ਅਞ੍ਞ > ਸਙ੍ਗਾਯਨ-ਪੁਚ੍ਛ ਵਿਸ੍ਸਜ੍ਜਨਾ

ਵਿਸ੍ਸਜ੍ਜਨਾ – ਉਕ੍ਕਟ੍ਠਾਯਂ ਭਨ੍ਤੇ ਪਞ੍ਚਸਤੇ ਬ੍ਰਾਹ੍ਮਣਕੁਲਾ ਪਬ੍ਬਜਿਤੇ ਆਰਬ੍ਭ ਭਾਸਿਤਂ, ਪਞ੍ਚਸਤਾ ਭਨ੍ਤੇ ਬ੍ਰਾਹ੍ਮਣਕੁਲਾ ਪਬ੍ਬਜਿਤਾ ¶ ਭਿਕ੍ਖੂ ਪਰਿਯਤ੍ਤਿਂ ਨਿਸ੍ਸਾਯ ਮਾਨਂ ਉਪ੍ਪਾਦੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤਂ ਪਨਾਵੁਸੋ ਸੁਤ੍ਤਂ ਭਗਵਤਾ ਕਤਿਹਿ ਵਾਰੇਹਿ ਕਤਿਹਿ ਚ ਅਨ੍ਤੋਗਧਪਦੇਹਿ ਵਿਭਜਿਤ੍ਵਾ ਭਾਸਿਤਂ.

ਵਿਸ੍ਸਜ੍ਜਨਾ – ਤਂ ¶ ਪਨ ਭਨ੍ਤੇ ਮੂਲਪਰਿਯਾਯਸੁਤ੍ਤਂ ਭਗਵਤਾ ਅਟ੍ਠਹਿ ਚ ਵਾਰੇਹਿ ਚਤੁਵੀਸਤਿਯਾ ਚ ਅਨ੍ਤੋਗਧਪਦੇਹਿ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਦੁਤਿਯਂ ਪਨਾਵੁਸੋ ਸਬ੍ਬਾਸਵਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਬ੍ਬਾਸਵਸੁਤ੍ਤਂ ਪਨ ਭਨ੍ਤੇ ਭਗਵਤਾ ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਤਤ੍ਥਾਵੁਸੋ ¶ ਭਗਵਤਾ ਆਸਵਾ ਕਤਿਹਿ ਪਕਾਰੇਹਿ ਵਿਭਜਿਤ੍ਵਾ ਦਸ੍ਸਿਤਾ.

ਵਿਸ੍ਸਜ੍ਜਨਾ – ਸਤ੍ਤਹਿ ਭਨ੍ਤੇ ਪਕਾਰੇਹਿ ਵਿਭਜਿਤ੍ਵਾ ਆਸਵਾ ਭਗਵਤਾ ਪਕਾਸਿਤਾ.

ਪੁਚ੍ਛਾ – ਧਮ੍ਮਦਾਯਾਦਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ, ਭਗਵਤੋ ਚ ਭਨ੍ਤੇ ਭਿਕ੍ਖੁਸਙ੍ਘਸ੍ਸ ਚ ਤਦਾ ਮਹਾਲਾਭਸਕ੍ਕਾਰੋ ਉਦਪਾਦਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤਤ੍ਥਾਵੁਸੋ ¶ ਦ੍ਵੇ ਅਨੁਸਨ੍ਧਯੋ, ਤੇਸੁ ਪਠਮੇ ਅਨੁਸਨ੍ਧਿਮ੍ਹਿ ਕਥਂ ਭਗਵਤਾ ਭਿਕ੍ਖੂਨਂ ਓਵਾਦੋ ਦਿਨ੍ਨੋ.

ਵਿਸ੍ਸਜ੍ਜਨਾ – ਪਠਮੇ ਭਨ੍ਤੇ ਅਨੁਸਨ੍ਧਿਮ੍ਹਿ ਧਮ੍ਮਦਾਯਾਦਾ ਮੇ ਭਿਕ੍ਖਵੇ ਭਵਥ ਮਾ ਆਮਿਸਦਾਯਾਦਾ, ਅਤ੍ਥਿ ਮੇ ਤੁਮ੍ਹੇਸੁ ਅਨੁਕਮ੍ਪਾ, ਕਿਨ੍ਤਿ ਮੇ ਸਾਵਕਾ ਧਮ੍ਮਦਾਯਾਦਾ ਭਵੇਯ੍ਯੁਂ ਨੋ ਆਮਿਸਦਾਯਾਦਾਤਿ ਏਵਮਾਦਿਨਾ ਭਗਵਤਾ ਭਿਕ੍ਖੂਨਂ ਓਵਾਦੋ ਦਿਨ੍ਨੋ.

ਧਮ੍ਮਦਾਯਾਦਾ ¶ ਮੇ ਭਿਕ੍ਖਵੇ ਭਵਥ ਮਾ ਆਮਿਸਦਾਯਾਦਾ, ਅਤ੍ਥਿ ਮੇ ਤੁਮ੍ਹੇਸੁ ਅਨੁਕਮ੍ਪਾ ਕਿਨ੍ਤਿ ਮੇ ਸਾਵਕਾ ਧਮ੍ਮਦਾਯਾਦਾ ਭਵੇਯ੍ਯੁਂ, ਨੋ ਆਮਿਸਦਾਯਾਦਾ.

ਪੁਚ੍ਛਾ – ਦੁਤਿਯੇ ¶ ਪਨਾਵੁਸੋ ਅਨੁਸਨ੍ਧਿਮ੍ਹਿ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਕੀਦਿਸੀ ਧਮ੍ਮਦੇਸਨਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਦੁਤਿਯੇ ਪਨ ਭਨ੍ਤੇ ਅਨੁਸਨ੍ਧਿਮ੍ਹਿ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਸਤ੍ਥੁ ਪਵਿਵਿਤ੍ਤਸ੍ਸ ਵਿਹਰਤੋ ਸਾਵਕਾਨਂ ਵਿਵੇਕਂ ਅਨਨੁਸਿਕ੍ਖਤਂ ਤੀਹਿ ਠਾਨੇਹਿ ਗਾਰਯੁਤਂ, ਅਨੁਸਿਕ੍ਖਨ੍ਤਾਨਞ੍ਚ ਤੀਹਿ ਠਾਨੇਹਿ ਪਾਸਂਸਤਂ, ਸੋਲ਼ਸ ਚ ਪਾਪਕੇ ਧਮ੍ਮੇ ਤੇਸਞ੍ਚ ਪਹਾਨਾਯ ਮਜ੍ਝਿਮਾ ਪਟਿਪਦਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਭਯਭੇਰਵਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਜਾਣੁਸ੍ਸੋਣਿਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ, ਜਾਣੁਸ੍ਸੋਣਿ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਯੇ ਮੇ ਭੋ ਗੋਤਮ ਕੁਲਪੁਤ੍ਤਾ ਭਵਨ੍ਤਂ ਗੋਤਮਂ ਉਦ੍ਦਿਸ੍ਸ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ, ਭਵਂ ਤੇਸਂ ਗੋਤਮੋ ਪੁਬ੍ਬਙ੍ਗਮੋ, ਭਵਂ

ਤੇਸਂ ¶ ਗੋਤਮੋ ਬਹੁਕਾਰੋ, ਭਵਂ ਤੇਸਂ ਗੋਤਮੋ ਸਮਾਦਪੇਤਾ, ਭੋਤੋ ਚ ਪਨ ਗੋਤਮਸ੍ਸ ਸਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਨਙ੍ਗਣਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ.

ਪੁਚ੍ਛਾ – ਆਕਙ੍ਖੇਯ੍ਯਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਵਤ੍ਥਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਸਲ੍ਲੇਖਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਮਹਾਚੁਨ੍ਦਂ ਆਰਬ੍ਭ ਭਾਸਿਤਂ, ਆਯਸ੍ਮਾ ਮਹਾਚੁਨ੍ਦੋ ਭਨ੍ਤੇ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਯਾ ਇਮਾ ਭਨ੍ਤੇ ਅਨੇਕਵਿਹਿਤਾ ਦਿਟ੍ਠਿਯੋ ਲੋਕੇ ਉਪ੍ਪਜ੍ਜਨ੍ਤਿ, ਅਤ੍ਤਵਾਦਪਟਿਸਂਯੁਤ੍ਤਾ ਵਾ ਲੋਕਵਾਦਪਟਿਸਂਯੁਤ੍ਤਾ ਵਾ, ਆਦਿਮੇਵ ਨੁ ਖੋ ਭਨ੍ਤੇ ਭਿਕ੍ਖੁਨੋ ਮਨਸਿਕਰੋਤੋ ਏਵਮੇਤਾਸਂ ਦਿਟ੍ਠੀਨਂ ਪਹਾਨਂ ਹੋਤਿ, ਏਵਮੇਤਾਸਂ ਦਿਟ੍ਠੀਨਂ ਪਟਿਨਿਸ੍ਸਗ੍ਗੋ ਹੋਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤਤ੍ਥ ¶ ਚ ਆਵੁਸੋ ਕਤਿ ਪਰਿਯਾਯਾ ਕਤਿ ਚ ਅਨ੍ਤੋਗਧਪਦਾਨਿ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਪਞ੍ਚ ਪਰਿਯਾਯਾ ਚਤੁਚਤ੍ਤਾਲੀਸ ਚ ਅਨ੍ਤੋਗਧਪਦਾਨਿ ਭਗਵਤਾ ਵਿਤ੍ਥਾਰੇਨ ਭਾਸਿਤਾਨਿ.

ਪੁਚ੍ਛਾ – ਸਮ੍ਮਾਦਿਟ੍ਠਿਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.

ਵਿਸ੍ਸਜ੍ਜਨਾ – ਪਰਮ੍ਪਰਾਯ ਭਨ੍ਤੇ ਆਭਤਂ.

ਪੁਚ੍ਛਾ – ਮਹਾਸਤਿਪਟ੍ਠਾਨਸੁਤ੍ਤਂ ¶ ਪਨਾਵੁਸੋ ਯੋਗਾਵਚਰਾਨਂ ਬਹੁਪਕਾਰਤ੍ਤਾ ਦੀਘਨਿਕਾਯੇ ਚ ਇਧ ਚਾਤਿ ਦ੍ਵੀਸੁ ਨਿਕਾਯੇਸੁ ਪੋਰਾਣਕੇਹਿ ਸਂਗੀਤਿਕਾਰੇਹਿ ਦ੍ਵਿਕ੍ਖਤ੍ਤੁਂ ਸਂਗਾਯਿਤ੍ਵਾ ਵਿਤ੍ਥਾਰੇਨ ਪਤਿਟ੍ਠਾਪਿਤਂ, ਤਂ ਅਮ੍ਹੇਹਿ ਦੀਘਨਿਕਾਯੇ ਯਥਾਨੁਪ੍ਪਤ੍ਤਵਸੇਨ ਪੁਚ੍ਛਿਤਞ੍ਚ ਵਿਸ੍ਸਜ੍ਜਿਤਞ੍ਚ. ਤਥਾਪਿ ਯੋਗਾਵਚਰਾਨਂ ਬਹੁਪਕਾਰਤ੍ਤਾਯੇਵ ਤਂ ¶ ਇਦਾਨਿਪਿ ਯਥਾਨੁਪ੍ਪਤ੍ਤਵਸੇਨ ਪੁਨ ਪੁਚ੍ਛਿਸ੍ਸਾਮਿ, ਤਂ ਪਨੇਤਂ ਆਵੁਸੋ ਮਹਾਸਤਿਪਟ੍ਠਾਨਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਕੁਰੂਸੁ ਭਨ੍ਤੇ ਕਮ੍ਮਾਸਧਮ੍ਮੇ ਨਾਮ ਕੁਰੂਨਂ ਨਿਗਮੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਆਨਾਪਾਨਸ੍ਸਤਿ ਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਇਧ ਭਿਕ੍ਖਵੇ ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਨਿਸੀਦਤਿ ਪਲ੍ਲਙ੍ਕਂ ਆਭੁਜਿਤ੍ਵਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍ਵਾ ਸੋ ਸਤੋਵ ਅਸ੍ਸਸਤਿ, ਸਤੋਵ ਪਸ੍ਸਸਤਿ, ਦੀਘਂ ਵਾ ਅਸ੍ਸਸਨ੍ਤੋ ‘ਦੀਘਂ ਅਸ੍ਸਸਾਮੀ’ਤਿ ਪਜਾਨਾਤਿ, ਦੀਘਂ ਵਾ ਪਸ੍ਸਸਨ੍ਤੋ ‘ਦੀਘਂ ਪਸ੍ਸਸਾਮੀ’ਤਿ ਪਜਾਨਾਤਿ, ਏਵਮਾਦਿਨਾ ਭਨ੍ਤੇ ਤਤ੍ਥ ਆਨਾਪਾਨਸ੍ਸਤਿ ਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਇਰਿਯਾਪਥਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪੁਨ ਚਪਰਂ ਭਿਕ੍ਖਵੇ ਭਿਕ੍ਖੁ ਗਚ੍ਛਨ੍ਤੋ ਵਾ ਗਚ੍ਛਾਮੀਤਿ ਪਜਾਨਾਤਿ, ਠਿਤੋ ਵਾ ਠਿਤੋਮ੍ਹੀਤਿ ਪਜਾਨਾਤਿ, ਨਿਸਿਨ੍ਨੋ ਵਾ ਨਿਸਿਨ੍ਨੋਮ੍ਹੀਤਿ ਪਜਾਨਾਤਿ, ਸਯਾਨੋ ਵਾ ਸਯਾਨੋਮ੍ਹੀਤਿ ਪਜਾਨਾਤਿ, ਏਵਮਾਦਿਨਾ ਭਨ੍ਤੇ ਭਗਵਤਾ ਇਰਿਯਾਪਥਕਾਯਾਨੁਪਸ੍ਸਨਾ ਭਾਵਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਸਮ੍ਪਜਞ੍ਞਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪੁਨ ਚਪਰਂ ਭਿਕ੍ਖਵੇ ਭਿਕ੍ਖੁ ਅਭਿਕ੍ਕਨ੍ਤੇ ਪਟਿਕ੍ਕਨ੍ਤੇ ਸਮ੍ਪਜਾਨਕਾਰੀ ਹੋਤਿ, ਆਲੋਕਿਤੇ ਵਿਲੋਕਿਤੇ ਸਮ੍ਪਜਾਨਕਾਰੀ ਹੋਤਿ, ਸਮਿਞ੍ਜਿਤੇ ਪਸਾਰਿਤੇ ਸਮ੍ਪਜਾਨਕਾਰੀ ਹੋਤਿ, ਸਙ੍ਘਾਟਿਪਤ੍ਤਚੀਵਰਧਾਰਣੇ ਸਮ੍ਪਜਾਨਕਾਰੀ ਹੋਤਿ, ਅਸਿਤੇ ਪੀਤੇ ਖਾਯਿਤੇ ਸਾਯਿਤੇ ਸਮ੍ਪਜਾਨਕਾਰੀ ਹੋਤਿ, ਉਚ੍ਚਾਰਪਸ੍ਸਾਵਕਮ੍ਮੇ ਸਮ੍ਪਜਾਨਕਾਰੀ ਹੋਤਿ, ਗਤੇ ਠਿਤੇ ਨਿਸਿਨ੍ਨੇ ਸੁਤ੍ਤੇ ਜਾਗਰਿਤੇ ਭਾਸਿਤੇ ਤੁਣ੍ਹੀਭਾਵੇ ਸਮ੍ਪਜਾਨਕਾਰੀ ਹੋਤਿ, ਏਵਮਾਦਿਨਾ ਭਨ੍ਤੇ ਭਗਵਤਾ ਤਤ੍ਥ ਸਮ੍ਪਜਞ੍ਞਕਾਯਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਪਟਿਕੂਲਮਨਸਿਕਾਰਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪੁਨ ਚਪਰਂ ਭਿਕ੍ਖਵੇ ਭਿਕ੍ਖੁ ਇਮਮੇਵ ਕਾਯਂ ਉਦ੍ਧਂ ਪਾਦਤਲਾ ਅਧੋ ਕੇਸਮਤ੍ਥਕਾ ਤਚਪਰਿਯਨ੍ਤਂ ਪੂਰਂ ਨਾਨਪ੍ਪਕਾਰਸ੍ਸ ਅਸੁਚਿਨੋ ਪਚ੍ਚਵੇਕ੍ਖਤਿ ਅਤ੍ਥਿ ਇਮਸ੍ਮਿਂ ਕਾਯੇ ਕੇਸਾਲੋਮਾ ਨਖਾ ਦਨ੍ਤਾ ਤਚੋ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਪਟਿਕੂਲਮਨਸਿਕਾਰਕਾਯਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਧਾਤੁਮਨਸਿਕਾਰਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪੁਨ ਚਪਰਂ ਭਿਕ੍ਖਵੇ ਭਿਕ੍ਖੁ ਇਮਮੇਵ ਕਾਯਂ ਯਥਾਠਿਤਂ ਯਥਾਪਣਿਹਿਤਂ ਧਾਤੁਸੋ ਪਚ੍ਚਵੇਕ੍ਖਤਿ ਅਤ੍ਥਿ ਇਮਸ੍ਮਿਂ ਕਾਯੇ ਪਥਵੀਧਾਤੁ ਆਪੋਧਾਤੁ ਤੇਜੋਧਾਤੁ ਵਾਯੋਧਾਤੁ ਏਵਮਾਦਿਨਾ ਭਨ੍ਤੇ ਭਗਵਤਾ ਧਾਤੁਮਨਸਿਕਾਰਕਾਯਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਨਵ ਸਿਵਥਿਕਕਾਯਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪੁਨ ਚਪਰਂ ਭਿਕ੍ਖਵੇ ਭਿਕ੍ਖੁ ਸੇਯ੍ਯਥਾਪਿ ਪਸ੍ਸੇਯ੍ਯ ਸਰੀਰਂ ਸਿਵਥਿਕਾਯ ਛਡ੍ਡਿਤਂ ਏਕਾਹਮਤਂ ਵਾ ਦ੍ਵੀਹਮਤਂ ਵਾ ਤੀਹਮਤਂ ਵਾ ਉਦ੍ਧੁਮਾਤਕਂ ਵਿਨੀਲਕਂ ਵਿਪੁਬ੍ਬਕਜਾਤਂ ਸੋ ਇਮਮੇਵ ਕਾਯਂ ਉਪਸਂਹਰਤਿ ‘‘ਅਯਮ੍ਪਿ ਖੋ ਕਾਯੋ ਏਵਂਧਮ੍ਮੋ ਏਵਂਭਾਵੀ ਏਵਂਅਨਤੀਤੋ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਨਵ ਸਿਵਥਿਕਕਾਯਾਨੁਪਸ੍ਸਨਾ ਭਾਵਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਵੇਦਨਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਇਧ ਭਿਕ੍ਖਵੇ ਭਿਕ੍ਖੁ ਸੁਖਂ ਵਾ ਵੇਦਨਂ ਵੇਦਯਮਾਨੋ ‘‘ਸੁਖਂ ਵੇਦਨਂ ਵੇਦਯਾਮੀ’’ਤਿ ਪਜਾਨਾਤਿ, ਦੁਕ੍ਖਂ ਵਾ ਵੇਦਨਂ ਵੇਦਯਮਾਨੋ ‘‘ਦੁਕ੍ਖ ਵੇਦਨਂ ਵੇਦਯਾਮੀ’’ਤਿ ਪਜਾਨਾਤਿ, ਅਦੁਕ੍ਖਮਸੁਖਂ ਵਾ ਵੇਦਨਂ ਵੇਦਯਮਾਨੋ ‘‘ਅਦੁਕ੍ਖਮਸੁਖਂ ਵੇਦਨਂ ਵੇਦਯਾਮੀ’’ਤਿ ਪਜਾਨਾਤਿ, ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਵੇਦਨਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਚਿਤ੍ਤਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਇਧ ਭਿਕ੍ਖਵੇ ਭਿਕ੍ਖੁ ਸਰਾਗਂ ਵਾ ਚਿਤ੍ਤਂ ‘‘ਸਰਾਗਂ ਚਿਤ੍ਤ’’ਨ੍ਤਿ ਪਜਾਨਾਤਿ, ਵੀਤਰਾਗਂ ਵਾ ਚਿਤ੍ਤਂ ‘‘ਵੀਤਰਾਗਂ ਚਿਤ੍ਤ’’ਨ੍ਤਿ ਪਜਾਨਾਤਿ, ਸਦੋਸਂ ਵਾ ਵੀਤਦੋਸਂ ਵਾ ਸਮੋਹਂ ਵਾ ਵੀਤਮੋਹਂ ਵਾ ਸਂਖਿਤ੍ਤਂ ਵਾ ਚਿਤ੍ਤਂ ‘‘ਸਂਖਿਤ੍ਤਂ ਚਿਤ੍ਤ’’ਨ੍ਤਿ ਪਜਾਨਾਤਿ, ਵਿਕ੍ਖਿਤ੍ਤਂ ਵਾ ਚਿਤ੍ਤਂ ‘‘ਵਿਕ੍ਖਿਤ੍ਤਂ ਚਿਤ੍ਤ’’ਨ੍ਤਿ ਪਜਾਨਾਤਿ, ਏਵਮਾਦਿਨਾ ਤਤ੍ਥ ਭਗਵਤਾ ਚਿਤ੍ਤਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਧਮ੍ਮਾਨੁਪਸ੍ਸਨਾ ਭਗਵਤਾ ਵਿਭਜਿਤ੍ਵਾ ਦੇਸਿਤਾ, ਤਂ ਸਙ੍ਖੇਪਮਤ੍ਤੇਨੇਵ ਵਿਸ੍ਸਜ੍ਜੇਹਿ.

ਵਿਸ੍ਸਜ੍ਜਨਾ – ਇਧ ਭਿਕ੍ਖਵੇ ਭਿਕ੍ਖੁ ਧਮ੍ਮੇਸੁ ਧਮ੍ਮਾਨੁਪਸ੍ਸੀ ਵਿਹਰਤਿ, ਪਞ੍ਚਸੁ ਨੀਵਰਣੇਸੁ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਪਞ੍ਚਹਿ ਪਬ੍ਬੇਹਿ ਧਮ੍ਮਾਨੁਪਸ੍ਸਨਾ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਚੂਲ਼ਨਸੀਹਨਾਦਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਰਿਹੀਨਲਾਭਸਕ੍ਕਾਰੇ ਨਾਨਾਤਿਤ੍ਥਿਯੇ ਆਰਬ੍ਭ ਭਾਸਿਤਂ, ਨਾਨਾਤਿਤ੍ਥਿਯਾ ਭਨ੍ਤੇ ਪਰਿਹੀਨਲਾਭਸਕ੍ਕਾਰਾ ਤੇਸੁ ਤੇਸੁ ਠਾਨੇਸੁ ਪਰਿਦੇਵਿਂਸੁ, ਚਤਸ੍ਸੋ ਚ ਭਨ੍ਤੇ ਪਰਿਸਾ ਭਗਵਤੋ ਏਕਮਤ੍ਥਂ ਆਰੋਚੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਮਹਾਸੀਹਨਾਦਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਸੁਨਕ੍ਖਤ੍ਤਂ ਲਿਚ੍ਛਵਿਪੁਤ੍ਤਂ ਆਰਬ੍ਭ ਭਾਸਿਤਂ, ਸਨੁਕ੍ਖਤ੍ਤੋ ਭਨ੍ਤੇ ਲਿਚ੍ਛਵਿਪੁਤ੍ਤੋ ਅਚਿਰਪਕ੍ਕਨ੍ਤੋ ਹੋਤਿ ਇਮਸ੍ਮਾ ਧਮ੍ਮਵਿਨਯਾ, ਸੋ ਵੇਸਾਲਿਯਂ ਪਰਿਸਤਿ ਏਵਂ ਵਾਚਂ ਭਾਸਤਿ ¶ ‘‘ਨਤ੍ਥਿ ਸਮਣਸ੍ਸ ਗੋਤਮਸ੍ਸ ਉਤ੍ਤਰਿਮਨੁਸ੍ਸਧਮ੍ਮਾ ਅਲਮਰਿਯਞਾਣਦਸ੍ਸਨਵਿਸੇਸੋ, ਤਕ੍ਕਪਰਿਯਾਹਤਂ ਸਮਣੋ ਗੋਤਮੋ ਧਮ੍ਮਂ ਦੇਸੇਤਿ ਵੀਮਂਸਾਨੁਚਰਿਤਂ ਸਯਂ ਪਟਿਭਾਨਂ. ਯਸ੍ਸ ਚ ਖ੍ਵਾਸ੍ਸ ਅਤ੍ਥਾਯ ਧਮ੍ਮੋ ਦੇਸਿਤੋ, ਸੋ ਨਿਯ੍ਯਾਤਿ ਤਕ੍ਕਰਸ੍ਸ ਸਮ੍ਮਾ ਦੁਕ੍ਖਕ੍ਖਯਾਯਾ’’ਤਿ, ਏਤਮਤ੍ਥਂ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤੋ ਭਗਵਤੋ ਆਰੋਚੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਤਿ ¶ ਪਨਾਵੁਸੋ ਤਤ੍ਥ ਭਗਵਤਾ ਤਥਾਗਤਸ੍ਸ ਤਥਾਗਤਬਲਾਨਿ ਵਿਭਜਿਤ੍ਵਾ ਪਕਾਸਿਤਾਨਿ, ਯੇਹਿ ਬਲੇਹਿ ਸਮਨ੍ਨਾਗਤੋ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਵਿਸ੍ਸਜ੍ਜਨਾ – ਦਸ ਭਨ੍ਤੇ ਤਥਾਗਤਸ੍ਸ ਤਥਾਗਤਬਲਾਨਿ ਭਗਵਤਾ ਵਿਭਜਿਤ੍ਵਾ ਪਕਾਸਿਤਾਨਿ, ਯੇਹਿ ਬਲੇਹਿ ਸਮਨ੍ਨਾਗਤੋ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਚਤੁਵੇਰਜ੍ਜਞਾਣਾਨਿ ਵਿਭਜਿਤ੍ਵਾ ਪਕਾਸਿਤਾਨਿ, ਯੇਹਿ ਵੇਸਾਰਜ੍ਜੇਹਿ ਸਮਨ੍ਨਾਗਤੋ ਤਥਾਗਤੋ ਆਸਭਂ ਠਾਨਂ ਪਟਿਜਾਨਾਤਿ, ਪਰਿਸਾਸੁ ਸੀਹਨਾਦਂ ਨਦਤਿ, ਬ੍ਰਹ੍ਮਚਕ੍ਕਂ ਪਵਤ੍ਤੇਤਿ.

ਵਿਸ੍ਸਜ੍ਜਨਾ – ਖੀਣਾਸਵਸ੍ਸ ਤੇ ਪਟਿਜਾਨਤੋ ਇਮੇ ਆਸਵਾ ਅਪਰਿਕ੍ਖੀਣਾਤਿ ਤਤ੍ਰ ਵਤ ਮਂ ਸਮਣੋ ਵਾ ਬ੍ਰਾਹ੍ਮਣੋ ਵਾ ਦੇਵੋ ਵਾ ਮਾਰੋ ਵਾ ਬ੍ਰਹ੍ਮਾ ਵਾ ਕੋਚਿ ਵਾ ਲੋਕਸ੍ਮਿਂ ਸਹਧਮ੍ਮੇਨ ਪਟਿਚੋਦੇਸ੍ਸਤੀਤਿ ਨਿਮਿਤ੍ਤਮੇਤਂ ਸਾਰਿਪੁਤ੍ਤ ਨ ਸਮਨੁਪਸ੍ਸਾਮਿ, ਏਤਮਹਂ ਸਾਰਿਪੁਤ੍ਤ ਨਿਮਿਤ੍ਤਂ ਅਸਮਨੁਪਸ੍ਸਨ੍ਤੋ ਖੇਮਪ੍ਪਤ੍ਤੋ ਅਭਯਪ੍ਪਤ੍ਤੋ ਵੇਸਾਰਜ੍ਜਪ੍ਪਤ੍ਤੋ ਵਿਹਰਾਮਿ. ਏਵਮਾਦਿਨਾ ਭਨ੍ਤੇ ਤਤ੍ਥ ਚਤੁਵੇਸਾਰਜ੍ਜਞਾਣਾਨਿ ਭਗਵਤਾ ਵਿਤ੍ਥਾਰੇਨ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਪਞ੍ਚਗਤਿਪਰਿਚ੍ਛੇਦਞਾਣਂ ਵਿਭਜਿਤ੍ਵਾ ਪਕਾਸਿਤਂ.

ਵਿਸ੍ਸਜ੍ਜਨਾ – ਪਞ੍ਚ ਖੋ ਇਮਾ ਸਾਰਿਪੁਤ੍ਤ ਗਤਿਯੋ, ਕਤਮਾ ਪਞ੍ਚ, ਨਿਰਯੋ ਤਿਰਚ੍ਛਾਨਯੋਨਿ ਪੇਤ੍ਤਿਵਿਸਯੋ ਮਨੁਸ੍ਸਾ ਦੇਵਾ, ਏਵਮਾਦਿਨਾ ਭਨ੍ਤੇ ਭਗਵਤਾ ਤਤ੍ਥ ਪਞ੍ਚਗਤਿਪਰਿਚ੍ਛੇਦਕਞਾਣਂ ਵਿਭਜਿਤ੍ਵਾ ਪਕਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਤਥਾਗਤੋ ਅਤ੍ਤਨੋ ਪਞ੍ਞਾਵੇਯ੍ਯਤ੍ਤਿਯਾ ਅਪਰਿਹਾਨਿਂ ਪਕਾਸੇਸਿ.

ਵਿਸ੍ਸਜ੍ਜਨਾ – ਸਨ੍ਤਿ ਖੋ ਪਨ ਸਾਰਿਪੁਤ੍ਤ ਏਕੇ ਸਮਣਬ੍ਰਾਹ੍ਮਣਾ ਏਵਂਵਾਦਿਨੋ ਏਵਂਦਿਟ੍ਠਿਨੋ ਯਾਵਦੇਵਾਯਂ ਭਵਂ ਪੁਰਿਸੋ ਦਹਰੋ ਹੋਤਿ, ਏਵਮਾਦਿਨਾ ਭਨ੍ਤੇ ਤਤ੍ਥ ਤਥਾਗਤੋ ਅਤ੍ਤਨੋ ਪਞ੍ਞਾਵੇਯ੍ਯਤ੍ਤਿਯਾ ਅਪਰਿਹਾਨਿਂ ਪਕਾਸੇਸਿ.

ਪੁਚ੍ਛਾ – ਮਹਾਦੁਕ੍ਖਕ੍ਖਨ੍ਧਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਿਤ੍ਥਿਯੇ ਆਰਬ੍ਭ ਭਾਸਿਤਂ, ਸਮ੍ਬਹੁਲਾ ਭਨ੍ਤੇ ਅਞ੍ਞਤਿਤ੍ਥਿਯਾ ਭਿਕ੍ਖੂ ਏਤਦਵੋਚੁਂ ‘‘ਸਮਣੋ ਆਵੁਸੋ ਗੋਤਮੋ ਕਾਮਾਨਂ ਪਰਿਞ੍ਞਂ ਪਞ੍ਞਪੇਤਿ, ਮਯਮ੍ਪਿ ਕਾਮਾਨਂ ਪਰਿਞ੍ਞਂ ਪਞ੍ਞਪੇਮ, ਸਮਣੋ ਆਵੁਸੋ ਗੋਤਮੋ ਰੂਪਾਨਂ ¶ ਵੇਦਨਾਨਂ ਪਰਿਞ੍ਞਂ ਪਞ੍ਞਪੇਤਿ, ਮਯਮ੍ਪਿ ਰੂਪਾਨਂ ਵੇਦਨਾਨਂ ਪਰਿਞ੍ਞਂ ਪਞ੍ਞਪੇਮ, ਇਧ ਨੋ ਆਵੁਸੋ ਕੋ ਵਿਸੇਸੋ, ਕੋ ਅਧਿਪ੍ਪਯਾਸੋ, ਕਿਂ ਨਾਨਾਕਰਣਂ ਸਮਣਸ੍ਸ ਵਾ ਗੋਤਮਸ੍ਸ ਅਮ੍ਹਾਕਂ ਵਾ ਯਦਿਦਂ ਧਮ੍ਮਦੇਸਨਾਯ ਵਾ ਧਮ੍ਮਦੇਸਨਂ ਅਨੁਸਾਸਨਿਯਾ ਵਾ ਅਨੁਸਾਸਨਿ’’ਨ੍ਤਿ, ਏਤਮਤ੍ਥਂ ਭਿਕ੍ਖੂ ਭਗਵਤੋ ਆਰੋਚੇਸੁਂ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਦੁਕ੍ਖਕ੍ਖਨ੍ਧਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਕਪਿਲਵਤ੍ਥੁਸ੍ਮਿਂ ਮਹਾਨਾਮਂ ਸਕ੍ਕਂ ਆਰਬ੍ਭ ਭਾਸਿਤਂ, ਮਹਾਨਾਮੋ ਭਨ੍ਤੇ ਸਕ੍ਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਦੀਘਰਤ੍ਤਾਹਂ ਭਨ੍ਤੇ ਭਗਵਤਾ ਏਵਂ ਧਮ੍ਮਂ ਦੇਸਿਤਂ ਆਜਾਨਾਮਿ ‘ਲੋਭੋ ਚਿਤ੍ਤਸ੍ਸ ਉਪਕ੍ਕਿਲੇਸੋ, ਦੋਸੋ ਚਿਤ੍ਤਸ੍ਸ ਉਪਕ੍ਕਿਲੇਸੋ, ਮੋਹੋ ਚਿਤ੍ਤਸ੍ਸ ਉਪਕ੍ਕਿਲੇਸੋ’ਤਿ, ਏਵਞ੍ਚਾਹਂ ਭਨ੍ਤੇ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ ‘ਲੋਭੋ ਚਿਤ੍ਤਸ੍ਸ ਉਪਕ੍ਕਿਲੇਸੋ, ਦੋਸੋ ਚਿਤ੍ਤਸ੍ਸ ਉਪਕ੍ਕਿਲੇਸੋ, ਮੋਹੋ ਚਿਤ੍ਤਸ੍ਸ ਉਪਕ੍ਕਿਲੇਸੋ’ਤਿ. ਅਥ ਚ ਪਨ ਮੇ ਏਕਦਾ ਲੋਭਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਦੋਸਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਮੋਹਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਤਸ੍ਸ ਮਯ੍ਹਂ ਭਨ੍ਤੇ ਏਵਂ ਹੋਤਿ ‘ਕੋ ਸੁ ਨਾਮ ਮੇ ਧਮ੍ਮੋ ਅਜ੍ਝਤ੍ਤਂ ਅਪ੍ਪਹਿਨੋ ¶ , ਯੇਨ ਮੇ ਏਕਦਾ ਲੋਭਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਦੋਸਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤਿ, ਮੋਹਧਮ੍ਮਾਪਿ ਚਿਤ੍ਤਂ ਪਰਿਯਾਦਾਯ ਤਿਟ੍ਠਨ੍ਤੀ’ਤਿ’’, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਨੁਮਾਨਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਭਗ੍ਗੇਸੁ ਭਨ੍ਤੇ ਸੁਸੁਮਾਰਗਿਰੇ ਭੇਸਕਲ਼ਾਵਨੇ ਆਯਸ੍ਮਤਾ ਮਹਾਮੋਗ੍ਗਲ੍ਲਾਨਤ੍ਥੇਰੇਨ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਚੇਤੋਖਿਲਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਵਨਪਤ੍ਥਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਮਧੁਪਿਣ੍ਡਿਕਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਦਣ੍ਡਪਾਣਿਂ ਸਕ੍ਕਂ ਆਰਬ੍ਭ ਭਾਸਿਤਂ, ਦਣ੍ਡਪਾਣਿ ਭਨ੍ਤੇ ਸਕ੍ਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਕਿਂ ਵਾਦੀ ਸਮਣੋ ਕਿਮਕ੍ਖਾਯੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਦ੍ਵੇਧਾਵਿਤਕ੍ਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਵਿਤਕ੍ਕਸਣ੍ਠਾਨਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਕਕਚੂਪਮਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਮੋਲ਼ਿਯਫਗ੍ਗੁਨਂ ਆਰਬ੍ਭ ਭਾਸਿਤਂ, ਆਯਸ੍ਮਾ ਭਨ੍ਤੇ ਮੋਲ਼ਿਯਫਗ੍ਗੁਨੋ ਭਿਕ੍ਖੁਨੀਹਿ ਸਦ੍ਧਿਂ ¶ ਅਤਿਵੇਲਂ ਸਂਸਟ੍ਠੋ ਵਿਹਰਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਆਯਸ੍ਮਤੋ ਮੋਲ਼ਿਯਫਗ੍ਗੁਨਸ੍ਸ ਤਂ ਭਗਵਤੋ ਓਵਾਦਂ ਸੁਤ੍ਵਾ ਕਥਂ ਚਿਤ੍ਤਂ ਉਪ੍ਪਨ੍ਨਂ, ਕਥਞ੍ਜ ਭਗਵਾ ਉਤ੍ਤਰਿ ਭਿਕ੍ਖੂਨ ਓਵਾਦਮਦਾਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਮੋਲ਼ਿਯਫਗ੍ਗੁਨਸ੍ਸ ਭਗਵਤੋ ਇਮਂ ਓਵਾਦਂ ਸੁਤ੍ਵਾ ਭਿਕ੍ਖੁਨਿਸਂਸਗ੍ਗਤੋ ਓਰਮਿਸ੍ਸਾਮਿ ਵਿਰਮਿਸ੍ਸਾਮੀਤਿਪਿ ਚਿਤ੍ਤਂ ਨ ਉਪ੍ਪਨ੍ਨਂ, ਅਸਂਵਰਮੇਵ ਭਨ੍ਤੇ ਚਿਤ੍ਤਂ ਉਪ੍ਪਨ੍ਨਂ, ਭਗਵਾ ਚ ਭਨ੍ਤੇ ਆਰਾਧਯਿਂਸੁ ਵਤ ਮੇ ਭਿਕ੍ਖਵੇ ਭਿਕ੍ਖੂ ਏਕਂ ਸਮਯਂ ਚਿਤ੍ਤਂ, ਏਵਮਾਦਿਨਾ ਉਤ੍ਤਰਿ ਭਿਕ੍ਖੂਨਂ ਓਵਾਦਮਦਾਸਿ.

ਉਭਤੋ ¶ ਦਣ੍ਡਕੇਨ ਚੇਪਿ ਭਿਕ੍ਖਵੇ ਕਕਚੇਨ ਚੋਰਾ ਓਚਰਕਾ ਅਙ੍ਗਮਙ੍ਗਾਨਿ ਓਕਨ੍ਤੇਯ੍ਯੁਂ.

ਪੁਚ੍ਛਾ – ਅਲਗਦ੍ਦੂਪਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਰਿਟ੍ਠਂ ਭਿਕ੍ਖੁਂ ਗਦ੍ਧਬਾਧਿਪੁਬ੍ਬਂ ਆਰਬ੍ਭ ਭਾਸਿਤਂ, ਅਰਿਟ੍ਠਸ੍ਸ ਭਨ੍ਤੇ ਭਿਕ੍ਖੁਨੋ ਗਦ੍ਧਬਾਧਿਪੁਬ੍ਬਸ੍ਸ ਏਵਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਦਾਮਿ, ਯਥਾ ਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਆਯਸ੍ਮਤੋ ਅਰਿਟ੍ਠਸ੍ਸ ਗਦ੍ਧਬਾਧਿਪੁਬ੍ਬਸ੍ਸ ਕਥਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ, ਕਥਞ੍ਚ ਭਗਵਾ ਉਤ੍ਤਰਿ ਭਿਕ੍ਖੁਨਂ ਧਮ੍ਮਦੇਸਨਂ ਪਵਤ੍ਤੇਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਅਰਿਟ੍ਠਸ੍ਸ ਭਿਕ੍ਖੁਨੋ ਗਦ੍ਧਬਾਧਿਪੁਬ੍ਬਸ੍ਸ ‘‘ਕਿਞ੍ਚਾਪਿ ਮਂ ਭਗਵਾ ਮੋਘਪੁਰਿਸਵਾਦੇਨ ਵਦੇਸਿ, ਨ ਖੋ ਪਨ ਮੇ ਮਗ੍ਗਫਲਾਨਂ ਉਪਨਿਸ੍ਸਯੋ ਨ ਹੋਤਿ, ਸ੍ਵਾਹਂ ਆਰਭਿਤ੍ਵਾ ਘਟ੍ਟੇਤ੍ਵਾ ਮਗ੍ਗਫਲਾਨਿ ਨਿਬ੍ਬਤ੍ਤੇਸ੍ਸਾਮੀ’’ਤਿ, ਏਵਂ ਖੋ ਭਨ੍ਤੇ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ, ਭਗਵਾ ਚ ਭਨ੍ਤੇ ਦੁਪ੍ਪਞ੍ਞਸ੍ਸ ਅਲਗਦ੍ਦੂਪਮਂ ਦਸ੍ਸੇਤ੍ਵਾ ਅਲਗਦ੍ਦੂਪਮਂ ਪਰਿਯਤ੍ਤਿਞ੍ਚ ਦਸ੍ਸੇਤ੍ਵਾ ਪਞ੍ਞਵਤੋ ਅਲਗਦ੍ਦੂਪਮਾਯ ਚ ਕੁਲ੍ਲੂਪਮਾਯ ਚ ਪਞ੍ਞਵਤੋ ਨਿਸ੍ਸਰਣਪਰਿਯਤ੍ਤਿਂ ਦਸ੍ਸੇਤ੍ਵਾ ਛ ਚ ਦਿਟ੍ਠਿਟ੍ਠਾਨਾਨਿ, ਤੇਸਞ੍ਚ ਛਨ੍ਨਂ ਦਿਟ੍ਠਿਟ੍ਠਾਨਾਨਂ ਵਿਨਿਵੇਠਨਾਕਾਰਂ ਦਸ੍ਸੇਤ੍ਵਾ ਪਰਿਯੋਸਾਨੇ ਚ ਖਨ੍ਧਕਮ੍ਮਟ੍ਠਾਨਂ ਅਰਹਤ੍ਤਨਿਕੂਟੇਨ ਦਸ੍ਸੇਤ੍ਵਾ ਉਤ੍ਤਰਿ ਭਿਕ੍ਖੂਨਂ ਧਮ੍ਮਕਥਂ ਪਵਤ੍ਤੇਸਿ.

ਪੁਚ੍ਛਾ – ਧਮ੍ਮਿਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਕੁਮਾਰਕਸ੍ਸਪਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਕੁਮਾਰਕਸ੍ਸਪੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਵਮ੍ਮਿਕਪਞ੍ਹਂ ਪੁਚ੍ਛਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਰਥਵਿਨੀਤਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਤਾ ਚ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਆਯਸ੍ਮਤਾ ਚ ਪੁਣ੍ਣੇਨ ਮਨ੍ਤਾਣਿਪੁਤ੍ਤੇਨ ਅਞ੍ਞਮਞ੍ਞਂ ਪੁਚ੍ਛਾਵਿਸ੍ਸਜ੍ਜਨਵਸੇਨ ਭਾਸਿਤਂ.

ਪੁਚ੍ਛਾ – ਨਿਵਾਪਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਇਮਸ੍ਮਿਂ ¶ ਆਵੁਸੋ ਸੁਤ੍ਤੇ ਕੋ ਨਿਵਾਪੋ ਕੋ ਨੇਵਾਪਿਕੋ ਕਾ ਨੇਵਾਪਿਕਪਰਿਸਾ ਕਾ ਮਿਗਜਾਤਾ ਕਥਞ੍ਚੇਤਿਸ੍ਸਾ ਉਪਮਾਯ ਅਤ੍ਥੋ ਦਟ੍ਠਬ੍ਬੋ.

ਵਿਸ੍ਸਜ੍ਜਨਾ – ਇਮਸ੍ਮਿਂ ਭਨ੍ਤੇ ਸੁਤ੍ਤੇ ਨਿਵਾਪੋਤਿ ਖੋ ਭਨ੍ਤੇ ਪਞ੍ਚਨ੍ਨੇਤਂ ਕਾਮਗੁਣਾਨਂ ਅਧਿਵਚਨਂ, ਨੇਵਾਪਿਕੋਤਿ ਖੋ ਭਨ੍ਤੇ ਮਾਰਸ੍ਸੇਤਂ ਪਾਪਿਮਤੋ ਅਧਿਵਚਨਂ, ਨੇਵਾਪਿਕਪਰਿਸਾਤਿ ਖੋ ਭਨ੍ਤੇ ਮਾਰਪਰਿਸਾਯੇਤਂ ਅਧਿਵਚਨਂ, ਮਿਗਜਾਤਾਤਿ ਖੋ ਭਨ੍ਤੇ ਸਮਣਬ੍ਰਾਹ੍ਮਣਾਨਮੇਤਂ ਅਧਿਵਚਨਂ, ਇਮਸ੍ਮਿਂ ਭਨ੍ਤੇ ਸੁਤ੍ਤੇ ਏਤਸ੍ਸ ਅਤ੍ਥੋ ਏਵਂ ਦਟ੍ਠਬ੍ਬੋ.

ਪੁਚ੍ਛਾ – ਕੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਪਾਸਰਾਸਿਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਰਮ੍ਮਕਸ੍ਸ ਬ੍ਰਾਹ੍ਮਣਸ੍ਸ ਅਸ੍ਸਮੇ ਭਗਵਨ੍ਤਂ ਆਰਬ੍ਭ ਧਮ੍ਮਿਯਾ ਕਥਾਯ ਸਨ੍ਨਿਸੀਦਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਤੇਸਂ ਸਮ੍ਬਹੁਲਾਨਂ ਭਿਕ੍ਖੂਨਂ ਧਮ੍ਮਿਯਾ ਕਥਾਯ ਸਨ੍ਨਿਸਿਨ੍ਨਾਨਂ ਕੀਦਿਸਂ ਧਮ੍ਮਕਥਂ ਕਥੇਸਿ.

ਵਿਸ੍ਸਜ੍ਜਨਾ – ਸਾਧੁ ਭਿਕ੍ਖਵੇ ਏਤਂ ਖੋ ਭਿਕ੍ਖਵੇ ਤੁਮ੍ਹਾਕਂ ਪਤਿਰੂਪਂ ਕੁਲਪੁਤ੍ਤਾਨਂ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾਨਂ, ਯਂ ਤੁਮ੍ਹੇ ਧਮ੍ਮਿਯਾ ਕਥਾਯ ਸਨ੍ਨਿਸੀਦੇਯ੍ਯਾਥ, ਸਨ੍ਨਿਪਤਿਤਾਨਂ ਵੋ ਭਿਕ੍ਖਵੇ ਦ੍ਵਯਂ ਕਰਣੀਯਂ ਧਮ੍ਮੀ ਵਾ ਕਥਾ ਅਰਿਯੋ ਵਾ ਤੁਣ੍ਹੀਭਾਵੋ. ਦ੍ਵੇਮਾ ਭਿਕ੍ਖਵੇ ਪਰਿਯੇਸਨਾ ਅਰਿਯਾ ਚ ਪਰਿਯੇਸਨਾ ਅਨਰਿਯਾ ਚ ਪਰਿਯੇਸਨਾ. ਏਵਮਾਦਿਨਾ ਭਨ੍ਤੇ ਭਗਵਾ ਸਨ੍ਨਿਪਤਿਤਾਨਂ ਤੇਸਂ ਭਿਕ੍ਖੂਨਂ ਅਰਿਯਪਰਿਯੇਸਨਞ੍ਚ ਅਨਰਿਯਪਰਿਯੇਸਨਞ੍ਚ ਵਿਭਜਿਤ੍ਵਾ ਦੇਸੇਸਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਅਤ੍ਤਨਾਪਿ ਅਨਰਿਯਪਰਿਯੇਸਨਂ ਪਹਾਯ ਅਰਿਯਪਰਿਯੇਸਨਾਯ ਪਰਿਯੇਸਿਤਭਾਵਂ ਪਕਾਸੇਸਿ.

ਵਿਸ੍ਸਜ੍ਜਨਾ – ਅਹਮ੍ਪਿ ਸੁਦਂ ਭਿਕ੍ਖਵੇ ਪੁਬ੍ਬੇਵ ਸਮ੍ਬੋਧਾ ਅਨਭਿਸਮ੍ਬੁਦ੍ਧੋ ਬੋਧਿਸਤ੍ਤੋਵ ਸਮਾਨੋ ਅਤ੍ਤਨਾ ਜਾਤਿਧਮ੍ਮੋ ਸਮਾਨੋ ਜਾਤਿਧਮ੍ਮਂਯੇਵ ਪਰਿਯੇਸਾਮਿ, ਅਤ੍ਤਨਾ ਜਰਾਧਮ੍ਮੋ ਬ੍ਯਾਧਿਧਮ੍ਮੋ ਮਰਣਧਮ੍ਮੋ ਸੋਕਧਮ੍ਮੋ ਸਂਕਿਲੇਸਧਮ੍ਮੋ ਸਮਾਨੋ ਸਂਕਿਲੇਸਧਮ੍ਮਂਯੇਵ ਪਰਿਯੇਸਾਮਿ. ਏਵਮਾਦਿਨਾ ਭਨ੍ਤੇ ਭਗਵਾ ਅਤ੍ਤਨਾਪਿ ਅਨਰਿਯਪਰਿਯੇਸਨਂ ਪਹਾਯ ਅਰਿਯਪਰਿਯੇਸਨਾਯ ਪਰਿਯੇਸਿਤਭਾਵਂ ਪਕਾਸੇਸਿ.

ਪੁਚ੍ਛਾ – ਏਵਂ ¶ ਪਠਮਾਭਿਸਮ੍ਬੁਦ੍ਧਸ੍ਸ ਆਵੁਸੋ ਭਗਵਤੋ ਅਜਪਾਲਨਿਗ੍ਰੋਧਰੁਕ੍ਖਮੂਲੇ ਨਿਸਿਨ੍ਨਸ੍ਸ ਧਮ੍ਮਦੇਸਨਾਯ ਕਤਸਨ੍ਨਿਟ੍ਠਾਨਸ੍ਸ ਕੀਦਿਸੋ

ਚੇਤਸੋ ¶ ਪਰਿਵਿਤਕ੍ਕੋ ਉਦਪਾਦਿ, ਕਥਞ੍ਚ ਧਮ੍ਮਦੇਸਨਾਯ ਚਾਰਿਕਾ ਅਹੋਸਿ, ਕਥਞ੍ਚ ਪਠਮਾ ਧਮ੍ਮਦੇਸਨਾ ਅਹੋਸਿ.

ਵਿਸ੍ਸਜ੍ਜਨਾ – ‘‘ਕਸ੍ਸ ਨੁ ਖੋ ਅਹਂ ਪਠਮਂ ਧਮ੍ਮਂ ਦੇਸੇਯ੍ਯਂ, ਕੋ ਇਮਂ ਧਮ੍ਮਂ ਖਿਪ੍ਪਮੇਵ ਆਜਾਨਿਸ੍ਸਤੀ’’ਤਿ ਏਵਂ ਖੋ ਭਨ੍ਤੇ ਭਗਵਤੋ ਪਠਮਾਭਿਸਮ੍ਬੁਦ੍ਧਸ੍ਸ ਅਜਪਾਲਨਿਗ੍ਰੋਧਮੂਲੇ ਧਮ੍ਮਦੇਸਨਾਯ ਕਤਸਨ੍ਨਿਟ੍ਠਾਨਸ੍ਸ ਪਰਿਵਿਤਕ੍ਕੋ ਉਦਪਾਦਿ, ਅਥ ਭਨ੍ਤੇ ਭਗਵਾ ਉਰੁਵੇਲਾਯਂ ਯਥਾਭਿਰਨ੍ਤਂ ਵਿਹਰਿਤ੍ਵਾ ਯੇਨ ਬਾਰਾਣਸੀ, ਤੇਨ ਪਦਸਾਯੇਵ ਚਾਰਿਕਂ ਪਕ੍ਕਾਮਿ ਧਮ੍ਮਦੇਸਨਾਯ, ਦ੍ਵੇਮੇ ਭਿਕ੍ਖਵੇ ਅਨ੍ਤਾ ਪਬ੍ਬਜਿਤੇਨ ਨ ਸੇਵਿਤਬ੍ਬਾ, ਕਤਮੇ ਦ੍ਵੇ, ਯੋ ਚਾਯਂ ਕਾਮੇਸੁ ਕਾਮਸੁਖਲ੍ਲਿਕਾਨੁਯੋਗੋ ਹੀਨੋ ਗਾਮ੍ਮੋ ਪੋਥੁਜ੍ਜਨਿਕੋ ਅਨਰਿਯੋ ਅਨਤ੍ਤਸਂਹਿਤੋ, ਏਵਮਾਦਿਨਾ ਭਨ੍ਤੇ ਭਗਵਤੋ ਪਠਮਾ ਧਮ੍ਮਦੇਸਨਾ ਅਹੋਸਿ.

ਸਬ੍ਬਞ੍ਜਹੋ ਤਣ੍ਹਾਕ੍ਖਯੇ ਵਿਮੁਤ੍ਤੋ,

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਪਾਸਰਾਸਿਉਪਮਾਯ ਤਂ ਦੇਸਨਂ ਪਰਿਨਿਟ੍ਠਾਪੇਸਿ.

ਵਿਸ੍ਸਜ੍ਜਨਾ – ਪਞ੍ਚਿਮੇ ਭਿਕ੍ਖਵੇ ਕਾਮਗੁਣਾ, ਕਤਮੇ ਪਞ੍ਚ, ਚਕ੍ਖੁਵਿਞ੍ਞੇਯ੍ਯਾ ਰੂਪਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਸੋਤਵਿਞ੍ਞੇਯ੍ਯਾ ਸਦ੍ਦਾ. ਘਾਨਵਿਞ੍ਞੇਯ੍ਯਾ ਗਨ੍ਧਾ. ਜਿਵ੍ਹਾਵਿਞ੍ਞੇਯ੍ਯਾ ਰਸਾ. ਕਾਯਵਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ. ਇਮੇ ਖੋ ਭਿਕ੍ਖਵੇ ਪਞ੍ਚ ਕਾਮਗੁਣਾ. ਯੇ ਹਿ ਕੇਚਿ ਭਿਕ੍ਖਵੇ ਸਮਣਾ ਵਾ ਬ੍ਰਾਹ੍ਮਣਾ ਵਾ ਇਮੇ ਕਾਮਗੁਣੇ ਗਥਿਤਾ ਮੁਚ੍ਛਿਤਾ ਅਜ੍ਝੋਪਨ੍ਨਾ ਅਨਾਦੀਨਵਦਸ੍ਸਾਵਿਨੋ ਅਨਿਸ੍ਸਰਣਪਞ੍ਞਾ ਪਰਿਭੁਞ੍ਜਨ੍ਤਿ, ਤੇ ਏਵਮਸ੍ਸੁ ਵੇਦਿਤਬ੍ਬਾ ‘‘ਅਨਯਮਾਪਨ੍ਨਾ ਬ੍ਯਾਸਨਮਾਪਨ੍ਨਾ ਯਥਾਕਾਮਕਰਣੀਯਾ ਪਾਪਿਮਤੋ’’, ਏਵਮਾਦਿਨਾ ਭਨ੍ਤੇ ਭਗਵਾ ਪਾਸਰਾਸਿਉਪਮਾਯ ਧਮ੍ਮਦੇਸਨਂ ਪਰਿਨਿਟ੍ਠਾਪੇਸਿ.

ਪੁਚ੍ਛਾ – ਤੇਨਾਵੁਸੋ ¶ ਜਾਨਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਚੂਲ਼ਹਤ੍ਥਿਪਦੋਪਮਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਜਾਣੁਸ੍ਸੋਣਿਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਜਾਣੁਸ੍ਸੋਣਿ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਯਾਵਤਕੋ ਅਹੋਸਿ ਪਿਲੋਤਿਕੇਨ ਪਰਿਬ੍ਬਾਜਕੇਨ ਸਦ੍ਧਿਂ ਕਥਾਸਲ੍ਲਾਪੋ, ਤਂ ਸਬ੍ਬਂ ਭਗਵਤੋ ਆਰੋਚੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਹਤ੍ਥਿਪਦੋਪਮਂ ਵਿਤ੍ਥਾਰੇਨ ਪਰਿਪੂਰੇਤ੍ਵਾ ਦੇਸੇਸਿ.

ਵਿਸ੍ਸਜ੍ਜਨਾ – ‘‘ਨ ਖੋ ਬ੍ਰਾਹ੍ਮਣ ਏਤ੍ਤਾਵਤਾ ਹਤ੍ਥਿਪਦੋਪਮੋ ਵਿਤ੍ਥਾਰੇਨ ਪਰਿਪੂਰੋ ਹੋਤਿ, ਅਪਿ ਚ ਬ੍ਰਾਹ੍ਮਣ ਯਥਾ ਹਤ੍ਥਿਪਦੋਪਮੋ ਵਿਤ੍ਥਾਰੇਨ ਪਰਿਪੂਰੋ ਹੋਤਿ, ਤਂ ਸੁਣਾਹਿ ਸਾਧੁਕਂ ਮਨਸਿਕਰੋਹਿ ਭਾਸਿਸ੍ਸਾਮੀ’’ਤਿ, ਏਵਮਾਦਿਨਾ ਭਨ੍ਤੇ ਭਗਵਾ ਹਤ੍ਥਿਪਦੋਪਮਂ ਪਰਿਪੂਰੇਤ੍ਵਾ ਬ੍ਰਾਹ੍ਮਣਸ੍ਸ ਜਾਣੁਸ੍ਸੋਣਿਸ੍ਸ ਦੇਸੇਸਿ.

ਪੁਚ੍ਛਾ – ਮਹਾਹਤ੍ਥਿਪਦੋਪਮਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕੇਨ ਭਾਸਿਤਂ.

ਪੁਚ੍ਛਾ – ਮਹਾਸਾਰੋਪਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਦੇਵਦਤ੍ਤਂ ਆਰਬ੍ਭ ਭਾਸਿਤਂ, ਦੇਵਦਤ੍ਤੋ ਭਨ੍ਤੇ ਸਙ੍ਘਂ ਭਿਨ੍ਦਿਤ੍ਵਾ ਰੁਹਿਰੁਪ੍ਪਾਦਕਮ੍ਮਂ ਕਤ੍ਵਾ ਅਚਿਰਪਕ੍ਕਨ੍ਤੋ ਹੋਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਸਾਰੋਪਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਿਙ੍ਗਲਕੋਚ੍ਛਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ, ਪਿਙ੍ਗਲਕੋਚ੍ਛੋ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਪਞ੍ਹਂ ਪੁਚ੍ਛਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਗੋਸਿਙ੍ਗਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਨਾਭਿਕੇ ਭਨ੍ਤੇ ਗੋਸਿਙ੍ਗਸਾਲਵਨਦਾਯੇ ਆਯਸ੍ਮਤਾ ਅਨੁਰੁਦ੍ਧਤ੍ਥੇਰੇਨ ਸਦ੍ਧਿਂ ਭਾਸਿਤਂ.

ਪੁਚ੍ਛਾ – ਮਹਾਗੋਸਿਙ੍ਗਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਗੋਸਿਙ੍ਗਸਾਲਵਨਦਾਯੇ ਭਨ੍ਤੇ ਆਯਸ੍ਮਤਾ ਚ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਆਯਸ੍ਮਤਾ ਚ ਮਹਾਮੋਗ੍ਗਲ੍ਲਾਨਤ੍ਥੇਰੇਨ ਸਦ੍ਧਿਂ ਭਾਸਿਤਂ.

ਪੁਚ੍ਛਾ – ਮਹਾਗੋਪਾਲਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਚੂਲ਼ਗੋਪਾਲਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਵਜ੍ਜੀਸੁ ਭਨ੍ਤੇ ਉਕ੍ਕਚੇਲਾਯਂ ਗਙ੍ਗਾਯ ਨਦਿਯਾ ਤੀਰੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਜਾਨਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਚੂਲ਼ਸਚ੍ਚਕਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਸਚ੍ਚਕਂ ਨਿਗਣ੍ਠਪੁਤ੍ਤਂ ਆਰਬ੍ਭ ਭਾਸਿਤਂ, ਸਚ੍ਚਕੋ ਨਿਗਣ੍ਠਪੁਤ੍ਤੋ ਮਹਤਿਯਾ ਲਿਚ੍ਛਵਿਪਰਿਸਾਯ ਸਦ੍ਧਿਂ ਯੇਨ ਭਗਵਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਏਤਦਵੋਚ ‘‘ਕਥਂ ਪਨ ਭਵਂ ਗੋਤਮੋ ਸਾਵਕੇ ਵਿਨੇਤਿ, ਕਥਂ ਭਾਗਾ ਚ ਪਨ ਭੋਤੋ ਗੋਤਮਸ੍ਸ ਸਾਵਕੇਸੁ ਅਨੁਸਾਸਨੀ ਬਹੁਲਾ ਪਵਤ੍ਤਤੀ’’ਤਿ, ਅਥ ਭਨ੍ਤੇ ਭਗਵਤਾ ਅਨਿਚ੍ਚਵਾਦੇ ਚ ਅਨਤ੍ਤਵਾਦੇ ਚ ਪਕਾਸਿਤੇ ਸਚ੍ਚਕੋ ਨਿਗਣ੍ਠਪੁਤ੍ਤੋ ਪਥਵੀਉਪਮਂ ਦਸ੍ਸੇਤ੍ਵਾ ਅਤ੍ਤਨੋ ਅਤ੍ਤਵਾਦਂ ਪਕਾਸੇਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਵਂ ¶ ਆਵੁਸੋ ਸਚ੍ਚਕੇਨ ਨਿਗਣ੍ਠਪੁਤ੍ਤੇਨ ਮਹਾਪਥਵੀਉਪਮਂ ਦਸ੍ਸੇਤ੍ਵਾ ਅਤ੍ਤਵਾਦੇ ਪਕਾਸਿਤੇ ਕਥਂ ਭਗਵਾ ਤਂ ਅਤ੍ਤਵਾਦਂ ਪੁਨ ਪਤਿਟ੍ਠਾਪੇਤ੍ਵਾ ਸਮਨੁਯੁਞ੍ਜਿ ਸਮਨੁਗਾਹਿ ਸਮਨੁਭਾਸਿ.

ਵਿਸ੍ਸਜ੍ਜਨਾ – ‘‘ਨਨੁ ਤ੍ਵਂ ਅਗ੍ਗਿਵੇਸ੍ਸਨ ਏਵਂ ਵਦੇਸਿ, ਰੂਪਂ ਮੇ ਅਤ੍ਤਾ, ਵੇਦਨਾ ਮੇ ਅਤ੍ਤਾ, ਸਞ੍ਞਾ ਮੇ ਅਤ੍ਤਾ, ਸਙ੍ਖਾਰਾ ਮੇ ਅਤ੍ਤਾ, ਵਿਞ੍ਞਾਣਂ ਮੇ ਅਤ੍ਤਾ’’ਤਿ, ਏਵਂ ਖੋ ਭਨ੍ਤੇ ਭਗਵਾ ਸਚ੍ਚਕਂ ਨਿਗਣ੍ਠਪੁਤ੍ਤਂ ਤਂ ਅਤ੍ਤਵਾਦਂ ਪਤਿਟ੍ਠਾਪੇਸਿ. ਪਤਿਟ੍ਠਾਪੇਤ੍ਵਾ ਚ ਪਨ ਭਨ੍ਤੇ ਭਗਵਾ ‘‘ਤੇਨ ਹਿ ਅਗ੍ਗਿਵੇਸ੍ਸਨ ਤਞ੍ਞੇਵੇਤ੍ਥ ਪਟਿਪੁਚ੍ਛਿਸ੍ਸਾਮਿ, ਯਥਾ ਤੇ ਖਮੇਯ੍ਯ, ਤਥਾ ਤਂ ਬ੍ਯਾਕਰੇਯ੍ਯਾਸੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਾ ਸਚ੍ਚਕਂ ਨਿਗਣ੍ਠਪੁਤ੍ਤਂ ਸਮਨੁਯੁਞ੍ਜਿ ਸਮਨੁਗਾਹਿ ਸਮਨੁਭਾਸਿ.

ਪੁਚ੍ਛਾ – ਏਵਂ ¶ ਖੋ ਆਵੁਸੋ ਸਚ੍ਚਕੇ ਨਿਗਣ੍ਠਪੁਤ੍ਤੇ ਤੁਣ੍ਹੀਭੂਤੇ ਅਧੋਮੁਖੇ ਪਜ੍ਝਾਯਨ੍ਤੇ ਅਪ੍ਪਟਿਭਾਨੇ ਨਿਸਿਨ੍ਨੇ ਦੁਮ੍ਮੁਖੋ ਨਾਮ ਲਿਚ੍ਛਵਿਪੁਤ੍ਤੋ ਭਗਵਨ੍ਤਂ ਕਿਂ ਵਚਨਂ ਅਵੋਚ.

ਵਿਸ੍ਸਜ੍ਜਨਾ – ਏਵਂ ਭਨ੍ਤੇ ਸਚ੍ਚਕੇ ਨਿਗਣ੍ਠਪੁਤ੍ਤੇ ਤੁਣ੍ਹੀਭੂਤੇ ਮਙ੍ਕੁਭੂਤੇ ਪਤ੍ਤਕ੍ਖਨ੍ਧੇ ਅਧੋਮੁਖੇ ਪਜ੍ਝਾਯਨ੍ਤੇ ਅਪ੍ਪਟਿਭਾਨੇ ਦੁਮ੍ਮੁਖੋ ਲਿਚ੍ਛਵਿਪੁਤ੍ਤੋ ¶ ਭਗਵਨ੍ਤਂ ਏਤਦਵੋਚ ‘‘ਉਪਮਾ ਮਂ ਭਗਵਾ ਪਟਿਭਾਤੀ’’ਤਿ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਸਚ੍ਚਕੋ ਨਿਗਣ੍ਠਪੁਤ੍ਤੋ ਭਗਵਨ੍ਤਂ ਕੀਦਿਸਂ ਪਞ੍ਹਂ ਪੁਚ੍ਛਿ, ਕਥਞ੍ਚ ਤਂ ਭਗਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਸਚ੍ਚਕੋ ਨਿਗਣ੍ਠਪੁਤ੍ਤੋ ਦੁਮ੍ਮੁਖਂ ਲਿਚ੍ਛਵਿਂ ਅਪਸਾਦੇਤ੍ਵਾ ਭਗਵਨ੍ਤਂ ਸੇਖਞ੍ਚ ਅਸੇਖਞ੍ਚ ਪਞ੍ਹਂ ਪੁਚ੍ਛਿ, ਭਗਵਾ ਚ ਭਨ੍ਤੇ ‘‘ਇਧ ਅਗ੍ਗਿਵੇਸ੍ਸਨ ਮਮ ਸਾਵਕੋ ਯਂ ਕਿਞ੍ਚਿ ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ’’ ਏਵਮਾਦਿਨਾ ਸੇਖਞ੍ਚ ਅਸੇਖਞ੍ਚ ਪੁਗ੍ਗਲਂ ਵਿਭਜਿਤ੍ਵਾ ਬ੍ਯਾਕਾਸਿ.

ਬੁਦ੍ਧੋ ¶ ਸੋ ਭਗਵਾ ਬੋਧਾਯ ਧਮ੍ਮਂ ਦੇਸੇਤਿ.

ਦਨ੍ਤੋ ਸੋ ਭਗਵਾ ਦਮਥਾਯ ਧਮ੍ਮਂ ਦੇਸੇਤਿ.

ਸਨ੍ਤੋ ਸੋ ਭਗਵਾ ਸਮਥਾਯ ਧਮ੍ਮਂ ਦੇਸੇਤਿ.

ਤਿਣ੍ਣੋ ਸੋ ਭਗਵਾ ਤਰਣਾਯ ਧਮ੍ਮਂ ਦੇਸੇਤਿ.

ਪਰਿਨਿਬ੍ਬੁਤੋ ਸੋ ਭਗਵਾ ਪਰਿਨਿਬ੍ਬਾਨਾਯ ਧਮ੍ਮਂ ਦੇਸੇਤਿ.

ਪੁਚ੍ਛਾ – ਮਹਾਸਚ੍ਚਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਸਚ੍ਚਕਂਯੇਵ ਨਿਗਣ੍ਠਪੁਤ੍ਤਂ ਆਰਬ੍ਭ ਭਾਸਿਤਂ. ਸਚ੍ਚਕੋ ਭਨ੍ਤੇ ਨਿਗਣ੍ਠਪੁਤ੍ਤੋ ਅਪਰਦਿਵਸੇ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਭਗਵਤੋ ਸਾਵਕੇ ਆਸਜ੍ਜ ਭਾਵਨਾਦ੍ਵਯਪਟਿਸਂਯੁਤ੍ਤਂ ਵਾਚਂ ਭਾਸਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਸਚ੍ਚਕਂ ਨਿਗਣ੍ਠਪੁਤ੍ਤਂ ਪਟਿਪੁਚ੍ਛਿਤ੍ਵਾ ਭਾਵਨਾਦ੍ਵਯਂ ਵਿਭਜ੍ਜ ਕਥੇਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਭਗਵਾ ‘‘ਕਿਨ੍ਤਿ ਪਨ ਤੇ ਅਗ੍ਗਿਵੇਸ੍ਸਨ ਕਾਯਭਾਵਨਾ ਸੁਤਾ’’ਤਿ ਏਵਮਾਦਿਨਾ ਸਚ੍ਚਕਂ ਨਿਗਣ੍ਠਪੁਤ੍ਤਂ ਪਟਿਪੁਚ੍ਛਿਤ੍ਵਾ, ਕਥਞ੍ਚ ਅਗ੍ਗਿਵੇਸ੍ਸਨ ਅਭਾਵਿਤਕਾਯੋ ਚ ਹੋਤਿ ਅਭਾਵਿਤਚਿਤ੍ਤੋ ਚ ਏਵਮਾਦਿਨਾ ਭਾਵਨਾਦ੍ਵਯਂ ਵਿਭਜਿਤ੍ਵਾ ਬ੍ਯਾਕਾਸਿ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਸਚ੍ਚਕੋ ਨਿਗਣ੍ਠਪੁਤ੍ਤੋ ਭਗਵਨ੍ਤਂ ਕਿਂ ਵਚਨਂ ਅਵੋਚ, ਕਥਞ੍ਚ ਭਗਵਾ ਪਧਾਨਕਾਲੇ ਅਤ੍ਤਨਾਅਨੁਭੂਤਪੁਬ੍ਬਾ ਪਰਮੁਕ੍ਕਂਸਗਤਾ ਸੁਖਦੁਕ੍ਖਵੇਦਨਾਯੋ ਪਕਾਸੇਸਿ, ਯਾਪਿ ਭਗਵਤੋ ਚਿਤ੍ਤਂ ਨ ਪਰਿਯਾਦਾਯ ਅਟ੍ਠਂਸੁ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਸਚ੍ਚਕੋ ਨਿਗਣ੍ਠਪੁਤ੍ਤੋ ਭਗਵਨ੍ਤਂ ਏਤਦਵੋਚ ‘‘ਨ ਹਿ ਨੂਨ ਭੋਤੋ ਗੋਤਮਸ੍ਸ ਉਪ੍ਪਜ੍ਜਤਿ, ਤਥਾ ਰੂਪਾ ਸੁਖਾਵੇਦਨਾ, ਯਥਾਰੂਪਾ ਉਪ੍ਪਨ੍ਨਾ ਸੁਖਾਵੇਦਨਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠੇਯ੍ਯ, ਨ ਹਿ ਨੂਨ ਭੋਤੋ ਗੋਤਮਸ੍ਸ ਉਪ੍ਪਜ੍ਜਤਿ ਤਥਾਰੂਪਾ ਦੁਕ੍ਖਾ ਵੇਦਨਾ, ਯਥਾਰੂਪਾ ਉਪ੍ਪਨ੍ਨਾ ਦੁਕ੍ਖਾ ਵੇਦਨਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠੇਯ੍ਯਾ’’ਤਿ ਅਥ ਖੋ ਭਗਵਾ ‘‘ਕਿਞ੍ਹਿ ਨੋ ਸਿਯਾ ਅਗ੍ਗਿਵੇਸ੍ਸਨ, ਇਧ ਮੇ ¶ ਅਗ੍ਗਿਵੇਸ੍ਸੇਨ ਪੁਬ੍ਬੇਵ ਸਮ੍ਬੋਧਾ ਅਨਭਿਸਮ੍ਬੁਦ੍ਧਸ੍ਸ ਬੋਧਿਸਤ੍ਤਸ੍ਸੇਵ ਸਤੋ ਏਤਦਹੋਸਿ, ਏਵਮਾਦਿਨਾ ਭਨ੍ਤੇ ਭਗਵਾ ਪਧਾਨਕਾਲੇ ਅਤ੍ਤਨਾਨੁਭੂਤਪੁਬ੍ਬਾ ਪਰਮੁਕ੍ਕਂਸਗਤਾ ਸੁਖਦੁਕ੍ਖਵੇਦਨਾਯੋ ਵਿਤ੍ਥਾਰੇਨ, ਯਾਪਿ ਭਗਵਤੋ ਚਿਤ੍ਤਂ ਨ ਪਰਿਯਾਦਾਯ ਅਟ੍ਠਂਸੁ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਚੂਲ਼ਤਣ੍ਹਾਸਙ੍ਖਯਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਕ੍ਕਂ ਦੇਵਾਨਮਿਨ੍ਦਂ ਆਰਬ੍ਭ ਭਾਸਿਤਂ. ਸਕ੍ਕੋ ਭਨ੍ਤੇ ਦੇਵਾਨਮਿਨ੍ਦੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਕਿਤ੍ਤਾਵਤਾਨੁਖੋ ਭਨ੍ਤੇ ਭਿਕ੍ਖੁ ਸਂਖਿਤ੍ਤੇਨ ਤਣ੍ਹਾਸਙ੍ਖਯਵਿਮੁਤ੍ਤੋ ਹੋਤਿ ਅਚ੍ਚਨ੍ਤਨਿਟ੍ਠੋ ਅਚ੍ਚਨ੍ਤਯੋਗਕ੍ਖੇਮਿ ¶ ਅਚ੍ਚਨ੍ਤਬ੍ਰਹ੍ਮਚਾਰੀ ਅਚ੍ਚਨ੍ਤਪਰਿਯੋਸਾਨੋ ਸੇਟ੍ਠੋ ਦੇਵਮਨੁਸ੍ਸਾਨ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਕਿਤ੍ਤਾਵਤਾ ¶ ਨੁ ਖੋ ਭਨ੍ਤੇ ਭਿਕ੍ਖੁ ਸਂਖਿਤ੍ਤੇਨ ਤਣ੍ਹਾਸਙ੍ਖਯਵਿਮੁਤ੍ਤੋ ਹੋਤਿ ਅਚ੍ਚਨ੍ਤਨਿਟ੍ਠੋ ਅਚ੍ਚਨ੍ਤਯੋਗਕ੍ਖੇਮੀ ਅਚ੍ਚਨ੍ਤਬ੍ਰਹ੍ਮਚਾਰੀ ਅਚ੍ਚਨ੍ਤਪਰਿਯਾਸਾਨੋ ਸੇਟ੍ਠੋ ਦੇਵਮਨੁਸ੍ਸਾਨਂ –

ਪੁਚ੍ਛਾ – ਮਹਾਤਣ੍ਹਾਸਙ੍ਖਯਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਾਤਿਂ ਭਿਕ੍ਖੁਂ ਕੇਵਟ੍ਟਪੁਤ੍ਤਂ ਆਰਬ੍ਭ ਭਾਸਿਤਂ. ਸਾਤਿਸ੍ਸ ਭਨ੍ਤੇ ਭਿਕ੍ਖੁਨੋ ਕੇਵਟ੍ਟਪੁਤ੍ਤਸ੍ਸ ਏਵਰੂਪਂ ਪਾਪਕਂ ਦਿਟ੍ਠਿਗਤਂ ਉਪ੍ਪਨ੍ਨਂ ਹੋਤਿ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾ ਤਦੇਵਿਦਂ ਵਿਞ੍ਞਾਣਂ ਸਨ੍ਧਾਵਤਿ ¶ ਸਂਸਰਤਿ ਅਨਞ੍ਞ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਭਗਵਾ ਕਥਂ ਭਿਕ੍ਖੂ ਆਮਨ੍ਤੇਤ੍ਵਾ ਚ ਪਟਿਪੁਚ੍ਛਿਤ੍ਵਾ ਚ ਅਨਤ੍ਤਭਾਵਦੀਪਿਕਂ ਧਮ੍ਮਕਥਂ ਕਥੇਸਿ.

ਵਿਸ੍ਸਜ੍ਜਨਾ – ਅਥ ਭਨ੍ਤੇ ਭਗਵਾ ਭਿਕ੍ਖੂ ‘‘ਤਂ ਕਿਂ ਮਞ੍ਞਥ ਭਿਕ੍ਖਵੇ, ਅਪਿਨਾਯਂ ਸਾਤਿ ਭਿਕ੍ਖੁ ਕੇਵਟ੍ਟਪੁਤ੍ਤੋ ਉਸ੍ਮੀਕਤੋਪਿ ਇਸ੍ਮਿਂ ਧਮ੍ਮਵਿਨਯੇ’’ਤਿ ਆਮਨ੍ਤੇਤ੍ਵਾ, ਤੁਮ੍ਹੇਪਿ ਮੇ ਭਿਕ੍ਖਵੇ ਏਵਂ ਧਮ੍ਮਂ ਦੇਸਿਤਂ ਆਜਾਨਾਥਤ੍ਯਾਦਿਨਾ ਭਿਕ੍ਖੂ ਪਟਿਪੁਚ੍ਛਿਤ੍ਵਾ ਚ ਯਂ ਯਦੇਵ ਭਿਕ੍ਖਵੇ ਪਚ੍ਚਯਂ ਪਟਿਚ੍ਚ ਉਪ੍ਪਜ੍ਜਤਿ ਵਿਞ੍ਞਾਣਂ, ਤੇਨ ਤੇਨੇਵ ਵਿਞ੍ਞਾਣਂ ਤ੍ਵੇਵ ਸਙ੍ਖ੍ਯਂ ਗਚ੍ਛਤਿ, ਚਕ੍ਖੁਞ੍ਚ ਪਟਿਚ੍ਚ ਰੂਪੇ ¶ ਚ ਉਪ੍ਪਜ੍ਜਤਿ ਵਿਞ੍ਞਾਣਂ ਚਕ੍ਖੁਵਿਞ੍ਞਾਣਂ ਤ੍ਵੇਵ ਸਙ੍ਖ੍ਯਂ ਗਚ੍ਛਤਿ, ਏਵਮਾਦਿਨਾ ਭਨ੍ਤੇ ਅਨਤ੍ਤਤਾਦੀਪਿਕਂ ਧਮ੍ਮਿਂ ਕਥਂ ਕਥੇਸਿ.

ਪੁਚ੍ਛਾ – ਮਹਾਅਸ੍ਸਪੁਰਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਙ੍ਗੇਸੁ ਭਨ੍ਤੇ ਅਸ੍ਸਪੁਰੇ ਨਾਮ ਅਙ੍ਗਾਨਂ ਨਿਗਮੇ ਬਹੂ ਮਨੁਸ੍ਸੇ ਸਦ੍ਧੇ ਪਸਨ੍ਨੇ ਆਰਬ੍ਬ੍ਭ ਭਾਸਿਤਂ. ਬਹੂ ਭਨ੍ਤੇ ਮਨੁਸ੍ਸਾ ਸਦ੍ਧਾ ਪਸਨ੍ਨਾ ਭਿਕ੍ਖੁਸਙ੍ਘਂ ਸਕ੍ਕਚ੍ਚਂ ਉਪਟ੍ਠਹਿਂਸੁ, ਸਬ੍ਬਕਾਲਞ੍ਚ ਰਤਨਤ੍ਤਯਪਟਿਸਂਯੁਤ੍ਤਂ ਵਣ੍ਣਕਥਂਯੇਵ ਕਥਯਿਂਸੁ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਤਮੇ ¶ ਆਵੁਸੋ ਤਤ੍ਥ ਭਗਵਤਾ ਧਮ੍ਮਾ ਸਮਣਕਰਣਾ ਚ ਬ੍ਰਾਹ੍ਮਣਕਰਣਾ ਚ ਉਤ੍ਤਰੁਤ੍ਤਰਿ ਪਣੀਤਪਣੀਤਾ ਦੇਸਿਤਾ.

ਵਿਸ੍ਸਜ੍ਜਨਾ – ਹਿਰੋਤ੍ਤਪ੍ਪਾ ¶ ਪਰਿਸੁਦ੍ਧਕਾਯਸਮਾਚਾਰੋ ਪਰਿਸੁਦ੍ਧਵਚੀਸਮਾਚਾਰੋ ਪਰਿਸੁਦ੍ਧਮਨੋਸਮਾਚਾਰੋ ਪਰਿਸੁਦ੍ਧਾਜੀਵੋ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰਤਾ ਭੋਜਨੇਮਤ੍ਤਞ੍ਞੁਤਾ ਜਾਗਰਿਯਾਨੁਯੋਗੋ ਸਤਿਸਮ੍ਪਜਞ੍ਞਂ ਨੀਵਰਣਪ੍ਪਹਾਨਂ ਚਤ੍ਤਾਰਿ ਚ ਝਾਨਾਨਿ ਤਿਸ੍ਸੋ ਚ ਵਿਜ੍ਜਾ ਇਮੇ ਖੋ ਭਨ੍ਤੇ ਤਤ੍ਥ ਭਗਵਤਾ ਸਮਣਕਰਣਾ ਚ ਬ੍ਰਾਹ੍ਮਣਕਰਣਾ ਚ ਉਤ੍ਤਰੁਤ੍ਤਰਿ ਪਣੀਤਪਣੀਤਾ ਧਮ੍ਮਾ ਦੇਸਿਤਾ.

ਪੁਚ੍ਛਾ – ਚੂਲ਼ਅਸ੍ਸਪੁਰਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਤ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਤਸ੍ਮਿਂਯੇਵ ਭਨ੍ਤੇ ਅਸ੍ਸਪੁਰੇ ਨਿਗਮੇ ਤੇਯੇਵ ਮਨੁਸ੍ਸੇ ਸਦ੍ਧੇ ਪਸਨ੍ਨੇ ਆਰਬ੍ਭ ਭਾਸਿਤਂ, ਤਸ੍ਮਿਂਯੇਵ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਮਣਸਾਮੀਚਿਪ੍ਪਟਿਪਦਾ ਚ ਅਸ੍ਸਮਣਸਾਮੀਚਿਪ੍ਪਟਿਪਦਾ ਚ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ‘‘ਕਥਞ੍ਚ ਭਿਕ੍ਖਵੇ ਭਿਕ੍ਖੁ ਨ ਸਮਣਸਾਮੀਚਿਪ੍ਪਟਿਪਦਂ ਪਟਿਪਨ੍ਨੋ ਹੋਤਿ, ਯਸ੍ਸ ਕਸ੍ਸਚਿ ਭਿਕ੍ਖਵੇ ਭਿਕ੍ਖੁਨੋ ਅਭਿਜ੍ਝਾਲੁਸ੍ਸ ਅਭਿਜ੍ਝਾ ਅਪ੍ਪਹੀਨਾ ਹੋਤਿ, ਬ੍ਯਾਪਨ੍ਨਚਿਤ੍ਤਸ੍ਸ ਬ੍ਯਾਪਾਦੋ ਅਪ੍ਪਹੀਨੋ ਹੋਤੀ’’ਤਿ ਏਵਮਾਦਿਨਾ ਚ. ਕਥਞ੍ਚ ਭਿਕ੍ਖਵੇ ਭਿਕ੍ਖੁ ਸਮਣਸਾਮੀਚਿਪ੍ਪਟਿਪਦਂ ਪਟਿਪਨ੍ਨੋ ਹੋਤਿ, ਯਸ੍ਸ ਕਸ੍ਸਚਿ ਭਿਕ੍ਖਵੇ ਭਿਕ੍ਖੁਨੋ ਅਭਿਜ੍ਝਾਲੁਸ੍ਸ ਅਭਿਜ੍ਝਾ ਪਹੀਨਾ ਹੋਤਿ, ਬ੍ਯਾਪਨ੍ਨਚਿਤ੍ਤਸ੍ਸ ਬ੍ਯਾਪਾਦੋ ਪਹੀਨੋ ਹੋਤਿ ਏਵਮਾਦਿਨਾ ਚ ਭਨ੍ਤੇ ਭਗਵਤਾ ਤਤ੍ਥ ਸਮਣਸਾਮੀਚਿਪ੍ਪਟਿਪਦਾ ਚ ਅਸ੍ਸਮਣਸਾਮੀਚਿਪ੍ਪਟਿਪਦਾ ਚ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਸਾਲੇਯ੍ਯਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਸਾਲਾਯਂ ਨਾਮ ਬ੍ਰਾਹ੍ਮਣਗਾਮੇ ਸਾਲੇਯ੍ਯਕੇ ਬ੍ਰਾਹ੍ਮਣਗਹਪਤਿਕੇ ਆਰਬ੍ਭ ਭਾਸਿਤਂ. ਸਾਲੇਯ੍ਯਕਾ ਭਨ੍ਤੇ ਬ੍ਰਾਹ੍ਮਣਗਹਪਤਿਕਾ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚੁਂ ‘‘ਕੋ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤਿ, ਕੋ ਪਨ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਨ੍ਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਵੇਰਞ੍ਜਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਵੇਰਞ੍ਜਕੇ ਬ੍ਰਾਹ੍ਮਣਗਹਪਤਿਕੇ ਆਰਬ੍ਭ ਭਾਸਿਤਂ. ਵੇਰਞ੍ਜਕਾ ਭਨ੍ਤੇ ਬ੍ਰਾਹ੍ਮਣਗਹਪਤਿਕਾ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚੁਂ ‘‘ਕੋ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤਿ, ਕੋ ਪਨ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਨ੍ਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਮਹਾਵੇਦਲ੍ਲਸੁਤ੍ਤਂ ਪਨਾਵੁਸੋ ਕਤ੍ਥ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਤਾ ਮਹਾਕੋਟ੍ਠਿਕੇਨ ਪੁਟ੍ਠੇਨ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ.

ਪੁਚ੍ਛਾ – ਚੂਲ਼ਵੇਦਲ੍ਲਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਵਿਸਾਖੇਨ ਉਪਾਸਕੇਨ ਪੁਟ੍ਠਾਯ ਧਮ੍ਮਦਿਨ੍ਨਾਯ ਥੇਰਿਯਾ ਭਾਸਿਤਂ.

ਪੁਚ੍ਛਾ – ਚੂਲ਼ਧਮ੍ਮਸਮਾਦਾਨਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਮਹਾਧਮ੍ਮਸਮਾਦਾਨਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਵੀਮਂਸਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕੋਸਮ੍ਬਿਯਸੁਤ੍ਤਂ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ ਕੋਸਮ੍ਬਿਕੇ ਭਿਕ੍ਖੂ ਆਰਬ੍ਭ ਭਾਸਿਤਂ. ਕੋਸਮ੍ਬਿਕਾ ਭਨ੍ਤੇ ਭਿਕ੍ਖੂ ਭਣ੍ਡਨਜਾਤਾ ਕਲਹਜਾਤਾ ਵਿਵਾਦਾਪਨ੍ਨਾ ¶ ਅਞ੍ਞਮਞ੍ਞਂ ਮੁਖਸਤ੍ਤੀਹਿ ਵਿਤੁਦਨ੍ਤਾ ਵਿਹਰਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਬ੍ਰਹ੍ਮਨਿਮਨ੍ਤਨਿਕਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਮਾਰਤਜ੍ਜਨੀਯਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਸੁਸੁਮਾਰਗਿਰੇ ਭੇਸਕਲ਼ਾਵਨੇ ਮਿਗਦਾਯੇ ਆਯਸ੍ਮਤਾ ਮਹਾਮੋਗ੍ਗਲ੍ਲਾਨੇਨ ਮਾਰਂ ਪਾਪਿਮਨ੍ਤਂ ਆਰਬ੍ਭ ਭਾਸਿਤਂ. ਮਾਰੋ ਭਨ੍ਤੇ ਪਾਪਿਮਾ ਆਯਸ੍ਮਤੋ ਮਹਾਮੋਗ੍ਗਲ੍ਲਾਨਸ੍ਸ ਕੁਚ੍ਛਿਗਤੋ ਹੋਤਿ ਕੋਟ੍ਠਮਨੁਪਵਿਟ੍ਠੋ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਜਾਨਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਕਨ੍ਦਰਕਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਚਮ੍ਪਾਯਂ ਭਨ੍ਤੇ ਗਗ੍ਗਰਾਯ ਪੋਕ੍ਖਰਣਿਯਾ ਤੀਰੇ ਪੇਸ੍ਸਞ੍ਚ ਹਤ੍ਥਾਰੋਹਪੁਤ੍ਤਂ ਕਨ੍ਦਰਕਞ੍ਚ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ, ਕਨ੍ਦਰਕੋ ਭਨ੍ਤੇ ਪਰਿਬ੍ਬਾਜਕੋ ਭਗਵਤੋ ਚ ਭਿਕ੍ਖੁਸਙ੍ਘਸ੍ਸ ਚ ਵਣ੍ਣਂ ਅਭਾਸਿ, ਪੇਸ੍ਸੋ ਚ ਭਨ੍ਤੇ ਹਤ੍ਥਾਰੋਹਪੁਤ੍ਤੋ ਭਗਵਤੋ ਚ ਧਮ੍ਮਦੇਸਨਾਯ ਚ ਵਣ੍ਣਂ ਅਭਾਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਵਂ ¶ ਖੋ ਆਵੁਸੋ ਕਨ੍ਦਰਕੇਨ ਪਰਿਬ੍ਬਾਜਕੇਨ ਭਗਵਤੋ ਚ ਭਿਕ੍ਖੁਸਙ੍ਘਸ੍ਸ ਚ ਅਭਿਪ੍ਪਸਨ੍ਨੇਨ ਵਣ੍ਣੇ ਭਾਸਿਤੇ ਕਥਂ ਭਗਵਾ ਤਂ ਸਮਨੁਜਾਨਿਤ੍ਵਾ ਧਮ੍ਮਦੇਸਨਾਰਮ੍ਭਂ ਆਰਭਿ, ਕਥਞ੍ਚ ਪੇਸ੍ਸੋ ਹਤ੍ਥਾਰੋਹਪੁਤ੍ਤੋ ਭਗਵਤੋ ਚ ਧਮ੍ਮਦੇਸਨਾਯ ਚ ਵਣ੍ਣਂ ਅਭਾਸਿ ¶ , ਕਥਞ੍ਚ ਪੇਸ੍ਸਸ੍ਸ ਹਤ੍ਥਾਰੋਹਪੁਤ੍ਤਸ੍ਸ ਅਜ੍ਝਾਸਯਾਨੁਰੂਪਂ ਧਮ੍ਮਂ ਦੇਸੇਸਿ.

ਵਿਸ੍ਸਜ੍ਜਨਾ – ਏਵਂ ਖੋ ਭਨ੍ਤੇ ਕਨ੍ਦਰਕੇਨ ਪਰਿਬ੍ਬਾਜਕੇਨ ਭਗਵਤੋ ਚ ਭਿਕ੍ਖੁਸਙ੍ਘਸ੍ਸ ਚ ਅਭਿਪ੍ਪਸਨ੍ਨੇਨ ਵਣ੍ਣੇ ਭਾਸਿਤੇ ‘‘ਏਵਮੇਤਂ ਕਨ੍ਦਰਕ ਏਵਮੇਤਂ ਕਨ੍ਦਰਕ’’ ਏਵਮਾਦਿਨਾ ਭਗਵਾ ਤਂ ਸਮਨੁਜਾਨਿਤ੍ਵਾ ‘‘ਸਨ੍ਤਿ ਹਿ ਕਨ੍ਦਰਕ ਭਿਕ੍ਖੂ ਇਮਸ੍ਮਿਂ ਭਿਕ੍ਖੁਸਙ੍ਘੇ ਅਰਹਨ੍ਤੋ ਖੀਣਾਸਵਾ ਵੁਸਿਤਵਨ੍ਤੋ ਕਤਕਰਣੀਯਾ ਓਹਿਤਭਾਰਾ ਅਨੁਪ੍ਪਤ੍ਤਸਦਤ੍ਥਾ ਪਰਿਕ੍ਖੀਣਭਵਸਂਯੋਜਨਾ ਸਮ੍ਮਦਞ੍ਞਾ ਵਿਮੁਤ੍ਤਾ’’ਤਿ ਏਵਮਾਦਿਨਾ ਧਮ੍ਮਦੇਸਨਂ ਸਮਾਰਭਿ. ਅਥ ਖੋ ਭਨ੍ਤੇ ਪੇਸ੍ਸੋ ਹਤ੍ਥਾਰੋਹਪੁਤ੍ਤੋ ‘‘ਅਚ੍ਛਰਿਯਂ ਭਨ੍ਤੇ ਅਬ੍ਭੁਤਂ ਭਨ੍ਤੇ ਯਾਵ ਸੁਪਞ੍ਞਤ੍ਤਾ ਚਿਮੇ ਭਨ੍ਤੇ ਭਗਵਤਾ ਚਤ੍ਤਾਰੋ ਸਤਿਪਟ੍ਠਾਨਾ ਸਤ੍ਤਾਨਂ ਵਿਸੁਦ੍ਧਿਯਾ ਸੋਕਪਰਿਦੇਵਾਨਂ ਸਮਤਿਕ੍ਕਮਾਯ ਦੁਕ੍ਖਦੋਮਨਸ੍ਸਾਨਂ ਅਤ੍ਥਙ੍ਗਮਾਯ ਞਾਯਸ੍ਸ ਅਧਿਗਮਾਯ ਨਿਬ੍ਬਾਨਸ੍ਸ ਸਚ੍ਛਿਕਿਰਿਯਾਯਾ’’ਤਿ ਏਵਮਾਦਿਨਾ ਭਗਵਤੋ ਚ ਧਮ੍ਮਦੇਸਨਾਯ ਵਣ੍ਣਂ ਅਭਾਸਿ, ਭਗਵਾਪਿ ਭਨ੍ਤੇ ‘‘ਗਹਨਞ੍ਹੇਤਂ ਪੇਸ੍ਸ ਯਦਿਦਂ ਮਨੁਸ੍ਸਾ, ਉਤ੍ਤਾਨਕਞ੍ਹੇਤਂ ਪੇਸ੍ਸ ਯਦਿਦਂ ਪਸਵੋ’’ਤਿਆਦਿਨਾ ਪੇਸ੍ਸਸ੍ਸ ਹਤ੍ਥਾਰੋਹਪੁਤ੍ਤਸ੍ਸ ਅਜ੍ਝਾਸਯਾਨੁਰੂਪਂ ਧਮ੍ਮਕਥਂ ਦੇਸੇਸਿ.

ਪੁਚ੍ਛਾ – ਤਂ ¶ ਪਨਾਵੁਸੋ ਧਮ੍ਮਦੇਸਨਂ ਸੁਤ੍ਵਾ ਪੇਸ੍ਸਸ੍ਸ ਹਤ੍ਥਾਰੋਹਪੁਤ੍ਤਸ੍ਸ ਕੀਦਿਸੋ ਆਨਿਸਂਸੋ ਅਧਿਗਤੋ, ਕਥਞ੍ਚ ਭਗਵਾ ਤਂ ਪੁਗ੍ਗਲਚਤੁਕ੍ਕਦੇਸਨਂ ਸਂਖਿਤ੍ਤੇਨ ਭਾਸਿਤਂ, ਭਿਕ੍ਖੂਨਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸੇਸਿ.

ਵਿਸ੍ਸਜ੍ਜਨਾ – ਤਂ ਖੋ ਪਨ ਭਨ੍ਤੇ ਧਮ੍ਮਂ ਸੁਤ੍ਵਾ ਪੇਸ੍ਸਸ੍ਸ ਹਤ੍ਥਾਰੋਹਪੁਤ੍ਤਸ੍ਸ ਦ੍ਵੇ ਆਨਿਸਂਸਾ ਅਧਿਗਤਾ ਸਙ੍ਘੇ ਚ ਪਸਾਦੋ ਸਤਿਪਟ੍ਠਾਨਪਰਿਗ੍ਗਹਣੂਪਾਯੋ ¶ ਚ ਅਭਿਨਵੋ. ਭਗਵਾ ਚ ਭਨ੍ਤੇ ਤਂ ਪੁਗ੍ਗਲਚਤੁਕ੍ਕਦੇਸਨਂ ਭਿਕ੍ਖੂਹਿ ਯਾਚਿਤੋ ‘‘ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਅਤ੍ਤਪਰਿਤਾਪਨਾਨੁਯੋਗਮਨੁਯੁਤ੍ਤੋ’’ਤਿਆਦਿਨਾ ਸਂਖਿਤ੍ਤੇਨ ਭਾਸਿਤਂ, ਵਿਤ੍ਥਾਰੇਨ ਅਤ੍ਥਂ ਅਵਿਭਤ੍ਤਂ. ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸੇਸਿ.

ਪੁਚ੍ਛਾ – ਅਟ੍ਠਕਨਾਗਰਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਵੇਲ਼ੁਵਗਾਮਕੇ ਗਹਪਤਿਂ ਅਟ੍ਠਕਨਾਗਰਂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ. ਦਸਮੋ ਭਨ੍ਤੇ ਗਹਪਤਿ ਅਟ੍ਠਕਨਾਗਰੋ ਆਯਸ੍ਮਨ੍ਤਂ ਆਨਨ੍ਦਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਅਤ੍ਥਿ ਨੁ ਖੋ ਭਨ੍ਤੇ ਆਨਨ੍ਦ ਤੇਨ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਏਕਧਮ੍ਮੋ ਅਕ੍ਖਾਤੋ, ਯਤ੍ਥ ਭਿਕ੍ਖੁਨੋ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ ਵਿਹਰਤੋ ਅਵਿਮੁਤ੍ਤਞ੍ਚੇਵ ਚਿਤ੍ਤਂ ਵਿਮੁਚ੍ਚਤਿ, ਅਪਰਿਕ੍ਖਿਣਾ ਚ ਆਸਵਾ ਪਰਿਕ੍ਖਯਂ ਗਚ੍ਛਨ੍ਤਿ, ਅਨਨੁਪ੍ਪਤ੍ਤਞ੍ਚ ਅਨੁਤ੍ਤਰਂ ਯੋਗਕ੍ਖੇਮਂ ਅਨੁਪਾਪੁਣਾਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਸੇਖਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਕਪਿਲਵਤ੍ਥੁਸ੍ਮਿਂ ਸਨ੍ਥਾਗਾਰੇ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਕਾਪਿਲਵਤ੍ਥਵੇ ਸਕ੍ਯੇ ਆਰਬ੍ਭ ਭਾਸਿਤਂ. ਭਗਵਾ ਭਨ੍ਤੇ ਕਾਪਿਲਵਤ੍ਥਵੇ ਸਕ੍ਯੇ ਬਹੁਦੇਵਰਤ੍ਤਿਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਤ੍ਵਾ ਸਮਾਦਪੇਤ੍ਵਾ ਸਮੁਤ੍ਤੇਜੇਤ੍ਵਾ ਸਮ੍ਪਹਂਸੇਤ੍ਵਾ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ ‘‘ਪਟਿਭਾਤੁ ਤਂ ਆਨਨ੍ਦ ਕਾਪਿਲਵਤ੍ਥਵਾਨਂ ਸਕ੍ਯਾਨਂ ਸੇਖੋ ਪਾਟਿਪਦੋ, ਪਿਟ੍ਠਿ ਮੇ ਆਗਿਲਾਯਤਿ, ਤਮਹਂ ਆਯਮਿਸ੍ਸਾਮੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਪੋਤਲਿਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਙ੍ਗੁਤ੍ਤਰਾਪੇਸੁ ਭਨ੍ਤੇ ਆਪਣੇ ਨਾਮ ਅਙ੍ਗੁਤ੍ਤਰਾਪਾਨਂ ਨਿਗਮੇ ਪੋਤਲਿਯਂ ਗਹਪਤਿਂ ਪਟਿਕ੍ਖਿਤ੍ਤਸਬ੍ਬਕਮ੍ਮਨ੍ਤਂ ਆਰਬ੍ਭ ਭਾਸਿਤਂ. ਪੋਤਲਿਯੋ ਭਨ੍ਤੇ ਗਹਪਤਿ ਪਟਿਕ੍ਖਿਤ੍ਤਸਬ੍ਬਕਮ੍ਮਨ੍ਤੋ ਯੇਨ ਭਗਵਾ ਤੇਨੁਪਸਙ੍ਕਮਿ, ਉਪਸਙ੍ਕਮਨ੍ਤੋ ਭਗਵਤਾ ਗਹਪਤਿਵਾਦੇਨ ਸਮੁਦਾਚਰਿਯਮਾਨੋ ਕੁਪਿਤੋ ਅਨਤ੍ਤਮਨੋ ਭਗਵਨ੍ਤਂ ਏਤਦਵੋਚ ‘‘ਤਯਿਦਂ ਭੋ ਗੋਤਮ ਨਚ੍ਛਨ੍ਨਂ ਤਯਿਦਂ ਨਪ੍ਪਤਿਰੂਪਂ, ਯਂ ਮਂ ਤ੍ਵਂ ਗਹਪਤਿਵਾਦੇਨ ਸਮੁਦਾਚਰਸੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਕਾਮਾਨਂ ਆਦੀਨਵਂ ਵਿਤ੍ਥਾਰੇਨ ਪਕਾਸੇਤ੍ਵਾ ਅਰਿਯਸ੍ਸ ਵਿਨਯੇ ਵੋਹਾਰਸਮੁਚ੍ਛੇਦਂ ਦਸ੍ਸੇਸਿ.

ਵਿਸ੍ਸਜ੍ਜਨਾ – ਅਥ ਭਨ੍ਤੇ ਭਗਵਾ ਅਰਿਯਸ੍ਸ ਵਿਨਯੇ ਵੋਹਾਰਸਮੁਚ੍ਛੇਦਾਯ ਅਟ੍ਠ ਧਮ੍ਮੇ ਵਿਭਜਿਤ੍ਵਾ ‘‘ਸੇਯ੍ਯਥਾਪਿ ਗਹਪਤਿ ਕੁਕ੍ਕੁਰੋ ਜਿਘਚ੍ਛਾਦੁਬ੍ਬਲ੍ਯਪਰੇਤੋ ਗੋਘਾਤਕਸੂਨਂ ਪਚ੍ਚੁਪਟ੍ਠਿਤੋ ਅਸ੍ਸ’’ ਏਵਮਾਦਿਨਾ ਕਾਮੇਸੁ ਆਦੀਨਵਂ ਦਸ੍ਸੇਤ੍ਵਾ ਪਰਿਯੋਸਾਨੇ ਤੀਹਿ ਵਿਜ੍ਜਾਹਿ ਅਰਿਯਸ੍ਸ ਵਿਨਯੇ ਵੋਹਾਰਸਮੁਚ੍ਛੇਦਂ ਸਬ੍ਬੇਨਸਬ੍ਬਂ ਸਬ੍ਬਥਾਸਬ੍ਬਂ ਵੋਹਾਰਸਮੁਚ੍ਛੇਦਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸੇਸਿ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਜੀਵਕਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ¶ ਭਨ੍ਤੇ ਜੀਵਕਂ ਕੋਮਾਰਭਚ੍ਚਂ ਆਰਬ੍ਭ ਭਾਸਿਤਂ. ਜੀਵਕੋ ਭਨ੍ਤੇ ਕੋਮਾਰਭਚ੍ਚੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਸੁਤਂ ਮੇਤਂ ਭਨ੍ਤੇ ਸਮਣਂ ਗੋਤਮਂ ਉਦ੍ਦਿਸ੍ਸ ਪਾਣਂ ਆਰਭਨ੍ਤਿ, ਤਂ ਸਮਣੋ ਗੋਤਮੋ ਜਾਨਂ ਉਦ੍ਦਿਸ੍ਸ ਕਤਂ ਮਂਸਂ ਪਰਿਭੁਞ੍ਜਤਿ ਪਟਿਚ੍ਚ ਕਮ੍ਮਨ੍ਤਿ. ਯੇ ਤੇ ਭਨ੍ਤੇ ਏਵਮਾਹਂਸੁ ‘ਸਮਣਂ ਗੋਤਮਂ ਉਦ੍ਦਿਸ੍ਸ ਪਾਣਂ ਆਰਭਨ੍ਤਿ, ਤਂ ਸਮਣੋ ਗੋਤਮੋ ਜਾਨਂ ਉਦ੍ਦਿਸ੍ਸ ਕਤਂ ਮਂਸਂ ਪਰਿਭੁਞ੍ਜਤਿ ਪਟਿਚ੍ਚ ਕਮ੍ਮ’ਨ੍ਤਿ, ਕਚ੍ਚਿ ਤੇ ਭਨ੍ਤੇ ਭਗਵਤੋ ਵੁਤ੍ਤਵਾਦਿਨੋ ਨ ਚ ਭਗਵਨ੍ਤਂ ਅਭੂਤੇਨ ਅਬ੍ਭਾਚਿਕ੍ਖਨ੍ਤਿ, ਧਮ੍ਮਸ੍ਸ ਚਾਨੁਧਮ੍ਮਂ ਬ੍ਯਾਕਰੋਨ੍ਤਿ, ਨ ਚ ਕੋਚਿ ਸਹਧਮ੍ਮਿਕੋ ਵਾਦਾਨੁਵਾਦੋ ਗਾਰਯ੍ਹਂ ਠਾਨਂ ਆਗਚ੍ਛਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਉਪਾਲਿਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਨਾਲ਼ਨ੍ਦਾਯਂ ਭਨ੍ਤੇ ਉਪਾਲਿਂ ਗਹਪਤਿਂ ਆਰਬ੍ਭ ਭਾਸਿਤਂ. ਉਪਾਲਿ ਭਨ੍ਤੇ ਗਹਪਤਿ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਆਗਮਾ ਨੁਖ੍ਵਿਧ ਭਨ੍ਤੇ ਦੀਘਤਪਸ੍ਸੀ ਨਿਗਣ੍ਠੋ’’ਤਿ, ਏਵਮਾਦਿਨਾ ਚ ਭਨ੍ਤੇ ਉਪਾਲਿ ਗਹਪਤਿ ਭਗਵਤੋ ਪਟਿਸਨ੍ਧਾਰਂ ਕਤ੍ਵਾ ਅਤ੍ਤਨੋ ਆਚਰਿਯਸ੍ਸ ਨਿਗਣ੍ਠਸ੍ਸ ਨਾਟਪੁਤ੍ਤਸ੍ਸ ਵਾਦਂ ਪਕਾਸੇਸਿ, ਵਾਦਂ ਵਣ੍ਣੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਭਗਵਾ ਉਪਾਲਿਂ ਗਹਪਤਿਂ ਤਸ੍ਮਿਂ ਵਾਦੇ ਕਥਂ ਸਮਨੁਯੁਞ੍ਜੀ ਸਮਨੁਗਾਹੀ ਸਮਨੁਭਾਸੀ, ਕਥਞ੍ਚਸ੍ਸ ਉਪਾਯਂ ਦਸ੍ਸੇਤ੍ਵਾ ਯਥਾਭੂਤਂ ਅਤ੍ਥਂ ਞਾਪੇਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਭਗਵਾ ਉਪਾਲਿਂ ਗਹਪਤਿਂ ‘‘ਸਚੇ ਖੋ ਤ੍ਵਂ ਗਹਪਤਿ ਸਚ੍ਚੇ ਪਤਿਟ੍ਠਾਯ ਮਨ੍ਤੇਯ੍ਯਾਸਿ, ਸਿਯਾ ਨੋ ਏਤ੍ਥ ਕਥਾਸਲ੍ਲਾਪੋ’’ਤਿ ਉਪਾਲਿਂ ਗਹਪਤਿਂ ਕਥਂ ਸਮੁਟ੍ਠਾਪੇਤ੍ਵਾ ‘‘ਤਂ ¶ ਕਿਂਮਞ੍ਞਸਿ ਗਹਪਤਿ, ਇਧਸ੍ਸ ਨਿਗਣ੍ਠੋ ਆਬਾਧਿਕੋ ਦੁਕ੍ਖਿਤੋ ਬਾਞ੍ਹਗਿਲਾਨੋ ਸੀਤੋਦਕਪਰਿਕ੍ਖਿਤ੍ਤੋ ਉਣ੍ਹੋਦਕਪਟਿਸੇਵੀ, ਸੋ ਸੀਤੋਦਕਂ ਅਲਭਮਾਨੋ ਕਾਲਙ੍ਕਰੇਯ੍ਯਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਾ ਚਤ੍ਤਾਰੋ ਉਪਾਯੇ ਦਸ੍ਸੇਤ੍ਵਾ ਉਪਾਲਿਂ ਗਹਪਤਿਂ ਯਥਾਭੂਤਮਤ੍ਥਂ ਞਾਪੇਸਿ.

ਪੁਚ੍ਛਾ – ਏਵਂ ¶ ਖੋ ਆਵੁਸੋ ਉਪਾਲਿ ਗਹਪਤਿ ਭਗਵਤਾ ਸਞ੍ਞਾਪਿਤੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਕੀਦਿਸਂ ਪਸਨ੍ਨਾਕਾਰਂ ਅਕਾਸਿ, ਕਥਞ੍ਚ ਭਗਵਾ ਤਂ ਪੁਨ ਅਨੁਸਾਸਿਤ੍ਵਾ ਉਤ੍ਤਰਿ ਵਿਨੇਸਿ.

ਵਿਸ੍ਸਜ੍ਜਨਾ – ‘‘ਪੁਰਿਮੇਨੇਵਾਹਂ ਭਨ੍ਤੇ ਓਪਮ੍ਮੇਨ ਭਗਵਤੋ ਅਤ੍ਤਮਨੋ ਅਭਿਰਦ੍ਧੋ, ਅਪਿਚਾਹਂ ਇਮਾਨਿ ਭਗਵਤੋ ਵਿਚਿਤ੍ਰਾਨਿ ਪਞ੍ਹਪਟਿਭਾਨਾਨਿ ਸੋਤੁਕਾਮੋ, ਏਵਾਹਂ ਭਗਵਨ੍ਤਂ ਪਚ੍ਚਨੀਕਂ ਕਾਤਬ੍ਬਂ ਅਮਞ੍ਞਿਸ੍ਸ’’ਨ੍ਤਿ, ਏਵਮਾਦਿਨਾ ਭਨ੍ਤੇ ਉਪਾਲਿ ਗਹਪਤਿ ਭਗਵਤਾ ਵਿਞ੍ਞਾਪਿਤੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਪਸਨ੍ਨਾਕਾਰਂ ਅਕਾਸਿ. ਤਤ੍ਥ ਭਗਵਾ ਚ ਭਨ੍ਤੇ ‘‘ਅਨੁਵਿਚ੍ਚਕਾਰਂ ਖੋ ਗਹਪਤਿ ਕਰੋਹਿ, ਅਨੁਵਿਚ੍ਚਕਾਰੋ ਤੁਮ੍ਹਾਦਿਸਾਨਂ ਞਾਤਮਨੁਸ੍ਸਾਨਂ ਸਾਧੁ ਹੋਤੀ’’ਤਿ ਏਵਮਾਦਿਨਾ ਪੁਨ ਅਨੁਸਾਸਿਤ੍ਵਾ ਉਤ੍ਤਰਿ ਯਾਵ ਧਮ੍ਮਚਕ੍ਖੁਪਟਿਲਾਭਾ ਵਿਨੇਸਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਨਿਗਣ੍ਠਸ੍ਸ ਨਾਟਪੁਤ੍ਤਸ੍ਸ ਉਪਾਲਿਸ੍ਸ ਗਹਪਤਿਸ੍ਸ ਨਿਵੇਸਨਂ ਗਨ੍ਤ੍ਵਾ ਆਵੀਮਂਸਨਾ ਚ ਉਪਾਲਿਸ੍ਸ ਗਹਪਤਿਸ੍ਸ ਪਚ੍ਚੁਤ੍ਤਰਾ ਕਥਾ ਚ ਅਹੋਸਿ.

ਵਿਸ੍ਸਜ੍ਜਨਾ – ‘‘ਉਮ੍ਮਤ੍ਤੋਸਿ ਤ੍ਵਂ ਗਹਪਤਿ ਦਤ੍ਤੋਸਿ ਤ੍ਵਂ ਗਹਪਤੀ’’ਤਿ ਏਵਮਾਦਿਨਾ ਭਨ੍ਤੇ ਨਿਗਣ੍ਠਸ੍ਸ ਨਾਟਪੁਤ੍ਤਸ੍ਸ ਉਪਾਲਿਸ੍ਸ ਗਹਪਤਿਸ੍ਸ ਨਿਵੇਸਨਂ ਗਨ੍ਤ੍ਵਾ ਵੀਮਂਸਾ ਚ ‘‘ਭਦ੍ਦਿਕਾ ਭਨ੍ਤੇ ਆਵਟ੍ਟਨੀਮਾਯਾ ਕਲ੍ਯਾਣੀ ਭਨ੍ਤੇ ਆਵਟ੍ਟਨੀਮਾਯਾਤਿ’’ ਏਵਮਾਦਿਨਾ ਉਪਾਲਿਸ੍ਸ ਗਹਪਤਿਸ੍ਸ ਪਚ੍ਚੁਤ੍ਤਰਕਥਾ ਚ ਅਹੋਸਿ.

ਪੁਚ੍ਛਾ – ਕੁਕ੍ਕੁਰਵਤਿਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਲਿਯੇਸੁ ਭਨ੍ਤੇ ਹਲਿਦ੍ਦਵਸਨੇ ਨਾਮ ਕੋਲਿਯਾਨਂ ਨਿਗਮੇ ਪੁਣ੍ਣਞ੍ਚ ਕੋਲਿਯਪੁਤ੍ਤਂ ਗੋਵਤਿਕਂ ਅਚੇਲਞ੍ਚ ਸੇਨਿਯਂ ਕੁਕ੍ਕੁਰਵਤਿਕਂ ਆਰਬ੍ਭ ਭਾਸਿਤਂ. ਪੁਣ੍ਣੋ ਭਨ੍ਤੇ ਕੋਲਿਯ ਪੁਤ੍ਤੋ ਗੋਵਤਿਕੋ ਭਗਵਨ੍ਤਂ ਏਤਦਵੋਚ ‘‘ਅਯਂ ਭਨ੍ਤੇ ਅਚੇਲੋ ਸੇਨਿਯੋ ਕੁਕ੍ਕੁਰਵਤਿਕੋ ਦੁਕ੍ਕਰਕਾਰਕੋ ਛਮਾਨਿਕ੍ਖਿਤ੍ਤਂ ਭੋਜਨਂ ਭੁਞ੍ਜਤਿ, ਤਸ੍ਸ ਤਂ ਕੁਕ੍ਕੁਰਵਤਂ ਦੀਘਰਤ੍ਤਂ ਸਮਤ੍ਤਂ ਸਮਾਦਿਨ੍ਨਂ, ਤਸ੍ਸ ਕਾ ਗਤਿ, ਕੋ ਅਭਿਸਮ੍ਪਰਾਯੋ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਜਾਨਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਭਯਰਾਜਕੁਮਾਰਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਮੇ ਭਨ੍ਤੇ ਅਭਯਂ ਰਾਜਕੁਮਾਰਂ ਆਰਬ੍ਭ ਭਾਸਿਤਂ. ਅਭਯੋ ਭਨ੍ਤੇ ਰਾਜਕੁਮਾਰੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਭਾਸੇਯ੍ਯ ਨੁ ਖੋ ਭਨ੍ਤੇ ਤਥਾਗਤੋ ਤਂ ਵਾਚਂ, ਯਾ ਸਾ ਵਾਚਾ ਪਰੇਸਂ ਅਪ੍ਪਿਯਾ ਅਮਨਾਪਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਬਹੁਵੇਦਨੀਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਞ੍ਚ ਉਦਾਯਿਂ ਪਞ੍ਚਕਙ੍ਗਞ੍ਚ ਥਪਤਿਂ ਆਰਬ੍ਭ ਭਾਸਿਤਂ, ਪਞ੍ਚਕਙ੍ਗੋ ਭਨ੍ਤੇ ਥਪਤਿ ਆਯਸ੍ਮਨ੍ਤਂ ਉਦਾਯਿਂ ਉਪਸਙ੍ਕਮਿਤ੍ਵਾ ਵੇਦਨਂ ਪੁਚ੍ਛਿ, ਆਯਸ੍ਮਾ ਭਨ੍ਤੇ ਉਦਾਯੀ ਪਞ੍ਚਕਙ੍ਗਂ ਥਪਤਿਂ ਏਤਦਵੋਚ ‘‘ਤਿਸ੍ਸੋ ਖੋ ਥਪਤਿ ਵੇਦਨਾ ਵੁਤ੍ਤਾ ਭਗਵਤਾ ਸੁਖਾ ਵੇਦਨਾ ਦੁਕ੍ਖਾ ਵੇਦਨਾ ਅਦੁਕ੍ਖਮਸੁਖਾ ਵੇਦਨਾ’’ਤਿ. ਏਵਂ ਵੁਤ੍ਤੇ ਭਨ੍ਤੇ ਪਞ੍ਚਕਙ੍ਗੋ ਥਪਤਿ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ ‘‘ਨ ਖੋ ਭਨ੍ਤੇ ਉਦਾਯਿ ਤਿਸ੍ਸੋ ਵੇਦਨਾ ਵੁਤ੍ਤਾ ਭਗਵਤਾ, ਦ੍ਵੇ ਵੇਦਨਾ ਵੁਤ੍ਤਾ ਭਗਵਤਾ ਸੁਖਾ ਵੇਦਨਾ ਦੁਕ੍ਖਾ ਵੇਦਨਾ, ਯਾਯਂ ਭਨ੍ਤੇ ਅਦੁਕ੍ਖਮਸੁਖਾ ਵੇਦਨਾ, ਸਨ੍ਤਸ੍ਮਿਂ ਏਸਾ ਪਣੀਤੇ ਸੁਖੇ ਵੁਤ੍ਤਾ ਭਗਵਤਾ’’ਤਿ. ਨੇਵ ਅਸਕ੍ਖਿ ਖੋ ਭਨ੍ਤੇ ਆਯਸ੍ਮਾ ਉਦਾਯੀ ਪਞ੍ਚਕਙ੍ਗਂ ਥਪਤਿਂ ਸਞ੍ਞਾਪੇਤੁਂ, ਨ ਪਨ ਅਸਕ੍ਖਿ ਪਞ੍ਚਕਙ੍ਗੋ ਥਪਤਿ ਆਯਸ੍ਮਨ੍ਤਂ ਉਦਾਯਿਂ ਸਞ੍ਞਾਪੇਤੁਂ. ਅਸ੍ਸੋਸਿ ਖੋ ਆਯਸ੍ਮਾ ਆਨਨ੍ਦੋ ਆਯਸ੍ਮਤੋ ਉਦਾਯਿਸ੍ਸ ਪਞ੍ਚਕਙ੍ਗੇਨ ਥਪਤਿਨਾ ਸਦ੍ਧਿਂ ਇਮਂ ਕਥਾਸਲ੍ਲਾਪਂ, ਅਥ ਖੋ ਭਨ੍ਤੇ ਆਯਸ੍ਮਾ ਆਨਨ੍ਦੋ ਯਾਵਤਕੋ ਅਹੋਸਿ ¶ ਆਯਸ੍ਮਤੋ ਉਦਾਯਿਸ੍ਸ ਪਞ੍ਚਕਙ੍ਗੇਨ ਥਪਤਿਨਾ ਸਦ੍ਧਿਂ ਕਥਾਸਲ੍ਲਾਪੋ, ਤਂ ਸਬ੍ਬਂ ਭਗਵਤੋ ਆਰੋਚੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਪਣ੍ਣਕਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਸਾਲਾਯਂ ਨਾਮ ਕੋਸਲਾਨਂ ਬ੍ਰਾਹ੍ਮਣਗਾਮੇ ਸਾਲੇਯ੍ਯਕੇ ਬ੍ਰਾਹ੍ਮਣਗਹਪਤਿਕੇ ਆਰਬ੍ਭ ਭਾਸਿਤਂ. ਸਮ੍ਬਹੁਲਾ ਭਨ੍ਤੇ ਅਞ੍ਞਤਿਤ੍ਥਿਯਾ ਸਾਲੇਯ੍ਯਕਾਨਂ ¶ ਬ੍ਰਾਹ੍ਮਣਗਹਪਤਿਕਾਨਂ ਅਤ੍ਤਨੋ ਅਤ੍ਤਨੋ ਮਿਚ੍ਛਾਦਿਟ੍ਠਿਯੋ ਪਟਿਗ੍ਗਣ੍ਹਾਪੇਸੁਂ ਉਗ੍ਗਣ੍ਹਾਪੇਸੁਂ. ਤੇ ਪਨ ਭਨ੍ਤੇ ਸਾਲੇਯ੍ਯਕਾ ਬ੍ਰਾਹ੍ਮਣਗਹਪਤਿਕਾ ਏਕਦਿਟ੍ਠਿਯਮ੍ਪਿ ਪਤਿਟ੍ਠਾਤੁਂ ਨ ਸਕ੍ਖਿਂਸੁ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤਤ੍ਰ ¶ ਆਵੁਸੋ ਭਗਵਤਾ ਪਠਮਂ ਮਿਚ੍ਛਾਵਾਦੋ ਚ ਸਮ੍ਮਾਵਾਦੋ ਚ ਕਥਂ ਵਿਭਜਿਤ੍ਵਾ ਪਕਾਸਿਤੋ.

ਵਿਸ੍ਸਜ੍ਜਨਾ – ਤਤ੍ਰ ਭਨ੍ਤੇ ਭਗਵਤਾ ‘‘ਸਨ੍ਤਿ ਗਹਪਤਯੋ ਏਕੇ ਸਮਣਬ੍ਰਾਹ੍ਮਣਾ ਏਵਂਵਾਦਿਨੋ ਏਵਂਦਿਟ੍ਠਿਨੋ ਨਤ੍ਥਿ ਦਿਨ੍ਨਂ ਨਤ੍ਥਿ ਯਿਟ੍ਠਂ ਨਤ੍ਥਿ ਹੁਤਂ ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ ਵਿਪਾਕੋ’’ਤਿ ਏਵਮਾਦਿਨਾ ਪਠਮਂ ਮਿਚ੍ਛਾਵਾਦੋ ਚ ਸਮ੍ਮਾਵਾਦੋ ਚ ਵਿਭਜਿਤ੍ਵਾ ਪਕਾਸਿਤੋ.

ਪੁਚ੍ਛਾ – ਤਤ੍ਥ ¶ ਆਵੁਸੋ ਭਗਵਤਾ ਮਿਚ੍ਛਾਵਾਦੀਨਞ੍ਚ ਦੋਸੋ ਸਮ੍ਮਾਵਾਦੀਨਞ੍ਚ ਗੁਣੋ ਕਥਂ ਵਿਚਾਰੇਤ੍ਵਾ ਪਕਾਸਿਤੋ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਭਗਵਤਾ ‘‘ਤਤ੍ਰ ਗਹਪਤਯੋ ਯੇਤੇ ਸਮਣਬ੍ਰਾਹ੍ਮਣਾ ਏਵਂਵਾਦਿਨੋ ਏਵਂਦਿਟ੍ਠਿਨੋ ਨਤ੍ਥਿ ਦਿਨ੍ਨਂ ਨਤ੍ਥਿ ਯਿਟ੍ਠਂ ਨਤ੍ਥਿ ਹੁਤਂ ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂ ਵਿਪਾਕੋ’’ਤਿ ਏਵਮਾਦਿਨਾ ਭਨ੍ਤੇ ਮਿਚ੍ਛਾਵਾਦੀਨਞ੍ਚ ਦੋਸੋ ਸਮ੍ਮਾਵਾਦੀਨਞ੍ਚ ਗੁਣੋ ਭਗਵਤਾ ਵਿਚਾਰੇਤ੍ਵਾ ਪਕਾਸਿਤੋ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਵਿਞ੍ਞੁਨੋ ਪੁਰਿਸਪੁਗ੍ਗਲਸ੍ਸ ਪਟਿਸਞ੍ਚਿਕ੍ਖਣਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਤਤ੍ਰ ¶ ਗਹਪਤਯੋ ਵਿਞ੍ਞੂ ਪੁਰਿਸੋ ਇਤਿ ਪਟਿਸਞ੍ਚਿਕ੍ਖਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਵਿਞ੍ਞੁਨੋ ਪੁਰਿਸਪੁਗ੍ਗਲਸ੍ਸ ਪਟਿਸਞ੍ਚਿਕ੍ਖਣਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਤਾ ਅਞ੍ਞੇਸੁਪਿ ਮਿਚ੍ਛਾਵਾਦਸਮ੍ਮਾਵਾਦੇਸੁ ਅਪਣ੍ਣਕਪਟਿਪਦਾ ਵਿਚਾਰੇਤ੍ਵਾ ਪਕਾਸਿਤਾ, ਤਂ ਸਙ੍ਖੇਪਤੋ ਕਥੇਸਿ.

ਵਿਸ੍ਸਜ੍ਜਨਾ – ਯਥੇਵ ਭਨ੍ਤੇ ਪਠਮੇ ਵਾਦੇ, ਏਵਮੇਵ ਖੋ ਭਨ੍ਤੇ ਅਕਿਰਿਯਵਾਦਾਦੀਸੁ ਚਤੂਸੁ ਚ ਮਿਚ੍ਛਾਵਾਦੇਸੁ ਦੋਸਂ ਕਿਰਿਯਵਾਦਾਦੀਸੁ ਚ ਚਤੂਸੁ ਸਮ੍ਮਾਵਾਦੇਸੁ ਗੁਣਂ, ਤਤ੍ਥ ਚ ਵਿਞ੍ਞੁਨੋ ਪੁਰਿਸਸ੍ਸ ਪਟਿਸਞ੍ਚਿਕ੍ਖਣਾਕਾਰਂ ਦਸ੍ਸੇਤ੍ਵਾ ਭਗਵਤਾ ਅਪਣ੍ਣਕਪਟਿਪਦਾ ਪਕਾਸਿਤਾ.

ਪੁਚ੍ਛਾ – ਅਮ੍ਬਲਟ੍ਠਿਕਰਾਹੁਲੋਵਾਦਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਆਯਸ੍ਮਨ੍ਤਂ ਰਾਹੁਲਂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਮਹਾਰਾਹੁਲੋਵਾਦਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਰਾਹੁਲਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਰਾਹੁਲੋ ਭਗਵਤੋ ਚੇਵ ਅਤ੍ਤਨੋ ਚ ਅਤ੍ਤਭਾਵਸਮ੍ਪਤ੍ਤਿਂ ਨਿਸ੍ਸਾਯ ਗੇਹਸ੍ਸਿਤਂ ਛਨ੍ਦਰਾਗਂ ਉਪ੍ਪਾਦੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਮਾਲੁਕ੍ਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਮਾਲੁਕ੍ਯਪੁਤ੍ਤਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਮਾਲੁਕ੍ਯਪੁਤ੍ਤੋ ਅਤ੍ਤਨੋ ਪਵਿਵਿਤ੍ਤਸ੍ਸ ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਚੇਤਸੋ ਪਰਿਵਿਤਕ੍ਕਂ ਭਗਵਤੋ ਆਰੋਚੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਮਹਾਮਾਲੁਕ੍ਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਸ੍ਮਿਂਯੇਵ ਭਨ੍ਤੇ ਸਾਵਤ੍ਥਿਯਂ ਆਯਸ੍ਮਨ੍ਤਂ ਮਹਾਮਾਲੁਕ੍ਯਪੁਤ੍ਤਂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਭਦ੍ਦਾਲਿਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਭਦ੍ਦਾਲਿਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਭਦ੍ਦਾਲਿ ਭਗਵਤਾ ਸਿਕ੍ਖਾਪਦੇ ਪਞ੍ਞਾਪਿਯਮਾਨੇ ਭਿਕ੍ਖੁਸਙ੍ਘੇ ਸਿਕ੍ਖਂ ਸਮਾਦਿਯਮਾਨੇ ਅਨੁਸ੍ਸਾਹਂ ਪਵੇਦੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਅਚ੍ਚਯੋ ¶ ਮਂ ਭਨ੍ਤੇ ਅਚ੍ਚਗਮਾ ਯਥਾਬਾਲਂ ਯਥਾਮੂਲ਼੍ਹਂ ਯਥਾਅਕੁਸਲਂ, ਯੋਹਂ ਭਗਵਤਾ ਸਿਕ੍ਖਾਪਦੇ ਪਞ੍ਞਾਪਿਯਮਾਨੇ ਭਿਕ੍ਖੁਸਙ੍ਘੇ ਸਿਕ੍ਖਂ ਸਮਾਦਿਯਮਾਨੇ ਅਨੁਸ੍ਸਾਹਂ ਪਵੇਦੇਸਿਂ, ਤਸ੍ਸ ਮੇ ਭਨ੍ਤੇ ਭਗਵਾ ਅਚ੍ਚਯਂ ਅਚ੍ਚਯਤੋ ਪਟਿਗ੍ਗਣ੍ਹਾਤੁ ਆਯਤਿਂ ਸਂਵਰਾਯ –

ਪੁਚ੍ਛਾ – ਅਥ ¶ ਖੋ ਆਵੁਸੋ ਆਯਸ੍ਮਾ ਭਦ੍ਦਾਲਿ ਭਗਵਨ੍ਤਂ ਕੀਦਿਸਂ ਪਞ੍ਹਂ ਪੁਚ੍ਛਿ, ਕਥਞ੍ਚਸ੍ਸ ਭਗਵਾ ਤਂ ਵਿਭਜਿਤ੍ਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਆਯਸ੍ਮਾ ਭਦ੍ਦਾਲਿ ‘‘ਕੋ ਨੁ ਖੋ ਭਨ੍ਤੇ ਹੇਤੁ, ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚਂ ਭਿਕ੍ਖੁਂ ਪਸਯੁ ਪਸਯੁ ਕਾਰਣਂ ਕਰੋਨ੍ਤੀ’’ਤਿ ਏਵਮਾਦਿਨਾ ਭਗਵਨ੍ਤਂ ਪਞ੍ਹਂ ਅਪੁਚ੍ਛਿ. ਭਗਵਾ ਚ ਭਨ੍ਤੇ ‘‘ਇਧ ਭਦ੍ਦਾਲਿ ਏਕਚ੍ਚੋ ਭਿਕ੍ਖੁ ਅਭਿਣ੍ਹਾਪਤ੍ਤਿਕੋ ਹੋਤਿ, ਆਪਤ੍ਤਿਬਹੁਲੋ’’ ਏਵਮਾਦਿਨਾ ਆਯਸ੍ਮਤੋ ਭਦ੍ਦਾਲਿਸ੍ਸ ਵਿਭਜਿਤ੍ਵਾ ਬ੍ਯਾਕਾਸਿ.

ਪੁਚ੍ਛਾ – ਤਦਾਪਿ ¶ ਖੋ ਆਵੁਸੋ ਆਯਸ੍ਮਾ ਭਦ੍ਦਾਲਿ ਪੁਨਪਿ ਭਗਵਨ੍ਤਂ ਕੀਦਿਸਂ ਪਞ੍ਹਂ ਪੁਚ੍ਛਿ, ਕਥਞ੍ਚਸ੍ਸ ਭਗਵਾ ਤਮ੍ਪਿ ਵਿਭਜਿਤ੍ਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਤਦਾਪਿ ਭਨ੍ਤੇ ਆਯਸ੍ਮਾ ਭਦ੍ਦਾਲਿ ‘‘ਕੋ ਨੁ ਖੋ ਭਨ੍ਤੇ ਹੇਤੁ, ਕੋ ਪਚ੍ਚਯੋ, ਯੇਨ ਪੁਬ੍ਬੇ ਅਪ੍ਪਤਰਾਨਿ ਚੇਵ ਸਿਕ੍ਖਾਪਦਾਨਿ ਅਹੇਸੁਂ, ਬਹੁਤਰਾ ਚ ਭਿਕ੍ਖੂ ਅਞ੍ਞਾਯ ਸਣ੍ਡਹਿਂਸੁ. ਕੋ ਪਨ ਭਨ੍ਤੇ ਹੇਤੁ, ਕੋ ਪਚ੍ਚਯੋ ਯੇਨ ਏਤਰਹਿ ਬਹੁਤਰਾਨਿ ਚੇਵ ਸਿਕ੍ਖਾਪਦਾਨਿ ਹੋਨ੍ਤਿ ਅਪ੍ਪਤਰਾ ਚ ਭਿਕ੍ਖੂ ਅਞ੍ਞਾਯ ਸਣ੍ਡਹਨ੍ਤੀ’’ਤਿ ਭਗਵਨ੍ਤਂ ਪੁਨਪਿ ਪਞ੍ਹਂ ਅਪੁਚ੍ਛਿ. ਭਗਵਾ ਚ ਭਨ੍ਤੇ ‘‘ਏਵਮੇਤਂ ਭਦ੍ਦਾਲਿ ਹੋਤਿ, ਸਤ੍ਤੇਸੁ ਹਾਯਮਾਨੇਸੁ ਸਦ੍ਧਮ੍ਮੇ ਅਨ੍ਤਰਧਾਯਮਾਨੇ ਬਹੁਤਰਾਨਿ ਹੋਨ੍ਤਿ ਅਪ੍ਪਤਰਾ ਚ ਭਿਕ੍ਖੂ ਅਞ੍ਞਾਯ ਸਣ੍ਡਹਨ੍ਤੀ’’ਤਿ, ਏਵਮਾਦਿਨਾ ਆਯਸ੍ਮਤੋ ਭਦ੍ਦਾਲਿਸ੍ਸ ਵਿਭਜਿਤ੍ਵਾ ਵਿਭਜਿਤ੍ਵਾ ਬ੍ਯਾਕਤਾ.

ਪੁਚ੍ਛਾ – ਲਟੁਕਿਕੋਪਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਙ੍ਗੁਤ੍ਤਰਾਪੇਸੁ ਭਨ੍ਤੇ ਆਪਣੇ ਨਾਮ ਅਙ੍ਗੁਤ੍ਤਰਾਪਾਨਂ ਨਿਗਮੇ ਆਯਸ੍ਮਨ੍ਤਂ ਉਦਾਯਿਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਉਦਾਯੀ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਇਧ ਮਯ੍ਹਂ ਭਨ੍ਤੇ ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏਵਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ ‘‘ਬਹੂਨਂ ਵਤ ਨੋ ਭਗਵਾ ਦੁਕ੍ਖਧਮ੍ਮਾਨਂ ਅਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਸੁਖਧਮ੍ਮਾਨਂ ਉਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਅਕੁਸਲਾਨਂ ਧਮ੍ਮਾਨਂ ਅਪਹਤ੍ਤਾ, ਬਹੂਨਂ ਵਤ ਨੋ ਭਗਵਾ ਕੁਸਲਾਨਂ ਧਮ੍ਮਾਨਂ ਉਪਹਤ੍ਤਾ’ਤਿ’’. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਭਗਵਾ ਕੀਦਿਸੀ ਉਪਮਾਯੋ ਦਸ੍ਸੇਤ੍ਵਾ ਭਿਕ੍ਖੂਨਂ ਓਵਾਦਂ ਅਦਾਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਭਗਵਾ ਲਟੁਕਿਕੋਪਮਂ ਹਤ੍ਥਿਨਾਗੋਪਮਂ ਦਲਿਦ੍ਦਪੁਰਿਸੋਪਮਂ ਗਹਪਤਿਕੋਪਮਨ੍ਤਿ ਚਤਸ੍ਸੋ ਉਪਮਾਯੋ ਦਸ੍ਸੇਤ੍ਵਾ ਭਿਕ੍ਖੂਨਂ ਓਵਾਦਮਦਾਸਿ.

ਪੁਚ੍ਛਾ – ਏਵਞ੍ਚਾਵੁਸੋ ¶ ਭਗਵਾ ਚਤੂਹਿ ਉਪਮਾਹਿ ਭਿਕ੍ਖੂਨਂ ਓਵਾਦਂ ਦਤ੍ਵਾ ਕਥਂ ਉਤ੍ਤਰਿ ਧਮ੍ਮਦੇਸਨਂ ਪਵਡ੍ਢੇਸਿ.

ਵਿਸ੍ਸਜ੍ਜਨਾ – ਏਵਂ ਖੋ ਭਨ੍ਤੇ ਭਗਵਾ ਚਤੂਹਿ ਉਪਮਾਹਿ ਭਿਕ੍ਖੂਨਂ ਓਵਾਦਂ ਦਤ੍ਵਾ ‘‘ਚਤ੍ਤਾਰੋ ਮੇ ਉਦਾਯਿ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ’’ਨ੍ਤਿ ਏਵਮਾਦਿਨਾ ਉਤ੍ਤਰਿ ਭਿਕ੍ਖੂਨਂ ਧਮ੍ਮਕਥਂ ਪਵਡ੍ਢੇਸਿ.

ਪੁਚ੍ਛਾ – ਚਾਤੁਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਚਾਤੁਮਾਯਂ ਭਨ੍ਤੇ ਆਯਸ੍ਮਨ੍ਤਾਨਂ ਸਾਰਿਪੁਤ੍ਤਮੋਗ੍ਗਲਾਨਤ੍ਥੇਰਾਨਂ ਸਦ੍ਧਿਵਿਹਾਰਿਕੇ ਅਧੁਨਾ ਪਬ੍ਬਜਿਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ. ਸਾਰਿਪੁਤ੍ਤਮੋਗ੍ਗਲ੍ਲਾਨਪ੍ਪਮੁਖਾਨਿ ਭਨ੍ਤੇ ਪਞ੍ਚਮਤ੍ਤਾਨਿ ਭਿਕ੍ਖੁਸਤਾਨਿ ਚਾਤੁਮਂ ਅਨੁਪ੍ਪਤ੍ਤਾਨਿ ਹੋਨ੍ਤਿ ਭਗਵਨ੍ਤਂ ਦਸ੍ਸਨਾਯ, ਤੇ ਚ ਆਗਨ੍ਤੁਕਾ ਭਿਕ੍ਖੂ ਨੇਵਾਸਿਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਮਾਨਾ ਸੇਨਾਸਨਾਨਿ ਪਞ੍ਞਾਪਯਮਾਨਾ ਪਤ੍ਤਚੀਵਰਾਨਿ ਪਟਿਸਾਮਯਮਾਨਾ ਉਚ੍ਚਾਸਦ੍ਦਾ ਮਹਾਸਦ੍ਦਾ ਅਹੇਸੁਂ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਾ ਭਿਕ੍ਖੂਨਂ ਓਵਾਦਂ ਅਦਾਸਿ.

ਵਿਸ੍ਸਜ੍ਜਨਾ – ਚਤ੍ਤਾਰਿਮਾਨਿ ਭਿਕ੍ਖਵੇ ਭਯਾਨਿ ਉਦਕੋਰੋਹਨ੍ਤੇ ਪਾਤਿਕਙ੍ਖਿਤਬ੍ਬਾਨੀਤਿ ਏਵਮਾਦਿਨਾ ਭਨ੍ਤੇ ਭਗਵਾ ਤਤ੍ਥ ਭਿਕ੍ਖੂਨਂ ਓਵਾਦਂ ਅਦਾਸਿ.

ਪੁਚ੍ਛਾ – ਨਲ਼ਕਪਾਨਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਨਲ਼ਕਪਾਨੇ ਭਨ੍ਤੇ ਅਨੁਰੁਦ੍ਧਤ੍ਥੇਰਪ੍ਪਮੁਖੇ ਸਮ੍ਬਹੁਲੇ ਅਭਿਞ੍ਞਾਤੇ ਅਭਿਞ੍ਞਾਤੇ ਕੁਲਪੁਤ੍ਤੇ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਗੋਲਿਯਾਨਿਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਆਯਸ੍ਮਨ੍ਤਂ ਗੋਲਿਯਾਨਿਂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ. ਆਯਸ੍ਮਾ ਭਨ੍ਤੇ ਗੋਲਿਯਾਨਿ ਆਰਞ੍ਞਿਕੋ ਪਦਸਮਾਚਾਰੋ ਸਙ੍ਘਮਜ੍ਝੇ ਓਸਟੋ ਹੋਤਿ ਕੇਨਚਿਦੇਵ ਕਰਣੀਯੇਨ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਕੀਟਾਗਿਰਿਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕਾਸੀਸੁ ਭਨ੍ਤੇ ਕੀਟਾਗਿਰਿਸ੍ਮਿਂ ਕਾਸੀਨਂ ਨਿਗਮੇ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਆਰਬ੍ਭ ਭਾਸਿਤਂ. ਅਸ੍ਸਜਿਪੁਨਬ੍ਬਸੁਕਾ ਭਨ੍ਤੇ ਭਿਕ੍ਖੂ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨਾ ਏਵਮਾਹਂਸੁ ‘‘ਮਯਂ ਖੋ ਆਵੁਸੋ ਸਾਯਞ੍ਚੇਵ ਭੁਞ੍ਜਾਮ ਪਾਤੋ ਚ ਦਿਵਾ ਚ ਵਿਕਾਲੇ, ਤੇ ਮਯਂ ਸਾਯਞ੍ਚੇਵ ਭੁਞ੍ਜਮਾਨਾ ਪਾਤੋ ਚ ਦਿਵਾ ਚ ਵਿਕਾਲੇ ਅਪ੍ਪਾਬਾਧਤਞ੍ਚ ਸਞ੍ਜਾਨਾਮ ਅਪ੍ਪਾਤਙ੍ਕਤਞ੍ਚ ਲਹੁਟ੍ਠਾਨਞ੍ਚ ਬਲਞ੍ਚ ਫਾਸੁਵਿਹਾਰਞ੍ਚ, ਤੇ ਮਯਂ ਕਿਂ ਸਨ੍ਦਿਟ੍ਠਿਕਂ ਹਿਤ੍ਵਾ ਕਾਲਿਕਂ ਅਨੁਧਾਵਿਸ੍ਸਾਮ, ਸਾਯਞ੍ਚੇਵ ਮਯਂ ਭੁਞ੍ਜਿਸ੍ਸਾਮ ਪਾਤੋ ਚ ਦਿਵਾ ਚ ਵਿਕਾਲੇ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਵਿਜ੍ਜਵਚ੍ਛਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਵਚ੍ਛਗੋਤ੍ਤਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਵਚ੍ਛਗੋਤ੍ਤੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ ‘‘ਸੁਤਂ ਮੇ ਭਨ੍ਤੇ ਸਮਣੋ ਗੋਤਮੋ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀ ਅਪਰਿਸੇਸਂ ਞਾਣਦਸ੍ਸਨਂ ਪਟਿਜਾਨਾਤਿ, ਚਰਤੋ ਚ ਮੇ ਤਿਟ੍ਠਤੋ ਚ ਸੁਤ੍ਤਸ੍ਸ ਚ ਜਾਗਰਸ੍ਸ ਚ ਸਤਤਂ ਸਮਿਤਂ ਞਾਣਦਸ੍ਸਨਂ ਪਚ੍ਚੁਪਟ੍ਠਿਤ’’ਨ੍ਤਿ. ਯੇ ਤੇ ਭਨ੍ਤੇ ਏਵਮਾਹਂਸੁ ‘‘ਸਮਣੋ ਗੋਤਮੋ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀ ਅਪਰਿਸੇਸਂ ਞਾਣਦਸ੍ਸਨਂ ਪਟਿਜਾਨਾਤਿ, ਚਰਤੋ ਚ ਮੇ ਤਿਟ੍ਠਤੋ ਚ ਸੁਤ੍ਤਸ੍ਸ ਚ ਜਾਗਰਸ੍ਸ ਚ ਸਤਤਂ ਸਮਿਤਂ ਞਾਣਦਸ੍ਸਨਂ ਪਚ੍ਚੁਪਟ੍ਠਿਤ’’ਨ੍ਤਿ. ਕਚ੍ਚਿ ਤੇ ਭਨ੍ਤੇ ਭਗਵਤੋ ਵੁਤ੍ਤਵਾਦਿਨੋ, ਨ ਚ ਭਗਵਨ੍ਤਂ ਅਭੂਤੇਨ ਅਬ੍ਭਾਚਿਕ੍ਖਨ੍ਤਿ, ਧਮ੍ਮਸ੍ਸ ਚਾਨੁਧਮ੍ਮਂ ਬ੍ਯਾਕਰੋਨ੍ਤਿ, ਨ ਚ ਕੋਚਿ ਸਹਧਮ੍ਮਿਕੋ ਵਾਦਾਨੁਵਾਦੋ ਗਾਰਯ੍ਹਂ ਠਾਨਂ ਆਗਚ੍ਛਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਗ੍ਗਿਵਚ੍ਛਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਵਚ੍ਛਗੋਤ੍ਤਂ ਪਰਿਬ੍ਬਾਜਕਂ ਭਾਸਿਤਂ. ਵਚ੍ਛਗੋਤ੍ਤੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ‘‘ਕਿਂ ਨੁ ਖੋ ਭੋ ਗੋਤਮ ‘ਸਸ੍ਸਤੋ ਲੋਕੋ ਇਦਮੇਵ ਸਚ੍ਚਂ ਮੋਘਮਞ੍ਞ’ਨ੍ਤਿ ਏਵਂਦਿਟ੍ਠਿ ਭਵਂ ਗੋਤਮੋ’’ਤਿ ਏਵਮਾਦਿਕਂ ਪਞ੍ਹਂ ਅਪੁਚ੍ਛਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਮਹਾਵਚ੍ਛਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਵਚ੍ਛਗੋਤ੍ਤਂਯੇਵ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਵਚ੍ਛਗੋਤ੍ਤੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ¶ ਏਤਦਵੋਚ ‘‘ਦੀਘਰਤ੍ਤਾਹਂ ਭੋਤਾ ਗੋਤਮੇਨ ਸਹਕਥੀ, ਸਾਧੁ ਮੇ ਭਵਂ ਗੋਤਮੋ ਸਂਖਿਤ੍ਤੇਨ ਕੁਸਲਾਕੁਸਲਂ ਦੇਸੇਤੂ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਵਂ ¶ ਵੁਤ੍ਤੇ ਖੋ ਆਵੁਸੋ ਵਚ੍ਛਗੋਤ੍ਤੋ ਪਰਿਬ੍ਬਾਜਕੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਹੁਤ੍ਵਾ ਕੀਦਿਸਂ ਪਸਨ੍ਨਾਕਾਰਂ ਅਕਾਸਿ, ਕਥਞ੍ਚਸ੍ਸ ਧਮ੍ਮਾਭਿਸਮਯੋ ਅਹੋਸਿ.

ਵਿਸ੍ਸਜ੍ਜਨਾ – ਏਵਂ ਵੁਤ੍ਤੇ ਭਨ੍ਤੇ ਵਚ੍ਛਗੋਤ੍ਤੋ ਪਰਿਬ੍ਬਾਜਕੋ ‘‘ਸਚੇ ਹਿ ਭੋ ਗੋਤਮ ਇਮਂ ਧਮ੍ਮਂ ਭਵਂਯੇਵ ਗੋਤਮੋ ਆਰਾਧਕੋ ਅਭਵਿਸ੍ਸ, ਨੋ ਚ ਖੋ ਭਿਕ੍ਖੂ ਆਰਾਧਕਾ ਅਭਵਿਸ੍ਸਂਸੁ, ਏਵਮਿਦਂ ਬ੍ਰਹ੍ਮਚਰਿਯਂ ਅਪਰਿਪੂਰਂ ਅਭਵਿਸ੍ਸ ਤੇਨਙ੍ਗੇਨਾ’’ਤਿ ਏਵਮਾਦਿਨਾ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਪਸਨ੍ਨਾਕਾਰਮਕਾਸਿ. ਯਾਵ ਅਰਹਤ੍ਤਞ੍ਚਸ੍ਸ ਧਮ੍ਮਾਭਿਸਮਯੋ ਅਹੋਸਿ.

ਪੁਚ੍ਛਾ – ਦੀਘਨਖਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਦੀਘਨਖਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਦੀਘਨਖੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਅਹਞ੍ਹਿ ਭੋ ਗੋਤਮ ਏਵਂਵਾਦੀ ਏਵਂਦਿਟ੍ਠਿ ਸਬ੍ਬਂ ਮੇ ਨਕ੍ਖਮਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਇਮਸ੍ਮਿਂ ¶ ਚ ਪਨਾਵੁਸੋ ਵੇਯ੍ਯਾਕਰਣਸ੍ਮਿਂ ਭਞ੍ਞਮਾਨੇ ਕੇਸਂ ਪੁਗ੍ਗਲਾਨਂ ਵਿਸੇਸਾਧਿਗਮੋ ਅਹੋਸਿ.

ਵਿਸ੍ਸਜ੍ਜਨਾ – ਇਮਸ੍ਮਿਞ੍ਚ ਪਨ ਭਨ੍ਤੇ ਵੇਯ੍ਯਾਕਰਣਸ੍ਮਿਂ ਭਞ੍ਞਮਾਨੇ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਅਨੁਪਾਦਾਯ ਆਸਵੇਹਿ ਚਿਤ੍ਤਂ ਵਿਮੁਚ੍ਚਿ, ਦੀਘਨਖਸ੍ਸ ਪਨ ਪਰਿਬ੍ਬਾਜਕਸ੍ਸ ਤਸ੍ਮਿਂਯੇਵ ਆਸਨੇ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ ਯਂਕਿਞ੍ਚਿ ਸਮੁਦਯਧਮ੍ਮਂ, ਸਬ੍ਬਂ ਤਂ ਨਿਰੋਧਧਮ੍ਮ’’ਨ੍ਤਿ.

ਪੁਚ੍ਛਾ – ਮਾਗਣ੍ਡਿਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੁਰੂਸੁ ਭਨ੍ਤੇ ਕਮ੍ਮਾਸਧਮ੍ਮੇ ਨਾਮ ਕੁਰੂਨਂ ਨਿਗਮੇ ਭਾਰਦ੍ਵਾਜ ਗੋਤ੍ਤਸ੍ਸ ਬ੍ਰਾਹ੍ਮਣਸ੍ਸ ਅਗ੍ਯਾਗਾਰੇ ਤਿਣਸਨ੍ਥਾਰਕੇ ਮਾਗਣ੍ਡਿਯਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਮਾਗਣ੍ਡਿਯੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ‘‘ਭੂਨਹੁ ਸਮਣੋ ਗੋਤਮੋ’’ਤਿ ਵਦੇਸਿ, ਤਸ੍ਮਿਂ ਭਨ੍ਤੇ ਵਟ੍ਠੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਤਤ੍ਥ ਮਾਗਣ੍ਡਿਯਸ੍ਸ ਪਰਿਬ੍ਬਾਜਕਸ੍ਸ ਸਮਨੁਯੁਞ੍ਜਿਤ੍ਵਾ ਸਮਨੁਯੁਞ੍ਜਿਤ੍ਵਾ ਧਮ੍ਮਂ ਦੇਸੇਸਿ.

ਵਿਸ੍ਸਜ੍ਜਨਾ – ‘‘ਚਕ੍ਖੁਂ ਖੋ ਮਾਗਣ੍ਡਿਯ ਰੂਪਾਰਤਂ ਰੂਪਸਮ੍ਮੁਦਿਤਂ, ਤਂ ਤਥਾਗਤਸ੍ਸ ਦਨ੍ਤਂ ਗੁਤ੍ਤਂ ਰਕ੍ਖਿਤਂ ਸਂਵੁਤਂ, ਤਸ੍ਸ ਚ ਸਂਵਰਾਯ ਧਮ੍ਮਂ ਦੇਸੇਤੀ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਾ ਮਾਗਣ੍ਡਿਯਸ੍ਸ ਪਰਿਬ੍ਬਾਜਕਸ੍ਸ ਸਮਨੁਯੁਞ੍ਜਿਤ੍ਵਾ ਸਮਨੁਯੁਞ੍ਜਿਤ੍ਵਾ ਧਮ੍ਮਂ ਦੇਸੇਸਿ.

ਪੁਚ੍ਛਾ – ਏਵਂ ¶ ਖੋ ਆਵੁਸੋ ਮਾਗਣ੍ਡਿਯੇਨ ਪਰਿਬ੍ਬਾਜਕੇਨ ‘‘ਨਕਿਞ੍ਚਿ ਭੋ ਗੋਤਮਾ’’ਤਿ ਯਥਾਭੂਤਂ ਪਟਿਸ੍ਸੁਤੇ ਕਥਂ ਭਗਵਾ ਅਤ੍ਤਨੋਪਿ ਨ ਕਿਞ੍ਚਿ ਕੇਨਚਿਪਿ ਵਤ੍ਤਬ੍ਬਤਂ ਪਕਾਸੇਸਿ.

ਵਿਸ੍ਸਜ੍ਜਨਾ – ਏਵਂ ਖੋ ਭਨ੍ਤੇ ਮਾਗਣ੍ਡਿਯੇਨ ਪਰਿਬ੍ਬਾਜਕੇਨ ਨਕਿਞ੍ਚਿ ਭੋਗੋਤਮਾਤਿ ਯਥਾਭੂਤਂ ਪਟਿਸ੍ਸੁਤੇ ‘‘ਅਹਂ ਖੋ ਪਨ ਮਾਗਣ੍ਡਿਯ ਪੁਬ੍ਬੇ ਅਗਾਰਿਯਭੂਤੋ ਸਮਾਨੋ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸਿਂ ਚਕ੍ਖੁਵਿਞ੍ਞੇਯ੍ਯਹਿ ਰੂਪੇਹਿ ਇਟ੍ਠੇਹਿ ਮਨਾਪੇਹਿ ਪਿਯਰੂਪੇਹਿ ਕਾਮੂਪਸਂਹਿਤੇਹਿ ਰਜਨੀਯੇਹੀ’’ਤਿ ਏਵਮਾਦਿਨਾ ਭਗਵਾ ਅਤ੍ਤਨੋਪਿ ਨ ਕਿਞ੍ਚਿ ਕੇਨਚਿਪਿ ਵਤ੍ਤਬ੍ਬਤਂ ਪਕਾਸੇਸਿ.

ਪੁਚ੍ਛਾ – ਇਮਸ੍ਮਿਂ ¶ ਸੁਤ੍ਤੇ ਪਰਿਯੋਸਾਨਪੁਚ੍ਛਂ ਪੁਚ੍ਛਿਸ੍ਸਾਮਿ ਇਮਞ੍ਚ ਪਨਾਵੁਸੋ ਧਮ੍ਮਦੇਸਨਂ ਸੁਤ੍ਵਾ ਮਾਗਣ੍ਡਿਯੋ ਪਰਿਬ੍ਬਾਜਕੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਹੁਤ੍ਵਾ ਕੀਦਿਸਂ ਪਸਨ੍ਨਾਕਾਰਮਕਾਸਿ.

ਵਿਸ੍ਸਜ੍ਜਨਾ – ਇਮਂ ¶ ਚ ਪਨ ਭਨ੍ਤੇ ਧਮ੍ਮਦੇਸਨਂ ਸੁਤ੍ਵਾ ਮਾਗਣ੍ਡਿਯੋ ਪਰਿਬ੍ਬਾਜਕੋ ‘ਅਭਿਕ੍ਕਨ੍ਤਂ ਭੋ ਗੋਤਮ ਅਭਿਕ੍ਕਨ੍ਤਂ ਭੋ ਗੋਤਮਾ’’ਤਿ ਏਵਮਾਦਿਨਾ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਪਸਨ੍ਨਾਕਾਰਮਕਾਸਿ.

ਪੁਚ੍ਛਾ – ਸਨ੍ਦਕਸੁਤ੍ਤਂ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ¶ ਭਨ੍ਤੇ ਸਨ੍ਦਕਂ ਪਰਿਬ੍ਬਾਜਕਂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ. ਸਨ੍ਦਕੋ ਭਨ੍ਤੇ ਪਰਿਬ੍ਬਾਜਕੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ ‘‘ਸਾਧੁਵਤ ਭਵਨ੍ਤਂਯੇਵ ਆਨਨ੍ਦਂ ਪਟਿਭਾਤੁ ਸਕੇ ਆਚਰਿਯ ਕੇ ਧਮ੍ਮਿਕਥਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਚਤ੍ਤਾਰੋ ਅਬ੍ਰਹ੍ਮਚਰਿਯਵਾਸਾ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਵਿਚਾਰੇਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਇਧ ਸਨ੍ਦਕ ਏਕਚ੍ਚੋ ਸਤ੍ਥਾ ਏਵਂਵਾਦੀ ਹੋਤਿ ਏਵਂਦਿਟ੍ਠਿ ਨਤ੍ਥਿ ਦਿਨ੍ਨਂ, ਨਤ੍ਥਿ ਯਿਟ੍ਠਂ, ਨਤ੍ਥਿ ਹੁਤਂ, ਨਤ੍ਥਿ ਸੁਕਤਦੁਕ੍ਕਟਾਨਂ ਕਮ੍ਮਾਨਂ ਫਲਂਵਿਪਾਕੋ, ਨਤ੍ਥਿ ਅਯਂਲੋਕੋ, ਨਤ੍ਥਿ ਪਰੋਲੋਕੋ, ਨਤ੍ਥਿ ਮਾਤਾ, ਨਤ੍ਥਿ ਪਿਤਾ, ਨਤ੍ਥਿ ਸਤ੍ਤਾ ਓਪਪਾਤਿਕਾਤਿ

ਏਵਮਾਦਿਨਾ ¶ ਭਨ੍ਤੇ ਤਤ੍ਥ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਚਤ੍ਤਾਰੋ ਅਬ੍ਰਹ੍ਮਚਰਿਯਵਾਸਾ ਵਿਚਾਰੇਤ੍ਵਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਚਤ੍ਤਾਰਿ ਅਨਸ੍ਸਾਸਿਕਾਨਿ ਬ੍ਰਹ੍ਮਚਰਿਯਾਨਿ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਵਿਚਾਰੇਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ¶ ਸਨ੍ਦਕ ਏਕਚ੍ਚੋ ਸਤ੍ਥਾ ਸਬ੍ਬਞ੍ਞੂ ਸਬ੍ਬਦਸ੍ਸਾਵੀ ਅਪਰਿਸੇਸਂ ਞਾਣਦਸ੍ਸਨਂ ਪਟਿਜਾਨਾਤਿ ‘‘ਚਰਤੋ ਚ ਮੇ ਤਿਟ੍ਠਤੋ ਚ ਸੁਤ੍ਤਸ੍ਸ ਚ ਜਾਗਰਸ੍ਸ ਚ ਸਤਤਂ ਸਮਿਤਂ ਞਾਣਦਸ੍ਸਨਂ ਪਚ੍ਚੁਪਟ੍ਠਿਤ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਚਤ੍ਤਾਰਿ ਅਨਸ੍ਸਾਸਿਕਾਨਿ ਬ੍ਰਹ੍ਮਚਰਿਯਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

¶ ਖੋ ਆਵੁਸੋ ਸਨ੍ਦਕੋ ਪਰਿਬ੍ਬਾਜਕੋ ਆਯਸ੍ਮਨ੍ਤਂ ਆਨਨ੍ਦਤ੍ਥੇਰਂ ਕਥਂ ਪੁਚ੍ਛਿ, ਤਥਞ੍ਚਸ੍ਸਾਯਸ੍ਮਾਨਨ੍ਦਤ੍ਥੇਰੋ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਸਨ੍ਦਕੋ ਪਰਿਬ੍ਬਾਜਕੋ ‘‘ਸੋ ਪਨ ਭੋ ਆਨਨ੍ਦ ਸਤ੍ਥਾ ਕਿਂਵਾਦੀ ਕਿਂ ਅਕ੍ਖਾਯੀ’’ਤਿ ਏਵਮਾਦਿਨਾ ਆਯਸ੍ਮਨ੍ਤਂ ਆਨਨ੍ਦਤ੍ਥੇਰਂ ਪੁਚ੍ਛਿ, ਆਯਸ੍ਮਾ ਚ ਭਨ੍ਤੇ ਆਨਨ੍ਦਤ੍ਥੇਰੋ ‘‘ਇਧ ਸਨ੍ਦਕ ਤਥਾਗਤੋ ਲੋਕੇ ਉਪ੍ਪਜ੍ਜਤਿ ਅਰਹਂ ਸਮ੍ਮਾਸਮ੍ਬੁਦ੍ਧੋ ਵਿਜ੍ਜਾਚਰਣਸਮ੍ਪਨ੍ਨੋ’’ਤਿ ਏਵਮਾਦਿਨਾ ਸਨ੍ਦਕਸ੍ਸ ਪਰਿਬ੍ਬਾਜਕਸ੍ਸ ਵਿਭਜਿਤ੍ਵਾ ਵਿਭਜਿਤ੍ਵਾ ਬ੍ਯਾਕਾਸਿ.

ਪੁਚ੍ਛਾ – ਇਮਞ੍ਚ ¶ ਪਨਾਵੁਸੋ ਧਮ੍ਮਦੇਸਨਂ ਸੁਤ੍ਵਾ ਸਨ੍ਦਕੋ ਪਰਿਬ੍ਬਾਜਕੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਕੀਦਿਸਂ ਪਸਨ੍ਨਾਕਾਰਮਕਾਸਿ.

ਵਿਸ੍ਸਜ੍ਜਨਾ – ਇਮਞ੍ਚ ¶ ਭਨ੍ਤੇ ਧਮ੍ਮਦੇਸਨਂ ਸੁਤ੍ਵਾ ਸਨ੍ਦਕੋ ਪਰਿਬ੍ਬਾਜਕੋ ‘‘ਅਚ੍ਛਰਿਯਂ ਭੋ ਆਨਨ੍ਦ, ਅਬ੍ਭੁਤਂ ਭੋ ਆਨਨ੍ਦ, ਨ ਚ ਨਾਮ ਸਧਮ੍ਮੋਕ੍ਕਂਸਨਾ ਭਵਿਸ੍ਸਤਿ, ਨ ਪਰਧਮ੍ਮਵਮ੍ਭਨਾ, ਆਯਤਨੇ ਚ ਧਮ੍ਮਦੇਸਨਾ, ਤਾਵ ਬਹੁਕਾ ਚ ਨਿਯ੍ਯਾਤਾਰੋ ਪਞ੍ਞਾਯਿਸ੍ਸਨ੍ਤੀ’’ਤਿ ਏਵਮਾਦਿਨਾ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਪਸਨ੍ਨਾਕਾਰਮਕਾਸਿ.

ਪੁਚ੍ਛਾ – ਮਹਾਸਕੁਲੁਦਾਯਿਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਸਕੁਲੁਦਾਯਿਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਸਕੁਲੁਦਾਯੀ ਭਨ੍ਤੇ ਪਰਿਬ੍ਬਾਜਕੋ ਪੁਰਿਮਾਨਿ ਦਿਵਸਾਨਿ ਪੁਰਿਮਤਰਾਨਿ ਕੋਤੂਹਲਸਾਲਾਯਂ ਨਾਨਾਤਿਤ੍ਥਿਯਾਨਂ ਸਮਣਬ੍ਰਾਹ੍ਮਣਾਨਂ ਯਾਵਤਕੋ ਅਹੋਸਿ ਭਗਵਨ੍ਤਞ੍ਚ ਛ ਚ ਸਤ੍ਥਾਰੋ ਆਰਬ੍ਭ ਕਥਾਸਲ੍ਲਾਪੋ, ਤਂ ਸਬ੍ਬਂ ਭਗਵਤੋ ਆਰੋਚੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਸਮਣਮੁਣ੍ਡਿਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਉਗ੍ਗਾਹਮਾਨ ਪਰਿਬ੍ਬਾਜਕਂ ਸਮਣਮੁਣ੍ਡਿਕਾਪੁਤ੍ਤਂ ਆਰਬ੍ਭ ਭਾਸਿਤਂ. ਉਗ੍ਗਾਹਮਾਨੋ ਭਨ੍ਤੇ ਪਰਿਬ੍ਬਾਜਕੋ ਸਮਣਮੁਣ੍ਡਿਕਾਪੁਤ੍ਤੋ ਪਞ੍ਚਕਙ੍ਗਂ ਤਪਤਿਂ ਏਤਦਵੋਚ ‘‘ਚਤੂਹਿ ਖੋ ਅਹਂ ਗਹਪਤਿ ਧਮ੍ਮੇਹਿ ਸਮਨ੍ਨਾਗਤਂ ਪੁਰਿਸਪੁਗ੍ਗਲਂ ਪਞ੍ਞਪੇਮਿ ਸਮ੍ਪਨ੍ਨਕੁਸਲਂ ਪਰਮਕੁਸਲਂ ਉਤ੍ਤਮਪਤ੍ਤਿਪਤ੍ਤਂ ਸਮਣਂ ਅਯੋਜ੍ਝ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਸਕੁਲੁਦਾਯੀਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ¶ ਭਨ੍ਤੇ ਸਕੁਲੁਦਾਯਿਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ, ਸਕੁਲੁਦਾਯੀ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ ‘‘ਯਦਾਹਂ ਭਨ੍ਤੇ ਇਮਂ ਪਰਿਸਂ ਅਨੁਪਸਙ੍ਕਨ੍ਤੋ ਹੋਮਿ, ਅਥਾਯਂ ਪਰਿਸਾ ਅਨੇਕਵਿਹਿਤਂ ਤਿਰਚ੍ਛਾਨਕਥਂ ਕਥੇਨ੍ਤਿ ਨਿਸਿਨ੍ਨਾ ਹੋਤਿ. ਯਦਾ ਚ ਖੋ ਅਹਂ ਭਨ੍ਤੇ ਇਮਂ ਪਰਿਸਂ ਉਪਸਙ੍ਕਮਨ੍ਤੋ ਹੋਮਿ, ਅਥਾਯਂ ਪਰਿਸਾ ਮਮਞ੍ਞੇਵ ਮੁਖਂ ਉਲ੍ਲੋਕੇਨ੍ਤੀ ਨਿਸਿਨ੍ਨਾ ਹੋਤਿ ‘ਯਂ ਨੋ ਸਮਣੋ ਉਦਾਯੀ ਧਮ੍ਮਂ ਭਾਸਿਸ੍ਸਤਿ, ਤਂ ਸੋਸ੍ਸਾਮਾ’ਤਿ, ਯਦਾ ਪਨ ਭਨ੍ਤੇ ਭਗਵਾ ਇਮਂ ਪਰਿਸਂ ਉਪਸਙ੍ਕਨ੍ਤੋ ਹੋਤਿ, ਅਥਾਹਞ੍ਚੇਵ ਅਯਞ੍ਚ ਪਰਿਸਾ ਭਗਵਤੋ ਮੁਖਂ ਉਲ੍ਲੋਕੇਨ੍ਤਾ ਨਿਸਿਨ੍ਨਾ ਹੋਮ ਯਂ ਨੋ ਭਗਵਾ ਧਮ੍ਮਂ ਭਾਸਿਸ੍ਸਤਿ, ਤਂ ਸੋਸ੍ਸਾਮਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਵੇਖਨਸਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਵੇਖਨਸਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ, ਵੇਖਨਸੋ ਭਨ੍ਤੇ ਪਰਿਬ੍ਬਾਜਕੋ ਭਗਵਤੋ ਸਨ੍ਤਿਕੇ ਉਦਾਨਂ ਉਦਾਨੇਸਿ ‘‘ਅਯਂ ਪਰਮੋ ਵਣ੍ਣੋ ਅਯਂ ਪਰਮੋ ਵਣ੍ਣੋ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਘਟਿਕਾਰਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਘਰਵਤ੍ਥੁਪਦੇਸੇ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ਭਾਸਿਤਂ. ਭਗਵਾ ਭਨ੍ਤੇ ਤਸ੍ਮਿਂ ਭੂਮਿਪਦੇਸੇ ਸਿਤਂ ਪਾਤ੍ਵਾਕਾਸਿ, ਆਯਸ੍ਮਾ ਚ ਆਨਨ੍ਦੋ ਭਗਵਨ੍ਤਂ ਏਤਦਵੋਚ ‘‘ਕੋ ਨੁ ਖੋ ਭਨ੍ਤੇ ਹੇਤੁ ਕੋ ਪਚ੍ਚਯੋ ਭਗਵਤੋ ਸਿਤਸ੍ਸ ਪਾਤੁਕਮ੍ਮਾਯ, ਨ ਅਕਾਰਣੇਨ ਤਥਾਗਤਾ ਸਿਤਂ ਪਾਤੁਕਰੋਨ੍ਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਰਟ੍ਠਪਾਲਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਕੁਰੂਸੁ ਭਨ੍ਤੇ ਰਾਜਾਨਂ ਕੋਰਬ੍ਯਂ ਆਰਬ੍ਭ ਆਯਸ੍ਮਤਾ ਰਟ੍ਠਪਾਲਤ੍ਥੇਰੇਨ ਭਾਸਿਤਂ. ਰਾਜਾ ਭਨ੍ਤੇ ਕੋਰਬ੍ਯੋ ਆਯਸ੍ਮਨ੍ਤਂ ਰਟ੍ਠਪਾਲਂ ਏਤਦਵੋਚ ‘‘ਚਤ੍ਤਾਰਿਮਾਨਿ ਭੋ ਰਟ੍ਠਪਾਲ ਪਾਰਿਜੁਞ੍ਞਾਨਿ, ਯੇਹਿ ਪਾਰਿਜੁਞ੍ਞੇਹਿ ਸਮਨ੍ਨਾਗਤਾ ਇਧੇਕਚ੍ਚੇ ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਾਗਾਰਿਯਂ ਪਬ੍ਬਜਨ੍ਤੀ’’ਤਿ ਏਵਮਾਦਿਕਂ ਵਚਨਂ ਅਵੋਚ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ਰਞ੍ਞੋ ਕੋਰਬ੍ਯਸ੍ਸ ਕਥਂ ਪਠਮਂ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਵਿਸ੍ਸਜ੍ਜਨਾ – ਅਥ ਖੋ ਭਨ੍ਤੇ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ‘‘ਤਂ ਕਿਂ ਮਞ੍ਞਸਿ ਮਹਾਰਾਜ ਤ੍ਵਂ ਵੀਸਤਿਵਸ੍ਸੁਦ੍ਦੇਸਿਕੋਪਿ ਪਣ੍ਣਵੀਸਤਿਵਸ੍ਸੁਦ੍ਦੇਸਿਕੋਪਿ ਹਤ੍ਥਿਸ੍ਮਿਮ੍ਪਿ ਕਤਾਵੀ ਅਸ੍ਸਸ੍ਮਿਮ੍ਪਿ ਕਤਾਵੀ ਰਥਸ੍ਮਿਮ੍ਪਿ ਕਤਾਵੀ ਧਨੁਸ੍ਮਿਮ੍ਪਿ ਕਤਾਵੀ ਥਰੁਸ੍ਮਿਮ੍ਪਿ ਕਤਾਵੀ ਊਰੁਬਲੀ ਬਾਹੁਬਲੀ ਅਲਮਤ੍ਤੋ ਸਙ੍ਗਾਮਾਵਚਰੋ’’ਤਿ ਏਵਮਾਦਿਨਾ ਪਠਮਂ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ਰਞ੍ਞੋ ਕੋਰਬ੍ਯਸ੍ਸ ਦੁਤਿਯਮ੍ਪਿ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਵਿਸ੍ਸਜ੍ਜਨਾ – ‘‘ਤਂ ¶ ਕਿਂ ਮਞ੍ਞਸਿ ਮਹਾਰਾਜ, ਅਤ੍ਥਿ ਤੇ ਕੋਚਿ ਅਨੁਸਾਯਿਕੋ ਆਬਾਧੋ’’ਤਿ ਏਵਮਾਦਿਨਾ ਭਨ੍ਤੇ ਆਯਸ੍ਮਾ ਰਟ੍ਠਪਾਲੋ ਰਞ੍ਞੋ ਕੋਰਬ੍ਯਸ੍ਸ ਦੁਤਿਯਂ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ਰਞ੍ਞੋ ਕੋਰਬ੍ਯਸ੍ਸ ਤਤਿਯਮ੍ਪਿ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਵਿਸ੍ਸਜ੍ਜਨਾ – ‘‘ਤਂ ¶ ਕਿਂ ਮਞ੍ਞਸਿ ਮਹਾਰਾਜ, ਯਥਾ ਤ੍ਵਂ ਏਤਰਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸਿ, ਲਚ੍ਛਸਿ ਤ੍ਵਂ ਪਰਤ੍ਥਾਪਿ ਏਵਮੇਵਾਹਂ ਇਮੇਹੇਵ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਮੀ’’ਤਿ ਏਵਮਾਦਿਨਾ ਭਨ੍ਤੇ ਆਯਸ੍ਮਾ ਰਟ੍ਠਪਾਲੋ ਰਞ੍ਞੋ ਕੋਰਬ੍ਯਸ੍ਸ ਤਤਿਯਂ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਪੁਚ੍ਛਾ – ਚਤੁਤ੍ਥਮ੍ਪਿ ¶ ਖੋ ਆਵੁਸੋ ਧਮ੍ਮੁਦ੍ਦੇਸਂ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ਰਞ੍ਞੋ ਕੋਰਬ੍ਯਸ੍ਸ ਕਥਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਵਿਸ੍ਸਜ੍ਜਨਾ – ‘‘ਤਂ ਕਿਂ ਮਞ੍ਞਸਿ ਮਹਾਰਾਜ, ਫੀਤਂ ਕੁਰੁਂ ਅਜ੍ਝਾਵਸਸੀ’’ਤਿ ਏਵਮਾਦਿਨਾ ਭਨ੍ਤੇ ਆਯਸ੍ਮਾ ਰਟ੍ਠਪਾਲਤ੍ਥੇਰੋ ਰਞ੍ਞੋ ਕੋਰਬ੍ਯਸ੍ਸ ਚਤੁਤ੍ਥਂ ਧਮ੍ਮੁਦ੍ਦੇਸਂ ਵਿਤ੍ਥਾਰੇਤ੍ਵਾ ਪਕਾਸੇਸਿ.

ਪੁਚ੍ਛਾ – ਮਘਦੇਵਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਮਿਥਿਲਾਯਂ ਭਨ੍ਤੇ ਮਘਦੇਵਅਮ੍ਬਵਨੇ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ਭਾਸਿਤਂ. ਭਗਵਾ ਭਨ੍ਤੇ ਅਞ੍ਞਤਰਸ੍ਮਿਂ ਪਦੇਸੇ ਸਿਤਂ ਪਾਤ੍ਵਾਕਾਸਿ, ਆਯਸ੍ਮਾ ਆਨਨ੍ਦੋ ਭਗਵਨ੍ਤਂ ਏਤਦਵੋਚ ‘‘ਕੋ ਨੁ ਖੋ ਭਨ੍ਤੇ ਕੋ ਪਚ੍ਚਯੋ ਭਗਵਤੋ ਸਿਤਸ੍ਸ ਪਾਤੁਕਮ੍ਮਾਯ, ਨ ਅਕਾਰਣੇਨ ਤਥਾਗਤਾ ਸਿਤਂ ਪਾਤੁਕਰੋਨ੍ਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਮਧੁਰਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਮਧੁਰਾਯਂ ਭਨ੍ਤੇ ਰਾਜਾਨਂ ਮਾਧੁਰਂ ਅਵਨ੍ਤਿਪੁਤ੍ਤਂ ਆਰਬ੍ਭ ਆਯਸ੍ਮਤਾ ਮਹਾਕਚ੍ਚਾਨਤ੍ਥੇਰੇਨ ਭਾਸਿਤਂ, ਰਾਜਾ ਭਨ੍ਤੇ ਮਾਧੁਰੋ ਅਵਨ੍ਤਿਪੁਤ੍ਤੋ ਆਯਸ੍ਮਨ੍ਤਂ ਮਹਾਕਚ੍ਚਾਨਂ ਏਤਦਵੋਚ ‘‘ਬ੍ਰਹ੍ਮਣਾ ਭੋ ਕਚ੍ਚਾਨ ਏਵਮਾਹਂਸੁ ਬ੍ਰਾਹ੍ਮਣੋਵ ਸੇਟ੍ਠੋ ਵਣ੍ਣੋ, ਹੀਨੋ ਅਞ੍ਞੋ ਵਣ੍ਣੋ. ਬ੍ਰਾਹ੍ਮਣੋਵ ਸੁਕ੍ਕੋ ਵਣ੍ਣੋ, ਕਣ੍ਹੋ ਅਞ੍ਞੋ ਵਣ੍ਣੋ. ਬ੍ਰਾਹ੍ਮਣਾਵ ਸੁਜ੍ਝਨ੍ਤਿ ¶ , ਨੋ ਅਬ੍ਰਾਹ੍ਮਣਾ. ਬ੍ਰਾਹ੍ਮਣਾਵ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾਤਿ. ਇਧ ਭਵਂ ਕਚ੍ਚਾਨੋ ਕਿਮਕ੍ਖਾਯੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਬੋਧਿਰਾਜਕੁਮਾਰਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਭਗ੍ਗੇਸੁ ਭਨ੍ਤੇ ਸੁਸੁਮਾਰਗਿਰੇ ਬੋਧਿਂ ਰਾਜਕੁਮਾਰਂ ਆਰਬ੍ਭ ਭਾਸਿਤਂ. ਬੋਧਿ ਭਨ੍ਤੇ ਰਾਜਕੁਮਾਰੋ ਭਗਵਨ੍ਤਂ ਏਤਦਵੋਚ ‘‘ਮਯਂ ਖੋ ਭਨ੍ਤੇ ਏਵਂ ਹੋਤਿ. ਨ ਖੋ ਸੁਖੇਨ ਸੁਖਂ ਅਧਿਗਨ੍ਤਬ੍ਬਂ, ਦੁਕ੍ਖੇਨ ਖੋ ਸੁਖਂ ਅਧਿਗਨ੍ਤਬ੍ਬ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਵਂ ¶ ਵੁਤ੍ਤੇ ਖੋ ਆਵੁਸੋ ਬੋਧਿ ਰਾਜਕੁਮਾਰੋ ਭਗਵਨ੍ਤਂ ਕਥਂ ਪੁਚ੍ਛਿ, ਕਥਞ੍ਚਸ੍ਸ ਭਗਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਏਵਂ ਵੁਤ੍ਤੇ ਭਨ੍ਤੇ ਬੋਧਿਰਾਜਕੁਮਾਰੋ ਭਗਵਨ੍ਤਂ ਏਤਦਵੋਚ ‘‘ਕੀਵ ਚਿਰੇਨ ਨੁ ਖੋ ਭਨ੍ਤੇ ਭਿਕ੍ਖੁ ਤਥਾਗਤਂ ਵਿਨਾਯਕਂ ਲਭਮਾਨੋ ਯਸ੍ਸਤ੍ਥਾਯ ਕੁਲਪੁਤ੍ਤਾ ਸਮ੍ਮਦੇਵ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਨ੍ਤਿ, ਤਦਨੁਤ੍ਤਰਂ ਬ੍ਰਹ੍ਮਚਰਿਯਪਰਿਯੋਸਾਨਂ ਦਿਟ੍ਠੇਵ ਧਮ੍ਮੇ ਸਯਂ ਅਭਿਞ੍ਞਾ ਸਚ੍ਛਿਕਤ੍ਵਾ ਉਪਸਮ੍ਪਜ੍ਜ ਵਿਹਰੇਯ੍ਯਾ’’ਤਿ, ਭਗਵਾ ਚ ਭਨ੍ਤੇ ‘‘ਤੇਨ ਹਿ ਰਾਜਕੁਮਾਰ ਤਂਯੇਵੇਤ੍ਥ ਪਟਿਪੁਚ੍ਛਿਸ੍ਸਾਮਿ, ਯਥਾ ਤੇ ਖਮੇਯ੍ਯ, ਤਥਾ ਨਂ ਬ੍ਯਾਕਰੇਯ੍ਯਾਸੀ’’ਤਿ, ਏਵਮਾਦਿਨਾ ਵਿਭਜਿਤ੍ਵਾ ਬ੍ਯਾਕਾਸਿ.

ਪੁਚ੍ਛਾ – ਇਮਞ੍ਚ ¶ ਪਨਾਵੁਸੋ ਧਮ੍ਮਦੇਸਨਂ ਸੁਤ੍ਵਾ ਬੋਧਿਰਾਜਕੁਮਾਰੋ ਇਮਿਸ੍ਸਂ ਧਮ੍ਮਦੇਸਨਾਯਂ ਪਸਨ੍ਨੋ ਕੀਦਿਸਂ ਪਸਨ੍ਨਾਕਾਰਮਕਾਸਿ.

ਵਿਸ੍ਸਜ੍ਜਨਾ – ਇਮਞ੍ਚ ਪਨ ਭਨ੍ਤੇ ਧਮ੍ਮਦੇਸਨਂ ਸੁਤ੍ਵਾ ਬੋਧਿਰਾਜਕੁਮਾਰੋ ‘‘ਅਹੋ ਬੁਦ੍ਧੋ ਅਹੋ ਧਮ੍ਮੋ ਅਹੋ ਧਮ੍ਮਸ੍ਸ ਸ੍ਵਾਕ੍ਖਾਤਤਾ, ਯਤ੍ਰ ਹਿ ਨਾਮ ਸਾਯਮਨੁਸਿਟ੍ਠੋ, ਪਾਤੋ ਵਿਸੇਸਂ ਅਧਿਗਮਿਸ੍ਸਤਿ, ਪਾਤਮਨੁਸਿਟ੍ਠੋ ਸਾਯਂ ਵਿਸੇਸਂ ਅਧਿਗਮਿਸ੍ਸਤੀ’’ਤਿ ਏਵਮਾਦਿਨਾ ਇਮਿਸ੍ਸਂ ਧਮ੍ਮਦੇਸਨਾਯਂ ਪਸਨ੍ਨੋ ਪਸਨ੍ਨਾਕਾਰਮਕਾਸਿ.

ਪੁਚ੍ਛਾ – ਅਙ੍ਗੁਲਿਮਾਲਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਅਙ੍ਗੁਲਿਮਾਲਤ੍ਥੇਰਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਅਙ੍ਗੁਲਿਮਾਲਤ੍ਥੇਰੋ ਭਗਵਨ੍ਤਂ ਏਤਦਵੋਚ ‘‘ਇਧਾਹਂ ਭਨ੍ਤੇ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਸਾਵਤ੍ਥਿਂ ਪਿਣ੍ਡਾਯ ਪਾਵਿਸਿਂ, ਅਦ੍ਦਸਂ ਖੋ ਅਹਂ ਭਨ੍ਤੇ ਸਾਵਤ੍ਥਿਯਂ ਸਪਦਾਨਂ ਪਿਣ੍ਡਾਯ ਚਰਮਾਨੋ ਅਞ੍ਞਤਰਂ ਇਤ੍ਥਿਂ ਮੂਲ਼੍ਹਗਬ੍ਭਂ ਵਿਘਾਤਗਬ੍ਭਂ ਦਿਸ੍ਵਾਨ ਮਯ੍ਹਂ ਏਤਦਹੋਸਿ ‘‘ਕਿਲਿਸ੍ਸਨ੍ਤਿ ਵਤ ਭੋ ਸਤ੍ਤਾ, ਕਿਲਿਸ੍ਸਨ੍ਤਿ ਵਤ ਭੋ ਸਤ੍ਤਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਪਿਯਜਾਤਿਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਗਹਪਤਿਂ ਆਰਬ੍ਭ ਭਾਸਿਤਂ, ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਸ੍ਸ ਗਹਪਤਿਸ੍ਸ ਏਕਪੁਤ੍ਤਕੋ ਪਿਯੋ ਮਨਾਪੋ ਕਾਲਙ੍ਕਤੋ ਹੋਤਿ, ਤਸ੍ਸ ਕਾਲਂ ਕਿਰਿਯਾਯ ਨੇਵ ਕਮ੍ਮਨ੍ਤਾ ਪਟਿਭਨ੍ਤਿ, ਨ ਭਤ੍ਤਂ ਪਟਿਭਾਤਿ, ਸੋ ਆਲ਼ਾਹਨਂ ਗਨ੍ਤ੍ਵਾ ਕਨ੍ਦਤਿ ‘‘ਕਹਂ ਏਕਪੁਤ੍ਤਕ ਕਹਂ ਏਕਪੁਤ੍ਤਕਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਬਾਹਿਤਿਕ ¶ ਸੁਤ੍ਤਂ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਰਾਜਾਨਂ ਪਸੇਨਦਿਂ ਕੋਸਲਂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ. ਰਾਜਾ ਭਨ੍ਤੇ ਪਸੇਨਦਿ ਕੋਸਲੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ ‘‘ਕਿਂ ਨੁ ਖੋ ਭਨ੍ਤੇ ਆਨਨ੍ਦ ਸੋਭਗਵਾ ਤਥਾਰੂਪਂ ਕਾਯਸਮਾਚਾਰਂ ਸਮਾਚਰੇਯ੍ਯ, ਯ੍ਵਸ੍ਸ ਕਾਯਸਮਾਚਾਰੋ ਓਪਾਰਮ੍ਭੋ ਸਮਣੇਹਿ ਬ੍ਰਾਹ੍ਮਣੇਹੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਧਮ੍ਮਚੇਤਿਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਮੇਦਾਲ਼ੁਪੇ ਨਾਮ ਸਕ੍ਯਾਨਂ ਨਿਗਮੇ ਰਞ੍ਞਾ ਪਸੇਨਦਿਨਾ ਕੋਸਲੇਨ ਸਦ੍ਧਿਂ ਭਾਸਿਤਂ.

ਪੁਚ੍ਛਾ – ਕਣ੍ਣਕਤ੍ਥਲਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਉਰੁਞ੍ਞਾਯਂ ਭਨ੍ਤੇ ਕਣ੍ਣਕਤ੍ਥਲੇ ਮਿਗਦਾਯੇ ਰਞ੍ਞਾ ਪਸੇਨਦਿਨਾ ਕੋਸਲੇਨ ਸਦ੍ਧਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਬ੍ਰਹ੍ਮਾਯੁਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵਿਦੇਹੇਸੁ ¶ ਭਨ੍ਤੇ ਮਿਥਿਲਾਯਂ ਮਘਦੇਵਅਮ੍ਬਵਨੇ ਬ੍ਰਹ੍ਮਾਯੁਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਬ੍ਰਹ੍ਮਾਯੁ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਅਟ੍ਠਪਞ੍ਹਾਨਿ ਪੁਚ੍ਛਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤਤ੍ਥ ¶ ਆਵੁਸੋ ਉਤ੍ਤਰੋ ਮਾਣਵੋ ਕਥਂ ਭਗਵਤੋ ਦ੍ਵਤ੍ਤਿਂਸਮਹਾਪੁਰਿਸਲਕ੍ਖਣੇਹਿ ਸਮਨ੍ਨਾਗਤਤਂ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਉਤ੍ਤਰੋ ਮਾਣਵੋ ‘‘ਸੁਪ੍ਪਤਿਟ੍ਠਿਤਪਾਦੋ ਖੋ ਪਨ ਸੋ ਭਵਂ ਗੋਤਮੋ, ਇਦਮ੍ਪਿ ਤਸ੍ਸ ਭੋਤੋ ਗੋਤਮਸ੍ਸ ਮਹਾਪੁਰਿਸਸ੍ਸ ਮਹਾਪੁਰਿਸਲਕ੍ਖਣਂ ਭਵਤੀ’’ਤਿ ਏਵਮਾਦਿਨਾ ਭਗਵਤੋ ਦ੍ਵਤ੍ਤਿਂਸਮਹਾਪੁਰਿਸਲਕ੍ਖਣੇਹਿ ਸਮਨ੍ਨਾਗਤਤਂ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਅਪਰਮ੍ਪਿ ¶ ਆਵੁਸੋ ਉਤ੍ਤਰੋ ਮਾਣਵੋ ਭਗਵਤੋ ਗਮਨਕਾਲੇ ਕੀਦਿਸਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਅਪਰਮ੍ਪਿ ਭਨ੍ਤੇ ਉਤ੍ਤਰੋ ਮਾਣਵੋ ਭਗਵਤੋ ਗਮਨਕਾਲੇ ਪਠਮਂ ਦਕ੍ਖਿਣਂ ਪਾਦੁਦ੍ਧਰਣਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਅਪਰਮ੍ਪਿ ¶ ਆਵੁਸੋ ਉਤ੍ਤਰੋ ਮਾਣਵੋ ਭਗਵਤੋ ਅਨ੍ਤਰਘਰਂ ਪਵਿਸਨਕਾਲੇ ਕੀਦਿਸਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਅਪਰਮ੍ਪਿ ਭਨ੍ਤੇ ਉਤ੍ਤਰੋ ਮਾਣਵੋ ਭਗਵਤੋ ਅਨ੍ਤਰਘਰਂ ਪਵਿਸਨਕਾਲੇ ਨ ਕਾਯਸ੍ਸ ਉਨ੍ਨਮਨਾਦਿਕਂ ਪਾਸਾਦਿਕਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਅਪਰਮ੍ਪਿ ¶ ਆਵੁਸੋ ਉਤ੍ਤਰੋ ਮਾਣਵੋ ਭਗਵਤੋ ਭੋਜਨਕਾਲੇ ਕੀਦਿਸਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਅਪਰਮ੍ਪਿ ਭਨ੍ਤੇ ਉਤ੍ਤਰੋ ਮਾਣਵੋ ਭਗਵਤੋ ਭੋਜਨਕਾਲੇ ਪਤ੍ਤੋਦਕਾਦਿਕਂ ਪਟਿਗ੍ਗਹਣਾਦਿਕਾਲੇ ਨ ਪਤ੍ਤਸ੍ਸ ਉਨ੍ਨਮਨਾਦਿਕਂ ਭਗਵਤੋ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਅਪਰਮ੍ਪਿ ¶ ਆਵੁਸੋ ਉਤ੍ਤਰੋ ਮਾਣਵੋ ਭਗਵਤੋ ਭੁਤ੍ਤਾਵਿਕਾਲੇ ਕੀਦਿਸਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਅਪਰਮ੍ਪਿ ਭਨ੍ਤੇ ਉਤ੍ਤਰੋ ਮਾਣਵੋ ਭਗਵਤੋ ਭੁਤ੍ਤਾਵਿਕਾਲੇ ਪਤ੍ਤੋਦਨਾਦਿਕਂ ਪਟਿਗ੍ਗਣ੍ਹਾਦਿਕਾਲੇ ਨ ਪਤ੍ਤਸ੍ਸ ਉਨ੍ਨਮਨਾਦਿਕਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਅਪਰਮ੍ਪਿ ¶ ਆਵੁਸੋ ਉਤ੍ਤਰੋ ਮਾਣਵੋ ਭਗਵਤੋ ਚੀਵਰਧਾਰਣੇ ਚ ਆਰਾਮਗਤਕਾਲੇ ਚ ਧਮ੍ਮਦੇਸਨਾਕਾਲੇ ਚ ਸਬ੍ਬਇਰਿਯਾਪਥੇਸੁ ਚ ਕੀਦਿਸਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਵਿਸ੍ਸਜ੍ਜਨਾ – ਅਪਰਮ੍ਪਿ ¶ ਭਨ੍ਤੇ ਉਤ੍ਤਰੋ ਮਾਣਵੋ ਭਗਵਤੋ ਚੀਵਰਧਾਰਣਕਾਲੇ ਚ ਆਰਾਮਗਤਕਾਲੇ ਚ ਸਬ੍ਬੇਸੁ ਚ ਇਰਿਯਾਪਥੇਸੁ ਨ ਅਚ੍ਚੁਕ੍ਕਟ੍ਠਾਦਿਕਂ ਪਾਸਾਦਿਕਂ ਆਕਾਰਂ ਦਿਸ੍ਵਾ ਚ ਸਲ੍ਲਕ੍ਖੇਤ੍ਵਾ ਚ ਅਤ੍ਤਨੋ ਆਚਰਿਯਸ੍ਸ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਸਮ੍ਪਟਿਵੇਦੇਸਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਬ੍ਰਹ੍ਮਾਯੁ ਬ੍ਰਹ੍ਮਣੋ ਭਗਵਨ੍ਤਂ ਪੁਚ੍ਛਿ, ਕਥਞ੍ਚਸ੍ਸ ਭਗਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ‘‘ਕਥਂ ਖੋ ਬ੍ਰਾਹ੍ਮਣੋ ਹੋਤਿ, ਕਥਂ ਭਵਤਿ ਵੇਦਗੂ. ਤੇਵਿਜ੍ਜੋ ਭੋ ਕਥਂ ਹੋਤਿ, ਸੋਤ੍ਤਿਯੋ ਕਿਨ੍ਤਿ ਵੁਚ੍ਚਤਿ. ਅਰਹਂ ਭੋ ਕਥਂ ਹੋਤਿ, ਕਥਂ ਭਵਤਿ ਕੇਵਲੀ. ਮੁਨਿ ਚ ਭੋ ਕਥਂ ਹੋਤਿ, ਬੁਦ੍ਧੋ ਕਿਨ੍ਤਿ ਪਵੁਚ੍ਚਤੀ’’ਤਿ – ਏਵਂ ਖੋ ਭਨ੍ਤੇ ਬ੍ਰਹ੍ਮਾਯੁ ਬ੍ਰਾਹ੍ਮਣੋ ਭਗਵਨ੍ਤਂ ਪਞ੍ਹਂ ਅਪੁਚ੍ਛਿ. ਭਗਵਾ ਭਨ੍ਤੇ–

‘‘ਪੁਬ੍ਬੇਨਿਵਾਸਂ ਯੋ ਵੇਦਿ, ਸਗ੍ਗਾਪਾਯਞ੍ਚ ਪਸ੍ਸਤਿ;

ਅਥੋ ਜਾਤਿਕ੍ਖਯਂ ਪਤ੍ਤੋ, ਅਭਿਞ੍ਞਾਵੋਸਿਤੋ ਮੁਨਿ;

ਚਿਤ੍ਤਂ ਵਿਸੁਦ੍ਧਂ ਜਾਨਾਤਿ, ਮੁਤ੍ਤਂ ਰਾਗੇਹਿ ਸਬ੍ਬਸੋ;

ਪਹੀਨਜਾਤਿਮਰਣੋ, ਬ੍ਰਹ੍ਮਚਰਿਯਸ੍ਸ ਕੇਵਲੀ;

ਪਾਰਗੂ ਸਬ੍ਬਧਮ੍ਮਾਨਂ, ਬੁਦ੍ਧੋ ਤਾਦੀ ਪਵੁਚ੍ਚਤੀ’’ਤਿ –

ਏਵਂ ਖੋ ਭਨ੍ਤੇ ਭਗਵਾ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਵਿਭਜਿਤ੍ਵਾ ਬ੍ਯਾਕਾਸਿ.

ਪੁਚ੍ਛਾ – ਇਮਞ੍ਚ ¶ ਪਨਾਵੁਸੋ ਭਗਵਤੋ ਬ੍ਯਾਕਰਣਂ ਸੁਤ੍ਵਾ ਬ੍ਰਹ੍ਮਾਯੁ ਬ੍ਰਾਹ੍ਮਣੋ ਭਗਵਤਿ ਕੀਦਿਸਂ ਨਿਪਚ੍ਚਕਾਰਂ ਅਕਾਸਿ, ਕਥਞ੍ਚਸ੍ਸ ਭਗਵਾ ਪੁਨਪਿ ਅਨੁਪੁਬ੍ਬਿਂ ਧਮ੍ਮਕਥਂ ਕਥੇਸਿ.

ਵਿਸ੍ਸਜ੍ਜਨਾ – ਇਮਞ੍ਚ ¶ ਪਨ ਭਨ੍ਤੇ ਭਗਵਤੋ ਬ੍ਯਾਕਰਣਂ ਸੁਤ੍ਵਾ ਬ੍ਰਹ੍ਮਾਯੁ ਬ੍ਰਾਹ੍ਮਣੋ ਉਟ੍ਠਾਯਾਸਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਭਗਵਤੋ ਪਾਦੇਸੁ ਸਿਰਸਾ ਨਿਪਤਿਤ੍ਵਾ ਭਗਵਤੋ ਪਾਦਾਨਿ ਮੁਖੇਨ ਚ ਪਰਿਚੁਮ੍ਬਤਿ, ਪਾਣੀਹਿ ਚ ਪਰਿਸਮ੍ਬਾਹਤਿ, ਨਾਮਞ੍ਚ ਸਾਵੇਤਿ ‘‘ਬ੍ਰਹ੍ਮਾਯੁ ਅਹਂ ਭੋ ਗੋਤਮ ਬ੍ਰਾਹ੍ਮਣੋ, ਬ੍ਰਹ੍ਮਾਯੁ ਅਹਂ ਭੋ ਗੋਤਮ ਬ੍ਰਾਹ੍ਮਣੋ’’ਤਿ, ਏਵਂ ਪਰਮਨਿਪਚ੍ਚਕਾਰਂ ਅਕਾਸਿ, ਭਗਵਾ ਚ ਭਨ੍ਤੇ ਦਾਨਕਥਂ ਸੀਲਕਥਂ ਸਗ੍ਗਕਥਂ ਕਾਮਾਨਂ ਆਦੀਨਵਂ ਓਕਾਰਂ ਸਂਕਿਲੇਸਂ ਨੇਕ੍ਖਮ੍ਮੇ ਆਨਿਸਂਸਂ ਪਕਾਸੇਸਿ, ਏਵਂ ਖੋ ਭਨ੍ਤੇ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਭਗਵਾ ਅਨੁਪੁਬ੍ਬਿਂ ਕਥਂ ਕਥੇਸਿ.

ਪੁਚ੍ਛਾ – ਇਮਞ੍ਚ ¶ ਪਨਾਵੁਸੋ ਦਮ੍ਮਦੇਸਨਂ ਸੁਤ੍ਵਾ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਕੀਦਿਸੋ ਧਮ੍ਮਾਭਿਸਮਯੋ ਅਹੋਸਿ.

ਵਿਸ੍ਸਜ੍ਜਨਾ – ਇਮਞ੍ਚ ¶ ਪਨ ਭਨ੍ਤੇ ਧਮ੍ਮਦੇਸਨਂ ਸੁਤ੍ਵਾ ਬ੍ਰਹ੍ਮਾਯੁਸ੍ਸ ਬ੍ਰਾਹ੍ਮਣਸ੍ਸ ਤਸ੍ਮਿਂਯੇਵ ਆਸਨੇ ਵਿਰਜਂ ਵੀਤਮਲਂ ਧਮ੍ਮਚਕ੍ਖੁਂ ਉਦਪਾਦਿ ‘‘ਯਂਕਿਞ੍ਚਿ ਸਮੁਦਯਧਮ੍ਮਂ ਸਬ੍ਬਂ ਤਂ ਨਿਰੋਧਧਮ੍ਮ’’ਨ੍ਤਿ.

ਪੁਚ੍ਛਾ – ਸੇਲਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਙ੍ਗੁਤ੍ਤਰਾਪੇਸੁ ਭਨ੍ਤੇ ਆਪਣੇ ਨਾਮ ਅਙ੍ਗੁਤ੍ਤਰਾਪਾਨਂ ਨਿਗਮੇਸੇਲਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਸੇਲੋ ਭਨ੍ਤੇ ਬ੍ਰਾਹ੍ਮਣੋ ਸਪਰਿਸੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਸਮ੍ਮੁਖਾ ਸਾਰੁਪ੍ਪਾਹਿ ਗਾਥਾਹਿ ਅਭਿਤ੍ਥਵਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪਰਿਪੁਣ੍ਣਕਾਯੋ ¶ ਸੁਰੁਚਿ, ਸੁਜਾਤੋ ਚਾਰੁਦਸ੍ਸਨੋ;

ਸੁਵਣ੍ਣਵਣ੍ਣੋਸਿ ਭਗਵਾ, ਸੁਸੁਕ੍ਕਦਾਠੋਸਿ ਵੀਰਿਯਵਾ;

ਨਰਸ੍ਸ ਹਿ ਸੁਜਾਤਸ੍ਸ, ਯੇ ਭਵਨ੍ਤਿ ਵਿਯਞ੍ਚਨਾ;

ਸਬ੍ਬੇ ਤੇ ਤਵ ਕਾਯਸ੍ਮਿਂ, ਮਹਾਪੁਰਿਸਲਕ੍ਖਣਾ.

ਪੁਚ੍ਛਾ – ਅਸ੍ਸਲਾਯਨਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਸ੍ਸਲਾਯਨਂ ਮਾਣਵਂ ਆਰਬ੍ਭ ਭਾਸਿਤਂ, ਅਸ੍ਸਲਾਯਨੋ ਭਨ੍ਤੇ ਮਾਣਵੋ ਮਹਤਾ ਬ੍ਰਾਹ੍ਮਣਗਣੇਨ ਸਦ੍ਧਿਂ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਬ੍ਰਾਹ੍ਮਣਾ ਭੋ ਗੋਤਮ ਏਵਮਾਹਂਸੁ ‘ਬ੍ਰਾਹ੍ਮਣੋਵ ਸੇਟ੍ਠੋ ਵਣ੍ਣੋ, ਹੀਨੋ ਅਞ੍ਞੋ ਵਣ੍ਣੋ. ਬ੍ਰਾਹ੍ਮਣੋਵ ਸੁਕ੍ਕੋ ਵਣ੍ਣੋ, ਕਣ੍ਹੋ ¶ ਅਞ੍ਞੋ ਵਣ੍ਣੋ. ਬ੍ਰਾਹ੍ਮਣਾਵ ਸੁਜ੍ਝਨ੍ਤਿ, ਨੋ ਅਬ੍ਰਾਹ੍ਮਣਾ. ਬ੍ਰਾਹ੍ਮਣਾਵ ਬ੍ਰਹ੍ਮੁਨੋ ਪੁਤ੍ਤਾ ਓਰਸਾ ਮੁਖਤੋ ਜਾਤਾ ਬ੍ਰਹ੍ਮਜਾ ਬ੍ਰਹ੍ਮਨਿਮ੍ਮਿਤਾ ਬ੍ਰਹ੍ਮਦਾਯਾਦਾ’ਤਿ, ਇਧ ਭਵਂ ਗੋਤਮੋ ਕਿਮਾਹਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਘੋਟਮੁਖਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਬਾਰਾਣਸਿਯਂ ਭਨ੍ਤੇ ਖੇਮਿਯਮ੍ਬਵਨੇ ਘੋਟਮੁਖਂ ਬ੍ਰਾਹ੍ਮਣਂ ਆਰਬ੍ਭ ਆਯਸ੍ਮਤਾ ਉਦੇਨੇਨ ਭਾਸਿਤਂ. ਘੋਟਮੁਖੋ ਭਨ੍ਤੇ ਬ੍ਰਾਹ੍ਮਣੋ ਆਯਸ੍ਮਨ੍ਤਂ ਉਦੇਨਂ ਚਙ੍ਕਮਨ੍ਤਂ ਅਨੁਚਙ੍ਕਮਮਾਨੋ ਏਵਮਾਹ ‘‘ਅਮ੍ਭੋ ਸਮਣ ਨਤ੍ਥਿ ਧਮ੍ਮਿਕੋ ਪਰਿਬ੍ਬਜੋ, ਏਵਂ ਮੇ ਏਤ੍ਥ ਹੋਤਿ, ਤਞ੍ਚ ਖੋ ਭਵਨ੍ਤਰੂਪਾਨਂ ਵਾ ਅਦਸ੍ਸਨਾ, ਯੋ ਵਾ ਪਨੇਤ੍ਥ ਧਮ੍ਮਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਚਙ੍ਕੀਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਓਪਾਸਾਦੇ ਨਾਮ ਕੋਸਲਾਨਂ ਨਿਗਮੇ ਕਾਪਟਿਕਂ ਮਾਣਵਂ ਆਰਬ੍ਭ ਭਾਸਿਤਂ, ਕਾਪਟਿਕੋ ਭਨ੍ਤੇ ਮਾਣਵੋ ਭਗਵਨ੍ਤਂ ਏਤਦਵੋਚ ‘‘ਯਦਿਦਂ ਭੋ ਗੋਤਮ ਬ੍ਰਾਹ੍ਮਣਾਨਂ ਪੋਰਾਣਂ ਮਨ੍ਤਪਦਂ ਇਤਿਹਿਤਿਹਪਰਮ੍ਪਰਾਯ ਪਿਟਕਸਮ੍ਪਦਾਯ, ਤਤ੍ਥ ਚ ਬ੍ਰਾਹ੍ਮਣਾ ਏਕਂਸੇਨ ਨਿਟ੍ਠਂ ਗਚ੍ਛਨ੍ਤਿ ‘ਇਦਮੇਵ ਸਚ੍ਚਂ ਮੋਘਮਞ੍ਞ’ਨ੍ਤਿ, ਇਧ ਭਵਂ ਗੋਤਮੋ ਕਿਮਾਹਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਸੁਕਾਰੀਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਏਸੁਕਾਰਿਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ, ਏਸੁਕਾਰੀ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਬ੍ਰਾਹ੍ਮਣਾ ਭੋ ਗੋਤਮ ਚਤਸ੍ਸੋ ਪਾਰਿਚਰਿਯਾ ਪਞ੍ਞਪੇਨ੍ਤਿ, ਬ੍ਰਾਹ੍ਮਣਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, ਖਤ੍ਤਿਯਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, ਵੇਸ੍ਸਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤਿ, ਸੁਦ੍ਦਸ੍ਸ ਪਾਰਿਚਰਿਯਂ ਪਞ੍ਞਪੇਨ੍ਤੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਧਨਞ੍ਜਾਨਿਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਧਨਞ੍ਜਾਨਿਂ ਬ੍ਰਾਹ੍ਮਣਂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ, ਧਨਞ੍ਜਾਨਿ ਭਨ੍ਤੇ ਬ੍ਰਾਹ੍ਮਣੋ ਪਮਾਦਵਿਹਾਰਂ ਵਿਹਾਸਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਥ ¶ ਖੋ ਆਵੁਸੋ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਕਥਂ ਧਨਞ੍ਜਾਨਿਂ ਬ੍ਰਾਹ੍ਮਣਂ ਪੁਚ੍ਛਿ, ਕਥਞ੍ਚ ਸੋ ਆਯਸ੍ਮਤੋ ਸਾਰਿਪੁਤ੍ਤਤ੍ਥੇਰਸ੍ਸ ਧਮ੍ਮਸੇਨਾਪਤਿਸ੍ਸ ਆਰੋਚੇਸਿ.

ਵਿਸ੍ਸਜ੍ਜਨਾ – ‘‘ਕਚ੍ਚਾਸਿ ਧਨਞ੍ਜਾਨਿ ਅਪ੍ਪਮਤ੍ਤੋ’’ਤਿ, ਏਵਂ ਖੋ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਧਨਞ੍ਜਾਨਿਂ ਬ੍ਰਾਹ੍ਮਣਂ ਪੁਚ੍ਛਿ, ਧਨਞ੍ਜਾਨਿ ਚ ਭਨ੍ਤੇ ਬ੍ਰਾਹ੍ਮਣੋ ‘‘ਕੁਤੋ ਭੋ ਸਾਰਿਪੁਤ੍ਤ ਅਮ੍ਹਾਕਂ ਅਪ੍ਪਮਾਦੋ, ਯੇਸਂ ਨੋ ਮਾਤਾਪਿਤਰੋ ਪੋਸੇਤਬ੍ਬਾ’’ਤਿ, ਏਵਮਾਦਿਨਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਧਮ੍ਮਸੇਨਾਪਤਿਸ੍ਸ ਆਰੋਚੇਸਿ.

ਪੁਚ੍ਛਾ – ਏਵਂ ¶ ਵੁਤ੍ਤੇ ਖੋ ਆਵੁਸੋ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਕੀਦਿਸਂ ਧਮ੍ਮਕਥਂ ਕਥੇਸਿ.

ਵਿਸ੍ਸਜ੍ਜਨਾ – ਏਵਂ ਵੁਤ੍ਤੇ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ‘‘ਤਂ ਕਿਂ ਮਞ੍ਞਸਿ ਧਨਞ੍ਜਾਨਿ, ਇਧੇਕਚ੍ਚੋ ਮਾਤਾਪਿਤੂਨਂ ਹੇਤੁ ਅਧਮ੍ਮਚਾਰੀ ਵਿਸਮਚਾਰੀ ਅਸ੍ਸ, ਤਮੇਨਂ ਅਧਮ੍ਮਚਰਿਯਾ ਵਿਸਮਚਰਿਯਾਹੇਤੁ ਨਿਰਯਂ ਨਿਰਯਪਾਲਾ ਉਪਕਡ੍ਢੇਯ੍ਯੁ’’ਨ੍ਤਿ, ਏਵਮਾਦਿਨਾ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਧਮ੍ਮਕਥਂ ਕਥੇਸਿ.

ਪੁਚ੍ਛਾ – ਪੁਨ ¶ ਪਿ ਆਵੁਸੋ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਕਥਂ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਅਪਰੇਨਪਿ ਪਰਿਯਾਯੇਨ ਅਨੁਸਾਸਨਿਂ ਅਦਾਸਿ.

ਵਿਸ੍ਸਜ੍ਜਨਾ – ਪੁਨਪਿ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ‘‘ਤਂ ਕਿਂ ਮਞ੍ਞਸਿ ਧਨਞ੍ਜਾਨਿ, ਯੋ ਵਾ ਮਾਤਾਪਿਤੂਨਂ ਹੇਤੁ ਅਧਮ੍ਮਚਾਰੀ ਵਿਸਮਚਾਰੀ ਅਸ੍ਸ, ਯੋ ਵਾ ਮਾਤਾਪਿਤੂਨਂ ਹੇਤੁ ਧਮ੍ਮਚਾਰੀ ਸਮਚਾਰੀ ਅਸ੍ਸ, ਕਤਮਂ ਸੇਯ੍ਯੋ’’ਤਿ, ਏਵਮਾਦਿਨਾ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਅਪਰੇਨਪਿ ਪਰਿਯਾਯੇਨ ਓਵਾਦਮਦਾਸਿ.

ਪੁਚ੍ਛਾ – ਅਪਰਭਾਗੇ ¶ ਪਿ ਆਵੁਸੋ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਕਥਂ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਮਰਣਸਮਯੇ ਧਮ੍ਮਕਥਂ ਕਥੇਸਿ, ਕਥਞ੍ਚਸ੍ਸ ਅਭਿਸਮ੍ਪਰਾਯੋ ਅਹੋਸਿ.

ਵਿਸ੍ਸਜ੍ਜਨਾ – ਅਪਰਭਾਗੇ ¶ ਪਿ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਧਨਞ੍ਜਾਨਿਸ੍ਸ ਬ੍ਰਾਹ੍ਮਣਸ੍ਸ ਮਰਣਸਮਯੇਪਿ ਚਤ੍ਤਾਰੋ ਬ੍ਰਹ੍ਮਵਿਹਾਰੇ ਦੇਸੇਸਿ, ਧਨਞ੍ਜਾਨਿ ਚ ਭਨ੍ਤੇ ਬ੍ਰਾਹ੍ਮਣੋ ਕਾਯਸ੍ਸ ਭੇਦਾ ਪਰਂ ਮਰਣਾ ਬ੍ਰਹ੍ਮਲੋਕੂਪਗੋ ਅਹੋਸਿ.

ਪੁਚ੍ਛਾ – ਵਾਸੇਟ੍ਠਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਇਚ੍ਛਾਨਙ੍ਗਲੇ ਭਨ੍ਤੇ ਵਾਸੇਟ੍ਠਂ ਮਾਣਵਂ ਆਰਬ੍ਭ ਭਾਸਿਤਂ. ਵਾਸੇਟ੍ਠੋ ਭਨ੍ਤੇ ਮਾਣਵੋ ਭਗਵਨ੍ਤਂ ਗਾਥਾਹਿ ਅਜ੍ਝਭਾਸਿ –

‘‘ਅਨੁਞ੍ਞਾਤਪਟਿਞ੍ਞਾਤਾ, ਤੇਵਿਜ੍ਜਾ ਮਯਮਸ੍ਮੁਭੋ;

ਅਹਂ ਪੋਕ੍ਖਰਸਾਤਿਸ੍ਸ, ਤਾਰੁਕ੍ਖਸ੍ਸਾਯਂ ਮਾਣਵੋ.

ਤੇਵਿਜ੍ਜਾਨਂ ਯਦਕ੍ਖਾਤਂ, ਤਤ੍ਰ ਕੇਵਲਿਨੇਸ੍ਮਸੇ;

ਪਦਕਸ੍ਮਾ ਵੇਯ੍ਯਾਕਰਣਾ, ਜਪ੍ਪੇ ਆਚਰਿਯਸਾਦਿਸਾ;

ਤੇਸਂ ਨੋ ਜਾਤਿਵਾਦਸ੍ਮਿਂ, ਵਿਵਾਦੋ ਅਤ੍ਥਿ ਗੋਤਮ.

ਜਾਤਿਯਾ ਬ੍ਰਾਹ੍ਮਣੋ ਹੋਤਿ, ਭਾਰਦ੍ਵਾਜੋ ਇਤਿ ਭਾਸਤਿ;

ਅਹਞ੍ਚ ਕਮ੍ਮੁਨਾ ਬ੍ਰੂਮਿ, ਏਵਂ ਜਾਨਾਹਿ ਚਕ੍ਖੁਮ.

ਤੇਨ ਸਕ੍ਕੋਮ ਞਾਪੇਤੁਂ, ਅਞ੍ਞਂਮਞ੍ਞਂ ਮਯਂ ਉਭੋ;

ਭਵਨ੍ਤਂ ਪੁਟ੍ਠੁਮਾਗਮਾ, ਸਮ੍ਬੁਦ੍ਧਂ ਇਤਿ ਵਿਸ੍ਸੁਤਂ.

ਚਨ੍ਦਂ ਯਥਾ ਖਯਾਤੀਤਂ, ਪੇਚ੍ਚ ਪਞ੍ਜਲਿਕਾ ਜਨਾ;

ਵਨ੍ਦਨਾ ਨਮਸ੍ਸਨ੍ਤਿ, ਏਵਂ ਲੋਕਸ੍ਮਿਂ ਗੋਤਮਂ.

ਚਕ੍ਖੁਂ ¶ ਲੋਕੇ ਸਮੁਪ੍ਪਨ੍ਨਂ, ਮਯਂ ਪੁਚ੍ਛਾਮ ਗੋਤਮਂ;

ਜਾਤਿਯਾ ਬ੍ਰਾਹ੍ਮਣੋ ਹੋਤਿ, ਉਦਾਹੁ ਭਵਤਿ ਕਮ੍ਮੁਨਾ;

ਅਜਾਨਤਂ ਨੋ ਪਬ੍ਰੂਹਿ, ਯਥਾ ਜਾਨੇਮੁ ਬ੍ਰਾਹ੍ਮਣਨ੍ਤਿ.

ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਸੁਭਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸੁਭਂ ਮਾਣਵਂ ਤੋਦੇਯ੍ਯਪੁਤ੍ਤਂ ਆਰਬ੍ਭ ਭਾਸਿਤਂ. ਸੁਭੋ ਭਨ੍ਤੇ ਮਾਣਵੋ ਤੋਦੇਯ੍ਯਪੁਤ੍ਤੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਬ੍ਰਾਹ੍ਮਣਾ ਭੋ ਗੋਤਮ ਏਵਮਾਹਂਸੁ’ ਗਹਟ੍ਠੋ ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਂ, ਨ ਪਬ੍ਬਜਿਤੋ ਆਰਾਧਕੋ ਹੋਤਿ ਞਾਯਂ ਧਮ੍ਮਂ ਕੁਸਲਨ੍ਤਿ, ਇਧ ਭਵਂ ਗੋਤਮੋ ਕਿਮਾਹਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਪੁਨ ¶ ਪਿ ਆਵੁਸੋ ਸੁਭੋ ਮਾਣਵੋ ਤੋਦੇਯ੍ਯਪੁਤ੍ਤੋ ਕਥਂ ਭਗਵਨ੍ਤਂ ਪੁਚ੍ਛਿ, ਕਥਞ੍ਚ ਭਗਵਾ ਵਿਭਜ੍ਜ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ‘‘ਬ੍ਰਾਹ੍ਮਣਾ ਭੋ ਗੋਤਮ ਏਵਮਾਹਂਸੁ ‘ਮਹਟ੍ਠਮਿਦਂ ਮਹਾਕਿਚ੍ਚਂ ਮਹਾਧਿਕਰਣਂ ਮਹਾਸਮਾਰਮ੍ਭਂ, ਘਰਾਵਾਸਕਮ੍ਮਟ੍ਠਾਨਂ ਮਹਪ੍ਫਲਂ ਹੋਤਿ. ਅਪ੍ਪਟ੍ਠਮਿਦਂ ਅਪ੍ਪਕਿਚ੍ਚਂ ਅਪ੍ਪਾਧਿਕਰਣਂ ਅਪ੍ਪਸਮਾਰਮ੍ਭਂ, ਪਬ੍ਬਜ੍ਜਾ ਕਮ੍ਮਟ੍ਠਾਨਂ ਅਪ੍ਪਫਲਂ ਹੋਤੀ’ਤਿ. ਇਧ ਭਵਂ ਗੋਤਮੋ ਕਿਮਾਹਾ’’ਤਿ. ਏਵਂ ਖੋ ਭਨ੍ਤੇ ਸੁਭੋ ਮਾਣਵੋ ਤੋਦੇਯ੍ਯਪੁਤ੍ਤੋ ਪੁਨਪਿ ਭਗਵਨ੍ਤਂ ਪੁਚ੍ਛਿ. ਭਗਵਾ ਚ ਭਨ੍ਤੇ ‘‘ਏਤ੍ਥਾਪਿ ਖੋ ਅਹਂ ਮਾਣਵ ਵਿਭਜ੍ਜਵਾਦਾ, ਨਾਹਮੇਤ੍ਥ ਏਕਂਸਵਾਦੋਤਿ’’ ਏਵਮਾਦਿਨਾ ਵਿਭਜ੍ਜ ਬ੍ਯਾਕਾਸਿ.

ਪੁਚ੍ਛਾ – ਸਙ੍ਗਾਰਵਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਚਞ੍ਚਲਿਕਪ੍ਪੇ ਨਾਮ ਗਾਮੇ ਸਙ੍ਗਾਰਵਂ ਮਾਣਵਂ ਆਰਬ੍ਭ ਭਾਸਿਤਂ, ਸਙ੍ਗਾਰਵੋ ਭਨ੍ਤੇ ਮਾਣਵੋ ਭਗਵਨ੍ਤਂ ਏਤਦਵੋਚ ‘‘ਸਨ੍ਤਿ ਖੋ ਭੋ ਗੋਤਮ ਏਕੇ ਸਮਣਬ੍ਰਾਹ੍ਮਣਾ ਦਿਟ੍ਠਧਮ੍ਮਾਭਿਞ੍ਞਾਵੋਸਾਨਪਾਰਮਿਪ੍ਪਤ੍ਤਾ ਆਦਿਬ੍ਰਹ੍ਮਚਰਿਯਂ ਪਟਿਜਾਨਨ੍ਤਿ. ਤਤ੍ਰ ਭੋ ਗੋਤਮ ਯੇ ਤੇ ਸਮਣਬ੍ਰਾਹ੍ਮਣਾ ਦਿਟ੍ਠਧਮ੍ਮਾਭਿਞ੍ਞਾਵੋਸਾਨਪਾਰਮਿਪ੍ਪਤ੍ਤਾ ਆਦਿਬ੍ਰਹ੍ਮਚਰਿਯਂ ਪਟਿਜਾਨਨ੍ਤਿ, ਤੇਸਂ ਭਵਂ ਗੋਤਮੋ ਕਤਮੋ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਦੇਵਦਹਸੁਤ੍ਤਂ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਦੇਵਦਹੇ ਨਾਮ ਸਕ੍ਯਾਨਂ ਨਿਗਮੇ ਸਮ੍ਮ ਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਪਞ੍ਚਤ੍ਤਯਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕਿਨ੍ਤਿਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਪਿਸਿਨਾਰਾਯਂ ਭਨ੍ਤੇ ਬਲਿਹਰਣੇ ਨਾਮ ਵਨਸਣ੍ਡੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਤਤ੍ਥ ¶ ਆਵੁਸੋ ਭਗਵਾ ਕਥਂ ਪਠਮਂ ਭਿਕ੍ਖੂ ਪਟਿਪੁਚ੍ਛਿਤ੍ਵਾ ਓਵਾਦਮਦਾਸਿ, ਯੋ ਬਹੁਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਸਂਵਤ੍ਤਤਿ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਭਗਵਾ ‘‘ਕਿਨ੍ਤਿ ਵੋ ਭਿਕ੍ਖਵੇ ਮਯਿ ਹੋਤਿ, ਚੀਵਰਹੇਤੁ ਵਾ ਸਮਣੋ ਗੋਤਮੋ ਧਮ੍ਮਂ ਦੇਸੇਤਿ, ਪਿਣ੍ਡਪਾਤਹੇਤੁ ਵਾ, ਸੇਨਾਸਨਹੇਤੁ ਵਾ, ਇਤਿਭਵਾਭਵਹੇਤੁ ਵਾ ਸਮਣੋ ਗੋਤਮੋ ਧਮ੍ਮਂ ਦੇਸੇਤੀ’’ਤਿ ਭਿਕ੍ਖੂ ਪੁਚ੍ਛਿਤ੍ਵਾ ‘‘ਤਸ੍ਮਾਤਿਹ ਭਿਕ੍ਖਵੇ ਯੇ ਵੋ ਮਯਾ ਧਮ੍ਮਾ ਅਭਿਞ੍ਞਾ ਦੇਸਿਤਾ. ਸੇਯ੍ਯਥਿਦਂ, ਚਤ੍ਤਾਰੋ ਸਤਿਪਟ੍ਠਾਨਾ ਚਤ੍ਤਾਰੋ ਸਮ੍ਮਪ੍ਪਧਾਨਾ ਚਤ੍ਤਾਰੋ ਇਦ੍ਧਿਪਾਦਾ ਪਞ੍ਚਿਨ੍ਦ੍ਰਿਯਾਨਿ ਪਞ੍ਚ ਬਲਾਨਿ ਸਤ੍ਤ ਬੋਜ੍ਝਙ੍ਗਾ ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ. ਤਤ੍ਥ ਸਬ੍ਬੇਹੇਵ ਸਮਗ੍ਗੇਹਿ ਸਮ੍ਮੋਦਮਾਨੇਹਿ ਅਵਿਵਦਮਾਨੇਹਿ ਸਿਕ੍ਖਿਤਬ੍ਬਂ’’ ਏਵਮਾਦਿਨਾ ਭਨ੍ਤੇ ਭਿਕ੍ਖੂਨਂ ਓਵਾਦਮਦਾਸਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਤਤ੍ਥ ਦੁਤਿਯਮ੍ਪਿ ਭਿਕ੍ਖੂਨਂ ਓਵਾਦਂ ਅਦਾਸਿ. ਯੋ ਬਹੁਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਸਂਵਤ੍ਤਤਿ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਭਗਵਾ ‘‘ਤੇਸਞ੍ਚ ਵੋ ਭਿਕ੍ਖਵੇ ਸਮਗ੍ਗਾਨਂ ਸਮ੍ਮੋਦਮਾਨਾਨਂ ਅਵਿਵਦਮਾਨਾਨਂ ਸਿਕ੍ਖਤਂ ਸਿਯਾ ਅਞ੍ਞਤਰਸ੍ਸ ਭਿਕ੍ਖੁਨੋ ਆਪਤ੍ਤਿ, ਸਿਯਾ ਵੀਤਿਕ੍ਕਮੋ. ਤਤ੍ਰ ਭਿਕ੍ਖਵੇ ਨ ਚੋਦਨਾਯ ਤਰਿਤਬ੍ਬਂ ਪੁਗ੍ਗਲੋ ਉਪਪਰਿਕ੍ਖਿਤਬ੍ਬੋ’’ਤਿ ਏਵਮਾਦਿਨਾ ਭਿਕ੍ਖੂਨਂ ਦੁਤਿਯਮ੍ਪਿ ਓਵਾਦਮਦਾਸਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਭਗਵਾ ਤਤ੍ਥ ਤਤਿਯਮ੍ਪਿ ਭਿਕ੍ਖੂਨਂ ਓਵਾਦਂ ਅਦਾਸਿ, ਯੋ ਬਹੁਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਸਂਵਤ੍ਤਤਿ.

ਵਿਸ੍ਸਜ੍ਜਨਾ – ‘‘ਤੇਸਞ੍ਚ ਵੋ ਭਿਕ੍ਖਵੇ ਸਮਗ੍ਗਾਨਂ ਸਮ੍ਮੋਦਮਾਨਾਨਂ ਅਵਿਵਦਮਾਨਾਨਂ ਸਿਕ੍ਖਤਂ ਅਞ੍ਞਮਞ੍ਞਸ੍ਸ ਵਚੀਸਂਹਾਰੋ ਉਪ੍ਪਜ੍ਜੇਯ੍ਯ ਦਿਟ੍ਠਿਪਲ਼ਾਸੋ ਚੇਤਸੋ ਆਘਾਤੋ ਅਪ੍ਪਚ੍ਚਯੋ ਅਨਭਿਰਦ੍ਧੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਾ ਤਤ੍ਥ ਤਤਿਯਮ੍ਪਿ ਭਿਕ੍ਖੂਨਂ ਓਵਾਦਮਦਾਸਿ.

ਪੁਚ੍ਛਾ – ਤੇਨਾਵੁਸੋ ¶ ਭਿਕ੍ਖੁਨਾ ਏਵਂ ਸਤ੍ਥੁ ਓਵਾਦਾਨੁਸਾਸਨਿਕਾਰਿਨਾ ਆਯਸ੍ਮਾ ਨੁ ਤੇ ਭਿਕ੍ਖੁ ਅਕੁਸਲਾ ਵੁਟ੍ਠਾਪੇਤ੍ਵਾ ਕੁਸਲੇ ਪਤਿਟ੍ਠਾਪੇਤੀਤਿ ਪਰੇਹਿ ਪੁਟ੍ਠੇਨ ਕਥਂ ਸਮ੍ਮਾ ਬ੍ਯਾਕਰਮਾਨੇਨ ਬ੍ਯਾਕਾਤਬ੍ਬਂ.

ਵਿਸ੍ਸਜ੍ਜਨਾ – ‘‘ਇਧਾਹਂ ਆਵੁਸੋ ਯੇਨ ਭਗਵਾ ਤੇਨੁਪਸਙ੍ਕਮਿਂ, ਤਸ੍ਸ ਮੇ ਭਗਵਾ ਧਮ੍ਮਂ ਦੇਸੇਸਿ, ਤਾਹਂ ਧਮ੍ਮਂ ਸੁਤ੍ਵਾ ਤੇਸਂ ਭਿਕ੍ਖੂਨਂ ਅਭਾਸਿਂ, ਤਂ ਤੇ ਭਿਕ੍ਖੂ ਧਮ੍ਮਂ ਸੁਤ੍ਵਾ ਅਕੁਸਲਾ ਵੁਟ੍ਠਹਿਂਸੁ ਕੁਸਲੇ ਪਤਿਟ੍ਠਹਿਂਸੂ’’ਤਿ. ਏਵਂ ਖੋ ਭਨ੍ਤੇ ਤੇਨ ਭਿਕ੍ਖੁਨਾ ਏਵਂ ਸਤ੍ਥੁ ਓਵਾਦਾਨੁਸਾਸਨਿਕਾਰਿਨਾ ਪਰੇਹਿ ਪੁਟ੍ਠੇਨ ਸਮ੍ਮਾ ਬ੍ਯਾਕਰਮਾਨੇਨ ਬ੍ਯਾਕਾਤਬ੍ਬਂ.

ਪੁਚ੍ਛਾ – ਸਾਮਗਾਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਸਾਮਗਾਮੇ ਨਾਮ ਸਕ੍ਯਾਨਂ ਨਿਗਮੇ ਆਯਸ੍ਮਨ੍ਤਞ੍ਚ ਆਨਨ੍ਦਂ ਆਯਸ੍ਮਨ੍ਤਞ੍ਚ ਚੁਨ੍ਦਂ ਆਰਬ੍ਭ ਭਾਸਿਤਂ, ਆਯਸ੍ਮਾ ਚ ਭਨ੍ਤੇ ਆਨਨ੍ਦੋ ਆਯਸ੍ਮਾ ਚ ਚੁਨ੍ਦੋ ਯੇਨ ਭਗਵਾ ਤੇਨੁਪਸਙ੍ਕਮਿਸੁ, ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿਂਸੁ, ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਆਨਨ੍ਦੋ ਭਗਵਨ੍ਤਂ ਏਤਦਵੋਚ ‘‘ਅਯਂ ਭਨ੍ਤੇ ਚੁਨ੍ਦੋ ਸਮਣੁਦ੍ਦੇਸੋ ਏਵਮਾਹ ‘ਨਿਗਣ੍ਠੋ ਭਨ੍ਤੇ ਨਾਟਪੁਤ੍ਤੋ ਪਾਵਾਯਂ ਅਧੁਨਾ ਕਾਲਙ੍ਕਤੋ, ਤਸ੍ਸ ਕਾਲਙ੍ਕਿਰਿਯਾਯ ਭਿਨ੍ਨਾ ਨਿਗਣ੍ਠਾ ਦ੍ਵੇਧਿਕਜਾਤਾ ਭਣ੍ਡਨਜਾਤਾ ਕਲਹਜਾਤਾ ਵਿਵਾਦਾਪਨ੍ਨਾ ਅਞ੍ਞਮਞ੍ਞਂ ਮੁਖਸਤ੍ਤੀਹਿ ਵਿਤੁਦਨ੍ਤਾ ਵਿਹਰਨ੍ਤਿ…ਪੇ… ¶ ਭਿਨ੍ਨਥੂਪੇ ਅਪ੍ਪਟਿਸਰਣੇ’ਤਿ. ਤਸ੍ਸ ਮਯ੍ਹਂ ਭਨ੍ਤੇ ਏਵਂ ਹੋਤਿ ‘ਮਾਹੇਵ ਭਗਵਤੋ ਅਚ੍ਚਯੇਨ ਸਙ੍ਘੇ ਵਿਵਾਦੋ ਉਪ੍ਪਜ੍ਜਿ, ਸ੍ਵਾਸ੍ਸ ਵਿਵਾਦੋ ਬਹੁਜਨਅਹਿਤਾਯ ਬਹੁਜਨਅਸੁਖਾਯ ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇਵਮਨੁਸ੍ਸਾਨ’ਨ੍ਤਿ’’. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਸੁਨਕ੍ਖਤ੍ਤਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਵੇਸਾਲਿਯਂ ਭਨ੍ਤੇ ਸੁਨਕ੍ਖਤ੍ਤਂ ਲਿਚ੍ਛਵਿਪੁਤ੍ਤਂ ਆਰਬ੍ਭ ਭਾਸਿਤਂ, ਸੁਨਕ੍ਖਤ੍ਤੋ ਭਨ੍ਤੇ ਲਿਚ੍ਛਵਿਪੁਤ੍ਤੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਸੁਤਂ ਮੇਤਂ ਭਨ੍ਤੇ ਸਮ੍ਬਹੁਲੇਹਿ ਕਿਰ ਭਿਕ੍ਖੂਹਿ ਭਗਵਤੋ ਸਨ੍ਤਿਕੇ ਅਞ੍ਞਾ ਬ੍ਯਾਕਤਾ ਖੀਣਾ ਜਾਤਿ, ਵੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾਤਿ ਪਜਾਨਾਮਾਤਿ. ਕਚ੍ਚਿ ਤੇ ਭਨ੍ਤੇ ਭਿਕ੍ਖੂ ਸਮ੍ਮਦੇਵ ਅਞ੍ਞਂ ਬ੍ਯਾਕਂਸੁ, ਉਦਾਹੁ ਸਨ੍ਤੇਤ੍ਥੇਕਚ੍ਚੇ ਭਿਕ੍ਖੂ ਅਧਿਮਾਨੇਨ ਅਞ੍ਞਂ ਬ੍ਯਾਕਂਸੂ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਆਨੇਞ੍ਜਸਪ੍ਪਾਯਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਗਣਕਮੋਗ੍ਗਲ੍ਲਾਨਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਗਣਕਮੋਗ੍ਗਲ੍ਲਾਨਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ, ਗਣਕਮੋਗ੍ਗਲ੍ਲਾਨੋ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਸੇਯ੍ਯਾਥਾਪਿ ਭੋ ਗੋਤਮ ਇਮਸ੍ਸ ਮਿਗਾਰਮਾਤੁਪਾਸਾਦਸ੍ਸ ਦਿਸ੍ਸਤਿ ਅਨੁਪੁਬ੍ਬਸਿਕ੍ਖਾ ਅਨੁਪੁਬ੍ਬਕਿਰਿਯਾ ਅਨੁਪੁਬ੍ਬਪਟਿਪਦਾ ਯਦਿਦਂ ਯਾਵ ਪਚ੍ਛਿਮਸੋਪਾਨਕਲ਼ੇਵਰਾ…ਪੇ… ਸਕ੍ਕਾ ਨੁਖੋ ਭੋ ਗੋਤਮ ਇਮਸ੍ਮਿਮ੍ਪਿ ਧਮ੍ਮਵਿਨਯੇ ਏਵਮੇਵ ਅਨੁਪੁਬ੍ਬਸਿਕ੍ਖਾ ਅਨੁਪੁਬ੍ਬਕਿਰਿਯਾ ਅਨੁਪੁਬ੍ਬਪਟਿਪਦਾ ਪਞ੍ਞਪੇਤੁ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਏਵਂ ¶ ਵੁਤ੍ਤੇ ਖੋ ਆਵੁਸੋ ਗਣਕਮੋਗ੍ਗਲ੍ਲਾਨੋ ਬ੍ਰਾਹ੍ਮਣੋ ਭਗਵਨ੍ਤਂ ਕਿਂ ਅਵੋਚ, ਕਥਞ੍ਚਸ੍ਸ ਭਗਵਾ ਬ੍ਯਾਕਾਸਿ.

ਵਿਸ੍ਸਜ੍ਜਨਾ – ਏਵਂ ਵੁਤ੍ਤੇ ਭਨ੍ਤੇ ਗਣਕਮੋਗ੍ਗਲ੍ਲਾਨੋ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਕਿਂ ਨੁ ਖੋ ਭੋਤੋ ਗੋਤਮਸ੍ਸ ਸਾਵਕਾ ਭੋਤਾ ਗੋਤਮੇਨ ਏਵਂ ਓਵਦੀਯਮਾਨਾ ਏਵਂ ਅਨੁਸਾਸੀਯਮਾਨਾ ਸਬ੍ਬੇ ਅਚ੍ਚਨ੍ਤਂ ਨਿਟ੍ਠਂ ਨਿਬ੍ਬਾਨਂ ਆਰੋਧੇਨ੍ਤਿ, ਉਦਾਹੁ ਏਕਚ੍ਚੇ ਨਾਰਾਧੇਨ੍ਤੀ’’ਤਿ, ਭਗਵਾ ਚ ਭਨ੍ਤੇ ‘‘ਅਪ੍ਪੇਕਚ੍ਚੇ ਖੋ ਬ੍ਰਾਹ੍ਮਣ ਮਮ ਸਾਵਕਾ ਮਯਾ ਏਵਂ ਓਵਦੀਯਮਾਨਾ ਏਵਂ ਅਨੁਸਾਸੀਯਮਾਨਾ ਅਚ੍ਚਨ੍ਤਂ ਨਿਟ੍ਠਂ ਨਿਬ੍ਬਾਨਂ ਆਰਾਧੇਨ੍ਤਿ, ਏਕਚ੍ਚੇ ਨਾਰਾਧੇਨ੍ਤੀ’’ਤਿ ਏਵਮਾਦਿਨਾ ਗਣਕਮੋਗ੍ਗਲ੍ਲਾਨਸ੍ਸ ਬ੍ਰਾਹ੍ਮਣਸ੍ਸ ਬ੍ਯਾਕਾਸਿ.

ਪੁਚ੍ਛਾ – ਇਮਞ੍ਚ ¶ ਪਨਾਵੁਸੋ ਧਮ੍ਮਦੇਸਨਂ ਸੁਤ੍ਵਾ ਗਣਕੋ ਮੋਗ੍ਗਲ੍ਲਾਨੋ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਕੀਦਿਸਂ ਪਸਨ੍ਨਾਕਾਰਮਕਾਸਿ.

ਵਿਸ੍ਸਜ੍ਜਨਾ – ਇਮਞ੍ਚ ਪਨ ਭਨ੍ਤੇ ਧਮ੍ਮਦੇਸਨਂ ਸੁਤ੍ਵਾ ਗਣਕਮੋਗ੍ਗਲ੍ਲਾਨੋ ਬ੍ਰਾਹ੍ਮਣੋ ‘‘ਯੇ ਮੇ ਭੋ ਗੋਤਮ ਪੁਗ੍ਗਲਾ ਅਸਦ੍ਧਾ ਜੀਵਿਕਤ੍ਥਾ ਨ ਸਦ੍ਧਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾ’’ਤਿ ਏਵਮਾਦਿਨਾ ਇਮਸ੍ਮਿਂ ਧਮ੍ਮਵਿਨਯੇ ਪਸਨ੍ਨੋ ਪਸਨ੍ਨਾਕਾਰਮਕਾਸਿ.

ਪੁਚ੍ਛਾ – ਗੋਪਕਮੋਗ੍ਗਲ੍ਲਾਨਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਗੋਪਕਮੋਗ੍ਗਲ੍ਲਾਨਂ ਬ੍ਰਾਹ੍ਮਣਂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ, ਗੋਪਕਮੋਗ੍ਗਲ੍ਲਾਨੋ ਭਨ੍ਤੇ ਬ੍ਰਾਹ੍ਮਣੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ ‘‘ਅਤ੍ਥਿ ਨੁ ਖੋ ਭੋ ਆਨਨ੍ਦ ਏਕਭਿਕ੍ਖੁਪਿ ਤੇਹਿ ਧਮ੍ਮੇਹਿ ਸਬ੍ਬੇਨ ਸਬ੍ਬਂ ਸਬ੍ਬਥਾ ਸਬ੍ਬਂ ਸਮਨ੍ਨਾਗਤੋ, ਯੇਹਿ ਧਮ੍ਮੇਹਿ ਸਮਨ੍ਨਾਗਤੋ ਸੋ ਭਵਂ ਗੋਤਮੋ ਅਹੋਸਿ ਅਰਹਂ ਸਮ੍ਮਾਸਮ੍ਬੁਦ੍ਧੋ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਿਕ੍ਖੁਨੋ ਪਸਾਦਨੀਯਾ ਧਮ੍ਮਾ ਪਕਾਸਿਤਾ, ਯੇ ਤੇਨ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਕ੍ਖਾਤਾ. ਯੇਹਿ ਚ ਸਮਨ੍ਨਾਗਤਂ ਭਿਕ੍ਖੁਂ ਅਞ੍ਞੇ ਭਿਕ੍ਖੂ ਸਕ੍ਕਰੇਯ੍ਯੁਂ ਗਰੁਂ ਕਰੇਯ੍ਯੁਂ ਮਾਨੇਯ੍ਯੁਂ ਪੂਜੇਯ੍ਯੁਂ ਸਕ੍ਕਤ੍ਵਾ ਗਰੁਂ ਕਤ੍ਵਾ ਉਪਨਿਸ੍ਸਾਯ ਵਿਹਰੇਯ੍ਯੁਂ.

ਵਿਸ੍ਸਜ੍ਜਨਾ – ਇਧ ਬ੍ਰਾਹ੍ਮਣ ਭਿਕ੍ਖੁ ਸੀਲਵਾ ਹੋਤਿ, ਪਾਤਿਮੋਕ੍ਖਸਂਵਰਸਂਵੁਤੋ ਵਿਹਰਤਿ ਆਚਾਰਗੋਚਰਸਮ੍ਪਨ੍ਨੋ ਅਣੁਮਤ੍ਤੇਸੁ ਵਜ੍ਜੇਸੁ ਭਯਦਸ੍ਸਾਵੀ, ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ, ਬਹੁਸ੍ਸੁਤੋ ਹੋਤਿ ਸੁਤਧਰੋ ਸੁਤਸਨ੍ਨਿਚਯੋ, ਯੇਮੇ ਧਮ੍ਮਾ ਆਦਿਕਲ੍ਯਾਣਾ ਮਜ੍ਝੇਕਲ੍ਯਾਣਾ ਪਰਿਯੋਸਾਨਕਲ੍ਯਾਣਾ ਸਾਤ੍ਥਂ ਸਬ੍ਯਞ੍ਜਨਂ ਕੇਵਲਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਅਭਿਵਦਨ੍ਤਿ, ਤਥਾਰੂਪਸ੍ਸ ਧਮ੍ਮਾ ਬਹੁਸ੍ਸੁਤਾ ਹੋਨ੍ਤਿ ਧਾਤਾ ਵਚਸਾ ਪਰਿਚਿਤਾ ਮਨਸਾਨੁਪੇਕ੍ਖਿਤਾ ਦਿਟ੍ਠਿਯਾ ਸੁਪ੍ਪਟਿਵਿਦ੍ਧਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਦਸ ਪਸਾਦਨੀਯਾ ਧਮ੍ਮਾ ਪਕਾਸਿਤਾ. ਯੇ ਤੇਨ ਭਗਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਕ੍ਖਾਤਾ, ਯੇਹਿ ਸਮਨ੍ਨਾਗਤਂ ਭਿਕ੍ਖੁਂ ਏਤਰਹਿ ਭਿਕ੍ਖੂ ਸਕ੍ਕਰੇਯ੍ਯੁਂ ਗਰੁਂ ਕਰੇਯ੍ਯੁਂ ਮਾਨੇਯ੍ਯੁਂ ਪੂਜੇਯ੍ਯੁਂ ਸਕ੍ਕਤ੍ਵਾ ਗਰੁਂ ਕਤ੍ਵਾ ਉਪਨਿਸ੍ਸਾਯ ਵਿਹਰੇਯ੍ਯੁਂ.

ਪੁਚ੍ਛਾ – ਏਵਂ ¶ ਵੁਤ੍ਤੇ ਖੋ ਆਵੁਸੋ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਕੀਦਿਸਂ ਪਸਂਸਾਵਚਨਂ ਕਥੇਸਿ, ਕਥਞ੍ਚਸ੍ਸ ਆਯਸ੍ਮਾ ਆਨਨ੍ਦਤ੍ਥੇਰੋ ਧਮ੍ਮਭਣ੍ਡਾਗਾਰਿਕੋ ਤਂ ਵਚਨਂ ਪਟਿਸੋਧੇਤ੍ਵਾ ਪਕਾਸੇਸਿ.

ਵਿਸ੍ਸਜ੍ਜਨਾ – ਏਵਂ ¶ ਵੁਤ੍ਤੇ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਉਪਨਨ੍ਦਂ ਸੇਨਾਪਤਿਂ ਆਮਨ੍ਤੇਸਿ ‘‘ਤਂ ਕਿਂ ਮਞ੍ਞਸਿ ਭਵਂ ਸੇਨਾਪਤਿ, ਯਦਿ ਮੇ ਭੋਨ੍ਤੋ ਸਕ੍ਕਾਤਬ੍ਬਂ ਸਕ੍ਕਰੋਨ੍ਤਿ, ਗਰੁਂ ਕਾਤਬ੍ਬਂ ਗਰੁਂ ਕਰੋਨ੍ਤਿ, ਮਾਨੇਤਬ੍ਬਂ ਮਾਨੇਨ੍ਤਿ, ਪੂਜੇਤਬ੍ਬਂ ਪੂਜੇਨ੍ਤੀ’’ਤਿ ਏਵਮਾਦਿਕਂ ਪਸਂਸਾਵਚਨਂ ਕਥੇਸਿ, ਆਯਸ੍ਮਾ ਚ ਭਨ੍ਤੇ ਆਨਨ੍ਦੋ ‘‘ਨ ਚ ਖੋ ਬ੍ਰਾਹ੍ਮਣ ਸੋ ਭਗਵਾ ਸਬ੍ਬਂ ਝਾਨਂ ਵਣ੍ਣੇਸਿ, ਨਪਿ ਸੋ ਭਗਵਾ ਸਬ੍ਬਂ ਝਾਨਂ ਨ ਵਣ੍ਣੇਸੀ’’ਤਿ ਏਵਮਾਦਿਨਾ ਤਂ ਵਚਨਂ ਪਟਿਸੋਧੇਤ੍ਵਾ ਪਕਾਸੇਸਿ.

ਪੁਚ੍ਛਾ – ਮਹਾਪੁਣ੍ਣਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਞ੍ਞਤਰਂ ਸਟ੍ਠਿਮਤ੍ਤਾਨਂ ਪਧਾਨੀਯਭਿਕ੍ਖੂਨਂ ਸਙ੍ਘਤ੍ਥੇਰਂ ਭਿਕ੍ਖੁਂ ਆਰਬ੍ਭ ਭਾਸਿਤਂ, ਅਞ੍ਞਤਰੋ ਭਨ੍ਤੇ

ਸਟ੍ਠਿਮਤ੍ਤਾਨਂ ¶ ਪਧਾਨੀਯਭਿਕ੍ਖੂਨਂ ਸਙ੍ਘਤ੍ਥੇਰੋ ਭਿਕ੍ਖੁ ਉਟ੍ਠਾਯਾਸਨਾ ਏਕਂਸਂ ਚੀਵਰਂ ਕਤ੍ਵਾ ਯੇਨ ਭਗਵਾ ਤੇਨਞ੍ਜਲਿਂ ਪਣਾਮੇਤ੍ਵਾ ਭਗਵਨ੍ਤਂ ਏਤਦਵੋਚ ‘‘ਪੁਚ੍ਛੇਯ੍ਯਾਹਂ ਭਨ੍ਤੇ ਭਗਵਨ੍ਤਂ ਕਿਞ੍ਚਿਦੇਵ ਦੇਸਂ, ਸਚੇ ਮੇ ਭਗਵਾ ਓਕਾਸਂ ਕਰੋਤਿ ਪਞ੍ਹਸ੍ਸ ਵੇਯ੍ਯਾਕਰਣਾਯਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਚੂਲ਼ਪੁਣ੍ਣਮਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਅਸਪ੍ਪੁਰਿਸਅਙ੍ਗਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਅਸਪ੍ਪੁਰਿਸੋ ਭਿਕ੍ਖਵੇ ਅਸ੍ਸਦ੍ਧਮ੍ਮਸਮਨ੍ਨਾਗਤੋ ਹੋਤਿ, ਅਸਪ੍ਪੁਰਿਸਭਤ੍ਤਿ ਹੋਤਿ, ਅਸਪ੍ਪੁਰਿਸਚਿਨ੍ਤੀ ਹੋਤਿ, ਅਸਪ੍ਪੁਰਿਸਮਨ੍ਤੀ ਹੋਤਿ, ਅਸਪ੍ਪੁਰਿਸਵਾਚੋ ਹੋਤਿ, ਅਸਪ੍ਪੁਰਿਸਕਮ੍ਮਨ੍ਤੋ ਹੋਤਿ, ਅਸਪ੍ਪੁਰਿਸਦਿਟ੍ਠਿ ਹੋਤਿ, ਅਸਪ੍ਪੁਰਿਸਦਾਨਂ ਦੇਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਅਟ੍ਠ ਅਸਪ੍ਪੁਰਿਸਅਙ੍ਗਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਭਗਵਤਾ ਤਤ੍ਥ ਸਪ੍ਪੁਰਿਸਅਙ੍ਗਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਸਪ੍ਪੁਰਿਸੋ ਭਿਕ੍ਖਵੇ ਸਦ੍ਧਮ੍ਮਸਮਨ੍ਨਾਗਤੋ ਹੋਤਿ, ਸਪ੍ਪੁਰਿਸਭਤ੍ਤਿ ਹੋਤਿ, ਸਪ੍ਪੁਰਿਸਚਿਨ੍ਤੀ ਹੋਤਿ, ਸਪ੍ਪੁਰਿਸਮਨ੍ਤੀ ਹੋਤਿ, ਸਪ੍ਪੁਰਿਸਵਾਚੋ ਹੋਤਿ, ਸਪ੍ਪੁਰਿਸਕਮ੍ਮਨ੍ਤੋ ਹੋਤਿ, ਸਪ੍ਪੁਰਿਸਦਿਟ੍ਠਿ ਹੋਤਿ, ਸਪ੍ਪੁਰਿਸਦਾਨਂ ਦੇਤੀਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਤਤ੍ਥ ਅਟ੍ਠਵਿਧਾਨਿ ਸਪ੍ਪੁਰਿਸਙ੍ਗਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਅਨੁਪਦਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ, ਸਮ੍ਬਹੁਲਾ ਭਨ੍ਤੇ ਭਿਕ੍ਖੂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਧਮ੍ਮਸੇਨਾਪਤਿਸ੍ਸ ਸਭਾਗਾ ਤਸ੍ਮਿਂ ਸਮਯੇ ਸਨ੍ਨਿਪਤਿਂਸੁ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਧਮ੍ਮਸੇਨਾਪਤਿਸ੍ਸ ਅਨੁਪਦਧਮ੍ਮਵਿਪਸ੍ਸਨਾ ਵਿਤ੍ਥਾਰੇਨ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਪਣ੍ਡਿਤੋ ਭਿਕ੍ਖਵੇ ਸਾਰਿਪੁਤ੍ਤੋ ਮਹਾਪਞ੍ਞੋ ਭਿਕ੍ਖਵੇ ਸਾਰਿਪੁਤ੍ਤੋ ਪੁਥੁਪਞ੍ਞੋ ਭਿਕ੍ਖਵੇ ਸਾਰਿਪੁਤ੍ਤੋ ਹਾਸਪਞ੍ਞੋ ¶ ਭਿਕ੍ਖਵੇ ਸਾਰਿਪੁਤ੍ਤੋ ਤਿਕ੍ਖਪਞ੍ਞੋ ਭਿਕ੍ਖਵੇ ਸਾਰਿਪੁਤ੍ਤੋ ਜਵਨਪਞ੍ਞੋ ਭਿਕ੍ਖਵੇ ਸਾਰਿਪੁਤ੍ਤੋ ਨਿਬ੍ਬੇਧਿਕਪਞ੍ਞੋ ਭਿਕ੍ਖਵੇ ਸਾਰਿਪੁਤ੍ਤੋ ਸਾਰਿਪੁਤ੍ਤੋ ਭਿਕ੍ਖਵੇ ਅਡ੍ਢਮਾਸਂ ਅਨੁਪਦਧਮ੍ਮਵਿਪਸ੍ਸਨਂ ਵਿਪਸ੍ਸਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਧਮ੍ਮਸੇਨਾਪਤਿਸ੍ਸ ਅਨੁਪਦਧਮ੍ਮਵਿਪਸ੍ਸਨਾ ਵਿਤ੍ਥਾਰੇਨ ਪਕਾਸਿਤਾ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਛਬ੍ਬਿਸੋਧਨਸੁਤ੍ਤਂ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਸਪ੍ਪੁਰਿਸਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਸੇਵਿਤਬ੍ਬਾਸੇਵਿਤਬ੍ਬਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਸਦ੍ਧਿਂ ਭਾਸਿਤਂ.

ਪੁਚ੍ਛਾ – ਬਹੁਧਾਤੁਕਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਇਸਿਗਿਲਿਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਇਸਿਗਿਲਿਸ੍ਮਿਂ ਪਬ੍ਬਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਮਹਾਚਤ੍ਤਾਰੀਸਕਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਆਨਾਪਾਨਸ੍ਸਤਿਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ, ਥੇਰਾ ਭਨ੍ਤੇ ਭਿਕ੍ਖੂ ਨਵੇ ਭਿਕ੍ਖੂ ਓਵਦਨ੍ਤਿ ਅਨੁਸਾਸਨ੍ਤਿ, ਅਪ੍ਪੇਕਚ੍ਚੇ ਥੇਰਾ ਭਿਕ੍ਖੂ ਦਸਪਿ ਭਿਕ੍ਖੂ ਓਵਦਨ੍ਤਿ ਅਨੁਸਾਸਨ੍ਤਿ, ਅਪ੍ਪੇਕਚ੍ਚੇ ਥੇਰਾ ਭਿਕ੍ਖੂ ਵੀਸਮ੍ਪਿ ਭਿਕ੍ਖੂ ਓਵਦਨ੍ਤਿ ਅਨੁਸਾਸਨ੍ਤਿ, ਅਪ੍ਪੇਕਚ੍ਚੇ ਥੇਰਾ ਭਿਕ੍ਖੂ ਤਿਂਸਮ੍ਪਿ ਭਿਕ੍ਖੂ ਓਵਦਨ੍ਤਿ ਅਨੁਸਾਸਨ੍ਤਿ, ਅਪ੍ਪੇਕਚ੍ਚੇ ਥੇਰਾ ਭਿਕ੍ਖੂ ਚਤ੍ਤਾਰੀਸਮ੍ਪਿ ਭਿਕ੍ਖੂ ਓਵਦਨ੍ਤਿ ਅਨੁਸਾਸਨ੍ਤਿ, ਤੇ ਚ ਭਨ੍ਤੇ ਨਵਾ ਭਿਕ੍ਖੂ ਥੇਰੇਹਿ ਭਿਕ੍ਖੂਹਿ ਓਵਦਿਯਮਾਨਾ ਅਨੁਸਾਸਿਯਮਾਨਾ ਉਲ਼ਾਰਂ ਪੁਬ੍ਬੇਨਾਪਰਂ ਵਿਸੇਸਂ ਜਾਨਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਾਯਗਤਾਸਤਿਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ, ਸਮ੍ਬਹੁਲਾਨਂ ਭਨ੍ਤੇ ਭਿਕ੍ਖੂਨਂ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾਨਂ ਉਪਟ੍ਠਾਨਸਾਲਾਯਂ ਸਨ੍ਨਿਸਿਨ੍ਨਾਨਂ ਸਨ੍ਨਿਪਤਿਤਾਨਂ ਅਯਮਨ੍ਤਰਕਥਾ ਉਦਪਾਦਿ ‘‘ਅਚ੍ਛਰਿਯਂ ਆਵੁਸੋ, ਅਬ੍ਭੁਤਂ ਆਵੁਸੋ, ਯਾਵਞ੍ਚਿਦਂ ਤੇਨ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਕਾਯਗਤਾਸਤਿ ਭਾਵਿਤਾ ਬਹੁਲੀਕਤਾ ਮਹਪ੍ਫਲਾ ਵੁਤ੍ਤਾ ਮਹਾਨਿਸਂਸਾ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਸਙ੍ਖਾਰੂਪਪਤ੍ਤਿਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ਤਤ੍ਥ ਭਗਵਤਾ ਸਙ੍ਖਾਰੂਪਪਤ੍ਤਿਯੋ ਵਿਭਜਿਤ੍ਵਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਇਧ ਭਿਕ੍ਖਵੇ ਭਿਕ੍ਖੁ ਸਦ੍ਧਾਯ ਸਮਨ੍ਨਾਗਤੋ ਹੋਤਿ, ਸੀਲੇਨ ਸਮਨ੍ਨਾਗਤੋ ਹੋਤਿ, ਸੁਤੇਨ ਸਮਨ੍ਨਾਗਤੋ ਹੋਤਿ, ਚਾਗੇਨ ਸਮਨ੍ਨਾਗਤੋ ਹੋਤਿ, ਪਞ੍ਞਾਯ ਸਮਨ੍ਨਾਗਤੋ ਹੋਤਿ, ਤਸ੍ਸ ਏਵਂ ਹੋਤਿ ‘‘ਅਹੋ ਵਤਾਹਂ ਕਾਯਸ੍ਸ ਭੇਦਾ ਪਰਂ ਮਰਣਾ ਖਤ੍ਤਿਯਮਹਾਸਾਲਾਨਂ ਸਹਬ੍ਯਤਂ ਉਪਪਜ੍ਜੇਯ੍ਯ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਙ੍ਖਾਰੂਪਪਤ੍ਤਿਯੋ ਵਿਭਜਿਤ੍ਵਾ ਪਕਾਸਿਤਾ.

ਪੁਚ੍ਛਾ – ਚੂਲ਼ਸੁਞ੍ਞਤਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ਭਾਸਿਤਂ, ਆਯਸ੍ਮਾ ਭਨ੍ਤੇ ਆਨਨ੍ਦੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ ਵੁਟ੍ਠਿਤੋ ਭਗਵਨ੍ਤਂ ਏਤਦਵੋਚ ‘‘ਏਕਮਿਦਂ ਭਨ੍ਤੇ ਸਮਯਂ ਭਗਵਾ ਸਕ੍ਕੇਸੁ ਵਿਹਰਤਿ ਨਗਰਕਂ ਨਾਮ ਸਕ੍ਯਾਨਂ ਨਿਗਮੋ, ਤਤ੍ਥ ਮੇ ਭਨ੍ਤੇ ਭਗਵਤੋ ਸਮ੍ਮੁਖਾ ਸੁਤਂ, ਸਮ੍ਮੁਖਾ ਪਟਿਗ੍ਗਹਿਤਂ, ਸੁਞ੍ਞਤਾਵਿਹਾਰੇਨਾਹਂ ਆਨਨ੍ਦ ਏਤਰਹਿ ਬਹੁਲਂ ਵਿਹਰਾਮੀਤਿ ਕਚ੍ਚਿ ਮੇਤਂ ਭਨ੍ਤੇ ਸੁਸ੍ਸੁਤਂ ਸੁਗ੍ਗਹਿਤਂ ਸੁਮਨਸਿਕਤਂ ਸੂਪਧਾਰਿਤ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਮਹਾਸੁਞ੍ਞਤਸੁਤ੍ਤਂ ¶ ਪਨਾਵੁਤੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਕ੍ਕੇਸੁ ਭਨ੍ਤੇ ਕਪਿਲਵਤ੍ਥੁਸ੍ਮਿਂ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ਭਾਸਿਤਂ, ਆਯਸ੍ਮਾ ਭਨ੍ਤੇ ਆਨਨ੍ਦੋ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਘਟਾਯ ਸਕ੍ਕਸ੍ਸ ਵਿਹਾਰੇ ਚੀਵਰਕਮ੍ਮਂ ਕਰੋਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਅਚ੍ਛਰਿਯਅਬ੍ਭੁਤਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਸਦ੍ਧਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਸਦ੍ਧਿਂ ਭਾਸਿਤਂ. ਸਮ੍ਬਹੁਲਾਨਂ ਭਨ੍ਤੇ ਭਿਕ੍ਖੂਨਂ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾਨਂ ਉਪਟ੍ਠਾਨਸਾਲਾਯਂ ਸਨ੍ਨਿਸਿਨ੍ਨਾਨਂ ਸਨ੍ਨਿਪਤਿਤਾਨਂ ਅਯਮਨ੍ਤਰਕਥਾ ਉਦਪਾਦਿ ‘‘ਅਚ੍ਛਰਿਯਂ ਆਵੁਸੋ, ਅਬ੍ਭੁਤਂ ਆਵੁਸੋ ਤਥਾਗਤਸ੍ਸ ਮਹਿਦ੍ਧਿਕਤਾ ਮਹਾਨੁਭਾਵਤਾ. ਯਤ੍ਰ ਹਿ ਨਾਮ ਤਥਾਗਤੋ ਅਤੀਤੇ ਬੁਦ੍ਧੇ ਪਰਿਨਿਬ੍ਬੁਤੇ ਛਿਨ੍ਨਪਪਞ੍ਚੇ ਛਿਨ੍ਨਵਟੁਮੇ ਪਰਿਯਾਦਿਨ੍ਨਵਟ੍ਟੇ ਸਬ੍ਬਦੁਕ੍ਖਵੀਤਿਵਤ੍ਤੇ ਜਾਨਿਸ੍ਸਤਿ. ਏਵਂਜਚ੍ਚਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਨਾਮਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਗੋਤ੍ਤਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਸੀਲਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਧਮ੍ਮਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਪਞ੍ਞਾ ¶ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਵਿਹਾਰੀ ਤੇ ਭਗਵਨ੍ਤੋ ਅਹੇਸੁਂ ਇਤਿਪਿ, ਏਵਂਵਿਮੁਤ੍ਤਾ ਤੇ ਭਗਵਨ੍ਤੋ ਅਹੇਸੁਂ ਇਤਿਪੀ’’ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਬਾਕੁਲਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਅਚੇਲਂ ਕਸ੍ਸਪਂ ਆਰਬ੍ਭ ਆਯਸ੍ਮਤਾ ਬਾਕੁਲਤ੍ਥੇਰੇਨ ਭਾਸਿਤਂ.

ਪੁਚ੍ਛਾ – ਦਨ੍ਤਭੂਮਿਸੁਤ੍ਤਂ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਜਯਸੇਨਂ ਰਾਜਕੁਮਾਰਂ ਆਰਬ੍ਭ ਭਾਸਿਤਂ. ਜਯਸੇਨੋ ਭਨ੍ਤੇ ਰਾਜਕੁਮਾਰੋ ਅਚਿਰਵਤਂ ਸਮਣੁਦ੍ਦੇਸਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਸੁਤਂ ਮੇਤਂ ਭੋ ਅਗ੍ਗਿਵੇਸ੍ਸਨ ਇਧ ਭਿਕ੍ਖੁ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ ਵਿਹਰਨ੍ਤੋ ਫੁਸੇਯ੍ਯ ¶ ਚਿਤ੍ਤਸ੍ਸ ਏਕਗ੍ਗਤ’’ਨ੍ਤਿ, ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਅਚਿਰਵਤਸ੍ਸ ਸਮਣੁਦ੍ਦੇਸਸ੍ਸ ਸਮਸ੍ਸਾਸੇਤ੍ਵਾ ਧਮ੍ਮਦੇਸਨਾਨਯੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਤਂ ਕੁਤੇਤ੍ਥ ਅਗ੍ਗਿਵੇਸ੍ਸਨ ਲਬ੍ਭਾ, ਯਂ ਤਂ ਨੇਕ੍ਖਮ੍ਮੇਨ ਞਾਤਬ੍ਬਂ ਨੇਕ੍ਖਮ੍ਮੇਨ ਦਟ੍ਠਬ੍ਬਂ ਨੇਕ੍ਖਮ੍ਮੇਨ ਪਤ੍ਤਬ੍ਬਂ ਨੇਕ੍ਖਮ੍ਮੇਨ ਸਚ੍ਛਿਕਾਤਬ੍ਬਂ, ਤਂ ਵਤ ਜਯਸੇਨੋ ਰਾਜਕੁਮਾਰੋ ਕਾਮਮਜ੍ਝੇ ਵਸਨ੍ਤੋ ਕਾਮੇ ਪਰਿਭੁਞ੍ਜਨ੍ਤੋ ਕਾਮਵਿਤਕ੍ਕੇਹਿ ਖਜ੍ਜਮਾਨੋ ਕਾਮਪਰਿਲ਼ਾਹੇਨ ਪਰਿਡਯ੍ਹਮਾਨੋ ਕਾਮਪਰਿਯੋਸਨਾਯ ਉਸ੍ਸੁਕੋ ਉਸ੍ਸਤਿ ਵਾ ਦਕ੍ਖਤਿ ਵਾ ਸਚ੍ਛਿ ਵਾ ਕਰਿਸ੍ਸਤੀਤਿ ਨੇਤਂ ਠਾਨਂ ਵਿਜ੍ਜਤੀਤਿ ਏਵਂ ਖੋ ਭਨ੍ਤੇ ਭਗਵਤੋ ਅਚਿਰਵਤਸ੍ਸ ਸਮਣੁਦ੍ਦੇਸਸ੍ਸ ਸਮਸ੍ਸਾਸੇਤ੍ਵਾ, ਸੇਯ੍ਯਥਾਪਿਸ੍ਸੁ ਅਗ੍ਗਿਵੇਸ੍ਸਨ ਦ੍ਵੇ ਹਤ੍ਥਿਦਮ੍ਮਾ ਵਾ ਅਸ੍ਸਦਮ੍ਮਾਵਾ ਗੋਦਮ੍ਮਾ ਵਾ ਸੁਦਨ੍ਤਾ ਸੁਵਿਨੀਤਾਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਅਚਿਰਵਤਸ੍ਸ ਸਮਣੁਦ੍ਦੇਸਸ੍ਸ ਦੇਸਨਾਨਯੋ ਪਕਾਸਿਤੋ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਾ ਦ੍ਵੇ ਉਪਮਾਯੋ ਦਸ੍ਸੇਤ੍ਵਾ ਤਤੁਤ੍ਤਰਿ ਧਮ੍ਮਦੇਸਨਂ ਪਵਡ੍ਢੇਤਿ.

ਵਿਸ੍ਸਜ੍ਜਨਾ – ਸੇਯ੍ਯਥਾਪਿ ਅਗ੍ਗਿਵੇਸ੍ਸਨ ਰਾਜਾਖਤ੍ਤਿਯੋ ਮੁਦ੍ਧਾਵਸਿਤ੍ਤੋ ਨਾਗਵਨਿਕਂ ਆਮਨ੍ਤੇਤੀਤਿ ਏਵਮਾਦਿਨਾ ਭਨ੍ਤੇ ਭਗਵਾ ਉਤ੍ਤਰਿਪਿ ਧਮ੍ਮਦੇਸਨਂ ਪਵਡ੍ਢੇਸਿ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਭੂਮਿਜਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਰਾਜਗਹੇ ਭਨ੍ਤੇ ਜਯਸੇਨਂ ਰਾਜਕੁਮਾਰਂ ਆਰਬ੍ਭ ਭਾਸਿਤਂ, ਜਯਸੇਨੋ ਭਨ੍ਤੇ ਰਾਜਕੁਮਾਰੋ ਆਯਸ੍ਮਨ੍ਤਂ ਭੂਮਿਜਂ ਏਤਦਵੋਚ ‘‘ਸਨ੍ਤਿ ਭੋ ਭੂਮਿਜ ਏਕੇ ਸਮਣਬ੍ਰਾਹ੍ਮਣਾ ਏਵਂਵਾਦਿਨੋ ਏਵਂਦਿਟ੍ਠਿਨੋ ‘ਆਸਞ੍ਚੇਪਿ ਕਰਿਤ੍ਵਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ. ਅਨਾਸਞ੍ਚੇਪਿ ਕਰਿਤ੍ਵਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ. ਆਸਞ੍ਚ ਅਨਾਸਞ੍ਚੇਪਿ ਕਰਿਤ੍ਵਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯ ¶ . ਨੇਵਾਸਂ ਨਾਨਾਸਞ੍ਚੇਪਿ ਕਰਿਤ੍ਵਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਆਭਬ੍ਬਾ ਫਲਸ੍ਸ ਅਧਿਗਮਾਯਾ’ਤਿ. ਇਧ ਭੋਤੋ ਭੂਮਿਜਸ੍ਸ ਸਤ੍ਥਾ ਕਿਂਵਾਦੀ ਕਿਮਕ੍ਖਾਯੀ’’ਤਿ ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਆਯਸ੍ਮਤੋ ਭੂਮਿਜਤ੍ਥੇਰਸ੍ਸ ਤਂ ਬ੍ਯਾਕਰਣਂ ਸਮਨੁਜਾਨਿਤ੍ਵਾ ਤਤੁਤ੍ਤਰਿ ਧਮ੍ਮਦੇਸਨਾਨਯੋ ਪਰਿਪੂਰੇਤ੍ਵਾ ਪਕਾਸਿਤੋ.

ਵਿਸ੍ਸਜ੍ਜਨਾ – ਤਗ੍ਘ ਤ੍ਵਂ ਭੂਮਿਜ ਏਵਂ ਪੁਟ੍ਠੋ ਏਵਂ ਬ੍ਯਾਕਰਮਾਨੋ ਵੁਤ੍ਤਵਾਦੀ ਚੇਵ ਮੇ ਹੋਸਿ, ਨ ਚ ਮਂ ਅਭੂਤੇਨ ਅਬ੍ਭਾਚਿਕ੍ਖਸਿ, ਏਵਮਾਦਿਨਾ ਭਨ੍ਤੇ ਭਗਵਤਾ ਆਯਸ੍ਮਤੋ ਭੂਮਿਜਸ੍ਸ ਤਂ ਵਚਨਂ ਸਮਨੁਜਾਨਿਤ੍ਵਾ ‘‘ਯੇਹਿ ਕੇਹਿਚਿ ਭੂਮਿਜ ਸਮਣਾ ਵਾ ਬ੍ਰਾਹ੍ਮਣਾ ਵਾ ਮਿਚ੍ਛਾਦਿਟ੍ਠਿਨੋ ਮਿਚ੍ਛਾਸਙ੍ਕਪ੍ਪਾ ਮਿਚ੍ਛਾਵਾਚਾ ਮਿਚ੍ਛਾਕਮ੍ਮਨ੍ਤਾ ਮਿਚ੍ਛਾਆਜੀਵਾ ਮਿਚ੍ਛਾਵਾਯਾਮਾ ਮਿਚ੍ਛਾਸਤੀ ਮਿਚ੍ਛਾਸਮਾਧਿਨੋ, ਤੇ ਆਸਞ੍ਚੇਪਿ ਕਰਿਤ੍ਵਾ ਬ੍ਰਹ੍ਮਚਰਿਯਂ ਚਰਨ੍ਤਿ, ਅਭਬ੍ਬਾ ਫਲਸ੍ਸ ਅਧਿਗਮਾਯਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਆਯਸ੍ਮਤੋ ਭੂਮਿਜਸ੍ਸ ਉਤ੍ਤਰਿ ਦੇਸਨਾਨਯੋ ਪਰਿਪੂਰੇਤ੍ਵਾ ਪਕਾਸਿਤੋ.

ਪੁਚ੍ਛਾ – ਅਨੁਰੁਦ੍ਧਸੁਤ੍ਤਂ ¶ ਪਨਾਵੁਸੋ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਪਞ੍ਚਕਙ੍ਗਂ ਥਪਤਿਂ ਆਰਬ੍ਭ ਆਯਸ੍ਮਤਾ ਅਨੁਰੁਦ੍ਧਤ੍ਥੇਰੇਨ ਭਾਸਿਤਂ, ਪਞ੍ਚਕਙ੍ਗੋ ਭਨ੍ਤੇ ਥਪਤਿ ਆਯਸ੍ਮਨ੍ਤਂ ਅਨੁਰੁਦ੍ਧਂ ਏਤਦਵੋਚ ‘‘ਇਧ ਮਂ ਭਨ੍ਤੇ ਥੇਰਾ ਭਿਕ੍ਖੂ ਉਪਸਙ੍ਕਮਿਤ੍ਵਾ ਏਵਮਾਹਂਸੁ ‘ਅਪ੍ਪਮਾਣਂ ਗਹਪਤਿ ਚੇਤੋਵਿਮੁਤ੍ਤਿਂ ਭਾਵੇਹੀ’ਤਿ, ਏਕਚ੍ਚੇ ਥੇਰਾ ਏਵਮਾਹਂਸੁ ‘ਮਹਗ੍ਗਤਂ ਗਹਪਤਿ ਚੇਤੋਵਿਮੁਤ੍ਤਿਂ ਭਾਵੇਹੀ’’ਤਿ, ਯਾ ਚਾਯਂ ਭਨ੍ਤੇ ਅਪ੍ਪਮਾਣਾ ਚੇਤੋਵਿਮੁਤ੍ਤਿ ਯਾ ਚ ਮਹਗ੍ਗਤਾ ਚੇਤੋਵਿਮੁਤ੍ਤਿ, ਇਮੇ ਧਮ੍ਮਾ ਨਾਨਤ੍ਥਾ ਚੇਵ ਨਾਨਾਬ੍ਯਞ੍ਜਨਾ ਚ, ਉਦਾਹੁ ਏਕਤ੍ਥਾ ਬ੍ਯਞ੍ਜਨਮੇਵ ਨਾਨਨ੍ਤਿ’’ ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਉਪਕ੍ਕਿਲੇਸਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਪਾਚੀਨਵਂਸਦਾਯੇ ਭਨ੍ਤੇ ਆਯਸ੍ਮਨ੍ਤਂ ਅਨੁਰੁਦ੍ਧਤ੍ਥੇਰਂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਬਾਲਪਣ੍ਡਿਤਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ਤਤ੍ਥ ਭਗਵਤਾ ਬਾਲਸ੍ਸ ਬਾਲਲਕ੍ਖਣਾਨਿ ਚ ਬਾਲਸ੍ਸ ਦਿਟ੍ਠੇਵ ਧਮ੍ਮੇ ਦੁਕ੍ਖਦੋਮਨਸ੍ਸਪ੍ਪਟਿਸਂਵੇਦਨਾ ਚ ਪਕਾਸਿਤਾ.

ਵਿਸ੍ਸਜ੍ਜਨਾ – ਤੀਣਿਮਾਨਿ ਭਿਕ੍ਖਵੇ ਬਾਲਸ੍ਸ ਬਾਲਲਕ੍ਖਣਾਨਿ ਬਾਲਨਿਮਿਤ੍ਤਾਨਿ ਬਾਲਾਪਦਾਨਾਨਿ. ਕਤਮਾਨਿ ਤੀਣਿ. ਇਧ ਭਿਕ੍ਖਵੇ ਬਾਲੋ ਦੁਚ੍ਚਿਨ੍ਤਿਤਚਿਨ੍ਤੀ ¶ ਚ ਹੋਤਿ ਦੁਬ੍ਭਾਸਿਤਭਾਸੀ ਚ ਦੁਕ੍ਕਟਕਮ੍ਮਕਾਰੀ ਚਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬਾਲਸ੍ਸ ਬਾਲਲਕ੍ਖਣਾਨਿ ਚ ਬਾਲਸ੍ਸ ਦਿਟ੍ਠੇਵ ਧਮ੍ਮੇ ਦੁਕ੍ਖਦੋਮਨਸ੍ਸਪ੍ਪਟਿਸਂਵੇਦਨਾ ਚ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਬਾਲਸ੍ਸ ਸਮ੍ਪਰਾਯੋ ਚ ਤਤ੍ਥ ਨਿਰਯੇ ਬਾਲਸ੍ਸ ਦੁਕ੍ਖਦੋਮਨਸ੍ਸਪਟਿਸਂਵੇਦਨਾ ਚ ਪਕਾਸਿਤਾ.

ਵਿਸ੍ਸਜ੍ਜਨਾ – ਸ ਖੋ ਸੋ ਭਿਕ੍ਖਵੇ ਬਾਲੋ ਕਾਯੇਨ ਦੁਚ੍ਚਰਿਤਂ ਚਰਿਤ੍ਵਾ ਵਾਚਾਯ ਦੁਚ੍ਚਰਿਤਂ ਚਰਿਤ੍ਵਾ ਮਨਸਾ ਦੁਚ੍ਚਰਿਤਂ ਚਰਿਤ੍ਵਾ ਕਾਯਸ੍ਸ ਭੇਦਾਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬਾਲਸ੍ਸ ਸਮ੍ਪਰਾਯੋ ਚ ਤਤ੍ਥ ਚ ਬਾਲਸ੍ਸ ਨਿਰਯੇ ਦੁਕ੍ਖਦੋਮਨਸ੍ਸਪ੍ਪਟਿਸਂਵੇਦਨਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਬਾਲਸ੍ਸ ਤਿਰਚ੍ਛਾਨਯੋਨਿਯਂ ਦੁਕ੍ਖਦੋਮਨਸ੍ਸਪਟਿਸਂਵੇਦਨਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਸਨ੍ਤਿ ਭਿਕ੍ਖਵੇ ਤਿਰਚ੍ਛਾਨਗਤਾ ਪਾਣਾ ਤਿਣਭਕ੍ਖਾ ਤੇ ਅਲ੍ਲਾਨਿਪਿ ਤਿਣਾਨਿ ਸੁਕ੍ਖਾਨਿਪਿ ਤਿਣਾਨਿ ਦਨ੍ਤੁਲ੍ਲੇਹਕਂ ਖਾਦਨ੍ਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬਾਲਸ੍ਸ ਤਿਰਚ੍ਛਾਨਯੋਨਿਯਂ ਦੁਕ੍ਖਦੋਮਨਸ੍ਸਪ੍ਪਟਿਸਂਵੇਦਨਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਬਾਲੇਨ ਸਕਿਂ ਵਿਨਿਪਾਤਗਤੇਨ ਪੁਨ ਮਨੁਸ੍ਸਤ੍ਤਦੁਲ੍ਲਭਤਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਸੇਯ੍ਯਥਾਪਿ ਭਿਕ੍ਖਵੇ ਪੁਰਿਸੋ ਏਕਚ੍ਛਿਗ੍ਗਲਂ ਯੁਗਂ ਮਹਾਸਮੁਦ੍ਦੇ ਪਕ੍ਖਿਪੇਯ੍ਯ, ਤਮੇਨਂ ਪੁਰਤ੍ਥਿਮੋ ਵਾਤੋ ਪਚ੍ਛਿਮੇਨ ਸਂਹਰੇਯ੍ਯਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬਾਲੇਨ ਸਕਿਂ ਵਿਨਿਪਾਤਗਤੇਨ ਪੁਨ ਮਨੁਸ੍ਸਤ੍ਤਸ੍ਸ ਦੁਲ੍ਲਭਤਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਬਾਲਸ੍ਸ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਤਸ੍ਸਪਿ ਦੁਕ੍ਖਬਹੁਲਤਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਸ ਖੋ ਸੋ ਭਿਕ੍ਖਵੇ ਬਾਲੋ ਸਚੇ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਚ੍ਛਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬਾਲਸ੍ਸ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਤਸ੍ਸਪਿ ਦੁਕ੍ਖਬਹੁਲਤਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਪਣ੍ਡਿਤਸ੍ਸ ਪਣ੍ਡਿਤਲਕ੍ਖਣਾਨਿ ਚ ਪਣ੍ਡਿਤਸ੍ਸ ਦਿਟ੍ਠੇਵ ਧਮ੍ਮੇ ਸੁਖਸੋਮਨਸ੍ਸਪ੍ਪਟਿਸਂਵੇਦਨਾ ਚ ਪਕਾਸਿਤਾ.

ਵਿਸ੍ਸਜ੍ਜਨਾ – ਤੀਣਿਮਾਨਿ ਭਿਕ੍ਖਵੇ ਪਣ੍ਡਿਤਸ੍ਸ ਪਣ੍ਡਿਤਲਕ੍ਖਣਾਨਿ ਪਣ੍ਡਿਤਨਿਮਿਤ੍ਤਾਨਿ ਪਣ੍ਡਿਤਾਪਦਾਨਾਨਿ. ਕਤਮਾਨਿ ਤੀਣਿ. ਇਧ ਭਿਕ੍ਖਵੇ ਪਣ੍ਡਿਤੋ ਸੁਚਿਨ੍ਤਿਤਚਿਨ੍ਤੀ ਚ ਹੋਤਿ ਸੁਭਾਸਿਤਭਾਸੀ ਚ ਸੁਕਤਕਮ੍ਮਕਾਰੀ ਚਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ

ਪਣ੍ਡਿਤਸ੍ਸ ¶ ਪਣ੍ਡਿਤਲਕ੍ਖਣਾਨਿ ਚ ਦਿਟ੍ਠੇਵ ਧਮ੍ਮੇ ਪਣ੍ਡਿਤਸ੍ਸ ਸੁਖਸੋਮਨਸ੍ਸਪਟਿਸਂਵੇਦਨਾ ਚ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਪਣ੍ਡਿਤਸ੍ਸ ਸਮ੍ਪਰਾਯੋ ਚ ਤਤ੍ਥ ਸਗ੍ਗੇ ਸੁਖਸੋਮਨਸ੍ਸਪ੍ਪਟਿਸਂਵੇਦਨਾ ਚ ਪਕਾਸਿਤਾ.

ਵਿਸ੍ਸਜ੍ਜਨਾ – ਸ ਖੋ ਸੋ ਭਿਕ੍ਖਵੇ ਪਣ੍ਡਿਤੋ ਕਾਯੇਨ ਸੁਚਰਿਤਂ ਚਰਿਤ੍ਵਾ ਵਾਚਾਯ ਮਨਸਾ ਸੁਚਰਿਤਂ ਚਰਿਤ੍ਵਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਪਣ੍ਡਿਤਸ੍ਸ ਸਮ੍ਪਰਾਯੋ ਚ ਸਗ੍ਗੇ ਚ ਪਣ੍ਡਿਤਸ੍ਸ ਸੁਖਸੋਮਨਸ੍ਸਪ੍ਪਨਿਸਂਵੇਦਨਾ ਪਕਾਸਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਪਣ੍ਡਿਤਸ੍ਸ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਤਸ੍ਸਪਿ ਸੁਖਬਹੁਲਤਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਸ ਖੋ ਸੋ ਭਿਕ੍ਖਵੇ ਪਣ੍ਡਿਤੋ ਸਚੇ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਚ੍ਛਤਿ, ਯਾਨਿ ਤਾਨਿ ਉਚ੍ਚਾਕੁਲਾਨਿ ਖਤ੍ਤਿਯਮਹਾਸਾਲਕੁਲਂ ਵਾ ਬ੍ਰਾਹ੍ਮਣਮਹਾਸਾਲਕੁਲਂ ਵਾ ਗਹਪਤਿਮਹਾਸਾਲਕੁਲਂ ਵਾ ਤਥਾਰੂਪੇ ਕੁਲੇ ਪਚ੍ਚਾਜਾਯਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਪਣ੍ਡਿਤਸ੍ਸ ਕਦਾਚਿ ਕਰਹਚਿ ਦੀਘਸ੍ਸ ਅਦ੍ਧੁਨੋ ਅਚ੍ਚਯੇਨ ਮਨੁਸ੍ਸਤ੍ਤਂ ਆਗਤਸ੍ਸਪਿ ਸੁਖਬਹੁਲਤਾ ਪਕਾਸਿਤਾ.

ਪੁਚ੍ਛਾ – ਤੇਨਾਵੁਸੋ ¶ ਜਾਨਤਾ ਪਸ੍ਸਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਚੂਲ਼ਕਮ੍ਮਵਿਭਙ੍ਗਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸੁਭਂ ਮਾਣਵਂ ਤੋਦੇਯ੍ਯਪੁਤ੍ਤਂ ਆਰਬ੍ਭ ਭਾਸਿਤਂ. ਸੁਭੋ ਭਨ੍ਤੇ ਮਾਣਵੋ ਤੋਦੇਯ੍ਯਪੁਤ੍ਤੋ ਭਗਵਨ੍ਤਂ ਉਪਸਙ੍ਕਮਿਤ੍ਵਾ ਏਤਦਵੋਚ ‘‘ਕੋ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਨੁਸ੍ਸਾਨਂਯੇਵ ਸਤਂ ਮਨੁਸ੍ਸਭੂਤਾਨਂ ਦਿਸ੍ਸਨ੍ਤਿ ਹੀਨਪ੍ਪਣੀਤਤਾ. ਦਿਸ੍ਸਨ੍ਤਿ ਹਿ ਭੋ ਗੋਤਮ ਮਨੁਸ੍ਸਾ ਅਪ੍ਪਾਯੁਕਾ, ਦਿਸ੍ਸਨ੍ਤਿ ਦੀਘਾਯੁਕਾ. ਦਿਸ੍ਸਨ੍ਤਿ ਬਵ੍ਹਾਬਾਧਾ, ਦਿਸ੍ਸਨ੍ਤਿ ਅਪ੍ਪਾਬਾਧਾ. ਦਿਸ੍ਸਨ੍ਤਿ ਦੁਬ੍ਬਣ੍ਣਾ, ਦਿਸ੍ਸਨ੍ਤਿ ਵਣ੍ਣਵਨ੍ਤੋ. ਦਿਸ੍ਸਨ੍ਤਿ ਅਪ੍ਪੇਸਕ੍ਖਾ, ਦਿਸ੍ਸਨ੍ਤਿ ਮਹੇਸਕ੍ਖਾ. ਦਿਸ੍ਸਨ੍ਤਿ ਅਪ੍ਪਭੋਗਾ, ਦਿਸ੍ਸਨ੍ਤਿ ਮਹਾਭੋਗਾ. ਦਿਸ੍ਸਨ੍ਤਿ ਨੀਚਕੁਲੀਨਾ, ਦਿਸ੍ਸਨ੍ਤਿ ਉਚ੍ਚਾਕੁਲੀਨਾ. ਦਿਸ੍ਸਨ੍ਤਿ ਦੁਪ੍ਪਞ੍ਞਾ, ਦਿਸ੍ਸਨ੍ਤਿ ਪਞ੍ਞਵਨ੍ਤੋ. ਕੋ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਨੁਸ੍ਸਾਨਂਯੇਵ ਸਤਂ ਮਨੁਸ੍ਸਭੂਤਾਨਂ ਦਿਸ੍ਸਨ੍ਤਿ ਹੀਨਪ੍ਪਣੀਤਤਾ’’ਤਿ ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਦੀਘਾਯੁਕਅਪ੍ਪਾਯੁਕਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਪਾਣਾਤਿਪਾਤੀ ਹੋਤਿ, ਲੁਦ੍ਦੋ ਲੋਹਿਤਪਾਣਿ ਹਤਪਹਤੇ ਨਿਵਿਟ੍ਠੋ ਅਦਯਾਪਨ੍ਨੋ ਪਾਣਭੂਤੇਸੂਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਅਪ੍ਪਾਯੁਕਦੀਘਾਯੁਕਸਂਵਤ੍ਤਨਕਾਨਿ ਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਅਪ੍ਪਾਬਾਧਬਵ੍ਹਾਬਾਧਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ¶ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਸਤ੍ਤਾਨਂ ਵਿਹੇਟ੍ਠਕਜਾਤਿਕੋ ਹੋਤਿ ਪਾਣਿਨਾ ਵਾ ਲੇਡ੍ਡੁਨਾਵਾ ਦਣ੍ਡੇਨਵਾ ਸਤ੍ਥੇਨ ਵਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਤ੍ਤਾਨਂ ਅਪ੍ਪਾਬਾਧਬਵ੍ਹਾਬਾਧਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਸੁਵਣ੍ਣਦੁਬ੍ਬਣ੍ਣਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਕੋਧਨੋ ਹੋਤਿ ਉਪਾਯਾਸਬਹੁਲੋ, ਅਪ੍ਪਮ੍ਪਿ ਵੁਤ੍ਤੋ ਸਮਾਨੋ ਅਭਿਸਜ੍ਜਤਿ ਕੁਪ੍ਪਤਿ ਬ੍ਯਾਪਜ੍ਜਤਿ ਪਤਿਟ੍ਠਿਯਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰੋਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਤ੍ਤਾਨਂ ਸੁਵਣ੍ਣਦੁਬ੍ਬਣ੍ਣਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਮਹੇਸਕ੍ਖ ਅਪ੍ਪੇਸਕ੍ਖਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਇਸ੍ਸਾਮਨਕੋ ਹੋਤਿ, ਪਰਲਾਭਸਕ੍ਕਾਰ ਗਰੁਕਾਰ ਮਾਨਨਵਨ੍ਦਨ ਪੂਜਾਸੁ ਇਸ੍ਸਤਿ ਉਪਦੁਸ੍ਸਤਿ ਇਸ੍ਸਂ ਬਨ੍ਧਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਤ੍ਤਾਨਂ ਅਪ੍ਪੇਸਕ੍ਖਮਹੇਸਕ੍ਖਸਂਵਤ੍ਤਨਕਾਨਿ ਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਮਹਾਭੋਗਅਪ੍ਪਭੋਗਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਨ ਦਾਤਾ ਹੋਤਿ, ਸਮਣਸ੍ਸ ਵਾ ਬ੍ਰਾਹ੍ਮਣਸ੍ਸ ਵਾ ਅਨ੍ਨਂ ਪਾਨਂ ਵਤ੍ਤਂ ਯਾਨਂ ਮਾਲਾਗਨ੍ਧ ਵਿਲੇਪਨਂ ਸੇਯ੍ਯਵਸਥਪਦੀਪੇਯ੍ਯਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਮਹਾਭੋਗਅਪ੍ਪਭੋਗਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਉਚ੍ਚਾਕੁਲੀਨ ਨੀਚਕੁਲੀਨਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਥਦ੍ਧੋ ਹੋਤਿ ਅਤਿਮਾਨਿ ਅਭਿਵਾਦੇਤਬ੍ਬਂ ਨ ਅਭਿਵਾਦੇਤਿ, ਪਚ੍ਚੁਟ੍ਠਾਤਬ੍ਬਂ ਨ ਪਚ੍ਚੁਟ੍ਠੇਤਿ, ਆਸਨਾਰਹਸ੍ਸ ਨ ਆਸਨਂ ਦੇਤਿ, ਮਗ੍ਗਾਰਹਸ੍ਸ ਨ ਮਗ੍ਗਂ ਦੇਤਿ, ਸਕ੍ਕਾਤਬ੍ਬਂ ਨ ਸਕ੍ਕਰੋਤਿ, ਗਰੁਕਾਤਬ੍ਬਂ ਨ ਗਰੁਕਰੋਤਿ, ਮਾਨੇਤਬ੍ਬਂ ਮਾਨੇਤਿ, ਪੂਜੇਤਬ੍ਬਂ ਨ ਪੂਜੇਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਤ੍ਤਾਨਂ ਉਚ੍ਚਾਕੁਲੀਨ ਨੀਚਕੁਲੀਨਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਸਤ੍ਤਾਨਂ ਮਹਾਪਞ੍ਞਦੁਪ੍ਪਞ੍ਞਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਵਿਸ੍ਸਜ੍ਜਨਾ – ਇਧ ਮਾਣਵ ਏਕਚ੍ਚੋ ਇਤ੍ਥੀ ਵਾ ਪੁਰਿਸੋ ਵਾ ਸਮਣਂ ਵਾ ਬ੍ਰਾਹ੍ਮਣਂ ਵਾ ਉਪਸਙ੍ਕਮਿਤ੍ਵਾ ਨ ਪਰਿਪੁਚ੍ਛਿਤਾ ਹੋਤਿ ‘‘ਕਿਂ ਭਨ੍ਤੇ ਕੁਸਲਂ, ਕਿਂ ਅਕੁਸਲਂ. ਕਿਂ ਸਾਵਜ੍ਜਂ, ਕਿਂ ਅਨਵਜ੍ਜਂ. ਕਿਂ ਸੇਵਿਤਬ੍ਬਂ, ਕਿਂ ਨ ਸੇਵਿਤਬ੍ਬਂ. ਕਿਂ ਮੇ ਕਰੀਯਮਾਨਂ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ ਹੋਤਿ, ਕਿਂ ਵਾ ਪਨ ਮੇ ਕਰੀਯਮਾਨਂ ¶ ਦੀਘਰਤ੍ਤਂ ਹਿਤਾਯ ਸੁਖਾਯ ਹੋਤੀ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਤ੍ਤਾਨਂ ਮਹਾਪਞ੍ਞਦੁਪ੍ਪਞ੍ਞਸਂਵਤ੍ਤਨਕਕਮ੍ਮਾਨਿ ਵਿਭਜਿਤ੍ਵਾ ਪਕਾਸਿਤਾਨਿ.

ਪੁਚ੍ਛਾ – ਇਨ੍ਦ੍ਰਿਯਭਾਵਨਾਸੁਤ੍ਤਂ ¶ ਪਨਾਵੁਸੋ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਭਾਸਿਤਂ.

ਵਿਸ੍ਸਜ੍ਜਨਾ – ਗਜਙ੍ਗਲਾਯਂ ਭਨ੍ਤੇ ਉਤ੍ਤਰਂ ਨਾਮ ਮਾਣਵਂ ਪਾਰਾਸਿਵਿਯਨ੍ਤੇਵਾਸਿਂ ਆਰਬ੍ਭ ਭਾਸਿਤਂ, ਉਤ੍ਤਰੋ ਭਨ੍ਤੇ ਮਾਣਵੋ ਪਾਰਾਸਿਵਿਯਨ੍ਤੇਵਾਸੀ ਭਗਵਤਾ ਪੁਟ੍ਠੋ ਭਗਵਨ੍ਤਂ ਏਤਦਵੋਚ ‘‘ਇਧ ਭੋ ਗੋਤਮ ਚਕ੍ਖੁਨਾ ਰੂਪਂ ਨ ਪਸ੍ਸਤਿ, ਸੋਤੇਨ ਸਦ੍ਦਂ ਨ ਸੁਣਾਤਿ. ਏਵਂ ਖੋ ਭੋ ਗੋਤਮ ਦੇਸੇਤਿ ਪਾਰਾਸਿਵਿਯੋ ਬ੍ਰਾਹ੍ਮਣੋ ਸਾਵਕਾਨਂ ਇਨ੍ਦ੍ਰਿਯਭਾਵਨ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ਭਾਸਿਤਂ.