📜

ਜਿਨਵਂਸਦੀਪਂ ¶

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

੧.

ਮਹਾਦਯੋ ਯੋ ਹਦਯੋ’ਦਯੋ’ਦਯੋ

ਹਿਤਾਯ ਦੁਕ੍ਖਾਨੁਭਵੇ ਭਵੇ ਭਵੇ,

ਅਕਾਸਿ ਸਮ੍ਬੋਧਿਪਦਂ ਪਦਂ ਪਦਂ

ਤਮਾਭਿਵਨ੍ਦਾਮਿ ਜਿਨਂ ਜਿਨਂ ਜਿਨਂ; (ਯਮਕਬਨ੍ਧਨਂ)

੨. ¶

ਪਹਾਯ ਯਤ੍ਥਾ’ਭਿਰਤਿਂ ਰਤਿਂ ਰਤਿਂ

ਰਮਨ੍ਤਿ ਧਮ੍ਮੇਵ ਮੁਨੀ ਮੁਨੀ ਮੁਨੀ,

ਵਿਮੁਤ੍ਤਿਦਂ ਸਬ੍ਬਭਵਾ ਭਵਾ’ਭਵਾ

ਤਮਾਭਿਵਨ੍ਦੇ ਮਹਿਤਂ ਹਿਤਂ ਹਿਤਂ; (ਯਮਕਬਨ੍ਧਨਂ)

੩. ¶

ਨਿਪੀਤਸਦ੍ਧਮ੍ਮਰਸਾ ਰਸਾ’ਰਸਾ

ਸੁਪੁਞ੍ਞਖੇਤ੍ਤੋ’ਰਸਤਂ ਸਤਂ ਸਤਂ,

ਗਤਾ ਵਿਧੂਤਾ ਵਿਨਯੇਨ ਯੇਨ ਯੇ

ਤਮਾਭਿਵਨ੍ਦੇ’ਸਿਗਣਙ੍ਗਣ’ਙ੍ਗਣਂ; (ਯਮਕਬਨ੍ਧਨਂ)

੪. ¶

ਜਿਨਾ’ਨਤਮ੍ਭੋਰੁਹ ਹਂਸਰਾਜਿਨੀ

ਜਿਨੋਰਸਾਨਂ ਮੁਖਪਞ੍ਜਰਾ’ਲਿ ਨੀ,

ਸਦਤ੍ਥਸਾਰਂ ਸਰਸਂ ਵਿਸੂਦ ਨੀ

ਉਪੇਤੁ ਮੇ ਮਾਨਸਮੇਵ ਵਾਣਿ ਨੀ;

੫.

ਕਮ੍ਮਾਵਸੇਸਾ ਵਿਚਿਤੋ’ਪਜਾਤ੍ਯਾ

ਗਨ੍ਥਾ’ਹਿਸਙ੍ਖਾਰਵਿਬਨ੍ਧਕਾ ਮੇ,

ਪਣਾਮ ਪੁਞ੍ਞਾਤਿਸਯੇਨ’ਨੇਨ

ਮਾ ਪਾਕਦਾਨਾ’ਵਸਰਾ ਭਵਨ੍ਤੁ;

੬.

ਸੁਵਣ੍ਣਵਣ੍ਣਸ੍ਸ ਜਿਨਸ੍ਸ ਵਣ੍ਣਂ

ਵਣ੍ਣੇਯ੍ਯ ਕਪ੍ਪਮ੍ਪਿ ਕਜਿਤੋ ਸੁਵਣ੍ਣੋ,

ਕਪ੍ਪਸ੍ਸਿ’ਵੋਸਾਨ ਮਨਤ੍ਤਤਾਯ

ਨ ਪਾਪੁਣੇ ਬੁਦ੍ਧਗੁਣਾਨ ਮਨ੍ਤਂ;

੭. ¶

ਨਿਦ੍ਧਨ੍ਤ ਚਾਮੀਕਰ ਚਾਰੁ ਰੂਪਂ

ਸਰਸ੍ਸਤੀ ਭੂਸਣ ਭਾਸਨਂਚ,

ਅਨਞ੍ਞ ਸਾਧਾਰਣ ਞਾਣਮਸ੍ਸ

ਅਵਾਵਿਯਾ’ਚਿਨ੍ਤਿਯ ਮਪਕ੍ਪਮੇਯ੍ਯਂ;

੮.

ਕੁਹਿਂ ਅਸਾਧਾਰਣ ਰੂਪ ਲੀਲਾ

ਕੁਹਿਂ ਅਸਾਧਾਰਣ ਵਾਣਿ ਲੀਲਾ,

ਕੁਹਿਂ ਅਸਾਧਾਰਣਞਾਣ ਲੀਲਾ

ਕੁਹਿਂ ਨੁ ਮੇ ਮਨ੍ਦਮਤਿਸ੍ਸ ਲੀਲਾ;

੯. ¶

ਵਿਭਾਵਿਮਾਨੀ ਪਰਵਮ੍ਹਿਨੋ ਯੇ

ਇਸ੍ਸਾ’ਭਿਮਾਨੇਨ ਵਿਭਞ੍ਞਮਾਨਾ,

ਗਵੇਸਯਨ੍ਤੀ’ਧ ਪਰਸ੍ਸ ਰਨ੍ਧਂ

ਤੇਸਂ ਪਸਂਸਾਗਰਹਾਹਿ ਕਿਮ੍ਮੇ;

੧੦.

ਪਸਤ੍ਥ ਸਤ੍ਥਾਗਮ ਪਾਰਦਸ੍ਸੀ

ਯੇ ਸਾਧਵੋ ਸਾਧੁ ਗੁਣਪ੍ਪਸਨ੍ਤਾ,

ਗਨ੍ਥਸ੍ਸ ਨਿਮ੍ਮਾਣਪਰਿਸ੍ਸਮਂ ਨੋ

ਜਾਨਨ੍ਤਿ ਤੇਯੇਵ ਇਧਪ੍ਪਮਾਣਾ;

੧੧.

ਆਦਿਚ੍ਚਵਂਸਪ੍ਪਭਵਸ੍ਸ ਤਸ੍ਸ

ਜਿਨਸ੍ਸ ਸਤ੍ਥਾਗਮਕੋਵਿਦੇਹਿ,

ਵੁਤ੍ਤੋਪਿ ਪੁਬ੍ਬਾਚਰਿਯੇਹਿ ਯੇਸੁ

ਗਨ੍ਥੇਸੁ ਸਙ੍ਖੇਪਵਸੇਨ ਵਂਸੋ;

੧੨.

ਨ ਤੇਹਿ ਸਕ੍ਕਾ ਸੁਗਤਸ੍ਸ ਵਂਸਂ

ਕਿਞ੍ਚਾਪਿ ਵਿਞ੍ਞਾਤੁ ਮਸੇਸਯਿਤ੍ਵਾ,

ਸਮ੍ਪੁਣ੍ਣਵਂਸਸ੍ਸ ਵਿਭਾਵਨਾਯ

ਤਸ੍ਮਾ ਸਮੁਸ੍ਸਾਹਿਤ ਮਾਨਸੇਨ;

੧੩. ¶

ਅਭਿਪ੍ਪਸਨ੍ਨੋ ਰਤਨਤ੍ਤਯਮ੍ਹਿ

ਪਸਤ੍ਥਵਂਸਪ੍ਪਭਵੋ ਪਭੁਨਂ,

ਵਿਭੁਸਣੋ ਵਿਸ੍ਸੁਤਕਿਤ੍ਤਿਘੋਸੋ

ਯੋ ਭਾਤਿ ਲਙ੍ਕਾਯ ਮੁਲ਼ਾਰਭਾਗ੍ਯੋ;

੧੪.

ਅਮਨ੍ਦਚਾਗਾ’ਭਿਰਤਸ੍ਸ

ਪੁਨਨ੍ਦੁ ਨਾਮਸ੍ਸ ਦਯਾਧਨਸ੍ਸ,

ਬੁਦ੍ਧੇ ਪਸਾਦਾਤਿਸਯਸ੍ਸ ਤਸ੍ਸ

ਅਜ੍ਝੇਸਨਞ੍ਚਾਪਿ ਪਟਿਗ੍ਗਹੇਤ੍ਵਾ;

੧੫.

ਨਸ੍ਸਾਯ ਪੁਬ੍ਬਾਚਰਿਯੋ’ਪਦੇਸਂ

ਸੋਤੂਨ ਮਤ੍ਥਾਯ ਮਯਾ ਹਿਤਾਯ,

ਨਿਰੁਤ੍ਤਿਯਾ ਮਾਗਧਿਕਾਯ ਸਮ੍ਮਾ

ਵਿਧੀਯਤੇ’ਦਂ ਜਿਨਵਂਸਦੀਪਂ;

੧੬. ¶

ਸਦ੍ਧਾਸਿਨੇਹਾਨੁਗਤਾਯ ਪਞ੍ਞਾ-

ਦਸਾਯ ਸੋਤੂਹਿ ਮਨੋਵਿਮਾਨੇ,

ਪਦੀਪਿਤੋ’ਯਂ ਜਿਨਵਂਸਦੀਪ-

ਦੀਪੋਹਰੇਪਾਪਤਮਪ੍ਪਬਨ੍ਧਂ;

੧੭.

ਪੁਰਙ੍ਗਪੁਣ੍ਣਾ ਸਿਰਿਜਮ੍ਬੁਦੀਪੇ

ਸਮ੍ਪਤ੍ਤਿਭਾਰੇਨ ਦਿਵਾ’ਵਤਿਣ੍ਣਾ,

ਯਾ ਦੇਵਰਾਜਸ੍ਸ’ਮਰਾਵਤੀ’ਵਾ-

ਮਰਾਵਤੀਨਾਮ ਪੁਰੀ ਪੁਰੇ’ਸੀ;

੧੮.

ਵਿਜ੍ਜਾਧਰਾਨਞ੍ਚ ਵਿਹਙ੍ਗਮਾਨਂ

ਵਿਬਨ੍ਧ ਵੇਹਾਸਗਤਿਂ ਬਹਾਸ,

ਯਸ੍ਮਿਂ ਪੁਰਸ੍ਮਿਂ ਜਿਤਵੇਰਿ ਚਕ੍ਕਂ

ਪਾਕਾਰਚਕ੍ਕਂ ਵਿਯ ਚਕ੍ਕਵਾਲ਼ਂ;

੧੯. ¶

ਸਞ੍ਚੁਮ੍ਬਿਤਮ੍ਹੋਜ ਰਜੋ ਪਬਨ੍ਧ-

ਸੁਪਿਞ੍ਜਰਾਪਾ ਪਰਿਖਾਹਿਰਾਮਾ,

ਪੁਰਿਤ੍ਥਿ ਪਾਕਾਰ ਨਿਤਮ੍ਬਭਾਗੇ

ਸਮੁਬ੍ਬਹੀ ਕਞ੍ਚਨ ਮੇਖਲਾ’ਭਂ;

੨੦.

ਰਤ੍ਤਿਨ੍ਦਿਵਾ ਰਤ੍ਤਮਣਿ’ਨ੍ਦਨੀਲ-

ਮਣਿਪ੍ਪਭਾਰਞ੍ਜਿਤ ਰਾਜਧਾਨਿ,

ਬਬਨ੍ਧ ਯਾ’ਮਨ੍ਦਸੁਰਿਨ੍ਦਚਾਪ-

ਸਮੁਜ੍ਜਲਾਕਾਸਤਲਬ੍ਬਿਲਾਸਂ;

੨੧.

ਯਹਿਂਵਧੂਨਂ ਵਦਨਮ੍ਬੁਜੇਹਿ

ਕਤਾਵਮਾਨਂ ਹਰਿਣਙ੍ਕਬਿਮ੍ਬਂ,

ਪਭਾਹਿ ਨੀਲੋਪਲਤੋਰਣਾਤਂ

ਸੋਕਾਭੀਭੂਤਂਚ ਵਿਵਣ੍ਣਮਾਪ;

੨੨. ¶

ਸਰੋਰੁਹ’ਨ੍ਤੀ ਮਣਿਮਨ੍ਦਿਰਾਭਾ-

ਸਞ੍ਚੁਮ੍ਬਿਤਂ ਪੁਣ੍ਣਸਸਙ੍ਕਬਿਮ੍ਬਂ;

ਸਙ੍ਕਾਯ ਰਾਮਾਜਨਤਾ’ਭਿਰਾਮਾ

ਕਰੇ ਪਸਾਰੇਸਿ ਪੁਰਮ੍ਹਿ ਯਸ੍ਮਿਂ;

੨੩.

ਯਤ੍ਥ’ਙ੍ਗਨਾਨਂ ਪਟਿਬਿਮ੍ਬਿਤਾਨਿ

ਆਦਾਸਭਿਤ੍ਤੀਸੁ ਮੁਖਮ੍ਬੁਜਾਨਿ,

ਆਸੁਂ ਵਿਘਾਤਾਯ ਮਧੁਬ੍ਬਤਾਨਂ

ਵਿਲੋਚਨਾਲੀਨ ਮਨੁਗ੍ਗਹਾਯ;

੨੪.

ਸਮ੍ਮਤ੍ਤ ਮਾਤਙ੍ਗ ਧਰਾਧਰੇਹਿ

ਯਸ੍ਮਿਂ ਅਭਿਸ੍ਸਨ੍ਦ ਮਦਸ੍ਸਵਨ੍ਤਿ,

ਤੁਰਙ੍ਗ ਰਙ੍ਗੇਹੀ ਤਰਙ੍ਗ ਮਾਲਾ

ਸਮਾਕੁਲੇਵਾ’ਸਿ ਵਿਧੂਤ ਧੂਲੀ;

੨੫. ¶

ਨਿਕ੍ਖਿਤ੍ਤਵੀਣਾ ਮਣਿਨੁਪੁਰਾਨਂ

ਵਿਲਾਸਿਨੀਨਂ ਮੁਦੁਪਾਣਿ ਪਾਦੇ,

ਮਤ੍ਤਾਲਿਮਾਲਾ ਕਲਨਾਦਿਨੀ ਕਿਂ

ਨਾਲਙ੍ਕਰੁਂ ਯਤ੍ਥ ਕਤਾਵਕਾਸਾ;

੨੬.

ਧਵਤ੍ਥਿਨੀਨਂ ਕੁਚਸਾਰਸੇਹਿ

ਨੇਤ੍ਤਾਲਿਭਾਰਾ’ਨਨਨੀਰਜੇਹਿ,

ਯਾ ਹਾਸਵੀਚੀਹਿ ਪੁਰੀ ਰਜਨ੍ਯਾ

ਰਰਾਜ ਸਮਫੁਲ੍ਲਸਰੋਜਿਨੀ’ਵ;

੨੭.

ਚਨ੍ਦਪ੍ਪਭਾ ਚੁਮ੍ਬਿਤ ਚਨ੍ਦਕਨ੍ਤ

ਪਾਸਾਣਧਾਰਾ ਮਣਿਚਨ੍ਦਿਕਾਸੂ,

ਚਨ੍ਦਾਨਨਾਨਂ ਯਹਿ ਮਙ੍ਗਨਾਹਂ

ਪਰਿਸ੍ਸਮਸ੍ਸੋ’ਪਸਮਾਯ’ਹੇਸੁਂ;

੨੮. ¶

ਯਸ੍ਮਿਂ ਪੂਰੇ ਉਦ੍ਧਮਧੋ ਵਿਨਦ੍ਧ-

ਜੁਤਿਪ੍ਪਬਨ੍ਧੋ ਮਣਿਮਨ੍ਦਿਰਾਨਂ,

ਸਮੁਬ੍ਬਹੀ ਗੇਰੁਕ ਪਙ੍ਕ ਦਿਦ੍ਧ-

ਵਿਤਾਨ ਪਚ੍ਚਤ੍ਥਰਣਬ੍ਬਿਲਾਸਂ

੨੯.

ਸੁਵਣ੍ਣ ਮੁਤ੍ਤਾ ਮਣਿ ਵਂਸਵਣ੍ਣਾ-

ਪਵਾਲ਼ ਰੂਪੀ ਵਜਿਰੇਹਿਞ੍ਚਾ’ਪਿ,

ਯਾ ਸਤ੍ਤਧਞ੍ਞੇਹਿ ਧਨੇਹਿ ਫੀਤਾ

ਅਹੂ ਪੁਰਿ ਧਞ੍ਞਵਤੀ’ਵ ਨਾਰੀ; (ਸਿਲੇਸਬਨ੍ਧਨਂ)

੩੦.

ਪਸਾਰਿਤਾ’ਨੇਕਦਿਸਾਮੁਖੇਸੁ

ਵਿਚਿਤ੍ਤਵਤ੍ਥਾ’ਭਰਣਾਦਿਪੂਰਾ,

ਯਤ੍ਥਾ’ਪਣਾ ਨਿਜ੍ਜਿਤਕਪ੍ਪਰੁਕ੍ਖਾ

ਕਰਿਂਸੁ ਲੋਕਾਭਿਮਤਤ੍ਥਸਿਦ੍ਧਿਂ;

੩੧. ¶

ਪਰਾਗਰਤ੍ਤਾ ਮਧੁਪਾਤਿਮਤ੍ਤਾ

ਸਮ੍ਹਿਨ੍ਨਵੇਲਾ ਘਨਨੀਲਵਾਲਾ,

ਹਂਸਾਸਯਾ ਪਞ੍ਚਸਰਾਭਿਰਾਮਾ

ਯਸ੍ਮਿਂ ਤਲ਼ਾਕਾ ਵਿਯ ਕਾਮਭੋਗੀ; (ਸਿਲੇਸਬਨ੍ਧਨਂ)

੩੨.

ਪੁਰਨ੍ਤਰਸ੍ਮਿਂ ਰਤਨਗ੍ਘਿਕਾਨਂ

ਰਂਸਿਪ੍ਪਬਨ੍ਧੇਹਿ ਹਤਨ੍ਧਕਾਰੇ,

ਕੁਨ੍ਦਾਰਵਿਨ੍ਦਬ੍ਭੁਦਯੇਨਯਸ੍ਮਿਂ

ਰਤ੍ਤਿਨ੍ਦਿਵਾਭੇਦ ਮਵੇਦਿ ਲੋਕੋ;

੩੩. ¶

ਮਾਤਙ੍ਗਜੀਮੂਤਘਟਾਯ ਘਣ੍ਟਾ-

ਟਙ੍ਕਾਰਗਮ੍ਭੀਰਰਵਾਯ ਯਸ੍ਮਿਂ,

ਪਲਮ੍ਭੀਤਾ ਮਤ੍ਤਸਿਖਣ੍ਡਿਮਾਲਾ

ਅਕਾ ਵਿਕਾਲੇਪਿ ਅਖਣ੍ਡਕੀਲ਼ਂ;

੩੪.

ਪੁਰਮ੍ਹਿ ਯਸ੍ਮਿਂ ਚਰਣਮ੍ਬੁਜੇਹਿ

ਵਧੂਜਤੋ ਬਨ੍ਧਿਤਨੂਪੁਰੇਹਿ,

ਵਿਕਾਸ ਕੋਕਾਸਨ ਸੀਸ ਬਦ੍ਧ

ਮਤ੍ਤਾਲਿ ਸੇਸ’ਮ੍ਬੁਜਿਨੀ ਅਜੇਸਿ;

੩੫.

ਰਸਾਤਲਂ ਨਾਗਫਣਾਵਨਦ੍ਧਂ

ਨਭੋਤਲਂ ਵਿਜ੍ਜੁਲਤਾਵਨਦ੍ਧਂ,

ਯਾ ਛਾਦਿਤਾ ਰੂਪਿਯਜਾਤਰੂਪ-

ਧਜਾਵਲੀਹਾ’ਜਿਨਿ ਰਾਜਧਾਨੀ;

੩੬. ¶

ਨਾਨਤ੍ਥਸਾਰਂ ਮਿਤਧਾਤੁਵਣ੍ਣਂ

ਛਨ੍ਦਾਰਹਂ ਪਾਣਗਣਾ’ਭਿਰਾਮਂ,

ਕਵਿਪ੍ਪਸਤ੍ਥਂ ਸਰਸਂ ਸਿਲੇਸਾ-

ਲਙ੍ਕਾਰਪਜ੍ਜਂ’ਵ ਪੁਰਂ ਯਮਾਸਿ; (ਸਿਲੇਸਬਨ੍ਧਨਂ)

੩੭.

ਪੁਰਮ੍ਹਿ ਤਸ੍ਮਿਂ ਕਰੁਣਾਨਿਧਾਨੋ

ਬੁਦ੍ਧਙ੍ਕੁਰੋ ਬ੍ਰਾਹ੍ਮਣਸਾਰਵਂਸੇ,

ਅਸਙ੍ਖਕਪ੍ਪਾਨ ਮਿਤੋ ਚਤੁਨ੍ਨਂ

ਲਕ੍ਖਾਦਿਕਾਨਂ ਉਦਪਾਦਿ ਪੁਬ੍ਬੇ;

੩੮.

ਭੋਵਾਦਿਵਂਸੇ’ਕਦਿਵਾਕਰਸ੍ਸ

ਪੁਞ੍ਞਾਨੁਭਾਵੋ’ਦਯਮਙ੍ਗਲੇਹਿ,

ਜਾਤਸ੍ਸ ਖੋ ਸਮ੍ਪਤਿ ਜਮ੍ਬੁਦੀਪੋ

ਵਿਲੁਮ੍ਪਯੀ ਮਙ੍ਗਲਵਾਸਲੀਲਂ;

੩੯. ¶

ਜਾਤਕ੍ਖਣੇ ਤਸ੍ਸ ਸਰੀਰਜੇਨ

ਗਨ੍ਧੇਨ ਵਣ੍ਣੇਨ ਸਕੇ ਨਿਕੇਤੇ,

ਹਤਪ੍ਪਭਾ ਚਨ੍ਦਨਤੇਲਦੀਪਾ

ਸਣ੍ਠਾਨਮਤ੍ਤੇਹਿ ਵਿਜਾਨਿਯਾਸੁਂ;

੪੦.

ਵਿਮੁਤ੍ਤਦੋਸਾਹਿ ਸੁਖੇਧਿਤਾਹਿ

ਧਾਤੀਹਿ ਕੁਮ੍ਭੋਰੁਪਯੋਧਰਾਹਿ,

ਭਤੋ ਕੁਮਾਰੋ ਸੁਕੁਮਾਰਕਾਯੋ

ਖੇਪੇਸਿ ਸੋ ਕਾਨਿਚਿ ਵਾਸਰਾਨਿ;

੪੧.

ਮਹਾਮਹੇਚਾ’ਥ ਪਵਤ੍ਤਮਾਨੇ

ਸਵੇਦ ਵੇਦਙ੍ਗ ਵਿਦੂ ਵਿਦੂਹਿ,

ਕਾਰਾਪਯੁਂ ਤੇ ਪਿਤਰੋ’ਰਸਸ੍ਸ

ਨਾਮਂ ਸੁਮੇਧੋ’ਤਿ ਪਦਤ੍ਥਸਾਰਂ;

੪੨. ¶

ਉਲ਼ਾਰਭਾਗ੍ਯੇਨ ਸਮਂ ਕੁਮਾਰੇ

ਸਂਵਦ੍ਧਮਾਨੇ ਜਨਨੀ ਨ ਤਿਤ੍ਤਿਂ,

ਪਾਯਾਸਿ ਨੀਲਾਮਕਲਲੋਚਨਾਲਿਂ

ਮੁਖਮ੍ਬੁਜਂ ਤਸ੍ਸ’ਭਿਚੁਮ੍ਬਮਾਨਾ;

੪੩.

ਸੁਖੇਧਿਤ’ਙ੍ਗਾਵਯਵੋ ਕੁਮਾਰੋ

ਵਿਮਾਨਭੁਮ੍ਯਾ ਮਣਿਨਿਮ੍ਮਿਤਾਯ,

ਪਰੋਦਿ ਮਾਤਾਪਿਤਰੋ’ਭਿਯਾਚਂ

ਬਿਮ੍ਬਂ ਕਨਿਜਂ ਜਾਨੁਯੁਗੇਨ ਗਚ੍ਛਂ;

੪੪.

ਸੁਵਣ੍ਣਬਿਮ੍ਬੋ’ਪਮਚਾਰੁਰੂਪੋ

ਸਮਾਚਰਂ ਧਾਤਿਭੁਜਾ’ਵਲਮ੍ਬਂ,

ਵਿਞ੍ਞਾਸਪਾਦ’ਙ੍ਗੁਲਿਮਞ੍ਜਰੀਹਿ

ਸਲੀਲਮਾਵਾਸਮਲਙ੍ਕਰਿਤ੍ਥ;

੪੫. ¶

ਨਿਜੇਨ ਤੇਜੇਨ ਚ ਜਿਵਲੋਕਂ

ਯਸੇਨ’ਪੁਬ੍ਬਾਚਰਿਮਂ ਫੁਸਨ੍ਤੋ,

ਤਿਰੋਕਰਿਤ੍ਵਾ ਰਵਿਚਨ੍ਦਸੋਭਂ

ਸਂਵਡ੍ਢਿ ਧੀਰੋ ਉਭਤੋ ਸੁਜਤੋ;

੪੬.

ਸੋ ਸਤ੍ਤਮਾ ਯਾਵ ਪਿਤਾਮਹਸ੍ਸ

ਯੁਗਾ ਸਗਬ੍ਭਾਸਯਸੁਦ੍ਧਿਕੋ’ਸਿ,

ਨਿਹੀਨਜਚ੍ਚੋ’ਤਿ ਨ ਜਾਤਿਵਾਦਾ

ਖਿਤ੍ਤੋ’ਪਕੁਟ੍ਠੋ ਭਵਿ ਵਿਪ੍ਪਸੇਟ੍ਠੋ;

੪੭.

ਵੇਦਨ੍ਤਯਂ ਸੋ ਸਨਿਘਣ੍ਟੁ ਸਤ੍ਥਂ

ਸਕੇਟੁਭਂ ਸਾਕ੍ਖਰਭੇਦ ਸਤ੍ਥਂ,

ਸਾਧਬ੍ਬਤਬ੍ਬੇਦਿ’ਤਿਹਾਸ ਸਤ੍ਥਂ

ਅਵੇਦਿ ਵੇਦਙ੍ਗਯੁਤਂ ਪ ਸਤ੍ਥਂ;

੪੮.

ਅਜ੍ਝਾਯਕੋ ਮਨ੍ਤਧਰੋ ਪਵੀਣੋ

ਕਲਾਸੁ ਲੋਕਾਯਤਲਕ੍ਖਣੇਸੁ,

ਪਪੂਰਕਾਰਿ ਪਦਕੋ ਕਵੀਨਂ

ਤੇਤਾ’ਸਿ ਵੇਯ੍ਯਾਕਰਣੋ ਗਣਿਸੋ;

੪੯. ¶

ਕਨ੍ਦਪ੍ਪਦਪ੍ਪਾ’ਨਲਧੁਮਰਾਜਿ-

ਲੀਲਾਵਲਮ੍ਬਿ ਨਿਜਮਸ੍ਸੁਰਾਜਿ,

ਨ ਕੇਵਲਂ ਕੋਮਲਗਣ੍ਡਭਾਗਂ

ਮਨਮ੍ਪਿ ਥੀਨਂ ਮਲਿਨੀਕਰਿਤ੍ਥ;

੫੦.

ਤਨ੍ਦੇਭਵਣ੍ਣਾਯਤਨ’ਣ੍ਣਵਮ੍ਹਿ

ਨਰੂਪਤਣ੍ਹਾਤਰਣਿ ਨਰਾਨਂ,

ਪਾਯਾਸਿ ਚਕ੍ਖਾਯਤਨਪ੍ਪਿਯਾਹਿ

ਤੀਰਨ੍ਤਰਂ ਚਿਤ੍ਤਨਿਯਾਮਕਟ੍ਠਾ;

੫੧.

ਦ੍ਵਿਜੋ ਸੁਮੇਧੋ ਸੁਵਿਸੁਦ੍ਧਮੇਧੋ

ਮਾਤਾਪਿਤੁਨ੍ਨਂ ਨਿਧਨਾਵਸਾਨੇ,

ਪੁਞ੍ਞਾਨੁਭਾਵਪ੍ਪਭਵਂ ਅਗਾਰ-

ਮਜ੍ਝਾਵਸਂ ਕਾਮਸੁਖਂ’ਨੁਭੁਞ੍ਜੀ;

੫੨. ¶

ਨਿਸਜ੍ਜ ਪਾਸਾਦਤਲੇ’ਕਦਾ ਸੋ

ਪਲ੍ਲਙ੍ਕਮਾਧਾਯ ਰਹੋਗਤੋਵ,

ਪੁਨਬ੍ਭਵੁਪ੍ਪਤ੍ਤਿ ਸਰੀਰਭੇਦੋ

ਦੁਕ੍ਖੋ’ਤਿ ਚਿਨ੍ਤੇਸਿ ਸਭਾਵਚਿਨ੍ਤੀ;

੫੩.

ਜਾਤੋ ਸ’ਹਂ ਜਾਤਿਜਰਾਰੁਜਾਦਿ-

ਧਮ੍ਮੋ’ਮ੍ਹਿ ਤਸ੍ਮਾ ਭਵਦੁਕ੍ਖਸੁਞ੍ਞਂ,

ਨਿਚ੍ਚਂ ਅਜਾਤਿਂ ਅਜਰਂ ਅਰੋਗਂ

ਗਵੇਸਿਤੁਂ ਵਟ੍ਟਤਿ ਨਿਬ੍ਬੁਤਿ’ਨ੍ਤਿ;

੫੪.

ਯਥਾਪਿਦੁਕ੍ਖੇ ਸਤਿ ਚ’ਤ੍ਥਿਸਾਤਂ

ਤਦਞ੍ਞਮੁਣ੍ਹੇ ਸਤਿ ਸੀਤਮਤ੍ਥਿ,

ਭਵਮ੍ਹਿ ਸਨ੍ਤੇ ਵਿਭਵੋ’ਪਿ ਏਵਂ

ਨਿਬ੍ਬਾਣਮਤ੍ਥੀ ਤਿਵਿਧਗ੍ਗਿਸਨ੍ਤੇ;

੫੫. ¶

ਸਾਵਜ੍ਜਧਮ੍ਮੇ ਇਹਵਿਜ੍ਜਮਾਨੇ

ਸਂਵਿਜ੍ਜਤੇ ਭੋ ਨਿਰਵਜ੍ਜਧਮ੍ਮੋ,

ਅਜਾਤਿ ਹੋਤਿ ਸਤਿ ਜਾਤਿਯਾ’ਤਿ

ਏਵਂ ਵਿਚਿਨ੍ਤੇਸਿ ਸਦਤ੍ਥਵਿਨ੍ਤੀ;

੫੬.

ਦਿਸ੍ਵਾ ਯਥਾ ਗੁਥਗਤੋ ਤਲ਼ਾਕਂ

ਨ ਤਸ੍ਸ ਦੋਸੋ ਨ ਤਮੋਤਰੇਯ੍ਯ,

ਕਿਲੇਸਧੋਵੇ ਅਮਤਮ੍ਹਿ ਸਨ੍ਤੇ

ਤਥਾ ਨ ਸੇਵੇਥ ਨ ਤਸ੍ਸ ਦੋਸੋ;

੫੭.

ਪਾਪਾਰਿਰੁਦ੍ਧੋ ਸਤਿ ਖੇਮਮਗ੍ਗੇ

ਨ ਤਸ੍ਸ ਦੋਸੋ ਨ ਸੁਖਂ ਵਜੇਯ੍ਯ,

ਪਾਪਾਰਿਰੁਦ੍ਧੋ ਸਤਿ ਖੇਮਮਗ੍ਗੇ

ਤਥਾ ਨਗਚ੍ਛੇਯ੍ਯ ਨ ਤਸ੍ਸ ਦੋਸੋ; (ਯਮਕਬਨ੍ਧਨਂ)

੫੮. ¶

ਯਥਾਪਿ ਵੇਜ੍ਜੇ ਸਤਿ ਘੋਰਰੋਗੀ

ਨ ਤਸ੍ਸ ਦੋਸੋ ਤ ਲਭੇ ਤਿਕਿਚ੍ਛਂ,

ਰਾਗਾਦਿਰੋਗੀ ਸਤਿ ਬੁਦ੍ਧਵੇਜ੍ਜੇ

ਧਮ੍ਮੋਸਧਂ ਨੇ’ਚ੍ਛਤਿ ਕਸ੍ਸ ਦੋਸੋ;

੫੯.

ਯੋ ਕਣ੍ਠਬਦ੍ਧਂ ਕੁਣਪਂ ਪਹਾਯ

ਯਥਾਸੁਖਂ ਗਚ੍ਛਤਿ ਸੇਰਿਚਾਰੀ,

ਤਥੇਵਿ’ਮਂ ਕੁਚ੍ਛਿਤ ਪੂਤਿਕਾਯਂ

ਯਂਨੂਨ ਗਚ੍ਛੇਯ੍ਯਮਹਂ ਜਹਿਤ੍ਵਾ;

੬੦.

ਉਚ੍ਚਾਰਠਾਨਮ੍ਹਿ ਜਨਾ’ਨਪੇਕ੍ਖਾ

ਕਤ੍ਵਾ ਕਰੀਸਾਨਿ ਕਯਥਾ ਵਜਨ੍ਤਿ,

ਤਥਾ ਸਰੀਰਂ ਕੁਣਪੇਹਿ ਪੂਰਂ

ਯਂਨੂਨ ਗਚ੍ਛੇਯ੍ਯਮਹਂ ਜਹਿਤ੍ਵਾ;

੬੧. ¶

ਨਾਵਂ ਯਥਾ ਜਜ੍ਜਰਮਾਪਗਾਹਿਂ

ਵਜੇਯ੍ਯ ਨੇਤਾ ਅਤਪੇਕ੍ਖਕੋਵ,

ਤਥਾ ਨਵਦ੍ਵਾਰਸਵਂ ਸਰੀਰਂ

ਯਂਨੂਨ ਗਚ੍ਛੇਯ੍ਯਮਹਂ ਜਹਿਤ੍ਵਾ;

੬੨.

ਚੋਰੇਹਿ ਗਚ੍ਛਂ ਅਵਹਾਰਭੀਤ੍ਯਾ

ਖੇਮਂ ਸੁਮੇਧੋ ਪੁਰਮੋਤਰੇਯ੍ਯ,

ਤਥਾ ਸਰੀਰਂ ਕੁਸਲਾਵਹਾਰਂ

ਯਂਨੂਨ ਗਚ੍ਛੇਯ੍ਯਮਹਂ ਜਹਿਤ੍ਵਾ;

੬੩.

ਨੇਕ੍ਖਮ੍ਮ ਸਙ੍ਕਪ੍ਪ ਪਰੋ’ਪਮਾਹਿ

ਅਨੁਸ੍ਸਰਿਤ੍ਵੇ’ਵਮੁਲ਼ਾਰਵੀਰੋ,

ਹਤੋ’ਰਪਾਰੇ ਤਿਭਵੇ ਅਸਾਰੇ

ਵਿਹਾਸਿ ਉਕ੍ਕਣ੍ਠਿਤਮਾਨਸੋ ਸੋ;

੬੪. ¶

ਸੁਵਣ੍ਣ ਮੁਤ੍ਤਾ ਮਣਿ ਰੂਪਿਯਾਦਿ-

ਧਨੇਹਿ ਧਞ੍ਞੇਹਿ ਚ ਪੂਰਿਤਾਨਿ,

ਅਵਾਪੁਰਿਤ੍ਵਾਨ,ਥ ਕੋਸਕੋਟ੍ਠਾ-

ਗਾਰਾਨਿ ਤਂ ਦਸ੍ਸਯਿ ਰਾਸਿਵਡ੍ਢੋ;

੬੫.

ਪਿਤਾਮਹਾਨਂ ਪਕਪਿਤਾਮਹਾਨਂ

ਮਾਤਾਪਿਤੁਨ੍ਨਂ ਵਿਭਵਾ ਪਨੇਤ੍ਥ,

ਅਨਪ੍ਪਕਾਥਾਵਰਜਙ੍ਗਮਾਤੇ

ਸਂਦਿਸ੍ਸਰੇ ਧੀਰ ਸੁਮੇਧਵਿਪ੍ਪ;

੬੬.

ਸੋ ਸਤ੍ਤਮਾ ਯਾਵ ਪਵੇਣਿਵਟ੍ਟਾ

ਵਿਭਾਵਯਿਤ੍ਵਾ ਵਿਭਵਸ੍ਸਰਾਸਿਂ,

ਧਨਾਗਮਸ੍ਸਾਪਿ ਧਨਬ੍ਬਯਸ੍ਸ

ਪਮਾਣ’ਮਾਚੀਕ੍ਖਿਪਮਾਣਦਸ੍ਸਿਂ;

੬੭.

ਕੁਟੁਮ੍ਬਮੇਤਂ ਪਟਿਪਜ੍ਜਮਾਨੋ

ਕਾਮੇਸੁ ਦੇਵੋਵਿਯ ਇਨ੍ਦ੍ਰਿਯਾਨਿ,

ਇਚ੍ਛਾਨੁਰੂਪਂ ਪਰਿਚਾਰਯਸ੍ਸੁ

ਇਚ੍ਚੇਵ ਮਾਰੋਚਯਿ ਰਾਸਿਵਡ੍ਢੋ;

੬੮. ¶

ਅਮੁਂ ਮਹਨ੍ਤਂ ਧਨਧਞ੍ਞਰਾਸਿਂ

ਸਮਾਵਿਨਿਤ੍ਵੇ’ਕ ਕਹਾਪਣਮ੍ਪਿ,

ਨਾ’ਦਾਯ ਮਾਤਾਪਿਤਰੋਪ੍ਯ’ਹੋ ਤੋ

ਗਤਾ ਯਥਾਕਮ੍ਮ ਮਿਤੋ ਪਰਤ੍ਥ;

੬੯.

ਤਬ੍ਬਤ੍ਥੁਸਾਰਗ੍ਗਹਣਾਤਿਸੂਰੋ

ਵੋਸ੍ਸਗ੍ਗਸਨ੍ਤੋ ਅਥ ਸਤ੍ਤਸਾਰੋ,

ਰਞ੍ਞੋ ਸਮਾਰੋਚਿਯ ਏਤਮਤ੍ਥਂ

ਭੇਰਿਂ ਚਰਾਪੇਸਿ ਸਕੇ ਪੁਰਮ੍ਹਿ;

੭੦.

ਸਨ੍ਤਪ੍ਪਯਿ ਭੇਰਿਵਿਰਾਵਗਨ੍ਧ-

ਮਾਘਾਯ ਸਮ੍ਪਤ੍ਤਜਾਤਾ’ਲਿਜਾਤਂ,

ਭੋਵਾਦਿ ਨਾਨਾਰਤਨਾਦਿਭੋਗ-

ਮਧੂਹਿ ਸਤ੍ਤਾਹ’ਮਨਾਥਨਾਥੋ;

੭੧. ¶

ਤਦਗ੍ਗ ਯਞ੍ਞਾਲਯ ਵਾਰਿਵਾਹ-

ਧਾਰਾਨਿਪਾਤਦ੍ਧਨਵੁਟ੍ਠਿਹੇਤੁ,

ਮਹਾ ਜਨਸ੍ਸਾ’ਧਿਕਵਤ੍ਥੁਤਣ੍ਹਾ-

ਤਟਾਨਿ ਭਿਨ੍ਨਾਨਿ ਮਨੋਦਹੇਸੁ;

੭੨.

ਸੁਖੇਧਿਤੋ ਕਾਮਸੁਖਂ ਪਹਾਯ

ਘਰਾ’ਭੀਨਿਕ੍ਖਮ੍ਮ ਤਤੋ ਸੁਮੇਧੋ,

ਅਜ੍ਝੋਗਹੇਤ੍ਵਾ ਹਿਮਵਨ੍ਤ’ਮਾਪ

ਧਮ੍ਮੇਸਕੋ ਧਮ੍ਮਕਪਕਬ੍ਬਤ’ਨ੍ਤਂ;

੭੩.

ਵਿਤਕ੍ਕਮਞ੍ਞਾਯ’ਥ ਦੇਵਰਞ੍ਞਾ

ਵ੍ਯਾਪਾਰਿਤੋ ਮਾਪਯਿ ਵਿਸ੍ਸਕਮ੍ਮੋ,

ਤਹਿਂ ਵਿਵੇਕਕ੍ਖਮਕ ਮਸ੍ਸਮਞ੍ਚ

ਮਨੋਰਮਂ ਚਙ੍ਕਮਭੁਮਿਭਾਗਂ;

੭੪. ¶

ਤਮਸ੍ਸਮਂ ਪਬ੍ਬਜਿਤੇਹਿ ਸੁਞ੍ਞਂ

ਉਪੇਚ੍ਚ ਸੋਞ੍ਚਾਰਮਵਾਪੁਰਿਤ੍ਵਾ,

ਞਤ੍ਵਾ ਤਦਨ੍ਤੋਲਿਖਿਤ’ਕ੍ਖਰਾਨਿ

ਖਾਰਿਂਪਰਿਕ੍ਖਾਰਭਰਂਅਵੇਕ੍ਖਿ;

੭੫.

ਨਿਵਤ੍ਥਵਤ੍ਥਂਨਵਵਦੋਸੁਪੇਤਂ

ਵਿਵਜ੍ਜਿਯਾਵਜ੍ਜਿਯਵਜ੍ਜਦਸ੍ਸਿ,

ਧਾਰੇਸਿਤਂਬਾਰਸਧਾਨਿਸਂਸ-

ਮਨੋਜਪੁਪ੍ਫਤ੍ਥਰਵਾਕਚੀਰਂ;

੭੬.

ਪੁਨ੍ਨਾਗਪੁਪ੍ਫਤ੍ਥਰਕਾ’ਭਿਰਾਮਂ

ਅਂਸੇ ਵਿਧਾਯਾ’ਜਿਨਚਮ੍ਮਖਣ੍ਡਂ,

ਕਤ੍ਵਾ ਜਟਾਮਣ੍ਡਲ ਮਿਤ੍ਤਮਙ੍ਗੇ

ਤਿਵਙ੍ਕ ਮਾਦਾਯ’ਥ ਖਾਰਿਕਾਜਂ;

੭੭.

ਭੁਜਙ੍ਗਭੋਗੋ’ਰੁਭੁਜੇਨ ਧੀਰੋ

ਆਦਾਯ ਚਾਲਮ੍ਬਨਦਣ੍ਡਕੋਟਿਂ,

ਸਮਗ੍ਗਹੀ ਤਾਪਸਵੇਸਮੇਵਂ

ਵਿਰਤ੍ਤਚਿਤ੍ਤੋਕ ਵਿਭਵੇਵ ਭਵੇ’ਪਿ;

੭੮. ¶

ਸੋ ਚਙ੍ਕਮੀ ਚਙ੍ਕਮਮੋਤਰਿਤ੍ਵਾ

ਸਿਲਾਤਲਸ੍ਮਿਞ੍ਚ ਦਿਵਾ ਨਿਸਜ੍ਜਿ,

ਸਾਯਂ ਪਵਿਟ੍ਠੋ ਵਸਿ ਪਣ੍ਣਸਾਲਂ

ਨਿਪਜ੍ਜਿ ਕਟ੍ਠਤ੍ਥਰਸੇਸਮਞ੍ਚੇ;

੭੯.

ਪਚਚੂਸਕਾਲਮ੍ਹਿ ਪਬੁਜ੍ਝਿਤੋ ਸੋ

ਆਵਜ੍ਜਯਿਤ੍ਵਾ’ਗਮਨਪ੍ਪਵਤ੍ਤਿਂ,

ਵਿਵੇਕਕਾਮਸ੍ਸ ਮਮੇ’ਤ੍ਥ ਵਾਸੋ

ਕਾਮਂ ਘਰਾਵਾਸਸਮੋ ਸਿਯਾ’ਤਿ;

੮੦.

ਅਦੁਞ੍ਹਿ ਪਣ੍ਣਚ੍ਛਦਨਂ ਕਪੋਤ-

ਪਾਦਾਰੁਣਂ ਬੇਲੁਵਪਕ੍ਕਵਣ੍ਣਾ,

ਭੂਮੀਪਿ ਭਿਤ੍ਤੀ ਰਜਤਾਵਦਾਤਾ

ਮਞ੍ਚੋ’ਪਿ ਚਿਤ੍ਤਤ੍ਥਰਵਾਰੁਰੂਪੋ;

੮੧. ¶

ਸੁਭਾਕ ਮਨਾਪਾ ਮਮ ਪਕਣ੍ਣਸਾਲਾ

ਸਾਦੀਨਵਾ ਦੁਪ੍ਪਰਿਭਾਰਿਯਾ’ਯਂ,

ਪਣੀਤਭਿਕ੍ਖਾ ਪਰਿਯੇਟ੍ਠਿ ਮੂਲ-

ਦੁਕ੍ਖਸ੍ਸ ਨਤ੍ਥਿ’ਤਿ ਪਮਾਣ ਮਨ੍ਤੋ;

੮੨.

ਅਗਾਰਸਞ੍ਞਾਯ ਪਟਿਕ੍ਖਪਿਤ੍ਵਾ

ਤਞ੍ਚ’ਟ੍ਠਦੋਸਾ ਕੁਲਪਣ੍ਣਸਾਲਂ,

ਦਸਙ੍ਗ ਸਾਧਾਰਣ ਰੁਕ੍ਖਮੂਲਂ

ਫਲਾਫਖਲਾਹਾਰ ਮੁਪੇਚ੍ਚ ਭੋਜੀ;

੮੩.

ਸੁਮੇਧਸੋ ਸੋ ਦਿਵਸਾਨਿ ਸਤ੍ਤ

ਮਹਾਪਧਾਨਂ ਪਦਹਂ ਸੁਮੇਧੋ,

ਪਤ੍ਤੋ ਅਭਿਞ੍ਞਾਸੁ ਵਸਿਸੁ ਪਾਰਂ

ਸਬ੍ਬਂਕ ਸਮਾਪਤ੍ਤਿਸੁਖਂ ਅਵਿਨ੍ਦਿ;

੮੪. ¶

ਤਸ੍ਮਿਂਖਣੇ ਕਾਨਨ ਦੇਵਤਾਹਿ

ਸਾਧੂ’ਤਿ ਨਿਗ੍ਘੋਸਿਤਪੀਤਿਘੋਸੋ,

ਅਬ੍ਭੁਗ੍ਗਤੋ ਤਸ੍ਸ ਯਸੇਨ ਸਦ੍ਧਿਂ

ਵਿਸੁਦ੍ਧਵਿਜ੍ਜਾਚਰਣੁ’ਬ੍ਭਵੇਨ;

੮੫.

ਵਿਜ੍ਜਾਧਰਾ ਤਗ੍ਗੁਣਦੀਪਕਾਨਿ

ਮੁਤਿਙ੍ਗਵੀਣਾਧਨਿਬਨ੍ਧਵਾਨਿ,

ਗਾਯਿਂਸੁ ਗੀਤਾਨਿ’ਵ ਨਚ੍ਚਮਾਨੋ

ਹਿਮਾਚਲੋ ਸਮ੍ਪਤਿ ਸਮ੍ਪਵੇਧਿ;

੮੬.

ਮੁਦ੍ਧਙ੍ਕੁਰਂ ਭੁਧਰਕੁਟਬਾਹੁ-

ਸਤੇਹਿ ਤਨ੍ਨਿਜ੍ਝਰ ਚਾਮਰੇਹਿ,

ਵਿਧੂਯਮਾਨੇਹਿ ਵਿਧੂਤਪਾਪਂ

ਕਤੋਪਹਾਰੇਵ ਮਹਾਸਰਾ’ਪੀ;

੮੭. ¶

ਅਕਾਲਮੇਘਦ੍ਧਨਿ ਭੇਰਿਰਾਵ-

ਵ੍ਯਾਪਾਰਿਤਾ ਮਤ੍ਤਸਿਖਣ੍ਡਿਸਣ੍ਡਾ;

ਅਜ੍ਝਾਵਸਨ੍ਤਂ ਵਨਸਣ੍ਡਮਜ੍ਝਂ

ਮਹਿਂਸੁਚਾ’ਖਣ੍ਡਨਤਣ੍ਡਵੇਨ;

੮੮.

ਮਨ੍ਦਾ’ਨਿਲਾ’ਮਨ੍ਦਭੁਜਾ’ਵਲਮ੍ਬ-

ਸੁਨੀਲਸਾਖਾਮਣਿਵਿਜਨੀਹਿ,

ਲਤਙ੍ਗਨਾ’ਲਿਙ੍ਗਿਤਸਾਲਸਾਮੀ

ਸਂਵਿਜਯੁਂ ਵਿਤਦਰਮ੍ਪਿ ਧੀਰਂ;

੯੦. ¶

ਕਪੀਤਨਾ’ਸੋਕ ਤਮਾਲ ਨੀਪਾ

ਕਪੀਤਨਾ’ਸੋਕ ਤਮਾਲ ਨੀਪਾ, (ਸਮਤ੍ਤਪਾਦਭ੍ਯਾਸ ਮਹਾ ਯਮਕਂ)

ਕਪੀਤਨਾ’ਸੋਕ ਤਮਾਲ ਨੀਪਾ

ਕਪੀਤਨਾ’ਸੋਕ ਤਮਾਲ ਨੀਪਾ;

੯੧.

ਨ ਵੇਲਲਿਤਾ ਕਿਂ ਪਸਵਕਾ’ਵਤਂਸਾ

ਲਤਾਵਿਤਾਨਾ ਮਧੁਪਾਲਿਸਾਲੀ,

ਲਤਾਵਿਤਾਨਾ ਮਧੁਪਾ’ਲਿਸਾਲੀ

ਨ ਵੇਲ੍ਲਿਤਾ ਕਿਂ ਪਕਸਵਾ’ਵਤਂਸਾ;(ਸਮੁਗ੍ਗਭੇਦ ਯਮਕਂ)

੯੨. ¶

ਪੁਪ੍ਫਾਵਲੀ ਕਨ੍ਦਲ ਪਾਟਲਗ੍ਗਾ

ਕਲਾਪਿਨੀ ਸਾ ਵਨਰਾਜਿਨੀਲਾ,

ਪੁਪ੍ਫਾਕੁਲੀ ਕਨ੍ਦਨ ਪਾਟਲਕ੍ਖੀ

ਕਲਾਪਨੀਲਾ ਵਰ ਰਾਜਿਨੀਵ; (ਅਦ੍ਧਗੋਮੁਤ੍ਤਿਕਾ ਬਨ੍ਧਨਂ)

੯੩. ¶

ਨਤਾਸਿਰੋ ਮਞ੍ਜਰਿਕਾਸੁਰਮ੍ਹਾ

ਨਤਾਸਿਰੋ ਪਞ੍ਜਲਿਕਾਵ ਰਮ੍ਮੇ,

ਵਨੇ ਨਿਬਦ੍ਧਂ ਰਮਿਤੋ ਵਿਭਾਸਿ

ਵਿਨੇਯ੍ਯ ਬਨ੍ਧੂਰਚੀਤੋ ਪਹਾਰੋ; (ਪਾਦਗੋਮੁਤ੍ਤਿਕਾ ਬਨ੍ਧਨਂ)

੯੪.

ਰਜੋਕਿਰਨ੍ਤਾ’ਵਨਤਾ ਲਤਾਸੁਂ

ਲਾਜੋਕਿਰਨ੍ਤਾ ਵਨਿਤਾ ਨਤਾਵ,

ਦ੍ਵਿਜੋਅਰਞ੍ਞਂ ਵਸਿਤਾ ਪਿਤਾਘੋ

ਗਜੋਤਰਨ੍ਤੋਵ ਲਤਾ ਵਿਤਾਨਂ; (ਸਿਲੋਕਗੋਮੁਤ੍ਤਿਕਾ ਬਨ੍ਧਨਂ ਆਕੁਲਜਾਲਮਿਤਿਪਿ)

੯੫. ¶

ਮਤਙ੍ਗਜਿਨ੍ਦਾ ਨ ਮਸਕ੍ਕਰਿਂਸੁ

ਪਾਦਾਨਿ ਨਤ੍ਵਾਨ ਪਦਿਪਧਾਮਂ,

ਪਞ੍ਞਾਧਵਂ ਪੀਨ ਤਪਂ ਫਲੇਹਿ

ਹਿਮਦ੍ਦਿਪਾਦੇ ਪਰਿਸੁਤ੍ਤਮਞ੍ਹਿ; (ਕਬ੍ਬਨਾਮ ਗਬ੍ਭ ਚਕ੍ਕਂ)

੯੬. ¶

ਮੇਤ੍ਤਾਯ ਛਤ੍ਤਂ’ਵ ਫਣਂ ਫਣਿਨ੍ਦੋ

ਧਾਰੇਸਿ ਸੀਸੇ ਵਸਿਨੋ ਚਚਾਰ,

ਨਥਾਮਵਾ’ਕਾਵ’ਬਲੇਸੁ ਕਿਞ੍ਚਿ

ਮੇਧਾਯ ਨਨ੍ਦੋ ਥਿਰਵਾਚਿ ਖੇਮੇ; (ਕਵਿਨਾਮ ਗਬ੍ਭ ਚਕ੍ਕਂ)

੯੭. ¶

ਨੋ’ਸਿਤੇਹਿ’ਸ੍ਸ ਸਨ੍ਤਾਸ’ਨੂ’ਨ ਤੋਸ ਵਤੋ ਦੋ,

ਦਾਯਤੋ ਵਸਤੋ ਨ’ਨੁਸਨ੍ਤਾਸਸ੍ਸ ਹਿਤੇਸਿਨੋ; (ਗਾਥਦ੍ਧਵਿਸਯ ਪਟਿਲੋਮ ਯਮਕਂ)

੯੮.

ਯੋਕਾ’ਸਾ’ਵਾਸ ਕਾਯੋ ਕਾਮ’ਕਾਮ’ਮਕਾਮ’ਕਾ,

ਸਕਾਯਨਾ’ਨਾਯ’ਕਾਸ ਵਾਮ ਨਾ ਗ ਗਨਾ’ਮਵਾ; (ਸਬ੍ਬਤੋ ਭਦ੍ਦ ਬਨ੍ਧਨਂ)

੯੯. ¶

ਦਯਾਯ ਵਸਿਤੋ ਦਾਯੇ ਯਾਪਜਾਸਿਵ ਮਾਸਦਾ,

ਯਜਾਰਹਂ ਰਞ੍ਜਮਾਨੋ ਵਸਿਹਂਸੋ ਚਿਰਂਵਸਿ; (ਅਦ੍ਧਬ੍ਭਮ ਬਨ੍ਧਨਂ)

੧੦੦.

ਮਧੁਮਦ ਮਧੁਕਰ ਵਿਰੁਤੇ ਵਿਰੁਤੇ

ਮਲਯਜ ਸੁਰਹੀਤ ਪਵਨੇ ਪਵਨੇ

ਹਿਮਵਤਿ ਵਿਕਸਿਤ ਪਦੁਮੇ ਪਦੁਮੇ

ਅਧਿਸੁਖ ਮਨੁਭਵਿ ਸਵਸਿ ਸਵਕਸਿ; (ਪਾਦਨ੍ਤ ਯਮਕਂ)

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਦੂਰੇਨਿਦਾਨੇ ਸੁਮੇਧਬ੍ਰਾਹ੍ਮਣਾਪਦਾਨਪਰਿਦੀਪੋ.

ਪਠਮੋ ਸਗ੍ਗੋ.

੧. ¶

(ਮਨ੍ਦਾ’ਕ੍ਕਨ੍ਤਾ) ਮਰਪੁਰਸਿਰਿਂ ਸਬ੍ਬਸਮ੍ਪਤ੍ਤਿਸਾਰਂ

ਜਮ੍ਬੁਦ੍ਦੀਪਾ’ਸਮ ਸਰਸਿਜੇ ਕਣ੍ਣਿਕਾ ਸਨ੍ਨਿਕਾਸਂ,

ਰਮ੍ਮਂ ਰਮ੍ਮਵ੍ਹਯ ਪੁਰਵਰਂ ਪਾਰਮੀਪਾਰਦਸ੍ਸੀ

ਬੁਦ੍ਧੋ ਦੀਪਙ੍ਕਰ ਦਸਬਲੋ ਸਬ੍ਬਲੋਕੇਕਦੀ; ()

ਤਸ੍ਮਿਂ ਕਾਲੇ ਵਿਪੁਲਕਰੁਣਾ ਨਾਰਿਸਞ੍ਚੋਦਿਤ’ਤ੍ਤੋ

ਨਾਨਾ ਖੀਣਾਸਵ ਪਰਿਵੁਤੋ ਚਾਰਿਕਂ ਸਞ੍ਚਰਨ੍ਤੋ,

ਸਂਵਤ੍ਤੇਨ੍ਤੋ ਸੁਨਿਪੁਣਤਯਂ ਧਮ੍ਮਚਕ੍ਕਂ ਕਮੇਨ

ਪਤ੍ਵਾ ਤਸ੍ਮਿਂ ਪਟਿਵਸਤਿ ਸੋਦਸ੍ਸਨਵ੍ਹੇ ਵਿਹਾਰੇ; ()

੩. ¶

ਸੁਤ੍ਵਾ ਦਿਪਙ੍ਕਰ ਭਗਵਤੋ ਨਾਗਰਾ ਕਿਤ੍ਤਿਸਦ੍ਦਂ

ਸਮ੍ਬੁਦ੍ਧੋ ਸੋ ਇਤਿਪਿ ਅਰਹਂ ਤ੍ਯਾਦਿਨਾ’ਬ੍ਭੁਗ੍ਗਤਂ ਤਂ,

ਗਾਹਾਪੇਤ੍ਵਾ ਤੁਵਟਤੁਵਟਂ ਵਤ੍ਥਭੇਸਜ੍ਜ ਪਾਨਂ

ਤਨ੍ਨਿਤ੍ਤਾ’ਸੁਂ ਪਮੁਦਿਤਮਤਾ ਗਨ੍ਧਮਕਾਲਾਦਿਹਤ੍ਥਾ; ()

੪.

ਪਤ੍ਵਾ ਦੀਪਙ੍ਕਰਤਰਿਹਰਿਂ ਗਨ੍ਧਮਾਲਾਦਿਕੇਹਿ

ਪੂਜੇਤ੍ਵਾਤ’ਞਜਲਿਮੁਕੁਲਿਕਾ ਏਕਮਨ੍ਤਂ ਨਿਸਿਨ੍ਨਾ,

ਧਮ੍ਮਂ ਸੁਤ੍ਵਾ ਸਵਣਸੁਭਗਂ ਬੁਦ੍ਧਪਾਮੋਕ੍ਖਸਙ੍ਘਂ

ਸਂਯਾਚਿਤ੍ਵਾ ਮੁਦਿਤਹਦਯਾ ਸ੍ਵਾਤ੍ਤਯਾ’ਪਗਞ੍ਜੁਂ; ()

੫. ¶

ਸਜ੍ਜੇਤ੍ਵਾ ਤੇ ਦੁਤਿਯਦਿਵਸੇ ਸਜ੍ਜਨਾ ਦਾਨਸਾਲਂ

ਉਸ੍ਸਾਪਤ੍ਤਾ ਧਜਕਦਲਿਯੋ ਪੁਣ੍ਣਕੁਮ੍ਭੇ ਠਪੇਨ੍ਨਾ,

ਕੁਬ੍ਬਨ੍ਤਾ’ਪਿ ਧਵਲਸੁਲ਼ਿਨੁ’ਕ੍ਖੇਪ ਲਾਜੋਪਹਾਰਂ

ਏਵਂ ਤਸ੍ਸਾ’ਗਮਨ ਮਯਨਂ ਲਙ੍ਕਰੋਨ੍ਤਾ ਵਿਹਾਸੁਂ; ()

੬.

ਅਬ੍ਭੁਗ੍ਗਨ੍ਤ੍ਵਾ ਅਥ ਹਿਮਵਤਾ ਸੋ ਸੁਮੇਧੋ ਤਪਸ੍ਸਿ

ਗਚ੍ਛਂ ਤੇਸਂ ਉਪਰਿ ਨਭਸਾ ਵਾਕਚੀਰਂ ਧੁਨਨ੍ਨੋ,

ਦਿਸ੍ਵਾ ਪੀਤਿਪ੍ਪਮੁਦਿਤਜਤੇ ਅਞ੍ਜਸਂ ਸੋਧਯਨ੍ਤੇ

ਸਞ੍ਝਾਮੇਘੋ ਰਿਵ ਪਰਿਲਸਂ ਧਤਰਿਤ੍ਥੇ’ਕਮਨ੍ਤਂ; ()

੭.

ਸਂਸੋਧੇਨ੍ਤਾ ਕਲਲਵਿਸਮਟ੍ਠਾਨ ਸਙ੍ਕਾਰਧਾਨਂ

ਕਸ੍ਮਾ ਤੁਮ੍ਹੇ ਪਟਿਪਥਮਿਮਂ’ਲਙ੍ਕਰੋਥਾ’ਤਿ ਪੁਚ੍ਛਿ,

ਭਨ੍ਤੇ ਦੀਪਙ੍ਕਰਤਰਹਰਿ’ਦਾਨਿ ਨਿਸ੍ਸਾਯ ਰਮ੍ਮਂ

ਬੁਦ੍ਧੋ ਹੁਤ੍ਵਾ ਵਿਹਰਤਿ ਮਹਾਧਮ੍ਮਸਙ੍ਖਂ ਧਮਨ੍ਤੋ; ()

੮. ¶

ਸੋ ਸਮ੍ਬੁਦ੍ਧੋ ਪਰਿਵੁਤਮਹਾਭਿਕ੍ਖੁਸਙ੍ਘੋ ਯਤੋ ਨੋ

ਗਾਮਕ੍ਖੇਤ੍ਤਂ ਪਵਿਸਤਿ ਤਤੋ’ਲਙ੍ਕਰੋਮਾ’ਬ੍ਰੁਵਿਂਸੁ,

ਬੁਦ੍ਧੂਪ੍ਪਾਦੋ ਕਿਮੁਤ ਸੁਤਰਂ ਦੁਲ੍ਲਭੋ ਬੁਦ੍ਧਸਦ੍ਦੋ

ਇਚ੍ਚੇਵਂਸੋ ਸੁਮਰਿਯ ਅਲਙ੍ਕਤ੍ਤੁਕਾਮੋ’ਸਿ ਮਗ੍ਗਂ; ()

੯.

ਝਾਨਾ’ਭਿਞ੍ਞਾ ਰਤਤਕਵਚੁ’ਜ੍ਜੋਤਮਾਨ’ਤ੍ਤਭਾਵੋ

ਸਦ੍ਧਾਯੇ’ਸੋ ਅਚਲਸਦਿਸੋ ਇਦ੍ਧਿਮਾ ਤਾਪਸੋ’ਤਿ,

ਸਲ੍ਲਕ੍ਖੇਤ੍ਵਾ ਕਲਲਵਿਸਮਂ ਦੁਗ੍ਗਮਗ੍ਗਪ੍ਪਦੇਸਂ

ਸਜ੍ਜੇਤੁਂ ਤੇ ਸਪਦਿ ਮੁਦਿਤਾ ਸਾਧਵੋ ਤਸ੍ਸ’ਦਂਸੁ; ()

੧੦. ¶

ਨਾਨਾਪੁਪ੍ਫਂ ਜਲਜਥਲਜਂ ਓਚਿਨਿਤ੍ਵਾ ਵਨਮ੍ਹਾ

ਤੇਤ੍ਵਾ ਦੇਵਾਸੁਰਭਵਨਤੋ ਕੋਵਿਲ਼ਾਰਾਦਿਪੁਪ੍ਫੇ,

ਆਨੇਤ੍ਵਾ’ਹਂ ਭੁਜਗਭਵਤਾ ਫੁਲ੍ਲਕਣ੍ਡੁਪ੍ਪਲਾਨਿ

ਛੇਕੋਸ੍ਮੀ’ਤਿ ਵਿਥਰਿਯ ਪਥਂ ਇਦ੍ਧਿਯਾ ਸਂਵਿਧਾਤੁਂ; ()

੧੧.

ਕਤ੍ਵੇ’ਵਂ ਮੇ ਹਦਯਮਕੁਲ਼ਂ ਤੋਵਿਕਾਸੇਯ੍ਯ ਤਸ੍ਮਾ

ਵੇਯ੍ਯਾਵਚ੍ਚਂ ਵਿਸਦਮਤਿਨੋ ਕਾਯਿਕਂ ਸਂਵਿਧਾਯ,

ਅਜ੍ਜੇਵਾ’ਹਂ ਵਿਪੁਲਕੁਸਲਂ ਸਞ੍ਚਿਨਿਸ੍ਸ’ਨ੍ਤੀ ਧੀਰੋ

ਸਂਸੋਧੇਤੁਂ ਕਲਲਕਲੁਸਂ ਅਞ੍ਜਸਂ ਆਰਭਿਤ੍ਥ; ()

੧੨.

ਪਸ੍ਸਨ੍ਤਾਨਂ ਵਿਮਲਨਯਨੋ’ਭਾਸ ਜਿਮੂਤਗਬ੍ਭੇ

ਬੁਦ੍ਧੋਬੁਦ੍ਧੋ’ਤ੍ਯ’ਭਿਹਿਤਵਚੋ ਵਿਜ੍ਜੁਰਾਜੀਵ ਚਾਰੀ,

ਤਸ੍ਮਿਂ ਪਙ੍ਕੇ ਨਿਜਕਰਤਲ’ਮੇਭਾਜਪਚ੍ਛਿਹਿ ਧੀਮਾ

ਪਂਸੁਂ ਦਤ੍ਵਾ ਰਜਤਧਵਲਂ ਵਾਲੁਕਂ ਵੋਕਿਰਨ੍ਤੋ; ()

੧੩. ¶

ਤਸ੍ਮਿ ਠਾਨੇ ਕਲ੍ਲਲੁਲਿਤੇ ਸੁਟ੍ਠੁ ਨਾ’ਲਙ੍ਕਤੇਵ

ਸਦ੍ਧਿਂ ਦੀਪਙ੍ਕਰ’ਨਧਿਵਰੋ’ਨੇਕਖੀਣਾਸਵੇਹਿ,

ਪਤ੍ਤੋ ਬ੍ਰਹ੍ਮਾ’ਮਰਨਰਫਣਿਸਿਦ੍ਧਵਿਜ੍ਜਾਧਰਾਨਂ

ਸਂਵਤ੍ਤਨ੍ਤੇ ਸੁਵਿਪੁਲਮਹੇ ਪਾਟਿਹੀਰੇ ਉਲ਼ਾਰੇ; ()

੧੪.

ਹੇਮ’ਮ੍ਭੋਜੋ’ਪਮਸੁਵਦਨਂ ਮਣ੍ਡਿਤਂ ਲਕ੍ਖਣ੍ਹੋ-

ਸੀਤ੍ਯਾ’ਨੁਬ੍ਯਞ੍ਜਨਵਿਲਸਿਤਂ ਕੇਤੁਮਾਲਾਵਿਲਾਸਂ,

ਸਤ੍ਥਾਰਂ ਤਂ ਦਿਸਿਦਿਸਿ ਪਭਾਨਿਚ੍ਛਰਨ੍ਤ’ਞ੍ਜਸਮ੍ਭਿ

ਆਗਚ੍ਛਨ੍ਤਂ ਵਿਯ ਮਣਿਤਲੇ ਮਤ੍ਤਮਾਤਙ੍ਗਰਾਜਾ; ()

੧੫. ¶

ਓਲੋਕੇਤ੍ਵਾ ਵਿਮਲਨਯਨਞ੍ਚਨ੍ਦਨਿਲੁਪ੍ਪਲਾਨਿ

ਉਮ੍ਮਿਲੇਤ੍ਵਾ ਰਤਨਫਲਕਂ ਅਕ੍ਕਮਨ੍ਤੋਵ ਪਿਟ੍ਠਿਂ,

ਨਾਨਾਖੀਣਾਸਵਪਰਿਚੁਤੋ ਕਦ੍ਦਮਂ ਨਾ’ਕ੍ਕਮਿਤ੍ਵਾ

ਸਮ੍ਬੁਦ੍ਧੋਯਂ ਵਜਤੁ ਇਤਿ ਮੇ ਦੀਘਰਤ੍ਤਂ ਹਿਤਾਯ; ()

੧੬.

ਸਲ੍ਲਕ੍ਖੇਤ੍ਵਾ ਖਰ’ਜਿਨਜਟਾਵਾਕਚੀਰਾਨਿ ਕੇਸੇ

ਓਮੁਞ੍ਚਿਤ੍ਵਾ ਵਿਸਮਕਲਲੇ ਪਤ੍ਥਰਿਤ੍ਵਾ’ਤ੍ਤਭਾਵਂ,

ਸੇਤੁਂ ਕਤ੍ਵਾ ਪਰਮਪਣਿਧੀ ਕੋਮਿਨੀ ਚੋਦਿਤ’ਤ੍ਤੋ

ਪਞ੍ਚਾ’ਭਿਞ੍ਞਾਰਤਨਮਣਿਮਾ ਸ੍ਵਾ’ਚਕੁਜ੍ਜੋ ਨਿਪਜ੍ਜਿ; ()

੧੭.

ਸੁਤ੍ਵਾ ਗਾਥਾਪਦਮ੍ਪਿ ਨ ਮੇ ਭਾਰਿਯਂ ਸਂਕਿਲੇਸੇ

ਵਿਦ੍ਧਂਸੇਤ੍ਵਾ ਵਰਸਿਵੁਰਂ ਪਤ੍ਤੁਮਿਚ੍ਛੇ ਸਚਾ’ਹਂ,

ਸਂਵਿਜ੍ਜਨ੍ਤੇ ਤਿਭਵਭਵਨੇ ਦੁਕ੍ਖਿਤਾ’ਨਨ੍ਤਸਤ੍ਤੇ

ਸੋ’ਭਂ ਏਕੋ ਕਥਮਧਿਗਮੇ ਧਮ੍ਮ ਮਞ੍ਞਾਤਵੇਸੋ;()

੧੮. ¶

ਯਨ੍ਨੂਨਾ’ਹਂ ਪਰਹਿਤਰਤੋ ਸਮ੍ਮਦਞ੍ਞਾਯ ਬੋਧਿਂ

ਆਰੋਪੇਤ੍ਵਾ ਨਿਖਿਲਜਨਤਂ’ਨੁਤ੍ਤਰਂ ਧਮ੍ਮਨਾਵਂ,

ਉਤ੍ਤਾਰੇਤ੍ਵਾ ਵਰਸਿਵਪੁਰਂ ਵਟ੍ਟਦੁਕ੍ਖੋਦਧਿਮ੍ਹਾ

ਪਚ੍ਛਾ ਦੀਪਙ੍ਕਰਮੁਨਿ ਯਥਾ ਨਿਬ੍ਬੁਤਿਂ ਪਾਪੁਣਿਸ੍ਸਂ; ()

੧੯.

ਇਚ੍ਚੇਵਂ ਸੋ ਪੁਮਰਿਯ ਸਮੋਧਾਨਯਿਤ੍ਵਾ’ਟ੍ਠਧਮ੍ਮੇ

ਸਂਸਾਰਮ੍ਹਾ’ਵਤਰਣਮਹਾਸੇਤੁਰੂਪੋ ਪਜਾਨਂ,

ਮੁਦ੍ਧਾਬਦ੍ਧ’ਞ੍ਜਲਿਪੁਟਜਟੋ ਪਙ੍ਕਪਿਟ੍ਠੇ ਨਿਪਨ੍ਨੋ

ਸਮ੍ਬੋਧਤ੍ਥਂ ਪਣਿਧਿਮਕਰਿ ਤਾਵ ਤਪ੍ਪਾਦਮੂਲੇ; ()

੨੦. ¶

ਉਸ੍ਸਿਸਠੋ ਸਪਦਿ ਭਗਵਾ ਪਞ੍ਚਵਣ੍ਣਪ੍ਪਸਾਦਂ

ਉਮ੍ਮੀਲੇਤ੍ਵਾ ਨਯਨਯੁਗਲਂ ਫੁਲ੍ਲਨੀਲੁਪ੍ਪਲਾਭਂ,

ਦਿਸ੍ਵਾ ਨੀਲੋਪਲਮਣਿਮਯਂ ਵਾਤਪਾਨਞ੍ਚਯਂ’ਵ

ਉਗ੍ਘਾਟੇਨ੍ਤੋ ਇਸਿਵਰਮ੍ਹਾਪਙ੍ਕਜਂ ਪਙ੍ਕਪਿਟ੍ਠੇ; ()

੨੧.

ਏਤਸ੍ਸਿ’ਜਝਿਸ੍ਸਤਿ ਇਤਿ ਅਯਂ ਪਤ੍ਥਨਾ’ਨਾਗਤਂਸ-

ਞਾਣਂ ਸਮ੍ਮਾ ਪਤਿਨਿਯ ਇਤੋ ਕਪ੍ਪਲਕ੍ਖਾਧਿਕਾਨਂ,

ਆਵਜ੍ਜੇਨ੍ਤੋ ਉਪਰਿ ਚਤੁਰਾਸਙ੍ਖਿਯਾਨਨ੍ਤ੍ਯ’ਵੇਦਿ

ਪਤ੍ਵਾ ਬੋਧਿਂ ਅਹਮਿਵ ਸਿਯਾ ਗੋਤਮੋ ਨਾਮ ਬੁਦ੍ਧੋ; ()

੨੨.

ਤੁਮ੍ਹੇ ਸਮ੍ਪਸ੍ਸਥ ਇਤਿ ਇਮਂ ਤਾਪਸਂ ਸਙ੍ਘਮਜ੍ਝੇ

ਵਤ੍ਵੇ’ਵਂ ਸੋ ਪਦਮਸਦਿਸਂ ਧਮ੍ਮਰਾਜਾ ਦਦਨ੍ਤੋ,

ਸਮ੍ਹਿਨ੍ਦਿਤ੍ਥਾ’ਧਰਕਿਸਲਯਾ’ਲਤ੍ਤਕਂ ਨਾਗਤਂਯ-

ਪਞ੍ਞਾਮੁਦ੍ਦਾ’ਙ੍ਕਿਤਪਦਸਤਂ ਵਤ੍ਤਸਨ੍ਦੇਸਗਬ੍ਭਂ; ()

੨੩. ¶

ਵਾਸਟ੍ਠਾਨਂ ਕਪਿਲਨਗਰਂ ਨਾਮ ਮਾਸਾਮਹੇਸਿ

ਮਾਤਾ ਸੁਦ੍ਧੋਦਨਨਰਪਤਿ ਤੇ ਪਿਤਾ’ਦਿਚ੍ਚਵਂਸੇ,

ਬਿਮ੍ਬਾ ਬਿਮ੍ਬਾ ਧਰਵਤਿ ਪਿਯਾ ਹੇਮ ਬਿਮ੍ਬਾ ਭਿਰਾਮਾ

ਤਸ੍ਮਿਂਕਾਲੇ ਤਨੁਜਰਤਨਂ ਰਾਹੁਲੋ ਹੇਸ੍ਸਤੇ ਤੇ; ()

੨੪.

ਹੇਸ੍ਸਨ੍ਤੇ ਤੇ ਪਠਮਦੁਤਿਯਸ੍ਸਾਵਕਾ ਸਾਰਿਪੁਤ੍ਤ-

ਮੋਗ੍ਗਲ੍ਲਾਨਾ ਦ੍ਵਿਜਕੁਲਭਵਾ ਭੁਰਿਪਞ੍ਞਿਦ੍ਧਿਮਨ੍ਤੋ,

ਆਨਨ੍ਦਾਖ੍ਯੋ ਯਤਿ ਪਤਿ ਰੁਪਟ੍ਠਾਯਕੋਸਾਵਿਕਾਨਂ

ਖੇਮਾਥੇਰਿ ਪਰਮ ਯੁਗਲਂ ਉਪ੍ਪਲਬ੍ਬਣ੍ਣਥੇਰਿ; ()

੨੫. ¶

ਅਸ੍ਸਤ੍ਥੋ ਤੇ ਵਿਜਯਵਿਟਪੀ ਤ੍ਵਞ੍ਚ ਖੋ ਗੋਤਮਵ੍ਹੋ

ਛਬ੍ਬਸ੍ਸਾਨੀ ਪਦਹਿਯ ਘਰਾ ਨਿਕ੍ਖਮਿਤ੍ਵਾ ਸਕਮ੍ਹਾ,

ਪਾਯਾਸਗ੍ਗਂ ਪਰਿਵਿਸਿਯ ਭੋ ਤ੍ਵਂ ਸੁਜਾਤਾਯ ਦਿਨ੍ਨਂ

ਬੋਧਿਂ ਬੁਜ੍ਝਿਸ੍ਸਸਿ ਇਤਿ ਧੁਵਂ ਬੋਧਿਮੂਲੇ ਨਿਸਜ੍ਜ; ()

੨੬.

ਸਤ੍ਥਾ ਸਞ੍ਝਾਘਨਪਟਲਤੋ ਮੁਤ੍ਤਵਿਜ੍ਜੁਲ੍ਲਤੇ,ਵ

ਸਨ੍ਦਸ੍ਸੇਤ੍ਵਾ ਨਿਜਭੁਜਲਤਂ ਚੀਵਰਬ੍ਭਨ੍ਤਰਮ੍ਹਾ,

ਪਖ੍ਯਾਕਾਸਿ ਜਲਧਰਰਵਾ’ਕਾਰਗਮ੍ਭੀਰਘੋਯਂ

ਨਿਚ੍ਛਾਰੇਤ੍ਵਾ ਸੁਰਧਨੁਰਿਵੋ’ਭਾਸ ਛਬ੍ਬਣ੍ਣਰਂਸਿ; ()

੨੭.

ਅਮ੍ਹੇ ਦੀਪਙ੍ਕਰਭਗਵਤੋ ਸਾਸਨੇ ਨਾ’ਵਬੁਦ੍ਧਾ

ਲਚ੍ਛਾਮਾ’ਤਿ ਤਵ ਪਰਿਮੁਖੇ’ਵਾ’ਯਤਿਂ ਮੋਕ੍ਖਧਮ੍ਮਂ,

ਤਸ੍ਮਿਂ ਪਤ੍ਤਾ’ਖੀਲ ਸੁਰਨਰਾਪਤ੍ਥਯੁਂ ਤਙ੍ਖਣੇਵਂ

ਪੂਜੇਤ੍ਵਾ’ਤਞ੍ਜਲਿਸਰਸਿਜੇ ਪਾਦਪੀਠਮ੍ਹਿ ਤਸ੍ਸ; ()

੨੮. ¶

ਬੁਦ੍ਧੋ ਬ੍ਰਹ੍ਮਾਮਰਨਰਸਿਰੋ ਚੁਮ੍ਬਿਤਙ੍ਘੀ ਸਰੋਜੋ

ਸਮ੍ਪੂਜੇਤ੍ਵਾ’ਟ੍ਠਹਿ ਜਟਿਲਕਂ ਪੁਪ੍ਫਮੁਟ੍ਠੀਹਿ ਤਮ੍ਹਾ,

ਪਕ੍ਕਾਮਿ ਸੋ ਕਨਕਸਿਖਰੀਹਾਰਿ ਕਿਞ੍ਜਕ੍ਖਭਾਰੇ

ਉਬ੍ਭੂਤ’ਮ੍ਹੋਰੁਹਵਨਸਿਰੇ ਅਪ੍ਪਯਨ੍ਤੋ ਪਦਾਨਿ; ()

੨੯.

ਰਮ੍ਮਂ ਰਮ੍ਮਂ ਮਹੀਯ ਜਟਿਲਂ ਪੁਪ੍ਫਮੁਟ੍ਠੀਹਿ ਕਤ੍ਵਾ

ਖੀਣਾ ਖੀਣਾਸਵਵਸਿਗਣਾ ਦਕ੍ਖਿਣਂ ਪਕ੍ਕਮਿਂਸੁ,

ਦੇਵਾ’ਦੇਵਾ ਪਵੁਰਮਕਰੁਂ ਵਨ੍ਦਨਾਮਾਨਪੂਜਂ

ਦੀਪਂ ਦੀਪਙ੍ਕਰਦਸਬਲਞ੍ਚਾ’ਨੁਗਨ੍ਤ੍ਵਾ ਨਿਵਤ੍ਤਾ; ()

੩੦. ¶

ਤਮ੍ਹਾ ਠਾਨਾ ਗਤਸਤਿ ਜਨੇ ਸਨ੍ਨਿਸਿਨ੍ਨਸ੍ਸ ਤਸ੍ਸ

ਪਲ੍ਲਙ੍ਕੇਨਾ’ਮਰਨਰ ਪਰਿਚ੍ਚਨ੍ਤ ਪੁਪ੍ਫਾਸਨਮ੍ਹਿ,

ਜਾਤਿਕ੍ਖੇਤ੍ਤਾ ਤਹਿਮੁਪਗਤਾ ਦੇਵਤਾ ਏਤਮਤ੍ਥਂ

ਆਰੋਚੇਸੁਂ ਮਹਿਤਵਰਣਾ ਅਞ੍ਜਲਿਮਞ੍ਜਰੀਹਿਂ; ()

੩੧.

ਪੁਬ੍ਬੇ ਪੁਪ੍ਫਾਸਨੁਪਰਿ ਸਮਾਰੂਲ਼੍ਹਬੁਦ੍ਧਙ੍ਕੁਰਾਨਂ

ਅਦ੍ਧਾਨੇ’ਵੇ’ਤਰਹਿ ਭਵਤੋਚਾ’ਸਨਾਰੋਹਣਮ੍ਹਿ,

ਏਕਾਲੋਕਾ ਦਸਹਿ ਗੁਣਿਤਾ ਲੋਕਧਾਤੁ ਸਹਸ੍ਸੀ

ਸਂਵਤ੍ਤਨ੍ਤੇ ਤ੍ਵਮਨਵਰਤਂ ਹੇਸ੍ਸਸੇ ਤੇਨ ਬੁਦ੍ਧੋ; ()

੩੨.

ਤਾਸਂ ਵਾਚਂ ਸਵਣਮਧੁਰਂ ਦੇਵਤਾਨਂ ਨਿਸਮ੍ਮ

ਭਿਯ੍ਯੋ ਚਿਤ੍ਤਪ੍ਪਭਵਵੀਰਿਯੋ ਪੀਤਿਵਿਪ੍ਫਾਰਿਤਤ੍ਤੋ,

ਪੁਬ੍ਬੇ ਸਤ੍ਤੁਤ੍ਤਮਪਰਿਚਿਤਾ ਬੋਧਿਸਮ੍ਭਾਰਧਮ੍ਮਾ

ਆਵਜ੍ਜੇਸਿ ਕਤਿ ਇਤਿ ਸੁਧੀ ਧਮ੍ਮਧਾਤੁਂ ਸਹੇਤੁਂ; ()

੩੩. ¶

ਓਕੁਜ੍ਜਿਤ੍ਵਾ ਧਰਣਿਠਪਿਤੋ ਪੁਣ੍ਣ ਕੁਮ੍ਭੋ ਸੁਮੇਧ

ਵਿਸ੍ਸਨ੍ਦੇਤ੍ਵਾ ਸਲਿਲਮਖਿਲਂ ਕਿਨ੍ਤੁਪਚ੍ਚਾਹਰੇਥ,

ਏਵਂ ਦਤ੍ਵਾ ਧਨਸੁਤਕਲਤ੍ਤ’ਙ੍ਗਪਚ੍ਚਙ੍ਗਜੀਵੇ

ਨਿਬ੍ਬਿਨ੍ਨੋ ਮਾ ਭਵਿ’ਤਿ ਪਠਮਂ ਪਾਰਮਿਂ’ਧਿਟ੍ਠਹਿ ਸੋ; ()

੩੪.

ਨਾ’ਪੇਕ੍ਖਿਤ੍ਵਾ ਯਥਰਿਵ ਨਿਜਂ ਜੀਵਿਤਂ ਜੀਵਿਤਂ’ਵ

ਰਕ੍ਖਨ੍ਤੋ ਸਞ੍ਚਰਤਿ ਚਮਰਿ ਚਾਮਰ ਚਨ੍ਦਿਕਾਭਂ,

ਏਵਂ ਸੀਲਂ ਵਰਸਿਵਪੁਰਦ੍ਵਾਰਮਾਰਕ੍ਖ ਧੀਰ

ਅਜ੍ਝਿਟ੍ਠਾਸਿ ਇਤਿ ਸਦੁਤਿਯਂ ਪਾਰਮਿਂ ਸੁਦ੍ਧਸੀਲੋ; ()

੩੫. ¶

ਸਂਵਿਗ੍ਗੋ ਯੋ ਚਿਰਪਰਿਵਸਂ ਘੋਰਕਾਰਾਘਰਮ੍ਹਿ

ਮੁਤ੍ਤੀਂ ਤਮ੍ਹਾ’ਗਮਯਤਿ ਯਥਾ ਹੋਹਿ ਨੇਕ੍ਖਮ੍ਮਨਿਤ੍ਤੋ

ਨਿਬ੍ਬਿਨ੍ਨੋ ਤ੍ਵਂ ਤਥਰਿਵ ਭਵੇ ਬਨ੍ਧਨਾਗਾਰਰੂਪੇ

ਅਜ੍ਝਿਟ੍ਠਾਸਿ ਤਤਿਯਮ੍ਪਿ ਸੋ ਪਾਰਮਿਨ੍ਤ੍ਯੇ’ਕਚਾਰੀ; ()

੩੬.

ਹੀਨੁਕ੍ਕਟ੍ਠਂ ਕੁਲਮਨੁਘਰਂ ਭਿਕ੍ਖਕੋ ਭਿਕ੍ਖੁ ਭਿਕ੍ਖਂ

ਅਣ੍ਵਾਹਿਣ੍ਡਂ ਲਭਤਿ ਨਚਿਰਂ ਸਂਵਰਟ੍ਠੋ ਯਥੇ’ਵਂ,

ਸਮ੍ਬੋਧਤ੍ਥ ਭਜ ਪਟਿਬਲੇ ਪਣ੍ਡਿਤੇ ਪੁਟ੍ਠਪਞ੍ਹੋ

ਅਜ੍ਝਿਟ੍ਠਾਸਿ ਤ੍ਵਮਿਤਿ ਮਤਿਮਾ ਪਾਰਮਿਂ ਸੋ ਚਤੁਤ੍ਥਿਂ; ()

੩੭.

ਨਿਚ੍ਚੁਸ੍ਸਾਹੋ ਵਿਚਰਤਿ ਯਥਾ ਕੇਸਰੀ ਸੇਰਿਚਾਰੀ

ਏਵਂ ਠਾਨੇ ਗਮਨਸਯਨੇਚਾ’ਸਨੇ ਤ੍ਵਂ ਸੁਮੇਧ,

ਉਸ੍ਸੋਲ਼੍ਹੀ ਤ੍ਯਾਸਿਥਿਲਵੀਰਿਯੋ ਹੋਤਿ ਸਮ੍ਬੋਧਨਤ੍ਥਂ

ਅਜ੍ਝੀਟ੍ਠਾਸਿ ਥਿਰਵੀਰਿਯਵਾ ਪਞ੍ਚਮਿਂ ਪਾਰਮਿਂ ਸੋ; ()

੩੮. ¶

ਇਟ੍ਠਾਨਿਟ੍ਠਂ ਪਥਵਿਰਿਵ ਭੋ ਸਬ੍ਬਮਾਨਾਵਮਾਨਂ

ਨਾਪਜ੍ਜਿਤ੍ਵਾ ਮਨਸਿਵਿਕ੍ਤਿਂ ਤ੍ਵਂ ਸਹਨ੍ਤੋ ਖਮਨ੍ਤੋ,

ਸਮ੍ਬੋਧਤ੍ਥਂ ਪਰਵਧਖਮੋ ਹੋਹਿ’ਤੀ ਖਨ੍ਤਿਵਾਦੀ

ਅਜ੍ਝਿਟ੍ਠਾਸਿ ਪਰਹਿਤਰਤੋ ਛਟ੍ਠਮਿਂ ਪਾਰਮਿਂ ਸੋ; ()

੩੯.

ਵੀਥਿਂ ਨਾਤਿਕ੍ਕਮਤਿ ਨਿਯਮਂ ਓਸਧੀਤਾਰਕਾ’ਯਂ

ਏਵਂ ਸਨ੍ਤੁਤ੍ਤਮ ਪਰਿਚਿਤਂ ਸਚ੍ਚਵਾਚਂ ਸੁਮੇਧ,

ਤ੍ਵਂ ਮਾਵਿਤਿਕ੍ਕਮਿ ਕਰਹਚਿ ਬੋਦ੍ਧੁਕਾਮੋ ਸੁਬੋਧਿਂ

ਅਜ੍ਝਿਟ੍ਠਾਸਿ’ਤ੍ਯ’ਵਿਤਥਕਥਿ ਸਤ੍ਤਮਿਂ ਪਾਰਮਿਂ ਸੋ; ()

੪੦. ¶

ਤਮ੍ਹਾਠਾਨਾ ਬਲਵਪਵਨੇ ਵਾਯਮਾਨੇ’ਪਿ ਥੋਕਂ

ਕਪ੍ਪਟ੍ਠਾਸਿ ਤਚਲਤਿ ਯਥਾ ਪਬ੍ਬਤੋ ਸੁਪ੍ਪਤਟ੍ਠੋ,

ਤ੍ਵਂ ਤਿਟ੍ਠਾਹਿ ਤਥਰਿਵ ਅਧਿਟ੍ਠਾਨਧਮ੍ਮੇਸੁ ਦਲ਼੍ਹਂ

ਅਜ੍ਝਿਟ੍ਠਾਸੀ’ਤ੍ਯਵਲਸਦਿਸੋ ਚ’ਟ੍ਠਮਿਂ ਪਾਰਮਿਂ ਸੋ; ()

੪੧.

ਓਤਿਣ੍ਣੇਸੁ ਉਦਕਰਹਦੋ ਭੋ ਨਿਹੀਨੁਤ੍ਤਮੇਸੁ

ਸੀਤਤ੍ਤਂ ਸਮ੍ਫਰਤਿ ਹਿ ਸਮਂ ਵਾਰਿਨਾ ਭਾਵਯੇਨਿ,

ਮੇਤ੍ਤਾਯੇਵਂ ਤਿਭਵਭਵਨੇ ਸਬ੍ਬਸਤ੍ਤੇਸੁ ਤੁਲ੍ਯਂ

ਅਜ੍ਝਿਟ੍ਠਾਸਿ ਸਮੁਤਿ ਨਵਮਿਂ ਪਾਰਮਿਂ ਮੇਤ੍ਤ ਚਿਤ੍ਤੋ; ()

੪੨.

ਇਟ੍ਠਾਨਿਟ੍ਠੇ ਸਤਿ ਪਟਿਹਤੇ ਵਤ੍ਥੁਜਾਤੇ ਯਥਾਹਿ

ਮਜ੍ਝਤ੍ਤਾ’ਯਂ ਵਸੁਮਤਿਵਧੂ ਹੋਤਿ ਦੁਕ੍ਖੇ ਸੁਖੇਕ ਵਾ,

ਏਵਂ ਭੋ ਤ੍ਵਂ ਭਵ ਸਮਤੁਲਾਸਨ੍ਤਿਭੋ’ਪੇਕ੍ਖ ਕੋ’ਤਿ

ਅਜ੍ਝਿਟ੍ਠਾਸਿ ਸਵਸਿ ਦਸਮਿਂ ਪਾਰਮਿਂ ਭੁਰਿਮੇਧੋ; ()

੪੩. ¶

ਆਲੋਲੇਨ੍ਤੋ ਤਿਦਸਪਮਿਤਂ ਪਾਰਮਿਸਾਗਰਂ ਸੋ

ਸਤ੍ਤਾਧਿਸੋ ਨਿਸਿਤਮਤਿਮਾ ਞਾਣਮਤ੍ਥਾ’ਚਲੇਨ,

ਆਵਜ੍ਜੇਸਿ ਵਸੁਮਤਵਧੁ ਸਾਧੁਕਾਰਂ’ਵ ਦੇਨ੍ਤਿ

ਸਂਕਮ੍ਪਿ ਸਮ੍ਪਤਿ ਸਤਿਮਤੋ ਧਮ੍ਮਤੇਜੇਨ ਤੇਨ; ()

੪੪.

ਭੀਰੂਚ੍ਛਮ੍ਹੀ ਘਣਪਥਵਿਯਾ ਕਮ੍ਪਮਾਤਾਯਿ’ਮਾਯ

ਪਤ੍ਵਾ ਦੀਪਙ੍ਕਰਭਗਵਤੋ ਰਮ੍ਮਵਾਸੀ ਸਮੀਪਂ,

ਸਮ੍ਪੁਚ੍ਛਿਂਸੁ ਵਸੁਮਤਿ ਭੁਸਂ ਕਮ੍ਪਿ ਤਂਕਿਸ੍ਸਹੇਤੁ

ਆਵਜ੍ਜੇਤ੍ਵਾ ਸਮੁਤਿ ਮੁਨਿਨੋ ਤਮ੍ਪਵਤ੍ਤਿਂ ਕਥੇਸਿ; ()

੪੫.

ਨਿਕ੍ਕਙ੍ਖਾ ਤੇ ਪੁਨਪਿ ਨਗਰਾ ਨਾਗਰਾ ਤਂ ਉਪੇਚ੍ਚ

ਸਮ੍ਪੂਜੇਸੁਂ ਚਰਣਯੁਗਲਂ ਗਨ੍ਧਮਾਲਾਦਿਕੇਹਿ,

ਕਤ੍ਵਾ ਤੇਨ’ਞ੍ਜਲਿਸਰਸਿਜੇ ਯੇਨ ਦੀਪਙ੍ਕਰੇ’ਣੋ

ਉਟ੍ਠਾਸਿ ਸੋ ਪੁਰਿਸਤਿਸਹੋ ਸਨ੍ਨੀਸਿਨ੍ਨਾਸਨਮ੍ਹਾ; ()

੪੬. ¶

ਮਾ ਤੇ ਰੋਗੋ ਭਵਿ ਪਟਿਭਯਂ ਮਾ ਭਵਿ ਛਮ੍ਭਿਤਤ੍ਤਂ

ਸਙ੍ਕਪ੍ਪੋ ਤੇ ਪਰਮਪਣਿਧਿ ਸਿਜ੍ਝਤਂ ਖਿਪ੍ਪਮੇਵ,

ਇਤ੍ਥਞ੍ਚਾ’ਸਿਥੁਤਿਪਦਸਤਂ ਜਾਤਿਖੇਤ੍ਤਾ ਗਤਾ ਤਂ

ਪੁਪ੍ਫਾਦੀਹਿ ਮਹੀਯ ਜਟਿਲਂ ਨਿਜ੍ਜਰਾ ਬ੍ਯਾਹਰਿਂਸੁ; ()

੪੭.

ਅਬ੍ਭੁਗ੍ਗਨ੍ਤ੍ਵਾ ਪਵਨਪਦਵਿਂ ਦੇਵਤਾਨਂ ਮਨਾਨਿ

ਬੋਧਾਤ੍ਵੋ ਹਿਮਵਤਿ ਸਕਂ ਅਸ੍ਸਮਂ ਤਾਪਸੋ ਸੋ,

ਪਤ੍ਤੋ ਅਤ੍ਥਾਚਲਮੁਪਗਮੀ ਤਙ੍ਖਣੇ ਰਂਸਿਮਾਲੀ

ਸਙ੍ਕੋਚੇਤ੍ਵਾ ਸਰਸਿਜਵਨਂ ਸਂਹਰਿਤ੍ਵਾ’ਂਸੁਜਾਲਂ; ()

੪੮. ¶

ਰਮ੍ਮਂ ਦੀਪਙ੍ਕਰਭਗਵਤੋ ਰਮ੍ਮਵਤ੍ਯਾ’ਭਿਧਾਨਂ

ਵਾਸਟ੍ਠਾਨਂ ਜਨਕਜਨਨੀ ਦ੍ਵੇ ਸੁਦੇਵਸ੍ਸੁਮੇਧਾ,

ਨਿਚ੍ਚੋਪਟ੍ਠਾਯਕਯਤਿਵਰੋ ਸਾਗਤੋਮਙ੍ਗਲੋਚ

ਤਿਸ੍ਸੋਚਾ’ਸੁਂ ਪਠਮਦੁਤਿਯਸ੍ਸਾਵਕਾ ਥੇਰਨਾਗਾ; ()

੪੯.

ਨਾਨਾਖੀਣਾਸਵਪਰਿਵੁਤੋ ਚਾ’ਸਿ ਨਨ੍ਦਾ ਸੁਨਨ੍ਦਾ

ਤਸ੍ਸਾ’ਹੇਸੁਂ ਪਠਮਦੁਤਿਯਸ੍ਸਾਵਿਕਾ ਅਗ੍ਗਭੂਤਾ,

ਕਾਯੋ’ਸਿਤਿਰਤਨਪਮਿਤੋ ਪਿਪ੍ਫਲਿਨਾਮਬੋਧਿ

ਅਟ੍ਠਾਸਿ ਸੋ ਪਚੁਰਜਨਤਂ ਤਾਰਯਂ ਵਸ੍ਸਲਕ੍ਖਂ; ()

੫੦.

ਸਤ੍ਥਾ ਦੀਪਙ੍ਕਰਵ੍ਹੋ ਸੁਰਨਰਸਰਣੋਦੀਪਦੀਪੋਚਿਰਸ੍ਸਂ

ਦੀਪੇਵੋ ਧਮ੍ਮਦੀਪਂ ਤਿਭੁਵਨਭਵਨੇ ਵੀਤ’ਵਿਜ੍ਜਨ੍ਧਕਾਰਂ

ਅਗ੍ਗਿਕ੍ਖਨ੍ਧੋ’ਵਭਾਸਂ ਵਿਹਰਿਯ ਪਰਿਨਿਬ੍ਬਾਯਿ ਖੀਣਾਸਵਾ’ਪਿ

ਖੀਣਸ੍ਨੇਹਾਪਦੀਪਾਯਥਰਿਵ ਅਰਿਯਾ ਸਾਵਕਾ ਨਿਬ੍ਬੁਤਾ’ਸੁਂ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਤਵਂਸਦੀਪੇ ਦੂਰੇਨਿਦਾਨੇ ਸੁਮੇਧ ਤਾਪਸਸ੍ਸ ਮੂਲਪਣਿਠਾਨਟ੍ਠਪਨਪਵਤ੍ਤਿ ਪਰਿਦੀਪੋ ਦੁਤਿਯੋ ਸਗ੍ਗੋ.

੧. ¶

ਲੋਕਂ (’ਵਸਨ੍ਤਤਿਲਕੋ) ਕੁਮੁਦਾਕਰਂ ਮਾ

ਕੋਣ੍ਡਞ੍ਞਨਾਮਭਗਵਾ’ਥ ਪਬੋਧਯਤ੍ਤੋ,

ਜਾਤੋ ਤਦਾ ਵਰਮਤੀ ਵਿਜਿਤਾਵਿ ਰਾਜਾ

ਸਮ੍ਪਨ੍ਨ ਚਕ੍ਕਰਤਨੋ’ਭਵਿ ਚਕ੍ਕਮਤ੍ਤਿ; ()

੨.

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਉਲ਼ਾਰਦਾਨਂ

ਦਤ੍ਵਾ ਵਿਧਾਯ ਪਣਿਧਿਂ ਵਰਬੋਧਿਯਾ ਸੋ,

ਰਜ੍ਜਂ ਪਹਾਯ ਜਿਨਸਾਸਨਮੋਤਰਿਤ੍ਵਾ

ਝਾਨਾਨ੍ਯ’ਲਤ੍ਥ ਪਟਿਲਙ੍ਵਰਪ੍ਪਦਾਨੋ; ()

੩. ¶

ਤਸ੍ਸਾ’ਸਿ ਰਮ੍ਮਵਤਿਨਾਮ ਪੁਰਂ ਸੁਨਨ੍ਦੋ

ਰਾਜਾ ਅਹੋਸਿ ਜਨਕੋ ਜਨਨੀ ਸੁਜਾਤਾ,

ਭਦ੍ਦਸ੍ਸੁਭਦ੍ਦਸਮਣਾ ਵਰਸਾਵਕਾ’ਸੁਂ

ਤਿਸ੍ਸੋ’ਪਤਿਸ੍ਸ’ਸਮਣਿ ਵਰਸਾਵਿਕਾਯੋ; ()

੪.

ਲਕ੍ਖਾਯੁਕੋ ਵਿਜਯਬੋਧਿ ਵਿਸਾਲਸਾਲ-

ਕਲ੍ਯਾਣਿ ਨਾਮ ਤਦੁਪਟ੍ਠਹਿ ਚਾ’ਨੁਰੁਦ੍ਧੋ,

ਤਸ੍ਸਾ’ਟ੍ਠ ਸੀਤਿਰਤਨਪ੍ਪਮਿਤਂ ਸਰੀਰਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੫.

ਤਸ੍ਸਾ’ਪਰੇਨ ਸਮਯੇਨਿ’ਹ’ਨਙ੍ਗਭਙ੍ਗੋ

ਉਪ੍ਪਜ੍ਜਿ ਮਙ੍ਗਲਜਿਨੋ ਜਨਮਙ੍ਗਲਾਯ,

ਬੁਦ੍ਧਙ੍ਕੁਰੋ’ਤਿਰੁਚਿਰੋ ਸੁਰੁਚੀ ਸਮਞ੍ਞੋ

ਆਸਿ ਤਦਾ’ਵਤਿਸੁਰੋ ਦ੍ਵਿਜਵਂਸਕੇਤੁ; ()

੬. ¶

ਦਤ੍ਵਾ ਸਸਾਵਕਜਿਤਸ੍ਸ ਦਿਨਾਨਿ ਸਤ੍ਤ

ਪਤ੍ਥੇਸਿ ਬੋਧਿਮਸਮਂ ਗਵਪਾਨਦਾਨਂ,

ਪਬ੍ਯਾਕਤੋ ਭਗਵਤਾ ਭਵਨਾ’ਹੀਗਨ੍ਤ੍ਵਾ

ਪਬ੍ਬਜ੍ਜਿਤੋ ਸੁਖਮਵਿਨ੍ਦਿ ਸਮਾਧਿਜਂ ਸੋ; ()

੭.

ਤਸ੍ਸੁ’ਨ੍ਤਰਂ ਪੁਰਵਰਂ ਪਿਤਰੋ’ਤ੍ਤਰ’ਵ੍ਹਾ

ਆਸੁਂ ਸੁਦੇਵਸਮਣੋ ਵਸਿ ਧਮ੍ਮਸੇਨੋ,

ਤਸ੍ਸਾ’ਗ੍ਗਸਾਵਕਯੁਗਂ ਸਕਸਾਵਿਕਾਨਂ

ਭਦ੍ਦਂਯੁਗਂ ਅਭਵਿ ਸਿਵਲਿਚਾ’ਪ੍ਯ’ਸੋਕਾ; ()

੮. ¶

ਤਂ ਪਾਲਿਤੋ ਜਿਨਮੁਪਟ੍ਠਹਿ ਅਟ੍ਠ’ਸੀਤਿ

ਹਤ੍ਥੋ’ਸਿ ਤਸ੍ਸ ਵਜਿਰੂਪਮਰੂਪਕਾਯੋ,

ਬੋਧੀ’ਪਿ ਨਾਗਤਰੁ ਸਾਵਕਸਨ੍ਤਿਪਾਤਾ

ਆਸੁਂ ਤਯੋ ਨਵੁਤਿਵਸ੍ਸਸਹਸ੍ਸਮਾਯੁ; ()

੯.

ਤਸ੍ਸਾ’ਪਰੇਨ ਸੁਮਨੋ ਕਰੁਣਾਨਿਧਾਨੋ

ਨਾਥੋ ਮਨੋਜਮਥਨੋ ਉਦਪਾਦਿ ਲੋਕੇ,

ਬੁਦ੍ਧਙ੍ਕੁਰੋ’ਭਵਿ ਤਦਾ’ਤੁਲਨਾਗਰਾਜਾ

ਤੇਜ’ਗ੍ਗਿਜਾਲਜਲਿਤੋ ਅਤੁਲਿਦ੍ਧਿਮਾ ਸੋ; ()

੧੦.

ਨਾਗੋ’ਪਿ ਨਾਗਭਵਨਮ੍ਹਿ ਸਸਾਵਕਸ੍ਸ

ਬੁਦ੍ਧਸ੍ਸ ਦਿਬ੍ਬਤੁਰਿਯੇਹਿ ਕਤੁਪਹਾਰੋ,

ਦਤ੍ਵਾਨ ਦਾਨਮਤੁਲਂ ਪਣਿਧਿਂ ਅਕਾਸਿ

ਬੁਦ੍ਧੋ ਭਵਿਸ੍ਸਸਿ ਤੁਵਨ੍ਤਿ ਅਹਾਸਿ ਬੁਦ੍ਧੋ; ()

੧੧. ¶

ਖੇਮਵ੍ਹਯਂ ਪੁਰਮਹੂ ਜਨਕੋ ਸੁਦਨ੍ਤੋ

ਰਾਜਾ ਜਨੇਤ੍ਤਿ ਸਿਰਿਮਾ ਨਿਜਸਾਵਕਾਨਂ;

ਅਗ੍ਗਾ ਭਵਿਂਸੁ ਸਰਣੋ ਵਸਿ ਭਾਵਿਤਤ੍ਤੋ

ਸੋਣਾ ਤਦਗ੍ਗਸਮਣਿ’ਸਿ ਤਥੁ’ਪਸੋਣਾ; ()

੧੨.

ਤਸ੍ਸਾ’ਸਿ ਨਾਗਤਰੁ ਬੋਧਿ ਉਦੇਨਤੇਰੋ-

ਪਟ੍ਠਾਯਕੋ ਨਵੁਤਿਵਸ੍ਸਸਹਸ੍ਸਮਾਯੁ,

ਉਬ੍ਬੇਧਤੋ ਨਵੁਤਿਹਤ੍ਥਮਿਤਂ ਸਰੀਰਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੧੩.

ਤਸ੍ਸਾ’ਪਰੇਨ ਉਦਪਾਦਿ’ਹ ਰੇਵਤਾਖ੍ਯੋ

ਦੇਵਾਦਿਵਨ੍ਦਿਤਪਦੋ ਭੁਵਿ ਦੇਵਦੇਵੋ,

ਸਤ੍ਤੁਤ੍ਤਮੋ ਭਵਿ ਤਦਾ ਅਤਿਦੇਵਨਾਮੋ

ਭੋਵਾਦਿਵਂਸਤਿਲਕੋ ਚਤੁਵੇਦਵੇਦੀ; ()

੧੪. ¶

ਬਦ੍ਧਞ੍ਜਲੀ ਸਿਰਸਿ ਧਮ੍ਮਕਥਂ ਨਿਸਮ੍ਮ

ਗਨ੍ਤ੍ਵਾਨ ਤਂ ਸਰਣਮੁਤ੍ਤਰਮੁਤ੍ਤਰਿਯਂ;

ਦਤ੍ਵਾ’ਹਿਪਤ੍ਥਯਿ ਸੁਖੋਧਿਮਥੋ ਮਹੇਸਿ

ਬੁਦ੍ਧੋ ਭਵਿਸ੍ਸਸਿ ਤੁਵਨ੍ਤੀ ਵਿਸਾਕਰਿਤ੍ਥ; ()

੧੫.

ਤਸ੍ਸਾ’ਸਿ ਧਞ੍ਞਵਤਿਨਾਮ ਪੁਰਂ ਜਿਨਸ੍ਸ

ਮਾਤਾ ਮਹੇਸਿ ਵਿਪੁਲਾ ਵਿਪੁਲੋ ਪਿਤਾ’ਸਿ,

ਸਬ੍ਰਹ੍ਮਦੇਵਵਰੁਣੋ ਭਵਿ ਸਙ੍ਘਮਜ੍ਝੇ

ਭਦ੍ਦਾ ਚ ਭਦ੍ਦਯੁਗਲਂ ਦੁਵਿਧਂ ਸੁਭਦ੍ਦਾ; ()

੧੬.

ਤਂ ਸਮ੍ਭਵੋ ਵਸਿ ਉਪਟ੍ਠਹਿ ਨਾਗਬੋਧਿ

ਰੁਕ੍ਖੋਪ੍ਯ’ਸਿਤਿਰਤਨਂ ਭਵਿ ਅਤ੍ਤਭਾਵੋ,

ਆਯੁਪ੍ਪਮਾਣਮ੍ਪਿ ਸਟ੍ਠਿਸਹਸ੍ਸਵਸ੍ਸਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾਤ;

੧੭. ¶

ਤਸ੍ਸਾ’ਪਰਮ੍ਹਿ ਸਮਯੇ ਜਨਪਾਰਿਜਾਤੋ

ਉਪ੍ਪਜ੍ਜਿ ਸੋਭਿਤਜਿਨੋ ਜਿਤਪਞ੍ਚਮਾਰੋ,

ਅਜ੍ਝਾਯਕੋ ਸਕਲਵੇਦ ਮੁਲ਼ਾਰਭੋਗੀ

ਬੁਦ੍ਧਙ੍ਕੁਰੋ ਭਵਿ ਤਦਾ’ਜਿਤਨਾਮਵਪ੍ਪੋ;

੧੮.

ਧਮ੍ਮਂ ਨਿਸਮ੍ਮ ਸਰਣੇਸੁ ਪਤਿਟ੍ਠਹਿਤ੍ਵਾ

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਉਲ਼ਾਰਦਾਨਂ,

ਦਤ੍ਵਾ ਪਧਾਨਪਣਿਧਾਨ ਮਕਾਸਿ ਧੀਰੋ

ਤ੍ਵਂ ਲਚ੍ਛਸਿ’ਤਿ ਵਰਬੋਧਿ ਮਹਾਸਿ ਸਤ੍ਥਾ; ()

੧੯.

ਰਮ੍ਮਂ ਸੁਧਮ੍ਮਮਹੁ ਤਸ੍ਸ ਪੁਰਂ ਸੁਧਮ੍ਮੋ

ਰਾਜਾ ਅਹੋਸਿ ਜਨਕੋ ਜਨਿਕਾ ਸੁਧਮ੍ਮਾ

ਤਸ੍ਸਾ’ਗ੍ਗਸਾਵਕਯੁਗਂ ਅਸਮੋ ਸੁਨੇਤ੍ਤੋ

ਤਸ੍ਸਾਵਿਕਾ’ਗ੍ਗਯੁਗਲਂ ਨਕੁਲਾ ਸੁਜਾਤਾ; ()

੨੦. ¶

ਨਾਗਸ੍ਸ ਨਾਗਤਰੁ ਬੋਧਿ ਸਰੀਰਮਟ੍ਠ-

ਪਣ੍ਣਾਸਹਤ੍ਥਪਮਿਤਂ ਤਮਤੋਮਥੇਰੋ,

ਸੋਪਟ੍ਠਹੀ ਨਵੁਤਿਵਸ੍ਸਸਹਸ੍ਸਮਾਯੁ

ਆਸੁਂ ਤਯੋ ਅਰਿਯ ਸਾਵਕ ਸਨ੍ਨਿਪਾਤਾ; ()

੨੧.

ਉਪ੍ਪਜ੍ਜਿ ਤਸ੍ਸ ਅਪਰੇਨ ਅਨੋਮਦਸ੍ਸਿ

ਬੁਦ੍ਧੋ ਪਬੁਦ੍ਧਕਮਲਾਮਲਨੀਲਨੇਤ੍ਤੋ,

ਬੁਦ੍ਧਙ੍ਕੁਰੋ ਜਿਤਸੁਰਾਰਿ ਤਦਾਨਿ ਯਕ੍ਖ-

ਸੇਨਾਪਤੀ ਭਵਿ ਮਹਿਦ੍ਧਿਮਹਾਨੁਭਾਵੋ; ()

੨੨.

ਸਮ੍ਬੋਧਿ ਮਗ੍ਗਪੁਰਿਸੋ ਪਣਿਧਾਨਯਂ ਸੋ

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਉਲ਼ਾਰਦਾਨਂ,

ਪਾਦਾਸਿ ਤਿਸੁ ਸਰਣੇਸੁ ਪਤਿਟ੍ਠਹਿਤ੍ਵਾ

ਬੁਦ੍ਧੋ ਭਵਿਸ੍ਸਸਿ ਤੁਵਨ੍ਤਿ ਜਿਨੋ’ਬ੍ਰੁਵਿਤਂ; ()

੨੩. ¶

ਠਾਨਞ੍ਹਿ ਚਨ੍ਦਵਤਿਨਾਮ ਯਸੋਧਰਾਖ੍ਯਾ

ਮਾਤਾ ਮਹੇਸਿ ਯਸਵਾ ਜਨਕੋ ਜਨਿਨ੍ਦੋ,

ਤਸ੍ਸ’ਗ੍ਗਸਾਵਕਯੁਗਂ ਨਿਸਭੋ ਅਤੋਮੋ

ਦ੍ਵੇ ਸੁਨ੍ਦਰੀ ਚ ਸੁਮਨਾ ਚਰਸਾਵਿਕਾ’ਸੁਂ; ()

੨੪.

ਬੋਧੀ’ਪਿ ਤਸ੍ਸ ਕਕੁਧੋ ਮੁਨਿਦੇਹਮਟ੍ਠ-

ਪਣ੍ਣਾਸਹਤ੍ਥਪਮਿਤਂ ਵਰੁਣਾਭਿਧਾਨੋ,

ਥੇਰੋ ਉਪਟ੍ਠਹਿ ਚ ਲਕ੍ਖਪਮਾਣਮਾਯੁ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੨੫.

ਤਸ੍ਸਾ’ਪਰੇਨ ਪਦੁਮੋ ਦਿਪਦਾਨਮਿਨ੍ਦੋ

ਜਾਤੋ ਪਬੁਜ੍ਝਿਤਮਨੋਪਦੁਮੋ ਪਜਾਨਂ,

ਧੀਰੋ ਬਭੂਵ ਵਰਵਾਰਣਕੁਮ੍ਭਭੇਦੀ

ਸੀਹੋ ਤਦਾ ਰੁਚਿਰਕੇਸਰਭਾਰਗੀਵੋ; ()

੨੬. ¶

ਬੁਦ੍ਧਂ ਨਿਰੋਧਸੁਖਵੇਦਿਯਨਂ ਵਤਮ੍ਹਿ

ਸਤ੍ਤਾਹਮਕ੍ਖਿਪਦੂਮੇਹਿ ਤਮਚ੍ਚਯਿਤ੍ਵਾ,

ਚਿਤ੍ਤਂ ਪਸਾਦਿਯ ਪੁਨਾ’ਗਤਸਾਵਕੇਸੁ

ਸੀਹੋ ਵਿਭਾਸਿ ਪਟਿਲਦ੍ਧਵਰਪ੍ਪਦਾਨੋ; ()

੨੭.

ਤਸ੍ਸਾ’ਸਿ ਚਮ੍ਪਕਪੁਰਂ ਪਦੁਮਾਭਿਧਾਨੋ

ਰਾਜਾ ਅਹੋਸਿ ਜਨਕੋ ਅਸਮਾ ਜਨੇਤ੍ਤੀ,

ਸਾਲੋਪਸਾਲਯਤਯੋ ਵਰਸਾਵਕਾ’ਸੁਂ

ਰਾਮਾ’ਪਿ ਤਸ੍ਸ ਪਰਮਾਸਮਣਿ ਸੁਰਾਮਾ; ()

੨੮.

ਨਾਮੇਨੁ’ਪਟ੍ਠਹਿ ਵਸਿ ਵਰੁਣੋ ਤਮਟ੍ਠ-

ਪਣ੍ਣਾਸਹਤ੍ਥਮਿਤ ਮਸ੍ਸ ਸਰੀਰਮਾ’ਸਿ,

ਬੋਧਿ’ਪਿ ਸੋਣਤਰੁ ਲਕ੍ਖਪਮਾਣਮਾਯੁ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੨੯. ¶

ਤਸ੍ਸਾ’ਪਰੇਨ ਵਰਦੋ ਮੁਨਿ ਨਾਰਦਵ੍ਹੋ

ਪਾਪਨ੍ਧਕਾਰਨਿਕਰਂ ਭੀਦੁਰੋ’ਦਪਾਦਿ,

ਬੁਦ੍ਧਙ੍ਕੁਰੋ ਭਵਿ ਤਦਾ’ਖਿਲਝਾਤਭਿਞ੍ਞਾ-

ਲਾਭੀ ਪਵਤ੍ਤਫਲਭੋਜਿ ਤਪੋਧਨੀਸੋ; ()

੩੦.

ਕਤ੍ਵਾਨੁ’ਲ਼ਾਰਪਣਿਧਾਨ ਮੁਲ਼ਾਰਵਿਰੋ

ਦਤ੍ਵਾ ਸਸਾਵਕਜਿਨਸ੍ਸ ਉਲ਼ਾਰਦਾਨਂ,

ਪੂਜੇਸਿ ਤਂ ਸੁਰਭਿਨਾ ਹਰਿਚਨ੍ਦਨੇਨ

ਸਤ੍ਥਾਪਿ ਸਮ੍ਪਤਿ ਵਿਯਾਕਰਣਂ ਅਦਾਸਿ; ()

੩੧.

ਤਸ੍ਸਾ’ਸਿ ਧਞ੍ਞਵਤਿਨਾਮ ਪੁਰਂ ਸੁਮੇਧੋ

ਰਾਜਾ ਅਹੋਸਿ ਜਨਕੋ ਜਨਨੀ ਅਨੋਮਾ,

ਦ੍ਵੇ ਭਦ੍ਦਸਾਲਜਿਤਮਿਤ੍ਤਵਸਿ ਵਸਿਨ-

ਮਗ੍ਗੋ’ਨ੍ਤਰਾ ਸਮਣਿ ਫਗ੍ਗੁਣਿ ਭਿਕ੍ਖੁਨੀਤਂ; ()

੩੨. ¶

ਵਾਸੇਟ੍ਠਭਿਕ੍ਖੁ ਤਦੁਪਟ੍ਠਹਿ ਰੂਪਕਾਯੋ

ਤਸ੍ਸਾ’ਟ੍ਠਸਿਤਿਰਤਨਂ ਮਹਸੋਣਸਾਖੀ,

ਬੋਧਿਦ੍ਦੁਮੋ ਨਵੁਤਿਵਸ੍ਸਸਹਸ੍ਸਮਾਯੁ

ਆਸੁਂ ਤਯੋ ਅਰਿਯਸਾਵਕਸਨ੍ਤਿਪਾਤਾ; ()

੩੩.

ਤਸ੍ਸਾ’ਪਰੇਨ ਪਦੁਮੁਤ੍ਤਰ ਧਮ੍ਮਰਾਜਾ

ਜਾਤੋ ਤਿਲੋਕਪਦੁਮੋ ਪਦੁਮਪ੍ਪਿਤਙ੍ਘੀ,

ਅਡ੍ਢੋ ਉਲ਼ਾਰਵਿਭਵੋ ਮਹਰਟ੍ਠਿਯੋ ਸੋ

ਬੁਦ੍ਧਙ੍ਕੁਰੋ ਭਵਿ ਤਦਾ ਜਟਿਲਾਭਿਧਾਨੋ;()

੩੪.

ਸਮ੍ਬੋਧਿਯਾ’ਧਿਗਮ ਪਚ੍ਚਯਪਤ੍ਥਨਂ ਸੋ

ਵਿਰੋਵਿਧਾਯ ਪਦੁਮੁਤ੍ਤਰਪਾਦਮੂਲੇ,

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਤਿਚਿਵਰਾਨਿ

ਪਾਦਾਸਿ ਤੀਸੁਰਤਨੇਸੁ ਅਭਿਪ੍ਪਸਨ੍ਨੋ; ()

੩੫. ¶

ਤਸ੍ਸਾ’ਸਿ ਹਂਸਵਤਿਨਾਮ ਪੁਰਂ ਜਿਨਸ੍ਸ

ਆਨਨ੍ਦਭੁਪਤਿ ਪਿਤਾ ਜਨਿਕਾ ਸੁਜਾਤਾ,

ਦ੍ਵੇ ਤਸ੍ਸ ਦੇਵਲਸੁਜਾਤਵਸਿ ਵਸਿਨਂ

ਅਗ੍ਗਾ ਭਵਿਂਸੁ ਸਮਣਿਸ੍ਵਾਮਿਤਾਸਮਾ’ਗ੍ਗਾ; ()

੩੬.

ਲਕ੍ਖਾਯੁਕੋ ਸਜਯਬੋਧਿਕ ਵਿਸਾਲਸਾਲ

ਰੁਕ੍ਖੋ ਉਪਟ੍ਠਹਿ ਮੁਨਿਂ ਸੁਮਨਾਭਿਧਾਨੋ,

ਤਸ੍ਸ’ਟ੍ਠ’ਸਿਤਿਰਤਨਪ੍ਪਮਿਤਂ ਸਰੀਰਂ

ਆਸੁਂ ਤਯੋ ਭਗਵਤੋ ਗਣਸਨ੍ਨਿਪਾਤਾ; ()

੩੭.

ਤਸ੍ਸਾ’ਪਰੇਨ ਸਮਯੇਨ ਸੁਮੇਧਨਾਮੋ

ਲੋਕਮ੍ਹਿ ਪਾਤੁਭਵਿ ਲੋਕਹਿਤਾਯ ਸਤ੍ਥਾ,

ਬੁਦ੍ਧਙ੍ਕੁਰੋ ਕਿਰ ਤਦਾਨ੍ਯੁ’ਭਤੋ ਸੁਜਾਤੋ

ਸ੍ਵਾ’ਸਿਤਿਕੋਟਿਵਿਭਵੋ’ਤ੍ਤਰ ਮਾਣਵੋ’ਸਿ; ()

੩੮. ¶

ਵਿਸ੍ਸਜ੍ਜਿਯਾਨ ਵਿਭਵਂ ਤਿਂਸਤਿਕੋਟਿਂ

ਦਤ੍ਵਾਨ ਦਾਨਮਸ੍ਮਂ ਸੁਗਤੇ ਸਸਙ੍ਘੇ,

ਪਬ੍ਬਜ੍ਜਿਤੋ ਪਰਮਬੋਧਿ ਮਪਤ੍ਥਯਿਤ੍ਥ

ਬ੍ਯਾਕਾਸਿ ਸੋਮੁਨਿ ਤ’ਮਿਜ੍ਝਨਭਾਵ’ਮਦ੍ਧਾ; ()

੩੯.

ਰਮ੍ਮਂ ਸੁਦਸ੍ਸਨਮਹੂ ਨਗਰਂ ਸੁਦਨ੍ਤੋ

ਤਸ੍ਸਾ’ਸਿ ਭੂਪਤਿ ਪਿਤਾ ਜਨਨੀ ਸੁਦਤ੍ਤਾ,

ਸਙ੍ਘੇਸੁ’ਹੋਸੁ ਸਰਣੋ ਵਸਿ ਸਬ੍ਬਕਾਮੋ

ਰਾਮਾ ਯਮਾਨਿ ਪਰਮਾਨ੍ਯ’ਭਵੁਂਕ ਸੁਰਾਮਾ; ()

੪੦. ¶

ਬੋਧੀ’ਪਿ ਨੀਪਤਰੁ ਸਾਗਰਨਾਮਥੇਰੋ

’ਪਟ੍ਠਾਸਿ ਤਂ ਨਵੁਤਿਵਸ੍ਸਸਹਸ੍ਸਮਾਯੁ,

ਤਸ੍ਸਾ’ਢਸਿਤਿਰਤਨੁ’ਗ੍ਗਤਮਾਸਿ ਗਤ੍ਤਂ

ਆਸੁਂ ਤਯੋ ਸਤਿਮਤੋ ਗਣਸਨ੍ਤਿਪਾਤਾ; ()

੪੧.

ਤਸ੍ਸਾ’ਪਰੇਨ ਸਮਯੇਨ ਜਨਪ੍ਪਦੀਪੋ

ਜਾਤੋ ਸੁਜਾਤਭਗਵਾ ਜਿਤਪਞ੍ਚਮਾਰੋ,

ਸਮ੍ਪਨ੍ਨਸਤ੍ਤਰਤਤੋ ਵਰਚਕ੍ਕਵਤ੍ਤਿ

ਰਾਜਾ ਬਭੂਵਿ’ਹ ਮਹਾਪੁਰਿਸੋ ਤਦਾਸੋ; ()

੪੨.

ਧਮ੍ਮਾ’ਮਤੇਨ ਮੁਦਿਤੋ ਰਤਨਦ੍ਵਯਸ੍ਸ

ਦਤ੍ਵਾ ਸਸਤ੍ਤਰਤਨਂ ਚਤੁਦੀਪਰਜ੍ਜਂ,

ਪਬ੍ਬਜ੍ਜਿ ਬੋਧਿਪਣਿਧਿਂ ਪਣਿਧਾਯ ਧੀਮਾ

ਞਤ੍ਵਾ ਮਹਾਮੁਨਿ ਤਮਿਜ੍ਝਨਭਾਵਮਾਹ;

੪੩. ¶

ਰਮ੍ਮਂ ਸੁਮਙ੍ਗਲਮਹੂ ਪੁਰਮੁਗ੍ਗਤਾਖ੍ਯੋ

ਰਾਜਾ ਪਿਤਾਭਵਿ ਪਭਾਵਤਿਨਾਮ ਮਾਤਾ,

ਅਗ੍ਗਾਭਵਿਂਸੁ ਚ ਸੁਦਸ੍ਸਨਦੇਵਥੇਰਾ

ਨਾਗਾ ਗਣਸ੍ਸਦਸਿ ਨਾਗਸਮਾਲਥੇਰਿ; ()

੪੪.

ਤਂ ਨਾਰਦੋਮੁਨਿਰੁ’ਪਟ੍ਠਹਿ ਚ’ਤ੍ਤਭਾਵੋ

ਪਣ੍ਣਾਸਹਤ੍ਥਪਮਿਤੋ ਭਵਿਵੇਣੁਬੋਧਿ,

ਤਸ੍ਸਾ’ਭਵੀ ਨਵੁਤਿਵਸ੍ਸਸਹਸ੍ਸਮਾਯੁ

ਆਸੁਂ ਤਯੋ ਧੀਤਿਮਤੋ ਗਣਸਨ੍ਨਿਪਾਤਾ; ()

੪੫.

ਤਸ੍ਸਾ’ਪਰੇਨਿ’ਹ ਨਿਰੂਪਮਰੂਪਸਾਰੋ

ਜਾਤੋਬਭੂਵ ਪਿਯਦਸ੍ਸਿਸਮਨ੍ਤਦਸ੍ਸਿ,

ਧੀਰੋ ਤਦਨ੍ਯ’ਭਵਿ ਕਸ੍ਸਪਮਾਣਵੋ ਸੋ

ਵੇਦੇਸੁ ਤੀਸੁ ਕੁਸਲੋ ਕੁਸਲਂ ਗਵੇਸਿ; ()

੪੬. ¶

ਸੋ ਕੋਟਿਲਕ੍ਖਪਰਿਮਾਣਧਤਬ੍ਬਯੇਨ

ਸਙ੍ਗਸ੍ਸ ਬੁਦ੍ਧਪਮੁਖਸ੍ਸ ਮਹਾਵਿਹਾਰਂ,

ਕਤ੍ਵਾ ਪਦਾਸਿ ਅਭਿਪਤ੍ਥਿਤਬੁਦ੍ਧਭਾਵੋ

ਬੁਦ੍ਧੋ’ਪਿ ਤਪ੍ਪਣਿਧਿਸਿਦ੍ਧਿ ਸਿਯਾ’ਤ੍ਯ’ਭਾਸਿ; ()

੪੭.

ਚਨ੍ਦਾਮਹੇਸਿ ਜਨਨੀ ਜਨਕੋ ਪੁਦਿਨ੍ਨੋ

ਰਾਜਾ ਬਭੂਵ ਪੁਰਮਸ੍ਸ ਅਨੋਮਨਾਮਂ,

ਆਸੁਂ ਤਦਗ੍ਗਯੁਗਲਾਨਿ ਸੁਜਾਤਧਮ੍ਮ-

ਦਿਨ੍ਨਾ ਗਣਸ੍ਸਦਸਿ ਪਕਾਲਿਤਸਬ੍ਬਦਸ੍ਸਿ; ()

੪੮.

ਤਂ ਸੋਤਵ੍ਹਸਮਣੋ ਸਮੁਪਟ੍ਠਹਿਤ੍ਥ

ਬੋਧੀ ਪਿਯਙ੍ਗੁ ਭਗਵਾ’ਸਿ ਅਸਿਤਿਹਤ੍ਥੋ,

ਅਟ੍ਠਾਸਿਕ ਸੋ ਨਵੁਤਿਵਸ੍ਸਸਹਸ੍ਸਮ’ਸ੍ਸ

ਆਸੁਂ ਤਯੋ ਮਤਿਮਤੋ ਗਣਸਨ੍ਨਿਪਾਤਾ; ()

੪੯. ¶

ਤਸ੍ਸਾ’ਪਰੇਨ ਸਮਯੇਨੁ’ਦਪਾਦਿ ਲੋਕੇ

ਲੋਕਤ੍ਥਸਾਧਨਰਤੋ ਮੁਨਿਰ’ਤ੍ਥਦਸ੍ਸੀ,

ਸਤ੍ਤੁਨ੍ਤਮੋ’ਪਿ ਨਿਰਤਿਕ੍ਕਮਧਮ੍ਮਸਿਮੋ

ਤੇਜਿਦ੍ਧਿਮਾ ਇਸਿ ਤਦਾ’ਸਿ ਸੁਸਿਮਨਾਮੋ; ()

੫੦.

ਆਨੀਯ ਦਿਬ੍ਬਭਵਨਾ ਕੁਸੁਮਾਨਿ ਤਸ੍ਸ

ਮਨ੍ਦਾਰਵਾਨਿ ਸੁਪਤਿਟ੍ਠਿਤਪਾਦਪੀਠੇ,

ਸਮ੍ਪੂਜਿਯਾਨ ਪਣਿਧਾਨਮਕਾਸਿ ਸਤ੍ਥਾ

ਤ੍ਵਂ ਮਾਦਿਸੋ’ਬ੍ਰੁਵਿ ਭਵਿਸ੍ਸਸਿ ਚਾ’ਯਤਿਨ੍ਤਿ; ()

੫੧.

ਤਸ੍ਸਾ’ਸਿ ਸੋਭਿਤਪੁਰਂ ਭਵਿਸਾਗਰਵ੍ਹੋ

ਰਾਜਾ ਪਿਤਾ ਜਨਤਿਦੇਵਿ ਸੁਦਸ੍ਸਨਾਖ੍ਯਾ,

ਸਨ੍ਤੋਪਸਨ੍ਤਸਮਣਾ ਵਰਸਾਵਕਾ’ਸੁਂ

ਧਮ੍ਮਾ ਤਦਗ੍ਗਸਮਣਿਪ੍ਯ’ਭਵੁਂ ਸੁਧਮ੍ਮਾ; ()

੫੨. ¶

ਤਞ੍ਚਾ’ਭਯੋ ਮੁਨਿਰੂਪਟ੍ਠਹਿ ਸੋਪ੍ਯ’ਸੀਤਿ-

ਹਤ੍ਥੁਗ੍ਗਤੋ ਸਤਸਹਸ੍ਸਪਮਾਣਮਾਯੁ,

ਚਮ੍ਪੇਯ੍ਯਸਾਖਿ ਭਵਿ ਬੋਧਿ ਸੁਬੋਧਿਹੇਤੁ

ਆਸੁਂ ਤਯੋ ਅਰਿਯਸਵਕਸਨ੍ਨਿਤਾ; ()

੫੩.

ਤਸ੍ਸਾ’ਪਰੇਨ ਉਦਪਾਦਿ’ਹ ਧਮ੍ਮਦਸ੍ਸੀ

ਨਿਸ੍ਸੀਮਧੀ’ਨਧਿਵਰੋ ਭਵਪਾਰਦਸ੍ਸਿ,

ਸੋ ਤਾਵਤਿਂਸਭਵਤਮ੍ਹਿ ਮਹਾਨੁਭਾਵੋ

ਬੁਦ੍ਧਙ੍ਕੁਰੋ ਭਵਿ ਤਦਾ ਕਿਰ ਦੇਵਰਾਜਾ;()

੫੪.

ਦਿਬ੍ਬਾਨਿ ਗਨ੍ਧਕੁਸੁਮਾਨਿ ਕਥਾਗਤਸ੍ਸ

ਚਕ੍ਕਙ੍ਕਿਤੋਰੁਚਰਣਮ੍ਬੁਰੁਹਾਸਨਮ੍ਹਿ,

ਪੂਜੇਸਿ ਦਿਬ੍ਬਤੁਰਿਯੇਹਿ ਚ ਬੁਦ੍ਧਭਾਵਂ

ਸੋ ਪਤ੍ਥਯਂ ਮੁਨਿਤਮਿਜ੍ਝ ਨਭਾਵਮਾਹ; ()

੫੫. ¶

ਠਾਨਿਯਮਾਸਿ ਸਰਣਂ ਸੁਗਤਸ੍ਸ ਤਸ੍ਸ

ਰਾਜਾ ਪਿਤਾ’ਸਿ ਸਰਣੋ ਜਨਨਿ ਸੁਨਨ੍ਦਾ,

ਅਗ੍ਗਾਭਵਿਂਸੁ ਪਦੁਮੋਵਸਿ ਫੁਸ੍ਸਦੇਵੋ

ਖੇਮਾ ਚ ਭਿਕ੍ਖੁਸਮਣਿਸ੍ਵ’ਪਿ ਸਬ੍ਬਨਾਮਾ; ()

੫੬.

ਥੇਰੋ ਸੁਨੇਤ੍ਤਵਿਸੁਤੋ ਤਦੁਪਟ੍ਠਹਿ ਸੋ

ਲਕ੍ਖਾਯੁਕੋ’ਸਿ ਜਯਬੋਧਿ ਞ੍ਚ ਬਿਮ੍ਬਿਜਾਲੋ,

ਤਸ੍ਸਾ’ਪ੍ਯ’ਸਿਤਿਰਤਨਪ੍ਪਮਿਤਂ ਸਰੀਰਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੫੭.

ਤਸ੍ਸਾ’ਪਰੇਨ ਸਮਯੇਨਿ’ਗ ਸਿਦ੍ਧਬੋਧਿ

ਸਿਦ੍ਧਤ੍ਥਨਾਮਵਿਦਿਤੋ ਉਦਪਾਦਿ ਸਤ੍ਥਾ,

ਬੁਦ੍ਧਙ੍ਕੁਰੋ ਭਵਿ ਤਦਾ’ਖੀਲਙਝਾਨਲਾਭੀ

ਭੋਜਿ ਪਵਤ੍ਤਿਤਫਲਂ ਵਸਿ ਮਙ੍ਗਲਾਖ੍ਯੋ; ()

੫੮. ¶

ਸਮ੍ਪਨ੍ਨਗਨ੍ਧਰਸਿਕਂ ਪਰਿਪਕ੍ਕਮੇਕਂ

ਆਨੀਯ ਸੋ ਵਿਪਕੁਲਜਮ੍ਬੁਭਲਂ ਵਨਮ੍ਹਾ,

ਪਾਦਾਸਿ ਤਸ੍ਸ ਪਣਿਧੀਕਤਬੁਦ੍ਧਭਾਵੋ

ਤਞ੍ਚਾਨੁਭੁਯ ਭਗਵਾਪਿ ਵਿਯਾਕਰਿਤ੍ਥ; ()

੫੯.

ਵੇਹਾਰਮਾਸਿ ਨਗਰਂ ਜਯਸੇਨਨਾਮੋ

ਰਾਜਾ ਅਹੋਸਿ ਜਨਕੋ ਜਨਨੀ ਸੁਫਸ੍ਸਾ

ਭਿਕ੍ਖੂਸੁ ਤਸ੍ਸ ਵਸਿ ਸਮ੍ਬਹੁਲੋ ਸੁਮਿਤ੍ਤੋ

ਦ੍ਵੇ ਸੀਵਲਿ ਞ੍ਚ ਸਮਣੀਸੁ ਵਰਾ ਸੁਰਾਮਾ; ()

੬੦.

ਤਂ ਰੇਵਤੋਮੁਨਿ ਮੁਨਿਨ੍ਦਮੁਟ੍ਠਹਿਤ੍ਥ

ਬੋਧੀ’ਪਿ ਤਸ੍ਸ ਕਣਿਕਾਰਮਭੀਰੁਹੋ’ਸਿ,

ਲਕ੍ਖਾਯੁਕੋ ਸ’ਨਰਸਾਰਥਿ ਸਟ੍ਠਿਹਤ੍ਥੋ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੬੧. ¶

ਤਸ੍ਸਾ’ਪਰੇਨਿ’ਹ ਸਮੁਬ੍ਭਵਿ ਨਿਸ੍ਸਨਾਮੋ

ਸਤ੍ਥਾ ਪਸਤ੍ਥਚਰਣੋ ਚਤੁਰੋ’ਘਤਿਣ੍ਣੋ,

ਬੁਦ੍ਧਙ੍ਕੁਰੋ ਭਵਿ ਤਦਾਨਿ ਸੁਜਾਤਰਾਜਾ

ਰਾਜਞ੍ਞਮੋਲ਼ਿਮਣਿਲਙ੍ਕਤਪਾਦਪੀਠੋ; ()

੬੨.

ਹਿਤ੍ਵਾ ਸ’ਰਜ੍ਜਮਿਸਿਵੇਯਧਰੋ ਸੁਧੀਰੋ

ਦਿਬ੍ਬੇਹਿ’ਨੇਕਕੁਸੁਮੇਹਿ ਜਿਨਂ ਵਜਨ੍ਤਂ,

ਪੂਜੇਸਿ ਮੁਦ੍ਧਨਿ ਤਮਾਪਵਿਤਾਨਸੋਭਂ

ਸਤ੍ਥਾ’ਪਿ ਤਪ੍ਪਣਿਧਿਸਿਦ੍ਧਿ ਸਿਯਾ’ਤ੍ਯ’ਭਾਸਿ; ()

੬੩.

ਖੇਮਂ ਪੁਰਞ੍ਹਿ ਜਨਕੋ ਜਨਸਨ੍ਧਨਾਮੋ

ਰਾਜਾ ਜਨੇਤ੍ਤਿ ਪਦੁਮਾ ਨਿਜਸਙ੍ਘਮਜ੍ਝੇ,

ਦ੍ਵੇ ਬ੍ਰਹ੍ਮਦੇਵੁਦਯ ਵਿਸ੍ਸੁਤਥੇਰਨਾਗਾ

ਫੁਸ੍ਸਾ ਚ ਅਗ੍ਗਯੁਗਲਾਨ੍ਯ’ਭਵੁਂ ਸੁਦਤ੍ਤਾ; ()

੬੪. ¶

ਤਂ ਸਮ੍ਭਵੋਵਸਿ ਵਸਿਨ੍ਦਮੁਪਟ੍ਠਹਿਤ੍ਥ

ਤਸ੍ਸਾ’ਸਨਵ੍ਹਤਰੁ ਬੋਧਿ ਸ’ਸਟ੍ਠਿਤਤ੍ਥੋ,

ਅਟ੍ਠਾਸਿ ਵਸ੍ਸਗਣਨਾਯ ਮਹੇਸਿ ਲਕ੍ਖਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੬੫.

ਤਸ੍ਸਾ’ਪਰੇਨ ਭਵਸਾਗਰਪਾਦਸ੍ਸਿ

ਫੁਸ੍ਸੋ ਮਹਾਮੁਨਿਰਿ’ਹਕਬ੍ਭੁਦਪਾਦਿ ਲੋਕੇ,

ਧੀਰੋ ਤਦਾਨਿ ਵਿਜਿਤਾਵਿ ਜਿਤਾਰਿਵਗ੍ਗੋ

ਰਾਜਾ ਬਭੂਵ ਸੁਰਰਾਜਨਿਭੋ’ਰੁਤੇਜੋ; ()

੬੬.

ਸਮ੍ਬੋਧਿ ਮਗ੍ਗਪੁਰਿਸੋ ਪਣੀਧਾਯ ਫੀਤਂ

ਰਜ੍ਜਂ ਵਿਵਜ੍ਜਿਯ ਸ’ਪਬ੍ਬਜਿਤੋ ਜਨਸ੍ਸ,

ਅਞ੍ਞਾਯ ਤੀਣਿਪਿਟਕਾਨਿ ਕਥੇਸਿ ਧਮ੍ਮਂ

ਵ੍ਯਾਕਾਸਿ ਫੁਸ੍ਸਭਗਵਾ’ਪਿ’ਵ ਪੁਬ੍ਬਬੁਦ੍ਧਾ; ()

੬੭. ¶

ਤਸ੍ਸਾ’ਸਿ ਕਾਸਿਨਗਰਂ ਜਯਸੇਨਨਾਮੋ

ਰਾਜਾ ਪਿਤਾ’ਸਿ ਜਨਤਿ ਸਿਰਿਮਾ ਮਹੇਸਿ,

ਸਙ੍ਘੇਸੁ’ਭੋਸੁ’ਪਿ ਸੁਰਕ੍ਖਿਤਧਮ੍ਮਸੇਤਾ

ਚਾਲਾ ਤਦਗ੍ਗਯੁਗਲਾਨਿ ਤਥੂ’ਪਞ੍ਚਾਲਾ; ()

੬੮.

ਬੋਧਿਦ੍ਦੁਮਾ’ਮਲਕਸਾਖਿ ਸਰੀਰਮਟ੍ਠ-

ਪਣ੍ਣਾਸਹਤ੍ਥਪਮਿਤਂ ਸਭਿਯਾਭਿਧਾਨੋ,

ਸੋਪਟ੍ਠਹੀ ਨਵੁਤਿਵਸ੍ਸਸਹਸ੍ਸਮਾਯੁ

ਆਸੁਂ ਤਯੋ ਭਕਵਤੋ ਗਣਸਨ੍ਨਿਪਾਤਾ; ()

੬੯.

ਤਸ੍ਸਾ’ਪਰੇਨ ਸਨਰਾਮਰਸਤ੍ਤਸਾਰੋ

ਸਤ੍ਥਾ ਵਿਪਸ੍ਸਿ’ਹ ਸਮੁਬ੍ਭਵਿ ਸਬ੍ਬਦਸ੍ਸੀ,

ਕਮ੍ਮੇਨ ਕੇਨਚਿ ਮਹਿਦ੍ਧਿਮਹਾਨੁਭਾਵੋ

ਬੁਦ੍ਧਙ੍ਕੁਰੋ’ਭਵਿ ਤਦਾ’ਤੁਲਨਾਗਰਾਜਾ; ()

੭੦. ¶

ਅਙ੍ਗੀਰਸਸ੍ਸ ਘਨਕਞ੍ਚਨਹਦ੍ਦਪੀਠਂ

ਪਾਦਾਸਿ ਤਸ੍ਸ ਖਵਿਤਂ ਰਤਨੇਹਿ ਨਾਨਾ,

ਸੋ ਬੁਦ੍ਧਭਾਵਮਹਿਪਤ੍ਥਿਯ ਬੋਧਿਸਤ੍ਤੋ

ਵ੍ਯਾਕਾਸਿ ਤਤ੍ਥਸੁਨਿਸਜ੍ਜ ਜਿਨੋ ਵਿਪਸ੍ਸਿ; ()

੭੧.

ਤਸ੍ਸਾ’ਸਿ ਬਨ੍ਧੁਮਤਿਨਾਮਪੁਰਂ ਤਦੇਵ-

ਨਾਮੋ ਪਿਤਾ ਜਨਨਿ ਬਨ੍ਧੁਮਤੀ ਮਹੇਸਿ,

ਦ੍ਵੇ ਖਣ੍ਡਤਿਸ੍ਸਵਸਿਨੋ ਵਰਸਾਵਕਾ’ਸੁਂ

ਚਨ੍ਦਾ ਚ ਭਦ੍ਦਯੁਗਲਂ ਭਵਿ ਚਨ੍ਦਮਿਤ੍ਤਾ; ()

੭੨.

ਦੇਹਂ ਅਸਿਤਿਰਤਤਂ ਤਮਸੋਕਥੇਰੋ-

ਪਟ੍ਠਾਸਿ ਬੋਧਿਵਿਟਪੀ ਭਵਿ ਕਣ੍ਹਵਣ੍ਟਾ,

ਵਾਸਂਅਕਾ ਮੁਨਿਰ’ਸੀਤਿਸਹਸ੍ਸਵਸ੍ਸਂ

ਆਸੁਂ ਤਯੋ ਅਰਿਯਸਾਵਕਸਨ੍ਨਿਪਾਤਾ; ()

੭੩. ¶

ਤਸ੍ਸਾ’ਪਰੇਨ ਅਧਿਸੀਲਸਮਾਧਿਪਞ੍ਞੋ

ਸਤ੍ਥਾ ਸਮੁਬ੍ਭਵੀ ਸਿਖੀ ਜਨਕਪ੍ਪਸਾਖੀ,

ਧੀਰੋ ਤਦਾ’ਭਵਿ ਅਰਿਨ੍ਦਮਨਾਮਰਾਜਾ

ਸਦ੍ਧੋ ਪਹੂਤਰਤਤੋ ਰਤਨਤ੍ਤਯਮ੍ਹਿ; ()

੭੪.

ਭਿਕ੍ਖਞ੍ਚ ਸਤ੍ਤਰਤਨਾਭਰਣਾਭਿਰਾਮਂ

ਞਤ੍ਵਾਨ ਹਤ੍ਥਿਰਤਨਂ ਸੁਗਤੇ ਸਸਙ੍ਘੇ,

ਸੋ ਬੁਦ੍ਧਭਾਵਮਹਿਪਤ੍ਥਯਿ ਸਤ੍ਤਸਾਰੋ

ਵ੍ਯਾਕਾਸਿ ਲਚ੍ਛਸਿ ਸੁਖੋਧਿਪਦਨ੍ਤਿ ਸਤ੍ਥਾ; ()

੭੫.

ਬੁਦ੍ਧਸ੍ਸ ਚਾਰਿਣਵਤੀ ਨਗਰਂ ਅਹੋਸਿ

ਮਾਤਾ ਪਭਾਵਤਿ ਪਿਤਾ ਅਰੁਣਵ੍ਹ ਰਾਜਾ,

ਸਙ੍ਘੇਸੁ’ਭੋਸੁ ਅਭਿਭੁਵਸਿ ਸਮ੍ਭਵੋ ਚ

ਅਗ੍ਗਾਭਵਿਂਸੁ ਮਖਿਲਾਪਦੁਮਾਭਿਧਾਨਾ; ()

੭੬. ¶

ਖੇਮਙ੍ਕਰੋ ਜਿਨਮੁਪਟ੍ਠਹਿ ਸਤ੍ਤਤਿਂਸ-

ਹਤ੍ਥੁਚ੍ਛਿਤੋ ਵਿਜਯਬੋਧਿ ਚ ਪੁਣ੍ਡਰਿਕੋ,

ਸੋ ਸਤ੍ਤਤਿਂਸਤਿਸਹਸ੍ਸ ਮਿਤਾਯੁਕੋ’ਸਿ

ਆਸੁਂ ਤਯੋ ਤਦਿਯਸਾਵਕਸਨ੍ਨਿਪਾਤਾ; ()

੭੭.

ਤਸ੍ਸਾ’ਪਰੇਨਿ’ਹ ਸਮੁਬ੍ਭਵਿ ਕੇਤੁਮਾਲਾ-

ਬ੍ਯਾਮਪ੍ਪਭਾਪਰਿਲਸਂ ਮੁਨਿਵੇਸ੍ਸਭੂ’ਤਿ,

ਬੁਦ੍ਧਙ੍ਕੁਰੋ ਕਿਰ ਤਦਾਨਿ ਸੁਦਸ੍ਸਨਵ੍ਹ-

ਰਾਜਾ ਬਭੂਵ ਪਰਰਾਜਗਜਿਨ੍ਦਸੀਹੋ; ()

੭੮.

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਸਚੀਵਰਂ ਸੋ

ਦਤ੍ਵਾਨ ਦਾਨਮਤੁਲਂ ਜਿਨਸਾਸਨਮ੍ਹਿ,

ਸਬ੍ਬਞ੍ਞੁਬੋਧਿਮਭਿਪਤ੍ਥਿਯ ਪਬ੍ਬਜਿਤ੍ਥ

ਬੁਦ੍ਧੋ ਭਵਿਸ੍ਸਸਿ ਧੁਵਨ੍ਤਿ ਤਮਾਹਸਤ੍ਥਾ; ()

੭੯. ¶

ਤਸ੍ਸਾ’ਪ੍ਯ’ਨੋਪਮਪੁਰਂ ਭਵਿ ਸੁਪ੍ਪਤੀਤੋ

ਰਾਜਾ ਪਿਤਾ ਯਸਵਤੀ ਜਨਿਕਾ ਮਹੇਸੀ,

ਸੋਣੁਤ੍ਤਰਾ ਚ ਨਿਜਸਾਵਕਸਾਵਿਕਾਨਂ

ਦਾਮਾ ਮਤਿਦ੍ਧਿਪਰਮਾ ਪਰਮਾ ਸਮਾਲਾ; ()

੮੦.

ਬੋਧੀ’ਪਿ ਤਸ੍ਸ ਭਵਿ ਸਾਲਮਹੀਰੂਹੋ’ਪ-

ਸਮ੍ਪਨ੍ਨਭਿਕ੍ਖੁ ਤਦੁਪਟ੍ਠਹਿ ਸਟ੍ਠਿਹਤ੍ਥੋ,

ਸਤ੍ਥਾ ਵਿਹਾਸਿ ਸਮਸਟ੍ਠਿਸਹਸ੍ਸਵਸ੍ਸਂ

ਆਸੁਂ ਤਯੋ ਤਦਿਯਸਾਵਕਸਤ੍ਤਿਪਾਤਾ; ()

੮੧.

ਤਸ੍ਸਾ’ਪਰੇਨਿ’ਕਹ ਸਮੁਬ੍ਭਵਿ ਸਚ੍ਚਸਨ੍ਦੋ

ਵੇਨੇਯ੍ਯਬਨ੍ਧੁ ਭਗਵਾ ਕਕੁਸਨ੍ਧਨਾਮੋ,

ਬੁਦ੍ਧਙ੍ਕੁਰੋ ਭੁਵਿ ਤਦਾ’ਭਵਿ ਖੇਮਰਾਜਾ

ਦਾਨਪ੍ਪਬਨ੍ਧਜਲਸੇਕਸੁਧੋਤਹਤ੍ਥੋ; ()

੮੨. ¶

ਸੋ ਪਤ੍ਤਚੀਵਰਪਭੂਤਿਕਮਨ੍ਨਪਾਨਂ

ਦਤ੍ਵਾ ਸਸਾਵਕਜਿਨਸ੍ਸ ਘਰਾ’ਭਿਗਨ੍ਤ੍ਵਾ,

ਪਬ੍ਬਜ੍ਜਿ ਬੋਧਿਪਣਿਧਿਂ ਪਣਿਧਾਯ ਰਾਜਾ

ਸਤ੍ਥਾਸਯਾ’ਤ੍ਯ’ਵਚ ਤਪ੍ਪਣਿਧਾਨਸਿਦ੍ਧਿ; ()

੮੩.

ਖੇਮਵਹਯਂ ਨਗਰਮਸ੍ਸ ਪਿਤਾ’ਗ੍ਗਿਦਤ੍ਤੋ

ਵਿਪ੍ਪੋ ਵਿਭਾਵਿ ਅਭਵਿ ਜਨਿਕਾ ਵਿਸਾਖਾ,

ਸਞ੍ਜਿਵਥੇਰਦੁਤਿਯੋ ਵਿਧੁਰੋ ਚ ਥੇਰੋ

ਸਾਮਾ ਤਦਗ੍ਗਯੁਗਲਂ ਭਵਿ ਚਮ੍ਪਕਾਖ੍ਯਾ; ()

੮੪. ¶

ਤਂ ਬੁਦ੍ਧਿਜੋ ਜਿਨਮੁਪਟ੍ਠਹਿ ਤਸ੍ਸ ਗਤ੍ਤਂ

ਤਾਲ਼ਿਸਹਤ੍ਥਮਿਤਮਾਸਿ ਸਿਰਿਸਬੋਧਿ,

ਤਾਲ਼ਿਸਹਾਯਨਸਹਸ੍ਸਪਮਾਣਮਾਯੁ

ਏਕੋ’ਵ ਤਸ੍ਸ ਭਵਿ ਸਾਵਕਸਨ੍ਨਿਪਾਤੋ; ()

੮੫.

ਤਸ੍ਸਾ’ਪਰਮ੍ਹਿ ਸਮਯੇ ਕਰੁਣਾਨਿਧਾਨੋ

ਲੋਕਾਭਿਭੂ ਕਨਕਭੁਧਰਹਾਰਿਰੂਪੋ,

ਉਪ੍ਪਜ੍ਜਿ ਕੋਣਗਮਨੋਮੁਨਿ ਪਬ੍ਬਤਾਖ੍ਯੋ

ਭੁਮਿਸ੍ਸਰੋ ਭਵਿ ਮਹਾਪੁਰਿਸੋ ਤਦਾਨਿ; ()

੮੬.

ਸਙ੍ਘਸ੍ਸ ਬੁਦ੍ਧਪਮੁਖਸ੍ਸ ਉਲ਼ਾਰਦਾਨਂ

ਦਤ੍ਵਾ ਮਹਗ੍ਘਵਰਚਿਵਰਸਾਟਕੇ ਚ,

ਸੋ ਪਕਬ੍ਬਜਿਤ੍ਥ ਅਭਿਪਤ੍ਥਿਤ ਬੁਦ੍ਧਭਾਵੋ

ਬੁਦ੍ਧੋ ਭਵਿਸ੍ਸਸਿ ਤੁਵਨ੍ਤਿ ਤਮਾਹਸਤ੍ਥਾ; ()

੮੭. ¶

ਨਾਮੇਨ ਸੋਭਵਤਿ ਤਮ੍ਪੁਰਮੁਤ੍ਤਰਾਖ੍ਯਾ

ਮਾਤਾ ਪਿਤਾ’ਵਨਿਸੁਰੋ ਭਵਿ ਯਞ੍ਞਦਤ੍ਤੋ,

ਹੀਯੋਸੋਤ੍ਤਰਵਸੀ ਸਮਣਿ ਸਮੁਦ੍ਦਾ

ਤਸ੍ਸੋ’ਤ੍ਤਰਾ ਚ ਪਰਮਾ ਪਰਿਸਾਸੁ’ਭੋਸੁ; ()

੮੮.

ਤਂ ਸੋਤ੍ਥਿਜੋ ਜਿਨਮੁਪਟ੍ਠਹਿ ਤਿਂਸਹਤ੍ਥੋ

ਅਙ੍ਗੀਰਸੋ ਭਵਿ ਉਦੁਮ੍ਬਰਸਾਖਿ ਬੋਧਿ,

ਸੋ ਤਿਂਸਹਾਯਨਸਹਸ੍ਸਮਿਤਾਯੁਕੋ’ਸਿ

ਏਕੋ’ਵ ਤਸ੍ਸ ਭਵਿ ਸਾਵਕਸਨ੍ਤਿਪਾਤੋ; ()

੮੯.

ਤਸ੍ਸਾ’ਪਰੇਨਿ’ਹ ਮਹਾਮੁਨਿ ਕਸ੍ਸਪਾਖ੍ਯੋ

ਲੋਕਮ੍ਹਿ ਪਾਤੁਭਵਿ ਖਗ੍ਗਵਿਸਾਣਕਪ੍ਪੋ,

ਬੁਦ੍ਧਙ੍ਕੁਰੋ ਭੁਵਿ ਤਦਾ’ਭਵਿ ਜੋਤਿਪਾਲੋ

ਵੇਦੇਸੁ ਤੀਸੁ ਸਕਲਾਸੁ ਕਲਾਸੁ ਛੇਕੋ; ()

੯੦. ¶

ਕਲ੍ਯਾਣਮਿਤ੍ਤਦੁਤਿਯੋ ਸੁਗਤਂ ਉਪੇਚ੍ਚ

ਸੁਤ੍ਵਾਨ ਧਮ੍ਮਮਥਸਾਸਨ ਮੋਤਰਿਤ੍ਵਾ,

ਸਬ੍ਬਞ੍ਞੁਭਾਵਮ੍ਹਿਪਤ੍ਥਯਿ ਮਾਣਵੋ ਸੋ

ਵ੍ਯਾਕਾਸਿ ਕਸ੍ਸਪਮੁਨੀ’ਪਿ ਮੁਨੀ’ਚ ਪੁਬ੍ਬਾ; ()

੯੧.

ਬਾਰਾਣਸਿ ਨਗਰਮਾਸਿ ਪਿਤਾ ਚ ਮਾਤਾ

ਦ੍ਵੇ ਬ੍ਰਹ੍ਮਦਤ੍ਤਧਨਵਤ੍ਯ’ਭਿਧਾਨਵਨ੍ਤੋ,

ਭਿਕ੍ਖੁਸੁ ਤਸ੍ਸ ਸਮਣਿਸ੍ਵ’ਪਿ ਤਿਸ੍ਸਭਾਰ-

ਦ੍ਵਾਜਾ ਚ ਭਦ੍ਦਯੁਗਲਾਤ੍ਯ’ਨੁਲੋਰੁਵੇਲਾ; ()

੯੨.

ਤਂ ਸਬ੍ਬਮਿਤ੍ਤਸਮਣੋ ਸਮੁਪਟ੍ਠਹਿਤ੍ਥ

ਨਿਗ੍ਰੋਧਸਾਖੀ ਜਯਬੋਧਿ ਸ’ਵੀਸਹਤ੍ਥੋ,

ਤਸ੍ਸਾ’ਸਿ ਵਿਸਤਿਸਹਸ੍ਸ ਪਮਾਣਮਾਯੁ

ਏਕੋ’ਵ’ਹੂ ਅਰਿਯਸਾਵਕਸਨ੍ਨੀਪਾਤੋ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਤਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦ ਦਾਨਨਿਦਾਨੇ ਜਿਨਵਂਸਦੀਪੇ ਦੂਰੇਨਿਦਾਨੇ ਬੋਧਿਸਤ੍ਤਸ੍ਸ ਸੇਸਪਣਿਧਾਤਟ੍ਠਪਨ ਪਵਤ੍ਤਿ ਪਰਿਦੀਪੋ ਤਤਿਯੋ ਸਗ੍ਗੋ.

੧. ¶

ਦੀਪਙ੍ਕਰਾਦਿਚਤੁਵੀਸਤਿ ਬੁਦ੍ਧਪਾਦ-

ਮੂਲੇਸੁ ਲਙਪਣਿਧਾਨ ਮਹਾਨਿਧਾਨੋ,

ਲਕ੍ਖਾਧਿਕਂ ਚਤੁਰਸਙ੍ਖਿਯਕਪ੍ਪਸਙ੍ਖਂ

ਪੁਞ੍ਞਾਭਿਸਨ੍ਦਮਭਿਸਙ੍ਖਰਿ ਬੋਧਿਸਤ੍ਤੋ; ()

੨.

ਏਤ੍ਥਨ੍ਤਰੇ ਵਿਵਿਧਬਾਹਿਰਵਤ੍ਥੁਜਾਤਂ

ਸਿਸ’ਕ੍ਖਿਮਂਸਰੁਧਿਰਾਨਿ ਚ ਪੁਤ੍ਤਦਾਰੇ,

ਸੋ ਜਿਵਿਤਮ੍ਪਿ ਕਪਣਡਿਕਯਾਚਕਾਨਂ

ਵੀਰੋ ਪਰਿਚ੍ਚਜਿ ਪਜਾਯ ਹਿਤਤ੍ਥਮੇਵ; ()

੩. ¶

ਦਾਨਾਧਿਮੁਤ੍ਤਿਪਰਿਯੇਸਨ ਵਿਪ੍ਪਵੇਸੋ

ਪਤ੍ਵਾ ਤਪੋਵਨਮਕਿਤ੍ਤਿ ਤਪੋਧਨਸ੍ਸ,

ਤਿਹਂ ਅਲਤ੍ਥ ਸਕਟਾਹਮਲੋਣਡਾਕਂ

ਯਸ੍ਸਾ’ਭਿਭੂਤਜਠਰਸ੍ਸ ਜਿਘਚ੍ਛਿਤਤ੍ਤਾ; () (ਅਕਿਤ੍ਤਿਚਰਿਯਂ)

੪.

ਕਨ੍ਤਾਰਮਗ੍ਗ ਪਟਿਪਨ੍ਨ ਮਨਾਤਪਤ੍ਤਂ

ਪਚ੍ਚੇਕ ਬੁਦ੍ਧਮਹਿਪਸ੍ਸਿਯ ਸਙਕ੍ਖਵਿਪ੍ਪੋ,

ਫੁਟ੍ਠਂ ਸਕਿਚ੍ਚਪਸੁਤੋ ਸੂਰਿਯਾਤਪੇਨ

ਯੋ ਛਤ੍ਤੁਪਾਹਣਮਦਾਸਿ ਸੁਧੋਤਪਾਣਿ; () (ਸਙ੍ਖਚਰਿਯਂ)

੫.

ਦੁਬ੍ਭਿਕ੍ਖਪੀਲ਼ਨਭਯੇਨ ਕਲਿਙ੍ਗਰਟ੍ਠਾ

ਸਂਯਾਚਤਂ ਯਦੁਪਗਮ੍ਮ ਧਨਞ੍ਜਯਵ੍ਹੋ,

ਸੋਣ੍ਡਾਯ ਗਯ੍ਹ ਨਿਜਮਞ੍ਜਨ ਨਾਗਰਾਜਂ

ਯੋ ਦਕ੍ਖਿਣੋਦਕ ਨਿਸੇਕਮਕਾਸਿ ਰਾਜਾ; () (ਕੁਰੁਧਮ੍ਮਚਰਿਯਂ)

੬. ¶

ਹੁਤ੍ਵਾਨ ਯੋ ਮਹਸੁਦਸ੍ਸਨ ਚਕ੍ਕਵਤ੍ਤੀ

ਰਾਜਾ ਕੁਸਾਵਤਿਪੁਰਮ੍ਹਿ ਦਿਵਾ ਚ ਰਤ੍ਤੋ,

ਵਤ੍ਥਤ੍ਤਪਾਨਮੁਪਤੇਸਿ ਚਰਾਪਯਿਤ੍ਵਾ

ਭੇਰਿਂਕ ਅਸੇਸਕਪਣ੍ਡਿਕਯਾਚਕਾਨਂ; () (ਮਹਾਸੁਦਸ੍ਸਨਚਰਿਯਂ)

੭.

ਯੋ ਸਤ੍ਤਭੁਮਿਭੁਜਸਾਸਿ ਪੁਰੋਹਿਤੋ’ਪਿ

ਰਾਜੂਹਿ ਲਦ੍ਧਮਖਿਲਂ ਧਨਧਞ੍ਞਰਾਸਿਂ,

ਸਮ੍ਪਤ੍ਤਯਾਚਕਜਨਸ੍ਸ ਪਰਿਚ੍ਛਜਿਤ੍ਵਾ

ਪੁਞ੍ਞਪ੍ਪਬਨ੍ਧਮਭਿਸਞ੍ਚਿਨਿ ਬੋਧਿਹੇਤੁ; () (ਮਹਾਗੋਵਿਨ੍ਦਚਰਿਯਂ)

੮.

ਧਮ੍ਮਾਨੁਸਾਸਿ ਨਿਮਿਨਾਮ ਮਹੀਭੁਜੋ’ਪਿ

ਸਾਲਂ ਵਿਧਾਯ ਮਿਥਿਲਾਯ ਚਤੁਮ੍ਮੁਖਂ ਯੋ,

ਅਚ੍ਛਿਨ੍ਨਮਤ੍ਥਿਜਨਪਕ੍ਖਿਚਤੁਪ੍ਪਦਾਨਂ

ਦਾਨਂ ਪਵਤ੍ਤਯੀ ਪੁਰਾ ਦਦਤਂ ਵਰਿਟ੍ਠੋ; () (ਨਿਮਿਰਾਜਚਰਿਯਂ)

੯. ¶

ਯੋ ਏਕਰਾਜਸੁਤਚਨ੍ਦਕੁਮਾਰਭੂਤੋ

ਮੁਦ੍ਧਾਭਿਸੇਕ ਕਰਣਾਯ ਜਨੇਹਿ ਗਚ੍ਛਂ,

ਸਂਵੇਜਿਤੋ ਸਵਿਭਵੇ ਤਿਭਵੇ’ਪਿ ਯਞ੍ਞਾ-

ਵਾਟਂ ਵਿਧਾਯ’ਭਿਪਵਤ੍ਤਯਿ ਦਾਨਵਟ੍ਟਂ; () (ਚਨ੍ਦਕੁਮਾਰਚਰਿਯਂ)

੧੦.

ਯੋ ਵਤ੍ਥੁਸਾਰਗਹਣੇਨ ਅਤਿਤ੍ਤਰੂਪੋ

ਭੁਮਿਸ੍ਸਰੋ’ਪਿ ਸਿਵਿਨਾਮ ਸੁਰਾਧਿਪਸ੍ਸ,

ਜਚ੍ਚਨ੍ਧਵੇਸਗਹਿਤਸ੍ਸ ਵਿਲੋਚਨਾਨਿ

ਉਪ੍ਪਾਟਯਿਤ੍ਵ ਪਦਦਂ ਲਭਿ ਦਿਬ੍ਬਚਕ੍ਖੂ; () (ਸਿਵਿਰਾਜਚਰਿਯਂ;)

੧੧.

ਦਾਨਾਧਿਮੁਤ੍ਤਿਪਰਮੋ ਸਸਪਣ੍ਡਿਤੋ ਯੋ

ਮਿਤ੍ਤੇਨੁ ਸਾਸਿਯ ਅਧਿਟ੍ਠਿਤੁਪੋਸਥਙ੍ਗੋ,

ਅਙ੍ਗਾਰਮੁਦ੍ਧਨਿ ਪਪਾਤ ਸਜੀਵਿਤਾਸਂ

ਹਿਤ੍ਵਾ ਦ੍ਵਿਜਸ੍ਸ ਤਨੁਮਂਸਪਦਾਤੁਕਾਮੋ; () (ਸਸਪਣ੍ਡਿਤਚਰਿਯਂ; ਇਤਿਦਾਨਪਾਰਮੀਂ)

੧੨. ¶

ਯੋ ਮਾਤੁਪੋਸਕਕਰਿ ਭਿਸਮੁਦ੍ਧਰਤ੍ਤੋ

ਅਨ੍ਧਾਯ ਹਤ੍ਥਿਦਮਕੇਨ ਕਰੇਣੁਕਾਯ,

ਸੋਣ੍ਡਾਯ ਸੁਟ੍ਠੁਗਹਿਤੋ’ਪ੍ਯ’ਵਿਕਣ੍ਡਿਤਸ੍ਸ

ਸੀਲਸ੍ਸ ਖਣ੍ਡਨਭਯਾ ਨਜਨੇਸਿ ਕੋਪਂ; () (ਮਾਤੁਪੋਸਕਚਰਿਯਂ)

੧੩.

ਯੋ ਭੁਰਿਦਤ੍ਤਭੁਜਗੋ’ਪਰਿਵਮ੍ਮਿਕਟ੍ਠੋ,

ਸੀਲਬ੍ਬਤਂ ਵਿਸਧਰੋ ਸਮਧਿਟ੍ਠਹਿਤ੍ਵਾ,

ਪੇਲ਼ਾਯ ਖਿਤ੍ਤਭੁਜਗੇ ਅਹਿਗੁਣ੍ਠਿਕਮ੍ਹਿ

ਸੀਲਸ੍ਸ ਕੁਪ੍ਪਨਭਯੇਨ ਜਹਾਸਿ ਕੋਪਂ; () (ਭੁਰਿਦਤ੍ਤਚਰਿਯਂ;)

੧੪.

ਸੀਲਬ੍ਬਤਾਦਿਵਿਭਵੋ ਜਲਿਤਿਦ੍ਧਿਮਾ ਯੋ

ਚਮ੍ਪੇਯ੍ਯਨਾਮਭੁਜਗੋ ਅਹਿਗੁਣ੍ਠਿਕਮ੍ਹਿ,

ਇਚ੍ਛਾਨੁਰੂਪਵਿਚਰੋ ਚਮਰੀ’ਵ ਵਾਲਂ

ਸੀਲਂ ਜੁਗੋਪ ਨਪਿ ਤਬ੍ਬਧਕੇ ਚੁਕੋਪ; () (ਚਮ੍ਪੇਯ੍ਯਚਰਿਯਂ;)

੧੫. ¶

ਯੋ ਚੂਲਬੋਧਿਵਿਸੁਤੋ ਸਮਦਿਟ੍ਠਹਤ੍ਵਾ

ਸੀਲਬ੍ਬਤਂ ਵਨਮੁਪੇਚ੍ਚ ਵਸਂ ਪਿਯਾਯ,

ਤਾਯਂ ਪਸਯ੍ਹ ਗਹਿਤਾਯ’ਪਿ ਕਾਸਿਰਞ੍ਞਾ

ਸੀਲਬ੍ਬਿਸੋਧਨਪਰੋ ਪਜਹਿਤ੍ਥ ਰੋਸਂ; () (ਚੂਲਬੋਧਿਚਰਿਯਂ)

੧੬.

ਯੋ ਭਿਂਸਰੂਪਿ ਮਹਿਸੋ’ਪਿ ਵਲਿਮੁਖਸ੍ਸ

ਆਗੁਂ ਤਿਤਿਕ੍ਖਮਖੀਲਂ ਪਰਿਸੁਦ੍ਧਸਿਲੋ,

ਰੁਕ੍ਖਟ੍ਠਯਕ੍ਖਵਚਨਾਨਿ ਪਟਿਕ੍ਖਿਪਿਤ੍ਵਾ

ਤਂ ਸੀਲਭਙ੍ਗਭਯਤੋ ਭਯਤੋ ਮੁਮੋਚ; ()

੧੭.

ਯੋ ਵੁਯ੍ਹਮਾਨਮਪਨੀਯ ਨਦੀਪਵਾਹਾ

ਮਿਤ੍ਤਦ੍ਦੁਹਿਂ ਪੁਤਸਜੀਵਿਤਦਾਨਹੇਤੁ,

ਰਞ੍ਞਾ ਮੁਮੋਚ ਵਧਿਯਂ ਅਵਿਕੋਪਨੇਨ

ਸੀਲਸ੍ਸ ਰੂਰੁਹਰਿਣੋ’ਪਿ ਹਰਿਸ੍ਸਵਣ੍ਣੋ, () (ਰੂਰੁਮਿਗਰਾਜਚਰਿਯਂ;)

੧੮. ¶

ਯੋ ਦਨ੍ਤਕਟ੍ਠਸਕਲੇਹਿ ਜਟਾਕੁਲੇਹਿ

ਕੁਦ੍ਧੇਨ ਕੁਟਜਟਿਲੇਨ ਕਤਾਹਿਸਾਪੋ,

ਮਾਤਙ੍ਗਨਾਮਮੁਨਿ ਸੀਲਧਨਂ ਜੁਗੋਪ

ਸਮ੍ਪਾਤਸਾਪਰਿਪੁਮਿਦ੍ਧਿਬਲੇਨ ਰਕ੍ਖਂ; () (ਮਾਤਙ੍ਗਚਰਿਯਂ;)

੧੯.

ਮਗ੍ਗਾਵਤਿਣ੍ਣਮਧਮਂ ਕਲ੍ਹਾਭੀਲਾਸਾ-

ਸਙ੍ਘਟ੍ਟਿਤੋਭਯਰਥਙ੍ਗਮਧਮ੍ਮਯਕ੍ਖਂ,

ਕੋਪਗ੍ਗਿਨਾ ਨਪਰਿਝਾਪਯਮਿਦ੍ਧਿਮਾ ਯੋ

ਸੀਲਂ ਰਰਕ੍ਖ ਖਲੁ ਧਮ੍ਮਿਕਯਕ੍ਖਰਾਜਾ; () (ਧਮ੍ਮਾਧਮ੍ਮ ਦੇਵਪੁਤ੍ਤਚਰਿਯਂ;)

੨੦.

ਯੋ ਪੋਰਿਸਾਦਵਸਗਸ੍ਸ ਜਯਦ੍ਦਿਸਸ੍ਸ

ਰਞ੍ਞੋ ਪਟਿਞ੍ਞਮਧਿਕਿਚ੍ਚ ਵਿਜਿਵਿਤਾਸੋ,

ਖੀਤ੍ਤਾਯੁਧੋ ਤਦੁਪਗਮ੍ਮ ਅਲੀਨਸਤ੍ਤੋ

ਯਕ੍ਖਂ ਦਮੇਸਿ ਨਨੁ ਸੀਲਵਤਂ ਨਿਦਾਨਾ; () (ਅਲੀਨਸਤ੍ਤਚਰਿਯਂ;)

੨੧. ¶

ਯੋ ਸਙ੍ਖਪਾਲਭੁਜਗੋ ਨਿਜਭੋਗਪੂਰ-

ਵ੍ਯਾਭਙ੍ਗਿਭਾਰਤਰਵਾਹਿਤਿ ਭੋਜਪੁਤ੍ਤੇ,

ਕਾਰੁਞ੍ਞਮਾਪ ਅਭਿਗਨ੍ਤੁਮਪਾਦਤਾਯ

ਸੀਲਸ੍ਸ ਭਙ੍ਗਭਯਤੋ’ਪਿ ਹੁਤਾਸਤੇਜੋ; () (ਸਙ੍ਖਪਾਲਚਰਿਯਂ; ਇਤਿ ਸੀਲਪਾਰਮਿਂ;)

੨੨.

ਸਙ੍ਖਾਰਧਮ੍ਮਖਣਭਙ੍ਗਸਭਾਵਦਸ੍ਸਿ

ਉਸ੍ਸਾਵਬਿਨ੍ਦੁਵਿਲਯਂ’ਵ ਯੁਧਞ੍ਜਯੋ ਯੋ,

ਰਾਜਾ ਜਨਸ੍ਸ ਰੁਦਤੋ ਪਵਿਹਾਯ ਰਜ੍ਜਂ

ਨੇਕ੍ਖਮ੍ਮਪਾਰਮਿਮਪੁਰਯਿ ਪਬ੍ਬਜਿਤ੍ਵਾ; () (ਯੁਧਞ੍ਜਯ ਚਰਿਯਂ;)

੨੩.

ਯੋ ਸੋਮਨਸ੍ਸਵਿਸੁਤੋ ਕੁਰੁਰਾਜਪੁਤ੍ਤੋ

ਦੁਸ੍ਸੀਲਕੁਟਜਟਿਲਬ੍ਬਚਨਂ ਪਟਿਚ੍ਚ,

ਰਞ੍ਞਾ ਨਿਯੋਜਿਤਵਧੋ ਵਧਕਾਵਕਾਸਂ

ਲਦ੍ਧਾਨੁਸਾਸਿਯ’ਭਿਨਿਕ੍ਖਮਿ ਚਤ੍ਤਰਜ੍ਜੋ; () (ਸੋਮਨਸ੍ਸ ਚਰਿਯਂ;)

੨੪. ¶

ਯੋ ਕਾਸਿਰਾਜਤਨੁਜੋ’ਪਿ ਅਯੋਘਰਾਖ੍ਯੋ

ਈਹਂ ਭਤੋ ਚਿਰਮਯੋਘਰਵਾਸਹੀਰੂ,

ਰਜ੍ਜਂ ਪਹਾਯ ਪਰਮਂ ਪਿਤਰਾ ਪਦਤ੍ਤਂ

ਨੇਕ੍ਖਮ੍ਮਪਾਰਮਿਪਰੋ ਵਨਮੋਤਰਿਤ੍ਥ; () (ਅਯੋਘਰਚਰਿਯਂ;)

੨੫.

ਯੋ ਪਞ੍ਚਕਾਮਗੁਣਦੀਪਨਤੋ’ਪਦਿਟ੍ਠ-

ਸਮ੍ਭਤ੍ਤਮਿਤ੍ਤਵਚਨਮ੍ਪਿ ਪਟਿਕ੍ਖਿਪਿਤ੍ਵਾ,

ਨਿਦ੍ਧਨ੍ਤਕਞ੍ਚਨਨਿਭਚ੍ਛਵਿ ਕਞ੍ਚਨਾਖ੍ਯੋ

ਪਤ੍ਵਾ ਤਪੋਵਨਮਪਬ੍ਬਜਿ ਬਨ੍ਧਵੇਹਿ; () (ਭਿਸਚਰਿਯਂ;)

੨੬. ¶

ਪਕ੍ਖਿਤ੍ਤਦਦ੍ਦੁਲਨਹਾਰੁਰਿਵਾ’ਨਲਮ੍ਹਿ

ਸਙ੍ਖਾਰਧਮ੍ਮਵਿਸਯੇ ਪਟਿਵਟ੍ਟਿਤਤ੍ਤੋ,

ਯੋ ਸੋਣਭੁਸੁਰਸੁਧੀ ਵਿਭਵਂ ਪਹਾਯ

ਪਬ੍ਬਜ੍ਜਿਤੁਂ ਸਪਰਿਸੋ ਪਵਨਂ ਜਗਾਮ; () (ਸੋਣਪਣ੍ਡਿਤਚਰਿਯਂ; ਇਤਿ ਨੇਕ੍ਖਮ੍ਮ ਪਾਰਮਿ;)

੨੭.

ਯੋ ਸੇਣਕੋ ਸੁਧਿ ਪਸਿਬ੍ਬਕਗਬ੍ਭਸਾਯਿਂ

ਵਿਪ੍ਪਸ੍ਸਿ ਮੋਹਕਲੁਸਿਕਤਮਾਨਸਸ੍ਸ,

ਸਪ੍ਪਂ ਸੁਘੋਰਮੁਪਦਸ੍ਸਿਯ ਦੀਘਦਸ੍ਸੀ

ਪਞ੍ਞਾਸੁਪਾਰਮਿਮਪੂਰਯਿ ਭੁਰਿਮੇਧੋ; () (ਸੇਣਕਪਣ੍ਡਿਤ ਚਰਿਯਂ;)

੨੮.

ਯੋ ਯਂ ਮਹੋਸਧਸਮਾਖ੍ਯਸੁਧੀ ਸੁਧੀਸੋ

ਉਮ੍ਮਗ੍ਗਸਂਵੁਤਨਿਸਗ੍ਗਵਤਿਸਮੋ’ਪਿ,

ਉਮ੍ਮਗ੍ਗਤੋ’ਵ ਸਬਲਂ ਮਿਥਿਲਾਧਿਨਾਥਂ

ਪਞ੍ਞਾਪਜਾਪਤਿਪਤਿ ਰਿਪੁਤੋ ਮੁਮੋਚ; () (ਮਹੋਸਧਚਰਿਯਂ ਇਤਿ ਪਞ੍ਞਾ ਪਾਰਮੀ;)

੨੯. ¶

ਵਾਲੇਨੁ’ਲ਼ਾਰਵੀਰਿਯੋ ਵੀਰਿਯੇਨ ਘੋਰਂ

ਸਂਸਾਰਦੁਕ੍ਖਮਿਵ ਯੋ ਕਿਸਕਾਲਕੋ’ਪਿ,

ਗਮ੍ਭੀਰਸਾਗਰਜਲਂ ਸਪਜਾਨੁਕਮ੍ਪੀ

ਉਸ੍ਸਿਞ੍ਚਿਤੁਂ ਸਤਤਮਾਰਹਿ ਸਤ੍ਤਸਾਰੋ; () (ਕਾਲਕ ਚਰਿਯਂ)

੩੦.

ਰਾਜਾਮਹਾਦਿਜਨਕੋ ਜਨਕੁਨ੍ਦਚਨ੍ਦੋ

ਗਮ੍ਭੀਰਭੁਰਿਸਲਿਲਂ ਸਲਿਲਾਕਰਂ ਯੋ,

ਸੂਰੋ’ਰੁਬਾਹੁਵੀਰਿਯੋ ਵੀਰਿਯਂ ਤਤਾਰ

ਸਂਸਾਰਸਿਨ੍ਧੁਤਰਣੇ ਤਰਣੀਸਰੂਪੋ; () (ਮਹਾਜਨਕਚਰਿਯਂ; ਇਤਿ ਵੀਰਿਯਪਾਰਮਿ;)

੩੧.

ਯੋ ਖਨ੍ਤਿਤਿਨ੍ਤਹਦਯੋ ਯਤਿਖਨ੍ਤਿਵਾਦੀ

ਛੇਦਾਪਿਤੇ’ਪਿ ਸਕਲਂ ਸਕਲਤ੍ਤਭਾਵੇ,

ਸਮਪੂਤਖਨ੍ਤਿਜਲਮੇਵਭੂਸਂ ਸਿਸੇਚ

ਵ੍ਯਾਪਾਦਪਾਵਕਪਦਿਤ੍ਤਕਲਾਬੁਰਾਜੇ; () (ਖਨ੍ਤਿਵਾਦੀ ਚਰਿਯਂ)

੩੨. ¶

ਯੋ ਧਮ੍ਮਪਾਲਨਪਰੋ ਸੁਸੁ ਧਮ੍ਮਪਾਲੋ

ਕਾਰਾਪਿਤੇ’ਪਿ ਵਧਕੇਹ’ਸਿਮਾਲਕਮ੍ਮਂ,

ਆਸਨ੍ਨਤਾਪਨਿਰਯਮ੍ਹਿ ਪਤਾਪਰਾਜੇ

ਖਨ੍ਤਿਂ ਪਵਤ੍ਤਯਿ ਮਨਪ੍ਪਿਤਖਨ੍ਤਿਮੇਤ੍ਤੋ; () (ਧਮ੍ਮਪਾਲ ਚਰਿਯਂ; ਇਤਿ ਖਨ੍ਤਿਪਾਰਮੀ;)

੩੩.

ਯੋ ਅਨ੍ਤਰੀਪਗਭਯਂਕਰਸੁਂਸੁਮਾਰ-

ਮੁਦ੍ਧਾਸਮਪ੍ਪਿਤਪਦੋ ਕਪਿਰਾਜਭੂਤੋ,

ਦਿਨ੍ਨਂ ਪਟਿਞ੍ਞਮਨੁਕੁਬ੍ਬਮਨਞ੍ਞਲਬ੍ਭਂ

ਨਜ੍ਜਾ ਪਪਾਤ ਪਰਤੀਰਮਸਚ੍ਚਭੀਰੂ; () (ਕਪਿਰਾਜ ਚਰਿਯਂ)

੩੪. ¶

ਯੋ ਸਚ੍ਚਪਾਰਮਿਪਰੋ ਵਸਿ ਪਚ੍ਚਨਾਮੋ

ਸਚ੍ਚੇਨ ਸਚ੍ਚਮਹੀਸਨ੍ਧਿਯ ਸਚ੍ਚਦਸ੍ਸੀ,

ਪੋਰਿਂ ਸਮਗ੍ਗਕਰਣਿਂ ਸਿਰਿਜਮ੍ਬੁਦੀਪੇ

ਸਮ੍ਪਾਲਯਂ ਸਕਲਲੋਕਮਵੋਚ ਵਾਚਂ; () (ਸਚ੍ਚਸਵ੍ਭਯ ਚਰਿਯਂ;)

੩੫.

ਯੋ ਵਟ੍ਟਪੋਤਕਦਿਜੋ ਅਵਿਰੂਲ਼੍ਹਪਕ੍ਖ-

ਪਾਦੋ’ਤਿਖੁਦ੍ਦਕਕੁਲਾਵਕਗਬ੍ਭਸਾਯੀ,

ਸਚ੍ਚੇਨ ਸੋਲ਼ਸਕਰਿਸਮਿਤਪ੍ਪਦੇਸੇ

ਦਾਵਗ੍ਗਿਨਿਬ੍ਬੁਤਿਮਕਾ ਥਿਰਮਾਯੁਗਨ੍ਤਂ; () (ਵਟ੍ਟਪੋਤਕ ਚਰਿਯਂ;)

੩੬.

ਯੋ ਗਿਜ੍ਝਕਾਕਬਕਬਾਣਕਭਕ੍ਖਭੁਤ-

ਬਨ੍ਧੁ ਨਿਦਾਘਰਵਿਤਾਪਪਰਿਕ੍ਖਯਾ’ਪੇ,

ਰਿਤ੍ਤੇ ਸਰਮ੍ਹਿ ਪਰਿਮੋਚਯਿ ਮਚ੍ਛਰਾਜਾ

ਸਚ੍ਚੇਨ’ਕਾਲਜਲਦਾਗਮਪਚ੍ਚਯੇਨ; () (ਮਚ੍ਛਰਾਜ ਚਰਿਯਂ;)

੩੭. ¶

ਦੁਟ੍ਠਾਹਿਦਟ੍ਠਵਿਸਵੇਗਵਿਮੁਚ੍ਛਿਤਂ ਯੋ

ਮਣ੍ਡਬ੍ਬਤਾਪਸਵਰੋ’ਰਸਯਞ੍ਞਦਤ੍ਤਂ,

ਕਤ੍ਵਾਨ ਸਚ੍ਚਕਿਰਿਯਂ ਕਰੁਣਾਯ ਕਣ੍ਹ-

ਦੀਪਾਯਨੋ ਮੁਨਿ ਮੁਮੋਚ ਤਮਾਪਦਮ੍ਹਾ; () (ਕਣ੍ਹਾਦੀਪਾਯਨ ਚਰਿਯਂ;)

੩੮.

ਯੋ ਪੋਰਿਸਾਦਵਸਗੋ ਸੁਤਸੋਮਰਾਜਾ

ਰਜ੍ਜੇ ਤਿਯੋਜਨਸਤੇ ਸਕਜੀਵਿਤੇ’ਪਿ,

ਸਚ੍ਚਂ ਰਰਕ੍ਖ ਨਨੁ ਸਚ੍ਚਪਰੋ ਨਿਰਾਸੋ

ਦਿਨ੍ਨਂ ਪਟਿਸ੍ਸਵਮੁਭਿਨ੍ਨਮਪਾਨੁਕੁਬ੍ਬਂ; () (ਸੁਤਸੋਮਚਰਿਯਂ; ਇਤਿ ਸਚ੍ਚਪਾਰਮੀ;)

੩੯.

ਨਿਬ੍ਬਿਨ੍ਨਰਜ੍ਜਵਿਭਵੋ ਭਵਭੀਰੂਤਾਯ

ਯੋ ਮੂਗਪਕ੍ਖਬਧਿਰਾਕਤਿ ਮੂਗਪਕ੍ਖੋ,

ਨੀਤੇ ਨਿਖਾਤੁਮਪਕਿ ਸੀਵਥਿਕਾਵਕਾਸੇ

ਦਲ਼੍ਹਂ ਅਧਿਟ੍ਠਿਤਵਤਂ ਵਤ ਨੋਜਹਾਸਿ; () (ਤੇਮਿਯਚਰਿਯਂ; ਇਤਿ ਅਧਿਟ੍ਠਾਨ ਪਾਰਮੀ;)

੪੦. ¶

ਮੇਤ੍ਤਵਿਹਾਰਪਰਮੋ ਪਿਤੁਰਨ੍ਧਯਟ੍ਠਿ

ਯੋ ਸੋਮਸੋਮ੍ਮਯਦਯੋ’ਪਿ ਸੁਵਣ੍ਣਸਾਮੋ,

ਵਾਲ਼ੇਹਿ ਸਮ੍ਪਰਿਵੁਤੋ ਪਵਨੇ ਵਿਹਾਰਿ

ਮੇਤ੍ਤਾਖ੍ਯਪਾਰਮਿਮਪੂਰਯਿ ਪਾਪਭੀਰੂ; () (ਸੁਵਣ੍ਣਸਾਮਚਰਿਯਂ;)

੪੧.

ਯੋ ਏਕਰਾਜਵਿਸੁਤੋ ਭੁਵਿ ਕਾਸਿਰਾਜਾ

ਮੇਤ੍ਤਾਕਲਤ੍ਤਦੁਤਿਯੋ ਸਕਜੀਵਿਤੇ’ਪਿ,

ਅਵਛਿਨ੍ਨਰਜ੍ਜਵਿਭਾਵੇ ਪਟਿਪਕ੍ਖਰਾਜੇ

ਮੇਤ੍ਤਾਯ ਸਮ੍ਫਰਿ ਸਮਂ ਪਰਿਭਾਵਿਤਾਯ; () (ਏਕਰਾਜਚਰਿਯਂ; ਇਤਿ ਮੇਤ੍ਤਾ ਪਾਰਮੀ;)

੪੨. ¶

ਯਾ ਲੋਮੇਹਂਸਵਿਸੁਤੋ’ਪਿ ਤੁਲਾਸਰਿਕ੍ਖੋ

ਮਾਨਾਵਮਾਨਨਕਰੇਸੁ ਸੁਖੇ ਚ ਦੁਕ੍ਖ,

ਵਾਸਂ ਚਵਟ੍ਠਿਪਰਿਕਿਣ੍ਣਸੁਸਾਨਮਜ੍ਝੇ

ਵੇਰਂ ਅਵੇਰਮਨੁਪੇਚ੍ਚ ਰਰਕ੍ਖੁ’ਪੇਕ੍ਖਂ; () (ਲੋਮਹਂਸਚਰਿਯਂ; ਇਤਿ ਉਪੇਕ੍ਖਾਕ ਪਕਾਰਮਿਂ)

੪੩.

ਸੋ ਬੋਧਿਯਾ’ਭਿਨਿਯਤੋ ਪਰਿਪਕ੍ਕਞਾਣੋ

ਬੁਦ੍ਧਙ੍ਕੁਰੋ’ਪਚਿਤਪਾਰਮਿਤਾਬਲੇਨ,

ਨਿਜ੍ਝਾਮਤਣ੍ਹ’ਸਿਤਕਞ੍ਜਕ੍ਖੁਪ੍ਪਿਪਾਸ-

ਲੋਕਨ੍ਤਰੋਰੁਨਿਰਯੇਸੁ ਨ ਜਾਤੁ ਜਾਤੋ; ()

੪੪.

ਨਾਲਤ੍ਥ ਪਣ੍ਡਕਨਪੁਂਸਕਮੂਗਪਕ੍ਖ-

ਛਚ੍ਚਨ੍ਧਜਾਤਿਬਧਿਰਿਤ੍ਥਿਜਲ਼ਤ੍ਤਭਾਵਂ,

ਸੋ ਮਕ੍ਖਿਕਾਮਕਸਕੁਤ੍ਥਕਿਪਿਲ੍ਲਿਕਾਦਿ-

ਜਾਤ੍ਯਾ ਨਪਾਤੁਭਵਿ ਕੀਟਪਟਙ੍ਗਜਾਤ੍ਯਾ; ()

੪੫. ¶

ਨਾਲਤ੍ਥ ਗਨ੍ਧਗਜਤੋ ਪੁਥੁਲਤ੍ਤ ਭਾਵਂ

ਨਾਲਤ੍ਥ ਵਟ੍ਟਸੁਸੁਕਾ ਸੁਖੁਮਨ੍ਤ ਭਾਵਂ,

ਨਾਲਤ੍ਥ ਉਮ੍ਦਨਮਮ੍ਮਨਕਤ੍ਤ ਭਾਵਂ

ਨਾਲਤ੍ਥ ਏਵਮਤਿਹੀਨਤਰਤ੍ਤ ਭਾਵਂ;

੪੬.

ਨਾਹੋਸਿ ਮਾਤੁਵਧਕੋ ਪਿਤੁਘਾਤਕੋ ਵਾ

ਨਾਹੋਸਿ ਸਙ੍ਘਭਿਦੁਰੋ ਅਰਹਨ੍ਤਘਾਤੋ,

ਨਾਹੋਸਿ ਦੁਟ੍ਠਹਦਯੇਨ ਤਥਾਗਤਸ੍ਸ

ਨਾਹੋਸਿ ਸਂਜਨਨਕੋ ਰੁਧਿਰਸ੍ਸ ਕਾਯੇ; ()

੪੭.

ਕਮ੍ਮਂ ਫਖਲਂ ਤਦੁਭਯਂ ਪਟਿਬਾਹਿਨੋ ਯੇ

ਉਚ੍ਛੇਦਦਿਟ੍ਠਿਗਤਿਕਾ ਵਿਹਰਿਂਸੁ ਤੇਸਂ,

ਲਦ੍ਧਿਂ ਕਦਾਚਿ ਨਪਰਾਮਸਿ ਸਦ੍ਦਹਾਨੋ

ਕਮ੍ਮਂ ਫਲਂ ਨਿਯਤਬੋਧਿਪਰਾਯਣੋ ਸੋ; ()

੪੮. ¶

ਯਸ੍ਮਿਂ ਭਵੇ ਭਵਤਿ ਨਾਮਚਤੁਕ੍ਕਮਤ੍ਤਂ

ਤਤ੍ਰਾ’ਪਿ ਪੁਞ੍ਞਕਰਣਤ੍ਥ ਮਸਞ੍ਞਸਤ੍ਤੇ,

ਅਟ੍ਠਾਨਤੋ ਨਪਟਿਸਨ੍ਧਿਮਗਣ੍ਹਿ ਸੁਦ੍ਧਾ-

ਵਾਸੇਸੁ ਪਞ੍ਚਸੁ ਕਦਾਚਿ ਪਪਞ੍ਚਭੀਰੂ; ()

੪੯.

ਬੁਦ੍ਧਙ੍ਕੁਰੋ ਨਿਯਤਬੋਧਿਪਦੋ ਕਦਾਚਿ

ਦੀਘਾਯੁਕੇਸੁ’ਪਿਭਵੇਸੁ ਸੁਖਾਨਪੇਖੋ,

ਕਤ੍ਵਾ’ਧਿਮੁਤ੍ਤਿਵਚਨਂ ਇਧ ਜੀਵਲੋਕੇ

ਨਿਬ੍ਬਤ੍ਤਿ ਸੋ ਤਿਦਸਪਾਰਮਿਪੂਰਣਤ੍ਥਂ; ()

੫੦.

ਇਚ੍ਚੇਵਂ ਸੋ ਪੁਰਿਸਨਿਸਭੋ ਦੁਪ੍ਪਵੇਸਸ੍ਸ ਬੋਧਿ-

ਪਾਸਾਦਸ੍ਸਾ’ਵਤਰਣਸਮਤ੍ਤਿਂਸਤਿਸ੍ਸੇਣਿਰੂਪਂ,

ਨਿਪ੍ਫਾਦੇਨ੍ਤੋ ਪਰਹਿਤਰਤੋ ਪਾਰਮੀਧਮ੍ਮਜਾਤਂ

ਸਂਸਾਰੇ ਸਂਸਰਿ ਚਿਰਤਰਂ ਘੋਰਦੁਕ੍ਖਂ ਤਿਤਿਕ੍ਖਂ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦ ਦਾਨਨਿਦਾਨੇ ਜਿਨਵਂਸਦੀਪੇ ਦੁਰੇਨਿਦਾਨੇ ਪਾਰਮਿਧਮ੍ਮਾਭਿਸਙ੍ਖਰਣ ਪਵਤ੍ਤਿ ਪਰਿਦੀਪੋ ਚਤੁਤ੍ਥੋ ਸਗ੍ਗੋ.

੧. ¶

ਅਤ੍ਥਵਤ੍ਤਪਦਂ ਨਾਨਾਵਣ੍ਣਮਣ੍ਣਵਜਾਨ੍ਵਿਤਂ,

ਪਤ੍ਥ੍ਯਾਵਤ੍ਤਮਿਵਾਹੋਸਿ ਜੇਤੁਤ੍ਤਰਪੁਰਂ ਪੁਰੇ; () (ਸਿਲੇਸ ਬਨ੍ਧਨਂ;)

੨.

ਪਰਿਖਾਮੇਖਲਾਦਾਮ ਬਦ੍ਧਪਾਕਾਰਸੋਣਿਨੀ,

ਰਰਾਜ ਰਾਜਧਾਨੀ ਸਾ ਵਧੂਵ ਪਤਿਮਣ੍ਡਿਤਾ; ()

੩. ¶

ਮਣਿਸਿਙ੍ਗਂਸੁਮਾਲਾਭਿ ਬਾਲਂਸੁਮਾਲਿਵਿਬ੍ਭਮਂ,

ਸਸਙ੍ਕਮਣ੍ਡਲਂ ਤਸ੍ਮਿਂ ਪਲਮ੍ਹੇਸਾ’ਭੀਸਾਰਿਕਾ; ()

੪.

ਇਨ੍ਦਿਰਾਮਨ੍ਦਿਰਾ’ਮਨ੍ਦਮਣਿਮਨ੍ਦਿਰਸਾਲਿਨੀ,

ਹੇਮਦ੍ਧਜਾਵਲਿ ਤਸ੍ਮਿਂ ਕਿਲ਼ਾਪਯਿ ਕਲਾਪਿਨੋ; ()

੫.

ਰਰਾਜ ਨਾਗਰਾਜਾਨਂ ਕਪ੍ਪਿਤਾਭਰਣੇਹਿ ਚ,

ਦਾਠਾਹਿ ਦਾਨਧਾਰਾਹਿ ਮੇਘਵਚ੍ਛਨ੍ਤਾ’ਵ ਸਾ ਪੁਰੀ; ()

੬.

ਤੁਰਙ੍ਗਨਿਕਰੋਣ੍ਡੁਤਧੁਲਿਧੂਸਰਿਤਮ੍ਬਰਂ,

ਨਿਵਾਰਿਤਾਤਪਂਰਙ੍ਗਵਿਤਾਨਸ੍ਸਿਰਿਮਾਹਰਿ; ()

੭. ¶

ਨੀਲਸੇਵਾਲਧਮ੍ਮਿਲ੍ਲਾ ਸਮ੍ਫੁਲ੍ਲਕਮਲਾ’ਨਨਾ,

ਤਹਿਮੁਪ੍ਪਲਲੋਲ’ਕ੍ਖੀ ਹਂਸਪੀਨਪਯੋਧਰਾ; ()

੮.

ਕਿਞ੍ਜਕ੍ਖਰਾਜਿਰਸਾਨਾਰੁਦ੍ਧਰੋਧਨਿਤਮ੍ਬਿਨੀ,

ਭਿਙ੍ਗਾਲਿਮਣਿਮਞ੍ਜਿਰਾ ਨਾਰੀ’ਵਾ’ਸੁਂ ਸਰੋਜਿਨੀ; () (ਸਿਲੇਸ ਬਨ੍ਧਨਂ;)

੯.

ਕੇਵਕਲਂ ਕਪ੍ਪਰੁਕ੍ਖੇਹਿ ਵਿਨਾ ਸਾ ਰਾਜਧਾਨ੍ਯ’ਹੁ,

ਵਿਸਾਣਾਰਾਜਧਾਨੀ’ਵ ਸਬ੍ਬਸਮ੍ਪਤ੍ਤਿਸਾਲਿਨੀ; ()

੧੦.

ਕਦਾਚਿ ਪੁਰਿਸਾਜਞ੍ਞੋ ਰਾਜਾ’ਹੋਸਿ ਪੁਰੇ ਤਹਿਂ,

ਵੇਸ੍ਸਨ੍ਤਰੋ’ਤਿਨਾਮੇਨ ਵਿਸ੍ਸੁਤੋ ਭੁਵਨਤ੍ਤਯੇ; ()

੧੧. ¶

ਕੁਮਾਰੋ’ਵ ਸਮਾਨੋ ਸੋ ਦਾਨਕੀਲ਼ਾਪਰਾਯਣੋ,

ਕਾਯੂਪਗਾਨਿ ਧਾਤੀਨਂ ਰਤਨਾਭਰਣਾਨਿ’ਪਿ; ()

੧੨.

ਖਣ੍ਡਾਖਣ੍ਡਂ ਕਰਿਤ੍ਵਾਨ ਨਵਕ੍ਖਨ੍ਤੁਂ ਕਪਰਿਚ੍ਚਜਿ,

ਏਵਂ ਬਾਹਿਰਵਤ੍ਥੂਨਿਦਦਨ੍ਤੋ ਅਟ੍ਠਵਸ੍ਸਿਕੋ; ()

੧੩.

ਪਾਸਾਦਮਭਿਰੀਹਿਤ੍ਵਾ ਸੋਨਿਸਜ੍ਜਾ’ਭਿਯਾਚਨਂ,

ਦਸ੍ਸਾਮੀ’ਤਿ ਵਿਚਿਨ੍ਤੇਸਿ ਸਿਸਕ੍ਖਿਮਂਸਲੋਹਿਤਂ; ()

੧੪.

ਸੁਖੇਧਿਤੋ ਮਹਾਸਤ੍ਤੋ ਸੁਕ੍ਕਪਕ੍ਖੇ’ਵ ਚਨ੍ਦਿਮਾ,

ਪਾਲੇਸਿ ਦਸਧਮ੍ਮੇਨ ਪਤ੍ਵਾ ਰਜ੍ਜਸਿਰਿਂ ਪਜਂ; ()

੧੫.

ਨਿਸਜ੍ਜੋ ਪਰਿਪਾਸਾਦੇ ਸੋ ਰਾਜਾ ਏਕਦਾ ਰਹੋ,

ਕਾਮਾਨਂ ਸਙ੍ਕਿਲੇਸਞ੍ਚ ਵੋਕਾਰਾਦੀਨਵਂ ਸਰਿ; ()

੧੬. ¶

ਪਬ੍ਬਜ੍ਜਾਹਿਰਤੋ ਰਾਜਾ ਨਿਬ੍ਬਿਨ੍ਤੋ ਵਿਭਵੇਭਵੇ,

ਸਮ੍ਪਤ੍ਤਿਸਾਰਮਾਦਾਯ ਹਿਤ੍ਵਾ ਰਜ੍ਜਸਿਰਿਂ ਵਰਂ; ()

੧੭.

ਮਤ੍ਤਮਾਤਙ੍ਗਰਾਜਾ’ਵ ਅਗ੍ਗਿਪਜ੍ਜਲਕਾਨਨਾ,

ਰੁਦਤੋ ਞਾਤਿਸਙ੍ਘਸ੍ਸ ਅਗਾਰਸ੍ਮਾ’ਭਿ ਨਿਕ੍ਖਮੀ; ()

੧੮.

ਚਮ੍ਪਕਾਸੋਕਵਕੁਲਤਰੁਸਣ੍ਡਸੁਮਣ੍ਡਿਤਂ,

ਸਿਖਣ੍ਡਿਮਣ੍ਡਲਾਖਣ੍ਡਕੀਲ਼ਂ ਕੋਕਿਲਕੂਜਨਂ; ()

੧੯.

ਅਨੇਕਮਿਗਪਕ੍ਖੀਨਮਾਸਯਂ ਸਲਿਲਾਸਯਂ,

ਵੀਕਾਸਕੁਸੁਮਾਮੋਦਪ੍ਪਵਾਸਿਤਸਮੀਰਣਂ; ()

੨੦.

ਮਧੁਮਤ੍ਤਾ’ਲਿਙ੍ਧਙ੍ਕਾਰਨਿਬ੍ਭਰ’ਮ੍ਬੁਰੁਹਾਕਰਂ,

ਸਮ੍ਪਾਤਨਿਜ੍ਝਰਾ’ਰਾਵਗਮ੍ਭੀਰਭੁਰਿਭੂਧਰਂ; ()

੨੧. ¶

ਪਵਵੇਕਕ੍ਖਮਂ ਵਙ੍ਕਪਬ੍ਭਾਰਂ ਗਿਰਿਗਬ੍ਭਰਂ,

ਦੁਪ੍ਪਵੇਸਪਕਥਂ ਵਙ੍ਕਗਿਰਿਨਾਮਤਪੋਵਨਂ; ()

੨੨.

ਪਤ੍ਵਾ ਲਦ੍ਧੇ’ਸਿਪਬ੍ਬਜ੍ਜਾ ਕਵਿਲਾਸੋ ਸੋ ਮਹੀਭੁਜੋ,

ਚਰਨ੍ਤੋ ਬ੍ਰਹ੍ਮਚਰਿਯਂ ਚਿਰਸ੍ਸਂ ਵੀਤਿਨਾਮਯਿ; ()

੨੩.

ਤਸ੍ਸਰਞ੍ਞੋ ਮਹੇਸਿਪਿ ਮਦ੍ਦੀਨਾਮ ਸੁਖੇਧਿਤਾ,

ਪੁਤ੍ਤਧੀਤੂਭਿਸਦ੍ਧਿਂ ਤਂ ਤਪੋਵਨਮੁਪਾਵਿਸਿ; ()

੨੪.

ਮਹਿਚ੍ਛੋ ਪੂਜਕੋਵਿਪ੍ਪੋ ਤਦਾ ਬੀਗਚ੍ਛਦਸ੍ਸਨੋ,

ਯੇਨ ਵੇਸ੍ਸਨ੍ਤਰੋਸਤ੍ਤਸਾਰੋ ਤੇਨੁਪਸਙ੍ਕਮਿ; ()

੨੫. ¶

ਅਤ੍ਥੋ ਕਮ੍ਮਕਰੇਹੀ’ਤਿ ਜਰਾਜਜ੍ਜਰਿਤਸ੍ਸ ਮੇ,

ਪੁਤ੍ਤਞ੍ਚਧੀਤਰਂ ਯਾਚੀ ਧੀਰਂ ਪਤ੍ਵਾ ਦਯਾਪਰਂ; ()

੨੬.

ਉਭੋ ਕਣ੍ਹਾਜਿਨਂ ਜਾਲਿਂ ਸਸੇਨਹਭਾਰਭਾਜਨਂ,

ਸਮ੍ਮਾਸਮ੍ਬੋਧਿਕਾਮੋ ਸੋ ਤਣ੍ਹਾਦਾਸਬ੍ਯਮੁਤ੍ਤਿਯਾ; ()

੨੭.

ਦਕ੍ਖਿਣੋਦਕਸਮ੍ਪੁਤਜੂਜਕ’ਞ੍ਜਲਿਭਾਜਨੇ,

ਸਮਪ੍ਪਯਿਤ੍ਥ ਬਨ੍ਧਿਤ੍ਵਾ ਅਗਮਾ’ਦਾਯ ਨਿਦ੍ਦਯੋ; ()

੨੮.

ਦਾਨਾਧਿਮੁਤ੍ਤੀਵੀਮਂਸੀ ਵਿਪ੍ਪਾਕਪ੍ਪੇਨੁ’ਪਾਗਤੋ,

ਸਂਯਾਚਿ ਦੇਵਰਾਜਾ’ਥ ਮਦ੍ਦਿਦੇਵਿਂ ਪਤਿਬ੍ਬਤਂ; ()

੨੯.

ਦਕ੍ਖਿਣੋਦਕਨਿਦ੍ਧੋਤਹਤ੍ਥੋ ਸੋ ਦਕ੍ਖਿਣੋਦਕਂ,

ਕਤ੍ਵਾ ਦੇਵੇਸਵਿਪ੍ਪਸ੍ਸ ਦੇਵਿਂ ਦੇਵੋ ਪਰਿਚ੍ਚਜਿ; ()

੩੦. ¶

ਸਤ੍ਤਕ੍ਖਤ੍ਤੁਂ ਪਕਮ੍ਪਿਤ੍ਥ ਤਸ੍ਸ ਪਾਰਮਿਤੇਜਸਾ,

ਸਾਧੁਸਾਧੂਤਿ ਪਤ੍ਤਾਨੁਮੋਦਨ੍ਤੀ’ਵ ਮਹੀਵਧੂ; ()

੩੧.

ਇਚ੍ਚੇਵਂ ਪੁਰਿਸਾਰਞ੍ਞੋ ਪਰਿਪਾਚਿਨਪਾਰਮੀ,

ਮਣਿਰਂਸਿਸ੍ਮੁਜ੍ਜੋਤ ਪਾਸਾਦਸਤਲਙ੍ਕਤੇ; ()

੩੨.

ਮਨ੍ਦਮਨ੍ਦਾਨਿਲੋਣ੍ਡੂਤ ਪਞ੍ਚਵਣ੍ਣਦ੍ਧਜਾਲੀਨਂ,

ਮਣਿਕਿਂਕਿਣਿਜਾਲਾਨੁਰਾਵਸੋਤਰਸਾਯਨੇ; ()

੩੩.

ਦਿਬ੍ਬੇਹਿ ਨਚ੍ਚਗੀਤੇਹਿ ਵਾਦਿਤੇਹਿ ਮਨੋਰਮੇ,

ਕਨ੍ਦਪ੍ਪਮਣ੍ਡਪਾਕਾਰ ਰਙ੍ਗਮਣ੍ਡਪਮਣ੍ਡਿਤੇ; ()

੩੪.

ਦਿਬ੍ਬਨ੍ਤਦਿਬ੍ਬਰਾਜੂਨਂ ਇਨ੍ਦਚਾਪਸਤੇਹਿ’ਵ,

ਚੂਲ਼ਾਮਣੀਮਰੀਚਿਹੀ ਸਮ੍ਬਾਧੀਕਲ਼ਿਤ’ਮ੍ਬਰੇ; ()

੩੫. ¶

ਅਚ੍ਛਰਾਹਿ ਕੁਚਞ੍ਚਨ੍ਦਨਮਿਤਙ੍ਗੀਹਿ ਦੂਰਤੋ,

ਵਿਧੂਤਚਨ੍ਦਿਕਾਰਾਜਿ ਚਾਰੁਚਾਮਰ ਮਾਰੁਤੇ; ()

੩੬.

ਸੁਤ੍ਤਪ੍ਪਬੁਦ੍ਧਪੋਸੋ’ਵ ਤੁਸਿਤੇ ਤਿਦਸਾਲਯੇ,

ਤਤੋ ਚਵਿਤ੍ਵਾ ਨਿਬ੍ਬਤ੍ਤਿ ਹੁਤ੍ਵਾ ਸਨ੍ਤੁਸਿਤ’ਵ੍ਹਯੋ; ()

੩੭.

ਦਿਬ੍ਬੇਸੁ ਪਞ੍ਚਕਾਮੇਸੁ ਵਸਨ੍ਤੋ ਤੁਸਿਤਾਲਯੇ,

ਪਞ੍ਚਿਨ੍ਦ੍ਰਿਯਾਨਿ ਲੋਕੇਕਲੋਚਨੋ ਪਰਿਚਾਰਯਿ; ()

੩੮.

ਤਦਾ ਦਸਸਹਸ੍ਸੇਸੁ ਚਕ੍ਕਵਾਲ਼ੇਸੁ ਦੇਵਤਾ,

ਏਕਤ੍ਥ ਸਨ੍ਨਿਪਤਿਤਾ ਸੁਤ੍ਵਾ ਬੁਦ੍ਧਹਲ਼ਾਹਲ਼ਂ; ()

੩੯.

ਤੇਨੋ’ਪਸਙ੍ਕਮਿਤ੍ਵਾਨ ਯੇਨਾ’ਸਿ ਪੁਰਿਸੁਤ੍ਤਮੋ,

ਕਤ੍ਵਾ ਤਬ੍ਬਦਨਮ੍ਭੋਜਂ ਨਯਨਾਲਿਕੁਲਾਲਯਂ; ()

੪੦. ¶

ਚੂਲ਼ਾਮਣਿਮਯੁਖਮ੍ਬੁਤਿਦ੍ਧੋਤਚਰਣਾਸਨੇ,

ਬਦ੍ਧਞ੍ਜਲਿਪੁਟਮ੍ਭੋਜਮਕੁਲਾਤਿ ਸਮਪ੍ਪਯੁਂ; ()

੪੧.

ਚਕ੍ਕਵਤ੍ਤਿਪਦਂ ਸਕ੍ਕਮਾਰਬ੍ਰਹ੍ਮਪਦਤਯਾ,

ਨਖੋ ਮਾਰਿਸ ਪਤ੍ਥੇਤ੍ਵਾ ਪਾਰਮੀ ਪਰਿਪਾਚਿਤਾ; ()

੪੨.

ਵੇਨੇਯ੍ਯਬਨ੍ਧੁਭੁਤੇਨ ਸਮ੍ਮਾਸਮ੍ਬੋਧਿਮਿਚ੍ਛਤਾ,

ਤਯਾ ਮਾਰਿਸ ਕਿਚ੍ਛੇਨ ਪੂਰਿਤਾ ਦਸਪਾਰਮੀ; ()

੪੩.

ਸਦੇਵਕਸ੍ਸ ਲੋਕਸ੍ਸ ਹਿਤਾਯ ਮਾਤੁਕੁਚ੍ਛਿਯਂ,

ਉਪ੍ਪਜ੍ਜਤੂਤਿ ਯਾਚਿਂਸੁ ਤਂਧੀਰਂ ਕਰੁਣਾਪਰਂ; ()

੪੪.

ਸਤਵਸ੍ਸਾਯੁਹੇਟ੍ਠਾਪਿ ਉਦ੍ਧਂ ਸਹਸਹਸ੍ਸਤੋ,

ਯਸ੍ਮਾ ਅਕਾਲੋ ਬੁਦ੍ਧਾਨਂ ਤਸ੍ਮਾ ਕਾਲਂ ਵਿਪਸ੍ਸਿ ਸੋ; ()

੪੫. ¶

ਯਸ੍ਮਾ ਅਞ੍ਞੇਸੁ ਦੀਪੇਸੁ ਸਮ੍ਬੁਦ੍ਧਾ ਨੋਪਪਜ੍ਜਰੇ,

ਜਾਯਨ੍ਤਿ ਜਮ੍ਬੁਦੀਪਸ੍ਮਿਂ ਤਸ੍ਮਾ ਦੀਪਂ ਵਿਪਸ੍ਸਿ ਸੋ; ()

੪੬.

ਯਸ੍ਮਾ ਮਿਲਕ੍ਖਦੇਸੇਸੁ ਨੂਪ੍ਪਜ੍ਜਨ੍ਤਿ ਤਥਾਗਤਾ,

ਜਾਯਰੇ ਮਜ੍ਝਿਮੇ ਦੇਸੇ ਤਸ੍ਮਾਦੇਸਂ ਵਿਪਸ੍ਸਿ ਸੋ; ()

੪੭.

ਯਸ੍ਮਾ ਨਜਾਯਰੇ ਵੇਸ੍ਸਸੁਦ੍ਦਤ੍ਵਯੇਸੁ ਜਾਯਰੇ,

ਖਨ੍ਤਿਯੇ ਬ੍ਰਾਹ੍ਮਣੇ ਬੁਦ੍ਧਾ ਕੁਲਂ ਤਸ੍ਮਾ ਵਿਪਸ੍ਸਿ ਸੋ; ()

੪੮.

ਯਸ੍ਮਾ ਅਨਞ੍ਞਵਿਸਯਾ ਕੁਚ੍ਛਿ ਸਮ੍ਬੁਦ੍ਧਮਾਤੁਯਾ,

ਤਸ੍ਮਾ ਆਯੁਪਰਿਚ੍ਛੇਦਵਸੇਨ ਪਸ੍ਸਿ ਮਾਤਰਂ; ()

੪੯.

ਲੋਕੇਕਲੋਚਨੋ ਏਵਂ ਕਤ੍ਵਾ ਪਞ੍ਚਾਵਲੋਕਨਂ,

ਤਾਸਂ ਪਟਿਞ੍ਞਂ ਪਾਦਾਸਿ ਕਰੁਣਾਪੁਣ੍ਣਮਾਨਸੋ; ()

੫੦. ¶

ਤਪ੍ਪਾਦਤਾਮਰਸਚੁਮ੍ਬਿਤ ਮੋਲ਼ਿਮਾਲਾ

ਸਮ੍ਪਤ੍ਤਦੇਵਪਰਿਸਾ’ਨ੍ਤਰਧਾਯਿ ਤਾਵ,

ਓਗਯ੍ਹ ਨਨ੍ਦਨਵਨਂ ਤੁਸਿਤਾਧਿਰਾਜਾ

ਤਮ੍ਹਾ ਚਵੀ ਮਤਿਦਯਾਦਯਿਨਾਸਭਾਯੋ; ()

ਇਤਿ ਮੇਧਾਨਨ੍ਦਾਭਿਧਾਨੇਨਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਤਿਦਾਨੇ ਜਿਨਵਂਸਦੀਪੇ ਦੁਰੇਨਿਦਾਨੇ ਵੇਸ੍ਸਨ੍ਤਰਚਰਿਯਪ੍ਪਭੁਤਿਦੇਵਾਰਾਧਨਾ ਪਵਤ੍ਤਿ ਪਰਿਦੀਪੋ ਪਞ੍ਚਮੋ ਸਗ੍ਗੋ.

ਜਿਨਵਂਸਦੀਪੇ ਦੂਰੇਨਿਦਾਨ ਭਾਗੋ ਪਠਮੋ.

੧. ¶

ਯਾ ਸਤ੍ਤਸਾਰਪਭਵਾ ਸਿਰਿਜਮ੍ਬੁਦੀਪੇ

ਫੀਤਾ’ਮਰਾਵਤਿਪੁਰੀ’ਵ ਪੁਰੀਵਤਂਸਾ,

ਆਦਿਚ੍ਚਵਂਸਿਕਨਰਿਨ੍ਦਪਵੇਣਿ ਭੂਮਿ

ਲਕ੍ਖ੍ਯਾਲਯਾ ਕਪਿਲਵਤ੍ਥੁਪੁਰੀ ਪੁਰੇ’ਸਿ; ()

੨.

ਵਣ੍ਣੇਹਿ ਕਣ੍ਣਸੁਖਸਦ੍ਦਰਸੇਹਿ ਜਾਤ-

ਰੂਪੇਹਿ ਅਤ੍ਥਵਿਸਰੇਹਿ ਯਤੀਹਿ ਯੁਤ੍ਤਾ,

ਯਾ ਰਾਜਧਾਨਿ ਪੁਥੁਪਾਣਗਣਪ੍ਪਦੇਹਿ

ਆਸੀ (ਵਸਨ੍ਤਤਿਲਕਾ) ਰਚਨਾ ਯਥੇਵ; () (ਸਿਲੇਸ ਬਨ੍ਧਨਂ;)

੩. ¶

ਪਾਚੀਦਿਸਾਭੁਜਲਤਾਯ ਮਹੀਯੁਵਤ੍ਯਾ

ਸਨ੍ਨਦ੍ਧਸਙ੍ਖਵਲਯਸ੍ਸਿਰਿਮਾਵਹਨ੍ਤਂ,

ਯਸ੍ਸਾ ਸੁਧਾਸੁਪਰਿਕਮ੍ਮਕਤਂ ਰਰਾਜ

ਪਾਕਾਰਚਕ੍ਕਮਚਲਂ ਮਕੁਟਾਨੁਕਾਰਂ; ()

੪.

ਯਸ੍ਸਾ ਰਰਾਜ ਪਰਿਖਾ ਨਗਰਿਨ੍ਦਿਰਾਯ

ਕਿਞ੍ਜਕ੍ਖਿਞ੍ਜਰਿਤਤੀਰਦਸਾਭਿਰਾਮਾ,

ਸਂਸਿਬ੍ਬਿਤਾਲਿਵਿਤ੍ਤੀਮਣਿਤਨ੍ਤੁਪਨ੍ਤੀ

ਪਾਕਾਰਸੋਣਿਭਰਤੋ ਗਲਿਤਮ੍ਬਰਂ’ਵ; ()

੫.

ਕਨ੍ਦਪ੍ਪਦਪ੍ਪਮਦਿਰਾਮਦਮਤ੍ਤਧੁਤ੍ਤਾ

ਮਨ੍ਦਾਨਿਲੇਰਿਤਸੁਨੀਲਲਤਾਵਿਤਾਨਂ,

ਯਸ੍ਮਿਂ ਵਿਲੋਲਨਯਨਞ੍ਜਲਿਪਿਯਮਾਨਂ

ਆਪਾਨਭੁਮਿਨਿਭਮੋਪਵਨਂਭਜਿਂਸੁ; ()

੬. ¶

ਮਤ੍ਤਙ੍ਗਨਾਯ ਨਵਯੋਬ੍ਬਨਗਬ੍ਬਿਤਾਯ

ਰਙ੍ਗਾਲਯਗ੍ਗਮਣਿਦਪ੍ਪਣਬਿਮ੍ਬਿਤੇਹਿ,

ਯਾ ਰਾਜਧਾਨਿ ਘਨਪੀਨਪਯੋਧਰੇਹਿ

ਸੋਮ੍ਮਾਨਨੇਹਿ ਭਜਿ ਮਾਨਸਵਾਪਿਸੋਭਂ; ()

੭.

ਸਙ੍ਕਪ੍ਪਿਤਾਭਰਣਰਂਸਿ ਸਤੇਰਤਾਲੀ

ਦਾਠਾਬਲਾਕਵਿਸਰਾ ਮਦਵੁਟ੍ਠਿਧਾਰਾ,

ਯਸ੍ਮਿਂ ਪੁਰੇ ਘਰਮਯੂਰਕੁਲਂ ਅਕਾਲੇ

ਕੀਲ਼ਾਪਯਿਂਸੁ ਵਰਵਾਰਣਵਾਰਿਵਾਹਾ; ()

੮.

ਪਾਕਾਰਚਕ੍ਕਬਹਿਨਿਗ੍ਗਤ ਮੁਗ੍ਗਰਾਗਂ

ਯਸ੍ਮਿਂ ਤੁਰਙ੍ਗਨਿਕਰੁਦ੍ਧਟਧੂਲਿਜਾਲਂ,

ਰਚ੍ਛਾਵਤਾਰਜਨਤਾਯ ਖਣਂ ਜਨੇਸਿ

ਭੀਤਿਂ ਪਦਿਤ੍ਤਪਲਯਾਨਲਜਾਲਸੋਭਂ; ()

੯. ¶

ਯਸ੍ਮਿਂ ਵਿਮਾਨਮਣਿਸਿਙ੍ਗਜੁਤਿਪ੍ਪਬਨ੍ਧ-

ਸਞ੍ਚੁਮ੍ਬਿਤਂ ਜਿਤਰਵਿਂ ਹਰਿਣ੍ਡਕਬਿਮ੍ਬਂ,

ਨਾਰੀਜਨਾਨਨਸਰੋਜਕਤਾਵਮਾਨਂ

ਕੋਧਾਭਿਭੁਤਮਿਵ ਵਣ੍ਣਵਿਕਾਰਮਾਪ; ()

੧੦.

ਯਤ੍ਥਿਸ੍ਸਰੇਹਿ ਸਮਧਿਗ੍ਗਹਿਤਾਨਿ ਤੁਙ੍ਗ-

ਕੇਲਾਸਕੁਟਧਵਲਾਤਿ ਮਨੋਹਰਾਤਿ,

ਨਿਚ੍ਚਂ ਸੁਧਾਸੁਪਰਿਕਮ੍ਮਕਤਾਨਿ ਚਾ’ਸੁਂ

ਲਕ੍ਖੀਨਿਕੇਤਨਨਿਭਾਨਿ ਨਿਕੇਤਨਾਨਿ; ()

੧੧.

ਯਤ੍ਥਿਨ੍ਦਨਿਲਮਣਿਮਾਪਿਤਮਣ੍ਡਪਗ੍ਗੇ

ਹੇਮਦ੍ਧਜਾਵਲਿਪਰਿਬ੍ਭਮਣਂਕ ਪੁਰਮ੍ਹਿ,

ਜੀਮੂਤਕੂਟਪਮੁਖੇ ਸਤਵਿਜ੍ਜੁਮਾਲਾ-

ਲੀਲਾਵਹਂ ਵਿਰਹਿਨੀਨਮਘਂ ਜਨੇਸਿ; ()

੧੨. ¶

ਸਞ੍ਝਾਨੁਰਾਗਮਣਿਤੋਰਣਦੀਧਿਤੀਹਿ

ਭਿਨ੍ਨਨ੍ਧਕਾਰਨਿਕਰਾ’ਖਿਲਨਾਗਰਾਨਂ,

ਯਾ ਰਾਜਧਾਨਿ ਜਨਯਨ੍ਤਿਪਿ ਤੁਙ੍ਗਤੁਟ੍ਠਿਂ

ਪੀਤ੍ਯਾ ਨਵਾਸਿ ਰਜਨੀਸ੍ਮ ਭਿਸਾਰਿਕਾਨਂ; ()

੧੩.

ਸੇਵਾਲਕੇਸਰਸਮਾਕੁਲਤੀਰਭਾਗਾ

ਸਮ੍ਫੁਲ੍ਲਰਤ੍ਤਪਦੁਮੁਪ੍ਪਲਕਲ੍ਲਹਾਰਾ,

ਹਂਸਾਲਿਸਾਰਸਸਮੋਸਰਣਾਭਿਰਾਮਾ

ਯਸ੍ਮਿਂ ਸੁਨਿਮ੍ਮਲਜਲਾ ਕਮਲਾਕਰਾਸੁਂ; ()

੧੪.

ਯਸ੍ਮਿਂਪੁਰੇ ਕੁਲਵਧੂਵਦਨਮ੍ਬੁਜਾਨਂ

ਲਦ੍ਧੁਂ ਨਿਰੂਪਮਸਿਰਿਂ ਭੁਸਮੁਸ੍ਸਹਨ੍ਤਾ,

ਯਾਵਜ੍ਜ ਸੇਤਸਰਸਿਰੁਹਸੀਤਰਂਸੀ

ਅਞ੍ਞੋਞ੍ਞਬਦ੍ਧਪਟਿਘਾ’ਵ ਵਜਨ੍ਤਿ ਨਾਸਂ; ()

੧੫. ¶

ਯਸ੍ਮਿਂ ਸੁਵਣ੍ਣਮਕਣਿਰੂਪਿਯਵਂਸਵਣ੍ਣ-

ਮੁਤ੍ਤਾਪਵਾਲ਼ਚਜਿਰੇਹਿ ਮਹਾਰਹੇਹਿ,

ਨਾਨਾਪਣਾ ਸੁਖੁਮਕਾਸਿਕਸਾਣਹਙ੍ਗ-

ਕੋਸੇਯ੍ਯਖੋਮਵਸਨੇਹਿ’ਭਵੁਂ ਪਪੁਣ੍ਣਾ; ()

੧੬.

ਚਕ੍ਕਾਸਿਸਤ੍ਤਿਧਨੁਕੁਨ੍ਤਗਦਾਦਿਭਤ੍ਥਾ

ਸਨ੍ਨਦ੍ਧਹੇਮਕਵਚਾ ਵਿਜਿਤਾਰਿਵਗ੍ਗਾ,

ਸਙ੍ਗਾਮਸਾਗਰਸਮੁਤ੍ਤਰਣਾਤਿਸੁਰਾ

ਯੋਧਾ ਯਹਿਂ ਪੁਰਵਰੇ ਅਕਰਿਂਸੁ ਰਕ੍ਖਂ; ()

੧੭.

ਫੂਟ੍ਠਾ ਕ ਵਾਟਨਿਕਟੇ ਮਣਿਮਨ੍ਦਿਰਾਨਂ

ਕਪ੍ਪਾਸਪਟ੍ਟਧਵਲਾ ਸਰਦਬ੍ਭਰਾਜੀ,

ਯਸ੍ਮਿਂ ਖਣਂ ਜਵਨਿਕਾਸਿਰਿਮਾਦਧਾਨਾ

ਥੀਨਂ ਜੁਗੋਪ ਮਧੁਪੇਹਿ ਮੁਖਮ੍ਬੁਜਾਨਿ; ()

੧੮. ¶

ਨਿਬ੍ਬਿਦ੍ਧਵੀਥਿਵਿਸਰੇਹਿ ਸੁਸਜ੍ਜਿਤੇਹਿ

ਨਿਚ੍ਚੁਸ੍ਸਵਾਯ ਪੁਰਮੁਸ੍ਸਿਤਤੋਰਸੇਹਿ,

ਭੋਗਿਨ੍ਦਭੋਗਨਿਕਰੇਹਿ ਰਸਾਤਲਂ’ਵ

ਯਂ ਸਮ੍ਪਸਾਰਿਤਫਣੇਹਿ ਬਭੁਵ ਰਮ੍ਮਂ; ()

੧੯.

ਯਸ੍ਮਿਂਪੁਰੇ ਵਿਵਟਮਨ੍ਦਿਰਜਾਲਕਾਨਂ

ਉਦ੍ਧੂਤਧੁਲਿਮਲਿਨੀਕਲ਼ਿਤਾਲਕਾਨਂ,

ਨਾਰਿਨਮਿਨ੍ਦੁਰੁਚੀਰਾਨਨ ਦਪ੍ਪਣੇਸੁ

ਲੋਕਸ੍ਸ ਲੋਚਨਮਣਿ ਪਟਿਬਿਮ੍ਬਿਤਾ’ਸੁਂ; ()

੨੦.

ਗਮ੍ਭੀਰਸਙ੍ਖਪਟਭਦ੍ਧਨਿਭੂਰਿਘੋਸਂ

ਕੇਲਾਸਕੂਟਧਵਲਾਲਯਫੇਣਪਿਣ੍ਡਂ,

ਯਂ ਪੁਣ੍ਣਸਤ੍ਤਰਤਨਂ ਪੁਰਖੀਰਸਿਨ੍ਧੁਂ

ਲਕ੍ਖੀ ਅਲਙ੍ਕਰਿ ਤੁਰਙ੍ਗਤਰਙ੍ਗਵੇਗਂ; ()

੨੧. ¶

ਰੇਣੁਪ੍ਪਬਨ੍ਧਮਲਿਨਂ ਕਵਨਰਾਜਿਨੀਲਂ

ਮਧਵਾਤਿਮਤ੍ਤਮਧੁਪਂ ਪਦੁਮਾਭਿਰਾਮਂ,

ਯਂ ਰਾਜਹਂਸਭਜਿਤਂ ਅਵਤਿਣ੍ਣਲੋਕਂ

ਆਸਿ ਪੁਰਂ ਵਿਕਚਕਞ੍ਜਵਨਂ ਯਥੇਵ; () (ਸਿਲੇਸਬਨ੍ਧਨਂ;)

੨੨.

ਯਸ੍ਮਿਂਪੁਰਮ੍ਹਿ ਰਤਨੁਜ੍ਜਲਨੀਲਕਣ੍ਠਾ

ਰਾਗਾਵਮਦ੍ਦਿਤਧਰਾ’ਵਿਵਟਦ੍ਵਿਜਾਲਿ,

ਆਸੁਂਪਯੋਧਰਭਰਾ’ਵਿਰਲ਼ਪ੍ਪਦੇਸਾ

ਸਮ੍ਪਤ੍ਤਵੁਟ੍ਠਿਦਿਵਸਾਵਿਯਮਾਤੁਗਾਮਾ; () (ਸਿਲੇਸਬਨ੍ਧਨਂ;)

੨੩. ¶

ਧਮ੍ਮਾਨੁਧਮ੍ਮਪਟਿਪਤ੍ਤਿ ਪਰਾਯਣਸ੍ਸ

ਸਂਸਾਰਭੀਰੁਕਜਨਸ੍ਸ ਤਪੋਵਨਾਭਾ,

ਯਾ ਰਾਜਧਾਨਿ ਪਚੁਰਨ੍ਧਪੁਥੁਜ੍ਜਨਾਨਂ

ਆਪਾਨਭੁਮਿਵ ਬਭੂਵੁ’ਭਯਪ੍ਪਕਾਰਾ; ()

੨੪.

ਬੁਦ੍ਧਙ੍ਕੁਰਸ੍ਸ ਰਵਿਵਂਸਪਭਙ੍ਕਰਸ੍ਸ

ਸਮ੍ਮਾ ਸੁਖਾਨੁਭਾਵਨਾਯ ਸੁਭੁਮਿਭੁਤਾ,

ਭੋ ਯਾਦਿਸਿ ਕਪਿਲਵਤ੍ਥੁਪੁਰਿ ਪੁਰੇ’ਸਿ

ਧਮ੍ਮਸ੍ਸਭਾਵਮਧੁਨਾ ਪਰਿਦੀਪਯੇ ਸਾ; ()

੨੫.

ਤਸ੍ਮਿਂ ਬਭੂਵ ਨਗਰੇ ਨਗਰਾਧਿਰਾਜੇ

ਰਾਜਾ ਸੁਨੀਤਿਚਤੁਰੋ ਚਤੁਸਙ੍ਗਹੇਹਿ,

ਧਮ੍ਮੇਨ ਸਬ੍ਬਜਨਰਞ੍ਜਨਕੋ ਕਦਾਚਿ

ਸੁਦ੍ਧੋਦਨਵ੍ਹਵਿਸੁਤੋ ਰਵਿਵਂਸਕੇਤੁ; ()

੨੬. ¶

ਦਿਸ੍ਵਾ’ਵਤਾਰਕਲੁਸਿਕਤਮਤ੍ਤਭਾਵਂ

ਉਕ੍ਕਣ੍ਠਿਤੇ’ਵ ਕਮਲਾ ਕਮਲਾਪਤਿਸ੍ਸ,

ਭੂਪਾਲਿਪਾਲਿਭਜਿਤਂ ਚਰਣਾਰਵਿਨ੍ਦਂ

ਸਂਸੇਵਿ ਯਸ੍ਸ ਰਵਿਵਂਸਧਜਸ੍ਸ ਰਞ੍ਞੋ; ()

੨੭.

ਯਸ੍ਸਾ’ਵਨੀਸਕਵਿਨੋ ਕਵਿਕਣ੍ਠਭੁਸਾ

ਵਾਣਿਵਧੂ ਮਧੁਰਕੋਮਕਲਕਤ੍ਤਵਾਣੀ,

ਪਤ੍ਵਾ ਚਤੁਮ੍ਮੁਖਮੁਖਮ੍ਬੁਜਕਾਨਨਮ੍ਹਾ

ਹਂਸੀਵ ਮਾਨਸਤਲ਼ਾਕਮਲਙ੍ਕਰਿਤ੍ਥ; ()

੨੮.

ਸਬ੍ਬਾਰਿਦਪ੍ਪਮਥਨੋਪਰਿ ਏਕਧਤ੍ਵਾ

ਅਜ੍ਝਤ੍ਤਿਕਾਰਿਪਰਾਜਿਯਮਪ੍ਪਸਯ੍ਹਂ,

ਸਂਸੁਦ੍ਧਚਿਤ੍ਤਨਿਕਸੇ ਨਿਸਿਤੇਨ ਤਾਵ

ਪਞ੍ਞਾਯੁਧੇਨ ਅਵਧਿਤ੍ਥ ਮਹੀਭੁਜੋ ਯੋ; ()

੨੯. ¶

ਯਸ੍ਮਾ ਮਹੀਪਤਿਮਹੀਧਰਤੋ ਉਪੇਕ੍ਖਾ-

ਵੇਲ਼ਾਤਲਾਵਧਿ ਦਯਾਸਲਿਲੇਨ ਪੁਣ੍ਣਾ,

ਮੇਤ੍ਤਾਸਵਨ੍ਤਿ ਪਭਵਾ ਮੁਦਿਤੁਮਿਮਾਲਾ

ਅਜ੍ਝੋਤ੍ਥਰਿਤ੍ਥ ਭੁਵਨਤ੍ਤਯਗਂਜਨੋਘਂ; ()

੩੦.

ਸਮ੍ਪਨ੍ਨਦਾਨਸਦਨਮ੍ਬੁਧਰੇਹਿ ਯਸ੍ਸ

ਦਾਨਾਧਿਮੁਤ੍ਤਿਪਰਮਸ੍ਸ ਮਨੋਦਹੇਸੁ,

ਤਣ੍ਹਾਤਟਾਨਿ ਕਪਣਦ੍ਧਿਕਯਾਚਕਾਨਂ

ਹਿਨ੍ਨਾਨਿ ਸਤ੍ਤਰਤਨਮ੍ਬੁਨਿਪਾਤਨੇਨ; ()

੩੧.

ਯਸ੍ਸਿਨ੍ਦਨੀਲਨਯਨਂ ਰਜਤਾਵਦਾਤ-

ਦਨ੍ਤਂ ਸੁਵਣ੍ਣਵਦਨਞ੍ਚ ਪਵਾਲ਼ਸੀਸਂ,

ਮੁਤ੍ਤਾਮਯਙ੍ਗਵਯਵਂ ਰਤਨੇਹਿ ਨਾਨਾ

ਦੇਹਂ ਸੁਮਾਪਿਤਮਿਵਾਸਿ ਪਿਤਾਮਹੇਨ; () (ਸੀਲੇਸਬਨ੍ਧਨਂ)

੩੨. ¶

ਯਸ੍ਸਾਤਿਪਣ੍ਡਰਯਸੋਵਿਸਰੋ’ਸਧੀਸੋ

ਸਙੇਕ੍ਕਾਚਿਤਾਨਨਸਰੋ’ਰਿਨਰਾਧਿਪਾਨਂ,

ਸੋਕਨ੍ਧਕਾਰਭਿਦੁਰੋ ਰਿਪੁਰਾਜਿਨੀਨਂ

ਆਸਾਗਰਨ੍ਤਪਥਵਿਂ ਪਰਿਧਿਕਰਿਤ੍ਥ; ()

੩੩.

ਰਾਜਞ੍ਞਛਪ੍ਪਦਕੁਲਂ ਸਕਲਂ ਪਦੇਸ-

ਰਜ੍ਜਾਧਿਪਚ੍ਚਮਕਰਨ੍ਦਰਸਾਭਿਲਾਸਂ,

ਯਸ੍ਸਤ੍ਤਭਾਵਕਮਲਾਕਰਫੁਲ੍ਲਿਤਾਨਿ

ਸਂਸੇਵਿ ਚਾਰੁਚਰਣਮ੍ਬੂਰੁਹਾਨਿ ਭਤ੍ਯਾ; ()

੩੪. ¶

ਸੇਤਾਤਪਤ੍ਤਮਿਵ ਵਿਸ੍ਸੁਤਕਿਤ੍ਤਿਪੁਞ੍ਜਂ

ਕਤ੍ਵਾ’ਸਿਪਤ੍ਤਮਿਵ ਪਾਵਕਭੀਮਤੇਜਂ,

ਯਸ੍ਮਿਂ ਸਰਜ੍ਜਮਨੁਸਾਸਤਿ ਸੇਸਭੂਪਾ

ਛਤ੍ਤਾਸਿਭੂਸਿਤਕਰਾ ਸਕਕਿਙ੍ਕਰਾ’ਵ; ()

੩੫.

ਦ੍ਵਾਰਾਨਿ’ਨੇਕਕਪਣ੍ਡਿਕਯਾਚਕਾਨਂ

ਉਗ੍ਘਾਟਿਤੋਪ੍ਯ’ਵਿਰਤਂ ਰਤਨਾਲਯੇਸੁ,

ਸਦ੍ਧਾਦਿਸਤ੍ਤਧਨਰਕ੍ਖਣਤਪ੍ਪਰੋ ਸਂ

ਦ੍ਵਾਰਤ੍ਤਯਂ ਪਿਦਹਿ ਯੋ ਕਪਿਲਾਧਿਨਾਥੋ; ()

੩੬.

ਯਸ੍ਸੁਸ੍ਸਿਤਦ੍ਧਨੁਏਣੋ ਪਬਲਾਰਿਵਗ੍ਗਂ

ਵਿਸ੍ਸਟ੍ਠਾਬਾਣਵਿਸਰਬ੍ਬਿਸਮੁਬ੍ਬਹਨ੍ਤੋ,

ਭਸ੍ਮਿਕਰਿ ਕਰਿਕਰਾਯਤਪੀਨਬਾਹੁ-

ਸਪ੍ਪੋ ਸੁਫੋਠਿਤਜਿਯਾਪਰਿਫਨ੍ਦਜਿਵ੍ਹੋ; ()

੩੭. ¶

ਲਕ੍ਖੀਨਿਧਾਨਨਗਰਣ੍ਣਵਪਾਤੁਭੂਤੋ

ਮਨ੍ਤਿਨ੍ਦਕੂਟਸਿਖਰੀਵਲਯਾਵੁਤੋ ਯੋ,

ਵਾਲਗ੍ਗਮਤ੍ਤਮ੍ਪਿ ਰਾਜਸਿਣੇਰੁਰਾਜਾ

ਕੋਧਾਨਿਲੇਨ ਰਿਪੁਰਞ੍ਞਮਕਮ੍ਪਿਯੋ’ਸਿ; ()

੩੮.

ਭਸ੍ਮਿਕਤਾਖੀਲਵਿਪਕ੍ਖਨਰਿਨ੍ਦਕਟ੍ਠੋ

ਕੋਧਾਨਲੋ ਸਰਸਮੀਰਣਭਾਵਿਤੋਪਿ,

ਨਿਬ੍ਬਾਯਿ ਪਗ੍ਘਰਿਤਬਪ੍ਪਜਲੇਹਿ ਯਸ੍ਸ

ਲੋਲਬ੍ਬਿਲੋਚਨਘਟੇਹਿ ਵਿਪਕ੍ਖਥੀਨਂ; ()

੩੯.

ਸਨ੍ਨੀਤਿਮਗ੍ਗਜਲਿਤੁਗ੍ਗਮਤਿਪ੍ਪਦੀਪੋ

ਕਿਤ੍ਤਿਪ੍ਪਬਨ੍ਧਧਵਲੀਕਤਜਿਵਲੋਕੋ,

ਰਾਜਿਨ੍ਦਮੋਲ਼ਿਮਣਿਲਙ੍ਕਤਪਾਦਪੀਠੋ

ਧਮ੍ਮੇਨ ਰਜ੍ਜਮਨੁਸਾਸਿ ਚਿਰਂ ਸਰਾਜਾ; ()

੪੦. ¶

ਤਸ੍ਸਤਿਪੀਵਰਪਯੋਧਰਭਦ੍ਦਕੁਮ੍ਭ-

ਦ੍ਵਨ੍ਦਾਤਿਭਾਰਵਿਰਲ਼ੀਕਤਮਜ੍ਝਭਾਗਾ,

ਨਿਦ੍ਦੋਸਬਾਲਰਵਿਮਣ੍ਡਲਚਾਰੁਗਣ੍ਡਾ

ਦਿਬ੍ਬਚ੍ਛਰਾਜਿਤਵਿਰਾਜਿਤਰੂਪਸੋਭਾ; ()

੪੧.

ਸਮ੍ਫੁਲ੍ਲਨੀਲਕਮਲਾਮਲਨੀਲਨੇਤ੍ਤਾ

ਓਲਮ੍ਬਮਾਨਮਣਿਕੁਣ੍ਡਲਲਮ੍ਬਕਣ੍ਣਾ,

ਮੁਤ੍ਤਾਵਲਿਵਦਸਨਾਵਲਿ ਹਂਸਧੇਨੁ-

ਹੇਲਾਪਹਾਸਗਮਨਾ ਮੁਦੁਚਾਰੁਵਾਣੀ; ()

੪੨.

ਬਿਮ੍ਬਾਧਰਾ ਜਲਧਰਾਯਤਕੇਸਪਾਸਾ

ਸੋਵਣ੍ਣਦਪ੍ਪਣਨਿਭਾਨਨਚਨ੍ਦਬਿਮ੍ਬਾ,

ਸਨ੍ਨੀਰਪੁਪ੍ਫਮਕੁਲ਼ੋਪਮਚਾਰੁਜਙ੍ਘਾ

ਕਨ੍ਦਪ੍ਪ ਮਙ੍ਗਲਸਿਲਾਤਲਸੋਣਿਭਾਗਾ; ()

੪੩. ¶

ਨਾਭਾਲਵਾਲ਼ਰੁਹਨੀਲਤਮਾਲਵਲ੍ਲੀ-

ਲੀਲਾਵਿਨਦ੍ਧਨਵਕੋਮਲਰੋਮਰਾਜੀ,

ਲਾਵਣ੍ਣਵਾਰਿਧਿਤਰਙ੍ਗਭੁਜਾ’ਭਿਨੀਲ-

ਸੁਬ੍ਭੁਲਤਾਮਕਰਕੇਤਨਚਾਪਰੂਪਾ; ()

੪੪.

ਭੁਪਾਲਵਂਸਕਮਲਾਕਰਰਾਜਭਂਸਿ

ਮਾਯਾਵਧੁ ਇਵ ਸੁਜਮ੍ਪਤਿਨੋ ਸੁਜਾਤਾ,

ਚਨ੍ਦਸ੍ਸਕੋਮੁਦਿ’ਵ ਵਿਜ੍ਜੁਰਿਵ’ਮ੍ਬੁਦਸ੍ਸ

ਰਞ੍ਞੋ’ਤਿਚਾਰੁਚਰਿਤਾਸਿ ਪਿਯਾ ਮਹੇਸਿ; ()

੪੫. ¶

ਤਸ੍ਮਿਂ ਨਗੋਪਮਘਰੇ ਨਗਰੇ ਤਦਾਸਿ

ਆਸਾਲ਼੍ਹਿਮਙ੍ਗਲਮਹੋ ਦਿਵਸਾਨਿਸਤ੍ਤ,

ਮਿਲਾਸੁਗਨ੍ਧਪਰਮਂ ਵਿਗਤਾਸਵਂ ਤਂ

ਨਕ੍ਖਤ੍ਤਕੀਲ਼ਮਕਰਿਤ੍ਥ ਮਹੇਸਿ ਮਾਯਾ; ()

੪੬.

ਵੁਟ੍ਠਾਯ ਸਤ੍ਤਮਦਿਨਾਗਤਪੁਣ੍ਣਮਾਯ

ਪਾਤੋ ਸੁਗਨ੍ਧਪਰਿਵਾਸਿਤਵਾਰਿਨਾ ਸਾ,

ਕਤ੍ਵਾ ਸਿਨਾਨਮਤੁਲਂ ਕਪਣ੍ਡਿਕਾਨਂ

ਦਾਨਂ ਅਦਾਸਿ ਚਤੁਲਕ੍ਖਧਨਬ੍ਬਯੇਨ; ()

੪੭.

ਵਤ੍ਥਾਹਤੇਹਿ ਸੁਨਿਵਤ੍ਥਸੁਪਾਰੁਤਾ ਸਾ

ਭੁਤ੍ਵਾ’ਗ੍ਗਭੋਜਨਮਧਿਟ੍ਠਿਤੁਪੋਸਥ’ਙ੍ਗਾ,

ਨਿਦ੍ਦਾਤੁਰਾ ਸੁਪਿਨਮੋਵਰਕਂ ਪਵਿਸ੍ਸ

ਕਲ੍ਯਾਣਮਦ੍ਦਸ ਸਿਰੀਸਯਨੇ ਨਿਪਨ੍ਨਾ; ()

੪੮. ¶

ਨੇਤ੍ਵਾ ਨਿਪਨ੍ਨਸਯਨਂ ਹਿਮਵਨ੍ਤਪਸ੍ਸੇ

ਹੇਟ੍ਠਾ ਵਿਸਾਲਤਰਸਾਲ਼ਮਹੀਰੁਹਸ੍ਸ,

ਨਂ ਸਟ੍ਠਿਯੋਜਨਕਚਾਰੁਮਨੋਸਿਲਾਯਂ

ਆਰੋਪਯਿਂਸੁ ਚਤੁਰੋ ਕਿਰ ਦੇਵਰਾਜਾ; ()

੪੯.

ਨੇਤ੍ਵਾ ਮਨੁਸ੍ਸਮਲਸਂਹਰਣਾਯ ਤਮ੍ਹਾ’

ਨੋਤਤ੍ਤਨਾਮਰਹਦਂ ਸੁਨਹਾਪਯਿਤ੍ਵਾ,

ਦੇਵਿਤ੍ਥਿਯੋ ਸਪਦਿ ਦਿਬ੍ਬਮਯੇਹਿ ਨੇਸਂ

ਵਤ੍ਥੇਹਿ ਗਨ੍ਧਕੁਸੁਮੇਹਿ ਅਲਙ੍ਕਰਿਤ੍ਵਾ; ()

੫੦.

ਤਤ੍ਥੁਬ੍ਭਵੋ ਲਸਤਿ ਰੂਪਿਯਪਕਬ੍ਬਤੋ ਯੋ

ਤਸ੍ਸੋਦਰੇ’ਤਿਰੁਚਿਰੇ ਕਨਕਬ੍ਬਿਮਾਨੇ,

ਪਾਚੀਨਸੀਸਵਤਿ ਦਿਬ੍ਬਮਯਮ੍ਹਿ ਸਮ੍ਮਾ

ਪਞ੍ਞਾਪਿਤਗ੍ਗਸਯਨਮ੍ਹਿ ਸਯਾਪਯਿਂਸੁ; ()

੫੧.

ਓਰੁਯ੍ਹ ਸੇਤਵਰਵਾਰਣਰਾਜਵੇਸੋ

ਬੁਦ੍ਧਙ੍ਕੁਰੋ ਰੁਚਿਰਕਞ੍ਚਨਪਬ੍ਬਤਮ੍ਹਾ,

ਆਰੁਯ੍ਹ ਸਜ੍ਝੁਧਰਣਿਧਰਮੁਤ੍ਤਰਾਯ

ਸੋਣ੍ਡਾਯ ਸੇਤਸਰਸਿਰੁਹਮੁਬ੍ਬਹਨ੍ਤੋ; ()

੫੨. ¶

ਪਤ੍ਵਾ ਵਿਮਾਨਵਥਕੁਞ੍ਚਨਦਂ ਨਦਿਤ੍ਵਾ

ਕਤ੍ਵਾ ਪਦਕ੍ਖਿਣਮਲਙ੍ਕਤਮਾਤੁਸੇਯ੍ਯਂ,

ਭੇਤ੍ਵਾਨ ਤਾਯਪਨ ਦਕ੍ਖਿਣਪਸ੍ਸਮਨ੍ਤੋ

ਕੁਚ੍ਛਿਂ ਪਵਿਟ੍ਠਸਦਿਸੋ ਸੁਪਿਨੇਨ ਦਿਟ੍ਠੋ; ()

੫੩.

ਮਾਯਾਯ ਰਾਜਵਧੁਯਾ ਰੁਚਿਰਾਨਨਾਯ

ਆਸਾਲ਼੍ਹਿਪੁਣ੍ਣਮਿਯਮੁਤ੍ਤਰ’ਸਾਲ਼੍ਹਭੇਨ,

ਬੁਦ੍ਧਙ੍ਕੁਰਸ੍ਸ ਪਠਮੇਨ ਮਹਾਵਿਪਾਕ-

ਚਿਤ੍ਤੇਨ ਸਮ੍ਪਤਿ ਅਹੂ ਪਟਿਸਨ੍ਧਿਗਬ੍ਭੇ; ()

੫੪.

ਬੁਦ੍ਧਙ੍ਕੁਰਸ੍ਸ ਪਟਿਸਨ੍ਧਿਗਤਸ੍ਸ ਗਬ੍ਭੇ

ਮਾਯਾਯ ਚਾਰੁਚਰਿਤਾਯ ਚ ਖਗ੍ਗਹਤ੍ਥਾ,

ਨਿਸ੍ਸੇਸੁਪਦ੍ਦਵਨਿਰਾਕਰਣਾਯ ਰਕ੍ਖਂ

ਗਣ੍ਹਿਂਸੁ ਤਾਵ ਚਤੁਰੋ ਸੁਰਰਾਜਪੁਤ੍ਤਾ; ()

੫੫. ¶

ਮਾਯਾਯ ਭਤ੍ਤੁਪਰਮਾਯ ਤਤੋਪ੍ਪਭੁਤਿ

ਨੂਪ੍ਪਜ੍ਜਿ ਕਿਞ੍ਚਿ ਪੁਰਿਸੇਸੁ ਸਰਾਗਚਿਤ੍ਤਂ,

ਸਾ ਪਞ੍ਚਕਾਮਸੁਖਿਨੀ ਅਕਿਲਨ੍ਤਕਾਯਾ

ਲਾਭੇਨੁਲ਼ਾਰਯਸਸਾਪ੍ਯਭਿਵਡ੍ਢਿਤਾਸਿ; ()

੫੬.

ਪਞ੍ਞਾਯਿ ਧੋਤਰਤਨੇ ਜਨਿਕਾਯ ਅਨ੍ਤੋ

ਕੁਚ੍ਛਿਂ ਗਤੋ ਯਥਰਿਵਾਵੁਤਪਣ੍ਡੁਸੁਤ੍ਤਂ,

ਤਂ ਕੁਚ੍ਛਿਨਾ ਪਰਿਹਰੀ ਦਸਮਾਸਮਤ੍ਤਂ

ਪਤ੍ਤੇਨ ਤੇਲਮਿਵ ਰਾਜਿਨਿ ਅਪ੍ਪਮਤ੍ਤਾ; ()

੫੭.

ਪਾਤੋ’ਵ ਪਾਟਿਪਦਗੇ ਦਿਵਸੇ ਪਬੁਦ੍ਧਾ

ਰਞ੍ਞੋ ਕਥੇਸਿ ਸੁਪਿਨਂ ਅਥ ਸੋ ਨਰਿਨ੍ਦੋ,

ਵੇਦਙ੍ਗਵੇਦਚਤੁਰੇ ਚਤੁਸਟ੍ਠਮਤ੍ਤੇ

ਪਕ੍ਕੋਸਯੀ ਦ੍ਵਿਜਵਰੇ ਦ੍ਵਿਜਵਂਸਕੇਤੂ; ()

੫੮. ¶

ਲਾਜੁਤ੍ਤਰਾਯ ਪਰਿਭਣ੍ਡਕਤਾਯ ਭੁਮ੍ਯਾ

ਪਞ੍ਞਾਪਿਤੇਸੁ ਸੁਖੁਮਤ੍ਥਰਣਤ੍ਥਤੇਸੁ,

ਭਦ੍ਦਾਸਨੇਸੁ ਭਵਨਮ੍ਹਿਨਿਸਿਨ੍ਨਕਾਨਂ

ਨੇਮਿਤ੍ਤਿਕਾਨਮਵਨੀਪਤਿ ਭੁਸੁਰਾਨਂ; ()

੫੯.

ਪਕ੍ਖਿਤ੍ਤਸਪ੍ਪਿਮਧੁਸਕ੍ਖਿਰਖੀਰਮਿਸ੍ਸ-

ਪਾਯਾਸਪੁਣ੍ਣਹਰਿਰੂਪਿਯਭਾਜਨੇਹਿ,

ਵਤ੍ਥਾਹਤਾਨਿ ਧਨਧਞ੍ਞਚਯਞ੍ਚ ਧੇਨੂ

ਦਤ੍ਵਾਨ ਦਿਟ੍ਠਸੁਪਿਨਸ੍ਸ ਫਖਲਂ ਅਪੁਚ੍ਛਿ; ()

੬੦.

ਮਾਚਿਨ੍ਤਯਿਤ੍ਥ ਤਵ ਰਾਜਿਨਿਯਾ ਜਨਿਨ੍ਦ

ਕੁਚ੍ਛਿਮ੍ਹਿ ਤਮ੍ਪਤਿ ਪਤਿਟ੍ਠਹਿ ਪੁਤ੍ਤਗਬ੍ਭੋ,

ਅਜ੍ਝਾਵਸਿਸ੍ਸਤਿ ਸਞ੍ਚੇਪਨ ਚਕ੍ਕਵਤ੍ਤਿ

ਰਾਜਾ ਭਵਿਸ੍ਸਤਿ ਅਗਾਰਮਸਂਸਯਂ ਸੋ; ()

੬੧. ¶

ਹਿਤ੍ਵਾ ਸਸਤ੍ਤਰਤਨਂ ਚਤੁਦੀਪਰਜ੍ਜਂ

ਸੋ ਪਬ੍ਬਜਿਸ੍ਸਤਿ ਸਚੇ ਭਵਨਾ’ਭਿਗਨ੍ਤ੍ਵਾ,

ਬੁਦ੍ਧੋ ਭਵਿਸ੍ਸਤਿ ਧੁਵਂ ਚਤੁਸਚ੍ਚਬੁਦ੍ਧੋ

ਇਚ੍ਚਬ੍ਰੁਵਿਂਸੁ ਸੁਪਿਨਤ੍ਥਵਿਦੂ ਵਿਦੂ ਤੇ; ()

੬੨.

ਸਾ ਗਬ੍ਭਭਾਰਵਠਰਿਕਤਮਜ੍ਝਭਾਗਾ

ਗਨ੍ਤੁਂ ਸਕਂ ਕੁਲਘਰਂ ਕੁਲਕਞ੍ਜਹਂਸਿ,

ਇਚ੍ਛਾਮਹਨ੍ਤਿ ਪਟਿਵੇਦਯਿ ਦੇਵਿ ਰਞ੍ਞੋ

ਸੋ ਸਮ੍ਪਟਿਚ੍ਛਿ ਵਚਨਂ ਕਰਵੀਕਵਾਣ੍ਯਾ; ()

੬੩.

ਤਮ੍ਹਾ ਮਹਾਨਗਰਤੋ ਨਗਰਙ੍ਗਪੁਣ੍ਣਂ

ਸੋ ਯਾਵ ਦੇਵਦਹਨਾਮਿਕਰਾਜਧਾਨੀ,

ਮੁਤ੍ਤਾ’ਵਦਾਤਪੁਲ਼ਿਨਤ੍ਥਰਣੇਹਿ ਰਾਜਾ

ਲਾਜੋਪਹਾਰਵਿਧਿਨਾ ਕਮਲੁਪ੍ਪਲੇਹਿ; ()

੬੪. ¶

ਸਨ੍ਤੀਰਪੁਪ੍ਫਕਲਸੇਹਿ ਸਮਪ੍ਪਿਤੇਹਿ

ਮਨ੍ਦਾਤਿਲੇਰਿਤਪਟਾਕ ਧਜਾਵਲੀਹਿ,

ਕਾਰਾਪਯੀ ਕਨਕਰੂਪਿਯਤੋਰਣੇਹਿ

ਅਦ੍ਧਾਨਮਗ੍ਗਸਮਲਙ੍ਕਰਣਂ’ਤਖਿਪ੍ਪਂ; ()

੬੫.

ਵਨ੍ਦੀ’ਭਿਗੀਤਥੁਤਿਮਙ੍ਗਲਗੀਤਿਕਾਹਿ

ਪਞ੍ਚਙ੍ਗਿਕੇਹਿ ਤੁਰਿਯੇਹਿ ਕਤੁਪਹਾਰਂ,

ਤਸ੍ਮਿਂ ਸੁਮਣ੍ਡਿਤਪਸਾਧਿਤਮਞ੍ਜਸਮ੍ਹਿ

ਦਿਬ੍ਬਵ੍ਚਰਾਸਿਰਿਵਿਡਮ੍ਬਨਰੂਪਸੋਭਂ; ()

੬੬.

ਦੇਵਿਂ ਸੁਵਣ੍ਣਸਿਵਿਕਾਯ ਸੁਸਜ੍ਜਿਤਾਯ

ਆਰੋਪਯਿਤ੍ਵ ਖਚਿਤਾਯ ਮਣੀਹਿ ਨਾਨਾ,

ਪੇਸੇਸਿ ਭੁਪਤਿ ਪੁਰਕ੍ਖਤਞਾਤਿਸਙ੍ਘਂ

ਸਦ੍ਧਿਂ ਸਹਸ੍ਸਸਚਿਵੇਹਿ ਸੁਖੇਧਿਤਂ ਸੋ; ()

੬੭. ¶

ਸਮ੍ਥੁਲ੍ਲਪੁਪ੍ਫਫਲਪਲ੍ਲਵਵਤ੍ਤਭਾਰ-

ਰੁਕ੍ਖਾਕੁਲਂ ਘਨਸੁਨੀਲਲਤਾਵਿਤਾਨਂ,

ਹਿਨ੍ਤਾਲਤਾਲਨਲ਼ਕੀਚਕਨਾਲ਼ਿਕੇਰ-

ਸਨ੍ਨੀਰਪੂਗਤਿਣਪਾਦਪਪਨ੍ਤਿਸਾਲਿਂ; ()

੬੮.

ਸੇਵਾਲਨੀਲਸਲਿਲਾਨਿਲਸੀਤਲੇਹਿ

ਓਤਿਣ੍ਣਕਹਂਸਵਿਸਰੇਹਿ ਸਮੁਲ੍ਲਸਤ੍ਤਂ,

ਝਙ੍ਕਾਰਰਾਵਮੁਖਰਾਲਿਕੁਲਾਕਰਾਲ-

ਕਿਞ੍ਜਕ੍ਖਜਾਲਭਰਿਤਮ੍ਬੁਰੁਹਾਕਰੇਹਿ; ()

੬੯.

ਪੁਪ੍ਫਾਭਿਗਨ੍ਧਸੁਰਭੀਕਤਗਨ੍ਧਵਾਹਂ

ਅਦ੍ਦਕ੍ਖਿਸਬ੍ਬਜਨਲੋਚਨਪੀਯਮਾਨਂ,

ਨਿਨ੍ਦਨ੍ਤਨਨ੍ਦਨਵਨਂ ਵਨਜਾਯਤਕ੍ਖੀ

ਸਾ ਲੁਮ੍ਬਿਨੀਵਨਮਨਙ੍ਗਵਿਮਾਨਭੂਤਿਂ; ()

੭੦. ¶

ਸਾ ਰਾਜਿਨੀ ਨਵਦਲਙ੍ਗੁਲਿਪਨ੍ਤੀਚਾਰੁ-

ਸਾਖਾਭੁਜੋਪਹਿਤਮਞ੍ਜਰਿਚਾਮਰੇਹਿ,

ਸਨ੍ਨਦ੍ਧਕੋਮਲਲਤਾਵਨਿਤਾਨਮਗ੍ਗੇ

ਅਤ੍ਤੁਪਹਾਰਕਰਣਾਯ ਕਤਾਵਕਾਸਾ; ()

੭੧.

ਸੇਨਾਯ ਚਾਰੁਚਰਣਮ੍ਬੁਰੁਹੋਦ੍ਧਟੇਹਿ

ਰੇਣੂਹਿ ਧੂਸਰਿਤਮਗ੍ਗਮਨਕ੍ਕਮਨ੍ਤਿ,

ਸਦ੍ਧਿਂ ਸਕਾਯ ਪਰਿਸਾਯ ਤਤੋਤਰਿਤ੍ਵਾ

ਤਂ ਲੁਮ੍ਬਿਨੀਵਨਮੁਪਾਵਿਸਿ ਰਾਮਣੇਯ੍ਯਂ;()

੭੨.

ਤਂ ਰਾਜਿਨਿਂ ਵਨਵਧੁ ਜਿਤਹਂਸਗਾਮਿਂ

ਆਮੋਦਮਨ੍ਦਮਲਯਾਨਿਲਹਤ੍ਥਗੇਹਿ,

ਸਮ੍ਭਾਵਯਿਤ੍ਥ ਮੁਖਰਾਲਿਕੁਲਾਭਿਕਿਣ੍ਣ-

ਰੇਣੁਪ੍ਪਬਨ੍ਧਹਰਿਸਙ੍ਖਸਤੇਹਿ ਮਗ੍ਗੇ; ()

੭੩. ¶

ਗਚ੍ਛਨ੍ਤਿਯਾ ਚਰਣਨੂਪੁਰਨਾਦਪਾਸ-

ਬਦ੍ਧਾਨਮੁਨ੍ਨਤਸਿਰੋਮਿਗਪੋਤਕਾਨਂ,

ਉਮ੍ਮੀਲਿਤਾਯਤਵਿਲੋਚਨਪਨ੍ਤਿਪਕ੍ਖੇ

ਦਸ੍ਸੇਸਿ ਨੀਲਨਲਿਨੀਵਨਰਾਜਿਸੋਭਂ; ()

੭੪.

ਉਦ੍ਧਂ ਸਮਗ੍ਗਸਿਖਰੇਹਿ ਕਤਾਵਕਾਸ-

ਮਗ੍ਗਨ੍ਤਰੇਹਿ ਕਲਿਕਾਕੁਸੁਮਾਕੁਲੇਹਿ,

ਨਾਨਾਲਤਾਕੁਲਮਹਿਰੁਹਤੋਰਣੇਹਿ

ਉਯ੍ਯਾਨਭੁਮਿ ਉਪਹਾਰਰਤੇ’ਵ ਭੁਯ; ()

੭੫.

ਉਕ੍ਖਿਤ੍ਤਪਿਞ੍ਛਭਰਮਨ੍ਤਸਿਖਣ੍ਡਿਮਾਲਾ-

ਕੀਲ਼ਾਹਿ ਕੋਕਿਲਕੁਲਙਨਿਕਾਹਲ਼ੇਹਿ,

ਉਯ੍ਯਾਨਭੁਮਿ ਮਕਰਙਜਰਙ੍ਗਭੁਮਿ-

ਲੀਲਂ ਭਜਿਤ੍ਥ ਭਮਰਦ੍ਧਨਿਵਲ੍ਲਕੀਹਿ; ()

੭੬. ¶

ਨਿਚ੍ਚਂ ਵਸਨ੍ਤਸਮਯਸ੍ਸਿਰਿਮੁਬ੍ਬਹਨ੍ਤਂ

ਤਂਖੋਵਨਂ ਵਨਵਧੂਹਦਯਾਨੁਤਾਪੀ,

ਪਤ੍ਤੋ ਨਿਦਾਘਸਮਯੋਪਿ ਜਨੇਸਿ ਤੁਟ੍ਠਿਂ

ਤਸ੍ਸਾ ਸਿਰਿਸਕੁਸੁਮਾਲਿਕੁਲਾਵਤਂਸੋ; ()

੭੭.

ਤਸ੍ਮਿਂ ਨਿਦਾਘਸੂਰਿਯਾਤਪਤਾਪਿਤਾਮ੍ਭਂ

ਰਿਤ੍ਤਾਲਵਾਲ਼ਮਿਵਕਾਲਮਕਾਲਮੇਘੋ,

ਚਿਨ੍ਤਾਤੁਰਂ ਹਦਯਮਤ੍ਤਸਖੀਜਨੋਪਿ

ਪੀਣੇਸਿ ਗਬ੍ਭਪਰਿਪਾਕਭਰਂ ਵਾਹਨ੍ਤ੍ਯਾ; ()

੭੮.

ਕਟ੍ਠਾਵਸਿਟ੍ਠਤਰਵੋ ਪਰਿਹੀਨਪਤ੍ਤਾ

ਤਸ੍ਸਾਧਰਕ੍ਖਿਦਸਨਜ੍ਜੁਤਿਸਙ੍ਗਮੇਨ,

ਆਸੁਂ ਨਵਙ੍ਕੁਰਪਲਾਸਵਿਕਾਸਪੁਪ੍ਫ-

ਸਂਵੇਲ੍ਲਿਤਾ’ਵ ਰਮਣੀਯਵਨਪ੍ਪ ਦੇਸੇ; ()

੭੯. ¶

ਗਿਮ੍ਹਾਭੀਤਾਪਪਰਿਪੀਲ਼ਿਤਙ੍ਧਲ੍ਲਿਕਾਨਂ

ਗਮ੍ਭੀਰਰਾਵਮੁਖਰੀਕਤਦਾਯਰਾਜਿ,

ਦੁਕ੍ਖਾਤੁਰਬ੍ਬਿਰਹਿਨੀਪਮਦਾਜਨਸ੍ਸ

ਆਸਿ ਵਿਲਾਪਬਧਿਰੀਕਲ਼ਿਤੇ’ਵ ਸਾਲ਼ਾ; ()

੮੦.

ਤਸ੍ਮਿਂ ਵਿਕਾਸਕਲਿਕਾਵਲਿਹਾਰਿਹਾਰਾ

ਕਿਞ੍ਚਾਪਿ ਪਕ੍ਕਫਖਲਵਲ੍ਲਰਿਕਣ੍ਠਭੁਸਾ,

ਨਾਸਕ੍ਖਿ ਪੂਗਤਰੁਪਨ੍ਤਿ ਸੁਮਣ੍ਡਿਤਾਯ

ਮਾਯਾਯ ਤਾਯ ਸਿਰਿਮਾਭਰਿਤੁਂ ਘਟਨ੍ਤੀ; ()

੮੧.

ਉਯ੍ਯਾਨਮੁਬ੍ਭਮਿਤਮਤ੍ਤਮਧੁਬ੍ਬਤੇਹਿ

ਚਮ੍ਪੇਯ੍ਯਪੁਪ੍ਫਮਕੁਲੇਹਿ ਸਮਾਕੁਲਂਤਂ,

ਉਦ੍ਧੁਤਧੁਮਪਟਲੇਹਿ ਮਨੋਭਵਸ੍ਸ

ਦੀਪੇਹਿ ਵਾਸਭਵਕਨਂ’ਵ ਲਸਨ੍ਤਮਾਸਿ; ()

੮੨. ¶

ਗਬ੍ਭੂਪਗਂ ਭਮਰਕੇਸਕਲਾਪਭਾਰਾ

ਬੁਦ੍ਧਙ੍ਕੁਰਂ ਪਰਿਣਤਙ੍ਕੁਰਲੋਮਹਂਸਾ,

ਵਨ੍ਦਨ੍ਤਿਯੋ ਵਿਯ ਤਹਿਂ ਥਬਕਞ੍ਜਲੀਹਿ

ਮਨ੍ਦਾਨਿਲੇਰਿਤਲਤਾਵਨਿਤਾ ਕਨਤਾ’ਸੁਂ; ()

੮੩.

ਗਬ੍ਭੂਪਗਸ੍ਸ ਪਰਿਪਕ੍ਕਫਲੇਹਿ ਨਾਨਾ

ਪੁਞ੍ਞਾਨੁਭਾਵਪਭਵੋਤੁਸਮੁਬ੍ਭਵੇਹਿ,

ਮਾਯਾਯ ਗਬ੍ਭਬਲਿਕਮ੍ਮਨਿ ਤਪ੍ਪਰੇ’ਵ

ਉਯ੍ਯਾਨਭੁਮਿ ਜਨਤਂ ਭਵਿ ਤਪ੍ਪਯਨ੍ਤਿ; ()

੮੪.

ਗਬ੍ਭੂਪਗਸ੍ਸ ਹਿ ਮਹਾਪੁਰਿਸਸ੍ਸ ਗਬ੍ਭ-

ਵੁਟ੍ਠਾਨਮਙ੍ਗਲਮਹੁਸ੍ਸਵਵਾਸਰਮ੍ਹਿ,

ਉਯ੍ਯਾਨਭੁਮਿ ਸਕਲੋਤੁਸਮੁਬ੍ਭਵੇਹਿ

ਆਸਿ ਵਿਕਾਸਕੁਸੁਮੇਹਿ ਸਮਾਭਿਕਿਣ੍ਣਾ; ()

੮੫. ¶

ਸਾਲੁਮ੍ਬਿਨੀਵਨਸਿਰਿਂ ਕਲਹਂਸਘੋਸਂ

ਸਮਫੁਲ੍ਲਪੁਪ੍ਫਸੁਰਭਿਂਫਲਸਮ੍ਭਵੋਜਂ,

ਪਞ੍ਚਿਨ੍ਦ੍ਰਿਯੇਹਿ ਗਿਰਿਨਿਜ੍ਝਰਸਿਤਵਾਤਂ

ਪਚ੍ਚਕ੍ਖਪਞ੍ਚਵਿਧਕਾਮਰਸਂਅਵਿਨ੍ਦਿ; ()

੮੬.

ਨਿਯ੍ਯਾਸਸਾਰਸੁਰਹਿਂਫਖਲਪਲ੍ਲਵੇਹਿ

ਝਂਕਾਰਿਤਾਲਿਕੁਲਕੁਜਿਤਕੋਕਿਲੇਹਿ,

ਸਮ੍ਫੁਲ੍ਲਪੁਪ੍ਫਨਿਕਰੇਹਿ ਸਮਾਭਿਕਿਣ੍ਣ

ਮਦ੍ਦਕ੍ਖਿਸਾਯੁਵਤਿਮਙ੍ਗਲਸਾਲ਼ਸਾਲਂ; ()

੮੭.

ਸਮ੍ਫੁਲ੍ਲਸਾਲ਼ਕਲਿਕਂਤਯਤਾਲਿਮਾਲਾ

ਸਞ੍ਚੁਮ੍ਬਿਤਂਕੁਵਲਯਾਮਲਲੋਚਨਾਯ,

ਸਾਖਂਸੁਕੋਮਲਕਰਙ੍ਗੁਲਿਪਲ੍ਲਵੇਹਿ

ਮਾਯਾਮਹੇਸਿਸਮਲਙ੍ਕਰਿ ਵਿਤਮਾਯਾ; ()

੮੮. ¶

ਭਾਰੋਨਤਾ’ਵ ਰੁਚਿਰਙ੍ਗੁਲਿਪਲ੍ਲਵਾਨਂ

ਝਙ੍ਕਾਰਰਾਵਮੁਖਰਾਲਿਕੁਲਾਭਿਰਾਮਾ,

ਸਾਖਾ ਵਿਕਾਸਕੁਸੁਮੇਹਿਸਮਾਕੁਲਾ ਸਾ

ਓਲਮ੍ਬਯਟ੍ਠਿ ਭਵਿ ਗਬ੍ਭਭਰਾਤੁਰਾਯ; ()

੮੯.

ਤਸ੍ਸਾ ਚਲਿਤ੍ਥ ਪਵਨੋ ਚਲਲੋਚਨਾਯ

ਕਮ੍ਮੁਬ੍ਭਵੋ ਵਰਤਿਰੋਕਰਣੇਹਿ ਤਾਵ,

ਦੇਵਿਂ ਨਿਰੂਪਮਸਿਰਿਂ ਸੁਪਰਿਕ੍ਖਿਪਿਤ੍ਵਾ

ਤਮ੍ਹਾ ਪਟਿਕ੍ਕਮਿ ਜਨੋ ਕਲ਼ਿਤਾਵਕਾਸੋ; ()

੯੦.

ਬ੍ਰਹ੍ਮਾਮਰਾਸੁਰਨਰੋਰਗਪੂਜਨੀਯਂ

ਬਤ੍ਤਿਂਸਲਕ੍ਖਣਸਮੁਜ੍ਜਲਰੂਪ ਸਾਰਂ

ਨਿਦ੍ਧੋਤਜਾਤਿਮਣਿਸਨ੍ਨਿਭਸੁਦ੍ਧਗਤ੍ਤਂ

ਸਤ੍ਤੁਤ੍ਤਮਂ ਸਪਦਿ ਦੇਵਿ ਠਿਤਾ ਵਿਜਾਯਿ; ()

੯੧. ¶

ਦੁਗ੍ਗਨ੍ਧਮੁਤ੍ਤਮਲਸੋਣਿਤਮਕ੍ਖਿਤਙ੍ਗਾ

ਜਾਯਨ੍ਤ੍ਯ’ਸੇਸਮਨੁਜਾ ਮਨੁਜੇਸੁਨੇ’ਵਂ,

ਚਙ੍ਗੋਟਕਮ੍ਹਿ ਜਿਨਧਾਤੁਰਿਵਾਧਿਵਾਸੋ

ਥੂਪਮ੍ਹਿ ਸੋਣ੍ਣਪਟਿਮਾਰਿਵ ਮਾਤੁਗਬ੍ਭਂ; ()

੯੨.

ਨਿਸ੍ਸੇਣਿਤੋਵ ਪੁਰਿਸੋ ਰਤਨਾਸਨਮ੍ਹਾ

ਥੇਰੋਵ ਧਮ੍ਮਕਥਿਕੋ ਠਿਤਕੋ’ਤਰਨ੍ਤੋ,

ਸਮ੍ਮਾ ਪਸਾਰਿਯ ਉਭੋ ਮੁਦੁਪਾਣਿਪਾਦੇ

ਸੋ ਨਿਕ੍ਖਮਿਤ੍ਥ ਕੁਣਪੇਹਿ ਅਮਕ੍ਖਿਤਙ੍ਗੋ; ()

੯੩. ¶

ਤਤ੍ਰੋਪਗਮ੍ਮ ਚਤੁਰੋ ਚਤੁਰਾਨਨਾ ਤਂ

ਜਾਲੇਨ ਕਞ੍ਚਨਮਯੇਨ ਵਿਸੁਦ੍ਧਚਿਤ੍ਤਾ,

ਆਦਾਯ ਮਾਤੁਪੁਰਤੋ ਤਨਯਂ ਠਪੇਤ੍ਵਾ

ਚਨ੍ਦਾਨਨੇ ਭਵਤੁ ਨਨ੍ਦਮਨਾ’ਤ੍ਯ’ਵੋਚੁਂ; ()

੯੪.

ਆਦਿਚ੍ਚਵਂਸਕਮਲਾਕਰਭਾਕਰਸ੍ਸ

ਬੁਦ੍ਧਙ੍ਕੁਰਸ੍ਸ ਸੁਭਸੀਤਲਵਾਰਿਧਾਰਾ,

ਨਿਕ੍ਖਮ੍ਮ ਤਾਵ ਨਭਸਾ ਨਿਜਮਾਤੁਯਾ ਚ

ਗਾਹਾਪਯੁਂ ਉਤੁਮੁਭੋਸੁ ਕਲੇਬਰੇਸੁ; ()

੯੫.

ਤੇਸਂ ਕਰੇਹਿ ਚਤੁਰੋ ਸੁਰਰਾਜਪੁਤ੍ਤਾ

ਗਣ੍ਹਿਂਸੁ ਸਣ੍ਹਸੁਖੁਮਾਯ’ਜਿਣਪ੍ਪਵੇਣ੍ਯਾ,

ਤੇਸਞ੍ਹਿ ਪਾਣਿਤਲਤੋ ਪਣਿਪਾਤਪੁਬ੍ਬਂ

ਗਣ੍ਹਿਂਸੁ ਤਂ ਦੁਕੁਲਚੁਮ੍ਬਟਕੇਨ’ਮਚ੍ਚਾ; ()

੯੬. ¶

ਤੇਸਂ ਕਰੇਹਿ ਪਥਵਿਤਲਮੋਤਰਿਤ੍ਵਾ

ਠਤ੍ਵਾ ਪੁਰਤ੍ਥਿਮਦਿਸਂ ਅਸਮੋ ਵਿਪਸ੍ਸਿ,

ਉਦ੍ਧਂ ਅਧੋ ਚਤੁਦਿਸਾਨੁਦਿਸਾ ਚ ਏਵਂ

ਏਕਙ੍ਗਨਂ ਭਵਿਤਦਾ’ਖਿਲਲੋਕਧਾਤੁ; ()

੯੭.

ਤੁਮ੍ਹੇਹਿ ਉਤ੍ਤਰਿਤਰੋ ਭੁਵਸੇ ਤੀਸੁ

ਨਤ੍ਥੀਤਿ ਮਤ੍ਥਕਜਟਾਮਕੁਟਪ੍ਪਿਤੇਹਿ,

ਕਤ੍ਵਾਨਿਜਞ੍ਜਲਿਪੁਟੇਹਿ ਨਿਪਚ੍ਚਕਾਰਂ

ਬ੍ਰਹ੍ਮਾਮਰਾਸੁਰਨਰਾ ਤਮਭਿਤ੍ਥਵਿਂਸੁ; ()

੯੮.

ਸੋਚ’ਤ੍ਤਨਾ ਸਮਮਦਿਸ੍ਵ ਦਿਸਾਸੁ ਤਾਸੂ

ਤਪ੍ਪਾਦਵੀਤਿਹਰਣੇਨ ਪਦਾਨਿਸਤ੍ਤ,

ਗਨ੍ਤ੍ਵਾਨ ਉਤ੍ਤਰਦਿਸਾ’ਭਿਮੁਖੋ ਅਵਨ੍ਯਾ

ਅਬ੍ਭੁਗ੍ਗਤਮ੍ਬੁਰੁਹਮੁਦ੍ਧਨਿ ਤਿਟ੍ਠਮਾਨੋ; ()

੯੯. ¶

ਅਗ੍ਗੋ’ਹਮਸ੍ਮਿ ਅਹਮਸ੍ਮਿ ਜਨਸ੍ਸ ਜੇਟ੍ਠੋ

ਸੇਟ੍ਠੋ’ਹਮਸ੍ਮਿ ਅਯਮਨ੍ਤਿਮ’ਜਾਤਿ ਮਯ੍ਹਂ,

ਧੀਰੋ ਮਮੇਤਰਹਿ ਨਤ੍ਥਿ ਪੁਨਬ੍ਭਵੋ’ਤਿ

ਨਿਚ੍ਛਾਰਿਤਾਸਭਿਵਚੋ ਨਦਿ ਸੀਹਕਨਾਦਂ; ()

੧੦੦.

ਵੇਸਾਖੇਮਾਸੇ ਸੁਹਕੁਜਦਿਨੇ ਪੁਣ੍ਣਮਾਯਂ ਵਿਸਾਖੇ

ਨਕ੍ਖਤ੍ਤੇਯੋਗੇ ਸੁਰਗੁਰੁਗਤੇ ਸੋ ਕੁਲ਼ੀਰਵ੍ਹਰਾਸਿਂ,

ਸਞ੍ਜਾਤੋ ਨਾਥੋ ਪਰਮਕਰੁਣਾਭਾਵਨਾਭਾਵਤਤ੍ਤੋ

ਮਾਯਾਕੁਚ੍ਛਿਮ੍ਹਾ ਕੁਸੁਮਿਤਲਤਾਵੇਲਲਿਤੁਯ੍ਯਾਨਭੁਮ੍ਯਾ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲ ਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੁਰੇਨਿਦਾਨੇ ਪਚ੍ਛਿਮਭਵਿਕ ਮਹਾਬੋਧਿ ਸਤ੍ਤੁਪ੍ਪਤ੍ਤਿ ਪਵਤ੍ਤਿਪਰਿਦੀਪੋ ਛਟ੍ਠੋਸਗ੍ਗੋ.

੧. ¶

ਅਥਰਮ੍ਮਤਰਾ’ਸਿ ਜਾਤਿਖੇਤ੍ਤ-

ਪਰਿਯਾਪਤ੍ਤ’ਵਕਾਸਲੋਕਧਾਤੁ,

ਕਮਲੁਪ੍ਪਲ (ਮਾਲਭਾਰਿਨੀ) ਹਿ

ਤਦੁਪਟ੍ਠਾਨਗਤਾਹਿ ਦੇਵਤਾਹਿ; ()

੨.

ਕਮਲਾਸਨਦੇਵਦਾਨਵਾਨਂ

ਭੁਵਨੇ’ਕਤ੍ਥ ਸਮਾਗਮੋ ਤਦਾ’ਸਿ,

ਜਿਨਚਕ੍ਕਪਟਿਗ੍ਗਹਸ੍ਸ ਠਾਨਂ

ਅਵਿਵਾਦੇਨ ਸਦੇਵਮਾਨੁਸਾਨਂ; ()

੩.

ਪਟਿਲਾਭਨਿਮਿਤ੍ਤਮਾਦਿਸਨ੍ਤੀ

ਵਤ ਸਬ੍ਬਞ੍ਞੁਤਞਾਣਸਮ੍ਪਦਾਯ,

ਦਸਸਙ੍ਖਸਹਸ੍ਸਿਲੋਕਧਾਤੁ

ਅਭਿਕਮ੍ਪੀ ਪਹਟੇ’ਵ ਕਂਸਪਾਤੀ; ()

੪. ¶

ਜਨਨੁਸ੍ਸਵਵਾਸਰਮ੍ਹਿ ਤਸ੍ਮਿਂ

ਨਿਜਦੇਹਜ੍ਜੁਤਿਪਿਞ੍ਜਰੋ’ਦਪਾਦਿ,

ਦਸਸਙ੍ਖਸਹਸ੍ਸਚਕ੍ਕਵਾਲ਼-

ਕੁਹਰਾਲੋਕਕਰੋ ਮਹਾਵਭਾਸੋ; ()

੫.

ਅਪਤਾਲ਼ਿਤਚਮ੍ਮਨਦ੍ਧਭੇਰੀ-

ਵਿਕਤੀਨਂ ਸਯਮੇਵ ਵਜ੍ਜਨਮ੍ਪਿ,

ਤਦਨੁਤ੍ਤਰਧਮ੍ਮਦੇਸਨਾਯ

ਭਵਿ ਠਾਨਂ ਅਨੁਸਾਵਣਸ੍ਸ ਲੋਕੇ; ()

੬.

ਘਣਕਾਹਲ਼ਵਂਸਸਙ੍ਖਵੀਣਾ-

ਭਰਣਾਨਂ ਸਯਮੇਵ ਵਜ੍ਜਨਮ੍ਪੀ,

ਅਨੁਪੁਬ੍ਬਵਿਹਾਰਭਾਵਨਾਨਂ

ਪਟਿਲਾਭਾਯ ਨਿਬਨ੍ਧਨਂ ਬਭੂਵ; ()

੭. ¶

ਪਰਿਮੁਤ੍ਤਿਵਰਤ੍ਤਪਾਸਕਾਰਾ-

ਘਰ,ਯੋਸਙ੍ਖਲਿਕਾਦਿਬਨ੍ਧਨੇਹਿ,

ਮਿਗਪਕ੍ਖਿਨਰਾਨਮਸ੍ਮਿਮਾਨ-

ਵਿਗਮਸ੍ਸਾ’ਸਿ ਨਿਦਾਨਮਾਦਿਭੁਤਂ; ()

੮.

ਭੁਵਨੇਸੁ ਮਹਾਜਨਸ੍ਸ ਰੋਗਾ-

ਪਗਮੇਨਾ’ਦਿਸਨਂ ਅਹੋਸੁਖਨ੍ਤਿ,

ਚਤੁਰਾਰਿਯਸਚ੍ਚਦਸ੍ਸਨੇਨ

ਭਵਿ ਠਾਨਂ ਚਤੁਸਚ੍ਚਦੇਸਨਾਯ; ()

੯.

ਵਿਵਿਧਬ੍ਭੁਤਰੂਪਗੋਚਰਾਨਂ

ਭੁਵਿ ਜਚ੍ਚਨ੍ਧਜਨਸ੍ਸਲੋਚਨਾਨਂ,

ਪਭਵੋ ਪਭਵੋ’ਸਿ ਦਿਬ੍ਬਚਕ੍ਖੁ

ਪਟਿਲਾਭਾਯ ਤਿਲੋਕਲੋਚਨਸ੍ਸ; ()

੧੦. ¶

ਥੁਤਗੀਤਿਸੁਧਾਰਸਸ੍ਸ ਪਾਨਂ

ਬਧਿਰਾਨਂ ਸਵਣਞ੍ਜਲੀਪੁਟੇਹਿ,

ਅਤਿਮਾਨੁਸਦਿਬ੍ਬਸੋਤਧਾਤੁ-

ਪਟਿਵੇਧਾਯ ਨਿਦਾਨਮਾਸਿ ਤਸ੍ਸ; ()

੧੧.

ਭੁਵਿ ਜਾਤਿਜਲ਼ਾਦਿਪੁਗ੍ਗਲਾਨਂ

ਤਦਹੇ’ਨੁਸ੍ਸਤਿਯਾ ਸੁਪਾਤੁਭਾਵੋ,

ਭਵਿ ਪੁਬ੍ਬਮੁਪਟ੍ਠਿਤਸ੍ਸਤਿਸ੍ਸ

ਸਤਿਪਟ੍ਠਾਨਨਿਬੋਧਨਾਯ ਠਾਨਂ; ()

੧੨.

ਵਿਸਿਖਾਚਰਣਂ ਸਰੋਜਚਾਰੁ-

ਪਦਵਿਞ੍ਞਾਸਵਸੇਨ ਪਙ੍ਗੁਲਾਨਂ,

ਪੁਰਿਮਂ ਚਤੁਰਿਦ੍ਧਿਪਾਦਵੇਗ-

ਪਟਿਲਾਭਾਯ ਨਿਮਿਤ੍ਤਮਾਸਿ ਲੋਕੇ; ()

੧੩.

ਮਧੁਰੇਨ ਸਰੇਨ ਜਾਤਿਮੂਗਾ

ਥੁਤਿਗੀਤਾਨ੍ਯ’ਵਦਿਂਸੁ ਵਨ੍ਦਿਨੋ’ਵ,

ਭੁਵਿ ਖੁਜ੍ਜਜਨੋ’ਜੁਗਤ੍ਤਲਾਭੋ

ਕੁਟਿਲਤ੍ਤਾ’ਪਗਮਾਯ ਠਾਨਮਾਸਿ; ()

੧੪. ¶

ਸਰਣਂ ਪੁਰਿਸਾਸਭੋ ਸਿਯਾਨੋ

ਭਵਤੋ ਦੁਗ੍ਗਤਿਤੋ ਵਿਮੁਤ੍ਤਿਯਾ’ਤਿ,

ਕਰਿਨੋ’ਪਿ ਕਰਿਂਸੁ ਕੁਞ੍ਚਨਾਦਂ

ਤੁਰਗਾ ਹੇਸਮਕਂਸੁ ਪੀਤਿਯੇ’ਵ; ()

੧੫.

ਵਿਸਦਾ ਪਟਿਸਮ੍ਭਿਦਾ ਚਤਸ੍ਸੋ

ਪਟਿਵਿਜ੍ਝਿਸ੍ਸਤਿ ਚਾ’ਯਤਿਂ ਸਚਾ’ਯਂ,

ਸਕਪਟ੍ਟਨਮੇਵ ਤਨ੍ਨਿਦਾਨਾ

ਤਰਣੀ ਸੀਘਮੁਪਾਗਮੁਂ ਵਿਦੇਸਾ; ()

੧੬.

ਸਯਮੇਵ ਵਿਰੋਚਨਂ ਤਦਾਨਿ

ਰਤਨਾਨਂ ਭੁਵਨਾਕਰੁਬ੍ਭਵਾਨਂ,

ਰਵਿਵਂਸਰਵਿਸ੍ਸ ਧਮ੍ਮਰਂਸੀ

ਵਿਸਰਸ੍ਸੁ’ਜ੍ਜਲਨਾਯ ਠਾਨਮਾਸੀ; ()

੧੭. ¶

ਤੁਰਿਯਾਨਿ ਸਕਂਸਕਂ ਨਿਨਾਦਂ

ਅਕਰੁਂ ਤਗ੍ਗੁਣਦੀਪਕਾਨਿਵਾ’ਤ੍ਰ,

ਵਿਵਟਾ ਵਿਦਿਸਾਦਿਸਾ ਸਕਿਤ੍ਤਿ-

ਵਿਸਰੋਕਾਸਕਤੇ’ਵ’ਹਿਪ੍ਪਸਤ੍ਤਾ; ()

੧੮.

ਸਕਲਸ੍ਸ ਕਿਲੇਸਪਾਵਕਸ੍ਸ

ਪਰਿਨਿਬ੍ਬਾਨਸਭਾਵਦੀਪਨੇਨ,

ਨਿਰਯੇਸੁ ਹੁਤਾਸਜਾਲਮਾਲਾ

ਤਦਹੇ ਨਿਬ੍ਬੁਤਿਮਾਪ ਜਾਤਿਖੇਤ੍ਤੇ; ()

੧੯.

ਪਰਿਸਾਸੁ ਵਿਸਾਰਦਸ੍ਸ ਤਸ੍ਸ

ਚਤੁਵੇਸਾਰਦਞਾਣਲਾਭਹੇਤੁ,

ਭੁਵਨੇਸੁ ਤਦਾਮਹਾਨਦੀਨਂ

ਅਨਭਿਸ੍ਸਨ੍ਦਨਮਾਸਿ ਕੁਨ੍ਨਦੀਨਂ; ()

੨੦.

ਉਦਪਾਦਿ ਪਭਾ ਨਿਰਾਕਰਿਤ੍ਵਾ-

ਬਿਲਲੋਕਨ੍ਤਰਿਯੇਸੁ ਅਨ੍ਧਕਾਰਂ,

ਹਤਮੋਹਤਮ’ਗ੍ਗ ਮਗ੍ਗਞਾਣ-

ਜ੍ਜੁਤਿਲਾਭਾਯ ਨਿਬਨ੍ਧਨਂ ਤਮਾਸਿ; ()

੨੧. ¶

ਸੁਵਿਮੁਤ੍ਤਿਰਸੋ ਸਿਯਾ’ਵ ਤਸ੍ਸ

ਚਤੁਰਾਸਿਤਸਹਸ੍ਸਧਮ੍ਮਖਨ੍ਧੋ,

ਮਧੁਰਂ ਚਤੁਰੋਦਧੀਨਮਾਸਿ

ਸਲਿਲਂ ਸਨ੍ਤਤਰਂ ਤਰਙ੍ਗਰਿਤ੍ਤਂ; ()

੨੨.

ਵਿਦਿਸਾਸੁ ਚਤੁਦ੍ਦਿਸਾਸੁ ਚਣ੍ਡ-

ਪਵਨਸ੍ਸਾ’ਪਿ ਅਵਾਯਨਂ ਤਦਾਨਿ,

ਭਵਿ ਪੁਬ੍ਬਨਿਮਿਤ੍ਤਮਤ੍ਤਨੋ’ਪਿ

ਭਟਦਿਟ੍ਠ੍ਯਾਭਵਦਟ੍ਠਿਭੇਦਨਾਯ; ()

੨੩.

ਨਵਪਲ੍ਲਵਪਤ੍ਤਸੇਖਰਾਨਂ

ਵਿਟਪੀਨਂ ਕੁਸੁਮਾਹਿਕਿਣ੍ਣਭਾਵੋ,

ਭਵਿ ਪੁਬ੍ਬਨਿਬਨ੍ਧਨਂ ਵਿਮੁਤ੍ਤਿ

ਕੁਸੁਮੇਹਾ’ਤੁਮਦੇਹਭੂਸਣਾਯ; ()

੨੪. ¶

ਕੁਮੁਦਾਕਰਬੋਧਕਸ੍ਸ ਚਨ੍ਦ-

ਕਿਰਣਸ੍ਸਾ’ਤਿਵਿਰੋਚਨਂ ਤਦਾਸਿ,

ਸਤਿਬੁਦ੍ਧਸੁਧਾਕਰੋ’ਦਯਮ੍ਹਿ

ਜਨਸਨ੍ਦੋਹਮਨੋਪਸਾਦਹੇਤੁ; ()

੨੫.

ਵਿਮਲਤ੍ਤਮਨੁਣ੍ਹਤਾ ਨਿਦਾਘ-

ਸੂਰਿਯਸ੍ਸੂ’ਪਸਮੋ ਨਿਮਿਤ੍ਤਮਗ੍ਗਂ,

ਭਵਿ ਚੇਤਸਿਕਸ੍ਸ ਕਾਯਿਕਸ੍ਸ

ਪਟਿਲਾਭਾਯ ਸੁਖਸ੍ਸ ਤਮ੍ਹਿਜਾਤੇ; ()

੨੬.

ਗਗਨਾ’ਗਨਗਾਦਿਤੋ’ਤਰਿਤ੍ਵਾ

ਪਥਵਿਸਙ੍ਕਮਣਂ ਤਦਾ ਖਗਾਨਂ,

ਸਰਣਾਗਮਨਸ੍ਸ ਠਾਨਮਾਸਿ

ਜਿਨਧਮ੍ਮਂ ਸੁਨਿਸਮ੍ਮ ਸਜ੍ਜਨਾਨਂ; ()

੨੭.

ਨਭਸਾ’ਭਿਪਵਸ੍ਸਨਂ ਤਦਾਨਿ

ਚਤੁਦੀਪੇਸੁ ਅਕਾਲਵਾਰਿਦਾਨਂ,

ਪਰਿਸਾਸੁ ਅਖਣ੍ਡਧਮ੍ਮਵੁਟ੍ਠਿ-

ਪਤਨਸ੍ਸਾ’ਸਿ ਨਿਬਨ੍ਧਨਂ ਜਿਨਮ੍ਹਾ; ()

੨੮. ¶

ਛਣਮਙ੍ਗਲਕੀਲ਼ਣਂ ਤਦਾਨਿ

ਤਿਦਸਾਨਮ੍ਪਿ ਸਕੇਸਕੇ ਵਿਮਾਨੇ,

ਉਪਗਮ੍ਮ ਤਹਿਂਤਹਿਂ ਉਦਾਨ

ਸਮੁਦਾਨਸ੍ਸਨਿਦਾਨਮਾ’ਸਿ ਬੋਧਿਂ; ()

੨੯.

ਵਿਵਟਾ ਸਯਮੇਵ ਮਨ੍ਦਿਰਾਨਂ

ਪਿਹਿਤਞ੍ਚਾਰਕਵਾਟਵਾਤਪਾਨਾ,

ਭਵਦੁਕ੍ਖਨਿਰੋਧਗਾਮਿਮਗ੍ਗ-

ਪਟਿਲਾਭਾਯ ਨਿਮਿਤ੍ਤਮਾਹਰਿਂਸੁ; ()

੩੦.

ਤਦਹੇ ਮਧੁਰਾਮਿਸਸ੍ਸ ਪੇਤ੍ਤੀ-

ਵਿਸਯੇਸ੍ਵਾਹਰਣਂ ਖੁਦਾਤੁਰਾਨਂ,

ਭਵਿ ਕਾਯਗਤਾਸਤਾਮਤਸ੍ਸ

ਪਟਿਲਾਭਾਯ ਨਿਮਿਤ੍ਤਮਤ੍ਤਨੋ’ਪਿ; ()

੩੧. ¶

ਦਿਵਸੇ ਜਨਨੁਸ੍ਸਵੇ ਪਿਪਾਸਾ-

ਵਿਗਮੋ ਦੀਨਜਨਸ੍ਸ ਪੇਤਲੋਕੇ,

ਸੁਖਿਤਤ੍ਤਸ੍ਸ ਉਪੇਚ੍ਚਬੁਦ੍ਧਭਾਵਂ; ()

੩੨.

ਪਟਿਪਕ੍ਖਜਨਸ੍ਸ ਮੇਤ੍ਤਿਲਾਭੋ

ਤਦਹੇ ਵਾਯਸਵਾਯਸਾਰਿਨਮ੍ਪਿ,

ਭਵਿਠਾਨਮਨਨ੍ਤਸਤ੍ਤਲੋਕ-

ਵਿਸਯਬ੍ਰਹ੍ਮਵਿਹਾਰਭਾਵਨਾਯ; ()

੩੩.

ਸਤਿਮਗ੍ਗਫਲੁਬ੍ਭਵੇ ਯਥੇਵ

ਭਵਭੀਤ੍ਯਾਪਗਮੋ ਤਥਾਗਤਾਨਂ,

ਸਤਿ ਜਾਤਮਹਾਮਹੇ ਭਯਂ ਵਾ

ਨਤਿਰਚ੍ਛਾਨਗਤਾਨਮਾਸਿ ਤਾਸੋ; ()

੩੪.

ਪਿਯਭਾਵੁਪਸਙ੍ਕਮੋ ਪਜਾਨਂ

ਹਦਯਾਨਨ੍ਦਕਰਾਯ ਖੋ ਗਿਰਾਯ,

ਜਿਨਧਮ੍ਮਕਥਾਯ ਸਾਵਕਾਨਂ

ਵਿਯ ਸਾਮਗ੍ਗਿਰਸਸ੍ਸ ਪਾਤੁਭਾਵੋ; ()

੩੫. ¶

ਸਿਤਕਿਤ੍ਤਿਲਤਾਯ ਰੋਪਿਤਾਯ

ਭਵਤੋ’ਸ੍ਮਿਂ ਭੁਵਨਾਲਵਾਲ਼ਗਬ੍ਭੇ,

ਵਿਯ ਨਿਮ੍ਮਿਤਯਨ੍ਤਵਾਰਿਧਾਰਾ

ਜਲਧਾਰਾ ਧਰਣੀਤਲੁਟ੍ਠਹਿਂਸੁ; ()

੩੬.

ਭਮਰਾਵਲਿਭਾਰਪਞ੍ਚਵਣ੍ਣ-

ਕਮਲਚ੍ਛਨ੍ਨਮਹੀਤਲਂ ਰਰਾਜ,

ਜਲਜਂ ਥਲਜਂ ਪਰਾਗਹਾਰਂ

ਭੁਵਿ ਸਬ੍ਬਤ੍ਥ ਅਪੁਪ੍ਫਿ ਪੁਪ੍ਫਜਾਤਂ, ()

੩੭.

ਵਿਟਪੀਸੁ ਲਤਾਸੁ ਖਨ੍ਧਸਾਖਾ-

ਸਤਪਤ੍ਤਾਨਿ ਤਦਾ ਸੁਪੁਪ੍ਫਿਤਾਨਿ,

ਨਰਵੀਰ’ਭਿਰੂਪਦਸ੍ਸਨਾਯ

ਭੂਸਮੁਮ੍ਮੀਲਿਤਲੋਚਨਾਨਿ’ਵਾਸੁਂ; ()

੩੮. ¶

ਉਪਰੂਪਰਿ ਸਤ੍ਤਸਤ੍ਤ ਹੁਤ੍ਵਾ

ਸਤਪਤ੍ਤਾਨਿ ਸੀਲਾਤਲੁਬ੍ਭਵਾਨਿ,

ਤਵ ਅਬ੍ਭੁਦਯੋ ਸੁਦੁਲ੍ਲਭੋਤਿ

ਕਥਯਨ੍ਤਿਵਿ’ਹ ਕਪਾਤੁਭਾਵਤੋ ਨੋ; ()

੩੯.

ਨਿਜਪਾਰਮਿਤਾਲਤਾਯ ਕਤ੍ਤਿ-

ਲਤਯਾ’ਲਙ੍ਕਤਪੁਪ੍ਫਹਾਸਰੂਪਾ,

ਸਮਲਙ੍ਕਰਿ ਯਾਵਤਾ ਭਵਗ੍ਗਂ

ਧਜਮਾਲਾ ਜਨਨੁਸ੍ਸਵੇ ਤਿਲੋਕਂ; ()

੪੦.

ਅਵਕੁਜ੍ਜਸਰੋਰੁਹਾਭਿਰਾਮਂ

ਨਭਵਮ੍ਭੋਜਵਨਸ੍ਸਿਰਿਂ ਬਬਨ੍ਧ,

ਭੁਵਿ ਪੋਕ੍ਖਰਵਸ੍ਸਮੀਦਿਸਨ੍ਤਿ

ਵਦਮਾਨਂਵ ਪਵਸ੍ਸਿ ਧਮ੍ਮਵਸ੍ਸਂ; ()

੪੧.

ਰਮਣੀ ਰਮਣੀਯਰੂਪਸੋਭਾ

ਅਚਰੁਂ ਧਮ੍ਮਮਨਙ੍ਗਰਙ੍ਗਭੂਮਿ,

ਮਧੁਪਾ ਮਧੁਪਾਨਮਨ੍ਦਿਰਾਨਿ

ਤਦਹੇ ਨਾਵਸਰਿਂਸੁ ਧਮ੍ਮਕਾਮਾ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮੇਕਂ)

੪੨. ¶

ਕਮਲਾ ਕਮਲਾਲਯਾ ਵਿਵੇਸ

ਭੁਵਨਂ ਭੂਰਿਨਵਾਵਤਾਰਹਾਰੀ,

ਧਰਣੀ ਧਰਣੀਧਰਾਵਤਂਸਾ

ਉਪਹਾਰਾਤਿਭਰਾਤੁਰੇਵ ਕਮ੍ਪਿ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੩.

ਰੁਚਿਰਂ ਰੁਚਿਰਙ੍ਗਨਾ ਤਦਾਨਿ

ਅਕਰੁਂ ਕੀਲ਼ਮਨੇਕਚਨ੍ਦਿਕਾਸੁ,

ਸੁਵੀਰਂ ਸੁਚਿਰਂਸਿਕਿਣ੍ਣਤਾਰਾ-

ਨਿਕਰੋ’ਭਾਸਤਰੋ’ਸਿ ਭਾਕਰੋ’ਵ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੪.

ਪਵਨੋ’ਪਵਨੋ’ਪਵਾਯਮਾਨੋ

ਪਵਿਨੋਦੇਸਿ ਪਰਿਸ੍ਸਮਂ ਜਨਸ੍ਸ,

ਵਨਦਾ ਵਨਦਾਹਵੁਪਸਨ੍ਤਿਂ

ਅਕਰੁਂ ਸਬ੍ਬਧਿ ਸਸ੍ਸਸਮ੍ਪਦਞ੍ਚ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੫. ¶

ਵਿਸਦਾ ਵਿਸਦਾ ਸਕਿਤ੍ਤਿਰਾਮਾ

ਮੁਖਰਙ੍ਗਾਲਯ ਮਾਪਕੋਵਿਦਾਨਂ,

ਸੁਜਨਾ’ਸੁਜਨਾ ਭਜਿਂਸੁ ਤਸ੍ਸ

ਚਰਣਾਨ੍ਯਙ੍ਕਿਤਚਕ੍ਕਲਕ੍ਖਣਾਨਿ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੬.

ਵਸੁਧਂ ਵਸੁਧਮ੍ਪਤੀ ਸਮਗ੍ਗਾ

ਦਸਧਮ੍ਮੇਨ’ਨੁਸਾਸਯੁਂ ਤਦਾਨਿ,

ਹਦਯਂ ਯਦਯਙ੍ਗਮਾਯ ਵਾਣ੍ਯਾ

ਅਸਤਂ ਮਿਤ੍ਤਦੁਹੀ ਵਿਧਾਨਯਿਂਸੁ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੭.

ਤਿਮਦਾ’ਤਿਮਦਾ ਗਜਾਧਿਪਾਪਿ

ਮਿਗਰਾਜੂਹਿ ਤਦਾ ਸਮਾਚਰਿਂਸੁ,

ਪਬਲਾ’ਪਬਲਾ ਮਿਗਾ ਤਦਞ੍ਞੇ

ਪਟਿਸਤ੍ਥਾਰਮਕਂਸੁ ਅਞ੍ਞਮਞ੍ਞਂ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੮. ¶

ਭੁਵਨੇ ਭੁਵਨੇਕਲੋਚਨਸ੍ਸ

ਜਨਨਸ੍ਮਿਂ ਦਿਵਸੇ ਸਮੁਜ੍ਜਲਾਨੀ,

ਨਿਹਨਿਤਾ’ਨਿਹਿਤਾਯੁਧਾਤਿ ਭਿਤਿਂ

ਜਨਯੁਂ ਪਾਪਿਮਤੋਵ ਨੇਤਰੇਸਂ; () (ਅਬ੍ਯਪੇਤ ਪਠਮਦੁਤਿਯ ਪਾਦਾਦਿਯਮਕਂ)

੪੯.

ਪਰਿਵਾਦਿਤਦਿਬ੍ਬਭੇਰਿਵੀਣਾ-

ਤੁਰਿਯਂ ਦਸ੍ਸਿਤਦਿਬ੍ਬਨਚ੍ਚਭੇਦਂ,

ਗਗਨਂ ਸੁਰਰਙ੍ਗਮਣ੍ਡਲਾਭਂ

ਤਿਦਸਾਨਂ ਉਪਹਾਰਸਾਰਮਾਸਿ; ()

੫੦. ¶

ਸੋਵਣ੍ਣਵਣ੍ਣਵਧੁਯਾ ਗਰੁਗਬ੍ਭਗਸ੍ਮਿਂ

ਤਂਨਨ੍ਦਨਬ੍ਬਨਸਮਾਨਵਨਙ੍ਗਤਸ੍ਮਿਂ,

ਭੁਤਬ੍ਭੁਤਨ੍ਵਿਤਮਹੇ ਨਯਨਞ੍ਜਨਸ੍ਮਿਂ

ਜਾਤਮ੍ਹਿ ਤਮ੍ਹਿ ਤਨੁਜੇ ਭਵਿ ਭਦ੍ਦਭਤ੍ਤਿ; () (ਮਾਲਾਬਨ੍ਧਨਂ)

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਨਨਿਦਾਨੇ ਜਿਨਵਂਸਦੀਪੇ ਅਵਿਦੂਰੇਨਿਦਾਨੇ ਵਿਵਿਧਪੁਬ੍ਬਨਿਮਿਤ੍ਤਪਾਤੁਭਾਵਪ੍ਪਵਤ੍ਤਿ ਪਰਿਦਿਪੋ. ਸਤ੍ਤਮੋਸਗ੍ਗੋ.

੧. ¶

ਵਿਸੁਦ੍ਧ (ਵਂਸਟ੍ਠ) ਮਸੇਸਬਨ੍ਧਵੋ

ਕੁਮਾਰਮਾਦਾਯ ਤਿਲੋਕਲੋਚਨਂ,

ਅਗਂਸੁ ਤਮ੍ਹਾ ਕਪਿਲਵ੍ਹਯਂਪੁਰਂ

ਪੁਰੀਵਤਂਸਂ ਸਮਲਙ੍ਕਤਞ੍ਜਸਂ; ()

੨.

ਤਦਾ ਅਭਿਞ੍ਞਾਸੁ ਵਸਿਸੁ ਪਾਰਗੋ

ਸਮਾਧਿਵਿਕ੍ਖਮ੍ਭਿਤਸਬ੍ਬਕਿਬ੍ਬਿਸੋ,

ਵਿਹਾਸਿ ਸੁਦ੍ਧੋਦਨਭੁਮਿਭਤ੍ਤੁਨੋ

ਕੁਲੂਪਗੋ ਦੇਵਲਨਾਮਤਾਪਸੋ; ()

੩. ¶

ਤਪੋਧਨੋ ਸੋ ਪਵਿਵੇਕਕਾਮਵਾ

ਦਿਵਾਵਿਹਾਰਤ੍ਥਮੁਪਾਗਤੋ ਦਿਵਂ,

ਤਮਤ੍ਥਮਞ੍ਞਾਤੁਮਪੁਚ੍ਛਿ ਦੇਵਤਾ-

ਪਵਤ੍ਤਿਤਂ ਪਸ੍ਸਿਯਮਙ੍ਗਲੁਸ੍ਸਵਂ; ()

੪.

ਤਵੇਵੁਪਟ੍ਠਾਯਕਭੁਮਿਭਤ੍ਤੁਨੋ

ਵਰੋਰਸੋ ਮਾਰਿਯ ਮਾਰਵਾਹਿਨਿਂ,

ਪਰਾਜਯਂ ਲਚ੍ਛਤਿ ਬੋਧਿਮਾਯਤਿਂ

ਮਹੁਸ੍ਸਵੋ ਤਮ੍ਪਤਿ ਵਤ੍ਤਤੇ, ਬ੍ਰਵੁਂ; ()

੫.

ਇਮਾਯ ਵੁਤ੍ਤਨ੍ਤਕਥਾਯ ਚੋਦਿਤੋ

ਤਪੋਧਨੋ ਇਦ੍ਧਿਬਲੇਨ ਇਦ੍ਧਿਮਾ,

ਸੁਰਾਲਯੇ ਅਨ੍ਤਰਧਾਨ’ਨਨ੍ਤਰਂ

ਨਿਕੇਤਨੇ ਪਾਤੁਰਹੋਸਿ ਰਾਜਿਨੋ; ()

੬. ¶

ਕੁਮਾਰਨਿਜ੍ਝਾਨਮਨੋਰਥੋਕ ਵਸਿ

ਤਹਿਂ ਸੁਪਞ੍ਞਤ੍ਤਮਹਾਰਹਕਾਸਨੇ,

ਨਿਸਜ੍ਜ ਸੁਦ੍ਧੋਦਨਰਾਜਿਨੋ’ਬ੍ਰੁਵਿ

ਤਵਤ੍ਰਜਂ ਦਟ੍ਠੁਮਿਧਾਗਤੋਤ੍ਯ’ਹਂ; ()

੭.

ਨਰਿਨ੍ਦਚੂਲ਼ਾਮਣਿਚੁਮ੍ਬਿਤਾਨ੍ਯ’ਥ

ਪਦਾਨਿ ਵਨ੍ਦਾਪਯਿਤੁ ਤਪਸ੍ਸਿਨੋ,

ਵਿਭੁਸਣਾਲਙ੍ਕਤਮਤ੍ਤਸਮ੍ਭਵਂ

ਨਰਾਧਿਪੋ ਰਾਜਕੁਮਾਰਮਾਹਰਿ; ()

੮.

ਤਦਤ੍ਤਭਾਵੇਨ’ਹਿਵਾਦਨਾਰਹ-

ਸ੍ਸ’ਭਾਵਤੋ ਤਸ੍ਸ ਰਰਾਜ ਸੂਨੁਨੋ,

ਪਵਟ੍ਟਯਿਤ੍ਵਾ ਜਟਿਲਸ੍ਸ ਸਮ੍ਪਤਿ

ਜਟਾਸੁ ਚਕ੍ਕਙ੍ਕਿਤਪਾਦਪਙ੍ਕਜਂ; ()

੯.

ਕੁਮਾਰਮਾਦਾਯ ਸਮਪ੍ਪਿਤਞ੍ਜਲਿਂ

ਵਿਧਾਯ ਪਾਦੇਸ੍ਵਨਿਸਮ੍ਮਕਾਰਿਨੋ,

ਸਚੇ ਠਪੇਯ੍ਯੁਂ ਜਟਿਲਸ੍ਸ ਸਤ੍ਤਧਾ

ਫਲੇਯ੍ਯ ਮੁਦ੍ਧਾ ਜਟਿਤੋਜਟਾਯ’ਪਿ; ()

੧੦.

ਸਕਾਸਨੁਟ੍ਠਾਯ ਅਥੇ’ਸਿਭੂਮਿਯਾ

ਨਿਹਚ੍ਚ ਸੋ ਦਕ੍ਖਿਣਜਾਨੁਮਣ੍ਡਲਂ,

ਅਕਾ ਮਹਾਕਾਰੁਣਿਕਸ੍ਸ ਗਾਰਵਂ

ਸਿਰੋਵਿਰੂਲ਼੍ਹਞ੍ਜਲਿ ਪੁਪ੍ਫਮਞ੍ਜਰੀ; ()

੧੧.

ਉਦਿਕ੍ਖਮਾਨੋ ਵਸਿਨਾ ਸਮਪ੍ਪਿਤਂ

ਤਮਞ੍ਜਲਿਂ ਭਤ੍ਤਿਭਰੇਨ ਭੂਪਤਿ,

ਅਥੋ’ਨਮੇਤ੍ਵਾ ਤਨੁਮੀਸਕਂ ਸਕਂ

ਪਵਨ੍ਦਿ ਪਾਦਮ੍ਬੁਰੁਹਾਨਿ ਸੁਨੁਨੋ; ()

੧੨.

ਸਿਯਾ’ਵ ਬੁਦ੍ਧੋ ਪੁਰਿਸਾਸਭੋ ਅਯਂ

ਨਦਸ੍ਸਨਂ ਤਸ੍ਸ ਸਿਯਾ ਮਮਨ੍ਤੀ ਸੋ,

ਨਿਰੂਪਮਂ ਰੂਪਸਿਰਿਂ ਸਮੇਕ੍ਖਿਯ

ਪਯਾਸਿ ਨਿਟ੍ਠਂ ਉਪਧਾਰਯਂ ਵਸਿ; ()

੧੩. ¶

ਵਵਤ੍ਥਯਿਤ੍ਵੇਵਮੁਲ਼ਾਰਬੁਦ੍ਧਿਮਾ

ਵਿਤਿਣ੍ਣਕਙ੍ਖੋ ਹਸਮੀਸਕਂ ਰੁਦਂ,

ਨਰਿਨ੍ਦਮੋਰੋਧਪੁਰਕ੍ਖਤਂ ਵਸੀ

ਤਦਵਸੀਦਾਪਯਿ ਸਂਸਯਣ੍ਣਵੇ; ()

੧੪.

ਤਮਾਹਰਿਤ੍ਵਾਨ ਪਕਵਤ੍ਤਿਮਬ੍ਭੁਤਂ

ਪੁਰਕ੍ਖਤੋ’ਰੋਧਜਨਸ੍ਸ ਰਾਜਿਨੋ,

ਯਤਿਸ੍ਸਰੋ ਸਂਸਯਸਲ੍ਲਮੁਦ੍ਧਰਂ

ਸਬਨ੍ਧਵੇ’ਨੁਸ੍ਸਰਿ ਕਾਲਦੇਵਲੋ;()

੧੫.

ਸਕੇਕੁਲੇ ਨਾਲ਼ਕਨਾਮਦਾਰਕੋ

ਸਯਮ੍ਭੁਨੋ ਲਚ੍ਛਤਿ ਦਸ੍ਸਨਂ ਇਤਿ,

ਤਮਤ੍ਥਮਞ੍ਞਾ ਸਮੁਪੇਚ੍ਚ ਤਂਕੁਲਂ

ਤ੍ਵਮਾਹ ਪਬ੍ਬਜ੍ਜਿਤਿ ਭਾਗਿਨੇਯ੍ਯਕਂ; ()

੧੬. ¶

ਨਿਰਾਮਯਂ ਪਞ੍ਚਮਵਾਸਰਮ੍ਹਿ ਸੋ

ਵਰੋਰਸਂ ਵਾਸਿਤਗਨ੍ਧਵਾਰਿਨਾ,

ਪਵਤ੍ਤਮਾਨੇ ਭਵਨੇ ਮਹਾਮਹੇ

ਨਹਾਪਯਿ ਭੂਪਤਿ ਬਨ੍ਧੁਮਜ੍ਝਗੋ; ()

੧੭.

ਪਸਤ੍ਥਮਨ੍ਵਤ੍ਥਭਿਧਾਨ ਮਤ੍ਤਨੋ

ਕੁਮਾਰਮਾਰੋਪਯਿਤੁਂ ਪਰੋਸਤਂ,

ਸਵੇਦਵੇਦਙ੍ਗਪਭੇਦਕੋਵਿਦੇ

ਦ੍ਵਿਜੇ ਨਿਮਨ੍ਤਾਪਯਿ ਸੋ ਨਰਾਧਿਪੋ; ()

੧੮.

ਸੁਰਿਨ੍ਦਰੂਪੋ ਸੁਰਮਨ੍ਦਿਰੋਪਮਂ

ਤਮਿਨ੍ਦਿਰਾਧਾਰਨਰਿਨ੍ਦਮਨ੍ਦਿਰਂ,

ਜਨਿਨ੍ਦਸੀਹੋ’ਪਗਤਾ’ਵਨੀਸੁਰੇ

ਅਮਨ੍ਦਪੂਜਾਵਿਧਿਨਾ’ਭਿਰਾਧਯਿ; ()

੧੯.

ਅਨੇਨਸਿਦ੍ਧਾ ਸਮਤਿਂਸਪਾਰਮੀ-

ਸਦਤ੍ਥਸਮ੍ਪਤ੍ਤਿਪਰਤ੍ਥਕਾਰਿਨਾ,

ਤਥਾ’ਤ੍ਥ ਸਙ੍ਖਾਤਧਨਂ ਨਿਧਾਨਗਂ

ਇਮਮ੍ਹਿ ਸਿਦ੍ਧਂ ਸਹਜਾਤਿਯਾ ਯਤੋ; (੫)

੨੦. ¶

ਦ੍ਵਿਜੇਹਿ ਤਨ੍ਤਿਬ੍ਬਚਨਦ੍ਵਯਾਰਹਂ

ਸਮਾਸਸਂਖਿਤ੍ਤਪਦਤ੍ਥਸਂਹਿਤਂ,

ਸੁਤਸ੍ਸ ਸਿਦ੍ਧਤ੍ਥ’ਭਿਧਾਨਮਤ੍ਤਨੋ

ਤਤੋ’ਭਿਵੋਹਾਰਸੁਖਾਯ ਕਾਰਯਿ; ()

੨੧.

ਸੁਯਾਮਰਾਮਦ੍ਧਜਮਨ੍ਤਿਲਕ੍ਖਣ-

ਸੁਭੋਜਕੋਣ੍ਡਞ੍ਞਸੁਦਤ੍ਤਸਞ੍ਞਿਨੋ,

ਇਮੇ ਦ੍ਵਿਜਾ ਰਾਜਸੁਪੂਜਿਤਾ ਤਦਾ

ਵਿਚਕ੍ਖਣਾਲਕ੍ਖਣਪਾਠਕਾ’ਭਵਂ; ()

੨੨.

ਸੁਭਾਸੁਭਂ ਪਸ੍ਸਿਯ ਦੇਹਲਕ੍ਖਣਂ

ਵਿਭਾਵਯਵ੍ਹੋ ਇਤਿ ਤੇਸਮਬ੍ਰੁਵਿ,

ਸਮੁਕ੍ਖਿਪਿਤ੍ਵਾ’ਙ੍ਗੁਲਿਪਲ੍ਲਵਦ੍ਵਯਂ

ਜਨਾਧਿਪਂ ਸਤ੍ਤਜਨਾ’ਬ੍ਰਵੁਂ ਦ੍ਵਿਧਾ; ()

੨੩. ¶

ਸਚੇ ਮਹਾਰਾਜ ਅਗਾਰਮਾਵਸੇ

ਵਰੋਰਸੋ ਤੇ ਪਰਿਚਾਰਿਤਿਨ੍ਦ੍ਰਿਯੋ,

ਸਮਙ੍ਗਿਭੁਤੋ ਰਤਨੇਹਿ ਸਤ੍ਤਹਿ

ਭਵੇਯ੍ਯ ਰਾਜਾ ਵਤਚਕ੍ਕਵਤ੍ਯ’ਯਂ; ()

੨੪.

ਮਹਾਦਯੋ’ਯਂ ਕਰੁਣਾਯ ਚੋਦਿਤੋ

ਘਰਾ’ਭਿਗਨ੍ਤ੍ਵਾ ਯਦਿ ਪਬ੍ਬਜਿਸ੍ਸਤਿ,

ਭਵੇਯ੍ਯ ਬੁਦ੍ਧੋ’ਖਿਲਞੇਯ੍ਯਮਣ੍ਡਲਂ

ਸਯਂ ਅਭਿਞ੍ਞਾਯ ਨਹੇ’ਤ੍ਥਸਂਸਯੋ; ()

੨੫.

ਕਣਿਟ੍ਠਭੂਤੋ ਵਯਸਾ ਤਦਨ੍ਤਰੇ

ਪਸਤ੍ਥਸਤ੍ਥਾ’ਵਗਮੇਨ ਜੇਟ੍ਠਕੋ,

ਸਮੁਕ੍ਖਿਪਿਤ੍ਵਾ’ਙ੍ਗੁਲਿਮੇਕਮਬ੍ਰੁਵਿ

ਇਤੀਹ ਕੋਣ੍ਡਞ੍ਞਸਮਞ੍ਞਭੁਸੁਰੋ; ()

੨੬. ¶

ਇਮਸ੍ਸ ਵੇਨੇਯ੍ਯਜਨਾਕਤਞ੍ਜਲੀ

ਸਮਂ ਫੁਸਨ੍ਤਾਨਿ ਵਸੁਨ੍ਧਰਾਤਲਂ,

ਸੁਭਾਨਿ ਭੋਪਾਦਤਲਾਤਿ ਸਬ੍ਬਦਾ

ਭਜਨ੍ਤਿ ਭਤ੍ਯਾ ਕਮਲਾਨਿਵਾਲਿਨੋ; ()

੨੭.

ਇਮਸ੍ਸ ਖੇਮਨ੍ਤਮਸੇਸਪਾਣਿਨੋ

ਤਿਪਟ੍ਟਕਨ੍ਤਾਰਪਥਾਵਤਾਰਣੇ,

ਸੁਸਜ੍ਜਿਤਂ ਚਕ੍ਕਯੁਗਂਵ ਪਾਰਮੀ

ਰਥਮ੍ਹਿ ਪਾਦਙ੍ਕਿਤਚਕ੍ਕਲਕ੍ਖਣਂ; ()

੨੮.

ਇਮਸ੍ਸ ਭੋ ਕਮ੍ਬਲਭੇਣ੍ਡੁਕੋਪਮਂ

ਸੁਮਟ੍ਟਵਟ੍ਟਾਯਤਪਣ੍ਹਿਮਣ੍ਡਲਂ,

ਸਦਾ ਪਦਮ੍ਭੋਜਨਿਵਾਸਲਕ੍ਖਿਯਾ

ਤਨੋਤਿ ਪੀਨਤ੍ਥਨਪਿਣ੍ਡਵਿਬ੍ਭਮਂ; ()

੨੯. ¶

ਇਮਸ੍ਸ ਦੀਘਙ੍ਗੁਲਿਪਨ੍ਤਿ ਵਟ੍ਟਿਤ-

ਮਨੋਸਿਲਾਲਤ੍ਤਕਵਤ੍ਤਿਕੋਪਮਾ,

ਵਿਭਾਤਿ ਭੋ ਬਾਹੁਲਤਾਯ ਪਾਰਮੀ-

ਲਤਾਯ ਵਾ ਨੂਤਨਪਤ੍ਤਪਨ੍ਤਿਵ; ()

੩੦.

ਇਮਸ੍ਸ ਪਾਰੇਵਟਪਾਦ ਪਾਟਲਾ

ਸਪਾਣਿਪਾਦਾ ਤਲ਼ੁਣਾਤਿਕੋਮਲਾ,

ਉਲ਼ਾਰਪੂਜਾਵਿਧਿਸਮ੍ਪਟਿਚ੍ਛਨੇ

ਪਵਾਲ਼ਪਾਤਿ’ਵ ਸਮੁਲ੍ਲਸਨ੍ਤਿ ਭੋ; ()

੩੧.

ਇਮਸ੍ਸਰੂਪਸ੍ਸਿਰਿਮਨ੍ਦਿਰੋਦਰੇ

ਸਮਪ੍ਪਮਾਣਾਭਿਨਵਙ੍ਗੁਲੀਹਿ ਭੋ,

ਪਦਿਸ੍ਸਰੇ ਜਾਲਕਵਾਟਸਨ੍ਤਿਭਾ

ਸਪਾਣਿਪਾਦਾ ਤਤਜਾਲਲਕ੍ਖਣਾ ()

੩੨. ¶

ਇਮਸ੍ਸ ਉਸ੍ਸਙ੍ਖਪਦਸ੍ਸ ਗੋਪ੍ਫਕਾ

ਪਦਮ੍ਬੁਜਾਨਂ ਚਤੁਰਙ੍ਗੁਲੋਪਰਿ,

ਪਤਿਟ੍ਠਿਤਾ ਪੁਣ੍ਣਘਟੇਸੁਕਨ੍ਧਰਾ-

ਵਿਲਾਸਮਾਲਿਙ੍ਗਿਯ ਰਾਜਭਾਸਰੇ; ()

੩੩.

ਇਮਸ੍ਸ ਦੇਹਜ੍ਜੁਤਿਵਾਰਿਪੂਰਿਤ-

ਸਰੀਰਕੇਦਾਰਭਵਾ ਫਲਤ੍ਥਿਨੋ,

ਸੁਰਤ੍ਤਸਾਲ੍ਯੋਦਰਸਨ੍ਨਿਭਾ ਸੁਭਾ

ਦੁਵੇਣਿਜਙ੍ਘਾ ਅਭਿਪੀਣਯਨ੍ਤੀ ਭੋ; ()

੩੪.

ਇਮਸ੍ਸ ਭੋ ਜਾਨੁਯੁਗਂ ਪਰਾਮਸਂ

ਅਨੋਨਮਨ੍ਤੋ ਠਿਤਕੋ ਮਹਾਭੁਜੋ,

ਸਹਤ੍ਤਨਾ ਸਮ੍ਭਵਬੋਧਿਸਾਖਿਨੋ

ਵਿਸਾਲਸਾਖਾਯ ਵਿਲਾਸਮਾਦਿਸੇ; ()

੩੫.

ਇਮਸ੍ਸ ਕੋਸੋਹਿਤਵਤ੍ਥਗੁਯ੍ਹਕੋ

ਅਭਿਨ੍ਨਕੋਕਾਸਕਕੋਸਕੋਸਗੋ,

ਅਨਞ੍ਞਸਾਧਾਰਣਤਾਦਿਨਾ’ਯਤਿਂ

ਅਨਙ੍ਗਸਙ੍ਗਾਮਪਰਮ੍ਮੁਖੋ ਸਿਯਾ; ()

੩੬. ¶

ਇਮਸ੍ਸ ਭੋ ਗੋਤਮਗੋਤ੍ਤਕੇਤੁਨੋ

ਕਲੇਵਰੇ ਕਞ੍ਚਨਸਤ੍ਤਿਭਤ੍ਤਚੋ,

ਸੁਵਣ੍ਣਵਣ੍ਣੋ ਜਿਨਚੀਵਰਸ੍ਸਪਿ

ਤਨੋਤਿ ਸੋਭਂ ਘਨਬੁਦ੍ਧਰਂਸਿਨੋ; ()

੩੭.

ਇਮਸ੍ਸ ਜਮ੍ਬੋਨਦੀਪਿਞ੍ਜਰਾਯ ਭੋ

ਸਿਰਿਸਪੁਪ੍ਫਸ੍ਸੁਕੁਮਾਰਚਾਰਿਯਾ

ਰਜੋਨੁਮਤ੍ਤਂ ਛਵਿਯਾ ਨਲਿਮ੍ਪਤੇ

ਸਰੋਜਪਤ੍ਤੇਰਿਵ ਵਾਰਿਬਿਨ੍ਦਵੋ; ()

੩੮.

ਇਮਸ੍ਸ ਲੋਮਾਨਿ ਕਲੇਵਰੇ ਵਰੇ

ਵਿਸੁਂ ਵਿਸੁਂ ਕੂਪਗਤਾਨਿ ਸੂਨੁਨੋ,

ਵਿਲੁਮ੍ਪਰੇ ਰੂਪਵਿਲਾਸਲਕ੍ਖਿਯਾ

ਮਨੋਰਮਂ ਭੋ ਕਮਣਿਕਞ੍ਚੁਕਸ੍ਸਿਰਿਂ; ()

੩੯. ¶

ਇਮਸ੍ਸ ਉਦ੍ਧਗ੍ਗਮੁਖਂ ਮੁਖਸ੍ਸਿਰਿਂ

ਪਦਕ੍ਖਿਣਾਵਤ੍ਤ ਮਪੇਕ੍ਖਿਨੋ ਯਥਾ,

ਤਿਰੋਕਰੇ ਰੋਮਵਿਤਾਨ ਮਿਨ੍ਦਿਰਾ-

ਨਿਕੇਤਨਿਨ੍ਦੀਵਰਕਾਨਨਸ੍ਸਿਰਿਂ; ()

੪੦.

ਇਮਸ੍ਸ ਭੋਰਾਜ ਸਰੋਜਯੋਨਿਨੋ

ਯਥੋਜੁਗਤ੍ਤਂ ਉਜੁਗਤ੍ਤਮਾਯਤਿਂ,

ਅਨਞ੍ਞਸਾਮਞ੍ਞਗੁਣਾਵਕਾਸਤੋ

ਪਜਾਭਿਪੂਜਾਵਿਧਿਭਾਜਨਂ ਸਿਯਾ; ()

੪੧.

ਇਮਸ੍ਸ ਸਤ੍ਤੁਸ੍ਸਦਲਕ੍ਖਣਂ ਸੁਭਂ

ਸਮਂਸਮਦ੍ਦਿਟ੍ਠਸਿਰਾਵਲਿਂ ਸਦਾ,

ਦਧਾਤਿ ਭੋ ਪਾਰਮਿਧਮ੍ਮਸਿਪਕ੍ਪਿਨੋ

ਸੁਧਨ੍ਤਚਾਮੀਕਰਪਿਣ੍ਡਵਿਬ੍ਭਮਂ; ()

੪੨. ¶

ਇਮਸ੍ਸ ਪੁਣ੍ਣੋਭਯਕਾਯਭਾਗਿਮਂ

ਮਿਗਿਨ੍ਦਪੁਬ੍ਬਦ੍ਧਸਰੀਰਲਕ੍ਖਣਂ,

ਕੁਦਿਟ੍ਠਿਵਾਦੀਭਸਿਰੋਵਿਦਾਰਣੇ

ਨਰਿਨ੍ਦਸਾਮਤ੍ਥਿਯਮੁਬ੍ਬਹੇ ਨਕਿਂ; ()

੪੩.

ਇਮਸ੍ਸੁ’ਪੇਤੋ ਘਨਮਂਸਵਟ੍ਟਿਯਾ

ਚਿਤਨ੍ਤਰਂਸੋ ਮੁਦੁਚਾਰੁਪਿਟ੍ਠਿਯਂ,

ਭਵਣ੍ਣਵਾ ਕਞ੍ਚਨਪਚ੍ਚਰਿਸਿਰਂ

ਤਨੋਤਿ ਸਤ੍ਤੁਤ੍ਤਰਣੇ ਨਰਾਧਿਪ; ()

੪੪.

ਇਮਸ੍ਸ ਨਿਗ੍ਰੋਧਮਹੀਰੁਹਸ੍ਸਿਵ

ਸਮਪ੍ਪਮਾਣੋ ਪਰਿਮਣ੍ਡਲੋਪ੍ਯ’ਯਂ,

ਕਦਾਚਿ ਦੁਕ੍ਖਾਤਪਖਿਨ੍ਨਦੇਹਿਨਂ

ਪਰਿਸ੍ਸਮਂ ਭੋ ਪਜਹੇ ਭਵਞ੍ਜਸੇ; ()

੪੫. ¶

ਇਮਸ੍ਸ ਰਾਜਿਤ੍ਤਯਰਞ੍ਜਿਤੋ’ਤ੍ਤਰਿਂ

ਕਰੀਯਮਾਨੁ’ਤ੍ਤਮਧਮ੍ਮਨਿਸ੍ਸਨੋ,

ਸੁਮਟ੍ਟਵਟ੍ਟੋ ਸਮਵਤ੍ਤਖਨ੍ਧਕੋ

ਮੁਤਿਙ੍ਗਖਨ੍ਧੋਰਿਵ ਰਾਜ ਰਾਜਤੇ; () (ਸਿਲੇਸ ਬਨ੍ਧਨਂ)

੪੬.

ਇਮਸ੍ਸ ਭੋ ਸਤ੍ਤਸਹਸ੍ਸਸਮ੍ਮਿਤਾ

ਯਥਾ’ਮਤਜ੍ਝੋਹਰਣਾਭਿਲਾਸਿਨੋ,

ਰਸਗ੍ਗਸਾ ਸਨ੍ਤਿ ਰਸਾਦਨੁਮ੍ਮੁਖਾ

ਰਸਗ੍ਗਸਗ੍ਗੀ’ਤ੍ਯ’ਭਿਧੀਯਤੇ ਤਤੋ; ()

੪੭.

ਇਮਸ੍ਸ’ਨੁਬ੍ਯਞ੍ਜਨਤਾਰਕਾਕੁਲੇ

ਅਨਨ੍ਤਰੂਪਾਯਤਨਮ੍ਬਰੋ ਦਰੇ,

ਵਿਰੋਚਤੇਬਾਰਸਮੀਸਸਿਰਿਵ

ਨਰਿਨ੍ਦਸੀਹਸ੍ਸਹਨੂਪਮਾਹਨੂ; ()

੪੮. ¶

ਇਮਸ੍ਸ ਤਾਲ਼ਿਸਤਿਦਨ੍ਤਪਨ੍ਤਿ ਭੋ

ਪਹੂਤਜਿਵ੍ਹਾਰਥਿਕਂ ਚਰਨ੍ਤਿਯਾ,

ਮਨੁਞ੍ਞਵਾਣਿਵਨਿਤਾਯ ਤਤ੍ਵਤੇ

ਪਸਤ੍ਥਮੁਤ੍ਤਾਵਲਿਲੀਲਮਾਯਤਿਂ; ()

੪੯.

ਇਮਸ੍ਸ ਜਵ੍ਹਾਵਰਕਣ੍ਣਿਕਾਵਹੇ

ਮੁਖਮ੍ਬੁਜੇ ਸਚ੍ਚਸੁਗਨ੍ਧਵਾਸਿਤੇ,

ਸਮਪ੍ਪਮਾਣਾ ਦਸਨਾਵਲੀ ਸੁਭਾ

ਵਿਭਾਤਿ ਕਿਞ੍ਜਕ੍ਖਤਤੀਵ ਭੂਪਤੀ; ()

੫੦.

ਇਮਸ੍ਸ ਭੋ ਖਣ੍ਡਿਤਸਙ੍ਖਪਣ੍ਡਰਾ

ਦ੍ਵਿਜਾਵਲੀ ਨਿਬ੍ਬਿਵਰਨ੍ਤਰਾਯਤਿਂ,

ਸਮੁਬ੍ਭਵਾਯੁਤ੍ਤਿਲਤਾਯ ਤਾਯਤਿ

ਮੁਖਾਲਵਾਲ਼ੇ ਮੁਕੁਲਾਵਲਿਸ੍ਸਿਰਿਂ; ()

੫੧. ¶

ਇਮਸ੍ਸ ਪੀਣਾਨਨਚਨ੍ਦਚਨ੍ਦਿਕਾ

ਸੁਸੁਕ੍ਕਦਾਠਾਵਲਿ ਸਚ੍ਚਵਾਦਿਨੋ,

ਪਦਿਸ੍ਸਤੇ ਧਮ੍ਮਤਲ਼ਾਕਕੀਲ਼ਨੇ

ਕਤਾਭਿਲਾਸਾਰਿਵਹਂਸਮਾਲਿਨੀ; ()

੫੨.

ਇਮਸ੍ਸ ਚਾਨੁਤ੍ਤਰਧਮ੍ਮਦੇਸਨਾ-

ਤਰਣ੍ਯਮਾਲੋਲਲਕਾਰਰੂਪਿਨੀ,

ਪਹੂਤਜਿਵ੍ਹਾ ਭਵਸਾਗਰਾ’ਯਤਿਂ

ਨਰਿਨ੍ਦ ਪਾਰਂ ਜਨਤਾ’ਵਤਾਰਯੇ; ()

੫੩.

ਇਮਸ੍ਸ ਭੋ ਬ੍ਰਹ੍ਮਸਰੋਪਮੋ ਸਦਾ

ਸਹਸ੍ਸਧਾ’ਯਂ ਕਰਵੀਕਰਾਵਤੋ,

ਮਨੋਹਰਟ੍ਠਙ੍ਗਸਮਙ੍ਗਿਸੁਸ੍ਸਰੋ

ਸਸੋਤਕਾਨਂ ਮਣਿਕੁਣ੍ਡਲਾਯਤੇ; ()

੫੪. ¶

ਇਮਸ੍ਸ ਨੀਲਂ ਨਯਨੁਪ੍ਪਲਞ੍ਚਯਂ

ਨਿਰੂਪਮੇ ਰੂਪਵਿਲਾਸਮਨ੍ਦਿਰੇ,

ਨਿਰੋਪਿਤਂ ਭੋ ਮਣਿਸੀਹਪਞ੍ਜਰ-

ਦ੍ਵਯਂਵ ਭਾਸੇ ਕੁਸਲੇਨ ਕੇਨਚਿ; ()

੫੫.

ਇਮਸ੍ਸ ਪਾਠੀਨਯੁਗਂ’ਵ ਦਿਸ੍ਸਤੇ

ਵਿਸਿਟ੍ਠਰੂਪਾਯਤਨਾਪਗਾਸਯਂ,

ਸੁਭਂ ਗਵਚ੍ਛਾਪਵਿਲੋਚਨੋਪਮਂ

ਮਣਿਪ੍ਪਭਂ ਗੋਪਖੁਮਦ੍ਵਯਂ ਸਦਾ; ()

੫੬.

ਇਮਸ੍ਸਾ ਉਣ੍ਣਾ ਭਮੁਕਨ੍ਤਰੁਬ੍ਭਵਾ

ਲ਼ਾਟਮਜ੍ਝੋਪਗਤਾ ਵਿਰੋਚਤਿ,

ਯਦਤ੍ਥਿ ਸਞਝਾਘਨਰਾਜਿਮਜ੍ਝਗਂ

ਸਸਙ੍ਕਹੀਨਂ ਸਸਿਮਣ੍ਡਲਂ ਤਥਾ ()

੫੭. ¶

ਇਮਸ੍ਸ ਉਣ੍ਹੀਸਕਸੀਸਲਕ੍ਖਣਂ

ਸਧਮ੍ਮਰਜ੍ਜਿਸ੍ਸਰਿਯਂ ਅਨਾਗਤੇ,

ਕਰਿਯਮਾਨਸ੍ਸ ਹਿ ਚਕ੍ਕਵਤ੍ਤਿਨੋ

ਦਧਾਤਿ ਉਣ੍ਹੀਸਕਸਿਸਵਿਬ੍ਭਮਂ; ()

੫੮.

ਇਮਸ੍ਸ ਭੁਮਿਸ੍ਸਰ ਸੁਪਕ੍ਪਤਿਟ੍ਠਿਤ-

ਪਦਙ੍ਕਿਤੇ ਚਕ੍ਕਯੁਗਮ੍ਹਿ ਦਿਸ੍ਸਰੇ,

ਅਰਾਸਹਸ੍ਸਾਨਿ ਚ ਨੇਮਿਨਾਭਿਯੋ

ਤਿਵਟ੍ਟਰੇਖਾ ਸਿਰਿਵਚ੍ਛਕਾਦਯੋ; ()

੫੯.

ਇਮੇਹਿ ਬਤ੍ਤਿਂਸਤਿਲਕ੍ਖਣੇਹਿ ਭੋ

ਅਸੀਤ੍ਯਨੁਬ੍ਯਞ੍ਜਨਲਕ੍ਖਣੇਹਿ’ਪਿ,

ਸਮੁਜ੍ਜਲਨ੍ਤੋ ਪੁਰਿਸਾਸਭੋਤ੍ਯਯਂ

ਭਵੇਯ੍ਯ ਬੁਦ੍ਧੋ ਭਵਬਨ੍ਧਨਚ੍ਛਿਦੋ; ()

੬੦. ¶

ਸਸੋਤਮਾਪਾਥਗਤਾਯ ਤਾਵਦੇ

ਦ੍ਵਿਜਸ੍ਸ ਵਿਤ੍ਥਾਰਕਥਾਯ ਚੋਦਿਤੋ,

ਅਪੁਚ੍ਛਿ ਰਾਜਾ ਕਿਮਯਂ ਸਮੇਕ੍ਖਿਯ

ਅਨਾਗਤੇ ਬ੍ਰਾਹ੍ਮਣ ਪਬ੍ਬਜਿਸ੍ਸਤਿ; ()

੬੧.

ਕਦਾਚਿ ਉਯ੍ਯਾਨਗਤੋ ਮਹਾਪਥੇ

ਜਰਾਰੁਜਾਮਚ੍ਚੁਵਿਰੂਪਦਸ੍ਸਨਂ,

ਵਿਧਾਯ ਨਿਬ੍ਬਿਨ੍ਤਮਨੋ ਭਵਤ੍ਤਯੇ

ਤਪੋਧਨਂ ਪਸ੍ਸਿਯ ਪਬ੍ਬਜਿਸ੍ਸਤਿ; ()

੬੨.

ਇਤਿਹ ਵਤ੍ਵਾਨ ਸਕਂਸਕਂ ਘਰਂ

ਤਤੋ’ਪਗਨ੍ਤ੍ਵਾ’ਦ੍ਧਨਿਮਿਤ੍ਤਪਾਠਕਾ,

ਮਹਲ੍ਲਕਾ’ਦਾਨਿ ਮਯਨ੍ਤਿ ਸੁਨਵੋ

ਤਮਾਨੁਪਬ੍ਬਜ੍ਜਿਤੁਮੋਵਦਿਂਸੁ ਤੇ; ()

੬੩. ¶

ਦ੍ਵਿਜੇਸੁ ਵੁਦ੍ਧੇਸੁ ਮਤੇਸੁ ਸਤ੍ਤਸੁ

ਅਯਂਹਿ ਕੋਣ੍ਡਞ੍ਞਸਮਵ੍ਹਯੋ ਸੁਧੀ,

ਮਹਾਪਧਾਨਂ ਪੁਰਿਸਾਸਭੋ’ਧੁਨਾ

ਕਰੋਤਿ ਸੁਤ੍ਵਾ ਕਰੁਣਾਯ ਚੋਦਿਤੋ; ()

੬੪.

ਸਮਾਨਲਦ੍ਧਿਹਿ ਕੁਲੇਸੁ ਤੇਸੁ ਹਿ

ਚਤੁਹਿ ਵਿਪ੍ਪੇਹਿ ਸਹ’ਨ੍ਤਪਞ੍ਚਮੋ,

ਅਥੋ’ਰੁਵੇਲਂ ਉਪਗਮ੍ਮ ਪਬ੍ਬਜਿ

ਭਵਿਂਸੁ ਤੇਪਞ੍ਚਿ’ਧ ਪਞ੍ਚਵਗ੍ਗਿਯਾ; ()

੬੫.

ਕਦਾਚਿ ਲਦ੍ਧਾ ਪਰਿਯਨ੍ਤਸਾਗਰਂ

ਇਮਂ ਚਤੁਦ੍ਦੀਪਿਕਰਜ੍ਜਮਤ੍ਰਜਂ,

ਜਿਤਾਰਿਵਗ੍ਗਂ ਵਿਚਰਨ੍ਤਮਮ੍ਬਰੇ

ਕਰੋਮਿ ਪਚ੍ਚਕ੍ਖਮਹਨ੍ਤਿ ਚਿਨ੍ਤਿਯ; ()

੬੬.

ਨਿਮਿਤ੍ਤਰੂਪਕ੍ਖਿਪਥਪ੍ਪਵੇਸਨਂ

ਨਿਵਾਰਣਤ੍ਥਂ ਤਨਿਜਰਾਜਸੂਨੁਨਾ,

ਨਰਾਧਿਪੋ ਸੋ ਪੁਰਿਸੇਹਿ ਸਬ੍ਬਥਾ

ਦਿਸਾਸੁ ਰਕ੍ਖਾਵਰਣਂ ਅਕਾਰਯਿ; ()

੬੭. ¶

ਅਯਂ ਕੁਮਾਰੋ ਯਦਿ ਚਕ੍ਕਵਤ੍ਤਿਵਾ

ਭਵੇਯ੍ਯ ਸਮ੍ਬੋਧਿਪਦਂ ਲਭੇਯ੍ਯਵਾ,

ਸਕੇਕੁਲੇ ਖਤ੍ਤਿਯਬਨ੍ਧਵੇਹਿ ਸੋ

ਪੁਰਕ੍ਖਤੋਯੇਵ ਚਰਿਸ੍ਸਤਂ ਇਤਿ; ()

੬੮.

ਕੁਮਾਰਨਾਮਟ੍ਠਪਨਮ੍ਹਿ ਵਾਸਰੇ

ਸਹਸ੍ਸਮਤ੍ਤੇਸੁ ਕੁਲੇਸ੍ਵ’ਸਿਤਿਯਾ,

ਅਦਾਸਿ ਪਚ੍ਚੇਕਜਨੋ ਪਟਿਸ੍ਸਵਂ

ਪਦਾਤੁਕਾਮੋਵ ਵਿਸੁਂਵਿਸੁਂ ਸੁਤੇ; ()

੬੯.

ਅਸੇਸਦੋਸਾਪਗਤਾ ਸੁਖੇਧਿ ਤਾ

ਸੁਵਣ੍ਣਕੁਮ੍ਭੋਰੁਪਯੋਧਰੋ ਨ ਤਾ,

ਅਨੇਕਧਾਤੀ ਵਰਵਣ੍ਣਗਬ੍ਬਿ ਤਾ

ਸਪਚ੍ਚੁਪਟ੍ਠਾਪਯਿ ਤਙ੍ਖਣੇਪਿ ਤਾ; ()

੭੦. ¶

ਤਲ਼ਾਕਤੀਰਮ੍ਹਿ ਤਰਙ੍ਗਭਾਸੁਰੇ

ਯਥੇਵ ਹਂਸ੍ਯਾ ਕਲਹਂਸਪੋਤਕਂ,

ਮਹੇਸਿਯਾ’ਙ੍ਕੇ ਸਯਨੇ ਸਿਤਤ੍ਥਰੇ

ਸੁਵਾਸਰੇ ਭੁਪਤਿ ਪੁਤ੍ਤਮਦ੍ਦਸ; ()

੭੧.

ਅਦਿਟ੍ਠਪੁਤ੍ਤਾਨਨਪਙ੍ਕਜਾ ਚਿਰਂ

ਲਹੁਂ ਪਰਿਕ੍ਖੀਣਵਯੋਗੁਣਾ ਇਤੋ,

ਚੁਤਾ’ਵ ਮਾਯਾਜਨਨਿ ਨਿਰਾਮਯਾ

ਉਪਾਵਿਸਿ ਸਤ੍ਤਮਵਾਸਰੇ ਦਿਵਂ; ()

੭੨.

ਮਹੇਸਿਮਾਯਾਭਗਿਨੀ ਤਦਾ ਮਹਾ-

ਪਜਾਪਤਿਗੋਤਮਿਨਾਮਰਾਜਿਨੀ,

ਨਿਜਂ ਕੁਮਾਰਂ ਭਰਣਾਯ ਧਾਤਿਨਂ

ਵਿਧਾਯ ਭਾਰਂ ਪਟਿਜਗ੍ਗਿ ਤਂ ਸਯਂ; ()

੭੩. ¶

ਤਦਾ’ਭਵੁਂ ਦੀਪਸਿਖਾ ਜਗਨ੍ਤਯੇ

ਕਲੇਬਰੋ’ਭਾਸਲਵੇਨ ਸੁਨੁਨੋ,

ਵਿਨਟ੍ਠਤੇਜਾਰਿਵ ਰਙ੍ਗਦੀਪਿਕਾ

ਵਿਮਾਨਦਿਪੇਸੁ ਕਥਾਵਕਾ’ਤ੍ਤਨੋ; ()

੭੪.

ਵਿਚਿਤ੍ਤਭੁਮ੍ਮਤ੍ਥਰਣੇ ਅਭਿਕ੍ਖਣਂ

ਸਜਨ੍ਨੁਕੇਹਾ’ਚਰਿ ਮਨ੍ਦਿਰੋਦਰੇ,

ਮਹਾਵਨਸ੍ਮਿਂ ਮਣਿਵਾਲੁਕਾਤਲੇ

ਵਿਜਮ੍ਭਮਾਨੋਰਿਵ ਸਿਹਪੋਤਕੋ; ()

੭੫.

ਸੁਤਸ੍ਸ ਕੀਲ਼ਾਪਸੁਤਸ੍ਸ ਮਨ੍ਦਿ ਰੇ

ਭਮਨ੍ਤਬਿਮ੍ਬਂ ਮਣਿਦਪ੍ਪਣੋਦ ਰੇ

ਨਿਬਦ੍ਧਮਦ੍ਦਕ੍ਖਿ ਚਰਨ੍ਤਮਮ੍ਬ ਰੇ

ਯਥੇਵ ਚਕ੍ਕਂ ਰਤਨਂ ਮਹੀਭੁ ਜੋ; ()

੭੬. ¶

ਤਦਙ੍ਘਿਵਿਞ੍ਞਾਸਵਸੇਨ ਭੁਮਿਯਾ

ਵਜਨ੍ਤਮਙ੍ਕੋ’ਪਨਿਧਾਯ ਭੁਮਿਪੋ,

ਤਦਾ’ਭਿਨਿਚ੍ਛਾਰਿਤ ਮਾਸਭਿਂ ਗਿਰਂ

ਇਦਾਨਿ ਮਂ ਸਾਵਯ ਪੁਤ੍ਤਮਬ੍ਰੁਵਿ; ()

੭੭.

ਨਿਬਦ੍ਧਮਨ੍ਤੋਮਣਿਵੇਦਿਕਾਤਲੇ

ਮੁਖੇਨ੍ਦੁਬਿਮ੍ਬੁਦ੍ਧਰਣੇ ਪਯੋਜਯਂ,

ਸਯਂ ਪਲਮ੍ਭੇਸਿ ਅਮਚ੍ਚਸੂਨਵੋ

ਵਯੇਨ ਮਨ੍ਦੋ’ਪਿ ਅਮਨ੍ਦਬੁਦ੍ਧਿਮਾ; ()

੭੮.

ਉਲ਼ਾਰਸੋਕਂ ਪਿਤੁਚਿਤ੍ਤਸਮ੍ਭਵਂ

ਤਿਲੋਕਦੀਪੋ ਨਿਜਪੁਞ੍ਞਤੇਜਸਾ,

ਤਮੋਪਬਨ੍ਧਂ ਭੁਵਨੋ’ਦਰੁਬ੍ਭਵਂ

ਨਿਰਾਕਰਿ ਬਾਲਰਵੀ’ਵ ਰਂਸਿਨਾ; ()

੭੯.

ਵਿਕਿਣ੍ਣਲਾਜਾਕੁਸੁਮਾਕੁਲਞ੍ਜਸੇ

ਵਿਤਾਨਰਙ੍ਗਦ੍ਧਜਨਿਬ੍ਭਰਮ੍ਬਰੇ,

ਪੁਰੇ ਤਹਿਂ ਮਙ੍ਗਲਕਿਚ੍ਚਸਮ੍ਮਤਂ

ਕਦਾਚਿ ਰਞ੍ਞੋ ਭਵਿ ਵਪ੍ਪਮਙ੍ਗਲਂ; ()

੮੦. ¶

ਸੁਗਨ੍ਧਮਾਲਾਭਰਣਾਦਿਮਣ੍ਡਿਤ-

ਪਸਾਧਿਤਾ ਕਾਪਿਲਵਤ੍ਥਵਾ ਨਰਾ,

ਸਕਿਙ੍ਕਰਾ ਕਮ੍ਮਕਰਾ’ਪਿ ਕਪ੍ਪਿਤਾ

ਤਤੋ ਤਤੋ ਸਤ੍ਤਿਪਤਿਂਸੁ ਤਂ ਕੁਲਂ; ()

੮੧.

ਮਹਚ੍ਚਸੇਨਾਯਪੁਰਕ੍ਖਤੋਹਿਸੋ

ਉਲ਼ਾਰਰਾਜਿਦ੍ਧਿਸਮੁਜ੍ਜਲਂਤਤੋ

ਪਯਾਸਿਕਮ੍ਮਨ੍ਤਪਦੇਸਮਤ੍ਰਜਂ

ਕੁਮਾਰਮਾਦਾਯਪੁਰਿਨ੍ਦਦੋਪਮੋ; ()

੮੨.

ਛਣਮ੍ਹਿ ਤਸ੍ਮਿਂ ਮਨੁਵਂਸਕੇਤੁਨੋ

ਮਨੋਰਮਂ ਮਙ੍ਗਲਨਙ੍ਗਲਾਦਿਕਂ,

ਸੁਵਣ੍ਣਪਟ੍ਟੇਹਿ ਪਰਿਕ੍ਖਟਂਕ ਮਹਾ-

ਜਨਸ੍ਸ’ਪੀ ਰੂਪਿਯਪਟ੍ਟਛਾਦਿਤਂ; ()

੮੩. ¶

ਵਿਸਾਲਸਾਖਾਕੁਲਜਮ੍ਬੁਸਾਖਿਨੋ

ਵਿਧਾਯ ਹੇਟ੍ਠਾ ਸਯਨੇ ਮਹਾਰਹੇ,

ਨਿਜਂ ਕੁਮਾਰਂ ਸਜਨੋ ਜਨਾਧਿਪੋ

ਸਮਾਰਹੀ ਸਮ੍ਪਤਿ ਵਪ੍ਪਮਙ੍ਗਲਂ; ()

੮੪.

ਕੁਮਾਰਰਕ੍ਖਾਵਰਣਾਯੁ’ਪਟ੍ਠਿਤਾ

ਤਮੁਸ੍ਸਵਂ ਧਾਤਿਜਨਾ ਵਿਪਸ੍ਸਿਤੁਂ,

ਅਪਕ੍ਕਮਿਤ੍ਵਾ ਬਹਿ ਸਾਣਿਤੋ ਖਣਂ

ਪਮਤ੍ਤਰੂਪਾ ਵਿਚਰਿਂਸ੍ਵਿ’ਤੋਚਿਤੋ; ()

੮੫.

ਪਰਿਗ੍ਗਹੇਤ੍ਵਾ’ਨਮਪਾਨ ਮਾਸਨੇ

ਨਿਸਜ੍ਜ ਪਲ੍ਲਙ੍ਕ ਮਲਤ੍ਥ ਬਨ੍ਧਿਯ,

ਜਿਨਙ੍ਕੁਰੋ ਨੀਵਰਣੇਹਿ ਨਿਸ੍ਸਟਂ

ਵਿਵੇਕਜਂ ਝਾਨਮਗਾਧਬੁਦ੍ਧਿਮਾ; ()

੮੬. ¶

ਵਿਪਸ੍ਸ ਪੁਤ੍ਤਸ੍ਸੁ’ਪਵੇਸਨਂ ਤਹਿਂ

ਦੁਮਸ੍ਸ ਛਾਯਾਯ ਨਿਵਤ੍ਤਤਂ ਤਥਾ,

ਪਵਨ੍ਦਿ ਰਾਜਾ ਪਟਿਹਾਰਿਕਾਕਥਾ-

ਪਚੋਦਿਤੋਪੁਤ੍ਤਮੁਪੇਚ੍ਚ ਤਙ੍ਖਣੇ; ()

੮੭.

ਕਲਾਸੁ ਵੁਜ੍ਜਾਸੁ ਚ ਪੁਤ੍ਤਮਤ੍ਤਨੋ

ਵਿਨੇਤੁਕਾਮੋ ਵਿਨਯਕ੍ਖਮਂ ਪਿਤਾ;

ਪਸਤ੍ਥਸਤ੍ਥਨ੍ਤਰਪਾਰਦਸ੍ਸਿਨਂ

ਕਦਾਚਿ ਵਿਪ੍ਪਾਚਰਿਯਂ ਕਿਰਾ’ਨਯਿ; ()

੮੮.

ਸਮਪ੍ਪਿਤਂ ਤਂ ਗੁਰੁਨੋ ਕਰਮ੍ਬੁਜੇ

ਸਦੇਵਲੋਕਸ੍ਸ ਗੁਰੁਂ ਸਗਾਰਵਂ,

ਮਹੀਸੁਰੋ ਸੋ ਜਲਬਿਨ੍ਦੁਨਾ ਯਥਾ

ਸੁਦੁਤ੍ਤਰਾਗਾਧਮਹੋਦਧੀਰਸਂ; ()

੮੯. ¶

ਸਵਣ੍ਣਭੇਦਂ ਸਨਿਘਣ੍ਟੁਕੇਟੁਭਂ

ਅਥਬ੍ਬਬੇਦੇਨਿ’ਨਿਹਾਸਪਞ੍ਚਮਂ,

ਤਿਵੇਦਮੁਦ੍ਦੇਸਪਦੇਨ ਦੁਦ੍ਦਸਂ

ਤਥਾ ਕਲਾਸਿਪ੍ਪਤਂ ਨਿਬੋਧਯੀ; ()

੯੦.

ਅਨਞ੍ਞਸਾਧਾਰਣਪੁਞ੍ਞਵਾਸਨਾ-

ਵਿਧੂਤਸਮ੍ਮੋਹਵਿਸੁਦ੍ਧਬੁਦ੍ਧਿਨੋ,

ਸਮਤ੍ਤਵਿਜ੍ਜਾ ਸਕਲਾਕਲਾ ਧਿਯਾ

ਕਲਮ੍ਪਿ ਨਾਲਂ ਬਹੁਭਾਸਨੇਨ ਕਿਂ; ()

੯੧.

ਨ ਕੇਵਲਂ ਤਸ੍ਸ ਕਲੇਬਰਂ ਬਹਿ

ਵਿਭਾਤਿ ਬਤ੍ਤਿਂਸਤਿਲਕ੍ਖਣੇਹਿ ਭੋ,

ਭੁਸਂ ਤਦਬ੍ਭਨ੍ਤਰਵਤ੍ਥੁ ਦਿਪ੍ਪਤੇ

ਸੁਬੁਦ੍ਧਸਤ੍ਥਨ੍ਤਰਲਕ੍ਖਣੇਹੀ’ਪਿ; ()

੯੨. ¶

ਤਿਲੋਚਨਸ੍ਸਾ’ਪਿ ਤਿਲੋਕਚਕ੍ਖੁਨੋ

ਅਯਂ ਵਿਸੇਸੋ ਨਯਨੇਹਿ ਦਿਸ੍ਸਤੇ,

ਲਲਾਟਨੇਤ੍ਤੋ ਪੁਰਿਮੋ ਨਸੋਭਤਿ

ਪਰੋ’ਵ ਅਬ੍ਭਤ੍ਤਰਞਾਣਲੋਚਨੋ; ()

੯੩.

ਅਨੁਬ੍ਬਜਨ੍ਤੋ ਨਵਯੋਬ੍ਬਨਸ੍ਸਿਰਿਂ

ਯਸੋਪਬਨ੍ਧੇਨ ਸਕੇ ਨਿਕੇਤਨੇ,

ਪਵਡ੍ਢਿ ਧੀਰੋ ਸਕਲਂ ਕਲਾਨ੍ਤਰਂ

ਕਲਾਨਿਧੀ ਰਂਸਿਚਯੇਨਿ’ਵ’ਮ੍ਬਰੇ; ()

੯੪.

ਉਪਡ੍ਢਗਣ੍ਡਾਹਿਤਦਾਠਿਕਾਯ ਸੋ

ਯਸੋਧਨੋ ਸੋਲ਼ਸਵਸ੍ਸਿਕੋ ਯਦਾ,

ਕਪੋਲਫੁਟ੍ਠਞ੍ਜਨਦਾਨਰਾਜਿਯਾ

ਕਰਿ ਯਥਾ ਬਾਲਦਸਂ ਵ੍ਯਤਿਕ੍ਕਮਿ ()

੯੫. ¶

ਤਦਾ ਨਰਿਨ੍ਦੋ ਸੁਰਮਨ੍ਦਿਰੋ’ਪਮਂ

ਉਤੁਤ੍ਤਯਾਨੁਚ੍ਛਵਿਕਂ ਮਨੋਰਮਂ,

ਪਯੋਜਯਿਤ੍ਵਾਨ ਪਵਿਣਸਿਪ੍ਪਿਕੇ

ਸੁਤਾਯ ਕਾਰਾਪਯਿ ਮਨ੍ਦਿਰਤ੍ਤਯਂ; ()

੯੬.

ਨਿਸਿਤਸਮ੍ਬਾਧਤਲਂ ਨਿਵਾਰਿਤ-

ਸਰੋਨਿਲਂ ਫਸ੍ਸਿਤਸਿਹਪਞ੍ਜਰਂ,

ਮਹਿਵਤਂਸਂ ਨਵਭੁਮਿਕਂ ਘਰਂ

ਬਭੁਵ ਰਮ੍ਮਂ ਭੁਵਿ ਰਮ੍ਮਨਾਮਿਕਂ; ()

੯੭.

ਸਸਿਕਰ’ਮ੍ਭੋਧਰਰਾਵਨਿਬ੍ਭਰ-

ਵਿਤਾਨ ਮੁਗ੍ਘਾਟਕਵਾਟਬਨ੍ਧਨਂ,

ਸੁਰਮ੍ਮਨਾਮਂ ਹਤਘਮ੍ਮਮਿਨ੍ਦਿਰਾ-

ਨਿਵਾਸਰਮ੍ਮਂ ਭਵਿ ਪਞ੍ਚਭੂਮਿਕਂ; ()

੯੮.

ਅਹਿਣ੍ਹਸਿਤੁਣ੍ਭਗੁਣੇਹਿ ਪਾਵੁਸੇ

ਸੁਖਾਨੁਲੋਮਂ ਸਮਸਤ੍ਤਭੁਮਿਕਂ,

ਸੁਫਸ੍ਸਿਤਾ’ਫਸ੍ਸਿਤਸਿਹਪਞ੍ਜਰਂ

ਸੁਭਂ ਸੁਭਂ ਨਾਮ ਨਿਕੇਤਨਂ ਭਵਿ; ()

੯੯. ¶

ਵਯੋਨੁਪਤ੍ਤਸ੍ਸ ਨਰਿਨ੍ਦਸੁਨੁਨੋ

ਉਲ਼ਾਰਰਾਜਿਦ੍ਧਿਵਿਲਾਸਦਸ੍ਸਨੇ,

ਕਤਾ’ਭਿਲਾਸੋ ਜਨਕੋ ਜਨਾਧਿਪੋ

ਪਦਾਤੁਕਾਮੋ ਨਿਜਰਜ੍ਜਸਮ੍ਪਦਂ; ()

੧੦੦.

ਵਸਨ੍ਤਿ ਚੇ ਯੋਬ੍ਬਨਹਾਰਿਦਾਰਿਕਾ

ਨਰਿਨ੍ਦਸਨ੍ਦੇਸਹਰੇਹਿ ਪੇਸਯਿ

ਸ ਸਾਕਿਯਾਨਂ ਸਚਿਵੇਹਿ ਸਾਸਨੇ; ()

੧੦੧.

ਨਿਵੇਦਯੁਂ ਯੋਬ੍ਬਨਗਬ੍ਬਿਤਸ੍ਸ ਤੇ

ਨਕਿਞ੍ਚਿਸਿਕਪ੍ਪਾਯਤਨ’ਨ੍ਤਦਸ੍ਸਿਨੋ,

ਸੁਤਸ੍ਸ ਦਾਰਾਭਰਣਾਯ ਧੀਤਰੋ

ਕਥਨ੍ਨੁ ਦਸ੍ਸਾਮ ਮਯਨ੍ਤਿ ਖਤ੍ਤਿਯਾ; ()

੧੦੨. ¶

ਸੁਤੇਨ ਤਂ ਰਾਜਸੁਤੇਨ ਚੋਦਿਤੋ

ਪਿਤਾ ਚਰਾਪੇਸਿ ਪੁਰਮ੍ਹਿ ਭੇਰਿਯੋ,

ਮਮ’ਤ੍ਰਜੋ ਕਾਹਤਿ ਸਿਪ੍ਪਦੀਪਨਂ

ਇਤੋਪਰਂ ਸਤ੍ਤਮਵਾਸਰੇ ਇਤਿ; ()

੧੦੩.

ਵਰੋ ਕੁਮਾਰੋ ਹਿ ਕੁਮਾਰਵਿਕ੍ਕਮੋ

ਕਲਾਪਸਨ੍ਨਦ੍ਧ ਕਲੇਬਰੋ ਤਦਾ,

ਵਿਪਸ੍ਸਤਂ ਬਨ੍ਧੁਜਨਾਨਮੋਸਰਿ

ਅਨਪ੍ਪਦਪ੍ਪੋ ਰਣਕੇਲ਼ਿਮਣ੍ਡਲਂ; ()

੧੦੪.

ਧਨੁਦ੍ਧਰੋ ਸੋ ਪਠਮਂ ਸਕੇ ਭੁਜੇ

ਸਹਸ੍ਸਥਾਮਂ ਸਸਰਂ ਸਰਾਸਨਂ,

ਵਿਧਾਯ ਪੋਠੇਸਿ ਜਿਯਂ ਵਸੁਨ੍ਧਰਾ-

ਵਿਦਾਰਣਾਕਾਰਮਹਾਰਵਂ ਰਵਿ; ()

੧੦੫. ¶

ਚਤੁਦ੍ਦਿਸਾ’ਧਰਧਨੁਦ੍ਧਰਾ ਮਮਂ

ਕਰੋਨ੍ਤੁ ਲਕ੍ਖਂ ਨਿਜਖਾਣਪਤ੍ਤਿਯਾ,

ਇਤੀਹ ਵਤ੍ਵਾ ਸਰਵਾਰਣੇਨ ਸੋ

ਅਭੁਤਪੁਬ੍ਬਂ ਸਰਸਿਪ੍ਪਮਾਹਰਿ; ()

੧੦੬.

ਚਤੁਦ੍ਦਿਸਾਯਂ ਚਤੁਰੋ ਧਨੁਦ੍ਧਰੇ

ਮਮੇ’ਕਬਾਣੇਨ ਹਣਾਮ’ਹਂ ਇਤਿ,

ਅਕਾਸਿ ਤਦਦੀਪਯਮਞ੍ਞਥਾ’ਬ੍ਭੁਤਂ

ਸ ਚਕ੍ਕਵੇਧਵ੍ਹਯਸਿਪ੍ਪਦੀਪਨਂ; ()

੧੦੭.

ਸਰੇਹਿ ਵੇਣ੍ਯਾ’ਯਤਯਟ੍ਠਿਰਜ੍ਜੁਕਂ

ਸਰੇਹਿ ਚਾ’ਰੋਹਣਮਣ੍ਡਪਾਲਯਂ,

ਸਰੇਹਿ ਪਾਕਾਰਤਲ਼ਾਕਪਙ੍ਕਜਂ

ਸਰੇਹਿ ਵਸ੍ਸਂ ਇਤਿਸਿਪ੍ਪਮਾਹਰਿ; ()

੧੦੮. ¶

ਮਹਾਸਤ੍ਤੋ ਲੋਕਪ੍ਪਭਵਮਸਮਂ ਸਿਪ੍ਪਜਾਤਂ ਜਨਾਨਂ

ਤਦਾ ਸਂਦਸ੍ਸੇਸਿ ਮੁਦਿਤਹਦਯਾ ਸਾਕਿਯਾ ਦਾਰਿਕਾਯੋ,

ਉਪਟ੍ਠਾਪੇਸੁਂ ਤਾ ਸੁਰਤਿਰਤਿਸਙ੍ਗਾਮਚਤੁਰਾ

ਸਹਸ੍ਸਾਨਂ ਤਾਲ਼ਿਸਤਿਪਰਿਮਿਤਾ ਨਾਟਿਕਾ’ਸੁਂ ਘਰੇਸੂ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦ ਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੂਰੇਨਿਦਾਨੇ ਲਕ੍ਖਣਪਟਿਗ੍ਗਹਣ ਕੁਮਾਰਸਮ੍ਭਰਣਾਦਿ ਪਵਤ੍ਤਿ ਪਰਿਦਿਪੋ ਅਟ੍ਠਮੋ ਸਗ੍ਗੋ.

੧. ¶

ਇਤਿ ਵਿਹਿਤੇ ਸਤਿ ਸਿਪ੍ਪਦੀਪਨਸ੍ਮਿਂ

ਤਦਭਿਮੁਖੇ’ਤਰਖਤ੍ਤਿਯਾ’ਤਿਸੂਰਾ,

ਅਪਗਤਮਾਨਮਦਾਭਵਿਂਸੁਮਞ੍ਞੋ

(ਤਰੁਣਮਿਗਿਨ੍ਦਮੁਖੇ)ਵ ਮਤ੍ਤਦਨ੍ਤਿ; ()

੨.

ਵਿਜਟਿਤ ਸਂਸਯਬਨ੍ਧਨੋ ਪਦਾਤੁਂ

ਸੁਮਰਿਯ ਦੇਵਦਹਮ੍ਹਿ ਸੁਪਕ੍ਪਬੁਦ੍ਧੋ,

ਨਰਪਵਰੋ ਨਿਜਧੀਤਰਂ ਕੁਮਾਰਿਂ

ਸੁਵਿਮਲ ਕੋਲਿਯਵਂਸਕਞ੍ਜਹਂਸਿਂ; ()

੩.

ਤਹਿਮਥਮਨ੍ਤਿਵਰੇਹਿ ਮਨ੍ਤਯਿਤ੍ਵਾ

ਨਿਖਿਲਪਵਤ੍ਤਿਨਿਵੇਦਨਾਯ ਦੂਤੇ,

ਪਹਿਣਿ ਕਵਿਵਾਹਮਹੇ ਵਿਧਿਯਤਨ੍ਤਿ

ਤਵ ਤਨੁਜੇਨ ਮਮਞ੍ਹਿ ਧੀਤੁਕਞ੍ਞਾ; ()

੪. ¶

ਵਲਯਿਤਤਾਰਮੁਪਟ੍ਠਿਤੋ’ਦਯਂ ਤੇ

ਹਿਮਕਰਬਿਮ੍ਬਮਿਵੋ’ਪਵਿਟ੍ਠਪੀਠਂ,

ਪਰਿਵੁਤਮਨ੍ਤਿਗਣਂ ਪਣਮ੍ਮ ਰਾਜਂ

ਕਪਿਲਪੁਰੋਪਗਤਾ ਤਮਤ੍ਥਮਾਹੁ;

੫.

ਅਥ ਪਟਿਲਦ੍ਧਪਟਿਸ੍ਸਵੇਨੁ’ਦਗ੍ਗਾ

ਪਦਯੁਗਮਞ੍ਜਲਿਪੁਪ੍ਫਮਞ੍ਜਰੀਹਿ,

ਸੁਮਹਿਯ ਤਂ ਪਟਿਵੇਦਯਿਂਸੁ ਰਞ੍ਞੋ

ਸਕਵਿਸਯਂ ਸਮੁਪੇਚ੍ਚ ਰਾਜਦੂਤਾ; ()

੬.

ਉਭਯਕੁਲਮ੍ਹਿ ਮਹੀਭੁਜਾ’ਞ੍ਞਮਞ੍ਞਂ

ਪੁਨਰਪਿ ਮਨ੍ਤਿਵਰੇਹਿ ਮਨ੍ਤਯਿਤ੍ਵਾ,

ਵਿਸਦਮਤੀਹਿ ਨਿਮਿਤ੍ਤਪਾਠਕੇਹਿ

ਨਿਯਮਿਤਮਙ੍ਗਲਵਾਸਰਮ੍ਹਿਤਮ੍ਹਾ; ()

੭.

ਕਨਕਵਿਤਾਨਵਿਨਦ੍ਧਹਾਰਿਹਾਰਂ

ਕੁਸੁਮਸਮਾਕੁਲਹੇਮਪੁਣ੍ਣਕੁਮ੍ਭਂ,

ਤਿਦਿਵਵਿਮਾਨਸਮਾਨਮੁਲ੍ਲਸਨ੍ਨ-

ਰਤਨਵਿਚਿਤ੍ਤਵਿਵਾਹਮਣ੍ਡਪਗ੍ਗਂ; ()

੮. ¶

ਗਹਿਤਵਿਤਾਨਸਿਤਾਤਪਤ੍ਤਕੇਤੁ-

ਦ੍ਧਜਮਣਿਵਿਜਨਿਚਰੁਚਾਮਰੇਹਿ,

ਪਚੁਰਜਨੇਹਿ ਕਤੁਪਹਾਰਮਗ੍ਗੇ

ਸੁਪਰਿਵੁਤਂ ਚਤੁਙ੍ਗਿਰਨਿਧਜਿਨ੍ਯਾ; (੬)

੯.

ਵਿਵਿਧਵਿਭੂਸਣਭੁਸਿਤਤ੍ਤਭਾਵਂ

ਅਭਿਨਵਪੀਨਪਯੋਧਰਾਭਿਰਾਮਂ,

ਹਰਿਸਿਵਿਕਾਯ ਯਸੋਧਰਂ ਕੁਮਾਰਿਂ

ਮਣਿਖਚਿਤਾਯ ਵਿਧਾਯ ਚਾ’ਨਯਿਂਸੁ; ()

੧੦.

ਵਲਯਿਤਮਾਲਤਿਦਾਮਹੇਮਮਾਲਾ

ਪਰਿਮਲਭਾਵਿਤਕੁਨ੍ਤਲਪ੍ਪਵੇਣਿ,

ਵਿਰਲ਼ਬਕਾਵਲਿਮਪ੍ਪਵਿਜ੍ਜੁਰਾਜਿਂ

ਜਲਧਰਮਾਲਮਜੇਸਿ ਕੋਮਲਾਯ ()

੧੧. ¶

ਨਿਰਵਧਿਰੂਪਨਭੋਤਲਮ੍ਹਿ ਤਸ੍ਸਾ

ਜਨਮਨਕੁਨ੍ਦਵਿਕਾਸਨਂ ਬਭਾਸ,

ਕੁਟਿਲਤਰਾਲਕਕਾਲਮੇਘਰਾਜਿ-

ਜਟਿਤਲਲਾਟਤਲਦ੍ਧਚਨ੍ਦਬਿਮ੍ਬਂ; ()

੧੨.

ਮਿਗਮਦਕੁਙ੍ਕੁਮਗਨ੍ਧਪਙ੍ਕਲਿਤ੍ਤੋ

ਕੁਲਵਧੁਯਾ ਤਿਲਕੋ ਲਲਾਟਮਜ੍ਝੇ,

ਮਕਰਧਜੇਨ ਨਿਰੋਪਿਤੋਰਿ’ਵਾ’ਸਿ

ਤਿਭੁਵਨਭੁਤਜਯਾਯ ਪੁਪ੍ਫਕੇਤੁ; ()

੧੩.

ਜਨਨਯਨਞ੍ਜਨਰੂਪਸਮ੍ਪਦਾਯ

ਕੁਲਮਪਦਾਯ ਰਰਾਜ ਨਿਮ੍ਮਦਾਯ,

ਪਰਮਸਿਰਿਂ ਸਰੁਸੀਰੁਹਾਭਿਰਾਮਂ

ਵਦਨਮਨਙ੍ਗਸੁਵਣ੍ਣਦਪ੍ਪਣਾਭਂ; ()

੧੪. ¶

ਮਣਿਗਣਮਣ੍ਡਿਤਕੁਣ੍ਡਲੇਹਿ ਤਸ੍ਸਾ

ਸਵਣ੍ਯੁਗਂ ਘਟਿਤਾਵਗਣ੍ਡਭਾਗਂ,

ਮਨਸਿਜਸਾਕੁਣਿਕੇਨ ਖਿਤ੍ਤਪਾਸ-

ਯੁਗਲਮਿਵਕ੍ਖਿਵਿਭਙ੍ਗਮਾਨਮਾਸਿ; ()

੧੫.

ਸੁਵਿਮਲਕਨ੍ਤਿਪਬਨ੍ਧਸਨ੍ਦਨਤ੍ਥਂ

ਨਯਨਨਦੀਨਮੁਭਿਨ੍ਨਮਨ੍ਤਰਾਲ਼ੇ,

ਕਨਕਪਣਾਲ਼ਿਸਮਪ੍ਪਿਤੇ’ਵ ਤਾਯ

ਵਰਵਦਨਾਯ ਰਰਾਜ ਤੁਙ੍ਗਨਾਸਾ; ()

੧੬.

ਨਿਰੁਪਮਰੂਪਵਿਲਾਸਮਨ੍ਦਿਰਸ੍ਮਿਂ

ਸਜਵਨਿਕਾਨਿ’ਵ ਸੀਹਪਞ੍ਜਰਾਨਿ,

ਰੁਚਿਰਵਿਲਾਸਿਨਿਯਾ ਲਸਿਂਸੁ ਪਮ੍ਭਾ-

ਵਲਿਸਹਿਤਾਨਿ ਸੁਨੀਲਲੋਚਨਾਨਿ; ()

੧੭. ¶

ਕਨਕਕਪਾਲਨਿਭਂ ਮਨੋਭਵਸ੍ਸ

ਵਿਮਲਕਪੋਲਯੁਗਂ ਸਿਨਿਦ੍ਧਕਨ੍ਨਿਂ,

ਨਵਸਸਿਮਣ੍ਡਲਪੁਣ੍ਡਰੀਕਸਣ੍ਡ-

ਸਸਿਰਿਮਵਰੁਨ੍ਧਿਮਨੋਹਰਾਧਰਾਯ; (੬)

੧੮.

ਸੁਚਰਿਤਪਾਰਮਿਤਾਲਤਾਯ ਤਾਯ

ਪਰਿਣਤਰਾਗਲਤਾਯ ਭੂਲਤਾਯ,

ਅਧਰਯੁਗਂ ਤਰੁਣਙ੍ਕੁਰਦ੍ਵਯਂ ਵਾ

ਕਿਮਿਤਿ ਵਿਤਕ੍ਕਹਤੋ’ਯਮਾਸਿ ਲੋਕੋ; ()

੧੯.

ਕੁਲਵਧੁਯਾ ਵਦਨਾ’ਲਵਾਲ਼ਗਬ੍ਭੇ

ਨਵਕਲਿਕਾਵਲਿਫੁਲ੍ਲਿਤੇ’ਵਕਿਞ੍ਚਿ,

ਸੁਮਧੁਰਵਾਣਿਲਤਾਯ ਮਨ੍ਦਹਾਸ-

ਜ੍ਜੁਤਿਧਵਲਿ ਦਸਨਵਲਿ ਰਰਾਜ; ()

੨੦. ¶

ਕੁਵਲਯਨੀਲਵਿਲੋਲਲੋਚਨਾਯ

ਮੁਖਕਮਲਾ’ਲਿਕੁਲਾਨੁਕਾਰਿਨੀਭੁ,

ਨਯਨਮਯੂਖਗੁਣੇਹ’ਪਾਙ੍ਗਭਙ੍ਗ-

ਨਿਸਿਤ੍ਸਰੇਹਿ ਅਨਙ੍ਗਚਾਪਰੂਪਾ; ()

੨੧.

ਕਲਰਵਮਞ੍ਜੁਗਿਰਾ ਤਿਵਟ੍ਟਰਾਜਿ

ਘਨਕੁਚਭਦ੍ਦਘਟਾਯ ਕਮ੍ਬੁਗੀਵਾ,

ਮਧੁਰਗਭੀਰਵਿਰਾਵ ਰਙ੍ਗਲੇਖਂ

ਅਜਿਨਿ ਸੁਵਣ੍ਣਮੁਤਿਙ੍ਗਭੇਰਿਸਙ੍ਖਂ; ()

੨੨.

ਅਭਿਨਵਪਿਨਪਯੋਧਰੋ’ਪਧਾਨਂ

ਸੁਖੁਮਤਰਚ੍ਛਵਿਕੋਜਵਾਭਿਰਾਮਂ,

ਉਰਸਯਨਂ ਸਮਲਙ੍ਕਤਂ ਵਿਯਾ’ਸਿ

ਨਿਜਪਤਿਸਙ੍ਗਮਮਙ੍ਗਲਾਯ ਤਾਯ; ()

੨੩. ¶

ਕੁਚਕਨਕਾ’ਚਲਸਮ੍ਭਵਾਯ ਨਾਭਿ-

ਕੁਹਰਤਟਾਭਿਮੁਖਾਯ ਕਨ੍ਤਿਨਜ੍ਜਾ,

ਛਠਾਰਵਲਿਤ੍ਤਯਮਿਨ੍ਦਿਰੋਪਮਾਯ

ਅਵਹਰਿ ਤੁਙ੍ਗਤਰਙ੍ਗਪਨ੍ਤਿਕਨ੍ਤਿਂ; ()

੨੪.

ਮਣਿਰਸਨਾਗੁਣਮਨ੍ਥਰਾਯ ਤਸ੍ਸਾ

ਘਨਕੁਚਭਾਰਕਿਸੋ ਕਿਸੋਦਰਾਯ,

ਹਰਿਸਿਰਿਵਚ੍ਛਸੁਹਜ੍ਜਮਜ੍ਝਭਾਗੋ

ਮਦਧਨੁਮੁਟ੍ਠਿਵਿਲਾਸਮਾਹਰਿਤ੍ਥ; ()

੨੫.

ਸਰਸਿਜਤਨ੍ਤੁਪਵੇਸਨਾਵਕਾਸ

ਮਵਹਰਿ ਪੀਨਪਯੋਧਰਨ੍ਤਰਾਲ਼ਂ,

ਨਿਜਗਲ਼ਭਾਸੁਰਹਾਰਨਿਜ੍ਝਰੇਹਿ

ਕਨਕਦਰਿਮੁਖਵਿਬ੍ਭਮਂ ਯੁਵਤ੍ਯਾ; ()

੨੬. ¶

ਅਵਿਕਲਰੂਪਵਿਲਾਸਸਿਨ੍ਧੁਵੇਲਾ

ਵਿਰਲਵਿਲਗ੍ਗਿਨਿਯਾਕ ਵਿਸਾਲਸੋਣਿ,

ਪਰਿਹਰਿ ਰਾਜਕੁਮਾਰਿਕਾਯ ਤਾਯ

ਕੁਸੁਮਸਰਾਭਵਭੁਮਿਭਾਗਸੋਭਂ; ()

੨੭.

ਕੁਲਵਧੁਯਾ ਕਮਲਾਮਲਾਨਨਾਯ

ਕੁਵਲਯਕੋਮਲਨਿਲਰੋਮਰਾਜਿ,

ਭੁਸਮਭਿਚੁਮ੍ਬਿ ਗਭਿਰਨਾਭਿਗਬ੍ਭਂ;

ਕਮਲਵਿਵਾਯਤਮਤ੍ਤਭਿਙ੍ਗਰਾਜਿ ()

੨੮.

ਰੁਚਿਰਤਰੋਰੁਯੁਗਂ ਸੁਵਣ੍ਣ ਰਮ੍ਭਾ-

ਕਰਿਕਰਪੀਵਰਮਿਨ੍ਦਿਰੋਪਮਾਯ,

ਭਜਿ ਮਕਰਦ੍ਧਜਰਙ੍ਗਮਨ੍ਦਿਰਸ੍ਮਿਂ

ਹਰਿਮਯਥਮ੍ਭਯੁਗਸ੍ਸਿਰਿਂ ਰਮਾਯ; ()

੨੯. ¶

ਮਦਰਯਰੂਪਰਸਦ੍ਵਯਂ ਤੁਲਾਯ

ਸੁਪਰਿਮਿਤਾਯ ਚਤੁਮ੍ਮੁਖੇਨ ਤੁਲ੍ਯਂ,

ਨਿਜਮਿਹਜਾਨੁਯੁਗਂ ਪਵਾਲ਼ਪਾਤਿ-

ਯੁਗਲਵਿਵਾਸਿ ਅਵਮ੍ਮੁਖੋਪਨੀਤਂ; ()

੩੦.

ਵਿਸਯਵਿਤਕ੍ਕਤਮਾਕੁਲਂ ਯੁਵਤ੍ਯਾ

ਮਦਨੁਪਸਙ੍ਕਮਣੇ ਮਨੋਵਿਮਾਨਂ,

ਜਿਤਮਦਮਤ੍ਤਮਯੂਰਕਣ੍ਠਭੂਤਿ

ਜਲਿਤਪਦੀਪਸਿਖੇ’ਵ ਚਾਰੁਜਙ੍ਘਾ; ()

੩੧.

ਮਣਿਮਯਨੂਪੁਰਭਾਸੁਰੇਹਿ ਤਸ੍ਸਾ

ਚਰਣਤਲੇਹਿ ਪਰਾਜਿਤਾਨਿ ਥੀਨਂ,

ਮੁਖਪਦੁਮਾਨਿਵ ਸਙ੍ਕੁਚਨ੍ਤਿ ਮਞ੍ਞੇ

ਭਮਰਭਰਮ੍ਬੁਰੁਹਾਨਿ ਕਞ੍ਜਨੀਨਂ; ()

੩੨.

ਕਰਚਰਣਙ੍ਗੁਲਿਪਲ੍ਲ’ਵਗ੍ਗਸਾਲੀ-

ਜਲਲਵਪਨ੍ਤਿਨਿਭਾ’ਤਿਕੋਮਲਾਯ,

ਅਭਿਨਵਤਮ੍ਬਨਖਾਵਲੀ ਬਭੂਵ

ਮਕਰਧਜਸ੍ਸ ਕਤੇ’ਵ ਪੁਪ੍ਫਪੂਜਾ; ()

੩੩. ¶

ਸਪਰਿਜਨੋ ਵਨਿਤਾਯ ਤਾਯ ਸਦ੍ਧਿਂ

ਮਣਿਗਣਮਣ੍ਡਿਤਮਣ੍ਡਪਪ੍ਪਦੇਸੇ,

ਦਿਨਕਰਵਂਸਧਜਸ੍ਸ ਰਾਜਪੁਤ੍ਤ-

ਸ੍ਸੁਪਗਮਨਂ ਅਪਲੋਕਯਂ ਨਿਸੀਦਿ; ()

੩੪.

ਪਰਿਵੁਤਬਨ੍ਧੁਜਨੇਹਿ ਰਾਜਪੁਤ੍ਤੋ

ਯਥਰਿਵ ਦੇਵਗਣੇਹਿ ਦੇਵਰਾਜਾ,

ਸਪਦਿ ਤੁਰਙ੍ਗਰਥਂ ਸਮਾਹਿਰੂਲ਼੍ਹੋ

ਤਦਭਿਮੁਖੋ ਯਸਸਾ ਜਲਂ ਪਯਾਸਿ; ()

੩੫.

ਤਹਿਮੁਪਗਮ੍ਮ ਠਿਤਸ੍ਸ ਮਣ੍ਡਪਸ੍ਮਿਂ

ਪਰਿਦਹਿਤੁ’ਤ੍ਤਰਸਾਟਕੇਨ ਤਸ੍ਸ,

ਹਰਿਮਣਿਮਣ੍ਡਨਮਣ੍ਡਿਤ’ਤ੍ਤਭਾਵੋ

ਹਿਮਪਟਲੇਨ ਹਿਮਾਚਲੋ ਰਿਵਾਸਿ; ()

੩੬. ¶

ਮਣਿਮਕੁਟੇਨ ਨਿਵਤ੍ਥਕਾਸਿਕੇਨ

ਨਰਪਤਿਸੁਨੁ ਸੁਮਣ੍ਡਿਤੋ ਰਰਾਜ,

ਸੁਰਭਵਨੇਨ ਚ ਖੀਰਸਾਗਰੇਨ

ਕਨਕਸਿਣੇਰੁਗਿਰੀ’ਵ ਨਿਚ੍ਚਲਟ੍ਠੋ; ()

੩੭.

ਨਭਸਿ ਸਮਾਕੁਲਤਾਰਕਾਵਲੀ’ਵ

ਉਰਸਿ ਵਿਰਾਜਿਤਤਾਰਹਾਰਪਨ੍ਤੀ,

ਨਰਪਵਰੋ ਪਿਵਿ ਤਾਯ ਰੂਪਸਾਰਂ

ਅਮਤਮਿਵਾ’ਯਤਲੋਚਨ’ਞ੍ਜਲੀਹਿ; ()

੩੮.

ਤਦਹਨਿ ਰਾਜਕੁਮਾਰਪੁਬ੍ਬਸੇਲ-

ਪ੍ਪਭਵਵਰਾਨਨਚਨ੍ਦਮਣ੍ਡਲੇਨ,

ਮੁਕੁਲ਼ਿਤਲੋਚਨਨੀਲਨੀਰਜਾਯ

ਅਭਵਿਮਨੋਕੁਮੁਦਾਕਰਪ੍ਪਬੋਧੋ; ()

੩੯. ¶

ਯੁਵਤਯੁਵਾਨਮਪੇਕ੍ਖਤਂ ਜਨਾਨਂ

ਅਨਿਮਿਸਲੋਚਨਨੀਲਕਨ੍ਤਿਗਙ੍ਗਾ,

ਰੁਚਿਰਵਧੂਹਿ ਵਿਧੂਤਚਾਮਰੇਹਿ

ਅਨਿਲਵਿਲੋਲਤਰਙ੍ਗਸਾਲਿਨੀਵ; ()

੪੦.

ਗਗਨਤਲੋਪਰਿ ਤਾਰਕਾਕੁਲਮ੍ਹਿ

ਯੁਵਯੁਵਤੀਨਵਚਨ੍ਦਚਨ੍ਦਿਕੇਵ,

ਨਿਚਿਤਸੁਵਣ੍ਣਕਹਾਪਣੇ ਵਰੇਜੁਂ

ਅਥਮਣਿਮਣ੍ਡਪਵੇਦਿਕਾਤਲਮ੍ਹਿ; ()

੪੧.

ਸਕਲਕਲਾਕੁਸਲੋ’ਪਗਮ੍ਮਵਿਪ੍ਪਾ-

ਚਰਿਯਗਣੋ ਜਯਮਙ੍ਗਲਾਯ ਤੇਸਂ,

ਸੁਪਰਿਸਮਾਪਯਿ ਸਬ੍ਬਪੁਬ੍ਬਕਿਚ੍ਚਂ

ਸਪਦਿ ਪਵਸ੍ਸਿ ਅਖਣ੍ਡਲਾਵੁਜਟ੍ਠਿ; ()

੪੨. ¶

ਕਰਤਲਤਾਮਰਸੇਸੁ ਕੁਣ੍ਡਿਕਾਯ

ਮਣਿਖਵਿਤਾਯ ਪੁਰੋਹਿਤੋ ਉਭਿਨ੍ਨਂ,

ਸੁਭਮਭਿਸੇਕਜਲਂ ਨਿਪਾਤਯਂ ਤੇ

ਪੁਨਹਿਪਯੋਜਯਿ ਪਾਣਿਪੀਲ਼ਣਸ੍ਮਿਂ; ()

੪੩.

ਸੁਰਧਨੁਵਿਜ੍ਜੁਲਤੇ’ਵ ਵਾਰਿਵਾਹਂ

ਰਥਮਭਿਰੁਯ੍ਹ ਗਹੀਰਮਨ੍ਦਘੋਸਂ,

ਪਰਿਵੁਤਖਤ੍ਤਿਯਬਨ੍ਧਵੇਹਿ ਤਮ੍ਹਾ

ਕਪਿਲਪੁਰਾ’ਭਿਮੁਖਾਭਵੁਂ ਉਭੋਤ ਤੇ; ()

੪੪.

ਅਥ ਸਮਲਙ੍ਕਤਵੀਥਿਮਜ੍ਝਿਗਾਨਂ

ਵਿਵਟਨਿਕੇਤਨਸੀਹਪਞ੍ਜਰਟ੍ਠਾ,

ਅਨਿਮਿਸਲੋਚਨਪਙ੍ਕਜੋਪਹਾਰਂ

ਭੂਸਮਕਰੁਂ ਕਪਿਲਙ੍ਗਨਾ ਪਸਨ੍ਨਾ; ()

੪੫. ¶

ਗਮਨਵਿਲਾਸਮੁਦਿਕ੍ਖਤਂ ਜਨਾਨਂ

ਰੁਚਿਰਸਿਰੋਪਹਿਤ’ਞ੍ਜਲੀਹਿ ਭਤ੍ਤ੍ਯਾ,

ਮਣਿਕਲਸਪ੍ਪਿਤਪੁਪ੍ਫਮਞ੍ਜਰੀਹਿ

ਰਚਿਤਮਿਵੋਭਯਵੀਥਿਪਸ੍ਸਮਾਸਿ; ()

੪੬.

ਤਿਖਿਣਵਿਲੋਚਨਬਾਣਲਕ੍ਖਭਾਵਂ

ਨਿਰੁਪਮਰੂਪਿਨਿ ਕਾਮਿਨੀਹਿ ਨੀਤੇ,

ਪਤਿਤ’ਨੁਰਾਗਸਰੇਹਿਯੇਵ ਤਾਸਂ

ਹਦਯਵਿਦਾਰਣਮਾਸਿ ਤਪ੍ਫਲਂ’ਵ; ()

੪੭.

ਕਥਮਪਿ ਕਾਪਿਲਵਤ੍ਥਵਾ ਅਹੇਸੁਂ

ਤਦਹਨਿ ਨਿਚ੍ਚਲਲੋਚਨੁਪ੍ਪਲੇਹਿ,

ਕਪਿਲਪੁਰਂ ਤਿਦਸਾਲਯਾਵਤਿਣ੍ਣਾ

ਤਿਦਸਗਣਾ’ਵ ਵਿਪਸ੍ਸਨਾਯੁ’ਭਿਨ੍ਨਂ; ()

੪੮. ¶

ਤਿਦਿਵਪੁਰਾ ਨਿਜਵੇਜਯਨ੍ਤਨਾਮ-

ਸੁਰਭਵਨਂ’ਵ ਸੁਜਮ੍ਪਤੀ ਸੁਜਾਤਾ,

ਕਪਿਲਪੁਰਾ ਪੁਨਰਾਗਮਿਂਸੁ ਤਮ੍ਹਾ

ਪਤਿਪਤਿਨੀ ਨਿਜਰਾਜਮਨ੍ਦਿਰਂ ਦ੍ਵੇ; ()

੪੯.

ਧਰਣਿਪਤਿਸੁਤੋ ਪਤ੍ਤਰਜ੍ਜਾਭਿਸੇਕੋ

ਕਪਿਲਪੁਰਵਰੇ ਤੇਸੁ ਤਿਸ੍ਵਾਲਯੇਸੁ,

ਅਪਰਿਮਿਤਸੁਖਂ ਤਾਯ ਬਿਮ੍ਬਾਯ ਸਦ੍ਧਿਂ

ਸੁਚਿਰਮਨੁਭਵਿ ਚਨ੍ਦਬਿਮ੍ਬਾਨਨਾਯ; ()

੫੦.

ਵਿਕਚਕਮਲ (ਨਨ੍ਦੀਮੁਖਿ) ਮਞ੍ਜੁਭਾਣੀ

ਤਿਵਿਧਵਯਸਿ ਦਿਬ੍ਬਚ੍ਛਰਾਰੂਪਸੋਭਾ,

ਅਗਮਿ ਖਯਵਯਂ ਸਾ’ਪਿ ਬਿਮ੍ਬਾਮਹੇਸਿ

ਸਰਥ ਸਰਥ ਸਙ੍ਖਾਰਧਮ੍ਮਸ੍ਸਭਾਵਂ; ()

ਇਤਿ ਮ੍ਬੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੂਰੇਨਿਦਾਨੇ ਪਾਣਿਗ੍ਗਹਮਙ੍ਗਲੁਸ੍ਸਵਪਵਤ੍ਤਿਪਰਿਦੀਪੋ. ਨਵਮੋ ਸਗ੍ਗੋ.

੧. ¶

ਗੁਣਮਣਿਮਣਿਮਾ ਸੋ ਦੇਵਰਾਜਾ’ਵ ਰਾਜਾ

ਸੁਖਮਨੁਭਵਮਾਨੋ ਵਾਜਿਯਾਨੇਨ ਯੇਨ,

ਭਮਰਭਰਿਤਮਾਲਾ ਮਙ੍ਗਲੁਯ੍ਯਾਨਭੂਮਿ

ਤਦਵਸਰਿ ਕਦਾਚਿ ਸਾਲਿਨੀ (ਮਾਲਿਨੀ) ਹਿ; ()

੨.

ਉਪਗਤਸਮਯੋ’ਤਿ ਬੁਜ੍ਝਨਤ੍ਥਾਯ ਬੋਧਿਂ

ਸੁਮਰਿਯ ਸੁਰਪੁਤ੍ਤਾ ਬੋਧਿਸਤ੍ਤੇ ਵਜਨ੍ਤੇ,

ਭਵਵਿਰਤਿਸਮਤ੍ਥਂ ਦਸ੍ਸਯੁਂ ਮਾਪਯਿਤ੍ਵਾ

ਜਰਸਕਟਸਰੂਪਂ ਜਿਣ੍ਣਰੂਪਂਕ ਵਿਰੂਪਂ; ()

੩. ¶

ਕਿਮਿਦਮਿਤਿਹਪੁਟ੍ਠੋ ਜਿਣ੍ਣਰੂਪਂ ਵਿਪਸ੍ਸ

ਵਿਮਤਿਪਰਵਸੋ ਸੋ ਸਾਰਥਿਂ ਰੂਪਸਾਰੋ,

ਨਿਜਹਦਯਨਿਧਾਨੇ ਦੇਵਤਾਚੋਦਿਤਸ੍ਸ

ਨਿਦਹਿ ਧਨਮਿਵਗ੍ਘਂ ਤਸ੍ਸਧਮ੍ਮੋਪਦੇਸਂ; ()

੪.

ਹਰਿਤਨਲ਼ਕਲਾਪਂ ਮਙ੍ਗਲੁਯ੍ਯਾਨਮਗ੍ਗੇ

ਯਥਰਿਵ’ਹਿਮੁਖਟ੍ਠਾ ਕੁਞ੍ਜਰਿ ਭਞ੍ਜਮਾਨਾ,

ਤਥਰਿਵ’ਭਿਭਵਨ੍ਤੀ ਸਬ੍ਬਯੋਬ੍ਬਞ੍ਞਦਪ੍ਪਂ

ਖਰਤਰਜਰਤਾ ਸਾ ਅਤ੍ਤਪਚ੍ਚਕ੍ਖਭੂਤਾ; ()

੫.

ਮੁਖਕੁਕਵਲਯਗਬ੍ਭਾ ਭਟ੍ਠਕਿਞ੍ਜਕ੍ਖਸੋਭਾ

ਭਵਿ ਕਠਿਨਜਰਾਰਿਖਣ੍ਡਦਨ੍ਤਟ੍ਠਿਪਨ੍ਤਿ,

ਕੁਟਿਲਪਲਿਤਜਾਤਂ ਤਞ੍ਜਰਾਯਾ’ਭਿਸੇਕੇ

ਸਿਰਸਿ ਰਚਿਤਸੇਤਚ੍ਛਤ੍ਤਸੋਭਂ ਬਬਨ੍ਧ; ()

੬. ¶

ਅਵਿਰਲ਼ਵਲਿਯੋ ਤਾ ਜਿਣ੍ਣਰੂਪਸ੍ਸ ਚਮ੍ਮੇ

ਪਭਵਬਲਵਤੇਜੋਧਾਤੁਵੇਗੁਟ੍ਠਿਤਾ’ਸੁਂ,

ਤਰਲਸਲਿਲਪਿਟ੍ਠੇ ਸੇਯ੍ਯਥਾਪੋ’ਦਧਿਸ੍ਸ

ਤਰਲਸਲਿਲਪਿਟ੍ਠੇ ਸੇਯ੍ਯਥਾਪੋ’ਦਧਿਸ੍ਸ

ਪਲਯਪਵਨਵੇਗੁ’ਤ੍ਤੁਙ੍ਗਕਲ੍ਲੋਲਮਾਲਾ ()

੭.

ਠਿਤਮੁਪਵਨਪਨ੍ਥੇ ਵਙ੍ਕਗੋਪਾਣਸਿ’ਵ

ਅਨੁਜੁਕਮੁਜੁਭੁਤਂ ਦਣ੍ਡਮੋਲੁਬ੍ਭ ਭੁਮ੍ਯਾ,

ਨਿਜਤਰੁਣਵਿਲਾਸਂ ਲਕ੍ਖਮਾਪਾਦਯਨ੍ਤਂ

ਧਨੁਮਿਵ ਸਗੁਣਂ ਤਂ ਰੂਪਮਦ੍ਦਕ੍ਖਿ ਧੀਰੋ; ()

੮. ¶

ਜਿਨਿਅਜਗਰਭੋਗੇ ਜਿਣ੍ਣਨਿਮ੍ਮੋਕਭਾਰਂ

ਤਿਲਕਵਿਬਤਚਮ੍ਮਂ ਤਨ੍ਤਿਰੋਜਤ੍ਤਭਾਵੇ,

ਅਪਗਤਘਨਮਂਸੋ ਫਾਸੁਕਟ੍ਠਿਪ੍ਪਨ੍ਧੋ

ਅਜਿਨਿਤਿਰਵਲੇਪਂ ਕੁਡ੍ਡਦਾਰੁਪ੍ਪਬਨ੍ਧਂ; ()

੯.

ਵਿਗਤਬਲਮਦਾਦਿਂ ਵਿਸ੍ਸਵਨ੍ਤਂ ਸਰੀਰੇ

ਨਵ੍ਹਿ ਵਣਮੁਖੇਹਿ ਗੁਥਮੁਤ੍ਤਾਦ੍ਯ’ਸੂਵਿਂ,

ਵਲਿਵਿਸਮਕਪੋਲਂ ਕਮ੍ਪਮਾਨੁਤ੍ਤਮਙ੍ਗਂ

ਸੁਵਿਸਦਮਤਿਨੋ ਤਂ ਪਸ੍ਸਤੋ ਜਿਣ੍ਣਰੂਪਂ; ()

੧੦.

ਭੁਵਨਮਨਵਸੇਸਂ ਤਸ੍ਸੁ’ਪਟ੍ਠਾਸਿ ਸਮ੍ਪ-

ਜ੍ਜਲਿਤਮਥ ਜਰਾਯਾ’ਦਿਤ੍ਤਗੇਹਤ੍ਤਯਂ’ਵ,

ਅਹਮਪਕਿ ਅਨਤੀਤੋ ਧਮ੍ਮਮੇਤਨ੍ਤਿ ਵਤ੍ਵਾ

ਭਵਨਵਨਮਗਞ੍ਛਿ ਜਾਤਿਯੁ’ਕ੍ਕਣ੍ਠਿਤਤ੍ਤੋ; ()

੧੧. ¶

ਪੁਨਰੁਪਵਨਮਗ੍ਗਂ ਓਗਹਨ੍ਤਸ੍ਸ ਰਞ੍ਞੋ

ਸੁਖਮਨੁਭਵਨਤ੍ਥਂ ਦੇਵਤਾਮਾਪਯਿਤ੍ਵਾ,

ਪਰਪਰਿਹਰਨੀਯਂ ਘੋਰਰੋਗਾਵਤਿਣ੍ਣਂ

ਅਪਰਮਪਿ ਵਿਰੂਪਂ ਦਸ੍ਸਯੁਂ ਵ੍ਯਾਧਿਰੂਪਂ; ()

੧੨.

ਵਿਸਦਮਤਿ ਵਿਮਤ੍ਯਾ ਸਕ੍ਯਵਂਸੇਕਕੇਤੁ

ਕਿਮਿਮਿਵਪਲਿਪਨ੍ਨਂ ਵਚ੍ਚਪਸ੍ਸਾਵਪਙ੍ਕੇ,

ਪਭਵਬਲਵਦੁਕ੍ਖਂ ਤਂ ਪਰਾਧੀਨਵੁਤ੍ਤਿਂ

ਕਿਮਿਦਮਿਤਿ ਪਦਿਸ੍ਵਾ ਪਾਜਿਤਾਰਂ ਅਪੁਚ੍ਛਿ; ()

੧੩.

ਵਰਮਤਿ ਵਰਧਮ੍ਮਂ ਤੇਨ ਸੂਤੇਨ ਵੁਤ੍ਤਂ

ਅਮਤਮਿਵ ਪਿਬਨ੍ਤੋ ਸੋਤਧਾਤ੍ਵਞ੍ਜਲੀਹਿ,

ਅਗਮਪਿ ਅਨਤਿਤੋ ਬ੍ਯਾਧਿਧਮ੍ਮਨ੍ਤਿ ਤਮ੍ਹਾ

ਨਿਜਭਵਨਵਨਂ ਸੋਪਾ’ਗ ਸਂਵਿਗ੍ਗਰੂਪੋ; ()

੧੪. ¶

ਤਦੁਪਵਨਵਿਮਾਨਂ ਵਾਜਿਯਾਨੇਨ ਨਾਥੇ

ਵਜਤਿ ਸਤਿ ਕਦਾਚਿ ਮਾਪਯੁਂ ਦੇਵਤਾਯੋ,

ਸੁਣਖਕੁਲਲਗਿਜ੍ਝਾਦੀਹੀਵਾ ਖਜ੍ਜਮਾਨਂ

ਨਰਕੁਣਪਸਰੀਰਂ ਉਦ੍ਧੁਮਾਤਂ ਪਠਮ੍ਹਿ; ()

੧੫.

ਪਭਵਕਿਮਿਕੁਲਾਨਂ ਚਾਲਯਂ ਨੀਲਵਣ੍ਣਂ

ਵਣਵਿਵਰਮੁਖੇਹਿ ਲੋਹਿਤਂ ਪਗ੍ਘਰਨ੍ਤਂ,

ਸਕੁਣਗਣ੍ਵਿਤਚ੍ਛਿਂ ਮਕ੍ਖਿਕਾਮਕ੍ਖਿਤਙ੍ਗਂ

ਸੁਮਤਿ ਮਤਸਰੀਰਂ ਅਦ੍ਦਸਾ ਸਾਰਹੀਨਂ; ()

੧੬.

ਅਭਿਗਮਿ ਗਮਯਨ੍ਤੋ ਭਾਰਤਿਂ ਸਾਰਥਿਸ੍ਸ

ਨਿਜਸਵਣਯੁਗਸ੍ਮਿਂ ਹੇਮਤਾਡਙ੍ਕਸੋਭਂ,

ਅਹਮ੍ਪਿ ਮਰਣਂ ਭੋ ਨਾਤਿਵਤ੍ਤੋਤਿ ਵਤ੍ਵਾ

ਵਨਮਿਵ ਮਿਗਰਾਜਾ ਸਕ੍ਯਰਾਜਾ ਵਿਮਾਨਂ; ()

੧੭. ¶

ਪੁਨਪਿ ਸਪਰਿਸੋ ਸੋ ਯਾਨਮਾਰੁਯ੍ਹ ਭਦ੍ਰਂ

ਕਤਿਪਯਦਿਵਸਾਨਂ ਅਚ੍ਚਯੇਨਾ’ਧਿਰਾਜਾ,

ਕਪਿਲਪੁਰਵਰਮ੍ਹਾ’ਨਙ੍ਗਰਙ੍ਗਾਲਯਾਭਂ

ਤਦੁਪਵਨਮਗਞ੍ਛਿ ਪਞ੍ਚਬਾਣਾਭਿਰੂਪੋ; ()

੧੮.

ਗੁਣਮਣਿ ਮਣਿਵਣ੍ਣਂ ਪਤ੍ਤਮਾਦਾਯ ਪਤ੍ਥੇ

ਪਨਸਸਰਸਰਾਗਂ ਵੀਵਰਂਪਾਰੁਪਿਤ੍ਵਾ,

ਠਿਤਮਵਿਕਲਚਕ੍ਖੁਂ ਨਿਮ੍ਮਿਤਂ ਦੇਵਤਾਹਿ

ਸੁਮਤਿ ਸਮਣਰੂਪਂ ਬੁਦ੍ਧਰੂਪਂ’ਵ ਪਸ੍ਸਿ; ()

੧੯.

ਤਦਹਨਿ ਵਿਬੁਧਾ’ਧਿਟ੍ਠਾਨਤੋ ਭਾਵਨੀਯੋ

ਯਤਿਪਤਿਰਿਵ ਸੂਤੋ ਅਤ੍ਥਧਮ੍ਮਾਨੁਸਾਸਿ,

ਸਮਣਗੁਣਮਨੇਕਾਦੀਨਵਂ ਪਞ੍ਚਕਾਮੇ

ਤਮਵਦਿ ਗਮਨਸ੍ਮਿਂ ਆਨਿਸਂਸਞ੍ਚ ਗੇਹਾ; ()

੨੦. ¶

ਕੁਹਨਲਪਨਮਿਚ੍ਛਾਜੀਵਮੋਹਾਯ ਕੁਚ੍ਛਿ-

ਪਰਹਰਣਸਮਤ੍ਥਂ ਮਤ੍ਤਿਕਾਪਤ੍ਤਮਸ੍ਸ,

ਕਰ ਕਮਕਲਗਤਂ ਸੋ ਪਾਰਮੀਚੋਦਿਤਤ੍ਤੋ

ਵਿਸਦਮਤਿ ਪਦਿਸ੍ਵਾ ਸਮ੍ਪਸਾਦਂ ਜਨੇਸਿ; ()

੨੧.

ਵਿਕਸਿਤਕਲਿਕਾਲਙ੍ਕਾਰਮੁਦ੍ਦਾਲਸਾਲ-

ਮਿਵ ਸਮਣਵਿਲਾਸਂ ਚੀਵਰੋਭਾਸਮਗ੍ਗੇ,

ਨਯਨਮਧੁਕਰਾਨਂ ਭਾਰਮਾਧਾਯ ਧੀਰੋ

ਨਿਜਮਨਸਿ ਜਨੇਸਿ ਚੀਵਰੇ ਸਮ੍ਪਸਾਦਂ; ()

੨੨.

ਖਣਿਕਮਰਣਦੁਕ੍ਖਾਵਟ੍ਟਮਾਬਾਧਰਾਸਿ-

ਮਕਰਨਿਕਰਭਿਮਂ ਤਂ ਜਰਾਵੀਚਿਵੇਗਂ,

ਭਵਜਲਧਿਮਗਾਧਂ ਜਾਤਿਵੇਲਾਵਧਿਂ ਸੋ

ਅਯਮਿਵ ਪਟਿਪਨ੍ਨਾ ਨਿਤ੍ਤਰੇਯ੍ਯੁਨ੍ਤ੍ਯ’ਵੇਦਿ; ()

੨੩. ¶

ਸਮਣਵਦਨਪੀਨਚ੍ਚਨ੍ਦਬਿਮ੍ਬੋਦਯੇਨ

ਵਿਕਸਿਤਮਨਕੁਨ੍ਦੋ ਨਨ੍ਦਨੁਯ੍ਯਾਨਸੋਭਂ,

ਉਪਵਨਮਭੀਗਨ੍ਤੁਂ ਸਨ੍ਦਨਂ ਚਾਰਯੇ’ਤਿ

ਤਦਹਨਿ ਮਨੁਜਿਨ੍ਦੋ ਸਨ੍ਦਨਾਚਾਰਿਮਾਹ; ()

੨੪.

ਵਲਯਿਤਨਲ਼ਤਾਲ਼ੀਤਾਲਹਿਨ੍ਤਾਲਪਨ੍ਤਿਂ

ਮਲਯਜਤਰੁਜਾਯਾਸੀਤਲਂ ਨਿਮ੍ਮਲਾਪਂ,

ਉਪਵਨਮਵਤਿਣ੍ਣੋ ਨਨ੍ਦਨਂ ਵਾਸਵੋ’ਵ

ਅਕਰਿ ਦਿਵਸਭਾਗਂ ਸਾਧੁਕੀਲ਼ਂ ਸਰਾਜਾ; ()

੨੫.

ਦਸਸਤਕਿਰਣਸ੍ਮਿਂ ਯਸ੍ਸ ਕਿਤ੍ਤਿਪ੍ਪਬਨ੍ਧ-

ਸਰਦਜਲਦਰਾਜਿਛਾਦਿਤਸ੍ਮਿਂ ਨਭਸ੍ਮਿਂ,

ਉਪਰਿਸਿਰਸਿ ਸੇਤਚ੍ਛਤ੍ਤਸੋਭਂ ਭਜਨ੍ਤੇ

ਤਦਿਯਚਰਣਲਕ੍ਖ੍ਯਾ’ਲਙ੍ਕਰਿ ਵਾਪਿਤੀਰਂ; ()

੨੬. ¶

ਸਰਸਿਜਵਦਨੇਹਿ ਹਂਸਪੀਨਤ੍ਥਨੇਹਿ

ਕੁਵਲਯਨਯਨੇਹੀ ਨੀਲਿਕਾਕੁਨ੍ਤਲੇਹਿ,

ਮਧੁਮਦਮੁਦਿਤਾਲੀਨੂਪੁਰੇਭਾ’ਵਰੋਧ-

ਜਨਮਿਵ ਰਮਣੀਯਂ ਓਤਰਿ ਸੋ ਤਲ਼ਾਕਂ; () (ਸਿਲੇਸਬਨ੍ਧਨਂ)

੨੭.

ਵਰਯੁਵਤਿਜਨਾਨਂ ਕੁਮ੍ਭਗਮ੍ਭੀਰਨਾਭਿ-

ਵਿਵਰਗਹਿਤਵਾਰਿ ਵਾਪਿ ਸਾ ਰਿਤ੍ਤਰੂਪਾ,

ਘਨਥਨਜਘਨਾਨਂ ਸਙ੍ਗਮੇਨੇ’ਤਰਾਸਂ

ਪੁਨਰਭਵਿ ਕਪਪੁਣ੍ਣਾ ਪੀਤਿਵਿਪ੍ਫਾਰਿਨੀਵ; ()

੨੮.

ਅਭਿਨਵਰਮਣਿਨਂ ਜਾਤੁਲਜ੍ਜਾਤੁਰਾਨਂ

ਵਿਮੁਖਨਯਨਮੀਨੇ ਮੀਨਕੇਤੁਪਮੇਨ,

ਉਪਵਧਿਤੁਮੀਵਗ੍ਗੇ ਖਿਤ੍ਤਜਾਲਬ੍ਬਿਲਾਸਂ

ਖਣਮਵਹਰਿ ਰਞ੍ਞਾ ਵਿਦ੍ਧਹਤ੍ਥਮ੍ਬੁਧਾਰਾ; ()

੨੯. ¶

ਨਵਜਲਕਣਿਕਾਲਙ੍ਕਾਰਵਤ੍ਤਾਰਵਿਨ੍ਦਾ

ਘਨਕੁਚਕਲਹਂਸਾ ਕੇਸਸੇਵਾਲਨੀਲਾ,

ਪਤਿਮਥਿਤਤਰਙ੍ਗਾਕਿਣ੍ਣਸੁਸ੍ਸੋਣਿਵੇਲਾ

ਸਰਸਿ ਸਰਸਿ’ਵਾ’ਸਿ ਤਤ੍ਰ ਕੀਲ਼ਾਤੁਰੇ’ਕਾ; ()

੩੦.

ਸਸਿਰੂਚਿਰਮੁਖੀਨਂ ਖੋਮਵਤ੍ਥਨ੍ਤਰੀਯੇ

ਸਨਿਕਮਪਨਯਨ੍ਤੇ ਵਿਚੀਹਤ੍ਥੇਹਿ ਰਞ੍ਞਾ,

ਰਚਿਤਨਯਨਕਨ੍ਤੀ ਬ੍ਯਨ੍ਤ ਗਮ੍ਭੀਰਨਾਭੀ-

ਸਰਸਿਜਪਰਿਯਨ੍ਤਾ ਨਾਲ਼ਪਨ੍ਤੀਰਿ’ਵਾ’ਸਿ; ()

੨੯. ¶

ਨਵਜਲਕਣਿਕਾਲਙ੍ਕਾਰਵਤ੍ਤਾਰਵਿਨ੍ਦਾ

ਘਨਕੁਚਕਲਹਂਸਾ ਕੇਸਸੇਵਾਲਨੀਲਾ,

ਪਤਿਮਥਿਤਤਰਙ੍ਗਾਕਿਣ੍ਣਸੁਸ੍ਸੋਣਿਵੇਲਾ

ਸਰਸਿ ਸਰਸਿ’ਵਾ’ਸਿ ਤਤ੍ਰ ਕੀਲ਼ਾਤੁਰੇ’ਕਾ; ()

੩੦.

ਸਸਿਰੁਚਿਰਮੁਖੀਨਂ ਖੋਮਵਤ੍ਥਨ੍ਤਰੀਯੇ

ਸਨਿਕਮਪਨਯਨ੍ਤੇ ਵਿਵਿਭਣ੍ਥੇਹਿ ਰਞ੍ਞਾ,

ਰਚਿਤਨਯਨਕਨ੍ਤੀ ਬ੍ਯਨ੍ਤ ਗਮ੍ਹੀਰਨਾਹੀ

ਸਰਸਿਜਪਰਿਯਨ੍ਤਾ ਨਾਲ਼ਪਨ੍ਤਿਰਿ’ਵਾ’ਸਿ; ()

੩੧. ¶

ਪੁਨਰਪਿ ਕੁਚਕੁਮ੍ਭਞ੍ਚਨ੍ਦਹਾਰੇਨਿਵਾ’ਪੇ

ਨਿਜਗਲ਼ਪਰਿਮਾਣੇ ਸਨ੍ਨਿਮੁਗ੍ਗਙ੍ਗਨਾਨਂ,

ਮਲਿਨਕਮਲਿਨੀ ਸਾ ਲੋਚਨੇਹਾ’ਨਨੇਹਿ

ਅਭਵਿ ਭਮਰਭਾਰ’ਮ੍ਭੋਜਸਣ੍ਡਾ’ਕੁਲੇ’ਚ; ()

੩੨.

ਮਧੁਮਦਮਧੁਪੇਹਿ ਗੀਯਮਾਨੇਹਿ ਵਿਚਿ-

ਭੁਜਸਤਪਹਟਾਹਿ ਸੋਣਿਭੇਰੀਹਿ ਥਿਨਂ,

ਲਲਿਤਕਮਲਸੀਸੇ ਨਚ੍ਚਮਾਨਿਨ੍ਦਿਰਾਯ

ਅਜਿਨਿ ਜਲਜਿਨੀ ਸਾ ਦਿਬ੍ਬਸਙ੍ਗੀਤਸਾਲਂ; ()

੩੩.

ਤੁਹਿਨਕਰਮੁਖੀਨਂ ਤਨ੍ਤਲ਼ਾਕ’ਨ੍ਤਲਿਕ੍ਖੇ

ਸੁਲਲਿਤਭੁਜਵਲ੍ਲੀ ਵਿਜ੍ਜੁਲੇਖਾਭਿਰਾਮਾ,

ਕੁਵਲਯਵਨਰਾਜਿ ਨੀਲਜੀਮੁਤਰਾਜਿ

ਪਤਿਨਯਨਮਯੂਰੇ ਕੀਲ਼ਯਨ੍ਤੀ ਰਰਾਜ; ()

੩੪. ¶

ਫੁਟਕੁਵਲਯਹਤ੍ਥਂ ਰਾਜਭਂਸੇਹਿ ਖਿਤ੍ਤਂ

ਵਿਵਿਧਮਧੁਪਭੁਤ੍ਤਂ ਧਮ੍ਮਵੇਲਾਤਿਵਤ੍ਤਂ,

ਯਥਰਿਵ ਗਣਿਕਂ ਤਂ ਕਞ੍ਜਨਿਂ ਸੋ ਜਨਿਨ੍ਦੋ

ਤਦਹਨਿ ਪਰਿਭੁਤ੍ਵਾ’ਮਨ੍ਦਮਾਨਨ੍ਵ੍ਦਮਾਪ; () (ਸਿਲੇਸਬਨ੍ਧਨਂ)

੩੫.

ਚਰਣ’ਨੁਵਜਮਾਨਬ੍ਬੀਚਿਸਙ੍ਖੋਭਤੀਰਂ

ਜਹਤਿ ਸਤਿ ਤਲ਼ਾਕਂ ਸਾਵਰੋਧੇ ਨਰਿਨ੍ਦੇ,

ਸਰਸਿਵਿਰਹਿਨੀਸਂਰੁਦ੍ਧਨਿਸ੍ਸਾਸਰੂਪੋ

ਮੁਦੁਸੁਰਭਿਸਮੀਰੋ ਮਨ੍ਦਮਨ੍ਦਂ ਪਵਾਯਿ; ()

੩੬. ¶

ਪਰਿਭਵਿ ਰਵਿਬਿਮ੍ਬਂ ਤਙ੍ਖਣਤ੍ਥਾਚਲਟ੍ਠਂ

ਤਹਿਮੁਪਲਤਲਟ੍ਠੋ ਭਾਨੁਵਂਸੇਕਭਾਨੁ,

ਅਥ ਸਰਸਿਵਧੂਨਂ ਕਿਞ੍ਚਿਸਙ੍ਕੋਵਿਤਾਨਿ

ਸਰਸਿਜਵਦਨਾਤਿ ਸੋਕਦੀਨਾਨਿਵਾ’ਸੁਂ; ()

੩੭.

ਅਸਿਤਨਭਸਿ ਸਞ੍ਝਾਮੇਘਮਾਲਾਵਿਲਾਸਂ

ਅਭਿਭਵਿਯ ਨਿਸਿਨ੍ਨੇ ਤਤ੍ਰ ਸਕ੍ਯਾਧਿਨਾਥੇ,

ਤੁਵਟਮੁਪਗਤਾ ਤਂ ਕਪ੍ਪਕਾ’ਨੇਕਵਤ੍ਥਾ-

ਭਰਣਵਿਕਤਿਹਤ੍ਥਾ ਭੂਪਤਿਂ ਭੂਸਣਤ੍ਥਂ; ()

੩੮.

ਰਵਿਕੁਲਰਵਿਨੋ ਖੋ ਧਮ੍ਮਤੇਜਾਭਿਭੂਤੋ

ਸੁਰਪਤਿ ਸੁਰਪੁਤ੍ਤਂ ਵਿਸ੍ਸਕਮ੍ਮਾਭਿਧਾਨਂ,

ਸਪਦਿ ਪਹਿਣਿ ਸਮ੍ਮਾ ਦਿਬ੍ਬਵਤ੍ਥਾਦਿਨਾ ਭੋ

ਤਿਭੁਵਨਸਰਣਂ ਤਂ ਭੂਸਯਸ੍ਸੂ’ਤਿ ਵਤ੍ਵਾ; ()

੩੯. ¶

ਗਹਿਤਮਨੁਜਵੇਸੋ ਸੋ’ਪਸਙ੍ਕਮ੍ਮ ਸੀਸੇ

ਸੁਖੁਮਪਟਸਤੇਹੀ ਵੇਠਨਞ੍ਚਾ’ਪਿ ਦਤ੍ਵਾ,

ਮਣਿਕਨਕਮਯੇਹਿ ਭੂਸਯਿ ਭੂਸਣੇਹਿ

ਤਦਹਨਿ ਭਵਿ ਸਕ੍ਕੋ ਦੇਵਰਾਜਾ’ਵ ਰਾਜਾ; ()

੪੦.

ਤਿਮਿਰਹਮਰਭਾਰ’ਕ੍ਕਨ੍ਤਪਾਚੀਨਪਸ੍ਸਂ

ਮੁਕੁਲਿਤਸਤਸਞ੍ਝਾਮੇਘਪਤ੍ਤਾਵਲੀਨਂ,

ਗਗਨਤਲਤਲ਼ਾਕਾਧਾਰਮਨ੍ਦਾਰਨਾਲ਼ਂ

ਕਮਲਮਕੁਲਸੋਭਂ ਭਾਨੁਬਿਮ੍ਬਂ ਬਬਨ੍ਧ; ()

੪੧.

ਪਹਿਣਿ ਪਿਤੁਨਰਿਨ੍ਦੋ ਸਾਸਨਂ ਤਾਵ ਤਸ੍ਸ

ਨਿਜਤਨੁਜਕੁਮਾਰੁ’ਪ੍ਪਤ੍ਤਿਮਾਰੋਚਯਿਤ੍ਵਾ,

ਪਮੁਦਿਤਭਦਯੋ ਸੋ ਲੇਖਣਾਲੋਕਨੇਨ

ਅਵਦਿਤਿ ਮਮ ਜਾਤਂ ਬਨ੍ਧਨਂ ਰਾਹੁਜਾਤੋ; ()

੪੨. ¶

ਤਦਹਨਿਪਿਤੁਰਞ੍ਞਾ ਵੁਤ੍ਤਵਾਕ੍ਯਾਨੁਰੂਪਂ

ਤਹਿਮਖਿਲਪਦਤ੍ਥਂ ਸਦ੍ਦਸਤ੍ਥਕ੍ਕਮੇਨ,

ਕਰਹਚੀ ਮਨੁਜਿਨ੍ਦੋ ਅਯ੍ਯਕੋ ਸਙ੍ਗਹੇਤ੍ਵਾ

ਅਵਦਿਤਿ ਮਮਤਤ੍ਤਾ ਰਾਹੁਲੋਨਾਮਹੋਤਂ; ()

੪੩.

ਵਨਸੁਰਵਨਿਤਾਨਂ ਲੋਚਨਿਨ੍ਦੀਵਰੇਹਿ

ਮਹਿਤਸਿਰਿਸਰਿਰੋ ਭਦ੍ਰਮਾਰੁਯ੍ਹ ਯਾਨਂ,

ਸਭਵਨਮਭਿਗਨ੍ਤੁਂ ਓਸਰਿ ਨਾਗਰਾਨਂ

ਸੁਵਿਮਲਨਯਨਾਲੀਤੋਰਣਾਕਿਣ੍ਣਵੀਥਿਂ; ()

੪੪.

ਵਿਵਟਮਣਿਕਵਾਟੋ’ਪਨ੍ਤਿਕਟ੍ਠਾ ਵਿਮਾਨੇ

ਜਿਤਸੁਰਵਨਿਤਾ’ਸਿ ਯਾ ਪਿਤੁਚ੍ਛਾਯ ਧੀਤਾ,

ਨਯਨਕਰਪੁਟੇਹਿ ਰੂਪਸਾਰਂ ਨਿਪੀਯ

ਸਮਿਤਰਤਿਪਿਪਾਸਾ ਸਾ ਕਿਸਾਗੋਤਮੀ ਥੀ; ()

੪੫. ¶

ਜਿਤਮਨਸਿਜਰੂਪਂ ਈਦਿਸਂ ਯੇਸਮਤ੍ਥਿ

ਤਨੁਜਰਤਨਮਦ੍ਧਾ ਨਿਬ੍ਬੁਤਾ ਸਾ’ਪਿ ਮਾਤਾ,

ਪਿਤੁਜਗਤਿਪਤੀ ਸੋ ਨਿਬ੍ਬੁਤੋ ਸੀਤਿਭੂਤੋ

ਨਿਜਪਿਯਭਰਿਯਾ’ਪਿ ਨਿਬ੍ਬੁਤਾ’ਤ੍ਯੇ’ਵਮਾਹ; ()

੪੬.

ਹਦਯਗਤਕਿਲੇਸੇ ਨਿਬ੍ਬੁਤੇ ਵੂਪਸਨ੍ਤੇ

ਯਤਿਪਤਿਰਿਵ ਦਿਟ੍ਠੋ ਨਿਬ੍ਬੁਤੋ ਸੋ’ਹਮਸ੍ਮਿ,

ਇਤਿ ਵਰਮਤਿ ਸੁਤ੍ਵਾ ਤਾਯ ਗਾਥਂ ਸੁਗੀਤਂ

ਵਿਵਿਧਨਯਵਿਭਤ੍ਤਂ ਤਪ੍ਪਦਤ੍ਥਂ ਅਵੇਦਿ; ()

੪੭.

ਅਹਮਿਤਿਪਦਮਸ੍ਸਾ ਨਿਬ੍ਬੁਤਿਂ ਸਾਵਿਤੋ’ਸ੍ਮਿ

ਸੁਮਰਿਯ ਗਰੁਭਤ੍ਯਾ ਤਾਯ ਲਕ੍ਖਗ੍ਘਮਗ੍ਗਂ,

ਧਵਲਕਿਰਣਭਾਰਂ ਭਾਸੁਰਂ ਹਾਰਿਹਾਰਂ

ਪਹਿਣਿਯ ਭਵਨਂ ਸੋ ਪਾਵਿਸਿ ਸਾਵਰੋਧੋ; ()

੪੮. ¶

ਮਯਮਿਵ ਵਰਬੋਧਿਂ ਬੁਜ੍ਝਮਾਨਸ੍ਸ ਜਾਤੁ

ਮਨਸਿ ਵੁਪਸਮੇ’ਤਿ ਤੁਯ੍ਹਮੇਕਾਦਸਗ੍ਗਿ,

ਉਪਗਮੁਮੁਪਸਨ੍ਤਿਂ ਵ੍ਯਾਕਰੋਨ੍ਤੀ’ਵ ਤਾਵ

ਅਪਰਦਿਸਿ ਵਿਨਦ੍ਧਾ’ਨੇਕਸਞ੍ਝਾਘਨਾਲੀ; ()

੪੯.

ਅਤੁਲਧਵਜਛਤ੍ਤਂ ਧੋਤਮੁਤ੍ਤਾਵਲੀਹਿ

ਵਲਯਿਤਮਿਵ ਰਞ੍ਞੋ ਤਸ੍ਸ ਸਿਹਾਸਨਸ੍ਮਿਂ,

ਉਦਯਸਿਖਰਿਸੀਸੇ ਤਾਵਤਾਰਾਵਲੀਹਿ

ਪਰਿਵੁਤਮਤਿਸੋਭਂ ਚਨ੍ਦਬਿਮ੍ਬਂ ਬਹਾਸ; ()

੫੦.

ਘਨਤਰਤਿਮਿਰੇਹਾ’ਵਤ੍ਥਰਤ੍ਤੇਹਿ ਲੋਕੇ

ਮਸਿਮਲਿਨਵਿਲਾਸਂ ਤਙ੍ਖਣੇ ਦਸ੍ਸਯਨ੍ਤਿ,

ਰਜਨਿਕਰਕਰੇਹਿ ਵਿਪ੍ਫੁਰਤ੍ਤੇਹਿ ਫੀਤਾ

ਕਤਨਵਪਰਿਕਮ੍ਮੇ’ਵਾ’ਸਿ ਸਾ ਰਾਜਧਾਨਿ; ()

੫੧. ¶

ਹਿਮਕਰਕਰਭਾਰਕ੍ਕਤ੍ਤਰਤ੍ਤਨ੍ਧਕਾਰ-

ਗਲਿਤਤਿਮਿਰਲੇਖਾਕਾਰਮਾਵੀ ਕਰੋਨ੍ਤਿ,

ਫੁਟਕੁਮੁਦ ਵਨੇਸੁ ਚਾਸਿਕੁਨ੍ਦਾਟਵੀਸੁ

ਸੁਮਧੁਰ ਮਧੁਮਤ੍ਤਾ ਭਿਙ੍ਗਮਾਲਾ ਪਮਤ੍ਤਾ; ()

੫੨.

ਜਿਤਸੁਰਪਤਿਵੇਸੋ ਧਮ੍ਮਚਿਨ੍ਤਾਪਰੋ ਸੋ

ਜਲਿਤ ਮਣਿਪਦੀਪਾਲੋਕਭਿਨ੍ਨਨ੍ਧਕਾਰੇ,

ਨਿਜਸਿਰਿਭਵਨਸ੍ਮਿਂ ਹੇਮਸੀਹਾਸਨਸ੍ਮਿਂ

ਨਚਿਰ ਮਭਿਨਿਸਜ੍ਜੀ ਪਞ੍ਚਕਾਮੇ ਵਿਰਤ੍ਤੋ; ()

੫੩.

ਸਪਦਿ ਤੁਰਿਯਹਤ੍ਥਾ ਨੀਲਜਿਮੁਤਕੇਸਾ

ਕੁਵਲਯਦਲਨੇਤ੍ਤਾ ਚਨ੍ਦਲੇਖਾਲਲਾਟਾ,

ਵਿਕਚਕਮਲਵਤ੍ਤਾ ਮੇਖਲਾਭਾਰਸੋਣੀ

ਕੁਚਹਰਵਿਰਲ਼ਙ੍ਗੀ ਚਾਰੁਵਾਮੋਰੁਜਙ੍ਘਾ; ()

੫੪. ¶

ਕੁਮੁਦਮੁਦਕਪੋਲਾ ਕੁਣ੍ਡਲੋਲਮ੍ਬਕਣ੍ਣਾ

ਅਵਿਵਰਦਸਨਾਲਿਮਾਲਤੀਦਾਮਲਿਲਾ,

ਕਨਕਰਤਨਮਾਲਾਭਾਰਗੀਵਾ, ਭਿਰਾਮਾ,

ਅਭਿਨਵਵਨਿਤਾਯੋ ਨਚ੍ਚਗੀਤੇਸੁ ਛੇਕਾ; ()

੫੫.

ਰਹਦਮਿਵਪਸਨ੍ਨਂ ਨਿਚ੍ਚਲਾਸਿਨਮਿਨਂ

ਸੁਮਤਿਮੁਪਨਿਸਿਨ੍ਨਂ ਸਂਵੁਤਦ੍ਵਾਰੁਪੇਤਂ,

ਤਮਭਿਰਤਿਨਿਰਾਸਂ ਬੁਦ੍ਧਭਾਵਾਭਿਲਾਸਂ

ਅਭਿਰਮਯਿਤੁਕਾਮਾ ਓਤਰੁਂ ਰਙ੍ਗਭੂਮਿਂ; ()

੫੬. ¶

ਮਣਿਮਯਵਸੁਮਤ੍ਯਾ ਪਾਦਸਙ੍ਘਟ੍ਟਨੇਨ

ਕਨਕਵਕਲਯਘੋਸਂ ਕਾਚਿ ਨਿਚ੍ਛਾਰਯਨ੍ਤੀ,

ਚਲਕਿਸਲਯਲੀਲਾ ਅਙ੍ਗੁਲਿ ਚਾਲਯਨ੍ਤਿ

ਅਨੁਲਯਮਭਿਨਚ੍ਚੁਂ ਹੇਮਵਲ੍ਲੀਵਿਲਾਸਾ; ()

੫੭.

ਨਰਪਤਿਮੁਖਬਿਮ੍ਬਂਕ ਲਕ੍ਖਮਾਪਾਦਯਨ੍ਤੀ

ਨਯਨਖਰਸਰਾਨਂ ਰਙ੍ਗਸਙ੍ਗਾਮਭੂਮ੍ਯਾ,

ਜਿਤਕਲਰਵਵਾਣੀ ਕਾਚਿ ਰਾਮਾ ਭਿਰਾਮਾ

ਸਵਣਸੁਭਗਗੀਤਂ ਗਾਯਮਾਨਾ ਵਿਭਾਸੁਂ; ()

੫੮.

ਜਿਤਸੁਰਲਲਨਾਯੋਕਾਵਿ ਪਞ੍ਚਙ੍ਗਿਕਾਨਿ

ਤਦਹਨਿ ਤੁਰਿਯਾਨਿ ਵਾਦਯੁਂ ਲੋਲਪਾਙ੍ਗਾ,

ਸਵਣਮਧੁਰਵੀਣਾ ਭੇਰਿਨਾਦੇਹਿ ਤਾਸਂ

ਗਗਨਤਲ ਮਿਵਾ,ਸਿ ਪਾਵੁਸੇ ਰਙ੍ਗਭੂਮਿ; ()

੫੯. ¶

ਵਰਮਤਿ ਰਮਣੀਨਂ ਤਂ ਮਹਾਭੂਤਰੂਪ-

ਪ੍ਪਭਵਮਿਵਵਿਕਾਰਂ ਨਚ੍ਚਮਦ੍ਦਕ੍ਖਿ ਤਾਸਂ,

ਵਿਸਮਭਵਕੁਟੀਰੇ ਰਾਜਰੋਗਾਤੁਰਾਨਂ

ਅਸੁਨਿਤੁਰਿਯਰਾਵਂ ਗੀਤਮਟ੍ਟਸ੍ਸਰਂ,ਵ; ()

੬੦.

ਭੁਸਮਨਹਿਰਤੋ ਸੋ ਨਚ੍ਚਗੀਤੇਸੁ ਤਾਸਂ

ਸਿਰਿਸਯਨਵਰਸ੍ਮਿਂ ਸੀਹਸੇਯ੍ਯਂ ਅਕਾਸਿ,

ਇਤਿਗਹਿਤਵਿਹੇਸਾ ਲਦ੍ਧਨਿਦ੍ਦਾਵਕਾਸਾ

ਸਪਦਿ ਮਦਨਪਾਸਾ ਤਾ ਨਿਪਜ੍ਜਿਂਸੁਨਾਰੀ; ()

੬੧.

ਸਹਕੁਮੁਦਿਨਿਯਾ ਸੋ ਸੁਤ੍ਤਮਤ੍ਤਪ੍ਪਬੁਦ੍ਧੋ

ਨਿਜਸਿਰਿਸਯਨਸ੍ਮਿਂ ਸਨ੍ਨਿਸਿਨ੍ਨੋ ਰਜਨ੍ਯਾ,

ਗਹਿਤਤੁਰਿਯਭਣ੍ਡੇ ਤਤ੍ਥਤਤ੍ਥੋ, ਤ੍ਥਰਿਤ੍ਵਾ

ਯੁਵਤਿਜਨਮਪਸ੍ਸਿ ਦਲ਼੍ਹਨਿਦ੍ਦਾਭਿਭੂਤਂ; ()

੬੨. ¶

ਅਨਿਲਚਲਕਪੋ ਲਾ ਕਾਚਿ ਲਾਲਂ ਗਿਲਨ੍ਤੇ

ਗਲਿਤਬਹਲ਼ਖੇ ਲ਼ਾ ਕਾਚਿ ਖਾਦਨ੍ਤਿ ਦਨ੍ਤੇ,

ਭਗਮਪਗਤਚੋ ਲ਼ਾ ਕਾਚਿ ਸਂਦਸ੍ਸਯ ਨ੍ਨੇ

ਖਲਿਤਵਚਨਮਾ ਲਾ ਕਾਚਿ ਯਂਯਂ ਲਪਨ੍ਤੇ; ()

੬੩.

ਖਿਪਿਤਮਪਿ ਕਰੋਨ੍ਤੀ ਕਾਚਿ ਕਾਸਨ੍ਤਿਕਾਚਿ

ਇਤਿ ਪਚੁਰਵਿਕਾਰਂ ਨਿਸ੍ਸਿਰਿਕਂ ਅਸਾਰਂ,

ਭਵਨਮਨਵਸੇਸਂ ਤਸ੍ਸੁ, ਪਟ੍ਠਾਸਿ ਦਲ਼੍ਹਂ

ਨਰਕੁਣਪਵਿਕਿਣ੍ਣਂ ਆਮਕਾਲ਼ਾਹਣਂਵ; ()

੬੪.

ਤਦਹਨਿ ਤਿਭਵਂ ਚਾ,ਦਿਤ੍ਤਗੇਹਤ੍ਤਯਂ,ਵ

ਸੁਮਰਿਯ ਵਤਭੋ, ਪਸ੍ਸਟ੍ਠਮੋਪਦ੍ਦੁਤਂ ਭੋ,

ਇਤਿ ਪਰਮਮੁਦਾਨਂ ਕਵਤ੍ਤਯਂ ਤਬ੍ਬਿਮੁਤ੍ਯਾ

ਮਨਸਿ ਪੁਰਿਸਸੂਰੋ ਸੂਰਭਾਵਂ ਜਨੇਸਿ; ()

੬੫. ¶

ਸੁਰਤਚਤੁਰਰਾਮਾਰਕ੍ਖਸਿਵਾਸਭੂਤੇ

ਸਿਰਿਭਵਨਵਨਸ੍ਮਿਂ ਮੋਹਯਨ੍ਤਮ੍ਹਿ ਬਾਲੇ,

ਅਲਮਿਤਿ ਮਮ ਵਾਸੋ ਹਨ੍ਦ ਨਿਕ੍ਖਮ੍ਮ ਤਮ੍ਹਾ

ਤਿਭਵਭਯਵਿਮੁਤ੍ਤਿਂ ਏਸਯਿਸ੍ਸਾਮਹਂ,ਤਿ; ()

੬੬.

ਉਪਕਮਿਯ ਵਿਮਾਨਦ੍ਵਾਰਮੁਮ੍ਮਾਰੁਪਨ੍ਤੇ

ਸਯਨੁਪਰਿ ਨਿਪਨ੍ਨਂ ਛਨ੍ਨਮੁਟ੍ਠਾਪਯਿਤ੍ਵਾ,

ਤਮਵਦਿ ਅਭਿਗਨ੍ਤੁਂ ਕਪ੍ਪਯਿਤ੍ਵਂ, ਨਯੇਤਿ

ਪਬਲਜਵਬਲਗ੍ਗਂ ਵਾਜਿਰਾਜਂ ਸਰਾਜਾ, ()

੬੭.

ਗਤਸਤਿ ਹਯਸਾਲ਼ਂ ਤਙ੍ਖਣੇ ਛਨ੍ਨਮਚ੍ਚੇ

ਸਕਪਤਿਗਮਨਤ੍ਥਂ ਏਸਮਂ ਕਪ੍ਪਨਤ੍ਥੋ,

ਅਗਮਿਤਿ ਸਹਜਾਤੋ ਕਤ੍ਥਕੋ ਵਾਜਿਰਾਜਾ

ਅਕਰਿ ਵਿਪੁਲਹੇਸਾਰਾਵਮਾਨਨ੍ਦਭਾਰੋ; ()

੬੮. ¶

ਪਵਿਸਿਯ ਸਿਰਿਗਬ੍ਭਂ ਤੇਲਦੀਪੁਜ੍ਜਲਨ੍ਤਂ

ਰਤਨਖਚਿਤਮਞ੍ਚੇ ਗਨ੍ਧਪੁਪ੍ਫਾਭਿਕਿਣ੍ਣੇ,

ਧਰਣਿਪਤਿਨਿਪਨ੍ਨਂ ਹੇਮਬਿਮ੍ਬੋਪਮਾਨਂ

ਨਿਜਤਨੁਜਕੁਮਾਰਂ ਪਸ੍ਸਿਬਿਮ੍ਬਾਯਸਦ੍ਧਿਂ; ()

੬੯.

ਯਦਿ ਅਹਮਪਨੇਤ੍ਵਾ ਦੇਵਿਯਾ ਹਤ੍ਥਪਾਸਂ

ਮਮ ਤਨੁਜਕੁਮਾਰਂ ਅਙ੍ਕਮਾਰੋਪਯਾਮਿ,

ਵਦਨਜਿਤਸਰੋਜਾ ਰਾਜਿਨੀ ਵੁਟ੍ਠਹਿਤ੍ਵਾ

ਵਨਮਹੀਗਮਨਂ ਮੇ ਵਾਰਯੇ ਦੁਨ੍ਨਿਵਾਰਂ; ()

੭੦.

ਤਨੁਜਮੁਖਸਰੋਜਂ ਬੁਦ੍ਧਭੂਤੋ ਸਮਾਨੋ

ਨਯਨਮਧੁਕਰਾਨਂ ਜਾਤੁ ਕਾਹਾਮਿਭਾਰਂ,

ਸੁਮਰਿਯ ਚਰਣਂ ਸੋ ਉਦ੍ਧਰਨ੍ਤੋ,ਵ ਮੇਰੁਂ

ਅਵਤਰਿ ਭਵਨਮ੍ਹਾ ਉਕ੍ਖਿਪਿਤ੍ਵਾ ਪਵੀਰੋ; ()

੭੧. ¶

ਕੁਵਲਯਦਲਨੇਤ੍ਤਞ੍ਚਨ੍ਦਮਮ੍ਹੋਜਵਤ੍ਤਂ

ਮਦਨਰਥਰਥਙ੍ਗਾਕਾਰਸੁਸ੍ਸੋਣਿਭਾਰਂ,

ਕਥਮਵਤਰਿ ਬਿਮ੍ਬਾਨਾਮਦੇਵਿਂ ਪਹਾਯ

ਨਰਪਤਿ ਭਵਨਮ੍ਹਾ ਹੇਮਬਿਮ੍ਬਾਭਿਰਾਮਂ; ()

੭੨.

ਮਰਕਤਪਟਿਮਾਭਂ ਸਮ੍ਭਵਂ ਸਕ੍ਯਵਂਸੇ

ਸਮੁਪਚਿਤਸੁਪੁਞ੍ਞਂ ਲਕ੍ਖਣਾਕਿਣ੍ਣਗਤ੍ਤਂ,

ਪਜਹਿਯ ਸੁਕੁਮਾਰਂ ਰਾਹੁਲਾਖ੍ਯਂ ਕੁਮਾਰਂ

ਕਥਮਵਤਰਿ ਪਾਦਮਨ੍ਦਮੁਕ੍ਖਿਪ੍ਪ ਧੀਰੋ; ()

੭੩.

ਰਿਪੁਗਜਮਿਗਰਾਜਂ ਜਮ੍ਬੁਦੀਪਗ੍ਗਰਾਜਂ

ਤਦਹਨਿ ਪਿਤੁਰਾਜਂ ਪੁਤ੍ਤਸੋਕਣ੍ਣਵਮ੍ਹਿ,

ਕਥਮਮਿਤਦਯੋ ਸੋ ਨਿਦ੍ਦਯੋ ਪਕ੍ਖਿਪਿਤ੍ਵਾ

ਅਵਤਰਿ ਭਵਨਮ੍ਹਾਕ ਉਦ੍ਧਰਿਤ੍ਵਾਨ ਪਾਦੇ; ()

੭੪. ¶

ਸਕਲਪਥਵਿਚਕ੍ਕਂ ਚਕ੍ਕਵਾਲ਼ਾਵਧਿਂ ਸੋ

ਅਭਿਵਿਜਿਯ ਅਸਤ੍ਥੋ ਸਤ੍ਤਮੇ ਵਾਸਰਮ੍ਹਿ,

ਨਰਹਰਿ ਕਤਪੁਞ੍ਞੋ ਚਕ੍ਕਵਤ੍ਤਿ ਅਹੁਤ੍ਵਾ

ਕਥਮਵਤਰਿ ਤਮ੍ਹਾ ਉਕ੍ਖਿਪਿਤ੍ਵਾਨ ਪਾਦੇ; ()

੭੫.

ਅਵਤਰਿਯ ਵਿਮਾਨਾ ਅਜ੍ਜ ਮਂ ਤਾਰਯਤ੍ਵਂ

ਤ੍ਵਮਪਿਤਿਭਵਤੋ)ਹਂ ਉਤ੍ਤਰੇਯ੍ਯ’ਨ੍ਤਿ ਵਤ੍ਵਾ,

ਤਮਭਿਰੁਹਿ ਜਨਿਨ੍ਦੋ ਵਾਜਿਰਾਜਿਨ੍ਦ’ਮਟ੍ਠਾ-

ਰਸਰਤਨਪਮਾਣਂ ਧੋਤਸਙ੍ਖਾਵਦਾਤਂ; ()

੭੬.

ਪਵਨਤੁਰਿਤਵੇਗੋ ਕਨ੍ਥਕੋ ਵਾਜਿਰਾਜਾ

ਯਦਹਨਿ ਪਦਸਦ੍ਦਂ ਚਾ’ਪਿ ਹੇਸਂ ਕਰੇਯ੍ਯ,

ਨਨੁ ਸਕਲਪੁਰਂ ਸੋ ਯਾਤਿ ਅਜ੍ਝੋਤ੍ਥਰਿਤ੍ਵਾ

ਤਦਹਨਿ ਕਤਸਦ੍ਦਂ ਵਾਰਯੁਂ ਦੇਵਤਾਯੋ; ()

੭੭. ¶

ਕਰਕਮਲਤਲੇਸੁ ਦੇਵਤਾਨਿਮ੍ਮਿਤੇਸੁ

ਪਨਿਹਿਤਪਦਵਾਰਂ ਅਸ੍ਸ ਮਾਰੁਯ੍ਹ ਧੀਰੋ,

ਲਹੁਮੁਪਗਮਿ ਛਨ੍ਨਂ ਵਾਲਧਿਂ ਗਾਹਯਿਤ੍ਵਾ

ਥਿਰਪਿਹਿਤਕਵਾਟਦ੍ਵਾਰਪਾਕਾਰੁਪਨ੍ਤਂ; ()

੭੮.

ਯਦਿ ਪਿਹਿਤਕਵਾਟੁਗ੍ਘਾਟਨਂ ਨਾ’ਭਵਿਸ੍ਸਾ

ਹਯਵਰਮਪਿ ਛਨ੍ਨਾਮਚ੍ਚਮਾਦਾਯ ਸੋਹਂ,

ਅਸਰਿ ਪੁਰਿਸਸਿਹੋ ਉਪ੍ਪਤੇਯ੍ਯਨ੍ਤਿ ਅਟ੍ਠਾ-

ਰਸਰਤਤਪਮਾਣੁ’ਤ੍ਤੁਙ੍ਗਪਾਕਾਰਚਕ੍ਕਂ; ()

੭੯.

ਤਥਰਿਵ ਹਯਰਾਜਾ ਛਨ੍ਨਨਾਮੋ ਚ ਮਨ੍ਤੀ

ਵੀਰਿਯਬਲਸਮਙ੍ਗੀ ਚੀਨ੍ਤਯੁਂ ਤਾਵਦੇਵ,

ਵਿਵਰਿ ਤਦਧਿਵਤ੍ਥਾ ਦੇਵਤਾ ਚੋਦਿਤਤ੍ਤਾ

ਪੁਰਿਸਦਸਸਤੇਨੁ’ਗ੍ਘਾਟਿਯਂ ਦ੍ਵਾਰਬਾਹਂ; ()

੮੦. ¶

ਮਮ ਵਿਸਯਮਸੇਸਂ ਏਸਸਿਦ੍ਧਤ੍ਥਨਾਮੋ

ਅਭਿਭਵਿਯ ਸੁਬੋਧਿਂ ਜਾਤੁ ਬੁਜ੍ਝਿਸ੍ਸਤੀਤਿ,

ਅਥ ਸੁਮਰਿਯ ਮਾਰੋ ਪਾਪਿਮਾ’ਤੀਵਕੁਦ੍ਧੋ

ਪਟਿਪਥਮੁਪਗਞ੍ਛਿ ਨਿਕ੍ਖਮਿਤ੍ਵਾ ਵਿਮਾਨਾ; ()

੮੧.

ਤੁਰਿਤਮਹਿਵਜਨ੍ਤੇ ਮਾਰਵੇਰਿਮ੍ਹਿ ਮਾਰੋ

ਅਸਿਤਨਭਸਿ ਠਤ੍ਵਾ ਇਤ੍ਥਮਾਰੋਚਯਿਤ੍ਥ,

ਵਰਪੁਰਿਸ ਇਤੋ ਖੋ ਸਤ੍ਤਮੇ ਵਾਸਰਮ੍ਹਿ

ਤ੍ਵਮਹਿਵਿਜਿਯ ਲੋਕਂ ਹੇਸ੍ਸਸੇ ਚਕ੍ਕਵਤ੍ਤੀ; ()

੮੨.

ਸੁਖਮਨੁਭਵਮਾਨੋ ਚਕ੍ਕਵਤ੍ਤੀ ਭਵਿਤ੍ਵਾ

ਘਰਮਧਿਵਸ ਚਕ੍ਕਂ ਵਤ੍ਤਯਂ ਯਾਵਜੀਵਂ,

ਅਮਿਤਮਤਿ ਤੁਵਂ ਮਾ ਨਿਕ੍ਖਮਸ੍ਸੂ’ਤਿ ਮਾਰੋ

ਅਭਿਗਮਨਨਿਸੇਧਂ ਕਾਤੁਮਿਚ੍ਚਾਨੁਸਾਸਿ; ()

੮੩. ¶

ਨਮੁਵਿਲਪਿਤਵਾਚਂ ਸੋਤਧਾਤ੍ਵਞ੍ਜਲੀਹਿ

ਸਵਿਸਮਿਵ ਪਿਬਨ੍ਤੋ ਤਂ ਤੁਵਂ ਕੋ’ਸਿ ਪੁਚ੍ਛਿ,

ਪਵਨਪਥਠਿਤੋ’ਹਂ ਇਸ੍ਸਰੋ ਦੇਵਤਾਨਂ

ਨਰਵਰ ਵਸਵਤ੍ਤੀ ਪਾਪਿਮਾ’ਤ੍ਯੇ’ਵ ਮਾਹ; ()

੮੪.

ਸੁਰਨਰਸਰਣੋ ਸੋ ਨਿਬ੍ਭਯੋ ਦਿਬ੍ਬਚਦ੍ਦ-

ਰਤਨਜਨਨਮਦ੍ਧਾ ਮਾਰਜਾਨਾਮਹ’ਨ੍ਤਿ,

ਪਟਿਵਚਨਮਦਾਸਿ ਮਾਦਿਸੋ ਦੁਪ੍ਪਸਯ੍ਹੋ

ਭਵਤਿ ਦਸਸਹਸ੍ਸੇਹਾ’ਪਿ ਤੁਮ੍ਹਾਦਿਸੇਹਿ; ()

੮੫.

ਯਦਿ ਮਨਸਿ ਸਿਯਾ ਤੇ ਕਾਮਦੋਸਬ੍ਬਿਹਿਂਸਾ-

ਪਭੁਤਿਪਰਿਵਿਤਕ੍ਕੋ ਤਾਵਜਾਨਾਮ’ਹਨ੍ਤਿ,

ਪਟਿਘਪਰਵਸੋ ਸੋ ਕਿਞ੍ਚਿਓਤਾਰਪੇਖੋ

ਅਨੁਪਦਮਨੁਬਨ੍ਧਿ ਤਸ੍ਸ ਛਾਯਾਯਥੇਵ; ()

੮੬. ¶

ਪੁਨਰਭਿਵਜਤੋਵਾ’ਸਾਲ਼੍ਹਿਯਾ ਪੁਣ੍ਣਮਾਯ

ਕਪਿਲਪੁਰਵਿਭੂਤਿਂ ਦਟ੍ਠੁਕਾਮਮ੍ਹਿ ਜਾਤੇ,

ਵਸੁਮਤਿ ਪਰਿਵਤ੍ਤੀ ਦਸ੍ਸਯਿ ਅਸ੍ਸਰਞ੍ਞੋ

ਪੁਰਵਰਭਿਮੁਖਟ੍ਠੋ ਚੇਤਿਯਟ੍ਠਾਨਭੁਮਿਂ; ()

੮੭.

ਸਪਦਿ ਦਸਸਹਸ੍ਸਿਚਕ੍ਕਵਾਲ਼ੇਸੁ ਦੇਵਾ

ਤਿਭੁਵਨਸਰਣਸ੍ਸਾ’ਰਕ੍ਖਣੇ ਵ੍ਯਾਵਟਾਸੁਂ,

ਮਣਿਕਨਕਮਯੇਹਿ ਦਣ੍ਡਦੀਪਾਦਿਕੇਹਿ

ਅਨਿਮਿਸਤਨਯੇ’ਕੇ ਮਗ੍ਗਮਾਲੋਕਯਿਂਸੁ; ()

੮੮.

ਸੁਰਭਿਕੁਸੁਮਦਾਮੋਲਮ੍ਬਮਾਨਬ੍ਬਿਤਾਨ-

ਕਨਕਕਲਸਸੇਤਚ੍ਛਤ੍ਤਕੇਤੁਦ੍ਧਜੇਹਿ,

ਤਦਹਿਗਮਨਮਗ੍ਗਂ ਦੇਵਤਾ’ਲਙ੍ਕਰਿਂਸੁ

ਭੁਵਨਕੁਹਰਮਾਸਿ ਪੁਪ੍ਫਪੂਜਾਭਿਰਾਮਂ; ()

੮੯. ¶

ਗਗਨਮਸਨਿਘੋਸਚ੍ਛਨ੍ਤਮੇਵਟ੍ਠਸਟ੍ਠਿ-

ਤੁਰਿਯਸਤਸਹਸ੍ਸਾਰਵਵਿਪ੍ਫਾਰਮਾਸਿ,

ਮਹਿਤਸੁਰਭਿਪੁਪ੍ਫਾਕਿਣ੍ਣਮਗ੍ਗਾਵਤਿਣ੍ਣੋ

ਅਤੁਰਿਤਮਭਿਗਨ੍ਤ੍ਵਾ ਯੋਜਨਨ੍ਤਿਂਸਮਤ੍ਤਂ; ()

੯੦.

ਵਿਮਲਸਲਿਲਪੁਣ੍ਣਂ ਫੇਣਮਾਲਾਭਿਕਿਣ੍ਣਂ

ਵਿਕਚਕਮਲਰਾਜਿਂ ਤੁਙ੍ਗਕਲ੍ਲੋਲਰਾਜਿਂ,

ਸਸਿਰਤਰਸਮੀਰਂ ਵਾਲ਼ੁਕਾਕਿਣ੍ਣਤਿਰਂ

ਸਮੁਪਗਮਿ ਅਨੋਮਾਨਾਮਗਙ੍ਗਂ ਸਵੀਰੋ; ()

੯੧.

ਅਸਿਤਮਣਿਤਲਾਭਾ ਛਨ੍ਨ ਕਾ ਨਾਮਿਕਾ’ਯਂ

ਇਤਿ ਵਰਮਤਿ ਪੁਚ੍ਛਿ ਸੋ ਅਨੋਮਾਨਦੀਤਿ,

ਤਮਵਦਿ ਯਦਿ ਤੀਰੇ ਏਤ੍ਥ’ਹਂ ਪਬ੍ਬਜੇਯ੍ਯਂ

ਅਤਿਵਿਯ ਸਫਖਲਾ ਮੇ ਸਾ ਅਨੋਮਾਸਿਯਾ’ਤਿ; ()

੯੨. ¶

ਰਵਿਕੁਲਤਿਲਕੋ ਸੋ ਪਣ੍ਹਿਯਾ ਵਾਜਿਰਾਜਂ

ਸਜਵਮਦਦਿ ਸਞ੍ਞਂ ਤਾਯ ਅਟ੍ਠੋਸਭਾਯ,

ਸੁਵਿਮਲਸਲਿਲਾਯਾ’ਨੋਮਗਙ੍ਗਾਯ ਤੀਰੇ

ਤਰਣਿਰਿਵ ਠਿਤੋ’ਸਿ ਉਪ੍ਪਤਿਤ੍ਵਾ ਤੁਰਙ੍ਗੋ; ()

੯੩.

ਸਿਤਪੁਲਿਨਤਲਟ੍ਠੋ ਤਿਣ੍ਹਧਾਰਾ’ਸਿਹਤ੍ਥੋ

ਵਿਸਦਮਤਿ ਸਮੋਲ਼ਿਂ ਚੂਲ਼ਮਾਦਾਯ ਦਲ਼੍ਹਂ,

ਅਲੁਨਿ ਸਿਰਸਿ ਸੇਸਾ ਦ੍ਵਙ੍ਗੁਲਾ ਨੀਲਕੇਸਾ

ਨ ਤਦੁਪਰਿ ਪਰੂਲ਼੍ਹਾ ਦਕ੍ਖਿਣਾਵਤ੍ਤਯਿਂਸੁ; ()

੯੪.

ਅਭਵਿ ਤਦਨੁਰੂਪਂ ਦਾਠਿਕਾ ਮਸ੍ਸੁਚਾ’ਪਿ

ਅਯਮੁਪਰਿ ਸਚਾ’ਹਂ ਠਾਤੁ ਬੁਦ੍ਧੋ ਭਵੇਯ੍ਯਂ,

ਨਭਸਿ ਖਿਪਿ ਸਿਖਂ ਤਂ ਇਚ੍ਚਧਿਟ੍ਠਾਯ ਧੀਰੋ

ਪਰਿਭਵਿਯ ਠਿਤਾ ਸਾ ਮੇਘਮਾਲਾਵਿਲਾਸਂ; ()

੯੫. ¶

ਸਪਦਿ ਸੁਰਪੁਰਮ੍ਹਾ ਦੇਵਰਾਜਾਭਿ’ਗਨ੍ਤ੍ਵਾ

ਤਮਭਿਹਰਿਯ ਚੂਲ਼ਂ ਚਾਰਿਚਙ੍ਗੋਟਕੇਨ,

ਰਤਨਮਯਮੁਲ਼ਾਰਂ ਚੇਤਿਯਂ ਮਾਪਯਿਤ੍ਥ

ਸੁਰਗਣਮਹਨੀਯਂ ਤਤ੍ਰ ਚੂਲ਼ਾਮਣਿਨ੍ਤਿ; ()

੯੬.

ਵਿਧਿਰਭਵਿ ਸਹਾਯੋ ਯੋ ਘਟਿਕਾਰਨਾਮੋ

ਅਦਦਿ ਸਮਣਕਪ੍ਪਂਕ ਸੋ ਕਪਰਿਕ੍ਖਾਰਮਸ੍ਸ,

ਗਹਿਤਸਮਣਵੇਸੋ ਪੁਬ੍ਬਬੁਦ੍ਧਾ’ਵ ਨਾਥੋ

ਨਭਸਿ ਖਿਪਿ ਨਿਵਤ੍ਥਂ ਸਾਟਕਂ ਸਂਹਰਿਤ੍ਵਾ; ()

੯੭.

ਤਮਭਿਹਰਿਯ ਦੁਸ੍ਸਂ ਪਕ੍ਖਿਪਿਤ੍ਵਾ ਸਮੁਗ੍ਗੇ

ਰਤਨਮਯਮਤੁਲ੍ਯਂ ਯੋਜਨਦ੍ਵਾਦਸੁਚ੍ਚਂ,

ਅਕਰਿ ਪਰਹਿਤਤ੍ਥਂ ਬ੍ਰਹ੍ਮਲੋਕੇਕ ਵਿਧਾਤਾ

ਮਕੁਟਮਣਿਮਰਿਚੀਚੁਮ੍ਬਿਯਂ ਚੇਤਿਯਂਸੋ; ()

੯੮. ¶

ਪਿਤੁਨਰਪਤਿਨੋ ਤ੍ਵਂ ਭੁਸਣਾਦੀਨਿ ਦਤ੍ਵਾ

ਇਤਿ ਮਮ ਵਚਨੇਨਾ’ਰੋਗ੍ਯਮਾਰੋਚਯਸ੍ਸੁ,

ਸਚਿਵਮਨੁਪਲਬ੍ਭਾ’ ਦਾਨਿ ਪਬ੍ਬਜ੍ਜਿਤੁਂ ਤੇ

ਪਹਿਣਿ ਹਯਸਹਾਯਂ ਓਵਦਿਤ੍ਵਾਨ ਛਨ੍ਨਂ; ()

੯੯.

ਪਟਿਪਥਮਵਤਿਣ੍ਣੋ ਗਨ੍ਤੁਕਾਮੋ ਸਰਟ੍ਠਂ

ਧਰਣਿਪਤਿਵਿਯੋਗਾ ਸੋਕਨਿਬ੍ਬਿਦ੍ਧਗਤ੍ਤੋ,

ਤੁਰਗਪਤਿ ਚਵਿਤ੍ਵਾ ਕਨ੍ਥਕੋ ਦੇਵਪੁਤ੍ਤੋ

ਭਵਿ ਕਨਕਵਿਮਾਨੇ ਤਙ੍ਖਣੇਤਾਵਤਿਂਸੇ; ()

੧੦੦.

ਸਕਲਵਨਸੁਰਾਨਂ ਅਞ੍ਜਲਿਮਞ੍ਜਰਿਹਿ

ਮਹਿਤਞ੍ਚਰਣਪੀਠੋ ਯੇਨ ਪਬ੍ਬਜ੍ਜਿਤੋ ਸੋ,

ਤਦਵਸਰਿਅਨੋਮਾਨਾਮਨਜ੍ਜਾ ਸਮੀਪੇ

ਵਨਮਨੁਪਿਯਨਾਮਂ ਅਮ੍ਬਰੁਕ੍ਖਾਭਿਰਾਮਂ; ()

੧੦੧. ¶

ਸੋ ਨਿਕ੍ਖਮ੍ਮ ਅਭਿਨ੍ਨਖਤ੍ਤਿਯਕੁਲਾ ਨੇਕ੍ਖਮ੍ਮ ਧਮ੍ਮਾਲਯੋ

ਭੋਗਕ੍ਖਨ੍ਧਮੁਲ਼ਾਰਚਕ੍ਕਰਤਨਂ ਉਚ੍ਚਾਰਭਾਰਂ ਵਿਯ,

ਓਹਾਯਾ’ਨੁਪਿਯਮ੍ਬਨਾਮਵਿਪਿਨੇ ਸਤ੍ਤਾਹਮਜ੍ਝਾਵਸਂ

ਪਬ੍ਬਜ੍ਜਾਪਟਿਲਾਭਸਮ੍ਭਵਸੁਖਂ ਵੇਦੇਸਿ ਬੁਦ੍ਧਙ੍ਕੁਰੋ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲ ਕਵਿਜਨ ਹਦਯਾਨਨ੍ਦ ਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੂਰੇ ਨਿਦਾਨੇ ਮਹਾਭਿਨਿਕ੍ਖਮਨ ਪਵਤ੍ਤਿਪਰਿਦੀਪੋ ਦਸਮੋ ਸਗ੍ਗੋ.

੧. ¶

ਮਨ੍ਦਾਨਿਲੇਰਿਤਤਰੁਸਣ੍ਡਮਣ੍ਡਿਤੇ

ਤਸ੍ਮਿਂ ਤਪੋਵਨਗਹਣੇ ਤਪੋਧਨੋ,

ਭੁਤ੍ਵਾ (ਪਭਾਵਤਿ) ਵਨਦੇਵਤਾ ਯਥਾ

ਦਿਬ੍ਬਂ ਸੁਖਂ ਸੁਖਮਨਗਾਰਿਯਂ ਤਤੋ; ()

੨.

ਯੋ ਸੇਨਿਯੋ ਨਰਪਤਿ ਮਾਗਧੋ ਤਦਾ

ਯਸ੍ਮਿਂ ਪੁਰੇ ਵਸਤਿ ਪੁਰਙ੍ਗਭਾਸੁਰੇ,

ਰਾਜਗ੍ਗਹਂ ਤਮਹਿਪਵੇਸਨਤ੍ਥਿਕੋ

ਅਦ੍ਧਾਨਮੋਸਰਿ ਸਮਤਿਂਸਯੋਜਨਂ; ()

੩.

ਚਕ੍ਕਙ੍ਕਿਤਸ੍ਸਿਰਿਚਾਰਣੋ ਸੁਸਞ੍ਞਮੋ

ਦੀਘਞ੍ਜਸਂ ਵਸਿ ਤਦਹੇਨ ਖੇਪਯਂ,

ਰਾਜਗ੍ਗਹਂ ਕਪੁਰਵਰਮਿਨ੍ਦਿਰਾਲਯਂ

ਸਮ੍ਪਾਵਿਸਿ ਜਿਤਗਜਰਾਜਗਾਮਿ ਸੋ; ()

੪. ¶

ਇਨ੍ਦਾਸੁਧਾਵਲਿਵਲਯਿਕਤੋ ਮਹਾ-

ਮਗ੍ਗਮ੍ਹਿ ਜਙ੍ਗਮ੍ਮਣਿਪਬ੍ਬਤੋਰਿਵ,

ਖਤ੍ਤਿਂਸਲਕ੍ਖਣਸਮਲਙ੍ਕਤੋ ਮਹਾ-

ਵੀਰੋ ਤਪੋਨਿਧਿ ਯੁਗਮਤ੍ਤਦਸ੍ਸਨੋ; ()

੫.

ਬੋਧਾਪਯਂ ਬੁਧਜਨਮਾਨਸਮ੍ਬੁਜੇ

ਅਵ੍ਹਾਪਯਂ ਪਥਿਕਜਨ’ਕ੍ਖਿਪਕ੍ਖਿਨੋ,

ਵਿਮ੍ਹਾਪਯਂ ਨਿਜਸਿਰਿਯਾ ਸਦੇਵਕੇ

ਤਸ੍ਮਿਂ ਪੁਰੇ ਚਰਿ ਸਪਦਾਨਚਾਰਿਕਂ; ()

੬.

ਪਿਣ੍ਡਾਯ ਗਚ੍ਛਤਿਸਤਿ ਰੂਪਦਸ੍ਸਨ-

ਪਬ੍ਯਾਵਟਾ’ਖਿਲਜਨਤਾਯ ਗੋਤਮੇ,

ਸਙ੍ਘੋਭਿਤਾ’ਸੁਰਮਿਸਰੇਹਿ ਸਾ ਪੁਰਿ

ਪਤ੍ਤੇ ਯਥੇਵ’ਸੁਰਪੁਰਿ ਪੁਰਿਨ੍ਦਦੇ; ()

੭. ¶

ਖਤ੍ਤਿਂਸਲਕ੍ਖਣਸੁਰਚਾਪਭਾਸੁਰੇ

ਰੂਪਮ੍ਬਰੇ ਵਰਪੁਰਿਸਸ੍ਸ ਗਚ੍ਛਤੋ,

ਲੋਕਸ੍ਸ ਲੋਚਨਸਕੁਣਾਵਲਿਤਦਾ

ਅਨ੍ਤਂ ਨਪਾਪੁਣਿ ਪਰਿਸਙ੍ਕਮਨ੍ਤੀਪਿ; ()

੮.

ਮਞ੍ਜੀਰਪਿਞ੍ਜਰਕਰ ਕਨ੍ਧਰਾਮਣਿ-

ਕੇਯੂਰਭਾਸੁਰਚਰਣਾ ਸਿਰਿਮਤੋ,

ਸੀਮਨ੍ਤਿਨੀ ਪਰਮਸਿਰਿਂ ਵਿਪਸ੍ਸਿਤੁਂ

ਧਾਵਿਂਸੁ ਨਿਜ੍ਜਿਤਕਲਹਂਸਕਾਮਿਨੀ; ()

੯.

ਨਾਰਿਜਨਾ ਮਹਿਤੁਮਿਵਾ’ਭਿਗਚ੍ਛਤੋ

ਰੂਪਿਨ੍ਦਿਰਾਯ’ ਨਿਮਿਸਲੋਚਨੁਪ੍ਪਲੇ,

ਧਮ੍ਮਿਲ੍ਲਵੇਲ੍ਲਿਤਭੁਜਚਮ੍ਪਕਾਵਲੀ

ਧਾਵਿਂਸੁ ਪੀਵਰਕੁਚਹਾਰਪੀਲ਼ਿਤਾ; ()

੧੦. ¶

ਨਿਸ੍ਸਾਸਿਨੀ ਸਮਜਲਬਿਨ੍ਦੁਚੁਮ੍ਬਿਤ-

ਵਤ੍ਤਮ੍ਬੁਜਾ ਸਿਥਿਲਿਤਕਾਸਿਕਮ੍ਬਰਾ,

ਕਾਚਿਤ੍ਥਿਯੋ ਸਮਣਮੁਦਿਕ੍ਖਿਤੁਂ ਪਥੇ

ਧਾਵਨ੍ਤਿਯੋ ਕਿਮੁਪਤਿਸਙ੍ਕਿਯਾ’ਭਵੁਂ; ()

੧੧.

ਉਗ੍ਘਾਟਿਤਾ’ਸਿਤਮਣਿਸਿਹਪਞ੍ਜਰਾ

ਰਾਮਾਪਸਾਰਿਤਵਦਨਮ੍ਬੁਜਾਕ ਵਸਿਂ,

ਦਟ੍ਠੁਂ ਪਭੁਜਨਭਵਨੇਸੁ ਤਙ੍ਖਣੇ

ਮਨ੍ਦਾਕਿਨਿਸਰਸਿਵਿਲਾਸਮਾਹਰੁਂ; ()

੧੨.

ਉਚ੍ਛਙ੍ਗਤੋਪਤਿਤਸੁਤਾ’ਭਿਰੂਪਿਨੋ

ਰੂਪਪ੍ਪਲਮ੍ਹਿਤਹਦਯਾਕ ਪੂਰੀਵਧੂ,

ਪਸ੍ਸਨ੍ਤਿਯੋ ਪਥਿਕਜਨਸ੍ਸਹਤ੍ਥਗੇ

ਨਾਕਂਸੁ ਕਿਂ ਅਧਿਕਰਣਾ’ਧਿਰੋਪਣਂ; ()

੧੩. ¶

ਏਕੇ ਜਨਾ ਯਤਿਪਤਿਰੂਪਦਸ੍ਸਨ-

ਕੋਤੁਹਲ਼ਾ ਸਕਪਟਿਭਾਨਮਬ੍ਰਵੁਂ,

ਸੀਮਨ੍ਤਿਨੀ ਮਨਕੁਮੁਦਾਨਿ ਬੋਧਯਂ

ਪਤ੍ਤੋ’ਤ੍ਯ’ਯਂ ਪਕਤਿਨਿਸਾਪਤੀਨੁਖੋ; ()

੧੪.

ਸੁਤ੍ਵਾਨ ਤਂ ਸਕਲਕਲਾਨ੍ਤਰੋਪਗਂ

ਬਿਮ੍ਬਂ ਤਦਙ੍ਕਿਤਹਰਿਣਙ੍ਕਮਮ੍ਬਰੇ,

ਤੁਮ੍ਹੇ ਨਪਸ੍ਸਥ ਹਿਮਰਂਸਿਨੋ ਇਤਿ

ਗਬ੍ਬਾਭਿਜਪ੍ਪਿਤਵਚਨਾ’ਪਰੇਜਨਾ; ()

੧੫.

ਅਚ੍ਛੇਰਪਙ੍ਕਜਵਿਸਰਾਨਿ ਚਿਨ੍ਤਿਯ

ਸਞ੍ਚੁਮ੍ਬਿਤੁਂ ਪੁਰਲਲਨਾਨਨ’ਮ੍ਬੁਜੇ;

ਵੇਰੋਚਨੋ ਇਧੁਪਗਮਾ ਵਿਰੂਪਿਮਾ

ਇਚ੍ਚਬ੍ਰਵੁਂ ਪੁਨਰਨਿਸਮ੍ਮਕਾਰਿਨੋ; ()

੧੬.

ਸੁਤ੍ਵਾਨ ਤਂ ਗਗਨਤਲਙ੍ਗਨੇ’ਧੁਨਾ

ਵੇਰੋਚਨਸ੍ਸ’ਭਿਚਰਤੋ ਨਪਸ੍ਸਥ,

ਚਣ੍ਡਾਤਪਂ ਥਿਰਪਰਿਵੇਸਮਮ੍ਬੁਜ-

ਪਾਣਿਨ੍ਤਿ ਗਜ੍ਜਿਤਵਚਨਾ’ਪਰੇਜਨਾ; ()

੧੭. ¶

ਉਤ੍ਤੁਙ੍ਗਮਨ੍ਦਿਰਮਣਿਚਨ੍ਦਿਕਾਤਲੇ

ਦਿਬ੍ਬਚ੍ਛਰਾਨਿਭਰਮਣਿਹਿ ਵਞ੍ਚਿਤੋ,

ਏਯਾ’ਮਰਾਵਤਿਨਗਰਿਤਿ ਚਿਨ੍ਤਿਯ

ਸਕ੍ਕੋ ਚਰੇ ਨਨੁ ਸਕਵਾਦਮਪਕ੍ਪਯੁਂ; ()

੧੮.

ਸਕ੍ਕਸ੍ਸ ਦਾਨਵਵਿਜਯਾ’ਭਿਲਾਸਿਨੋ

ਪਾਣਿਮ੍ਹਿ ਦਿਸ੍ਸਤਿ ਵਜਿਰਾਯੁਧਂ ਖਰਂ,

ਸਂਵਿਜ੍ਜਰੇ ਦਸਸਤਲੋਚਨਾਨਿ’ਪਿ

ਨੋਤਾਦਿਸੋ ਅਯਮਿਤਿ ਤਬ੍ਬਿਪਕ੍ਖਿਨੋ; ()

੧੯.

ਯਾ ਸਾਲਵਤ੍ਯ’ਧਿਵਚਨਾ’ਭਿਰੂਪਿਨੀ

ਸਞ੍ਚੋਦਿਤੋ ਜਿਤਗਿਰਿਜਾਯ ਤਾਯ ਹੋ,

ਕੇਲਾਸਪਬ੍ਬਤਨਿਭਪਣ੍ਡਵਾਚਲ-

ਞਤ੍ਤਂ ਵਜਂ ਅਯਮਿਤਿਇਸ੍ਸਰੋ’ਬ੍ਰਵੁਂ; ()

੨੦. ¶

ਤੁਮ੍ਹੇ ਨਪਸ੍ਸਥ ਪਰਮਿਸ੍ਸਰਸ੍ਸ ਕਿਂ

ਨਗ੍ਗਤ੍ਤਨਂ ਪਸੁਸਯਨੋ’ਪਵੇਸਨਂ,

ਪਾਣਿਂ ਕਪਾਲਕਮਧਿਕਕ੍ਖਿਮਣ੍ਡਲਂ

ਇਤ੍ਥਂ ਪਵੇਦਿਤਵਚਨਾ’ਪਰੇਜਨਾ; ()

੨੧.

ਏਸਾ’ਵਲਮ੍ਬਿਤਪੁਰਖੀਰਨੀਰਧਿਂ

ਲਕ੍ਖਿਂ ਸਮੇਕ੍ਖਿਯ ਨਿਜਲਕ੍ਖਿਸਂਸਯੋ,

ਪੀਤਮ੍ਬਰਂ ਪਰਿਦਹਿਯ’ਞ੍ਜਸੇ ਚਰਂ

ਨਾਰਾਯਨੋ ਇਤਿ ਮਤਿਮਪ੍ਪਯੁਂ ਸਕਂ; ()

੨੨.

ਨਾਰਾਯਨੋ ਕੁਵਲਯਨੀਲਵਿਗ੍ਗਹੋ

ਕੋਪਨ੍ਤਰੋ’ਰਗਸਯਨਿਨ੍ਦਿਰਾਧਨੋ,

ਚਕ੍ਕਾਯੁਧੋ’ਲ੍ਲਸਿਤਕਰੋ’ਤਿਵਾਮਨੋ

ਤਬ੍ਬਾਦਮਦ੍ਦਨਚਤੁਰੇ’ਤਰੇ ਜਨਾ; ()

੨੩. ¶

ਵੇਦਤ੍ਤਯਂ ਵਿਬੁਧਜਨਾਨਮਾਨਨੇ

ਸ੍ਵ’ਜ੍ਝਾਯਤਂ ਵਸਤਿਨੁਖੋ ਸਰਸ੍ਸਤੀ,

ਸਞ੍ਜਾਤਸਂਸਯ ਜਟਿਤੋ ਪਿਤਾਮਹੋ

ਤਸ੍ਸਾਗਵੇਸਨਪਸੁਤੋ’ਤ੍ਯੁ’ਦੀਰਯੁਂ; ()

੨੪.

ਸੁਤ੍ਵਾਨ ਤਂ ਸਰਸਿਜਯੋਨਿਨੋ ਸਦਾ

ਪਾਣਿਮ੍ਹਿ ਵਿਜ੍ਜਤਿ ਵਰਮਤ੍ਤਪੋਤ੍ਥਕਂ,

ਚਤ੍ਤਾਰਿਚਾਨਨਪਦੁਮਾਨਿ ਦਿਸ੍ਸਰੇ

ਗਚ੍ਛਂ ਅਯਂਪਨ ਪੁਰਿਸੋ ਨਤਾਦਿਸੋ; ()

੨੫.

ਸੁਦ੍ਧੋਦਨਵ੍ਹਯਵਸੁਧਾਧਿਪ’ਤ੍ਰਜੋ

ਬੁਦ੍ਧੋ ਭਵਿਸ੍ਸਤਿ ਇਤਿ ਵੇਦਕੋਵਿਦਾ,

ਕੋਣ੍ਡਞ੍ਞਭੁਸੁਰਪਮੁਖਾ ਦ੍ਵਿਜਾ ਤਦਾ

ਪਬ੍ਯਾਕਰੁਂ ਤਨੁ ਬਹੁਭਾਸਣੇਨ ਕਿਂ; ()

੨੬. ¶

ਉਕ੍ਕਣ੍ਠਿਤੋ ਸਕਭਵਨਾ ਮਹਾਮਤੀ

ਨਿਕ੍ਖਮ੍ਮ ਸਤ੍ਤਮਦਿਵਸੋਤਿ ਵਿਸ੍ਸੁਤੋ,

ਆਪਾਥਗਂ ਨਿਜਸਵਣਞ੍ਜਲਿਹਿ ਭੋ

ਤਂ ਬ੍ਯਪ੍ਪਥਂ ਨਪਿਵਥ ਕਿਂ ਯਥਾਮਤਂ; ()

੨੭.

ਵੇਦਾਗਤਂ ਵਰਪੁਰਿਸਙ੍ਗਲਕ੍ਖਣਂ

ਦੇਹਮ੍ਹਿ ਵਿਜ੍ਜਤਿ ਸਮਣਸ੍ਸ ਗਚ੍ਛਤੋ,

ਅਨ੍ਧਾ’ਵ ਭੋ ਅਪਗਤਰੂਪਦਸ੍ਸਨਾ

ਤੁਮ੍ਹੇ’ਪਿ ਕਿਂ ਤਲਹਥ ਰੂਪਦਸ੍ਸਨਂ; ()

੨੮.

ਨਿਕ੍ਖਮ੍ਮ ਛਡ੍ਡਿਤਵਿਭਵੋ ਮਹਾਕੁਲਾ

ਸੁਦ੍ਧਾਸਯੋ ਸੁਗਹਿਯ ਪਤ੍ਤਚੀਵਰਂ,

ਪਬ੍ਬਜ੍ਜਿਯਾ’ਨਹਿਰਮਿਤੋ ਭਵਤ੍ਤਯੇ

ਅਤ੍ਥਾਚਰਂ ਅਨੁਘਰਮਞ੍ਜਸੇ’ਧੁਨਾ; ()

੨੯. ¶

ਸੁਦ੍ਧੋਦਨਾਵਨਿਪਤਿਨੋ ਵਰੋਰਸੋ

ਏਸੋ ਸਮੁਜ੍ਜਲਸਤਪੁਞ੍ਞਲਕ੍ਖਣੋ,

ਵ੍ਯਾਪਾਰਿਤੋ ਕੁਸਲਬਲੇਨ ਬੋਧਿਯਾ

ਹੋਤੇ’ਵ ਗੋਤਮਸਮਣੋ ਨਸਂਸਯੋ; ()

੩੦.

ਦਿਸ੍ਵਾ ਤਪੋਧਨਮਹਿਯਨ੍ਤਮਞ੍ਜਸੇ

ਯੇ ਮਾਨਵਾ ਸਕਸਕਵਾਦਮਪ੍ਪਯੁਂ,

ਤਬ੍ਬਾਦਬਨ੍ਧਨਵਿਨਿਵੇਠਨਾ ਪਰਂ

ਇਚ੍ਚਾਹੁ ਪਣ੍ਡਿਤਪੁਰਿਸਾ ਯਥਾਵਤੋ; ()

੩੧.

ਦੁਤਾ ਤਦਾ ਸੁਰਸਿ ਸਮਪ੍ਪਿਤਞ੍ਜਲੀ

ਰਞ੍ਞੋ ਤਮਚ੍ਛਰਿਯਪਵਤ੍ਤਿਮਾਹਰੁਂ,

ਅਦ੍ਦਕ੍ਖਿ ਭੁਪਤਿ ਚਰਮਾਨਮਞ੍ਜਸੇ

ਪਿਣ੍ਡਾਯ’ਥਬ੍ਬਿਵਰਿਯ ਸਿਹਪਞ੍ਜਰਂ; ()

੩੨.

ਨਾ ਗੋ ਸਿਯਾ ਪਠਮਿਨਿਮੁਜ੍ਜਨਂ ਕ ਰੇ

ਯਕ੍ਖੋ ਸਿਯਾ ਸਹਯਮਦਸ੍ਸਨਂ ਕ ਰੇ,

ਦੇ ਵੋ ਸਿਯਾ ਗਗਨਤਲਙ੍ਗਣਞ੍ਚ ਰੇ

ਪੋਸੋ ਸਿਯਾ ਯਦਿ ਪਟਿਲਦ੍ਧਮਾਹ ਰੇ; ()

੩੩. ¶

ਦੂਤੇਨੁ’ਸਾਸਿਯ ਮਗਧਾਧਿਪੋ ਇਤਿ

ਵੀਮਂਸਿਤੁਂ ਪਕਤਿਮਨਙ੍ਗਹਙ੍ਗਿਨੋ,

ਪਾਹੇਸਿ ਤੇ ਪਦਮਨੁਗਮ੍ਮੁ’ਪਾਗਮੁਂ

ਸਦ੍ਧਿਂ ਮਹਾਸਮਣਵਰੇਨ ਪਣ੍ਡਵਂ; ()

੩੪.

ਵਿਕ੍ਖਾਲਯਂ ਮੁਖਕਮਲਂ ਕੁਲੇ ਕੁਲੇ

ਭਿਕ੍ਖਾਟਨੇਨ’ ਭਿਹਟਮਿਸ੍ਸਭੋਜਨਂ,

ਲਦ੍ਧਾ ਜਿਗੁਚ੍ਛਿਯ ਵਸਿ ਪਣ੍ਡਵਾਚਲ-

ਚ੍ਛਾਯਾਯ ਮਾਰਭਿ ਸੁਨਿਸਜ੍ਜ ਭੁਞ੍ਜਿਤੁਂ; ()

੩੫.

ਭਤ੍ਤਮ੍ਹੀ ਕੁਕ੍ਕੁਰਵਮਥੂਪਮੇ ਮੁਹੁਂ

ਅਨ੍ਤੋਦਰਂ ਪਵਿਸਤਿ ਧੀਮਤੋ ਸਤਿ,

ਅਨ੍ਤਾਨਿ ਬਾਹਿਰਕਰਣਾਨਿ’ਵਾ’ਭਵੁਂ

ਤਂਖੋ ਸਹੀ ਵਸਿਸਨਿਸਮ੍ਪਜਞ੍ਞਵਾ; ()

੩੬. ¶

ਪਬ੍ਬਜ੍ਜਿਤਂ ਸੁਗਹਿਤਪਤ੍ਤਚੀਵਰਂ

ਦਿਸ੍ਵਾ ਰਤਿਂ ਪਜਹਿਯ ਰਾਜਭੋਜਨੇ,

ਸਿਦ੍ਧਤ੍ਥ ਨੋ ਤ੍ਵਮਭਿਗਮਿਤ੍ਥ ਅਤ੍ਤਨਾ

ਅਤ੍ਤਾਨਮੋਵਦਿਯ ਪਭੁਞ੍ਜਿ ਭੋਜਨਂ; ()

੩੭.

ਦੂਤੇਹਿ ਚੋਦਿਤਹਦਯੋ ਦਯਾਧਨੋ

ਸੋ ਮਾਗਧੋ ਨਰਪਤਿ ਤੇਨ ਪਾਵਿਸਿ,

ਯੇਨਾ’ਸਿ ਪਣ੍ਡਵਗਿਰਿ ਭਦ੍ਰਵਾਹਨਂ

ਆਰੁਯ੍ਹ ਦਸ੍ਸਨਰਸਘੇਧਲੋਚਨੋ; ()

੩੮.

ਅਞ੍ਞਾਯ ਸਾਕਿਯਕੁਲਸਮ੍ਭਵਂ ਵਸਿਂ

ਰਾਜਾ ਪਸਿਦਿਯ ਅਰਿਯੇ’ਰਿਯਾਪਥੇ,

ਮਾ ਕਾਹਸੇ ਸਖ ਇਤਿ ਦੁਕ੍ਕਰਂ ਖਰਂ

ਰਜ੍ਜੇਨ ਤਂਨਰਪਵਰਂ ਪਵਾਰਯਿ; ()

੩੯. ¶

ਰਜ੍ਜੇਨ ਕਿਂ ਤਵ ਚਤੁਰਣ੍ਣਵਾਵਧਿਂ

ਰਜ੍ਜਂ ਨਿਜਂ ਪਜਹਿਯ ਆਗਤਸ੍ਸ ਮੇ,

ਬੋਧਿਂ ਪਬੁਜ੍ਝਿਯ ਪਠਮਂ ਤਥਾਸਤਿ

ਆਗਚ੍ਛਤਂ ਮਮ ਵਿਜਿਤਨ੍ਤ੍ਯ’ਵੋਚ ਨਂ; ()

੪੦.

ਦਤ੍ਵਾ ਪਟਿਸ੍ਸਵਮਥ ਭੁਮਿਭਤ੍ਤੁਨੋ

ਲੋਕਸ੍ਸ ਲੋਚਨਮਣਿਤੋਰਣਾਕੁਲੇ,

ਦੀਘਞ੍ਜਸੇ ਵਸਿ ਠਪਿਤਙ੍ਘਿਪਙ੍ਕਜੋ

ਆਲ਼ਾਰਾਕਂ ਇਸਿਪਵਰਂ ਉਪਾਵਿਸਿ; ()

੪੧.

ਪਤ੍ਵਾਨ ਕਿਂ ਕੁਸਲਗਵੇਸਿ ਸੋ ਵਸਿ

ਆਲ਼ਾਰਕਂ ਵਿਰਜਮੁਲ਼ਾਰਝਾਯਿਨਂ,

ਇਚ੍ਛਾਮਹਨ੍ਤਿ’ਸਿ ਤਵ ਸਨ੍ਤਿਕੇ’ਧੁਨਾ

ਧਮ੍ਮਂ ਸਮਾਚਰਿਤੁਮਿਧਾਗਤੋ ਬ੍ਰੁਵਿ; ()

੪੨. ¶

ਸੁਤ੍ਵਾਨ ਤਂ ਤਤਿਯਮਰੂਪਿਕਂ ਵਸਿ

ਝਾਨਂ ਵਿਯਾਕਰਿ ਪਟਿਲਦ੍ਧਮਤ੍ਤਨਾ,

ਖਿਪ੍ਪਂ ਤਪੋਨਿਧਿਪਗੁਣਂ ਅਕਾਸਿ ਤਂ

ਧਮ੍ਮਂ ਸਕਾਚਰਿਯਨਯਾ’ਵਲਮ੍ਬਿਯ; ()

੪੩.

ਨਾ’ਯਂ ਵਸਿ ਤਨੁਤਰਸਦ੍ਧਯਾ ਮਮਂ

ਧਮ੍ਮਂ ਸਯਂ ਸਮਧਿਗਤਂ ਵਿਯਾਕਰੇ,

ਗੋਸਾਮਿਕੋ ਯਥਰਿਵ ਪਞ੍ਚਗੋਰਸਂ

ਅਦ੍ਧਾਫਲਂ ਅਨੁਭਵਤੀਤਿ ਤਿਨ੍ਤਿਯ; ()

੪੪.

ਕਾਲਾਮ ਦ੍ਵੇ ਅਧਿਗਤਝਾਨਸਮ੍ਭਵਂ

ਤ੍ਵਂ ਯਾਵਤਾਸੁਖ ਮਨੁਭੋਸਿ ਮਂ ਵਦ,

ਪੁਟ੍ਠਸ੍ਸ ਤਸ੍ਸਿ’ਤਿ ਨਚਕਿਞ੍ਚਿ ਭਾਵਿਯਂ

ਆਕਿਞ੍ਚਨਂ ਅਵਚ ਅਕਿਞ੍ਚਨਾਲਯੋ; ()

੪੫. ¶

ਸਂਵਿਜ੍ਜਰੇ ਮਮਪਕਿ ਇਮਸ੍ਸਿ’ਵੇ’ਸਿਨੋ

ਸਦ੍ਧਾਸਤੀਵੀਰਿਯਸਮਾਧਿਬੁਦ੍ਧਿਯੋ,

ਏਵਂ ਵਿਤਕ੍ਕਿਯ ਨਚਿਰਂ ਕਤੁਸ੍ਸਹੋ

ਝਾਨਂ ਲਭੀ ਤਤੀਯਮਰੂਪਿਕਂ ਵਸੀ;

੪੬.

ਯਂ ਖੋ ਤੁਵਂ ਵਿਹਰਸਿ ਝਾਤਮਪਕ੍ਪਿਤੋ

ਸਮ੍ਪਜ੍ਜ ਸਮ੍ਪਤਿ ਵਿਹਰਾਮਹਨ੍ਤਿ ਤਂ,

ਆਲ਼ਾਰਿ’ਸਿ ਵਰਪੁਰਿਸੇਨ ਸਾਵਿਤੋ

ਲਾਭਾ’ਵੁਸੋਤ੍ਯਵਚ ਸੁਲਦ੍ਧਮਾਵੁਸੋ;

੪੭.

ਜਾਨਾਮਿ ਪਾਵਚਨਮਹਂ ਯਥਾ ਤੁਵਂ

ਜਾਨਾਸਿ ਪਾਵਚਨਮਹਂ ਯਥਾ ਤੁਵਂ,

ਤ੍ਵਂ ਤਾਦਿਸੋ ਅਹਮਪਿ ਯਾਦਿਸੋ ਭਵੇ

ਤ੍ਵਂ ਯਾਦਿਸੋ ਅਹਮਪਕਿ ਤਾਦਿਸੋ ਭਵੇ;

੪੮. ¶

ਏਹਾ’ਵੁਸੋ ਸਮਣ ਮਯਂ ਉਭੋ ਜਨਾ

ਕਾਹਾਮਿ’ਤੋ ਪਰਿਹਰਣਂ ਗਣਸ੍ਸਿ’ਦਂ,

ਵਤ੍ਵਾਨ ਆਚਰਿਯਸਮਾਨਕੋ ਸਕਂ

ਸਿਸ੍ਸਂ ਅਕਾ ਤਮਸਮਮਤ੍ਤਨਾ ਸਮਂ; ()

੪੯.

ਧਮ੍ਮੋਪ੍ਯ’ਯਂ ਨਭਵਤਿ ਨਿਬ੍ਬਿਦਾਯ ਵਾ

ਬੋਧਾਯਵਾ ਨਵੁਪਸਮਾਯ ਕੇਵਲਂ,

ਆਰੁਪ੍ਪਭੁਮਿਯਮੁਪਪਤ੍ਤਿਯਾ ਸਿਯਾ

ਇਚ੍ਚਾਨਲਙ੍ਕਰਿਯ ਤਤੋ ਅਪਕ੍ਕਮਿ; ()

੫੦.

ਕਾਲਮਤੋ ਉਪਰਿਵਿਸੇਸਮੁਦ੍ਦਕੋ

ਜਞ੍ਞਾ’ਤ੍ਯ’ਯਂ ਸੁਮਰਿਯ ਰਾਮਪੁਤ੍ਤਕੋ,

ਪਤ੍ਵਾ’ਸ੍ਸਮਂ ਸਮਧਿਗਤਂ ਤ੍ਵਯਾ’ਪ’ਹਂ

ਧਮ੍ਮਂ ਸਮਾਚਰਿਤੁਮਿਧਾਗਤੋ’ਬ੍ਰੁਵਿ; ()

੫੧. ¶

ਞਤ੍ਵਾ ਸਕਾਚਰਿਯਮਤਞ੍ਹਿ ਬੁਦ੍ਧਿਮਾ

ਧਮ੍ਮਞ੍ਚਰੇ ਮਮ ਸਮਯੋ ਚ ਤਾਦਿਸੋ,

ਵਤ੍ਵੇ’ਵਮੁਦ੍ਦਕਵਸਿ ਖਿਪ੍ਪਮਤ੍ਤਨੋ

ਸਿਕ੍ਖੇਸਿ ਪਾਵਚਨਪਥੇ ਤਪੋਧਨਂ; ()

੫੨.

ਸਦ੍ਧਾਯ ਮਂ ਸਕਸਮਯਾ’ਨੁਸਾਸਕੋ

ਅਦ੍ਧਾ ਸਮਾਧਿਜਫਲਮਾਹਰੇ’ਤ੍ਯ’ਯਂ,

ਚਿਨ੍ਤਾਪਰੋ ਵਰਪੁਰਿਸੋ ਅਰੂਪਿਕਂ

ਝਾਨਂ ਵਲਞ੍ਜਸਿ ਕਤਮਨ੍ਤ੍ਯ’ਪੁਚ੍ਛਿ ਨਂ; ()

੫੩.

ਸੁਤ੍ਵਾ ਤਮੁਦ੍ਦਕਵਸਿ ਸਨ੍ਤਮਾਨਸੋ

ਸਨ੍ਤਂਹਿ’ਦਂ ਪਰਮਮਿਦਨ੍ਤਿ ਭਾਵਿਯਂ,

ਸਾਮਂ ਵਲਞ੍ਜਨਕਮਰੂਪਭੁਮਿਕਂ

ਝਾਨਂ ਚਤੁਤ੍ਥਕਮਵਿਕਮ੍ਪਮਾਹਰੀ; ()

੫੪. ¶

ਸਂਵਿਜ੍ਜਰੇ ਮਮਪਿ ਮਨੋਨਿਕੇਤਨੇ

ਸਦ੍ਧਾਦਿਸਗ੍ਗੁਣਰਤਨਾਨਿ’ਮਸ੍ਸਿ’ਵ,

ਏਵਂਸਰਂ ਨਚਿਰਮਰੂਪਿਕਂ ਵਸਿ

ਝਾਨਂ ਲਭੀ ਵੀਰਿਯਬਲੇਨਵਾ’ਨ੍ਤਮਂ; ()

੫੫.

ਲਦ੍ਧਂ ਤਯਾ ਯਮਧਿਗਤਨ੍ਤਿ ਤਮ੍ਮਯਾ

ਆਰੋਚਿਤੇ ਸਮਣ ਵਰੇ’ਸਿਪੁਙ੍ਗਵੋ,

ਅਮ੍ਹੇ ਗਣਂ ਸੁਪਰਿਹਰਾਮੁ’ਭੋ’ਤਿਮਂ

ਵਤ੍ਵਾ ਤਮਾਚਰਿਯਧੁਰੇਨ ਮਾਨਯਿ; ()

੫੬.

ਨਾ’ਯਂ ਪਥੋ ਭਵਪਰਿਮੁਤ੍ਤਿਯਾ ਸਿਯਾ

ਅਦ੍ਧਾਭਵੇ ਮਮਪਕਿ ਭਵਗ੍ਗਪਤ੍ਤਿਯਾ,

ਏਵਂ ਵਵਤ੍ਥਿਤਹਦਯੋ ਮਹਾਦਯੋ

ਨਿਬ੍ਬਿਜ੍ਜਸੋ ਤਦਪਗਤੋ’ਨਲਂਇਤਿ; ()

੫੭. ¶

ਮੋਕ੍ਖੇਸਕੋ ਜਿਤਵਰਵਾਰਣਕ੍ਕਮੋ

ਏਕੋਚਰਂ ਵਸਿ ਮਗਧੇਸੁ ਚਾਰਿਕਂ,

ਸੇਨਾਨਿਵਿਸ੍ਸੁਨ੍ਨਿਗਮੋ ਯਹਿਂਸਿਯਾ

ਤਂ ਤਾਪਸਾਲਯਮੁਰੁਵੇਲਮੋਸਰਿ; ()

੫੮.

ਅਦ੍ਦਕ੍ਖਿ ਸੋ ਹਰਿਣਵਿਹਙ੍ਗਮਾਕੁਲਂ

ਮਨ੍ਦਾਨਿਲੇਰਿਤਤਰੁਸਣ੍ਡਮਣ੍ਡਿਤਂ,

ਨੇਰਞ੍ਜਰਾਸਲਿਲਪਵਾਹਸਿਤਲਂ

ਪਾਸਾਦਿਕਂ ਪਰਮਤਪੋਵਨਂ ਤਹਿਂ; ()

੫੯.

ਅਨ੍ਤੋਜਟਂ ਜਟਿਲਜਟਾ’ਲਿਵੁਮ੍ਬਿਤ-

ਪਾਦਮ੍ਬੁਜੋ ਵਿਜਟਯਿਤੁਂ ਘਟਂ ਵਸੀ,

ਅਤ੍ਤਾਹਿਤਾਪਨਪਟਿਪਤ੍ਤਿਯਾ ਤਹਿਂ

ਵਿਜ੍ਜਾਧਰੇ ਜਟਿਲਵਰੇ ਪਸਾਦਯੀ; ()

੬੦. ¶ ਸਞ੍ਚਾਰਿਤੋ ਜਨਪਦਚਾਰਿਕਂ ਤਦਾ

ਪਤ੍ਵਾ ਤਪੋਵਨਮਥ ਪਞ੍ਚਵਗ੍ਗਿਯਾ,

ਭਿਕ੍ਖੁ ਮਹਾਪੁਰਿਸਮੁਪਟ੍ਠਹਿਂਸੁ ਤਂ

ਆਰਦ੍ਧਦੁਕ੍ਕਰਕਿਰਿਯਂ ਯਥਾਬਲਂ. ()

੬੧. ਧੀਰੋ’ਤਿਦੁਕ੍ਕਰਪਟਿਪਤ੍ਤਿਪੂਰਕੋ

ਦਨ੍ਤਾਨਿ ਵੀਸਤਿਦਸਨੇਹਿ ਵੀਸਤਿ,

ਤਾਲੁਂ ਨਿਰੁਮ੍ਹਿਯ ਰਸਨਾਯ ਚੇਤਸਾ

ਚਿਤ੍ਤਂ ਨਿਪੀਲ਼ਯਿ ਪਰਿਤਾਪਯਿ ਤਹਿਂ. ()

੬੨. ਪਗ੍ਗਯ੍ਹ ਮੁਦ੍ਧਨਿ ਬਲਵਾ’ਤਿਦੁਬ੍ਬਲਂ

ਨਿਪ੍ਫੀਲ਼ਯੇ ਯਥਰਿਵ ਧੀਮਤੋ ਤਥਾ,

ਅਤ੍ਤਾਹਿਤਾਪਨਪਸੁਤਸ੍ਸ ਪਗ੍ਘਰੁਂ

ਕਚ੍ਛਾਦਿਨਾ’ਧੀਕਤਰਸੇਦਬਿਨ੍ਦਵੋ; ()

੬੩. ¶ ਮਗ੍ਗੋਭਵਤ੍ਯ’ਯਮਿਤਿ ਬੋਧਿਸਿਦ੍ਧਿਯਾ

ਅਪ੍ਪਾਣਕਂ ਪਟਿਪਦ ਮਾਚਰਂ ਚਿਰਂ,

ਵਾਸਂ ਅਕਾ ਵਸਿ ਮੁਖਤੋ ਚ ਨਾਸਤੋ

ਅਸ੍ਸਾਸਮਪ੍ਪਟਿਪਟਿਮੋ’ਪਰੁਨ੍ਧਿਯ; ()

੬੪.

ਰੁਦ੍ਧੇਸੁ ਤੇਸ੍ਵ’ ਪਿਹਿਤਸੋਤਰਨ੍ਧਤੋ

ਵਾਤੋ’ਭਿਨਿਕ੍ਖਮਿ ਅਧਿਮਤ੍ਤਨਿਸ੍ਸਨੋ,

ਕਮ੍ਮਾਰਗਗ੍ਗਰਿਮੁਖਤੋ ਰਵੋ ਭੁਸਂ

ਨਿਗ੍ਗਚ੍ਛਤੇ ਅਭਿਧਮਨੇਨ ਸੇਯ੍ਯਥਾ; ()

੬੫.

ਯਾਵੇਦਨਾ ਖਰਸਿਖਰੇਨ ਜਾਯਰੇ

ਸੀਸਸ੍ਸ ਵਿਜ੍ਝਨਸਮਯੇ ਸੁਖਤ੍ਥਿਨੋ,

ਏਵਂ ਤਦਾ ਕਠਿਨਸਿਰੋਰੁਜਾ’ਭਵੁਂ

ਰੁਦ੍ਧਾਨਿਲਸ੍ਸ ਹਿ ਮੁਖਕਣ੍ਣਨਾਸਤੋ; ()

੬੬. ¶

ਵਾਤਾਭਿਘਾਤਨਸਮਯੇ ਸੁਧਿਮਤੋ

ਸੀਸੇ’ਭਵੁਂ ਪੁਨਰਪਿਸਿਸਵੇਦਨਾ,

ਦਲ਼੍ਹੇਨ ਯੋ ਸਿਰਸਿ ਵਰਤ੍ਤਕੇਨ ਯਂ

ਦਲ਼੍ਹਂ ਦਦੇ ਯਥਰਿਵ ਸਿਸਵੇਠਨਂ; ()

੬੭.

ਸਮ੍ਮਾ ਨਿਰੁਮ੍ਹਿਤਮੁਖਕਣ੍ਣਨਾਸਤੋ

ਧੀਰੋ ਸਮੀਰਣਮੁਪਰੁਨ੍ਧਿਚੁ’ਤ੍ਤਰਿਂ,

ਗਬ੍ਭਨ੍ਤਰਂ ਖਰਤਰਵੇਦਨਾ’ਤੁਰਂ

ਵਾਤਾ’ਭਿਮਨ੍ਥਿਯ ਪਰਿਕਨ੍ਤਯੁਂ ਤਤੋ; ()

੬੮.

ਗੋਘਾਤਕੋ ਚਤੁਰਤਰੋ ਵਿਕਤ੍ਤਯੇ

ਕੁਚ੍ਛਿਂ ਗਵਂ ਤਿਖਿਣਵਿਕਨ੍ਤਨੇਨ ਚੇ,

ਰੁਦ੍ਧਾਤਿਲੇਹ’ਨਰਿਯਮਗ੍ਗਗਾਮਿਨੋ

ਜਾਤਾ ਤਥਾ ਖਰਤਰ ਕੁਚ੍ਛਿਵੇਦਨਾ; ()

੬੯. ¶

ਅਪ੍ਪਾਨਕਂ ਪੁਨਰਪਿ ਝਾਨਮਾਚਰਂ

ਵੀਰੋ ਸਮੀਰਣ ਮੁਪਰੁਨ੍ਧਿ ਸਬ੍ਬਥਾ,

ਚੀਨ੍ਤੁਬ੍ਭਵਂ ਸਕਮੁਖਕਣ੍ਣਨਾਸਗਂ

ਤੇਨਾ’ਸਿ ਕਾਯਿਕਦਰਥੋ ਧਿਤੀਮਤੋ; ()

੭੦.

ਦਲ਼੍ਹਂ ਉਭੋ ਚਰਪੁਰਿਸਾ ਮਹਬ੍ਬਲਾ

ਬਾਹਾਸੁ ਗਣ੍ਹਿਯ ਪੁਰਿਸਂ’ਤਿਦੁਬ੍ਬਲਂ,

ਅਙ੍ਗਾਰਕਾਸੁਯਮਹਿਤਾਪਯਨ੍ਤਿਚੇ

ਸੋ ਤਾਦਿਸਿਂ ਅਨੁਭਵਿ ਦੁਕ੍ਖਵੇਦਨਂ; ()

੭੧.

ਖਿਤ੍ਤਂ ਕਲਿਙ੍ਗਰਮਿਵਕਾਵਿਦੇਵਤਾ

ਰੁਦ੍ਧਾਨਿਲੁਬ੍ਭਵਖਰਵੇਦਨਾਤੁਰਂ,

ਵੀਰਂ ਵਿਲੋਕਿਯ ਪਤਿਤਂ ਤਪੋਵਨੇ

ਪਬ੍ਯਾਕਰੁਂਕ ਵਰਪੁਰਿਸੋ ਮਤੋ ਇਤਿ; ()

੭੨. ¶

ਕਾਲਂਕਰੋਤ੍ਯ’ਯਮਿਤਿ ਕਾਚਿ ਦੇਵਤਾ

ਨੋਚਾਹੁਕਿਂ ਤਦਿਤਰ ਦੇਵਤਾ ਵਤਂ,

ਅਸ੍ਸੇ’ਵ ਗੋਤਮਸਮਣਸ੍ਸ ਮਾਰਿਸਾ

ਆਰੋਚਯੁਂ ਵਿਹਰਣਮੀਦਿਸਂਇਤਿ; ()

੭੩.

ਯਂਨੂਨ’ਹਂ ਪਟਿਪਦਹੇਯ੍ਯਮਾਯਤਿਂ

ਆਹਾਰਯਾਪਨਹਰਣਾਯ ਸਬ੍ਬਸੋ,

ਏਵਂ ਸਚਿਨ੍ਤਯਿ ਕਰੁਣਾਯ ਚੋਦਿਤਾ

ਤਾ ਦੇਵਤਾ ਤੁਵਟੁਮੁਪੇਚ੍ਚ ਗੋਤਮਂ; ()

੭੪.

ਆਰੋਚਯੁਂ ਯਦਿਪਨ ਨਿਚ੍ਚਭੋਜਨੋ-

ਪਚ੍ਛੇਦਨਂ ਸਮਣਤੁਵਂ ਕਰਿਸ੍ਸਸਿ,

ਕਾਹਾਮ ਤੇ ਮਯਮਿਤਿਲੋਮਕੁਪਤੋ

ਦਿਬ੍ਬੋਜਮੋਕਿਰਿਯ ਸਰਿਰਤਪ੍ਪਣਂ; ()

੭੫.

ਘਾਸਸ੍ਸਛੇਦਨਵੀਰਿਯਂ ਕਰੋਮਿ ਚੇ

ਯਾਪੇਨ੍ਤਿ ਤਾ ਮਧੁਰ ਸੁਧਾਰਸੇਨ ਮਂ,

ਤੇਨਾ’ਭਿਯਾਪਨਵਿਧਿਮਿਚ੍ਛਤੋ ਸਤੋ

ਤਂਖੋਤਪਂ ਨਭਵਤਿ ਕਿਂ ਮੁਸਾ ਮਮਂ; ()

੭੬. ¶

ਨਾਲਨ੍ਤਿ ਸੋ ਕੁਹਨਵਸੇਨ ਦੇਵਤਾ-

ਵਿਮ੍ਹਾਪਨੇਤਿ’ਹ ਨਿਜਦੇਹਤਪ੍ਪਣਂ,

ਏਵਂ ਅਨੁਸ੍ਸਰਿਯ’ਨੁਵਾਸਰਂ ਵਸੀ

ਆਹਾਰਮਾਹਰਿ ਵਿਰਸਂ ਪਰਿਤ੍ਤਕਂ; ()

੭੭.

ਸ੍ਵਾਚੇਲਕੋ ਵਿਚਰਿਕਰਾਪਲੇਖਣੋ

ਆਚਾਰਮੁਤ੍ਤ੍ਯ’ਭਵਿ ਨਚੇਹਿਤਿਟ੍ਠਿਕੋ,

ਉਦ੍ਦਿਸ੍ਸਕਂ ਅਭਿਹਟਕਂ ਨਿਮਨ੍ਤਨਂ

ਨਾਸਾਦਯਿ ਪਿਟਕਕਲੋਪਿਕੁਮ੍ਭਿਕਂ; ()

੭੮. ¶

ਸੋ ਦਣ੍ਡਮੁਗ੍ਗਰਮੁਸਲੇ’ਲ਼ਕਨ੍ਤਰਂ

ਪਾਯਨ੍ਤਿਗਬ੍ਭਿਨਿਪਨਿਤੀਹਿ ਚਾ’ਹਟਂ,

ਸਾਮਕ੍ਖਿਕਾਵਿਸਯ ਮੁਹਿਨ੍ਨਮੇਕਿਕਂ

ਸਙ੍ਕਿਤ੍ਤਿਨੋਦਨਮਪਿ ਨਾਭਿਸਾਦਯੀ; ()

੭੯.

ਸੋਵੀਰਕਂ ਨਪਿਵਿ ਸੁਰਂ ਨਮੇਰਯਂ

ਸੁਕ੍ਖਾਮਕਂ ਯਦਪਿ ਤਿਕੋਵਿਸੁਦ੍ਧਿਕਂ,

ਸੋ ਮਚ੍ਛਮਂਸਕਵਿਕਤਿਂ ਪਟਿਕ੍ਖਿਪਿ

ਅਪ੍ਪੇਕਦਾ ਤਪਸਿ ਨਿਰਾਮਗਨ੍ਧਿਕੋ; ()

੮੦. ¶

ਸੋ ਸਤ੍ਤਤੋਪ੍ਪਭੁਤਿ ਕਮੇਨ ਹਾਪਯਂ

ਯਾਵੇਕਮਾਹਰਿ ਕਬਲਂ ਬਲਤ੍ਥਿਕੋ,

ਸੋ ਸਤ੍ਤਤੋਪ੍ਪਭੁਤਿ ਕਮੇਨ ਹਾਪਯਂ

ਏਕਂ ਕੁਲਂ ਉਪਗਮਿ ਯਾਵ ਭਿਕ੍ਖਿਤੁਂ; () (ਯਮਕਬਨ੍ਧਨਂ)

੮੧.

ਏਕਾਯ ਦੀਹਿਪਿ ਤਿਚਤੂਹਿ ਪਞ੍ਚਹਿ

ਦਿਨ੍ਨਂ ਪਟਿਗ੍ਗਹਿ ਛਹਿ ਦਤ੍ਤਿਸਤ੍ਤਹਿ,

ਏਕਾਹਿਕਪ੍ਪਭੁਤਿਕਮਦ੍ਧਮਾਸਿਕਂ

ਮੂਲਂ ਸਯਂ ਪਤਿਤਫਲਂ ਪਭੁਞ੍ਜਿ ਸੋ; ()

੮੨.

ਸਾਮਾਕਤਣ੍ਡੁਲਮਥਸਾਕਮਦ੍ਦਕਂ

ਨੀਵਾਰਕੁਣ੍ਡਕਹਟਦਦ੍ਦੁਲਾਦਿਕਂ,

ਪਿਞ੍ਞਾਕਗੋਮਯਤਿਣ ਝਾਮਕੋਦਨਂ

ਵੀਰੋ ਮਹਾਵਿਕਟਮਪਾਨੁਭੁਞ੍ਜਿ ਸੋ; ()

੮੩. ¶

ਥੋਕਂ ਪਿਵਿ ਪਕਸਤਮਿਤਂ ਹਰੇਣੁਕ-

ਯੂਸਂ ਤਥਾ ਚਨਕ ਕੁਲਤ੍ਥਮੁਗ੍ਗਜਂ,

ਸੋ ਅਪ੍ਪਭੋਜਨਪਰਮੋ ਸਜੀਵਿਤਂ

ਏਕੇਨ ਯਾਪਯਿ ਤਿਲਤਣ੍ਡੁਲੇਨ’ਪਿ; ()

੮੪.

ਸਾਣਮ੍ਮਸਾਣ?ਜਿਨ’ਜਿਨਕ੍ਖਿਪਚ੍ਛਵ-

ਦੁਸ੍ਸਂ ਤਿਰੀਟਕਕੁਸਵਾਕਚੀਰਕਂ,

ਸੋ ਕੇਸਕਮ੍ਬਲਮਪਿਵਾਲ਼ਕਮ੍ਬਲ

ਮੋਲ਼ੁਕਪਕ੍ਖਿਕਫਲਕਾਨ੍ਯ’ਧਾਰਯਿ; ()

੮੫. ¶

ਦੁਬ੍ਬਣ੍ਣਨਤ੍ਤਕਮਯਮਗ੍ਗਪੁਗ੍ਗਲੋ

ਅਪ੍ਪੇਕਦਾ ਪਰਿਦਹਿ ਪਂਸੁਕੂਲਕਂ,

ਅਤ੍ਤਨ੍ਤਪੋਵਰਣ ਪਰਾਯਣੋ ਭਵਿ

ਸੋ ਮਸ੍ਸੁਕੁਨ੍ਤਲਤਨੁਲੋਮਲੋਚਕੋ; ()

੮੬.

ਉਬ੍ਭਟ੍ਠਕੋ’ਭਵਿ ਪਰਿਵਜ੍ਜਿਤਾਸਨੋ

ਉਕ੍ਕਟ੍ਠਮੁਕ੍ਕੁਟਿਕਵਤਂ ਅਧਿਟ੍ਠਹੀ,

ਉਦ੍ਧਗ੍ਗਕਣ੍ਟਕਵੀਸਮੇ ਅਪਸ੍ਸਯੇ

ਸੇਯ੍ਯਂ ਅਕਾ ਤਦੁਪਰਿਠਾਨਚਙ੍ਕਮਂ; ()

੮੭.

ਸੋ ਸਾਯਤਤਿਯਕਮੁਦਕਾਵਰੋਹਣ-

ਯੁਤ੍ਤੋ ਪਵਾਹਯਿਤੁਮਘਂ ਸਮੁਸ੍ਸ ਹੀ,

ਆਤਾਪਯਂ ਇਤਿ ਪਰਿਤਾਪਯਂ ਸਕਂ

ਦੇਹਂ ਚਿਰਂ ਪਰਿਹਰਿ ਪਾਪਭੀਰੁਕੋ; ()

੮੮. ¶

ਯੋ ਨੇਕਹਾਯਨਗਣਿਕੋ’ਤ੍ਥਿ’ਤਿਨ੍ਦੁਕ-

ਰੁਕ੍ਖਸ੍ਸ ਖੋ ਪਪਟਿਕਜਾਤਖਾਣੁਕੋ,

ਏਵਂ ਤਥਾ ਪਪਟਿਕਜਾਤਮਤ੍ਤਨੋ

ਗਤ੍ਤਞ੍ਚ ਸਨ੍ਨਿਵਿਤਰਜੋਮਲਂ ਭਵਿ; ()

੮੯.

ਸੋਵਾ ਪਰੋ ਨਤੁ ਪਰਿਵਜ੍ਜਯੀ ਰਜੋ-

ਜਲ੍ਲਾਨਿ ਕਜ੍ਜਲਮਲਿਨਾਨਿ ਪਾਣਿਨਾ,

ਦੇਹਂ ਸੁਭੋਜਨਜਹਨੇਨ ਜਜ੍ਜਰਂ

ਤੇਲਂ ਵਿਲੇਪਿਯ ਰਜਸਾ’ਭਿਥੂਲਯੀ; ()

੯੦.

ਸੋ ਦ੍ਵੇ’ਕਪਸ੍ਸਯਿਕਵਤਂ ਪਪੂਰਯੀ

ਆਪਾਨਕੋ’ ਭਵਿ ਫਲਕੇ’ਪਿ ਥਣ੍ਡਿਲੇ,

ਸੇਯ੍ਯਂ ਅਕਾਕ ਵਿਹਰਿ ਵਿਵੇਕਕਾਮਵਾ

ਅਜ੍ਝੋਗਹਂ ਅਦੁਤਿਯਕੋ ਮਹਾਵਨਂ; ()

੯੧. ¶

ਪਾਣੇ ਇਮੇ ਵਿਸਮਗਤੇ’ਤਿਖੁਦ੍ਦਕੇ

ਨਾ’ਹਂ ਵਧਿਸ੍ਸਮਿਤਿ ਪਟਿਚ੍ਚ’ਨੁਦ੍ਦਯਂ,

ਉਸ੍ਸਾਵਮਦ੍ਦਨਹਿਰਭੀਰੁਤਾਯ ਸੋ

ਨਾਥੋ ਅਭਿਕ੍ਕਮਿ ਚ ਸਤੋ ਪਟਿਕ੍ਕਮਿ; ()

੯੨.

ਨਿਨ੍ਨਤ੍ਥਲਾ ਵਨਗਹਨਾ ਵਨਾਸਯੋ

ਨਿਨ੍ਨਤ੍ਥਲਂ ਵਨਗਹਨਂ ਮਿਗੋ ਯਥਾ,

ਹੀਤੋ ਵਿਪਸ੍ਸਿਯ ਵਿਪਿਨੋਪਗੇ ਜਨੇ

ਤਾਸਾਭਿਭੂ ਪਪਨਤਿ ਏਵਮੇਵਖੋ; ()

੯੩.

ਦਿਸ੍ਵਾਨ ਲੁਦ੍ਦਕਵਨਕਮ੍ਮਿਕਾਦਯੋ

ਗੋਪਾਲਕੇ ਤਿਣਨਲ਼ਕਟ੍ਠਹਾਰਕੇ,

ਮਾਚਦ੍ਦਸਂ ਅਹਮਪਿ ਤੇਤ੍ਯ’ਯਂਜਨੋ

ਮਾ ਮਂ ਵਿਪਸ੍ਸਤੁ ਸਮਧਿਟ੍ਠਹਂ ਵਤਂ; ()

੯੪.

ਏਕੋਵਸਙ੍ਗਣਿਕਵਿਹਾਰਭੀਤਿਯਾ

ਨਿਨ੍ਨਤ੍ਥਲਾ ਵਨਗਹਨਾ ਤਪੋਨਿਧੀ,

ਨਿਨ੍ਨਤ੍ਥਲਂ ਵਨਗਹਨਂ ਪਪਾਤ ਸੋ

ਤਸ੍ਸਾਸਿ ਤਾਦਿਸਿ ਪਵਿਵਿਤ੍ਤਤਾ ਤਦਾ; ()

੯੫. ¶

ਯਸ੍ਮਿਂਵਨੇ ਚਰਤਮਵੀਤਰਾਗੀਨਂ

ਰੋਮੁਗ੍ਗਮੋ ਚਰਣਤਲਾਨਿ ਕਮ੍ਪਰੇ,

ਦਿਸ੍ਵਾਨ ਭਿਂਸਣਕਵਨਂ ਤਥਾਵਿਧਂ

ਅਜ੍ਝੋਗਹਂ ਵਸਿ ਪਵਿਵੇਕਕਾਮਵਾ; ()

੯੬.

ਉਸ੍ਸਾਵਪਾਤਤਸਮਯੇ’ਨ੍ਤਰਟ੍ਠਕੇ

ਹੇਮਨ੍ਤਿਕੇ ਸਿਸਿਰਤਰਾਯ ਰਤ੍ਤਿਯਾ,

ਅਬ੍ਭਾਵਕਾਸਿਕ ਮਭਿਪੂਰਯਿ ਵਤਂ

ਕਿਚ੍ਛਂ ਵਸਿ ਵਸਿ ਵਨਸਣ੍ਡਗੋ ਦਿਵਾ; ()

੯੭.

ਗਿਮ੍ਹੋਤੁ ਪਚ੍ਛਿਮਦਿਵਸਨ੍ਤਰੇ ਦਿਵਾ

ਅਬ੍ਭਾਵਕਾਸਿਕਧੁਤਧਮ੍ਮਪੂਰਕੋ,

ਰਤ੍ਤਿਂ ਵਨੇ ਵਿਹਰਿ ਜਵਟ੍ਠਿਕਾਨ੍ਯੁ’ਪ

ਨਿਸ੍ਸਾਯ ਸੋ ਅਸਯਿ ਸੁਸਾਨਭੂਮਿਯਂ; ()

੯੮. ¶

ਬੁਦ੍ਧਙ੍ਕੁਰਂ ਉਪਗਮਿਯੋ’ਠੁਭਨ੍ਤਿ’ਪਿ

ਓਮੁਤ੍ਤਯਨ੍ਤਿਪਿ ਰਜਸੋ’ਕਿਰਨ੍ਤਿ’ਪਿ,

ਗੋਮਣ੍ਡਲਾ ਸਵਣਖਿਲੇਸੁ ਦਣ੍ਡਕਂ

ਦਤ੍ਵਾ ਵਦਾਪਯਿਤੁਮੁਪਕ੍ਕਮਨ੍ਤਿ’ਪਿ; ()

੯੯.

ਸੋਵਾਧਿਵਾਸਯਿ ਸਤਿਮਾ ਉਪੇਕ੍ਖਕੋ

ਤਂਵੇਦਨਂ ਕਟੁਕਕ ਮਨਞ੍ਞਵੇਦਿਯਂ,

ਦੁਕ੍ਖੇ ਸੁਖੇ ਸੁਮਤਿ ਤੁਲਾਸਰਿਕ੍ਖਕੋ

ਬਾਲੇਸੁ ਤੇਸ੍ਵ’ਪਿ ਨਵਿਕੋਪਯਿਮਨਂ; ()

੧੦੦.

ਆਹਾਰਤਪ੍ਪਣਵਿਧਿਨਾ ਵਿਸੁਦ੍ਧਿ’ਤਿ

ਏਕੇ ਵਦਨ੍ਤਿ’ਹ ਸਮਣਾਞ੍ਞਤਿਤ੍ਥਿਯਾ,

ਕੋਲਾਦਿਭੋਜਨਵਿਕਤਿਂ ਤਥਾਵਿਧਂ

ਅਪ੍ਪਿਚ੍ਛਤਾਯ’ਨੁਭਵਿ ਸੁਦ੍ਧਿਕਾਮਵਾ; ()

੧੦੧. ¶

ਅਪ੍ਪੋਜਭੋਜਨਵਿਕਤਿਂ ਪਭੁਞ੍ਜਤੋ

ਖਤ੍ਤਿਂਸਲਕ੍ਖਣਸਿਰਿਯਾ ਸਮੁਜ੍ਜਲਂ,

ਕਾਯੋ ਸੁਰਦ੍ਦੁਮਰੁਚਿਰੋ’ਧਿਮਤ੍ਤਕ-

ਸੀਮਾਨਮਟ੍ਠਿਕਤਚ ਮਾਪਧੀਮਤੋ; ()

ਪਬ੍ਬਾਨਿਵਾ ਅਸਿਤਲਨਾਸ੍ਵ’ਸਿਤਿਕ-

ਵਲ੍ਲਿਸੁ ਉਨ੍ਨਤ’ਵਨਤਾਨਿ ਸੇਯ੍ਯਥਾ,

ਆਸੁਂ ਤਥਾ ਕਰਚਰਣਾਦਿਕਾਨਿ’ਪਿ

ਤਸ੍ਸੁ’ਨ੍ਨਤੋਨਤ’ਵਯਵਾਤਿ ਵਿਗ੍ਗਹੇ; ()

੧੦੩.

ਮੋਕ੍ਖੇਸਿਨੋ ਕਰਭਪਦਂਵ ਨਿਸ੍ਸਿਰਿਂ

ਨਿਮ੍ਮਂਸ ਮਾਨਿਸਦ ਮਹੂ ਸਿਰਿਮਤੋ;

ਤਸ੍ਸੁ’ਨ੍ਤਤਾਵਨਤਕਪਿਟ੍ਠਿਕਣ੍ਟਕੋ

ਆਸਿ ਯਥਾਵਲਯਿਤਵਟ੍ਟਨਾਵਲਿ; ()

੧੦੪. ¶

ਗੋਪਾਣਸਿ ਸਿਥਿਲਿਤਬਨ੍ਧਨਾ ਜਰ-

ਸਾਲ਼ਾਯ ਹੇਟ੍ਠੁਪਰਿਠਿਤੇ’ਵ ਧੀਮਤੋ,

ਨਿਮ੍ਮਂਸਲੋਹਿਤਕਕਲੇਬਰੇ ਪ੍ਯ’ਵ-

ਭਗ੍ਗਾ ਭਵੁਂ ਪਵਿਸਮਫਾਸੁਕਾਵਲੀ; ()

੧੦੫.

ਅਪ੍ਪਂ ਕੁਭੋਜਨਵਿਕਤਿਂ ਪਭੁਞ੍ਜਨੋ

ਤਸ੍ਸ’ਕ੍ਖਿਕੂਪਗਯੁਗਲਕ੍ਖਿਤਾਰਕਾ,

ਓਕ੍ਕਾਯਿਕਾ ਅਭਵੁ ਮਗਾਧਗਾ ਤਦਾ

ਗਮ੍ਭੀਰਕੁਪਗਦਕਤਾਰਕਾਕ ਵਿਯ; ()

੧੦੬.

ਵਾਤਾਤਪੇਨ’ ਭਿਫੁਸਿਤੋ ਯਥਾ’ਮਕ-

ਚ੍ਛਿਨ੍ਨੋ’ਭਿਸਮ੍ਫੁਟਨਿ ਅਲਾਬੁ ਤਿਤ੍ਤਕੋ,

ਸੀਸਚ੍ਛਵੀ ਸੁਖੁਮਛਵਿਸ੍ਸ ਭੋਜਨੋ-

ਪਚ੍ਛੇਦਨੇਨ’ਭਿਫੁਟਿਤਾ ਠਿਤਂ ਤਥਾ; ()

੧੦੭. ¶

ਤਸ੍ਸੋਦਰਚ੍ਛਵਿ ਪਨ ਪਿਟ੍ਠਿਕਣ੍ਟਕਂ

ਅਲ੍ਲਿਯਿ ਸੋ ਮੁਨਿ ਮਲਮੁਤ੍ਤਮੋਚਕੋ,

ਓਕੁਜ੍ਜਿਤੋ ਪਰਿਪਤਿ ਪੂਤਿਮੂਲਕ-

ਲੋਮਾਨਿ ਤਬ੍ਬਪੁਗਲਿਤਾਨਿ ਭੂਮਿਯਂ; ()

੧੦੮.

ਸੋ ਪਿਟ੍ਠਿਕਣ੍ਟਕਮਵਸਙ੍ਗਪਾਣਿਨਾ

ਕੁਚ੍ਛਿਚ੍ਛਵਿਂ ਫੁਸਿਤੁਮਿਤੋ ਪਰਾਮਸਿ,

ਸੋ ਪਿਟ੍ਠਿਕਣ੍ਟਕਮਵਸਙ੍ਗਪਾਣਿਨਾ

ਕੁਚ੍ਛਿਚ੍ਛਵਿਂ ਫੁਸਿਤੁਮਿਤੋ ਪਰਾਮਸਿ; () (ਯਮਕਬਨ੍ਧਨਂ)

੧੦੯.

ਕਾਲੋਨੁਖੋ ਵਰਪੁਰਿਸੋ’ਤਿ ਨੋ ਤਥਾ

ਸਾਮੋਨੁਖੋ ਨਪਿ ਨਨੁਮਙ੍ਗੁਰਚ੍ਛਵਿ,

ਆਸੁਂ ਤਦਾ ਕਵਿਮਤਿਕਥਾਪਰਾ ਨਰਾ

ਦਿਸ੍ਵਾ ਮਲਗ੍ਗਹਿਤਮਸੋਭਨਚ੍ਛਵਿਂ; ()

੧੧੦. ¶

ਯੇ ਸਨ੍ਤੀ ਸਮ੍ਪਤੀ ਸਮਣਾ’ਭਵੁਂ ਪੁਰੇ

ਅਤ੍ਤਨ੍ਤਪਾ ਤਪਸਿ ਅਨਾਗਤੇ ਸਿਯੁਂ,

ਤੇ ਵੇਦਨਂ ਕਟੁਕਮਿਤੋਧਿਕਂ ਕਿਮੁ

ਵੇਦੇਨ੍ਤਿ ਵੇਦਯੁ ਮਭਿਵੇਦਯਿਸ੍ਸਰੇ; ()

੧੧੧.

ਈਹਾਯ ਦੁਕ੍ਕਰਕਿਰਿਯਾਯਿ’ਮਾਯ’ਪਿ

ਨੇਵ’ਜ੍ਝਗਾ ਯਮਰਿਯਞਾਣਦਸ੍ਸਨਂ,

ਅਤ੍ਤੂਪਤਾਪਨਕਸਿਰਸ੍ਸ ਕੇਵਲਂ

ਭਾਗੀ ਭਵਿ ਅਨਰਿਯਮਗ੍ਗਗਾਮਿਸੋ; ()

੧੧੨.

ਸਂਸਾਰੇ ਸਾਤਿਸਾਰੇ ਬਰਤਰਦਰਥੇ ਸਂਸਰਂ ਸਚ੍ਚਸਨ੍ਧੋ

ਖੇਦੇਵੇਦੇਸਿ ਦੇਵਾਸਿਰਨਰਸਰਣੋਏਸਯਂਸਤ੍ਤਸਨ੍ਤਿਂ,

ਧੀਰੋਵੀਰੋਵਰੋਯੋਪਭਵਭਵਭਯੋਪਾਪਤਾਪਬ੍ਬਿਪਤ੍ਤੋ

ਆਯੋਗਂ ਯੋਗਿਯੋਗੀ ਪਰਿਹਰਿ ਹਿਰਿਮਾਏਵਮੇਵਚ੍ਛਵਸ੍ਸਂ; () (ਮੁਤ੍ਤਾਹਾਰ ਬਨ੍ਧਨਂ)

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲ ਕਵਿਜਨ ਹਕਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੁਰੇਨਿਦਾਨੇ ਮਹਾਬੋਧਿਸਤ੍ਤਸ੍ਸ ਮਹਾ ਪਧਾਨਾਨੁਯੋਗਪ੍ਪਵਤ੍ਤਿਪਰਿਦੀਪੋ ਏਕਾਦਸਮੋਸਗ੍ਗੋ.

੧. ¶

ਕਾਮਂ ਕਾਮਸੁਖਲ੍ਲਿਕਾ’ਨੁਯੋਗੋ

ਹੀਨੋ’ਨਤ੍ਥਕਰੋ’ਤ੍ਯ’ਨੇ(’ਕਰੂਪਂ),

ਚਿਨ੍ਤੇਤ੍ਵਾਨ ਤਪੋਵਨਂ ਵਿਮਾਨਾ

ਤ੍ਵਂ ਸਿਦ੍ਧਤ੍ਥੁ’ਪਗਮ੍ਮ ਕਾਹਸੇ ਕਿਂ; ()

੨. ¶

ਕੋਨਾਮ’ਨ੍ਤੁ’ਪਤਾਪਨਾ’ਨੁਯੁਤ੍ਤੋ

ਪਤ੍ਤੋ ਹੋਤਿ ਸੁਖਪ੍ਪਦਂ ਕਦਾਚਿ,

ਤਸ੍ਮਾ ਅਤ੍ਤੁ’ਪਤਾਪਨਾ’ਨੁਯੋਗੋ

ਹੀਨੋ’ਨਤ੍ਥਕਰੋ’ਤਿ ਚਿਨ੍ਤਯਸ੍ਸੁ; ()

੩.

ਅਤ੍ਤਾਨਂ ਸਯਮੇਵਮੋਵਦਿਤ੍ਵਾ

ਪਿਣ੍ਡਾਯਾ’ਨੁਘਰਂ ਚਰਿਤ੍ਵ ਲਦ੍ਧਂ,

ਭਤ੍ਤਂ ਭੁਤ੍ਤਵਤੋ ਸਕਮ੍ਹਿ ਕਾਯੇ

ਆਸੁਂ ਪਾਕਤਿਕਾਨਿ ਲਕ੍ਖਣਾਨਿ, ()

੪.

ਹੀਨਨ੍ਤਦ੍ਵਯਵਜ੍ਜਨੇਨ ਜਾਤੁ

ਞਾਣੁਕ੍ਕਂਸਗਤਮ੍ਹਿ ਤਮ੍ਹਿ ਵੀਰੇ,

ਬੋਧਾਯੂ’ਪਸਮਾਯ ਨਿਬ੍ਬਿਦਾਯ

ਉਕ੍ਕਟ੍ਠਂ ਪਟਿਪਤ੍ਤਿਮਾਚਰਨ੍ਤੇ; ()

੫. ¶

ਛਬ੍ਬਸ੍ਸਾਨ੍ਯ’ਨਿਦੁਕ੍ਕਰਂ ਕਰਿਤ੍ਵਾ

ਬੋਧਿਂ ਨਾਜ੍ਝਗਤੋ ਸੁਭੋਜਨਾਨਿ,

ਭੁਞ੍ਜਨ੍ਤੋ ਕਿਮੁ ਕੁਬ੍ਬਤੇ’ ਪਧਾਨਾ

ਵਿਬ੍ਭਨ੍ਤੋ ਇਤਿ ਪਞ੍ਚਵਗ੍ਗਿਯਾਯਂ; ()

੬.

ਮਦਦਿਤ੍ਵਾ ਸਿਕਤਂ ਸਿਨੇਹਲਦ੍ਧਾ

ਕੇਵਾ’ਸੁਂ ਸਮਣਂ ਹਿ’ਮਂ ਉਪੇਚ੍ਚ,

ਕੋ ਮੂਲ਼੍ਹੋ’ਧਿਗਮਾਧਿਗਨ੍ਤੁਮਿਚ੍ਛੇ

ਚਿਨ੍ਤੇਤ੍ਵਾ ਮਿਗਦਾਯਮੋਤਰਿਂਸੁ; ()

੭.

ਸੇਨਾਨੀਨਿਗਮੇ ਤਦਾਨਿ ਸੇਟ੍ਠਿ-

ਧੀਤਾ ਸਾਮਿਕੁਲਂ ਅਲਙ੍ਕਤਾ’ਸਿ,

ਭਾਰੇਨਾ’ਵਨਤਙ੍ਗਿਨੀ ਕੁਚਾਨਂ

ਹਂਸਿਵਾ’ਲਸਗਾਮਿਨੀ ਸੁਜਾਤਾ; ()

੮. ¶

ਜਾਤੇ ਪਤ੍ਥਿਤਪਤ੍ਥਨਾਸਮਿਦ੍ਧੇ

ਰੁਕ੍ਖਾ’ਧਿਗ੍ਗਹਿਤਾਯ ਦੇਵਤਾਯ,

ਕਾਤੁਂ ਸਾਬਲਿਕਮ੍ਮਕ ਮਾਨਯਿਤ੍ਵਾ

ਧੇਨੂ ਲਟ੍ਠਿਵਨੋਪਗਾ ਸਹਸ੍ਸਂ; ()

੯.

ਤਾਸਂ ਪਞ੍ਚਸਤਾਨਿ ਦੁਦ੍ਧਖੀਰਂ

ਪਾਯੇਤ੍ਵਾ ਕਤਪੁਨ ਯਾਵਤਾ’ਢਧੇਨੂ,

ਖੀਰਾਨਂ ਪਰਿਵਤ੍ਤਨਂ ਵਿਧਾਯ

ਪਚ੍ਚੂਸਮ੍ਹਿ ਦੁਦੋਹ ਤਾ’ਢਧੇਨੂ; ()

੧੦.

ਮਿਸ੍ਸੇਤ੍ਵਾ ਸਯਮੇਵਵ ਦੁਦ੍ਧਖੀਰਂ

ਪਾਯਾਸਂ ਪਚਿਤੁਂ ਸਮਾਰਭਿਤ੍ਥ,

ਦੇਵਾ ਤਤ੍ਥ ਸੁਧਾਰਸਂ ਖਿਪਿਤ੍ਵਾ

ਆਰਕ੍ਖਾਦਿਮਕਂਸੁ ਉਦ੍ਧਨਸ੍ਮਿਂ; ()

੧੧.

ਤਸ੍ਸਾ’ਸਿ ਹਿਮਾਵਾਚਲੋ’ਪਧਾਨਂ

ਪਲ੍ਲਙ੍ਕੋ ਪਥਵਿਤਲਂ ਅਹੂ ਚੇ,

ਹਤ੍ਥਾ ਪਚ੍ਛਿਮਪੁਬ੍ਬਸਾਗਰੇਸੁ

ਪਾਦਾ ਦਕ੍ਖਿਣਸਾਗਰੇ ਭਵਿਂਸੂ; ()

੧੨. ¶

ਉਗ੍ਗਨ੍ਤ੍ਵਾ ਤਿਣਜਾਤਿ ਨਾਹਿਰਨ੍ਧਾ

ਤਸ੍ਸਾ’ਹਚ੍ਚ ਠਿਤਾ ਨਭਂ ਅਸੇਸਂ,

ਛਾਦੇਸੁਂ ਚਰਣੁਟ੍ਠਿਤਾ’ਸ੍ਸ ਕਣ੍ਹ-

ਸੀਸਾ’ਜਾਨੁਯੁਗਾ’ਪ੍ਯ’ਕਣ੍ਹਕੀਟਾ; ()

੧੩.

ਚਤ੍ਤਾਰੋ ਸਕੁਣਾ ਚਤੁਦ੍ਦਿਸਾਹਿ

ਪਤ੍ਵਾ ਤਪ੍ਪਦਪਞ੍ਜਰਂ ਵਿਵਣ੍ਣਾ,

ਸੇਤਾ’ਸੁਂ ਪੁਥੁਮੀਲ਼੍ਹਪਬ੍ਬਤਸ੍ਸ

ਸੀਸੇ ਚਙ੍ਕਮਿ ਸੋ ਅਲਿਮ੍ਪਮਾਨੋ; ()

੧੪.

ਇਚ੍ਚੇਵਂ ਸੁਮਤਿ’ਟ੍ਠਪਾਕਦਾਨਿ

ਪਸ੍ਸਿਤ੍ਵਾ ਸੁਪਿਨਾਨਿ ਪਞ੍ਚ ਨਿਟ੍ਠਂ,

ਪਤ੍ਤੋ ਅਜ੍ਜ ਭਵਾਮਹਨ੍ਤਿ ਬੁਦ੍ਧੋ

ਨਿਗ੍ਰੋਧਂ ਸਮੁਪੇਚ੍ਚ ਸਨ੍ਨਿਸੀਦਿ; ()

੧੫. ¶

ਸੋਧੇਤਂ ਸਹਿਤਾ ਤੁ ਪੁਣ੍ਣਦਾਸੀ

ਪਚ੍ਚੂਸੇ ਵਟਮੂਲਪੁਬ੍ਬਸੇਲੇ,

ਤਂ ਲੋਕੇਕਰਵਿਂ ਵਿਰਾਜਮਾਨਂ

ਦਿਸ੍ਵਾ’ਵੋਚ ਸੁਜਾਤਮੇਤਮਤ੍ਥਂ; ()

੧੬.

ਲਕ੍ਖਗ੍ਘਂ ਹਰਿਪਾਤਿਮਾਹਰਿਤ੍ਵਾ

ਸਾ ਆਵਜ੍ਜਯਿ ਪਕ੍ਕਭਾਜਨਂ ਸੋ,

ਪਾਯਾਸੋ ਵਿਨਿਵਟ੍ਟਿਤੋ ਠਿਤੋ’ਸਿ

ਤਾਯਂ ਪੋਕ੍ਖਰਪਤ੍ਤਤੋਵ’ਤੋਯਂ; ()

੧੭.

ਸਾ ਅਞ੍ਞਾਯ ਸੁਵਣ੍ਣਪਾਤਿਯਾ ਤਂ

ਛਾਦੇਤ੍ਵਾ ਮੁਦਿਤਾ ਪਸਨ੍ਤਚਿਤ੍ਤਾ

ਗਨ੍ਤ੍ਵਾ ਮਣ੍ਡਨ ਮਣ੍ਡਿਤਾ ਸਸੀਸੇ

ਕਤ੍ਵਾ ਪੂਜਯਿ ਭੋਜਨਂ ਸੁਜਾਤਾ; ()

੧੮.

ਕਾਲਂ ਏਤ੍ਤਕਮੇਵਬੋਧਿਸਤ੍ਤਂ

ਨਾਤਿਕ੍ਕਮ੍ਮ ਵਿਧਾਤੁਦਿਨ੍ਨਪਤ੍ਤੋ,

ਸਮ੍ਪਤ੍ਤੋ’ਸਿ ਅਦਸ੍ਸਨਂ ਤਤੋ ਤਂ

ਪਾਤਿਂ ਸੋਣ੍ਣਮਯਂ ਪਟਿਗ੍ਗਹੇਤ੍ਵਾ; ()

੧੯. ¶

ਹਂਸਾਲਿਮਲਿਨੀਕਤਾਰਵਿਨ੍ਦ-

ਰੇਣੁਚ੍ਛਨ੍ਨਸੁਨੀਲਨੀਰਪੁਰਾ,

ਯਾ ਨੇਰਞ੍ਜਰਵਿਸ੍ਸੁਤਾ’ਸਿ ਤਾਯ

ਨਜ੍ਜਾਤੀਰਮਗਞ੍ਜਿ ਸਤ੍ਤਸਾਰੋ; ()

੨੦.

ਪਾਯਾਸਾਮਿਸਪੁਣ੍ਣਸੋਣ੍ਣਪਾਤਿਂ

ਕਾਸਾਵਾਨਿ ਜਿਨਙ੍ਕੁਰੋ ਠਪੇਤ੍ਵਾ,

ਤੀਰੇ ਤਾਯ ਸਵਨ੍ਤਿਯਾ ਨਹਾਤੁਂ

ਤਿਤ੍ਥਂ ਗਨ੍ਧਗਜੋਰਿਵੋ’ਤਰਿਤ੍ਥ; ()

੨੧.

ਰੋਲਮ੍ਬਾਕੁਲਨੀਲਨੀਰਜੇਹਿ

ਸੇਵਾਲੇਹਿ ਨਦੀਜਲਂ ਸੁਨਿਲਂ,

ਨਿਕ੍ਖਨ੍ਤਜ੍ਜੁਤਿਸਞ੍ਚਯੇਹਿ ਦੇਹਾ

ਓਤਿਣ੍ਣਸ੍ਸ ਜਗਾਮ ਪਿਞ੍ਜਰਤ੍ਤਂ; ()

੨੨. ¶

ਗਙ੍ਗਾਕਾਮਿਨਿ ਕਞ੍ਜਰੇਣੁਗਨ੍ਧ-

ਚੁਣ੍ਣਂ ਤੁਙ੍ਗਤਰਙ੍ਗਬਾਹੁਨਾ ਤਂ,

ਭਤ੍ਤਾਰਂ ਸਲਿਲੇਨ ਸੀਤਲੇਨ

ਮਕ੍ਖੇਤ੍ਵਾਸੁਨਹਾਪਯਨ੍ਤੀ’ਵਾ’ਸਿ; ()

੨੩.

ਤੁਲ੍ਯਂ ਤਬ੍ਬਦਨਮ੍ਬੁਜੇਨ ਲਦ੍ਧੁਂ

ਆਯਨ੍ਤਂ ਰਵਿਰਂਸਿਸਙ੍ਗਮੇਨ,

ਹਂਸਸ੍ਸੇਣਿ ਸਰੋਜਕੋਸਰਾਸਿਂ

ਸਂਦੂਸੇਸਿ ਆਵਾਰਿਯੋ ਹਿ ਪਾਕੋ; ()

੨੪.

ਤੀਰੇ ਸਾਰਸਚਕ੍ਕਵਾਕਪਕ੍ਖੀ

ਸੋਸਾਯ’ਸ੍ਸਵਿਸਾਰਿਤਂ’ਸਪਕ੍ਖਾ,

ਗਮ੍ਭੀਰਮ੍ਭਸਿ ਮਤ੍ਤਮਾਹਰਿਂਸੁ

ਮਞ੍ਞੇ ਨਿਕ੍ਕਰੁਣਾਯ ਏਤ੍ਤਕਨ੍ਤੀ; ()

੨੫. ¶

ਤੁਣ੍ਡੇ ਮਣ੍ਡਿਤਪੁਣ੍ਡਰੀਕਦਣ੍ਡੋ

ਪਕ੍ਖੇ ਕੇਰਵਪਣ੍ਡਰੇ ਪਸਾਰੀ,

ਨਾਥਸ੍ਸੁ’ਬ੍ਬਹਿ ਮਤ੍ਤਹਂਸਰਾਜਾ

ਸੇਤਚ੍ਛਤ੍ਤਵਿਭੁਤਿਮੁਤ੍ਤਮਙ੍ਗੇ; ()

੨੬.

ਵਤ੍ਤਮ੍ਹੋਜਪਲੋਭਿਤਾਲਿਚਕ੍ਕਂ

ਚਕ੍ਖਵਾਪਾਥਗਤਂ ਜਿਨਙ੍ਕੁਰਸ੍ਸ,

ਸਂਦਸ੍ਸੇਸਿ ਪਧਾਨਭੁਠਿਤਸ੍ਸ

ਨਿਲਸ੍ਮਿਂ ਕਸਿਣਮ੍ਹਿ ਭੂਤਿਭਾਰਂ; ()

੨੭.

ਵੇਯ੍ਯਾਵਚ੍ਚਕਰਾਰਿਵਾਪਗਾਯਂ

ਸੇਵਾਲਾਦਿਮਲਾਪਨੇਨ ਮੀਨਾ,

ਪਾਦਞ੍ਚਨ੍ਦਗਮੀਨਲਕ੍ਖਣਸ੍ਸ

ਤਸ੍ਸ’ਗ੍ਗੇ ਵਿਮਲਿਕਰਿਂਸੁ ਵਾਰਿਂ; ()

੨੮. ¶

ਉਤ੍ਤਿਣ੍ਣਸ੍ਸ ਵਿਸਾਲਸਾਲ਼ਸਾਖੀ-

ਸਾਖਾਹਤ੍ਥਪੁਟੇਹਿ ਪੁਞ੍ਕ੍ਨਾਯ,

ਗਤ੍ਤਂ ਮਨ੍ਦਸੁਗਨ੍ਧਗਨ੍ਧਵਾਹ-

ਵਤ੍ਥਂ ਸਾਲ਼ਵਨਙ੍ਗਨਾ ਅਦਾਸਿ; ()

੨੯.

ਲੋਕਿਨ੍ਦੋ ਪਰਿਮਣ੍ਡਲਂ ਨਿਵਤ੍ਥੋ

ਛਾਦੇਤ੍ਵਾਨ ਤਿਮਣ੍ਡਲ’ਨ੍ਤਰਿਯਂ,

ਬਨ੍ਧਿਤ੍ਵੋਪਰਿ ਕਾਯਬਨ੍ਧਨਮ੍ਪਿ

ਕਾਸਾਵਂ ਪਰਿਧਾਯਿ ਪਂਸੁਕੂਲਂ; ()

੩੦.

ਪਾਯਾਸਸ੍ਸ ਨਿਰੂਦਕਸ੍ਸ ਊਨ-

ਪਞ੍ਞਾਸਪ੍ਪਮਿਤੇ ਵਿਧਾਯ ਪਿਣ੍ਡੇ,

ਪਾਚੀਨਾਭਿਮੁਖੋ ਨਿਸਜ੍ਜ ਨਜ੍ਜਾ

ਤੀਰੇ ਤਾਯ ਅਕਾਸਿ ਭਤ੍ਤਕਿਚ੍ਚਂ; ()

੩੧. ¶

ਪਾਯਾਸੋ ਮਧੁਰੋ’ਯਮਸ੍ਸ ਸਤ੍ਤ-

ਸਤ੍ਤਾਹਂ ਪਟਿਵਿਦ੍ਧਬੋਧਿਨੋ ਹਿ,

ਓਜਾਸਮਫਰਣਾਯ ਠਾਨਮਾਸਿ

ਤਸ੍ਮਾ ਸੋ ਪਵਿਹਾਸਿ ਨਿਬ੍ਬਿਹੇਸਂ; ()

੩੨.

ਬੁਜ੍ਝੇਯ੍ਯਂ ਯਦਿ ਬੋਧਿਮਜ੍ਜ ਸੋਹਂ

ਉਦ੍ਧਂਸੋਤਮਯਂ ਸੁਵਣ੍ਣਪਾਤਿ,

ਗਙ੍ਗਾਯਂ ਖਿਪਕਿ ਗਚ੍ਛਤੂਤਿ ਵਤ੍ਵਾ

ਧੀਮਾ ਦਕ੍ਖਿਣਹਤ੍ਥਗਂ ਤਮਗ੍ਘਂ; ()

੩੩.

ਸੋਤਂ ਭਿਨ੍ਦਿਯ ਸਾ ਸਵਨ੍ਤਿਮਜ੍ਝੇ

ਠਤ੍ਵਾ ਪਾਤਿ ਯਤੋ ਅਸੀਤਿਹਤ੍ਥਂ,

ਉਦ੍ਧਂਸੋਤਮੁਪੇਚ੍ਚ ਸਨ੍ਨਿਮੁਜ੍ਜਿ

ਤਸ੍ਮਾ ਸੋ’ਪਿ ਨਿਮੁਜ੍ਜਿ ਪੀਤਿਨਜ੍ਜਂ; ()

੩੪.

ਨਾਗਾਨਂ ਭਵਨਂ ਉਪੇਚ੍ਚ ਤਿਣ੍ਣਂ

ਬੁਦ੍ਧਾਨਂ ਪਨਿਮਮ੍ਹਿ ਭਦ੍ਦਕਪ੍ਪੇ,

ਸਾਪਾਤਿਪਰਿਭੁਤ੍ਤਸੋਣ੍ਣਪਾਤਿ

ਘਟ੍ਟੇਤ੍ਵਾਨ ਠਿਤਾ ਕਤਾਨੁਰਾਵਾ; ()

੩੫.

ਤਂ ਦੀਘਾਯੁਕਕਾਲਨਾਗਰਾਜਾ

ਸੁਤ੍ਵਾ ਸਦ੍ਦਮਥਜ੍ਜਪੇ’ਕਬੁਦ੍ਧੋ,

ਉਪ੍ਪਨ੍ਨੋਤਿ ਜਿਨਂ ਅਭਿਤ੍ਥਵਨ੍ਤੋ

ਅਟ੍ਠਾਸਿ ਥੁਤਿਗੀਤਿਕਾਸਤੇਹਿ; ()

੩੬.

ਛਾਯਾਬਦ੍ਧਵਿਸਾਲਸਾਲ਼ਸਾਲਂ

ਪਤ੍ਵਾਸਾਲ਼ਵਨਂ ਨਦੀਸਮੀਪੇ,

ਆਜੀਵਟ੍ਠਮਸੀਲਸਂਵਰੇਨ

ਆਦੋਯੇਵ ਵਿਸੁਦ੍ਧਕਾਯਵਾਚੋ; ()

੩੭.

ਕਤ੍ਵਾਟ੍ਠਾਰਸਪਿਟ੍ਠਿਕਣ੍ਟਕਾਨਂ

ਕੋਟੀਨਂਪਟਿਪਾਦਨਂ ਕਮੇਨ,

ਪਲ੍ਲਙ੍ਕਸ੍ਸਨਿਸਜ੍ਜਬਨ੍ਧਨੇਨ

ਕਮ੍ਮਟ੍ਠਾਨਸਤਿਂ ਉਪਟ੍ਠਪੇਤ੍ਵਾ; ()

੩੮. ¶

ਆਨਾਪਾਨਸਤਿਂਪਰਿਗ੍ਗਹੇਤ੍ਵਾ

ਨਿਬ੍ਬਤ੍ਤੇਸਿਮਲਗ੍ਗਹੀਤਪੁਬ੍ਬੇ,

ਰੂਪਾਰੂਪਸਮਾਧਯੋ’ਟ੍ਠਪਞ੍ਚਾ-

ਭਿਞ੍ਞਾਯੋ ਵਸਿਤਾਚ ਸੋ ਵਸੀਸੋ ()

੩੯.

ਝਾਨਸ੍ਸਾਦਰਤੋ ਦਿਵਾਵਿਹਾਰਂ

ਕਤ੍ਵਾ ਸਾਲ਼ਵਨੇ ਸੁਰਾਸੁਰੇਹਿ,

ਧੀਰੋ ਮਗ੍ਗਮਲਙ੍ਕਤਂ ਕਰੀਵ

ਗਨ੍ਤੁਂ ਓਤਰਿਯਤ੍ਰਬੋਧਿਮੂਲਂ; ()

੪੦.

ਲਾਜਾਦੀਕੁਸੁਮੇਹਿਵਿਪ੍ਪਕਿਣ੍ਣੋ

ਮੁਤ੍ਤਾਪਣ੍ਡਰਵਾਲ਼ੁਕਾਤ੍ਥਤੋ ਸੋ,

ਮਗ੍ਗੋ ਤੁਙ੍ਗਤਰਙ੍ਗ ਭਙ੍ਗਹਾਰਿ

ਲਕ੍ਖੀਵਾਸਪਯੋਦਧੀਰਿ’ਵਾ’ਸਿ; ()

੪੧. ¶

ਮਜ੍ਝਾ’ਰੋਪਿਤਪਙ੍ਕਜਾਭਿਰਾਮਂ

ਮੁਤ੍ਤਾਦਾਮਸਮਾਕੁਲਂ ਸਮਨ੍ਤਾ,

ਕਣ੍ਣੋਲਮ੍ਬਸੁਵਣ੍ਣਘਣ੍ਟਮਸ੍ਸ

ਦੇਟਾ ਦਿਬ੍ਬਵਿਤਾਨ ਮੁਕ੍ਖਿਪਿਂਸੁ; ()

੪੨.

ਲੋਕਤ੍ਥਂ ਕਰਣਾਯ ਚੋਦਿਤਸ੍ਮਿਂ

ਤਸ੍ਮਿਂ ਲੋਕਦਿਵਾਕਰੇ’ਕਵੀਰੇ,

ਗਚ੍ਛਨ੍ਤੇ ਸਹਜਾਤਬੋਧਿਮੂਲਂ

ਆਲੋਕੋ ਉਦਪਾਦਿ ਸਬ੍ਬਲੋਕੇ; ()

੪੩.

ਆਯਨ੍ਤਂ ਤਿਣ੍ਹਾਰਕੋ ਪਥਮ੍ਹਿ

ਦਿਸ੍ਵਾ ਸੋਤ੍ਥਿਯਨਾਮਭੂਸੁਰੋ ਤਂ,

ਪਾਦਾਸਿ ਤਿਣਮੁਟ੍ਠਿਯੋ’ਟ੍ਠਮਤ੍ਤਾ

ਨਾਥੋ ਤਾਨਿ ਤਿਣਾਨਿ ਸਮ੍ਪਟਿਚ੍ਛਿ; ()

੪੪. ¶

ਵਤ੍ਤਤ੍ਤੇ ਵਰਪਾਟਿਹਾਰਿਯਮ੍ਹਿ

ਮਗ੍ਗੇ ਗਨ੍ਧਗਜੋ’ਚ ਜਮ੍ਹਮਾਨੋ,

ਸਮ੍ਪਤ੍ਤੋ ਕਰੁਣਾਕਲਤ੍ਤਭਤ੍ਤਾ

ਸਮ੍ਬੋਧਾਧਿਗਮਾਯ ਬੋਧਿਮੂਲਂ; ()

੪੫.

ਤਸ੍ਸੋਸੀਦਠਿਤਂ’ਵ ਚਕ੍ਕਵਾਲ਼ਂ

ਹੇਟ੍ਠਾ ਦਕ੍ਖਿਣਤੋ’ਤ੍ਤਰਾਨਨਸ੍ਸ,

ਪਞ੍ਞਾਯੁ’ਤ੍ਤਰਚਕ੍ਕਵਾਲ਼ਮੁਦ੍ਧਂ

ਲਙ੍ਘਿਤ੍ਵਾਨਠਿਤਂ’ਵ ਆਭਵਗ੍ਗਂ; ()

੪੬.

ਏਵਂ ਪਚ੍ਛਿਮਮੁਤ੍ਤਰਂ ਦਿਸਮ੍ਪਿ

ਅਟ੍ਠਾਨਨ੍ਤਿ ਪਦਕ੍ਖਿਣਂ ਕਰੋਨ੍ਤੋ,

ਗਨ੍ਤ੍ਵਾ ਠਾਨਵਰਂ ਪੁਰਤ੍ਥਿਮਸ੍ਮਿਂ

ਅਟ੍ਠਾਸਿ ਵਸਿ ਪਚ੍ਛਿਮਾਨਨੋ ਸੋ; ()

੪੭. ¶

ਧੀਮਾ ਦਕ੍ਖਿਣਪਾਣਿਪਲ੍ਲਵੇਨ

ਅਗ੍ਗੇ ਤਾਨਿ ਤਿਣਾਨਿ ਸਤ੍ਥਰੀ ਸੋ,

ਤਮ੍ਹਾ ਚੁਦ੍ਦਸਹਤ੍ਥਮੁਪ੍ਪਤਿਤ੍ਵਾ

ਪਲ੍ਲਙ੍ਕੋ ਸਮਲਙ੍ਕਰੀ ਦੁਮਿਨ੍ਦਂ; ()

੪੮.

ਦਕ੍ਖੋ ਕਾਰੁਪਵੀਣਚਿਤ੍ਤਕਾਰੋ

ਕਾਤੁਂ ਵਾ’ਲਿਖਿਤੁਂ ਯਥਾਨਸਕ੍ਕਾ,

ਅਟ੍ਠਂਸੁ ਹਰਿਤਾਨਿ ਸਨ੍ਥਤਾਨਿ

ਏਵਂ ਤਾਨਿ ਤਿਣਾਨਿ ਉਪ੍ਪਤਿਤ੍ਵਾ; ()

੪੯.

ਮਂਸਾਦੀ ਉਪਸੁਸ੍ਸਰੇ ਨਹਾਰੂ

ਅਟ੍ਠੀਚੇਪ੍ਯਵਸਿਸ੍ਸਰੇ ਸਰੀਰੇ;

ਮੁਞ੍ਚੇਯ੍ਯਂ ਚਤੁਰਾਸਵੇਹਿ ਯਾਵ

ਭਿਨ੍ਦਿਸ੍ਸਾਮਿ ਨਤਾਵਿਮਂ ਅਹਨ੍ਤਿ; ()

੫੦. ¶

ਦਲ਼੍ਹਂ ਚਿਨ੍ਤਿਯ ਦਲ਼੍ਹਮਾਨਸੋ ਸੋ

ਪਾਚੀਨਾਭਿਮੁਖੋ ਦੁਮਿਨ੍ਦਬਨ੍ਧਂ;

ਕਤ੍ਵਾ ਪਿਟ੍ਠਿਗਤਂ ਨਿਸੀਦਿ ਬੋਧਿ-

ਪਲ੍ਲਙ੍ਕਮ੍ਹਿ ਯੁਗਨ੍ਧਰੇ ਰਵੀ’ਵ; ()

੫੧.

ਲੋਕੇਸੋ ਸਸਿਮਣ੍ਡਲਾਵਭਾਸਂ

ਸੇਤਚ੍ਛਤ੍ਤਮਧਾਰਯੀ ਤਦਞ੍ਞੇ,

ਸੁਦ੍ਧਾਵਾਸਤਲਟ੍ਠਦੇਵਤਾ ਤਂ

ਪੂਜੇਸੁਂ ਮਕੁਟਪ੍ਪਿਤਞ੍ਜਲੀਹਿ; ()

੫੨.

ਯੇ ਰੂਪਾਵਚਰੇ ਵਸਨ੍ਤਿ ਦੇਵਾ

ਤੇ ਚ’ਞ੍ਞਤ੍ਰ ਅਸਞ੍ਞਸਤ੍ਤਦੇਵੇ,

ਸਮ੍ਪਤ੍ਵਾ ਵਜਿਰਾਸਨੇ ਨਿਸਿਨ੍ਨਂ

ਪੂਜੇਸੁਂ ਕੁਸੁਮਾਕੁਲਞ੍ਜਲੀਹਿ ()

੫੩. ¶

ਏਕਚ੍ਚੇ ਪਰਨਿਮ੍ਮਿਤਾਦਿਲੋਕਾ

ਪਤ੍ਵਾ ਭਤ੍ਤਿਭਰਾ’ਮਰਾ ਮਹਿਂਸੁ,

ਪੂਜਾਭਣ੍ਡਸਮਾਭਿਕਿਣ੍ਣਹਤ੍ਥਾ

ਮਾਰਾਰਿਂ ਤਹਿਮਾਪ ਪਾਪਿਮਾ ਕਿਂ; ()

੫੪.

ਯੇ ਨਿਮ੍ਮਾਣਰਤਿਮ੍ਹਿ ਨਿਜ੍ਜਰਾ ਤੇ;

ਪਤ੍ਵਾ ਗਨ੍ਧਕਰਣ੍ਡਮਣ੍ਡਲੇਹਿ,

ਸਮ੍ਪੂਜੇਸੁਮਲਙ੍ਕਤਙ੍ਘਿਪੀਠਂ

ਨਂ ਸੇਟ੍ਠਂ ਵਿਜਯਾਸਨੋਪਵਿਟ੍ਠਂ; ()

੫੫.

ਅਟ੍ਠਾਸਿ ਤੁਸਿਤਾਲਯਾ ਸਸੇਨੋ

ਪਤ੍ਵਾ ਸਨ੍ਤੁਸਿਤਵ੍ਹਦੇਵਰਾਜਾ,

ਵਿਜੇਨ੍ਤੋ ਹਰਿਮੋਰ ਪਿਞ੍ਛਪੁਞ੍ਜ-

ਸੋਭਂ ਕਞ੍ਚਨਤਾਲਵਣ੍ਟਪਨ੍ਤਿਂ; ()

੫੬.

ਪਤ੍ਵਾ ਯਾਮਸੁਰਾਲਯਾ ਸਸੇਨੋ

ਸਂਵਿਜੇਸਿ ਸੁਯਾਮ ਦੇਵਰਾਜਾ,

ਧੀਰਂ ਸੋਣ੍ਣਪਣਾਲ਼ਿਕਾਨਿਪਾਤ-

ਧਾਰਾਸਨ੍ਨਿਭਚਾਰੁਚਾਮਰੇਹਿ; ()

੫੭. ¶

ਦੇਵਿਨ੍ਦੋ ਵਿਜਯੁਤ੍ਤਰਾਖ੍ਯਸਙ੍ਖਂ

ਵੀਸਂ ਹਤ੍ਥਸਤਂ ਧਮੀਤਦਞ੍ਞੇ,

ਪੂਜੇਸੁਂ ਤਮੁਪੇਚ੍ਚ ਕੋਵਿਲ਼ਾਰ-

ਪੁਪ੍ਫਾਦੀਹਿ ਚ ਤਾਵਤਿਂਸਦੇਵਾ; ()

੫੮.

ਯਕ੍ਖਾਦੀਹਿ ਪੁਰਕ੍ਖਤਾ’ਪਿ ਦੇਵ-

ਰਾਜਾਨੋ ਚਤੁਰੋ ਚਤੁਦ੍ਦਿਸਾਸੁ,

ਰਕ੍ਖਂ ਸਂਵਿਦਹਿਂਸੁ ਦੇਵਲੋਕਾ

ਤਂ ਪਤ੍ਵਾਨ ਵਿਨਟ੍ਠਲੋਮਹਟ੍ਠਂ; ()

੫੯.

ਵਾਦੇਨ੍ਤੋ ਸਰਮਣ੍ਡਲਂ ਵਿਧਾਯ

ਵੀਣਂ ਪਞ੍ਚਸਿਖੋ’ਪਿ ਬੇਲ਼ੁਵਾਖ੍ਯਂ,

ਤਂ ਸਮ੍ਪੂਜਯਿ ਕਾਲਨਾਗਰਾਜਾ

ਥੋਮੇਨ੍ਤੋ ਥੁਤਿਗੀਤਿਕਾਸਤੇਹਿ; ()

੬੦. ¶

ਏਵਂ ਕਾਹਲ਼ਭੇਰਿਸਙ੍ਖਵੀਣਾ-

ਘਣ੍ਟਾਵੀਜਨਿਛਤ੍ਤਚਾਮਰੇਹਿ,

ਨਚ੍ਚਾਦੀਹਿਚਲਾਜਪਞ੍ਚਮੇਹਿ

ਦੀਪਦ੍ਧੁਪਧਜੇਹਿ ਮਾਨਯੁਂ ਤਂ; ()

੬੧.

ਸਿਦ੍ਧਤ੍ਥੋ ਪਟਿਸਿਦ੍ਧਮਾਰਧੇਯ੍ਯੋ

ਕਤ੍ਤੁਂ ਅਤ੍ਤਵਸੇ ਸਦੇਵਲੋਕਂ,

ਸੁਤ੍ਵਾ ਵਾਯਮਤੀਤਿ ਬੋਧਿਮਣ੍ਡੇ

ਮਾਰੋ ਤਤ੍ਰ ਸਮਾਰਭਿਤ੍ਥਗਨ੍ਤੁਂ; ()

੬੨.

ਤਸ੍ਮਿਂ ਖੋ ਸਮਯੇ ਭਯਾਵਹਾਨਿ

ਮਾਰਸ੍ਸੋ’ਤਰਣਾਯ ਕਾਰਣਾਨਿ,

ਚਕ੍ਖਚਾਪਾਥਗਤਾਨਿ ਦੁਨ੍ਨਿਮਿਤ੍ਤ-

ਰੂਪਾਦੀਨਿ ਤਿਲੋਕਲੋਚਨਸ੍ਸ; ()

੬੩. ¶

ਸੁਕ੍ਖ’ਮ੍ਹੋਧਰਰਾਵਭੇਰਿਰਾਵ-

ਵਿਪ੍ਫਾਰਾਬਧਿਰੀਕਤਮ੍ਬਰਮ੍ਪਿ,

ਭੀਮਂ ਵਿਜ੍ਜੁਲਤਾ’ਸਿਘਟ੍ਟਣੇਹਿ

ਮਾਰਸ੍ਸਾ’ਹਵਮ੍ਬ੍ਡਲਾਭਮਾਹ; ()

੬੪.

ਮਾਰਸ੍ਸਾ’ਗਮਨਞ੍ਜਸੇ ਰਜੋਵ

ਵਾਜੀਨਂ ਖੁਰਘਟ੍ਟਣੇਨ ਜਾਤੋ,

ਉਕ੍ਕਾਪਾਤਸਤਂ ਜਨੇਸਿ ਤਸ੍ਸ

ਚਕ੍ਖਵਾਨਿਟ੍ਠਫਖਲਂ ਦਿਸਾਸੁ ਡਾਹੋ; ()

੬੫.

ਵੇਹਾਸੇ ਵਿਚਰੁਂ ਕਬਨ੍ਧਰੂਪਾ

ਕਾਕੋਲਾ ਬਲਿਪੁਟ੍ਠਵਾਯਸਾਰੀ,

ਉਨ੍ਨਾਦਿਂਸੁ ਖਰਾਨਿਲੋ ਪਵਾਯੀ

ਅਬ੍ਭੁਟ੍ਠਾਸਿ ਰਜੋ ਦਿਸਾਸੁ ਧੂਮੋ; ()

੬੬.

ਆਲੋਕੋ ਵਿਗਤੋ ਘਣਨ੍ਧਕਾਰੋ

ਓਤਿਣ੍ਣੋ ਮਹਿਕਾਸਮਾਭਿਕਿਣ੍ਣੋ,

ਆਕਾਸੋ ਪਥਵਿ ਭੂਸਂ ਪਕਮ੍ਪਿ

ਮੇਘਚ੍ਛਨ੍ਨਦਿਨਂ ਦਿਨਂ ਬਭੂਵ; ()

੬੭. ¶

ਸਿਦ੍ਧਤ੍ਥਞ੍ਹਿ ਅਸਿਦ੍ਧਮਤ੍ਥਮੇਤਂ

ਕਾਤੁਂ ਅਸ੍ਸਵਮਾਰਕਿਙ੍ਕਰਾਮੇ,

ਵਤ੍ਵੇ’ਥਾ’ਤਿ ਪਜਾਪਤੀ ਸਸੇਨੋ

ਤਤ੍ਥੇਵ’ਨ੍ਤਰਧਾਯਿ ਤਾਵਦੇਵ; ()

੬੮.

ਸਾ ਸੇਤਾ ਪੁਰਤੋ ਪਜਾਪਤਿਸ੍ਸ

ਆਸੀ ਬਾਰਸਯੋਜਨਂ ਵਿਨਦ੍ਧਾ,

ਏਵਂ ਦਕ੍ਖਿਣਵਾਮਨੋ ਚ ਲੋਕ-

ਧਾਤ੍ਵਨ੍ਤਾਵਧੀਮਾਸਿ ਪਚ੍ਛਤੋ’ਪਿ; ()

੬੯.

ਉਦ੍ਧਂ ਸਾ ਨਵਯੋਜਨਪ੍ਪਮਾਣਾ

ਸਦ੍ਦੋ ਭੂਮਿਵਿਦਾਰਣੋਰਿ’ਵਾ ਸਿ,

ਸੋ’ਪਡ੍ਢਂ ਸਤਯੋਜਨਂ ਬਭੂਵ

ਉਚ੍ਚਂ ਸੋ ਗਿਰਿਮੇਖਲੋ ਗਜਿਨ੍ਦੋ; ()

੭੦. ¶

ਨਾਹੇਸੁਂ ਪਰਿਸਾਸੁ ਨਿਮ੍ਮਿਤਾਸੁਂ

ਦ੍ਵੇਯੋਧਾ ਸਦਿਸਾਯੁਧਾਦਧਾਨਾ,

ਤਬ੍ਯਾਸੇਨ ਅਲਞ੍ਹਿ ਲੋਮਹਂਸੋ

ਯਸ੍ਸਾ’ਨੁਸ੍ਸਰਣੇਨ ਚੇ ਸਿਯਾ ਮੇ; ()

੭੧.

ਮਾਪੇਤ੍ਵਾ ਸਹਸਾ ਸਹਸ੍ਸਬਾਹੁਂ

ਗਣ੍ਹਿਤ੍ਵਾ ਵਿਵਿਧਾਯੁਧਾਨਿ ਤੇਹਿ,

ਆਰੂਲ਼੍ਹੋ ਗਿਰਿਮੇਖਲਂ ਸਸੇਨੋ

ਮਾਰੋ ਪਾਤੁਰਹੋਸਿ ਬਦ੍ਧਵੇਰੋ; ()

੭੨.

ਦੇਵੇਸੋ ਯਸਸਾ ਸਮਂ ਸਕੇਨ

ਸੇਤਚ੍ਛਤ੍ਤ ਮਗਞ੍ਛਿ ਸਂਹਰਿਤ੍ਵਾ,

ਦੇਵੇਸੋ ਯਸਸਾ ਸਮਂ ਸਕੇਨ

ਸਙਕ੍ਖਂ ਪਿਟ੍ਠਿਗਤਂ ਵਿਧਾਯ ਧਾਵੀ; () (ਯਮਕਬਨ੍ਧਨਂ)

੭੩. ¶

ਸਙ੍ਕੋਚਾ’ਨਨਕਾਹਲੋ ਜਗਾਮ

ਪਾਤਾਲਂ ਖਲੁ ਕਾਲਨਾਗਰਾਜਾ,

ਵੀਣਾਦੋਣਿਸਖੋ ਸਖਾਨਪੇਖੋ

ਤਮ੍ਹਾ ਪਞ੍ਚਸਿਖੋ ਕਲਹੁਂ ਪਲਾਯਿ; ()

੭੪.

ਦਿਸ੍ਵਾ ਮਾਰਬਲਂ ਸਮੋਸਰਨ੍ਤਂ

ਸਮ੍ਪਤ੍ਤਾ ਜਨਤਾ ਪਲਾਯਿ ਭੀਤਾ,

ਸੋਸੀਹੋ’ਵ ਵਿਹਾਸਿ ਸਕ੍ਯਸੀਹੋ

ਏਕੋ ਕਮਾਰਕਰਿਨ੍ਦਕੁਮ੍ਹਭੇਦੀ; ()

੭੫.

ਪਸ੍ਸਿਤ੍ਵਾ’ਧਰਕਨ੍ਤਿਭਾਰਮਸ੍ਸ

ਵਤ੍ਤਮ੍ਹੋਰੁਹ ਮਿਨ੍ਦਿਰਾਵਿਹਾਰਂ,

ਸਿਦ੍ਧਤ੍ਥੇਨ ਸਮੋ ਨਚਤ੍ਥਿ ਲੋਕੇ

ਇਚ੍ਚੇਵਂ ਕਲਿਮਾ’ਹ ਮਾਰਸੇਨਂ; ()

੭੬. ¶

ਏਤਸਸਾ’ਭਿਮੁਖਾ ਮਯਂ ਕਦਾਚਿ

ਨੋਸਕ੍ਕੋਮ’ਭਿਯੁਜ੍ਝਿਤੁਨ੍ਤਿ ਤਾਤਾ,

ਵਤ੍ਵਾ ਉਤ੍ਤਰਪਸ੍ਸਤੋ ਸਮਾਰੋ

ਖਨ੍ਧਾਵਾਰਮਬਨ੍ਧਿ ਬਦ੍ਧਵੇਰੋ;

੭੭.

ਦਿਸ੍ਵਾ’ਜ੍ਝੋਤ੍ਥਰਮਾਨਮਾਰਸੇਨਂ

ਆਰਕ੍ਖਾਵਰਣਂ ਥਿਰਂ ਵਿਧਾਯ,

ਖਨ੍ਧਾਵਾਰਮਬਨ੍ਧਿ ਸੋਪਿ ਵੀਰੋ

ਜੇਤੁਂ ਤਂ ਦਸਪਾਰਮੀ ਭਟੇਹਿ; ()

੭੮.

ਮਾਰੋ ਭੁਧਰਮੇਰੁਚਕ੍ਕਵਾਲ਼ੇ

ਰੁਕ੍ਖਾਦੀਨਿ ਵਿਚੁਣ੍ਣਿਤੁਂ ਸਮਤ੍ਥਂ,

ਖੋਭੇਤ੍ਵਾ ਭੁਵਨਤ੍ਤਯਂ ਦਿਸਾਸੁ

ਉਟ੍ਠਾਪੇਸਿ ਸਮੀਰਣਂ ਸੁਘੋਰਂ; ()

੭੯.

ਵਾਤੋ ਪਾਰਮਿਧਾਮਵਾਰਿਤੋ ਸੋ

ਨਿਤ੍ਤੇਜਂ ਪਲਯਾਨਿਲਸ੍ਸਮੋਪਿ,

ਪਤ੍ਤੋ ਚਾਮਰਮਨ੍ਦਮਾਰੁਤੋਵ

ਤਨ੍ਦੇਹੋਤੁਪਰਿਸ੍ਸਮਂ ਜਹਾਸਿ; ()

੮੦. ¶

ਧਾਰਾਵੇਗਵਿਹਿਨ੍ਨਭੂਮਿਭਾਗਂ

ਗਮ੍ਭੀਰਾ’ਸਨਿਰਾਵਨਿਬ੍ਭਰਾ’ਘਂ,

ਮਾਰੋ ਮਾਪਯਿ ਤੁਙ੍ਗਵੀਚਭਙ੍ਗਂ

ਵਸ੍ਸੋਘਂ ਪਰਿਪਾਤਰੁਕ੍ਖਸੇਲਂ; ()

੮੧.

ਵੀਰੋ ਪਾਰਮਿਪਾਲ਼ਿਬਨ੍ਧਨੇਨ

ਰਕ੍ਖਂ ਬਨ੍ਧਿ ਨਿਜਨ੍ਤਭਾਵਖੇਤ੍ਤੇ,

ਤੇਨੋ’ਘੋ ਵਿਪਥਙ੍ਗਮੋ ਵਿਪਕ੍ਖ-

ਸੇਨਾਯਾ’ਸਿ ਪਵਾਹਣੇ ਨਿਦਾਨਂ; ()

੮੨.

ਤੇਜੋਖਣ੍ਡਸਮਾਨਮਤ੍ਤਨੋ ਸੋ

ਤਤ੍ਤਂ ਪਜ੍ਜਲਿਤਂ ਸਜੋਤਿਭੂਤਂ,

ਮਾਪੇਤ੍ਵੋ’ਪਲਵਸ੍ਸਮਪ੍ਪਸਯ੍ਹਂ

ਝਾਪੇਤੁਂ ਤਮੁਪਕ੍ਕਮਿਤ੍ਥ ਮਾਰੋ; ()

੮੩. ¶

ਮਾਰਸ੍ਸੇਵ ਪਤਨ੍ਤਮੁਤ੍ਤਮਙ੍ਗੇ

ਘੋਰਂ ਪਾਰਮਿਵਾਯੁਵੇਗਰੁਦ੍ਧਂ,

ਤਂਵਸ੍ਸਂ ਵਜਿਰਾਸਨੂਪਚਾਰੇ

ਪੂਜਾਪੁਪ੍ਫਗੁਲ਼ਤ੍ਤਨਂ ਜਗਾਮ; ()

੮੪.

ਅਸ੍ਸਦ੍ਧੋ ਵਿਸਦਿਦ੍ਧਤਿਣ੍ਹਧਾਰਂ

ਆਦਿਤ੍ਤਂ ਪਿਹਿਤਮ੍ਬਰੋ’ਦਰਂ ਸੋ,

ਮਾਪੇਸਿ ਅਸਿਸਤ੍ਤਿਤੋਮਰਾਦਿ-

ਵਸ੍ਸਂ ਸਬ੍ਬਦਿਸਾਨਿਪਾਤਮਾਨਂ; ()

੮੫.

ਤਸ੍ਮਿਂ ਪਾਰਮਿਵਮ੍ਮਵਮ੍ਮਿਤਸ੍ਮਿਂ

ਵਿਸ੍ਸਟ੍ਠਾ’ਯੁਧਵੁਟ੍ਠਿ ਕੁਣ੍ਠਿਤਗ੍ਗਾ,

ਪਤ੍ਵਾ ਸਮ੍ਪਤਿ ਪੁਪ੍ਫਵੁਟ੍ਠਿਭਾਵਂ

ਤਪ੍ਪਾਦਾਸਨਮਤ੍ਥਕੇ ਪਪਾਤ; ()

੮੬. ¶

ਮਾਰੋ ਵਿਚ੍ਚਿਟਚਿਚ੍ਚਿਟਾਯਮਾਨਂ

ਸਂਵਟ੍ਟਾਨਲਖਣ੍ਡਵਿਬ੍ਭਮਂ ਸੋ,

ਵਸ੍ਸਙ੍ਗਾਰਮਯਂ ਸਵਿਪ੍ਫੁਲਿਙ੍ਗਂ

ਉਟ੍ਠਾਪੇਸਿ ਪਲਾਸਪਕੁਪ੍ਫਵਣ੍ਣਂ; ()

੮੭.

ਖਿਪ੍ਪਂਪਾਰਮਿਮਨ੍ਤਜਪ੍ਪਨੇਨ

ਅਙ੍ਗਾਰਾਨਿਨਿਵਾਰਿਤਾਨਿਤਾਨਿ,

ਤਂਬੁਦ੍ਧਙ੍ਕੁਰਪੁਣ੍ਣਚਨ੍ਦਬਿਮ੍ਬਂ

ਸੇਵਨ੍ਤਾਨਿਵਿਕਿਣ੍ਣਭਾਨਿਵਾਸੁਂ; ()

੮੮.

ਭਸ੍ਮੀਕਾਤੁਮਲਨ੍ਤਿਮਾਰਵੇਰਿਂ

ਧੂਮਾਕਿਣ੍ਣਮਨਿਗ੍ਗਤਗ੍ਗਿਜਾਲਂ,

ਮਾਰੋਭੇਰਵਰਾਵਮੁਸ੍ਸਦਾਭ-

ਮਬ੍ਭੁਟ੍ਠਾਪਯਿਖਾਰਭਸ੍ਮਵਸ੍ਸਂ; ()

੮੯.

ਸੇਤਾਮੁਦ੍ਧਨਿਵਿਪ੍ਪਕਿਣ੍ਣਭਸ੍ਮਿਂ

ਤਂਵਸ੍ਸਂਚਿਤਪਾਰਮੀਬਲੇਨ,

ਪਤ੍ਵਾਚਨ੍ਦਨਗਨ੍ਧਚੁਣ੍ਣਭਾਵਂ

ਮਾਰਾਰਿਸ੍ਸਪਪਾਤਪਾਦਮੂਲੇ; ()

੯੦. ¶

ਅਸ੍ਮਿਂ ਗੁਵਲਯਾਲਵਾਲ਼ਗਬ੍ਭੇ

ਸਮ੍ਪਾਤਾਨਲਦਡ੍ਢਵਣ੍ਣੁਧਾਰਂ,

ਉਤ੍ਤਾਸਾਵਹਮਤ੍ਤਨੋ’ਪਿ ਕਣ੍ਹੋ

ਵਸ੍ਸਾਪੇਸਿ ਉਲ਼ਾਰਵਣ੍ਣੁਵਸ੍ਸਂ; ()

੯੧.

ਦਿਸ੍ਵਾ’ਙਕ੍ਘੀਨਖਰਾਲਿਰਂਸਿਗਙ੍ਗਾ-

ਤੀਰੁਸ੍ਸਾਰਿਤਵਣ੍ਣੁਰਾਸਿ ਮਸ੍ਸ,

ਅਙ੍ਗਾਰੋ’ਵ’ਧਿਕੋਧਪਾਵਕੇਨ

ਕਣ੍ਹੋ ਕਣ੍ਹਤਰੋ’ਸਿ ਝਾਪਿਤਤ੍ਤੋ; ()

੯੨.

ਧੂਪਾਯਨ੍ਤਮਵੀਚਿਮਚ੍ਚਿਮਨ੍ਤਂ

ਸਮ੍ਫੁਟ੍ਠਂ ਘਨਫੇਣਣਬੁਬ੍ਬੁਲੇਹਿ,

ਵਸ੍ਸਂ ਪਙ੍ਕਮਯਂ ਭੁਸਂ ਨਿਮੁਗ੍ਗੋ

ਮਾਰੋ ਮਾਪਯਿ ਪਞ੍ਚਕਾਮਪਙ੍ਕੇ; ()

੯੩. ¶

ਤਸ੍ਮਿਂਪਾਰਮਿਸਤ੍ਤੀਸਿਤਿਭੂਤੇ

ਪਙ੍ਕੇ ਚਨ੍ਦਨਪਙ੍ਕਭਾਵਯਾਤੇ,

ਮਾਰੋ ਪਸ੍ਸਿਯ ਫੁਲ੍ਲਪਙ੍ਕਜਾਹਂ

ਕੋਪਾ ਪਙ੍ਕਹਤਾਨਨੋਰਿਵਾਸਿ; ()

੯੪.

ਮਾਰਾਰਿਂ ਇਮਿਨਾ ਹਨਾਮਹਨ੍ਤੀ

ਸੋ ਲੋਕਨ੍ਤਰਿਯਨ੍ਧਕਾਰਘੋਰਂ,

ਮਾਰੋ ਸੂਵਿਵਿਦਾਰਿਯਂ ਦਿਸਾਸੁ

ਉਟ੍ਠਾਪੇਸਿਘਨਨ੍ਧਕਾਰਖਨ੍ਧਂ; ()

੯੫.

ਸੋ’ਯਂ ਪਾਰਮਿਜਾਤਰਂਸਿਜਾਲ-

ਭਿਨ੍ਨਾ’ਸੇਸਤਮੋਜਿਨਙ੍ਕੁਰੇਣੋ,

ਪਲ੍ਲਙ੍ਕੋਦਯਪਬ੍ਬਤੋਦਿਤੋ’ਸਿ

ਕਾਮਂ ਮਾਰਤੁਸਾਰਸੋਸਨਾਯ; ()

੯੬. ¶

ਏਤਂ ਗਣ੍ਹਥ ਬਨ੍ਧਥਾ’ਤਿ ਵਤ੍ਵਾ

ਨਿਟ੍ਠਂ ਕਪ੍ਪਮਵਣ੍ਣਿਯਂ ਕਵੀਹਿ,

ਸਦ੍ਧਿਂ ਮਾਰਬਲੇਨੁ’ਪਾਗਤੋ ਸੋ

ਕੁਦ੍ਧੋ ਯੁਦ੍ਧਮਕਾ ਪਮਤ੍ਤਬਨ੍ਧੁ; ()

੯੭.

ਤਂ ਦਿਸ੍ਵਾ’ਚਲਨਿਚ੍ਚਲਟ੍ਠਮੇਸ

ਪਲ੍ਲਙ੍ਕੋ ਨਚਪਾਪੁਣਾਤਿ ਤੁਯ੍ਹਂ,

ਮਯ੍ਹਂ ਹੇ’ਸੁ’ਪਕਪਕ੍ਪਤੇਵ ਤਸ੍ਮਾ

ਅਸ੍ਮਾ ਵੁਟ੍ਠਹਥਾ’ਵੁਸੋਤ੍ਯ’ਵੋਚ; ()

੯੮.

ਏਕਾ’ਪੀ ਸਮਤਿਂਸਪਾਰਮੀਨਂ

ਪਲ੍ਲਙ੍ਕਤ੍ਥਮਪੂਰਿਤਾ ਤਯਾ’ਤਿ,

ਵੁਤ੍ਤੇ ਸੋ ਖਿਪਿ ਨਿਜ੍ਜਿਤੋ’ਰਚਕ੍ਕਂ

ਚਕ੍ਕਂ ਚਕ੍ਕਵਰਙ੍ਕਿਤਸ੍ਸ ਸੀਸੇ; ()

੯੯.

ਤਂ ਚਕ੍ਕਾਯੁਧਮੁਜ੍ਝਿਤਪ੍ਪਭਾਵਂ

ਯੁਦ੍ਧੇ ਲਦ੍ਧਜਯਸ੍ਸ ਮਾਰਜਿਸ੍ਸ,

ਉਸ੍ਸਿਸਮ੍ਹਿ ਵਰਾਸਨੂਪਚਾਰੇ

ਸੇਤਚ੍ਛਨ੍ਤਮਿਵੁਸ੍ਸਿਤਂ ਰਰਾਜ; ()

੧੦੦. ¶

ਤੁਯ੍ਹਂ ਸਞ੍ਚਿਨਨਮ੍ਹਿ ਪਾਰਮੀਨਂ

ਕੋ ਸਕ੍ਖੀ’ਤਿ ਅਹਞ੍ਚ ਸਕ੍ਖਿਹੋਮਿ,

ਸਕ੍ਖੀ’ਗਨ੍ਤਿ ਪਵਤ੍ਤਮਾਰਸੇਨਾ-

ਘੋਸੋ ਭੁਮਿਵਿਦਾਰਣੋਰਿ’ਵਾਸਿ; ()

੧੦੧.

ਦਾਪੇਨ੍ਤੋਨਿਜਸਕ੍ਖਿਮੁਗ੍ਗਤੇਜੋ

ਬਾਹੁਂਤਾਵਪਸਾਰਯੀ ਪਵਿਰੋ,

ਸਕ੍ਖੀਹਨ੍ਤੀਵਦਂ’ਵ ਮਾਰਸੇਨਂ

ਤਜ੍ਜੇਨ੍ਤੋ’ਵ ਬਭੂਵ ਭੁਮਿਚਾਲੋ; ()

੧੦੨.

ਮਾਤਙ੍ਗੋ ਗਿਰਿਮੇਖਲੋ ਛਿਤਾਰਿਂ

ਵਨ੍ਦਨ੍ਤੋ’ਵਪਪਾਤ ਜਨ੍ਨੁਕੇਹਿ,

ਮਾਰੋ ਲਦ੍ਧਪਰਾਜਯੋ ਨਿਵਤ੍ਥ-

ਵਤ੍ਥਸ੍ਸਾ’ਪਿ ਅਨਿਸ੍ਸਰੋ ਪਲਾਯਿ; ()

੧੦੩. ¶

ਘੋਰਮਾਰਬਲਵਾਰਣਾਧਿਪ-

ਮਾਨਦਪ੍ਪਨਿਭਕੁਮ੍ਭਦਾਰਣੋ,

ਬੋਧਿਮੂਲਵਜਿਰਾਸਨੋਪਰਿ

ਕੇਸਰੀਵ ਵਿਰਰਾਜ ਮਾਰਜਿ; ()

ਇਤਿ ਮੇਧਾਨਨ੍ਦਾਭਿਧਾਨੇਨ ਯਤਿਨਾ ਵਿਰਚਿਤੇ ਸਕਲ ਕਵਕਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੂਰੇ ਨਿਦਾਨੇ ਦੇਵਪੁਤ੍ਤ ਮਾਰਬਲ ਵਿਦ੍ਧਂਸਨ ਪਵਤ੍ਤਿਪਰਿਦੀਪੋ ਦ੍ਵਾਦਸਮੋ ਸਗ੍ਗੋ.

੧.

ਨਿਖਿਲਮਾਰਤੁਸਾਰਵਿਸੋਸਿਨੋ

ਅਥਜਿਨਙ੍ਕੁਰਦੀਧਿਤਿਮਾਲਿਨੋ,

ਰਵਿ ਕਤਾਵਸਰੋ’ਵ’ਪਰਾਚਲਂ

(ਦੁਤ’ਵਿਲਮ੍ਬਿਤ) ਗਾਮਿਮੁਪਾਗਮੀ; ()

੨. ¶

ਜਲਧਿਵਾਰਿਸਿਨੇਹਸੁਪੁਰਿਤੇ

ਅਭਵਿ ਪਂਸੁਮਹੀਤਲਮਲ੍ਲਕੇ,

ਪਣਿਹਿਤਾਪਰਭੁਧਰਵਤ੍ਤਿਕਾ-

ਜਲਿਤਦੀਪਸਿਖੇ’ਵ ਨਭੋਮਣਿ; ()

੩.

ਉਦਯਪਬ੍ਬਤਗਬ੍ਭਸਮੁਬ੍ਭਵਂ

ਸਕਯਸੋਪਟਿਬਿਮ੍ਬਸਮਂਸੁਭਂ,

ਸਪਦਿ ਤਪ੍ਪਮੁਖੇ ਸਸਿਮਣ੍ਡਲਂ

ਕਸਿਣਮਣ੍ਡਲਵਿਬ੍ਭਮਮੁਬ੍ਬਹਿ; ()

੪.

ਅਰੁਣਵਣ੍ਣਸੁਧਾਕਰ ਭਾਕਰਾ

ਦਿਵਸਸਨ੍ਧਿਵਿਲਾਸਿਨਿਯਾ ਖਣਂ,

ਪਰਿਹਰਿਂਸੁ’ਦਯਾਪਰਭੁਧਰ-

ਸਵਣਗਂ ਮਣਿਮਣ੍ਡਨ ਵਿਬ੍ਭਮਂ; ()

੫. ¶

ਰਵਿਧੁਰਾ ਵਿਧੁਰਾ ਸਰਸੀਵਧੁ

ਕਮਲਕੋਮਲਕੋਸਪੁਟਞ੍ਜਲੀ,

ਉਪਵਨੇ ਪਵਨੇ’ਰਿਤਭੂਰੁਹਾ

ਪਨਮਿਤਾਨਮਿਤਾਵ ਤਪੋਧਨਂ; () (ਯਮਕਬਨ੍ਧਨਂ;)

੬.

ਅਪਰਸਾਗਰਮੁਦ੍ਧਨਿ ਭਾਸੁਰਂ

ਤਿਮਿਰਜਾਲਪਰਂ ਰਵਿਮਣ੍ਡਲਂ,

ਮੁਕੁਲਿਤਮ੍ਬੁਰੁਹਸ੍ਸਿਰਿਮਾਹਰਿ

ਭਮਰਚਕ੍ਕਭਰਂ ਸਰਸੂਪਰਿ; ()

੭.

ਲਵਣਵਾਰਿਧਿਕਾਚਸਰਾਵਕੇ

ਅਪਰਭੂਧਰ ਕੂਟ ਭੁਜਪ੍ਪਿਤਾ,

ਸੂਰਿਯਮਣ੍ਡਲਪਾਤਿ ਨਿਮੁਜ੍ਜਿਯ

ਪੁਰਿਮਯਾਮਮੁਖਂਨਕਿਮਾਹਰਿ; ()

੮. ¶

ਮਣਿਪਭਾਰੁਣ ਭਾਕਰ ਮਣ੍ਡਲਂ

ਤਮਨੁਭੁਯ ਮਹਮ੍ਬੁਧਿਰਾਹੁਨਾ,

ਮੁਖਗਤਂਵਮਿਤਂ ਵਿਯਕ ਲੋਹਿਤਂ

ਜਲਦਰਾਜਿ ਰਰਾਜ ਦਿਨਚ੍ਚਯੇ; ()

੯.

ਵਿਤਤਮੇਘਪਭਾਹਿ ਮੁਹੁਂ ਮੁਹੁਂ

ਕਲ਼ਿਤ ਪਾਟਲ ਪਲ੍ਲਵ ਸਮ੍ਪਦਂ,

ਵਨਘਟਂ ਵਿਟਪਨ੍ਤਰਗਂ ਕਮਾ

ਫੂਟਤਮੋਪਟਲਂਪਰਿਣਾਮਯੀ ()

੧੦.

ਸੁਭਜਨੇਭਜਨੇਨਿਰਪੇਕ੍ਖਿਨੀ

ਵਿਪਤਿਨੀ ਪਤਿਨੀਵ ਰਜਸ੍ਸਲਾ,

ਸੁਮਧੁਪੇ ਮਧੁਪੇ ਪਰਿਵਜ੍ਜਯੁਂ

ਕਮਲਿਨੀਮਲਿਨੀਕਤਨਿਰਜਾ; () (ਯਮਕਬਨ੍ਧਨਂ;)

੧੧. ¶

ਮਧੁਮਦਾਲਿਕੁਲਾ ਮਕੁਲਾਵਲੀ

ਅਨਿਲਭਙ੍ਗ ਤਰਙ੍ਗ ਭੁਜੇਰਿਤਾ,

ਪਦੁਮਿਨੀ ਰਮਣੀਹਿ ਸਿਰਿਮਤੋ

ਸੁਮਹਿਤਾਮਣਿਕਿਙ੍ਕਿਣਿਸੇਣਿਵ; ()

੧੨.

ਰਸਿਕਪਕ੍ਕ ਫਲਾਫਲ ਸਾਲਿਸੁ

ਤਰੁਸਿਰੇਸੁ ਸਮੋਸਰਮਾਨਕਾ,

ਤਿਮਿਰਖਣ੍ਡਨਿਭਾ ਬਧਿਰੀਕਰੁਂ

ਰਵਿਪਥਂ ਵਿਰੁਤੇਹਿ ਵਿਭਙ੍ਗਮਾ; ()

੧੩.

ਕੁਮੁਦਿਨੀਪਮਦਾ’ਥਸੁਧਾਕਰ-

ਕਰਸਤੇਹਿ ਪਰਾਮਸਨਾਪਰਂ,

ਕੁਸੁਮਹਾਸਵਿਲਾਸਧਰਾ ਭੁਸਂ

ਭੁਵਨਵਨ੍ਦਿਰਗਬ੍ਭਮਲਙ੍ਕਰਿ; ()

੧੪. ¶

ਹਿਮਕਰੋ ਹਰਿਣਞ੍ਜਨਹਾਰਿਨਾ

ਨਿਜਕਰੇਨ ਨਿਰਾਕਰਿ ਤਙ੍ਖਣੇ,

ਸਕਲਲੋਕ’ਵਿਲੋਚਨ ਸਮ੍ਭਵਂ

ਘਨਤਮੋਪਟਲਂਹਿਸਜੋ ਯਥਾ; () (ਸਿਲੇਸਬਨ੍ਧਨਂ)

੧੫.

ਸਪਦਿਪਾਰਮਿਤਾਰਮਿਤਾਸਯੋ

ਨਵਮ’ਨੁਸ੍ਸਤਿਯਾਸਤਿਯਾ ਪਰਂ,

ਅਧਿਕਤਾ’ਧਿ ਸਮਾਧਿ ਸਮਾਹਿਤੋ

ਪੁਰਿਮਜਾਤਿਭਵੇ ਤਿਭਵੇ ਸਰਿ; () (ਯਮਕਬਨ੍ਧਨਂ)

੧੬.

ਸੁਮਤਿਪਾਦਕ ਝਾਨ ਸਮੁਟ੍ਠਿਤੋ

ਪੁਰਿਮਖਨ੍ਧਸਮੂਹਮਨੁਕ੍ਕਮਂ,

ਅਸਰਿਸੋ’ਪਨਿਸਿਨ੍ਨਜਯਾਸਨ-

ਪ੍ਪਭੁਤਿ ਯਾਵਸੁਮੇਧਭਵਾਵਧਿਂ; ()

੧੭. ¶

ਇਧਭਵੇ ਸਮਨਨ੍ਤਰਜਾਤਿਯਂ

ਤਦਿਯਖਨ੍ਧਪਬਨ੍ਧਮਨੁਸ੍ਸਰਿ,

ਤਿਚਤੁਪਞ੍ਚਛਸਤ੍ਤ ਨਵ’ਟ੍ਠਪਿ

ਦਸਪਿ ਵਿਸਤਿਤਿਂਸਤਿ ਜਾਤਿਯੋ; ()

੧੮.

ਲਹੁਮਨੁਸ੍ਸਰਿਤਾਲ਼ਿਸ ਜਾਤਿਯੋ

ਪਭਵ ਖਨ੍ਧਵਸੇਨ ਤਹਿਂਤਹਿਂ,

ਭਵਸਤਂਭਵੁਪਡ੍ਢਸਤਂਭਵ-

ਦਸਸਤਂਭਵਲਕ੍ਖਮਥਾਪਰਂ ()

੧੯.

ਅਪਰਿਮਾਣ ਯੁਗਨ੍ਤਗਜਾਤਿਯੋ

ਅਪਰਿਮਾਣ ਵਿਵਟ੍ਟਗਜਾਤਿਯੋ,

ਅਪਰਿਮਾਣ ਯੁਗਨ੍ਤ ਵਿਵਟ੍ਟਗਾ

ਅਪਰਿਮਾਣ ਗੁਣੋ ਸਰਿਜਾਤਿਯੋ; ()

੨੦. ¶

ਚਤੁਸੁਯੋਨਿਸੁਸਤ੍ਤਮਨਟ੍ਠਿਤਿ-

ਤਿਭਵਪਞ੍ਚਗਤੀਸੁਪਰਿਬ੍ਭਮਿਂ,

ਕਸਿਰਭਾਰਵਹੋ ਅਹਮਞ੍ਜਸੇ

ਸਕਟਭਾਰਵਹੋ ਗਵਜੋਯਥਾ; ()

੨੧.

ਇਤਿਸਮਞ੍ਞ ਧਰੋ’ਸਿਮਮੁਤ੍ਰ’ਹਂ

ਇਤਿ ਨਿਹੀਨਪਸਤ੍ਥ ਕੁਲੋ ਭਵਿਂ,

ਇਤਿ ਭਵਿਂ ਅਭੀਰੂਪਵਿਰੂਪਿਮਾ

ਇਤਿਪਿ ਭਤ੍ਤ ਫਖਲਾਫਲ ਮਾਹਰਿਂ; ()

੨੨. ¶

ਅਨੁਭਵਿਂਕੁਸਲਾਕੁਸਲਾਰਹਂ

ਵਿਵਿਧਦੁਕ੍ਖਮਦੁਕ੍ਖ ਮਦੁਕ੍ਖ ਖਂ,

ਦਸਸਤਾਯੁ ਸਤਾਯੁਮਿਤੋਭਵਿਂ

ਇਤਿਭਵਂਤਿਭਵਂਸਮਨੁਸ੍ਸਰਿ; () (ਯਮਕਬਨ੍ਧਨਂ)

੨੩.

ਇਤਿਹ ਯਾਵਸੁਮੇਧ ਭਵਂ ਸੁਧੀ

ਸੁਮਰਿਯਾ’ਤਿਗਤਾ’ਮਿਤਜਾਤਿਯੋ,

ਅਸਰਿ ਸੋਪਟਿਲੋਮਵਸਾ ਤਤੋ-

ਪ੍ਪਭੁਤਿ ਯਾਵ ਇਤੋ ਤਤਿਯਂ ਭਵਂ; ()

੨੪.

ਪੁਨਰਮੁਤ੍ਰ ਤਤੋਭਵਤੋ ਚੁਤੋ

ਸਮੁਪਪਜ੍ਜਿ ਮਨਨ੍ਤਰਜਾਤਿਯਂ,

ਤਹਿਮਹਂਤੁਸਿਤੇ ਤਿਦਸਾਲਯੇ

ਭਵਿਮਤਿਜ੍ਜੁਤਿ ਸਨ੍ਤੁਸਿਤਾਭਿਧੋ; ()

੨੫. ¶

ਤੁਸਿਤਦੇਵਨਿਕਾਯਸਮਤ੍ਵਯੋ

ਪਰਮਰੂਪ ਵਿਲਾਸਧਰੋ’ਭਵਿਂ,

ਸੁਮਧੁਰਾਮਤਮਾਹਰਿ ਮਿਦਿਸਂ

ਅਨੁਭਵਿਂਸੁਖਮਿਨ੍ਦ੍ਰਿਯ ਗੋਚਰਂ; ()

੨੬.

ਸਮੁਪਜੀਵਿਮਮਾਨੁਸਹਾਯਨ-

ਚਤੁਸਹਸ੍ਸ ਮਹਂਤੁਸਿਤਾਲਯੇ,

ਮਰੁਗਣਮ੍ਬੁਰੁਹਾਸਨਯਾਚਨਂ

ਇਹ ਪਟਿਚ੍ਚ ਤਤੋ ਭਵਤੋ ਚੁਤੋ; ()

੨੭.

ਜਨਨਿਰਾਜਿਨਿਯਾ ਮਣਿਚੇਤਿਯੇ

ਸੁਗਤਧਾਤੁਮਿਵਾ’ਸਮਕੁਚ੍ਛਿਯਂ,

ਰਵਿਕੁਲੇ ਪਟਿਸਨ੍ਧਿਮਹਂ ਪਿਤ੍ਰ-

ਨਰਪਤਿਂ ਅਧਿਕਿਚ੍ਚ ਸਮਪ੍ਪਯਿਂ; ()

੨੮.

ਇਤਿਹ ਰੂਪਮਰੂਪਮਨਾਦਿਕਂ

ਵਿਪਰਿਵਤ੍ਤਤਿ ਵਤ੍ਤਤਿ ਨਾਪਰਂ,

ਵਿਸਤਿਯਾ ਸਤਿ ਯਾਵ ਧਿਯਾ’ਸਨਂ

ਵਿਹਤਮੋਹਤਮੋ’ਸਿ ਭਵੇ ਸੁਧੀ; () (ਯਮਕਬਨ੍ਧਨਂ;)

੨੯. ¶

ਚੁਤੁਪਪਤ੍ਤਿਪਬਨ੍ਧਵਸੇਨਹਿ

ਅਵਸਵਕਤ੍ਤਨਧਾਤੁਪਰਮ੍ਪਰਾ,

ਜਲਿਤਦੀਪਸਿਖੇ’ਵ ਪਵਤ੍ਤਤਿ

ਨਯਿਧਪੁਗ੍ਗਲਵੇਦਕਕਾਰਕੋ; ()

੩੦.

ਪੁਰਿਮਖਨ੍ਧਪਬਨ੍ਧਮਨੇਕਧਾ

ਇਤਿਵਵਤ੍ਥਯਤੋ ਹਿ ਕੁਦਿਟ੍ਠਿਯੋ,

ਅਪਗਤਾ’ਤ੍ਤਨਿ ਵੀਸਤਿਵਤ੍ਥੁਕਾ

ਤਮਿਹਦਿਟ੍ਠਿਵਿਸੁਦ੍ਧਿ’ਤਿ ਵੁਚ੍ਚਤਿ; ()

੩੧. ¶

ਸਤਿਮਤੋ ਰਵਿਮਣ੍ਡਲਸਨ੍ਤਿਭਾ

ਸਕਟਮਗ੍ਗਨਿਭਾ’ਯਮਨੁਸ੍ਸਤਿ,

ਪੁਰਿਮਜਾਤਿਸੁ ਨਾਭਿਵਿਰਜ੍ਝਤਿ

ਸਰਵਯੇ ਸਰਭਙ੍ਗਸਰੋ ਯਥਾ; ()

੩੨.

ਅਚੁਤਿਯਾਚੁਤਿਯਾਮਤਿ ਮਾਸਨੇ

ਸੁਤਵਤੀ’ਤਵਤੀ’ਹਤਿ ਬੁਜ੍ਝਿਤੁਂ,

ਸਮੁਦਿਤੇ’ਮੁਦਿਤੇ ਕੁਮੁਦਾਨਿ’ਮ

ਨਕਮਲਾ ਕਮਲਾਨਿ ਅਲਙ੍ਕਰਿ; () (ਯਮਕਬਨ੍ਧਨਂ;)

੩੩.

ਰੁਚਿਰਚਨ੍ਦਮਰਿਚਿਵਿਲੇਪਿਨੀ

ਕੁਮੁਦਸਣ੍ਡਵਿਕਾਸਵਿਹਾਸਿਨੀ,

ਰਜਨਿਮਜ੍ਝਿਮਯਾਮਵਿਲਾਸਿਨੀ

ਤਦਧਿਸੀਲਧਨਂ ਵਿਜਾਭਾਸਿ ਕਿਂ ()

੩੪. ¶

ਘਨਸੁਨੀਲਵਿਸਾਲਤਪੋਵਨਂ

ਅਨਲਭਾਸੁਰਕੀਟਕੁਲਾਕੁਲਂ,

ਰਜਨਿਰਾਜਿਨਿਯਾ ਕੁਸੁਮਾਕੁਲਾ-

ਵਿਰਲ਼ਕੇਸਕਲਾਪਸਿਰਿਂ ਭਜੀ; ()

੩੫.

ਤਦੁਪਹਾਰਰਤਾਯਿ’ਵ ਕੋਮੁਦੀ-

ਭੁਜਲਤਾਯ ਵਿਭਾਵਰਿਭੀਰੁਯਾ,

ਗਹਿਤਲਾਜਕਭਾਜਨਵਿਬ੍ਭਮਂ

ਫੁਟਿਤਕੇਰਵਕਾਨਨ ਮਾਹਰਿ; ()

੩੬.

ਤਿਭੁਵਨੇਕਰਵਿਂ ਰਵਿਭਤ੍ਤਰਿ

ਅਪਰਦੀਪਗਤੇ ਸਰਸੀਵਧੂ,

ਰਜਨਿਯਾ ਵਿਹਿਤਾਵਸਰਾ’ਪਿ ਕਿਂ

ਪਰਿਚਰਿਂਸੁ ਪਤਿਬ੍ਬਤਮਬ੍ਭੁਤਂ; ()

੩੭.

ਪਰਿਲਸਿਂਸੁ ਭੁਸਂ ਭੁਵਨੇ’ਵੁ ਭੋ

ਰਵਿਪਥੇ ਵਿਤਤਾ, ਵਿਤਤਾਰਕਾ,

ਅਨਿਮਿਸੇ ਹਿ ਮਹਾਯ ਮਹਿਮਤੋ

ਜਲਿਤਦੀਪਸਿਖਾਚ ਮਹੀਤਲੇ; ()

੩੮. ¶

ਮਕਰਤੇਨਕੇਤਨਸਨ੍ਤਿਭਾ

ਤੁਹਿਨਦੀਧਿਤਿਦੀਧਿਤਿ ਮਜ੍ਝਿਮੇ,

ਨਿਸਿ ਦਦਾਰ ਸਦਾਰਸਰਾਗਿਨਂ

ਹਦਯਕੇਰਵਕੇਰਵਕਾਨਨਂ; () (ਯਮਕਬਨ੍ਧਨਂ)

੩੯.

ਅਥ ਭਵਾਭਵਦਿਟ੍ਠਿਵਿਭੇਦ ਨਂ

ਵਿਮਤਿ ਮੋਹ ਤਮੋਪੁਟਪਾਟ ਨਂ,

ਚੁਤੁਪਪਾਤਪਭੁਤਿ ਵਿਜਾਨ ਨਂ

ਕਥਮਲਤ੍ਥ ਸਦਿਬ੍ਬਵਿਲੋਚ ਨਂ; ()

੪੦.

ਕੁਸਲਕਮ੍ਮਪਭਾਵਸਮੁਬ੍ਭਵਂ

ਸੁਖੁਮਦੁਰਗਤਾਨਿ’ਪਿ ਗੋਚਰਂ,

ਅਨਿਮਿਸਾਨ ਪਸਾਦਵਿਲੋਚਨਂ

ਰੁਧਿਰਸੇਮ੍ਭਮਕਲਾਪਗਤਂਕ ਯਥਾ; ()

੪੧. ¶

ਤਥਰਿਵ’ਕ੍ਖਿਸਮੇਨ ਸੁਧਾਸਿਨਂ

ਵਿਮਤਿਦਿਟ੍ਠਿਮਿਸੋਧਨਹੇਤੁਨਾ,

ਹਤਮਨੋਪਕਿਲੇਸਮਲੇਨ ਸੋ

ਵਿਗਤਮਾਨੁਸਕੇਨਹਿ ਚਕ੍ਖੁਨਾ; ()

੪੨.

ਕਰਤਲਮ੍ਬੁਰੁਹੋਪਰਿਚਕ੍ਖੁਮਾ

ਯਥਾਰਿਵਾ’ਮਲਕੀਬਦਰੀਫਲਂ,

ਚੁਤੁਪਪਤ੍ਤਿਗਤੇਪਿ ਤਥਾਗਤੇ

ਤਿਭੁਵਨਮ੍ਹਿ ਯਥਿਚ੍ਛਿਤ ਮਦ੍ਦਸ; ()

੪੩.

ਨਵੁਪਪਾਤਖਣੇਚ ਚੁਤਿਕ੍ਖਣੇ

ਵਿਸਯਭਾਵਮੁਪੇਨ੍ਤਿ ਤਥਾਗਤਾ,

ਤਦੁਪਚਾਰਵਸੇਨਿ’ਹਦਸ੍ਸਨਂ

ਖਮਤਿ ਅਟ੍ਠਕਥਾਚਰਿਯਾਸਭੋ; ()

੪੪. ¶

ਉਪਧਿਹੀਨ’ਧਿਹਨੀਨਤਥਾਗਤੇ

ਅਨਪਨੀਤਪਣੀਤ ਤਥਾਗਤੇ,

ਅਨਭਿਰੂਪ’ਭਿਰੂਪਤਥਾਗਤੇ

ਸੁਗਤਿ ਦੁਗ੍ਗਤਿ ਦੁਗ੍ਗ ਮੁਪਾਗਤੇ; () (ਯਮਕਬਨ੍ਧਨਂ;)

੪੫.

ਤਿਰਿਯਮੁਦ੍ਧਮਧੋਪਤਿਤੀਯ ਸੋ

ਮਤਿਪਹਂ ਅਭਿਪਸ੍ਸਿ ਯਥਾਰਹਂ,

ਨਿਚਿਤਕਮ੍ਮਪਥੇਚ ਤਥਾਗਤੇ

ਉਪਰਿ ਪਾਦਕਝਾਨਸਮੁਟ੍ਠਿਤੋ; ()

੪੬.

ਅਕੁਸਲਾਨਿ ਕਰਿਂਸੁ ਇਮੇ ਤਿਧਾ

ਸੁਚਰਿਤਾਨਿ ਕਰਿਂਸੁ ਤਿਧਾ ਇਮੇ,

ਅਰਿਯਮਗ੍ਗਫਲੇਹਿਕ ਸਮਙ੍ਗਿਨੋ

ਨਸਮਣਾ’ਤਿਪਿ ਅਨ੍ਤਿਮਵਤ੍ਥੁਨਾ; ()

੪੭.

ਗੁਣਨਿਰਾਕਰਣੇਨ ਅਸਾਧਵੋ

ਉਪਵਦਿਂਸੁ ਨਸਨ੍ਤਿ ਗੁਣਾ’ਤਿ’ਮੇ,

ਅਪਿਚਸਪ੍ਪੁਰਿਸਾ’ਰਿਯਪੁਗ੍ਗਲੇ

ਤਦਨੁਰੂਪਗੁਣੇਹਿ ਪਸਂਸਯੁਂ; ()

੪੮.

ਵਿਤਥਲਦ੍ਧਿਪਰਾਮਸਨਾ ਇਮੇ

ਪਰਮਲਦ੍ਧਿਪਰਾਮਸਨਾ ਇਮੇ,

ਗਹਿਤਲਦ੍ਧਿਵਸੇਨ ਤਹਿਂਤਹਿਂ

ਨਿਚਿਤਕਮ੍ਮਪਥਾ ਜਨਤਾ ਅਯਂ; ()

੪੯.

ਚਤੁਰਪਾਯਮਪਾਯਮਪਾਯਤਿਂ

ਉਪਗਤਾ ਸੁਗਤਿ ਸੁਗਤਿਂਇਤਿ,

ਯਤਿ ਸਮਾਹਿਤਵਾਹਿਤਵਾ’ ਦ੍ਦਸ

ਅਨਿਮਿਸਕ੍ਖਿਸਮਕ੍ਖਿਸਮਨ੍ਵਿਤੋ; () (ਯਮਕਬਨ੍ਧਨਂ)

੫੦. ¶

ਸਮ੍ਮਾਸਮ੍ਮਸਤੋਸਤੋ ਸਤਿਮਤੋ ਕਮ੍ਮਾਦਿਹੇਤੁਬ੍ਭਵਂ

ਰੂਪਾਰੂਪਮਨਾਗਤਙ੍ਨਿ ਮਹਾ ਮੋਹਨ੍ਧਕਾਰੋ ਧਿਯਾ,

ਅਬ੍ਭਤ੍ਥਙ੍ਗਮਿ ਯਾਯ ਸੋਲ਼ਸਵਿਧਾ ਕਙ੍ਖਾਚਤੇਕਾਲਿਕਾ

ਸਾਕਙ੍ਖਾਤਰਣਬ੍ਬਿਸੁਦ੍ਧੁ ਦੁਤਿਯੇਯਾਮੇ ਪਵਤ੍ਤਾ ਮਤਿ; ()

ਇਤਿ ਮੇਧਾਨਨ੍ਦਾਭਿਧਾਨੇਨਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੁਰੇ ਨਿਦਾਨੇ ਪੁਬ੍ਬੇਨਿਵਾਸਞਾਣਦਿਬ੍ਬਚਕ੍ਖੁਞਾਣਾਧਿਗਮ ਪਵਤ੍ਤਿਪਰਿਦੀਪੋ ਤੇਰਸਮੋ ਸਗ੍ਗੋ.

੧. ¶

ਸੁਧਾਕਰੇ ਵਿਕਸਿਤਕੇਰਵਾਕਰੇ

ਕਮੇਨੁ’ ਪਾਸਤਿ ਸਤਿ ਪਚ੍ਛਿਮਂ ਦਿਸਂ,

ਵਿਹਾਵਰੀ ਸਸਿਰੁਚਿਰਾਨਨਂ ਜਿਨਂ

ਭਜਨ੍ਤਿ ਪਚ੍ਛਿਮਮਥਯਾਮ ਮੋਤਰਿ; ()

੨.

ਖਣਂ ਨਿਸਾਪਤਿ ਵਿਰਹਾਤੁਰੇਵ’ਯਂ

ਨਿਸਾਵਧੂ ਮਲਿਨਪਯੋਧਰਮ੍ਬਰਾ,

ਚਤੁਦ੍ਦਿਸਾਯਤਨਯਨੇਹਿ ਸਮ੍ਪਤਿ

ਮੁਮੋਚ ਸੀਕਰਨਿਕਰਸ੍ਸੁਬਿਨ੍ਦਵੋ; ()

੩.

ਕਿਲੇਸਨਾਸਨਪਸੁਤੋ ਸਮਾਧਿਨਾ

ਪੁਥੁਜ੍ਜਨੋ ਤਦਨੁਸਯਂ ਯਥੁਬ੍ਬਹੇ,

ਤਥਂ’ਸੁਨਾ ਭੁਵਨਕਲਙ੍ਕਸੋਧਨੋ

ਨਹੇ ਕਲਾਨਿਧਿ ਸਕਲਙ੍ਕ ਮੁਬ੍ਬਹੀ; ()

੪. ¶

ਪੁਰਤ੍ਥਿਮੇ ਨਭਸਿ ਵਿਕਿਣ੍ਣ ਤਾਰਕਾ-

ਪਬਨ੍ਧਨਿਬ੍ਭਰਤਿਮਿਰਂ ਵਿਯਾਕਰੀ

ਨਿਸਾਵਧੁ ਵਲਯਿਤਹਾਰਭਾਸੁਰ-

ਸੁਨੀਲਕੋਮਲਨਵਕੁਨ੍ਤਲਸ੍ਸਿਰਿਂ; ()

੫.

ਵਿਪਸ੍ਸਨਾਬਲਵਿਮਲੀਕਤਨ੍ਤਰੋ

ਜਿਨਙ੍ਕੁਰੋ ਦੁਰਿਤਮਲਂਵ ਚਨ੍ਦਿਮਾ,

ਮਰਿਚਿਸਞ੍ਚਯਧਵਲੀਕਤਮ੍ਬਰੋ

ਤਮੋਚਯਂ ਤਮਨੁਚਰਂ ਨਿਰਾਕਰੀ; ()

੬.

ਪਵਾਯਿ ਸੀਤਲਮਲਯਾਨਿਲੋ ਭੁਸਂ

ਦਿਸਙ੍ਗਨਾ ਸਿਸਿਰਤੁਸਾਰਬਿਨ੍ਦਵੋ,

ਮੁਮੋਚ ਸਾ ਵਿਚਰਿ ਨਿਸਾ ਨਿਸਾਕਰ-

ਮਰੀਚਿਮਞ੍ਜਰਿਪਰਿਚੁਮ੍ਬਿਤੇ ਭੁਵਿ; ()

੭. ¶

ਨਿਰਙ੍ਗਣੇ ਨਿਰੁਪਕਿਲੇਸ ਨਿਚ੍ਚਲੇ

ਮੁਦੁਮ੍ਹਿ ਕਮ੍ਮਨਿਯਵਿਸੁਦ੍ਧਿਭਾਵਗੇ,

ਸਮਾਹਿਤੇ ਮਨਸਿ ਵਿਪਸ੍ਸਨਾਮਨਂ

ਅਥਾਸਵਕ੍ਖਯਮਤਿਯਾ’ ਭੀਨੀਹਰਿ; ()

੮.

ਸਬਾਰਸਙ੍ਗਿਕਭਵਚਕ੍ਕ ਮਜ੍ਝਗਾ

ਅਨੁਕ੍ਕਮੇਨ’ਪਿ ਪਟਿਲੋਮਤੋ ਸੁਧੀ

ਵਵਤ੍ਥਯਂ ਯਮਰਿਯਞਾਣਦਸ੍ਸਨਂ

ਵਿਸੁਦ੍ਧਿਯਾ ਵਿਸਦ੍ਧਿਯਾ ਤਦੁਚ੍ਚਤੇ; ()

੯.

ਖਣੇਨ ਯੋ ਸਰਤਿ ਸਹਸ੍ਸਲੋਚਨੋ

ਯਥਾਵਤੋ ਦਸਸਤਮਤ੍ਥ ਮਸ੍ਸਪਿ,

ਵਿਧਾਤੁਨੋ ਨਿਜਚਰਣਙ੍ਗੁਲਿਪ੍ਪਭਾ-

ਵਿਭੁਸਿਤਾ’ਖਿਲਭੁਵਨੋਦਰਸ੍ਸ’ਪਿ; ()

੧੦. ¶

ਅਸੇਸਨੀਵਰਣਤੁਸਾਰਸੋਸਿਨੋ

ਸਮਾਧਿਸਮ੍ਭਵ’ ਖਿਲਝਾਨਲਾਭਿਨੋ,

ਜਗਤ੍ਤਯਂ ਕਰਬਦਰਂ’ਵ ਦਸ੍ਸਿਨੋ

ਨਯਸ੍ਸ ਕਸ੍ਸਚਿ ਵਿਸਯਤ੍ਤ ਮਾਗਤਂ; ()

੧੧.

ਅਦਿਟ੍ਠ ਮਪ੍ਪਟਿ ਵਿਦਿਤਂ ਸਯਂਪੁਰਾ

ਅਨੁਤ੍ਤਰਂਤਮਰਿਯਞਾਣਦਸ੍ਸਨਂ,

ਇਮਸ੍ਸ ਗੋਤਮਸਮਣਸ੍ਸ ਸਿਜ੍ਝਤੇ

ਗਰੂਪਸੇਵਨਵਿਰਹਸ੍ਸ ਅਬ੍ਭੂਤਂ; ()

੧੨.

ਭਵੇਭਵੇ ਪਰਿਵਿਤਦਾਨਪਾਰਮਿ-

ਬਲੇਨ’ਹੂ ਵਿਜਟਿਤਲੋਭਬਨ੍ਧਨੋ,

ਸਮੇਤ੍ਤਿਖਨ੍ਤ੍ਯਨੁਗਤਸੀਲਪਾਰਮੀ-

ਜਲੇਨ ਨਿਬ੍ਬੁਤਪਟਿਘਾਦਿਪਾਵਕੋ; ()

੧੩. ¶

ਭਵੇਭਵੇ ਭਵਿ ਥਿਰਞਾਣਪਾਰਮੀ-

ਪਧਂਸਿਤਾ’ਖਿਲਵਿਪਰੀਤਦਸ੍ਸਨੋ,

ਵਿਨਾਯਕਪ੍ਪਭੁਤਿ ਗਰੂਪਸੇਵਨ-

ਵਸੇਨ ਪੁਚ੍ਛਿਯ ਹਤਮੋਹਸਂਸਯੋ; ()

੧੪.

ਭਵੇਭਵੇ ਬੁਧਜਨਪੁਜਨਾਦਿਨਾ

ਗਰੂਭਿਵਾਦਨਬਹੁਮਾਨਨਾਦਿਨਾ,

ਜਨਾਪਚਾਯਨਵਿਧਿਨਾ ਵਿਨੋਦਯਿ

ਸਦਪ੍ਪ ਮੁਨ੍ਨਤਿ ਮਭਿਮਾਨ ਮੁਦ੍ਧਟਂ; ()

੧੫.

ਭਵੇਭਵੇ ਵਿਭਵਰਤਿਂ ਰਤਿਂਭਵੇ

ਅਨਙ੍ਗਸਙ੍ਗਮਰਤਿ ਮਙ੍ਗਨਾਰਤਿਂ,

ਘਰਾ’ਭਿਨਿਕ੍ਖਮਿਯ’ਨਗਾਰਿਯਂਰਤੋ

ਅਪਾਨੁਦੀ ਪਟਿਲਭਿ ਝਾਨ ਮਤ੍ਤਨਾ; ()

੧੬. ¶

ਭਵੇਭਵੇ ਸ’ਵੀਰਿਯ ਸਚ੍ਚਪਾਰਮੀ-

ਪਰਾਯਣੋ ਅਧਿਕੁਸਲੇਸੁ ਚਾਰਤਿਂ,

ਜਹਂ ਵਚੀਦੁਰਿਤਮਲਂ ਚਤੁਬ੍ਬਿਧਂ

ਵਿਸੋਧਯੀ ਨਿਜਹਦਯਞ੍ਚ ਪਗ੍ਗਹੀ; ()

੧੭.

ਭਵੇ ਭਵੇ ਇਤਿ ਸਮਤਿਂਸਪਾਰਮੀ-

ਵਿਸੁਜ੍ਝਿਤਾ’ ਕੁਸਲਮਨੋਮਲਿਮਸੋ,

ਕਮੇਨ ਇਨ੍ਦ੍ਰਿਯ ਪਰਿਪਾਕਤਂ ਗਤੋ

ਨਚਞ੍ਞਸਮ੍ਪਦ ਮਹਿਪਤ੍ਥਯੀ ਸੁਧੀ; ()

੧੮.

ਭਵੇ ਭਵੇ ਅਗਣਿਤਮੇਵ ਬੋਧਿਯਾ

ਦਯਾਯ ਚੋਦਿਤਹਦਯੋ’ਹਿ ਕਪਤ੍ਥਨਂ,

ਅਕਾ ਚਤੁਬ੍ਬਿਧਫਲਸਮ੍ਪਦਾ ਤਤੋ

ਪਦਿਸ੍ਸਰੇ ਨਿਰਵਸਰਾ ਰਿਵ’ਨ੍ਤਨਿ; ()

੧੯. ¶

ਭਵੇ ਭਵੇ ਸਕਪਣਿਧਾਨਸਤ੍ਤਿਯਾ

ਤਿਧਾ’ਹਿਸਙ੍ਖਤਕੁਸਲਂ ਇਮਸ੍ਸ ਭੋ,

ਨਸਾਧਯੇ ਕਿਮਰਿਯਞਾਣਦਸ੍ਸਨਂ

ਅਨਞ੍ਞਪੁਗ੍ਗਲਵਿਸਯਂ ਨਸਂਸਯੋ; ()

੨੦.

ਅਨਿਚ੍ਚਤੋ’ਦਯਵਯਤਾਯ ਦੁਕ੍ਖਤੋ

ਸਦੁਕ੍ਖਤਾਯਪਿ ਅਵਿਧੇਯਤਾਦਿਨਾ,

ਅਨਤ੍ਤਤੋ ਵਰਮਤਿ ਖਨ੍ਧਪਞ੍ਚਕਂ

ਪੁਨਪ੍ਪੁਨਂ ਸਮੁਪਪਰਿਕ੍ਖ ਮੁਸ੍ਸਹੀ; ()

੨੧.

ਕਲਾਪਸਮ੍ਮਸਨਮੁਖੇਨ ਬਾਰਸ-

ਵਿਧੇ ਅਨਾਦਿਕਭਵਚਕ੍ਕਨਿਸ੍ਸਿਤੇ,

ਕਮੇਨ ਸਤ੍ਤਸੁ ਅਨੁਪਸ੍ਸਨਾਸੁ ਸੋ

ਜਿਨਙ੍ਕੁਰੋ ਤਦਵਯਵੇ’ਭਿਨੀਹਰਿ; ()

੨੨. ¶

ਅਨਿਚ੍ਚਤੋਭੁਸਮਨੁਪਸ੍ਸਮੁਦ੍ਧਰਿ

ਅਸੇਸਸਙ੍ਖਤਗਤਨਿਚ੍ਚਸਞ੍ਞਿਤਂ,

ਅਨਤ੍ਤਤੋ ਸਮਨੁਵਿਪਸ੍ਸ ਦੁਕ੍ਖਤੋ

ਸਸਙ੍ਖਤੇਪਜਹਿ ਸੁਖਤ੍ਤਸਞ੍ਞਿਤਂ; ()

੨੩.

ਵਿਨੋਦਯੀ ਸੁਮਤਿ ਵਿਰਾਗਨਿਬ੍ਬਿਦਾ-

ਵਸੇਨ ਸਙ੍ਖਤਗਤਰਾਗਨਨ੍ਦਿਯੋ,

ਨਿਰੋਧਨਿਸ੍ਸਜਨਵਸਾ’ਨੁਪਸ੍ਸਿਯ

ਤਥੋਦਯਾਦਿਯਨਮਸੇਸਙ੍ਘਤੇ; ()

੨੪.

ਵਿਧਾਯਦੁਬ੍ਬਿਧਮਨੁਪਸ੍ਸਤੋ ਕਸਤੋ

ਅਸੇਸਸਙ੍ਖਤਮਪਿ ਨਾਮਰੂਪਤੋ,

ਨਿਦਾਨਤੋ ਪੁਨਖਣਤੋ’ਦਯਬ੍ਬਯਂ

ਉਪਟ੍ਠਹਿ ਦ੍ਵਿਗੁਣਿਤਪਞ੍ਚਵਿਸਧਾ; ()

੨੫. ¶

ਸੁਧੀਮਤੋ ਤਰੁਣਵਿਪਸ੍ਸਨਾਯਿ’ਮੇ

ਵਿਪਸ੍ਸਕਸ੍ਸਿ’ਤਿ ਦਸੁਪਕ੍ਕਿਲੇਸਕਾ,

ਭਵੁਂਪਭਾਸਤਿਮਤਿਪੀਤਿਨਿਚ੍ਛਯੋ

ਸੁਖੀ’ਹਨਾਸਮਥਨਿਕਨ੍ਤ੍ਯੁਪੇਕ੍ਖਨਾ; ()

੨੬. ¶

ਪਸਨ੍ਨਲੋਹਿਤ ਪਰਿਪੁਣ੍ਣਵਿਗ੍ਗਹਾ

ਵਿਨਿਗ੍ਗਤਾ ਨਿਰਵਧਿਲੋਕਧਾਤੁਸੁ,

ਵਿਪਸ੍ਸਨਾਬਲਪਭਵਾ’ਭਿਪਤ੍ਥਰਿ

ਸੁਧਨ੍ਤਕਞ੍ਚਨਰਸਪਿਞ੍ਜਰਪ੍ਪਭਾ; ()

੨੭.

ਅਯਂਪਥੋ ਨਭਵਤਿ ਤਪ੍ਪਭਾਦਯੋ

ਵਿਸਤ੍ਤਿਕਾਪਭੁਤਿਕਿਲੇਸਵਤ੍ਥੁਕਾ,

ਪੁਨੋਦਯਬ੍ਬਯ ਮਨੁਪਸ੍ਸਤੋ ਤਤੋ

ਪਥੋ ਸਮੁਬ੍ਭਵਿ ਦਸੁਪਕ੍ਕਿਲੇਸਗਂ; ()

੨੮.

ਪਥਾਪਥਂ ਸਮੁਪਪਰਿਕ੍ਖਤੋਇਤਿ

ਸੁਧੀਮਤੋ ਤਰੁਣਵਿਪਸ੍ਸਕਸ੍ਸਯਾ,

ਸਮੁਟ੍ਠਿਤਾ ਨਿਸਿਤਵਿਪਸ੍ਸਨਾਮਤਿ

ਪਥਾਪਥਿਕ੍ਖਣਕਵਿਸੁਦ੍ਧਿ ਵੁਚ੍ਚਤੇ; ()

੨੯. ¶

ਨਰਾਸਭੋ ਅਧਿਗਤਞਾਤਤੀਰਣ-

ਪਰਿਞ੍ਞਵਾ ਉਪਰਿਪਹਾਣਸਙ੍ਖਯਾ,

ਪਰਿਞ੍ਞਯਾ ਉਭਯ ਵਿਸੁਦ੍ਧਿਸਿਦ੍ਧਿਯਾ

ਤਿਸਚ੍ਚਦਸ੍ਸਨਪਸੁਤੋ ਸਮਾਰਭੀ; ()

੩੦.

ਅਨਿਚ੍ਚਲਕ੍ਖਣਮਪਕਿ ਦੁਕ੍ਖਲਕ੍ਖਣਂ

ਅਨਤ੍ਤਲਕ੍ਖਣਮਥ ਸਬ੍ਬਸਙ੍ਖਤੇ,

ਯਥਾਵਤੋ ਨਸਮਨੁਪਸ੍ਸਿ ਸਨ੍ਤਤਿ-

ਰਿਯਾਪਥੇਹਿਚ ਪਿਹਿਤਂਘਣੇਨਸੋ; ()

੩੧.

ਵਿਸੋਧਯਂ ਮਤਿਮੁਦਯਬ੍ਬਯੇ ਤਤੋ

ਲਹੁਂ ਤਿਲਕ੍ਖਣਵਿਸਦਤ੍ਤਗੋ ਭੁਸਂ,

ਵਿਪਸ੍ਸਨਾਪਥਪਟਿਪਨ੍ਨ ਮਤ੍ਤਨਾ

ਅਲਤ੍ਥਭਙ੍ਗਧਿਭਯਞਾਣਮਾਦਿਕਂ; ()

੩੨. ¶

ਸਯਮ੍ਭੁਨੋ ਉਪਰਿਨਵਾਨੁਪਸ੍ਸਨਾ-

ਵਿਭਾਵਨਾ ਨਵਗੁਣਵਣ੍ਣਨਾਯਿਧ,

ਵਿਧੀਯਤੇ ਨਵਵਿਧਞ੍ਣਭਾਵਨਾ

ਪਵੁਚ੍ਚਤੇ ਸਪਕਟਿਪਦਾਵਿਸੁਦ੍ਧਿਤਿ; ()

੩੩.

ਮਤੀਹਿਤਿਹਿਪਿ ਚਤੁਸਚ੍ਚਛਾਦਕ-

ਤਮੋਵਿਧਂਸਨ ਸਮਨਨ੍ਤਰਂ ਥਿਰਂ,

ਨਿਰੋਧਗੋਚਰਮਲਭਿਤ੍ਥ ਗੋਤ੍ਰਭੁ-

ਮਤਿਂ ਸੁਧੀ ਅਨਰਿਯਗੋਤ੍ਤਬਾਹਿਰਂ; ()

੩੪. ¶

ਪਸਤ੍ਥਗੋਤ੍ਰਭੁਮਤਿਦਿਨ੍ਨਸਞ੍ਞਕਂ

ਸਮੂਲਮੁਦ੍ਧਟਕਲੁਸਤ੍ਤਯਂ ਸੁਧੀ,

ਵਿਬਨ੍ਧਦੁਗ੍ਗਤਿਵਿਨਿਪਾਤਨਾਦਿਕਂ

ਅਥਾਦਿਮਂਪਟਿਲਭੀ ਞਾਣਦਸ੍ਸਨਂ; ()

੩੫.

ਯਦੇਵਨਨ੍ਤਰਫਲਦਨ੍ਤਿ ਪਣ੍ਡਿਤਾ

ਵਦਨ੍ਤਿਤਪ੍ਫਲਮਪਿ ਪਚ੍ਚਵੇਕ੍ਖਣਂ,

ਅਲਤ੍ਥ ਸੋ ਪੁਨ ਦੁਤਿਯਾਯ ਭੁਮਿਯਾ

ਵਿਪਸ੍ਸਨਂ ਸਮਧਿਗਮਾਯ ਭਾਵਯੀ; ()

੩੬.

ਭੁਸੋਵਿਸੋਸਿਤ ਭਵਦੁਕ੍ਖਕਦ੍ਦਮਂ

ਅਕਾਲਿਕਂ ਤਨੁਕਤਕਿਬ੍ਬਿਸਤ੍ਤਯਂ,

ਅਨੁਤ੍ਤਰਂ ਦੁਤਿਯਮਲਤ੍ਥ ਤਪ੍ਫਲਂ

ਸਪਚ੍ਚਵੇਕ੍ਖਣਮਥ ਞਾਣਦਸ੍ਸਨਂ; ()

੩੭. ¶

ਵਿਪਸ੍ਸਨਂਪੁਨਰਪਿਭਾਵਯਂ ਸਯਂ

ਸਮੁਦ੍ਧਟਾਲਯਪਟਿਘਂ ਭਵਾਪਹਂ,

ਸਪਚ੍ਚਵੇਕ੍ਖਣਫਲਞਾਣਮਜ੍ਝਗਾ

ਅਨੁਤ੍ਤਰਂ ਤਤਿਯਕ ਞਾਣਦਸ੍ਸਨਂ; ()

੩੮.

ਤਿਲਕ੍ਖਣਂ ਥਿਰਮਤਿਮਾ’ਭਿਪਤ੍ਤਿਯਾ

ਸੁਭਾਵਯਿਕ ਉਪਰਿ ਚਤੁਤ੍ਥਭੁਮਿਯਾ,

ਅਵਾਰਿਯਾਸਨਿਰਿਵ ਤਾਲਮਤ੍ਥਕੇ

ਕਿਲੇਸਮੁਦ੍ਧਨਿਰਨਿਹਚ੍ਚਚਾਰਿਨਂ; ()

੩੯.

ਨਿਵਾਰਿਤਾਖਿਲ ਭਵਚਕ੍ਕਵਿਬ੍ਭਮਂ

ਸਵਾਸਨਾਪਰਿਮਿਤ ਪਕਾਪਨਾਸਨਂ,

ਅਨਞ੍ਞਗੋਚਰ ਵਰਞਾਣਦਸ੍ਸਨਂ

ਅਲਤ੍ਥ ਤਪ੍ਫਲਮਪਿਪਚ੍ਚਵੇਕ੍ਖਣਂ; ()

੪੦. ¶

ਤਦਾਸਵਕ੍ਖਯਮਤਿਗ੍ਞਾਣਦਸ੍ਸਨ-

ਵਿਸੁਦ੍ਧਿਵੁਚ੍ਚਤਿ ਅਰਹਤ੍ਤਪਤ੍ਤਿਯਾ,

ਸਹੇਵਚੁਦ੍ਦਸਵਿਧ ਬੁਦ੍ਧਬੁਦ੍ਧਿਯੋ

ਜਿਨੋ ਚਤੁਬ੍ਬਿਧ ਪਟਿਸਮ੍ਭਿਦਾਲਭੀ; ()

੪੧.

ਅਸਾਧਾਰਣਂ ਞਾਣਛਕ੍ਕਂਬਲਾਨਿ

ਦਸ’ਟ੍ਠਾਰਸਾਵੇਣਿਕਾ ਬੁਦ੍ਧਧਮ੍ਮਾ,

ਚਤੁਦ੍ਧਾਵਿਸਾਰਜ੍ਜਮਿਦ੍ਧਾਨੁਭਾਵਾ

ਸਮਿਦ੍ਧਾਸਹੇਚਾਰਹਤ੍ਤੇਨ ਤਸ੍ਸ; ()

੪੨.

ਅਭਿਞ੍ਞੇਯ੍ਯਧਮ੍ਮੇ ਅਭਿਞ੍ਞਾਯ ਸਾਮਂ

ਪਰਿਞ੍ਞੇਯ੍ਯ ਧਮ੍ਮੇ ਪਰਿਞ੍ਞਾਯ ਸਾਮਂ,

ਪਹਾਤਬ੍ਬ ਧਮ੍ਮੇ ਪਹਨ੍ਤ੍ਵਾਨ ਸਾਮਂ

ਸਨਿਬ੍ਬਾਨਮਗ੍ਗਪ੍ਫਲਂ ਸਚ੍ਛਿਕਤ੍ਵਾ; ()

੪੩. ¶

ਸਿਯਾਯਾਵਤਾਞੇਯ੍ਯ ਧਮ੍ਮਪ੍ਪਵਤ੍ਤਿ

ਸਿਯਾਤਾਵਤਾ ਤਸ੍ਸ ਞਾਣਪ੍ਪਵਤ੍ਤਿ,

ਅਭਿਞ੍ਞਾਯ ਸਬ੍ਬਞ੍ਞੁਤਾਞਾਣ ਮਾਸਿ

ਸਹੇਵਾਰਹਤ੍ਤੇਨ ਸਬ੍ਬਞ੍ਞੁ ਬੁਦ੍ਧੋ; ()

੪੪.

ਮਹਾਮੋਹਨਿਦ੍ਦਾਪਗੋਮਗ੍ਗਞਾਣ-

ਪ੍ਪਬੁਦ੍ਧੋ’ਹਿਸਮ੍ਬੋਧਿਯਾ ਸੋਭਮਾਨੋ,

ਮੁਨਿਨ੍ਦੋ ਦਿਨਿਨ੍ਦਂ’ ਸੁਸਨ੍ਦੋਹਹਾਸਿ-

’ਨ੍ਦਿਰਾਮਨ੍ਦਿਰਿਨ੍ਦਿਵਰਾਭਂਅਹਾਸਿ; ()

੪੫.

ਸੁਬੁਦ੍ਧਾਭਿਸਮ੍ਬੋਧਿਪੁਬ੍ਬਾਚਲਮ੍ਭਾ

ਸਹੇਵਾਰੁਣੋ ਬੁਦ੍ਧਸੂਰੋਦਯੇਨ,

ਸਮੁਟ੍ਠਾਸਿ ਵੇਨੇਯ੍ਯ ਬਨ੍ਧੂਹਿਸਦ੍ਧਿਂ

ਪਬੁਜ੍ਝਿਂਸੁ ਅਬ੍ਭੁਗ੍ਗਤਮ੍ਹੋਜਕੋਸਾ; ()

੪੬. ¶

ਉਲ਼ਾਰਾਵਭਾਸੋ ਤਦਾ ਜਾਤਿਖੇਤ੍ਤੇ

ਭੁਸਂਪਾਤੁਭੁਤੋ ਮਹੀਸਮ੍ਪਵੇਧਿ,

ਸਿਲ਼ਾਸਾਲ਼ਸੇਲ਼ਾਵਤਂਸਾ ਸੁਭਾਨਿ

ਨਿਮਤ੍ਤਾਨਿ ਬਤ੍ਤਿਂਸਜਾਤਾਤਿਲੋਕੇ; ()

੪੭.

ਤਮੋਜਾਲਵਿਦ੍ਧਂਸਨਾਦੀਨਿ ਲੋਕੇ

ਕਰੋਨ੍ਤੋਵ ਚਤ੍ਤਾਰਿਕਿਚ੍ਚਾਨਿ’ਮਾਨਿ,

ਸਮੁਟ੍ਠਾਸਿ ਤਸ੍ਮਿਂਖਣੇ ਰਂਸਿਮਾਲਿ

ਰਿਵਾਦਿਚ੍ਚਵਂਸੁਬ੍ਭਵੋ ਬੁਦ੍ਧਸੂਰੋ; ()

੪੮.

ਮਹੀਲਾਜਵੁਟ੍ਠੀਹਿ ਸਞ੍ਛਨ੍ਨਭੁਤਾ

ਨਭਂ ਕਨਿਬ੍ਭਰਂ ਗਨ੍ਧਧੁਪਦ੍ਧਜੇਹਿ,

ਛਣ੍ਹੋਕੁਲਾ ਕੇਵਲਂ ਲੋਕਧਾਤੁ

ਮਹਾਮਙ੍ਗਲਾਵਾਸ ਕਲੀਲਾਵਲਮ੍ਬਿਂ ()

੪੯. ¶

ਤਦਾਤਪ੍ਪਦਮ੍ਭੋਜ ਪੂਜਾਗਤਾਨਂ

ਸਿਰੋ ਭਤ੍ਤਿਭਾਰਞ੍ਜਲੀਨਂ ਸੁਰਾਨਂ,

ਨਿਰਾਲਮ੍ਬਮਾਕਾਸ ਰਨ੍ਧਂ ਬਭਾਸ

ਪਭਾਸਾਰ ਚੂਲ਼ਾਮਣਿਹਕਾ’ਕਰਾਲ਼ਂ; ()

੫੦.

ਗੁਣੋਨਾਮ ਸਕ੍ਖਨ੍ਧਸਨ੍ਤਾਨ ਸੁਦ੍ਧਿ

ਸਕੋਸੁਦ੍ਧਖਨ੍ਵ੍ਧਪ੍ਪਬਨ੍ਧੋਹਿ ਬੁਦ੍ਧੋ,

ਨਮੋਬੁਦ੍ਧਭੁਤਸ੍ਸ ਨਿਪ੍ਫਨ੍ਤਞਾਣ-

ਪ੍ਪਹਾਣਾਨੁਭਾਵਾਹਿਰੂਪਸ੍ਸਤਸ੍ਸ; ()

ਇਤਿ ਮੇਧਾਨਨ੍ਦਾਭਿਧਾਨੇਨਯਤਿਨਾ ਵਿਰਚਿਤੇ ਸਕਲਕਵਿਜਨ ਹਦਯਾਨਨ੍ਦਦਾਨਨਿਦਾਨੇ ਜਿਨਵਂਸਦੀਪੇ ਅਵਿਦੁਰੇ ਨਿਦਾਨੇ ਮਹਾ ਬੋਧਿਸਤ੍ਤਸ੍ਸ ਅਰਿਯਮਗ੍ਗਞਾਣਾਭਿਸਮ੍ਬੋਧਿ ਸਮਧਿਗਮ ਪਵਤ੍ਤਿਪਰਿਦੀਪੋ ਚੁਦ੍ਦਸਮੋ ਸਗ੍ਗੋ.

ਜਿਨਵਂਸਦੀਪੇ ਅਵਿਦੁਰੇ ਨਿਦਾਨਭਾਗੋ ਦੁਤਿਯੋ.

੧. ¶

ਅਸ੍ਸੇਵ ਪਕਲ੍ਲਙ੍ਕਵਰਸ੍ਸਕਾਰਣਾ

ਸੀਸਕ੍ਖਿਮਂਸਾਨਿ ਚ ਦਾਰਸੁਨਵੋ,

ਦਤ੍ਵਾ ਚਿਰਸ੍ਸਂ ਅਕਰਿਨ੍ਤਿ ਦੁਕ੍ਕਰਂ

ਸੋ (ਇਨ੍ਦਵਂਸਾ’)ਭਿਧਜੋ ਵਿਚਿਨ੍ਤਯੀ; ()

੨.

ਪਲ੍ਲਙ੍ਕਤੋ ਤਾਵ ਨਵੁਟ੍ਠਹਂ ਤਹਿਂ

ਪਲ੍ਲਙ੍ਕਮਾਧਾਯ ਨਿਸਜ੍ਜ ਸਤ੍ਤਹਂ,

ਸਙ੍ਕਪ੍ਪਪੁਣ੍ਣੋ’ਧਿਸਮਾਧਯੋ ਮੁਨਿ

ਸਮ੍ਮਾ ਸਮਾਪਜ੍ਜਿ ਅਨੇਕਕੋਟਿਯੋ; ()

੩.

ਨਾ’ਯਂ ਜਹਾਤੇ ਵਿਜਯਾਸਨਾ’ਲਯਂ

ਯਂਕਿਞ੍ਚਿਕਿਚ੍ਚਂ ਕਰਣਿਯਮਸ੍ਸਹਿ,

ਸਂਵਿਜ੍ਜਤੇ ਦਾਨਿਪਿ ਕਾਚਿ ਦੇਵਤਾ

ਸਙ੍ਕਾਭਿਘਾ’ਤਾਭਿਵਿਤਕ੍ਕਯੁਂ ਇਤਿ; ()

੪. ¶

ਤਾਸਂ ਵਿਦਿਤ੍ਵਾਨ ਵਿਤਕ੍ਕਮਾਸਨਾ

ਅਬ੍ਭੁਟ੍ਠਿਤੋ ਸੋ ਗਗਨਙ੍ਗਣਂ ਖਣਂ,

ਸਂਦਸ੍ਸਯਨ੍ਤੋ ਯਮਪਾਟਿਹਾਰਿਯਂ

ਨਿਸ੍ਸਂਸਯੋ ਸਂਸਯਸਲ੍ਲਮੁਦ੍ਧਰੀ; ()

੫.

ਨਿਸ੍ਸਾਯ ਪਲ੍ਲਙ੍ਕਮਿਮਂ ਮਹੀਰੁਹਂ

ਸਮ੍ਪਤ੍ਤਸਮ੍ਬੋਧਿਪਦੋ’ਸ੍ਮਿ ਚਿਨ੍ਤਿਯ,

ਓਰੁਯ੍ਹ ਪਕਲ੍ਲਙ੍ਕਠਿਤਪ੍ਪਦੇਸਤੋ

ਪੁਬ੍ਬੁਤ੍ਤਰਾਨਞ੍ਹਿ ਦਿਸਾਨ ਮਨ੍ਤਰਾ; ()

੬.

ਸਤ੍ਤਾਹ ਮਿਨ੍ਦਿਵਰਚਾਰੁਲੋਚਨ-

ਪਞ੍ਚਪ੍ਪਭਾਸਾਰਨਿਸੇਚਨੇਨ ਸੋ,

ਸਮਪੂਜਯਨ੍ਤੋ ਜਯਬੋਧਿਮਾਸਨਂ

ਅਟ੍ਠਾਸਿ ਲੋਕੇਕਵਿਲੋਚਨੋ ਜਿਨੋ; ()

੭. ¶

ਗਨ੍ਤ੍ਵਾ ਠੀਤਟ੍ਠਾਨਜਯਾਸਨਨ੍ਤਰਾ

ਪੁਬ੍ਬਾਪਰਸ੍ਸਂ ਦਿਸਿ ਸਤ੍ਤਵਾਸਰਂ,

ਨਿਕ੍ਖਿਤ੍ਤਚਕ੍ਕਙ੍ਕਿਤਪਾਦਪਙ੍ਕਜੋ

ਸੋ ਚਙ੍ਕਮੀ ਨਿਮ੍ਮਿਤਰਤਨਚਙ੍ਕਮੇ; ()

੮.

ਸੋ ਬੋਧਿਤੋ ਉਤ੍ਤਰਪਚ੍ਛਿਮਨ੍ਤਰਾ

ਦੇਵੇਹਿ ਨਾਨਾਰਤਨੇਹਿ ਨਿਮ੍ਮਿਤੇ,

ਸਤ੍ਤਾਹਮਤ੍ਤਂ ਮਣਿਮਨ੍ਦਿਰੇ ਮੁਨਿ

ਸਮ੍ਮਾਭਿਧਮ੍ਮਂ ਪਵਿਹਾਸਿ ਸਮ੍ਮਸਂ; ()

੯.

ਮਨ੍ਥਾਚਲੇ’ਨਮ੍ਬੁਨਿਧਿਂ’ਵ ਕੇਸਵੋ

ਵਿਞ੍ਞਾਣਕਣ੍ਡਾਦਿਟਸਾ ਚਤੁਬ੍ਬਿਧਂ,

ਤਸ੍ਮਿਂ ਨਿਸਿਨ੍ਨੋ ਮੁਨਿ ਧਮ੍ਮਸਙ੍ਗਣਿ-

ਮਾਲੋਲਯੀ ਞਾਣਬਲੇਨ ਦੁਦ੍ਦਸਂ; ()

੧੦. ¶

ਵੇਭਙ੍ਗਿਯਂ ਖਨ੍ਧਵਿਭਙ੍ਗਮਾਦਿਕਂ

ਗਮ੍ਭੀਰਮਟ੍ਠਾਰਸਧਾ ਸੁਦੁਬ੍ਬੁਧਂ,

ਸੋ ਮਾਰਭਙ੍ਗੋ’ਥ ਵਿਭਙ੍ਗਸਾਗਰਂ

ਸਂਖੋਭਯੀ ਞਾਣਯੁਗਨ੍ਤਵਾਯੁਨਾ; ()

੧੧.

ਸੋ ਧਾਤੁਸੁਞ੍ਞਤ੍ਤਪਜਾਨਨੋ ਜਿਨੋ

ਨਿਸ੍ਸਤ੍ਤਨਿਜ੍ਜਿਵਸਭਾਵਧਾਤੁਯੋ,

ਵਿਤ੍ਥਾਰਯਨ੍ਤੋ ਤਦਨਨ੍ਤਰਂ ਵਰਂ

ਨਾਨਾਨਯਂ ਧਾਤੁਕਥਂ ਵਵਤ੍ਥਯੀ; ()

੧੨.

ਖਨ੍ਧਾਦਿਪਞ੍ਞਤ੍ਤਿਵਸੇਨ ਛਬ੍ਬਿਧਾ

ਪਞ੍ਞਤ੍ਤਿਯੋ’ਤਿ ਸੁਵਿਭਤ੍ਤਮਾਤਿਕਂ,

ਪਞ੍ਞਾਯ ਸਬ੍ਬਞ੍ਞੁਜਿਨੋ’ਥ ਪੁਗ੍ਗਲ-

ਪਞ੍ਞਤ੍ਤਿ ਮਾਲੋਲਯਿ ਅਗ੍ਗਪੁਗ੍ਗਲੋ; ()

੧੩. ¶

ਵਾਦੀਭਸੀਹੋ ਸਕਵਾਦਮਣ੍ਡਲਂ

ਓਰੁਯ੍ਹ ਸਮ੍ਮਾ ਪਰਵਾਦਮਣ੍ਡਲਂ,

ਸੁਤ੍ਤਾਨਿ ਸਙ੍ਗਯ੍ਹ ਸਹਸ੍ਸਮਟ੍ਠਧਾ

ਸਂਖਿਤ੍ਤ ਮਾਦੋ ਮੁਖਵਾਦਯੁਤ੍ਤਿਕਂ; ()

੧੪.

ਞਾਣੇਨ ਵਿਤ੍ਥਾਰਿਯਮਾਨ ਮਤ੍ਤਨੋ

ਕਿਞ੍ਚਾਪ੍ਯ’ਨਨ੍ਤਾਪਰਿਯਨ੍ਤ ਮੁਤ੍ਤਮਂ,

ਤਕ੍ਕੀਹਿ ਨਕ੍ਕਾਵਚਰਂ ਨਕੇਹਿਚਿ

ਨਾਥੋ ਕਥਾਵਤ੍ਥੁ ਮਥਾ’ਭਿਸਮ੍ਮਸਿ; ()

੧੫.

ਯਂ ਮੂਲਖਨ੍ਧਾਦਿਵਸਾ ਦਸਬ੍ਬਿਧਂ

ਉਦ੍ਦੇਸਨਿਦ੍ਦੇਸਪਦਾ’ਨੁਰੂਪਤੋ,

ਨਿਟ੍ਠਾਨਤੋ ਸਂਸਯਤੋ ਵਿਭਾਗਿਯਂ

ਗਮ੍ਭੀਰਞਾਣੇਨ’ਥ ਸਾਗਰੂਪਮਂ; ()

੧੬. ¶

ਸਨ੍ਤਂ ਪਣਿਤਂ ਨਿਪੁਣਂ ਸੁਦੁਦ੍ਦਸਂ

ਗੁਲ਼੍ਹਂ ਅਤਕ੍ਕਾਵਚਰਂ ਅਚਿਨ੍ਤਿਯਂ,

ਨਾਨਾਨਯਂ ਤਂ ਯਮਕਂ ਸੁਸਞ੍ਞਮੋ

ਧਮ੍ਮਸ੍ਸਰੋ ਸਮ੍ਮਸਿ ਨਿਪ੍ਪਦੇਸਤੋ; ()

੧੭.

ਨਾਨਾਨਯੁ’ਤ੍ਤੁਙ੍ਗਤਰਙ੍ਗਨਿਬ੍ਭਰਂ

ਨੇਯ੍ਯਤ੍ਥਨੀਤਤ੍ਥਮਣਿਹਿ ਮਣ੍ਡਿਤਂ,

ਧਮ੍ਮਨ੍ਤਰਾਵਟ੍ਟਸਤਂ ਅਥਾਪਰਂ

ਸਦ੍ਧਮ੍ਮਖਨ੍ਧੋਦਕਖਨ੍ਧਪੂਰਿਤਂ; ()

੧੮.

ਸਤ੍ਥਾ ਚਤੁਬ੍ਬਿਸ ਤਿਮਤ੍ਤਪਚ੍ਚਯ-

ਵੇਲਂ ਪਰਿਚ੍ਛੇਦਵਿਸਾਲਪਟ੍ਟਨਂ,

ਗਮ੍ਭੀਰਪਟ੍ਠਾਨ ਮਹਣ੍ਣਵਂ ਕਥਂ

ਆਲੋਲਯਂ ਸਮ੍ਮਸਿ ਞਾਣਮੇਰੁਨਾ; ()

੧੯. ¶

ਨਿਸ੍ਸਙ੍ਗਞਾਣੋ ਮੁਨਿ ਹੇਤੁਪਚ੍ਚਯੋ

ਇਚ੍ਚਾਦਿਨਾ’ਰੋਪਿਤਮਾਤਿਕਾਰਹਂ,

ਨਿਦ੍ਦਿਟ੍ਠਨਿਦੇਦਸਪਦਂ ਪਪਞ੍ਚਿਤ-

ਞੇਯ੍ਯਂ ਚਤੁਬ੍ਬੀਸਵਿਧਂ ਸੁਦੁਬ੍ਬੁਧਂ; ()

੨੦.

ਨਿਸ੍ਸਾਯ ਬਾਵੀਸਵਿਧੇ ਤਿਕੇ ਤਿਕ-

ਪਟ੍ਠਾਨ ਮਨ੍ਤੋਗਧਨਾਮਰੂਪਿਕੇ

ਨਿਸ੍ਸਾਯ ਨਿਸ੍ਸੇਸਕੇ ਤਥਾ ਦੁਕ-

ਪਟ੍ਠਾਨ ਮਨ੍ਤੋਗਧਨਾਮਰੂਪਿਕੇ ()

੨੧.

ਬਾਵਿਸਮਤ੍ਤਾ ਤਿਕਮਾਤਿਕਾ ਦੁਕੇ

ਪਕ੍ਖਿਪ੍ਪ ਪਟ੍ਠਾਨਵਿਦਂ ਦੁਕਨ੍ਤਿਕਂ,

ਬਾਵੀਸਮਤ੍ਤਾਯ ਤਿਕੇ ਸਤਂਦੁਕੇ

ਪਕ੍ਖਿਪ੍ਪ ਪਟ੍ਠਾਨਮਿਦਂਕ ਤਿਕਦ੍ਦੁਕਂ; ()

੨੨. ¶

ਕਤ੍ਵਾ ਤਿਕੇਸ੍ਵੇ’ਵ ਤਿਕੇ ਦੁਵੀਸਤਿ

ਪਟ੍ਠਾਨ ਮਨ੍ਤੋਗਤਿਕੇ ਤਿਕਤ੍ਤਿਕਂ,

ਕਤ੍ਵਾ ਦੁਕੇਸ੍ਵੇ’ਵ ਤਥਾ ਸਤਂਦੁਕੇ

ਪਟ੍ਠਾਨ ਮਨ੍ਤਾਗੇਤਿਕੇ ਦੁਕਦ੍ਦੁਕਂ; ()

੨੩.

ਇਚ੍ਚਾਨੁਲੋਮੇ ਜਨਯਾਨਿ ਪਕ੍ਖਿਪਂ

ਛ ਪ੍ਪਚ੍ਚਨੀਯੇ’ਪਿ ਨਯਾਨਿ ਪਕ੍ਖਿਪਂ,

ਏਵਂ ਖਿਪਿਤ੍ਵਾ ਅਨੁਲੋਮਪਚ੍ਚਨਿ-

ਯੇਚਾ’ਪਿ ਛ ਪ੍ਪਚ੍ਚਨਿਯਾ’ਨੁਲੋਮਕੇ; ()

੨੪.

ਗਮ੍ਭੀਰਪਟ੍ਠਾਨਮਹੋਦਧਿਂ ਇਤਿ

ਸਙ੍ਖੋਭਯਂ ਸਮ੍ਮਸਿ ਞਾਣਮੇਰੁਨਾ,

ਤਂ ਸਮ੍ਮਸਨ੍ਤਸ੍ਸ ਸਵਤ੍ਥੁਕਂ ਛਵਿ-

ਵਣ੍ਣੋ ਪਸਨ੍ਤੋ’ਸਿ ਪਸੀਦਿ ਲੋਹਿਤਂ; ()

੨੫. ¶

ਤਸ੍ਮਿਂਖਣੇ ਚਤ੍ਤਜਵਣ੍ਣਧਾਤੁਯੋ

ਅਟ੍ਠਂਸੁ ਠਾਨਮ੍ਹਿ ਅਸਿਤਿਹਤ੍ਥਕੇ,

ਅਞ੍ਞਤ੍ਰ’ਧਿਟ੍ਠਾਨਬਲਂ ਸਰੀਰਤੋ

ਛਬ੍ਬਣ੍ਣਰਂਸੀ ਵਿਸਰਾ’ਹਿਨਿਚ੍ਛਰੁਂ; ()

੨੬.

ਸੇਵਾਲਕਾਲਿਨ੍ਦਿਨਦਿ’ਨ੍ਦਿਰਾਪਤਿ-

ਨਿਲਮ੍ਬਰਿ’ਨ੍ਦਿਵਰਵਣ੍ਣਸਨ੍ਤਿਭਾ,

ਕੇਸ’ਕ੍ਖਿਮਸ੍ਸੂਹਿਕ ਵਿਨਿਗ੍ਗਤਾ ਭੁਸਂ

ਨੀਲਪ੍ਪਭਾ’ਸੇਸਦਿਸਾ ਅਲਙ੍ਕਰੁਂ; ()

੨੭.

ਤਾਸਂ ਵਸਾ’ ਸੇਸਦਿਸਾਵਿਲਾਸਿਨੀ

ਆਸੁਂ ਯਥਾ ਪਾਰੁਤਨੀਲਕਮ੍ਬਲਾ,

ਤਾ ਚਕ੍ਕਵਾਲ਼ਾਤਿ ਪਪੂਰਯਨ੍ਤਿਯੋ

ਧਾਵਿਂਸੁ ਨਿਲੋਪਲਚੁਣ੍ਣਸਨ੍ਨਿਭਾ; ()

੨੮. ¶

ਨਿਸ੍ਸੇਸਲੋਕਂ ਹਰਿਤਾਲਕੁਙ੍ਕੁਮ-

ਚੁਣ੍ਣੇਹਿ ਸੋਵਣ੍ਣਰਸੇਹਿ ਮਿਸ੍ਸਕਂ,

ਆਲੇਪਯਨ੍ਤੀਵਿਯ ਪੀਤਰਂਸਿਯੋ

ਯਾ ਨਿਗ੍ਗਤਾ ਕਞ੍ਚਨਸਨ੍ਨਿਭਤ੍ਤਚਾ; ()

੨੯.

ਤਾਸਂ ਵਸੇਨਾ’ਸਿ ਸਿਣੇਰੁਪਬ੍ਬਤ-

ਰਾਜਾ ਵਿਲਿਨੋ’ਵ ਮਹਣ੍ਣਵੇ ਜਲਂ,

ਸਂਕਪ੍ਪਿਤਾ’ਵ’ਟ੍ਠ ਦਿਸਾਗਜਾ’ਭਵੁਂ

ਨਿਦ੍ਧਨ੍ਤਚਾਮੀਕਰਕਪ੍ਪਨਾਦਿਨਾ; ()

੩੦.

ਲਾਖਾਰਸਾਨਂ ਪਰਿਸੇਚਨਂ ਵਿਯ

ਨਿਨ੍ਦੂਰਚੁਣ੍ਣੋ’ਕਿਰਣਂ’ਵ ਯਾਦਿਸਿ,

ਸਞ੍ਝਾਪਭਾਰਤ੍ਤਸੁਰਤ੍ਤਰਂਸਿਯੋ

ਨਿਕ੍ਖਮ੍ਮ ਧਾਵਿਂਸੁ ਸਮਂਸਲੋਹਿਤਾ; ()

੩੧.

ਤਾਸਂ ਵਸੇਨਾ’ਖਿਲਭੂਮਿਕਾਮਿਨੀ

ਆਸੀ ਨਿਮੁਗ੍ਗਾਰਿਵ ਉਤ੍ਤਰਣ੍ਣਵੇ,

ਅਮ੍ਭੋਜਰਾਗੇਹਿ ਸੁਨਿਮ੍ਮਿਤਾਨਿ’ਵ

ਸਬ੍ਬਾਨਿ ਦਬ੍ਬਾਨ੍ਯ’ਭਵੁਂ ਜਗਤ੍ਤਯੇ;()

੩੨. ¶

ਯਾਕੁਨ੍ਦਸੋਗਨ੍ਧਿਕਚਨ੍ਦਚਨ੍ਦਿਕਾ-

ਕਪ੍ਪੂਰਖੀਰੋਦਧਿਵੀਚਿਪਣ੍ਡਰਾ,

ਅਟ੍ਠੀਹਿ ਦਾਠਾਹੀ ਵਿਤਸ੍ਸਟਾ ਭੁਸਂ

ਓਦਾਤਰਂਸੀ ਧਵਲੀਕਰੁਂ ਦਿਸਾ; ()

੩੩.