ਅਞ੍ਞ > ਸਙ੍ਗਾਯਨ-ਪੁਚ੍ਛ ਵਿਸ੍ਸਜ੍ਜਨਾ > ਅਙ੍ਗੁਤ੍ਤਰਨਿਕਾਯ (ਪੁ-ਵਿ)

ਪੁਚ੍ਛਾ – ਪਠਮਮਹਾਸਂਗੀਤਿਕਾਲੇ ¶ ਆਵੁਸੋ ਧਮ੍ਮਸਂਗਾਹਕਾ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਪਠਮਂ ਵਿਨਯਪਿਟਕਂ ਸਂਗਾਯਿਤ੍ਵਾ ਸੁਤ੍ਤਨ੍ਤਪਿਟਕੇ ਚ ਦੀਘਮਜ੍ਝਿਮਸਂਯੁਤ੍ਤਸਙ੍ਖਾਤੇ ਤਯੋ ਨਿਕਾਯੇ ਸਂਗਾਯਿਤ੍ਵਾ ਤਦਨਨ੍ਤਰਂ ਕਿਂ ਨਾਮ ਪਾਵਚਨਂ ਸਂਗਾਯਿਂਸੁ.

ਵਿਸ੍ਸਜ੍ਜਨਾ – ਪਠਮਮਹਾਸਂਗੀਤਿਕਾਲੇ ਭਨ੍ਤੇ ਧਮ੍ਮਸਂਗਾਹਕਾ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਪਠਮਂ ਵਿਨਯਂ ਸਂਗਾਯਿਤ੍ਵਾ ਸੁਤ੍ਤਨ੍ਤਪਿਟਕੇ ਚ ਦੀਘਮਜ੍ਝਿਮਸਂਯੁਤ੍ਤਸਙ੍ਖਾਤੇ ਤਯੋ ਨਿਕਾਯੇ ਸਂਗਾਯਿਤ੍ਵਾ ਤਦਨਨ੍ਤਰਂ ਨਵਹਿ ਚ ਸੁਤ੍ਤਸਹਸ੍ਸੇਹਿ ਪਞ੍ਚਹਿ ਚ ਸੁਤ੍ਤਸਤ੍ਤੇਹਿ ਸਤ੍ਤਪਞ੍ਞਾਸਾਯ ਚ ਸੁਤ੍ਤੇਹਿ ਪਟਿਮਣ੍ਡਿਤਂ ਵੀਸਤਿਭਾਣਵਾਰਸਤਪਰਿਮਾਣਂ ਅਙ੍ਗੁਤ੍ਤਰਨਿਕਾਯਂ ਨਾਮ ਪਾਵਚਨਂ ਸਂਗਾਯਿਂਸੁ.

ਪੁਚ੍ਛਾ – ਅਙ੍ਗੁਤ੍ਤਰਨਿਕਾਯੇਪਿ ¶ ਆਵੁਸੋ ਏਕਕਨਿਪਾਤੋ ਦੁਕਨਿਪਾਤੋ ਤਿਕਨਿਪਾਤੋਤਿਆਦਿਨਾ ਨਿਪਾਤਪਕਰਣਪਰਿਚ੍ਛੇਦਵਸੇਨ ਏਕਾਦਸਵਿਧਾ. ਤਤ੍ਥ ਕਤਰਂ ਨਿਪਾਤਪਕਰਣਂ ਸਂਗਾਯਿਂਸੁ.

ਵਿਸ੍ਸਜ੍ਜਨਾ – ਅਙ੍ਗੁਤ੍ਤਰਨਿਕਾਯੇ ਭਨ੍ਤੇ ਏਕਾਦਸਸੁ ਨਿਪਾਤਪਕਰਣਪਰਿਚ੍ਛੇਦੇਸੁ ਏਕਕਨਿਪਾਤਂ ਪਠਮਂ ਸਂਗਾਯਿਂਸੁ.

ਪੁਚ੍ਛਾ – ਏਕਕਨਿਪਾਤੇਪਿ ¶ ਆਵੁਸੋ ਰੂਪਾਦਿਵਗ੍ਗੋ ਨੀਵਰਣਪ੍ਪਹਾਨਵਗ੍ਗੋ ਅਕਮ੍ਮਨਿਯਵਗ੍ਗੋਤਿਆਦਿਨਾ ਵਗ੍ਗਭੇਦਵਸੇਨ ਬਹੁਵਿਧਾ. ਤਤ੍ਥ ਕਤਰਂ ਵਗ੍ਗਂ ਪਠਮਂ ਸਂਗਾਯਿਂਸੁ.

ਵਿਸ੍ਸਜ੍ਜਨਾ – ਏਕਕਨਿਪਾਤੇ ਭਨ੍ਤੇ ਰੂਪਾਦਿਵਗ੍ਗੋ ਨੀਵਰਣਪ੍ਪਹਾਨਵਗ੍ਗੋਤਿਆਦਿਨਾ ਵੀਸਤਿਯਾ ਵਗ੍ਗੇਸੁ ਰੂਪਾਦਿਵਗ੍ਗਂ ਪਠਮਂ ਸਂਗਾਯਿਂਸੁ.

ਪੁਚ੍ਛਾ – ਸਾਧੁ ਸਾਧੁ ਆਵੁਸੋ, ਮਯਮ੍ਪਿ ਦਾਨਿ ਆਵੁਸੋ ਤਤੋਯੇਵ ਪਟ੍ਠਾਯ ਸਂਗਾਹਨਤ੍ਥਾਯ ਸਂਗੀਤਿਪੁਬ੍ਬਙ੍ਗਮਾਨਿ ਧਮ੍ਮਪੁਚ੍ਛਨਵਿਸ੍ਸਜ੍ਜਨਕਿਚ੍ਚਾਨਿ ਆਵਹਿਤੁਂ ਸਮਾਰਭਾਮ. ਤੇਨਾਵੁਸੋ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਰੂਪਾਦਿਵਗ੍ਗੇ ਪੁਰਿਮਾਨਿ ਪਞ੍ਚ ਸੁਤ੍ਤਾਨਿ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ¶ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਰੂਪਾਦਿਗਰੁਕਾਨਂ ਪਞ੍ਚਨ੍ਨਂ ਪੁਰਿਸਾਨਂ ਅਜ੍ਝਾਸਯਵਸੇਨ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਰੂਪਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਯਥਯਿਦਂ ਭਿਕ੍ਖਵੇ ਇਤ੍ਥਿਰੂਪਂ, ਇਤ੍ਥਿਰੂਪਂ ਭਿਕ੍ਖਵੇ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਨਾਹਂ ਭਿਕ੍ਖਵੇ ਅਞ੍ਞਂ ਏਕਰੂਪਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਯਥਯਿਦਂ ਭਿਕ੍ਖਵੇ ਇਤ੍ਥਿਰੂਪਂ, ਇਤ੍ਥਿਰੂਪਂ ਭਿਕ੍ਖਵੇ ਪੁਰਿਸਸ੍ਸ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪਚ੍ਛਿਮਾਨਿ ਪਞ੍ਚ ਸੁਤ੍ਤਾਨਿ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਸ੍ਮਿਂਯੇਵ ਭਨ੍ਤੇ ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਰੂਪਾਦਿਗਰੁਕਾਨਂ ਪਞ੍ਚਨ੍ਨਂ ਇਤ੍ਥੀਨਂ ਅਜ੍ਝਾਸਯਵਸੇਨ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਰੂਪਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਇਤ੍ਥਿਯਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਯਥਯਿਦਂ ਭਿਕ੍ਖਵੇ ਪੁਰਿਸਰੂਪਂ, ਪੁਰਿਸਰੂਪਂ ਭਿਕ੍ਖਵੇ ਇਤ੍ਥਿਯਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਨਾਹਂ ਭਿਕ੍ਖਵੇ ਅਞ੍ਞਂ ਏਕਰੂਪਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਇਤ੍ਥਿਯਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ, ਯਥਯਿਦਂ ਭਿਕ੍ਖਵੇ ਪੁਰਿਸਰੂਪਂ, ਪੁਰਿਸਰੂਪਂ ਭਿਕ੍ਖਵੇ ਇਤ੍ਥਿਯਾ ਚਿਤ੍ਤਂ ਪਰਿਯਾਦਾਯ ਤਿਟ੍ਠਤਿ.

ਪੁਚ੍ਛਾ – ਇਮਸ੍ਮਿਂ ¶ ਆਵੁਸੋ ਰੂਪਾਦਿਵਗ੍ਗੇ ਭਗਵਤਾ ਨੀਤਤ੍ਥਵਸੇਨ ਕਿਂ ਕਥਿਤਂ, ਨੇਯ੍ਯਤ੍ਥਵਸੇਨ ਪਨ ਕਿਂ ਞਾਪਿਤਂ.

ਵਿਸ੍ਸਜ੍ਜਨਾ – ਇਮਸ੍ਮਿਂ ਭਨ੍ਤੇ ਰੂਪਾਦਿਵਗ੍ਗੇ ਭਗਵਤਾ ਨੀਤਤ੍ਥਵਸੇਨ ਵਟ੍ਟਂ ਕਥਿਤਂ. ਨੇਯ੍ਯਤ੍ਥਵਸੇਨ ਪਨ ਵਿਵਟ੍ਟਮ੍ਪਿ ਞਾਪਿਤਂ.

ਪੁਚ੍ਛਾ – ਦੁਤਿਯੋ ¶ ਪਨ ਆਵੁਸੋ ਨੀਵਰਣਪ੍ਪਹਾਨਵਗ੍ਗੋ ਭਗਵਤਾ ਕਤ੍ਥ ਕਥਞ੍ਚ ਭਾਸਿਤੋ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯੇਨ ਅਨੁਪ੍ਪਨ੍ਨੋ ਵਾ ਕਾਮਚ੍ਛਨ੍ਦੋ ਉਪ੍ਪਜ੍ਜਤਿ, ਉਪ੍ਪਨ੍ਨੋ ਵਾ ਕਾਮਚ੍ਛਨ੍ਦੋ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਸੁਭਨਿਮਿਤ੍ਤਂ, ਸੁਭਨਿਮਿਤ੍ਤਂ ਭਿਕ੍ਖਵੇ ਅਯੋਨਿਸੋ ਮਨਸਿਕਰੋਤੋ ਅਨੁਪ੍ਪਨ੍ਨੋਚੇਵ ਕਾਮਚ੍ਛਨ੍ਦੋ ਉਪ੍ਪਜ੍ਜਤਿ, ਉਪ੍ਪਨ੍ਨੋ ਚ ਕਾਮਚ੍ਛਨ੍ਦੋ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਸਂਵਤ੍ਤਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤੋ.

ਪੁਚ੍ਛਾ – ਇਮਸ੍ਮਿਂ ¶ ਪਨ ਆਵੁਸੋ ਦੁਤਿਯੇ ਨੀਵਰਣਪ੍ਪਹਾਨਵਗ੍ਗੇ ਭਗਵਤਾ ਕਿਂ ਕਥਿਤਂ.

ਵਿਸ੍ਸਜ੍ਜਨਾ – ਇਮਸ੍ਮਿਂ ਪਨ ਭਨ੍ਤੇ ਦੁਤਿਯੇ ਨੀਵਰਣਪ੍ਪਹਾਨਵਗ੍ਗੇ ਭਗਵਤਾ ਵਟ੍ਟਮ੍ਪਿ ਵਿਵਟ੍ਟਮ੍ਪਿ ਕਥਿਤਂ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਤਤਿਯੇ ਅਕਮ੍ਮਨਿਯਵਗ੍ਗੇ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਤਤਿਯੇ ਭਨ੍ਤੇ ਅਕਮ੍ਮਨਿਯਵਗ੍ਗੇ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਅਭਾਵਿਤਂ ਅਕਮ੍ਮਨਿਯਂ ਹੋਤਿ, ਯਥਯਿਦਂ ਭਿਕ੍ਖਵੇ ਚਿਤ੍ਤਂ, ਚਿਤ੍ਤਂ ਭਿਕ੍ਖਵੇ ਅਭਾਵਿਤਂ ਅਕਮ੍ਮਨਿਯਂ ਹੋਤਿ. ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਭਾਵਿਤਂ ਕਮ੍ਮਨਿਯਂ ਹੋਤਿ, ਯਥਯਿਦਂ ਭਿਕ੍ਖਵੇ ਚਿਤ੍ਤਂ. ਚਿਤ੍ਤਂ ਭਿਕ੍ਖਵੇ ਭਾਵਿਤਂ ਕਮ੍ਮਨਿਯਂ ਹੋਤੀ’’ਤਿ ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਚਤੁਤ੍ਥੇ ¶ ਪਨਾਵੁਸੋ ਅਦਨ੍ਤਵਗ੍ਗੇ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਚਤੁਤ੍ਥੇ ਭਨ੍ਤੇ ਅਦਨ੍ਤਵਗ੍ਗੇ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਅਦਨ੍ਤਂ ਮਹਤੋ ਅਨਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਚਿਤ੍ਤਂ, ਚਿਤ੍ਤਂ ਭਿਕ੍ਖਵੇ ਅਦਨ੍ਤਂ ਮਹਤੋ ਅਨਤ੍ਥਾਯ ਸਂਵਤ੍ਤਤਿ. ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਦਨ੍ਤਂ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਚਿਤ੍ਤਂ, ਚਿਤ੍ਤਂ ਭਿਕ੍ਖਵੇ ਦਨ੍ਤਂ ਮਹਤੋ ਅਤ੍ਥਾਯ ਸਂਵਤ੍ਤਤੀ’’ਤਿ ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਪਞ੍ਚਮੇ ¶ ਆਵੁਸੋ ਪਣਿਹਿਤਅਚ੍ਛਵਗ੍ਗੇ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਪਞ੍ਚਮੇ ਭਨ੍ਤੇ ਪਣਿਹਿਤਅਚ੍ਛਵਗ੍ਗੇ ‘‘ਸੇਯ੍ਯਥਾਪਿ ਭਿਕ੍ਖਵੇ ਸਾਲਿਸੂਕਂ ਵਾ ਯਵਸੂਕਂ ਵਾ ਮਿਚ੍ਛਾਪਣਿਹਿਤਂ ਹਤ੍ਥੇਨ ਵਾ ਪਾਦੇਨ ਵਾ ਅਕ੍ਕਨ੍ਤਂ ਹਤ੍ਥਂ ਵਾ ਪਾਦਂ ਵਾ ਭੇਚ੍ਛਤਿ, ਲੋਹਿਤਂ ਵਾ ਉਪ੍ਪਾਦੇਸ੍ਸਤੀਤਿ ਨੇਤਂ ਠਾਨ ਵਿਜ੍ਜਤਿ. ਤਂ ਕਿਸ੍ਸਹੇਤੁ, ਮਿਚ੍ਛਾਪਣਿਹਿਤਤ੍ਤਾ ਭਿਕ੍ਖਵੇ ਸੂਕਸ੍ਸ. ਏਵਮੇਵ ਖੋ ਭਿਕ੍ਖਵੇ ਸੋ ਵਤ ਭਿਕ੍ਖੁ ਮਿਚ੍ਛਾਪਣਿਹਿਤੇਨ ਚਿਤ੍ਤੇਨ ਅਵਿਜ੍ਜਂ ¶ ਭੇਚ੍ਛਤਿ, ਵਿਜ੍ਜਂ ਉਪ੍ਪਾਦੇਸ੍ਸਤਿ, ਨਿਬ੍ਬਾਨਂ ਸਚ੍ਛਿਕਰਿਸ੍ਸਤੀਤਿ ਨੇਤਂ ਠਾਨਂ ਵਿਜ੍ਜਤਿ, ਤਂ ਕਿਸ੍ਸ ਹੇਤੁ, ਮਿਚ੍ਛਾਪਣਿਹਿਤਤ੍ਤਾ ਭਿਕ੍ਖਵੇ ਚਿਤ੍ਤਸ੍ਸਾ’’ਤਿ ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਅਚ੍ਛਰਾਸਙ੍ਘਾਤਵਗ੍ਗੇ ¶ ਆਵੁਸੋ ਪਠਮ ਦੁਤਿਯਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਅਚ੍ਛਰਾਸਙ੍ਘਾਤਵਗ੍ਗੇ ਭਨ੍ਤੇ ਭਗਵਤਾ ‘‘ਪਭਸ੍ਸਰਮਿਦਂ ਭਿਕ੍ਖਵੇ ਚਿਤ੍ਤਂ, ਤਞ੍ਚ ਖੋ ਆਗਨ੍ਤੁਕੇਹਿ ਉਪਕ੍ਕਿਲੇਸੇਹਿ ਉਪਕ੍ਕਿਲਿਟ੍ਠਂ, ਤਂ ਅਸ੍ਸੁਤਵਾ ਪੁਥੁਜ੍ਜਨੋ ਯਥਾਭੂਤਂ ਨਪ੍ਪਜਾਨਾਤਿ, ਤਸ੍ਮਾ ‘ਅਸ੍ਸੁਤਵਤੋ ਪੁਥੁਜ੍ਜਨਸ੍ਸ ਚਿਤ੍ਤਭਾਵਨਾ ਨਤ੍ਥੀ’ਤਿ ਵਦਾਮਿ. ਪਭਸ੍ਸਰਮਿਦਂ ਭਿਕ੍ਖਵੇ ਚਿਤ੍ਤਂ, ਤਞ੍ਚ ਖੋ ਆਗਨ੍ਤੁਕੇਹਿ ਉਪਕ੍ਕਿਲੇਸੇਹਿ ਵਿਪ੍ਪਮੁਤ੍ਤਂ, ਤਂ ਸੁਭਵਾ ਅਰਿਯਸਾਵਕੋ ਯਥਾਭੂਤਂ ਪਜਾਨਾਤਿ. ਤਸ੍ਮਾ ‘ਸੁਤਪਤੋ ¶ ਅਰਿਯਸਾਵਕਸ੍ਸ ਚਿਤ੍ਤਭਾਵਨਾ ਅਤ੍ਥੀ’ਤਿ ਵਦਾਮੀ’’ਤਿ. ਏਵਂ ਖੋ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਤਿਯਸੁਤ੍ਤਾਦੀਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਤਤਿਯਸੁਤ੍ਤਾਦੀਨਿ ਪਞ੍ਚਸੁਤ੍ਤਾਨਿ ‘‘ਅਚ੍ਛਰਾਸਙ੍ਘਾਤਮਤ੍ਤਮ੍ਪਿ ਚੇ ਭਿਕ੍ਖਵੇ ਭਿਕ੍ਖੁ ਮੇਤ੍ਤਾਚਿਤ੍ਤਂ ਆਸੇਵਤਿ, ਭਾਵੇਤਿ, ਮਨਸਿਕਰੋਤਿ. ਅਯਂ ਵੁਚ੍ਚਤਿ ਭਿਕ੍ਖਵੇ ਭਿਕ੍ਖੁ ਅਰਿਤ੍ਤਜ੍ਝਾਨੋ ਵਿਹਰਤਿ ਸਤ੍ਥੁਸਾਸਨਕਰੋ ਓਵਾਦਪਤਿਕਰੋ ਅਮੋਘਂ ਰਟ੍ਠਪਿਣ੍ਡਂ ਭੁਞ੍ਜਤਿ, ਕੋ ਪਨ ਵਾਦੋ ਯੇ ਨਂ ਬਹੁਲੀਕਰੋਨ੍ਤਿ. ਯੇਕੇਚਿ ਭਿਕ੍ਖਵੇ ਧਮ੍ਮਾ ਅਕੁਸਲਾ ਅਕੁਸਲਭਾਗਿਯਾ ਅਕੁਸਲਪਕ੍ਖਿਕਾ, ਸਬ੍ਬੇਤੇ ਮਨੋਪੁਬ੍ਬਙ੍ਗਮਾ, ਮਨੋ ਤੇਸਂ ਧਮ੍ਮਾਨਂ ਪਠਮਂ ਉਪ੍ਪਜ੍ਜਤਿ, ਅਨ੍ਵਦੇਵ ਅਕੁਸਲਾਧਮ੍ਮਾ, ਯੇਕੇਚਿ ਭਿਕ੍ਖਵੇ ਧਮ੍ਮਾ ਕੁਸਲਾ ਕੁਸਲਭਾਗਿਯਾ ਕੁਸਲਪਕ੍ਖਿਕਾ, ਸਬ੍ਬੇਤੇ ਮਨੋਪੁਬ੍ਬਙ੍ਗਮਾ, ਮਨੋ ਤੇਸਂ ਧਮ੍ਮਾਨਂ ਪਠਮਂ ਉਪ੍ਪਜ੍ਜਤਿ, ਅਨ੍ਵਦੇਵ ਕੁਸਲਾ ਧਮ੍ਮਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਟ੍ਠਮ ਨਵਮ ਦਸਮਸੁਤ੍ਤਾਨਿ ਚ ਵੀਰਿਯਾਰਮ੍ਭਾਦਿਵਗ੍ਗੇ ਦਸਸੁਤ੍ਤਾਨਿ ਚ ਕਲ੍ਯਾਣਮਿਤ੍ਤਾਦਿਵਗ੍ਗੇ ਪਠਮਸੁਤ੍ਤਞ੍ਚ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਅਟ੍ਠਮ ਨਵਮ ਦਸਮਸੁਤ੍ਤਾਨਿ ਚ ਵੀਰਿਯਾਰਮ੍ਭਾਦਿਵਗ੍ਗੇ ਦਸਸੁਤ੍ਤਾਨਿ ਚ ਕਲ੍ਯਾਣਮਿਤ੍ਤਾਦਿਵਗ੍ਗੇ ਪਠਮਸੁਤ੍ਤਞ੍ਚ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯੇਨ ਅਨੁਪ੍ਪਨ੍ਨਾ ਵਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਵਾ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਯਥਯਿਦਂ ਭਿਕ੍ਖਵੇ ਪਮਾਦੋ, ਪਮਤ੍ਤਸ੍ਸ ਭਿਕ੍ਖਵੇ ਅਨੁਪ੍ਪਨ੍ਨਾ ਚੇਵ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਕੁਸਲਾ ਧਮ੍ਮਾ ਪਰਿਹਾਯਨ੍ਤੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਕਲ੍ਯਾਣਮਿਤ੍ਤਾਦਿਵਗ੍ਗੇ ¶ ਆਵੁਸੋ ਦੁਤਿਯ ਤਤਿਯਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਕਲ੍ਯਾਣਮਿਤ੍ਤਾਦਿਵਗ੍ਗੇ ਭਨ੍ਤੇ ਦੁਤਿਯ ਤਤਿਯਸੁਤ੍ਤਾਨਿ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯੇਨ ਅਨੁਪ੍ਪਨ੍ਨਾ ਵਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਵਾ ਕੁਸਲਾ ਧਮ੍ਮਾ ਪਰਿਹਾਯਨ੍ਤਿ, ਯਥਯਿਦਂ ਭਿਕ੍ਖਵੇ ਅਨੁਯੋਗੋ ਅਕੁਸਲਾਨਂ ਧਮ੍ਮਾਨਂ ਅਨਨੁਯੋਗੋ ਕੁਸਲਾਨਂ ਧਮ੍ਮਾਨ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਛਟ੍ਠਸੁਤ੍ਤਾਦੀਨਿ ਚ ਪਮਾਦਾਦਿਵਗ੍ਗੇ ਪਠਮਸੁਤ੍ਤਞ੍ਚ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਛਟ੍ਠਸੁਤ੍ਤਾਦੀਨਿ ਚ ਪਮਾਦਾਦਿਵਗ੍ਗੇ ਪਠਮਸੁਤ੍ਤਞ੍ਚ ‘‘ਅਪ੍ਪਮਤ੍ਤਿਕਾ ਏਸਾ ਭਿਕ੍ਖਵੇ ਪਰਿਹਾਨਿ ਯਦਿਦਂ ਞਾਤਿਪਰਿਹਾਨਿ. ਏਤਂ ਪਤਿਕਿਟ੍ਠਂ ਭਿਕ੍ਖਵੇ ਪਰਿਹਾਨੀਨਂ ਯਦਿਦਂ ਪਞ੍ਞਾਪਰਿਹਾਨੀਤਿ. ਅਪ੍ਪਮਤ੍ਤਿਕਾ ਏਸਾ ਭਿਕ੍ਖਵੇ ਵੁਦ੍ਧਿ ਯਦਿਦਂ ਞਾਤਿਵੁਦ੍ਧਿ. ਏਤਦਗ੍ਗਂ ਭਿਕ੍ਖਵੇ ਵੁਦ੍ਧੀਨਂ ਯਦਿਦਂ ਪਞ੍ਞਾਵੁਦ੍ਧਿ ¶ . ਤਸ੍ਮਾਤਿਹ ਭਿਕ੍ਖਵੇ ਏਵਂ ਸਿਕ੍ਖਿਤਬ੍ਬਂ ‘ਪਞ੍ਞਾਵੁਦ੍ਧਿਯਾ ਵਦ੍ਧਿਸ੍ਸਾਮਾ’ਤਿ. ਏਵਞ੍ਹਿ ਵੋ ਭਿਕ੍ਖਵੇ ਸਿਕ੍ਖਿਤਬ੍ਬ’’ਨ੍ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਪਮਾਦਾਦਿਵਗ੍ਗੇ ਦੁਤਿਯਸੁਤ੍ਤਾਦੀਨਿ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯੋ ਏਵਂ ਮਹਤੋ ਅਨਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਪਮਾਦੋ. ਪਮਾਦੋ ਭਿਕ੍ਖਵੇ ਮਹਤੋ ਅਨਤ੍ਥਾਯ ਸਂਵਤ੍ਤਤਿ. ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ, ਯੋ ਏਵਂ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਅਪ੍ਪਮਾਦੋ, ਅਪ੍ਪਮਾਦੋ ਭਿਕ੍ਖਵੇ ਮਹਤੋ ਅਨਤ੍ਥਾਯ ਸਂਵਤ੍ਤਤੀਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਦੁਤਿਯੇ ¶ ਪਨਾਵੁਸੋ ਪਮਾਦਾਦਿਵਗ੍ਗੇ ਪਠਮਸੁਤ੍ਤਾਦੀਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਦੁਤਿਯੇ ਭਨ੍ਤੇ ਪਮਾਦਾਦਿਵਗ੍ਗੇ ਅਜ੍ਝਤ੍ਤਿਕਂ ਭਿਕ੍ਖਵੇ ਅਙ੍ਗਨ੍ਤਿ ਕਰਿਤ੍ਵਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਮਹਤੋ ਅਨਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਪਮਾਦੋ. ਪਮਾਦੋ ਭਿਕ੍ਖਵੇ ਮਹਤੋ ਅਨਤ੍ਥਾਯ ਸਂਵਤ੍ਤਤਿ. ਅਜ੍ਝਤ੍ਤਿਕਂ ਭਿਕ੍ਖਵੇ ਅਙ੍ਗਨ੍ਤਿ ਕਰਿਤ੍ਵਾ ਨਾਞ੍ਞਂ ਏਕਙ੍ਗਮ੍ਪਿ ਸਮਨੁਪਸ੍ਸਾਮਿ, ਯਂ ਏਵਂ ਮਹਤੋ ਅਤ੍ਥਾਯ ਸਂਵਤ੍ਤਤਿ, ਯਥਯਿਦਂ ਭਿਕ੍ਖਵੇ ਅਪ੍ਪਮਾਦੋ. ਅਪ੍ਪਮਾਦੋ ਭਿਕ੍ਖਵੇ ਮਹਤੋ ਅਤ੍ਥਾਯ ਸਂਵਤ੍ਤਤੀਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤੇਤ੍ਤਿਂਸਮਾਦੀਨਿਚ ਦਸਸੁਤ੍ਤਾਨਿ ਅਧਮ੍ਮਵਗ੍ਗੇ ਚ ਦਸਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਤੇਤ੍ਤਿਂਸਮਾਦੀਨਿ ਦਸਸੁਤ੍ਤਾਨਿ ਚ ਅਧਮ੍ਮਵਗ੍ਗੇ ਦਸਸੁਤ੍ਤਾਨਿ ਚ ਯੇ ਤੇ ਭਿਕ੍ਖਵੇ ਭਿਕ੍ਖੂ ਅਧਮ੍ਮਂ ‘‘ਧਮ੍ਮੋ’’ਤਿ ਦੀਪੇਨ੍ਤਿ, ਤੇ ਭਿਕ੍ਖਵੇ ਭਿਕ੍ਖੂ ਬਹੁਜਨਅਹਿਤਾਯ ਪਟਿਪਨ੍ਨਾ ਬਹੁਜਨਅਸੁਖਾਯ ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇਵਮਨੁਸ੍ਸਾਨਂ. ਬਹੁਞ੍ਚ ਤੇ ਭਿਕ੍ਖਵੇ ਭਿਕ੍ਖੂ ਅਪੁਞ੍ਞਂ ਪਸਵਨ੍ਤਿ, ਤੇ ਚਿਮਂ ਸਦ੍ਧਮ੍ਮਂ ਅਨ੍ਤਰਧਾਪੇਨ੍ਤੀਤਿ ਏਵਮਾਦਿਨਾ ਚ, ਯੇ ਤੇ ਭਿਕ੍ਖਵੇ ਭਿਕ੍ਖੂ ਅਧਮ੍ਮਂ ‘‘ਅਧਮ੍ਮੋ’’ਤਿ ਦੀਪੇਨ੍ਤਿ, ਤੇ ਭਿਕ੍ਖਵੇ ਭਿਕ੍ਖੂ ਬਹੁਜਨਹਿਤਾਯ ਪਟਿਪਨ੍ਨਾ ਬਹੁਜਨਸੁਖਾਯ ਬਹੁਜਨੋ ਜਨਸ੍ਸ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ. ਬਹੁਞ੍ਚ ਤੇ ਭਿਕ੍ਖਵੇ ਭਿਕ੍ਖੂ ਪੁਞ੍ਞਂ ਪਸਵਨ੍ਤਿ, ਤੇ ਚਿਮਂ ਸਦ੍ਧਮ੍ਮਂ ਠਪੇਨ੍ਤੀਤਿ ਏਵਮਾਦਿਨਾ ਚ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਏਕਪੁਗ੍ਗਲਵਗ੍ਗੇ ¶ ਆਵੁਸੋ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਏਕਪੁਗ੍ਗਲਵਗ੍ਗੇ ਭਨ੍ਤੇ ਭਗਵਤਾ ਏਕਪੁਗ੍ਗਲੋ ਭਿਕ੍ਖਵੇ ਲੋਕੇ ਉਪ੍ਪਜ੍ਜਮਾਨੋ ਉਪ੍ਪਜ੍ਜਤਿ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਂ. ਕਤਮੋ ਏਕਪੁਗ੍ਗਲੋ, ਤਥਾਗਤੋ ਅਰਹਂ ਸਮ੍ਮਾਸਮ੍ਬੁਦ੍ਧੋ, ਅਯਂ ਖੋ ਭਿਕ੍ਖਵੇ ਏਕਪੁਗ੍ਗਲੋ ਲੋਕੇ ਉਪ੍ਪਜ੍ਜਮਾਨੋ ਉਪ੍ਪਜ੍ਜਤਿ ਬਹੁਜਨਹਿਤਾਯ ਬਹੁਜਨਸੁਖਾਯ ਲੋਕਾਨੁਕਮ੍ਪਾਯ ਅਤ੍ਥਾਯ ਹਿਤਾਯ ਸੁਖਾਯ ਦੇਵਮਨੁਸ੍ਸਾਨਨ੍ਤਿ ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਏਤਦਵਗ੍ਗੇ ¶ ਆਵੁਸੋ ਆਗਤੇਸੁ ਏਕਚਤ੍ਤਾਲੀਸਾਯ ਥੇਰੇਸੁ ਆਯਸ੍ਮਾ ਅਞ੍ਞਾਸਿਕੋਣ੍ਡਞ੍ਞਤ੍ਥੇਰੋ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਏਤਦਗ੍ਗਵਗ੍ਗੇ ਭਨ੍ਤੇ ਆਗਤੇਸੁ ਏਕਚਤ੍ਤਾਲੀਸਾਯ ਮਹਾਥੇਰੇਸੁ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਰਤ੍ਤਞ੍ਞੂਨਂ ਯਦਿਦਂ ਅਞ੍ਞਾਸਿਕੋਣ੍ਡਞ੍ਞੋ’’ਤਿ, ਏਵਂ ਖੋ ਭਨ੍ਤੇ ਆਯਸ੍ਮਾ ਅਞ੍ਞਾਸਿਕੋਣ੍ਡਞ੍ਞਤ੍ਥੇਰੋ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤੇਸੁ ਏਕਚਤ੍ਤਾਲੀਸਾਯ ਮਹਾਥੇਰੇਸੁ ਆਯਸ੍ਮਾ ਚ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ਪਠਮੋ ਅਗ੍ਗਸਾਵਕੋ ਆਯਸ੍ਮਾ ਚ ਮਹਾਮੋਗ੍ਗਲ੍ਲਾਨਤ੍ਥੇਰੋ ਦੁਤਿਯੋ ਅਗ੍ਗਸਾਵਕੋ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਸਾਰਿਪੁਤ੍ਤਤ੍ਥੇਰੋ ਧਮ੍ਮਸੇਨਾਪਤਿ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਮਹਾਪਞ੍ਞਾਨਂ ਯਦਿਦਂ ਸਾਰਿਪੁਤ੍ਤੋ’’ਤਿ. ਆਯਸ੍ਮਾ ਪਨ ਮਹਾਮੋਗ੍ਗਲ੍ਲਾਨਤ੍ਥੇਰੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਇਦ੍ਧਿਮਨ੍ਤਾਨਂ ਯਦਿਦਂ ਮਹਾਮੋਗ੍ਗਲ੍ਲਾਨੋ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਇਦਂ ¶ ਤੇ ਆਸਨਂ ਵੀਰ, ਪਞ੍ਞਤ੍ਤਂ ਤਵਨੁਚ੍ਛਵਿਂ;

ਮਮ ਚਿਤ੍ਤਂ ਪਸਾਦੇਨ੍ਤੋ, ਨਿਸੀਦ ਪੁਪ੍ਫਮਾਸਨੇ.

ਯੇ ¶ ਵਤ ਲੋਕੇ ਅਰਹਨ੍ਤੋ ਵਾ ਅਰਹਤ੍ਤਮਗ੍ਗਂ ਵਾ ਸਮਾਪਨ੍ਨਾ, ਅਯਂ ਤੇਸਂ ਭਿਕ੍ਖੁ ਅਞ੍ਞਤਰੋ.

ਯਂਨੂਨਾਹਂ ਇਮਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਪਞ੍ਹਂ ਪੁਚ੍ਛੇਯ੍ਯਂ.

ਲਭੇਯ੍ਯਾਮ ¶ ਮਯਂ ਭਨ੍ਤੇ ਭਗਵਤੋ ਸਨ੍ਤਿਕੇ ਪਬ੍ਬਜ੍ਜਂ, ਲਭੇਯ੍ਯਾਮ ਉਪਸਮ੍ਪਦਂ.

ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਮਹਾਪਞ੍ਞਾਨਂ ਯਦਿਦਂ ਸਾਰਿਪੁਤ੍ਤੋ.

ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਇਦ੍ਧਿਮਨ੍ਤਾਨਂ ਯਦਿਦਂ ਮਹਾਮੋਗ੍ਗਲ੍ਲਾਨੋ.

ਪੁਚ੍ਛਾ – ਆਯਸ੍ਮਾ ¶ ਪਨ ਆਵੁਸੋ ਮਹਾਕਸ੍ਸਪਤ੍ਥੇਰੋ ਪਠਮਮਹਾਸਂਗੀਤਿਕਾਲੇ ਪਾਮੋਕ੍ਖਸਙ੍ਘਨਾਯਕਭੂਤੋ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਮਹਾਕਸ੍ਸਪਤ੍ਥੇਰੋ ਪਠਮਮਹਾਸਂਗੀਤਿਕਾਲੇ ਸਙ੍ਘਪਾਮੋਕ੍ਖਭੂਤੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਧੁਤਵਾਦਾਨਂ ਯਦਿਦਂ ਮਹਾਕਸ੍ਸਪੋ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤੇਸੁ ਏਕਚਤ੍ਤਾਲੀਸਾਯ ਮਹਾਥੇਰੇਸੁ ਆਯਸ੍ਮਾ ਅਨੁਰੁਦ੍ਧਤ੍ਥੇਰੋ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ¶ ਭਨ੍ਤੇ ਅਨੁਰੁਦ੍ਧਤ੍ਥੇਰੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਦਿਬ੍ਬਚਕ੍ਖੁਕਾਨਂ ਯਦਿਦਂ ਅਨੁਰੁਦ੍ਧੋ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਪੁਚ੍ਛਾ – ਆਯਸ੍ਮਾ ¶ ਪਨ ਆਵੁਸੋ ਸੀਵਲਿਤ੍ਥੇਰੋ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਸੀਵਲਿਤ੍ਥੇਰੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਲਾਭੀਨਂ ਯਦਿਦਂ ਸੀਵਲੀ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਸਮ੍ਮਾਸਮ੍ਬੁਦ੍ਧੋ ¶ ਵਤ ਸੋ ਭਗਵਾ, ਯੋ ਇਮਸ੍ਸ ਏਵਰੂਪਸ੍ਸ ਦੁਕ੍ਖਸ੍ਸ ਪਹਾਨਾਯ ਧਮ੍ਮਂ ਦੇਸੇਤਿ.

ਸੁਪ੍ਪਟਿਪਨ੍ਨੋ ਵਤ ਤਸ੍ਸ ਭਗਵਤੋ ਸਾਵਕਸਙ੍ਘੋ, ਯੋ ਇਮਸ੍ਸ ਏਵਰੂਪਸ੍ਸ ਦੁਕ੍ਖਸ੍ਸ ਪਹਾਨਾਯ ਪਟਿਪਨ੍ਨੋ.

ਸੁਸੁਖਂ ਵਤ ਨਿਬ੍ਬਾਨਂ, ਯਤ੍ਥਿਦਂ ਏਵਰੂਪਂ ਦੁਕ੍ਖਂ ਨ ਸਂਵਿਜ੍ਜਤਿ –

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਲਾਭੀਨਂ ਯਦਿਦਂ ਸੀਵਲਿ’’ ਹੁ –

ਪੁਚ੍ਛਾ – ਆਯਸ੍ਮਾ ਪਨ ਆਵੁਸੋ ਆਨਨ੍ਦਤ੍ਥੇਰੋ ਧਮ੍ਮਭਣ੍ਡਾਗਾਰਿਕੋ ਪਠਮਮਹਾਸਂਗੀਤਿਕਾਲੇ ਧਮ੍ਮਵਿਸ੍ਸਜ੍ਜਕਥੇਰਭੂਤੋ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ¶ ਭਨ੍ਤੇ ਆਨਨ੍ਦਤ੍ਥੇਰੋ ਧਮ੍ਮਭਣ੍ਡਾਗਾਰਿਕੋ ਪਠਮਮਹਾਸਂਗੀਤਿਕਾਲੇ ਧਮ੍ਮਵਿਸ੍ਸਜ੍ਜਕਭੂਤੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਬਹੁਸ੍ਸੁਤਾਨਂ ਯਦਿਦਂ ਆਨਨ੍ਦੋ. ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਸਤਿਮਨ੍ਤਾਨਂ ਯਦਿਦਂ ਆਨਨ੍ਦੋ. ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਗਤਿਮਨ੍ਤਾਨਂ ਯਦਿਦਂ ਆਨਨ੍ਦੋ. ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਧਿਤਿਮਨ੍ਤਾਨਂ ਯਦਿਦਂ ਆਨਨ੍ਦੋ. ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਉਪਟ੍ਠਾਕਾਨਂ ਯਦਿਦਂ ਆਨਨ੍ਦੋ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਪਞ੍ਚਸੁ ਏਤਦਗ੍ਗਟ੍ਠਾਨੇਸੁ ਠਪਿਤੋ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਬਹੁਸ੍ਸੁਤਾਨਂ. ਸਤਿਮਨ੍ਤਾਨਂ. ਗਤਿਮਨ੍ਤਾਨਂ. ਧਿਤਿਮਨ੍ਤਾਨਂ. ਉਪਟ੍ਠਾਕਾਨਂ ਯਦਿਦਂ ਆਨਨ੍ਦੋ’’ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤੇਸੁ ਏਕਚਤ੍ਤਾਲੀਸਾਯ ਮਹਾਥੇਰੇਸੁ ਆਯਸ੍ਮਾ ਉਪਾਲਿਤ੍ਥੇਰੋ ਪਠਮਮਹਾਸਂਗੀਤਿਕਾਲੇ ਵਿਨਯਵਿਸ੍ਸਜ੍ਜਕਭੂਤੋ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਾ ਭਨ੍ਤੇ ਉਪਾਲਿਤ੍ਥੇਰੋ ਪਠਮਮਹਾਸਂਗੀਤਿਕਾਲੇ ਵਿਨਯਵਿਸ੍ਸਜ੍ਜਕਭੂਤੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਭਿਕ੍ਖੂਨਂ ਵਿਨਯਧਰਾਨਂ ਯਦਿਦਂ ਉਪਾਲੀ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਪੁਚ੍ਛਾ – ਏਤਦਗ੍ਗਵਗ੍ਗੇ ¶ ਆਵੁਸੋ ਆਗਤਾਸੁ ਤੇਰਸਸੁ ਥੇਰੀਸੁ ਮਹਾਪਜਾਪਤਿ ਗੋਤਮੀਥੇਰੀ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਏਤਦਗ੍ਗਵਗ੍ਗੇ ¶ ਭਨ੍ਤੇ ਆਗਤਾਸੁ ਤੇਰਸਸੁ ਥੇਰੀਸੁ ਮਹਾਪਜਾਪਤਿਗੋਤਮੀਥੇਰੀ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਰਤ੍ਤਞ੍ਞੂਨਂ ਯਦਿਦਂ ਮਹਾਪਜਾਪਤਿ ਗੋਤਮੀ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਰਤ੍ਤਞ੍ਞੂਨਂ ਯਦਿਦਂ ਮਹਾਪਜਾਪਤਿਗੋਤਮੀ’’ –

ਪੁਚ੍ਛਾ – ਖੇਮਾਥੇਰੀ ਪਨ ਆਵੁਸੋ ਅਗ੍ਗਸਾਵਿਕਾ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਖੇਮਾਥੇਰੀ ਭਨ੍ਤੇ ਪਠਮਾ ਅਗ੍ਗਸਾਵਿਕਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਮਹਾਪਞ੍ਞਾਨਂ ਯਦਿਦਂ ਖੇਮਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

ਅਨਪੇਕ੍ਖਿਨੋ ਸਬ੍ਬਦੁਕ੍ਖਂ ਪਹਾਯ’’ –

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਮਹਾਪਞ੍ਞਾਨਂ ਯਦਿਦਂ ਖੇਮਾ’’ –

ਪੁਚ੍ਛਾ – ਉਪ੍ਪਲਵਣ੍ਣਾ ਪਨ ਆਵੁਸੋ ਥੇਰੀ ਦੁਤਿਯਅਗ੍ਗਸਾਵਿਕਾ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਉਪ੍ਪਲਵਣ੍ਣਾ ਭਨ੍ਤੇ ਥੇਰੀ ਦੁਤਿਯਅਗ੍ਗਸਾਵਿਕਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਇਦ੍ਧਿਮਨ੍ਤੀਨਂ ਯਦਿਦਂ ਉਪ੍ਪਲਵਣ੍ਣਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਇਦ੍ਧਿਮਨ੍ਤੀਨਂ ਯਦਿਦਂ ਉਪ੍ਪਲਵਣ੍ਣਾ’’ –

ਪੁਚ੍ਛਾ – ਤੇਨਾਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤਾਸੁ ਤੇਰਸਸੁ ਥੇਰੀਸੁ ਪਟਾਚਾਰਾਨਾਮ ਥੇਰੀ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਏਤਦਗ੍ਗਵਗ੍ਗੇ ਭਨ੍ਤੇ ਆਗਤਾਸੁ ਤੇਰਸਸੁ ਥੇਰਿਕਾਸੁ ਪਟਾਚਾਰਾ ਥੇਰੀ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਵਿਨਯਧਰਾਨਂ ਯਦਿਦਂ ਪਟਾਚਾਰਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਚਤੂਸੁ ਸਮੁਦ੍ਦੇਸੁ ਜਲਂ ਪਰਿਤ੍ਤਕਂ,

ਕਿਂ ਕਾਰਣਾ ਅਮ੍ਮ ਤੁਵਂ ਪਮਜ੍ਜਸਿ’’ –

ਏਤਮਤ੍ਥਵਸਂ ਞਤ੍ਵਾ, ਪਣ੍ਡਿਤੋ ਸੀਲਸਂਵੁਤੋ;

ਨਿਬ੍ਬਾਨਗਮਨਂ ਮਗ੍ਗਂ, ਖਿਪ੍ਪਮੇਵ ਵਿਸੋਧਯੇ’’ –

‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਵਿਨਯਧਰਾਨਂ ਯਦਿਦਂ ਪਟਾਚਾਰਾ’’ –

ਧਮ੍ਮਦਿਨ੍ਨਾਥੇਰੀਭਿਕ੍ਖੁਨੀਮਵਤ੍ਥੁ

ਪੁਚ੍ਛਾ – ਧਮ੍ਮਦਿਨ੍ਨਾ ¶ ਪਨ ਆਵੁਸੋ ਥੇਰੀ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਧਮ੍ਮਦਿਨ੍ਨਾ ਭਨ੍ਤੇ ਥੇਰੀ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਧਮ੍ਮਕਥਿਕਾਨਂ ਯਦਿਦਂ ਧਮ੍ਮਦਿਨ੍ਨਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਧਮ੍ਮਕਥਿਕਾਨਂ ਯਦਿਦਂ ਧਮ੍ਮਦਿਨ੍ਨਾ’’ –

ਪੁਚ੍ਛਾ – ਭਦ੍ਦਕਚ੍ਚਾਨਾਨਾਮ ਆਵੁਸੋ ਯਸੋਧਰਾਥੇਰੀ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਭਦ੍ਦਕਚ੍ਚਾਨਾ ¶ ਭਨ੍ਤੇ ਯਸੋਧਰਾਥੇਰੀ ਭਗਵਤਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਮਹਾਭਿਞ੍ਞਪਤ੍ਤਾਨਂ ਯਦਿਦਂ ਭਦ੍ਦਕਚ੍ਚਾਨਾ’’ਤਿ. ਏਵਂ ਖੋ ਭਨ੍ਤੇ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਿਕਾਨਂ ਭਿਕ੍ਖੁਨੀਨਂ ਮਹਾਭਿਞ੍ਞਪਤ੍ਤਾਨਂ ਯਦਿਦਂ ਭਦ੍ਦਕਚ੍ਚਾਨਾ’’ –

ਪੁਚ੍ਛਾ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਏਤਦਗ੍ਗਵਗ੍ਗੇ ਆਗਤੇਸੁ ਏਕਾਦਸਸੁ ਉਪਾਸਕੇਸੁ ਤਪੁਸ੍ਸਭਲ੍ਲਿਕਾਨਾਮ ਵਾਣਿਜਾ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਤਪੁਸ੍ਸਭਲ੍ਲਿਕਾ ਭਨ੍ਤੇ ਵਾਣਿਜਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਪਠਮਂ ਸਰਣਂ ਗਚ੍ਛਨ੍ਤਾਨਂ ਯਦਿਦਂ ਤਪੁਸ੍ਸਭਲ੍ਲਿਕਾ ਵਾਣਿਜਾ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤੇ ¶ ਭਨ੍ਤੇ ਮਯਂ ਭਗਵਨ੍ਤਂ ਸਰਣਂ ਗਚ੍ਛਾਮ ਧਮ੍ਮਞ੍ਚ, ਉਪਾਸਕੇ ਨੋ ਭਗਵਾ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤੇ ਸਰਣਂ ਗਤੇ’’ ਹੁ –

‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਪਠਮਂ ਸਰਣਂ ਗਚ੍ਛਨ੍ਤਾਨਂ ਯਦਿਦਂ ਤਪੁਸ੍ਸਭਲ੍ਲਿਕਾ ਵਾਣਿਜਾ’’ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਅਰਹਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤੇਸੁ ਏਕਾਦਸਸੁ ਉਪਾਸਕੇਸੁ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਏਤਦਗ੍ਗਵਗ੍ਗੇ ਭਨ੍ਤੇ ਆਗਤੇਸੁ ਏਕਾਦਸਸੁ ਉਪਾਸਕੇਸੁ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਦਾਯਕਾਨਂ ਯਦਿਦਂ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਦਾਯਕਾਨਂ ਯਦਿਦਂ ਸੁਦਤ੍ਤੋ ਗਹਪਤਿ ਅਨਾਥਪਿਣ੍ਡਿਕੋ–

ਪੁਚ੍ਛਾ – ਸੂਰਮ੍ਬਟ੍ਠੋ ਨਾਮ ਆਵੁਸੋ ਉਪਾਸਕੋ ਭਗਵਤਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤੋ.

ਵਿਸ੍ਸਜ੍ਜਨਾ – ਸੂਰਮ੍ਬਟ੍ਠੋ ਉਪਾਸਕੋ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਅਵੇਚ੍ਚਪ੍ਪਸਨ੍ਨਾਨਂ ਯਦਿਦਂ ਸੂਰਮ੍ਬਟ੍ਠੋ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤੋ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਕਾਨਂ ਅਵੇਚ੍ਚਪ੍ਪਸਨ੍ਨਾਨਂ ਯਦਿਦਂ ਸੂਰਮ੍ਬਟ੍ਠੋ’’ ਹੁ –

ਪੁਚ੍ਛਾ – ਏਤਦਗ੍ਗਵਗ੍ਗੇ ¶ ਆਵੁਸੋ ਆਗਤਾਸੁ ਦਸਸੁ ਉਪਾਸਿਕਾਸੁ ਸੁਜਾਤਾਨਾਮ ਉਪਾਸਿਕਾ ਸੇਨਿਯਧੀਤਾ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਸੁਜਾਤਾ ਭਨ੍ਤੇ ਸੇਨਿਯਧੀਤਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਪਠਮਂ ਸਰਣਂ ਗਚ੍ਛਨ੍ਤੀਨਂ ਯਦਿਦਂ ਸੁਜਾਤਾ ਸੇਨਿਯਧੀਤਾ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਾ ¶ ਮਯਂ ਭਨ੍ਤੇ ਭਗਵਨ੍ਤਂ ਸਰਣਂ ਗਚ੍ਛਾਮ ਧਮ੍ਮਞ੍ਚ ਭਿਕ੍ਖੁਸਙ੍ਘਞ੍ਚ, ਉਪਾਸਿਕਾਯੋ ਨੋ ਭਗਵਾ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਾ ਸਰਣਂ ਗਤਾ’’ ਹੁ –

‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਪਠਮਂ ਸਰਣਂ ਗਚ੍ਛਨ੍ਤੀਨਂ ਯਦਿਦਂ ਸੁਜਾਤਾ ਸੇਨਿਯਧੀਤਾ’’ –

ਪੁਚ੍ਛਾ – ਵਿਸਾਖਾ ¶ ਪਨ ਆਵੁਸੋ ਉਪਾਸਿਕਾ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਵਿਸਾਖਾ ਭਨ੍ਤੇ ਉਪਾਸਿਕਾ ਮਿਗਾਰਮਾਤਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਦਾਯਿਕਾਨਂ ਯਦਿਦਂ ਵਿਸਾਖਾ ਮਿਗਾਰਮਾਤਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਦਾਯਿਕਾਨਂ ਯਦਿਦਂ ਵਿਸਾਖਾ ਮਿਗਾਰਮਾਤਾ’’ ਹੁ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਏਕਕਨਿਪਾਤੇ ਏਤਦਗ੍ਗਵਗ੍ਗੇ ਆਗਤਾਸੁ ਦਸਸੁ ਉਪਾਸਿਕਾਸੁ ਖੁਜ੍ਜੁਤ੍ਤਰਾਨਾਮ ਉਪਾਸਿਕਾ ਕਥਂ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਏਤਦਗ੍ਗਵਗ੍ਗੇ ਭਨ੍ਤੇ ਆਗਤਾਸੁ ਦਸਸੁ ਉਪਾਸਿਕਾਸੁ ਖੁਜ੍ਜੁਤ੍ਤਰਾ ਉਪਾਸਿਕਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਬਹੁਸ੍ਸੁਤਾਨਂ ਯਦਿਦਂ ਖੁਜ੍ਜੁਤ੍ਤਰਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਕਾਨਂ ਉਪਾਸਿਕਾਨਂ ਬਹੁਸ੍ਸੁਤਾਨਂ ਯਦਿਦਂ ਖੁਜ੍ਜੁਤ੍ਤਰਾ’’ ਹੁ –

ਪੁਚ੍ਛਾ – ਕਾਲ਼ੀਨਾਮ ਆਵੁਸੋ ਉਪਾਸਿਕਾ ਕੁਰਰਘਰਿਕਾ ਕਥਂ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

ਵਿਸ੍ਸਜ੍ਜਨਾ – ਕਾਲ਼ੀ ਭਨ੍ਤੇ ਉਪਾਸਿਕਾ ਕੁਰਰਘਰਿਕਾ ‘‘ਏਤਦਗ੍ਗਂ ਭਿਕ੍ਖਵੇ ਮਮ ਸਾਵਿਕਾਨਂ ਅਨੁਸ੍ਸਵਪ੍ਪਸਨ੍ਨਾਨਂ ਯਦਿਦਂ ਕਾਲ਼ੀ ਉਪਾਸਿਕਾ ਕੁਰਰਘਰਿਕਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਏਤਦਗ੍ਗਟ੍ਠਾਨੇ ਠਪਿਤਾ.

‘‘ਏਤਦਗ੍ਗਂ ¶ ਭਿਕ੍ਖਵੇ ਮਮ ਸਾਵਿਕਾਨਂ ਉਪਾਸਿਕਾਨਂ ਅਨੁਸ੍ਸਵਪ੍ਪਸਨ੍ਨਾਨਂ ਯਦਿਦਂ ਕਾਲ਼ੀ ਉਪਾਸਿਕਾ ਕੁਰਰਘਰਿਕਾ’’ –

ਪੁਚ੍ਛਾ – ਸਕਲਾਪਿ ¶ ਆਵੁਸੋ ਅਟ੍ਠਾਨਪਾਲ਼ਿ ਭਗਵਤਾ ਕਥਂ ਭਾਸਿਤਾ.

ਵਿਸ੍ਸਜ੍ਜਨਾ – ਅਟ੍ਠਾਨਮੇਤਂ ਭਿਕ੍ਖਵੇ ਅਨਵਕਾਸੋ, ਯਂ ਦਿਟ੍ਠਿਸਮ੍ਪਨ੍ਨੋ ਪੁਗ੍ਗਲੋ ਕਞ੍ਚਿਸਙ੍ਖਾਰਂ ਨਿਚ੍ਚਤੋ ਉਪਗਚ੍ਛੇਯ੍ਯ, ਨੇਤਂ ਠਾਨਂ ਵਿਜ੍ਜਤਿ. ਠਾਨਞ੍ਚ ਖੋ ਏਤਂ ਭਿਕ੍ਖਵੇ ਵਿਜ੍ਜਤਿ, ਯਂ ਪੁਥੁਜ੍ਜਨੋ ਕਞ੍ਚਿਸਙ੍ਖਾਰਂ ਨਿਚ੍ਚਤੋ ਉਪਗਚ੍ਛੇਯ੍ਯ, ਠਾਨਮੇਤਂ ਵਿਜ੍ਜਤੀਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਸਕਲਾਪਿ ਅਟ੍ਠਾਨਪਾਲ਼ਿ ਭਾਸਿਤਾ.

ਪੁਚ੍ਛਾ – ਏਕਧਮ੍ਮਪਾਲ਼ਿਯਂ ¶ ਆਵੁਸੋ ਪਠਮਵਗ੍ਗੇ ਕੀਦਿਸੀ ਧਮ੍ਮਦੇਸਨਾ ਭਗਵਤਾ ਦੇਸਿਤਾ.

ਵਿਸ੍ਸਜ੍ਜਨਾ – ਏਕਧਮ੍ਮਪਾਲ਼ਿਯਂ ਭਨ੍ਤੇ ਪਠਮਵਗ੍ਗੇ ‘‘ਏਕਧਮ੍ਮੋ ਭਿਕ੍ਖਵੇ ਭਾਵਿਤੋ ਬਹੁਲੀਕਤੋ ਏਕਨ੍ਤਨਿਬ੍ਬਿਦਾਯ ਵਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂਵਤ੍ਤਤਿ. ਕਤਮੋ ਏਕਧਮ੍ਮੋ, ਬੁਦ੍ਧਾਨੁਸ੍ਸਤਿ, ਅਯਂ ਖੋ ਭਿਕ੍ਖਵੇ ਏਕਧਮ੍ਮੋ ਭਾਵਿਤੋ ਬਹੁਲੀਕਤੋ ਏਕਨ੍ਤਨਿਬ੍ਬਿਦਾਯ ਵਿਰਾਗਾਯ ਨਿਰੋਧਾਯ ਉਪਸਮਾਯ ਅਭਿਞ੍ਞਾਯ ਸਮ੍ਬੋਧਾਯ ਨਿਬ੍ਬਾਨਾਯ ਸਂਵਤ੍ਤਤੀ’’ਤਿ ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾ ਦੇਸਿਤਾ.

ਪੁਚ੍ਛਾ – ਦੁਤਿਯਵਗ੍ਗੇ ¶ ਪਨ ਆਵੁਸੋ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਦੁਤਿਯਵਗ੍ਗੇ ¶ ਭਨ੍ਤੇ ਭਗਵਤਾ ‘‘ਨਾਹਂ ਭਿਕ੍ਖਵੇ ਅਞ੍ਞਂ ਏਕਧਮ੍ਮਮ੍ਪਿ ਸਮਨੁਪਸ੍ਸਾਮਿ, ਯੇਨ ਅਨੁਪ੍ਪਨ੍ਨਾ ਵਾ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਵਾ ਅਕੁਸਲਾ ਧਮ੍ਮਾ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਸਂਵਤ੍ਤਨ੍ਤਿ, ਯਥਯਿਦਂ ਭਿਕ੍ਖਵੇ ਮਿਚ੍ਛਾਦਿਟ੍ਠਿ. ਮਿਚ੍ਛਾਦਿਟ੍ਠਿਕਸ੍ਸ ਭਿਕ੍ਖਵੇ ਅਨੁਪ੍ਪਨ੍ਨਾ ਚੇਵ ਅਕੁਸਲਾ ਧਮ੍ਮਾ ਉਪ੍ਪਜ੍ਜਨ੍ਤਿ, ਉਪ੍ਪਨ੍ਨਾ ਚ ਅਕੁਸਲਾ ਧਮ੍ਮਾ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਸਂਵਤ੍ਤਨ੍ਤੀ’’ਤਿ. ਏਵਮਾਦਿਕਾ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਤਤਿਯਵਗ੍ਗੇ ¶ ਪਨ ਆਵੁਸੋ ਪਞ੍ਚਮਾਦੀਨਿ ਅਟ੍ਠ ਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤਿਯਵਗ੍ਗੇ ਭਨ੍ਤੇ ਪਞ੍ਚਮਾਦੀਨਿ ਅਟ੍ਠਸੁਤ੍ਤਾਨਿ ‘‘ਦੁਰਕ੍ਖਾਤੇ ਭਿਕ੍ਖਵੇ ਧਮ੍ਮਵਿਨਯੇ ਯੋ ਚ ਸਮਾਦਪੇਤਿ, ਯਞ੍ਚ ਸਮਾਦਪੇਤਿ, ਯੋ ਚ ਸਮਾਦਪਿਤੋ ਤਥਤ੍ਤਾਯ ਪਟਿਪਜ੍ਜਤਿ. ਸਬ੍ਬੇਤੇ ਬਹੁਂ ਅਪੁਞ੍ਞਂ ਪਸਵਨ੍ਤਿ. ਤਂਕਿਸ੍ਸਹੇਤੁ, ਦੁਰਕ੍ਖਾਭਤ੍ਤਾ ਭਿਕ੍ਖਵੇ ਧਮ੍ਮਸ੍ਸ. ਸ੍ਵਾਕ੍ਖਾਤੇ ਭਿਕ੍ਖਵੇ ਧਮ੍ਮਵਿਨਯੇ ਯੋ ਚ ਸਮਾਦਪੇਤਿ, ਯਞ੍ਚ ਸਮਾਦਪੇਤਿ, ਯੋ ਚ ਸਮਾਦਪਿਤੋ, ਤਥਤ੍ਤਾਯ ਪਟਿਪਜ੍ਜਤਿ, ਸਬ੍ਬੇਤੇ ਬਹੁਂ ਪੁਞ੍ਞਂ ਪਸਵਨ੍ਤਿ. ਤਂਕਿਸ੍ਸਹੇਤੁ ਸ੍ਵਾਕ੍ਖਾਤਤ੍ਤਾ ਭਿਕ੍ਖਵੇ ਧਮ੍ਮਸ੍ਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਅਪਰਅਚ੍ਛਰਾਸਙ੍ਘਾਤਵਗ੍ਗੇ ¶ ਪਨ ਆਵੁਸੋ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਅਪਰਅਚ੍ਛਰਾਸਙ੍ਘਾਤਵਗ੍ਗੇ ਭਨ੍ਤੇ ‘‘ਅਚ੍ਛਰਾਸਙ੍ਘਾਤਮਤ੍ਤਮ੍ਪਿ ਚੇ ਭਿਕ੍ਖਵੇ ਭਿਕ੍ਖੁ ਪਠਮਂ ਝਾਨਂ ਭਾਵੇਤਿ, ਅਯਂ ਵੁਚ੍ਚਤਿ ਭਿਕ੍ਖਵੇ ਭਿਕ੍ਖੁ ਅਰਿਤ੍ਤਜ੍ਝਾਨੋ ਵਿਹਰਤਿ ਸਤ੍ਥੁਸਾਸਨਕਰੋ ਓਵਾਦਪਤਿਕਰੋ ਅਮੋਘਂ ਰਟ੍ਠਪਿਣ੍ਡਂ ਭੁਞ੍ਜਤਿ, ਕੋ ਪਨ ਵਾਦੋ ਯੇ ਨਂ ਬਹੁਲੀਕਰੋਨ੍ਤੀ’’ਤਿ ਏਵਮਾਦਿਕਾ ਭਨ੍ਤੇ ਭਗਵਤਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਸਕਲੋਪਿ ¶ ਆਵੁਸੋ ਕਾਯਗਤਾਸਤਿਵਗ੍ਗੋ ਭਗਵਤਾ ਕਥਂ ਭਾਸਿਤੋ.

ਵਿਸ੍ਸਜ੍ਜਨਾ – ਯਸ੍ਸ ਕਸ੍ਸਚਿ ਭਿਕ੍ਖਵੇ ਮਹਾਸਮੁਦ੍ਦੋ ਚੇਤਸਾ ਫੁਟੋ, ਅਨ੍ਤੋਗਧਾ ਤਸ੍ਸ ਕੁਨ੍ਨਦਿਯੋ ਯਾਕਾਚਿ ਸਮੁਦ੍ਦਙ੍ਗਮਾ, ਏਵਮੇਵ ਭਿਕ੍ਖਵੇ ਯਸ੍ਸ ਕਸ੍ਸਚਿ ਕਾਯਗਤਾਸਤਿ ਭਾਵਿਤਾ ਬਹੁਲੀਕਤਾ, ਅਨ੍ਤੋਗਧਾ ਤਸ੍ਸ ਕੁਸਲਾ ਧਮ੍ਮਾ ਯੇਕੇਚਿ ਵਿਜ੍ਜਾਭਾਗਿਯਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਸਕਲੋਪਿ ਕਾਯਗਤਾਸਤਿਵਗ੍ਗੋ ਭਾਸਿਤੋ.

ਪੁਚ੍ਛਾ – ਸਕਲੋਪਿ ¶ ਆਵੁਸੋ ਅਮਤਵਗ੍ਗੋ ਭਗਵਤਾ ਕਥਂ ਭਾਸਤੋ.

ਵਿਸ੍ਸਜ੍ਜਨਾ – ਅਮਤਂ ਤੇ ਭਿਕ੍ਖਵੇ ਨ ਪਰਿਭੁਞ੍ਜਨ੍ਤਿ, ਯੇ ਕਾਯਗਤਾਸਤਿਂ ਨ ਪਰਿਭੁਞ੍ਜਨ੍ਤਿ. ਅਮਤਂ ਤੇ ਭਿਕ੍ਖਵੇ ਪਰਿਭੁਞ੍ਜਨ੍ਤਿ, ਯੇ ਕਾਯਗਤਾਸਤਿਂ ਪਰਿਭੁਞ੍ਜਨ੍ਤਿ. ਅਮਤਂ ਤੇ ਭਿਕ੍ਖਵੇ ਅਪਰਿਭੁਤ੍ਤਂ, ਯੇਸਂ ਕਾਯਗਤਾਸਤਿ ਅਪਰਿਭੁਤ੍ਤਾ. ਅਮਤਂ ਤੇ ਭਿਕ੍ਖਵੇ ਪਰਿਭੁਤ੍ਤਂ, ਯੇਸਂ ਕਾਯਗਤਾਸਤਿ ਪਰਿਭੁਤ੍ਤਾਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਸਕਲੋਪਿ ਅਮਤਵਗ੍ਗੋ ਭਾਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਦੁਕਨਿਪਾਤੇ ਕਮ੍ਮਕਰਣਵਗ੍ਗੇ ਪਠਮਂ ਵਜ੍ਜਸੁਤ੍ਤਂ ਕਤ੍ਥ ਕਸ੍ਸ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾਨਂ ਭਿਕ੍ਖੂਨਂ ‘‘ਦ੍ਵੇਮਾਨਿ ਭਿਕ੍ਖਵੇ ਵਜ੍ਜਾਨਿ. ਕਤਮਾਨਿ ਦ੍ਵੇ ਦਿਟ੍ਠਧਮ੍ਮਿਕਞ੍ਚ ਵਜ੍ਜਂ ਸਮ੍ਪਰਾਯਿਕਞ੍ਚ ਵਜ੍ਜ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਤਸ੍ਮਾਤਿਹ ¶ ਭਿਕ੍ਖਵੇ ਏਵਂ ਸਿਕ੍ਖਿਤਬ੍ਬਂ ‘‘ਦਿਟ੍ਠਧਮ੍ਮਿਕਸ੍ਸ ਵਜ੍ਜਸ੍ਸ ਭਾਯਿਸ੍ਸਾਮ, ਸਮ੍ਪਰਾਯਿਕਸ੍ਸ ਵਜ੍ਜਸ੍ਸ ਭਾਯਿਸ੍ਸਾਮ, ਵਜ੍ਜਭੀਰੁਨੋ ਭਵਿਸ੍ਸਾਮ ਵਜ੍ਜਭਯਦਸ੍ਸਾਵਿਨੋ’’ਤਿ. ਏਵਞ੍ਹਿ ਖੋ ਭਿਕ੍ਖਵੇ ਸਿਕ੍ਖਿਤਬ੍ਬਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦੁਤਿਯਂ ਪਧਾਨਸੁਤ੍ਤਂ ਭਗਵਤਾ ਕਤ੍ਥ ਕਸ੍ਸ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂਯੇਵ ਭਨ੍ਤੇ ਸਮ੍ਬਹੁਲਾਨਂ ਭਿਕ੍ਖੂਨਂ ‘‘ਦ੍ਵੇਮਾਨਿ ਭਿਕ੍ਖਵੇ ਪਧਾਨਾਨਿ ਦੁਰਭਿਸਮ੍ਭਵਾਨਿ ਲੋਕਸ੍ਮਿਂ. ਕਤਮਾਨਿ ਦ੍ਵੇ, ਯਞ੍ਚ ਗਿਹੀਨਂ ਅਗਾਰਂ ਅਜ੍ਝਾਵਸਤਂ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਾਨੁਪ੍ਪਾਦਨਤ੍ਥਂ ਪਧਾਨਂ, ਯਞ੍ਚ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾਨਂ ਸਬ੍ਬੂਪਧਿਪਟਿਨਿਸ੍ਸਗ੍ਗਤ੍ਤਂ ਪਧਾਨਂ. ਇਮਾਨਿ ਖੋ ਭਿਕ੍ਖਵੇ ਦ੍ਵੇ ਪਧਾਨਾਨਿ ਦੁਰਭਿਸਮ੍ਭਵਾਨਿ ਲੋਕਸ੍ਮਿ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਪਨੀਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਦ੍ਵੇਮੇ ਭਿਕ੍ਖਵੇ ਧਮ੍ਮਾ ਤਪਨੀਯਾ. ਕਤਮੇ ਦ੍ਵੇ, ਇਧ ਭਿਕ੍ਖਵੇ ਏਕਚ੍ਚਸ੍ਸ ਕਾਯਦੁਚ੍ਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਕਾਯ ਸੁਚਰਿਤਂ, ਵਚੀਦੁਚ੍ਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਵਚੀਸੁਚਰਿਤਂ, ਮਨੋਦੁਚ੍ਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਮਨੋਸੁਚਰਿਤਂ. ਸੋ ‘‘ਕਾਯਦੁਚ੍ਚਰਿਤਂ ਮੇ ਕਤ’’ਨ੍ਤਿ ਤਪ੍ਪਤਿ, ‘‘ਅਕਤਂ ਮੇ ਕਾਯਸੁਚਰਿਤ’’ਨ੍ਤਿ ਤਪ੍ਪਤਿ. ਵਚੀਦੁਚ੍ਚਰਿਤਂ (ਪ) ‘‘ਮਨੋਦੁਚ੍ਚਰਿਤਂ ਮੇ ਕਤ’’ਨ੍ਤਿ ਤਪ੍ਪਤਿ, ‘‘ਅਕਤਂ ਮੇ ਮਨੋਸੁਚਰਿਤ’’ਨ੍ਤਿ ਤਪ੍ਪਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਧਮ੍ਮਾ ਤਪਨੀਯਾਤਿ. ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਚਤੁਤ੍ਥਂ ¶ ਪਨ ਆਵੁਸੋ ਅਤਪਨੀਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਚਤੁਤ੍ਥਂ ਭਨ੍ਤੇ ਅਤਪਨੀਯਸੁਤ੍ਤਂ ‘‘ਦ੍ਵੇਮੇ ਭਿਕ੍ਖਵੇ ਧਮ੍ਮਾ ਅਤਪਨੀਯਾ. ਕਤਮੇ ਦ੍ਵੇ, ਇਧ ਭਿਕ੍ਖਵੇ ਏਕਚ੍ਚਸ੍ਸ ਕਾਯਸੁਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਕਾਯਦੁਚ੍ਚਰਿਤਂ. ਵਚੀਸੁਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਵਚੀਦੁਚ੍ਚਰਿਤਂ. ਮਨੋਸੁਚਰਿਤਂ ਕਤਂ ਹੋਤਿ, ਅਕਤਂ ਹੋਤਿ ਮਨੋਦੁਚ੍ਚਰਿਤਂ. ਸੋ ‘ਕਾਯਸੁਚਰਿਤਂ ਮੇ ਕਤ’ਨ੍ਤਿ ਨ ਤਪ੍ਪਤਿ, ‘ਅਕਤਂ ਮੇ ਕਾਯਦੁਚ੍ਚਰਿਤ’ਨ੍ਤਿ ਨਤਪ੍ਪਤਿ. ‘ਵਚੀਸੁਚਰਿਤਂ…ਪੇ… ਮਨੋਸੁਚਰਿਤਂ ਮੇ ਕਤ’ਨ੍ਤਿ ਨ ਤਪ੍ਪਤਿ. ‘ਅਕਤਂ ਮੇ ਮਨੋਦੁਚ੍ਚਰਿਤ’ਨ੍ਤਿ ਨ ਤਪ੍ਪਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਧਮ੍ਮਾ ਅਤਪਨੀਯਾ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਪਞ੍ਚਮਂ ¶ ਪਨ ਆਵੁਸੋ ਉਪਞ੍ਞਾਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪਞ੍ਚਮਂ ਭਨ੍ਤੇ ਉਪਞ੍ਞਾਤਸੁਤ੍ਤਂ ‘‘ਦ੍ਵਿਨ੍ਨਾਹਂ ਭਿਕ੍ਖਵੇ ਧਮ੍ਮਾਨਂ ਉਪਞ੍ਞਾਸਿਂ. ਯਾ ਚ ਅਸਨ੍ਤੁਟ੍ਠਿਤਾ ਕੁਸਲੇਸੁ ਧਮ੍ਮੇਸੁ, ਯਾ ਚ ਅਪ੍ਪਟਿਵਾਨਿਤਾ ਪਧਾਨਸ੍ਮਿਂ. ਅਪ੍ਪਟਿਵਾਨਿ ਸੁਦਾਹਂ ਭਿਕ੍ਖਵੇ ਪਦਹਾਮਿ ‘ਕਾਮਂ-ਤਚੋ ਚ ਨ੍ਹਾਰੁ ਚ ਅਟ੍ਠਿ ਚ ਅਵਸਿਸ੍ਸਤੁ ਉਪਸੁਸ੍ਸਤੁ ਸਰੀਰੇ ਮਂਸਲੋਹਿਤਂ, ਯਂ ¶ ਤਂ ਪੁਰਿਸਥਾਮੇਨ ਪੁਰਿਸਵੀਰਿਯੇਨ ਪੁਰਿਸਪਰਕ੍ਕਮੇਨ ਪਤ੍ਤਬ੍ਬਂ, ਨ ਤਂ ਅਪਾਪੁਣਿਤ੍ਵਾ ਵੀਰਿਯਸ੍ਸ ਸਣ੍ਠਾਨਂ ਭਵਿਸ੍ਸਤੀ’’ਤਿ. ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਨਵਮਂ ¶ ਪਨ ਆਵੁਸੋ ਚਰਿਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਨਵਮਂ ਭਨ੍ਤੇ ਚਰਿਯਸੁਤ੍ਤਂ ‘‘ਦ੍ਵੇਮੇ ਭਿਕ੍ਖਵੇ ਧਮ੍ਮਾ ਸੁਕ੍ਕਾ ਲੋਕਂ ਪਾਲੇਨ੍ਤਿ. ਕਤਮੇ ਦ੍ਵੇ, ਹਿਰੀਚ ਓਤ੍ਤਪ੍ਪਞ੍ਚ. ਇਮੇ ਖੋ ਭਿਕ੍ਖਵੇ ਦ੍ਵੇ ਸੁਕ੍ਕਾ ਧਮ੍ਮਾ ਲੋਕਂ ਨ ਪਾਲੇਯ੍ਯੁਂ, ਨਯਿਧ ਪਞ੍ਞਾਯੇਥ ‘ਮਾਤਾ’ਤਿਵਾ ‘ਮਾਤੁਚ੍ਛਾ’ਤਿਵਾ ‘ਮਾਤੁਲਾਨੀ’ਤਿਵਾ ‘ਆਚਰਿਯਭਰਿਯਾ’ਤਿਵਾ ‘ਗਰੂਨਂ ਦਾਰਾ’ਤਿ’’ਵਾਤਿ, ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਅਧਿਕਰਣਵਗ੍ਗੇ ¶ ਪਨ ਆਵੁਸੋ ਸਤ੍ਤਮਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਜਾਣੁਸ੍ਸੋਣਿਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਜਾਣੁਸ੍ਸੋਣਿ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਕੋ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਕਤਤ੍ਤਾ ਚ ਬ੍ਰਾਹ੍ਮਣ ਅਕਤਤ੍ਤਾ ਚ ਏਵਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਕੋ ¶ ਨੁ ਖੋ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤਿ.

‘‘ਕਤਤ੍ਤਾਚ ਬ੍ਰਾਹ੍ਮਣ ਅਕਤਤ੍ਤਾਚ ਏਵਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਨ੍ਤਿ’’ –

ਕੋ ¶ ਪਨ ਭੋ ਗੋਤਮ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਨ੍ਤਿ –

ਕਤਤ੍ਤਾ ਚ ਬ੍ਰਾਹ੍ਮਣ ਅਕਤਤ੍ਤਾ ਚ ਏਵਮਿਧੇਕਚ੍ਚੇ ਸਤ੍ਤਾ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਨ੍ਤਿ.

ਨ ਖੋ ਅਹਂ ਇਮਸ੍ਸ ਭੋਤੋ ਗੋਤਮਸ੍ਸ ਸਂਖਿਤ੍ਤੇਨ ਭਾਸਿਤਸ੍ਸ ਵਿਤ੍ਥਾਰੇਨ ਅਤ੍ਥਂ ਅਵਿਭਤ੍ਤਸ੍ਸ ਵਿਤ੍ਥਾਰੇਨ ਅਤ੍ਥਂ –

ਸਾਧੁ ਮੇ ਭਵਂ ਗੋਤਮੋ ਤਥਾ ਧਮ੍ਮਂ ਦੇਸੇਤੁ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਟ੍ਠਮਸੁਤ੍ਤਂ ਭਗਵਤਾ ਕਤ੍ਥ ਕਸ੍ਸ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਆਯਸ੍ਮਤੋ ਆਨਨ੍ਦਸ੍ਸ ‘‘ਏਕਂਸੇਨਾਹਂ ਆਨਨ੍ਦ ਅਕਰਣੀਯਂ ਵਦਾਮਿ ਕਾਯਦੁਚ੍ਚਰਿਤਂ ਮਨੋਦੁਚ੍ਚਰਿਤ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਏਕਂਸੇਨਾਹਂ ¶ ਆਨਨ੍ਦ ਕਰਣੀਯਂ ਵਦਾਮਿ ਕਾਯਸੁਚਰਿਤਂ ਵਚੀਸੁਚਰਿਤਂ ਮਨੋਸੁਚਰਿਤਂ’’ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਦੁਕਨਿਪਾਤੇ ਅਧਿਕਰਣਵਗ੍ਗੇ ਨਵਮਸੁਤ੍ਤਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਕੁਸਲਂ ¶ ਭਿਕ੍ਖਵੇ ਪਜਹਥ, ਸਕ੍ਕਾ ਭਿਕ੍ਖਵੇ ਅਕੁਸਲਂ ਪਜਹਿਤੁਂ. ਨੋਚੇਦਂ ਭਿਕ੍ਖਵੇ ਸਕ੍ਕਾ ਅਭਵਿਸ੍ਸ ਅਕੁਸਲਂ ਪਜਹਿਤੁਂ, ਨਾਹਂ ਏਵਂ ਵਦੇਯ੍ਯਂ ‘‘ਅਕੁਸਲਂ ਭਿਕ੍ਖਵੇ ਪਜਹਥਾ’’ਤਿ. ਯਸ੍ਮਾ ਚ ਖੋ ਭਿਕ੍ਖਵੇ ਸਕ੍ਕਾ ਅਕੁਸਲਂ ਪਜਹਿਤੁਂ, ਤਸ੍ਮਾਹਂ ਏਵਂ ਵਦਾਮਿ ‘‘ਅਕੁਸਲਂ ਭਿਕ੍ਖਵੇ ਪਜਹਥਾ’’ਤਿ. ਅਕੁਸਲਞ੍ਚ ਹਿਦਂ ਭਿਕ੍ਖਵੇ ਪਹੀਨਂ ਅਹਿਤਾਯ ਦੁਕ੍ਖਾਯ ਸਂਵਤ੍ਤੇਯ੍ਯ, ਨਾਹਂ ਏਵਂਵਦੇਯ੍ਯਂ ‘‘ਅਕੁਸਲਂ ਭਿਕ੍ਖਵੇ ਪਜਹਥਾ’’ਤਿ. ਯਸ੍ਮਾ ਚ ਖੋ ਭਿਕ੍ਖਵੇ ਅਕੁਸਲਂ ਪਹੀਨਂ ਹਿਤਾਯ ਸੁਖਾਯ ਸਂਵਤ੍ਤਤਿ, ਤਸ੍ਮਾਹਂ ਏਵਂ ਵਦਾਮਿ ‘‘ਅਕੁਸਲਂ ਭਿਕ੍ਖਵੇ ਪਜਹਥਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦਸਮਏਕਾਦਸਮਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਦਸਮਏਕਾਦਸਮਸੁਤ੍ਤਾਨਿ ‘‘ਦ੍ਵੇਮੇ ਭਿਕ੍ਖਵੇ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤਿ. ਕਤਮੇ ਦ੍ਵੇ, ਦੁਨ੍ਨਿਕ੍ਖਿਤ੍ਤਞ੍ਚ ਪਦਬ੍ਯਞ੍ਜਨਂ ਅਤ੍ਥੋ ਚ ਦੁਨ੍ਨੀਤੋ, ਦੁਨ੍ਨਿਕ੍ਖਿਤ੍ਤਸ੍ਸ ਭਿਕ੍ਖਵੇ ਪਦਬ੍ਯਞ੍ਜਨਸ੍ਸ ਅਤ੍ਥੋਪਿ ਦੁਨ੍ਨਯੋ ਹੋਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤੀ’’ਤਿ ਚ. ‘‘ਦ੍ਵੇਮੇ ਭਿਕ੍ਖਵੇ ਧਮ੍ਮਾ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂਵਤ੍ਤਨ੍ਤਿ. ਕਤਮੇ ਦ੍ਵੇ, ਸੁਨਿਕ੍ਖਿਤ੍ਤਞ੍ਚ ਪਦਬ੍ਯਞ੍ਜਨਂ ਅਤ੍ਥੋ ਚ ਸੁਨੀਤੋ, ਸੁਨਿਕ੍ਖਿਤ੍ਤਸ੍ਸ ਭਿਕ੍ਖਵੇ ਪਦਬ੍ਯਞ੍ਜਨਸ੍ਸ ਅਤ੍ਥੋਪਿ ਸੁਨਯੋ ਹੋਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਧਮ੍ਮਾ ਸਦ੍ਧਮ੍ਮਸ੍ਸ ਠਿਤਿਯਾ ਅਸਮ੍ਮੋਸਾਯ ਅਨਨ੍ਤਰਧਾਨਾਯ ਸਂਵਤ੍ਤਨ੍ਤੀ’’ਤਿ ਚ. ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਬਾਲਵਗ੍ਗੇ ¶ ਪਨ ਆਵੁਸੋ ਦੁਤਿਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਬਾਲਵਗ੍ਗੇ ਭਨ੍ਤੇ ਦੁਤਿਯਂ ਸੁਤ੍ਤਂ ‘‘ਦ੍ਵੇਮੇ ਭਿਕ੍ਖਵੇ ਤਥਾਗਤਂ ਅਬ੍ਭਾਚਿਕ੍ਖਨ੍ਤਿ. ਕਤਮੇ ਦ੍ਵੇ, ਦੁਟ੍ਠੋ ਵਾ ਦੋਸਨ੍ਤਰੋ ਸਦ੍ਧੋ ਵਾ ਦੁਗ੍ਗਹਿਤੇਨ. ਇਮੇ ਖੋ ਭਿਕ੍ਖਵੇ ਦ੍ਵੇ ਤਥਾਗਤਂ ਅਬ੍ਭਾਚਿਕ੍ਖਨ੍ਤੀ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਤਿਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਤਤਿਯਸੁਤ੍ਤਂ ਭਗਵਤਾ ‘‘ਦ੍ਵੇਮੇ ਭਿਕ੍ਖਵੇ ਤਥਾਗਤਂ ਅਬ੍ਭਾਚਿਕ੍ਖਨ੍ਤਿ. ਕਤਮੇ ਦ੍ਵੇ, ਯੋ ਚ ਅਭਾਸਿਤਂ ਅਲਪਿਤਂ ਤਥਾਗਤੇਨ ‘ਭਾਸਿਤਂ ਲਪਿਤਂ ਤਥਾਗਤੇਨਾ’ਤਿ ਦੀਪੇਤਿ. ਯੋ ਚ ਭਾਸਿਤਂ ਲਪਿਤਂ ਤਥਾਗਤੇਨ ‘ਅਭਾਸਿਤਂ ਅਲਪਿਤਂ ਤਥਾਗਤੇਨਾਤਿ’ ¶ ਦੀਪੇਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਤਥਾਗਤਂ ਅਬ੍ਭਾਚਿਕ੍ਖਨ੍ਤਿ. ਦ੍ਵੇਮੇ ਭਿਕ੍ਖਵੇ ਤਥਾਗਤਂ ਨਾਬ੍ਭਾਚਿਕ੍ਖਨ੍ਤਿ. ਕਤਮੇ ਦ੍ਵੇ, ਯੋ ਚ ਅਭਾਸਿਤਂ ਅਲਪਿਤਂ ਤਥਾਗਤੇਨ ‘ਅਭਾਸਿਤਂ ਅਲਪਿਤਂ ਤਥਾਗਤੇਨਾ’ਤਿ ਦੀਪੇਤਿ. ਯੋ ਚ ਭਾਸਿਤਂ ਲਪਿਤਂ ਤਥਾਗਤੇਨ ‘ਭਾਸਿਤਂ ਲਪਿਤਂ ਤਥਾਗਤੇਨਾ’ਤਿ ਦੀਪੇਤਿ. ਇਮੇ ਖੋ ਭਿਕ੍ਖਵੇ ਦ੍ਵੇ ਤਥਾਗਤਂ ਨਾਬ੍ਭਾਚਿਕ੍ਖਨ੍ਤੀ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਪਞ੍ਚਮਸੁਤ੍ਤਾਨਿ ਭਗਵਤਾ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਚਤੁਤ੍ਥਪਞ੍ਚਮਸੁਤ੍ਤਾਨਿ ‘‘ਦ੍ਵੇਮੇ ਭਿਕ੍ਖਵੇ ਤਥਾਗਤਂ ਅਬ੍ਭਾਚਿਕ੍ਖਨ੍ਤਿ. ਕਤਮੇ ਦ੍ਵੇ, ਯੋ ਚ ਨੇਯ੍ਯਤ੍ਥਂ ਸੁਤ੍ਤਨ੍ਤਂ ‘ਨੀਤਤ੍ਥੋ ਸੁਤ੍ਤਨ੍ਤੋ’ਤਿ ¶ ਦੀਪੇਤਿ, ਯੋ ਚ ਨੀਤਤ੍ਥਂ ਸੁਤ੍ਤਨ੍ਤਂ ‘ਨੇਯ੍ਯਤ੍ਥੋ ਸੁਤ੍ਤਨ੍ਤੋ’ਤਿ ਦੀਪੇਤੀ’’ਤਿ, ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਸਮਚਿਤ੍ਤਵਗ੍ਗੇ ¶ ਆਵੁਸੋ ਪਠਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਮਚਿਤ੍ਤਵਗ੍ਗੇ ਭਨ੍ਤੇ ਪਠਮਸੁਤ੍ਤਂ ‘‘ਅਸਪ੍ਪੁਰਿਸਭੂਮਿਞ੍ਚ ਵੋ ਭਿਕ੍ਖਵੇ ਦੇਸੇਸ੍ਸਾਮਿ ਸਪ੍ਪੁਰਿਸਭੂਮਿਞ੍ਚ, ਤਂ ਸੁਣਾਥ ਸਾਧੁਕਂ ਮਨਸਿਕਰੋਥ, ਭਾਸਿਸ੍ਸਾਮੀ’’ਤਿ, ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦੁਤਿਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਦੁਤਿਯਸੁਤ੍ਤਂ ‘‘ਦ੍ਵਿਨ੍ਨਾਹਂ ਭਿਕ੍ਖਵੇ ਨ ਸੁਪ੍ਪਤਿਕਾਰ ਵਦਾਮਿ. ਕਤਮੇਸਂ ਦ੍ਵਿਨ੍ਨਂ, ਮਾਤੁ ਚ ਪਿਤੁ ਚਾ’’ਤਿ, ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪਞ੍ਚਮਂ ਸਮਚਿਤ੍ਤਸੁਤ੍ਤਂ ਕਤ੍ਥ ਕਸ੍ਸ ਕੇਨ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾਨਂ ਭਿਕ੍ਖੂਨਂ ‘‘ਅਜ੍ਝਤ੍ਤਸਂਯੋਜਨਞ੍ਚ ਆਵੁਸੋ ਪੁਗ੍ਗਲਂ ਦੇਸੇਸ੍ਸਾਮਿ ਬਹਿਦ੍ਧਾਸਂਯੋਜਨਞ੍ਚ, ਤਂਸੁਣਾਥ

ਸਾਧੁਕਂ ¶ ਮਨਸਿਕਰੋਥਾ’’ਤਿ, ਏਵਮਾਦਿਨਾ ਭਨ੍ਤੇ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਭਾਸਿਤਂ.

ਪੁਚ੍ਛਾ – ਕਥਞ੍ਚ ¶ ਆਵੁਸੋ ਤਤ੍ਥ ਭਗਵਾ ਓਵਾਦਂ ਅਦਾਸਿ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਭਗਵਾ ‘‘ਤਸ੍ਮਾਤਿਹ ਸਾਰਿਪੁਤ੍ਤ ਏਵਂ ਸਿਕ੍ਖਿਤਬ੍ਬਂ ‘ਸਨ੍ਤਿਨ੍ਦ੍ਰਿਯਾ ਭਵਿਸ੍ਸਾਮ ਸਨ੍ਤਮਾਨਸਾ’ਤਿ. ਏਵਞ੍ਹਿ ਵੋ ਸਾਰਿਪੁਤ੍ਤ ਸਿਕ੍ਖਿਤਬ੍ਬ’’ਨ੍ਤਿ ਏਵਮਾਦਿਨਾ ਓਵਾਦਮਦਾਸਿ.

‘‘ਏਸੋ ਭਨ੍ਤੇ ਆਯਸ੍ਮਾ ਸਾਰਿਪੁਤ੍ਤੋ ਪੁਬ੍ਬਾਰਾਮੇ ਮਿਗਾਰਮਾਤੁਪਾਸਾ ਦੇ ਭਿਕ੍ਖੂਨਂ ਅਜ੍ਝਤ੍ਤਸਂਯੋਜਨਞ੍ਚ ਪੁਗ੍ਗਲਂ ਦੇਸੇਤਿ ਬਹਿਦ੍ਧਾ ਸਂਯੋਜਨਞ੍ਚ’’ –

ਸਾਧੁ ¶ ਭਨ੍ਤੇ ਭਗਵਾ ਯੇਨ ਆਯਸ੍ਮਾ ਸਾਰਿਪੁਤ੍ਤੋ ਤੇਨੁਪਸਙ੍ਕਮਤੁ ਅਨੁਕਮ੍ਪਂ ਉਪਾਦਾਯ.

ਤਾ ਖੋ ਪਨ ਸਾਰਿਪੁਤ੍ਤ ਦੇਵਤਾ ਦਸਪਿ ਹੁਤ੍ਵਾ ਵੀਸਮ੍ਪਿ ਹੁਤ੍ਵਾ ਤਿਂਸਮ੍ਪਿ ਹੁਤ੍ਵਾ ਚਤ੍ਤਾਲੀਸਮ੍ਪਿ ਹੁਤ੍ਵਾ ਪਞ੍ਞਾਸਮ੍ਪਿ ਹੁਤ੍ਵਾ ਸਟ੍ਠਿਪਿ ਹੁਤ੍ਵਾ ਆਰਗ੍ਗਕੋਟਿਨਿਤੁਦਨਮਤ੍ਤੇਪਿ ਤਿਟ੍ਠਨ੍ਤਿ, ਨ ਚ ਅਞ੍ਞਮਞ੍ਞਂ ਬ੍ਯਾਬਾਧੇਨ੍ਤਿ–

ਤਸ੍ਮਾਤਿਹ ¶ ਸਾਰਿਪੁਤ੍ਤ ਏਵਂ ਸਿਕ੍ਖਿਤਬ੍ਬਂ ਸਨ੍ਤਿਨ੍ਦ੍ਰਿਯਾ ਭਵਿਸ੍ਸਾਮ ਸਨ੍ਤਮਾਨਸਾ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਦੁਕਨਿਪਾਤੇ ਪਰਿਸਵਗ੍ਗੇ ਪਠਮਂ ਉਤ੍ਤਾਨਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪਠਮਂ ਭਨ੍ਤੇ ਉਤ੍ਤਾਨਸੁਤ੍ਤਂ ‘‘ਦ੍ਵੇਮਾ ਸਿਕ੍ਖਵੇ ਪਰਿਸਾ, ਕਤਮਾ ਦ੍ਵੇ, ਉਤ੍ਤਾਨਾ ਚ ਪਰਿਸਾ ਗਮ੍ਭੀਰਾ ਚ ਪਰਿਸਾ, ਕਤਮਾ ਚ ਭਿਕ੍ਖਵੇ ਉਤ੍ਤਾਨਾ ਪਰਿਸਾ, ਇਧ ਭਿਕ੍ਖਵੇ ਯਸ੍ਸਂ ਪਰਿਸਾਯਂ ਭਿਕ੍ਖੂ ਉਦ੍ਧਤਾ ਹੋਨ੍ਤਿ ਉਨ੍ਨਲ਼ਾ ਚਪਲਾ ਮੁਖਰਾ ਵਿਕਿਣ੍ਣਵਾਚਾ ਮੁਟ੍ਠਸ੍ਸਤੀ ਅਸਮ੍ਪਜਾਨਾ ਅਸਮਾਹਿਤਾ ਵਿਬ੍ਭਨ੍ਤਚਿਤ੍ਤਾ ਪਾਕਤਿਨ੍ਦ੍ਰਿਯਾ. ਅਯਂ ਵੁਚ੍ਚਤਿ ਭਿਕ੍ਖਵੇ ਉਤ੍ਤਾਨਾ ਪਰਿਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਏਤਦਗ੍ਗਂ ਭਿਕ੍ਖਵੇ ਇਮਾਸਂ ਦ੍ਵਿਨ੍ਨਂ ਪਰਿਸਾਨਂ ਯਦਿਦਂ ਗਮ੍ਭੀਰਾ ਪਰਿਸਾ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਤਿਯਂ ਅਨਗ੍ਗਵਤੀਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਤਤਿਯਂ ਅਨਗ੍ਗਵਤੀਸੁਤ੍ਤਂ ‘‘ਦ੍ਵੇਮਾ ਭਿਕ੍ਖਵੇ ਪਰਿਸਾ. ਕਤਮਾ ਦ੍ਵੇ, ਅਨਗ੍ਗਵਤੀ ਚ ਪਰਿਸਾ ਅਗ੍ਗਵਤੀ ਚ ਪਰਿਸਾ. ਕਤਮਾ ਚ ਭਿਕ੍ਖਵੇ ਅਨਗ੍ਗਵਤੀ ਪਰਿਸਾ, ਇਧ ਭਿਕ੍ਖਵੇ ਯਸ੍ਸਂ ਪਰਿਸਾਯਂ ਥੇਰਾ ਭਿਕ੍ਖੂ ਬਾਹੁਲਿਕਾ ਹੋਨ੍ਤਿ ਸਾਥਲਿਕਾ, ਓਕ੍ਕਮਨੇ ਪੁਬ੍ਬਙ੍ਗਮਾ, ਪਵਿਵੇਕੇ ਨਿਕ੍ਖਿਤ੍ਤਧੁਰਾ, ਨ ਵੀਰਿਯਂ ਆਰਭਨ੍ਤਿ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਭਸ੍ਸ ਸਚ੍ਛਿਕਿਰਿਯਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਓਕ੍ਕਾਚਿਤਵਿਨੀਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਛਟ੍ਠਂ ਓਕ੍ਕਾਚਿਤਵਿਨੀਤਸੁਤ੍ਤਂ ‘‘ਦ੍ਵੇਮਾ ਭਿਕ੍ਖਵੇ ਪਰਿਸਾ. ਕਤਮਾ ਦ੍ਵੇ, ਓਕ੍ਕਾਚਿਤਵਿਨੀਤਾ ਪਰਿਸਾ ਨੋ ਪਟਿਪੁਚ੍ਛਾਵਿਨੀਤਾ, ਪਟਿਪੁਚ੍ਛਾ ਵਿਨੀਤਾ ਪਰਿਸਾ ਨੋ ਓਕ੍ਕਾਚਿਤਵਿਨੀਤਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਪੁਗ੍ਗਲਵਗ੍ਗੇ ¶ ਆਵੁਸੋ ਏਕਾਦਸਮਂ ਅਸਨ੍ਤਸਨ੍ਨਿਵਾਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪੁਗ੍ਗਲਵਗ੍ਗੇ ਭਨ੍ਤੇ ਏਕਾਦਸਮਂ ਅਸਨ੍ਤਸਨ੍ਨਿਵਾਸਸੁਤ੍ਤਂ ‘‘ਅਸਨ੍ਤਸਨ੍ਨਿਵਾਸਞ੍ਚ ਵੋ ਭਿਕ੍ਖਵੇ ਦੇਸੇਸ੍ਸਾਮਿ ਸਨ੍ਤਸਨ੍ਨਿਵਾਸਞ੍ਚ, ਤਂ ਸੁਣਾਥ, ਸਾਧੁਕਂ ਮਨਸਿਕਰੋਥ ਭਾਸਿਸ੍ਸਾਮੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਸੁਖਵਗ੍ਗੇ ¶ ਪਨ ਆਵੁਸੋ ਭਗਵਤਾ ਕੀਦਿਸੀ ਧਮ੍ਮਦੇਸਨਾਯੋ ਦੇਸਿਤਾ.

ਵਿਸ੍ਸਜ੍ਜਨਾ – ਸੁਖਵਗ੍ਗੇ ਭਨ੍ਤੇ ਭਗਵਤਾ ‘‘ਦ੍ਵੇਮਾਨਿ ਭਿਕ੍ਖਵੇ ਸੁਖਾਨਿ. ਕਤਮਾਨਿ ਦ੍ਵੇ, ਗਿਹਿਸੁਖਞ੍ਚ ਪਬ੍ਬਜਿਤਸੁਖਞ੍ਚ, ਇਮਾਨਿ ਖੋ ਭਿਕ੍ਖਵੇ ਦ੍ਵੇ ਸੁਖਾਨਿ. ਏਤਦਗ੍ਗਂ ਭਿਕ੍ਖਵੇ ਇਮੇਸਂ ਦ੍ਵਿਨ੍ਨਂ ਸੁਖਾਨਂ ਯਦਿਦਂ ਪਬ੍ਬਜਿਤਸੁਖ’’ਨ੍ਤਿ ਏਵਮਾਦਿਕਾ ਧਮ੍ਮਦੇਸਨਾਯੋ ਦੇਸਿਤਾ.

ਪੁਚ੍ਛਾ – ਆਯਾਚਨਵਗ੍ਗੇ ¶ ਪਨ ਆਵੁਸੋ ਭਗਵਤਾ ਪਠਮਾਦੀਨਿ ਚਤ੍ਤਾਰਿ ਸੁਤ੍ਤਾਨਿ ਕਥਂ ਭਾਸਿਤਾਨਿ.

ਵਿਸ੍ਸਜ੍ਜਨਾ – ਆਯਾਚਨਵਗ੍ਗੇ ਭਨ੍ਤੇ ਪਠਮਾਦੀਨਿ ਚਤ੍ਤਾਰਿ ਸੁਤ੍ਤਾਨਿ ‘‘ਸਦ੍ਧੋ ਭਿਕ੍ਖਵੇ ਭਿਕ੍ਖੁ ਏਵਂ ਸਮ੍ਮਾ ਆਯਾਚਮਾਨੋ ਆਯਾਚੇਯ੍ਯ ਤਾਦਿਸੋ ਹੋਮਿ, ਯਾਦਿਸਾ ਸਾਰਿਪੁਤ੍ਤਮੋਗ੍ਗਲ੍ਲਾਨਾ’’ਤਿ, ਏਵਮਾਦਿਨਾ ਭਗਵਤਾ ਭਾਸਿਤਾਨਿ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪਞ੍ਚਮਂ ਅਵਣ੍ਣਾਰਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਪਞ੍ਚਮਂ ਅਵਣ੍ਣਾਰਹਸੁਤ੍ਤਂ ‘‘ਦ੍ਵੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਏਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾਵਜ੍ਜੋ ਚ ਹੋਤਿ ਸਾਨੁਵਜ੍ਜੋ ਚ ਵਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸਵਤੀ’’ਤਿ, ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਦੁਕਨਿਪਾਤੇ ਆਯਾਚਨਵਗ੍ਗੇ ਛਟ੍ਠਂ ਅਪ੍ਪਸਾਦਨੀਯਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਛਟ੍ਠਂ ਭਨ੍ਤੇ ਅਪ੍ਪਸਾਦਨੀਯਸੁਤ੍ਤਂ ‘‘ਦ੍ਵੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਏਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾਵਜ੍ਜੋ ਚ ਹੋਤਿ ਸਾਨੁਵਜ੍ਜੋ ਚ ਵਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸਵਤਿ. ਕਤਮੇਹਿ ਦ੍ਵੀਹਿ, ਅਨਨੁਵਿਚ੍ਚ ਅਪਰਿਯੋਗਾਹੇਤ੍ਵਾ ਅਪ੍ਪਸਾਦਨੀਯੇ ਠਾਨੇ ਪਸਾਦਂ ਉਪਦਂਸੇਤਿ, ਅਨਨੁਵਿਚ੍ਚ ਅਪਰਿਯੋ ਗਾਹੇਤ੍ਵਾ ਪਸਾਦਨੀਯੇ ਠਾਨੇ ਅਪ੍ਪਸਾਦਂ ਉਪਦਂਸੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਮਾਤਾਪਿਤੁਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਸਤ੍ਤਮਂ ਮਾਤਾਪਿਤੁਸੁਤ੍ਤਂ ‘‘ਦ੍ਵੀਸੁ ਭਿਕ੍ਖਵੇ ਮਿਚ੍ਛਾ ਪਟਿਪਜ੍ਜਮਾਨੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਏਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾਵਜ੍ਜੋ ਚ ਹੋਹਿ ਸਾਨੁਵਜ੍ਜੋ ਚ ਵਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸਵਤਿ. ਕਤਮੇਸੁ ਦ੍ਵੀਸੁ, ਮਾਤਰਿ ਚ ਪਿਤਰਿ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਤਥਾਗਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ¶ ਭਨ੍ਤੇ ਅਟ੍ਠਮਂ ਤਥਾਗਤਸੁਤ੍ਤਂ ‘‘ਦ੍ਵੀਸੁ ਭਿਕ੍ਖਵੇ ਮਿਚ੍ਛਾਪਟਿਪਜ੍ਜਮਾਨੋ ਬਾਲੋ ਅਬ੍ਯਤ੍ਤੋ ਅਸਪ੍ਪੁਰਿਸੋ ਏਤਂ ਉਪਹਤਂ ਅਤ੍ਤਾਨਂ ਪਰਿਹਰਤਿ, ਸਾਵਜ੍ਜੋ ਚ ਹੋਤਿ ਸਾਨੁਵਜ੍ਜੋ ਚ ਵਿਞ੍ਞੂਨਂ, ਬਹੁਞ੍ਚ ਅਪੁਞ੍ਞਂ ਪਸਵਤਿ. ਕਤਮੇਸੁ ਦ੍ਵੀਸੁ, ਤਥਾਗਤੇ ਚ ਤਥਾਗਤਸਾਵਕੇ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਿਕਨਿਪਾਤੇ ¶ ਪਨ ਆਵੁਸੋ ਪਠਮਂ ਭਯਸੁਤ੍ਤਂ ਭਗਵਤਾ ਕਤ੍ਥ ਕਸ੍ਸ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲਾਨਂ ‘‘ਯਾਨਿ ਕਾਨਿਚਿ ਭਿਕ੍ਖਵੇ ਭਯਾਨਿ ਉਪ੍ਪਜ੍ਜਨ੍ਤਿ, ਸਬ੍ਬਾਨਿ ਤਾਨਿ ਬਾਲਤੋ ਉਪ੍ਪਜ੍ਜਨ੍ਤਿ ਨੋ ਪਣ੍ਡਿਤਤੋ. ਯੇ ਕੇਚਿ ਉਪ੍ਪਦ੍ਦਵਾ ਉਪ੍ਪਜ੍ਜਨ੍ਤਿ, ਸਬ੍ਬੇਤੇ ਬਾਲਤੋ ਉਪ੍ਪਜ੍ਜਨ੍ਤਿ ਨੋ ਪਣ੍ਡਿਤਤੋ. ਯੇਕੇਚਿ ਉਪਸਗ੍ਗਾ ਉਪ੍ਪਜ੍ਜਨ੍ਤਿ, ਸਬ੍ਬੇਤੇ ਬਾਲਤੋ ਉਪ੍ਪਜ੍ਜਨ੍ਤਿ ਨੋ ਪਣ੍ਡਿਤਤੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਤਿਯਂ ਚਿਨ੍ਤੀਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਚਿਨ੍ਤੀਸੁਤ੍ਤਂ ‘‘ਤੀਣਿਮਾਨਿ ਭਿਕ੍ਖਵੇ ਬਾਲਸ੍ਸ ਬਾਲਲਕ੍ਖਣਾਨਿ ¶ ਬਾਲਨਿਮਿਤ੍ਤਾਨਿ ਬਾਲਾਪਦਾਨਾਨਿ. ਕਤਮਾਨਿ ਤੀਣਿ, ਇਧ ਭਿਕ੍ਖਵੇ ਬਾਲੋ ਦੁਚ੍ਚਿਨ੍ਤਿਤਚਿਨ੍ਤੀ ਚ ਹੋਤਿ ਦੁਬ੍ਭਾਸਿਤਭਾਸੀ ਚ ਦੁਕ੍ਕਟਕਮ੍ਮਕਾਰੀ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਅਚ੍ਚਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਚਤੁਤ੍ਥਂ ਅਚ੍ਚਯਸੁਤ੍ਤਂ ‘‘ਤੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਬਾਲੋ ਵੇਦਿਤਬ੍ਬੋ. ਕਤਮੇਹਿ ਤੀਹਿ, ਅਚ੍ਚਯਂ ਅਚ੍ਚਯਤੋ ਦਿਸ੍ਵਾ ਯਥਾਧਮ੍ਮਂ ਨਪ੍ਪਟਿਕਰੋਤਿ, ਪਰਸ੍ਸ ਖੋ ਪਨ ਅਚ੍ਚਯਂ ਦੇਸੇਨ੍ਤਸ੍ਸ ਯਥਾਧਮ੍ਮਂ ਨਪ੍ਪਟਿਗ੍ਗਣ੍ਹਾਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦਸਮਂ ਮਲਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਦਸਮਂ ਮਲਸੁਤ੍ਤਂ ‘‘ਤੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਤਯੋ ਮਲੇ ਅਪ੍ਪਹਾਯ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਨਿਰਯੇ. ਕਤਮੇਹਿ ਤੀਹਿ, ਦੁਸ੍ਸੀਲੋ ਚ ਹੋਤਿ, ਦੁਸ੍ਸੀਲ੍ਯਮਲਞ੍ਚਸ੍ਸ ਅਪ੍ਪਹੀਨਂ ਹੋਤਿ. ਇਸ੍ਸੁਕੀ ਚ ਹੋਤਿ, ਇਸ੍ਸਾਮਲਞ੍ਚਸ੍ਸ ਅਪ੍ਪਹੀਨਂ ਹੋਤਿ. ਮਚ੍ਛਰੀ ਚ ਹੋਤਿ, ਮਚ੍ਛਰਮਲਞ੍ਚਸ੍ਸ ਅਪ੍ਪਹੀਨਂ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਰਥਕਾਰਵਗ੍ਗੇ ¶ ਪਨ ਆਵੁਸੋ ਪਠਮਂ ਞਾਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪਠਮਂ ਭਨ੍ਤੇ ਞਾਤਸੁਤ੍ਤਂ ‘‘ਤੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਞਾਤੋ ਭਿਕ੍ਖੁ ਬਹੁਜਨਅਹਿਤਾਯ ਪਟਿਪਨ੍ਨੋ ਹੋਤਿ ਬਹੁਜਨ ਦੁਕ੍ਖਾਯ ਬਹੁਨੋ ਜਨਸ੍ਸ ਅਨਤ੍ਥਾਯ ਅਹਿਤਾਯ ਦੁਕ੍ਖਾਯ ਦੇਵਮਨੁਸ੍ਸਾਨਂ. ਕਤਮੇਹਿ ਤੀਹਿ, ਅਨਨੁਲੋਮਿਕੇ ਕਾਯਕਮ੍ਮੇ ਸਮਾਦਪੇਤਿ, ਅਨਨੁਲੋਮਿਕੇ ਵਚੀਕਮ੍ਮੇ ਸਮਾਦਪੇਤਿ, ਅਨਨੁਲੋਮਿਕੇਸੁ ਧਮ੍ਮੇਸੁ ਸਮਾਦਪੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਤਤਿਯਂ ਆਸਂਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਤਤਿਯਂ ਆਸਂਸਸੁਤ੍ਤਂ ‘‘ਤਯੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ ਨਿਰਾਸੋ ਆਸਂਸੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਰਥਕਾਰਵਗ੍ਗੇ ਪਞ੍ਚਮਂ ਸਚੇਤਨਸੁਤ੍ਤਂ ਕਤ੍ਥ ਕਸ੍ਸ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਬਾਰਾਣਸਿਯਂ ਭਨ੍ਤੇ ਸਮ੍ਬਹੁਲਾਨਂ ਭਿਕ੍ਖੂਨਂ ਆਰਬ੍ਭ ‘‘ਭੂਤਪੁਬ੍ਬਂ ਭਿਕ੍ਖਵੇ ਰਾਜਾ ਅਹੋਸਿ ਸਚੇਤਨੋ ਨਾਮ, ਅਥ ਖੋ ਭਿਕ੍ਖਵੇ ਰਾਜਾ ਸਚੇਤਨੋ ਰਥਕਾਰਂ ਆਮਨ੍ਤੇਸਿ ਇਤੋ ਮੇ ਸਮ੍ਮ ਰਥਕਾਰ ਛਨ੍ਨਂ ਮਾਸਾਨਂ ਪਚ੍ਚਯੇਨ ਸਙ੍ਗਾਮੋ ਭਵਿਸ੍ਸਤਿ ਸਕ੍ਖਿਸ੍ਸਸਿ ਮੇ ਸਮ੍ਮ ਰਥਕਾਰ ਨਵਂ ਚਕ੍ਕਯੁਗਂ ਕਾਤੁ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਅਪਣ੍ਣਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਛਟ੍ਠਂ ਭਨ੍ਤੇ ਅਪਣ੍ਣਕਸੁਤ੍ਤਂ ‘‘ਤੀਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਅਪਣ੍ਣਕਪਟਿਪਦਂ ਪਟਿਪਨ੍ਨੋ ਹੋਤਿ, ਯੋਨਿ ਚਸ੍ਸ ਆਰਦ੍ਧਾ ਹੋਤਿ ਆਸਵਾਨਂ ਖਯਾਯ. ਕਤਮੇਹਿ ਤੀਹਿ, ਇਧ ਭਿਕ੍ਖਵੇ ਭਿਕ੍ਖੁ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰੋ ਹੋਤਿ, ਭੋਜਨੇ ਮਤ੍ਤਞ੍ਞੂ ਹੋਤਿ, ਜਾਗਰਿਯਮਨੁਯੁਤ੍ਤੋ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਦੇਵਲੋਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਅਟ੍ਠਮਂ ਦੇਵਲੋਕਸੁਤ੍ਤਂ ‘‘ਸਚੇ ਵੋ ਭਿਕ੍ਖਵੇ ਅਞ੍ਞਤਿਤ੍ਥਿਯਾ ਪਰਿਬ੍ਬਾਜਕਾ ਏਵਂ ਪੁਚ੍ਛੇਯ੍ਯੁਂ ‘‘ਦੇਵਲੋਕੂਪਪਤ੍ਤਿਯਾ ਆਵੁਸੋ ਸਮਣੇ ਗੋਤਮੇ ਬ੍ਰਹ੍ਮਚਰਿਯਂ ਵੁਸ੍ਸਥਾ’ਤਿ. ਨਨੁ ਤੁਮ੍ਹੇ ਭਿਕ੍ਖਵੇ ¶ ਏਵਂ ਪੁਟ੍ਠਾ ਅਟ੍ਟੀਯੇਯ੍ਯਾਥ ਹਰਾਯੇਯ੍ਯਾਥ ਜਿਗੁਚ੍ਛੇਯ੍ਯਾਥਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਨਵਮਂ ਪਠਮਪਾਪਣਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਨਵਮਂ ਪਠਮਪਾਪਣਿਕਸੁਤ੍ਤਂ ‘‘ਤੀਹਿ ਭਿਕ੍ਖਵੇ ਅਙ੍ਗੇਹਿ ਸਮਨ੍ਨਾਗਤੋ ਪਾਪਣਿਕੋ ਅਭਬ੍ਬੋ ਅਨਧਿਗਤਂ ਵਾ ਭੋਗਂ ਅਧਿਗਨ੍ਤੁਂ, ਅਧਿਗਤਂ ਵਾ ਭੋਗਂ ਫਾਤਿਂ ਕਾਤੁਂ. ਕਤਮੇਹਿ ਤੀਹਿ, ਇਧ ਭਿਕ੍ਖਵੇ ਪਾਪਣਿਕੋ ਪੁਬ੍ਬਣ੍ਹਸਮਯਂ ਨ ਸਕ੍ਕਚ੍ਚਂ ਕਮ੍ਮਨ੍ਤਂ ਅਧਿਟ੍ਠਾਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਪੁਗ੍ਗਲਵਗ੍ਗੇ ¶ ਪਨ ਆਵੁਸੋ ਦੁਤਿਯਂ ਗਿਲਾਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪੁਗ੍ਗਲਵਗ੍ਗੇ ਭਨ੍ਤੇ ਦੁਤਿਯਂ ਗਿਲਾਨਸੁਤ੍ਤਂ ‘‘ਤਯੋਮੇ ਭਿਕ੍ਖਵੇ ਗਿਲਾਨਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ, ਇਧ ਭਿਕ੍ਖਵੇ ਏਕਚ੍ਚੋ ਗਿਲਾਨੋ ਲਭਨ੍ਤੋ ਵਾ ਸਪ੍ਪਾਯਾਨਿ ਭੋਜਨਾਨਿ ਅਲਭਨ੍ਤੋ ਵਾ ਸਪ੍ਪਾਯਾਨਿ ਭੋਜਨਾਨਿ, ਲਭਨ੍ਤੋ ਵਾ ਸਪ੍ਪਾਯਾਨਿ ਭੇਸਜ੍ਜਾਨਿ ਅਲਭਨ੍ਤੋ ਵਾ ਸਪ੍ਪਾਯਾਨਿ ਭੇਸਜ੍ਜਾਨਿ, ਲਭਨ੍ਤੋ ਵਾ ਪਤਿਰੂਪਂ ਉਪਟ੍ਠਾਕਂ ਅਲਭਨ੍ਤੋ ਵਾ ਪਤਿਰੂਪਂ ਉਪਟ੍ਠਾਕਂ ਵੁਟ੍ਠਾਤਿ ਤਮ੍ਹਾ ਆਬਾਧਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਬਹੁਕਾਰਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ¶ ਭਨ੍ਤੇ ਚਤੁਤ੍ਥਂ ਬਹੁਕਾਰਸੁਤ੍ਤਂ ‘‘ਤਯੋ ਮੇ ਭਿਕ੍ਖਵੇ ਪੁਗ੍ਗਲਾ ਪੁਗ੍ਗਲਸ੍ਸ ਬਹੁਕਾਰਾ. ਕਤਮੇ ਤਯੋ, ਯਂ ਭਿਕ੍ਖਵੇ ਪੁਗ੍ਗਲਂ ਆਗਮ੍ਮ ਪੁਗ੍ਗਲੋ ਬੁਦ੍ਧਂ ਸਰਣਂ ਗਤੋ ਹੋਤਿ, ਧਮ੍ਮਂ ਸਰਣਂ ਗਤੋ ਹੋਤਿ, ਸਙ੍ਘਂ ਸਰਣਂ ਗਤੋ ਹੋਤਿ. ਅਯਂ ਭਿਕ੍ਖਵੇ ਪੁਗ੍ਗਲੋ ਇਮਸ੍ਸ ਪੁਗ੍ਗਲਸ੍ਸ ਬਹੁਕਾਰੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ ਪਸ੍ਸਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਪੁਗ੍ਗਲਵਗ੍ਗੇ ਸਤ੍ਤਮਂ ਜਿਗੁਚ੍ਛਿਤਬ੍ਬਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਤ੍ਤਮਂ ਭਨ੍ਤੇ ਜਿਗੁਚ੍ਛਿਤਬ੍ਬਸੁਤ੍ਤਂ ‘‘ਤਯੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ, ਅਤ੍ਥਿ ਭਿਕ੍ਖਵੇ ਪੁਗ੍ਗਲੋ ਜਿਗੁਚ੍ਛਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ, ਅਤ੍ਥਿ ਭਿਕ੍ਖਵੇ ਪੁਗ੍ਗਲੋ ਅਜ੍ਝੁਪੇਕ੍ਖਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ, ਅਤ੍ਥਿ ਭਿਕ੍ਖਵੇ ਪੁਗ੍ਗਲੋ ਸੇਵਿਤਬ੍ਬੋ ਭਜਿਤਬ੍ਬੋ ਪਯਿਰੁਪਾਸਿਤਬ੍ਬੋ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਜਿਗੁਚ੍ਛਿਤਬ੍ਬੋ ਪੁਗ੍ਗਲੋ ਨਸੇਵਿਤਬ੍ਬੋ ਨਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ ਪਕਾਸਿਤੋ.

ਵਿਸ੍ਸਜ੍ਜਨਾ – ‘‘ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਜਿਗੁਚ੍ਛਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ. ਇਧ ਭਿਕ੍ਖਵੇ ਏਕਚ੍ਚੋ ਦੁਸ੍ਸੀਲੋ ਹੋਤਿ ਪਾਪਧਮ੍ਮੋ ਅਸੁਚਿਸਙ੍ਕਸ੍ਸਰਸਮਾਚਾਰੋ ਪਟਿਚ੍ਛਨ੍ਨਕਮ੍ਮਨ੍ਤੋ ਅਸ੍ਸਮਣੋ ਸਮਣਪਟਿਞ੍ਞੋ ਅਬ੍ਰਹ੍ਮਚਾਰੀ ਬ੍ਰਹ੍ਮਚਾਰਿਪਟਿਞ੍ਞੋ ਅਨ੍ਤੋਪੂਤਿ ਅਵਸ੍ਸੁਤੋ ਕਸਮ੍ਬੁਜਾਤੋ, ਏਵਰੂਪੋ ਭਿਕ੍ਖਵੇ ਪੁਗ੍ਗਲੋ ਜਿਗੁਚ੍ਛਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਜਿਗੁਚ੍ਛਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ ਪੁਗ੍ਗਲੋ ਪਕਾਸਿਤੋ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਅਜ੍ਝੁਪੇਕ੍ਖਿਤਬ੍ਬੋ ਪੁਗ੍ਗਲੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਅਜ੍ਝੁਪੇਕ੍ਖਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਕੋਧਨੋ ਹੋਤਿ ਉਪਾਯਾਸਬਹੁਲੋ, ਅਪ੍ਪਮ੍ਪਿ ਵੁਤ੍ਤੋ ਸਮਾਨੋ ਅਭਿਸਜ੍ਜਤਿ ਕੁਪ੍ਪਤਿ ਬ੍ਯਾਪਜ੍ਜਤਿ ਪਤਿਤ੍ਥੀਯਤਿ, ਕੋਪਞ੍ਚ ਦੋਸਞ੍ਚ ਅਪ੍ਪਚ੍ਚਯਞ੍ਚ ਪਾਤੁਕਰੋਤੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਤਤ੍ਥ ਅਜ੍ਝੁਪੇਕ੍ਖਿਤਬ੍ਬੋ ਨ ਸੇਵਿਤਬ੍ਬੋ ਨ ਭਜਿਤਬ੍ਬੋ ਨ ਪਯਿਰੁਪਾਸਿਤਬ੍ਬੋ ਪੁਗ੍ਗਲੋ ਪਕਾਸਿਤੋ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਸੇਵਿਤਬ੍ਬੋ ਪੁਗ੍ਗਲੋ ਭਜਿਤਬ੍ਬੋ ਪਯਿਰੁਪਾਸਿਤਬ੍ਬੋ ਪਕਾਸਿਤੋ.

ਵਿਸ੍ਸਜ੍ਜਨਾ – ‘‘ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਸੇਵਿਤਬ੍ਬੋ ਭਜਿਤਬ੍ਬੋ ਪਯਿਰੁਪਾਸਿਤਬ੍ਬੋ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਸੀਲਵਾ ਹੋਤਿ ਕਲ੍ਯਾਣਧਮ੍ਮੋ, ਏਵਰੂਪੋ ਭਿਕ੍ਖਵੇ ਪੁਗ੍ਗਲੋ ਸੇਵਿਤਬ੍ਬੋ ਭਜਿਤਬ੍ਬੋ ¶ ਪਯਿਰੁਪਾਸਿਤਬ੍ਬੋ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸੇਵਿਤਬ੍ਬੋ ਪੁਗ੍ਗਲੋ ਭਜਿਤਬ੍ਬੋ ਪਯਿਰੁਪਾਸਿਤਬ੍ਬੋ ਪਕਾਸਿਤੋ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪੁਗ੍ਗਲਵਗ੍ਗੇ ਅਟ੍ਠਮਂ ਗੂਥਭਾਣੀਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਪੁਗ੍ਗਲਵਗ੍ਗੇ ਅਟ੍ਠਮਂ ਗੂਥਭਾਣੀਸੁਤ੍ਤਂ ‘‘ਤਯੋ ਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ, ਗੂਥਭਾਣੀ ਪੁਪ੍ਫਭਾਣੀ ਮਧੁਭਾਣੀ’’ਤਿ ਏਵਂ ਖੋ ਭਗਵਤਾ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਗੂਥਭਾਣੀਪੁਗ੍ਗਲੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਗੂਥਭਾਣੀ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਸਭਗ੍ਗਤੋ ਵਾ ਪਰਿਸਗ੍ਗਤੋ ਵਾ ਞਾਤਿਮਜ੍ਝਗਤੋਵਾ ਪੂਗਮਜ੍ਝਗਤੋਵਾ ਰਾਜਕੁਲਮਜ੍ਝਗਤੋਵਾ ਅਭਿਨੀਤੋ ਸਕ੍ਖਿਪੁਟ੍ਠੋ ‘‘ਏਹਮ੍ਭੋ ਪੁਰਿਸ ਯਂ ਜਾਨਾਸਿ, ਤਂ ਵਦੇਹੀ’’ਤਿ. ਸੋ ਅਜਾਨਂ ਵਾ ਆਹ ‘‘ਜਾਨਾਮੀ’’ਤਿ, ਜਾਨਂ ਵਾ ਆਹ ‘‘ਨ ਜਾਨਾਮੀ’’ਤਿ, ਅਪਸ੍ਸਂ ਵਾ ਆਹ ‘‘ਪਸ੍ਸਾਮੀ’’ਤਿ, ਪਸ੍ਸਂ ਵਾ ਆਹ ‘‘ਨ ਪਸ੍ਸਾਮੀ’’ਤਿ. ਇਤਿ ਅਤ੍ਤਹੇਤੁ ਵਾ ਪਰਹੇਤੁ ਵਾ ਆਮਿਸਕਿਞ੍ਚਿਕ੍ਖਹੇਤੁ ਵਾ ਸਮ੍ਪਜਾਨਮੁਸਾ ਭਾਸਿਤਾ ਹੋਤਿ. ਅਯਂ ਵੁਚ੍ਚਤਿ ਭਿਕ੍ਖਵੇ ਪੁਗ੍ਗਲੋ ਗੂਥਭਾਣੀਤਿ, ਏਵਂ ਖੋ ਭਨ੍ਤੇ ਤਤ੍ਥ ਭਗਵਤਾ ਗੂਥਭਾਣੀਪੁਗ੍ਗਲੋ ਪਕਾਸਿਤੋ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਪੁਪ੍ਫਭਾਣੀਪੁਗ੍ਗਲੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਪੁਪ੍ਫਭਾਣੀ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਸਭਗ੍ਗਤੋ ਵਾ ਪਰਿਸਗ੍ਗਤੋ ਵਾ ਞਾਤਿਮਜ੍ਝਗਤੋ ਵਾ ਪੂਗਮਜ੍ਝਗਤੋਵਾ ਰਾਜਕੁਲਮਜ੍ਝਗਤੋ ਵਾ ਅਭਿਨੀਤੋ ਸਕ੍ਖਿਪੁਟ੍ਠੋ ‘‘ਏਹਮ੍ਭੋ ਪੁਰਿਸ ਯਂ ਪਜਾਨਾਸਿ, ਤਂ ਵਦੇਹੀ’’ਤਿ. ਸੋ ਅਜਾਨਂ ਵਾ ਆਹ ‘‘ਨ ਜਾਨਾਮੀ’’ਤਿ, ਜਾਨਂ ਵਾ ਆਹ ‘‘ਜਾਨਾਮੀ’’ਤਿ, ਅਪਸ੍ਸਂ ਵਾ ਆਹ ‘‘ਨ ਪਸ੍ਸਾਮੀ’’ਤਿ, ਪਸ੍ਸਂ ਵਾ ਆਹ ‘‘ਪਸ੍ਸਾਮੀ’’ਤਿ, ਇਤਿ ਅਤ੍ਤਹੇਤੁ ਵਾ ਪਰਹੇਤੁ ਵਾ ਆਮਿਸਕਿਞ੍ਚਿਕ੍ਖਹੇਤੁ ਵਾ ਨ ਸਮ੍ਪਜਾਨਮੁਸਾ ਭਾਸਿਤਾ ਹੋਤਿ, ਅਯਂ ਵੁਚ੍ਚਤਿ ਭਿਕ੍ਖਵੇ ਪੁਗ੍ਗਲੋ ਪੁਪ੍ਫਭਾਣੀਤਿ, ਏਵਂ ਖੋ ਭਨ੍ਤੇ ਤਤ੍ਥ ਭਗਵਤਾ ਪੁਪ੍ਫਭਾਣੀਪੁਗ੍ਗਲੋ ਪਕਾਸਿਤੋ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਮਧੁਭਾਣੀ ਪੁਗ੍ਗਲੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਤਮੋ ਚ ਭਿਕ੍ਖਵੇ ਪੁਗ੍ਗਲੋ ਮਧੁਭਾਣੀ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਫਰੁਸਂ ਵਾਚਂ ਪਹਾਯ ਫਰੁਸਾਯ ਵਾਚਾਯ ਪਟਿਵਿਰਤੋ

ਹੋਤੀਤਿ ¶ ਏਵਮਾਦਿਨਾ ਭਨ੍ਤੇ ਭਗਵਤਾ ਤਤ੍ਥ ਮਧੁਭਾਣੀ ਪੁਗ੍ਗਲੋ ਪਕਾਸਿਤੋ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪੁਗ੍ਗਲਵਗ੍ਗੇ ਨਵਮਂ ਅਨ੍ਧਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਪੁਗ੍ਗਲਵਗ੍ਗੇ ਨਵਮਂ ਅਨ੍ਧਸੁਤ੍ਤਂ ‘‘ਤਯੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ ਅਨ੍ਧੋ ਏਕਚਕ੍ਖੁ ਦ੍ਵਿਚਕ੍ਖੂ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਕੀਦਿਸੋ ਆਵੁਸੋ ਪੁਗ੍ਗਲੋ ਤਤ੍ਥ ਭਗਵਤਾ ਅਨ੍ਧੋ ਅਕ੍ਖਾਤੋ.

ਵਿਸ੍ਸਜ੍ਜਨਾ – ਯਸ੍ਸ ਭਨ੍ਤੇ ਭੋਗੇਸੁ ਚੇਵ ਧਮ੍ਮੇਸੁ ਚ ਪਞ੍ਞਾਚਕ੍ਖੁ ਨਤ੍ਥਿ, ਏਦਿਸੋ ਭਨ੍ਤੇ ਪੁਗ੍ਗਲੋ ਤਤ੍ਥ ਭਗਵਤਾ ਅਨ੍ਧੋ ਅਕ੍ਖਾਤੋ.

ਪੁਚ੍ਛਾ – ਕੀਦਿਸੋ ¶ ਪਨ ਆਵੁਸੋ ਪੁਗ੍ਗਲੋ ਤਤ੍ਥ ਭਗਵਤਾ ਏਕਚਕ੍ਖੁ ਅਕ੍ਖਾਤੋ.

ਵਿਸ੍ਸਜ੍ਜਨਾ – ਯਸ੍ਸ ਭਨ੍ਤੇ ਭੋਗੇਸੁਯੇਵ ਪਞ੍ਞਾਚਕ੍ਖੁ ਅਤ੍ਥਿ ਨ ਧਮ੍ਮੇਸੁ. ਈਦਿਸੋ ਭਨ੍ਤੇ ਪੁਗ੍ਗਲੋ ਤਤ੍ਥ ਭਗਵਤਾ ਏਕਚਕ੍ਖੁ ਅਕ੍ਖਾਤੋ.

ਪੁਚ੍ਛਾ – ਕੀਦਿਸੋ ¶ ਪਨ ਆਵੁਸੋ ਪੁਗ੍ਗਲੋ ਤਤ੍ਥ ਭਗਵਤਾ ਦ੍ਵਿਚਕ੍ਖੁ ਅਕ੍ਖਾਤੋ.

ਵਿਸ੍ਸਜ੍ਜਨਾ – ਯਸ੍ਸ ਭਨ੍ਤੇ ਭੋਗੇਸੁ ਚੇਵ ਧਮ੍ਮੇਸੁ ਚ ਪਞ੍ਞਾਚਕ੍ਖੁ ਅਤ੍ਥਿ, ਈਦਿਸੋ ਭਨ੍ਤੇ ਪੁਗ੍ਗਲੋ ਤਤ੍ਥ ਭਗਵਤਾ ਦ੍ਵਿਚਕ੍ਖੁ ਅਕ੍ਖਾਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ ਪਸ੍ਸਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਪੁਗ੍ਗਲਵਗ੍ਗੇ ਦਸਮਂ ਅਵਕੁਜ੍ਜਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਦਸਮਂ ਭਨ੍ਤੇ ਅਵਕੁਜ੍ਜਸੁਤ੍ਤਂ ‘‘ਤਯੋ ਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ, ਅਵਕੁਜ੍ਜਪਞ੍ਞੋ ਪੁਗ੍ਗਲੋ ਉਚ੍ਛਙ੍ਗਪਞ੍ਞੋ ਪੁਗ੍ਗਲੋ ਪੁਥੁਪਞ੍ਞੋ ਪੁਗ੍ਗਲੋ. ਕਤਮੋ ਚ ਭਿਕ੍ਖਵੇ ਅਵਕੁਜ੍ਜਪਞ੍ਞੋ ਪੁਗ੍ਗਲੋ. ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਆਰਾਮਂ ਗਨ੍ਤਾ ਹੋਤਿ ਅਭਿਕ੍ਖਣਂ ਭਿਕ੍ਖੂਨਂ ਸਨ੍ਤਿਕੇ ਧਮ੍ਮਸ੍ਸਵਨਾਯ, ਤਸ੍ਸ ਭਿਕ੍ਖੂ ਧਮ੍ਮਂ ਦੇਸੇਨ੍ਤਿਆਦਿਕਲ੍ਯਾਣਂ ਮਜ੍ਝੇਕਲ੍ਯਾਣਂ ਪਰਿਯੋਸਾਨਕਲ੍ਯਾਣਂ ਸਾਤ੍ਥਂ ਸਬ੍ਯਞ੍ਜਨਂ ਕੇਵਲਪਰਿਪੁਣ੍ਣਂ ਪਰਿਸੁਦ੍ਧਂ ¶ ਬ੍ਰਹ੍ਮਚਰਿਯਂ ਪਕਾਸੇਨ੍ਤਿ. ਸੋ ਤਸ੍ਮਿਂ ਆਸਨੇ ਨਿਸਿਨ੍ਨੋ ਤਸ੍ਸਾ ਕਥਾਯ ਨੇਵਾਦਿਂ ਮਨਸਿਕਰੋਤਿ, ਨ ਮਜ੍ਝਂ ਮਨਸਿਕਰੋਤਿ, ਨ ਪਰਿਯੋਸਾਨਂ ਮਨਸਿਕਰੋਤਿ, ਵੁਟ੍ਠਿਤੋਪਿ ਤਮ੍ਹਾ ਆਸਨਾ ਤਸ੍ਸਾ ਕਥਾਯ ਨੇਵਾਦਿਂ ਮਨਸਿਕਰੋਤਿ, ਨ ਮਜ੍ਝਂ ਮਨਸਿਕਰੋਤਿ, ਨ ਪਰਿਯੋਸਾਨਂ ਮਨਸਿਕਰੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਦੇਵਦੂਤਵਗ੍ਗੇ ¶ ਪਨ ਆਵੁਸੋ ਪਠਮਂ ਸਬ੍ਰਹ੍ਮਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਦੇਵਦੂਤਵਗ੍ਗੇ ਭਨ੍ਤੇ ਪਠਮਂ ਸਬ੍ਰਹ੍ਮਕਸੁਤ੍ਤਂ ‘‘ਸਬ੍ਰਹ੍ਮਕਾਨਿ ਭਿਕ੍ਖਵੇ ਤਾਨਿ ਕੁਲਾਨਿ, ਯੇਸਂ ਪੁਤ੍ਤਾਨਂ ਮਾਤਾਪਿਤਰੋ ਅਜ੍ਝਾਗਾਰੇ ਪੂਜਿਤਾ ਹੋਨ੍ਤਿ. ਸਪੁਬ੍ਬਚਰਿਯਕਾਨਿ ਭਿਕ੍ਖਵੇ ਤਾਨਿ ਕੁਲਾਨਿ, ਯੇਸਂ ਪੁਤ੍ਤਾਨਂ ਮਾਤਾਪਿਤਰੋ ਅਜ੍ਝਾਗਾਰੇ ਪੂਜਿਤਾ ਹੋਨ੍ਤਿ. ਆਹੁਨੇਯ੍ਯਾਨਿ ਭਿਕ੍ਖਵੇ ਤਾਨਿ ਕੁਲਾਨਿ, ਯੇਸਂ ਪੁਤ੍ਤਾਨਂ ਮਾਤਾਪਿਤਰੋ ਅਜ੍ਝਾਗਾਰੇ ਪੂਜਿਤਾ ਹੋਨ੍ਤਿ. ਬ੍ਰਹ੍ਮਾਤਿ ਭਿਕ੍ਖਵੇ ਮਾਤਾਪਿਤੂਨਂ ਏਤਂ ਅਧਿਵਚਨਂ. ਪੁਬ੍ਬਾਚਰਿਯਾਤਿ ਭਿਕ੍ਖਵੇ ਮਾਤਾਪਿਤੂਨਂ ਏਤਂ ਅਧਿਵਚਨਂ. ਆਹੁਨੇਯ੍ਯਾਤਿ ਭਿਕ੍ਖਵੇ ਏਤਂ ਮਾਤਾਪਿਤੂਨਂ ਅਧਿਵਚਨਂ. ਤਂ ਕਿਸ੍ਸ ਹੇਤੁ, ਬਹੁਕਾਰਾ ਭਿਕ੍ਖਵੇ ਮਾਤਾਪਿਤਰੋ ਪੁਤ੍ਤਾਨਂ ਆਪਾਦਕਾ ਪੋਸਕਾ ਇਮਸ੍ਸ ਲੋਕਸ੍ਸ ਦਸ੍ਸੇਤਾਰੋ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਬ੍ਰਹ੍ਮਾਤਿ ¶ ਮਾਤਾਪਿਤਰੋ, ਪੁਬ੍ਬਾਚਰਿਯਾਤਿ ਵੁਚ੍ਚਰੇ;

ਆਹੁਨੇਯ੍ਯਾ ਚ ਪੁਤ੍ਤਾਨਂ, ਪਜਾਯ ਅਨੁਕਮ੍ਪਕਾ;

ਤਸ੍ਮਾ ਹਿ ਨੇ ਨਮਸ੍ਸੇਯ੍ਯ, ਸਕ੍ਕਰੇਯ੍ਯ ਚ ਪਣ੍ਡਿਤੋ;

ਅਨ੍ਨੇਨ ਅਥ ਪਾਨੇਨ, ਵਤ੍ਥੇਨ ਸਯਨੇਨ ਚ;

ਉਚ੍ਛਾਦਨੇਨ ਨ੍ਹਾਪਨੇਨ, ਪਾਦਾਨਂ ਧੋਵਨੇਨ ਚ;

ਤਾਯ ਨਂ ਪਾਰਿਚਰਿਯਾਯ, ਮਾਤਾਪਿਤੂਸੁ ਪਣ੍ਡਿਤਾ.

ਇਧੇਵ ਨਂ ਪਸਂਸਨ੍ਤਿ, ਪੇਚ੍ਚ ਸਗ੍ਗੇ ਪਮੋਦਤੀਤਿ –

ਪੁਚ੍ਛਾ – ਤਤ੍ਥੇਵ ਆਵੁਸੋ ਪਞ੍ਚਮਂ ਹਤ੍ਥਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਪਞ੍ਚਮਂ ਭਨ੍ਤੇ ਹਤ੍ਥਕਸੁਤ੍ਤਂ ਆਲ਼ਵਿਯਂ ਹਤ੍ਥਕਂ ਆਲ਼ਵਕਂ ਆਰਬ੍ਭ ਭਾਸਿਤਂ. ਹਤ੍ਥਕੋ ਭਨ੍ਤੇ ਆਲ਼ਵਕੋ ਭਗਵਨ੍ਤਂ ਏਤਦਵੋਚ ‘‘ਕਚ੍ਚਿ ਭਨ੍ਤੇ ਭਗਵਾ ਸੁਖਮਸਯਿਤ੍ਥਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਏਵਂ ਕੁਮਾਰ ਸੁਖਮਸਯਿਤ੍ਥ ਯੇ ਚ ਪਨ ਲੋਕੇ ਸੁਖਂ ਸੇਨ੍ਤਿ, ਅਹਂ ਤੇਸਂ ਅਞ੍ਞਤਰੋ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

‘‘ਕਚ੍ਚਿ ¶ ਭਨ੍ਤੇ ਭਗਵਾ ਸੁਖਮਸਯਿਤ੍ਥ’’.

‘‘ਏਵਂ ਕੁਮਾਰ ਸੁਖਮਸਯਿਤ੍ਥ, ਯੇ ਚ ਪਨ ਲੋਕੇ ਸੁਖਂ ਸੇਨ੍ਤਿ, ਅਹਂ ਤੇਸਂ ਅਞ੍ਞਤਰੋ’’.

‘‘ਏਵਂ ¶ ਕੁਮਾਰ ਸੁਖਮਸਯਿਤ੍ਥ, ਯੇ ਚ ਪਨ ਲੋਕੇ ਸੁਖਂ ਸੇਨ੍ਤਿ, ਅਹਂ ਤੇਸਂ ਅਞ੍ਞਤਰੋ’’.

ਪੁਚ੍ਛਾ – ਤੇਨਾਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਦੇਵਦੂਤਵਗ੍ਗੇ ਛਟ੍ਠਂ ਦੇਵਦੂਤਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਛਟ੍ਠਂ ¶ ਭਨ੍ਤੇ ਦੇਵਦੂਤਸੁਤ੍ਤਂ ‘‘ਤੀਣਿਮਾਨਿ ਭਿਕ੍ਖਵੇ ਦੇਵਦੂਤਾਨਿ. ਕਤਮਾਨਿ ਤੀਣਿ, ਇਧ ਭਿਕ੍ਖਵੇ ਏਕਚ੍ਚੋ ਕਾਯੇਨ ਦੁਚ੍ਚਰਿਤਂ ਚਰਤਿ, ਵਾਚਾਯ ਦੁਚ੍ਚਰਿਤਂ ਚਰਤਿ, ਮਨਸਾ ਦੁਚ੍ਚਰਿਤਂ ਚਰਤਿ. ਸੋ ਕਾਯੇਨ ਦੁਚ੍ਚਰਿਤਂ ਚਰਿਤ੍ਵਾ ਵਾਚਾਯ ਦੁਚ੍ਚਰਿਤਂ ਚਰਿਤ੍ਵਾ ਮਨਸਾ ਦੁਚ੍ਚਰਿਤਂ ਚਰਿਤ੍ਵਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤਿ. ਤਮੇਨਂ ਭਿਕ੍ਖਵੇ ਨਿਰਯਪਾਲਾ ਨਾਨਾਬਾਹਾਸੁ ਗਹੇਤ੍ਵਾ ਯਮਸ੍ਸ ਰਞ੍ਞੋ ਦਸ੍ਸੇਨ੍ਤਿ-ਅਯਂ ਦੇਵ ਪੁਰਿਸੋ ਅਮਤ੍ਤੇਯ੍ਯੋ ਅਪੇਤ੍ਤੇਯ੍ਯੋ ਅਸਾਮਞ੍ਞੋ ਅਬ੍ਰਹ੍ਮਞ੍ਞੋ, ਨ ਕੁਲੇ ਜੇਟ੍ਠਪਚਾਯੀ, ਇਮਸ੍ਸ ਦੇਵੋ ਦਣ੍ਡਂ ਪਣੇਤੂ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਪਠਮਦੇਵਦੂਤ ਸਮਨੁਯੁਞ੍ਜਨਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਤਮੇਨਂ ਭਿਕ੍ਖਵੇ ਯਮੋ ਰਾਜਾ ਪਠਮਂ ਦੇਵਦੂਤਂ ਸਮਨੁਯੁਞ੍ਜਤਿ ਸਮਨੁਗਾਹਤਿ ਸਮਨੁਭਾਸਤਿ ‘‘ਅਮ੍ਭੋ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਪਠਮਂ ਦੇਵਦੂਤਂ ਪਾਤੁਭੂਤ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਪਠਮਦੇਵਦੂਤਸਮਨੁਯੁਞ੍ਜਨਾ ਪਕਾਸਿਤਾ.

‘‘ਅਮ੍ਭੋ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਪਠਮਂ ਦੇਵਦੂਤਂ ਪਾਤੁਭੂਤਂ’’.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਦੁਤਿਯਦੇਵਦੂਤ ਸਮਨੁਯੁਞ੍ਜਨਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਤਮੇਨਂ ਭਿਕ੍ਖਵੇ ਯਮੋ ਰਾਜਾ ਪਠਮਂ ਦੇਵਦੂਤਂ ਸਮਨੁਯੁਞ੍ਜਿਤ੍ਵਾ ਸਮਨੁਗਾਹਿਤ੍ਵਾ ਸਮਨੁਭਾਸਿਤ੍ਵਾ ਦੁਤਿਯਂ ਦੇਵਦੂਤਂ ਸਮਨੁਯੁਞ੍ਜਤਿ ਸਮਨੁਗਾਹਤਿ ਸਮਨੁਭਾਸਤਿ ‘‘ਅਮ੍ਭੋ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਦੁਤਿਯਂ ਦੇਵਦੂਤਂ ਪਾਤੁਭੂਤ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਦੁਤਿਯਾ ਦੇਵਦੂਤਸਮਨੁਯੁਞ੍ਜਨਾ ਪਕਾਸਿਤਾ.

‘‘ਅਮ੍ਭੋ ¶ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਦੁਤਿਯ ਦੇਵਦੂਤਂ ਪਾਤੁਭੂਤਂ’’.

‘‘ਅਮ੍ਭੋ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਇਤ੍ਥੀਂ ਵਾ ਪੁਰਿਸਂ ਵਾ ਆਬਾਧਿਕਂ ਦੁਕ੍ਖਿਤਂ ਬਾਲ਼੍ਹਗਿਲਾਨਂ ਸਕੇ ਮੁਤ੍ਤਕਰੀਸੇ ਪਲਿਪਨ੍ਨਂ ਸੇਮਾਨਂ ਅਞ੍ਞੇਹਿ ਵੁਟ੍ਠਾਪਿਯਮਾਨਂ ਅਞ੍ਞੇਹਿ ਸਂਵੇਸਿਯਮਾਨਂ’’ –

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਤਤਿਯਦੇਵਦੂਤ ਸਮਨੁਯੁਞ੍ਜਨਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਤਮੇਨਂ ਭਿਕ੍ਖਵੇ ਯਮੋ ਰਾਜਾ ਦੁਤਿਯਂ ਦੇਵਦੂਤਂ ਸਮਨੁਯੁਞ੍ਜਿਤ੍ਵਾ ਸਮਨੁਗਾਹਿਤ੍ਵਾ ਸਮਨੁਭਾਸਿਤ੍ਵਾ ਤਤਿਯਂ ਦੇਵਦੂਤਂ ਸਮਨੁਯੁਞ੍ਜਤਿ ਸਮਨੁਗਾਹਤਿ ਸਮਨੁਭਾਸਤਿ ‘‘ਅਮ੍ਭੋ ਪੁਰਿਸ ਨਤ੍ਵਂ ਮਨੁਸ੍ਸੇਸੁ ਤਤਿਯਂ ਦੇਵਦੂਤਂ ਪਾਤੁਭੂਤਨ੍ਤਿ’’ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਯਮਸ੍ਸ ਰਞ੍ਞੋ ਤਤਿਯਾ ਦੇਵਦੂਤਸਮਨੁਯੁਞ੍ਜਨਾ ਪਕਾਸਿਤਾ.

‘‘ਅਮ੍ਭੋ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਤਤਿਯਂ ਦੇਵਦੂਤਂ ਪਾਤੁਭੂਤਂ’’.

‘‘ਅਮ੍ਭੋ ¶ ਪੁਰਿਸ ਨ ਤ੍ਵਂ ਅਦ੍ਦਸ ਮਨੁਸ੍ਸੇਸੁ ਇਤ੍ਥਿਂ ਵਾ ਪੁਰਿਸਂ ਵਾ ਏਕਾਹਮਤਂ ਵਾ ਦ੍ਵੀਹਮਤਂ ਵਾ ਤੀਹਮਤਂ ਵਾ ਉਦ੍ਧੁਮਾਤਕਂ ਵਿਨੀਲਕਂ ਵਿਪੁਬ੍ਬਕਜਾਤਂ’’ –

‘‘ਨਾਸਕ੍ਖਿਸ੍ਸਂ ਭਨ੍ਤੇ ਪਮਾਦਸ੍ਸਂ ਭਨ੍ਤੇ’’ –

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਨੇਰਯਿਕਸ੍ਸ ਸਤ੍ਤਸ੍ਸ ਨਿਰਯ ਦੁਕ੍ਖਪਟਿਸਂਵੇਦਨਾ ਪਕਾਸਿਤਾ.

ਵਿਸ੍ਸਜ੍ਜਨਾ – ਤਮੇਨਂ ਭਿਕ੍ਖਵੇ ‘‘ਯਮੋ ਰਾਜਾ ਤਤਿਯਂ ਦੇਵਦੂਤਂ ਸਮਨੁਯੁਞ੍ਜਿਤ੍ਵਾ ਸਮਨੁਗਾਹਿਤ੍ਵਾ ਸਮਨੁਭਾਸਿਤ੍ਵਾ ਤੁਣ੍ਹੀ ਹੋਤਿ. ਤਮੇਨਂ ਭਿਕ੍ਖਵੇ ਨਿਰਯਪਾਲਾ ਪਞ੍ਚਵਿਧਬਨ੍ਧਨਂ ਨਾਮ ਕਾਰਣਂ ਕਰੋਨ੍ਤਿ, ਤਤ੍ਤਂ ਅਯੋਖਿਲਂ ਹਤ੍ਥੇ ਗਮੇਨ੍ਤਿ, ਤਤ੍ਤਂ ਅਯੋਖਿਲਂ ਦੁਤਿਯਸ੍ਮਿਂ ਹਤ੍ਥੇ ਗਮੇਨ੍ਤਿ, ਤਤ੍ਤਂ ਅਯੋਖਿਲਂ ਪਾਦੇ ਗਮੇਨ੍ਤਿ, ਤਤ੍ਤਂ ਅਯੋਖਿਲਂ ਦੁਤਿਯਸ੍ਮਿਂ ਪਾਦੇ ਗਮੇਨ੍ਤਿ, ਤਤ੍ਤਂ ਅਯੋਖਿਲਂ ਮਜ੍ਝੇਉਰਸ੍ਮਿਂ ਗਮੇਨ੍ਤਿ. ਸੋ ਤਤ੍ਥ ਦੁਕ੍ਖਾ ਤਿਬ੍ਬਾ ਖਰਾ ਕਟੁਕਾ ਵੇਦਨਾ ਵੇਦਯਤਿ, ਨ ਚ ਤਾਵ ਕਾਲਂ ਕਰੋਤਿ, ਯਾਵ ਨ ਤਂ ਪਾਪਕਮ੍ਮਂ ਬ੍ਯਨ੍ਤੀਹੋਤੀ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਨੇਰਯਿਕਸ੍ਸ ਨਿਰਯਦੁਕ੍ਖਪਟਿਸਂਵੇਦਨਾ ਪਕਾਸਿਤਾ.

ਪੁਚ੍ਛਾ – ਕਥਂ ¶ ਪਨਾਵੁਸੋ ਤਤ੍ਥ ਭਗਵਤਾ ਸਂਵੇਜਨੀਯਕਥਾ ਕਥਿਤਾ.

ਵਿਸ੍ਸਜ੍ਜਨਾ – ਭੂਤਪੁਬ੍ਬਂ ਭਿਕ੍ਖਵੇ ਯਮਸ੍ਸ ਰਞ੍ਞੋ ਏਤਦਹੋਸਿ ‘‘ਯੇ ਕਿਰ ਭੋ ਲੋਕੇ ਪਾਪਕਾਨਿ ਕਮ੍ਮਾਨਿ ਕਰੋਨ੍ਤਿ, ਤੇ ਏਵਰੂਪਾ ਵਿਵਿਧਾ ਕਮ੍ਮਕਰਣਾ ਕਰੀਯਨ੍ਤਿ, ਅਹੋਵਤਾਹਂ ਮਨੁਸ੍ਸਤ੍ਤਂ ਲਭੇਯ੍ਯਂ, ਤਥਾਗਤੋ ਚ ਲੋਕੇ ਉਪ੍ਪਜ੍ਜੇਯ੍ਯ ਅਰਹਂ ਸਮ੍ਮਾਸਮ੍ਬੁਦ੍ਧੋ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਸਂਵੇਜਨੀਯਕਥਾ ਕਥਿਤਾ.

‘‘ਯੇ ¶ ਕਿਰ ਭੋ ਲੋਕੇ ਪਾਪਕਾਨਿ ਕਮ੍ਮਾਨਿ ਕਰੋਨ੍ਤਿ’’.

‘‘ਚੋਦਿਤਾ ¶ ਦੇਵਦੂਤੇਹਿ, ਯੇ ਪਮਜ੍ਜਨ੍ਤਿ ਮਾਣਵਾ;

ਤੇ ਦੀਘਰਤ੍ਤਂ ਸੋਚਨ੍ਤਿ, ਹੀਨਕਾਯੂਪਗਾ ਨਰਾ.

ਯੇ ਚ ਖੋ ਦੇਵਦੂਤੇਹਿ, ਸਨ੍ਤੋ ਸਪ੍ਪੁਰਿਸਾ ਇਧ;

ਚੋਦਿਤਾ ਨ ਪਮਜ੍ਜਨ੍ਤਿ, ਅਰਿਯਧਮ੍ਮੇ ਕੁਦਾਚਨਂ.

ਉਪਾਦਾਨੇ ਭਯਂ ਦਿਸ੍ਵਾ, ਜਾਤਿਮਰਣਸਮ੍ਭਵੇ;

ਅਨੁਪਾਦਾ ਵਿਮੁਚ੍ਚਨ੍ਤਿ, ਜਾਤਿਮਰਣਸਙ੍ਖਯੇ.

ਤੇ ਅਪ੍ਪਮਤ੍ਤਾ ਸੁਖਿਨੋ, ਦਿਟ੍ਠਧਮ੍ਮਾਭਿਨਿਬ੍ਬੁਤਾ;

ਸਬ੍ਬਵੇਰਭਯਾਤੀਤਾ, ਸਬ੍ਬਦੁਕ੍ਖਂ ਉਪਚ੍ਚਗੁਂ’’ ਹੁ –

ਪੁਚ੍ਛਾ – ਤੇਨਾਵੁਸੋ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਦੇਵਦੂਤਵਗ੍ਗੇ ਅਟ੍ਠਮਂ ਚਤੁਮਹਾਰਾਜਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਅਟ੍ਠਮਂ ਭਨ੍ਤੇ ਚਤੁਮਹਾਰਾਜਸੁਤ੍ਤਂ ‘‘ਅਟ੍ਠਮਿਯਂ ਭਿਕ੍ਖਵੇ ਪਕ੍ਖਸ੍ਸ ਚਤੁਨ੍ਨਂ ਮਹਾਰਾਜਾਨਂ ਅਮਚ੍ਚਾ ਪਾਰਿਸਜ੍ਜਾ ਇਮਂ ਲੋਕਂ ਅਨੁਵਿਚਰਨ੍ਤਿ ਕਚ੍ਚਿ ਬਹੂ ਮਨੁਸ੍ਸਾ ਮਨੁਸ੍ਸੇਸੁ ਮਤ੍ਤੇਯ੍ਯਾ ਪੇਤ੍ਤੇਯ੍ਯਾ ਸਾਮਞ੍ਞਾ ਬ੍ਰਹ੍ਮਞ੍ਞਾ ਕੁਲੇ ਜੇਟ੍ਠਪਚਾਯਿਨੋ, ਉਪੋਸਥਂ ਉਪਵਸਨ੍ਤਿ ਪਟਿਜਾਗਰੋਨ੍ਤਿ, ਪੁਞ੍ਞਾਨਿ ਕਰੋਨ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਅਪ੍ਪਕਾ ¶ ਖੋ ਮਾਰਿਸਾ ਮਨੁਸ੍ਸਾ ਮਨੁਸ੍ਸੇਸੁ ਮਤ੍ਤੇਯ੍ਯਾ ਪੇਤ੍ਤੇਯ੍ਯਾ ਸਾਮਞ੍ਞਾ ਬ੍ਰਹ੍ਮਞ੍ਞਾ ਕੁਲੇ ਜੇਟ੍ਠਪਚਾਯਿਨੋ, ਉਪੋਸਥਂ ਉਪਵਸਨ੍ਤਿ ਪਟਿਜਾਗਰੋਨ੍ਤਿ, ਪੁਞ੍ਞਾਨਿ ਕਰੋਨ੍ਤਿ.

‘‘ਦਿਬ੍ਬਾ ¶ ਵਤ ਭੋ ਕਾਯਾ ਪਰਿਹਾਯਿਸ੍ਸਨ੍ਤਿ, ਪਰਿਪੂਰਿਸ੍ਸਨ੍ਤਿ ਅਸੁਰ ਕਾਯਾ’’ –

ਬਹੂ ਖੋ ਮਾਰਿਸਾ ਮਨੁਸ੍ਸਾ ਮਨੁਸ੍ਸੇਸੁ ਮਤ੍ਤੇਯ੍ਯਾ ਪੇਤ੍ਤੇਯ੍ਯਾ ਸਾਮਞ੍ਞਾ ਬ੍ਰਹ੍ਮਞ੍ਞਾ ਕੁਲੇ ਜੇਟ੍ਠਪਚਾਯਿਨੋ, ਉਪੋਸਥਂ ਉਪਵਸਨ੍ਤਿ ਪਟਿਜਾਗਰੋਨ੍ਤਿ, ਪੁਞ੍ਞਾਨਿ ਕਰੋਨ੍ਤਿ.

‘‘ਦਿਬ੍ਬਾ ¶ ਵਤ ਭੋ ਕਾਯਾ ਪਰਿਪੂਰਿਸ੍ਸਨ੍ਤਿ, ਪਰਿਹਾਯਿਸ੍ਸਨ੍ਤਿ ਅਸੁਰ ਕਾਯਾ’’ –

ਪੁਚ੍ਛਾ – ਤਤ੍ਥੇਵ ਆਵੁਸੋ ਦਸਮਂ ਆਧਿਪਤੇਯ੍ਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਦਸਮਂ ਆਧਿਪਤੇਯ੍ਯਸੁਤ੍ਤਂ ‘‘ਤੀਣਿਮਾਨਿ ਭਿਕ੍ਖਵੇ ਆਧਿਪਤੇਯ੍ਯਾਨਿ. ਕਤਮਾਨਿ ਤੀਣਿ, ਅਤ੍ਤਾਧਿਪਤੇਯ੍ਯਂ ਲੋਕਾਧਿਪਤੇਯ੍ਯਂ ਧਮ੍ਮਾਧਿਪਤੇਯ੍ਯਂ. ਕਤਮਞ੍ਚ ਭਿਕ੍ਖਵੇ ਅਤ੍ਤਾਧਿਪਤੇਯ੍ਯਂ, ਇਧ ਭਿਕ੍ਖਵੇ ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਇਤਿ ਪਟਿਸਞ੍ਚਿਕ੍ਖਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਬ੍ਰਾਹ੍ਮਣਵਗ੍ਗ, ਪਰਿਬ੍ਬਾਜਕਸੁਤ੍ਤ

ਪੁਚ੍ਛਾ – ਬ੍ਰਾਹ੍ਮਣਵਗ੍ਗੇ ¶ ਆਵੁਸੋ ਚਤੁਤ੍ਥਂ ਪਰਿਬ੍ਬਾਜਕਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਬ੍ਰਾਹ੍ਮਣਵਗ੍ਗੇ ਭਨ੍ਤੇ ਚਤੁਤ੍ਥਂ ਪਰਿਬ੍ਬਾਜਕਸੁਤ੍ਤਂ ਅਞ੍ਞਤਰਂ ਬ੍ਰਾਹ੍ਮਣ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਅਞ੍ਞਤਰੋ ਭਨ੍ਤੇ ਬ੍ਰਾਹ੍ਮਣਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ ‘‘ਸਨ੍ਨਿਟ੍ਠਿਕੋ ਧਮ੍ਮੋ ਸਨ੍ਦਿਟ੍ਠਿਕੋ ਧਮ੍ਮੋਤਿ ਭੋ ਗੋਤਮ ਵੁਚ੍ਚਤਿ, ਕਿਤ੍ਤਾਵਤਾਨੁ ਖੋ ਭੋ ਗੋਤਮ ਸਨ੍ਦਿਟ੍ਠਿਕੋ ਧਮ੍ਮੋ ਹੋਤਿ ਅਕਾਲਿਕੋ ਏਹਿਪਸ੍ਸਿਕੋ ਓਪਨੇਯ੍ਯਿਕੋ ਪਚ੍ਚਤ੍ਤਂ ਵੇਦਿਤਬ੍ਬੋ ਵਿਞ੍ਞੂਹੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਰਤ੍ਤੋ ਖੋ ਬ੍ਰਾਹ੍ਮਣ ਰਾਗੇਨ ਅਭਿਭੂਤੋ ਪਰਿਯਾਦਿਨ੍ਨਚਿਤ੍ਤੋ ਅਤ੍ਤਬ੍ਯਾਬਾਧਾਯਪਿ ਚੇਤੇਤਿ, ਪਰਬ੍ਯਾਬਾਧਾਯਪਿ ਚੇਤੇਤਿ, ਉਭਯ ਬ੍ਯਾਬਾਧਾਯਪਿ ਚੇਤੇਤਿ, ਚੇਤਸਿਕਮ੍ਪਿ ਦੁਕ੍ਖਂ ਦੋਮਨਸ੍ਸਂ ਪਟਿਸਂਵੇਦੇਤਿ, ਰਾਗੇ ਪਹੀਨੇ ਨੇਵਤ੍ਤਬ੍ਯਾਬਾਧਾਯਪਿ ਚੇਤੇਤਿ, ਨਪਰਬ੍ਯਾਬਾਧਾਯਪਿ ਚੇਤੇਤਿ, ਨਉਭਯਬ੍ਯਾਬਾਧਾਯਪਿ ਚੇਤੇਤਿ, ਨਚੇਤਸਿਕਂ ਦੁਕ੍ਖਂ ਦੋਮਨਸ੍ਸਂ ਪਟਿਸਂਵੇਦੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਵਚ੍ਛਗੋਤ੍ਤਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਤ੍ਤਮਂ ਭਨ੍ਤੇ ਵਚ੍ਛਗੋਤ੍ਤਸੁਤ੍ਤਂ ਵਚ੍ਛਗੋਤ੍ਤਂ ਪਰਿਬ੍ਬਾਜਕਂ ਆਰਬ੍ਭ ਭਾਸਿਤਂ. ਵਚ੍ਛਗੋਤ੍ਤੋ ਭਨ੍ਤੇ ਪਰਿਬ੍ਬਾਜਕੋ ਭਗਵਨ੍ਤਂ ਏਤਦਵੋਚ ‘‘ਸੁਤਂ ਮੇਤਂ ਭੋ ਗੋਤਮ ਸਮਣੋ ਗੋਤਮੋ ਏਵਮਾਹ ‘‘ਮਯ੍ਹਮੇਵ ਦਾਨਂ ਦਾਤਬ੍ਬਂ, ਨਾਞ੍ਞੇਸਂ ਦਾਨਂ ਦਾਤਬ੍ਬ. (ਪੇਯ੍ਯਾਲ) ਅਨਬ੍ਭਕ੍ਖਾ ਤੁਕਾਮਾਹਿ ਮਯਂ ਭਵਨ੍ਤਂ ਗੋਤਮ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਯੇ ਤੇ ਵਚ੍ਛ ਏਵਮਾਹਂਸੁ ਸਮਣੋ ਗੋਤਮੋ ਏਵਮਾਹ ਮਯ੍ਹਮੇਵ ਦਾਨਂ ਦਾਤਬ੍ਬਂ, ਨਾਞ੍ਞੇਸਂ ਦਾਤਬ੍ਬ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦਸਮਂ ਸਙ੍ਗਾਰਵਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਦਸਮਂ ¶ ਭਨ੍ਤੇ ਸਙ੍ਗਾਰਵਸੁਤ੍ਤਂ ਸਙ੍ਗਾਰਵਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਸਙ੍ਗਾਰਵੋ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਮਯਮਸ੍ਸੁ ਭੋ ਗੋਤਮ ਬ੍ਰਾਹ੍ਮਣਾ ਨਾਮ ਯਞ੍ਞਂ ਯਜਾਮਪਿ ਯਜਾਪੇਮਪਿ, ਤਤ੍ਰ ਭੋ ਗੋਤਮ ਯੋ ਚੇਵ ਯਜਤਿ ਯੋ ਚ ਯਜਾਪੇਤਿ, ਸਬ੍ਬੇ ਤੇ ਅਨੇਕਸਾਰੀਰਿਕਂ ਪੁਞ੍ਞਪ੍ਪਟਿਪਦਂ ਪਟਿਪਨ੍ਨਾ ਹੋਨ੍ਤਿ, ਯਦਿਦਂ ਯਞ੍ਞਾਧਿਕਰਣਂ, ਯੋਪਨਾਯਂ ਭੋ ਗੋਤਮ ਯਸ੍ਸ ਵਾ ਕੁਲਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਏਕਮਤ੍ਤਾਨਂ ਦਮੇਤਿ, ਏਕਮਤ੍ਤਾਨਂ ਸਮੇਤਿ, ਏਕਮਤ੍ਤਾਨਂ ਪਰਿਨਿਬ੍ਬਾਪੇਤਿ, ਏਵਮਸ੍ਸਾਯਂ ਏਕਸਾਰੀਰਿਕਂ ਪੁਞ੍ਞਪ੍ਪਟਿਪਦਂ ਪਟਿਪਨ੍ਨੋ ਹੋਤਿ, ਯਦਿਦਂ ਪਬ੍ਬਜ੍ਜਾਧਿਕਰਣ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਤੇਨਹਿ ਬ੍ਰਾਹ੍ਮਣ ਤਞ੍ਞੇਵੇਤ੍ਥ ਪਟਿਪੁਚ੍ਛਿਸ੍ਸਾਮਿ, ਯਥਾ ਤੇ ਖਮੇਯ੍ਯ, ਤਥਾ ਨਂ ਬ੍ਯਾਕਰੇਯ੍ਯਾਸੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਇਚ੍ਚਾਯਪਿ ¶ ਭੋ ਗੋਤਮ ਏਵਂ ਭਨ੍ਤੇ ਅਨੇਕਸਾਰੀਰਿਕਾ ਪੁਞ੍ਞਪ੍ਪਟਿਪਦਾ ਹੋਤਿ’’ –

ਪੁਚ੍ਛਾ – ਤਤ੍ਥੇਵ ਆਵੁਸੋ ਦੁਤਿਯ ਅਨੁਸਨ੍ਧਿਮ੍ਹਿ ਭਗਵਤਾ ਕੀਦਿਸੀ ਧਮ੍ਮਦੇਸਨਾ ਦੇਸਿਤਾ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਦੁਤਿਯੇ ਅਨੁਸਨ੍ਧਿਮ੍ਹਿ ਤਿਵਿਧਾ ਪਾਟਿਹਾਰਿਯਾ ਪਟਿਸਂਯੁਤ੍ਤਾ ਧਮ੍ਮਦੇਸਨਾ ਭਗਵਤਾ ਦੇਸਿਤਾ.

‘‘ਸੇਯ੍ਯਥਾਪਿ ¶ ਭਵਂ ਗੋਤਮੋ ਭਵਞ੍ਚਾਨਨ੍ਦੋ, ਏਤੇ ਮੇ ਪੁਜ੍ਜਾ ਏਤੇ ਮੇ ਪਾਸਂਸਾ’’ –

‘‘ਸੇਯ੍ਯਥਾਪਿ ਭਵਂ ਗੋਤਮੋ ਭਵਞ੍ਚਾਨਨ੍ਦੋ, ਏਤੇ ਮੇ ਪੁਜ੍ਜਾ ਏਤੇ ਮੇ ਪਾਸਂਸਾ’’ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਮਾਤੇ ਮਹਾਵਗ੍ਗੇ ਤਤਿਯਂ ਵੇਨਾਗਪੁਰਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਵੇਨਾਗਪੁਰੇ ਨਾਮ ਬ੍ਰਾਹ੍ਮਣਾਨਂ ਗਾਮੇ ਵੇਨਾਗਪੁਰਿਕਂ ਵਚ੍ਛਗੋਤ੍ਤਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਵੇਨਾਗਪੁਰਿਕੋ ਭਨ੍ਤੇ ਵਚ੍ਛਗੋਤ੍ਤੋ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਅਚ੍ਛਰਿਯਂ ਭੋ ਗੋਤਮ, ਅਬ੍ਭੁਤਂ ਭੋ ਗੋਤਮ, ਯਾਵਞ੍ਚਿਦਂ ਭੋਤੋ ਗੋਤਮਸ੍ਸ ਵਿਪ੍ਪਸਨ੍ਨਾਨਿ ਇਨ੍ਦ੍ਰਿਯਾਨਿ, ਪਰਿਸੁਦ੍ਧੋ ਛਵਿਵਣ੍ਣੋ ਪਰਿਯੋਦਾਤੋ (ਪੇਯ੍ਯਾਲ) ਏਵਰੂਪਾਨਂ ਨੂਨ ਭਵਂ ਗੋਤਮੋ ਉਚ੍ਚਾਸਯਨ ਮਹਾਸਯਨਾਨਂ ਨਿਕਾਮਲਾਭੀ ਅਕਿਚ੍ਛਲਾਭੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਯਾਨਿ ਖੋ ਪਨ ਤਾਨਿ ਬ੍ਰਾਹ੍ਮਣ ਉਚ੍ਚਾਸਯਨ ਮਹਾਸਯਨਾਨਿ. ਸੇਯ੍ਯਥਿਦਂ, ਆਸਨ੍ਦਿ ਪਲ੍ਲਙ੍ਕੋ ਗੋਨਕੋ ਚਿਤ੍ਤਕੋ ¶ ਪਟਿਕਾ ਪਟਲਿਕਾ ਤੂਲਿਕਾ ਵਿਕਤਿਕਾ ਉਦ੍ਦਲੋਮੀ ਏਕਨ੍ਤਲੋਮੀ ਕਟ੍ਟਿਸ੍ਸਂ ਕੋਸੇਯ੍ਯਂ ਕੁਟ੍ਟਕਂ ਹਤ੍ਥਤ੍ਥਰਂ ਅਸ੍ਸਤ੍ਥਰਂ ਰਥਤ੍ਥਰਂ ਅਜਿਨਪ੍ਪਵੇਣੀ ਕਦਲਿਮਿਗਪਵਰਪਚ੍ਚਤ੍ਥਰਣਂ ਸਉਤ੍ਤਰਚ੍ਛਦਂ ਉਭਤੋਲੋਹਿਤਕੂਪਧਾਨਂ. ਦੁਲ੍ਲਭਾਨਿ ਤਾਨਿ ਪਬ੍ਬਜਿਤਾਨਂ, ਲਦ੍ਧਾ ਚ ਪਨ ਨਕਪ੍ਪਨ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਅਚ੍ਛਰਿਯਂ ਭੋ ਗੋਤਮ ਅਬ੍ਭੁਤਂ ਭੋ ਗੋਤਮ’’.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਦਿਬ੍ਬਂ ਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਵਿਸ੍ਸਜ੍ਜਨਾ – ਇਧਾਹਂ ਬ੍ਰਾਹ੍ਮਣ ਯਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਾਮਿ, ਸੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਤਮੇਵ ਗਾਮਂ ਵਾ ਨਿਗਮਂ ਵਾ ਪਿਣ੍ਡਾਯ ਪਵਿਸਾਮਿ, ਸੋ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤੋ ਵਨਨ੍ਤਞ੍ਞੇਵ ਪਵਿਸਾਮੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਦਿਬ੍ਬਂ ਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਪੁਚ੍ਛਾ – ਕਥਞ੍ਚਾਵੁਸੋ ਤਤ੍ਥ ਭਗਵਤਾ ਬ੍ਰਹ੍ਮਂ ਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਵਿਸ੍ਸਜ੍ਜਨਾ – ਇਧਾਹਂ ਬ੍ਰਾਹ੍ਮਣਂ ਯਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਾਮਿ, ਸੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਤਮੇਵ ਗਾਮਂ ਵਾ ਨਿਗਮਂ ¶ ਵਾ ਪਿਣ੍ਡਾਯ ਪਵਿਸਾਮੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਬ੍ਰਹ੍ਮਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਕਤਮਂ ਪਨ ਤਂ ਭੋ ਗੋਤਮ ਬ੍ਰਹ੍ਮਉਚ੍ਚਾਸਯਨਮਹਾਸਯਨਂ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਅਰਿਯਂ ਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਵਿਸ੍ਸਜ੍ਜਨਾ – ਇਧਾਹਂ ¶ ਬ੍ਰਾਹ੍ਮਣ ਯਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਾਮਿ, ਸੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਤਮੇਵ ਗਾਮਂ ਵਾ ਨਿਗਮਂ ਵਾ ਪਿਣ੍ਡਾਯ ਪਵਿਸਾਮਿ. ਸੋ ਪਚ੍ਛਾਭਤ੍ਤਂ ਪਿਣ੍ਡਪਾਤ ਪਟਿਕ੍ਕਨ੍ਤੋ ਵਨਨ੍ਤਞ੍ਞੇਵ ਪਵਿਸਾਮੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਅਰਿਯਂ ਉਚ੍ਚਾਸਯਨਮਹਾਸਯਨਂ ਦੇਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਮਹਾਵਗ੍ਗੇ ਪਞ੍ਚਮਂ ਕੇਸਮੁਤ੍ਤਿਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਕੇਸਮੁਤ੍ਤੇਨਾਮ ਕਾਲਾਮਾਨਂ ਨਿਗਮੇ ਕੇਸਮੁਤ੍ਤਿਯੇ ਕਾਲਾਮੇ ਆਰਬ੍ਭ ਭਾਸਿਤਂ. ਕੇਸਮੁਤ੍ਤਿਯਾ ਭਨ੍ਤੇ ਕਾਲਾਮਾ ਭਗਵਨ੍ਤਂ ਏਤਦਵੋਚੁਂ ‘‘ਸਨ੍ਤਿ ਭਨ੍ਤੇ ਏਕੇ ਸਮਣ ਬ੍ਰਾਹ੍ਮਣਾ ਕੇਸਮੁਤ੍ਤਂ ਆਗਚ੍ਛਨ੍ਤਿ, ਤੇ ਸਕਂਯੇਵ ਵਾਦਂ ਦੀਪੇਨ੍ਤਿ, ਜੋਤੇਨ੍ਤਿ, ਪਰਪ੍ਪਵਾਦਂ ਪਨ ਖੁਂਸੇਨ੍ਤਿ ਵਮ੍ਭੇਨ੍ਤਿ ਪਰਿਭਵਨ੍ਤਿ, ਓਮਕ੍ਖਿਂ ਕਰੋਨ੍ਤਿ, ਅਪਰੇਪਿ ਭਨ੍ਤੇ ਏਕੇ ਸਮਣਬ੍ਰਾਹ੍ਮਣਾ ਕੇਸਮੁਤ੍ਤਂ ਆਗਚ੍ਛਨ੍ਤਿ, ਤੇਪਿ ਸਕਂਯੇਵ ਵਾਦਂ ਦੀਪੇਨ੍ਤਿ ਜੋਤੇਨ੍ਤਿ, ਪਰਪ੍ਪਵਾਦਂ ਪਨ ਖੁਂਸੇਨ੍ਤਿ ਵਮ੍ਭੇਨ੍ਤਿ ਪਰਿਭਵਨ੍ਤਿ, ਓਮਕ੍ਖਿਂ ਕਰੋਨ੍ਤਿ. ਤੇਸਂ ਨੋ ਭਨ੍ਤੇ ਅਮ੍ਹਾਕਂ ਹੋਤੇਵ ਕਙ੍ਖਾ, ਹੋਤਿ ਵਿਚਿਕਿਚ੍ਛਾ ਕੋ ਸੁ ਨਾਮ ਇਮੇਸਂ ਭਵਤਂ ਸਮਣਬ੍ਰਾਹ੍ਮਣਾਨਂ ਸਚ੍ਚਂ ਆਹ, ਕੋ ਮੁਸਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਅਲਞ੍ਹਿ ਵੋ ਕਾਲਾਮਾ ਕਙ੍ਖਿਤੁਂ ਅਲਂ ਵਿਚਿਕਿਚ੍ਛਿਤੁਂ, ਕਙ੍ਖੀਯੇਵ ਪਨ ਵੋ ਠਾਨੇ ਵਿਚਿਕਿਚ੍ਛਾ ਉਪ੍ਪਨ੍ਨਾ’’ਤਿ ਏਵ ਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਮਹਾਵਗ੍ਗੇ ਦਸਮਂ ਉਪੋਸਥਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਵਿਸਾਖਂ ਮਿਗਾਰਮਾਤਰਂ ਆਰਬ੍ਭ ‘‘ਤਯੋ ਖੋ ਮੇ ਵਿਸਾਖੇ ਉਪੋਸਥਾ. ਕਤਮੇ ਤਯੋ. ਗੋਪਾਲਕੁਪੋਸਥੋ ਨਿਗਣ੍ਠੁਪੋਸਥੋ ਅਰਿਯੁਪੋਸਥੋ’’ਤਿ ਏਵਂ ਖੋ ਭਗਵਤਾ ਭਾਸਿਤਂ.

ਹਨ੍ਦ ਕੁਤੋ ਨੁ ਤ੍ਵਂ ਵਿਸਾਖੇ ਆਗਚ੍ਛਸਿ ਦਿਵਾ ਦਿਵਸ੍ਸ.

‘‘ਤਯੋ ¶ ਖੋ ਮੇ ਵਿਸਾਖੇ ਉਪੋਸਥਾ. ਕਤਮੇ ਤਯੋ, ਗੋਪਾਲਕੁਪੋਸਥੋ ਨਿਗਣ੍ਠੁਪੋਸਥੋ ਅਰਿਯੁਪੋਸਥੋ’’ –

ਪੁਚ੍ਛਾ – ਕਥਞ੍ਚਾਵੁਸੋ ਤਤ੍ਥ ਭਗਵਤਾ ਗੋਪਾਲਕੁਪੋਸਥੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਥਞ੍ਚ ਵਿਸਾਖੇ ਗੋਪਾਲਕੁਪੋਸਥੋ ਹੋਤਿ, ਸੇਯ੍ਯਥਾਪਿ ਵਿਸਾਖੇ ਗੋਪਾਲਕੋ ਸਾਯਨ੍ਹਸਮਯੇ ਸਾਮਿਕਾਨਂ ਗਾਵੋ ਨਿਯ੍ਯਾਤੇਤ੍ਵਾ ਇਤਿ ਪਟਿਸਞ੍ਚਿਕ੍ਖਤਿ ‘‘ਅਜ੍ਜ ਖੋ ਗਾਵੋ ਅਮੁਕਸ੍ਮਿਞ੍ਚ ਅਮੁਕਸ੍ਮਿਞ੍ਚ ਪਦੇਸੇ ਚਰਿਂਸੁ, ਅਮੁਕਸ੍ਮਿਞ੍ਚ ਅਮੁਕਸ੍ਮਿਞ੍ਚ ਪਦੇਸੇ ਪਾਨੀਯਾਨਿ ਪਿਵਿਂਸੁ.

ਸ੍ਵੇ ¶ ਦਾਨਿ ਗਾਵੋ ਅਮੁਕਸ੍ਮਿਞ੍ਚ ਅਮੁਕਸ੍ਮਿਞ੍ਚ ਪਦੇਸੇ ਚਰਿਸ੍ਸਨ੍ਤਿ, ਅਮੁਕਸ੍ਮਿਞ੍ਚ ਅਮੁਕਸ੍ਮਿਞ੍ਚ ਪਦੇਸੇ ਪਾਨੀਯਾਨਿ ਪਿਵਿਸ੍ਸਨ੍ਤੀ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਗੋਪਾਲਕੁਪੋਸਥੋ ਪਕਾਸਿਤੋ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਨਿਗਣ੍ਠੁਪੋਸਥੋ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਥਞ੍ਚ ਵਿਸਾਖੇ ਨਿਗਣ੍ਠੁਪੋਸਥੋ ਹੋਤਿ, ਅਤ੍ਥਿ ਵਿਸਾਖੇ ਨਿਗਣ੍ਠਾਨਾਮ ਸਮਣਜਾਤਿਕਾ, ਤੇ ਸਾਵਕਂ ਏਵਂ ਸਮਾਦਪੇਨ੍ਤਿ, ‘‘ਏਹਿਤ੍ਵਂ ਅਮ੍ਭੋਪੁਰਿਸ ਯੇ ਪੁਰਤ੍ਥਿਮਾਯ ਦਿਸਾਯ ਪਾਣਾ ਪਰਂ ਯੋਜਨਸਤਂ, ਤੇਸੁ ਦਣ੍ਡਂ ਨਿਕ੍ਖਿਪਾਹਿ, ਯੇ ਪਚ੍ਛਿਮਾਯ ਦਿਸਾਯ. ਯੇ ਉਤ੍ਤਰਾਯ ਦਿਸਾਯ. ਯੇ ਦਕ੍ਖਿਣਾਯ ਦਿਸਾਯ ਪਾਣਾ ਪਰਂ ਯੋਜਨਸਤਂ, ਤੇਸੁ ਦਣ੍ਡਂ ਨਿਕ੍ਖਿਪਾਹੀ’’ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਨਿਗਣ੍ਠੁਪੋਸਥੋ ਪਕਾਸਿਤੋ.

ਏਹਿ ਤ੍ਵਂ ਅਮ੍ਭੋ ਪੁਰਿਸ ਸਬ੍ਬਚੇਲਾਨਿ ਨਿਕ੍ਖਿਪਿਤ੍ਵਾ ਏਵਂ ਵਦੇਹਿ.

ਨਾਹਂ ¶ ਕ੍ਵਚਨਿ ਕਸ੍ਸਚਿ ਕਿਞ੍ਚਨਤਸ੍ਮਿਂ, ਨ ਚ ਮਮ ਕ੍ਵਚਨਿ ਕਤ੍ਥਚਿ ਕਿਞ੍ਚਨ ਤਤ੍ਥਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਅਰਿਯੁਪੋਸਥੋ ਵਿਤ੍ਥਾਰੇਨ ਵਿਭਜਿਤ੍ਵਾ ਪਕਾਸਿਤੋ.

ਵਿਸ੍ਸਜ੍ਜਨਾ – ਕਥਞ੍ਚ ਵਿਸਾਖੇ ਅਰਿਯੁਪੋਸਥੋ ਹੋਤਿ, ਉਪਕ੍ਕਿਲਿਟ੍ਠਸ੍ਸ ਵਿਸਾਖੇ ਚਿਤ੍ਤਸ੍ਸ ਉਪਕ੍ਕਮੇਨ ਪਰਿਯੋਦਪਨਾ ਹੋਤਿ. ਕਥਞ੍ਚ ਵਿਸਾਖੇ ਉਪਕ੍ਕਿਲਿਟ੍ਠਸ੍ਸ ਚਿਤ੍ਤਸ੍ਸ ਉਪਕ੍ਕਮੇਨ ਪਰਿਯੋਦਪਨਾ ਹੋਤਿ. ਇਧ ਵਿਸਾਖੇ ਅਰਿਯਸਾਵਕੋ ਤਥਾਗਤਂ ਅਨੁਸ੍ਸਰਤਿ ‘‘ਇਤਿਪਿ ਸੋ ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਵਿਜ੍ਜਾਚਰਣਸਮ੍ਪਨ੍ਨੋ ਸੁਗਤੋ ਲੋਕਵਿਦੂ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ ਸਤ੍ਥਾ ਦੇਵਮਨੁਸ੍ਸਾਨਂ ਬੁਦ੍ਧੋ ਭਗਵਾ’’ਤਿ. ਤਸ੍ਸ ਤਥਾਗਤਂ ਅਨੁਸ੍ਸਰਤੋ ਚਿਤ੍ਤਂ ਪਸੀਦਤਿ, ਪਾਮੋਜ੍ਜਂ ਉਪ੍ਪਜ੍ਜਤਿ, ਯੇ ਚਿਤ੍ਤਸ੍ਸ ਉਪਕ੍ਕਿਲੇਸਾ ਤੇ ਪਹੀਯਨ੍ਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਅਰਿਯੋ ਉਪੋਸਥੋ ਵਿਤ੍ਥਾਰੇਤ੍ਵਾ ਪਕਾਸਿਤੋ.

ਪੁਚ੍ਛਾ – ਏਵਂ ¶ ਉਪਵੁਤ੍ਥਸ੍ਸ ਪਨ ਆਵੁਸੋ ਅਰਿਯੁਪੋਸਥਸ੍ਸ ਕਥਂ ਮਹਪ੍ਫਲਤਾ ਮਹਾਨਿਸਂਸਤਾ ਵੁਤ੍ਤਾ ਭਗਵਤਾ.

ਵਿਸ੍ਸਜ੍ਜਨਾ – ਕੀਵਮਹਪ੍ਫਲਾ ਹੋਤਿ, ਕੀਵਮਹਾਨਿਸਂਸੋ, ਕੀਵਮਹਾਜੁਤਿਕੋ, ਕੀਵਮਹਾਵਿਪ੍ਫਾਰੋ, ਸੇਯ੍ਯਥਾਪਿ ਵਿਸਾਖੇ ਯੋ ਇਮੇਸਂ ਸੋਲ਼ਸਨ੍ਨਂ ਮਹਾਜਨਪਦਾਨਂ ਪਹੂਤਰਤ੍ਤਜਨਪਦਾਨਂ ਇਸ੍ਸਰਿਯਾਧਿਪਚ੍ਚਂ ਰਜ੍ਜਂ ਕਾਰੇਯ੍ਯ, ਸੇਯ੍ਯਥਿਦਂ ‘‘ਅਙ੍ਗਾਨਂ ਮਗਧਾਨਂ ਕਾਸੀਨਂ ਕੋਸਲਾਨਂ ਵਜ੍ਜੀਨਂ ਮਲ੍ਲਾਨਂ ਚੇਤੀਨਂ ਵਙ੍ਗਾਨਂ ਕੁਰੂਨਂ ਪਞ੍ਚਾਲਾਨਂ ਮਚ੍ਛਾਨਂ ਸੂਰਸੇਨਾਨਂ ਅਸ੍ਸਕਾਨਂ ਅਵਨ੍ਤੀਨਂ ਗਨ੍ਧਾਰਾਨਂ ਕਮ੍ਬੋਜਾਨਂ, ਅਟ੍ਠਙ੍ਗਸਮਨ੍ਨਾਗਤਸ੍ਸ ਉਪੋਸਥਸ੍ਸ ਏਤਂ ਕਲਂ ਨਾਗ੍ਘਤਿ ਸੋਲ਼ਸਿ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਏਵਂ ਉਪਵੁਤ੍ਥਸ੍ਸ ਅਰਿਯੁਪੋਸਥਸ੍ਸ ਮਹਪ੍ਫਲਤਾ ਮਹਾਨਿਸਂਸਤਾ ਵੁਤ੍ਤਾ.

ਪੁਚ੍ਛਾ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਤਿਕਨਿਪਾਤੇ ਆਨਨ੍ਦਵਗ੍ਗੇ ਦੁਤਿਯਂ ਆਜੀਵਕਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਮ੍ਬਿਯਂ ਭਨ੍ਤੇ ਅਞ੍ਞਤਰਂ ਆਜੀਵਕਸਾਵਕਂ ਗਹਪਤਿਂ ਆਰਬ੍ਭ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ. ਅਞ੍ਞਤਰੋ ਭਨ੍ਤੇ ਆਜੀਵਕਸਾਵਕੋ ਗਹਪਤਿ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ ‘‘ਕੇਸਂ ਨੋ ਭਨ੍ਤੇ ਆਨਨ੍ਦ ਧਮ੍ਮੋ ਸ੍ਵਾਕ੍ਖਾਤੋ, ਕੇ ਲੋਕੇ ਸੁਪ੍ਪਟਿਪਨ੍ਨਾ, ਕੇ ਲੋਕੇ ਸੁਕਤਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਤੇਨ ਹਿ ਗਹਪਤਿ ਤਞ੍ਞੇਵੇਤ੍ਥ ਪਟਿਪੁਚ੍ਛਿਸ੍ਸਾਮਿ, ਯਥਾ ਤੇ ਖਮੇਯ੍ਯ, ਤਥਾ ਨਂ ਬ੍ਯਾਕਰੇਯ੍ਯਾਸੀ’’ਤਿ ਏਵਮਾਦਿਨਾ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ.

‘‘ਕੇਸਂ ¶ ਨੋ ਭਨ੍ਤੇ ਆਨਨ੍ਦ ਧਮ੍ਮੋ ਸ੍ਵਾਕ੍ਖਾਤੋ, ਕੇ ਲੋਕੇ ਸੁਪ੍ਪਟਿਪਨ੍ਨਾ, ਕੇ ਲੋਕੇ ਸੁਕਤਾ’’.

‘‘ਇਤਿ ¶ ਖੋ ਗਹਪਤਿ ਤਯਾਵੇਤਂ ਬ੍ਯਾਕਤਂ’’ –

‘‘ਅਭਿਕ੍ਕਨ੍ਤਂ ¶ ਭਨ੍ਤੇ, ਅਭਿਕ੍ਕਨ੍ਤਂ ਭਨ੍ਤੇ, ਸੇਯ੍ਯਥਾਪਿ ਭਨ੍ਤੇ ਨਿਕ੍ਕੁਜ੍ਜਿਤਂ ਵਾ ਉਕ੍ਕੁਜ੍ਜੇਯ੍ਯ’’ –

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਨਵਮਂ ਗਨ੍ਧਜਾਤਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਆਯਸ੍ਮਨ੍ਤਂ ਭਨ੍ਤੇ ਆਨਨ੍ਦਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਆਨਨ੍ਦੋ ਭਗਵਨ੍ਤਂ ਏਤਦਵੋਚ ‘‘ਤੀਣਿਮਾਨਿ ਭਨ੍ਤੇ ਗਨ੍ਧਜਾਤਾਨਿ, ਯੇਸਂ ਅਨੁਵਾਤਂਯੇਵ ਗਨ੍ਧੋ ਗਚ੍ਛਤਿ ਨੋ ਪਟਿਵਾਤਂ…ਪੇ… ਅਤ੍ਥਿ ਨੁ ਖੋ ਭਨ੍ਤੇ ਕਿਞ੍ਚਿ ਗਨ੍ਧਜਾਤਂ, ਯਸ੍ਸ ਅਨੁਵਾਤਮ੍ਪਿ ਗਨ੍ਧੋ ਗਚ੍ਛਤਿ ਪਟਿਵਾਤਮ੍ਪਿ ਗਨ੍ਧੋ ਗਚ੍ਛਤਿ, ਅਨੁਵਾਤਪਟਿਵਾਤਮ੍ਪਿ ਗਨ੍ਧੋ ਗਚ੍ਛਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਅਤ੍ਥਾਨਨ੍ਦ ਕਿਞ੍ਚਿ ਗਨ੍ਧਜਾਤਂ, ਯਸ੍ਸ ਅਨੁਵਾਤਮ੍ਪਿ ਗਨ੍ਧੋ ਗਚ੍ਛਤਿ, ਪਟਿਵਾਤਮ੍ਪਿ ਗਨ੍ਧੋ ਗਚ੍ਛਤਿ, ਅਨੁਵਾਤਪਟਿਵਾਤਮ੍ਪਿ ਗਨ੍ਧੋ ਗਚ੍ਛਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਸਮਣਵਗ੍ਗੇ ¶ ਆਵੁਸੋ ਦੁਤਿਯਂ ਗਦ੍ਰਭਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਮਣਵਗ੍ਗੇ ਭਨ੍ਤੇ ਦੁਤਿਯਂ ਗਦ੍ਰਭਸੁਤ੍ਤਂ ‘‘ਸੇਯ੍ਯਥਾਪਿ ਭਿਕ੍ਖਵੇ ਗਦ੍ਰਭੋ ਗੋਗਣਂ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ ‘ਅਹਮ੍ਪਿ ਦਮ੍ਮੋ ਅਹਮ੍ਪਿ ਦਮ੍ਮੋ’ਤਿ, ਤਸ੍ਸ ਨ ਤਾਦਿਸੋ ਵਣ੍ਣੋ ਹੋਤਿ ਸੇਯ੍ਯਥਾਪਿ ਗੁਨ੍ਨਂ, ਨ ਤਾਦਿਸੋ ਸਰੋ ਹੋਤਿ ਸੇਯ੍ਯਥਾਪਿ ਗੁਨ੍ਨਂ, ਨ ਤਾਦਿਸਂ ਪਦਂ ਹੋਤਿ ਸੇਯ੍ਯਥਾਪਿ ਗੁਨ੍ਨਂ, ਸੋ ਗੋਗਣਂਯੇਵ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧੋ ਹੋਤਿ ਅਹਮ੍ਪਿ ਦਮ੍ਮੋ ਅਹਮ੍ਪਿ ਦਮ੍ਮੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਤਸ੍ਮਾਤਿਹ ¶ ਭਿਕ੍ਖਵੇ ਏਵਂ ਸਿਕ੍ਖਿਤਬ੍ਬਂ.

‘‘ਤਿਬ੍ਬੋ ਨੋ ਛਨ੍ਦੋ ਭਵਿਸ੍ਸਤਿ ਅਧਿਸੀਲਸਿਕ੍ਖਾਸਮਾਦਾਨੇ…ਪੇ… ਅਧਿਪਞ੍ਞਾਸਿਕ੍ਖਾਸਮਾਦਾਨੇ’’ –

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਏਕਾਦਸਮਂ ਸਙ੍ਕਵਾਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਕੋਸਲੇਸੁ ਭਨ੍ਤੇ ਸਙ੍ਕਵਾਯਂ ਨਾਮ ਕੋਸਲਾਨਂ ਨਿਗਮੇ ਕਸ੍ਸਪਗੋਤ੍ਤਂ ਨਾਮ ਭਿਕ੍ਖੁਂ ਆਰਬ੍ਭ ਭਾਸਿਤਂ. ਕਸ੍ਸਪ ਗੋਤ੍ਤੋ ਭਨ੍ਤੇ ਭਿਕ੍ਖੁ ਭਗਵਤਿ ਮਨੋਪਦੂਸਿਤ੍ਵਾ ਭਗਵਤੋ ਸਨ੍ਤਿਕੇ ਅਚ੍ਚਯਂ ਅਚ੍ਚਯਤੋ ਦੇਸੇਸਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਥੇਰੋ ਚੇਪਿ ਕਸ੍ਸਪ ਭਿਕ੍ਖੁ ਨ ਸਿਕ੍ਖਾਕਾਮੋ ਨ ਸਿਕ੍ਖਾਸਮਾਦਾਨਸ੍ਸ ਵਣ੍ਣਵਾਦੀ. ਯੇ ਚਞ੍ਞੇ ਭਿਕ੍ਖੂ ਨ ਸਿਕ੍ਖਾਕਾਮਾ, ਤੇ ਚ ਨ ਸਿਕ੍ਖਾਯ ਸਮਾਦਪੇਤਿ, ਯੇ ਚਞ੍ਞੇ ਭਿਕ੍ਖੂ ਸਿਕ੍ਖਾਕਾਮਾ ਤੇਸਞ੍ਚ ਨ ਵਣ੍ਣਂ ਭਣਤਿ ਭੂਤਂ ਤਚ੍ਛਂ ਕਾਲੇਨਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਲੋਣਕਪਲ੍ਲਵਗ੍ਗੇ ਪਠਮਂ ਅਚ੍ਚਾਯਿਕਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਲੋਣਕਪਲ੍ਲਵਗ੍ਗੇ ਭਨ੍ਤੇ ਪਠਮਂ ਅਚ੍ਚਾਯਿਕਸੁਤ੍ਤਂ ‘‘ਤੀਣਿਮਾਨਿ ਭਿਕ੍ਖਵੇ ਕਸ੍ਸਕਸ੍ਸ ਗਹਪਤਿਸ੍ਸ ਅਚ੍ਚਾਯਿਕਾਨਿ ਕਰਣੀਯਾਨਿ. ਕਤਮਾਨਿ ਤੀਣਿ, ਇਧ ਭਿਕ੍ਖਵੇ ਕਸ੍ਸਕੋ ਗਹਪਤਿ ਸੀਘਂ ਸੀਘਂ ਖੇਤ੍ਤਂ ਸੁਕਟ੍ਠਂ ਕਰੋਤਿ ਸੁਮਤਿਕਤਂ. ਸੀਘਂ ਸੀਘਂ ਖੇਤ੍ਤਂ ਸੁਕਟ੍ਠਂ ਕਰਿਤ੍ਵਾ ਸੁਮਤਿਕਤਂ ਸੀਘਂ ਸੀਘਂ ਬੀਜਾਨਿ ਪਤਿਟ੍ਠਾਪੇਤਿ. ਸੀਘਂ ਸੀਘਂ ਬੀਜਾਨਿ ¶ ਪਤਿਟ੍ਠਾਪੇਤ੍ਵਾ ਸੀਘਂ ਸੀਘਂ ਉਦਕਂ ਅਭਿਨੇਤਿਪਿ ਅਪਨੇਤਿਪਿ. ਇਮਾਨਿ ਖੋ ਭਿਕ੍ਖਵੇ ਤੀਣਿ ਕਸ੍ਸਕਸ੍ਸ ਗਹਪਤਿਸ੍ਸ ਅਚ੍ਚਾਯਿਕਾਨਿ ਕਰਣੀਯਾਨਿ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਸਮ੍ਬੋਧਵਗ੍ਗੇ ¶ ਪਨਾਵੁਸੋ ਪਞ੍ਚਮਂ ਰੁਣ੍ਣਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਸਮ੍ਬੋਧਵਗ੍ਗੇ ਭਨ੍ਤੇ ਪਞ੍ਚਮਂ ਰੁਣ੍ਣਸੁਤ੍ਤਂ ‘‘ਰੁਣ੍ਣਮਿਦਂ ਭਿਕ੍ਖਵੇ ਅਰਿਯਸ੍ਸ ਵਿਨਯੇ ਯਦਿਦਂ ਗੀਤਂ, ਉਮ੍ਮਤ੍ਤਕਮਿਦਂ ਭਿਕ੍ਖਵੇ ਅਰਿਯਸ੍ਸ ਵਿਨਯੇ ਯਦਿਦਂ ਨਚ੍ਚਂ, ਕੋਮਾਰਕਮਿਦਂ ਭਿਕ੍ਖਵੇ ਅਰਿਯਸ੍ਸ ਵਿਨਯੇ ਯਦਿਦਂ ਅਤਿਵੇਲਂ ਦਨ੍ਤਵਿਦਂਸਕਹਸਿਤਂ. ਤਸ੍ਮਾਤਿਹ ਭਿਕ੍ਖਵੇ ਸੇਤੁਘਾਤੋ ਗੀਤੇ ਸੇਤੁਘਾਤੋ ਨਚ੍ਚੇ, ਅਲਂ ਵੋ ਧਮ੍ਮਪ੍ਪਮੋਦਿਤਾਨਂ ਸਤਂ ਸਿਤਂ ਸਿਤਮਤ੍ਤਾਯਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਅਰਕ੍ਖਿਤਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਅਨਾਤਪਿਣ੍ਡਿਕਂ ਗਹਪਤਿਂ ਆਰਬ੍ਭ ‘‘ਚਿਤ੍ਤੇ ਗਹਪਤਿ ਅਰਕ੍ਖਿਤੇ ਕਾਯਕਮ੍ਮਮ੍ਪਿ ਅਰਕ੍ਖਿਤਂ ਹੋਤਿ, ਵਚੀਕਮ੍ਮਮ੍ਪਿ. ਮਨੋਕਮ੍ਮਮ੍ਪਿ ਅਰਕ੍ਖਿਤਂ ਹੋਤਿ. ਤਸ੍ਸ ਅਰਕ੍ਖਿਤਕਾਯਕਮ੍ਮਨ੍ਤਸ੍ਸ ਅਰਕ੍ਖਿਤਵਚੀਕਮ੍ਮਨ੍ਤਸ੍ਸ ਅਰਕ੍ਖਿਤਮਨੋਕਮ੍ਮਨ੍ਤਸ੍ਸ ਕਾਯਕਮ੍ਮਮ੍ਪਿ ਅਵਸ੍ਸੁਤਂ ¶ ਹੋਤਿ, ਵਚੀਕਮ੍ਮਮ੍ਪਿ ਅਵਸ੍ਸੁਤਂ ਹੋਤਿ, ਮਨੋਕਮ੍ਮਮ੍ਪਿ ਅਵਸ੍ਸੁਤਂ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਆਪਾਯਿਕਵਗ੍ਗੇ ¶ ਆਵੁਸੋ ਛਟ੍ਠਂ ਅਪਣ੍ਣਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਆਪਾਯਿਕਵਗ੍ਗੇ ਭਨ੍ਤੇ ਛਟ੍ਠਂ ਅਪਣ੍ਣਕਸੁਤ੍ਤਂ ‘‘ਤਿਸ੍ਸੋ ਇਮਾ ਭਿਕ੍ਖਵੇ ਵਿਪਤ੍ਤਿਯੋ. ਕਤਮਾ ਤਿਸ੍ਸੋ ਸੀਲਵਿਪਤ੍ਤਿ, ਚਿਤ੍ਤਵਿਪਤ੍ਤਿ, ਦਿਟ੍ਠਿਵਿਪਤ੍ਤਿ. ਕਤਮਾ ਚ ਭਿਕ੍ਖਵੇ ਸੀਲਵਿਪਤ੍ਤਿ, ਇਧ ਭਿਕ੍ਖਵੇ ਏਕਚ੍ਚੋ ਪਾਣਾਤਿਪਾਤੀ ਹੋਤਿ…ਪੇ… ਸਮ੍ਫਪ੍ਪਲਾਪੀ ਹੋਤਿ. ਅਯਂ ਵੁਚ੍ਚਤਿ ਭਿਕ੍ਖਵੇ ਸੀਲਵਿਪਤ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਕੁਸਿਨਾਰਵਗ੍ਗੇ ¶ ਪਨਾਵੁਸੋ ਪਠਮਂ ਕੁਸਿਨਾਰਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਕੁਸਿਨਾਰਾਯਂ ਭਨ੍ਤੇ ਬਲਿਹਰਣੇ ਵਨਸਣ੍ਡੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ‘‘ਇਧ ਭਿਕ੍ਖਵੇ ਭਿਕ੍ਖੁ ਅਞ੍ਞਤਰਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਤਿ, ਤਮੇਨਂ ਗਹਪਤਿ ਵਾ ਗਹਪਤਿਪੁਤ੍ਤੋ ਵਾ ਉਪਸਙ੍ਕਮਿਤ੍ਵਾ ਸ੍ਵਾਤਨਾਯ ਭਤ੍ਤੇਨ ਨਿਮਨ੍ਤੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਪਞ੍ਚਮਂ ਹਤ੍ਥਕਸੁਤ੍ਤਂ ਭਗਵਤਾ ਕਤ੍ਥ ਕੇਨ ਸਦ੍ਧਿਂ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਸਾਵਤ੍ਥਿਯਂ ਭਨ੍ਤੇ ਹਤ੍ਥਕੇਨ ਦੇਵਪੁਤ੍ਤੇਨ ਸਦ੍ਧਿਂ ‘‘ਯੇ ਤੇ ਹਤ੍ਥਕ ਧਮ੍ਮਾ ਪੁਬ੍ਬੇ ਮਨੁਸ੍ਸਭੂਤਸ੍ਸ ਪਵਤ੍ਤਿਨੋ ਅਹੇਸੁਂ, ਅਪਿਨੁ ਤੇ ਤੇ ਧਮ੍ਮਾ ਏਤਰਹਿ ਪਵਤ੍ਤਿਨੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਅਨੁਰੁਦ੍ਧਸੁਤ੍ਤਂ ਕਂ ਆਰਬ੍ਭ ਕੇਨ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਅਟ੍ਠਮਂ ਭਨ੍ਤੇ ਅਨੁਰੁਦ੍ਧਸੁਤ੍ਤਂ ਆਯਸ੍ਮਨ੍ਤਂ ਅਨੁਰੁਦ੍ਧਤ੍ਥੇਰਂ ਆਰਬ੍ਭ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ‘‘ਯਂ ਖੋ ਤੇ ਆਵੁਸੋ ਅਨੁਰੁਦ੍ਧਂ ਏਵਂ ਹੋਤਿ ‘ਅਹਂ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਹਸ੍ਸਂ ਲੋਕਂ ਵੋਲੋਕੇਮੀ’ਤਿ, ਇਦਂ ਤੇ ਮਾਨਸ੍ਮਿਂ’’ਤਿ ਏਵਮਾਦਿਨਾ ਭਾਸਿਤਂ.

‘‘ਸਾਧੁ ¶ ਵਤਾਯਸ੍ਮਾ ਅਨੁਰੁਦ੍ਧੋ ਇਮੇ ਤਯੋ ਧਮ੍ਮੇ ਪਹਾਯ ਇਮੇ ਤਯੋ ਧਮ੍ਮੇ ਅਮਨਸਿਕਰਿਤ੍ਵਾ ਅਮਤਾਯ ਧਾਤੁਯਾ ਚਿਤ੍ਤਂ ਉਪਸਂਹਰਤੁ’’ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਤਿਕਨਿਪਾਤੇ ਕੁਸਿਨਾਰਵਗ੍ਗੇ ਨਵਮਂ ਪਟਿਚ੍ਛਨ੍ਨਸੁਤ੍ਤਂ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਨਵਮਂ ਭਨ੍ਤੇ ਪਟਿਚ੍ਛਨ੍ਨਸੁਤ੍ਤਂ ‘‘ਤੀਣਿਮਾਨਿ ਭਿਕ੍ਖਵੇ ਪਟਿਚ੍ਛਨ੍ਨਾਨਿ ਆਵਹਨ੍ਤਿ ਨੋ ਵਿਵਟਾਨਿ. ਕਤਮਾਨਿ ਤੀਣਿ, ਮਾਤੁਗਾਮੋ ਭਿਕ੍ਖਵੇ ਪਟਿਚ੍ਛਨ੍ਨੋ ਆਵਹਤਿ ਨੋ ਵਿਵਟੋ, ਬ੍ਰਾਹ੍ਮਣਾਨਂ ਭਿਕ੍ਖਵੇ ਮਨ੍ਤਾ ਪਟਿਚ੍ਛਨ੍ਨਾ ਆਵਹਨ੍ਤਿ ਨੋ ਵਿਵਟਾ, ਮਿਚ੍ਛਾਦਿਟ੍ਠਿ ਭਿਕ੍ਖਵੇ ਪਟਿਚ੍ਛਨ੍ਨਾ ਆਵਹਤਿ ਨੋ ਵਿਵਟਾ. ਇਮਾਨਿ ਖੋ ਭਿਕ੍ਖਵੇ ਤੀਣਿ ਪਟਿਚ੍ਛਨ੍ਨਾਨਿ ਆਵਹਨ੍ਤਿ ਨੋ ਵਿਵਟਾਨੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਦਸਮਂ ਲੇਖਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਦਸਮਂ ਭਨ੍ਤੇ ਲੇਖਸੁਤ੍ਤਂ ‘‘ਤਯੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਤਯੋ, ਪਾਸਾਣਲੇਖੂਪਮੋ ਪੁਗ੍ਗਲੋ ਪਥਵਿਲੇਖੂਪਮੋ ਪੁਗ੍ਗਲੋ ਉਦਕਲੇਖੂਪਮੋ ਪੁਗ੍ਗਲੋ. ਕਤਮੋ ਚ ਭਿਕ੍ਖਵੇ ਪਾਸਾਣ ਲੇਖੂਪਮੋ ਪੁਗ੍ਗਲੋ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਅਭਿਣ੍ਹਂ ਕੁਜ੍ਝਤਿ, ਸੋ ਚ ਖ੍ਵਸ੍ਸ ਕੋਧੋ ਦੀਘਰਤ੍ਤਂ ਅਨੁਸੇਤਿ. ਸੇਯ੍ਯਥਾਪਿ ਭਿਕ੍ਖਵੇ ਪਾਸਾਣਲੇਖਾ ਨ ਖਿਪ੍ਪਂ ਲੁਜ੍ਜਤਿ ਵਾਤੇਨ ਵਾ ਉਦਕੇਨ ਵਾ, ਚਿਰਟ੍ਠਿਤਿਕਾ ਹੋਤਿ, ਏਵਮੇਵ ਖੋ ਭਿਕ੍ਖਵੇ ਇਧੇਕਚ੍ਚੋ ਪੁਗ੍ਗਲੋ ਅਭਿਣ੍ਹਂ ਕੁਜ੍ਝਤਿ, ਸੋ ਚ ਖ੍ਵਸ੍ਸ ਕੋਧੋ ਦੀਘਰਤ੍ਤਂ ਅਨੁਸੇਤਿ. ਅਯਂ ਵੁਚ੍ਚਤਿ ਭਿਕ੍ਖਵੇ ਪਾਸਾਣਲੇਖੂਪਮੋ ਪੁਗ੍ਗਲੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਯੋਧਾਜੀਵਵਗ੍ਗੇ ¶ ਪਨ ਆਵੁਸੋ ਪਞ੍ਚਮਂ ਕੇਸਕਮ੍ਬਲਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਯੋਧਾਜੀਵਵਗ੍ਗੇ ਭਨ੍ਤੇ ਪਞ੍ਚਮਂ ਕੇਸਕਮ੍ਬਲਸੁਤ੍ਤਂ ‘‘ਸੇਯ੍ਯਥਾਪਿ ਭਿਕ੍ਖਵੇ ਯਾਨਿ ਕਾਨਿਚਿ ਤਨ੍ਤਾਵੁਤਾਨਂ ਵਤ੍ਥਾਨਂ, ਕੇਸਕਮ੍ਬਲੋ ਤੇਸਂ ਪਟਿਕਿਟ੍ਠੋ ਅਕ੍ਖਾਯਤਿ. ਕੇਸਕਮ੍ਬਲੋ ਭਿਕ੍ਖਵੇ ਸੀਤੇ ਸੀਤੋ ਉਣ੍ਹੇ ਉਣ੍ਹੋ ਦੁਬ੍ਬਣ੍ਣੋ ਦੁਗ੍ਗਨ੍ਧੋ ਦੁਕ੍ਖਸਮ੍ਫਸ੍ਸੋ. ਏਵਮੇਵ ਖੋ ਭਿਕ੍ਖਵੇ ਯਾਨਿਕਾਨਿਚਿ ਪੁਥੁਸਮਣਬ੍ਰਾਹ੍ਮਣਵਾਦਾਨਂ, ਮਕ੍ਖਲਿਵਾਦੋ ਤੇਸਂ ਪਟਿਕਿਟ੍ਠੋ ਅਕ੍ਖਾਯਤੀਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁਚ੍ਛਾ – ਮਙ੍ਗਲਵਗ੍ਗੇ ¶ ਪਨਾਵੁਸੋ ਨਵਮਂ ਵਨ੍ਦਨਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਮਙ੍ਗਲਵਗ੍ਗੇ ਭਨ੍ਤੇ ਨਵਮਂ ਵਨ੍ਦਨਾਸੁਤ੍ਤਂ ‘‘ਤਿਸ੍ਸੋ ਇਮਾ ਭਿਕ੍ਖਵੇ ਵਨ੍ਦਨਾ. ਕਤਮਾ ਤਿਸ੍ਸੋ, ਕਾਯੇਨ ਵਾਚਾਯ ਮਨਸਾ. ਇਮਾ ਖੋ ਭਿਕ੍ਖਵੇ ਤਿਸ੍ਸੋ ਵਨ੍ਦਨਾ’’ਤਿ, ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

‘‘ਤਿਸ੍ਸੋ ਇਮਾ ਭਿਕ੍ਖਵੇ ਵਨ੍ਦਨਾ. ਕਤਮਾ ਤਿਸ੍ਸੋ, ਕਾਯੇਨ ਵਾਚਾਯ ਮਨਸਾ. ਇਮਾ ਖੋ ਭਿਕ੍ਖਵੇ ਤਿਸ੍ਸੋ ਵਨ੍ਦਨਾ’’.

ਪੁਚ੍ਛਾ – ਤਤ੍ਥੋ ¶ ਆਵੁਸੋ ਦਸਮਂ ਪੁਬ੍ਬਣ੍ਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿਸ੍ਸਜ੍ਜਨਾ – ਦਸਮਂ ਭਨ੍ਤੇ ਪੁਬ੍ਬਣ੍ਹਸੁਤ੍ਤਂ ‘‘ਯੇ ਭਿਕ੍ਖਵੇ ਸਤ੍ਤਾ ਪੁਬ੍ਬਣ੍ਹਸਮਯਂ ਕਾਯੇਨ ਸੁਚਰਿਤਂ ਚਰਨ੍ਤਿ, ਵਾਚਾਯ ਸੁਚਰਿਤਂ ਚਰਨ੍ਤਿ, ਮਨਸਾ ਸੁਚਰਿਤਂ ਚਰਨ੍ਤਿ. ਸੁਪੁਬ੍ਬਣ੍ਹੋ ਭਿਕ੍ਖਵੇ ਤੇਸਂ ਸਤ੍ਤਾਨਂ. ਯੇ ਭਿਕ੍ਖਵੇ ਸਤ੍ਤਾ ਮਜ੍ਝਨ੍ਹਿਕਸਮਯਂ…ਪੇ… ਸਾਯਨ੍ਹਸਮਯਂ ਕਾਯੇਨ ਸੁਚਰਿਤਂ ਚਰਨ੍ਤਿ, ਵਾਚਾਯ ਸੁਚਰਿਤਂ ਚਰਨ੍ਤਿ, ਮਨਸਾ ਸੁਚਰਿਤਂ ਚਰਨ੍ਤਿ. ਸੁਸਾਯਨ੍ਹੋ ਭਿਕ੍ਖਵੇ ਤੇਸਂ ਸਤ੍ਤਾਨ’’ਨ੍ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਸੁਨਕ੍ਖਤ੍ਤਂ ¶ ਸੁਮਙ੍ਗਲਂ, ਸੁਪ੍ਪਭਾਤਂ ਸੁਹੁਟ੍ਠਿਤਂ;

ਸੁਖਣੋ ਸੁਮੁਹੁਤ੍ਤੋ ਚ, ਸੁਯਿਟ੍ਠਂ ਬ੍ਰਹ੍ਮਚਾਰਿਸੁ.

ਪੁਚ੍ਛਾ – ਚਤੁਕ੍ਕਨਿਪਾਤੇ ¶ ਪਨ ਆਵੁਸੋ ਭਣ੍ਡਗਾਮਵਗ੍ਗੇ ਪਠਮਂ ਅਨੁਬੁਦ੍ਧਸੁਤ੍ਤਂ ਭਗਵਤਾ ਸਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿਸ੍ਸਜ੍ਜਨਾ – ਵਜ੍ਜੀਸੁ ਭਨ੍ਤੇ ਭਣ੍ਡਗਾਮੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ‘‘ਚਤੁਨ੍ਨਂ ਭਿਕ੍ਖਵੇ ਧਮ੍ਮਾਨਂ ਅਨਨੁਬੋਧਾ ਅਪ੍ਪਟਿਵੇਧਾ ਏਵਮਿਦਂ ਦੀਘਮਦ੍ਧਾਨਂ ਸਨ੍ਧਾਵਿਤਂ ਸਂਸਰਿਤਂ ਮਮਞ੍ਚੇਵ ਤੁਮ੍ਹਾਕਞ੍ਚ. ਕਤਮੇਸਂ ਚਤੁਨ੍ਨਂ, ਅਰਿਯਸ੍ਸ ਭਿਕ੍ਖਵੇ ਸੀਲਸ੍ਸ ਅਨਨੁਬੋਧਾ ਅਪ੍ਪਟਿਵੇਧਾ ਏਵਮਿਦਂ ਦੀਘਮਦ੍ਧਾਨਂ ਸਨ੍ਧਾਵਿਤਂ ਸਂਸਰਿਤਂ ਮਮਞ੍ਚੇਵ ਤੁਮ੍ਹਾਕਞ੍ਚ. ਅਰਿਯਸ੍ਸ ਭਿਕ੍ਖਵੇ ਸਮਾਧਿਸ੍ਸ…. ਅਰਿਯਾਯ ਭਿਕ੍ਖਵੇ ਪਞ੍ਞਾਯ…. ਅਰਿਯਾਯ ਭਿਕ੍ਖਵੇ ਵਿਮੁਤ੍ਤਿਯਾ ਅਨਨੁਬੋਧਾ ਅਪ੍ਪਟਿਵੇਧਾ ਏਵਮਿਦਂ ਦੀਘਮਦ੍ਧਾਨਂ ਸਨ੍ਧਾਵਿਤਂ ਸਂਸਰਿਤਂ ਮਮਞ੍ਚੇਵ ਤੁਮ੍ਹਾਕਞ੍ਚਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਅਪ੍ਪਸ੍ਸੁਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥ ਭਨ੍ਤੇ ਛਟ੍ਠਂ ਅਪ੍ਪਸ੍ਸੁਤਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਅਪ੍ਪਸ੍ਸੁਤੋ ਸੁਤੇਨ ਅਨੁਪਪਨ੍ਨੋ, ਅਪ੍ਪਸ੍ਸੁਤੋ ਸੁਤੇਨ ਉਪਪਨ੍ਨੋ, ਬਹੁਸ੍ਸੁਤੋ ਸੁਤੇਨ ਅਨੁਪਪਨ੍ਨੋ, ਬਹੁਸ੍ਸੁਤੋ ਸੁਤੇਨ ਉਪਪਨ੍ਨੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਚਰਵਗ੍ਗੇ ¶ ਪਨ ਆਵੁਸੋ ਪਠਮਂ ਚਰਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਚਰਵਗ੍ਗੇ ਭਨ੍ਤੇ ਪਠਮਂ ਚਰਸੁਤ੍ਤਂ ‘‘ਚਰਤੋ ਚੇਪਿ ਭਿਕ੍ਖਵੇ ਭਿਕ੍ਖੁਨੋ ਉਪ੍ਪਜ੍ਜਤਿ ਕਾਮਵਿਤਕ੍ਕੋ ਵਾ ਬ੍ਯਾਪਾਦਵਿਤਕ੍ਕੋ ਵਾ ਵਿਹਿਂਸਾਵਿਭਤ੍ਤੋ ਵਾ, ਤਂ ਚੇ ਭਿਕ੍ਖੁ ਅਧਿਵਾਸੇਤਿ ਨਪ੍ਪਜਹਤਿ ਨ ਵਿਨੋਦੇਤਿ ਨ ਬ੍ਯਨ੍ਤੀਕਰੋਤਿ ਨ ਅਨਭਾਵਂ ਗਮੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਉਰੁਵੇਲਵਗ੍ਗੇ ਤਤਿਯਂ ਲੋਕਸੁਤ੍ਤਂ ਕਥਂ ਭਾਸਿਤਂ.

ਵਿ – ਉਰੁਵੇਲਵਗ੍ਗੇ ਭਨ੍ਤੇ ਤਤਿਯਂ ਲੋਕਸੁਤ੍ਤਂ ‘‘ਲੋਕੋ ਭਿਕ੍ਖਵੇ ਤਥਾਗਤੇਨ ਅਭਿਸਮ੍ਬੁਦ੍ਧੋ, ਲੋਕਸ੍ਮਾ ਤਥਾਗਤੋ ਵਿਸਂਯੁਤ੍ਤੋ, ਲੋਕਸਮੁਦਯੋ ਭਿਕ੍ਖਵੇ ਤਥਾਗਤੇਨ ਅਭਿਸਮ੍ਬੁਦ੍ਧੋ, ਲੋਕਸਮੁਦਯੋ ਤਥਾਗਤਸ੍ਸ ਪਹੀਨੋ, ਲੋਕਨਿਰੋਧੋ ਭਿਕ੍ਖਵੇ ਤਥਾਗਤੇਨ ਅਭਿਸਮ੍ਬੁਦ੍ਧੋ ਲੋਕਨਿਰੋਧੋ ਤਥਾਗਤਸ੍ਸ ਸਚ੍ਛਿਕਤੋ, ਲੋਕਨਿਰੋਧਗਾਮਿਨੀ ਪਟਿਪਦਾ ਭਿਕ੍ਖਵੇ ਤਥਾਗਤੇਨ ਅਭਿਸਮ੍ਬੁਦ੍ਧਾ, ਲੋਕਨਿਰੋਧਗਾਮਿਨਿ ਪਟਿਪਦਾ ਤਥਾਗਤਸ੍ਸ ਭਾਵਿਤਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ਆਵੁਸੋ ਪਞ੍ਚਮਂ ਬ੍ਰਹ੍ਮਚਰਿਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਪਞ੍ਚਮਂ ਭਨ੍ਤੇ ਬ੍ਰਹ੍ਮਚਰਿਯਸੁਤ੍ਤਂ ‘‘ਨਯਿਦਂ ਭਿਕ੍ਖਵੇ ਬ੍ਰਹ੍ਮਚਰਿਯਂ ਵੁਸ੍ਸਤਿ ਜਨਕੁਹਨਤ੍ਥਂ, ਨ ਜਨਲਪਨਤ੍ਥਂ, ਨ ਲਾਭਸਕ੍ਕਾਰਸਿਲੋਕਾਨਿਸਂਸੁਤ੍ਤਂ ¶ , ਨ ਇਤਿਵਾਦਪ੍ਪਮੋਕ੍ਖਾਨਿਸਂਸਤ੍ਥਂ, ਨ ‘ਇਤਿ ਮਂ ਜਨੋ ਜਾਨਾਤੂ’ਤਿ. ਅਥ ਖੋ ਇਦਂ ਭਿਕ੍ਖਵੇ ਬ੍ਰਹ੍ਮਚਰਿਯਂ ਵੁਸ੍ਸਤਿ ਸਂਵਰਤ੍ਥਂ ਪਹਾਨਤ੍ਥਂ ਵਿਰਾਗਤ੍ਥਂ ਨਿਰੋਧਤ੍ਥ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਅਰਿਯਵਂਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਅਟ੍ਠਮਂ ਅਰਿਯਵਂਸਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਅਰਿਯਵਂਸਾ ਅਗ੍ਗਞ੍ਞਾ ਰਤ੍ਤਞ੍ਞਾ ਵਂਸਞ੍ਞਾ ਪੋਰਾਣਾ, ਅਸਂਕਿਣ੍ਣਾ ਅਸਂਕਿਣ੍ਣਪੁਬ੍ਬਾਨ ਸਂਕੀਯਿਸ੍ਸਨ੍ਤਿ, ਅਪ੍ਪਟਿਕੁਟ੍ਠਾ ਸਮਣੇਹਿ ਬ੍ਰਾਹ੍ਮਣੇਹਿ ਵਿਞ੍ਞੂਹਿ. ਕਤਮੇ ਚਤ੍ਤਾਰੋ, ਇਧ ਭਿਕ੍ਖਵੇ ਭਿਕ੍ਖੁ ਸਨ੍ਤੁਟ੍ਠੋ ਹੋਤਿ ਇਤਰੀਤਰੇਨ ਚੀਵਰੇਨ, ਇਤਰੀਤਰਚੀਵਰਸਨ੍ਤੁਟ੍ਠਿਯਾ ਚ ਵਣ੍ਣਵਾਦੀ, ਨ ਚ ਚੀਵਰਹੇਤੁ ਅਨੇਸਨਂ ਅਪ੍ਪਤਿਰੂਪਂ ਆਪਜ੍ਜਤਿ, ਅਲਦ੍ਧਾ ਚ ਚੀਵਰਂ ਨ ਪਰਿਤਸ੍ਸਤਿ, ਲਦ੍ਧਾ ਚ ਚੀਵਰਂ ਅਗਧਿਤੋ ਅਮੁਚ੍ਛਿਤੋ ਅਨਜ੍ਝੋਪਨ੍ਨੋ ਆਦੀਨਵਦਸ੍ਸਾਵੀ ਨਿਸ੍ਸਰਣਪਞ੍ਞੋ ਪਰਿਭੁਞ੍ਜਤਿ, ਤਾਯ ਚ ਪਨ ਇਤਰੀਤਰਚੀਵਰਸਨ੍ਤੁਟ੍ਠਿਯਾ ਨੇਵਤ੍ਤਾਨੁਕ੍ਕਂਸੇਤਿ ਨੋ ਪਰਂ ਵਮ੍ਭੇਤਿ. ਯੋ ਹਿ ਤਤ੍ਥ ਦਕ੍ਖੋ ਅਨਲਸੋ ਸਮ੍ਪਜਾਨੋ ਪਟਿਸ੍ਸਭੋ, ਅਯਂ ਵੁਚ੍ਚਤਿ ਭਿਕ੍ਖਵੇ ਭਿਕ੍ਖੁ ਪੋਰਾਣੇ ਅਗ੍ਗਞ੍ਞੇ ਅਰਿਯਵਂਸੇ ਠਿਤੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਚਕ੍ਕਵਗ੍ਗੇ ¶ ਪਨ ਆਵੁਸੋ ਪਠਮਂ ਚਕ੍ਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਚਕ੍ਕਵਗ੍ਗੇ ਭਨ੍ਤੇ ਪਠਮਂ ਚਕ੍ਕਸੁਤ੍ਤਂ ‘‘ਚਤ੍ਤਾਰਿਮਾਨਿ ਭਿਕ੍ਖਵੇ ਚਕ੍ਕਾਨਿ, ਯੇਹਿ ਸਮਨ੍ਨਾਗਤਾਨਂ ਦੇਵਮਨੁਸ੍ਸਾਨਂ ਚਤੁਚਕ੍ਕਂ ਵਤ੍ਤਤਿ, ਯੇਹਿ ਸਮਨ੍ਨਾਗਤਾ ਦੇਵਮਨੁਸ੍ਸਾ ਨਚਿਰਸ੍ਸੇਵ ਮਹਨ੍ਤਤ੍ਤਂ ਵੇਪੁਲ੍ਲਤ੍ਤਂ ਪਾਪੁਣਨ੍ਤਿ ਭੋਗੇਸੁ. ਕਤਮਾਨਿ ਚਤ੍ਤਾਰਿ, ਪਤਿਰੂਪਦੇਸਵਾਸੋ ਸਪ੍ਪੁਰਿਸਾਵਸ੍ਸਯੋ ਅਤ੍ਤਸਮ੍ਮਾਪਣਿਧਿ ਪੁਬ੍ਬੇ ਚ ਕਤਪੁਞ੍ਞਤਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਦੁਤਿਯਂ ਸਙ੍ਗਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਦੁਤਿਯਂ ਸਙ੍ਗਹਸੁਤ੍ਤਂ ‘‘ਚਤ੍ਤਾਰਿਮਾਨਿ ਭਿਕ੍ਖਵੇ ਸਙ੍ਗਹਵਤ੍ਥੂਨਿ. ਕਤਮਾਨਿ ਚਤ੍ਤਾਰਿ, ਦਾਨਂ ਪੇਯ੍ਯਵਜ੍ਜਂ ਅਤ੍ਥਚਰਿਯਾ ਸਮਾਨਤ੍ਤਤਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਭਤ੍ਥੇਵ ¶ ਆਵੁਸੋ ਤਤਿਯਂ ਸੀਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਤਤਿਯਂ ਸੀਹਸੁਤ੍ਤਂ ‘‘ਸੀਹੋ ਭਿਕ੍ਖਵੇ ਮਿਗਰਾਜਾ ਸਾਯਨੁਸਮਯਂ ਆਸਯਾ ਨਿਕ੍ਖਮਤਿ, ਆਸਯਾ ਨਿਕ੍ਖਮਿਤ੍ਵਾ ਵਿਜਮ੍ਭਤਿ, ਵਿਜਮ੍ਭਿਤ੍ਵਾ ਸਮਨ੍ਤਾ ਚਤੁਦ੍ਦਿਸਾ ਅਨੁਵਿਲੋਕੇਤਿ, ਸਮਨ੍ਤਾ ਚਤੁਦ੍ਦਿਸਾ ਅਨੁਵਿਲੋਕੇਤ੍ਵਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦਤਿ, ਤਿਕ੍ਖਤ੍ਤੁਂ ਸੀਹਨਾਦਂ ਨਦਿਤ੍ਵਾ ਗੋਚਰਾਯ ਪਕ੍ਕਮਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਚਕ੍ਕਵਗ੍ਗੇ ਛਟ੍ਠਂ ਦੋਣਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਅਨ੍ਤਰਾ ¶ ਚ ਭਨ੍ਤੇ ਉਕ੍ਕਟ੍ਠਂ ਅਨ੍ਤਰਾ ਚ ਸੇਤਬ੍ਯਂ ਦੋਣਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਦੋਣੋ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਦੇਵੋ ਨੋ ਭਵਂ ਭਵਿਸ੍ਸਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਨ ਖੋ ਅਹਂ ਬ੍ਰਾਹ੍ਮਣ ਦੇਵੋ ਭਵਿਸ੍ਸਾਮੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਅਚ੍ਛਰਿਯਂ ¶ ਵਤ ਭੋ, ਅਬ੍ਭੁਤਂ ਵਤ ਭੋ, ਨ ਵਤਿਮਾਨਿ ਮਨੁਸ੍ਸਭੂਤਸ੍ਸ ਪਦਾਨਿ ਭਵਿਸ੍ਸਨ੍ਤਿ’’.

‘‘ਨ ਖੋ ਅਹਂ ਬ੍ਰਾਹ੍ਮਣ ਦੇਵੋ ਭਵਿਸ੍ਸਮਿ’’.

‘‘ਨ ਖੋ ਅਹਂ ਬ੍ਰਾਹ੍ਮਣ ਗਨ੍ਧਬ੍ਬੋ ਭਵਿਸ੍ਸਾਮਿ’’.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਉਜ੍ਜਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਨਵਮਂ ਭਨ੍ਤੇ ਉਜ੍ਜਯਸੁਤ੍ਤਂ ‘‘ਨ ਖੋ ਅਹਂ ਬ੍ਰਾਹ੍ਮਣ ਸਬ੍ਬਂ ਯਞ੍ਞਂ ਵਣ੍ਣੇਮਿ, ਨ ਪਨਾਹਂ ਬ੍ਰਾਹ੍ਮਣ ਸਬ੍ਬਂ ਯਞ੍ਞਂ ਨ ਵਣ੍ਣੇਮਿ. ਯਥਾਰੂਪੇ ਖੋ ਬ੍ਰਾਹ੍ਮਣ ਯਞ੍ਞੇ ਗਾਵੋ ਹਞ੍ਞਨ੍ਤਿ, ਅਜੇਲ਼ਕਾ ਹਞ੍ਞਨ੍ਤਿ, ਕੁਕ੍ਕੁਟਸੂਕਰਾ ਹਞ੍ਞਨ੍ਤਿ, ਵਿਵਿਧਾ ਪਾਣਾ ਸਙ੍ਘਾਤਂ ਆਪਜ੍ਜਨ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਭਵਮ੍ਪਿ ¶ ਨੋ ਗੋਤਮੋ ਯਞ੍ਞਂ ਵਣ੍ਣੇਤਿ’’.

ਪੁ – ਰੋਹਿਤਸ੍ਸਵਗ੍ਗੇ ¶ ਪਨ ਆਵੁਸੋ ਪਠਮਂ ਸਮਾਧਿਭਾਵਨਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਰੋਹਿਤਸ੍ਸਵਗ੍ਗੇ ਭਨ੍ਤੇ ਪਠਮਂ ਸਮਾਧਿਭਾਵਨਾਸੁਤ੍ਤਂ ‘‘ਚਤਸ੍ਸੋ ਇਮਾ ਭਿਕ੍ਖਵੇ ਸਮਾਧਿਭਾਵਨਾ, ਕਤਮਾ ਚਤਸ੍ਸੋ, ਅਤ੍ਥਿ ਭਿਕ੍ਖਵੇ ਸਮਾਧਿਭਾਵਨਾ ਭਾਵਿਤਾ ਬਹੁਲੀਕਤਾ ਦਿਟ੍ਠਧਮ੍ਮਸੁਖਵਿਹਾਰਾਯ ਸਂਵਤ੍ਤਤਿ, ਅਤ੍ਥਿ ਭਿਕ੍ਖਵੇ ਸਮਾਧਿਭਾਵਨਾ ਭਾਵਿਤਾ ਬਹੁਲੀਕਤਾ ਞਾਣਦਸ੍ਸਨਪ੍ਪਟਿਲਾਭਾਯ ਸਂਵਤ੍ਤਤਿ, ਅਤ੍ਥਿ ਭਿਕ੍ਖਵੇ ਸਮਾਧਿਭਾਵਨਾ ਭਾਵਿਤਾ ਬਹੁਲੀਕਤਾ ਸਤਿਸਮ੍ਪਜਞ੍ਞਾਯ ਸਂਵਤ੍ਤਤਿ, ਅਤ੍ਥਿ ਭਿਕ੍ਖਵੇ ਸਮਾਧਿਭਾਵਨਾ ਭਾਵਿਤਾ ਬਹੁਲੀਕਤਾ ਆਸਵਾਨਂ ਖਯਾਯ ਸਂਵਤ੍ਤਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਦੁਤਿਯਂ ਪਞ੍ਹਬ੍ਯਾਕਰਣਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਦੁਤਿਯਂ ਪਞ੍ਹਬ੍ਯਾਕਰਣਸੁਤ੍ਤਂ ‘‘ਚਤ੍ਤਾਰਿਮਾਨਿ ਭਿਕ੍ਖਵੇ ਪਞ੍ਹਬ੍ਯਾਕਰਣਾਨਿ. ਕਤਮਾਨਿ ਚਤ੍ਤਾਰਿ, ਅਤ੍ਥਿ ਭਿਕ੍ਖਵੇ ਪਞ੍ਹੋ ਏਕਂਸਬ੍ਯਾਕਰਣੀਯੋ, ਅਤ੍ਥਿ ਭਿਕ੍ਖਵੇ ਪਞ੍ਹੋ ਵਿਭਜ੍ਜਬ੍ਯਾਕਰਣੀਯੋ, ਅਤ੍ਥਿ ਭਿਕ੍ਖਵੇ ਪਞ੍ਹੋ ਪਟਿਪੁਚ੍ਛਾਬ੍ਯਾਕਰਣੀਯੋ, ਅਤ੍ਥਿ ਭਿਕ੍ਖਵੇ ਪਞ੍ਹੋ ਠਪਨੀਯੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਪੁਞ੍ਞਾਭਿਸਨ੍ਦਵਗ੍ਗੇ ¶ ਪਨ ਆਵੁਸੋ ਤਤਿਯਂ ਸਂਵਾਸਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਪੁਞ੍ਞਾਭਿਸਨ੍ਦਵਗ੍ਗੇ ਭਨ੍ਤੇ ਤਤਿਯਂ ਸਂਵਾਸਸੁਤ੍ਤਂ ਅਨ੍ਤਰਾ ਚ ਮਧੁਰਂ ਅਨ੍ਤਰਾ ਚ ਵੇਰਞ੍ਜਂ ਸਮ੍ਬਹੁਲੇ ਗਹਪਤਯੋ ਚ ਗਹਪਤਾਨਿਯੋ ਚ ਆਰਬ੍ਭ ‘‘ਚਤ੍ਤਾਰੋਮੇ ਗਹਪਤਯੋ ਸਂਵਾਸਾ. ਕਤਮੇ ਚਤ੍ਤਾਰੋ, ਛਵੋ ਛਵਾਯ ਸਦ੍ਧਿਂ ਸਂਵਸਤਿ, ਛਵੋ ਦੇਵਿਯਾ ਸਦ੍ਧਿਂ ਸਂਵਸਤਿ, ਦੇਵੋ ਛਵਾਯ ਸਦ੍ਧਿਂ ਸਂਵਸਤਿ, ਦੇਵੋ ਦੇਵਿਯਾ ਸਦ੍ਧਿਂ ਸਂਵਸਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਪੁਞ੍ਞਾਭਿਸਨ੍ਦਵਗ੍ਗੇ ਪਞ੍ਚਮਂ ਸਮਜੀਵਿਸੁਤ੍ਤਂ ਕਥਂ ਭਾਸਿਤਂ.

ਵਿ – ਪਞ੍ਚਮਂ ਭਨ੍ਤੇ ਸਮਜੀਵਿਸੁਤ੍ਤਂ ‘‘ਆਕਙ੍ਖੇਯ੍ਯੁਂ ਚੇ ਗਹਪਤਯੋ ਉਭੋ ਜਾਨਿਪਤਯੋ ਦਿਟ੍ਠੇ ਚੇਵ ਧਮ੍ਮੇ ਅਞ੍ਞਮਞ੍ਞਂ ਪਸ੍ਸਿਤੁਂ, ਅਭਿਸਮ੍ਪਰਾਯਞ੍ਚ ਅਞ੍ਞਮਞ੍ਞਂ ਪਸ੍ਸਿਤੁਂ, ਉਭੋਵ ਅਸ੍ਸੁ ਸਮਸਦ੍ਧਾ ਸਮਸੀਲਾ ਸਮਚਾਗਾ ਸਮਪਞ੍ਞਾ, ਤੇ ਦਿਟ੍ਠੇ ਚੇਵ ਧਮ੍ਮੇ ਅਞ੍ਞਮਞ੍ਞਂ ਪਸ੍ਸਨ੍ਤਿ, ਅਭਿਸਮ੍ਪਰਾਯਞ੍ਚ ਅਞ੍ਞਮਞ੍ਞਂ ਪਸ੍ਸਨ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਪਤ੍ਤਕਮ੍ਮਵਗ੍ਗੇ ¶ ਪਨ ਆਵੁਸੋ ਦੁਤਿਯਂ ਆਨਣ੍ਯਸੁਖਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਪਤ੍ਤਕਮ੍ਮਵਗ੍ਗੇ ¶ ਭਨ੍ਤੇ ਦੁਤਿਯਂ ਆਨਣ੍ਯਸੁਖਸੁਤ੍ਤਂ ਸਾਵਤ੍ਥਿਯਂ ਅਨਾਥਪਿਣ੍ਡਿਕਂ ਗਹਪਤਿਂ ਆਰਬ੍ਭ ‘‘ਚਤ੍ਤਾਰਿਮਾਨਿ ਗਹਪਤਿ ਸੁਖਾਨਿ ਅਧਿਗਮਨੀਯਾਨਿ ਗਿਹਿਨਾ ਕਾਮਭੋਗਿਨਾ ਕਾਲੇਨ ਕਾਲਂ ਸਮਯੇਨ ਸਮਯਂ ਉਪਾਦਾਯ. ਕਤਮਾਨਿ ਚਤ੍ਤਾਰਿ, ਅਤ੍ਥਿਸੁਖਂ ਭੋਗਸੁਖਂ ਅਨਣ੍ਯਸੁਖਂ ਅਨਵਜ੍ਜਸੁਖ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਆਨਣ੍ਯਸੁਖਂ ¶ ਞਤ੍ਵਾਨ, ਅਥੋ ਅਤ੍ਥਿਸੁਖਂ ਪਰਂ;

ਭੁਞ੍ਜਂ ਭੋਗਸੁਖਂ ਮਚ੍ਚੋ, ਤਤੋ ਪਞ੍ਞਾ ਵਿਪਸ੍ਸਤਿ;

ਵਿਪਸ੍ਸਮਾਨੋ ਜਾਨਾਤਿ, ਉਭੋ ਭਾਗੇ ਸੁਮੇਧਸੋ;

ਅਨਵਜ੍ਜਸੁਖਸ੍ਸੇਤਂ, ਕਲਂ ਨਾਗ੍ਘਤਿ ਸੋਲ਼ਸਿਂ–

ਪੁ – ਅਪਣ੍ਣਕਵਗ੍ਗੇ ਪਨ ਆਵੁਸੋ ਤਤਿਯਂ ਸਪ੍ਪੁਰਿਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਅਪਣ੍ਣਕਵਗ੍ਗੇ ¶ ਭਨ੍ਤੇ ਤਤਿਯਂ ਸਪ੍ਪੁਰਿਸਸੁਤ੍ਤਂ ‘‘ਚਤੂਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਅਸਪ੍ਪੁਰਿਸੋ ਵੇਦਿਤਬ੍ਬੋ. ਕਤਮੇਹਿ ਚਤੂਹਿ, ਇਧ ਭਿਕ੍ਖਵੇ ਅਸਪ੍ਪੁਰਿਸੋ ਯੋ ਹੋਤਿ ਪਰਸ੍ਸ ਅਵਣ੍ਣੋ ਤਂ ਅਪੁਟ੍ਠੋਪਿ ਪਾਤੁ ਕਰੋਤਿ ਕੋ ਪਨ ਵਾਦੋ ਪੁਟ੍ਠਸ੍ਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਅਧੁਨਾਗਤਵਧੁਕਾਸਮੇਨ ¶ ਚੇਤਸਾ ਵਿਹਰਿਸ੍ਸਾਮ’’ –

ਪੁ – ਤਤ੍ਥੇਵ ਆਵੁਸੋ ਸਤ੍ਤਮਂ ਅਚਿਨ੍ਤੇਯ੍ਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਅਚਿਨ੍ਤੇਯ੍ਯਸੁਤ੍ਤਂ ‘‘ਚਤ੍ਤਾਰਿਮਾਨਿ ਭਿਕ੍ਖਵੇ ਅਚਿਨ੍ਤੇਯ੍ਯਾਨਿ ਨ ਚਿਨ੍ਤੇਤਬ੍ਬਾਨਿ, ਯਾਨਿ ਚਿਨ੍ਤੇਨ੍ਤੋ ਉਮ੍ਮਾਦਸ੍ਸ ਵਿਘਾਤਸ੍ਸ ਭਾਗੀ ਅਸ੍ਸ. ਕਤਮਾਨਿ ਚਤ੍ਤਾਰਿ, ਬੁਦ੍ਧਾਨਂ ਭਿਕ੍ਖਵੇ ਬੁਦ੍ਧਵਿਸਯੋ ਅਚਿਨ੍ਤੇਯ੍ਯੋ ਨ ਚਿਨ੍ਤੇਤਬ੍ਬੋ, ਯਂ ਚਿਨ੍ਤੇਨ੍ਤੋ ਉਮ੍ਮਾਦਸ੍ਸ ਵਿਘਾਤਸ੍ਸ ਭਾਗੀ ਅਸ੍ਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਮਚਲਵਗ੍ਗੇ ¶ ਪਨ ਆਵੁਸੋ ਪਞ੍ਚਮਂ ਤਮੋਤਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਮਚਲਵਗ੍ਗੇ ਭਨ੍ਤੇ ਪਞ੍ਚਮਂ ਤਮੋਤਮਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਤਮੋਤਮਪਰਾਯਣੋ, ਤਮੋਜੋਤਿਪਰਾਯਣੋ, ਜੋਤਿਤਮਪਰਾਯਣੋ, ਜੋਤਿਜੋਤਿਪਰਾਯਣੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਅਸੁਰਵਗ੍ਗੇ ਪਠਮਂ ਅਸੁਰਸੁਤ੍ਤਂ ਕਥਂ ਭਾਸਿਤਂ.

ਵਿ – ਅਸੁਰਵਗ੍ਗੇ ਭਨ੍ਤੇ ਪਠਮਂ ਅਸੁਰਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਅਸੁਰੋ ਅਸੁਰਪਰਿਵਾਰੋ, ਅਸੁਰੋ ਦੇਵਪਰਿਵਾਰੋ, ਦੇਵੋ ਅਸੁਰਪਰਿਵਾਰੋ, ਦੇਵੋ ਦੇਵਪਰਿਵਾਰੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਸਮਾਧਿਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਚਤੁਤ੍ਥਂ ਭਨ੍ਤੇ ਸਮਾਧਿਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਇਧ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਲਾਭੀ ਹੋਤਿ ਅਜ੍ਝਤ੍ਤਂ ਚੇਤੋਸਮਥਸ੍ਸ ਨ ਲਾਭੀ ਅਧਿਪਞ੍ਞਾਧਮ੍ਮਵਿਪਸ੍ਸਨਾਯ. ਇਧ ਪਨ ਭਿਕ੍ਖਵੇ ਪੁਗ੍ਗਲੋ ਲਾਭੀ ਹੋਤਿ ਅਧਿਪਞ੍ਞਾਧਮ੍ਮਵਿਪਸ੍ਸਨਾਯ, ਨ ਲਾਭੀ ਅਜ੍ਝਤ੍ਤਂ ਚੇਤੋਸਮਥਸ੍ਸ. ਇਧ ਪਨ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਨ ਚੇਵ ਲਾਭੀ ਹੋਤਿ ਅਜ੍ਝਤ੍ਤਂ ਚੇਤੋਸਮਥਸ੍ਸ, ਨ ਚ ਲਾਭੀ ਅਧਿਪਞ੍ਞਾਧਮ੍ਮਵਿਪਸ੍ਸਨਾਯ. ਇਧ ਪਨ ਭਿਕ੍ਖਵੇ ਏਕਚ੍ਚੋ ਪੁਗ੍ਗਲੋ ਲਾਭੀ ਚੇਵ ਹੋਤਿ ਅਜ੍ਝਤ੍ਤਂ ਚੇਤੋਸਮਥਸ੍ਸ, ਲਾਭੀ ਚ ਅਧਿਪਞ੍ਞਾਧਮ੍ਮਵਿਪਸ੍ਸਨਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਰਾਗਵਿਨਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਛਟ੍ਠਂ ਭਨ੍ਤੇ ਰਾਗਵਿਨਯਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਅਤ੍ਤਹਿਤਾਯ ਪਟਿਪਨ੍ਨੋ ਨੋ ਪਰਹਿਤਾਯ, ਪਰਹਿਤਾਯ ਪਟਿਪਨ੍ਨੋ ਨੋ ਅਤ੍ਤਹਿਤਾਯ, ਨੇਵਤ੍ਤਹਿਤਾਯ ਪਟਿਪਨ੍ਨੋ ਨੋ ਪਰਹਿਤਾਯ, ਅਤ੍ਤਹਿਤਾਯ ਚੇਵ ਪਟਿਪਨ੍ਨੋ ਪਰਹਿਤਾਯ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਵਲਾਹਕਵਗ੍ਗੇ ¶ ਪਨ ਆਵੁਸੋ ਪਠਮਂ ਵਲਾਹਕਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ‘‘ਚਤ੍ਤਾਰੋਮੇ ਭਿਕ੍ਖਵੇ ਵਲਾਹਕਾ. ਕਤਮੇ ਚਤ੍ਤਾਰੋ, ਗਜ੍ਜਿਤਾ ਨੋ ਵਸ੍ਸਿਤਾ, ਵਸ੍ਸਿਤਾ ਨੋ ਗਜ੍ਜਿਤਾ, ਨੇਵ ਗਜ੍ਜਿਤਾ ਨੋ ਵਸ੍ਸਿਤਾ, ਗਜ੍ਜਿਤਾ ਚ ਵਸ੍ਸਿਤਾ ਚ. ਇਮੇ ਖੋ ਭਿਕ੍ਖਵੇ ਚਤ੍ਤਾਰੋ ਵਲਾਹਕਾ. ਏਵਮੇਵ ਖੋ ਭਿਕ੍ਖਵੇ ਚਤ੍ਤਾਰੋ ਵਲਾਹਕੂਪਮਾ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਾਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਗਜ੍ਜਿਤਾ ਨੋ ਵਸ੍ਸਿਤਾ, ਵਸ੍ਸਿਤਾ ਨੋ ਗਜ੍ਜਿਤਾ, ਨੇਵ ਗਜ੍ਜਿਤਾ ਨੋ ਵਸ੍ਸਿਤਾ, ਗਜ੍ਜਿਤਾ ਚ ਵਸ੍ਸਿਤਾ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਉਦਕਰਹਦਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਚਤੁਤ੍ਥ ਭਨ੍ਤੇ ਉਦਕਰਹਦਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਉਦਕਰਹਦਾ. ਕਤਮੇ ਚਤ੍ਤਾਰੋ, ਉਤ੍ਤਾਨੋ ਗਮ੍ਭੀਰੋਭਾਸੋ, ਗਮ੍ਭੀਰੋ ਉਤ੍ਤਾਨੋਭਾਸੋ, ਉਤ੍ਤਾਨੋ ਉਤ੍ਤਾਨੋਭਾਸੋ, ਗਮ੍ਭੀਰੋ ਗਮ੍ਭੀਰੋਭਾਸੋ, ਇਮੇ ਖੋ ਭਿਕ੍ਖਵੇ ਚਤ੍ਤਾਰੋ ਉਦਕਰਹਦਾ. ਏਵਮੇਵ ਖੋ ਭਿਕ੍ਖਵੇ ਚਤ੍ਤਾਰੋ ਉਦਕਰਹਦੂਪਮਾ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਉਤ੍ਤਾਨੋ ਗਮ੍ਭੀਰੋਭਾਸੋ, ਗਮ੍ਭੀਰੋ ਉਤ੍ਤਾਨੋਭਾਸੋ, ਉਤ੍ਤਾਨੋ ਉਤ੍ਤਾਨੋਭਾਸੋ, ਗਮ੍ਭੀਰੋ ਗਮ੍ਭੀਰੋਭਾਸੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਮੂਸਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਮੂਸਿਕਸੁਤ੍ਤਂ ‘‘ਚਤਸ੍ਸੋ ਇਮਾ ਭਿਕ੍ਖਵੇ ਮੂਸਿਕਾ. ਕਤਮਾ ਚਤਸ੍ਸੋ, ਗਾਧਂ ਕਤ੍ਤਾ ਨੋ ਵਸਿਤਾ, ਵਸਿਤਾ ਨੋ ਗਾਧਂ ਕਤ੍ਤਾ, ਨੇਵ ਗਾਧਂ ਕਤ੍ਤਾ ਨੋ ਵਸਿਤਾ, ਗਾਧਂ ਕਤ੍ਤਾ ਚ ਵਸਿਤਾ ਚ. ਇਮਾ ਖੋ ਭਿਕ੍ਖਵੇ ਚਤਸ੍ਸੋ ਮੂਸਿਕਾ. ਏਵਮੇਵ ਖੋ ਭਿਕ੍ਖਵੇ ਚਤ੍ਤਾਰੋ ਮੂਸਿਕੂਪਮਾ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਚਤ੍ਤਾਰੋ, ਗਾਧਂ ਕਤ੍ਤਾ ਨੋ ਵਸਿਤਾ, ਵਸਿਤਾ ਨੋ ਗਾਧਂ ਕਤ੍ਤਾ, ਨੇਵ ਗਾਧਂ ਕਤ੍ਤਾ ਨੋ ਵਸਿਤਾ, ਗਾਧਂ ਕਤ੍ਤਾ ਚ ਵਸਿਤਾ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਸਂਗੀਤਾਪਿ ¶ ਆਵੁਸੋ ਅਙ੍ਗੁਤ੍ਤਰਨਿਕਾਯਤੋ ਕਾਨਿਚਿ ਸੁਤ੍ਤਾਨਿ ਉਦ੍ਧਰਿਤ੍ਵਾ ਪਟਿਪੁਚ੍ਛਿਸ੍ਸਾਮਿ ਬਹੁਜਨਸ੍ਸ ਸੁਤਵੁਡ੍ਢਿਯਾ. ਸਂਗੀਤੇ ਆਵੁਸੋ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਵਲਾਹਕਵਗ੍ਗੇ ਅਟ੍ਠਮਂ ਬਲੀਬਦ੍ਧਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਵਲਾਹਕਵਗ੍ਗੇ ਭਨ੍ਤੇ ਅਟ੍ਠਮਂ ਬਲੀਬਦ੍ਧਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਬਲੀਬਦ੍ਧਾ. ਕਤਮੇ ਚਤ੍ਤਾਰੋ, ਸਗਵਚਣ੍ਡੋ ਨੋ ਪਰਗਵਚਣ੍ਡੋ, ਪਰਗਵਚਣ੍ਡੋ ਨੋ ਸਗਵਚਣ੍ਡੋ, ਸਗਵਚਣ੍ਡੋ ਚ ਪਰਗਵਚਣ੍ਡੋ ਚ, ਨੇਵ ਸਗਵਚਣ੍ਡੋ ਨੋ ਪਰਗਵਚਣ੍ਡੋ. ਇਮੇ ਖੋ ਭਿਕ੍ਖਵੇ ਚਤ੍ਤਾਰੋ ਬਲੀਬਦ੍ਧਾ. ਏਵਮੇਵ ਖੋ ਭਿਕ੍ਖਵੇ ਚਤ੍ਤਾਰੋ ਬਲੀਬਦ੍ਧੂਪਮਾ ਪੁਗ੍ਗਲਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਕੇਸਿਵਗ੍ਗੇ ¶ ਪਨ ਆਵੁਸੋ ਪਠਮਂ ਕੇਸਿਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਕੇਸਿਂ ਭਨ੍ਤੇ ਅਸ੍ਸਦਮ੍ਮਸਾਰਥਿਂ ਆਰਬ੍ਭ ਭਾਸਿਤਂ. ਕੇਸਿ ਭਨ੍ਤੇ ਅਸ੍ਸਦਮ੍ਮਸਾਰਥਿ ਭਗਵਨ੍ਤਂ ਏਤਦਵੋਚ ‘‘ਭਗਵਾ ਪਨ ਭਨ੍ਤੇ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ, ਕਥਂ ਪਨ ਭਨ੍ਤੇ ਭਗਵਾ ਪੁਰਿਸਦਮ੍ਮਂ ਵਿਨੇਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਅਹਂ ਖੋ ਕੇਸਿ ਪੁਰਿਸਦਮ੍ਮਂ ਸਣ੍ਹੇਨਪਿ ਵਿਨੇਮਿ, ਫਰੁਸੇਨਪਿ ਵਿਨੇਮਿ, ਸਣ੍ਹਫਰੁਸੇਨਪਿ ਵਿਨੇਮਿ. ਤਤ੍ਰਿਦਂ ਕੇਸਿ ਸਣ੍ਹਸ੍ਮਿਂ – ਇਤਿ ਕਾਯਸੁਚਰਿਤਂ ਇਤਿ ਕਾਯਸੁਚਰਿਤਸ੍ਸ ਵਿਪਾਕੋ, ਇਤਿ ਵਚੀਸੁਚਰਿਤਂ ਇਤਿ ਵਚੀਸੁਚਰਿਤਸ੍ਸ ¶ ਵਿਪਾਕੋ, ਇਤਿ ਮਨੋਸੁਚਰਿਤਂ ਇਤਿ ਮਨੋਸੁਚਰਿਤਸ੍ਸ ਵਿਪਾਕੋ, ਇਤਿ ਦੇਵਾ ਇਤਿ ਮਨੁਸ੍ਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

‘‘ਤ੍ਵਂ ਖੋਸਿ ਕੇਸਿ ਪਞ੍ਞਾਤੋ ਅਸ੍ਸਦਮ੍ਮਸਾਰਥੀਤਿ, ਕਥਂ ਪਨ ਤ੍ਵਂ ਕੇਸਿ ਅਸ੍ਸਦਮ੍ਮਸਾਰਥਿ’’ –

‘‘ਅਹਂ ਖੋ ਭਨ੍ਤੇ ਅਸ੍ਸਦਮ੍ਮਂ ਸਣ੍ਹੇਨਪਿ ਵਿਨੇਮਿ, ਫਰੁਸੇਨਪਿ ਵਿਨੇਮਿ, ਸਣ੍ਹਫਰੁਸੇਨਪਿ ਵਿਨੇਮਿ’’ –

‘‘ਸਚੇ ¶ ਤੇ ਕੇਸਿ ਅਸ੍ਸਦਮ੍ਮੋ ਸਣ੍ਹੇਨ ਵਿਨਯਂ ਨ ਉਪੇਤਿ, ਫਰੁਸੇਨ ਵਿਨਯਂ ਨ ਉਪੇਤਿ, ਸਣ੍ਹਫਰੁਸੇਨ ਵਿਨਯਂ ਨ ਉਪੇਤਿ, ਕਿਨ੍ਤਿ ਨਂ ਕਰੋਸਿ’’ –

‘‘ਭਗਵਾ ਪਨ ਭਨ੍ਤੇ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ, ਕਥਂ ਪਨ ਭਨ੍ਤੇ ਭਗਵਾ ਪੁਰਿਸਦਮ੍ਮਂ ਵਿਨੇਤਿ’’ –

ਨ ੦.੦੦੮੭ ਖੋ ਭਨ੍ਤੇ ਭਗਵਤੋ ਪਾਣਾਤਿਪਾਤੋ ਕਪ੍ਪਤਿ, ਅਥ ਚ ਪਨ ਭਗਵਾ ਏਵਮਾਹ ‘‘ਹਨਾਮਿ ਨਂ ਕੇਸੀ’’ਤਿ.

ਪੁ – ਭਯਵਗ੍ਗੇ ¶ ਪਨ ਆਵੁਸੋ ਪਠਮਂ ਅਤ੍ਤਾਨੁਵਾਦਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਭਯਵਗ੍ਗੇ ਭਨ੍ਤੇ ਪਠਮਂ ਅਤ੍ਤਾਨੁਵਾਦਸੁਤ੍ਤਂ ‘‘ਚਤ੍ਤਾਰਿਮਾਨਿ ਭਿਕ੍ਖਵੇ ਭਯਾਨਿ. ਕਤਮਾਨਿ ਚਤ੍ਤਾਰਿ, ਅਤ੍ਤਾਨੁਵਾਦਭਯਂ ਪਰਾਨੁਵਾਦਭਯਂ ਦਣ੍ਡਭਯਂ ਦੁਗ੍ਗਤਿਭਯ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਇਦਾਨਿ ¶ ਆਵੁਸੋ ਬਹੁਜਨਸ੍ਸ ਸੁਤਵੁਡ੍ਢਿਯਾ ਸਂਗੀਤਾ ਅਙ੍ਗੁਤ੍ਤਰਨਿਕਾਯਤੋਪਿ ਕਾਨਿਚਿ ਸੁਤ੍ਤਾਨਿ ਉਦ੍ਧਰਿਤ੍ਵਾ ਪਟਿਪੁਚ੍ਛਿਸ੍ਸਾਮਿ, ਸਂਗੀਤੇ ਆਵੁਸੋ ਅਙ੍ਗੁਤ੍ਤਰਨਿਕਾਯੇ ਚਤੁਕ੍ਕਨਿਪਾਤੇ ਪੁਗ੍ਗਲਵਗ੍ਗੇ ਨਵਮਂ ਧਮ੍ਮਕਥਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਪੁਗ੍ਗਲਵਗ੍ਗੇ ਭਨ੍ਤੇ ਨਵਮਂ ਧਮ੍ਮਕਥਿਕਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਧਮ੍ਮਕਥਿਕਾ. ਕਤਮੇ ਚਤ੍ਤਾਰੋ, ਇਧ ਭਿਕ੍ਖਵੇ ਏਕਚ੍ਚੋ ਧਮ੍ਮਕਥਿਕੋ ਅਪ੍ਪਞ੍ਚ ਭਾਸਤਿ ਅਸਹਿਤਞ੍ਚ, ਪਰਿਸਾ ਚਸ੍ਸ ਨ ਕੁਸਲਾ ਹੋਤਿ ਸਹਿਤਾਸਹਿਤਸ੍ਸ. ਏਵਰੂਪੋ ਭਿਕ੍ਖਵੇ ਧਮ੍ਮਕਥਿਕੋ ਏਵਰੂਪਾਯ ਪਰਿਸਾਯ ਧਮ੍ਮਕਥਿਕੋਤ੍ਵੇਵ ਸਙ੍ਖਂ ਗਚ੍ਛਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਇਨ੍ਦ੍ਰਿਯਵਗ੍ਗੇ ¶ ਪਨ ਆਵੁਸੋ ਸਤ੍ਤਮਂ ਰੋਗਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਰੋਗਸੁਤ੍ਤਂ ‘‘ਦ੍ਵੇਮੇ ਭਿਕ੍ਖਵੇ ਰੋਗਾ. ਕਤਮੇ ਦ੍ਵੇ, ਕਾਯਿਕੋ ਚ ਰੋਗੋ, ਚੇਤਸਿਕੋ ਚ ਰੋਗੋ. ਦਿਸ੍ਸਨ੍ਤਿ ਭਿਕ੍ਖਵੇ ਸਤ੍ਤਾ ਕਾਯਿਕੇਨ ਰੋਗੇਨ ਏਕਮ੍ਪਿ ਵਸ੍ਸਂ ਆਰੋਗ੍ਯਂ ਪਟਿਜਾਨਮਾਨਾ ਦ੍ਵੇਪਿ ਵਸ੍ਸਾਨਿ ਤੀਣਿਪਿ ਵਸ੍ਸਾਨਿ ਚਤ੍ਤਾਰਿਪਿ ਵਸ੍ਸਾਨਿ ਪਞ੍ਚਪਿ ਵਸ੍ਸਾਨਿ ਦਸਪਿ ਵਸ੍ਸਾਨਿ ਵੀਸਮ੍ਪਿ ਵਸ੍ਸਾਨਿ ਤਿਂਸਮ੍ਪਿ ਵਸ੍ਸਾਨਿ ਚਤ੍ਤਾਰੀਸਮ੍ਪਿ ਵਸ੍ਸਾਨਿ ਪਞ੍ਞਾਸਮ੍ਪਿ ਵਸ੍ਸਾਨਿ ਆਰੋਗ੍ਯਂ ਪਟਿਜਾਨਮਾਨਾ ਵਸ੍ਸਸਤਮ੍ਪਿ ਭਿਯ੍ਯੋਪਿ ਆਰੋਗ੍ਯਂ ਪਟਿਜਾਨਮਾਨਾ. ਤੇ ਭਿਕ੍ਖਵੇ ਸਤ੍ਤਾ ਸੁਦੁਲ੍ਲਭਾ ਲੋਕਸ੍ਮਿਂ, ਯੇ ਚੇਤਸਿਕੇਨ ਰੋਗੇਨ ਮੁਹੁਤ੍ਤਮ੍ਪਿ ਆਰੋਗ੍ਯਂ ਪਟਿਜਾਨਨ੍ਤਿ ਅਞ੍ਞਤ੍ਰ ਖੀਣਾਸਵੇਹੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਚਤ੍ਤਾਰੋਮੇ ੦.੦੦੯੬ ਭਿਕ੍ਖਵੇ ਪਬ੍ਬਜਿਤਸ੍ਸ ਰੋਗਾ.

ਪੁ – ਪਟਿਪਦਾਵਗ੍ਗੇ ¶ ਆਵੁਸੋ ਦਸਮਂ ਯੁਗਨਦ੍ਧਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕੇਨ ਕਥਞ੍ਚ ਭਾਸਿਤਂ.

ਵਿ – ਕੋਸਮ੍ਬਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ‘‘ਯੋ ਹਿ ਕੋਚਿ ਆਵੁਸੋ ਭਿਕ੍ਖੁ ਵਾ ਭਿਕ੍ਖੁਨੀ ਵਾ ਮਮ ਸਨ੍ਤਿਕੇ ਅਰਹਤ੍ਤਪ੍ਪਤ੍ਤਿਂ ਬ੍ਯਾਕਰੋਤਿ, ਸਬ੍ਬੋ ਸੋ ਚਤੂਹਿ ਮਗ੍ਗੇਹਿ ਏਤੇਸਂ ਵਾ ਅਞ੍ਞਤਰੇਨਾ’’ਤਿ ਏਵਮਾਦਿਨਾ ਭਨ੍ਤੇ ਆਯਸ੍ਮਤਾ ਆਨਨ੍ਦਤ੍ਥੇਰੇਨ ਧਮ੍ਮਭਣ੍ਡਾਗਾਰਿਕੇਨ ਭਾਸਿਤਂ.

ਪੁ – ਬ੍ਰਾਹ੍ਮਣਵਗ੍ਗੇ ¶ ਪਨ ਆਵੁਸੋ ਦੁਤਿਯਂ ਪਾਟਿਭੋਗਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਬ੍ਰਾਹ੍ਮਣਵਗ੍ਗੇ ਭਨ੍ਤੇ ਦੁਤਿਯਂ ਪਾਟਿਭੋਗਸੁਤ੍ਤਂ ‘‘ਚਤੁਨ੍ਨਂ ਭਿਕ੍ਖਵੇ ਧਮ੍ਮਾਨਂ ਨਤ੍ਥਿ ਕੋਚਿ ਪਾਟਿਭੋਗੋ ਸਮਣੋ ਵਾ ਬ੍ਰਾਹ੍ਮਣੋ ਵਾ ਦੇਵੋ ਵਾ ਮਾਰੋ ਵਾ ਬ੍ਰਹ੍ਮਾ ਵਾ ਕੋਚਿ ਵਾ ਲੋਕਸ੍ਮਿ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਤਤਿਯਂ ਸੁਤਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਰਾਜਗਹੇ ਭਨ੍ਤੇ ਵਸ੍ਸਕਾਰਂ ਬ੍ਰਾਹ੍ਮਣਂ ਮਗਧਮਹਾਮਤ੍ਤਂ ਆਰਬ੍ਭ ਭਾਸਿਤਂ. ਵਸ੍ਸਕਾਰੋ ਭਨ੍ਤੇ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਭਗਵਨ੍ਤਂ ਏਤਦਵੋਚ ‘‘ਅਹਞ੍ਹਿ ਭੋ ਗੋਤਮ ਏਵਂਵਾਦੀ ਏਵਂਦਿਟ੍ਠਿ ਯੋ ਕੋਚਿ ਦਿਟ੍ਠਂ ਭਾਸਤਿ ‘ਏਵਂ ਮੇ ਦਿਟ੍ਠ’ਨ੍ਤਿ, ਨਤ੍ਥਿ ਤਤੋ ਦੋਸੋ. ਯੋ ਕੋਚਿ ਸੁਤਂ ਭਾਸਤਿ ‘ਏਵਂ ਮੇ ਸੁਤ’ਨ੍ਤਿ, ਨਤ੍ਥਿ ਤਤੋ ਦੋਸੋ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਨਾਹਂ ਬ੍ਰਾਹ੍ਮਣ ਸਬ੍ਬਂ ਦਿਟ੍ਠਂ ‘ਭਾਸਿਤਬ੍ਬ’ਨ੍ਤਿ ਵਦਾਮਿ, ਨ ਪਨਾਹਂ ਬ੍ਰਾਹ੍ਮਣ ਸਬ੍ਬਂ ਦਿਟ੍ਠਂ ‘ਨ ਭਾਸਿਤਬ੍ਬ’ਨ੍ਤਿ ਵਦਾਮਿ, ਨਾਹਂ ਬ੍ਰਾਹ੍ਮਣ ਸਬ੍ਬਂ ਸੁਤਂ ‘ਭਾਸਿਤਬ੍ਬ’ਨ੍ਤਿ ਵਦਾਮਿ, ਨ ਪਨਾਹਂ ਬ੍ਰਾਹ੍ਮਣ ਸਬ੍ਬਂ ਸੁਤਂ ‘ਨ ਭਾਸਿਤਬ੍ਬ’ਨ੍ਤਿ ਵਦਾਮੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਚਤੁਕ੍ਕਨਿਪਾਤੇ ਬ੍ਰਾਹ੍ਮਣਵਗ੍ਗੇ ਚਤੁਤ੍ਥਂ ਅਭਯਸੁਤ੍ਤਂ ਭਗਵਤਾ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਬ੍ਰਾਹ੍ਮਣਵਗ੍ਗੇ ਭਨ੍ਤੇ ਚਤੁਤ੍ਥਂ ਅਭਯਸੁਤ੍ਤਂ ਜਾਣੁਸ੍ਸੋਣਿਂ ਬ੍ਰਾਹ੍ਮਣਂ ਆਰਬ੍ਭ ਭਾਸਿਤਂ. ਜਾਣੁਸ੍ਸੋਣਿ ਭਨ੍ਤੇ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ ‘‘ਨਤ੍ਥਿ ਯੋ ਮਰਣਧਮ੍ਮੋ ਸਮਾਨੋ ਨ ਭਾਯਤਿ, ਨ ਸਨ੍ਤਾਸਂ ਆਪਜ੍ਜਤਿ ਮਰਣਸ੍ਸਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਅਤ੍ਥਿ ਬ੍ਰਾਹ੍ਮਣ ਮਰਣਧਮ੍ਮੋ ਸਮਾਨੋ ਭਾਯਤਿ, ਸਨ੍ਤਾਸਂ ਆਪਜ੍ਜਤਿ ਮਰਣਸ੍ਸ. ਅਤ੍ਥਿ ਪਨ ਬ੍ਰਾਹ੍ਮਣ ਮਰਣਧਮ੍ਮੋ ਸਮਾਨੋ ਨ ਭਾਯਤਿ, ਨ ਸਨ੍ਤਾਸਂ ਆਪਜ੍ਜਤਿ ਮਰਣਸ੍ਸਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਮਹਾਵਗ੍ਗੇ ¶ ਪਨ ਆਵੁਸੋ ਪਠਮਂ ਸੋਤਾਨੁਗਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਮਹਾਵਗ੍ਗੇ ਭਨ੍ਤੇ ਪਠਮਂ ਸੋਤਾਨੁਗਤਸੁਤ੍ਤਂ ‘‘ਸੋਤਾਨੁਗਤਾਨਂ ਭਿਕ੍ਖਵੇ ਧਮ੍ਮਾਨਂ ਵਚਸਾ ਪਰਿਚਿਤਾਨਂ ਮਨਸਾਨੁਪੇਕ੍ਖਿਤਾਨਂ ਦਿਟ੍ਠਿਯਾ ਸੁਪ੍ਪਟਿਵਿਦ੍ਧਾਨਂ ਚਤ੍ਤਾਰੋ ਆਨਿਸਂਸਾ ਪਾਟਿਕਙ੍ਖਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਅਯਂ ¶ ਵਾ ਸੋ ਧਮ੍ਮਵਿਨਯੋ, ਯਤ੍ਥਾਹਂ ਪੁਬ੍ਬੇ ਬ੍ਰਹ੍ਮਚਰਿਯਂ ਅਚਰਿਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਚਤੁਕ੍ਕਨਿਪਾਤੇ ਮਹਾਵਗ੍ਗੇ ਤਤਿਯਂ ਭਦ੍ਦਿਯਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਵੇਸਾਲਿਯਂ ਭਨ੍ਤੇ ਭਦ੍ਦਿਯਂ ਲਿਚ੍ਛਵਿ ਆਰਬ੍ਭ ਭਾਸਿਤਂ. ਭਦ੍ਦਿਯੋ ਭਨ੍ਤੇ ਲਿਚ੍ਛਵਿ ਭਗਵਨ੍ਤਂ ਏਤਦਵੋਚ ‘‘ਸੁਤਂ ਮੇਤਂ ਭਨ੍ਤੇ ‘ਮਾਯਾਵੀ ਸਮਣੋ ਗੋਤਮੋ ਆਵਟ੍ਟਨਿਂ ਮਾਯਂ ਜਾਨਾਤਿ, ਯਾਯ ਅਞ੍ਞਤਿਤ੍ਥਿਯਾਨਂ ਸਾਵਕੇ ਆਵਟ੍ਟੇਤੀ’ਤਿ. ਯੇ ਤੇ ਭਨ੍ਤੇ ਏਵਮਾਹਂਸੁ ‘ਮਾਯਾਵੀ ਸਮਣੋ ਗੋਤਮੋ ਆਵਟ੍ਟਨਿਂ ਮਾਯਂ ਜਾਨਾਤਿ, ਯਾਯ ਅਞ੍ਞਤਿਤ੍ਥਿਯਾਨਂ ਸਾਵਕੇ ਆਵਟ੍ਟੇਤੀ’ਤਿ…ਪੇ… ਅਨਬ੍ਭਕ੍ਖਾਤੁਕਾਮਾ ¶ ਹਿ ਮਯਂ ਭਨ੍ਤੇ ਭਗਵਨ੍ਤ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਏਥ ਤੁਮ੍ਹੇ ਭਦ੍ਦਿਯ ਮਾ ਅਨੁਸ੍ਸਵੇਨ ਮਾ ਪਰਮ੍ਪਰਾਯ ਮਾ ਇਤਿਕਿਰਾਯ ਮਾ ਪਿਟਕਸਮ੍ਪਦਾਨੇਨ ਮਾ ਤਕ੍ਕਹੇਤੁ ਮਾ ਨਯਹੇਤੁ ਮਾ ਆਕਾਰਵਿਤਕ੍ਕੇਨ ਮਾ ਦਿਟ੍ਠਿਨਿਜ੍ਝਾਨਕ੍ਖਨ੍ਤਿਯਾ ਮਾ ਭਬ੍ਬਰੂਪਤਾਯ ਮਾ ਸਮਣੋ ਨੋ ਗਰੂਤਿ. ਯਦਾ ਤੁਮ੍ਹੇ ਭਦ੍ਦਿਯ ਅਤ੍ਤਨਾਵ ਜਾਨੇਯ੍ਯਾਥ ‘ਇਮੇ ਧਮ੍ਮਾ ਅਕੁਸਲਾ, ਇਮੇ ਧਮ੍ਮਾ ਸਾਵਜ੍ਜਾ, ਇਮੇ ਧਮ੍ਮਾ ਵਿਞ੍ਞੂ ਗਰਹਿਤਾ, ਇਮੇ ਧਮ੍ਮਾ ਸਮਤ੍ਤਾ ਸਮਾਦਿਨ੍ਨਾ ਅਹਿਤਾਯ ਦੁਕ੍ਖਾਯ ਸਂਵਤ੍ਤਨ੍ਤੀ’ਤਿ. ਅਥ ਤੁਮ੍ਹੇ ਭਦ੍ਦਿਯ ਪਜਹੇਯ੍ਯਾਥਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਇਮਿਸ੍ਸਾ ¶ ਚ ਪਨ ਆਵੁਸੋ ਦੇਸਨਾਯ ਦੇਸਿਤਾਯ ਭਦ੍ਦਿਯਸ੍ਸ ਲਿਚ੍ਛਵਿਸ੍ਸ ਕੀਦਿਸੋ ਧਮ੍ਮਸਵਨਾਨਿਸਂਸੋ ਅਧਿਗਤੋ. ਕਥਞ੍ਚ ਨਂ ਭਗਵਾ ਅਨੁਯੁਞ੍ਜਿਤ੍ਵਾ ਤਂ ਵਚਨਂ ਵਿਨਿਵੇਠੇਸਿ.

ਵਿ – ਇਮਿਸ੍ਸਾ ਭਨ੍ਤੇ ਧਮ੍ਮਦੇਸਨਾਯ ਦੇਸਿਤਾਯ ਭਦ੍ਦਿਯਸ੍ਸ ਲਿਚ੍ਛਵਿਸ੍ਸ ਸੋਤਾਪਤ੍ਤਿਫਲਸਙ੍ਖਾਤੋ ਧਮ੍ਮਸਵਨਾਨਿਸਂਸੋ ਅਧਿਗਤੋ. ਅਪਿ ਨੁ ਤਾਹਂ ਭਦ੍ਦਿਯ ਏਵਂ ਅਵਚਂ ‘‘ਏਹਿ ਮੇ ਤ੍ਵਂ ਭਦ੍ਦਿਯ ਸਾਵਕੋ ਹੋਹਿ, ਅਹਂ ਸਤ੍ਥਾ ਭਵਿਸ੍ਸਾਮੀ’’ਤਿ ਏਵਮਾਦਿਨਾ ਚ ਨਂ ਭਨ੍ਤੇ ਭਗਵਾ ਪਟਿਪੁਚ੍ਛਿਤ੍ਵਾ ਅਨੁਯੁਞ੍ਜਿਤ੍ਵਾ ਤਂ ਵਚਨਂ ਵਿਨਿਵੇਠੇਸਿ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਮਲ੍ਲਿਕਾਦੇਵੀਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਸਾਵਤ੍ਥਿਯਂ ਭਨ੍ਤੇ ਮਲ੍ਲਿਕਾਦੇਵਿਂ ਆਰਬ੍ਭ ਭਾਸਿਤਂ. ਮਲ੍ਲਿਕਾ ਭਨ੍ਤੇ ਦੇਵੀ ਭਗਵਨ੍ਤਂ ਏਤਦਵੋਚ ‘‘ਕੋ ਨੁ ਖੋ ਭਨ੍ਤੇ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਮਾਤੁਗਾਮੋ ਦੁਬ੍ਬਣ੍ਣਾ ਚ ਹੋਤਿ ਦੁਰੂਪਾ ਸੁਪਾਪਿਕਾ ਦਸ੍ਸਨਾਯ, ਦਲਿਦ੍ਦਾ ਚ ਹੋਤਿ ਅਪ੍ਪਸ੍ਸਕਾ ਅਪ੍ਪਭੋਗਾ ਅਪ੍ਪੇਸਕ੍ਖਾ ਚ…ਪੇ… ਕੋ ਪਨ ਭਨ੍ਤੇ ਹੇਤੁ ਕੋ ਪਚ੍ਚਯੋ, ਯੇਨ ਮਿਧੇਕਚ੍ਚੋ ਮਾਤੁਗਾਮੋ ਅਭਿਰੂਪਾ ਚ ਹੋਤਿ ਦਸ੍ਸਨੀਯਾ ਪਾਸਾਦਿਕਾ ਪਰਮਾਯ ਵਣ੍ਣਪੋਕ੍ਖਰਤਾਯ ਸਮਨ੍ਨਾਗਤਾ, ਅਡ੍ਢਾ ਚ ਹੋਤਿ ਮਹਦ੍ਧਨਾ ਮਹਾਭੋਗਾ ਮਹੇਸਕ੍ਖਾ ਚਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਇਧ ਮਲ੍ਲਿਕੇ ਮਾਤੁਗਾਮੋ ਕੋਧਨਾ ਹੋਤਿ ਉਪਾਯਾਸਬਹੁਲਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਚਤੁਕ੍ਕਨਿਪਾਤੇ ਸਪ੍ਪੁਰਿਸਵਗ੍ਗੇ ਚਤੁਤ੍ਥਂ ਦਸਕਮ੍ਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਪ੍ਪੁਰਿਸਵਗ੍ਗੇ ¶ ਭਨ੍ਤੇ ਚਤੁਤ੍ਥਂ ਦਸਕਮ੍ਮਸੁਤ੍ਤਂ ‘‘ਅਸਪ੍ਪੁਰਿਸਞ੍ਚ ਵੋ ਭਿਕ੍ਖਵੇ ਦੇਸੇਸ੍ਸਾਮਿ ਅਸਪ੍ਪੁਰਿਸੇਨ ਅਸਪ੍ਪੁਰਿਸਤਰਞ੍ਚ ਸਪ੍ਪੁਰਿਸਞ੍ਚ ਸਪ੍ਪੁਰਿਸੇਨ ਸਪ੍ਪੁਰਿਸਤਰਞ੍ਚ, ਤਂ ਸੁਣਾਥ ਸਾਧੁਕਂ ਮਨਸਿ ਕਰੋਥਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਪਰਿਸਾਵਗ੍ਗੇ ਪਠਮਂ ਪਰਿਸਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਪਰਿਸਾਵਗ੍ਗੇ ਭਨ੍ਤੇ ਪਠਮਂ ਪਰਿਸਾਸੁਤ੍ਤਂ ‘‘ਚਤ੍ਤਾਰੋਮੇ ਭਿਕ੍ਖਵੇ ਪਰਿਸਦੂਸਨਾ. ਕਤਮੇ ਚਤ੍ਤਾਰੋ, ਭਿਕ੍ਖੁ ਭਿਕ੍ਖਵੇ ਦੁਸ੍ਸੀਲੋ ਪਾਪਧਮ੍ਮੋ ਪਰਿਸਦੂਸਨੋ, ਭਿਕ੍ਖੁਨੀ ਭਿਕ੍ਖਵੇ ਦੁਸ੍ਸੀਲਾ ਪਾਪਧਮ੍ਮਾ ਪਰਿਸਦੂਸਨਾ, ਉਪਾਸਕੋ ਭਿਕ੍ਖਵੇ ਦੁਸ੍ਸੀਲੋ ਪਾਪਧਮ੍ਮੋ ਪਰਿਸਦੂਸਨੋ, ਉਪਾਸਿਕਾ ਭਿਕ੍ਖਵੇ ਦੁਸ੍ਸੀਲਾ ਪਾਪਧਮ੍ਮਾ ਪਰਿਸਦੂਸਨਾ. ਇਮੇ ਖੋ ਭਿਕ੍ਖਵੇ ਚਤ੍ਤਾਰੋ ਪਰਿਸਦੂਸਨਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਪਞ੍ਚਕਨਿਪਾਤੇ ¶ ਪਨ ਆਵੁਸੋ ਪਠਮੇ ਸੇਖਬਲਵਗ੍ਗੇ ਪਠਮਂ ਸਂਖਿਤ੍ਤਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਸਾਵਤ੍ਥਿਯਂ ਭਨ੍ਤੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ‘‘ਪਞ੍ਚਿਮਾਨਿ ਭਿਕ੍ਖਵੇ ਸੇਖਬਲਾਨਿ. ਕਤਮਾਨਿ ਪਞ੍ਚ, ਸਦ੍ਧਾਬਲਂ ਹਿਰੀਬਲਂ ਓਤ੍ਤਪ੍ਪਬਲਂ ਵੀਰਿਯਬਲਂ ਪਞ੍ਞਾਬਲਂ. ਇਮਾਨਿ ਖੋ ਭਿਕ੍ਖਵੇ ਪਞ੍ਚ ਸੇਖਬਲਾਨੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਤਤਿਯਂ ਦੁਕ੍ਖਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤਿਯਂ ਭਨ੍ਤੇ ਦੁਕ੍ਖਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਭਿਕ੍ਖੁ ਦਿਟ੍ਠੇਵ ਧਮ੍ਮੇ ਦੁਕ੍ਖਂ ਵਿਹਰਤਿ ਸਵਿਘਾਤਂ ਸਉਪਾਯਾਸਂ ਸਪਰਿਲ਼ਾਹਂ ਕਾਯਸ੍ਸ ਚ ਭੇਦਾ ਪਰਂ ਮਰਣਾ ਦੁਗ੍ਗਤਿ ਪਾਟਿਕਙ੍ਖਾ. ਕਤਮੇਹਿ ਪਞ੍ਚਹਿ, ਇਧ ਭਿਕ੍ਖਵੇ ਭਿਕ੍ਖੁ ਅਸਦ੍ਧੋ ਹੋਤਿ ਅਹਿਰਿਕੋ ਹੋਤਿ, ਅਨੋਤ੍ਤਪ੍ਪੀ ਹੋਤਿ, ਕੁਸੀਤੋ ਹੋਤਿ, ਦੁਪ੍ਪਞ੍ਞੋ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਸਮਾਪਤ੍ਤਿਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਛਟ੍ਠਂ ਭਨ੍ਤੇ ਸਮਾਪਤ੍ਤਿਸੁਤ੍ਤਂ ‘‘ਨ ਤਾਵ ਭਿਕ੍ਖਵੇ ਅਕੁਸਲਸ੍ਸ ਸਮਾਪਤ੍ਤਿ ਹੋਤਿ, ਯਾਵ ਸਦ੍ਧਾ ਪਚ੍ਚੁਪਟ੍ਠਿਤਾ ਹੋਤਿ ਕੁਸਲੇਸੁ ਧਮ੍ਮੇਸੁ. ਯਤੋ ਚ ਖੋ ਭਿਕ੍ਖਵੇ ਸਦ੍ਧਾ ਅਨ੍ਤਰਹਿਤਾ ਹੋਤਿ ਅਸਦ੍ਧਿਯਂ ਪਰਿਯੁਟ੍ਠਾਯ ਤਿਟ੍ਠਤਿ, ਅਥ ਅਕੁਸਲਸ੍ਸ ਸਮਾਪਤ੍ਤਿ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਕਾਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਕਾਮਸੁਤ੍ਤਂ ‘‘ਯੇਭੁਯ੍ਯੇਨ ਭਿਕ੍ਖਵੇ ਸਤ੍ਤਾ ਕਾਮੇਸੁ ਲਲ਼ਿਤਾ. ਅਸਿਤਬ੍ਯਾਭਙ੍ਗਿਂ ਭਿਕ੍ਖਵੇ ਕੁਲਪੁਤ੍ਤੋ ਓਹਾਯ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੋ ਹੋਤਿ, ਸਦ੍ਧਾਪਬ੍ਬਜਿਤੋ ਕੁਲਪੁਤ੍ਤੋਤਿ ਅਲਂ ਵਚਨਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਪਞ੍ਚਕਨਿਪਾਤੇ ਪਞ੍ਚਙ੍ਗਿਕਵਗ੍ਗੇ ਛਟ੍ਠਂ ਵਿਮੁਤ੍ਤਾਯਤਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਪਞ੍ਚਙ੍ਗਿਕਵਗ੍ਗੇ ਭਨ੍ਤੇ ਛਟ੍ਠਂ ਵਿਮੁਤ੍ਤਾਯਤਨਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਵਿਮੁਤ੍ਤਾਯਤਨਾਨਿ, ਯਤ੍ਥ ਭਿਕ੍ਖੁਨੋ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ ਵਿਹਰਤੋ ਅਵਿਮੁਤ੍ਤਂ ਵਾ ਚਿਤ੍ਤਂ ਵਿਮੁਚ੍ਚਤਿ, ਅਪਰਿਕ੍ਖੀਣਾ ਵਾ ਆਸਵਾ ਪਰਿਕ੍ਖਯਂ ਗਚ੍ਛਨ੍ਤਿ, ਅਨਨੁਪ੍ਪਤ੍ਤਂ ਵਾ ਅਨੁਤ੍ਤਰਂ ਯੋਗਕ੍ਖੇਮਂ ਅਨੁਪਾਪੁਣਾਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਚਙ੍ਕਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਨਵਮਂ ਭਨ੍ਤੇ ਚਙ੍ਕਮਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਚਙ੍ਕਮੇ ਆਨਿਸਂਸਾ. ਕਤਮੇ ਪਞ੍ਚ, ਅਦ੍ਧਾਨਕ੍ਖਮੋ ਹੋਤਿ, ਪਧਾਨਕ੍ਖਮੋ ਹੋਤਿ, ਅਪ੍ਪਾਬਾਧੋ ¶ ਹੋਤਿ, ਅਸਿਤਂ ਪੀਤਂ ਖਾਯਿਤਂ ਸਾਯਿਤਂ ਸਮ੍ਮਾ ਪਰਿਣਾਮਂ ਗਚ੍ਛਤਿ, ਚਙ੍ਕਮਾਧਿਗਤੋ ਸਮਾਧਿ ਚਿਰਟ੍ਠਿਤਿਕੋ ਹੋਤਿ. ਇਮੇ ਖੋ ਭਿਕ੍ਖਵੇ ਪਞ੍ਚ ਚਙ੍ਕਮੇ ਆਨਿਸਂਸਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਸੁਮਨਵਗ੍ਗੇ ¶ ਪਨ ਆਵੁਸੋ ਪਠਮਂ ਸੁਮਨਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਸਾਵਤ੍ਥਿਯਂ ਭਨ੍ਤੇ ਸੁਮਨਂ ਰਾਜਕੁਮਾਰਿਂ ਆਰਬ੍ਭ ਭਾਸਿਤਂ. ਸੁਮਨਾ ਭਨ੍ਤੇ ਰਾਜਕੁਮਾਰੀ ਭਗਵਨ੍ਤਂ ਏਤਦਵੋਚ ‘‘ਇਧਸ੍ਸੁ ਭਨ੍ਤੇ ਭਗਵਤੋ ਦ੍ਵੇ ਸਾਵਕਾ ਸਮਸਦ੍ਧਾ ਸਮਸੀਲਾ ਸਮਪਞ੍ਞਾ ਏਕੋ ਦਾਯਕੋ ਏਕੋ ਅਦਾਯਕੋ. ਤੇ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜੇਯ੍ਯੁਂ. ਦੇਵਭੂਤਾਨਂ ਪਨ ਨੇਸਂ ਭਨ੍ਤੇ ਸਿਯਾ ਵਿਸੇਸੋ ਸਿਯਾ ਨਾਨਾਕਰਣ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਯੋ ਸੋ ਸੁਮਨੇ ਦਾਯਕੋ, ਸੋ ਅਮ੍ਹਂ ਅਦਾਯਕਂ ਦੇਵਭੂਤੋ ਸਮਾਨੋ ਪਞ੍ਚਹਿ ਠਾਨੇਹਿ ਅਧਿਗਣ੍ਹਾਤਿ, ਦਿਬ੍ਬੇਨ ਆਯੁਨਾ ਦਿਬ੍ਬੇਨ ਵਣ੍ਣੇਨ ਦਿਬ੍ਬੇਨ ਸੁਖੇਨ ਦਿਬ੍ਬੇਨ ਯਸੇਨ ਦਿਬ੍ਬੇਨ ਆਧਿਪਤੇਯ੍ਯੇਨ. ਯੋ ਸੋ ਸੁਮਨੇ ਦਾਯਕੋ, ਸੋ ਅਮ੍ਹਂ ਅਦਾਯਕਂ ਦੇਵਭੂਤੋ ਸਮਾਨੋ ਇਮੇਹਿ ਪਞ੍ਚਹਿ ਠਾਨੇਹਿ ਅਧਿਗਣ੍ਹਾਤੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

‘‘ਯਥਾਪਿ ¶ ਚਨ੍ਦੋ ਵਿਮਲੋ, ਗਚ੍ਛਂ ਆਕਾਸਧਾਤੁਯਾ;

ਸਬ੍ਬੇ ਤਾਰਾਗਣੇ ਲੋਕੇ, ਆਭਾਯ ਅਤਿਰੋਚਤਿ;

ਤਥੇਵ ਸੀਲਸਮ੍ਪਨ੍ਨੋ, ਸਦ੍ਧੋ ਪੁਰਿਸਪੁਗ੍ਗਲੋ;

ਸਬ੍ਬੇ ਮਚ੍ਛਰਿਨੋ ਲੋਕੇ, ਚਾਗੇਨ ਅਤਿਰੋਚਤਿ’’–

ਪੁ – ਤਤ੍ਥੇਵ ਆਵੁਸੋ ਤਤਿਯਂ ਉਗ੍ਗਹਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਤਤਿਯਂ ਭਨ੍ਤੇ ਉਗ੍ਗਹਸੁਤ੍ਤਂ ਭਦ੍ਦਿਯੇ ਉਗ੍ਗਹਂ ਮੇਣ੍ਡਕਨਤ੍ਤਾਰਂ ਆਰਬ੍ਭ ਭਾਸਿਤਂ. ਉਗ੍ਗਹੋ ਭਨ੍ਤੇ ਮੇਣ੍ਡਕਨਤ੍ਤਾ ਭਗਵਨ੍ਤਂ ਏਤਦਵੋਚ ‘‘ਇਮਾ ਮੇ ਭਨ੍ਤੇ ਕੁਮਾਰਿਯੋ ਪਤਿਕੁਲਾਨਿ ਗਮਿਸ੍ਸਨ੍ਤਿ, ਓਵਦਤੁ ਤਾਸਂ ਭਨ੍ਤੇ ਭਗਵਾ, ਅਨੁਸਾਸਤੁ ਤਾਸਂ ਭਨ੍ਤੇ ਭਗਵਾ, ਯਂ ਤਾਸਂ ਅਸ੍ਸ ਦੀਘਰਤ੍ਤਂ ਹਿਤਾਯ ਸੁਖਾਯਾ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਤਸ੍ਮਾਤਿਹ ਕੁਮਾਰਿਯੋ ਏਵਂ ਸਿਕ੍ਖਿਤਬ੍ਬਂ’’ ਯਸ੍ਸ ਵੋ ਮਾਤਾਪਿਤਰੋ ਭਤ੍ਤੁਨੋ ਦਸ੍ਸਨ੍ਤਿ ਅਤ੍ਥਕਾਮਾ ਹਿਤੇਸਿਨੋ ਅਨੁਕਮ੍ਪਕਾ ਅਨੁਕਮ੍ਪਂ ਉਪਾਦਾਯ, ਤਸ੍ਸ ਭਵਿਸ੍ਸਾਮ ਪੁਬ੍ਬੁਟ੍ਠਾਯਿਨੋ ¶ ਪਚ੍ਛਾਨਿਪਾਤਿਨਿਯੋ ਕਿਂ ਕਾਰਪਟਿਸ੍ਸਾਵਿਨਿਯੋ ਮਨਾਪਚਾਰਿਨਿਯੋ ਪਿਯਵਾਦਿਨਿਯੋ’ਤਿ. ਏਵਞ੍ਹਿ ਵੋ ਕੁਮਾਰਿਯੋ ਸਿਕ੍ਖਿਤਬ੍ਬ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਸੁਮਨਵਗ੍ਗੇ ਚਤੁਤ੍ਥਂ ਸੀਹਸੇਨਾਪਤਿਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਵੇਸਾਲਿਯਂ ਭਨ੍ਤੇ ਸੀਹਂ ਸੇਨਾਪਤਿਂ ਆਰਬ੍ਭ ਭਾਸਿਤਂ. ਸੀਹੋ ਭਨ੍ਤੇ ਸੇਨਾਪਤਿ ਭਗਵਨ੍ਤਂ ਏਤਦਵੋਚ ‘‘ਸਕ੍ਕਾ ਨੁ ਖੋ ਭਨ੍ਤੇ ਸਨ੍ਦਿਟ੍ਠਿਕਂ ਦਾਨਫਲਂ ਪਞ੍ਞਾਪੇਤੁ’’ਨ੍ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਸਕ੍ਕਾ ਸੀਹ, ਦਾਯਕੋ ਸੀਹ ਦਾਨਪਤਿ ਬਹੁਨੋ ਜਨਸ੍ਸ ਪਿਯੋ ਹੋਤਿ ਮਨਾਪੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਕਾਲਦਾਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਛਟ੍ਠਂ ¶ ਭਨ੍ਤੇ ਕਾਲਦਾਨਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਕਾਲਦਾਨਾਨਿ. ਕਤਮਾਨਿ ਪਞ੍ਚ, ਆਗਨ੍ਤੁਕਸ੍ਸ ਦਾਨਂ ਦੇਤਿ, ਗਮਿਕਸ੍ਸ ਦਾਨਂ ਦੇਤਿ, ਗਿਲਾਨਸ੍ਸ ਦਾਨਂ ਦੇਤਿ, ਦੁਬ੍ਭਿਕ੍ਖੇ ਦਾਨਂ ਦੇਤਿ, ਯਾਨਿ ਤਾਨਿ ਨਵਸਸ੍ਸਾਨਿ ਨਵਫਲਾਨਿ, ਤਾਨਿ ਪਠਮਂ ਸੀਲਵਨ੍ਤੇਸੁ ਪਤਿਟ੍ਠਾਪੇਤਿ. ਇਮਾਨਿ ਖੋ ਭਿਕ੍ਖਵੇ ਪਞ੍ਚ ਕਾਲਦਾਨਾਨੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਭੋਜਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਭੋਜਨਸੁਤ੍ਤਂ ‘‘ਭੋਜਨਂ ਭਿਕ੍ਖਵੇ ਦਦਮਾਨੋ ਦਾਯਕੋ ਪਟਿਗ੍ਗਾਹਕਾਨਂ ਪਞ੍ਚ ਠਾਨਾਨਿ ਦੇਤਿ. ਕਤਮਾਨਿ ਪਞ੍ਚ, ਆਯੁਂ ਦੇਤਿ, ਵਣ੍ਣਂ ਦੇਤਿ, ਸੁਖਂ ਦੇਤਿ, ਬਲਂ ਦੇਤਿ, ਪਟਿਭਾਨਂ ਦੇਤਿ. ਆਯੁਂ ਖੋ ਪਨ ਦਤ੍ਵਾ ਆਯੁਸ੍ਸ ਭਾਗੀ ਹੋਤਿ ਦਿਬ੍ਬਸ੍ਸ ਵਾ ਮਾਨੁਸਸ੍ਸ ਵਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਪੁਤ੍ਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਨਵਮਂ ਭਨ੍ਤੇ ਪੁਤ੍ਤਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਠਾਨਾਨਿ ਸਮ੍ਪਸ੍ਸਨ੍ਤੋ ਮਾਭਾਪਿਤਰੋ ਪੁਤ੍ਤਂ ਇਚ੍ਛਨ੍ਤਿ ਕੁਲੇ ਜਾਯਮਾਨਂ. ਕਤਮਾਨਿ ਪਞ੍ਚ,

ਭਤੋ ¶ ਵਾ ਨੋ ਭਰਿਸ੍ਸਤਿ, ਕਿਚ੍ਚਂ ਵਾ ਨੋ ਕਰਿਸ੍ਸਤਿ, ਕੁਲਵਂਸੋ ਚਿਰਂ ਠਸ੍ਸਤਿ, ਦਾਯਜ੍ਜਂ ਪਟਿਪਜ੍ਜਿਸ੍ਸਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਮੁਣ੍ਡਰਾਜਵਗ੍ਗੇ ¶ ਪਨਾਵੁਸੋ ਦਸਮਂ ਨਾਰਦਸੁਤ੍ਤਂ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕੇਨ ਕਥਞ੍ਚ ਭਾਸਿਤਂ.

ਵਿ – ਪਾਟਲਿਪੁਤ੍ਤੇ ਭਨ੍ਤੇ ਮੁਣ੍ਡਂ ਰਾਜਾਨਂ ਆਰਬ੍ਭ ਭਾਸਿਤਂ. ਮੁਣ੍ਡਸ੍ਸ ਭਨ੍ਤੇ ਰਞ੍ਞੋ ਭਦ੍ਦਾ ਦੇਵੀ ਕਾਲਙ੍ਕਤਾ ਹੋਤਿ ਪਿਯਾ ਮਨਾਪਾ. ਸੋ ਭਦ੍ਦਾਯ ਦੇਵਿਯਾ ਕਾਲਙ੍ਕਤਾਯ ਪਿਯਾਯ ਮਨਾਪਾਯ ਨੇਵ ਨ੍ਹਾਯਤਿ ਨ ਵਿਲਿਮ੍ਪਤਿ ਨ ਭਤ੍ਤਂ ਭੁਞ੍ਜਤਿ, ਨ ਕਮ੍ਮਨ੍ਤਂ ਪਯੋਜੇਤਿ, ਰਤ੍ਤਿਨ੍ਦਿਵਂ ਭਦ੍ਦਾਯ ਦੇਵਿਯਾ ਸਰੀਰੇ ਅਜ੍ਝੋਮੁਚ੍ਛਿਤੋ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਪਞ੍ਚਿਮਾਨਿ ਮਹਾਰਾਜ ਅਲਬ੍ਭਨੀਯਾਨਿ ਠਾਨਾਨਿ ਸਮਣੇਨ ਵਾ ਬ੍ਰਾਹ੍ਮਣੇਨ ਵਾ ਦੇਵੇਨ ਵਾ ਮਾਰੇਨ ਵਾ ਬ੍ਰਹ੍ਮੁਨਾ ਵਾ ਕੇਨਚਿ ਵਾ ਲੋਕਸ੍ਮਿ’’ਨ੍ਤਿ ਏਵਮਾਦਿਨਾ ਭਨ੍ਤੇ ਆਯਸ੍ਮਤਾ ਨਾਰਦਤ੍ਥੇਰੇਨ ਰਞ੍ਞੋ ਪਸੇਨਦਿਸ੍ਸ ਕੋਸਲਸ੍ਸ ਭਗਵਤਾ ਦੇਸਿਤਨਿਯਾਮੇਨ ਦੇਸਿਤਂ.

ਕੋ ¶ ਨਾਮੋ ਅਯਂ ਭਨ੍ਤੇ ਧਮ੍ਮਪਰਿਯਾਯੋ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਨੀਵਰਣਵਗ੍ਗੇ ਚਤੁਤ੍ਥਂ ਸਮਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਨੀਵਰਣਵਗ੍ਗੇ ਭਨ੍ਤੇ ਚਤੁਤ੍ਥਂ ਸਮਯਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਅਸਮਯਾ ਪਧਾਨਾਯ. ਕਤਮੇ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੁ ਜਿਣ੍ਣੋ ਹੋਤਿ ਜਰਾਯਾਭਿਭੂਤੋ. ਅਯਂ ਭਿਕ੍ਖਵੇ ਪਠਮੋ ਅਸਮਯੋ ਪਧਾਨਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਠਾਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਤ੍ਤਮਂ ਭਨ੍ਤੇ ਠਾਨਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਠਾਨਾਨਿ ਅਭਿਣ੍ਹਂ ਪਚ੍ਚਵੇਕ੍ਖਿਤਬ੍ਬਾਨਿ ਇਤ੍ਥਿਯਾ ਵਾ ਪੁਰਿਸੇਨ ਵਾ ਗਹਟ੍ਠੇਨ ਵਾ ਪਬ੍ਬਜਿਤੇਨ ਵਾ. ਕਤਮਾਨਿ ਪਞ੍ਚ, ਜਰਾਧਮ੍ਮੋਮ੍ਹਿ ਜਰਂ ਅਨਤੀਤੋਤਿ ਅਭਿਣ੍ਹਂ ਪਚ੍ਚਵੇਕ੍ਖਿਤਬ੍ਬਂ ਇਤ੍ਥਿਯਾ ਵਾ ਪੁਰਿਸੇਨ ਵਾ ਗਹਟ੍ਠੇਨ ਵਾ ਪਬ੍ਬਜਿਤੇਨ ਵਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਯੋਧਾਜੀਵਵਗ੍ਗੇ ¶ ਪਨਾਵੁਸੋ ਤਤਿਯਂ ਧਮ੍ਮਵਿਹਾਰਿਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਯੋਧਾਜੀਵਵਗ੍ਗੇ ਭਨ੍ਤੇ ਤਤਿਯਂ ਧਮ੍ਮਵਿਹਾਰਿਸੁਤ੍ਤਂ ‘‘ਇਧ ਭਿਕ੍ਖੁ ਭਿਕ੍ਖੁ ਧਮ੍ਮਂ ਪਰਿਯਾਪੁਣਾਤਿ ਸੁਤ੍ਤਂ ਗੇਯ੍ਯਂ ਵੇਯ੍ਯਾਕਰਣਂ ਗਾਥਂ ਉਦਾਨਂ ਦੁਤਿਵੁਤ੍ਤਕਂ ਜਾਤਕਂ ਅਬ੍ਭੁਤਧਮ੍ਮਂ ਵੇਦਲ੍ਲਂ, ਸੋ ਤਾਯ ਧਮ੍ਮਪਰਿਯਤ੍ਤਿਯਾ ਦਿਵਸਂ ਅਤਿਨਾਮੇਤਿ, ਰਿਞ੍ਚਤਿ ਪਟਿਸਲ੍ਲਾਨਂ, ਨਾਨੁਯੁਞ੍ਜਤਿ ਅਜ੍ਝਤ੍ਤਂ ਚੇਤੋਸਮਥਂ. ਅਯਂ ਵੁਚ੍ਚਤਿ ਭਿਕ੍ਖੁ ਭਿਕ੍ਖੁ ਪਰਿਯਤ੍ਤਿਬਹੁਲੋ ਨੋ ਧਮ੍ਮਵਿਹਾਰੀ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਧਮ੍ਮਵਿਹਾਰੀ ਧਮ੍ਮਵਿਹਾਰੀਤਿ ਭਨ੍ਤੇ ਵੁਚ੍ਚਤਿ, ਕਿਤ੍ਤਾਵਤਾ ਨੁ ਖੋ ਭਨ੍ਤੇ ਭਿਕ੍ਖੁ ਧਮ੍ਮਵਿਹਾਰੀ ਹੋਤਿ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਯੋਧਾਜੀਵਵਗ੍ਗੇ ਅਟ੍ਠਮਂ ਦੁਤਿਯਅਨਾਗਤਭਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਯੋਧਾਜੀਵਵਗ੍ਗੇ ਭਨ੍ਤੇ ਅਟ੍ਠਮਂ ਦੁਤਿਯਅਨਾਗਤਭਯਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਅਨਾਗਤਭਯਾਨਿ ਸਮ੍ਪਸ੍ਸਮਾਨੇਨ ਅਲਮੇਵ ਭਿਕ੍ਖੁਨਾ ਅਪ੍ਪਮਤ੍ਤੇਨ ਆਤਾਪਿਨਾ ਪਹਿਤਤ੍ਤੇਨ ਵਿਹਰਿਤੁਂ ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਨਧਿਗਤਸ੍ਸ ਅਧਿਗਮਾਯ ਅਸਚ੍ਛਿਕਤਸ੍ਸ ਸਚ੍ਛਿਕਿਰਿਯਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਤਤਿਯਅਨਾਗਤਭਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਨਵਮਂ ਕਤਿਯਅਨਾਗਤਭਯਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਅਨਾਗਤਭਯਾਨਿ ਏਤਰਹਿ ਅਸਮੁਪ੍ਪਨ੍ਨਾਨਿ ਆਯਤਿਂ ਸਮੁਪ੍ਪਜ੍ਜਿਸ੍ਸਨ੍ਤਿ, ਤਾਨਿ ਵੋ ਪਟਿਬੁਜ੍ਝਿਤਬ੍ਬਾਨਿ, ਪਟਿਬੁਜ੍ਝਿਤ੍ਵਾ ਚ ਤੇਸਂ ਪਹਾਨਾਯ ਵਾਯਮਿਤਬ੍ਬਂ. ਕਤਮਾਨਿ ਪਞ੍ਚ, ਭਵਿਸ੍ਸਨ੍ਤਿ ਭਿਕ੍ਖਵੇ ਭਿਕ੍ਖੂ ਅਨਾਗਤਮਦ੍ਧਾਨਂ ਅਭਾਵਿਤਕਾਯਾ ਅਭਾਵਿਤਸੀਲਾ ਅਭਾਵਿਤਚਿਤ੍ਤਾ ਅਭਾਵਿਤਪਞ੍ਞਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਯੋਧਾਜੀਵਵਗ੍ਗੇ ਦਸਮਂ ਚਤੁਤ੍ਥਅਨਾਗਤਭਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਯੋਧਾਜੀਵਵਗ੍ਗੇ ਭਨ੍ਤੇ ਦਸਮਂ ਚਤੁਤ੍ਥਅਨਾਗਤਭਯਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਅਨਾਗਤਭਯਾਨਿ ਏਤਰਹਿ ਅਸਮੁਪ੍ਪਨ੍ਨਾਨਿ ਆਯਤਿਂ ਸਮੁਪ੍ਪਜ੍ਜਿਸ੍ਸਨ੍ਤਿ, ਤਾਨਿ ਵੋ ਪਟਿਬੁਜ੍ਝਿਤਬ੍ਬਾਨਿ, ਪਟਿਬੁਜ੍ਝਿਤ੍ਵਾ ਚ ਤੇਸਂ ਪਹਾਨਾਯ ਵਾਯਮਿਤਬ੍ਬ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਕਕੁਧਵਗ੍ਗੇ ¶ ਆਵੁਸੋ ਨਵਮਂ ਸੀਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਕਕੁਧਵਗ੍ਗੇ ਭਨ੍ਤੇ ਨਵਮਂ ਸੀਹਸੁਤ੍ਤਂ ‘‘ਸੀਹੋ ਭਿਕ੍ਖਵੇ ਮਿਗਰਾਜਾ ਸਾਯਨ੍ਹਸਮਯਂ ਆਸਯਾ ਨਿਕ੍ਖਮਤਿ, ਆਸਯਾ ਨਿਕ੍ਖਮਿਤ੍ਵਾ ਵਿਜਮ੍ਭਤਿ, ਵਿਜਮ੍ਭਿਤ੍ਵਾ ਸਮਨ੍ਤਾ ਚਤੁਦ੍ਦਿਸਂ ਅਨੁਵਿਲੋਕੇਤਿ, ਸਮਨ੍ਤਾ ਚਤੁਦ੍ਦਿਸਂ ਅਨੁਵਿਲੋਕੇਤ੍ਵਾ ਤਿਕ੍ਖਤ੍ਤੁਂ ਸੀਹਨਾਦਂ ਨਦਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਨ੍ਧਕਵਿਨ੍ਦਵਗ੍ਗੇ ¶ ਪਨ ਆਵੁਸੋ ‘‘ਪਠਮਂ ਕੁਲੂਪਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਅਨ੍ਧਕਵਿਨ੍ਦਵਗ੍ਗੇ ਭਨ੍ਤੇ ਪਠਮਂ ਕੁਲੂਪਕਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਕੁਲੂਪਕੋ ਭਿਕ੍ਖੁ ਕੁਲੇਸੁ ਅਪ੍ਪਿਯੋ ਚ ਹੋਤਿ ਅਮਨਾਪੋ ਚ ਅਗਰੁ ਚ ਅਭਾਵਨੀਯੋ ਚਾ’’ਤਿ ਏਵਮਾਦਿਨਾ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਅਨ੍ਧਕਵਿਨ੍ਦਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਮਗਧੇਸੁ ਭਨ੍ਤੇ ਅਨ੍ਧਕਵਿਨ੍ਦੇ ਆਯਸ੍ਮਨ੍ਤਂ ਆਨਨ੍ਦਂ ਆਰਬ੍ਭ ‘‘ਯੇ ਤੇ ਆਨਨ੍ਦ ਭਿਕ੍ਖੂ ਨਵਾ ਅਚਿਰਪਬ੍ਬਜਿਤਾ ਅਧੁਨਾਗਤਾ ਇਮਂ ਧਮ੍ਮਵਿਨਯਂ, ਤੇ ਵੋ ਆਨਨ੍ਦ ਭਿਕ੍ਖੂ ਪਞ੍ਚਸੁ ਧਮ੍ਮੇਸੁ ਸਮਾਦਪੇਤਬ੍ਬਾ ਨਿਵੇਸੇਤਬ੍ਬਾ ਪਤਿਟ੍ਠਾਪੇਤਬ੍ਬਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਗਿਲਾਨਵਗ੍ਗੇ ਦੁਤਿਯਂ ਸਤਿਸੂਪਟ੍ਠਿਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਗਿਲਾਨਵਗ੍ਗੇ ਭਨ੍ਤੇ ਦੁਤਿਯਂ ਸਤਿਸੂਪਟ੍ਠਿਤਸੁਤ੍ਤਂ ‘‘ਯੋ ਹਿ ਕੋਚਿ ਭਿਕ੍ਖਵੇ ਭਿਕ੍ਖੁ ਵਾ ਭਿਕ੍ਖੁਨੀ ਵਾ ਪਞ੍ਚ ਧਮ੍ਮੇ ਭਾਵੇਤਿ, ਪਞ੍ਚ ਧਮ੍ਮੇ ਬਹੁਲੀਕਰੋਤਿ, ਤਸ੍ਸ ਦ੍ਵਿਨ੍ਨਂ ਫਲਾਨਂ ਅਞ੍ਞਤਰਂ ਫਲਂ ਪਾਟਿਕਙ੍ਖਂ ‘ਦਿਟ੍ਠੇਵ ਧਮ੍ਮੇ ਅਞ੍ਞਾ, ਸਤਿ ਵਾ ਉਪਾਦਿਸੇਸੇ ਅਨਾਗਾਮਿਤਾ’. ਕਤਮੇ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੁਨੋ ਅਜ੍ਝਤ੍ਤਞ੍ਞੇਵ ਸਤਿਸੂਪਟ੍ਠਿਤਾ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਤਤਿਯਂ ਉਪਟ੍ਠਾਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤਿਯਂ ¶ ਭਨ੍ਤੇ ਉਪਟ੍ਠਾਕਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਗਿਲਾਨੋ ਦੂਪਟ੍ਠਾਕੋ ਹੋਤਿ. ਕਤਮੇਹਿ ਪਞ੍ਚਹਿ, ਅਸਪ੍ਪਾਯਕਾਰੀ ਹੋਤਿ, ਸਪ੍ਪਾਯੇ ਮਤ੍ਤਂ ਨ ਜਾਨਾਤਿ, ਭੇਸਜ੍ਜਂ ਨਪ੍ਪਟਿਸੇਵਿਤਾ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਪਞ੍ਚਮਂ ਅਨਾਯੁਸ੍ਸਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਪਞ੍ਚਮਂ ਭਨ੍ਤੇ ਅਨਾਯੁਸ੍ਸਾਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਧਮ੍ਮਾ ਅਨਾਯੁਸ੍ਸਾ. ਕਤਮੇ ਪਞ੍ਚ, ਅਸਪ੍ਪਾਯਕਾਰੀ ਹੋਤਿ, ਸਪ੍ਪਾਯੇ ਮਤ੍ਤਂ ਨ ਜਾਨਾਤਿ, ਅਪਰਿਣਤਭੋਜੀ ਚ ਹੋਤਿ, ਅਕਾਲਚਾਰੀ ਚ ਹੋਤਿ, ਅਬ੍ਰਹ੍ਮਚਾਰੀ ਚ. ਇਮੇ ਖੋ ਭਿਕ੍ਖਵੇ ਪਞ੍ਚ ਧਮ੍ਮਾ ਅਨਾਯੁਸ੍ਸਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਸਮਣਸੁਖਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਅਟ੍ਠਮਂ ਭਨ੍ਤੇ ਸਮਣਸੁਖਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਸਮਣਦੁਕ੍ਖਾਨਿ. ਕਤਮਾਨਿ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੁ ਅਸਨ੍ਤੁਟ੍ਠੋ ਹੋਤਿ ਇਤਰੀਤਰੇਨ ਚੀਵਰੇਨ, ਅਸਨ੍ਤੁਟ੍ਠੋ ਹੋਤਿ ਇਤਰੀਤਰੇਨ ਪਿਣ੍ਡਪਾਤੇਨ, ਅਸਨ੍ਤੁਟ੍ਠੋ ਹੋਤਿ ਇਤਰੀਤਰੇਨ ਸੇਨਾਸਨੇਨ, ਅਸਨ੍ਤੁਟ੍ਠੋ ਹੋਤਿ ਇਤਰੀਤਰੇਨ ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੇਨ, ਅਨਭਿਰਤੋ ਚ ਬ੍ਰਹ੍ਮਚਰਿਯਂ ਚਰਤਿ. ਇਮਾਨਿ ਖੋ ਭਿਕ੍ਖਵੇ ਪਞ੍ਚ ਸਮਣਦੁਕ੍ਖਾਨੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਦਸਮਂ ਬ੍ਯਸਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਦਸਮਂ ਭਨ੍ਤੇ ਬ੍ਯਸਨਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਬ੍ਯਸਨਾਨਿ. ਕਤਮਾਨਿ ਪਞ੍ਚ, ਞਾਤਿਬ੍ਯਸਨਂ ਭੋਗਬ੍ਯਸਨਂ ਰੋਗਬ੍ਯਸਨਂ ਸੀਲਬ੍ਯਸਨਂ ਦਿਟ੍ਠਿਬ੍ਯਸਨ’’ਨ੍ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਰਾਜਵਗ੍ਗੇ ¶ ਪਨ ਆਵੁਸੋ ਛਟ੍ਠਂ ਪਤ੍ਥਨਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਰਾਜਵਗ੍ਗੇ ਭਨ੍ਤੇ ਛਟ੍ਠਂ ਪਤ੍ਥਨਾਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਅਙ੍ਗੇਹਿ ਸਮਨ੍ਨਾਗਤੋ ਰਞ੍ਞੋ ਖਤ੍ਤਿਯਸ੍ਸ ਮੁਦ੍ਧਾਵਸਿਤ੍ਤਸ੍ਸ ਜੇਟ੍ਠੋ ਪੁਤ੍ਤੋ ਓਪਰਜ੍ਜਂ ਪਤ੍ਥੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਿਕਣ੍ਡਕੀਵਗ੍ਗੇ ¶ ਆਵੁਸੋ ਅਟ੍ਠਮਂ ਸਪ੍ਪੁਰਿਸਦਾਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਿਕਣ੍ਡਕੀਵਗ੍ਗੇ ਭਨ੍ਤੇ ਅਟ੍ਠਮਂ ਸਪ੍ਪੁਰਿਸਦਾਨਸੁਤ੍ਤਂ ‘‘ਪਞ੍ਚਿਮਾਨਿ ਭਿਕ੍ਖਵੇ ਸਪ੍ਪੁਰਿਸਦਾਨਾਨਿ. ਕਤਮਾਨਿ ਪਞ੍ਚ, ਸਦ੍ਧਾਯ ਦਾਨਂ ਦੇਤਿ, ਸਕ੍ਕਚ੍ਚਂ ਦਾਨਂ ਦੇਤਿ, ਕਾਲੇਨ ਦਾਨਂ ਦੇਤਿ, ਅਨੁਗ੍ਗਹਿਤਚਿਤ੍ਤੋ ਦਾਨਂ ਦੇਤਿ, ਅਤ੍ਤਾਨਞ੍ਚ ਪਰਞ੍ਚ ਅਨੁਪਹਚ੍ਚ ਦਾਨਂ ਦੇਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਸਦ੍ਧਮ੍ਮਵਗ੍ਗੇ ¶ ਪਨ ਆਵੁਸੋ ਪਠਮਂ ਸਮ੍ਮਤ੍ਤਨਿਯਾਮਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਦ੍ਧਮ੍ਮਵਗ੍ਗੇ ਭਨ੍ਤੇ ਪਠਮਂ ਸਮ੍ਮਤ੍ਤਨਿਯਾਮਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਸੁਨਕ੍ਖੋਪਿ ਸਦ੍ਧਮ੍ਮਂ ਅਭਬ੍ਬੋ ਨਿਯਾਮਂ ਓਕ੍ਕਮਿਤੁਂ ਕੁਸਲੇਸੁ ਧਮ੍ਮੇਸੁ ਸਮ੍ਮਤ੍ਤਂ. ਕਤਮੇਹਿ ਪਞ੍ਚਹਿ, ਕਥਂ ਪਰਿਭੋਤਿ, ਕਥਿਕਂ ਪਰਿਭੋਤਿ, ਅਤ੍ਤਾਨਂ ਪਰਿਭੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਚਤੁਤ੍ਥਂ ਪਠਮਸਦ੍ਧਮ੍ਮਸਮ੍ਮੋਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਚਤੁਤ੍ਥਂ ਪਠਮਸਦ੍ਧਮ੍ਮਸਮ੍ਮੋਸਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤਿ. ਕਤਮੇ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੂ ਨ ਸਕ੍ਕਚ੍ਚਂ ਧਮ੍ਮਂ ਸੁਣਨ੍ਤਿ, ਨ ਸਕ੍ਕਚ੍ਚਂ ਧਮ੍ਮਂ ਪਰਿਯਾਪੁਣਨ੍ਤਿ, ਨ ਸਕ੍ਕਚ੍ਚਂ ਧਮ੍ਮਂ ਧਾਰੇਨ੍ਤਿ, ਨ ਸਕ੍ਕਚ੍ਚਂ ਧਾਤਾਨਂ ਧਮ੍ਮਾਨਂ ਅਤ੍ਥਂ ਉਪਪਰਿਕ੍ਖਨ੍ਤਿ, ਨ ਸਕ੍ਕਚ੍ਚਂ ਅਤ੍ਥਮਞ੍ਞਾਯ ਧਮ੍ਮਮਞ੍ਞਾਯ ਧਮ੍ਮਾਨੁਧਮ੍ਮਂ ਪਟਿਪਜ੍ਜਨ੍ਤਿ. ਇਮੇ ਖੋ ਭਿਕ੍ਖਵੇ ਪਞ੍ਚ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਪਞ੍ਚਮਂ ਦੁਤਿਯਸਦ੍ਧਮ੍ਮਸਮ੍ਮੋਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਪਞ੍ਚਮਂ ਦੁਤਿਯਸਦ੍ਧਮ੍ਮਸਮ੍ਮੋਸਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤਿ. ਕਤਮੇ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੂ ਧਮ੍ਮਂ ਨ ਪਰਿਯਾਪੁਣਨ੍ਤਿ ਸੁਤ੍ਤਂ ਗੇਯ੍ਯਂ ਵੇਯ੍ਯਾਕਰਣਂ ਗਾਥਂ ਉਦਾਨਂ ਇਤਿਵੁਤ੍ਤਕਂ ਜਾਤਕਂ ਅਬ੍ਭੁਤਧਮ੍ਮਂ ਵੇਦਲ੍ਲਂ. ਅਯਂ ਭਿਕ੍ਖਵੇ ਪਠਮੋ ਧਮ੍ਮੋ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਤਤਿਯਸਦ੍ਧਮ੍ਮਸਮ੍ਮੋਸਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਛਟ੍ਠਂ ਤਤਿਯਸਦ੍ਧਮ੍ਮਸਮ੍ਮੋਸਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਧਮ੍ਮਾ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਨ੍ਤਿ. ਕਤਮੇ ਪਞ੍ਚ, ਇਧ ਭਿਕ੍ਖਵੇ ਭਿਕ੍ਖੂ ਦੁਗ੍ਗਹਿਤਂ ਸੁਤ੍ਤਨ੍ਤਂ ਪਰਿਯਾਪੁਣਨ੍ਤਿ ਦੁਨ੍ਨਿਕ੍ਖਿਤ੍ਤਹਿ ਪਦਬ੍ਯਞ੍ਜਨੇਹਿ. ਦੁਨ੍ਨਿਕ੍ਖਿਤ੍ਤਸ੍ਸ ਭਿਕ੍ਖਵੇ ਪਦਬ੍ਯਞ੍ਜਨਸ੍ਸ ਅਤ੍ਥੋਪਿ ਦੁਨ੍ਨਯੋ ਹੋਤਿ. ਅਯਂ ਭਿਕ੍ਖਵੇ ਪਠਮੋ ਧਮ੍ਮੋ ਸਦ੍ਧਮ੍ਮਸ੍ਸ ਸਮ੍ਮੋਸਾਯ ਅਨ੍ਤਰਧਾਨਾਯ ਸਂਵਤ੍ਤਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਅਙ੍ਗੁਤ੍ਤਰਨਿਕਾਯੇ ¶ ਆਵੁਸੋ ਪਞ੍ਚਕਨਿਪਾਤੇ ਸਦ੍ਧਮ੍ਮਵਗ੍ਗੇ ਸਤ੍ਤਮਂ ਦੁਕ੍ਕਥਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਸਦ੍ਧਮ੍ਮਵਗ੍ਗੇ ਭਨ੍ਤੇ ਸਤ੍ਤਮਂ ਦੁਕ੍ਕਥਾਸੁਤ੍ਤਂ ‘‘ਪਞ੍ਚਨ੍ਨਂ ਭਿਕ੍ਖਵੇ ਪੁਗ੍ਗਲਾਨਂ ਕਥਾ ਦੁਕ੍ਕਥਾ ਪੁਗ੍ਗਲੇ ਪੁਗ੍ਗਲਂ ਉਪਨਿਧਾਯ. ਕਤਮੇਸਂ ਪਞ੍ਚਨ੍ਨਂ, ਅਸ੍ਸਦ੍ਧਸ੍ਸ ਭਿਕ੍ਖਵੇ ਸਦ੍ਧਾਕਥਾ ਦੁਕ੍ਕਥਾ, ਦੁਸ੍ਸੀਲਸ੍ਸ ਸੀਲਕਥਾ ਦੁਕ੍ਕਥਾ, ਅਪ੍ਪਸ੍ਸੁਤਸ੍ਸ ਬਾਹੁਸਚ੍ਚਕਥਾ ਦੁਕ੍ਕਥਾ, ਮਚ੍ਛਰਿਸ੍ਸ ਚਾਗਕਥਾ ਦੁਕ੍ਕਥਾ, ਦੁਪ੍ਪਞ੍ਞਸ੍ਸ ਪਞ੍ਞਾਕਥਾ ਦੁਕ੍ਕਥਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਉਦਾਯਿਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਕੋਸਮ੍ਬਿਯਂ ਭਨ੍ਤੇ ਆਯਸ੍ਮਨ੍ਤਂ ਉਦਾਯਿਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਉਦਾਯੀ ਮਹਤਿਯਾ ਗੀਹਿਪਰਿਸਾਯ ਪਰਿਵੁਤੋ ¶ ਧਮ੍ਮਂ ਦੇਸੇਨ੍ਤੋ ਨਿਸਿਨ੍ਨੋ ਹੋਤਿ. ਅਦ੍ਦਸਾ ਖੋ ਆਯਸ੍ਮਾ ਆਨਨ੍ਦੋ ਆਯਸ੍ਮਨ੍ਤਂ ਉਦਾਯਿਂ ਮਹਤਿਯਾ ਗਿਹਿਪਰਿਸਾਯ ਪਰਿਵੁਤਂ ਧਮ੍ਮਂ ਦੇਸੇਨ੍ਤਂ ਨਿਸਿਨ੍ਨਂ. ਦਿਸ੍ਵਾ ਯੇਨ ਭਗਵਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਆਨਨ੍ਦੋ ਭਗਵਨ੍ਤਂ ਏਤਦਵੋਚ ‘‘ਆਯਸ੍ਮਾ ਭਨ੍ਤੇ ਉਦਾਯੀ ਮਹਤਿਯਾ ਗਿਹਿਪਰਿਸਾਯ ਪਰਿਵੁਤੋ ਧਮ੍ਮਂ ਦੇਸੇਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਨ ਖੋ ਆਨਨ੍ਦ ਸੁਕਰਂ ਪਰੇਸਂ ਧਮ੍ਮਂ ਦੇਸੇਤੁਂ, ਪਰੇਸਂ ਆਨਨ੍ਦ ਧਮ੍ਮਂ ਦੇਸੇਨ੍ਤੇਨ ਪਞ੍ਚ ਧਮ੍ਮੇ ਅਜ੍ਝਤ੍ਤਂ ਉਪਟ੍ਠਾਪੇਤ੍ਵਾ ਪਰੇਸਂ ਧਮ੍ਮੋ ਦੇਸੇਤਬ੍ਬੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਆਘਾਤਵਗ੍ਗੇ ¶ ਪਨ ਆਵੁਸੋ ਪਠਮਂ ਆਘਾਤਪਟਿਵਿਨਯਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਆਘਾਤਵਗ੍ਗੇ ਭਨ੍ਤੇ ਪਠਮਂ ਆਘਾਤਪਟਿਵਿਨਯਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਘਾਤਪਟਿਵਿਨਯਾ, ਯਤ੍ਥ ਭਿਕ੍ਖੁਨੋ ਉਪ੍ਪਨ੍ਨੋ ਆਘਾਤੋ ਸਬ੍ਬਸੋ ਪਟਿਵਿਨੇਤਬ੍ਬੋ. ਕਤਮੇ ਪਞ੍ਚ, ਯਸ੍ਮਿਂ ਭਿਕ੍ਖਵੇ ਪੁਗ੍ਗਲੇ ਆਘਾਤੋ ਜਾਯੇਥ, ਮੇਤ੍ਤਾ ਤਸ੍ਮਿਂ ਪੁਗ੍ਗਲੇ ਭਾਵੇਤਬ੍ਬਾ, ਏਵਂ ਤਸ੍ਮਿਂ ਪੁਗ੍ਗਲੇ ਆਘਾਤੋ ਪਟਿਵਿਨੇਤਬ੍ਬੋ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਉਪਾਸਕਵਗ੍ਗੇ ¶ ਪਨ ਆਵੁਸੋ ਪਞ੍ਚਮਂ ਚਣ੍ਡਾਲਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਉਪਾਸਕਵਗ੍ਗੇ ਭਨ੍ਤੇ ਪਞ੍ਚਮਂ ਚਣ੍ਡਾਲਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਉਪਾਸਕੋ ਉਪਾਸਕਚਣ੍ਡਾਲੋ ਚ ¶ ਹੋਤਿ ਉਪਾਸਕਮਲਞ੍ਚ ਉਪਾਸਕਪਤਿਕੁਟ੍ਠੋ ਚਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਛਟ੍ਠਂ ਪੀਤਿਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਥਞ੍ਚ ਭਾਸਿਤਂ.

ਵਿ – ਛਟ੍ਠਂ ਭਨ੍ਤੇ ਪੀਤਿਸੁਤ੍ਤਂ ਸਾਵਤ੍ਥਿਯਂ ਅਨਾਥਪਿਣ੍ਡਿਕਂ ਗਹਪਤਿਂ ਆਰਬ੍ਭ ‘‘ਤੁਮ੍ਹੇ ਖੋ ਗਹਪਤਿ ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤਾ ਚੀਵਰ ਪਿਣ੍ਡਪਾਤ ਸੇਨਾਸਨ ਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰੇਨ ¶ . ਨ ਖੋ ਗਹਪਤਿ ਤਾਵਤਕੇਨੇਵ ਤੁਟ੍ਠਿ ਕਰਣੀਯਾ ‘‘ਮਯਂ ਭਿਕ੍ਖੁਸਙ੍ਘਂ ਪਚ੍ਚੁਪਟ੍ਠਿਤਾ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨ ਪਚ੍ਚਯ ਭੇਸਜ੍ਜਪਰਿਕ੍ਖਾਰੇਨਾ’’ਤਿ. ਤਸ੍ਮਾਤਿਹ ਗਹਪਤਿ ਏਵਂ ਸਿਕ੍ਖਿਤਬ੍ਬਂ ‘‘ਕਿਨ੍ਦਿ ਮਯਂ ਕਾਲੇਨ ਕਾਲਂ ਪਵਿਵੇਕਂ ਪੀਤਿਂ ਉਪਸਮ੍ਪਜ੍ਜ ਵਿਹਰੇਯ੍ਯਾਮਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਵਣਿਜ੍ਜਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਸਤ੍ਤਮਂ ਵਣਿਜ੍ਜਾਸੁਤ੍ਤਂ ‘‘ਪਞ੍ਚਿਮਾ ਭਿਕ੍ਖਵੇ ਵਣਿਜ੍ਜਾ ਉਪਾਸਕੇਨ ਅਕਰਣੀਯਾ. ਕਤਮਾ ਪਞ੍ਚ, ਸਤ੍ਥਵਣਿਜ੍ਜਾ ਸਤ੍ਤਵਣਿਜ੍ਜਾ ਮਂਸਵਣਿਜ੍ਜਾ ਮਜ੍ਜਵਣਿਜ੍ਜਾ ਵਿਸਵਣਿਜ੍ਜਾ. ਇਮਾ ਖੋ ਭਿਕ੍ਖਵੇ ਪਞ੍ਚ ਵਣਿਜ੍ਜਾ ਉਪਾਸਕੇਨ ਅਕਰਣੀਯਾ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਦਸਮਂ ਗਵੇਸੀਸੁਤ੍ਤਂ ਭਗਵਤਾ ਕਤ੍ਥ ਕਂ ਆਰਬ੍ਭ ਕਿਸ੍ਮਿਂ ਵਤ੍ਥੁਸ੍ਮਿਂ ਕਥਞ੍ਚ ਭਾਸਿਤਂ.

ਵਿ – ਦਸਮਂ ਭਨ੍ਤੇ ਗਵੇਸੀਸੁਤ੍ਤਂ ਕੋਸਲੇਸੁ ਆਯਸ੍ਮਨ੍ਤਂ ਆਨਨ੍ਦਤ੍ਥੇਰਂ ਧਮ੍ਮਭਣ੍ਡਾਗਾਰਿਕਂ ਆਰਬ੍ਭ ਭਾਸਿਤਂ. ਆਯਸ੍ਮਾ ਭਨ੍ਤੇ ਆਨਨ੍ਦਤ੍ਥੇਰੋ ਧਮ੍ਮਭਣ੍ਡਾਗਾਰਿਕੋ ਭਗਵਨ੍ਤਂ ਏਤਦਵੋਚ ‘‘ਕੋ ਨੁ ਖੋ ਭਨ੍ਤੇ ਹੇਤੁ ਕੋ ਪਚ੍ਚਯੋ ਭਗਵਤੋ ਸਿਤਸ੍ਸ ਪਾਤੁਕਮ੍ਮਾਯ, ਨ ਅਕਾਰਣੇਨ ਤਥਾਗਤਾ ਸਿਤਂ ਪਾਤੁਕਰੋਨ੍ਤੀ’’ਤਿ. ਤਸ੍ਮਿਂ ਭਨ੍ਤੇ ਵਤ੍ਥੁਸ੍ਮਿਂ ‘‘ਭੂਤਪੁਬ੍ਬਂ ਆਨਨ੍ਦ ਇਮਸ੍ਮਿਂ ਪਦੇਸੇ ਨਗਰਂ ਅਹੋਸਿ ¶ ਇਦ੍ਧਞ੍ਚੇਵ ਫੀਤਞ੍ਚ ਬਹੁਜਨਂ ਆਕਿਣ੍ਣਮਨੁਸ੍ਸਂ, ਤਂ ਖੋ ਪਨਾਨਨ੍ਦ ਨਗਰਂ ਕਸ੍ਸਪੋ ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਉਪਨਿਸ੍ਸਾਯ ਵਿਹਾਸੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਬ੍ਰਾਹ੍ਮਣਵਗ੍ਗੇ ¶ ਆਵੁਸੋ ਅਟ੍ਠਮਂ ਵਾਚਾਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਬ੍ਰਾਹ੍ਮਣਵਗ੍ਗੇ ਭਨ੍ਤੇ ਅਟ੍ਠਮਂ ਵਾਚਾਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤਾ ਵਾਚਾ ਸੁਭਾਸਿਤਾ ਹੋਤਿ ਨੋ ਦੁਬ੍ਭਾਸਿਤਾ, ਅਨਵਜ੍ਜਾ ਚ ਅਨਨੁਵਜ੍ਜਾ ਚ ਵਿਞ੍ਞੂਨਂ. ਕਤਮੇਹਿ ਪਞ੍ਚਹਿ, ਕਾਲੇਨ ਭਾਸਿਤਾ ਹੋਤਿ, ਸਚ੍ਚਾ ਚ ਭਾਸਿਤਾ ਹੋਤਿ, ਸਣ੍ਹਾ ਚ ਭਾਸਿਤਾ ਹੋਤਿ, ਅਤ੍ਥਸਂਹਿਤਾ ਚ ਭਾਸਿਤਾ ਹੋਤਿ, ਮੇਤ੍ਤਾਚਿਤ੍ਤੇਨ ਚ ਭਾਸਿਤਾ ਹੋਤਿ, ਇਮੇਹਿ ਖੋ ਭਿਕ੍ਖਵੇ ਪਞ੍ਚਹਿ ਅਙ੍ਗੇਹਿ ਸਮਨ੍ਨਾਗਤਾ ਵਾਚਾ ਸੁਭਾਸਿਤਾ ਹੋਤਿ ਨੋ ਦੁਬ੍ਭਾਸਿਤਾ, ਅਨਵਜ੍ਜਾ ਚ ਅਨਨੁਵਜ੍ਜਾ ਚ ਵਿਞ੍ਞੂਨ’’ਨ੍ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਕੁਲਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਨਵਮਂ ਕੁਲਸੁਤ੍ਤਂ ‘‘ਯਂ ਭਿਕ੍ਖਵੇ ਸੀਲਵਨ੍ਤੋ ਪਬ੍ਬਜਿਤਾ ਕੁਲਂ ਉਪਸਙ੍ਕਮਨ੍ਤਿ, ਤਤ੍ਥ ਮਨੁਸ੍ਸਾ ਪਞ੍ਚਹਿ ਠਾਨੇਹਿ ਬਹੁਂ ਪੁਞ੍ਞਂ ਪਸਵਨ੍ਤਿ. ਕਤਮੇਹਿ ਪਞ੍ਚਹਿ, ਯਸ੍ਮਿਂ ਭਿਕ੍ਖਵੇ ਸਮਯੇ ਸੀਲਵਨ੍ਤੇ ਪਬ੍ਬਜਿਤੇ ਕੁਲਂ ਉਪਸਙ੍ਕਮਨ੍ਤੇ ਮਨੁਸ੍ਸਾ ਦਿਸ੍ਵਾ ਚਿਤ੍ਤਾਨਿ ਪਸਾਦੇਨ੍ਤਿ, ਸਗ੍ਗਸਂਵਤ੍ਤਨਿਕਂ ਭਿਕ੍ਖਵੇ ਤਂ ਕੁਲਂ ਤਸ੍ਮਿਂ ਸਮਯੇ ਪਟਿਪਦਂ ਪਟਿਪਨ੍ਨਂ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਕਿਮਿਲਵਗ੍ਗੇ ¶ ਪਨ ਆਵੁਸੋ ਦੁਤਿਯਂ ਧਮ੍ਮਸ੍ਸਵਨਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਕਿਮਿਲਵਗ੍ਗੇ ਭਨ੍ਤੇ ਦੁਤਿਯਂ ਧਮ੍ਮਸ੍ਸਵਨਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਨਿਸਂਸਾ ਧਮ੍ਮਸ੍ਸਵਨੇ. ਕਤਮੇ ਪਞ੍ਚ, ਅਸ੍ਸੁਤਂ ਸੁਣਾਤਿ, ਸੁਤਂ ਪਰਿਯੋਦਾਪੇਤਿ, ਕਙ੍ਖਂ ਵਿਤਰਤਿ, ਦਿਟ੍ਠਿਂ ਉਜੁਂ ਕਰੋਤਿ, ਚਿਤ੍ਤਮਸ੍ਸ ਪਸੀਦਤਿ, ਇਮੇ ਖੋ ਭਿਕ੍ਖਵੇ ਪਞ੍ਚ ਆਨਿਸਂਸਾ ਧਮ੍ਮਸ੍ਸਵਨੇ’’ਤਿ ਏਵਂ ਖੋ ਭਨ੍ਤੇ ਭਗਵਤਾ ਭਾਸਿਤਂ.

ਪੁ – ਅਕ੍ਕੋਸਕਵਗ੍ਗੇ ¶ ਪਨ ਆਵੁਸੋ ਪਞ੍ਚਮਂ ਅਕ੍ਖਨ੍ਤਿਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਅਕ੍ਕੋਸਕਵਗ੍ਗੇ ਭਨ੍ਤੇ ਪਞ੍ਚਮਂ ਅਕ੍ਖਨ੍ਤਿਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਦੀਨਵਾ ਅਕ੍ਖਨ੍ਤਿਯਾ. ਕਤਮੇ ਪਞ੍ਚ, ਬਹੁਨੋ ਜਨਸ੍ਸ ¶ ਅਪ੍ਪਿਯੋ ਹੋਤਿ ਅਮਨਾਪੋ, ਵੇਰਬਹੁਲੋ ਚ ਹੋਤਿ, ਵਜ੍ਜਬਹੁਲੋ ਚ, ਸਮ੍ਮੂਲ਼੍ਹੋ ਕਾਲਂ ਕਰੋਤਿ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਅਟ੍ਠਮਂ ਅਪਾਸਾਦਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਅਟ੍ਠਮਂ ਅਪਾਸਾਦਿਕਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਦੀਨਵਾ ਅਪਾਸਾਦਿਕੇ. ਕਤਮੇ ਪਞ੍ਚ, ਅਪ੍ਪਸਨ੍ਨਾ ਨਪ੍ਪਸੀਦਨ੍ਤਿ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਂ ਹੋਤਿ, ਸਤ੍ਥੁਸਾਸਨਂ ਅਕਤਂ ਹੋਤਿ, ਪਚ੍ਛਿਮਾ ਜਨਤਾ ਦਿਟ੍ਠਾਨੁਗਤਿਂ ਆਪਜ੍ਜਤਿ, ਚਿਤ੍ਤਮਸ੍ਸ ਨਪ੍ਪਸੀਦਤਿ. ਇਮੇ ਖੋ ਭਿਕ੍ਖਵੇ ਪਞ੍ਚ ਆਦੀਨਵਾ ਅਪਾਸਾਦਿਕੇ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਆਵਾਸਿਕਵਗ੍ਗੇ ¶ ਪਨਾਵੁਸੋ ਪਠਮਂ ਆਵਾਸਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਆਵਾਸਿਕਵਗ੍ਗੇ ਭਨ੍ਤੇ ਪਠਮਂ ਆਵਾਸਿਕਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਆਵਾਸਿਕੋ ਭਿਕ੍ਖੁ ਅਭਾਵਨੀਯੋ ਹੋਤਿ. ਕਤਮੇਹਿ ਪਞ੍ਚਹਿ, ਨ ਆਕਪ੍ਪਸਮ੍ਪਨ੍ਨੋ ਹੋਤਿ ਨ ਵਤ੍ਤਸਮ੍ਪਨ੍ਨੋ, ਨ ਬਹੁਸ੍ਸੁਤੋ ਹੋਤਿ ਨ ਸੁਤਧਰੋ, ਨ ਪਟਿਸਲ੍ਲੇਖਿਤਾ ਹੋਤਿ ਨ ਪਟਿਸਲ੍ਲਾਨਾਰਾਮੋ, ਨ ਕਲ੍ਯਾਣਵਾਚੋ ਹੋਤਿ ਨ ਕਲ੍ਯਾਣਵਾਕ੍ਕਰਣੋ, ਦੁਪ੍ਪਞ੍ਞੋ ਹੋਤਿ ਜਲ਼ੋ ਏਲ਼ਮੂਗੋ. ਇਮੇਹਿ ਖੋ ਭਿਕ੍ਖਵੇ ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਆਵਾਸਿਕੋ ਭਿਕ੍ਖੁ ਅਭਾਵਨੀਯੋ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਸਤ੍ਤਮਂ ਅਵਣ੍ਣਾਰਹਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ਭਨ੍ਤੇ ਸਤ੍ਤਮਂ ਅਵਣ੍ਣਾਰਹਸੁਤ੍ਤਂ ‘‘ਪਞ੍ਚਹਿ ਭਿਕ੍ਖਵੇ ਧਮ੍ਮੇਹਿ ਸਮਨ੍ਨਾਗਤੋ ਆਵਾਸਿਕੋ ਭਿਕ੍ਖੁ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਨਿਰਯੇ. ਕਤਮੇਹਿ ਪਞ੍ਚਹਿ, ਅਨਨੁਵਿਚ੍ਚ ਅਪਰਿਯੋਗਾਹੇਤ੍ਵਾ ਅਵਣ੍ਣਾਰਹਸ੍ਸ ਵਣ੍ਣਂ ਭਾਸਤਿ, ਅਨਨੁਵਿਚ੍ਚ ਅਪਰਿਯੋਗਾਹੇਤ੍ਵਾ ਵਣ੍ਣਾਰਹਸ੍ਸ ਅਵਣ੍ਣਂ ਭਾਸਤਿ, ਆਵਾਸਮਚ੍ਛਰੀ ਹੋਤਿ ਆਵਾਸਪਲਿਗੇਧੀ, ਕੁਲਮਚ੍ਛਰੀ ਹੋਤਿ ਕੁਲਪਲਿਗੇਧਿ, ਸਦ੍ਧਾਦੇਯ੍ਯਂ ਵਿਨਿਪਾਤੇਤਿ. ਇਮੇਹਿ ਖੋ ਭਿਕ੍ਖਵੇ ਪਞ੍ਚਹਿ ਧਮ੍ਮੇਹਿ ਸਮਨ੍ਨਾਗਤੋ ਆਵਾਸਿਕੋ ¶ ਭਿਕ੍ਖੁ ਯਥਾਭਤਂ ਨਿਕ੍ਖਿਤ੍ਤੋ ਏਵਂ ਨਿਰਯੇ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਦੁਚ੍ਚਰਿਤਵਗ੍ਗੇ ¶ ਪਨ ਆਵੁਸੋ ਪਠਮਂ ਦੁਚ੍ਚਰਿਤਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਦੁਚ੍ਚਰਿਤਵਗ੍ਗੇ ਭਨ੍ਤੇ ਪਠਮਂ ਦੁਚ੍ਚਰਿਤਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਦੀਨਵਾ ਦੁਚ੍ਚਰਿਤੇ. ਕਤਮੇ ਪਞ੍ਚ, ਅਤ੍ਤਾਪਿ ਅਤ੍ਤਾਨਂ ਉਪਵਦਤਿ, ਅਨੁਵਿਚ੍ਚ ਵਿਞ੍ਞੂ ਗਰਹਨ੍ਤਿ, ਪਾਪਕੋ ਕਿਤ੍ਤਿਸਦ੍ਦੋ ਅਬ੍ਭੁਗ੍ਗਚ੍ਛਤਿ, ਸਮ੍ਮੂਲ਼੍ਹੋ ਕਾਲਂ ਕਰੋਤਿ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜਤਿ. ਇਮੇ ਖੋ ਭਿਕ੍ਖਵੇ ਪਞ੍ਚ ਆਦੀਨਵਾ ਦੁਚ੍ਚਰਿਤੇ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.

ਪੁ – ਤਤ੍ਥੇਵ ¶ ਆਵੁਸੋ ਨਵਮਂ ਸਿਵਥਿਕਸੁਤ੍ਤਂ ਭਗਵਤਾ ਕਥਂ ਭਾਸਿਤਂ.

ਵਿ – ਤਤ੍ਥੇਵ ¶ ਭਨ੍ਤੇ ਨਵਮਂ ਸਿਵਥਿਕਸੁਤ੍ਤਂ ‘‘ਪਞ੍ਚਿਮੇ ਭਿਕ੍ਖਵੇ ਆਦੀਨਵਾ ਸਿਵਥਿਕਾਯ. ਕਤਮੇ ਪਞ੍ਚ, ਅਸੁਚਿ, ਦੁਗ੍ਗਨ੍ਧਾ, ਸਪ੍ਪਟਿਭਯਾ, ਵਾਲ਼ਾਨਂ ਅਮਨੁਸ੍ਸਾਨਂ ਆਵਾਸੋ, ਬਹੁਨੋ ਜਨਸ੍ਸ ਆਰੋਦਨਾ. ਇਮੇ ਖੋ ਭਿਕ੍ਖਵੇ ਪਞ੍ਚ ਆਦੀਨਵਾ ਸਿਵਥਿਕਾਯਾ’’ਤਿ ਏਵਮਾਦਿਨਾ ਭਗਵਤਾ ਭਾਸਿਤਂ.