📜
ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ.
ਵੇਸ੍ਸਨ੍ਤਰਾਗੀਤਿ
[ਕ]
ਬਾਤ੍ਤਿਂਸਲਕ੍ਖਣੂਪੇਤ ¶ ,
ਦਾਤਬ੍ਬਂ ਦਦਤਂ ਵਰ;
ਵੇਸ੍ਸਨ੍ਤਰਤ੍ਤ ਮਾਪਾਦਿ,
ਸਞ੍ਚਰਂ ਭਵਸਾਗਰੇ.
[ਖ]
ਦ੍ਵਨ੍ਦਂਦ੍ਵਨ੍ਦਂ ¶ ਸਞ੍ਚਰਨ੍ਤੀ,
ਜਨਾਨਨ੍ਦੇ ਯਸੋਧੀਰੇ;
ਮਦ੍ਦਿਤ੍ਤਂ ਸਮੁਪਾਗਞ੍ਛਿ,
ਤ੍ਵਂਪਿਤੇਨ ਭਵਣ੍ਣਵੇ.
[ਗ]
ਤੁਮ੍ਹਂਦਾਨਿ ਪਵਕ੍ਖਾਮਿ,
ਉਪਤ੍ਤਿਂ ਨਨ੍ਦਿਨਿਂ ਤਹਿਂ;
ਦਜ੍ਜਹ੍ਵੋਵੋ ਮਮੋਕਾਸਂ,
ਕਵਯੋ ਪ੍ਯਾਭਿਨਨ੍ਦਥ.
ਏਕਨਵੁਤੇਹਿਤੋ ਕਪ੍ਪੇ,
ਵਿਪਸ੍ਸੀਨਾਮ ਨਾਯਕੋ;
ਵਿਨੇਯ੍ਯੇ ¶ ਤਾਰਯਂਖੇਮਂ,
ਲੋਕੇ ਉਪ੍ਪਜ੍ਜਿਚਕ੍ਖੁਮਾ.
ਖੇਮਾਰਾਮਮ੍ਹਿ ਸਮ੍ਬੁਦ੍ਧੋ,
ਮਿਗਦਾਯੇ ਮਨੋਰਮੇ;
ਨਿਸ੍ਸਾਯ ਬਨ੍ਧੁਮਤਿਂਸੋ,
ਵਿਹਾਸਿ ਨਗਰਂਤਦਾ.
ਰਜ੍ਜਂਧਮ੍ਮੇਨ ਕਾਰੇਸਿ,
ਨਗਰੇਤਮ੍ਹਿ ਬਨ੍ਧੁਮਾ;
ਰਾਜਾਤਸ੍ਸ ਦੁਵੇਧੀਤਾ,
ਆਸੁਂ ਸਬ੍ਬਙ੍ਗਸੋਭਣਾ.
ਏਕੋਹਿ ¶ ਏਕਦਾਰਾਜਾ,
ਬਨ੍ਧੁਮਸ੍ਸ ਸੁਪੇਸਯਿ;
ਸਹਸ੍ਸਗ੍ਘਨਿਕਂ ਸੋਣ੍ਣ-
ਮਾਲਞ੍ਚਾ ਨਗ੍ਘ ਚਨ੍ਦਨਂ.
ਅਦਾਸਿ ਬਨ੍ਧੁਮਾਰਾਜਾ,
ਪਿਤਾਜੇਟ੍ਠਾਯ ਚਨ੍ਦਨਂ;
ਸੋਣ੍ਣਮਾਲਂ ਕਨਿਟ੍ਠਾਯ,
ਤਹਿਂ ਵਿਯਾਯ ਧੀਤੁਯਾ.
ਉਭੋਤਾਪੀਤਿ ¶ ਚਿਨ੍ਤੇਸੁਂ,
ਨਤ੍ਥਤ੍ਥੋਵਤ ਤੇਹਿਨੋ;
ਭਗ੍ਯਵਨ੍ਤਸ੍ਸ ਪੂਜੇਮ,
ਸਂਪਸਾਦੇਨ ਚੇਤਸਾ.
ਤਤੋਸਾਚਨ੍ਦਨਂ ਚੁਣ੍ਣਂ-
ਕਾਰਾਪੇਤ੍ਵਾਨ ਜੇਟ੍ਠਕਾ;
ਗਨ੍ਤ੍ਵਾਨ ਵਿਹਾਰਂ ਸੋਣ੍ਣ,
ਵਣ੍ਣਂਪੂਜੇਸਿ ਨਾਯਕਂ.
ਵਿਕਿਰਿਤ੍ਵਾ ਤੁ ਸਾਗਨ੍ਧ,
ਕੁਟਿਯਂ ਸੇਸਚਨ੍ਦਨਂ;
ਏਵਞ੍ਹਿ ਪਤ੍ਥਨਂ ਕਾਸਿ,
ਬੁਦ੍ਧਮਾਤਾ ਭਵਾਮਹਂ.
ਕਾਰੇਤ੍ਵਾ ¶ ਸੋਣ੍ਣਮਾਲਂਤੁ,
ਉਰਚ੍ਛਦ ਪਸਾਦਨਂ;
ਪੂਜੇਸਿ ਹੇਮਵਣ੍ਣਂਸਾ,
ਭਗਵਨ੍ਤਂ ਕਨਿਟ੍ਠਕਾ.
ਏਵਮ੍ਪਿ ਪਤ੍ਥਨਂਕਾਸਿ,
ਇਦਂਮਮ ਪਸਾਦਨਂ;
ਸਰੀਰੇ ਨਿਚ੍ਚਲਾ ਠਾਤੁ,
ਚਰਨ੍ਤਿਯਾ ਭਵਾਭਵਂ.
ਉਭੋਪਿ ¶ ਰਾਜਕਞ੍ਞਾਤਾ,
ਠਤ੍ਵਾਨ ਯਾਵਤਾ ਯੁਕਂ;
ਉਪਪਜ੍ਜਿਂਸੁ ਸੋਵਗ੍ਗਂ,
ਚੁਤਾਸੁਖ ਪਮੋਦਨਂ.
ਮਨੁਸ੍ਸਦੇਵ ਲੋਕੇਸੁ,
ਸਂਸਰਿਂਸੁ ਸੁਖਂਦੁਵੇ;
ਏਕਨਵੁਤਿ ਕਪ੍ਪਾਨਿ,
ਮੁਚ੍ਚਿਤ੍ਵਾ ਪਾਯਦੁਕ੍ਖਤੋ.
ਕਸ੍ਸਪਸ੍ਸ ਕਾਲੇਤਾਸੁ,
ਕਨਿਟ੍ਠਾ ਕਿਕਿਰਾਜਿਨੋ;
ਧੀਤਾ ਉਰਚ੍ਛਦਾਨਾਮ,
ਹੁਤ੍ਵਾਨ ਪਰਿਨਿਬ੍ਬੁਤਾ.
ਜੇਟ੍ਠਕਾ ¶ ਪਨ ਧੀਤਾਸਿ,
ਕਿਕਿਸ੍ਸ ਰਾਜਿਨੋ ਤਹਿਂ;
ਧਮ੍ਮਾਨਾਮ ਦਮਿਤਾ ਸਾ,
ਕੋਮਾਰ ਬ੍ਰਹ੍ਮਚਾਰਿਨੀ.
ਤਤੋਚ ਵਿਤ੍ਵਾਨ ਸਾ ਦੇਵ,
ਮਨੁਸ੍ਸੇਸੁ ਪੁਨਪ੍ਪੁਨਂ;
ਸਂਸਰਨ੍ਤੀ ਮਹੇਸੀਸਿ,
ਪੂਰਿਨ੍ਦਦਸ੍ਸ ਏਕਦਾ.
ਰਤ੍ਤਚਨ੍ਦਨ ¶ ਲੇਪੇਨ,
ਲਿਮ੍ਪਿਤ ਦੇਹਿਨੀ ਹਿਸਾ;
ਕਤਪੁਞ੍ਞ ਵਿਸੇਸੇਨ,
ਨਾਮੇਨ ਫੁਸ੍ਸਤੀਹ੍ਵਿਤਾ.
ਦੇਵਿਨ੍ਦੋ ਅਞ੍ਞਦਾਦਿਸ੍ਵਾ,
ਪਰਿਕ੍ਖੀਣਾਯੁਕਂ ਵਿਯਂ;
ਦੇਵਿਂ ਤਂ ਪਰਿਵਾਰੇਨ,
ਮਹਤਾ ਨੇਸਿਨਨ੍ਦਨਂ.
ਸਿਰੀਸਯਨ ਪਿਟ੍ਠਮ੍ਹਿ,
ਤਂਸਯਾਵਿਯ ਮਾਘਵਾ;
ਠਿਤੋ ¶ ਸਯਨਪਸ੍ਸਮ੍ਹਿ,
ਫੁਸ੍ਸਤਿਂ ਏਤਦਬ੍ਰਵੀ.
ਵਰੇਤੇਦਸਦਸ੍ਸਾਮਿ,
ਫੁਸ੍ਸਤੇਵਰਵਣ੍ਣਿਕੇ;
ਤ੍ਵਂਞ੍ਹਿਇਚ੍ਛਸਿਯੇਲਦ੍ਧੁਂ,
ਲਭਾਪੇਸ੍ਸਾਮਿਤੇਵਰੇ.
ਸੁਤ੍ਵਾਤਂ ਫੁਸ੍ਸਤੀਦੇਵੀ,
ਲੋਮਹਂ ਸਨਰੂਪਿਨੀ;
ਖੀਣਾਯੁਤਮਜਾਨਨ੍ਤੀ,
ਅਤ੍ਤਨੋ ਏਤਦਬ੍ਰਵੀ.
ਪਾਪਂਨੁ ¶ ਤ੍ਵਯਿ ਦੇਵਿਂਨ੍ਦ,
ਕਤਂਮੇ ਅਪ੍ਪਿਯਾਥਤੇ;
ਰਮ੍ਮਾਮੇ ਚਵਨਂ ਇਚ੍ਛਂ,
ਮਞ੍ਞੇਭਣਂਤਿ ਈਦਿਸਂ.
ਨਤੇਭਦ੍ਦੇ ਕਤਂਪਾਪਂ,
ਨਚਮੇ ਅਪ੍ਪਿਯਾਤੁਵਂ;
ਪੁਞ੍ਞਂਤੁਤੇ ਪਰਿਕ੍ਖੀਣਂ,
ਤਸ੍ਮਾ ਤੇ ਵਂਵਦਾਮਹਂ.
ਸਨ੍ਤਿਕੇ ¶ ਮਰਣਂ ਤੁਯ੍ਹਂ,
ਵਿਨਾਭਾਵੋ ਭਵਿਸ੍ਸਤਿ;
ਪਟਿਗ੍ਗਣ੍ਹਾਹਿ ਮੇ ਏਤੇ,
ਵਰੇਦਸ ਪਵਚ੍ਛਤੋ.
ਸਕ੍ਕਸ੍ਸਵਚਨਂ ਸੁਤ੍ਵਾ,
ਞਾਤ੍ਵਾਮਰਣ ਮਤ੍ਤਨੋ;
ਵਰੇਸਾ ਲਦ੍ਧੁਮਿਚ੍ਛਨ੍ਤੀ,
ਦੇਵਿਨ੍ਦਮੇਤ ਦਬ੍ਰਵੀ.
ਇਤੋ ਚੁਤਾਸਹਸ੍ਸਕ੍ਖਿ,
ਸੀਵਿਰਾਜਨਿਵੇਸਨੇ;
ਮਹੇਸੀ ਫੁਸ੍ਸਤੀਨਾਮ,
ਨੀਲਨੇਤ੍ਤਾ ਯਥਾਮਿਗੀ.
ਅਸ੍ਸਂ ¶ ਨੀਲਭਮੁਕਾਹਂ,
ਲਭੇਯ੍ਯਂ ਪੁਤ੍ਤਮੁਤ੍ਤਮਂ;
ਧਾਰੇਨ੍ਤਿ ਯਾਚਮੇਗਬ੍ਭਂ,
ਮਜ੍ਝਿਮਙ੍ਗਂ ਅਨੁਨ੍ਨਤਂ.
ਪਲਿਤਾਨ ਵਿਰੂਹਨ੍ਤੁ,
ਅਲਮ੍ਬਾਚ ਪਯੋਰੋ;
ਕਾਯੇਰਜੋ ਨਲਿਮ੍ਪੇਥ,
ਵਜ੍ਝਞ੍ਚਾਪਿ ਪਮੋਚਯੇ.
ਯੇਯਾਚਿਤਾ ¶ ਵਰਾਭਦ੍ਦੇ,
ਤਯਾਦਸ ਮਯਾਤਵ;
ਦਿਨ੍ਨਾਤੇ ਤੁਟ੍ਠਚਿਤ੍ਤੇਨ,
ਸਬ੍ਬੇਲਚ੍ਛਸਿ ਮਾਨੁਸੇ.
ਤਤੋਚਵਿਤ੍ਵਾਨ ਸਾਦੇਵ-
ਲੋਕਾ ਨਿਬ੍ਬਤ੍ਤਿ ਇਚ੍ਛਿਯਂ;
ਮਹੇਸਿਯਾ ਪਟਿਸਨ੍ਧਿ-
ਵਸੇਨ ਮਦ੍ਦਰਾਜਿਨੋ.
ਦਸਮਾ ¶ ਸਚ੍ਚਯੇਨੇਸਾ,
ਧੀਤਰਂ ਮਦ੍ਦਰਾਜਿਨੀ;
ਹੇਟ੍ਠਾਸੁਸੇਤਚ੍ਛਤ੍ਤਸ੍ਸ,
ਵਿਜਾਯਿ ਸੇਟ੍ਠਰੂਪਿਨਿਂ.
ਰਤ੍ਤਚਨ੍ਦਨ ਲੇਪੇਨ,
ਏਸਾਲਿਮ੍ਪਿ ਤਦੇਹਿਨੀ;
ਤੇਨਸ੍ਸਾ ਬ੍ਰਾਹ੍ਮਣਾਨਾਮਂ,
ਅਕਂਸੁ ਫੁਸ੍ਸਤੀਇਤਿ.
ਸਞ੍ਞਾਕਾਰ ਦੋਲ਼ਾਰੁਲ਼-
ਮਙ੍ਗਲਾਦੀਨਿ ਕਾਤੁਨ;
ਮਹਤਾ ਪਰਿਹਾਰੇਨ,
ਪੋਸਿਂਸੁ ਖਤ੍ਤਿਯਾਨਿਯੋ.
ਮਧੂਰਖੀਰ ¶ ਸਮ੍ਪਨ੍ਨਾ,
ਸਿਨਿਦ੍ਧਪੀਣ ਯੋਬ੍ਬਨਾ;
ਧਾਤਿਯੋ ਖਤ੍ਤਿਯਾਨੀਤਂ,
ਖੀਰਂਪਾਯਿਂਸੁ ਯਾਪਨਂ.
ਸਙ੍ਕਮਨ੍ਤੀਵ ਵੁਦ੍ਧਾਸਾ,
ਅਙ੍ਕਾਅਙ੍ਕਂ ਕਰਾਕਰਂ;
ਰਾਜਕਞ੍ਞਾਚ ਤੋਸਿਂਸੁ,
ਨਚ੍ਚਗੀਤੇਹਿ ਨਾਟਕੀ.
ਦੇਵਚ੍ਛਰਾਵਰੂਪੇਨ,
ਸੁਭਾਸੋਲ਼ਸ ਵਸ੍ਸਿਕਾ;
ਹਰਨ੍ਤੀ ¶ ਨੇਤ੍ਤਰਸਂਸਾ,
ਪਸ੍ਸਨ੍ਤਾਨਂਸੁਖੇਧਿਤਾ.
ਸਿਵਿਰਟ੍ਠੇ ਤਦਾਰਜ੍ਜਂ,
ਸਿਵਿਰਾਜਾ ਜੇਤੁਤ੍ਤਰੇ;
ਕਾਰੇਸਿਸਿਞ੍ਚਯੋਨਾਮ,
ਪੁਤ੍ਤੋਤਸ੍ਸ ਮਹਾਯਸੋ.
ਵਯਪ੍ਪਤ੍ਤੋ ਭਿਰੂਪੋਸਿ,
ਦੇਵਪੁਤ੍ਤੋਵ ਸਿਞ੍ਚਯੋ;
ਅਰੋਹ ਪਰਿਣਾਹੇਨ,
ਨਾਨਾਸਿਬ੍ਬੇਸੁ ਕੋਵਿਦੋ.
ਸਿਞ੍ਚਯਸ੍ਸ ¶ ਨਿਯ੍ਯਾਦੇਸਿ,
ਰਜ੍ਜਂਪੁਤ੍ਤਸ੍ਸ ਅਤ੍ਤਨੋ;
ਜੀਵਨ੍ਤੋ ਪਸ੍ਸਿਤੁਂਰਾਜ-
ਸਿਰਿਂਇਚ੍ਛਂ ਮਹਾਰਹਂ.
ਆਨੇਤ੍ਵਾ ਮਦ੍ਦਰਾਜਸ੍ਸ,
ਧੀਤਰਂ ਫੁਸ੍ਸਤਿਂਤਹਿਂ;
ਸੋਲ਼ਸਿਤ੍ਥਿ ਸਹਸ੍ਸਾਨਂ,
ਮਹੇਸਿਂਕਾਸਿ ਜੇਟ੍ਠਿਕਂ.
ਫੁਸ੍ਸਤੀਸਿਞ੍ਚਯੋਞ੍ਞੋਞ੍ਞ- ¶
ਮੁਖਂਦ੍ਵੇਪਿਯਚਕ੍ਖੁਨਾ;
ਪਸ੍ਸਮਾਨਾਵਅਚ੍ਛਿਂਸੁ,
ਅਞ੍ਞਮਞ੍ਞਪਿਯਂਵਦਾ.
ਅਥਚਿਨ੍ਤਿ ਯਦੇਵਿਨ੍ਦੋ,
ਦਿਨ੍ਨਾਫੁਸ੍ਸਤਿਯਾਮਯਾ;
ਵਰਾਦਸ ਤੇਸੁਪੁਤ੍ਤ-
ਵਰੋਨਹਿਸਮਿਜ੍ਝਤਿ.
ਸਮਿਜ੍ਝਾ ਪੇਸਾਮਿਏਤਂਤਿ,
ਅਜੇਯ੍ਯੇਭਿਦਸਾਲਯੇ;
ਉਪਧਾਰਿਤ੍ਥਤਿਸ੍ਸਾਯ,
ਪੁਤ੍ਤਭਾਵਾਰਹਂਮਰੁਂ.
ਚਵਿਤ੍ਵਾਹੁਉਦ੍ਧਂਗਾਮੀ ¶ ,
ਬੋਧਿਦੇਵੋਤਤੋਤਹਿਂ;
ਬ੍ਰਹ੍ਮਂਗਨ੍ਤ੍ਵਾਸਹਸ੍ਸਕ੍ਖੀ,
ਤਸ੍ਸਤਂਏਤਦਬ੍ਰਵੀ.
ਇਤੋ ਭੋ ਸੁਗਤਿਂਗਚ੍ਛ,
ਅਨੁਕਮ੍ਪਾਹਿਮਰਿਸ;
ਸਿਞ੍ਚਯਂਦੇਵਿਯਂਤਸ੍ਸ,
ਸਨ੍ਧਿਂ ਗਣ੍ਹਜੁਤਿਨ੍ਧਰ.
ਅਞ੍ਞੇਪਿ ¶ ਸਟ੍ਠਿਸਹਸ੍ਸ-
ਦੇਵੇ ਚਵਨ ਧਮ੍ਮਿਨੇ;
ਉਪਸਙ੍ਕਮ੍ਮ ਸੋਯਾਚਿ,
ਗਚ੍ਛਹ੍ਵੋ ਸੁਗਤਿਂਇਤਿ.
ਬੋਧਿਸਤ੍ਤੋਚ ਅਞ੍ਞੇਚ,
ਸਾਧੂਤਿ ਸਮ੍ਪਟਿਚ੍ਛਿਸੁਂ;
ਤਤੋਚੁਤਾ ਚਤੇਦੇਵਾ,
ਆਗੁਂ ਮਾਨੁਸਕਂਇਮਂ.
ਫੁਸ੍ਸਤ੍ਯਂਹਿ ¶ ਮਹਾਸਤ੍ਤੋ,
ਨਿਬ੍ਬਤ੍ਤਿ ਪਟਿਸਨ੍ਧਿਯਾ;
ਕੁਲੇਸ੍ਵਞ੍ਞੇਚ ਮਚ੍ਚਾਨਂ,
ਨਿਬ੍ਬਤ੍ਤਿਂਸੁ ਵਿਸੁਂਵਿਸੁਂ.
ਕੁਚ੍ਛਿਙ੍ਗਤੇ ਮਹਾਸਤ੍ਤੇ,
ਦੇਵੀ ਦੋ ਹਲ਼ਿਨੀਅਹੁ;
ਦਾਤੁਕਾਮਾ ਮਹਾਦਾਨਂ,
ਵਿਸਜ੍ਜਿਯ ਬੁਹੁਂਧਨਂ.
ਰਾਜਮਨ੍ਦਿਰਦ੍ਵਾਰਮ੍ਹਿ,
ਵੇਮਜ੍ਝੇਨਗਰਸ੍ਸਚ;
ਚਤੁਦ੍ਵਾਰੇਸੁਛਦ੍ਦਾਨ-
ਸਾਲਾਯੋ ਦੇਯ੍ਯਪੂਰਿਤਾ.
ਕਾਰਾਪੇਤ੍ਵਾਨ ¶ ਛਸ੍ਸਤ-
ਸਹਸ੍ਸਾਨਿ ਦਿਨੇਦਿਨੇ;
ਵਿਸਜ੍ਜਿਤ੍ਵਾਨ ਸਬ੍ਬੇਸਂ,
ਇਚ੍ਛਨ੍ਤੀ ਆਸਿਦਾਤਵੇ.
ਉਤ੍ਵਾਤਂ ਕਾਰਣਂਰਾਜਾ,
ਪਕ੍ਕੋਸਾਵਿਯ ਬ੍ਰਾਹ੍ਮਣੇ;
ਨਿਮਿਤ੍ਤ ਪਾਠਕੇਪੁਚ੍ਛਿ,
ਕਿਂ ਭਵਿਸ੍ਸਤੀਤਿਞਾਤਵੇ.
ਜਾਨਾਮ ਨੋ ਮਹਾਰਾਜ,
ਗਤੋਕੁਚ੍ਛਿਮ੍ਹਿ ਦੇਵਿਯਾ;
ਹੇਹਿਤ੍ਯ ¶ ਭਿਰਤੋਦਾਨੇ,
ਏਵਂਵਦਿਂਸੁ ਬ੍ਰਾਹ੍ਮਣਾ.
ਬ੍ਰਾਹ੍ਮਣਾਨਂ ਵਚੋਸੁਤ੍ਵਾ,
ਨਰਿਨ੍ਦੋ ਤੁਟ੍ਠਮਾਨਸੋ;
ਦਾਨਂਅਦਾਸਿ ਛਦ੍ਦਾਨ-
ਸਾਲਾਯੋ ਸੁਟ੍ਠੁਮਾਵਿਯ.
ਪਟਿਸਨ੍ਧਿਗ੍ਗਹਣਮ੍ਹਾ,
ਬੋਧਿਸਤ੍ਤਸ੍ਸ ਵਿਞ੍ਞੁਨੋ;
ਪਟ੍ਠਾਯਣ੍ਣਵ ਵੇਗੋਵ,
ਲਾਭੋਲ਼ਾਰੋ ਅਨਪ੍ਪਕੋ.
ਪਣ੍ਣਾਕਾਰਂ ¶ ਪਹਿਣਿਂਸੁ,
ਰਾਜਿਨੋ ਜਮ੍ਬੁਮਣ੍ਡਲੇ;
ਬੋਧਿਸਤ੍ਤਾ ਨੁਭਾਵੇਨ,
ਨਾਨਾਰਟ੍ਠਿਨ੍ਦਖਤ੍ਤਿਯਾ.
ਪਰਿਹਾਰਂ ਪਵਚ੍ਛੇਸਿ,
ਮਹੇਸਿਂ ਪਟਿਸਨ੍ਧਿਨਿਂ;
ਰਾਜਾਸੁਖਂ ਵਸਾਪੇਸਿ,
ਕਾਰੇਸਿਇਚ੍ਛਿਤਿਚ੍ਛਿਤਂ.
ਬੁਦ੍ਧਙ੍ਕੁਰਾਨੁਭਾਵੇਨ,
ਜਨਾਸੁਂ ਮੋਦਮਾਨਸਾ;
ਕਾਲੇਵਸ੍ਸਤਿਮੇਘੋਪਿ,
ਸੁਭਿਕ੍ਖੋਸਮਯੋਅਹੁ.
ਸਦ੍ਧਿਂਪੁਤ੍ਤੇਨ ¶ ਜੁਣ੍ਹਾਯ,
ਕਿਲ਼ਨ੍ਤਿਯਾਵਮਾਤੁਯਾ;
ਮਹਨ੍ਤੀਰਤਿਸਬ੍ਬੇਸਂ,
ਜਨਾਨਂਵਿਪੁਲਾਤਹਿਂ.
ਗਬ੍ਭਂਹਿ ਧਾਰੇਨ੍ਤੀਦੇਵੀ,
ਦਸਮਾਸਮ੍ਹਿਪੂਰਿਤੇ;
ਨਗਰਂਦਟ੍ਠੁ ਕਾਮਾਸਿ,
ਤਦਾਰੋਚੇਸਿਰਾਜਿਨੋ.
ਸਾਧੁਭਦ੍ਦੇਤਿ ¶ ਵਤ੍ਵਾਨ,
ਪੁਰਂਦੇਵ ਪੁਰਂਵਿਯ;
ਰਾਜਾ ਅਲਙ੍ਕਰਾਪੇਸਿ,
ਦੇਵਿਯਾ ਪਿਤਿਵਡ੍ਢਨਂ.
ਆਰੋਪਿਯ ਤਤੋਦੇਵਿਂ,
ਵਿਚਿਤ੍ਤਂ ਲਕ੍ਖਿਕਂਰਥਂ;
ਪਦਕ੍ਖਿਣਂ ਕਾਰਾਪੇਸਿ,
ਨਗਰਂ ਸਬ੍ਬਲਙ੍ਕਤਂ.
ਵੇਸ੍ਸਾਨਂ ¶ ਵੀਥਿਯਾਮਜ੍ਝੇ,
ਠਾਨਾਠਾਨਂ ਪਥਾਪਥਂ;
ਚਲਿਂਸੁ ਕਮ੍ਮਜਾਵਾਤਾ,
ਚਰਨ੍ਤਿਯਾਵ ਦੇਵਿਯਾ.
ਉਤ੍ਵਾਮਚ੍ਚਾਪਵਤ੍ਤਿਂਤਂ,
ਰਞ੍ਞੋਰੋਚਿਂਸੁਸੀਘਸੋ;
ਸੁਤਿਗੇਹਂਕਾਰਾਪੇਸਿ,
ਤਂਵੀਥਿਯਂਵਸਿਞ੍ਚਯੋ.
ਤਤ੍ਥਸਾਵਸਮਾਨਾਵ,
ਵਿਜਾਯਿਅਕੁਤੋਭਯਾ;
ਨਿਮ੍ਮਲਂਸੁਸੁਦ੍ਧਂਪੁਤ੍ਤਂ,
ਸੁਵਣ੍ਣਕ੍ਖਨ੍ਧਸਨ੍ਨਿਭਂ.
ਅਕ੍ਖੀਨਿਉਮ੍ਮਿਲਿਤ੍ਵਾਨ ¶ ,
ਨਿਕ੍ਖਨ੍ਤੋਮਾਤੁ ਕੁਚ੍ਛਿਤੋ;
ਪਸਨ੍ਨਪ੍ਪਿਯਾਕਾਰੇਨ,
ਪਸ੍ਸਿਤ੍ਤਮਾਤੁਯਾਮੁਖਂ.
ਅਮ੍ਮ ਦਾਨਂ ਦਦਿਸ੍ਸਾਮਿ,
ਅਤ੍ਥਿਨੁ ਕਿਞ੍ਚਿ ਤੇਧਨਂ;
ਹਤ੍ਤਂਸੋ ਪਸਾਰੇਤ੍ਵਾਨ,
ਇਤਿਬ੍ਰਵਿਤਹਿਂ ਮੁਹੁਂ.
ਸੁਤ੍ਵਾਮੋਦਿਯ ¶ ਤਂਮਾਤਾ,
ਦੇਹਿਦਾਨਂ ਯਥਿਚ੍ਛਿਤਂ;
ਤਾਤਾਤਿ ਤਸ੍ਸਪਾਦਾਸਿ,
ਸਹਸ੍ਸਤ੍ਥਵਿਕਂਤਹਿਂ.
ਮਹੋਸਧ ਵੇਸ੍ਸਨ੍ਤਰ-
ਮਹਾਸਿਦ੍ਧਤ੍ਥ ਜਾਤਿਸੁ;
ਕਥੇਸਿ ਮਾਤਰਾਬੋਧਿ-
ਸਸਤ੍ਤੋ ਜਾਤਕ੍ਖਣੇਤਿਸੁ.
ਅਚ੍ਛੇਰ ਮਬ੍ਭੁਤਂਦਿਸ੍ਵਾ,
ਜਨਾਮੋਦਿਂ ਸੁਤਾਵਦੇ;
ਅਪ੍ਫੋਟੇਨ੍ਤੋ ਹਸਨ੍ਤਾਚ,
ਜਯਨਾਦਂ ਪਨਾਦਯੁਂ.
ਵੇਸ੍ਸਨ੍ਤਰੋਤਿ ¶ ਹ੍ਵਾਯਿਂਸੁ,
ਨਾਮਗ੍ਗਹਣ ਮਙ੍ਗਲਂ;
ਸਙ੍ਖਤਾ ਬ੍ਰਾਹ੍ਮਣਾਤਸ੍ਸ,
ਜਾਤਤ੍ਤਾ ਵੇਸ੍ਸਵੀਥਿਯਂ.
ਵਿਜਾਤ ਦਿਵਸੇਤਸ੍ਸ,
ਏਕਾਆਕਾਸਚਾਰਿਨੀ;
ਹਤ੍ਥਿਨੀਹਿ ਸਬ੍ਬਸੇਤਂ,
ਏਕਂ ਕੁਞ੍ਜਰਪੋਸਕਂ.
ਬੋਧਿਸਤ੍ਤਾ ਨੁਭਾਵੇਨ,
ਆਨੇਤ੍ਵਾ ਮਙ੍ਗਲਸਮ੍ਮਤਂ;
ਥਪੇਤ੍ਵਾਨ ਪਕ੍ਕਾਮਿ,
ਹਤ੍ਥਿਸਾਲਾਯ ਸਾਧੁਕਂ.
ਉਪ੍ਪਨ੍ਨਤ੍ਤਾਮਹਾਸਤ੍ਤਂ ¶ ,
ਤਸ੍ਸਕਤ੍ਵਾਨਪਚ੍ਚਯਂ;
ਅਕਂਸੁਨਾਗਰਾਨਾਮਂ,
ਸਮਗ੍ਗਾਪਚ੍ਚਯੋਇਤਿ.
ਤਦ੍ਦਿਨੇਵਵਿਜਾਯਿਂਸੁ,
ਅਮਚ੍ਚਾਨਂਕੁਮਾਰਕਾ;
ਗੇਹੇਸੁਸਠਿਸਹਸ੍ਸਾ,
ਮਹਾਸਤ੍ਤਸਜਾਤਕਾ.
ਅਤਿਦੀਘਾਦਯੋਦੋਸੇ ¶ ,
ਵਿਵਜ੍ਜੇਤ੍ਵਾਨਸਿਞ੍ਚਯੋ;
ਕੁਮਾਰਂਚਤੁਸ੍ਸਠਿਕਾ,
ਉਪਟ੍ਠਾਪੇਸਿਧਾਤਿਯੋ.
ਅਲਮ੍ਬਤ੍ਥਨਿਯੋਚੇਤਾ,
ਭਿਰੂਪਾਯੋਬ੍ਬਨੇਠਿਤਾ;
ਆਸੁਂਮਧੁਰਥਞ੍ਞਾਯੋ,
ਸਂਸੁਦ੍ਧਾਸੇਟ੍ਠਕੋਲਿਯੋ.
ਸੁਸੁਸਟ੍ਠਿਸਹਸ੍ਸਾਨਂ ¶ ,
ਏਕੇਕਾਧਾਤਿਯੋਤਥਾ;
ਬੁਦ੍ਧਙ੍ਕੁਰਸਜਾਤਾਨਂ,
ਉਪਟ੍ਠਾਪੇਸਿਸੁਂਨ੍ਦਰਾ.
ਸਦ੍ਧਿਂ ਸਟ੍ਠਿਸਹਸ੍ਸੇਹਿ,
ਕੁਮਾਰੇਹਿਮਹਾਯਸੋ;
ਮਹਤਾਪਰਿਵਾਰੇਨ,
ਸਂਵਡ੍ਢਿਬੋਧਿਸਤ੍ਤਵੋ.
ਰਾਜਾਸਤਸਹਸ੍ਸਗ੍ਘ-
ਨਿਕਂ ਸੁਸੁਪਿਲ਼ਨ੍ਧਨਂ;
ਕਾਰਾਪੇਤ੍ਵਾਵਿਭੂਸੇਸਿ,
ਅਤ੍ਤਜਂਦਾਨਨਨ੍ਦਨਂ.
ਓਮੁਞ੍ਚਿਤ੍ਵਾਨਧਾਤੀਨਂ ¶ ,
ਤਂਚਤੁਪ੍ਪਞ੍ਚਵਸ੍ਸਿਕੋ;
ਅਦਾਸਿਸੋਮਹਾਸਤ੍ਤੋ,
ਬੋਧਿਂ ਅਪੇਕ੍ਖਮਾਨਸੋ.
ਪੁਨਤਂਤਾਹਿਧਾਤੀਹਿ,
ਦਿਯ੍ਯਮਾਨਂਪਿਸਾਦਰਂ;
ਨਸੋਗਣ੍ਹਿਤ੍ਥਕੁਮਾਰੋ,
ਦਿਨ੍ਨੇਸੁਅਨਪੇਖਵਾ.
ਆਰੋਚਿਂਸੁਪਵਤ੍ਤਿਂਤਂ ¶ ,
ਰਞ੍ਞੋਤਾਧਾਤਿਯੋਤਦਾ;
ਸੁਤ੍ਵਾਮੁਦਿਤਚਿਤ੍ਤੇਨ,
ਤਂਸੋਥੋਮਿਤ੍ਥਅਤ੍ਤਜਂ.
ਪੁਤ੍ਤੇਨਮਮਦਿਨ੍ਨਂਤਂ,
ਬ੍ਰਹ੍ਮਦੇਯ੍ਯਂਪਿਲ਼ਨ੍ਧਨਂ;
ਤੁਮ੍ਹਾਕਂਸਨ੍ਤਕਂਹੋਤੁ,
ਇਚ੍ਚਾਪਿਬ੍ਰਵਿਸਿਞ੍ਚਯੋ.
ਪੁਨਾਪਰਂਪਿਕਾਰੇਤ੍ਵਾ,
ਪਾਦਾਸਿਪੁਤ੍ਤਨਨ੍ਦਨੋ;
ਪੁਤ੍ਤਸ੍ਸਦਾਤੁਕਾਮਸ੍ਸ,
ਸੁਵਿਚਿਤ੍ਤਪਿਲ਼ਨ੍ਧਨਂ.
ਓਮੁਞ੍ਚਿਤ੍ਵਾਨਏਤਂਪਿ ¶ ,
ਧਾਤੀਨਂਦਾਸਿਦਾਯਕੋ;
ਦਾਰਕੋਤੁਟ੍ਠਚਿਤ੍ਤੇਨ,
ਸਬ੍ਬਞ੍ਞੁਤਪ੍ਪਿਯਾਯਨੋ.
ਏਵਂਵੁਤ੍ਤ ਨਯੇਨੇਵ,
ਨਵ ਵਾਰੇ ਪਿਲ਼ਨ੍ਧਨਂ;
ਦਹਰੋਦਾਸਿ ਧਾਤੀਨਂ,
ਨਾਥਾਨਾਥ ਪਰਾਯਨੋ.
ਅਟ੍ਠਵਸ੍ਸਿ ¶ ਕਕਾਲੇਤੁ,
ਏਵਂਚਿਨ੍ਤੇਸਿ ਬੁਦ੍ਧਿਮਾ;
ਨਿਸਿਨ੍ਨੋ ਸਿਰਿਸਯਨੋ,
ਪਾਸਾਦੋ ਪਰਿਮਣ੍ਡਲੇ.
ਦੇਮਿਬਾਹਿਰ ਦਾਨਂਵ,
ਨਤਾਵ ਮਮ ਮਾਨਸਂ;
ਪਰਿਤੋ ਸੇਤਿਏਵਞ੍ਹਿ,
ਅਜ੍ਝਤ੍ਤਿਕਂਦਦਾਮਹਂ.
ਸਚੇਮਂ ਕੋਚਿਯਾਚੇਯ੍ਯ,
ਸੀਸਂਸ ਮੋਲ਼ਿਮੁਤ੍ਤਧਂ;
ਛਿਜ੍ਜ ਤਂ ਤਸ੍ਸਦਜ੍ਜੇਯ੍ਯਂ,
ਨਹੇਯ੍ਯਂ ਲੀਨਚੇਤਸੋ.
ਹਦਯਂਮਮ ¶ ਯਾਚੇਯ੍ਯ,
ਭਿਨ੍ਦਿਤ੍ਵਾ ਅਸਿਨਾਉਰਂ;
ਨੀਹਰਿਤ੍ਵਾਨਤਂਤਸ੍ਸ,
ਦਜ੍ਜੇਯ੍ਯਂ ਤੁਟ੍ਠਮਾਨਸਾ.
ਅਕ੍ਖੀਨਿ ਮਮਯਾਚੇਯ੍ਯ,
ਉਪ੍ਪਾਟੇਤ੍ਵਾਨ ਤਾਵਦੇ;
ਸਤ੍ਥੇਨ ਤਸ੍ਸਦਜ੍ਜੇਯ੍ਯਂ,
ਸਲੋਹਿਤਾਨਿ ਤਾਨਿਮੇ.
ਹਤ੍ਥੇਪਾਦੇਚਕਣ੍ਣੇਚ ¶ ,
ਯਾਚੇਯ੍ਯਮਮਸਾਧੁਕਂ;
ਛਿਨ੍ਦਿਤ੍ਵਾ ਤਾਨਿਦਜ੍ਜੇਯ੍ਯਂ,
ਤਸ੍ਸਪੂਰੇ ਮਨੋਰਥਂ.
ਮਂਸਂਮੇਕੋਚਿਯਾਚੇਯ੍ਯ,
ਸੀਘਂਸਬ੍ਬਸਰੀਰਤੋ;
ਖਣ੍ਡਾਖਣ੍ਡਂ ਛਿਨ੍ਦਿਤ੍ਵਾਨ,
ਦਜ੍ਜੇ ਮਂਸਂ ਸਲੋਹਿਤਂ.
ਹੋਹਿਤ੍ਵਂਮਮਦਾਸੋਤਿ,
ਵਦੇਯ੍ਯਕੋਚਿਚੇਤਹਿਂ;
ਸਯਂਆਮਾਤਿਸਾਵੇਤ੍ਵਾ,
ਅਤ੍ਤਾਨਂਪਿ ਦਦਾਮਹਂ.
ਤਸ੍ਸੇਵਂ ¶ ਚਿਨ੍ਤਯਨ੍ਤਸ੍ਸ,
ਕਮ੍ਪਿਤ੍ਥ ਪਥਵੀਮਹਾ;
ਸਮਨ੍ਤਾਗਜ੍ਜਮਾਨਾਯਂ,
ਮਤ੍ਤੋਵ ਕੁਞ੍ਜਰੋਵਨੇ.
ਮੇਰੁਰਾਜੋ ਨਮਿਤ੍ਵਾਨ-
ਭਿਮੁਖੋਵ ਜੇਤੁਤ੍ਤਰਂ;
ਨਗਰਂ ਠਾਸਿ ਸੇਰਿਤ-
ਵੇਤ੍ਤਙ੍ਕੁਰੋਵ ਤਾਵਦੇ.
ਮਹੀਸਦ੍ਦਸਨ੍ਤਾਸੇਨ ¶ ,
ਮੇਘੋਪਾਵਸ੍ਸਿ ਤਾਵਦੇ;
ਘਨਵਸ੍ਸਂਮਹਾਧਾਰਂ,
ਗਜ੍ਜਮਾਨੋ ਦਿਸੋਦਿਸਂ.
ਨਿਚ੍ਛਰਿਂਸੁ ਬਹੂਵਿਜ੍ਜੁ-
ਲਤਾਯੋਚ ਸਮਨ੍ਤਤੋ;
ਇਨ੍ਦਚਾਪਾ ਉਟ੍ਠਹਿਂਸੁ,
ਉਕ੍ਕਾਪਾਤੋ ਤਦਾ ਅਹੁ.
ਅਪ੍ਫੋਟੇਸਿ ਤਹਿਂਦੇਵ-
ਰਾਜਾਤੁਟ੍ਠੋ ਸੁਜਮ੍ਪਤਿ;
ਸਾਧੁਸਾਧੂਤਿ ਸਾਵੇਸਿ,
ਮਹਾਬ੍ਰਹ੍ਮਾ ਕਤਞ੍ਚਲੀ.
ਬ੍ਰਹ੍ਮਲੋਕਾ ¶ ਤਦਾਯਾਵ,
ਇਤੋਪਥਵਿ ਮਣ੍ਡਲਾ;
ਅਚ੍ਛੇਰਂ ਅਬ੍ਭੁਤਂ ਆਸਿ,
ਏਕਕੋਲਾਹਲਂ ਮਹਾ.
ਏਵਂਞ੍ਹਿ ਨੇਕਬ੍ਭੂਤਾਨਿ,
ਜਨੇਤ੍ਵਾਨ ਮਹਾਜਨਂ;
ਹਾਸਯਂ ਸੁਸੁਖਂਵਡ੍ਢ-
ਮਾਨੋਸੋਲ਼ਸ ਵਸ੍ਸਿਕੋ.
ਕੁਮਾਰੋ ¶ ਸਬ੍ਬਸਿਬ੍ਬੇਸੁ,
ਕੋਵਿਦੋਚ ਪਾਰਙ੍ਗਤੋ;
ਫੁਲ੍ਲਸਾਲੋਵ ਸੋਭਨ੍ਤੋ,
ਵਣ੍ਣੇਨ ਵਯਸਾ ਤਦਾ.
ਅਥਸ੍ਸ ਦਾਤੁਕਾਮੋਵ,
ਰਜ੍ਜਂਮਨ੍ਤਿਯ ਦੇਵਿਯਾ;
ਪਿਤਾਸਿ ਸਿਞ੍ਚਿਰਾਜਤ੍ਤੇ,
ਪੁਤ੍ਤਂਸੋਲ਼ਸ ਵਸ੍ਸਿਕਂ.
ਮਦ੍ਦਰਟ੍ਠੇ ਤਦਾਮਦ੍ਦ-
ਰਾਜਕੁਲਾ ਭਿਵਣ੍ਣਿਨਿਂ;
ਨੇਤ੍ਵਾਮਹੇ ਸਿਤ੍ਤੇਮਦ੍ਦਿਂ-
ਭਿਸਿਞ੍ਚਿ ਧਮ੍ਮਚਾਰਿਨਿਂ.
ਮਦ੍ਦੀਮਾਤੁਲਧੀਤਾਸਾ ¶ ,
ਭਗਿਨੀ ਮਨ੍ਦਹਾਸਿਨੀ;
ਵੇਸ੍ਸਨ੍ਤਰਕੁਮਾਰਸ੍ਸ,
ਸੇਟ੍ਠਲਕ੍ਖਣਧਾਰਿਨੀ.
ਪੁਬ੍ਬਉਟ੍ਠਾਯਿਨੀ ਮਦ੍ਦੀ,
ਨਿਚ੍ਚਂ ਪਚ੍ਛਾਨਿਪਾਤਿਨੀ;
ਮਨਾਪਚਾਰਿਨੀ ਦੇਵੀ,
ਕਿਂਕਾਰ ਪਟਿਸਾਵਿਨੀ.
ਸੋਲ਼ਸਿਤ੍ਥਿ ¶ ਸਹਸ੍ਸਾਤਂ,
ਮਦ੍ਦਿਂਸਬ੍ਬਙ੍ਗ ਸੋਭਣਂ;
ਨਚ੍ਚਵਾਦਿਤ ਗੀਤੇਹਿ,
ਪਰਿਚਾਰਿਂਸੁ ਸਬ੍ਬਦਾ.
ਵੇਸ੍ਸਨ੍ਤਰੋ ਮਹਾਰਾਜਾ,
ਰਜ੍ਜੇਭਿ ਸਿਤ੍ਤਕਾਲਤੋ;
ਪਠਾਯ ਦਾਨਸਾਲਾਯੋ,
ਛਦ੍ਦਾਨਂ ਦਾਸਿਕਾਰਿਯ.
ਮਹਾਦਾਨਂ ਪਵਤ੍ਤੇਸਿ,
ਵਿਸ੍ਸਜ੍ਜਨ੍ਤੋ ਦਿਨੇਦਿਨੇ;
ਸਮ੍ਮੋਦਮਾਨੋ ਛਸ੍ਸਤ-
ਸਹਸ੍ਸਾਨਿ ਧਨਾਨਿਸੋ.
ਏਵਂਦਾਨੇ ¶ ਰਮਨ੍ਤਸ੍ਸ,
ਮਹੇਸੀਤਸ੍ਸਰਾਜਿਨੋ;
ਪੁਤ੍ਤਂਵਿਜਾਯਿਅਪਰ-
ਭਾਗੇਮਦ੍ਦੀ ਸੁਦਸ੍ਸਨਂ.
ਸਮ੍ਪਟਿਚ੍ਛਿਂਸੁ ਵਿਜਾਤ-
ਕਾਲੇਤਂ ਸੋਣ੍ਣਸਨ੍ਨਿਤਂ;
ਸੋਣ੍ਣ ਜਾਲੇਨਤੇਨਸ੍ਸ,
ਨਾਮਂਜਾਲੀਤਿ ਵੋਹਰੁਂ.
ਪਦਸਾ ¶ ਗਮਨੇ ਕਾਲੇ,
ਪੁਤ੍ਤਸ੍ਸ ਤਸ੍ਸਜਾਲਿਨੋ;
ਵਿਜਾਯਿ ਧੀਤਰਂਏਕਂ,
ਨਾਰੀਨਂ ਸੇਟ੍ਠਂਸਮ੍ਮਤਂ.
ਕਣ੍ਹਾਜਿਨੇਨ ਧੀਤਂਤਂ,
ਸਮ੍ਪਟਿਚ੍ਛਿਂਸੁ ਸਾਦਰਂ;
ਤੇਨਸ੍ਸਾ ਧਿਤੁਯਾਨਾਮਂ,
ਕਣ੍ਹਾਜਿਨਾਤਿ ਵੋਹਰੁਂ.
ਮਹਤਾ ਪਰਿਵਾਰੇਨ,
ਵੁਦ੍ਧਿਂਨ੍ਵਾਯਿਂਸੁ ਤੇਦੁਵੇ;
ਸਯਨ੍ਤਾ ਨਚ੍ਚਗੀਤੇਨ,
ਨਚ੍ਚਗੀਤ ਪਬੋਧਨਾ.
ਮਹਾਸਤ੍ਤੋਹਿ ¶ ਮਾਸਸ੍ਸ,
ਛਕ੍ਖਤ੍ਤੁਂ ਦਾਨਮਣ੍ਡਪੇ;
ਓਲੋਕੇਸਿ ਅਲਙ੍ਕਤ-
ਹਤ੍ਥਿਕ੍ਖਨ੍ਧ ਵਰੇਠਿਤੋ.
ਤਹਿਂ ਕਲਿਙ੍ਕਰਟ੍ਠਮ੍ਹਿ,
ਦੁਬ੍ਬੁਟ੍ਠਿਕਾ ਭਯਾਨਕਾ;
ਸਸ੍ਸਾਨਿ ਨਸਮ੍ਪਜ੍ਜਿਂਸੁ,
ਦੁਬ੍ਭਿਕ੍ਖੋ ਸਮਯੋਅਹੁ.
ਚੋਰਕਮ੍ਮਂ ¶ ਅਕਰਿਂਸੁ,
ਅਸਕ੍ਕੋਨ੍ਤਾਵ ਜੀਵਿਤੁਂ;
ਜਨਾ ਨਿਗਮਗਾਮੇਸੁ,
ਵਿਲੁਮ੍ਪਨ੍ਤਿ ਦਾਮਰਿਕਾ.
ਕਲਿਙ੍ਕਰਟ੍ਠਂ ਸਕਲਂ,
ਦੁਬ੍ਭਿਕ੍ਖਭਯਪੀਲ਼ਿਤਂ;
ਘਟੇ ਵਿਲੋਲਪਾਰੀਵ,
ਸਙ੍ਖੁਮ੍ਭਿਤ੍ਥ ਅਨਾਥਕਂ.
ਨੇਗਮਾ ਜਾਨਪਦਾਸਬ੍ਬੇ,
ਨਾਗਰਾਚ ਸਮਗ੍ਗਤਾ;
ਰਾਜਙ੍ਗਣੇ ਉਕ੍ਕੋਸਿਂਸੁ,
ਦੁਬ੍ਭਿਕ੍ਖਭਯ ਚੋਦਿਤਾ.
ਤਦਾਸੁਤ੍ਵਾਨ ¶ ਤਂਰਾਜਾ,
ਸੀਘਂਉਬ੍ਬਿਗ੍ਗ ਮਾਨਸਾ;
ਕੋਯਂਸਦ੍ਦੋਤਿ ਪੁਚ੍ਛਿਤ੍ਥ,
ਮਹਾਮਚ੍ਚੇ ਸਕਨ੍ਤਿਕੇ.
ਆਰੋਚਯਿਂਸੁ ਰਾਜਾਨਂ,
ਪਵਤ੍ਤਿਂ ਤਂਅਸੇਸਤੋ;
ਰਾਜਾਪਿ ਪਟਿਜਾਨਾਸਿ,
ਮੇਘਂ ਵਸ੍ਸਾਪਯੇ-ਇਤਿ.
ਤਤੋਸੋ ਪਤ੍ਥਨਂਕਾਸਿ,
ਸਮਾਦਿਯ ਉਪੋਸਥਂ;
ਦੇਵਂ ਵਸ੍ਸਾਪਨਤ੍ਥਾਯ,
ਸਤ੍ਤਾਹਂਸਤ੍ਤਕਾਰੁਣੋ.
ਨਹਿਏਵਂਪਿਸੋਸਕ੍ਖਿ ¶ ,
ਵਸ੍ਸਾਪੇਤੁਂ ਨਰਿਸ੍ਸਰੋ;
ਮੇਘਂਕਲਿਙ੍ਕ ਰਟ੍ਠਮ੍ਹਿ,
ਦੁਬ੍ਬੁਟ੍ਠਿਕਾਵ ਜਾਯਹਿ.
ਤਤੋਸੋ ਸਨ੍ਨਿਪਾਤੇਤ੍ਵਾ,
ਨਾਗਰੇ ਏਤਦਬ੍ਰਵੀ;
ਵਸਾਪੇਤੁਂ ਨਸਕ੍ਕੋਮਿ,
ਦੇਵਂ ਕਿਂ ਨੁਕਰੇ-ਇਤਿ.
ਤਦਾਏਵਮਵੋਚਿਂਸੁ ¶ ,
ਨਰਾਕਲਿਙ੍ਕਰਾਜਿਨੋ;
ਦੇਵਂ ਵਸ੍ਸਾਪਨਤ੍ਥਾਯ,
ਸੁਭਿਕ੍ਖਕਾਲਕਾਮਿਨੋ.
ਸਿਵਿਰਟ੍ਠੇਮਹਾਰਾਜ,
ਰਜ੍ਜੇਧਮ੍ਮੇਨਯੋਠਿਤੋ;
ਜੇਤੁਤ੍ਤਰੇਮਹਾਵੇਸ੍ਸ-
ਨ੍ਤਰੋ ਸਿਞ੍ਚਯਓਰਸੋ.
ਦਾਨੇਸੁਭਿਰਤੋਹੇਸ,
ਕਿਰਮਙ੍ਗਲਕੁਞ੍ਜਰੋ;
ਤਸ੍ਸਤ੍ਥਿਪਚ੍ਚਯੋਨਾਮ,
ਪਵਰੋਸਬ੍ਬਪਣ੍ਡਰੋ.
ਗਤਠਾਨੇਕੁਞ੍ਜਰਸ੍ਸ ¶ ,
ਤਸ੍ਸੇਕਨ੍ਤੇਨਖਤ੍ਤਿਯ;
ਪਾਵਸ੍ਸਿਕਿਰਗਜ੍ਜਨ੍ਤੋ,
ਮਹਾਮੇਘੋਸਵਿਜ੍ਜੁਕੋ.
ਪੇਸੇਤ੍ਵਾਬ੍ਰਾਹ੍ਮਾਣੇਰਾਜ,
ਯਾਚਾਪੇਤੁਂਸੁਪਣ੍ਡਰਂ;
ਹਤ੍ਥਿਂਵਟ੍ਟਤਿਤਂਤੇਨ,
ਸੀਘਂਪੇਸੇਹਿਬ੍ਰਾਹ੍ਮਣੇ.
ਸਮ੍ਪਟਿਚ੍ਛਿਯਸਾਧੂਤਿ,
ਸੁਤ੍ਵਾਤਂਤੁਟ੍ਠਮਾਨਸੋ;
ਰਾਜਙ੍ਗਣਮ੍ਹਿਰਾਜਾਸੋ,
ਸਨ੍ਨਿਪਾਤੇਸਿਬ੍ਰਾਹ੍ਮਣੇ.
ਗੁਣਵਣ੍ਣੇਹਿਸਮ੍ਪਨ੍ਨੇ ¶ ,
ਵਿਚਿਨਿਤ੍ਵਾਨਬ੍ਰਹ੍ਮਣੇ;
ਅਟ੍ਠਤੇਸੁਰਾਜਾਤੇਸਂ,
ਨੇਕਂਦਾਸਿਪਰਿਬ੍ਬਯਂ.
ਆਨੇਥਕੁਞ੍ਜਰਂਭੋਨ੍ਤੋ,
ਵੇਸ੍ਸਨ੍ਤਰਸ੍ਸਸਨ੍ਤਿਕਂ;
ਗਨ੍ਤ੍ਵਾਯਾਚਿਯ-ਏਵਂਤੇ,
ਰਾਜਾਵਤ੍ਵਾਨਪੇਸਯਿਂ.
ਬ੍ਰਾਹ੍ਮਾਣਾ ¶ ਅਟ੍ਠਰਾਜਾਨਂ,
ਤੇਕਤ੍ਵਾਨ ਪਦਕ੍ਖਿਣਂ;
ਗਞ੍ਛਿਂਸੁ ਜੇਤੁਤ੍ਤਰਂ ਨਾਗਂ,
ਨੇਥੁਂ ਸਬ੍ਬਙ੍ਗਸੁਨ੍ਦਰਂ.
ਅਨੁਪੁਬ੍ਬੇਨ ਗਨ੍ਤ੍ਵਾਨ,
ਤੇਪਾਪੁਣਿਂਸੁ ਬ੍ਰਾਹ੍ਮਣਾ;
ਜੇਤੁਤ੍ਤਰਂ ਭੁਞ੍ਜਮਾਨਾ,
ਦਾਨਸਾਲਾਸੁ ਅਚ੍ਛਯੁਂ.
ਤਤੋਪੁਣ੍ਣ ਮਦਿਨਮ੍ਹਿ,
ਕਤ੍ਵਾਸਰੀਰਮਤ੍ਤਨੋ;
ਤੇਪਂਸੁਮਕ੍ਖਿਤਂਆਗੁਂ,
ਪਾਚੀਨਦ੍ਵਾਰਮਣ੍ਡਲਂ.
ਸਂਯਾਚਿਸ੍ਸਾਮਨਾਗਨ੍ਤਿ ¶ ,
ਚਿਨ੍ਤਮਾਨਾਵਰਾਜਿਨੋ;
ਆਗਮੇਨ੍ਤਾਆਗਮਨਂ,
ਤਤ੍ਥਅਚ੍ਛਿਂ ਸੁਬ੍ਰਾਹ੍ਮਾਣਾ.
ਦਾਨਗ੍ਗਂ ਓਲੇਕੇਯ੍ਯਨ੍ਤਿ,
ਤਦਾਸੁਰ ਸਭੋਜਨੋ;
ਪਾਤੋਨੂਤ੍ਵਾ ਮਹਾਸਤ੍ਤੋ,
ਅਲਙ੍ਕਾਰੇਨ ਲਙ੍ਕਰਿ.
ਅਲਙ੍ਕਤ ਹਤ੍ਥਿਕ੍ਖਨ੍ਧਂ,
ਅਰੁਯ੍ਹ ਅਗਮਾਤਤੋ;
ਰਾਜਾ ¶ ਪੁਰਤ੍ਥਿਮਂ ਦ੍ਵਾਰਂ,
ਪਰਿਸਾਯ ਮਹਨ੍ਤਿਯਾ.
ਮਹਨ੍ਤਿਂ ਪਰਿਸਂਦਿਸ੍ਵਾ,
ਭਿਤਾ ਉਬ੍ਬਿਗ੍ਗ ਮਾਨਸਾ;
ਤਤ੍ਥੋਕਾਸਂ ਨਲਭਿਂਸੁ,
ਯਾਚਿਤੁਂ ਬ੍ਰਾਹ੍ਮਣਾ ਤਹਿਂ.
ਤਮ੍ਹਾ ਦਕ੍ਖਿਣਦ੍ਵਾਰਂ ਤੇ,
ਸਙ੍ਕਮਿਤ੍ਵਾਨ ਉਨ੍ਨਤੇ;
ਪਦੇਸੇ ਸੇਟ੍ਠਰਾਜਾਨਂ,
ਆਗਮੇਸੁਂ ਠਿਤਾ ਤਤੋ.
ਓਲੋਕੇਤ੍ਵਾਨ ¶ ਪਾਚੀਨ-
ਦਾਰਮ੍ਹਿ ਦਾਨਮਣ੍ਡਪੇ;
ਹਤ੍ਥਿਕ੍ਖਨ੍ਧਗਤੋ ਰਾਜਾ,
ਦ੍ਵਾਰਮਾ ਗਞ੍ਚਿਦਕ੍ਖਿਣਂ.
ਰਾਜਾਨਂ ਆਗਤਂ ਦਿਸ੍ਵਾ,
ਪਸਾਰੇਤ੍ਵਾਨ ਬ੍ਰਾਹ੍ਮਣਾ;
ਹਤ੍ਥੇ ‘‘ਵੇਸ੍ਸਨ੍ਤਰੋਜੇਤੁ’’
ਤਿਕ੍ਖਤ੍ਤੁਂ ਇਤਿਭਾਸਿਂਸੁ.
ਜਯਸਦ੍ਦਂ ਪਨਾਦਨ੍ਤੇ,
ਰਾਜਾਦਿਸ੍ਵਾਨ ਬ੍ਰਾਹ੍ਮਣੇ;
ਹਤ੍ਥਿਂ ਤੇਸਂ ਠਿਤਠਾਨਂ,
ਪਾਜੇਸਿ ਦਾਨਮਾਨਸਾ.
ਹਤ੍ਥਿਕ੍ਖਨ੍ਧੇ ¶ ਨਿਸਿਨ੍ਨੋਵ,
ਪਸਨ੍ਨੇਨ ਮੁਖੇਨਸੋ;
ਮ੍ਹਿਤਪੁਬ੍ਬਂ ਤਤੋਵੋਚ,
ਗਿਰੇਵਂ ਹਦਯਙ੍ਗਮਂ.
ਦਕ੍ਖਿਣਾਵਟ੍ਟਸਙ੍ਖੇਨ,
ਬਾਹੁਂਪਗ੍ਗਯ੍ਹ ਦਕ੍ਖਿਣ;
ਪੁਰਤੋ ਮਮ ਤਿਟ੍ਠਨ੍ਤਾ,
ਕਿਂ ਮਂਯਾਚਨ੍ਤਿ ਬ੍ਰਾਹ੍ਮਣਾ.
ਏਵਂਸੀਘਮ ¶ ਵੋਚਿਂਸੁ,
ਪਹਟ੍ਠਾ ਬ੍ਰਾਹ੍ਮਣਾ ਤਹਿਂ;
ਰਤਨਂਰਾਜ ਯਾਚਾਮ,
ਕੁਞ੍ਜਰਂ ਸਬ੍ਬਪਣ੍ਡਰਂ.
ਇਦਂਸੁਤ੍ਵਾਨਸੋਚਿਨ੍ਤਿ,
ਅਜ੍ਝਤ੍ਤਿਕਂ ਪਿਦਾਤਵੇ;
ਅਹਮਿਚ੍ਛਾਮਿਤੇਦਾਨਿ,
ਮਮਂ ਯਾਚਨ੍ਤਿ ਬਾਹਿਰਂ.
ਇਦਾਨਿ ਪੂਰਯਿਸ੍ਸਾਮਿ,
ਯਾਚਨ੍ਤਾਨਂ ਮਨੋਰਥਂ;
ਏਵਂਚਿਨ੍ਤਿਯਸੋਭਾਸਿ ¶ ,
ਹਤ੍ਥਿਕ੍ਖਨ੍ਧਠਿਤੋ ਇਤਿ.
ਦੇਮਿਤਂ ਨਵਿਕਮ੍ਪਾਮਿ,
ਯਂਮਂਯਾਚਨ੍ਤਿ ਬ੍ਰਾਹ੍ਮਣਾ;
ਕੇਲਾਸ ਸਦਿਸਂ ਸੇਤਂ,
ਅਲਙ੍ਕਤਂ ਗਜੁਤ੍ਤਮਂ.
ਹਤ੍ਥਿਕ੍ਖਨ੍ਧਾ ਤਤੋ ਰੁਯ੍ਹ,
ਰਾਜਾ ਚਾਗਾਧਿਮਾਨਸੋ;
ਓਲੋਕੇਸਿਤਿਕ੍ਖਤ੍ਤੁਂਤਂ,
ਕਤ੍ਵਾ ਨਾਗਂ ਪਦਕ੍ਖਿਣਂ.
ਗਹੇਤ੍ਵਾ ¶ ਸੋਣ੍ਣਭਿਙ੍ਗਾਰਂ,
ਸੁਗਨ੍ਧੋਦਕ ਪੂਰਿਤਂ;
ਅਹ੍ਵਾਯਿ ਏਥ ਭੋਨ੍ਤੋਤਿ,
ਕੁਞ੍ਜਰਂਏਸ ਦਾਤਵੇ.
ਗਹੇਤ੍ਵਾ ਰਜਤਦਾਮ-
ਸਦਿਸਂ ਸੇਤ ਹਤ੍ਤਿਨੋ;
ਸੋਣ੍ਡਂਟ੍ਠਪਿਯ ਹਤ੍ਥੇਸੁ,
ਬ੍ਰਾਹ੍ਮਣਾਨਂ ਗਜਿਸ੍ਸਰੋ.
ਸਾਲਙ੍ਕਤਂ ਮਹਾਨਾਗਂ,
ਪਾਤੇਤ੍ਵਾ ਦਕ੍ਖਿਣੋਦਕਂ;
ਅਦਾਸਿ ਸੇਟ੍ਠਦਨ੍ਤਿਂਤਂ,
ਅਸਲ੍ਲਿਨੇਨ ਚੇਤਸਾ.
ਸਦ੍ਧਿਂ ¶ ਵੀਸਤਿਲਕ੍ਖੇਨ,
ਚਤੁਲਕ੍ਖਾਨਿ ਅਗ੍ਘਤਿ;
ਅਲਙ੍ਕਾਰੋਹਿ ਨਾਗਸ੍ਸ,
ਨਾਨਾਰਤਨਚਿਤ੍ਤਿਤੋ.
ਅਥਾਪਿਅਨਗ੍ਘਾ ਹੋਨ੍ਤਿ,
ਛਲ਼ੇਵ ਅਙ੍ਕੁਸਾਦਿਸੁ;
ਮਣਯੋ ਵਾਰਣੋਚਾਪਿ,
ਅਨਙ੍ਘੋ ਸਤ੍ਤਨਗ੍ਘਿਕਾ.
ਯਤਾਵੁਤ੍ਤ ਰਤਨੇਹਿ,
ਸਦ੍ਧਿਂ ਅਦਾਸਿ ਕੁਞ੍ਜਰਂ;
ਨਾਗੋਪਿਯੋਪਿ ਤੇਨੇਵ,
ਤਤੋ ਸਬ੍ਬਞ੍ਞੁਤਂ ਪਿਯਂ.
ਅਥਾਪਿ ¶ ਪਞ੍ਚਸਤਾਨਿ,
ਪਰਿਚਾਰਾਨਿ ਹਤ੍ਥਿਨੋ;
ਕੁਲਾਨਿ ਹਤ੍ਥਿਗੋਪੇਹਿ,
ਸਦ੍ਧਿਂ ਅਦਾਸਿ ਸਾਦਰਂ.
ਵੇਸ੍ਸਨ੍ਤਰੇਨ ਦਿਨ੍ਨਮ੍ਹਿ,
ਸੇਤ ਮਙ੍ਗਲ ਕੁਞ੍ਜਰੇ;
ਅਚੇਤਨਾਪਿਨਾਦੇਨ੍ਤੀ,
ਮੇਦਨੀ ਸਮ੍ਪ ਕਮ੍ਪਥ.
ਤਹਿਂ ¶ ਭੀਸਨਕਂ ਆਸਿ,
ਨਾਨਂ ਲੋਮਹਂਸਨਂ;
ਮਹਨ੍ਤੋ ਵਿਪੁਲੋ ਘੋਸੋ,
ਖੁਮ੍ਭਿਤ੍ਥ ਸਕਲਂ ਪੁਰਂ.
ਮਹੀਸਦ੍ਦਸਨ੍ਤਾਸੇਨ,
ਮੇਘੋ ਪਾਵਸ੍ਸਿ ਤਾਵਦੇ;
ਘਨਵਸ੍ਸਂ ਮਹਾਧਾਰਂ,
ਗਜ੍ਜਮਾਨੋ ਦਿਸੋ ਦਿਸਂ.
ਨਿਚ੍ਛਰਿਂਸੁ ਬਹੂਵਿਜ੍ਜੁ-
ਲਤਾ ਯੋਚ ਸਮਨ੍ਤਤੋ;
ਇਨ੍ਦਚਾਪਾ ਉਟ੍ਠਹੀਂਸੁ,
ਉਕ੍ਕਾਪਾਤੋ ਤਦਾ ਅਹੁ.
ਹਤ੍ਥਿਂ ¶ ਲਦ੍ਧਾਨਤੇ ਤੁਟ੍ਠਾ,
ਬ੍ਰਾਹ੍ਮਣਾ ਕਿਰਦਕ੍ਖਿਣਾ-
ਦ੍ਵਾਰਾ ਨਗਰ ਮਜ੍ਝੇਨ,
ਗਜਕ੍ਖਨ੍ਧ ਗਤਾਨਯੁਂ.
ਮਹਾਜਨਪਰਿਵਾਰੇ,
ਗਜਾਰੁਲ਼੍ਹੇਟ੍ਠ ਬ੍ਰਾਹ੍ਮਣੇ;
ਪਸ੍ਸਿਂ ਸੁਨਾਗਰਾ ਸਬ੍ਬੇ,
ਤਦਾਤੇ ਏਤਦਬ੍ਰਵੁਂ.
ਅਮ੍ਹਾਕਂ ¶ ਕੁਞ੍ਜਰਂ ਹਮ੍ਭੋ,
ਆਰੁਲ਼੍ਹਾ ਵੋ ਇਧਾਗਤਾ;
ਦਿਨ੍ਨੋਯਂ ਕੇਨ ਤੁਮ੍ਹਾਕਂ,
ਕਦਾ ਲਦ੍ਧੋ ਕੁਤੋ-ਇਤਿ.
ਵੇਸ੍ਸਨ੍ਤਰੇਨ ਦਿਨ੍ਨੋ ਨੋ,
ਕਥਂਤੁਮ੍ਹੇ ਵਦਿਸ੍ਸਥ;
ਨਕਥੇਯ੍ਯਾਮ ਵਿਤ੍ਥਾਰਂ,
ਗਚ੍ਛੇਮ ਨਗਰਂ ਮਯਂ.
ਏਵਂਵਤ੍ਵਾ ਨਿਕ੍ਖਮਿਂਸੁ,
ਦ੍ਵਾਰੇਨ ਉਤ੍ਤਰੇਨਤੇ;
ਚਿਤ੍ਤਂਵਿਲੋਲ ¶ ਮਾਨਾਵ,
ਨਾਗਰਾਨਂ ਕਲਿਙ੍ਕਜਾ.
ਤਦਾਹਿ ਨਾਗਰਾ ਸਬ੍ਬੇ,
ਬੋਧਿਸਤ੍ਤਸ੍ਸ ਕੁਜ੍ਝਿਤਾ;
ਰਾਜਦ੍ਵਾਰੇ ਸਨ੍ਨਿਪਚ੍ਚ,
ਉਪਕ੍ਕੋਸਮਕਂਸੁ ਤੇ.
ਅਧਮ੍ਮੇਨੇਵਭੋਨ੍ਤ੍ਤੋਨੋ,
ਨਾਗਂ ਰਟ੍ਠਸ੍ਸ ਪੂਜਿਤਂ;
ਅਦਾਵੇਸ੍ਸਨ੍ਤਰੋਦੁਟ੍ਠ-
ਬ੍ਰਾਹ੍ਮਣਾਨਮਲਙ੍ਕਤਂ.
ਸਙ੍ਖੁਮ੍ਭਿਤਚਿਤ੍ਤਾ ¶ ਸਬ੍ਬੇ,
ਤਤੋਨਗਰਵਾਸਿਨੋ;
ਗਨ੍ਤ੍ਵਾ ਸਿਞ੍ਚਯਰਾਜਸ੍ਸ,
ਸਨ੍ਤਿਕਂ ਏਵਮਬ੍ਰਵੁਂ.
ਵਿਧਮਂਦੇਵਤੇਰਟ੍ਠਂ,
ਪੁਤ੍ਤੋਵੇਸ੍ਸਨ੍ਤਰੋਤਵ;
ਕਤਂਸੋਕੁਞ੍ਜਰਂਦਾਸਿ,
ਸਿਵਿਰਟ੍ਠਸ੍ਸਪੂਜਿਤਂ.
ਕਥਂਸੋ ¶ ਵਾਰਣਂਦਾਸਿ,
ਸੇਤਂ ਕੇਲਾਸਸਨ੍ਨਿਭਂ;
ਪਣ੍ਡੁਕਮ੍ਪਲਸਞ੍ਛਨ੍ਨਂ,
ਜਯ ਭੂਮਿ ਵਿਜਨਾਨਂ.
ਸਚੇ ਸੋ ਦਾਤੁਮਿਚ੍ਛੇਯ੍ਯ,
ਅਨ੍ਨਂਪਾਣਞ੍ਚਭੋਜਨਂ;
ਵਤ੍ਥਂ ਸੇਨਾਸਨਂ ਸੋਣ੍ਣਂ,
ਯੁਤ੍ਤਂਦਾਤੁਂ ਯਥਿਚ੍ਛਿਤਂ.
ਸਚੇਤ੍ਵਂ ਨਕਰਿਸ੍ਸਸਿ,
ਸਿਵੀਨਂ ਵਚਨਂਇਦਂ;
ਮਞ੍ਞੇਤਂ ਸਹਪੁਤ੍ਤੇਨ,
ਸਿਵੀਹਤ੍ਥੇ ਕਰਿਸ੍ਸਰੇ.
ਤਜ੍ਜਮਾਨਾਹਿ ¶ ਏਵਞ੍ਹਿ,
ਸੁਤ੍ਵਾ ਸਿਵੀਹਿ ਭਾਸਿਤਂ;
ਮਞ੍ਞਿਤ੍ਥ ਸਿਞ੍ਚਯੋ ਪੁਤ੍ਤਂ,
ਮਾਰੇਤੁਂ ਇਚ੍ਛਰੇਇਤਿ.
ਏਵਂਬ੍ਯਾਕਾਸਿ ਤੇਨੇਵ,
ਸੀਘਂਵਿਬ੍ਭਨ੍ਤ ਮਾਨਸੋ;
ਪੁਤ੍ਤਪੇਮ ਚੋਦਿਤੋ ਸੋ,
ਸੋਕਸਲ੍ਲ ਸਮਪ੍ਪਿਤੋ.
ਕਾਮਂ ¶ ਜਨਪਦੋ ਸਬ੍ਬਂ,
ਰਟ੍ਠਞ੍ਚਾਪਿ ਵਿਨਸ੍ਸਤੁ;
ਨਾਹਂ ਸਿਵੀਨਂਵਚਨਾ,
ਪਬ੍ਬਾਜੇਯ੍ਯਂ ਮਮਤ੍ਰਜਂ.
ਕਥਂ ਹਂ ਤਮ੍ਹਿ ਦੁਬ੍ਭੇਯ੍ਯਂ,
ਸਨ੍ਤੋਸੋ ਸੁਦ੍ਧਚੇਤਸੋ;
ਪੁਤ੍ਤਂਕਥਞ੍ਚ ਨਿਦ੍ਦੋਸਂ,
ਸਤ੍ਥੇਨ ਘਾਤਯੇ ਮਮ.
ਸਿਵਯੋ ਤਸ੍ਸ ਸੁਤ੍ਵਾਨ,
ਭਾਸਿਤਂ ਪੁਤ੍ਤਗਿਦ੍ਧਿਨੋ;
ਅਵੋਚੁਂ ਵਿਸਟ੍ਠਾ ਵੀਤ-
ਭਹਾਏਵਂ ਯਥਾਤਥਂ.
ਮਾਨਂ ¶ ਦਣ੍ਡੇਨ ਸਤ੍ਥੇਨ,
ਨਾਪਿ ਸੋ ਬਨ੍ਧਨਾਰਹੋ;
ਪਬ੍ਬਾਜੇਹਿ ਵਨਂ ਰਟ੍ਠਾ,
ਵਙ੍ਕੇ ਵਸਤੁ ਪਬ੍ਬਤੇ.
ਤਦਾਚਿਨ੍ਤਯਿ ਸੋਰਾਜਾ,
ਨਯੁਤ੍ਤਂ ਪਨੂਦੇਤਵੇ;
ਛਨ੍ਦਂ ਹਿ ਸਿਵਿਨਂ ਦਾਨਿ,
ਤਤੋ ਵੋਚ ਸੁਭਾਸਿਤਂ.
ਯਥਾਛਨ੍ਦਂ ¶ ਕਰੇਯ੍ਯਾਮਿ,
ਰਟ੍ਠ ਪਬ੍ਬਾਜਯੇਥ ਤਂ;
ਏਕੋਕਾਸਞ੍ਚ ਯਾਚਾਮ,
ਰਤ੍ਤਿਂ ਸੋ ਵਸਤਂ ਇਮਂ.
ਅਮਨ੍ਤੇਤੁ ਯਥਾਕਾਮਂ,
ਕਣ੍ਹਾਜਿਨਾਯ ਜਾਲਿਨਾ;
ਤਥਾਚ ਮਦ੍ਦਿਯਾ ਸਦ੍ਧਿਂ,
ਕਾਮੇਚ ਪਰਿਭੁਞ੍ਜਤੁ.
ਤਤੋ ਰਤ੍ਯਾ ਵਿਵਸਾਨੇ,
ਸੂਰਿਯੁਗ੍ਗਮਨੇਸਤਿ;
ਸਮਗ੍ਗਾ ਸਿਵਯੋ ਹੁਤ੍ਵਾ,
ਰਟ੍ਠਾ ਪਬ੍ਬਜਯਨ੍ਤੁ ਤਂ.
ਪਚ੍ਚਾਗਞ੍ਛੁਂ ¶ ਤਦਾ ਸਬ੍ਬੇ,
ਸਿਵਯੋ ਤੁਟ੍ਠਮਾਨਸਾ;
ਸਮ੍ਪਟਿਚ੍ਛਿਤ੍ਵਾਨ ਸਾਧੂਤਿ,
ਵਚਨਂ ਸਿਵਿਰਾਜਿਨੋ.
ਤਤੋਸੋ ਸਿਞ੍ਚਯੋਏਕਂ,
ਕਤ੍ਤਾਰਂ ਪੁਤ੍ਤਸਨ੍ਤਿਕਂ;
ਸਾਸਨਂ ਪੇਸਨਤ੍ਥਾਯ,
ਤੁਰਿਤਂ ਏਵਮਬ੍ਰਵੀ.
ਉਟ੍ਠੇਹਿ ਕਤ੍ਤੇ ਤਰਮਾਨੋ,
ਗਨ੍ਤ੍ਵਾ ਵਸ੍ਸਨ੍ਤਰਂ ਵਦ;
ਸਿਵਯੋ ਦੇਵ ਤੇਕੁਦ੍ਧਾ,
ਨੇਗਮਾਚ ਸਮਾਗਤਾ.
ਅਸ੍ਮਾ ¶ ਰਤ੍ਯਾ ਵਿਵਸਾਨੇ,
ਸੂਰਿਯੁਗ੍ਗਮਨੇ ਸਤਿ;
ਸਮਗ੍ਗਾ ਸਿਵਯੋ ਹੁਤ੍ਵਾ,
ਰਟ੍ਠਾ ਪਬ੍ਬਾਜਯਨ੍ਤਿਤਂ.
ਸਕਤ੍ਤਾ ਤਰਮਾਨੋਵ,
ਸਿਵਿਰਾਜੇਨ ਪੇਸਿਤੋ;
ਉਪਾਗਮਿ ਪੁਰਂਰਮ੍ਮਂ,
ਵੇਸ੍ਸਨ੍ਤਰ ਨਿਵੇਸਨਂ.
ਤਤ੍ਥਦ੍ਦਸ ¶ ਕੁਰਂਸੋ,
ਰਮਮਾਨਂ ਸਕੇ ਪੁਰੇ;
ਪਰਿਕਿਣ੍ਣਂ ਅਮਚ੍ਚੇਹਿ,
ਤਿਦਸਾਨਂਵ ਵਾਸਵਂ.
ਵਨ੍ਦਿਤ੍ਵਾ ਰੋਦਮਾਨੋਸੋ,
ਕਤ੍ਤਾ ਵੇਸ੍ਸਨ੍ਤਰਂ ਬ੍ਰਵੀ;
ਦੁਕ੍ਖਂ ਤੇ ਵੇਦਯਿਸ੍ਸਾਮਿ,
ਮਾਮੇਕੁਜ੍ਝ ਰਥੇਸਭ.
ਅਸ੍ਮਾਰਤ੍ਯਾ ਵਿਵਸਾਨੇ,
ਸੂਰਿਯੁਗ੍ਗਮਨੇ ਸਤਿ;
ਸਿਵਯੋ ਦੇਵ ਤੇਕੁਦ੍ਧਾ,
ਰਟ੍ਠਾ ਪਬ੍ਬਾਜਯਨ੍ਤਿਤਂ.
ਸੁਤ੍ਵਾਨ ¶ ਭਾਸਿਤਂ ਏਤਂ,
ਹਸਮਾਨੋ ਪਮੋਦਯਂ;
ਏਵਂਪੁਚ੍ਛਿਤ੍ਥ ਕਤ੍ਤਾਰਂ,
ਵੇਸ੍ਸਨ੍ਤਰੋ ਸੁਧੀਤਿਮਾ.
ਕਿਸ੍ਮਿਂ ਮੇ ਸਿਵਯੋ ਕੁਦ੍ਧਾ,
ਯਂ ਨਪਸ੍ਸਾਮਿ ਦੁਕ੍ਕਟਂ;
ਤਂਮੇ ਕਤ੍ਤੇ ਵਿਯਾਚਿਕ੍ਖ,
ਕਸ੍ਮਾ ਪਬ੍ਬਾਜਯਨ੍ਤਿ ਮਂ.
ਤਹਿਂ ¶ ਕਤ੍ਤਾ ਇਦਂਵੋਚ,
ਹਤ੍ਥਿਦਾਨੇਨ ਕੁਜ੍ਝਰੇ;
ਖੀਯਨ੍ਤਿ ਸਿਵਯੋ ਰਾਜ,
ਤਸ੍ਮਾ ਪਬ੍ਬਾਜਯਨ੍ਤਿ ਤਂ.
ਤਂਸੁਤ੍ਵਾਨ ਮਹਾਸਤ੍ਤੋ,
ਦਾਨੇਸੁ ਥੀਰਮਾਨਸੋ;
ਵਚਨਂ ਮ੍ਹਿਤਪੁਬ੍ਬਂ ਸੋ,
ਕਤ੍ਤਾਰਂ ਏਤਦਬ੍ਰਵੀ.
ਹਦਯਂ ¶ ਚਕ੍ਖੁਮਹਂ ਦਜ੍ਜਂ,
ਬਾਹੁਂਪਿ ਦਕ੍ਖਿਣਂ ਮਮ;
ਹਿਰਞ੍ਞ ਮਣਿਸੋਣ੍ਣਾਦਿਂ,
ਨਕਿਂ ਬਾਹਿਰਕਂ ਧਨਂ.
ਕਾਮਂਮਂਸਿ ਵਯੋਸਬ੍ਬੇ,
ਪਬ੍ਬਾਜੇਨ੍ਤੁ ਹਨਨ੍ਤੁਵਾ;
ਨੇਵਦਾਨਾ ਵਿਰਮਿਸ੍ਸਂ,
ਕਾਮਂਛਿਨ੍ਦਨ੍ਤੁ ਸਤ੍ਤਧਾ.
ਤਤੋਸੋ ਦੇਵਤਾਵਿਟ੍ਠੋ,
ਕਤ੍ਤਾਮਗ੍ਗਮ ਦੇਸਯਿ;
ਪਬ੍ਬਾਜਿਤਾਨਂ ਸਬ੍ਬੇਸਂ,
ਗਤਪੁਬ੍ਬਂ ਪੁਰਾਣਕਂ.
ਕੋਨ੍ਤੀਮਾਰਾਯ ¶ ਤੀਰੇਨ,
ਗੀਰਿਮਾ ਰਞ੍ਚਰਂ ਪਤਿ;
ਯੇਨਪਬ੍ਬਾਜਿਤਾਯਨ੍ਤਿ,
ਤੇਨਗਚ੍ਛਤੁ ਸੁਬ੍ਬਤੋ.
ਤਂਸੁਤ੍ਵਾਨ ਬੋਧਿਸਤ੍ਤੋ,
ਸਾਧੂਤਿ ਸਮ੍ਪਟਿਚ੍ਛਿਯ;
ਏਕੋਕਾਸਂ ਨਾਗਰਾਨਂ,
ਯਾਚੇਤੁਂ ਏਵਮਬ੍ਰਵੀ.
ਦਾਨਂਸਤ੍ਤਸਤਕਂਹਂ ¶ ,
ਕਤ੍ਤੇਦਜ੍ਜਂ ਸੁਵੇਤਤੋ;
ਪਰਸ੍ਵੇ ਨਿਕ੍ਖਮਿਸ੍ਸਾਮਿ,
ਰਤ੍ਤਿਂਦਿਵਂ ਖਮਨ੍ਤੁਮੇ.
ਸਾਧੁਦੇਵਪਵਕ੍ਖਾਮਿ,
ਖਮਾਪੇਤੁਂਨਿਸਾਦਿਵਂ;
ਨਾਗਰਾਨਂਤਿਵਤ੍ਵਾਨ,
ਤਦਾਕਤ੍ਤਾਪਿਪਕ੍ਕਮਿ.
ਮਹਾਸਤ੍ਤੋਮਹਾਯੇਨ- ¶
ਕੁਤ੍ਤਂਸਕਲਕਮ੍ਮਿਕਂ;
ਪਕ੍ਕੋਸਾਵਿਯਸ੍ਵੇਦਾਨਂ,
ਏਵਂਬ੍ਯਾਕਾਸਿਦਾਤਵੇ.
ਹਤ੍ਥੀਅਸ੍ਸੇਰਤੇਇਤ੍ਥੀ,
ਦਾਸੀਦਾਸੇਚਧੇਨੁਯੋ;
ਪਟਿਯਾਦੇਹਿਤ੍ਵਂਸਤ੍ਤ-
ਸਤੇਚਾਗਾਯਮਾਰਿਸ.
ਅਥੋਨਾਨਪ੍ਪਕਾਰਾਨਿ,
ਅਨ੍ਨਪਾਨਾਨਿਸਬ੍ਬਸੋ;
ਸੁਰਂਪਿ ਪਟਿਯਾਦੇਹਿ,
ਸਬ੍ਬਂਦਾਤਬ੍ਬਯੁਤ੍ਤਕਂ.
ਏਵਂਸੋਬ੍ਯਾਕਰਿਤ੍ਵਾਨ ¶ ,
ਪੇਮਚਿਤ੍ਤੇਨਚੋਦਿਤੋ;
ਏਕੋਵਮਦ੍ਦਿਯਾਰਮ੍ਮਂ,
ਪਾਸਾਦਮਭਿਰੂਹਥ.
ਰਤ੍ਤਚਨ੍ਦਨ ਗਨ੍ਧੇਹਿ,
ਗਨ੍ਧੋਦਕੇਹਿਵਾਸਿਤਂ;
ਸੋਪਾਵੇਕ੍ਖਿਸਿਰੀਗਬ੍ਭਂ,
ਮਦ੍ਦੀਦੇਵੀਨਿਵਾਸਨਂ.
ਮਦ੍ਦੀਦਿਸ੍ਵਾਨਆਯਨ੍ਤਂ ¶ ,
ਮ੍ਹਿਤਾਨਨੇਨਸਾਮਿਕਂ;
ਉਟ੍ਠਾਸਿਆਸਨਾਸੀਘਂ,
ਰੇਣੁਮਤ੍ਤਾਵਕਿਨ੍ਨਰੀ.
ਉਟ੍ਠਾਹਿਤ੍ਵਾਨਸਾਮਦ੍ਦੀ,
ਵਾਮਹਤ੍ਥੇਸੁ ਰਾਜਿਨੋ;
ਦਕ੍ਖਿਣੇ ਨਸਹਤ੍ਥੇਨ,
ਗਣ੍ਹਿਤ੍ਥਮਨ੍ਦਹਾਸਿਨੀ.
ਤਤੋਸਿਰਿਸਯਨਮ੍ਹਿ ¶ ,
ਨਸਿਨ੍ਨਂਸਕਸਾਮਿਕਂ;
ਬੀਜਯਨ੍ਤੀਵਸਾਟ੍ਠਾਸਿ,
ਮਦ੍ਦੀਸਞ੍ਞਤਵਾਸਿਨੀ.
ਮਦ੍ਦਿਂਅਙ੍ਕੇਟ੍ਠਪੇਤ੍ਵਾਥ,
ਗਣ੍ਹਂਹਤ੍ਤੇਸੁਦੇਵਿਯਾ;
ਮੁਖਂਮੁਖੇਨਕਤ੍ਵਾਨ,
ਰਾਜਾਮਨ੍ਦਮਭਾਸਥ.
ਯਂਤੇਸਚੇਮਯਾਦਿਨ੍ਨਂ,
ਯਞ੍ਚਤੇਪੇਤ੍ਤਿਕਂਧਨਂ;
ਸਬ੍ਬਂਤਂਨਿਦਹੇਯ੍ਯਾਸਿ,
ਭਦ੍ਦੇਕੋਮਾਰਪੇਮਿਕੇ.
ਤਹਿਂਨਵੁਤ੍ਤਪੁਬ੍ਬਂਮੇ ¶ ,
ਸਾਮਿਕੇਨਮਮੀਦਿਸਂ;
ਕਦਾਚਿਏਤ੍ਥਕਂਕਾਲਂ,
ਮਦ੍ਦੀਏਵਞ੍ਹਿਚਿਨ੍ਤਯਿ.
ਤਤੋ ਉਬ੍ਬਿਗ੍ਗਚਿਤ੍ਤੇਨ,
ਮਦ੍ਦੀਏਵ ਮਭਾਸਥ;
ਕੁਹਿਂ ਦੇਵ ਨਿਦਹਾਮਿ,
ਤਂਮੇ ਅਕ੍ਖਾਹਿ ਪੁਚ੍ਛਿਤੋ.
ਸੀਲਵਨ੍ਤੇਸੁ ¶ ਦੁਜ੍ਜਾਸਿ,
ਦਾਨਂ ਮਦ੍ਦੀ ਯਥਾਰਹਂ;
ਨਹਿਦਾਨਾ ਪਰਂਅਤ੍ਥਿ,
ਪਤਿਟ੍ਠਾ ਸਬ੍ਬਪਾਣਿਨਂ.
ਨਿਧਾਨਂ ਨਾਮ ਏਤਂਵ,
ਧਨਾਨਂ ਨਨ੍ਦਿਵਡ੍ਢਨੇ;
ਦਾਨਂਹਿ ਨਿਧਿ ਸਤ੍ਤਾਨਂ,
ਏਵਂਬ੍ਯਾਕਾਸਿ ਖਤ੍ਤਿਯੋ.
ਮਦ੍ਦੀਵਤ੍ਵਾਨ ¶ ਸਾਧੂਤਿ,
ਓਨਮਿਤ੍ਵਾ ਸਿਰੁਤ੍ਤਮਂ;
ਸਮ੍ਪਟਿਚ੍ਛਿ ਤਤੋ ਰਾਜਾ,
ਪੁਨਾਪਿ ਏਵਮਬ੍ਰਵੀ.
ਜਾਲਿਮ੍ਹਿਮਦ੍ਦਿਦਯੇਸਿ,
ਸਾਧੁਕਣ੍ਹਾਜਿਨਾਯਚ;
ਗਾਰਵਂਨਿਵਾਤਂਕਾਸਿ,
ਸਸ੍ਸੁਯਾਸਸ੍ਸੁਰਮ੍ਹਿਚ.
ਯੋਹਿਤਂ ਪੇਮ ਚਿਤ੍ਤੇਨ,
ਮਯਾਵਿਪ੍ਪਵਸੇਨ ਤੇ;
ਇਚ੍ਛੇ ਚੇਭਵਿਤੁਂ ਅਤ੍ਤਾ,
ਸਕ੍ਕਚ੍ਚਂ ਤਂਉਪਟ੍ਠਹੇ.
ਸਚੇ ¶ ਏਵਂ ਨਭਵੇਯ੍ਯ,
ਭਤ੍ਤਾਰਂ ਮਾਦਿਸਂ ਵਿਯਂ;
ਪਰਿਰੇ ਸੇਹਿ ਅਞ੍ਞਂ ਤ੍ਵਂ,
ਮਾਕਿ ਸ੍ਸਿਤ੍ਥੋ ਮਯਾਵਿਨਾ.
ਤਦਾਹਿ ਦੁਮ੍ਮੁਖੀ ਮਦ੍ਦੀ,
ਰਾਜਾਨ ਮੇਵ ਮਬ੍ਰਵੀ;
ਦੁਸ੍ਸੁਤਂ ਵਤ ਸੁਣੋਮਿ,
ਈਦਿਸਂ ਕਿਨ੍ਨੁਭਾਸਸਿ.
ਵਿਯਾਚਿਕ੍ਖਾਮਿ ¶ ਮੇਭ ਦ੍ਦੇ,
ਸਕਲਂ ਦਾਨਿ ਕਾਰਿਣਂ;
ਹਤ੍ਥਿਦਾਨੇਨਕੁਜ੍ਝਨ੍ਤਿ,
ਸਮਗ੍ਗਾ ਸਿਵਯੋ ਮਮ.
ਪਬ੍ਬਾਜੇਨ੍ਤਿ ਮਮਂ ਤੇਨ,
ਸਿਵਯੋ ਸਿਵਿਰਟ੍ਠਤੋ;
ਮਹਾਦਾਨਂ ਦਦਿਸ੍ਸਾਮਿ,
ਸੁਵੇ ਕੋਮਾਰਸਙ੍ਗਮੇ.
ਪਰਸ੍ਵੇ ਨਿਕ੍ਖਮਿਸ੍ਸਾਮਿ,
ਰਟ੍ਠਾ ਏਕੋਵ ਸੋਭਣੇ;
ਨਾਨਾਭਯੇਹਿ ਸਂਕਿਣ੍ਣਂ
ਵਙ੍ਕਂ ਗਚ੍ਛਾਮਿ ਪਬ੍ਬਤ.
ਪਾਣੀਕਤਪਿਯੇ ¶ ਜਾਲਿਂ,
ਕਣ੍ਹਾਜਿਨਞ੍ਚ ਅਤ੍ਤਜਂ;
ਤਞ੍ਚਓਹਾਯ ਗਚ੍ਛੇਯ੍ਯਂ,
ਵਸੇਯ੍ਯਂ ਏਕਕੋਵਨੇ.
ਰਞ੍ਞੋ ਸੁਤ੍ਵਾਨ ਸਙ੍ਕਮ੍ਪਿ,
ਵਚਨਂਸੋਕਵਡ੍ਢਨਂ;
ਮਾਲੁਤੇਰਿਤਪਤ੍ਤਂਵ,
ਮਦ੍ਦੀਯਾ ਹਦਯਂ ਤਦਾ.
ਮਾਮਮੇਵਮਵਚੁਤ੍ਥ ¶ ,
ਕਮ੍ਪੇਸਿ ਹਦਯਂ ਮਮ;
ਤਤ੍ਤਤੇਲੇਨਸਿਤ੍ਤਂਵ,
ਸਰਿਰਂ ਰਾਜ ਦਯ੍ਹਤੇ.
ਨੇਸਧਮ੍ਮੋ ਮਹਾਰਾਜ,
ਯਂ ਤ੍ਵਂ ਗਚ੍ਛੇਯ੍ਯ ਏਕਕੋ;
ਅਹਂਪਿ ਤੇਨ ਗਚ੍ਛਾਮਿ,
ਯੇਨਗਚ੍ਛਸਿ ਖਤ੍ਤਿਯ.
ਮਰਣਂਵਾ ¶ ਤਯਾ ਸਦ੍ਧਿਂ,
ਜੀਵਿਤਂਵਾ ਤਯਾ ਵਿਨਾ;
ਤਦੇਵ ਮਰਣਂ ਸੇਯ੍ਯੋ,
ਯਞ੍ਚੇਜੀਵੇ ਤਯਾਪਿਨਾ.
ਅਗ੍ਗਿਂ ਉਜ੍ਜਾਲਯਿਤ੍ਵਾਨ,
ਏਕਜਾਲ ਸਮਾਹਿਤਂ;
ਤਤ੍ਥੇ ਵਮਰਣਂ ਸੇਯ੍ਯੋ,
ਯਞ੍ਚੇ ਜੀਵੇ ਤਯਾ ਵਿਨਾ.
ਚਰਨ੍ਤਾ ਰਞ੍ਞਨਾਗਂਵ,
ਦੁਗ੍ਗੇਸ੍ਵਨ੍ਵੇਤ੍ਤਿ ਹਤ੍ਥਿਨੀ;
ਏਵਂਤਂ ¶ ਅਨੁਗਚ੍ਛਾਮਿ,
ਪੁਤ੍ਤੇਆਦਾਯਪਚ੍ਛਤੋ.
ਵਿਮਂਸੇਤੁਂ ਤਦਾ ਰਾਜਾ,
ਮਾਨਸਂ ਮਦ੍ਦਿਦੇਵਿਯਾ;
ਨਾਨਾਭਯਂ ਪਕਾਸੇਨ੍ਤੋ,
ਏਵਂਬ੍ਰਵਿ ਭਯਾਪਯਂ.
ਵਿਯਾਚਿਕ੍ਖਾਮਿ ¶ ਤੇਸਚ੍ਚਂ,
ਵਨਮ੍ਹਿ ਮੁਦੁਮਾਨਸੇ;
ਨਾਨਾਭਯਂ ਖਰਂ ਘੋਰਂ,
ਹੇਸ੍ਮਂ ਹਦਯਕਮ੍ਪਨਂ.
ਕੇਸਰੀਨਾਮ ਯੇਭਦ੍ਦੇ,
ਮਿਗਰਾਜਾ ਖਰਸ੍ਸਰਾ;
ਹਿਂ ਸਨ੍ਤਿਂ ਤੇ ਸਸਦ੍ਦੇਨ,
ਮਿਗੇਤਿਕ੍ਖਗ੍ਗ ਦਾਠਿਨੋ.
ਦੀਪੀਬ੍ਯਗ੍ਘਾਕਣ੍ਹਾਚ੍ਛਾਚ,
ਤਿਕ੍ਖਗ੍ਗ ਨਖ ਧਾਰਿਨੋ;
ਖਗ੍ਗਾ ¶ ਵਨਮਹਿਂਸਾਚ,
ਤਿਕ੍ਖਗ੍ਗਸਿਙ੍ਗਧਾਰਿਨੋ.
ਤਿਕ੍ਖਗ੍ਗ ਨਖ ਸਿਙ੍ਗੇਹਿ,
ਏਤੇ ਪੋਸਂਪਿ ਛਿਨ੍ਦਿਯ;
ਖਣ੍ਡਾਖਣ੍ਡਂ ਕਰਿਤ੍ਵਾਨ,
ਮੂਲਾਲਂਵਿਯ ਭਕ੍ਖਰੇ.
ਯਾਚਯਕ੍ਖਿਨਿਯੋਯਕ੍ਖਾ,
ਬਹੂਮਨੁਸ੍ਸਖਾਦਕਾ;
ਨਰਂਨਾਰਿਂ ਗਵੇਸਨ੍ਤਿ,
ਦੁਮ੍ਮੁਖਾ ਖਗ੍ਗਪਾਣਿਨੋ.
ਅਥੋ ¶ ਅਜਗਰਾਸਪ੍ਪਾ,
ਘੋਰਵੀਸਾਚ ਵਿਜ੍ਜਰੇ;
ਵਿਂਸਾਚਾ ਰਕ੍ਖਸਾਵਾਲ਼ਾ,
ਸਜ੍ਜੁਲੋਹਿਤਭੋਜਨਾ.
ਅਞ੍ਞੇਪਿ ਬਹਵੋਸਨ੍ਤਿ,
ਭਯਾਭੇਸ੍ਮਕਾਰਕਾ;
ਕਿਂਨਭਾਯਸਿ ਏਤੇਸਂ,
ਭਯਾਨਂ ਭਯਮਾਨਸੇ.
ਮਾ ¶ ਮਮਂ ਤ੍ਵਂ ਨੁਗਚ੍ਛਾਹਿ,
ਗਚ੍ਛਨ੍ਤਂ ਭਯਸਂਯੁਤਂ;
ਵਨਂ ਇਧੇਵ ਅਚ੍ਛਾਹਿ,
ਵੁਤ੍ਤੇਹਿਸਹਭੀਰੁਕੇ.
ਤ੍ਵੇਕਦਾਸਿਰਿਗਬ੍ਭਮ੍ਹਿ,
ਵਸਨ੍ਤੀ ਸਹਮੇ ਸੁਭੇ;
ਸੁਤ੍ਵਾਗਵੇਸਿਤਾਣਙ੍ਕੇ,
ਕਿਂਮੇ ਮਞ੍ਜਾਰਗਜ੍ਜਿਤਂ.
ਤ੍ਵੇਕਦਾਕਿਂਵਿਬੋਧੇਸਿ ¶ ,
ਭੇਮਿਭੇਮੀਤਿ ਭਾਸਿਯ;
ਰਤ੍ਤਿਯਂ ਹਿ ਸਯਨ੍ਤਂ ਮਂ,
ਸੁਤ੍ਵਾ ਨੁਲੁਙ੍ਕਵਸ੍ਸਿਤਂ.
ਤ੍ਵੇਕਦਾ ਮੇਘਸਦ੍ਦਂਹਿ,
ਸੁਤ੍ਵਾਦਿਵਾ ਮਮਨ੍ਤਿਕਂ;
ਧਾਵਿਤ੍ਵਾਮਂ ਪਰਿਸ੍ਸਜ੍ਜ,
ਕਿਂ ਮੁਚ੍ਛਿਲੋਮਹਂਸੀਨੀ.
ਏਵਂਭਯ ¶ ਚਞ੍ਚਲਾਯ,
ਸੁਖੁਮਾਲਾਯ ਦੇਵਿਯਾ;
ਨਾਲਂਹਿ ਵਸਿਤੁਂਰਞ੍ਞੇ,
ਭੇਸ੍ਮੇ ਅਵਨਵਾਸਿਕੇ.
ਮਦ੍ਦੀਸੁਤ੍ਵਾਨ ਰਾਜਸ੍ਸ,
ਭਾਸਿਤ੍ਤਂ ਥੀਰਮਾਨਸਾ;
ਵਿਸਾਰਦੇਨ ਚਿਤ੍ਤੇਨ,
ਸਾਮਿਕਂ ਏਵਮਬ੍ਰਵੀ.
ਤਯਿਮੇ ਪੇਮ ਚਿਤ੍ਤਞ੍ਚ,
ਅਰਞ੍ਞੇ ਭਯਮਾਨਸਂ;
ਤਯਿਤੇਸੁਮਹਾਰਾਜ ¶ ,
ਸੁਤਿਕ੍ਖਂ ਪੇਮ ਚੇਤਸਂ.
ਸਨ੍ਦਤੇ ਸੀਘਸੋਤਂਮੇ,
ਤਯਿਸਾਗਰ ਸਨ੍ਨਿਭੇ;
ਨਿਚ੍ਚਂਪੇਮੋਦਕਂਰਾਜ,
ਗਙ੍ਗੋਦਕਂਵ ਸਾਗਰੇ.
ਮਰਣਂਪੇਮਚਿਤ੍ਤੇਨ,
ਜੀਵਿਤਂ ਭਯ ਚੇਤਸਾ;
ਤਦੇਵ ਮਰਣਂਸੇਯ੍ਯੋ,
ਯਞ੍ਚੇਤਂ ਜੀਵਿਤਂਚਿਰਂ.
ਪਾਕਾਰਂ ¶ ਮਮੂਰਂਰਾਜ,
ਕਤ੍ਵਾਨ ਪੁਰਤੋਵਨਂ;
ਨਾਨਾਭਯਂ ਨਿਵਾਰੇਨ੍ਤੀ,
ਗਚ੍ਛਂ ਹਂਵੇਰਹਿਂਸਿਨੀ.
ਤਯਿਹਂ ਪੇਮਚਿਤ੍ਤਾਸਿਂ,
ਗਹੇਤ੍ਤ੍ਵਾ ਵਙ੍ਕਪਬ੍ਬਤੇ;
ਫਲਾਫਲਂਗਵੇਸਨ੍ਤੀ,
ਵਸੇਯ੍ਯਾਮਿ ਤਯਾਸਹ.
ਏਵਂਞ੍ਹਿ ¶ ਸੂਰਭਾਵਂ ਸਾ,
ਦਸ੍ਸਯਿਤ੍ਵਾਨ ਅਤ੍ਤਨੋ;
ਹਿਮਵਨ੍ਤ ਵਾਸਿਨੀਵ-
ਰਾਜਾਨਂ ਵੀਤਿਤੋਸਯਿ.
ਯਦਾਦਕ੍ਖਸਿਨਚ੍ਚਨ੍ਤੇ,
ਕੁਮਾਰੇ ਮਾਲਧਾਰਿਨੇ;
ਕੀਲ਼ਨ੍ਤੇ ਅਸ੍ਸਮੇਰਮ੍ਮੇ,
ਨਰਜ੍ਜਸ੍ਸ ਸਰਿਸ੍ਸਸਿ.
ਯਦਾਦਕ੍ਖਸਿਗਾਯਨ੍ਤੇ ¶ ,
ਅਞ੍ਞੋਞ੍ਞਮੁਖਦਸ੍ਸਿਨੇ;
ਕੁਮਾਰੇਵਨਗੁਮ੍ਬਮ੍ਹਿ,
ਨਰਜ੍ਜਸ੍ਸ ਸਰਿਸ੍ਸਸਿ.
ਯਦਾਦਕ੍ਖਸਿਮਾਤਙ੍ਗਂ,
ਸਾਯਂਪਾਤਂਬ੍ਰਹਾਵਨੇ;
ਅਸਹਾਯਂਵਿਚਰਨ੍ਤਂ,
ਨਰਜ੍ਜਸ੍ਸ ਸਰਿਸ੍ਸਸਿ.
ਨਾਦਂਕਰੇਣੁਸਙ੍ਘਸ੍ਸ ¶ ,
ਨਦਮਾਨਸ੍ਸਪੂਰਤੋ;
ਨਾਗਸ੍ਸਵਜਤੋਸੁਤ੍ਵਾ,
ਨਰਜ੍ਜਸ੍ਸਸਰਿਸ੍ਸਸਿ.
ਮਿਗਂਦਿਸ੍ਵਾਨਸਾਯਨ੍ਹਂ,
ਪਞ੍ਚਮਾਲਿਨਮਾਗਤਂ;
ਕਿਂ ਪੂਰਿਸੇਚਨਚ੍ਚਨ੍ਤੇ,
ਨਰਜ੍ਝਸ੍ਸਸਰਿਸ੍ਸਸਿ.
ਯਦਾਸੁਸ੍ਸਸਿਨਿਗ੍ਘੋਸਂ ¶ ,
ਸਨ੍ਦਮਾਨਾਯਸਿਨ੍ਧੁਯਾ;
ਗੀਤਂਕਿਂਪੁਰਿਸਾਨਞ੍ਚ,
ਨਰਜ੍ਜਸ੍ਸਸਰਿਸ੍ਸਸਿ.
ਸਰਤਸ੍ਸਚਸੀਹਸ੍ਸ,
ਬ੍ਯਗ੍ਘਸ੍ਸਚ੍ਛਸ੍ਸਦਿਵਿਨੋ;
ਸਦ੍ਦਂ ਸੁਤ੍ਵਾਨਖਗ੍ਗਸ੍ਸ,
ਨਰਜ੍ਜਸ੍ਸਸਰਿਸ੍ਸਸਿ.
ਯਦਾਮੋਰੀਹਿਪਰਿਕਿਣ੍ਣਂ ¶ ,
ਵਿਚਿਤ੍ਰਪੁਚ੍ਛਪਕ੍ਖਿਨਂ;
ਮੋਰਂਦਕ੍ਖਸਿਨਚ੍ਚਨ੍ਤਂ,
ਨਰਜ੍ਜਸ੍ਸ ਸਰਿਸ੍ਸਸਿ.
ਯਦਾਦਕ੍ਖਸਿ ਹੇਮਨ੍ਤੇ,
ਪੁਪ੍ਫਿਤੇਧਰਣੀਰੁਹੇ;
ਸੁਰਬ੍ਭਿਸਮ੍ਪਵਾਯਨ੍ਤੇ,
ਨਰਜ੍ਜਸ੍ਸ ਸਰਿਸ੍ਸਸਿ.
ਯਦਾ ¶ ਹੇਮਨ੍ਤਿ ਕੇਮਾਸੇ,
ਹਰਿਤਂ ਦਕ੍ਖਸਿ ਮੇਦਨਿਂ;
ਇਨ੍ਦਗੋਪਕ ਸਞ੍ਛਨ੍ਨਂ,
ਨਰਜ੍ਜਸ੍ਸ ਸਰਿਸ੍ਸਸਿ.
ਤਦਾਹਿਫੁਸ੍ਸਤੀਦੇਵੀ,
ਠਿਤਾਸਿ ਪੁਤ੍ਤਸੋਕਿਨੀ;
ਸੀਰੀਪਗਬ੍ਭਸ੍ਸਦ੍ਵਾਰਮ੍ਹਿ,
ਵਿਮਂਸਨ੍ਤੀਕਥਾਕਥਂ.
ਕਲੁਨਂਪਰਿਦੇਵਿਤ੍ਥ ¶ ,
ਅਞ੍ਞੋਞ੍ਞਾਭਾਸਿਤਂਗਿਰਂ;
ਸੁਤ੍ਵਾਨਫੁਸ੍ਸਤੀਦੇਵੀ,
ਵੁਤ੍ਤਸ੍ਸਸੁਣਿਸਾਯਚ.
ਵਿਸਂਮੇਖਾਦਿਤਂਸੇਯ੍ਯੋ,
ਪਬ੍ਬਤਾਚ ਪਪਾਤਨਂ;
ਮਤਞ੍ਚਰਜ੍ਜੁਯਾਬਜ੍ਝ,
ਨਤ੍ਥਤ੍ਥੋਜੀਵਿਤੇਨਮੇ.
ਅਜ੍ਝਾਯਕਂ ¶ ਦਾਨ ਪਤਿਂ,
ਯਸਸ੍ਸਿਨਂ ਅਮਚ੍ਛਰਿਂ;
ਕਸ੍ਮਾ ਵੇਸ੍ਸਰਂ ਪੁਤ੍ਤਂ,
ਪਬ੍ਬਾਜਨ੍ਤਿ ਅਦੂਸਕਂ.
ਪੂਜਿਤਂ ਪਤਿਰਾ ਜੂਹਿ,
ਸਬ੍ਬਲੋਕਹਿ ਤੇਸਿਨਂ;
ਕਸ੍ਮਾ ਵੇਸ੍ਸਨ੍ਤਰਂ ਵੁਤ੍ਤਂ,
ਪਬ੍ਬਾਜੇਨ੍ਤਿਅਦੂਸਕਂ.
ਕਲੁਨਂ ਪਰਿ ਦੇਵਿਤ੍ਵਾ,
ਅਸ੍ਸਾ ਸੇਤ੍ਵਾਨ ਫੁਸ੍ਸਤੀ;
ਵੁਤ੍ਤਞ੍ਚ ਸੁਣਿਸਂ ਸੀਘਂ,
ਅਗਾ ਸਿਞ੍ਚਯ ਸਨ੍ਤਿਕਂ.
ਤਤੋਤਂ ¶ ਸਿਞ੍ਚਯਂਦੇਵੀ,
ਵਿਸਟ੍ਠਾ ਏਤਦਬ੍ਰਵੀ;
ਨਾਨੂਪਾਯਂ ਪਕਾਸੇਨ੍ਤੀ,
ਵਿਚਿਤ੍ਤ ਵਾਦ ਵਿਞ੍ਞੁਨੀ.
ਮਧੂਨਿਵ ਪਲਾ ਤਾਨਿ,
ਅਮ੍ਬਾਵਪਤਿ ਤਾਛਮਾ;
ਏਵਂਹੇ ਸ੍ਸਤਿਤੇ ਰਟ੍ਠਂ,
ਪਬ੍ਬਾਜਿਤੇਅਦੂਸਕੇ.
ਹਂਸੋ ¶ ਨਿਖੀਣ ਪਤ੍ਤੋਵ,
ਪਲ੍ਲਸ੍ਮਿਂ ਅਨੂਦਕੇ;
ਅਪਵਿਟ੍ਠੋ ਅਮਚ੍ਚੇਹਿ,
ਏਕੋਰਾਜਾਵਿਹਿਯ੍ਯਸਿ.
ਤਨ੍ਤਂਬ੍ਰੂਮਿ ਮਹਾਰਾਜ,
ਅਤ੍ਥੋਤੇਮਾ ਉਪਚ੍ਚਗਾ;
ਮਾਨਂਸਿਵੀਨਂਵਚਨਾ,
ਪਬ੍ਬਾਜੇਸਿਅਦੂਸਕਂ.
ਦੇਵਿਯਾਵਚਨਂਸੁਤ੍ਵਾ ¶ ,
ਧਮ੍ਮਰਾਜਾਧਮ੍ਮਞ੍ਚਰੋ;
ਧਮ੍ਮੇਨਧਮ੍ਮਿਕਂਬ੍ਰੂਸਿ,
ਮਹੇਸਿਂ ਪੁਤ੍ਤਸੋਕਿਨਿਂ.
ਏਸੋਵੇਸ੍ਸਨ੍ਤਰੋਭਦ੍ਦੇ,
ਪਾਣਾਪਿਯਤਰੋਹਿਮੇ;
ਤਥਾਪਿਨਂ ਪਬ੍ਬਾਜੇਮਿ,
ਧਮ੍ਮਸਤ੍ਥਵਸਾਨੁਗੋ.
ਸੀਵਿਰਟ੍ਠਮ੍ਹਿਪੋਰਾਣ- ¶
ਰਾਜੂਨਂਧਮ੍ਮਤਨ੍ਤਿਯਾ;
ਅਹਞ੍ਹਿਪਚਿਤਿਂਕੁਮ੍ਮਿ,
ਵਿਨਯਨ੍ਤੋਮਮੋਰਸਂ.
ਰਞ੍ਞੋਤਂ ਵਚਨਂਸੁਤ੍ਵਾ,
ਖਿਨ੍ਨਾਹਦਯਕਮ੍ਪਿਨੀ;
ਪੁਨਸਾਪਰਿਦੇਵਨ੍ਤੀ,
ਏਵਂਵਿਲਵਿਫੁਸ੍ਸਤੀ.
ਯਸ੍ਸਪੁਬ੍ਬੇਧਜਗ੍ਗਾਨਿ,
ਕਣਿਕਾਰਾਵਪੁਪ੍ਫਿਤਾ;
ਯਾਯਨ੍ਤਮਨੁਯਾਯਨ੍ਤਿ,
ਸ੍ਵਜ੍ਜੇਕੋਵਗਮਿਸ੍ਸਤਿ.
ਇਨ੍ਦਗੋਪਕਵਣ੍ਣਾਭਾ ¶ ,
ਗਨ੍ਧਾਰਾ ਪਣ੍ਡੁਕਮ੍ਪਲਾ;
ਯਾਯਨ੍ਤਮਨੁਯਾਯਨ੍ਤਿ,
ਸ੍ਵਜ੍ਜੇਕੋਵਗਮਿਸ੍ਸਸਿ.
ਯੋਪੁਬ੍ਬੇਹਤ੍ਥਿਨਾਯਾਤਿ,
ਸਿਵਿਕਾਯਰਥੇਨਚ;
ਸ੍ਵਜ੍ਜਵੇਸ੍ਸਰੋਰਾਜਾ,
ਕਥਂਗਚ੍ਛਤਿਪਤ੍ਥਿਕਾ.
ਕਥਂਚਨ੍ਦਨਲਿਤ੍ਤਙ੍ਗੋ ¶ ,
ਨਚ੍ਚਗੀਤਪਬੋਧਨੋ;
ਖੁਰਾਜਿਨਂ ਫਰੁਸਞ੍ਚ,
ਖਾਰਿਕਾਜਞ੍ਚਹਾਹਿਤਿ.
ਪਵੀਸਨ੍ਤੋ ਬ੍ਰਹਾਰਞ੍ਞਂ,
ਕਾਸਾਵਂ ਅਜਿਨਾ ਨਿਵਾ;
ਖਰਂ ਕੁਸ ਮਯਂ ਚੀਰਂ,
ਕਥਂ ਪਰਿ ਦਹਿਸ੍ਸਤਿ.
ਕਾਸਿਯਾਨਿਚ ¶ ਧਰੇਤ੍ਵਾ,
ਖੋਮਕੋ ਟੁਮ੍ਪਰਾਨਿਚ;
ਕੁਸਚੀਰਾਨਿ ਧਾਰੇਨ੍ਤੀ,
ਕਥਂਮਦ੍ਦੀਕਰਿਸ੍ਸਤਿ.
ਵਯ੍ਹਾਹਿ ਪਰਿਯਾਯਿਤ੍ਵਾ,
ਸਿਵਿਕਾਯ ਰਥੇਨਚ,
ਸਾਕਥਜ੍ਜ ਅਨੁਜ੍ਝਙ੍ਗੀ,
ਪਥਂ ਗਚ੍ਛਤਿ ਪਤ੍ਥਿਕਾ.
ਸੁਖੇਧਿਤਾਹਿਹਿਰਞ੍ਞ- ¶
ਪਾਦੁਕਾਰੁਲ਼੍ਹਗਾਮਿਨੀ,
ਸਾਕਥਜ੍ਜਸੁਖਾਨਨ੍ਦੀ,
ਪਥਂਗਚ੍ਛਤਿਪਤ੍ਥਿਕਾ.
ਗਨ੍ਤ੍ਵਾਇਤ੍ਥਿਸਹਸ੍ਸਾਨਂ,
ਪੂਰਤੋਯਾਹਿਮਾਲਿਨੀ;
ਸਾਕਥਜ੍ਜਯਸਾਨਨ੍ਦੀ,
ਵਨਂਗਚ੍ਛਤਿਏਕਿਕਾ.
ਸਦ੍ਦਂਸਿਵਾਯਸੁਤ੍ਵਾਯਾ ¶ ,
ਮੁਹੁਂਉਤ੍ਤਸ੍ਸਤੇਪੁਰੇ;
ਵਸਨ੍ਤੀਸਾਬ੍ਰਹਾਰਞ੍ਞੇ,
ਕਥਂ ਵਚ੍ਛਤਿਭੀਰੁਕਾ.
ਸਦ੍ਦਂਸੁਤ੍ਵਾਨੁਲੁਙ੍ਕਸ੍ਸ,
ਮੁਹੁਂਉਤ੍ਤਸਤੇਪੁਰੇ;
ਵਸਨ੍ਤੀਸਾਬ੍ਰਹਾਰਞ੍ਞੇ,
ਕਥਂਵਚ੍ਛਤਿਭੀਰੁਕਾ.
ਸਕੁਣੀਹਤ ¶ ਪੁਤ੍ਤਾਵ,
ਸੁਞ੍ਞਂਦਿਸ੍ਵਾ ਕੁਲਾਵਕਂ;
ਚੀਰਂਦੁਕ੍ਖੇਨ ਝਾਯਿਸ੍ਸਂ,
ਸੁਞ੍ਞਂਆਗਮ੍ਮਿਮਂਪੁਰਂ.
ਕੁਰੁਰੀ ਹਤਛਾਪਾਵ,
ਸੁਞ੍ਞਂਦਿਸ੍ਵਾ ਕੁਲਾਵਕਂ;
ਤੇਨਤੇਨ ਪਧਾਵਿਸ੍ਸਂ,
ਪਿਯੇਪੁਤ੍ਤੇਅਪਸ੍ਸਤੀ.
ਏਵਂਮੇਵਿਲ ¶ ਪਨ੍ਤਿਯਾ,
ਰਾਜਪੁਤ੍ਤਂ ਅਦੂਸਕਂ;
ਪਬ੍ਬਾਜੇਸਿ ਵਨਂਰਟ੍ਠਾ,
ਮਞ੍ਞੇਹਿਸ੍ਸਾਮਿਜੀਵਿਤਂ.
ਫੁਸ੍ਸਤ੍ਯਾ ਲਵਿਤਂਸੁਤ੍ਵਾ,
ਸਬ੍ਬਾ ਸਿਞ੍ਚਯਰਾ ਜਿਨੋ;
ਬਾਹਾਪਗ੍ਗਯ੍ਹ ਪਕ੍ਕਨ੍ਦੁਂ,
ਸਿਵਿਕਞ੍ਞਾ ਸਮਾਗਤਾ.
ਪਕ੍ਕਨ੍ਦਿਤਰਵਂਤਾਸਂ ¶ ,
ਸੁਤ੍ਵਾ ਸੋਕਪਮਦ੍ਦਿਤਾ;
ਸਿਵਿਕਞ੍ਞਾਚ ਪਕ੍ਕਨ੍ਦੁਂ,
ਵੇਸ੍ਸਨ੍ਤਰਨਿਵੇਸਨੇ.
ਓਰੋਧਾਚ ਕੁਮਾਰਾਚ,
ਵੇਸਿਯਾਨਾ ਬ੍ਰਹ੍ਮਣਾ;
ਬਾਹਾਪਗ੍ਗਯ੍ਹਪਕ੍ਕਨ੍ਦੁਂ,
ਵੇਸ੍ਸਨ੍ਤਰਨਿਵੇਸਨੇ.
ਹਤ੍ਥਾਰੋਹਾਅਨੀਕਟ੍ਠਾ ¶ ,
ਰਥਿਕਾ ਪਤ੍ਥਿਕਾਰਕਾ;
ਬਾਹਾਪਗ੍ਗਯ੍ਹ ਪਕ੍ਕਨ੍ਦੁਂ,
ਵੇਸ੍ਸਨ੍ਤਰ ਨਿਵੇਸਨੇ.
ਤਸ੍ਸਾਰਤ੍ਯਾ ਅਚ੍ਚਯੇਨ,
ਸੂਰਿਯੇ ਉਗ੍ਗਤੇਸਤਿ;
ਆਰੋਚਯਿਂਸੁ ਰਾਜਾਨਂ,
ਦਾਨਗ੍ਗਂ ਉਪਗਨ੍ਤਵੇ.
ਅਥਪਾਤੋਵ ਸੋਰਾਜਾ,
ਨ੍ਹਤ੍ਵਾਭੂਸਨ ਭੂਸਿਤੋ;
ਦਾਨਸਾਲ ਮੁਪਾਗਞ੍ਛਿ,
ਮਹਾਜਨ ਪੁਰਕ੍ਖਤੋ.
ਦਾਨਸਾਲਾਸੁ ¶ ਦਾਤਬ੍ਬਂ,
ਦਿਸ੍ਵਾਨ ਪਟਿਯਾਦਿਤਂ;
ਅਮਚ੍ਚੇਵ ਮਾਣਾਪੇਸਿ,
ਰਾਜਾਭਿ ਤੁਟ੍ਠਮਾਨਤੋ.
ਵਤ੍ਤਾਨਿਵਤ੍ਥਕਾਮਾਨਂ,
ਸੋਣ੍ਡਾਨਂ ਦੇਥਵਾਰੁਣਿਂ;
ਭੋਜਨਂ ਭੋਜਨਤ੍ਥਿਨਂ,
ਸਮ੍ਮਦੇਵ ਪਵਚ੍ਛਥ.
ਯੇਯਂਯਂ ¶ ਲਦ੍ਧੁਮਿਚ੍ਛਨ੍ਤਿ,
ਤਂਤਂਤਸ੍ਸਪਵਚ੍ਛਥ;
ਮਾਯਾਚਕੇ ਨਿਵਾਰੇਥ,
ਦਾਨਸਾਲਾਸੁ ਆਗਤੇ.
ਤਦਾਸਿਯਂ ਭੀਸਨਕਂ,
ਤਦਾਸਿ ਲੋਮਹਂਸਨਂ;
ਮਹਾਦਾਨੇ ਪਦਿਨ੍ਨਮ੍ਹਿ
ਮੇਦਿਨੀ ਸਮ੍ਪਕਮ੍ਪਥ.
ਪਰਿਦੇਵਿਂਸੁ ਵੇਸ੍ਸਨ੍ਤ੍ਤ-
ਰਰਾਜਂ ਪਤਿਤਾਵਦੇ;
ਪਕਿਤ੍ਤੇਤ੍ਵਾਨ ਨਾਨਪ੍ਪ-
ਕਾਰਂ ਏਵਂ ਵਣਿਬ੍ਬਕਾ.
ਅਮ੍ਹੇਹਿਤ੍ਵਾਨ ¶ ਵੇਸ੍ਸਨ੍ਤ-
ਰਰਾਜਾ ਦਾਨਦਾਯਕੋ;
ਅਚਿਰੇ ਨੇਵ ਰਟ੍ਠਮ੍ਹਾ,
ਨਿਕ੍ਖਮਿਸ੍ਸਤਿਕਾਨਨਂ.
ਸਤ੍ਤਹਤ੍ਥਿਸਤੇਦਤ੍ਵਾ,
ਸਬ੍ਬਾਲਙ੍ਕਾਰ ਭੂਸਿਤੇ;
ਏਸਵੇਸ੍ਸਨ੍ਤਰੋ ਸਮ੍ਹਾ,
ਰਟ੍ਠਮ੍ਹਾ ਨਿਕ੍ਖਮਿਸ੍ਸਤਿ.
ਸਤ੍ਤਅਸ੍ਸ ਸਤੇ ਦਤ੍ਵਾ,
ਸਿਨ੍ਧਵੇ ਸੀਘ ਵਾਹਨੇ;
ਏਸ ਵੇਸ੍ਸਨ੍ਤਰੋਸਮ੍ਹਾ,
ਰਟ੍ਠਮ੍ਹਾ ਨਿਕ੍ਖਮਿਸ੍ਸਤਿ.
ਰਥੇਸਤ੍ਤਸਤੇਦਤ੍ਵਾ ¶ ,
ਸਨ੍ਨਨ੍ਧੇ ਉਸ੍ਸਿਤਦ੍ਧਜੇ;
ਏਸ ਵੇਸ੍ਸਨ੍ਤਰੋਸਮ੍ਹਾ,
ਰਟ੍ਠਮ੍ਹਾ ਨਿਕ੍ਖਮਿਸ੍ਸਤਿ.
ਸਤ੍ਤਕਞ੍ਞਾ ਸਤੇਦਤ੍ਵਾ,
ਸੁਰੂਪਿਨੀ ਵਿਭੂਸਿਤਾ;
ਏਸ ਵੇਸ੍ਸਨ੍ਤਰੋਸਮ੍ਹਾ,
ਰਟ੍ਠਮ੍ਹਾ ਨਿਕ੍ਖਮਿਸ੍ਸਤਿ.
ਸਤ੍ਤਧੇਨੁ ¶ ਸਤੇ ਦਤ੍ਵਾ,
ਸਬ੍ਬਾਕਂਸੁ ਪਧਾਰਣਾ;
ਏਸਵੇਸ੍ਸਨ੍ਤਰੋਰਾਜਾ,
ਸਮ੍ਹਾਰਟ੍ਠਾਨਿਰਚ੍ਛਤਿ.
ਸਤ੍ਤਦਾਸਿ ਸਤੇ ਦਤ੍ਵਾ,
ਸਤ੍ਤਦਾਸ ਸਤਾਨਿਚ;
ਏਸਵੇਸ੍ਸਨ੍ਤਰੋਰਾਜਾ,
ਸਮ੍ਹਾਰਟ੍ਠਾਨਿਰਚ੍ਛਤਿ.
ਅਥੇਤ੍ਥਵਤ੍ਤਤੇਸਦ੍ਦੋ,
ਤੁਮੁਲੋਭੇ ਰਵੋਮਹਾ;
ਸਮਾਕੁਲਂ ਪੁਰਂਆਸਿ,
ਅਹੋਸਿ ਲੋਮਹਂਸਨਂ.
ਸੋਦਤ੍ਵਾਨ ¶ ਮਹਾਦਾਨਂ,
ਵੇਸ੍ਸਨ੍ਤਰੋ ਅਮਚ੍ਛਰੀ;
ਪੁਰਕ੍ਖਤੋ ਅਮਚ੍ਚੇਹਿ,
ਅਗਾਸਕਨਿਵੇਸਨਂ.
ਤਤੋਹਿ ਮਦ੍ਦਿਯਾਸਦ੍ਧਿਂ,
ਮਾਤਾਪਿਤੂਨ ਸਨ੍ਤਿਕਂ;
ਵਨ੍ਦਨਤ੍ਥਾਯ ਅਗਞ੍ਛਿ,
ਅਲਙ੍ਕਤ ਰਥੇਨਸੋ.
ਵਨ੍ਦਿਤ੍ਵਾ ¶ ਪਿਤਰਂਬੋਧਿ-
ਸਤ੍ਤੋਬ੍ਰਵਿਕਤਞ੍ਜਲੀ;
ਏਵਂਆਵੀਕਰੋਨ੍ਤੋਵ,
ਗਮਿਸ੍ਸਮਾਨਅਞ੍ਜਸਂ.
ਮਮਂਤਾਤ ਪਬ੍ਬਾਜੇਸਿ,
ਯਮ੍ਹਾਰਟ੍ਠਾ ਅਦੂਸਕਂ;
ਸਿਵੀਨਂ ਵਚਨਤ੍ਥੇਨ,
ਤੇਨਂ-ਗਚ੍ਛਾਮਿ ਕਾਨਨਂ.
ਸੁਵੇਅਹਂ ਮਹਾਰਾਜ,
ਸੂਰਿਯੁਗ੍ਗ ਮਨੇ ਸਤਿ,
ਨਿਕ੍ਖਮਿਸ੍ਸਾਮਿ ਰਟ੍ਠਮ੍ਹਾ,
ਵਙ੍ਕਂ ਗਚ੍ਛਾਮਿ ਪਬ੍ਬਤਂ.
ਵਨੇਵਾਲ਼ ¶ ਮਿਗਾਕਿਣ੍ਣੇ,
ਖਗ੍ਗਦੀਪਿਨਿਇਸੇ ਵਿਤੇ;
ਅਹਂਪੁਞ੍ਞਾਨਿ ਕਰੋਮਿ,
ਤੁਮ੍ਹੇ ਪਙ੍ਕਮ੍ਹੀ ਸੀਦਥ.
ਤਤੋਸੋਤਰਮਾਨੋਵ,
ਗਨ੍ਤ੍ਵਾਨਮਾਕੁਸਨ੍ਤਿਕਂ;
ਵਨ੍ਦਮਾਨੋਆਰੋਚਿਤ੍ਤ,
ਏਵਂਞ੍ਹਿਸਕਮਾਤੁਯਾ.
ਅਨੁਜਾਨਾਹਿਮਂਅਮ੍ਮਾ,
ਗਚ੍ਛਾਮਿਵਙ੍ਕਪਬ੍ਬਤਂ;
ਵਨੇਪੁਞ੍ਞਾਨਿਕਾਹਾਮਿ ¶ ,
ਪਬ੍ਬਜ੍ਜਾਮਮਰੁਚ੍ਚਤਿ.
ਤਂਸੁਤ੍ਤ੍ਵਾਰੁਣ੍ਣਮੁਖੇਨ,
ਜਨਨੀਏਵਮਬ੍ਰਵੀ;
ਅਨੁਜਾਨਾਮਿਤਂਵੁਤ੍ਤਂ,
ਪਬ੍ਬਜ੍ਜਾਤੇਸਮਿਜ੍ਝਭੁ.
ਅਯਞ੍ਹਿਵੁਤ੍ਤ ਮੇਮਦ੍ਦੀ,
ਸੁਣ੍ਹਾ ਸੁਖੁਮਵਦ੍ਧਿਨੀ;
ਅਚ੍ਛਤਂ ਸਹ ਵੁਤ੍ਤੇਹਿ,
ਕਿਂ ਅਰਞ੍ਞੇਕਰਿਸ੍ਸਤਿ.
ਮਾਤੁਯਾਵਚਨਂਸੁਤ੍ਵਾ ¶ ,
ਵੇਸ੍ਸਨ੍ਤਰੋ ਕਤਞ੍ਜਲੀ;
ਮ੍ਹਿਤਪੁਬ੍ਬਮਭਾ ਸਿਤ੍ਤ,
ਞਾਪੇਨ੍ਤੋਅਤ੍ਤਨੋਮਤਿਂ.
ਨਾਹਂਅਕਾ ਮਾਦਾਸਂਵਿ,
ਅਰਞ੍ਞਂਨੇਤੁ ਮੁਸ੍ਸਹੇ;
ਸਚੇਇਚ੍ਛ ਤਿਅਨ੍ਵੇਤੁ,
ਸਚੇਨਿਚ੍ਛਤਿ ਅਚ੍ਛਤੁ.
ਤਤੋਸੁਣ੍ਹਂਮਹਾਰਾਜਾ ¶ ,
ਯਾਚਿਤੁਂਪਟਿਪਜ੍ਜਥ;
ਮਾਚਨ੍ਦਨਸਮਾਚਾਰੇ,
ਰਜੋਜਲ੍ਲਂਮਧਾਰਯਿ.
ਕਾਸਿਯਾਨਿਚਧਾਰੇਤ੍ਵਾ,
ਕੁਸਚੀਰਮਧਾਰਯਿ;
ਦੁਕ੍ਖੋਵਾਸੋਅਰਞ੍ਞਸ੍ਮਿਂ,
ਮਾਹਿਤ੍ਵਂਲਕ੍ਖਣੇਗਮਿ.
ਤਤੋ ¶ ਪਤਿਬ੍ਬਤਾ ਸੁਣ੍ਹਾ,
ਸਸ੍ਸੁਰਂ ਏਵਮਬ੍ਰਵੀ;
ਨਾਹਂ ਤਂਸੁਖਮਿਚ੍ਛਯ੍ਯਂ,
ਯਂਮੇ ਵੇਸ੍ਸਨ੍ਤਰਂ ਵਿਨਾ.
ਤਤੋ ਸੁਣ੍ਹਂ ਮਹਾਰਾਜਾ,
ਦੁਸ੍ਸਹਾਨਿ ਬ੍ਰਹਾਵਨੇ;
ਨਾਨਾਭਯਾਨਿ ਞਾਪੇਨ੍ਤੋ,
ਵਨਂ ਯਾਚਿ ਅਗਨ੍ਤਵੇ.
ਯਾਨ ਸਨ੍ਤਿ ਮਹਾਰਾਜ,
ਭਯਾਨਿਤਾਨਿ ਕਾਨਨੇ;
ਸਬ੍ਬਾਨਿ ¶ ਹਂ ਸਹਿਸ੍ਸਮਿ,
ਅਨੁਗਚ੍ਛਾਮਿ ਮੇਪਤਿਂ.
ਪੂਰਤੋਹਂ ਗਮਿਸ੍ਸਾਮਿ,
ਦਦਨ੍ਤੀ ਭਤ੍ਥੁਨੋ ਪਥਂ;
ਉਰਸਾ ਪਨੁਦਹਿਤ੍ਵਾਨ,
ਕੁਸ ਨਲ਼ ਵਨਾਦਯੋ.
ਬਹੂਹਿ ਵਤਵਰਿਯਾਹਿ,
ਕੁਮਾਰੀ ਵਿਨ੍ਦਤੇ ਪਤਿਂ;
ਵੇਧਬ੍ਯਂ ਕਟੁਕਂ ਲੋਕੇ,
ਗਚ੍ਛਞ੍ਞੇਵ ਰਥੇਸਭ.
ਨਾਨਾਕਾਰੇਹਿ ¶ ਪੀਲ਼ੇਨ੍ਤਿ,
ਅਨਾਥਂਵਿਧਵਂ ਜਨਾ;
ਅਤਿਵਾਕ੍ਯੇਨ ਭਾਸਨ੍ਤਿ,
ਮਿਤ੍ਤਾਚਾਪਿ ਸਲੋਹਿਤਾ.
ਨਗ੍ਗਾ ਨਦੀ ਅਨੂਦਕਾ,
ਨਗ੍ਗਂ ਰਟ੍ਠਂ ਅਰਾਜਕਂ;
ਇਤ੍ਥੀਪਿ ਵਿਧਵਾ ਨਗ੍ਗਾ,
ਯਸ੍ਸਾਸੁਂਦਸ ਭਾਤਰੋ.
ਧਜੋ ¶ ਰਥਸ੍ਸ ਪਞ੍ਞਾਨਂ,
ਧੁਮੋ ਪਞ੍ਞਾ ਨਮਗ੍ਗਿਨੋ;
ਰਾਜਾ ਰਟ੍ਠਸ੍ਸ ਪਞ੍ਞਾਨਂ,
ਭਤ੍ਤਾ ਪਞ੍ਞਾਨਮਿਤ੍ਥਿਯਾ.
ਯਾ ਦਲਿਦ੍ਦਸ੍ਸ ਪੋਸਸ੍ਸ,
ਦਲਿਦ੍ਦੀ ਭਰਿਯਾ ਸਿਯਾ;
ਅਡ੍ਢਾ ਅਡ੍ਢਸ੍ਸ ਰਾਜਿਨ੍ਦ,
ਤਂ ਵੇ ਦੇਵਾ ਪਸਂਸਰੇ.
ਕਥਂ ਨੁਤਾਸਂ ਹਦਯਂ,
ਸੁਖਰਾਵਤ ਇਤ੍ਥਿਯੋ;
ਯਾ ¶ ਸਾਮਿਕੇ ਦੁਕ੍ਖਿਤਮ੍ਹਿ,
ਸੁਖਮਿਚ੍ਛਨ੍ਤਿ ਅਤ੍ਤਨੋ.
ਅਪਿਸਾਗਰਪਰਿਯਨ੍ਤਂ,
ਬਹੁਵਿਤ੍ਤਧਰਂਮਹਿਂ;
ਨਾਨਾਰਤਨਪਰਿਪੂਰਂ,
ਨਿਚ੍ਛੇਵੇਸ੍ਸਨ੍ਤਰਂਵਿਨਾ.
ਸਾਮਿਕਂ ਅਨੁਗਚ੍ਛਿਸ੍ਸਂ,
ਅਹਂ ਕਾਸਾਯਵਾਸਿਨੀ;
ਧੀਰਤ੍ਥੁਤਂ ¶ ਨਿਸ੍ਸੀਰਿਕਂ,
ਵੇਧਬ੍ਯਂਯਞ੍ਚ ਨਾਰਿਯਾ.
ਸੁਣ੍ਹਾਯ ਭਾਸਿਤਂ ਸੁਤ੍ਵਾ,
ਸਸ੍ਸੁਰੋ ਨਿਕ੍ਖਿਪੇਤਵੇ;
ਦੁਵੇ ਇਧੇਵ ਨਤ੍ਤਾਰੋ,
ਸੁਣ੍ਹਂਸੋ ਏਵ ਮਬ੍ਰਵੀ.
ਇਮੇਤੇ ਦਹਰਾਪੁਤ੍ਤਾ,
ਜਾਲੀਕਣ੍ਹਾਜਿਨਾ ਚੁਭੋ;
ਨਿਕ੍ਖਿਪ੍ਪ ਲਕ੍ਖਣੇ ਗਚ੍ਛ,
ਮਯਂਤੇ ਪੋਸਿਸਾਮਸੇ.
ਪਿਯਾਮੇ ¶ ਪੁਤ੍ਤਕਾ ਦੇਵ,
ਜਾਲੀ ਕਣ੍ਹਾਜਿਨਾ ਚੁਭੋ;
ਤ੍ਯਮ੍ਹਂ ਤਤ੍ਥ ਰਮੇਸ੍ਸਨ੍ਤਿ,
ਅਰਞ੍ਞੇ ਜੀਵਿਸੋ ਕਿਨਂ.
ਪੁਤ੍ਤੇਨੇਤ੍ਵਾਨ ਗਚ੍ਛਾਮ,
ਦ੍ਵੇਮਯਂ ਵਙ੍ਕਪਬ੍ਬਤਂ,
ਦਕ੍ਖਮਾਨਾ ਵਸਿਸ੍ਸਾਮ,
ਏਤੇ ਪਮੋਦਮਾਨਸਾ.
ਸੁਣਮਾਨਾ ¶ ਵਸਿਸ੍ਸਾਮ,
ਗੀਤਞ੍ਚ ਵਿਯਭਾਣਿਨਂ;
ਏਤੇਸਂ ਨਚ੍ਚਮਾਨਾਨਂ,
ਅਰਞ੍ਞੇ ਮਾਲਧਾਰਿਨਂ.
ਸੁਣ੍ਹਾਯ ਭਾਸਿਤਂਸੁਤ੍ਵਾ,
ਸਸ੍ਸੁਰੋਖਿਨ੍ਨ ਮਾਨਸੋ;
ਏਵਞ੍ਹਿਸੋ ਵਿਲਵਿਤ੍ਥ,
ਪਟਿਚ੍ਚਦਾਰਕੇ ਦੁਵੇ.
ਸਾਲਿਨਂ ¶ ਓਦਨਂ ਭੁਤ੍ਵਾ,
ਸੁਚਿਂ ਮਂਸੁਪਸੇਚਨਂ;
ਰੁਕ੍ਖਫਲਾਨਿ ਭੁਞ੍ਜਨ੍ਤਾ,
ਕਥਂਕਾਹਨ੍ਤਿ ਦਾਰਕਾ.
ਭੁਤ੍ਵਾ ਸਤਪਲੇ ਕਂਸੇ,
ਸੋਵਣ੍ਣੇ ਸਤਰਾਜਿਤੇ;
ਰੁਕ੍ਖਪਤ੍ਤੇਸੁ ਭੁਞ੍ਜਨ੍ਤਾ,
ਕਥਂਕਾਹਨ੍ਤਿ ਦਾਰਕਾ.
ਕਾਸਿਯਾਨਿਚ ਧਾਰੇਤ੍ਵਾ,
ਖੋਮ ਕੋਟੁਮ੍ਪਰਾਨਿਚ;
ਕੁਸਚੀਰਾਨਿ ¶ ਧਾਰੇਨ੍ਤਾ,
ਕਥਂ ਕਾਹਨ੍ਤਿ ਦਾਰਕਾ.
ਵਯ੍ਹਾਹਿਪਰਿਯਾਯਿਤ੍ਵਾ,
ਸਿਵਿਕਾਯ ਰਥੇਨਚ;
ਪਤ੍ਥਿਕਾ ਪਰਿਧਾਵਨ੍ਤਾ,
ਕਥਂ ਕਾਹਨ੍ਤਿ ਦਾਰਕਾ.
ਕੁਟਾਗਾਰੇ ਸਯਿਤ੍ਵਾਨ,
ਨਿਵਾਤੇ ਫੁਸਿਤਗ੍ਗਲੇ;
ਸਯਨ੍ਤਾ ਰੁਕ੍ਖਮੂਲਸ੍ਮਿਂ,
ਕਥਂਕਾਹਨ੍ਤਿ ਦਾਰਕਾ.
ਪਲ੍ਲਙ੍ਕੇਸੁ ¶ ਸਯਿਤ੍ਵਾਨ,
ਗੋਨਕੇ ਚਿਤ੍ਤਸਨ੍ਥਤੇ;
ਸਯਨ੍ਤਾ ਤਿਣਸਨ੍ਥਾਰੇ,
ਕਥਂਕਾਹਨ੍ਤਿ ਦਾਰਕਾ.
ਗਨ੍ਧਕੇਨ ਵਿਲਿਮ੍ਪੇਤ੍ਵਾ,
ਅਗਲੁਚਨ੍ਦਨੇਨਚ;
ਰਜੋਜਲ੍ਲਾਨਿ ਧਾਰੇਨ੍ਤਾ,
ਕਥਂਕਾਹਨ੍ਤਿ ਦਾਰਕਾ.
ਚਾਮਰੀ ¶ ਮੋਰ ਹਤ੍ਥੇਹਿ,
ਬੀਜਿਤਙ੍ਗਾ ਸੁਖੇਧਿਤਾ;
ਫੁਟ੍ਠਾ ਡਂਸੇਹਿ ਮਕਸੇਹਿ,
ਕਥਂਕਾਹਨ੍ਤਿ ਦਾਰਕਾ.
ਤਹਿਂਵਂਬ੍ਰਵਿ ਰਾਜਾਨਂ,
ਵਿਲਪਨ੍ਤਂ ਸੋਕਟ੍ਟਿਤਂ;
ਪਟਿਚ੍ਚ ਦਾਰਕੇ ਸੁਣ੍ਹਾ,
ਵੇਸ੍ਸਨ੍ਤਰਪਿਯਞ੍ਜਨਾ.
ਮਾ ¶ ਦੇਵ ਪਰਿਦੇਵੇਸਿ,
ਮਾਚ ਤ੍ਵਂ ਵਿਮਨੋਅਹੁ;
ਯਥਾਮਯਂ ਭਵਿਸ੍ਸਾਮ,
ਤਥਾ ਹੇਸ੍ਸਨ੍ਤਿ ਦਾਰਕਾ.
ਏਵਞ੍ਹਿ ਸਲ੍ਲਪਨ੍ਤਾਨਂ,
ਤੇਸਂ ਖਤ੍ਤਿਯਜਾਤਿਨਂ;
ਅਞ੍ਞੋਞ੍ਞਂ ਵਿਭਾਤਾ ਰਤ੍ਤਿ,
ਸਮੁਗ੍ਗਞ੍ਛਿਤ੍ਥ ਸੂਰਿਯੋ.
ਤਦਾਨੇਤ੍ਵਾ ¶ ਠਪਯਿਂਸੁ,
ਚਤੁਸਿਨ੍ਧਵਯੁਞ੍ਜਿਤਂ;
ਅਲਙ੍ਕਤ ਰਥਂਰਾਜ-
ਦ੍ਵਾਰੇ ਮਙ੍ਗਲਸਮ੍ਮਤਂ.
ਵਨ੍ਦਿਤ੍ਵਾ ਸਸ੍ਸੁਰੇ ਮਦ੍ਦੀ,
ਆਦਾਯ ਪੁਤ੍ਤਕੇ ਦੁਵੇ;
ਭਤ੍ਤੁਨੋ ਪੁਰਤੋ ਗਨ੍ਤ੍ਵਾ,
ਪਥਮਂ ਰਥਮਾਰੁਹਿ.
ਤਤੋਵੇਸ੍ਸਨ੍ਤਰੋਮਾਤਾ-
ਪਿਤਰੋ ਅਤਿਵਨ੍ਦਿਯ;
ਪਦਕ੍ਖਿਣਞ੍ਚ ਕਤ੍ਵਾਨ,
ਸੀਘਸੋ ਰਥਮਾਰੁਹਿ.
ਤਤੋ ¶ ਮਙ੍ਗਲਦ੍ਵਾਰੇਨ,
ਰਥਂ ਪੇਸੇਸਿ ਲਙ੍ਕਤਂ;
ਤੋਸਾਪਯਂ ਮਹਾਸਤ੍ਤੋ,
ਮਦ੍ਦਿਂ ਜਾਲਿਸ੍ਸ ਮਾਤਰਂ.
ਪਥਨ੍ਤੇਸੁ ਭਿਵਨ੍ਦਨ੍ਤਿ,
ਸਕ੍ਕਚ੍ਚਂ ਬਹਵੋ ਜਨਾ;
ਵੇਸ੍ਸਨ੍ਤਰਞ੍ਚ ਮਦ੍ਦਿਞ੍ਚ,
ਪਸ੍ਸਮਾਨਾ ਕਤਞ੍ਚਲੀ.
ਆਪੁਚ੍ਛਨ੍ਤੋਚ ¶ ਪਕ੍ਕਾਮਿ,
ਗਚ੍ਛਿਸ੍ਸਾਮੀਹਿ ਪਤ੍ਥਯਂ;
ਨਿਦੁਕ੍ਖਾ ਸੁਖਿਤਾਹੋਥ,
ਇਤਿਸੋ ਵਨ੍ਦਕੇ ਜਨੇ.
ਰਥੇ ਠਿਤੋਵ ਸੋਰਾਜਾ,
ਓਵਦਨ੍ਤੋ ਅਪਕ੍ਕਮਿ;
ਦਾਨਆਦੀਨਿ ਪੁਞ੍ਞਾਨਿ,
ਕਰੋਥਾਤਿ ਮਹਾਜਨਂ.
ਗਚ੍ਛਨ੍ਤੇ ਬੋਧਿਸਤ੍ਤਮ੍ਹਿ,
ਮਾਤਾ ਏਵਞ੍ਹਿ ਚਿਨ੍ਤਯਿ;
ਦਾਤੁਕਾਮੋਸਿ ਮੇਵੁਤ੍ਤੋ,
ਪਟ੍ਠਾਯ ਜਾਤਕਾਲਤੋ.
ਤਤੋਦਾਨਂ ¶ ਦਦੋਪੇਤੁਂ,
ਪੁਤ੍ਤਂਰਤਨ ਪੂਰਿਤੇ;
ਪੁਤ੍ਤਸ੍ਸੁਭੋਸੁ ਪਸ੍ਸੇਸੁ,
ਪੇਸੇਸਿ ਸਕਟੇਬਹੂ.
ਵੇਸ੍ਸਨ੍ਤਰੋਹਿ ਸਮ੍ਪਰੋਹਿ ਸਮ੍ਪਤ੍ਤ-
ਯਾਚਕਾਨਂ ਅਸੇਸਕਂ;
ਅਟ੍ਠਾਰਸਵਾਰੇ ਦਾਸਿ,
ਕਾਯਾਰੁਲ਼੍ਹਂਪਿਅਤ੍ਤਨੋ.
ਨਗਰਾ ¶ ਨਿਕ੍ਖਮਨ੍ਤਮ੍ਹਿ,
ਵੇਸ੍ਸਨ੍ਤਰੇਸ ਪੇਤ੍ਤਿਕਂ;
ਨਗਰਂ ਦਟ੍ਠੁਕਾਮੋਸਿ,
ਤਦਾ ਸਙ੍ਕਮ੍ਪਿ ਮੇਦਨੀ.
ਤਹਿਂ ਰਥਪ੍ਪਮਾਣਮ੍ਹਿ,
ਠਾਨੇ ਭਿਜ੍ਜਿਯ ਮੇਦਨੀ,
ਪਰਿਵਤ੍ਤਿਤ੍ਥ ਕੁਲਾਲ-
ਚਕ੍ਕਂਵਨਗਰਾਮੁਖੀ.
ਨਗਰਂ ਓਲੋਕੇਤ੍ਵਾਨ,
ਨਗਰਾਭਿਮੁਖੇ ਰਥੇ,
ਠਿਤੋਮਦ੍ਦਿਂਪਿ ਦਕ੍ਖੇਤੁਂ,
ਏਵਂਸੋਬ੍ਰਵਿ ਹਾਸਯਂ.
ਇਙ੍ਘ ¶ ਮਦ੍ਦਿ ਨਿਸਾਮੇਹਿ,
ਰਮ੍ਮਰੂਪਂਵ ਦਿਸ੍ਸਤਿ;
ਆਵਾਸੋ ਸਿਵਿਸੇਟ੍ਠਸ੍ਸ,
ਪੇਤ੍ਤਿਕਂ ਭਵਨਂ ਮਮ.
ਸਹਜਾਤਅਮਚ੍ਚੇਚ,
ਨਿਵਤ੍ਤੇਤ੍ਵਾ ਮਹਾਜਨਂ;
ਰਥਂ ਪਾਜੇਸਿ ਸੋ ਸੀਘਂ,
ਮੋਦਨ੍ਤੋਮਦ੍ਦਿਯਾਤਤੋ.
ਅਨ੍ਵਾਗਮਿਂਸੁ ¶ ਪਾਜੇਨ੍ਤਂ,
ਚਤ੍ਤਾਰੋ ਬ੍ਰਹ੍ਮਣਾ ਤਹਿਂ;
ਯਾਚਿਤੁਂ ਸਿਨ੍ਧਵੇ ਏਤੇ,
ਮਦ੍ਦੀ ਪਸ੍ਸਿਤ੍ਥ ਤਾਵਦੇ.
ਮਦ੍ਦੀਪਿ ਮਨ੍ਦਸਦ੍ਦੇਨ,
ਯਾਚਕਾ ਵਿਯ ਆਗਤਾ;
ਇਤ੍ਯਾਰੋਚੇਸਿ ਭਤ੍ਤਾਰਂ,
ਗਣ੍ਹਨ੍ਤੀ ਤਸ੍ਸ ਪਿਟ੍ਠਿਯਂ.
ਸਾਧੁ ¶ ਭਦ੍ਦੇਤਿ ਵਤ੍ਵਾਨ,
ਰਥਸ੍ਸਾਗਮਨਂ ਅਕਾ;
ਬ੍ਰਹ੍ਮਣਾ ਉਪਗਨ੍ਤ੍ਵਾਨ,
ਯਾਚਿਂਸੁ ਸਿਨ੍ਧਵੇ ਤਹਿਂ.
ਮੋਦਮਾਨੋਵ ਸੋਦਾਸਿ,
ਬ੍ਰਹ੍ਮਣਾਨਂ ਸੁਸਿਨ੍ਧਵੇ;
ਬ੍ਰਹ੍ਮਣਾਦਾਯ ਗਞ੍ਛਿਂਸੁ,
ਅਸ੍ਸੇਸਕ ਨਿਵੇਸਨਂ.
ਅਸ੍ਸੇਸੁ ਪਨ ਦਿਨ੍ਨੇਸੁ,
ਚਤ੍ਤਾਰੋ ਦੇਵਪੁਤ੍ਤਕਾ;
ਰੋਹਿਚ੍ਚਮਿਗਵਣ੍ਣੇਨ,
ਰਥਂ ਵਹਿਯ ਗਞ੍ਛਿਸੁਂ.
ਦੇਵਾ ¶ ਰੋਹਿਚ੍ਚਵਣ੍ਣੇਨ,
ਵਹਨ੍ਤੀਤਿ ਸੁਬੁਦ੍ਧਿਮਾ;
ਵਿਜਾਨਿਤ੍ਵਾਨ ਮਦ੍ਦਿਂਪਿ,
ਞਾਪੇਨ੍ਤੋ ਏਵਮਬ੍ਰਵੀ.
ਇਙ੍ਘਪ੍ਮਦ੍ਦਿ ਨਿਸਾਮੇਹਿ,
ਚਿਤ੍ਤਰੂਪਂਵ ਦਿਸ੍ਸਤਿ;
ਮਿਗਰੋ ਹਿਚ੍ਚਵਣ੍ਣੇਨ,
ਦਕ੍ਖਿਣਸ੍ਸਾਵਹਨ੍ਤਿਮਂ.
ਮਦ੍ਦੀਚੇਵਂ ¶ ਨਿਚ੍ਛਾਰੇਸਿ,
ਗਿਰਂ ਅਚ੍ਛੇਰਰੂਪਿਨੀ;
ਵੇਸ੍ਸਨ੍ਤਰਸ੍ਸਤੇਜੇਨ,
ਰਥਂਵਹਨ੍ਤਿਦੇਵਤਾ.
ਆਗਨ੍ਤ੍ਵਾਨ ਰਥਂ ਯਾਚਿ,
ਅਪਰੋ ਬ੍ਰਾਹ੍ਮਣੋ ਤਤੋ;
ਬੋਧਿਸਤ੍ਤੋਪਿਸੋਦਾਸਿ,
ਰਥਂ ਤਸ੍ਸ ਅਨਿਗ੍ਘਿਯਂ.
ਸਕਪ੍ਪਿਯੇ ਦਦਨ੍ਤਮ੍ਹਿ,
ਮਦ੍ਦੀ ਪਹਟ੍ਠਮਾਨਸਾ;
ਸਾਧੁਕਾਰਂ ਪਵਤ੍ਤੇਸਿ,
ਸਦਾ ਮਚ੍ਛੇਰਹਿਂਸਿਨੀ.
ਦਿਨ੍ਨੇ ¶ ਰਥਮ੍ਹਿ ਅਨ੍ਤਰ-
ਧਾਰਿਯਿਂਸੁ ਦੇਵਪੁਤ੍ਤਕਾ;
ਸਬ੍ਬੇ ਤੇ ਪਤ੍ਥਿਕਾ ਆਸੁਂ,
ਰਾਜਾਮਦ੍ਦਿਂ ਤਦਾਬ੍ਰਵੀ.
ਤ੍ਵਂ ਮਦ੍ਦਿ ਕਣ੍ਹਂਗਣ੍ਹਾਹਿ,
ਲਹੁਏਸਾ ਕਨਿਟ੍ਠਕਾ;
ਅਹਂ ਜਾਲਿਂ ਗਹੇਸ੍ਸਾਮਿ,
ਗਰੁਕੋ ਭਾਤਿਕੋਹਿਸੋ.
ਰਾਜਾ ¶ ਕੁਮਾਰਮਾਦਾਯ,
ਰਾਜਪੁਤ੍ਤੀਚ ਦਾਰਿਕਂ;
ਸਮ੍ਮੋਦਮਾਨਾ ਪਕ੍ਕਾਮੁਂ,
ਅਞ੍ਞਮਞ੍ਞ ਪਿਯਂ ਵਦਾ.
ਆਗਚ੍ਛਨ੍ਤੇ ਪਟਿਪਥਂ,
ਦਿਸ੍ਵਾਨ ਅਦ੍ਧਿਕੇਜਨੇ;
ਏਵਂ ਪੁਚ੍ਛਿਯਗਞ੍ਛਿਂਸੁ,
ਕੁਹਿਂ ਵਙ੍ਕਤਪਬ੍ਬਤੋ.
ਕਲੁਣਂ ¶ ਪਰਿਦੇਵਿਤ੍ਵਾ,
ਪੁਚ੍ਛਿਤਾ ਅਦ੍ਧਿਕਾਜਨਾ;
ਏਵਂ ਤੇ ਪਟਿਵੇਦੇਸੁਂ,
ਦੂਰੇਵਙ੍ਕਤਪਬ੍ਬਤੋ.
ਮਗ੍ਗਾਸਨ੍ਨੇਸੁ ਪਸ੍ਸਨ੍ਤਾ,
ਦਾਰਕਾ ਫਲਿਨੇ ਦੁਮੇ;
ਤੇਸਂਫਲਾਨਂ ਹੇਤੁਮ੍ਹਿ,
ਪਿਤਰੋ ਉਪਰੋਦਰੇ.
ਰੋਦਨ੍ਤੇ ਦਾਰਕੇ ਦਿਸ੍ਵਾ,
ਉਬ੍ਬਿਗ੍ਗਾ ਵਿਪੁਲਾ ਦੁਮਾ;
ਯਸਮੇਵੋਨਮਿਤ੍ਵਾਨ,
ਉਪਗਚ੍ਛਨ੍ਤਿ ਦਾਰਕੇ.
ਇਦਂ ¶ ਅਚ੍ਛੇਰਕਂ ਦਿਸ੍ਵਾ,
ਮਦ੍ਦੀ ਸਸਙ੍ਕਸਨ੍ਨਿਭਾ;
ਪਿਤਿਪੁਣ੍ਣੇਨ ਕਾਯੇਨ,
ਏਵਂਗਾਯਿਤ੍ਥ ਨਨ੍ਦਨਾ.
ਅਚ੍ਛੇਰਂ ਵਤ ਲੋਕਸ੍ਮਿਂ,
ਅਬ੍ਭੂਤਂ ਲੋਮਹਂਸਨਂ,
ਵੇਸ੍ਸਨ੍ਤਰਸ੍ਸ ਤੇਜੇਨ;
ਸਯਮੇ ਵੋਨਤਾ ਦੁਮਾ.
ਸਂਖਿਪਿਂਸੁ ¶ ਪਥਂ ਯਕ੍ਖਾ,
ਅਨੁਕਮ੍ਪਾਯ ਦਾਰਕੇ;
ਨਿਕ੍ਖਨ੍ਤਦਿਵਸੇਨੇਵ,
ਜੇਤਰਟ੍ਠਮੁਪਾਗਮੁਂ.
ਏਕਾਹੇਨੇਵਤੇ ਤਿਂਸ-
ਯੋਜਨਾਨਿ ਅਤਿਕ੍ਕਮੁਂ;
ਸਾਯਨ੍ਹੇ ਮਾਤੁਲਂਨਾਮ,
ਸਮ੍ਪਤ੍ਤਾ ਨਗਰਂ ਸੁਭਂ.
ਨਗਰਸ੍ਸਸ੍ਸ ਦ੍ਵਾਰਮ੍ਹਿ,
ਸਾਲਾਯਂ ਨਿਸਿਦਿਂ ਸੁਤੇ;
ਖੇਦਂ ਵਿਨੋਦਮਾਨਾਵ,
ਤੋਸੇਨ੍ਤਾ ਦਾਰਕੇ ਦੁਵੇ.
ਮਦ੍ਦੀਪਿ ¶ ਬੋਧਿਸਤ੍ਤਸ੍ਸ,
ਰਜਂ ਪਾਦੇਸੁ ਪੁਞ੍ਛਿਯ;
ਸਮ੍ਬਹਿਤ੍ਵਾਨ ਪਾਦੇਚ,
ਵਿਜਯਨ੍ਤੀ ਠਿਤਾ ਤਦਾ.
ਸਾਲਾਯ ਨਿਕ੍ਖਮਿਤ੍ਵਾਨ,
ਭਤ੍ਤੁਚਕ੍ਖੁਪਥੇ ਠਿਤਾ;
ਦਿਸੋਦਿਸਂ ਓਲੋਕੇਸਿ,
ਮਦ੍ਦੀ ਕਨ੍ਤਾਰਖੇਦਿਨੀ.
ਜੇਤਿਯੋ ¶ ਪਰਿਵਾਰਿਂਸੁ,
ਦਿਸ੍ਵਾਨ ਅਸਹਾਯਿਕਂ
ਮਦ੍ਦਿਂ ਏਵਂਉਗ੍ਘੋਸਿਂਸੁ,
ਇਤ੍ਥੀ ਇਚ੍ਛੇਰਰੂਵਿਨੀ.
ਵਯ੍ਹਾਹਿ ਪਰਿਯਾਯਿਤ੍ਵਾ,
ਸਿਵਿਕਾਯ ਰਥੇਨਚ;
ਸਾਜ੍ਜ ਮਦ੍ਦੀਅਰਞ੍ਞਸ੍ਮਿ,
ਪਤ੍ਥਿਕਾ ਪਰਿਧਾਵਤਿ.
ਅਨਾਥਾਗਮਨਂ ਮਦ੍ਦਿਂ,
ਭਤ੍ਤਾਰਾ ਪੁਤ੍ਤਕੇਹਿਚ,
ਦਿਸ੍ਵਾਗਨ੍ਤ੍ਵਾਨਾ ਚਿਕ੍ਖਂਸੁ,
ਜੇਤਿਨ੍ਦਾਨਂ ਖਣੇਨ ਤਾ.
ਤਂ ¶ ਸੁਤ੍ਵਾ ਜੇਤਪਾਮੋਕ੍ਖਾ,
ਰੋਦਮਾਨਾ ਉਪਾਗਮੁਂ;
ਵੇਸ੍ਸਨ੍ਤਰਸ੍ਸ ਪਾਦੇਸ,
ਨਿਪਚ੍ਚ ਇਤਿ ਪੁਚ੍ਛਿਸੁਂ.
ਕਿਚ੍ਚਿਨੁ ਦੇਵ ਕੁਸਲਂ,
ਕਿਚ੍ਚਿ ਦੇਵ ਅਨਾਮਯਂ;
ਕਿਚ੍ਚਿਪਿਤਾ ਅਰੋਗੋਤੇ,
ਸਿਵੀਨਞ੍ਚ ਅਨਾਮਯਂ;
ਕੋ ਤੇ ਬਲਂ ਮਹਾਰਾਜ,
ਕੋਨੁ ਤੇ ਰਥਮਣ੍ਡਲਂ.
ਅਨਸ੍ਸਕੋ ¶ ਅਰਥਕੋ,
ਦੀਘਮਦ੍ਧਾਨ ਮਾਗਤੋ;
ਕਿਚ੍ਚਾਮਿਤ੍ਤੇਹਿ ਪਕਤੋ,
ਅਨੁਪ੍ਪਤ੍ਤੋ ਸਿਮਂਦਿਸਂ.
ਅਥ ਵੇਸ੍ਸਨ੍ਤਰੋਰਾਜਾ,
ਆਗਤਹੇਤੁਮਤ੍ਤਨੋ;
ਞਾਪੇਤੁਂ ਜੇਤਰਾਜੂਨਂ,
ਇਮਾਗਾਥਾ ਅਭਾਸਥ.
ਕੁਸਲਞ੍ਚੇਵ ¶ ਮੇਸਮ੍ਮ,
ਅਥੋ ਸਮ੍ਮ ਅਨਾਮਯਂ;
ਅਥੋ ਵਿਭਾ ਅਰੋਗੋਮੇ,
ਸਿਵੀਨਞ੍ਚ ਆਨਾਮਯਂ.
ਅਹਞ੍ਹਿਕੁਞ੍ਜਰਂ ਦਜ੍ਜਂ,
ਸਬ੍ਬਸੇਤਂ ਗਜੁਤ੍ਤਮਂ;
ਬ੍ਰਾਹ੍ਮਣਾਨਂ ਸਾਲਙ੍ਕਾਰਂ,
ਖੇਤ੍ਤਞ੍ਞੁਂ ਰਠਪੂਜਿਤਂ.
ਤਸ੍ਮਿਂ ਮੇ ਸਿਵਯੋਕੁਦ੍ਧਾ,
ਵਿਭਾ ਉਪਹਤੋਮਨੋ;
ਅਵਰੁਦ੍ਧਸਿ ਮਂ ਰਾਜਾ,
ਵਙ੍ਕਂਗਚ੍ਛਾਮਿਪਬ੍ਬਤਂ.
ਤਦਾ ¶ ਤੇ ਜੇਤਰਾਜਾਨੋ,
ਬਲਾਨੁਪ੍ਪਦਮਾਨਸਾ;
ਏਵਂ ਤੋਸਿਂਸੁ ਰਾਜਾਨਂ,
ਨਿਕ੍ਖਨ੍ਤਂ ਸਕਰਠਤੋ.
ਸ੍ਵਾਗਤਨ੍ਤੇ ਮਹਾਰਾਜ,
ਅਥੋਤੇਅਦੁਰਾਗਤਂ;
ਇਸ੍ਸਰੋ ਸਿਅਨੁਪ੍ਪਤ੍ਤੋ,
ਯਂਇਧਤ੍ਥਿਪਵੇਦਯ.
ਇਧੇਵ ¶ ਤਾਵ ਅਚ੍ਛਸ੍ਸੁ,
ਜੇਤਰਟ੍ਠੇ ਰਥੇਸਭ;
ਯਾਵ ਜੇਤਾ ਗਮਿਸ੍ਸਨ੍ਤਿ,
ਰਞ੍ਞੋ ਸਨ੍ਤਿਕ ਯਾਚਿਤੁਂ.
ਤਦਾ ਵੇਸ੍ਸਨ੍ਤਰੋ ਆਹ,
ਮਾਵੋਗਮਿਤ੍ਥ ਸਨ੍ਤਿਕਂ;
ਯਾਚਿਤੁਂ ਮਮ ਪਿਤੁਸ੍ਸ,
ਰਾਜਾਪਿ ਤਤ੍ਥ ਨਿਸ੍ਸਰੋ.
ਅਚ੍ਚੁਗ੍ਗਤਾਹਿ ਸਿਵਯੋ,
ਬਲਗ੍ਗਾਨੇ ਗਮਾਚਯੇ,
ਤੇਪਅਧਂਸਿ ਤੁਮਿਚ੍ਛਨ੍ਤਿ,
ਰਾਜਾਨਂ ਮਮ ਕਾਰਣਾ.
ਸਚੇਏਵਂ ¶ ਮਹਾਰਾਜ,
ਸਿਯਾ ਜੇਤੁਤ੍ਤਰੇ ਪੁਰੇ;
ਇਧੇਵਰਜ੍ਜਂ ਕਾਰੇਹਿ,
ਜੇਤੇਹਿ ਪਰਿਵਾਰਿਤੋ.
ਇਦ੍ਧਂ ਫਿਤਞ੍ਚਿਦਂਰਟ੍ਠਂ,
ਇਦ੍ਧੋ ਜਨਪਦੋ ਮਹਾ;
ਮਤਿਂ ਕਰੋਹਿ ਤ੍ਵਂ ਦੇਵ,
ਰਜ੍ਜਸ੍ਸ ਮਨੁਸ੍ਸਤਿਤੁਂ.
ਅਲਂ ¶ ਮੇ ਰਜ੍ਜਸੁਖੇਨ,
ਪਬ੍ਬਾਜਿਤਸ੍ਸ ਰਟ੍ਠਤੋ;
ਅਤੁਟ੍ਠਾ ਸਿਵਯੋਚਾਸੁਂ,
ਮਞ੍ਚੇਰਜ੍ਜੇਭਿਸੇਚਯ੍ਯੂਂ.
ਅਸਮ੍ਮੋਦਨੀ ਯਮ੍ਪਿਵੋਅਸ੍ਸ,
ਅਚ੍ਚਨ੍ਤਂ ਮਮਕਾਰਣਾ;
ਸਿਵੀਹਿ ਭਣ੍ਡਨਞ੍ਚਾਵਿ,
ਵਿਗ੍ਗਹੋ ਮੇ ਨਰੁਚ੍ਚਤਿ.
ਪਟਿਗ੍ਗਹਿਤਂ ਯਂ ਦਿਨ੍ਨਂ,
ਸਬ੍ਬਸ੍ਸ ਅਗ੍ਘਿਯਂ ਕਤਂ;
ਅਵਰੁਦ੍ਧਸਿ ਮਂ ਰਾਜਾ,
ਵਙ੍ਕ ਗਚ੍ਛਾਮਿਪਬ੍ਬਤਂ.
ਅਨੇਕ ¶ ਪਰਿਯਾਯੇਨ,
ਜੇਤਰਾਜੂਹਿ ਯਾਚਿਤੋ;
ਅਨਿਚ੍ਛਨ੍ਤੋ ਪਟਿਕ੍ਖੀਪਿ,
ਰਜ੍ਜਂ ਸੋ ਜੇਤਰਟ੍ਠਕੇ.
ਨਗਰਂ ਅਪਵੀਸਿਤ੍ਵਾ,
ਸਾਲਂ ਸਾਣਿਪਰਿਕ੍ਖਿਪਂ;
ਕਾਰੇਤ੍ਵਾ ਏਕਰਤ੍ਤਿਂਸੋ,
ਸਯੀ ਸਪੁਤ੍ਤਦਾਰਕੋ.
ਪੁਬ੍ਬਣ੍ਹਸਮਯੇ ¶ ਭੁਤ੍ਵਾ,
ਨਾਨਗ੍ਗਂ ਰਸਭੋਜਨਂ;
ਨੂਤ੍ਵਾ ਸੋ ਜੇਤਰਾਜੂਹਿ,
ਪਰਿਵੁਤੋਵ ਨਿਕ੍ਖਮਿ.
ਜੇਤਰਾਜਾ ਪਨ੍ਨਰਸ-
ਯੋਜਨਂ ਜੇਤਰਟ੍ਠਤੋ;
ਗਨ੍ਤ੍ਵਾਨ ਵਨਦ੍ਵਾਰਮ੍ਹਿ
ਠਿਤਾਮਗ੍ਗ ਮਭਾਸਿਸੁਂ.
ਏਸਸੇਲੋਮਹਾਰਾਜ,
ਪਬ੍ਬਤੋ ਗਨ੍ਧਮਾਦਨੋ;
ਯਤ੍ਤ ਤ੍ਵਂ ਸਹ ਪੁਤ੍ਤੇਹਿ,
ਸਹਭਰਿਯਾਯ ਵਚ੍ਛਸਿ.
ਤਂ ¶ ਜੇਤਾ ਅਨੁਸਾਸਿਂਸੁ,
ਅਸ੍ਸੁਨੇਤ੍ਤਾ ਰੁਦਮ੍ਮੁਖਾ;
ਇਤੋ ਗਚ੍ਛਂਮਹਾਰਾਜ,
ਉਜੁਂ ਯੇਨੁਤ੍ਤਰਾਭਿਮੁਖੋ.
ਅਥ ਦਕ੍ਖਸਿ ਭਦ੍ਦਨ੍ਤੇ,
ਵੇਪੁਲ੍ਲਂਨਾਮ ਪਬ੍ਬਤਂ;
ਨਾਨਾਦੁਮਗਣਾਕਿਣ੍ਣਂ,
ਸੀਤਚ੍ਛਾਯਂ ਮਨੋਰਮਂ.
ਤਮਤਿਕ੍ਕਮਭਦ੍ਦਨ੍ਤੇ ¶ ,
ਅਥਦਕ੍ਖਸਿਆਪਗਂ;
ਨਦਿਂਕੇਤੁਮਦਿਂਨਾਮ,
ਗਮ੍ਭੀਰਂਗਿਰਿਗਬ੍ਭਰਂ.
ਪੁਥੁਲੋਮਚ੍ਛਆਕਿਣ੍ਣਂ,
ਸੁਪ੍ਪਤਿਤ੍ਥਂਮਹੋਦਕਂ;
ਥਤ੍ਤਨੂਤ੍ਵਾਪਿਵਿਤ੍ਵਾਚ,
ਅਸ੍ਸਾਸੇਤ੍ਵਾਸਪੁਤ੍ਤਕੇ.
ਅਥਦਕ੍ਖਸਿਭਦ੍ਦਨ੍ਤੇ,
ਨਗ੍ਰੋਧਂਮਧੁਵਿਪ੍ਫਲਂ;
ਰਮ੍ਮਕੇ ਸਿਖਰੇਜਾਤਂ,
ਸੀਤਚ੍ਛਾਯਂਮਨੋਰਮਂ.
ਅਥ ¶ ਦਕ੍ਖਸਿ ਭਦ੍ਦਨ੍ਤੇ,
ਨਾਲ਼ਿਕਂਨਾਮ ਪਬ੍ਬਤਂ;
ਨਾਨਾਦਿਜ ਗਣਾਕਿਣ੍ਣਂ,
ਸੇਲਂ ਕਿਂ ਪੁਰਿਸਾਯੁਤਂ.
ਤਸ੍ਸਉਤ੍ਤਰਪੁਬ੍ਬੇਨ,
ਮੁਚਲਿਨ੍ਦੋਨਾਮਸੋਸਰੋ;
ਪੁਣ੍ਡਰਿਕੇਹਿਸਞ੍ਛਨ੍ਨੋ,
ਸੇਤਸੋਗਨ੍ਧਿਕੇਹਿਚ.
ਸੋਵਨਂ ਮੇਘਸਙ੍ਕਾਸਂ,
ਧੁਵਂ ਹਰਿਤਸਦ੍ਦਲਂ;
ਸੀਹੋਵਾ ਮਿਸਪੇਕ੍ਖੀਵ,
ਵਨਸਣ੍ਡਂ ਵਿਗਾਹਯ.
ਤਤ੍ਥ ¶ ਬਿਨ੍ਦੁਸ੍ਸਰਾ ਵਗ੍ਗੂ,
ਨਾਨਾਵਣ੍ਣਾ ਬਹੂਦਿਜਾ;
ਕੂਜਨ੍ਤਿ ਮੁਪਕੂਜਨ੍ਤਿ,
ਉਤੁਸਂਪੁਪ੍ਫਿਤੇ ਦੁਮੇ.
ਗਨ੍ਤ੍ਵਾ ਗਿਰਿਵਿਦੁਗ੍ਗਾਨਂ,
ਨਦੀਨਂ ਪਭਵਾਨਿਚ;
ਸੋ ਅਦ੍ਦਸ ਪੋਕ੍ਖਰਣਿਂ,
ਕਰਞ੍ਚ-ਕ ਕੁਧਾਯੁਤਂ.
ਪੁਥੁਲੋ ਮਚ੍ਛਆਕਿਣ੍ਣਂ,
ਸੁਪ੍ਪਤਿਤ੍ਥਂ ਮਹੋਦਕਂ;
ਸਮਞ੍ਚ ਚਤੁਰਂ ਸਞ੍ਚ,
ਸਾਦੁਂ ਅਪ੍ਪਤਿਗਨ੍ਧਿਯਂ.
ਤਸ੍ਸਾ ¶ ਉਤ੍ਤਰਪੁਬ੍ਬੇਨ,
ਪਣ੍ਣਸਾਲਂ ਅਮਾਪਯ;
ਪਣ੍ਣਸਾਲਂ ਅਮਾਪੇਤ੍ਵਾ,
ਉਞ੍ਛਾਚਰਿਯਾਯ ਈਹਥ.
ਏਵਞ੍ਹਿ ਜੇਤਰਾਜਾਨੋ,
ਆਚਿਕ੍ਖਿਤ੍ਵਾਨ ਅਞ੍ਜਸਂ;
ਏਕਂ ਜੇਤਪੁਤ੍ਤਂ ਬ੍ਯਤ੍ਤਂ,
ਆਮਨ੍ਤੇਸੁਂ ਸੁਸਿਕ੍ਖਿਤਂ.
ਗਚ੍ਛਨ੍ਤੇਚਾ ¶ ਗਚ੍ਛਨ੍ਤੇਚ,
ਪਰਿਗ੍ਗਣ੍ਹਸ੍ਸੁ ਲੁਦ੍ਧਕ;
ਇਚ੍ਚੇਵਂ ਸਞ੍ਞਾਪੇਤ੍ਵਾਨ,
ਵਨਦ੍ਵਾਰੇ ਠਪਿਂ ਸੁਤਂ.
ਨਾਨਾਭਯ ਵਿਨੋਦਾਯ,
ਵੇਸ੍ਸਨ੍ਤਰਸ੍ਸ ਰਾਜਿਨੋ;
ਆਰਕ੍ਖਂ ਤੇ ਠਪੇਤ੍ਵਾਨ,
ਆਗਮਿਂਸੁ ਸਕਂਪੁਰਂ.
ਵੇਸ੍ਸਨ੍ਤਰੋਚ ਗਚ੍ਛਨ੍ਤੋ,
ਗਨ੍ਧ ਮਾਦਨਪਬ੍ਬਤਂ;
ਸਪੁਤ੍ਤ ¶ ਦਾਰਕੋ ਪਤ੍ਤੋ;
ਵਿਸ੍ਸਮੀ ਦਿਵਸਂ ਤਹਿਂ.
ਤਤੋਤ੍ਤਰਾਹਿ ਮੁਖੋਸੋ,
ਗਚ੍ਛ ਵੇਪੁਲ੍ਲ ਪਬ੍ਬਤਂ;
ਪਤ੍ਵਾ ਤਪ੍ਪਾਦ ਮਗ੍ਗੇਨ,
ਪਤ੍ਤੋ ਕੇਤੁਮਤਿਂ ਨਦਿਂ.
ਤਿਸ੍ਸਾ ਤੀਰੇ ਨਿਸੀਦਿਤ੍ਵਾ,
ਮਂਸਂਖਾਦਿਯ ਸੁਨ੍ਦਰਂ;
ਦਿਨ੍ਨਮੇਕੇਨ ਲੁਦ੍ਧੇਨ,
ਨੂਤ੍ਵਾ ਪਿਤ੍ਵਾਚ ਵਿਸ੍ਸਮੀ.
ਸੋਣ੍ਣਸੂਚਿਂ ¶ ਲੁਦ੍ਧਕਸ੍ਸ,
ਦਤ੍ਵਾਨ ਸੋ ਤਤੋਪਰਂ;
ਗਚ੍ਛਨ੍ਤੋ ਦਕ੍ਖਿਨਿਗ੍ਰੋਧਂ,
ਪਬ੍ਬਤਸਿਖਰੇ ਠਿਤਂ.
ਤਸ੍ਸਮੂਲੇ ਨਿਸੀਦਿਤ੍ਵਾ,
ਥੋਕਂਫਲਾਨਿ ਭੁਞ੍ਜਿਯ;
ਤਤੋਪਰਂ ਸ ਗਚ੍ਛਨ੍ਤੋ,
ਪਤ੍ਤੋ ਨਾਲ਼ਿਕਪਬ੍ਬਤਂ.
ਨਾਲ਼ਿਕਂ ਪਰਿਹਰਿਤ੍ਵਾ,
ਗਚ੍ਛਨ੍ਤੋ ਸੋ ਮਹਾਸਰਂ;
ਮੁਚਲਿਨ੍ਦਂ ਉਪਾਗਞ੍ਛਿ,
ਨਾਨਾਕਮਲ ਭੂਸਿਤਂ.
ਤਸ੍ਸ ¶ ਪੁਬ੍ਬਉਤ੍ਤਰੇਨ,
ਖੁਦ੍ਦਮਗ੍ਗੇਨ ਗਚ੍ਛਤਾ;
ਦਿਟ੍ਠਂ ਬ੍ਰਹਾਵਨਂ ਰਮ੍ਮਂ,
ਫਲ ਪੁਪ੍ਫਾਨ ਪੂਰਿਤਂ.
ਤਮਤਿਕ੍ਕਮ੍ਮ ਗਚ੍ਛਨ੍ਤੋ,
ਅਨੁਪੁਬ੍ਬੇਨ ਖਤ੍ਥਿਯੋ;
ਚਤੁਰਂਸ ਪੋਕ੍ਖਰਣਿਂ,
ਸਮ੍ਪਤ੍ਤੋ, ਸਿ ਮਹੋਦਕਂ.
ਵੇਸ੍ਸਨ੍ਤਰੋਚ ¶ ਮਦ੍ਦੀਚ,
ਜਾਲੀਕਣ੍ਹਾਜਿਨਾ ਚੁਭੋ;
ਤਤ੍ਥੇਵ ਤੇ ਵਿਸ੍ਸਮਿਂਸੁ,
ਅਞ੍ਞਮਞ੍ਞਪਿਯਂਵਦਾ.
ਆਵਜ੍ਜਨ੍ਤੋ ਤਦਾ ਸਕ੍ਕੋ,
ਪਸ੍ਸਿਤ੍ਥ ਦੇਵਕੁਞ੍ਜਰੋ;
ਹਿਮਵਨ੍ਤਂ ਮਹਾਸਤ੍ਤਂ,
ਪਵਿਟ੍ਠਂਭਯਭੇਰਵਂ.
ਵਿਸ੍ਸੁਕਮ੍ਮਂ ਦੇਵਪੁਤ੍ਤਂ,
ਪਕ੍ਕੋਸਾਪਿਯ ਸੋ ਤਤੋ;
ਅਸ੍ਸਮਂ ਮਾਪਨਤ੍ਥਾਯ,
ਪੇਸੇਸਿ ਵਙ੍ਕਪਬ੍ਬਤਂ.
ਵਿਸ੍ਸੁਕਮ੍ਮੋਪਿ ¶ ਸੋ ਸੀਘਂ,
ਓਤਰਿਤ੍ਵਾ ਦੇਵਲੋਕਤੋ;
ਵਙ੍ਕਪਬ੍ਬਤ ਕੁਚ੍ਛਿਮ੍ਹਿ,
ਮਾਪੇਸਿ ਅਸ੍ਸਮੇ ਦੁਵੇ.
ਦੁਵੇਚ ਚਙ੍ਕਮੇਰਤ੍ਤਿ-
ਦਿਵਾ ਠਾਨਾਨਿਮਾਪਯਿ;
ਪਟਿਰੂਪੇਸੁ ਠਾਨੇਸੁ,
ਪੁਪ੍ਫਿਤੇ ਫਲਿਤੇ ਦੁਮੇ.
ਪਟਿਯਾਦਿਯਿਤ੍ਵਾ ਸਮਣ-
ਪਰਿਕ੍ਖਾਰੇ ਅਸੇਸਤੋ;
ਅਕ੍ਖਰਾਨਿਪਿ ਸੋਕਾਸਿ,
ਏਵਂਅਸ੍ਸਮ ਭਿਤ੍ਤਿਯਂ.
ਪਬ੍ਬਜ੍ਜਂ ¶ ਇਚ੍ਛਮਾਨਾਚੇ,
ਯੋਤੇ ਇਮੇ ਗਣ੍ਹਨ੍ਤੁਵੇ;
ਪਬ੍ਬਜਿਤ੍ਵਾਨ ਅਚ੍ਛਨ੍ਤੁ,
ਇਮਮ੍ਹਿਅਸ੍ਸਮੇ ਸੁਖਂ.
ਏਵਂਲਿਖਿਤ੍ਵਾਨ ਸੋਦੇਵੋ,
ਅਮਨੁਸ੍ਸੇਚ ਭੇਰਵੇ;
ਮਿਗੇ ਖਗੇ ਪਲਾਪੇਤ੍ਵਾ,
ਸਕਠਾਨ ਗਤੋ ਅਹੁ.
ਸੋ ¶ ਏਕਪਦਿਕਂ ਮਗ੍ਗਂ,
ਦਿਸ੍ਵਾ ਵੇਸ੍ਸਨ੍ਤਰੋ ਤਤੋ;
ਪਬ੍ਬਜਿਤਾਨ ਮਾਵਾਸੋ,
ਅਯਂ ਹੇਹੀਤਿ ਚਿਨ੍ਤਿਯ.
ਮਦ੍ਦਿਂ ਅਸ੍ਸਮ ਦ੍ਵਾਰਮ੍ਹਿ,
ਠਪੇਤ੍ਵਾ ਪੁਤ੍ਤਕੇਪਿਚ;
ਅਸ੍ਸਮਂ ਪਵਿਸਿਤ੍ਵਾਨ,
ਪਸ੍ਸਿਤ੍ਥ ਅਕ੍ਖਰਾਨਿਸੋ.
ਇਦਂਸਕ੍ਕੇਨ ਦਿਨ੍ਨਂਤਿ,
ਉਤ੍ਵਾ ਸੋ ਤੁਟ੍ਠਮਾਨਸੋ;
ਪਣ੍ਣਸਾਲਂ ਪਵਿਸਿਤ੍ਥ,
ਏਕਕੋ ਪਬ੍ਬਜੇਤਵੇ.
ਤਹਿਂ ¶ ਧਨੁਞ੍ਚ ਖਗ੍ਗਞ੍ਚ,
ਅਪਨੇਤ੍ਵਾ ਸਸਾਟਕੇ;
ਓਮੁਞ੍ਚਿਤ੍ਵਾਨ ਸੋਰਤ੍ਤ-
ਵਾਕਚੀਰਂ ਨਿਵਾਸਯਿ.
ਅਂਸੇ ਕਤ੍ਵਾਨ ਅਜਿਨ-
ਚਮ੍ਮਞ੍ਚ ਸਕ੍ਕਦਤ੍ਤਿਯਂ;
ਗਣ੍ਹਿਤ੍ਥ ਇਸਿਵੇਸਂਸੋ,
ਬਨ੍ਧਿਤ੍ਵਾ ਜਟਮਣ੍ਡਲਂ.
ਦਣ੍ਡਮਾਦਾਯ ¶ ਨਿਕ੍ਖਮ੍ਮ,
ਪਣ੍ਣਸਾਲਾਯ ਚਙ੍ਕਮਂ;
ਆਰੁਯ੍ਹ ਉਦ, ਨੇਤ੍ਵਾਨਂ,
ਚਙ੍ਕਮੀ ਅਪਰਾਪਰਂ.
ਤਤੋਸੋ ਪੁਤ੍ਤਦਾਰਾਨਂ,
ਸਨ੍ਤਿਕਂ ਸਂਵੁਤਿਨ੍ਦ੍ਰਿਯੋ;
ਆਗਞ੍ਛਿ ਸਟ੍ਠਿ ਵਸ੍ਸੋਵ,
ਥੇਰੋ ਓਰੁਯ੍ਹ ਚਙ੍ਕਮਾ.
ਮਦ੍ਦੀਦਿਸ੍ਵਾ ਮਹਾਸਤ੍ਤਂ,
ਕਲੁਨਂ ਪਰਿਦੇਵਯਿ;
ਨਿਪਚ੍ਚ ਤਸ੍ਸ ਪਾਦੇਸੁ,
ਪੁਰਾਣਾਨਿ ਅਨੁਤ੍ਥੁਨਂ.
ਤਤੋ ¶ ਸਾ ਬੋਧਿਸਤ੍ਤੇਨ,
ਸਦ੍ਧਿਂ ਪਵਿਸਿ ਅਸ੍ਸਮਂ;
ਗਨ੍ਤ੍ਵਾ ਸਕਪਣ੍ਣਸਾਲਂ,
ਇਸਿਵੇਸਗ੍ਗਹਾ ਅਹੁ.
ਪਚ੍ਛਾਪੁਤ੍ਤੇਪਿ ਤਾਪਸ-
ਕੁਮਾਰਕੇ ਕਰਿਂਸੁਤੇ;
ਵਸਿਂਸੁ ਵਙ੍ਕਕੁਚ੍ਛਿਮ੍ਹਿ,
ਚਤ੍ਤਾਰੋ ਖਤ੍ਤਿਯਾਜਨਾ.
ਅਥਮਦ੍ਦੀ ਵਰਂਯਾਚਿ,
ਮਹਾਸਤ੍ਤਂ ਮਹਾਇਸਿਂ;
ਮਾਤੁਮ੍ਹੇ ਦੇਵਗਞ੍ਛਿਤ੍ਥ,
ਫਲਾਫਲ ਗਵੇਸਨਂ.
ਇਧਪੁਤ੍ਤੇ ¶ ਗਹੇਤ੍ਵਾਨ,
ਵਸੇਯ੍ਯਾਥ ਯਥਾਸੁਖਂ;
ਅਹਮੇਵਾ ਹਰਿਸ੍ਸਾਮਿ,
ਮੂਲਾਲੇਚ ਫਲਾਫਲੇ.
ਏਵਂਵਰਂ ਯਾਚਿਤ੍ਵਾਨ,
ਅਰਞ੍ਞਤੋ ਫਲਾਫਲਂ;
ਆਹਰਿਤ੍ਵਾਨ ਪੋਸੇਸਿ,
ਜਟਿਨੀਸਾ ਤਯੋਜਨੇ.
ਬੋਧਿਸਤ੍ਤੋਪਿ ¶ ਯਾਚਿਤ੍ਤ,
ਵਰਂਮਦ੍ਦਿਂ ਸੁਚਾਰਿਨਿਂ;
ਮਾਗਚ੍ਛ ਆਕਾਲੇਭਦ੍ਦੇ,
ਪਟ੍ਠਾਯਿਤੋ ਮਮਨ੍ਤਿਕਂ.
ਇਤ੍ਥੀਚ ਬ੍ਰਹ੍ਮਚਰਿਯ-
ਮਲਂਨਾਮ ਸੁਮੇਧਸੇ;
ਬ੍ਰਹ੍ਮਚਾਰਿਂਹਿ ਨਾਸੇਨ੍ਤਿ,
ਤਸ੍ਮਾ ਯਾਚਾਮਿ ਮਂਵਰਂ.
ਸਮ੍ਪਟਿਚ੍ਛਿਤ੍ਥ ਸਾਧੂਤਿ,
ਸਾਮਦ੍ਦੀ ਬ੍ਰਹ੍ਮਚਾਰਿਨੀ;
ਸਕਟ੍ਠਾਨੇ ਤੇ ਵਸਿਂਸੁ,
ਭਾਵੇਨ੍ਤਾ ਪਿਯ ਭਾਵਨਂ.
ਮੇਤ੍ਤਾਯ ¶ ਆਨੁਭਾਵੇਨ,
ਮਹੇਸਿਸ੍ਸ ਤਿਯੋਜਨੇ;
ਅਞ੍ਞਮਞ੍ਞਂ ਮੇਤ੍ਤਾਯਿਂਸੁ,
ਸਮਨ੍ਤਾ ਸਬ੍ਬਪਾਣਿਨੋ.
ਪਾਤੋਵੁਟ੍ਠਾਯ ਮਦ੍ਦੀਪਿ,
ਉਪਟ੍ਠਾਪਿਯ ਪਾਨਿਯਂ;
ਪਰਿਭੋਜਨਿਯਞ੍ਚੇਵ,
ਮੁਖੋਦਕਞ੍ਚ ਆਹਰਿ.
ਦਨ੍ਤਕਟ੍ਠਞ੍ਚ ¶ ਪਾਦਾਸਿ,
ਤਤੋ ਅਸ੍ਸਮਮਣ੍ਡਲਂ;
ਸਮ੍ਮਜਿਤ੍ਵਾਨ ਦ੍ਵੇਪੁਤ੍ਤੇ,
ਠਪੇਤ੍ਵਾ ਪਿਤੁਸਨ੍ਤਿਕੇ.
ਖਣਿਤ੍ਤਿਂ ਪਚ੍ਛਿ ਮਾਦਾਯ,
ਅਙ੍ਕੁਸਞ੍ਚਾਪਿ ਗਣ੍ਹਿਯ;
ਵਨਮੂਲਫਲਤ੍ਥਾਯ,
ਪਾਵੇਕ੍ਖਿ ਏਕਿਕਾਵਨਂ.
ਸਾਯਨ੍ਹਸਮਯੇ ਪਚ੍ਛਿਂ,
ਮੂਲਾਲੇਹਿ ਫਲੇਹਿਚ;
ਪੂਰਾਪੇਤ੍ਵਾਨ ਸਾਗਞ੍ਛਿ,
ਪਣ੍ਣਸਾਲਂ ਅਰਞ੍ਞਤੋ.
ਫਲਪਚ੍ਛਿਂ ¶ ਨਿਕ੍ਖਿਪੇਤ੍ਵਾ,
ਸਯਂ ਨ੍ਹਾਤ੍ਵਾਨ ਪੁਤ੍ਤਕੇ;
ਨ੍ਹਾਪੇਤ੍ਵਾਚ ਭੁਞ੍ਜਿਂਸੁ,
ਮੋਦੇਨ੍ਤਾ ਚਤੁਰੋਜਨਾ.
ਭੁਤ੍ਵਾ ਨਲ੍ਲਾਪ ਸਲ੍ਲਾਪਂ,
ਕਤ੍ਵਾਨ ਪੁਤ੍ਤਕੇ ਦੁਵੇ;
ਮਦ੍ਦੀਆਦਾਯ ਪਾਵੀਸਿ,
ਸਾਪਣ੍ਣਸਾਲਮਤ੍ਤਨੋ.
ਏਵਂਵੁਤ੍ਤਨਿਯਾਮੇਨ,
ਚਤ੍ਤਾਰੋਖਤ੍ਤਿਯਾਜਨਾ;
ਵਙ੍ਕਪਬ੍ਬਤਕੁਚ੍ਛਿਮ੍ਹਿ,
ਸਤ੍ਤਮਾਸੇਵਸਿਂਸੁਤੇ.
ਤਦਾਕਲਿਙ੍ਗਰਟ੍ਠਮ੍ਹਿ ¶ ,
ਗਾਮਮ੍ਹਿਦੁਨ੍ਨਿਵਿਟ੍ਠਕੇ;
ਬ੍ਰਹ੍ਮਣੋਜੂਚਕੋਨਾਮ,
ਭਿਕ੍ਖਾਚਾਰੋ ਅਲਕ੍ਖਿਕੋ.
ਕਹਾਪਣਸਤਂਲਦ੍ਧਾ,
ਭਿਕ੍ਖਾਚਾਰੇਨਬ੍ਰਾਹ੍ਮਣੋ;
ਏਕਬ੍ਰਾਹ੍ਮਣਕੁਲਮ੍ਹਿ,
ਥਪੇਤ੍ਵਾਪੁਨਸੋਗਤੋ.
ਅਨਾਗਨ੍ਤ੍ਵਾਚਿਰਾਯਨ੍ਤੇ,
ਜੂਚਕਮ੍ਹਿਗਹਾਪਣਂ,
ਖੀਣਂਬ੍ਰਾਹ੍ਮਣਗੇਹਮ੍ਹਿ,
ਵਲਞ੍ਜੇਤ੍ਵਾਅਸੇਸਤੋ.
ਚੋਦੇਸਿਗਹਾਪਣਂਸੋ ¶ ,
ਪਚ੍ਛਾਗਨ੍ਤ੍ਵਾਨਜੂਚਕੋ;
ਕਹਾਪਣਸ੍ਸਖੀਣਤ੍ਤਾ,
ਦਾਤੁਂਨਾਸਕ੍ਖਿਬ੍ਰਾਹ੍ਮਣੋ.
ਧੀਤਾ ਤਸ੍ਸ ਬ੍ਰਾਹ੍ਮਣਸ੍ਸ,
ਨਾਮੇਨਾਮਿਤ੍ਤਤਾਪਨਾ;
ਯੁਵਤੀਰੂਪਵਨ੍ਤੀਚ,
ਜੂਚਕਸ੍ਸਅਦਂਸੁਤਂ.
ਵਸਿਤ੍ਥਦੁਨ੍ਨਿਵਿਟ੍ਠਮ੍ਹਿ ¶ ,
ਆਦਾਯਾਮਿਤ੍ਤਤਾਪਨਂ;
ਦਹਰਿਂਜਿਣ੍ਣਕੋਪਾਪੋ,
ਜੂਚਕੋਯਾਚਜੀਵਕੋ.
ਅਮਿਤ੍ਤਤਾਪਨਾਸਮ੍ਮਾ,
ਗਰੁਂਕਤ੍ਵਾਨਬ੍ਰਾਹ੍ਮਣਂ;
ਪਟਿਜਗ੍ਗਤਿਇਨ੍ਦਂਵ,
ਸੂਜਾਉਟ੍ਠਾਨਸੀਲਿਨੀ.
ਯੁਵਾਨੋਬ੍ਰਾਹ੍ਮਣਾਅਞ੍ਞੇ,
ਦਿਸ੍ਵਾਨਾਮਿਤ੍ਤਤਾਪਨਂ;
ਜਾਯਾਵਤ੍ਤੇਨਸਮ੍ਪਨ੍ਨਂ,
ਸਦਾਰੇਇਤਿਤਜ੍ਜਰੇ.
ਅਯਂਮਹਲ੍ਲਕਂਸਮ੍ਮਾ ¶ ,
ਪਟਿਜਗ੍ਗਤਿਜੂਚਕਂ;
ਕਿਂ ਪਮਜ੍ਜਥ ਅਮ੍ਹਾਕਂ,
ਯੁਵਾਨਾਨਂਤੁ ਵੋ ਸਤਂ.
ਪਟਿਜਗ੍ਗਥਨੋਬਾਲਾ,
ਪਸ੍ਸਿਤ੍ਵਾ ਮਿਤ੍ਤਤਾਪਨਂ;
ਨੋਚੇਪਟਿਜਗ੍ਗੇਯ੍ਯਾਥ,
ਦਣ੍ਡੇਸ੍ਸਾਮਖਰਂਭੁਸਂ.
ਤਜ੍ਜਿਤਾ ¶ ਭਰਿਯਾਸਬ੍ਬਾ,
ਪਤੀਹਿ ਭਯਮਾਨਸਾ;
ਸਨ੍ਨਿਸਿਨ੍ਨਾ ਮਨ੍ਤਲਿਂਸੁ;
ਆਰਬ੍ਭਾਮਿਤ੍ਤਤਾਪਨਂ.
ਪਲਾਪੇਸ੍ਸਾਮ ਅਯ੍ਯਾਯੋ,
ਇਮਮ੍ਹਾਦੁਨ੍ਨਿ ਵਿਟ੍ਠਤੋ;
ਏਵਂਸੁਖਂ ਵਿਹਿਸ੍ਸਾਮ,
ਜੂਚਕਸ੍ਸ ਪਜਾਪਤਿਂ.
ਮਨ੍ਤਯਿਤ੍ਵਾਨਤਾ ਏਵਂ,
ਨਦਿਂ ਉਦਕਹਾਰਿਯਾ;
ਸਮਾਗਨ੍ਤਾ ਉਜ੍ਝਾਯਿਂਸੁ,
ਤਿਤ੍ਥੇ ਅਮਿਤ੍ਤਤਾਪਨਂ.
ਅਮਿਤ੍ਤਾਨੁਨਤੇਮਾਤਾ ¶ ,
ਅਮਿਤ੍ਤੋਨੁਨਤੇਪਿਤਾ;
ਯੇਸਂਜਿਣ੍ਣਸ੍ਸਪਾਦਂਸੁ,
ਏਵਂ ਦਹਰਿਯਂ ਸਤਿਂ.
ਅਹਿਤਂਵਤਤੇਞ੍ਞਾਤੀ,
ਮਨ੍ਤਯਿਂਸੁ ਰਹੋਗਤਾ;
ਯੇਤਂਜਿਣ੍ਣਸ੍ਸ ਪਾਦਂਸੁ,
ਏਵਂ ਦਹਰਿਯਂਸਤਿਂ.
ਅਮਨਾਪਵਾਸਂਵਸਤਿ ¶ ,
ਜਿਣ੍ਣੇਨਪਤਿਨਾਸਹ;
ਯਾਤ੍ਵਂਵਸਸਿਜਿਣ੍ਣਸ੍ਸ,
ਮਤਨ੍ਤੇਜੀਵਿਤਾਵਰਂ.
ਨਹਿਨੁਨਤੇਵਿਨ੍ਦਿਂਸੁ,
ਮਾਤਾਪਿਤਾਚਸੋਭਣੇ;
ਤੁਯ੍ਹਤ੍ਥਾਯਜੂਚਕਮ੍ਹਾ,
ਪਤਿਂਅਞ੍ਞਂਸੁਯੋਬ੍ਬਨਂ.
ਦੁਯਿਟ੍ਠਂਤੇਨਵਮਿਯਾ,
ਅਕਤਂਅਗ੍ਗਿਹੁਤਕਂ;
ਯੇਤਂਜਿਣ੍ਣਸ੍ਸਪਾਦਂਸੁ,
ਏਵਂਦਹਰਿਯਂਸਤਿਂ.
ਸਮਣੇ ¶ ਬ੍ਰਾਹ੍ਮਣੇ ਸੁਦ੍ਧੇ,
ਅਕ੍ਕੋਸਿ ਬ੍ਰਾਹ੍ਮਚਾਰਿਨੇ;
ਯੇਨਤੇਨਦਹਰੀਤ੍ਵਂ,
ਮਞ੍ਞੇਜਿਣ੍ਣੇਨਸਙ੍ਗਮੀ.
ਨਦੁਕ੍ਖਂਅਹਿਨਾਦਟ੍ਠਂ,
ਨਦੁਕ੍ਖਂਸਤ੍ਤਿਯਾਹਤਂ;
ਤਞ੍ਚਦੁਕ੍ਖਞ੍ਚਤਿਬ੍ਬਞ੍ਚ,
ਯਂਪਸ੍ਸੇਜਿਣ੍ਣਕਂਪਤਿਂ.
ਨਤ੍ਥਿਖਿਟ੍ਟਾਨਤ੍ਥਿਰਤਿ ¶ ,
ਜਿਣ੍ਣੇਨਪਤਿਨਾਸਹ;
ਨਤ੍ਥਿਅਲ੍ਲਾਪਸਲ੍ਲਾਪੋ,
ਜਗ੍ਘਿਤੁਂਵਿਨਸੋਭਤਿ.
ਯਦਾਦਹਰੋਦਹਰੀ,
ਮਨ੍ਤਯਿਂਸੁਰਹੋਗਤਾ;
ਸਬ੍ਬਸੋਕਾਵਿਨਸ੍ਸਨ੍ਤਿ,
ਯੇਕੇਚਿਹਦਯਸ੍ਸਿਤਾ.
ਦਹਰੀਤ੍ਵਂਰੂਪਾਤੀ,
ਪੁਰਿਸਾਤ੍ਵਮਭਿਪਤ੍ਥਿਤਾ;
ਗਚ੍ਛ ਞਾਤਿਕੁਲੇ ਅਚ੍ਛ,
ਕਿਂ ਜਿਣ੍ਣੋ ਰਮਯਿਸ੍ਸਤਿ.
ਰੋਦਮਾਨਾਵਆਗਞ੍ਛਿ ¶ ,
ਸਾਘਰਂਪਰਿਭਾਸਿਤਾ;
ਬ੍ਰਾਹ੍ਮਣੀਹਿ ਹਿਰਾਯਨ੍ਤੀ,
ਘਟਮਾਦਾਯਸੀਘਸੋ.
ਰੋਦਨ੍ਤਿਂ ਆਗਤਂਜਾਯਂ,
ਦਿਸ੍ਵਾਕਿਂ ਭੋਤਿਰੋਦਿਯ;
ਆਗਚ੍ਛ ਸੀਤਿਪੁਚ੍ਛਿਤ੍ਥ,
ਪਚ੍ਚੁਗ੍ਗਚ੍ਛਂ ਵਜੂਚਕੋ.
ਨਤੇਬ੍ਰਾਹ੍ਮਣ ¶ ਗਚ੍ਛਾਮਿ,
ਨਦਿਂ ਉਦਕਹਾਰਿਯਾ;
ਥਿਯੋਮਂਪਰਿਭਾਸਿਂਸੁ,
ਤਯਾਜਿਣ੍ਣੇਨਬ੍ਰਾਹ੍ਮਣ.
ਬ੍ਰਾਹ੍ਮਣ੍ਯਾਭਾਸਮਾਨਾਯ,
ਕਥਂਸੁਤ੍ਵਾਨਬ੍ਰਾਹ੍ਮਣੋ;
ਤੋਸੇਨ੍ਤੋਭਰਿਯਂਰੁਣ੍ਣਂ,
ਜਿਣ੍ਣੋਸੋਏਤਦਬ੍ਰਵੀ.
ਮਾਮੇਤ੍ਵਂਅਕਰਾਕਮ੍ਮਂ,
ਮਮੇਉਦਕਮਾਹਰਿ;
ਅਹਂਉਦਕਮਾਹਿਸ੍ਸਂ,
ਮਾਭੋਤਿਕੁਪਿਤਾਅਹੁ.
ਨਾਹਂਤਮ੍ਹਿਕੁਲੇਜਾਤਾ ¶ ,
ਯਂਤ੍ਵਂਉਦਕਮਾਹਰਿ;
ਏਵਂਬ੍ਰਾਹ੍ਮਣਜਾਨਾਹਿ,
ਨਤੇਵਚ੍ਛਾਮਿਹਂਘਰੇ.
ਸਚੇਮੇਦਾਸਂਦਾਸਿਂ ਵਾ,
ਨਾਨਯਿਸ੍ਸਸਿਬ੍ਰਾਹ੍ਮਣ;
ਏਵਂਬ੍ਰਾਹ੍ਮਣਜਾਨਾਹਿ,
ਨਤੇਵਚ੍ਛਾਮਸਨ੍ਤਿਕੇ.
ਨਤ੍ਥਿਮੇ ¶ ਸਿਬ੍ਬਟ੍ਠਾਨਂਵਾ,
ਧਨਧਞ੍ਞਞ੍ਚ ਬ੍ਰਹ੍ਮਣਿ;
ਕੁਤੋਤਂ ਦਾਸਂਦਾਸਿਂ ਵਾ,
ਆਨਯਿਸ੍ਸਾਮਿ ਭੋਤਿਯਾ,
ਅਹਂਭੋਤਿਂ ਉਪਟ੍ਠਿਸ੍ਸਂ,
ਮਾਭੋਤਿਕੁ ਪਿਤਾਅਹੁ.
ਏਹਿਤੇ ਅਹ ਮਕ੍ਖਿਸ੍ਸਂ,
ਯਥਾਮੇਵਚਨਂਸੁਤਂ;
ਏਸਵੇਸ੍ਸਨ੍ਤਰੋ ਰਾਜਾ,
ਵਙ੍ਕੇਵਸਤਿ ਪਬ੍ਬਤੇ.
ਤਂਤ੍ਵਂਗਨ੍ਤ੍ਵਾਨ ਯਾਚਸ੍ਸੁ,
ਦਾਸਂਦਾਸਿਞ੍ਚ ਬ੍ਰਹ੍ਮਣ;
ਸੋਤੇਦਸ੍ਸਤਿ ਯਾਚਿਤੋ,
ਦਾਸਂਦਾਸਿਞ੍ਚ ਖਤ੍ਥਿਯੋ.
ਜਿਣ੍ਣੋਹਸ੍ਮਿ ¶ ਦੁਬ੍ਬਲੋ,
ਦੀਘੋਚਦ੍ਧਾਸੁ ਦੁਗ੍ਗਮੋ;
ਕਥਂਗਨ੍ਤੁਂ ਸਕ੍ਖਿਸ੍ਸਮਿ,
ਉਪਠਿਸ੍ਸਾਮਿ ਤਂ ਅਹਂ.
ਯਥਾਅਗਨ੍ਤ੍ਵਾ ਸਙ੍ਗਾਮਂ,
ਅਯੁਦ੍ਧੋਵ ਪਰਾਜਿਤੋ,
ਏਵਮੇਵ ਤੁਵਂਬ੍ਰਹ੍ਮੇ,
ਅਗਨ੍ਤ੍ਵਾਵ ਪਰਾਜਿਤੋ.
ਸਚੇਮੇ ¶ ਦਾਸਂਦਾਸਿਂ ਵਾ,
ਨਾਨਯਿਸ੍ਸਸਿ ਬ੍ਰਹ੍ਮਣ;
ਏਵਂ ਬ੍ਰਹ੍ਮਣ ਜਾਨਾਹਿ,
ਨਤੇਵਚ੍ਛਾ ਮਹਂਘਰੇ;
ਅਮਨਾਪਂ ਤੇਕਰਿਸ੍ਸਾਮਿ,
ਤਂਤੇਦੁਕ੍ਖਂ ਭਵਿਸ੍ਸਤਿ.
ਨਕ੍ਖਤ੍ਤੇ ਉਤੁਪੁਪ੍ਫੇਸੁ,
ਯਦਾਮਂਦਕ੍ਖਸਿ ਲਙ੍ਕਤਂ;
ਅਞ੍ਞੇਹਿ ਸਦ੍ਧਿਂ ਰਮਮਾਨਂ,
ਤਨ੍ਤੇਦੁਕ੍ਖਂ ਭਵਿਸ੍ਸਤਿ.
ਅਦਸ੍ਸਨੇਨ ¶ ਮਯ੍ਹਂਤੇ,
ਜਿਣ੍ਣਸ੍ਸ ਪਰਿਦੇਵਤੋ;
ਭਿਯ੍ਯੋਵਙ੍ਕਾ ਪਲਿਤਾਚ,
ਬਹੂਹੇਸ੍ਸਨ੍ਤਿ ਬ੍ਰਹ੍ਮਣ.
ਤਤੋ ਸੋ ਬ੍ਰਹ੍ਮਣੋ ਭੀਤੋ,
ਬ੍ਰਹ੍ਮਣਿਯਾਵ ਸਾਨੁਗੋ;
ਅਟ੍ਟਿਤੋ ਕਾਮਰਾਗੇਨ,
ਬ੍ਰਹ੍ਮਣਿਂ ਏਤਦਬ੍ਰਵੀ.
ਪਾਥੇਯ੍ਯਂਮੇਕਰੋਹਿਤ੍ਵਂ ¶ ,
ਸਂਕੁਲ੍ਯਾਸਕਲਾਨਿਚ;
ਮਧੁਪਿਣ੍ਡਿਕਾਚਸੁਕਤਾਯੋ,
ਸਤ੍ਥੁ ਭਤ੍ਤਞ੍ਚਬ੍ਰਹ੍ਮਣਿ.
ਆਨਯਿਸ੍ਸਂ ਮੇਥੁਨਕੇ,
ਉਭੋਦਾਸਕੁਮਾਰਕੇ;
ਤੇਤਂਪਰਿਚਰਿਸ੍ਸਨ੍ਤਿ,
ਰਤ੍ਤਿਂਦਿਵਮਤਨ੍ਦਿਤਾ.
ਸਾਖਿਪ੍ਪਂਪਟਿਯਾਦੇਸਿ ¶ ,
ਪਾਥੇਯ੍ਯਂਮਿਤ੍ਤਤਾਪਨਾ;
ਪਟਿਯਾਦਿਤਨ੍ਤਿ ਆਚਿਕ੍ਖਿ,
ਬ੍ਰਹ੍ਮਣਸ੍ਸਅਲਕ੍ਖਿਨੋ.
ਗੇਹੇਦੁਬ੍ਬਲਠਾਨਂਸੋ,
ਥਿਰਂਕਤ੍ਵਾਨਬ੍ਰਹ੍ਮਣੋ;
ਭਰਿਯਾਯਗੋਪਨਤ੍ਥਂ,
ਗੁਤ੍ਤਦ੍ਵਾਰਞ੍ਚਸਙ੍ਖਰਿ.
ਦਾਰੂਨਿਆਹਰਿਤ੍ਵਾਨ,
ਘਟੇਪੂਰੇਸਿਵਾਰਿਨਾ;
ਜਾਯਾਯਸੁਖਵਾਸਤ੍ਥਂ,
ਅਨਿਕ੍ਖਨ੍ਤੁਂਚਗੇਹਤੋ.
ਪਚ੍ਚਕ੍ਖੇਯੇਵ ¶ ਜਾਯਾਯ,
ਇਸਿਵੇਸਂਸਮਾਦਿਯ;
ਪਸ੍ਸਿਤ੍ਵਾਭਰਿਯਂਏਵਂ,
ਓਵਦੇਸਿਸਜੂਚਕੋ.
ਇਤੋਪਠਾਯਤ੍ਵਂਭਦ੍ਦੇ,
ਵਿਕਾਲੇਮਾਸ੍ਸੁਨਿਕ੍ਖਮਿ;
ਮਮਆਗਮਨਾਯਾਵ,
ਵਸੇਸਿਅਪ੍ਪਮਤ੍ਤਕਾ.
ਇਦਂਵਤ੍ਵਾਨਲਗ੍ਗਿਤ੍ਵਾ ¶ ,
ਸੋਪਾਥੇਯ੍ਯਪਸਿਬ੍ਬਹਂ;
ਉਪਾਹਨਞ੍ਚਆਰੁਯ੍ਹ,
ਗਣ੍ਹੀਕਤ੍ਤਰਦਣ੍ਡਕਂ.
ਤਤੋਸੋਰੁਣ੍ਣਮੁਖੇਨ,
ਭਰਿਯਂਕਤ੍ਵਾਪਦਕ੍ਖਿਣਂ;
ਸੋਚਮਾਨੋ ਵਪਕ੍ਕਾਮਿ,
ਦਾਸਕੇ ਪਰਿਯੇਸਿਤੁਂ.