ਮੂਲ > ਸੁਤ੍ਤਪਿਟਕ > ਖੁਦ੍ਦਕਨਿਕਾਯ

੧੩੬. ‘‘ਮਮ ¶ ਚ, ਭਨ੍ਤੇ, ਵਚਨੇਨ ਭਗਵਤੋ ਪਾਦੇ ਸਿਰਸਾ ਵਨ੍ਦੇਯ੍ਯਾਸਿ – ‘ਉਤ੍ਤਰਾ ਨਾਮ, ਭਨ੍ਤੇ, ਉਪਾਸਿਕਾ ਭਗਵਤੋ ਪਾਦੇ ਸਿਰਸਾ ਵਨ੍ਦਤੀ’ਤਿ. ਅਨਚ੍ਛਰਿਯਂ ਖੋ ਪਨੇਤਂ, ਭਨ੍ਤੇ, ਯਂ ਮਂ ਭਗਵਾ ਅਞ੍ਞਤਰਸ੍ਮਿਂ ਸਾਮਞ੍ਞਫਲੇ ਬ੍ਯਾਕਰੇਯ੍ਯ [ਬ੍ਯਾਕਰੇਯ੍ਯਾਤਿ (?)], ਤਂ ਭਗਵਾ ਸਕਦਾਗਾਮਿਫਲੇ ਬ੍ਯਾਕਾਸੀ’’ਤਿ.

‘‘ਯੁਤ੍ਤਾ ¶ ਚ ਤੇ ਪਰਮਅਲਙ੍ਕਤਾ ਹਯਾ, ਅਧੋਮੁਖਾ ਅਘਸਿਗਮਾ ਬਲੀ ਜਵਾ;

ਅਭਿਨਿਮ੍ਮਿਤਾ ਪਞ੍ਚਰਥਾਸਤਾ ਚ ਤੇ, ਅਨ੍ਵੇਨ੍ਤਿ ਤਂ ਸਾਰਥਿਚੋਦਿਤਾ ਹਯਾ.

‘‘ਸਾ ਤਿਟ੍ਠਸਿ ਰਥਵਰੇ ਅਲਙ੍ਕਤਾ, ਓਭਾਸਯਂ ਜਲਮਿਵ ਜੋਤਿ ਪਾਵਕੋ;

ਪੁਚ੍ਛਾਮਿ ਤਂ ਵਰਤਨੁ [ਵਰਚਾਰੁ (ਕਤ੍ਥਚਿ)] ਅਨੋਮਦਸ੍ਸਨੇ, ਕਸ੍ਮਾ ਨੁ ਕਾਯਾ ਅਨਧਿਵਰਂ ਉਪਾਗਮਿ.

‘‘ਕਾਮਗ੍ਗਪਤ੍ਤਾਨਂ ¶ ਯਮਾਹੁਨੁਤ੍ਤਰਂ [… ਨੁਤ੍ਤਰਾ (ਕ.), ਅਨੁਤ੍ਤਰਾ (ਸ੍ਯਾ.)], ਨਿਮ੍ਮਾਯ ਨਿਮ੍ਮਾਯ ਰਮਨ੍ਤਿ ਦੇਵਤਾ;

ਤਸ੍ਮਾ ਕਾਯਾ ਅਚ੍ਛਰਾ ਕਾਮਵਣ੍ਣਿਨੀ, ਇਧਾਗਤਾ ਅਨਧਿਵਰਂ ਨਮਸ੍ਸਿਤੁਂ.

‘‘ਕਿਂ ਤ੍ਵਂ ਪੁਰੇ ਸੁਚਰਿਤਮਾਚਰੀਧ [ਸੁਚਰਿਤਂ ਅਚਾਰਿਧ (ਪੀ.)],

ਕੇਨਚ੍ਛਸਿ ¶ ਤ੍ਵਂ ਅਮਿਤਯਸਾ ਸੁਖੇਧਿਤਾ;

‘‘ਦੇਵੇਹਿ ਤ੍ਵਂ ਪਰਿਵੁਤਾ ਸਕ੍ਕਤਾ ਚਸਿ,

ਆਚਿਕ੍ਖ ਮੇ ਤ੍ਵਂ ਯਦਿ ਬੁਦ੍ਧਸਾਵਿਕਾ’’ਤਿ.

‘‘ਨਗਨ੍ਤਰੇ ¶ ਨਗਰਵਰੇ ਸੁਮਾਪਿਤੇ, ਪਰਿਚਾਰਿਕਾ ਰਾਜਵਰਸ੍ਸ ਸਿਰਿਮਤੋ;

ਨਚ੍ਚੇ ਗੀਤੇ ਪਰਮਸੁਸਿਕ੍ਖਿਤਾ ਅਹੁਂ, ਸਿਰਿਮਾਤਿ ਮਂ ਰਾਜਗਹੇ ਅਵੇਦਿਂਸੁ [ਅਵੇਦਿਸੁਂ (?)].

‘‘ਬੁਦ੍ਧੋ ਚ ਮੇ ਇਸਿਨਿਸਭੋ ਵਿਨਾਯਕੋ, ਅਦੇਸਯੀ ਸਮੁਦਯਦੁਕ੍ਖਨਿਚ੍ਚਤਂ;

ਅਸਙ੍ਖਤਂ ਦੁਕ੍ਖਨਿਰੋਧਸਸ੍ਸਤਂ, ਮਗ੍ਗਞ੍ਚਿਮਂ ਅਕੁਟਿਲਮਞ੍ਜਸਂ ਸਿਵਂ.

‘‘ਸੁਤ੍ਵਾਨਹਂ ਅਮਤਪਦਂ ਅਸਙ੍ਖਤਂ, ਤਥਾਗਤਸ੍ਸਨਧਿਵਰਸ੍ਸ ਸਾਸਨਂ;

ਸੀਲੇਸ੍ਵਹਂ ਪਰਮਸੁਸਂਵੁਤਾ ਅਹੁਂ, ਧਮ੍ਮੇ ਠਿਤਾ ਨਰਵਰਬੁਦ੍ਧਦੇਸਿਤੇ [ਭਾਸਿਤੇ (ਸੀ.)].

‘‘ਞਤ੍ਵਾਨਹਂ ਵਿਰਜਪਦਂ ਅਸਙ੍ਖਤਂ, ਤਥਾਗਤੇਨਨਧਿਵਰੇਨ ¶ ਦੇਸਿਤਂ;

ਤਤ੍ਥੇਵਹਂ ਸਮਥਸਮਾਧਿਮਾਫੁਸਿਂ, ਸਾਯੇਵ ਮੇ ਪਰਮਨਿਯਾਮਤਾ ਅਹੁ.

‘‘ਲਦ੍ਧਾਨਹਂ ¶ ਅਮਤਵਰਂ ਵਿਸੇਸਨਂ, ਏਕਂਸਿਕਾ ਅਭਿਸਮਯੇ ਵਿਸੇਸਿਯ;

ਅਸਂਸਯਾ ਬਹੁਜਨਪੂਜਿਤਾ ਅਹਂ, ਖਿਡ੍ਡਾਰਤਿਂ [ਖਿਡ੍ਡਂ ਰਤਿਂ (ਸ੍ਯਾ. ਪੀ.)] ਪਚ੍ਚਨੁਭੋਮਨਪ੍ਪਕਂ.

‘‘ਏਵਂ ਅਹਂ ਅਮਤਦਸਮ੍ਹਿ [ਅਮਤਰਸਮ੍ਹਿ (ਕ.)] ਦੇਵਤਾ, ਤਥਾਗਤਸ੍ਸਨਧਿਵਰਸ੍ਸ ਸਾਵਿਕਾ;

ਧਮ੍ਮਦ੍ਦਸਾ ਪਠਮਫਲੇ ਪਤਿਟ੍ਠਿਤਾ, ਸੋਤਾਪਨ੍ਨਾ ਨ ਚ ਪਨ ਮਤ੍ਥਿ ਦੁਗ੍ਗਤਿ.

‘‘ਸਾ ਵਨ੍ਦਿਤੁਂ ਅਨਧਿਵਰਂ ਉਪਾਗਮਿਂ, ਪਾਸਾਦਿਕੇ ਕੁਸਲਰਤੇ ਚ ਭਿਕ੍ਖਵੋ;

ਨਮਸ੍ਸਿਤੁਂ ਸਮਣਸਮਾਗਮਂ ਸਿਵਂ, ਸਗਾਰਵਾ ਸਿਰਿਮਤੋ ਧਮ੍ਮਰਾਜਿਨੋ.

‘‘ਦਿਸ੍ਵਾ ¶ ਮੁਨਿਂ ਮੁਦਿਤਮਨਮ੍ਹਿ ਪੀਣਿਤਾ, ਤਥਾਗਤਂ ਨਰਵਰਦਮ੍ਮਸਾਰਥਿਂ;

ਤਣ੍ਹਚ੍ਛਿਦਂ ਕੁਸਲਰਤਂ ਵਿਨਾਯਕਂ, ਵਨ੍ਦਾਮਹਂ ਪਰਮਹਿਤਾਨੁਕਮ੍ਪਕ’’ਨ੍ਤਿ.

‘‘ਇਦਂ ¶ ¶ ¶ ਵਿਮਾਨਂ ਰੁਚਿਰਂ ਪਭਸ੍ਸਰਂ, ਵੇਲ਼ੁਰਿਯਥਮ੍ਭਂ ਸਤਤਂ ਸੁਨਿਮ੍ਮਿਤਂ;

ਸੁਵਣ੍ਣਰੁਕ੍ਖੇਹਿ ਸਮਨ੍ਤਮੋਤ੍ਥਤਂ, ਠਾਨਂ ਮਮਂ ਕਮ੍ਮਵਿਪਾਕਸਮ੍ਭਵਂ.

‘‘ਤਤ੍ਰੂਪਪਨ੍ਨਾ ਪੁਰਿਮਚ੍ਛਰਾ ਇਮਾ, ਸਤਂ ਸਹਸ੍ਸਾਨਿ ਸਕੇਨ ਕਮ੍ਮੁਨਾ;

ਤੁਵਂਸਿ ਅਜ੍ਝੁਪਗਤਾ ਯਸਸ੍ਸਿਨੀ, ਓਭਾਸਯਂ ਤਿਟ੍ਠਸਿ ਪੁਬ੍ਬਦੇਵਤਾ.

‘‘ਸਸੀ ਅਧਿਗ੍ਗਯ੍ਹ ਯਥਾ ਵਿਰੋਚਤਿ, ਨਕ੍ਖਤ੍ਤਰਾਜਾਰਿਵ ਤਾਰਕਾਗਣਂ;

ਤਥੇਵ ਤ੍ਵਂ ਅਚ੍ਛਰਾਸਙ੍ਗਣਂ [ਅਚ੍ਛਰਾਸਙ੍ਗਮਂ (ਸੀ.)] ਇਮਂ, ਦਦ੍ਦਲ੍ਲਮਾਨਾ ਯਸਸਾ ਵਿਰੋਚਸਿ.

‘‘ਕੁਤੋ ਨੁ ਆਗਮ੍ਮ ਅਨੋਮਦਸ੍ਸਨੇ, ਉਪਪਨ੍ਨਾ ਤ੍ਵਂ ਭਵਨਂ ਮਮਂ ਇਦਂ;

ਬ੍ਰਹ੍ਮਂਵ ਦੇਵਾ ਤਿਦਸਾ ਸਹਿਨ੍ਦਕਾ, ਸਬ੍ਬੇ ਨ ਤਪ੍ਪਾਮਸੇ ਦਸ੍ਸਨੇਨ ਤ’’ਨ੍ਤਿ.

‘‘ਯਮੇਤਂ ਸਕ੍ਕ ਅਨੁਪੁਚ੍ਛਸੇ ਮਮਂ, ‘ਕੁਤੋ ਚੁਤਾ ਤ੍ਵਂ ਇਧ ਆਗਤਾ’ਤਿ [ਕੁਤੋ ਚੁਤਾ ਇਧ ਆਗਤਾ ਤੁਵਂ (ਸ੍ਯਾ.), ਕੁਤੋ ਚੁਤਾਯ ਆਗਤਿ ਤਵ (ਪੀ.)];

ਬਾਰਾਣਸੀ ਨਾਮ ਪੁਰਤ੍ਥਿ ਕਾਸਿਨਂ, ਤਤ੍ਥ ਅਹੋਸਿਂ ਪੁਰੇ ਕੇਸਕਾਰਿਕਾ.

‘‘ਬੁਦ੍ਧੇ ¶ ¶ ਚ ਧਮ੍ਮੇ ਚ ਪਸਨ੍ਨਮਾਨਸਾ, ਸਙ੍ਘੇ ਚ ਏਕਨ੍ਤਗਤਾ ਅਸਂਸਯਾ;

ਅਖਣ੍ਡਸਿਕ੍ਖਾਪਦਾ ਆਗਤਪ੍ਫਲਾ, ਸਮ੍ਬੋਧਿਧਮ੍ਮੇ ਨਿਯਤਾ ਅਨਾਮਯਾ’’ਤਿ.

‘‘ਤਨ੍ਤ੍ਯਾਭਿਨਨ੍ਦਾਮਸੇ ਸ੍ਵਾਗਤਞ੍ਚ [ਸਾਗਤਞ੍ਚ (ਸੀ.)] ਤੇ, ਧਮ੍ਮੇਨ ਚ ਤ੍ਵਂ ਯਸਸਾ ਵਿਰੋਚਸਿ;

ਬੁਦ੍ਧੇ ਚ ਧਮ੍ਮੇ ਚ ਪਸਨ੍ਨਮਾਨਸੇ, ਸਙ੍ਘੇ ਚ ਏਕਨ੍ਤਗਤੇ ਅਸਂਸਯੇ;

ਅਖਣ੍ਡਸਿਕ੍ਖਾਪਦੇ ਆਗਤਪ੍ਫਲੇ, ਸਮ੍ਬੋਧਿਧਮ੍ਮੇ ਨਿਯਤੇ ਅਨਾਮਯੇ’’ਤਿ.

ਪਞ੍ਚ ਪੀਠਾ ਤਯੋ ਨਾਵਾ, ਦੀਪਤਿਲਦਕ੍ਖਿਣਾ ਦ੍ਵੇ;

ਪਤਿ ਦ੍ਵੇ ਸੁਣਿਸਾ ਉਤ੍ਤਰਾ, ਸਿਰਿਮਾ ਕੇਸਕਾਰਿਕਾ;

‘‘ਅਪਿ ¶ ¶ ਸਕ੍ਕੋਵ ਦੇਵਿਨ੍ਦੋ, ਰਮ੍ਮੇ ਚਿਤ੍ਤਲਤਾਵਨੇ;

ਸਮਨ੍ਤਾ ਅਨੁਪਰਿਯਾਸਿ, ਨਾਰੀਗਣਪੁਰਕ੍ਖਤਾ;

ਓਭਾਸੇਨ੍ਤੀ ¶ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ¶ ਤਂ ਦੇਵਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ;

ਪਞ੍ਹਂ ਪੁਟ੍ਠਾ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਦਾਸੀ ਅਹੋਸਿਂ ਪਰਪੇਸ੍ਸਿਯਾ [ਪਰਪੇਸਿਯਾ (ਕ.)] ਕੁਲੇ.

‘‘ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ;

ਤਸ੍ਸਾ ਮੇ ਨਿਕ੍ਕਮੋ ਆਸਿ, ਸਾਸਨੇ ਤਸ੍ਸ ਤਾਦਿਨੋ.

‘‘ਕਾਮਂ ਭਿਜ੍ਜਤੁਯਂ ਕਾਯੋ, ਨੇਵ ਅਤ੍ਥੇਤ੍ਥ ਸਣ੍ਠਨਂ [ਸਨ੍ਥਨਂ (ਸੀ. ਸ੍ਯਾ. ਪੀ.)];

ਸਿਕ੍ਖਾਪਦਾਨਂ ਪਞ੍ਚਨ੍ਨਂ, ਮਗ੍ਗੋ ਸੋਵਤ੍ਥਿਕੋ ਸਿਵੋ.

‘‘ਅਕਣ੍ਟਕੋ ਅਗਹਨੋ, ਉਜੁ ਸਬ੍ਭਿ ਪਵੇਦਿਤੋ;

ਨਿਕ੍ਕਮਸ੍ਸ ਫਲਂ ਪਸ੍ਸ, ਯਥਿਦਂ ਪਾਪੁਣਿਤ੍ਥਿਕਾ.

‘‘ਆਮਨ੍ਤਨਿਕਾ ਰਞ੍ਞੋਮ੍ਹਿ, ਸਕ੍ਕਸ੍ਸ ਵਸਵਤ੍ਤਿਨੋ;

ਸਟ੍ਠਿ ¶ ਤੁਰਿਯ [ਤੁਰਿਯ (ਸੀ. ਸ੍ਯਾ. ਪੀ.)] ਸਹਸ੍ਸਾਨਿ, ਪਟਿਬੋਧਂ ਕਰੋਨ੍ਤਿ ਮੇ.

‘‘ਆਲਮ੍ਬੋ ਗਗ੍ਗਰੋ [ਗਗ੍ਗਮੋ (ਸ੍ਯਾ.), ਭਗ੍ਗਰੋ (ਕ.)] ਭੀਮੋ [ਭਿਮ੍ਮੋ (ਕ.)], ਸਾਧੁਵਾਦੀ ਚ ਸਂਸਯੋ;

ਪੋਕ੍ਖਰੋ ¶ ਚ ਸੁਫਸ੍ਸੋ ਚ, ਵਿਣਾਮੋਕ੍ਖਾ [ਵਿਲਾਮੋਕ੍ਖਾ (ਕ.)] ਚ ਨਾਰਿਯੋ.

‘‘ਨਨ੍ਦਾ ਚੇਵ ਸੁਨਨ੍ਦਾ ਚ, ਸੋਣਦਿਨ੍ਨਾ ਸੁਚਿਮ੍ਹਿਤਾ [ਸੁਚਿਮ੍ਭਿਕਾ (ਸ੍ਯਾ.)];

ਅਲਮ੍ਬੁਸਾ ਮਿਸ੍ਸਕੇਸੀ ਚ, ਪੁਣ੍ਡਰੀਕਾਤਿ ਦਾਰੁਣੀ.

‘‘ਏਣੀਫਸ੍ਸਾ ਸੁਫਸ੍ਸਾ ਚ, ਸੁਭਦ੍ਦਾ ਮੁਦੁਵਾਦਿਨੀ;

ਏਤਾ ਚਞ੍ਞਾ ਚ ਸੇਯ੍ਯਾਸੇ, ਅਚ੍ਛਰਾਨਂ ਪਬੋਧਿਕਾ.

‘‘ਤਾ ¶ ਮਂ ਕਾਲੇਨੁਪਾਗਨ੍ਤ੍ਵਾ, ਅਭਿਭਾਸਨ੍ਤਿ ਦੇਵਤਾ;

ਹਨ੍ਦ ਨਚ੍ਚਾਮ ਗਾਯਾਮ, ਹਨ੍ਦ ਤਂ ਰਮਯਾਮਸੇ.

‘‘ਨਯਿਦਂ ¶ ਅਕਤਪੁਞ੍ਞਾਨਂ, ਕਤਪੁਞ੍ਞਾਨਮੇਵਿਦਂ;

ਅਸੋਕਂ ਨਨ੍ਦਨਂ ਰਮ੍ਮਂ, ਤਿਦਸਾਨਂ ਮਹਾਵਨਂ.

‘‘ਸੁਖਂ ਅਕਤਪੁਞ੍ਞਾਨਂ, ਇਧ ਨਤ੍ਥਿ ਪਰਤ੍ਥ ਚ;

ਸੁਖਞ੍ਚ ਕਤਪੁਞ੍ਞਾਨਂ, ਇਧ ਚੇਵ ਪਰਤ੍ਥ ਚ.

‘‘ਤੇਸਂ ਸਹਬ੍ਯਕਾਮਾਨਂ, ਕਤ੍ਤਬ੍ਬਂ ਕੁਸਲਂ ਬਹੁਂ;

ਕਤਪੁਞ੍ਞਾ ਹਿ ਮੋਦਨ੍ਤਿ, ਸਗ੍ਗੇ ਭੋਗਸਮਙ੍ਗਿਨੋ’’ਤਿ.

‘‘ਅਭਿਕ੍ਕਨ੍ਤੇਨ ¶ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ;

ਪਞ੍ਹਂ ¶ ਪੁਟ੍ਠਾ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਕੇਵਟ੍ਟਦ੍ਵਾਰਾ ਨਿਕ੍ਖਮ੍ਮ, ਅਹੁ ਮਯ੍ਹਂ ਨਿਵੇਸਨਂ;

ਤਤ੍ਥ ਸਞ੍ਚਰਮਾਨਾਨਂ, ਸਾਵਕਾਨਂ ਮਹੇਸਿਨਂ.

‘‘ਓਦਨਂ ਕੁਮ੍ਮਾਸਂ [ਸਾਕਂ (ਸੀ.)] ਡਾਕਂ, ਲੋਣਸੋਵੀਰਕਞ੍ਚਹਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ¶ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ¶ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀਤਿ.

‘‘ਮਮ ਚ, ਭਨ੍ਤੇ, ਵਚਨੇਨ ਭਗਵਤੋ ਪਾਦੇ ਸਿਰਸਾ ਵਨ੍ਦੇਯ੍ਯਾਸਿ – ‘ਲਖੁਮਾ ਨਾਮ,ਭਨ੍ਤੇ,ਉਪਾਸਿਕਾ ਭਗਵਤੋ ਪਾਦੇ ਸਿਰਸਾ ਵਨ੍ਦਤੀ’ਤਿ. ਅਨਚ੍ਛਰਿਯਂ ਖੋ ਪਨੇਤਂ, ਭਨ੍ਤੇ, ਯਂ ਮਂ ਭਗਵਾ ਅਞ੍ਞਤਰਸ੍ਮਿਂ ਸਾਮਞ੍ਞਫਲੇ ਬ੍ਯਾਕਰੇਯ੍ਯ [ਬ੍ਯਾਕਰੇਯ੍ਯਾਤਿ (?)]. ਤਂ ਭਗਵਾ ਸਕਦਾਗਾਮਿਫਲੇ ਬ੍ਯਾਕਾਸੀ’’ਤਿ.

‘‘ਪਿਣ੍ਡਾਯ ¶ ¶ ਤੇ ਚਰਨ੍ਤਸ੍ਸ, ਤੁਣ੍ਹੀਭੂਤਸ੍ਸ ਤਿਟ੍ਠਤੋ;

ਦਲਿਦ੍ਦਾ ਕਪਣਾ ਨਾਰੀ, ਪਰਾਗਾਰਂ ਅਪਸ੍ਸਿਤਾ [ਅਵਸ੍ਸਿਤਾ (ਸੀ.)].

‘‘ਯਾ ਤੇ ਅਦਾਸਿ ਆਚਾਮਂ, ਪਸਨ੍ਨਾ ਸੇਹਿ ਪਾਣਿਭਿ;

ਸਾ ਹਿਤ੍ਵਾ ਮਾਨੁਸਂ ਦੇਹਂ, ਕਂ ਨੁ ਸਾ ਦਿਸਤਂ ਗਤਾ’’ਤਿ.

‘‘ਪਿਣ੍ਡਾਯ ਮੇ ਚਰਨ੍ਤਸ੍ਸ, ਤੁਣ੍ਹੀਭੂਤਸ੍ਸ ਤਿਟ੍ਠਤੋ;

ਦਲਿਦ੍ਦਾ ਕਪਣਾ ਨਾਰੀ, ਪਰਾਗਾਰਂ ਅਪਸ੍ਸਿਤਾ.

‘‘ਯਾ ਮੇ ਅਦਾਸਿ ਆਚਾਮਂ, ਪਸਨ੍ਨਾ ਸੇਹਿ ਪਾਣਿਭਿ;

ਸਾ ਹਿਤ੍ਵਾ ਮਾਨੁਸਂ ਦੇਹਂ, ਵਿਪ੍ਪਮੁਤ੍ਤਾ ਇਤੋ ਚੁਤਾ.

‘‘ਨਿਮ੍ਮਾਨਰਤਿਨੋ ਨਾਮ, ਸਨ੍ਤਿ ਦੇਵਾ ਮਹਿਦ੍ਧਿਕਾ;

ਤਤ੍ਥ ਸਾ ਸੁਖਿਤਾ ਨਾਰੀ, ਮੋਦਤਾਚਾਮਦਾਯਿਕਾ’’ਤਿ.

‘‘ਅਹੋ ¶ ਦਾਨਂ ਵਰਾਕਿਯਾ, ਕਸ੍ਸਪੇ ਸੁਪ੍ਪਤਿਟ੍ਠਿਤਂ;

ਪਰਾਭਤੇਨ ਦਾਨੇਨ, ਇਜ੍ਝਿਤ੍ਥ ਵਤ ਦਕ੍ਖਿਣਾ.

‘‘ਯਾ ਮਹੇਸਿਤ੍ਤਂ ਕਾਰੇਯ੍ਯ, ਚਕ੍ਕਵਤ੍ਤਿਸ੍ਸ ਰਾਜਿਨੋ;

ਨਾਰੀ ਸਬ੍ਬਙ੍ਗਕਲ੍ਯਾਣੀ, ਭਤ੍ਤੁ ਚਾਨੋਮਦਸ੍ਸਿਕਾ;

ਏਤਸ੍ਸਾਚਾਮਦਾਨਸ੍ਸ ¶ , ਕਲਂ ਨਾਗ੍ਘਤਿ ਸੋਲ਼ਸਿਂ.

‘‘ਸਤਂ ¶ ਨਿਕ੍ਖਾ ਸਤਂ ਅਸ੍ਸਾ, ਸਤਂ ਅਸ੍ਸਤਰੀਰਥਾ;

ਸਤਂ ਕਞ੍ਞਾਸਹਸ੍ਸਾਨਿ, ਆਮੁਤ੍ਤਮਣਿਕੁਣ੍ਡਲਾ;

ਏਤਸ੍ਸਾਚਾਮਦਾਨਸ੍ਸ, ਕਲਂ ਨਾਗ੍ਘਨ੍ਤਿ ਸੋਲ਼ਸਿਂ.

‘‘ਸਤਂ ਹੇਮਵਤਾ ਨਾਗਾ, ਈਸਾਦਨ੍ਤਾ ਉਰੂਲ਼੍ਹਵਾ;

ਸੁਵਣ੍ਣਕਚ੍ਛਾ ਮਾਤਙ੍ਗਾ, ਹੇਮਕਪ੍ਪਨਵਾਸਸਾ [ਹੇਮਕਪ੍ਪਨਿਵਾਸਸਾ (ਸ੍ਯਾ. ਕ.)];

ਏਤਸ੍ਸਾਚਾਮਦਾਨਸ੍ਸ, ਕਲਂ ਨਾਗ੍ਘਤਿ ਸੋਲ਼ਸਿਂ.

‘‘ਚਤੁਨ੍ਨਮਪਿ ¶ ਦੀਪਾਨਂ, ਇਸ੍ਸਰਂ ਯੋਧ ਕਾਰਯੇ;

ਏਤਸ੍ਸਾਚਾਮਦਾਨਸ੍ਸ, ਕਲਂ ਨਾਗ੍ਘਤਿ ਸੋਲ਼ਸਿ’’ਨ੍ਤਿ.

‘‘ਚਣ੍ਡਾਲਿ ਵਨ੍ਦ ਪਾਦਾਨਿ, ਗੋਤਮਸ੍ਸ ਯਸਸ੍ਸਿਨੋ;

ਤਮੇਵ [ਤਵੇਵ (ਸੀ.)] ਅਨੁਕਮ੍ਪਾਯ, ਅਟ੍ਠਾਸਿ ਇਸਿਸਤ੍ਤਮੋ [ਇਸਿਸੁਤ੍ਤਮੋ (ਸੀ.)].

‘‘ਅਭਿਪ੍ਪਸਾਦੇਹਿ ਮਨਂ, ਅਰਹਨ੍ਤਮ੍ਹਿ ਤਾਦਿਨਿ [ਤਾਦਿਨੇ (ਸ੍ਯਾ. ਕ.)];

ਖਿਪ੍ਪਂ ਪਞ੍ਜਲਿਕਾ ਵਨ੍ਦ, ਪਰਿਤ੍ਤਂ ਤਵ ਜੀਵਿਤ’’ਨ੍ਤਿ.

ਚੋਦਿਤਾ ਭਾਵਿਤਤ੍ਤੇਨ, ਸਰੀਰਨ੍ਤਿਮਧਾਰਿਨਾ;

ਚਣ੍ਡਾਲੀ ਵਨ੍ਦਿ ਪਾਦਾਨਿ, ਗੋਤਮਸ੍ਸ ਯਸਸ੍ਸਿਨੋ.

ਤਮੇਨਂ ਅਵਧੀ ਗਾਵੀ, ਚਣ੍ਡਾਲਿਂ ਪਞ੍ਜਲਿਂ ਠਿਤਂ;

ਨਮਸ੍ਸਮਾਨਂ ਸਮ੍ਬੁਦ੍ਧਂ, ਅਨ੍ਧਕਾਰੇ ਪਭਙ੍ਕਰਨ੍ਤਿ.

‘‘ਖੀਣਾਸਵਂ ¶ ਵਿਗਤਰਜਂ ਅਨੇਜਂ, ਏਕਂ ਅਰਞ੍ਞਮ੍ਹਿ ਰਹੋ ਨਿਸਿਨ੍ਨਂ;

ਦੇਵਿਦ੍ਧਿਪਤ੍ਤਾ ਉਪਸਙ੍ਕਮਿਤ੍ਵਾ, ਵਨ੍ਦਾਮਿ ਤਂ ਵੀਰ ਮਹਾਨੁਭਾਵ’’ਨ੍ਤਿ.

‘‘ਸੁਵਣ੍ਣਵਣ੍ਣਾ ਜਲਿਤਾ ਮਹਾਯਸਾ, ਵਿਮਾਨਮੋਰੁਯ੍ਹ ਅਨੇਕਚਿਤ੍ਤਾ;

ਪਰਿਵਾਰਿਤਾ ਅਚ੍ਛਰਾਸਙ੍ਗਣੇਨ [ਅਚ੍ਛਰਾਨਂ ਗਣੇਨ (ਸੀ.)], ਕਾ ਤ੍ਵਂ ਸੁਭੇ ਦੇਵਤੇ ਵਨ੍ਦਸੇ ਮਮ’’ਨ੍ਤਿ.

‘‘ਅਹਂ ¶ ਭਦ੍ਦਨ੍ਤੇ ਚਣ੍ਡਾਲੀ, ਤਯਾ ਵੀਰੇਨ [ਥੇਰੇਨ (ਕ.)] ਪੇਸਿਤਾ;

ਵਨ੍ਦਿਂ ¶ ਅਰਹਤੋ ਪਾਦੇ, ਗੋਤਮਸ੍ਸ ਯਸਸ੍ਸਿਨੋ.

‘‘ਸਾਹਂ ਵਨ੍ਦਿਤ੍ਵਾ [ਵਨ੍ਦਿਤ੍ਵ (ਸੀ.)] ਪਾਦਾਨਿ, ਚੁਤਾ ਚਣ੍ਡਾਲਯੋਨਿਯਾ;

ਵਿਮਾਨਂ ਸਬ੍ਬਤੋ ਭਦ੍ਦਂ, ਉਪਪਨ੍ਨਮ੍ਹਿ ਨਨ੍ਦਨੇ.

‘‘ਅਚ੍ਛਰਾਨਂ ¶ ਸਤਸਹਸ੍ਸਂ, ਪੁਰਕ੍ਖਤ੍ਵਾਨ [ਪੁਰਕ੍ਖਿਤ੍ਵਾ ਮਂ (ਸ੍ਯਾ. ਕ.)] ਤਿਟ੍ਠਤਿ;

ਤਾਸਾਹਂ ਪਵਰਾ ਸੇਟ੍ਠਾ, ਵਣ੍ਣੇਨ ਯਸਸਾਯੁਨਾ.

‘‘ਪਹੂਤਕਤਕਲ੍ਯਾਣਾ, ਸਮ੍ਪਜਾਨਾ ਪਟਿਸ੍ਸਤਾ [ਪਤਿਸ੍ਸਤਾ (ਸੀ. ਸ੍ਯਾ.)];

ਮੁਨਿਂ ਕਾਰੁਣਿਕਂ ਲੋਕੇ, ਤਂ ਭਨ੍ਤੇ ਵਨ੍ਦਿਤੁਮਾਗਤਾ’’ਤਿ.

ਇਦਂ ਵਤ੍ਵਾਨ ਚਣ੍ਡਾਲੀ, ਕਤਞ੍ਞੂ ਕਤਵੇਦਿਨੀ;

ਵਨ੍ਦਿਤ੍ਵਾ ਅਰਹਤੋ ਪਾਦੇ, ਤਤ੍ਥੇਵਨ੍ਤਰਧਾਯਥਾਤਿ [ਤਤ੍ਥੇਵਨ੍ਤਰਧਾਯਤੀਤਿ (ਸ੍ਯਾ. ਕ.)].

‘‘ਨੀਲਾ ਪੀਤਾ ਚ ਕਾਲ਼ਾ ਚ, ਮਞ੍ਜਿਟ੍ਠਾ [ਮਞ੍ਜੇਟ੍ਠਾ (ਸੀ.), ਮਞ੍ਜਟ੍ਠਾ (ਪੀ.)] ਅਥ ਲੋਹਿਤਾ;

ਉਚ੍ਚਾਵਚਾਨਂ ਵਣ੍ਣਾਨਂ, ਕਿਞ੍ਜਕ੍ਖਪਰਿਵਾਰਿਤਾ.

‘‘ਮਨ੍ਦਾਰਵਾਨਂ ਪੁਪ੍ਫਾਨਂ, ਮਾਲਂ ਧਾਰੇਸਿ ਮੁਦ੍ਧਨਿ;

ਨਯਿਮੇ ਅਞ੍ਞੇਸੁ ਕਾਯੇਸੁ, ਰੁਕ੍ਖਾ ਸਨ੍ਤਿ ਸੁਮੇਧਸੇ.

‘‘ਕੇਨ ¶ ¶ ਕਾਯਂ ਉਪਪਨ੍ਨਾ, ਤਾਵਤਿਂਸਂ ਯਸਸ੍ਸਿਨੀ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਭਦ੍ਦਿਤ੍ਥਿਕਾਤਿ [ਭਦ੍ਦਿਤ੍ਥੀਤਿ (ਸੀ.)] ਮਂ ਅਞ੍ਞਂਸੁ, ਕਿਮਿਲਾਯਂ ਉਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

‘‘ਅਚ੍ਛਾਦਨਞ੍ਚ ਭਤ੍ਤਞ੍ਚ, ਸੇਨਾਸਨਂ ਪਦੀਪਿਯਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ¶ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ¶ ਚਕ੍ਖੁਮਤੋ, ਅਪ੍ਪਮਾਦਵਿਹਾਰਿਨੀ.

ਕਤਾਵਾਸਾ ਕਤਕੁਸਲਾ ਤਤੋ ਚੁਤਾ [ਕਤਾਵਕਾਸਾ ਕਤਕੁਸਲਾ (ਕ.)],

‘‘ਭਿਕ੍ਖੂ ਚਾਹਂ ਪਰਮਹਿਤਾਨੁਕਮ੍ਪਕੇ, ਅਭੋਜਯਿਂ ਤਪਸ੍ਸਿਯੁਗਂ ਮਹਾਮੁਨਿਂ;

ਕਤਾਵਾਸਾ ਕਤਕੁਸਲਾ ਤਤੋ ਚੁਤਾ [ਕਤਾਵਕਾਸਾ ਕਤਕੁਸਲਾ (ਕ.)], ਸਯਂ ਪਭਾ ਅਨੁਵਿਚਰਾਮਿ ਨਨ੍ਦਨਂ.

‘‘ਅਟ੍ਠਙ੍ਗਿਕਂ ਅਪਰਿਮਿਤਂ ਸੁਖਾਵਹਂ, ਉਪੋਸਥਂ ਸਤਤਮੁਪਾਵਸਿਂ ਅਹਂ;

ਕਤਾਵਾਸਾ ਕਤਕੁਸਲਾ ਤਤੋ ਚੁਤਾ [ਕਤਾਵਕਾਸਾ ਕਤਕੁਸਲਾ (ਕ.)], ਸਯਂ ਪਭਾ ਅਨੁਵਿਚਰਾਮਿ ਨਨ੍ਦਨ’’ਨ੍ਤਿ.

ਭਦ੍ਦਿਤ੍ਥਿਵਿਮਾਨਂ [ਭਦ੍ਦਿਤ੍ਥਿਕਾਵਿਮਾਨਂ (ਸ੍ਯਾ.)] ਪਞ੍ਚਮਂ.

‘‘ਅਭਿਕ੍ਕਨ੍ਤੇਨ ¶ ¶ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ¶ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ;

ਪਞ੍ਹਂ ਪੁਟ੍ਠਾ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਸੋਣਦਿਨ੍ਨਾਤਿ ਮਂ ਅਞ੍ਞਂਸੁ, ਨਾਲ਼ਨ੍ਦਾਯਂ ਉਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

‘‘ਅਚ੍ਛਾਦਨਞ੍ਚ ਭਤ੍ਤਞ੍ਚ, ਸੇਨਾਸਨਂ ਪਦੀਪਿਯਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ¶ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

ਵਣ੍ਣੋ ¶ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ¶ ¶ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਉਪੋਸਥਾਤਿ ਮਂ ਅਞ੍ਞਂਸੁ, ਸਾਕੇਤਾਯਂ ਉਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

‘‘ਅਚ੍ਛਾਦਨਞ੍ਚ ਭਤ੍ਤਞ੍ਚ, ਸੇਨਾਸਨਂ ਪਦੀਪਿਯਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

ਵਣ੍ਣੋ ¶ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਖਣਂ ¶ ਨਨ੍ਦਨਂ ਸੁਤ੍ਵਾ, ਛਨ੍ਦੋ ਮੇ ਉਦਪਜ੍ਜਥ [ਉਪਪਜ੍ਜਥ (ਬਹੂਸੁ)];

ਤਤ੍ਥ ਚਿਤ੍ਤਂ ਪਣਿਧਾਯ, ਉਪਪਨ੍ਨਮ੍ਹਿ ਨਨ੍ਦਨਂ.

‘‘ਨਾਕਾਸਿਂ ¶ ਸਤ੍ਥੁ ਵਚਨਂ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;

ਹੀਨੇ ਚਿਤ੍ਤਂ ਪਣਿਧਾਯ, ਸਾਮ੍ਹਿ ਪਚ੍ਛਾਨੁਤਾਪਿਨੀ’’ਤਿ.

‘‘ਕੀਵ ਚਿਰਂ ਵਿਮਾਨਮ੍ਹਿ, ਇਧ ਵਚ੍ਛਸੁਪੋਸਥੇ [ਵਸ੍ਸਸੁਪੋਸਥੇ (ਸੀ.)];

ਦੇਵਤੇ ਪੁਚ੍ਛਿਤਾਚਿਕ੍ਖ, ਯਦਿ ਜਾਨਾਸਿ ਆਯੁਨੋ’’ਤਿ.

‘‘ਸਟ੍ਠਿਵਸ੍ਸਸਹਸ੍ਸਾਨਿ ¶ [ਸਟ੍ਠਿ ਸਤਸਹਸ੍ਸਾਨਿ (?)], ਤਿਸ੍ਸੋ ਚ ਵਸ੍ਸਕੋਟਿਯੋ;

ਇਧ ਠਤ੍ਵਾ ਮਹਾਮੁਨਿ, ਇਤੋ ਚੁਤਾ ਗਮਿਸ੍ਸਾਮਿ;

‘‘ਮਾ ਤ੍ਵਂ ਉਪੋਸਥੇ ਭਾਯਿ, ਸਮ੍ਬੁਦ੍ਧੇਨਾਸਿ ਬ੍ਯਾਕਤਾ;

ਸੋਤਾਪਨ੍ਨਾ ਵਿਸੇਸਯਿ, ਪਹੀਨਾ ਤਵ ਦੁਗ੍ਗਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਨਿਦ੍ਦਾਤਿ [ਸਦ੍ਧਾਤਿ (ਸੀ.)] ਮਮਂ ਅਞ੍ਞਂਸੁ, ਰਾਜਗਹਸ੍ਮਿਂ ਉਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

‘‘ਅਚ੍ਛਾਦਨਞ੍ਚ ¶ ¶ ਭਤ੍ਤਞ੍ਚ, ਸੇਨਾਸਨਂ ਪਦੀਪਿਯਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ¶ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਨਿਦ੍ਦਾਵਿਮਾਨਂ [ਸਦ੍ਧਾਵਿਮਾਨਂ (ਸੀ.)] ਅਟ੍ਠਮਂ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਸੁਨਿਦ੍ਦਾਤਿ ¶ [ਸੁਨਨ੍ਦਾਤਿ (ਸੀ.)] ਮਂ ਅਞ੍ਞਂਸੁ, ਰਾਜਗਹਸ੍ਮਿਂ ਉਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

(ਯਥਾ ਨਿਦ੍ਦਾਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ.)

‘‘ਪਞ੍ਚਸਿਕ੍ਖਾਪਦੇ ¶ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੧੦. ਪਠਮਭਿਕ੍ਖਾਦਾਯਿਕਾਵਿਮਾਨਵਤ੍ਥੁ

‘‘ਅਭਿਕ੍ਕਨ੍ਤੇਨ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ¶ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ¶ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਪੁਰਿਮਾਯ ਜਾਤਿਯਾ ਮਨੁਸ੍ਸਲੋਕੇ.

‘‘ਅਦ੍ਦਸਂ ¶ ¶ ਵਿਰਜਂ ਬੁਦ੍ਧਂ, ਵਿਪ੍ਪਸਨ੍ਨਮਨਾਵਿਲਂ;

ਤਸ੍ਸ ਅਦਾਸਹਂ ਭਿਕ੍ਖਂ, ਪਸਨ੍ਨਾ ਸੇਹਿ ਪਾਣਿਭਿ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੧੧. ਦੁਤਿਯਭਿਕ੍ਖਾਦਾਯਿਕਾਵਿਮਾਨਵਤ੍ਥੁ

‘‘ਅਭਿਕ੍ਕਨ੍ਤੇਨ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਪੁਰਿਮਾਯ ਜਾਤਿਯਾ ਮਨੁਸ੍ਸਲੋਕੇ.

‘‘ਅਦ੍ਦਸਂ ਵਿਰਜਂ ਭਿਕ੍ਖੁਂ, ਵਿਪ੍ਪਸਨ੍ਨਮਨਾਵਿਲਂ;

ਤਸ੍ਸ ਅਦਾਸਹਂ ਭਿਕ੍ਖਂ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ. ¶ … ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਦੁਤਿਯਭਿਕ੍ਖਾਦਾਯਿਕਾਵਿਮਾਨਂ ਏਕਾਦਸਮਂ.

ਚਿਤ੍ਤਲਤਾਵਗ੍ਗੋ ਦੁਤਿਯੋ ਨਿਟ੍ਠਿਤੋ.

ਦਾਸੀ ¶ ਚੇਵ ਲਖੁਮਾ ਚ, ਅਥ ਆਚਾਮਦਾਯਿਕਾ;

ਚਣ੍ਡਾਲੀ ¶ ਭਦ੍ਦਿਤ੍ਥੀ ਚੇਵ [ਭਦ੍ਦਿਤ੍ਥਿਕਾ ਚ (ਸ੍ਯਾ.)], ਸੋਣਦਿਨ੍ਨਾ ਉਪੋਸਥਾ;

ਨਿਦ੍ਦਾ ਚੇਵ ਸੁਨਿਦ੍ਦਾ ਚ [ਨਨ੍ਦਾ ਚੇਵ ਸੁਨਨ੍ਦਾ ਚ (ਸੀ.)], ਦ੍ਵੇ ਚ ਭਿਕ੍ਖਾਯ ਦਾਯਿਕਾ;

‘‘ਉਲ਼ਾਰੋ ¶ ¶ ਤੇ ਯਸੋ ਵਣ੍ਣੋ, ਸਬ੍ਬਾ ਓਭਾਸਤੇ ਦਿਸਾ;

ਨਾਰਿਯੋ ਨਚ੍ਚਨ੍ਤਿ ਗਾਯਨ੍ਤਿ, ਦੇਵਪੁਤ੍ਤਾ ਅਲਙ੍ਕਤਾ.

‘‘ਮੋਦੇਨ੍ਤਿ ਪਰਿਵਾਰੇਨ੍ਤਿ, ਤਵ ਪੂਜਾਯ ਦੇਵਤੇ;

ਸੋਵਣ੍ਣਾਨਿ ਵਿਮਾਨਾਨਿ, ਤਵਿਮਾਨਿ ਸੁਦਸ੍ਸਨੇ.

‘‘ਤੁਵਂਸਿ ਇਸ੍ਸਰਾ ਤੇਸਂ, ਸਬ੍ਬਕਾਮਸਮਿਦ੍ਧਿਨੀ;

ਅਭਿਜਾਤਾ ਮਹਨ੍ਤਾਸਿ, ਦੇਵਕਾਯੇ ਪਮੋਦਸਿ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਪੁਰਿਮਾਯ ਜਾਤਿਯਾ ਮਨੁਸ੍ਸਲੋਕੇ;

ਦੁਸ੍ਸੀਲਕੁਲੇ ਸੁਣਿਸਾ ਅਹੋਸਿਂ, ਅਸ੍ਸਦ੍ਧੇਸੁ ਕਦਰਿਯੇਸੁ ਅਹਂ.

‘‘ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ;

ਪਿਣ੍ਡਾਯ ਚਰਮਾਨਸ੍ਸ, ਅਪੂਵਂ ਤੇ ਅਦਾਸਹਂ.

‘‘ਤਦਾਹਂ ¶ ਸਸ੍ਸੁਯਾਚਿਕ੍ਖਿਂ, ਸਮਣੋ ਆਗਤੋ ਇਧ;

ਤਸ੍ਸ ਅਦਾਸਹਂ ਪੂਵਂ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਇਤਿਸ੍ਸਾ ¶ ¶ ਸਸ੍ਸੁ ਪਰਿਭਾਸਿ, ਅਵਿਨੀਤਾਸਿ ਤ੍ਵਂ [ਅਵਿਨੀਤਾ ਤੁਵਂ (ਸੀ.)] ਵਧੁ;

ਨ ਮਂ ਸਮ੍ਪੁਚ੍ਛਿਤੁਂ ਇਚ੍ਛਿ, ਸਮਣਸ੍ਸ ਦਦਾਮਹਂ.

‘‘ਤਤੋ ਮੇ ਸਸ੍ਸੁ ਕੁਪਿਤਾ, ਪਹਾਸਿ ਮੁਸਲੇਨ ਮਂ;

ਕੂਟਙ੍ਗਚ੍ਛਿ ਅਵਧਿ ਮਂ, ਨਾਸਕ੍ਖਿਂ ਜੀਵਿਤੁਂ ਚਿਰਂ.

‘‘ਸਾ ਅਹਂ ਕਾਯਸ੍ਸ ਭੇਦਾ, ਵਿਪ੍ਪਮੁਤ੍ਤਾ ਤਤੋ ਚੁਤਾ;

ਦੇਵਾਨਂ ਤਾਵਤਿਂਸਾਨਂ, ਉਪਪਨ੍ਨਾ ਸਹਬ੍ਯਤਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਓਭਾਸਯਿਤ੍ਵਾ ¶ ¶ ਪਥਵਿਂ [ਪਠਵਿਂ (ਸੀ. ਸ੍ਯਾ.)] ਸਦੇਵਕਂ, ਅਤਿਰੋਚਸਿ ਚਨ੍ਦਿਮਸੂਰਿਯਾ ਵਿਯ;

ਸਿਰਿਯਾ ਚ ਵਣ੍ਣੇਨ ਯਸੇਨ ਤੇਜਸਾ, ਬ੍ਰਹ੍ਮਾਵ ਦੇਵੇ ਤਿਦਸੇ ਸਹਿਨ੍ਦਕੇ [ਸਇਨ੍ਦਕੇ (ਸੀ.)].

‘‘ਪੁਚ੍ਛਾਮਿ ਤਂ ਉਪ੍ਪਲਮਾਲਧਾਰਿਨੀ, ਆਵੇਲ਼ਿਨੀ ਕਞ੍ਚਨਸਨ੍ਨਿਭਤ੍ਤਚੇ;

ਅਲਙ੍ਕਤੇ ਉਤ੍ਤਮਵਤ੍ਥਧਾਰਿਨੀ, ਕਾ ਤ੍ਵਂ ਸੁਭੇ ਦੇਵਤੇ ਵਨ੍ਦਸੇ ਮਮਂ.

‘‘ਕਿਂ ਤ੍ਵਂ ਪੁਰੇ ਕਮ੍ਮਮਕਾਸਿ ਅਤ੍ਤਨਾ, ਮਨੁਸ੍ਸਭੂਤਾ ਪੁਰਿਮਾਯ ਜਾਤਿਯਾ;

ਦਾਨਂ ਸੁਚਿਣ੍ਣਂ ਅਥ ਸੀਲਸਂਯਮਂ [ਸਞ੍ਞਮਂ (ਸੀ.)], ਕੇਨੂਪਪਨ੍ਨਾ ¶ ਸੁਗਤਿਂ ਯਸਸ੍ਸਿਨੀ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਇਦਾਨਿ ¶ ਭਨ੍ਤੇ ਇਮਮੇਵ ਗਾਮਂ [ਗਾਮੇ (ਸ੍ਯਾ. ਕ.)], ਪਿਣ੍ਡਾਯ ਅਮ੍ਹਾਕਂ ਘਰਂ ਉਪਾਗਮਿ;

ਤਤੋ ਤੇ ਉਚ੍ਛੁਸ੍ਸ ਅਦਾਸਿ ਖਣ੍ਡਿਕਂ, ਪਸਨ੍ਨਚਿਤ੍ਤਾ ਅਤੁਲਾਯ ਪੀਤਿਯਾ.

‘‘ਸਸ੍ਸੁ ਚ ਪਚ੍ਛਾ ਅਨੁਯੁਞ੍ਜਤੇ ਮਮਂ, ਕਹਂ [ਕਹਂ ਮੇ (ਪੀ.)] ਨੁ ਉਚ੍ਛੁਂ ਵਧੁਕੇ ਅਵਾਕਿਰਿ [ਅਵਾਕਰਿ (ਸ੍ਯਾ. ਕ.)];

ਨ ਛਡ੍ਡਿਤਂ ਨੋ ਪਨ ਖਾਦਿਤਂ ਮਯਾ, ਸਨ੍ਤਸ੍ਸ ਭਿਕ੍ਖੁਸ੍ਸ ਸਯਂ ਅਦਾਸਹਂ.

‘‘ਤੁਯ੍ਹਂਨ੍ਵਿਦਂ [ਤੁਯ੍ਹਂ ਨੁ ਇਦਂ (ਸ੍ਯਾ.)] ਇਸ੍ਸਰਿਯਂ ਅਥੋ ਮਮ, ਇਤਿਸ੍ਸਾ ਸਸ੍ਸੁ ਪਰਿਭਾਸਤੇ ਮਮਂ;

ਪੀਠਂ ਗਹੇਤ੍ਵਾ ਪਹਾਰਂ ਅਦਾਸਿ ਮੇ, ਤਤੋ ਚੁਤਾ ਕਾਲਕਤਾਮ੍ਹਿ ਦੇਵਤਾ.

‘‘ਤਦੇਵ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਕਮ੍ਮਂ ਅਨੁਭੋਮਿ ਅਤ੍ਤਨਾ;

ਦੇਵੇਹਿ ਸਦ੍ਧਿਂ ਪਰਿਚਾਰਯਾਮਹਂ, ਮੋਦਾਮਹਂ ਕਾਮਗੁਣੇਹਿ ਪਞ੍ਚਹਿ.

‘‘ਤਦੇਵ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਕਮ੍ਮਂ ਅਨੁਭੋਮਿ ਅਤ੍ਤਨਾ;

ਦੇਵਿਨ੍ਦਗੁਤ੍ਤਾ ¶ ਤਿਦਸੇਹਿ ਰਕ੍ਖਿਤਾ, ਸਮਪ੍ਪਿਤਾ ਕਾਮਗੁਣੇਹਿ ਪਞ੍ਚਹਿ.

‘‘ਏਤਾਦਿਸਂ ਪੁਞ੍ਞਫਲਂ ਅਨਪ੍ਪਕਂ, ਮਹਾਵਿਪਾਕਾ ਮਮ ਉਚ੍ਛੁਦਕ੍ਖਿਣਾ;

ਦੇਵੇਹਿ ਸਦ੍ਧਿਂ ਪਰਿਚਾਰਯਾਮਹਂ, ਮੋਦਾਮਹਂ ਕਾਮਗੁਣੇਹਿ ਪਞ੍ਚਹਿ.

‘‘ਏਤਾਦਿਸਂ ¶ ਪੁਞ੍ਞਫਲਂ ਅਨਪ੍ਪਕਂ, ਮਹਾਜੁਤਿਕਾ ਮਮ ਉਚ੍ਛੁਦਕ੍ਖਿਣਾ;

ਦੇਵਿਨ੍ਦਗੁਤ੍ਤਾ ਤਿਦਸੇਹਿ ਰਕ੍ਖਿਤਾ, ਸਹਸ੍ਸਨੇਤ੍ਤੋਰਿਵ ਨਨ੍ਦਨੇ ਵਨੇ.

‘‘ਤੁਵਞ੍ਚ ¶ ਭਨ੍ਤੇ ਅਨੁਕਮ੍ਪਕਂ ਵਿਦੁਂ, ਉਪੇਚ੍ਚ ਵਨ੍ਦਿਂ ਕੁਸਲਞ੍ਚ ਪੁਚ੍ਛਿਸਂ;

ਤਤੋ ਤੇ ਉਚ੍ਛੁਸ੍ਸ ਅਦਾਸਿ ਖਣ੍ਡਿਕਂ, ਪਸਨ੍ਨਚਿਤਾ ਅਤੁਲਾਯ ਪੀਤਿਯਾ’’ਤਿ.

‘‘ਪਲ੍ਲਙ੍ਕਸੇਟ੍ਠੇ ¶ ¶ ਮਣਿਸੋਣ੍ਣਚਿਤ੍ਤੇ, ਪੁਪ੍ਫਾਭਿਕਿਣ੍ਣੇ ਸਯਨੇ ਉਲ਼ਾਰੇ;

ਤਤ੍ਥਚ੍ਛਸਿ ਦੇਵਿ ਮਹਾਨੁਭਾਵੇ, ਉਚ੍ਚਾਵਚਾ ਇਦ੍ਧਿ ਵਿਕੁਬ੍ਬਮਾਨਾ.

‘‘ਇਮਾ ਚ ਤੇ ਅਚ੍ਛਰਾਯੋ ਸਮਨ੍ਤਤੋ, ਨਚ੍ਚਨ੍ਤਿ ¶ ਗਾਯਨ੍ਤਿ ਪਮੋਦਯਨ੍ਤਿ;

ਦੇਵਿਦ੍ਧਿਪਤ੍ਤਾਸਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਅਡ੍ਢੇ ਕੁਲੇ ਸੁਣਿਸਾ ਅਹੋਸਿਂ;

ਅਕ੍ਕੋਧਨਾ ਭਤ੍ਤੁਵਸਾਨੁਵਤ੍ਤਿਨੀ, ਉਪੋਸਥੇ ਅਪ੍ਪਮਤ੍ਤਾ ਅਹੋਸਿਂ [ਅਪ੍ਪਮਤ੍ਤਾ ਉਪੋਸਥੇ (ਸ੍ਯਾ. ਕ.)].

‘‘ਮਨੁਸ੍ਸਭੂਤਾ ਦਹਰਾ ਅਪਾਪਿਕਾ [ਦਹਰਾਸ’ਪਾਪਿਕਾ (ਸੀ.)], ਪਸਨ੍ਨਚਿਤ੍ਤਾ ਪਤਿਮਾਭਿਰਾਧਯਿਂ;

ਦਿਵਾ ਚ ਰਤ੍ਤੋ ਚ ਮਨਾਪਚਾਰਿਨੀ, ਅਹਂ ਪੁਰੇ ਸੀਲਵਤੀ ਅਹੋਸਿਂ.

‘‘ਪਾਣਾਤਿਪਾਤਾ ¶ ਵਿਰਤਾ ਅਚੋਰਿਕਾ, ਸਂਸੁਦ੍ਧਕਾਯਾ ਸੁਚਿਬ੍ਰਹ੍ਮਚਾਰਿਨੀ;

ਅਮਜ੍ਜਪਾ ਨੋ ਚ ਮੁਸਾ ਅਭਾਣਿਂ, ਸਿਕ੍ਖਾਪਦੇਸੁ ਪਰਿਪੂਰਕਾਰਿਨੀ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਪਸਨ੍ਨਮਾਨਸਾ ਅਹਂ [ਅਤਿਪਸਨ੍ਨਮਾਨਸਾ (ਕ.)].

‘‘ਅਟ੍ਠਙ੍ਗੁਪੇਤਂ ਅਨੁਧਮ੍ਮਚਾਰਿਨੀ, ਉਪੋਸਥਂ ¶ ਪੀਤਿਮਨਾ ਉਪਾਵਸਿਂ;

ਇਮਞ੍ਚ ਅਰਿਯਂ ਅਟ੍ਠਙ੍ਗਵਰੇਹੁਪੇਤਂ, ਸਮਾਦਿਯਿਤ੍ਵਾ ਕੁਸਲਂ ਸੁਖੁਦ੍ਰਯਂ;

ਪਤਿਮ੍ਹਿ ਕਲ੍ਯਾਣੀ ਵਸਾਨੁਵਤ੍ਤਿਨੀ, ਅਹੋਸਿਂ ਪੁਬ੍ਬੇ ਸੁਗਤਸ੍ਸ ਸਾਵਿਕਾ.

‘‘ਏਤਾਦਿਸਂ ਕੁਸਲਂ ਜੀਵਲੋਕੇ, ਕਮ੍ਮਂ ਕਰਿਤ੍ਵਾਨ ਵਿਸੇਸਭਾਗਿਨੀ;

ਕਾਯਸ੍ਸ ਭੇਦਾ ਅਭਿਸਮ੍ਪਰਾਯਂ, ਦੇਵਿਦ੍ਧਿਪਤ੍ਤਾ ਸੁਗਤਿਮ੍ਹਿ ਆਗਤਾ.

‘‘ਵਿਮਾਨਪਾਸਾਦਵਰੇ ਮਨੋਰਮੇ, ਪਰਿਵਾਰਿਤਾ ਅਚ੍ਛਰਾਸਙ੍ਗਣੇਨ;

ਸਯਂਪਭਾ ਦੇਵਗਣਾ ਰਮੇਨ੍ਤਿ ਮਂ, ਦੀਘਾਯੁਕਿਂ ਦੇਵਵਿਮਾਨਮਾਗਤ’’ਨ੍ਤਿ;

ਲਤਾ ¶ ਚ ਸਜ੍ਜਾ ਪਵਰਾ ਚ ਦੇਵਤਾ, ਅਚ੍ਚਿਮਤੀ [ਅਚ੍ਚਿਮੁਖੀ (ਸੀ.), ਅਚ੍ਛਿਮਤੀ (ਪੀ. ਕ.) ਅਚ੍ਛਿਮੁਤੀ (ਸ੍ਯਾ.)] ਰਾਜਵਰਸ੍ਸ ਸਿਰੀਮਤੋ;

ਸੁਤਾ ਚ ਰਞ੍ਞੋ ਵੇਸ੍ਸਵਣਸ੍ਸ ਧੀਤਾ, ਰਾਜੀਮਤੀ ਧਮ੍ਮਗੁਣੇਹਿ ਸੋਭਥ.

ਪਞ੍ਚੇਤ੍ਥ ¶ ¶ ਨਾਰਿਯੋ ਆਗਮਂਸੁ ਨ੍ਹਾਯਿਤੁਂ, ਸੀਤੋਦਕਂ ਉਪ੍ਪਲਿਨਿਂ ਸਿਵਂ ਨਦਿਂ;

ਤਾ ¶ ਤਤ੍ਥ ਨ੍ਹਾਯਿਤ੍ਵਾ ਰਮੇਤ੍ਵਾ ਦੇਵਤਾ, ਨਚ੍ਚਿਤ੍ਵਾ ਗਾਯਿਤ੍ਵਾ ਸੁਤਾ ਲਤਂ ਬ੍ਰਵਿ [ਬ੍ਰੁਵੀ (ਸੀ.)].

‘‘ਪੁਚ੍ਛਾਮਿ ਤਂ ਉਪ੍ਪਲਮਾਲਧਾਰਿਨਿ, ਆਵੇਲ਼ਿਨਿ ਕਞ੍ਚਨਸਨ੍ਨਿਭਤ੍ਤਚੇ;

ਤਿਮਿਰਤਮ੍ਬਕ੍ਖਿ ਨਭੇਵ ਸੋਭਨੇ, ਦੀਘਾਯੁਕੀ ਕੇਨ ਕਤੋ ਯਸੋ ਤਵ.

‘‘ਕੇਨਾਸਿ ਭਦ੍ਦੇ ਪਤਿਨੋ ਪਿਯਤਰਾ, ਵਿਸਿਟ੍ਠਕਲ੍ਯਾਣਿਤਰਸ੍ਸੁ ਰੂਪਤੋ;

ਪਦਕ੍ਖਿਣਾ ਨਚ੍ਚਗੀਤਵਾਦਿਤੇ, ਆਚਿਕ੍ਖ ਨੋ ਤ੍ਵਂ ਨਰਨਾਰਿਪੁਚ੍ਛਿਤਾ’’ਤਿ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਉਲ਼ਾਰਭੋਗੇ ਕੁਲੇ ਸੁਣਿਸਾ ਅਹੋਸਿਂ;

ਅਕ੍ਕੋਧਨਾ ਭਤ੍ਤੁਵਸਾਨੁਵਤ੍ਤਿਨੀ, ਉਪੋਸਥੇ ਅਪ੍ਪਮਤ੍ਤਾ ਅਹੋਸਿਂ.

‘‘ਮਨੁਸ੍ਸਭੂਤਾ ¶ ਦਹਰਾ ਅਪਾਪਿਕਾ [ਦਹਰਾਸ’ਪਾਪਿਕਾ (ਸੀ.)], ਪਸਨ੍ਨਚਿਤ੍ਤਾ ਪਤਿਮਾਭਿਰਾਧਯਿਂ;

ਸਦੇਵਰਂ ਸਸ੍ਸਸੁਰਂ ਸਦਾਸਕਂ, ਅਭਿਰਾਧਯਿਂ ਤਮ੍ਹਿ ਕਤੋ ਯਸੋ ਮਮ.

‘‘ਸਾਹਂ ਤੇਨ ਕੁਸਲੇਨ ਕਮ੍ਮੁਨਾ, ਚਤੁਬ੍ਭਿ ਠਾਨੇਹਿ ਵਿਸੇਸਮਜ੍ਝਗਾ;

ਆਯੁਞ੍ਚ ¶ ਵਣ੍ਣਞ੍ਚ ਸੁਖਂ ਬਲਞ੍ਚ, ਖਿਡ੍ਡਾਰਤਿਂ ਪਚ੍ਚਨੁਭੋਮਨਪ੍ਪਕਂ.

‘‘ਸੁਤਂ ਨੁ ਤਂ ਭਾਸਤਿ ਯਂ ਅਯਂ ਲਤਾ, ਯਂ ਨੋ ਅਪੁਚ੍ਛਿਮ੍ਹ ਅਕਿਤ੍ਤਯੀ ਨੋ;

ਪਤਿਨੋ ਕਿਰਮ੍ਹਾਕਂ ਵਿਸਿਟ੍ਠ ਨਾਰੀਨਂ, ਗਤੀ ਚ ਤਾਸਂ ਪਵਰਾ ਚ ਦੇਵਤਾ.

‘‘ਪਤੀਸੁ ¶ ਧਮ੍ਮਂ ਪਚਰਾਮ ਸਬ੍ਬਾ, ਪਤਿਬ੍ਬਤਾ ਯਤ੍ਥ ਭਵਨ੍ਤਿ ਇਤ੍ਥਿਯੋ;

ਪਤੀਸੁ ਧਮ੍ਮਂ ਪਚਰਿਤ੍ਵ [ਪਚਰਿਤ੍ਵਾਨ (ਕ.)] ਸਬ੍ਬਾ, ਲਚ੍ਛਾਮਸੇ ਭਾਸਤਿ ਯਂ ਅਯਂ ਲਤਾ.

‘‘ਸੀਹੋ ਯਥਾ ਪਬ੍ਬਤਸਾਨੁਗੋਚਰੋ, ਮਹਿਨ੍ਧਰਂ ਪਬ੍ਬਤਮਾਵਸਿਤ੍ਵਾ;

ਪਸਯ੍ਹ ਹਨ੍ਤ੍ਵਾ ਇਤਰੇ ਚਤੁਪ੍ਪਦੇ, ਖੁਦ੍ਦੇ ਮਿਗੇ ਖਾਦਤਿ ਮਂਸਭੋਜਨੋ.

‘‘ਤਥੇਵ ਸਦ੍ਧਾ ਇਧ ਅਰਿਯਸਾਵਿਕਾ, ਭਤ੍ਤਾਰਂ ਨਿਸ੍ਸਾਯ ਪਤਿਂ ਅਨੁਬ੍ਬਤਾ;

ਕੋਧਂ ਵਧਿਤ੍ਵਾ ਅਭਿਭੁਯ੍ਯ ਮਚ੍ਛਰਂ, ਸਗ੍ਗਮ੍ਹਿ ਸਾ ਮੋਦਤਿ ਧਮ੍ਮਚਾਰਿਨੀ’’ਤਿ.

੧. ਵਤ੍ਥੁਤ੍ਤਮਦਾਯਿਕਾਵਿਮਾਨਵਤ੍ਥੁ

‘‘ਸਤ੍ਤਤਨ੍ਤਿਂ ¶ ਸੁਮਧੁਰਂ, ਰਾਮਣੇਯ੍ਯਂ ਅਵਾਚਯਿਂ;

ਸੋ ¶ ਮਂ ਰਙ੍ਗਮ੍ਹਿ ਅਵ੍ਹੇਤਿ, ‘ਸਰਣਂ ਮੇ ਹੋਹਿ ਕੋਸਿਯਾ’ਤਿ.

‘‘ਅਹਂ ¶ ਤੇ ਸਰਣਂ ਹੋਮਿ, ਅਹਮਾਚਰਿਯਪੂਜਕੋ;

ਨ ਤਂ ਜਯਿਸ੍ਸਤਿ ਸਿਸ੍ਸੋ, ਸਿਸ੍ਸਮਾਚਰਿਯ ਜੇਸ੍ਸਸੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ¶ ਤਂ ਦੇਵਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ, ਮੋਗ੍ਗਲ੍ਲਾਨੇਨ ਪੁਚ੍ਛਿਤਾ;

ਪਞ੍ਹਂ ਪੁਟ੍ਠਾ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਵਤ੍ਥੁਤ੍ਤਮਦਾਯਿਕਾ ਨਾਰੀ, ਪਵਰਾ ਹੋਤਿ ਨਰੇਸੁ ਨਾਰੀਸੁ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ¶ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ [ਅਚ੍ਛਰਾਸਹਸ੍ਸਸ੍ਸਾਹਂ ਪਵਰਾ, (ਸ੍ਯਾ.)] ਪਸ੍ਸ ¶ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾਵ, ਮਨੁਸ੍ਸਭੂਤਾ ਯਮਕਾਸਿ ਪੁਞ੍ਞਂ;

ਤੇਨਮ੍ਹਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

(ਅਨਨ੍ਤਰਂ ਚਤੁਰਵਿਮਾਨਂ ਯਥਾ ਵਤ੍ਥੁਦਾਯਿਕਾਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ [( ) ਨਤ੍ਥਿ ਸੀ. ਪੋਤ੍ਥਕੇ])

੨. ਪੁਪ੍ਫੁਤ੍ਤਮਦਾਯਿਕਾਵਿਮਾਨਵਤ੍ਥੁ (੧)

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ…ਪੇ…

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਪੁਪ੍ਫੁਤ੍ਤਮਦਾਯਿਕਾ ਨਾਰੀ, ਪਵਰਾ ਹੋਤਿ ਨਰੇਸੁ ਨਾਰੀਸੁ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ¶ ¶ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੩. ਗਨ੍ਧੁਤ੍ਤਮਦਾਯਿਕਾਵਿਮਾਨਵਤ੍ਥੁ (੨)

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ¶ ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ…ਪੇ…

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਗਨ੍ਧੁਤ੍ਤਮਦਾਯਿਕਾ ਨਾਰੀ, ਪਵਰਾ ਹੋਤਿ ਨਰੇਸੁ ਨਾਰੀਸੁ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੪. ਫਲੁਤ੍ਤਮਦਾਯਿਕਾਵਿਮਾਨਵਤ੍ਥੁ (੩)

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ…ਪੇ…

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ¶ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਫਲੁਤ੍ਤਮਦਾਯਿਕਾ ਨਾਰੀ, ਪਵਰਾ ਹੋਤਿ ਨਰੇਸੁ ਨਾਰੀਸੁ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੫. ਰਸੁਤ੍ਤਮਦਾਯਿਕਾਵਿਮਾਨਵਤ੍ਥੁ (੪)

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ¶ ਤੇਤਾਦਿਸੋ ਵਣ੍ਣੋ…ਪੇ… ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵਿ ਮਹਾਨੁਭਾਵੇ…ਪੇ…

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਰਸੁਤ੍ਤਮਦਾਯਿਕਾ ਨਾਰੀ, ਪਵਰਾ ¶ ਹੋਤਿ ਨਰੇਸੁ ਨਾਰੀਸੁ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੬. ਗਨ੍ਧਪਞ੍ਚਙ੍ਗੁਲਿਕਦਾਯਿਕਾਵਿਮਾਨਵਤ੍ਥੁ

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਗਨ੍ਧਪਞ੍ਚਙ੍ਗੁਲਿਕਂ ਅਹਮਦਾਸਿਂ, ਕਸ੍ਸਪਸ੍ਸ ਭਗਵਤੋ ਥੂਪਮ੍ਹਿ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ ¶ , ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

(ਅਨਨ੍ਤਰਂ ¶ ਚਤੁਰਵਿਮਾਨਂ ਯਥਾ ਗਨ੍ਧਪਞ੍ਚਙ੍ਗੁਲਿਕਦਾਯਿਕਾਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ [( ) ਨਤ੍ਥਿ ਸੀ. ਪੋਤ੍ਥਕੇ] )

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ…ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਭਿਕ੍ਖੂ ਚ ਅਹਂ ਭਿਕ੍ਖੁਨਿਯੋ ਚ, ਅਦ੍ਦਸਾਸਿਂ ਪਨ੍ਥਪਟਿਪਨ੍ਨੇ;

ਤੇਸਾਹਂ ਧਮ੍ਮਂ ਸੁਤ੍ਵਾਨ, ਏਕੂਪੋਸਥਂ ਉਪਵਸਿਸ੍ਸਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ¶ ¶ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਉਦਕੇ ¶ ਠਿਤਾ ਉਦਕਮਦਾਸਿਂ, ਭਿਕ੍ਖੁਨੋ ਚਿਤ੍ਤੇਨ ਵਿਪ੍ਪਸਨ੍ਨੇਨ;

ਏਵਂ ਪਿਯਰੂਪਦਾਯਿਕਾ ਮਨਾਪਂ, ਦਿਬ੍ਬਂ ਸਾ ਲਭਤੇ ਉਪੇਚ੍ਚ ਠਾਨਂ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ¶ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਸਸ੍ਸੁਞ੍ਚਾਹਂ ਸਸੁਰਞ੍ਚ, ਚਣ੍ਡਿਕੇ ਕੋਧਨੇ ਚ ਫਰੁਸੇ ਚ;

ਅਨੁਸੂਯਿਕਾ ਉਪਟ੍ਠਾਸਿਂ [ਸੂਪਟ੍ਠਾਸਿਂ (ਸੀ.)], ਅਪ੍ਪਮਤ੍ਤਾ ¶ ਸਕੇਨ ਸੀਲੇਨ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

੧੦. ਅਪਰਕਮ੍ਮਕਾਰਿਨੀਵਿਮਾਨਵਤ੍ਥੁ (੪)

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਪਰਕਮ੍ਮਕਰੀ [ਪਰਕਮ੍ਮਕਾਰਿਨੀ (ਸ੍ਯਾ.) ਪਰਕਮ੍ਮਕਾਰੀ (ਪੀ.) ਅਪਰਕਮ੍ਮਕਾਰਿਨੀ (ਕ.)] ਆਸਿਂ, ਅਤ੍ਥੇਨਾਤਨ੍ਦਿਤਾ ਦਾਸੀ;

ਅਕ੍ਕੋਧਨਾਨਤਿਮਾਨਿਨੀ [ਅਨਤਿਮਾਨੀ (ਸੀ. ਸ੍ਯਾ.)], ਸਂਵਿਭਾਗਿਨੀ ਸਕਸ੍ਸ ਭਾਗਸ੍ਸ.

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ¶ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ¶ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਖੀਰੋਦਨਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ;

ਏਵਂ ਕਰਿਤ੍ਵਾ ਕਮ੍ਮਂ, ਸੁਗਤਿਂ ਉਪਪਜ੍ਜ ਮੋਦਾਮਿ.

‘‘ਤਸ੍ਸਾ ¶ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

(ਅਨਨ੍ਤਰਂ ਪਞ੍ਚਵੀਸਤਿਵਿਮਾਨਂ ਯਥਾ ਖੀਰੋਦਨਦਾਯਿਕਾਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ) [( ) ਨਤ੍ਥਿ ਸੀ. ਪੋਤ੍ਥਕੇ]

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ¶ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਫਾਣਿਤਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ…’’.

੧੩. ਉਚ੍ਛੁਖਣ੍ਡਿਕਦਾਯਿਕਾਵਤ੍ਥੁ (੨)

ਉਚ੍ਛੁਖਣ੍ਡਿਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੪. ਤਿਮ੍ਬਰੁਸਕਦਾਯਿਕਾਵਿਮਾਨਵਤ੍ਥੁ (੩)

ਤਿਮ੍ਬਰੁਸਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੫. ਕਕ੍ਕਾਰਿਕਦਾਯਿਕਾਵਿਮਾਨਵਤ੍ਥੁ (੪)

ਕਕ੍ਕਾਰਿਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੬. ਏਲ਼ਾਲੁਕਦਾਯਿਕਾਵਿਮਾਨਵਤ੍ਥੁ (੫)

ਏਲ਼ਾਲੁਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੭. ਵਲ੍ਲਿਫਲਦਾਯਿਕਾਵਿਮਾਨਵਤ੍ਥੁ(੬)

ਵਲ੍ਲਿਫਲਂ ¶ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੮. ਫਾਰੁਸਕਦਾਯਿਕਾਵਿਮਾਨਵਤ੍ਥੁ (੭)

ਫਾਰੁਸਕਂ ¶ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੧੯. ਹਤ੍ਥਪ੍ਪਤਾਪਕਦਾਯਿਕਾਵਿਮਾਨਵਤ੍ਥੁ (੮)

ਹਤ੍ਥਪ੍ਪਤਾਪਕਂ ¶ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੦. ਸਾਕਮੁਟ੍ਠਿਦਾਯਿਕਾਵਿਮਾਨਵਤ੍ਥੁ (੯)

ਸਾਕਮੁਟ੍ਠਿਂ ਅਹਮਦਾਸਿਂ, ਭਿਕ੍ਖੁਨੋ ਪਨ੍ਥਪਟਿਪਨ੍ਨਸ੍ਸ…ਪੇ….

੨੧. ਪੁਪ੍ਫਕਮੁਟ੍ਠਿਦਾਯਿਕਾਵਿਮਾਨਵਤ੍ਥੁ (੧੦)

ਪੁਪ੍ਫਕਮੁਟ੍ਠਿਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

ਮੂਲਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੩. ਨਿਮ੍ਬਮੁਟ੍ਠਿਦਾਯਿਕਾਵਿਮਾਨਵਤ੍ਥੁ (੧੨)

ਨਿਮ੍ਬਮੁਟ੍ਠਿਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੪. ਅਮ੍ਬਕਞ੍ਜਿਕਦਾਯਿਕਾਵਿਮਾਨਵਤ੍ਥੁ (੧੩)

ਅਮ੍ਬਕਞ੍ਜਿਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੫. ਦੋਣਿਨਿਮ੍ਮਜ੍ਜਨਿਦਾਯਿਕਾਵਿਮਾਨਵਤ੍ਥੁ (੧੪)

ਦੋਣਿਨਿਮ੍ਮਜ੍ਜਨਿਂ [ਦੋਣਿਨਿਮ੍ਮੁਜ੍ਜਨਂ (ਸ੍ਯਾ.)] ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੬. ਕਾਯਬਨ੍ਧਨਦਾਯਿਕਾਵਿਮਾਨਵਤ੍ਥੁ (੧੫)

ਕਾਯਬਨ੍ਧਨਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੭. ਅਂਸਬਦ੍ਧਕਦਾਯਿਕਾਵਿਮਾਨਵਤ੍ਥੁ (੧੬)

ਅਂਸਬਦ੍ਧਕਂ ¶ [ਅਂਸਵਟ੍ਟਕਂ (ਸੀ.), ਅਂਸਬਨ੍ਧਨਂ (ਕ.)] ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੮. ਆਯੋਗਪਟ੍ਟਦਾਯਿਕਾਵਿਮਾਨਵਤ੍ਥੁ (੧੭)

ਆਯੋਗਪਟ੍ਟਂ ¶ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੨੯. ਵਿਧੂਪਨਦਾਯਿਕਾਵਿਮਾਨਵਤ੍ਥੁ (੧੮)

ਵਿਧੂਪਨਂ ¶ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੩੦. ਤਾਲਵਣ੍ਟਦਾਯਿਕਾਵਿਮਾਨਵਤ੍ਥੁ (੧੯)

ਤਾਲਵਣ੍ਟਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੩੧. ਮੋਰਹਤ੍ਥਦਾਯਿਕਾਵਿਮਾਨਵਤ੍ਥੁ (੨੦)

ਮੋਰਹਤ੍ਥਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

ਛਤ੍ਤਂ [ਛਤ੍ਤਞ੍ਚ (ਕ.)] ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੩੩. ਉਪਾਹਨਦਾਯਿਕਾਵਿਮਾਨਵਤ੍ਥੁ (੨੨)

ਉਪਾਹਨਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

ਪੂਵਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

ਮੋਦਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

੩੬. ਸਕ੍ਖਲਿਕਦਾਯਿਕਾਵਿਮਾਨਵਤ੍ਥੁ (੨੫)

‘‘ਸਕ੍ਖਲਿਕਂ [ਸਕ੍ਖਲਿਂ (ਸੀ. ਸ੍ਯਾ.)] ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ…ਪੇ….

‘‘ਤਸ੍ਸਾ ਮੇ ਪਸ੍ਸ ਵਿਮਾਨਂ, ਅਚ੍ਛਰਾ ਕਾਮਵਣ੍ਣਿਨੀਹਮਸ੍ਮਿ;

ਅਚ੍ਛਰਾਸਹਸ੍ਸਸ੍ਸਾਹਂ, ਪਵਰਾ ਪਸ੍ਸ ਪੁਞ੍ਞਾਨਂ ਵਿਪਾਕਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਸ੍ਵਾਗਤਂ ਵਤ ਮੇ ਅਜ੍ਜ, ਸੁਪ੍ਪਭਾਤਂ ਸੁਹੁਟ੍ਠਿਤਂ [ਸੁਵੁਟ੍ਠਿਤਂ (ਸੀ.)];

ਯਂ ਅਦ੍ਦਸਾਮਿ [ਅਦ੍ਦਸਂ (ਸੀ. ਸ੍ਯਾ.), ਅਦ੍ਦਸਾਸਿਂ (ਪੀ.)] ਦੇਵਤਾਯੋ, ਅਚ੍ਛਰਾ ਕਾਮਵਣ੍ਣਿਨਿਯੋ [ਕਾਮਵਣ੍ਣਿਯੋ (ਸੀ.)].

‘‘ਇਮਾਸਾਹਂ ¶ [ਤਾਸਾਹਂ (ਸ੍ਯਾ. ਕ.)] ਧਮ੍ਮਂ ਸੁਤ੍ਵਾ [ਸੁਤ੍ਵਾਨ (ਸ੍ਯਾ. ਕ.)], ਕਾਹਾਮਿ ਕੁਸਲਂ ਬਹੁਂ.

ਦਾਨੇਨ ਸਮਚਰਿਯਾਯ, ਸਞ੍ਞਮੇਨ ਦਮੇਨ ਚ;

ਸ੍ਵਾਹਂ ਤਤ੍ਥ ਗਮਿਸ੍ਸਾਮਿ [ਤਤ੍ਥੇਵ ਗਚ੍ਛਾਮਿ (ਕ.)], ਯਤ੍ਥ ਗਨ੍ਤ੍ਵਾ ਨ ਸੋਚਰੇ’’ਤਿ.

‘‘ਦਦ੍ਦਲ੍ਲਮਾਨਾ ¶ ¶ [ਦਦ੍ਦਲ਼੍ਹਮਾਨਾ (ਕ.)] ਵਣ੍ਣੇਨ, ਯਸਸਾ ਚ ਯਸਸ੍ਸਿਨੀ;

ਸਬ੍ਬੇ ਦੇਵੇ ਤਾਵਤਿਂਸੇ, ਵਣ੍ਣੇਨ ਅਤਿਰੋਚਸਿ.

‘‘ਦਸ੍ਸਨਂ ਨਾਭਿਜਾਨਾਮਿ, ਇਦਂ ਪਠਮਦਸ੍ਸਨਂ;

ਕਸ੍ਮਾ ਕਾਯਾ ਨੁ ਆਗਮ੍ਮ, ਨਾਮੇਨ ਭਾਸਸੇ ਮਮ’’ਨ੍ਤਿ.

‘‘ਅਹਂ ਭਦ੍ਦੇ ਸੁਭਦ੍ਦਾਸਿਂ, ਪੁਬ੍ਬੇ ਮਾਨੁਸਕੇ ਭਵੇ;

ਸਹਭਰਿਯਾ ਚ ਤੇ ਆਸਿਂ, ਭਗਿਨੀ ਚ ਕਨਿਟ੍ਠਿਕਾ.

‘‘ਸਾ ਅਹਂ ਕਾਯਸ੍ਸ ਭੇਦਾ, ਵਿਪ੍ਪਮੁਤ੍ਤਾ ਤਤੋ ਚੁਤਾ;

ਨਿਮ੍ਮਾਨਰਤੀਨਂ ਦੇਵਾਨਂ, ਉਪਪਨ੍ਨਾ ਸਹਬ੍ਯਤ’’ਨ੍ਤਿ.

‘‘ਪਹੂਤਕਤਕਲ੍ਯਾਣਾ, ਤੇ ਦੇਵੇ ਯਨ੍ਤਿ ਪਾਣਿਨੋ;

ਯੇਸਂ ਤ੍ਵਂ ਕਿਤ੍ਤਯਿਸ੍ਸਸਿ, ਸੁਭਦ੍ਦੇ ਜਾਤਿਮਤ੍ਤਨੋ.

‘‘ਅਥ [ਕਥਂ (ਸੀ. ਸ੍ਯਾ.)] ਤ੍ਵਂ ਕੇਨ ਵਣ੍ਣੇਨ, ਕੇਨ ਵਾ ਅਨੁਸਾਸਿਤਾ;

ਕੀਦਿਸੇਨੇਵ ਦਾਨੇਨ, ਸੁਬ੍ਬਤੇਨ ਯਸਸ੍ਸਿਨੀ.

‘‘ਯਸਂ ਏਤਾਦਿਸਂ ਪਤ੍ਤਾ, ਵਿਸੇਸਂ ਵਿਪੁਲਮਜ੍ਝਗਾ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਅਟ੍ਠੇਵ ਪਿਣ੍ਡਪਾਤਾਨਿ, ਯਂ ਦਾਨਂ ਅਦਦਂ ਪੁਰੇ;

ਦਕ੍ਖਿਣੇਯ੍ਯਸ੍ਸ ਸਙ੍ਘਸ੍ਸ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਹਂ ¶ ਤਯਾ ਬਹੁਤਰੇ ਭਿਕ੍ਖੂ, ਸਞ੍ਞਤੇ ਬ੍ਰਹ੍ਮਚਾਰਯੋ [ਬ੍ਰਹ੍ਮਚਰਿਨੋ (ਸ੍ਯਾ.), ਬ੍ਰਹ੍ਮਚਾਰਿਯੇ (ਪੀ. ਕ.)];

ਤਪ੍ਪੇਸਿਂ ਅਨ੍ਨਪਾਨੇਨ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤਯਾ ¶ ¶ ਬਹੁਤਰਂ ਦਤ੍ਵਾ, ਹੀਨਕਾਯੂਪਗਾ ਅਹਂ [ਅਹੁਂ (ਕ. ਸੀ.)];

ਕਥਂ ਤ੍ਵਂ ਅਪ੍ਪਤਰਂ ਦਤ੍ਵਾ, ਵਿਸੇਸਂ ਵਿਪੁਲਮਜ੍ਝਗਾ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਮਨੋਭਾਵਨੀਯੋ ¶ ਭਿਕ੍ਖੁ, ਸਨ੍ਦਿਟ੍ਠੋ ਮੇ ਪੁਰੇ ਅਹੁ;

ਤਾਹਂ ਭਤ੍ਤੇਨ [ਭਦ੍ਦੇ (ਕ.)] ਨਿਮਨ੍ਤੇਸਿਂ, ਰੇਵਤਂ ਅਤ੍ਤਨਟ੍ਠਮਂ.

‘‘ਸੋ ਮੇ ਅਤ੍ਥਪੁਰੇਕ੍ਖਾਰੋ, ਅਨੁਕਮ੍ਪਾਯ ਰੇਵਤੋ;

ਸਙ੍ਘੇ ਦੇਹੀਤਿ ਮਂਵੋਚ, ਤਸ੍ਸਾਹਂ ਵਚਨਂ ਕਰਿਂ.

‘‘ਸਾ ਦਕ੍ਖਿਣਾ ਸਙ੍ਘਗਤਾ, ਅਪ੍ਪਮੇਯ੍ਯੇ ਪਤਿਟ੍ਠਿਤਾ;

ਪੁਗ੍ਗਲੇਸੁ ਤਯਾ ਦਿਨ੍ਨਂ, ਨ ਤਂ ਤਵ ਮਹਪ੍ਫਲ’’ਨ੍ਤਿ.

‘‘ਇਦਾਨੇਵਾਹਂ ਜਾਨਾਮਿ, ਸਙ੍ਘੇ ਦਿਨ੍ਨਂ ਮਹਪ੍ਫਲਂ;

ਸਾਹਂ ਗਨ੍ਤ੍ਵਾ ਮਨੁਸ੍ਸਤ੍ਤਂ, ਵਦਞ੍ਞੂ ਵੀਤਮਚ੍ਛਰਾ;

ਸਙ੍ਘੇ ਦਾਨਾਨਿ ਦਸ੍ਸਾਮਿ [ਸਙ੍ਘੇ ਦਾਨਂ ਦਸ੍ਸਾਮਿਹਂ (ਸ੍ਯਾ.)], ਅਪ੍ਪਮਤ੍ਤਾ ਪੁਨਪ੍ਪੁਨ’’ਨ੍ਤਿ.

‘‘ਕਾ ਏਸਾ ਦੇਵਤਾ ਭਦ੍ਦੇ, ਤਯਾ ਮਨ੍ਤਯਤੇ ਸਹ;

ਸਬ੍ਬੇ ਦੇਵੇ ਤਾਵਤਿਂਸੇ, ਵਣ੍ਣੇਨ ਅਤਿਰੋਚਤੀ’’ਤਿ.

‘‘ਮਨੁਸ੍ਸਭੂਤਾ ਦੇਵਿਨ੍ਦ, ਪੁਬ੍ਬੇ ਮਾਨੁਸਕੇ ਭਵੇ;

ਸਹਭਰਿਯਾ ਚ ਮੇ ਆਸਿ, ਭਗਿਨੀ ਚ ਕਨਿਟ੍ਠਿਕਾ;

ਸਙ੍ਘੇ ਦਾਨਾਨਿ ਦਤ੍ਵਾਨ, ਕਤਪੁਞ੍ਞਾ ਵਿਰੋਚਤੀ’’ਤਿ.

‘‘ਧਮ੍ਮੇਨ ਪੁਬ੍ਬੇ ਭਗਿਨੀ, ਤਯਾ ਭਦ੍ਦੇ ਵਿਰੋਚਤਿ;

ਯਂ ਸਙ੍ਘਮ੍ਹਿ ਅਪ੍ਪਮੇਯ੍ਯੇ, ਪਤਿਟ੍ਠਾਪੇਸਿ ਦਕ੍ਖਿਣਂ.

‘‘ਪੁਚ੍ਛਿਤੋ ਹਿ ਮਯਾ ਬੁਦ੍ਧੋ, ਗਿਜ੍ਝਕੂਟਮ੍ਹਿ ਪਬ੍ਬਤੇ;

ਵਿਪਾਕਂ ¶ ਸਂਵਿਭਾਗਸ੍ਸ, ਯਤ੍ਥ ਦਿਨ੍ਨਂ ਮਹਪ੍ਫਲਂ.

‘‘ਯਜਮਾਨਾਨਂ ਮਨੁਸ੍ਸਾਨਂ, ਪੁਞ੍ਞਪੇਕ੍ਖਾਨ ਪਾਣਿਨਂ;

ਕਰੋਤਂ ਓਪਧਿਕਂ ਪੁਞ੍ਞਂ, ਯਤ੍ਥ ਦਿਨ੍ਨਂ ਮਹਪ੍ਫਲਂ.

‘‘ਤਂ ¶ ਮੇ ਬੁਦ੍ਧੋ ਵਿਯਾਕਾਸਿ, ਜਾਨਂ ਕਮ੍ਮਫਲਂ ਸਕਂ;

ਵਿਪਾਕਂ ਸਂਵਿਭਾਗਸ੍ਸ, ਯਤ੍ਥ ਦਿਨ੍ਨਂ ਮਹਪ੍ਫਲਂ.

[ਵਿ. ਵ. ੭੫੦; ਕਥਾ. ੭੯੮] ‘‘ਚਤ੍ਤਾਰੋ ਚ ਪਟਿਪਨ੍ਨਾ, ਚਤ੍ਤਾਰੋ ਚ ਫਲੇ ਠਿਤਾ;

ਏਸ ਸਙ੍ਘੋ ਉਜੁਭੂਤੋ, ਪਞ੍ਞਾਸੀਲਸਮਾਹਿਤੋ.

[ਵਿ. ਵ. ੭੫੧; ਕਥਾ. ੭੯੮] ‘‘ਯਜਮਾਨਾਨਂ ਮਨੁਸ੍ਸਾਨਂ, ਪੁਞ੍ਞਪੇਕ੍ਖਾਨ ਪਾਣਿਨਂ;

ਕਰੋਤਂ ਓਪਧਿਕਂ ਪੁਞ੍ਞਂ, ਸਙ੍ਘੇ ਦਿਨ੍ਨਂ ਮਹਪ੍ਫਲਂ.

[ਵਿ. ਵ. ੭੫੨; ਕਥਾ. ੭੯੮] ‘‘ਏਸੋ ¶ ਹਿ ਸਙ੍ਘੋ ਵਿਪੁਲੋ ਮਹਗ੍ਗਤੋ, ਏਸਪ੍ਪਮੇਯ੍ਯੋ ਉਦਧੀਵ ਸਾਗਰੋ;

ਏਤੇ ਹਿ ਸੇਟ੍ਠਾ ਨਰਵੀਰਸਾਵਕਾ, ਪਭਙ੍ਕਰਾ ਧਮ੍ਮਮੁਦੀਰਯਨ੍ਤਿ [ਧਮ੍ਮਕਥਂ ਉਦੀਰਯਨ੍ਤਿ (ਸ੍ਯਾ.)].

[ਵਿ. ਵ. ੭੫੩; ਕਥਾ. ੭੯੮] ‘‘ਤੇਸਂ ¶ ਸੁਦਿਨ੍ਨਂ ਸੁਹੁਤਂ ਸੁਯਿਟ੍ਠਂ, ਯੇ ਸਙ੍ਘਮੁਦ੍ਦਿਸ੍ਸ ਦਦਨ੍ਤਿ ਦਾਨਂ;

ਸਾ ਦਕ੍ਖਿਣਾ ਸਙ੍ਘਗਤਾ ਪਤਿਟ੍ਠਿਤਾ, ਮਹਪ੍ਫਲਾ ਲੋਕਵਿਦੂਨ [ਲੋਕਵਿਦੂਹਿ (ਸ੍ਯਾ. ਕ.)] ਵਣ੍ਣਿਤਾ.

[ਵਿ. ਵ. ੭੫੪; ਕਥਾ. ੭੯੮] ‘‘ਏਤਾਦਿਸਂ ਯਞ੍ਞਮਨੁਸ੍ਸਰਨ੍ਤਾ [ਪੁਞ੍ਞਮਨੁਸ੍ਸਰਨ੍ਤਾ (ਸ੍ਯਾ. ਕ.)], ਯੇ ਵੇਦਜਾਤਾ ਵਿਚਰਨ੍ਤਿ ਲੋਕੇ;

ਵਿਨੇਯ੍ਯ ਮਚ੍ਛੇਰਮਲਂ ਸਮੂਲਂ, ਅਨਿਨ੍ਦਿਤਾ ¶ ਸਗ੍ਗਮੁਪੇਨ੍ਤਿ ਠਾਨ’’ਨ੍ਤਿ.

ਦਦ੍ਦਲ੍ਲਵਿਮਾਨਂ [ਦਦ੍ਦਲ਼੍ਹਵਿਮਾਨਂ (ਕ.)] ਛਟ੍ਠਂ.

‘‘ਫਲਿਕਰਜਤਹੇਮਜਾਲਛਨ੍ਨਂ ¶ , ਵਿਵਿਧਚਿਤ੍ਰਤਲਮਦ੍ਦਸਂ ਸੁਰਮ੍ਮਂ;

ਬ੍ਯਮ੍ਹਂ ਸੁਨਿਮ੍ਮਿਤਂ ਤੋਰਣੂਪਪਨ੍ਨਂ, ਰੁਚਕੁਪਕਿਣ੍ਣਮਿਦਂ ਸੁਭਂ ਵਿਮਾਨਂ.

‘‘ਭਾਤਿ ¶ ਚ ਦਸ ਦਿਸਾ ਨਭੇਵ ਸੁਰਿਯੋ, ਸਰਦੇ ਤਮੋਨੁਦੋ ਸਹਸ੍ਸਰਂਸੀ;

ਤਥਾ ਤਪਤਿਮਿਦਂ ਤਵ ਵਿਮਾਨਂ, ਜਲਮਿਵ ਧੂਮਸਿਖੋ ਨਿਸੇ ਨਭਗ੍ਗੇ.

‘‘ਮੁਸਤੀਵ ਨਯਨਂ ਸਤੇਰਤਾਵ [ਸਤੇਰਿਤਾਵ (ਸ੍ਯਾ. ਕ.)], ਆਕਾਸੇ ਠਪਿਤਮਿਦਂ ਮਨੁਞ੍ਞਂ;

ਵੀਣਾਮੁਰਜਸਮ੍ਮਤਾਲ਼ਘੁਟ੍ਠਂ, ਇਦ੍ਧਂ ਇਨ੍ਦਪੁਰਂ ਯਥਾ ਤਵੇਦਂ.

‘‘ਪਦੁਮਕੁਮੁਦੁਪ੍ਪਲਕੁਵਲਯਂ, ਯੋਧਿਕ [ਯੂਧਿਕ (ਸੀ.)] ਬਨ੍ਧੁਕਨੋਜਕਾ [ਯੋਥਿਕਾ ਭਣ੍ਡਿਕਾ ਨੋਜਕਾ (ਸ੍ਯਾ.)] ਚ ਸਨ੍ਤਿ;

ਸਾਲਕੁਸੁਮਿਤਪੁਪ੍ਫਿਤਾ ਅਸੋਕਾ, ਵਿਵਿਧਦੁਮਗ੍ਗਸੁਗਨ੍ਧਸੇਵਿਤਮਿਦਂ.

‘‘ਸਲ਼ਲਲਬੁਜਭੁਜਕ [ਸੁਜਕ (ਸੀ. ਸ੍ਯਾ.)] ਸਂਯੁਤ੍ਤਾ [ਸਞ੍ਞਤਾ (ਸੀ.)], ਕੁਸਕਸੁਫੁਲ੍ਲਿਤਲਤਾਵਲਮ੍ਬਿਨੀਹਿ ¶ ;

ਮਣਿਜਾਲਸਦਿਸਾ ਯਸਸ੍ਸਿਨੀ, ਰਮ੍ਮਾ ਪੋਕ੍ਖਰਣੀ ਉਪਟ੍ਠਿਤਾ ਤੇ.

‘‘ਉਦਕਰੁਹਾ ਚ ਯੇਤ੍ਥਿ ਪੁਪ੍ਫਜਾਤਾ, ਥਲਜਾ ਯੇ ਚ ਸਨ੍ਤਿ ਰੁਕ੍ਖਜਾਤਾ;

ਮਾਨੁਸਕਾਮਾਨੁਸ੍ਸਕਾ ਚ ਦਿਬ੍ਬਾ, ਸਬ੍ਬੇ ਤੁਯ੍ਹਂ ਨਿਵੇਸਨਮ੍ਹਿ ਜਾਤਾ.

‘‘ਕਿਸ੍ਸ ਸਂਯਮਦਮਸ੍ਸਯਂ ਵਿਪਾਕੋ, ਕੇਨਾਸਿ ਕਮ੍ਮਫਲੇਨਿਧੂਪਪਨ੍ਨਾ;

ਯਥਾ ਚ ਤੇ ਅਧਿਗਤਮਿਦਂ ਵਿਮਾਨਂ, ਤਦਨੁਪਦਂ ਅਵਚਾਸਿਲ਼ਾਰਪਮ੍ਹੇ’’ਤਿ [ਪਖੁਮੇਤਿ (ਸੀ.)].

‘‘ਯਥਾ ¶ ਚ ਮੇ ਅਧਿਗਤਮਿਦਂ ਵਿਮਾਨਂ, ਕੋਞ੍ਚਮਯੂਰਚਕੋਰ [ਚਙ੍ਕੋਰ (ਕ.)] ਸਙ੍ਘਚਰਿਤਂ;

ਦਿਬ੍ਯ [ਦਿਬ੍ਬ (ਸੀ. ਪੀ.)] ਪਿਲਵਹਂਸਰਾਜਚਿਣ੍ਣਂ, ਦਿਜਕਾਰਣ੍ਡਵਕੋਕਿਲਾਭਿਨਦਿਤਂ.

‘‘ਨਾਨਾਸਨ੍ਤਾਨਕਪੁਪ੍ਫਰੁਕ੍ਖਵਿਵਿਧਾ, ਪਾਟਲਿਜਮ੍ਬੁਅਸੋਕਰੁਕ੍ਖਵਨ੍ਤਂ;

ਯਥਾ ਚ ਮੇ ਅਧਿਗਤਮਿਦਂ ਵਿਮਾਨਂ, ਤਂ ¶ ਤੇ ਪਵੇਦਯਾਮਿ [ਪਵਦਿਸ੍ਸਾਮਿ (ਸੀ.), ਪਵੇਦਿਸ੍ਸਾਮਿ (ਪੀ.)] ਸੁਣੋਹਿ ਭਨ੍ਤੇ.

‘‘ਮਗਧਵਰਪੁਰਤ੍ਥਿਮੇਨ ¶ , ਨਾਲ਼ਕਗਾਮੋ ਨਾਮ ਅਤ੍ਥਿ ਭਨ੍ਤੇ;

ਤਤ੍ਥ ਅਹੋਸਿਂ ਪੁਰੇ ਸੁਣਿਸਾ, ਪੇਸਵਤੀਤਿ [ਸੇਸਵਤੀਤਿ (ਸੀ. ਸ੍ਯਾ.)] ਤਤ੍ਥ ਜਾਨਿਂਸੁ ਮਮਂ.

‘‘ਸਾਹਮਪਚਿਤਤ੍ਥਧਮ੍ਮਕੁਸਲਂ ¶ , ਦੇਵਮਨੁਸ੍ਸਪੂਜਿਤਂ ਮਹਨ੍ਤਂ;

ਉਪਤਿਸ੍ਸਂ ਨਿਬ੍ਬੁਤਮਪ੍ਪਮੇਯ੍ਯਂ, ਮੁਦਿਤਮਨਾ ਕੁਸੁਮੇਹਿ ਅਬ੍ਭੁਕਿਰਿਂ [ਅਬ੍ਭੋਕਿਰਿਂ (ਸੀ. ਸ੍ਯਾ. ਪੀ. ਕ.)].

‘‘ਪਰਮਗਤਿਗਤਞ੍ਚ ਪੂਜਯਿਤ੍ਵਾ, ਅਨ੍ਤਿਮਦੇਹਧਰਂ ਇਸਿਂ ਉਲ਼ਾਰਂ;

ਪਹਾਯ ਮਾਨੁਸਕਂ ਸਮੁਸ੍ਸਯਂ, ਤਿਦਸਗਤਾ ਇਧ ਮਾਵਸਾਮਿ ਠਾਨ’’ਨ੍ਤਿ.

‘‘ਪੀਤਵਤ੍ਥੇ ¶ ਪੀਤਧਜੇ, ਪੀਤਾਲਙ੍ਕਾਰਭੂਸਿਤੇ;

ਪੀਤਨ੍ਤਰਾਹਿ ਵਗ੍ਗੂਹਿ, ਅਪਿਲ਼ਨ੍ਧਾਵ ਸੋਭਸਿ.

‘‘ਕਾ ¶ ਕਮ੍ਬੁਕਾਯੂਰਧਰੇ [ਕਕਮ੍ਬੁਕਾਯੁਰਧਰੇ (ਸ੍ਯਾ.)], ਕਞ੍ਚਨਾਵੇਲ਼ਭੂਸਿਤੇ;

ਹੇਮਜਾਲਕਸਞ੍ਛਨ੍ਨੇ [ਪਚ੍ਛਨ੍ਨੇ (ਸੀ.)], ਨਾਨਾਰਤਨਮਾਲਿਨੀ.

‘‘ਸੋਵਣ੍ਣਮਯਾ ਲੋਹਿਤਙ੍ਗਮਯਾ [ਲੋਹਿਤਙ੍ਕਮਯਾ (ਸੀ. ਸ੍ਯਾ.)] ਚ, ਮੁਤ੍ਤਾਮਯਾ ¶ ਵੇਲ਼ੁਰਿਯਮਯਾ ਚ;

ਮਸਾਰਗਲ੍ਲਾ ਸਹਲੋਹਿਤਙ੍ਗਾ [ਸਹਲੋਹਿਤਙ੍ਕਾ (ਸੀ.), ਸਹਲੋਹਿਤਕਾ (ਸ੍ਯਾ.)], ਪਾਰੇਵਤਕ੍ਖੀਹਿ ਮਣੀਹਿ ਚਿਤ੍ਤਤਾ.

‘‘ਕੋਚਿ ਕੋਚਿ ਏਤ੍ਥ ਮਯੂਰਸੁਸ੍ਸਰੋ, ਹਂਸਸ੍ਸ ਰਞ੍ਞੋ ਕਰਵੀਕਸੁਸ੍ਸਰੋ;

ਤੇਸਂ ਸਰੋ ਸੁਯ੍ਯਤਿ ਵਗ੍ਗੁਰੂਪੋ, ਪਞ੍ਚਙ੍ਗਿਕਂ ਤੂਰਿਯਮਿਵਪ੍ਪਵਾਦਿਤਂ.

‘‘ਰਥੋ ਚ ਤੇ ਸੁਭੋ ਵਗ੍ਗੁ [ਵਗ੍ਗੂ (ਸ੍ਯਾ.)], ਨਾਨਾਰਤਨਚਿਤ੍ਤਿਤੋ [ਨਾਨਾਰਤਨਚਿਤ੍ਤਙ੍ਗੋ (ਸ੍ਯਾ.)];

ਨਾਨਾਵਣ੍ਣਾਹਿ ਧਾਤੂਹਿ, ਸੁਵਿਭਤ੍ਤੋਵ ਸੋਭਤਿ.

‘‘ਤਸ੍ਮਿਂ ਰਥੇ ਕਞ੍ਚਨਬਿਮ੍ਬਵਣ੍ਣੇ, ਯਾ ਤ੍ਵਂ [ਯਤ੍ਥ (ਕ. ਸੀ. ਸ੍ਯਾ. ਕ.)] ਠਿਤਾ ਭਾਸਸਿ ਮਂ ਪਦੇਸਂ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਸੋਵਣ੍ਣਜਾਲਂ ਮਣਿਸੋਣ੍ਣਚਿਤ੍ਤਿਤਂ [ਵਿਚਿਤ੍ਤਂ (ਕ.), ਚਿਤ੍ਤਂ (ਸੀ. ਸ੍ਯਾ.)], ਮੁਤ੍ਤਾਚਿਤਂ ਹੇਮਜਾਲੇਨ ਛਨ੍ਨਂ [ਸਞ੍ਛਨ੍ਨਂ (ਕ.)];

ਪਰਿਨਿਬ੍ਬੁਤੇ ਗੋਤਮੇ ਅਪ੍ਪਮੇਯ੍ਯੇ, ਪਸਨ੍ਨਚਿਤ੍ਤਾ ਅਹਮਾਭਿਰੋਪਯਿਂ.

‘‘ਤਾਹਂ ਕਮ੍ਮਂ ਕਰਿਤ੍ਵਾਨ, ਕੁਸਲਂ ਬੁਦ੍ਧਵਣ੍ਣਿਤਂ;

ਅਪੇਤਸੋਕਾ ਸੁਖਿਤਾ, ਸਮ੍ਪਮੋਦਾਮਨਾਮਯਾ’’ਤਿ.

‘‘ਕਾ ¶ ¶ ¶ ਨਾਮ ਤ੍ਵਂ ਵਿਸਾਲਕ੍ਖਿ [ਵਿਸਾਲਕ੍ਖੀ (ਸ੍ਯਾ.)], ਰਮ੍ਮੇ ਚਿਤ੍ਤਲਤਾਵਨੇ;

ਸਮਨ੍ਤਾ ਅਨੁਪਰਿਯਾਸਿ, ਨਾਰੀਗਣਪੁਰਕ੍ਖਤਾ [ਪੁਰਕ੍ਖਿਤਾ (ਸ੍ਯਾ. ਕ.)].

‘‘ਯਦਾ ¶ ਦੇਵਾ ਤਾਵਤਿਂਸਾ, ਪਵਿਸਨ੍ਤਿ ਇਮਂ ਵਨਂ;

ਸਯੋਗ੍ਗਾ ਸਰਥਾ ਸਬ੍ਬੇ, ਚਿਤ੍ਰਾ ਹੋਨ੍ਤਿ ਇਧਾਗਤਾ.

‘‘ਤੁਯ੍ਹਞ੍ਚ ਇਧ ਪਤ੍ਤਾਯ, ਉਯ੍ਯਾਨੇ ਵਿਚਰਨ੍ਤਿਯਾ;

ਕਾਯੇ ਨ ਦਿਸ੍ਸਤੀ ਚਿਤ੍ਤਂ, ਕੇਨ ਰੂਪਂ ਤਵੇਦਿਸਂ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਯੇਨ ਕਮ੍ਮੇਨ ਦੇਵਿਨ੍ਦ, ਰੂਪਂ ਮਯ੍ਹਂ ਗਤੀ ਚ ਮੇ;

ਇਦ੍ਧਿ ਚ ਆਨੁਭਾਵੋ ਚ, ਤਂ ਸੁਣੋਹਿ ਪੁਰਿਨ੍ਦਦ.

‘‘ਅਹਂ ਰਾਜਗਹੇ ਰਮ੍ਮੇ, ਸੁਨਨ੍ਦਾ ਨਾਮੁਪਾਸਿਕਾ;

ਸਦ੍ਧਾ ਸੀਲੇਨ ਸਮ੍ਪਨ੍ਨਾ, ਸਂਵਿਭਾਗਰਤਾ ਸਦਾ.

‘‘ਅਚ੍ਛਾਦਨਞ੍ਚ ਭਤ੍ਤਞ੍ਚ, ਸੇਨਾਸਨਂ ਪਦੀਪਿਯਂ;

ਅਦਾਸਿਂ ਉਜੁਭੂਤੇਸੁ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ [ਚਤੁਦ੍ਦਸਿਂ (ਪੀ. ਕ.)] ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਸਞ੍ਞਮਾ ਸਂਵਿਭਾਗਾ ਚ, ਵਿਮਾਨਂ ਆਵਸਾਮਹਂ.

‘‘ਪਾਣਾਤਿਪਾਤਾ ਵਿਰਤਾ, ਮੁਸਾਵਾਦਾ ਚ ਸਞ੍ਞਤਾ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਕਾ.

‘‘ਪਞ੍ਚਸਿਕ੍ਖਾਪਦੇ ਰਤਾ, ਅਰਿਯਸਚ੍ਚਾਨ ਕੋਵਿਦਾ;

ਉਪਾਸਿਕਾ ਚਕ੍ਖੁਮਤੋ, ਗੋਤਮਸ੍ਸ ਯਸਸ੍ਸਿਨੋ.

‘‘ਤਸ੍ਸਾ ¶ ¶ ਮੇ ਞਾਤਿਕੁਲਾ ਦਾਸੀ [ਞਾਤਿਕੁਲਂ ਆਸੀ (ਸ੍ਯਾ. ਕ.)], ਸਦਾ ਮਾਲਾਭਿਹਾਰਤਿ;

ਤਾਹਂ ਭਗਵਤੋ ਥੂਪੇ, ਸਬ੍ਬਮੇਵਾਭਿਰੋਪਯਿਂ.

‘‘ਉਪੋਸਥੇ ਚਹਂ ਗਨ੍ਤ੍ਵਾ, ਮਾਲਾਗਨ੍ਧਵਿਲੇਪਨਂ;

ਥੂਪਸ੍ਮਿਂ ਅਭਿਰੋਪੇਸਿਂ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤੇਨ ¶ ਕਮ੍ਮੇਨ ਦੇਵਿਨ੍ਦ, ਰੂਪਂ ਮਯ੍ਹਂ ਗਤੀ ਚ ਮੇ;

ਇਦ੍ਧੀ ਚ ਆਨੁਭਾਵੋ ਚ, ਯਂ ਮਾਲਂ ਅਭਿਰੋਪਯਿਂ.

‘‘ਯਞ੍ਚ ਸੀਲਵਤੀ ਆਸਿਂ, ਨ ਤਂ ਤਾਵ ਵਿਪਚ੍ਚਤਿ;

ਆਸਾ ਚ ਪਨ ਮੇ ਦੇਵਿਨ੍ਦ, ਸਕਦਾਗਾਮਿਨੀ ਸਿਯ’’ਨ੍ਤਿ.

‘‘ਪਾਰਿਚ੍ਛਤ੍ਤਕੇ ¶ ਕੋਵਿਲ਼ਾਰੇ, ਰਮਣੀਯੇ ਮਨੋਰਮੇ;

ਦਿਬ੍ਬਮਾਲਂ ਗਨ੍ਥਮਾਨਾ, ਗਾਯਨ੍ਤੀ ਸਮ੍ਪਮੋਦਸਿ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਸਦ੍ਦਾ ਨਿਚ੍ਛਰਨ੍ਤਿ, ਸਵਨੀਯਾ ਮਨੋਰਮਾ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਗਨ੍ਧਾ ਪਵਾਯਨ੍ਤਿ, ਸੁਚਿਗਨ੍ਧਾ ਮਨੋਰਮਾ.

‘‘ਵਿਵਤ੍ਤਮਾਨਾ ਕਾਯੇਨ, ਯਾ ਵੇਣੀਸੁ ਪਿਲ਼ਨ੍ਧਨਾ.

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੂਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਵਟਂਸਕਾ ਵਾਤਧੁਤਾ [ਵਾਤਧੂਤਾ (ਸੀ. ਸ੍ਯਾ.)], ਵਾਤੇਨ ਸਮ੍ਪਕਮ੍ਪਿਤਾ;

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੂਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਯਾਪਿ ¶ ਤੇ ਸਿਰਸ੍ਮਿਂ ਮਾਲਾ, ਸੁਚਿਗਨ੍ਧਾ ਮਨੋਰਮਾ;

ਵਾਤਿ ¶ ਗਨ੍ਧੋ ਦਿਸਾ ਸਬ੍ਬਾ, ਰੁਕ੍ਖੋ ਮਞ੍ਜੂਸਕੋ ਯਥਾ.

‘‘ਘਾਯਸੇ ਤਂ ਸੁਚਿਗਨ੍ਧਂ [ਸੁਚਿਂ ਗਨ੍ਧਂ (ਸੀ.)], ਰੂਪਂ ਪਸ੍ਸਸਿ ਅਮਾਨੁਸਂ [ਮਾਨੁਸਂ (ਪੀ.)];

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਪਭਸ੍ਸਰਂ ਅਚ੍ਚਿਮਨ੍ਤਂ, ਵਣ੍ਣਗਨ੍ਧੇਨ ਸਂਯੁਤਂ;

ਅਸੋਕਪੁਪ੍ਫਮਾਲਾਹਂ, ਬੁਦ੍ਧਸ੍ਸ ਉਪਨਾਮਯਿਂ.

‘‘ਤਾਹਂ ਕਮ੍ਮਂ ਕਰਿਤ੍ਵਾਨ, ਕੁਸਲਂ ਬੁਦ੍ਧਵਣ੍ਣਿਤਂ;

ਅਪੇਤਸੋਕਾ ਸੁਖਿਤਾ, ਸਮ੍ਪਮੋਦਾਮਨਾਮਯਾ’’ਤਿ.

ਪਾਰਿਚ੍ਛਤ੍ਤਕਵਗ੍ਗੋ ਤਤਿਯੋ ਨਿਟ੍ਠਿਤੋ.

ਉਲ਼ਾਰੋ ਉਚ੍ਛੁ ਪਲ੍ਲਙ੍ਕੋ, ਲਤਾ ਚ ਗੁਤ੍ਤਿਲੇਨ ਚ;

ਦਦ੍ਦਲ੍ਲਪੇਸਮਲ੍ਲਿਕਾ, ਵਿਸਾਲਕ੍ਖਿ ਪਾਰਿਚ੍ਛਤ੍ਤਕੋ;

‘‘ਮਞ੍ਜਿਟ੍ਠਕੇ ¶ ¶ [ਮਞ੍ਜੇਟ੍ਠਕੇ (ਸੀ.)] ਵਿਮਾਨਸ੍ਮਿਂ, ਸੋਣ੍ਣਵਾਲੁਕਸਨ੍ਥਤੇ [ਸੋਵਣ੍ਣਵਾਲੁਕਸਨ੍ਥਤੇ (ਸ੍ਯਾ. ਪੀ.), ਸੋਵਣ੍ਣਵਾਲਿਕਸਨ੍ਥਤੇ (ਕ.)];

ਪਞ੍ਚਙ੍ਗਿਕੇ ਤੁਰਿਯੇਨ [ਤੁਰਿਯੇਨ (ਸੀ. ਸ੍ਯਾ. ਪੀ.)], ਰਮਸਿ ਸੁਪ੍ਪਵਾਦਿਤੇ.

‘‘ਤਮ੍ਹਾ ਵਿਮਾਨਾ ਓਰੁਯ੍ਹ, ਨਿਮ੍ਮਿਤਾ ਰਤਨਾਮਯਾ;

ਓਗਾਹਸਿ ¶ ਸਾਲਵਨਂ, ਪੁਪ੍ਫਿਤਂ ਸਬ੍ਬਕਾਲਿਕਂ.

‘‘ਯਸ੍ਸ ਯਸ੍ਸੇਵ ਸਾਲਸ੍ਸ, ਮੂਲੇ ਤਿਟ੍ਠਸਿ ਦੇਵਤੇ;

ਸੋ ਸੋ ਮੁਞ੍ਚਤਿ ਪੁਪ੍ਫਾਨਿ, ਓਨਮਿਤ੍ਵਾ ਦੁਮੁਤ੍ਤਮੋ.

‘‘ਵਾਤੇਰਿਤਂ ਸਾਲਵਨਂ, ਆਧੁਤਂ [ਆਧੂਤਂ (ਸੀ.)] ਦਿਜਸੇਵਿਤਂ;

ਵਾਤਿ ਗਨ੍ਧੋ ਦਿਸਾ ਸਬ੍ਬਾ, ਰੁਕ੍ਖੋ ਮਞ੍ਜੂਸਕੋ ਯਥਾ.

‘‘ਘਾਯਸੇ ਤਂ ਸੁਚਿਗਨ੍ਧਂ, ਰੂਪਂ ਪਸ੍ਸਸਿ ਅਮਾਨੁਸਂ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਦਾਸੀ ਅਯਿਰਕੁਲੇ [ਅਯ੍ਯਿਰਕੁਲੇ (ਸ੍ਯਾ. ਕ.)] ਅਹੁਂ;

ਬੁਦ੍ਧਂ ਨਿਸਿਨ੍ਨਂ ਦਿਸ੍ਵਾਨ, ਸਾਲਪੁਪ੍ਫੇਹਿ ਓਕਿਰਿਂ.

‘‘ਵਟਂਸਕਞ੍ਚ ਸੁਕਤਂ, ਸਾਲਪੁਪ੍ਫਮਯਂ ਅਹਂ;

ਬੁਦ੍ਧਸ੍ਸ ਉਪਨਾਮੇਸਿਂ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤਾਹਂ ¶ ਕਮ੍ਮਂ ਕਰਿਤ੍ਵਾਨ, ਕੁਸਲਂ ਬੁਦ੍ਧਵਣ੍ਣਿਤਂ;

ਅਪੇਤਸੋਕਾ ਸੁਖਿਤਾ, ਸਮ੍ਪਮੋਦਾਮਨਾਮਯਾ’’ਤਿ.

‘‘ਪਭਸ੍ਸਰਵਰਵਣ੍ਣਨਿਭੇ ¶ , ਸੁਰਤ੍ਤਵਤ੍ਥਵਸਨੇ [ਵਤ੍ਥਨਿਵਾਸਨੇ (ਸੀ. ਸ੍ਯਾ.)];

ਮਹਿਦ੍ਧਿਕੇ ਚਨ੍ਦਨਰੁਚਿਰਗਤ੍ਤੇ, ਕਾ ਤ੍ਵਂ ਸੁਭੇ ਦੇਵਤੇ ਵਨ੍ਦਸੇ ਮਮਂ.

‘‘ਪਲ੍ਲਙ੍ਕੋ ¶ ਚ ਤੇ ਮਹਗ੍ਘੋ, ਨਾਨਾਰਤਨਚਿਤ੍ਤਿਤੋ ¶ ਰੁਚਿਰੋ;

ਯਤ੍ਥ ਤ੍ਵਂ ਨਿਸਿਨ੍ਨਾ ਵਿਰੋਚਸਿ, ਦੇਵਰਾਜਾਰਿਵ ਨਨ੍ਦਨੇ ਵਨੇ.

‘‘ਕਿਂ ਤ੍ਵਂ ਪੁਰੇ ਸੁਚਰਿਤਮਾਚਰੀ ਭਦ੍ਦੇ, ਕਿਸ੍ਸ ਕਮ੍ਮਸ੍ਸ ਵਿਪਾਕਂ;

ਅਨੁਭੋਸਿ ਦੇਵਲੋਕਸ੍ਮਿਂ, ਦੇਵਤੇ ਪੁਚ੍ਛਿਤਾਚਿਕ੍ਖ;

‘‘ਪਿਣ੍ਡਾਯ ਤੇ ਚਰਨ੍ਤਸ੍ਸ, ਮਾਲਂ ਫਾਣਿਤਞ੍ਚ ਅਦਦਂ ਭਨ੍ਤੇ;

ਤਸ੍ਸ ਕਮ੍ਮਸ੍ਸਿਦਂ ਵਿਪਾਕਂ, ਅਨੁਭੋਮਿ ਦੇਵਲੋਕਸ੍ਮਿਂ.

‘‘ਹੋਤਿ ਚ ਮੇ ਅਨੁਤਾਪੋ, ਅਪਰਦ੍ਧਂ [ਅਪਰਾਧਂ (ਸ੍ਯਾ.)] ਦੁਕ੍ਖਿਤਞ੍ਚ [ਦੁਕ੍ਕਟਞ੍ਚ (ਸੀ.)] ਮੇ ਭਨ੍ਤੇ;

ਸਾਹਂ ਧਮ੍ਮਂ ਨਾਸ੍ਸੋਸਿਂ, ਸੁਦੇਸਿਤਂ ਧਮ੍ਮਰਾਜੇਨ.

‘‘ਤਂ ਤਂ ਵਦਾਮਿ ਭਦ੍ਦਨ੍ਤੇ, ‘ਯਸ੍ਸ ਮੇ ਅਨੁਕਮ੍ਪਿਯੋ ਕੋਚਿ;

ਧਮ੍ਮੇਸੁ ਤਂ ਸਮਾਦਪੇਥ’, ਸੁਦੇਸਿਤਂ ਧਮ੍ਮਰਾਜੇਨ.

‘‘ਯੇਸਂ ਅਤ੍ਥਿ ਸਦ੍ਧਾ ਬੁਦ੍ਧੇ, ਧਮ੍ਮੇ ¶ ਚ ਸਙ੍ਘਰਤਨੇ;

ਤੇ ਮਂ ਅਤਿਵਿਰੋਚਨ੍ਤਿ, ਆਯੁਨਾ ਯਸਸਾ ਸਿਰਿਯਾ.

ਅਞ੍ਞੇ ਮਹਿਦ੍ਧਿਕਤਰਾ ਮਯਾ ਦੇਵਾ’’ਤਿ;

‘‘ਅਲਙ੍ਕਤਾ ¶ ¶ ਮਣਿਕਞ੍ਚਨਾਚਿਤਂ, ਸੋਵਣ੍ਣਜਾਲਚਿਤਂ ਮਹਨ੍ਤਂ;

ਅਭਿਰੁਯ੍ਹ ਗਜਵਰਂ ਸੁਕਪ੍ਪਿਤਂ, ਇਧਾਗਮਾ ਵੇਹਾਯਸਂ [ਵੇਹਾਸਯਂ (ਸੀ.)] ਅਨ੍ਤਲਿਕ੍ਖੇ.

‘‘ਨਾਗਸ੍ਸ ਦਨ੍ਤੇਸੁ ਦੁਵੇਸੁ ਨਿਮ੍ਮਿਤਾ, ਅਚ੍ਛੋਦਕਾ [ਅਚ੍ਛੋਦਿਕਾ (ਸੀ. ਕ.)] ਪਦੁਮਿਨਿਯੋ ਸੁਫੁਲ੍ਲਾ;

ਪਦੁਮੇਸੁ ਚ ਤੁਰਿਯਗਣਾ ਪਭਿਜ੍ਜਰੇ, ਇਮਾ ਚ ਨਚ੍ਚਨ੍ਤਿ ਮਨੋਹਰਾਯੋ.

‘‘ਦੇਵਿਦ੍ਧਿਪਤ੍ਤਾਸਿ ਮਹਾਨੁਭਾਵੇ, ਮਨੁਸ੍ਸਭੂਤਾ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵਾ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਬਾਰਾਣਸਿਯਂ ¶ ਉਪਸਙ੍ਕਮਿਤ੍ਵਾ, ਬੁਦ੍ਧਸ੍ਸਹਂ ਵਤ੍ਥਯੁਗਂ ਅਦਾਸਿਂ;

ਪਾਦਾਨਿ ਵਨ੍ਦਿਤ੍ਵਾ [ਵਨ੍ਦਿਤ੍ਵ (ਸੀ.)] ਛਮਾ ਨਿਸੀਦਿਂ, ਵਿਤ੍ਤਾ ਚਹਂ ਅਞ੍ਜਲਿਕਂ ਅਕਾਸਿਂ.

‘‘ਬੁਦ੍ਧੋ ਚ ਮੇ ਕਞ੍ਚਨਸਨ੍ਨਿਭਤ੍ਤਚੋ, ਅਦੇਸਯਿ ਸਮੁਦਯਦੁਕ੍ਖਨਿਚ੍ਚਤਂ;

ਅਸਙ੍ਖਤਂ ਦੁਕ੍ਖਨਿਰੋਧਸਸ੍ਸਤਂ, ਮਗ੍ਗਂ ਅਦੇਸਯਿ [ਅਦੇਸੇਸਿ (ਸੀ.)] ਯਤੋ ਵਿਜਾਨਿਸਂ;

‘‘ਅਪ੍ਪਾਯੁਕੀ ¶ ਕਾਲਕਤਾ ਤਤੋ ਚੁਤਾ, ਉਪਪਨ੍ਨਾ ਤਿਦਸਗਣਂ ਯਸਸ੍ਸਿਨੀ;

ਸਕ੍ਕਸ੍ਸਹਂ ਅਞ੍ਞਤਰਾ ਪਜਾਪਤਿ, ਯਸੁਤ੍ਤਰਾ ਨਾਮ ਦਿਸਾਸੁ ਵਿਸ੍ਸੁਤਾ’’ਤਿ.

‘‘ਅਭਿਕ੍ਕਨ੍ਤੇਨ ¶ ¶ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਞ੍ਚ ¶ ਬਾਰਾਣਸਿਯਂ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;

ਅਦਾਸਿਂ ਸੁਕ੍ਖਕੁਮ੍ਮਾਸਂ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਸੁਕ੍ਖਾਯ ਅਲੋਣਿਕਾਯ ਚ, ਪਸ੍ਸ ਫਲਂ ਕੁਮ੍ਮਾਸਪਿਣ੍ਡਿਯਾ;

ਅਲੋਮਂ ਸੁਖਿਤਂ ਦਿਸ੍ਵਾ, ਕੋ ਪੁਞ੍ਞਂ ਨ ਕਰਿਸ੍ਸਤਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ¶ ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਅਨ੍ਧਕਵਿਨ੍ਦਮ੍ਹਿ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;

ਅਦਾਸਿਂ ਕੋਲਸਮ੍ਪਾਕਂ, ਕਞ੍ਜਿਕਂ ਤੇਲਧੂਪਿਤਂ.

‘‘ਪਿਪ੍ਫਲ੍ਯਾ ਲਸੁਣੇਨ ਚ, ਮਿਸ੍ਸਂ ਲਾਮਞ੍ਜਕੇਨ ਚ;

ਅਦਾਸਿਂ ਉਜੁਭੂਤਸ੍ਮਿਂ [ਉਜੁਭੂਤੇਸੁ (ਕ.)], ਵਿਪ੍ਪਸਨ੍ਨੇਨ ਚੇਤਸਾ.

‘‘ਯਾ ¶ ¶ ਮਹੇਸਿਤ੍ਤਂ ਕਾਰੇਯ੍ਯ, ਚਕ੍ਕਵਤ੍ਤਿਸ੍ਸ ਰਾਜਿਨੋ;

ਨਾਰੀ ਸਬ੍ਬਙ੍ਗਕਲ੍ਯਾਣੀ, ਭਤ੍ਤੁ ਚਾਨੋਮਦਸ੍ਸਿਕਾ;

ਏਕਸ੍ਸ ¶ ਕਞ੍ਜਿਕਦਾਨਸ੍ਸ, ਕਲਂ ਨਾਗ੍ਘਤਿ ਸੋਲ਼ਸਿਂ.

‘‘ਸਤਂ ਨਿਕ੍ਖਾ ਸਤਂ ਅਸ੍ਸਾ, ਸਤਂ ਅਸ੍ਸਤਰੀਰਥਾ;

ਸਤਂ ਕਞ੍ਞਾਸਹਸ੍ਸਾਨਿ, ਆਮੁਤ੍ਤਮਣਿਕੁਣ੍ਡਲਾ;

ਏਕਸ੍ਸ ਕਞ੍ਜਿਕਦਾਨਸ੍ਸ, ਕਲਂ ਨਾਗ੍ਘਨ੍ਤਿ ਸੋਲ਼ਸਿਂ.

‘‘ਸਤਂ ਹੇਮਵਤਾ ਨਾਗਾ, ਈਸਾਦਨ੍ਤਾ ਉਰੂਲ਼੍ਹਵਾ;

ਸੁਵਣ੍ਣਕਚ੍ਛਾ ਮਾਤਙ੍ਗਾ, ਹੇਮਕਪ੍ਪਨਵਾਸਸਾ;

ਏਕਸ੍ਸ ਕਞ੍ਜਿਕਦਾਨਸ੍ਸ, ਕਲਂ ਨਾਗ੍ਘਨ੍ਤਿ ਸੋਲ਼ਸਿਂ.

‘‘ਚਤੁਨ੍ਨਮਪਿ ¶ ਦੀਪਾਨਂ, ਇਸ੍ਸਰਂ ਯੋਧ ਕਾਰਯੇ;

ਏਕਸ੍ਸ ਕਞ੍ਜਿਕਦਾਨਸ੍ਸ, ਕਲਂ ਨਾਗ੍ਘਤਿ ਸੋਲ਼ਸਿ’’ਨ੍ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ… ਓਸਧੀ ਵਿਯ ਤਾਰਕਾ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਸਦ੍ਦਾ ਨਿਚ੍ਛਰਨ੍ਤਿ, ਸਵਨੀਯਾ ਮਨੋਰਮਾ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਗਨ੍ਧਾ ਪਵਾਯਨ੍ਤਿ, ਸੁਚਿਗਨ੍ਧਾ ਮਨੋਰਮਾ.

‘‘ਵਿਵਤ੍ਤਮਾਨਾ ਕਾਯੇਨ, ਯਾ ਵੇਣੀਸੁ ਪਿਲ਼ਨ੍ਧਨਾ;

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੁਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਵਟਂਸਕਾ ਵਾਤਧੁਤਾ, ਵਾਤੇਨ ਸਮ੍ਪਕਮ੍ਪਿਤਾ;

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੁਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਯਾਪਿ ¶ ਤੇ ਸਿਰਸ੍ਮਿਂ ਮਾਲਾ, ਸੁਚਿਗਨ੍ਧਾ ਮਨੋਰਮਾ;

ਵਾਤਿ ਗਨ੍ਧੋ ਦਿਸਾ ਸਬ੍ਬਾ, ਰੁਕ੍ਖੋ ਮਞ੍ਜੂਸਕੋ ਯਥਾ.

‘‘ਘਾਯਸੇ ਤਂ ਸੁਚਿਗਨ੍ਧਂ, ਰੂਪਂ ਪਸ੍ਸਸਿ ਅਮਾਨੁਸਂ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਸਾਵਤ੍ਥਿਯਂ ¶ ¶ ਮਯ੍ਹਂ ਸਖੀ ਭਦਨ੍ਤੇ, ਸਙ੍ਘਸ੍ਸ ਕਾਰੇਸਿ ਮਹਾਵਿਹਾਰਂ;

ਤਤ੍ਥਪ੍ਪਸਨ੍ਨਾ ਅਹਮਾਨੁਮੋਦਿਂ, ਦਿਸ੍ਵਾ ਅਗਾਰਞ੍ਚ ਪਿਯਞ੍ਚ ਮੇਤਂ.

‘‘ਤਾਯੇਵ ¶ ਮੇ ਸੁਦ੍ਧਨੁਮੋਦਨਾਯ, ਲਦ੍ਧਂ ਵਿਮਾਨਬ੍ਭੁਤਦਸ੍ਸਨੇਯ੍ਯਂ;

ਸਮਨ੍ਤਤੋ ਸੋਲ਼ਸਯੋਜਨਾਨਿ, ਵੇਹਾਯਸਂ ਗਚ੍ਛਤਿ ਇਦ੍ਧਿਯਾ ਮਮ.

‘‘ਕੂਟਾਗਾਰਾ ਨਿਵੇਸਾ ਮੇ, ਵਿਭਤ੍ਤਾ ਭਾਗਸੋ ਮਿਤਾ;

ਦਦ੍ਦਲ੍ਲਮਾਨਾ ਆਭਨ੍ਤਿ, ਸਮਨ੍ਤਾ ਸਤਯੋਜਨਂ.

‘‘ਪੋਕ੍ਖਰਞ੍ਞੋ ਚ ਮੇ ਏਤ੍ਥ, ਪੁਥੁਲੋਮਨਿਸੇਵਿਤਾ;

ਅਚ੍ਛੋਦਕਾ [ਅਚ੍ਛੋਦਿਕਾ (ਸੀ.)] ਵਿਪ੍ਪਸਨ੍ਨਾ, ਸੋਣ੍ਣਵਾਲੁਕਸਨ੍ਥਤਾ.

‘‘ਨਾਨਾਪਦੁਮਸਞ੍ਛਨ੍ਨਾ, ਪੁਣ੍ਡਰੀਕਸਮੋਤਤਾ [ਪਣ੍ਡਰੀਕਸਮੋਨਤਾ (ਸੀ.)];

ਸੁਰਭੀ ਸਮ੍ਪਵਾਯਨ੍ਤਿ, ਮਨੁਞ੍ਞਾ ਮਾਲੁਤੇਰਿਤਾ.

‘‘ਜਮ੍ਬੁਯੋ ਪਨਸਾ ਤਾਲਾ, ਨਾਲ਼ਿਕੇਰਵਨਾਨਿ ਚ;

ਅਨ੍ਤੋਨਿਵੇਸਨੇ ਜਾਤਾ, ਨਾਨਾਰੁਕ੍ਖਾ ਅਰੋਪਿਮਾ.

‘‘ਨਾਨਾਤੂਰਿਯਸਙ੍ਘੁਟ੍ਠਂ ¶ , ਅਚ੍ਛਰਾਗਣਘੋਸਿਤਂ;

ਯੋਪਿ ਮਂ ਸੁਪਿਨੇ ਪਸ੍ਸੇ, ਸੋਪਿ ਵਿਤ੍ਤੋ ਸਿਯਾ ਨਰੋ.

‘‘ਏਤਾਦਿਸਂ ਅਬ੍ਭੁਤਦਸ੍ਸਨੇਯ੍ਯਂ, ਵਿਮਾਨਂ ਸਬ੍ਬਸੋਪਭਂ;

ਮਮ ਕਮ੍ਮੇਹਿ ਨਿਬ੍ਬਤ੍ਤਂ, ਅਲਂ ਪੁਞ੍ਞਾਨਿ ਕਾਤਵੇ’’ਤਿ.

‘‘ਤਾਯੇਵ ਤੇ ਸੁਦ੍ਧਨੁਮੋਦਨਾਯ, ਲਦ੍ਧਂ ਵਿਮਾਨਬ੍ਭੁਤਦਸ੍ਸਨੇਯ੍ਯਂ;

ਯਾ ਚੇਵ ਸਾ ਦਾਨਮਦਾਸਿ ਨਾਰੀ, ਤਸ੍ਸਾ ਗਤਿਂ ਬ੍ਰੂਹਿ ਕੁਹਿਂ ਉਪ੍ਪਨ੍ਨਾ [ਉਪਪਨ੍ਨਾ (ਕ.)] ਸਾ’’ਤਿ.

‘‘ਯਾ ਸਾ ਅਹੁ ਮਯ੍ਹਂ ਸਖੀ ਭਦਨ੍ਤੇ, ਸਙ੍ਘਸ੍ਸ ਕਾਰੇਸਿ ਮਹਾਵਿਹਾਰਂ;

ਵਿਞ੍ਞਾਤਧਮ੍ਮਾ ਸਾ ਅਦਾਸਿ ਦਾਨਂ, ਉਪ੍ਪਨ੍ਨਾ ਨਿਮ੍ਮਾਨਰਤੀਸੁ ਦੇਵੇਸੁ.

‘‘ਪਜਾਪਤੀ ¶ ਤਸ੍ਸ ਸੁਨਿਮ੍ਮਿਤਸ੍ਸ, ਅਚਿਨ੍ਤਿਯਾ ਕਮ੍ਮਵਿਪਾਕਾ ਤਸ੍ਸ;

ਯਮੇਤਂ ਪੁਚ੍ਛਸਿ ਕੁਹਿਂ ਉਪ੍ਪਨ੍ਨਾ [ਉਪਪਨ੍ਨਾ (ਕ.)] ਸਾਤਿ, ਤਂ ਤੇ ਵਿਯਾਕਾਸਿਂ ਅਨਞ੍ਞਥਾ ਅਹਂ.

‘‘ਤੇਨਹਞ੍ਞੇਪਿ ਸਮਾਦਪੇਥ, ਸਙ੍ਘਸ੍ਸ ਦਾਨਾਨਿ ਦਦਾਥ ਵਿਤ੍ਤਾ;

ਧਮ੍ਮਞ੍ਚ ਸੁਣਾਥ ਪਸਨ੍ਨਮਾਨਸਾ, ਸੁਦੁਲ੍ਲਭੋ ਲਦ੍ਧੋ ਮਨੁਸ੍ਸਲਾਭੋ.

‘‘ਯਂ ¶ ਮਗ੍ਗਂ ਮਗ੍ਗਾਧਿਪਤੀ ਅਦੇਸਯਿ [ਮਗ੍ਗਾਧਿਪਤ੍ਯਦੇਸਯਿ (ਸੀ.)], ਬ੍ਰਹ੍ਮਸ੍ਸਰੋ ਕਞ੍ਚਨਸਨ੍ਨਿਭਤ੍ਤਚੋ;

ਸਙ੍ਘਸ੍ਸ ਦਾਨਾਨਿ ਦਦਾਥ ਵਿਤ੍ਤਾ, ਮਹਪ੍ਫਲਾ ਯਤ੍ਥ ਭਵਨ੍ਤਿ ਦਕ੍ਖਿਣਾ.

[ਖੁ. ਪਾ. ੬.੬; ਸੁ. ਨਿ. ੨੨੯] ‘‘ਯੇ ¶ ਪੁਗ੍ਗਲਾ ਅਟ੍ਠ ਸਤਂ ਪਸਤ੍ਥਾ, ਚਤ੍ਤਾਰਿ ਏਤਾਨਿ ਯੁਗਾਨਿ ਹੋਨ੍ਤਿ;

ਤੇ ਦਕ੍ਖਿਣੇਯ੍ਯਾ ਸੁਗਤਸ੍ਸ ਸਾਵਕਾ, ਏਤੇਸੁ ਦਿਨ੍ਨਾਨਿ ਮਹਪ੍ਫਲਾਨਿ.

[ਵਿ. ਵ. ੬੪੧] ‘‘ਚਤ੍ਤਾਰੋ ਚ ਪਟਿਪਨ੍ਨਾ, ਚਤ੍ਤਾਰੋ ਚ ਫਲੇ ਠਿਤਾ;

ਏਸ ਸਙ੍ਘੋ ਉਜੁਭੂਤੋ, ਪਞ੍ਞਾਸੀਲਸਮਾਹਿਤੋ.

[ਵਿ. ਵ. ੬੪੨] ‘‘ਯਜਮਾਨਾਨਂ ¶ ਮਨੁਸ੍ਸਾਨਂ, ਪੁਞ੍ਞਪੇਕ੍ਖਾਨ ਪਾਣਿਨਂ;

ਕਰੋਤਂ ਓਪਧਿਕਂ ਪੁਞ੍ਞਂ, ਸਙ੍ਘੇ ਦਿਨ੍ਨਂ ਮਹਪ੍ਫਲਂ.

[ਵਿ. ਵ. ੬੪੩] ‘‘ਏਸੋ ਹਿ ਸਙ੍ਘੋ ਵਿਪੁਲੋ ਮਹਗ੍ਗਤੋ, ਏਸਪ੍ਪਮੇਯ੍ਯੋ ਉਦਧੀਵ ਸਾਗਰੋ;

ਏਤੇਹਿ ਸੇਟ੍ਠਾ ਨਰਵੀਰਸਾਵਕਾ, ਪਭਙ੍ਕਰਾ ਧਮ੍ਮਮੁਦੀਰਯਨ੍ਤਿ [ਨਤ੍ਥੇਤ੍ਥ ਪਾਠਭੇਦੋ].

[ਵਿ. ਵ. ੬੪੪] ‘‘ਤੇਸਂ ਸੁਦਿਨ੍ਨਂ ਸੁਹੁਤਂ ਸੁਯਿਟ੍ਠਂ, ਯੇ ਸਙ੍ਘਮੁਦ੍ਦਿਸ੍ਸ ਦਦਨ੍ਤਿ ਦਾਨਂ;

ਸਾ ਦਕ੍ਖਿਣਾ ਸਙ੍ਘਗਤਾ ਪਤਿਟ੍ਠਿਤਾ, ਮਹਪ੍ਫਲਾ ਲੋਕਵਿਦੂਨ [ਲੋਕਵਿਦੂਹਿ (ਕ.)] ਵਣ੍ਣਿਤਾ.

‘‘ਏਤਾਦਿਸਂ ¶ ¶ ਯਞ੍ਞਮਨੁਸ੍ਸਰਨ੍ਤਾ, ਯੇ ਵੇਦਜਾਤਾ ਵਿਚਰਨ੍ਤਿ ਲੋਕੇ;

ਵਿਨੇਯ੍ਯ ਮਚ੍ਛੇਰਮਲਂ ਸਮੂਲਂ, ਅਨਿਨ੍ਦਿਤਾ ਸਗ੍ਗਮੁਪੇਨ੍ਤਿ ਠਾਨ’’ਨ੍ਤਿ.

‘‘ਅਭਿਕ੍ਕਨ੍ਤੇਨ ¶ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਇਨ੍ਦੀਵਰਾਨਂ ¶ ਹਤ੍ਥਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ;

ਏਸਿਕਾਨਂ ਉਣ੍ਣਤਸ੍ਮਿਂ, ਨਗਰਵਰੇ ਪਣ੍ਣਕਤੇ ਰਮ੍ਮੇ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸ੍ਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ¶ ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਨੀਲੁਪ੍ਪਲਹਤ੍ਥਕਂ ਅਹਮਦਾਸਿਂ, ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ;

ਏਸਿਕਾਨਂ ਉਣ੍ਣਤਸ੍ਮਿਂ, ਨਗਰਵਰੇ ਪਣ੍ਣਕਤੇ ਰਮ੍ਮੇ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ¶ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਓਦਾਤਮੂਲਕਂ ਹਰਿਤਪਤ੍ਤਂ, ਉਦਕਸ੍ਮਿਂ ਸਰੇ ਜਾਤਂ ਅਹਮਦਾਸਿਂ;

ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ, ਏਸਿਕਾਨਂ ਉਣ੍ਣਤਸ੍ਮਿਂ;

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ¶ ¶ ਵਣ੍ਣੇਨ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਸੁਮਨਾ ਸੁਮਨਸ੍ਸ ਸੁਮਨਮਕੁਲ਼ਾਨਿ, ਦਨ੍ਤਵਣ੍ਣਾਨਿ ਅਹਮਦਾਸਿਂ;

ਭਿਕ੍ਖੁਨੋ ਪਿਣ੍ਡਾਯ ਚਰਨ੍ਤਸ੍ਸ, ਏਸਿਕਾਨਂ ਉਣ੍ਣਤਸ੍ਮਿਂ;

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਦਿਬ੍ਬਂ ¶ ਤੇ ਅਮ੍ਬਵਨਂ ਰਮ੍ਮਂ, ਪਾਸਾਦੇਤ੍ਥ ਮਹਲ੍ਲਕੋ;

ਨਾਨਾਤੁਰਿਯਸਙ੍ਘੁਟ੍ਠੋ, ਅਚ੍ਛਰਾਗਣਘੋਸਿਤੋ.

‘‘ਪਦੀਪੋ ਚੇਤ੍ਥ ਜਲਤਿ, ਨਿਚ੍ਚਂ ਸੋਵਣ੍ਣਯੋ ਮਹਾ;

ਦੁਸ੍ਸਫਲੇਹਿ ਰੁਕ੍ਖੇਹਿ, ਸਮਨ੍ਤਾ ਪਰਿਵਾਰਿਤੋ.

‘‘ਕੇਨ ¶ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ;

ਸਾ ਦੇਵਤਾ ਅਤ੍ਤਮਨਾ…ਪੇ… ¶ ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਪੁਰਿਮਾਯ ਜਾਤਿਯਾ ਮਨੁਸ੍ਸਲੋਕੇ;

ਵਿਹਾਰਂ ਸਙ੍ਘਸ੍ਸ ਕਾਰੇਸਿਂ, ਅਮ੍ਬੇਹਿ ਪਰਿਵਾਰਿਤਂ.

‘‘ਪਰਿਯੋਸਿਤੇ ਵਿਹਾਰੇ, ਕਾਰੇਨ੍ਤੇ ਨਿਟ੍ਠਿਤੇ ਮਹੇ;

ਅਮ੍ਬੇਹਿ ਛਾਦਯਿਤ੍ਵਾਨ [ਅਮ੍ਬੇ ਅਚ੍ਛਾਦਯਿਤ੍ਵਾਨ (ਸੀ. ਸ੍ਯਾ.), ਅਮ੍ਬੇਹਚ੍ਛਾਦਯਿਤ੍ਵਾਨ (ਪੀ. ਕ.)], ਕਤ੍ਵਾ ਦੁਸ੍ਸਮਯੇ ਫਲੇ.

‘‘ਪਦੀਪਂ ਤਤ੍ਥ ਜਾਲੇਤ੍ਵਾ, ਭੋਜਯਿਤ੍ਵਾ ਗਣੁਤ੍ਤਮਂ;

ਨਿਯ੍ਯਾਦੇਸਿਂ ਤਂ ਸਙ੍ਘਸ੍ਸ, ਪਸਨ੍ਨਾ ਸੇਹਿ ਪਾਣਿਭਿ.

‘‘ਤੇਨ ਮੇ ਅਮ੍ਬਵਨਂ ਰਮ੍ਮਂ, ਪਾਸਾਦੇਤ੍ਥ ਮਹਲ੍ਲਕੋ;

ਨਾਨਾਤੁਰਿਯਸਙ੍ਘੁਟ੍ਠੋ, ਅਚ੍ਛਰਾਗਣਘੋਸਿਤੋ.

‘‘ਪਦੀਪੋ ¶ ਚੇਤ੍ਥ ਜਲਤਿ, ਨਿਚ੍ਚਂ ਸੋਵਣ੍ਣਯੋ ਮਹਾ;

ਦੁਸ੍ਸਫਲੇਹਿ ਰੁਕ੍ਖੇਹਿ, ਸਮਨ੍ਤਾ ਪਰਿਵਾਰਿਤੋ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਪੀਤਵਤ੍ਥੇ ¶ ਪੀਤਧਜੇ, ਪੀਤਾਲਙ੍ਕਾਰਭੂਸਿਤੇ;

ਪੀਤਚਨ੍ਦਨਲਿਤ੍ਤਙ੍ਗੇ, ਪੀਤਉਪ੍ਪਲਮਾਲਿਨੀ [ਪੀਤੁਪ੍ਪਲਮਧਾਰਿਨੀ (ਸ੍ਯਾ. ਕ.), ਪੀਤੁਪ੍ਪਲਮਾਲਿਨੀ (ਪੀ.)].

‘‘ਪੀਤਪਾਸਾਦਸਯਨੇ, ਪੀਤਾਸਨੇ ਪੀਤਭਾਜਨੇ;

ਪੀਤਛਤ੍ਤੇ ਪੀਤਰਥੇ, ਪੀਤਸ੍ਸੇ ਪੀਤਬੀਜਨੇ.

‘‘ਕਿਂ ¶ ¶ ਕਮ੍ਮਮਕਰੀ ਭਦ੍ਦੇ, ਪੁਬ੍ਬੇ ਮਾਨੁਸਕੇ ਭਵੇ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਕੋਸਾਤਕੀ ਨਾਮ ਲਤਤ੍ਥਿ ਭਨ੍ਤੇ, ਤਿਤ੍ਤਿਕਾ ਅਨਭਿਚ੍ਛਿਤਾ;

ਤਸ੍ਸਾ ਚਤ੍ਤਾਰਿ ਪੁਪ੍ਫਾਨਿ, ਥੂਪਂ ਅਭਿਹਰਿਂ ਅਹਂ.

‘‘ਸਤ੍ਥੁ ਸਰੀਰਮੁਦ੍ਦਿਸ੍ਸ, ਵਿਪ੍ਪਸਨ੍ਨੇਨ ਚੇਤਸਾ;

ਨਾਸ੍ਸ ਮਗ੍ਗਂ ਅਵੇਕ੍ਖਿਸ੍ਸਂ, ਨ ਤਗ੍ਗਮਨਸਾ [ਤਦਗ੍ਗਮਨਸਾ (ਸੀ.), ਤਦਙ੍ਗਮਨਸਾ (ਸ੍ਯਾ.)] ਸਤੀ.

‘‘ਤਤੋ ਮਂ ਅਵਧੀ ਗਾਵੀ, ਥੂਪਂ ਅਪਤ੍ਤਮਾਨਸਂ;

ਤਞ੍ਚਾਹਂ ਅਭਿਸਞ੍ਚੇਯ੍ਯਂ, ਭਿਯ੍ਯੋ [ਭੀਯੋ (ਸੀ. ਅਟ੍ਠ.)] ਨੂਨ ਇਤੋ ਸਿਯਾ.

‘‘ਤੇਨ ਕਮ੍ਮੇਨ ਦੇਵਿਨ੍ਦ, ਮਘਵਾ ਦੇਵਕੁਞ੍ਜਰੋ;

ਪਹਾਯ ਮਾਨੁਸਂ ਦੇਹਂ, ਤਵ ਸਹਬ੍ਯ [ਸਹਬ੍ਯਤ (ਸੀ. ਸ੍ਯਾ.)] ਮਾਗਤਾ’’ਤਿ.

ਇਦਂ ¶ ਸੁਤ੍ਵਾ ਤਿਦਸਾਧਿਪਤਿ, ਮਘਵਾ ਦੇਵਕੁਞ੍ਜਰੋ;

ਤਾਵਤਿਂਸੇ ਪਸਾਦੇਨ੍ਤੋ, ਮਾਤਲਿਂ ਏਤਦਬ੍ਰਵਿ [ਏਤਦਬ੍ਰੂਵੀਤਿ (ਸੀ.)].

‘‘ਪਸ੍ਸ ਮਾਤਲਿ ਅਚ੍ਛੇਰਂ, ਚਿਤ੍ਤਂ ਕਮ੍ਮਫਲਂ ਇਦਂ;

ਅਪ੍ਪਕਮ੍ਪਿ ਕਤਂ ਦੇਯ੍ਯਂ, ਪੁਞ੍ਞਂ ਹੋਤਿ ਮਹਪ੍ਫਲਂ.

‘‘ਨਤ੍ਥਿ ਚਿਤ੍ਤੇ ਪਸਨ੍ਨਮ੍ਹਿ, ਅਪ੍ਪਕਾ ਨਾਮ ਦਕ੍ਖਿਣਾ;

ਤਥਾਗਤੇ ਵਾ ਸਮ੍ਬੁਦ੍ਧੇ, ਅਥ ਵਾ ਤਸ੍ਸ ਸਾਵਕੇ.

‘‘ਏਹਿ ਮਾਤਲਿ ਅਮ੍ਹੇਪਿ, ਭਿਯ੍ਯੋ ਭਿਯ੍ਯੋ ਮਹੇਮਸੇ;

ਤਥਾਗਤਸ੍ਸ ਧਾਤੁਯੋ, ਸੁਖੋ ਪੁਞ੍ਞਾਨ ਮੁਚ੍ਚਯੋ.

‘‘ਤਿਟ੍ਠਨ੍ਤੇ ਨਿਬ੍ਬੁਤੇ ਚਾਪਿ, ਸਮੇ ਚਿਤ੍ਤੇ ਸਮਂ ਫਲਂ;

ਚੇਤੋਪਣਿਧਿਹੇਤੁ ¶ ਹਿ, ਸਤ੍ਤਾ ਗਚ੍ਛਨ੍ਤਿ ਸੁਗ੍ਗਤਿਂ.

‘‘ਬਹੂਨਂ [ਬਹੁਨ੍ਨਂ (ਸੀ. ਸ੍ਯਾ.)] ਵਤ ਅਤ੍ਥਾਯ, ਉਪ੍ਪਜ੍ਜਨ੍ਤਿ ਤਥਾਗਤਾ;

ਯਤ੍ਥ ਕਾਰਂ ਕਰਿਤ੍ਵਾਨ, ਸਗ੍ਗਂ ਗਚ੍ਛਨ੍ਤਿ ਦਾਯਕਾ’’ਤਿ.

‘‘ਓਭਾਸਯਿਤ੍ਵਾ ¶ ¶ ਪਥਵਿਂ ਸਦੇਵਕਂ, ਅਤਿਰੋਚਸਿ ਚਨ੍ਦਿਮਸੂਰਿਯਾ ਵਿਯ;

ਸਿਰਿਯਾ ਚ ਵਣ੍ਣੇਨ ਯਸੇਨ ਤੇਜਸਾ, ਬ੍ਰਹ੍ਮਾਵ ਦੇਵੇ ਤਿਦਸੇ ਸਹਿਨ੍ਦਕੇ.

‘‘ਪੁਚ੍ਛਾਮਿ ¶ ਤਂ ਉਪ੍ਪਲਮਾਲਧਾਰਿਨੀ, ਆਵੇਲ਼ਿਨੀ ਕਞ੍ਚਨਸਨ੍ਨਿਭਤ੍ਤਚੇ;

ਅਲਙ੍ਕਤੇ ਉਤ੍ਤਮਵਤ੍ਥਧਾਰਿਨੀ, ਕਾ ਤ੍ਵਂ ਸੁਭੇ ਦੇਵਤੇ ਵਨ੍ਦਸੇ ਮਮਂ.

‘‘ਕਿਂ ਤ੍ਵਂ ਪੁਰੇ ਕਮ੍ਮਮਕਾਸਿ ਅਤ੍ਤਨਾ, ਮਨੁਸ੍ਸਭੂਤਾ ਪੁਰਿਮਾਯ ਜਾਤਿਯਾ;

ਦਾਨਂ ਸੁਚਿਣ੍ਣਂ ਅਥ ਸੀਲਸਞ੍ਞਮਂ, ਕੇਨੁਪਪਨ੍ਨਾ ਸੁਗਤਿਂ ਯਸਸ੍ਸਿਨੀ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਇਦਾਨਿ ਭਨ੍ਤੇ ਇਮਮੇਵ ਗਾਮਂ, ਪਿਣ੍ਡਾਯ ਅਮ੍ਹਾਕ ਘਰਂ ਉਪਾਗਮਿ;

ਤਤੋ ਤੇ ਉਚ੍ਛੁਸ੍ਸ ਅਦਾਸਿ ਖਣ੍ਡਿਕਂ, ਪਸਨ੍ਨਚਿਤ੍ਤਾ ਅਤੁਲਾਯ ਪੀਤਿਯਾ;

‘‘ਸਸ੍ਸੁ ¶ ਚ ਪਚ੍ਛਾ ਅਨੁਯੁਞ੍ਜਤੇ ਮਮਂ, ਕਹਂ ਨੁ ਉਚ੍ਛੁਂ ਵਧੁਕੇ ਅਵਾਕਿਰੀ;

ਨ ਛਡ੍ਡਿਤਂ ਨੋ ਪਨ ਖਾਦਿਤਂ ਮਯਾ, ਸਨ੍ਤਸ੍ਸ ਭਿਕ੍ਖੁਸ੍ਸ ਸਯਂ ਅਦਾਸਹਂ.

‘‘ਤੁਯ੍ਹਂਨ੍ਵਿਦਂ ਇਸ੍ਸਰਿਯਂ ਅਥੋ ਮਮ, ਇਤਿਸ੍ਸਾ ਸਸ੍ਸੁ ਪਰਿਭਾਸਤੇ ਮਮਂ;

ਲੇਡ੍ਡੁਂ ਗਹੇਤ੍ਵਾ ਪਹਾਰਂ ਅਦਾਸਿ ਮੇ, ਤਤੋ ਚੁਤਾ ਕਾਲਕਤਾਮ੍ਹਿ ਦੇਵਤਾ.

‘‘ਤਦੇਵ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਕਮ੍ਮਂ ਅਨੁਭੋਮਿ ਅਤ੍ਤਨਾ;

ਦੇਵੇਹਿ ਸਦ੍ਧਿਂ ਪਰਿਚਾਰਯਾਮਹਂ, ਮੋਦਾਮਹਂ ਕਾਮਗੁਣੇਹਿ ਪਞ੍ਚਹਿ.

‘‘ਤਦੇਵ ¶ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਕਮ੍ਮਂ ਅਨੁਭੋਮਿ ਅਤ੍ਤਨਾ;

ਦੇਵਿਨ੍ਦਗੁਤ੍ਤਾ ਤਿਦਸੇਹਿ ਰਕ੍ਖਿਤਾ, ਸਮਪ੍ਪਿਤਾ ਕਾਮਗੁਣੇਹਿ ਪਞ੍ਚਹਿ.

‘‘ਏਤਾਦਿਸਂ ¶ ਪੁਞ੍ਞਫਲਂ ਅਨਪ੍ਪਕਂ, ਮਹਾਵਿਪਾਕਾ ਮਮ ਉਚ੍ਛੁਦਕ੍ਖਿਣਾ;

ਦੇਵੇਹਿ ਸਦ੍ਧਿਂ ਪਰਿਚਾਰਯਾਮਹਂ, ਮੋਦਾਮਹਂ ਕਾਮਗੁਣੇਹਿ ਪਞ੍ਚਹਿ.

‘‘ਏਤਾਦਿਸਂ ਪੁਞ੍ਞਫਲਂ ਅਨਪ੍ਪਕਂ, ਮਹਾਜੁਤਿਕਾ ਮਮ ਉਚ੍ਛੁਦਕ੍ਖਿਣਾ;

ਦੇਵਿਨ੍ਦਗੁਤ੍ਤਾ ਤਿਦਸੇਹਿ ਰਕ੍ਖਿਤਾ, ਸਹਸ੍ਸਨੇਤ੍ਤੋਰਿਵ ਨਨ੍ਦਨੇ ਵਨੇ.

‘‘ਤੁਵਞ੍ਚ ¶ ਭਨ੍ਤੇ ਅਨੁਕਮ੍ਪਕਂ ਵਿਦੁਂ, ਉਪੇਚ੍ਚ ਵਨ੍ਦਿਂ ਕੁਸਲਞ੍ਚ ਪੁਚ੍ਛਿਸਂ;

ਤਤੋ ਤੇ ਉਚ੍ਛੁਸ੍ਸ ਅਦਾਸਿਂ ਖਣ੍ਡਿਕਂ, ਪਸਨ੍ਨਚਿਤ੍ਤਾ ਅਤੁਲਾਯ ਪੀਤਿਯਾ’’ਤਿ.

‘‘ਅਭਿਕ੍ਕਨ੍ਤੇਨ ¶ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਓਭਾਸੇਨ੍ਤੀ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸਾ ਦੇਵਤਾ ਅਤ੍ਤਮਨਾ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤਾ, ਦਿਸ੍ਵਾਨ ਸਮਣੇ ਸੀਲਵਨ੍ਤੇ;

ਪਾਦਾਨਿ ਵਨ੍ਦਿਤ੍ਵਾ ਮਨਂ ਪਸਾਦਯਿਂ, ਵਿਤ੍ਤਾ ਚਹਂ ਅਞ੍ਜਲਿਕਂ ਅਕਾਸਿਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ¶ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਭਿਕ੍ਕਨ੍ਤੇਨ ਵਣ੍ਣੇਨ, ਯਾ ਤ੍ਵਂ ਤਿਟ੍ਠਸਿ ਦੇਵਤੇ;

ਹਤ੍ਥਪਾਦੇ ਚ ਵਿਗ੍ਗਯ੍ਹ, ਨਚ੍ਚਸਿ ਸੁਪ੍ਪਵਾਦਿਤੇ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਸਦ੍ਦਾ ਨਿਚ੍ਛਰਨ੍ਤਿ, ਸਵਨੀਯਾ ਮਨੋਰਮਾ.

‘‘ਤਸ੍ਸਾ ਤੇ ਨਚ੍ਚਮਾਨਾਯ, ਅਙ੍ਗਮਙ੍ਗੇਹਿ ਸਬ੍ਬਸੋ;

ਦਿਬ੍ਬਾ ਗਨ੍ਧਾ ਪਵਾਯਨ੍ਤਿ, ਸੁਚਿਗਨ੍ਧਾ ਮਨੋਰਮਾ.

‘‘ਵਿਵਤ੍ਤਮਾਨਾ ਕਾਯੇਨ, ਯਾ ਵੇਣੀਸੁ ਪਿਲ਼ਨ੍ਧਨਾ;

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੁਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਵਟਂਸਕਾ ਵਾਤਧੁਤਾ, ਵਾਤੇਨ ਸਮ੍ਪਕਮ੍ਪਿਤਾ;

ਤੇਸਂ ਸੁਯ੍ਯਤਿ ਨਿਗ੍ਘੋਸੋ, ਤੁਰਿਯੇ ਪਞ੍ਚਙ੍ਗਿਕੇ ਯਥਾ.

‘‘ਯਾਪਿ ਤੇ ਸਿਰਸ੍ਮਿਂ ਮਾਲਾ, ਸੁਚਿਗਨ੍ਧਾ ਮਨੋਰਮਾ;

ਵਾਤਿ ਗਨ੍ਧੋ ਦਿਸਾ ਸਬ੍ਬਾ, ਰੁਕ੍ਖੋ ਮਞ੍ਜੂਸਕੋ ਯਥਾ.

‘‘ਘਾਯਸੇ ¶ ਤਂ ਸੁਚਿਗਨ੍ਧਂ, ਰੂਪਂ ਪਸ੍ਸਸਿ ਅਮਾਨੁਸਂ;

ਦੇਵਤੇ ਪੁਚ੍ਛਿਤਾਚਿਕ੍ਖ, ਕਿਸ੍ਸ ਕਮ੍ਮਸ੍ਸਿਦਂ ਫਲ’’ਨ੍ਤਿ.

‘‘ਦਾਸੀ ¶ ਅਹਂ ਪੁਰੇ ਆਸਿਂ, ਗਯਾਯਂ ਬ੍ਰਾਹ੍ਮਣਸ੍ਸਹਂ;

ਅਪ੍ਪਪੁਞ੍ਞਾ ਅਲਕ੍ਖਿਕਾ, ਰਜ੍ਜੁਮਾਲਾਤਿ ਮਂ ਵਿਦੁਂ [ਵਿਦੂ (ਸ੍ਯਾ. ਪੀ. ਕ.)].

‘‘ਅਕ੍ਕੋਸਾਨਂ ਵਧਾਨਞ੍ਚ, ਤਜ੍ਜਨਾਯ ਚ ਉਗ੍ਗਤਾ [ਉਕ੍ਕਤਾ (ਸੀ. ਸ੍ਯਾ.)];

ਕੁਟਂ ¶ ਗਹੇਤ੍ਵਾ ਨਿਕ੍ਖਮ੍ਮ, ਅਗਞ੍ਛਿਂ [ਆਗਚ੍ਛਿਂ (ਸ੍ਯਾ. ਕ.), ਅਗਚ੍ਛਿਂ (ਪੀ.), ਗਚ੍ਛਿਂ (ਸੀ.)] ਉਦਹਾਰਿਯਾ [ਉਦਕਹਾਰਿਯਾ (ਸੀ.)].

‘‘ਵਿਪਥੇ ¶ ਕੁਟਂ ਨਿਕ੍ਖਿਪਿਤ੍ਵਾ, ਵਨਸਣ੍ਡਂ ਉਪਾਗਮਿਂ;

ਇਧੇਵਾਹਂ ਮਰਿਸ੍ਸਾਮਿ, ਕੋ ਅਤ੍ਥੋ [ਕ੍ਵਤ੍ਥੋਸਿ (ਕ.), ਕੀਵਤ੍ਥੋਪਿ (ਸ੍ਯਾ.)] ਜੀਵਿਤੇਨ ਮੇ.

‘‘ਦਲ਼੍ਹਂ ਪਾਸਂ ਕਰਿਤ੍ਵਾਨ, ਆਸੁਮ੍ਭਿਤ੍ਵਾਨ ਪਾਦਪੇ;

ਤਤੋ ਦਿਸਾ ਵਿਲੋਕੇਸਿਂ,ਕੋ ਨੁ ਖੋ ਵਨਮਸ੍ਸਿਤੋ.

‘‘ਤਤ੍ਥਦ੍ਦਸਾਸਿਂ ਸਮ੍ਬੁਦ੍ਧਂ, ਸਬ੍ਬਲੋਕਹਿਤਂ ਮੁਨਿਂ;

ਨਿਸਿਨ੍ਨਂ ਰੁਕ੍ਖਮੂਲਸ੍ਮਿਂ, ਝਾਯਨ੍ਤਂ ਅਕੁਤੋਭਯਂ.

‘‘ਤਸ੍ਸਾ ਮੇ ਅਹੁ ਸਂਵੇਗੋ, ਅਬ੍ਭੁਤੋ ਲੋਮਹਂਸਨੋ;

ਕੋ ਨੁ ਖੋ ਵਨਮਸ੍ਸਿਤੋ, ਮਨੁਸ੍ਸੋ ਉਦਾਹੁ ਦੇਵਤਾ.

‘‘ਪਾਸਾਦਿਕਂ ਪਸਾਦਨੀਯਂ, ਵਨਾ ਨਿਬ੍ਬਨਮਾਗਤਂ;

ਦਿਸ੍ਵਾ ਮਨੋ ਮੇ ਪਸੀਦਿ, ਨਾਯਂ ਯਾਦਿਸਕੀਦਿਸੋ.

‘‘ਗੁਤ੍ਤਿਨ੍ਦ੍ਰਿਯੋ ਝਾਨਰਤੋ, ਅਬਹਿਗ੍ਗਤਮਾਨਸੋ;

ਹਿਤੋ ਸਬ੍ਬਸ੍ਸ ਲੋਕਸ੍ਸ, ਬੁਦ੍ਧੋ ਅਯਂ [ਸੋਯਂ (ਸੀ.)] ਭਵਿਸ੍ਸਤਿ.

‘‘ਭਯਭੇਰਵੋ ਦੁਰਾਸਦੋ, ਸੀਹੋਵ ਗੁਹਮਸ੍ਸਿਤੋ;

ਦੁਲ੍ਲਭਾਯਂ ਦਸ੍ਸਨਾਯ, ਪੁਪ੍ਫਂ ਓਦੁਮ੍ਬਰਂ ਯਥਾ.

‘‘ਸੋ ਮਂ ਮੁਦੂਹਿ ਵਾਚਾਹਿ, ਆਲਪਿਤ੍ਵਾ ਤਥਾਗਤੋ;

ਰਜ੍ਜੁਮਾਲੇਤਿ ਮਂਵੋਚ, ਸਰਣਂ ਗਚ੍ਛ ਤਥਾਗਤਂ.

‘‘ਤਾਹਂ ਗਿਰਂ ਸੁਣਿਤ੍ਵਾਨ, ਨੇਲਂ ਅਤ੍ਥਵਤਿਂ ਸੁਚਿਂ;

ਸਣ੍ਹਂ ਮੁਦੁਞ੍ਚ ਵਗ੍ਗੁਞ੍ਚ, ਸਬ੍ਬਸੋਕਾਪਨੂਦਨਂ.

‘‘ਕਲ੍ਲਚਿਤ੍ਤਞ੍ਚ ਮਂ ਞਤ੍ਵਾ, ਪਸਨ੍ਨਂ ਸੁਦ੍ਧਮਾਨਸਂ;

ਹਿਤੋ ¶ ਸਬ੍ਬਸ੍ਸ ਲੋਕਸ੍ਸ, ਅਨੁਸਾਸਿ ਤਥਾਗਤੋ.

‘‘ਇਦਂ ਦੁਕ੍ਖਨ੍ਤਿ ਮਂਵੋਚ, ਅਯਂ ਦੁਕ੍ਖਸ੍ਸ ਸਮ੍ਭਵੋ;

ਦੁਕ੍ਖ [ਅਯਂ (ਸੀ. ਸ੍ਯਾ. ਪੀ.)] ਨਿਰੋਧੋ ਮਗ੍ਗੋ ਚ [ਦੁਕ੍ਖਨਿਰੋਧੋ ਚ (ਸ੍ਯਾ.)], ਅਞ੍ਜਸੋ ਅਮਤੋਗਧੋ.

‘‘ਅਨੁਕਮ੍ਪਕਸ੍ਸ ¶ ਕੁਸਲਸ੍ਸ, ਓਵਾਦਮ੍ਹਿ ਅਹਂ ਠਿਤਾ;

ਅਜ੍ਝਗਾ ਅਮਤਂ ਸਨ੍ਤਿਂ, ਨਿਬ੍ਬਾਨਂ ਪਦਮਚ੍ਚੁਤਂ.

‘‘ਸਾਹਂ ਅਵਟ੍ਠਿਤਾਪੇਮਾ, ਦਸ੍ਸਨੇ ਅਵਿਕਮ੍ਪਿਨੀ;

ਮੂਲਜਾਤਾਯ ਸਦ੍ਧਾਯ, ਧੀਤਾ ਬੁਦ੍ਧਸ੍ਸ ਓਰਸਾ.

‘‘ਸਾਹਂ ¶ ¶ ਰਮਾਮਿ ਕੀਲ਼ਾਮਿ, ਮੋਦਾਮਿ ਅਕੁਤੋਭਯਾ;

ਦਿਬ੍ਬਮਾਲਂ ਧਾਰਯਾਮਿ, ਪਿਵਾਮਿ ਮਧੁਮਦ੍ਦਵਂ.

‘‘ਸਟ੍ਠਿਤੁਰਿਯਸਹਸ੍ਸਾਨਿ, ਪਟਿਬੋਧਂ ਕਰੋਨ੍ਤਿ ਮੇ;

ਆਲ਼ਮ੍ਬੋ ਗਗ੍ਗਰੋ ਭੀਮੋ, ਸਾਧੁਵਾਦੀ ਚ ਸਂਸਯੋ.

‘‘ਪੋਕ੍ਖਰੋ ਚ ਸੁਫਸ੍ਸੋ ਚ, ਵੀਣਾਮੋਕ੍ਖਾ ਚ ਨਾਰਿਯੋ;

ਨਨ੍ਦਾ ਚੇਵ ਸੁਨਨ੍ਦਾ ਚ, ਸੋਣਦਿਨ੍ਨਾ ਸੁਚਿਮ੍ਹਿਤਾ.

‘‘ਅਲਮ੍ਬੁਸਾ ਮਿਸ੍ਸਕੇਸੀ ਚ, ਪੁਣ੍ਡਰੀਕਾਤਿਦਾਰੁਣੀ [… ਤਿਚਾਰੁਣੀ (ਸੀ.)];

ਏਣੀਫਸ੍ਸਾ ਸੁਫਸ੍ਸਾ [ਸੁਪਸ੍ਸਾ (ਸ੍ਯਾ. ਪੀ. ਕ.)] ਚ, ਸੁਭਦ੍ਦਾ [ਸਂਭਦ੍ਦਾ (ਕ.)] ਮੁਦੁਵਾਦਿਨੀ.

‘‘ਏਤਾ ਚਞ੍ਞਾ ਚ ਸੇਯ੍ਯਾਸੇ, ਅਚ੍ਛਰਾਨਂ ਪਬੋਧਿਕਾ;

ਤਾ ਮਂ ਕਾਲੇਨੁਪਾਗਨ੍ਤ੍ਵਾ, ਅਭਿਭਾਸਨ੍ਤਿ ਦੇਵਤਾ.

‘‘ਹਨ੍ਦ ਨਚ੍ਚਾਮ ਗਾਯਾਮ, ਹਨ੍ਦ ਤਂ ਰਮਯਾਮਸੇ;

ਨਯਿਦਂ ਅਕਤਪੁਞ੍ਞਾਨਂ, ਕਤਪੁਞ੍ਞਾਨਮੇਵਿਦਂ.

‘‘ਅਸੋਕਂ ¶ ਨਨ੍ਦਨਂ ਰਮ੍ਮਂ, ਤਿਦਸਾਨਂ ਮਹਾਵਨਂ;

ਸੁਖਂ ਅਕਤਪੁਞ੍ਞਾਨਂ, ਇਧ ਨਤ੍ਥਿ ਪਰਤ੍ਥ ਚ.

‘‘ਸੁਖਞ੍ਚ ਕਤਪੁਞ੍ਞਾਨਂ, ਇਧ ਚੇਵ ਪਰਤ੍ਥ ਚ;

ਤੇਸਂ ਸਹਬ੍ਯਕਾਮਾਨਂ, ਕਤ੍ਤਬ੍ਬਂ ਕੁਸਲਂ ਬਹੁਂ;

ਕਤਪੁਞ੍ਞਾ ਹਿ ਮੋਦਨ੍ਤਿ, ਸਗ੍ਗੇ ਭੋਗਸਮਙ੍ਗਿਨੋ.

‘‘ਬਹੂਨਂ ਵਤ ਅਤ੍ਥਾਯ, ਉਪ੍ਪਜ੍ਜਨ੍ਤਿ ਤਥਾਗਤਾ;

ਦਕ੍ਖਿਣੇਯ੍ਯਾ ਮਨੁਸ੍ਸਾਨਂ, ਪੁਞ੍ਞਖੇਤ੍ਤਾਨਮਾਕਰਾ;

ਯਤ੍ਥ ਕਾਰਂ ਕਰਿਤ੍ਵਾਨ, ਸਗ੍ਗੇ ਮੋਦਨ੍ਤਿ ਦਾਯਕਾ’’ਤਿ.

ਮਞ੍ਜਿਟ੍ਠਕਵਗ੍ਗੋ ਚਤੁਤ੍ਥੋ ਨਿਟ੍ਠਿਤੋ.

ਮਞ੍ਜਿਟ੍ਠਾ ¶ ਪਭਸ੍ਸਰਾ ਨਾਗਾ, ਅਲੋਮਾਕਞ੍ਜਿਕਦਾਯਿਕਾ;

ਵਿਹਾਰਚਤੁਰਿਤ੍ਥਮ੍ਬਾ, ਪੀਤਾ ਉਚ੍ਛੁਵਨ੍ਦਨਰਜ੍ਜੁਮਾਲਾ ਚ;

‘‘ਕੋ ¶ ¶ ¶ ਮੇ ਵਨ੍ਦਤਿ ਪਾਦਾਨਿ, ਇਦ੍ਧਿਯਾ ਯਸਸਾ ਜਲਂ;

ਅਭਿਕ੍ਕਨ੍ਤੇਨ ਵਣ੍ਣੇਨ, ਸਬ੍ਬਾ ਓਭਾਸਯਂ ਦਿਸਾ’’ਤਿ.

‘‘ਮਣ੍ਡੂਕੋਹਂ ਪੁਰੇ ਆਸਿਂ, ਉਦਕੇ ਵਾਰਿਗੋਚਰੋ;

ਤਵ ਧਮ੍ਮਂ ਸੁਣਨ੍ਤਸ੍ਸ, ਅਵਧੀ ਵਚ੍ਛਪਾਲਕੋ.

‘‘ਮੁਹੁਤ੍ਤਂ ¶ ਚਿਤ੍ਤਪਸਾਦਸ੍ਸ, ਇਦ੍ਧਿਂ ਪਸ੍ਸ ਯਸਞ੍ਚ ਮੇ;

ਆਨੁਭਾਵਞ੍ਚ ਮੇ ਪਸ੍ਸ, ਵਣ੍ਣਂ ਪਸ੍ਸ ਜੁਤਿਞ੍ਚ ਮੇ.

‘‘ਯੇ ਚ ਤੇ ਦੀਘਮਦ੍ਧਾਨਂ, ਧਮ੍ਮਂ ਅਸ੍ਸੋਸੁਂ ਗੋਤਮ;

ਪਤ੍ਤਾ ਤੇ ਅਚਲਟ੍ਠਾਨਂ, ਯਤ੍ਥ ਗਨ੍ਤ੍ਵਾ ਨ ਸੋਚਰੇ’’ਤਿ.

[ਧ. ਪ. ੨੧੯ ਧਮ੍ਮਪਦੇ] ‘‘ਚਿਰਪ੍ਪਵਾਸਿਂ ਪੁਰਿਸਂ, ਦੂਰਤੋ ਸੋਤ੍ਥਿਮਾਗਤਂ;

ਞਾਤਿਮਿਤ੍ਤਾ ਸੁਹਜ੍ਜਾ ਚ, ਅਭਿਨਨ੍ਦਨ੍ਤਿ ਆਗਤਂ;

[ਧ. ਪ. ੨੨੦ ਧਮ੍ਮਪਦੇ] ‘‘ਤਥੇਵ ¶ ਕਤਪੁਞ੍ਞਮ੍ਪਿ, ਅਸ੍ਮਾ ਲੋਕਾ ਪਰਂ ਗਤਂ;

ਪੁਞ੍ਞਾਨਿ ਪਟਿਗਣ੍ਹਨ੍ਤਿ, ਪਿਯਂ ਞਾਤੀਵ ਆਗਤਂ.

[ਪੇ. ਵ. ੭੧੪]‘‘ਉਟ੍ਠੇਹਿ ਰੇਵਤੇ ਸੁਪਾਪਧਮ੍ਮੇ, ਅਪਾਰੁਤਦ੍ਵਾਰੇ [ਅਪਾਰੁਭਂ ਦ੍ਵਾਰਂ (ਸੀ. ਸ੍ਯਾ.), ਅਪਾਰੁਤਦ੍ਵਾਰਂ (ਪੀ. ਕ.)] ਅਦਾਨਸੀਲੇ;

ਨੇਸ੍ਸਾਮ ਤਂ ਯਤ੍ਥ ਥੁਨਨ੍ਤਿ ਦੁਗ੍ਗਤਾ, ਸਮਪ੍ਪਿਤਾ ਨੇਰਯਿਕਾ ਦੁਕ੍ਖੇਨਾ’’ਤਿ.

ਇਚ੍ਚੇਵ ¶ [ਇਚ੍ਚੇਵਂ (ਸ੍ਯਾ. ਕ.)] ਵਤ੍ਵਾਨ ਯਮਸ੍ਸ ਦੂਤਾ, ਤੇ ਦ੍ਵੇ ਯਕ੍ਖਾ ਲੋਹਿਤਕ੍ਖਾ ਬ੍ਰਹਨ੍ਤਾ;

ਪਚ੍ਚੇਕਬਾਹਾਸੁ ਗਹੇਤ੍ਵਾ ਰੇਵਤਂ, ਪਕ੍ਕਾਮਯੁਂ ਦੇਵਗਣਸ੍ਸ ਸਨ੍ਤਿਕੇ.

‘‘ਆਦਿਚ੍ਚਵਣ੍ਣਂ ¶ ਰੁਚਿਰਂ ਪਭਸ੍ਸਰਂ, ਬ੍ਯਮ੍ਹਂ ਸੁਭਂ ਕਞ੍ਚਨਜਾਲਛਨ੍ਨਂ;

ਕਸ੍ਸੇਤਮਾਕਿਣ੍ਣਜਨਂ ¶ ਵਿਮਾਨਂ, ਸੂਰਿਯਸ੍ਸ ਰਂਸੀਰਿਵ ਜੋਤਮਾਨਂ.

‘‘ਨਾਰੀਗਣਾ ਚਨ੍ਦਨਸਾਰਲਿਤ੍ਤਾ [ਚਨ੍ਦਨਸਾਰਾਨੁਲਿਤ੍ਤਾ (ਸ੍ਯਾ.)], ਉਭਤੋ ਵਿਮਾਨਂ ਉਪਸੋਭਯਨ੍ਤਿ;

ਤਂ ਦਿਸ੍ਸਤਿ ਸੂਰਿਯਸਮਾਨਵਣ੍ਣਂ, ਕੋ ਮੋਦਤਿ ਸਗ੍ਗਪਤ੍ਤੋ ਵਿਮਾਨੇ’’ਤਿ.

‘‘ਬਾਰਾਣਸਿਯਂ ਨਨ੍ਦਿਯੋ ਨਾਮਾਸਿ, ਉਪਾਸਕੋ ਅਮਚ੍ਛਰੀ ਦਾਨਪਤਿ ਵਦਞ੍ਞੂ;

ਤਸ੍ਸੇਤਮਾਕਿਣ੍ਣਜਨਂ ਵਿਮਾਨਂ, ਸੂਰਿਯਸ੍ਸ ਰਂਸੀਰਿਵ ਜੋਤਮਾਨਂ.

‘‘ਨਾਰੀਗਣਾ ਚਨ੍ਦਨਸਾਰਲਿਤ੍ਤਾ, ਉਭਤੋ ਵਿਮਾਨਂ ਉਪਸੋਭਯਨ੍ਤਿ;

ਤਂ ਦਿਸ੍ਸਤਿ ਸੂਰਿਯਸਮਾਨਵਣ੍ਣਂ, ਸੋ ਮੋਦਤਿ ਸਗ੍ਗਪਤ੍ਤੋ ਵਿਮਾਨੇ’’ਤਿ.

‘‘ਨਨ੍ਦਿਯਸ੍ਸਾਹਂ ਭਰਿਯਾ, ਅਗਾਰਿਨੀ ਸਬ੍ਬਕੁਲਸ੍ਸ ਇਸ੍ਸਰਾ;

ਭਤ੍ਤੁ ਵਿਮਾਨੇ ਰਮਿਸ੍ਸਾਮਿ ਦਾਨਹਂ, ਨ ਪਤ੍ਥਯੇ ਨਿਰਯਂ ਦਸ੍ਸਨਾਯਾ’’ਤਿ.

‘‘ਏਸੋ ਤੇ ਨਿਰਯੋ ਸੁਪਾਪਧਮ੍ਮੇ, ਪੁਞ੍ਞਂ ¶ ਤਯਾ ਅਕਤਂ ਜੀਵਲੋਕੇ;

ਨ ਹਿ ਮਚ੍ਛਰੀ ਰੋਸਕੋ ਪਾਪਧਮ੍ਮੋ, ਸਗ੍ਗੂਪਗਾਨਂ ਲਭਤਿ ਸਹਬ੍ਯਤ’’ਨ੍ਤਿ.

‘‘ਕਿਂ ¶ ਨੁ ਗੂਥਞ੍ਚ ਮੁਤ੍ਤਞ੍ਚ, ਅਸੁਚੀ ਪਟਿਦਿਸ੍ਸਤਿ;

ਦੁਗ੍ਗਨ੍ਧਂ ਕਿਮਿਦਂ ਮੀਲ਼੍ਹਂ, ਕਿਮੇਤਂ ਉਪਵਾਯਤੀ’’ਤਿ.

‘‘ਏਸ ਸਂਸਵਕੋ ਨਾਮ, ਗਮ੍ਭੀਰੋ ਸਤਪੋਰਿਸੋ;

ਯਤ੍ਥ ਵਸ੍ਸਸਹਸ੍ਸਾਨਿ, ਤੁਵਂ ਪਚ੍ਚਸਿ ਰੇਵਤੇ’’ਤਿ.

‘‘ਕਿਂ ¶ ਨੁ ਕਾਯੇਨ ਵਾਚਾਯ, ਮਨਸਾ ਦੁਕ੍ਕਟਂ ਕਤਂ;

ਕੇਨ ਸਂਸਵਕੋ ਲਦ੍ਧੋ, ਗਮ੍ਭੀਰੋ ਸਤਪੋਰਿਸੋ’’ਤਿ.

‘‘ਸਮਣੇ ਬ੍ਰਾਹ੍ਮਣੇ ਚਾਪਿ, ਅਞ੍ਞੇ ਵਾਪਿ ਵਨਿਬ੍ਬਕੇ [ਵਣਿਬ੍ਬਕੇ (ਸ੍ਯਾ. ਕ.)];

ਮੁਸਾਵਾਦੇਨ ਵਞ੍ਚੇਸਿ, ਤਂ ਪਾਪਂ ਪਕਤਂ ਤਯਾ.

‘‘ਤੇਨ ਸਂਸਵਕੋ ਲਦ੍ਧੋ, ਗਮ੍ਭੀਰੋ ਸਤਪੋਰਿਸੋ;

ਤਤ੍ਥ ਵਸ੍ਸਸਹਸ੍ਸਾਨਿ, ਤੁਵਂ ਪਚ੍ਚਸਿ ਰੇਵਤੇ.

‘‘ਹਤ੍ਥੇਪਿ ਛਿਨ੍ਦਨ੍ਤਿ ਅਥੋਪਿ ਪਾਦੇ, ਕਣ੍ਣੇਪਿ ਛਿਨ੍ਦਨ੍ਤਿ ਅਥੋਪਿ ਨਾਸਂ;

ਅਥੋਪਿ ਕਾਕੋਲ਼ਗਣਾ ਸਮੇਚ੍ਚ, ਸਙ੍ਗਮ੍ਮ ਖਾਦਨ੍ਤਿ ਵਿਫਨ੍ਦਮਾਨ’’ਨ੍ਤਿ.

‘‘ਸਾਧੁ ਖੋ ਮਂ ਪਟਿਨੇਥ, ਕਾਹਾਮਿ ਕੁਸਲਂ ਬਹੁਂ;

ਯਂ ਕਤ੍ਵਾ ਸੁਖਿਤਾ ਹੋਨ੍ਤਿ, ਨ ਚ ਪਚ੍ਛਾਨੁਤਪ੍ਪਰੇ’’ਤਿ.

‘‘ਪੁਰੇ ¶ ਤੁਵਂ ਪਮਜ੍ਜਿਤ੍ਵਾ, ਇਦਾਨਿ ਪਰਿਦੇਵਸਿ;

ਸਯਂ ਕਤਾਨਂ ਕਮ੍ਮਾਨਂ, ਵਿਪਾਕਂ ਅਨੁਭੋਸ੍ਸਸੀ’’ਤਿ.

‘‘ਕੋ ¶ ਦੇਵਲੋਕਤੋ ਮਨੁਸ੍ਸਲੋਕਂ, ਗਨ੍ਤ੍ਵਾਨ ਪੁਟ੍ਠੋ ਮੇ ਏਵਂ ਵਦੇਯ੍ਯ;

‘ਨਿਕ੍ਖਿਤ੍ਤਦਣ੍ਡੇਸੁ ਦਦਾਥ ਦਾਨਂ, ਅਚ੍ਛਾਦਨਂ ਸੇਯ੍ਯ [ਸਯਨ (ਸੀ.)] ਮਥਨ੍ਨਪਾਨਂ;

ਨਹਿ ਮਚ੍ਛਰੀ ਰੋਸਕੋ ਪਾਪਧਮ੍ਮੋ, ਸਗ੍ਗੂਪਗਾਨਂ ਲਭਤਿ ਸਹਬ੍ਯਤਂ’.

‘‘ਸਾਹਂ ਨੂਨ ਇਤੋ ਗਨ੍ਤ੍ਵਾ, ਯੋਨਿਂ ਲਦ੍ਧਾਨ ਮਾਨੁਸਿਂ;

ਵਦਞ੍ਞੂ ਸੀਲਸਮ੍ਪਨ੍ਨਾ, ਕਾਹਾਮਿ ਕੁਸਲਂ ਬਹੁਂ;

‘‘ਆਰਾਮਾਨਿ ¶ ਚ ਰੋਪਿਸ੍ਸਂ, ਦੁਗ੍ਗੇ ਸਙ੍ਕਮਨਾਨਿ ਚ;

ਪਪਞ੍ਚ ਉਦਪਾਨਞ੍ਚ, ਵਿਪ੍ਪਸਨ੍ਨੇਨ ਚੇਤਸਾ.

‘‘ਚਾਤੁਦ੍ਦਸਿਂ ਪਞ੍ਚਦਸਿਂ, ਯਾ ਚ ਪਕ੍ਖਸ੍ਸ ਅਟ੍ਠਮੀ;

ਪਾਟਿਹਾਰਿਯਪਕ੍ਖਞ੍ਚ, ਅਟ੍ਠਙ੍ਗਸੁਸਮਾਗਤਂ.

‘‘ਉਪੋਸਥਂ ਉਪਵਸਿਸ੍ਸਂ, ਸਦਾ ਸੀਲੇਸੁ ਸਂਵੁਤਾ;

ਨ ਚ ਦਾਨੇ ਪਮਜ੍ਜਿਸ੍ਸਂ, ਸਾਮਂ ਦਿਟ੍ਠਮਿਦਂ ਮਯਾ’’ਤਿ;

ਇਚ੍ਚੇਵਂ ਵਿਪ੍ਪਲਪਨ੍ਤਿਂ, ਫਨ੍ਦਮਾਨਂ ਤਤੋ ਤਤੋ;

ਖਿਪਿਂਸੁ ਨਿਰਯੇ ਘੋਰੇ, ਉਦ੍ਧਪਾਦਂ ਅਵਂਸਿਰਂ.

‘‘ਅਹਂ ਪੁਰੇ ਮਚ੍ਛਰਿਨੀ ਅਹੋਸਿਂ, ਪਰਿਭਾਸਿਕਾ ¶ ਸਮਣਬ੍ਰਾਹ੍ਮਣਾਨਂ;

ਵਿਤਥੇਨ ਚ ਸਾਮਿਕਂ ਵਞ੍ਚਯਿਤ੍ਵਾ, ਪਚ੍ਚਾਮਹਂ ਨਿਰਯੇ ਘੋਰਰੂਪੇ’’ਤਿ.

‘‘ਯੇ ¶ ਵਦਤਂ ਪਵਰੋ ਮਨੁਜੇਸੁ, ਸਕ੍ਯਮੁਨੀ ਭਗਵਾ ਕਤਕਿਚ੍ਚੋ;

ਪਾਰਗਤੋ ਬਲਵੀਰਿਯਸਮਙ੍ਗੀ [ਬਲਵੀਰਸਮਙ੍ਗੀ (ਕ.)], ਤਂ ਸੁਗਤਂ ਸਰਣਤ੍ਥਮੁਪੇਹਿ.

‘‘ਰਾਗਵਿਰਾਗਮਨੇਜਮਸੋਕਂ, ਧਮ੍ਮਮਸਙ੍ਖਤਮਪ੍ਪਟਿਕੂਲਂ;

ਮਧੁਰਮਿਮਂ ਪਗੁਣਂ ਸੁਵਿਭਤ੍ਤਂ, ਧਮ੍ਮਮਿਮਂ ਸਰਣਤ੍ਥਮੁਪੇਹਿ.

‘‘ਯਤ੍ਥ ¶ ਚ ਦਿਨ੍ਨ ਮਹਪ੍ਫਲਮਾਹੁ, ਚਤੂਸੁ ਸੁਚੀਸੁ ਪੁਰਿਸਯੁਗੇਸੁ;

ਅਟ੍ਠ ਚ ਪੁਗ੍ਗਲਧਮ੍ਮਦਸਾ ਤੇ, ਸਙ੍ਘਮਿਮਂ ਸਰਣਤ੍ਥਮੁਪੇਹਿ.

‘‘ਨ ¶ ਤਥਾ ਤਪਤਿ ਨਭੇ ਸੂਰਿਯੋ, ਚਨ੍ਦੋ ਚ ਨ ਭਾਸਤਿ ਨ ਫੁਸ੍ਸੋ;

ਯਥਾ ਅਤੁਲਮਿਦਂ ਮਹਪ੍ਪਭਾਸਂ, ਕੋ ¶ ਨੁ ਤ੍ਵਂ ਤਿਦਿਵਾ ਮਹਿਂ ਉਪਾਗਾ.

‘‘ਛਿਨ੍ਦਤਿ ¶ ਰਂਸੀ ਪਭਙ੍ਕਰਸ੍ਸ, ਸਾਧਿਕਵੀਸਤਿਯੋਜਨਾਨਿ ਆਭਾ;

ਰਤ੍ਤਿਮਪਿ ਯਥਾ ਦਿਵਂ ਕਰੋਤਿ, ਪਰਿਸੁਦ੍ਧਂ ਵਿਮਲਂ ਸੁਭਂ ਵਿਮਾਨਂ.

‘‘ਬਹੁਪਦੁਮਵਿਚਿਤ੍ਰਪੁਣ੍ਡਰੀਕਂ, ਵੋਕਿਣ੍ਣਂ ਕੁਸੁਮੇਹਿ ਨੇਕਚਿਤ੍ਤਂ;

ਅਰਜਵਿਰਜਹੇਮਜਾਲਛਨ੍ਨਂ, ਆਕਾਸੇ ਤਪਤਿ ਯਥਾਪਿ ਸੂਰਿਯੋ.

‘‘ਰਤ੍ਤਮ੍ਬਰਪੀਤਵਸਸਾਹਿ, ਅਗਰੁਪਿਯਙ੍ਗੁਚਨ੍ਦਨੁਸ੍ਸਦਾਹਿ;

ਕਞ੍ਚਨਤਨੁਸਨ੍ਨਿਭਤ੍ਤਚਾਹਿ, ਪਰਿਪੂਰਂ ਗਗਨਂਵ ਤਾਰਕਾਹਿ.

‘‘ਨਰਨਾਰਿਯੋ [ਨਰਨਾਰੀ (ਕ.), ਨਾਰਿਯੋ (?)] ਬਹੁਕੇਤ੍ਥਨੇਕਵਣ੍ਣਾ, ਕੁਸੁਮਵਿਭੂਸਿਤਾਭਰਣੇਤ੍ਥ ਸੁਮਨਾ;

ਅਨਿਲਪਮੁਞ੍ਚਿਤਾ ਪਵਨ੍ਤਿ [ਪਵਾਯਨ੍ਤਿ (ਕ.)] ਸੁਰਭਿਂ, ਤਪਨਿਯਵਿਤਤਾ ਸੁਵਣ੍ਣਛਨ੍ਨਾ [ਸੁਵਣ੍ਣਚ੍ਛਾਦਨਾ (ਸੀ.)].

‘‘ਕਿਸ੍ਸ ਸਂਯਮਸ੍ਸ [ਸਮਦਮਸ੍ਸ (ਸੀ.)] ਅਯਂ ਵਿਪਾਕੋ, ਕੇਨਾਸਿ ਕਮ੍ਮਫਲੇਨਿਧੂਪਪਨ੍ਨੋ;

ਯਥਾ ¶ ਚ ਤੇ ਅਧਿਗਤਮਿਦਂ ਵਿਮਾਨਂ, ਤਦਨੁਪਦਂ ਅਵਚਾਸਿ ਇਙ੍ਘ ਪੁਟ੍ਠੋ’’ਤਿ.

‘‘ਸਯਮਿਧ [ਯਮਿਧ (ਸੀ. ਸ੍ਯਾ. ਪੀ.)] ਪਥੇ ਸਮੇਚ੍ਚ ਮਾਣਵੇਨ, ਸਤ੍ਥਾਨੁਸਾਸਿ ਅਨੁਕਮ੍ਪਮਾਨੋ;

ਤਵ ਰਤਨਵਰਸ੍ਸ ਧਮ੍ਮਂ ਸੁਤ੍ਵਾ, ਕਰਿਸ੍ਸਾਮੀਤਿ ਚ ਬ੍ਰਵਿਤ੍ਥ ਛਤ੍ਤੋ.

‘‘ਜਿਨਵਰਪਵਰਂ ¶ [ਜਿਨਪਵਰਂ (ਸ੍ਯਾ. ਕ.)] ਉਪੇਹਿ [ਉਪੇਮਿ (ਬਹੂਸੁ)] ਸਰਣਂ, ਧਮ੍ਮਞ੍ਚਾਪਿ ਤਥੇਵ ਭਿਕ੍ਖੁਸਙ੍ਘਂ;

ਨੋਤਿ ਪਠਮਂ ਅਵੋਚਹਂ [ਅਵੋਚਾਹਂ (ਸੀ. ਸ੍ਯਾ. ਕ.)] ਭਨ੍ਤੇ, ਪਚ੍ਛਾ ਤੇ ਵਚਨਂ ਤਥੇਵਕਾਸਿਂ.

‘‘ਮਾ ਚ ਪਾਣਵਧਂ ਵਿਵਿਧਂ ਚਰਸ੍ਸੁ ਅਸੁਚਿਂ,

ਨ ਹਿ ਪਾਣੇਸੁ ਅਸਞ੍ਞਤਂ ਅਵਣ੍ਣਯਿਂਸੁ ਸਪ੍ਪਞ੍ਞਾ;

‘‘ਮਾ ¶ ਚ ਪਰਜਨਸ੍ਸ ਰਕ੍ਖਿਤਮ੍ਪਿ, ਆਦਾਤਬ੍ਬਮਮਞ੍ਞਿਥੋ [ਮਮਞ੍ਞਿਤ੍ਥ (ਸੀ. ਪੀ.)] ਅਦਿਨ੍ਨਂ;

ਨੋਤਿ ਪਠਮਂ ਅਵੋਚਹਂ ਭਨ੍ਤੇ, ਪਚ੍ਛਾ ਵਚਨਂ ਤਥੇਵਕਾਸਿਂ.

‘‘ਮਾ ਚ ਪਰਜਨਸ੍ਸ ਰਕ੍ਖਿਤਾਯੋ, ਪਰਭਰਿਯਾ ਅਗਮਾ ਅਨਰਿਯਮੇਤਂ;

ਨੋਤਿ ਪਠਮਂ ਅਵੋਚਹਂ ਭਨ੍ਤੇ, ਪਚ੍ਛਾ ਤੇ ਵਚਨਂ ਤਥੇਵਕਾਸਿਂ;

ਨ ¶ ਹਿ ਮੁਸਾਵਾਦਂ ਅਵਣ੍ਣਯਿਂਸੁ ਸਪ੍ਪਞ੍ਞਾ;

ਨੋਤਿ ਪਠਮਂ ਅਵੋਚਹਂ ਭਨ੍ਤੇ, ਪਚ੍ਛਾ ਤੇ ਵਚਨਂ ਤਥੇਵਕਾਸਿਂ.

‘‘ਯੇਨ ਚ ਪੁਰਿਸਸ੍ਸ ਅਪੇਤਿ ਸਞ੍ਞਾ, ਤਂ ਮਜ੍ਜਂ ਪਰਿਵਜ੍ਜਯਸ੍ਸੁ ਸਬ੍ਬਂ;

ਨੋਤਿ ਪਠਮਂ ਅਵੋਚਹਂ ਭਨ੍ਤੇ, ਪਚ੍ਛਾ ਤੇ ਵਚਨਂ ਤਥੇਵਕਾਸਿਂ.

‘‘ਸ੍ਵਾਹਂ ਇਧ ਪਞ੍ਚ ਸਿਕ੍ਖਾ ਕਰਿਤ੍ਵਾ, ਪਟਿਪਜ੍ਜਿਤ੍ਵਾ ਤਥਾਗਤਸ੍ਸ ਧਮ੍ਮੇ;

ਦ੍ਵੇਪਥਮਗਮਾਸਿਂ ਚੋਰਮਜ੍ਝੇ, ਤੇ ਮਂ ਤਤ੍ਥ ਵਧਿਂਸੁ ਭੋਗਹੇਤੁ.

‘‘ਏਤ੍ਤਕਮਿਦਂ ¶ ¶ ਅਨੁਸ੍ਸਰਾਮਿ ਕੁਸਲਂ, ਤਤੋ ਪਰਂ ਨ ਮੇ ਵਿਜ੍ਜਤਿ ਅਞ੍ਞਂ;

ਤੇਨ ਸੁਚਰਿਤੇਨ ਕਮ੍ਮੁਨਾਹਂ [ਕਮ੍ਮਨਾਹਂ (ਸੀ.)], ਉਪ੍ਪਨ੍ਨੋ [ਉਪਪਨ੍ਨੋ (ਬਹੂਸੁ)] ਤਿਦਿਵੇਸੁ ਕਾਮਕਾਮੀ.

‘‘ਪਸ੍ਸ ਖਣਮੁਹੁਤ੍ਤਸਞ੍ਞਮਸ੍ਸ, ਅਨੁਧਮ੍ਮਪ੍ਪਟਿਪਤ੍ਤਿਯਾ ਵਿਪਾਕਂ;

ਜਲਮਿਵ ਯਸਸਾ ਸਮੇਕ੍ਖਮਾਨਾ, ਬਹੁਕਾ ਮਂ ਪਿਹਯਨ੍ਤਿ ਹੀਨਕਮ੍ਮਾ.

‘‘ਪਸ੍ਸ ਕਤਿਪਯਾਯ ਦੇਸਨਾਯ, ਸੁਗਤਿਞ੍ਚਮ੍ਹਿ ¶ ਗਤੋ ਸੁਖਞ੍ਚ ਪਤ੍ਤੋ;

ਯੇ ਚ ਤੇ ਸਤਤਂ ਸੁਣਨ੍ਤਿ ਧਮ੍ਮਂ, ਮਞ੍ਞੇ ਤੇ ਅਮਤਂ ਫੁਸਨ੍ਤਿ ਖੇਮਂ.

‘‘ਅਪ੍ਪਮ੍ਪਿ ਕਤਂ ਮਹਾਵਿਪਾਕਂ, ਵਿਪੁਲਂ ਹੋਤਿ [ਵਿਪੁਲਫਲਂ (ਕ.)] ਤਥਾਗਤਸ੍ਸ ਧਮ੍ਮੇ;

ਪਸ੍ਸ ਕਤਪੁਞ੍ਞਤਾਯ ਛਤ੍ਤੋ, ਓਭਾਸੇਤਿ ਪਥਵਿਂ ਯਥਾਪਿ ਸੂਰਿਯੋ.

‘‘ਕਿਮਿਦਂ ਕੁਸਲਂ ਕਿਮਾਚਰੇਮ, ਇਚ੍ਚੇਕੇ ਹਿ ਸਮੇਚ੍ਚ ਮਨ੍ਤਯਨ੍ਤਿ;

ਤੇ ਮਯਂ ਪੁਨਰੇਵ [ਪੁਨਪਿ (?)] ਲਦ੍ਧ ਮਾਨੁਸਤ੍ਤਂ, ਪਟਿਪਨ੍ਨਾ ਵਿਹਰੇਮੁ ਸੀਲਵਨ੍ਤੋ.

‘‘ਬਹੁਕਾਰੋ ¶ ਅਨੁਕਮ੍ਪਕੋ ਚ ਸਤ੍ਥਾ, ਇਤਿ ਮੇ ਸਤਿ ਅਗਮਾ ਦਿਵਾ ਦਿਵਸ੍ਸ;

ਸ੍ਵਾਹਂ ਉਪਗਤੋਮ੍ਹਿ ਸਚ੍ਚਨਾਮਂ, ਅਨੁਕਮ੍ਪਸ੍ਸੁ ਪੁਨਪਿ ਸੁਣੇਮੁ [ਸੁਣੋਮ (ਸੀ.), ਸੁਣੋਮਿ (ਸ੍ਯਾ.)] ਧਮ੍ਮਂ.

‘‘ਯੇ ¶ ਚਿਧ [ਯੇਧ (ਸੀ. ਸ੍ਯਾ. ਪੀ.), ਯੇ ਇਧ (ਕ.)] ਪਜਹਨ੍ਤਿ ਕਾਮਰਾਗਂ, ਭਵਰਾਗਾਨੁਸਯਞ੍ਚ ਪਹਾਯ ਮੋਹਂ;

ਨ ਚ ਤੇ ਪੁਨਮੁਪੇਨ੍ਤਿ ਗਬ੍ਭਸੇਯ੍ਯਂ, ਪਰਿਨਿਬ੍ਬਾਨਗਤਾ ਹਿ ਸੀਤਿਭੂਤਾ’’ਤਿ.

‘‘ਉਚ੍ਚਮਿਦਂ ¶ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ [ਰੁਚਿਰਤ੍ਥਤਾ (ਸ੍ਯਾ. ਕ.) ੬੪੬ ਗਾਥਾਯਂ ‘‘ਰੁਚਕੁਪਕਿਣ੍ਣਂ’’ਤਿ ਪਦਸ੍ਸ ਸਂਵਣ੍ਣਨਾ ਪਸ੍ਸਿਤਬ੍ਬਾ] ਸੁਭਾ.

‘‘ਤਤ੍ਥਚ੍ਛਸਿ ¶ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ [ਵਗ੍ਗੁ (ਸੀ. ਕ.), ਵਗ੍ਗੂ (ਸ੍ਯਾ.)];

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ਤਂ ਦੇਵ ਮਹਾਨੁਭਾਵ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਸਤਿਸਮੁਪ੍ਪਾਦਕਰੋ ¶ , ਦ੍ਵਾਰੇ ਕਕ੍ਕਟਕੋ ਠਿਤੋ;

ਨਿਟ੍ਠਿਤੋ ਜਾਤਰੂਪਸ੍ਸ, ਸੋਭਤਿ ਦਸਪਾਦਕੋ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ, ਤੇਨ ਮੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ¶ ਚ ਮੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਅਕ੍ਖਾਮਿ ਤੇ ਭਿਕ੍ਖੁ ਮਹਾਨੁਭਾਵ, ਮਨੁਸ੍ਸਭੂਤੋ ਯਮਕਾਸਿ ਪੁਞ੍ਞਂ;

ਤੇਨਮ੍ਹਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

(ਅਨਨ੍ਤਰਂ ਪਞ੍ਚਵਿਮਾਨਂ ਯਥਾ ਕਕ੍ਕਟਕਰਸਦਾਯਕਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ)

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ¶ ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਦਿਬ੍ਬਂ ਮਮਂ ਵਸ੍ਸਸਹਸ੍ਸਮਾਯੁ, ਵਾਚਾਭਿਗੀਤਂ ਮਨਸਾ ਪਵਤ੍ਤਿਤਂ;

ਏਤ੍ਤਾਵਤਾ ਠਸ੍ਸਤਿ ਪੁਞ੍ਞਕਮ੍ਮੋ, ਦਿਬ੍ਬੇਹਿ ਕਾਮੇਹਿ ਸਮਙ੍ਗਿਭੂਤੋ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ¶ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ…ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਕਰਣੀਯਾਨਿ ਪੁਞ੍ਞਾਨਿ, ਪਣ੍ਡਿਤੇਨ ਵਿਜਾਨਤਾ;

ਸਮ੍ਮਗ੍ਗਤੇਸੁ ਬੁਦ੍ਧੇਸੁ, ਯਤ੍ਥ ਦਿਨ੍ਨਂ ਮਹਪ੍ਫਲਂ.

‘‘ਅਤ੍ਥਾਯ ਵਤ ਮੇ ਬੁਦ੍ਧੋ, ਅਰਞ੍ਞਾ ਗਾਮਮਾਗਤੋ;

ਤਤ੍ਥ ¶ ਚਿਤ੍ਤਂ ਪਸਾਦੇਤ੍ਵਾ, ਤਾਵਤਿਂਸੂਪਗੋ ਅਹਂ [ਅਹੁਂ (ਸੀ.)].

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਕਰਣੀਯਾਨਿ ਪੁਞ੍ਞਾਨਿ, ਪਣ੍ਡਿਤੇਨ ਵਿਜਾਨਤਾ;

ਸਮ੍ਮਗ੍ਗਤੇਸੁ ਭਿਕ੍ਖੂਸੁ, ਯਤ੍ਥ ਦਿਨ੍ਨਂ ਮਹਪ੍ਫਲਂ.

‘‘ਅਤ੍ਥਾਯ ਵਤ ਮੇ ਭਿਕ੍ਖੁ, ਅਰਞ੍ਞਾ ਗਾਮਮਾਗਤੋ;

ਤਤ੍ਥ ਚਿਤ੍ਤਂ ਪਸਾਦੇਤ੍ਵਾ, ਤਾਵਤਿਂਸੂਪਗੋ ਅਹਂ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ¶ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ¶ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ,ਪੁਰਿਮਜਾਤਿਯਾ ਮਨੁਸ੍ਸਲੋਕੇ.

‘‘ਅਦ੍ਦਸਂ ¶ ਵਿਰਜਂ ਭਿਕ੍ਖੁਂ, ਵਿਪ੍ਪਸਨ੍ਨਮਨਾਵਿਲਂ;

ਤਸ੍ਸ ਅਦਾਸਹਂ ਸੂਚਿਂ, ਪਸਨ੍ਨੋ ਸੇਹਿ ਪਾਣਿਭਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਸੁਸੁਕ੍ਕਖਨ੍ਧਂ ¶ ¶ ਅਭਿਰੁਯ੍ਹ ਨਾਗਂ, ਅਕਾਚਿਨਂ ਦਨ੍ਤਿਂ ਬਲਿਂ ਮਹਾਜਵਂ;

ਅਭਿਰੁਯ੍ਹ ਗਜਵਰਂ [ਗਜਂ ਵਰਂ (ਸ੍ਯਾ.)] ਸੁਕਪ੍ਪਿਤਂ, ਇਧਾਗਮਾ ਵੇਹਾਯਸਂ ਅਨ੍ਤਲਿਕ੍ਖੇ.

‘‘ਨਾਗਸ੍ਸ ਦਨ੍ਤੇਸੁ ਦੁਵੇਸੁ ਨਿਮ੍ਮਿਤਾ, ਅਚ੍ਛੋਦਕਾ ਪਦੁਮਿਨਿਯੋ ਸੁਫੁਲ੍ਲਾ;

ਪਦੁਮੇਸੁ ਚ ਤੁਰਿਯਗਣਾ ਪਵਜ੍ਜਰੇ, ਇਮਾ ਚ ਨਚ੍ਚਨ੍ਤਿ ਮਨੋਹਰਾਯੋ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਟ੍ਠੇਵ ਮੁਤ੍ਤਪੁਪ੍ਫਾਨਿ, ਕਸ੍ਸਪਸ੍ਸ ਮਹੇਸਿਨੋ [ਭਗਵਤੋ (ਸ੍ਯਾ. ਕ.)];

ਥੂਪਸ੍ਮਿਂ ਅਭਿਰੋਪੇਸਿਂ, ਪਸਨ੍ਨੋ ਸੇਹਿ ਪਾਣਿਭਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਮਹਨ੍ਤਂ ¶ ¶ ਨਾਗਂ ਅਭਿਰੁਯ੍ਹ, ਸਬ੍ਬਸੇਤਂ ਗਜੁਤ੍ਤਮਂ;

ਵਨਾ ਵਨਂ ਅਨੁਪਰਿਯਾਸਿ, ਨਾਰੀਗਣਪੁਰਕ੍ਖਤੋ;

ਓਭਾਸੇਨ੍ਤੋ ਦਿਸਾ ਸਬ੍ਬਾ, ਓਸਧੀ ਵਿਯ ਤਾਰਕਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ, ਵਙ੍ਗੀਸੇਨੇਵ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਉਪਾਸਕੋ ਚਕ੍ਖੁਮਤੋ ਅਹੋਸਿਂ;

ਪਾਣਾਤਿਪਾਤਾ ਵਿਰਤੋ ਅਹੋਸਿਂ, ਲੋਕੇ ਅਦਿਨ੍ਨਂ ਪਰਿਵਜ੍ਜਯਿਸ੍ਸਂ.

‘‘ਅਮਜ੍ਜਪੋ ¶ ਨੋ ਚ ਮੁਸਾ ਅਭਾਣਿਂ [ਅਭਾਸਿਂ (ਸੀ. ਕ.)], ਸਕੇਨ ਦਾਰੇਨ ਚ ਤੁਟ੍ਠੋ ਅਹੋਸਿਂ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਕੋ ¶ ¶ ਨੁ ਦਿਬ੍ਬੇਨ ਯਾਨੇਨ, ਸਬ੍ਬਸੇਤੇਨ ਹਤ੍ਥਿਨਾ;

ਤੁਰਿਯਤਾਲ਼ਿਤਨਿਗ੍ਘੋਸੋ, ਅਨ੍ਤਲਿਕ੍ਖੇ ਮਹੀਯਤਿ.

‘‘ਦੇਵਤਾ ਨੁਸਿ ਗਨ੍ਧਬ੍ਬੋ, ਅਦੁ [ਆਦੁ (ਸੀ. ਸ੍ਯਾ.)] ਸਕ੍ਕੋ ਪੁਰਿਨ੍ਦਦੋ;

ਅਜਾਨਨ੍ਤਾ ਤਂ ਪੁਚ੍ਛਾਮ, ਕਥਂ ਜਾਨੇਮੁ ਤਂ ਮਯ’’ਨ੍ਤਿ.

‘‘ਨਮ੍ਹਿ ¶ ਦੇਵੋ ਨ ਗਨ੍ਧਬ੍ਬੋ, ਨਾਪਿ [ਨਾਮ੍ਹਿ (ਕ.)] ਸਕ੍ਕੋ ਪੁਰਿਨ੍ਦਦੋ;

ਸੁਧਮ੍ਮਾ ਨਾਮ ਯੇ ਦੇਵਾ, ਤੇਸਂ ਅਞ੍ਞਤਰੋ ਅਹ’’ਨ੍ਤਿ.

‘‘ਪੁਚ੍ਛਾਮ ਦੇਵਂ ਸੁਧਮ੍ਮਂ [ਦੇਵ ਸੁਧਮ੍ਮ (ਸ੍ਯਾ.), ਦੇਵ ਸੁਧਮ੍ਮਂ (ਕ.)], ਪੁਥੁਂ ਕਤ੍ਵਾਨ ਅਞ੍ਜਲਿਂ;

ਕਿਂ ਕਤ੍ਵਾ ਮਾਨੁਸੇ ਕਮ੍ਮਂ, ਸੁਧਮ੍ਮਂ ਉਪਪਜ੍ਜਤੀ’’ਤਿ.

‘‘ਉਚ੍ਛਾਗਾਰਂ ਤਿਣਾਗਾਰਂ, ਵਤ੍ਥਾਗਾਰਞ੍ਚ ਯੋ ਦਦੇ;

ਤਿਣ੍ਣਂ ਅਞ੍ਞਤਰਂ ਦਤ੍ਵਾ, ਸੁਧਮ੍ਮਂ ਉਪਪਜ੍ਜਤੀ’’ਤਿ.

‘‘ਦਲ਼੍ਹਧਮ੍ਮਾ ਨਿਸਾਰਸ੍ਸ, ਧਨੁਂ ਓਲੁਬ੍ਭ ਤਿਟ੍ਠਸਿ;

ਖਤ੍ਤਿਯੋ ਨੁਸਿ ਰਾਜਞ੍ਞੋ, ਅਦੁ ਲੁਦ੍ਦੋ ਵਨੇਚਰੋ’’ਤਿ [ਵਨਾਚਰੋਤਿ (ਸ੍ਯਾ. ਕ.)].

‘‘ਅਸ੍ਸਕਾਧਿਪਤਿਸ੍ਸਾਹਂ ¶ , ਭਨ੍ਤੇ ਪੁਤ੍ਤੋ ਵਨੇਚਰੋ;

ਨਾਮਂ ਮੇ ਭਿਕ੍ਖੁ ਤੇ ਬ੍ਰੂਮਿ, ਸੁਜਾਤੋ ਇਤਿ ਮਂ ਵਿਦੂ [ਵਿਦੁਂ (ਸੀ.)].

‘‘ਮਿਗੇ ਗਵੇਸਮਾਨੋਹਂ, ਓਗਾਹਨ੍ਤੋ ਬ੍ਰਹਾਵਨਂ;

ਮਿਗਂ ਤਞ੍ਚੇਵ [ਮਿਗਂ ਗਨ੍ਤ੍ਵੇਵ (ਸ੍ਯਾ.), ਮਿਗਵਧਞ੍ਚ (ਕ.)] ਨਾਦ੍ਦਕ੍ਖਿਂ, ਤਞ੍ਚ ਦਿਸ੍ਵਾ ਠਿਤੋ ਅਹ’’ਨ੍ਤਿ.

‘‘ਸ੍ਵਾਗਤਂ ¶ ਤੇ ਮਹਾਪੁਞ੍ਞ, ਅਥੋ ਤੇ ਅਦੁਰਾਗਤਂ;

ਏਤ੍ਤੋ ਉਦਕਮਾਦਾਯ, ਪਾਦੇ ਪਕ੍ਖਾਲਯਸ੍ਸੁ ਤੇ.

‘‘ਇਦਮ੍ਪਿ ਪਾਨੀਯਂ ਸੀਤਂ, ਆਭਤਂ ਗਿਰਿਗਬ੍ਭਰਾ;

ਰਾਜਪੁਤ੍ਤ ਤਤੋ ਪਿਤ੍ਵਾ [ਪੀਤ੍ਵਾ (ਸੀ. ਸ੍ਯਾ.)], ਸਨ੍ਥਤਸ੍ਮਿਂ ਉਪਾਵਿਸਾ’’ਤਿ.

‘‘ਕਲ੍ਯਾਣੀ ਵਤ ਤੇ ਵਾਚਾ, ਸਵਨੀਯਾ ਮਹਾਮੁਨਿ;

ਨੇਲਾ ਅਤ੍ਥਵਤੀ [ਚਤ੍ਥਵਤੀ (ਸੀ.)] ਵਗ੍ਗੁ, ਮਨ੍ਤ੍ਵਾ [ਮਨ੍ਤਾ (ਸ੍ਯਾ. ਪੀ. ਕ.)] ਅਤ੍ਥਞ੍ਚ ਭਾਸਸਿ [ਭਾਸਸੇ (ਸੀ.)].

‘‘ਕਾ ¶ ਤੇ ਰਤਿ ਵਨੇ ਵਿਹਰਤੋ, ਇਸਿਨਿਸਭ ਵਦੇਹਿ ਪੁਟ੍ਠੋ;

ਤਵ ਵਚਨਪਥਂ ਨਿਸਾਮਯਿਤ੍ਵਾ, ਅਤ੍ਥਧਮ੍ਮਪਦਂ ਸਮਾਚਰੇਮਸੇ’’ਤਿ.

‘‘ਅਹਿਂਸਾ ¶ ਸਬ੍ਬਪਾਣੀਨਂ, ਕੁਮਾਰਮ੍ਹਾਕ ਰੁਚ੍ਚਤਿ;

ਥੇਯ੍ਯਾ ਚ ਅਤਿਚਾਰਾ ਚ, ਮਜ੍ਜਪਾਨਾ ਚ ਆਰਤਿ.

‘‘ਆਰਤਿ ਸਮਚਰਿਯਾ ਚ, ਬਾਹੁਸਚ੍ਚਂ ਕਤਞ੍ਞੁਤਾ;

ਦਿਟ੍ਠੇਵ ਧਮ੍ਮੇ ਪਾਸਂਸਾ, ਧਮ੍ਮਾ ਏਤੇ ਪਸਂਸਿਯਾਤਿ.

‘‘ਸਨ੍ਤਿਕੇ ਮਰਣਂ ਤੁਯ੍ਹਂ, ਓਰਂ ਮਾਸੇਹਿ ਪਞ੍ਚਹਿ;

ਰਾਜਪੁਤ੍ਤ ¶ ਵਿਜਾਨਾਹਿ, ਅਤ੍ਤਾਨਂ ਪਰਿਮੋਚਯਾ’’ਤਿ.

‘‘ਕਤਮਂ ਸ੍ਵਾਹਂ ਜਨਪਦਂ ਗਨ੍ਤ੍ਵਾ, ਕਿਂ ਕਮ੍ਮਂ ਕਿਞ੍ਚ ਪੋਰਿਸਂ;

ਕਾਯ ਵਾ ਪਨ ਵਿਜ੍ਜਾਯ, ਭਵੇਯ੍ਯਂ ਅਜਰਾਮਰੋ’’ਤਿ.

‘‘ਨ ਵਿਜ੍ਜਤੇ ਸੋ ਪਦੇਸੋ, ਕਮ੍ਮਂ ਵਿਜ੍ਜਾ ਚ ਪੋਰਿਸਂ;

ਯਤ੍ਥ ਗਨ੍ਤ੍ਵਾ ਭਵੇ ਮਚ੍ਚੋ, ਰਾਜਪੁਤ੍ਤਾਜਰਾਮਰੋ.

‘‘ਮਹਦ੍ਧਨਾ ਮਹਾਭੋਗਾ, ਰਟ੍ਠਵਨ੍ਤੋਪਿ ਖਤ੍ਤਿਯਾ;

ਪਹੂਤਧਨਧਞ੍ਞਾਸੇ, ਤੇਪਿ ਨੋ [ਤੇਪਿ ਨ (ਬਹੂਸੁ)] ਅਜਰਾਮਰਾ.

‘‘ਯਦਿ ਤੇ ਸੁਤਾ ਅਨ੍ਧਕਵੇਣ੍ਡੁਪੁਤ੍ਤਾ [ਅਨ੍ਧਕਵੇਣ੍ਹੁਪੁਤ੍ਤਾ (ਸੀ.), ਅਣ੍ਡਕਵੇਣ੍ਡਪੁਤ੍ਤਾ (ਸ੍ਯਾ. ਕ.)], ਸੂਰਾ ਵੀਰਾ ਵਿਕ੍ਕਨ੍ਤਪ੍ਪਹਾਰਿਨੋ;

ਤੇਪਿ ਆਯੁਕ੍ਖਯਂ ਪਤ੍ਤਾ, ਵਿਦ੍ਧਸ੍ਤਾ ਸਸ੍ਸਤੀਸਮਾ.

‘‘ਖਤ੍ਤਿਯਾ ਬ੍ਰਾਹ੍ਮਣਾ ਵੇਸ੍ਸਾ, ਸੁਦ੍ਦਾ ਚਣ੍ਡਾਲਪੁਕ੍ਕੁਸਾ;

ਏਤੇ ਚਞ੍ਞੇ ਚ ਜਾਤਿਯਾ, ਤੇਪਿ ਨੋ ਅਜਰਾਮਰਾ.

‘‘ਯੇ ਮਨ੍ਤਂ ਪਰਿਵਤ੍ਤੇਨ੍ਤਿ, ਛਲ਼ਙ੍ਗਂ ਬ੍ਰਹ੍ਮਚਿਨ੍ਤਿਤਂ;

ਏਤੇ ਚਞ੍ਞੇ ਚ ਵਿਜ੍ਜਾਯ, ਤੇਪਿ ਨੋ ਅਜਰਾਮਰਾ.

‘‘ਇਸਯੋ ਚਾਪਿ ਯੇ ਸਨ੍ਤਾ, ਸਞ੍ਞਤਤ੍ਤਾ ਤਪਸ੍ਸਿਨੋ;

ਸਰੀਰਂ ਤੇਪਿ ਕਾਲੇਨ, ਵਿਜਹਨ੍ਤਿ ਤਪਸ੍ਸਿਨੋ.

‘‘ਭਾਵਿਤਤ੍ਤਾਪਿ ¶ ਅਰਹਨ੍ਤੋ, ਕਤਕਿਚ੍ਚਾ ਅਨਾਸਵਾ;

ਨਿਕ੍ਖਿਪਨ੍ਤਿ ਇਮਂ ਦੇਹਂ, ਪੁਞ੍ਞਪਾਪਪਰਿਕ੍ਖਯਾ’’ਤਿ.

‘‘ਸੁਭਾਸਿਤਾ ਅਤ੍ਥਵਤੀ, ਗਾਥਾਯੋ ਤੇ ਮਹਾਮੁਨਿ;

ਨਿਜ੍ਝਤ੍ਤੋਮ੍ਹਿ ¶ ਸੁਭਟ੍ਠੇਨ, ਤ੍ਵਞ੍ਚ ਮੇ ਸਰਣਂ ਭਵਾ’’ਤਿ.

‘‘ਮਾ ¶ ਮਂ ਤ੍ਵਂ ਸਰਣਂ ਗਚ੍ਛ, ਤਮੇਵ ਸਰਣਂ ਵਜ [ਭਜ (ਕ.)];

ਸਕ੍ਯਪੁਤ੍ਤਂ ਮਹਾਵੀਰਂ, ਯਮਹਂ ਸਰਣਂ ਗਤੋ’’ਤਿ.

‘‘ਕਤਰਸ੍ਮਿਂ ਸੋ ਜਨਪਦੇ, ਸਤ੍ਥਾ ਤੁਮ੍ਹਾਕ ਮਾਰਿਸ;

ਅਹਮ੍ਪਿ ਦਟ੍ਠੁਂ ਗਚ੍ਛਿਸ੍ਸਂ, ਜਿਨਂ ਅਪ੍ਪਟਿਪੁਗ੍ਗਲ’’ਨ੍ਤਿ.

‘‘ਪੁਰਤ੍ਥਿਮਸ੍ਮਿਂ ¶ ਜਨਪਦੇ, ਓਕ੍ਕਾਕਕੁਲਸਮ੍ਭਵੋ;

ਤਤ੍ਥਾਸਿ ਪੁਰਿਸਾਜਞ੍ਞੋ, ਸੋ ਚ ਖੋ ਪਰਿਨਿਬ੍ਬੁਤੋ’’ਤਿ.

‘‘ਸਚੇ ਹਿ ਬੁਦ੍ਧੋ ਤਿਟ੍ਠੇਯ੍ਯ, ਸਤ੍ਥਾ ਤੁਮ੍ਹਾਕ ਮਾਰਿਸ;

ਯੋਜਨਾਨਿ ਸਹਸ੍ਸਾਨਿ, ਗਚ੍ਛੇਯ੍ਯਂ [ਗਚ੍ਛੇ (ਸ੍ਯਾ. ਪੀ. ਕ.)] ਪਯਿਰੁਪਾਸਿਤੁਂ.

‘‘ਯਤੋ ਚ ਖੋ [ਯਤਾ ਖੋ (ਪੀ. ਕ.)] ਪਰਿਨਿਬ੍ਬੁਤੋ, ਸਤ੍ਥਾ ਤੁਮ੍ਹਾਕ ਮਾਰਿਸ;

ਨਿਬ੍ਬੁਤਮ੍ਪਿ [ਪਰਿਨਿਬ੍ਬੁਤਂ (ਸ੍ਯਾ. ਕ.)] ਮਹਾਵੀਰਂ, ਗਚ੍ਛਾਮਿ ਸਰਣਂ ਅਹਂ.

‘‘ਉਪੇਮਿ ਸਰਣਂ ਬੁਦ੍ਧਂ, ਧਮ੍ਮਞ੍ਚਾਪਿ ਅਨੁਤ੍ਤਰਂ;

ਸਙ੍ਘਞ੍ਚ ਨਰਦੇਵਸ੍ਸ, ਗਚ੍ਛਾਮਿ ਸਰਣਂ ਅਹਂ.

‘‘ਪਾਣਾਤਿਪਾਤਾ ਵਿਰਮਾਮਿ ਖਿਪ੍ਪਂ, ਲੋਕੇ ਅਦਿਨ੍ਨਂ ਪਰਿਵਜ੍ਜਯਾਮਿ;

ਅਮਜ੍ਜਪੋ ਨੋ ਚ ਮੁਸਾ ਭਣਾਮਿ, ਸਕੇਨ ਦਾਰੇਨ ਚ ਹੋਮਿ ਤੁਟ੍ਠੋ’’ਤਿ.

‘‘ਸਹਸ੍ਸਰਂਸੀਵ ਯਥਾ ਮਹਪ੍ਪਭੋ, ਦਿਸਂ ਯਥਾ ਭਾਤਿ ਨਭੇ ਅਨੁਕ੍ਕਮਂ;

ਤਥਾਪਕਾਰੋ [ਤਥਪ੍ਪਕਾਰੋ (ਸੀ. ਸ੍ਯਾ.)] ਤਵਾਯਂ [ਤਵਯਂ (ਸੀ. ਪੀ.)] ਮਹਾਰਥੋ, ਸਮਨ੍ਤਤੋ ¶ ਯੋਜਨਸਤ੍ਤਮਾਯਤੋ.

‘‘ਸੁਵਣ੍ਣਪਟ੍ਟੇਹਿ ਸਮਨ੍ਤਮੋਤ੍ਥਟੋ, ਉਰਸ੍ਸ ਮੁਤ੍ਤਾਹਿ ਮਣੀਹਿ ਚਿਤ੍ਤਿਤੋ;

ਲੇਖਾ ਸੁਵਣ੍ਣਸ੍ਸ ਚ ਰੂਪਿਯਸ੍ਸ ਚ, ਸੋਭੇਨ੍ਤਿ ਵੇਲ਼ੁਰਿਯਮਯਾ ਸੁਨਿਮ੍ਮਿਤਾ.

‘‘ਸੀਸਞ੍ਚਿਦਂ ¶ ਵੇਲ਼ੁਰਿਯਸ੍ਸ ਨਿਮ੍ਮਿਤਂ, ਯੁਗਞ੍ਚਿਦਂ ਲੋਹਿਤਕਾਯ ਚਿਤ੍ਤਿਤਂ;

ਯੁਤ੍ਤਾ ਸੁਵਣ੍ਣਸ੍ਸ ਚ ਰੂਪਿਯਸ੍ਸ ਚ, ਸੋਭਨ੍ਤਿ ਅਸ੍ਸਾ ਚ ਇਮੇ ਮਨੋਜਵਾ.

‘‘ਸੋ ਤਿਟ੍ਠਸਿ ਹੇਮਰਥੇ ਅਧਿਟ੍ਠਿਤੋ, ਦੇਵਾਨਮਿਨ੍ਦੋਵ ਸਹਸ੍ਸਵਾਹਨੋ;

ਪੁਚ੍ਛਾਮਿ ਤਾਹਂ ਯਸਵਨ੍ਤ ਕੋਵਿਦਂ [ਕੋਵਿਦ (ਕ.)], ਕਥਂ ਤਯਾ ਲਦ੍ਧੋ ਅਯਂ ਉਲ਼ਾਰੋ’’ਤਿ.

‘‘ਸੁਜਾਤੋ ¶ ਨਾਮਹਂ ਭਨ੍ਤੇ, ਰਾਜਪੁਤ੍ਤੋ ਪੁਰੇ ਅਹੁਂ;

ਤ੍ਵਞ੍ਚ ਮਂ ਅਨੁਕਮ੍ਪਾਯ, ਸਞ੍ਞਮਸ੍ਮਿਂ ਨਿਵੇਸਯਿ.

‘‘ਖੀਣਾਯੁਕਞ੍ਚ ਮਂ ਞਤ੍ਵਾ, ਸਰੀਰਂ ਪਾਦਾਸਿ ਸਤ੍ਥੁਨੋ;

ਇਮਂ ਸੁਜਾਤ ਪੂਜੇਹਿ, ਤਂ ਤੇ ਅਤ੍ਥਾਯ ਹੇਹਿਤਿ.

‘‘ਤਾਹਂ ਗਨ੍ਧੇਹਿ ਮਾਲੇਹਿ, ਪੂਜਯਿਤ੍ਵਾ ਸਮੁਯ੍ਯੁਤੋ;

ਪਹਾਯ ਮਾਨੁਸਂ ਦੇਹਂ, ਉਪਪਨ੍ਨੋਮ੍ਹਿ ਨਨ੍ਦਨਂ.

‘‘ਨਨ੍ਦਨੇ ¶ ਚ ਵਨੇ [ਨਨ੍ਦਨੋਪਵਨੇ (ਸੀ.), ਨਨ੍ਦਨੇ ਪਵਨੇ (ਸ੍ਯਾ. ਕ.)] ਰਮ੍ਮੇ, ਨਾਨਾਦਿਜਗਣਾਯੁਤੇ;

ਰਮਾਮਿ ਨਚ੍ਚਗੀਤੇਹਿ, ਅਚ੍ਛਰਾਹਿ ਪੁਰਕ੍ਖਤੋ’’ਤਿ.

‘‘ਸਹਸ੍ਸਯੁਤ੍ਤਂ ¶ ¶ ਹਯਵਾਹਨਂ ਸੁਭਂ, ਆਰੁਯ੍ਹਿਮਂ ਸਨ੍ਦਨਂ ਨੇਕਚਿਤ੍ਤਂ;

ਉਯ੍ਯਾਨਭੂਮਿਂ ਅਭਿਤੋ ਅਨੁਕ੍ਕਮਂ, ਪੁਰਿਨ੍ਦਦੋ ਭੂਤਪਤੀਵ ਵਾਸਵੋ.

‘‘ਸੋਵਣ੍ਣਮਯਾ ਤੇ ਰਥਕੁਬ੍ਬਰਾ ਉਭੋ, ਫਲੇਹਿ [ਥਲੇਹਿ (ਸੀ.)] ਅਂਸੇਹਿ ਅਤੀਵ ਸਙ੍ਗਤਾ;

ਸੁਜਾਤਗੁਮ੍ਬਾ ਨਰਵੀਰਨਿਟ੍ਠਿਤਾ, ਵਿਰੋਚਤੀ ਪਨ੍ਨਰਸੇਵ ਚਨ੍ਦੋ.

‘‘ਸੁਵਣ੍ਣਜਾਲਾਵਤਤੋ ¶ ਰਥੋ ਅਯਂ, ਬਹੂਹਿ ਨਾਨਾਰਤਨੇਹਿ ਚਿਤ੍ਤਿਤੋ;

ਸੁਨਨ੍ਦਿਘੋਸੋ ਚ ਸੁਭਸ੍ਸਰੋ ਚ, ਵਿਰੋਚਤੀ ਚਾਮਰਹਤ੍ਥਬਾਹੁਭਿ.

‘‘ਇਮਾ ਚ ਨਾਭ੍ਯੋ ਮਨਸਾਭਿਨਿਮ੍ਮਿਤਾ, ਰਥਸ੍ਸ ਪਾਦਨ੍ਤਰਮਜ੍ਝਭੂਸਿਤਾ;

ਇਮਾ ਚ ਨਾਭ੍ਯੋ ਸਤਰਾਜਿਚਿਤ੍ਤਿਤਾ, ਸਤੇਰਤਾ ਵਿਜ੍ਜੁਰਿਵਪ੍ਪਭਾਸਰੇ.

‘‘ਅਨੇਕਚਿਤ੍ਤਾਵਤਤੋ ¶ ਰਥੋ ਅਯਂ, ਪੁਥੂ ਚ ਨੇਮੀ ਚ ਸਹਸ੍ਸਰਂਸਿਕੋ;

ਤੇਸਂ ਸਰੋ ਸੁਯ੍ਯਤਿ [ਸੂਯਤਿ (ਸੀ.)] ਵਗ੍ਗੁਰੂਪੋ, ਪਞ੍ਚਙ੍ਗਿਕਂ ਤੁਰਿਯਮਿਵਪ੍ਪਵਾਦਿਤਂ.

‘‘ਸਿਰਸ੍ਮਿਂ ¶ ਚਿਤ੍ਤਂ ਮਣਿਚਨ੍ਦਕਪ੍ਪਿਤਂ, ਸਦਾ ਵਿਸੁਦ੍ਧਂ ਰੁਚਿਰਂ ਪਭਸ੍ਸਰਂ;

ਸੁਵਣ੍ਣਰਾਜੀਹਿ ਅਤੀਵ ਸਙ੍ਗਤਂ, ਵੇਲ਼ੁਰਿਯਰਾਜੀਵ ਅਤੀਵ ਸੋਭਤਿ.

‘‘ਇਮੇ ਚ ਵਾਲ਼ੀ ਮਣਿਚਨ੍ਦਕਪ੍ਪਿਤਾ, ਆਰੋਹਕਮ੍ਬੂ ਸੁਜਵਾ ਬ੍ਰਹੂਪਮਾ.

ਬ੍ਰਹਾ ਮਹਨ੍ਤਾ ਬਲਿਨੋ ਮਹਾਜਵਾ, ਮਨੋ ਤਵਞ੍ਞਾਯ ਤਥੇਵ ਸਿਂਸਰੇ [ਸਬ੍ਬਰੇ (ਕ.), ਸਪ੍ਪਰੇ (?)].

‘‘ਇਮੇ ਚ ਸਬ੍ਬੇ ਸਹਿਤਾ ਚਤੁਕ੍ਕਮਾ, ਮਨੋ ਤਵਞ੍ਞਾਯ ਤਥੇਵ ਸਿਂਸਰੇ;

ਸਮਂ ਵਹਨ੍ਤਾ ਮੁਦੁਕਾ ਅਨੁਦ੍ਧਤਾ, ਆਮੋਦਮਾਨਾ ਤੁਰਗਾਨ [ਤੁਰਙ੍ਗਾਨ (ਕ.)] ਮੁਤ੍ਤਮਾ.

‘‘ਧੁਨਨ੍ਤਿ ਵਗ੍ਗਨ੍ਤਿ ਪਤਨ੍ਤਿ [ਪਵਤ੍ਤਨ੍ਤਿ (ਪੀ. ਕ.)] ਚਮ੍ਬਰੇ, ਅਬ੍ਭੁਦ੍ਧੁਨਨ੍ਤਾ ਸੁਕਤੇ ਪਿਲ਼ਨ੍ਧਨੇ;

ਤੇਸਂ ਸਰੋ ਸੁਯ੍ਯਤਿ ਵਗ੍ਗੁਰੂਪੋ, ਪਞ੍ਚਙ੍ਗਿਕਂ ¶ ਤੁਰਿਯਮਿਵਪ੍ਪਵਾਦਿਤਂ.

‘‘ਰਥਸ੍ਸ ¶ ਘੋਸੋ ਅਪਿਲ਼ਨ੍ਧਨਾਨ ਚ, ਖੁਰਸ੍ਸ ਨਾਦੋ [ਨਾਦੀ (ਸ੍ਯਾ.), ਨਾਦਿ (ਪੀ. ਕ.)] ਅਭਿਹਿਂਸਨਾਯ ਚ;

ਘੋਸੋ ਸੁਵਗ੍ਗੂ ਸਮਿਤਸ੍ਸ ਸੁਯ੍ਯਤਿ, ਗਨ੍ਧਬ੍ਬਤੂਰਿਯਾਨਿ ਵਿਚਿਤ੍ਰਸਂਵਨੇ.

‘‘ਰਥੇ ਠਿਤਾ ਤਾ ਮਿਗਮਨ੍ਦਲੋਚਨਾ, ਆਲ਼ਾਰਪਮ੍ਹਾ ਹਸਿਤਾ ਪਿਯਂਵਦਾ;

ਵੇਲ਼ੁਰਿਯਜਾਲਾਵਤਤਾ ਤਨੁਚ੍ਛਵਾ, ਸਦੇਵ ਗਨ੍ਧਬ੍ਬਸੂਰਗ੍ਗਪੂਜਿਤਾ.

‘‘ਤਾ ਰਤ੍ਤਰਤ੍ਤਮ੍ਬਰਪੀਤਵਾਸਸਾ, ਵਿਸਾਲਨੇਤ੍ਤਾ ਅਭਿਰਤ੍ਤਲੋਚਨਾ;

ਕੁਲੇ ਸੁਜਾਤਾ ਸੁਤਨੂ ਸੁਚਿਮ੍ਹਿਤਾ, ਰਥੇ ਠਿਤਾ ਪਞ੍ਜਲਿਕਾ ਉਪਟ੍ਠਿਤਾ.

‘‘ਤਾ ਕਮ੍ਬੁਕੇਯੂਰਧਰਾ ਸੁਵਾਸਸਾ, ਸੁਮਜ੍ਝਿਮਾ ਊਰੁਥਨੂਪਪਨ੍ਨਾ;

ਵਟ੍ਟਙ੍ਗੁਲਿਯੋ ਸੁਮੁਖਾ ਸੁਦਸ੍ਸਨਾ, ਰਥੇ ਠਿਤਾ ਪਞ੍ਜਲਿਕਾ ਉਪਟ੍ਠਿਤਾ.

‘‘ਅਞ੍ਞਾ ਸੁਵੇਣੀ ਸੁਸੁ ਮਿਸ੍ਸਕੇਸਿਯੋ, ਸਮਂ ਵਿਭਤ੍ਤਾਹਿ ਪਭਸ੍ਸਰਾਹਿ ਚ;

ਅਨੁਬ੍ਬਤਾ ਤਾ ਤਵ ਮਾਨਸੇ ਰਤਾ, ਰਥੇ ਠਿਤਾ ਪਞ੍ਜਲਿਕਾ ਉਪਟ੍ਠਿਤਾ.

‘‘ਆਵੇਲ਼ਿਨਿਯੋ ¶ ਪਦੁਮੁਪ੍ਪਲਚ੍ਛਦਾ, ਅਲਙ੍ਕਤਾ ਚਨ੍ਦਨਸਾਰਵਾਸਿਤਾ [ਵੋਸਿਤਾ (ਸ੍ਯਾ.), ਭੂਸਿਤਾ (ਕ.)];

ਅਨੁਬ੍ਬਤਾ ¶ ਤਾ ਤਵ ਮਾਨਸੇ ਰਤਾ, ਰਥੇ ਠਿਤਾ ਪਞ੍ਜਲਿਕਾ ਉਪਟ੍ਠਿਤਾ.

‘‘ਤਾ ¶ ਮਾਲਿਨਿਯੋ ਪਦੁਮੁਪ੍ਪਲਚ੍ਛਦਾ, ਅਲਙ੍ਕਤਾ ਚਨ੍ਦਨਸਾਰਵਾਸਿਤਾ;

ਅਨੁਬ੍ਬਤਾ ਤਾ ਤਵ ਮਾਨਸੇ ਰਤਾ, ਰਥੇ ਠਿਤਾ ਪਞ੍ਜਲਿਕਾ ਉਪਟ੍ਠਿਤਾ.

‘‘ਕਣ੍ਠੇਸੁ ¶ ਤੇ ਯਾਨਿ ਪਿਲ਼ਨ੍ਧਨਾਨਿ, ਹਤ੍ਥੇਸੁ ਪਾਦੇਸੁ ਤਥੇਵ ਸੀਸੇ;

ਓਭਾਸਯਨ੍ਤੀ ਦਸ ਸਬ੍ਬਸੋ ਦਿਸਾ, ਅਬ੍ਭੁਦ੍ਦਯਂ ਸਾਰਦਿਕੋਵ ਭਾਣੁਮਾ.

‘‘ਵਾਤਸ੍ਸ ਵੇਗੇਨ ਚ ਸਮ੍ਪਕਮ੍ਪਿਤਾ, ਭੁਜੇਸੁ ਮਾਲਾ ਅਪਿਲ਼ਨ੍ਧਨਾਨਿ ਚ;

ਮੁਞ੍ਚਨ੍ਤਿ ਘੋਸਂ ਰੂਚਿਰਂ ਸੁਚਿਂ ਸੁਭਂ, ਸਬ੍ਬੇਹਿ ਵਿਞ੍ਞੂਹਿ ਸੁਤਬ੍ਬਰੂਪਂ.

‘‘ਉਯ੍ਯਾਨਭੂਮ੍ਯਾ ਚ ਦੁਵਦ੍ਧਤੋ ਠਿਤਾ, ਰਥਾ ¶ ਚ ਨਾਗਾ ਤੂਰਿਯਾਨਿ ਚ ਸਰੋ;

ਤਮੇਵ ਦੇਵਿਨ੍ਦ ਪਮੋਦਯਨ੍ਤਿ, ਵੀਣਾ ਯਥਾ ਪੋਕ੍ਖਰਪਤ੍ਤਬਾਹੁਭਿ.

‘‘ਇਮਾਸੁ ਵੀਣਾਸੁ ਬਹੂਸੁ ਵਗ੍ਗੂਸੁ, ਮਨੁਞ੍ਞਰੂਪਾਸੁ ਹਦਯੇਰਿਤਂ ਪੀਤਿਂ [ਹਦਯੇਰਿਤਂ ਪਤਿ (ਸੀ.), ਹਦਯੇਰਿਤਮ੍ਪਿ ਤਂ (ਸ੍ਯਾ.)];

ਪਵਜ੍ਜਮਾਨਾਸੁ ਅਤੀਵ ਅਚ੍ਛਰਾ, ਭਮਨ੍ਤਿ ਕਞ੍ਞਾ ਪਦੁਮੇਸੁ ਸਿਕ੍ਖਿਤਾ.

‘‘ਯਦਾ ਚ ਗੀਤਾਨਿ ਚ ਵਾਦਿਤਾਨਿ ਚ, ਨਚ੍ਚਾਨਿ ਚਿਮਾਨਿ [ਚੇਮਾਨਿ (ਸੀ.)] ਸਮੇਨ੍ਤਿ ਏਕਤੋ;

ਅਥੇਤ੍ਥ ਨਚ੍ਚਨ੍ਤਿ ਅਥੇਤ੍ਥ ਅਚ੍ਛਰਾ, ਓਭਾਸਯਨ੍ਤੀ ਉਭਤੋ ਵਰਿਤ੍ਥਿਯੋ.

‘‘ਸੋ ਮੋਦਸਿ ਤੁਰਿਯਗਣਪ੍ਪਬੋਧਨੋ, ਮਹੀਯਮਾਨੋ ਵਜਿਰਾਵੁਧੋਰਿਵ;

ਇਮਾਸੁ ਵੀਣਾਸੁ ਬਹੂਸੁ ਵਗ੍ਗੂਸੁ, ਮਨੁਞ੍ਞਰੂਪਾਸੁ ਹਦਯੇਰਿਤਂ ਪੀਤਿਂ.

‘‘ਕਿਂ ਤ੍ਵਂ ਪੁਰੇ ਕਮ੍ਮਮਕਾਸਿ ਅਤ੍ਤਨਾ, ਮਨੁਸ੍ਸਭੂਤੋ ਪੁਰਿਮਾਯ ਜਾਤਿਯਾ;

ਉਪੋਸਥਂ ਕਂ ਵਾ [ਉਪੋਸਥਂ ਕਿਂ ਵ (ਸ੍ਯਾ.)] ਤੁਵਂ ਉਪਾਵਸਿ, ਕਂ [ਕਿਂ (ਸ੍ਯਾ.)] ਧਮ੍ਮਚਰਿਯਂ ਵਤਮਾਭਿਰੋਚਯਿ.

‘‘ਨਯੀਦਮਪ੍ਪਸ੍ਸ ¶ ਕਤਸ੍ਸ [ਨਯਿਦਂ ਅਪ੍ਪਸ੍ਸ ਕਤਸ੍ਸ (ਸੀ. ਸ੍ਯਾ.), ਸਾਸੇਦਂ ਅਪ੍ਪਕਤਸ੍ਸ (ਕ.)] ਕਮ੍ਮੁਨੋ, ਪੁਬ੍ਬੇ ਸੁਚਿਣ੍ਣਸ੍ਸ ਉਪੋਸਥਸ੍ਸ ਵਾ;

ਇਦ੍ਧਾਨੁਭਾਵੋ ¶ ਵਿਪੁਲੋ ਅਯਂ ਤਵ, ਯਂ ਦੇਵਸਙ੍ਘਂ ਅਭਿਰੋਚਸੇ ਭੁਸਂ.

‘‘ਦਾਨਸ੍ਸ ਤੇ ਇਦਂ ਫਲਂ, ਅਥੋ ਸੀਲਸ੍ਸ ਵਾ ਪਨ;

ਅਥੋ ਅਞ੍ਜਲਿਕਮ੍ਮਸ੍ਸ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਨ੍ਤਿ.

‘‘ਜਿਤਿਨ੍ਦ੍ਰਿਯਂ ਬੁਦ੍ਧਮਨੋਮਨਿਕ੍ਕਮਂ, ਨਰੁਤ੍ਤਮਂ ਕਸ੍ਸਪਮਗ੍ਗਪੁਗ੍ਗਲਂ;

ਅਵਾਪੁਰਨ੍ਤਂ ਅਮਤਸ੍ਸ ਦ੍ਵਾਰਂ, ਦੇਵਾਤਿਦੇਵਂ ਸਤਪੁਞ੍ਞਲਕ੍ਖਣਂ.

‘‘ਤਮਦ੍ਦਸਂ ਕੁਞ੍ਜਰਮੋਘਤਿਣ੍ਣਂ, ਸੁਵਣ੍ਣਸਿਙ੍ਗੀਨਦਬਿਮ੍ਬਸਾਦਿਸਂ;

ਦਿਸ੍ਵਾਨ ਤਂ ਖਿਪ੍ਪਮਹੁਂ ਸੁਚੀਮਨੋ, ਤਮੇਵ ਦਿਸ੍ਵਾਨ ਸੁਭਾਸਿਤਦ੍ਧਜਂ.

‘‘ਤਮਨ੍ਨਪਾਨਂ ਅਥਵਾਪਿ ਚੀਵਰਂ, ਸੁਚਿਂ ਪਣੀਤਂ ਰਸਸਾ ਉਪੇਤਂ;

ਪੁਪ੍ਫਾਭਿਕ੍ਕਿਣਮ੍ਹਿ ਸਕੇ ਨਿਵੇਸਨੇ, ਪਤਿਟ੍ਠਪੇਸਿਂ ਸ ਅਸਙ੍ਗਮਾਨਸੋ.

‘‘ਤਮਨ੍ਨਪਾਨੇਨ ¶ ਚ ਚੀਵਰੇਨ ਚ, ਖਜ੍ਜੇਨ ਭੋਜ੍ਜੇਨ ਚ ਸਾਯਨੇਨ ਚ;

ਸਨ੍ਤਪ੍ਪਯਿਤ੍ਵਾ ¶ ਦ੍ਵਿਪਦਾਨਮੁਤ੍ਤਮਂ, ਸੋ ਸਗ੍ਗਸੋ ਦੇਵਪੁਰੇ ਰਮਾਮਹਂ.

‘‘ਏਤੇਨੁਪਾਯੇਨ ਇਮਂ ਨਿਰਗ੍ਗਲ਼ਂ, ਯਞ੍ਞਂ ਯਜਿਤ੍ਵਾ ਤਿਵਿਧਂ ਵਿਸੁਦ੍ਧਂ.

ਪਹਾਯਹਂ ਮਾਨੁਸਕਂ ਸਮੁਸ੍ਸਯਂ, ਇਨ੍ਦੂਪਮੋ [ਇਨ੍ਦਸ੍ਸਮੋ (ਸ੍ਯਾ. ਕ.)] ਦੇਵਪੁਰੇ ਰਮਾਮਹਂ.

‘‘ਆਯੁਞ੍ਚ ¶ ਵਣ੍ਣਞ੍ਚ ਸੁਖਂ ਬਲਞ੍ਚ, ਪਣੀਤਰੂਪਂ ਅਭਿਕਙ੍ਖਤਾ ਮੁਨਿ;

ਅਨ੍ਨਞ੍ਚ ਪਾਨਞ੍ਚ ਬਹੁਂ ਸੁਸਙ੍ਖਤਂ, ਪਤਿਟ੍ਠਪੇਤਬ੍ਬਮਸਙ੍ਗਮਾਨਸੇ.

[ਕਥਾ. ੭੯੯]‘‘ਨਯਿਮਸ੍ਮਿਂ ਲੋਕੇ ਪਰਸ੍ਮਿਂ [ਨਯਿਮਸ੍ਮਿਂ ਵਾ ਲੋਕੇ ਪਰਸ੍ਮਿਂ (ਕਥਾਵਤ੍ਥੁ ੭੯੯), ਨਯਿਮਸ੍ਮਿ ਲੋਕੇ ਵ ਪਰਸ੍ਮਿ (?)] ਵਾ ਪਨ, ਬੁਦ੍ਧੇਨ ਸੇਟ੍ਠੋ ਵ ਸਮੋ ਵ ਵਿਜ੍ਜਤਿ;

ਆਹੁਨੇਯ੍ਯਾਨਂ [ਯਮਾਹੁਨੇਯ੍ਯਾਨਂ (ਕ.)] ਪਰਮਾਹੁਤਿਂ ਗਤੋ, ਪੁਞ੍ਞਤ੍ਥਿਕਾਨਂ ਵਿਪੁਲਪ੍ਫਲੇਸਿਨ’’ਨ੍ਤਿ.

ਮਣ੍ਡੂਕੋ ਰੇਵਤੀ ਛਤ੍ਤੋ, ਕਕ੍ਕਟੋ ਦ੍ਵਾਰਪਾਲਕੋ;

ਦ੍ਵੇ ਕਰਣੀਯਾ ਦ੍ਵੇ ਸੂਚਿ, ਤਯੋ ਨਾਗਾ ਚ ਦ੍ਵੇ ਰਥਾ;

ਪੁਰਿਸਾਨਂ ਪਠਮੋ ਵਗ੍ਗੋ ਪਵੁਚ੍ਚਤੀਤਿ.

‘‘ਯਥਾ ¶ ¶ ¶ ਵਨਂ ਚਿਤ੍ਤਲਤਂ ਪਭਾਸਤਿ [ਪਕਾਸਤਿ (ਕ.)], ਉਯ੍ਯਾਨਸੇਟ੍ਠਂ ਤਿਦਸਾਨਮੁਤ੍ਤਮਂ;

ਤਥੂਪਮਂ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਞ੍ਚ ਭਰਿਯਾ ਚ ਮਨੁਸ੍ਸਲੋਕੇ, ਓਪਾਨਭੂਤਾ ਘਰਮਾਵਸਿਮ੍ਹ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤਾ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਮ੍ਹ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਯਥਾ ¶ ਵਨਂ ਚਿਤ੍ਤਲਤਂ ਪਭਾਸਤਿ, ਉਯ੍ਯਾਨਸੇਟ੍ਠਂ ਤਿਦਸਾਨਮੁਤ੍ਤਮਂ;

ਤਥੂਪਮਂ ¶ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਞ੍ਚ ਭਰਿਯਾ ਚ ਮਨੁਸ੍ਸਲੋਕੇ, ਓਪਾਨਭੂਤਾ ਘਰਮਾਵਸਿਮ੍ਹ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤਾ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਮ੍ਹ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ¶ ¶ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਸੋਲ਼ਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ¶ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਅਟ੍ਠਟ੍ਠਕਾ ਸਿਕ੍ਖਿਤਾ ਸਾਧੁਰੂਪਾ, ਦਿਬ੍ਬਾ ਚ ਕਞ੍ਞਾ ਤਿਦਸਚਰਾ ਉਲ਼ਾਰਾ;

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਫਲਦਾਯੀ ਫਲਂ ਵਿਪੁਲਂ ਲਭਤਿ, ਦਦਮੁਜੁਗਤੇਸੁ ਪਸਨ੍ਨਮਾਨਸੋ;

ਸੋ ਹਿ ਪਮੋਦਤਿ [ਮੋਦਤਿ (ਸੀ. ਸ੍ਯਾ. ਪੀ.)] ਸਗ੍ਗਗਤੋ ਤਿਦਿਵੇ [ਤਤ੍ਥ (ਕ.)], ਅਨੁਭੋਤਿ ਚ ਪੁਞ੍ਞਫਲਂ ਵਿਪੁਲਂ.

‘‘ਤਵੇਵਾਹਂ [ਤਥੇਵਾਹਂ (ਸੀ. ਸ੍ਯਾ. ਪੀ.)] ਮਹਾਮੁਨਿ, ਅਦਾਸਿਂ ਚਤੁਰੋ ਫਲੇ.

‘‘ਤਸ੍ਮਾ ਹਿ ਫਲਂ ਅਲਮੇਵ ਦਾਤੁਂ, ਨਿਚ੍ਚਂ ਮਨੁਸ੍ਸੇਨ ਸੁਖਤ੍ਥਿਕੇਨ;

ਦਿਬ੍ਬਾਨਿ ਵਾ ਪਤ੍ਥਯਤਾ ਸੁਖਾਨਿ, ਮਨੁਸ੍ਸਸੋਭਗ੍ਗਤਮਿਚ੍ਛਤਾ ਵਾ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਚਨ੍ਦੋ ¶ ¶ ਯਥਾ ਵਿਗਤਵਲਾਹਕੇ ਨਭੇ, ਓਭਾਸਯਂ ਗਚ੍ਛਤਿ ਅਨ੍ਤਲਿਕ੍ਖੇ;

ਤਥੂਪਮਂ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵਾ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਞ੍ਚ ਭਰਿਯਾ ਚ ਮਨੁਸ੍ਸਲੋਕੇ, ਉਪਸ੍ਸਯਂ ਅਰਹਤੋ ਅਦਮ੍ਹ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤਾ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਮ੍ਹ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਪਠਮਉਪਸ੍ਸਯਦਾਯਕਵਿਮਾਨਂ ਚਤੁਤ੍ਥਂ.

੫. ਦੁਤਿਯਉਪਸ੍ਸਯਦਾਯਕਵਿਮਾਨਵਤ੍ਥੁ

ਸੂਰਿਯੋ ¶ ¶ ਯਥਾ ਵਿਗਤਵਲਾਹਕੇ ਨਭੇ…ਪੇ….

(ਯਥਾ ਪੁਰਿਮਵਿਮਾਨਂ ਤਥਾ ਵਿਤ੍ਥਾਰੇਤਬ੍ਬਂ).

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਦੁਤਿਯਉਪਸ੍ਸਯਦਾਯਕਵਿਮਾਨਂ ਪਞ੍ਚਮਂ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਦੇਵਿਦ੍ਧਿਪਤ੍ਤੋਸਿ ¶ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਿਸ੍ਵਾਨ ਭਿਕ੍ਖੁਂ ਤਸਿਤਂ ਕਿਲਨ੍ਤਂ;

ਏਕਾਹਂ ਭਿਕ੍ਖਂ ਪਟਿਪਾਦਯਿਸ੍ਸਂ, ਸਮਙ੍ਗਿ ਭਤ੍ਤੇਨ ਤਦਾ ਅਕਾਸਿਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ਮਣਿਥੂਣਂ ਵਿਮਾਨਂ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ¶ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਅਹੋਸਿਂ ਯਵਪਾਲਕੋ;

ਅਦ੍ਦਸਂ ਵਿਰਜਂ ਭਿਕ੍ਖੁਂ, ਵਿਪ੍ਪਸਨ੍ਨਮਨਾਵਿਲਂ.

‘‘ਤਸ੍ਸ ¶ ਅਦਾਸਹਂ ਭਾਗਂ, ਪਸਨ੍ਨੋ ਸੇਹਿ ਪਾਣਿਭਿ;

ਕੁਮ੍ਮਾਸਪਿਣ੍ਡਂ ਦਤ੍ਵਾਨ, ਮੋਦਾਮਿ ਨਨ੍ਦਨੇ ਵਨੇ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਲਙ੍ਕਤੋ ਮਲ੍ਯਧਰੋ ਸੁਵਤ੍ਥੋ, ਸੁਕੁਣ੍ਡਲੀ ਕਪ੍ਪਿਤਕੇਸਮਸ੍ਸੁ;

ਆਮੁਤ੍ਤਹਤ੍ਥਾਭਰਣੋ ਯਸਸ੍ਸੀ, ਦਿਬ੍ਬੇ ¶ ਵਿਮਾਨਮ੍ਹਿ ਯਥਾਪਿ ਚਨ੍ਦਿਮਾ.

‘‘ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ, ਅਟ੍ਠਟ੍ਠਕਾ ਸਿਕ੍ਖਿਤਾ ਸਾਧੁਰੂਪਾ;

ਦਿਬ੍ਬਾ ਚ ਕਞ੍ਞਾ ਤਿਦਸਚਰਾ ਉਲ਼ਾਰਾ, ਨਚ੍ਚਨ੍ਤਿ ਗਾਯਨ੍ਤਿ ਪਮੋਦਯਨ੍ਤਿ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਿਸ੍ਵਾਨ ਸਮਣੇ ਸੀਲਵਨ੍ਤੇ;

ਸਮ੍ਪਨ੍ਨਵਿਜ੍ਜਾਚਰਣੇ ਯਸਸ੍ਸੀ, ਬਹੁਸ੍ਸੁਤੇ ਤਣ੍ਹਕ੍ਖਯੂਪਪਨ੍ਨੇ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਅਲਙ੍ਕਤੋ ¶ ¶ ਮਲ੍ਯਧਰੋ ਸੁਵਤ੍ਥੋ, ਸੁਕੁਣ੍ਡਲੀ ਕਪ੍ਪਿਤਕੇਸਮਸ੍ਸੁ;

ਆਮੁਤ੍ਤਹਤ੍ਥਾਭਰਣੋ ਯਸਸ੍ਸੀ, ਦਿਬ੍ਬੇ ਵਿਮਾਨਮ੍ਹਿ ਯਥਾਪਿ ਚਨ੍ਦਿਮਾ.

‘‘ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ, ਅਟ੍ਠਟ੍ਠਕਾ ਸਿਕ੍ਖਿਤਾ ਸਾਧੁਰੂਪਾ;

ਦਿਬ੍ਬਾ ਚ ਕਞ੍ਞਾ ਤਿਦਸਚਰਾ ਉਲ਼ਾਰਾ, ਨਚ੍ਚਨ੍ਤਿ ਗਾਯਨ੍ਤਿ ਪਮੋਦਯਨ੍ਤਿ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ¶ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਿਸ੍ਵਾਨ ਸਮਣੇ ਸਾਧੁਰੂਪੇ [ਸੀਲਵਨ੍ਤੇ (ਕ.)];

ਸਮ੍ਪਨ੍ਨਵਿਜ੍ਜਾਚਰਣੇ ਯਸਸ੍ਸੀ, ਬਹੁਸ੍ਸੁਤੇ ਸੀਲਵਨ੍ਤੇ ਪਸਨ੍ਨੇ [ਸੀਲਵਤੂਪਪਨ੍ਨੇ (ਕ. ਸੀ. ਕ.)];

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ¶ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਯਾ ¶ ਦੇਵਰਾਜਸ੍ਸ ਸਭਾ ਸੁਧਮ੍ਮਾ, ਯਤ੍ਥਚ੍ਛਤਿ ਦੇਵਸਙ੍ਘੋ ਸਮਗ੍ਗੋ;

ਤਥੂਪਮਂ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਰਞ੍ਞੋ ਪਾਯਾਸਿਸ੍ਸ ਅਹੋਸਿਂ ਮਾਣਵੋ;

ਲਦ੍ਧਾ ਧਨਂ ਸਂਵਿਭਾਗਂ ਅਕਾਸਿਂ, ਪਿਯਾ ਚ ਮੇ ਸੀਲਵਨ੍ਤੋ ਅਹੇਸੁਂ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ¶ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ. ¶ …ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

(ਉਤ੍ਤਰ) ਪਾਯਾਸਿਵਿਮਾਨਂ [ਉਤ੍ਤਰਵਿਮਾਨਂ (ਸੀ. ਸ੍ਯਾ. ਅਟ੍ਠ.)] ਦਸਮਂ.

ਦ੍ਵੇ ਅਗਾਰਿਨੋ ਫਲਦਾਯੀ, ਦ੍ਵੇ ਉਪਸ੍ਸਯਦਾਯੀ ਭਿਕ੍ਖਾਯ ਦਾਯੀ;

ਯਵਪਾਲਕੋ ਚੇਵ ਦ੍ਵੇ, ਕੁਣ੍ਡਲਿਨੋ ਪਾਯਾਸੀਤਿ [ਪਾਠਭੇਦੋ ਨਤ੍ਥਿ];

ਪੁਰਿਸਾਨਂ ਦੁਤਿਯੋ ਵਗ੍ਗੋ ਪਵੁਚ੍ਚਤੀਤਿ.

‘‘ਯਥਾ ¶ ¶ ¶ ਵਨਂ ਚਿਤ੍ਤਲਤਂ ਪਭਾਸਤਿ, ਉਯ੍ਯਾਨਸੇਟ੍ਠਂ ਤਿਦਸਾਨਮੁਤ੍ਤਮਂ;

ਤਥੂਪਮਂ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ¶ ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਲਿਦ੍ਦੋ ਅਤਾਣੋ ਕਪਣੋ ਕਮ੍ਮਕਰੋ ਅਹੋਸਿਂ;

ਜਿਣ੍ਣੇ ਚ ਮਾਤਾਪਿਤਰੋ ਅਭਾਰਿਂ [ਅਭਰਿਂ (ਸੀ. ਸ੍ਯਾ.)], ਪਿਯਾ ਚ ਮੇ ਸੀਲਵਨ੍ਤੋ ਅਹੇਸੁਂ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਾਸਿ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਯਥਾ ¶ ਵਨਂ ਨਨ੍ਦਨਂ [ਨਨ੍ਦਨਂ ਚਿਤ੍ਤਲਤਂ (ਸੀ. ਸ੍ਯਾ. ਕ.), ਨਨ੍ਦਵਨਂ (ਕ.)] ਪਭਾਸਤਿ, ਉਯ੍ਯਾਨਸੇਟ੍ਠਂ ਤਿਦਸਾਨਮੁਤ੍ਤਮਂ;

ਤਥੂਪਮਂ ਤੁਯ੍ਹਮਿਦਂ ਵਿਮਾਨਂ, ਓਭਾਸਯਂ ਤਿਟ੍ਠਤਿ ਅਨ੍ਤਲਿਕ੍ਖੇ.

‘‘ਦੇਵਿਦ੍ਧਿਪਤ੍ਤੋਸਿ ¶ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ¶ ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਦਲਿਦ੍ਦੋ ਅਤਾਣੋ ਕਪਣੋ ਕਮ੍ਮਕਰੋ ਅਹੋਸਿਂ;

ਜਿਣ੍ਣੇ ਚ ਮਾਤਾਪਿਤਰੋ ਅਭਾਰਿਂ, ਪਿਯਾ ਚ ਮੇ ਸੀਲਵਨ੍ਤੋ ਅਹੇਸੁਂ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ¶ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ…ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ…ਪੇ…ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ¶ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਵਿਵਨੇ ਪਥੇ ਸਙ੍ਕਮਨਂ [ਚਙ੍ਕਮਨਂ (ਸੀ.), ਚਙ੍ਕਮਂ (ਸ੍ਯਾ.), ਸਮਕਂ (ਕ. ਸੀ.)] ਅਕਾਸਿਂ;

ਆਰਾਮਰੁਕ੍ਖਾਨਿ ਚ ਰੋਪਯਿਸ੍ਸਂ, ਪਿਯਾ ਚ ਮੇ ਸੀਲਵਨ੍ਤੋ ਅਹੇਸੁਂ;

ਅਨ੍ਨਞ੍ਚ ਪਾਨਞ੍ਚ ਪਸਨ੍ਨਚਿਤ੍ਤੋ, ਸਕ੍ਕਚ੍ਚ ਦਾਨਂ ਵਿਪੁਲਂ ਅਦਾਸਿਂ.

‘‘ਤੇਨ ਮੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

‘‘ਸੋਵਣ੍ਣਮਯੇ ¶ ਪਬ੍ਬਤਸ੍ਮਿਂ, ਵਿਮਾਨਂ ਸਬ੍ਬਤੋਪਭਂ;

ਹੇਮਜਾਲਪਟਿਚ੍ਛਨ੍ਨਂ [ਹੇਮਜਾਲਕਪਚ੍ਛਨ੍ਨਂ (ਸੀ.)], ਕਿਙ੍ਕਿਣਿ [ਕਿਙ੍ਕਣਿਕ (ਸ੍ਯਾ. ਕ.), ਕਿਙ੍ਕਿਣਿਕ (ਪੀ.)] ਜਾਲਕਪ੍ਪਿਤਂ.

‘‘ਅਟ੍ਠਂਸਾ ਸੁਕਤਾ ਥਮ੍ਭਾ, ਸਬ੍ਬੇ ਵੇਲ਼ੁਰਿਯਾਮਯਾ;

ਏਕਮੇਕਾਯ ਅਂਸਿਯਾ, ਰਤਨਾ ਸਤ੍ਤ ਨਿਮ੍ਮਿਤਾ.

‘‘ਵੇਲ਼ੁਰਿਯਸੁਵਣ੍ਣਸ੍ਸ, ਫਲਿਕਾ ਰੂਪਿਯਸ੍ਸ ਚ;

ਮਸਾਰਗਲ੍ਲਮੁਤ੍ਤਾਹਿ, ਲੋਹਿਤਙ੍ਗਮਣੀਹਿ ਚ.

‘‘ਚਿਤ੍ਰਾ ਮਨੋਰਮਾ ਭੂਮਿ, ਨ ਤਤ੍ਥੁਦ੍ਧਂਸਤੀ ਰਜੋ;

ਗੋਪਾਣਸੀਗਣਾ ਪੀਤਾ, ਕੂਟਂ ਧਾਰੇਨ੍ਤਿ ਨਿਮ੍ਮਿਤਾ.

‘‘ਸੋਪਾਣਾਨਿ ¶ ਚ ਚਤ੍ਤਾਰਿ, ਨਿਮ੍ਮਿਤਾ ਚਤੁਰੋ ਦਿਸਾ;

ਨਾਨਾਰਤਨਗਬ੍ਭੇਹਿ ¶ , ਆਦਿਚ੍ਚੋਵ ਵਿਰੋਚਤਿ.

‘‘ਵੇਦਿਯਾ ਚਤਸ੍ਸੋ ਤਤ੍ਥ, ਵਿਭਤ੍ਤਾ ਭਾਗਸੋ ਮਿਤਾ;

ਦਦ੍ਦਲ੍ਲਮਾਨਾ ਆਭਨ੍ਤਿ, ਸਮਨ੍ਤਾ ਚਤੁਰੋ ਦਿਸਾ.

‘‘ਤਸ੍ਮਿਂ ਵਿਮਾਨੇ ਪਵਰੇ, ਦੇਵਪੁਤ੍ਤੋ ਮਹਪ੍ਪਭੋ;

ਅਤਿਰੋਚਸਿ ਵਣ੍ਣੇਨ, ਉਦਯਨ੍ਤੋਵ ਭਾਣੁਮਾ.

‘‘ਦਾਨਸ੍ਸ ¶ ਤੇ ਇਦਂ ਫਲਂ, ਅਥੋ ਸੀਲਸ੍ਸ ਵਾ ਪਨ;

ਅਥੋ ਅਞ੍ਜਲਿਕਮ੍ਮਸ੍ਸ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ’’.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਅਨ੍ਧਕਵਿਨ੍ਦਸ੍ਮਿਂ, ਬੁਦ੍ਧਸ੍ਸਾਦਿਚ੍ਚਬਨ੍ਧੁਨੋ;

ਵਿਹਾਰਂ ਸਤ੍ਥੁ ਕਾਰੇਸਿਂ, ਪਸਨ੍ਨੋ ਸੇਹਿ ਪਾਣਿਭਿ.

‘‘ਤਤ੍ਥ ਗਨ੍ਧਞ੍ਚ ਮਾਲਞ੍ਚ, ਪਚ੍ਚਯਞ੍ਚ [ਪਚ੍ਚਗ੍ਗਞ੍ਚ (ਸੀ.), ਪਚ੍ਚਗ੍ਘਞ੍ਚ (?)] ਵਿਲੇਪਨਂ;

ਵਿਹਾਰਂ ਸਤ੍ਥੁ ਅਦਾਸਿਂ, ਵਿਪ੍ਪਸਨ੍ਨੇਨ ਚੇਤਸਾ;

ਤੇਨ ਮਯ੍ਹਂ ਇਦਂ ਲਦ੍ਧਂ, ਵਸਂ ਵਤ੍ਤੇਮਿ ਨਨ੍ਦਨੇ.

‘‘ਨਨ੍ਦਨੇ ਚ ਵਨੇ [ਨਨ੍ਦਨੇ ਪਵਨੇ (ਸੀ. ਸ੍ਯਾ.)] ਰਮ੍ਮੇ, ਨਾਨਾਦਿਜਗਣਾਯੁਤੇ;

ਰਮਾਮਿ ਨਚ੍ਚਗੀਤੇਹਿ, ਅਚ੍ਛਰਾਹਿ ਪੁਰਕ੍ਖਤੋ’’ਤਿ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ¶ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ…ਪੇ… ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਗਿਮ੍ਹਾਨਂ ¶ ਪਚ੍ਛਿਮੇ ਮਾਸੇ, ਪਤਪਨ੍ਤੇ [ਪਤਾਪਨ੍ਤੇ (ਸ੍ਯਾ.), ਪਤਾਪੇਨ੍ਤੇ (ਕ.)] ਦਿਵਙ੍ਕਰੇ;

ਪਰੇਸਂ ਭਤਕੋ ਪੋਸੋ, ਅਮ੍ਬਾਰਾਮਮਸਿਞ੍ਚਤਿ.

‘‘ਅਥ ¶ ਤੇਨਾਗਮਾ ਭਿਕ੍ਖੁ, ਸਾਰਿਪੁਤ੍ਤੋਤਿ ਵਿਸ੍ਸੁਤੋ;

ਕਿਲਨ੍ਤਰੂਪੋ ਕਾਯੇਨ, ਅਕਿਲਨ੍ਤੋਵ ਚੇਤਸਾ.

‘‘ਤਞ੍ਚ ¶ ਦਿਸ੍ਵਾਨ ਆਯਨ੍ਤਂ, ਅਵੋਚਂ ਅਮ੍ਬਸਿਞ੍ਚਕੋ;

ਸਾਧੁ ਤਂ [ਸਾਧੁਕਂ (ਕ.)] ਭਨ੍ਤੇ ਨ੍ਹਾਪੇਯ੍ਯਂ, ਯਂ ਮਮਸ੍ਸ ਸੁਖਾਵਹਂ.

‘‘ਤਸ੍ਸ ਮੇ ਅਨੁਕਮ੍ਪਾਯ, ਨਿਕ੍ਖਿਪਿ ਪਤ੍ਤਚੀਵਰਂ;

ਨਿਸੀਦਿ ਰੁਕ੍ਖਮੂਲਸ੍ਮਿਂ, ਛਾਯਾਯ ਏਕਚੀਵਰੋ.

‘‘ਤਞ੍ਚ ਅਚ੍ਛੇਨ ਵਾਰਿਨਾ, ਪਸਨ੍ਨਮਾਨਸੋ ਨਰੋ;

ਨ੍ਹਾਪਯੀ ਰੁਕ੍ਖਮੂਲਸ੍ਮਿਂ, ਛਾਯਾਯ ਏਕਚੀਵਰਂ.

‘‘ਅਮ੍ਬੋ ¶ ਚ ਸਿਤ੍ਤੋ ਸਮਣੋ ਚ ਨ੍ਹਾਪਿਤੋ, ਮਯਾ ਚ ਪੁਞ੍ਞਂ ਪਸੁਤਂ ਅਨਪ੍ਪਕਂ;

ਇਤਿ ਸੋ ਪੀਤਿਯਾ ਕਾਯਂ, ਸਬ੍ਬਂ ਫਰਤਿ ਅਤ੍ਤਨੋ.

‘‘ਤਦੇਵ ਏਤ੍ਤਕਂ ਕਮ੍ਮਂ, ਅਕਾਸਿਂ ਤਾਯ ਜਾਤਿਯਾ;

ਪਹਾਯ ਮਾਨੁਸਂ ਦੇਹਂ, ਉਪਪਨ੍ਨੋਮ੍ਹਿ ਨਨ੍ਦਨਂ.

‘‘ਨਨ੍ਦਨੇ ਚ ਵਨੇ ਰਮ੍ਮੇ, ਨਾਨਾਦਿਜਗਣਾਯੁਤੇ;

ਰਮਾਮਿ ਨਚ੍ਚਗੀਤੇਹਿ, ਅਚ੍ਛਰਾਹਿ ਪੁਰਕ੍ਖਤੋ’’ਤਿ.

‘‘ਦਿਸ੍ਵਾਨ ਦੇਵਂ ਪਟਿਪੁਚ੍ਛਿ ਭਿਕ੍ਖੁ, ਉਚ੍ਚੇ ਵਿਮਾਨਮ੍ਹਿ ਚਿਰਟ੍ਠਿਤਿਕੇ;

ਆਮੁਤ੍ਤਹਤ੍ਥਾਭਰਣਂ ਯਸਸ੍ਸਿਂ [ਆਮੁਤ੍ਤਹਤ੍ਥਾਭਰਣੋ ਯਸਸ੍ਸੀ (ਸ੍ਯਾ. ਪੀ. ਕ.)], ਦਿਬ੍ਬੇ ਵਿਮਾਨਮ੍ਹਿ ਯਥਾਪਿ ਚਨ੍ਦਿਮਾ.

‘‘ਅਲਙ੍ਕਤੋ ¶ ¶ ਮਲ੍ਯਧਰੋ [ਮਾਲਭਾਰੀ (ਸੀ.), ਮਾਲਧਰੀ (ਕ.)] ਸੁਵਤ੍ਥੋ, ਸੁਕੁਣ੍ਡਲੀ ਕਪ੍ਪਿਤਕੇਸਮਸ੍ਸੁ;

ਆਮੁਤ੍ਤਹਤ੍ਥਾਭਰਣੋ ਯਸਸ੍ਸੀ, ਦਿਬ੍ਬੇ ਵਿਮਾਨਮ੍ਹਿ ਯਥਾਪਿ ਚਨ੍ਦਿਮਾ.

‘‘ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ, ਅਟ੍ਠਟ੍ਠਕਾ ਸਿਕ੍ਖਿਤਾ ਸਾਧੁਰੂਪਾ;

ਦਿਬ੍ਬਾ ਚ ਕਞ੍ਞਾ ਤਿਦਸਚਰਾ ਉਲ਼ਾਰਾ, ਨਚ੍ਚਨ੍ਤਿ ਗਾਯਨ੍ਤਿ ਪਮੋਦਯਨ੍ਤਿ.

‘‘ਦੇਵਿਦ੍ਧਿਪਤ੍ਤੋਸਿ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਮਨੁਸ੍ਸੇਸੁ ਮਨੁਸ੍ਸਭੂਤੋ, ਸਙ੍ਗਮ੍ਮ ਰਕ੍ਖਿਸ੍ਸਂ ਪਰੇਸਂ ਧੇਨੁਯੋ;

ਤਤੋ ਚ ਆਗਾ ਸਮਣੋ ਮਮਨ੍ਤਿਕੇ ਗਾਵੋ ਚ ਮਾਸੇ ਅਗਮਂਸੁ ਖਾਦਿਤੁਂ.

‘‘ਦ੍ਵਯਜ੍ਜ ¶ ਕਿਚ੍ਚਂ ਉਭਯਞ੍ਚ ਕਾਰਿਯਂ, ਇਚ੍ਚੇਵਹਂ [ਇਚ੍ਚੇਵਂ (ਕ.)] ਭਨ੍ਤੇ ਤਦਾ ਵਿਚਿਨ੍ਤਯਿਂ;

ਤਤੋ ਚ ਸਞ੍ਞਂ ਪਟਿਲਦ੍ਧਯੋਨਿਸੋ, ਦਦਾਮਿ ਭਨ੍ਤੇਤਿ ਖਿਪਿਂ ਅਨਨ੍ਤਕਂ.

‘‘ਸੋ ਮਾਸਖੇਤ੍ਤਂ ਤੁਰਿਤੋ ਅਵਾਸਰਿਂ, ਪੁਰਾ ਅਯਂ ਭਞ੍ਜਤਿ ਯਸ੍ਸਿਦਂ ਧਨਂ;

ਤਤੋ ਚ ਕਣ੍ਹੋ ਉਰਗੋ ਮਹਾਵਿਸੋ, ਅਡਂਸਿ ਪਾਦੇ ਤੁਰਿਤਸ੍ਸ ਮੇ ਸਤੋ.

‘‘ਸ੍ਵਾਹਂ ¶ ਅਟ੍ਟੋਮ੍ਹਿ ਦੁਕ੍ਖੇਨ ਪੀਲ਼ਿਤੋ, ਭਿਕ੍ਖੁ ਚ ਤਂ ਸਾਮਂ ਮੁਞ੍ਚਿਤ੍ਵਾਨਨ੍ਤਕਂ [ਮੁਞ੍ਚਿਤ੍ਵ ਨਨ੍ਤਕਂ (ਸੀ.), ਮੁਞ੍ਚਿਤ੍ਵਾ ਅਨਨ੍ਤਕਂ (ਸ੍ਯਾ.)];

ਅਹਾਸਿ ਕੁਮ੍ਮਾਸਂ ਮਮਾਨੁਕਮ੍ਪਯਾ [ਮਮਾਨੁਕਮ੍ਪਿਯਾ (ਪੀ. ਕ.), ਮਮਾਨੁਕਮ੍ਪਾਯ (ਸ੍ਯਾ.)], ਤਤੋ ਚੁਤੋ ਕਾਲਕਤੋਮ੍ਹਿ ਦੇਵਤਾ.

‘‘ਤਦੇਵ ¶ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਕਮ੍ਮਂ ਅਨੁਭੋਮਿ ਅਤ੍ਤਨਾ;

ਤਯਾ ਹਿ ਭਨ੍ਤੇ ਅਨੁਕਮ੍ਪਿਤੋ ਭੁਸਂ, ਕਤਞ੍ਞੁਤਾਯ ਅਭਿਪਾਦਯਾਮਿ ਤਂ.

‘‘ਸਦੇਵਕੇ ਲੋਕੇ ਸਮਾਰਕੇ ਚ, ਅਞ੍ਞੋ ਮੁਨਿ ਨਤ੍ਥਿ ਤਯਾਨੁਕਮ੍ਪਕੋ;

ਤਯਾ ਹਿ ਭਨ੍ਤੇ ਅਨੁਕਮ੍ਪਿਤੋ ਭੁਸਂ, ਕਤਞ੍ਞੁਤਾਯ ਅਭਿਵਾਦਯਾਮਿ ਤਂ.

‘‘ਇਮਸ੍ਮਿਂ ¶ ਲੋਕੇ ਪਰਸ੍ਮਿਂ ਵਾ ਪਨ, ਅਞ੍ਞੋ ਮੁਨੀ ਨਤ੍ਥਿ ਤਯਾਨੁਕਮ੍ਪਕੋ;

ਤਯਾ ਹਿ ਭਨ੍ਤੇ ਅਨੁਕਮ੍ਪਿਤੋ ਭੁਸਂ, ਕਤਞ੍ਞੁਤਾਯ ਅਭਿਵਾਦਯਾਮਿ ਤ’’ਨ੍ਤਿ.

‘‘ਪੁਣ੍ਣਮਾਸੇ ਯਥਾ ਚਨ੍ਦੋ, ਨਕ੍ਖਤ੍ਤਪਰਿਵਾਰਿਤੋ;

ਸਮਨ੍ਤਾ ਅਨੁਪਰਿਯਾਤਿ, ਤਾਰਕਾਧਿਪਤੀ ਸਸੀ.

‘‘ਤਥੂਪਮਂ ਇਦਂ ਬ੍ਯਮ੍ਹਂ, ਦਿਬ੍ਬਂ ਦੇਵਪੁਰਮ੍ਹਿ ਚ;

ਅਤਿਰੋਚਤਿ ਵਣ੍ਣੇਨ, ਉਦਯਨ੍ਤੋਵ ਰਂਸਿਮਾ.

‘‘ਵੇਲ਼ੁਰਿਯਸੁਵਣ੍ਣਸ੍ਸ, ਫਲਿਕਾ ਰੂਪਿਯਸ੍ਸ ਚ;

ਮਸਾਰਗਲ੍ਲਮੁਤ੍ਤਾਹਿ, ਲੋਹਿਤਙ੍ਗਮਣੀਹਿ ਚ.

‘‘ਚਿਤ੍ਰਾ ਮਨੋਰਮਾ ਭੂਮਿ, ਵੇਲ਼ੂਰਿਯਸ੍ਸ ਸਨ੍ਥਤਾ;

ਕੂਟਾਗਾਰਾ ¶ ਸੁਭਾ ਰਮ੍ਮਾ, ਪਾਸਾਦੋ ਤੇ ਸੁਮਾਪਿਤੋ.

‘‘ਰਮ੍ਮਾ ¶ ¶ ਚ ਤੇ ਪੋਕ੍ਖਰਣੀ, ਪੁਥੁਲੋਮਨਿਸੇਵਿਤਾ;

ਅਚ੍ਛੋਦਕਾ ਵਿਪ੍ਪਸਨ੍ਨਾ, ਸੋਵਣ੍ਣਵਾਲੁਕਸਨ੍ਥਤਾ.

‘‘ਨਾਨਾਪਦੁਮਸਞ੍ਛਨ੍ਨਾ, ਪੁਣ੍ਡਰੀਕਸਮੋਤਤਾ [ਸਮੋਤ੍ਥਤਾ (ਕ.), ਸਮੋਗਤਾ (ਸ੍ਯਾ.)];

ਸੁਰਭਿਂ ਸਮ੍ਪਵਾਯਨ੍ਤਿ, ਮਨੁਞ੍ਞਾ ਮਾਲੁਤੇਰਿਤਾ.

‘‘ਤਸ੍ਸਾ ¶ ਤੇ ਉਭਤੋ ਪਸ੍ਸੇ, ਵਨਗੁਮ੍ਬਾ ਸੁਮਾਪਿਤਾ;

ਉਪੇਤਾ ਪੁਪ੍ਫਰੁਕ੍ਖੇਹਿ, ਫਲਰੁਕ੍ਖੇਹਿ ਚੂਭਯਂ.

‘‘ਸੋਵਣ੍ਣਪਾਦੇ ਪਲ੍ਲਙ੍ਕੇ, ਮੁਦੁਕੇ ਗੋਣਕਤ੍ਥਤੇ [ਚੋਲਸਨ੍ਥਤੇ (ਸੀ.)];

ਨਿਸਿਨ੍ਨਂ ਦੇਵਰਾਜਂਵ, ਉਪਤਿਟ੍ਠਨ੍ਤਿ ਅਚ੍ਛਰਾ.

‘‘ਸਬ੍ਬਾਭਰਣਸਞ੍ਛਨ੍ਨਾ, ਨਾਨਾਮਾਲਾਵਿਭੂਸਿਤਾ;

ਰਮੇਨ੍ਤਿ ਤਂ ਮਹਿਦ੍ਧਿਕਂ, ਵਸਵਤ੍ਤੀਵ ਮੋਦਸਿ.

‘‘ਭੇਰਿਸਙ੍ਖਮੁਦਿਙ੍ਗਾਹਿ, ਵੀਣਾਹਿ ਪਣਵੇਹਿ ਚ;

ਰਮਸਿ ਰਤਿਸਮ੍ਪਨ੍ਨੋ, ਨਚ੍ਚਗੀਤੇ ਸੁਵਾਦਿਤੇ.

‘‘ਦਿਬ੍ਬਾ ਤੇ ਵਿਵਿਧਾ ਰੂਪਾ, ਦਿਬ੍ਬਾ ਸਦ੍ਦਾ ਅਥੋ ਰਸਾ;

ਗਨ੍ਧਾ ਚ ਤੇ ਅਧਿਪ੍ਪੇਤਾ, ਫੋਟ੍ਠਬ੍ਬਾ ਚ ਮਨੋਰਮਾ.

‘‘ਤਸ੍ਮਿਂ ਵਿਮਾਨੇ ਪਵਰੇ, ਦੇਵਪੁਤ੍ਤ ਮਹਪ੍ਪਭੋ;

ਅਤਿਰੋਚਸਿ ਵਣ੍ਣੇਨ, ਉਦਯਨ੍ਤੋਵ ਭਾਣੁਮਾ.

‘‘ਦਾਨਸ੍ਸ ਤੇ ਇਦਂ ਫਲਂ, ਅਥੋ ਸੀਲਸ੍ਸ ਵਾ ਪਨ;

ਅਥੋ ਅਞ੍ਜਲਿਕਮ੍ਮਸ੍ਸ, ਤਂ ਮੇ ਅਕ੍ਖਾਹਿ ਪੁਚ੍ਛਿਤੋ’’.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਕਪਿਲਵਤ੍ਥੁਸ੍ਮਿਂ, ਸਾਕਿਯਾਨਂ ਪੁਰੁਤ੍ਤਮੇ;

ਸੁਦ੍ਧੋਦਨਸ੍ਸ ਪੁਤ੍ਤਸ੍ਸ, ਕਣ੍ਡਕੋ ਸਹਜੋ ਅਹਂ.

‘‘ਯਦਾ ਸੋ ਅਡ੍ਢਰਤ੍ਤਾਯਂ, ਬੋਧਾਯ ਮਭਿਨਿਕ੍ਖਮਿ;

ਸੋ ਮਂ ਮੁਦੂਹਿ ਪਾਣੀਹਿ, ਜਾਲਿ [ਜਾਲ (ਸੀ.)] ਤਮ੍ਬਨਖੇਹਿ ਚ.

‘‘ਸਤ੍ਥਿਂ ਆਕੋਟਯਿਤ੍ਵਾਨ, ਵਹ ਸਮ੍ਮਾਤਿ ਚਬ੍ਰਵਿ;

ਅਹਂ ਲੋਕਂ ਤਾਰਯਿਸ੍ਸਂ, ਪਤ੍ਤੋ ਸਮ੍ਬੋਧਿਮੁਤ੍ਤਮਂ.

‘‘ਤਂ ¶ ਮੇ ਗਿਰਂ ਸੁਣਨ੍ਤਸ੍ਸ, ਹਾਸੋ ਮੇ ਵਿਪੁਲੋ ਅਹੁ;

ਉਦਗ੍ਗਚਿਤ੍ਤੋ ਸੁਮਨੋ, ਅਭਿਸੀਸਿਂ [ਅਭਿਸਿਂਸਿਂ (ਸੀ.), ਅਭਿਸੀਸਿ (ਪੀ.)] ਤਦਾ ਅਹਂ.

‘‘ਅਭਿਰੂਲ਼੍ਹਞ੍ਚ ਮਂ ਞਤ੍ਵਾ, ਸਕ੍ਯਪੁਤ੍ਤਂ ਮਹਾਯਸਂ;

ਉਦਗ੍ਗਚਿਤ੍ਤੋ ਮੁਦਿਤੋ, ਵਹਿਸ੍ਸਂ ਪੁਰਿਸੁਤ੍ਤਮਂ.

‘‘ਪਰੇਸਂ ਵਿਜਿਤਂ ਗਨ੍ਤ੍ਵਾ, ਉਗ੍ਗਤਸ੍ਮਿਂ ਦਿਵਾਕਰੇ [ਦਿਵਙ੍ਕਰੇ (ਸ੍ਯਾ. ਕ.)];

ਮਮਂ ਛਨ੍ਨਞ੍ਚ ਓਹਾਯ, ਅਨਪੇਕ੍ਖੋ ਸੋ ਅਪਕ੍ਕਮਿ.

‘‘ਤਸ੍ਸ ¶ ਤਮ੍ਬਨਖੇ ਪਾਦੇ, ਜਿਵ੍ਹਾਯ ਪਰਿਲੇਹਿਸਂ;

ਗਚ੍ਛਨ੍ਤਞ੍ਚ ਮਹਾਵੀਰਂ, ਰੁਦਮਾਨੋ ਉਦਿਕ੍ਖਿਸਂ.

‘‘ਅਦਸ੍ਸਨੇਨਹਂ ¶ ਤਸ੍ਸ, ਸਕ੍ਯਪੁਤ੍ਤਸ੍ਸ ਸਿਰੀਮਤੋ;

ਅਲਤ੍ਥਂ ਗਰੁਕਾਬਾਧਂ, ਖਿਪ੍ਪਂ ਮੇ ਮਰਣਂ ਅਹੁ.

‘‘ਤਸ੍ਸੇਵ ਆਨੁਭਾਵੇਨ, ਵਿਮਾਨਂ ਆਵਸਾਮਿਦਂ;

ਸਬ੍ਬਕਾਮਗੁਣੋਪੇਤਂ ¶ , ਦਿਬ੍ਬਂ ਦੇਵਪੁਰਮ੍ਹਿ ਚ.

‘‘ਯਞ੍ਚ ਮੇ ਅਹੁਵਾ ਹਾਸੋ, ਸਦ੍ਦਂ ਸੁਤ੍ਵਾਨ ਬੋਧਿਯਾ;

ਤੇਨੇਵ ਕੁਸਲਮੂਲੇਨ, ਫੁਸਿਸ੍ਸਂ ਆਸਵਕ੍ਖਯਂ.

‘‘ਸਚੇ ਹਿ ਭਨ੍ਤੇ ਗਚ੍ਛੇਯ੍ਯਾਸਿ, ਸਤ੍ਥੁ ਬੁਦ੍ਧਸ੍ਸ ਸਨ੍ਤਿਕੇ;

ਮਮਾਪਿ ਨਂ ਵਚਨੇਨ, ਸਿਰਸਾ ਵਜ੍ਜਾਸਿ ਵਨ੍ਦਨਂ.

‘‘ਅਹਮ੍ਪਿ ਦਟ੍ਠੁਂ ਗਚ੍ਛਿਸ੍ਸਂ, ਜਿਨਂ ਅਪ੍ਪਟਿਪੁਗ੍ਗਲਂ;

ਦੁਲ੍ਲਭਂ ਦਸ੍ਸਨਂ ਹੋਤਿ, ਲੋਕਨਾਥਾਨ ਤਾਦਿਨ’’ਨ੍ਤਿ.

ਸੋ ਕਤਞ੍ਞੂ ਕਤਵੇਦੀ, ਸਤ੍ਥਾਰਂ ਉਪਸਙ੍ਕਮਿ;

ਸੁਤ੍ਵਾ ਗਿਰਂ ਚਕ੍ਖੁਮਤੋ, ਧਮ੍ਮਚਕ੍ਖੁਂ ਵਿਸੋਧਯਿ.

ਵਿਸੋਧੇਤ੍ਵਾ ਦਿਟ੍ਠਿਗਤਂ, ਵਿਚਿਕਿਚ੍ਛਂ ਵਤਾਨਿ ਚ;

ਵਨ੍ਦਿਤ੍ਵਾ ਸਤ੍ਥੁਨੋ ਪਾਦੇ, ਤਤ੍ਥੇਵਨ੍ਤਰਧਾਯਥਾਤਿ [ਤਤ੍ਥੇਵਨ੍ਤਰਧਾਯਤੀਤਿ (ਕ.)].

‘‘ਅਨੇਕਵਣ੍ਣਂ ¶ ¶ ਦਰਸੋਕਨਾਸਨਂ, ਵਿਮਾਨਮਾਰੁਯ੍ਹ ਅਨੇਕਚਿਤ੍ਤਂ;

ਪਰਿਵਾਰਿਤੋ ਅਚ੍ਛਰਾਸਙ੍ਗਣੇਨ, ਸੁਨਿਮ੍ਮਿਤੋ ਭੂਤਪਤੀਵ ਮੋਦਸਿ.

‘‘ਸਮਸ੍ਸਮੋ ਨਤ੍ਥਿ ਕੁਤੋ ਪਨੁਤ੍ਤਰੋ [ਉਤ੍ਤਰਿ (ਕ.)], ਯਸੇਨ ਪੁਞ੍ਞੇਨ ਚ ਇਦ੍ਧਿਯਾ ਚ;

ਸਬ੍ਬੇ ਚ ਦੇਵਾ ਤਿਦਸਗਣਾ ਸਮੇਚ੍ਚ, ਤਂ ¶ ਤਂ ਨਮਸ੍ਸਨ੍ਤਿ ਸਸਿਂਵ ਦੇਵਾ;

ਇਮਾ ਚ ਤੇ ਅਚ੍ਛਰਾਯੋ ਸਮਨ੍ਤਤੋ, ਨਚ੍ਚਨ੍ਤਿ ਗਾਯਨ੍ਤਿ ਪਮੋਦਯਨ੍ਤਿ.

‘‘ਦੇਵਿਦ੍ਧਿਪਤ੍ਤੋਸਿ ¶ ਮਹਾਨੁਭਾਵੋ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ਦੇਵਪੁਤ੍ਤੋ ਅਤ੍ਤਮਨੋ…ਪੇ… ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਅਹਂ ਭਦਨ੍ਤੇ ਅਹੁਵਾਸਿ ਪੁਬ੍ਬੇ, ਸੁਮੇਧਨਾਮਸ੍ਸ ਜਿਨਸ੍ਸ ਸਾਵਕੋ;

ਪੁਥੁਜ੍ਜਨੋ ਅਨਨੁਬੋਧੋਹਮਸ੍ਮਿ [ਅਨਵਬੋਧੋਹਮਸ੍ਮਿਂ (ਸੀ.), ਅਨਨੁਬੋਧੋਹਮਾਸਿਂ (?)], ਸੋ ਸਤ੍ਤ ਵਸ੍ਸਾਨਿ ਪਰਿਬ੍ਬਜਿਸ੍ਸਹਂ [ਪਬ੍ਬਜਿਸ੍ਸਹਂ (ਸ੍ਯਾ. ਕ.), ਪਬ੍ਬਜਿਸਾਹਂ (ਪੀ.)].

‘‘ਸੋਹਂ ¶ ਸੁਮੇਧਸ੍ਸ ਜਿਨਸ੍ਸ ਸਤ੍ਥੁਨੋ, ਪਰਿਨਿਬ੍ਬੁਤਸ੍ਸੋਘਤਿਣ੍ਣਸ੍ਸ ਤਾਦਿਨੋ;

ਰਤਨੁਚ੍ਚਯਂ ਹੇਮਜਾਲੇਨ ਛਨ੍ਨਂ, ਵਨ੍ਦਿਤ੍ਵਾ ਥੂਪਸ੍ਮਿਂ ਮਨਂ ਪਸਾਦਯਿਂ.

‘‘ਨ ¶ ਮਾਸਿ ਦਾਨਂ ਨ ਚ ਮਤ੍ਥਿ ਦਾਤੁਂ, ਪਰੇ ਚ ਖੋ ਤਤ੍ਥ ਸਮਾਦਪੇਸਿਂ;

ਪੂਜੇਥ ਨਂ ਪੂਜਨੀਯਸ੍ਸ [ਪੂਜਨੇਯ੍ਯਸ੍ਸ (ਸ੍ਯਾ. ਕ.)] ਧਾਤੁਂ, ਏਵਂ ¶ ਕਿਰ ਸਗ੍ਗਮਿਤੋ ਗਮਿਸ੍ਸਥ.

‘‘ਤਦੇਵ ਕਮ੍ਮਂ ਕੁਸਲਂ ਕਤਂ ਮਯਾ, ਸੁਖਞ੍ਚ ਦਿਬ੍ਬਂ ਅਨੁਭੋਮਿ ਅਤ੍ਤਨਾ;

ਮੋਦਾਮਹਂ ਤਿਦਸਗਣਸ੍ਸ ਮਜ੍ਝੇ, ਨ ਤਸ੍ਸ ਪੁਞ੍ਞਸ੍ਸ ਖਯਮ੍ਪਿ ਅਜ੍ਝਗ’’ਨ੍ਤਿ.

[ਪੇ. ਵ. ੧੮੬] ‘‘ਅਲਙ੍ਕਤੋ ¶ ਮਟ੍ਠਕੁਣ੍ਡਲੀ [ਮਟ੍ਟਕੁਣ੍ਡਲੀ (ਸੀ.)], ਮਾਲਧਾਰੀ ਹਰਿਚਨ੍ਦਨੁਸ੍ਸਦੋ;

ਬਾਹਾ ਪਗ੍ਗਯ੍ਹ ਕਨ੍ਦਸਿ, ਵਨਮਜ੍ਝੇ ਕਿਂ ਦੁਕ੍ਖਿਤੋ ਤੁਵ’’ਨ੍ਤਿ.

‘‘ਸੋਵਣ੍ਣਮਯੋ ਪਭਸ੍ਸਰੋ, ਉਪ੍ਪਨ੍ਨੋ ਰਥਪਞ੍ਜਰੋ ਮਮ;

ਤਸ੍ਸ ਚਕ੍ਕਯੁਗਂ ਨ ਵਿਨ੍ਦਾਮਿ, ਤੇਨ ਦੁਕ੍ਖੇਨ ਜਹਾਮਿ [ਜਹਿਸ੍ਸਂ (ਸੀ.), ਜਹਿਸ੍ਸਾਮਿ (ਸ੍ਯਾ. ਪੀ.)] ਜੀਵਿਤ’’ਨ੍ਤਿ.

‘‘ਸੋਵਣ੍ਣਮਯਂ ਮਣਿਮਯਂ, ਲੋਹਿਤਕਮਯਂ [ਲੋਹਿਤਙ੍ਗਮਯਂ (ਸ੍ਯਾ.), ਲੋਹਿਤਙ੍ਕਮਯਂ (ਸੀ.), ਲੋਹਮਯਂ (ਕਤ੍ਥਚਿ)] ਅਥ ਰੂਪਿਯਮਯਂ;

ਆਚਿਕ੍ਖ [ਆਚਿਕ੍ਖਥ (ਕ.)] ਮੇ ਭਦ੍ਦਮਾਣਵ, ਚਕ੍ਕਯੁਗਂ ਪਟਿਪਾਦਯਾਮਿ ਤੇ’’ਤਿ.

ਸੋ ¶ ਮਾਣਵੋ ਤਸ੍ਸ ਪਾਵਦਿ, ‘‘ਚਨ੍ਦਿਮਸੂਰਿਯਾ ਉਭਯੇਤ੍ਥ ਦਿਸ੍ਸਰੇ;

ਸੋਵਣ੍ਣਮਯੋ ਰਥੋ ਮਮ, ਤੇਨ ਚਕ੍ਕਯੁਗੇਨ ਸੋਭਤੀ’’ਤਿ.

‘‘ਬਾਲੋ ¶ ਖੋ ਤ੍ਵਂ ਅਸਿ ਮਾਣਵ, ਯੋ ਤ੍ਵਂ ਪਤ੍ਥਯਸੇ ਅਪਤ੍ਥਿਯਂ;

ਮਞ੍ਞਾਮਿ ਤੁਵਂ ਮਰਿਸ੍ਸਸਿ, ਨ ਹਿ ਤ੍ਵਂ ਲਚ੍ਛਸਿ ਚਨ੍ਦਿਮਸੂਰਿਯੇ’’ਤਿ.

‘‘ਗਮਨਾਗਮਨਮ੍ਪਿ ਦਿਸ੍ਸਤਿ, ਵਣ੍ਣਧਾਤੁ ਉਭਯਤ੍ਥ ਵੀਥਿਯਾ;

ਪੇਤੋ [ਪੇਤੋ ਪਨ (ਸੀ. ਸ੍ਯਾ.)] ਕਾਲਕਤੋ ਨ ਦਿਸ੍ਸਤਿ, ਕੋ ਨਿਧ ਕਨ੍ਦਤਂ ਬਾਲ੍ਯਤਰੋ’’ਤਿ.

‘‘ਸਚ੍ਚਂ ਖੋ ਵਦੇਸਿ ਮਾਣਵ, ਅਹਮੇਵ ਕਨ੍ਦਤਂ ਬਾਲ੍ਯਤਰੋ;

ਚਨ੍ਦਂ ਵਿਯ ਦਾਰਕੋ ਰੁਦਂ, ਪੇਤਂ ਕਾਲਕਤਾਭਿਪਤ੍ਥਯਿ’’ਨ੍ਤਿ.

‘‘ਆਦਿਤ੍ਤਂ ਵਤ ਮਂ ਸਨ੍ਤਂ, ਘਤਸਿਤ੍ਤਂਵ ਪਾਵਕਂ;

ਵਾਰਿਨਾ ਵਿਯ ਓਸਿਞ੍ਚਂ, ਸਬ੍ਬਂ ਨਿਬ੍ਬਾਪਯੇ ਦਰਂ.

‘‘ਅਬ੍ਬਹੀ ¶ [ਅਬ੍ਬੂਲ਼੍ਹ (ਪੀ.), ਅਬ੍ਬੂਲ਼੍ਹਂ (ਸ੍ਯਾ. ਕ.)] ਵਤ ਮੇ ਸਲ੍ਲਂ, ਸੋਕਂ ਹਦਯਨਿਸ੍ਸਿਤਂ;

ਯੋ ਮੇ ਸੋਕਪਰੇਤਸ੍ਸ, ਪੁਤ੍ਤਸੋਕਂ ਅਪਾਨੁਦਿ.

‘‘ਸ੍ਵਾਹਂ ¶ ¶ ਅਬ੍ਬੂਲ਼੍ਹਸਲ੍ਲੋਸ੍ਮਿ, ਸੀਤਿਭੂਤੋਸ੍ਮਿ ਨਿਬ੍ਬੁਤੋ;

ਨ ਸੋਚਾਮਿ ਨ ਰੋਦਾਮਿ, ਵਤ ਸੁਤ੍ਵਾਨ ਮਾਣਵਾਤਿ.

‘‘ਦੇਵਤਾ ਨੁਸਿ ਗਨ੍ਧਬ੍ਬੋ, ਅਦੁ [ਆਦੁ (ਸੀ. ਸ੍ਯਾ.)] ਸਕ੍ਕੋ ਪੁਰਿਨ੍ਦਦੋ;

ਕੋ ਵਾ ਤ੍ਵਂ ਕਸ੍ਸ ਵਾ ਪੁਤ੍ਤੋ, ਕਥਂ ਜਾਨੇਮੁ ਤਂ ਮਯ’’ਨ੍ਤਿ.

‘‘ਯਞ੍ਚ [ਯਂ (ਕ.)] ਕਨ੍ਦਸਿ ਯਞ੍ਚ ਰੋਦਸਿ, ਪੁਤ੍ਤਂ ਆਲ਼ਾਹਨੇ ਸਯਂ ਦਹਿਤ੍ਵਾ;

ਸ੍ਵਾਹਂ ਕੁਸਲਂ ਕਰਿਤ੍ਵਾ ਕਮ੍ਮਂ, ਤਿਦਸਾਨਂ ਸਹਬ੍ਯਤਂ ਗਤੋ’’ਤਿ [ਪਤ੍ਤੋਤਿ (ਸੀ. ਸ੍ਯਾ. ਪੀ.)].

‘‘ਅਪ੍ਪਂ ¶ ਵਾ ਬਹੁਂ ਵਾ ਨਾਦ੍ਦਸਾਮ, ਦਾਨਂ ਦਦਨ੍ਤਸ੍ਸ ਸਕੇ ਅਗਾਰੇ;

ਉਪੋਸਥਕਮ੍ਮਂ ਵਾ [ਉਪੋਸਥਕਮ੍ਮਞ੍ਚ (ਕ.)] ਤਾਦਿਸਂ, ਕੇਨ ਕਮ੍ਮੇਨ ਗਤੋਸਿ ਦੇਵਲੋਕ’’ਨ੍ਤਿ.

‘‘ਆਬਾਧਿਕੋਹਂ ਦੁਕ੍ਖਿਤੋ ਗਿਲਾਨੋ, ਆਤੁਰਰੂਪੋਮ੍ਹਿ ਸਕੇ ਨਿਵੇਸਨੇ;

ਬੁਦ੍ਧਂ ਵਿਗਤਰਜਂ ਵਿਤਿਣ੍ਣਕਙ੍ਖਂ, ਅਦ੍ਦਕ੍ਖਿਂ ਸੁਗਤਂ ਅਨੋਮਪਞ੍ਞਂ.

‘‘ਸ੍ਵਾਹਂ ਮੁਦਿਤਮਨੋ ਪਸਨ੍ਨਚਿਤ੍ਤੋ, ਅਞ੍ਜਲਿਂ ¶ ਅਕਰਿਂ ਤਥਾਗਤਸ੍ਸ;

ਤਾਹਂ ਕੁਸਲਂ ਕਰਿਤ੍ਵਾਨ ਕਮ੍ਮਂ, ਤਿਦਸਾਨਂ ਸਹਬ੍ਯਤਂ ਗਤੋ’’ਤਿ.

‘‘ਅਚ੍ਛਰਿਯਂ ਵਤ ਅਬ੍ਭੁਤਂ ਵਤ, ਅਞ੍ਜਲਿਕਮ੍ਮਸ੍ਸ ਅਯਮੀਦਿਸੋ ਵਿਪਾਕੋ;

ਅਹਮ੍ਪਿ ਮੁਦਿਤਮਨੋ ਪਸਨ੍ਨਚਿਤ੍ਤੋ, ਅਜ੍ਜੇਵ ਬੁਦ੍ਧਂ ਸਰਣਂ ਵਜਾਮੀ’’ਤਿ.

‘‘ਅਜ੍ਜੇਵ ਬੁਦ੍ਧਂ ਸਰਣਂ ਵਜਾਹਿ, ਧਮ੍ਮਞ੍ਚ ਸਙ੍ਘਞ੍ਚ ਪਸਨ੍ਨਚਿਤ੍ਤੋ;

ਤਥੇਵ ਸਿਕ੍ਖਾਯ ਪਦਾਨਿ ਪਞ੍ਚ, ਅਖਣ੍ਡਫੁਲ੍ਲਾਨਿ ਸਮਾਦਿਯਸ੍ਸੁ.

‘‘ਪਾਣਾਤਿਪਾਤਾ ਵਿਰਮਸ੍ਸੁ ਖਿਪ੍ਪਂ, ਲੋਕੇ ਅਦਿਨ੍ਨਂ ਪਰਿਵਜ੍ਜਯਸ੍ਸੁ;

ਅਮਜ੍ਜਪੋ ਮਾ ਚ ਮੁਸਾ ਭਣਾਹਿ, ਸਕੇਨ ਦਾਰੇਨ ਚ ਹੋਹਿ ਤੁਟ੍ਠੋ’’ਤਿ.

‘‘ਅਤ੍ਥਕਾਮੋਸਿ ਮੇ ਯਕ੍ਖ, ਹਿਤਕਾਮੋਸਿ ਦੇਵਤੇ;

ਕਰੋਮਿ ਤੁਯ੍ਹਂ ਵਚਨਂ, ਤ੍ਵਂਸਿ ਆਚਰਿਯੋ ਮਮਾਤਿ.

‘‘ਉਪੇਮਿ ਸਰਣਂ ਬੁਦ੍ਧਂ, ਧਮ੍ਮਞ੍ਚਾਪਿ ਅਨੁਤ੍ਤਰਂ;

ਸਙ੍ਘਞ੍ਚ ਨਰਦੇਵਸ੍ਸ, ਗਚ੍ਛਾਮਿ ਸਰਣਂ ਅਹਂ.

‘‘ਪਾਣਾਤਿਪਾਤਾ ¶ ¶ ਵਿਰਮਾਮਿ ਖਿਪ੍ਪਂ, ਲੋਕੇ ¶ ਅਦਿਨ੍ਨਂ ਪਰਿਵਜ੍ਜਯਾਮਿ;

ਅਮਜ੍ਜਪੋ ਨੋ ਚ ਮੁਸਾ ਭਣਾਮਿ, ਸਕੇਨ ਦਾਰੇਨ ਚ ਹੋਮਿ ਤੁਟ੍ਠੋ’’ਤਿ.

[ਪੇ. ਵ. ੬੦੪] ਸੁਣੋਥ ¶ ¶ ਯਕ੍ਖਸ੍ਸ ਚ ਵਾਣਿਜਾਨ ਚ, ਸਮਾਗਮੋ ਯਤ੍ਥ ਤਦਾ ਅਹੋਸਿ;

ਯਥਾ ਕਥਂ ਇਤਰਿਤਰੇਨ ਚਾਪਿ, ਸੁਭਾਸਿਤਂ ਤਞ੍ਚ ਸੁਣਾਥ ਸਬ੍ਬੇ.

‘‘ਯੋ ਸੋ ਅਹੁ ਰਾਜਾ ਪਾਯਾਸਿ ਨਾਮ [ਨਾਮੋ (ਸੀ.)], ਭੁਮ੍ਮਾਨਂ ਸਹਬ੍ਯਗਤੋ ਯਸਸ੍ਸੀ;

ਸੋ ਮੋਦਮਾਨੋਵ ਸਕੇ ਵਿਮਾਨੇ, ਅਮਾਨੁਸੋ ਮਾਨੁਸੇ ਅਜ੍ਝਭਾਸੀਤਿ.

‘‘ਵਙ੍ਕੇ ਅਰਞ੍ਞੇ ਅਮਨੁਸ੍ਸਟ੍ਠਾਨੇ, ਕਨ੍ਤਾਰੇ ਅਪ੍ਪੋਦਕੇ ਅਪ੍ਪਭਕ੍ਖੇ;

ਸੁਦੁਗ੍ਗਮੇ ਵਣ੍ਣੁਪਥਸ੍ਸ ਮਜ੍ਝੇ, ਵਙ੍ਕਂ ਭਯਾ [ਧਙ੍ਕਂਭਯਾ (ਕ.)] ਨਟ੍ਠਮਨਾ ਮਨੁਸ੍ਸਾ.

‘‘ਨਯਿਧ ਫਲਾ ਮੂਲਮਯਾ ਚ ਸਨ੍ਤਿ, ਉਪਾਦਾਨਂ ਨਤ੍ਥਿ ਕੁਤੋਧ ਭਕ੍ਖੋ;

ਅਞ੍ਞਤ੍ਰ ਪਂਸੂਹਿ ਚ ਵਾਲੁਕਾਹਿ ਚ, ਤਤਾਹਿ ¶ ਉਣ੍ਹਾਹਿ ਚ ਦਾਰੁਣਾਹਿ ਚ.

‘‘ਉਜ੍ਜਙ੍ਗਲਂ ਤਤ੍ਤਮਿਵਂ ਕਪਾਲਂ, ਅਨਾਯਸਂ ਪਰਲੋਕੇਨ ਤੁਲ੍ਯਂ;

ਲੁਦ੍ਦਾਨਮਾਵਾਸਮਿਦਂ ਪੁਰਾਣਂ, ਭੂਮਿਪ੍ਪਦੇਸੋ ਅਭਿਸਤ੍ਤਰੂਪੋ.

‘‘ਅਥ ¶ ਤੁਮ੍ਹੇ ਕੇਨ [ਕੇਨ ਨੁ (ਸ੍ਯਾ. ਕ.)] ਵਣ੍ਣੇਨ, ਕਿਮਾਸਮਾਨਾ ਇਮਂ ਪਦੇਸਂ ਹਿ;

ਅਨੁਪਵਿਟ੍ਠਾ ਸਹਸਾ ਸਮੇਚ੍ਚ, ਲੋਭਾ ਭਯਾ ਅਥ ਵਾ ਸਮ੍ਪਮੂਲ਼੍ਹਾ’’ਤਿ.

‘‘ਮਗਧੇਸੁ ਅਙ੍ਗੇਸੁ ਚ ਸਤ੍ਥਵਾਹਾ, ਆਰੋਪਯਿਤ੍ਵਾ ਪਣਿਯਂ ਪੁਥੁਤ੍ਤਂ;

ਤੇ ਯਾਮਸੇ ਸਿਨ੍ਧੁਸੋਵੀਰਭੂਮਿਂ, ਧਨਤ੍ਥਿਕਾ ਉਦ੍ਦਯਂ ਪਤ੍ਥਯਾਨਾ.

‘‘ਦਿਵਾ ¶ ਪਿਪਾਸਂ ਨਧਿਵਾਸਯਨ੍ਤਾ, ਯੋਗ੍ਗਾਨੁਕਮ੍ਪਞ੍ਚ ਸਮੇਕ੍ਖਮਾਨਾ,

ਏਤੇਨ ਵੇਗੇਨ ਆਯਾਮ ਸਬ੍ਬੇ [ਸਬ੍ਬੇ ਤੇ (ਕ.)], ਰਤ੍ਤਿਂ ਮਗ੍ਗਂ ਪਟਿਪਨ੍ਨਾ ਵਿਕਾਲੇ.

‘‘ਤੇ ਦੁਪ੍ਪਯਾਤਾ ਅਪਰਦ੍ਧਮਗ੍ਗਾ, ਅਨ੍ਧਾਕੁਲਾ ਵਿਪ੍ਪਨਟ੍ਠਾ ਅਰਞ੍ਞੇ;

ਸੁਦੁਗ੍ਗਮੇ ¶ ਵਣ੍ਣੁਪਥਸ੍ਸ ਮਜ੍ਝੇ, ਦਿਸਂ ਨ ਜਾਨਾਮ ਪਮੂਲ਼੍ਹਚਿਤ੍ਤਾ.

‘‘ਇਦਞ੍ਚ ਦਿਸ੍ਵਾਨ ਅਦਿਟ੍ਠਪੁਬ੍ਬਂ, ਵਿਮਾਨਸੇਟ੍ਠਞ੍ਚ ਤਵਞ੍ਚ ਯਕ੍ਖ;

ਤਤੁਤ੍ਤਰਿਂ ਜੀਵਿਤਮਾਸਮਾਨਾ, ਦਿਸ੍ਵਾ ਪਤੀਤਾ ਸੁਮਨਾ ਉਦਗ੍ਗਾ’’ਤਿ.

‘‘ਪਾਰਂ ਸਮੁਦ੍ਦਸ੍ਸ ਇਮਞ੍ਚ ਵਣ੍ਣੁਂ [ਵਨਂ (ਸ੍ਯਾ.), ਵਣ੍ਣਂ (ਕ.)], ਵੇਤ੍ਤਾਚਰਂ [ਵੇਤ੍ਤਂ ਪਰਂ (ਸ੍ਯਾ.), ਵੇਤ੍ਤਾਚਾਰਂ (ਕ.)] ਸਙ੍ਕੁਪਥਞ੍ਚ ਮਗ੍ਗਂ;

ਨਦਿਯੋ ਪਨ ਪਬ੍ਬਤਾਨਞ੍ਚ ਦੁਗ੍ਗਾ, ਪੁਥੁਦ੍ਦਿਸਾ ਗਚ੍ਛਥ ਭੋਗਹੇਤੁ.

‘‘ਪਕ੍ਖਨ੍ਦਿਯਾਨ ਵਿਜਿਤਂ ਪਰੇਸਂ, ਵੇਰਜ੍ਜਕੇ ਮਾਨੁਸੇ ਪੇਕ੍ਖਮਾਨਾ;

ਯਂ ਵੋ ਸੁਤਂ ਵਾ ਅਥ ਵਾਪਿ ਦਿਟ੍ਠਂ, ਅਚ੍ਛੇਰਕਂ ਤਂ ਵੋ ਸੁਣੋਮ ਤਾਤਾ’’ਤਿ.

‘‘ਇਤੋਪਿ ¶ ਅਚ੍ਛੇਰਤਰਂ ਕੁਮਾਰ, ਨ ਤੋ ਸੁਤਂ ਵਾ ਅਥ ਵਾਪਿ ਦਿਟ੍ਠਂ;

ਅਤੀਤਮਾਨੁਸ੍ਸਕਮੇਵ ਸਬ੍ਬਂ, ਦਿਸ੍ਵਾਨ ਤਪ੍ਪਾਮ ਅਨੋਮਵਣ੍ਣਂ.

‘‘ਵੇਹਾਯਸਂ ਪੋਕ੍ਖਰਞ੍ਞੋ ਸਵਨ੍ਤਿ, ਪਹੂਤਮਲ੍ਯਾ ¶ [ਪਹੂਤਮਾਲ੍ਯਾ (ਸ੍ਯਾ.)] ਬਹੁਪੁਣ੍ਡਰੀਕਾ;

ਦੁਮਾ ਚਿਮੇ [ਦੁਮਾ ਚ ਤੇ (ਸ੍ਯਾ. ਕ.)] ਨਿਚ੍ਚਫਲੂਪਪਨ੍ਨਾ, ਅਤੀਵ ਗਨ੍ਧਾ ਸੁਰਭਿਂ ਪਵਾਯਨ੍ਤਿ.

‘‘ਵੇਲ਼ੂਰਿਯਥਮ੍ਭਾ ¶ ਸਤਮੁਸ੍ਸਿਤਾਸੇ, ਸਿਲਾਪਵਾਲ਼ਸ੍ਸ ਚ ਆਯਤਂਸਾ;

ਮਸਾਰਗਲ੍ਲਾ ਸਹਲੋਹਿਤਙ੍ਗਾ, ਥਮ੍ਭਾ ਇਮੇ ਜੋਤਿਰਸਾਮਯਾਸੇ.

‘‘ਸਹਸ੍ਸਥਮ੍ਭਂ ਅਤੁਲਾਨੁਭਾਵਂ, ਤੇਸੂਪਰਿ ਸਾਧੁਮਿਦਂ ਵਿਮਾਨਂ;

ਰਤਨਨ੍ਤਰਂ ਕਞ੍ਚਨਵੇਦਿਮਿਸ੍ਸਂ, ਤਪਨੀਯਪਟ੍ਟੇਹਿ ਚ ਸਾਧੁਛਨ੍ਨਂ.

‘‘ਜਮ੍ਬੋਨਦੁਤ੍ਤਤ੍ਤਮਿਦਂ ਸੁਮਟ੍ਠੋ, ਪਾਸਾਦਸੋਪਾਣਫਲੂਪਪਨ੍ਨੋ;

ਦਲ਼੍ਹੋ ਚ ਵਗ੍ਗੁ ਚ ਸੁਸਙ੍ਗਤੋ ਚ [ਵਗ੍ਗੁ ਸੁਮੁਖੋ ਸੁਸਙ੍ਗਤੋ (ਸੀ.)], ਅਤੀਵ ਨਿਜ੍ਝਾਨਖਮੋ ਮਨੁਞ੍ਞੋ.

‘‘ਰਤਨਨ੍ਤਰਸ੍ਮਿਂ ¶ ਬਹੁਅਨ੍ਨਪਾਨਂ, ਪਰਿਵਾਰਿਤੋ ਅਚ੍ਛਰਾਸਙ੍ਗਣੇਨ;

ਮੁਰਜਆਲਮ੍ਬਰਤੂਰਿਯਘੁਟ੍ਠੋ, ਅਭਿਵਨ੍ਦਿਤੋਸਿ ਥੁਤਿਵਨ੍ਦਨਾਯ.

‘‘ਸੋ ¶ ਮੋਦਸਿ ਨਾਰਿਗਣਪ੍ਪਬੋਧਨੋ, ਵਿਮਾਨਪਾਸਾਦਵਰੇ ਮਨੋਰਮੇ;

ਅਚਿਨ੍ਤਿਯੋ ਸਬ੍ਬਗੁਣੂਪਪਨ੍ਨੋ, ਰਾਜਾ ਯਥਾ ਵੇਸ੍ਸਵਣੋ ਨਲ਼ਿਨ੍ਯਾ [ਨਲ਼ਿਞ੍ਞਂ (ਕ.)].

‘‘ਦੇਵੋ ¶ ਨੁ ਆਸਿ ਉਦਵਾਸਿ ਯਕ੍ਖੋ, ਉਦਾਹੁ ਦੇਵਿਨ੍ਦੋ ਮਨੁਸ੍ਸਭੂਤੋ;

ਪੁਚ੍ਛਨ੍ਤਿ ਤਂ ਵਾਣਿਜਾ ਸਤ੍ਥਵਾਹਾ, ਆਚਿਕ੍ਖ ਕੋ ਨਾਮ ਤੁਵਂਸਿ ਯਕ੍ਖੋ’’ਤਿ.

‘‘ਸੇਰੀਸਕੋ [ਸੇਰਿਸ੍ਸਕੋ (ਸੀ. ਸ੍ਯਾ.)] ਨਾਮ ਅਹਮ੍ਹਿ ਯਕ੍ਖੋ, ਕਨ੍ਤਾਰਿਯੋ ਵਣ੍ਣੁਪਥਮ੍ਹਿ ਗੁਤ੍ਤੋ;

ਇਮਂ ਪਦੇਸਂ ਅਭਿਪਾਲਯਾਮਿ, ਵਚਨਕਰੋ ਵੇਸ੍ਸਵਣਸ੍ਸ ਰਞ੍ਞੋ’’ਤਿ.

‘‘ਅਧਿਚ੍ਚਲਦ੍ਧਂ ਪਰਿਣਾਮਜਂ ਤੇ, ਸਯਂ ਕਤਂ ਉਦਾਹੁ ਦੇਵੇਹਿ ਦਿਨ੍ਨਂ;

ਪੁਚ੍ਛਨ੍ਤਿ ਤਂ ਵਾਣਿਜਾ ਸਤ੍ਥਵਾਹਾ, ਕਥਂ ਤਯਾ ਲਦ੍ਧਮਿਦਂ ਮਨੁਞ੍ਞ’’ਨ੍ਤਿ.

‘‘ਨਾਧਿਚ੍ਚਲਦ੍ਧਂ ਨ ਪਰਿਣਾਮਜਂ ਮੇ, ਨ ਸਯਂ ਕਤਂ ਨ ਹਿ ਦੇਵੇਹਿ ਦਿਨ੍ਨਂ;

ਸਕੇਹਿ ਕਮ੍ਮੇਹਿ ਅਪਾਪਕੇਹਿ, ਪੁਞ੍ਞੇਹਿ ¶ ਮੇ ਲਦ੍ਧਮਿਦਂ ਮਨੁਞ੍ਞ’’ਨ੍ਤਿ.

‘‘ਕਿਂ ਤੇ ਵਤਂ ਕਿਂ ਪਨ ਬ੍ਰਹ੍ਮਚਰਿਯਂ, ਕਿਸ੍ਸ ਸੁਚਿਣ੍ਣਸ੍ਸ ਅਯਂ ਵਿਪਾਕੋ;

ਪੁਚ੍ਛਨ੍ਤਿ ਤਂ ਵਾਣਿਜਾ ਸਤ੍ਥਵਾਹਾ, ਕਥਂ ਤਯਾ ਲਦ੍ਧਮਿਦਂ ਵਿਮਾਨ’’ਨ੍ਤਿ.

‘‘ਮਮਂ ਪਾਯਾਸੀਤਿ ਅਹੁ ਸਮਞ੍ਞਾ, ਰਜ੍ਜਂ ਯਦਾ ਕਾਰਯਿਂ ਕੋਸਲਾਨਂ;

ਨਤ੍ਥਿਕਦਿਟ੍ਠਿ ਕਦਰਿਯੋ ਪਾਪਧਮ੍ਮੋ, ਉਚ੍ਛੇਦਵਾਦੀ ਚ ਤਦਾ ਅਹੋਸਿਂ.

‘‘ਸਮਣੋ ਚ ਖੋ ਆਸਿ ਕੁਮਾਰਕਸ੍ਸਪੋ, ਬਹੁਸ੍ਸੁਤੋ ਚਿਤ੍ਤਕਥੀ ਉਲ਼ਾਰੋ;

ਸੋ ਮੇ ਤਦਾ ਧਮ੍ਮਕਥਂ ਅਭਾਸਿ [ਅਕਾਸਿ (ਸੀ.)], ਦਿਟ੍ਠਿਵਿਸੂਕਾਨਿ ਵਿਨੋਦਯੀ ਮੇ.

‘‘ਤਾਹਂ ¶ ਤਸ੍ਸ [ਤਾਹਂ (ਕ.)] ਧਮ੍ਮਕਥਂ ਸੁਣਿਤ੍ਵਾ, ਉਪਾਸਕਤ੍ਤਂ ਪਟਿਵੇਦਯਿਸ੍ਸਂ;

ਪਾਣਾਤਿਪਾਤਾ ਵਿਰਤੋ ਅਹੋਸਿਂ, ਲੋਕੇ ਅਦਿਨ੍ਨਂ ਪਰਿਵਜ੍ਜਯਿਸ੍ਸਂ;

ਅਮਜ੍ਜਪੋ ¶ ਨੋ ਚ ਮੁਸਾ ਅਭਾਣਿਂ, ਸਕੇਨ ਦਾਰੇਨ ਚ ਅਹੋਸਿ ਤੁਟ੍ਠੋ.

‘‘ਤਂ ¶ ਮੇ ਵਤਂ ਤਂ ਪਨ ਬ੍ਰਹ੍ਮਚਰਿਯਂ, ਤਸ੍ਸ ਸੁਚਿਣ੍ਣਸ੍ਸ ਅਯਂ ਵਿਪਾਕੋ;

ਤੇਹੇਵ ਕਮ੍ਮੇਹਿ ਅਪਾਪਕੇਹਿ, ਪੁਞ੍ਞੇਹਿ ਮੇ ਲਦ੍ਧਮਿਦਂ ਵਿਮਾਨ’’ਨ੍ਤਿ.

‘‘ਸਚ੍ਚਂ ¶ ਕਿਰਾਹਂਸੁ ਨਰਾ ਸਪਞ੍ਞਾ, ਅਨਞ੍ਞਥਾ ਵਚਨਂ ਪਣ੍ਡਿਤਾਨਂ;

ਯਹਿਂ ਯਹਿਂ ਗਚ੍ਛਤਿ ਪੁਞ੍ਞਕਮ੍ਮੋ, ਤਹਿਂ ਤਹਿਂ ਮੋਦਤਿ ਕਾਮਕਾਮੀ.

‘‘ਯਹਿਂ ਯਹਿਂ ਸੋਕਪਰਿਦ੍ਦਵੋ ਚ, ਵਧੋ ਚ ਬਨ੍ਧੋ ਚ ਪਰਿਕ੍ਕਿਲੇਸੋ;

ਤਹਿਂ ਤਹਿਂ ਗਚ੍ਛਤਿ ਪਾਪਕਮ੍ਮੋ, ਨ ਮੁਚ੍ਚਤਿ ਦੁਗ੍ਗਤਿਯਾ ਕਦਾਚੀ’’ਤਿ.

‘‘ਸਮ੍ਮੂਲ਼੍ਹਰੂਪੋਵ ਜਨੋ ਅਹੋਸਿ, ਅਸ੍ਮਿਂ ਮੁਹੁਤ੍ਤੇ ਕਲਲੀਕਤੋਵ;

ਜਨਸ੍ਸਿਮਸ੍ਸ ਤੁਯ੍ਹਞ੍ਚ ਕੁਮਾਰ, ਅਪ੍ਪਚ੍ਚਯੋ ਕੇਨ ਨੁ ਖੋ ਅਹੋਸੀ’’ਤਿ.

‘‘ਇਮੇ ਚ ਸਿਰੀਸਵਨਾ [ਇਮੇ ਸਿਰੀਸੂਪਵਨਾ ਚ (ਸੀ.), ਇਮੇਪਿ ਸਿਰੀਸਵਨਾ ਚ (ਪੀ. ਕ.)] ਤਾਤਾ, ਦਿਬ੍ਬਾ [ਦਿਬ੍ਬਾ ਚ (ਪੀ. ਕ.)] ਗਨ੍ਧਾ ਸੁਰਭੀ [ਸੁਰਭਿਂ (ਸੀ. ਕ.)] ਸਮ੍ਪਵਨ੍ਤਿ [ਸਮ੍ਪਵਾਯਨ੍ਤਿ (ਕ.)];

ਤੇ ਸਮ੍ਪਵਾਯਨ੍ਤਿ ਇਮਂ ਵਿਮਾਨਂ, ਦਿਵਾ ¶ ਚ ਰਤ੍ਤੋ ਚ ਤਮਂ ਨਿਹਨ੍ਤ੍ਵਾ.

‘‘ਇਮੇਸਞ੍ਚ ¶ ਖੋ ਵਸ੍ਸਸਤਚ੍ਚਯੇਨ, ਸਿਪਾਟਿਕਾ ਫਲਤਿ ਏਕਮੇਕਾ;

ਮਾਨੁਸ੍ਸਕਂ ਵਸ੍ਸਸਤਂ ਅਤੀਤਂ, ਯਦਗ੍ਗੇ ਕਾਯਮ੍ਹਿ ਇਧੂਪਪਨ੍ਨੋ.

‘‘ਦਿਸ੍ਵਾਨਹਂ ਵਸ੍ਸਸਤਾਨਿ ਪਞ੍ਚ, ਅਸ੍ਮਿਂ ਵਿਮਾਨੇ ਠਤ੍ਵਾਨ ਤਾਤਾ;

ਆਯੁਕ੍ਖਯਾ ਪੁਞ੍ਞਕ੍ਖਯਾ ਚਵਿਸ੍ਸਂ, ਤੇਨੇਵ ਸੋਕੇਨ ਪਮੁਚ੍ਛਿਤੋਸ੍ਮੀ’’ਤਿ [ਸਮੁਚ੍ਛਿਤੋਸ੍ਮੀਤਿ (ਪੀ. ਕ.)].

‘‘ਕਥਂ ਨੁ ਸੋਚੇਯ੍ਯ ਤਥਾਵਿਧੋ ਸੋ, ਲਦ੍ਧਾ ਵਿਮਾਨਂ ਅਤੁਲਂ ਚਿਰਾਯ;

ਯੇ ਚਾਪਿ ਖੋ ਇਤ੍ਤਰਮੁਪਪਨ੍ਨਾ, ਤੇ ਨੂਨ ਸੋਚੇਯ੍ਯੁਂ ਪਰਿਤ੍ਤਪੁਞ੍ਞਾ’’ਤਿ.

‘‘ਅਨੁਚ੍ਛਵਿਂ ਓਵਦਿਯਞ੍ਚ ਮੇ ਤਂ, ਯਂ ਮਂ ਤੁਮ੍ਹੇ ਪੇਯ੍ਯਵਾਚਂ ਵਦੇਥ;

ਤੁਮ੍ਹੇ ਚ ਖੋ ਤਾਤਾ ਮਯਾਨੁਗੁਤ੍ਤਾ, ਯੇਨਿਚ੍ਛਕਂ ਤੇਨ ਪਲੇਥ ਸੋਤ੍ਥਿ’’ਨ੍ਤਿ.

‘‘ਗਨ੍ਤ੍ਵਾ ¶ ਮਯਂ ਸਿਨ੍ਧੁਸੋਵੀਰਭੂਮਿਂ, ਧਨਤ੍ਥਿਕਾ ਉਦ੍ਦਯਂ ਪਤ੍ਥਯਾਨਾ;

ਯਥਾਪਯੋਗਾ ਪਰਿਪੁਣ੍ਣਚਾਗਾ, ਕਾਹਾਮ ¶ ਸੇਰੀਸਮਹਂ ਉਲ਼ਾਰ’’ਨ੍ਤਿ.

‘‘ਮਾ ਚੇਵ ਸੇਰੀਸਮਹਂ ਅਕਤ੍ਥ, ਸਬ੍ਬਞ੍ਚ ਵੋ ਭਵਿਸ੍ਸਤਿ ਯਂ ਵਦੇਥ;

ਪਾਪਾਨਿ ਕਮ੍ਮਾਨਿ ਵਿਵਜ੍ਜਯਾਥ, ਧਮ੍ਮਾਨੁਯੋਗਞ੍ਚ ਅਧਿਟ੍ਠਹਾਥ.

‘‘ਉਪਾਸਕੋ ਅਤ੍ਥਿ ਇਮਮ੍ਹਿ ਸਙ੍ਘੇ, ਬਹੁਸ੍ਸੁਤੋ ਸੀਲਵਤੂਪਪਨ੍ਨੋ;

ਸਦ੍ਧੋ ਚ ਚਾਗੀ ਚ ਸੁਪੇਸਲੋ ਚ, ਵਿਚਕ੍ਖਣੋ ਸਨ੍ਤੁਸਿਤੋ ਮੁਤੀਮਾ.

‘‘ਸਞ੍ਜਾਨਮਾਨੋ ¶ ਨ ਮੁਸਾ ਭਣੇਯ੍ਯ, ਪਰੂਪਘਾਤਾਯ ਨ ਚੇਤਯੇਯ੍ਯ;

ਵੇਭੂਤਿਕਂ ਪੇਸੁਣਂ ਨੋ ਕਰੇਯ੍ਯ, ਸਣ੍ਹਞ੍ਚ ਵਾਚਂ ਸਖਿਲਂ ਭਣੇਯ੍ਯ.

‘‘ਸਗਾਰਵੋ ਸਪ੍ਪਟਿਸ੍ਸੋ ਵਿਨੀਤੋ, ਅਪਾਪਕੋ ਅਧਿਸੀਲੇ ਵਿਸੁਦ੍ਧੋ;

ਸੋ ਮਾਤਰਂ ਪਿਤਰਞ੍ਚਾਪਿ ਜਨ੍ਤੁ, ਧਮ੍ਮੇਨ ਪੋਸੇਤਿ ਅਰਿਯਵੁਤ੍ਤਿ.

‘‘ਮਞ੍ਞੇ ਸੋ ਮਾਤਾਪਿਤੂਨਂ ਕਾਰਣਾ, ਭੋਗਾਨਿ ਪਰਿਯੇਸਤਿ ਨ ਅਤ੍ਤਹੇਤੁ;

ਮਾਤਾਪਿਤੂਨਞ੍ਚ ਯੋ [ਸੋ (?)] ਅਚ੍ਚਯੇਨ, ਨੇਕ੍ਖਮ੍ਮਪੋਣੋ ¶ ਚਰਿਸ੍ਸਤਿ ਬ੍ਰਹ੍ਮਚਰਿਯਂ.

‘‘ਉਜੂ ਅਵਙ੍ਕੋ ਅਸਠੋ ਅਮਾਯੋ, ਨ ਲੇਸਕਪ੍ਪੇਨ ਚ ਵੋਹਰੇਯ੍ਯ;

ਸੋ ਤਾਦਿਸੋ ਸੁਕਤਕਮ੍ਮਕਾਰੀ, ਧਮ੍ਮੇ ਠਿਤੋ ਕਿਨ੍ਤਿ ਲਭੇਥ ਦੁਕ੍ਖਂ.

‘‘ਤਂ ¶ ਕਾਰਣਾ ਪਾਤੁਕਤੋਮ੍ਹਿ ਅਤ੍ਤਨਾ, ਤਸ੍ਮਾ ਧਮ੍ਮਂ ਪਸ੍ਸਥ ਵਾਣਿਜਾਸੇ;

ਅਞ੍ਞਤ੍ਰ ਤੇਨਿਹ ਭਸ੍ਮੀ [ਭਸ੍ਮਿ (ਸ੍ਯਾ.), ਭਸ੍ਮ (ਕ.)] ਭਵੇਥ, ਅਨ੍ਧਾਕੁਲਾ ਵਿਪ੍ਪਨਟ੍ਠਾ ਅਰਞ੍ਞੇ;

ਤਂ ਖਿਪ੍ਪਮਾਨੇਨ ਲਹੁਂ ਪਰੇਨ, ਸੁਖੋ ਹਵੇ ਸਪ੍ਪੁਰਿਸੇਨ ਸਙ੍ਗਮੋ’’ਤਿ.

‘‘ਕਿਂ ਨਾਮ ਸੋ ਕਿਞ੍ਚ ਕਰੋਤਿ ਕਮ੍ਮਂ,

ਕਿਂ ਨਾਮਧੇਯ੍ਯਂ ਕਿਂ ਪਨ ਤਸ੍ਸ ਗੋਤ੍ਤਂ;

ਮਯਮ੍ਪਿ ਨਂ ਦਟ੍ਠੁਕਾਮਮ੍ਹ ਯਕ੍ਖ, ਯਸ੍ਸਾਨੁਕਮ੍ਪਾਯ ਇਧਾਗਤੋਸਿ;

ਲਾਭਾ ਹਿ ਤਸ੍ਸ, ਯਸ੍ਸ ਤੁਵਂ ਪਿਹੇਸੀ’’ਤਿ.

‘‘ਯੋ ¶ ¶ ਕਪ੍ਪਕੋ ਸਮ੍ਭਵਨਾਮਧੇਯ੍ਯੋ,

ਮਾ ¶ ਖੋ ਨਂ ਹੀਲ਼ਿਤ੍ਥ ਸੁਪੇਸਲੋ ਸੋ’’ਤਿ.

‘‘ਜਾਨਾਮਸੇ ਯਂ ਤ੍ਵਂ ਪਵਦੇਸਿ [ਵਦੇਸਿ (ਸੀ.)] ਯਕ੍ਖ,

ਸੁਤ੍ਵਾਨ ਤੁਯ੍ਹਂ ਵਚਨਂ ਉਲ਼ਾਰ’’ਨ੍ਤਿ.

‘‘ਯੇ ਕੇਚਿ ਇਮਸ੍ਮਿਂ ਸਤ੍ਥੇ ਮਨੁਸ੍ਸਾ,

ਪਸ੍ਸਨ੍ਤੁ ਪੁਞ੍ਞਾਨਂ ਫਲਂ ਕਦਰਿਯਾ’’ਤਿ.

ਤਂ ਕਪ੍ਪਕਂ ਤਤ੍ਥ ਪੁਰਕ੍ਖਤ੍ਵਾ [ਪੁਰਕ੍ਖਿਪਿਤ੍ਵਾ (ਸੀ.)];

ਤੇ ¶ ਤਤ੍ਥ ਸਬ੍ਬੇਵ ‘ਅਹਂ ਪੁਰੇ’ਤਿ, ਉਪਾਸਕਤ੍ਤਂ ਪਟਿਵੇਦਯਿਂਸੁ;

ਪਾਣਾਤਿਪਾਤਾ ਵਿਰਤਾ ਅਹੇਸੁਂ, ਲੋਕੇ ਅਦਿਨ੍ਨਂ ਪਰਿਵਜ੍ਜਯਿਂਸੁ;

ਅਮਜ੍ਜਪਾ ਨੋ ਚ ਮੁਸਾ ਭਣਿਂਸੁ, ਸਕੇਨ ਦਾਰੇਨ ਚ ਅਹੇਸੁਂ ਤੁਟ੍ਠਾ.

ਤੇ ਤਤ੍ਥ ਸਬ੍ਬੇਵ ‘ਅਹਂ ਪੁਰੇ’ਤਿ, ਉਪਾਸਕਤ੍ਤਂ ਪਟਿਵੇਦਯਿਤ੍ਵਾ;

ਪਕ੍ਕਾਮਿ ਸਤ੍ਥੋ ਅਨੁਮੋਦਮਾਨੋ, ਯਕ੍ਖਿਦ੍ਧਿਯਾ ਅਨੁਮਤੋ ਪੁਨਪ੍ਪੁਨਂ.

‘‘ਗਨ੍ਤ੍ਵਾਨ ¶ ਤੇ ਸਿਨ੍ਧੁਸੋਵੀਰਭੂਮਿਂ, ਧਨਤ੍ਥਿਕਾ ਉਦ੍ਦਯਂ [ਉਦਯ (ਪੀ. ਕ.)] ਪਤ੍ਥਯਾਨਾ;

ਯਥਾਪਯੋਗਾ ਪਰਿਪੁਣ੍ਣਲਾਭਾ, ਪਚ੍ਚਾਗਮੁਂ ਪਾਟਲਿਪੁਤ੍ਤਮਕ੍ਖਤਂ.

‘‘ਗਨ੍ਤ੍ਵਾਨ ¶ ਤੇ ਸਙ੍ਘਰਂ ਸੋਤ੍ਥਿਵਨ੍ਤੋ,

ਆਨਨ੍ਦੀ ਵਿਤ੍ਤਾ [ਆਨਨ੍ਦਚਿਤ੍ਤਾ (ਸ੍ਯਾ.), ਆਨਨ੍ਦੀਚਿਤ੍ਤਾ (ਕ.)] ਸੁਮਨਾ ਪਤੀਤਾ,

ਸਬ੍ਬੇਵ ਸਤ੍ਤਾ ਸੁਖਿਤਾ [ਸੁਖਿਨੋ (ਪੀ. ਕ.)] ਅਹੇਸੁਨ੍ਤਿ.

‘‘ਉਚ੍ਚਮਿਦਂ ¶ ਮਣਿਥੂਣਂ ਵਿਮਾਨਂ, ਸਮਨ੍ਤਤੋ ਦ੍ਵਾਦਸ ਯੋਜਨਾਨਿ;

ਕੂਟਾਗਾਰਾ ¶ ਸਤ੍ਤਸਤਾ ਉਲ਼ਾਰਾ, ਵੇਲ਼ੁਰਿਯਥਮ੍ਭਾ ਰੁਚਕਤ੍ਥਤਾ ਸੁਭਾ.

‘‘ਤਤ੍ਥਚ੍ਛਸਿ ਪਿਵਸਿ ਖਾਦਸਿ ਚ, ਦਿਬ੍ਬਾ ਚ ਵੀਣਾ ਪਵਦਨ੍ਤਿ ਵਗ੍ਗੁਂ;

ਦਿਬ੍ਬਾ ਰਸਾ ਕਾਮਗੁਣੇਤ੍ਥ ਪਞ੍ਚ, ਨਾਰਿਯੋ ਚ ਨਚ੍ਚਨ੍ਤਿ ਸੁਵਣ੍ਣਛਨ੍ਨਾ.

‘‘ਕੇਨ ਤੇਤਾਦਿਸੋ ਵਣ੍ਣੋ, ਕੇਨ ਤੇ ਇਧ ਮਿਜ੍ਝਤਿ;

ਉਪ੍ਪਜ੍ਜਨ੍ਤਿ ਚ ਤੇ ਭੋਗਾ, ਯੇ ਕੇਚਿ ਮਨਸੋ ਪਿਯਾ.

‘‘ਪੁਚ੍ਛਾਮਿ ¶ ‘ਤਂ ਦੇਵ ਮਹਾਨੁਭਾਵ, ਮਨੁਸ੍ਸਭੂਤੋ ਕਿਮਕਾਸਿ ਪੁਞ੍ਞਂ;

ਕੇਨਾਸਿ ਏਵਂ ਜਲਿਤਾਨੁਭਾਵੋ, ਵਣ੍ਣੋ ਚ ਤੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੋ ¶ ਦੇਵਪੁਤ੍ਤੋ ਅਤ੍ਤਮਨੋ, ਮੋਗ੍ਗਲ੍ਲਾਨੇਨ ਪੁਚ੍ਛਿਤੋ;

ਪਞ੍ਹਂ ਪੁਟ੍ਠੋ ਵਿਯਾਕਾਸਿ, ਯਸ੍ਸ ਕਮ੍ਮਸ੍ਸਿਦਂ ਫਲਂ.

‘‘ਦੁਨ੍ਨਿਕ੍ਖਿਤ੍ਤਂ ਮਾਲਂ ਸੁਨਿਕ੍ਖਿਪਿਤ੍ਵਾ, ਪਤਿਟ੍ਠਪੇਤ੍ਵਾ ਸੁਗਤਸ੍ਸ ਥੂਪੇ;

ਮਹਿਦ੍ਧਿਕੋ ਚਮ੍ਹਿ ਮਹਾਨੁਭਾਵੋ, ਦਿਬ੍ਬੇਹਿ ਕਾਮੇਹਿ ਸਮਙ੍ਗਿਭੂਤੋ.

ਵਣ੍ਣੋ ਚ ਮੇ ਸਬ੍ਬਦਿਸਾ ਪਭਾਸਤੀ’’ਤਿ.

ਸੁਨਿਕ੍ਖਿਤ੍ਤਵਗ੍ਗੋ ਸਤ੍ਤਮੋ ਨਿਟ੍ਠਿਤੋ.

ਦ੍ਵੇ ਦਲਿਦ੍ਦਾ ਵਨਵਿਹਾਰਾ, ਭਤਕੋ ਗੋਪਾਲਕਣ੍ਡਕਾ;

ਅਨੇਕਵਣ੍ਣਮਟ੍ਠਕੁਣ੍ਡਲੀ, ਸੇਰੀਸਕੋ ਸੁਨਿਕ੍ਖਿਤ੍ਤਂ;

ਪੁਰਿਸਾਨਂ ਤਤਿਯੋ ਵਗ੍ਗੋ ਪਵੁਚ੍ਚਤੀਤਿ.