙ੍ਗਤਂ ਸਮਗ੍ਗਂ. ਕਤੇ ਸਮਾਸੇ ਪੁਬ੍ਬਨਿਪਾਤੋ ਅਭਿਧਾਨਾ. ਊਨ ਪਰਿਹਾਨੇ, ਨ ਊਨਂ ਅਸ੍ਮਿਂ ਅਨੂਨਕਂ, ਕੋ.

੭੦੩. ਬਹੁਲਨ੍ਤਂ ਬਹੁਤ੍ਤੇ, ਭਾਵੇਤਿ ਵਡ੍ਢੇਤੀਤਿ ਭੂਰਿ, ਭੂ ਸਤ੍ਤਾਯਂ, ਰਿ, ਭੂਰਿ, ਦੀਘਾਦਿ, ਰਸ੍ਸਨ੍ਤੋ, ਈਮ੍ਹਿ ਭੂਰੀ, ਮੇਧਾ. ਪਹੁ ਸਤ੍ਤਿਯਂ, ਤੋ, ਉਕਾਰਾਗਮੋ, ਪਪੁਬ੍ਬੋ ਹੂ ਸਤ੍ਤਾਯਂ ਵਾ, ਰਸ੍ਸੋ. ਪਚਿ ਵਿਤ੍ਥਾਰੇ, ਉਰੋ, ਪਚੁਰਂ. ਭੀ ਭਯੇ, ਭਾਯਤਿ ਯਸ੍ਮਾਤਿ ਭਿਯ੍ਯੋ, ਦ੍ਵਿਤ੍ਤਂ. ਸਮ੍ਪਹੋਤੀਤਿ ਸਮ੍ਪਹੁਲਂ, ਲੋ. ਬਹ ਵੁਡ੍ਢਿਯਂ, ਉ, ਬਹੁ. ਯੇਭੁਯ੍ਯਸਦ੍ਦੋ ਬਹੁਲਤ੍ਥਵਾਚਕੋ ਪਾਟਿਪਦਿਕੋ. ਬਹੂ ਅਤ੍ਥੇ ਲਾਭੀਤਿ ਬਹੁਲਂ.

ਦ੍ਵਯਂ ਬਹਿਗਤੇ. ਬਹਿ ਜਾਤਂ ਬਾਹਿਰਂ, ਇਰਣ.

੭੦੪-੭੦੬. ਯੇਸਂ ¶ ਪਦਤ੍ਥਾਨਂ ਮਤ੍ਤਂ ਪਮਾਣਂ ਸਤਾਦਿਤੋ ਪਰਂ ਅਧਿਕਂ ਭਵਤਿ, ਤੇ ਪਰੋਸਤਾਦੀ. ਆਦਿਨਾ ਪਰੋਸਹਸ੍ਸਾਦਿ. ਸਤਤੋ ਪਰੋ ਪਰੋਸਤਂ. ਸਹਸ੍ਸਤੋ ਪਰੋ ਪਰੋਸਹਸ੍ਸਂ, ਪਰਸ੍ਸ ਪੁਬ੍ਬਨਿਪਾਤੋ ਅਭਿਧਾਨਾ ਪਰਸਦ੍ਦਾ ਓਕਾਰਾਗਮੋ. ਪਜ੍ਜਂ ਅਪ੍ਪੇ. ਪਰਿਤੋ ਅਤ੍ਤਂ ਖਣ੍ਡਿਤਂ ਪਰਿਤ੍ਤਂ. ਸੁਖ ਤਕ੍ਰਿਯਾਯਂ, ਤਕ੍ਰਿਯਾ ਸੁਖਨਂ, ਉਮੋ. ਸੁਚ ਸੋਚਨੇ ਵਾ. ਖੁਦ ਪਿਪਾਸਾਯਂ, ਦੋ, ਖੁਦ੍ਦਂ. ਥੁਚ ਪਸਾਦੇ, ਣੋ. ਅਲ ਭੂਸਨਪਰਿਯਤ੍ਤਿਨਿਵਾਰਣੇਸੁ, ਪੋ, ਲਸ੍ਸ ਪੋ, ਅਪ੍ਪਂ. ਕਿਸ ਤਨੁਕਰਣੇ, ਣੋ. ਤਨੁ ਵਿਤ੍ਥਾਰੇ. ਚਿ ਚਯੇ, ਉਲੋ, ਦ੍ਵਿਤ੍ਤਂ, ਚੁਲ੍ਲਂ, ਨੀਚੇ ਪਨ ਚੁਲ੍ਲੋ. ਮਾ ਮਾਨੇ, ਛਦਾਦੀਹਿ ਤੋ. ਰਸ੍ਸਾਦਿ, ਮਤ੍ਤਾ, ਇਤ੍ਥਿਯਂ. ਲਿਸ ਅਪ੍ਪੀਭਾਵੇ, ਅ. ਲੂ ਛੇਦਨੇ, ਲੁਯਤੇਤਿ ਲਵੋ, ਅ. ਅਣ ਗਤ੍ਯਤ੍ਥੋ, ਉ. ਕਣ ਸਦ੍ਦੇ, ਅ, ਕਣੋ. ਲਵਾਦੀਹਿ ਸਹ ਕਣੋ ਪੁਮੇ, ਵੁਤ੍ਤਞ੍ਚ ਅਮਰਕੋਸੇ ‘‘ਪੁਮੇ ਲਵਲੇਸਕਣਾਣਵੋ’’ਤਿ [ਅਮਰ ੨੧.੬੨].

ਞਤ੍ਤਨ੍ਤਂ ¶ ਸਮੀਪੇ. ਸਙ੍ਗਤਾ ਆਪੋ ਯਸ੍ਮਿਂ ਸਮੀਪਂ, ਆਸ੍ਸੀ. ਪਾਦਿਤੋ ਯਦਾਦਿਨਾ ਕਟੋ, ਨਿਕਟੋ, ਨਤ੍ਥਿ ਕਟੋ ਆਵਰਣਂ ਏਤਸ੍ਸਾਤਿ ਵਾ ਨਿਕਟੋ. ਸਦਸ੍ਮਾ ਤੋ, ਆਸਨ੍ਨੋ. ਕਣ੍ਠਂ ਸਮੀਪਂ ਉਪਗਤਂ ਉਪਕਟ੍ਠੋ. ‘‘ਕਣ੍ਠੋ ਗਲੇ ਸਨ੍ਨਿਟ੍ਠਾਨੇ, ਸਦ੍ਦੇ ਮਦਨਪਾਦਪੇ’’ਤਿ ਹਿ ਨਾਨਤ੍ਥਸਙ੍ਗਹੋ, ਇਧ ਪਨ ਕਣ੍ਠਸ੍ਸ ਕਟ੍ਠਾਦੇਸੋ, ਣਲੋਪੋ ਵਾ. ਅਭ੍ਯਾਸੀਦਤੀਤਿ ਅਭ੍ਯਾਸੋ. ‘‘ਅਭ੍ਯਾਸੋ ਤੁ ਸਮੀਪਮ੍ਹਿ, ਪੁਮਾ ਅਭ੍ਯਸਨੇਪਿ ਚੇ’’ਤਿ [ਚਿਨ੍ਤਾਮਣਿਟੀਕਾ ੨੧.੬੭] ਰਭਸੋ. ਸਹ ਅਨ੍ਤੇਨ ਸਨ੍ਤਿਕਂ, ਸਕਤ੍ਥੇ ਇਕੋ. ਵਿਦੂਰਪਟਿਪਕ੍ਖਤ੍ਤਾ ਅਵਿਦੂਰਂ. ਸਙ੍ਗਤਂ ਅਨ੍ਤਂ ਸਾਮਨ੍ਤਂ, ਸਸਦ੍ਦਸ੍ਸ ਦੀਘੋ, ਨਿਗ੍ਗਹੀਤਸ੍ਸ ਮੋ, ਸਂ ਨਿਪੁਬ੍ਬੋਪਿ ਕਟ੍ਠਸਦ੍ਦੋ ਸਮੀਪਤ੍ਥੋਯੇਵਾਤਿ ਦਸ੍ਸਨਤ੍ਥਂ ਉਦਾਹਟਂ, ਕਸ ਵਿਲੇਖਨੇ ਵਾ, ਤੋ, ਸਨ੍ਨਿਕਟ੍ਠਂ. ਅਨ੍ਤਿਕਭਾਵਂ ਉਪਗਤਂ ਉਪਨ੍ਤਿਕਂ. ਸਹ ਕਾਸੇਨ ਵਤ੍ਤਤੇ ਸਕਾਸਂ, ਕਾਸ ਦਿਤ੍ਤਿਯਂ. ਅਨ੍ਤਯੋਗਾ ਅਨ੍ਤਿਕਂ, ਇਕੋ. ਞਾਯਤੇਤਿ ਞਤ੍ਤਂ, ਤੋ, ਸਕਾਸਸਦ੍ਦੇਨ ਸਨਿਡਸਦੇਸਸਵਿਧਸਮਰਿਯਾਦਸਵੇਸਾਪਿ ਗਯ੍ਹਨ੍ਤਿ. ਸਹ ਨਿਡੇਨ, ਸਹ ਦੇਸੇਨ, ਸਹ ਵਿਧਾਯ, ਸਹ ਮਰਿਯਾਦਾਯ, ਸਹ ਵੇਸੇਨ ਵਤ੍ਤਤੇਤਿ ਵਿਗ੍ਗਹੋ, ਬ੍ਯੁਪ੍ਪਤ੍ਤਿਨਿਮਿਤ੍ਤਂ, ਰੂਲ਼੍ਹੀਸਦ੍ਦਾ ਪਨ ਏਤੇ.

ਦ੍ਵਯਂ ਦੂਰਮਤ੍ਤੇ. ਦੁਕ੍ਖੇਨ ਅਰਤਿ ਯਂ ਦੂਰਂ. ਵਿਪਪੁਬ੍ਬੋ ਕਟ੍ਠਸਦ੍ਦੋ ਦੂਰੇ, ਸਕਤ੍ਥੇ ਕੋ, ਵਿਪ੍ਪਕਟ੍ਠਕਂ.

੭੦੭. ਤਿਕਂ ਘਨੇ, ਨਤ੍ਥਿ ਅਨ੍ਤਰਂ ਛਿਦ੍ਦਂ ਯਸ੍ਸ. ਹਨਤਿਸ੍ਮਾ ਅ, ਹਸ੍ਸ ਘੋ ਚ, ਘਨਂ. ਸਮੁ ਉਪਸਮੇ, ਦੋ, ਸਨ੍ਦਂ. ਪਾਦੋ ਵਿਰਲ਼ੇ. ਵਿਰਮਤੀਤਿ ਵਿਰਲ਼ਂ, ਅ, ਵਣ੍ਣਵਿਕਾਰੋ. ਪਿਯੋ ਲਵੋ ਅਪ੍ਪੋ ਯਸ੍ਮਿਂ ਪੇਲਵਂ, ਪਿਯਸ੍ਸ ਪੇ, ਪਿਲਿ ਗਮਨੇ ਵਾ, ਅਵੋ. ਤਨੁ ਅਪ੍ਪਾਦੀਸੁਪਿ.

ਦ੍ਵਯਂ ¶ ਦੀਘੇ. ਯਤ ਆਯਤਨੇ, ਆਯਤਂ. ਇ ਗਮਨੇ ਵਾ, ਤੋ, ਭੂਵਾਦਿ, ਇਸ੍ਸੇ, ਏ ਅਯ, ਦੀਘਾਦਿ. ਦਿ ਖਯੇ, ਘੋ, ਦੀਘਾਦਿ. ਤਿਕਂ ਵਟ੍ਟਲੇ. ਨਿਗ੍ਗਤਂ ਤਲਂ ਅਸ੍ਮਾਤਿ ਨਿਤ੍ਤਲਂ. ਵਟ੍ਟ ਵਟ੍ਟਨੇ, ਵਟ੍ਟਂ, ਲਤਾਦਿ. ਉਲਪਚ੍ਚਯੇ ਵਟ੍ਟੁਲਂ.

੭੦੮. ਉਚ੍ਛਿਤਨ੍ਤਂ ਉਨ੍ਨਤੇ. ਚਿ ਚਯੇ, ਉਚ੍ਚਿਨੋਤੀਤਿ ਉਚ੍ਚੋ, ਅ. ਉਨ੍ਨਮਤੀਤਿ ਉਨ੍ਨਤੋ. ਤੁਜ ਹਿਂਸਾਯਂ, ਫਲਨੇ ਚ, ਅ, ਤੁਙ੍ਗੋ. ਉਗ੍ਗਤਂ ਅਗ੍ਗਂ ਅਸ੍ਸ ਉਦਗ੍ਗੋ. ਉਦ੍ਧਂ ਸਿਤੋ ਉਚ੍ਛਿਤੋ, ਸਿ ਸੇਵਾਯਂ, ਤੋ, ਸਸ੍ਸ ਛੋ, ਅਸਰੂਪਦ੍ਵਿਤ੍ਤਂ, ਉਚ੍ਛਿਤੋ. ਪਂਸੁਪਿ, ਪਕਟ੍ਠੋ ਅਂਸੁ ਦਿਤ੍ਤਿ ਯਸ੍ਸ ਪਂਸੁ.

ਤਿਕਂ ਵਾਮਨੇ. ਉਦ੍ਧਂ ਨ ਅਞ੍ਚਤੀਤਿ ਨੀਚੋ, ਅਞ੍ਚ ਗਮਨੇ, ਣੋ, ਅਕਾਰਞਕਾਰਾਨਂ ਲੋਪੋ, ਨਿਸਦ੍ਦੋ ਅਤ੍ਰ ਨਿਸੇਧੇ. ਰਸ ਸਦ੍ਦੇ, ਸੋ, ਰਸ੍ਸੋ. ਵਾ ਗਮਨੇ, ਮਨੋ, ਵਾਮਨੋ.

ਤਿਕਂ ਉਜੁਮ੍ਹਿ. ਨ ਜਿਮ੍ਹਂ ਕੁਟਿਲਂ ਅਜਿਮ੍ਹਂ. ਤਸ੍ਮਿਂ ਅਵਙ੍ਕਤਾਯ ਪਕਟ੍ਠੋ ਗੁਣੋ ਯਸ੍ਸ ਪਗੁਣੋ. ਅਜ ਗਮਨੇ, ਉ, ਅਸ੍ਸੁ, ਉਜੁ.

੭੦੯. ਛਕ੍ਕਂ ਵਙ੍ਕੇ. ਅਲਧਾਤੁਮ੍ਹਾ ਅਰੋ, ਲ਼ਤ੍ਤਂ. ਵੇਲ ਗਮਨੇ, ਤੋ, ਦ੍ਵਿਤ੍ਤਾਦਿ, ਵਿਰੂਪੇਨ ਇਲਯਤੀਤਿ ਵਾ ਵੇਲ੍ਲਿਤਂ, ਤੋ, ਇਲ ਗਮਨੇ. ਵਙ੍ਕ ਕੋਟਿਲ੍ਯੇ, ਅ. ਕੁਟ ਛੇਦਨੇ, ਇਲੋ, ਕੁਟ ਕੋਟਿਲ੍ਯੇ ਵਾ. ਹਾ ਚਾਗੇ, ਕਤ੍ਤਰਿ ਮੋ, ਦ੍ਵਿਤ੍ਤਂ, ਵਣ੍ਣਵਿਪਰਿਯਯਾਦਿ, ਜਿਮ੍ਹਂ. ਕੁਞ੍ਚ ਕੋਟਿਲ੍ਯੇ, ਤੋ. ਵਕ੍ਕਮ੍ਪਿ, ਵਕ੍ਕ ਗਮਨੇ.

ਪਞ੍ਚਕਂ ¶ ਧੁਵੇ. ਧੁ ਗਤਿਥੇਰਿਯੇਸੁ, ਅ, ਉਵਾਦੇਸੋ. ਸਸ੍ਸਤੇ ਨਿਚ੍ਚੇ ਭਵੋ ਸਸ੍ਸਤੋ. ਨਿਚ੍ਚੋ ਵੁਤ੍ਤੋ [ਅਭਿਧਾਨਪ੍ਪਦੀਪਿਕਾਟੀਕਾ]. ਸਦਾ ਕਾਲੇ ਭਵੋ ਸਦਾਤਨੋ. ਸਨਸਦ੍ਦੋ ਨਿਚ੍ਚਤ੍ਥੋ ਸਤ੍ਤਮ੍ਯਨ੍ਤੋ ਨਿਪਾਤੋ, ਸਨਂਸਦ੍ਦੋ ਵਾ [ਅਭਿਧਾਨਪ੍ਪਦੀਪਿਕਾਟੀਕਾ], ਤਤ੍ਰ ਭਵੋ ਸਨਨ੍ਤਨੋ, ਉਭਯਤ੍ਰਾਪਿ ਭਵਤ੍ਥੇ ਤਨੋ, ਪੁਬ੍ਬੇ ਨਿਗ੍ਗਹੀਤਾਗਮੋ.

੭੧੦. ਏਕੇਨੇਵ ਭਾਵਾਦਿਰੂਪੇਨ ਕਾਲਸ੍ਸ ਬ੍ਯਾਪਕੋ ਨਿਬ੍ਬਾਨਾਕਾਸਾਦਿਕੂਟਟ੍ਠੋਤਿ ਪਕਾਸਿਤੋ. ਮਾਯਾਨਿਚ੍ਚਲਯਨ੍ਤਾਦੀਸੁ ਕੂਟਂ ਵਕ੍ਖਤਿ [ਅਭਿਧਾਨਪ੍ਪਦੀਪਿਕਾਟੀਕਾ]. ਨਿਚ੍ਚਲੋ ਤਿਟ੍ਠਤੀਤਿ ਕੂਟਟ੍ਠੋ, ਪਬ੍ਬਤੋ, ਕੂਟਟ੍ਠੋ ਵਿਯ ਸਦਾ ਤਿਟ੍ਠਤੀਤਿ ਕੂਟਟ੍ਠੋ.

ਦ੍ਵਯਂ ਲਹੁਕੇ. ਲਙ੍ਘ ਗਤਿ ਸੋਸਨੇਸੁ, ਉ, ਘਸ੍ਸ ਹਤ੍ਤਂ, ਨਿਗ੍ਗਹੀਤਲੋਪੋ, ਲਹੁ, ਲਘੁਪਿ. ਸਂਪੁਬ੍ਬੇ, ਸਤ੍ਥਿਕਕਪਚ੍ਚਯੇ ਚ ਸਲ੍ਲਹੁਕਂ. ਤਿਕਂ ਸਙ੍ਖ੍ਯਾਤੇ. ਖ੍ਯਾ ਕਥਨੇ. ਗਣ ਸਙ੍ਖ੍ਯਾਨੇ. ਮਾ ਪਰਿਮਾਣੇ, ਸਬ੍ਬਤ੍ਰ ਤੋ.

੭੧੧. ਤਿਕਂ ਤਿਖਿਣੇ. ਤਿਜ ਨਿਸਾਨੇ, ਹੋ, ਵਣ੍ਣਵਿਕਾਰੋ, ਤਿਣ੍ਹਂ. ਤਿਜ ਨਿਸਾਨੇ, ਇਨੋ, ਜਸ੍ਸ ਖੋ, ਣਤ੍ਤਂ, ਤਿਖਿਣਂ. ਤਿਜਤੋਯੇਵ ਵੋ, ਜਸ੍ਸ ਵੋ, ਬਤ੍ਤਂ, ਤਿਬ੍ਬਂ. ਤਿਕਂ ਚਣ੍ਡੇ. ਚਣ੍ਡ ਕੋਪੇ, ਚਣ੍ਡਂ. ਉਜ੍ਜ ਬਲਪਾਲਨੇਸੁ, ਅ, ਜ੍ਜਸ੍ਸ ਗ੍ਗੋ, ਉਗ੍ਗਂ. ਖਰ ਵਿਨਾਸੇ, ਅ, ਖਰਂ.

ਚਤੁਕ੍ਕਂ ¶ ਜਙ੍ਗਮੇ. ਗਮੁ ਗਮਨੇ, ਦ੍ਵਿਤ੍ਤਾਦਿ, ਜਙ੍ਗਮਂ. ਚਰ ਗਮਨੇ, ਅ, ਚਰਂ. ਤਸਤਿ ਚਲਤੀਤਿ ਤਸਂ, ਤਸ ਉਬ੍ਬੇਗੇ, ਉਬ੍ਬੇਗੋ ਭਯਂ, ਚਲਨਞ੍ਚ. ਚਰਭਿਸ੍ਮਾ ਚਰੋ, ਮਜ੍ਝੇ ਦੀਘੋ, ਚਰਾਚਰਂ, ਅਬ੍ਭਾਸਨ੍ਤੇ ਵਾ ਰਾਗਮੋ, ਚਰਾਚਰਂ, ਸਬ੍ਬਤ੍ਰ ਅਪਚ੍ਚਯੋ. ਇਙ੍ਗਮ੍ਪਿ, ਇਙ੍ਗਤੀਤਿ ਇਙ੍ਗੋ, ਇਙ੍ਗ ਗਮਨੇ.

੭੧੨-੭੧੩. ਦ੍ਵਯਂ ਚਲਨਮਤ੍ਤੇ. ਕਮ੍ਪ ਚਲਨੇ. ਚਲ ਕਮ੍ਪਨੇ, ਸਬ੍ਬਤ੍ਰ ਕਤ੍ਤਰਿ ਯੁ.

ਦ੍ਵਯਂ ਅਧਿਕੇ. ਅਤਿਰਿਚ੍ਚਤੀਤਿ ਅਤਿਰਿਤ੍ਤੋ, ਰਿਚ ਵਿਯੋਜਨਸਮ੍ਪਟਿਚ੍ਛਨਗਤੀਸੁ, ਤੋ, ਭੁਜਾਦਿ. ਅਧਿ ਏਤਿ ਗਚ੍ਛਤੀਤਿ ਅਧਿਕੋ, ਇ ਗਮਨੇ, ਕੋ.

ਜਙ੍ਗਮਾ ਪਾਣਿਤੋ ਅਞ੍ਞੋ ਥਾਵਰੋ ਨਾਮ, ਤਿਟ੍ਠਤੀਤਿ ਥਾਵਰੋ, ਠਾ ਗਤਿਨਿਵਤ੍ਤਿਯਂ, ਵਰੋ, ਵਣ੍ਣਵਿਕਾਰੋ, ਥਾਵਰੋ, ਠਾਵਰੋਪੀਤ੍ਯੇਕੇ.

ਚਤੁਕ੍ਕਂ ਲੋਲੇ. ਲੋਲ ਉਮ੍ਮਾਦਨੇ. ਚਲ ਕਮ੍ਪਨੇ, ਦ੍ਵਿਤ੍ਤਾਦਿ, ਚਞ੍ਚਲਂ. ਤਰ ਪ੍ਲਵਨਤਰਣੇਸੁ, ਤਰਂ ਲਾਤੀਤਿ ਤਰਲਂ, ਏਤੇ ਚਲਨਮਤ੍ਤੇਪਿ.

ਚਤੁਕ੍ਕਂ ਪੁਰਾਣੇ. ਪੁਰੇ ਭਵੋ ਪੁਰਾਣੋ, ਯਦਾਦਿਨਾ ਨਪਚ੍ਚਯੋ, ਣਤ੍ਤਂ. ਪੁਰਾ ਭਵੋ ਪੁਰਾਤਨੋ, ਤਨਪਚ੍ਚਯੋ. ਸਨਂਸਦ੍ਦੋ ¶ ਇਹ ਸਤ੍ਤਮ੍ਯਨ੍ਤੋ ਪੁਰਾਣਤ੍ਥੇ ਨਿਪਾਤੋ. ਤਤ੍ਰ ਭਵੋ ਸਨਨ੍ਤਨੋ, ਪੁਬ੍ਬੇ ਵਿਯ ਸਨਂਸਦ੍ਦੋ ਵਾ, ਤਤ੍ਰਾਪਿ ਪੁਬ੍ਬੇ ਵਿਯ ਨਿਗ੍ਗਹੀਤਾਗਮੋ. ਚਿਰਂਸਦ੍ਦੋ ਨਿਪਾਤੋ ਸਤ੍ਤਮ੍ਯਨ੍ਤੋ ਪੁਰਾਣਤ੍ਥੋ ਇਹ ਗਯ੍ਹਤੇ, ਤਤ੍ਰ ਭਵੋ ਚਿਰਨ੍ਤਨੋ. ਨਿਗ੍ਗਹੀਤਲੋਪੋ ਚਿਰਕਾਲਾਦੀਸੁ.

ਚਤੁਕ੍ਕਂ ਅਭਿਨਵੇ. ਪਤਿਤੋ ਅਗ੍ਗੋ ਯਸ੍ਸ ਪਚ੍ਚਗ੍ਘੋ, ਗਸ੍ਸ ਘੋ, ਬਹੁਕੋ ਵਾ ਅਗ੍ਘੋ ਯਸ੍ਸ ਪਚ੍ਚਗ੍ਘੋ, ਅਨੇਕਤ੍ਥਤ੍ਤਾ ਹਿ ਉਪਸਗ੍ਗਨਿਪਾਤਾਨਂ ਬਹੁਕਤ੍ਥੋ ਏਤ੍ਥ ਪਤਿਸਦ੍ਦੋ. ਨਵਸਦ੍ਦਾਸਕਤ੍ਥੇ ਤਨੋ, ਨਵਸ੍ਸ ਨੁਭਾਵੋ ਚ. ਨਵੋ ਏਵ ਅਭਿਨਵੋ, ਨੁ ਥੁਤਿਯਂ, ਅ, ਨਵੋ.

੭੧੪-੭੧੫. ਪਞ੍ਚਕਂ ਕਕ੍ਖਲ਼ੇ. ਕਨ੍ਤਤੀਤਿ ਕੁਰੂਰਂ, ਊਰੋ, ਕਨ੍ਤਸ੍ਸ ਚ ਕੁਰਾਦੇਸੋ, ਕਰ ਹਿਂਸਾਯਂ ਵਾ, ਊਰੋ, ਅਸ੍ਸੁ. ਕਠ ਕਿਚ੍ਛਜੀਵਨੇ, ਮੁਦ੍ਧਜਦੁਤਿਯਨ੍ਤੋ ਧਾਤੁ, ਇਨੋ, ਵਣ੍ਣਵਿਪਰਿਯਯੇ ਕਥਿਨਨ੍ਤਿਪਿ. ਦਲ ਵਿਦਾਰਣੇ, ਹੋ, ਲ਼ਤ੍ਤਂ, ਬਹ ਵੁਦ੍ਧਿਮ੍ਹਿ ਵਾ, ਬਸ੍ਸ ਦੋ, ਲ਼ਨ੍ਤੋ ਚ, ਦਲ਼੍ਹਂ ਦਹ ਭਸ੍ਮੀਕਰਣੇ ਵਾ, ਅ, ਲ਼ਨ੍ਤੋ ਚ. ਨਿਟ੍ਠਾਤੀਤਿ ਨਿਟ੍ਠੁਰਂ, ਠਾ ਗਤਿਨਿਵਤ੍ਤਿਯਂ, ਉਰੋ. ਕਕ੍ਖ ਹਸਨੇ, ਅਲੋ, ਲ਼ਤ੍ਤਂ. ਕਠੋਰਂ, ਜਰਠਂ, ਮੁਤ੍ਤਿਮਂ, ਮੁਤ੍ਤਮ੍ਪਿ, ਕਠ ਕਿਚ੍ਛਜੀਵਨੇ, ਓਰੋ. ਜਰ ਜੀਰਣੇ, ਭੂਵਾਦਿ, ਠੋ. ਮੁਤ੍ਤਿ ਕਥਿਨ੍ਯਂ, ਤਂਯੋਗਾ ਮੁਤ੍ਤਿਮਂ. ਅਪਚ੍ਚਯੇ ਮੁਤ੍ਤਂ.

ਸਤ੍ਤਕਂ ਅਨ੍ਤੇ. ਅਮ ਗਮਨੇ, ਤੋ, ਅਨ੍ਤੋ, ਅਨਿਤ੍ਥੀ. ਪਰਿਪੁਬ੍ਬੋ ਪਰਿਯਨ੍ਤੋ. ਪਪੁਬ੍ਬੋ ਪਨ੍ਤੋ. ਪਚ੍ਛਾ ਭਵੋ ਪਚ੍ਛਿਮੋ. ਅਨ੍ਤੇ ਭਵੋ ਅਨ੍ਤਿਮੋ, ਇਮੋ. ਜਘਨੇ ਸਾਧੁ ਜਿਘਞ੍ਞਂ, ਯੋ, ਅਸ੍ਸਿ. ਚਰਤਿਸ੍ਮਾ ਇਮੋ. ਚਰਿਮਂ, ਚਰਸਦ੍ਦਾ ਵਾ ਇਮੋ.

ਚਤੁਕ੍ਕਂ ¶ ਪਠਮੇ. ਪੁਬ੍ਬ ਪੂਰਣੇ, ਅ. ਅਗ੍ਗਂ ਸੇਟ੍ਠੇਪਿ ਵੁਤ੍ਤਂ. ਪਠ ਵਿਯਤ੍ਤਿਯਂ ਵਾਚਾਯਂ, ਅਮੋ, ਪਥ ਸਙ੍ਖ੍ਯਾਨੇ ਵਾ, ਅਮੋ, ਵਣ੍ਣਵਿਕਾਰੋ, ਪਠਮਂ, ਪਥਮਨ੍ਤਿਪਿ. ਆਦੀਯਤੇ ਪਠਮਂ ਗਣ੍ਹੀਯਤੇਤਿ ਆਦਿ, ਇ, ਪੁਮੇ, ਸੋਸਦ੍ਦੋ ਆਦਿਸ੍ਸ ਪੁਲ੍ਲਿਙ੍ਗਤ੍ਤਜੋਤਕੋ, ਪੁਰਿਮਂ, ਪੁਰਤ੍ਥਾਪਿ, ਭਵਤ੍ਥੇ ਇਮਤ੍ਥਾ.

ਦ੍ਵਯਂ ਅਨੁਚ੍ਛਵਿਕੇ. ਪਟਿਗ੍ਗਹਿਤੋ ਰੂਪੋ ਪਤਿਰੂਪੋ. ਛਵਿਯਾ ਅਨੁਰੂਪਂ ਅਨੁਚ੍ਛਵਿਕਂ, ਸਕਤ੍ਥੇ ਕੋ.

ਦ੍ਵਯਂ ਨਿਰਤ੍ਥਕੇ. ਮੂਹ ਵੇਚਿਤ੍ਤੇ, ਅ, ਹਸ੍ਸ ਘੋ. ਨਤ੍ਥਿ ਅਤ੍ਥੋ ਯਸ੍ਸ, ਸਕਤ੍ਥੇ ਕੋ.

੭੧੬. ਦ੍ਵਯਂ ਪਾਕਟੇ. ਵਿਸਿਟ੍ਠੋ ਅਤ੍ਤਾ ਯਸ੍ਸ ਬ੍ਯਤ੍ਤਂ. ਪੁਟ ਪਕਾਸਨੇ, ਪੁਟ ਵਿਕਾਸਨੇ ਵਾ.

ਤਿਕਂ ਮੁਦੁਮ੍ਹਿ. ਮੁਦ ਮੋਦਨੇ, ਉ, ਮੁਦ ਸਂਸਗ੍ਗੇ ਵਾ. ਸੋਭਨਂ ਕੁਮਾਰਂ ਕਨ੍ਤਿ ਯਸ੍ਸ. ਕੁ ਸਦ੍ਦੇ, ਅਲੋ, ਮਨ੍ਤੋ ਚ.

ਦ੍ਵਯਂ ਇਨ੍ਦ੍ਰਿਯਗ੍ਗਯ੍ਹੇ. ਅਕ੍ਖਂ ਇਨ੍ਦ੍ਰਿਯਂ ਪਤਿਗਤਂ ਨਿਸ੍ਸਿਤਂ, ਅਕ੍ਖੇਨ ਵਾ ਪਤਿਗਤਂ ਪਚ੍ਚਕ੍ਖਂ, ਕਤੇ ਸਮਾਸੇ ਪਤਿਸਦ੍ਦਸ੍ਸ ਪੁਬ੍ਬਨਿਪਾਤੋ ਅਭਿਧਾਨਤੋ. ਇਨ੍ਦ੍ਰਿਯਂ ਚਕ੍ਖਾਦਿਕਂ, ਤੇਨ ਗਯ੍ਹਂ ਇਨ੍ਦ੍ਰਿਯਗ੍ਗਯ੍ਹਂ.

ਦ੍ਵਯਂ ਅਪਚ੍ਚਕ੍ਖੇ. ਪਚ੍ਚਕ੍ਖਵਿਪਰੀਤਂ ਅਪਚ੍ਚਕ੍ਖਂ, ਪਰਮਾਣ੍ਵਾਦਿ. ਇਨ੍ਦ੍ਰਿਯਂ ਅਤਿਕ੍ਕਨ੍ਤਂ ਅਤਿਨ੍ਦ੍ਰਿਯਂ.

੭੧੭. ਚਤੁਕ੍ਕਂ ਅਞ੍ਞਤ੍ਥੇ. ਇਤਰਸਦ੍ਦੋ ਪਾਟਿਪਦਿਕੋ ਅਞ੍ਞਤ੍ਥਵਾਚਕੋ, ਇਦਂਸਦ੍ਦਾ ਵਾ ਤਰੋ ਅਞ੍ਞਤ੍ਥੇ, ਦਂਲੋਪੋ ਚ ¶ . ਅਞ੍ਞਸਦ੍ਦਾ ਸਕਤ੍ਥੇ ਤਰੋ. ਏਕੋ ਸੇਟ੍ਠੇਪਿ ਵੁਤ੍ਤੋ. ਅਞ੍ਞਸਦ੍ਦੋ ਪਾਟਿਪਦਿਕੋ ਭਿਨ੍ਨਤ੍ਥੋ, ਨ ਞਾਯਤੇਤਿ ਵਾ ਅਞ੍ਞੋ.

ਤਿਕਂ ਨਾਨਪ੍ਪਕਾਰੇ. ਬਹਵੋ ਵਿਧਾ ਪਕਾਰਾ ਅਸ੍ਸ ਬਹੁਵਿਧੋ. ਵਿਚਿਤ੍ਤਾ ਵਿਧਾ ਯਸ੍ਸ ਵਿਵਿਧੋ.

ਦ੍ਵਯਂ ਅਨਿਵਾਰਿਤੇ. ਨਤ੍ਥਿ ਬਾਧੋ ਨਿਸੇਧੋ ਯਸ੍ਸ ਅਬਾਧਂ. ਨਤ੍ਥਿ ਅਗ੍ਗਲ਼ਂ ਅਸ੍ਸ.

੭੧੮. ਚਤੁਕ੍ਕਂ ਅਸਹਾਯੇ. ਅਸਹਾਯਤ੍ਥੇ ਏਕਤੋ ਆਕੀ, ਚ੍ਚੋ, ਕੋ ਚ, ਏਕਾਕੀ, ਏਕਚ੍ਚੋ. ਅਞ੍ਞਤ੍ਥੇਪਿ ਏਕਕੋ ਵੁਤ੍ਤੋ. ਸਮਾ ਤੁਲ੍ਯਤ੍ਥਾ.

ਅਨੇਕਸਮ੍ਬਨ੍ਧਿਨਿ ਸਾਧਾਰਣਾਦਿਦ੍ਵਯਂ. ਸਹ ਆਧਾਰਣੇਨ ਵਤ੍ਤਤੀਤਿ ਸਾਧਾਰਣਂ, ਯਦਾਦਿ, ਥਿਯਂ ਸਾਧਾਰਣੀ, ਸਾਧਾਰਣਾ ਚ. ਸਮਾਨਮੇਵ ਸਾਮਞ੍ਞਂ, ਯੋ, ਸਾਮਞ੍ਞਾ ਇਤ੍ਥਿਯਂ.

ਦ੍ਵਯਂ ਅਪ੍ਪਾਵਕਾਸੇ. ਸਮ੍ਬਾਧਤੇ ਅਸ੍ਮਿਂ, ਰੋ. ਸਂਸਦ੍ਦਾ ਕਟੋ, ਯਦਾਦਿ, ਸਙ੍ਕਟਂ, ਸਹ ਆਵਰਣੇਨ ਵਤ੍ਤਤੀਤਿ ਵਾ ਸਙ੍ਕਟਂ, ਸਹਤ੍ਥੋ ਸਂਸਦ੍ਦੋ.

੭੧੯. ਵਾਮਂ ਕਲ਼ੇਵਰਂ ਵਾਮਕਾਯੋ ਸਬ੍ਯਂ ਨਾਮ. ‘‘ਸਬ੍ਯਂ ਵਾਮੇ ਚ ਦਕ੍ਖਿਣੇ’’ਤਿ [ਚਿਨ੍ਤਾਮਣਿਟੀਕਾ ੨੧.੮੪] ਹਿ ਅਜਯੋ, ਸਵ ਗਤਿਯਂ, ਯੋ. ਦਕ੍ਖਿਣਂ ਕਲ਼ੇਵਰਂ ਅਪਸਬ੍ਯਂ, ਸਬ੍ਯਤੋ ਅਪਗਤਂ ਅਪਸਬ੍ਯਂ.

ਦ੍ਵਯਂ ¶ ਵਿਪਰੀਤੇ. ਪਟਿਕੂਲਤਿ ਆਵਰਤੀਤਿ ਪਟਿਕੂਲਂ, ਕੂਲ ਆਵਰਣੇ. ਅਪਸਬ੍ਯਂ ਦਕ੍ਖਿਣੇਪਿ ਵੁਤ੍ਤਂ.

ਦੁਰਧਿਗਮਨ੍ਤੋ ਪਥਂ ਗਹਨਂ, ਯਥਾ – ਗਹਨਮੇਤਂ ਸਤ੍ਥਂ, ਦੁਬ੍ਬਿਵੇਕਮਿਚ੍ਚਤ੍ਥੋ. ਗਚ੍ਛਨ੍ਤਂ ਹਨ੍ਤੀਤਿ ਗਹਨਂ, ਗਹਣਮ੍ਪਿ, ਯਦਾਦਿ. ਕਲ ਗਮਨੇ, ਇਲੋ, ਕਲਿਂ ਲਾਤੀਤਿ ਵਾ ਕਲਿਲਂ.

੭੨੦-੭੨੧. ਦ੍ਵਯਂ ਬਹੁਪ੍ਪਕਾਰੇ. ਉਚ੍ਚਞ੍ਚ ਤਂ ਅਵਚਞ੍ਚੇਤਿ ਉਚ੍ਚਾਵਚਂ, ਕਮ੍ਮਧਾਰਯੋ. ਬਹਵੋ ਭੇਦਾ ਅਸ੍ਸ.

ਤਿਕਂ ਜਨਾਦਿਨਿਰਨ੍ਤਰਗਤੇ. ਸਙ੍ਕ ਸਙ੍ਕਾਯਂ, ਤੋ. ਕਿਰ ਪਕ੍ਖੇਪਵਿਕ੍ਖਿਪਨੇਸੁ, ਤੋ, ਇਣ੍ਣਾਦੇਸੋ. ਸਙ੍ਕ ਸਙ੍ਕਾਯਂ, ਉਲੋ, ਸਙ੍ਕੁਲਂ, ਸਂਪੁਬ੍ਬੋ ਕੁਲ ਸਨ੍ਤਾਨੇ ਵਾ, ਰੋ.

ਸਿਲੋਕੋ ਛੇਕੇ. ਕਤੋ ਅਭ੍ਯਾਸਿਤੋ ਹਤ੍ਥੋ ਪਦਤ੍ਥੋ ਯੇਨ ਕਤਹਤ੍ਥੋ. ਕੁਸ ਸਿਲੇਸਨੇ, ਅਲੋ. ਪਕਟ੍ਠਾ ਵੀਣਾ ਅਸ੍ਸ. ਅਭਿਜਾਨਾਤਿ ਅਭਿਞ੍ਞੋ. ਸਿਕ੍ਖ ਵਿਜ੍ਜੋਪਾਦਾਨੇ, ਤੋ. ਪੁਣ ਕਮ੍ਮਨਿ ਸੁਭੇ, ਰੋ. ਪਟ ਗਮਨੇ, ਉ. ਛਿਦਿ ਦ੍ਵਿਧਾਕਰਣੇ, ਕਤ੍ਤਰਿ ਅ, ਦਸ੍ਸ ਕੋ. ਚਤ ਯਾਚਨੇ, ਉਰੋ. ਦਲ ਦਿਤ੍ਤਿਯਂ, ਖੋ, ਲਸ੍ਸ ਕੋ, ਦਕ੍ਖ ਵੁਡ੍ਢਿਯਂ ਵਾ, ਅ, ਦਕ੍ਖ ਵੁਡ੍ਢਿਹਿਂਸਾਗਤਿਸੀਘੇਸੁ ਵਾ. ਪਿਸ ਹਿਂਸਾਬਲਦਾਨਨਿਕੇਤਨੇਸੁ, ਅਲੋ, ਪੇਸਲੋ. ਕਤਮੁਖੋ, ਕਤੀਪਿ, ਕਤਸਦ੍ਦੋ ¶ ਅਭ੍ਯਾਸਿਤਤ੍ਥੋ, ਕਤਂ ਅਬ੍ਯਾਸਿਤਂ ਮੁਖਂ ਉਪਾਯੋ ਅਨੇਨਾਤਿ ਕਤਮੁਖੋ. ਕਤਂ ਅਸ੍ਸਤ੍ਥੀਤਿ ਕਤੀ.

ਸਤ੍ਤਕਂ ਬਾਲੇ. ਬਲ ਪਾਣਨੇ, ਬਲਤੀਤਿ ਬਾਲੋ, ਅਸ੍ਸਾਸਿਤਪਸ੍ਸਾਸਿਤਮਤ੍ਤੇਨ ਜੀਵਤਿ, ਨ ਪਞ੍ਞਾਜੀਵਿਤੇਨਾਤ੍ਯਤ੍ਥੋ. ਦਾ ਕੁਚ੍ਛਾਯਂ ਗਤਿਯਂ ਵਾ, ਤੁ, ਦ੍ਵਿਤ੍ਤਂ, ਰਸ੍ਸਾਦਿ. ਜਲ ਧਞ੍ਞੇ, ਅ, ਲ਼ਤ੍ਤਂ. ਮੂਹ ਵੇਚਿਤ੍ਤੇ, ਲੋ, ਵਣ੍ਣਵਿਪਰਿਯਯੋ, ਮੂਲ਼੍ਹੋ. ਮਨ੍ਦ ਜਲ਼ਤ੍ਤੇ. ਬਾਲ੍ਯਯੋਗਾ ਬਾਲਿਸੋ, ਇਸੋ. ਅਞ੍ਞੋ, ਯਥਾਜਾਤੋਪਿ, ਨ ਜਾਨਾਤੀਤਿ ਅਞ੍ਞੋ. ਯਾਦਿਸੋ ਜਾਤੋ ਵਿਵੇਕੋ ਯਥਾਜਾਤੋ.

੭੨੨. ਤਿਕਂ ਭਾਗ੍ਯਸਮ੍ਪਨ੍ਨੇ. ਪੁਞ੍ਞਂ, ਸੁਕਤਞ੍ਚ ਯਸ੍ਮਿਂ ਅਤ੍ਥਿ ਪੁਞ੍ਞਵਾ, ਸੁਕਤੀ, ਵਨ੍ਤੁ, ਈ ਚ. ਧਨਂ ਗਹਣਂ ਲਦ੍ਧੋਤਿ ਧਞ੍ਞੋ, ਯੋ. ਦ੍ਵਯਂ ਮਹਾਵੀਰਿਯੇ. ਮਹਾਧਿਤਿ ਮਹਾਵੀਰਿਯੋ. ਦ੍ਵਯਂ ਮਹਿਚ੍ਛੇ. ਮਹਾਸਯੋਪਿ.

ਦ੍ਵਯਂ ਬਹੁਲਹਦਯੇ, ਪਸਤ੍ਥਹਦਯੇ ਚ. ਹਦਯਂ ਬਹੁਲਂ, ਪਸਤ੍ਥਞ੍ਚ ਯਸ੍ਸ ਹਦਯੀ, ਹਦਯਾਲੁ ਚ, ਤਬ੍ਬਹੁਲੇ ਈ, ਆਲੁ ਚ, ਸੁਹਦਯੋਪਿ.

੭੨੩. ਦ੍ਵਯਂ ਹਟ੍ਠਚਿਤ੍ਤੇ. ‘‘ਹਾਸਮਨੋ ਵਿਕੁਬ੍ਬਾਨੋ, ਪਮਾਨੋ ਹਟ੍ਠਮਾਨਸੋ’’ਤਿ [ਅਮਰ ੨੧.੭] ਅਮਰਸੀਹੋ. ਦ੍ਵਯਂ ਦੁਮ੍ਮਨੇ. ਦੁਟ੍ਠਂ, ਦੁਕ੍ਖਿਤਂ ਵਾ ਮਨੋ ਯਸ੍ਸ. ਵਿਰੂਪਂ ਮਨੋ ਯਸ੍ਸ. ਅਨ੍ਤਮਨੋਪਿ.

ਚਤੁਕ੍ਕਂ ¶ ਬਹੁਪ੍ਪਦੇ. ਯਾਚਕਾਨਂ ਵਦਂ ਵਚਨਂ ਜਾਨਾਤੀਤਿ ਵਦਾਨਿਯੋ, ਵਦਞ੍ਞੂ ਚ, ਇਯੋ, ਰੂ ਚ, ਪੁਬ੍ਬਤ੍ਰਞ੍ਞਸ੍ਸ ਨਾਦੇਸੋ, ਮਜ੍ਝਦੀਘੋ ਚ. ਦਾਨੇ ਸੋਣ੍ਡੋ ਪਸੁਤੋ. ਸੋਣ੍ਡਸਦ੍ਦੋਤ੍ਰ ਮਜ੍ਜਮਦੇਤ੍ਯੇਕੇ, ਥੂਲਲਕ੍ਖੋਪ੍ਯਤ੍ਰ, ਦਾਨਤ੍ਥਂ ਥੂਲਂ ਲਕ੍ਖਂ ਅਸ੍ਸ.

੭੨੪. ਸਿਲੋਕੋ ਪਾਕਟਮਤ੍ਤੇ. ਖ੍ਯਾ ਪਕਾਸਨੇ, ਤੋ. ਪਤਿਪੁਬ੍ਬੋ ਇ ਗਮਨੇ, ਤੋ. ਅਭਿਮੁਖਂ ਏਤੀਤਿ ਪਤੀਤੋ. ਞਾ ਅਵਬੋਧਨੇ, ਤੋ, ਪਞ੍ਞਾਤੋ, ਅਭਿਞ੍ਞਾਤੋ ਚ. ਪਥ ਖ੍ਯਾਨੇ. ਸੁ ਗਤਿਬੁਦ੍ਧੀਸੁ, ਤੋ, ਸੁਤੋ, ਵਿਸ੍ਸੁਤੋ ਚ, ਸੁ ਸਵਨੇ ਵਾ, ਕਮ੍ਮੇ ਤੋ. ਵਿਦ ਞਾਣੇ, ਵਿਦਿਤੋ. ਸਿਧੁ ਸਂਰਾਧੇ, ਤੋ, ਸਿਧ ਸਂਸਿਦ੍ਧਿਯਂ ਵਾ. ਕਟ ਗਤਿਯਂ, ਦਸ੍ਸਨਂ ਕਟਤੀਤਿ ਪਾਕਟੋ, ਉਪਸਗ੍ਗਸ੍ਸ ਦੀਘੋ.

੭੨੫. ਤਿਪਾਦਂ ਇਸ੍ਸਰੇ. ਈਸ ਇਸ੍ਸਰਿਯੇ, ਈਸਤੀਤਿ ਇਸ੍ਸਰੋ, ਅਰੋ, ਰਸ੍ਸਾਦਿ, ਦ੍ਵਿਤ੍ਤਂ. ਨੀ ਨਯੇ, ਣ੍ਵੁ, ਨਾਯਕੋ. ਸਂ ਧਨਂ ਅਸ੍ਸਤ੍ਥੀਤਿ ਸਾਮੀ, ਦੀਘਾਦਿ, ਰਸ੍ਸਨ੍ਤੇ ਸਾਮਿਪਿ. ਪਾ ਰਕ੍ਖਣੇ,ਤਿ, ਰਸ੍ਸਾਦਿ, ਪਤਿ. ਅਧਿਪੁਬ੍ਬੇ ਅਧਿਪਤਿ. ਈਸ ਇਸ੍ਸਰਿਯੇ, ਅ, ਈਸੋ. ਪਭਵਤੀਤਿ ਪਭੁ, ਉ, ਪਭੂਪਿ. ਅਯ ਗਮਨੇ, ਯੋ, ਅਯ੍ਯੋ. ਅਧਿਪਾਤੀਤਿ ਅਧਿਪੋ, ਰੋ. ਅਧਿਭਵਤੀਤਿ ਅਧਿਭੂ, ਕ੍ਵਿ. ਨੀ ਨਯੇ, ਰਿਤੁ, ਨੇਤਾ.

ਤਿਕਂ ¶ ਬਹੁਧਨੇ. ਇਭਂ ਅਰਹਤੀਤਿ ਇਬ੍ਭੋ, ਵੋ, ਵਣ੍ਣਵਿਪਰਿਯਯੋ. ਝੇ ਚਿਨ੍ਤਾਯਂ, ਅ, ਅਜ੍ਝਾਯਤਿ ਧਨਂ ਅਡ੍ਢੋ, ਝਸ੍ਸ ਢੋ, ਅਸਰੂਪਦ੍ਵਿਤ੍ਤਂ, ਰਸ੍ਸਾਦਿ ਚ. ਧਨਾ ਅਤਿਸਯੇ ਈ, ਧਨੀ.

੭੨੬. ਦ੍ਵਯਂ ਦਕ੍ਖਿਣੇਯ੍ਯੇ. ਦਾਨਂ ਪਟਿਗ੍ਗਣ੍ਹਿਤੁਂ ਅਰਹਤੀਤਿ ਦਾਨਾਰਹੋ, ਦਕ੍ਖ ਵੁਦ੍ਧਿਯਂ, ਸੀਘਤ੍ਥੇ ਚ, ਦਕ੍ਖਨ੍ਤਿ ਭੋਗਸਮ੍ਪਦਾਦੀਹਿ ਯਾਯ, ਸਾ ਦਕ੍ਖਿਣਾ, ਇਣੋ, ਤਂ ਅਰਹਤੀਤਿ ਦਕ੍ਖਿਣੇਯ੍ਯੋ.

ਦ੍ਵਯਂ ਸ੍ਨੇਹਵਤਿ. ਸਿਨਿਹ ਪੀਤਿਯਂ, ਧੋ, ਹਸ੍ਸ ਦੋ, ਸਿਨਿਦ੍ਧੋ, ਵਚ੍ਛੋ ਸਿਨੇਹੋ ਯਸ੍ਸਤ੍ਥਿ ਵਚ੍ਛਲੋ, ਲੋ.

ਪਮਾਣਿਕੋ ਪਰਿਕ੍ਖਕੋ, ਪਰਿਕ੍ਖਤੇ ਅਵਧਾਰਯਤੇ ਪਮਾਣੇਹਿ ਅਤ੍ਥਨ੍ਤਿ ਪਰਿਕ੍ਖਕੋ, ਇਕ੍ਖ ਦਸ੍ਸਨਙ੍ਕੇਸੁ, ਣ੍ਵੁ. ਕਾਰਣਂ ਜਾਨਾਤੀਤਿ ਕਾਰਣਿਕੋ, ਇਕੋ.

ਦ੍ਵਯਂ ਆਸਤ੍ਤੇ. ਸਨ੍ਜ ਸਙ੍ਗੇ, ਤੋ. ਤਂ ਤਂ ਵਤ੍ਥੁ ਪਰਂ ਪਧਾਨਂ ਅਸ੍ਸ ਤਪ੍ਪਰੋ.

੭੨੭. ਤਿਕਂ ਕਾਰੁਣਿਕੇ. ਕਰੁਣਾ ਸੀਲਂ ਅਸ੍ਸ ਕਾਰੁਣਿਕੋ. ਦਯਾ ਕਰੁਣਾ ਯਸ੍ਸਤ੍ਥਿ ਦਯਾਲੁ, ਆਲੁ. ਦੁਕ੍ਖਿਤੇਸੁ ਸੁਟ੍ਠੁ ਰਮਤੀਤਿ ਸੂਰਤੋ, ਉਪਸਗ੍ਗਸ੍ਸ ਦੀਘਤਾ.

ਇਟ੍ਠਤ੍ਥੇ ¶ ਅਭਿਮਤਪ੍ਪਯੋਜਨੇ ਉਯ੍ਯੁਤੋ ਪੁਗ੍ਗਲੋ ਉਸ੍ਸੁਕੋ ਨਾਮ, ਉਟ੍ਠਾਨਂ ਸੁਟ੍ਠੁ ਕਾਯਤੀਤਿ ਉਸ੍ਸੁਕੋ, ਹਸਾਦ੍ਯਨੁਟ੍ਠੇਯਂ.

ਯੋ ਆਲਸ੍ਯਾਵਸਾਦੀਹਿ ਅਨੁਤਿਟ੍ਠਤਿ, ਸੋ ਦੀਘਸੁਤ੍ਤੋ, ਦੀਘਞ੍ਚ ਤਂ ਸੁਤ੍ਤਞ੍ਚ, ਤਮਿਵ ਚਰਤੀਤਿ ਦੀਘਸੁਤ੍ਤਂ, ਦੀਘਸੁਤ੍ਤਪਰਿਯਨ੍ਤਿਕਂ ਕਾਰਿਯਂ ਕਰੋਤੀਤਿ ਦੀਘਸੁਤ੍ਤੋ. ਚਿਰੇਨ ਕ੍ਰਿਯਾਨੁਟ੍ਠਾਨਂ ਅਸ੍ਸ.

੭੨੮. ਦ੍ਵਯਂ ਪਰਾਯਤ੍ਤੇ, ਪਰਸ੍ਮਿਂ, ਪਰੇਨ ਵਾ ਅਧੀਨੋ ਪਰਾਧੀਨੋ, ਅਝਨ੍ਤਾ ਸਕਤ੍ਥੇ ਇਨੋ ਯਦਾਦਿਨਾ. ਪਰਤਨ੍ਤੋ, ਪਰਵਾ, ਅਤ੍ਤਵਾਪਿ [ਨਾਥਵਾ (ਅਮਰ ੨੧.੨੬], ਤਨ੍ਤਯਤੀਤਿ ਤਨ੍ਤੋ, ਤਨ੍ਤ ਕੁਟੁਮ੍ਬਧਾਰਣੇ, ਅ, ਪਰੋ ਤਨ੍ਤੋ ਨਿਯਾਮਕੋ ਯਸ੍ਸ. ਪਰੋ ਸੇਟ੍ਠੋ ਨਾਯਕੋ, ਅਤ੍ਤਾ ਚ ਅਤ੍ਥੀਤਿ ਪਰਵਾ, ਅਤ੍ਤਵਾ ਚ, ਵਨ੍ਤੁ.

ਆਯਤ੍ਤਤਾਮਤ੍ਤੇ ਚਤੁਕ੍ਕਂ. ਯਤ ਪਯਤਨੇ, ਆਪੁਬ੍ਬੋ ਅਵਸੀਭਾਵੇ, ਤੋ. ਅਨ੍ਤੇਨ ਸਮੀਪੇਨ ਸਹਾਤਿ ਸਨ੍ਤਕੋ, ਸਕਤ੍ਥੇ ਕੋ. ਪਰਿਗ੍ਗਯ੍ਹਤੇ ‘‘ਸਕ’’ਨ੍ਤਿ ਕਰੀਯਤੇਤਿ ਪਰਿਗ੍ਗਹੋ. ਅਧਿਗਤੋ ਇਨੋ ਪਭੂ ਯੇਨਾਤਿ ਅਧੀਨੋ.

ਸੇਨ ਅਤ੍ਤਨਾ ਈਰਿਤਂ ਸੀਲਂ ਅਸ੍ਸਾਤਿ ਸੇਰੀ, ਤਸ੍ਮਿਂ ਸੇਰਿਨਿ ਚ ਸਚ੍ਛਨ੍ਦੋ ਵਤ੍ਤਤਿ, ਸਸ੍ਸ ਅਤ੍ਤਨੋ ਛਨ੍ਦੋ ਯਸ੍ਸਤ੍ਥੀਤਿ ਸਚ੍ਛਨ੍ਦੋ, ਅ. ਸਵਸੋ, ਸਯਂਵਸੀ, ਨਿਰਵਗ੍ਗਹੋਪਿ.

੭੨੯. ਗੁਣਦੋਸੇ ¶ ਅਨਿਸਮ੍ਮ ਅਨੁਪਪਰਿਕ੍ਖਿਤ੍ਵਾ ਯੋ ਕਰੋਤਿ, ਸੋ ਜਮ੍ਮੋ, ਜਮ ਅਦਨੇ, ਮੋ.

ਦ੍ਵਯਂ ਅਤਿਤਣ੍ਹੇ. ਲੁਭ ਲੋਭੇ, ਅ, ਦ੍ਵਿਤ੍ਤਂ, ਭਸ੍ਸ ਪੋ, ਲੋਲੁਪੋ, ਲੋਲੁਭੋਪਿ.

ਤਿਕਂ ਲੁਦ੍ਧੇ. ਗਿਧ ਅਭਿਕਙ੍ਖਾਯਂ, ਤੋ. ਲੁਭ ਗਿਦ੍ਧਿਯਂ, ਤੋ. ਲੋਲ ਉਮ੍ਮਾਦਨੇ, ਅ, ਲੋਲੋ. ਅਥ ਮਹਾਤਣ੍ਹਾਤਿਤਣ੍ਹਗਿਦ੍ਧਾਨਂ ਕੋ ਭੇਦੋ? ਮਹਾਤਣ੍ਹੋ ਨਾਨਾਰਮ੍ਮਣਂ ਇਚ੍ਛਤਿ, ਅਤਿਤਣ੍ਹੋ ਏਕਸ੍ਮਿਮ੍ਪਿ ਆਰਮ੍ਮਣੇ ਅਨੇਕਵਾਰਂ, ਅਧਿਕਞ੍ਚ ਤਸਤਿ, ਗਿਦ੍ਧੋ ਪਨ ਉਭਯਥਾਪੀਤਿ ਅਯਮੇਤੇਸਂ ਵਿਸੇਸੋ.

ਯੋ ਕ੍ਰਿਯਾਸੁ ਮਨ੍ਦੋ, ਸੋ ਕੁਣ੍ਠੋ, ਕੁਣ੍ਠ ਪਟਿਘਾਤੇ, ਆਲਸ੍ਯੇ ਚ, ਅ.

੭੩੦. ਪਞ੍ਚਕਂ ਕਾਮਕੇ. ਕਮੁ ਇਚ੍ਛਾਯਂ, ਚੁਰਾਦਿ, ਰਿਤੁ, ਕਾਮਯਿਤਾ, ਕਾਰਿਤਲੋਪੇ ਕਮਿਤਾ. ਯੁਮ੍ਹਿ ਕਾਮਨੋ, ਕਮਨੋਪਿ. ਣੀਪਚ੍ਚਯੇ ਕਾਮੀ, ਣੁਕਪਚ੍ਚਯੇ ਕਾਮੁਕੋ, ਅਨੁਕੋ, ਅਭਿਕੋਪ੍ਯਤ੍ਰ, ਅਨੁਕਾਮਯਤੇ ਅਨੁਕੋ, ਕ੍ਵਿ. ਅਭਿਕਾਮਯਤੇ ਅਭਿਕੋ, ਕ੍ਵਿ. ਅਤਿਕੋਪਿ.

ਦ੍ਵਯਂ ਮਤ੍ਤੇ. ਸੁਣ੍ਡਾ ਸੁਰਾ, ਤਤ੍ਰ ਕੁਸਲੋ ਸੋਣ੍ਡੋ, ਪਾਨਾਗਾਰਂ ਵਾ ਸੁਣ੍ਡਾ, ਤਤ੍ਰ ਭਵੋ, ਠਿਤਂ ਵਾ ਸੋਣ੍ਡੋ. ਮਦ ਉਮ੍ਮਾਦੇ ¶ , ਤੋ. ਉਕ੍ਕਟੋ, ਖਿਵੋਪਿ, ਮਦੇਨ ਉਦ੍ਧਤੋ ਉਕ੍ਕਟੋ, ਯਦਾਦਿਨਾ ਉਤੋ ਕਟੋ ਮਤ੍ਤਤ੍ਥੇ [ਪਾਣਿਨਿ ੫.੨.੨੯]. ਖਿਵ ਮਦੇ, ਅ.

ਤਿਕਂ ਵਚਨਕਾਰਿਨਿ. ਪਵਤ੍ਤਿਨਿਵਤ੍ਤੀਸੁ ਵਿਧਾਤੁਂ ਸਕ੍ਯੋ ਵਿਧੇਯ੍ਯੋ, ਇਯ੍ਯੋ. ਆਦੇਸਿਤਂ, ਆਦਰੇਨ ਵਾ ਸੁਣੋਤੀਤਿ ਅਸ੍ਸਵੋ, ਰਸ੍ਸਾਦਿ, ਅ. ਸੁਨ੍ਦਰਂ ਵਚੋ ਆਚਰਿਯਾਦੀਨਂ ਏਤਸ੍ਮਿਂ ਹੇਤੁਭੂਤੇਤਿ ਸੁਬ੍ਬਚੋ. ਵਿਨਯਗ੍ਗਾਹੀਪਿ, ਵਿਨਯਂ ਵਿਧਿਪਟਿਸੇਧਵਚਨਂ ਗਹੇਤੁਂ ਸੀਲੋ ਵਿਨਯਗ੍ਗਾਹੀ.

੭੩੧. ਤਙ੍ਖਣੁਪ੍ਪਤ੍ਤਿਞਾਣਂ ਪਟਿਭਾ, ਤਾਯ ਯੁਤ੍ਤੋ ਪਗਬ੍ਭੋ, ਸੀਘਮੇਵ ਗਬ੍ਭਤੀਤਿ ਪਗਬ੍ਭੋ, ਗਬ੍ਭ ਧਾਰਣੇ.

ਤਿਕਂ ਭੀਰੁਕੇ. ਭੀ ਭਯਂ ਸੀਲੋ ਯਸ੍ਸ ਭੀਸੀਲੋ. ਭਾਯਤੀਤਿ ਭੀਰੁ, ਭੀ ਭਯੇ, ਰੁ. ਰੁਕਪਚ੍ਚਯੇ ਭੀਰੁਕੋ, ਸਕਤ੍ਥੇ ਵਾ ਕੋ.

ਦ੍ਵਯਂ ਅਸੂਰੇ. ਨ ਵੀਰੋ ਸੂਰੋ ਅਵੀਰੋ. ਕੁਚ੍ਛਿਤਤਰਤ੍ਤਾ ਕਾਤਰੋ, ਕੁਸ੍ਸ ਕਾਦੇਸੋ.

ਦ੍ਵਯਂ ਹਿਂਸਾਸੀਲੇ, ਹਨਨਸੀਲੋ ਹਿਂਸਾਸੀਲੋ, ਘਾਤੁਕੋ, ਉਕੋ, ਹਨਸ੍ਸ ਘਾਤੋ. ਸਰਾਰੁ, ਹਿਂਸੋਪਿ.

੭੩੨. ਤਿਕਂ ਕੋਧਯੁਤ੍ਤੇ. ਕੁਧ ਕੋਪੇ, ਕੁਜ੍ਝਨਸੀਲੋ ਕੋਧਨੋ, ਯੁ. ਦੁਸ ਦੋਸੇ, ਦੋਸਨੋ, ਪਟਿਘੋ ¶ , ਯੁ. ਕੁਪ ਕੋਪੇ, ਕੁਪਤੀਤਿ ਕੋਪੀ, ਣੀ. ਅਮਰਿਸਨੋਪਿ, ਨਤ੍ਥਿ ਮਰਿਸਨਂ ਖਮਾ ਅਸ੍ਸ ਅਮਰਿਸਨੋ, ਮਰਿਸ ਅਸਹਨੇ.

ਦ੍ਵਯਂ ਅਧਿਕਕੋਧਯੁਤ੍ਤੇ. ਚਣ੍ਡਤੇਤਿ ਚਣ੍ਡੋ, ਅ, ਚਣ੍ਡ ਕੋਪੇ. ਅਤਿਰੇਕਂ ਕੁਜ੍ਝਤੀਤਿ ਅਚ੍ਚਨ੍ਤਕੋਧਨੋ. ਅਚ੍ਚਨ੍ਤਕੋਪਨੋਪਿ, ਤਦਾ ਕੁਪਤੋ ਯੁ.

ਪਞ੍ਚਕਂ ਖਨ੍ਤਿਯੁਤ੍ਤੇ. ਸਹ ਖਮਨੇ, ਯੁ. ਖਮੁ ਸਹਨੇ, ਯੁ. ਤੁਮ੍ਹਿ ਖਨ੍ਤਾ, ਸਤ੍ਥਾਦਿ. ਤਿਤਿਕ੍ਖਾ ਯਸ੍ਸਤ੍ਥੀਤਿ ਤਿਤਿਕ੍ਖਵਾ. ਮਨ੍ਤੁਮ੍ਹਿ ਖਨ੍ਤਿਮਾ, ਸਵਿਭਤ੍ਤਿਸ੍ਸ ਨ੍ਤੁਸ੍ਸ ਆ.

੭੩੩. ਦ੍ਵਯਂ ਸਦ੍ਧਾਯੁਤ੍ਤੇ. ਹਿ ਪਦਪੂਰਣੇ. ਸਦ੍ਧਾ ਯਸ੍ਸਤ੍ਥੀਤਿ ਸਦ੍ਧਾਲੁ. ਸਦ੍ਧਾ ਰਤਨਤ੍ਤਯਾਦੀਸੁ ਪਸਾਦੋ, ਤਣ੍ਹਾ, ਆਦਰੋ ਚ. ਦ੍ਵਯਂ ਧਜਯੁਤ੍ਤੇ. ਚਿਹਨੇ ਚ ਪਟਾਕਾਯਂ, ਧਜੋ ਸੋਫੇ ਚ ਸੋਣ੍ਡਿਕੇ, ਸੋਫੋ ਪੁਲ੍ਲਿਙ੍ਗਂ.

ਦ੍ਵਯਂ ਨਿਦ੍ਦਾਸੀਲੇ. ਨਿਦ੍ਦਾ ਏਵ ਸੀਲਂ ਯਸ੍ਸ ਸੋ ਨਿਦ੍ਦਾਸੀਲੋ. ਦ੍ਵਯਂ ਪਭਾਯੁਤ੍ਤੇ. ਭਾ ਦਿਤ੍ਤਿਮ੍ਹਿ, ਸਰਪਚ੍ਚਯੋ, ਰਸ੍ਸਾਦਿ, ਦ੍ਵਿਤ੍ਤਞ੍ਚ, ਭਸ੍ਸਰੋ, ਭਾਸਾ ਰਤਿ ਯਸ੍ਸਾਤਿ ਵਾ ਭਸ੍ਸਰੋ, ਰਸ੍ਸਾਦਿ ਏਵ. ਸਸ੍ਸ ਦ੍ਵਿਤ੍ਤਾਭਾਵੇ ਭਾਸੁਰੋ, ਅਸ੍ਸੁ, ਭਾਸ ਦਿਤ੍ਤਿਯਂ ਵਾ, ਉਰੋ, ਅਥ ਵਾ ਦ੍ਵਯਂ ਬਹੁਕਥਾਯੁਤ੍ਤੇ, ਭਾਸਾਸੁ ਸਬ੍ਬਾਸੁ ਬਹੂਸੁ ਕਥਾਸੁ ਰਮਤੀਤਿ ਭਸ੍ਸਰੋ, ਕ੍ਵਿ, ਭਾਸਤੀਤਿ ਵਾ ਭਸ੍ਸਰੋ, ਅਰੋ, ਰਸ੍ਸਾਦਿ, ਦ੍ਵਿਤ੍ਤਞ੍ਚ, ਭਾਸਾਸੁ ਰਮਤੀਤਿ ਵਾ ਭਾਸਰੋ, ਕ੍ਵਿ, ਮਜ੍ਝਰਸ੍ਸੋ, ਭਾਸਤੀਤਿ ਵਾ ਭਾਸਰੋ, ਅਰੋ, ਇਮਸ੍ਮਿਂ ਪਕ੍ਖੇ ਅਸ੍ਸੁਤ੍ਤਾਭਾਵੋ.

੭੩੪. ਤਿਕਂ ¶ ਨਗ੍ਗੇ. ਨ ਗਚ੍ਛਤੀਤਿ ਨਗ੍ਗੋ, ਦ੍ਵਿਤ੍ਤਂ, ਲਗ੍ਗ ਸਙ੍ਗੇ ਵਾ, ਨਤ੍ਤਂ, ਨਜਿ ਲਜਿ ਬਿਲੇ ਵਾ, ਣੋ, ਜਸ੍ਸ ਗੋ, ਦ੍ਵਿਤ੍ਤਂ. ਦਿਸਾ ਏਵ ਅਮ੍ਬਰਂ ਵਤ੍ਥਂ ਏਤਸ੍ਸ, ਨ ਪਕਤਿਵਤ੍ਥਨ੍ਤਿ ਦਿਗਮ੍ਬਰੋ. ਸਸ੍ਸ ਗੋ. ਨਤ੍ਥਿ ਵਤ੍ਥਂ ਏਤਸ੍ਸ, ਅਥ ਵਾ ਦਿਗਮ੍ਬਰਾ ਵਤ੍ਥਾ, ਅਞ੍ਞਤਿਤ੍ਥਿਕੋ ਅਵਤ੍ਥੋ ਚਾਤਿ ਏਤੇ ਦ੍ਵੇ ਨਗ੍ਗੋ ਨਾਮ, ਨਗ੍ਗਾ ਨਾਮਾਤਿ ਵਾ, ‘‘ਤੇ ਇਤ੍ਥਿਖ੍ਯਾ ਪੋ, ਸਤ੍ਤ ਪਕਰਣਾਨਿ ਅਭਿਧਮ੍ਮੋ ਨਾਮਾ’’ਤ੍ਯਾਦੀਸੁ ਵਿਯ ਸਞ੍ਞਾਸਞ੍ਞੀਸਦ੍ਦਾਨਂ ਵਚਨਭੇਦਸ੍ਸਾਪਿ ਸਮ੍ਭਵਤੋ. ਨਗ੍ਗੋ ਚ ਨਗ੍ਗੋ ਚ ਨਗ੍ਗਾ, ਪੁਰਿਮਸ੍ਮਿਂ ਪਕ੍ਖੇ ਪਨ ਸਾਮਞ੍ਞਤਾਯ ਏਕਵਚਨਨਿਦ੍ਦੇਸੋ.

ਦ੍ਵਯਂ ਭਕ੍ਖਕੇ. ਘਸ ਅਦਨੇ, ਮਰੋ, ਘਸ੍ਮਰੋ. ਭਕ੍ਖ ਅਦਨੇ, ਣ੍ਵੁ.

ਵਤ੍ਤੁਂ ਸੋਤੁਞ੍ਚ ਅਕੁਸਲੋ, ਵਚਨੇ ਸਵਨੇ ਚ ਅਕੁਸਲੋ ਏਲ਼ਮੂਗੋ ਨਾਮ, ਏਲ਼ੋ ਬਧਿਰੋ, ਮੂਗੋ ਅਵਚਨੋ, ਕਮ੍ਮਧਾਰਯੋ, ਸਠੇਪਿ ਏਲ਼ਮੂਗੋ.

੭੩੫. ਮੁਖਰਾਦਯੋ ਤਯੋ ਅਪ੍ਪਿਯਵਾਦਿਨਿ. ਵਾਝਾਵਾਝੇਸੁ ਮੁਖਂ ਅਸ੍ਸਤ੍ਥਿ, ਨਿਨ੍ਦਾਯਂ ਰੋ. ਨਿਨ੍ਦਿਤਂ ਮੁਖਂ ਯਸ੍ਸ ਦੁਮ੍ਮੁਖੋ. ਅਬਦ੍ਧਂ ਅਨਗ੍ਗਲ਼ਂ ਮੁਖਂ ਯਸ੍ਸ ਅਬਦ੍ਧਮੁਖੋ.

ਬਹੁ ¶ ਚ ਗਾਰਯ੍ਹਞ੍ਚ ਵਚੋ ਯਸ੍ਸ ਸੋ ਵਾਚਾਲੋ ਨਾਮ. ਕੁਚ੍ਛਿਤਾ ਵਾਚਾ ਅਸ੍ਸ ਸਨ੍ਤੀਤਿ ਵਾਚਾਲੋ, ਨਿਨ੍ਦਾਯਂ ਲੋ.

ਦ੍ਵਯਂ ਸੁਵਚਨੇ. ਵਦਤੀਤਿ ਵਤ੍ਤਾ, ਪਸਂਸਾਯਂ ਤੁ. ਵਦਤੀਤਿ ਵਦੋ. ਸੋ ਪਦਪੂਰਣੇ.

੭੩੬. ਤਿਕਂ ਅਤ੍ਤਨਿਯੇ. ਨੇਤਬ੍ਬੋਤਿ ਨਿਯੋ, ਨਿਯੋ ਏਵ ਨਿਜੋ, ਨੀ ਨਯੇ, ਣ੍ਯੋ, ਯਸ੍ਸ ਜੋ, ਸਮੀਪੇ ਜਾਯਤੀਤਿ ਵਾ ਨਿਜੋ. ਸਸ੍ਸ ਅਤ੍ਤਨੋ ਅਯਂ ਸਕੋ, ਇਦਮਤ੍ਥੇ ਕੋ, ਸੋ ਏਵ ਵਾ ਸਕੋ, ਸਸ੍ਸਾਯਂ ਸਕੋ, ਣੋ. ਅਤ੍ਤਨਿ ਜਾਤੋ ਅਤ੍ਤਨਿਯੋ, ਅਨਿਯੋ.

ਤਿਕਂ ਅਚ੍ਛਰਿਯੇ. ਵਿਪੁਬ੍ਬੋ ਮਹ ਪੂਜਾਯਂ, ਭੂਵਾਦਿ, ਣ੍ਯੋ, ਮਨ੍ਤਲੋਪੋ, ਵਿਮ੍ਹਯੋ. ਆਪੁਬ੍ਬੋ ਚਰ ਗਤਿਭਕ੍ਖਨੇਸੁ, ਅ, ਚਰਸ੍ਸ ਚ੍ਛਰਿਯੋ, ਰਸ੍ਸਾਦਿ ਚ, ਅਚ੍ਛਰਿਯੋ. ਨ ਭਵਿਤ੍ਥਾਤਿ ਅਬ੍ਭੁਤੋ, ਅਸਰੂਪਦ੍ਵਿਤ੍ਤਂ, ਰਸ੍ਸੋ ਚ, ਅਭੂਤੋਪਿ [ਸਦ੍ਦਨੀਤਿਪਦਮਾਲਾਯਂ ੩੪੦.੧ ਪਿਟ੍ਠੇਸੁ ਪਸ੍ਸਿਤਬ੍ਬਂ].

ਸੋਕਾਦੀਹਿ ਇਤਿਕਤ੍ਤਬ੍ਬਤਾਪਟਿਪਤ੍ਤਿਸੁਞ੍ਞੋ ਵਿਹਤ੍ਥੋ, ਬ੍ਯਾਕੁਲੋ ਚ. ਵਿਕ੍ਖਿਤ੍ਤੋ ਹਤ੍ਥੋ ਯਸ੍ਸ ਵਿਹਤ੍ਥੋ. ਕੁਲ ਸਙ੍ਖ੍ਯਾਨੇ ਵਿਆਪੁਬ੍ਬੋ.

ਕਤਸਨ੍ਨਾਹੋ ਵਧੁਦ੍ਯਤੋ ਹਨ੍ਤੁਮੁਦ੍ਯਤੋ ਉਯ੍ਯੁਤੋ ਆਤਤਾਯੀ ਨਾਮ. ‘‘ਵਧੁਯ੍ਯੁਤ੍ਤੋ’’ਤਿਪਿ ਪਾਠੋ. ਆਪੁਬ੍ਬੋ ਤਾ ਪਾਲਨੇ, ਣੀ, ਦ੍ਵਿਤ੍ਤਂ, ਆਕਾਰਨ੍ਤਾਨਮਾਯੋ, ਆਤਤਾਯੀ.

੭੩੭. ਸੀਸਚ੍ਛੇਜ੍ਜਮ੍ਹਿ ¶ ਸੀਸਚ੍ਛੇਦਾਰਹੇ ਵਜ੍ਝੋ. ਹਨ੍ਤਬ੍ਬੋਤਿ ਵਜ੍ਝੋ, ਹਨ ਹਿਂਸਾਯਂ, ਣ੍ਯੋ, ਹਨਸ੍ਸ ਵਧੋ, ਝਸ੍ਸ ਝੋ. ਅਸਰੂਪਦ੍ਵਿਤ੍ਤਂ, ਵਜ੍ਝੋ.

ਤਿਕਂ ਵਕ੍ਕਾਸਯੇ. ਨਿਕਨ੍ਤਤੀਤਿ ਨਿਕਤੋ, ਕਨ੍ਤ ਛੇਦਨੇ, ਅ, ਨਲੋਪੋ. ਸਠ ਕੇਤਵੇ, ਅ. ਨਤ੍ਥਿ ਉਜੁਤਾ ਯਸ੍ਸ ਅਨੁਜੁ.

ਤਿਕਂ ਭੇਦਕਾਰਕੇ. ਸੂਚ ਪੇਸੁਞ੍ਞੇ, ਣ੍ਵੁ. ਪਿਸਿ ਸਞ੍ਚੁਣ੍ਣਨੇ, ਪਿਸਿ ਅਵਯਵੇ ਵਾ, ਪਿਸਤੀਤਿ ਪਿਸੁਣੋ, ਯਦਾਦਿਨਾ ਉਨੋ, ਣਤ੍ਤਂ. ਕਣ੍ਣੇ ਜਪਤੀਤਿ, ਅਲੁਤ੍ਤਸਮਾਸੋ, ਅਰੁਚਿਤਬ੍ਬਰੋਚਕੇਪਿ ਕਣ੍ਣੇਜਪੋ.

ਦ੍ਵਯਂ ਪਹਰਣਸੀਲੇ. ਧੁਬ੍ਬੀ ਹਿਂਸਾਯਂ, ਤੋ, ਭੁਜਾਦਿ. ਵਞ੍ਚਯਤੇ ਵਿਪ੍ਪਲਪਤੇਤਿ ਵਞ੍ਚਕੋ, ਵਞ੍ਚ ਗਮਨੇ.

੭੩੮. ਅਰਿਯਾਸਾਮਞ੍ਞੇਨ ਚ ਬਾਲਪੁਰਿਸਸ੍ਸ ਲਕ੍ਖਣਮਾਹ. ਹਿ ਪਦਪੂਰਣੇ. ਯੋ ਪੁਰਿਸੋ ਯੋ ਜਨੋ, ਜਨਪਰਿਯਾਯੋ ਚੇਤ੍ਥ ਪੁਰਿਸਸਦ੍ਦੋ ‘‘ਦ੍ਵੇ ਮਹਾਪੁਰਿਸਾ ਅਭਿਨਿਕ੍ਖਨ੍ਤਾ’’ਤ੍ਯਾਦੀਸੁ ਵਿਯ, ਅਨਿਸਮ੍ਮ ਅਨੁਪਪਰਿਕ੍ਖਿਤ੍ਵਾ ਵਧਬਨ੍ਧਨਾਦਿਕਿਚ੍ਚਂ ਕਰੋਤਿ, ਸੋ ਖਲੁ ਏਕਨ੍ਤਤੋ ‘‘ਚਪਲੋ’’ਤਿ ਵਿਞ੍ਞੇਯ੍ਯੋ, ਕਸ੍ਮਾ? ਅਵਿਨਿਚ੍ਛਿਤਕਾਰਿਤ੍ਤਾ ਸਮ੍ਮਾ ਅਵਿਨਿਚ੍ਛਿਤਸ੍ਸ ਕਾਰਿਯਸ੍ਸ ਕਰਣਸੀਲਤ੍ਤਾ. ਚਪ ਕਕ੍ਕਰਣੇ, ਚਪ ਸਨ੍ਤਾਨੇ ਵਾ, ਅਲੋ, ਚਪਲੋ.

੭੩੯. ਚਤੁਕ੍ਕਂ ¶ ਕਦਰਿਯੇ. ਕੁਚ੍ਛਿਤਂ ਦਦਾਤੀਤਿ ਖੁਦ੍ਦੋ, ਦੋ, ਕਸ੍ਸ ਖੋ, ਅਦਾਨਸੀਲਤਾਯ ਸਮ੍ਪਰਾਯੇਸੁ ਖੁਦ੍ਦਂ ਬੁਭੁਕ੍ਖਿਸ੍ਸਾਮੀਤਿ ਵਾ ਖੁਦ੍ਦੋ, ਖੁਦ ਬੁਭੁਕ੍ਖਾਯਂ, ਦੋ ਅਨਾਗਤਤ੍ਥੇ. ਪਰਾਨੁਪਭੋਗੇਨ ਅਤ੍ਥਸਞ੍ਚਯਸੀਲਤ੍ਤਾ ਕੁਚ੍ਛਿਤੋ ਅਰਿਯੋ ਅਤ੍ਥਪਤਿ ਕਦਰਿਯੋ, ਅਦਾਯਕਤ੍ਤਾ ਕੁਚ੍ਛਿਤਂ ਠਾਨਂ ਅਰਤੀਤਿ ਵਾ ਕਦਰਿਯੋ, ਇਯੋ. ਦਾਨਾਦੀਸੁ ਨਮਨਾਭਾਵੇਨ ਥਦ੍ਧੇਨ ਮਚ੍ਛੇਰਯੁਤ੍ਤਚਿਤ੍ਤੇਨ ਸਹਿਤਤਾਯ ਥਦ੍ਧਮਚ੍ਛਰੀ, ਈ. ਕੁਚ੍ਛਿਤੋ ਪਣੋ ਯਸ੍ਸ ਕਪਣੋ, ਕਿਪਚਾਨੋ, ਮਿਤਪ੍ਪਚੋਪਿ. ਕੁਚ੍ਛਿਤਂ ਪਚਾਨੋਤਿ ਦੁਤਿਯਾਸਮਾਸੋ. ਮਿਤਂ ਪਚਤੀਤਿ ਮਿਤਪ੍ਪਚੋ, ਣੋ.

ਅਦ੍ਧਂ ਦਲਿਦ੍ਦੇ. ਨਤ੍ਥਿ ਕਿਞ੍ਚਨਂ ਅਪ੍ਪਮਤ੍ਤਕਮ੍ਪਿ ਧਨਂ ਯਸ੍ਸ ਅਕਿਞ੍ਚਨੋ. ਦਲਿਦ੍ਦ ਦੁਗ੍ਗਤਿਯਂ, ਅ, ਦਲ ਵਿਦਾਰਣੇ ਵਾ, ਇਦੋ, ਦ੍ਵਿਤ੍ਤਂ. ਦੀਨ ਦੁਗ੍ਗਤਭਾਵੇ, ਦੀਨੋ, ਦਿ ਖਯੇ ਵਾ, ਈਨੋ. ਨਤ੍ਥਿ ਧਨਂ ਅਸ੍ਸ. ਨਿਨ੍ਦਿਤਂ ਗਮਨਂ ਅਸ੍ਸ ਦੁਗ੍ਗਤੋ.

੭੪੦. ਯਂ ਕਮ੍ਮਂ ‘‘ਇਦਮਹਂ ਉਪ੍ਪਾਦੇਸ੍ਸਾਮੀ’’ਤਿ ਅਸਮ੍ਭਾਵਿਤਂ ਅਚਿਨ੍ਤਿਤਮੇਵ ਹੁਤ੍ਵਾ ਸਮ੍ਪਤ੍ਤਂ, ਤਂ ‘‘ਕਾਕਤਾਲੀਯ’’ਨ੍ਤ੍ਯੁਚ੍ਚਤੇ. ਤਾਲਸ੍ਸ ਇਦਂ ਫਲਂ ਤਾਲਂ, ਕਾਕੋ ਚ ਤਾਲਞ੍ਚ ਕਾਕਤਾਲਾਨਿ, ਤੇਹਿ ਸਦਿਸਂ ਕਮ੍ਮਂ ਕਾਕਤਾਲਿਯਂ, ਕਾਕਸ੍ਸ, ਤਾਲਫਲਸ੍ਸ ਉਡ੍ਡਨਪਤਨਸਦਿਸਂ ਕਮ੍ਮਨ੍ਤ੍ਯਤ੍ਥੋ.

ਚਤੁਕ੍ਕਂ ਯਾਚਕੇ. ਯਾਚਨਂ ਕਰੋਤੀਤਿ ਯਾਚਨਕੋ, ਯਾਚਤੀਤਿ ਵਾ, ਯਾਚ ਯਾਚਨੇ, ਯੁ. ਸਕਤ੍ਥੇ ਕੋ. ਅਤ੍ਥ ਯਾਚਨਾਯਂ, ਅਤ੍ਥਨਂ ਅਤ੍ਥੋ, ਸੋ ਅਸ੍ਸਤ੍ਥੀਤਿ ਅਤ੍ਥੀ. ਣ੍ਵੁ, ਯਾਚਕੋ ¶ . ‘‘ਮਾਦਿਸਸ੍ਸ ਧਨਂ ਦਤ੍ਵਾ ਰਾਜਾ ਸਗ੍ਗਂ ਗਮਿਸ੍ਸਤੀ’’ਤ੍ਯਾਦਿਨਾ ਦਾਨਫਲਂ ਵਣ੍ਣੇਤ੍ਵਾ ਵਕਤਿ ਯਾਚਤੀਤਿ ਵਨਿਬ੍ਬਕੋ, ਵਣ੍ਣਸ੍ਸ ਵਨਿ, ਵਕ ਆਦਾਨੇ, ਆਦਾਨਮੇਤ੍ਥ ਯਾਚਨਮੇਵ.

੭੪੧. ਕਿਞ੍ਚਿਦੂਨਕਨ੍ਤਂ ਪਤਿਪਾਦੇਨ ਨਾਮਂ. ਪਕ੍ਖਿਸਪ੍ਪਮਚ੍ਛਾਦਯੋ ਅਣ੍ਡਤੋ ਜਾਤਤ੍ਤਾ ਅਣ੍ਡਜਾ. ਨਰਾਦਯੋ ਪਨ ਗਬ੍ਭਾਸਯਸਙ੍ਖਾਤਜਲਾਬੁਤੋ, ਤਤ੍ਰ ਵਾ ਜਾਤਤ੍ਤਾ ਜਲਾਬੁਜਾ. ਕਿਮਿ ਚ ਡਂਸਾ ਚ ਆਦਿਨਾ ਮਕਸਮਙ੍ਗੁਰਾਦਯੋ ਚ ਸੇਦਜਾ, ਸੇਦਕਾਰਣਤ੍ਤਾ ਉਸ੍ਮਾ ਸੇਦੋ, ਤਤੋ ਜਾਤਾ ਸੇਦਜਾ. ਦੇਵੋ ਚ ਆਦਿਨਾ ਬ੍ਰਹ੍ਮਨੇਰਯਿਕਾਦਯੋ ਚ ਓਪਪਾਤਿਕਾ, ਉਪਗਨ੍ਤ੍ਵਾ ਪਤਤੀਤਿ ਉਪਪਾਤੀ, ਣੀ, ਸੋਲ਼ਸਵਸ੍ਸੁਦ੍ਦੇਸਿਕਾਦਿਕੋ ਅਤ੍ਤਭਾਵੋ, ਸੋ ਯੇਸਮਤ੍ਥਿ, ਤੇ ਓਪਪਾਤਿਕਾ.

੭੪੨. ਜਣ੍ਣੁਮਤ੍ਤੇ ਜਣ੍ਣੁਪ੍ਪਮਾਣਯੁਤ੍ਤੇ ਉਦਕਾਦਿਮ੍ਹਿ ਜਣ੍ਣੁਤਗ੍ਘੋ, ਜਣ੍ਣੁਪ੍ਪਮਾਣੋ ਜਣ੍ਣੁਤਗ੍ਘੋ, ਪਮਾਣਤ੍ਥੇ ਤਗ੍ਘੋ, ਜਣ੍ਣੁਪ੍ਪਮਾਣੋ ਜਣ੍ਣੁਮਤ੍ਤੋ, ਪਮਾਣਤ੍ਥੇ ਮਤ੍ਤੋ [ਮੋਗ੍ਗਲ੍ਲਾਨੇ ੪.੪੭ ਸੁਤ੍ਤੇ ਪਸ੍ਸਿਤਬ੍ਬਂ], ਤਸ੍ਮਿਂ.

ਕਿਞ੍ਚਿਦੂਨਕੇ ਅਪ੍ਪਮਤ੍ਤਕਯੁਤ੍ਤੇ ਕਪ੍ਪੋ [ਪਾਣਿਨਿ ੫.੪.੬੭], ਊਨਸ੍ਸ ਅਪ੍ਪਕਤਾਯ ਕਪ੍ਪੀਯਤਿ ਏਕਾਦਿਵਸੇਨ ਪਰਿਚ੍ਛਿਜ੍ਜਤੀਤਿ ਕਪ੍ਪੋ, ਕਪ੍ਪ ਪਰਿਚ੍ਛੇਦਨੇ.

ਚਤੁਕ੍ਕਂ ¶ ਪਰਿਯਾਪਨ੍ਨੇ. ਅਨ੍ਤੋ ਗਚ੍ਛਤੀਤਿ ਅਨ੍ਤਗ੍ਗਤਂ, ‘‘ਲੋਪਞ੍ਚ ਤਤ੍ਰਾਕਾਰੋ’’ਤਿ ਓਲੋਪੇ ਅਆਗਮੋ, ਦ੍ਵਿਤ੍ਤਂ. ਅਨ੍ਤੋਗਤਮ੍ਪਿ. ਪਰਿਚ੍ਛਿਨ੍ਦਿਤ੍ਵਾ ਆਪਨ੍ਨਂ ਗਹਿਤਂ ਪਰਿਯਾਪਨ੍ਨਂ. ਗਾਧ ਪਤਿਟ੍ਠਾਯਂ, ਅਨ੍ਤੋ ਓਗਾਧਤੀਤਿ ਅਨ੍ਤੋਗਧਂ, ਰਸ੍ਸੋ, ਓਗਾਧਤੀਤਿ ਓਗਧਂ.

੭੪੩. ਦ੍ਵਯਂ ਸਾਧਿਤੇ. ਰਾਧ ਸਾਧ ਸਿਦ੍ਧਿਯਂ, ਕਮ੍ਮਨਿ ਤੋ.

ਦ੍ਵਯਂ ਕੁਥਿਤੇ. ਪਚ ਪਾਕੇ, ਅਤੀਤੇ ਕਤ੍ਤਰਿ ਤੋ, ਤਸ੍ਸ ਕ੍ਕੋ, ਚਲੋਪੋ. ਕੁਥ ਨਿਪ੍ਪਕ੍ਕੇ, ਤੋ.

ਆਪਦਂ ਬ੍ਯਸਨਂ ਪਤ੍ਤੋ ਆਪਨ੍ਨੋ ਨਾਮ, ਅਤਿਪੀਲ਼ਨਂ ਆਪਜ੍ਜਤੀਤਿ ਆਪਨ੍ਨੋ, ‘‘ਆ ਤੁਕੋਧਮੁਦਾਟ੍ਟੀਸੂ’’ਤਿ ਹਿ ਏਕਕ੍ਖਰਕੋਸੋ [ਏਕਕ੍ਖਰਕੋਸ ੧੪ ਗਾਥਾ] . ਪਦ ਗਮਨੇ, ‘‘ਆਪਨ੍ਨੋ ਚ ਵਿਪਤ੍ਤਿਮ੍ਹਿ, ਪਤ੍ਤੇ ਚ ਵਾਚ੍ਚਲਿਙ੍ਗਿਕੋ’’ਤਿ ਨਾਨਤ੍ਥਸਙ੍ਗਹੋ.

ਦ੍ਵਯਂ ਪਰੇਸਮਵਸਗਤੇ. ਨਤ੍ਥਿ ਵਸੋ ਆਯਤ੍ਤੋ ਪਰੇਸਂ ਏਤਸ੍ਮਿਂ ਸੇਰੀਭੂਤੇਤਿ ਵਿਵਸੋ, ਅਵਸੋ ਚ.

੭੪੪. ਛਕ੍ਕਂ ਖਿਤ੍ਤੇ. ਨੁਦ ਪੇਰਣੇ, ਨੁਦ ਖੇਪੇ ਵਾ, ਤੋ, ਤਸ੍ਸ ਇਨ੍ਨੋ. ਅਨਿਨ੍ਨਾਦੇਸੇ ਭੁਜਾਦਿ, ਨੁਤ੍ਤੋ. ਨੁਤੋਪਿ. ਅਸੁ ਖੇਪਨੇ, ਤੋ, ਭੁਜਾਦਿ, ਅਤ੍ਤੋ. ਖਿਪ ਪੇਰਣੇ, ਤੋ.

ਈਰ ¶ ਗਤਿਯਂ, ਕਮ੍ਪਨੇ ਚ, ਇਤੋ, ਈਰਿਤੋ. ਆਪੁਬ੍ਬੋ ਵਿਧ ਪੇਰਣੇ, ਤੋ, ਆਵਿਦ੍ਧੋ.

ਚਤੁਕ੍ਕਂ ਕਮ੍ਪਿਤੇ. ਕਮ੍ਪ ਚਲਨੇ, ਧੂ ਵਿਧੁਨਨੇ, ਕਮ੍ਪਨੇ ਚ. ਧੂਤੋ, ਆਧੂਤੋ, ਚਲ ਕਮ੍ਪਨੇ, ਚਲਿਤੋ. ਵੇਲ੍ਲਿਤੋ, ਪੇਖਿਤੋਪਿ. ਵੇਲ੍ਲ ਚਲਨਤ੍ਥੋ. ਪੇਖ ਗਤ੍ਯਤ੍ਥੋ, ਪੇਖਿਤੋ.

ਦ੍ਵਯਂ ਨਿਸਿਤੇ. ਨਿਸਿ ਨਿਸਾਨੇ. ਤਿਜ ਨਿਸਾਨੇ, ਨਿਸਾਨਂ ਤਿਕ੍ਖਕਰਣਂ, ਉਭਯਤ੍ਰਾਪਿ ਕਮ੍ਮਨਿ ਤੋ.

੭੪੫-੭੪੬. ਤਿਕਂ ਪਤ੍ਤਬ੍ਬੇ. ਪਤ ਗਮਨੇ, ਤਬ੍ਬੋ. ਗਮੁ ਗਤਿਯਂ, ਣ੍ਯੋ, ਮ੍ਯਸ੍ਸ ਮ੍ਮੋ ਵਾ, ਗਮ੍ਮਂ, ਗਮ੍ਯਂ, ਦ੍ਯਸ੍ਸ ਜ੍ਜੋ, ਆਪਜ੍ਜਂ.

ਦ੍ਵਯਂ ਪਰਿਣਤੇ. ਪਚਿਨੋ ਅਨੇਕਤ੍ਥਤ੍ਤਾ ਇਹ ਪਰਿਣਤਤ੍ਥੋ. ਨਮੁ ਨਮਨੇ, ਭੂਵਾਦਿ, ਕਤ੍ਤਰਿ ਤੋ, ਸਮਾ ਦ੍ਵੇ ਤੁਲ੍ਯਤ੍ਥਾ.

ਪਞ੍ਚਕਂ ਵੇਠਿਤੇ. ਵੇਠ ਵੇਠਨੇ. ਵਲਮਿਵ ਵਲਯਂ, ਕੁਣ੍ਡਲਾਕਾਰਂ ਵਲਯਂ ਕਤਂ ਵਲਯਿਤਂ, ਨਾਮਧਾਤੁ, ਕਾਰਿਤਨ੍ਤਾ ਤੋ. ਰੁਧ ਆਵਰਣੇ, ਰੁਦ੍ਧਂ. ਸਂਪੁਬ੍ਬੋ ਵੁ ਸਂਵਰਣੇ, ਸਂਵੁਤਂ. ਸਮਨ੍ਤਤੋ ਵੁਤਂ ਆਵੁਤਂ, ਵੁ ਸਂਵਰਣੇ, ਸਬ੍ਬਤ੍ਰ ਕਮ੍ਮਨਿ ਤੋ.

ਦ੍ਵਯਂ ¶ ਪਰਿਖਾਦਿਨਾ ਪਰਿਕ੍ਖਿਤ੍ਤੇ. ਪਰਿ ਸਮਨ੍ਤਤੋ ਕਰੀਯਤੇਤਿ ਪਰਿਕ੍ਖਿਤ੍ਤਂ, ਪਰਿਕ੍ਖਤਮ੍ਪਿ. ਵੁ ਸਂਵਰਣੇ, ਨਿਵੁਤਂ.

ਤਿਕਂ ਵਿਤ੍ਥਤੇ. ਸਰ ਗਤਿਯਂ, ਤੋ, ਤਸ੍ਸ ਟੋ, ਰਲੋਪੋ, ਵਿਸਟਂ. ਤਨੁ ਵਿਤ੍ਥਾਰੇ, ਤੋ, ਤਸ੍ਸ ਤੋ, ਨਲੋਪੋ, ਵਿਤ੍ਥਤਂ, ਤਤਂ.

ਦ੍ਵਯਂ ਲੇਪਨੀਯੇ. ਲਿਪ ਲੇਪਨੇ, ਦਿਹ ਉਪਲੇਪਨੇ, ਉਭਯਤ੍ਰਾਪਿ ਕਮ੍ਮਨਿ ਤੋ.

ਦ੍ਵਯਂ ਗੁਲ਼੍ਹੇ. ਗੁਹ ਸਂਵਰਣੇ, ਲ਼ੋ, ਗੁਲ਼੍ਹੋ. ਗੁਪ ਗੋਪਨੇ, ਗੁਤ੍ਤੋ.

ਦ੍ਵਯਂ ਪੋਸਨੀਯੇ. ਪੁਸ ਪੋਸਨੇ, ਤੋ, ਸਤਾਨਂ ਟ੍ਠੋ, ਟ੍ਠਾਭਾਵੇ ਪੋਸਿਤੋ.

੭੪੭. ਦ੍ਵਯਂ ਸਲਜ੍ਜੇ. ਲਜ੍ਜ ਪੀਲ਼ੇ, ਪੀਲ਼ੋ ਲਜ੍ਜਾਵ. ਹੀਲ਼ ਨਿਨ੍ਦਾਲਜ੍ਜਾਸੁ, ਹੀਲ਼ਿਤੋ.

ਦ੍ਵਯਂ ਸਦ੍ਦੇ. ਸਨ ਧਨ ਸਦ੍ਦੇ, ਸਨਿਤਂ, ਧਨਿਤਂ.

ਪਞ੍ਚਕਂ ਬਨ੍ਧਨੀਯੇ. ਸਨ੍ਦਨਂ ਬਨ੍ਧਨਂ, ਤਂਯੋਗਾ ਵਨ੍ਤੁ. ਸਨ੍ਦਾਨਵਨ੍ਤਂ ਕਤਂ ਸਨ੍ਦਾਨਿਤਂ, ਨਾਮਧਾਤੁਮ੍ਹਾ ਤੋ, ਵਨ੍ਤੁਲੋਪੋ. ਸਨ੍ਦਾਨਂ ਸਜ੍ਜਾ, ਤਮਸ੍ਸਾਤਿ ਵਾ, ਇਤੋ. ਸਿ ਬਨ੍ਧਨੇ, ਤੋ. ਬਨ੍ਧ ਬਨ੍ਧਨੇ, ਬਦ੍ਧੋ. ਕੀਲ ਬਨ੍ਧਨੇ. ਯਮੁ ਉਪਰਮੇ, ਸਂਪੁਬ੍ਬੋ ਬਨ੍ਧਨੇ, ਸਬ੍ਬਤ੍ਰ ਕਮ੍ਮਨਿ ਤੋ. ਮੂਤਂ, ਉਦ੍ਦਿਤਂ, ਸਦ੍ਦਿਤਮ੍ਪਿ. ਮੂ ਬਨ੍ਧਨੇ. ਦਾ ਅਵਖਣ੍ਡਨੇ. ਉ ਸਂਪੁਬ੍ਬੋ ਬਨ੍ਧਨੇ. ਵੁਤ੍ਤਞ੍ਚ ‘‘ਉਦ੍ਦਾਨਨ੍ਤੁ ਚ ਬਨ੍ਧਨ’’ਨ੍ਤਿ.

੭੪੮. ਤਿਕਂ ¶ ਸਿਦ੍ਧੇ. ਸਿਧ ਸਂਸਿਦ੍ਧਿਮ੍ਹਿ. ਪਦ ਗਮਨੇ, ਨਿਪੁਬ੍ਬੋ ਸਿਦ੍ਧਿਯਂ. ਵਤ੍ਤ ਵਤ੍ਤਨੇ, ਵਤ੍ਤਨਂਪ੍ਯਤ੍ਰ ਸਿਜ੍ਝਨਂ ਨਿਪੁਬ੍ਬਤ੍ਤਾ.

ਤਿਕਂ ਵਿਦਾਰਿਤੇ. ਦਰ ਭਿਦ ਵਿਦਾਰਣੇ, ਇਨ੍ਨਾਦੇਸੋ. ਭਿਨ੍ਨਂ. ਅਨਿਨ੍ਨਾਦੇਸੇ ਤੁ ਭੇਦਿਤਂ.

ਦ੍ਵਯਂ ਤਿਣਾਦੀਹਿ ਛਾਦਨੀਯੇ. ਛਦ ਸਂਵਰਣੇ, ਤੋ, ਤਸ੍ਸ ਸਧਾਤ੍ਵਨ੍ਤਸ੍ਸ ਅਨ੍ਨਾਦੇਸੋ.

ਤਿਕਂ ਛਿਨ੍ਦਿਤੇ. ਵਿਧ ਵੇਧਨੇ. ਛਿਦ੍ਦ ਕਣ੍ਣਭੇਦੇ, ਚੁਰਾਦਿ. ਵਿਧ ਵੇਧਨੇ, ਸਬ੍ਬਤ੍ਰ ਕਮ੍ਮੇ ਤੋ, ਅਪਰਦ੍ਵਯੇ ਚ ਸਞ੍ਜਾਤਤ੍ਥੇ ਇਤੋ.

੭੪੯. ਤਿਕਂ ਆਨੀਤੇ. ਹਰ ਹਰਣੇ, ਭਰ ਧਾਰਣਪੋਸਨੇਸੁ, ਆਪੁਬ੍ਬੋ ਨੀ ਨਯੇ.

ਦ੍ਵਯਂ ਦਮਯੁਤ੍ਤੇ. ਦਮੁ ਦਮਨੇ, ਕਤ੍ਤਰਿ ਤੋ. ਪਕ੍ਕਮਾਦੀਹਿ ਨ੍ਤੋ. ਅਨ੍ਤਾਦੇਸੇ ਦਮਿਤੋ. ਕਮ੍ਮਸਾਧਨੋਪ੍ਯਯਂ.

ਦ੍ਵਯਂ ਸਨ੍ਤੇ. ਸਮੁ ਉਪਸਮੇ, ਕਤ੍ਤਰਿਤੋ. ਅਨ੍ਤਾਦੇਸੇ ਸਮਿਤੋ, ਕਮ੍ਮਸਾਧਨੋਪ੍ਯਯਂ.

ਦ੍ਵਯਂ ਪੁਣ੍ਣੇ. ਪੂਰ ਪੂਰਣੇ, ਤਰਾਦੀਹਿ ਇਣ੍ਣੋ, ਦ੍ਵੀਸੁਪਿ ਕਤ੍ਤੁਕਮ੍ਮਸਾਧਨਾਨਿ ਲਬ੍ਭਨ੍ਤਿ.

੭੫੦. ਤਿਪਾਦਂ ¶ ਪੂਜਿਤੇ. ਚਾਯ ਪੂਜਾਨਿਸਾਮਨੇਸੁ. ਮਹ ਪੂਜਾਯਂ, ਪੂਜ ਪੂਜਨੇ, ਅਰਹ ਪੂਜਾਯਂ, ਅਰਹਿਤੋ. ਅਚ੍ਚ ਪੂਜਾਯਂ. ਮਾਨ ਪੂਜਾਯਂ. ਚਿ ਚਯੇ, ਅਪਪੁਬ੍ਬੋ ਪੂਜਨੇ. ਨਮਸ੍ਸਿਤੋਪਿ, ਨਮਸ੍ਸਧਾਤੁ ਪੂਜਾਯਂ.

ਦ੍ਵਯਂ ਤਚ੍ਛਿਤੇ ਦਾਰੁਆਦਿਮ੍ਹਿ. ਤਚ੍ਛ ਤਨੁਕਰਣੇ, ਤਨੁਕਰੀਯਤੇਤਿ ਤਨੂਕਤੋ, ਦੀਘੋ.

੭੫੧. ਦ੍ਵਯਂ ਅਗ੍ਗਿਆਦੀਹਿ ਤਤ੍ਤੇ. ਤਪ ਧੂਪ ਸਨ੍ਤਾਪੇ.

ਦ੍ਵਯਂ ਰਾਜਾਦੀਨਂ ਸਨ੍ਤਿਕੇ ਭਜਨਾਦਿਵਸੇਨ ਉਪਗਤੇ. ਚਰ ਗਤ੍ਯਤ੍ਥੋ, ਉਪਚਰਿਤੋ. ਆਸ ਉਪਵੇਸਨੇ, ਉਪਾਸਿਤੋ.

ਅਦ੍ਧਂ ਚੁਤੇ. ਭਸ ਅਧੋਪਤਨੇ, ਤੋ. ਗਲ਼ ਸੇਚਨੇ, ਗਲ਼ਿਤਂ. ਪਦ ਗਮਨੇ, ਪਨ੍ਨਂ. ਚੁ ਚਵਨੇ, ਚੁ ਗਮਨੇ ਵਾ. ਧਂਸੁ ਅਵਸਂਸਨੇ, ਗਤਿਯਞ੍ਚ. ਕਨ੍ਨਮ੍ਪਿ, ਕਨ੍ਨ ਗਤਿਸੋਸਨੇਸੁ.

੭੫੨. ਤੁਟ੍ਠਨ੍ਤਂ ਪਮੁਦਿਤੇ, ਪੀ ਤਪ੍ਪਨਕਨ੍ਤੀਸੁ. ਮੁਦ ਹਾਸੇ. ਹਸ ਹਂਸਨੇ, ਹਸ ਅਲਿਕੇ ਵਾ. ਮਦ ਹਾਸੇ, ਮਤ੍ਤੋ. ਤੁਸ ਪੀਤਿਯਂ.

ਚਤੁਕ੍ਕਂ ¶ ਛਿਨ੍ਨੇ. ਕਨ੍ਤ ਛੇਦਨੇ. ਛਿਦਿ ਦ੍ਵਿਧਾਕਰਣੇ. ਲੂ ਛੇਦਨੇ, ਣੋ, ਯੁ ਵਾ. ਦਾ ਲਵਨੇ, ਤੁ, ਦਾ ਅਵਖਣ੍ਡਨੇ ਵਾ. ਛਾਤਮ੍ਪਿ. ਛੋ ਛੇਦਨੇ, ਓਸ੍ਸਾਕਾਰੋ.

ਤਿਕਂ ਪਸਤ੍ਥੇ. ਸਠ ਥੁਤਿਯਂ, ਤੋ. ਵਣ੍ਣ ਵਣ੍ਣਕ੍ਰਿਯਾਵਿਤ੍ਥਾਰਗੁਣਵਚਨੇਸੁ. ਥੁ ਅਭਿਤ੍ਥਵੇ. ਈਡਿਤੋ, ਪਣਿਤੋਪਿ, ਈਡ ਥੁਤਿਮ੍ਹਿ. ਪਣ ਬ੍ਯਵਹਾਰੇ, ਥੁਤਿਮ੍ਹਿ ਚ, ਪਣਿਤੋ.

੭੫੩. ਪਞ੍ਚਕਂ ਅਲ੍ਲੇ, ਤਿਮ ਅਦ੍ਦਭਾਵੇ ਨਿਚ੍ਚਲੇਪਿ, ਪਕ੍ਕਮਾਦੀਹਿ ਨ੍ਤੋ. ਅਲ੍ਲ ਕ੍ਲੇਦਨੇ, ਲੋ, ਅਲ੍ਲਂ. ਅਦ੍ਦ ਗਤਿਮ੍ਹਿ, ਯਾਚਨੇ ਚ, ਆਪੁਬ੍ਬੋ ਦਾ ਅਵਖਣ੍ਡਨੇ ਵਾ, ਦੋ, ਅਦ੍ਦਂ. ਕਿਲਿਦ ਅਦ੍ਦਭਾਵੇ, ਇਨ੍ਨਾਦੇਸੋ. ਉਨ੍ਦ ਕ੍ਲੇਦਨੇ, ਇਨ੍ਨੋ, ਉਨ੍ਨੋ ਵਾ, ਸਾਦ੍ਦਮ੍ਪਿ. ਅਦ੍ਦਗੁਣਯੁਤ੍ਤਂ ਅਦ੍ਦਂ, ਤੇਨ ਸਹ ਵਤ੍ਤਤੇ ਸਾਦ੍ਦਂ.

ਚਤੁਕ੍ਕਂ ਗਵੇਸਿਤੇ. ਮਗ੍ਗ ਅਨ੍ਵੇਸਨੇ, ਚੁਰਾਦਿ. ਏਸ ਗਤਿਯਂ, ਭੂਵਾਦਿ. ਗਵੇਸ ਮਗ੍ਗਨੇ, ਚੁਰਾਦਿ.

ਦ੍ਵਯਂ ਲਦ੍ਧੇ. ਲਭ ਪਤ੍ਤਿਯਂ. ਪਪੁਬ੍ਬੋ ਆਪ ਬ੍ਯਾਪਨੇ, ਤੋ, ਭੁਜਾਦਿ, ਆਲੋਪੋ, ਪਤ੍ਤਂ. ਭਾਵਿਤਂ, ਆਸਾਦਿਤਂ, ਵਿਭੂਤਞ੍ਚ.

੭੫੪. ਪਾਲਿਤਨ੍ਤਂ ਰਕ੍ਖਨੀਯੇ, ਰਕ੍ਖ ਪਾਲਨੇ. ਗੁਪ ਗੋਪਨੇ, ਭੁਜਾਦਿ. ਤਾ ਪਾਲਨੇ, ਤਾਤਂ. ਆਯਾਗਮੇ ਗੋਪਾਯਿਤਂ. ਅਵ ਰਕ੍ਖਣੇ, ਅਵਿਤਂ.

ਚਤੁਕ੍ਕਂ ¶ ਚਤ੍ਤੇ. ਸਜ ਵਿਸ੍ਸਗ੍ਗੇ. ਚਜ ਹਾਨਿਯਂ. ਹਾ ਚਾਗੇ, ਇਨੋ, ਦੀਘਾਦਿ, ਹੀਨੋ. ਉਝ ਉਸ੍ਸਗ੍ਗੇ, ਸਮੁਜ੍ਝਿਤਂ. ਧੂਤਮ੍ਪਿ, ਧੂ ਕਮ੍ਪਨੇ.

੭੫੫. ਪਜ੍ਜਂ ਭਾਸਿਤੇ. ਭਾਸ ਬ੍ਯਤ੍ਤਿਯਂ ਵਾਚਾਯਂ. ਲਪ ਬ੍ਯਤ੍ਤਿਯਂ ਵਾਚਾਯਂ, ਵਚ ਭਾਸਨੇ, ਵੁਤ੍ਤਂ. ਅਭਿਪੁਬ੍ਬੋ ਧਾ ਧਾਰਣੇ, ਤੋ, ਧਾਤਿਸ੍ਸ ਹਿ, ਹਿ ਗਮਨੇ ਵਾ, ਅਭਿਹਿਤਂ. ਖ੍ਯਾ ਕਥਨੇ. ਜਪ੍ਪ ਬ੍ਯਤ੍ਤਿਯਂ ਵਾਚਾਯਂ. ਈਰ ਖੇਪਗਤਿਵਚਨਕਮ੍ਪਨੇਸੁ, ਉਦੀਰਿਤਂ. ਕਥ ਵਾਕ੍ਯਪਬਨ੍ਧੇ. ਗਦ ਵਿਯਤ੍ਤਿਯਂ ਵਾਚਾਯਂ. ਭਣ ਭਣਨੇ. ਵਦ ਵਿਯਤ੍ਤਿਯਂ ਵਾਚਾਯਂ, ਤੋ, ਵਸ੍ਸੁ, ਉਦਿਤਂ.

੭੫੬. ਚਤੁਕ੍ਕਂ ਅਵਮਾਨਿਤੇ. ਞਾ ਅਵਬੋਧਨੇ. ਗਣ ਸਙ੍ਖ੍ਯਾਨੇ. ਭੂ ਸਤ੍ਤਾਯਂ. ਮਾਨ ਪੂਜਾਯਂ, ਮਨ ਞਾਣੇ ਵਾ, ਅਵਪਰਿਪੁਬ੍ਬਾ ਏਤੇ ਪਰਿਭੂਤੇ. ਹੇਟ੍ਠਾ ਕਤ੍ਵਾ ਞਾਯਤਿ, ਗਣੀਯਤਿ, ਮਞ੍ਞਤੀਤਿ ਅਵਞ੍ਞਿਤੋ, ਅਵਗਣਿਤੋ, ਅਵਮਾਨਿਤੋ ਚ. ਪਰਿਭਵੀਯਤਿ ਅਵਮਾਨਂ ਕਰੀਯਤੀਤਿ ਪਰਿਭੂਤੋ.

ਚਤੁਕ੍ਕਂ ਛਾਤੇ. ਘਸ ਅਦਨੇ, ਛੋ, ਦ੍ਵਿਤ੍ਤਂ. ਜਿਘਚ੍ਛਾ ਸਞ੍ਜਾਤਾ ਯਸ੍ਸ ਜਿਘਚ੍ਛਿਤੋ. ਖੁਦ ਪਿਪਾਸਾਯਂ. ਛਾਦ ਭਕ੍ਖਨੇ. ਭੁਜ ਪਾਲਨਜ੍ਝੋਹਾਰੇਸੁ, ਖੋ, ਦ੍ਵਿਤ੍ਤਾਦਿ, ਬੁਭੁਕ੍ਖਾ ਸਞ੍ਜਾਤਾ ਯਸ੍ਸ ਬੁਭੁਕ੍ਖਿਤੋ.

੭੫੭. ਛਕ੍ਕਂ ¶ ਞਾਤੇ. ਬੁਧ ਞਾ ਅਵਗਮਨੇ. ਪਦ ਗਮਨੇ, ਤੋ, ਤਸ੍ਸ ਅਨ੍ਨੋ, ਪਟਿਪਨ੍ਨਂ. ਵਿਦ ਞਾਣੇ. ਗਤਿ ਬੁਝਤ੍ਥੋ. ਅਵਗਤਂ. ਮਨ ਞਾਣੇ, ਤੋ, ਮਤਂ.

ਅਦ੍ਧਂ ਗਿਲਿਤੇ. ਗਲ ਅਦਨੇ, ਅਸ੍ਸਿ, ਗਿਲਿਤੋ. ਖਾਦ ਭਕ੍ਖਨੇ. ਭੁਜ ਪਾਲਨਜ੍ਝੋਹਾਰੇਸੁ. ਭਕ੍ਖ ਅਦਨੇ. ਅਧਿਅਵਪੁਬ੍ਬੋ ਹਰ ਹਰਣੇ, ਤੋ, ਤਸ੍ਸ ਟੋ, ਰਲੋਪੋ, ਅਜ੍ਝੋਹਟੋ. ਅਸ ਭਕ੍ਖਨੇ, ਅਸਿਤੋ. ਜਪ੍ਪਿਤੋ, ਗਸਿਤੋਪਿ, ਜਪ੍ਪ ਅਦਨੇ. ਗਸ ਅਦਨੇ.

ਵਿਸੇਸ੍ਯਾਧੀਨਵਗ੍ਗਵਣ੍ਣਨਾ ਨਿਟ੍ਠਿਤਾ.

੭੫੮. ਪੁਬ੍ਬਸ੍ਮਿਂ ¶ ਕਣ੍ਡਦ੍ਵਯੇ ਬੁਦ੍ਧਾਦੀਨਿ ਨਾਮਾਨਿ ਸਮਾਨਤ੍ਥਾਨਿ ਪਕਰਣੇਨ ਨਿਬਦ੍ਧਾਨਿ, ਅਸ੍ਮਿਮ੍ਪਿ ਕਣ੍ਡੇ ਸੋਭਨਾਦੀਨਿ ਵਿਸੇਸਨਨਾਮਾਨਿ, ਸਮਯਾਦੀਨ੍ਯਨੇਕਤ੍ਥਾਨਿ, ਚਿਰਸ੍ਸਮਾਦੀਨਿ ਚ ਅਬ੍ਯਯਾਨਿ ਪਕਰਣੇਨੇਵ ਨਿਬਦ੍ਧਾਨਿ, ਇਦਾਨਿ ਪਨ ਪੁਬ੍ਬਵਗ੍ਗੇਸੁ ਵਿਤ੍ਥਾਰਭਯਾ ਯੇ ਨ ਨਿਬਦ੍ਧਾ, ਤਂਸਙ੍ਗਹਤ੍ਥਂ, ਤਂਸਮਯਾਨੁਪਾਲਨਤ੍ਥਞ੍ਚ ਸਂਕਿਣ੍ਣਮਾਰਭਤੇ ‘‘ਞੇ ਯ੍ਯ’’ਮਿਚ੍ਚਾਦਿਨਾ. ਤਸ੍ਸਤ੍ਥੋ – ਇਹਾਪਿ ਸਂਕਿਣ੍ਣਵਗ੍ਗੇਪਿ ਕ੍ਵਾਪਿ ਕਤ੍ਥਚਿ ਕ੍ਰਿਯਾਦੀਸੁ ਪਚ੍ਚਯਤ੍ਥਵਸੇਨ ਆਪਚ੍ਚਯਾਦੀਨਂ ਇਤ੍ਥਿਲਿਙ੍ਗਾਦਿਭਾਵਜੋਤਕਸ੍ਸ ਸਭਾਵਸ੍ਸ ਵਸੇਨ ਲਿਙ੍ਗਂ ਇਤ੍ਥਿਲਿਙ੍ਗਾਦਿਕਂ ਞੇਯ੍ਯਨ੍ਤਿ. ਚਕਾਰੇਨ ਭਿਯ੍ਯੋ ਰੂਪਨ੍ਤਰਾਦਿਪਰਿਗ੍ਗਹੋਪਿ. ਇਹਾਤਿ ਚ ਉਪਲਕ੍ਖਣਂ, ਵਗ੍ਗਨ੍ਤਰੇਸੁਪਿ ਪਚ੍ਚਯਤ੍ਥਵਸੇਨ ਲਿਙ੍ਗਾਦਿਨਿਚ੍ਛਯਸਮ੍ਭਵਤੋ.

ਕਤ੍ਤਬ੍ਬਤੋ ਕ੍ਰਿਯਾ, ਕਰ ਕਰਣੇ, ਣ੍ਯੋ, ਇਕਾਰਾਗਮੋ, ਅਸ੍ਸਿ, ਵਣ੍ਣਵਿਪਰਿਯਯੇ ਕ੍ਰਿਯਾ, ਕ੍ਰਿਯਮ੍ਪਿ, ਰਿਰਿਯਪਚ੍ਚਯੇ ਕਿਰਿਯਂ, ਕਿਰਿਯਾਪਿ. ਰਮ੍ਮਪਚ੍ਚਯੇ ਕਮ੍ਮਂ.

ਤਿਕਂ ਚਿਤ੍ਤੋਪਸਮੇ. ਸਮੁ ਉਪਸਮੇ,ਤਿ, ਸਨ੍ਤਿ. ਥਮ੍ਹਿ ਸਮਥੋ. ਅਮ੍ਹਿ ਸਮੋ.

ਤਿਕਂ ਕਾਯੋਪਸਮੇ. ਦਮੁ ਉਪਸਮੇ. ਥਮ੍ਹਿ ਦਮਥੋ. ਤਿਮ੍ਹਿ ਦਨ੍ਤਿ. ਚਿਤ੍ਤੋਪਸਮੇਪ੍ਯੇਤੇ.

ਸੁਦ੍ਧਕਮ੍ਮਨਿ ਵਤ੍ਤਂ ਭਵਤਿ. ਵਤ੍ਤ ਵਤ੍ਤਨੇ, ਵਤ੍ਤ ਸਮਾਦਾਨੇ ਵਾ ਵਤ੍ਤਂ, ਅਸੀਤਿਮਹਾਵਤ੍ਤਾਦਿ.

ਆਸਙ੍ਗਵਚਨਂ ਆਸਤ੍ਤਵਚਨਂ ਸਦ੍ਦਸਰੂਪਂ ਪਰਾਯਣਂ ਨਾਮ ਵੁਤ੍ਤਂ, ਤਞ੍ਚ ਤੀਸੁ. ਪਰਂ ਆਯਨਂ ਆਯਤ੍ਤੋ ਤਾਣਂ ਪਰਾਯਣਂ, ਕਮ੍ਮਾਸਤ੍ਤੋ ਇਚ੍ਚਤ੍ਥੋ, ਸਾਕਲ੍ਯਵਚਨੇ ਤੁ ਪਾਰਾਯਣਂ, ਪਾਰਂ ਪਰਿਯਨ੍ਤਂ ਅਯਨ੍ਤਿ ਗਚ੍ਛਨ੍ਤਿ ਕਸ੍ਸਚਿ ਅਨੇਨਾਤਿ ਪਾਰਾਯਣਂ, ਯੁ, ਣਤ੍ਤਂ, ਯਥਾ – ਨਾਮਪਾਰਾਯਣਂ, ਧਾਤੁਪਾਰਾਯਣਂ.

੭੫੯. ਤਿਕਂ ¶ ਦ੍ਵਿਧਾਭਾਵੇ. ਭਿਦਿ ਦ੍ਵਿਧਾਕਰਣੇ, ਣੋ. ਦਰ ਵਿਦਾਰਣੇ. ਫੁਟ ਵਿਕਸਨੇ, ਫੁਟ ਭੇਦਨੇ ਵਾ, ਯੁ.

ਦ੍ਵਯਂ ਤਪ੍ਪਨੇ. ਤਪ ਪੀਣਨੇ, ਯੁ. ਪੀ ਤਪ੍ਪਨੇ, ਯੁ, ਕਿਯਾਦਿ, ਨਸ੍ਸ ਣਤ੍ਤਂ. ਅਵਨਮ੍ਪਿ, ਅਵ ਪਾਲਨੇ, ਦਿਤ੍ਤਿਯਞ੍ਚ ਅਨੇਕਤ੍ਥਤ੍ਤਾ.

ਦ੍ਵਯਂ ਸਾਪੇ. ਕੁਸ ਅਵ੍ਹਾਨੇ, ਭੇਦਨੇ ਚ, ਯੁ. ਸਨ੍ਜ ਸਙ੍ਗੇ, ਅਭਿਸਙ੍ਗੋ.

ਤਿਕਂ ਯਾਚਨਾਯਂ. ਭਿਕ੍ਖ ਯਾਚਨੇ, ਯੁ. ਯਾਚ ਯਾਚਨੇ. ਅਤ੍ਥ ਯਾਚਨੇ. ਅਦ੍ਦਨੋਪ੍ਯਤ੍ਰ, ਅਦ੍ਦ ਗਤਿਮ੍ਹਿ, ਯਾਚਨੇ ਚ.

੭੬੦. ਨਿਮਿਤ੍ਤਰਹਿਤਂ ਯਦਿਚ੍ਛਾ ਨਾਮ, ਯਾ ਯਾ ਇਚ੍ਛਾ ਅਧਿਪ੍ਪਾਯੋ ਯਦਿਚ੍ਛਾ ਨਾਮ. ਸੇਰਿਤਾਪਿ.

ਤਿਕਂ ਆਪੁਚ੍ਛਨੇ, ਆਪੁਚ੍ਛਨਞ੍ਚ ਗਮਨਾਗਮਨਾਦਿਸਮਯੇ ਸੁਹਜ੍ਜ ਬਨ੍ਧਵਾਦੀਨਮਾਲਿਙ੍ਗਨ ਚੁਮ੍ਬਨਸ੍ਵਾਗਤਪਿਯਵਚਨਾਰੋਗ੍ਯਪੁਚ੍ਛਨਗਮਨਾਨੁਞ੍ਞਾਦਿਨਾ ਆਨਨ੍ਦਨਂ. ਪੁਚ੍ਛ ਪੁਚ੍ਛਨੇ, ਆਪੁਚ੍ਛਨਂ. ਨਨ੍ਦ ਸਮਿਦ੍ਧਿਯਂ, ਆਨਨ੍ਦਨਂ. ਸਭਾਜ ਪੀਤਿਦਸ੍ਸਨੇਸੁ, ਸਭਾਜ ਪੀਤਿਵਚਨੇਸੁ ਵਾ, ਚੁਰਾਦਿ, ਯੁ, ਸਭਾਜਨਂ.

ਦ੍ਵਯਂ ਨਯੇ. ਞਾਯਨ੍ਤਿ ਯੇਨਾਤਿ ਞਾਯੋ, ਆਕਾਰਨ੍ਤਾਨਮਾਯੋ. ਨ੍ਯਾਯੋਪਿ, ਨਿਸ੍ਸੇਸਤੋ ਅਯਤਿ ਯੇਨ ਨ੍ਯਾਯੋ. ਨੀ ਨਯੇ, ਅਯਾਦੇਸੋ, ਨਯੋ.

ਦ੍ਵਯਂ ¶ ਵੁਦ੍ਧਿਮ੍ਹਿ. ਫਾ ਵੁਦ੍ਧਿਮ੍ਹਿ, ਫਾਯ ਵੁਦ੍ਧਿਯਂ ਵਾ, ਯਲੋਪੋ,ਤਿ, ਫਾਤਿ, ਨਾਰਿਯਂ. ਵਦ੍ਧ ਵਦ੍ਧਨੇ,ਤਿ, ਦਲੋਪੋ, ਧਢਭਹੇਹਿ ਧਢਾ ਚ, ਅਸ੍ਸੁ, ਵੁਦ੍ਧਿ, ਵੁਡ੍ਢਿਪਿ.

੭੬੧. ਕਿਲਮ ਹਾਸਕ੍ਖਯੇ, ਥੋ, ਕਿਲਮਥੋ. ਯੁਮ੍ਹਿ ਕਿਲਮਨਂ. ਸੂ ਪਾਣਿਪਸਵੇ, ਪਸਵਨਂ ਪਸਵੋ, ਤਿਮ੍ਹਿ ਪਸੂਤਿ.

ਕਸ ਗਤਿਯਂ ਹਿਂਸਾਯਞ੍ਚ, ਨਿਗ੍ਗਹੀਤਾਗਮੋ, ਉਕ੍ਕਂਸੋ, ਕਸ ਵਿਲੇਖਨੇ ਵਾ. ਅਤਿਸਯੋ ਵੁਤ੍ਤੋ. ਭੁਸਾਦਯੋ ਪਮਾਣਾਤਿਸਯਵਸੇਨ ਵੁਤ੍ਤਾ, ਉਕ੍ਕਂਸੋ ਗੁਣਾਤਿਸਯਵਸੇਨ ਵੁਤ੍ਤੋ, ਅਤਿਸਯੋ ਪਨ ਉਭਯਵਸੇਨਾਤਿ ਉਭਯਤ੍ਰ ਨਿਦ੍ਦਿਟ੍ਠਾਨਂ ਭੇਦੋ. ਤਿਕਂ ਜਯਨੇ. ਜਯਨਂ ਜਯੋ, ਯੁ, ਜਯਨਂ. ਤਿਮ੍ਹਿ ਜਿਤਿ, ਨਾਰੀ.

੭੬੨. ਬਨ੍ਧਨਨ੍ਤਾਨਿ ਦ੍ਵੇ ਦ੍ਵੇ ਨਾਮਾਨਿ. ਵਸ ਕਨ੍ਤਿਯਂ. ਕਮੁ ਕਨ੍ਤਿਯਂ,ਤਿ. ਵਿਧ ਵੇਧਨੇ, ਬ੍ਯਥਨੇ ਚ ਅਨੇਕਤ੍ਥਤ੍ਤਾ, ਅ, ਇਕਾਰਸ੍ਸ ਯਾਦੇਸੋ, ਬ੍ਯਧੋ, ਵੇਧੋ. ਗਹ ਉਪਾਦਾਨੇ ਨਿਬਨ੍ਧਨੇ ਚ, ਗਹੋ, ਗਾਹੋ ਚ. ਵਰ ਆਵਰਣੇ, ਵਰੋ. ਵੁ ਸਂਵਰਣੇ,ਤਿ, ਵੁਤਿ. ਪਚ ਪਾਕੇ, ਇਤ੍ਥਿਯਮਤਿਯਵੋ ਵਾ, ਅ. ਪਚਨਂ ਪਾਕੋ, ਣੋ.

ਦ੍ਵਯਂ ਆਹ੍ਵਾਨੇ. ਹੁ ਦਾਨਾਦਨਹਬ੍ਯਪ੍ਪਦਾਨੇਸੁ, ਣੋ, ਹਵੋ. ਤਿਮ੍ਹਿ ਹੁਤਿ. ਦ੍ਵਯਂ ਅਨੁਭਵਨੇ. ਵਿਦ ਞਾਣੇ, ਣੋ, ਵੇਦੋ ¶ . ਵਿਦ ਵੇਦਨਾਖ੍ਯਾਨਨਿਵਾਸੇਸੁ, ਚੁਰਾਦਿ, ਯੁ, ਵੇਦਨਂ, ਵਾਕਾਰੋ ਵੇਦਨਾਸਦ੍ਦਸ੍ਸ ਨਪੁਂਸਕਤ੍ਤਾਪੇਕ੍ਖੋ.

੭੬੩. ਦ੍ਵਯਂ ਧਨਾਦਿਜਾਨਿਯਂ. ਜਰ ਵਯੋਹਾਨਿਮ੍ਹਿ, ਯੁ, ਜੀਰਣਂ, ਅਸ੍ਸੀ. ਹਾ ਚਾਗੇ, ਯੁ, ਨਦਾਦਿ, ਰਸ੍ਸੋ, ਹਸ੍ਸ ਜੋ, ਜਾਨਿ. ਤਾ ਪਾਲਨੇ, ਯੁ, ਣਤ੍ਤਂ. ਦ੍ਵਯਂ ਪਮਾਣੇ. ਮਾ ਮਾਨੇ,ਤਿ, ਪਮਿਤਿ. ਅਮ੍ਹਿ ਪਮਾ.

ਦ੍ਵਯਂ ਸਂਯੋਗੇ. ਸਿਲਿਸ ਆਲਿਙ੍ਗਨੇ. ਸਂਪੁਬ੍ਬੋ ਧਾ ਧਾਰਣੇ, ਇ, ਸਨ੍ਧਨਂ ਸਨ੍ਧਿ. ਦ੍ਵਯਂ ਖਯੇ. ਖਿ ਖਯੇ, ਣੋ, ਇਸ੍ਸੇ, ਏ ਅਯ, ਖਯੋ. ਚਿ ਚਯੇ, ਅਪਪੁਬ੍ਬੋ ਖਯੇ. ਦ੍ਵਯਂ ਸਦ੍ਦੇ. ਰੁ ਸਦ੍ਦੇ, ਣੋ, ਵੁਦ੍ਧ੍ਯਾਦੇਸੋ. ਰਣ ਸਦ੍ਦੇ. ਅ, ਰਣੋ.

੭੬੪. ਗਦ ਬ੍ਯਤ੍ਤਿਯਂ ਵਾਚਾਯਂ, ਣੋ, ਅ ਚ, ਨਿਗਾਦੋ, ਨਿਗਦੋ ਚ. ਦ੍ਵਯਂ ਮਦੇ. ਮਦ ਉਮ੍ਮਾਦੇ, ਮਾਦੋ, ਮਦੋ ਚ. ਸਿ ਬਨ੍ਧਨੇ,ਤਿ, ਸਿਤਿ.

ਤਿਕਂ ਆਕਾਰੇ. ਆਕਰਣਂ ਆਕਾਰੋ, ਅਨੇਕਤ੍ਥਤ੍ਤਾ ਮੁਖਵਙ੍ਕਾਦ੍ਯਙ੍ਗਵਿਕਾਰੋ ਵਾ, ਇਙ੍ਗਤਿ ਜਾਨਾਤੀਤਿ ਵਾ ਯੇਨ ਆਕਾਰੋ. ਇਙ੍ਗ ਗਮਨਤ੍ਥੋ, ਤੋ, ਅ ਚ, ਇਙ੍ਗਿਤਂ, ਇਙ੍ਗੋ ਚ. ਅਤ੍ਥਸ੍ਸ ਧਨਸ੍ਸ ਅਪਗਮੋ ਵਿਨਾਸੋ ਬ੍ਯਯੋ ਨਾਮ. ਬ੍ਯਯ ਚਿਤ੍ਤਸਮੁਸ੍ਸਗ੍ਗੇ.

੭੬੫. ਦ੍ਵਯਂ ¶ ਅਨ੍ਤਰਾਯੇ. ਚੁਤਿਪਟਿਸਨ੍ਧੀਨਮਨ੍ਤਰੇ ਅਯਤੀਤਿ ਅਨ੍ਤਰਾਯੋ. ਪਟਿਪਕ੍ਖਵਸੇਨ ਊਹਤਿ ਪਵਤ੍ਤਤੀਤਿ ਪਚ੍ਚੂਹੋ, ਅਥ ਵਾ ਕਾਰਿਯਸਿਦ੍ਧਿ ਅਨ੍ਤਰਂ ਬ੍ਯਵਧਾਨਂ ਅਯਤਿ ਗਮਯਤੀਤਿ ਅਨ੍ਤਰਾਯੋ. ਪਚ੍ਚੂਹਨ੍ਤਿ ਵਿਨਿਹਨ੍ਤੀਤਿ ਪਚ੍ਚੂਹੋ.

ਵਿਕਰਣਂ ਅਞ੍ਞਥਾ ਭਵਨਨ੍ਤਿ ਵਿਕਾਰੋ, ਵਿਕਤਿ ਚ, ਕਰ ਕਰਣੇ, ਣੋ,ਤਿ ਚ.

ਦ੍ਵਯਂ ਸਭਾਵਵਿਗਮੇ. ਸਿਲਿਸ ਆਲਿਙ੍ਗਨੇ, ਪਵਿਪੁਬ੍ਬੋ ਤਂਸਭਾਵਵਿਗਮੇ, ਵਿਗਤੋ ਧੁਰੋ ਸਦਿਸਭਾਵੋ ਯਸ੍ਮਾਤਿ ਵਿਧੁਰੋ, ‘‘ਵਿਧੁਰਂ ਪਵਿਸਿਲੇਸੇ, ਕ੍ਲਿਵਞ੍ਚ ਵਿਕਲੇ ਤਿਸੂ’’ਤਿ [ਚਿਨ੍ਤਾਮਣਿਟੀਕਾ ੨੨.੨੦] ਰਭਸੋ. ਵਿਧ ਵਿਧਾਨੇ ਵਾ, ਉਰੋ. ਦ੍ਵਯਂ ਆਸਨੇ. ਵਿਸ ਪਵੇਸਨੇ, ਉਪਵੇਸਨਂ. ਆਸ ਉਪਵੇਸਨੇ, ਆਸਨਂ.

੭੬੬. ਤਿਪਾਦਂ ਅਧਿਪ੍ਪਾਯੇ. ਚਿਤ੍ਤਮਧ੍ਯਾਗਨ੍ਤ੍ਵਾ ਸਯਤੀਤਿ ਅਜ੍ਝਾਸਯੋ. ਅਨਮਿਪੁਬ੍ਬੇ ਆਸਯੋ. ਅਧਿਪਯਤਿ ਚਿਤ੍ਤੇਤਿ ਅਧਿਪ੍ਪਾਯੋ, ਣੋ, ਪਯ ਗਮਨੇ. ਚਿਤ੍ਤੇ ਅਭਿਸਨ੍ਧਾਯਤੀਤਿ ਅਭਿਸਨ੍ਧਿ, ਦ੍ਵੀਸੁ. ਭਵਤਿ ਚਿਤ੍ਤੇਤਿ ਭਾਵੋ, ਣੋ. ਅਧਿਮੁਚ੍ਚਨਂ ਚਿਤ੍ਤੇ ਅਧਿਟ੍ਠਾਨਂ ਅਧਿਮੁਤ੍ਤਿ, ਨਾਰੀ. ਛਨ੍ਦੋ ਤਣ੍ਹਾਯਮ੍ਪਿ ਵੁਤ੍ਤੋ.

ਦ੍ਵਯਂ ਆਦੀਨਵੇ. ਦੋਸੋ ਪਟਿਘੇ ਵੁਤ੍ਤੋ. ਆ ਭੁਸੋ ਦੀਨਂ ਵਾਯਤਿ ਗਮਯਤੀਤਿ ਆਦੀਨਵੋ, ਦੀਨ ਦੁਗ੍ਗਤਭਾਵੇ, ਵੋ, ਵੀ ਗਮਨੇ ਚ.

੭੬੭. ਦ੍ਵਯਂ ¶ ਆਨਿਸਂਸੇ. ਸਂਸ ਹਿਂਸਾਥੁਤੀਸੁ, ਆਨਿਸਂਸੋ ਅਮੁਖ੍ਯਫਲੇ, ਮੁਖ੍ਯਫਲੇ ਚ, ਤਥਾ ਗੁਣੋ. ਗੁਣ ਪਕਾਸਨੇ, ਪਕਾਸੇਤਿ ਕਾਰਣਨ੍ਤਿ ਗੁਣੋ, ਗਣ ਸਙ੍ਖ੍ਯਾਨੇ ਵਾ, ਅਸ੍ਸੁ, ਗੁਣੋ. ਦ੍ਵਯਂ ਮਜ੍ਝੇ. ਮਜ ਸੁਦ੍ਧਿਯਂ, ਝੋ. ਵਿਪੁਬ੍ਬੇ ਵੇਮਜ੍ਝਂ.

ਦ੍ਵਯਂ ਤਰੁਣਸੂਰਿਯਟ੍ਠਾਨੇ. ਅਹਸ੍ਸ ਮਜ੍ਝੋ ਮਜ੍ਝਹੋ, ਸੋ ਏਵ ਮਜ੍ਝਨ੍ਹਿਕੋ, ਹਸ੍ਸ ਨ੍ਹੋ [ਮੋਗ੍ਗਲ੍ਲਾਨ ੩.੧੧੦ ਸੁਤ੍ਤਂ ਪਸ੍ਸਿਤਬ੍ਬਂ]. ਅਹਸ੍ਸ ਮਜ੍ਝੋ ਮਜ੍ਝਨ੍ਹੋ, ਮਜ੍ਝਨ੍ਤੋਪਿ. ਦ੍ਵਯਂ ਨਾਨਤ੍ਤਾਯਂ. ਵਿਗਤਾ ਮਤ੍ਤਾ ਸਦਿਸਪ੍ਪਮਾਣਂ ਏਤੇਨ ਹੇਤੁਭੂਤੇਨ ਵੇਮਤ੍ਤਂ. ਨਾਨਮੇਵ ਨਾਨਤਾ, ਨਾਨਸਦ੍ਦੋ ਪੁਨ੍ਨਪੁਂਸਕੇ, ਅਬ੍ਯਯੇ ਤੁ ਨਾਨਾ.

੭੬੮. ਦ੍ਵਯਂ ਨਿਦ੍ਦਾਪਟਿਕ੍ਖੇਪੇ. ਜਾਗਰ ਨਿਦ੍ਦਕ੍ਖਯੇ, ਜਾਗਰਮੇਵ ਜਾਗਰਿਯੋ. ਦ੍ਵਯਂ ਜਲਾਦੀਨਮਵਿਚ੍ਛਨ੍ਨਾਯਂ ਸਨ੍ਤਤਿਯਂ. ਵਹਤਿਸ੍ਮਾ ਣੋ, ਪਵਾਹੋ. ਵਤੁ ਆਵਤ੍ਤਨੇ,ਤਿ, ਪਵਤ੍ਤਿ.

ਤਿਕਂ ਵਿਤ੍ਥਾਰੇ. ਅਸੁ ਖੇਪਨੇ, ਣੋ, ਬ੍ਯਾਸੋ. ਪਪੁਬ੍ਬੋ ਪਞ੍ਚ ਵਿਤ੍ਥਾਰੇ. ਥਰ ਸਨ੍ਥਰਣੇ, ਪਾਦਿਪੁਬ੍ਬੋ ਚ ਵਿਤ੍ਥਾਰੇ. ਤਿਕਂ ਸਂਯਮੇ. ਯਮੁ ਉਪਰਮੇ, ਣੋ, ਯਾਮੋ. ਇਤਰੇਸੁ ਅ.

੭੬੯. ਦ੍ਵਯਂ ¶ ਗਤ੍ਤਾਨਂ ਮਦ੍ਦਨੇ. ‘‘ਸਮ੍ਬਾਹਨੋ’ਙ੍ਗਮਦ੍ਦਕੋ’’ਤਿ ਵੋਪਾਲਿਤੋ, ਸਂਪੁਬ੍ਬੋ ਵਾਹ ਪਯਤਨੇ, ਮਦ੍ਦਨੇ ਵਾ, ਯੁ. ਮਦ੍ਦ ਮਦ੍ਦਨੇ. ਦ੍ਵਯਂ ਨਾਨਾਰਮ੍ਮਣਾਦੀਸੁ ਵਿਸਪ੍ਪਨੇ. ਸਰ ਗਮਨੇ, ਣ. ਸਪ੍ਪ ਗਮਨੇ, ਯੁ, ਵਿਸਪ੍ਪਨਂ.

ਦ੍ਵਯਂ ਪਰਿਚਯੇ. ਥੁ ਅਭਿਤ੍ਥਵੇ. ਚਿ ਚਯੇ. ਤਿਕਂ ਸਙ੍ਗਮੇ. ਮਿਲ ਸਿਲੇਸਨੇ, ਣੋ, ਸਕਤ੍ਥੇ ਕੋ, ਮੇਲਕੋ. ਸਨ੍ਜ ਸਙ੍ਗੇ, ਣੋ. ਸਂਪੁਬ੍ਬਾ ਗਮਿਤੋ ਅ.

੭੭੦. ਸਨ੍ਨਿਕਟ੍ਠਮ੍ਹਿ ਸਮੀਪੇ ਸਨ੍ਨਿਧਿਸਦ੍ਦੋ, ਸਨ੍ਨਿਧਾਨਂ ਸਨ੍ਨਿਧਿ, ਪੁਮੇ, ਠਪਨੇਪ੍ਯਯਂ. ਨਸ ਅਦਸ੍ਸਨੇ, ਣੋ. ਦਿਸ ਪੇਕ੍ਖਨੇ, ਯੁ, ਦਿਸ੍ਸਾਦੇਸੋ, ਇਸ੍ਸਤ੍ਤਂ.

ਤਿਕਂ ਧਞ੍ਞਾਦੀਨਂ ਲਵਨੇ. ਲੂ ਛੇਦਨੇ, ਅ. ਣਮ੍ਹਿ ਅਭਿਲਾਵੋ. ਯੁਮ੍ਹਿ ਲਵਨਂ. ਦ੍ਵਯਂ ਖਣਪ੍ਪਤ੍ਤਿਯਂ. ਪਪੁਬ੍ਬੋ ਥੁ ਅਭਿਤ੍ਥਵੇ. ਸਰ ਗਮਨੇ, ਅਵਸਰੋ. ਸਮਾਤਿ ਦ੍ਵੇ ਤੁਲ੍ਯਤ੍ਥਾ.

੭੭੧. ਚਤੁਕ੍ਕਂ ¶ ਪਰਿਯੋਸਾਨੇ. ਸਾ ਤਨੁਕਰਣੇ, ਯੁ, ਓਸਾਨਂ. ਪਰਿਪੁਬ੍ਬੋ ਪਰਿਯੋਸਾਨਂ. ਉਕ੍ਕਂਸਾਤਿਸਯਾ ਪਕਟ੍ਠੇਪ੍ਯੁਤ੍ਤਾ.

ਦ੍ਵਯਂ ਸਣ੍ਠਾਨੇ. ਵਿਸ ਪਵੇਸਨੇ, ਸਨ੍ਨਿਵੇਸੋ. ਠਾ ਗਤਿਨਿਵਤ੍ਤਿਯਂ, ਯੁ, ਸਣ੍ਠਾਨਂ. ਦ੍ਵਯਂ ਅਬ੍ਭਨ੍ਤਰਵਾਚਕਂ ਪਾਟਿਪਦਿਕਂ. ਅਥ ਵਾ ਅਭਿ ਬਨ੍ਧਨੇ, ਅਰੋ, ਧਾਤ੍ਵਤ੍ਥਾਨੁਵਤ੍ਤਕੋ ਅਭਿ, ਅਬ੍ਭਨ੍ਤਰਂ. ਅਬ੍ਭਾਭਾਵੇ ਅਨ੍ਤਰਂ.

੭੭੨. ਤਿਕਂ ਪਾਟਿਹਾਰਿਯੇ. ਹਿ ਗਤਿਮ੍ਹਿ, ਪਟਿਤੋ ਹਿਸ੍ਸ ਹੇਰਣ ਹੀਰਣ, ਪਾਟਿਹੇਰਂ, ਪਾਟਿਹੀਰਂ. ਯਦਾਦਿਨਾ ਹਾਰਿਯਞ੍ਚ, ਪਾਟਿਹਾਰਿਯਂ, ਅਥ ਵਾ ਪਟਿਪਕ੍ਖੇ ਹਰਤੀਤਿ ਪਾਟਿਹੀਰਂ, ਣੋ, ਅਸ੍ਸੀ. ਏਕਾਰਾਦੇਸੇ ਪਾਟਿਹੇਰਂ. ਣ੍ਯਮ੍ਹਿ ਪਾਟਿਹਾਰਿਯਂ, ਵਿਹਤੁਪਕ੍ਕਿਲੇਸੇਨ ਪਚ੍ਚਾਹਰਿਤਬ੍ਬਂ ਪਵਤ੍ਤੇਤਬ੍ਬਨ੍ਤਿ ਪਾਟਿਹੀਰਨ੍ਤਿਆਦਿਪਿ ਕਾਤਬ੍ਬਂ.

ਦ੍ਵਯਂ ਕਤ੍ਤਬ੍ਬਮਤ੍ਤੇ. ਕਰਮ੍ਹਾ ਰਿਚ੍ਚ, ਕਿਚ੍ਚਂ, ਅਵਸ੍ਸਂ ਕਾਤਬ੍ਬੇਪਿ. ਅਨੀਯਪਚ੍ਚਯੇ ਕਰਣੀਯਂ.

ਦ੍ਵਯਂ ਪੁਪ੍ਫਾਦਿਨਾ ਉਦਕਾਦੀਨਂ ਪਰਿਭਾਵਨੇ. ਸੁਨ੍ਦਰਂ ਕਰੀਯਤੇ ਯੇਨਾਤਿ ਸਙ੍ਖਾਰੋ, ਣੋ, ਖਰਾਦੇਸੋ. ਵਸ ਨਿਵਾਸੇ, ਯੁ, ਵਾਸਨਾ, ਕਿਲੇਸਾਦੀਨਂ ਸਤ੍ਤਿਵਿਸੇਸੇਪਿ. ਸਾ ਹਿ ਕੁਸਲਾਪਿ ਅਤ੍ਥਿ ਅਕੁਸਲਾਪਿ ਅਬ੍ਯਾਕਤਾਪਿ, ਤਥਾ ਪਹਾਤਬ੍ਬਾਪਿ ¶ ਅਤ੍ਥਿ ਅਪ੍ਪਹਾਤਬ੍ਬਾਪਿ. ਤਤ੍ਥ ਯਾ ਕੁਸਲਾਬ੍ਯਾਕਤਾ, ਨ ਸਾ ਪਹਾਤਬ੍ਬਾ. ਯਾ ਪਨ ਅਕੁਸਲਾ, ਸਾ ਸੁਖੁਮਤਰਤਾਯ ਭਗਵਤੋਯੇਵ ਅਰਿਯਮਗ੍ਗੇਨ ਪਹਾਤਬ੍ਬਾ, ਨਾਞ੍ਞੇਸਂ. ਏਵਂ ਸਨ੍ਤੇ ਅਰਿਯਾਨਮ੍ਪਿ ਅਪਾਯੂਪਪਤ੍ਤਿ ਸਿਯਾਤਿ? ਨ ਸਿਯਾ, ਸਬ੍ਬੇਸਮੇਵ ਅਰਿਯਾਨਂ ਅਪਾਯੂਪਪਤ੍ਤਿਹੇਤੁਕਾਯ ਵਾਸਨਾਯ ਪਹੀਨਤ੍ਤਾ. ਦੁਵਿਧਾ ਹਿ ਅਕੁਸਲਾ ਵਾਸਨਾ ਕਾਯਵਚੀਪਯੋਗਹੇਤੁਭੂਤਾ ਚ ਅਪਾਯੂਪਪਤ੍ਤਿਹੇਤੁਭੂਤਾ ਚ. ਤਤ੍ਥ ਪੁਰਿਮਾ ਭਗਵਤੋਯੇਵ ਅਰਿਯਮਗ੍ਗੇਨ ਪਹਾਤਬ੍ਬਾ, ਇਤਰਾ ਸਬ੍ਬੇਸਮ੍ਪਿ ਅਰਿਯਮਗ੍ਗੇਨਾਤਿ, ਤਸ੍ਮਾ ਯਂ ਵੁਤ੍ਤਂ ‘‘ਬੁਦ੍ਧਾਵ ਸਵਾਸਨੇ ਕਿਲੇਸੇ ਪਜਹਿਤੁਂ ਸਕ੍ਕੋਨ੍ਤਿ, ਨਾਞ੍ਞੇ’’ਤਿ, ਤਂ ਕਾਯਵਚੀਪਯੋਗਹੇਤੁਭੂਤਂ ਵਾਸਨਂ ਸਨ੍ਧਾਯ ਵੁਤ੍ਤਂ, ਨੇਤਰਨ੍ਤਿ ਨਿਟ੍ਠਮੇਤ੍ਥਾਵਗਨ੍ਤਬ੍ਬਂ.

੭੭੩. ਤਿਕਂ ਧਞ੍ਞਾਦੀਨਂ ਪੂਤਕਰਣੇ. ਪੂ ਪਵਨੇ, ਯੁ. ਅਪਚ੍ਚਯੇ ਪਵੋ. ਣਮ੍ਹਿ ਨਿਪ੍ਪਾਵੋ. ਦ੍ਵਯਂ ਤਸਰੇ. ਤਸ ਉਬ੍ਬੇਗੇ, ਅਰੋ. ਸੁਤ੍ਤੇਨ ਵੇਠਨਂ ਸੁਤ੍ਤਵੇਠਨਂ.

ਦ੍ਵਯਂ ਦੁਗ੍ਗਸਞ੍ਚਾਰੇ. ਸਙ੍ਕਮ੍ਯਤੇ ਯੇਨਾਤਿ ਸਙ੍ਕਮੋ. ਸਞ੍ਚਰਨ੍ਤਿ ਅਨੇਨਾਤਿ ਸਞ੍ਚਾਰੋ, ਦੁਗ੍ਗਸ੍ਸ ਸਞ੍ਚਾਰੋ ਦੁਗ੍ਗਸਞ੍ਚਾਰੋ. ਦ੍ਵਯਂ ਪਠਮਾਰਮ੍ਭੇ. ਪਠਮਂ ਕਮੋ ਪਕ੍ਕਮੋ, ਉਪਕ੍ਕਮੋ ਚ.

੭੭੪. ਤਿਕਂ ਪਾਠੇ. ਪਠ ਵਿਯਤ੍ਤਿਯਂ ਵਾਚਾਯਂ, ਣੋ, ਪਾਠੋ. ਨਿਪੁਬ੍ਬੇ ਨਿਪਾਠੋ, ਅਮ੍ਹਿ ਨਿਪਠੋ. ਦ੍ਵਯਂ ਅਪਹਰਿਤਾਦਿਨੋ ਵਤ੍ਥੁਨੋ ¶ ਅਨ੍ਵੇਸਨੇ. ਚਿ ਚਯੇ, ਚਯਨਮਤ੍ਰ ਅਨ੍ਵੇਸਨਂ. ਮਗ੍ਗ ਅਨ੍ਵੇਸਨੇ, ਚੁਰਾਦਿ, ਯੁ, ਏਤੇ ਦ੍ਵੇ ਅਪੁਮੇ, ਸਂਵਿਕ੍ਖਨਂਪ੍ਯਤ੍ਰ.

ਚਤੁਕ੍ਕਂ ਆਲਿਙ੍ਗਨੇ. ਲਿਙ੍ਗ ਗਤ੍ਯਤ੍ਥੋ. ਸਨ੍ਜ ਸਙ੍ਗੇ. ਸਿਲਿਸ ਆਲਿਙ੍ਗਨੇ. ਗੁਹ ਸਂਵਰਣੇ, ਯੁ, ਪਰਿਰਮ੍ਭੋਪ੍ਯਤ੍ਰ. ਰਮ੍ਭ ਸਦ੍ਦੇ.

੭੭੫. ਚਤੁਕ੍ਕਂ ਆਲੋਕਨੇ. ਲੋਕ ਦਸ੍ਸਨੇ. ਝੇ ਚਿਨ੍ਤਾਯਂ. ਇਕ੍ਖ ਦਸ੍ਸਨਙ੍ਕੇਸੁ. ਦਿਸ ਪੇਕ੍ਖਨੇ, ਸਬ੍ਬਤ੍ਰ ਭਾਵੇ ਯੁ.

ਚਤੁਕ੍ਕਂ ਨਿਰਾਕਰਣੇ. ਦਿਸ ਪੇਕ੍ਖਨੇ. ਅਸੁ ਖੇਪਨੇ, ਨਿਰਸਨਂ. ਪਤਿ ਆਪੁਬ੍ਬੋ ਖਾਕਥਨੇ. ਕਰ ਕਰਣੇ, ਇਤ੍ਥਿਯਮਤਿਯਵੋ ਵਾ,ਤਿ.

੭੭੬. ਪਞ੍ਚਕਂ ਵਿਪਰਿਯਯੇ. ਵਿਪਰਿਪੁਬ੍ਬੋ ਅਸੁ ਖੇਪਨੇ, ਣੋ, ਵਿਪਲ੍ਲਾਸੋ. ਅਞ੍ਞੇਨ ਪਕਾਰੇਨ ਭਵਨਂ ਅਞ੍ਞਥਾਭਾਵੋ. ਵਿਪਰਿਪੁਬ੍ਬੋ ਅਯ ਗਮਨੇ, ਵਿਪਰਿਯਯੋ. ਅਸੁ ਖੇਪਨੇ, ਵਿਪਰਿਯਾਸੋ.

ਤਿਕਂ ਅਤਿਕ੍ਕਮੇ. ਅਤਿਕ੍ਕਮਨਂ ਅਤਿਕ੍ਕਮੋ. ਅਤਿਕ੍ਕਮ੍ਮ ਪਤਨਂ ਅਤਿਪਾਤੋ. ਅਯ ਗਮਨੇ, ਉਪਚ੍ਚਯੋ.

੭੭੭. ਇਦਾਨਿ ¶ ਸਂਕਿਣ੍ਣਵਗ੍ਗਤੋ ਅਨਨ੍ਤਰਂ ਗਾਥਾਤੋ, ਗਾਥਾਯ ਅਦ੍ਧਤੋ, ਪਾਦਤੋ ਚਾਤਿ ਇਮੇਹਿ ਤੀਹਿ ਪਕਾਰੇਹਿ ਅਨੇਕਤ੍ਥੇ ਨਾਨਤ੍ਥੇ ਸਮਯਾਦਿਕੇ ਸਦ੍ਦੇ ਕਮਾ ਕਮਤੋ ਪਵਕ੍ਖਾਮਿ. ਏਤ੍ਥ ਅਨੇਕਤ੍ਥਵਗ੍ਗੇ ਏਕਸ੍ਸ ਭੂਤਸਦ੍ਦਾਦਿਕਸ੍ਸ ਯਾ ਪੁਨਰੁਤ੍ਤਤਾ, ਸਾ ਥੀਪੁਨ੍ਨਪੁਂਸਕਸਙ੍ਖਾਤਲਿਙ੍ਗਵਿਸੇਸਤ੍ਥਂ ਕਤਾ.

੭੭੮. ਸਮਵਾਯਤ੍ਥਾਦਿਵਾਚਕੇ ਬਹਵੋ ਸਮਯਸਦ੍ਦੇ ਜਾਤਿਯਾ ਸਙ੍ਗਯ੍ਹ ‘‘ਸਮਯੋ’’ਤਿ ਏਕਵਚਨਨਿਦ੍ਦੇਸੋ ਕਤੋ. ਤਤ੍ਰ ‘‘ਕਾਲਞ੍ਚ ਸਮਯਞ੍ਚ ਉਪਾਦਾਯਾ’’ਤ੍ਯਾਦੀਸੁ [ਦੀ. ਨਿ. ੧.੪੪੭] ਸਮਵਾਯੇ ਪਚ੍ਚਯਸਾਮਗ੍ਗਿਯਂ. ‘‘ਮਹਾਸਮਯੋ ਪਵਨਸ੍ਮਿਂ, ਦੇਵਕਾਯਾ ਸਮਾਗਤਾ’’ਤ੍ਯਾਦੀਸੁ ਸਮੂਹੇ. ‘‘ਸਮਯੋਪਿ ਖੋ ਤੇ ਭਦ੍ਦਾਲਿ ਅਪ੍ਪਟਿਵਿਦ੍ਧੋ’’ਤ੍ਯਾਦੀਸੁ [ਮ. ਨਿ. ੨.੧੩੫] ਕਾਰਣੇ. ‘‘ਏਕੋਯੇਵ ਚ ਖੋ ਖਣੋ ਚ ਸਮਯੋ ਚਾ’’ਤ੍ਯਾਦੀਸੁ [ਅ. ਨਿ. ੮.੨੯] ਖਣੇ ਓਕਾਸੇ. ‘‘ਅਭਿਸਮਯਤ੍ਥੋ’’ਤ੍ਯਾਦੀਸੁ ਪਟਿਵੇਧੇ. ‘‘ਏਕਂ ਸਮਯਂ ਭਗਵਾ’’ਤ੍ਯਾਦੀਸੁ [ਦੀ. ਨਿ. ੧.੧] ਕਾਲੇ. ‘‘ਸਮ੍ਮਾ ਮਾਨਾਭਿਸਮਯਾ’’ਤ੍ਯਾਦੀਸੁ [ਮ. ਨਿ. ੧.੨੮] ਪਹਾਨੇ. ‘‘ਅਤ੍ਥਾਭਿਸਮਯਾ ਧੀਰੋ’’ਤ੍ਯਾਦੀਸੁ ਲਾਭੇ [ਸਂ. ਨਿ. ੧.੧੨੯]. ‘‘ਸਮਯਪ੍ਪਵਾਦਕੇ ਤਿਨ੍ਦੁਕਾਚਿਰੇ’’ਤ੍ਯਾਦੀਸੁ [ਮ. ਨਿ. ੨.੨੦੮] ਦਿਟ੍ਠਿਯਂ.

ਤਤ੍ਥ ¶ ਸਹਕਾਰੀਕਾਰਣਤਾਯ ਸਨ੍ਨਿਜ੍ਝਂ ਸਮੇਤਿ ਸਮਵੇਤੀਤਿ ਸਮਯੋ, ਸਮਵਾਯੋ. ਸਮਂ, ਸਹ ਵਾ ਅਵਯਵਾਨਂ ਅਯਨਂ ਪਵਤ੍ਤਿ ਅਵਟ੍ਠਾਨਨ੍ਤਿ ਸਮਯੋ, ਸਮੂਹੋ, ਯਥਾ – ਸਮੁਦਾਯੋਤਿ ਅਵਯਵਸਹਾਵਤ੍ਥਾਨਮੇਵ ਹਿ ਸਮੂਹੋਤਿ. ਅਵਸੇਸਪਚ੍ਚਯਾਨਂ ਸਮਾਗਮੇ ਏਤਿ ਫਲਂ ਏਤਸ੍ਮਾ ਉਪ੍ਪਜ੍ਜਤਿ ਪਵਤ੍ਤਤਿ ਚਾਤਿ ਸਮਯੋ, ਕਾਰਣਂ, ਯਥਾ ‘‘ਸਮੁਦਾਯੋ’’ਤਿ. ਸਮੇਤਿਸਮਾਗਚ੍ਛਤਿ ਏਤ੍ਥ ਮਗ੍ਗਬ੍ਰਹ੍ਮਚਰਿਯਂ ਤਦਾਧਾਰਪੁਗ੍ਗਲੇਹੀਤਿ ਸਮਯੋ, ਖਣੋ. ਅਭਿਮੁਖਂ ਞਾਣੇਨ ਸਮ੍ਮਾ ਏਤਬ੍ਬੋ ਅਵਗਨ੍ਤਬ੍ਬੋਤਿ ਅਭਿਸਮਯੋ, ਧਮ੍ਮਾਨਂ ਅਵਿਪਰੀਤੋ ਸਭਾਵੋ. ਅਭਿਮੁਖਭਾਵੇਨ ਸਮ੍ਮਾ ਏਤਿ ਗਚ੍ਛਤਿ ਬੁਜ੍ਝਤੀਤਿ ਅਭਿਸਮਯੋ, ਧਮ੍ਮਾਨਂ ਅਵਿਪਰੀਤਸਭਾਵਾਵਬੋਧੋ. ਸਮੇਤਿ ਏਤ੍ਥ, ਏਤੇਨ ਵਾ ਸਙ੍ਗਚ੍ਛਤਿ ਸਤ੍ਤੋ, ਸਭਾਵਧਮ੍ਮੋ ਵਾ ਸਹਜਾਤਾਦੀਹਿ, ਉਪ੍ਪਾਦਾਦੀਹਿ ਵਾਤਿ ਸਮਯੋ, ਕਾਲੋ, ਧਮ੍ਮਪ੍ਪਵਤ੍ਤਿਮਤ੍ਤਤਾਯ ਅਤ੍ਥਤੋ ਅਭੂਤੋਪਿ ਹਿ ਕਾਲੋ ਧਮ੍ਮਪ੍ਪਵਤ੍ਤਿਯਾ ਅਧਿਕਰਣਂ ਵਿਯ, ਕਰਣਂ ਵਿਯ ਚ ਪਰਿਕਪ੍ਪਨਾਮਤ੍ਤਸਿਦ੍ਧੇਨ ਰੂਪੇਨ ਵੋਹਰੀਯਤੀਤਿ. ਸਮਸ੍ਸ ਨਿਰੋਧਸ੍ਸ ਯਾਨਂ, ਸਮ੍ਮਾ ਵਾ ਯਾਨਂ ਅਪਗਮੋਤਿ ਸਮਯੋ, ਪਹਾਨਂ. ਸਮਿਤਿ ਸਙ੍ਗਤਿ ਸਮੋਧਾਨਨ੍ਤਿ ਸਮਯੋ, ਪਟਿਲਾਭੋ, ਸਮੇਤਿ ਸਮ੍ਬਨ੍ਧੋ ਏਤਿ ਅਤ੍ਤਨੋ ਵਿਸਯੇ ਪਵਤ੍ਤਤਿ, ਦਲ਼੍ਹਗ੍ਗਹਣਭਾਵਤੋ ਵਾ ਸਮ੍ਪਯੁਤ੍ਤਾ ਅਯਨ੍ਤਿ ਪਵਤ੍ਤਨ੍ਤਿ ਸਤ੍ਤਾ ਯਥਾਭਿਨਿਵੇਸਂ ਏਤੇਨਾਤਿ ਸਮਯੋ, ਦਿਟ੍ਠਿ. ਦਿਟ੍ਠਿਸਂਯੋਜਨੇਨ ਹਿ ਸਤ੍ਤਾ ਅਤਿਵਿਯ ਬਜ੍ਝਨ੍ਤੀਤਿ, ਏਵਂ ਤਸ੍ਮਿਂ ਤਸ੍ਮਿਂ ਅਤ੍ਥੇ ਸਮਯਸਦ੍ਦਸ੍ਸ ਪਵਤ੍ਤਿ ਵੇਦਿਤਬ੍ਬਾ. ਸਮਯਸਦ੍ਦਸ੍ਸ ਅਤ੍ਥੁਦ੍ਧਾਰੇ ਅਭਿਸਮਯਸਦ੍ਦਸ੍ਸ ਉਦਾਹਰਣਂ ਸੋਪਸਗ੍ਗੋ, ਅਨੁਪਸਗ੍ਗੋ ਚ ਸਮਯਸਦ੍ਦੋ ਸਮਵਾਯਾਦ੍ਯਤ੍ਥਵਾਚਕੋ ਹੋਤੀਤਿ ਦਸ੍ਸਨਤ੍ਥਂ. ਏਵਂ ਸਬ੍ਬਤ੍ਰ ਉਦਾਹਰਣਂ ਤਂਤਦਤ੍ਥਾਨੁਰੂਪਨਿਬ੍ਬਚਨਾਦਯੋ ਦਟ੍ਠਬ੍ਬਾ.

੭੭੯. ਸਣ੍ਠਾਨਂ ਦੀਘਰਸ੍ਸਾਦਿ. ਰੂਪਂ ਰੂਪਾਯਤਨਂ, ਜਾਤਿ ਖਤ੍ਤਿਯਾਦਿਕੁਲਂ. ਛਵਿ ਬਹਿਚਮ੍ਮਂ, ਪਮਾਣਂ ਮਰਿਯਾਦੋ. ਅਕ੍ਖਰਂ ਅਕਾਰਾਦਿ ¶ , ਯਸੋ ਪਰਿਵਾਰੋ, ਕਿਤ੍ਤਿ ਚ. ਗੁਣੋ ਸੀਲਾਦਿ, ਤਪਨਿਯੇਪਿ ਵਣ੍ਣੋ.

੭੮੦. ਪਾਤਿਮੋਕ੍ਖਸ੍ਸ ਭਿਕ੍ਖੁਭਿਕ੍ਖੁਨੀਨਂ ਵਸੇਨ ਦੁਵਿਧਸ੍ਸ ਪਾਤਿਮੋਕ੍ਖਸ੍ਸ ਉਦ੍ਦੇਸੇ ‘‘ਸਙ੍ਘੋ ਉਪੋਸਥਂ ਕਰੇਯ੍ਯਾ’’ਤਿ [ਮਹਾਵ. ੧੩੪]. ਪਣ੍ਣਤ੍ਤਿਯਂ ‘‘ਉਪੋਸਥੋ ਨਾਮ ਨਾਗਰਾਜਾ’’ਤਿ [ਦੀ. ਨਿ. ੨.੨੪੬]. ਉਪਵਾਸੋ ਵੁਤ੍ਤੋ. ਅਟ੍ਠਙ੍ਗੋ ‘‘ਪਾਣਾਤਿਪਾਤਾ ਵੇਰਮਣਿ’’ਆਦਿ. ਉਪੋਸਥਦਿਨਂ ‘‘ਅਜ੍ਜੁਪੋਸਥੋ ਪਨ੍ਨਰਸੋ’’ਤ੍ਯਾਦੀਸੁ [ਮਹਾਵ. ੧੬੮].

੭੮੧-੭੮੨. ਰਥਙ੍ਗਂ ਚਕ੍ਕਦ੍ਵਯਂ. ਲਕ੍ਖਣਂ ਚਕ੍ਕਲਕ੍ਖਣਂ. ‘‘ਮਯਾ ਪਵਤ੍ਤਿਤਂ ਚਕ੍ਕ’’ਨ੍ਤ੍ਯਾਦੀਸੁ [ਸੁ. ਨਿ. ੫੬੨] ਧਮ੍ਮਚਕ੍ਕੇ. ਉਰਚਕ੍ਕਂ ਨਾਮ ਖੁਰਚਕ੍ਕਂ ‘‘ਚਕ੍ਕਂ ਭਮਤਿ ਮਤ੍ਥਕੇ’’ਤਿ [ਜਾ. ੧.੧.੧੦੪; ੧.੫.੧੦੦]. ‘‘ਚਤੁਚਕ੍ਕਂ ਨਵਦ੍ਵਾਰ’’ਨ੍ਤ੍ਯਾਦੀਸੁ [ਸਂ. ਨਿ. ੧.੨੯] ਇਰਿਯਾਪਥਚਕ੍ਕੇ. ‘‘ਚਤ੍ਤਾਰਿਮਾਨਿ, ਭਿਕ੍ਖਵੇ, ਚਕ੍ਕਾਨਿ, ਯੇਹਿ ਸਮਨ੍ਨਾਗਤਾਨਂ ਦੇਵਮਨੁਸ੍ਸਾਨਂ ਚਤੁਚਕ੍ਕਂ ਵਤ੍ਤਤੀ’’ਤ੍ਯਾਦੀਸੁ [ਅ. ਨਿ. ੪.੧੩੧] ਸਮ੍ਪਤ੍ਤਿਚਕ੍ਕੇ. ‘‘ਪਿਤਰਾ ਪਵਤ੍ਤਿਤਂ ਚਕ੍ਕਂ ਅਨੁਵਤ੍ਤੇਤੀ’’ਤ੍ਯਾਦੀਸੁ [ਅ. ਨਿ. ੫.੧੩੨] ਚਕ੍ਕਰਤਨੇ. ਮਣ੍ਡਲਂ ‘‘ਅਲਾਤਚਕ੍ਕ’’ਨ੍ਤ੍ਯਾਦੀਸੁ ‘‘ਅਸਨਿਵਿਚਕ੍ਕ’’ਨ੍ਤਿ [ਦੀ. ਨਿ. ੩.੬੧; ਸਂ. ਨਿ. ੨.੧੬੨] ਚ. ਬਲਂ ਥਾਮੋ. ਕੁਲਾਲੋ ਕੁਮ੍ਭਕਾਰੋ, ਤਸ੍ਸ ਭਣ੍ਡੇ ਕੁਲਾਲਚਕ੍ਕਨ੍ਤਿ. ਆਣਾਯਂ ‘‘ਚਕ੍ਕਂ ਵਤ੍ਤਯਤਿ ਪਾਣੀਨ’’ਨ੍ਤਿ [ਜਾ. ੧.੭.੧੪੯]. ਆਯੁਧੇ ਚਕ੍ਕਾਕਾਰੇ ਆਯੁਧੇ. ਦਾਨਂ ਦੇਯ੍ਯਧਮ੍ਮੋ. ਰਾਸਿ ਖਨ੍ਧੋ. ਸਦ੍ਧਗਾਥਾਪਿ ਗਾਥਾਯੇਵ.

‘‘ਦਣ੍ਡਕਾ ¶ ਚਣ੍ਡਵੁਟ੍ਠ੍ਯਾਦਿ, ਪਾਦੇਹਿ ਛਹਿ ਤੀਹਿ ਤੁ;

ਗਾਥਾਤਿ ਚ ਪਰਤ੍ਥੇਵਂ, ਛਨ੍ਦੋਸਞ੍ਞਾ ਪਕਾਸਿਤਾ.

ਅਨਨ੍ਤਰੋਦਿਤਂ ਚਞ੍ਞ-ਮੇਤਂ ਸਾਮਞ੍ਞਨਾਮਤੋ;

ਗਾਥਾਇਚ੍ਚੇਵ ਨਿਦ੍ਦਿਟ੍ਠਂ, ਮੁਨਿਨ੍ਦਵਚਨੇ ਪਨਾ’’ਤਿ [ਵੁਤ੍ਤੋਦਯ ੧੪-੧੫ ਗਾਥਾ] ਹਿ ਵੁਤ੍ਤਂ.

‘‘ਕਿਂ ਤੇ ਵਤਂ ਕਿਂ ਪਨ ਬ੍ਰਹ੍ਮਚਰਿਯਂ,

ਇਦਞ੍ਚ ਮੇ ਧੀਰ ਮਹਾਵਿਮਾਨ’’ਨ੍ਤਿ [ਜਾ. ੨.੨੨.੧੫੯੨, ੧੫੯੩, ੧੫੯੫]

ਇਮਸ੍ਮਿਂ ਵਿਧੁਰਪਣ੍ਡਿਤਜਾਤਕੇ ਦਾਨਸ੍ਮਿਂ ਆਗਤੋ.

‘‘ਤਂ ਖੋ ਪਨ ਪਞ੍ਚਸਿਖ ਬ੍ਰਹ੍ਮਚਰਿਯਂ ਨੇਵ ਨਿਬ੍ਬਿਦਾਯ ਨ ਵਿਰਾਗਾਯ ਯਾਵਦੇਵ ਬ੍ਰਹ੍ਮਲੋਕੂਪਪਤ੍ਤਿਯਾ’’ਤਿ [ਦੀ. ਨਿ. ੨.੩੨੯] ਇਮਸ੍ਮਿਂ ਮਹਾਗੋਵਿਨ੍ਦਸੁਤ੍ਤੇ ਅਪ੍ਪਮਞ੍ਞਾਸੁ. ‘‘ਤਯਿਦਂ ਬ੍ਰਹ੍ਮਚਰਿਯਂ ਇਦ੍ਧਞ੍ਚੇਵ ਫੀਤਞ੍ਚ ਵਿਤ੍ਥਾਰਿਕਂ ਬਾਹੁਜਞ੍ਞਂ ਪੁਥੁਭੂਤਂ ਯਾਵਦੇਵ ਮਨੁਸ੍ਸੇਸੁ ਸੁਪ੍ਪਕਾਸਿਤ’’ਨ੍ਤਿ [ਦੀ. ਨਿ. ੩.੧੭੪] ¶ ਪਾਸਾਦਿਕਸੁਤ੍ਤੇ ਸਿਕ੍ਖਤ੍ਤਯਸਙ੍ਗਹੇ ਸਕਲਸ੍ਮਿਂ ਸਾਸਨੇ. ‘‘ਪਰੇ ਅਬ੍ਰਹ੍ਮਚਾਰੀ ਭਵਿਸ੍ਸਨ੍ਤਿ, ਮਯਮੇਤ੍ਥ ਬ੍ਰਹ੍ਮਚਾਰਿਨੋ ਭਵਿਸ੍ਸਾਮਾ’’ਤਿ [ਮ. ਨਿ. ੧.੮੩] ਇਮਸ੍ਮਿਂ ਸਲ੍ਲੇਖਸੁਤ੍ਤੇ ਮੇਥੁਨਾ ਵਿਰਤਿਯਂ.

‘‘ਕੇਨ ਪਾਣਿ ਕਾਮਦਦੋ, ਕੇਨ ਪਾਣਿ ਮਧੁਸ੍ਸਵੋ;

ਕੇਨ ਤੇ ਬ੍ਰਹ੍ਮਚਰਿਯੇਨ, ਪੁਞ੍ਞਂ ਪਾਣਿਮ੍ਹਿ ਇਜ੍ਝਤਿ.

ਤੇਨ ਪਾਣਿ ਕਾਮਦਦੋ, ਤੇਨ ਪਾਣਿ ਮਧੁਸ੍ਸਵੋ;

ਤੇਨ ਮੇ ਬ੍ਰਹ੍ਮਚਰਿਯੇਨ, ਪੁਞ੍ਞਂ ਪਾਣਿਮ੍ਹਿ ਇਜ੍ਝਤੀ’’ਤਿ [ਪੇ. ਵ. ੨੭੫]. –

ਇਮਸ੍ਮਿਂ ਅਙ੍ਕੁਰਪੇਤਵਤ੍ਥੁਮ੍ਹਿ ਵੇਯ੍ਯਾਵਚ੍ਚੇ.

ਤਸ੍ਮਾ ਹਿ ਅਮ੍ਹਂ ਦਹਰਾ ਨ ਮਿਯ੍ਯਰੇ’’ਤਿ [ਜਾ. ੧.੧੦.੯੭]. –

ਮਹਾਧਮ੍ਮਪਾਲਜਾਤਕੇ ਸਦਾਰਤੁਟ੍ਠਿਯਂ.

‘‘ਏਵਂ ਖੋ ਤਂ, ਭਿਕ੍ਖਵੇ, ਤਿਤ੍ਤਿਰਿਯਂ ਨਾਮ ਬ੍ਰਹ੍ਮਚਰਿਯਂ ਅਹੋਸੀ’’ਤਿ [ਚੂਲ਼ਵ. ੩੧੧] ਇਮਸ੍ਮਿਂ ਤਿਤ੍ਤਿਰਜਾਤਕੇ ਪਞ੍ਚਸੀਲੇ.

‘‘ਇਦਂ ਖੋ ਪਨ ਪਞ੍ਚਸਿਖ ਬ੍ਰਹ੍ਮਚਰਿਯਂ ਏਕਨ੍ਤਨਿਬ੍ਬਿਦਾਯ ਵਿਰਾਗਾਯ…ਪੇ… ਅਯਮੇਵ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ’’ਤਿ [ਦੀ. ਨਿ. ੨.੩੨੯] ਮਹਾਗੋਵਿਨ੍ਦਸੁਤ੍ਤੇਯੇਵ ਅਰਿਯਮਗ੍ਗੇ.

‘‘ਹੀਨੇਨ ਬ੍ਰਹ੍ਮਚਰਿਯੇਨ, ਖਤ੍ਤਿਯੇ ਉਪਪਜ੍ਜਤਿ;

ਮਜ੍ਝਿਮੇਨ ਚ ਦੇਵਤ੍ਤਂ, ਉਤ੍ਤਮੇਨ ਵਿਸੁਜ੍ਝਤੀ’’ਤਿ [ਜਾ. ੧.੮.੭੫]. –

ਨਿਮਿਜਾਤਕੇ ਅਤ੍ਤਦਮਨਵਸੇਨ ਕਤੇ ਅਟ੍ਠਙ੍ਗੁਪੋਸਥੇ.

‘‘ਅਭਿਜਾਨਾਮਿ ਖੋ ਪਨਾਹਂ, ਸਾਰਿਪੁਤ੍ਤ, ਚਤੁਰਙ੍ਗਸਮਨ੍ਨਾਗਤਂ ਬ੍ਰਹ੍ਮਚਰਿਯਂ ਚਰਿਤ੍ਵਾ ਤਪਸ੍ਸਿ ਸੁਦਂ ਹੋਮੀ’’ਤਿ [ਮ. ਨਿ. ੧.੧੫੫] ਲੋਮਹਂਸਸੁਤ੍ਤੇ ਧਿਤਿਸਙ੍ਖਾਤੇ ਵੀਰਿਯੇ.

੭੮੪. ਸਭਾਵੋ ¶ ਅਵਿਪਰੀਤਤ੍ਥੋ. ਪਰਿਯਤ੍ਤਿ ਪਰਿਯਾਪੁਣਿਤਬ੍ਬਾ ਵਿਨਯਾਭਿਧਮ੍ਮਸੁਤ੍ਤਨ੍ਤਾ. ਞਾਯੋ ਯੁਤ੍ਤਿ, ਸਪ੍ਪਟਿਪਦਾ ਵਾ ਮਗ੍ਗਾਦਯੋ. ਞੇਯ੍ਯੇ ਸਙ੍ਖਾਰਵਿਕਾਰਲਕ੍ਖਣਨਿਬ੍ਬਾਨਪਞ੍ਞਤ੍ਤਿਵਸੇਨ ਪਞ੍ਚਵਿਧੇ ਞੇਯ੍ਯੇ. ਨਿਸ੍ਸਤ੍ਤਤਾ ਸਤ੍ਤਸਭਾਵਸ੍ਸ ਅਭਾਵਤਾ. ਆਪਤ੍ਤਿਯਂ ‘‘ਪਾਰਾਜਿਕਂ ਧਮ੍ਮ’’ਨ੍ਤਿ. ‘‘ਸਹ ਧਮ੍ਮੇਨ ਨਿਗ੍ਗਯ੍ਹਾ’’ਤ੍ਯਾਦੀਸੁ ਕਾਰਣੇ. ਆਦਿਨਾ ਸਮਯਞ੍ਞੂਪਮਾਹਿਂਸਾਦੀਸੁਪਿ ਧਮ੍ਮੋ.

੭੮੫. ਪਯੋਜਨਂ ਫਲਂ. ਸਦ੍ਦਾਭਿਧੇਯ੍ਯੇ ਸਦ੍ਦਤ੍ਥੇ. ਵੁਡ੍ਢਿਯਂ ਵਡ੍ਢਨੇ. ਵਤ੍ਥੁਮ੍ਹਿ ਦਬ੍ਬੇ. ਨਾਸੇ ਵਿਨਾਸੇ. ਪਚ੍ਛਿਮਪਬ੍ਬਤੇ ਅਤ੍ਥਗਿਰਿਮ੍ਹਿ. ਨਿਵਤ੍ਤਿਵਿਸਯੁਪ੍ਪਤ੍ਤਿਸਭਾਵਾਦੀਸੁਪਿ.

੭੮੬. ਯੇਭੁਯ੍ਯਤਾ ਬਾਹੁਲ੍ਯਤਾ. ਅਬ੍ਯਾਮਿਸ੍ਸਂ ਅਸਮ੍ਮਿਸ੍ਸਂ. ਵਿਸਂਯੋਗੇ ਵਿਪ੍ਪਯੋਗੇ. ਦਲ਼੍ਹਤ੍ਥੇ ਦਲ਼੍ਹਸਦ੍ਦਸ੍ਸ ਅਤ੍ਥੇ. ਅਨਤਿਰੇਕੇ ਅਤਿਰੇਕਾਭਾਵੇ. ਅਨਵਸੇਸਮ੍ਹਿ ਸਬ੍ਬਸ੍ਮਿਂ, ਤਂ ਕੇਵਲਵਚਨਂ ਤੀਸੁ ਲਿਙ੍ਗੇਸੁ.

੭੮੭. ਪਟਲਂ ‘‘ਦਿਗੁਣਂ ਸਙ੍ਘਾਟਿਂ ਪਾਰੁਪਿਤ੍ਵਾ’’ਤ੍ਯਾਦੀਸੁ [ਮਹਾਵ. ੩੪੮]. ‘‘ਵਯੋਗੁਣਾ ਅਨੁਪੁਬ੍ਬਂ ਜਹਨ੍ਤੀ’’ਤਿ [ਸਂ. ਨਿ. ੧.੪] ਰਾਸਿਮ੍ਹਿ. ‘‘ਸਤਗੁਣਾ ਦਕ੍ਖਿਣਾ ¶ ਪਾਟਿਕਙ੍ਖਿਤਬ੍ਬਾ’’ਤਿ [ਮ. ਨਿ. ੩.੩੭੯] ਆਨਿਸਂਸੇ. ਬਨ੍ਧਨਂ ਕਾਮਗੁਣਂ. ਅਪ੍ਪਧਾਨੇ ਵਿਸੇਸਨੇ. ਜਿਯਾਯ ਧਨੁਨੋ.

੭੮੮-੭੮੯. ਰੁਕ੍ਖਾਦੋ ਦੁਮਾਦਿਮ੍ਹਿ. ਵਿਜ੍ਜਮਾਨੇ ਭੂਤਗੁਣੇ. ਅਰਹਨ੍ਤੇ ‘‘ਯੋ ਚ ਕਾਲਘਸੋ ਭੂਤੋ, ਸਭੂਤਪਚਿਨਿਂ ਪਚੀ’’ਤਿ [ਜਾ. ੧.੨.੧੯੦]. ਖਨ੍ਧਪਞ੍ਚਕੇ ‘‘ਭੂਤਮਿਦਂ, ਸਾਰਿਪੁਤ੍ਤ, ਸਮਨੁਪਸ੍ਸਥਾ’’ਤਿ [ਮ. ਨਿ. ੧.੪੦੧]. ਸਤ੍ਤੇ ਪਾਣਿਮ੍ਹਿ. ਮਹਾਭੂਤੇ ਪਥਵਾਦਿਕੇ. ਅਮਨੁਸ੍ਸੋ ਦੇਵਰਕ੍ਖਸਾਦਿ. ਵਿਜ੍ਜਮਾਨਤ੍ਥਵਜ੍ਜਿਤੇ ਰੁਕ੍ਖਾਦੋ ਨਾਰਿਯਂ ਨ ਭਵਤਿ, ਵਿਜ੍ਜਮਾਨਤ੍ਥੇ, ਪਨ ਅਤੀਤਾਦੀਸੁ ਚ ਵਾਚ੍ਚਲਿਙ੍ਗੋ. ਪਤ੍ਤੇ ਸਮ੍ਪਤ੍ਤੇ. ਸਮੇ ਤੁਲ੍ਯਤ੍ਥੇ.

੭੯੧. ਪਦਪੂਰਣੇ ‘‘ਸੁਤ੍ਤਨ੍ਤ ਵਨਨ੍ਤਾ’’ਤ੍ਯਾਦੀਸੁ. ਦੇਹਾਵਯਵੇ ‘‘ਅਨ੍ਤਂ ਅਨ੍ਤਗੁਣ’’ਨ੍ਤ੍ਯਾਦੀਸੁ [ਖੁ. ਪਾ. ੩.ਦ੍ਵਤ੍ਤਿਂਸਾਕਾਰ]. ਦੇਹੋ ਚ ਅਵਯਵੋ ਚਾਤਿ ਏਕੇ. ਕੋਟ੍ਠਾਸੇ ‘‘ਅਯਮੇਕੋ ਅਨ੍ਤੋ’’ਤ੍ਯਾਦੀਸੁ [ਅ. ਨਿ. ੬.੬੧]. ਲਾਮਕਂ ਨਿਹੀਨਕਂ.

੭੯੨. ਨਿਕਾਯੋ ¶ ਸਧਮ੍ਮੀਨਂ ਗਣੋ. ਸਨ੍ਧਿ ਪਟਿਸਨ੍ਧਿ. ਸਾਮਞ੍ਞੇ ਵਿਸੇਸਾਧਾਰੇ. ਪਸੂਤਿ ਮਾਤੁਕੁਚ੍ਛਿਤੋ ਨਿਕ੍ਖਮਨਂ, ਕੁਲਂ ਖਤ੍ਤਿਯਾਦਿਕੁਲਂ. ਭਵੋ ਭਵਨਕ੍ਰਿਯਾ. ਵਿਸੇਸ੍ਯੋ ਉਪਾਧਿ, ਯਸ੍ਸ ਵਸੇਨ ਭਿਨ੍ਨੇਸੁ ਸਬਲਾਦੀਸੁ ਅਭਿਨ੍ਨਾ ਧੀਸਦ੍ਦਾ ਵਤ੍ਤਨ੍ਤੇ. ਸੁਮਨਾਯਂ ਮਾਲਤਿਯਂ. ਸਙ੍ਖਤਲਕ੍ਖਣੇ ਸਙ੍ਖਤਧਮ੍ਮਾਨਂ ਲਕ੍ਖਣੇ.

੭੯੩. ਭਵਭੇਦੋ ਕਾਮਭਵਾਦਿ. ਪਤਿਟ੍ਠਾਯਂ ਨਿਸ੍ਸਯੇ. ਨਿਟ੍ਠਾ ਨਿਪ੍ਫਤ੍ਤਿ. ਅਜ੍ਝਾਸਯੋ ਅਧਿਪ੍ਪਾਯੋ. ਬੁਦ੍ਧਿ ਞਾਣਂ. ਵਾਸਟ੍ਠਾਨਂ ਵਸਨਟ੍ਠਾਨਂ. ਵਿਸਰਤ੍ਤਂ ਵਿਸਰਣਭਾਵੋ. ‘‘ਵਿਸਦਤ੍ਥੇ’’ਤਿਪਿ ਪਾਠੋ, ਤਦਾ ਸਦਧਾਤੁਸ੍ਸ ਵਿਸਰਣਤ੍ਥਤਾ ਦਟ੍ਠਬ੍ਬਾ.

੭੯੪. ਫਲੇ ਸੋਤਾਪਤ੍ਤਾਦਿਕੇ. ਅਨਿਚ੍ਚਾਦਿਅਨੁਪਸ੍ਸਨਾ ਵਿਪਸ੍ਸਨਾ ਨਾਮ. ਮਗ੍ਗੇ ਸੋਤਾਪਤ੍ਤਿਮਗ੍ਗਾਦਿਕੇ.

੭੯੫. ਕਮ੍ਮਾਰੁਦ੍ਧਨਂ ਕਮ੍ਮਾਰਾਨਂ ਉਦ੍ਧਨਂ, ਕਮ੍ਮਾਰਾਨਂ ਯਥਾ ਉਕ੍ਕਾਤਿ. ਅਙ੍ਗਾਰਕਪਲ੍ਲਂ ਅਙ੍ਗਾਰਾਨਂ ਭਾਜਨਂ. ਦੀਪਿਕਾ ਨਾਮ ਮਧੁਚ੍ਛਿਟ੍ਠਾਦਿਮਯਾ ਪਦੀਪਕਿਚ੍ਚਕਾਰਿਕਾ. ਸੁਵਣ੍ਣਕਾਰਮੂਸਾ ਮਤ੍ਤਿਕਮਯਾ ਏਕਾ ਭਾਜਨਵਿਕਤਿ. ਵਾਯੁਨੋ ਵੇਗੇ ਚ ਉਕ੍ਕਾਸਦ੍ਦੋ, ਯੋ ‘‘ਦੇਵਦੁਦ੍ਰਭੀ’’ਤਿ ਵੁਤ੍ਤੋ.

੭੯੬. ਕੇਸੋਹਾਰਣਂ ¶ ਕੇਸਾਨਂ ਲਵਨਂ. ਜੀਵਿਤਵੁਤ੍ਤਿ ਜੀਵਿਤਸ੍ਸ ਵਤ੍ਤਨਂ. ਵਪਨਂ ਬੀਜਸ੍ਸ ਵਪਨਂ. ਵਾਪਸਮਕਰਣਂ ਵਪਿਤਸ੍ਸ ਬੀਜਸ੍ਸ ਸਮਕਰਣਂ. ਪਵੁਤ੍ਤਭਾਵੋ ਬਨ੍ਧਨਾ ਮੁਤ੍ਤਿ.

੭੯੭-੭੯੮. ਸੁਤੋ ਵਿਸ੍ਸੁਤੇ ਪਾਕਟੇ. ਅਵਧਾਰਿਤੇ ਉਪਲਕ੍ਖਿਤੇ. ਉਪਚਿਤੇ ਰਾਸੀਕਤੇ. ਅਨੁਯੋਗੋ ਪੁਚ੍ਛਾ. ਕਿਲਿਨ੍ਨੇ ਤਿਨ੍ਤੇ. ਸੋਤਵਿਞ੍ਞੇਯ੍ਯਂ ਸਦ੍ਦਾਯਤਨਂ. ਸਤ੍ਥਂ ਸਦ੍ਦਸਤ੍ਥਾਦਿ, ਸੁਤਨਾਮਕੋ ਵਾ ਏਕੋ ਸਤ੍ਥਵਿਸੇਸੋ. ਏਤੇਸੁ ਦ੍ਵੀਸੁ ਅਤ੍ਥੇਸੁ ਸੁਤਂ ਨਪੁਂਸਕਂ. ਪੁਤ੍ਤੇ ਸੁਤੋ ਪੁਲ੍ਲਿਙ੍ਗੋ, ਰਾਜਿਨਿਪਿ ਸੁਤੋ.

੭੯੯. ਯੁਗੇ ਕਤਾਦਿਚਤੁਕ੍ਕੇ. ਲੇਸੋ ਅਨੁਮਾਨਞਾਣਵਿਸਯੋ. ਪਞ੍ਞਤ੍ਤਿਯਂ ‘‘ਕਪ੍ਪਤ੍ਥੇਰੋ’’ਤਿ. ਪਰਮਾਯੁਮ੍ਹਿ ‘‘ਕਪ੍ਪਂ ਸਗ੍ਗਮ੍ਹਿ ¶ ਮੋਦਤੀ’’ਤਿ. ਅਞ੍ਞਤ੍ਰ ਕਪ੍ਪਾਦੀਸੁ ਪੁਲ੍ਲਿਙ੍ਗੇ. ਸਦਿਸੇ ਪਨ ਤੀਸੁ ਲਿਙ੍ਗੇਸੁ. ਸਮਣਵੋਹਾਰੋ ਵਿਨਯਾਗਤੋ ਸਮਣਾਨਂ ਵੋਹਾਰੋ. ਕਪ੍ਪਬਿਨ੍ਦੁ ਚੀਵਰੇ ਕਤਬਿਨ੍ਦੁ. ਸਮਨ੍ਤਤ੍ਤੇ ਸਮਨ੍ਤਭਾਵੇ. ਅਨ੍ਤਰਕਪ੍ਪੋ ਮਹਾਕਪ੍ਪਸ੍ਸ ਅਸੀਤਿਮੋ ਭਾਗੋ. ਆਦਿਸਦ੍ਦੇਨ ਅਸਙ੍ਖ੍ਯੇਯ੍ਯਮਹਾਕਪ੍ਪੇ ਸਙ੍ਗਣ੍ਹਾਤਿ. ਤਕ੍ਕੇ ਵਿਤਕ੍ਕੇ. ਵਿਧਿ ਵਿਧਾਨਂ.

੮੦੦. ਵਿਰਤਿ ਵਿਰਤਿਤ੍ਤਯਂ. ਸਪਥੋ ਅਕ੍ਕੋਸੋ. ਤਚ੍ਛੇ ਤਥਭਾਵੇ. ਅਰਿਯਸਚ੍ਚਮ੍ਹਿ ਦੁਕ੍ਖਸਚ੍ਚਾਦਿਕੇ. ਦਿਟ੍ਠਿ ਮਿਚ੍ਛਾਦਿਟ੍ਠਿ.

੮੦੧. ਸਞ੍ਜਾਤਿਦੇਸੋ ‘‘ਕਮ੍ਬੋਜੋ ਅਸ੍ਸਾਯਤਨ’’ਨ੍ਤਿ. ਵਾਸਟ੍ਠਾਨਂ ਨਿਵਾਸਟ੍ਠਾਨਂ ‘‘ਦੇਵਾਨਂ ਦੇਵਾਯਤਨ’’ਨ੍ਤਿ. ਆਕਰੋਤਿ ਯਤ੍ਥ ਸੁਵਣ੍ਣਰਜਤਾਦਯੋ ਉਪ੍ਪਜ੍ਜਨ੍ਤਿ. ਸਮੋਸਰਣਟ੍ਠਾਨਂ ਬਹੂਨਂ ਸਨ੍ਨਿਪਾਤਟ੍ਠਾਨਂ. ਪਦਪੂਰਣੇ ‘‘ਕਮ੍ਮਾਯਤਨਂ, ਸਿਪ੍ਪਾਯਤਨ’’ਨ੍ਤਿ.

੮੦੨. ਵਤ੍ਥਂ ਅਮ੍ਬਰਂ. ਅਞ੍ਞੋ ਯੋ ਸਕੋ ਨ ਹੋਤਿ. ਓਧਿ ਮਰਿਯਾਦੋ. ਭੇਦੋ ਵਿਸੇਸੋ. ਮਨਸਿਪਿ ਚਿਤ੍ਤੇਪਿ.

੮੦੩. ਵਿਪਾਕੇ ਇਟ੍ਠਵਿਪਾਕੇ ਕੁਸਲੋ. ਅਨਵਜ੍ਜਾਦੀਸੁ ਵਾਚ੍ਚਲਿਙ੍ਗਿਕੋ.

੮੦੪. ਦ੍ਰਵੋ ¶ ਮਧ੍ਵਾਦਿ. ਮਧੁਰਾਦੀਸੁ ਛਸੁ ਰਸੇਸੁ. ਪਾਰਦੋ ਸੂਤੋ. ਸਿਙ੍ਗਾਰਾਦੋ ਨਵ ਨਾਟ੍ਯਰਸੇ. ਰਸਰਤ੍ਤਮਂਸਮੇਦਟ੍ਠਿਸੁਕ੍ਕਟ੍ਠਿਮਿਞ੍ਜਵਸੇਨ ਸਤ੍ਤ ਧਾਤਵੋ, ਤਬ੍ਭੇਦੇ. ਕਿਚ੍ਚੇ ਫਸ੍ਸਾਦਿਧਮ੍ਮਾਨਂ ਸਙ੍ਘਟ੍ਟਨਾਦਿਕਿਚ੍ਚੇ. ਸਮ੍ਪਤ੍ਤਿ ਤੇਸਂਯੇਵ.

੮੦੫. ਬੋਧਿਸਦ੍ਦੋ ਞਾਣਦ੍ਵਯੇ ਨਾਰਿਯਂ, ਬੋਧਿਰਾਜਕੁਮਾਰਾਦਿਪਞ੍ਞਤ੍ਤਿਯਂ ਪੁਮੇ. ਅਸ੍ਸਤ੍ਥਰੁਕ੍ਖੇ ਪੁਮਿਤ੍ਥਿਯਂ.

੮੦੬. ਯੇਨ ਕਤ੍ਤੁਭੂਤੇਨ ਯੋ ਕਮ੍ਮਭੂਤੋ ਨਿਚ੍ਚਸੇਵਿਤੋ, ਤਤ੍ਥਾਪਿ ਕਮ੍ਮਭੂਤੇ. ਵਿਸਯੋ ਅਨਞ੍ਞਥਾਭਾਵੋ. ਜਨਪਦੇ ਕੁਰੁਆਦਿਕੇ. ਗੋਚਰੇ ਤਬ੍ਬਹੁਲਾਚਾਰੇ.

੮੦੮. ਬਨ੍ਧਵੇ ਸੋ ਪੁਮੇ. ਅਤ੍ਤਨਿ ਸਂ ਨਪੁਂਸਕੇ. ਧਨਸ੍ਮਿਂ ਸੋ ਸਂ ਅਨਿਤ੍ਥਿਯਂ. ਸੁਨਖੇ ਸਾ ਪੁਮੇ ਵੁਤ੍ਤੋ. ਅਤ੍ਤਨਿਯੇ ਸੋ ਤਿਲਿਙ੍ਗਿਕੋ.

੮੦੯. ਛਵਿਸਮ੍ਪਤ੍ਤਿਯਂ ¶ ਛਵਿਯਾ ਸਮ੍ਪਤ੍ਤਿਯਂ.

੮੧੦. ਜਾਮਾਤਾ ਧੀਤੁਸਾਮਿਕੋ. ਮਨ੍ਦਪ੍ਪਿਯੇ ਅਪ੍ਪਪਿਯੇ ਵਰਂ ਅਬ੍ਯਯਂ.

੮੧੧. ਮਕੁਲੇ ਅਵਿਕਾਸਸਮ੍ਪਤ੍ਤੇ. ਨੇਤ੍ਤਿਂਸਾਦਿਪਿਧਾਨੇ ਖਗ੍ਗਾਦੀਨਂ ਗੇਹੇ.

੮੧੨. ਪਿਤਾਮਹੋ ਬ੍ਰਹ੍ਮਾ. ਪਿਤੂਸੁ ਮਾਤਾਪਿਤੂਸੁ. ਤਥਾ ਪਕ੍ਖਨ੍ਤਰੇ. ਤਪਸਿ ਸੀਲੇ.

੮੧੩-੮੧੪. ਮਜ੍ਝਬਨ੍ਧੇ ਉਰੋਬਨ੍ਧਨੇ. ਪਕੋਟ੍ਠੋ ਕਪ੍ਪਰਸ੍ਸਾਧੋਭਾਗੋ. ਕਚ੍ਛਬਨ੍ਧਨਂ ਅਧੋਮ੍ਬਰਸ੍ਸ ਦਲ਼੍ਹਬਨ੍ਧਨਂ. ਮੇਖਲਾਯਞ੍ਚਾਤਿ ਕਚ੍ਛਾ ਚਤੂਸ੍ਵਤ੍ਥੇਸੁ. ਕਚ੍ਛੋ ਲਤਾਦੀਸੁ. ਕਚ੍ਛੋ ਬਾਹੁਮੂਲਮ੍ਹਿ ਪਰੂਲ਼੍ਹਕਚ੍ਛਨਖਲੋਮੇ, ‘‘ਕਚ੍ਛੇਹਿ ਸੇਦਾ ਮੁਞ੍ਚਨ੍ਤੀ’’ਤਿ. ਅਨੂਪੋ ਬਹੂਦਕਦੇਸੋ.

੮੧੫. ਮਾਨਂ ¶ ਤੁਲਾਪਤ੍ਥਙ੍ਗੁਲੀਹਿ. ਪਮਾਤਰਿ ਪਮਾਣਸ੍ਸ ਕਤ੍ਤਰਿ.

੮੧੬. ਦਬ੍ਬਂ ਧਨਂ. ਅਤ੍ਤਭਾਵੋ ਪਞ੍ਚਕ੍ਖਨ੍ਧਸਮੂਹੋ. ਪਾਣੋ ਜੀਵਿਤਿਨ੍ਦ੍ਰਿਯਂ. ਦਬ੍ਬਾਦੀਸੁ ਚਤੂਸੁ ਸਤ੍ਤਂ. ਸਤ੍ਤਾਯਂ ਵਿਜ੍ਜਮਾਨਤਾਯਂ ਸਤ੍ਤਾ. ਜਨੇ ਸਤ੍ਤੋ. ਸੋ ਸਤ੍ਤਸਦ੍ਦੋ, ਆਸਤ੍ਤੇ ਲਗ੍ਗਿਤੇ ਤਿਲਿਙ੍ਗਿਕੋ.

੮੧੭. ਸੇਮ੍ਹਾਦੋ ਤਿਦੋਸੇ. ਰਸਰਤ੍ਤਾਦਿ ਪੁਬ੍ਬੇਵੁਤ੍ਤੋ. ਪਭਾਦਿਕੇ ਰੂਪਧਾਤੁਮ੍ਹਿ. ਚਕ੍ਖਾਦਿਕੇ ਵਿਸਯਧਾਤੁਮ੍ਹਿ.

੮੧੮. ਅਮਚ੍ਚਾਦਿਕਾ ਸਤ੍ਤ ਪਕਤਿਯੋ ਵੁਤ੍ਤਾ. ਸਤ੍ਤਾਦਿਸਾਮ੍ਯਵਤ੍ਥਾ ਸਤ੍ਤਰਜਤਮਭੂਤਾਨਂ ਤਿਣ੍ਣਂ ਗੁਣਾਨਂ ਸਾਮ੍ਯਵਤ੍ਥਾ. ਪਚ੍ਚਯਾ ਣਪਚ੍ਚਯਾਦਿਤੋ ਪਠਮੇ ਪਠਮਸਣ੍ਠਿਤੇ ਕਰੋਤ੍ਯਾਦਿਧਾਤੁਮ੍ਹਿ.

੮੧੯. ਪਰਿਤ੍ਤਾਣਂ ¶ ਰਕ੍ਖਣਂ. ਵਤ੍ਥੁਮ੍ਹਿ ਓਕਾਸੇ. ਤਲ੍ਲਞ੍ਛਨਂ ਪਾਦਸ੍ਸ ਠਾਨਂ.

੮੨੦. ਲੋਹਮੁਗ੍ਗਰੇ ਲੋਹਮਯੇ ਮੁਗ੍ਗਰੇ. ਤਾਲ਼ਾਦਿਕੇ ਸਮ੍ਮਤਾਲ਼ਕਂਸਤਾਲ਼ਾਦਿਕੇ. ਕਠਿਨੇ ਕਕ੍ਖਲ਼ੇ.

੮੨੧. ਮਕ੍ਖਿਕਾ ਨੀਲਮਕ੍ਖਿਕਾਦਿਕਾ. ਤਾਸਂ ਭੇਦਾ ਸਵਿਸਾ ਮਧੁਕਤਾ ਪਿਙ੍ਗਲਮਕ੍ਖਿਕਾ. ਮਧੁਮ੍ਹਿ ਖੁਦ੍ਦਂ ਅਪ੍ਪਕਾਦੀਸੁ ਚਤੂਸ੍ਵਤ੍ਥੇਸੁ ਵਤ੍ਤਮਾਨਂ ਤੀਸੁ ਲਿਙ੍ਗੇਸੁ. ਅਧਮੋ ਨਿਹੀਨੋ. ਕਪਣੋ ਏਕਚਾਰੀ.

੮੨੨. ਤਕ੍ਕੇ ਗੋਰਸਵਿਸੇਸੇ. ਮਰਣਲਿਙ੍ਗੇ ਮਰਣਞਾਪਕਲਕ੍ਖਣੇ. ਅਸੁਭੇ, ਸੁਭੇ ਚਾਤਿ ਚਤੂਸ੍ਵਤ੍ਥੇਸੁ ਅਰਿਟ੍ਠਂ. ਆਸਵੋ ਮਜ੍ਜਵਿਸੇਸੋ. ਫੇਣਿਲਦ੍ਦੁਮੋ ‘‘ਬਡੀ-ਯ੍ौ-ਖੋ’’.

੮੨੩. ਗੇਹਾਨਂ ਦਾਰੁਬਨ੍ਧਪ੍ਪਯੋਜਨਂ ਪੀਠਿਕਾ ਨਾਮ. ਪਕ੍ਖਨ੍ਦਦ੍ਵਯਸ੍ਸ, ਕਣ੍ਣਿਕਾਦੀਨਞ੍ਚ ਨਿਸ੍ਸਯਭੂਤਾ ਪੀਠਿਕਾ.

੮੨੪. ਮਿਤ੍ਤਾਕਾਰੇ ¶ ਅਮਿਤ੍ਤਸ੍ਸਾਪਿ ਮਿਤ੍ਤਸਣ੍ਠਾਨੇ. ਬਲੇ, ਰਾਸਿਮ੍ਹਿ, ਵਿਪਤ੍ਤਿਯਞ੍ਚ, ‘‘ਬਲਸ੍ਸ ਰਾਸੀ’’ਤਿਪਿ ਏਕੇ.

੮੨੫. ਖਨ੍ਧੇ ਰੂਪਕ੍ਖਨ੍ਧੇ. ਭਵੇ ਰੂਪਭਵੇ. ਨਿਮਿਤ੍ਤਮ੍ਹਿ ਕਾਰਣੇ. ਵਪੁ ਸਰੀਰਂ.

੮੨੬. ਵਤ੍ਥੁਕਿਲੇਸਕਾਮੇਸੂਤਿ ਵਤ੍ਥੁਕਾਮਕਿਲੇਸਕਾਮੇਸੁ. ਮਦਨੇ ਮਾਰਦੇਵਪੁਤ੍ਤੇ. ਰਤੇ ਮੇਥੁਨੇ. ਨਿਕਾਮੇ ਇਚ੍ਛਾਰਹਿਤੇ ਕਾਮਂ ਨਪੁਂਸਕੇ. ਅਨੁਞ੍ਞਾਯਂ ਕਾਮਮਬ੍ਯਯਂ ਭਵੇ.

੮੨੭. ਵਜ੍ਜਭਣ੍ਡਮੁਖੇ ਵੀਣਾਦੋਣਿਮੁਖੇ. ਮਾਤਙ੍ਗਸ੍ਸ ਹਤ੍ਥਿਨੋ ਕਰਕੋਟਿ ਹਤ੍ਥਗ੍ਗਂ.

੮੨੮. ਰਮ੍ਭੋ ਸਠ੍ਯਂ, ਕੇਤਵਨ੍ਤ੍ਯਤ੍ਥੋ. ਅਸਚ੍ਚਂ ਮੁਸਾ. ਅਯੋਘਨਂ ਯੇਨ ਪਹਰਤਿ. ਗਿਰਿਸਿਙ੍ਗਮ੍ਹਿ ਗਿਰਗ੍ਗੇ. ਸੀਰਙ੍ਗੇ ਫਾਲਙ੍ਗੇ. ਯਨ੍ਤੇ ਕੂਟਯਨ੍ਤੇ.

੮੩੦. ਪਟਿਵਾਕ੍ਯੇ ¶ ਪਟਿਵਚਨੇ. ਉਤ੍ਤਰਾਸਙ੍ਗੇ ਉਪਰਿਵਤ੍ਥੇ. ਸੇਟ੍ਠਾਦੀਸੁ ਉਤ੍ਤਰੋ ਤੀਸੁ, ਪਰਸ੍ਮਿਂ ਉਪਰਿਸ੍ਮਿਞ੍ਚ ਈਰਿਤੋ.

੮੩੧. ਵਿਮੁਤ੍ਤਿ ਅਰਹਤ੍ਤਫਲਂ ਮਗ੍ਗਨਿਬ੍ਬਾਨਾਨਿਪਿ.

੮੩੨. ਸਙ੍ਖਤੇ ਪਚ੍ਚਯਾਭਿਸਙ੍ਖਤੇ ਧਮ੍ਮੇ. ਪੁਞ੍ਞਾਭਿਸਙ੍ਖਾਰੋ, ਅਪੁਞ੍ਞਾਭਿਸਙ੍ਖਾਰੋ, ਆਨੇਞ੍ਜਾਭਿਸਙ੍ਖਾਰੋਤਿ ਪੁਞ੍ਞਾਭਿਸਙ੍ਖਾਰਾਦਿ. ਪਯੋਗੋ ਉਸ੍ਸਾਹੋ. ਕਾਯਸਙ੍ਖਾਰੋ, ਵਚੀਸਙ੍ਖਾਰੋ, ਚਿਤ੍ਤਸਙ੍ਖਾਰੋਤਿ ਕਾਯਸਙ੍ਖਾਰਾਦਿ. ਅਭਿਸਙ੍ਖਰਣਂ ਅਭਿਸਙ੍ਖਰਣਕ੍ਰਿਯਾ.

੮੩੪. ਪਤਿਰੂਪੇ ਯੁਤ੍ਤੇ. ਛਾਦਿਤੇ ਤਿਣਾਦੀਹਿ. ਰਹੋ ਸੁਞ੍ਞਟ੍ਠਾਨਂ. ਪਞ੍ਞਤ੍ਤਿਯਂ ਛਨ੍ਨੋ ਭਿਕ੍ਖੁ, ਪਞ੍ਞਤ੍ਤਿਯਂਯੇਵ ਪੁਮੇ.

੮੩੫. ਬੁਦ੍ਧਚਕ੍ਖੁ ¶ ਬੁਦ੍ਧਾਨਂ ਚਕ੍ਖੁ. ਸਮਨ੍ਤਚਕ੍ਖੁ ਸਬ੍ਬਞ੍ਞੁਤਞਾਣਂ. ਧਮ੍ਮਚਕ੍ਖੁ ਹੇਟ੍ਠਾਮਗ੍ਗਤ੍ਤਯੇ ਞਾਣਂ.

੮੩੭. ਵੇਵਚਨਂ ਅਭਿਨ੍ਨਤ੍ਥੋ ਸਦ੍ਦੋ. ਪਕਾਰਸ੍ਮਿਂ ਭੇਦੇ. ਅਵਸਰੋ ਅਵਕਾਸੋ.

੮੩੮. ਚਿਤ੍ਤਕਮ੍ਮਂ ਚਿਤ੍ਤਕਾਰਾਨਂ ਕਮ੍ਮਂ. ਵਿਚਿਤ੍ਤੇ ਨਾਨਾਵਿਧੇ. ਪਞ੍ਞਤ੍ਤਿਯਂ ਚਿਤ੍ਤੋ ਧਨੁਧਰੋਯੇਵ. ਚਿਤ੍ਤਮਾਸੋ ਪੁਣ੍ਣੇਨ੍ਦੁਯੁਤ੍ਤੇਨ ਚਿਤ੍ਤੇਨ ਨਕ੍ਖਤ੍ਤੇਨ ਲਕ੍ਖਿਤੋ ਮਾਸੋ. ਤਾਰਨ੍ਤਰੇ ਚਿਤ੍ਤਨਕ੍ਖਤ੍ਤੇ. ਥਿਯਂ ਨਾਰਿਯਂ.

੮੩੯. ਸਾਮਲੇ ਨੀਲੇ. ਸਯਮਤ੍ਥੇ ਸਯਂਸਦ੍ਦਸ੍ਸ ਅਤ੍ਥੇ. ਸਾਰਿਵਾ ਉਪਾਸਕਾ.

੮੪੦. ‘‘ਪੁਮੇ’’ਤ੍ਯਾਦਿਨਾ ¶ ਪੁਬ੍ਬਦ੍ਧੇਨ ਗੁਰੁਸਦ੍ਦਸ੍ਸ ਅਤ੍ਥਾ ਵੁਤ੍ਤਾ, ਅਪਰਦ੍ਧੇਨ ਗਰੁਸਦ੍ਦਸ੍ਸ, ‘‘ਏਕਦੇਸੇਕਤ੍ਤਮਨਞ੍ਞਂਵੇ’’ਤਿ ਨ੍ਯਾਯੇਨ ਦ੍ਵਿਨ੍ਨਮ੍ਪਿ ਏਕਤ੍ਤਮਞ੍ਞਮਾਨੇਨ ਗਾਥਾਨੇਕਤ੍ਥਵਗ੍ਗੇ ਕਥਿਤਾ. ਮਹਨ੍ਤੇ ਬਹੁਤ੍ਤੇ. ਦੁਜ੍ਜਰੇ ਜੀਰਾਪੇਤੁਮਸਕ੍ਕੁਣੇਯ੍ਯੇ, ਦੁਕ੍ਕਰੇ ਵਾ.

੮੪੧. ਅਚ੍ਚਿਤੇ ਪੂਜਿਤੇ. ਖਿਨ੍ਨੇ ਕਿਲਮਥਪ੍ਪਤ੍ਤੇ. ਸਮਿਤੇ ਉਪਸਮਿਤੇ.

ਗਾਥਾਨੇਕਤ੍ਥਵਗ੍ਗਵਣ੍ਣਨਾ ਨਿਟ੍ਠਿਤਾ.

੮੪੨. ਵਿਸੁਦ੍ਧਿਦੇਵੋ, ਸਮ੍ਮੁਤਿਦੇਵੋ, ਉਪਪਤ੍ਤਿਦੇਵੋ ਚਾਤਿ ਵਿਸੁਦ੍ਧਿਦੇਵਾਦਿ. ਨਭਂ ਆਕਾਸੋ.

ਤਰੁਣਾਦੀਸੁ ਤੀਸ੍ਵਤ੍ਥੇਸੁ ਮਾਣਵੋ.

੮੪੩. ਆਦ੍ਯਤ੍ਥਾਦੀਸੁ ¶ ਅਗ੍ਗਂ. ਵਰੇ ਸੇਟ੍ਠੇ ਤੀਸੁ.

ਪਚ੍ਚਨੀਕੋ ਸਤ੍ਤੁ. ਅਞ੍ਞੇ ਅਞ੍ਞਤ੍ਥੇ. ਪਚ੍ਛਾਭਾਗੇ ‘‘ਧਾਤੁਲਿਙ੍ਗੇਹਿ ਪਰਾ ਪਚ੍ਚਯਾ’’ਤਿ.

੮੪੪. ਯੋਨਿ ਇਤ੍ਥੀਨਂ ਯੋਨਿਮਗ੍ਗੋ. ਕਾਮੋ ਇਚ੍ਛਾ. ਸਿਰੀ ਪਞ੍ਞਾ, ਪੁਞ੍ਞੋ ਚ. ਇਸ੍ਸਰਂ ਪਭੁਤਾ. ਧਮ੍ਮੋ ਸੀਲਾਦਿ. ਉਯ੍ਯਾਮੋ ਵੀਰਿਯਂ. ਯਸੋ ਪਰਿਵਾਰੋ, ਕਿਤ੍ਤਿ ਚ.

੮੪੮. ਖਨ੍ਧਕੋਟ੍ਠਾਸੋ ¶ ਅਣ੍ਡਜਾਦਿਚਤੁਕ੍ਕਂ. ਪਸ੍ਸਾਵਮਗ੍ਗੋ ਇਤ੍ਥੀਨਂ ਯੋਨਿ. ਸੋ ਪੁਲ੍ਲਿਙ੍ਗੋ. ਕੂਲੇ ਤੀਰੇ.

੮੪੯. ਨਾਗੋਤੁਨਾਗਸਦ੍ਦੋ ਤੁ. ਉਰਗੇ ਸਪ੍ਪੇ, ਹਤ੍ਥਿਨਿ ਚ.

੮੫੦. ਸਙ੍ਖ੍ਯਾ ਗਣਨਾ. ‘‘ਅਞ੍ਞਤ੍ਥੇ’’ਤ੍ਯੇਕੇ ਵਦਨ੍ਤਿ.

੮੫੧. ਭੇ ਨਕ੍ਖਤ੍ਤਵਿਸੇਸੇ. ਸਨ੍ਤਿਕੇ ਸਮੀਪੇ. ਮੂਲਮੂਲੇ ਲੋਭਾਦਿਕੇ. ਪਾਭਤੇ ਮੂਲਧਨੇ. ਅਂਸੋ ਸਰੀਰਾਵਯਵੋ. ਪਕਣ੍ਡੇ ਰੁਕ੍ਖਾਦੀਨਂ ਸਰੀਰੇ.

੮੫੨. ਕਮ੍ਮੇ ¶ ਕ੍ਰਿਯਾਯਂ. ਵਿਕੋਪਨਂ ਵਿਦ੍ਧਂਸਨਂ.

੮੫੩. ਪਚ੍ਛਾਤਾਪੋ ਵਿਪ੍ਪਟਿਸਾਰੋ. ਅਨੁਬਨ੍ਧੋ ਪੁਨਪ੍ਪੁਨਂ ਪਵਤ੍ਤਨਂ. ਰਾਗਾਦੋ ਸਤ੍ਤਕੇ. ਮਾਤਙ੍ਗਸ੍ਸ ਮੁਦ੍ਧਨਿ ਪਿਣ੍ਡਦ੍ਵਯੇ ਕੁਮ੍ਭੋ.

੮੫੪. ਖਗ੍ਗਕੋਸੇ ਖਗ੍ਗਪਿਧਾਨੇ. ਪਟਿਚ੍ਛਦੇ ਸਮਨ੍ਤਤੋ ਛਾਦਨੇ. ਸਾਰਮ੍ਭੇ ਕੋਲਾਹਲੇ.

੮੫੫. ਕਾਲਵਿਸੇਸੋ ਦਸਚ੍ਛਰਕਾਲੋ. ਨਿਬ੍ਯਾਪਾਰਟ੍ਠਿਤਿ ਅਚਿਰਟ੍ਠਿਤਿ, ਅਚਿਰਟ੍ਠਿਤੀਤਿ ਦਸਚ੍ਛਰਤੋਪਿ ਊਨਟ੍ਠਿਤਿ.

੮੫੬. ਕਬਲ਼ੀਕਾਰਾਹਾਰਾਦੀਸੁ ¶ ਚਤੂਸੁ.

੮੫੭. ਸਦ੍ਧਾਯ ਅਪਰਪ੍ਪਚ੍ਚਯੇ. ਚੀਵਰਾਦੀਸੁ ਚਤੂਸੁ. ਆਧਾਰੋ ਨਿਸ੍ਸਯੋ.

ਦਿਬ੍ਬਵਿਹਾਰੋ, ਅਰਿਯਵਿਹਾਰੋ, ਬ੍ਰਹ੍ਮਵਿਹਾਰੋ ਚਾਤਿ ਦਿਬ੍ਬਵਿਹਾਰਾਦਿ. ਸੁਗਤਾਲਯੇ ਭਿਕ੍ਖੂਨਮਾਵਾਸੇ.

੮੫੮. ਸਮਤ੍ਤਨੇ ਨਿਟ੍ਠਾਯਂ. ਚਕਾਰੇਨ ਨਿਯਮਾਦਿਕੇ ਸਙ੍ਗਣ੍ਹਾਤਿ.

ਸਙ੍ਗੇ ਲਗ੍ਗੇ. ਕਾਮਾਦੋ ਚਤੁਕ੍ਕੇ.

੮੫੯. ਸਪ੍ਪਫਣਙ੍ਗੇਸੂਤਿ ਸਪ੍ਪਸ੍ਸ ਫਣੇ, ਅਙ੍ਗੇ ਚ ਸਰੀਰੇ. ਕੋਟਿਲ੍ਲੇ ਕੁਟਿਲਤਾਯ. ਭੁਞ੍ਜਨਂ ਭੋਜਨਕ੍ਰਿਯਾ.

ਭੂਮਿਭਾਗੇ ¶ ਰਾਜਙ੍ਗਣਾਦਿਮ੍ਹਿ. ਕਿਲੇਸੇ ਸਂਕਿਲੇਸੇ. ਮਲੇ ਰਾਗਾਦਿਕੇ.

੮੬੦. ਧਨਾਦਿਦਪ੍ਪੇਤਿ ਧਨਾਦਿਕੇ ਪਟਿਚ੍ਚ ਉਪ੍ਪਨ੍ਨੇ ਦਪ੍ਪੇ.

੮੬੧. ਸੋ ਪੁਲ੍ਲਿਙ੍ਗੋ. ਪਰਮਤ੍ਤਨਿ ਦਿਟ੍ਠੀਨਂ ਗਾਹਲਦ੍ਧੇ ਅਤ੍ਤਨਿ. ਥਮ੍ਭਸ੍ਮਿਂ ਗੇਹਾਦੀਨਂ ਥਮ੍ਭੇ. ਬਲਸਜ੍ਜਨਂ ਯੁਦ੍ਧਕਾਲੇ ਬਲਸ੍ਸ ਸਜ੍ਜਨਂ.

੮੬੩. ਨਿਯ੍ਯਾਸੇ ਸਿਲੇਸੇ. ਸੇਖਰੇ ਸੀਸੇ. ਨਾਗਦਨ੍ਤਕੇ ਭਿਤ੍ਤਿਆਦੀਸੁ ਪਵੇਸਿਤੇ ਨਾਗਦਨ੍ਤਾਕਾਰੇ ਦਣ੍ਡੇ.

ਸਿਖਣ੍ਡੋ ¶ ਪਿਞ੍ਛਂ. ਤੂਣੀਰੇ ਉਸੁਨਿਧਿਮ੍ਹਿ. ਨਿਕਰੇ ਸਮੂਹੇ.

੮੬੪. ਸਂਯਤਕੇਸੇਸੁ ਬਨ੍ਧਿਤਕੇਸੇਸੁ.

ਕਮ੍ਬੁ ਜਲਜਨ੍ਤੁਵਿਸੇਸੋ. ਨਲਾਟਟ੍ਠਿ ਨਲਾਟੇ ਜਾਤਟ੍ਠਿ. ਗੋਪ੍ਫਕੇ ਪਾਦਗਣ੍ਠਿਮ੍ਹਿ.

੮੬੫. ਕਾਲੇ ਪਞ੍ਚਦਸੀਦਿਵਸਪਰਿਮਾਣੇ. ਸਾਧ੍ਯੇ ਪਤ੍ਤਸਾਧਨੀਯੇ. ਸਖੀ ਸਹਾਯੋ. ਵਾਜੋ ਪਤ੍ਤਂ. ਪਙ੍ਗੁਲ਼ੋ ਪੀਠਸਮ੍ਪੀ.

ਦੇਸੇ ਦੇਸਵਿਸੇਸੇ. ਅਣ੍ਣਵੇ ਸਮੁਦ੍ਦੇ, ਏਤੇ ਪੁਮੇ. ਸੋ ਸਿਨ੍ਧੁਸਦ੍ਦੋ ਸਰਿਤਾਯਂ ਨਦਿਯਂ ਭਵੇ.

੮੬੬. ਕਰੇਣੁਸਦ੍ਦੋ ਗਜੇ ਹਤ੍ਥਿਮ੍ਹਿ, ਪੁਰਿਸੇ ਪੁਲ੍ਲਿਙ੍ਗੇ ਵਤ੍ਤਤਿ. ਹਤ੍ਥਿਨਿਯਂ ਤੁ ਇਤ੍ਥਿਯਂ.

ਰਤਨੇ ਰਤਨਵਿਸੇਸੇ. ਮਣਿਵੇਧੋ ਨਾਮ ਯਂ ਲੋਕੇ ‘‘ਚਿਨ’’ ਇਤਿ ਵੁਚ੍ਚਤਿ. ਇਨ੍ਦਹੇਤਿ ਇਨ੍ਦਾਵੁਧੋ.

੮੬੭. ਕੋਟਿਯਂ ¶ ਅਨ੍ਤੇ. ਵਾਦਿਤ੍ਤਵਾਦਨੇ ਵੀਣਾਦਿਵਾਦਿਤ੍ਤਵਾਦਨੋਪਾਯੇ.

ਤਿਕਣ੍ਡਸੇਸੋ [ਤਿਕਣ੍ਡਸੇਸ ੩.੩.੧੨੫].

੮੬੮. ਵਣਿਪ੍ਪਥੇ ਵਾਣਿਜਾਨਂ ਵੋਹਾਰਕਮ੍ਮਪਥੇ. ਵੇਦੇ ਵੇਦਵਿਸੇਸੇ, ਵਾਣਿਜੇਪਿ ਨਿਗਮੋ.

ਵਿਵਾਦਾਦੋ ‘‘ਵਿਵਾਦਾਧਿਕਰਣ’’ [ਪਾਚਿ. ੩੯੪] ਨ੍ਤ੍ਯਾਦੀਸੁ. ਆਧਾਰੋ ਕਾਰਕਵਿਸੇਸੋ, ਨਿਸ੍ਸਯੋ ਚ. ਕਾਰਣੇ ‘‘ਯਤ੍ਵਾਧਿਕਰਣਮੇਨ’’ਨ੍ਤਿ [ਧ. ਸ. ੧੩੫੪].

੮੬੯. ਪਸੁਮ੍ਹਿ ਗੋਣੇ. ਵਸੁਧਾ ਪਥਵੀ. ਵਾਚਾ ਵਚਨਂ. ਆਦਿਨਾ ਸਗ੍ਗਰਂਸਿਵਜਿਰਚਨ੍ਦਜਲਾਦਯੋ ਗਹਿਤਾ.

ਹਰਿਤੇ ¶ ਸੁਕਪਤ੍ਤਸਦਿਸੇ ਵਣ੍ਣਵਿਸੇਸੇ. ਵਾਸੁਦੇਵੇ ਕਣ੍ਹੇ.

ਕਣ੍ਣਪੂਰੋ ਕਣ੍ਣਾਲਙ੍ਕਾਰੋ. ਸੇਖਰੇ ਅਗ੍ਗੇ. ਏਤੇ ਦ੍ਵਿਨ੍ਨਮ੍ਪਿ ਅਤ੍ਥਾ.

੮੭੧. ਵਿਜ੍ਜੁਯਂ ਚਞ੍ਚਲਾਯਂ. ਇਤ੍ਥਿਪੁਰਿਸੇ ਪੁਰਿਸਿਤ੍ਥਿਯਂ.

ਕੋਣੇ ਅਸ੍ਸੇ. ਸਙ੍ਖ੍ਯਾਵਿਸੇਸੋ ‘‘ਕੋਟਿਪਕੋਟੀ’’ਤ੍ਯਾਦੀਸੁ. ਉਕ੍ਕਂਸੇ ਪਰਿਯੋਸਾਨੇ.

੮੭੨. ਜਾਲਾ ਅਗ੍ਗਿਜਾਲਾ. ਅਗ੍ਗਂ ਕੋਟਿ.

ਨਾਰੀ ਆਸੀਸਦ੍ਦੋ ਸਪ੍ਪਦਾਠਾਯਂ. ਇਟ੍ਠਸ੍ਸ ਵਤ੍ਥੁਨੋ ਆਸੀਸਨਾਯਂ ਪਤ੍ਥਨਾਯਮ੍ਪਿ ਇਤ੍ਥੀ ਏਵ.

੮੭੩. ਵਿਲੀਨਤੇਲੇ ¶ ਵਿਸਰਣਤੇਲੇ. ਵਸਗਾ ਵਸਂ ਗਚ੍ਛਨ੍ਤੀ ਨਾਰੀ. ਵਞ੍ਚ੍ਯਗਾਵੀ ਅਨਵਚ੍ਛਾ ਸੋਰਭੇਯੀ.

ਅਭਿਲਾਸੇ ਇਚ੍ਛਾਯਂ. ਕਿਰਣੇ ਰਂਸਿਮ੍ਹਿ. ਅਭਿਸਙ੍ਗੇ ਲਗ੍ਗਨੇ.

੮੭੪. ਅਂਸੇ ਕੋਟ੍ਠਾਸੇ. ਸਿਪ੍ਪੇ ਨਾਟਕਸਤ੍ਥਾਗਤੇ. ਚਨ੍ਦਸ੍ਸ ਸੋਲ਼ਸਮੇ ਭਾਗੇ ਚ ਕਲਾ.

੮੭੫. ਬੀਜਕੋਸੇ ਵਰਾਟਕੇ. ਕਣ੍ਣਭੂਸਾਯਂ ਕਣ੍ਣਾਲਙ੍ਕਾਰੇ.

ਆਗਾਮਿਕਾਲੇ ਅਨਾਗਤਕਾਲੇ. ਪਭਾਵੋ ਦਣ੍ਡਤੇਜੋ. ਸਂਯਮੇਪਿ ਆਯਤਿ ਭਵੇ.

੮੭੬. ਮੇਸਾਦਿਲੋਮੇ ਏਲ਼ਕਾਦੀਨਂ ਲੋਮੇ. ਭੂਮਜ੍ਝੇ ਦ੍ਵਿਨ੍ਨਂ ਭੂਨਂ ਮਜ੍ਝੇ ਜਾਤਾਯਂ ਰੋਮਧਾਤੁਯਂ ਲੋਮੇ.

ਨਟ੍ਟਕੀ ਨਾਟਕਿਤ੍ਥੀ. ਮਦਿਰਾ ਸੁਰਾ.

੮੭੭. ਕ੍ਰਿਯਚਿਤ੍ਤੇ ¶ ਵੀਸਤਿਵਿਧੇ ਕ੍ਰਿਯਚਿਤ੍ਤੇ. ਕਰਣੇ ਕਰਣਕ੍ਰਿਯਾਯਂ, ਏਤੇਸੁ ਦ੍ਵੀਸੁ ਅਤ੍ਥੇਸੁ ਕ੍ਰਿਯਂ. ਕਮ੍ਮਨਿ ਕਤ੍ਤਬ੍ਬੇ ਕ੍ਰਿਯਾ ਨਾਰੀ.

ਸੁਣਿਸਾਯਂ ਪੁਤ੍ਤਸ੍ਸ ਭਰਿਯਾਯਂ. ਕਞ੍ਞਾਯਂ ਅਨਿਬ੍ਬਿਦ੍ਧਾਯਂ. ਜਾਯਾਯਂ ਭਰਿਯਾਸਾਮਞ੍ਞੇ.

੮੭੮. ਇਸ੍ਸਰਿਯਂ ਪਭੁਤਾ. ਅਕ੍ਖਰਾਵਯਵੇ ਗਰੁਅਕ੍ਖਰਾਨਂ ਅਵਯਵੇ.

ਪਾਵਚਨੇ ਬੁਦ੍ਧਵਚਨੇ. ਸਿਦ੍ਧੇ ਸਿਦ੍ਧਨ੍ਤੇ. ਤਨ੍ਤੇ ਸੁਤ੍ਤਮਯੇ. ਸੁਪਿਤੇ ਨਿਦ੍ਦਾਸੀਲੇ.

੮੭੯. ਰਾਜਲਿਙ੍ਗਂ ਖਗ੍ਗਾਦਿ. ਉਸਭਙ੍ਗੋ ਉਸਭਾਵਯਵੋ. ਰੁਕ੍ਖੇ ਰੁਕ੍ਖਵਿਸੇਸੇ. ਨਿਮਿਤ੍ਤਂ ਗੁਯ੍ਹਙ੍ਗਂ. ਚਿਹਨੇ ਲਕ੍ਖਣੇ. ਪਦੇ ਵਿਭਤ੍ਯਨ੍ਤੇ.

੮੮੦. ਵੋਹਾਰੇ ¶ ਵਾਣਿਜਕਮ੍ਮੇ. ਕੀਲ਼ਾਦੋ ਕੀਲ਼ਾਦਿਮ੍ਹਿ. ਆਦਿਨਾ ਜੁਤਿਥੁਤਿਗਤ੍ਯਾਦਯੋ ਸਙ੍ਗਹਿਤਾ.

੮੮੧. ਸੁਸ੍ਸੂਸਾਯਂ ਸੋਤੁਮਿਚ੍ਛਾਯਂ. ਇਸ੍ਸਾਤ੍ਯਾਸੇ ਸਰਾਭ੍ਯਾਸੇ. ਹਿਂਸਨੇਪਿ ਉਪਾਸਨਂ.

ਹੇਤਿਭੇਦੇ ਆਵੁਧਭੇਦੇ. ਸਙ੍ਕੁ ਖਾਣੁਵਿਸੇਸੋ.

੮੮੨. ਵੀਣਾਗੁਣੋ ਵੀਣਾਯਜਿਯਾ. ਤਨ੍ਤਂ ਤਨ੍ਤਸਦ੍ਦੋ. ਮੁਖ੍ਯਂ ਪਧਾਨਂ. ਸਿਦ੍ਧਨ੍ਤਂ ਉਦਾਹਰਣਂ. ਤਨ੍ਤੁ ਸੁਤ੍ਤਂ.

ਰਥਨਙ੍ਗਲਾਦੀਨਂ ਅਙ੍ਗੇ ਰਥਾਦ੍ਯਙ੍ਗੇ. ਕਪ੍ਪਮ੍ਹਿ ਕਤਾਦਿਕੇ.

੮੮੩. ਇਤ੍ਥਿਪੁਪ੍ਫਂ ਇਤ੍ਥੀਨਂ ਉਤੁ. ਰੇਣੁ ਧੂਲੀ. ਪਕਤਿਜੇ ਗੁਣੇ ਤਿਣ੍ਣਂ ਗੁਣਾਨਂ ਦੁਤਿਯੇ ਗੁਣੇ.

ਨ੍ਯਾਸਪ੍ਪਣੇ ਠਪਿਤਸ੍ਸ ਧਨਸ੍ਸ ਦਾਨੇ. ਦਾਨਮ੍ਹਿ ਤਦਞ੍ਞਸ੍ਸ ਦਾਨੇ.

੮੮੪. ਗੁਰੁ ¶ ਆਚਰਿਯਾਦਿ. ਉਪਾਯੋ ਹੇਤੁ. ਅਵਤਾਰੋ ਓਤਰਣਟ੍ਠਾਨਂ. ਪੂਤਮ੍ਬੁ ਪਵਿਤ੍ਤਜਲਂ. ਦਿਟ੍ਠਿ ਬੁਦ੍ਧਦਸ੍ਸਨਾ ਅਞ੍ਞਦਸ੍ਸਨਂ. ਆਗਮੇਪਿ ਤਿਤ੍ਥਂ.

ਜੋਤਿਸਦ੍ਦੋ ਨਕ੍ਖਤ੍ਤਰਂਸੀਸੁ ਪਣ੍ਡਕੇ ਨਪੁਂਸਕੇ. ਅਗ੍ਗਿਮ੍ਹਿ ਤੁ ਸੋ ਪੁਮਾ.

੮੮੫. ‘‘ਇਤਿ ਸਨ੍ਧਿਕਪ੍ਪੇ ਪਠਮੋ ਕਣ੍ਡੋ’’ਤ੍ਯਾਦੀਸੁ ਵਗ੍ਗੇ. ਅਵਸਰੇਪਿ, ਅਵਸਰੋ ਅਵਕਾਸੋ.

ਅਥ ਬਾਹੁਦ੍ਵਯਸ੍ਸ ਉਦ੍ਧਂ ਮਾਨੇ. ਸੂਰਤ੍ਤੇ ਸੂਰਭਾਵੇ.

੮੮੬. ਪੋਰਿਸਂ ਪੁਰਿਸਕਾਰੋ. ਈਹਾ ਵੀਰਿਯਂ. ਨਿਸਿਨ੍ਨਾਦ੍ਯੁਗ੍ਗਮੋ ਨਿਸਿਨ੍ਨਾਦਿਕੋ ਉਗ੍ਗਮੋ ਠਾਨਂ.

ਅਨਿਸ੍ਸਯਮਹੀਭਾਗੇ ਲੋਕਨਿਸ੍ਸਯਭੂਤਾਨਂ ਤਰੁਪਬ੍ਬਤਨਗਰਾਦੀਨਂ ਅਭਾਵਤੋ ਅਨਿਸ੍ਸਯਸਙ੍ਖਾਤੇ ਸੁਞ੍ਞਮਹੀਕੋਟ੍ਠਾਸੇ. ‘‘ਇਰੀਣਂ ਊਸਰੇ ਸੁਞ੍ਞੇ’’ਤਿ [ਮੇਦਿਨੀਕੋਸ ੧੫.੩੬] ਹਿ ਤਿਕਣ੍ਡਸੇਸੋ. ਊਸਰੇ ਊਸਵਤਿ ਠਾਨੇ.

੮੮੭. ਸਾਧਨਤ੍ਥਾਦੀਸੁ ¶ ਆਰਾਧਨਂ. ਰਾਧਨਂਪ੍ਯਤ੍ਰ. ‘‘ਪਤ੍ਤਿਯਂ ਸਾਧਨੇ ਵੁਤ੍ਤਂ, ਰਾਧਨਂ ਤੋਸਨੇਪਿ ਚੇ’’ਤਿ ਤਿਕਣ੍ਡਸੇਸੋ.

ਸਾਨੁਮ੍ਹਿ ਪਬ੍ਬਤਸ੍ਸ ਸਮੇ ਭੂਭਾਗੇ. ਵਿਸਾਣੇ ਮਾਤਙ੍ਗਦਨ੍ਤੇ, ਪਸੂਨਂ ਸਿਙ੍ਗੇ ਚ.

੮੮੮. ਦਿਟ੍ਠਂ ਰੂਪਾਰਮ੍ਮਣਂ. ਆਦਿਮਗ੍ਗੋ ਸੋਤਾਪਤ੍ਤਿਮਗ੍ਗੋ. ਞਾਣਂ ਸਾਮਞ੍ਞਂ. ਅਕ੍ਖਿ ਚਕ੍ਖੁ. ਇਕ੍ਖਨਂ ਓਲੋਕਨਂ. ਲਦ੍ਧਿ ਗਾਹੋ.

ਸੁਵਣ੍ਣੋ ਪਞ੍ਚਧਰਣਂ. ਪਞ੍ਚਸੁਵਣ੍ਣੋ ਨਿਕ੍ਖੋ. ਪਸਾਧਨਂ ਅਲਙ੍ਕਾਰਵਿਸੇਸੋ.

੮੮੯. ਤਿਥਿਭੇਦੇ ਹੋਰਸਤ੍ਥਾਗਤੇ ਅਨਿਟ੍ਠਸਮ੍ਮਤੇ ਤਿਥਿਮ੍ਹਿ. ਸਾਖਾਦਿਫਲ਼ੁਮ੍ਹਿ ਰੁਕ੍ਖਸਾਖਾਦੀਨਂ ਗਣ੍ਠਿਮ੍ਹਿ. ਪੂਰਣੇਪਿ ਪਬ੍ਬਂ.

ਬਲਵਾਮੁਖੋ ਯਤ੍ਰ ਪ੍ਲਵਾਦਯੋ ਸੀਘਸੋਤੇਨ ਆਕਡ੍ਢਿਤ੍ਵਾ ਪਵੇਸਿਯਨ੍ਤਿ.

੮੯੦. ਕਾਮਜੇ ¶ ਤਣ੍ਹਾਜੇ ਸੁਰਾਪਾਨਾਦਿਕੇ. ਦੋਸੇ ਅਪਰਾਧੇ. ਕੋਪਜੇ ਦਣ੍ਡਫਰੁਸਾਦਿਕੇ ਚ. ਵਿਪਤ੍ਤਿਯਂ ਵਿਨਾਸੇ.

ਉਪਕਰਣਂ ਕੁਲਾਲਾਦੀਨਂ ਦਣ੍ਡਚਕ੍ਕਾਦਿ. ਸਿਦ੍ਧਿ ਨਿਪ੍ਫਤ੍ਤਿ. ਕਾਰਕੋ ਕਤ੍ਤਾਦਿਸਤ੍ਤਵਿਧੋ.

੮੯੧. ਦਾਨਸੀਲੇ ਦਾਨਪਕਤਿਕੇ ਚ. ਵਗ੍ਗੁਵਾਦਿਨਿ ਮਧੁਰਵਾਦਿਨਿ ਚ ਵਦਞ੍ਞੂ ਭਵੇ. ਇਤੋ ਪਟ੍ਠਾਯ ਉਸ੍ਸਿਤਪਰਿਯਨ੍ਤੋ ਤੀਸੁ ਵੁਤ੍ਤੋ. ਅਭਿਸਿਤ੍ਤੇ ਮੁਦ੍ਧਾਭਿਸਿਤ੍ਤੇ ਰਾਜਿਨਿ.

੮੯੨. ਭਾਗ੍ਯਵਿਹੀਨੇ ਅਪੁਞ੍ਞੇ. ਅਪ੍ਪਕੇ ਅਬਹੁਕੇ. ਮੂਲ਼੍ਹੇ ਬਾਲੇ. ਅਪਟੁ ਅਛੇਕੋ. ਖਲੇ, ਜਗਤਿਯਞ੍ਚ ਮਨ੍ਦੋ. ਵੁਦ੍ਧਿਯੁਤ੍ਤੇ ਵਡ੍ਢਨਯੁਤ੍ਤੇ. ਸਮੁਨ੍ਨਦ੍ਧੇ ਅਨੀਚੇ ਉਸ੍ਸਿਤਂ ਤੀਸੁ ਭਵੇ, ‘‘ਭਾਸਿਤ’’ਨ੍ਤਿਪਿ ਪਾਠੋ.

੮੯੩. ਰਥਙ੍ਗੇ ਰਥਾਵਯਵੇ. ਸੁਵਣ੍ਣਸ੍ਮਿਂ ਪਲਸ੍ਸ ਚਤੁਤ੍ਥਭਾਗੇ. ਪਾਸਕੇ ਚਤੁਵੀਸਤਿਪ੍ਪਮਾਣੇ, ਤਿਂਸਪ੍ਪਮਾਣੇ ਵਾ ¶ . ਹਤ੍ਥਿਦਨ੍ਤਾਦਿਵਿਕਤਿਯਂ ਤੀਸੁ ਅਕ੍ਖੋ. ਚਕ੍ਖਾਦਿਨ੍ਦ੍ਰਿਯੇ ਅਕ੍ਖਂ.

ਸਸ੍ਸਤੇ ਨਿਚ੍ਚੇ. ਤਕ੍ਕੇ ਵਿਤਕ੍ਕੇ. ਨਿਚ੍ਛਿਤੇ ਵਿਨਿਚ੍ਛਿਤੇ.

੮੯੪. ਹਰੇ ਮਹਿਸ੍ਸਰੇ ਸਿਵੋ, ਭਦ੍ਦੇ ਕਲ੍ਯਾਣੇ. ਮੋਕ੍ਖੇ ਨਿਬ੍ਬਾਨੇ ਚ ਸਿਵਂ. ਜਮ੍ਬੁਕੇ ਸਿਙ੍ਗਾਲੇ ਸਿਵਾ.

ਸਤ੍ਤਿਯਂ ਥਾਮੇ. ਥੂਲਤ੍ਤੇ ਥੂਲਭਾਵੇ.

੮੯੫. ਸਙ੍ਖ੍ਯਾਭੇਦੋ ਉਪ੍ਪਲਪੁਣ੍ਡਰੀਕਾਨਂ ਮਜ੍ਝੇ ਗਣਨਾ. ਨਰਕਭੇਦੇ ‘‘ਪਦੁਮਨਿਰਯੇ ਨਿਬ੍ਬਤ੍ਤੋ’’ਤ੍ਯਾਦੀਸੁ. ਵਾਰਿਜੇ ਕਕ੍ਕਸਨਾਲ਼ੇ ਕਮਲੇ.

ਅਟ੍ਠੇਤੇ ਵਸਵੋ ਮਤਾ’’ਤਿ [ਚਿਨ੍ਤਾਮਣਿਟੀਕਾ ੧.੧੦]. –

ਕਥਿਤੇ ਦੇਵਵਿਸੇਸੇ. ਰਤਨੇ ਰਤਨਸਾਮਞ੍ਞੇ, ਧਨੇ ਚ, ਪਣ੍ਡਕਂ ਨਪੁਂਸਕਂ.

੮੯੬. ਅਤ੍ਥਗਮਨੇ ¶ ਵਿਨਾਸਗਮਨੇ. ਅਪਵਗ੍ਗੇ ਸਬ੍ਬਕਿਲੇਸਾਨਂ ਖਯਹੇਤੁਭੂਤੇ ਵਿਰਾਗਧਮ੍ਮੇ.

ਸੇਤਮ੍ਬੁਜੇ ਸੇਤਕਮਲੇ. ਰੁਕ੍ਖਨ੍ਤਰੇ ‘‘ਪੁਣ੍ਡਰੀਕ’’ਇਤਿ ਖ੍ਯਾਤੇ ਦੁਮਵਿਸੇਸੇ, ਦ੍ਵੀਸ੍ਵਤ੍ਥੇਸੁ ਪੁਮੇ.

‘‘ਪੁਣ੍ਡਰੀਕਂ ਸਿਤਮ੍ਬੋਜੇ, ਸੇਤਚ੍ਛਤ੍ਤੇ ਚ ਭੇਸਜ੍ਜੇ;

ਕੋਸਕਾਰਨ੍ਤਰੇ ਬ੍ਯਗ੍ਘੇ, ਸੋ ਦਿਸਾਵਾਰਣਗ੍ਗਿਸੂ’’ਤਿ. –

੮੯੭. ਉਪਹਾਰੇ ਪੂਜਾਦ੍ਯਤ੍ਥਂ ਆਭਤੇ ਵਤ੍ਥੁਮ੍ਹਿ. ਕਰਸ੍ਮਿਂ ਖੇਤ੍ਤਾਦਿਸਮ੍ਭਵੇ ਰਾਜਭਾਗੇ. ਅਸੁਰਨ੍ਤਰੇ ਬਲਿਨਾਮਕੇ ਅਸੁਰੇ.

ਸਮ੍ਭਵੇ ਇਤ੍ਥਿਪੁਰਿਸਸਮ੍ਭਵੇ ਅਸੁਚਿਮ੍ਹਿ ਸੁਕ੍ਕਂ. ਧਵਲੇ ਸੇਤੇ ਸੁਕ੍ਕੋ, ਕੁਸਲੇ ਪੁਞ੍ਞੇ ਤੀਸੁ, ‘‘ਪੁਞ੍ਞਂ ਧਮ੍ਮਮਨਿਤ੍ਥਿਯ’’ਨ੍ਤਿ ਏਤ੍ਥ ਧਮ੍ਮਸਦ੍ਦਸ੍ਸ ਅਨਿਤ੍ਥਿਭਾਵਸ੍ਸ ਵੁਤ੍ਤਤ੍ਤਾ ਸੁਕ੍ਕਸਦ੍ਦੋ ਤੀਸੁ ਵੁਤ੍ਤੋ.

੮੯੮. ਵਿਭਤ੍ਤਬ੍ਬਧਨੇ ਵਿਭਜਿਤਬ੍ਬਧਨੇ. ਪਿਤੂਨਂ ਧਨੇ ਪੇਤਾਨਂ ਮਾਤਾਪਿਤੂਨਂ ਪੁਤ੍ਤੇਹਿ ਵਿਭਜਿਤਬ੍ਬਧਨੇ ਚ.

ਪਭੁਨੋ ¶ ਪੁਗ੍ਗਲਸ੍ਸ ਭਾਵੋ ਪਭੁਤ੍ਤਂ, ਤਥਾ ਆਯਤ੍ਤਸ੍ਸ ਭਾਵੋ ਆਯਤ੍ਤਤਾ. ਆਯਤ੍ਤੋ ਪੁਗ੍ਗਲੋ. ਅਭਿਲਾਸੋ ਇਚ੍ਛਾ.

੮੯੯. ਧਨਿਮ੍ਹਿ ਸਦ੍ਦਮਤ੍ਤੇ. ਯੋਧਸੀਹਨਾਦਮ੍ਹਿ ਯੋਧਾਨਂ ਅਭੀਤਨਾਦੇ ਚ ਸੇਲ਼ਨਂ.

੯੦੦. ਆਦ੍ਯੁਪਲਦ੍ਧਿਯਂ ਪਠਮਸਞ੍ਜਾਤੇ ਵਤ੍ਥੁਮ੍ਹਿ.

੯੦੧. ਸਾਧਕਤਮੇ ਕਤ੍ਤੁਤੋ ਅਞ੍ਞੇਸਂ ਕ੍ਰਿਯਾਸਾਧਕਤਮੇ ਕਰਣਕਾਰਕੇ, ਕ੍ਰਿਯਾਯਂ, ਗਤ੍ਤੇ ਸਰੀਰੇ ਚ. ਇਨ੍ਦ੍ਰਿਯੇ ਚਕ੍ਖਾਦਿਕੇ.

ਕੁਞ੍ਚਿਕਾਯਂ ਅਪਾਪੁਰਣੇ. ਤੂਰਿਯਙ੍ਗੇ ਸਮ੍ਮਤਾਲ਼ਾਦਿਕੇ.

੯੦੨. ਉਪ੍ਪਾਦੇ ਜਨਨੇ. ਗਬ੍ਭਮੋਚਨੇ ਪੁਤ੍ਤਵਿਜਾਯਨੇ.

੯੦੩. ਪੁਪ੍ਫਂਵਿਨਾ ¶ ਫਲਗ੍ਗਾਹਿਰੁਕ੍ਖੇ ਅਸ੍ਸਤ੍ਥਾਦੋ, ਰੁਕ੍ਖਮਤ੍ਤੇ ਚ ਵਨਪ੍ਪਤਿਸਦ੍ਦੋ. ਆਹਤੇ ਉਪਟ੍ਠਾਪਿਤੇ ਵਰਾਹਪੁਰਿਸਾਦਿਰੂਪੇ ਚ, ਰਜਤਮਤ੍ਤੇ ਚ ਰੂਪਿਯਂ.

੯੦੪. ਕੇਸਸਦ੍ਦੋ ਪੁਬ੍ਬੋ ਯਸ੍ਸ ਪਾਸਸਦ੍ਦਸ੍ਸ ਸੋ ਕੇਸਪੁਬ੍ਬੋ. ਚਯੇ ਸਮੂਹੇ ਵਤ੍ਤਤਿ, ਯਥਾ ‘‘ਕੇਸਪਾਸੋ’’ਤਿ, ਕੇਸਕਲਾਪੋਤ੍ਯਤ੍ਥੋ.

ਅਕ੍ਖਿਮਜ੍ਝੇ ਯਾ ‘‘ਸੂਲਾ’’ਤਿ ਵੁਤ੍ਤਾ. ਨਕ੍ਖਤ੍ਤੇ ਸਤ੍ਤਵੀਸਤਿਵਿਧੇ, ਤਦਞ੍ਞੇਸੁ ਚ ਤਾਰਾ ਇਤ੍ਥੀ. ਉਚ੍ਚਤਰਸ੍ਸਰੇ ਉਚ੍ਚਤਰੇ ਸਦ੍ਦੇ ਤਾਰੋ.

੯੦੫. ਪਤ੍ਤੇ ਭਾਜਨਸਾਮਞ੍ਞੇ, ਭੁਞ੍ਜਨਪਤ੍ਤੇ ਚ. ਲੋਹਭੇਦਸ੍ਮਿਂ ਅਯੋਤਮ੍ਬਾਦਿਮਯੇ ਭਾਜਨਵਿਸੇਸੇ. ਦੇਹਮਜ੍ਝਂ ਉਦਰਂ.

੯੦੬. ਵੇਸੇ ਸਣ੍ਠਾਨੇ. ਸਿਪ੍ਪਸਾਲਾ ਸਿਪ੍ਪੀਨਂ ਸਾਲਾ.

ਸਮ੍ਪਤ੍ਤਿ ¶ ਧਨਾਦਿਸਮ੍ਪਤ੍ਤਿ ਤਿਵਗ੍ਗਸਮ੍ਪਤ੍ਤਿ ਚ. ਲਕ੍ਖਿਯਾ ਕਤਪੁਞ੍ਞੇਹਿ ਸੇਵਿਯਤਿ. ਇਤ੍ਥੀ ਇਤ੍ਥਿਵਿਸੇਸੋ. ਦੇਵਤਾ ਸਿਰੀਨਾਮਿਕਾ ਏਕਾ ਦੇਵਧੀਤਾ.

੯੦੭. ਯੁਵਰਾਜਾ ਪਿਤਰਿ ਦੇਵਙ੍ਗਤੇ ਰਾਜਭਾਵਾਰਹੋ ਰਾਜਪੁਤ੍ਤੋ. ਖਨ੍ਦੇ ਹਰਸ੍ਸ ਪੁਤ੍ਤੇ. ਸੁਸੁ ਤਰੁਣੋ.

ਮਣਿਭੇਦੇ ਯੋ ਲੋਕੇ ‘‘ਸਨ੍ਤਾ’’ਤਿ ਵੁਚ੍ਚਤਿ. ਅਙ੍ਕੁਰੇ ਰੁਕ੍ਖਾਦੀਨਂ ਅਙ੍ਕੁਰੇ.

੯੦੮. ਵੇਤਨਂ ਕਮ੍ਮਕਾਰੇਹਿ ਲਭਿਤਬ੍ਬਧਨਂ. ਮੂਲਂ ਮੂਲਧਨਂ. ਵੋਹਾਰੇ ਵਾਣਿਜਕਮ੍ਮੇ.

ਭਾਜਨਨ੍ਤਰਂ ਯੇਨ ਖੇਲ਼ਾਦ੍ਯਸੁਚਿਂ ਪਟਿਗ੍ਗਣ੍ਹਾਤਿ.

੯੦੯. ਅਸੁਭੇ ਚ ਕਮ੍ਮੇ ਸੁਭੇ ਚ ਕਮ੍ਮੇ ਦ੍ਵਯੇਪਿ ਕਮ੍ਮੇ ਚਾਤਿ ਤੀਸ੍ਵਤ੍ਥੇਸੁ ਭਾਗ੍ਯਂ ਵੁਤ੍ਤਂ.

‘‘ਅਯਂ ਪੁਮਾ’’ਤਿ ਜਾਨਨਸ੍ਸ ਕਾਰਣਭਾਵੋ ਪੁਮਤ੍ਤਂ, ਤਦਾਦਿਮ੍ਹਿ.

੯੧੧. ਅਜ੍ਝਾਯੇ ਪਰਿਚ੍ਛੇਦੇ. ਦਿਵੇ ਦੇਵਲੋਕੇ.

੯੧੨. ਸਪਤ੍ਤਸ੍ਮਿਂ ਅਮਿਤ੍ਤੇ. ਰੁਕ੍ਖਙ੍ਗੇ ਰੁਕ੍ਖਾਵਯਵੇ.

੯੧੩. ਮੁਖ੍ਯੇ ਪਧਾਨੇ. ਉਪਾਯੇ ਹੇਤੁਮ੍ਹਿ. ਵਦਨੇ ਲਪਨੇ. ਆਦਿਸ੍ਮਿਂ ਪਠਮੇ.

ਭਬ੍ਬੇ ਵਿਮੁਤ੍ਤਾਰਹੇ, ਭਵਿਤਬ੍ਬੇ ਚ. ਗੁਣਾਧਾਰੇ ਗੁਣਸ੍ਸ ਨਿਸ੍ਸਯੇ. ਵਿਤ੍ਤੇ ਧਨੇ. ਬੁਧੇ ਪਣ੍ਡਿਤੇ. ਦਾਰੁ ਦਾਰੁਕ੍ਖਨ੍ਧੋ.

੯੧੪. ਪਤ੍ਥਾਦੋ ਪਤ੍ਥੋ, ਤੁਲਾ, ਅਙ੍ਗੁਲੀਤਿ ਪਤ੍ਥਾਦਿ. ਵਿਧਾਯ ਉਨ੍ਨਤਿਯਂ. ਪਰਿਸ੍ਸਮੇ ਖੇਦੇ.

੯੧੫. ਸਰੋਰੁਹੇ ਕਮਲੇ. ਖਗਨ੍ਤਰੇ ਰੁਕ੍ਖਕਿਮਿਖਾਦਕਸਕੁਣੇ. ਤੂਰਿਯਨ੍ਤਰੇ ਵਂਸਸਙ੍ਖਾਦਿਕੇ.

੯੧੬. ਸਂਵੇਗੇ ਉਬ੍ਬੇਗੇ, ਵਿਮ੍ਹਯੇ ਚ.

੯੧੭. ਤਦੁਪੇਤਨਿਸਾਯ ਚਨ੍ਦਪ੍ਪਭਾਯ ਯੁਤ੍ਤਰਤ੍ਤਿਯਂ.

੯੧੮. ਮਾਸੇ ਤਤਿਯਮਾਸੇ. ਅਤਿਵੁਦ੍ਧੇ ਚ ਅਤਿਪਸਤ੍ਥੇ ਚ.

੯੧੯. ਨਿਬਨ੍ਧੇ ਬਲਕ੍ਕਾਰੇ ‘‘ਬਲਗ੍ਗਹੋ’’ਤ੍ਯਾਦੀਸੁ.

ਮਤ੍ਤਿਕਾਭੇਦੋ ਨੀਲਾਦਿਵਣ੍ਣਯੁਤ੍ਤਕਿਤ੍ਤਿਮਮਤ੍ਤਿਕਾ. ਸਿਕ੍ਕਾਯਂ ਉਦਕਕੁਮ੍ਭਾਦਿਵਾਹਿਕੇ. ਨਯਨਾਮਯੇ ਚਕ੍ਖੁਰੋਗਵਿਸੇਸੇ.

੯੨੦. ਮਣ੍ਡਲੇ ¶ ਪਰਿਮਣ੍ਡਲੇ. ਬਿਮ੍ਬਿਕਾ ਲਤਾਜਾਤਿ, ਤਸ੍ਸਾ ਫਲੇ ਚ ਬਿਮ੍ਬਂ.

੯੨੨. ਸਨ੍ਤਿ ਨਿਬ੍ਬਾਨਂ. ਨਿਭੇ ਸਦਿਸੇ.

ਚਾਪੇ ਧਨੁਮ੍ਹਿ ਇਸ੍ਸਾਸਂ. ਉਸੁਨੋ ਸਰਸ੍ਸ ਖੇਪਕਮ੍ਹਿ ਪੇਰਕੇ ਇਸ੍ਸਾਸੋ.

੯੨੩. ਬਾਲਸਦ੍ਦੋ ਤੀਸੁ. ਕੁਤ੍ਰਤ੍ਥੇਸੁ? ਆਦਿਵਯਸਾ ਪਠਮਵਯੇਨ ਸਮਙ੍ਗਿਨਿ ਸਮਨ੍ਨਾਗਤੇ ਚ. ਅਪਣ੍ਡਿਤੇ ਮੂਲ਼੍ਹੇ ਚ.

ਸੋਣਿਤੇ ਲੋਹਿਤੇ. ਤਮ੍ਬਂ ਉਦੁਮ੍ਬਰਂ. ਅਨੁਰਤ੍ਤੋ ਅਨੁਰਾਗਯੁਤ੍ਤੋ ਪੁਗ੍ਗਲੋ. ਰਞ੍ਜਿਤਂ ਰਙ੍ਗਰਞ੍ਜਿਤਂ.

੯੨੪. ਵਿਰਲ਼ੇ ਨਿਰਨ੍ਤਰੇ. ਕਿਸੇ ਅਥੂਲੇ. ਹਿਮੇ ਤੁਹਿਨੇ.

੯੨੫. ਗੁਲ਼ਭੇਦੋ ¶ ਯੋ ਲੋਕੇ ‘‘ਸਕ੍ਖਰਾ’’ਤਿ ਵੁਚ੍ਚਤਿ. ਕਠਲੇ ਸਿਲਾਖਣ੍ਡੇ.

੯੨੬. ਤਿਖਿਣੇ ਤਿਕ੍ਖੇ. ਬ੍ਯਤ੍ਤੇ ਛੇਕੇ. ਰੋਗਮੁਤ੍ਤੇ ਨਿਰੋਗੇ.

ਖਤ੍ਤਿਯੇ ਮੁਦ੍ਧਾਭਿਸਿਤ੍ਤੇ. ਨਰਨਾਥੇ ਤਦਞ੍ਞਸ੍ਮਿਂ. ਪਭੁਮ੍ਹਿ ਇਸ੍ਸਰੇ.

੯੨੭. ਧਞ੍ਞਕਰਣਂ ਧਞ੍ਞਮਦ੍ਦਨਟ੍ਠਾਨਂ. ਕਕ੍ਕੇ ਨਹਾਨਚੁਣ੍ਣੇ. ਨੀਚੇ ਅਧਮੇ. ਸੇਤੇਪਿ ਖਲੋ.

੯੨੮. ਬ੍ਰਹ੍ਮਚਾਰੀ ਚ ਗਹਟ੍ਠੋ ਚ ਵਾਨਪ੍ਪਤ੍ਥੋ ਚ ਭਿਕ੍ਖੁ ਚਾਤਿ ਬ੍ਰਹ੍ਮਚਾਰੀਗਹਟ੍ਠਾਦਿ, ਤਪੋਧਨੇ ਪਿਯਸੀਲੇ.

ਕਠਿਨੇ ਕਕ੍ਖਲ਼ੇ. ਨਿਦ੍ਦਯੇ ਨਿਕ੍ਕਰੁਣੇ.

੯੨੯. ਕਨਿਟ੍ਠੋ ¶ ਚ ਕਨਿਯੋ ਚਾਤਿ ਏਤੇ ਤੀਸੁ. ਕੁਤ੍ਰਤ੍ਥੇਸੁ? ਅਤ੍ਯਪ੍ਪੇ, ਅਤਿਯੁਵੇਪਿ.

ਇਟ੍ਠੇ, ਨਿਸ੍ਸਾਰੇ ਚ ਅਗਰੁਮ੍ਹਿ ਚਾਤਿ ਏਤੇਸ੍ਵਤ੍ਥੇਸੁ ਤੀਸੁ.

੯੩੦. ਅਧੋਭਾਗੇ ਚ ਹੀਨੇ ਚ. ਦਨ੍ਤਚ੍ਛਦੇ ਦਨ੍ਤਾਵਰਣੇ.

੯੩੧. ਰਤਨੇ ਦ੍ਵਿਵਿਦਤ੍ਥਿਕੇ. ਗਣੇ ਸਮੂਹੇ ਯਥਾ ‘‘ਕੇਸਹਤ੍ਥੋ’’ਤਿ. ਸੋਣ੍ਡਾਯ ਕਰਿਕਰੇ. ਭਨ੍ਤਰਂ ਤੇਰਸਮਨਕ੍ਖਤ੍ਤਂ.

ਆਵਾਟੇ ਕਾਸੁਯਂ. ਉਦਪਾਨਂ ਅਨ੍ਧੁ, ਯਤ੍ਰ ਜਲਂ ਘਟਿਯਨ੍ਤੇਨ ਉਦ੍ਧਰਿਤ੍ਵਾ ਪਿਵਨ੍ਤਿ.

੯੩੨. ਪਠਮਂ ਪਮੁਖਞ੍ਚਾਤਿ ਇਦਂ ਅਭਿਧਾਨਦ੍ਵਯਂ ਆਦਿਮ੍ਹਿ ਪਧਾਨੇ ਵਤ੍ਤਤਿ.

ਖਨ੍ਧਭਾਰੋ ਖਨ੍ਧੇਨ ਵਹਿਤਬ੍ਬੋ ਭਾਰੋ. ਆਦਿਨਾ ਕਟਿਭਾਰਾਦਯੋ ਗਹਿਤਾ. ਯਸ੍ਮਾ ਪਲਸਤਂ ਤੁਲਾ, ਵੀਸਤਿਤੁਲਾ ਭਾਰੋ, ਤਸ੍ਮਾ ‘‘ਦ੍ਵਿਸਹਸ੍ਸਪਲੇ’’ਤਿ ਵੁਤ੍ਤਂ.

੯੩੪. ਮਨ੍ਦਿਰੇ ਗੇਹੇ. ਰੋਗਭੇਦੇ ਖਯਰੋਗੇ. ਅਪਚਯਮ੍ਹਿ ਵਿਦ੍ਧਂਸਨੇ, ਵਿਨਾਸੇ ਚ.

ਸਾਪਦੇ ਬ੍ਯਗ੍ਘਾਦਿਕੇ ਦੁਟ੍ਠਮਿਗੇ. ਸਪ੍ਪੇ ਉਰਗੇ. ਕੁਰੂਰੇ ਕਕ੍ਖਲ਼ੇ.

੯੩੫. ਸਜ੍ਜਦੁਮੇ ਅਸ੍ਸਕਣ੍ਣਰੁਕ੍ਖੇ. ਰੁਕ੍ਖੇ ਰੁਕ੍ਖਮਤ੍ਤੇ.

ਸੋਤੇ ਕਣ੍ਣੇ. ਯਜਨੇ ਪੂਜਨੇ. ਸੁਤਿਯਂ ਸਵਨਕ੍ਰਿਯਾਯਂ.

੯੩੬. ਪੇਤੋ ¶ ਚ ਪਰੇਤੋਚਾਤਿ ਇਮੇ ਮਤੇ ਕਾਲਙ੍ਕਤੇ ਚ ਪੇਤਯੋਨਿਜੇ ਪੇਤਯੋਨਿਸਮ੍ਭਵੇ ਸਿਯੁਂ.

ਪਕ੍ਖੇ ਸਕੁਣਾਦੀਨਂ ਪਕ੍ਖੇ. ਦਲੇ ਰੁਕ੍ਖਾਦੀਨਂ ਛਦੇ. ਭਾਜਨੇ ਲੋਹਮਯਾਦਿਕੇ. ‘‘ਸੋਗਤੇ’’ਤਿ ਇਦਂ ‘‘ਭਾਜਨੇ’’ਤਿ ਇਮਸ੍ਸ ਵਿਸੇਸਨਂ. ਸੋਗਤੇ ਸੁਗਤਸ੍ਸ ਸਨ੍ਤਕੇ ਭਾਜਨੇਤ੍ਯਤ੍ਥੋ.

੯੩੮. ਸੁਟ੍ਠੁਕਤੇ ਸਮ੍ਮਾ ਕਤੇ ਕਮ੍ਮਨਿ.

ਅਨੁਕਮ੍ਪਾਯਾਰਹੇ ਦੁਕ੍ਖਿਤਸਤ੍ਤੇ.

ਅਞ੍ਜਸੇ ਮਗ੍ਗੇ. ਵਿਸਿਖਾ ਰਚ੍ਛਾ. ਪਨ੍ਤਿਯਂ ਪਾਲ਼ਿਯਂ.

੯੪੧. ਗਗਨੇ ਆਕਾਸੇ. ਬ੍ਯਸਨੇ ਵਿਪਤ੍ਤਿਯਂ.

ਨੇਤ੍ਤਰੋਗੇ ਚਕ੍ਖੁਰੋਗਵਿਸੇਸੇ. ਛਦਿਮ੍ਹਿ ਗੇਹਾਦੀਨਂ ਛਦਨੇ.

੯੪੨. ਸਙ੍ਘਟ੍ਟਨੇ ਦ੍ਵਿਨ੍ਨਂ ਅਨ੍ਤਰਭੂਤੇ. ਪੁਨ ਸਨ੍ਧੀਤਿ ਪਦਪੂਰਣਤ੍ਥਂ ਵੁਤ੍ਤਂ. ਅਤਿਸਨ੍ਤੇ ਅਤਿਸਮਿਤੇ.

੯੪੩. ਯਾਪਨਾ ¶ ਯਾਪਨਕਾਰਕੋ ਕਬਲ਼ੀਕਾਰਾਹਾਰਰਸੋ. ਦਿਤ੍ਤਿ ਜਲਨਂ. ਬਲਂ ਥਾਮੋ.

੯੪੪. ਕੁਚ੍ਛਿ ਉਦਰਂ. ਓਵਰਕੋ ਗੇਹਵਿਸੇਸੋ.

ਖਣ੍ਡਨੇ ਛੇਦਨੇ. ਇਤਿਵੁਤ੍ਤੇ ਚ ਕਮ੍ਮਨੀਤਿ ‘‘ਇਤਿ ਏਵਂ ਮਯਾ ਪੁਬ੍ਬੇ ਚਰਿਤ’’ਨ੍ਤਿ ਵਤ੍ਤਬ੍ਬੇ ਸੁਭਾਸੁਭਕਮ੍ਮੇ. ‘‘ਅਤਿਵਤ੍ਤੇ ਚ ਕਮ੍ਮਨੀ’’ਤਿਪਿ ਪਾਠੋ, ਅਤੀਤਕਾਲੇ ਪਵਤ੍ਤਕਮ੍ਮਨੀਤ੍ਯਤ੍ਥੋ.

੯੪੫. ਚਿਤ੍ਤਕੇ ਨਲਾਟੇ ਕਤਕਾਲ਼ਾਦਿਬਿਨ੍ਦੁਮ੍ਹਿ ਰੁਕ੍ਖਭੇਦੇ ਮਰੀਚਪ੍ਪਮਾਣਮ੍ਬਿਲਰੁਕ੍ਖੇ, ਯਸ੍ਸ ਫਲੇਨ ਅਮ੍ਬਿਲਸੂਪਂ ਪਚਨ੍ਤਿ. ਤਿਲਕਾਲ਼ਕੇ ਤਂਤਂਸਰੀਰਾਵਯਵੇ ਸਞ੍ਜਾਤਤਿਲਸਣ੍ਠਾਨੇ ਕਾਲ਼ਕੇ.

ਬੋਧੇ ਬੁਜ੍ਝਨੇ. ਪਤ੍ਤਿ ਲਾਭੋ, ਪਾਪੁਣਞ੍ਚ.

੯੪੬. ਆਯੁਮ੍ਹਿ ਜੀਵਿਤੇ. ਹਦਯਙ੍ਗਾਨਿਲੇ ਉਰੋਗਮਵਾਤੇ.

ਵਸੇ ¶ ਆਯਤ੍ਤਤਾਯਂ. ਵੇਦੇ ਚਤੁਬ੍ਬਿਧਵੇਦੇ. ਇਚ੍ਛਾ ਆਰਮ੍ਮਣਿਚ੍ਛਾ.

੯੪੭. ਸਿਰਸਟ੍ਠਿਮ੍ਹਿ ਸਿਰਸੋ ਅਟ੍ਠਿਮ੍ਹਿ. ਘਟਾਦਿਸਕਲੇ ਘਟਾਦਿਖਣ੍ਡੇ.

੯੪੮. ਵੇਣ੍ਵਾਦਿਸਾਖਾਜਾਲਸ੍ਮਿਨ੍ਤਿ ਵੇਣੁਆਦੀਨਞ੍ਚ ਅਞ੍ਞਮਞ੍ਞਸਂਸਗ੍ਗੇ ਸਾਖਾਸਮੂਹੇ. ਲਗ੍ਗਕੇਸੇ ਤਾਪਸਾਦੀਨਂ ਲਗ੍ਗਕੇਸੇ. ਆਲਯੇ ਤਣ੍ਹਾਯਂ.

ਵਧੇ ਮਾਰਣੇ. ਰਕ੍ਖਿਤਸ੍ਮਿਂ ਕਮ੍ਮਨਿ, ਕਤ੍ਤਰਿ ਚ.

੯੪੯. ਥਿਯਂ ਇਤ੍ਥਿਯਂ. ਪਿਯੇ ਸਾਮਿਕੇ. ਮਨੁਞ੍ਞੇ ਮਨਸੋ ਤੋਸਨਜਨਕੇ. ਗਵਕ੍ਖੇ ਸੀਹਪਞ੍ਜਰੇ.

੯੫੦. ਕਿਂ ਸਦ੍ਦੋ ਪੁਚ੍ਛਨਤ੍ਥਾਦੀਸੁ ਸਲਿਙ੍ਗੋ. ਵਿਕਪ੍ਪਤ੍ਥਾਦੀਸੁ ਤੁ ਅਬ੍ਯਯਂ.

ਸਸਦ੍ਧੇ ¶ ਸਦ੍ਧਾਯ ਸਹਿਤੇ. ਨਿਵਾਪੇ ਪੇਤਾਦੀਨਂ ਕਤ੍ਤਬ੍ਬਪੂਜਾਦਾਨੇ. ਪਚ੍ਚਯੇ ਸਦ੍ਦਹਨੇ ਸਦ੍ਧਾ.

੯੫੧. ਅਟ੍ਠਿਸ੍ਮਿਂ ‘‘ਪਨਸਬੀਜਂ ਤਾਲਬੀਜ’’ਨ੍ਤ੍ਯਾਦੀਸੁ. ਸੁਕ੍ਕੇ ਚ ਬਿਜਂ.

ਪੂਯੇ ਪਕ੍ਕਵਣਸਞ੍ਜਾਤੇ. ਅਗ੍ਗਤੋ ਪੁਰਤੋ. ਦਿਸਾਦੋ ਸੂਰਿਯੁਗ੍ਗਮਨਦਿਸਾਯਂ. ਸਾ ਹਿ ਦਿਸਾਨਂ ਆਦਿਭੂਤਾ, ‘‘ਦਿਸਾ’’ਤਿ ਵਾ ਦਿਸਾਵਿਸੇਸੋ. ਆਦਿਨਾ ਪੁਬ੍ਬਜਾਦੀਨਂ ਗਹਣਂ.

੯੫੨. ਆਗਮਨੇ ਅਸਨ੍ਤੁਪ੍ਪਤ੍ਤਿਕ੍ਰਿਯਾਯਂ. ਦੀਘਾਦਿਨਿਕਾਯਸ੍ਮਿਂ ਦੀਘਨਿਕਾਯਮਜ੍ਝਿਮਨਿਕਾਯਾਦਿਕੇ.

੯੫੩. ਦੇਵਰੁਕ੍ਖੋ ਸਿਰੀਸੋ. ਸਨ੍ਤਤਿਯਂ ਵਂਸੇ.

ਉਤ੍ਤਰਵਿਪਰੀਤੇ ਅਸੇਟ੍ਠੇ, ਇਮਸ੍ਮਿਂ ਅਤ੍ਥੇ ਨਕਾਰੋ ਪਟਿਸੇਧਤ੍ਥੋ. ਸੇਟ੍ਠੇ ਉਤ੍ਤਮੇ. ਇਮਸ੍ਮਿਂ ਅਤ੍ਥੇ ਪਟਿਸੇਧਤ੍ਥੋਵ ਨਕਾਰੋ. ‘‘ਅਨੁ ਉਤ੍ਤਰ’’ਨ੍ਤਿ ਛੇਦੋ ਚ ਵਿਞ੍ਞੇਯ੍ਯੋ.

੯੫੪. ਸਤ੍ਤਿਸਮ੍ਪਤ੍ਤਿਯਂ ¶ ਪਭਾਵਾਦੀਹਿ ਸਤ੍ਤੀਹਿ ਸਮ੍ਪਤ੍ਤਿਯਂ. ਕਨ੍ਤਿਮਤ੍ਤੇ ਕਮਨੀਯਮਤ੍ਤੇ. ਸੂਰਵੀਰਿਯੇਸੁਪਿ ਵਿਕ੍ਕਮੋ.

ਪਟਿਬਿਮ੍ਬੇ ਪਤਿਰੂਪਕੇ. ਪਭਾਯਂ ਆਲੋਕੇ.

੯੫੫. ਘਮ੍ਮੋ ਨਿਦਾਘੋ ਚਾਤਿ ਦ੍ਵੇ ਅਭਿਧਾਨਾਨਿ. ਸੇਦਜਲੇ ਕਾਯਤੋ ਮੁਤ੍ਤੇ.

ਕਨ੍ਤਨੇ ਛੇਦਨੇ. ਵਿਕਪ੍ਪੇ ਵਿਤਕ੍ਕੇ. ਸਜ੍ਜਨੇ ਹਤ੍ਥਾਦੀਨਂ ਸਜ੍ਜਨੇ.

੯੫੬. ਦੇਸੋ ਦੇਸਵਿਸੇਸੋ. ਅਙ੍ਗਸਦ੍ਦੋ ਪੁਂਬਹੁਤ੍ਤੇ. ‘‘ਬਹੁਮ੍ਹੀ’’ਤਿਪਿ ਪਾਠੋ. ਅਙ੍ਗਸਦ੍ਦੋ ਬਹੁਤ੍ਤੇ ਦੇਸੇਤ੍ਯਤ੍ਥੋ. ਵਪੁਮ੍ਹਿ ਸਰੀਰੇ ਅਙ੍ਗਂ. ਅਵਯਵੇ ਹੇਤੁਮ੍ਹਿ ਚ ਅਙ੍ਗਂ.

‘‘ਅਙ੍ਗਂ ਗਤ੍ਤਨ੍ਤਿਕੋਪਾਯ-ਪਤਿਕੇਸ੍ਵ’ਪ੍ਪਧਾਨਕੇ;

ਅਙ੍ਗਦੇਸਵਿਸੇਸਮ੍ਹਿ, ਅਙ੍ਗਾ ਸਮ੍ਬੋਧਨੇ’ਬ੍ਯਯ’’ਨ੍ਤਿ. –

ਚੇਤਿਯਦੁਮੇ ਪੂਜੇਤਬ੍ਬਭੂਤੇ ਰੁਕ੍ਖੇ ਅਸ੍ਸਤ੍ਥਾਦੋ.

੯੫੭. ਸਾਧੁਪੁਰਿਸੇ ¶ ਸਪ੍ਪੁਰਿਸੇ. ਕਪ੍ਪਨੇ ਹਤ੍ਥਾਦੀਨਂ ਕਪ੍ਪਨੇ. ‘‘ਸਜ੍ਜਨੇ ਸਜ੍ਜਨਾ ਕਪ੍ਪਨਾਯ’’ਨ੍ਤਿ ਨਾਨਤ੍ਥਸਙ੍ਗਹੋ.

ਸੁਪਨੇ ਨਿਦ੍ਦਾਯਂ. ਸੁਤ੍ਤੇ ਅਜਾਗਰਿਤੇ. ਵਿਞ੍ਞਾਣੇ ਸੁਤ੍ਤਸ੍ਸ ਵਿਞ੍ਞਾਣੇ ਚਿਤ੍ਤੇ ਤਂ ਸੁਪਿਨਵਚਨਂ. ਦਸ੍ਸਨੇ ਚ ਸੁਪਿਨਂ.

੯੫੮. ਪਚ੍ਚਕ੍ਖੇ ਸਮ੍ਮੁਖੇ. ਸਨ੍ਨਿਧਾਨੇ ਪਯੋਗੇ, ਵਿਧਾਨੇ ਚ. ਭਿਯ੍ਯੋਸਦ੍ਦੋ ਪਹੂਤਰਤ੍ਥੇ ਸੋ ਪੁਮਾ.

੯੫੯. ਵਿਸਲਿਤ੍ਤਸਰੇ ਵਿਸੇਨ ਲੇਪਿਤਸਰੇ ਦਿਦ੍ਧੋ ਪੁਮਾ. ਲਿਤ੍ਤੇ ਲੇਪਿਤਬ੍ਬਸਾਮਞ੍ਞੇ.

ਵਾਸੇ ਵਸਨੇ. ਧੂਮਾਦਿਸਙ੍ਖਾਰੇ ਗਨ੍ਧਚੁਣ੍ਣਧੂਮਾਦਿਨਾ ਅਭਿਸਙ੍ਖਾਰੇ. ਸਮ੍ਪਟਿਚ੍ਛਨੇ ਪਟਿਗ੍ਗਹਣੇ.

ਮਧੁਚ੍ਛਿਟ੍ਠੇ ਮਦਨੇ, ਯੇਨ ਦੀਪਮ੍ਪਿ ਜਾਲੇਨ੍ਤਿ. ਓਦਨਸਮ੍ਭਵੇ ਭੁਤ੍ਤੋਦਨਤੋ ਪਤਿਤੇ ਲਾਮਕਸਮ੍ਮਤੇ ਓਦਨਬਿਨ੍ਦੁਮ੍ਹਿ.

ਉਪ੍ਪਤ੍ਤਿਯਂ ਉਦ੍ਧਙ੍ਗਮਨੇ ਚ ਉਗ੍ਗਮਨਂ.

੯੬੨. ਲੂਖੇ ਸਮਲੇ, ਕਕ੍ਖਲ਼ੇ ਚ. ਨਿਟ੍ਠੁਰਵਾਚਾਯਂ ਅਕਣ੍ਣਸੁਖਵਚਨੇ.

ਅਮ੍ਬੁਵੇਗੇ ਅਮ੍ਬੁਨੋ ਉਦਕਸ੍ਸ ਵੇਗੇ ਸੋਤੇ.

੯੬੩. ਤਪ੍ਪਰੇ ਤਪ੍ਪਧਾਨੇ. ਕਵਚੇ ਉਰਚ੍ਛਦੇ. ਵਾਰਵਾਣੇ ਚਮ੍ਮਮਯੇ ਯੁਦ੍ਧਾਲਙ੍ਕਾਰੇ ਚ. ਨਿਮ੍ਮੋਕੇ ਸਪ੍ਪਾਨਂ ਜਿਣ੍ਣਚਮ੍ਮਨਿ.

੯੬੫. ਪਦਾਨੇ ਦਾਨੇ. ਸੇਲੇ ਪਬ੍ਬਤੇ.

੯੬੬. ਲੋਹੇ ¶ ਕਾਲ਼ਾਯਸੇ ਸਤ੍ਥਂ. ਸਞ੍ਚਯੇ ਸਮੂਹੇ ਸਤ੍ਥੋ. ਯਥਾ ‘‘ਸਕਟਸਤ੍ਥੋ’’ਤ੍ਯਾਦਿ. ਵਤ੍ਤਨੇ ਪਵਤ੍ਤਨੇ.

੯੬੮. ਕਣ੍ਡੇ ਵਾਣੇ. ਵਾਪਿਮ੍ਹਿ ਦੀਘਿਕਾਦਿਕਾਯਂ. ਦੁਪ੍ਫਸ੍ਸੇ ਦੁਕ੍ਖਸਮ੍ਫਸ੍ਸੇ. ਕਕਚੇ ਖਰਪਤ੍ਤੇ.

੯੬੯. ਸੁਰਾਯ ਕਾਦਮ੍ਬਰਿਯਂ, ਯਾਯ ਪੀਤਾਯ ਮਤ੍ਤਾ ਸਤ੍ਤਾ ਅਨਾਗਮਨੀਯਵਤ੍ਥੂਸੁਪਿ ਗਚ੍ਛਨ੍ਤਿ. ਰਥਙ੍ਗੇ ਚਕ੍ਕੇ. ਕਾਮੁਪਧਿਆਦੀਸੁ ਚਤੂਸੁ ਉਪਧੀਸੁ ਚ ਉਪਧਿ, ਅਨਿਤ੍ਥੀ.

੯੭੦. ਦਬ੍ਬੇ ¶ ਧਨਾਦਿਕੇ. ਭੂਭੇਦੋ ਵਤ੍ਥਾਦਿ. ਮਹਾਰਾਜੇ ਚਤੂਸੁ ਮਹਾਰਾਜੇਸੁ ਏਕਸ੍ਮਿਂ ਮਹਾਰਾਜੇ. ਨਰੇ ਸਤ੍ਤੇ.

੯੭੧. ਆਪਣੇ ਕਯਵਿਕ੍ਕਯਟ੍ਠਾਨੇ. ਸਮ੍ਭਾਰੇ ਉਪਕਰਣੇ. ‘‘ਰਥੋ ਸੀਲਪਰਿਕ੍ਖਾਰੋ, ਝਾਨਕ੍ਖੋ ਚਕ੍ਕਵੀਰਿਯੋ’’ਤਿ [ਸਂ. ਨਿ. ੫.੪] ਏਤ੍ਥ ਅਲਙ੍ਕਾਰੋ ‘‘ਪਰਿਕ੍ਖਾਰੋ’’ਤਿ ਵੁਤ੍ਤੋ.

੯੭੨. ਵੋਹਾਰਸ੍ਮਿਂ ਰਥਸਕਟਾਦਿਵੋਹਾਰੇ. ਉਪਟ੍ਠਿਤਗਿਰਾ ਸਦ੍ਦਤੋ ਅਤ੍ਥਤੋ ਚ ਪਾਕਟਗਿਰਾ.

੯੭੩. ਵਚਨਾਵਯਵੇਤਿ ਵਾਕ੍ਯਾਵਯਵੇ. ਹੇਤੁਦਾਹਰਣਾਦਿਯੁਤ੍ਤਸ੍ਸ ਸਮ੍ਬਨ੍ਧਤ੍ਥਸ੍ਸ ਵਚਨਸਮੂਹਸ੍ਸ ਅਵਯਵੇ. ਮੂਲੇ ਲੋਭਾਦਿਕੇ. ਕਾਰਣੇ ਲੋਭਾਦਿਤੋ ਅਞ੍ਞਸ੍ਮਿਂ ਕਾਰਣੇ. ਪਾਚਾਨਲਸ੍ਮਿਂ ਉਦਰਟ੍ਠੇ ਭੁਤ੍ਤਪਾਚਨੇ ਕਮ੍ਮਜਤੇਜਸ੍ਮਿਂ. ਰੋਗਭੇਦੇਪਿ ਗਹਣੀ.

੯੭੪. ਸਂਯਮੇ ¶ ਚਕ੍ਖਾਦਿਨ੍ਦ੍ਰਿਯਸਂਯਮੇ.

੯੭੫. ਮੁਦ੍ਦਿਕਸ੍ਸ ਰੁਕ੍ਖਸ੍ਸ ਰਸੇ ਚ. ਪੁਪ੍ਫਸ੍ਸ ਸਬ੍ਬਸ੍ਸ ਪੁਪ੍ਫਸ੍ਸ ਰਸੇ ਚ. ਖੁਦ੍ਦੇ ਮਕ੍ਖਿਕਾਕਤੇ ਚ ਮਧੁ ਪੁਨ੍ਨਪੁਂਸਕਂ.

‘‘ਮਧੁ ਖੁਦ੍ਦੇ ਜਲੇ ਖੀਰੇ, ਮਜ੍ਜੇ ਪੁਪ੍ਫਰਸੇ ਮਧੁ;

ਰਚ੍ਛੇ ਚਿਤ੍ਤੇ ਵਸਨ੍ਤੇ ਚ, ਜੀਵਸਾਕੇ ਮਧੁਦ੍ਦੁਮੇ’’ਤਿ. –

ਉਲ੍ਲੋਚੇਤਿ ਸੇਯ੍ਯਾਦੀਨਂ ਉਪਰਿਭਾਗੇ ਰਜੋਪਾਤਨਿਵਾਰਣਤ੍ਥਂ ਠਪਿਤੇ ਦੁਸ੍ਸਮਯਾਦਿਕੇ.

੯੭੬. ਅਪਵਗ੍ਗੇ ਨਿਬ੍ਬਾਨੇ. ਸੁਧਾਯਂ ਦੇਵਤਾਨਂ ਭੋਜਨੇ.

‘‘ਅਮਤਂ ਯਞ੍ਞਸੇਸਸ੍ਮਿਂ, ਪੀਯੂਸੇ ਸਲਿਲੇ ਘਤੇ;

ਅਯਾਚਿਤੇ ਚ ਮੋਕ੍ਖੇ ਚ, ਧਨ੍ਵਨ੍ਤਰਿਸੁਧਾਸਿਸੁ;

ਅਮਤੋ ਅਮਤਾ ਸਿਵਾ-ਗਲ਼ੋ ਝਾਮਲਕੀਸੁ ਚੇ’’ਤਿ [ਮੇਦਿਨੀਕੋਸ ੧੬.੭੭-੮ ਗਾਥਾਯਮ੍ਪਿ].

ਨਾਨਤ੍ਥਸਙ੍ਗਹੇ ਵੁਤ੍ਤਂ. ਮੋਹੇ ਅਵਿਜ੍ਜਾਯਂ. ਤਿਮਿਰੇ ਅਨ੍ਧਕਾਰੇ. ਸਙ੍ਖ੍ਯਾ ਗਣਨਵਿਸੇਸੋ. ਗੁਣੇ ਤਤਿਯੇ ਗੁਣੇ.

੯੭੭. ਖਰੇ ¶ ਫਰੁਸੇ. ਅਕਾਰਿਯੇ ਅਕਤ੍ਤਬ੍ਬੇ. ਪੁਰਿਸੇ ਪੁਲ੍ਲਿਙ੍ਗੇ. ਸੁਕਤੇ ਕੁਸਲੇ ਧਮ੍ਮੇ ਪੁਞ੍ਞਂ ਪਣ੍ਡਕੇ ਨਪੁਂਸਕੇ. ਪਵਨੇ ਪੂਤੇ.

੯੭੮. ਅਸਿਨਿਦ੍ਧੋ ਸੁਕ੍ਖੋ. ਸਙ੍ਗੇ ਲਗ੍ਗੇ.

੯੭੯. ਲਞ੍ਛਨੇ ਪਟਿਬਿਮ੍ਬੇ. ਸੀਮਾ ਮਰਿਯਾਦੋ. ਪਕਾਰੋ ਤੁਲ੍ਯੋ.

੯੮੦. ਮਨ੍ਤਨੇ ਚਤੁਕ੍ਕਣ੍ਣਾਦਿਕੇ. ਬ੍ਯਸਨੇ ਭੋਗਬ੍ਯਸਨਾਦਿਕੇ. ਵਿਪਤ੍ਤਿਯਂ ਅਨਤ੍ਥੇ.

੯੮੧. ਰਂਸਿਭੇਦੋ ¶ ਪੁਬ੍ਬੇ ਉਦਯਤੋ ਸੂਰਿਯਸ੍ਸ ਰਂਸਿਵਿਸੇਸੋ. ਅਬ੍ਯਤ੍ਤਰਾਗੇ ਕਿਞ੍ਚਿਰਤ੍ਤੇ. ਲੋਹਿਤੇ ਰਤ੍ਤੇ.

ਪਕਤਾਨਿਵਤ੍ਤੇ ਪਕਤਿਤੋ ਅਨਿਵਤ੍ਤਨੇ. ‘‘ਪਕਤਿਯਞ੍ਚ ਅਨਿਵਤ੍ਤਨੇ ਚਾ’’ਤਿਪਿ ਅਤ੍ਥੋ. ਨਸ੍ਸਨਕ੍ਖਰੇਤਿ ਵਿਨਾਸਨਕ੍ਖਰੇ. ਨਸ੍ਸ ਅਦਸ੍ਸਨੇ ਅਕ੍ਖਰੇ.

‘‘ਅਨੁਬਨ੍ਧੋ ਪਕਤ੍ਯਾਦੋ, ਦੋਸੁਪ੍ਪਾਦੇ ਵਿਨਸ੍ਸਰੇ;

ਸੁਸੁਮੁਖ੍ਯਾਨੁਸਾਰੇਸੁ, ਪਕਤਸ੍ਸਾ’ਨੁਵਤ੍ਤਨੇ’’ਤਿ [ਅਮਰ ੨੩.੯੮ ਗਾਥਾਯਮ੍ਪਿ ਪਸ੍ਸਿਤਬ੍ਬਂ]. –

੯੮੨. ਅਵਤਰਣੇ ਓਤਰਣੇ. ਤਿਤ੍ਥਸ੍ਮਿਂ ਨਦ੍ਯਾਦੀਨਂ ਤਿਤ੍ਥੇ. ਵਿਵਰੇ ਵਿਵਰਣੇ. ਇਙ੍ਗਿਤੇ ਸੀਸਚਲਨਾਦਿਕੇ.

੯੮੩. ਖਤ੍ਤਾ ਖਤ੍ਤਿਯਤੋ ਸਞ੍ਜਾਤੇ ਸੁਦ੍ਦਿਤ੍ਥਿਤਨਯੇ ਸੁਦ੍ਦਿਤ੍ਥਿਯਾ ਪੁਤ੍ਤੇ ਚ. ਤਿਬ੍ਬਮ੍ਹਿ ਅਧਿਮਤ੍ਤੇ ਚ. ਸੋ ਉਗ੍ਗੋ. ਅਗ੍ਗੋ ਸੇਟ੍ਠੋ. ਧਿਤਿ ਵੀਰਿਯਂ.

੯੮੪. ਪਭਾਤੇ ਪਚ੍ਚੂਸੇ. ਨਿਰੋਗੇ ਰੋਗਮੁਤ੍ਤੇ. ਸਜ੍ਜੇ ਸਙ੍ਗਤੇ, ਆਧਾਰੇਪਿ ਚ. ‘‘ਸਜ੍ਜੁਤ੍ਤੋ ਸਨ੍ਨਦ੍ਧੇ ਸਙ੍ਗਤੇਪਿ ਚੇ’’ਤਿ ਨਾਨਤ੍ਥਸਙ੍ਗਹੇ. ਦਕ੍ਖੋ ਛੇਕੋ. ਯੁਤ੍ਤੇਪਿ ਕਲ੍ਲਂ. ਕੂਟਚਰਿਯਾਯਂ ਸਠਚਰਿਯਾਯਂ.

੯੮੫. ਪਕ੍ਖਿਭੇਦੋ ਪਾਰਾਵਤਪ੍ਪਮਾਣੋ ਪਕ੍ਖੀ. ਯਸ੍ਮਿਂ ਗੇਹੇ ਪਲਿਨਾ ਪਤਿਤੇ ਅਸੁਭਨਿਮਿਤ੍ਤਂ ਕਰੋਨ੍ਤਿ. ਪਾਰਾਵਤੇ ਕਲਰਵੇ.

ਸਰਦਬ੍ਭੂਤੇ ਸਰਦਕਾਲੇ ਸਮ੍ਭੂਤੇ. ਅਪ੍ਪਗਬ੍ਭੇ ਕਾਤਰਵਚਨੇ.

੯੮੬. ਕਠਿਨੇ ਕਕ੍ਖਲ਼ੇ. ਸਾਹਸੋ ਬਲਕ੍ਕਾਰੋ. ਅਪ੍ਪਿਯੇ ਅਮਨਾਪੇ. ਚੀਰੇ ਨਨ੍ਤਕੇ, ਵਾਕੇ ਚ ਚੀਰਂ.

੯੮੭. ਮਿਗਭੇਦੇ ¶ ਕੁਕ੍ਕੁਰਪ੍ਪਮਾਣੇ ਮਿਗੇ. ਪਟਾਕਾਯਂ ਧਜੇ. ਮੋਚਂ ਪਸਿਦ੍ਧਂ, ਕਦਲੀ ਈਕਾਰਨ੍ਤੋ. ਦਕ੍ਖਿਣਾ ਕਮ੍ਮਫਲਂ ਸਦ੍ਦਹਿਤ੍ਵਾ ਦਾਤਬ੍ਬਂ ਦਾਨਂ.

੯੮੮. ਉਪ੍ਪਾਤੇ ਭੂਤਵਿਕਤਿਯਂ. ਵੇਸ੍ਸਾਨਰੇ ਅਗ੍ਗਿਮ੍ਹਿ.

੯੮੯. ਪੋਤਵਾਹੇ ਤਲਕਵਾਹੇ. ਨਿਯਨ੍ਤਰਿ ਪਾਜਿਤਰਿ.

੯੯੧. ਭਾਜਨੇ ਵਿਲੀਵਮਯਾਦਿਕੇ. ਪਰਿਯਤ੍ਤਿ ਪਰਿਯਾਪੁਣਨਂ ਸਿਕ੍ਖਨਂ, ਪਰਿਯਾਪੁਣਿਤਬ੍ਬਾ ਵਾ ਸਿਕ੍ਖਿਤਬ੍ਬਾ. ਜਰਾਸਿਥਿਲਚਮ੍ਮਸ੍ਮਿਂ ਜਰਾਯ ਕਾਰਣਭੂਤਾਯ ਸਿਥਿਲਚਮ੍ਮਨਿ. ਉਦਰਙ੍ਗੇ ਉਦਰਚਮ੍ਮਰਾਜਿਯਂ.

੯੯੨. ਵਿਦਾਰਿਤਾਦੀਸੁ ¶ ਤੀਸੁਪਿ ਵਾਚ੍ਚਲਿਙ੍ਗਿਕਂ. ਉਪਜਾਪੇ ਚਤੁਤ੍ਥੋਪਾਯੇ.

੯੯੩. ਗਾਮਸਨ੍ਦੋਹੇ ਗਾਮਸਮੂਹੇ. ਪਰਿਧਿ ਪਰਿਵੇਸੋ ਸੂਰਿਯਾਦਿਗੇਹਂ. ਆਗਮੇ ਬੁਦ੍ਧਵਚਨੇ. ਲੇਖੇ ਵਾਚਿਤਲੇਖੇ.

੯੯੪. ਅਯੋਮਯਵਿਜ੍ਝਨਕਣ੍ਟਕੋ ਸੂਝਾਦਿਵਿਜ੍ਝਨਂ. ਗੁਣੁਕ੍ਕਂਸੇ ਗੁਣਾਤਿਸਯੇ. ਵਿਭਵੇ ਭੋਗੇ. ਸਮ੍ਪਤ੍ਤਿ, ਸਮ੍ਪਦਾਤਿ ਚ ਅਭਿਧਾਨਦ੍ਵਯਂ.

੯੯੫. ਭੂ ਪਥਵੀ. ਯੋਗ੍ਯਾਦੀਸੁ ਤੀਸ੍ਵਤ੍ਥੇਸੁ ਤੀਸੁ. ਯੋਗ੍ਯੇ ਅਨੁਚ੍ਛਵਿਕੇ. ਯੁਤ੍ਤੇ ਸਙ੍ਗਤੇ. ਅਦ੍ਧੋ ਅਦ੍ਧਸਦ੍ਦੋ ਭਾਗੇ ਸਮਭਾਗੇ, ਅਸਮਭਾਗੇ ਚ. ਤਤ੍ਰ ਸਮੇ ਅਦ੍ਧਂ. ਇਤਰਤ੍ਰ ¶ ਅਦ੍ਧੋ ਅਦ੍ਧਮ੍ਪਿ, ਪਥੇ ਮਗ੍ਗੇ ਅਦ੍ਧਾ ਪੁਮੇ. ਕਾਲੇਪਿ ਅਦ੍ਧਾ ਪੁਮੇ. ਏਕਂਸੇ ਨਿਚ੍ਛਯੇ. ਚਤੁਰਮ੍ਬਣੇ ਕਰੀਸਂ ਵੁਤ੍ਤਂ.

੯੯੬. ਉਸਭੇ ਗਵਸਤਜੇਟ੍ਠਕੇ ਗਵੇ. ਸੇਟ੍ਠੇਸੁ ਚ ਉਸਭੋ. ਵੀਸਯਟ੍ਠਿਯਂ ਉਸਭਂ. ਤਨ੍ਤਿ ਬੁਦ੍ਧਵਚਨਂ. ਪਨ੍ਤਿ ਆਲ਼ਿ.

੯੯੭. ਇਤ੍ਥਿਨਿਮਿਤ੍ਤੇ ਇਤ੍ਥਿਯਾ ਅਙ੍ਗਜਾਤੇ. ਕਿਲਞ੍ਜੇ ਵਿਲੀਵਮਯੇ. ਸੋ ਕਟਸਦ੍ਦੋ ਕਤੇ ਤੀਸੁ.

ਕਟਾ ਵਿਪ੍ਪਲਿਯਂ ਮਤਾ’’ਤਿ [ਮੇਦਿਨੀਕੋਸ ੧੧.੩]. –

ਵੋਪਾਲਿਤੋ. ‘‘ਸਮਯੇ ਚ ਕ੍ਰਿਯਾਕਾਰੇ, ਕਿਲਞ੍ਜੇ ਚ ਸਰੇ ਕਟੋ’’ਤਿ ਤਿਕਣ੍ਡਸੇਸੋ [ਤਿਕਣ੍ਡਸੇਸ ੩.੩.੯੩]. ਮਨ੍ਦਿਰਾਲਿਨ੍ਦਵਤ੍ਥੁਨਿ ਗੇਹਸ੍ਸ ਆਲਿਨ੍ਦਭਾਗੇ ਵਤ੍ਥੁਮ੍ਹਿ.

੯੯੮. ਮਥਿਤੇ ਗੋਰਸਵਿਸੇਸੇ. ਸੂਚਿਫਲੇ ਅਮ੍ਬਿਲਪਤ੍ਤਫਲੇ. ਦੁਦ੍ਦਸੇਤਰੇ ਪਸ੍ਸਿਤੁਂ ਅਦੁਕ੍ਕਰੇ.

੯੯੯. ਅਨ੍ਤਰੀਪਂ ¶ ਜਲਮਜ੍ਝਥਲਂ. ਪਜ੍ਜੋਤੋ ਪਦੀਪੋ. ਬਨ੍ਧੋ ਸਮ੍ਬਨ੍ਧੋ. ਮਿਹਿਤੇ ਈਸਂਹਸਿਤੇ.

੧੦੦੦. ਥਿਯਂ ਇਤ੍ਥਿਸਾਮਞ੍ਞੇ. ਇਤ੍ਥਿਲਿਙ੍ਗੇਤਿ ਵਾ ਅਤ੍ਥੋ. ਦਾਰੇ ਭਰਿਯਾਯਂ. ਸੁਰੇ ਦੇਵਤਾਯਂ, ਦੇਵਤਾਵਿਸੇਸੇ ਵਾ. ਵਾਸੁਦੇਵੇ ਨਾਰਾਯਨੇ. ਅਨ੍ਤਕੇ ਵਸਵਤ੍ਤਿਨਿ. ਅਸਿਤੇ ਕਾਲ਼ਵਣ੍ਣੇ.

੧੦੦੧. ਉਪਟ੍ਠਾਨੇ ਪਾਰਿਚਰਿਯਾਯਂ, ਸੇਵਨੇ ਚ. ਅਞ੍ਞਰੋਪਨੇ ਅਭਂਸਭਾਵਸ੍ਸ ਅਞ੍ਞਸ੍ਸ ਤਂਸਭਾਵਰੋਪਨੇ. ਸਕ੍ਕੋ ਸਕ੍ਕਸਦ੍ਦੋ. ਇਨ੍ਦੇ ਦੇਵਰਾਜੇ ਸਕ੍ਕੋ. ਜਨਪਦੇ ਸਕ੍ਕਾ. ਸਾਕਿਯੇ ਚ ਖਮੇ ਤੀਸੁ.

੧੦੦੨. ਵਜ੍ਜਨਤ੍ਥਾਦੀਸੁ ਤੀਸੁ ਪਰਿਹਾਰੋ. ਪਞ੍ਹਵਿਸ੍ਸਜ੍ਜਨੇਪਿ ਪਰਿਹਾਰੋ. ਦ੍ਵਿਜੇ ਬ੍ਰਾਹ੍ਮਣੇ. ਵੇਸ੍ਸੇਪਿ ਅਰਿਯੋ.

੧੦੦੩. ਸੁਂਸੁਮਾਰੇ ¶ ਨਕ੍ਕੇ. ਉਲੂਪਿਨਿ ਚਣ੍ਡਮਚ੍ਛਵਿਸੇਸੇ. ਉਦ੍ਦਾਲਪਾਦਪੇ ਸੇਲੁਰੁਕ੍ਖੇ, ਯਸ੍ਸ ਫਲਾਨਿ ਅਤਿਪਿਚ੍ਛਲਾਨਿ.

੧੦੦੪. ਪਿਯਕੇ ਪੀਤਸਾਲੇ. ਕਣ੍ਡੇ ਸਰੇ. ਖਿਪਨੇ ਅਸਨਂ. ਅਸੁ ਖੇਪਨੇ. ਯੁਗੇ ਰਥਯੁਗਾਦੋ. ਵਿਕਾਰੋ ਵਿਕਤਿ. ਅਨ੍ਤਿਕੇ ਸਮੀਪੇ.

੧੦੦੫. ਲਵਿਤ੍ਤੇ ਦਾਤ੍ਤੇ. ਅਜ੍ਝੇਸਨਾ ਸਕ੍ਕਾਰਪੁਬ੍ਬਿਕਾ ਆਯਾਚਨਾ.

੧੦੦੬. ਮਕਚਿਵਤ੍ਥੇ ਯਂ ਲੋਕੇ ‘‘ਚਕ੍ਕੂ’’ਤਿ ਵੁਚ੍ਚਤਿ, ‘‘ਸਾਣਵਤ੍ਥ’’ਨ੍ਤਿਪਿ ਏਕੇ. ਗਨ੍ਥੇ ਸਦ੍ਦਸਤ੍ਥਾਦਿਕੇ. ਲੇਪ੍ਯਾਦਿਕਮ੍ਮਨਿ ਚਿਤ੍ਤਕਾਰਾਦੀਹਿ ਕਤਰੂਪੇ.

੧੦੦੭. ਪੁਞ੍ਞਵਤਿ ¶ ਪੁਗ੍ਗਲੇ. ਭੂਸਣ੍ਹਕਰਣਿਯਂ ਸੁਧਾਲੇਪਕਾਨਂ ਦਾਰੁਮਯਹਤ੍ਥੇ.

੧੦੦੮. ਪਾਯਿਤੇ ਪਾਤਬ੍ਬੇ, ‘‘ਵਾਯਿਤੇ’’ਤਿਪਿ ਪਾਠੋ. ‘‘ਦਯਿਤੇ’’ਤਿਪਿ ਕ੍ਵਚਿ ਦਿਸ੍ਸਤਿ.

੧੦੦੯. ਲੋਹਿਤਾਦਿਮ੍ਹਿ ਵਣ੍ਣਵਿਸੇਸੇ. ਰਞ੍ਜਨੇ ‘‘ਮੁਖਰਾਗੋ’’ਤ੍ਯਾਦੀਸੁ. ਪਵੁਦ੍ਧਦਰਿਯਂ ਮਹਾਦਰਿਯਂ.

੧੦੧੦. ਕਸੇਰੁਸ੍ਸ ਫਲੇ ਸਕਣ੍ਟਕਸ੍ਸ ਫਲੇ. ਮਗ੍ਗਸਮਾਗਮੇ ਚਚ੍ਚਰੇ. ਬਹੁਲਾਯਂ ‘‘ਫਾਲਾਤੀ’’ਇਤਿ ਖ੍ਯਾਤੇ. ਦੋਸੇ ਤੁ ਏਲ਼ਮੀਰਿਤਂ.

੧੦੧੧. ਅਧਿਕਰਣੇ ¶ ਅਧਿਕਰਣਕਾਰਕੇ. ਪਤ੍ਤਾਧਾਰੋ ਭਾਜਨਸ੍ਸ ਆਧਾਰੋ. ਆਲਵਾਲਕੇ ਤਰੁਸੇਕਤ੍ਥਂ ਤਰੁਮੂਲਵਿਚਿਤੇ ਸੋਬ੍ਭਜਲਾਧਾਰੇ. ਅਗਭੇਦੋ ਰੁਕ੍ਖਭੇਦੋ, ਸੋ ਚ ਮਹਾਸਤ੍ਤੇਨ ਤੇਮਿਯਰਾਜਕੁਮਾਰਕਾਲੇ ਭੁਤ੍ਤਰੁਕ੍ਖੋ. ਤਤ੍ਰ ਕਾਰਾ ਇਤ੍ਥੀ. ਕਾਰੋਪਿ ਸਕ੍ਕਾਰੇ, ਦ੍ਵੀਸੁ. ਬਨ੍ਧਨਾਲਯੇ ਪਨ ਕਾਰਾਯੇਵ.

੧੦੧੨. ਮੇਘਪਾਸਾਣੇ ਘਨੋਪਲੇ. ਕੁਣ੍ਡਿਕਾਯਂ ਭਿਙ੍ਗਾਰੇ. ਪਦਾਤਿਸ੍ਮਿਂ ਚਤੁਤ੍ਥਸੇਨਙ੍ਗੇ.

੧੦੧੩. ਛਿਦ੍ਦਾਦੀਨਿ ਤੀਣਿ ਅਭਿਧਾਨਾਨਿ ਸੁਸਿਰੇ ਚ ਦੂਸਨੇ ਅਪਰਾਧੇ ਚ ਤੀਸੁ ਸਿਯੁਂ. ਮੁਚ੍ਚਿਤੇ ਮੁਚ੍ਚਿਤਬ੍ਬੇ.

੧੦੧੪. ਹਤ੍ਥਿਲਿਙ੍ਗੇ ਹਤ੍ਥਿਸਣ੍ਠਾਨਸਕੁਣੇ. ਮਦੇ ਨਾਗਮਦੇ.

੧੦੧੫. ਅਤ੍ਥਙ੍ਗਮੇ ¶ ਵਿਨਾਸੇ. ਨਿਗਮੁਬ੍ਭੂਤੇ ਨਿਗਮੇਸਞ੍ਜਾਤਵਤ੍ਥੁਮ੍ਹਿ. ਆਪਣੋਪਜੀਵਿਨਿ ਆਪਣੇਨ ਜੀਵਿਤਵੁਤ੍ਤਿਯਂ ਕਤ੍ਤਰਿ.

੧੦੧੬. ਹਰਿਤਸ੍ਮਿਂ ਸੁਕਪਤ੍ਤਵਣ੍ਣੇ. ਪਣ੍ਣੇ ਛਦਮਤ੍ਤੇ.

੧੦੧੭. ਫਲਮ੍ਹਿ ਰੁਕ੍ਖਾਦੀਨਂ ਫਲਮਤ੍ਤੇ. ਤਂ ਪਕ੍ਕਵਚਨਂ. ਨਾਸਮੁਖੇ ਨਾਸਾਭਿਮੁਖੇ ਚ ਪਰਿਣਤੇ ਚ ਤੀਸੁ.

ਆਜੀਵਨੇ ਜੀਵਿਤਵੁਤ੍ਤਿਯਂ. ਪਿਣ੍ਡਨੇ ਰਾਸਿਕਰਣੇ. ਗੋਲ਼ਕੇ ਵਟ੍ਟਲੇ.

੧੦੧੮. ਪਰਿਬ੍ਬਯੇ ਵੇਤਨੇ. ਕਮ੍ਮਾਦਿਕੇ ਕਮ੍ਮਵਟ੍ਟਵਿਪਾਕਵਟ੍ਟਕਿਲੇਸਵਟ੍ਟੇ. ਵਟ੍ਟਲੇ ਬੁਬ੍ਬੁਲ਼ਸਣ੍ਠਾਨੇ. ਪਚ੍ਚਾਹਾਰੇ ਪਟਿਵਚਨਾਹਾਰੇ.

੧੦੧੯. ਵਿਕਤੇ ¶ ਵਿਕਤਿਯਂ, ਵਿਰੂਪੇ ਵਾ.

੧੦੨੦. ਸਬ੍ਯਮ੍ਹਿ ਅਦਕ੍ਖਿਣੇ. ਚਾਰੁ ਮਨੁਞ੍ਞਂ. ਸਰਬ੍ਯੇ ਸਰੇਨ ਵਿਜ੍ਝਿਤਬ੍ਬੇ ਫਲਕਾਦੋ. ਚਿਹਨੇ ਲਕ੍ਖਣੇ.

੧੦੨੧. ਸਮਸਿਪ੍ਪੀਨਂ ਸਮਾਨਸਿਪ੍ਪੀਨਂ ਗਣੇ ਸੇਣੀ ਇਤ੍ਥੀ. ਆਵਲ਼ਿਯਂ ਪਨ੍ਤਿਯਂ. ਸੁਧਾਯਂ ਲੇਪੇ. ਧੂਲਿਯਂ ਰਜਸਿ. ਵਾਸਚੁਣ੍ਣਕੇ ਵਾਸਯੋਗ੍ਗਚੁਣ੍ਣੇ.

੧੦੨੨. ਅਤਿਪਸਤ੍ਥੇ ਪਸਤ੍ਥਸ੍ਸ ਜੋ, ਅਤਿਵੁਡ੍ਢੇ ਵੁਡ੍ਢਸ੍ਸ. ਤਕ੍ਕੇ ਗੋਰਸਵਿਸੇਸੇ. ਹੋਤੀਤਿ ਕ੍ਰਿਯਾਪਦਂ.

੧੦੨੩. ਪਣੇ ਜੂਤਕਾਰਾਦੀਨਂ ਕਮ੍ਮਨਿ. ਕਣ੍ਹੇ ਕਾਲ਼ੇ.

੧੦੨੪. ਸਮ੍ਭਵੇ ¶ ਸੁਕ੍ਕੇ. ਅਮੇਜ੍ਝੇ ਅਪਵਿਤ੍ਤੇ.

੧੦੨੫. ਇਕ੍ਕੇ ਬਹੁਲੋਮੇ ਕਾਲ਼ਮਿਗੇ. ਬਲ਼ਿਸੇ ਮਚ੍ਛਵੇਧਨੇ. ਸੇਲਭੇਦੇ ਵਙ੍ਕਨਾਮਕੇ ਪਬ੍ਬਤੇ.

੧੦੨੬. ਕੁਣਪਮ੍ਹਿ ਮਤਕਾਯੇ. ਅਦ੍ਧਮ੍ਹਿ ਸਮਦ੍ਧਭਾਗੇ, ਤੇਨਾਹ ‘‘ਪੁਰਿਸੇ’’ਤਿ, ‘‘ਪੁਰਿਸੇ’’ਤਿ ਚ ਯੇਭੁਯ੍ਯਪ੍ਪਵਤ੍ਤਿਂ ਸਨ੍ਧਾਯ ਵੁਤ੍ਤਂ, ਤੇਨਾਹ ‘‘ਵਾ ਖਣ੍ਡਂ ਸਕਲਂ ਪੁਮੇ’’ਤਿ.

੧੦੨੭. ਸਂਵਰੀਮੁਖੇ ਰਤ੍ਤਿਯਾ ਆਦਿਮ੍ਹਿ.

੧੦੩੦. ਦੇਵਭੇਦੋ ¶ ਕੁਮ੍ਭਣ੍ਡੋ ਨਾਮ ਯਕ੍ਖੋ. ਵਲ੍ਲਿਜਾਤਿਯਂ ਯਸ੍ਸਾ ਫਲਾਨਿ ਉਕ੍ਖਲਿਪ੍ਪਮਾਣਾਨਿ ਹੋਨ੍ਤਿ. ਚਤੁਤ੍ਥਂਸੇ ਚਤੁਤ੍ਥਭੂਤੇ ਕੋਟ੍ਠਾਸੇ. ਪਦੇ ਚਰਣੇ. ਪਚ੍ਚਨ੍ਤਸੇਲੇ ਪਬ੍ਬਤਪਾਦੇ.

੧੦੩੧. ਲੋਹਨ੍ਤਰੇ ਸੇਤਲੋਹੇ. ਬਹੁਮ੍ਹਿ ਬਹੁਵਚਨੇ. ਕਮ੍ਮਾਰਭਣ੍ਡਭੇਦੇ ‘‘ਤੂ’’ਇਤਿ ਖ੍ਯਾਤੇ. ਖਟਕੇ ਕੁਞ੍ਚਿਕਪਾਣਿਮ੍ਹਿ.

੧੦੩੨. ਦੋਣਿਯਂ ਕਟ੍ਠਮਯੇ ਧਞ੍ਞਮਾਨਿਕੇ. ਅਧਿਟ੍ਠਿਤਿਯਂ ਉਪਰਿਟ੍ਠਾਨੇ. ਠਾਨੇ ਠਾਨਮਤ੍ਤੇ.

੧੦੩੪. ਕੋਟ੍ਠਾਸਭੇਦਸ੍ਮਿਂ ¶ ‘‘ਵਕ੍ਕਂ ਹਦਯ’’ਨ੍ਤ੍ਯਾਦੀਸੁ [ਮ. ਨਿ. ੧.੧੧੦]. ਵਙ੍ਕੇ ਕੁਟਿਲ੍ਯੇ. ਦਿਬ੍ਬਚਕ੍ਖੁਪੁਬ੍ਬੇਨਿਵਾਸਾਨੁਸ੍ਸਤਿਆਸਵਕ੍ਖਯਸਙ੍ਖਾਤਾ ਤਿਸ੍ਸੋ ਵਿਜ੍ਜਾ, ਆਦਿਨਾ ਅਟ੍ਠ ਵਿਜ੍ਜਾ ਗਹਿਤਾ. ਬੁਦ੍ਧਿਯਂ ਞਾਣੇ.

੧੦੩੫. ਅਨਾਕੁਲੇ ਆਕੁਲਰਹਿਤੇ. ਸਿਲੋਕੇ ਅਨੁਟ੍ਠੁਭਾਦੋ. ਅਦ੍ਧੇ ਭਾਗੇ. ਤੀਸੁ ਪਜ੍ਜੋ ਪਜ੍ਜਸਦ੍ਦੋ.

੧੦੩੬. ਰੁਕ੍ਖਭੇਦਸ੍ਮਿਂ ਉਦਕਪ੍ਪਸਾਦਨਫਲੇ. ਕਿਤ੍ਤਿਮੇ ਕਰਣੇਨ ਨਿਪ੍ਫਤ੍ਤੇ. ਵਿਧੇਯ੍ਯੇ ਵਚਨਗ੍ਗਾਹਿਨਿ. ਪੁਬ੍ਬਮ੍ਹਿ ਪੂਯੇ.

੧੦੩੭. ਲਦ੍ਧਤ੍ਥਰਕ੍ਖਣੇ ¶ ਲਦ੍ਧਸ੍ਸ ਧਨਾਦਿਕਸ੍ਸ ਅਤ੍ਥਸ੍ਸ ਰਕ੍ਖਣੇ. ਨਿਯੋਜਨੇ ਪੇਸਨੇ. ਕਾਰਿਯੇ ਫਲੇ.

੧੦੩੮. ਅਸ੍ਸਾਸਪ੍ਪਤ੍ਤੇ ਲਦ੍ਧਸ੍ਸਾਸੇ. ਬੋਧਿਦੁਮੇ ਅਮ੍ਹਾਕਂ ਭਗਵਤੋ ਬੋਧਿਰੁਕ੍ਖੇ. ਕੁਰੂਰੇ ਕਕ੍ਖਲ਼ਕਾਰਕੇ. ਨੇਸਾਦਮ੍ਹਿ ਮਿਗਮਚ੍ਛਾਦਿਲੁਦ੍ਦੇ.

੧੦੩੯. ਲਗ੍ਗਸ੍ਮਿਂ ਸਙ੍ਗੇ. ਮਜ੍ਝਮ੍ਹਿ ਉਦਰੇ. ਭਾਗੇ ਅਸਮਦ੍ਧਭਾਗੇ. ਧਨਿਮ੍ਹਿ ਮਹਦ੍ਧਨੇ.

੧੦੪੦. ਗਹਨੇ ਸਙ੍ਕਰੇ. ਸਸਨ੍ਤਾਨੇ ਅਤ੍ਤਨੋ ਨਿਯਕਜ੍ਝਤ੍ਤਸਨ੍ਤਾਨੇ. ਵਿਸਯਗੋਚਰਾਨਂ ਵਿਸੇਸੋ ਵੁਤ੍ਤੋ.

੧੦੪੧. ਭੁਵਨੇ ¶ ਕਾਮਭਵਾਦਿਕੇ. ਜਨੇ ਪਾਣਿਮ੍ਹਿ. ਯਸੇ ਕਿਤ੍ਤਿਯਂ. ਪਜ੍ਜੇ ਅਨੁਟ੍ਠੁਭਾਦੋ. ਰੁਕ੍ਖੇ ਰੁਕ੍ਖਭੇਦੇ.

੧੦੪੨. ਵਟੋ ਵਟਰੁਕ੍ਖੋ. ਵਾਯਸੇ ਕਾਕੇ. ਬਕੇ ਸੇਤਪਤ੍ਤੇ. ਅਵਸਰੋ ਅਵਕਾਸੋ. ਅਹਂ ਦਿਨਂ. ਕੁਚੇ ਨਾਰਿਥਨੇ. ਅਬ੍ਭੇ ਮੇਘੇ.

੧੦੪੩. ਉਚ੍ਛਙ੍ਗੇ ਪਲ੍ਲਙ੍ਕੋਪਰਿਭਾਗੇ. ਲਕ੍ਖਣੇ ਞਾਪਕੇ.

ਦਿਟ੍ਠੋਭਾਸੇਸੁ ਦਸ੍ਸਨੇ, ਓਭਾਸੇ ਚਾਤਿ ਅਤ੍ਥੇਸੁ.

੧੦੪੪. ਸੂਰਂਸੂਸੁ ਸੂਰਿਯੇ, ਕਿਰਣੇ ਚ. ਦਮੇ ਦਮਨੇ. ਮਾਨਂ ਮਾਨਵਿਸੇਸੋ. ਸਾਨੁ ਪਬ੍ਬਤਸਾਨੁ.

੧੦੪੫. ਤਾਪੋ ¶ ਸੂਰਿਯਸਨ੍ਤਾਪੋ. ਸਪਚੇ ਚਣ੍ਡਾਲੇ, ਸਂ ਸੁਨਖਂ ਪਚਤੀਤਿ ਸਪਚੋ. ਪਸੁ ਚਤੁਪ੍ਪਦੋ. ਕੁਰੁਙ੍ਗੋ ਅਜਿਨਯੋਨਿ. ਉਲੂਕੋ ਕੋਟਰਸਕੁਣੋ. ਇਨ੍ਦੋ ਸਕ੍ਕੋ. ‘‘ਮਹਿਨ੍ਦੇ ਗੁਗ੍ਗੁਲੁਲੂਕ-ਪਲਗ੍ਗਾਹੇਸੁ ਕੋਸਿਯੋ’’ਤਿ ਅਮਰਸੀਹੋ.

੧੦੪੬. ਮਾਣਵੋ ਮਚ੍ਚੋ. ਅਤ੍ਤਾ ਸਰੀਰਾਧਿਪਤਿਦੇਵਤਾ. ਸਿਰੇ ਉਤ੍ਤਮਙ੍ਗੇ. ਤਿਪੁਮ੍ਹਿ ਕਾਲ਼ਲੋਹੇ.

੧੦੪੭. ਬਲਿ ਭਾਗਦੇਯ੍ਯੋ. ਹਤ੍ਥੋ ਪਾਣਿ. ਅਂਸੁ ਭਾ. ਦਨ੍ਤੇ ਰਦੇ. ਵਿਪ੍ਪੇ ਬ੍ਰਾਹ੍ਮਣੇ. ਅਣ੍ਡਜੇ ਅਣ੍ਡਸਞ੍ਜਾਤੇ. ਪਜ੍ਜੇ ਅਨੁਟ੍ਠੁਭਾਦੋ. ਆਨਨਂ ਮੁਖਂ. ਆਚਾਰੋ ਅਸੀਤਿਮਹਾਵਤ੍ਤਾਦਿ. ਧਞ੍ਞਙ੍ਗੇ ਭਿਨ੍ਨਤਣ੍ਡੁਲੇ. ਸੁਖੁਮੇ ਅਣੁਮ੍ਹਿ. ‘‘ਲਵਲੇਸਕਣਾਣਵੋ’’ਤਿ ਹਿ ਅਮਰਸੀਹੇਨ ਸੁਖੁਮਪਰਿਯਾਯੋ ਕਣੋ ਵੁਤ੍ਤੋ.

੧੦੪੮. ਥੂਣਾ ¶ ਗੇਹਾਦੀਨਂ ਪਧਾਨਦਾਰੁ. ਜਲ਼ਤ੍ਤਂ ਮੂਲ਼੍ਹਤ੍ਤਂ. ਕੁਮ੍ਮਾਸੋ ਮਾਸਵਿਕਤਿ. ਬ੍ਯਞ੍ਜਨਂ ਤਦਞ੍ਞਬ੍ਯਞ੍ਜਨਂ. ਫੋਟੋ ਨਾਮ ਯਸ੍ਮਿਂ ਪੂਯੇ ਵਿਪਰੀਤੇ ਦੁਕ੍ਖਵੇਦਨਾ ਨਤ੍ਥਿ. ਕਪੋਲੋ ਨਾਮ ਮੁਖਚੂਲ਼ਿਕਾਨਂ ਅਨ੍ਤਰਟ੍ਠਾਨਂ. ਮੂਲ੍ਯੇ ਮੂਲਧਨੇ.

੧੦੪੯. ਭਾਸਪਕ੍ਖੀ ਚ ਪਕ੍ਖੀ ਚ ਭਾਸਪਕ੍ਖਿਨੋ, ਤੇਸੁ, ‘‘ਸਕੁਨ੍ਤੋ ਪਕ੍ਖਿਭੇਦੇਪਿ, ਭਾਸਪਕ੍ਖਿ ਵਿਹਙ੍ਗਮੇ’’ਤਿ ਹਿ ‘‘ਭਾਸਨ੍ਤਂ ਸੁਨ੍ਦਰਾਕਾਰੇ, ਭਾਸਨ੍ਤੋ ਭਾਸਪਕ੍ਖਿਨੀ’’ਤਿ ਚ ਵੋਪਾਲਿਤੋ. ‘‘ਸਕੁਨ੍ਤੋ ਭਾਸਪਕ੍ਖਿਨੀ’’ਤਿਪਿ ਪਾਠੋ. ਭਾਗ੍ਯੇ ਸੁਭਾਸੁਭਾਵਹੇ ਕਮ੍ਮਨਿ. ਵਿਧਾਨੇ ਕਰਣੇ.

੧੦੫੦. ਯੋ ਆਕਾਸਂ ਅਬ੍ਭੁਗ੍ਗਨ੍ਤ੍ਵਾ ਪੁਨ ਓਤਰਿਤ੍ਵਾ ਉਦਕਬ੍ਭਨ੍ਤਰੇ ਮਚ੍ਛੇ ਗਣ੍ਹਾਤਿ, ਸੋ ਨੀਲਸਕੁਣੋ ਚਾਤਕੋ ਨਾਮ. ਏਣੇ ਏਣੀਮਿਗਖ੍ਯਾਤੇ. ਸਰੋ ਕਣ੍ਡੋ. ਸੇਦੇ ਸੇਦਨੇ, ਸਿਦ ਪਾਕੇ. ਪਾਕੋ ਪਚਨਂ. ਭਿਕ੍ਖੁਭੇਦੇ ‘‘ਗਣਪੂਰਕੋ’’ਤ੍ਯਾਦੀਸੁ. ਚਯੇ ਸਮੂਹੇ.

੧੦੫੧. ਪੁਞ੍ਜੇ ¶ ਪਿਣ੍ਡੇ. ਮੇਸੋ ਉਸਭੋ ਮੇਥੁਨਂ ਕਕ੍ਕਟੋ ਸੀਹੋ ਕਞ੍ਞਾ ਤੁਲਾ ਵਿਚ੍ਛਿਕੋ ਧਨੁ ਮਕਰੋ ਕੁਮ੍ਭੋ ਮੀਨੋਤਿ ਮੇਸਾਦਿ. ਲੋਣੇ ਲਵਣੁਤ੍ਤਮੇ. ਸਂਵਟ੍ਟੇ ਵਿਨਾਸਕਪ੍ਪੇ. ਕਮੁਕੇ ਤਮ੍ਬੂਲਫਲਰੁਕ੍ਖੇ.

੧੦੫੨. ਅਮਤੇ ਦੇਵਤਾਭੋਜਨੇ. ਲੇਪੇ ਸੁਦ੍ਧਸਕ੍ਖਰਚੁਣ੍ਣਾਦਿਮਯੇ. ਸਤ੍ਥੇ ਦੀਘਦਣ੍ਡੇ ਸਤ੍ਥਵਿਸੇਸੇ. ਨਜ੍ਜਨ੍ਤਰੇਤਿ ਗਙ੍ਗਾ ਯਮੁਨਾ ਅਚਿਰਵਤੀ ਸਰਭੂ ਮਹੀਤਿ ਪਞ੍ਚਸੁ ਮਹਾਨਦੀਸੁ ਪਞ੍ਚਮਾਯ ਮਹਾਨਦਿਯਂ. ਭੁਵਿ ਪਥਵਿਯਂ. ਕ੍ਰਿਯਾ ਨਾਰੀਸਿਙ੍ਗਾਰਭਾਵਜਾ ਕ੍ਰਿਯਾ. ਵਿਲਾਸੋ ਪਨ ਤਦਞ੍ਞਜੋ. ਅਤ੍ਰਜੇ ਪੁਤ੍ਤੇ.

੧੦੫੩. ਕੁਥੋ ਹਤ੍ਥਿਪਿਟ੍ਠਤ੍ਥਰਣਂ. ਵੇਣੀ ਨਾਰੀਨਂ ਕੇਸਕਲਾਪੋ. ‘‘ਪਵੇਣੀ ਵੇਣੀ ਕੁਥਯੋ’’ਤਿ ਹਿ ਵੋਪਾਲਿਤੋ. ‘‘ਪਵੇਣੀ ਕੁਲਵੇਣੀਸੂ’’ਤਿਪਿ ਕ੍ਵਚਿ ਪਾਠੋ. ਵੁਤ੍ਤਿ ਭਵਨਂ ¶ . ਵੁਤ੍ਤਾ ਵੁਤ੍ਤਨ੍ਤੋ. ਵੇਤਨੇ ਕਮ੍ਮੇਨ ਲਦ੍ਧਬ੍ਬੇ. ਭਰਣੇ ਪੋਸਨੇ, ਧਾਰਣੇ ਚ.

੧੦੫੪. ਮਰਿਯਾਦਸਦ੍ਦੋ ਦ੍ਵੀਸੁ. ਸਤ੍ਤਾ ਵਿਜ੍ਜਮਾਨਤਾ. ਸਮਿਦ੍ਧਿ ਸਮ੍ਪਤ੍ਤਿ. ਸੋਪ੍ਪੇ ਨਿਦ੍ਦਾਯਂ. ਵੁਤ੍ਤਿ ਜੀਵਿਤਵੁਤ੍ਤਿ.

੧੦੫੫. ਕੁਚ੍ਛਾ ਗਰਹਾ. ਅਪਵਾਦੋ ਅਵਣ੍ਣਵਾਦੋ, ਅਭੂਤਾਕ੍ਖਾਨਮ੍ਪਿ. ਧਞ੍ਞੇ ਧਞ੍ਞਵਿਸੇਸੇ, ਯਸ੍ਸ ਸੀਸਂ ਅਙ੍ਗੁਟ੍ਠਪ੍ਪਮਾਣਂ ਦੀਘਞ੍ਚ. ਪਿਯਙ੍ਗੁ ਗਨ੍ਧਦਬ੍ਬਂ. ਮੋਕ੍ਖੇ ਨਿਬ੍ਬਾਨੇ. ਸਿਵੇ ਕਲ੍ਯਾਣੇ.

੧੦੫੬. ਰਞ੍ਜਨੇ ਕਾਸਾਯਾਦਿਰਞ੍ਜਨੇ. ਸੂਰਤੇ ਮੇਥੁਨੇ. ਵਾਸੇ ਵਸਨਕ੍ਰਿਯਾਯਂ.

੧੦੫੭. ਪਤ੍ਥੇ ਮਾਨਤੁਮ੍ਬੇ. ਨਾਲ਼ੇ ਉਪ੍ਪਲਾਦੀਨਂ ਨਾਲ਼ੇ. ਪਿਪਾਸਾਯਂ ਪਾਤੁਮਿਚ੍ਛਾਯਂ. ਵੁਤ੍ਤਿ ਭਵਨਂ.

੧੦੫੮. ਪਾਣ੍ਯਙ੍ਗੇ ¶ ਸਙ੍ਖਨਾਭਿਯਂ. ਚਕ੍ਕਨ੍ਤੇ ਚਕ੍ਕਸ੍ਸ ਅਨ੍ਤੇ.

‘‘ਨਾਭਿ ਪਾਣ੍ਯਙ੍ਗਙ੍ਗੇ ਖੇਤ੍ਤੇ, ਚਕ੍ਕਨ੍ਤਚਕ੍ਕਵਤ੍ਤਿਸੁ;

ਨਾਭਿ ਪਧਾਨੇ ਕਤ੍ਥੂਰਿ-ਮਂਸੇ ਚ ਕ੍ਵਚਿ ਕਿਤ੍ਤਿਤੋ’’ਤਿ. –

੧੦੫੯. ਅਨ੍ਤਰੇਤਿ ਦ੍ਵਿਨ੍ਨਂ ਅਨ੍ਤਰੇ. ‘‘ਵੀਚਿ ਸੁਖਤਰਙ੍ਗੇਸੂ’’ਤਿ ਵੋਪਾਲਿਤੋ. ਥਿਰਤ੍ਤੇ ਥਿਰਭਾਵੇ. ‘‘ਧੀਰਤ੍ਤੇ’’ਤਿਪਿ ਪਾਠੋ, ਸੋਯੇਵਤ੍ਥੋ. ਸਵੇ ਸਵਨੇ.

੧੦੬੧. ਵਿਤ੍ਤੇ ਧਨੇ. ਅਙ੍ਕੋ ਲਕ੍ਖਣਂ. ਬੁਦ੍ਧਿ ਞਾਣਂ. ਖੇ ਆਕਾਸੇ.

੧੦੬੨. ਵਤੇ ¶ ਤਿਤ੍ਥਿਯਸਮਾਚਾਰੇ. ਆਗੁਮ੍ਹਿ ਅਪਰਾਧੇ. ਮਣਿ ਸਿਲਾਵਿਕਤਿ, ਮਣਿਸਙ੍ਖਾਤੋ ਵਾ ਰਤਨਵਿਸੇਸੋ ਇਧ ਮਣਿ ਨਾਮ. ਹਾਯਨੇ ਸਂਵਚ੍ਛਰੇ. ਵੁਟ੍ਠਿ ਵਸ੍ਸਨਂ.

੧੦੬੩. ਲਿਪਿ ਅਕਾਰਾਦੀਨਂ ਸਨ੍ਨਿਵੇਸਵਿਸੇਸੋ. ਮੋਕ੍ਖੋ ਨਿਬ੍ਬਾਨਂ. ਰਤੇ ਸੂਰਤੇ.

੧੦੬੪. ਪਾਪੇ ਚ ਅਸੁਭੇ ਚ ਰਿਟ੍ਠਂ. ਅਰਿਟ੍ਠਂਪ੍ਯਤ੍ਰ, ਤਬ੍ਭਾਵੇ ਤਤ੍ਰ ਅਕਾਰੋ. ਅਪਰਾਧੋ ਆਦੀਨਵੋ. ਕੇਤੁਮ੍ਹਿ ਪਟਾਕਾਯਂ. ਚਿਹਨੇ ਲਕ੍ਖਣੇ. ‘‘ਧਜੋ ਸੋਣ੍ਡਿਕਲੇਸੇਸੁ, ਪਟਾਕਾਯਞ੍ਚ ਚਿਹਨੇ’’ਤਿ ਵੋਪਾਲਿਤੋ.

੧੦੬੫. ਦ੍ਵਾਰਮਤ੍ਤੇਪਿ ਬਹਿਦ੍ਵਾਰੇਪਿ. ਇਤੋ ਪਰਂ ਯੇ ਅਨੇਕਤ੍ਥਾ ਵੁਚ੍ਚਨ੍ਤੇ, ਤੇ ਵਾਚ੍ਚਲਿਙ੍ਗਾ. ਫੁਟੇ ਪਾਕਟੇ.

੧੦੬੬. ਅਜ੍ਝਕ੍ਖੇ ¶ ਅਧਿਕਤੇ. ਜਲ਼ੇ ਅਞ੍ਞਾਣੇ. ਲੋਲੁਪੇ ਅਤਿਤਣ੍ਹੇ. ਚਲੇ ਕਮ੍ਪਿਤੇ.

੧੦੬੭. ਵਿਕਤੇ ਵਿਰੂਪੇ. ਕੋਮਲਂ ਅਕਠਿਨਂ. ਅਤਿਖਿਣੋ ਕੁਣ੍ਠੋ.

੧੦੬੮. ਸਿਤੇ ਸੇਤੇ. ਸੂਚਕੋ ਪੇਸੁਞ੍ਞਕਾਰਕੋ. ਅਹਿ ਸਪ੍ਪੋ. ਸਕ੍ਕੇ ਖਮੇ. ‘‘ਸਤ੍ਤੇ’’ਤਿ ਪਾਠੇ ਪਨ ਸਤ੍ਤਿਯੁਤ੍ਤੇਤ੍ਯਤ੍ਥੋ. ਸਮ੍ਬਨ੍ਧੇ ਅਵਿਪ੍ਪਯੋਗੇ. ਅਖਿਲੇ ਸਕਲੇ.

੧੦੬੯. ਕੇਵਲਂ ਅਸਮ੍ਮਿਸ੍ਸਂ. ਅਨ੍ਤੋ ਅਵਸਾਨਂ. ਅਧਮੋ ਨਿਹੀਨੋ. ਪਣਤੋ ਬੁਦ੍ਧਾਦੀਸੁ ਨਿਨ੍ਨੋ. ਨਿਨ੍ਨੋ ਥਲਪਟਿਪਕ੍ਖੋ.

੧੦੭੦. ਸੁਦ੍ਧੇ ¶ ਅਞ੍ਞੇਨ ਅਸਮ੍ਮਿਸ੍ਸਿਤੇ. ਪੂਤੇ ਮੇਜ੍ਝੇ.

੧੦੭੧. ਬ੍ਯਾਪੇ ਬ੍ਯਾਪਿਤੇ. ਭਾਵਿਨਿ ਅਨਾਗਤੇ ਵਤ੍ਥੁਮ੍ਹਿ. ਥੇਰੇ ਜਿਣ੍ਣੇ.

੧੦੭੨. ਬਹੁਸਦ੍ਦੋ ‘‘ਏਕਸ੍ਮਿਂ, ਦ੍ਵੀਸੁ ਚ ਨ ਪਵਤ੍ਤਤੀ’’ਤ੍ਯਾਦੀਸੁਯੇਵ ਪਵਤ੍ਤਤੀਤਿ ਮਞ੍ਞਮਾਨੋ ‘‘ਤ੍ਯਾਦੋ’’ਤਿ ਵਦਤਿ. ‘‘ਏਕਵਚਨਂ, ਬਹੁਵਚਨ’’ਨ੍ਤਿ ਵੁਤ੍ਤਤ੍ਤਾ ਪਨ ਦ੍ਵੀਸੁਪਿ ਬਹੁਸਦ੍ਦੋ ਵਤ੍ਤਤੇਵ. ਆਚਰਿਯੇਨ ਵਾ ਪਰਸਮਯਵਚਨਾਨਿ ਮਨਸਿ ਕਤ੍ਵਾ ‘‘ਤ੍ਯਾਦੋ’’ਤਿ ਵੁਤ੍ਤਂ. ਤਿਵਿਧਞ੍ਹਿ ਤਤ੍ਥ ਵਚਨਂ ਏਕਵਚਨਂ ਦ੍ਵਿਵਚਨਂ ਬਹੁਵਚਨਨ੍ਤਿ. ਸਬ੍ਬਪਾਰਿਸਦਤ੍ਤਾ ਹਿ ਬ੍ਯਾਕਰਣਸ੍ਸ ਸਬ੍ਬੇਸਂ ਵਾਦਾ ਕਤ੍ਥਚਿ ਕਥੀਯਨ੍ਤੇ.

ਧੀ ਵੁਚ੍ਚਤਿ ਪਞ੍ਞਾ, ਸਾ ਯਸ੍ਸ ਅਤ੍ਥਿ, ਸ ਧੀਰੋ, ਬੁਧੋ. ਧਾਨਂ ਵਾ ਧੀ, ਸਾ ਯਸ੍ਸਤ੍ਥੀਤਿ ਸ ਧੀਰੋ, ਧਿਤਿਮਨ੍ਤੋ. ਧੁਤੇ ਚਲੇ.

੧੦੭੩. ਯਾਨੇ ¶ ਹਤ੍ਥਾਦਿਯਾਨੇ ਯੋਗ੍ਗਂ. ਖਮੇ ਪਨ ਯੋਗ੍ਗੋ.

੧੦੭੪. ਵੁਡ੍ਢੇ ਆਯੁਵੁਡ੍ਢੇ. ਕੁਲਜੇ ਕੁਲੀਨੇ. ਵੁਦ੍ਧੋ ਆਯੁਵੁਡ੍ਢੋ. ਉਰੁ ਪਮਾਣਤੋ ਮਹਨ੍ਤੋ.

੧੦੭੫. ਵੁਤ੍ਤੇ ਵਤ੍ਤਬ੍ਬੇ. ਉਗ੍ਗਤੇ ਉਦ੍ਧਂਗਤੇ. ਆਦਿਤ੍ਤੇ ਅਗ੍ਯਾਦੀਹਿ, ਗਬ੍ਬਿਤੇ ਸਞ੍ਜਾਤਮਾਨੇ.

੧੦੭੬. ਵਿਗਤੇ ਵਿਗਤਰਾਗੇ. ਵਾਯਨੇ ਵੀਤੇ ਪਟੇ. ਭਜ੍ਜਿਤੇ ਧਞ੍ਞਾਦਿਕੇ. ਭਜ੍ਜ ਪਾਕੇ.

੧੦੭੭. ਚਯੇ ¶ ਸਮੂਹੇ. ਸਮੋ ਤੁਲ੍ਯੋ. ਅਰਿ ਸਤ੍ਤੁ. ‘‘ਸਮਾਦਿਸੂ’’ਤਿਪਿ ਪਾਠੋ. ਵੀਰੇ ਅਕਾਤਰੇ ਸੂਰੇ. ਰਵਿਸੂਰੋਤਿ ਰਵਿਸੂਰਿਯੋ ‘‘ਸੂਰੋ’’ਤਿ ਵੁਤ੍ਤੋ. ਕੁਦ੍ਧੇ ਕੋਧਸਹਿਤੇ. ਦੂਸਿਤੇ ਅਪ੍ਪਿਯੇ.

੧੦੭੮. ਅਰਿਮ੍ਹਿ ਸਤ੍ਤੁਮ੍ਹਿ ਦਿਟ੍ਠੋ. ਇਕ੍ਖਿਤੇਪਿ ਦਿਟ੍ਠੋ. ਪੋਤੇ ਬਾਲਕੇ. ਵਤੇ ਏਕਨ੍ਤਸਾਧਨੇ ਵਤਕਮ੍ਮੇ.

੧੦੭੯. ਸਲਾਕਾਯਂ ਕੁਸਾਵਹਾਰੇ. ਦਬ੍ਬੇ ਵਰਹਿਸਤਿਣੇ. ਖਯੇ ਉਦਯਬ੍ਬਯਾਨੁਪਸ੍ਸੀਤਿ. ਸਕੁਣੇਪਿ ਵਯੋ ‘‘ਵਿਸਯੁਤ੍ਤਨ੍ਨਭੁਤ੍ਤਾਨਂ, ਵਯਾਨਂ ਮਰਣਂ ਭਵੇ’’ਤ੍ਯਾਦੀਸੁ. ਗਬ੍ਬੋ ਅਭਿਮਾਨੋ.

੧੦੮੦. ਬਿਲ਼ਾਲੇ ¶ ਮਜ੍ਜਾਰੇ. ਨਕੁਲੇ ਅਹਿਸਤ੍ਤੁਮ੍ਹਿ. ਮਨ੍ਥਨੋ ਖੀਰਮਨ੍ਥਨਦਣ੍ਡੋ. ਸਤ੍ਤੁ ਤਣ੍ਡੁਲਵਿਕਤਿਖਜ੍ਜਵਿਸੇਸੋ. ਅਸ੍ਸਾਦਿਲੋਮੇ ਅਸ੍ਸਾਦੀਨਂ ਲੋਮੇ. ਘਾਤੋ ਮਰਣਂ. ਰਾਸਿ ਪੁਞ੍ਜੋ.

੧੦੮੧. ਗੋਪਗਾਮੇ ਗੋਪਾਲਾਨਂ ਗਾਮੇ. ਰਵੇ ਸਦ੍ਦੇ. ਸਾਰਥਿ ਪਾਜਿਤਾ. ਵਨ੍ਦੀ ਥੁਤਿਪਾਠਕੋ.

‘‘ਸਾਰਥਿਮ੍ਹਿ ਤਿਚ੍ਛਕੇ ਚ, ਪਸੁਤੇ ਵੇਦਿਤੇਪਿ ਚ;

ਖਤ੍ਤਿਯਾ ਬ੍ਰਾਹ੍ਮਣਿਯਾ ਜੇਪਿ, ਵਿਸੂਤੋ ਪਾਦਵਨ੍ਦਿਸੂ’’ਤਿ. –

ਵੋਪਾਲਿਤੋ. ਪੁਪ੍ਫੇ ਸੁਤ੍ਤਾਦਿਨਾ ਅਸਙ੍ਖਤੇ. ਤਦ੍ਦਾਮੇ ਪੁਪ੍ਫਦਾਮੇ ਸੁਤ੍ਤਾਦਿਨਾ ਸਙ੍ਖਤੇ. ਸਕਟੇ ਅਨੇ. ਹਯੇ ਅਸ੍ਸੇ.

੧੦੮੨. ਅਚ੍ਚਨੇ ਪੂਜਾਯਂ. ਭੇ ਨਕ੍ਖਤ੍ਤੇ. ਨੇਤ੍ਤਮਜ੍ਝੇ ‘‘ਸੂਲਾ’’ਤਿ ਖ੍ਯਾਤੇ. ਓਧਿ ਮਰਿਯਾਦੋ.

੧੦੮੩. ਪੁਣ੍ਣਤਾ ¶ ਪਰਿਪੁਣ੍ਣਤਾ. ਅਵਜ੍ਜਂ ਦੋਸੋ. ਮਨਕ੍ਕਾਰੇਪਿ ਆਭੋਗੋ. ਆਲ਼ਿਸਦ੍ਦੋ ਇਤ੍ਥੀ. ਸਖੀ ਵਯਸਾ. ਸੇਤੁ ਜਲਵਾਰਣੋ, ਨਦ੍ਯਾਦਿਮਗ੍ਗੋ ਚ. ਸਤ੍ਤੇ ਸਤ੍ਤਿਯੁਤ੍ਤੇ, ਥਿਰੇਤ੍ਯਤ੍ਥੋ. ‘‘ਦਲ਼੍ਹੋ ਥੂਲੇ ਭੁਸੇ ਸਤ੍ਤੇ, ਪਗਾਲ਼੍ਹੇਪਿ ਦਲ਼੍ਹੇ ਮਤੋ’’ਤਿ ਵੋਪਾਲਿਤੋ.

੧੦੮੪. ਮੋਕ੍ਖੇ ਨਿਬ੍ਬਾਨੇ, ਅਰਹਤ੍ਤਫਲੇਪਿ. ਸਾਮਿਨਿ ਪਤਿਮ੍ਹਿ. ਧਾਰਕੇਤਿ ਧਾਰੇਤੀਤਿ ਧਾਰਕੋ, ਤਤ੍ਥ. ਪੋਸਕੇਪਿ ਭਤ੍ਤਾ.

੧੦੮੫. ਸਿਖਾ ਚੂਲ਼ਾ. ਪਿਞ੍ਛਂ ਪੁਚ੍ਛਂ. ਅਤ੍ਤਨਿ ‘‘ਸਙ੍ਘਿਕਂ ਪੁਗ੍ਗਲਿਕ’’ਨ੍ਤ੍ਯਾਦੀਸੁ. ਖੇਪੇ ਨਿਨ੍ਦਾਯਂ.

੧੦੮੬. ਰੂਪੇ ਵਣ੍ਣੇ. ਕਰੀਸੇ ਗੂਥੇ.

੧੦੮੭. ਖਣ੍ਡੇ ¶ ਸਕਲੇ. ਪਣ੍ਣੇ ਰੁਕ੍ਖਾਦੀਨਂ ਪਣ੍ਣੇ. ਕਣ੍ਡੇ ਸਰੇ. ਸਲਾਕਾ ਵਣੋਪਯੁਤ੍ਤਾ. ਸੁਚਿਨੋ ਭਾਵੋ ਸੁਚਿਤ੍ਤਂ, ਤਸ੍ਮਿਂ. ਗਤੇ ਗਮਨਕ੍ਰਿਯਾਯਂ. ‘‘ਧਾਵ ਗਤਿਸੁਦ੍ਧਿਯ’’ਨ੍ਤਿ ਹਿ ਧਾਤੁਪਾਠੋ. ਹਾਵੋ ਇਤ੍ਥੀਨਂ ਸਿਙ੍ਗਾਰਭਾਵਜਕ੍ਰਿਯਾ. ਅਵਿਜ੍ਜਾਯ ਅਞ੍ਞਾਣੇ. ਮੁਚ੍ਛਨੇ ਵਿਸਞ੍ਞਿਭਾਵੇ.

੧੦੮੮. ਘਮ੍ਮਜਲਂ ਕਾਯੇ ਉਣ੍ਹੇਨ ਸਞ੍ਜਾਤਜਲਂ. ਪਾਕੇ ਪਚ੍ਚਨੇ. ਗੋਲ਼ੇ ‘‘ਮੁ-ਯੀ’’ਇਤਿ ਖ੍ਯਾਤੇ ਮਤ੍ਤਿਕਾਗੁਲ਼ਕੇ. ਉਚ੍ਛੁਮਯੇ ਉਚ੍ਛੁਰਸਸਞ੍ਜਾਤੇ. ਮਿਤ੍ਤੇ ਪਿਯਮਿਤ੍ਤੇ, ਮਿਤ੍ਤਮਤ੍ਤੇ ਵਾ. ਸਹਾਯੇ ਅਤ੍ਥਚਰੇ. ਪਭੂ ਅਧਿਪਤਿ. ਸੋ ਪੁਲ੍ਲਿਙ੍ਗੋ.

੧੦੮੯. ਕੁਰੂਰੇ ਕਕ੍ਖਲ਼ਕਮ੍ਮਨ੍ਤੇ. ਪਰਸ੍ਮਿਂ ਪਰਟ੍ਠਾਨੇ, ਪਰਲੋਕੇ ਵਾ. ਅਤ੍ਰ ਠਾਨੇ, ਲੋਕੇ ਵਾ. ਅਙ੍ਕੋ ਚਿਹਨਂ. ਅਪਰਾਧੇ ਨਾਟਕਪਰਿਚ੍ਛੇਦੇਪਿ ਅਙ੍ਕੋ. ਅਪਵਾਦੋ ਲੋਕਗਰਹਾ. ਦੇਸੇ ਦੇਸਵਿਸੇਸੇ. ‘‘ਭਵੇ ਜਨਪਦੋ ਦੇਸੇ, ਜਨੇ ਜਨਪਦੇਪਿ ਚੇ’’ਤਿ ਵੋਪਾਲਿਤੋ.

੧੦੯੦. ਪਜ੍ਜੇ ¶ ਸਿਲੋਕੇ. ਵਚੀਭੇਦੇ ਬ੍ਯਤ੍ਤਵਾਚਾਯਂ. ਅਨ੍ਵਯੇ ਸਨ੍ਤਾਨੇ. ਸਰੂਪਸ੍ਮਿਂ ਸਮਾਨਭਾਵੇ. ਅਧੋਭਾਗੇ ਚ ਤਲਂ.

੧੦੯੧. ਵਿਲਗ੍ਗੇ ਕਾਯਮਜ੍ਝੇ. ਵੇਮਜ੍ਝੇ ਮਜ੍ਝਸਾਮਞ੍ਞੇ. ਕੁਸੁਮਂ ਪਸਵਂ. ਉਤੁ ਇਤ੍ਥਿਪੁਪ੍ਫਂ. ਸੁਬ੍ਬਤੇ ਸੁਨ੍ਦਰੇ ਵਤੇ.

੧੦੯੨. ਕੋਸੇ ਲਿਙ੍ਗਪਸਿਬ੍ਬਕੇ. ਗਬ੍ਭਰੇ ਗੁਹਾਯਂ. ਬਿਲੇ ਕਿਪਿਲ੍ਲਿਕਾਦੀਨਂ ਆਵਾਸੇ. ਗਣ੍ਡਕੇ ਖਗ੍ਗਵਿਸਾਣੇ. ਕਦਮ੍ਬੇ ‘‘ਥਿਨ’’ਇਤਿ ਖ੍ਯਾਤੇ. ਦੁਮੇ ਰੁਕ੍ਖੇ. ਚਯੇ ਸਮੂਹੇ.

੧੦੯੩. ਭੇ ਨਕ੍ਖਤ੍ਤਭੇਦੇ. ਧੇਨੁਯਂ ਸਿਙ੍ਗਿਨਿਯਂ. ਯੋਨਿਯਂ ਇਤ੍ਥੀਨਂ ਅਙ੍ਗਜਾਤੇ. ਸਿਰੇ ਸੀਸੇ.

੧੦੯੪. ਭੋਗੀਸਦ੍ਦੋ ¶ ਭੋਗਵਤਿ ਪੁਗ੍ਗਲੇ, ਉਰਗੇ ਚ. ਸਿਵੋ ਮਹਿਸ੍ਸਰੋ. ਬਲੇ ਥਾਮੇ. ਪਭਾਵੇ ਤੇਜਸਿ. ‘‘ਵੀਰਿਯਂ ਸੁਕ੍ਕੇ ਪਭਾਵੇ, ਤੇਜੋ ਸਾਮਤ੍ਥਿਯੇਸ੍ਵਪੀ’’ਤਿ ਵੋਪਾਲਿਤੋ. ਤੇਜਸਦ੍ਦੋ ਪਨ ਤੇਸੁ ਚ ਯਥਾਵੁਤ੍ਤੇਸੁਪਿ ਦ੍ਵੀਸ੍ਵਤ੍ਥੇਸੁ, ਦਿਤ੍ਤਿਯਞ੍ਚ ਵਤ੍ਤਤਿ.

੧੦੯੫. ਸਨ੍ਤਤਿ ਆਧਾਰੋ. ਖਗ੍ਗਙ੍ਗੇ ਖਗ੍ਗਸ੍ਸ ਤਿਖਿਣਾਵਯਵੇ. ਸੂਤੇ ਸਾਰਥਿਮ੍ਹਿ. ਪਟਿਹਾਰੇ ਵਚਨਹਾਰੇ. ‘‘ਵਿਦ ਲਾਭੇ’’ਤਿ ਧਾਤ੍ਵਤ੍ਥਤੋ ਵਿਤ੍ਤਿ. ਪੀਲ਼ਾ ਵਿਬਾਧਾ.

੧੦੯੬. ਰਵੇ ਸਦ੍ਦੇ. ਪਲਾਸੇ ਨਿਤ੍ਤਣ੍ਡੁਲਵੀਹਿਮ੍ਹਿ.

੧੦੯੭. ਰੁਕ੍ਖੇ ਅਮ੍ਬਟ੍ਠਰੁਕ੍ਖੇ. ਪਰਸਮਯੇ ਪਨ ਬਾਧਾ. ਅਧਿਕਪ੍ਪੇਮੇ ਅਤਿਸਯਪੇਮੇ.

੧੦੯੮. ਕੇਤੁਮ੍ਹਿ ¶ ਧਜੇ. ਲੇਖ੍ਯੇ ਲਿਖਿਤਬ੍ਬੇ ਲੇਖੇ. ਰਾਜਿਯਂ ਤੁ ਲੇਖਾ.

੧੦੯੯. ਸਤ੍ਥੇ ਆਵੁਧਭੇਦੇ. ਸਤ੍ਤੇ ਪਾਣਿਮ੍ਹਿ. ਚਯੇ ਸਮੂਹੇ.

੧੧੦੦. ਆਲ਼ਿਯਂ ਨਦੀਮਗ੍ਗੇ, ਜਲਧਾਰਣੇ ਚ.

੧੧੦੧. ਸਂਸਦੇ ਸਭਾਯੇ. ਅਯਨਸਦ੍ਦੋ ਗਮਨੇ, ਪਥੇ ਚ ਵਤ੍ਤਤਿ.

੧੧੦੨. ਰੁਕ੍ਖਨ੍ਤਰੇ ¶ ਗਣਦੁਮੇ. ਸੂਰੇ ਸੂਰਿਯੇ. ਕੋਣੇ ਵਿਦਿਸਾਯਂ. ਹਯੇ ਤੁਰਙ੍ਗੇ ਚ ਅਸ੍ਸੋ. ਖਨ੍ਧੇ ਭੁਜਸਿਰੇ. ਅਚ੍ਚਿਸਦ੍ਦੋ ਜਾਲਾਯਂ ਅਗ੍ਗਿਜਾਲਾਯਂ. ਅਂਸੁਮ੍ਹਿ ਤਸ੍ਸ, ਅਞ੍ਞੇਸਞ੍ਚ ਅਂਸੁਮ੍ਹਿ ਵਤ੍ਤਤਿ. ਸੋ ਚ ਨੋ ਪੁਮੇ ਪੁਲ੍ਲਿਙ੍ਗੇ ਨ ਵਤ੍ਤਤਿ.

੧੧੦੩. ਅਭਾਵਸਦ੍ਦੋ ਨਾਸੇ ਵਿਜ੍ਜਮਾਨਸ੍ਸ ਨਾਸੇ. ਅਸਤ੍ਤਸਦ੍ਦੋ ਅਵਿਜ੍ਜਮਾਨਤ੍ਥੇ ਵਤ੍ਤਤਿ. ਭੁਤ੍ਤਿ ਭੁਞ੍ਜਨਕ੍ਰਿਯਾ. ਪਾਣੇ ਆਯੁਮ੍ਹਿ ਜੀਵਂ. ਜਨੇ ਪਾਣਵਤਿ ਜੀਵੋ.

੧੧੦੪. ਛਦਨੇ ਗਹਾਦੀਨਂ ਛਦਨੇ. ਰਾਸਿ ਪੁਞ੍ਜੋ, ਸਹਧਮ੍ਮੀਨਂ ਗਣੋ ਚ.

‘‘ਨਿਕਾਯੋ ਨਿਲਯੇ ਲਕ੍ਖ੍ਯੇ, ਸਂਹਤਾਨਂ ਸਮੁਚ੍ਚਯੇ;

ਏਕਤ੍ਥ ਭਾਜਿਨਿ ਵਸੇ, ਪਰਮਤ੍ਤਨਿ ਵੁਚ੍ਚਤੇ’’ਤਿ. –

ਵੋਪਾਲਿਤੋ. ਯਜਨੇ ਦੇਵਪੂਜਾਯਂ. ਅਚ੍ਚਨੇ ਪੂਜਾਮਤ੍ਤੇ. ਦਿਕ੍ਖ ਮੁਣ੍ਡਿਯੋਪਨਯਨਨਿਯਮਬ੍ਬਤਾਦੇਸੇਸੁ.

੧੧੦੫. ਕਰਣਂ ¶ ਕਾਰੋ, ਸੋ ਏਵ ਕਾਰਿਕਾ, ਕ੍ਰਿਯਾ, ਸਕਤ੍ਥੇ ਣਿਕੋ. ਪਜ੍ਜੇਪਿ ਸੋਯੇਵਤ੍ਥੋ. ਚਿਹਨੇ ਲਕ੍ਖਣੇ. ਥੀਰਜੇ ਇਤ੍ਥੀਨਂ ਉਤੁਮ੍ਹਿ. ਪੁਪ੍ਫੇ ਸੁਮਨੇ. ਵਾਨਰੇ ਮਕ੍ਕਟੇ.

੧੧੦੬. ਅਧਰੇ ਦਨ੍ਤਾਵਰਣੇ. ਖਰਭੇ ‘‘ਕ-ਲ-ਅਉ’’ਇਤਿ ਖ੍ਯਾਤੇ. ਲੋਭਪੁਗ੍ਗਲੇਪਿ ਲੁਦ੍ਧੋ. ਆਵਿਲੇ ਅਨਚ੍ਛੇ.

੧੧੦੮. ਹਾਸੋ ਚ ਗਨ੍ਧੋ ਚ ਹਾਸਗਨ੍ਧਾ, ਤੇਸੁ. ਗਨ੍ਧੋਤ੍ਰ ਦੂਰਗਾਮੀ. ਕਲ੍ਯਾਣੇਪਿ ਚਾਰੁ. ਖਲ ਚਲਨੇ, ਸਞ੍ਚਯੇ ਚ, ਤੋ, ਖਲਿਤੋ.

੧੧੦੯. ਵਕ੍ਕਲੇ ¶ ਰੁਕ੍ਖਤ੍ਤਚੇ. ਅਧਿਰੋਹੇ ਆਰੋਹਨਕ੍ਰਿਯਾਯਂ. ਵਤ੍ਥਨ੍ਤਰਂ ਵਿਚਿਤ੍ਤਰੂਪਂ ਵਤ੍ਥਂ, ਯਂ ਚੀਨਦੇਸੇ ਸਞ੍ਜਾਤਂ.

੧੧੧੦. ਪਟਿਹਾਰੇ ‘‘ਡ-ਗਾ’’ਇਤਿ ਖ੍ਯਾਤੇ. ਮੁਖੇ ਭਤ੍ਤਾਦੀਨਂ ਪਵੇਸਨਟ੍ਠਾਨੇ. ਪੇਤੇ ਪਰਲੋਕਂ ਗਤੇ. ਅਪਰਣ੍ਣਂ ਮੁਗ੍ਗਾਦਿ. ਕਾਲੋ ਤਿਂਸਰਤ੍ਤਿਦਿਵਪਰਿਚ੍ਛਿਨ੍ਨੋ.

੧੧੧੧. ਦੋਸੇ ਕੋਧੇ. ਘਾਤੇ ਮਾਰਣੇ. ਮਿਗਾਦੋ ਚਤੁਪ੍ਪਦੇ. ਛਗਲੇ ਅਜੇ. ਅਰੂਪੇ ਫਸ੍ਸਾਦਿਕੇ. ਅਵ੍ਹਯੇ ਸਞ੍ਞਾਯਂ. ਦਰਥੇ ਕਾਯਚਿਤ੍ਤਸਮ੍ਭੂਤੇ ਸਨ੍ਤਾਪੇ. ਭੀਤਿ ਭਯਂ.

੧੧੧੨. ਭਾਰੇ ਖਨ੍ਧਭਾਰਾਦਿਕੇ. ਸੁਜਾਸਦ੍ਦੋ ਦਬ੍ਬਿਯਂ ਕਟਚ੍ਛੁਯਂ, ਇਨ੍ਦਜਾਯਾਯਂ ਸਕ੍ਕਸ੍ਸ ਭਰਿਯਾਯਞ੍ਚ. ਵਿਹਾਯਸੇ ਆਕਾਸੇ.

੧੧੧੩. ਮਣਿਕੇ ¶ ਮਹਤਿ ਉਦਕਭਾਜਨੇ. ਰਤਨੇ ਅਸ੍ਮਵਿਕਾਰੇ ਰਤਨਸਾਮਞ੍ਞੇ. ਸੇਲੋ ਚਨ੍ਦਨਪਬ੍ਬਤੋ. ਆਰਾਮੇ ਪੁਪ੍ਫਾਰਾਮਾਦਿਆਰਾਮੇ.

‘‘ਮਲਯੋ ਦੇਸੇ ਸੇਲਙ੍ਗਪਬ੍ਬਤਨ੍ਤਰੇ, ਮਲਯਾਤਿਵੁਤਾਯਞ੍ਚਾ’’ਤਿ ਵੋਪਾਲਿਤੋ. ਅਙ੍ਕੋ ਚਿਹਨਂ.

੧੧੧੪. ਸਪ੍ਪਿਮ੍ਹਿ ਘਤੇ, ਤਦਞ੍ਞੇ ਹੋਤਬ੍ਬੇ ਚ ਹਵਿ.

‘‘ਰਹਸਿ ਚ ਵਿਚਾਰੇ ਚ, ਵਿਵੇਕੋ ਜਲਦੋਣਿਯ’’ਨ੍ਤਿ ਵੋਪਾਲਿਤੋ.

‘‘ਵੇਗੋ ਜਵੇ ਪਵਾਹੇ ਚ, ਮਹਾਕਾਲਫਲੇਪਿ ਚੇ’’ਤਿ [ਮੇਦਿਨੀਕੋਸ ੩.੨੪] ਵੋਪਾਲਿਤੋ. ਖਿਲੇ ਅਣੁਖਾਣੁਮ੍ਹਿ. ਕਣੇ ਅਪ੍ਪੇ.

੧੧੧੬. ਨੇਤ੍ਤਨ੍ਤੇ ¶ ਚਕ੍ਖੁਕੋਣੇ. ਚਿਤ੍ਤਕੇ ਤਿਲਕੇ.

‘‘ਅਪਾਙ੍ਗਂ ਅਙ੍ਗਹੀਨੇ ਚ, ਨੇਤ੍ਤਨ੍ਤੇ ਤਿਲਕੇਪਿ ਚੇ’’ਤਿ [ਮੇਦਿਨੀਕੋਸ ੩.੨੮] ਵੋਪਾਲਿਤੋ. ਮੁਤ੍ਤਾਗੁਣੇ ਸੁਤ੍ਤਬਨ੍ਧਮੁਤ੍ਤਾਯਂ. ਗਹਣਂ ਗਾਹੋ, ਤਸ੍ਮਿਂ. ਮਕੁਲ਼ੇ ਅਪੁਪ੍ਫਿਤੇ. ਰਸੇ ਲੋਣਰਸੇ.

੧੧੧੭. ਅਗੋ, ਨਗੋ ਚਾਤਿ ਦ੍ਵੇ ਅਭਿਧਾਨਾਨਿ ਸੇਲਰੁਕ੍ਖੇਸੁ ਵਤ੍ਤਨ੍ਤਿ. ਸ੍ਵਪ੍ਪੇ ਸੁਟ੍ਠੁ ਅਪ੍ਪੇ, ਅਪ੍ਪਤਰੇਤ੍ਯਤ੍ਥੋ. ਅਵਧਾਰਣੇ ‘‘ਨਮਨਮਤ੍ਤ’’ਨ੍ਤ੍ਯਾਦੀਸੁ. ਅਚ੍ਚਨੇ ਪੂਜਾਯਂ.

੧੧੧੮. ਛਿਦ੍ਦੇ ਦੋਸੇ. ਓਤਰਣਂ ਜਲਤਿਤ੍ਥਾਦੀਸੁ ਅਵਤਰਣਂ. ਅਯ੍ਯਕੇ ਪਿਤੁਪਿਤਰਿ.

੧੧੧੯. ਰੁਕ੍ਖੇ ¶ ਖਗ੍ਗਫਲੇ. ਸੁਨੇ ਸੁਨਖੇ. ਗਨ੍ਧੇ ਅਧਿਵਾਸਨਗਨ੍ਧੇ.

੧੧੨੦. ਕੋਣੇ ਅਸ੍ਸੇ. ਸਵਨੇ ਸੋਤੇ. ਪਨ੍ਤਿਯਂ ਵੀਥਿਯਂ. ਭਾਗ੍ਯਂ ਪੁਞ੍ਞਂ. ਏਕਦੇਸੋ ਤਤਿਯਭਾਗਾਦਿ. ਅਜਪਾਲਕੇ ਪੋਕ੍ਖਰੇ. ‘‘ਕੁਟ੍ਠਂ ਰੋਗੇ ਸੁਗਨ੍ਧੇ ਚਾ’’ਤਿ ਵੋਪਾਲਿਤੋ.

੧੧੨੧. ਸੇਨਾਸਨੇ ਵਿਹਾਰਾਦਿਕੇ. ਸੇਨੇ ਪੀਠਾਦਿਕੇ. ਚੁਨ੍ਦਭਣ੍ਡਮ੍ਹਿ ਚੁਨ੍ਦਾਨਂ ਉਪਕਰਣੇ. ‘‘ਭਮੋ’ਮ੍ਬੁਨਿਗ੍ਗਮੇ ਭਣ੍ਡਿ, ਚੁਨ੍ਦਾਖ੍ਯੇ ਸਿਪ੍ਪਿਯਨ੍ਤਕੇ’’ਤਿ ਨਾਨਤ੍ਥਸਙ੍ਗਹੇ ਵੋਪਾਲਿਤੋ. ਅਂਸੁਸਦ੍ਦੋ ਵਤ੍ਥਾਦੀਨਂ ਲੋਮੇ, ਕਰੇ ਕਿਰਣਮਤ੍ਤੇ ਚ. ਅਬ੍ਯਯੇ ਪਕਾਰਾਦਿਕੇ.

੧੧੨੨. ਖਜ੍ਜਨ੍ਤਰੇ ¶ ਸੂਕਰਵਚ੍ਚਸਣ੍ਠਾਨੇ ਧਞ੍ਞਵਿਕਾਰੇ. ਦਿਸੇ ਰਿਪੁਮ੍ਹਿ. ਪਤਿ ਧਵੋ. ਅਰਿਯੋ ਅਧਿਪਤਿ.

‘‘ਰਙ੍ਗੋ ਦਾਨੇ ਖਲੇ ਰਾਗੇ, ਤਚ੍ਛੇ ਰਙ੍ਗਂ ਤਿਪੁਮ੍ਹਿ ਚੇ’’ਤਿ ਵੋਪਾਲਿਤੋ. ਪੇਯ੍ਯੇ ਉਦਕਾਦਿਕੇ. ਪੀਤਿਯਂ ਪਿਵਨਕ੍ਰਿਯਾਯਂ. ‘‘ਰਕ੍ਖਣੇ ਪੀਤਿਯਂ ਪਾਨ’’ਨ੍ਤਿ ਵੋਪਾਲਿਤੋ. ਇਣੇ, ਉਕ੍ਖੇਪਨੇ ਚ ਉਦ੍ਧਾਰੋ. ਉਮ੍ਮਾਰੇ ਦ੍ਵਾਰੁਮ੍ਮਾਰੇ. ਏਲ਼ਕਸਦ੍ਦਸ੍ਸ ਅਜਸ੍ਸਾਪਿ ਵਾਚਕਤ੍ਤਾ ‘‘ਏਲ਼ਕੋ ਅਜੇ’’ਤਿ ਵੁਤ੍ਤਂ.

੧੧੨੪. ਪਹਰਣਂ ਪਹਾਰੋ, ਪੋਥਨਂ. ਪਹਰਤਿ ਏਤ੍ਥਾਤਿ ਪਹਾਰੋ, ਯਾਮੋ, ਹਾਯਨੋ ਸਂਵਚ੍ਛਰੋ. ਕੁਣ੍ਡਿਕਾਯਂ ‘‘ਕਯਾ’’ਇਤਿ ਖ੍ਯਾਤਾਯਂ. ਆਲ਼੍ਹਕੇ ਚਤੁਪਤ੍ਥਪ੍ਪਮਾਣੇ. ਭੁਸਮ੍ਹਿ ਤਣ੍ਡੁਲਤ੍ਤਚੇ.

੧੧੨੫. ਆਵਾਟੇ ¶ ਕੂਪੇ. ਚਯੇ ਸਮੂਹੇ ਚ. ਕਾਸੁ ਸਾ, ਕਾਰਣੇ, ਰਹਸਿ ਚ ਉਪਨਿਸਾ.

‘‘ਭਵੇ ਉਪਨਿਸਾ ਧਮ੍ਮੇ, ਵੇਦਨ੍ਤੇਪਿ ਰਹਸ੍ਯਮ੍ਪੀ’’ਤਿ ਵੋਪਾਲਿਤੋ. ਪੋਟਗਲੇ ‘‘ਫੋ-ਖਾ’’ਇਤਿ ਖ੍ਯਾਤੇ. ਗੁਣੇਤਰੇ ਅਵਜ੍ਜੇ.

੧੧੨੬. ਯੁਤ੍ਤੇ ‘‘ਅਟ੍ਟਂ ਵਿਨਿਚ੍ਛਿਨਾਤੀ’’ਤ੍ਯਾਦੀਸੁ. ਅਟ੍ਟਾਲੇ ‘‘ਗੋਪੁਰਟ੍ਟੇਹਿ ਸਂਯੁਤ੍ਤ’’ਮਿਚ੍ਚਾਦੀਸੁ. ਅਟ੍ਟਿਤੇ ‘‘ਅਟ੍ਟਸ੍ਸਰਂਕਰੋਤੀ’’ਤ੍ਯਾਦੀਸੁ. ਅਟ੍ਟ ਅਭਿਯੋਗੇ, ਅਟ੍ਟ ਅਤਿਕ੍ਕਮਹਿਂਸਾਸੂਤਿ ਧਾਤ੍ਵਤ੍ਥੋ. ਕਾਨਨੇ ਵਨੇ. ਉਪ੍ਪਤ੍ਤਿਯਂ ਜਨਨੇ, ਵਿਹਾਯਸਾਗਮਨੇ ਚ.

੧੧੨੭. ਲਾਮਕੇ ਨਿਹੀਨੇ. ਖਨ੍ਧੇ ਰੂਪਾਦਿਕੇ. ਮੂਲਂ ਮੂਲਧਨਂ. ਉਪਦਾ ਪਹੇਣਕਂ. ਅਵਤ੍ਥਾਯਂ, ਪਟਸ੍ਸ ਅਨ੍ਤੇ ਚ ਦਸਾ. ਘਾਤੋ ਮਾਰਣਂ.

੧੧੨੮. ਗਬ੍ਬੇ ¶ ਮਾਨੇ. ਘਟਨਂ ਸਿਲੇਸਕਰਣਂ. ਰਾਸਿ ਪੁਞ੍ਜੋ, ਏਤੇਸੁ ਘਟਸਦ੍ਦੋ. ਅਭਿਹਾਰੇ ਪੂਜਾਯਂ. ਬਨ੍ਧਨੇ ‘‘ਪਾਕਾਰਚਯੋ’’ਤ੍ਯਾਦੀਸੁ.

੧੧੨੯. ਥੋਕੇ ਅਪ੍ਪਕੇ. ਦਾਨੇ, ਹਾਨਿਯਞ੍ਚ ਚਾਗੋ. ਗੀਵਾ, ਗਲੋ ਚਾਤਿ ਦ੍ਵੇ ਅਭਿਧਾਨਾਨਿ ਇਣੇ ਸਿਯੁਂ. ‘‘ਇਣੇ ਗੀਵਾ ਗਲੇਪਿ ਚਾ’’ਤਿਪਿ ਪਾਠੋ. ਗਲੇ ਕਣ੍ਠੇ.

੧੧੩੦. ਦਣ੍ਡੇਪਿ ਸਾਹਸਂ. ਪਟੇ ਵਤ੍ਥਵਿਸੇਸੇ ਭਙ੍ਗਂ. ਸਾਣਾਦਿਕੇ ਮਿਸ੍ਸਿਤ੍ਵਾ ਕਤਞ੍ਹਿ ਵਤ੍ਥਂ ‘‘ਭਙ੍ਗ’’ਨ੍ਤਿ ਵੁਤ੍ਤਂ. ਛਵਕੇ ਕਲ਼ੇਵਰੇ.

੧੧੩੧. ਅਨਙ੍ਗੇ ਮਾਰੇ. ਦੁਮੇ ਕਰਹਾਟਕੇ.

‘‘ਮਦਨੋ ¶ ਮਾਰਧੁਤ੍ਤਰ-ਵਸਨ੍ਤਦੁਮਸਿਤ੍ਥਕੇ’’ਤਿ ਵੋਪਾਲਿਤੋ. ਪਮਾਤਰਿ ਮਾਤੁਮਾਤਰਿ. ਵੇਠੇ ਉਣ੍ਹੀਸੇ ਚ ਵੇਠਨਂ.

੧੧੩੨. ਤਣ੍ਡੁਲੇਯ੍ਯੇ ਤਿਲਫਲਸਾਕੇ. ਅਯ੍ਯੇ ਸਾਮਿਨਿ. ਮੁਤ੍ਤਿ ਮੁਚ੍ਚਨਂ.

੧੧੩੩. ਅਙ੍ਕੇ ਲਕ੍ਖਣੇ. ਆਕਾਰੇ ਸੀਸਚਲਨਾਦਿਕੇ. ਵਪ੍ਪੇ ਵਪ੍ਪਨੀਯਬੀਜੇ. ਤਟੇ ਤੀਰੇ ਚ ਵਪ੍ਪੋ, ਪਾਕਾਰਮੂਲੇ, ਨੇਤ੍ਤਜਲੇ, ਉਸੁਮੇ ਚ ਵਪ੍ਪੋ. ਅਨੁਞ੍ਞਾਯਂ, ਵੋਹਾਰੇ ਚ ਸਮ੍ਮੁਤਿਸਦ੍ਦੋ. ਅਕ੍ਖਤਸਦ੍ਦੋ ਲਾਜਾਸੁ ਧਞ੍ਞਵਿਕਤੀਸੁ ਨਪੁਂਸਕੇ.

੧੧੩੪. ਯਾਗੇ ਦੇਵਪੂਜਾਯਂ, ਸਦਾਦਾਨੇ ਚ ਸਤ੍ਰਂ. ਸਸੁ ਹਿਂਸਾਯਂ, ਤ੍ਰਣ, ਸਤ੍ਰਂ. ਓਸਧਿਮ੍ਹਿ, ਚਨ੍ਦੇ ਚ ਸੋਮੋ.

ਕਪ੍ਪੂਰਨੀਰੇਸੁ ਚ ਵਾਨਰੇ ਚਾ’’ਤਿ. –

ਵੋਪਾਲਿਤੋ ¶ . ਯੁਗਗੇਹਙ੍ਗੇਤਿ ਪੁਬ੍ਬਾਪਰਾਯਾਮਵਸੇਨ ਥਮ੍ਭਾਨਂ ਉਪਰਿ ਠਪਿਤੇ ਯੁਗਭੂਤੇ ਗੇਹਾਵਯਵੇ. ਦਕ੍ਖਿਣੁਤ੍ਤਰਾਯਾਮਵਸੇਨ ਠਪਿਤੇ ਗੇਹਙ੍ਗੇ ਸਙ੍ਘਾਟੋ.

੧੧੩੬-੧੧੩੭. ਚਿਰਸ੍ਸਾਦਯੋ ਚਤ੍ਤਾਰੋ ਚਿਰਤ੍ਥਕਾ. ਚਿਰਾਯ, ਚਿਰਾ ਚਾਤ੍ਰ. ਸਹਾਦਯੋਪਿ ਚਤ੍ਤਾਰੋ ਸਹਤ੍ਥਾ. ਪੁਨਪ੍ਪੁਨਮਾਦਯੋ ਪਞ੍ਚ ਪੁਨਪ੍ਪੁਨਤ੍ਥਾ. ਵਿਨਾਦਯੋ ਪਞ੍ਚ ਵਜ੍ਜਨਤ੍ਥਾ.

੧੧੩੮. ਬਲਵਂ ¶ ਸੁਟ੍ਠੁ ਅਤੀਵ ਕਿਮੁਤ ਸੁ ਅਤਿ ਏਤੇ ਛ ਅਤਿਸਯਤ੍ਥੇ. ਪਸਂਸਾਯਞ੍ਚ ਸੁਟ੍ਠੁ. ਪਞ੍ਹੇਪਿ ਕਿਮੁਤ. ਆਹੋ ਕਿਂ ਕਿਮੁ ਉਦਾਹੁ ਕਿਮੁਤ ਉਦ ਏਤੇ ਛ ਵਿਕਪ੍ਪੇ ਵਿਤਕ੍ਕੇ. ਤਤ੍ਰ ਆਹੋਸਦ੍ਦੋ ਦੀਘਾਦਿ. ‘‘ਦਿਟ੍ਠੋ ਆਹੋ ਉਦਾਹੁ ਚ, ਵਿਕਪ੍ਪਤ੍ਥੇ ਵਿਭਾਵਨੇ’’ਤਿ ਹਿ ਭਾਗੁਰਿ. ਖਾਣੁਰਯਮਾਹੋ ਪੁਰਿਸੋ. ਰੁਦ੍ਦੋ ਤੁ ਰਸ੍ਸਾਦਿਮਾਹ ‘‘ਇਸ੍ਸਰੇਪ੍ਯਧਿਕੇਪਿ ਚ, ਵਿਕਪ੍ਪੇਵਿਮ੍ਹਯੇਪ੍ਯਹੋ’’ਤਿ. ਕਿਮੁਸਦ੍ਦੋ ਰਸ੍ਸਨ੍ਤੋ. ਕਿਮਾਯਂ ਖਾਣੁ, ਕਿਮੁ ਪੁਰਿਸੋ. ਉਦਸਦ੍ਦੋ ਰਸ੍ਸਾਦਿ. ਧੂਮੋਯਮੋਦ ਕਾਪੋਤਂ, ਸਮੂਹਤ੍ਥੇ ਣੋ. ਕਿਞ੍ਚਸਦ੍ਦੋਪਿ ਵਿਕਪ੍ਪੇ. ਕਿਮੁਤਸਦ੍ਦੋ ਅਤਿਸਯੇਤਿ ਵੁਤ੍ਤੋ.

੧੧੩੯. ਭੋ ਅਰੇ ਅਮ੍ਭੋ ਹਮ੍ਭੋ ਰੇ ਜੇ ਅਙ੍ਗ ਆਵੁਸੋ ਹੇ ਹਰੇ ਏਤੇ ਦਸ ਅਵ੍ਹਾਨੇ. ਹਂ ਹੋਸਦ੍ਦਾਪ੍ਯਤ੍ਰ. ਕਥਂ ਕਿਂਸੁ ਨਨੁ ਕਚ੍ਚਿ ਨੁ ਕਿਂ ਏਤੇ ਛ ਸਮਾ ਸਮਾਨਤ੍ਥਾ.

੧੧੪੦. ਅਧੁਨਾ, ਏਤਰਹਿ, ਇਦਾਨਿ, ਸਮ੍ਪਤਿ ਚਾਤਿ ਚਤ੍ਤਾਰੋ ਇਦਾਨੀਤ੍ਯਤ੍ਥੇ. ਅਞ੍ਞਦਤ੍ਥੁ ਤਗ੍ਘ ਸਸਕ੍ਕਂ ਅਦ੍ਧਾ ਕਾਮਂ ਜਾਤੁ ਵੇ ਹਵੇ ਏਤੇ ਅਟ੍ਠ ਏਕਂਸੇ ਏਕਂਸਤ੍ਥੇ.

੧੧੪੧. ਯਾਵਤਾਦਯੋ ¶ ਸਤ੍ਤ ਪਰਿਚ੍ਛੇਦਵਾਚਕਾ. ਤਤ੍ਰ ਯਾਵਤਾ, ਯਾਵਾਤਿ ਦ੍ਵੇ ਅਨਿਯਮਪਰਿਚ੍ਛੇਦਤ੍ਥਵਾਚਕਾ. ਤਾਵਤਾ, ਤਾਵ, ਏਤ੍ਤਾਵਤਾਤਿ ਨਿਯਮਪਰਿਚ੍ਛੇਦਤ੍ਥਵਾਚਕਾ. ਕਿਤ੍ਤਾਵਤਾ, ਕੀਵੇਤਿ ਪਰਿਚ੍ਛੇਦਪੁਚ੍ਛਨਤ੍ਥਵਾਚਕਾ.

੧੧੪੨-੧੧੪੩. ਯਥਾ ਤਥਾ ਯਥੇਵ ਏਵਂ ਯਥਾਨਾਮ ਯਥਾਹਿ ਸੇਯ੍ਯਥਾਪਿ ਏਵਮੇਵਂ ਵਾ ਤਥੇਵ ਯਥਾਪਿ ਏਵਮ੍ਪਿ ਸੇਯ੍ਯਥਾਪਿ ਨਾਮ ਯਥਰਿਵ ਯਥਾ ਚ ਵਿਯ ਤਥਰਿਵ ਇਚ੍ਚੇਤੇ ਸਤ੍ਤਰਸ ਪਟਿਭਾਗਤ੍ਥੇ ਸਦਿਸਤ੍ਥੇ ਭਵਨ੍ਤਿ.

੧੧੪੪. ਸਂ, ਸਾਮਂ, ਸਯਞ੍ਚੇਤਿ ਤਯੋ ਸਯਮਿਚ੍ਚਤ੍ਥੇ. ਆਮ ਸਾਹੁ ਲਹੁ ਓਪਾਯਿਕਂ ਪਤਿਰੂਪਂ ਸਾਧੁ ਏਵਂ ਏਤੇ ਸਤ੍ਤ ਸਮ੍ਪਟਿਚ੍ਛਨਤ੍ਥੇ. ਆਮਨ੍ਤਾਪ੍ਯਤ੍ਰ.

੧੧੪੫. ਯਮਾਦਯੋ ¶ ਛ ਕਾਰਣਤ੍ਥੇਸਿਯੁਂ. ਚਨਸਦ੍ਦੋ, ਚਿਸਦ੍ਦੋ ਚਾਤਿ ਦ੍ਵੇ ਅਸਾਕਲ੍ਯੇ ਅਸਕਲਤ੍ਥੇ. ਕਦਾਚਨਂ, ਕਦਾਚੀਤ੍ਯਾਦਿ ਪਯੋਗੋ. ਮੁਧਾਸਦ੍ਦੋ ਨਿਪ੍ਫਲੇ ਫਲਰਹਿਤੇ, ਨਿਪ੍ਪਯੋਜਨੇਤ੍ਯਤ੍ਥੋ. ਅਮੂਲੇਪਿ ਚ ਮੁਧਾ.

੧੧੪੬. ਜਾਤੁਸਦ੍ਦੋ ਏਕਂਸੇਪਿ. ਸਬ੍ਬਤੋ, ਸਮਨ੍ਤਤੋ, ਪਰਿਤੋ, ਸਮਨ੍ਤਾ ਚਾਤਿ ਚਤ੍ਤਾਰੋ ਤੁਲ੍ਯਤ੍ਥਾ.

੧੧੪੭. ਨ ਅ ਨੋ ਮਾ ਅਲਂ ਨਹਿ ਇਚ੍ਚੇਤੇ ਛ ਨਿਸੇਧੇ. ਚੇ, ਸਚੇ, ਯਦੀਤਿ ਤਯੋ ਯਦ੍ਯਤ੍ਥੇ. ਸਦ੍ਧਂਸਦ੍ਦੋ ਅਨੁਕੂਲਤ੍ਥੇ. ਨਤ੍ਤਂ ਦੋਸੋ ਚ ਰਜਨੀਯਮਿਚ੍ਚਤ੍ਥੇ. ਦਿਵਾਸਦ੍ਦੋ ਅਹੇ ਅਹਨੀਤ੍ਯਤ੍ਥੇ.

੧੧੪੮. ਈਸਂ ¶ , ਕਿਞ੍ਚਿ, ਮਨਂ ਇਚ੍ਚੇਤੇ ਅਪ੍ਪਤ੍ਥੇ. ਅਤਕ੍ਕਿਤੇ ਅਵਿਤਕ੍ਕਿਤੇ. ਬਲਕ੍ਕਾਰੇ ਤੁ ਸਾਹਸਂ. ਅਗ੍ਗਤੋ, ਪੁਰਤੋ ਚ ਪੁਰੇਇਚ੍ਚਤ੍ਥੇ. ਪੇਚ੍ਚ ਅਮੁਤ੍ਰਸਦ੍ਦਾ ਭਵਨ੍ਤਰੇ.

੧੧੪੯. ਅਹੋ ਚ ਹਿ ਚਾਤਿ ਏਤੇ ਵਿਮ੍ਹਯੇ. ਵਿਕਪ੍ਪੇਪਿ ਅਹੋ. ਸਮ੍ਮੋਦੇਪਿ ਹਿ. ਤੁਣ੍ਹੀਸਦ੍ਦੋ ਮੋਨੇ ਅਭਾਸਨੇ. ਆਵਿ, ਪਾਤੁ ਚ ਪਾਕਟਤ੍ਥੇ. ਸਜ੍ਜੁ ਸਪਦਿਸਦ੍ਦਾ ਤਙ੍ਖਣੇਤ੍ਯਤ੍ਥੇ.

੧੧੫੦. ਸੁਦਂ ਖੋ ਅਸ੍ਸੁ ਯਗ੍ਘੇ ਵੇ ਹਾਦਯੋ ਹਕਾਰਾਦਯੋ ਚ ਪਦਪੂਰਣੇ ਸਿਯੁਂ. ਅਨ੍ਤਰੇਨ, ਅਨ੍ਤਰਾ, ਅਨ੍ਤੋ ਚਾਤਿ ਏਤੇ ਅਬ੍ਭਨ੍ਤਰੇਇਚ੍ਚਤ੍ਥੇ. ਅਵਸ੍ਸਂ, ਨੂਨ ਚ ਨਿਚ੍ਛਯਤ੍ਥੇ.

੧੧੫੧. ਸਂਸਦ੍ਦੋ ਦਿਟ੍ਠਾਸਦ੍ਦੋ ਆਨਨ੍ਦਤ੍ਥੇ. ਸਮੁਪਜੋ, ਸਂਪ੍ਯਤ੍ਰ. ਕਾਮਪ੍ਪਵੇਦਨੇ ਇਚ੍ਛਾਯ ਅਕ੍ਖਾਨੇ ਕਚ੍ਚਿ ਜੀਵਤਿ ਤੇ ਮਾਤਾ ¶ , ਮਮੇਦਮਭਿਮਤਮਿਚ੍ਚਤ੍ਥੇ. ਉਸੂਯੋਪਗਮੇ ਉਸੂਯਾਪੁਬ੍ਬਕੇ ਉਪਗਮੇ.

ਉਸੂਯੋਪਗਮਾਨੁਞ੍ਞਾਣੇਪਿਚਾਯਂ ਅਤ੍ਥੋ ਦਿਸ੍ਸਤੇ.

੧੧੫੨-੧੧੫੩. ਯਥਾਤ੍ਤਨ੍ਤਿ ਸਚ੍ਚਂ. ਤਥਸ੍ਸ ਅਨਤਿਕ੍ਕਮੋ ਯਥਾਤਥਂ, ਯਥਾਤ੍ਥੇ ਅਬ੍ਯਯੀਭਾਵੋ. ਤਥਸਦ੍ਦੋਯਂ ਭੂਤਪਰਿਯਾਯੋ. ਸਦਾਸਦ੍ਦੋ, ਸਨਂਸਦ੍ਦੋ ਚਾਤਿ ਨਿਚ੍ਚੇ. ਸਨਸਦ੍ਦੋਪ੍ਯਤ੍ਰ. ਪਾਯੋ, ਬਾਹੁਲ੍ਯਞ੍ਚ ਸਮਾ. ਪਞ੍ਚਕਂ ਬਾਹ੍ਯੇ. ਸਣਿਕਂਸਦ੍ਦੋ ਅਸੀਘੇ.

੧੧੫੪. ਸਮ੍ਮਾ, ਸੁਟ੍ਠੂਤਿ ਦ੍ਵੇ ਅਭਿਧਾਨਾਨਿ.

੧੧੫੫. ਸਾਯਂ ਸਾਯੇ ¶ ਸਾਯਨ੍ਹੇ. ਅਤ੍ਰਾਹੇਤਿ ਇਮਸ੍ਮਿਂ ਅਹਨਿ ਅਜ੍ਜਸਦ੍ਦੋ.

੧੧੫੬. ਯਤ੍ਥਾਦਯੋ ਤਯੋ ਅਨਿਯਮਟ੍ਠਾਨਾਦਿਵਾਚਕਾ. ਤਤ੍ਥਾਦਯੋ ਨਿਯਮਟ੍ਠਾਨਾਦਿਵਾਚਕਾ.

੧੧੫੭. ਸਮ੍ਮੁਖਾ, ਆਵਿ, ਪਾਤੁ ਚ ਸਮਾਨਤ੍ਥਾ.

੧੧੫੮. ਅਪ੍ਪੇਵਾਦਯੋ ਤਯੋ ਸਂਸਯਤ੍ਥਮ੍ਹਿ. ਇਤਿ ਇਤ੍ਥਂ ਏਵਂਸਦ੍ਦਾ ਨਿਦਸ੍ਸਨੇ ਵਤ੍ਤਨ੍ਤਿ. ਕਥਞ੍ਚਿਸਦ੍ਦੋ ਕਿਚ੍ਛਤ੍ਥੇ.

੧੧੫੯. ਖੇਦੋ ¶ ਖਿਨ੍ਨਤਾ. ਪਚ੍ਚਕ੍ਖੇ ਸਚ੍ਛਿਸਦ੍ਦੋ. ਥਿਰੇ, ਅਵਧਾਰਣੇ ਚ ਧੁਵਂ. ਤਿਰੋ ਤਿਰਿਯਂਸਦ੍ਦਾ ਸਮਾ. ਦੁਟ੍ਠੁਕੁਸਦ੍ਦਾ ਕੁਚ੍ਛਾਯਂ.

੧੧੬੦. ਆਸਿਟ੍ਠਤ੍ਥਮ੍ਹਿ ਸੁਵਤ੍ਥਿ. ਧਿਸਦ੍ਦੋ ਨਿਨ੍ਦਾਯਂ. ਕੁਹਿਞ੍ਚਨਾਦਯੋ ਸਤ੍ਤ ਠਾਨਾਦਿਪੁਚ੍ਛਨਤ੍ਥਾ.

੧੧੬੧. ਇਹ ਇਧ ਅਤ੍ਰ ਏਤ੍ਥ ਅਤ੍ਥ ਏਤੇ ਓਕਾਸਤ੍ਥਾਦਿਵਾਚਕਾ. ਸਬ੍ਬਸ੍ਮਿਂ ਕਾਲਾਦਿਕੇ ਸਬ੍ਬਤ੍ਰਾਦਿਦ੍ਵਯਂ. ਕਿਸ੍ਮਿਂ ਕਾਲੇ ਕਦਾ. ਕਸ੍ਮਿਂ ਕਾਲੇ ਕੁਦਾਚਨਂ.

੧੧੬੨-੧੧੬੩. ਵਿਭਤ੍ਯਨ੍ਤਨਾਮਸਰਾਖ੍ਯਾਤਪਤਿਰੂਪਕੇ ਅਬ੍ਯਯੇ ਦਸ੍ਸੇਤ੍ਵਾ ਤਦਞ੍ਞਭਾਵੇ ਅਬ੍ਯਯੇ ਦਸ੍ਸੇਤੁਮਾਹ ‘‘ਆਦਿਕਮ੍ਮੇ’’ਇਚ੍ਚਾਦਿ. ਤਤ੍ਰ ਵਿਭਤ੍ਯਨ੍ਤਪਤਿਰੂਪਕਂ ਯਥਾ – ‘‘ਚਿਰਸ੍ਸਂ, ਚਿਰਂ ¶ , ਚਿਰੇਨਿ’’ਚ੍ਚਾਦਿ. ਨਾਮਪਤਿਰੂਪਕਂ ਯਥਾ – ‘‘ਆਮ, ਸਾਹੁ, ਲਹੁ, ਓਪਾਯਿਕ’’ਮਿਚ੍ਚਾਦਿ. ਸਰਪਤਿਰੂਪਕਂ ਯਥਾ – ‘‘ਅ’’-ਇਚ੍ਚਾਦਿ. ਆਖ੍ਯਾਤਪਤਿਰੂਪਕਂ ਯਥਾ – ‘‘ਅਤ੍ਥਿ’’ਇਚ੍ਚਾਦਿ.

ਸਮ੍ਭਵੋ ਪਭਵੋ. ਉਦਿਣ੍ਣੇ ਪਵੁਦ੍ਧੇ ਵਡ੍ਢਨੇ. ਤਿਸ ਪੀਣਨੇ,ਤਿ, ਤਿਤ੍ਤਿ. ਨਿਯੋਗੇ ਨਿਯੋਜਨੇ. ਅਗ੍ਗੇ ਉਤ੍ਤਮੇ. ਤਪ੍ਪਰੇ ਤਪ੍ਪਧਾਨੇ. ਸਙ੍ਗੇ ਲਗ੍ਗਨੇ. ਪਕਾਰੇ ਸਦਿਸੇ, ਭੇਦੇ ਵਾ. ਅਨ੍ਤੋਭਾਵੇ ਪਕ੍ਖਿਤ੍ਤੇ. ਵਿਯੋਗੇ ਪਵਾਸੇ. ਅਵਯਵੇ ਪਦੇਸੇ. ਧਿਤਿਯਂ ਵੀਰਿਯੇ ਪਧਾਨੇ. ਏਤੇ ਚਤ੍ਥਾ ਧਾਤੁਸਂਯੋਗਤ੍ਥਾ ਵਾ ਨਾਮਸਂਯੋਗਤ੍ਥਾ ਵਾ ਭਵਨ੍ਤਿ. ਅਸਂਯੋਗਸ੍ਸ ਪਨ ਨਾਮਪਦਸ੍ਸ ਅਤ੍ਥੋ ‘‘ਪੋ ਸਿਯਾ ਪਰਮਤ੍ਥਸ੍ਮਿਂ, ਪਾਤੁ ਵਾਤੇਸੁ ਪਾ ਭਵੇ’’ਤਿ ਏਕਕ੍ਖਰਕੋਸੇ [ਏਕਕ੍ਖਰਕੋਸ ੭੩ ਗਾਥਾ] ਵੁਤ੍ਤੋ.

੧੧੬੫-੧੧੬੭. ਸਨ੍ਯਾਸੇ ਨਿਕ੍ਖਿਤ੍ਤੇ. ਮੋਕ੍ਖੋ ਨਿਬ੍ਬਾਨਂ. ਰਾਸਿ ਨਿਕਰੋ. ਗੇਹੇ ਨਿਲਯੇ. ਆਦੇਸੋ ਆਚਿਕ੍ਖਨਂ. ਉਪਮਾਯ ਸਨ੍ਨਿਭੇ. ਅਚ੍ਚਯੋ ਅਤਿਕ੍ਕਮੋ. ਸਾਮੀਪ੍ਯੇ ਸਮੀਪਭਾਵੇ ¶ . ਉਪਰਤਿ ਉਪਸਮੋ. ਨੀਹਰਣਂ ਅਪਨਯਨਂ. ਆਵਰਣਂ ਨੀਵਰਣਂ [ਆਹਰਣਂ ਗਹਣਂ (ਕ.)].

੧੧੬੮. ਉਦ੍ਧਕਮ੍ਮੇ ਉਯ੍ਯਾਨੇ. ਵਿਯੋਗੇ ਉਪ੍ਪਾਸਿਤੇ. ਅਤ੍ਥਲਾਭੋ ਉਪ੍ਪਤ੍ਤਿ. ਪਬਲਤ੍ਤੇ ਮਹਾਬਹਲਤ੍ਤੇ. ਦਕ੍ਖਗ੍ਗਤਾਸੂਤਿ ਦਕ੍ਖਭਾਵੇ, ਅਗ੍ਗਭਾਵੇ ਚ. ਸਤ੍ਤਿਯਂ, ਮੋਕ੍ਖੇ ਨਿਬ੍ਬਾਨੇ ਚ.

੧੧੬੯. ਦੁ ਚ ਅਭਾਵੇ ਦੁਸ੍ਸੀਲੋ, ਦੁਪ੍ਪਞ੍ਞੋ. ਅਸਮਿਦ੍ਧਿਯਂ ਦੁਬ੍ਭਿਕ੍ਖਂ. ਅਨਨ੍ਦਨਂ ਅਮੋਦਨਂ.

੧੧੭੦. ਸਮਨ੍ਤਤ੍ਤਸਮਿਦ੍ਧੀਸੂਤਿ ਸਮਨ੍ਤਭਾਵੇ, ਸਮਿਦ੍ਧਿਯਞ੍ਚ. ਸਙ੍ਗਤੇ ਸਹਿਤੇ. ਵਿਧਾਨੇ ਕਰਣੇ. ਪਭਵੋ ਸਮ੍ਭਵੋ. ਪੁਨਪ੍ਪੁਨਕ੍ਰਿਯਾ ਪੁਨਪ੍ਪੁਨਕਰਣਂ.

੧੧੭੧-੧੧੭੨. ਅਤਿਸਯੋ ਅਤ੍ਰ ਅਧਿਮਤ੍ਤਂ. ਭੁਸਤ੍ਥੋ ਸਮਨ੍ਤਤ੍ਥੋ, ਤੇਨ ਸਮਨ੍ਤ ਪਰਿਯਾਯੋਪਿ ਭੁਸਸਦ੍ਦੋ ਅਤ੍ਥੀਤਿ ਵੇਦਿਤਬ੍ਬੋ. ਇਸ੍ਸਰਿਯੋ ਪਭੂਤਿ. ਅਚ੍ਚਯੇ ਅਤਿਕ੍ਕਮੇ. ਕਲਹੇ ¶ ਵਿਗ੍ਗਹੇ. ਭਾਸੇ ਕਥਨੇ, ‘‘ਭਾਸਾਯਾ’’ਤਿਪਿ ਪਾਠੋ. ਕੁਚ੍ਛਨੇ ਕੁਚ੍ਛਾਯਂ. ਅਨਭਿਮੁਖਤ੍ਥੇ ਵਿਮੁਖੋ. ਮੋਹੋ ਵਿਮਤਿ. ਪਧਾਨੇ ਵਿਸਿਟ੍ਠੇ. ਦਕ੍ਖਤਾ ਛੇਕਤਾ. ਖੇਦੇ ਪਰਿਸ੍ਸਮੇ.

੧੧੭੩. ਜਾਨਨੇ ਅਵਗਤੇ. ਅਧੋਭਾਗੇ ਅਵਂਸਿਰੇ. ਅਨਿਚ੍ਛਯੇ ਅਨਿਣ੍ਣਯੇ. ਪਰਿਭਵੇ ਅਵਞ੍ਞਾਤੇ. ਦੇਸੋ ਚ ਬ੍ਯਾਪਨਞ੍ਚ ਹਾਨਿ ਚਾਤਿ ਦ੍ਵਨ੍ਦੋ. ਵਚੋਕ੍ਰਿਯਾਯ ਵਚਨਕ੍ਰਿਯਾਯਂ. ਥੇਯ੍ਯੇ ਚੋਰਿਯੇ. ਅਞ੍ਞਾਣੇ ਚ ਪਤ੍ਤਿਆਦਿਕੇ ਚ.

੧੧੭੪. ਪਚ੍ਛਾਤ੍ਥੇ ਅਨੁਚਰੋ. ਭੁਸਤ੍ਥੇ ਅਨੁਗ੍ਗਤੋ. ਸਦਿਸੇ ਅਨੁਰੂਪੋ. ਅਨੁਵਤ੍ਤਿਯਂ ਅਨ੍ਵੇਤਿ. ਹੀਨੇ ਅਨੁ ਸਾਰਿਪੁਤ੍ਤਂ ਪਞ੍ਞਵਨ੍ਤੋ. ਤਤਿਯਤ੍ਥੇ ਨਦਿਮਨ੍ਵਵਸਿਤਾ ਬਾਰਾਣਸੀ. ਦੇਸੇ, ਲਕ੍ਖਣੇ, ਵਿਚ੍ਛਾਯਂ, ਇਤ੍ਥਮ੍ਭੂਤੇ, ਭਾਗਾਦਿਕੇ ਚ ਅਨੁ. ਲਕ੍ਖਣੇ ਰੁਕ੍ਖ’ਮਨੁ ਵਿਜ੍ਜੋਤਤੇ ਚਨ੍ਦੋ. ਵਿਚ੍ਛਾਯਂ ਰੁਕ੍ਖਂ ਰੁਕ੍ਖਮਨੁ ਤਿਟ੍ਠਤਿ. ਇਤ੍ਥਮ੍ਭੂਤੇ ਸਾਧੁ ਦੇਵਦਤ੍ਤੋ ਮਾਤਰ’ਮਨੁ. ਭਾਗੇ ਯਦੇਤ੍ਥ ਮਂ ਅਨੁ ਸਿਯਾ.

੧੧੭੫. ਆਲਿਙ੍ਗਨੇ ¶ ਪਰਿਸ੍ਸਜਤਿ. ਦੋਸਕ੍ਖਾਨੇ ਪਰਿਭਾਸੇਤ੍ਵਾ. ਨਿਵਾਸਨੇ ਵਤ੍ਥਂ ਪਰਿਦਹਿਤ੍ਵਾ. ਅਵਞ੍ਞੋ ਪਰਿਭਵੋ. ਆਧਾਰੇ ਭੋਜਨੇ ਸੋਕੇ ਬ੍ਯਾਪਨੇ. ਤਤ੍ਵੇ ਸਭਾਵੇ. ਲਕ੍ਖਣਾਦੋ ਲਕ੍ਖਣਵਿਚ੍ਛਾਇਤ੍ਥਮ੍ਭੂਤਭਾਗੇ.

੧੧੭੬. ਵਿਸਿਟ੍ਠੇ ਅਭਿਧਮ੍ਮੋ. ਉਦ੍ਧਕਮ੍ਮੇ ਸਾਰੁਪ੍ਪੇ ਵੁਦ੍ਧਿਯਂ ਪੂਜਾਯਂ ਅਧਿਕੇ. ਕੁਲੇ ਅਭਿਜਨੋ. ਅਸਚ੍ਚੇ ਲਕ੍ਖਣਾਦਿਮ੍ਹਿ ਚਤੁਬ੍ਬਿਧੇ [‘ਅਭਿਰਭਾਗੇ (ਪਾ.੧.੪.੯੧)’ ਤਿ ਅਭਿਸ੍ਸ ਭਾਗਵਜ੍ਜਿਤੇਸੁ ਲਕ੍ਖਣਾਦੀਸੁ ਕਮ੍ਮਪ੍ਪਵਚਨੀਯਸਞ੍ਞਾ ਵੁਤ੍ਤਾ (ਰੂਪਸਿਦ੍ਧਿ-ਕਾਰਕਤਣ੍ਡੇ)].

੧੧੭੭. ਅਧਿਕੇ ਇਸ੍ਸਰੇ ਪਾਠੇ ਉਚ੍ਚਾਰਣੇ, ਅਧਿਟ੍ਠਾਨੇ ਪਾਪੁਣਨੇ ਨਿਚ੍ਛਯੇ ਉਪਰਿਭਾਗਾਦਿਕੇ ਭਟਨੇ ਭਤ੍ਤਿਯਂ ਵਿਸੇਸਨੇ ਚ ਅਧਿ.

੧੧੭੮-੧੧੭੯. ਵਾਮਾਦਾਨੇ ¶ ਇਤਿ ਪਾਠੇ ਵਾਮੇ ਪਟਿਲੋਮੇ, ਆਦਾਨੇ ਗਹਣੇ. ਵਾਚਾਦਾਨੇ ਪਚ੍ਚਸ੍ਸੋਸਿ. ਪਟਿਨਿਧਿਮ੍ਹਿ ਮੁਖ੍ਯਸਦਿਸੇ ਬੁਦ੍ਧਸ੍ਮਾ ਪਤਿ. ਪਟਿਬਾਧੇ ਨਿਵਤ੍ਤਨੇ. ਪਟਿਚ੍ਚਤ੍ਥੇ ‘‘ਪਟਿਚ੍ਚਾ’’ਤਿ ਪਦਸ੍ਸ ਅਤ੍ਥੇ. ਲਕ੍ਖਣਾਦਿਕੇ ਚਤੁਬ੍ਬਿਧੇ.

੧੧੮੦-੧੧੮੧. ਸਮੀਪੇ ਆਦਿਕਮ੍ਮਨਿ ਮਰਿਯਾਦੇ ਉਦ੍ਧਕਮ੍ਮਨਿ ਇਚ੍ਛਾਯਂ ਬਨ੍ਧਨੇ ਅਭਿਵਿਧਿਮ੍ਹਿ ਚ ਆ. ਕਿਚ੍ਛੇ ਈਸਤ੍ਥੇ ਨਿਵਤ੍ਤਿਯਞ੍ਚ ਅਪ੍ਪਸਾਦੇ ਆਸੀਸਨੇ ਸਰਣੇ ਵਾਕ੍ਯਸਰਣੇ ਆ ਏਵਂ ਅਨੁਸ੍ਸਰਂ. ਪਤਿਟ੍ਠਾਯਂ, ਵਿਮ੍ਹਯਾਦੀਸੁ ਚ ਆ.

੧੧੮੩. ਸਮ੍ਭਾਵਨੇ ਅਪਿ ਦਿਬ੍ਬੇਸੁ ਕਾਮੇਸੁ, ਰਤਿਂ ਸੋ ਨਾਧਿਗਚ੍ਛਤਿ [ਧ. ਪ. ੧੮੭]. ਸਮ੍ਭਾਵਨਮਧਿਕਤ੍ਥਵਚਨੇਨ ਅਞ੍ਞਤ੍ਰ ਸਤ੍ਤਿਯਾ ਅਵਿਘਾਤੋ. ਸਂਵਰਣੇ ਅਪਿਧਾਨਂ.

੧੧੮੪-੧੧੮੫. ਅਪਗਤੋ ਅਪੇਤੋ. ਉਪਪਤ੍ਤਿਯਂ ਯੁਤ੍ਤਿਯਂ ਉਪੇਕ੍ਖਾ. ਆਧਿਕ੍ਯੇ ਉਪਖਾਰਿਯਂ ਦੋਣੋ. ਪੁਬ੍ਬਕਮ੍ਮਨਿ ਬੁਦ੍ਧੋਪਕ੍ਕਮਂ ਕਿਲੇਸਚ੍ਛੇਦੋ. ਗਯ੍ਹਾਕਾਰੇ ਪਚ੍ਚੁਪਟ੍ਠਾਨਂ. ਉਪਰਿਤ੍ਤੇ ਉਪਰਿਭਾਵੇ ਉਪਪਨ੍ਨੋ. ਅਨਸਨੇ ਉਪਵਾਸੋ.

੧੧੮੬. ਉਪਦੇਸੇ ¶ ਏਵਂ ਤੇ ਅਭਿਕ੍ਕਮਿਤਬ੍ਬਂ, ਏਵਂ ਤੇ ਪਟਿਕ੍ਕਮਿਤਬ੍ਬਂ. ਵਚਨਪਟਿਗ੍ਗਾਹੇ ਏਵਂ ਹੋਤੁ. ਇਦਮਤ੍ਥੇ ਇਦਂਸਦ੍ਦਸ੍ਸ ਅਤ੍ਥੇ.

੧੧੮੭. ਸਮੁਚ੍ਚਯੇ ਕੇਵਲਸਮੁਚ੍ਚਯੇ –

ਚੀਵਰਂ ਪਿਣ੍ਡਪਾਤਞ੍ਚ, ਪਚ੍ਚਯਂ ਸਯਨਾਸਨਂ;

ਅਦਾਸਿ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ [ਜਾ. ੨.੨੨.੫੫੧].

ਸਮਾਹਾਰੇ ਚਕ੍ਖੁ ਚ ਸੋਤਞ੍ਚ ਚਕ੍ਖੁਸੋਤਂ. ਅਨ੍ਵਾਚਯੋ ਏਕਂ ਪਧਾਨਭਾਵੇਨ ਵਤ੍ਵਾ ਇਤਰਸ੍ਸ ਅਪ੍ਪਧਾਨਭਾਵੇਨ ਵਚਨਂ, ਤਸ੍ਮਿਂ. ਸੀਲਂ ਰਕ੍ਖਾਹਿ, ਦਾਨਞ੍ਚ ਦੇਹਿ. ਇਤਰੀਤਰੇ ਸਮਣੋ ਚ ਬ੍ਰਾਹ੍ਮਣੋ ਚ ਸਮਣਬ੍ਰਾਹ੍ਮਣਾ. ਤਤ੍ਰ ਕੇਵਲਸਮੁਚ੍ਚਯੋ ਚ ਅਨ੍ਵਾਚਯੋ ਚ ਸਮਾਸੇ ਨਤ੍ਥਿ, ਇਤਰਦ੍ਵਯਂ ਸਮਾਸੇਯੇਵ.

੧੧੮੮. ਪਕਾਰੋ ਤੁਲ੍ਯੋ, ਭੇਦੋ ਚ. ਪਦਤ੍ਥਸ੍ਸ ਵਿਪਲ੍ਲਾਸੇ ਗੋਤਿ ਅਯਮਾਹੇਤਿ. ਸਮਾਪਨੇ ਇਚ੍ਛਿਤਸ੍ਸ ਪਦਸ੍ਸ ਪਰਿਨਿਟ੍ਠਾਪਨੇ.

੧੧੮੯. ਪਜ੍ਜਂ ¶ ਵਾਸਦ੍ਦਸ੍ਸਤ੍ਥੇ. ਵਵਤ੍ਥਿਤਵਿਭਾਸਾਯਂ ਵਾ ਪਰੋ ਅਸਰੂਪਾ. ਵਿਅਵਪੁਬ੍ਬੋ ਠਾ ਗਤਿਨਿਵਤ੍ਤਿਯਂ, ਤੋ, ਠਾਤਿਸ੍ਸ ਥੋ, ਅਸਰੂਪਦ੍ਵਿਤ੍ਤਞ੍ਚ. ਵਵਤ੍ਥਿਤਾ ਨਿਯਮਿਤਾ ਵਿਭਾਸਾ ਵਵਤ੍ਥਿਤਵਿਭਾਸਾ. ਅਵਸ੍ਸਗ੍ਗੇਤਿ ਅਵਪੁਬ੍ਬੋ ਸਜ ਵਿਸ੍ਸਜ੍ਜਨਾਲਿਙ੍ਗਨਨਿਮ੍ਮਾਨੇਸੁ.

੧੧੯੦. ਭੂਸਨੇ ਅਲਙ੍ਕਾਰੇ. ਵਾਰਣੇ ਨਿਵਾਰਣੇ. ਪਰਿਯਤ੍ਤਿ ਪਰਿਯਾਪੁਣਨਤਾ, ਯੁਤ੍ਤਤ੍ਥੇਪਿ ਅਲਂ. ਅਥੋ ਅਥਸਦ੍ਦਾ ਅਨਨ੍ਤਰਾਦੀਸੁ ਚਤੂਸੁ ਅਤ੍ਥੇਸੁ ਸਿਯੁਂ.

੧੧੯੧. ਪਸਂਸਾਦੀਸੁ ਤੀਸੁ. ਸ੍ਵੀਕਾਰੇ ਪਟਿਞ੍ਞਾਣੇ. ਆਦਿਨਾ ਪਕਾਸਤ੍ਥਸਮ੍ਭਾਬ੍ਯਾਕੋਧਾਦਿਕੇ ਚਤ੍ਥੇ ਨਾਮਸਦ੍ਦੋ. ਅਵਧਾਰਣਮੇਵਤ੍ਥੋ.

੧੧੯੨. ਅਨੁਞ੍ਞਾ ਅਨੁਮਤਿ. ਸਨ੍ਤਾਨਂ ਅਨੁਨਯੋ. ਆਲਪਨਂ ਸਮ੍ਬੋਧਨਂ. ਵਤਸਦ੍ਦੋ ਏਕਂਸੇ ਦਯਾਯਂ ਕਰੁਣਾਯਂ ਹਾਸੇ ¶ ਪਹਾਸੇ ਖੇਦੇ ਪਰਿਸ੍ਸਮੇ ਆਲਪਨੇ ਵਿਮ੍ਹਯੇ ਅਚ੍ਛਰਿਯੇ ਚ ਸਿਯਾ.

੧੧੯੩. ਵਾਕ੍ਯਾਰਮ੍ਭੇ ‘‘ਹਨ੍ਦ ਵਦਾਮਿ ਤੇ’’ਤਿ. ਵਿਸਾਦੇ ਖੇਦੇ. ਯਾਵ ਤਾਵ ਤੂਤਿ ਯਾਵਤਾਵਸਦ੍ਦਾ ਸਾਕਲ੍ਯੇ ਨਿਰਵਸੇਸੇ. ਯਾਵਦਤ੍ਥਂ ਤਾਵ ਗਹਿਤਂ. ਮਾਨੇ ਪਮਾਣੇ. ‘‘ਯਾਵ ਪਮਾਣਮਰਿਯਾਦਾ-ਵਧਾਰਣਤ੍ਥਕਂ ਮਤ’’ਮਿਤਿ ਭਾਗੁਰਿ. ਅਵਧਿਮ੍ਹਿ ਪਰਿਚ੍ਛਿਨ੍ਨੇ.

੧੧੯੪. ਪੁਰਤ੍ਥਾਸਦ੍ਦੋ ਪਾਚਿਯਂ ਦਿਸਾਯਂ ਇਚ੍ਚਤ੍ਥੇ, ਪੁਰਤ੍ਥੇ ਵਕ੍ਖਮਾਨੇ, ਅਗ੍ਗਤੋ ਸਮੁਦ੍ਧੇ ਇਚ੍ਚਤ੍ਥੇ ਚ ਪਠਮੇਪਿ ਆਦਿਮ੍ਹਿ ਵਤ੍ਤਤਿ. ਪਬਨ੍ਧੇ ਵਾਕ੍ਯਰਚਨਾਯਂ ਵਾਕ੍ਯਪਬਨ੍ਧੇ ਪੁਰਾਣਾਦਿਕੇ. ਚਿਰਨ੍ਤਰੇ ਅਤੀਤਭੂਤੇ. ਨਿਕਟੇ ਸਨ੍ਨਿਹਿਤੇ. ਆਗਾਮਿਕੇ ਅਨਾਗਤੇ.

੧੧੯੫. ਖਲੁਸਦ੍ਦੋ ਨਿਸੇਧੇ ਵਾਕ੍ਯਾਲਙ੍ਕਾਰੇ ਵਾਕ੍ਯਭੂਸਾਯਂ ਅਵਧਾਰਣੇ ਏਵਤ੍ਥੇ, ਪਸਿਦ੍ਧਿਯਞ੍ਚ ਵਤ੍ਤਤਿ. ਅਭਿਤੋਸਦ੍ਦੋ ਆਸਨ੍ਨੇ ਅਭਿਮੁਖੇ ਉਭਯਤੋ ਇਚ੍ਚਤ੍ਥੇ ¶ , ਆਦਿਨਾ ਸੀਘੇ, ਸਾਕਲ੍ਯੇ ਚ ਅਤ੍ਥੇ ਵਤ੍ਤਤਿ. ਆਸਨ੍ਨੇ ਅਭਿਤੋਯਂ ਨਦੀ. ਅਭਿਮੁਖੇ ਅਭਿਤੋਵ ਤਾਤਾ. ਉਭਯਤੋਇਚ੍ਚਤ੍ਥੇ ਅਭਿਤੋ ਮਗ੍ਗਸ੍ਸ. ਸੀਘੇ ਅਭਿਤੋ ਅਧੀਯਿਤ੍ਵਾ. ਸਾਕਲ੍ਯੇ ਅਭਿਤੋ ਵਨਂ ਦਡ੍ਢਂ.

੧੧੯੬. ਯਦ੍ਯਪਿਸਦ੍ਦਤ੍ਥੇ ਅਨੁਗ੍ਗਹਣਗਰਹਤ੍ਥੇ. ਏਕਂਸਤ੍ਥੇ ਅਵਿਤਥਤ੍ਥੇ. ਅਥੋ ਪਨਸਦ੍ਦੋ ਵਿਸੇਸਸ੍ਮਿਂ ਅਤ੍ਥੇ, ਪਦਪੂਰਣਤ੍ਥੇ ਚ ਸਿਯਾ.

੧੧੯੭. ਹਿਸਦ੍ਦੋ ਕਾਰਣਾਦੀਸੁ ਚਤੂਸੁ ਅਤ੍ਥੇਸੁ ਵਤ੍ਤਤਿ. ਤੁਸਦ੍ਦੋ ਪਨ ਤਤ੍ਥ ਚਤੂਸੁ ਅਤ੍ਥੇਸੁ ਮਜ੍ਝੇ ਹੇਤੁਵਜ੍ਜੇ ਤਿਕੇ ਅਤ੍ਥੇ ਵਤ੍ਤਤਿ. ਕੁਸਦ੍ਦੋ ਪਾਪੇ ਈਸਤ੍ਥੇ ਕੁਚ੍ਛਨੇ ਜਿਗੁਚ੍ਛਾਯਞ੍ਚ.

੧੧੯੮. ਨੁਕਾਰੋ ਸਂਸਯੇ, ਪਞ੍ਹੇ ਚ. ਨਾਨਾਸਦ੍ਦੋ ਅਨੇਕਤ੍ਥੇ, ਵਜ੍ਜਨੇ ਚ. ਕਿਂਸਦ੍ਦੋ ਪੁਚ੍ਛਾਯਂ, ਜਿਗੁਚ੍ਛਾਯਞ੍ਚ, ਅਬ੍ਯਯੋ. ਤਿਲਿਙ੍ਗੋ ਚ, ਨਿਯਮੇ ਤੁ ਤਿਲਿਙ੍ਗੋਵ. ਵਾਰਿਮ੍ਹਿ ਉਦਕੇ. ਮੁਦ੍ਧਨਿ ਸੀਸੇ ਚ, ਕਂ ਸੁਖੇਪਿ, ਵੁਤ੍ਤਞ੍ਚ ਨਾਨਤ੍ਥਸਙ੍ਗਹੇ –

‘‘ਕੋ ¶ ਬ੍ਰਹ੍ਮਤ੍ਤਾਨੀਲਕ੍ਕੇਸੁ, ਸਮਾਨੇ ਸਬ੍ਬਨਾਮਿਕੇ;

ਪਾਵਕੇ ਚ ਮਯੂਰੇ ਚ, ਸੁਖਸੀਸਜਲੇਸੁ ਕ’’ਨ੍ਤਿ.

੧੧੯੯. ਅਮਾਸਦ੍ਦੋ ਸਹਤ੍ਥੇ, ਸਮੀਪਤ੍ਥੇ ਚ, ਅਮਾਵਾਸੀ, ਅਮਾਗਤੋ ਚ. ਪੁਨਸਦ੍ਦੋ ਭੇਦੇ ਵਿਸੇਸੇ. ਅਪਠਮੇ ਪੁਨ ਦਦਾਤਿ. ਕਿਰਸਦ੍ਦੋ ਅਨੁਸ੍ਸਵੇ ਅਨੁਕ੍ਕਮੇਨ ਸਵਨੇ, ਅਰੁਚਿਯਞ੍ਚ. ਉਦਸਦ੍ਦੋ ਅਪ੍ਯਤ੍ਥੇ ਪਞ੍ਹੇ. ਵਿਕਪ੍ਪਨੇ ਅਤ੍ਥਨ੍ਤਰਸ੍ਸ ਵਿਕਪ੍ਪਨੇ ਚ.

੧੨੦੦. ਪਚ੍ਛਾਸਦ੍ਦੋ ਪਤੀਚਿਯਂ ਦਿਸਾਯਂ. ਚਰਿਮੇ ਅਨਾਗਤੇ ਕਾਲੇ. ਸਾਮਿਸਦ੍ਦੋ ਤੁ ਅਦ੍ਧੇ ਭਾਗੇ, ਜਿਗੁਚ੍ਛਨੇ ਨਿਨ੍ਦਾਯਞ੍ਚ. ਅਦ੍ਧੇ ਭਾਗੇ ਸਾਮਿ ਵੁਤ੍ਤਂ, ਜਿਗੁਚ੍ਛਨੇਪਿ ਤਦੇਵ. ਪਾਤੁ ਪਕਾਸੇ ਪਕਾਸਨੀਯੇ, ਸਮ੍ਭਵੇ ਉਪ੍ਪਤ੍ਤਿਯਞ੍ਚ. ਮਿਥੋਸਦ੍ਦੋ ਅਞ੍ਞੋਞ੍ਞੇਇਚ੍ਚਤ੍ਥੇ, ਰਹੋਇਚ੍ਚਤ੍ਥੇ ਚ.

੧੨੦੧. ਹਾਸਦ੍ਦੋ ਖੇਦੇ, ਸੋਕੇ, ਦੁਕ੍ਖੇ ਚ. ਅਹਹਸਦ੍ਦੋ ਖੇਦੇ, ਵਿਮ੍ਹਯੇ ਅਬ੍ਭੁਤੇ ਚ. ਧਿਸਦ੍ਦੋ ਹਿਂਸਾਪਨੇ, ਨਿਨ੍ਦਾਯਞ੍ਚ. ਤਿਰਿਯਂ ਤਿਰੋਸਦ੍ਦਾ ਪਿਧਾਨੇ ਵਤ੍ਤਨ੍ਤਿ. ਤਿਰਿਯਂ ਕਤ੍ਵਾ ਕਣ੍ਡਙ੍ਗਤੋ, ਤਿਰੋਕਤ੍ਵਾ ਵਾ.

੧੨੦੨-੧੨੦੩. ਸਙ੍ਖ੍ਯਾਤਾਸਙ੍ਖ੍ਯਾਤਤ੍ਥਾਨਂ ¶ ਉਪਸਗ੍ਗਨਿਪਾਤਸਙ੍ਖ੍ਯਾਤਾਨਂ ਅਬ੍ਯਯਾਨਂ ਪਸਿਦ੍ਧੇ ਪਚੁਰਪ੍ਪਯੋਗੇ ਏਕਚ੍ਚੇ ਵਾ ਦਸ੍ਸੇਤ੍ਵਾ ਤਦਞ੍ਞੇਪਿ ਸਙ੍ਖੇਪਨਯੇਨ ਦਸ੍ਸੇਤੁਮਾਹ ‘‘ਤੁਨਿ’’ਚ੍ਚਾਦਿ. ਏਤ੍ਥ ਚ ਤੁਨਾਦਿਸਦ੍ਦੇਹਿ ਜ੍ਜੁਪਰਿਯਨ੍ਤੇਹਿ ਤਦਨ੍ਤਾਵ ਗਹਿਤਾ, ਨ ਹਿ ਕੇਵਲਾਨਂ ਏਤੇਸਂ ਅਬ੍ਯਯਭਾਵੋ ਸਮ੍ਭਵਤਿ. ਤਸ੍ਸਤ੍ਥੋ – ਤੁਨਪਚ੍ਚਯਨ੍ਤੋ ਚ ਤਥਾ ਤ੍ਵਾਨ ਤਵੇ ਤ੍ਵਾ ਤੁਂ ਧਾ ਸੋ ਥਾ ਕ੍ਖਤ੍ਤੁਂ ਤੋ ਥ ਤ੍ਰ ਹਿਞ੍ਚਨਂ ਹਿਂ ਹਂ ਧਿ ਹ ਯਕਾਰਤੋ ਹਿਂਧ ਧੁਨਾ ਰਹਿ ਦਾਨਿ, ਕਿਂਸ੍ਮਾ ਵੋ ਦਾਚਨਂ ਦਾਜ੍ਜਥਂ ਥਤ੍ਤਂ ਜ੍ਝਜ੍ਜੁਪਚ੍ਚਯਨ੍ਤੋ ਚ ਅਬ੍ਯਯੀਭਾਵਸਮਾਸੋ ਚ ਤੁਨਾਦੀਨਂ ਯਾਦੇਸਨ੍ਤੋ ਚ ਅਬ੍ਯਯਂ ਨਾਮ ਭਵੇਤਿ. ਪਯੋਗੋ ਯਥਾ – ‘‘ਕਾਤੁਨ, ਕਤ੍ਵਾਨ, ਕਾਤਵੇ, ਕਤ੍ਵਾ, ਕਾਤੁਂ, ਸਬ੍ਬਧਾ, ਸਬ੍ਬਸੋ, ਸਬ੍ਬਥਾ, ਚਤੁਕ੍ਖਤ੍ਤੁਂ, ਸਬ੍ਬਤੋ, ਸਬ੍ਬਤ੍ਥ, ਸਬ੍ਬਤ੍ਰ, ਕੁਹਿਞ੍ਚਨਂ, ਕੁਹਿਂ, ਕੁਹਂ, ਸਬ੍ਬਧਿ, ਇਹ, ਯਹਿਂ, ਇਧ, ਅਧੁਨਾ, ਏਤਰਹਿ, ਇਦਾਨਿ, ਕ੍ਵ, ਕੁਦਾਚਨਂ, ਕਦਾ, ਅਜ੍ਜ, ਕਥਂ, ਅਞ੍ਞਥਤ੍ਤਂ, ਏਕਜ੍ਝਂ, ਸਜ੍ਜੁ, ਉਪਨਗਰਂ, ਅਨ੍ਤੋਪਾਸਾਦਂ, ਅਭਿਵਨ੍ਦਿਯ’’ਇਚ੍ਚਾਦਿ. ਇਦਂ ਪਨ ਸਬ੍ਬੇਸਮ੍ਪਿ ਅਬ੍ਯਯਾਨਂ ਸਙ੍ਖੇਪਲਕ੍ਖਣਂ.

‘‘ਸਦਿਸਂ ¶ ਤੀਸੁ ਲਿਙ੍ਗੇਸੁ, ਸਬ੍ਬਾਸੁ ਚ ਵਿਭਤ੍ਤਿਸੁ;

ਵਚਨੇਸੁ ਚ ਸਬ੍ਬੇਸੁ, ਯਂ ਨ ਬ੍ਯੇਤਿ ਤਦਬ੍ਯਯ’’ਨ੍ਤਿ.

ਇਤਿ ਸਕਲਬ੍ਯਾਕਰਣਮਹਾਵਨਾਸਙ੍ਗਞਾਣਚਾਰਿਨਾ ਕਵਿਕੁਞ੍ਜਰਕੇਸਰਿਨਾ ਧੀਮਤਾ ਸਿਰਿਮਹਾਚਤੁਰਙ੍ਗਬਲੇਨ ਮਹਾਮਚ੍ਚੇਨ ਵਿਰਚਿਤਾਯਂ ਅਭਿਧਾਨਪ੍ਪਦੀਪਿਕਾਵਣ੍ਣਨਾਯਂ ਸਾਮਞ੍ਞਕਣ੍ਡਵਣ੍ਣਨਾ ਸਮਤ੍ਤਾ.

੧. ‘‘ਸਗ੍ਗਕਣ੍ਡੋ ਚਾ’’ਤ੍ਯਾਦਿਨਾ ਅਭਿਧਾਨਪ੍ਪਦੀਪਿਕਾਯਂ ਕਪਾਲਤੇਲਵਟ੍ਟਿਸਦਿਸੇਨ ਕਣ੍ਡਤ੍ਤਯੇਨ ਸਮਙ੍ਗਿਤਾ ਦੀਪਿਤਾ.

੨. ‘‘ਤਿਦਿਵੇ’’ਤ੍ਯਾਦਿਨਾ ਤੋਟਕੇਨ ਤਸ੍ਸਾ ਪਯੋਜਨਂ ਕਥਿਤਂ. ਤਸ੍ਸਤ੍ਥੋ – ਯੋ ਨਰੋ ਕਤ੍ਤੁਭੂਤੋ ਤਿਦਿਵੇ ਦੇਵਲੋਕੇ, ਬ੍ਰਹ੍ਮਲੋਕੇ ਚ ਮਹਿਯਂ ਮਨੁਸ੍ਸਲੋਕੇ, ਭੁਜਗਾਵਸਥੇ ਨਾਗਲੋਕੇ ਚਾਤਿ ਏਤੇਸੁ ਤੀਸੁ ਠਾਨੇਸੁ ਸਨ੍ਨਿਹਿਤਾਨਂ ¶ ਸਕਲਤ੍ਥਾਨਂ ਸਬ੍ਬੇਸਂ ਅਭਿਧੇਯ੍ਯਾਨਂ ਸਮਵ੍ਹਯਸ੍ਸ ਅਭਿਧਾਨਸ੍ਸ ਦੀਪਨਿਯਂ ਪਕਾਸਨਿਯਂ ਇਹ ਅਭਿਧਾਨਪ੍ਪਦੀਪਿਕਾਯਂ ਸਵਨਧਾਰਣਾਦਿਨਾ ਕੁਸਲੋ ਛੇਕੋ ਹੋਤਿ, ਸ ਨਰੋ ਮਹਾਮੁਨਿਨੋ ਸਮ੍ਮਾਸਮ੍ਬੁਦ੍ਧਸ੍ਸ ਵਚਨੇ ਸੁਤ੍ਤਾਭਿਧਮ੍ਮਵਿਨਯਸਙ੍ਖਾਤੇ ਵਚਨੇ ਪਟੁ ਛੇਕੋ ਹੋਤਿ, ਪਟੁਤ੍ਤਾਯੇਵ ਮਤਿਮਾ ਨਾਮ ਹੋਤੀਤਿ.

੩-੯. ਇਦਾਨਿ ਯਸ੍ਸ ਰਞ੍ਞੋ ਵਿਹਾਰੇ ਵਸਿਤ੍ਵਾ ਅਯਂ ਗਨ੍ਥੋ ਵਿਰਚਿਤੋ, ਤਸ੍ਸ ਨਾਮਗੁਣਨਿਵਾਸਕਰਣਪ੍ਪਕਾਰਵਿਹਾਰਗੁਣਨਾਮਾਦੀਨਿ ਦਸ੍ਸੇਤ੍ਵਾ ਅਤ੍ਤਨੋ ਚ ਨਾਮਗੁਣੇ ਦਸ੍ਸੇਤੁਂ ਸਤ੍ਤ ਗਾਥਾ ਵੁਤ੍ਤਾ.

ਤਤ੍ਰ ¶ ਦੁਤਿਯਾ ਭੁਜਙ੍ਗਪ੍ਪਯਾਤਂ ਨਾਮ. ਤਾਸਂ ਅਯਂ ਸਮ੍ਬਨ੍ਧਾਧਿਪ੍ਪਾਯਾ ਅਤ੍ਥਵਣ੍ਣਨਾ – ਯੋ ਪਰਕ੍ਕਮਭੁਜੋ ਨਾਮ ਭੂਪਾਲੋ ਰਾਜਾ ਕਾਰੇਸਿ, ਰਕ੍ਖੇਸੀਤਿ ਚ ਇਮਿਨਾ ਸਮ੍ਬਨ੍ਧੋ. ਕਿਂਗੁਣੋ ਸੋ ਰਾਜਾ? ਗੁਣਭੂਸਨੋ ਸਦ੍ਧਾਦਿਗੁਣਾਲਙ੍ਕਾਰਧਰੋ. ਤੇਜਸ੍ਸੀ ਤੇਜੋਯੁਤ੍ਤੋ. ਜਯੀ ਅਰਿਜਯੇਨ ਯੁਤ੍ਤੋ. ਕੇਸਰਿਵਿਕ੍ਕਮੋ ਕੇਸਰਸੀਹੋ ਵਿਯ ਸੂਰਗੁਣਯੁਤ੍ਤੋ, ਵੀਰਿਯਵਾ ਚ. ਸ ਕਤ੍ਥ ਨਿਵਾਸੀ? ਸੋ ਰਾਜਾ ਲਙ੍ਕਾਯਮਾਸਿ ਲਙ੍ਕਾਨਾਮਕੇ ਦੀਪੇ ਨਿਵਾਸਨਸੀਲੋ. ਚਿਰਂ ਚਿਰਕਾਲਂ ਵਿਭਿਨ੍ਨਂ ਤਿਧਾ ਵਿਭਿਨ੍ਨਂ ਨਿਕਾਯਤ੍ਤਯਸ੍ਮਿਂ ਨਿਕਾਯਤ੍ਤਯਂ ਭਿਕ੍ਖੁਸਙ੍ਘਂ ਸਮ੍ਮਾ ਨਯੇਨ ਹੇਤੁਨਾ ਸਮਗ੍ਗੇ ਸਮਗ੍ਗਂ ਕਾਰੇਸਿ, ਕਾਰਿਤਨ੍ਤੋਯਂ ਕਰੋਤੀਤਿ ਕਮ੍ਮਿਕੋ, ਤਥਾ ਸਦੇਹਂਵ ਅਤ੍ਤਨੋ ਕਾਯਂ ਇਵ ਨਿਚ੍ਚਾਦਰੋ ਹੁਤ੍ਵਾ ਦੀਘਕਾਲਂ ਮਹਗ੍ਘੇਹਿ ਚ ਪਚ੍ਚਯੇਹਿ ਤਂ ਨਿਕਾਯਤ੍ਤਯਂ ਰਕ੍ਖੇਸਿ.

ਤਥਾ ਯੇਨ ਰਞ੍ਞਾ ਯਥਾ ਕਿਤ੍ਤਿਯਾ ਅਤ੍ਤਨੋ ਸਦ੍ਧਾਦਿਕਿਤ੍ਤਿਯਾ ਕਰਣਭੂਤਾਯ ਲਙ੍ਕਾ ਅਤ੍ਤਨੋ ਨਿਵਾਸਨਟ੍ਠਾਨਭੂਤਾ ਕਮ੍ਮਭੂਤਾ ਸਮ੍ਬਾਧੀਕਤਾ ਸਙ੍ਕਟੀਕਤਾ ਅਨੋਕਾਸੀਕਤਾ, ਤਥਾ ਵਿਹਾਰੇਹਿ ਗਾਮੇਹਿ ਆਰਾਮੇਹਿ ਖੇਤ੍ਤੇਹਿ ਵਾਪੀਹਿ ਚ ਲਙ੍ਕਾ ਸਮ੍ਬਾਧੀਕਤਾ.

ਤਥਾ ਯਸ੍ਸ ਰਞ੍ਞੋ ਸਬ੍ਬਕਾਮਦਦਂ ਅਞ੍ਞੇਹਿ ਅਸਾਧਾਰਣਂ ਅਨੁਗ੍ਗਹਂ ਪਤ੍ਵਾ ਪਾਪੁਣਨਹੇਤੁ ਅਹਂ ਵਿਬੁਧਗੋਚਰਂ ਪਣ੍ਡਿਤਵਿਸਯਂ ਗਨ੍ਥਕਾਰਤ੍ਤਂ ਪਤ੍ਤੋ, ਤੇਨ ਰਞ੍ਞਾ ਕਾਰਿਤੇ ਪਾਸਾਦਗੋਪੁਰਾਦਿਵਿਭੂਸਿਤੇ, ਸਗ੍ਗਕਣ੍ਡੇ ਦੇਵਲੋਕਸ੍ਸ ਕਣ੍ਡਸਦਿਸੇ, ਸਤੋਯਾਸਯਸ੍ਮਿਂ ਸਾਦੁਸਲਿਲਾਸਯਸਮਨ੍ਨਾਗਤੇ, ਪਟਿਬਿਮ੍ਬਿਤੇ ਭਗਵਤੋ ਨਿਵਾਸਨਟ੍ਠਾਨਜੇਤਵਨਮਹਾਵਿਹਾਰਸ੍ਸ ਪਟਿਬਿਮ੍ਬਭੂਤੇ, ਸਾਧੁਸਮ੍ਮਤੇ ਸਾਧੁਵਿਹਾਰੋਤਿ ਸਮ੍ਮਤੇ, ਸਾਧੂਹਿ ਵਾ ਸਮ੍ਮਤੇ ਸਰੋਗਾਮਸਮੂਹਮ੍ਹਿ ਸਲਿਲਾਸਯਭਿਕ੍ਖਾਚਾਰਯੁਤ੍ਤਗਾਮਸਮੂਹਸਮਨ੍ਨਾਗਤੇ ਮਹਾਜੇਤਵਨਾਖ੍ਯਮ੍ਹਿ ਵਿਹਾਰੇ ਵਸਤਾ ਨਿਵਾਸਂ ਕੁਬ੍ਬਤਾ ਸਨ੍ਤਵੁਤ੍ਤਿਨਾ ਸਨ੍ਤਚਾਰਿਨਾ ¶ ਸਦ੍ਧਮ੍ਮਟ੍ਠਿਤਿਕਾਮੇਨ ਧੀਮਤਾ ਅਤਿਸਯਞਾਣਯੁਤ੍ਤੇਨ ਮੋਗ੍ਗਲ੍ਲਾਨੇਨ ਸਮ੍ਮਾਸਮ੍ਬੁਦ੍ਧਸ੍ਸ ਦੁਤਿਯਅਗ੍ਗਸਾਵਕਭੂਤਸ੍ਸ ਆਯਸ੍ਮਤੋ ਇਦ੍ਧਿਮਤੋ ਮਹਾਮੋਗ੍ਗਲ੍ਲਾਨਸ੍ਸ ਨਾਮਧੇਯ੍ਯੇਨ ਥੇਰੇਨ ਏਸਾ ਅਭਿਧਾਨਪ੍ਪਦੀਪਿਕਾ ਰਚਿਤਾਤਿ.

ਸਦ੍ਧਾਦਿਯੁਤ੍ਤੋ ਚਤੁਸੇਤਿਭਿਨ੍ਦੋ;

ਅਭਿਧਾਨਪ੍ਪਦੀਪਿਕਾਟੀਕਾ ਨਿਟ੍ਠਿਤਾ.