ਅਞ੍ਞ > ਸਙ੍ਗਾਯਨ-ਪੁਚ੍ਛ ਵਿਸ੍ਸਜ੍ਜਨਾ

ਪੁਚ੍ਛਾ – ਪਠਮਮਹਾਸਂਗੀਤਿਕਾਲੇ ¶ ਆਵੁਸੋ ਧਮ੍ਮਸਂਗਾਹਕਾ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਪਠਮਂ ਵਿਨਯਪਿਟਕਂ ਸਂਗਾਯਿਤ੍ਵਾ ਸੁਤ੍ਤਨ੍ਤਪਿਟਕੇ ਚ ਦੀਘਮਜ੍ਝਿਮਸਂਯੁਤ੍ਤਅਙ੍ਗੁਤ੍ਤਰਸਂਖਾਤੇ ਚਤ੍ਤਾਰੋ ਮਹਾਨਿਕਾਯੇ ਸਂਗਾਯਿਤ੍ਵਾ ਤਦਨਨ੍ਤਰਂ ਕਿਂ ਨਾਮ ਪਾਵਚਨਂ ਸਂਗਾਯਿਂਸੁ.

ਵਿਸ੍ਸਜ੍ਜਨਾ – ਪਠਮਮਹਾਸਂਗੀਤਿਕਾਲੇ ਭਨ੍ਤੇ ਧਮ੍ਮਸਂਗਾਹਕਾ ਮਹਾਕਸ੍ਸਪਾਦਯੋ ਮਹਾਥੇਰਵਰਾ ਪੋਰਾਣਸਂਗੀਤਿਕਾਰਾ ਪਠਮਂ ਵਿਨਯਪਿਟਕਂ ਸਂਗਾਯਿਤ੍ਵਾ ਸੁਤ੍ਤਨ੍ਤਪਿਟਕੇ ਚ ਦੀਘਮਜ੍ਝਿਮਸਂਯੁਤ੍ਤਅਙ੍ਗੁਤ੍ਤਰਸਂਖਾਤੇ ਚਤ੍ਤਾਰੋ ਨਿਕਾਯੇ ਸਂਗਾਯਿਤ੍ਵਾ ਤਦਨਨ੍ਤਰਂ ਅਭਿਧਮ੍ਮਪਿਟਕਂ ਨਾਮ ਪਾਵਚਨਂ ਸਂਗਾਯਿਂਸੁ.

ਪੁਚ੍ਛਾ – ਇਮਿਸ੍ਸਮ੍ਪਿ ¶ ਆਵੁਸੋ ਛਟ੍ਠਸਂਗੀਤਿਯਂ ਸਕਲਞ੍ਚੇਵ ਵਿਨਯਪਿਟਕਂ ਸਂਗੀਤਂ, ਤੇ ਚ ਚਤ੍ਤਾਰੋ ਮਹਾਨਿਕਾਯਾ. ਕਾਲੋ ਦਾਨਿ ਆਵੁਸੋ ਸਮ੍ਪਤ੍ਤੋ ਅਭਿਧਮ੍ਮਪਿਟਕਂ ਸਂਗਾਯਿਤੁਂ, ਤਸ੍ਮਾਹਂ ਤਂ ਤਤ੍ਥ ਪੁਚ੍ਛਿਤਬ੍ਬਾਨਿ ਪੁਚ੍ਛਿਸ੍ਸਾਮਿ. ਅਭਿਧਮ੍ਮੋ ਨਾਮੇਸ ਆਵੁਸੋ ਕੇਨਟ੍ਠੇਨ ਅਭਿਧਮ੍ਮੋਤਿ ਵੁਚ੍ਚਤਿ.

ਵਿਸ੍ਸਜ੍ਜਨਾ – ਧਮ੍ਮਾਤਿਰੇਕ ਧਮ੍ਮਵਿਸੇਸਟ੍ਠੇਨ ਭਨ੍ਤੇ ਅਭਿਧਮ੍ਮੋਤਿ ਵੁਚ੍ਚਤਿ.

ਪੁਚ੍ਛਾ – ਸੋ ¶ ਪਨੇਸ ਆਵੁਸੋ ਅਭਿਧਮ੍ਮੋ ਕੇਨ ਕਤ੍ਥ ਕਦਾ ਚ ਅਧਿਗਤੋ.

ਵਿਸ੍ਸਜ੍ਜਨਾ – ਸੋ ਖੋ ਭਨ੍ਤੇ ਅਭਿਧਮ੍ਮੋ ਸਬ੍ਬਞ੍ਞੁਬੁਦ੍ਧੇਨ ਮਹਾਬੋਧਿਮਣ੍ਡਮੂਲੇ ਵੇਸਾਖਪੁਣ੍ਣਮਿਯਂ ਯਥਾਭੂਤਂ ਅਧਿਗਤੋ.

ਪੁਚ੍ਛਾ – ਕਤ੍ਥ ਪਨੇਸ ਆਵੁਸੋ ਅਭਿਧਮ੍ਮੋ ਭਗਵਤਾ ਕਦਾ ਚ ਵਿਚਿਤੋ.

ਵਿਸ੍ਸਜ੍ਜਨਾ – ਸੋ ਖੋ ਭਨ੍ਤੇ ਅਭਿਧਮ੍ਮੋ ਭਗਵਤਾ ਮਹਾਬੋਧਿਮਣ੍ਡੇ ਰਤਨਘਰਸਤ੍ਤਾਹੇ ਵਿਚਿਤੋ.

ਪੁਚ੍ਛਾ – ਕਤ੍ਥ ¶ ਪਨੇਸ ਆਵੁਸੋ ਅਭਿਧਮ੍ਮੋ ਭਗਵਤਾ ਕਦਾ ਕਸ੍ਸਤ੍ਥਾਯ ਚ ਦੇਸਿਤੋ.

ਵਿਸ੍ਸਜ੍ਜਨਾ – ਸੋ ਖੋ ਭਨ੍ਤੇ ਅਭਿਧਮ੍ਮੋ ਭਗਵਤਾ ਦੇਵੇਸੁ ਤਾਵਤਿਂਸੇਸੁ ਪਾਰਿਚ੍ਛਤ੍ਤਕਮੂਲਮ੍ਹਿ ਪਣ੍ਡੁਕਮ੍ਬਲਸਿਲਾਯਂ ਅਭਿਸਮ੍ਬੋਧਿਤੋ ਸਤ੍ਤਮੇ ਵਸ੍ਸੇ ਮਾਤਰਂ ਪਮੁਖਂ ਕਤ੍ਵਾ ਦਸਹਿ ਚਕ੍ਕਵਾਲ਼ਸਹਸ੍ਸੇਹਿ ਆਗਮ੍ਮ ਸਨ੍ਨਿਸਿਨ੍ਨਾਨਂ ਦੇਵਤਾਨਂ ਚਤੁਰੋਘਨਿਤ੍ਥਰਣਤ੍ਥਾਯ ਅਨ੍ਤੋ ਵਸ੍ਸਂ ਦੇਸਿਤੋ.

ਪੁਚ੍ਛਾ – ਕੇਨੇਸ ¶ ਆਵੁਸੋ ਅਭਿਧਮ੍ਮੋ ਪਠਮਂ ਮਨੁਸ੍ਸਲੋਕੇ ਪਤਿਗ੍ਗਹਿਤੋ, ਕਸ੍ਸ ਚ ਪੁਨ ਤੇਨ ਦੇਸਿਤੋ.

ਵਿਸ੍ਸਜ੍ਜਨਾ – ਆਯਸ੍ਮਤਾ ਭਨ੍ਤੇ ਸਾਰਿਪੁਤ੍ਤਤ੍ਥੇਰੇਨ ਧਮ੍ਮਸੇਨਾਪਤਿਨਾ ਏਸ ਅਭਿਧਮ੍ਮੋ ਪਠਮਂ ਮਨੁਸ੍ਸਲੋਕੇ ਪਤਿਗ੍ਗਹਿਤੋ, ਤੇਨੇਵ ਭਨ੍ਤੇ ਆਯਸ੍ਮਤਾ ਸਾਰਿਪੁਤ੍ਤਤ੍ਥੇਰੇਨ ਅਤ੍ਤਨੋ ਸਦ੍ਧਿਵਿਹਾਰਿਕਾਨਂ ਪਞ੍ਚਨ੍ਨਂ ਭਿਕ੍ਖੁਸਤਾਨਂ ਦੇਸਿਤੋ.

ਪੁਚ੍ਛਾ – ਕੇ ¶ ਆਵੁਸੋ ਸਿਕ੍ਖਨ੍ਤਿ.

ਵਿਸ੍ਸਜ੍ਜਨਾ – ਸੇਖਾ ਚ ਭਨ੍ਤੇ ਪੁਥੁਜ੍ਜਨਾ ਕਲ੍ਯਾਣਕਾ ਚ ਸਿਕ੍ਖਨ੍ਤਿ.

ਪੁਚ੍ਛਾ – ਕੇ ਆਵੁਸੋ ਸਿਕ੍ਖਿਤਸਿਕ੍ਖਾ.

ਵਿਸ੍ਸਜ੍ਜਨਾ – ਅਰਹਨ੍ਤੋ ਭਨ੍ਤੇ ਸਿਕ੍ਖਿਤਸਿਕ੍ਖਾ.

ਵਿਸ੍ਸਜ੍ਜਨਾ – ਯੇਸਂ ਭਨ੍ਤੇ ਵਤ੍ਤਤਿ, ਤੇ ਧਾਰੇਨ੍ਤਿ.

ਵਿਸ੍ਸਜ੍ਜਨਾ – ਭਗਵਤੋ ਭਨ੍ਤੇ ਵਚਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.

ਵਿਸ੍ਸਜ੍ਜਨਾ – ਪਰਂਪਰਾਯ ਭਨ੍ਤੇ ਆਭਤਂ.

ਪੁਚ੍ਛਾ – ਸੋ ¶ ਪਨੇਸ ਆਵੁਸੋ ਅਭਿਧਮ੍ਮੋ ਧਮ੍ਮਸਙ੍ਗਣਿਵਿਭਙ੍ਗਾਦਿਪਕਰਣਪਰਿਚ੍ਛੇਦਵਸੇਨ ਸਤ੍ਤਵਿਧੋ. ਤੇਸੁ ਪਠਮਂ ਭਗਵਤਾ ਕਤਰਂ ਪਕਰਣਂ ਦੇਸਿਤਂ.

ਵਿਸ੍ਸਜ੍ਜਨਾ – ਪਠਮਂ ਭਨ੍ਤੇ ਧਮ੍ਮਸਙ੍ਗਣਿਪਕਰਣਂ ਭਗਵਤਾ ਦੇਸਿਤਂ.

ਪੁਚ੍ਛਾ – ਧਮ੍ਮਸਙ੍ਗਣਿਯਂ ਆਵੁਸੋ ਅਤ੍ਥਿ ਮਾਤਿਕਾ, ਅਤ੍ਥਿ ਪਦਭਾਜਨੀਯਂ. ਤੇਸੁ ਮਾਤਿਕਂ ਨਿਕ੍ਖਿਪਨ੍ਤੇਨ ਭਗਵਤਾ ਕਤਂ ਨਿਕ੍ਖਿਤ੍ਤਾ.

ਵਿਸ੍ਸਜ੍ਜਨਾ – ਮਾਤਿਕਂ ਭਨ੍ਤੇ ਨਿਕ੍ਖਿਪਨ੍ਤੇਨ ਭਗਵਤਾ ‘‘ਕੁਸਲਾ ਧਮ੍ਮਾ ਅਕੁਸਲਾ ਧਮ੍ਮਾ ਅਬ੍ਯਾਕਤਾ ਧਮ੍ਮਾ. ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ ਦੁਕ੍ਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ ਅਦੁਕ੍ਖਮਸੁਖਾਯ ਵੇਦਨਾਯ ਸਮ੍ਪਯੁਤ੍ਤਾ ਧਮ੍ਮਾ. ਵਿਪਾਕਾ ਧਮ੍ਮਾ ਵਿਪਾਕਧਮ੍ਮਧਮ੍ਮਾ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮਾ’’ਤਿ ਏਵਮਾਦਿਨਾ ਦ੍ਵਾਵੀਸਤਿਯਾ ਤਿਕਾਨਂ ਵਸੇਨ. ‘‘ਹੇਤੂ ਧਮ੍ਮਾ ਨ ਹੇਤੂ ਧਮ੍ਮਾ. ਸਹੇਤੁਕਾ ਧਮ੍ਮਾ ਅਹੇਤੁਕਾ ਧਮ੍ਮਾ.

ਹੇਤੁਸਮ੍ਪਯੁਤ੍ਤਾ ¶ ਧਮ੍ਮਾ ਹੇਤੁਵਿਪ੍ਪਯੁਤ੍ਤਾ ਧਮ੍ਮਾ. ਹੇਤੂ ਚੇਵ ਧਮ੍ਮਾ ਸਹੇਤੁਕਾ ਚ ਸਹੇਤੁਕਾ ਚੇਵ ਧਮ੍ਮਾ ਨ ਚ ਹੇਤੂ. ਹੇਤੂ ਚੇਵ ਧਮ੍ਮਾ ਹੇਤੁਸਮ੍ਪਯੁਤ੍ਤਾ ਚ ਹੇਤੁਸਮ੍ਪਯੁਤ੍ਤਾ ਚੇਵ ਧਮ੍ਮਾ ਨ ਚ ਹੇਤੂ. ਨ ਹੇਤੂ ਖੋ ਪਨ ਧਮ੍ਮਾ ਸਹੇਤੁਕਾਪਿ ਅਹੇਤੁਕਾਪੀ’’ਤਿ ਏਵਮਾਦਿਨਾ ਦੁਕਸਤਾਨਞ੍ਚ ਵਸੇਨ ਮਾਤਿਕਾ ਨਿਕ੍ਖਿਤ੍ਤਾ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਧਮ੍ਮਸਙ੍ਗਣਿਯਂ ਪਦਭਾਜਨੀਯੇ ਚਿਤ੍ਤੁਪ੍ਪਾਦਕਣ੍ਡੇ ਕੁਸਲਾ ਧਮ੍ਮਾਤਿਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ਕਥਂ ਕਾਮਾਵਚਰਕੁਸਲਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਧਮ੍ਮਸਙ੍ਗਣਿਪਕਰਣੇ ਚਿਤ੍ਤੁਪ੍ਪਾਦਕਣ੍ਡੇ ਕੁਸਲਾ ਧਮ੍ਮਾਤਿ ਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ‘‘ਕਤਮੇ ਧਮ੍ਮਾ ਕੁਸਲਾ. ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਦਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ. ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ਵੇਦਨਾ ਹੋਤਿ ਸਞ੍ਞਾ ਹੋਤਿ ਚੇਤਨਾ ਹੋਤਿ ਚਿਤ੍ਤਂ ਹੋਤਿ ਵਿਤਕ੍ਕੋ ਹੋਤਿ ਵਿਚਾਰੋ ਹੋਤਿ ਪੀਤਿ ਹੋਤਿ ਸੁਖਂ ਹੋਤਿ ਚਿਤ੍ਤਸ੍ਸੇਕਗ੍ਗਤਾ ਹੋਤੀ’’ਤਿ ਏਵਮਾਦਿਨਾ ਕਾਮਾਵਚਰਕੁਸਲਂ ਤੀਹਿ ਮਹਾਵਾਰੇਹਿ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਧਮ੍ਮਸਙ੍ਗਣੀਪਾਲ਼ਿਯਂ ਚਿਤ੍ਤੁਪ੍ਪਾਦਕਣ੍ਡੇ ਕੁਸਲਾ ਧਮ੍ਮਾਤਿ ਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ਕਥਂ ਰੂਪਾਵਚਰਕੁਸਲਞ੍ਚ ਅਰੂਪਾਵਚਰਕੁਸਲਞ੍ਚ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਰੂਪਾਵਚਰਕੁਸਲਞ੍ਚ ਅਰੂਪਾਵਚਰਕੁਸਲਞ੍ਚ ਭਨ੍ਤੇ ‘‘ਕਤਮੇ ਧਮ੍ਮਾ ਕੁਸਲਾ. ਯਸ੍ਮਿਂ ਸਮਯੇ ਰੂਪੂਪਪਤ੍ਤਿਯਾ ਮਗ੍ਗਂ ਭਾਵੇਤਿ ਵਿਵਿਚ੍ਚੇਵ ਕਾਮੇਹਿ ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ ਸਵਿਤਕ੍ਕਂ ਸਵਿਤਕ੍ਕਂ ਵਿਵੇਕਜਂ ਪੀਤਿਸੁਖਂ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਪਥਵੀਕਸਿਣ’’ਨ੍ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਧਮ੍ਮਸਙ੍ਗਣੀਪਾਲ਼ਿਯਂ ਚਿਤ੍ਤੁਪ੍ਪਾਦਕਣ੍ਡੇ ਕੁਸਲਾ ਧਮ੍ਮਾਤਿ ਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ਕਥਂ ਲੋਕੁਤ੍ਤਰਕੁਸਲਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਧਮ੍ਮਸਙ੍ਗਣਿਯਂ ਚਿਤ੍ਤੁਪ੍ਪਾਦਕਣ੍ਡੇ ਕੁਸਲਾ ਧਮ੍ਮਾਤਿ ਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ‘‘ਕਤਮੇ ਧਮ੍ਮਾ ਕੁਸਲਾ. ਯਸ੍ਮਿਂ ਸਮਯੇ ਲੋਕੁਤ੍ਤਰਂ ਝਾਨਂ ਭਾਵੇਤਿ ਨਿਯ੍ਯਾਨਿਕਂ ਅਪਚਯਗਾਮਿਂ ਦਿਟ੍ਠਿਗਤਾਨਂ ਪਹਾਨਾਯ ਪਠਮਾਯ ਭੂਮਿਯਾ ਪਤ੍ਤਿਯਾ ਵਿਵਿਚ੍ਚੇਵ ਕਾਮੇਹਿ…ਪੇ… ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਰਤਿ ਦੁਕ੍ਖਪਟਿਪਦਂ ਦਨ੍ਧਾਭਿਞ੍ਞ’’ਨ੍ਤਿ ਏਵਮਾਦਿਨਾ ਭਗਵਤਾ ਲੋਕੁਤ੍ਤਰਕੁਸਲਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਤਤ੍ਥੇਵ ¶ ਆਵੁਸੋ ਅਕੁਸਲਾ ਧਮ੍ਮਾਤਿ ਮਾਤਿਕਾਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ਕਥਂ ਅਕੁਸਲਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਤਤ੍ਥੇਵ ਭਨ੍ਤੇ ਅਕੁਸਲਾ ਧਮ੍ਮਾਤਿ ਮਾਤਿਕਾਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ‘‘ਕਤਮੇ ਧਮ੍ਮਾ ਅਕੁਸਲਾ. ਯਸ੍ਮਿਂ ਸਮਯੇ ਅਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਦਿਟ੍ਠਿਗਤਸਮ੍ਪਯੁਤ੍ਤਂ ਰੂਪਾਰਮ੍ਮਣਂ ਵਾ ਸਦ੍ਧਾਰਮ੍ਮਣਂ ਵਾ ਗਨ੍ਧਾਰਮ੍ਮਣਂ ਵਾ ਰਸਾਰਮ੍ਮਣਂ ਵਾ ਫੋਟ੍ਠਬ੍ਬਾਰਮ੍ਮਣਂ ਵਾ ਧਮ੍ਮਾਰਮ੍ਮਣਂ ਵਾ ਯਂ ਯਂ ਵਾ ਪਨਾਰਬ੍ਭ. ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ਵੇਦਨਾ ਹੋਤਿ ਸਞ੍ਞਾ ਹੋਤਿ ਚੇਤਨਾ ਹੋਤਿ ਚਿਤ੍ਤਂ ਹੋਤੀ’’ਤਿ ਏਵਮਾਦਿਨਾ ਅਕੁਸਲਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ਆਵੁਸੋ ਧਮ੍ਮਸਙ੍ਗਣੀਪਾਲ਼ਿਯਂ ਚਿਤ੍ਤੁਪ੍ਪਾਦਕਣ੍ਡਰੂਪਕਣ੍ਡੇਸੁ ਅਬ੍ਯਾਕਤਾ ਧਮ੍ਮਾਤਿ ਮਾਤਿਕਾਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ¶ ਭਗਵਤਾ ਕਥਂ ਅਬ੍ਯਾਕਤਾ ਧਮ੍ਮਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਧਮ੍ਮਸਙ੍ਗਣਿਯਂ ਅਬ੍ਯਾਕਤਾ ਧਮ੍ਮਾਤਿ ਪਦਸ੍ਸ ਅਤ੍ਥਂ ਵਿਭਜਨ੍ਤੇਨ ਭਗਵਤਾ ‘‘ਕਤਮੇ ਧਮ੍ਮਾ ਅਬ੍ਯਾਕਤਾ. ਯਸ੍ਮਿਂ ਸਮਯੇ ਕਾਮਾਵਚਰਸ੍ਸ ਕੁਸਲਸ੍ਸ ਕਮ੍ਮਸ੍ਸ ਕਤਤ੍ਤਾ ਉਪਚਿਤਤ੍ਤਾ ਵਿਪਾਕਂ ਚਕ੍ਖੁਵਿਞ੍ਞਾਣਂ ਉਪ੍ਪਨ੍ਨਂ ਹੋਤਿ ਉਪੇਕ੍ਖਾਸਹਗਤਂ ਰੂਪਾਰਮ੍ਮਣਂ. ਤਸ੍ਮਿਂ ਸਮਯੇ ਫਸ੍ਸੋ ਹੋਤਿ ਵੇਦਨਾ ਹੋਤਿ ਸਞ੍ਞਾ ਹੋਤਿ ਚੇਤਨਾ ਹੋਤਿ ਚਿਤ੍ਤਂ ਹੋਤੀ’’ਤਿ ਏਵਮਾਦਿਨਾ ਚ ਚਿਤ੍ਤੁਪ੍ਪਾਦਕਣ੍ਡੇ, ਰੂਪਕਣ੍ਡੇ ਚ ‘‘ਕਤਮੇ ਧਮ੍ਮਾ ਅਬ੍ਯਾਕਤਾ. ਕੁਸਲਾਕੁਸਲਾਨਂ ਧਮ੍ਮਾਨਂ ਵਿਪਾਕਾ ਕਾਮਾਵਚਰਾ ਰੂਪਾਵਚਰਾ ਅਰੂਪਾਵਚਰਾ ਅਪਰਿਯਾਪਨ੍ਨਾ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ. ਯੇ ਚ ਧਮ੍ਮਾ ਕਿਰਿਯਾ ਨੇਵ ਕੁਸਲਾ ਨਾਕੁਸਲਾ ਨ ਚ ਕਮ੍ਮਵਿਪਾਕਾ. ਸਬ੍ਬਞ੍ਚ ਰੂਪਂ ਅਸਙ੍ਖਤਾ ਚ ਧਾਤੁ. ਇਮੇ ਧਮ੍ਮਾ ਅਬ੍ਯਾਕਤਾ’’ਤਿ ਏਵਮਾਦਿਨਾ ਚ ਅਬ੍ਯਾਕਤਾ ਧਮ੍ਮਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਸਤ੍ਤਸੁ ¶ ਆਵੁਸੋ ਅਭਿਧਮ੍ਮਪ੍ਪਕਰਣੇਸੁ ਵਿਭਙ੍ਗਪ੍ਪਕਰਣੇ ਭਗਵਤਾ ਕਤਿ ਵਿਭਙ੍ਗਾ ਦੇਸਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਦੁਤਿਯੇ ਵਿਭਙ੍ਗਪ੍ਪਕਰਣੇ ਖਨ੍ਧਵਿਭਙ੍ਗੋ ਆਯਤਨਵਿਭਙ੍ਗੋ ਧਾਤੁਵਿਭਙ੍ਗੋ ਸਚ੍ਚਵਿਭਙ੍ਗੋ ਇਨ੍ਦ੍ਰਿਯਵਿਭਙ੍ਗੋ ਪਟਿਚ੍ਚਸਮੁਪ੍ਪਾਦਵਿਭਙ੍ਗੋ ਸਤਿਪਟ੍ਠਾਨਵਿਭਙ੍ਗੋ ਸਮ੍ਮਪ੍ਪਧਾਨਵਿਭਙ੍ਗੋ ਇਦ੍ਧਿਪਾਦਵਿਭਙ੍ਗੋ ਬੋਜ੍ਝਙ੍ਗਵਿਭਙ੍ਗੋ ਮਗ੍ਗਙ੍ਗਵਿਭਙ੍ਗੋ ਝਾਨਵਿਭਙ੍ਗੋ ਅਪ੍ਪਮਞ੍ਞਾਵਿਭਙ੍ਗੋ ਸਿਕ੍ਖਾਪਦਵਿਭਙ੍ਗੋ ਪਟਿਸਮ੍ਭਿਦਾਵਿਭਙ੍ਗੋ ਞਾਣਵਿਭਙ੍ਗੋ ਖੁਦ੍ਦਕਵਤ੍ਥੁਵਿਭਙ੍ਗੋ ਧਮ੍ਮਹਦਯਵਿਭਙ੍ਗੋਤਿ ਭਗਵਤਾ ਅਟ੍ਠਾਰਸ ਵਿਭਙ੍ਗਾ ਦੇਸਿਤਾ.

ਪੁਚ੍ਛਾ – ਤੇਸੁ ਆਵੁਸੋ ਅਟ੍ਠਾਰਸਸੁ ਵਿਭਙ੍ਗੇਸੁ ਪਠਮੇ ਖਨ੍ਧਵਿਭਙ੍ਗੇ ਭਗਵਤਾ ਕਥਂ ਖਨ੍ਧਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਤੇਸੁ ¶ ਭਨ੍ਤੇ ਅਟ੍ਠਾਰਸਸੁ ਵਿਭਙ੍ਗੇਸੁ ਪਠਮੇ ਖਨ੍ਧਵਿਭਙ੍ਗੇ ‘‘ਪਞ੍ਚਕ੍ਖਨ੍ਧਾ ਰੂਪਕ੍ਖਨ੍ਧੋ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ. ਤਤ੍ਥ ਕਤਮੋ ਰੂਪਕ੍ਖਨ੍ਧੋ, ਯਂਕਿਞ੍ਚਿ ਰੂਪਂ ਅਤੀਤਾਨਾਗਤਪਚ੍ਚੁਪ੍ਪਨ੍ਨਂ ਅਜ੍ਝਤ੍ਤਂ ਵਾ ਬਹਿਦ੍ਧਾ ਵਾ ਓਲ਼ਾਰਿਕਂ ਵਾ ਸੁਖੁਮਂ ਵਾ ਹੀਨਂ ਵਾ ਪਣੀਤਂ ਵਾ ਯਂ ਦੂਰੇ ਸਨ੍ਤਿਕੇ ਵਾ, ਤਦੇਕਜ੍ਝਂ ਅਭਿਸਞ੍ਞੂਹਿਤ੍ਵਾ ਅਭਿਸਙ੍ਖਿਪਿਤ੍ਵਾ ਅਯਂ ਵੁਚ੍ਚਤਿ ਰੂਪਕ੍ਖਨ੍ਧੋ’’ਤਿ ਏਵਮਾਦਿਨਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਭਗਵਤਾ ਖਨ੍ਧਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਦੁਤਿਯੇ ¶ ਪਨ ਆਵੁਸੋ ਆਯਤਨਵਿਭਙ੍ਗੇ ਭਗਵਤਾ ਕਥਂ ਆਯਤਨਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਦੁਤਿਯੇ ਭਨ੍ਤੇ ਆਯਤਨਵਿਭਙ੍ਗੇ ‘‘ਦ੍ਵਾਦਸਾਯਤਨਾਨਿ ਚਕ੍ਖਾਯਤਨਂ ਰੂਪਾਯਤਨਂ ਸੋਤਾਯਤਨਂ ਸਦ੍ਦਾਯਤਨਂ ਘਾਨਾਯਤਨਂ ਗਨ੍ਧਾਯਤਨਂ ਜਿਵ੍ਹਾਯਤਨਂ ਰਸਾਯਤਨਂ ਕਾਯਾਯਤਨਂ ਫੋਟ੍ਠਬ੍ਬਾਯਤਨਂ ਮਨਾਯਤਨਂ ਧਮ੍ਮਾਯਤਨਂ. ਚਕ੍ਖੁਂ ਅਨਿਚ੍ਚਂ ਦੁਕ੍ਖਂ ਅਨਤ੍ਤਾ ਵਿਪਰਿਣਾਮਧਮ੍ਮਂ, ਰੂਪਾ ਅਨਿਚ੍ਚਾ ਦੁਕ੍ਖਾ ਅਨਤ੍ਤਾ ਵਿਪਰਿਣਾਮਧਮ੍ਮਾ’’ਤਿ ਏਵਮਾਦਿਨਾ ਭਗਵਤਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹੇਵ ਆਯਤਨਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਵਿਭਙ੍ਗਪ੍ਪਕਰਣੇ ਤਤਿਯੇ ਧਾਤੁਵਿਭਙ੍ਗੇ ਭਗਵਤਾ ਕਥਂ ਧਾਤੁਯੋ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਤਤਿਯੇ ਭਨ੍ਤੇ ਧਾਤੁਵਿਭਙ੍ਗੇ ‘‘ਛ ਧਾਤੁਯੋ ਪਥਵੀਧਾਤੁ ਆਪੋਧਾਤੁ ਤੇਜੋਧਾਤੁ ਵਾਯੋਧਾਤੁ ਆਕਾਸਧਾਤੁ ਵਿਞ੍ਞਾਣਧਾਤੂ’’ਤਿ ਭਨ੍ਤੇ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਭਗਵਤਾ ਧਾਤੁਯੋ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਚਤੁਤ੍ਥੇ ¶ ਪਨ ਆਵੁਸੋ ਸਚ੍ਚਵਿਭਙ੍ਗੇ ਭਗਵਤਾ ਕਥਂ ਸਚ੍ਚਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਚਤੁਤ੍ਥੇ ਭਨ੍ਤੇ ਸਚ੍ਚਵਿਭਙ੍ਗੇ ‘‘ਚਤ੍ਤਾਰਿ ਅਰਿਯਸਚ੍ਚਾਨਿ ਦੁਕ੍ਖਂ ਅਰਿਯਸਚ੍ਚਂ, ਦੁਕ੍ਖਸਮੁਦਯਂ ਅਰਿਯਸਚ੍ਚਂ, ਦੁਕ੍ਖਨਿਰੋਧਂ ਅਰਿਯਸਚ੍ਚਂ, ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ ਅਰਿਯਸਚ੍ਚਂ. ਤਤ੍ਥ ਕਤਮਂ ਦੁਕ੍ਖਂ ਅਰਿਯਸਚ੍ਚਂ, ਜਾਤਿਪਿ ਦੁਕ੍ਖਾ, ਜਰਾਪਿ ਦੁਕ੍ਖਾ, ਮਰਣਮ੍ਪਿ ਦੁਕ੍ਖਂ, ਸੋਕਪਰਿਦੇਵਦੁਕ੍ਖਦੋਮਨਸ੍ਸੁਪਾਯਾਸਾਪਿ ਦੁਕ੍ਖਾ, ਅਪ੍ਪਿਯੇਹਿ ਸਮ੍ਪਯੋਗੋ ਦੁਕ੍ਖੋ, ਪਿਯੇਹਿ ਵਿਪ੍ਪਯੋਗੋ ਦੁਕ੍ਖੋ, ਯਮ੍ਪਿਚ੍ਛਂ ਨ ਲਭਤਿ, ਤਮ੍ਪਿ ਦੁਕ੍ਖਂ, ਸਂਖਿਤ੍ਤੇਨ ਪਞ੍ਚੁਪਾਦਾਨਕ੍ਖਨ੍ਧਾ ਦੁਕ੍ਖਾ’’ਤਿ ਏਵਮਾਦਿਨਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਭਗਵਤਾ ਸਚ੍ਚਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਪਞ੍ਚਮੇ ¶ ਪਨ ਆਵੁਸੋ ਇਨ੍ਦ੍ਰਿਯਵਿਭਙ੍ਗੇ ਭਗਵਤਾ ਕਥਂ ਇਨ੍ਦ੍ਰਿਯਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਪਞ੍ਚਮੇ ਪਨ ਭਨ੍ਤੇ ਇਨ੍ਦ੍ਰਿਯਵਿਭਙ੍ਗੇ ‘‘ਬਾਵੀਸਤਿਨ੍ਦ੍ਰਿਯਾਨਿ ਚਕ੍ਖੁਨ੍ਦ੍ਰਿਯਂ ਸੋਤਿਨ੍ਦ੍ਰਿਯਂ ਘਾਨਿਨ੍ਦ੍ਰਿਯਂ ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ…ਪੇ… ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ ਏਵਮਾਦਿਨਾ ਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਦ੍ਵੀਹਿ ਮਹਾਨਯੇਹਿ ਭਗਵਤਾ ਇਨ੍ਦ੍ਰਿਯਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਵਿਭਙ੍ਗਪ੍ਪਕਰਣੇ ਛਟ੍ਠੇ ਪਟਿਚ੍ਚਸਮੁਪ੍ਪਾਦਵਿਭਙ੍ਗੇ ਭਗਵਤਾ ਕਥਂ ਪਟਿਚ੍ਚਸਮੁਪ੍ਪਾਦੋ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਛਟ੍ਠੇ ਭਨ੍ਤੇ ਪਟਿਚ੍ਚਸਮੁਪ੍ਪਾਦਵਿਭਙ੍ਗੇ ‘‘ਅਵਿਜ੍ਜਾਪਚ੍ਚਯਾ ਸਙ੍ਖਾਰਾ…ਪੇ… ਸਮੁਦਯੋ ਹੋਤੀ’’ਤਿ ਏਵਮਾਦਿਨਾ ਭਗਵਤਾ ਪਟਿਚ੍ਚਸਮੁਪ੍ਪਾਦੋ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਸਙ੍ਖਾਤੇਹਿ ਦ੍ਵੀਹਿ ਮਹਾਨਯੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਸਤ੍ਤਮੇ ¶ ਪਨ ਆਵੁਸੋ ਸਤਿਪਟ੍ਠਾਨਵਿਭਙ੍ਗੇ ਭਗਵਤਾ ਕਥਂ ਸਤਿਪਟ੍ਠਾਨਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਸਤ੍ਤਮੇ ਭਨ੍ਤੇ ਸਤਿਪਟ੍ਠਾਨਵਿਭਙ੍ਗੇ ‘‘ਚਤ੍ਤਾਰੋ ਸਤਿਪਟ੍ਠਾਨਾ ਇਧ ਭਿਕ੍ਖੁ ਅਜ੍ਝਤ੍ਤਂ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਬਹਿਦ੍ਧਾ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ, ਅਜ੍ਝਤ੍ਤਬਹਿਦ੍ਧਾ ਕਾਯੇ ਕਾਯਾਨੁਪਸ੍ਸੀ ਵਿਹਰਤਿ ਆਤਾਪੀ ਸਮ੍ਪਜਾਨੋ ਸਤਿਮਾ ਵਿਨੇਯ੍ਯ ਲੋਕੇ ਅਭਿਜ੍ਝਾਦੋਮਨਸ੍ਸ’’ਨ੍ਤਿ ਏਵਮਾਦਿਨਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਭਗਵਤਾ ਸਤਿਪਟ੍ਠਾਨਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਅਟ੍ਠਮੇ ¶ ਪਨ ਆਵੁਸੋ ਸਮ੍ਮਪ੍ਪਧਾਨਵਿਭਙ੍ਗੇ ਭਗਵਤਾ ਕਥਂ ਸਮ੍ਮਪ੍ਪਧਾਨਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਅਟ੍ਠਮੇ ਭਨ੍ਤੇ ਸਮ੍ਮਪ੍ਪਧਾਨਵਿਭਙ੍ਗੇ ‘‘ਚਤ੍ਤਾਰੋ ਸਮ੍ਮਪ੍ਪਧਾਨਾ ਇਧ ਭਿਕ੍ਖੁ ਅਨੁਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਨੁਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਉਪ੍ਪਨ੍ਨਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਪਹਾਨਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਅਨੁਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਉਪ੍ਪਾਦਾਯ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤਿ, ਉਪ੍ਪਨ੍ਨਾਨਂ ਕੁਸਲਾਨਂ ਧਮ੍ਮਾਨਂ ਠਿਤਿਯਾ ਅਸਮ੍ਮੋਸਾਯ ਭਿਯ੍ਯੋਭਾਵਾਯ ਵੇਪੁਲ੍ਲਾਯ ਭਾਵਨਾਯ ਪਾਰਿਪੂਰਿਯਾ ਛਨ੍ਦਂ ਜਨੇਤਿ ਵਾਯਮਤਿ ਵੀਰਿਯਂ ਆਰਭਤਿ ਚਿਤ੍ਤਂ ਪਗ੍ਗਣ੍ਹਾਤਿ ਪਦਹਤੀ’’ਤਿ ਏਵਮਾਦਿਨਾ ਭਗਵਤਾ ਸਮ੍ਮਪ੍ਪਧਾਨਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਨਵਮੇ ¶ ਪਨ ਆਵੁਸੋ ਇਦ੍ਧਿਪਾਦਵਿਭਙ੍ਗੇ ਭਗਵਤਾ ਕਥਂ ਇਦ੍ਧਿਪਾਦਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਨਵਮੇ ਭਨ੍ਤੇ ਇਦ੍ਧਿਪਾਦਵਿਭਙ੍ਗੇ ‘‘ਚਤ੍ਤਾਰੋ ਇਦ੍ਧਿਪਾਦਾ ਇਧ ਭਿਕ੍ਖੁ ਛਨ੍ਦਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤਿ…ਪੇ… ਵੀਮਂਸਾਸਮਾਧਿਪਧਾਨਸਙ੍ਖਾਰਸਮਨ੍ਨਾਗਤਂ ਇਦ੍ਧਿਪਾਦਂ ਭਾਵੇਤੀ’’ਤਿ ਏਵਮਾਦਿਨਾ ਤੀਹਿ ਮਹਾਨਯੇਹਿ ਭਗਵਤਾ ਇਦ੍ਧਿਪਾਦਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਵਿਭਙ੍ਗਪ੍ਪਕਰਣੇ ਦਸਮੇ ਬੋਜ੍ਝਙ੍ਗਵਿਭਙ੍ਗੇ ਭਗਵਤਾ ਕਥਂ ਬੋਜ੍ਝਙ੍ਗਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਦਸਮੇ ਭਨ੍ਤੇ ਬੋਜ੍ਝਙ੍ਗਵਿਭਙ੍ਗੇ ‘‘ਸਤ੍ਤ ਬੋਜ੍ਝਙ੍ਗਾ ਸਤਿਸਮ੍ਬੋਜ੍ਝਙ੍ਗੋ ਧਮ੍ਮਵਿਚਯਸਮ੍ਬੋਜ੍ਝਙ੍ਗੋ ਵੀਰਿਯਸਮ੍ਬੋਜ੍ਝਙ੍ਗੋ ਪੀਤਿਸਮ੍ਬੋਜ੍ਝਙ੍ਗੋ ਪਸ੍ਸਦ੍ਧਿਸਮ੍ਬੋਜ੍ਝਙ੍ਗੋ ਸਮਾਧਿਸਮ੍ਬੋਜ੍ਝਙ੍ਗੋ ਉਪੇਕ੍ਖਾਸਮ੍ਬੋਜ੍ਝਙ੍ਗੋ. ਤਤ੍ਥ ਕਤਮੋ ਸਤਿਸਮ੍ਬੋਜ੍ਝਙ੍ਗੋ, ਇਧ ਭਿਕ੍ਖੁ ਸਤਿਮਾ ਹੋਤਿ ਪਰਮੇਨ ਸਤਿਨੇਪਕ੍ਕੇਨ ਸਮਨ੍ਨਾਗਤੋ ਚਿਰਕਤਮ੍ਪਿ ਚਿਰਭਾਸਿਤਮ੍ਪਿ ਸਰਿਤਾ ਹੋਤਿ ਅਨੁਸ੍ਸਰਿਤਾ, ਅਯਂ ਵੁਚ੍ਚਤਿ ਸਤਿਸਮ੍ਬੋਜ੍ਝਙ੍ਗੋ’’ਤਿ ਏਵਮਾਦਿਨਾ ਭਗਵਤਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਨਯੇਹਿ ਬੋਜ੍ਝਙ੍ਗਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਏਕਾਦਸਮੇ ¶ ਪਨ ਆਵੁਸੋ ਮਗ੍ਗਙ੍ਗਵਿਭਙ੍ਗੇ ਭਗਵਤਾ ਕਥਂ ਮਗ੍ਗਙ੍ਗਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਏਕਾਦਸਮੇ ¶ ਭਨ੍ਤੇ ਮਗ੍ਗਙ੍ਗਵਿਭਙ੍ਗੇ ‘‘ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ. ਸੇਯ੍ਯਥਿਦਂ, ਸਮ੍ਮਾਦਿਟ੍ਠਿ ਸਮ੍ਮਾਸਙ੍ਕਪ੍ਪੋ ਸਮ੍ਮਾਵਾਚਾ ਸਮ੍ਮਾਕਮ੍ਮਨ੍ਤੋ ਸਮ੍ਮਾਆਜੀਵੋ ਸਮ੍ਮਾਵਾਯਾਮੋ ਸਮ੍ਮਾਸਤਿ ਸਮ੍ਮਾਸਮਾਧੀ’’ਤਿ ਏਵਮਾਦਿਨਾ ਭਗਵਤਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਮਗ੍ਗਙ੍ਗਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਦ੍ਵਾਦਸਮੋ ¶ ਪਨ ਆਵੁਸੋ ਝਾਨਵਿਭਙ੍ਗੋ ਭਗਵਤਾ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਦ੍ਵਾਦਸਮੋ ਭਨ੍ਤੇ ਝਾਨਵਿਭਙ੍ਗੋ ‘‘ਇਧ ਭਿਕ੍ਖੁ ਪਾਤਿਮੋਕ੍ਖਸਂਵਰਸਂਵੁਤੋ ਵਿਹਰਤਿ ਆਚਾਰਗੋਚਰਸਮ੍ਪਨ੍ਨੋ ਅਣੁਮਤ੍ਤੇਸੁ ਵਜ੍ਜੇਸੁ ਭਯਦਸ੍ਸਾਵੀ ਸਮਾਦਾਯ ਸਿਕ੍ਖਤਿ ਸਿਕ੍ਖਾਪਦੇਸੁ ਇਨ੍ਦ੍ਰਿਯੇਸੁ ਗੁਤ੍ਤਦ੍ਵਾਰੋ ਭੋਜਨੇ ਮਤ੍ਤਞ੍ਞੂ ਪੁਬ੍ਬਰਤ੍ਤਾਪਰਰਤ੍ਤਂ ਜਾਗਰਿਯਾਨੁਯੋਗਮਨੁਯੁਤ੍ਤੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਰਸਮੇ ¶ ਪਨ ਆਵੁਸੋ ਅਪ੍ਪਮਞ੍ਞਾਵਿਭਙ੍ਗੇ ਭਗਵਤਾ ਕਥਂ ਅਪ੍ਪਮਞ੍ਞਾਯੋ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਤੇਰਸਮੇ ਭਨ੍ਤੇ ਅਪ੍ਪਮਞ੍ਞਾਵਿਭਙ੍ਗੇ ‘‘ਚਤਸ੍ਸੋ ਅਪ੍ਪਮਞ੍ਞਾਯੋ ਇਧ ਭਿਕ੍ਖੁ ਮੇਤ੍ਤਾਸਹਗਤੇਨ ਚੇਤਸਾ ਏਕਂ ਦਿਸਂ ਫਰਿਤ੍ਵਾ ਵਿਹਰਤਿ, ਤਥਾ ਦੁਤਿਯਂ. ਤਥਾ ਤਤਿਯਂ. ਤਥਾ ਚਤੁਤ੍ਥਂ. ਇਤਿ ਉਦ੍ਧਮਧੋ ਤਿਰਿਯਂ ਸਬ੍ਬਧਿ ਸਬ੍ਬਤ੍ਤਤਾਯ ਸਬ੍ਬਾਵਨ੍ਤਂ ਲੋਕਂ ਮੇਤ੍ਤਾਸਹਗਤੇਨ ਚੇਤਸਾ ਵਿਪੁਲੇਨ ਮਹਗ੍ਗਤੇਨ ਅਪ੍ਪਮਾਣੇਨ ਅਵੇਰੇਨ ਅਬ੍ਯਾਪਜ੍ਜੇਨ ਫਰਿਤ੍ਵਾ ਵਿਹਰਤੀ’’ਤਿ ਏਵਮਾਦਿਨਾ ਭਗਵਤਾ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਤੀਹਿ ਮਹਾਨਯੇਹਿ ਅਪ੍ਪਮਞ੍ਞਾਯੋ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਵਿਭਙ੍ਗਪ੍ਪਕਰਣੇ ਚੁਦ੍ਦਸਮੇ ਸਿਕ੍ਖਾਪਦਵਿਭਙ੍ਗੇ ਭਗਵਤਾ ਕਥਂ ਸਿਕ੍ਖਾਪਦਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਚੁਦ੍ਦਸਮੇ ਭਨ੍ਤੇ ਸਿਕ੍ਖਾਪਦਵਿਭਙ੍ਗੇ ‘‘ਪਞ੍ਚ ਸਿਕ੍ਖਾਪਦਾਨਿ ਪਾਣਾਤਿਪਾਤਾ ਵੇਰਮਣੀ ਸਿਕ੍ਖਾਪਦਂ, ਅਦਿਨ੍ਨਾਦਾਨਾ ਵੇਰਮਣੀ ਸਿਕ੍ਖਾਪਦਂ, ਕਾਮੇਸੁਮਿਚ੍ਛਾਚਾਰਾ ਵੇਰਮਣੀ ਸਿਕ੍ਖਾਪਦਂ, ਮੁਸਾਵਾਦਾ ਵੇਰਮਣੀ ਸਿਕ੍ਖਾਪਦਂ, ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਵੇਰਮਣੀ ਸਿਕ੍ਖਾਪਦਂ. ਤਤ੍ਥ ਕਤਮਂ ਪਾਣਾਤਿਪਾਤਾ ਵੇਰਮਣੀ ਸਿਕ੍ਖਾਪਦਂ, ਯਸ੍ਮਿਂ ਸਮਯੇ ਕਾਮਾਵਚਰਂ ਕੁਸਲਂ ਚਿਤ੍ਤਂ ਉਪ੍ਪਨ੍ਨਂ ਹੋਤਿ ਸੋਮਨਸ੍ਸਸਹਗਤਂ ਞਾਣਸਮ੍ਪਯੁਤ੍ਤਂ ਪਾਣਾਤਿਪਾਤਾ ਵਿਰਮਨ੍ਤਸ੍ਸਾ’’ਤਿ ਏਵਮਾਦਿਨਾ ਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ਦ੍ਵੀਹਿ ਮਹਾਨਯੇਹਿ ਭਗਵਤਾ ਸਿਕ੍ਖਾਪਦਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਪਨ੍ਨਰਸਮੇ ¶ ਪਨ ਆਵੁਸੋ ਪਟਿਸਮ੍ਭਿਦਾਵਿਭਙ੍ਗੇ ਭਗਵਤਾ ਕਥਂ ਪਟਿਸਮ੍ਭਿਦਾਯੋ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਪਨ੍ਨਰਸਮੇ ਭਨ੍ਤੇ ਪਟਿਸਮ੍ਭਿਦਾਵਿਭਙ੍ਗੇ ‘‘ਚਤਸ੍ਸੋ ਪਟਿਸਮ੍ਭਿਦਾ ਅਤ੍ਥਪਟਿਸਮ੍ਭਿਦਾ ਧਮ੍ਮਪਟਿਸਮ੍ਭਿਦਾ ਨਿਰੁਤ੍ਤਿਪਟਿਸਮ੍ਭਿਦਾ ਪਟਿਭਾਨਪਟਿਸਮ੍ਭਿਦਾ. ਅਤ੍ਥੇ ਞਾਣਂ ਅਤ੍ਥਪਟਿਸਮ੍ਭਿਦਾ, ਧਮ੍ਮੇ ਞਾਣਂ ਧਮ੍ਮਪਟਿਸਮ੍ਭਿਦਾ, ਤਤ੍ਰ ਧਮ੍ਮਨਿਰੁਤ੍ਤਾਭਿਲਾਪੇ ਞਾਣਂ ਨਿਰੁਤ੍ਤਿਪਟਿਸਮ੍ਭਿਦਾ, ਞਾਣੇਸੁ ਞਾਣਂ ਪਟਿਭਾਨਪਟਿਸਮ੍ਭਿਦਾ’’ਤਿ ਏਵਮਾਦਿਨਾ ਭਗਵਤਾ ਚਤਸ੍ਸੋ ਪਟਿਸਮ੍ਭਿਦਾਯੋ ਸੁਤ੍ਤਨ੍ਤਭਾਜਨੀਯਅਭਿਧਮ੍ਮਭਾਜਨੀਯਪਞ੍ਹਾਪੁਚ੍ਛਕਸਙ੍ਖਾਤੇਹਿ ¶ ਤੀਹਿ ਮਹਾਨਯੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਸੋਲ਼ਸਮੇ ਪਨ ਆਵੁਸੋ ਞਾਣਵਿਭਙ੍ਗੇ ਭਗਵਤਾ ਕਥਂ ਞਾਣਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਸੋਲ਼ਸਮੇ ਭਨ੍ਤੇ ਞਾਣਵਿਭਙ੍ਗੇ ‘‘ਏਕਵਿਧੇਨ ਞਾਣਵਤ੍ਥੁ ਪਞ੍ਚਵਿਞ੍ਞਾਣਾ ਨ ਹੇਤੂ, ਅਹੇਤੁਕਾ, ਹੇਤੁਵਿਪ੍ਪਯੁਤ੍ਤਾ, ਸਪ੍ਪਚ੍ਚਯਾ ¶ , ਸਙ੍ਖਤਾ, ਅਰੂਪਾ, ਲੋਕਿਯਾ, ਸਾਸਵਾ’’ਤਿ ਏਵਮਾਦਿਨਾ ਏਕਕਤੋ ਪਟ੍ਠਾਯ ਯਾਵ ਦਸਕਾ ਭਗਵਤਾ ਞਾਣਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਅਭਿਧਮ੍ਮਪਿਟਕੇ ਆਵੁਸੋ ਵਿਭਙ੍ਗਪ੍ਪਕਰਣੇ ਸਤ੍ਤਰਸਮੋ ਖੁਦ੍ਦਕਵਤ੍ਥੁਵਿਭਙ੍ਗੋ ਭਗਵਤਾ ਕਥਂ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਦੁਤਿਯੇ ਵਿਭਙ੍ਗਪ੍ਪਕਰਣੇ ਸਤ੍ਤਰਸਮੋ ਖੁਦ੍ਦਕਵਤ੍ਥੁਵਿਭਙ੍ਗੋ ‘‘ਜਾਤਿਮਦੋ, ਗੋਤ੍ਤਮਦੋ, ਆਰੋਗ੍ਯਮਦੋ, ਯੋਬ੍ਬਨਮਦੋ, ਜੀਵਿਤਮਦੋ’’ਤਿ ਏਵਮਾਦਿਨਾ ਏਕਕਤੋ ਪਟ੍ਠਾਯ ਯਾਵ ਅਟ੍ਠਸਤਤਣ੍ਹਾਵਿਚਰਿਤਂ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤਤ੍ਥ ¶ ਆਵੁਸੋ ਅਟ੍ਠਾਰਸਮੋ ਧਮ੍ਮਹਦਯਵਿਭਙ੍ਗੋ ਭਗਵਤਾ ਕਥਂ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਟ੍ਠਾਰਸਮੋ ¶ ਭਨ੍ਤੇ ਧਮ੍ਮਹਦਯਵਿਭਙ੍ਗੋ ‘‘ਕਤਿ ਖਨ੍ਧਾ, ਕਤਿ ਆਯਤਨਾਨਿ, ਕਤਿ ਧਾਤੁਯੋ, ਕਤਿ ਸਚ੍ਚਾਨਿ, ਕਤਿ ਇਨ੍ਦ੍ਰਿਯਾਨਿ, ਕਤਿ ਹੇਤੂ, ਕਤਿ ਆਹਾਰਾ, ਕਤਿ ਫਸ੍ਸਾ, ਕਤਿ ਵੇਦਨਾ, ਕਤਿ ਸਞ੍ਞਾ, ਕਤਿ ਚੇਤਨਾ, ਕਤਿ ਚਿਤ੍ਤਾਨਿ. ਪਞ੍ਚਕ੍ਖਨ੍ਧਾ, ਦ੍ਵਾਦਸਾਯਤਨਾਨਿ, ਅਟ੍ਠਾਰਸ ਧਾਤੁਯੋ, ਚਤ੍ਤਾਰਿ ਸਚ੍ਚਾਨਿ, ਬਾਵੀਸਤਿਨ੍ਦ੍ਰਿਯਾਨਿ, ਨਵ ਹੇਤੂ, ਚਤ੍ਤਾਰੋ ਆਹਾਰਾ, ਸਤ੍ਤ ਫਸ੍ਸਾ, ਸਤ੍ਤ ਵੇਦਨਾ, ਸਤ੍ਤ ਸਞ੍ਞਾ, ਸਤ੍ਤ ਚੇਤਨਾ, ਸਤ੍ਤ ਚਿਤ੍ਤਾਨੀ’’ਤਿ ਏਵਮਾਦਿਨਾ ਸਬ੍ਬਸਙ੍ਗਾਹਕਾਦੀਹਿ ਦਸਹਿ ਵਾਰੇਹਿ ਭਗਵਤਾ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਕਥਞ੍ਚਾਵੁਸੋ ਤਤ੍ਥ ਭਗਵਤਾ ਉਪ੍ਪਾਦਕਕਮ੍ਮਆਯੁਪ੍ਪਮਾਣਵਾਰੋ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਕਤ੍ਥ ਉਪਪਜ੍ਜਨ੍ਤਿ. ਦਾਨਂ ਦਤ੍ਵਾ, ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ¶ ਅਪ੍ਪੇਕਚ੍ਚੇ ਖਤ੍ਤਿਯਮਹਾਸਾਲਾਨਂ ਸਹਬ੍ਯਤਂ ਉਪਪਜ੍ਜਨ੍ਤਿ, ਅਪ੍ਪੇਕਚ੍ਚੇ ਬ੍ਰਾਹ੍ਮਣਮਹਾਸਾਲਾਨਂ, ਅਪ੍ਪੇਕਚ੍ਚੇ ਗਹਪਤਿਮਹਾਸਾਲਾਨਂ, ਅਪ੍ਪੇਕਚ੍ਚੇ ਚਾਤੁਮਹਾਰਾਜਿਕਾਨਂ ਦੇਵਾਨਂ, ਅਪ੍ਪੇਕਚ੍ਚੇ ਤਾਵਤਿਂਸਾਨਂ ਦੇਵਾਨਂ, ਅਪ੍ਪੇਕਚ੍ਚੇ ਯਾਮਾਨਂ ਦੇਵਾਨਂ, ਅਪ੍ਪੇਕਚ੍ਚੇ ਤੁਸਿਤਾਨਂ ਦੇਵਾਨਂ ਸਹਬ੍ਯਤਂ ਉਪਪਜ੍ਜਨ੍ਤੀਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਉਪ੍ਪਾਦਕਕਮ੍ਮਆਯੁਪ੍ਪਮਾਣਵਾਰੋ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਉਕ੍ਖਿਤ੍ਤਾ ¶ ਪੁਞ੍ਞਤੇਜੇਨ, ਕਾਮਰੂਪਗਤਿਂ ਗਤਾ;

ਭਵਗ੍ਗਤਮ੍ਪਿ ਸਮ੍ਪਤ੍ਤਾ, ਪੁਨਾਗਚ੍ਛਨ੍ਤਿ ਦੁਗ੍ਗਤਿਂ –

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਅਟ੍ਠਾਰਸਹਿ ਬੁਦ੍ਧਧਮ੍ਮੇਹਿ ਸਮਨ੍ਨਾਗਤੇਨ ਅਭਿਧਮ੍ਮੇ ਅਟ੍ਠਾਰਸਹਿ ਵਿਭਙ੍ਗੇਹਿ ਪਟਿਮਣ੍ਡਿਤਂ ਦੁਤਿਯਂ ਵਿਭਙ੍ਗਪ੍ਪਕਰਣਂ ਦੇਸੇਤ੍ਵਾ ਤਦਨਨ੍ਤਰਂ ਧਾਤੁਕਥਂ ਨਾਮ ਤਤਿਯਂ ਪਕਰਣਂ ਕਥਂ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਤਤਿਯਂ ਭਨ੍ਤੇ ਧਾਤੁਕਥਂ ਨਾਮ ਅਭਿਧਮ੍ਮਪਿਟਕਂ ‘‘ਸਙ੍ਗਹੋ ਅਸਙ੍ਗਹੋ, ਸਙ੍ਗਹਿਤੇਨ ਅਸਙ੍ਗਹਿਤਂ, ਅਸਙ੍ਗਹਿਤੇਨ ਸਙ੍ਗਹਿਤਂ, ਸਙ੍ਗਹਿਤੇਨ ਸਙ੍ਗਹਿਤਂ, ਅਸਙ੍ਗਹਿਤੇਨ ਅਸਙ੍ਗਹਿਤਂ. ਸਮ੍ਪਯੋਗੋ ਵਿਪ੍ਪਯੋਗੋ, ਸਮ੍ਪਯੁਤ੍ਤੇਨ ਵਿਪ੍ਪਯੁਤ੍ਤਂ, ਵਿਪ੍ਪਯੁਤ੍ਤੇਨ ਸਮ੍ਪਯੁਤ੍ਤਂ, ਸਮ੍ਪਯੁਤ੍ਤੇਨ ਸਮ੍ਪਯੁਤ੍ਤਂ, ਵਿਪ੍ਪਯੁਤ੍ਤੇਨ ਵਿਪ੍ਪਯੁਤ੍ਤਂ. ਸਙ੍ਗਹਿਤੇਨ ਸਮ੍ਪਯੁਤ੍ਤਂ ਵਿਪ੍ਪਯੁਤ੍ਤਂ, ਸਮ੍ਪਯੁਤ੍ਤੇਨ ਸਙ੍ਗਹਿਤਂ ਅਸਙ੍ਗਹਿਤਂ, ਅਸਙ੍ਗਹਿਤੇਨ ਸਮ੍ਪਯੁਤ੍ਤਂ ਵਿਪ੍ਪਯੁਤ੍ਤਂ, ਵਿਪ੍ਪਯੁਤ੍ਤੇਨ ਸਙ੍ਗਹਿਤਂ ਅਸਙ੍ਗਹਿਤ’’ਨ੍ਤਿ ਏਵਮਾਦਿਨਾ ਪਞ੍ਚ ਮਾਤਿਕਾਯੋ ਪਠਮਂ ਨਿਕ੍ਖਿਪਿਤ੍ਵਾ ਸਙ੍ਗਹਾਸਙ੍ਗਹਾਦੀਹਿ ਚੁਦ੍ਦਸਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਸਬ੍ਬਧਾਤੁਕੁਸਲੇਨ ਅਭਿਧਮ੍ਮਪਿਟਕੇ ਤਤਿਯਂ ਧਾਤੁਕਥਾਪਕਰਣਂ ਦੇਸੇਤ੍ਵਾ ਤਦਨਨ੍ਤਰਂ ਚਤੁਤ੍ਥਂ ਪੁਗ੍ਗਲਪਞ੍ਞਤ੍ਤਿਪ੍ਪਕਰਣਂ ਕਥਂ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਚਤੁਤ੍ਥਂ ਪੁਗ੍ਗਲਪਞ੍ਞਤ੍ਤਿਪ੍ਪਕਰਣਂ ‘‘ਛ ਪਞ੍ਞਤ੍ਤਿਯੋ ਖਨ੍ਧਪਞ੍ਞਤ੍ਤਿ ਆਯਤਨਪਞ੍ਞਤ੍ਤਿ ਧਾਤੁਪਞ੍ਞਤ੍ਤਿ ਸਚ੍ਚਪਞ੍ਞਤ੍ਤਿ ਇਨ੍ਦ੍ਰਿਯਪਞ੍ਞਤ੍ਤਿ ਪੁਗ੍ਗਲਪਞ੍ਞਤ੍ਤਿ. ਕਿਤ੍ਤਾਵਤਾ ਖਨ੍ਧਾਨਂ ਖਨ੍ਧਪਞ੍ਞਤ੍ਤਿ, ਯਾਵਤਾ ਪਞ੍ਚਕ੍ਖਨ੍ਧਾ, ਰੂਪਕ੍ਖਨ੍ਧੋ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ. ਏਤ੍ਤਾਵਤਾ ਖਨ੍ਧਾਨਂ ਖਨ੍ਧਪਞ੍ਞਤ੍ਤੀ’’ਤਿ ਏਵਮਾਦਿਨਾ ਖਨ੍ਧਾਯਤਨਧਾਤੁਸਚ੍ਚਇਨ੍ਦ੍ਰਿਯਪਞ੍ਞਤ੍ਤਿਯੋ ਸਂਖਿਤ੍ਤੇਨ ਉਦ੍ਦਿਸਿਤ੍ਵਾ ਪੁਗ੍ਗਲਪਞ੍ਞਤ੍ਤਿਂ ਚ ਏਕਕਦੁਕਤਿਕਚਤੁਕ੍ਕਪਞ੍ਚਕਛਕ੍ਕਸਤ੍ਤਕਅਟ੍ਠਕਨਵਕਦਸਕਵਸੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਭਗਵਤਾ ਦੇਸਿਤਾ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਸਬ੍ਬਪਰਮਤ੍ਥਪਞ੍ਞਤ੍ਤਿਧਮ੍ਮਕੁਸਲੇਨ ਅਭਿਧਮ੍ਮਪਿਟਕੇ ਚਤੁਤ੍ਥਂ ਪੁਗ੍ਗਲਪਞ੍ਞਤ੍ਤਿਪ੍ਪਕਰਣਂ ਦੇਸੇਤ੍ਵਾ ਤਦਨਨ੍ਤਰਂ ਪਞ੍ਚਮਂ ਕਥਾਵਤ੍ਥੁਪ੍ਪਕਰਣਂ ਕਥਂ ਦੇਸਿਤਂ.

ਵਿਸ੍ਸਜ੍ਜਨਾ – ਸਬ੍ਬਪਰਮਤ੍ਥਪਞ੍ਞਤ੍ਤਿਧਮ੍ਮਕੁਸਲੇਨ ਭਨ੍ਤੇ ਭਗਵਤਾ ਲੋਕੇ ਅਗ੍ਗਪੁਗ੍ਗਲੇਨ ਅਭਿਧਮ੍ਮਪਿਟਕੇ ਚਤੁਤ੍ਥਂ ਪੁਗ੍ਗਲਪਞ੍ਞਤ੍ਤਿਪ੍ਪਕਰਣਂ ਦੇਸੇਤ੍ਵਾ ਤਦਨਨ੍ਤਰਂ ਕਥਾਵਤ੍ਥੁਦੇਸਨਾਯ ਵਾਰੇ ਸਮ੍ਪਤ੍ਤੇ ‘‘ਅਨਾਗਤੇ ਮਮ ਸਾਵਕੋ ਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੋ ਨਾਮ ਉਪ੍ਪਨ੍ਨਂ ਸਾਸਨਮਲਂ ਸੋਧੇਤ੍ਵਾ ਤਤਿਯਸਙ੍ਗੀਤਿਂ ਕਰੋਨ੍ਤੋ ਭਿਕ੍ਖੁਸਙ੍ਘਸ੍ਸ ਮਜ੍ਝੇ ਨਿਸਿਨ੍ਨੋ ਸਕਵਾਦੇ ਪਞ੍ਚ ਸੁਤ੍ਤਸਤਾਨਿ ਪਰਵਾਦੇ ਪਞ੍ਚਾਤਿ ਸੁਤ੍ਤਸਹਸ੍ਸਂ ਸਮੋਧਾਨੇਤ੍ਵਾ, ਇਮਂ ਪਕਰਣਂ ਭਾਜੇਸ੍ਸਤੀ’’ਤਿ ਤਸ੍ਸੋਕਾਸਂ ਕਰੋਨ੍ਤੇਨ ਪੁਗ੍ਗਲਵਾਰੇ ਅਟ੍ਠਮੁਖਾ ਵਾਦਯੁਤ੍ਤਿਂ ਆਦਿਂ ਕਤ੍ਵਾ ਸਬ੍ਬਕਥਾਮਗ੍ਗੇਸੁ ਅਸਮ੍ਪੁਣ੍ਣਭਾਣਵਾਰਤ੍ਥਾਯ ਤਨ੍ਤਿਯਾ ਮਾਤਿਕਾ ਨਿਕ੍ਖੇਪਮਤ੍ਤੇਨ ਪਞ੍ਚਮਂ ਕਥਾਵਤ੍ਥੁਪ੍ਪਕਰਣਂ ਸਂਖੇਪਤੋ ਦੇਸਿਤਂ.

ਪੁਚ੍ਛਾ – ਅਧੁਨਾ ¶ ਪਾਕਟਂ ਪਨਾਵੁਸੋ ਵਿਤ੍ਥਾਰਂ ਕਥਾਵਤ੍ਥੁਪ੍ਪਕਰਣਂ ਕਦਾ ਕੇਨ ਕਤ੍ਥ ਕਥਞ੍ਚ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਤਂ ਖੋ ਭਨ੍ਤੇ ਭਗਵਤੋ ਨਯਮੁਖਂ ਨਿਸ੍ਸਾਯ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਤਤਿਯਸਂਗੀਤਿਕਾਲੇ ਪਾਟਲਿਪੁਤ੍ਤੇ ਅਸੋਕਾਰਾਮੇ ਸਟ੍ਠਿਭਿਕ੍ਖੁਸਤਸਹਸ੍ਸਾਨਂ ਸਮਾਗਮੇ ਭਗਵਤਾ ਦਿਨ੍ਨਨਯਵਸੇਨ ਤਥਾਗਤੇਨ ਠਪਿਤਮਾਤਿਕਂ ਵਿਭਜਨ੍ਤੇਨ ਸਕਵਾਦੇ ਪਞ੍ਚਸੁਤ੍ਤਸਤਾਨਿ ਪਰਵਾਦੇ ਪਞ੍ਚਾਤਿ ਸੁਤ੍ਤਸਹਸ੍ਸਂ ਆਹਰਿਤ੍ਵਾ ਇਦਂ ਪਰਵਾਦਮਥਨਂ ਅਧੁਨਾ ਪਾਕਟਂ ਕਥਾਵਤ੍ਥੁਪ੍ਪਕਰਣਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਕਤਿ ¶ ਆਵੁਸੋ ਤਤ੍ਥ ਕਥਾਯੋ ਤੇਨ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਤਤ੍ਥ ਭਨ੍ਤੇ ਵਾਚਨਾਮਗ੍ਗਤੋ ਦ੍ਵੇ ਚ ਸਤਾਨਿ ਸਤ੍ਤਵੀਸਤਿ ਚ ਕਥਾਯੋ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਪਠਮਾ ਪੁਗ੍ਗਲਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ, ਆਮਨ੍ਤਾ. ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾਤਿ, ਨ ਹੇਵਂ ਵਤ੍ਤਬ੍ਬੇ. ਆਜਾਨਾਹਿ ਨਿਗ੍ਗਹਂ ਹਞ੍ਚਿ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ, ਤੇਨ ਵਤ ਰੇ ਵਤ੍ਤਬ੍ਬੇ ‘‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ. ਯਂ ਤਤ੍ਥ ਵਦੇਸਿ ‘‘ਵਤ੍ਤਬ੍ਬੇ ਖੋ ‘ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨ’, ਨੋ ਚ ਵਤ੍ਤਬ੍ਬੇ ‘ਯੋ ਸਚ੍ਚਿਕਟ੍ਠੋ ਪਰਮਤ੍ਥੋ, ਤਤੋ ਸੋ ਪੁਗ੍ਗਲੋ ਉਪਲਬ੍ਭਤਿ ਸਚ੍ਚਿਕਟ੍ਠਪਰਮਤ੍ਥੇਨਾ’’ਤਿ, ਮਿਚ੍ਛਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਪਠਮਾ ਪੁਗ੍ਗਲਕਥਾ ਪਞ੍ਚ ਭਾਣਵਾਰਮਤ੍ਤਾਯ ਤਨ੍ਤਿਯਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਕਥਾਵਤ੍ਥੁਪ੍ਪਕਰਣੇ ਦੁਤਿਯਵਗ੍ਗੇ ਦੁਤਿਯਾ ਅਞ੍ਞਾਣਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਦੁਤਿਯਵਗ੍ਗੇ ਦੁਤਿਯਾ ਅਞ੍ਞਾਣਕਥਾ ‘‘ਅਤ੍ਥਿ ਅਰਹਤੋ ਅਞ੍ਞਾਣਨ੍ਤਿ, ਆਮਨ੍ਤਾ. ਅਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਨ੍ਤਿ, ਨ ਹੇਵਂ ਵਤ੍ਤਬ੍ਬੇ. ਨਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨਿਵਰਣਨ੍ਤਿ, ਆਮਨ੍ਤਾ. ਹਞ੍ਚਿ ਨਤ੍ਥਿ ਅਰਹਤੋ ਅਵਿਜ੍ਜਾ ਅਵਿਜ੍ਜੋਘੋ ਅਵਿਜ੍ਜਾਯੋਗੋ ਅਵਿਜ੍ਜਾਨੁਸਯੋ ਅਵਿਜ੍ਜਾਪਰਿਯੁਟ੍ਠਾਨਂ ਅਵਿਜ੍ਜਾਸਂਯੋਜਨਂ ਅਵਿਜ੍ਜਾਨੀਵਰਣਂ, ਨੋ ਚ ਵਤ ਰੇ ਵਤ੍ਤਬ੍ਬੇ ‘‘ਅਤ੍ਥਿ ਅਰਹਤੋ ਅਞ੍ਞਾਣ’’ਨ੍ਤਿ ਏਵਮਾਦਿਨਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਭਾਸਿਤਾ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਤਤਿਯਵਗ੍ਗੇ ਏਕਾਦਸਮਾ ਅਸਞ੍ਞਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਤਤਿਯਵਗ੍ਗੇ ਏਕਾਦਸਮਾ ਅਸਞ੍ਞਕਥਾ ‘‘ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥੀਤਿ, ਆਮਨ੍ਤਾ. ਸਞ੍ਞਾਭਵੋ ਸਞ੍ਞਾਗਤਿ ਸਞ੍ਞਾਸਤ੍ਤਾਵਾਸੋ ਸਞ੍ਞਾਸਂਸਾਰੋ ਸਞ੍ਞਾਯੋਨਿ ਸਞ੍ਞਤ੍ਤਭਾਵਪਟਿਲਾਭੋਤਿ, ਨ ਹੇਵਂ ਵਤ੍ਤਬ੍ਬੇ’’ਤਿ ਏਵਮਾਦਿਨਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਸਞ੍ਞਾਭਵੋ ¶ ਸਞ੍ਞਾਗਤਿ ਸਞ੍ਞਾਸਤ੍ਤਾਵਾਸੋ ਸਞ੍ਞਾਸਂਸਾਰੋ ਸਞ੍ਞਾਯੋਨਿ ਸਞ੍ਞਤ੍ਤਭਾਵਪਟਿਲਾਭੋ.

ਨਨੁ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋ.

ਹਞ੍ਚਿ ¶ ਅਸਞ੍ਞਭਵੋ ਅਸਞ੍ਞਗਤਿ ਅਸਞ੍ਞਸਤ੍ਤਾਵਾਸੋ ਅਸਞ੍ਞਸਂਸਾਰੋ ਅਸਞ੍ਞਯੋਨਿ ਅਸਞ੍ਞਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ.

ਪਞ੍ਚਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋ.

ਨਨੁ ¶ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋ.

ਹਞ੍ਚਿ ਏਕਵੋਕਾਰਭਵੋ ਗਤਿ ਸਤ੍ਤਾਵਾਸੋ ਸਂਸਾਰੋ ਯੋਨਿ ਅਤ੍ਤਭਾਵਪਟਿਲਾਭੋ, ਨੋ ਚ ਵਤ ਰੇ ਵਤ੍ਤਬ੍ਬੇ ਅਸਞ੍ਞਸਤ੍ਤੇਸੁ ਸਞ੍ਞਾ ਅਤ੍ਥਿ.

ਪੁਚ੍ਛਾ – ਛਟ੍ਠਵਗ੍ਗੇ ¶ ਪਨ ਆਵੁਸੋ ਅਟ੍ਠਮਾ ਪਥਵੀਧਾਤੁ ਸਨਿਦਸ੍ਸਨਾਤਿਆਦਿਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਛਟ੍ਠਵਗ੍ਗੇ ਭਨ੍ਤੇ ਅਟ੍ਠਮਾ ਪਥਵੀਧਾਤੁ ਸਨਿਦਸ੍ਸਨਾਤਿਆਦਿਕਥਾ ‘‘ਪਥਵੀਧਾਤੁ ਸਨਿਦਸ੍ਸਨਾਤਿ ਆਮਨ੍ਤਾ. ਰੂਪਂ ਰੂਪਾਯਤਨਂ ਰੂਪਧਾਤੁ ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਚਕ੍ਖੁਵਿਞ੍ਞੇਯ੍ਯਂ ਚਕ੍ਖੁਸ੍ਮਿਂ ਪਟਿਹਞ੍ਞਤਿ ਚਕ੍ਖੁਸ੍ਸ ਆਪਾਥਂ ਆਗਚ੍ਛਤੀਤਿ, ਨ ਹੇਵਂ ਵਤ੍ਤਬ੍ਬੇ’’ਤਿ ਏਵਮਾਦਿਨਾ ਆਯਸ੍ਮਤਾ ਮਹਾਮੋਗ੍ਗਲਿ ਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਚਕ੍ਖੁਞ੍ਚ ¶ ਪਟਿਚ੍ਚ ਪਥਵੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਂ.

ਤੇਨ ¶ ਹਿ ਨ ਵਤ੍ਤਬ੍ਬਂ ਚਕ੍ਖੁਞ੍ਚ ਪਟਿਚ੍ਚ ਪਥਵੀਧਾਤੁਞ੍ਚ ਉਪ੍ਪਜ੍ਜਤਿ ਚਕ੍ਖੁਵਿਞ੍ਞਾਣਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ਆਵੁਸੋ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਅਟ੍ਠਮਵਗ੍ਗੇ ਦੁਤਿਯਾ ਅਨ੍ਤਰਾਭਵਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ¶ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਅਟ੍ਠਮਵਗ੍ਗੇ ਦੁਤਿਯਾ ਅਨ੍ਤਰਾਭਵਕਥਾ ‘‘ਅਤ੍ਥਿ ਅਨ੍ਤਰਾਭਵੋਤਿ, ਆਮਨ੍ਤਾ. ਕਾਮਭਵੋਤਿ, ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ, ਆਮਨ੍ਤਾ. ਰੂਪਭਵੋਤਿ, ਨ ਹੇਵਂ ਵਤ੍ਤਬ੍ਬੇ…ਪੇ… ਅਤ੍ਥਿ ਅਨ੍ਤਰਾਭਵੋਤਿ, ਆਮਨ੍ਤਾ. ਅਰੂਪਭਵੋਤਿ, ਨ ਹੇਵਂ ਵਤ੍ਤਬ੍ਬੇ’’ਤਿ ਏਵਮਾਦਿਨਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਕਾਮਭਵਸ੍ਸ ¶ ਚ ਰੂਪਭਵਸ੍ਸ ਚ ਅਨ੍ਤਰੇ ਅਤ੍ਥਿ ਅਨ੍ਤਰਾਭਵੋ.

ਰੂਪਭਵਸ੍ਸ ਚ ਅਰੂਪਭਵਸ੍ਸ ਚ ਅਨ੍ਤਰੇ ਅਤ੍ਥਿ ਅਨ੍ਤਰਾਭਵੋ.

ਕਾਮਭਵਸ੍ਸ ਚ ਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋ.

ਹਞ੍ਚਿ ¶ ਕਾਮਭਵਸ੍ਸ ਚ ਰੂਪਭਵਸ੍ਸ ਚ ਅਨ੍ਤਰੇ ਨਤ੍ਥਿ ਅਨ੍ਤਰਾਭਵੋ, ਨੋ ਚ ਵਤ ਰੇ ਵਤ੍ਤਬ੍ਬੇ ਅਤ੍ਥਿ ਅਨ੍ਤਰਾਭਵੋ.

ਪੁਚ੍ਛਾ – ਅਭਿਧਮ੍ਮਪਿਟਕੇ ਆਵੁਸੋ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਚੁਦ੍ਦਸਮਵਗ੍ਗੇ ਦੁਤਿਯਾ ਸਲ਼ਾਯਤਨੁਪ੍ਪਤ੍ਤਿਕਥਾ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਪਞ੍ਚਮੇ ਕਥਾਵਤ੍ਥੁਪ੍ਪਕਰਣੇ ਚੁਦ੍ਦਸਮੇਵਗ੍ਗੇ ਦੁਤਿਯਾ ਸਲ਼ਾਯਤਨੁਪ੍ਪਤ੍ਤਿਕਥਾ ‘‘ਸਲ਼ਾਯਤਨਂ ਅਪੁਬ੍ਬਂ ਅਚਰਿਮਂ ਮਾਤੁਕੁਚ੍ਛਿਸ੍ਮਿਂ ਸਣ੍ਠਾਤੀਤਿ, ਆਮਨ੍ਤਾ. ਸਬ੍ਬਙ੍ਗਪਚ੍ਚਙ੍ਗੀ ਅਹੀਨਿਨ੍ਦ੍ਰਿਯੋ ਮਾਤੁਕੁਚ੍ਛਿਸ੍ਮਿਂ ਓਕ੍ਕਮਤੀਤਿ, ਨ ਹੇਵਂ ਵਤ੍ਤਬ੍ਬੇ’’ਤਿ ਏਵਮਾਦਿਨਾ ¶ ਆਯਸ੍ਮਤਾ ਮਹਾਮੋਗ੍ਗਲਿਪੁਤ੍ਤਤਿਸ੍ਸਤ੍ਥੇਰੇਨ ਵਿਤ੍ਥਾਰਤੋ ਵਿਭਜਿਤ੍ਵਾ ਕਥਿਤਾ.

ਸਲ਼ਾਯਤਨਂ ¶ ਅਪੁਬ੍ਬਂ ਅਚਰਿਮਂ ਮਾਤੁਕੁਚ੍ਛਿਸ੍ਮਿਂ ਸਣ੍ਠਾਤਿ.

ਸਬ੍ਬਙ੍ਗਪ੍ਪਚ੍ਚਙ੍ਗੀ ਅਹੀਨਿਨ੍ਦ੍ਰਿਯੋ ਮਾਤੁਕੁਚ੍ਛਿਸ੍ਮਿਂ ਓਕ੍ਕਮਤਿ.

ਉਪਪਤ੍ਤੇਸਿਯੇਨ ਚਿਤ੍ਤੇਨ ਚਕ੍ਖਾਯਤਨਂ ਸਣ੍ਠਾਤਿ.

ਉਪਪਤ੍ਤੇਸਿਯੇਨ ਚਿਤ੍ਤੇਨ ਹਤ੍ਥਾ ਸਣ੍ਠਨ੍ਤਿ, ਪਾਦਾ ਸਣ੍ਠਨ੍ਤਿ, ਸੀਸਂ ਸਣ੍ਠਾਤਿ, ਕਣ੍ਣੋ ਸਣ੍ਠਾਤਿ, ਨਾਸਿਕਾ ਸਣ੍ਠਾਤਿ, ਮੁਖਂ ਸਣ੍ਠਾਤਿ, ਦਨ੍ਤਾ ਸਣ੍ਠਨ੍ਤਿ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਯਮਕਪਾਟਿਹੀਰਾਵਸਾਨੇ ਤਾਵਤਿਂਸਦੇਵਲੋਕਂ ਗਨ੍ਤ੍ਵਾ ਦਸਸਹਸ੍ਸਲੋਕਧਾਤੂਹਿ ਆਗਮ੍ਮ ਸਨ੍ਨਿਸਿਨ੍ਨਾਨਂ ਦੇਵਾਨਂ ਅਭਿਧਮ੍ਮਦੇਸਨਂ ਦੇਸੇਨ੍ਤੇਨ ਪਠਮਂ ਅਭਿਧਮ੍ਮਪਿਟਕੇ ਪਞ੍ਚਪ੍ਪਕਰਣਾਨਿ ਦੇਸੇਤ੍ਵਾ ਤਦਨਨ੍ਤਰਂ ਛਟ੍ਠਂ ਯਮਕਪ੍ਪਕਰਣਂ ਦੇਸੇਨ੍ਤੇਨ ਕਤਿ ਯਮਕਪ੍ਪਕਰਣਾਨਿ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਭਗਵਤਾ ਭਨ੍ਤੇ ਯਮਸ੍ਸ ਵਿਸਯਾਤੀਤੇਨ ਯਮਕਪਾਟਿਹੀਰਾਵਸਾਨੇ ਤਾਵਤਿਂਸਦੇਵਲੋਕਂ ਗਨ੍ਤ੍ਵਾ ਤਤ੍ਥ ਦਸਸਹਸ੍ਸਲੋਕਧਾਤੂਹਿ ਆਗਮ੍ਮ ਸਨ੍ਨਿਸਿਨ੍ਨਾਨਂ ਦੇਵਤਾਨਂ ਅਭਿਧਮ੍ਮਪਿਟਕਂ ਦੇਸੇਨ੍ਤੇਨ ਅਭਿਧਮ੍ਮਪਿਟਕੇ ਪੂਰਿਮਾਨਿ ਪਞ੍ਚਪ੍ਪਕਰਣਾਨਿ ਦੇਸੇਤ੍ਵਾ ਤਦਨਨ੍ਤਰਂ ਛਟ੍ਠਂ ਯਮਕਪ੍ਪਕਰਣਂ ਮੂਲਯਮਕਂ ਖਨ੍ਧਯਮਕਂ ਆਯਤਨਯਮਕਂ ਧਾਤੁਯਮਕਂ ਸਚ੍ਚਯਮਕਂ ਸਙ੍ਖਾਰਯਮਕਂ ਅਨੁਸਯਯਮਕਂ ਚਿਤ੍ਤਯਮਕਂ ਧਮ੍ਮਯਮਕਂ ਇਨ੍ਦ੍ਰਿਯਯਮਕਨ੍ਤਿ ਦਸ ਯਮਕਪ੍ਪਕਰਣਾਨਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਕਥਞ੍ਚਾਵੁਸੋ ¶ ਤਤ੍ਥ ਭਗਵਤਾ ਪਠਮਂ ਮੂਲਯਮਕਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਾ. ਯੇ ਵਾ ਪਨ ਕੁਸਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ. ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲੇਨ ਏਕਮੂਲਾ. ਯੇ ਵਾ ¶ ਪਨ ਕੁਸਲਮੂਲੇਨ ਏਕਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾ. ਯੇ ਕੇਚਿ ਕੁਸਲਮੂਲੇਨ ਏਕਮੂਲਾ ਧਮ੍ਮਾ, ਸਬ੍ਬੇ ਤੇ ਧਮ੍ਮਾ ਕੁਸਲਮੂਲੇਨ ਅਞ੍ਞਮਞ੍ਞਮੂਲਾ. ਯੇ ਵਾ ਪਨ ਕੁਸਲਮੂਲੇਨ ਅਞ੍ਞਮਞ੍ਞਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾਤਿ ਏਵਮਾਦਿਨਾ ਭਨ੍ਤੇ ਤਤ੍ਥ ਭਗਵਤਾ ਪਠਮਂ ਮੂਲਯਮਕਂ ਬਾਵੀਸਤਿਯਾ ਚ ਤਿਕੇਹਿ ਦੁਕਸਤੇਨ ਚ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਾ.

ਯੇ ਕੇਚਿ ਕੁਸਲਾ ਧਮ੍ਮਾ, ਸਬ੍ਬੇ ਤੇ ਕੁਸਲਮੂਲਾਤਿ, ਤੀਣੇਵ ਕੁਸਲਮੂਲਾਨਿ ਅਵਸੇਸਾ ਕੁਸਲਾ ਧਮ੍ਮਾ, ਨ ਕੁਸਲਮੂਲਾ, ਯੇ ਵਾ ਪਨ ਕੁਸਲਮੂਲਾ, ਸਬ੍ਬੇ ਤੇ ਧਮ੍ਮਾ ਕੁਸਲਾਤਿ, ਆਮਨ੍ਤਾ –

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦੁਤਿਯਂ ਖਨ੍ਧਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦੁਤਿਯਂ ਖਨ੍ਧਯਮਕਂ ‘‘ਪਞ੍ਚਕ੍ਖਨ੍ਧਾ – ਰੂਪਕ੍ਖਨ੍ਧੋ ਵੇਦਨਾਕ੍ਖਨ੍ਧੋ ਸਞ੍ਞਾਕ੍ਖਨ੍ਧੋ ਸਙ੍ਖਾਰਕ੍ਖਨ੍ਧੋ ਵਿਞ੍ਞਾਣਕ੍ਖਨ੍ਧੋ. ਰੂਪਂ ਰੂਪਕ੍ਖਨ੍ਧੋ, ਰੂਪਕ੍ਖਨ੍ਧੋ ਰੂਪਂ. ਵੇਦਨਾ ਵੇਦਨਾਕ੍ਖਨ੍ਧੋ, ਵੇਦਨਾਕ੍ਖਨ੍ਧੋ ਵੇਦਨਾ. ਸਞ੍ਞਾ ਸਞ੍ਞਾਕ੍ਖਨ੍ਧੋ, ਸਞ੍ਞਾਕ੍ਖਨ੍ਧੋ ਸਞ੍ਞਾ. ਸਙ੍ਖਾਰਾ ਸਙ੍ਖਾਰਕ੍ਖਨ੍ਧੋ, ਸਙ੍ਖਾਰਕ੍ਖਨ੍ਧੋ ਸਙ੍ਖਾਰਾ. ਵਿਞ੍ਞਾਣਂ ਵਿਞ੍ਞਾਣਕ੍ਖਨ੍ਧੋ, ਵਿਞ੍ਞਾਣਕ੍ਖਨ੍ਧੋ ਵਿਞ੍ਞਾਣ’’ਨ੍ਤਿ ਏਵਮਾਦਿਨਾ ਭਗਵਤਾ ਪਣ੍ਣਤ੍ਤਿਵਾਰਪਵਤ੍ਤਿਵਾਰਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਤਤਿਯਂ ਆਯਤਨਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਤਤਿਯਂ ਆਯਤਨਯਮਕਂ ‘‘ਦ੍ਵਾਦਸਾਯਤਨਾਨਿ – ਚਕ੍ਖਾਯਤਨਂ ਸੋਤਾਯਤਨਂ ਘਾਨਾਯਤਨਂ ਜਿਵ੍ਹਾਯਤਨਂ ਕਾਯਾਯਤਨਂ ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮਨਾਯਤਨਂ ਧਮ੍ਮਾਯਤਨਂ. ਚਕ੍ਖੁ ਚਕ੍ਖਾਯਤਨਂ, ਚਕ੍ਖਾਯਤਨਂ ਚਕ੍ਖੁ. ਸੋਤਂ ਸੋਤਾਯਤਨਂ, ਸੋਤਾਯਤਨਂ ਸੋਤ’’ਨ੍ਤਿ ਏਵਮਾਦਿਨਾ ਪਣ੍ਣਤ੍ਤਿਵਾਰਪਵਤ੍ਤਿਵਾਰਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਵਾਰੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਚਤੁਤ੍ਥਂ ਧਾਤੁਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ¶ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਚਤੁਤ੍ਥਂ ਧਾਤੁਯਮਕਂ ‘‘ਅਟ੍ਠਾਰਸ ਧਾਤੁਯੋ – ਚਕ੍ਖੁਧਾਤੁ ਸੋਤਧਾਤੁ ਘਾਨਧਾਤੁ ਜਿਵ੍ਹਾਧਾਤੁ ਕਾਯਧਾਤੁ ਰੂਪਧਾਤੁ ਸਦ੍ਦਧਾਤੁ ਗਨ੍ਧਧਾਤੁ ਰਸਧਾਤੁ ਫੋਟ੍ਠਬ੍ਬਧਾਤੁ ਚਕ੍ਖੁਵਿਞ੍ਞਾਣਧਾਤੁ ਸੋਤਵਿਞ੍ਞਾਣਧਾਤੁ ਘਾਨਵਿਞ੍ਞਾਣਧਾਤੁ ਜਿਵ੍ਹਾਵਿਞ੍ਞਾਣਧਾਤੁ ਕਾਯਵਿਞ੍ਞਾਣਧਾਤੁ ਮਨੋਧਾਤੁ ਮਨੋਵਿਞ੍ਞਾਣਧਾਤੁ ਧਮ੍ਮਧਾਤੂ’’ਤਿ ਏਵਮਾਦਿਨਾ ਭਗਵਤਾ ਪਣ੍ਣਤ੍ਤਿਵਾਰਪਵਤ੍ਤਿਵਾਰਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਮਹਾਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਪਞ੍ਚਮਂ ਸਚ੍ਚਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਪਞ੍ਚਮਂ ਸਚ੍ਚਯਮਕਂ ‘‘ਚਤ੍ਤਾਰਿ ਸਚ੍ਚਾਨਿ – ਦੁਕ੍ਖਸਚ੍ਚਂ ਸਮੁਦਯਸਚ੍ਚਂ ਨਿਰੋਧਸਚ੍ਚਂ ਮਗ੍ਗਸਚ੍ਚਂ. ਦੁਕ੍ਖਂ ਦੁਕ੍ਖਸਚ੍ਚਂ, ਦੁਕ੍ਖਸਚ੍ਚਂ ਦੁਕ੍ਖਂ. ਸਮੁਦਯੋ ਸਮੁਦਯਸਚ੍ਚਂ, ਸਮੁਦਯਸਚ੍ਚਂ ਸਮੁਦਯੋ. ਨਿਰੋਧੋ ਨਿਰੋਧਸਚ੍ਚਂ, ਨਿਰੋਧਸਚ੍ਚਂ ਨਿਰੋਧੋ. ਮਗ੍ਗੋ ਮਗ੍ਗਸਚ੍ਚਂ, ਮਗ੍ਗਸਚ੍ਚਂ ਮਗ੍ਗੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਛਟ੍ਠਂ ਸਙ੍ਖਾਰਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਛਟ੍ਠਂ ਸਙ੍ਖਾਰਯਮਕਂ ‘‘ਤਯੋ ਸਙ੍ਖਾਰਾ – ਕਾਯਸਙ੍ਖਾਰੋ ਵਚੀਸਙ੍ਖਾਰੋ ¶ , ਚਿਤ੍ਤਸਙ੍ਖਾਰੋ. ਅਸ੍ਸਾਸਪਸ੍ਸਾਸਾ ਕਾਯਸਙ੍ਖਾਰੋ, ਵਿਤਕ੍ਕਵਿਚਾਰਾ ਵਚੀਸਙ੍ਖਾਰਾ, ਸਞ੍ਞਾ ਚ ਵੇਦਨਾ ਚ ਚਿਤ੍ਤਸਙ੍ਖਾਰੋ ਠਪੇਤ੍ਵਾ ਵਿਤਕ੍ਕਵਿਚਾਰੇ ਸਬ੍ਬੇਪਿ ਚਿਤ੍ਤਸਮ੍ਪਯੁਤ੍ਤਕਾ ਧਮ੍ਮਾ ਚਿਤ੍ਤਸਙ੍ਖਾਰੋ’’ਤਿ ਏਵਮਾਦਿਨਾ ਭਗਵਤਾ ਪਣ੍ਣਤ੍ਤਿਵਾਰਪਵਤ੍ਤਿਵਾਰਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਮਹਾਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਸਤ੍ਤਮਂ ਅਨੁਸਯਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਸਤ੍ਤਮਂ ਅਨੁਸਯਯਮਕਂ ‘‘ਸਤ੍ਤ ਅਨੁਸਯਾ – ਕਾਮਰਾਗਾਨੁਸਯੋ ਪਟਿਘਾਨੁਸਯੋ ਮਾਨਾਨੁਸਯੋ ਦਿਟ੍ਠਾਨੁਸਯੋ ਵਿਚਿਕਿਚ੍ਛਾਨੁਸਯੋ ਭਵਰਾਗਾਨੁਸਯੋ ਅਵਿਜ੍ਜਾਨੁਸਯੋ. ਕਤ੍ਥ ਕਾਮਰਾਗਾਨੁਸਯੋ ਅਨੁਸੇਤਿ, ਕਾਮਧਾਤੁਯਾ ਦ੍ਵੀਸੁ ਵੇਦਨਾਸੁ ਏਤ੍ਥ ਕਾਮਰਾਗਾਨੁਸਯੋ ਅਨੁਸੇਤੀ’’ਤਿ ਏਵਮਾਦਿਨਾ ਭਗਵਤਾ ਉਪ੍ਪਤ੍ਤਿਟ੍ਠਾਨਵਾਰ ਅਨੁਸਯਵਾਰ ਸਾਨੁਸਯਵਾਰ ਪਜਹਨਵਾਰ ਪਰਿਞ੍ਞਾਵਾਰ ਪਹੀਨਵਾਰ ਉਪ੍ਪਜ੍ਜਨਵਾਰ ਧਾਤੁਵਾਰਸਙ੍ਖਾਤੇਹਿ ਅਟ੍ਠਹਿ ਮਹਾਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਅਟ੍ਠਮਂ ਚਿਤ੍ਤਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਅਟ੍ਠਮਂ ਚਿਤ੍ਤਯਮਕਂ ‘‘ਯਸ੍ਸ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤਿ, ਤਸ੍ਸ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ. ਯਸ੍ਸ ਵਾ ਪਨ ਚਿਤ੍ਤਂ ਨਿਰੁਜ੍ਝਿਸ੍ਸਤਿ ਨ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਿਤ੍ਤਂ ਉਪ੍ਪਜ੍ਜਤਿ ਨ ਨਿਰੁਜ੍ਝਤੀ’’ਤਿ ਏਵਮਾਦਿਨਾ ਭਗਵਤਾ ਸੁਦ੍ਧਚਿਤ੍ਤਸਾਮਞ੍ਞਸੁਤ੍ਤਨ੍ਤਚਿਤ੍ਤਮਿਸ੍ਸਕਵਿਸੇਸਅਭਿਧਮ੍ਮਚਿਤ੍ਤਮਿਸ੍ਸਕਵਿਸੇਸ- ਸਙ੍ਖਾਤੇਹਿ ਤੀਹਿ ਮਹਾਨਯੇਤਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਨਵਮਂ ਧਮ੍ਮਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਨਵਮਂ ਧਮ੍ਮਯਮਕਂ ‘‘ਕੁਸਲਾ ਕੁਸਲਾ ਧਮ੍ਮਾ, ਕੁਸਲਾ ਧਮ੍ਮਾ ਕੁਸਲਾ. ਅਕੁਸਲਾ ਅਕੁਸਲਾ ਧਮ੍ਮਾ, ਅਕੁਸਲਾ ਧਮ੍ਮਾ ਅਕੁਸਲਾ. ਅਬ੍ਯਾਕਤਾ ਅਬ੍ਯਾਕਤਾ ਧਮ੍ਮਾ, ਅਬ੍ਯਾਕਤਾ ਧਮ੍ਮਾ ਅਬ੍ਯਾਕਤਾ’’ਤਿ ਏਵਮਾਦਿਨਾ ਭਗਵਤਾ ਪਣ੍ਣਤ੍ਤਿਵਾਰਪਵਤ੍ਤਿਵਾਰਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਮਹਾਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਦਸਮਂ ਇਨ੍ਦ੍ਰਿਯਯਮਕਂ ਭਗਵਤਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਛਟ੍ਠੇ ਯਮਕਪ੍ਪਕਰਣੇ ਦਸਸੁ ਯਮਕੇਸੁ ਦਸਮਂ ਇਨ੍ਦ੍ਰਿਯਯਮਕਂ ‘‘ਬਾਵੀਸਤਿਨ੍ਦ੍ਰਿਯਾਨਿ – ਚਕ੍ਖੁਨ੍ਦ੍ਰਿਯਂ ਸੋਤਿਨ੍ਦ੍ਰਿਯਂ ਘਾਨਿਨ੍ਦ੍ਰਿਯਂ ਜਿਵ੍ਹਿਨ੍ਦ੍ਰਿਯਂ ਕਾਯਿਨ੍ਦ੍ਰਿਯਂ ਇਤ੍ਥਿਨ੍ਦ੍ਰਿਯਂ ਪੁਰਿਸਿਨ੍ਦ੍ਰਿਯਂ ਜੀਵਿਤਿਨ੍ਦ੍ਰਿਯਂ ਮਨਿਨ੍ਦ੍ਰਿਯਂ ਸੁਖਿਨ੍ਦ੍ਰਿਯਂ ਦੁਕ੍ਖਿਨ੍ਦ੍ਰਿਯਂ ਸੋਮਨਸ੍ਸਿਨ੍ਦ੍ਰਿਯਂ ਦੋਮਨਸ੍ਸਿਨ੍ਦ੍ਰਿਯਂ ਉਪੇਕ੍ਖਿਨ੍ਦ੍ਰਿਯਂ ਸਦ੍ਧਿਨ੍ਦ੍ਰਿਯਂ ਵੀਰਿਯਿਨ੍ਦ੍ਰਿਯਂ ਸਮਾਧਿਨ੍ਦ੍ਰਿਯਂ ਪਞ੍ਞਿਨ੍ਦ੍ਰਿਯਂ ਅਨਞ੍ਞਾਤਞ੍ਞਸ੍ਸਾਮੀਤਿਨ੍ਦ੍ਰਿਯਂ ਅਞ੍ਞਿਨ੍ਦ੍ਰਿਯਂ ਅਞ੍ਞਾਤਾਵਿਨ੍ਦ੍ਰਿਯ’’ਨ੍ਤਿ ਏਵਮਾਦਿਨਾ ਭਗਵਤਾ ਪਣ੍ਣਤ੍ਤਿਵਾਰ ਪਵਤ੍ਤਿਵਾਰ ਪਰਿਞ੍ਞਾਵਾਰਸਙ੍ਖਾਤੇਹਿ ਤੀਹਿ ਮਹਾਵਾਰੇਹਿ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਇਨ੍ਦ੍ਰਿਯਯਮਕੇ ਤੀਸੁ ਮਹਾਵਾਰੇਸੁ ਪਵਤ੍ਤਿਵਾਰੇ ਉਪ੍ਪਾਦਅਤੀਤਵਾਰੋ ਭਗਵਤਾ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ¶ ਭਨ੍ਤੇ ਇਨ੍ਦ੍ਰਿਯਯਮਕੇ ਤੀਸੁ ਮਹਾਵਾਰੇਸੁ ਪਵਤ੍ਤਿਵਾਰੇ ਉਪ੍ਪਾਦਅਤੀਤਵਾਰੋ ‘‘ਯਸ੍ਸ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਤ੍ਤ, ਤਸ੍ਸ ਸੋਤਿਨ੍ਦ੍ਰਿਯਂ, ਘਾਨਿਨ੍ਦ੍ਰਿਯਂ, ਜਿਵ੍ਹਿਨ੍ਦ੍ਰਿਯਂ, ਕਾਯਿਨ੍ਦ੍ਰਿਯਂ, ਇਤ੍ਥਿਨ੍ਦ੍ਰਿਯਂ, ਪੁਰਿਸਿਨ੍ਦ੍ਰਿਯਂ, ਜੀਵਿਤਿਨ੍ਦ੍ਰਿਯਂ, ਸੋਮਨਸ੍ਸਿਨ੍ਦ੍ਰਿਯਂ, ਉਪੇਕ੍ਖਿਨ੍ਦ੍ਰਿਯਂ, ਸਦ੍ਧਿਨ੍ਦ੍ਰਿਯਂ, ਵੀਰਿਯਿਨ੍ਦ੍ਰਿਯਂ, ਸਤਿਨ੍ਦ੍ਰਿਯਂ, ਸਮਾਧਿਨ੍ਦ੍ਰਿਯਂ, ਪਞ੍ਞਿਨ੍ਦ੍ਰਿਯਂ, ਮਨਿਨ੍ਦ੍ਰਿਯਂ, ਉਪ੍ਪਜ੍ਜਿਤ੍ਥਾਤਿ, ਆਮਨ੍ਤਾ. ਯਸ੍ਸ ਵਾ ਪਨ ਮਨਿਨ੍ਦ੍ਰਿਯਂ ਉਪ੍ਪਜ੍ਜਿਤ੍ਥ, ਤਸ੍ਸ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਤ੍ਥਾਤਿ, ਆਮਨ੍ਤਾ’’ਤਿ ਏਵਮਾਦਿਨਾ ਭਗਵਤਾ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਇਨ੍ਦ੍ਰਿਯਯਮਕੇ ਤੀਸੁ ਮਹਾਵਾਰੇਸੁ ਪਵਤ੍ਤਿਵਾਰੇ ਉਪ੍ਪਾਦਅਨਾਗਤਵਾਰੋ ਭਗਵਤਾ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਇਨ੍ਦ੍ਰਿਯਯਮਕੇ ਤੀਸੁ ਮਹਾਵਾਰੇਸੁ ਪਵਤ੍ਤਿਵਾਰੇ ਉਪ੍ਪਾਦਅਨਾਗਤਵਾਰੋ ‘‘ਯਸ੍ਸ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਸੋਤਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀਤਿ, ਆਮਨ੍ਤਾ. ਯਸ੍ਸ ਵਾ ਪਨ ਸੋਤਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀ’’ਤਿ ਆਮਨ੍ਤਾ. ਯਸ੍ਸ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਘਾਨਿਨ੍ਦ੍ਰਿਯਂ, ਜਿਵ੍ਹਿਨ੍ਦ੍ਰਿਯਂ, ਕਾਯਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀਤਿ, ਯੇ ਰੂਪਾਵਚਰਂ ਉਪਪਜ੍ਜਿਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ, ਤੇਸਂ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਕਾਯਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਇਤਰੇਸਂ ਤੇਸਂ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ ਕਾਯਿਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤੀ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਯਸ੍ਸ ¶ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਇਤ੍ਥਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀਤਿ. ਯੇ ਰੂਪਾਵਚਰਂ ਉਪਪਜ੍ਜਿਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ, ਯੇ ਚ ਪੁਰਿਸਾ ਏਤੇਨੇਵ ਭਾਵੇਨ ਕਤਿਚਿ ਭਵੇ ਦਸ੍ਸੇਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ ਤੇਸਂ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਇਤ੍ਥਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਇਤਰੇਸਂ ਤੇਸਂ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ ਇਤ੍ਥਿਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ.

ਯਸ੍ਸ ¶ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਪੁਰਿਸਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀਤਿ, ਯੇ ਰੂਪਾਵਚਰਂ ਉਪਪਜ੍ਜਿਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ, ਯਾ ਚ ਇਤ੍ਥਿਯੋ ਏਤੇਨੇਵ ਭਾਵੇਨ ਕਤਿਚਿ ਭਵੇ ਦਸ੍ਸੇਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ, ਤੇਸਂ ਚਕ੍ਖੁਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤੇਸਂ ਪੁਰਿਸਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ. ਇਤਰੇਸਂ ਤੇਸਂ ਚਕ੍ਖੁਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ ਪੁਰਿਸਿਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ.

ਯਸ੍ਸ ਇਤ੍ਥਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਤਸ੍ਸ ਪੁਰਿਸਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤੀਤਿ, ਯਾ ਇਤ੍ਥਿਯੋ ਏਤੇਨੇਵ ਭਾਵੇਨ ਕਤਿਚਿ ਭਵੇ ਦਸ੍ਸੇਤ੍ਵਾ ਪਰਿਨਿਬ੍ਬਾਯਿਸ੍ਸਨ੍ਤਿ, ਤਾਸਂ ¶ ਇਤ੍ਥਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ, ਨੋ ਚ ਤਾਸਂ ਪੁਰਿਸਿਨ੍ਦ੍ਰਿਯਂ ਉਪ੍ਪਜ੍ਜਿਸ੍ਸਤਿ. ਇਤਰੇਸਂ ਤੇਸਂ ਇਤ੍ਥਿਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ ਪੁਰਿਸਿਨ੍ਦ੍ਰਿਯਞ੍ਚ ਉਪ੍ਪਜ੍ਜਿਸ੍ਸਤਿ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਭਿਸਮ੍ਬੁਦ੍ਧਕਾਲਤੋ ਸਤ੍ਤਮਵਸ੍ਸੇ ਮਨੁਸ੍ਸਲੋਕੇ ਯਮਕਪਾਟਿਹੀਰਂ ਦਸ੍ਸੇਤ੍ਵਾ ਤਦਨਨ੍ਤਰਂ ਤਾਵਤਿਂਸਦੇਵਲੋਕਂ ਗਨ੍ਤ੍ਵਾ ਤਤ੍ਥ ਪਣ੍ਡੁਕਮ੍ਬਲਸਿਲਾਯਂ ਸਨ੍ਨਿਸੀਦਿਤ੍ਵਾ ਦਸਹਿ ਚਕ੍ਕਵਾਲ਼ਸਹਸ੍ਸੇਹਿ ਆਗਮ੍ਮ ਸਨ੍ਨਿਸਿਨ੍ਨਾਨਂ ਦੇਵਾਨਂ ਅਭਿਧਮ੍ਮਦੇਸਨਂ ਦੇਸੇਨ੍ਤੇਨ ਯਾਵ ਯਮਕਪ੍ਪਕਰਣਾ ਪੁਰਿਮਾਨਿ ਛ ਅਭਿਧਮ੍ਮਪ੍ਪਕਰਣਾਨਿ ਦੇਸੇਤ੍ਵਾ ਤਦਨਨ੍ਤਰਂ ਕਿਂਨਾਮ ਪਕਰਣਂ ਦੇਸਿਤਂ.

ਵਿਸ੍ਸਜ੍ਜਨਾ – ਤੇਨ ਭਨ੍ਤੇ ਭਗਵਤਾ ਜਾਨਤਾ ਪਸ੍ਸਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਅਭਿਸਮ੍ਬੁਦ੍ਧਕਾਲਤੋ ਸਤ੍ਤਮੇ ਵਸ੍ਸੇ ਮਨੁਸ੍ਸਲੋਕੇ ਸਾਵਤ੍ਥਿਯਂ ਕਣ੍ਡਮ੍ਬਮੂਲੇ ਯਮਕਪਾਟਿਹੀਰਂ ਦਸ੍ਸੇਤ੍ਵਾ ਤਦਨਨ੍ਤਰਂ ਤਾਵਤਿਂਸਦੇਵਲੋਕਂ ਗਨ੍ਤ੍ਵਾ ਤਤ੍ਥ ਪਣ੍ਡੁਕਮ੍ਬਲਸਿਲਾਯਂ ਸਨ੍ਨਿਪਤਿਤ੍ਵਾ ਦਸਹਿ ਚਕ੍ਕਵਾਲ਼ਸਹਸ੍ਸੇਹਿ ਆਗਮ੍ਮ ਸਨ੍ਨਿਸਿਨ੍ਨਾਨਂ ਦੇਵਾਨਂ ਅਭਿਧਮ੍ਮਦੇਸਨਂ ਦੇਸੇਨ੍ਤੇਨ ਪੁਰਿਮਾਨਿ ਛ ਅਭਿਧਮ੍ਮਪ੍ਪਕਰਣਾਨਿ ਦੇਸੇਤ੍ਵਾ ਤਦਨਨ੍ਤਰਂ ਅਨਨ੍ਤਨਯਸਮਨ੍ਤਪਟ੍ਠਾਨਂ ਨਾਮ ਸਤ੍ਤਮਂ ਮਹਾਪਕਰਣਂ ਦੇਸਿਤਂ.

ਪੁਚ੍ਛਾ – ਤਂ ¶ ਪਨੇਤਂ ਆਵੁਸੋ ਪਟ੍ਠਾਨਂ ਕੇਨਟ੍ਠੇਨ ਪਟ੍ਠਾਨਨ੍ਤਿ ਵੁਚ੍ਚਤਿ.

ਵਿਸ੍ਸਜ੍ਜਨਾ – ਤਂ ਪਨੇਤਂ ਭਨ੍ਤੇ ਪਟ੍ਠਾਨਂ ਨਾਨਪ੍ਪਕਾਰਪਚ੍ਚਯਟ੍ਠੇਨ ਵਿਭਜਨਟ੍ਠੇਨ ਪਟ੍ਠਿਤਟ੍ਠੇਨ ਚ ਪਟ੍ਠਾਨਨ੍ਤਿ ਵੁਚ੍ਚਤਿ.

ਪੁਚ੍ਛਾ – ਤਞ੍ਚਾਵੁਸੋ ¶ ਭਗਵਤਾ ਪਟ੍ਠਾਨਮਹਾਪਕਰਣਂ ਦੇਸੇਨ੍ਤੇਨ ਕਤਿਹਿ ਵਾਰੇਹਿ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਤਂ ਖੋ ਭਨ੍ਤੇ ਭਗਵਤਾ ਪਟ੍ਠਾਨਮਹਾਪਕਰਣਂ ਦੇਸੇਨ੍ਤੇਨ ਮਾਤਿਕਾਨਿਕ੍ਖੇਪਵਾਰਸਙ੍ਖਾਤੋ ਪਚ੍ਚਯੁਦ੍ਦੇਸੋ ਪਚ੍ਚਯਨਿਦ੍ਦੇਸੋ ਮਹਾਵਾਰੇਤਿ ਦ੍ਵੀਹਿ ਪਰਿਚ੍ਛੇਦਵਾਰੇਹਿ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਤੇਸੁ ¶ ਆਵੁਸੋ ਵਾਰੇਸੁ ਪਠਮੇ ਮਾਤਿਕਾਨਿਕ੍ਖੇਪਵਾਰੇ ਪਚ੍ਚਯੁਦ੍ਦੇਸਵਾਰੋ ਭਗਵਤਾ ਕਥਂ ਦੇਸਿਤੋ.

ਵਿਸ੍ਸਜ੍ਜਨਾ – ਤੇਸੁ ਭਨ੍ਤੇ ਦ੍ਵੀਸੁ ਪਰਿਚ੍ਛੇਦਵਾਰੇਸੁ ਪਠਮੇ ਮਾਤਿਕਾਨਿਕ੍ਖੇਪਵਾਰੇ ਪਚ੍ਚਯੁਦ੍ਦੇਸੇ ਹੇਤੁਪਚ੍ਚਯੋ ਆਰਮ੍ਮਣਪਚ੍ਚਯੋ ਅਧਿਪਤਿਪਚ੍ਚਯੋ ਅਨਨ੍ਤਰਪਚ੍ਚਯੋ ਸਮਨਨ੍ਤਰਪਚ੍ਚਯੋ ਸਹਜਾਤਪਚ੍ਚਯੋ ਅਞ੍ਞਮਞ੍ਞਪਚ੍ਚਯੋ ਨਿਸ੍ਸਯਪਚ੍ਚਯੋ…ਪੇ… ਅਵਿਗਤਪਚ੍ਚਯੋ’’ਤਿ. ਏਵਂ ਖੋ ਭਨ੍ਤੇ ਭਗਵਤਾ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤਦਨਨ੍ਤਰਂ ¶ ਪਨ ਆਵੁਸੋ ਪਚ੍ਚਯਨਿਦ੍ਦੇਸਵਾਰੋ ਭਗਵਤਾ ਕਥਂ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਤਦਨਨ੍ਤਰਂ ਪਨ ਭਨ੍ਤੇ ਪਚ੍ਚਯਨਿਦ੍ਦੇਸਵਾਰੋ ‘‘ਹੇਤੁਪਚ੍ਚਯੋਤਿ – ਹੇਤੂ ਹੇਤੁਸਮ੍ਪਯੁਤ੍ਤਕਾਨਂ ਧਮ੍ਮਾਨਂ ਤਂਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਪਚ੍ਚਯੋਤਿ – ਰੂਪਾਰਮ੍ਮਣਂ ਚਕ੍ਖੁਵਿਞ੍ਞਾਣਧਾਤੁਯਾ ਤਂਸਮ੍ਪਯੁਤ੍ਤਕਾਨਞ੍ਚ ਧਮ੍ਮਾਨਂ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਸਦ੍ਧਾਯਤਨਂ ਸੋਤਵਿਞ੍ਞਾਣਧਾਤੁਯਾ…. ਗਨ੍ਧਾਯਤਨਂ ਘਾਨਵਿਞ੍ਞਾਣਧਾਤੁਯਾ…. ਰਸਾਯਤਨਂ ਜਿਵ੍ਹਾਵਿਞ੍ਞਾਣਧਾਤੁਯਾ…. ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਧਾਤੁਯਾ ਤਂਸਮ੍ਪਯੁਤ੍ਤਕਾਨਞ੍ਚ ਧਮ੍ਮਾਨਂ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਰੂਪਾਯਤਨਂ ਸਦ੍ਦਾਯਤਨਂ ਗਨ੍ਧਾਯਤਨਂ ਰਸਾਯਤਨਂ ਫੋਟ੍ਠਬ੍ਬਾਯਤਨਂ ਮਨੋਧਾਤੁਯਾ ਤਂਸਮ੍ਪਯੁਤ੍ਤਕਾਨਞ੍ਚ ਧਮ੍ਮਾਨਂ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਸਬ੍ਬੇ ਧਮ੍ਮਾ ਮਨੋਵਿਞ੍ਞਾਣਧਾਤੁਯਾ ਤਂਸਮ੍ਪਯੁਤ੍ਤਕਾਨਞ੍ਚ ਧਮ੍ਮਾਨਂ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਯਂ ਯਂ ਧਮ੍ਮਂ ਆਰਬ੍ਭ ਯੇ ਯੇ ਧਮ੍ਮਾ ਉਪ੍ਪਜ੍ਜਨ੍ਤਿ ਚਿਤ੍ਤਚੇਤਸਿਕਾ ਧਮ੍ਮਾ, ਤੇ ਤੇ ਧਮ੍ਮਾ ਤੇਸਂ ਤੇਸਂ ਧਮ੍ਮਾਨਂ ਆਰਮ੍ਮਣਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਸਮ੍ਮਾਸਮ੍ਬੁਦ੍ਧੇਨ ਅਭਿਧਮ੍ਮਪਿਟਕੇ ਸਤ੍ਤਮੇ ਮਹਾਪਕਰਣੇ ਦ੍ਵੀਸੁ ਪਧਾਨਵਾਰੇਸੁ ਦੁਤਿਯੇ ਮਹਾਵਾਰੇ ਕਤਿ ਠਾਨਾਨਿ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਦ੍ਵੀਸੁ ਪਧਾਨਪਰਿਚ੍ਛੇਦਵਾਰੇਸੁ ਦੁਤਿਯੇ ਮਹਾਵਾਰੇ ਧਮ੍ਮਾਨੁਲੋਮੇ ਛ ਪਟ੍ਠਾਨਾਨਿ, ਤਥਾ ਧਮ੍ਮਪਚ੍ਚਨੀਯੇ ਧਮ੍ਮਾਨੁਲੋਮਪਚ੍ਚਨੀਯੇ ਧਮ੍ਮਪਚ੍ਚਨੀਯਾਨੁਲੋਮੇਤਿ ਚਤੁਵੀਸਤਿ ਪਟ੍ਠਾਨਾਨਿ ਭਗਵਤਾ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਤੇਸੁਪਿ ¶ ਆਵੁਸੋ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਤਿਕਾ ਭਗਵਤਾ ਕਤਿਹਿ ਵਾਰੇਹਿ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਤੇਸੁ ਭਨ੍ਤੇ ਚਤੁਵੀਸਤਿਯਾ ਮਹਾਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਤਿਕਾ ਪਟਿਚ੍ਚਵਾਰੋ ਸਹਜਾਤਵਾਰੋ ਪਚ੍ਚਯਵਾਰੋ ਨਿਸ੍ਸਯਵਾਰੋ ਸਂਸਟ੍ਠਵਾਰੋ ਸਮ੍ਪਯੁਤ੍ਤਵਾਰੋ ਪਞ੍ਹਾਵਾਰੋਤਿ ਸਤ੍ਤਹਿ ਸਤ੍ਤਹਿ ਵਾਰੇਹਿ ਵਿਭਜਿਤ੍ਵਾ ਭਗਵਤਾ ਦੇਸਿਤਾ.

ਪੁਚ੍ਛਾ – ਤੇਸੁ ¶ ਚਾਵੁਸੋ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਪਠਮੋ ਪਟਿਚ੍ਚਮਹਾਵਾਰੋ ਭਗਵਤਾ ਕਥਂ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਤੇਸੁ ਭਨ੍ਤੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਪਠਮੋ ਪਟਿਚ੍ਚਮਹਾਵਾਰੋ ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਅਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲਾ ਚ ਅਬ੍ਯਾਕਤਾ ਚ ਧਮ੍ਮਾ ਉਪ੍ਪਜ੍ਜੇਯ੍ਯੁਂ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਅਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜੇਯ੍ਯੁਂ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਚ ਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜੇਯ੍ਯੁਂ ਹੇਤੁਪਚ੍ਚਯਾ. ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਚ ਅਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜੇਯ੍ਯੁਂ ਹੇਤੁਪਚ੍ਚਯਾ’’ਤਿ ਏਵਮਾਦਿਨਾ ਪੁਚ੍ਛਾਵਾਰੇਨ ਚ. ‘‘ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਕੁਸਲਂ ਧਮ੍ਮਂ ਪਟਿਚ੍ਚ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪ’’ਨ੍ਤਿ ਏਵਮਾਦਿਨਾ ਵਿਸ੍ਸਜ੍ਜਨਾ ਵਿਸ੍ਸਜ੍ਜਨਾਵਾਰੇਨ ਚ. ‘‘ਹੇਤੁਯਾ ਨਵ, ਆਰਮ੍ਮਣੇ ਤੀਣਿ, ਅਧਿਪਤਿਯਾ ਨਵ, ਅਨਨ੍ਤਰੇ ਸਮਨਨ੍ਤਰੇ ਤੀਣਿ, ਸਹਜਾਤੇ ਨਵ, ਅਞ੍ਞਮਞ੍ਞੇ ਤੀਣਿ, ਨਿਸ੍ਸਯੇ ਨਵ, ਉਪਨਿਸ੍ਸਯੇ ਤੀਣਿ, ਪੁਰੇਜਾਤੇ ਤੀਣਿ, ਆਸੇਵਨੇ ਤੀਣਿ, ਕਮ੍ਮੇ ਨਵ, ਵਿਪਾਕੇ ਏਕਂ, ਆਹਾਰੇ ਝਾਨੇ ਇਨ੍ਦ੍ਰਿਯੇ ¶ ਮਗ੍ਗੇ ਨਵ, ਸਮ੍ਪਯੁਤ੍ਤੇ ਤੀਣਿ, ਵਿਪ੍ਪਯੁਤ੍ਤੇ ਅਤ੍ਥਿਯਾ ਨਵ, ਨਤ੍ਥਿਯਾ ਵਿਗਤੇ ਤੀਣਿ, ਅਵਿਗਤੇ ਨਵਾ’’ਤਿ ਏਵਮਾਦਿਨਾ ਸਙ੍ਖ੍ਯਾਵਾਰੇਨ ਚ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਸਿਯਾ ਕੁਸਲਂ ਧਮ੍ਮਂ ਪਟਿਚ੍ਚ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਭਿਧਮ੍ਮਪਿਟਕੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਦੁਤਿਯੋ ਸਹਜਾਤਵਾਰੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਅਨਨ੍ਤਨਯਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਦੁਤਿਯੋ ਸਹਜਾਤਾਵਾਰੋ ‘‘ਕੁਸਲਂ ਧਮ੍ਮਂ ਸਹਜਾਤੋ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਸਹਜਾਤਾ ਦ੍ਵੇ ਖਨ੍ਧਾ. ਕੁਸਲਂ ਧਮ੍ਮਂ ਸਹਜਾਤੋ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਕੁਸਲੇ ਖਨ੍ਧੇ ਸਹਜਾਤਂ ਚਿਤ੍ਤਸਮੁਟ੍ਠਾਨਂ ਰੂਪਂ. ਕੁਸਲਂ ਧਮ੍ਮਂ ਸਹਜਾਤੋ ਕੁਸਲੋ ਚ ਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ, ਕੁਸਲਂ ਏਕਂ ਖਨ੍ਧਂ ਸਹਜਾਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਸਹਜਾਤੋ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਚਿਤ੍ਤਸਮੁਟ੍ਠਾਨਞ੍ਚ ਰੂਪ’’ਨ੍ਤਿ ਏਵਮਾਦਿਨਾ ਵਿਸ੍ਸਜ੍ਜਨਾਵਾਰੇਨ ਚ. ਹੇਤੁਯਾ ਨਵ, ਆਰਮ੍ਮਣੇ ਤੀਣਿ, ਅਧਿਪਤਿਯਾ ਨਵ, ਅਨਨ੍ਤਰੇ ਸਮਨਨ੍ਤਰੇ ਤੀਣੀ’’ਤਿ ਏਵਮਾਦਿਨਾ ਸਙ੍ਖ੍ਯਾਵਾਰੇਨ ਚ ਵਾਚਨਾਮਗ੍ਗਤੋ ਦ੍ਵੀਹਿ ਵਾਰੇਹਿ ਪਟਿਮਣ੍ਡਿਤ੍ਵਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਪਟ੍ਠਾਨਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਤਤਿਯੋ ਪਚ੍ਚਯਵਾਰੋ ਕਥਂ ਵਿਭਜਿਤ੍ਵਾ ਵਿਤ੍ਥਾਰੇਨ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਬਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਤਤਿਯੋ ਪਚ੍ਚਯਵਾਰੋ ‘‘ਸਿਯਾ ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ, ਸਿਯਾ ਕੁਸਲਂ ਧਮ੍ਮਂ ਪਚ੍ਚਯਾ ਅਕੁਸਲੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ, ਸਿਯਾ ਕੁਸਲਂ ਧਮ੍ਮਂ ਪਚ੍ਚਯਾ ਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜੇਯ੍ਯ ਹੇਤੁਪਚ੍ਚਯਾ’’ਤਿ ਏਵਮਾਦਿਨਾ ਪੁਚ੍ਛਾਵਾਰੇਨ ਚ. ‘‘ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਕੁਸਲਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਚ੍ਚਯਾ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਚ੍ਚਯਾ ਦ੍ਵੇ ਖਨ੍ਧਾ’’ਤਿ ਏਵਮਾਦਿਨਾ ਵਿਸ੍ਸਜ੍ਜਨਾਵਾਰੇਨ ਚ. ‘‘ਹੇਤੁਯਾ ਸਤ੍ਤਰਸ, ਆਰਮ੍ਮਣੇ ਸਤ੍ਤ, ਅਧਿਪਤਿਯਾ ਸਤ੍ਤਰਸ, ਅਨਨ੍ਤਰੇ ਸਮਨਨ੍ਤਰੇ ਸਤ੍ਤ, ਸਹਜਾਤੇ ਸਤ੍ਤਰਸ. ਅਞ੍ਞਮਞ੍ਞੇ ਸਤ੍ਤਾ’’ਤਿ ਏਵਮਾਦਿਨਾ ਸਙ੍ਖ੍ਯਾਵਾਰੇਨ ਚ. ਪਚ੍ਚਯਾਨੁਲੋਮ ਪਚ੍ਚਯ ਪਚ੍ਚਨਿਯ ਪਚ੍ਚਯਾਨੁਲੋਮ ਪਚ੍ਚਨੀਯ ਪਚ੍ਚਯ ਪਚ੍ਚਨੀਯਾਨੁਲੋਮਸਙ੍ਖਾਤੇਹਿ ¶ ਚਤੂਹਿ ਨਯੇਹਿ ਵਿਭਜਿਤ੍ਵਾ ਭਗਵਤਾ ਦੇਸਿਤੋ.

ਕੁਸਲਂ ਧਮ੍ਮਂ ਪਚ੍ਚਯਾ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਚ੍ਚਯਾ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਚ੍ਚਯਾ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਚ੍ਚਯਾ ਦ੍ਵੇ ਖਨ੍ਧਾ- ….

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਭਿਧਮ੍ਮਪਿਟਕੇ ਸਤ੍ਤਸੁ ਮਹਾਪਕਰਣੇਸੁ ਸਤ੍ਤਮੇ ਪਟ੍ਠਾਨਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੋ ਪਞ੍ਹਾਵਾਰੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੋ ਪਞ੍ਹਾਵਾਰੋ ‘‘ਸਿਯਾ ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਸਿਯਾ ਕੁਸਲੋ ਧਮ੍ਮੋ ਅਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਸਿਯਾ ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ¶ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਪੁਚ੍ਛਾਵਾਰੇਨ ਚ. ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਵਿਸ੍ਸਜ੍ਜਨਾਵਾਰੇਨ ਚ ‘‘ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਦਸ, ਅਨਨ੍ਤਰੇ ਸਮਨਨ੍ਤਰੇ ਸਤ੍ਤ, ਸਹਜਾਤੇ ਨਵ, ਅਞ੍ਞਮਞ੍ਞੇ ਤੀਣਿ, ਨਿਸ੍ਸਯੇ ਤੇਰਸ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਪਚ੍ਛਾਜਾਤੇ ਆਸੇਵਨੇ ਤੀਣਿ, ਕਮ੍ਮੇ ਸਤ੍ਤ, ਵਿਪਾਕੇ ਏਕਂ. ਆਹਾਰੇ ਇਨ੍ਦ੍ਰਿਯੇ ਝਾਨੇ ਮਗ੍ਗੇ ਸਤ੍ਤ, ਸਮ੍ਪਯੁਤ੍ਤੇ ਤੀਣਿ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਤੇਰਸ, ਨਤ੍ਥਿਯਾ ਵਿਗਤੇ ਸਤ੍ਤ, ਅਵਿਗਤੇ ਤੇਰਸਾ’’ਤਿ ਏਵਮਾਦਿਨਾ ਸਙ੍ਖ੍ਯਾਵਾਰੇਨ ਚ ਪਚ੍ਚਯਾਨੁਲੋਮਪਚ੍ਚਯਪਚ੍ਚਨੀਯਪਚ੍ਚਯਾਨੁਲੋਮਪਚ੍ਚਨੀਯਪਚ੍ਚਯਪਚ੍ਚਨੀਯਾਨੁਲੋਮਸਙ੍ਖਾਤੇਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਕੁਸਲੋ ¶ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਕੁਸਲਸ੍ਸ ਚ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ ….

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਭਿਧਮ੍ਮਪਿਟਕੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਪਟ੍ਠਾਨਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਪੁਚ੍ਛਾਵਿਸ੍ਸਜ੍ਜਨਾਸਙ੍ਖ੍ਯਾਵਾਰਸਙ੍ਖਾਤੇਸੁ ਤੀਸੁ ਵਾਰੇਸੁ ਵਿਸ੍ਸਜ੍ਜਨਾਵਾਰੇ ਹੇਤੁਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਪਚ੍ਚਯਾਨੁਲੋਮਪਚ੍ਚਯਪਚ੍ਚਨੀਯ ਪਚ੍ਚਯਾਨੁਲੋਮ ਪਚ੍ਚਨੀਯਪਚ੍ਚਯ ਪਚ੍ਚਯਨੀਯਾਨੁਲੋਮਸਙ੍ਖਾਤੇਸੁ ਚਤੂਸੁ ਨਯੇਸੁ ਪਠਮੇ ਪਚ੍ਚਯਾਨੁਲੋਮਨਯੇ ਪੁਚ੍ਛਾਵਾਰਵਿਸ੍ਸਜ੍ਜਨਾਵਾਰਸਙ੍ਖ੍ਯਾਵਾਰਸਙ੍ਖਾਤੇਸੁ ਤੀਸੁਪਿ ਵਾਰੇਸੁ ਦੁਤਿਯੇ ਵਿਸ੍ਸਜ੍ਜਨਾਵਾਰੇ ਹੇਤੁਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲਾ ਹੇਤੂ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਹੇਤੁਪਚ੍ਚਯੇਨ ¶ ਪਚ੍ਚਯੋ. ਕੁਸਲੋ ਧਮ੍ਮੋ ਕੁਸਲਸ੍ਸ ਚ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

… ‘‘ਕੁਸਲੋ ¶ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯਤ੍ਤਕਾਨਂ ਖਨ੍ਧਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਚਿਤ੍ਤਸਮੁਟ੍ਠਾਨਂ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਕੁਸਲਸ੍ਸ ਚ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਹੇਤੁਪਚ੍ਚਯੇਨ ਪਚ੍ਚਯੋ, ਕੁਸਲਾ ਹੇਤੂ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਹੇਤੁਪਚ੍ਚਯੇਨ ਪਚ੍ਚਯੋ’’.

ਪੁਚ੍ਛਾ – ਤੇਨਾਵੁਸੋ…ਪੇ… ਸਮ੍ਮਾਸਮ੍ਬੁਦ੍ਧੇਨ ਅਭਿਧਮ੍ਮਪਿਟਕੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਪਟ੍ਠਾਨਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਚਤੂਸੁ ਨਯੇਸੁ ਪਠਮੇ ਪਚ੍ਚਯਾਨੁਲੋਮਨਯੇ ਪੁਚ੍ਛਾਵਿਸ੍ਸਜ੍ਜਨਾਸਙ੍ਖ੍ਯਾਵਾਰਸਙ੍ਖਾਤੇਸੁ ਤੀਸੁ ਵਾਰੇਸੁ ਦੁਤਿਯੇ ਵਿਸ੍ਸਜ੍ਜਨਾਵਾਰੇ ਹੇਤੁਪਚ੍ਚਯਵਿਭਙ੍ਗਾਦੀਸੁ ਚਤੁਵੀਸਤਿਯਾ ਵਿਭਙ੍ਗੇਸੁ ਦੁਤਿਯੋ ਆਰਮ੍ਮਣਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ¶ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਦ੍ਵਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਚਤੂਸੁ ਨਯੇਸੁ ਪਠਮੇ ਪਚ੍ਚਯਾਨੁਲੋਮਨਯੇ ਤੀਸੁ ਚ ਵਾਰੇਸੁ ਦੁਤਿਯੇ ਵਿਭਙ੍ਗਵਾਰੇ ਹੇਤੁਪਚ੍ਚਯਵਿਭਙ੍ਗਾਦੀਸੁ ਚਤੁਵੀਸਤਿਯਾ ਵਿਭਙ੍ਗੇਸੁ ਦੁਤਿਯੋ ਆਰਮ੍ਮਣਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ, ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਤਂ ਪਚ੍ਚਵੇਕ੍ਖਤਿ, ਪੁਬ੍ਬੇ ਸੁਚਿਣ੍ਣਾਨਿ ਪਚ੍ਚਵੇਕ੍ਖਤਿ, ਝਾਨਾ ਵੁਟ੍ਠਹਿਤ੍ਵਾ ਝਾਨਂ ਪਚ੍ਚਵੇਕ੍ਖਤਿ, ਸੇਕ੍ਖਾ ਗੋਤ੍ਰਭੁਂ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ ਪਚ੍ਚਵੇਕ੍ਖਨ੍ਤਿ, ਸੇਕ੍ਖਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਪਚ੍ਚਵੇਕ੍ਖਨ੍ਤਿ, ਸੇਕ੍ਖਾ ਵਾ ਪੁਥੁਜ੍ਜਨਾ ਵਾ ਕੁਸਲਂ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ ਵਿਪਸ੍ਸਨ੍ਤਿ, ਚੇਤੋਪਰਿਯਞਾਣੇਨ ਕੁਸਲਚਿਤ੍ਤਸਮਙ੍ਗਿਸ੍ਸ ਚਿਤ੍ਤਂ ਜਾਨਨ੍ਤਿ, ਆਕਾਸਾਨਞ੍ਚਾਯਤਨਕੁਸਲਂ ਵਿਞ੍ਞਾਣਞ੍ਚਾਯਤਨਕੁਸਲਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਆਕਿਞ੍ਚਞ੍ਞਾਯਤਨਕੁਸਲਂ ਨੇਵਸਞ੍ਞਾਨਾਸਞ੍ਞਾਯਤਨਕੁਸਲਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ. ਕੁਸਲਾ ਖਨ੍ਧਾ ਇਦ੍ਧਿਵਿਧਞਾਣਸ੍ਸ, ਚੇਤੋਪਰਿਯਞਾਣਸ੍ਸ, ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਸ੍ਸ, ਯਥਾਕਮ੍ਮੁਪਗਞਾਣਸ੍ਸ, ਅਨਾਗਤਂਸਞਾਣਸ੍ਸ ਆਰਮ੍ਮਣਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਅਭਿਧਮ੍ਮਪਿਟਕੇ ¶ ਆਵੁਸੋ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਪਟ੍ਠਾਨਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇਸੁ ਬਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਚਤੂਸੁ ਨਯੇਸੁ ਪਠਮੇ ਪਚ੍ਚਯਾਨੁਲੋਮਨਯੇ ਪੁਚ੍ਛਾਵਿਸ੍ਸਜ੍ਜਨਾਸਙ੍ਖ੍ਯਾਸਙ੍ਖਾਤੇਸੁ ਤੀਸੁ ਵਾਰੇਸੁ ਦੁਤਿਯੇ ਵਿਸ੍ਸਜ੍ਜਨਾਸਙ੍ਖਾਤੇ ਵਿਭਙ੍ਗਵਾਰੇ ਹੇਤੁਪਚ੍ਚਯਵਿਭਙ੍ਗਾਦੀਸੁ ਚਤੁਵੀਸਤਿਯਾ ਵਿਭਙ੍ਗੇਸੁ ਤਤਿਯੋ ਅਧਿਪਤਿਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ ਸਤ੍ਤਸੁ ਪਕਰਣੇਸੁ ਸਤ੍ਤਮੇ ਅਨਨ੍ਤਨਯਸਮਨ੍ਤਪਟ੍ਠਾਨੇ ਮਹਾਪਕਰਣੇ ਚਤੁਵੀਸਤਿਯਾ ਪਟ੍ਠਾਨੇਸੁ ਪਠਮੇ ਧਮ੍ਮਾਨੁਲੋਮਤਿਕਪਟ੍ਠਾਨੇ ਬਾਵੀਸਤਿਯਾ ਤਿਕੇਸੁ ਪਠਮੇ ਕੁਸਲਤ੍ਤਿਕੇ ਸਤ੍ਤਸੁ ਮਹਾਵਾਰੇਸੁ ਸਤ੍ਤਮੇ ਪਞ੍ਹਾਵਾਰੇ ਚਤੂਸੁ ਨਯੇਸੁ ਪਠਮੇ ਪਚ੍ਚਯਾਨੁਲੋਮਨਯੇ ਪੁਚ੍ਛਾਵਿਸ੍ਸਜ੍ਜਨਾਸਙ੍ਖ੍ਯਾਸਙ੍ਖਾਤੇਸੁ ਤੀਸੁ ਵਾਰੇਸੁ ਦੁਤਿਯੇ ਵਿਸ੍ਸਜ੍ਜਨਾਸਙ੍ਖਾਤੇ ਵਿਭਙ੍ਗਵਾਰੇ ਹੇਤੁਪਚ੍ਚਯਵਿਭਙ੍ਗਾਦੀਸੁ ਚਤੁਵੀਸਤਿਯਾ ਵਿਭਙ੍ਗੇਸੁ ਤਤਿਯੋ ਅਧਿਪਤਿਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਅਧਿਪਤਿਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਾਧਿਪਤਿ, ਸਹਜਾਤਾਧਿਪਤਿ. ਆਰਮ੍ਮਣਾਧਿਪਤਿ–ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਤਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ. ਪੁਬ੍ਬੇ ਸੁਚਿਣ੍ਣਾਨਿ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਝਾਨਾ ਵੁਟ੍ਠਹਿਤ੍ਵਾ ਝਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ, ਸੇਕ੍ਖਾ ਗੋਤ੍ਰਭੁਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ, ਵੋਦਾਨਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ, ਸੇਕ੍ਖਾ ਮਗ੍ਗਾ ਵੁਟ੍ਠਹਿਤ੍ਵਾ ਮਗ੍ਗਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਨ੍ਤਿ. ਸਹਜਾਤਾਧਿਪਤਿ–ਕੁਸਲਾਧਿਪਤਿ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਅਧਿਪਤਿਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਚਤੁਤ੍ਥੋ ਅਨਨ੍ਤਰਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਚਤੁਤ੍ਥੋ ਅਨਨ੍ਤਰਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ, ਪੁਰਿਮਾ ਪੁਰਿਮਾ ਕੁਸਲਾ ਖਨ੍ਧਾ ਪਚ੍ਛਿਮਾਨਂ ਪਚ੍ਛਿਮਾਨਂ ਕੁਸਲਾਨਂ ਖਨ੍ਧਾਨਂ ਅਨਨ੍ਤਰਪਚ੍ਚਯੇਨ ਪਚ੍ਚਯੋ. ਅਨੁਲੋਮਂ ਗੋਤ੍ਰਭੁਸ੍ਸ, ਅਨੁਲੋਮਂ ਵੋਦਾਨਸ੍ਸ, ਗੋਤ੍ਰਭੁ ਮਗ੍ਗਸ੍ਸ, ਵੋਦਾਨਂ ਮਗ੍ਗਸ੍ਸ ਅਨਨ੍ਤਰਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਛਟ੍ਠੋ ਸਹਜਾਤਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ¶ ਭਨ੍ਤੇ…ਪੇ… ਛਟ੍ਠੋ ਸਹਜਾਤਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ, ਕੁਸਲੋ ਏਕੋ ਖਨ੍ਧੋ ਤਿਣ੍ਣਨ੍ਨਂ ਖਨ੍ਧਾਨਂ ਸਹਜਾਤਪਚ੍ਚਯੇਨ ਪਚ੍ਚਯੋ, ਤਯੋ ਖਨ੍ਧਾ ਏਕਸ੍ਸ ਖਨ੍ਧਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ, ਦ੍ਵੇ ਦ੍ਵਿਨ੍ਨਂ ਖਨ੍ਧਾਨਂ ਸਹਜਾਤਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਸਹਜਾਤਪਚ੍ਚਯੇਨ ਪਚ੍ਚਯੋ, ਕੁਸਲਾ ਖਨ੍ਧਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਸਹਜਾਤਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਨਵਮੋ ਉਪਨਿਸ੍ਸਯਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਨਵਮੋ ਉਪਨਿਸ੍ਸਯਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਉਪਨਿਸ੍ਸਯਪਚ੍ਚਯੇਨ ਪਚ੍ਚਯੋ. ਆਰਮ੍ਮਣੂਪਨਿਸ੍ਸਯੋ, ਅਨਨ੍ਤਰੂਪਨਿਸ੍ਸਯੋ, ਪਕਤੂਪਨਿਸ੍ਸਯੋ. ਆਰਮ੍ਮਣੂਪਨਿਸ੍ਸਯੋ–ਦਾਨਂ ਦਤ੍ਵਾ ਸੀਲਂ ਸਮਾਦਿਯਿਤ੍ਵਾ ਉਪੋਸਥਕਮ੍ਮਂ ਕਤ੍ਵਾ ਕਂ ਗਰੁਂ ਕਤ੍ਵਾ ਪਚ੍ਚਵੇਕ੍ਖਤਿ…ਪੇ…

ਪਕਤੂਪਨਿਸ੍ਸਯੋ – ਸਦ੍ਧਂ ¶ ਉਪਨਿਸ੍ਸਾਯ ਦਾਨਂ ਦੇਤਿ ਸੀਲਂ ਸਮਾਦਿਯਤਿ ਉਪੋਸਥਕਮ੍ਮਂ ਕਰੋਤਿ, ਝਾਨਂ ਉਪ੍ਪਾਦੇਤਿ, ਵਿਪਸ੍ਸਨਂ ਉਪ੍ਪਾਦੇਤਿ, ਮਗ੍ਗਂ ਉਪ੍ਪਾਦੇਤਿ, ਅਭਿਞ੍ਞਂ ਉਪ੍ਪਾਦੇਤਿ, ਸਮਾਪਤ੍ਤਿਂ ਉਪ੍ਪਾਦੇਤੀ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਦਸਮੋ ਪੁਰੇਜਾਤਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਦਸਮੋ ਪੁਰੇਜਾਤਪਚ੍ਚਯਵਿਭਙ੍ਗੋ ‘‘ਅਬ੍ਯਾਕਤੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. ਆਰਮ੍ਮਣਪੁਰੇਜਾਤਂ, ਵਤ੍ਥੁਪੁਰੇਜਾਤਂ. ਆਰਮ੍ਮਣਪੁਰੇਜਾਤਂ–ਅਰਹਾ ਚਕ੍ਖੁਂ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ ਵਿਪਸ੍ਸਤਿ. ਘਾਨਂ, ਜਿਵ੍ਹਂ, ਕਾਯਂ, ਰੂਪੇ, ਸਦ੍ਦੇ, ਗਨ੍ਧੇ, ਰਸੇ, ਫੋਟ੍ਠਬ੍ਬੇ, ਵਤ੍ਥੁਂ ਅਨਿਚ੍ਚਤੋ ਦੁਕ੍ਖਤੋ ਅਨਤ੍ਤਤੋ ਵਿਪਸ੍ਸਤਿ. ਦਿਬ੍ਬੇਨ ਚਕ੍ਖੁਨਾ ਰੂਪਂ ਪਸ੍ਸਤਿ, ਦਿਬ੍ਬਾਯ ਸੋਤਧਾਤੁਯਾ ਸਦ੍ਦਂ ਸੁਣਾਤਿ, ਰੂਪਾਯਤਨਂ ਚਕ੍ਖੁਵਿਞ੍ਞਾਣਸ੍ਸ, ਸਦ੍ਦਾਯਤਨਂ ਸੋਤਵਿਞ੍ਞਾਣਸ੍ਸ, ਗਨ੍ਧਾਯਤਨਂ ਘਾਨਵਿਞ੍ਞਾਣਸ੍ਸ, ਰਸਾਯਤਨਂ ਜਿਵ੍ਹਾਵਿਞ੍ਞਾਣਸ੍ਸ, ਫੋਟ੍ਠਬ੍ਬਾਯਤਨਂ ਕਾਯਵਿਞ੍ਞਾਣਸ੍ਸ ਪੁਰੇਜਾਤਪਚ੍ਚਯੇਨ ਪਚ੍ਚਯੋ. ਵਤ੍ਥੁਪੁਰੇਜਾਤਂ–ਚਕ੍ਖਾਯਤਨਂ ਚਕ੍ਖੁਵਿਞ੍ਞਾਣਸ੍ਸ, ਸੋਤਾਯਤਨਂ ਸੋਤਵਿਞ੍ਞਾਣਸ੍ਸ, ਘਾਨਾਯਤਨਂ ਘਾਨਵਿਞ੍ਞਾਣਸ੍ਸ, ਜਿਵ੍ਹਾਯਤਨਂ ਜਿਵ੍ਹਾਵਿਞ੍ਞਾਣਸ੍ਸ, ਕਾਯਾਯਤਨਂ ਕਾਯਵਿਞ੍ਞਾਣਸ੍ਸ, ਵਤ੍ਥੁ ਵਿਪਾਕਾਬ੍ਯਾਕਤਾਨਂ ਕ੍ਰਿਯਾਬ੍ਯਾਕਤਾਨਂ ਖਨ੍ਧਾਨਂ ਪੁਰੇਜਾਤਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਤੇਰਸਮੋ ਕਮ੍ਮਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਤੇਰਸਮੋ ਕਮ੍ਮਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ, ਕੁਸਲਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਸਹਜਾਤਾ, ਨਾਨਾਕ੍ਖਣਿਕਾ. ਸਹਜਾਤਾ–ਕੁਸਲਾ ਚੇਤਨਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. ਨਾਨਾਕ੍ਖਣਿਕਾ–ਕੁਸਲਾ ਚੇਤਨਾ ਵਿਪਾਕਾਨਂ ਖਨ੍ਧਾਨਂ ਕਟਤ੍ਤਾ ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਕੁਸਲਸ੍ਸ ਚ ਅਬ੍ਯਾਕਤਸ੍ਸ ਚ ਧਮ੍ਮਸ੍ਸ ਕਮ੍ਮਪਚ੍ਚਯੇਨ ਪਚ੍ਚਯੋ. ਕੁਸਲਾ ਚੇਤਨਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਚਿਤ੍ਤਸਮੁਟ੍ਠਾਨਾਨਞ੍ਚ ਰੂਪਾਨਂ ਕਮ੍ਮਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਪਨ੍ਨਰਸਮੋ ਆਹਾਰਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਪਨ੍ਨਰਸਮੋ ਆਹਾਰਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ. ਕੁਸਲਾ ਆਹਾਰਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਆਹਾਰਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਆਹਾਰਪਚ੍ਚਯੇਨ ਪਚ੍ਚਯੋ. ਕੁਸਲਾ ਆਹਾਰਾ ਚਿਤ੍ਤਸਮੁਟ੍ਠਾਨਾਨਂ ਰੂਪਾਨਂ ਆਹਾਰਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਸੋਲ਼ਸਮੋ ਇਨ੍ਦ੍ਰਿਯਪਚ੍ਚਯਵਿਭਙ੍ਗੋ ਕਥਂ ਵਿਤ੍ਥਾਰੇਨ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਸੋਲ਼ਸਮੋ ਇਨ੍ਦ੍ਰਿਯਪਚ੍ਚਯਵਿਭਙ੍ਗੋ ‘‘ਕੁਸਲੋ ਧਮ੍ਮੋ ਕੁਸਲਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ, ਕੁਸਲੋ ਇਨ੍ਦ੍ਰਿਯਾ ਸਮ੍ਪਯੁਤ੍ਤਕਾਨਂ ਖਨ੍ਧਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ. ਕੁਸਲੋ ਧਮ੍ਮੋ ਅਬ੍ਯਾਕਤਸ੍ਸ ਧਮ੍ਮਸ੍ਸ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ, ਕੁਸਲਾ ਇਨ੍ਦ੍ਰਿਯਾ ਚਿਤ੍ਤਸਮੁਟ੍ਠਾਨਾਨਂ ¶ ਰੂਪਾਨਂ ਇਨ੍ਦ੍ਰਿਯਪਚ੍ਚਯੇਨ ਪਚ੍ਚਯੋ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਪੁਚ੍ਛਾਵਿਸ੍ਸਜ੍ਜਨਾਸਙ੍ਖ੍ਯਾਵਾਰਸਙ੍ਖਾਤੇਸੁ ਤੀਸੁ ਵਾਰੇਸੁ ਤਤਿਯੋ ਸਙ੍ਖ੍ਯਾਵਾਰੋ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਤਤਿਯੋ ਸਙ੍ਖ੍ਯਾਵਾਰੋ ‘‘ਹੇਤੁਯਾ ਸਤ੍ਤ, ਆਰਮ੍ਮਣੇ ਨਵ, ਅਧਿਪਤਿਯਾ ਦਸ, ਅਨਨ੍ਤਰ ਸਮਨਨ੍ਤਰੇ ਸਤ੍ਤ, ਸਹਜਾਤੇ ਨਵ, ਅਞ੍ਞਮਞ੍ਞੇ ਤੀਣਿ, ਨਿਸ੍ਸਯੇ ਤੇਰਸ, ਉਪਨਿਸ੍ਸਯੇ ਨਵ, ਪੁਰੇਜਾਤੇ ਪਚ੍ਛਾਜਾਤੇ ਆਸੇਵਨੇ ਤੀਣਿ ¶ , ਕਮ੍ਮੇ ਸਤ੍ਤ, ਵਿਪਾਕੇ ਏਕਂ, ਆਹਾਰੇ ਇਨ੍ਦ੍ਰਿਯੇ ਝਾਨੇ ਮਗ੍ਗੇ ਸਤ੍ਤ, ਸਮ੍ਪਯੁਤ੍ਤੇ ਤੀਣਿ, ਵਿਪ੍ਪਯੁਤ੍ਤੇ ਪਞ੍ਚ, ਅਤ੍ਥਿਯਾ ਤੇਰਸ, ਨਤ੍ਥਿਯਾ ਵਿਗਤੇ ਸਤ੍ਤ, ਅਵਿਗਤੇ ਤੇਰਸਾ’’ਤਿ ਏਵਮਾਦਿਨਾ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤੋ.

ਹੇਤੁ ¶ ਸਹਜਾਤ ਨਿਸ੍ਸਯ ਅਤ੍ਥਿ ਅਵਿਗਤਨ੍ਤਿ ਸਤ੍ਤ, ਹੇਤੁ ਸਹਜਾਤ ਅਞ੍ਞਮਞ੍ਞ ਨਿਸ੍ਸਯ ਅਤ੍ਥਿ ਅਵਿਗਤਨ੍ਤਿ ਤੀਣਿ, ਹੇਤੁ ਸਹਜਾਤ ਅਞ੍ਞਮਞ੍ਞ ਨਿਸ੍ਸਯ ਸਮ੍ਪਯੁਤ੍ਤ ਅਤ੍ਥਿ ਅਵਿਗਤਨ੍ਤਿ ਤੀਣਿ …

ਪੁਚ੍ਛਾ – ਤੇਨਾਵੁਸੋ ਭਗਵਤਾ…ਪੇ… ਪਠਮਂ ਕੁਸਲਤ੍ਤਿਕਂ ਵਿਤ੍ਥਾਰਤੋ ਵਿਭਜਿਤ੍ਵਾ ਤਦਨਨ੍ਤਰਂ ਅਵਸੇਸਾ ਵੇਦਨਾਤ੍ਤਿਕਾਦਯੋ ਏਕਵੀਸਤਿਤਿਕਾ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਪਠਮਂ ਕੁਸਲਤ੍ਤਿਕਂ ਵਿਤ੍ਥਾਰਤੋ ਵਿਭਜਿਤ੍ਵਾ ਤਦਨਨ੍ਤਰਂ ਅਵਸੇਸਾ ਵੇਦਨਾਤ੍ਤਿਕਾਦਯੋ ਏਕਵੀਸਤਿਤਿਕਾ ¶ ‘‘ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ ਧਮ੍ਮਂ ਪਟਿਚ੍ਚ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਪਟਿਸਨ੍ਧਿਕ੍ਖਣੇ ਸੁਖਾਯ ਵੇਦਨਾਯ ਸਮ੍ਪਯੁਤ੍ਤਂ ਏਕਂ ਖਨ੍ਧਂ ਪਟਿਚ੍ਚ ਦ੍ਵੇ ਖਨ੍ਧਾ, ਦ੍ਵੇ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ’’ਤਿ ਏਵਮਾਦਿਨਾ ਚ. ਵਿਪਾਕਂ ਧਮ੍ਮਂ ਪਟਿਚ੍ਚ ਵਿਪਾਕੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਵਿਪਾਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ, ਪਟਿਸਨ੍ਧਿਕ੍ਖਣੇ ਵਿਪਾਕਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਵਿਪਾਕਂ ਧਮ੍ਮਂ ਪਟਿਚ੍ਚ ਨੇਵਵਿਪਾਕਨਵਿਪਾਕਧਮ੍ਮਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਵਿਪਾਕੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਰੂਪਂ, ਪਟਿਸਨ੍ਧਿਕ੍ਖਣੇ ਵਿਪਾਕੇ ਖਨ੍ਧੇ ਪਟਿਚ੍ਚ ਕਟਤ੍ਤਾਰੂਪਂ, ਖਨ੍ਧੇ ਪਟਿਚ੍ਚ ਵਤ੍ਥੂ’’ਤਿ ਏਵਮਾਦਿਨਾ ਚ ਏਕੇਕਸ੍ਮਿਂ ਤਿਕੇ ਸਤ੍ਤਹਿ ਸਤ੍ਤਹਿ ਮਹਾਵਾਰੇਹਿ ਏਕੇਕਸ੍ਮਿਞ੍ਚ ਮਹਾਵਾਰੇ ਚਤੂਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾ.

ਪੁਚ੍ਛਾ – ਤੇਨਾਵੁਸੋ…ਪੇ… ¶ ਤਿਕਪਟ੍ਠਾਨਾਦੀਸੁ ਛਸੁ ਅਨ੍ਤੋਗਧਪਟ੍ਠਾਨਾਦੀਸੁ ਪਠਮਂ ਤਿਕਪਟ੍ਠਾਨਂ ਦੇਸੇਤ੍ਵਾ ਤਦਨਨ੍ਤਰਂ ਦੁਕਪਟ੍ਠਾਨਂ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਤਿਕਪਟ੍ਠਾਨਾਦੀਸੁ ਛਸੁ ਅਨ੍ਤੋਗਧਪਟ੍ਠਾਨਾਦੀਸੁ ਪਠਮਂ ਤਿਕਪਟ੍ਠਾਨਂ ਵਿਭਜਿਤ੍ਵਾ ਤਦਨਨ੍ਤਰਂ ਦੁਕਪਟ੍ਠਾਨਂ ‘‘ਹੇਤੁਂ ਧਮ੍ਮਂ ਪਟਿਚ੍ਚ ਹੇਤੁ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਅਲੋਭਂ ਪਟਿਚ੍ਚ ਅਦੋਸੋ ਅਮੋਹੋ, ਅਦੋਸਂ ਪਟਿਚ੍ਚ ਅਲੋਭੋ ਅਮੋਹੋ, ਅਮੋਹਂ ਪਟਿਚ੍ਚ ਅਲੋਭੋ ਅਦੋਸੋ. ਲੋਭਂ ਪਟਿਚ੍ਚ ਮੋਹੋ, ਮੋਹਂ ਪਟਿਚ੍ਚ ਲੋਭੋ, ਦੋਸਂ ਪਟਿਚ੍ਚ ਮੋਹੋ, ਮੋਹਂ ਪਟਿਚ੍ਚ ਦੋਸੋ’’ਤਿ ਏਵਮਾਦਿਨਾ ਚ. ਸਰਣਂ ਧਮ੍ਮਂ ਪਟਿਚ੍ਚ ਸਰਣੋ ਦਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਸਰਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਸਰਣਂ ਧਮ੍ਮਂ ਪਟਿਚ੍ਚ ਅਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਸਰਣੋ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਂ ਰੂਪਂ. ਸਰਣਂ ਧਮ੍ਮਂ ਪਟਿਚ੍ਚ ਸਰਣੋ ਚ ਅਰਣੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਸਰਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ¶ ਰੂਪ’’ਨ੍ਤਿ ਏਵਮਾਦਿਨਾ ਚ. ਏਕੇਕਸ੍ਮਿਂ ਦੁਕੇ ਸਤ੍ਤਹਿ ਸਤ੍ਤਹਿ ਮਹਾਵਾਰੇਹਿ ਏਕੇਕਸ੍ਮਿਞ੍ਚ ਮਹਾਵਾਰੇ ਚਤੂਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਸਰਣਂ ਧਮ੍ਮਂ ਪਟਿਚ੍ਚ ਸਰਣੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਸਰਣਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ

ਪੁਚ੍ਛਾ – ਤੇਨਾਵੁਸੋ…ਪੇ… ਤਿਕਪਟ੍ਠਾਨਾਦੀਸੁ ਛਸੁ ਅਨ੍ਤੋਗਧਪਟ੍ਠਾਨੇਸੁ ਪਠਮਂ ਤਿਕਪਟ੍ਠਾਨਞ੍ਚ ਦੁਤਿਯਂ ਦੁਕਪਟ੍ਠਾਨਞ੍ਚ ਵਿਭਜਿਤ੍ਵਾ ਤਦਵਸੇਸਾਨਿ ਦੁਕਤਿਕਪਟ੍ਠਾਨਾਦੀਨਿ ਚਤ੍ਤਾਰੋ ਪਟ੍ਠਾਨਾਨਿ ਕਥਂ ਵਿਭਜਿਤ੍ਵਾ ਦੇਸਿਤਾਨਿ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਤਿਕਪਟ੍ਠਾਨਾਦੀਸੁ ਛਸੁ ਅਨ੍ਤੋਗਧਪਟ੍ਠਾਨੇਸੁ ਪਠਮਂ ਤਿਕਪਟ੍ਠਾਨਞ੍ਚ ਦੁਤਿਯਂ ਦੁਕਪਟ੍ਠਾਨਞ੍ਚ ਵਿਭਜਿਤ੍ਵਾ ਤਦਵਸੇਸਾ ¶ ਦੁਕਤਿਕਪਟ੍ਠਾਨਾਦਯੋ ‘‘ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ, ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਨਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਨਹੇਤੁਂ ਕੁਸਲਂ ਧਮ੍ਮਂ ਪਟਿਚ੍ਚ ਹੇਤੁ ਕੁਸਲੋ ਚ ਨਹੇਤੁ ਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ’’ਤਿ ਏਵਮਾਦਿਨਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਾਨਿ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਪਠਮਂ ਧਮ੍ਮਾਨੁਲੋਮਪਟ੍ਠਾਨਂ ਵਿਭਜਿਤ੍ਵਾ ਤਦਨਨ੍ਤਰਂ ਦੁਤਿਯਂ ਧਮ੍ਮਪਚ੍ਚਨੀਯਪਟ੍ਠਾਨਂ ਕਥਂ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਪਠਮਂ ਧਮ੍ਮਾਨੁਲੋਮਪਟ੍ਠਾਨਂ ਵਿਭਜਿਤ੍ਵਾ ਤਦਨਨ੍ਤਰਂ ਦੁਤਿਯਂ ਧਮ੍ਮਪਚ੍ਚਨੀਯਪਟ੍ਠਾਨਂ ‘‘ਨਕੁਸਲਂ ਧਮ੍ਮਂ ਪਟਿਚ੍ਚ ਨਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਾਬ੍ਯਾਕਤਂ ਏਕਂ ਖਨ੍ਧਂ ਪਟਿਚ੍ਚ ਅਕੁਸਲਾਬ੍ਯਾਕਤਾ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਨਕੁਸਲਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁ ਪਚ੍ਚਯਾ. ਵਿਪਾਕਾਬ੍ਯਾਕਤਂ ਕਿਰਿਯਾਬ੍ਯਾਕਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ¶ ਰੂਪਂ. ਪਟਿਸਨ੍ਧਿਕ੍ਖਣੇ…ਪੇ… ਨਕੁਸਲਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ’’ਤਿ ਏਵਮਾਦਿਨਾ ਤਿਕਪਟ੍ਠਾਨਾਦੀਹਿ ਛਹਿ ਅਨ੍ਤੋਗਧਪਟ੍ਠਾਨੇਹਿ ਏਕੇਕਸ੍ਮਿਞ੍ਚ ਤਿਕਪਟ੍ਠਾਨੇ ਦੁਕਪਟ੍ਠਾਨੇ ਦੁਕਤਿਕਪਟ੍ਠਾਨੇ ਤਿਕਦੁਕਪਟ੍ਠਾਨੇ ਤਿਕਤਿਕਪਟ੍ਠਾਨੇ ਦੁਕਦੁਕਪਟ੍ਠਾਨੇ ਸਤ੍ਤਹਿ ਸਤ੍ਤਹਿ ਮਹਾਵਾਰੇਹਿ ਏਕੇਕਸ੍ਮਿਞ੍ਚ ਮਹਾਵਾਰੇ ਚਤੂਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਤਤਿਯਂ ਧਮ੍ਮਾਨੁਲੋਮਪਚ੍ਚਨੀਯਪਟ੍ਠਾਨਂ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ…ਪੇ… ਤਤਿਯਂ ਧਮ੍ਮਾਨੁਲੋਮਪਚ੍ਚਨੀਯਪਟ੍ਠਾਨਂ ‘‘ਕੁਸਲਂ ਧਮ੍ਮਂ ਪਟਿਚ੍ਚ ਨਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਰੂਪਂ. ਕੁਸਲਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਕੁਸਲਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਕੁਸਲਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਚ ਨਅਬ੍ਯਾਕਤੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ¶ ਤਯੋ ਖਨ੍ਧਾ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਕੁਸਲਂ ਧਮ੍ਮਂ ਪਟਿਚ੍ਚ ਨਕੁਸਲੋ ਚ ਨਅਕੁਸਲੋ ਚ ਧਮ੍ਮਾ ਉਪ੍ਪਜ੍ਜਨ੍ਤਿ ਹੇਤੁਪਚ੍ਚਯਾ. ਕੁਸਲੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਰੂਪ’’ਨ੍ਤਿ ਏਵਮਾਦਿਨਾ ਭਨ੍ਤੇ ਤਿਕਪਟ੍ਠਾਨਾਦੀਹਿ ਛਹਿ ਅਨ੍ਤੋਗਧਪਟ੍ਠਾਨੇਹਿ ਏਕੇਕਸ੍ਮਿਞ੍ਚ ਤਿਕਪਟ੍ਠਾਨੇ ਦੁਕਪਟ੍ਠਾਨੇ ਤਿਕਦੁਕਪਟ੍ਠਾਨੇ ਦੁਕਤਿਕਪਟ੍ਠਾਨੇ ਤਿਕਤਿਕਪਟ੍ਠਾਨੇ ਦੁਕਦੁਕਪਟ੍ਠਾਨੇ ਸਤ੍ਤਹਿ ਸਤ੍ਤਹਿ ਮਹਾਵਾਰੇਹਿ ਏਕੇਕਸ੍ਮਿਞ੍ਚ ਮਹਾਵਾਰੇ ਚਤੂਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਪੁਚ੍ਛਾ – ਤੇਨਾਵੁਸੋ ¶ ਭਗਵਤਾ…ਪੇ… ਧਮ੍ਮਾਨੁਲੋਮਾਦੀਸੁ ਪਧਾਨਭੂਤੇਸੁ ਚਤੂਸੁ ਪਟ੍ਠਾਨੇਸੁ ਚਤੁਤ੍ਥਂ ਪਰਿਯੋਸਾਨਭੂਤਂ ਧਮ੍ਮਪਚ੍ਚਨੀਯਾਨੁਲੋਮਪਟ੍ਠਾਨਂ ਕਥਂ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.

ਵਿਸ੍ਸਜ੍ਜਨਾ – ਅਭਿਧਮ੍ਮਪਿਟਕੇ ਭਨ੍ਤੇ…ਪੇ… ਧਮ੍ਮਾਨੁਲੋਮਪਟ੍ਠਾਨਾਦੀਸੁ ਚਤੂਸੁ ਪਧਾਨਭੂਤੇਸੁ ਮਹਾਪਟ੍ਠਾਨੇਸੁ ਚਤੁਤ੍ਥਂ ਪਰਿਯੋਸਾਨਭੂਤਂ ਧਮ੍ਮਪਚ੍ਚਨੀਯਾਨੁਲੋਮਪਟ੍ਠਾਨਂ ‘‘ਨਕੁਸਲਂ ਧਮ੍ਮਂ ਪਟਿਚ੍ਚ ਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਅਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ. ਨਕੁਸਲਂ ਧਮ੍ਮਂ ਪਟਿਚ੍ਚ ਨਅਕੁਸਲੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ. ਅਕੁਸਲੇ ਖਨ੍ਧੇ ਪਟਿਚ੍ਚ ਚਿਤ੍ਤਸਮੁਟ੍ਠਾਨਰੂਪਂ, ਵਿਪਾਕਾਬ੍ਯਾਕਤਂ ਕ੍ਰਿਯਾਬ੍ਯਾਕਤਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ…ਪੇ… ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ ਚਿਤ੍ਤਸਮੁਟ੍ਠਾਨਞ੍ਚ ਰੂਪਂ. ਖਨ੍ਧੇ ਪਟਿਚ੍ਚ ਵਤ੍ਥੁ, ਵਤ੍ਥੁਂ ਪਟਿਚ੍ਚ ਖਨ੍ਧਾ. ਨਕੁਸਲਂ ਧਮ੍ਮਂ ਪਟਿਚ੍ਚ ਨਅਬ੍ਯਾਕਤੋ ਧਮ੍ਮੋ ਉਪ੍ਪਜ੍ਜਤਿ ਹੇਤੁਪਚ੍ਚਯਾ, ਅਕੁਸਲਂ ਏਕਂ ਖਨ੍ਧਂ ਪਟਿਚ੍ਚ ਤਯੋ ਖਨ੍ਧਾ, ਤਯੋ ਖਨ੍ਧੇ ਪਟਿਚ੍ਚ ਏਕੋ ਖਨ੍ਧੋ, ਦ੍ਵੇ ਖਨ੍ਧੇ ਪਟਿਚ੍ਚ ਦ੍ਵੇ ਖਨ੍ਧਾ’’ਤਿ ਏਵਮਾਦਿਨਾ ਤਿਕਪਟ੍ਠਾਨਾਦੀਹਿ ਚਾਤਿ ਅਨ੍ਤੋਗਧਪਭੇਦਪਟ੍ਠਾਨੇਹਿ ਏਕੇਕਸ੍ਮਿਞ੍ਚ ਤਿਕਪਟ੍ਠਾਨੇ ਦੁਕਪਟ੍ਠਾਨੇ ਦੁਕਤਿਕਤਿਕਦੁਕਤਿਕਤਿਕਦੁਕਦੁਕਪਟ੍ਠਾਨੇ ਪਟਿਚ੍ਚਵਾਰਾਦੀਹਿ ਸਤ੍ਤਹਿ ਮਹਾਵਾਰੇਹਿ ਏਕੇਕਸ੍ਮਿਞ੍ਚ ਮਹਾਵਾਰੇ ਪਚ੍ਚਯਾਨੁਲੋਮਾਦੀਹਿ ਚਤੂਹਿ ਚਤੂਹਿ ਨਯੇਹਿ ਭਗਵਤਾ ਵਿਤ੍ਥਾਰਤੋ ਵਿਭਜਿਤ੍ਵਾ ਦੇਸਿਤਂ.