📜

ਪਦਸਾਧਨਂ ¶

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਬੁਦ੍ਧਮ੍ਬੁਜਂ ਨਮਸ੍ਸਿਤ੍ਵਾ ਸਦ੍ਧਮ੍ਮਮਧੁ ਭਾਜਨਂ,

ਗੁਣਮੋਪਦਪਦਂ ਸਙ੍ਘਮਧੁਬ੍ਬਤਨਿਸੇਵਿਤਂ;

ਮੋਗ੍ਗਲ੍ਲਾਯਨਾਚਰਿਯ ਚਰਞ੍ਚ ਯੇਨ ਧੀਮਤਾ,

ਕਤਂ ਲਘੁਮਯਨ੍ਦਿਦ੍ਧਮਨੁਨਂ ਸਦ੍ਦਲਕ੍ਖਣਂ;

ਆਰਭਿਸ੍ਸਂ ਸਮਾਸੇਨ ਬਾਲਤ੍ਥਂ ਪਦਸਾਧਨਂ,

ਮੋਗ੍ਗਲ੍ਲਾਯਨਸਦ੍ਦਤ੍ਥਰਤਨਾਕਰਪਦ੍ਧਤਿਂ;

ਸਞ੍ਞਾਪਰਿਗ੍ਗਹੇਨੇਵ ਲਕ੍ਖਣੇਸੁ ਸਰਾਦਯੋ,

ਞਾਯਨ੍ਤਿਤਿ ਤਮੇਵਾਦੋ ਦਸ੍ਸਯਿਸ੍ਸਂ ਵਿਭਾਗਤੋ;

ਅਆਦਯੋ ਤਿਤਾਲ਼ੀਸ ਵਣਣਾ.

ਜਿਨਵਚਨਾਨੁਰੂਪਾ ਅਕਾਰਦੇਯੋ ਨਿਗ੍ਗਹਿਤਨ੍ਤਾ ਤੇਚਤ੍ਤਾਲ਼ੀ ਸਕ੍ਖਰਾ ਪਚ੍ਚੇਕਂ ਵਣ੍ਣਾ ਨਾਮ ਹੋਨ੍ਤਿ ਯਥਾ - ਅ ਆ ਇ ਈ ਉ ਊ ਏ ਓ ਕ ਖ ਗ ਘ ਙ ਚ ਛ ਜ ਝ ਞ ਟ ਠ ਣ ਤ ਥ ਦ ਧ ਨ ਪ ਫ ਬ ਭ ਮ ਯ ਰ ਲ ਵ ਸ ਹ ਲ਼ ਅਂ ਇਤਿ-ਕਕਾਰਾਦਿਸ੍ਵਕਾਰੋ ਉਚ੍ਚਾਰਣਤ੍ਥੋ = ਵਣਣੀਯਤਿ ਅਤ੍ਥੋ ਏਤੇਹੀਤਿ ਵਣ੍ਣਾ-ਅਆਦਿ ਮਰਿਯਾਦਾ ਭੂਤੋ ਯੇਸਨ੍ਤੋ ਅਆਦਯੋ.

ਅਆਦਯੋਤਿ ਵਤ੍ਤਤੇ ਯਾਵ ‘‘ਬਿਨ੍ਦੁਨਿਗ੍ਗਹੀਤ’’ਨ੍ਤਿ-ਤਞ੍ਚਖੋਅਤ੍ਥ ਵਸਾ ਵਿਭਤ੍ਤਿਚੀਪਰਿਨਾਮੋਤਿ ਸਤ੍ਤਮ੍ਯਨ੍ਤਮਭਿਸਮ੍ਬਨ੍ਧੀਯਤੇ.

ਦਸਾਦੋ ਸਰਾ

ਅਆਦਿਸ੍ਵਾਦਿਮ੍ਹਿ ਨਿਦ੍ਦਿਟ੍ਠਾ ਓਦਨ੍ਤਾ ਦਸਵਣ੍ਣਾ ਸਰਾ ਨਾਮ ਹੋਨ੍ਤਿ-ਯਥਾ-ਅ ਆ ਇ ਈ ਉ ਊ ਏ ਓ = ਸਰਨ੍ਤਿ ਪਵਤ੍ਤਨ੍ਤੀਤਿ ਸਰਾ-ਦਸਾ ਦੋਤਿ ਵਤ੍ਤਤੇ ਤੀਸੁ ਚਕ੍ਕਮਾਨੇਸੁ.

ਦ੍ਵੇ ਦ੍ਵੇ ਸਵਣ੍ਣਾ.

ਅਆਸ੍ਵਾਦਿਮੇਸੁ ਦਸ੍ਸੁ ਦ੍ਵੇ ਦ੍ਵੇ ਸਵਣ੍ਣਾ ਨਾਮ ਹੋਨ੍ਤਿ. ਯਥਾਕ੍ਕਮਂ-ਯਥਾ-ਅਆ ਇਤਿ, ਉਊ ਇਤਿ, ਏ ਇਤਿ, ਓ ਇਤਿ = ਸਮਾਨਾ ਸਾਦਿਸਾ ਵਣ੍ਣਾ ਸਵਣ੍ਣਾ-ਸਮਾਨਤ੍ਤਞ੍ਚ ਠਾਨਤੋ.

ਛ ਵਣ੍ਣਾਨਂਹਿ ਉਪ੍ਪਤ੍ਤਿਟ੍ਠਾਨਾਨਿ ਕਣ੍ਠਾਤਾਲੁਮੁਦ੍ਧਦਨ੍ਤਓਟ੍ਠਾਨਾ ਸਿਕਾਵਸੇਨ-ਤੇਸੁ ਅਵਣ੍ਣਕਵਗ੍ਗਹਾਨਂ ਕਣ੍ਠੋਠਾਨਂ-ਇਵਣ੍ਣ ਚਵਗ੍ਗਯਾਨਂ ਤਾਲੁ-ਟਵਗ੍ਗਰਲ਼ਾਨਂ ਮੁਦ੍ਧਾ-ਤਵਗ੍ਗਲਸਾਨਂ ਦਨ੍ਤਾ-ਉ ਵਣ੍ਣਪਵਗ੍ਗਾਨਂ ਓਟ੍ਠਾ-ਏਵਣ੍ਣਸ੍ਸ ਕਣ੍ਠਤਾਲੁ-ਓਵਣ੍ਣਸ੍ਸ ਕਣ੍ਠੋਟ੍ਠਂ-ਵਕਾਰਸ੍ਸ ¶ ਦਨ੍ਤੋਟ੍ਠਂ-ਨਿਗ੍ਗਹਿਤਸ੍ਸ ਨਾਸਿਕਾ-ਙਞਣਨਮਾਨਂ ਸਕਟ੍ਠਾਨਂ ਨਾਸਿਕਾ ਚ-ਦ੍ਵੇਦ੍ਵੇਤਿ ਵਤ੍ਤਤੇ.

ਪੁਬ੍ਬੋ ਰਸ੍ਸੋ

ਤੇਸ੍ਚੇਵ ਦਸਸੁ ਯੇ ਦ੍ਵੇ ਦ੍ਵੇ ਸਵਣ੍ਣਾ ਤੇਸੁ ਯੋ ਯੋ ਪੁਬ੍ਬੋ ਸੋ ਸੋ ਰਸ੍ਸਸਞ੍ਞੋ ਹੋਤਿ-ਯਥਾ-ਅ ਇ ਉ ਏ ਓ-ਤੇਸੁ ਸਂਯੋਗ ਪੁਬ੍ਬਾਚ ਦਿਸ੍ਸਨ੍ਤਿ ਦ੍ਵੇ ਪਨਨ੍ਤਿਮਾ ਦੀਪੇਤੁਂ ਤਤ੍ਥ ਸਾਧੁਤ੍ਤਂ ਤੇਸਮ੍ਪਿ ਇਧ ਸਙ੍ਗਹੋ = ਰਸ੍ਸਕਾਲਯੋਗਾ ਤਬ੍ਬਨ੍ਤਤਾਯ ਵਾ ਰਸ੍ਸਾ-ਤਥਾ ਦੀਘਾ-ਇਧਾਪਿਦ੍ਵੇਦ੍ਵੇਤਿ ਵਤ੍ਤਤੇ.

ਪਰੋ ਦੀਘੋ.

ਅਆਦਿਸ੍ਵਾਦਿਭੁਤੇਸੁ ਦਸਸੁ ਯੇ ਦ੍ਵੇ ਦ੍ਵੇ ਸਵਣ੍ਣਾ ਤੇਸੁ ਯੋ ਯੋ ਪਰੋ ਸੋ ਸੋ ਦੀਘਸਞ੍ਞੋ ਹੋਤਿ-ਯਥਾ-ਆ ਈ ਊ.

ਕਾਦਯੋ ਬ੍ਯਞ੍ਜਨਾ.

ਅਆਦਿਸੁ ਕਾਦਯੋ ਨਿਗ੍ਗਹੀਤਪਰਿਯਨ੍ਤਾ ਤੇਤ੍ਤਿਂਸ ਬ੍ਯਞ੍ਜਨਾਨਾਮ ਹੋਨ੍ਤਿ-ਯਥਾ-ਕ ਖ ਗ ਘ ਙ ਚ ਛ ਜ ਝ ਞ ਟ ਠ ਡ ਣ ਤ ਥ ਦ ਧ ਨ ਪ ਫ ਬ ਭ ਮ ਯ ਰ ਲਵ ਸ ਹ ਲ਼ ਅਂ = ਬ੍ਯਞ੍ਜੀਯਤਿ ਅਤ੍ਥੋ ਏਤੇਹੀਤਿ ਬ੍ਯਞ੍ਜਨਾ-ਕਾਦਯੋਤਿ ਵਤ੍ਤਤੇ.

ਪਞ੍ਚ ਪਞ੍ਚਕਾ ਵਗ੍ਗਾ.

ਅਆਦਸੁ ਕਕਾਰਾਦਯੋ ਮਕਾਰਨ੍ਤਾ ਪਞ੍ਚ ਪਞ੍ਚਕਾ ਵਗ੍ਗਾ ਨਾਮ ਹੋਨ੍ਤਿ-ਯਥਾ-ਕਖਗਘਙ, ਚਛਜਝਞ, ਟਠਡਢਣ, ਤਥਦਧਨ, ਪਫਬਭਮ. = ਵਜ੍ਜੇਨ੍ਤਿ ਯਕਾਰਾਦਯੋਤਿ ਵਗ੍ਗਾ.

ਬਿਨ੍ਦੁ ਨਿਗ੍ਗਹਿਤਂ

ਅਕਾਰਾਦੀਸੁਯਵਾਯਂ ਵਣ੍ਣੋ ਬਿਨ੍ਦੁਮਤ੍ਤੋ ਸੋ ਨਿਗ੍ਗਹਿਤਸਞ੍ਞੋਹੋਤਿ = ਰਸ੍ਸਸਰਂ ਨਿਸ੍ਸਾਯ ਗਹਿਤਮੁਚ੍ਚਾਰਿਤਂ ਨਿਗ੍ਗਹੀਤਂ.

ਸਞ੍ਞਾ ਵਿਧਾਨਂ.

ਸਨ੍ਧਿ ਵੁਚ੍ਚਤੇ-ਪੁਰਿਸ ਉਤ੍ਤਮੋ, ਪਞ੍ਞਾ ਇਨ੍ਦ੍ਰਿਯਂ. ਸਤਿਆਰਕ੍ਖੋ,ਭੋਗਿ ਇਨ੍ਦੋ, ਚਕ੍ਖੁ ਆਯਤਨਂ, ਅਭਿਭੁ ਆਯਤਨਂ, ਧਨਮ੍ਮੇ ਅਤ੍ਥਿ, ਕੁਤੋ ਏਤ੍ਥਾ’ ਤਿਧ-ਸਰੋ ਲੋਪੋ ਸਰੇ.

ਸਰੋ ਸਰੋ ਲੋਪਨੀਯੋ ਹੋਤਿ-ਸਰੇਤੋਪਸਿਲੇਸਿਕਾਧਾਰਸਤ੍ਤਮੀ ਤਤੋ ਵਣ੍ਣਕਾਲਵ੍ਯਵਧਾਨੇ ਕਾਰਿਯਂ ਨ ਹੋਤਿ-ਤ੍ਵਮਸਿ, ਕਤਮਾ ਚਾਨਨ੍ਦ ਅਨਿਚ੍ਚਸਞ੍ਞਾ’ਤਿ-ਅਞ੍ਞਤ੍ਥਾਪਿ ਸਂਹਤਾਯਮੋਪਸਿਲੇਸਕਾਧਾ ਰੇਯੇਵ ਸਤ੍ਤਮੀ-ਵਿਧੀਤਿ ਵਤ੍ਤਮਾਨੇ.

ਸਤ੍ਤਮਿਯਂ ਪੁਬ੍ਬਸ੍ਸ.

ਸਤ੍ਤਮੀਨਿਦ੍ਦੇਸੇ ਪੁਬ੍ਬਸ੍ਸੇਵ ਵਿਧਿਤਿ ਪੁਬ੍ਬਸਰਲੋਪੋ-ਪੁਰਿਸੁਤ੍ਤਮੋ,ਪਞ੍ਞਿਨ੍ਦ੍ਰਿਯਂ, ਸਤਾਰਕ੍ਖੋ, ਭੋਗਿਨ੍ਦੋ, ਚਕ੍ਖਾਯਤਨਂ. ਅਭਿਭਾਯਤਨਂ, ਧਨਮ੍ਮਤ੍ਥਿ, ਕੁਤੇਤ੍ਥ. ਪੁਬ੍ਬਸ੍ਸ ¶ ਕਾਰਿਯਵਿਧਾਨਾ ਸਤ੍ਤਮੀਨਿਦ੍ਦਿਟ੍ਠਸ੍ਸ ਪਰਤਾਵ ਗਮ੍ਯਤੇਤਿ ਪਰੇਤੁਪਰਿਵਚਨਮ੍ਪਿ ਘਟਤੇ-ਸੋ ਅਹਂ, ਚਤ੍ਤਾਰੋ ਇਮੇ, ਯਤੋ ਉਦਕਂ, ਪਾਤੋ ਏਵਂ’ਤੀਧ-‘‘ਸਰੋ ਲੋਪੋ ਸਰੇ’’ਤਿ ਵਤ੍ਤਤੇ.

ਪਰੋ ਕ੍ਵਚਿ.

ਸਰਮ੍ਹਾ ਪਰੋ ਸਰੋ ਕ੍ਵਚਿ ਲੋਪਨੀਯੋ ਹੋਤਿ-ਸੋਹਂ, ਚਤ੍ਤਾਰੋਮੇ, ਯਤੋਦਕਂ. ਪਾਤੋਚ-ਕ੍ਵਚਿਤਿਕਿਂ?-ਪਞ੍ਞਿਨ੍ਦ੍ਰਿਯਂ-ਅਸ੍ਸਾਧਿਕਾਰੋ ਸਬ੍ਬਸਨ੍ਧਿਸੁ-ਤਸ੍ਸ ਇਦਂ, ਤਸ੍ਸ ਇਦਂ, ਵਾਤ ਈਰਿਤਂ, ਵਾਤ ਈਰਿਤਂ, ਸੀਤ ਉਦਕਂ, ਸੀਤ ਉਦਕਂ, ਵਾਮ ਊਰੁ,ਵਾਮ ਊਰੁ, ਇਤਿਧ-ਪੁਬ੍ਬਸਰ ਲੋਪੇ-ਸਰੇ ਵੇਤਿ ਚ ਵਤ੍ਤਤੇ.

ਯੁਵਣਣਾਨਮ੍ਞੋ ਲੁਤ੍ਤਾ.

ਲੁਤ੍ਤਾ ਸਰਾਪਰੇਸਂ ਇਵਣ੍ਣਵਣ੍ਣਾਨਂ ਞੋ ਹੋਨ੍ਤਿ ਵਾਯਥਾਕ੍ਕਮਂ.

ਵਣ੍ਣਪਰੇਨ ਸਵਣ੍ਣੇਪਿ.

ਵਣ੍ਣਸਦ੍ਦੋ ਪਰੋ ਯਸ੍ਮਾ ਤੇਨ ਸਵਣ੍ਣੋਪਿ ਗਯ੍ਹਤਿ ਸਯਂ ਚੇਤਿ ਈ ਊ ਨਮ੍ਪਿ ਏ ਓ-ਤਸ੍ਸੇਦਂ, ਤਸ੍ਸਿਦਂ-ਵਾਤੇਰਿਤਂ. ਵਾਤਿਰਿਤਂ-ਸੀਤੋਦਕਂ, ‘‘ਬ੍ਯਞ੍ਜਨੇ ਦੀਗਰਸ੍ਸਾ’’ਤਿ ਦੀਘੇ-ਸੀਤੁਦਕਂ-ਵਾਮੋਰੁ,ਵਾਮੂਰੁ-ਲੁਤ੍ਤੇਤਿਕਿਂ-ਦਸ ਇਮੇ.

ਅਤਿਪ੍ਪਸਙ੍ਗਬਾਧਕਸ੍ਸ ਕ੍ਵਚਿਸਦ੍ਦਸ੍ਸਾਨੁਵਤ੍ਤਨਤੋ ਨ ਵਿਕਪ੍ਪਵਿਧੀ ਨਿਯਤਾ-ਤੇਨ ਉਪੇਤੋ’ਤਿ ਏਵਮਾਦੀਸੁ ਵਿਕਕੇਪ੍ਪਾ ਨਾਰਕਿਤਾਦਿਸੁ ਵਿਧਿ ਚ ਨ ਹੋਤਿ-ਚਿ ਅਕਾਸਿ, ਚਿ ਅਕਾਸਿ. ਸੁ ਆਗਤਂ, ਸੁ ਆਗਤਂ’ਤਿਧਯੁਵਣ੍ਣਾਨਂ ਵੇ’ਤਿ ਚ ਵਤ੍ਤਤੇ.

ਯਵਾ ਸਰੇ.

ਸਰੇ ਪਰੇ ਇਵ ਣ੍ਣੁਵਣ੍ਣਾਨਂ ਯਕਾਰਵਕਾਰਾ ਹੋਨ੍ਤਿ ਵਾ ਯਥਾਕ੍ਕਮਂ-ਅਕਾਰਸ੍ਸ ਦੀਘੇ-ਵ੍ਯਾਕਾਸਿ, ‘‘ਵਨਤਰਗਾਵਾ ਗਾਮਾ’’ਤਿ ਯਾਗਮੇ-ਵਿਯਾਕਾਸਿ-ਸ੍ਵਾਗਤਂ. ਸਾਗਤਂ-ਕ੍ਵਚਿਤ੍ਵੇਵ-ਯਾਨੀਧ.

ਤੇ ਅਜ੍ਜ, ਤੇ ਅਜ੍ਜ, ਸੋ ਅਯਂ, ਸੋ ਅਯਂ, ਇਤੀਧ-‘‘ਯਵਾਸਰੇ’’ ‘ਵੇ’ਤਿ ਚ ਵਤ੍ਤਤੇ.

ਞੋਨਂ

ਞੋਨਂ ਯਕਾਰਵਕਾਰਾ ਹੋਨ੍ਤਿ ਵਾ ਸਰੇ ਪਰੇ ਯਥਾਕ੍ਕਮਂ.

ਤ੍ਯਜ੍ਜ, ਤੇਜ੍ਜ-‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿਦੀਘੇ-ਸ੍ਵਾਯਂ, ਸੋਯਂ.

ਕ੍ਵਚੀਤ੍ਵੇਵ-ਧਨਮ੍ਮਤ੍ਥੀ-ਗੋ ਏਲ਼ਕਮਿਤਿਧ-ਸਰੇ’ਤਿ ਵਤ੍ਤਤੇ.

ਗੋਸ੍ਸਾਵਙ.

ਸਰੇ ਪਰੇ ਗੋਸ੍ਸ ਅਵਙ ਆਦੇਸੋ ਹੋਤਿ-ਸਚ‘‘ਟਨੁਬਨ੍ਧਾਨੇਕ ਵਣ੍ਣਾਸਬ੍ਬਸ੍ਸਾ’’ਤਿ ਸਬ੍ਬਸ੍ਸਪ੍ਪਸਙ੍ਗੇ-ਅਨ੍ਤਸ੍ਸੇ’ਤਿ ਵਤ੍ਤਮਾਨੇ.

ਙਨੁ ਬਨ੍ਧੋ.

ਙਕਾਰੋਨੁਬਨ੍ਧੋ ਯਸ੍ਸ ਸੋ ਨੇਕਵਣ੍ਣੋਪਿ ਅਨ੍ਤਸ੍ਸ ਹੋਤਿਤਿ औਕਾਰਸ੍ਸੇਵ ਹੋਤਿ,-‘‘ਸਙ੍ਕੇਤੋਨਵਯਵੋਨੁ ਬਨ੍ਧੋ’’ਤਿਵਚਨਾ ਙਕਾਰਸ੍ਸਾਪ੍ਪਯੋਗੋ-ਪਯੋਜਨਂ‘‘ਙਨੁਬਨ੍ਧੋ’’ਤਿ ਸਙ੍ਕੇਤੋ-ਗਵੇਲ਼ਕਂ.

ਇਤਿ ¶ ਏਵ, ਇਤਿ ਏਵਾ ‘‘ਤੀਧ-

ਵਿਤਿਸ੍ਸੇਵੇ ਵਾ

ਏਵਸਦ੍ਦੇ ਪਰੇ ਇਤਿਸ੍ਸ ਵੋ ਹੋਤਿ ਵਾ-ਸਚ.

ਛਟ੍ਠਿਯਨ੍ਤਸ੍ਸ.

ਛਟ੍ਠਿਨਦ੍ਦਿਟ੍ਠਸ੍ਸ ਯਂ ਕਾਰਿਯਂ ਤਦਨ੍ਤਸ੍ਸ ਵਿਞ੍ਞੇਯ੍ਯਨ੍ਤਿ ਇਕਾਰਸ੍ਸਾਦੇਸੋ ਹੋਤਿ = ਠਾਨੀਨਮਾਮਦ੍ਦਿਯਦਿਸ੍ਸਤਿ ਉਚ੍ਚਾਰਿਯਤਿ’ਤਿ ਆਦੇਸੋ-ਇਤ੍ਵੇਵ, ਅਞ੍ਞਤ੍ਰ ਯਾਦੇਸੇ-‘‘ਤਵਗ੍ਗਵਰਣਨਂ ਯੇ ਚਵਗ੍ਗਬਯਞਾ’’ਤਿ ਤਕਾਰਸ੍ਸ ਵੋ-‘‘ਵਗ੍ਗਲਯੇਹਿ ਤੇ’’ਤਿ ਯਸ੍ਸ ਚ ਚਕਾਰੋ, ਇਚ੍ਚੇਵ-ਦੁ ਅਙ੍ਗਿਕਂ, ਚਿ ਇਤ੍ਵਾ, ਅਜ੍ਜ ਅਗ੍ਗੇ, ਪਾਤੁ ਅਹੇਸੁਂ, ਪਾ ਏਵ, ਇਧ ਇਜ੍ਝਤਿ, ਪਰਿ ਅਨ੍ਤਂ, ਅਤ੍ਤ ਅਤ੍ਥਮਿਤਿਧ-‘‘ਮਯਦਾਸਰੇ’’ਤਿ ਵਤ੍ਤਤੇ.

ਵਤਤਰਗਾ ਚਾਗਮਾ.

ਏਤੇ ਮਯਦਾ ਵਾਗਮਾ ਹੋਨ੍ਤਿ ਵਾ ਸਰੇ ਕ੍ਵਚਿ,-ਆਗਮਿਨੋ ਅਨਿਯਮੇਪਿ ਸਰੋਯੇਵਾਗਮੀ ਹੋਤਿ ਵਨਾਦਿਨਨ੍ਤੁ ਞਾਪਕਾ-ਅਞ੍ਞਥਾਹਿ ਪਦਾਦੀਨਂ ਯੁਕ੍ਵੀਧਾਨ ਮਨਤ੍ਥਕਂ-ਦੁਵਙ੍ਗਿਕਂ, ਚਿਨਿਤ੍ਵਾ, ਅਜ੍ਜਤਗ੍ਗੇ, ਪਾਤੁਰਹੇਸੁਂ, -‘‘ਬ੍ਯਞ੍ਜਨੇਦੀਘਰਸ੍ਸਾ’’ਤਿ ਰਸ੍ਸੇ-ਪਗੇਵ, ਇਧਮਿਜ੍ਝਤਿ, ਪਰਿਯਨ੍ਤਂ, ਅਤ੍ਤਦਤ੍ਥਂ-ਵਾਤ੍ਵੇਵ-ਅਤ੍ਤਤ੍ਥਂ.

ਛ ਅਭਿਞ੍ਞਾ, ਛ ਅਭਿਞ੍ਞਾ,’ਤੀਧ-ਵਾ ਸਰੇ ਆਗਮੋ’ਤਿ ਚ ਵਤ੍ਤਤੇ.

ਛਾ ਲ਼ੋ.

ਛ ਸਦ੍ਦਾ ਪਰਸ੍ਸ ਸਰਸ੍ਸ ਲ਼ਕਾਰੋ ਆਗਮੋ ਹੋਤਿ ਵਾ-ਛਲ਼ਭਿਞ੍ਞਾ, ਛਅਭਿਞ੍ਞਾ.

ਸਰਸਨ੍ਧਿ.

ਕਞ੍ਞਾ ਇਵ-ਕਞ੍ਞਾ ਇਵਾ ਤੀਧ-ਪੁਬ੍ਬਪਰਸਰਾਨਂ ਲੋਪੇ ਸਮ੍ਪਤ੍ਤੇ-ਸਰੋ ਪਰੋਤਿ ਚ ਵਤ੍ਤਤੇ.

ਨਦ੍ਵੇਵਾ.

ਪੁਬ੍ਬਪਰਸਰਾ ਦ੍ਵੇਪਿ ਵਾ ਕ੍ਵਚਿ ਨ ਲੁਪ੍ਯਨ੍ਤੇ-ਕਞ੍ਞਾਇਵ, ਕਞ੍ਞੇਵ, ਕਞ੍ਞਾਵ.

ਸਰਸਨ੍ਧਿ ਨਿਸੇਧੋ.

ਤਤ੍ਰ ਅਭਿਰਤਿ, ਖਨ੍ਤਿ ਪਰਮਂ, ਸਮ੍ਮਾ ਅਕ੍ਖਾਤੋ’ਤੀਧ-

ਬ੍ਯਞ੍ਛਨੇ ਦੀਘਰਸ੍ਸਾ.

ਰਸ੍ਸਦੀਘਾਨਂ ਕ੍ਵਚਿ ਦੀਘਰਸ੍ਸਾ ਹੋਨ੍ਤਿ ਬ੍ਯਞ੍ਜਨੇ-ਤਤ੍ਰਾਭਿਰਤਿ, ਖਨ੍ਤੀਪਰਮਂ,’ ਸਮ੍ਮਦਕ੍ਖਾਤੋ’ ਤਿਦਾਗਮੇ ਰਸ੍ਸੋ-ਕ੍ਵਚੀਤ੍ਵੇਚ-ਤ੍ਯਜ੍ਜ-ਕਥਂ ਯਾਨਿਵ ਅਨ੍ਤਲਿਕ੍ਖੇ’ਤਿ -ਦੀਘਰਸ੍ਸਾਤਿ ਯੋਗਵਿਭਾਗਾ.

ਚਿ ਗਹੋ, ਤਤਿਯ ਝਾਨਂ. ਵਿ ਖੋਪੋ, ਇਤਿਧ-ਬ੍ਯਞ੍ਜਨੇ’ਤਿ ਵਤ੍ਤਤੇ.

ਸਰਮ੍ਹਾ ਦ੍ਵੇ.

ਸਰਮ੍ਹਾ ਪਰਸ੍ਸ ਬ੍ਯਞ੍ਜਨਸ੍ਸ ਕ੍ਵਚਿ ਦ੍ਵੇਰੂਪਾਨਿ ਹੋਨ੍ਤਿ-ਵਿਗ੍ਗਹੋ.

ਚਤੁਤ੍ਥ ¶ ਦੁਤਿਯੇਸ੍ਵੇਸਂ ਤਤਿਯ ਪਠਮਾ.

ਚਤੁਤ੍ਥਦੁਤਿਯੇਸੁ ਪਰੇਸ੍ਵੇਸਂ ਚਤੁਤ੍ਥਦੁਤਿਯਾਨਂ ਤਬ੍ਬਗ੍ਗੇ ਤਤਿਯ ਪਠਮਾ ਹੋਨ੍ਤਿ ਪਚ੍ਚਾਸਤ੍ਯਾਤਿ ਪੁਬ੍ਬਝਕਾਰਖਕਾਰਾਨਂ ਜਕਾਰਕਕਰਾ-ਤਤਿਯਜ੍ਝਾਨਂ, ਵਿਕ੍ਖੇਪੋ-ਸਰਮ੍ਹਾ’ਤਿਕਿਂ?-ਤਂ ਵਨਂ. ਅਕਰਮ੍ਭਸੇਤੇ, ਅਕਰਮ੍ਭਸੇਤੇ, ਏਸੋ ਅਤ੍ਥੋ, ਏਸੋ ਅਤ੍ਥੋ, ਇਤਿਧ-ਚੇ’ਤਿਵਤ੍ਤਤੇ.

ਏ ਓ ਨ ਮ ਵਣ੍ਣੇ.

ਏ ਓ ਨਂ ਵਣ੍ਣੇ ਕ੍ਵਚਿ ਅ ਹੋਤਿ ਵਾ-ਅਕਰਮ੍ਭਸਨੇ, ਅਕਰਮ੍ਹ ਸੇਤੇ-ਏਸਅਤ੍ਥੋ, ਏਸੋਅਤ੍ਥੋ-ਵਣ੍ਣੇਤਿਕਿਂ?-ਸੋ.

ਸਰਬ੍ਯਞ੍ਜਨਸਨ੍ਧਿ.

ਅਤ ਯਨ੍ਤਂ. ਤਥ ਯਂ. ਮਦ ਯਂ, ਬੁਧਿ ਯਤਿ, ਧਨ ਯਂ. ਸੇਵ ਯੋ, ਪਯੇਸਨਾ, ਪੋਕ੍ਖਰਣ ਯੋ, ਇਤਿਧ-

ਤਵਗ੍ਗਵਰਣਨਂਯੇ ਚਵਗ੍ਗਖਯਞਾ.

ਤਵਗ੍ਗਵਰਣਨਂ ਚਵਗ੍ਗਬਯਞਾ ਹੋਨ੍ਤਿ ਯਥਾਕ੍ਕਮਂ ਯਕਾਰੇ, ‘‘ਵਗ੍ਗਲਸੇਹਿ ਤੇ’’ਤਿ ਵਗ੍ਗਾ ਪਰਸ੍ਸ ਯਸ੍ਸ ਪੁਬ੍ਬਰੂਪਂ-ਅਚ੍ਚਨ੍ਤਂ. ਤਚ੍ਛਂ, ਮਜ੍ਜਂ, ਬੁਜ੍ਝਤਿ, ਧਞ੍ਞਂ, ਸੇਬ੍ਬੋ, ਪਯ੍ਯੇਸਨਾ, ਪੋਕ੍ਖਰਞ੍ਞੋ-ਕ੍ਵਚੀਤ੍ਵੇਚ, ਮਤ੍ਯਾ-ਯੇਤਿ ਵਤ੍ਤਤੇ ਵਕ੍ਖਮਾਨੇਸੁ ਤੀਸੁ. ਸਕ ਯਤੇ, ਰੁਚ ਯਤੇ, ਪਟ੍ਯਤੇ, ਲੁਪ੍ਯਤੇ, ਸਲ੍ਯਤੇ, ਦਿਸ੍ਯਤੇ’ਤੀਧ.

ਵਗ੍ਗਲਸੇਹਿ ਤੇ

ਵਗ੍ਗਲਸੇਹਿ ਪਰਸ੍ਸ ਯਕਾਰਸ੍ਸ ਕ੍ਵਚਿ ਤੇ ਵਗ੍ਗਲਸਾ ਹੋਨ੍ਤਿ.

ਸਕ੍ਕਤੇ, ਰੁਚ੍ਚਤੇ,ਪਟ੍ਟਤੇ, ਲੁਪ੍ਪਤੇ, ਸਲ੍ਲਤੇ, ਦਿਸ੍ਸਤੇ. ਕ੍ਵਚਿਤ੍ਵੇਵ-ਕ੍ਯਾਹਂ-ਮੁਹ = ਯਤੀ’ਤੀਧ-

ਹਸ੍ਸ ਵਿਪਲ੍ਲਾਸੋ

ਹਸ੍ਸ ਵਿਪਲ੍ਲਾਸੋ ਹੋਤਿ ਯਕਾਰੋ-ਮੁਯ੍ਹਤਿ,

ਬਹੁਆਬਾਧੋ, ਬਹੁ ਆਬਾਧੋ’ਤੀਧ-ਉਸ੍ਸਵਕਾਰੇ ‘‘ਹਸ੍ਸ ਵਿਪਲ੍ਲਾਸੋ’’ਤਿ ਵਤ੍ਤਤੇ.

ਵੇਵਾ.

ਹਸ੍ਸ ਵਿਪਲ੍ਲਾਸੋ ਹੋਤਿਵਾ ਵਕਾਰੇ-ਬਵ੍ਹਾਬਾਧੋ, ਬਹ੍ਵਾਬਾਧੋ.

ਬ੍ਯਞ੍ਜਨ ਸਨ੍ਧਿ.

ਅਕ੍ਖਿਰੁਜਤਿ. ਅਕ੍ਖਿਰੁਜਤੀ’ਤੀਧ-ਵੇਤਿ ਵਤ੍ਤਤੇ ਯਾਵ‘‘ਮਯਦਾਸਰੇ’’ਤਿ.

ਨਿਗ੍ਗਹਿਤਂ.

ਨਿਗ੍ਗਹੀਤਮਾਗਮੋ ਹੋਤਿਵਾ ਕ੍ਵਚਿ = ਠਾਨੀਨਮਾਲਿਙ੍ਗਿਯ ਗਚ੍ਛਤਿ ਪਵਤ੍ਤਤੀ’ਤਿ ਆਗਮੋ-ਅਕ੍ਖਿਂ ਰੁਜਤਿ,ਅਕ੍ਖਿ ਰੁਜਤਿ-‘‘ਯਾਵਦ੍ਵਿਧਾ’’ਤਿ ਆਦੋ ਨਿਚ੍ਚਂ ਵਵਤ੍ਥਿਤ ਵਿਭਾਸਤ੍ਤਾ ਵਾਧਿਕਾਰਸ੍ਸ-ਵਾਸਦ੍ਦੋ ਹਿ ਅਤ੍ਥਵਯੇ ਵਤ੍ਤਤੇ ਕਤ੍ਥਚਿ ਵਿਕਪ੍ਪੇ ਕਤ੍ਥਚਿ ਯਥਾਵਵਤ੍ਥਿਤਰੂਪ ਪਰਿਗ੍ਗਹੇਤਿ-ਯਦਾ ਪਚ੍ਛਿਮੇ ਤਦਾ ਨਚ੍ਚਮਨਿਚ੍ਚਮਸਨ੍ਤਞ੍ਚ ਵਿਧਿਂ ਦੀਪੇਤਿ-ਏਤ੍ਥ ਪਨ ਕ੍ਵ ਚਿਸਦ੍ਦਸ੍ਸਾਨੁ ¶ ਵਤ੍ਤਨਤੋ ਤੇਨੇਵਾਸਨ੍ਤਵਿਧਿ ਸਿਦ੍ਧੋ’ਤਿ ਵਾਸਦ੍ਦੇ ਨਿਤਰਦ੍ਵਯਂ-ਸਂ ਰਮ੍ਹੋ, ਸਂਰਮ੍ਹੋ, ਪੁਂ ਲਿਙ੍ਗਂ,ਪੁਂ ਲਿਙ੍ਗਮਿਤੀਧ-ਨਿਗ੍ਗਹੀਤਾਧਿਕਾਰੋ ਆ ‘‘ਮਯਦਾ ਸਰੇਤਿ’’.

ਲੋਪੋ.

ਨਿਗ੍ਗਹੀਤਸ੍ਸ ਲੋਪੋ ਹੋਤਿ ਵਾ ਕ੍ਵਚਿ-ਦੀਘਦਿਤ੍ਤਾਨਿ, ਸਾਰਮ੍ਹੋ, ਸਾਰਮ੍ਹੋ-ਪੁਲ੍ਲਿਙ੍ਗਂ, ਪੁਂਲਿਙ੍ਗਂ-ਪਟਿਸਲ੍ਲਾਣੇ ਪਾਤੁਕਾਮੋ’ਤਿਆਦਿਸੁ ਨਿਚ੍ਚਂ-ਪੁਪ੍ਫਂ ਅਸ੍ਸਾ, ਪੁਪ੍ਫਂ ਅਸ੍ਸਾ, ਕਿਂ ਇਤਿ, ਕਿਂ ਇਤੀ’ਤੀਧ-

ਪਰਸਰਸ੍ਸ.

ਨਿਗ੍ਗਹੀਤਮ੍ਹਾ ਪਰਸ੍ਸ ਸਰਸ੍ਸ ਲੋਪੋ ਹੋਤਿ ਵਾ ਕ੍ਵਚਿ.

ਸਂਯੋਗਾਦਿ ਲੋਪੋ.

ਅਨਨ੍ਤਰਾ ਬ੍ਯਞ੍ਜਨਾ ਸਂਯੋਗੋ-ਅਤ੍ਰ ਯੋ ਆਦਭੁਤਾਵਯਵੋ ਤਸ੍ਸ ਵਾ ਕ੍ਵਚਿ ਲੋਪੋ ਹੋਤੀ’ਤਿ ਸਸ੍ਸਾਦਿਸ੍ਸ ਲੋਪੋ-ਪੁਪ੍ਫਂਸਾ, ‘‘ਮਯਦਾ ਸਰੇ’’ਤਿ ਨਿਗ੍ਗਹੀਤਸ੍ਸ ਮਕਾਰੋ-ਪੁਪ੍ਫਮਸ੍ਸਾ, ‘‘ਵਗ੍ਗੇ ਵਗ੍ਗ’ਨ੍ਤੋ’’ਤਿ ਨੋ ਨਗ੍ਗਹੀਤਸ੍ਸ-ਕਿਨ੍ਤਿ, ਕਿਮਿਤਿ.

ਤਂ ਖ ਣਂ, ਤਂ ਖਣਂ, ਧਮ੍ਮਂ ਚਰੇ, ਧਮ੍ਮਂ ਚਰੇ, ਤਂ ਡਹਤਿ, ਤਂ ਡਹਤਿ, ਤਂ ਦਾਨਂ, ਤਂ ਦਾਨਂ, ਤਂ ਫਲਂ, ਤਂ ਏਲਮਿਤੀਧ-

ਵਗ੍ਗੇ ਵਗ੍ਗਨ੍ਤੋ.

ਨਗ੍ਗਹੀਤਸ੍ਸ ਖੋ ਵਗ੍ਗੇ ਵਗ੍ਗਨ੍ਤੋ ਵਾ ਹੋਤਿ ਪਚ੍ਚਾਸਤ੍ਯਾ-ਤਙ੍ਕਣਂ,ਤਂਖਣਂ-ਧਮ੍ਮਞ੍ਚਰੇ, ਧਮ੍ਮਂਚਰੇ-ਤਣ੍ਡਹਤਿ, ਤਂਡਹਤਿ-ਤਨ੍ਦਾਨਂ, ਤਂਦਾਨਂ-ਤਮ੍ਫਲਂ, ਤਂਫਲਂ-ਗਨ੍ਤ੍ਵਾ ਸਮ੍ਮਤੋਤਿ’ਆਦਿਸੁ ਨਿਚ੍ਚਂ-ਆਨਨ੍ਤਰਿਕਂ ਯਮਾਹੁ, ਆਨਨ੍ਤਰਿਕਂ ਯਮਾਹੁ, ਪਚ੍ਚਤ੍ਤਂ ਏਵ, ਪਚ੍ਚਤ੍ਤਂ ਏਵ, ਤਞ੍ਹਿ. ਤਞ੍ਹਿ, ਇਤਿਧ-

ਯੇਵਹਿਸੁਞ੍ਞੋ.

ਯਏਵਹਿਸਦ੍ਦੇਸੁ ਨਿਗ੍ਗਹੀਤਸ੍ਸਞੋ ਵਾ ਹੋਤਿ-‘‘ਵਗ੍ਗਲਸੇਹਿ ਤੇ’ਤਿ ਯਸ੍ਸ ਞਕਾਰੇ-ਆਨਨ੍ਤਰਿਕਞ੍ਞ ਮਾਹੁ. ਆਨਨ੍ਤਰਿਕਂ ਯਮਾਹੁ, ਞਸ੍ਸ ਦ੍ਵਿਤ੍ਤੇ-ਪਚ੍ਚਤ੍ਤਞ੍ਞੇਵ, ਪਚ੍ਚਤ੍ਤਂਏਵ-ਤਞ੍ਹਿ, ਤਂਹੀ-ਏਵ ਸਦ੍ਦਸਹਚਰਿਯਾਯੇਤਿ ਯਸਦ੍ਦਸ੍ਸੇਵ ਗਹਣਂ-ਸਂਯਤੋ, ਸਂਯਤੋ’ਤੀਧ

ਯੇ ਸਂਸ੍ਸ

ਸਂਸਦ੍ਦਸ੍ਸ ਯਂ ਨਿਗ੍ਗਹੀਤਂ ਤਸ੍ਸ ਵਾ ਞੋ ਹੋਤਿ ਯਕਾਰੇ-

ਸਞ੍ਞਤੋ, ਸਂਯਤੋ-ਇਧਯਕਾਰਮਤ੍ਤੋਵ ਗਯ੍ਹਤੇ ਪੁਨਬ੍ਬਚਨਾ.

ਤਂ ਏਵ, ਤਂ ਏਵ, ਤਂ ਇਦਂ, ਤਂ ਇਦਂ, ਤਂ ਇਮਿਨਾ, ਤਂ ਇਮਿਨਾਤੀਧ-

ਮਯਦਾਸਰੇ.

ਨਿਗ੍ਗਹੀਤਸ੍ਸ ਮਯਦਾ ਹੋਨ੍ਤਿ ਵਾ ਸਰੇ ਕ੍ਵਚਿ-ਤਮੇਵ, ਤਂਏਵ-ਤਯਿਦਂ’ ਤਂਇਦਂ-ਤਦਮਿਨਾ, ਤਂ ਇਮਿਨਾ ਏਤ੍ਥ-‘‘ਤਦਮਿਨਾਦੀਨੀ’’ਤਿਨਿਪਾਤਨਾ ਇਕਾਰਸ੍ਸ ਅਕਾਰੋ-ਲਕ੍ਖਣਨ੍ਤਰੇਨਾਵਿਹਿਤਾਦੇਸਲੋਪਾਗਮਵਿਪਲ੍ਲਾਸਾ ਸਬ੍ਬਤ੍ਥ ਇਮਿਨਾਵ ਦਟ੍ਠਬ੍ਬਾ-ਤੇਨ ਨਿਜਕੋ. ਨਿਯਕੋ,’ਤਿਆਦਿ ਸਿਦ੍ਧਂ-ਬੁਦ੍ਧਮ ਸਰਣਮਿਚ੍ਚਾਦਿਸੁ ਯੋਗਵਿਭਾਗਾ.

ਨਿਗ੍ਗਹਿਤ ਸਨ੍ਧਿ.

ਅਥ ¶ ਨਾਮਾਨਿ ਵੁਚ੍ਚਨ੍ਤੇ.

ਤਾਨਿ ਵਿਵਿਧਾਨਿ ਸਲਿਗਾਲਿਗਵਸੇਨ-ਤਤ੍ਥ ਸਲਿਗੇਯੁ ਤਾਵ ਅਕਾਰਨ੍ਤਤੋ ਪੁਲ੍ਲਿਙ੍ਗਾ ਬੁਦ੍ਧਸਦ੍ਦਾ ਸਤ੍ਤਵਿਭਤ੍ਤਿਯੋ ਪਰਾ ਯੋਜੀਯਨ੍ਤੋ-ਬੁਦ੍ਧ ਇਤਿ ਠਿਤੇ.

ਦ੍ਵੇ ਦ੍ਵੇ ਕਾਨੇਕੇਸੁ ਨਾਮਸ੍ਮਾ ਸਿਯੋ ਅਂਯੋ ਨਾਹਿ ਯਨਂ ਸ੍ਮਾਸਨਂ ਸ੍ਮਿਂਸੁ

ਏਤੇਸਂ ਦ੍ਵੇਦ੍ਵੇ ਹੋਨ੍ਤਿ ਏਕਾਨੇਕਤ੍ਥੇਸੁ ਵਤ੍ਤਮਾਨਤੋ ਨਾਮ ਸ੍ਮਾਤਿ ਯਥਾਕ੍ਕਮਂ ਏਕਮ੍ਹਿ ਚਤ੍ਤਬ੍ਬੋ ਏਕਵਚਨਾਨਂ ਬਹੁਮ੍ਹਿ ਵਤ੍ਤਬ੍ਬੇ ਬਹੁਵਚਨਾਨਂ ਚਾਤਿਯਮੇਨਪ੍ਪਯਙ੍ਗੇ-ਨਾਮਸ੍ਮਾ’ਤਿਅਧਿਕਾਰੋ.

ਪਠਮਾਤ੍ਥਮਤ੍ਤੇ

ਸਕਤ੍ਥਦਬ੍ਬਲਿਙ੍ਗਾਨਿ ਸਙ੍ਖ੍ਯਾਕਮ੍ਮਾਦਿਪਞ੍ਚਕਂ

ਨਾਮਤ੍ਥੋ ਤਸ੍ਸ ਸਾਮਞ੍ਞਮਤ੍ਤਮਤ੍ਤਂ ਪਵੁਚ੍ਚਤੇ.

ਨਾਮਸ੍ਸਾਭਿਧੇਯ੍ਯ ਮਤ੍ਤੇ ਪਠਮਾਵਿਭਤ੍ਤਿ ਹੋਤਿ’ਤਿ ਵਤ੍ਤਿਚ੍ਛਾਵਸਾ ਪਠਮਾਯੇਕਵਚਨਬਹੁਵਚਨਾਨਿ.

ਸਿਯੋਇਤਿ ਪਠਮਾ, ਸਿਸ੍ਸਿਕਾਰਸ੍ਸਾਨੁਬਨ੍ਧਤ੍ਤਪ੍ਪੇਯੋਗੋ-ਪਯੋਜਨਂ‘‘ਕਿ ਮਂ ਸੀਸੂ’’ਤਿ ਸਙ੍ਕੇਤੋ-ਤਥਾ ਅਂ ਵਚਨਸ੍ਸਕਾਰਸ੍ਸ-ਸਿ-ਅਤੋ’ਤਿ ਵਤ੍ਤਤੇ-ਤਸ੍ਸ ਨਾਮਵਿਸੇਸਨਤ੍ਤਾ ‘‘ਵਿਧਿਬ੍ਬਿਸੇਸਨਨ੍ਤਸ੍ਸਾ’’ਤਿ ਤਦਨ੍ਤਤੋ ਵਿਧਿ.

ਸਿਸ੍ਸੋ.

ਅਕਾਰਨ੍ਤਤੋ ਨਾਮਸ੍ਮਾ ਪਰਸ੍ਸ ਸਿਸ੍ਸ ਓਹੋਤਿ-ਪੁਬ੍ਬਸਰਲੋਪੋ ਬੁਦ੍ਧੋ ਤਿਟ੍ਠਤਿ-ਯੋ.

ਅਤੋ ਯੋਨਂ ਟਾਟੇ.

ਅਕਾਰਨ੍ਤਤੋ ਨਾਮਸ੍ਮਾ ਪਰੇਸਂ ਪਠਮਾਦੁਤਿਯਾਯੋਨਂ ਟਾਟੇ ਹੋਨ੍ਤਿ ਯਥਾਕ੍ਕਮਂ-ਟਕਾਰਾਨੁਬਨ੍ਧਤ੍ਤਾ‘‘ਟਨੁਬਨ੍ਧਾਨੇਕਵਣ੍ਣਾ ਸਬ੍ਬਸ੍ਸਾ’’ਤਿ ਸਬ੍ਬਾਦੇਸੋ-ਬੁਦ੍ਧਾ ਤਿਟ੍ਠਨ੍ਤਿ. ‘ਪਠਮਾਤ੍ਥਮਤ੍ਤੇ’’ਤਿਵਤ੍ਤਤੇ.

ਆਮਨ੍ਤਣੇ.

ਸਦ੍ਦੇਨਾਭਿਮੁਖੀ ਕਾਰੋ ਵਿਜ੍ਜਮਾਨਸ੍ਸ ਵਤ੍ਥੁਨੋ

ਆਮਨ੍ਤਣਂ ਵਿਧਾਤਬ੍ਬੇ ਨਤ੍ਥਿ ਰਾਜਾ ਭਵੇਤਿ ਤਂ;

ਆਮਨ੍ਤਣਧਿਕੇ ਅਤ੍ਥਮਤ੍ਤੇ ਪਠਮਾ ਵਿਭਤ੍ਤਿ ਹੋਤੀ’ਤਿ ਏਕਸ੍ਮਿਂ ਏਕਵਚਨਂ ਸਿ.

ਗੋਸ੍ਯਾਲਪਣੇ.

ਆਲਪਣੇ ਸਿ ਗਸਞ੍ਞੋ ਹੋਤਿ-ਲੋਪੋ’ਤਿ ਵਤ੍ਤਤੇ

ਗਸੀਨਂ.

ਨਾਮਸ੍ਮਾਗਸੀਨਂਲੋਪੋਹੋਤਿ-ਭੋਬੁਦ੍ਧਮਂਪਾਲਯ-ਗੇ’ਤਿਵਤ੍ਤਤੇ.

ਅਯੁਨਂ ਵਾ ਦੀਘੋ.

ऐਉ ਇਚ੍ਚੇਸਂ ਵਾ ਦੀਘੋ ਹੋਤਿ ਗੇਪਰੇ ਤਿਲਿਙ੍ਗੇ’ਤਿਦੀਘੋ-ਬੁਦ੍ਧਾ, ਕੇਚਿ ਦੀਘਂ ਦੂਰਾਲਪਣੇ ਯੇਵਿਚ੍ਛਨ੍ਤਿ ਸਮੀਪਾਲਪਣੇਪਿ ਦਸ੍ਸਤੋ ਤਂ ਨ ਗਹੇਤਬ੍ਬਂ-ਯੋਮ੍ਹਿ,-ਬੁਦ੍ਧਾ ਮਂ ਪਾਲੇਥ.

ਕਮ੍ਮੇ ¶ ਦੁਤਿਯਾ

ਕਤ੍ਤੁਕ੍ਰਿਯਾਭਿਸਮ੍ਬਨ੍ਧਂ ਕਾਰਕਂ ਕਮ੍ਮਮੁਚ੍ਚਤੇ;

ਨਿਬ੍ਬਤ੍ਤਿ ਵਿਕਤਿਪ੍ਪਤ੍ਤਿ ਭੇਦਾ ਤਂ ਤਿਵਿਧਂ ਭਵੇ.

ਅਸ੍ਮਿਂ ਦੁਤਿਯਾ ਵਿਭਤ੍ਤਿਹੋਤਿ-ਅਂਯੋ ਇਤਿ ਦੁਤਿਯਾ-ਅਂ-ਬੁਦ੍ਧਂਪਣਮਾਮਿ, ਯੋਸ੍ਸਟੇ-ਬੁਦ੍ਧੇ.

ਕਤ੍ਤੁਕਰਣੇਸੁ ਤਤਿਯਾ.

ਕ੍ਰਿਯਂ ਯੋ ਕੁਰੁਤੇ ਮੁਖ੍ਯੋ ਸ ਕਤ੍ਤਾ ਯੋਜਿਤੋ ਨ ਵਾ ਕਰਣਂ ਤਂ ਵਿਸੇਸੇਨ ਯਂ ਕ੍ਰਿਯਾਸਿਦ੍ਧਿਹੇਤੁਕਂ.

ਤੇਸੁ ਕਾਰਕੇਸੁ ਤਤਿਯਾ ਵਿਭਤ੍ਤਿ ਹੋਤਿ-ਨਾਭਿ ਇਤਿ ਤਤਿਯਾ-ਨਾ-ਨਾਸ੍ਸਾ’ਤਿ ਵਤ੍ਤਤੇ.

ਅਤੇਨ

ਅਕਾਰਨ੍ਤਤੋ ਨਾਮਸ੍ਮਾ ਪਰਸ੍ਸ ਨਾਵਚਨਸ੍ਸ ਏਨਾਦੇਸੋ ਹੋਤਿ-ਬੁਦ੍ਧੇਨ ਦੇਸਿਤੋ ਧਮ੍ਮੋ-ਹਿ-

ਸੁਹਿਸ੍ਵਸੇਸ.

ਅਕਾਰਨ੍ਤਸ੍ਸ ਸੁਹੀਸ੍ਵੇਹੋਤਿ-ਬੁਦ੍ਧੇਹਿ-ਵੇ’ਤਿ ਵਤ੍ਤਤੇ.

ਸ੍ਮਾਹਿਸ੍ਮਿਨ੍ਨਂ ਮ੍ਹਾਭੀਮ੍ਹਿ.

ਨਾਮਸ੍ਮਾ ਪਰੇਸਂ ਸ੍ਮਾਹਿਸ੍ਮਿਨ੍ਨਂ ਮ੍ਹਾਭੀਮ੍ਹਿ ਵਾ ਹੋਨ੍ਤਿ ਯਥਾਕ੍ਕਮਂ-ਹਿਸ੍ਸ ਭਿਯਾਦੇਸੋ-ਬੁਦ੍ਧੇਭੀ, ਕਰਣੇ-ਬੁਦ੍ਧੇਨ ਲੋਕੋ ਸੁਚਰਤਿ, ਬੁਦ੍ਧੇਹਿ, ਬੁਦ੍ਧੇਹਿ, ਵਾ.

ਚਤੁਤ੍ਥੀ ਸਮ੍ਪਦਾਨੇ.

ਅਨੁਮਨ੍ਤ੍ਵਨਿਰਾਕਤ੍ਤੁਜ੍ਝੇਸਕਾਨਂ ਵਸਾ ਤਧਾ;

ਦਦਾਤਿ ਕਮ੍ਮਨਾ ਯੁਤ੍ਤਂ ਸਮ੍ਪਦਾਨਮੁਦਿਰਿਤਂ.

ਤਸ੍ਮਿਂ ਸਮ੍ਪਦਾਨਕਾਰਕੇ ਚਤੁਤ੍ਥਿ ਸਿਯਾ-ਸਨਂ ਇਤਿ ਚਤੁਤ੍ਥੀ-ਸ.

ਸੁਞ੍ਸਸ੍ਸ.

ਨਾਮਸ੍ਮਾ ਪਰਸ੍ਸ ਸਸ੍ਸ ਸੁਞ੍ਹੋਤਿ-ਸਚ-ਛਟ੍ਠਿਯਾ’ਤਿਵਤ੍ਤਮਾਨੇ

ਞਕਾਨੁਬਨ੍ਧਾਦ੍ਯਨ੍ਤਾ.

ਛਟ੍ਠੀਨਿਦ੍ਦਿਟਾਠਸ੍ਸ ਞਾਨੁਬਨ੍ਧਕਾਨੁਬਨ੍ਧਾਦ੍ਯਨ੍ਤਾ ਹੋਨ੍ਤੀ’ਤਿਆਦਿਭੁਤੋ ਹੋਤਿ-ਉਕਾਰੋ ਉਚ੍ਚਾਰਣਤ੍ਥੋ-ਞਾਕਾਰੋ ਏਤ੍ਥੇਵ ਸਙ੍ਕੇਤਤ੍ਥੋ-ਬੁਦ੍ਧਸ੍ਸ ਪੁਪ੍ਫਂ ਦੇਹਿ.-ਅਤੋ ਵਾ ਬਹੁਲਮਿਤਿਚ ਵਤ੍ਤਤੇ.

ਸਸ੍ਸਾਯ ਚਤੁਤ੍ਥਿਯਾ

ਅਕਾਰਨ੍ਤਤੋ ਪਰਸ੍ਸ ਸਸ੍ਸ ਚਤੁਤ੍ਥਿਯਾ ਆਯੋ ਹੋਤਿ ਵਾ ਬਹੁਲਂ-ਬੁਦ੍ਧਾਯ, ਯੇਭੁਯ੍ਯੇਨ ਤਾਦਤ੍ਥੇ ਯੇਵਾਯਮਾਯੋ ਦਿਸ੍ਸਤੀ’ਤਿ ਇਤੋਪਰਂ ਨੋਦਾਹਰੀਯਤੇ-ਨਂ-ਦੀਘੋ’ਤਿਵਤ੍ਤਤੇ.

ਸੁਨਂਹਿਸੁ

ਏਸੁ ਨਾਮਸ੍ਸ ਦੀਘੋ ਹੋਤਿ-ਬੁਦ੍ਧਾਨਂ.

ਪਞ੍ਚਮ੍ਯਵਧਿਸ੍ਮਾ.

ਸੀਮਾਭੁਤੋ ਪਦਤ੍ਥਾਨਂ ਯੋ ਚਲੋ ਨਿਚ੍ਚਲੋ’ਥ ਵਾ;

ਅਚ੍ਚੁਤੋ ਪੁਬ੍ਬਕਾ ਰੂਪਾ ਨਮਾਹੁਰਵਧਿਮ੍ਬੁਧਾ.

ਏਤਸ੍ਮਾ ¶ ਕਾਰਕਾ ਪਞ੍ਚਮੀਵਿਭਤ੍ਤਿ ਹੋਤਿ-ਸ੍ਮਾ ਹੀ ਇਤਿ ਪਞ੍ਚਮੀ-ਸ੍ਮਾ-ਅਤੋ ਯੋਨਂ ਟਾਟੇ ਵੇਤਿ ਦ੍ਵ ਵਤ੍ਤ ਤੇ.

ਸ੍ਮਾਸ੍ਮਿਨ੍ਤਂ.

ਅਕਾਰਨ੍ਤਤੋ ਨਾਮਸ੍ਮਾ ਪਰੇਸਂ ਸ੍ਮਾਸ੍ਮਿਨ੍ਨਂ ਟਾਟੇ ਵਾ ਹੋਨ੍ਤਿ ਯਥਾਕ੍ਕਮਂ.

ਬੁਦ੍ਧਾ ਪਹਾ ਨਿਚ੍ਛਰਤਿ. ਬੁਦ੍ਧਮ੍ਹਾ, ਬੁਦ੍ਧਸ੍ਮਾਵਾ-ਹਿ-ਬੁਦ੍ਧੇਹਿ, ਬੁਦ੍ਧੇਭਿ.

ਛਟ੍ਠਿ ਸਮ੍ਬਨ੍ਧੇ

ਕ੍ਰਿਯਾਕਾਰਕਸਞ੍ਜਾਤੋ ਅਸ੍ਸੇਦਮ੍ਹਾਵਹੇਤੁਕੋ;

ਸਮ੍ਬਨ੍ਧੋ’ਤਿ ਪਵੁਤ੍ਤੋ ਸੋ ਸਮ੍ਬਨ੍ਧਿਦ੍ਵਯਨਿਸ੍ਸਿਤੋ.

ਸਮ੍ਬਨ੍ਧਿਤ੍ਤਾਵਿਸੇਸੇਪਿ ਛਟ੍ਠੀ ਹੇਦਕਤੋ ਸਿਯਾ;

ਤਤੋ ਹਿ ਜਾਤਾ ਸਮ੍ਬਨ੍ਧਂ ਵਦੇਯ੍ਯ ਨ ਪਨਞ੍ਞਤੋ.

ਸਮ੍ਬਨ੍ਧੇ ਛਟ੍ਠਿ ਵਿਭਤ੍ਤਿ ਹੋਤਿ-ਸ ਨਂ ਇਤਿ ਛਟ੍ਠਿ-ਸ-ਬੁਦ੍ਧਸ੍ਸ ਵਿਹਾਰੋ-ਨਂ-ਬੁਦ੍ਧਾਨਂ.

ਸਤ੍ਤਮ੍ਯਾਧਾਰੇ.

ਕਿਰਿਯਾ ਕਤ੍ਤੁਕਮ੍ਮਟ੍ਠਾ ਆਧਾਰੀਯਤਿ ਯੇਨ ਸੋ;

ਆਧਾਰੋ ਚਤੁਧਾ ਵੁਤ੍ਤੋ ਵ੍ਯਾਪਕਾਦਿਪ੍ਪਭੇਦਤੋ.

ਆਧਾਰਕਾਰਕੇ ਸਤ੍ਤਮੀ ਵਿਭਤ੍ਤਿ ਹੋਤਿ-

ਸ੍ਮਿਂ ਸੁ ਇਤਿ ਸਤ੍ਤਮੀ-ਸ੍ਮਿਂ-ਬੁਦ੍ਧੇ ਪਸਨ੍ਨੋ-ਬੁਦ੍ਧਮ੍ਹਿ, ਬੁਦ੍ਧਸ੍ਮਿਂ, ਵਾ-ਸੁ ਬੁਦ੍ਧੇਸੁ.

ਬੁਦ੍ਧੋ ਸਬ੍ਬਤ੍ਥਦਾਯੀ ਭਵਤਿ ਹਿ ਭਜਤਂ ਬੁਦ੍ਧ ਬੁਦ੍ਧਂ ਨ ਤਂ ਕਿਂ ਦਿਨ੍ਨਂ ਬੁਦ੍ਧੇਨ ਲੋਕੇ ਸਿਵਪਦਮਪਿ ਤੇ ਯਨ੍ਤਿ ਬੁਦ੍ਧੇਨ ਯਸ੍ਮਾ ਅਸ੍ਮਾ ਬੁਦ੍ਧਸ੍ਸ ਪੀਤਿਂ ਪਰਹਿਤਵਿਧਯਂਦੇਤਿ ਬੁਦ੍ਧਾਨਪੇਤੋ ਮਞ੍ਞੋ ਬੁਦ੍ਧਸ੍ਸ ਨਿਚ੍ਚਂ ਘਟਯਤਿ ਮਤਿਮਾ ਕੋਨੁ ਭਤ੍ਤਿਂ ਨ ਬੁਦ੍ਧੇ.

ਏਵਮਞ੍ਞੇਯਮ੍ਪਿ ਘਟਪਟਾਦੀਨਮਕਾਰਨ੍ਤਾਨਂ ਪੁਲ੍ਲਿਙ੍ਗਾਨਂ ਰੂਪਨਯੋ ਕ੍ਰਿਯਾਭਿਸਮ੍ਬਨ੍ਧੋ ਚ-ਵਿਸੇਸਨਮ੍ਪਨ ਵਕ੍ਖਾਮ-ਇਤੋ ਪਰਂ ਛਟ੍ਠਿਯਾ ਚਤੁਤ੍ਥੀਸਮਤ੍ਤਾ ਪਞ੍ਚਮੀਬਹੁਵਚਨਸ੍ਸ ਚ ਤਤਿਯਾਸਮਤ੍ਤਾ ਨ ਤਾ ਦਸ੍ਸੀਯਨ੍ਤੇ-ਗੁਮ੍ਬਸਿ-ਅਤੋ ਸਿਸ੍ਸਾਤਿ ਚ ਵਤ੍ਤਤੇ.

ਕ੍ਵਚੇ ਵਾ.

ਅਕਾਰਨ੍ਤਤੋ ਨਾਮਸ੍ਮਾ ਪਰਸ੍ਸ ਸਿਸ੍ਸ ਏ ਹੋਤਿ ਵਾ ਕ੍ਵਚੀ-ਗੁਮ੍ਬੇ, ਗੁਮ੍ਬੋ-ਸੇਸਂ ਬੁਦ੍ਧਸਮਂ-ਏਵਂ ਵਤ੍ਤਬ੍ਬੇ, ਵਤ੍ਤਬ੍ਬੋ ਇਚ੍ਚਾਦਿ.

ਯੋਸ੍ਸ ਟੇ’ਤਿ ਚ ਵਤ੍ਤਤੇ.

ਏਕਚ੍ਚਾਦੀਹਤੋ.

ਅਕਾਰਨ੍ਤੇਹਿ ਏਕਚ੍ਚਾਦੀਹਿ ਯੋਨਂ ਟੇ ਹੋਤਿ-ਏਕਚ੍ਚੇ,(ਭੋ)ਏਕਚ੍ਚੇ, ਏਕਚ੍ਚੇ-ਏਵਂ ਪਠਮਸਦ੍ਦਸ੍ਸ-ਨਾਸ੍ਸ ਸਾ ਵੇ’ਤਿ ਚ ਵਤ੍ਤਤੇ.

ਕੋਧਾਦੀਹਿ.

ਏਹਿ ਨਾਸ੍ਸ ਸਾ ਹੋਤਿ ਵਾ-ਕੋਧਸਾ, ਕੋਧੇਨ, ਅਤ੍ਥਸਾ, ਅਤ੍ਥੇਨੇਚ੍ਚਾਦਿ-ਵੇਤਿ ਵਤ੍ਤਤੇ.

ਮਨਾਦੀਹਿ ¶ ਸ੍ਮਿਂਸਨ੍ਨਾਸ੍ਮਾਨਂ ਸਿਸੋਓਸਾਸਾ.

ਮਨਾਦੀਹਿ ਸ੍ਮਮਾਦਿਨਂ ਸਿਸੋਮਸਾਸਾ ਹੋਨ੍ਤਿ ਵਾ ਯਥਾਕ੍ਕਮਂ-ਮਨੋ, ਮਨਂ-ਮਨਸਾ, ਮਨੇਨ-ਮਨਸੋ, ਮਨਸ੍ਸ-ਮਨਸਾ, ਮਨਾ, ਮਨਮ੍ਹਾ, ਮਨਸ੍ਮਾ-ਮਨਸਿ, ਮਨੇ, ਮਨਮ੍ਹਿ, ਮਨਸ੍ਮਿਂ.

ਤਮ ਤਪ ਤੇਜ ਉਰ ਸਿਰਪ੍ਪਭੁਤਯੋ ਮਨਾਦਯੋ.

ਗਚ੍ਛਨ੍ਤਸਿ-ਸਿਸ੍ਸ ਵੇ’ਤਿ ਚ ਵਤ੍ਤਤੇ-ਪਰਤੋ ਭਿਯ੍ਯੋ ਨਾਨੁ ਵਤ੍ਤਯਿਸ੍ਸਾਮ ਵੁਤ੍ਤਿਯਾਯੇਵਾਨੁਵੁਤ੍ਤਸ੍ਸਗਮ੍ਯਮਾਨਤ੍ਤਾ.

ਨ੍ਤਸ੍ਸਂ.

ਸਿਮ੍ਹਿ ਨ੍ਤਪ੍ਪਚ੍ਚਯਸ੍ਸ ਅਂ ਹੋਤਿ ਵਾ-‘‘ਗਸੀਨ’’ਨ੍ਤਿ ਸਿਲੋਪੇ-ਗਚ੍ਛਂ-ਅਞ੍ਞਤ੍ਰ-ਗਚ੍ਛਨ੍ਤੋ.

ਨ੍ਤਨ੍ਤੁਨਂ ਨ੍ਤੋ ਯੋਮ੍ਹਿ ਪਠਮੇ.

ਪਠਮੇ ਯੋਮ੍ਹਿ ਨ੍ਤਨ੍ਤੁਨਂ ਸਵਿਭਤ੍ਤੀਨਂ ਨ੍ਤੋ ਇਚ੍ਚਾਦੇਸੋ ਵਾ ਹੋਤਿ-ਬਹੁਲਾਧਿਕਾਰਾ ਪੁਮੇਯੇਵ-ਗਚ੍ਛਨ੍ਤੋ, ਗਚ੍ਛਨ੍ਤਾ.

ਟਟਾਅਂ ਗੇ.

ਗੇ ਪਰੇ ਨ੍ਤਨ੍ਤੁਨਂ ਸਵਿਭਤ੍ਤੀਨਂ ਟਟਾਅਂ ਇਚ੍ਚਾਦੇਸਾ ਹੋਨ੍ਤਿ ਬਹੁਲਂ-(ਭੋ)ਗਚ੍ਛ, ਗਚ੍ਛਾ, ਗਚ੍ਛਂ, ਗਚ੍ਛਨ੍ਤੋ, ਗਚ੍ਛਨ੍ਤਾ.

ਨ੍ਤਸ੍ਸ ਚ ਟ ਵਂਸੇ.

ਅਂਸੇਸੁ ਨ੍ਤਪ੍ਪਚ੍ਚਯਸ੍ਸ ਟ ਹੋਤਿ ਵਾ ਨ੍ਤੁਸ੍ਸ ਚ-ਵਵਤ੍ਥਿਤਵਿਭਾਸਾਯਾਯਂ-ਗਚ੍ਛਂ, ਗਚ੍ਛਨ੍ਤਂ.

ਤੋਤਾਤਿਤਾ ਸਸ੍ਮਾਸ੍ਮਿਂਨਾਸੁ.

ਸਾਦਿਸੁ ਨ੍ਤਨ੍ਤੁਨਂ ਸਵਿਭਤ੍ਤੀਨਂ ਤੋਤਾਤਿਤਾ ਹੋਨ੍ਤਿ ਵਾ ਯਥਾਕ੍ਕਮਂ-ਗਚ੍ਛਤਾ, ਗਚ੍ਚਨ੍ਤੇਨ-ਗਚ੍ਛਤੋ, ਗਚ੍ਛਸ੍ਸ, ਗਚ੍ਛਨ੍ਤਸ੍ਸ.

ਨਂ ਨਮ੍ਹਿ.

ਨਮ੍ਹਿ ਨ੍ਤਨ੍ਤੁਨਂ ਸਵਿਭਤ੍ਤੀਨਂ ਤਂ ਵਾ ਹੋਤਿ-ਗਚ੍ਚਤਂ. ਗਚ੍ਛਨ੍ਤਾਨਂ-ਗਚ੍ਛਤਾ, ਗਚ੍ਛਨ੍ਤਾ, ਗਚ੍ਛਨ੍ਤਮ੍ਹਾ,ਗਚ੍ਛਨ੍ਤਸ੍ਮਾ-ਗਚ੍ਛਤਿ,ਗਚ੍ਛਨ੍ਤੇ, ਗਚ੍ਛਨ੍ਤਮ੍ਹਿ, ਗਚ੍ਚਨ੍ਤਸ੍ਮਿਂ-ਏਵਂ ਤਪਨ੍ਤ ਜਪਨ੍ਤਾਦਯੋ-ਭਵਨ੍ਤਸਿ.

ਭੁਤੋ.

ਭੁਧਾਤੁਤੋ ਨ੍ਤਸ੍ਸ ਅਂ ਹੋਤਿ ਸਿਮ੍ਹਿ ਨਿਚ੍ਚਮ੍ਪੁਨਬ੍ਬਿਧਾਨਾ-ਭਵਂ.

ਭਵਤੋ ਵਾ ਭੋਨ੍ਤੋ ਗਯੋਨਾਸੇ.

ਭਵਨ੍ਤਸਦ੍ਦਸ੍ਸ ਭੋਨ੍ਤਾਦੇਸੋ ਵਾ ਹੋਤਿ ਗਯੋਨਾਸੇ-ਭੋਨ੍ਤੋ, ਭੋਨ੍ਤਾ, ਭਵਨ੍ਤੋ, ਭਵਨ੍ਤਾ-ਏਵਮਾਲਪਨੇਪਿ-ਗੇ ਪਨ-(ਭੋ) ਭੋਨ੍ਤ, ਭੋਨ੍ਤਾ, ਭਵ, ਭਵਾ, ਭਵਂ-ਭਵਂ, ਭਵਨ੍ਤਂ, ਭੋਨ੍ਤੇ, ਭਵਨ੍ਤੇ-ਭੋਤਾ, ਭੋਨ੍ਤੇਨ, ਭਵਤਾ, ਭਵਨ੍ਤੇਨ-ਭੋਤੋ, ਭੋਨ੍ਤਸ੍ਸ, ਭਵਤੋ, ਭਵਸ੍ਸ, ਭਵਨ੍ਤਸ੍ਸ.

ਸਤੋਸਬ੍ਭੇ.

ਸਨ੍ਤਸਦ੍ਦਸ੍ਸ ਸਬ੍ਭਵਤਿ ਭਕਾਰੇ-ਸਬ੍ਭਿ.

ਮਹਨ੍ਤਾਰਹਨ੍ਤਾਨਂ ¶ ਵਾ ਟਾ

ਸਿਮ੍ਹਿ ਮਹਨ੍ਤਾਰਹਨ੍ਤਾਨਂ ਨਤਸ੍ਸ ਟਾ ਵਾ ਹੋਤਿ-ਮਹਾ, ਮਹਂ, ਮਹਨ੍ਤੋ-ਅਰਹਾ, ਅਰਹਂ, ਅਰਹਨ੍ਤੋ-ਭਵਨ੍ਤਾਦੀਨਂ ਸੇਸਂ ਗਚ੍ਛਨ੍ਤਸਮਂ-ਅਸ੍ਮਸਿ.

ਰਾਜਾਦਿਯੁਵਾਦਿਤ੍ਵਾ.

ਰਾਜਾਦਿਹਿ ਯੁਵਾਦੀਹਿ ਚ ਪਰਸ੍ਸ ਸਿਸ੍ਸ ਆ ਹੋਤਿ-ਅਸ੍ਮਾ.

ਯੋਨਮਾਨੋ.

ਰਾਜਾਦੀਹਿ ਯੁਵਾਦੀਹਿ ਚ ਯੋਨਮਾਨੋ ਵਾ ਹੋਤਿ-ਅਸ੍ਮਾਨੋ, ਅਸ੍ਮਾ-(ਭੋ)ਅਸ੍ਮ, ਅਸ੍ਮਾ, ਅਸ੍ਮਾਨੋ, ਅਸ੍ਮਾ.

ਵਾਮ੍ਹਾ ਨਙ.

ਰਾਜਾਦਿਨਂ ਯੁਵਾਦਨਂ ਚਾਨਙ੍ਹੋਤਿ ਵਾਮ੍ਹਿ-ਅਸ੍ਮਾਨਂ, ਅਸ੍ਮਿਂ, ਅਸ੍ਮਾਨੋ, ਅਸ੍ਮੇ.

ਨਾਸ੍ਸੇਨੋ

ਕਮ੍ਮਾਦਿਤੋ ਨਾਵਚਨਸ੍ਸ ਏਨੋ ਵਾ ਹੋਤਿ-ਅਸ੍ਮੇਨ, ਅਸ੍ਮਨਾ.

ਕਮ੍ਮਾਦਿਤੋ.

ਕਮ੍ਮਾਦਿਤੋ ਸ੍ਮਿਨੋ ਨਿ ਹੋਤਿ ਵਾ-ਅਸ੍ਮਨਿ, ਅਸ੍ਮੇ, ਅਸ੍ਮਮ੍ਹਿ, ਅਸ੍ਮਸ੍ਮਿਂ-ਸੇਸਂ ਬੁਦ੍ਧਸਦ੍ਦਸਮਂ-ਮੁਦ੍ਧ ਗਾਣ੍ਡੀਵਧਤ੍ਵ ਅਨਿਮ ਲਘਿਮਾਦਯੋ ਅਸ੍ਮਾਸਮਾ-ਏਵਂ ਰਾਜਾ ਕਾਲਦ੍ਧਾਨਵਾਚੀ ਅਦ੍ਧਾਚ ਪਠਮਾਦੁਤਿਯਾਸੁ ਅਤ੍ਤਾਤੁ ਮਾਨੋ ਤਤਿਯਾਸਤ੍ਤਮ੍ਯੇਕਵਚਨੇਸੁਚ.

ਰਾਜਸ੍ਸਿ ਨਾਮ੍ਹਿ.

ਰਾਜਸ੍ਸਿ ਵਾ ਹੋਤਿ ਨਾਮ੍ਹਿ-ਰਾਜਿਨਾ-ਅਞ੍ਞਤ੍ਰ-

ਨਾਸ੍ਮਾਸੁਰਞ੍ਞਾ.

ਨਾਸ੍ਮਾਸੁ ਰਾਜਸ੍ਸ ਸਵਿਭਤ੍ਤਿਸ੍ਸ ਰਞ੍ਞਾ ਹੋਤਿ-ਰਞ੍ਞਾ.

ਸੁਨਂ ਹਿਸੂ.

ਰਾਜਸ੍ਸ ਊ ਹੋਤਿ ਵਾ ਸੁਨਂਹਿਸੁ-ਰਾਜੂਭਿ, ਰਾਜੇਹਿ, ਰਾਜੂਭਿ, ਰਾਜੇਭਿ.

ਰਞ੍ਞੋ ਰਞ੍ਞਸ੍ਸ ਰਾਜਿਨੋ ਸੇ.

ਸੇ ਰਾਜਸ੍ਸ ਸਵਿਭਤ੍ਤਿਸ੍ਸ ਏਤੇ ਆਦੇਸਾ ਹੋਨ੍ਤਿ-ਰਞ੍ਞੋ ਰਞ੍ਞਸ੍ਸ, ਰਾਜਿਨੋ, ਰਾਜੂਨਂ.

ਰਾਜਸ੍ਸ ਰਞ੍ਞਂ.

ਨਮ੍ਹਿ ਰਾਜਸਦ੍ਦਸ੍ਸ ਸਵਿਭਤ੍ਤਿਸ੍ਸ ਰਞ੍ਞਂ ਹੋਤਿ ਵਾ-ਰਞ੍ਞਂ, ਰਾਜਾਨਂ-ਰਞ੍ਞਾ.

ਸ੍ਮਿਮ੍ਹਿ ਰਞ੍ਞੇਰਾਜਿਨਿ.

ਸ੍ਮਿਮ੍ਹਿ ਰਾਜਸ੍ਸ ਸਵਿਭਤ੍ਤਿਸ੍ਸ ਰਞ੍ਞੇਰਾਜਿਨੀ ਹੋਨ੍ਤਿ-ਰਞ੍ਞੇ, ਰਾਜਿਨਿ, ਰਾਜੁਸੁ, ਰਾਜੇਸੁ ‘‘ਸਮਾਸੇ ਵਾ’’ਤਿ ਰਾਜਸ੍ਸ ਨਾਸਸ੍ਮਾਸ੍ਮਿਂਸੁ ਯਂ ਵੁਤ੍ਤਂ ਤਂ ਵਾ ਹੋਤਿ-ਯਥਾ-ਕਾਸਿਰਞ੍ਞਾ, ਕਾਸਿਰਾਜੇਨ = ਕਾਸਿਰਞ੍ਞੋ, ਕਾਸਿਰਞ੍ਞਸ੍ਸ, ਕਾਸਿਰਾਜਿਨੋ, ਕਾਸਿਰਾਜਸ੍ਸ-ਕਾਸਿਰਞ੍ਞਾ, ਕਾਸਿਰਾਜਾ, ਕਾਸਿਰਾਜਮ੍ਹਾ, ਕਾਸਿਰਾਜਸ੍ਮਾ-ਕਾਸਿਰਞ੍ਞੇ, ਕਾਸਿਰਾਜਿਨਿ, ਕਾਸਿਰਾਜੇ, ਕਾਸਿਰਾਜਮ੍ਹਿ, ਕਾਸਿਰਾਜਸ੍ਮਿਂ-ਅਦ੍ਧਤੋ ਨਾਮ੍ਹਿ.

ਪੁਮਕਮ੍ਮਥਾਮਦ੍ਧਾਨਂ ¶ ਵਾ ਸਸ੍ਮਾਸੁਚ ਪੁਮਾਦਿਨਮੁਹੋਤਿ ਵਾ ਸਸਮਾਸੁਨਾਮ੍ਹਿ ਚੇਤਿ ਉਤ੍ਤੇ-ਅਦ੍ਧੁਨਾ-ਅਞ੍ਞਤ੍ਰ ਕਮ੍ਮਾਦਿਤ੍ਤਾ ਵਾ ਏਨੇ-ਅਦ੍ਧੇਨ-ਅਦ੍ਧਨਾ-ਸੇ ਉਕਾਰੇ ਚ.

ਇਯੁਵਣ੍ਣਾਜ੍ਝਲਾ ਨਾਮਸ੍ਸਨੇਕ.

ਨਾਮਸ੍ਸਨ੍ਤੇ ਵਤ੍ਤਮਾਨਾ ਇਵਣ੍ਣੁਵਣ੍ਣਾਝਲਸਞ੍ਞਾ ਹੋਨ੍ਤਿ ਯਥਾਕ੍ਕਮਂ.

ਝਲਾ ਸਸ੍ਸ ਨੋ.

ਝਲਤੋ ਸਸ੍ਸ ਨੋ ਵਾ ਹੋਤਿ-ਅਦ੍ਧੁਨੋ, ਅਦ੍ਧੁਸ੍ਸ, ਅਦ੍ਧਸ੍ਸ.

ਨਾ ਸ੍ਮਾਸ੍ਸ

ਝਲਤੋ ਸ੍ਮਾਸ੍ਸ ਨਾ ਹੋਤਿ ਵਾ-ਅਦ੍ਧੁਨਾ, ਅਦ੍ਧੁਮ੍ਹਾ, ਅਦ੍ਦੁਸ੍ਮਾ, ਅਦ੍ਧਾ, ਅਦ੍ਧਮ੍ਹਾ, ਅਦ੍ਧਸ੍ਮਾ-ਅਦ੍ਧਨਿ, ਅਦ੍ਧੇ, ਅਦ੍ਧਮ੍ਹਿ, ਅਦ੍ਧਸ੍ਮਿਂ-ਅਤ੍ਤਸਦ੍ਦਨੋਹਮ੍ਹਿ

ਸੁਹੀਸੁ ਨਕ.

ਅਤ੍ਤਆਤੁਮਾਨਂ ਸੁਹੀਸੁ ਵਾ ਨਕ ਹੋਤਿ-ਕਕਾਰੋ ਅਨ੍ਤਾਵਯਵਤ੍ਥੋ. ਅਤ੍ਤਨੇਹਿ, ਅਤ੍ਤਨੇਭਿ, ਅਤ੍ਤੇਹਿ, ਅਤ੍ਤੇਹਿ.

ਨੋਤਤਾਤੁਮਾ.

ਅਤ੍ਤਆਤੁਮੇਹਿ ਸਸ੍ਸ ਨੋ ਹੋਤਿ ਵਾ-ਅਤ੍ਤਨੋ, ਅਤ੍ਤਸ੍ਸ.

ਸ੍ਮਾਸ੍ਸ ਨਾ ਬ੍ਰ ਮਾ ਚ.

ਬ੍ਰਹ੍ਮਾ ਅਤ੍ਤਆਤੁਮੇਹਿ ਚ ਪਰਸ੍ਸ ਸ੍ਮਾਸ੍ਸ ਨਾ ਹੋਤਿ-ਅਤ੍ਤਨਾ-ਅਤ੍ਤਨੇਸੁ, ਅਤ੍ਤੇਸੁ-ਆਤੁਮਾ ਅਤ੍ਤਾਵ-ਬ੍ਰਹ੍ਮ ਗੇ.

ਘਬ੍ਰਹ੍ਮਾਦਿਤੇ

ਘਸਞ੍ਞਤੋ ਬ੍ਰਹ੍ਮ ਕਤ੍ਤੁ ਇਸਿ ਸਖਾਦੀਹਿ ਚ ਗਸ੍ਸੇ ਵਾ ਹੋਤਿ-ਬ੍ਰਹ੍ਮੇ, ਬ੍ਰਹ੍ਮ, ਬ੍ਰਹ੍ਮਾ.

ਨਾਮ੍ਹੀ.

ਬ੍ਰਹ੍ਮਸ੍ਸੁ ਹੋਤਿ ਨਾਮ੍ਹਿ-ਬ੍ਰਹ੍ਮੁਨਾ.

ਬ੍ਰਹ੍ਮਸਸੁ ਵਾ.

ਬ੍ਰਹ੍ਮਸ੍ਸੁ ਵਾ ਹੋਤਿ ਸਨਂਸੁ-ਬ੍ਰਹ੍ਮੁਨੋ, ਬ੍ਰਹਮੁਸ੍ਸ, ਬ੍ਰਹ੍ਮਸ੍ਸ, ਬ੍ਰਹ੍ਮੂਨਂ,ਬ੍ਰਹ੍ਮਾਨਂ-ਬ੍ਰਹਮੁਨਾ-‘‘ਅਮ੍ਬਾਦਿਹੀ’’ਤਿ ਸ੍ਮਿਨੋ ਨਿਹੋਤਿ ਵਾ-ਬ੍ਰਹ੍ਮਨਿ. ਬ੍ਰਹ੍ਮੇ, ਬ੍ਰਹ੍ਮਮ੍ਹਿ, ਬ੍ਰਹ੍ਮਸ੍ਮਿਂ-ਸੇਸਂ ਅਸ੍ਮਸਮਂ.

ਸਖਾ-ਰਾਜਾਦਿਤ੍ਤਾ ਸਿਸ੍ਸ ਆ.

ਆਯੋਨੋ ਚ ਸਖਾ.

ਸਖਤੋ ਯੋਨਮਾਯੋ ਨੋ ਹੋਨ੍ਤਿ ਵਾ ਆਨੋ ਚ-ਸਖਾਯੋ, ਸਖਾਨੋ.

ਨੋਨਾਸੇਸ੍ਮਿ.

ਸਖਸ੍ਸ ਇ ਹੋਤਿ ਨੋਨਾਸੇਸੁ-ਸਖਿਨੋ-ਅਞ੍ਞਤ੍ਰ-

ਯੋਸ੍ਵਂਹਿਸੁ ਚਾਰਙ.

ਸਖਸ੍ਸ ਵਾ ਆਰਙ ਹੋਤਿ ਯੋਸ੍ਵਂਹਿਸੁ ਸ੍ਮਾਨਂਸੁ ਚ.

ਆਰਙ੍ਸ੍ਮਾ

ਆਰਙਾਦੇਸਤੋ ਪਰੇਸਂ ਯੋਨਂ ਟੋ ਹੋਤਿ-ਸਖਾਰੋ-ਆਰਦ੍ਧਾਦੋ.

ਸਭਾਵੇ-ਸਖਾ-ਏਵਮਾਲਪਨੇ-ਗੇਤੁ-ਸਖੋ, ¶ ਸਖ, ਸਖਾ-ਅਮ੍ਹਿ-ਸਖਾਨਂ, ਸਖਾਰਂ, ਸਖਂ, ਸਖਾਯੋ, ਸਖਾ ਨੋ, ਸਖਿਨੋ.

ਟੋਟੇ ਵਾ.

ਆਰਙਾਦੇਸਮ੍ਹਾ ਯੋਨਂ ਟੋਟੇ ਵਾ ਹੋਨ੍ਤਿ ਯਥਾਕ੍ਕਮਨ੍ਤਿ ਟੇ-ਪਕ੍ਖੇ-‘‘ਆਰਙਿਸ੍ਮਾ’’ ਤਿਟੋ-ਸਖਾਰੇ, ਸਖਾਰੋ, ਸਖੇ-ਸਖੀਨਾ, ਸਖਾਰੇਹਿ, ਸਖੇਹਿ, ਸਖਾਰੇਹਿ, ਸਖੇਹਿ-ਸਖਿਨੋ, ਸਖਿਸ੍ਸ, ਸਖਾਰਾਨਂ.

ਸਮਾਨਂਸੁ ਵਾ.

ਸਖਸ੍ਸ ਵਾ ਇ ਹੋਤਿ ਸ੍ਮਾਨਂਸੁ-ਸਖੀਨਂ, ਸਖਾਨਂ.

ਟਾ ਨਾਸ੍ਮਾਨਂ.

ਆਰਙਾਦੇਸਮ੍ਹਾ ਨਾਸ੍ਮਾਨਂ ਟਾ ਹੋਤਿ-ਸਖਾਰਾ-ਬਹੁਲਾਧਿਕਾਰਾ ਸਖਾਰਸ੍ਮਾ-ਸਖੀਨਾ, ਸਖੀਮ੍ਹਾ,ਸਖਿਸ੍ਮਾ, ਸਖਾ, ਸਖਮ੍ਹਾ, ਸਖਸ੍ਮਾ.

ਟੇ ਸ੍ਮਿਨੋ.

ਸਖਤੋ ਸ੍ਮਿਨੋ ਟੇ ਹੋਤਿ ਨਿਚ੍ਚਂ-ਸਖੇ, ਸਖਾਰੇਸੁ, ਸਖੇਸੁ-‘‘ਧਮ੍ਮੋਵਾਞ੍ਞਤ੍ਥੇ’ਤਿ ਰਾਜਾਦੀਯੁ ਪਾਠਾ ਦਲ਼੍ਹਧਮ੍ਮਾਦਯੋ ਵਾ ਅਸ੍ਮਸਮਾ.

ਯੋਨਂ ਨੋਨੇ ਵਾ.

ਯੁਵਾਦਿਹਿ ਯੋਨਂ ਨੋਨੇ ਵਾ ਹੋਨ੍ਤਿ ਯਥਾਕ੍ਕਮਂ.

ਨੋਨਾਨੇਸ੍ਮਾ.

ਏਸੁ ਯੁਵਾਦਿਨਮਾ ਹੋਤਿ-ਯੁਵਾਨੋ, ਯੁਵਾ-ਯੁਵਾਨਂ, ਯੁਵਂ, ਯੁਵਾਨੇ, ਯੁਵੇ-ਯੁਵਾਨਾ.

ਯੁਵਾਦਿਨਂ ਸੁਹਿਸ੍ਵਾਨਙਿ.

ਸੁਹਿਸੁ ਯੁਵਾਦਿਨਮਾਨਙਿਹੋਤਿ-ਯੁਵਾਨੇਹਿ, ਯੁਵਾਨੇਭਿ.

ਯੁਵਾ ਸਸ੍ਸਿਨੋ.

ਯੁਵਾ ਸਸ੍ਸ ਵਾ ਇਨੋ ਹੋਤਿ-ਯੁਵਨੋ, ਯੁਵਸ੍ਸ.

ਸਮਾਸਮਿਨ੍ਨਂ ਨਾਨੇ.

ਯੁਵਾਦਿਹਿ ਸ੍ਮਾਸ੍ਮਿਨ੍ਨਂ ਨਾਨੇ ਹੋਨ੍ਤਿ ਯਥਾਕ੍ਕਮਂ-ਯੁਵਾਨਂ-ਯੁਵਾਨੇ,ਯੁਵਾਨੇਸੁ-ਰੂਪਸਿਦ੍ਧਿਯਂ ਪਨਸ੍ਸ ਅਞ੍ਞਥਾ ਰੂਪਨਯੋ ਦਸ੍ਸਿਤੋ ਨੇਸੋ ਗਹੇਤਬ੍ਬੋ-ਅਮੂਲਤ੍ਤਾ-ਨਹਿ ਤਤ੍ਥਾਗਮਾਦਿਮੂਲਮਤ੍ਥਿ-ਏਵਮਿਦੀ ਸਮਞ੍ਞਮ੍ਪਿ-ਮਘਵਪੁਮਵਤ੍ਤਹਸਦ੍ਦਾ ਯੁਵਸਦ੍ਦਸਮਾ-ਅਯਨ੍ਤੁ ਵਿਸੇਸੋ.

ਗਸ੍ਸਂ.

ਪੁਮਸਦ੍ਦਤੋ ਗਸ੍ਸ ਅਂ ਵਾ ਹੋਤਿ-ਪੁਮਂ, ਪੁਮ, ਪੁਮਾ.

ਨਾਮ੍ਹਿ.

ਨਾਮ੍ਹਿ ਪੁਮਸ੍ਸ ਵਾ ਆ ਹੋਤਿ-ਪੁਮਾਨਾ-ਅਞ੍ਞਤ੍ਰ-ਵਾ ਉਤ੍ਤੇ = ਪੁਮੁਨਾ, ਪੁਮੇਨ-ਪੁਮੁਨੋ, ਪੁਮੁਸ੍ਸ, ਪੁਮਸ੍ਸ-ਪੁਮੁਨਾ, ਪੁਮਾਨਾ-‘‘ਪੁਮਾ’’ਤਿ ਸ੍ਮਿਨੋ ਨੇ ਵਾ ਹੋਤਿ-ਪੁਮਾਨੇ, ਪੁਮੇ, ਪੁਮਮ੍ਹਿ, ਪੁਮਸ੍ਮਿਂ.

ਸੁਮ੍ਹਾ ਚ.

ਪੁਮਸ੍ਸ ਸੁਮ੍ਹਿ ਯਂ ਵੁਤ੍ਤਂ ਤਂ ਆ ਚ ਵਾ ਹੋਤੀਤਿ ਆਨਙਿ ਆ ਚ ਹੋਤਿ-ਪੁਮਾਨੇਸੁ ਪੁਮਾਸੁ ਪੁਮੇਸੁ.

ਵਤ੍ਤਹਾ ¶ ਸਨਨ੍ਨਂ ਨੋਨਾਨਂ.

ਵਤ੍ਤਹਾ ਸਨਨ੍ਨਂ ਨੋਨਾਨਂ ਹੋਨ੍ਤਿ ਯਥਾਕ੍ਕਮਂ-ਵਤ੍ਤਹਾਨੋ ਵਤ੍ਤਹਾਨਾਨਂ.

ਅਕਾਰਨ੍ਤਂ.

ਸਾਸਿ

ਏਕਵਚਨਯੋਸ੍ਵਘੋਨਂ.

ਏਕਵਚਨੇ ਯੋਸੁ ਚ ਘਓਕਾਰਨ੍ਤਵਜ੍ਜਿਤਾਨਂ ਨਾਮਾਨਂ ਰਸ੍ਸੋ ਹੋਤਿ ਤਿਲਿਙ੍ਗੇ’ਤਿ ਰਸ੍ਸੇ ਸਮ੍ਪਤ੍ਤੇ-‘‘ਸਿਸ੍ਮਿਨ੍ਨਾਨਪੁਂਸਕਸ੍ਸਾ‘‘ਤਿ ਅਨਪੁਂਸਕਸ੍ਸ ਸਿਮ੍ਹਿ ਤੁਨ ਹੋਤਿ-ਸਾ-ਯੁਵਾਦਿਤ੍ਤਾ ਸਿਸ੍ਸ ਆ-ਸਾਨੋ, ਨੋਤ੍ਤਾਭਾਵਪਕ੍ਖੇ-‘‘ਯੋਨਮਾਨੋ‘‘ਤਿ ਵਾਧਿਕਾਰਸ੍ਸ ਵਵਤ੍ਥਿਤ ਵਿਭਾ ਸਤ੍ਤਾਨਿਚ੍ਚਮਾਨੋ-ਸਾਨੋ-ਤਥਾ ਨੋਤ੍ਤਾਭਾਵ ਪਕ੍ਖੇ.

ਸਾਸ੍ਸਂਸੇ ਚਾਨਙਿ.

ਸਾਸਦ੍ਦਸ੍ਸ ਆਨਙਿ ਹੋਤਿ ਅਂਸੇ ਗੇ ਚ-(ਭੋ)ਸਾਨ, ਸਾਨਾ, ਸਾਨੋ, ਸਾਨਂ, ਸਾਨੇ, ਸਾਨੋ-ਸੇਸਂ ਯੁਵਸਦ੍ਦਸਮਂ-ਸੇਤੁ-ਸਾਨਸ੍ਸ-ਸੁਵਾਯੁਵਾਵ-‘‘ਏਕਵਚਨਯੋਸ੍ਵਘੋਨਂ’’ਤਿਰ- ਸ੍ਸਤ੍ਤਂਵ ਵਿਸੇਸੋ-ਗੇਤੁ.

ਗੇ ਵਾ.

ਅਘੋਨਂ ਗੇ ਵਾ ਰਸ੍ਸੋ ਹੋਤਿ ਤਿਲਿਙ੍ਗੇ-(ਹੋ)ਸੁਵ, ਸੁਵਾ.

ਆਕਾਰਨ੍ਤਂ.

ਮੁਨਿ.

ਯੋਸੁਜ੍ਝਿਸ੍ਸ ਪੁਮੇ.

ਝਸਞ੍ਞਸ੍ਸ ਇਸ੍ਸ ਯੋਸੁ ਵਾ ਟ ਹੋਤਿ ਪੁਲ੍ਲਿਙ੍ਗੇ-ਮੁਨਯੋ-ਅਤੋ’ਤਿ ਸਾਮਞ੍ਞਨਿਦ੍ਦੇਸਾ ਅਤੋ ਯੋਨਂ ਟਾਟੇ ਸਮ੍ਪਤ੍ਤਾਪਿ ਅਵਿਧਾਨ ਸਾਮਤ੍ਥਿਯਾ ਨ ਹੋਨ੍ਤਿ-ਅਞ੍ਞਤ੍ਰ-

ਲੋਪੋ.

ਝਲਤੋ ਯੋਨਂ ਲੋਪੋ ਹੋਤੀ’ਤਿ ਯੋ ਲੋਪੇ.

ਯੋਲੋਪਨਿਸੁ ਦੀਘੋ.

ਯੋਨਂ ਲੋਪੋ ਨਿਸੁ ਚ ਦੀਘੋ ਹੋਤਿ-ਮੁਨੀ-(ਭੋ)ਮੁਨੀ, ਮੁਨਯੋ, ਮੁਨੀ-ਮੁਨਿਂ ਮੁਨਯੋ ਮੁਨੀ = ਮੁਨਿਨਾ ਮੁਨੀਹਿ ਮੁਨੀਭਿ-ਯੋਲੋਪ ਨੀਸੁ ਵੀ ਮਨ੍ਤੁਵਨ੍ਤੁਨਮਿਚ੍ਚਾਦਿ ਞਾਪਕਾ ਇਕਾਰਾ ਕਾਰਾਨਂ ‘‘ਸੁਨਂਹਿਸੂਤਿ’’ਦੀਘ ਸ੍ਸਾਨਿਚ੍ਚਤ੍ਤਾ ਮੁਨਿਹਚ੍ਚਾਦੀਪਿ ਹੋਤਿ-ਮੁਨਿਨੋ, ਮੁਨਿਸ੍ਸ ਮੁਨੀਨਂ, ਮੁਨਿਨਾ ਮੁਨਿਮ੍ਹਾਮੁਨਿਸ੍ਮਾ, ਮੁਨਿਮ੍ਹਿ ਮੁਨਿਸ੍ਮਿਂ ਮੁਨੀਸੁ-ਏਵਂ ਕਵਿਕਪਿਗਿਰਿ ਆਦਯੋ-ਅਗ੍ਗਿਇਸੀਨਂ ਅਯਂ ਵਸੇਸੋ.

ਸਸ੍ਸਾਗ੍ਗਿ ਤੋ ਨਿ.

ਅਗ੍ਗਿਸ੍ਮਾ ਸਿਸ੍ਸ ਨਿ ਹੋਤਿ ਵਾ-ਅਗ੍ਗਿਨਿ. ਅਗ੍ਗਿ, ਅਗ੍ਗਯੋ, ਅਗ੍ਗੀ.

ਟੇ ਸਿਸ੍ਸਿਸਿਸ੍ਮਾ.

ਇਸਿਸ੍ਮਾ ਸਿਸ੍ਸ ਟੇ ਵਾ ਹੋਤਿ-ਇਸੇ, ਇਸਿ-ਬ੍ਰਹ੍ਮਾਦਿਤ੍ਤਾ ਗਸ੍ਸੇ ਵਾ-(ਭੋ)ਇਸੇ ਇਸਿ ਇਸੀ.

ਦੁਤਿਯਸ੍ਸ ਯੋਸ੍ਸ.

ਇਸਸ੍ਮਾ ¶ ਪਰਸ੍ਸ ਦੁਤਿਯਾ ਯੋਸ੍ਸ ਟੇ ਵਾ ਹੋਤਿ-ਇਸੇ, ਇਸਯੋ, ਇਸਿ, ਸੇਸਂਮੁਨਿਸਦ੍ਦਸਮਂ-ਆਦਿਸਦ੍ਦਨੋ ਸ੍ਮਿਮ੍ਹਿ-ਰਤ੍ਯਾਦਿਹਿ ਟੋ ਸ੍ਮਿਨੋ.

ਰਤ੍ਯਾਦੀਹਿ ਸ੍ਮਿਨੋ ਟੋ ਹੋਤਿ ਵਾ-ਆਦੋ, ਆਦਿਮ੍ਹਿ, ਆਦਿਸ੍ਮਿਂ. ਸਮਾਸੇ ਇਕਾਰਨ੍ਤਤੋ ਯੋਸ੍ਮਿਂਸੁ ਵਿਸੇਸੋ.

ਇਤੋਞ੍ਞਤ੍ਥੇ ਪੁਮੇ.

ਅਞ੍ਞਪਦਤ੍ਥੇ ਵਤ੍ਤਮਾਨਾ ਇਕਾਰਨ੍ਤਤੋ ਨਾਮਸ੍ਮਾ ਯੋਨਂ ਨੋ ਨੇ ਵਾ ਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ-ਅਰਿਯਵੁਤ੍ਤਿਨੋ, ਅਰਿਯਵੁਤ੍ਤਯੋ, ਅਰਿਯਵੁਤ੍ਤਿ-ਏਵਮਾਲਪਨੇ-ਅਰਿਯਵੁਤ੍ਤਿਨੇ, ਅਰਿਯਵੁਤ੍ਤਯੋ ਅਰਿਯਵੁਤ੍ਤੀ.

ਨੇ ਸ੍ਮਿਨੋ ਕ੍ਵਚਿ.

ਅਞ੍ਞਪਦਤ੍ਥੇ ਵਤ੍ਤਮਾਨਾ ਇਕਾਰਨ੍ਤਤੋ ਨਾਮਸ੍ਮਾ ਸ੍ਮਿਨੋ ਨੇ ਹੋਤਿ ਵਾ ਕ੍ਵਚਿ-ਅਰਿਯਵੁਤ੍ਤਿਨੇ, ਅਰਿਯਵੁਤ੍ਤਿਮ੍ਹਿ, ਅਰਿਯਵੁਤ੍ਤਿਸ੍ਮਿਂ, ‘‘ਕ੍ਵਚੀ‘‘ਤਿ ਵੁਤ੍ਤਤ੍ਤਾ ਯਥਾਦਸ੍ਸਨਂ ਨ ਸਬ੍ਬਤ੍ਤ ਨੇ ਆਦੇਸੋ.

ਇਕਾਰਨ੍ਤਂ.

ਦਦ੍ਧੀ, ਸਿਲੋਪੋ, ਅਨਪੁਂਸਕਤ੍ਤਾ ਨ ਰਸ੍ਸੋ.

ਯੋਨਂ ਨੋਨੇ ਪੁਮੇ.

ਝਸਞ੍ਞਿਤੋ ਯੋਨਂ ਨੋਨੇਵਾਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ. ਦਦ੍ਧਿਨੋ.

ਜਨ੍ਤੁਹੇਤ੍ਵੀਘਪੇਹਿ ਵਾ.

ਜਨ੍ਤੁਹੇਤੁਹਿ ਈਕਾਰਨ੍ਤੇਹਿ ਘਪਸਞ੍ਞੇਹਿ ਚ ਪਰੇਸਂ ਯੋਨਂ ਵਾ ਲੋਪੋ ਹੋਤਿ-ਦਦ੍ਧੀ, ਦਦ੍ਧਿਯੋ-ਏਵਮਾਲਪਨੇ-ਗੇਤੁ-ਦਦ੍ਧਿ, ਦਦ੍ਧੀ.

ਨ ਝੀਕੋ.

ਝਸਞ੍ਞਿਤੋ ਅਂਵਚਨਸ੍ਸ ਨਂ ਵਾ ਹੋਤਿ-ਦਣ੍ਡਿਨਂ, ਦਣ੍ਡਿਂ, ਦਣ੍ਡਿਨੇ.

ਨੋ.

ਝਿਤੋ ਯੋਨਂ ਨੋ ਵਾ ਹੋਤਿ ਪੁਲ੍ਲਿਙ੍ਗੇਹਿ ਦੁਤਿਯਾ ਯੋਸ੍ਸ ਨੋ ਦਣ੍ਡਿਨੋ, ਦਣ੍ਡਿ, ਦਣ੍ਡਿਨਾ, ਦਣ੍ਡੀਹਿ, ਦਣ੍ਡੀਭਿ-ਦਣ੍ਡਿਨੋ, ਦਣ੍ਡਿਸ੍ਸ, ਦਣ੍ਡਿਨਂ-ਦਣ੍ਡਿਨਾ, ਦਣ੍ਡਿਮ੍ਹਾ, ਦਣ੍ਡਿਸ੍ਮਾ.

ਸ੍ਮਿਨੋ ਨਿ.

ਝਿਤੋ ਸ੍ਮਿਂਵਚਨਸ੍ਸ ਨਿ ਹੋਤਿ ਵਾ-ਦਣ੍ਡਿਨਿ. ਦਣ੍ਡਿਮ੍ਹਿ, ਦਣ੍ਡਿਸ੍ਮਿਂ, ਦਣ੍ਡੀਸੁਏਵਂ ਸਙ੍ਘਿ ਗਣਿ ਗਾਮਣਿਪ੍ਪਭੁਤਯੋ.

ਈਕਾਰਨ੍ਤਂ.

ਭਿਕ੍ਖੁ.

ਲਾ ਯੋਨਂ ਵੋ ਪੁਮੇ.

ਲਤੋ ਯੋਨਂ ਵੋ ਹੋਤਿ ਵਾ ਪੁਲ੍ਲਿਙ੍ਗੇ.

ਵੇਵੋਸੁ ਲੁਸ੍ਸ

ਲਸਞ੍ਞਸ੍ਸ ਉਸ੍ਸ ਵੇਵੋਸੁ ਟ ਹੋਤਿ-ਭਿਕ੍ਖਵੋ-ਅਞ੍ਞਤ੍ਰ-ਯੋ ਲੋਪੇ ਦੀਘੋ-ਭਿਕ੍ਖੁ (ਭੋ)ਭਿਕ੍ਖੁ.

ਪੁਮਾਲਪਨੇ ¶ ਵੇਵੋ.

ਲਸਞ੍ਞਤੋ ਉਤੋ ਯੋਸ੍ਸਾਲਪਨੇ ਵੇਵੋ ਹੋਨ੍ਤਿ ਵਾ ਪੁਲ੍ਲਿਙ੍ਗੇ-ਭਿਕ੍ਖਵੇ, ਭਿਕ੍ਖਵੋ, ਭਿਕ੍ਖੁ-ਭਿਕ੍ਖੁਂ, ਭਿਕ੍ਖਵੋ, ਭਿਕ੍ਖੁ-ਭਿਕ੍ਖੁਨਾ, ਭਿਕ੍ਖੁਹਿ,ਭਿਕ੍ਖੂਭਿ-ਭਿਕ੍ਖੁਨੋ, ਭਿਕ੍ਖੁਸ੍ਸ, ਭਿਕ੍ਖੂਨਂ-ਭਿਕ੍ਖੁਨਾ, ਭਿਕ੍ਖੁਮ੍ਹਾ. ਭਿਕ੍ਖੁਸ੍ਮਾ-ਭਿਕ੍ਖੁਮ੍ਹਿ. ਭਿਕ੍ਖੁਸ੍ਮਿਂ, ਭਿਕ੍ਖੂਸੁ-ਏਵਂ ਸੇਤੁ ਕੇਤੁ ਭਾਨੁ ਆਦਯੋ-ਜਨ੍ਤੁਹੇਤੂਨਂ ਯੋਸ੍ਵਯਮ੍ਹੇਦੋ-ਜਨ੍ਤ੍ਵਾਦਿਨਾ ਵਾ ਯੋਸ੍ਸ ਲੋਪੇ-ਜਨ੍ਤੁ.

ਚਨ੍ਤ੍ਵਾਦਿਤੋ ਨੋ ਚ.

ਜਨ੍ਤ੍ਵਾਦਿਤੋ ਯੋਨਂ ਨੋ ਹੋਤਿ ਵੋ ਚ ਵਾ ਪੁਲ੍ਲਿਙ੍ਗੇ-ਜਨ੍ਤੁਨੋ, ਜਨ੍ਤਵੋ, ਜਨ੍ਤੁਯੋ-ਏਵਂ ਦੁਤਿਯਾਯੋਮ੍ਹਿ-(ਭੋ) ਜਨ੍ਤੁ, ਜਨ੍ਤੁ, ਜਨ੍ਤੁਨੋ ਜਨ੍ਤਵੋ-‘‘ਪੁਮਾਲਪਨੇ ਵੇਵੋ’’ਤਿਵਾ ਵੇ ਵੋ ਚ ਜਨ੍ਤਵੇ, ਜਨ੍ਤਵੋ, ਜਨ੍ਤੁਯੋ-ਹੇਤੁ, ਹੇਤਵੋ, ਹੇਤੁ. ਹੇਤੁਯੋ-‘‘ਯੋਮ੍ਹਿਵਾ ਕ੍ਵਚੀ‘‘ਤੀ ਯੋਸੁਲਸਞ੍ਞਸ੍ਸ ਉਸ੍ਸ ਵਾ ਟਾ ਦੇਸੋ ਹੇਤਯੋ, ਹੇਤੁਯੋ-(ਭੋ)ਹੇਤੁ, ਹੇਤੁ, ਹੇਤਵੇ, ਹੇਤਵੋ, ਹੇਤਯੋ, ਹੇਤੁਯੋ-ਹੇਤੁਂ, ਹੇਤੁ, ਹੇਤਵੋ, ਹੇਤਯੋ, ਹੇਤੁਯੋ ਬਹੁਸਦ੍ਦਾ ਨਮ੍ਹਿ.

ਬਹੁਕਤਿਨ੍ਨਂ

ਨਮ੍ਹੀ ਬਹੁਨੋ ਕਤਿਸ੍ਸ ਚ ਨੁਕ ਹੋਤਿ ਤਿਲਿਙ੍ਗੇ-ਬਹੁਨ੍ਨਂਸੇਸਂ ਭਿਕ੍ਖੁਸਮਂ-ਬਹੁ. ਬਹਵੋ, ਬਹੂ-(ਭੋ) ਬਹੁ, ਬਹੁ, ਬਹਵੇ, ਬਹਵੋ, ਬਹੁ ਬਹੁਂ, ਬਹਵੋ, ਬਹੁ-ਬਹੁਨਾ. ਬਹੁਹਿ,ਬਹੂਭਿ-ਬਹੁਨੋ, ਬਹੁਸ੍ਸ, ਬਹੁਨ੍ਨਂ-ਬਹੁਨਾ, ਬਹੁਮ੍ਹਾ. ਬਹੁਸ੍ਮਾ-ਬਹੁਮ੍ਹਿ, ਬਹੁਸ੍ਮਿਂ, ਬਹੁਸੁ-ਵਤ੍ਤੁਸਿ.

ਲਤੁਪਿਤਾਦਿਨਮਾ ਸਿਮ੍ਹਿ.

ਲਤੁਪ੍ਪਚ੍ਚਯਨ੍ਤਾਨਂ ਪਿਤੁ ਮਾਤੁ ਭਾਤੁ ਧੀਤੁ ਦੁਹਿਤੁ ਜਾਮਾਤੁ ਨਤ੍ਤੁ ਹੋਤੁ ਪੋਤੁਨਞ੍ਚਾ ਹੋਤਿ ਸਿਮ੍ਹਿ-ਵਤ੍ਤਾ.

ਲਤੁਪਿਤਾਦਿਨਮਸੇ.

ਲਤੁਪ੍ਪਚ੍ਚਯਨ੍ਤਾਨਂ ਪਿਤਾਦਿਨਂ ਚਾਰਙਿ ਹੋਤਿ ਸਤੋਞ੍ਞਤ੍ਰ-‘‘ਆਰਙਿਸ੍ਮਾ’’ਤਿ ਟੋ-ਵਤ੍ਤਾਰੋ.

ਗੇ ਆ ਚ.

ਲਤੁਪਿਤਾਦੀਨਂ ਅ ਹੋਤਿ ਗੇ ਆ ਚ-(ਭੋ) ਵਤ੍ਤ, ਵਤ੍ਤਾ. ਵਤ੍ਤਾਰੋ, ਵਤ੍ਤਾਰਂ. ਵਤ੍ਤਾਰੇ, ਵਤ੍ਤਾਰੋ-ਨਾਵਚਨਸ੍ਸ ‘‘ਟਾਨਾਸ੍ਮਾਨ’’ਨ੍ਤਿ ਟਾ-ਵਤ੍ਤਾਰਾ.

ਸੁਹਿਸ੍ਵਾਰਙਿ

ਸੁਭਿਸੁ ਤੁਪਿਤਾਦੀਨਮਾਰਙਿ ਵਾ ਹੋਤਿ-ਵਤ੍ਤਾਰੇਹਿ, ਵਤ੍ਤਾਰੇਭਿ, ਵਤ੍ਤੂਹਿ, ਵਤ੍ਤੂਭਿ.

ਸਲੋਪੋ.

ਲਤੁਪਿਤਾਦੀਹਿਸਸ੍ਸ ਲੋਪੋ ਵਾ ਹੋਤਿ-ਵਤ੍ਤੁ, ਨਵਤ੍ਤੁਨੋ, ਵਤ੍ਤੁਸ੍ਸ.

ਨਮ੍ਹਿ ਵਾ.

ਨਮ੍ਹਿ ਲਤੁਪਤਾਦਿਨਮਾਰਙਿ ਵਾ ਹੋਤਿ-ਵਤ੍ਤਾਰਾਨਂਅਞ੍ਞਤ੍ਰ.

ਆ ¶

ਨਮ੍ਹਿ ਲਤੁਪਿਤਾਦੀਨਮਾਵਾ ਹੋਤਿ-ਵਤ੍ਤਾਨਂ. ਵਤ੍ਤੁਨਂ-ਸ੍ਮਾਸ੍ਸ ਵਾ-ਵਤ੍ਤਾਰਾ.

ਟਿਸ੍ਮਿਨੋ.

ਆਰਙਾਦੇਸਮ੍ਹਾਸ੍ਮਨੋ ਟਿ ਹੋਤਿ.

ਰਸ੍ਸਾਰ ਙਿ.

ਸ੍ਮਿਮ੍ਹਿ ਆਰੋ ਰਸ੍ਸੋ ਹੋਤਿ-ਵਤ੍ਤਰਿ, ਵਤ੍ਤਾਰੇਸੁ, ਵਤ੍ਤੁਸੁ-ਏਵਂ ਭਤ੍ਤੁ ਹੋਤ੍ਤੁ ਆਦਯੋ-ਸਤ੍ਥੁਸਦ੍ਦਸ੍ਸ ਪਨ ਨਮ੍ਹਿ ਬਹੁਲਾਧਿਕਾਰਾ ਵਾ ਆਰਙਾਦੇਸੇ-ਸਤ੍ਥਾਰਾ, ਸਤ੍ਥੁਨਾ-ਪਿਤਾ.

ਪਿਤਾਦਿਨਮਨਤ੍ਵਾਦਿਨਂ

ਨਤ੍ਵਾਦਿਵਜ੍ਜਿਤਾਨਂ ਪਿਤਾਦਿਨਮਾਰੋ ਰਸ੍ਸੋ ਹੋਤਿ ਸਬ੍ਬਾਸੁ ਵਿਭਤ੍ਤਿਸੁ-ਪਿਤਰੋ ਇਚ੍ਚਾਦਿ ਚਤ੍ਤੁਸਮਂ-ਰਸ੍ਸੋਵ ਵਿਸੇਸੋ-ਨਤ੍ਵਾਦਿ ਨਨ੍ਤੁ ਰਸ੍ਸਾਭਾਵਾ ਨਤ੍ਤਾਰੋ ਇਚ੍ਚਾਦਿ ਗੁਣਵਨ੍ਤੁਸਿ.

ਨ੍ਤੁਸ੍ਸ.

ਸਿਮ੍ਹਿ ਨ੍ਤੁਸ੍ਸ ਟਾ ਹੋਤਿ-ਗੁਣਵਾ-ਨ੍ਤੁਵ ਵਨ੍ਤ੍ਵਾਦਿ ਸਮ੍ਬਨ੍ਧਿਯੇਵ ਗਯ੍ਹਤੇ ਨ੍ਤੁਵਨ੍ਤੁਮਨ੍ਤ੍ਵਾਵਨ੍ਤੁਤਵਨ੍ਤੁਸਮ੍ਬਨ੍ਧਿ’ਤਿ ਵਚਨਤੋ ਨ ਜਨ੍ਤੁਤਨਤ੍ਵਾਦਿਨਂ-ਯੋ-ਨ੍ਤਨ੍ਤੁਨਮਾਦਿਨਾਵਾਨ੍ਤੋ-ਗੁਣਵਨ੍ਤੋ ਅਞ੍ਞਤ੍ਰ.

ਯ੍ਵਾਦੋ ਨ੍ਤੁਸ੍ਸ.

ਯਵਾਦਿਸੁ ਨ੍ਤੁਸ੍ਸ ਅ ਹੋਤਿ-ਅਕਾਰਨ੍ਤਤ੍ਤਾ ਟਾ-ਗੁਣਵਨ੍ਤਾ-ਨ ਚੇ ਹ ਅਵਿਧਾਨਸਾਮਤ੍ਥਿਯਾ ਅਪ੍ਤ੍ਤਿ ਅਵਿਧਾਨਸ੍ਸ ਚਰਿਤਤ੍ਥਤਾਯ ਗੁਣਵਨ੍ਤਸ੍ਸਾਤਿ-(ਭੋ) ਗੁਣਵ,ਗੁਣਵਾ, ਗੁਣਵਂ, ਗੁਣਵਨ੍ਤੋ, ਗੁਣਵਨ੍ਤਾ-ਗੁਣਵਂ, ਗੁਣਵਨ੍ਤਂ, ਗੁਣਵਨ੍ਤੇ-ਗੁਣਵਤਾ, ਗੁਣਵਨ੍ਤੇਨ, ਗੁਣਵਨ੍ਤੇਹਿ, ਗੁਣਵਨ੍ਤੇਭਿ-ਗੁਣਵਤੋ, ਗੁਣਵਸ੍ਸ, ਗੁਣਵਨ੍ਤਸ੍ਸ, ਗੁਣਵਤਂ. ਗੁਣਵਨ੍ਤਾਨਂ-ਗੁਣਵਤਾ, ਗੁਣਵਨ੍ਤਾ, ਗੁਣਵਨ੍ਤਮ੍ਹਾ, ਗੁਣਵਨ੍ਤਸ੍ਮਾ-ਗੁਣਵਤਿ, ਗੁਣਵਨ੍ਤੇ, ਗੁਣਵਨ੍ਤਮ੍ਹਿ. ਗੁਣਵਨ੍ਤਸ੍ਮਿਂ, ਗੁਣਵਨ੍ਤੇਸੁ-ਏਵਂ ਮਘਵਨ੍ਤੁ ਭਗਵਨ੍ਤੁਪ੍ਪਭੁਤਯੋ.

ਹਿਮਵਤੋ ਵਾ ਓ.

ਹਿਮਵਤੋ ਸਿਮ੍ਹਿ ਨ੍ਤੁਸ੍ਸ ਓ ਵਾ ਹੋਤਿ-ਹਿਮਵਨ੍ਤੋ, ਹਿਮਵਾ-ਸੇਸਂ ਗੁਣਵਾਵ.

ਉਕਾਰਨ੍ਤਂ.

ਵੇਸ੍ਸਭੁ. ਵੇਸ੍ਸਭੁਵੋ, ਵੇਸ੍ਸਭੁ-(ਭੋ) ਵੇਸ੍ਸਭੁ, ਵੇਸ੍ਸਭੁਵੇ, ਵੇਸ੍ਸਭੁਵੋ, ਵੇਸ੍ਸਭੁ-ਸੇਸਂ ਭਿਕ੍ਖੁਸਦ੍ਦਸਮਂ-ਏਵਂ ਸਯਮ੍ਭੁ ਪਰਾਭਿਭੁ ਅਭਿਭੁਆਦਯੋ-ਗੋਤ੍ਰਭੁ ਸਹਭੁ ਸਦ੍ਦੇਹਿਪਨਯੋਨਂ‘‘ਜਨ੍ਤ੍ਵਾਦਿਤੋ ਨੋ ਵੇ’’ਤਿ ਨੋ ਵੋ ਵਾ-ਗੋਤ੍ਰਭੁਨੋ, ਗੋਤ੍ਰਭੁਵੋ, ਗੋਤ੍ਰਭੁ-ਸਭਭੁਨੋ, ਸਹਭੁਵੋ. ਸਹਭੁ-ਸਬ੍ਬਞ੍ਞੁਸਦ੍ਦਸ੍ਸਯੋਸ੍ਵੇਵ ਵਿਸੇਸੋ.

ਕੁਤੋ.

ਕੁਪ੍ਪਚ੍ਚਯਨ੍ਤਤੋ ਯੋਨਂ ਨੋ ਵਾ ਹੋਤਿ ਪੁਲ੍ਲਿਙ੍ਗੇ-ਸਬ੍ਬਞ੍ਞੁਨੋ-ਅਞ੍ਞਤ੍ਰ ਲੋਪੋ ਚ-‘‘ਲਾ ਯੋਨਂ ਵੋ ਪੁਮੇ’’ਤਿ ਨ ਵੋ ‘‘ਕੁਤੋ’’ਤਿ ¶ ਜਨ੍ਤ੍ਵਾਦੀਹਿ ਪੁਥਕ੍ਕਰਣ-ਸਬ੍ਬਞ੍ਞੁ-ਏਵਂ ਵਿਞ੍ਞੁਵਿਦੁ ਵੇਦਗੁ ਪਾਰਗੁ ਆਦਯੋ ਕੁਪ੍ਪਚ੍ਚਯਨ੍ਤਾ.

ਊਕਾਰਨ੍ਤਂ.

ਗੋ.

ਗੋਸ੍ਸਾਗਯਿਹਿਨਂਸੁ ਗਾਵਗਵਾ.

ਗਸਿਹਿਨਂਵਜ੍ਜਿਤਾਸੁ ਵਿਭਤ੍ਤਿਸੁ ਗੋਸਦ੍ਦਸ੍ਸ ਗਾਵਗਵਾ ਹੋਨ੍ਤਿ.

ਅਭਗੋਹਿ ਟੋ

ਉਭਗੋਹਿ ਯੋਨਂ ਟੋ ਹੋਤਿ-ਗਾਵੋ, ਗਵੋ-(ਭੋ) ਗੋ, ਗਾਵੋ, ਗਵੋ.

ਗਾਵੁਮ੍ਹਿ.

ਅਂਵਚਨੇਗੋਸ੍ਸ ਗਾਵੁਵਾਹੋਤਿ-ਗਾਵੁਂ, ਗਾਵਂ, ਗਵਂ, ਗਾਵੋ, ਗਵੋ.

ਨਾਸ੍ਸਾ.

ਗੋਤੋ ਨਾਸ੍ਸ ਆ ਹੋਤਿ ਵਾ-ਗਾਵਾ, ਗਾਵੇਨ, ਗਵਾ, ਗਵੇਨ ਗੋਹਿ, ਗੋਭਿ.

ਗਵਂ ਸੇਨ

ਗੋਸ੍ਸ ਸੇ ਵਾ ਗਵਂ ਹੋਤਿ ਸਹ ਸੇਨ-ਗਵਂ, ਗਾਵਸ੍ਸ, ਗਵਸ੍ਸ.

ਗੁਨ੍ਨਞ੍ਚ ਨਨ੍ਤਾ.

ਨਂਵਚਨੇਨ ਸਹ ਗੋਸ੍ਸ ਗੁਨ੍ਨਂ ਹੋਤਿ ਗਵਞ੍ਚ ਵਾ-ਗੁਨ੍ਨਂ ਗਮਂ, ਗੋਨਂ-ਗਾਵਾ, ਗਾਵਮ੍ਹਾ, ਗਾਵਸ੍ਮਾ, ਗਵਾ, ਗਵਮ੍ਹਾ, ਗਵਸ੍ਮਾ-ਗਾਵੇ, ਗਾਵਮ੍ਹਿ, ਗਾਵਸ੍ਮਿਂ, ਗਵੇ, ਗਵਮ੍ਹਿ, ਗਵਸ੍ਮਿਂ.

ਸੁਮ੍ਹਿ ਵਾ.

ਗੋਸ੍ਸ ਸੁਮ੍ਹਿ ਗਾਵਗਵਾ ਹੋਨ੍ਤਿ ਵਾ-ਗਾਵੇਸੁ, ਗਵੇਸੁ, ਗੋਸੁ.

ਓਕਾਰਨ੍ਤਂ-ਪੁਲ੍ਲਿਙ੍ਗਂ.

ਕਞ੍ਞਾ.

ਸਾ.

ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸਨ੍ਤੇ ਵਤ੍ਤਮਾਨੋ ਆਕਾਰੋ ਘਸਞ੍ਞੋ ਹੋਤਿ-ਜਨ੍ਤ੍ਵਾਦਿਨਾ ਵਾਯੋਲੋਪੋ-ਕਞ੍ਞਾ, ਕਞ੍ਞਾਯੋ-‘‘ਘਬ੍ਰਹ੍ਮਾਦਿਤੇ’’ਤਿ ਗਸ੍ਸੇਵਾ-ਕਞ੍ਞੇ, ਕਞ੍ਞਾ-ਯੋਮ੍ਹਿ-ਕਞ੍ਞਾ, ਕਞ੍ਞਾਯੋ.

ਘੋ ਸ੍ਸਂਸਸਾਸਸਾਯਂਤਿਂਸੁ

ਸ੍ਸਮਾਦਿਸੁ ਘੋ ਰਸ੍ਸੋ ਹੋਤਿ-ਕਞ੍ਞਂ, ਕਞ੍ਞਾ, ਕਞ੍ਞਾਯੋ-

ਘਪਤੇਕਸ੍ਮਿਂ ਨਦੀਨਂ ਯਯਾ.

ਘਪਤੋ ਨਦੀਨਮੇਕਸ੍ਮਿਂ ਯਯਾ ਹੋਨ੍ਤਿ ਯਥਾਕ੍ਕਮਂ-ਕਞ੍ਞਾਯ, ਕਞ੍ਞਾਹਿ, ਕਞ੍ਞਾਭਿ-ਕਞ੍ਞਾਯ, ਕਞ੍ਞਾਨਂ, -ਸ੍ਮਿਮ੍ਹਿ-

ਯਂ.

ਘਪਤੋ ਸ੍ਮਿਨੋ ਯਂ ਵਾ ਹੋਤਿ-ਕਞ੍ਞਾਯਂ. ਕਞ੍ਞਾਯ, ਕਞ੍ਞਾਸੁ. ਏਵਂ ਸਦ੍ਧਾ ਸੁਧਾ ਸੁਖਾਆਦਯੋ-‘‘ਨਾਮ੍ਮਾਦੀਹੀ’’ਤਿ ਅਮ੍ਮਾ ਅਨ੍ਨਾ ਅਮ੍ਬਾਹਿ ਗਸ੍ਸ ਏਕਾਰਾਭਾਵੇ.

ਰਸ੍ਸੋ ਵਾ.

ਅਮ੍ਮਾਦਿਨਂ ਗੇ ਰਸ੍ਸੋ ਵਾ ਹੋਤਿ-ਅਮ੍ਮ, ਅਮ੍ਮਾ ਇਚ੍ਚਾਦਿ-ਸੇਸਂਕਞ੍ਞਾਵ-ਸਹਾਪਰਿਸਾਹਿ ਸ੍ਮਿਨੋ’’ਤਿ ਸਭਾਪਰਿਸਾਯਾ’’ਤਿ ਤਿਂ ਵਾ ਹੋਤਿ ‘‘ਘੋਸ੍ਸ’’ ¶ ਮਿਚ੍ਚਾਦਿਨਾ ਰਸ੍ਸੇ-ਸਹਤਿਂ-ਅਞ੍ਞਤ੍ਰ-ਸਹਾਯਂ, ਸਹਾਯ-ਪਰਿਸਤਿਂ, ਪਰਿਸਾਯਂ, ਪਰਿਸਾਯ.

ਆਕਾਰਨ੍ਤਂ.

ਮਤਿ-ਯੋਮ੍ਹਿ-

ਪਿਤ੍ਥਿਯਂ.

ਇਤ੍ਥਿਯਂ ਵਤ੍ਤਮਾਨਸ੍ਸ ਨਾਮਸ੍ਸਨ੍ਤੇ ਵਤ੍ਤਮਾਨਾ ਇਵਣ੍ਣੁਵਣ੍ਣਾ ਪਸਞ੍ਞਾ ਹੋਨ੍ਤਿ.

ਯੇਪਸ੍ਸਵਣ੍ਣਸ੍ਸ.

ਪਸਞ੍ਞਸ੍ਸ ਇਵਣ੍ਣਸ੍ਸ ਲੋਪੋ ਵਾ ਹੋਤਿ ਯਕਾਰੇ-ਵਚਤ੍ਥਿਤਵਿ ਭਾਸਾਯਂ-ਮਤ੍ਯੋ-ਅਞ੍ਞਤ੍ਰ-ਜਨ੍ਤ੍ਵਾਦਿਨਾ ਵਾ ਯੋਲੋਪੇ-ਮਤੀ, ਮਤਿਯੋ-(ਭੋ)ਮਤਿ, ਮਤ੍ਯੋ, ਮਤਿ, ਮਤਿਯੋ-ਮਤਿਂ, ਮਤ੍ਯੋ, ਮਤੀ, ਮਤਿਯੋ ‘‘ਘਪ’’ਇਚ੍ਚਾਦਿਨਾ ਯਾਦੇਸੇ-ਮਤ੍ਯਾ, ਮਤਿਯਾ, ਮਤੀਹਿ, ਮਤਿਹਿ-ਮਤ੍ਯਾ, ਮਤਿਯਾ, ਮਤੀਨਂ-ਸ੍ਮਿਮ੍ਹਿ-ਮਤ੍ਯਂ, ਮਤਿਯਂ, ਮਤ੍ਯਾ, ਮਤਿਯਾ, ਮਤੀਸੁ-ਏਵਂ ਕਿਤ੍ਤਿ ਕਨ੍ਤਿ ਤਨ੍ਤਿਪ੍ਪਭੁਤਯੋ-ਰਤ੍ਤਿਯਾ ਸ੍ਮਿਨੋ ‘‘ਰਤ੍ਯਾਦੀਹਿਵੋ ਸ੍ਮਿਨੋ’’ਰਤ੍ਯਾਦੀਹਿਵੋ ਸ੍ਮਿਨੋ’’ਤਿ ਟੋ ਵਾ-ਰਤ੍ਤੇ-ਅਞ੍ਞਤ੍ਰ-ਰਤ੍ਯਂ, ਰਤ੍ਤਿਯਂ, ਰਤ੍ਯਾ, ਰਤ੍ਤਿਯਾ-ਸੇਸਂ ਮਤਿਯਾ ਸਮਂ.

ਇਕਾਰਨ੍ਤਂ.

ਦਾਸੀ, ਦਾਸ੍ਯੋ, ਦਾਸੀ, ਦਾਸਿਯੋ-(ਭੋ)ਦਾਸਿ, ਦਾਸੀ, ਦਾਸ੍ਯੋ, ਦਾਸੀ, ਦਾਸਿਯੋ.

ਯਂ ਪੀਤੋ.

ਪਸਞ੍ਞਿਤੋ ਅਂਵਚਨਸ੍ਸ ਯਂ ਵਾ ਹੋਤਿ-ਦਾਸ੍ਯਂ, ਦਾਸਿਯਂ, ਦਾਸਿਂ, ਦਾਸ੍ਯੋ, ਦਾਸੀ, ਦਾਸਿਯੋ-ਦਾਸ੍ਯਾ, ਦਾਸਿਯਾ, ਦਾਸੀਹਿ, ਦਾਸੀਭਿ-ਦਾਸ੍ਯਾ, ਦਾਸਿਯਾ, ਦਾਸੀਨਂ-ਦਾਸ੍ਯਂ, ਦਾਸਿਯਂ, ਦਾਸ੍ਯਾ, ਦਾਸਿਯਾ, ਦਾਸੀਸੁ-ਏਵਮੋਸਧੀ ਪੋਕ੍ਖਰਣੀ ਆਦਯੋ-ਨਦਿਸਦ੍ਦਾ ਯੋਸੁ-

ਨਜ੍ਜਾ ਯੋਸ੍ਵਾਮ.

ਯੋਸੁ ਨਦਿਸਦ੍ਦਸ੍ਸ ਆਮ ਵਾ ਹੋਤਿ-ਸਚ.

ਮਨੁਬਨ੍ਧੋ ਸਰਾਨਮਨ੍ਤਾ ਪਰੋ.

ਮਕਾਰੋਨੁਬਨ੍ਧੋ ਯਸ੍ਸ ਸੋ ਸਰਾਨਮਨ੍ਤਾ ਸਰਾ ਪਰੋ ਹੋਤੀ’ਤਿ ਈਕਾਰਾ ਪਰੋ-‘‘ਯਵਾ ਸਰੇ’’ਤਿ ਯਕਾਰੇ ਦਸ੍ਸ ਚਵਗ੍ਗੋ ਯਸ੍ਸ ਪੁਬ੍ਬ ਰੂਪਂ-ਨਜ੍ਜਾਯੋ-ਅਞ੍ਞਤ੍ਰ-ਵਾ ਪਲੋਪਯੋਲੋਪੇਸੁ-ਨਜ੍ਜੋ, ਨਦੀ, ਨਦਿਯੋ ਇਚ੍ਚਾਦਿ.

ਈਕਾਰਨ੍ਤਂ.

ਯਾਗੁ, ਯਾਗੁ, ਯਾਗੁਯੋ-(ਭੋ)ਯਾਗੁ, ਯਾਗੁ, ਯਾਗੁਯੋ-ਯਾਗੁਂ, ਯਾਗੁ, ਯਾਗੁਯੋ-ਯਾਗੁਯਾ, ਯਾਗੁਹਿ, ਯਾਗੁਭਿ-ਯਾਗੁਯਾ, ਯਾਗੁਨਂ-ਯਾਗੁਯਂ, ਯਾਗੁਯਾ, ਯਾਗੁਸੁ-ਏਵਂ ਧੇਨੁ ਸਸ੍ਸੁ ਪਿਯਙ੍ਗੁਪ੍ਪਭੁਤਯੋ-ਮਾਤੁ ਧੀਤੁ ਦੁਹਿਤੁ ਸਦ੍ਦਾ ਪਿਤੁਸਦ੍ਦਸਮਾ-ਸਲੋਪਾਭਾਵਪਕ੍ਖੇ ਯਾਦੇਸੇ ਮਾਤੁਸਦ੍ਦਸ੍ਸ ਪਨ ‘‘ਯੇ ਪਸ੍ਸਾ’’ਤਿ ਯੋਗਵਿਭਾਗਾ ਵਾ ਪਲੋਪੋ-ਮਤ੍ਯਾ, ਮਾਤੁਯਾ.

ਉਕਾਰਨ੍ਤਂ.

ਵਧੂ, ਵਧੂ, ਵਧੁਯੋ-(ਭੋ)ਵਧੁ, ਵਧੁ, ਵਧੁਯੋ-ਵਧੁਂ, ਵਧੂ, ਵਧੁਯੋ-ਵਧੁਯਾ, ਵਧੂਹਿ, ਵਧੂਭਿ-ਵਧੁਯਾ, ਵਧੂਨਂ-ਵਧੁਯਂ, ਵਧੁਯਾ, ਵਧੂਸੁ-ਏਵਂ ਜਮ੍ਬੁ ਵਾਮੋਰੂ ਸਰਭੁ ਆਦਯੋ.

ਊਕਾਰਨ੍ਤਂ.

ਗੋ ¶ ਇਚ੍ਚਾਦਿ ਪੁਮੇਨ ਸਮਂ.

ਇਤ੍ਥਿਲਿਙ੍ਗਂ.

ਚਿਤ੍ਤਸਿ.

ਅਂ ਨਪੁਂਸਕੇ.

ਅਕਾਰਨ੍ਤਤੋ ਨਾਮਸ੍ਮਾ ਸਿਸ੍ਸ ਅਂ ਹੋਤਿ ਨਪੁਂਸਕਲਿਙ੍ਗੇ-ਮਿਤ੍ਤਂ-ਯੋਮ੍ਹਿ.

ਯੋਨਨ੍ਤਿ.

ਅਕਾਰਨ੍ਤਤੋ ਨਾਮਸ੍ਮਾ ਯੋਨਂ ਨੀ ਹੋਤਿ ਨਪੁਂਸਕੇ’ਤਿ ਨਿ ਆਦੇਸੋ.

ਨੀਨਂ ਵਾ.

ਅਕਾਰਨ੍ਤਤੋ ਨਾਮਸ੍ਮਾ ਨੀਨਂ ਟਾਟੇ ਵਾ ਹੋਨ੍ਤਿ ਯਥਾਕ੍ਕਮਂ-ਚਿਤ੍ਤਾ, ਅਞ੍ਞਤ੍ਰ-‘‘ਯੋਲੋਪਨੀਸੁ ਦੀਘੋ’’ਤਿਦੀਘੇ-ਚਿਤ੍ਤਾਨਿ-(ਭੋ) ਚਿਤ੍ਤ, ਚਿਤ੍ਤਾ, ਚਿਤ੍ਤਾ, ਚਿਤ੍ਤਾਨਿ-ਚਿਤ੍ਤਂ, ਚਿਤ੍ਤੇ, ਚਿਤ੍ਤਾਨਿ-ਚਿਤ੍ਤੇਨੇਚ੍ਚਾਦਿ ਬੁਦ੍ਧਸਦ੍ਦਸਮਂ-ਏਵਂ ਪਾਨਦਾਨਪ੍ਪਭੁਤਯੋ-ਏਕਚ੍ਚਾਦਿਨਂ ਤੁ ਪਠਮਾਨਿਮ੍ਹਿ ਵਿਸੇਸੋ.

ਨ ਨਿਸ੍ਸ ਟਾ.

ਏਕਚ੍ਚਾਦੀਹਿ ਪਰਸ੍ਸ ਨਿਸ੍ਸ ਟਾ ਨ ਹੋਤਿ-ਏਕਚ੍ਚਾਨਿ, ਪਠਮਾਨਿ-ਪਦਾਦੀਹਿ ਨਾਸ੍ਮਿਂਸੁ.

ਨਾਸ੍ਸ ਸਾ.

ਪਦਾਦਿਹਿ ਨਾਸ੍ਸ ਸਾ ਹੋਤਿ ਵਾ-ਪਦਸਾ, ਪਦੇਸ-ਬਿਲਸਾ, ਬਿਲੇਨ.

ਪਦਾਦਿਹਿ ਸਿ.

ਏਹਿ ਸ੍ਮਿਨੋ ਸਿ ਹੋਤਿ ਵਾ-ਪਦਸਿ, ਪਦੇ, ਪਦਮ੍ਹਿ, ਪਦਸ੍ਮਿਂ-ਕਮ੍ਮ ਸਦ੍ਦਤੋ ਨਾਸ੍ਸ‘‘ਨਾਸ੍ਸੇਨੋ’’ਤਿ ਏਨੋ ਵਾ-ਕਮ੍ਮੇਨ-ਅਞ੍ਞਤ੍ਰ ਪੁਮਾਦਿਨਾ ਵਾ ਉਤ੍ਤੇ-ਕਮ੍ਮੁਨਾ, ਕਮ੍ਮਨਾ-ਇਮਿਨਾਵ ਸਸ੍ਮਾਸੁ ਉਤ੍ਤਂ-ਤਸ੍ਸ ਲਸਞ੍ਞਾਯਂ-ਸਸ੍ਮਾਨਂ ਯਥਾਯੋਗਂ ਨੋਨਾ ਨਿਚ੍ਚਂ-ਵਵਤ੍ਥਿਤਵਿਭਾਸਾਯਂ-ਕਮ੍ਮੁਨੋ, ਕਮ੍ਮਸ੍ਸ-ਕਮ੍ਮੁਨਾ, ਕਮ੍ਮਾ, ਕਮ੍ਮਮ੍ਹਾ, ਕਮ੍ਮਸ੍ਮਾ-‘‘ਕਮ੍ਮਾਦਿਤੋ’’ਤਿ ਸ੍ਮਿਨੋ ਵਾ ਨਿਮ੍ਹਿ-ਕਮ੍ਮਨਿ, ਕਮ੍ਮੇ, ਕਮ੍ਮਮ੍ਹਿ, ਕਮ੍ਮਸ੍ਮਿਂ-ਸੇਸਂ ਚਿਤ੍ਤਸਮਂ-ਚਮ੍ਮ ਵੇਸ੍ਮ ਭਸ੍ਮਾਦਯੋ ਕਮ੍ਮਸ੍ਮਾ ਉਤ੍ਤਤੋਞ੍ਞਤ੍ਰ-ਗਚ੍ਛਨ੍ਤਸਿ-‘‘ਨ੍ਤਸ੍ਸਂ’’ਤਿ ਵਾ ਅਮ੍ਹਿਸਿਲੋਪੋ-ਗਚ੍ਛਂ-ਅਞ੍ਞਤ੍ਰ ਸਿਸ੍ਸ ਅਂ-ਗਚ੍ਛਨ੍ਤਂ, ਗਚ੍ਛਨ੍ਤਾ ਗਚ੍ਛਨ੍ਤਾਨਿ-(ਭੋ)ਗਚ੍ਛ, ਗਚ੍ਛਾ, ਗਚ੍ਛਂ, ਗਚ੍ਛਨ੍ਤਾ, ਗਚ੍ਛਨ੍ਤਾਨਿ-ਗਚ੍ਛਂ, ਗਚ੍ਛਨ੍ਤਂ, ਗਚ੍ਛਨ੍ਤੇ, ਗਚ੍ਛਨ੍ਤਾਨਿ-ਨਾਦਿਸੁ ਪੁਲ੍ਲਿਙ੍ਗਸ੍ਮਂ-ਏਵਂ ਯਜਨ੍ਤ ਵਜਨ੍ਤਾਦਯੋ.

ਅਕਾਰਨ੍ਤਂ.

ਅਟ੍ਠਿ

ਝਲਾ ਵਾ.

ਝਲਤੋ ਯੋਨਂ ਨਿ ਹੋਤਿ ਵਾ ਨਪੁਂਸਕਲਿਙ੍ਗੇ-ਅਟ੍ਠਿਨਿ-ਯੋ ਲੋਪਦਿਘੇਸੁ-ਅਟ੍ਠਿ-(ਭੋ)ਅਟ੍ਠਿ, ਅਟ੍ਠੀਨਿ, ਅਟ੍ਠੀ-ਅਟ੍ਠਿਂ, ਅਟ੍ਠਿਨਿ, ਅਟ੍ਠਿ = ਤਤਿਯਾਦਿਸੁ ਮੁਨਿਸਦ੍ਦਸਮਂ-ਏਵਮਚ੍ਛਿ ਅਕ੍ਖਿ ਦਧਿ ਸਤ੍ਥਿ ਆਦਯੋ.

ਇਕਾਰਨ੍ਤਂ.

ਦਣ੍ਡੀ-‘‘ਏਕਵਚਨੇ’’ਚ੍ਚਾਦਿਨਾ ¶ ਰਸ੍ਸੋ-ਸਿਲੋਪੋ-ਦਣ੍ਡੀਨਿ, ਦਦ੍ਧੀ-(ਭੋ)ਦਣ੍ਡਿ, ਦਣ੍ਡੀ, ਦਣ੍ਡੀਨਿ, ਦਦ੍ਧੀ-ਦਣ੍ਡਿਨਂ,ਦਣ੍ਡਿਂ, ਦਣ੍ਡੀਨਿ, ਦਣ੍ਡੀ-ਸੇਸਂ ਪੁਲ੍ਲਿਙ੍ਗਸ੍ਮਂ-ਏਵਂ ਸੁਖਕਾਰੀ ਸੀਘਯਾਯੀ ਆਦਯੋ.

ਈਕਾਰਨ੍ਤਂ.

ਚਕ੍ਖੁ, ਚਕ੍ਖੁਨਿ, ਚਕ੍ਖੁ-ਅਟ੍ਠਿਸਦ੍ਦਸਮ-ਏਵਮਾਯੁ ਮਧੁ ਮਤ੍ਥੁ ਧਨੁ ਚਿਤ੍ਤਗੁਪ੍ਪਭੁਤਯੋ-ਆਯੁਸਾਤਿ ਕੋਧਾਦਿਤ੍ਤਾ ਨਾਸ੍ਸ ਸਾ ਵਾ-ਅਮ੍ਬੁਸਦ੍ਦਾ ਸ੍ਮਿਨੋ‘‘ਅਮ੍ਬਵਾਦੀਹੀ’’ਤਿ ਵਾ ਨਿ ਆਦੇਸਾ-ਅਮ੍ਬੁਨਿ, ਅਮ੍ਬੁਮ੍ਹਿ, ਅਮ੍ਬੁਸ੍ਮਿਂ.

ਗੁਣਵਨ੍ਤੁਸਿ.

ਅਦ੍ਧਂਨਪੁਂਸਕੇ.

ਨ੍ਤੁਸ੍ਸ ਅਦ੍ਧਂ ਹੋਤਿ ਸਿਮ੍ਹਿ ਨਪੁਂਸਕੇ-ਗੁਣਵਂ, ਗੁਣਵਨ੍ਤਂ-ਯੋਮ੍ਹਿ-‘‘ਯਵਾਦੋਨ੍ਤੁਸ੍ਸਾ’’ਤਿ ਅਕਾਰੇ‘‘ਯੋਨਂ ਨੀ’’ਤਿ ਨਿ ਤਸ੍ਸ ਵਾ ਟਾਦੇਸੇ-ਗੁਣਵਨਤਾਨਿਚ੍ਚਾਦਿ-ਗਚ੍ਛਨ੍ਤਸਮਂ-ਏਵਂ ਯਸਵਨ੍ਤੁ ਧਨਵਨ੍ਤੁ ਗੋਮਨ੍ਤ੍ਵਾਦਯੋ.

ਉਕਾਰਨ੍ਤਂ.

ਗੋਤ੍ਰਭੁ, ਗੋਤ੍ਰਭੁਤਿ, ਗੋਤ੍ਰਭੁ-(ਭੋ)ਗੋਤ੍ਰਭੁ, ਗੋਤ੍ਰਭੁਨਿ, ਗੋਤ੍ਰਭੁ-ਗੋਤ੍ਰਭੁਂ, ਗੋਤ੍ਰਭੁਤਿ, ਗੋਤ੍ਰਭੁ-ਗੋਤ੍ਰਭੁਨਾ ਇਚ੍ਚਾਦਿ ਪੁਲ੍ਲਿਙ੍ਗੇ ਵੇਸ੍ਸਭੁਸਦ੍ਦਸਮਂ-ਏਵਂ ਅਭਿਭੁ ਸਯਮਭੁ ਧਮ੍ਮਞ੍ਞ ਆਦਯੋ.

ਊਕਾਰਨ੍ਤਂ-ਨਪੁਂਸਕਲਿਙ੍ਗਂ.

ਅਥ ਸਬ੍ਬਾਦੀਨਂ ਰੂਪਨਯੋ ਨਿਦ੍ਦਿਸੀਯਤੇ-ਸਬ੍ਬ ਕਤਰ ਕਤਮ ਉਭਯ ਇਤਰ ਅਞ੍ਞ ਅਞ੍ਞਤਰ ਅਞ੍ਞਤਮ ਪੁਬ੍ਬ ਪਰਾਪਰ ਦਕ੍ਖਿਣੁਤ੍ਤਰਾਧ ਰਾਨਿਵਵਤ੍ਥਾਯਮਸਞ੍ਞਾਯਂ-ਯ ਤ੍ਯ ਤ ਏਤ ਇਮ ਅਮੁ ਕਿਂ ਏਕ ਤੁਮ੍ਹਅਮ੍ਹ ਇਚ੍ਚੇਤੇ ਸਬ੍ਬਾਦਯੋ-ਸਬ੍ਬੋ.

ਯੋਨਮੇਟ.

ਅਕਾਰਨ੍ਤੇਹਿ ਸਬ੍ਬਾਦਿਹਿ ਯੋਨਮੇਟ ਹੋਤਿ-ਸਬ੍ਬੇ-ਏਵਮਾਲਪਨ ਦੁਤਿਯਾਯੋਸੁ.

ਸਬ੍ਬਾਦੀਨਂ ਨਮ੍ਹਿ ਚ.

ਅਕਾਰਨ੍ਤਾਨਂ ਸਬ੍ਬਾਦੀਨਂ ਏ ਹੋਤਿ ਨਮ੍ਹਿ ਸੁਹਿਸੁ ਚ.

ਸਂਸਾਨਂ.

ਸਬ੍ਬਾਦਿਤੋ ਨਂਵਚਨਸ੍ਸ ਸਂਸਾਨਂ ਹੋਨ੍ਤਿ-ਸਬ੍ਬੇਸਂ, ਸਬ੍ਬੇਸਾਨਂ-ਸੇਸਂ ਬੁਦ੍ਧਸਮਂ-ਇਤ੍ਥਿਯਂ ‘‘ਇਤ੍ਥਿਯਮਤ੍ਵਾ’’ਤਿ ਆਪ੍ਪਚ੍ਚਯੇ ਸਰਲੋਪੇ ਚ ਕਤੇ ਆਕਾਰਸ੍ਸ ਘਸਞ੍ਞਾਯਂ ਕਞ੍ਞਾਸਦ੍ਦਸ੍ਸੇਵ ਰੂਪਨਯੋ, ਅਯਨ੍ਤੁ ਵਿਸੇਸੋ.

ਘਪਾ ਸਸ੍ਸ ਸ੍ਸਾ ਵਾ.

ਸਬ੍ਬਾਦੀਨਂ ਘਪਤੋ ਸਸ੍ਸ ਸ੍ਸਾ ਵਾ ਹੋਤਿ-‘‘ਘੋਸ੍ਸ’’ਮਿਚ੍ਚਾਦਨਾ ਰਸ੍ਸੇ-ਸਬ੍ਬਸ੍ਸਾ. ਸਬ੍ਬਾਯ-ਨਮ੍ਹਿ-ਸਬ੍ਬਾਸਂ. ਸਬ੍ਬਾਸਾਨਂ.

ਸ੍ਮਿਨੋ ¶ ਸ੍ਸਂ.

ਸਬ੍ਬਾਦਿਨਂ ਘਪਤੋ ਸ੍ਮਿਨੋ ਸ੍ਸਂ ਵਾ ਹੋਤਿ-ਸਬ੍ਬਸ੍ਸਂ, ਸਬ੍ਬਾਯਂ, ਸਬ੍ਬਾਯ-ਨਪੁਂਸਕੇ-ਸਬ੍ਬਂ-ਯੋਸ੍ਸ ਨਿਮ੍ਹਿ-

ਸਬ੍ਬਾਦੀਹਿ.

ਸਬ੍ਬਾਦਿਹਿ ਪਰਸ੍ਸ ਨਿਸ੍ਸ ਟਾ ਨ ਹੋਤਿ-ਸਬ੍ਬਾਨਿ-(ਭੋ)ਸਬ੍ਬ, ਸਬ੍ਬਾ, ਸਬ੍ਬਾਨਿ-ਸਬ੍ਬਂ, ਸਬ੍ਬੇ, ਸਬ੍ਬਾਨਿ-ਨਾਦਿਸੁ ਪੁਮੇਵ-ਕਤਰਾਦਯੋ ਤਯੋ ਤੀਸੁ ਲਿਙ੍ਗੇਸੁ ਸਬ੍ਬਸਮਾ-ਏਵਂ ਇਤਰ ਅਞ੍ਞਸਦ੍ਦਾ-ਸ੍ਸਾਸ੍ਸਂਸੁ ਵਿਸੇਸੋ.

ਸ੍ਸਂਸ੍ਸਾਸ੍ਯਾਯੇਸ੍ਵਿਤਰੇਕਞ੍ਞੇਤਿਮਾਨਮਿ.

ਸ੍ਸਮਾਦਿਸੁ ਇਤਰਏਕਅਞ੍ਞਏਤ ਇਮ੍ैਞ੍ਞੇਸਂ ਇ ਹੋਤਿ-ਇਤਰਿਸ੍ਸਾ, ਇਤਰਿਸ੍ਸਂ-ਅਞ੍ਞਿਸ੍ਸਾ, ਅਞ੍ਞਿਸ੍ਸਂ-ਅਞ੍ਞਤਰਅਞ੍ਞਤਮਸਦ੍ਦਾ ਲਿਙ੍ਗਤ੍ਤਯੇ ਸਬ੍ਬਸਮਾ-ਪੁਬ੍ਬੋ-ਯੋ.

ਪੁਬ੍ਬਾਦੀਹਿ ਛਹਿ.

ਏਤੇਹਿ ਛਹਿ ਸਵਿਸਯੇ ਏਟ ਵਾ ਹੋਤਿ’ਤਿ ਯੋਸ੍ਸੇਟ-ਪੁਬ੍ਬੇ, ਪੁਬ੍ਬਾ-(ਭੋ)ਪੁਬ੍ਬ, ਪੁਬ੍ਬਾ, ਪੁਬ੍ਬੇ, ਪੁਬ੍ਬਾ-ਪੁਬ੍ਬਂ, ਪੁਬ੍ਬੇ, ਪੁਬ੍ਬਾ-ਸੇਸਂ ਸਬ੍ਬਲਿਙ੍ਗੇ ਸਬ੍ਬਸਮਂ-ਏਵਂ ਪਰਾਦਯੋ ਪਞ੍ਚ-ਯੋ, ਯਾ, ਯਮਿਚ੍ਚਾਦਿ ਸਬ੍ਬਸਮਂ-ਯਾਦਿਨਮਾਲਪਨੇ ਰੂਪਂ ਨ ਸਮ੍ਭਵਤਿ-ਤ੍ਯਸਿ.

ਤ੍ਯਤੇਤਾਨਂ ਤਸ੍ਸ ਸੋ.

ਤ੍ਯਤੇਤਾਨਮਨਪੁਂਸਕਾਨਂ ਤਸ੍ਸ ਸੋ ਹੋਤਿ ਸਿਮ੍ਹਿ-ਸ੍ਯੋ, ਸ੍ਯਾਤ੍ਯਮਿਚ੍ਚਾਦਿ-ਸੋ.

ਤ ਤਸ੍ਸ ਨੋ ਸਬ੍ਬਾਸੁ.

ਤਸਦ੍ਦਸ੍ਸ ਤਸ੍ਸ ਨੋ ਵਾ ਹੋਤਿ ਸਬ੍ਬਾਸੁ ਵਿਭਤ੍ਤਿਸੁ-ਨੇ, ਤੇ-ਨਂ ਤਂ, ਨੇ, ਤੇ-ਨੇਨ, ਤੇਨ, ਨੇਹਿ, ਤੇਹਿ, ਨੇਭਿ, ਤੇਭਿ-

ਟ ਸਸ੍ਮਾਸ੍ਮਿਂਸ੍ਸਾਯਸ੍ਸਂਸ੍ਸਾਸਂਮ੍ਹਾਮ੍ਹਿਸ੍ਮਿਮਿਮਸ੍ਸ ਚ.

ਸਾਦਸ੍ਵਿਮਸ੍ਸ ਤਸਦ੍ਦਤਕਾਰਸ੍ਸ ਚ ਟੋ ਵਾ ਹੋਤਿ-ਪੁਬ੍ਬਸਰ ਲੋਪੇ-ਅਸ੍ਸ, ਨਸ੍ਸ, ਤਸ੍ਸ-ਨੇਸਂ, ਨੇਸਾਨਂ, ਤੇਸਂ, ਤੇਸਾਨਂ-ਅਮ੍ਹਾ, ਅਸ੍ਮਾ, ਨਮ੍ਹਾ, ਨਸ੍ਮਾ, ਤਮ੍ਹਾ, ਤਸ੍ਮਾ-ਅਮ੍ਹਿ, ਅਸ੍ਮਿਂ, ਨਮ੍ਹਿ, ਨਸ੍ਮਿਂ, ਤਮ੍ਭਿ, ਤਸ੍ਮਿਂ, ਨੇਸੁ. ਤੇਸੁ-ਇਤ੍ਥਿਯਂ-ਸਾ, ਨਾ, ਨਾਯੋ, ਤਾ, ਤਾਯੋ-ਨਂ, ਤਂ, ਨਾ, ਨਾਯੋ, ਤਾ, ਤਾਯੋ-ਨਾਮ੍ਹਿ ਕਤੇ-

ਸ੍ਸਾ ਵਾ ਤੇਤਿਮਾਮੂਹਿ.

ਘਪਸਞ੍ਞੇਹਿ ਤਾ ਏਤਾ ਇਮਾ ਅਮੂਹਿ ਨਾਦਨਮੇਕਸ੍ਮਿਂ ਸ੍ਸਾ ਵਾ ਹੋਤਿ-ਵਾ ਟਾ ਦੇਸੇ-ਅਸ੍ਸਾ, ਨਸ੍ਸਾ, ਨਾਯ.

ਤਾਯ ਵਾ.

ਸ੍ਸਂਸ੍ਸਾਸ੍ਸਾਯੇਸੁ ਤਸ੍ਸ ਵਾ ਇ ਹੋਤਿ-ਤਿਸ੍ਸਾ, ਤਸ੍ਸਾ, ਤਾਯ-ਨਾਹਿ, ਨਾਭਿ, ਤਾਹਿ, ਤਾਭਿ-ਸਸ੍ਸ ਵਾ ਸ੍ਸਾਮ੍ਹਿ-ਅਸ੍ਸਾ, ਨਸ੍ਸਾ, ਤਿਸ੍ਸਾ, ਤਸ੍ਸਾ, ਸ੍ਸਾਦੇਸਾਭਾਵਪਕ੍ਖੇ.

ਤੇਤਿਮਾਤੋ ਸਸ੍ਸ ਸ੍ਸਾਯ.

ਤਾ ਏਤਾ ਇਮਾਤੋ ਸਸ੍ਸ ਸ੍ਸਾਯੋ ਹੋਤਿ ਵਾ-ਅਸ੍ਸਾਯ, ਨਸ੍ਸਾਯ,

ਤਿਸ੍ਸਾਯ, ¶ ਤਸ੍ਸਾਯ-ਦ੍ਵਿਹਿ ਮੁਤ੍ਤਪਕ੍ਖੇ-ਤਾਯ ਤਾਯ-ਨਂਵਚਨਸ੍ਸ ਸਮਾਦੇਸੇ ਤਕਾਰਸ੍ਸ ਚ ਵਾ ਟਾਦੇਸੇ ‘‘ਸੁਨਂਹਿਸੁ‘‘ਤਿ ਦੀਘੇ ਚ ਕਤੇ-ਆਸਂ, ਨਾਸਂ, ਨਾਸਾਨਂ, ਤਾਸਂ, ਤਾਸਾਨਂ-ਸਤ੍ਤਮਿਯਂ-ਅਸ੍ਸਂ, ਅਸ੍ਸਾ, ਨਸ੍ਸਂ, ਨਸ੍ਸਾ, ਨਾਯਂ, ਨਾਯ, ਤਿਸ੍ਸਂ, ਤਿਸ੍ਸਾ, ਤਸ੍ਸਂ, ਤਸ੍ਸਾ, ਤਾਯਂ, ਤਾਯ, ਨਾਸੁ, ਤਾਸੁ-ਨਪੁਂਸਕੇ-ਨਂ, ਤਂ, ਨਾਤਿ, ਤਾਤਿ, ਨਂ, ਤਂ,ਨੇ, ਨਾ, ਨਿ, ਤੇ, ਤਾਨਿ-ਨਾਦਿਸੁ ਪੁਮੇਵ-ਏਵਮੇਤਸਦ੍ਦਸ੍ਸ ਤੀਸੁ ਲਿਙ੍ਗੇਸੁ-ਟਨਾਦੇਸਾਭਾਵੋ’ਵ ਵਿਸੇਸੋ-ਇਮਸਿ.

ਸਿਮ੍ਹਿ ਨਪੁਂਸਕਸ੍ਸਾਯਂ.

ਇਮਸਦ੍ਦਸ੍ਸਾਨਪੁਂਸਕਸ੍ਸਾਯਂ ਹੋਤਿਸਿਮ੍ਹਿ-ਅਯਂ, ਇਮੇ, ਇਮਂ, ਇਮੇਨਾ.

ਨਾਮ੍ਹਿਨਿਮਿ.

ਇਮਸਦ੍ਦਸ੍ਸਾਨਿਤ੍ਥਿਯਂ ਨਾਮ੍ਹਿ ਅਨ੍ैਮਿਚ੍ਚਾਦੇਸਾ ਹੋਨ੍ਤਿ-ਅਨੇਨ, ਇਮਿਨਾ-ਹਿ-

ਇਮਸ੍ਸਾ ਨਿਤ੍ਥਿਯਂ ਟੇ.

ਇਮਸਦ੍ਦਸ੍ਸਾਨਿਤ੍ਥਿਯਂ ਟੇ ਹੋਤਿਵਾ ਸੁਨਂਹਿਸੁ-ਏਹਿ, ਏਹਿ, ਇਮੇਹਿ, ਇਮੇਹਿ-ਸ-ਟਸਸ੍ਮਾਸ੍ਮਿ ਮਿਚ੍ਚਾਦਿਨਾ ਸਬ੍ਬਸ੍ਸਿਮਸ੍ਸ ਵਾ ਟਾਦੇਸੇ-ਅਸ੍ਸ, ਇਮਸ੍ਸ, ਏਸਂ, ਏਸਾਨਂ. ਇਮੇਸਂ, ਇਮੇਸਾਨਂ-ਅਮ੍ਹਾ, ਅਸ੍ਮਾ, ਇਮਮ੍ਹਾ, ਇਮਸ੍ਮਾ-ਅਮ੍ਹਿ, ਅਸ੍ਮਿਂ, ਇਮਮ੍ਹਿ, ਇਮਸ੍ਮਿਂ, ਏਸੁ, ਇਮੇਸੁ-ਇਤ੍ਥਿਯਂ-ਅਯਂ, ਇਮਾ, ਇਮਾਯੋ-ਇਮਂ, ਇਮਾ, ਇਮਾਯੋ-ਨਾ-‘‘ਸ੍ਸਾ ਵਾ ਤੇਤਿਮਾਮੂਹੀ’’ਤਿ ਸ੍ਸਾ ਵਾ, ਟਾਦੇਸੇ ਸ੍ਸਮਿਚ੍ਚਾਦਿਨਾ ਇ ਆ ਦੇਸੇ ਚ-ਅਸ੍ਸਾ, ਇਮਿਸ੍ਸਾ-ਅਞ੍ਞਤ੍ਰ = ਇਮਾਯ, ਇਮਾਹਿ, ਇਮਾਹਿ-ਸ-ਅਸ੍ਸਾ, ਇਮਿਸ੍ਸਾ, ਅਸ੍ਸਾਯ, ਇਮਿਸ੍ਸਾਯ, ਇਮਾਯ, ਨਂਵਚਨਸ੍ਸ ਸਮਾਦੇਸੇ ਇਮਸ੍ਸ ਚ ਟਾਦੇਸੇ ‘‘ਸੁਨਂਹਸੂ’’ਤਿ ਦੀਘੇ ਚ ਕਨੇ-ਆਸਂ, ਇਮਾਯਂ-ਸਾਨਮਾਦੇਸੇ-ਇਮਾਸਾਨਂ-ਸਤ੍ਤਮਿਯਂ-ਅਸ੍ਸਂ, ਇਮਿਸ੍ਸਂ. ਅਸ੍ਸਾਯ, ਇਮਿਸ੍ਸਾਯ, ਇਮਾਯਂ, ਇਮਾਯ, ਇਮਾਸੁ-ਨਪੁਂਸਕੇ.

ਇਮਸ੍ਸਿਦਂ ਵਾ.

ਅਂਸਿਸੁ ਸਹ ਤੇਹਿ ਇਮਸ੍ਸਿਦਂ ਵਾ ਹੋਤਿ ਨਪੁਂਸਕੇ-ਇਦਂ, ਇਮਂ, ਇਮਾ, ਇਮਾਨਿ-ਇਦਂ, ਇਮਂ, ਇਮੇ, ਇਮਾਨਿ-ਤਤਿਯਾਦਿਸੁ ਪੁਲ੍ਲਿਙ੍ਗਸ੍ਮਂ-ਅਮੁਸਿ.

ਮਸ੍ਸਾਮੁਸ੍ਸ.

ਅਨਪੁਂਸਕਸ੍ਸਾਮੁਸ੍ਸ ਮਕਾਰਸ੍ਸ ਸੋ ਭੋਤਿ ਸਿਮ੍ਹਿ-ਅਸੁ-ਯੋ-

ਲੋਪੋ ਮੁਸ੍ਮਾ.

ਅਮੁਸਦ੍ਦਤੋ ਯੋਨਂ ਲੋਪੋ ਵਾ ਹੋਤਿ ਪੁਲ੍ਲਿਙ੍ਗੇ’ਤਿ ਨਿਚ੍ਚਂਯੋ ਲੋਪੇ ਦਿਘੋ-ਅਮੁ-ਅਮੁਂ, ਅਮੂ-ਅਮੁਨਾ, ਅਮੂਹਿ, ਅਮੂਭਿ-

ਨ ਨੋ ਸਸ੍ਸ.

ਅਮੁਸ੍ਮਾ ਸਸ੍ਸ ਨੋ ਨ ਹੋਤਿ-ਅਮੁਸ੍ਸ, ਅਮੁਸਂ, ਅਮੁਸਾਨਂ-ਅਮੁਨਾ, ਅਮੁਮ੍ਹਾ, ਅਮੁਸ੍ਮਾ-ਅਮੁਮ੍ਹਿ,ਅਮੁਸ੍ਮਿਂ, ਅਮੁਸੁ-ਇਤ੍ਥਿਯਂ-ਅਸੁ, ਅਮੁ, ਅਮੁਯੋ-

ਅਮੁਂ, ਅਮੂ, ਅਮੁਯੋ-ਨਾ-‘‘ਸ੍ਸਾਵਾ, ਤੇਤਿਮਾਮੂਹੀ’’ਤਿ ਸ੍ਸਾ ਵਾ-ਅਮੁਸ੍ਸਾ, ਅਮੁਯਾ, ਅਮੂਹਿ, ਅਮੂਭਿ-ਅਮੁਸ੍ਸਾ, ਅਮੁਯਾ, ਅਮੁਸਂ, ਅਮੂਸਾਨਂ-ਸਤ੍ਤਮਿਯਂਅਮੁਸ੍ਸਾ. ਅਮੁਸ੍ਸਂ. ਅਮੁਯਂ, ਅਮੁਯਾ, ਅਮੁਸੁ-ਨਪੁਂਸਕੇ-

ਅਮੁਸ੍ਸਾਦੁਂ.

ਅਂਸਿਸੁ ਸਹ ਤੇਹਿ ਅਮੁਸ੍ਸ ਅਦੁਂ ਹੋਤਿ ਵਾ ਨਪੁਂਸਕੇ-ਅਦੁਂ-ਅਞ੍ਞ

ਤ੍ਰ ¶ ਸਿਲੋਪੇ-ਅਮੁ, ਅਮੁਨ, ਅਮੂ, ਅਦੁਂ, ਅਮੁਂ, ਅਮੁਨਿ, ਅਮੂ-ਸੇਸਂ ਪੁਮੇਵ-ਕਿਂਸਿ.

ਕਿਸ੍ਸ ਕੋ ਸਬ੍ਬਾਸੁ.

ਸਬ੍ਬਾਸੁ ਵਿਭਤ੍ਤੀਸੁ ਕਿਸ੍ਸ ਕੋ ਹੋਤਿ-ਸਿਸ੍ਸੋ-ਕੋ, ਕੇ, ਕਂ, ਕੇ, ਕੇਨ, ਕਹਿ, ਕੇਹਿ.

ਕਿ ਸਸ੍ਮਿਂਸੁ ਵਾ ਨਿਤ੍ਥਿਯਂ.

ਅਨਿਤ੍ਥਿਯਂ ਕਿਸ੍ਸ ਕਿ ਵਾ ਹੋਤਿ ਸਸ੍ਮਿਂਸੁ-ਕਿਸ੍ਸ, ਕਸ੍ਸ, ਕੇਸਂ, ਕੇਸਾਨਂ, ਕਮ੍ਹਾ, ਕਸ੍ਮਾ, ਕਿਮ੍ਹਿ, ਕਿਸ੍ਮਿਂ, ਕਮ੍ਹਿ, ਕਸ੍ਮਿਂ, ਕੇਸੁ-ਇਤ੍ਥਿਯਂ-ਕਆਦੇਸੇ ਅਕਾਰਨ੍ਤਤ੍ਤਾ ਆਪ੍ਪਚ੍ਚਯੋ-ਕਾ, ਕਾ, ਕਾਯੋ ਇਚ੍ਚਾਦਿ ਸਬ੍ਬਾਵ-ਨਪੁਂਸਕੇ.

ਕਿਮਂਸਿਸੁ ਸਹ ਨਪੁਂਸਕੇ.

ਅਂਸਿਸੁ ਸਹ ਤੇਹਿ ਕਿਂਸਦ੍ਦਸ੍ਸ ਕਿਂ ਹੋਤਿ ਨਪੁਂਸਕੇ-ਕਿਂ, ਕਾਨਿ, ਕਿਂ, ਕੇ, ਕਾਨਿ-ਕੇਨੇਚ੍ਚਾਦਿ ਪੁਮੇਵ-ਏਕਸਦ੍ਦੋ ਸਙ੍ਖ੍ਯਾਤੁਲ੍ਯਞ੍ਞਾ ਸਹਾਯਵਚਨੋ-ਅਤ੍ਰ ਸਙ੍ਖ੍ਯਾਸਦ੍ਦੋ ਸਂਖੇਯ੍ਯਵਾਚਿ-ਯਦਾ ਸਙ੍ਖੇਯ੍ਯ ਵਾਚੀ ਤਦੇਕਵਚਨਨ੍ਤੋ ਅਞ੍ਞਤ੍ਰ ਬਹੁਵਚਨਨ੍ਤੋਪਿ-ਏਕੋ ਏਕਾ ਏਕਮਿਚ੍ਚਾਦਿ-ਸਬ੍ਬਸਮਂ ਤਿਲਿਙ੍ਗੇਸੁ-ਸ੍ਸਾਸ੍ਸਂਸੁ ਪਨ-ਸ੍ਸਮਾਦਿਨਾ ਇਮ੍ਹਿ ਏਕਿਸ੍ਸਾ ਏਕਿਸ੍ਸਂ-ਤੁਮ੍ਹ ਅਮ੍ਭਸਦ੍ਦਾ ਅਲਿਙ੍ਗਾ-ਤਥਾ ਉਭ ਕਤਿਞ੍ਚਿ ਸਦ੍ਦਾ ਪਞ੍ਚਾਦਯੋ ਅਟ੍ਠਾਰਸਨ੍ਤਾ ਚ-ਤੁਮ੍ਹਸਿ ਅਮ੍ਹਸਿ.

ਤੁਮ੍ਹਸ੍ਸ ਤੁਵਂ ਤ੍ਵਮਮ੍ਹਿ ਚ.

ਅਮ੍ਹਿਸਿਮ੍ਹਿ ਚ ਤੁਮ੍ਹਸ੍ਸ ਸਵਿਹਤ੍ਤਿਸ੍ਸ ਤੁਵਂ ਤ੍ਵਂ ਹੋਨ੍ਤਿ-ਤੁਵਂ ਤ੍ਵਂ.

ਸਿਮ੍ਹਿ ਹਂ.

ਸਿਮ੍ਹਿ ਅਮ੍ਹਸ੍ਸ ਸਵਿਭਤ੍ਤਿਸ੍ਸ ਅਹਂ ਹੋਤਿ-ਅਹਂ-ਯੋ-ਤੁਮ੍ਹੇ.

ਮਯਮਸਮਾਮ੍ਹਸ੍ਸ.

ਯੋਸ੍ਵਮ੍ਹਸ੍ਸ ਸਵਿਭਤ੍ਤਿਸ੍ਸ ਮਯਮਸ੍ਮਾ ਵਾ ਹੋਨ੍ਤਿ ਯਥਾਕ੍ਕਮਂ-ਮਯਂ, ਅਸ੍ਮਾ, ਅਮ੍ਹੇ-ਅਂ-ਤੁਵਂ. ਤ੍ਵਂ.

ਅਮ੍ਹਿ ਤਂ ਮਂ ਤਵਂ ਮਮਂ.

ਅਮ੍ਹਿ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਂ ਮਂ ਤਵਂ ਮਮਂ ਹੋਨ੍ਤਿ ਯਥਾਕ੍ਕਮਂ-ਤਂ, ਤਵਂ, ਮਂ, ਮਮਂ.

ਦੁਤਿਯੇ ਯੋਮ੍ਹਿ ਵਾ.

ਤੁਮ੍ਹਅਮ੍ਹਸਦ੍ਦਾਨਂ ਸਵਿਹਤ੍ਤੀਨਂ ਪਚ੍ਚੇਕਂ ਙਂ ਙਾਕਂ ਵਾ ਹੋਨ੍ਤਿ ਦੁਤਿਯੇ ਯੋਮ੍ਹਿ-ਤੁਮ੍ਹਾਕਂ ਤੁਮ੍ਹੇ, ਅਮ੍ਹਂ, ਅਮ੍ਹਾਕਂ, ਅਸ੍ਮਾ, ਅਮ੍ਹੇ.

ਨਾਸ੍ਮਾਸੁ ਤਯਾ ਮਯਾ.

ਨਾਸ੍ਮਾਸੁ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਯਾ ਮਯਾ ਹੋਨ੍ਤਿ ਯਥਾਕ੍ਕਮਂ.

ਤਯਾਤਯਿਨਂ ਤ੍ਵ ਵਾ ਤਸ੍ਸ.

ਤੁਮ੍ਹਸ੍ਸ ਤਯਾਤਯੀਨਂ ਤਕਾਰਸ੍ਸ ਤ੍ਵ ਹੋਤਿ ਵਾ-ਤ੍ਵਯਾ, ਤਯਾ, ਮਯਾ, ਤੁਮ੍ਹੇਹਿ, ਤੁਮ੍ਹੇਭਿ. ਅਮ੍ਹੇਹਿ, ਅਮ੍ਹੇਭਿ.

ਤਵ ¶ ਮਮ ਤੁਯ੍ਹਂ ਮਯ੍ਹਂ ਸੇ.

ਸੇ ਤੁਮ੍ਹਅਮ੍ਹਸਦ੍ਦਾਨਂ ਸ੍ਵਿਭਤ੍ਤੀਨਂ ਤਵ ਮਮ ਤੁਯ੍ਹਂ ਮਯ੍ਹਂ ਹੋਨ੍ਤਿ ਯਥਾਕ੍ਕਮਂ-ਤਵ ਤੁਯ੍ਹਂ ਮਮ ਮਯ੍ਹਂ.

ਨਂਸੇਸ੍ਵ ਸਮਾਕਂ ਮਮਂ.

ਨਂਸੇਸ੍ਵਮ੍ਹਸ੍ਸ ਸਵਿਭਤ੍ਤਿਸ੍ਸ ਅਸ੍ਮਾਕਂ ਮਮਂ ਹੋਨ੍ਤਿ ਯਥਾਕ੍ਕਮਂ-ਮਮਂ.

ਙਂ ਙਾਕਂ ਨਮ੍ਹਿ.

ਨਮ੍ਹਿ ਤੁਮ੍ਹਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਙਂ ਙਾਕਂ ਹੋਨ੍ਤਿ ਪਚ੍ਚੇਕਂ-ਤੁਮ੍ਹਂ ਤੁਮ੍ਹਾਕਂ ਅਮ੍ਹਂ ਅਮ੍ਹਾਕਂ ਅਸ੍ਮਾਕਂ.

ਸ੍ਮਾਮ੍ਹਿ ਤ੍ਵਮ੍ਹਾ.

ਸ੍ਮਾਮ੍ਹਿ ਤੁਮ੍ਹਸ੍ਸ ਸਵਿਭਤ੍ਤਿਸ੍ਸ ਤ੍ਵਮ੍ਹਾ ਹੋਤਿ ਵਾ-ਤ੍ਵਮ੍ਹਾ ਤ੍ਵਯਾਤਯਾ ਮਯਾ.

ਸ੍ਮਿਮ੍ਹਿ ਤੁਮ੍ਹਾਮ੍ਹਾਨਂ ਤਯਿ ਮਯਿ.

ਸ੍ਮਿਮ੍ਹਿ ਤੁਮ੍ਹ ਅਮ੍ਹਸਦ੍ਦਾਨਂ ਸਵਿਭਤ੍ਤੀਨਂ ਤਯਿ ਮਯਿ ਹੋਨ੍ਤਿ ਯਥਾਕ੍ਕਮਂ-ਤ੍ਵਯਿ ਤਯਿ ਮਯਿ, ਤੁਮ੍ਹੇਸੁ.

ਸੁਮ੍ਹਾਮ੍ਹਸਯਾਸ੍ਮਾ.

ਅਮ੍ਹਸ੍ਸ ਅਸ੍ਮਾ ਹੋਤਿ ਵਾ ਸੁਮ੍ਹਿ-ਅਸ੍ਮਾਸੁ ਅਮ੍ਹੇਸੁ.

‘‘ਅਪਾਦਾਦੋ ਪਦਤੇਕਵਾਕ੍ਯੇ’’ਤਿ ਅਧਿਕਾਰੋ.

ਯੋਨਂ ਹਿਸ੍ਵਪਞ੍ਚਮ੍ਯਾ ਵੋ ਨੋ.

ਅਪਞ੍ਚਮਿਯਾ ਯੋਨਂ ਹਿਸ੍ਵਪਾਦਾਦੋ ਵਤ੍ਤਮਾਨਾਨਂ ਪਦਸ੍ਮਾ ਪਰੇਸ ਮੇਕਵਾਕ੍ਯੇ ਠਿਤਾਨਂ ਤੁਮ੍ਹਅਮ੍ਭਸਦ੍ਦਾਨਂ ਸਵਿਭਤ੍ਤੀਨਂ ਵੋ ਨੋ ਹੋਨ੍ਤਿ ਵਾ ਯਥਾਕ੍ਕਮਂ-ਤਿਟ੍ਠਥ ਵੋ, ਤਿਟ੍ਠਥ ਤੁਮ੍ਹੇ, ਤਿਟ੍ਠਾਮ ਨੋ, ਤਿਟ੍ਠਾਮ ਮਯਂ-ਪਸ੍ਸਤਿ ਵੋ, ਪਸ੍ਸਤਿ ਤੁਮ੍ਹੇ, ਪਸ੍ਸਤਿ ਨੋ, ਪਸ੍ਸਤਿ ਅਮ੍ਹੇ-ਦਿਯਤੇ ਵੋ, ਦਿਯਤੇ ਤੁਮ੍ਹਂ, ਦਿਯਤੇ ਨੋ, ਦਿਯਤੇ ਅਮ੍ਹਂ-ਧਨਂ ਵੋ, ਧਨਂ ਤੁਮ੍ਹਂ,ਧਨਂ ਨੋ, ਧਨਂ ਅਮ੍ਹਂ-ਕਤਂ ਵੋ, ਕਤਂ ਤੁਮ੍ਹੇਹਿ, ਕਤਂ ਨੋ, ਕਤਂ ਅਮ੍ਹੇਹਿ.

ਤੇ ਮੇ ਨਾ ਸੇ.

ਨਾਮ੍ਹਿ ਸੇ ਚ ਅਪਾਦਾਦੋ ਵਤ੍ਤਮਾਨਾਨਂ ਪਦਸ੍ਮਾ ਪਰੇਸਂ ਏਕਵਾਕ੍ਯੇ ਠਿਤਾਨਂ ਤੁਮ੍ਹਅਮ੍ਹਸਦ੍ਦਾਨਂ ਸਵਿਹਤ੍ਤੀਨਂ ਤੇ ਮੇ ਵਾ ਹੋਨ੍ਤਿ ਯਥਾਕ੍ਕਮਂ-ਕਤਂ ਤੇ, ਕਤਂ ਤਯਾ, ਕਤਂ ਮੇ, ਕਤਂ ਮਯਾ-ਦਿਯਤੇ ਤੇ, ਦੀਯਤੇ ਤਵ, ਦੀਯਤੇ ਮੇ, ਦਿਯਤੇ ਮਮ-ਧਨਂ ਤੇ, ਧਨਂ ਤਵ, ਧਨਂ ਮੇ, ਧਨਂ ਮਮ.

ਨਚਵਾਹਾਹੇਵਯੋਗੇ.

ਚਵਾਹਅਹਏਵੇਹਿਯੋਗੇ ਤੁਮ੍ਹਅਮ੍ਹਸਦ੍ਦਾਨਮਾਦੇਸਾਨ ਹੋਨ੍ਤਿ. ਗਚ੍ਛਾਮ ਤੁਮ੍ਹੇ ਚ, ਮਯਞ੍ਚ-ਪਸ੍ਸਤਿ ਤੁਮ੍ਹੇ ਚ, ਅਮ੍ਹੇ ਚ-ਕਤਂ ਤੁਮ੍ਹੇਹਿ ਚ, ਅਮ੍ਹੇਹਿ ਚ-ਦਿਯਤੇ ਤੁਮ੍ਹਞ੍ਚ, ਅਮ੍ਹਞ੍ਚ-ਧਨਂ ਤੁਮ੍ਹਞ੍ਚ, ਅਮ੍ਹਞ੍ਚ-ਕਤਂ ਤਯਾ ਚ, ਮਯਾ ਚ-ਦੀਯਤੇ ਤਵ ਚ, ਮਮ ਚ-ਧਨਂ ਤਵ ਚ ਮਮ ਚ-ਵਾਦਿਯੋਗੇਪ੍ਯੇਵਂ ਞੇਯ੍ਯਂ-ਉਭ ਕਤਿ ਸਦ੍ਦਾ ਬਹੁਵਚਨਤ੍ਤਾ-‘‘ਉਭਗੋਹਿ ਟੋ‘‘ਤਿ ਯੋਨਂ ਟੋ-ਉਭੋ, ਉਭੋ-ਸੁਹਿਸੁਭਸ੍ਸੋ. ¶

ਉਭਸ੍ਸ ਸੁਹਿਸ੍ਵੋ ਹੋਤਿ-ਉਭੋਹਿ ਉਭੋਹਿ-

ਉਭਿਨ੍ਨਂ.

ਉਭਾ ਨਂਵਚਨਸ੍ਸ ਇਨ੍ਨਂ ਹੋਤਿ-ਉਭਿਨ੍ਨਂ, ਉਭੋਸੁ.

ਟਿ ਕਤਿਮ੍ਹਾ

ਕਤਿਮ੍ਹਾਯੋਨਂਟਿ ਹੋਤਿ-ਕਤਿ,ਕਤਿ,ਕਤੀਹਿ,ਕਤੀਭਿ, ਕਤਿਨ੍ਨਂ ਕਤੀਸੁ.

ਅਥ ਸਙ੍ਖ੍ਯਾਸਦ੍ਦਾ ਵੁਚ੍ਚਨ੍ਤੇ.

ਏਕਾਦਯੋ ਅਟ੍ਠਾਰਸਨ੍ਤਾ ਸਙ੍ਖੇਯ੍ਯਵਚਨਾ-ਵੀਸਤਿਆਦਯੋ ਪਨ ਸਙ੍ਖ੍ਯਾਨਵਚਨਾਚ-ਏਕਸਦ੍ਦੋ ਸਬ੍ਬਾਦਿਸੁ ਵੁਤ੍ਤੋਵ-ਦ੍ਵਾਦਿਨਮਟ੍ਠਾਰਸਨ੍ਤਾਨਂ ਬਹੁਵਚਨਨ੍ਤਤ੍ਤਾ ਏਕਵਚਨਾਭਾਵੋ-ਦ੍ਵਿਸਦ੍ਦਾ ਯੋਮ੍ਹਿ.

ਯੋਮ੍ਹਿ ਦ੍ਵਿਨ੍ਨਂ ਦੁਵੇ ਦ੍ਵੇ.

ਯੋਮ੍ਹਿ ਦ੍ਵਿਸ੍ਸ ਸਵਿਭਤ੍ਤਿਸ੍ਸ ਦੁਵੇ ਦ੍ਵੇ ਹੋਨ੍ਤਿ ਪਚ੍ਚੇਕਂ-ਦੁਵੇ ਦ੍ਵੇ, ਦ੍ਵੀਹਿ ਦ੍ਵੀਭਿ.

ਦੁਵਿਨ੍ਨਂ ਨਮ੍ਹਿ ਵਾ.

ਨਮ੍ਹਿ ਦ੍ਵਿਸ੍ਸ ਸਵਿਭਤ੍ਤਿਸ੍ਸ ਦੁਵਿਨ੍ਨਂ ਹੋਤਿ ਵਾ-ਦੁਵਿਨ੍ਨਂ-ਅਞ੍ਞਤ੍ਰ.

ਨਮ੍ਹਿ ਨੁਕ ਦ੍ਵਾਦੀਨਂ ਸਤ੍ਤਰਸਨ੍ਤਂ.

ਦ੍ਵਾਦੀਨਂ ਸਤ੍ਤਰਸਨ੍ਨਂ ਸਙ੍ਖ੍ਯਾਨਂ ਨੁਖੋਤਿ ਨਮ੍ਹਿ ਵਿਭਤ੍ਤਿਮ੍ਹਿ. ਉਕਾਰੋਉਚ੍ਚਾਰਣਤ੍ਥੋ-ਕਕਾਰੋ ਅਨ੍ਤਾਵਯਵਤ੍ਥੋ-ਤੇਨ ਨਮ੍ਭੀਨ ਦੀਘੋ-ਦ੍ਵਿਨ੍ਨਂ,ਦ੍ਵੀਸੁ-ਤਿਸਦ੍ਦਾ ਯੋਮ੍ਹਿ.

ਪੁਮੇ ਤਯੋ ਚਤ੍ਤਾਰੋ.

ਯੋਮ੍ਹਿ ਸਵਿਭਤ੍ਤੀਨਂ ਤਿਵਤੁਨ੍ਨਂ ਤਯੋ ਚਤ੍ਤਾਰੋ ਹੋਨ੍ਤਿ ਯਥਾਕ੍ਕਮਂ ਪੁਲ੍ਲਿਙ੍ਗੇ-ਤਯੋ, ਤਯੋ, ਤੀਹਿ, ਤੀਭਿ.

ਣ੍ਣਂ ਣ੍ਣਨ੍ਨਂ ਤਿਤੋਜ੍ਝਾ.

ਝਸਞ੍ਞਤੋ ਤਿਤੋ ਨਂਵਚਨਸ੍ਸ ਣ੍ਣਂ ਣ੍ਣਨ੍ਨਂ ਹੋਨ੍ਤਿ-ਤਿਣ੍ਣਂ ਤਿਨ੍ਣਨ੍ਨਂ,ਤੀਸੁ-ਇਤ੍ਥੀਯਂ.

ਤਿਸ੍ਸੋ ਚਤਸ੍ਸੋ ਯੋਮ੍ਹਿ ਸਵਿਭਤ੍ਤੀਨਂ.

ਵਿਭਤ੍ਤਿਸਹਿਤਾਨਂ ਤਿਵਤੁਨ੍ਨਂ ਯੋਮ੍ਹਿ ਤਿਸ੍ਸੋ ਚਤਸ੍ਸੋ ਹੋਨ੍ਤਿਤ੍ਥਿਯਂ ਯਥਾਕ੍ਕਮਂ-ਤਿਸ੍ਸੋ, ਤਿਸ੍ਸੋ, ਤੀਹਿ ਤੀਭਿ.

ਨਮ੍ਹਿ ਤਿਚਤੁਨ੍ਨਮਿਤ੍ਥਿਯਂ ਤਿਸ੍ਸਚਤਸ੍ਸਾ.

ਨਮ੍ਹਿ ਤਿਚਤੁਨ੍ਨਂ ਤਿਸ੍ਸ ਚਤਸ੍ਸਾ ਹੋਨ੍ਤਿਤ੍ਥਿਯਂ ਯਥਾਕ੍ਕਮਂ-ਤਿਸ੍ਸਨ੍ਨਂ, ਤੀਸੁ-ਨਪੁਂਸਕੇ.

ਤੀਣਿ ਚਤ੍ਤਾਰਿ ਨਪੁਂਸਕੇ.

ਯੋਮ੍ਹਿ ਸਵਿਭਤ੍ਤੀਨਂ ਤਿਚਤੁਨ੍ਨਂ ਯਥਾਕ੍ਕਮਂ ਤੀਣਿ ਚਤ੍ਤਾਰਿ ਹੋਨ੍ਤਿ ਨਪੁਂਸਕੇ-ਤੀਣਿ ਤੀਣਿ-ਸੇਸਂ ਪੁਲ੍ਲਿਙ੍ਗਸਮਂ-ਚਤੁ ਯੋ.

ਚਤੁਰੋ ਵਾ ਚਤੁਸ੍ਸ.

ਚਤੁਸਦ੍ਦਸ੍ਸ ਸਵਿਭਤ੍ਤਿਸ੍ਸ ਯੋਮ੍ਹਿ ਚਤੁਰੋ ਵਾ ਹੋਤਿ ਪੁਲ੍ਲਿਙ੍ਗੇ-ਚਤੁਰੋ, ਚਤੁਰੋ-ਅਞ੍ਞਤ੍ਰ-ਚਤ੍ਤਾਰੋ, ਚਤ੍ਤਾਰੋ-ਚਤੂਹਿ ਚਤੂਭਿ.

ਟ ¶ ਪਞ੍ਚਾਦੀਹਿ ਚੁਦ੍ਦਸਹਿ.

ਪਞ੍ਚਾਦੀਹਿ ਚੁਦ੍ਦਸਹਿ ਸਙ੍ਖ੍ਯਾਹਿ ਯੋਨਂ ਟੋ ਹੋਤਿ-ਪਞ੍ਚ, ਪਞ੍ਚ.

ਪਞ੍ਚਾਦੀਨਂ ਚੁਦ੍ਦਸਨ੍ਨਮ.

ਪਞ੍ਚਾਦੀਨਂ ਚੁਦ੍ਦਸਨ੍ਨਂ ਸੁਨਂਹਿਸ੍ਵ ਹੋਤਿ-ਏਤ੍ਤਾਪਵਾਦੋਯਂ-ਪਞ੍ਚਹਿ ਪਞ੍ਚਭਿ, ਪਞ੍ਚਨ੍ਤਂ ਪਞ੍ਚਸੁ-ਏਵਂ ਛਾਦਯੋ ਅਟ੍ਠਾਰਸਨ੍ਤਾ-ਏਕੋ ਚ ਦ ਸ ਚਾਤਿ ਚਤ੍ਥਸਮਾਸੇ ਏਕੇਨ ਅਧਿਕਾ ਦਸਾਤਿ ਤਤਿਯਾਸਮਾਸੇ ਵਾ ਕਤੇ ‘‘ਏਕਤ੍ਥਤਾਯ’’ਨ੍ਤਿ ਵਿਭਤ੍ਤਿਲੋਪੋ-ਏਵਮੁਪਰਿ ਚ.

ਏਕਟ੍ਠਾਨਮਾ.

ਏਕਅਟ੍ਠਾਨਂ ਆ ਹੋਤਿ ਦਸੇ ਪਰੇ.

ਰ ਸਙ੍ਧ੍ਯਾਤੋ ਵਾ.

ਸਙ੍ਖ੍ਯਾਤੋ ਪਰਸ੍ਸ ਦਸਸ੍ਸ ਰ ਹੋਤਿ ਵਿਭਾਸਾ-ਸਚ‘‘ਪਞ੍ਚਮਿਯਂ ਪਰਸ੍ਸੇ’’ਤਿ ਅਨੁਵਤ੍ਤਮਾਨੇ ‘‘ਆਦਿਸ੍ਸਾ‘‘ਤਿ ਦਕਾਰਸ੍ਸੇਵ ਹੋਤਿ-ਏਕਾ ਰਸ, ਏਕਾਦਸ.

ਆ ਸਙ੍ਖ੍ਯਾਯਾਸਤਾਦੋ’ਨਞ੍ਞਤ੍ਥੇ.

ਸਙ੍ਖ੍ਯਾਯਮੁਤ੍ਤਰਪਦੇ ਦ੍ਵਿਸ੍ਸ ਆ ਹੋਤਸਤਾਦੋ’ਨਞ੍ਞਤ੍ਥੇ-ਦ੍ਵਾਦਸ.

ਖਾ ਚਤ੍ਤਾਲ਼ੀਸਾਦੋ.

ਦ੍ਵਿਸ੍ਸ ਖਾ ਵਾ ਹੋਤਚਤ੍ਤਾਲ਼ੀਸਾਦੋ’ਨਞ੍ਞਤ੍ਥੇ-ਬਾਰਸ.

ਤਿਸ੍ਸੇ.

ਸਙ੍ਖ੍ਯਾਯਮੁਤ੍ਤਰਪਦੇ ਤਿਸ੍ਸ ਏ ਹੋਤਸਤਾਦੋ’ਨਞ੍ਞਤ੍ਥੇ.

ਛਤੀਹਿ ਲ਼ੋ ਚ.

ਛਤਿਹਿ ਪਰਸ੍ਸ ਦਸਸ੍ਸ ਲ਼ੋ ਹੋਤਿ ਰੋ ਚ-ਤੇਲ਼ਸ-ਤੇਰਸ.

ਚਤੁਸ੍ਸ ਚੁਚੋ ਹੋਨ੍ਤਿ ਵਾ ਦਸਸਦ੍ਦੇ ਪਰੇ-ਦ੍ਵਿਤ੍ਤੇ-ਚੁਦ੍ਦਸ ਚੋਦ੍ਦਸ ਚਤੁਦ੍ਦਸ.

ਵੀਸਤਿਦਸੇਸੁ ਪਞ੍ਚਸ੍ਸ ਪਣ੍ਣੁਪਣ੍ਣਾ.

ਵੀਸਤਿਦਸੇਸੁ ਪਰੇਸੁ ਪਞ੍ਚਸ੍ਸ ਪਣ੍ਣੁਪਣ੍ਣਾ ਹੋਨ੍ਤਿ ਵਾ ਯਥਾਕ੍ਕਮਂ-ਪਣ੍ਣਰਸ ਪਞ੍ਚਦਸ.

ਛਸਸ ਸੋ.

ਛਸ੍ਸ ਸੋ ਇਚ੍ਚਯਮਾਦੇਸੋ ਹੋਤਿ ਦਸਸਦ੍ਦੇ ਪਰੇ-ਸੋਲ਼ਸ ਸੋਰਸ, ਸਤ੍ਤਰਸ ਸਤ੍ਤਦਸ, ਅਟ੍ਠਾਰਸ ਅਟ੍ਠਾਦਸ-ਏਕੇਨ ਊਨਾ ਵੀਸਤੀਤਿ ਵਿਸੇਸਨਸਮਾਸਗਬ੍ਭੇ ਤਤਿਯਾਸਮਾਸੇ.

ਇਤ੍ਥਿਯਮ੍ਹਾਸਿਤਪੁਮਿਤ੍ਥਿ ਪੁਮੇਵੇਕਤ੍ਥੇ.

ਇਤ੍ਥਿਯਂ ਵਤ੍ਤਮਾਨੇ ਏਕਤ੍ਥੇ ਸਮਾਨਾਧਿਕਰਣੇ ਉਤ੍ਤਰਪਦੇ ਪਰੇ ਭਾਸਿਤਪੁਮਿਤ੍ਥਿ ਪੁਮੇਵ ਹੋਤੀਤਿ ਪੁਮ੍ਭਾਵਾ ਆਪ੍ਪਚ੍ਚਯੋ ਨਿਵਤ੍ਤਤੇ-ਏਕੂਨਵੀਸਤਿ-ਇਤ੍ਥਿਲਿਙ੍ਗੇਕਵਚਨਨ੍ਤੋ-ਵੀਸਤਿਆਦਯੋ ਹਿ ਆਨਵੁਤਿਯਾ ਏਕਵਚਨਨ੍ਤਾ ਇਤ੍ਥਿਲਿਙ੍ਗਾ-(ਭੋ) ਏਕੂਨਵੀਸਤਿ ਏਕੂਨਵੀਸਤਿਮਿਚ੍ਚਾਦਿ-ਏਵਂ ਵੀਸਤਿ ਏਕਵੀਸਤਿ ਦ੍ਵਾਵੀਸਤਿ ਬਾਵੀਸਤਿ ਤੇਵੀਸਤਿਪ੍ਪਭੁਤਯੋ.

ਵੀਸਤਯਂ ¶ ਪਞ੍ਚਸ੍ਸ ਵਾ ਪਣ੍ਣਆਦੇਸੇ-ਪਣ੍ਣੁਵੀਸਤਿ, ਪਞ੍ਚਵੀਸਤਿ-ਏਕੇਨ ਊਨਾ ਤਿਂਸਤਿ ਤਿਂਸਾ ਵਾ ਏਕੁਨਤਿਂਸਤਿ ਏਕੁਨਤਿਂਸਾ-ਮਤਿਕਞ੍ਞਾ ਸਮਾ-ਏਵਂ ਤਿਂਸਤਿ ਤਿਂਸਾਪ੍ਪਭੁਤਯੋ-ਤਿਂਸਾਸਦ੍ਦਸ੍ਸ ਪਨ ਸਿਲੋਪੇ-ਦੀਘਰਸ੍ਸਾਤਿ ਯੋਗਵਿਭਾਗਾ ਰਸ੍ਸੇ-ਤਿਂਸ-ਨਿਗ੍ਗਹੀਤਾਗਮੇ ਚ ਤਿਂਸਨ੍ਤਿਪਿ ਹੋਤਿ-ਏਵਮੁਪਰਿ ਚ ਯਥਾਸਮ੍ਭਵਂ-ਦ੍ਵਤ੍ਤਿਂਸਤਿਆਦਿਨਂ ਰਸ੍ਸਞ੍ਚਤ੍ਤਾਨਿ-ਚਤ੍ਤਾਲ਼ੀਸਾਯ ਸਮ੍ਹਿ-ਚਤ੍ਤਾਲ਼ੀਸਾ ਚਤ੍ਤਾਲ਼ੀਸ ਚਤ੍ਤਾਲ਼ੀਸਂ ਵਾ,ਏਵਂ ਚਤ੍ਤਾਰੀਸਾ ਚਤ੍ਤਾਰਿਸ ਚਤ੍ਤਾਰੀਸਂ.

ਦ੍ਵਿਸ੍ਸਾ ਚ.

ਅਸਤਾਦੋ’ਨਞ੍ਞਤ੍ਥੇ ਚਤ੍ਤਾਲ਼ੀਸਾਦੋ ਦ੍ਵਿਸ੍ਸ ਏ ਹੋਤਿ ਵਾ ਆ ਚ-ਦ੍ਵੇ ਚਤ੍ਤਾਲ਼ੀਸ ਦ੍ਵਾਚਤ੍ਤਾਲ਼ੀਸ ਦ੍ਵੀਚਤ੍ਤਾਲ਼ੀਸ-ਏਵਂ ਦ੍ਵੇਵਤ੍ਤਾਰਿਸ ਦ੍ਵਾਚਤ੍ਤਾਰੀਸ ਦ੍ਵਿਚਤ੍ਤਾਰੀਸ, ਦ੍ਵੇਚਤ੍ਤਾਲ਼ੀਸਤਿ ਦ੍ਵਾਚਤ੍ਤਾਲ਼ੀਸਤਿ ਦ੍ਵਿਚਤ੍ਤਾਲ਼ੀਸਤਿ.

ਚਤ੍ਤਾਲ਼ੀਸਾਦੋ ਵਾ.

ਅਸਤਾਦੋ’ਨਞ੍ਞਤ੍ਥੇ ਚਤ੍ਤਾਲ਼ੀਸਾਦੋ ਤਿਸ੍ਸੇ ਵਾ ਹੋਤਿ-ਤੇਚਤ੍ਤਾਲ਼ੀਸ ਤਿਵਤ੍ਤਾਲ਼ੀਸ ਤੇਚਤ੍ਤਾਲ਼ੀਸਤਿ ਤਿਚਤ੍ਤਾਲ਼ੀਸਤਿ-ਤੇਚਤ੍ਤਾਰੀਸ ਤਿਚਤ੍ਤਾਰੀਸ-ਦ੍ਵੇਪਞ੍ਞਾਸ ਦ੍ਵਾਪਞ੍ਞਾਸ ਦ੍ਵਿਪਞ੍ਞਾਸ ਦ੍ਵੇਪਣ੍ਣਾਸਤਿ ਪਣ੍ਣਾਸ, ਦ੍ਵੇਸਟ੍ਠਿ ਦ੍ਵਾਸਟ੍ਠਿ ਦ੍ਵਿਸਟ੍ਠਿ, ਤੇਸਟ੍ਠਿ ਤਿਸਟ੍ਠਿ, ਦ੍ਵੇਸਤ੍ਤਤਿ ਦ੍ਵਾ ਸਤ੍ਤਤਿ ਦ੍ਵੀਸਤ੍ਤਤਿ ਦ੍ਵੇਸਤ੍ਤਰਿ ਦ੍ਵਾਸਤ੍ਤਰਿ ਦ੍ਵਿਸਤ੍ਤਰਿ, ਤੇਸਤ੍ਤਤਿ ਤਿਸਤ੍ਤਤਿ ਤੇਸਤ੍ਤਰਿ ਤਿਸਤ੍ਤਰਿ, ਦ੍ਵ੍ਞਸੀਤਿ ਦ੍ਵਾਅਸੀਤਿ ਦ੍ਵੀਯਾਸੀਤਿ-ਯਾਗਮੋ-ਤ੍ਞਸੀਤਿ ਤਿਯਾਸੀਤਿ, ਦ੍ਵੇਨਵੁਤਿ ਦ੍ਵਾਨਵੁਤਿ ਦ੍ਵਿਨਵੁਤਿ, ਤੇਨਵੁਤਿ ਤਿਨਵੁਤਿ-ਸਤਂ, ਨਪੁਂਸਕ ਮੇਕਵਚਨਨ੍ਤਂ-ਏਵਂ ਸਹਸ੍ਸਦਯੋ-ਕੋਟਿ ਪਕੋਟਿ ਕੋਟਿਪ੍ਪਕੋਟਿ ਅਕ੍ਖੋਹਿਣਿਯੋ ਇਤ੍ਥਿਲਿਙ੍ਗੇਕਵਚਨਨ੍ਤਾ-ਵਗ੍ਗਭੇਦੇ ਤੁ ਸਬ੍ਬਾਸਮ੍ਪਿ ਸਙ੍ਖ੍ਯਾਨਂ ਬਹੁਵਚਨਞ੍ਚ ਹੋਤੇਵ-ਯਥਾ-ਦ੍ਵੇ ਵਿਸਤਿਯੋ, ਤਿਸ੍ਸੋ ਵੀਸਤਿਯੋ ਇਚ੍ਚਾਦਿ-ਦਸ ਅਸਕਂ ਸਤਂ ਨਾਮ,ਦਸਸਤਂ ਸਹਸ੍ਸਂ, ਦਸਸਹਸ੍ਸਂ ਨਹੁਤਂ, ਦਸਨਹੁਤਂ ਲਕ੍ਖਂ, ਸਤਸਹਸ੍ਸਨ੍ਤਿਪਿ ਵੁਚ੍ਚਤਿ-ਲਕ੍ਖਸਤਂ ਕੋਟਿ, ਕੋਟਿਲਕ੍ਖਸਤਂ ਪਕੋਟਿ, ਪਕੋਟਿਲਕ੍ਖਸਤਂ ਕੋਟਿਪ੍ਪਕੋਟਿ-ਏਵਂ ਨਹੁਤਂ ਨਿਨ੍ਨਹੁਤਂ ਅਕ੍ਖੋਹਿਣੀ ਬਿਨ੍ਦੁ ਅਬ੍ਬੁਦਂ ਨਿਰਬ੍ਬੁਦਂ ਅਹਕਹਂ ਅਬਬਂ ਅਟਟਂ ਸੋਗਨ੍ਧਿਕਂ ਉਪ੍ਪਲਂ ਕੁਮੁਦਂ ਪੁਣ੍ਡਰਿਕਂ ਪਦੁਮਂ ਕਥਾਨਂ ਮਹਾਕਥਾਨਂ ਅਸਙ੍ਖੇਯ੍ਯਨ੍ਤਿ ਯਥਾਕ੍ਕਮਂ ਸਤਲਕ੍ਖਗੁਣਂ ਵੇਦਿਤਬ੍ਬਂ.

ਅਥਾਸਙ੍ਖ੍ਯਮੁਚ੍ਚਤੇ.

ਤਂ ਦੁਵਿਧਂ ਪਾਦਿਚਾਦਿਭੇਦੇਨ-ਤਤ੍ਥ-ਪ ਪਰਾ ਅਪ ਸਂ ਅਨੁ ਅਵ ਓ ਨਿ ਦੁ ਵਿ ਅਧਿ ਅਪਿ ਅਤਿ ਸੁ ਉ ਅਭਿ ਪਤਿ ਪਰਿ ਉਪ ਆ-ਇਮੇ ਵੀਸਤਿ ਪਾਦਯੋ-ਚਾਦਯੋ ਪਨ-ਚ ਵਾ ਹ ਅਹ ਏਵ ਏਵਮਿਚ੍ਚਾਦਯੋ-ਇਮੇ ਦ੍ਵੇਪਿ ਲਿਙ੍ਗਸਙ੍ਖ੍ਯਾਰਹਿਤਾ-ਏਤੇਹਿ ਪਨ ਯਥਾਸਮ੍ਭਵਂ ਵਿਹਿਤਾਨਂ ਵਿਭਤ੍ਤਿਨਂ.

ਅਸਙ੍ਖ੍ਯੇਹਿ ਸਬ੍ਬਾਸਂ.

ਅਵਿਜ੍ਜਮਾਨਸਙ੍ਖ੍ਯੋਹਿ ਪਰਾਸਂ ਸਬ੍ਬਾਸਂ ਵਿਭਤ੍ਤੀਨਂ ਲੋਪੋ ਹੋਤੀਤਿ ਲੋਪੋ ਚ.

ਵਿਭਤ੍ਤਿਯਾ ¶ ਤਤੋ ਭੇਦੋ ਸਲਿਙ੍ਗਾਨਂ ਭਵੇ ਤਥਾ ਤੁਮ੍ਹਾਦਿਨਂ ਤ੍ਵਲਿਙ੍ਗੇਸੁ ਨੇਵਤ੍ਥਿ ਪਾਦਿਵਾਦਿਨਂ.

ਵੁਤਤਾਨਿ ਸ੍ਯਾਦ੍ਯਨ੍ਤਾਨਿ.

ਅਥੇਕਤ੍ਥਮੁਚ੍ਚਤੇ-ਉਪਸਦ੍ਦਾ ਪਠਮੇਕਵਚਨਂ ਸਿ-ਤਸ੍ਸ ‘‘ਅਸਙ੍ਖ੍ਯੇਹਿ ਸਬ੍ਬਾਸਂ’’ਤਿ ਲੋਪੋ-ਕੁਮ੍ਭਸਦ੍ਦਾ ਛਟ੍ਠਯੇਕਵਚਨਂ ਸ-ਉਪ ਕੁਮ ਅਸ ਇਤਿ ਠਿਤੇ ‘‘ਅਵਿਗ੍ਗਭੋ ਨਿਚ੍ਚਸਮਾਸੋ ਪਦਨ੍ਤਰਵਿਗ੍ਗਹੋ ਵੇ’’ਤਿ ਸਮੀਪਂ ਕੁਮ੍ਭਸ੍ਸੇਤਿ ਪਦਨ੍ਤਰਚਿਗ੍ਗਹੇ-‘‘ਸ੍ਯਾਦਿ ਸ੍ਯਾਦਿਨੇਕਤ੍ਥ’’ਨ੍ਤਿ ਸਬ੍ਬਤ੍ਥੇਕਤ੍ਥੇ ਵਤ੍ਤਤੇ.

ਅਸਙ੍ਖ੍ਯਂ ਵਿਭਤ੍ਤਿ ਸਮ੍ਪਤ੍ਤਿ ਸਮਿਪ ਸਾਕਲ੍ਯਾਹਾਵ ਯਥਾਪਚ੍ਛਾ ਯੁਗਪਦਤ੍ਥੇ.

ਅਸਙ੍ਖ੍ਯਂ ਸ੍ਯਾਦ੍ਯਨ੍ਤਂ ਵਿਭਤ੍ਤ੍ਯਾਦਿਨਮਤ੍ਥੇਵਤ੍ਤਮਾਨਂ ਸ੍ਯਾਦ੍ਯਨ੍ਤੇਨ ਸਹੇਕਤ੍ਥਮ੍ਭਵਤਿ.

ਏਕਤ੍ਥਤਾਯਂ.

ਈਯਾਦਿਣਦਿਸਮਾਸੇਹਿ ਏਕਤ੍ਥਿਭਾਵੋ ਏਕਤ੍ਥਤਾ-ਤਸ੍ਮਿਂ ਸ੍ਯਾਦਿ ਲੋਪੋ ਹੋਤਿ-‘‘ਤਂ ਨਪੁਂਸਕ’’ਮਿਤਿਨਪੁਂਸਕਲਿਙ੍ਗਂ-ਤਤੋ ਸ੍ਯਾਦਿ-‘‘ਪੁਬ੍ਬਸ੍ਮਾਮਾਦਿਤੋ’’ਤਿ ਲੋਪੇ ਸਮ੍ਪਤ੍ਤੇ.

ਨਾਤੋ ਮਪਞ੍ਚਮਿਯਾ.

ਅਮਾਦੇਕਤ੍ਥਾ ਪੁਬ੍ਬਂ ਯਦੇਕਤ੍ਥਮਕਾਰਨ੍ਤਂ ਤਤੋ ਪਰਾਸਂ ਸਬ੍ਬਾਸਂ ਵਿਭਤ੍ਤੀਨਂ ਲੋਪੋ ਨ ਹੋਤਿ ਅਂਤੁ ਭਵਤ੍ਯਪਞ੍ਚਮਿਯਾ-ਉਪਕੁਮ੍ਭਂ ਤਿਟ੍ਠਤਿ-ਕੁਮ੍ਭਸ੍ਸ ਸਮੀਪਂ ਤਿਟ੍ਠਤੀਤਿ ਅਤ੍ਥੋ-ਉਪਕੁਮ੍ਭਂ ਪਕਸ੍ਸ.

ਵਾ ਤਤਿਯਾਸਤ੍ਤਮੀਨਂ.

ਅਮਾਦੇਕਤ੍ਥਾ ਪੁਬ੍ਬਂ ਯਦੇਕਤ੍ਥਮਕਾਰਨ੍ਤਂ ਤਤੋ ਪਰਾਸਂ ਤਤਿਯਾ ਸਤ੍ਤਮੀਨਂ ਅਂ ਹੋਤਿ ਵਾ-ਉਪਕੁਮ੍ਭਂ ਕਤਂ, ਉਪਕੁਮ੍ਭੇਨ ਵਾ, ਉਪ ਕੁਮ੍ਭਂ ਦੇਹਿ-ਪਞ੍ਚਮਿਯਂ ਅਮਭਾਵਾ-ਉਪਕੁਮ੍ਭਾ ਅਪੇਹਿ-ਉਪਕੁਮ੍ਭਮਾਯਤ੍ਤਂ-ਉਪਕੁਮ੍ਭਂ ਨੀਧੇਹਿ, ਉਪਕੁਮ੍ਭੇ ਵਾ-ਏਵਮੁਪਨਗਰਮਿਚ੍ਚਾਦਿ-ਸਮੀਪਂ ਅਗ੍ਗਿਨੋਉਪਗ੍ਗਿ-ਏਤ੍ਥਪਨ-‘‘ਪੁਬ੍ਬਸ੍ਮਾਮਾਦਿਤੋ’’ਤਿ ਸਬ੍ਬਸ੍ਯਾਦਿ ਲੋਪੋਵ-ਏਵਮੁਪਗੁਰੁ-ਵੇਤਿ ਸਬ੍ਬਤ੍ਥ ਵਤ੍ਤਤੇ.

ਅਮਾਦਿ.

ਅਮਾਦਿ ਸ੍ਯਾਦ੍ਯਨ੍ਤਂ ਸ੍ਯਾਦ੍ਯਨ੍ਤੇਨ ਸਹ ਬਹੁਲਮੇਕਤ੍ਥਂ ਹੋਤਿ-ਗਾਮਂ ਗਤੋ ਗਾਮਗਤੋ, ਮੁਹੁਤ੍ਤਂ ਸੁਖਂ ਮੁਹੁਤ੍ਤਸੁਖਂ-ਵੁਤ੍ਤਿਯੇਵੋਪਪਦਸ ਮਾਸੇ-ਕੁਮ੍ਭਕਾਰੋ, ਏਤ੍ਥ ਬਹੁਲਾਧਿਕਾਰਾ ਅਸ੍ਯਾਦ੍ਯਨ੍ਤੇਨਾਪਿ ਸਮਾਸੋ. ਨ੍ਤਮਾਨਕ੍ਤਵਨ੍ਤੂਹਿ ਵਾਕ੍ਯ-ਧਮ੍ਮਂ ਸੁਣਨ੍ਤੋ, ਧਮ੍ਮਂ ਸੁਣਮਾਨੋ, ਓਦਨਂ ਭੁਤ੍ਤਵਾ, ਰਞ੍ਗ੍ਞਾ ਭਤੋ ਰਾਜਹਤੋ, ਅਸਿਨਾ ਜਿਨ੍ਨੋ ਅਸਿਚ੍ਛਿਨ੍ਨੋ, ਪਿਤਰਾਸਦਿਸੋਪਿਤੁਸਦਿਸੋ, ਦਧਿਨਾ ਉਪਸਿਤ੍ਤਂ ਭੋਜਨਂ ਦਧਿਭੋਜਨਂ, ਗੁਲ਼ੇਨ ਮਿਸ੍ਸੋ ਓਦਨੋ ਗੁਲ਼ੋਦਨੋ-ਇਹ ਪਨ ਵੁਤ੍ਤਿ ਪਦੇਨੇਵੋਪਸਿਤ੍ਤਾਦਿ ਕ੍ਰਿਯਾਯਾਖ੍ਯਾਪਨਤੋ ਨ ਤਤ੍ਥਾਯੁਤ੍ਤਤ੍ਥਤਾ-ਕ੍ਵਚਿਵੁਤ੍ਤਿਯੇਵ-ਉਰਗੋ-ਕ੍ਵਚਿ ਵਾਕ੍ਯਮੇਵ-ਏਰਸੁਨਾ ਛਿਨ੍ਨਵਾ, ਦਸ੍ਸਨੇਨ ਪਹਾਤਬ੍ਬਾ, ਬ੍ਰਾਹ੍ਮਣਸ੍ਸ ਦੇਯ੍ਯਂਬ੍ਰਾਹ੍ਮਣਦੇਯ੍ਯਂਯੁਪਾਯ ਦਾਰੁ ਯੁਪਦਾਰੁ, ¶ ਇਧ ਨਹੋਤਿ ਸਙ੍ਘਸ੍ਸ ਦਾਤਬ੍ਬਂ-ਗਾਮਾ ਨਿਗ੍ਗਤੋ ਗਾਮ ਨਿਗ੍ਗਤੋ, ਕ੍ਵਚਿਵੁਤ੍ਤਿ ਯੇਵ-ਕਮ੍ਮਜਂ-ਇਧ ਨ ਹੋਤਿ ਰੁਕ੍ਖਾ ਪਤਿਤੋ-ਰਞ੍ਞੋ ਪੁਰਿਸੋ ਰਾਜਪੁਰਿਸੋ-ਬਹੁਲਾਧਿਕਾਰਾ ਨ੍ਤਮਾਨਨਿਦ੍ਧਾਰਿਯਪੁਰਣ ਭਾਵਤਿ ਭਾਵਤਿ ਤ੍ਤਤ੍ਥੇਹਿ ਨਹੋਤਿ-ਮਮਾਨੁਕੁਬ੍ਬਂ, ਮਮਾਨੁਕੁਰੁਕਮਾਨੋ, ਗੁਨ੍ਨਂਕਣ੍ਹਾ ਸਮ੍ਪਨ੍ਨਖੀਰਤਮਾ, ਸਿਸ੍ਸਾਨਂ ਪਞ੍ਚਮੋ, ਪਟਸ੍ਸ ਸੁਕ੍ਕਤਾ-ਕ੍ਵਚਿ ਹੋਤੇਵ-ਵਤ੍ਤਮਾਨਸਾਮੀਪ੍ਯਂ, ਫਲਾਨਂ ਤਿਤ੍ਤੋ, ਫਲਾਨਂ ਸੁਹਿਤੋ, ਬ੍ਰਾਹ੍ਮਣਸ੍ਸ ਕਣ੍ਹਾ ਦਨ੍ਤਾ ਇਚ੍ਚਤ੍ਰ ਦਨ੍ਤਾਪੇਕ੍ਖਾ ਛਟ੍ਠਿਤਿ ਕਣ੍ਹੇਨਸਮ੍ਬਨ੍ਧਾਭਾਵਾ ਨ ਸਮਾਸੋ-ਅਞ੍ਞਮਞ੍ਞਸਮ੍ਬਨ੍ਧਾਨਂਹਿ ਸਮਾਸੋਯਦਾ ਤੁ ਕਣ੍ਹਾ ਚ ਤੇ ਦਨ੍ਤਾ ਚੇਤਿ ਵਿਸੇਸਨਸ੍ਮਾਸੋ ਤਦਾ ਛਟ੍ਠਿ ਕਣ੍ਹਦਨ੍ਤਾਪੇਕ੍ਕਾਤਿ ਬ੍ਰਾਹ੍ਮਣਕਣ੍ਹਦਨ੍ਤਾਤਿ ਹੋਤੇਵ-ਰਞ੍ਞੋ ਮਾਗਧਸ੍ਸ ਧਨਮਿਚ੍ਚਤ੍ਰ ਰਞ੍ਞੋਤਿ ਛਟ੍ਠਿ ਧਨਮਪੇਕ੍ਖਤੇ ਨ ਮਾਗਧਂ ਰਾਜਾ ਏਵ ਮਾਗਧਸਦਦੇਨ ਵੁਚ੍ਚਤੇਤਿ ਭੇਦਾਭਾਵਾ ਸਮ੍ਬਨ੍ਧਾਭਾਵੋਤਿ ਤੁਲ੍ਯਾਧਿਕਰਣੇਨ ਮਾਗਧੇਨ ਸਹ ਰਾਜਾ ਨ ਸਮਸ੍ਯਤੇ-ਰਞ੍ਞੋ ਅਸ੍ਸੋ ਚ ਪੁਰਿਸੋ ਚਾਤਿ ਏਤ੍ਥ ਰਞ੍ਞੋ ਅਸ੍ਸੋ ਪੁਰਿਸੋਤਿ ਚ ਪਚ੍ਚੇਕਂ ਸਮ੍ਬਨ੍ਧਤੋ ਸਾਪੇਕ੍ਕਤਾਯ ਨ ਸਮਾਸੋ-ਅਸ੍ਸੋ ਚ ਪੁਰਿਸੋ ਚਾਤਿ ਚਤ੍ਥਸਮਾਸੇ ਕਤੇ ਤੁ ਰਾਜਸ੍ਸਪੁਰਿਸਾਤਿ ਹੋਤੇਵਞ੍ਞਾਨਪੇਕ੍ਖਤ੍ਤਾ-ਰਞ੍ਞੋ ਗਰੁਪੁਤ੍ਤੋਤਿ ਏਤ੍ਥ ਪਨ ਰਾਜਾਪੇਕ੍ਖਿਨੋਪਿ ਗਰੁਨੋ ਪੁਤ੍ਤੇਨ ਸਹ ਸਮਾਸੋ ਗਮਕਤ੍ਤਾ-ਗਮਕਤ੍ਤਮ੍ਪਿਹਿ ਸਮਾਸਸ੍ਸ ਨਿਬਨ੍ਧਨਂ-ਦਾਨੇ ਸੋਣ੍ਡੋ ਦਾਨਸੋਣ੍ਡੋ-ਕ੍ਵਚਿ ਵੁਤ੍ਤਿਯੇਵ-ਪਬ੍ਬਤਟ੍ਠੋ-ਕ੍ਵਚੀ ਸਮਾਸੇਪਿ ਵਿਭਤ੍ਯਲੋਪੋ-ਜਨੇ ਸੁਤੋ.

ਵਿਸੇਸਨਮੇਕਤ੍ਥੇਨ.

ਵਿਸੇਸਨਂ ਸ੍ਯਾਦ੍ਯਨ੍ਤਂ ਵਸੇਸ੍ਸੇਨ ਸ੍ਯਾਦ੍ਯਨ੍ਤੇਨ ਸਮਾਨਾਧਿਕਾਰਣੇਨ ਸਹੇਕਤ੍ਥਂ ਹੋਤਿ-ਨੀਲਞ੍ਚ ਤਂ ਉਪ੍ਪਲਂ ਚੇਤਿ ਨਿਲੁਪ੍ਪਲਂ-ਵਾਕ੍ਯੇ ਤੁਲ੍ਯਾਧਿਕਰਣਭਾਵਪ੍ਪਕਾਸਨਤ੍ਥਂ ਚਤਸਦ੍ਦਪ੍ਪਯੋਗੋ-ਵੁਤ੍ਤਿਯਨ੍ਤੁ ਸਮਾਸੇਨੇਵ ਤਪ੍ਪਕਾਸਨਤੋ ਨ ਤਪ੍ਪਯੋਗੋ-ਏਵ ਮਞ੍ਞਤ੍ਰਾਪਿ ਵੁਤ੍ਤਟ੍ਠਾਨਮਪ੍ਪਯੋਗੋ-ਬਹੁਲਾਧਿਕਾਰਾ ਕ੍ਵਚਿ ਉਪਮਾਨਭੁਤਂ ਵਿਸੇਸਨਮ੍ਪਰਂ ਭਵਤਿ-ਸੀਹੋ’ਚ ਸੀਹੋ-ਮੁਨਿ ਚ ਸੋ ਸੀਹੋ ਚਾਤਿ ਮੁਨਿਸੀਹੋ-ਮੁਨਿਸਦ੍ਦੋਯੇਵ ਵਾ ਵਿਸੇਸਨਂ-ਤਥਾਹਿ-ਸੀਹੋਤਿ ਵੁਤ੍ਤੇ ਉਪਚਰਿਤਾਨੁਪਚਰਿਤਸੀਹਾਨਂ ਸਾਮਞ੍ਞਪ੍ਪਤੀਤਿਯਂ ਮੁਨਿਸਦ੍ਦੋ ਵਿਸੇਸੇਤਿ-ਸੀਲਮੇਵ ਧਨਂ ਸੀਲਧਨਂ-ਧਮ੍ਮੋਤਿ ਸਮ੍ਮਤੋ ਧਮ੍ਮਸਮ੍ਮਤੋ-ਮਹਨ੍ਤਿ ਚ ਸਾ ਸਦ੍ਧਾ ਚਾਤਿ ਸਮਾਸੇ ਕਤੇ-‘‘ਇਤ੍ਥਿਯਮ੍ਭਾਸਿਤਪੁਮਿਤ੍ਥਿ ਪੁਮੇਵੇਕਤ੍ਥ’’ਤ ਪੁਮ੍ਭਾਵਾ ਙੀਪ੍ਪਚ੍ਚਯਾਭਾਵੋ-‘‘ਟਨ੍ਤਨ੍ਤੁਨਨ੍ਤਿ’’ਨ੍ਤਸ੍ਸ ਟੇ-‘‘ਬ੍ਯਞ੍ਜਨੇ ਦੀਘਰਸ੍ਸਾ’’ਤਿ ਦਿਘੇ-ਮਹਾਸਦ੍ਧਾ.

ਨਞ.

ਨਞਿਚ੍ਚੇਤਂ ਸ੍ਯਾਦ੍ਯਨ੍ਤਂ ਸ੍ਯਾਦ੍ਯਨ੍ਤੇਨ ਸਹੇਕਤ੍ਥਂ ਹੋਤਿ-ਞਕਾਰੋ‘‘ਟਨਞ੍ਞਸ੍ਸਾ’’ਤਿ ਵਿਸੇਸਨਤ੍ਥੋ-ਪਾਮਨਪੁਤ੍ਤਾਦੀਸੁ ਮਾ ਹੋਤੂਤਿ.

ਟਨਞ੍ਞਸ੍ਸ.

ਉਤ੍ਤਰਪਦੇ ਨਞ੍ਸਦ੍ਦਸ੍ਸ ਟ ਹੋਤਿ-ਨ ਬ੍ਰਾਹ੍ਮਣੋ ਅਬ੍ਰਾਹ੍ਮਣੋ, ਨਞਯਂ ਪਰਿਯੁਦਾਸਵੁਤ੍ਤਿ ਪਸਜ੍ਜਪ੍ਪਟਿਸੇਧਵੁਤ੍ਤਿ ਚ-ਪਠਮਪਕ੍ਖੇ-ਬ੍ਰਾਹ੍ਮਣ ¶ ਅਞ੍ਞੋ ਬ੍ਰਾਹ੍ਮਣਨ੍ਤਾਨਜ੍ਝਾਸਿਨੋ ਖਤ੍ਤਿਯਾਦਿ ਬ੍ਰਾਹ੍ਮਣ ਸਦਿਸੋਯੇਵ ਅਬ੍ਰਾਹ੍ਮਣੇਤਿ ਵੁਤ੍ਤੇ ਪਤਿਯਤੇ-ਇਤਰਸ੍ਮਿਂ ਪਨ ਪਕ੍ਖੇ ਕੇਨਚਿ ਸਂਸਯਨਿਮਿਤ੍ਤੇਨ ਖਤ੍ਤਿਯਾਦੋ ਬ੍ਰਾਹ੍ਮਣੇਤਿ ਪਵਨ੍ਤਸ੍ਸ ਮਿਚ੍ਛਾਞਾਣਨਿਵੁਤ੍ਤਿ ਕਰੀਯਤਿ-ਬ੍ਰਾਹ੍ਮਣੇ ਯਂ’ਨ ਭਵਤਿ ਬ੍ਰਾਹ੍ਮਣੇਤਿ ਬ੍ਰਾਹ੍ਮਣਨ੍ਤਜ੍ਝਾਸਿਤੋ ਨ ਭਵਤੀਤਿ ਅਤ੍ਥੋ-ਤਤ੍ਥ ਵਿਨਾ ਸਦਿਸਤ੍ਤਂ ਮਿਚ੍ਛਾਞਾਣਸਮ੍ਭਵਾ ਪਯੋਗਸਾਮਤ੍ਥਿਯਾ ਚ ਸਦਿਸਪਟਿਪ੍ਪਤ੍ਤਿ ਤਗ੍ਗਤਾਚ ਲਿਙ੍ਗਸਙ੍ਖ੍ਯਾ ਭਵਨ੍ਤਿ-ਅਤੋਯੇਵੋਚ੍ਚਤੇ ਨਞਿਵਯੁਤ੍ਤ ਮਞ੍ਞਸਦਿਸਾਧਿਕਰਣੇ ਤਥਾ ਹਿ ਅਤ੍ਥਸਮ੍ਪਚ੍ਚਯੋਤਿ-ਤਦੇਵਂ ਪਕ੍ਖਞ੍ਚਯੇਵ ਪੁਬ੍ਬਪਦਤ੍ਥਪ੍ਪਧਾਨਤ੍ਤਂ-ਏਵਮਨਸ੍ਸੋ-ਇਹਤੁ.

ਅਨ ਸਰੇ.

ਸਰਾਦੋ ਉਤ੍ਤਰਪਦੇ ਨਞ੍ਸਦ੍ਦਸ੍ਸ ਅਨ ਹੋਤੀਤਿ ਨਸ੍ਸ ਅਨ.

ਕੁਪਾਦਯੋ ਨਿਚ੍ਚਮਸ੍ਯਾਦਿਵਿਧਿਮ੍ਹਿ.

ਕੁਸਦ੍ਦੋ ਪਾਦਯੋ ਚ ਸ੍ਯਾਦ੍ਯਨ੍ਤੇਨ ਸਹੇਕਤ੍ਥਾ ਹੋਨ੍ਤਿ ਨਿਚ੍ਚਂ ਸ੍ਯਾਦਿਵਿਧਿਵਿਸਯਤੋ’ਞ੍ਞਤ੍ਥ-ਕੁਚ੍ਛਿਤੋ ਬ੍ਰਾਹ੍ਮਣੋ ਕੁਬ੍ਰਾਹ੍ਮਣੋ-ਏਵਂਕੁਪੁਰਿਸੋ-‘‘ਪੁਰਿਸੇ ਵਾ’’ਤਿ ਪਕ੍ਖੇ ਕਾਦੇਸੇ-ਕਾਪੁਰਿਸੋ-ਈਸਕਂ ਉਣ੍ਹਂ ਕਦੁਣ੍ਹਂ-‘‘ਸਰੇ ਕਦ ਕੁਸ੍ਸੁਤ੍ਤਰਤ੍ਥੇ’’ਤਿ ਕੁਸ੍ਸ ਕਦਾਦੇਸੋ-ਅਪ੍ਪਕਂ ਲਵਣਂ ਕਾਲਵਣਂ-‘‘ਕਾਪ੍ਪਤ੍ਥੇ’’ਤਿ ਕਾਦੇਸੋ.

ਪਾਦਯੋ ਗਤਾਦ੍ਯਤ੍ਥੇ ਪਠਮਾਯ.

ਪਗਤੋ ਆਚਰਿਯੋ ਪਾਚਰਿਯੋ-ਏਵਂ ਪਨ੍ਤੇਵਾਸੀ-ਸੁਟ੍ਠੁਕਤਂ ਸੁਕਤਂ-ਕਿਚ੍ਛੇਨ ਕਤਂ ਦੁਕ੍ਕਤਂ.

ਅਚ੍ਚਾਦਯੋ ਕਨ੍ਤਾਦ੍ਯਤ੍ਥੇ ਦੁਤਿਯਾਯ.

ਅਤਿਕ੍ਕਨ੍ਤੋ ਮਾਲਮਤਿਮਾਲੋ.

ਘਪਸ੍ਸਾਨ੍ਤਸ੍ਯਾਪ੍ਪਕਾਨਸ੍ਸ.

ਅਨ੍ਤਭੁਤਸ੍ਸਾਪ੍ਪਧਾਨਸ੍ਸ ਘਪਸ੍ਸ ਸ੍ਯਾਦਿਸੁ ਰਸ੍ਸੋ ਹੋਤੀਤਿ ਰਸ੍ਸੋ.

ਅਵਵਾਦਯੋ ਕੁਟ੍ਠਾਦ੍ਯਤ੍ਥੇ ਤਤਿਯਾਯ.

ਅਵਕੁਟ੍ਠਂ ਕੋਕਿਲਾਯ ਵਨਮਵਕੋਕਿਲਂ-ਅਵਕੁਟ੍ਠਨ੍ਤਿ ਪਰਿਚ੍ਚਤ੍ਤਂ.

ਪਰਿਯਾਦਯੋ ਗਿਲਾਨਾਦ੍ਯਤ੍ਥੇ ਚਤੁਤ੍ਥਿਯਾ.

ਪਰਿਗਿਲਾਨੋ’ਜ੍ਝੇਨਾਯ ਪਰਿਯਜ੍ਝੇਨੋ.

ਨ੍ਯਾਦਯੋ ਕਨ੍ਤਾਦ੍ਯਤ੍ਥੇ ਪਞ੍ਚਮਿਯਾ.

ਨਿਕ੍ਕਨ੍ਤੋ ਕੋਸਮ੍ਬਿਯਾ ਨਿਕ੍ਕੋਸਮ੍ਬਿ-ਘਪਾਦਿਨਾ ਰਸ੍ਸੋ.

ਵਾ ਨੇਕਞ੍ਞਤ੍ਥੇ.

ਅਨੇਕਂ ਸ੍ਯਾਦ੍ਯਨ੍ਤ ਮਞ੍ਞਸ੍ਸ ਪਦਸ੍ਸਤ੍ਥੇ ਏਕਤ੍ਥਂ ਵਾ ਹੋਤਿ-ਓ ਤਿਣ੍ਣੋ ਹਂਸੋ ਯਂ ਸੋ ਓਤਿਣ੍ਣਹਂਸੋ-(ਜਲਾਸਯੋ).

ਜਿਤੋ ਮਾਰੋ ਯੇਨ ਸੋ ਜਿਤਮਾਰੋ-(ਭਗਵਾ)-ਜਿਨ੍ਨੋਤਰੁ ਯੇਨ ਸੋ ਛਿਨ੍ਨਤਰੁ(ਫਰਸੁ)ਦਿਨ੍ਨੋ ਸੁਙ੍ਕੋ ਯਸ੍ਸਸੋ ਦਿਨ੍ਨਸੁਙ੍ਕੋ(ਰਾਜਾ)-ਅਪਗਤਂ ਕਾਲਕਂ ਯਸ੍ਮਾ ਸੋ ਅਪਗਤਕਾਲਕੋ (ਪਟੋ)ਪਹੁਤਂ ਧਨਂ ਯਸ੍ਸ ਸੋ ਪਹੁਤਧਨੋ-(ਪੁਰਿਸੋ)-ਨਤ੍ਥਿ ਸਮੋ ਯਸ੍ਸ ਸੋ ਅਸਮੋ-ਨਸ੍ਸ ਟਾਦੇਸੋ-ਚਿਤ੍ਤਾ ਗਾਵੋ ਯਸ੍ਸਾਤਿ ਸਮਾਸੇ ਕਤੇ.

ਗੋਸ੍ਸੁ ¶

ਅਨ੍ਤਭੁਤਸ੍ਸਾਪ੍ਪਧਾਨਸ੍ਸ ਗੋਸ੍ਸ ਸ੍ਯਾਦੀਸੁ ਉ ਹੋਤਿ-ਚਿਤ੍ਤਗੁ-(ਗੋਮਾ)-ਮਤ੍ਤਾਨੇਕੇ ਗਜਾ ਯਸ੍ਮਿਂ ਤਂ ਮਤ੍ਤਾਨੇਕਗਜਂ-(ਵਨਂ) ਸਹ ਪੁਤ੍ਤੇਨ ਵਤ੍ਤਮਾਨੋ ਸਪੁਤ੍ਤੋ ਸਹ ਪੁਤ੍ਤੋ ਵਾ-‘‘ਸਹਸ੍ਸ ਸੋ’ਞ੍ਞਤ੍ਥੇ‘‘ਤਿ ਪਕ੍ਖੇ ਸਹਸ੍ਸ ਸੋ-ਧਵਾ ਚ ਬਦਿਰਾ ਚ ਪਲਾਸਾ ਚੇਤਿ ਵਿਗ੍ਗਹੇ.

ਚਤ੍ਥੇ.

ਅਨੇਕਂ ਸ੍ਯਾਦ੍ਯਨ੍ਤਂ ਚਤ੍ਥੇ ਏਕਤ੍ਥਂ ਵਾ ਭਵਤਿ-ਸਮੁਚ੍ਚਯੋ’ਨ੍ਵਾਵਯੋ ਇਤਰੀਤਰਯੋਗੋ ਸਮਾਹਾਰੋ ਚੇਤਿ ਚਤਤਾਰੋ ਚਤ੍ਥਾ-ਤਤ੍ਥ ਇਤਰੀਤਰਯੋਗੇ ਸਮਾਹਾਰੇ ਚ ਏਕਤ੍ਥੀਭਾਵੋ ਸਮ੍ਭਵਤਿ ਪਦਾਨਂ ਅਞ੍ਞਮਞ੍ਞਸਮ੍ਬਨ੍ਧਤੋ-ਨ ਸਮੁਚ੍ਚਯੇ ਨਾਪ੍ਯਨ੍ਵਾਚਯੇ ਤਦਭਾਵਤੋ, ਚਸਦ੍ਦਨਿਵੁਤ੍ਤਿ.

ਸਮਾਹਾਰੇ ਨਪੁਂਸਕਂ.

ਚਤ੍ਥੇ ਸਮਾਹਾਰੇ ਯਦੇਕਤ੍ਥਂ ਤਂ ਨਪੁਂਸਕਲਿਙ੍ਗਂ ਭਵਤਿ-ਸਮਾਹਾਰਸ੍ਸੇਕਤ੍ਤਾ ਏਕਵਚਨਮੇਵ-ਧਵਖਦਿਰਪਲਾਸਂ-ਕਤ੍ਥ ਚਿ ਨ ਹੋਤਿ’ਸਭਾਪਰਿਸਾਯਾ’ਤਿ ਞਾਪਕਾ-ਆਧਿਪਚ੍ਚਪਰਿਵਾਰੋ-ਇਤਰੀਤਰਯੋਗੇ ਅਵਯਵਪ੍ਪਧਾਨਤ੍ਤਾ ਬਹੁਵਚਨਂ-ਧਵਖਦਿਰਪਲਾਸਾ-ਸਮਾਸੇ ਯਂ ਪੁਬ੍ਬਂ ਵੂਤ੍ਤਂ ਤਦੇਵ ਪੁਬ੍ਬਂ ਨਿਪਤਤਿ-ਕਮਾਤਿਕ੍ਕਮੇ ਪਯੋਜਨਾਭਾਵਾ-ਕ੍ਵਚਿ ਵਿਪਲ੍ਲਾਸੋਪਿ ਹੋਤਿ ਬਹੁਲਾਧਿਕਾਰਤੋ-ਦਨ੍ਤਾਨਂ ਰਾਜਾ ਰਾਜਦਨ੍ਤੋ-ਪਾਪਾ ਭੁਮਿ ਯਸ੍ਮਿਂ ਪਾਪਾ ਚ ਸਾਭੁਮਿ ਚੇਤਿ ਵਾ ਵਿਗ੍ਗਯ੍ਹ ਸਮਾਸੇ ਸਮਾਸਨ੍ਤ੍ਵੇਚ੍ਚਾਧਿਕਾਰੋ.

ਪਾਪਾਦੀਹਿ ਭੁਮਿਯਾ.

ਪਾਪਾਦੀਹਿ ਪਰਾ ਯਾ ਭੁਮਿ ਤਸ੍ਸਾ ਸਮਾਸਨ੍ਤੋ ਅ ਹੋਤਿ-ਪਾਪਭੁਮਂ, (ਠਾਨਂ)-ਇਤ੍ਥਿਯਮਿਚ੍ਚਾਦਿਨਾਆਪ੍ਪਚ੍ਚਯੋ ਨਿਵਤ੍ਤਨੇ-ਜਾਤਿਯਾ ਉਪ ਲਕ੍ਖਿਤਾ ਭੁਮਿ ਜਾਤਿਭੁਮਂ.

ਸਙ੍ਖ੍ਯਾਹਿ

ਸਙ੍ਖ੍ਯਾਹਿ ਪਰਾ ਯਾ ਭੁਮਿ ਤਸ੍ਸਾ ਸਮਾਸਨ੍ਤੋ ਅਹੋਤਿ-ਦ੍ਵੇ ਭੁਮਿਯੋ ਅਸ੍ਸਾਤਿ ਦ੍ਵੀਭੁਮਂ-ਏਵਂ ਤਿਭੁਮਂ, ਚਤੁਭੁਮਂ-ਬਹੁਲਾਧਿਕਾਰਾ ਕ੍ਵਚਿ ਨ ਹੇਕਾਤਿ-ਚਤੁਭੁਮਿ.

ਦੀਘਾਹੋਵਸ੍ਸੇਕਦੇਸੇਹਿ ਚ ਰਤ੍ਯਾ.

ਦੀਘਾਦੀਹਿ ਅਸਙ੍ਖ੍ਯੇਹਿ ਸਙ੍ਖ੍ਯਾਹਿ ਚ ਪਰਸ੍ਮਾ ਰਤ੍ਤਿਸਦ੍ਦਾ ਅਨਞ੍ਞਾਸਙ੍ਖ੍ਯਤ੍ਥੇਸੁ ਸਮਸਿਤਾ ਸਮਾਸਨ੍ਤੋ ਅ ਹੋਤਿ-ਦੀਘਾ ਚ ਸਾ ਰਤ੍ਤਿ ਚਾਤਿ ਦੀਘਰਤ੍ਤਂ-ਅਹੋ ਚ ਰਤ੍ਤਿ ਚ ਅਹੋਰਤ੍ਤਂ-ਅਹਸ੍ਸ ਅਪਾਦਿਤ੍ਤਾ ‘‘ਮਨਾਦ੍ਯਪਾਦੀਨਮੋ ਮਯੇ ਚਾ’’ਤਿ ਓ-ਵਸ੍ਸਾਸੁ ਰਤ੍ਤਿ ਵਸ੍ਸਾਰਤ੍ਤਂ-ਪੁਬ੍ਬਾ ਚ ਸਾ ਰਤ੍ਤਿ ਚਾਤੀ ਪੁਬ੍ਬਰਤ੍ਤਂ-ਏਵਂ ਅਪਰਰਤ੍ਤਂ, ਅਡ੍ਢਰਤ੍ਤਂ-ਅਤਿਕ੍ਕਨ੍ਤੋ ਰਤ੍ਤਿਂ ਅਤਿਰਤ੍ਤੋ-ਦ੍ਵਿਨ੍ਨਂ ਰਤ੍ਤੀਨਂ ਸਮਾਹਾਰੋ ਦ੍ਵਿਰਤ੍ਤਂ-ਅਨਞ੍ਞਾਸਙ੍ਖ੍ਯਤ੍ਥੇਸੁਤ੍ਵੇਵ-ਦਿਘਰਤ੍ਤਿ-(ਹੇਮਨ੍ਤੋ)-ਉਪ ਰਤ੍ਤਿ-ਕ੍ਵਚਿ ਹੋਤੇਵ ਬਹੁਲਂ ਵਿਧਾਨਾ-ਯਥਾਰਤ੍ਤਂ.

ਗੋਤ੍ਵ ਚਤ੍ਥੇ ਚਾਲੋਪੇ.

ਗੋਸਦ੍ਦਾ ਅਲੋਪਚਿਸਯਾ ਸਮਾਸਨ੍ਤੋ ਅ ਹੋਤਿ ਨ ਚੇ ਚਤ੍ਥੇ

ਸਮਾਸੋ ¶ ਅਞ੍ਞਪਦਤ੍ਥੇ ਅਸਙ੍ਖ੍ਯਤ੍ਤੇ ਚ-ਰਞ੍ਞੋ ਗੋ ਰਾਜਗਵੋ-ਅਵਙ-ਪਞ੍ਚ ਗਾਵੋ ਧਨਮਸ੍ਸ ਪਞ੍ਚਗਵਧਨੋ-ਵਿਸੇਸਨਸਮਾਸਗਬ੍ਭੋ ਅਞ੍ਞਪਦਤ੍ਥਸਮਾਸੋ-ਦਸਨ੍ਨਂ ਗੁਨ੍ਨਂ ਸਮਾਹਾਰੋਦਸਗਵਂ-ਅਲੋਪੇਤਿ ਕਿਂ?-ਪਞ੍ਚਹਿਗੋਭਿ ਕੀਤੋ ਪਞ੍ਚਗੁ-ਵਿਸੇਸਨਸਮਾਸੇ-‘‘ਤੇਨ ਕਤਂ ਕੀਤ’’ਮਿਚ੍ਚਾਦਿਨਾ ਣਿਕੇ ‘‘ਲੋਪੋ’’ਤਿ ਤਸ੍ਸ ਲੋਪੇ ਚ ਕਨੇ ‘‘ਗੋਸ੍ਸੁਤਿ ਉਕਾਰੋ-ਅਵਤ੍ਥੇਤਿ ਕਿਂ?-ਅਜਸ੍ਸਗਾਵੋ-ਅਨਞ੍ਞਾਸਙ੍ਖ੍ਯਤ੍ਥੇਯੁਤ੍ਵੇਵ-ਚਿਤ੍ਤਗੁ, ਉਪਗੁ-ਵਿਸਾਲਾਨਿ ਅਕ੍ਖੀਨਿ ਅਸ੍ਸਾਤਿ ਅਞ੍ਞਪਦਤ੍ਥਸਮਾਸੇ‘‘ਅਕ੍ਖਿਸ੍ਮਾਞ੍ਞਤ੍ਥੇ’’ਤਿ ਅਕਾਰੇ-ਵਿਸਾਲਕ੍ਖੋ-ਪਧਾਨਤ੍ਥਤਾਵਸੇਨ ਚਤੁਬ੍ਬਿਧਮੇਕਤ੍ਤਂ ਤਿਵਿਧਨ੍ਤਿ ਕੇਚਿ-ਵੁਤ੍ਤਹਿ.

ਪੁਬ੍ਬੁਤ੍ਤਰੋਭਯਞ੍ਞਤ੍ਥਮਿਚ੍ਚੇਕਤ੍ਥਂ ਚਤੁਬ੍ਬਿਧਂ ਵਿਸੇਸ੍ਸਞ੍ਞੋਭਯਤ੍ਥਤਾ ਤਿਧਾ ਵਕ੍ਖਨ੍ਤਿ ਤਂ ਪਰੇ.

ਏਕਤ੍ਥਂ.

ਅਥ ਇਤ੍ਥਿਪ੍ਪਚ੍ਚਯਨ੍ਤਾ ਨਿਦ੍ਦਿਸੀਯਨ੍ਤੇ.

ਇਤ੍ਥਿਯਮਤ੍ਵਾ.

ਇਤ੍ਥਿਯਂ ਵਤ੍ਤਮਾਨਤੋ ਅਕਾਰਨ੍ਤਤੋ ਨਾਮਸ੍ਮਾ ਆਪ੍ਪਚ੍ਚਯੋ ਹੋਤਿ-ਦੇਵਦਤ੍ਤਾ, ਅਜਾ, ਕੋਕਿਲਾ, ਇਚ੍ਚਾਦਿ.

ਨਦਾਦਿਤੋ ਙੀ.

ਆਕਤਿਗਣੇ’ਯਂ-ਨਦਾਦੀਹਿ ਇਤ੍ਥਿਯਂ ਙੀਪ੍ਪਚ੍ਚਯੋ ਹੋਤਿ ਙਕਾਰੋ ‘‘ਨ੍ਤਨ੍ਤੁਨਂ ਙਿਮ੍ਹਿ ਤੋ ਵੇ’’ਤਿ ਸਙ੍ਕੇਤਤ੍ਥੋ-ਨਦੀ, ਮਹੀ, ਕੁਮਾਰੀ, ਤਰੁਣਿ, ਵਾਰੁਣਿ, ਗੋਤਮੀ, ਗਚ੍ਛਨ੍ਤਿ-‘‘ਨ੍ਤਨ੍ਤੁਨਂ ਙਿਮ੍ਹਿ ਤੋ ਵੇ’’ਤਿ ਵਾ ਤਕਾਰੇ-ਗਚ੍ਛਤੀ-ਗਚ੍ਛਤੀ-ਏਵਂ ਗੁਣਵਨ੍ਤਿ, ਗੁਣਵਤੀ-‘‘ਗੋਤੋਵਾ‘‘ਤਿ ਨਦਾਦਿਸੁ ਪਾਠਾ ਵਾ ਙੀਮ੍ਹਿ ‘‘ਗੋਸ੍ਸਾਵਙ’’ਤਿ ਗੋਸਦ੍ਦਸ੍ਸ ਆਵਙ-ਗਾਵੀ, ਗੋ.

ਯਕ੍ਖਾਦਿਤ੍ਵਿਨੀ ਚ.

ਯਕ੍ਖਾਦਿਤੋ ਇਤ੍ਥੀਯਮਿਨੀ ਹੋਤਿ ਙੀ ਚ-ਯਕ੍ਖਿਨੀ,ਯਕ੍ਖੀ-ਨਾਗਿਨੀ,ਨਾਗੀ.

ਯੁਵਣ੍ਣੇਹਿ ਨੀ.

ਇਤ੍ਥਿਯਮਿਵਣ੍ਣੁਵਣ੍ਣਨ੍ਤੇਹਿ ਨੀ ਹੋਤਿ ਬਹੁਲਂ-ਪਯਤਪਾਣਿਨੀ, ਦਣ੍ਡਿਨੀ, ਭਿਕ੍ਖੁਨੀ, ਪਰਚਿਤ੍ਤਵਿਦੁਨੀ.

ਯੁਵਾ ਤੀ.

ਯੁਵਸਦ੍ਦਤੋ ਤੀ ਹੋਤਿਤ੍ਥਿਯਂ-ਯੁਵਤੀ.

ਇਤ੍ਥਿਪ੍ਪਚ੍ਚਯਨ੍ਤਾ.

ਅਥ ਣਦਯੋ ਵੁਚ੍ਚਨ੍ਤੇ-ਰਘੁਸ੍ਸਾਪਚ੍ਚਮੀਤਿ ਵਿਗ੍ਗਹੇ.

ਣੇ ਵਾਪਚ੍ਚੇ.

ਛਟ੍ਠਿਯਨ੍ਤਾ ਨਾਮਸ੍ਮਾ ਵਾ ਣਪ੍ਪਚ੍ਚਯੋ ਹੋਤਪਚ੍ਚੇ’ਭਿਧੇਯ੍ਯੇ-ਣਕਾਰੋ ਣਨੁਬਨ੍ਧਕਾਰਿਯਤ੍ਥੋ-ਣੇਨੇਵ ਅਪਚ੍ਚਤ੍ਥਸ੍ਸ ਵੁਤ੍ਤਤ੍ਤਾ ਅਪਚ੍ਚਸਦ੍ਦਾਪ੍ਪਯੋਗੋ-‘‘ਏਕਤ੍ਥਤਾਯ’’ਮਿਤਿ ਸ੍ਯਾਦਿ ਲੋਪੋ.

ਸਰਾਨਮਾਦਿਸ੍ਸਾਯੁਵਣ੍ਣਸ੍ਸਾ ¶ ਏ ਓ ਣਨੁਬਨ੍ਧੇ.

ਸਰਾਨਮਾਦਿਭੁਤ ਯੇ ਅਕਾਰਿਵਣ੍ਣਵਣ੍ਣਾ ਤੇਸਂ ਆ ਏ ਓ ਹੋਨ੍ਤਿ ਯਥਾਕ੍ਕਮਂ ਣਨੁਬਨ੍ਧੇਤਿ ਅਕਾਰਸ੍ਸ ਅਕਾਰੋ.

ਉਵਣ੍ਣਸ੍ਸਾਵਙ ਸਰੇ

ਸਰਾਦੋ ਣਨੁਬਨ੍ਧੇ ਉਵਣ੍ਣਸ੍ਸ ਅਵਙ੍ਹੋਤਿ-ਤਤੋ ਸ੍ਯਾਦਿ-ਰਾਘਵੋਚ੍ਚਾਦਿ-ਇਤ੍ਥਿਯਂ-ਰਾਘਵਚ੍ਚਾਦਿ-ਵਾ ਵਿਧਾਨਾ ਰਘੁਸ੍ਸਾਪਚ੍ਚਂ ਰਗ੍ਵਪਚ੍ਚਨ੍ਤਿਪਿ ਹੋਤਿ.

ਣਦਯੋ’ਭਿਧੇਯ੍ਯਲਿਙ੍ਗਾ ਅਪਚ੍ਚੇ ਤ੍ਵਨਪੁਂਸਕਾ

ਨਪੁਂਸਕੇ ਸਕਤ੍ਥੇ ਣ੍ਯੋ ਭਿਯ੍ਯੋ ਭਾਵਸਮੂਹਜਾ;

ਤਾ ਤੁਤ੍ਥਿਯਮਸਙਕ੍ਖ੍ਯਾਨੇ ਤ੍ਵਾਦਿ ਚਿਪ੍ਪਚ੍ਚਯਨ੍ਤਕਾ

ਨਪੁਂਸਕੇਨ ਲਿਙ੍ਗੇਨ ਸਦ੍ਦਾ’ਦਾਹੁ ਪੁਮੇਨੇ ਵਾ

ਨਿਦ੍ਦਿਸ੍ਸਤੀਤਿ ਞਤਬ੍ਬਮਵਿਸੇਸੇ ਪਨਿਚ੍ਛਿਤੇ.

ਵਾ ਅਪਚ੍ਚੇਤਿ ਵਾਧਿਕਾਰੋ.

ਵਚ੍ਛਾਦਿਤੋ ਣਨ ਣਯਨਾ.

ਵਚ੍ਛਾਦਿਤੋ ਗੋਤ੍ਤਾਦਿਭੁਤਾ ਗਣਤੋ ਚ ਣਨ ਣਯਨਪ੍ਪਚ੍ਚਯਾ ਹੋਨ੍ਤਿ ਪਪੁਤ੍ਤਾਦੋ’ਪਚ੍ਚੇ-ਪਪੁਤ੍ਤਪ੍ਪਭੁਤਿ ਗੋਤ੍ਤਂ-ਵਚ੍ਛਸ੍ਸਾ ਪਚ੍ਚਂ ਵਚ੍ਛਾਨੋ, ਵਚ੍ਛਾਯਨੋ-‘ਸਂਯੋਗੇ ਕ੍ਵਚੀ’ਤਿ ਵੁਤ੍ਤਤ੍ਤਾ ਨ ਵੁਦ੍ਧਿ-ਕਤਿਸ੍ਸਾਪਚ੍ਚਂ ਕਚ੍ਚਾਨੋ, ਕਚ੍ਚਾਯਨੋ-ਯਕਾਰਚਵਗ੍ਗਪੁਬ੍ਬ ਰੂਪਾਨਿ-ਯਾਗਮੇ-ਕਾਤਿਯਾਨੋ.

ਕਤ੍ਤਿਕਾਯ ਅਪਚ੍ਚਮਿਚ੍ਚੇਵਮਾਦਿ ਵਿਗ੍ਗਹੇ.

ਕਤ੍ਤਿਕਾਵਿਧਵਾਦੀਹਿ ਣੇਯ੍ਯਣੇਰਾ.

ਕਤ੍ਤਿਕਾਦੀਹਿ ਵਿਧਵਾਦੀਹਿ ਚ ਣੇਯ੍ਯਣੇਰਾ ਵਾ ਯਥਾਕ੍ਕਮਂ, ਹੋਨ੍ਤ ਪਚ੍ਚੇ-ਕਤ੍ਤਿਕੇਯ੍ਯੋ, ਵੇਣਤੇਯ੍ਯੋ-ਵੇਧਵੇਰੋ, ਸਾਮਣੇਰੋ.

ਣ੍ਯ ਦਿਚ੍ਚਾਦੀਹਿ

ਦਿਤਿਪ੍ਪਭੁਤੀਹਿ ਣ੍ਯੋ ਵਾ ਗੋਤਪਚ੍ਚੇ.

ਸਂਯੋਗੇ ਕ੍ਵਚਿ.

ਸਰਾਨਮਾਦਿਭੁਤਾ ਯੇ ਅਯੁਵਣ੍ਣਾ ਤੇਸਂ ਆ ਏ ਓ ਹੋਨ੍ਤਿ ਕ੍ਵਚਿ ਦੇਵ ਸਂਯੋਗਵਿਸਯੇ ਣਨੁਬਨ੍ਧੇਤਿ ਵਿਸਯਸਤ੍ਤਮਿਯਾ ਨਿਦ੍ਦਿਟ੍ਠਤ੍ਤਾ ਸਂਯੋਗਤੋ ਪੁਬ੍ਬੇਵ ਏਕਾਰੋ.

ਲੋਪੋ’ਵਣ੍ਣਿਵਣ੍ਣਾਨਂ.

ਯਕਾਰਾਦੋ ਪਚ੍ਚਯੇ ਅਵਣ੍ਣਿਵਣ੍ਣਾਨਂ ਲੋਪੋ ਹੋਤਿ-ਦਿਤਿਯਾ ਅਪਚ੍ਚਂ ਦੇਚ੍ਚੋ, ਕੁਣ੍ਡਨਿਯਾ ਅਪਚ੍ਚਂ ਕੋਣ੍ਡਞ੍ਞੋ-ਨਸ੍ਸ ਞੇ ਪੁਬ੍ਬਰੂਪਂ-ਭਾਤੁਨੋ ਅਪਚ੍ਚਂ ਭਾਤਬ੍ਬੋ-ਏਤ੍ਥ-

ਯਮ੍ਹਿ ਗੋਸ੍ਸ ਚ.

ਯਕਾਰਾਦੋ ਪਚ੍ਚਯੇ ਗੋਸ੍ਸੁਵਣ੍ਣਸ੍ਸ ਚ ਅਵਙ ਹੋਤੀਤਿ ਉਕਾਰਸ੍ਸ ਅਵਙ.

ਆ ਣਿ.

ਅਕਾਰਨ੍ਤਤੋ ਣਿ ਵਾ ਹੋਤਪਚ੍ਚੇ ਬਹੁਲਂ-ਦਕ੍ਕਸ੍ਸਾਪਚ੍ਚਂ ਦਕ੍ਖਿ-ਏਵਂ ਵਾਰੁਣਿ-ਬਹੁਲਂ ਵਿਧਾਨਾ ਨ ਸਬ੍ਬੇਹਿ ਅਕਾਰਨ੍ਤੇਹਿ-ਤੇ ਨੇਵ ਵਸਿਟ੍ਠਸ੍ਸਾਪਚ੍ਚਂ ਵਾਸਿਟ੍ਠੋ ਤ੍ਵੇਵ ਹੋਤਿ.

ਰਾਜਤੋ ¶ ਞ੍ਞੋ ਜਾਤਿਯਂ

ਰਾਜਸਦ੍ਦਤੋ ਞ੍ਞੋ ਵਾ ਹੋਤਪਚ੍ਚੇ ਜਾਤਿਯਂ ਗਮ੍ਮਮਾਨਾਯਂ-ਰਞ੍ਞੋ ਅਪਚ੍ਚਂ ਰਾਜਞ੍ਞੋ-ਜਾਤਿਯਨ੍ਤਿ ਕਿਂ?-ਰਾਜਾਪਚ੍ਚਂ.

ਖਤ੍ਤਾ ਯੀਯਾ.

ਖਤ੍ਤਸਦ੍ਦਾ ਯੇਯਾ ਹੋਨ੍ਤਪਚ੍ਚੇ ਜਾਤਿਯਂ-ਖਤ੍ਤਸ੍ਸਾਪਚ੍ਚਂ ਖਤ੍ਤ੍ਯੋ, ਖਤ੍ਤਿਯੋ-ਜਾਤਿਯਨ੍ਤ੍ਵੇਵ-ਖਤ੍ਤਿ.

ਮਨੁਤੋ ਸ੍ਸ ਸਣ.

ਮਨੁਸਦ੍ਦਤੋ ਜਾਤਿਯਂ ਸ੍ਸ ਸਣ ਹੋਤਪਚ੍ਚੇ-ਮਕਨੁਨੋ ਅਪਚ੍ਚਂ ਮਨੁਸ੍ਸੋ, ਮਾਨੁਸੋ-ਜਾਤਿਯਨ੍ਤ੍ਵੇਵ-ਮਾਨਵੋ.

ਜਨਪਦਨਾਮਸ੍ਮਾ ਖਤ੍ਤਿਯਾ ਰਞ੍ਞੇ ਚ ਣੋ.

ਜਨਪਦਸ੍ਸ ਯਂ ਨਾਮ, ਤਨ੍ਨਾਮਸ੍ਮਾ ਖਤ੍ਤਿਯਾਪਚ੍ਚੇ ਰਞ੍ਞੇ ਚ ਣੇ ਹੋਤਿ-ਪਞ੍ਚਾਲਾਨਂ ਅਪਚ੍ਚਂ ਰਾਜਾ ਵਾ ਪਞ੍ਚਾਲੋ, ਮਾਗਧੋ-ਜਨਪਦਨਾਮਸ੍ਮਾਤਿ ਕਿਂ?-ਦਾਸਰਥਿ-ਖਨ੍ਤਿਯਾਤਿ ਕਿਂ? ਪਞ੍ਚਾਲਸ੍ਸਬ੍ਰਾਹ੍ਮਣਸ੍ਸਾਪਚ੍ਚਂ ਪਞ੍ਚਾਲਿ.

ਣ੍ਯ ਕੁਰੁਸਿਵੀਹਿ.

ਕੁਰੁਸਿਵੀਹਪਚ੍ਚੇ ਰਞ੍ਞੇ ਚ ਣ੍ਯੋ ਹੋਤਿ-ਕੁਰੁਨਂ ਅਪਚ੍ਚਂ ਰਾਜਾਵਾ ਕੋਰਬ੍ਬੋ, ਸੇਬ੍ਬੋ.

ਣ ਰਾਗਾਤੇਨ ਰਤ੍ਤਂ.

ਰਜ੍ਜਤੇ ਯੇਨ ਸੋ ਰਾਗੋ-ਤਤੋ ਰਾਗਵਾਚਿਤਤਿਯਨ੍ਤਤੋ ਰਤ੍ਤਮਿਚ੍ਚੇਤਸ੍ਮਿਂ ਅਤ੍ਥੇਣੇ ਹੋਤਿ-ਕਸਾਵੇਨ ਰਤ੍ਤਂ ਕਾਸਾਵਂ, ਕੋਸੁਮ੍ਹਂ-ਇਧ ਕਸ੍ਮਾ ਨ ਹੋਤਿ’ ਨੀਲਂ ਪੀਤਨ੍ਤਿ? ਗੁਣਵਚਨਤ੍ਤਾ ਵਿਨਾਪਿ ਣੇਨ ਣਤ੍ਥਸ੍ਸਾਭਿਧਾਨਤੋ.

ਨਕ੍ਖਤੋ ਨਿਨ੍ਦੁਯੁਤ੍ਤੇਨ ਕਾਲੇ.

ਤਤਿਯਤ੍ਤਤੋ ਨਕ੍ਖਤ੍ਤਾ ਤੇਨ ਲਕ੍ਖਿਤੇ ਕਾਲੇ ਣੇ ਹੋਤਿ ਤਞ੍ਚੇ ਨਕ੍ਖਤ੍ਤਮਿਨ੍ਦੁਯੁਤ੍ਤਂ ਹੋਤਿ-ਫੁਸ੍ਸੇਨ ਇਨ੍ਦੁਯੁਤ੍ਤੇਨ ਲਕ੍ਖਿਤਾ ਪੁਣ੍ਣਮਾਸੀ ਫੁਸ੍ਸੀ, ਪੁਸ੍ਸੋ (ਅਹੋ)-ਮਘਾਯ ਇਨ੍ਦੁਯੁਤ੍ਤਾਯਲਕ੍ਖਿਤਾ ਪੁਣ੍ਣਮਾਸੀ ਮਾਘੀ, ਮਾਘੋ (ਅਹੋ)

ਯਾ ਸ੍ਸ ਦੇਵਤਾ ਪੁਣ੍ਣਮਾਸਿ.

ਸੇਤਿ ਪਠਮਨ੍ਤਾ ਅਸ੍ਸੇਤਿ ਛਟ੍ਠਤ੍ਥੇ ਣੇ ਹੋਤਿ ਯਂ ਪਠਮਨ੍ਤਂ ਸਾ ਦ੍ਵੇ ਦੇਵਤਾ ਪੁਣ੍ਣਮਾਸੀ ਵਾ-ਸੁਗਤੋ ਦੇਵਤਾ ਅਸ੍ਸੇਤਿ ਸੋਗਤੋ-ਮਾਹਿਨ੍ਦੋ, ਯਾਮੋ, ਚਾਰੁਣੋ-ਫੁਸ੍ਸੀ ਪੁਸ੍ਣਮਾਸੀ ਅਸ੍ਸ ਸਮ੍ਬਨ੍ਧਿਨੀਤਿ ਫੁਸ੍ਸੋ, (ਮਾਸੋ) ਏਵਮ੍ਮਾਘੋ.

ਵ੍ਯਾਕਰਣਮਧਿਤੇ ਜਾਨਾਤਿ ਵਾਤ੍ਵੇਵਮਾਦਿਵਗ੍ਗਹੇ.

ਤਮਧੀਤੇ ਤਞ੍ਜਾਨਾਤਿ ਕਣਿਕਾ ਚ.

ਦੁਤਿਯਨ੍ਤਤੋ ਤਮਧੀਤੇ ਤਞ੍ਜਾਨਾਤੀਤਿ ਏਤੇਸ੍ਵਤ੍ਤੇਸੁ ਣੇਹੋਤਿ ਕੋਣਿਕੋ ਚ-ਵੇਯ੍ਯਾਕਰਣੇ-ਕਤਯਾਦੇਸਸ੍ਸਿਕਾਰਸ੍ਸ‘‘ਤਦਾ ਦੇਸਾ ਤਦਿਵ ਭਵਨ੍ਤਿ‘‘ਤਿ ਞਾਯਾ ਸਰਾਨਮਚ੍ਚਾਦਿਨਾ ਏਕਾਰੇ ਯਾਗਮਦ੍ਵਿਤ੍ਤਾਨਿ-ਕੇ-ਕਮਕੋ, ਪਦਕੋ-ਣਿਕੇ-ਸੁਤ੍ਤਨ੍ਤਿਕੋ, ਵੇਨਯਿਕੋ-‘‘ਤੇਨ ¶ ਨਿਬ੍ਬਤ੍ਤੇ’’ਤਿ ਤਤਿਯਨ੍ਤਾ ਨਿਬ੍ਬਤ੍ਤਤ੍ਥੇਣੇ-ਕੁਸਮ੍ਬੇਨ ਨਿਬ੍ਬਤ੍ਤਾ ਕੋਸਮ੍ਬੀ, (ਨਗਰੀ.)

ਤਤ੍ਰ ਭਵੇ.

ਸਤ੍ਤਮ੍ਯਨ੍ਤਾ ਭਵਤ੍ਥੇ ਣੇ ਹੋਤਿ-ਉਦਕੇ ਭਵੋ ਓਦਕੋ-‘‘ਅਜ੍ਜਾਦੀਹਿ ਤਨੋ’’ਤਿ ਭਵਤ੍ਥੇ ਤਨੋ-ਅਜ੍ਜਭਵੋ ਅਜ੍ਜਤਨੋ-ਏਵਂ ਹੀਯਤ੍ਤਨੋ-‘‘ਞੋਨਮਵਣ੍ਣੇ’’ਤਿ ਅਕਾਰੋ-‘‘ਸਰਮ੍ਭਾ ਦ੍ਵੇ’’ਤਿ ਤਸ੍ਸ ਦ੍ਵਿਭਾਵੋ.

ਪੁਰਾਤੋਣੋ ਚ

ਪੁਰਾ ਇਚ੍ਚੇਤਸ੍ਮਾ ਭਵਤ੍ਥੇ ਣੇ ਹੋਤਿ ਤਨੋ ਵ-ਪੁਰਾ ਭਵੋ ਪੁਰਾਣੇ, ਪੁਰਾਤਨੋ.

ਅਮਾਤ੍ਵਚ੍ਚੋ.

ਅਮਾ ਸਦ੍ਦਤੋ ਅਚ੍ਚੋ ਹੋਤਿ ਭਵਤ੍ਥੇ-ਅਮਾ ਭਵੋ ਅਮਚ੍ਚੋ.

ਮਜ੍ਝਾਦਿਤ੍ਵਿਮੋ.

ਮਜ੍ਝਾਦੀਹਿ ਸਤ੍ਤਮ੍ਯਨ੍ਤੇਹਿ ਭਵਤ੍ਥੇ ਇਮੋ ਹੋਤਿ-ਮਜ੍ਝੇ ਭਵੋ ਮਜ੍ਝਿਮੋ, ਅਨ੍ਤਿਮੋ-ਕੁਸਿਣਰਾਯਂ ਭਵੋ ਚ੍ਚੇਵਮਾਦਿਵਿਗ੍ਗਹੇ.

ਕਣ੍ਣੇਯ੍ਯ ਣੇਯ੍ਯਕਯ੍ਯਾ.

ਸਤ੍ਤਮ੍ਯਨ੍ਤਾ ਏਤੇ ਪਚ੍ਚਯਾ ਹੋਨ੍ਤਿ ਬਹੁਲਂ ਭਵਤ੍ਥੇ-ਕਣ-ਕੋਸਿਣਰਕੋ-ਣੇਯ੍ਯ-ਗਙ੍ਗੇਯ੍ਯੋ, ਵਾਨੇਯ੍ਯੋ-ਣੇਯ੍ਯਕ-ਕੋਲੇਯ੍ਯਕੋ-ਯ-ਗਮ੍ਮੋ-ਰਸ੍ਸਾਕਾਰਲੋਪਪੁ- ਬ੍ਬਰੂਪਾਨਿ-ਇਯ-ਗਮਿਯੋ, ਉਦਰਿਯਂ-‘‘ਣਿਕੋ’’ਤਿ ਸਤ੍ਤਮ੍ਯਨ੍ਤਾ ਭਵਤ੍ਥੇ ਣਿਕੋ ਹੋਤਿ ਸਰਦੇ ਭਾਵੋ ਸਾਰਦਿਕੋ, ਹੇਮਨ੍ਤਿਕੋ.

ਤਮਸ੍ਸ ਸਿਪ੍ਪਂ ਸੀਲਮ੍ਪਣ੍ਯਮ੍ਪਹਰਣਮ੍ਪਯੋਜਨਂ.

ਪਠਮਨ੍ਤਾ ਸਿਪ੍ਪਾਦਿਵਾਚਕਾ ਅਸ੍ਸੇਤਿ ਛਟ੍ਠਤ੍ਥੇ ਣਿਕੋ ਹੋਤਿ-ਵੀਣਾਵਾਦਨਂ ਸਿਪ੍ਪਮਸ੍ਸ ਵੇਣਿਕੋ. ਪਂਜਸੁਕੂਲਧਾਰਣਂ ਸੀਲਮਸ੍ਸ ਪਕਂਸੁਕੁਲਿਕੋ, ਗਨ੍ਧੋ ਪਣ੍ਯਮਸ੍ਸ ਗਨ੍ਧਿਕੋ, ਵਾਪੋ ਪਹਰਣਮਸ੍ਸ ਵਾਪਿਕੋ, ਸਤਂ ਪਯੋਜਨਮਸ੍ਸ ਸਾਤਿਕਂ‘‘ਤਂਹਨ੍ਤਾਰਹਤਿ ਗਚ੍ਛਤੁਞ੍ਛਤਿਚਰਤਿ’’ਤਿ ਦੁਤਿਯਨ੍ਤਾ ਭਨ੍ਤਿਚ੍ਚੇਵਮਾਦਿਸਵਤ੍ਥੇਸੁ ਣਿਕੋ ਹੋਤਿ-ਪਕ੍ਖੀਨੋਭਨ੍ਤਿਤਿ ਪਕ੍ਖਿਕੋ-ਸਾਕੁਣੀਕੋ-ਸਤਮਰਹਤੀਤਿ ਸਾਤਿਕਂ-ਪਰਦਾਰਂ ਗਚ੍ਛਤੀਤਿਪਾਰਦਾਰਿਕੋ-ਬਦਰੇ ਉਞ੍ਛਤੀਤਿ ਬਾਦਰਿਕੋ-ਧਮ੍ਮਂ ਚਰਤੀਤਿ ਧਮ੍ਮਿਕੋ-ਅਧਮ੍ਮਿਕੋ-‘‘ਤੇਨ ਕਤਂ ਕੀਤਂ ਬਦ੍ਧਮਭਿਯਙ੍ਖਤਂ ਕਸਂਸਟ੍ਠਂ ਹਤਂ ਹਨ੍ਤਿ ਜਿਤਂ ਜਯਤਿ ਦਿਬ੍ਬਤਿ ਖਨਤਿ ਤਰਤਿ ਚਰਤਿ ਵਹਤਿ ਜੀਵਤਿ’’ਤਿ ਤਤਿਯਨ੍ਤਾ ਕਤਾਦਿਸ੍ਵਤ੍ਥੇਸੁ ਣਿਕੋ ਹੋਤਿ-ਕਾਯੇਨ ਕਤਂਵਕਾਯਿਕਂ-ਸਤੇਨ ਕੀਤਂ ਸਾਤਿਕਂ-ਵਰਤ੍ਤਾਯ ਬਦ੍ਧੋਵਾ ਰਤ੍ਤਿਕੋ-ਘਤੇਨ ਅਭਿਸਙ੍ਖਤਂ ਕਸਂਸਟ੍ਠਂ ਵਾ ਘਾਤਿਕਂ-(ਅਭਿਸਙ੍ਖਤਂ ਕਤਾਭਿਸਙ੍ਖਾਰਂ, ਕਸਂਸਟ੍ਠਂ ਮਿਸ੍ਸਿਤਂ)-ਜਾਲੇਨ ਹਤੋ ਭਨ੍ਤੀਤਿਵਾ ਚਾਲਿਕੋ-ਅਕ੍ਖੇਹਿ ਜਿਤਮਕ੍ਖਿਕਂ-ਅਕ੍ਖੇਹਿ ਜਯਤਿ ਦਿਬ੍ਬਤੀਤਿ ਵਾ ਅਕ੍ਖਿਕੋ-ਖਨਿਤ੍ਤਿਯਾ ਖਨਤੀਤਿ ਖਾਨਿਤ੍ਤਿਕੋ-ਇਹ ਨਭਵਤਿ ‘‘ਅਙ੍ਗੁਲਿਯਾ ਖਨ੍ਤੀ’’ਤਿ ਅਨਭਿਧਾਨਾ ਅਭਿਧਾਨਲਕ੍ਖਣ ਹਿ ਤਬ੍ਬਾਦਿ ਣਦਿਸਮਾਸਾ-ਉਲ਼ੁਮ੍ਪੇਨ ਤਰਤੀਤਿ ਓਲ਼ੁਮ੍ਪਿਕੋ-ਸਕਟੇਨ ਚਰਤੀਤਿ ਸਾਕਟਿਕੋ-ਖਨ੍ਧੇਨ ¶ ਵਹਤੀਤਿ ਖਨ੍ਧਿਕੋ-ਵੇਤਨੇਨ ਜੀਵਤੀਤਿ ਵੇਤਨਿਕੋ-‘‘ਤਸ੍ਸ ਸਂਵਤ੍ਤਤੀ’’ਤਿ ਚਤੁਤ੍ਥ੍ਯਨ੍ਤਾ ਸਂਵਤ੍ਤਤੀਤਿ ਪੋਨੋਭਵਿਕੋ-‘‘ਮਨਾਦ੍ਯਪਾਦਿਨਮੋ ਮਯੇ ਚੇ’’ਤਿ ਦੁਤਿਯੋਕਾਰੋ.

ਤਤੋਸਮ੍ਭੁਤਮਾਗਤਂ.

ਪਞ੍ਚਮ੍ਯਨ੍ਤਾ ਸਮ੍ਭੁ ਤਮਾਗਤਨ੍ਤਿ ਏਤੇਸ੍ਵਤ੍ਥੇਸੁਣਿਕੋ ਹੋਤਿ-ਮਾਤਿਤੋ ਸਮ੍ਭੁਤਮਾਗਤਂ ਵਾ ਮਤ੍ਤਿਕਂ, ਪੇਤ੍ਤਿਕਂ.

ਸੁਰਭਿਤੋ ਸਮਭੁਤਨ੍ਤਿ ਨਵਿਗ੍ਗਹੇ.

ਦਿਸ੍ਸਨ੍ਤਞ੍ਞੇਪਿ ਪਚ੍ਚਯਾ.

ਵੁਤ੍ਤਤੋ’ਞ੍ਞੇਪਿ ਪਚ੍ਚਯਾ ਦਿਸ੍ਸਨ੍ਤਿ ਵੁਤ੍ਤਾਵੁਤ੍ਤਤ੍ਥੇਸੁਤਿਣ੍ਯੋ-ਸੋਰਬ੍ਭਂ-‘‘ਤਤ੍ਥ ਵਸਤਿ ਕਵਿਦਿਤੋਭਤ੍ਤੋ ਨਿਯੁਤ੍ਤੋ’’ਤਿ ਣਿਕੋ-ਰੁਕ੍ਖਮੂਲੇ ਵਸਤੀਤਿ ਰੁਕ੍ਖਮੂਲਿਕੋ, ਲੋਕੇ ਵਿਦਿਤੋ ਲੋਕਿਕੋ, ਚਤੁਮਹਾਰਾਜੇਸੁ ਭਤ੍ਤਾ ਚਤੁਮ੍ਮਹਾਰਾਜਿਕਾ-ਦ੍ਵਾਰੇ ਨਿਯੁਤ੍ਤੋ ਦੋਵਾਰਿਕੋ-ਦਸ੍ਸੋਕ ਤਦਮਿਨਾਦਿਪਾਠਾ.

ਤਸ੍ਸਿਦਂ.

ਛਟ੍ਠਿਯਨ੍ਤਾ ਇਦਮਿਚ੍ਚਸ੍ਮਿਂ ਅਤ੍ਥੇ ਣਿਕੋ ਹੋਤਿ-ਸਙ੍ਘਸ੍ਸ ਇਦਂ ਸਙ੍ਘਿਕਂ, ਪੁਗ੍ਗਲਿਕਂ-‘‘ਣੇ’’ਤਿ ਛਟ੍ਠਿਯਨ੍ਤਾ ਇਦਮਿਚ੍ਚਤਸ੍ਮਿਂ ਅਤ੍ਥੇਣੇ-ਮੋਗ੍ਗਲ੍ਲਾਯਨਸ੍ਸ ਇਦਂ ਮੋਗ੍ਗਲ੍ਲਾਯਨਂ, (ਵ੍ਯਾਕਰਣਂ)-ਸੋਗਤਂ, (ਸਾਸਨਂ).

ਪਿਤਿਤੋ ਭਾਤਰਿ ਰੇਯ੍ਯਣ.

ਪਿਤੁਸਦ੍ਦਾ ਤਸ੍ਸ ਭਾਤਰਿ ਰੇਯ੍ਯਣ ਹੋਤਿ-ਰੋਨੁ’ਬਨ੍ਧੋ.

ਰਾਨੁਬਨ੍ਧੇ’ਨ੍ਤਸਰਾਦਿਸ੍ਸ.

ਅਨ੍ਤੋ ਸਰੋ ਆਦਿ ਯਸ੍ਸਾਵਯਵਸ੍ਸ ਤਸ੍ਸ ਲੋਪੋ ਹੋਤਿ ਰਾਨੁਬਨ੍ਧੇਤਿ ਉਲੋਪੋ-ਪਿਤੁ ਭਾਤਾ ਪੇਤ੍ਤੇਯ੍ਯੋ.

ਮਾਤਿਤੋ ਚ ਹਗਿਨਿਯਂ ਛੋ.

ਮਾਤੁਤੋ ਚੇ ਪਿਤੁਤੋ ਚ ਤੇਸਂ ਭਗਿਨਿਯਂ ਛੋ ਹੋਤਿ-ਮਾਤੁਭਗਿਨਿ ਮਾਤੁਚ੍ਛਾ-‘‘ਇਤ੍ਥਿਯਮਤ੍ਵਾ’’ਤਿ ਆ-ਏਵਮ੍ਪਿਤੁਚ੍ਛਾ.

ਮਾਤਾਪਿਤੁਸ੍ਵਾਮਹੋ.

ਮਾਤਾਪਿਤੁਹਿ ਤੇਸਂ ਮਾਤਾਪਿਤੁਸ੍ਵਾਮਹੋ ਹੋਤਿ-ਮਾਤੁ ਮਾਤਾ ਮਾਤਾਮਹੀ-ਮਾਤੁ ਪਿਤਾ ਮਾਤਾਮਹੋ-ਪਿਤੁ ਮਾਤਾ ਪਿਤਾਮਹੀ-ਪਿਤੁ ਪਿਤਾਪਿ ਨਾਮਹੋ.

ਹਿਤੇ ਰੇਯ੍ਯਣ.

ਮਾਤਾਪਿਤੂਹਿ ਹਿਤੇ ਰੇਯ੍ਯਣ ਹੋਤਿ-ਮਾਤੁ ਹਿਤੋ ਮਤ੍ਤੇਯ੍ਯੋ, ਪਿਤੁ ਹਿਤੋ ਪੇਤ੍ਤੇਯ੍ਯੋ.

ਤਮਸ੍ਯ ਪਰਿਮਾਣਂ ਣਿਕੋ ਚ.

ਪਠਮਨ੍ਤਾ ਅਸ੍ਸੇਤਿ ਅਸ੍ਮਿਂ ਅਤ੍ਥੇ ਣਿਕੋ ਹੋਤਿ ਕੋਵ ਤਞ੍ਚੇ ਪਠਮਨ੍ਤਂ ਪਰਿਮਾਣਮ੍ਭਵਤਿ.

ਦੋਣੇ ਪਰਿਮਾਣਮਸ੍ਸ ਦੋਣਿਕੋ, (ਵੀਹਿ)-ਏਕਮ੍ਪਰਿਮਾਣਮਸ੍ਸ ਏਕਕਂ-ਦ੍ਵਿਕਂ, ਤਿਕਂ, ਚਤੁਕ੍ਕਂ, ਪਞ੍ਚਕਮਿਚ੍ਚਾਦਿ.

ਸਞ੍ਜਾਤਾ ਤਾਰਕਾਦਿਤ੍ਵਿਤੋ

ਤਾਰਕਾਦਿਹਿ ਪਠਮਨ੍ਤੇਹਿ ਅਸ੍ਸੇਤਿ ਛਟ੍ਠਤ੍ਥੇ ਇਤੋ ਹੋਤਿ ਤੇ

ਚੇ ¶ ਸਞ੍ਜਾਤਾ ਹੋਨ੍ਤਿ-ਤਾਰਕਾ ਸਞ੍ਜਾਤਾ ਅਸ੍ਸ ਤਾਰਕਿਤਂ-(ਗਗਨਂ)-ਪੁਪ੍ਛਿਤੋ-(ਰੁਕ੍ਖੋ).

ਮਾਨੇ ਮਤ੍ਤੋ.

ਪਠਮਨ੍ਤਾ ਮਾਨਵੁਤ੍ਤਿਤੋ ਅਸ੍ਸੇਤਿ ਅਸ੍ਮਿਂ ਅਤ੍ਥੇ ਮਤ੍ਤੋ ਹੋਤਿ-ਫਖਲਂ ਉਮ੍ਮਾਨਮਸ੍ਸ ਖਫਲਮਤ੍ਤਂ. ਹਤ੍ਥੋ ਪਰਿਮਾਣਮਸ੍ਸ ਹਤ੍ਥਮਤ੍ਤਂ, ਸਤਂ ਮਾਨਮਸ੍ਸ ਸਤਮਤ੍ਤਂ.

ਣੇ ਚ ਪੁਰਿਸਾ

ਪੁਰਿਸਾ ਪਠਮਨ੍ਤਾ ਉਦ੍ਧਮਾਨਵੁਤ੍ਤਿਤੋ ਅਸ੍ਸੇਤਿ ਅਸ੍ਮਿਂ ਅਤ੍ਥੇ ਣੇ ਹੋਤਿ ਮਤ੍ਤ ਤਗ੍ਘਾ ਚ-ਪੁਰਿਸੋ ਉਮ੍ਮਾਨਮਸ੍ਸ ਪੋਰਿਸਂ, ਪੁਰਿਸਮਤ੍ਤਂ. ਪੁਰਿਸਤਗ੍ਘਂ.

ਤਸ੍ਸ ਭਾਵਕਮ੍ਮੇਸੁ ਤ੍ਤ ਤਾ ਤ੍ਤਨਣ੍ਯਣੇਯ੍ਯ ਣਿਘ ਣਿਯਾ.

ਭਵਨ੍ਤਿ ਏਤਸ੍ਮਾ ਸਦ੍ਦਬੁਦ੍ਧੀਤਿ ਭਾਵੋ ਸਦ੍ਦਪ੍ਪਵਤ੍ਤਿ ਨਿਮਿਤ੍ਤਂ-ਕਮ੍ਮਂ ਕ੍ਰਿਯਾ-ਛਟਾਠਿਯਨ੍ਤਾ ਭਾਵੇ ਕਮ੍ਮੇ ਚ ਤ੍ਤ ਤਾਦਯੋ ਹੋਨ੍ਤਿ ਬਹੁਲਂ-ਸਾਮਞ੍ਞਵਿਧਯੋ ਪਯੋਗਮਨੁਸਾਰਯਨ੍ਤਿਤਿ ਕੁਤੋ ਚਿ ਦ੍ਵੀਸੁਕੁਤੋ ਚਿ ਭਾਵੇ ਯੇਵ-ਨ ਚ ਸਬ੍ਬੇ ਸਬ੍ਬਤੋ ਹੋਨ੍ਤਿ ਅਞ੍ਞਤ੍ਰ ਤ੍ਤਤਾਹਿ-ਨੀਲਸ੍ਸ ਪਟਾਸ੍ਸ ਭਾਵੋ ਨੀਲਤ੍ਤਂ ਨੀਲਤਾਤਿ ਗੁਣੇ ਭਾਵੋ-ਇਹ ਗੁਣਵਸਾ ਨਿਲਸਦ੍ਦੋਨੀਲਗੁਣਯੁਤ੍ਤੇ ਦਬ੍ਬੇ ਵਤ੍ਤਤੇ ਨਿਮਿਤ੍ਤਸ੍ਸਰੁਪਾਨੁਗਤਾਞ੍ਚਬੁਦ੍ਧਿ-ਏਵਮਞ੍ਞਤ੍ਰਾਪਿ ਯਥਾਨੁਰੂਪਂਞਾਤਬ੍ਬਂ ਨੀਲਸ੍ਸਗੁਣਸ੍ਸ ਭਾਵੋ ਨੀਲਤ੍ਤਂਨੀਲਤਾਤਿ ਨੀਲਗੁਣਜਾਤਿ-ਗੋਤ੍ਤਂ ਗੋਤਾਤਿ ਗੋਜਾਤਿ-ਪਾਚਕਤ੍ਤਤ੍ਤਿ ਪਚਨਕ੍ਰਿਯਾਸਮ੍ਬਨ੍ਧੋ-ਰਾਜਪੁਰਿਸਤ੍ਤਨ੍ਤਿ ਰਾਜਸਮ੍ਬਨ੍ਧੋ-ਦੇਵਦਤ੍ਤਂ ਚਨ੍ਦਤ੍ਤਂ ਸੂਰਿਯਤ੍ਤਨ੍ਤਿ ਤਦਵਤ੍ਥਾਵਿਸੇਸ ਸਾਮਞ੍ਞਂ-ਆਕਾਸਤ੍ਤਂ ਅਭਾਵਤ੍ਤਨ੍ਤਿ ਉਪਚਰਿਤਭੇਦਸਾਮਞ੍ਞਂ-ਅਲਸਸ੍ਸ ਭਾਵੋ ਕਮ੍ਮਂ ਵਾ ਅਲਸਤ੍ਤਂ ਅਲਸਤਾ-ਤ੍ਤਨ, ਪੁਥੁਜ੍ਜਨਤ੍ਤਨਂ-ਣ੍ਯ, ਚਾਪਕਲ੍ਯਂ‘‘ਸਕਤ੍ਥੇਤੀ‘‘ਸਕਤ੍ਥੇਪਿ-ਅਕਿਞ੍ਚਨਮੇਵ ਆਕਿਞ੍ਚਞ੍ਞਂ-ਣੇਯ੍ਯ, ਸੋਚੇਯ੍ਯਂ-ਣ, ਪਾਟਵਂ-ਅਵਙ-ਇਯ, ਨਗ੍ਗਿਯਂ-ਣਿ ਯ, ਪੋਰੋਹਿਤਿਯਂ.

ਤਰ ਤਮਿਸ੍ਸਿਕਿਯਿਟ੍ਠਾਤਿਸਯੇ.

ਅਤਿਸਯੇ ਵਤ੍ਤਮਾਨਨਤੋ ਹੋਨ੍ਤੇਤੇ ਪਚ੍ਚਯਾ-ਅਤਿਸਯੇਨ ਪਾਪੋ ਪਾਪਤਰੋ, ਪਾਪਤਮੋ, ਪਾਪਿਸ੍ਸਿਕੋ. ਪਾਪਿਯੋ. ਪਾਪਿਟ੍ਠੋ-ਅਤਿਸਯਨ੍ਤਾਪਿ ਅਤਿਸਯਪ੍ਪਚ੍ਚਯੋ-ਅਤਿਸਯੇਨ ਪਾਪਿਟ੍ਠੋ ਪਾਪਿਟ੍ਠਤਰੋ-ਉਦੁਮ੍ਬਰਸ੍ਸ ਵਿਕਾਰੋ’ਵਯਵੋਤ੍ਵੇਵਮਾਦਿਵਿਗ੍ਗਹੇ.

ਤਸ੍ਸ ਵਿਕਾਰਾਵਯਵੇਸੁ ਣ ਣਿਕ ਣੇਯ੍ਯ ਮਯਾ.

ਪਕਤਿਯਾ ਉਤ੍ਤਰਮਵਤ੍ਥਨ੍ਤਰਂ ਵਿਕਾਰੋ-ਛਟ੍ਠਿਯਨ੍ਤਾ ਨਾਮਸ੍ਮਾ ਵਿਕਾਰੇ’ਵਯਵੇ ਚ ਣਦਯੋ ਹੋਨ੍ਤਿ ਬਹੁਲਂ-ਣ, ਓਦੁਮ੍ਬਰਂ-(ਭਸ੍ਮਂ ਪਣ੍ਣਂ ਵਾ)-ਣਿਕ, ਕਪ੍ਪਾਸਿਕਂ-ਨੇਯ੍ਯ, ਏਣੇਯ੍ਯਂ-ਮਯ. ਤਿਣਮਯਂ-‘‘ਅਞ੍ਞਸ੍ਮਿਨ੍ਤਿ’’ ਅਤ੍ਥਨ੍ਤਰੇਪਿ-ਗੁਨ੍ਨਂ ਕਰਿਸਂ ਗੋਮਯਂ.

ਮਨੁਸ੍ਸਾਨਂ ਸਮੁਹੋਤ੍ਵੇਵਮਾਦਿਵਿਗ੍ਗਹੇ.

ਸਮੁਹੇ ¶ ਕਣ੍ਣਣਿਕਾ.

ਛਟ੍ਠਿਯਨ੍ਤਾ ਸਮੂਹੇ ਕਣ੍ਣਣਿਕਾ ਹੋਨ੍ਤਿ-ਮਾਨੁਸ੍ਸਕਂ. ਕਾਕਂ, ਆਪੁਪਿਕਂ-‘‘ਜਨਾਦੀਹਿ ਤਾ’’ਤਿ ਸਮੂਹੇ ਤਾ-ਜਨਾਨਂ ਸਮੂਹੋ ਜਨਤਾ. ਗਜਤਾ, ਬਨ੍ਧੁਤਾ.

ਏਕਾ ਕਾਕ੍ਯਸਹਾਯੇ.

ਏਕਸ੍ਮਾ ਅਸਹਾਯਤ੍ਥੇ ਕ ਆਕੀ ਹੋਨ੍ਤਿ-ਏਕੋ’ਵ ਏਕਕੋ, ਏਕਾਕੀ.

ਅਯੁਭਦ੍ਵਿਤੀਹਂਸੇ.

ਉਪਦ੍ਵਿਤੀਹਿ ਅਵਯਵਵੁਤ੍ਤੀਹਿ ਪਠਮਨ੍ਤੇਹਿ ਅਸ੍ਸੇਤਿ ਛਟ੍ਠਤ੍ਥੇ ਅਯੋ ਹੋਤਿ-ਉਭੋ ਅਂਸਾ ਅਸ੍ਸ ਉਭਯਂ. ਦ੍ਵਯਂ. ਤਯਂ-ਚਿਨ੍ਤਂ ਪੁਰਣੇਚ੍ਚਾ ਦਿਵਿਗ੍ਗਹੇ-‘‘ਚਤੁਤ੍ਥਦੁਤਿਯੇਸ੍ਵੇਸਂ ਤਤਿਯਪਠਮਾ’’ਤਿ ਨਿਪਾਤਨਾ ਪੂਰਣਤ੍ਥੇ ਦ੍ਵਿਤੋ ਤਿਯੋ ਦ੍ਵਿਸ੍ਸ ਦੁ ਚ ਤਿਚਤੁਹਿ ਅਤਿਯਤ੍ਤਾਚ-ਦੁਤਿਯੋ. ਤਤਿਯੋ. ਚਤੁਤ੍ਥੋ.

ਮ ਪਞ੍ਚਾਦਿਹਿ ਕਤੀਹਿ.

ਛਟ੍ਠਿਯਨ੍ਤਾਯ ਪਞ੍ਚਾਦਿਕਾਯ ਸਙ੍ਖ੍ਯਾਯ ਕਤਿਸ੍ਮਾ ਚ ਮੋ ਹੋਤਿ ਪੂਰਣਤ੍ਥੇ-ਪਞ੍ਚਨ੍ਨਂ ਪੁਰਣੇ ਪਞ੍ਚਮੋ-ਏਵਂ ਸਤ੍ਤਮੋ, ਅਟ੍ਠਮੋ, ਇਚ੍ਚਾਦਿ.

ਛਾਟ੍ਠ ਟ੍ਠਮਾ.

ਛਸਦ੍ਦਾ ਟ੍ਠ ਟ੍ਠਮਾ ਹੋਨ੍ਤਿ ਪੁਰਣਤ੍ਥੇ-ਛਨ੍ਨਂ ਪੂਰਣੇ ਛਟ੍ਠੋ, ਛਟ੍ਠਮੋ ਵਾ.

ਤਸ੍ਸ ਪੁਰਣੇਕਾਦਸਾਦਿਤੋ ਵਾ.

ਛਟ੍ਠਿਯਨ੍ਤਾਯੇਕਾਦਸਾਦਿਕਾਯ ਸਙ੍ਖ੍ਯਾਯ ਡੋ ਹੋਤਿ ਪੂਰਣਤ੍ਥੇ ਵਿਭਾਸਾ-ਡਕਾਰੋ’ਨੁਬਨ੍ਧੋ-ਏਕਾਦਸਨ੍ਤਂ ਪੂਰਣੇ ਏਕਾਦਸੋ-ਅਞ੍ਞਤ੍ਰ-ਏਕਾਦਸਮੋਚ੍ਚਾਦਿ-ਏਵਂ ਦ੍ਵਾਦਸੋ ਇਚ੍ਚਾਦਿ-ਏਕੂਨਵੀਸਤ੍ਯਾਦਿਹਿਤੁਡੇ.

ਸੇ ਸਤਿਸ੍ਸ ਤਿਸ੍ਸ.

ਸੇ ਪਰੇ ਸਤ੍ਯਨ੍ਤਸ੍ਸ ਤਿਕਾਰਸ੍ਸ ਲੋਪੋ ਹੋਤੀਤਿ ਤਿਲੋਪੋ. ਏਕੁਨਵੀਸੋ.

ਸਤਾਦੀਨਮਿ ਚ.

ਸਤਾਦਿਕਾਯ ਸਙ੍ਖ੍ਯਾਯ ਛਟ੍ਠਿਯਨ੍ਤਾਯ ਪੁਰਨਤ੍ਥੇ ਮੋ ਹੋਤਿ ਸਤਾ ਦਿਨਮਿ ਚਾਨ੍ਤਾਦੇਸੋ-ਸਤਸ੍ਸ ਪੂਰਣੇ ਸਤਿਮੋ, ਸਹਸ੍ਸਿਮੋ. ਵੀਸਤਿ ਅਧਿਕਾ ਅਸ੍ਮਿਂ ਸਤੇ ਸਹਸ੍ਸੇ ਵਾਤਿ ਏਵਮਾਦਿਵਿਗ੍ਗਹੇ.

ਸਙ੍ਖ੍ਯਾਯ ਸਚ੍ਚੁਤੀਸਾਸਦਸਨ੍ਤਾਯਾਧਿਕਾਸ੍ਮਿਂ ਸਤਸਹਸ੍ਸੇ ਡੋ.

ਸਤ੍ਯਨ੍ਤਾਯ ਮੁਤ੍ਯਨ੍ਤਾਯ ਈਸਨ੍ਤਾਯ ਆਸਨ੍ਤਾਯ ਦਸਨ੍ਤਾਯ ਚ ਸਙ੍ਖ੍ਯਾਯ ਪਠਮਨ੍ਤਾਯ ਅਸ੍ਮਿਨ੍ਤਿ ਸਤ੍ਤਮ੍ਯਤ੍ਥੇ ਡੋ ਹੋਤਿ ਸਾ ਚੇ ਸਙ੍ਖ੍ਯਾ ਅਧਿਕਾ ਹੋਤਿ ਯਦਸ੍ਮਿਨ੍ਤਿ ਤਞ੍ਚੇ ਸਤਂ ਸਹਸ੍ਸਂ ਸਤਸਹਸ੍ਸਂ ਵਾ ਹੋਤਿ-ਤਿਲੋਪੇ-ਵੀਸਂ-ਸਤਂ, ਸਹਸ੍ਸਂ, ਸਤਸਹਸ੍ਸਂ ਵਾ-ਉਤ੍ਯਨ੍ਤਾਯ-ਨਹੁਤਂ-ਸਤਂ. ਸਹਸ੍ਸਂ, ਸਤਸਹਸ੍ਸਂ ਵਾ-ਈਸਨ੍ਤਾਯ-ਚਤ੍ਤਾਰੀਸਂ-ਸਤਂ. ਸਹਸ੍ਸਂ, ਸਤਸਹਸ੍ਸਂ ਵਾ-ਆਸਨ੍ਤਾਯ-ਪਞ੍ਞਾਸਂ-ਸਤਂ, ਸਹਸ੍ਸਂ. ਸਤਸਹਸ੍ਸਂ ਵਾ-ਦਸਨ੍ਤਾਯ-ਏਕਾਦਸਂ-ਸਤਂ, ਸਹਸ੍ਸਂ, ਸਤਸਹਸ੍ਸਂ ਵਾ-ਸਚ੍ਚੁਤੀਸਾਸਦਸਨ੍ਤਾਯਾਤਿ ਕਿਂ? ਛ ਅਧਿਕਾ ਅਸ੍ਮਿਂ ਸਤੇ-ਅਧਿਕੇਤਿ ਕਿਂ? ਪਞ੍ਚਦਸ ਹੀਨਾ ਅਸ੍ਮਿਂ ਸਤੇ-ਅਸ੍ਮਿਨ੍ਤਿ ਕਿਂ?ਵੀਸਤਿ ਅਧਿਕਾ ਏਤਸ੍ਮਾ ਸਤਾ-ਸਤਸਹਸ੍ਸੇਤਿ ਕਿਂ? ਏਕਾਦਸਾਧਿਕਾ ਅਸ੍ਸਂ ਵੀਸਤਿਯਂ.

ਤਮੇਤ੍ਥਸ੍ਸਤ੍ਥੀਤਿ ¶ ਮਨ੍ਤੁ.

ਪਠਮਨ੍ਤਾ ਏਤ੍ਥ ਅਸ੍ਸ ਅਤ੍ਥੀਤਿ ਏਤੇਸ੍ਵਤ੍ਥੇਸੁ ਮਨ੍ਤੁ ਹੋਤਿ-ਇਤਿਸਦ੍ਦਸ੍ਸ ਵਿਵਕ੍ਖਾਨਿਯਮਨਤ੍ਥਤ੍ਤਾ ਪਹੁਤਾਦਿਯੁਤ੍ਤੇਯੇਵ ਅਤ੍ਥ੍ਯਤ੍ਥੇ ਹੋਤਿ-ਵੁਤ੍ਤਂਹਿ.

ਪਹੁਤੇ ਚ ਪਸਂਸਾਯਂ ਨਿਨ੍ਦਾਯਦ੍ਵਾਤਿਸਾਯਨੇ;

ਨਿਚ੍ਚਯੋਗੇ ਚ ਸਂਸਗ੍ਗੇ ਹੋਨ੍ਤਿਮੇ ਮਨ੍ਤੁਆਦਯੋ.

ਪਹੁਤਾ ਗਾਵੋ ਏਤ੍ਥ ਦੇਸੇ ਅਸ੍ਸ ਵਾ ਪੁਰਿਸਸ੍ਸ ਸਨ੍ਤੀਤਿ ਸਗੋਮਾਪਸਂਸਾਯਂ. ਪਸਤ੍ਥਾ ਜਾਤਿ ਅਸ੍ਸ ਅਤ੍ਥੀਤਿ ਜਾਤਿਮਾ-ਨਿਨ੍ਦਾਯਂ, ਵਲਿਮਾਅਤਿਸਾਯਨੇ, ਬੁਦ੍ਧਿਮਾ-ਨਿਚ੍ਚਯੋਗੇ, ਜੁਤਿਮਾ-ਸਂਸਗ੍ਗੇ, ਹਲਿਦ੍ਦਿਮਾ. ਤਮੇਤ੍ਥਸ੍ਸਤ੍ਥੀਤਿ ਅਧਿਕਾਰੋ.

ਵਨ੍ਤ੍ਵਵਣ੍ਣਾ.

ਪਠਮਨ੍ਤਤੋ ਅਵਣ੍ਣਨ੍ਤਾ ਮਨ੍ਤ੍ਵਤ੍ਥੇ ਵਨ੍ਤੁ ਹੋਤਿ-ਸੀਲਵਾ, ਦਯਾਵਾ-ਅਵਣ੍ਣਾਤਿ ਕਿਂ? ਬੁਦ੍ਧਿਮਾ.

ਦਣ੍ਡਾਦਿਤ੍ਵਿਕਈ.

ਦਣ੍ਡਾਦੀਹਿ ਇਕ ਈ ਹੋਨ੍ਤਿ ਵਾ ਮਨ੍ਤ੍ਵਤ੍ਥੇ-ਦਣ੍ਡਿਕੋ, ਦਣ੍ਡੀ-ਗਨ੍ਧਿਕੋ ਗਨ੍ਧਿ-ਇਤਿਸਦ੍ਦਸ੍ਸ ਵਿਸਸਨਿਯਮਨ੍ਤ੍ਥਤ੍ਤਾ ਕੁਤੋ ਚਿ ਦ੍ਵੇ ਕੁਤੋਚੇ ਕਮੇਕਂਵ-ਨਾਵਿਕੋ, ਸੁਖੀ.

ਤਪਾਦਿਹਿ ਸ੍ਸੀ.

ਤਪਾਦਿਤੋ ਵਾ ਸ੍ਸੀ ਹੋਤਿ ਮਨ੍ਤ੍ਵਤ੍ਥੇ-ਤਪਸ੍ਸੀ, ਯਸਸ੍ਸੀ-ਵਾਤ੍ਵੇਚ-ਯਸਵਾ.

ਸਦ੍ਧਾਦਿਤ੍ਵ.

ਸਦ੍ਧਾਦੀਹਿਮਨ੍ਤ੍ਵਤ੍ਥਅਹੋਤਿਵਾ-ਸਦ੍ਧੋ, ਪਞ੍ਞੋ-ਵਾਤ੍ਵੇਵ-ਪਞ੍ਞਵਾ.

ਣੇ ਤਪਾ.

ਤਪਸਦ੍ਦਾ ਣੇ ਹੋਤਿ ਮਨ੍ਤ੍ਵਤ੍ਥੇ-ਤਾਪਸੋ-ਮਨਾਦਿਤ੍ਤਾ ‘‘ਮਨਾਦੀਨਂ ਸਕ’’ਇਤਿ ਣਨੁਬਨ੍ਧੇ ਸਕ-‘‘ਮਾਯਾਮੇਧਾਹਿ ਵੀ’’ਤਿ ਮਨ੍ਤ੍ਵਤ੍ਥੇ ਵੀ-ਮਾਯਾਵਿ, ਮੇਧਾਵੀ.

ਤੋ ਪਞ੍ਚਮ੍ਯਾ.

ਪਞ੍ਚਮ੍ਯਨ੍ਤਾ ਬਹੁਲਂ ਤੋ ਹੋਤਿ-ਗਾਮਸ੍ਮਾ ਗਾਮਤੋ-ਇਮੇਨ ਕਿਂ ਸਦ੍ਦੇਹਿ ਤੋਮ੍ਹਿ-‘‘ਇਤੋ ਤੇਤ੍ਤੋ ਕੁਤੋ’’ਤਿ ਇਮਸ੍ਸ ਟਿ ਨਿਪਚ੍ਚਤੇ ਏਤਸ੍ਸ ਟਏਤ ਕਸ੍ਸ ਕੁਤ੍ਤਞ੍ਚ-ਇਮਸ੍ਮਾ ਇਤੋ, ਏਤਸ੍ਮਾ ਅਤੋ ਏਤ੍ਤੋ, ਕਸ੍ਮਾ ਕੁਤੋ.

ਅਭ੍ਯਾਦਿਹਿ.

ਅਭਿਆਦੀਹਿ ਤੋ ਹੋਤਿ-ਅਪਞ੍ਚਮ੍ਯਨ੍ਤੇਹਿਪਿ ਵਿਧਾਨਤ੍ਤੋ’ਯਂ-ਅਭਿਤੋ, ਪਰਿਤੋ, ਪਚ੍ਛਤੋ, ਹੇਟ੍ਠਤੋ.

ਆਦ੍ਯਾਦੀਹਿ.

ਆਦਿਪ੍ਪਭੁਤੀਹਿ ਤੋ ਹੋਤਿ-ਆਦੋ ਆਦਿਤੋ, ਮਜ੍ਝੇ ਮਜ੍ਝਤੋ, ਯਂ ਯਤੋ.

ਸਬ੍ਬਾਦਿਤੋ ਸਤ੍ਤਮ੍ਯਾ ਤ੍ਰਤ੍ਥਾ.

ਸਬ੍ਬਾਦੀਹਿ ਸਤ੍ਤਮ੍ਯਨ੍ਤੇਹਿ ਤ੍ਰਤ੍ਥਾ ਹੋਨ੍ਤਿ-ਸਬ੍ਬਸ੍ਮਿਂ ਸਬ੍ਬਤ੍ਰ, ਸਬ੍ਬਤ੍ਥ-ਯਸ੍ਮਿਂ ਯਤ੍ਰ, ਯਤ੍ਥ-ਬਹੁਲਾਧਿਕਾਰਾ ਨ ਤੁਮ੍ਹਾਮ੍ਹੇਹਿ.

ਕਤ੍ਥੇਤ੍ਥ ¶ ਕੁਤ੍ਰਾਤ੍ਰ ਕ੍ਵੇਹਿਧ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ-ਕਸ੍ਮਿਂ ਕਤ੍ਥ, ਕੁਤ੍ਰ, ਕ੍ਵ-ਏਤਸ੍ਮਿਂ ਏਤ੍ਥ, ਅਤ੍ਰ-ਅਸ੍ਮਿਂ ਇਹ, ਇਧ.

ਧੀ ਸਬ੍ਬਾ ਵਾ.

ਸਤ੍ਤਮ੍ਯਨ੍ਤਤੋ ਸਬ੍ਬਸ੍ਮਾ ਧਿਵਾ ਹੋਤਿ-ਸਬ੍ਬਧਿ-ਵਾਤਿਕਿਂ, ਸਬ੍ਬਤ੍ਰ.

ਯਾ ਹਿਂ.

ਸਤ੍ਤਮ੍ਯਨ੍ਤਾ ਯਸਦ੍ਦਾ ਹਿਂ ਵਾ ਹੋਤਿ-ਯਹਿਂ-ਵਾਤ੍ਵੇਵ-ਯਤ੍ਰ.

ਤਾ ਹਚ.

ਸਤ੍ਤਮ੍ਯਨ੍ਤਾ ਤਤੋ ਵਾਹਂ ਹੋਤਿ ਹਿਞ੍ਚ-ਤਹਂ, ਤਹਿਂ-ਵਾਤ੍ਵੇਵ-ਤਤ੍ਰ.

ਕੁਹਿਂਕਤਂ.

ਕਿਂਸਦ੍ਦਾ ਸਤ੍ਤਮ੍ਯਨ੍ਤਾ ਹਿਂ ਹਂ ਨਿਪਚ੍ਚਨ੍ਤੇ ਕਿਸ੍ਸ ਕੁਕਾ ਚ-ਕੁਹਿਂ ਕਹਂ-ਸਬ੍ਬਸ੍ਮਿਂ ਕਾਲੇਚ੍ਚੇਵਮਾਦਿ ਵਿਗ੍ਗਹੇ.

ਸਬ੍ਬੇਕਞ੍ਞਯਤੇਹਿ ਕਾਲੇ ਦਾ.

ਏਤੇਹਿ ਸਤ੍ਤਮ੍ਯਨ੍ਤੇਹਿ ਕਾਲੇ ਦਾ ਹੋਤਿ-ਸਬ੍ਬਦਾ ਏਕਦਾ, ਅਞ੍ਞਦਾ, ਯਦਾ, ਤਦਾ.

ਕਦਾ ਕੁਦਾ ਸਦਾ ਧੁਨੇਦਾਨਿ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ-ਕਸ੍ਮਿਂ ਕਾਲੇ ਕਦਾ, ਕੁਦਾ-ਸਬ੍ਬਸ੍ਮਿਂ ਕਾਲੇ ਸਦਾ-ਇਮਸ੍ਮਿਂ ਕਾਲੇ ਅਧੁਨਾ, ਇਦਾਨਿ.

ਅਜ੍ਜ ਸਜ੍ਜਵਪਰਜ੍ਜੇਵਤਰਹਿ ਕਰਹਾ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ-

ਪਕਤਿ ਪਚ੍ਚਯੋ ਆਦੇਸੋ ਕਾਲਵਿਸੇਸੋਤਿ ਸਬ੍ਬਮੇਤਂ ਨਿਪਾਤਨਾ ਲਬ੍ਭਤਿ-ਇਮਸ੍ਸ ਟੋ ਜ੍ਜੋ ਵਾਹਨਿ ਨਿਪਚ੍ਚਤੇ-ਅਸ੍ਮਿਂ ਅਹਨਿ ਅਜ੍ਜ-ਸਮਾਨਸ੍ਸ ਸਭਾਵੋਜ੍ਜੁ ਵਾਹਤਿ-ਸਮਾਨੇ ਅਹਤਿ ਸਜ੍ਜੁ-ਅਪਰਸ੍ਮਾ ਜ੍ਜੁ ਵਾਹਤਿ-ਅਪਰਸ੍ਮਿਂ ਅਹਤਿ ਅਪਰਜ੍ਜੁ-ਇਮਸ੍ਸੇਤੋ ਕਾਲੇਰਹਿ ਚ-ਇਮਸ੍ਮਿਂ ਕਾਲ੍ਞੇਤਰਹਿ-ਕਿਂਸਦ੍ਦਸ੍ਸ ਕੋ ਰਹ ਵਾਨਜ੍ਜਤਨੇ-ਕਸ੍ਮਿਂ ਕਾਲੇ ਕਰਹ.

ਸਬ੍ਬਾਦੀਹਿ ਪਕਾਰੇ ਥਾ.

ਸਾਮਞ੍ਞਸ੍ਸ ਭੇਦਕੋ ਵਿਸੇਸੋ ਪਕਾਰੋ, ਤਤ੍ਥ ਵਤ੍ਤਮਾਨੇਹਿ ਸਬ੍ਬਾਦੀਹਿ ਥਾ ਹੋਤਿ-ਸਬ੍ਬੇਨ ਪਕਾਰੇਨ ਸਬ੍ਬਥਾ-ਯਥਾ, ਤਥਾ.

ਕਥਮਿਤ੍ਥਂ.

ਏਤੇ ਸਦ੍ਦਾ ਨਿਪਚ੍ਚਨ੍ਤੇ ਪਕਾਰੇਤਿ ਕਿਮਿਮੇਹਿ ਥਂਪਚ੍ਚਯੋਕੇਤ ਤੇਸਂ ਯਥਾਕ੍ਕਮਂ-ਕੇਨ ਪਕਾਰੇਨ ਕਥਂ, ਇਮਿਨਾ ਪਕਾਰੇਨ ਇਤ੍ਥਂ.

ਏਕੇਨ ਪਕਾਰੇਨ ਏਕਂ ਵਾ ਪਕਾਰਂ ਕਰੋਤਿਚ੍ਚੇਵਮਾਦਿਵਿਗ੍ਗਹੇ.

ਧਾ ਸਙ੍ਖ੍ਯਾਹਿ.

ਸਙ੍ਖ੍ਯਾਵਾਚੀਹਿ ਪਕਾਰੇ ਧਾ ਪਰੋ ਹੋਤਿ-ਏਕਧਾ ਕਰੋਤਿ-ਦ੍ਵਿਧਾ,ਤਿਧਾ, ਚਤੁਧਾ, ਪਞ੍ਚਧਾ ਕਰੋਤਿਚ੍ਚੇਵਮਾਦਿਵਿਗ੍ਗਹੋ-ਬਹੁਸਦ੍ਦਾ ਵੇਪੁਲ੍ਲਵਾਚੀ ਸਙ੍ਖ੍ਯਾਵਾਚੀ ਚ-ਯਦਾ ਸਙ੍ਖ੍ਯਾਵਾਚੀ ਤਦਾ ਬਹੁਧਾ ਕਰੋਤਿ.

ਵੇਕਾ ਜ੍ਝਂ.

ਏਕਸ੍ਮਾ ਪਕਾਰੇ ਜ੍ਝਂ ਵਾ ਹੋਤਿ-ਏਕਜ੍ਝਂ-ਵਾਤਿ ਕਿਂ, ਏਕਧਾ.

ਦ੍ਵਿਤੀਹੇਧਾ. ¶

ਦ੍ਵਿਤੀਹਿ ਪਕਾਰੇ ਏਧਾ ਵਾ ਹੋਤਿ-ਮੇਧਾ, ਤੇਧਾ-ਵਾਤ੍ਵੇਵ-ਦ੍ਵਿਧਾ, ਤਿਧਾ-ਏਕਂ ਵਾਰਂ ਭੁਞ੍ਜਤਿਚ੍ਚੇਵਮਾਦਿਵਿਗ੍ਗਹੇ.

ਵਾਰ ਸਙ੍ਖ੍ਯਾਯ ਕ੍ਖਤ੍ਤੁਂ.

ਵਾਰਸਮ੍ਬਨ੍ਧਿਤਿਯਾ ਕਤਿਸਙ੍ਖ੍ਯਾਯ ਕ੍ਖਤ੍ਤੁਂ ਹੋਤਿ-ਕਤਿਵਾਰੇ ਭੁਜਤਿ ਕਤਿਕ੍ਖਤ੍ਤੁਂ ਭੁਞ੍ਜਤਿ.

ਬਹੁਮ੍ਹਾ ਧਾ ਚ ਪਚ੍ਚਾਸਤ੍ਤਿਯਂ.

ਵਾਰਸਮ੍ਬਨ੍ਧਿਨਿਯਾ ਬਹੁਸਙ੍ਖ੍ਯਾਯ ਧਾ ਹੋਤਿ ਕ੍ਖਤ੍ਤੁਞ੍ਚ ਵਾਰਾਨਞ੍ਚੇ ਪਚ੍ਚਾਸਤ੍ਤਿ ਹੋਤਿ-ਬਹੁਵਾਰੇ ਬੁਞ੍ਜਤਿ ਬਹੁਧਾ ਵਾ ਦਿਵਸਸ੍ਸ ਬੁਞ੍ਜਤਿ, ਖਹੁਕ੍ਖਤ੍ਤੁਂ ਵਾ, ਪਚ੍ਚਾਸਤ੍ਤਿਯਨ੍ਤਿ ਕਿਂ, ਬਹੁਕ੍ਖਤ੍ਤੁਂ ਮਕਾਸਸ੍ਸ ਭੁਞ੍ਜਤਿ.

ਸਕਿਂ ਵਾ.

ਏਕਂ ਵਾਰਮਿਚ੍ਚਸ੍ਮਿਂ ਅਤ੍ਥੇ ਸਕਿਨ੍ਤਿ ਵਾ ਨਿਪਚ੍ਚਤੇ ਏਕਸ੍ਮਾ ਕਿਂ ਏਕਸ੍ਸ ਚ ਸਾਦੇਸੋ-ਏਕਂ ਵਾਰਂ ਭੁਞ੍ਜਤਿ ਸਕਿਂ ਭੁਞ੍ਜਤਿ-ਵਾਤਿ ਕਿਂ, ਏਕਕ੍ਖਤ੍ਤੁਂ ਭੁਞ੍ਜਤਿ.

ਸੋ ਵੀਚ੍ਛਾਪ੍ਪਕਾਰੇਸੁ.

ਕ੍ਰਿਯਾਯ ਗੁਣੇਨ ਦਬ੍ਬੇਨ ਵਾ ਭਿਨ੍ਨੇ ਅਤ੍ਥੇ ਵ੍ਯਾਪਿਤੁਮਿਚ੍ਛਾ ਵੀਚ੍ਛਾਵੀਚ੍ਛਾਯਮ੍ਪਕਾਰੇ ਚ ਸੋ ਹੋਤਿ ਬਹੁਲਂ-ਸਾਮਞ੍ਞਨਿਦ੍ਦੇਸਾ ਯਥਾਸਮ੍ਭਵਂ ਵਿਭਤ੍ਤ੍ਯਨ੍ਤਾ ਯਤੋ ਕੁਤੋ ਵਿਸਦ੍ਦਾ ਹੋਤਿ-ਵਿਚ੍ਛਾਯਂ-ਖਣ੍ਡਂ ਖਣ੍ਡਂ ਕਰੋਤਿ ਖਣ੍ਡਸੋ ਕਰੋਤਿ-ਸਬ੍ਬੇਨ ਪਕਾਰੇਨ ਸਬ੍ਬਸੋ.

ਅਭੁਤ ਤਬ੍ਭਾਵੇ ਕਰਾਯਭੁਯੋਗੇ ਵਿਕਾਰਾ ਚੀ.

ਅਵਤ੍ਥਾਵਤੋ’ਵਤ੍ਥਨ੍ਤਰੇਨਾਭੁਤਸ੍ਸ ਤਾਯਾਵਤ੍ਥਾਯ ਭਾਵੇ ਕਰਾਸਭੂਹਿ ਸਮ੍ਬਨ੍ਧੇ ਸਤਿ ਵਕਾਰਵਾਚਕਾਚੀ ਹੋਤਿ-ਚਕਾਰੋ‘‘ਚੀ ਕ੍ਰਿਯਤ੍ਥੇਹੀ’’ਤਿ ਵਿਸੇਸਨਤ੍ਥੋ-ਅਧਵਲਂ ਧਵਲਂ ਕਰੋਤੀਤਿ ਧਵਲੀਕਰੋਤਿ-ਅਧਵਲੋ ਧਵਲੋ ਸਿਯਾ ਭਵਤਿ ਵਾ ਧਵਲੀਸਿਯਾ. ਧਵਲੀਭਵਤਿ-ਅਭੁਤਤਬ੍ਭਾ ਵੇਤਿ ਕਿਂ, ਘਟਂ ਕਰੋਤਿ-ਕਰਾਸਭੁਯੋਗੇਤਿ ਕਿਂ. ਅਧਵਲੋ ਧਵਲੋ ਜਾਤਤੇ-ਵਿਕਾਰਾਤਿ ਕਿਂ, ਸੁਵਣ੍ਣਂ ਕੁਣ੍ਡਲੀਕਰੋਤਿ.

ਣਦ ਯੋ.

ਅਥ ਤਬ੍ਬਾਦਯੋ ਵੁਚ੍ਚਨ੍ਤੇ ਕ੍ਰਿਯਤ੍ਥੇਹਿ ‘‘ਕ੍ਰਿਯਤ੍ਥਾ’’ਤਿ ਅਧਿਕਾਰਤੋ, ਕ੍ਰਿਯਾ ਅਤ੍ਥੋ ਏਤਸ੍ਸਾਤਿ ਕ੍ਰਿਯਾਤ੍ਥੋ(ਧਾਤੁ)-ਸੋ ਚ ਦ੍ਵਿਵਿਧੋ ਸਕਮ੍ਮਕਾ ਕਮਕ੍ਮਕਵਸੇਨ-ਤਤ੍ਤ ਯਸ੍ਮਿਂ ਕ੍ਰਿਯਤ੍ਥੇ ਕਤ੍ਤੁਵਾਚਿਨਿ ਕਮ੍ਮਂ ਗਵੇਸੀਯਤੇ, ਸੋ ਸਕਮ੍ਮਕੋ ਇਤਰੋ ਅਕਮ੍ਮਕੋ-ਤੇਸੁ ਯਥਾਰਹਂ ਸਕਮ੍ਮ ਕਤੋ ਕਮ੍ਮਾਦੋ ਕਾਰਕੇ ਕਮ੍ਮਾਵਚਨਿਚ੍ਛਾਯਮ੍ਭਾਵੇ ਚ ਤਬ੍ਬਾਦਯੋ ਵੇਦਿਤਬ੍ਬਾ-ਅਕਮ੍ਮਕਤੋ ਪਨ ਭਾਵੋ ਕਮ੍ਮਵਜ੍ਜਿਤੇ ਚ ਕਾਰਕੇ-ਕ੍ਰਿਯਾਤਿ ਚ ਗਮਨਪਚਨਾਦਿਕੋ ਅਸਤ੍ਤਸਮ੍ਮਤੋ ਕਤ੍ਤਰੀ ਕਮ੍ਮੇਵਾ ਪਤਿਟ੍ਠਿਤੋ ਕਾਰਕਸਮੂਹਸਾਧਿਯੋ ਪਦਤ੍ਥੋ ਵੁਚ੍ਚਤਿ, ਵੁਤ੍ਤਂਹਿ.

‘‘ਅਦ੍ਦਬ੍ਬਭੁਤਂ ¶ ਕਤ੍ਤਾਦਿ-ਕਾਰਕਗ੍ਗਾਮਸਾਧਿਯਂ;

ਪਦਤ੍ਥਂ ਕਤ੍ਤੁਕਮ੍ਮਟਾਠਂ-ਕ੍ਰਿਯਮਿਚ੍ਛਨ੍ਤਿ ਤਬ੍ਬਿਦੁ’’.

ਕਰ ਕਰਣੇ-ਅਕਾਰੋ ਉਚ੍ਚਾਰਣਤ੍ਥੋ-ਏਵਮੁਤ੍ਤਰਤ੍ਰਾਪਿ-ਕਰਿਤਿ ਠਿਤੇ-ਬਹੁਲਮਿਤਿ ਸਬ੍ਬਤ੍ਥ ਵਤ੍ਤਤੇ.

ਭਾਵਕਮ੍ਮੇਸੁ ਤਬ੍ਬਾਨੀਯਾ.

ਤਬ੍ਬਅਨਿਯਾ ਕ੍ਰਿਯਤ੍ਥਾ ਪਰੇ ਭਾਵਕਮ੍ਮੇਸੁ ਬਹੁਲਂ ਭਵਨ੍ਤਿ-ਪਚ੍ਚਯੇਤਿ ਪਚ੍ਚਯਵਿਧਾਨਤੋਞ੍ਞਸ੍ਮਿਂ ਸਬ੍ਬਤ੍ਥਾਧਿਕਾਰੋ.

ਤੁਂਤੁਨਤਬ੍ਬੇਸੁ ਵਾ.

ਤੁਮਾਦਿਸੁ ਪਚ੍ਚਯੇਸੁ ਵਾ ਕਰਸ੍ਸ ਆ ਹੋਤਿ-ਅਞ੍ਞਤ੍ਰ.

ਪਰਰੂਪਮਯਕਾਰੇ ਬ੍ਯਞ੍ਜਨੇ.

ਕ੍ਰਿਯਤ੍ਥਾਨਮਨ੍ਤਬ੍ਯਞ੍ਜਨਸ੍ਸ ਪਰਰੂਪਂ ਹੋਤਿ ਯਕਾਰਤੋ’ਞ੍ਞਸ੍ਮਿਂ ਬ੍ਯਞ੍ਜਨਾਦੋ ਪਚ੍ਚਯੇਤਿ ਪਰਰੂਪਂ-ਕਰਣਂ ਕਾਤਬ੍ਬਂ. ਕਤ੍ਤਬ੍ਬਂ ਵਾ-ਨਪੁਂਸਕਲਿਙ੍ਗਂ-ਭਾਵਸ੍ਸੇਕਤ੍ਤਾਪਿ ਤਬ੍ਬਾਦ੍ਯਭਿਹਿਤੋ ਭਾਵੋ ਦਬ੍ਬਮਿਵ ਪਕਾਸਤੀਤਿ ਬਹੁਵਚਨਞ੍ਚ ਹੋਤਿ-ਕਮ੍ਮੇ-ਕਰੀਯਤੀਤਿ ਕਾਤਬ੍ਬੋਕ ਕਤ੍ਤਬ੍ਬੋ-ਅਭਿਧੇਯ੍ਯਸ੍ਸੇਵ ਲਿਙ੍ਗਵਚਨਾਨਿ.

ਵਿਸੇਸ੍ਸਲਿਙ੍ਗਾ ਤਬ੍ਬਾਦਿ ਤਤ੍ਥਾਦੋ ਪਞ੍ਚ ਭਾਵਜਾ,

ਨਪੁਂਸਕੇ ਸਿਯੁਂ ਭਾਵੇ ਕ੍ਤੋ ਚਾਨੋ ਅਕਨ੍ਤਰੀ;

ਭਾਵਸ੍ਮਿਂ ਘ੍ਯਣ ਪੁਮੇ ਏਵਂ ਇਯੁਵਣ੍ਣਗਹਾਦਿਜੋ,

ਅਪ੍ਪਚ੍ਚਯੋ’ਪਿ ਚਾਸਙਕ੍ਖ੍ਯਾ ਤੁਮਾਦਿ ਕਤ੍ਵਾਨ੍ਤਕਾ ਸਿਯੁਂ.

ਅਨੀਯੇ-

ਰਾ ਨਸ੍ਸ ਣੇ.

ਰਾਨ੍ਤਤੋ ਕ੍ਰਿਯਤ੍ਥਾ ਪਰਸ੍ਸ ਪਚ੍ਚਯਨਕਾਰਸ੍ਸ ਣੋ ਹੋਤਿ-ਕਰਣੀਯਂ-ਬਹੁਲਾਧਿਕਾਰਾ ਕਰਣਾਦਿਸੁਪਿ ਭਵਨ੍ਤੀ-ਸਿਨਾ ਸੋਚੇਯ੍ਯੇ-ਦਿਵਾ ਦਿਸੇਸੋ-ਸਿਨਾਯਨ੍ਤੇ’ਨੇਨਾਤਿ ਸਿਨਾਨੀਯਂ(ਚੁਣ੍ਣਂ)-ਦਾ ਦਾਨੇ-ਦਿਯਤੇ ਅਸ੍ਸਾਤਿ ਦਾਨੀਯੋ-(ਬ੍ਰਾਹ੍ਮਣੇ)-ਠਾ ਗਤਿਨਿਵੁਤ੍ਤਿਯਂ-ਉਪ ਪੁਬ੍ਬੋ-ਉਪਤਿਟ੍ਠਤੀਤਿ ਉਪਟ੍ਠਾਨੀਯੋ-(ਸਿਸ੍ਸੋ)-ਧਾਤੁਨਮਨੇਕਤ੍ਥਤ੍ਤਾਯੇਵ ਠਾ ਇਚ੍ਚਸ੍ਮਿਂ ਧਾਤੁਮ੍ਹਿ ਸਨ੍ਤਮੇਵੋਪਟ੍ਠਾਨਤ੍ਥਂ ਉਪਸਦ੍ਦੋ ਜੋਤੇਤਿ-ਵੁਤ੍ਤਂਹਿ.

‘‘ਸਨ੍ਤਮੇਵ ਹਿ ਨੀਲਾਦਿ-ਵਣ੍ਣਂ ਦੀਪਾਦਯੋ ਵਿਯ;

ਧਾਤੁਸ੍ਮਿਂ ਸਨ੍ਤਮੇਵਤ੍ਥਂ ਉਪਸਗ੍ਗਾ ਪਕਾਸਕੋ’’.

ਵਚ ਬ੍ਯਤ੍ਤਵਚਨੇ-

ਘ੍ਯਣ.

ਭਾਵਕਮ੍ਮੇਸੁ ਕ੍ਰਿਯਤ੍ਥਾ ਪਰੋ ਘ੍ਯਣ ਹੋਤਿ ਬਹੁਲਂ-ਘਕਾਰਣਕਾਰਾਨੁਬਨ੍ਧਾ.

ਕਗਾ ਚਜਾਨਂ ਘਾਨੁਬਨ੍ਧੇ.

ਘਾਨੁਬਨ੍ਧੇ ਚਕਾਰਜਕਾਰਨ੍ਤਾਨਂ ਕ੍ਰਿਯਤ੍ਥਾਨਂ ਕਗਾ ਹੋਨ੍ਤਿ ਯਥਾਕ੍ਕਮਨ੍ਤਿ ਵਸ੍ਸ ਕੋ.

ਅਸ੍ਸਾ ਣਨੁਬਨ੍ਧੇ.

ਣਕਾਰਾਨੁਬਨ੍ਧੇ ਪਚ੍ਚਯੇ ਪਰੇ ਉਪਨ੍ਤਸ੍ਸ ਅਕਾਰਸ੍ਸ ਆ ਹੋਤਿ-ਵੁਚ੍ਚਤੀਤਿ ਵਾਕ੍ਯਂ-ਚਿ ਵਯੇ-ਘ੍ਯਣ.

ਯੁਵਣ੍ਣਾਨਮ੍ਞੋ ¶ ਪਚ੍ਚਯੇ.

ਇਵਣ੍ਣੁਵਣ੍ਣਨ੍ਤਾਨਂ ਕ੍ਰਿਯਤ੍ਤਾਨਂ ਏ ਓ ਹੋਨ੍ਤਿ ਯਥਾਕ੍ਕਮਂ ਪਚ੍ਚਯੇਤਿ ਇਸ੍ਸੇਕਾਰੇ‘‘ਸਰਮ੍ਹਾ ਦ੍ਵੇ’’ਤਿ ਯਸ੍ਸ ਦ੍ਵਿਭਾਵੇ ਚ-ਚਯਨਂ ਚਿਯਤੀਤਿ ਵਾ ਚੇਯ੍ਯਂ-ਦਾ ਦਾਨੇ.

ਆਸ੍ਸੇ ਚ.

ਆਕਾਰਨ੍ਤਤੋ ਘ੍ਯਣ ਹੋਤਿ ਭਾਵਕਮ੍ਮੇਸੁ ਆਸ੍ਸ ਏ ਚ-ਦਾਨਂ ਦੀਯਤੀਤਿ ਵਾ ਦੇਯ੍ਯਂ-ਵਦ ਪਚਨੇ‘‘ਵਦਾਦੀਹਿ ਯੋ’’ਤਿ ਭਾਵਕਮ੍ਮੇਸੁ ਯੋਚਵਗ੍ਗਪੁਬ੍ਬਰੂਪੇਸੁ-ਵਦਨਂ ਵਦਿਤਬ੍ਬਂ ਵਾ ਵਜ੍ਜਂ-ਅਮ ਗਮ ਗਮਨੇ ਵਦਾਦਿਤ੍ਤਾ ਯੇ-ਗਮਨਂ ਗਮ੍ਯਤੇਤਿ ਵਾ ਗਮ੍ਯਂ-ਗੁਹ ਸਂਵਰਣੇ-‘‘ਗੁਹਾਦੀਹਿਯਕ’’ਇਤਿ ਭਾਵਕਮ੍ਮੇਸੁ ਯਕ-ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ.

ਲਹੁਸ੍ਸੁਪਨ੍ਤਸ੍ਸ

ਲਹੁਭੁਤਸ੍ਸ ਉਪਨ੍ਤਸ੍ਸ ਯੁਵਣ੍ਣਸ੍ਸ ਏ ਓ ਹੋਨ੍ਤਿ ਯਥਾਕ੍ਕਮਂ ਪਚ੍ਚਯੇਤਿ ਸਮ੍ਪਤ੍ਤਸ੍ਸੋ ਕਾਰਸ੍ਸ ‘‘ਨਤੇ ਕਾਨੁਬਨ੍ਧਨਾਗਮੇਸੁ’’ਤਿ ਪਟਿਸੇਧੋ-ਗੁਹਣਂ ਗੁਹਿਤਬ੍ਬਂ ਕਵਾ ਗੁਯ੍ਹਂ-ਵਿਪਲ੍ਲਾਸੋ-ਸਾਸ ਅਨੁਸਟ੍ਠਿਯਂ-ਯਕ.

ਸਾਸਸ੍ਯ ਸਿਸ ਵਾ.

ਸਾਸਸ੍ਸ ਵਾ ਸਿਸ ਹੋਤਿ ਕਾਨੁਬਨ੍ਧੇ-ਪੁਬ੍ਬਰੂਪੇ-ਸਾਸੀਯਤੀਤਿ ਸਿਸ੍ਸੋ-ਸਿਸਾਦੇਸਾਭਾਵਪਕ੍ਖੇ-

ਏਇ ਬ੍ਯਞ੍ਜਨਸ੍ਸ.

ਕ੍ਰਿਯਤ੍ਥਾ ਪਰਸ੍ਸ ਬ੍ਯਞ੍ਜਨਾਦਿਪ੍ਪਚ੍ਚਯਸ੍ਸ ਞਿ ਵਾ ਹੋਤਿ-ਞਕਾਰੋ ‘‘ਞਿ ਲਸ੍ਸੇ’’ਤਿ ਵਿਸੇਸਨਤ੍ਥੋ,ਸਾਸਿਯੋ-ਵਵਤ੍ਥਿਤਵਿਭਾਸਤ੍ਤਾ ਵਾਧਿਕਾਰਸ੍ਸ ਕ੍ਵਚਿ ਞਿਸ੍ਸਾਭਾਵੋ-ਕਤ੍ਤਬ੍ਬਂ.

ਕਤ੍ਤਰਿ ਲਤੁਣਕਾ.

ਕਤ੍ਤਰਿ ਕਾਰਕੇ ਕ੍ਰਿਯਤ੍ਥਾ ਲਤੁਣਕਾ ਹੋਨ੍ਤਿ-ਲਕਾਰੋ ‘‘ਲਤੁਪਿਤਾਦਨਮਾ ਸਿਮ੍ਹੀ’’ਤਿ ਵਿਸੇਸਨਤ੍ਥੋ-ਦਦਾਤੀਤਿ ਦਾਤਾ-ਣਕੇ-

ਅਸ੍ਸਾਣਪਿਮ੍ਹਿ ਯੁਕ.

ਅਕਾਰਨ੍ਤਸ੍ਸ ਕ੍ਰਿਯਤ੍ਥਸ੍ਸ ਯੁਕ ਹੋਤਿ ਣਪਿਤੋ’ਞ੍ਞਸ੍ਮਿਂ ਣਨੁਬਨ੍ਧੇ, ਦਾਯਕੋ-ਵਧਹਿਂਸਾਯਂ-‘‘ਞਿਬ੍ਯਞ੍ਜਨਸ੍ਸਾ’’ਤਿ ਞਿ-ਵਧੇਤੀਤਿਵਧਿਤਾ,ਣਕੇ-‘‘ਅਸ੍ਸਾਨਨੁਬਨ੍ਧੇ’’ਤਿ ਉਪਨ੍ਤਸ੍ਸ ਅਸ੍ਸ ਆਤ੍ਤੇਸਮ੍ਪਤ੍ਤੇ-

ਅਞ੍ਞਤ੍ਰਾਪਿ.

ਕਾਨੁਬਨ੍ਧਨਾਗਮਤੋ’ਞ੍ਞਸ੍ਮਿਮ੍ਪਿ ਤੇ ਏ ਓ ਆ ਕ੍ਵਚਿ ਨ ਹੋਨ੍ਤੀਕਿ ਪਟਾਸੇਧੋ-ਵਧਕੋ-ਲੁਚ੍ਛੇਦਨੇ.

ਕ੍ਵਵਣ.

ਕਮ੍ਮਤੋ ਪਰਾ ਕ੍ਰਿਯਤ੍ਥਾ ਕ੍ਵਚਿ ਅਣ ਹੋਤਿ ਕਤ੍ਤਰਿ-ਓਕਾਰੇ-

ਆਯਾਵਾ ਣਨੁਬਨ੍ਧੇ.

ਞੋਨਮਾਯਾਵਾ ਹੋਨ੍ਤਿ ਯਥਾਕ੍ਕਮਂ ਸਰਾਦੋ ਣਨੁਬਨ੍ਧੇਤਿ ਤਸ੍ਸਾ ਵਾਦੇਸੋ-ਸਰਂ ਲੁਣਤੀਤਿ ਸਰਲਾਵੋ, ਕੁਮ੍ਭਂ ਕਰੋਤੀਤਿ ਕੁਮ੍ਭਕਾਰੋ-ਕ੍ਵਚੀਤਿ ਕਿਂ, ਕਮ੍ਮਕਾਰੋ-ਏਤ੍ਥ‘‘ਭਾਵਕਾਰਕੇਸ੍ਵ ਘਣਘਕਾ’’ਤਿ ਅਪ੍ਪਚ੍ਚਯੋ-ਦਿਸ ਪੇਕ੍ਖਣੇ.

ਸਮਾਨਞ੍ਞਭਵਨ੍ਤਯਾਦਿਤੁਪਮਾਨਾ ¶ ਦਿਸਾ ਕਮ੍ਮੇ ਰੀਰਿਕ੍ਖਕਾ ਸਮਾਨਾਦਿਹਿ ਯਾਦੀਹਿ ਚੋਪਮਾਨੇਹਿ ਪਰਾ ਦਿਸਾ ਕਮ੍ਮਕਾਰਕੇ ਰੀਰਿਕ੍ਖਕਾ ਹੋਨ੍ਤਿ-‘‘ਰਾਨੁਬਨ੍ਦੇ’ਨ੍ਤਸਰਾਦਿਸ੍ਸਾ’’ਤਿ ਦਿਸਸ੍ਸ ਇਸਭਾਗਸ੍ਸ ਲੋਪੇ‘‘ਰੀਰਿਕ੍ਖਕੇਸੂ’’-ਤਿ ਸਮਾਨਸ੍ਸ ਸਾਦੇਸੇ ਚ-ਸਮਾਨੋ ਵਿਯ ਦਸ੍ਸਤੀਤਿ ਸਦੀ, ਸਦਿਕ੍ਖੋ-ਕੇ-

ਨ ਤੇ ਕਾਨੁਬਨ੍ਧਨਾਗਮੇਸੁ.

ਤੇ ਏ ਓ ਆ ਕਾਨੁਬਨ੍ਧੇ ਨਾਗਮੇ ਚ ਨ ਹੋਨ੍ਤੀਤਿ ਏਤ੍ਤਾਭਾਵੇ, ਸਦਿਸੋ.

ਸਮਾਨਾ ਰੋ ਰੀਰਿਕ੍ਖਕੇ.

ਸਮਾਨਸਦ੍ਦਤੋ ਪਰਸ੍ਸ ਦਿਸਸ੍ਸ ਰ ਹੋਤਿ ਵਾ ਰੀਰਿਕ੍ਕਕੇਸੂਤਿ ਪਕ੍ਖੇ ਦਸ੍ਸ ਰਾਦੇਸੇ-ਸਰੀ, ਸਰਿਕ੍ਖੋ, ਸਰਿਸੋ.

ਸਬ੍ਬਾਦੀਨਮਾ.

ਰੀਰਿਕ੍ਖਕੇਸੁ ਸਬ੍ਬਾਦੀਨਮਾ ਹੋਤਿ-ਅਞ੍ਞਾਦੀ, ਅਞ੍ਞਾਦਿਕ੍ਕੋ, ਅਞ੍ਞਾਦਿਸੋ.

ਨ੍ਤਕਿਮਿਮਾਨਂ ਟਾ ਕੀ ਟੀ.

ਰੀਰਿਕ੍ਕਕੇਸੁ ਨ੍ਤ ਕਿਂ ਇਮ ਸਦ੍ਦਾਨਂ ਟਾ ਕੀ ਟੀ ਹੋਨ੍ਤਿ ਯਥਾਕ੍ਕਮਂ ਟਕਾਰਾ ਸਬ੍ਬਾਦੇਸਤ੍ਥਾ-ਭਵਾਦੀ, ਭਵਾਦਿਕ੍ਖੋ, ਭਵਾਦਿਸੋ-ਯਾਦਿ, ਯਾਦਿਕ੍ਖੋ, ਯਾਦਿਸੋ-ਤ੍ਯਾਦਿ, ਤ੍ਯਾਦਿਕ੍ਖੋ, ਤ੍ਯਾਦਿਸੋਚ੍ਚਾਦਿ-ਤੁਮ੍ਹਾਮ੍ਹਾ ਨਨ੍ਤੁ ਅਯਂ ਵਿਸੇਸੋ.

ਤੁਮ੍ਹਾਮ੍ਹਾਨਂ ਤਾ ਮੇਕਸ੍ਮਿਂ.

ਰੀਰਿਕ੍ਖਕੇਸੁਤੁਮ੍ਹਅਮ੍ਹਾਨਂ ਤਾ ਮਾ ਹੋਨ੍ਤੇ ਕਸ੍ਮਿਂ ਯਥਾਕ੍ਕਮਂ-ਤਾਦਿ, ਮਾਦਿ, ਤਾਦਿਕ੍ਖੋ, ਮਾਦਿਕ੍ਖੋ, ਤਾਦਿਸੋ, ਮਾਦਿਸੋ-ਏਕ੍ैਸ੍ਮਿਨ੍ਤਿ ਕਿਂ, ਤੁਮ੍ਹਾਦਿਸੋ, ਅਮ੍ਹਾਦਿਸੋ-ਚਿ ਚਯੇ.

ਭਾਵਕਾਰ ਕੇਸ੍ਵਘਣਘਕਾ.

ਭਵੇ ਕਾਰਕੇ ਚ ਕ੍ਰਿਯਤ੍ਥਾ ਅ ਘਣ ਘ ਕਾ ਹੋਨ੍ਤਿ ਬਹੁਲਂ-ਅ-ਇਸ੍ਸੇਕਾਰੇ.

ਞੋਨਮਯਵਾ ਸਰੇ.

ਸਰੇ ਪਰੇ ਞੋਨਮਯਵਾ ਹੋਨ੍ਤਿ ਯਥਾਕ੍ਕਮਨ੍ਤਿ ਤਸ੍ਸ ਅਯਾਦੇਸੋ ਚ-ਵਯਨਂ ਚਿਯਤੀਤਿ ਵਾਚਯੋ-ਨੀਪਾਪੁਣਨੇ-ਵਿ ਪੁਬ੍ਬੋਵਿਨਯਨਂ ਵਿਨੇਤੀਤਿ ਵਾ ਵਿਨਯੋ-ਰੁ ਸਦ੍ਦੇ-ਰਵਨਂ ਰਵੋ-ਭੁ ਸਤ੍ਤਾਯਂ. ਭਵਨਂ ਭਵੋ-ਗਹ ਉਪਾਦਾਨੇ-ਪ ਪੁਬ੍ਬੋ-ਪਗ੍ਗਣ੍ਹਣਂ ਪਗ੍ਗਹੋ-ਗਹ ਮਦ ਦਪ ਰਣ ਸਰ ਵਰ ਚਰਾਦਯੋ ਗਹਾਦਯੋ-ਕਰ ਕਰਣੇ, ਕਿਚ੍ਛਤ੍ਥੇ ਦੁਮ੍ਹਿ ਅਕਿਚ੍ਛਤ੍ਥੇਸੁ ਈਸਂ ਸੁਸੁ ਚੁਪ੍ਪਦੇਸੁ-ਦੁਕ੍ਖੇਨ ਕਰੀਯਤੀਤਿ ਕਰਣਂ ਵਾ ਦੁਕ੍ਕਰਂ-ਸੁਖੇਨ ਕਰੀਯਤੀਤਿ ਕਰਣਂ ਵਾ ਈਸਕ੍ਕਰਂ, ਸੁਕਰਂ-ਚਜ ਹਾਨਿਯਂ-ਘਣ-ਚਜਨਂ ਚਾਗੋ-ਪਚ ਪਾਕੇ-ਨਿ ਪੁਬ੍ਬੋਘ,ਨਿਪਚਤੀਤਿ ਨਿਪਕੋ-ਖਿਪ ਪੇਰਣੇ-ਕ-ਖਿਪਤੀਤਿ ਖਿਪਕੋ-ਪੀਤਪ੍ਪਣੇ.

ਯੁਵਣਣਾਨਮਿਯਦ੍ਧੁਵਙ ਸਰੇ.

ਇਵਣ੍ਣੁਵਣ੍ਣਨ੍ਤਾਨਂ ਕ੍ਰਿਯਤ੍ਥਾਨਮਿਯਬੁਦ੍ਧਵਙ ਹੋਨ੍ਤਿ ਸਰੇ ਕ੍ਵਚੀਤਿ ਇਯਙ-ਣੇਤੀਤਿ ਪਿਯੋ-ਭੁ ਸਤ੍ਤਾਯਂ-ਅਭਿ ਪੁਬ੍ਬੋ.

ਕ੍ਵਿ ¶

ਕ੍ਰਿਯਤ੍ਥਾ ਕ੍ਵਿ ਹੋਤਿ ਬਹੁਲਂ ਭਾਵਕਾਰਕੇਸੁ.

ਕ੍ਵੀਸ੍ਸ.

ਕ੍ਰਿਯਤ੍ਥਾ ਪਰਸ੍ਸ ਕ੍ਵਿਸ੍ਸ ਲੋਪੋ ਹੋਤੀਤਿ ਕ੍ਵਿਲੋਪੇ-ਅਭਿਭਵਤੀਤਿ ਅਭਿਭੁ-ਏਵਂ ਸਯਮ੍ਭੁ-ਅਮ ਗਮ ਗਮਨੇ-ਕ੍ਵਿਮ੍ਹਿ-‘‘ਕ੍ਵਿਮ੍ਹਿ ਲੋਪੋ’ਨ੍ਤਬ੍ਯਞ੍ਜਨਸ੍ਸਾ’’ਤਿ ਮਲੋਪੋ-ਉਰਸਾ ਗਚ੍ਛਤੀਤਿ ਉਰਗੋ-ਦਾ ਦਾ ਨੇ-‘‘ਅਨੋ’’ਤਿ ਕ੍ਰਿਯਤ੍ਥਾ ਭਾਵਕਾਰਕੇਸ੍ਵਾਨੋ-ਦਤ੍ਤਿ ਦਿਯਤੀਤਿ ਵਾਦਾਨਂ-ਸਂਪ ਪੁਬ੍ਬੇ-ਸਮ੍ਮਾ ਪਦੀਯਤੇ ਯਸ੍ਸ ਤਂ ਸਮ੍ਪਦਾਨਂ-ਅਪ ਆ ਪੁਬ੍ਬੇ-ਅਪਾਦਦਾਤਿ ਏਤਸ੍ਮਾਤਿ ਅਪਾਦਾਨਂ-ਕਰ ਕਰਣੇ-ਅਧਿ ਪੁਬ੍ਬੋ-‘‘ਰਾ ਨਸ੍ਸ ਣੇ’’-ਤਿ ਣੇ-ਅਧਿਕਰੀਯਤਿ ਏਤਸ੍ਮਿਨ੍ਤਿ ਅਧਿਕਰਣਂ-ਗਹ ਉਪਾਦਾਨੇ.

ਤਥਨਰਾਨਂ ਟਠਣਲ਼ਾ.

ਤਥਨਰਾਨਂ ਟਠਣਲ਼ਾ ਹੋਨ੍ਤਿ ਵਾ ਯਥਾਕ੍ਕਮਨ੍ਤਿ ਨਸ੍ਸ ਣਦੇਸੇ-ਗਣ੍ਹਿਤਬ੍ਬਂ ਗਹਣਂ-ਪਦ ਗਮਨੇ-ਨਿਪੁਬ੍ਬੋ.

ਪਦਾਦੀਨਂ ਕ੍ਵਚਿ.

ਪਦਾਦੀਨਂ ਯੁਕ ਹੋਤਿ ਕ੍ਵਚਿ ਪਚ੍ਚਯੇ-ਨੀਪਤ੍ਤਿ ਨਿਪਜ੍ਜਨਂ-ਪੀ ਤਪ੍ਪਣੇ-ਅਨਮ੍ਹਿ ਵਨਾਦਿਨਾ ਨਾਗਮੇ ਚ’ਨ ਤੇ’ ਇਚ੍ਚਾਦਿਨਾ ਏ ਨ ਹੋਤਿ-ਪੀਤਿ ਪੀਣਨਂ-ਵਿਜਿ ਭਯ ਚਲਨੇਸੁ-ਸਂ ਪੁਬ੍ਬੋ-ਸਂਵਿਨ੍ਤਿ ਸਂਵੇਜਨਂ-‘‘ਅਞ੍ਞਤ੍ਰਾਪੀ’’ਤਿ ਏਤ੍ਤਾਭਾਵੇ-ਸਂਵਿਜਨਂ-ਕੁਧ ਕੋਪੇ-ਕੁਜ੍ਝਤਿ ਸੀਲੇਨਾਤਿ ਕੋਧਨੋ-ਭਿਕ੍ਖ ਯਾਚਨੇ.

ਇਤ੍ਥਿਯਮ ਣ ਕ੍ਤਿ ਕ ਯਕ ਯਾ ਚ.

ਇਤ੍ਥਿਲਙ੍ਗੇ ਭਾਵੇ ਕਾਰਕੇ ਚ ਕ੍ਰਿਯਤ੍ਥਾ ਅਆਦਯੋ ਹੋਨ੍ਤ੍ਯਨੋ ਚ ਬਹੁਲਂ-ਅ-ਭਿਕ੍ਕਨਂ ਭਿਕ੍ਖੀਯਤੀਤਿ ਵਾ ਭਿਕ੍ਖਾ-ਆਪਚ੍ਚਯੋ-ਣੋ-ਕਾਰਣਂ ਕਾਰਾ-ਚਾਰਕਂ-ਯਥਾਕਥਞ੍ਚਿ ਸਦ੍ਦਨਿਪ੍ਫਨ੍ਤਿ ਰੂਲ਼੍ਹਿਤੋ ਅਤ੍ਥਨਿਚ੍ਚਯੋ-ਭਿਦ ਵਿਦਾਰਣੇ-ਕ੍ਤਿ-ਭੇਦਨਂ ਭਿਜ੍ਜਤੇਤਿ ਵਾ ਭਿਤ੍ਤਿ-ਰੂਜ ਭਙ੍ਗੇ-ਕੋ-ਰੁਜਤੀਤਿ ਰੁਜਾ-ਵਿਦ ਞਾਣੇ-ਯਕ-ਵੇਦਨਂ ਵਿਦਨ੍ਤਿ ਏਤਾਯਾਤਿ ਵਾ ਵਿਜ੍ਜਾ-ਅਜ ਵਜ ਗਮਨੇ-ਪ ਪੁਦ੍ਧੋ-ਯੋ-ਪਬ੍ਬਜ ਨਂ ਪਬ੍ਬਜ੍ਜਾ-‘‘ਚਵਗ੍ਗਬਯਞਾ’’ਤਿ ਯੋਗਵਿਭਾਗਾ ਵਸ੍ਸ ਬਕਾਰੇ ਞ੍ਚਿਤ੍ਤਂ-ਵਨ੍ਦ ਅਭਿਵਾਦਨਤ੍ਥੁਤਿਸੁ-ਅਨੋ-ਵਨ੍ਦਨਂ ਵਨ੍ਦਨਾ.

ਇ ਕਿਤਿ ਸਰੂਪੇ.

ਕ੍ਰਿਯਤ੍ਥਸ੍ਸ ਸਰੂਪੇ’ਭਿਧੇਯ੍ਯੇ ਕ੍ਰਿਯਤ੍ਥਾ ਪਰੇ ਇ ਕਿ ਤੀ ਹੋਨ੍ਤਿ-ਇ-ਵਚ ਇਚ੍ਚਯਂ ਧਾਤੁ ਏਵ ਵਚਿ-ਕਿਮ੍ਹਿ-ਯੁਧਿ-ਤਿ-ਸਰੁਪੇ ਤਿਮ੍ਹਿ ਕਰੋ ਤਿਸ੍ਸ ਖੋਤਿ ਵਿਕਰਣਸ੍ਸ ਞਾਤਤ੍ਤਾ ‘‘ਕਤ੍ਤਰਿ ਲੋ’’ਤਿ ਲੋ-ਪਚਤਿ-ਕਥਮਕਾਰੋ ਇਚ੍ਚਾਦਿ? ਘਣਨ੍ਤੇਨ ਕਾਰਸਦ੍ਦੇਨ ਛਟ੍ਠਿਸਮਾਸੋ-ਅਸ੍ਸ ਕਾਰੋ ਅਕਾਰੋ-ਭੁਜ ਪਾਲਨਜ੍ਝੋਹਾਰੇਸੁ.

ਸੀਲਾਭਿਕ੍ਖਞ੍ਞਾਵਸ੍ਸਕੇਸੁ ਣੀ.

ਕ੍ਰਿਯਤ੍ਥਾਣਿ ਹੋਤਿ ਸੀਲਾਦੀਸੁ ਪਤੀਯਮਾਨੇਸੁ-ਉਣ੍ਹਂ ਭੁਞ੍ਜਤਿ ਸੀਲੇਨਾਤਿ ਉਣ੍ਹਭੋਜੀ-ਪਾ ਪਾਨੇ-‘‘ਅਸ੍ਸਾਣਪਿਮ੍ਹਿ ਯੁਕ’’ਇਤਿ-ਯੁਕ-ਖੀਰਮ੍ਭਿਕ੍ਖਞ੍ਞਮ੍ਪਿਬਤੀਤਿ ਖੀਰਪਾਯੀ-ਅਵਸ੍ਸਂ ਕਰੋਤੀਤਿ ਅਵਸ੍ਸਕਾਰੀ, ਸਤਮਵਸ੍ਸਂ ਦਦਾਤੀਤਿ ਸਤਨ੍ਦਾਯੀ.

ਕਤ੍ਤਰਿ ¶ ਭੂਤੇ ਕ੍ਤਵਨ੍ਤੁ ਕ੍ਤਾਵਿ.

ਭੁਤੇ ਪਰਿਸਮਤ੍ਤੇ ਅਤ੍ਤੇ ਵਤ੍ਤਮਾਨਤੋ ਕ੍ਰਿਯਤ੍ਥਾਕ੍ਤਨ੍ਤੁਕ੍ਤਾਵੀ ਹੋਨ੍ਤਿ ਕਤ੍ਤਰ-ਅਭੁਞ੍ਜੀਤਿ ਭੁਤ੍ਤਵਾ, ਭੁਤ੍ਤਾਵੀ-ਸੁਸਵਕਣੇ-ਅਸੁਣਿ ਤਿਸੁਤਵਾ, ਸੁਤਾਵੀ.

ਕ੍ਤੋ ਭਾਵਕਮ੍ਮੇਸੁ

ਭਾਵੇ ਕਮ੍ਮੇਚ ਭੁਤੇ ਕ੍ਤੋ ਹੋਤਿ-ਆਸ ਉਪਵੇਸਨੇ-ਆਸਨਮਾਸਿਤਂ-ਞਿ-ਰੁਦ ਰੋਦਨੇ.

ਵਾ ਕ੍ਵਚਿ.

ਤੇ ਏ ਓ ਆ ਕ੍ਵਚਿ ਵਾ ਨ ਹੋਨ੍ਤਿ ਕਾਨੁਬਨ੍ਧਨਾਗਮੇਸੁ-ਰੋਦਨਂ ਰੁਦਿਤਂ, ਰੋਦਿਤਂ-ਕਰੀਯਿਤ੍ਥਾਤਿ ਕਤੋ,

ਗਮਾਦਿਰਾਨਂ ਲੋਪੋ’ਨ੍ਤਸ੍ਸ.

ਗਮਾਦਿਨਂ ਰਕਾਰਨ੍ਤਾਨਞ੍ਚਾਨ੍ਤਸ੍ਸ ਲੋਪੋ ਹੋਤਿ ਤਕਾਰਾਦੋ

ਕਾਨੁਬਨ੍ਧੇ ਪਚ੍ਚਯੇ ਕਤ੍ਵਾਨਕਤ੍ਵਾਵਜ੍ਜਿਤੇਤਿ ਰਲੋਪੋ-ਯਾ ਪਾ ਪੁਣਨੇ.

ਗਮਨਤ੍ਥਾਕਮ੍ਮਕਾਧਾਰੇ ਚ.

ਗਮਨਤ੍ਥਤੋ ਅਕਮ੍ਮਕਤੋ ਚ ਕ੍ਰਿਯਤ੍ਥਾ ਆਧਾਰੇ ਕ੍ਤੋ ਹੋਤਿ ਕਤ੍ਤਰਿ ਭਾਵਕਮ੍ਮੇਸੁ ਚ-ਯਾਤਵਨ੍ਤੋ’ਸ੍ਮਿਨ੍ਤਿ ਯਾਤਂ-(ਠਾਨਂ)-ਯਾ ਤਵਨ੍ਤੋ ਯਾਨਾ-ਯਾਨਂ ਯਾਤਂ-ਯਾਯਿਤ੍ਥਾਤਿ ਯਾਤੋ-(ਪਥੋ)-ਆਸਿਤਵਨ੍ਤੋ’ਸ੍ਮਿਨ੍ਤਿ ਆਸਿਤਂ-(ਠਾਨਂ)-ਆਸਿਤਵਨ੍ਤੋ ਆਸਿਤਾ-ਆਸਨ ਮਾਸਿਤਂ-ਞਿ.

ਨੇਤਾ ਕਤ੍ਤਰਿ ਵਤ੍ਤਮਾਨੇ.

ਆਰਦ੍ਧਾਪਰਿਸਮਤ੍ਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਨ੍ਤੋ ਹੋਤਿ ਕਤ੍ਤਰਿ.

ਕਤ੍ਤਰਿ ਲੋ.

ਕੁਯਤ੍ਥਤੋ ਅਪਰੋਕ੍ਖੇਸੁ ਕਤ੍ਤੁਵਿਹਿਤਮਾਨਨ੍ਤਦਿਸੁ ਲੋ ਹੋਤਿ-ਲਕਾਰੋ‘‘ਞਿ ਲਸ੍ਸੇ‘‘-ਤਿ ਵਿਸੇਸਨਤ੍ਥੋ-ਪਵਤੀਤਿ ਪਵਨ੍ਤੋ-‘‘ਮਾਨੋ‘‘ਤਿ ਕਤ੍ਤਰਿ ਮਾਨੋ-ਪਚਮਾਨੋ.

ਭਾਵਕਮ੍ਮੇਸੁ

ਵਤ੍ਤਮਾਨਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਭਾਵੇ ਕਮ੍ਮੇ ਚ ਮਾਨੋ ਹੋਤਿ.

ਕ੍ਯੋ ਭਾਵਕਮ੍ਮੇਸ੍ਵਪਰੋਕ੍ਖੇਸੁ ਮਾਨਨ੍ਤਤ੍ਯਾਦਿਸੁ

ਭਾਵਕਮ੍ਮਵਿਹਿਤੇਸੁ ਪਰੋਕ੍ਖਾਵਜ੍ਜਿਤੇਸੁ ਮਾਨਨ੍ਤਾਦਿਸੁ ਪਰੇਸੁ ਕ੍ਯੋ ਹੋਤਿ ਕ੍ਰਿਯਤ੍ਥਾ-ਕਕਾਰੋ ਅਵੁਦ੍ਧਤ੍ਥੋ-ਭਾਵੇ-ਭੁਯਤੇਤਿ ਭੁਯਮਾਨਂ-ਕਮ੍ਮੇ-ਪਚ੍ਚਤੇਤਿ ਪਚ੍ਚਮਾਨੋ.

ਤੇ ਸ੍ਸਪੁਬ੍ਬਾਨਾਗਤੇ

ਅਨਾਰਦ੍ਧੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਤੇ ਨ੍ਤਮਾਨਾ ਸ੍ਸਪੁਬ੍ਬਾ ਹੋਨ੍ਤਿ ਸਵਿਸਯੇ-ਞਿ-ਕਤ੍ਤਰਿ-ਪਚਿਸ੍ਸਤੀਤਿ ਪਚਿਸ੍ਸਨ੍ਤੋ,ਪਚਿਸ੍ਸਮਾਨੋ-ਹਾਵੇ-ਭੁਯਿਸ੍ਸਤੀਤਿ ਭੁਯਿਸ੍ਸਮਾਨਂ-ਕਮ੍ਮੇ-ਪਚ੍ਚਿਸ੍ਸ ਤੇਤਿ ਪਚ੍ਚਿਸ੍ਸਮਾਨੋ-ਕਰ ਕਰਣੇ.

ਤੁਂ ਤਾਯੇ ਤਵੇ ਭਾਵੇ ਭਵਿਸ੍ਸਤਿਕ੍ਰਿਯਾਯਂ ਤਦਤ੍ਥਾਯਂ.

ਭਵਿਸ੍ਸਤਿਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਭਾਵੇ ਤੁਂ ਤਾਯੇ ਤਵੇ ਹੋਨ੍ਤਿ ¶ ਕ੍ਰਿਯਾਯਂ ਤਦਤ੍ਥਾਯਂ ਪਤੀਯਮਾਨਾਯਂ-‘‘ਤੁਂਤੁਨਤਬ੍ਬੇਸੁ ਵਾ’’ਤਿ ਵਾ ਅਕਾਰੋ-ਅਞ੍ਞਤ੍ਰ ਪਰਰੂਪਂ-ਕਰਣਯ ਗਚ੍ਛਤਿ ਕਾਤੁਂ ਗਚ੍ਛਤਿ ਕਤ੍ਤੁਂ, ਕਤ੍ਤਾਯੇ ਵਾ-ਤਵੇ-‘‘ਕਰਸ੍ਸਾ ਤਵੇ’’-ਤਿ ਆ-ਕਾਤਵੇ-ਭਾਵੇਤਿ ਕਿਂ, ਕਰਿਸ੍ਸਾਮੀਤਿ ਗਚ੍ਛਤਿ-ਕ੍ਰਿਯਾਯਨ੍ਤਿ ਕਿਂ, ਭਿਕ੍ਖਿਸ੍ਸਂ ਇਚ੍ਚਸ੍ਸ ਜਟਾ-ਤਦਤ੍ਥਾਯਨ੍ਤਿ ਕਿਂ, ਗਚ੍ਛਿਸ੍ਸਤੋ ਤੇ ਭਵਿਸ੍ਸਤਿ ਭਤ੍ਤਂ ਭੋਜਨਾਯ-ਗਹ ਉਪਾਦਾਨੇ.

ਪੁਬ੍ਬੇਕਕਤ੍ਤੁਕਾਨਂ.

ਏਕੋ ਕਤ੍ਤਾ ਯੇਸਂ ਬ੍ਯਾਪਾਰਾਨਂ ਤੇਸੁ ਯੋ ਪੁਬ੍ਬੋ ਤਦਤ੍ਥਤੋ ਕ੍ਰਿਯਤ੍ਥਾ ਤੁਨਕਤ੍ਵਾਨ ਕਤ੍ਵਾ ਹੋਨ੍ਤਿ ਭਾਵੇ-ਞਿ.

ਏਇ ਲਸ੍ਸ ਚ.

ਏਇਲਾਨਮੇ ਹੋਤਿ ਕ੍ਵਚਿ-ਗਣ੍ਹਣਂ ਕਤ੍ਵਾ ਯਾਤਿ ਗਹੇਤੂਨ ਯਾਤਿ, ਗਹੇਤ੍ਵਾਨ, ਗਹੇਤ੍ਵਾ ਵਾ-ਅਸ੍ਸ ਰੁਧਾਦਿਤ੍ਤਾ.

ਮਂ ਵਾ ਰੁਧਾਦੀਨਂ.

ਰੁਧਾਦੀਨਂ ਕ੍ਵਚਿ ਮਂ ਵਾ ਹੋਤਿ ਪਚ੍ਚਯੇਤਿ ਪਕ੍ਖੇ ਮਂ ਭਵਂ ਅਪਿ ਮਨੁਬਨ੍ਧਤ੍ਤਾ ਅਕਾਰਾ ਪਰੋ.

ਣੇ ਨਿਗ੍ਗਹੀਤਸ੍ਸ.

ਗਹਸ੍ਸ ਨਿਗ੍ਗਹੀਤਸ੍ਸ ਣੇ ਹੋਤਿ-ਗਣ੍ਹਿ ਤੁਨ, ਗਣ੍ਹਿਤ੍ਵਾਨ, ਗਣ੍ਹਿਤ੍ਵਾ-ਏਕਕਤ੍ਤੁਕਾਨਨ੍ਤਿ ਕਿਂ, ਭੁਤ੍ਤਸ੍ਮਿਂ ਦੇਵਦਤ੍ਤੇ ਯਞ੍ਞ ਦਤ੍ਤੋ ਵਜਤਿ-ਪੁਬ੍ਬਾਤਿ ਕਿਂ, ਭੁਞ੍ਜਤਿ ਚ ਪਚਤਿ ਚ-ਅਪ੍ਪਤ੍ਵਾ ਨਦਿਂ ਪਬ੍ਬਤੋ ਭਵਤਿ ਅਤਿਕ੍ਕਮ੍ਮ ਪਕਬ੍ਬਤਂ ਨਦੀਤਿ ਭੁਧਾਤੁਸ੍ਸ ਸਬ੍ਬਤ੍ਥ ਸਮ੍ਭਵਾ ਏਕਕਤ੍ਤੁਕਤਾ ਪੁਬ੍ਬਕਾਲਤਾ ਚ ਗਮ੍ਯਤੇ.

ਯੇਭੁਯ੍ਯਵੁਤ੍ਤਿਯਾ ਲਿਙ੍ਗਂ ਦਸ੍ਸਿਤਂ ਤਤ੍ਥ ਸਬ੍ਬਸੋ;

ਵਿਸੇਸੋ ਪਨ ਵਿਞ੍ਞਹਿ ਞੇਯ੍ਯੋ ਪਾਠਾਨੁਸਾਰਤੋ.

ਤਬ੍ਬਾਦਯੋ.

ਇਦਾਨਿ ਤ੍ਯਾਦਯੋ ਵੁਚ੍ਚਨ੍ਤੇ-ਪਚ ਪਾਕੇ-ਪਚ ਇਤਿ ਠਿਤੇ-ਕ੍ਰਿਯਤ੍ਥਾ ਬਹੁਲਮਿਤਿ ਚ ਸਬ੍ਬਤ੍ਥ ਵਤ੍ਤਤੇ.

ਵਤ੍ਤਮਾਨੇਤਿ ਅਨ੍ਤਿ ਸਿਥਮਿਮਤੇ ਅਨ੍ਤੇ ਸੇ ਵੇਗ ਏਮ੍ਹੇ.

ਵਤ੍ਤਮਾਨੇ ਆਰਦ੍ਧਾ ਪਰਿਸਮਤ੍ਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾਤ੍ਯਾਦਯੋ ਹੋਨ੍ਤਿ-ਤੇਸਮ੍ਪਨਿਯਮੇ.

ਪੁਬ੍ਬਪਰਚ੍ਛਕ੍ਕਾਨਮੇਕਾਨੇਕੇਸੁ ਤੁਮ੍ਹਾਮ੍ਹਸੇਸੇਸੁ ਦ੍ਵੇਦ੍ਵੇ ਮਜ੍ਝਿਮੁਤ੍ਤਮਪਠਮਾ.

ਏਕਾਨੇਕੇਸੁਤੁਮ੍ਹਾਮ੍ਹਸਦ੍ਦਵਚਨੀਯੇਸੁਤਦਞ੍ਞਸਦ੍ਦਵਚਨੀਯੇਸੁ ਚ ਕਾਰਕੇਸੁ ਪੁਬ੍ਬਚ੍ਛਕ੍ਕਾਨਂ ਪਰਚ੍ਛਕ੍ਕਨਞ੍ਚ ਮਜ੍ਝਿਮੁਤ੍ਤਮਪਠਮਾ ਦ੍ਵੇਦ੍ਵੇ ਹੋਨ੍ਤਿ ਯਥਾਕ੍ਕਮਂ ਕ੍ਰਿਯਤ੍ਥਾਤਿ ਏਕਮ੍ਹਿ ਵਤ੍ਤਬ੍ਬੇ ਏਕਵਚਨਂ ਤਿ-ਤਿ ਅਨ੍ਤਿ ਇਤਿ ਪਠਮੋ ਆਦੋ ਨਿਦ੍ਦਿਟ੍ਠਤ੍ਤਾ-ਸਿ ਥ ਇਤਿ ਮਜ੍ਝਿਮੋ ਮਜ੍ਝਿ ਨਿਦ੍ਦਿਟ੍ਠੇਤ੍ਤਾ-ਮਿ ਮ ਇਤਿ ਉਤ੍ਤਮੋ-ਉਤ੍ਤਮਸਦ੍ਦੋਯਂ ਸਭਾਵਤੋ ਤਿਪ੍ਪਭੁਤੀਨਮਨ੍ਤਦ੍ਵਯਮਾਹ-ਏਵਂ ਪਰਚ੍ਛਕ੍ਕੇਪਕਿ ਯਥਾਕ੍ਕਮਂ ਯੋਜਨੀਯਂ-ਤ੍ਯਾਦਿਸੁ ਪਰਭੁਤੇਸੁ ਕਤ੍ਤੁਕਮ੍ਮਭਾਵ ਵਿਹਿਤੇਸੁ ਕ੍ਯਲਾਦਯੋਭਵਨ੍ਤੀਤਿ ‘‘ਕ੍ਯੋ ਭਾਵਕਮ੍ਮੇਸ੍ਵਕਕਪਰੋਕ੍ਖੇਸੁ ਮਾਨਨ੍ਤ ਤ੍ਯਾਦਿਸੁ ¶ ਕਤ੍ਤਰੀ ਲੋ’’ਇਚ੍ਚਾਦਿਨਾ ਤੇਸਂ ਵਿਧਾਨਾ ਤ੍ਯਾਦਯੋ ਕਤ੍ਤੁ ਕਮ੍ਮਭਾਵੇਸ੍ਚੇਵ ਵਿਞ੍ਞਾਯਨ੍ਤੀਤਿ ਕਤ੍ਤਰਿ ਤਿਮ੍ਹਿ ਲੋ-ਪਚਤਿ-ਬਹੁਮ੍ਹਿ ਚਤ੍ਤਬ੍ਬੇ ਅਨ੍ਤਿਂ

ਕ੍ਵਚਿ ਵਿਕਰਣਨਂ.

ਵਿਕਰਣਨਂ ਕ੍ਵਚਿ ਲੋਪੋ ਹੋਤੀਤਿ ਲਸ੍ਸਾਕਾਰਸ੍ਸ ਲੋਪੋ-ਪਵਨ੍ਤਿ-ਪਚਸਿ ਪਚਥ.

ਹਿਮਿਮੇਸ੍ਵਸ੍ਸ.

ਅਕਾਰਸ੍ਸ ਦੀਘੋ ਹੋਤਿ ਹਿਮਿਮੇਸੁ-ਪਚਾਮਿ ਪਚਾਮ-ਪਰਚ੍ਛਕ੍ਕੇ-ਪਚਤੇ ਪਚਨ੍ਤੇ, ਪਚਸੇ ਪਚਵ੍ਹੇ,ਪਚੇ ਪਚਾਮ੍ਹੇ-ਕਮ੍ਮੇ-ਕ੍ਯੋ ਭਾਵਕਮ੍ਮੇਸ੍ਵਚ੍ਚਾਦਿਨਾ ਕ੍ਯੋ.

ਕ੍ਯਸ੍ਸ.

ਕ੍ਰਿਯਤ੍ਥਾ ਪਰਸ੍ਸ ਕ੍ਯਸ੍ਸ ਈਞ ਵਾ ਹੋਤਿ-ਞਕਾਰੋ ਆਦ੍ਯਵਯਵਤ੍ਥੋ, ਪਚੀਯਤਿ ਪਚ੍ਚਤਿ.

ਗੁਰੁਪੁਬ੍ਬਾ ਰਸ੍ਸਾਰੇ’ਨ੍ਤੇ’ਨ੍ਤੀਨਂ.

ਗੁਰੁਪੁਬ੍ਬਸ੍ਮਾ ਰਸ੍ਸਾ ਪਰੇਸਂ ਅਨ੍ਤੇ’ਨ੍ਤਿਨਂ ਰੇ ਵਾ ਹੋਤਿ-ਪਚੀਯਰੇ ਪਚੀਯਨ੍ਤਿ ਪਚ੍ਚਰੇ ਪਚ੍ਚਨ੍ਤਿ, ਪਚੀਯਸਿ ਪਚ੍ਚਸਿ ਪਚੀਯਥ ਪਚ੍ਚਥ, ਪਚੀਯਾਮਿ ਪਚ੍ਚਾਮਿ ਪਚੀਯਾਮ ਪਚ੍ਚਾਮ-ਪਚੀਯਤੇ, ਪਚ੍ਚਤੇ ਪਚੀਯਰੇ ਪਚੀਯਨ੍ਤੇ ਪਚ੍ਚਰੇ ਪਚ੍ਚਨ੍ਤੇ, ਪਚੀਯਸੇ ਪਚ੍ਚਸੇ ਪਚੀਯਵ੍ਹੇ ਪਚ੍ਚਵ੍ਹੇ, ਪਚੀਯੇ ਪਚ੍ਚੇ ਪਚੀਯਾਮ੍ਹੇ ਪਚ੍ਚਾਮ੍ਹੇ-ਭਾਵੇ-ਭੁ ਸਤ੍ਤਾਯਂ-ਭਾਵਸ੍ਸੇਕਤ੍ਤਾ ਏਕਵਚਨਮੇਵ-ਤਞ੍ਚ ਪਠਮਪੁਰਿਸੇਯੇਵ ਸਮ੍ਭਵਤਿ-ਭੁਯਤਿ ਦੇਵਦਤ੍ਤੇਨ, ਬੁਯਤੇ ਵਾ-ਦੇਵਦਤ੍ਤਸ੍ਸ ਸਮ੍ਪਤਿ ਭਵਨਨ੍ਤਿ ਅਤ੍ਥੋ-ਨੇਹਿਞ ਬਹੁਲਂ ਵਿਧਾਨਾ.

ਕ੍ਰਿਯਤ੍ਥਾ ਕਤ੍ਤਰਿ ਤ੍ਯਾਦਿ ਕਮ੍ਮਸ੍ਮਿਞ੍ਚ ਸਕਮ੍ਮਕਾ,

ਭਾਵੇ ਚਾ’ਕਮ੍ਮਕਾਕਕਮ੍ਮਾ’ਵਚਨਿਚ੍ਛਾਯਮਞ੍ਞਤੋ;

ਭਵਿਸ੍ਸਤਿ ਸ੍ਸਤਿ ਸ੍ਸਨ੍ਤਿ ਸ੍ਸਸਿ ਸ੍ਸਥ ਸ੍ਸਾਮਿ ਸ੍ਸਾਮ ਸ੍ਸਤੇ ਸ੍ਸਨ੍ਤੇ ਸ੍ਸਸੇ ਸ੍ਸਵ੍ਹੇ ਸ੍ਸਂ ਸ੍ਸਾਮ੍ਹੇ.

ਭਵਿਸ੍ਸਤਿ ਅਨਾਰਦ੍ਧੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਸ੍ਸਤ੍ਯਾਦਯੋ ਹੋਨ੍ਤਿ.

ਅ ਈਸ੍ਸਾਦਿਨਂ ਬ੍ਯਞ੍ਜਨਸ੍ਸਿਞ.

ਕ੍ਰਿਯਤ੍ਥਾ ਪਰੇਸਂ ਅਆਦੀਨਂ ਈਆਦੀਨਂਸ੍ਸਾਦੀਨਞ੍ਚ ਬ੍ਯਞ੍ਜਨਸ੍ਸਿਞ੍ਹੇਕਾਤਿ ਵਾ-ਵਵਤ੍ਥੀਤਵਿਭਾਸਾਯਂ ਸ੍ਸੇਤਿ ਸ੍ਸਾਦੀਨਂਸ੍ਸਚ੍ਚਾਦੀਨਦ੍ਵਾਵਯੋ ਅਧਿਪ੍ਪੇਤੋ-‘‘ਞਿ ਬ੍ਯਞ੍ਜਨਸ੍ਸਾ’’ਤਿ ਸਿਦ੍ਧੇਪਿ ਤ੍ਯਾਦਿਸੁ ਪਰਭੁਤੇਸੁ ਏਤੇ ਸਮੇਵਾਤਿ ਨਿਯਮਤ੍ਤੋਯਮਾਰਮ੍ਹੋ-ਲਸ੍ਸਾਕਾਰਸ੍ਸ ਲੋਪੇ-ਪਚਿਸ੍ਸਤਿ ਪਚਿਸ੍ਸਰੇ ਪਚਿਸ੍ਸਨ੍ਤਿ, ਪਚਿਸ੍ਸਸਿ ਪਚਿਸ੍ਸਥ, ਪਚਿਸ੍ਸਾਮਿ ਪਚਿਸ੍ਸਾਮ-ਪਚਿਸ੍ਸਤੇ ਪਚਿਸ੍ਸਰੇ ਪਚਿਸ੍ਸਨ੍ਤੇ, ਪਚਿਸ੍ਸਸੇਪਚਿਸ੍ਸਵ੍ਹੇ, ਪਚਿਸ੍ਸਂ ਪਚਿਸ੍ਸਾਮ੍ਹੇ-ਕਮ੍ਮੇ-ਪਚਿਯਿਸ੍ਸਤਿ.

ਕ੍ਯਸ੍ਸ ਸ੍ਸੇ.

ਕ੍ਯਸ੍ਸ ਵਾ ਲੋਪੋ ਹੋਤਿ ਸ੍ਸੇ-ਪਚਿਸ੍ਸਤਿ ਪਚ੍ਚਿਸ੍ਸਤਿ, ਪਚੀਯਿਸ੍ਸਰੇ ¶ ਪਚਯਿਸ੍ਸਨ੍ਤਿ ਪਚਿਸ੍ਸਰੇ ਪਚਸ੍ਸਨ੍ਤਿ ਪਚ੍ਚਿਸ੍ਸਰੇ ਪਚ੍ਚਿਸ੍ਸਨ੍ਤਿਚ੍ਚਾਦਿ-ਕਤ੍ਤੁਸਮਂ-ਕ੍ਯੋਵ ਵਿਸੇਸੋ-ਭਾਵੇ-ਭੁਯਿਸ੍ਸਤਿ ਭਵਿਸ੍ਸਤਿ, ਭੁਯਿਸ੍ਸਤੇ ਭਵਿਸ੍ਸਤੇ.

ਨਾਮੇ ਗਰਹਾਵਮ੍ਹਯੇਸੁ.

ਨਾਮਸਦ੍ਦੇ ਨਿਪਾਤੇ ਸਤਿ ਗਰਹਾਯਂ ਵਿਮ੍ਭਯੇ ਚ ਗਮ੍ਯਮਾਨੇ ਸ੍ਸ ਤ੍ਯਾਦਯੋ ਹੋਨ੍ਤਿ-ਗਰਹਾਯਂ-ਸਾਪਿ ਨਾਮ ਪਚਿਸ੍ਸਤੀਚ੍ਚਾਦਿ-ਵਿਮ੍ਬਯੇ-ਅਚ੍ਛਰਿਯਂ ਵਤ ਭੋ ਅਬ੍ਭੂਤਂ ਵਤ ਭੋ ਅਨ੍ਧੋ ਨਾਮ ਪਚਿਸ੍ਸਤਿਚ੍ਚਾਦਿ.

ਭੁਤੇ ਈ ਉਂ ਧ ਤ੍ਥ ਇਂ ਮ੍ਹਾ ਆ ਊ ਸੇਵ੍ਹਂ ਅ ਮ੍ਹੇ.

ਭੁਤੇ ਪਰਿਸਮਤ੍ਤੇ ਅਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਈ ਆਦਯੋ ਹੋਨ੍ਤਿ-ਭੁਤਾਨਜ੍ਜਤਨੇ ਵਕ੍ਖਮਾਨਤ੍ਤਾ ਇਮੇ ਭੁਤਨਜ੍ਜਤਨੇ ਭੁਤਸਾਮਞ੍ਞੇ ਚ ਭਵਨ੍ਤਿ.

ਅਹਸ੍ਸੁਭਯਤੋ ਅਡ੍ਢਰਤ੍ਤਂ ਵਾਵ ਤਦੁਪਡ੍ਢਕਂ,

ਅਨ੍ਤੋ ਕਤ੍ਵਾਨ ਵਿਞ੍ਞੇਯ੍ਯੋ ਅਹੋ ਅਜ੍ਜਨੋ ਇਤਿ;

ਤਦਞ੍ਞੋ ਪਨ ਯੋ ਕਾਲੋ ਸੋ’ਨਜ੍ਜਤਨਸਞ੍ਞਿਤੋ.

ਆਈਸ੍ਸਾਦਿਸ੍ਵਞ ਵਾ.

ਆਆਦੋ ਈਆਦੋ ਸ੍ਸਾਆਦੋ ਚ ਕ੍ਰਿਯਤ੍ਥਸ੍ਸ ਅਞ ਵਾ ਹੋਤਿ,

ਏਯ੍ਯਾਥ ਸ੍ਸੇ ਅ ਆ ਈ ਥਾਨਂ ਓ ਅ ਅਂ ਤ੍ਥ ਤ੍ਥੋ ਵੇਹਾਕ.

ਆਸਹਚਰਿਤੋਵ ਅਕਾਰੋ ਗਯ੍ਹਤੇ-ਨ ਪਰੋਕ੍ਖੇ ਵਿਹਿਤੋ-ਥੋ ਪਨ’ਨ੍ਤੇ ਨਿਦ੍ਦੇਸਾ ਤ੍ਵਾਦਿਸਮ੍ਬਨ੍ਧਿਯੇਵ ਤਸ੍ਸੇਵ ਵਾ ਨਿਸ੍ਸਿਤਤ੍ਤਾ-ਨਿਸ੍ਸਯਕਰਣਮ੍ਪਿ ਹਿ ਸੁਤ੍ਤਕਾਰਾਚਿਣ੍ਣਂ-ਏਯ੍ਯਾਥਾਦੀਨਂ ਓਆਦਯੋ ਵਾ ਹੋਨ੍ਤਿ ਯਥਾਕ੍ਕਮਨ੍ਤਿ ਈਸ੍ਸਵਾਤ੍ਥੋ-ਅਪਚਿਤ੍ਥੋ ਪਚਿਤ੍ਥੋ ਅਪਵਤ੍ਥੋ ਪਚਤ੍ਥੋ.

ਆਈਊਮ੍ਹਾਸ੍ਸਾਸ੍ਸਮ੍ਹਾਨਂ ਵਾ.

ਏਤੇਸਂ ਵਾ ਰਸ੍ਸੋ ਹੋਤੀਤਿ ਪਕ੍ਖੇ ਰਸ੍ਸੇ ਚ-ਅਪਚਿ ਪਚਿ ਅਪਚੀ ਪਚੀ.

ਉਂਸ੍ਸਿਂਸ੍ਵਂਸੁ.

ਉਮਿਚ੍ਚਸ੍ਸ ਇਂਸੁ ਅਂਸੁ ਵਾ ਹੋਨ੍ਤਿ-ਅਪਵਿਂਸੁ ਪਵਿਂਸੁ ਅਪਚਂਸੁ ਪਚਂਸੁ ਅਪਵੁਂ ਪਚੁਂ.

ਓਸ੍ਸ ਅ ਇ ਤ੍ਥ ਤ੍ਥੋ.

ਓਸ੍ਸ ਅਆਦਯੋ ਵਾ ਹੋਨ੍ਤਿ-ਅਪਚ ਪਚ ਅਪਚਿ ਪਚਿ ਅਪਚਿਤ੍ਥ ਪਚਿਤ੍ਥ ਅਪਵਤ੍ਥ ਪਚਤ੍ਥ ਅਪਚਿਤ੍ਥੇ ਪਚਿਤ੍ਥੋ ਅਪਚਤ੍ਥੋ ਪਚਤ੍ਥੋ.

ਸਿ.

ਓਸ੍ਸ ਸਿ ਵਾ ਹੋਤਿ-ਅਪਚਿਸਿ ਪਚਿਸਿ ਅਪਚਸਿ ਪਚਸਿ ਅਪਚੋ ਪਚੋ.

ਮ੍ਹਾਤ੍ਥਾਨ ਮੁਞ.

ਮ੍ਹਾਤ੍ਥਾਨਮੁਞ ਵਾ ਹੋਤਿ-ਈਆਦਿਸਮ੍ਬਨ੍ਧਿਨਮੇਵ ਗਹਣਂ-ਅਪਵੁਤ੍ਥ ਪਚੁਤ੍ਥ.

ਇਂਸ੍ਸ ਚ ਸਿਞ.

ਇਮਿਚ੍ਚਸ੍ਸ ਸਿਞ ਵਾ ਹੋਤਿ ਮ੍ਹਾਤ੍ਥਾਨਞ੍ਚ ਬਹੁਲਂ-ਞਕਾਰੋ ਆਦ੍ਯਵਯ ਵਤ੍ਥੋ-ਅਪਚਸਿਤ੍ਥ ਪਚਸਿਤ੍ਥ ਅਪਚਿਤ੍ਥ ਪਚਿਤ੍ਥ ਅਪਚਤ੍ਥ ਪਚਤ੍ਥ, ਅਪਚਿਸਿਂ ਪਚਿਸਿਂ ਅਪਚਸਿਂ ਪਚਸਿਂ ਅਪਚਿਂ ਪਚਿਂ, ਅਪਚੁਮ੍ਹ ਪਚੁਮ੍ਹ ਅਪਚੁਮ੍ਹਾ ਪਚੁਮ੍ਹਾ ਅਪਚਮ੍ਹ ਪਚਮ੍ਹ ਅਪਚਮ੍ਹਾ ਪਚਮ੍ਹਾ ਅਪਚਸਿਮ੍ਹ ਪਚਸਿਮ੍ਹ ਅਪਚਸਿਮ੍ਹਾ ਪਚਸਿਮ੍ਹਾ ਅਪਚਿਮ੍ਹ ਪਚਿਮ੍ਹ ਅਪਚਿਮ੍ਹਾ ਪਚਿਮ੍ਹਾ ਅਪਚਮ੍ਹ ¶ ਪਚਮ੍ਹ ਅਪਚਮ੍ਹਾ ਪਚਮ੍ਹਾ-ਪਰਚ੍ਛਕ੍ਕੇ-ਅਪਵਿਤ੍ਥ ਪਚਿਤ੍ਥ ਅਪਵਤ੍ਥ ਪਵਤ੍ਥ ਅਪਚ ਪਚ ਅਪਚਾ ਪਚਾ, ਅਪਚੁ ਪਚੁ ਅਪਚੁ ਪਚੁ, ਅਪਚਿਸੇ ਪਚਿਸੇ ਅਪਚਸੇ ਪਚਸੇ, ਅਪਚਿਵ੍ਹਂ ਪਚਿਵ੍ਹਂ ਅਪਚਵ੍ਹਂ ਪਚਵ੍ਹਂ-ਅਸ੍ਸ ਵਾ ਅਮਾਦੇਸੇ-ਅਪਚਂ ਪਚਂ ਅਪਚ ਪਚ ਅਪਚਿਮ੍ਹੇ ਪਚਿਮ੍ਹੇ ਅਪਚਮ੍ਹੇ ਪਚਮ੍ਹੇ-ਕਮ੍ਮੇ-ਅਪਚੀਯਿਤ੍ਥੋ ਪਚਿਯਿਤ੍ਥੋ ਅਪਚੀਯਤ੍ਥੋ ਪਚੀਯਤ੍ਥੋ ਅਪਚ੍ਚਿਤ੍ਥੋ ਪਚ੍ਚਿਤ੍ਥੋ ਅਪਚ੍ਚਤ੍ਥੋ ਪਚ੍ਚਤ੍ਥੋ ਅਪਚੀਯਿ ਪਚੀਯਿ ਅਪਚੀਯੀ ਪਚਿਯੀ ਅਪਚ੍ਚਿ ਪਚ੍ਚਿ ਅਪਚ੍ਚਿ ਪਚ੍ਚਿ, ਅਪਚੀਯਿਂਸੁ ਪਚਿਯਿਂਸੁ ਅਪਚ੍ਚਿਂਸੁ ਪਚ੍ਚਿਂਸੁ ਅਪਚਿਯਂਸੁ ਪਚੀਯਂਸੁ ਅਪਚ੍ਚਂਸੁ ਪਚ੍ਚਂਸੁ ਅਪਚੀਯੁਂ ਪਚੀਯੁਂ ਅਪਚ੍ਚੁਂ ਪਚ੍ਚੁਮਿਚ੍ਚਾਦਿ-ਭਾਵੇ-ਅਭੁਯਿਤ੍ਥੋ ਭੁਯਿਤ੍ਥੋ ਅਭੁਯਤ੍ਥੋ ਭੁਯਤ੍ਥੋ ਅਭੁਯਿ ਭੁਯਿ ਅਭੁਯੀ ਭੂਯੀ, ਅਭੁਯਿਤ੍ਥ ਭੁਯਿਤ੍ਥ ਅਭੁਯਤ੍ਥ ਭੁਯਤ੍ਥ ਅਭੁਯ ਭੁਯ ਅਭਯਾ ਭੁਯਾ-‘‘ਸਮ੍ਭਾਵਨੇਵਾ’’ਤਿ ਇਤੋ ਵੇਤਿ ਵਤ੍ਤਮਾਨੇ.

ਮਾਯੋਗੇ ਈਆਆਦਿ.

ਮਾਯੋਗੇ ਸਤਿ ਈਆਦਯੋ ਆਆਦਯੋ ਚ ਵਾ ਹੋਨ੍ਤਿ-ਅਸਕ੍ਕਾਲ ਤ੍ਥੋਯਮਾਰਮ੍ਹੋ-ਮਾ ਭਵਂ ਪੁਨਪਿ ਏਵਰੂਪਮਪਚਿਤ੍ਥੋ ਇਚ੍ਚਾਦਿ-ਵਾਵਿ ਧਾਨਤੋ ਸ੍ਸਤ੍ਯਾਦਿ ਏਯ੍ਯਾਦਿ ਤ੍ਵਾਦਯੋਪਿ ਹੋਨ੍ਤਿ-ਮਾਭਵਂ ਪਚਿਸ੍ਸਤਿ, ਮਾ ਭਵਂ ਪਚੇਯ੍ਯ, ਮਾ ਭਵਂ ਪਚਤੁ ਇਚ੍ਚਾਦਿ.

ਅਨਜ੍ਜਤਨੇ ਆ ਊ ਓ ਤ੍ਥ ਅ ਮ੍ਹਾ ਤ੍ਥ ਤ੍ਥੁਂ ਸੇਵ੍ਹਂ ਇਂ ਮ੍ਹਸੇ.

ਅਵਿਜ੍ਜਮਾਨਜ੍ਜਤਨੇ ਭੁਤਤ੍ਥੇਵਤ੍ਤਮਾਨਤੋ ਕ੍ਰਿਯਤ੍ਥਾਆਆਦਯੋ ਹੋਨ੍ਤਿ-ਵਾਤ੍ਥੇ ਰਸ੍ਸੇ ਚ-ਅਪਚਤ੍ਥ ਪਵਤ੍ਥ ਅਪਚ ਪਚ ਅਪਚਾ ਪਚਾ, ਅਪਚੁ ਪਚੁ ਅਪਚੁ ਪਚੂ-ਓ-ਅਪਚ ਪਚ ਅਪਚਿ ਪਚਿ ਅਪਚਤ੍ਥ ਪਚਤ੍ਥ ਅਪਚਤ੍ਥੋ ਪਚਤ੍ਥੋ ਅਪਚਸਿ ਪਚਸਿ ਅਪਚੋ ਪਚੋ, ਅਪਵਤ੍ਥ ਪਚਤ੍ਥ ਅਪਚਂ ਪਚਂ ਅਪਚਪਚ, ਅਪਚਮ੍ਹ ਪਚਮ੍ਹ ਅਪਚਮ੍ਹਾ ਪਚਮ੍ਹਾ-ਅਪਚਤ੍ਥ ਪਚਤ੍ਥ, ਅਪਚਤ੍ਥੁਂ ਪਚਤ੍ਥੁਂ, ਅਪਚਸੇ ਪਚਸੇ, ਅਪਚਵ੍ਹਂ ਪਚਵ੍ਹਂ. ਅਪਸਿਂ ਪਚਸਿਂ ਅਪਚਿਂ ਪਚਿਂ, ਅਪਚਮ੍ਹਸੇ ਪਚਮ੍ਹਸੇ-ਕਮ੍ਮੇ-ਅਪਚੀਯਤ੍ਥ ਪਚੀਯਤ੍ਥ ਅਪਚ੍ਚਤ੍ਥ ਪਚ੍ਚਤ੍ਥ ਅਪਚੀਯ ਪਚੀਯ ਅਪਚੀਯਾ ਪਚੀਯਾ ਅਪਚ੍ਚ ਪਚ੍ਚ ਅਪਚ੍ਚਾ ਪਚ੍ਚਾ, ਅਪਚੀਯੁ ਪਚੀਯੁ, ਅਪਚੀਯੁ ਪਚੀਯੁ, ਅਪਚ੍ਚੁ ਪਚ੍ਚੁ ਅਪਚ੍ਚੂ ਪਚ੍ਚੂਚ੍ਚਾਦਿ-ਭਾਵੇ-ਅਭੁਯਤ੍ਥ ਭੁਯਤ੍ਥ ਅਭੁਯ ਭੁਯ ਅਭੁਯਾ ਭੁਯਾ-ਅਭੁਯਤ੍ਥ ਭੁਯਤ੍ਥ-‘‘ਮਾਯੋਗੇ ਈਆਆਦਿ’’ਤਿ ਇਮਿਨਾ ਮਾਯੋਗੇਪਿ ਆਆਦਯੋ ਹੋਨ੍ਤਿ-ਮਾ ਭਵਂ ਅਪਚਿਤ੍ਥ ਇਚ੍ਚਾਦਿ.

ਪਰੋਕ੍ਖੇ ਅ ਉ ਏ ਤ੍ਥ ਅਮ੍ਹ ਤ੍ਥਰੇ ਤ੍ਥੋ ਵ੍ਹੋ ਇਮ੍ਹੇ.

ਅਪਚ੍ਚਕ੍ਖੇ ਭੁਤਾਨਜ੍ਜਤਨਤ੍ਥੇ ਵਤ੍ਤਮਾਨਤੋ ਕ੍ਰਿਯਤ੍ਥਾ ਅਆਦਯੋ ਹੋਨ੍ਤਿ-ਅਪਰੋਕ੍ਖੇਸੂਤਿ ਵਚਨਾ ਨ ਵਿਕਰਣੁਪ੍ਪਤ੍ਤਿ.

ਪਰੋਕ੍ਖਾਯਞ੍ਚ.

ਪਰੋਕ੍ਖਾਯਂ ਪਠਮਮੇਕਸ੍ਸਰਂ ਸਦ੍ਦਰੂਪਂ ਦ੍ਵੇ ਭਵਤਿ.

ਲੋਪੋ’ਨਾਦਿਬ੍ਯਞ੍ਜਨਸ੍ਸ.

ਦ੍ਵਿਤ੍ਤੇ ਪੁਬ੍ਬਸ੍ਸਾਦਿਤੋ’ਞ੍ਞਸ੍ਸ ਬ੍ਯਞ੍ਜਨਸ੍ਸ ਲੋਪੋ ਹੋਤਿ-ਪਪਚ ਪ੍ਪਚੁ’ਪਪਚੇ ਪਪਚਿਤ੍ਥ-ਇਞਭਾਵਪਕ੍ਖੇ ਸਂਯੋਗਾਦਿ ਲੋਪੋਪਪਚਤ੍ਥ, ਪਪਚ ਪਪਚਿਮ੍ਹ, ਪਪਚਿਤ੍ਥ ਪਪਚਤ੍ਥ ਪਪਚਿਰੇ, ਪਪਚਿਤ੍ਥੋ ਪਪਚਤ੍ਥੋ ਪਪਚਿਵ੍ਹੋ, ਪਕਪਚਿ ਪਪਚਿਮ੍ਹੇ-ਏਵਂ ਕਮ੍ਮੇਪਿ-ਭਾਵੇ-ਭੁਸ੍ਯ ¶ ਵੁਕ.

ਅਆਦਿਯੁ ਭੁਸ੍ਸ ਵੁਕ ਹੋਤਿ.

ਪੁਬ੍ਬਸ੍ਸ ਅ.

ਅਆਦਿਸੁ ਦ੍ਵਤ੍ਤੇ ਪੁਬ੍ਬਸ੍ਸ ਭੁਸ੍ਸ ਅ ਹੋਤਿ.

ਚਤੁਤ੍ਥਦੁਤਿਯਾਨਂ ਤਤਿਯਪਠਮਾ.

ਦ੍ਵਿਤ੍ਤੇ ਪੁਬ੍ਬੇਸਂ ਚਤੁਤ੍ਥਦੁਤਿਯਾਨਂ ਤਤਿਯਪਠਮਾ ਹੋਨ੍ਤਿ ਯਥਾਕ੍ਕਮਨ੍ਤਿ ਬਕਾਰੇ-ਬਭੁਵ ਬਭੁਵਿਤ੍ਥ.

ਏਯ੍ਯਾਦੋ ਵਾ’ਤਿਪਤ੍ਤਿਯਂ ਸ੍ਸਾ ਸਸਂਸੁਸ੍ਸੇ ਸਸਥਸ੍ਸਂ ਸ੍ਸਮ੍ਹਾ ਸ੍ਸਥਸ੍ਸਿਂਸੁ ਸਸਸੇ ਸ੍ਸਵ੍ਹੇ ਸ੍ਸਿਂ ਸ੍ਸਾਮ੍ਹਸੇ.

ਏਯ੍ਯਾਦੋ ਵਿਸਯੇ ਕ੍ਰਿਯਾਤਿਪਤ੍ਤਿਯਂ ਸ੍ਸਾਦਯੋ ਹੋਨ੍ਤਿ ਵਿਭਾਸਾ-ਵਿਧੁਰਪ੍ਪਚ੍ਚਯੋਪਨਿਪਾਤਤੋ ਕਾਰਣਵੇਕਲ੍ਲਤੋ ਵਾ ਕ੍ਰਿਯਾਯਾਤਿਪਤ੍ਤਿ ਅਨਿਪ੍ਫਤ੍ਤਿ ਕ੍ਰਿਯਾਤਿਪਤ੍ਤਿ-ਏਤੇਚਸ੍ਸਾਦਯੋ ਸਾਮਤ੍ਥਿਯਾ ਤੀਤਾਨਾਗਤੇ ਸ੍ਵੇਵਹੋਨ੍ਤਿ-ਨ ਵਤ੍ਤਮਾਨੇਨ ਤਤ੍ਰ ਕ੍ਰਿਯਾਤਿਪਤ੍ਤ੍ਯਸਮ੍ਭਵਾ-ਆਈਇ ਚ੍ਚਾਦਿਨਾਵਾ ਰਸ੍ਸੇ-ਅਪਚਿਸ੍ਸ ਪਚਿਸ੍ਸ ਅਪਚਿਸ੍ਸਾ ਪਚਿਸ੍ਸਾ, ਅਪਚਿਸ੍ਸਂਸੁ ਪਚਿਸ੍ਸਂਸੁ-ਸ੍ਸੇਸ੍ਸ ਏਯ੍ਯਾਥਾਦੀਨਾ ਵਾ ਅਕਾਰੇ-ਅਪਚਿਸ੍ਸ ਪਚਿਸ੍ਸ ਅਪਚਿਸ੍ਸੇ ਪਚਿਸ੍ਸੇ,ਅਪਚਿਸ੍ਸਥ ਪਚਿਸ੍ਸਥ,ਅਪਚਿਸ੍ਸਂ ਪਚਿਸ੍ਸਂ. ਅਪਚਿਸ੍ਸਮ੍ਹ, ਪਚਿਸ੍ਸਮ੍ਹ, ਅਪਚਿਸ੍ਸਮ੍ਹਾ ਪਚਿਸ੍ਸਮ੍ਹਾ, ਅਪਚਿਸ੍ਸਥ ਪਚਿਸ੍ਸਥ, ਅਪਚਿਸ੍ਸਿਂਸੁ ਪਚਿਸ੍ਸਿਂਸੁ, ਅਪਚਿਸ੍ਸਸੇ ਪਚਿਸ੍ਸਸੇ, ਅਪਚਿਸ੍ਸਵ੍ਹੇ ਪਚਿਸ੍ਸਵ੍ਹੇ, ਅਪਚਿਸ੍ਸਿਂਪਚਿਸ੍ਸਿਂ, ਅਪਚਿਸ੍ਸਾਮ੍ਹਯੇ ਪਚਿਸ੍ਸਾਮ੍ਹਸੇ-ਕਮ੍ਮੇ-ਅਪਚੀਯਿਸ੍ਸ ਪਚਿਯਿਸ੍ਸਅਪਚੀਯਿਸ੍ਸਾ ਪਚਿਯਿਸ੍ਸਾ-ਕ੍ਯਸ੍ਸ ਵਾ ਲੋਪੇ-ਅਪਚਿਸ੍ਸ ਪਚਿਸ੍ਸ ਅਪਚਿਸ੍ਸਾ ਪਚਿਸ੍ਸਾ ਅਪਚ੍ਚਿਸ੍ਸ ਪਚ੍ਚਿਸ੍ਸ ਅਪਚ੍ਚਿਸ੍ਸਾਨ ਪਚ੍ਚਿਸ੍ਸਾ, ਅਪਚਿਯਿਸ੍ਸਂਸੁ ਪਚੀਯਿਸ੍ਸਂਸੁਅਪਚਿਸ੍ਸਂਸੁ ਪਚਿਸ੍ਸਂਸੁ. ਅਪਚ੍ਚਿਸ੍ਸਂਸੁ ਪਚ੍ਚਿਸ੍ਸਂਸੁ, ਇਚ੍ਚਾਦਿਭਾਵੇ-ਅਭੁਯਿਸ੍ਸ ਭੁਯਿਸ੍ਸ ਅਭੁਯਿਸ੍ਸਾ ਭੁਯਿਸ੍ਸਾ, ਅਭੁਯਿਸ੍ਸਥ ਭੁਯਿਸ੍ਸਥ-ਵਾਤਿ ਵਕਿਂ, ਦਕ੍ਖਿਣੇਨਨ ਚੇ ਗਮਿਸ੍ਸਤਿ ਨਾਯਕਟਮ੍ਪਰਿਯਾ ਭਵਿਸ੍ਸਤਿ.

ਹੇਤੁਫਲੇਸ੍ਵੇਯ੍ਯ ਏਯ੍ਯੁਂ ਏਯ੍ਯਾਸਿ ਏਯ੍ਯਾਥ ਏਯ੍ਯਾਮਿ ਏਯ੍ਯਾਮ ਏਥ ਏਰਂ ਏਥੋ ਏਯ੍ਯਵ੍ਹੋ ਏਯ੍ਯਂ ਏਯ੍ਯਾਮ੍ਹੇ.

ਹੇਤੁਭੁਤਾਯਂ ਫਲਭੂਤਾਯਞ੍ਚ ਕ੍ਰਿਯਾਯਂ ਵਤ੍ਤਮਾਨਤੋ ਕ੍ਰਿਯਤ੍ਥ ਏਯ੍ਯਾਦਯੋ ਵਾ ਹੋਨ੍ਤਿ.

ਏਯ੍ਯੇਯ੍ਯਾਸੇਨ੍ਤਂ ਟੇ.

ਏਯ੍ਯ ਏਯ੍ਯਾਸਿ ਏਯ੍ਯਮਿਚ੍ਚੇਸਂ ਟੇ ਵਾ ਹੋਤਿ-ਪਚੇ ਪਚੇਯ੍ਯ.

ਏਯ੍ਯੁਂਸ੍ਸੁਂ.

ਏਯ੍ਯੁਮਿਚ੍ਚਸ੍ਸ ਉਂ ਵਾ ਹੋਤਿ-ਪਚੁਂ ਪਚੇਯ੍ਯੁਂ,ਪਚੇ ਪਚੇਯ੍ਯਾਸਿ,-ਵਾ ਓਕਾਰੇ-ਪਚੇਯ੍ਯਾਥੋ ਪਚੇਯ੍ਯਾਥ, ਪਚੇਯ੍ਯਾਮਿ.

ਏਯ੍ਯਾਮਸ੍ਸੇਮੁ ਚ

ਏਯ੍ਯਾਮਸ੍ਸ ਏਮੁ ਵਾ ਹੋਤਿ ਉ ਚ-ਪਚੇਮੁ ਪਚੇਯ੍ਯਾਮੁ ਪਚੇਯ੍ਯਾਮਕ, ਪਚੇਥ ਪਚੇਰਂ ਪਚੇਥੋ ਪਚੇਯ੍ਯਵ੍ਹੋ, ਪਚੇ ਪਚੇਯ੍ਯਂ ਪਚੇਯ੍ਯਾਮ੍ਹੇ-ਕਮ੍ਮੇ-ਪਚੀਯੇ ਪਚੀਯ੍ਯੇ ਪਚ੍ਚੇ ਪਚ੍ਚੇਯ੍ਯ, ਪਚਿਯੁਂ ਪਚੀਯੇਯ੍ਯੁਂ ਪਚ੍ਚੁਂ ਪਚ੍ਚੇਯ੍ਯੁਮਿਚ੍ਚਾਦਿ-ਭਾਵੇ-ਭੁਯੇ ਭੁਯੇਯ੍ਯ, ਭੁਯੇਥ.

ਪਾਤੋ ¶ ਪਚੇਯ੍ਯ ਚੇ ਭੁਞ੍ਜੇ ਇਚ੍ਚੇਤ੍ਥ ਪਚਨਕ੍ਰਿਯਾ

ਹੇਤੁਭੁਤਾਤਿ ਵਿਞ੍ਞੇਯ੍ਯਾ ਫਲਨਤ੍ਵਨੁਭਵਕ੍ਰਿਯਾ.

ਸਤ੍ਤ੍ਯ ਰਹੇਸ੍ਵੇਯ੍ਯਾਦਿ.

ਸਤ੍ਤਿਯਂ ਅਰਹਤ੍ਥੇਵ ਕ੍ਰਿਯਤ੍ਥਾ ਏਯ੍ਯਾਦਯੋ ਹੋਨ੍ਤਿ-ਭਵਂ ਖਲੁ ਭਤ੍ਤਂ ਪਚੇਯ੍ਯ, ਭਵਂ ਸਮਤ੍ਥੋ, ਭਵਂ ਅਰਭੋ.

ਸਮ੍ਭਾਵਨੇ ਵਾ.

ਸਮ੍ਭਾਵਨੇ ਗਮ੍ਯਮਾਨੇ ਧਾਤੁਨਾ ਵੁਚ੍ਚਮਾਨੇ ਚ ਏਯ੍ਯਾਦਯੋ ਹੋਨ੍ਤਿ ਨਵਿਭਾਸਾ-ਅਪਿ ਭਵਂ ਗਿਲਿਤਂ ਪਾਸਾਣਂ ਪਚੇਯ੍ਯ ਉਦਰਗ੍ਗਿਨਾ-ਸਮ੍ਹਾਵੇਮਿ ਸਦ੍ਦਹਾਮਿ ਭਵਂ ਪਚੇਯ੍ਯ,ਭਵਂ ਪਚਿਸ੍ਸਤਿ. ਭਵਂ ਅਪਚਿ.

ਪਞ੍ਹਪਤ੍ਥਨਾਵਿਧਿਸੁ.

ਪਞ੍ਹਾਦਿਸੁ ਕ੍ਰਿਯਤ੍ਤਤੋ ਏਯ੍ਯਾਦਯੋ ਹੋਨ੍ਤਿ.

ਪਞ੍ਹੋ ਸਮ੍ਪੁਚ੍ਛਨਂ ਇਟ੍ਠਾ ਸਿਂਸਨਂ ਯਾਚਨਂ ਦੁਵੇ

ਪਤ੍ਥਨਾ ਭਤ੍ਤਿਯਾ ਵਾਥ ਨ ਨਵਾ ਵ੍ਯਾਪਾਰਣ ਵਿਧਿ;

ਪਞ੍ਹੇ, ਕਿਂ ਸੋ ਭਤ੍ਤਂ ਪਚੇਯ੍ਯ ਉਦਾਹੁ ਬ੍ਯਞ੍ਜਨਂ ਵਾ-ਪਤ੍ਥਨਾਯਂ, ਅਹੋ ਵਤ ਸੋ ਪਚੇਯ੍ਯ ਮੇ-ਵਿਧਿਮ੍ਹਿ, ਭਵਂ ਭਤ੍ਤਂ ਪਚੇਯ੍ਯ.

ਤੁ ਅਨ੍ਤੁ ਹਿ ਥ ਮਿ ਮ ਤਂ ਅਨ੍ਤਂ ਸ੍ਸੁ ਵ੍ਹੋ ਏ ਆਮਸੇ.

ਪਞ੍ਹਪਤ੍ਤਨਾਵਿਧਿਸ੍ਵੇਤੇ ਹੋਨ੍ਤਿ ਕ੍ਰਿਯਤ੍ਥਤੋ-ਪਚਤੁ ਪਚਨ੍ਤੁ.

ਹਿਸ੍ਸ’ਤੋ ਲੋਪੋ.

ਅਤੋ ਪਰਸ੍ਸ ਹਿਸ੍ਸ ਵਾ ਲੋਪੋ ਹੋਤਿ-ਪਚ ਪਚਾਹਿ-ਥਸ੍ਸ ਵਾ ਵੇਹਾਕ-ਪਚਵ੍ਹੋ ਪਚਥ,ਪਚਾਮਿ ਪਚਾਮ, ਪਚਤਂ ਪਚਨ੍ਤਂ, ਪਚਸ੍ਸੁ ਪਚਵ੍ਹੋ, ਪਚੇ ਪਚਾਮਸੇ-ਕਮ੍ਮੇ-ਪਚੀਯਤੁ ਪਚ੍ਚਤੁ ਪਚੀਯਨ੍ਤੁ ਪਚ੍ਚਨ੍ਤੁ ਇਚ੍ਚਾਦਿ-ਭਾਵੇ, ਭੁਯਤੁ ਭੁਯਤਂ-ਪਚਿਤੁਂ ਪਯੁਤ੍ਤੀਤਿ ਪਚਨਿਚ੍ਛਾਯਂ.

ਪਯੋਜਕਵ੍ਯਾਪਾਰੇ ਣਪਿ ਚ.

ਕਤ੍ਤਾਰਂ ਯੋ ਪਯੋਜੇਤਿ ਤਸ੍ਸ ਵ੍ਯਾਪਾਰੇ ਕ੍ਰਿਯਤ੍ਥਾ ਣਿ ਣ੍ਪਿ ਹੋਨ੍ਤਿ ਬਹੁਲਂ-‘‘ਅਸ੍ਸਾਣਨੁਬਨ੍ਧੇ’’ਤਿ ਆ-ਪਯੋਜਕਵ੍ਯਾਪਾਰੇ ਣਿਣਪਿਨਂ ਵਿਧਾਨਾ ਤਦਨ੍ਤਸ੍ਸ ਕ੍ਰਿਯਤ੍ਥਤਾਤਿ ਪਾਚਿਸਦ੍ਦਤੋ ਤ੍ਯਾਦਯੋ.

ਣਿਣਪ੍ਯਾਪਿਹਿ ਵਾ.

ਣ੍ਯਾਦ੍ਯਨ੍ਤੇਹਿ ਕ੍ਰਿਯਤ੍ਥੇਹਿ ਅਪਰੋਕ੍ਕੇਸੁਕਤ੍ਤੁਵਿਹਿਤ ਕਮਾਨਨ੍ਤਤ੍ਯਾਦਿਸੁ ਲੋ ਹੋਤਿ ਵਿਭਾਸਾ-‘‘ਯੁਵਣ੍ਣਾਨਮੇ ਓਪ੍ਪਚ੍ਚਯੇ’’ਤਿ ਏਕਾਰੇ ‘‘ਞੋਨਮਯਵਾ ਸਰੇ’’ਤਿ ਅਯਾਦੇਸੇ ਚ-ਪਾਚਯਤਿ-ਅਞ੍ਞਤ੍ਰ-ਪਾਚੇਤਿ-ਪਾਚਯਰੇ ਪਾਚਯਨ੍ਤਿ ਪਾਚੇਨ੍ਤਿਚ੍ਚਾਦਿ-ਕਮ੍ਮੇ-

ਦੀਘੋ ਸਰਸ੍ਸ.

ਸਰਨ੍ਤਸ੍ਸ ਕ੍ਰਿਯਤ੍ਥਸ੍ਸ ਦੀਘੋ ਹਾਤਿ ਕ੍ਯੇ-ਪਾਚੀਯਤਿ ਪਾਚੀਯਰੇ ਪਾਚੀਯਨ੍ਤਿਚ੍ਚਾਦਿ-ਵੁਤ੍ਤਨਯੇਨ ਞੇਯ੍ਯਂ-ਪਯੋਜਕਵ੍ਯਾਪਾਰੇ ਣਿਣਪ੍ਯਨ੍ਤਾਨਂ ਸਕਮ੍ਮਕਤ੍ਤਾ ਨ ਨਭਾਵੇ ਰੂਪਨਯੋ.

ਅਕਮ੍ਮਕਾਪਿ ਹੋਨ੍ਤੇਵ ਣਿਣਪ੍ਯਨ੍ਤਾ ਸਕਮ੍ਮਕਾ,

ਸਕਮ੍ਮਕਾ ਦ੍ਵੀਕਮ੍ਮਾਸ੍ਸੁ ਦ੍ਵਿਕਮ੍ਮਾ ਚ ਤਿਕਮ੍ਮਕਾ;

ਭਵਿਸ੍ਸਤਿ-ਪਾਚਯਿਸ੍ਸਤਿ ਪਾਚੇਸ੍ਸਤਿ ਪਾਚਯਿਸ੍ਸਰੇ ਪਾਚਯਿਸ੍ਸਨ੍ਤਿ ਪਾਚੇਸ੍ਸਰੇ ਪਾਚੇਸ੍ਸਨ੍ਤਿਚ੍ਚਾਦਿ-ਕਮ੍ਮੇ-ਪਾਚੀਯਿਸ੍ਸਤਿ-ਕ੍ਯਲੋਪੋ-ਪਾਚਿਸ੍ਸਤੀਚ੍ਚਾਦਿ-ਭੁਤੇ-ਅਪਾਚਯਿਤ੍ਥੋ ¶ ਪਾਚਯਤ੍ਤੋ ਅਪਾਚਯਤ੍ਥੋ ਪਾਚਯਤ੍ਥੋ ਅਪਾਚੇਤ੍ਥੋ ਪਾਚੇਤ੍ਥੋ ਅਪਾਚਯਿ ਪਾਚਯਿ. ਅਪਾਚਯੀ ਪਾਚਯੀ ਅਪਾਚਯਿਂਸੁ ਪਾਚਯਿਂਸੁ ਅਪਾਚਯਂਸੁ ਪਾਚਯਂਸੁ.

ਞੋਤ੍ਤਾ ਸੁਂ.

ਞਾਦੇਸਤੋ ਓਆਦੇਸਤੋ ਚ ਪਰਸ੍ਸ ਉਮਿਚ੍ਚਸ੍ਸ ਸੁਂ ਵਾ ਹੋਤਿ-ਅਪਾਚਯਸੁਂ ਪਾਚਯਸੁਂ ਅਪਾਚੇਸੁਂ ਪਾਚੇਸੁਂ ਅਪਾਚਯੁਂ ਪਾਚਯੁਮਿਚ੍ਚਾਦਿ-ਉਸ੍ਸ ਸੁਮੇਵ ਵਿਸੇਸੋ-ਕਮ੍ਮੇ-ਅਪਾਚੀਯਿਤ੍ਥੋ ਪਾਚੀਯਿਤ੍ਥੋ ਅਪਾਚੀਯਤ੍ਥੋ ਪਾਚੀਯਤ੍ਥੋ ਅਪਾਚਿਯਿ ਪਾਚੀਯਿ ਅਪਾਚਿਯੀ ਪਾਚੀਯਿ ਇਚ੍ਚਾਦਿ-ਅਨਜ੍ਜਤਨੇ-ਅਪਾਚਯਤ੍ਥ ਪਾਚਯਤ੍ਥ ਅਪਾਚੇਤ੍ਥ ਕਪਾਚੇਤ੍ਥ ਅਪਾਚਯ ਪਾਚਯ ਅਪਾਚਯਾ ਪਾਚਯਾ ਅਪਾਚਯੁ ਪਾਚਯੁ ਅਪਾਚਯੂ ਪਾਚਯੂ ਇਚ੍ਚਾਦਿ-ਕਮ੍ਮੇ-ਅਪਾਚੀਯਤ੍ਥ ਪਾਚੀਯਤ੍ਥ ਅਪਾਚੀਯ ਪਾਚੀਯ ਅਪਾਚੀਯਾ ਪਾਚੀਯਾ ਇਚ੍ਚਾਦਿ-ਪਰੋਕ੍ਖੇ-

ਰਸ੍ਸੋ ਪੁਬ੍ਬਸ੍ਸ.

ਦ੍ਵਿਤ੍ਤੇ ਪੁਬ੍ਬਸ੍ਸ ਸਰੋ ਰਸ੍ਸੋ ਹੋਤਿ-ਪਪਾਚਯ ਪਪਾਚਯੁ ਪਪਾਚਯੇ ਪਪਾਚਯਿਤ੍ਥ ਪਪਾਚੇਤ੍ਥ ਇਚ੍ਚਾਦਿ-ਕਮ੍ਮੇ-ਸਬ੍ਬਂ ਕਤ੍ਤੁਸਮਂ-ਅਤਪਤ੍ਤਿਯਂਅਪਾਚਯਿਸ੍ਸ ਪਾਚਯਿਸ੍ਸ ਅਪਾਚਯਿਸ੍ਸਾ ਪਾਚਯਿਸ੍ਸਾ ਅਪਾਚਯਿਸ੍ਸਂਸੁ ਪਾਚਯਿਸ੍ਸਂਸੁ ਇਚ੍ਚਾਦਿ-ਕਮ੍ਮੇ-ਅਪਾਚਿਯਿਸ੍ਸ ਪਾਚਿਯਿਸ੍ਸ ਅਪਾਚੀਯਿਸ੍ਸਾ ਪਾਚਿਯਿਸ੍ਸ ਅਪਾਚਿਸ੍ਸ ਪਾਚਿਸ੍ਸ ਅਪਾਚਿਸ੍ਸਾ ਪਾਚਿਸ੍ਸਾ ਇਚ੍ਚਾਦਿ-ਹੇਤੁਫਲੇਸੁ-ਪਾਚਯੇ ਪਾਚਯੇਯ੍ਯ ਪਾਚਯੁਂ ਪਾਚਯੇਯਯੁਮਿਚ੍ਚਾਦਿ-ਕਮ੍ਮੇ-ਪਾਚੀਯੇ ਪਾਚੀਯੇਯਯੁਮਿਚ੍ਚਾਦਿ-ਤ੍ਵਾਦਿਸੁ-ਪਾਚਯਤੁ ਪਾਚੇਤੁ ਪਾਚਯਨ੍ਤੁ ਪਾਚੇਨ੍ਤੁ ਇਚ੍ਚਾਦਿ-ਕਮ੍ਮੇ-ਪਾਚੀਯਤੁ ਪਾਚੀਯਨ੍ਤੁ ਇਚ੍ਚਾਦਿ-ਣਪਿਮ੍ਹਿ-ਪਾਚਾਪਯਤਿ ਪਾਚਾਪੇਤਿਚ੍ਚਾਦਿ ਨ੍ਯਨ੍ਤਸਮਂ-ਪਾਚਯਿਤੁਮ੍ਪਯੁਤ੍ਤਿਤਿ ਣ੍ਯਨ੍ਤਤੋਪਿ ਣਿ.

ਣਿਣਪਿਨਂ ਤੇਸੁ.

ਣੀ ਣਪਿਨਂ ਲੋਪੋ ਨਹੋਤਿ ਤੇਸੁ ਣੀ ਣਪਿਸੁ’ਤਿਕ ਪੁਬ੍ਬਣਿਲੋਪੇ-ਪਾਚਯਤਿ ਪਾਚੇਤਿਚ੍ਚਾਦਿ ਸਬ੍ਬਤ੍ਥਞੇਯ੍ਯਂ-ਣਪਿਚੇਵਂ.

ਭੁਵਾਦਿ ਨਯੋ.

ਅਧੁਨਾ ਵਿਕਰਣਪ੍ਪਭੇਦਪ੍ਪਕਾਸਨਤ੍ਥਂ ਰੁਧਾਦੀਨਂ ਅਟਾਠਗਣਨਮਾਦਿਭੁਤਸ੍ਸੇਕੇਕਸ੍ਸ ਕ੍ਰਿਯਤ੍ਥਸ੍ਸ ਕਾਨਿ ਚਿ ਰੂਪਾਨਿ ਉਦਾਹਰਿਯਨ੍ਤੇ-ਰੁਧ ਆਵਰਣੇ-ਤ੍ਯਾਦਿ.

ਮਞ੍ਚ ਰੁਧਾਦੀਨਂ.

ਰੁਧਾਦਿਤੋ ਅਪਰੋਕ੍ਖੇਸੁਕਤ੍ਤੁਵਿਹਿਤਮਾਨਨ੍ਤਤ੍ਯਾਦਿਸੁ ਲੋਹੋਤਿ ਮਞ੍ਚਾਨ੍ਤਸਰਾ ਪਰੋ-ਰੁਨ੍ਧਤਿ ਰੁਨ੍ਧਰੇ ਰੁਨ੍ਧਨ੍ਤਿਚ੍ਚਾਦਿ-ਕਮ੍ਮੇ-‘‘ਮਂ ਵਾ ਰੁਧਾਦੀਨ’’ਨ੍ਤਿ ਵਾ ਮਂ-ਰੁਨ੍ਧਿਯਤਿ ਰੁਜ੍ਝਤੀਚਚਾਦਿ-ਪਚਿਵਿਯ ਸਬ੍ਬਤ੍ਥ ਞੇਯ੍ਯਂ.

ਰੁਧਾਦਿ ਨਯੋ.

ਦਿਵ ਕੀਲ਼ਾ ਵਿਜਿਗਿਂਸਾ ਵੋਹਾਰਜ੍ਜੁਤਿ ਥੁਤਿ ਗਤੀਸੁ.

ਦਿਵਾਦੀਹਿ ਯਕ.

ਦਿਵਾਦੀਹਿ ਲਵਿਸਯੇ ਯਕ ਹੋਤਿ-ਕਕਾਰੋ ਕਾਨੁਬਨ੍ਧਕਾਰਿਯਤ੍ਥੋ-ਏਵਮੁਪਰਿਚ-ਦਿਬ੍ਬਤਿ ਦਿਬ੍ਬਰੇ ਦਿਬ੍ਬਨ੍ਤਿਚ੍ਚਾਦਿ-ਕਮ੍ਮੇ-ਕਿਵੀਯਤਿ ਦਿਬ੍ਬਤਿ ਦਿਵੀਯਰੇ ਦਿਵਿਯਨ੍ਤਿ ਦਿਬ੍ਬਰੇ ਦਿਬ੍ਬਨ੍ਤਿਚ੍ਚਾਦਿ.

ਦਿਵਾਦਿ ਨਯੋ.

ਤੁਦ ¶ ਵ੍ਯਥਨੇ.

ਤੁਦਾਦੀਹਿ ਕੋ.

ਤੁਦਾਦੀਹਿ ਲਵਿਸਯੇ ਕੋ ਹੋਤਿ-ਤੁਦਤਿ ਤੁਦਨ੍ਤਿਚ੍ਚਾਦਿ-ਕਮ੍ਮੇ-ਤੁਦੀਯਤਿ ਤੁਜ੍ਜਤਿ ਤੁਦੀਯਰੇਤੁਦਿਯਨ੍ਤਿ ਤੁਜ੍ਜਰੇ ਤੁਦ੍ਯਨ੍ਤਿਚ੍ਚਾਦਿ.

ਤੁਦਾਦਿ ਨਯੋ.

ਜਿ ਜਯੇ.

ਜ੍ਯਾਦੀਹਿ ਕ੍ਤਾ.

ਜਿਆਦੀਹਿ ਕਲਵਿਸਯੇ ਕ੍ਨਾ ਹੋਤਿ-ਜਿਨਾਤਿ ਜਿਨਨ੍ਤਿਚ੍ਚਾਦਿ-ਕਮ੍ਮੇ-ਜਿਯਤਿ ਜਿਯਰੇ ਜਿਯਨ੍ਤਿਚ੍ਚਾਦਿ.

ਜ੍ਯਾਦਿ ਨਯੋ.

ਕੀ ਦਬ੍ਬਵਿਨੀਮਯੇ.

ਕ੍ਯਾਦੀਹਿ ਕ੍ਣਾ.

ਕੀਆਦੀਹੀ ਲਵਿਸਯੇ ਕਣਾ ਹੋਤਿ.

ਨਾਣਸੁ ਰਸ੍ਸੋ.

ਨਾਣਸੁ ਕ੍ਰਿਯਤ੍ਥਸ੍ਸ ਰਸ੍ਸੋ ਹੋਤਿ-ਕਿਣਤਿ ਕਿਣਨ੍ਤਿਚ੍ਚਾਦਿ-ਕਮ੍ਮੇ-ਕੀਯਤਿ ਕੀਯਰੇ ਕੀਯਨ੍ਤਿਚ੍ਚਾਦੀ.

ਕ੍ਯਾਦਿ ਨਯੋ.

ਸੁ ਸਵਣੇ.

ਸ੍ਵਾਦੀਹਿ ਕੇਣਾ.

ਸ੍ਵਾਦੀਹਿ ਲਵਿਸਯੇ ਕੇਣਾ ਹੋਤਿ-ਸੁਣੇਤਿ ਸੁਣਨ੍ਤਿਚ੍ਚਾਦਿ. ਕਮ੍ਮੇ-ਸੂਯਤਿ ਸੂਯਰੇ ਸੂਯਨ੍ਤਿਚ੍ਚਾਦਿ.

ਸ੍ਵਾਦਿ ਨਯੋ.

ਤਨ ਵਿਤ੍ਥਾਰੇ.

ਤਨਾਦਿਤ੍ਵੋ.

ਤਨਾਦੀਹਿ ਲਵਿਸਯੇ ਓ ਹੋਤਿ-ਤਨੋਤਿ ਤਨੋਨ੍ਤਿਚ੍ਚਾਦਿ. ਪਰਚ੍ਛਕ੍ਕੇ.

ਓਵਿਕਰਣਸ੍ਸੁ ਪਰਚ੍ਛਕ੍ਕੇ.

ਓਵਿਕਰਣਸ੍ਸ ਉ ਹੋਤਿ ਪਰਚ੍ਛਕ੍ਕਵਿਸਯੇ-ਤਨੁਤੇ ਤਤ੍ਵਨ੍ਤੇ ਇਚ੍ਚਾਦਿ-ਕਮ੍ਮੇ-

ਤਨਸ੍ਸਾ ਵਾ.

ਤਨਸ੍ਸ ਆ ਹੋਤਿ ਵਾ ਕ੍ਯੇ-ਤਾਯਤਿ ਤਞ੍ਞਾਤਿ ਤਾਯਰੇ ਤਾਯਨ੍ਤਿ ਤਞ੍ਞਰੇ ਤਞ੍ਞਨ੍ਤਿਚ੍ਚਾਨ੍ਦਿ.

ਤਨਾਦਿ ਨਯੋ.

ਵੂਰ ਥੇਯ੍ਯੇ.

ਚੁਰਾਦਿਤੋ ਣਿ.

ਚੁਰਾਦੀਹਿ ਕ੍ਰਿਯਤ੍ਤੇਹਿ ਸਕਤ੍ਥੇ ਣਿ ਪਰੋ ਹੋਤਿ ਬਹੁਲਂ-ਚੋਰਯਤਿ ਚੋਰਤਿ ਚੋਰਯਰੇ ਚੋਰਯਨ੍ਤਿਚੋਰੇਨ੍ਤਿਚ੍ਚਾਦਿ-ਕਮ੍ਮੇ-ਚੋਰਿਯਤਿ ਚੋਰੀਯਰੇ ਚੋਰੀਯਨ੍ਤਿਚ੍ਚਾਦਿ.

ਚੁਰਾਦਿ ਨਯੋ-ਤ੍ਯਾਦਯੋ.

ਪਰਤ੍ਥਾਯ ¶ ਮਯਾ ਲਦ੍ਧਂ ਕਤ੍ਵਾਨ ਪਦਸਾਧਨਂ

ਪੁਞ੍ਞੇਨ ਤੇਨ ਲੋਕੋ’ਯਂ ਸਾਧੇਤੁ ਪਦਮਚ੍ਚੁਨਂ;

ਸੁਦ੍ਧਾਸਯੇਨ ਪਰਿਸੁਦ੍ਧਗੁਣੇਦਿਤੇਨ

ਸਾਰੇਨ ਸਾਰਯਤਿਸਙ੍ਘਨਿਸੇਵਿਤੇਨ

ਰਮ੍ਮੇ’ਨੁਰਾਧਨਗਰੇ ਵਸਤਮ੍ਬੁਜੇਨ

ਵਿਦ੍ਵਾਲਿਤਂ ਨਿਜਵਿਸੁਦ੍ਧ ਕੁਲਦ੍ਧਜੇਨ;

ਮਾਨੇਨ੍ਤੇਨ ਤਥਾਗਤਂ ਪਟਿਪਦਾਯੋਗੇਨ ਸਦ੍ਧਾਲੁਨਾ

ਨਿਚ੍ਚਾਖਣ੍ਡਤਪੋ’ਨਲੇਹਿ ਨਿਖਿਲਪ੍ਪਾਪਾਰਿਸਨ੍ਤਾਪਿਤਾ

ਸਦ੍ਧਮ੍ਮਵ੍ਹਯਸੀਹਤੇਲਠਤਿਯਾ ਚਾਮੀਕਰਤ੍ਥਾਲਿਨਾ

ਨਾਨਾਵਾਦਿਕੁਦਿਟ੍ਠਿਭੇਦਪਟੁਨਾ ਨਵਾਣਿ ਕਨਵਧੂ ਸਾਮਿਨਾ;

ਸਤ੍ਥਾਨਂ ਕਰੁਣਵਤਾ ਗਤਵਤਾ ਕਪਾਰਮ੍ਪਰਂ ਧੀਮਤਾ

ਥੇਰੇਨਾਤੁਮਪਾਦਪਞ੍ਜਰਗਤੋ ਯੋ ਸਦ੍ਦਸਤ੍ਤਾਦਿਸੁ

ਮੋਗ੍ਗਲ੍ਲਾਯਨਵਿਸ੍ਸੁਤੇਤਿਹ ਸੁਵਚ੍ਛਾਪੋ ਵਿਨੀਤੋ ਕਯਥਾ

ਸੋ’ਕਾਸੀ ਪਿਯਦਸ੍ਸਿ ਨਾਮ ਯਤਿਦਂ ਬ੍ਯਤ੍ਤਂ ਸੁਖਪ੍ਪਤ੍ਤਿਯਾ;

ਵੁਤ੍ਤੋਵ ਵੁਤ੍ਤਮੁਪਭੋਗਿਨਿਯਾ ਸਕਾਯ

ਪਿਨਪ੍ਪਯੋਧਰਵਨਾਪਗਸੇਵਿਕਾਯ

ਰਮ੍ਹਾਵਿਹਾਰਵਧੁਯਾ ਤਿਲਕਾਤੁਲੇਨ

ਸਨ੍ਤੇਨ ਕਪ੍ਪਿਣਸਮਵ੍ਹਯਮਾਤੁਲੇਨ;

ਪਦਸਾਧਨਂ ਨਿਟ੍ਠਿਤਂ.