📜

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਵਿਨਯਪਿਟਕੇ

ਪਾਰਾਜਿਕਪਾਲ਼ਿ

ਵੇਰਞ੍ਜਕਣ੍ਡਂ

੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਵੇਰਞ੍ਜਾਯਂ ਵਿਹਰਤਿ ਨਲ਼ੇਰੁਪੁਚਿਮਨ੍ਦਮੂਲੇ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ. ਅਸ੍ਸੋਸਿ ਖੋ ਵੇਰਞ੍ਜੋ ਬ੍ਰਾਹ੍ਮਣੋ – ‘‘ਸਮਣੋ ਖਲੁ, ਭੋ, ਗੋਤਮੋ ਸਕ੍ਯਪੁਤ੍ਤੋ ਸਕ੍ਯਕੁਲਾ ਪਬ੍ਬਜਿਤੋ ਵੇਰਞ੍ਜਾਯਂ ਵਿਹਰਤਿ ਨਲ਼ੇਰੁਪੁਚਿਮਨ੍ਦਮੂਲੇ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ ਪਞ੍ਚਮਤ੍ਤੇਹਿ ਭਿਕ੍ਖੁਸਤੇਹਿ. ਤਂ ਖੋ ਪਨ ਭਵਨ੍ਤਂ ਗੋਤਮਂ ਏਵਂ ਕਲ੍ਯਾਣੋ ਕਿਤ੍ਤਿਸਦ੍ਦੋ ਅਬ੍ਭੁਗ੍ਗਤੋ – ‘ਇਤਿਪਿ ਸੋ ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਵਿਜ੍ਜਾਚਰਣਸਮ੍ਪਨ੍ਨੋ ਸੁਗਤੋ ਲੋਕਵਿਦੂ ਅਨੁਤ੍ਤਰੋ ਪੁਰਿਸਦਮ੍ਮਸਾਰਥਿ ਸਤ੍ਥਾ ਦੇਵਮਨੁਸ੍ਸਾਨਂ ਬੁਦ੍ਧੋ ਭਗਵਾ [ਭਗਵਾਤਿ (ਸ੍ਯਾ.), ਦੀ. ਨਿ. ੧.੧੫੭, ਅਬ੍ਭੁਗ੍ਗਤਾਕਾਰੇਨ ਪਨ ਸਮੇਤਿ]. ਸੋ ਇਮਂ ਲੋਕਂ ਸਦੇਵਕਂ ਸਮਾਰਕਂ ਸਬ੍ਰਹ੍ਮਕਂ ਸਸ੍ਸਮਣਬ੍ਰਾਹ੍ਮਣਿਂ ਪਜਂ ਸਦੇਵਮਨੁਸ੍ਸਂ ਸਯਂ ਅਭਿਞ੍ਞਾ ਸਚ੍ਛਿਕਤ੍ਵਾ ਪਵੇਦੇਤਿ. ਸੋ ਧਮ੍ਮਂ ਦੇਸੇਤਿ ਆਦਿਕਲ੍ਯਾਣਂ ਮਜ੍ਝੇਕਲ੍ਯਾਣਂ ਪਰਿਯੋਸਾਨਕਲ੍ਯਾਣਂ ਸਾਤ੍ਥਂ ਸਬ੍ਯਞ੍ਜਨਂ; ਕੇਵਲਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਪਕਾਸੇਤਿ; ਸਾਧੁ ਖੋ ਪਨ ਤਥਾਰੂਪਾਨਂ ਅਰਹਤਂ ਦਸ੍ਸਨਂ ਹੋਤੀ’’’ਤਿ.

੨. [ਇਤੋ ਪਰਂ ਯਾਵ ਪਾਰਾ. ੧੫-੧੬ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮੀਤਿ ਪਾਠੋ ਅ. ਨਿ. ੮.੧੧] ਅਥ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਤਾ ਸਦ੍ਧਿਂ ਸਮ੍ਮੋਦਿ. ਸਮ੍ਮੋਦਨੀਯਂ ਕਥਂ ਸਾਰਣੀਯਂ ਵੀਤਿਸਾਰੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ – ‘‘ਸੁਤਂ ਮੇਤਂ, ਭੋ ਗੋਤਮ – ‘ਨ ਸਮਣੋ ਗੋਤਮੋ ਬ੍ਰਾਹ੍ਮਣੇ ਜਿਣ੍ਣੇ ਵੁਡ੍ਢੇ ਮਹਲ੍ਲਕੇ ਅਦ੍ਧਗਤੇ ਵਯੋਅਨੁਪ੍ਪਤ੍ਤੇ ਅਭਿਵਾਦੇਤਿ ਵਾ ਪਚ੍ਚੁਟ੍ਠੇਤਿ ਵਾ ਆਸਨੇਨ ਵਾ ਨਿਮਨ੍ਤੇਤੀ’ਤਿ. ਤਯਿਦਂ, ਭੋ ਗੋਤਮ, ਤਥੇਵ? ਨ ਹਿ ਭਵਂ ਗੋਤਮੋ ਬ੍ਰਾਹ੍ਮਣੇ ਜਿਣ੍ਣੇ ਵੁਡ੍ਢੇ ਮਹਲ੍ਲਕੇ ਅਦ੍ਧਗਤੇ ਵਯੋਅਨੁਪ੍ਪਤ੍ਤੇ ਅਭਿਵਾਦੇਤਿ ਵਾ ਪਚ੍ਚੁਟ੍ਠੇਤਿ ਵਾ ਆਸਨੇਨ ਵਾ ਨਿਮਨ੍ਤੇਤਿ? ਤਯਿਦਂ, ਭੋ ਗੋਤਮ, ਨ ਸਮ੍ਪਨ੍ਨਮੇਵਾ’’ਤਿ.

‘‘ਨਾਹਂ ਤਂ, ਬ੍ਰਾਹ੍ਮਣ, ਪਸ੍ਸਾਮਿ ਸਦੇਵਕੇ ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇਵਮਨੁਸ੍ਸਾਯ ਯਮਹਂ ਅਭਿਵਾਦੇਯ੍ਯਂ ਵਾ ਪਚ੍ਚੁਟ੍ਠੇਯ੍ਯਂ ਵਾ ਆਸਨੇਨ ਵਾ ਨਿਮਨ੍ਤੇਯ੍ਯਂ. ਯਞ੍ਹਿ, ਬ੍ਰਾਹ੍ਮਣ, ਤਥਾਗਤੋ ਅਭਿਵਾਦੇਯ੍ਯ ਵਾ ਪਚ੍ਚੁਟ੍ਠੇਯ੍ਯ ਵਾ ਆਸਨੇਨ ਵਾ ਨਿਮਨ੍ਤੇਯ੍ਯ, ਮੁਦ੍ਧਾਪਿ ਤਸ੍ਸ ਵਿਪਤੇਯ੍ਯਾ’’ਤਿ.

੩. ‘‘ਅਰਸਰੂਪੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਰਸਰੂਪੋ ਸਮਣੋ ਗੋਤਮੋ’ਤਿ. ਯੇ ਤੇ, ਬ੍ਰਾਹ੍ਮਣ, ਰੂਪਰਸਾ ਸਦ੍ਦਰਸਾ ਗਨ੍ਧਰਸਾ ਰਸਰਸਾ ਫੋਟ੍ਠਬ੍ਬਰਸਾ ਤੇ ਤਥਾਗਤਸ੍ਸ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ [ਅਨਭਾਵਕਤਾ (ਸੀ.) ਅਨਭਾਵਂਗਤਾ (ਸ੍ਯਾ.)] ਆਯਤਿਂ ਅਨੁਪ੍ਪਾਦਧਮ੍ਮਾ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਰਸਰੂਪੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੪. ‘‘ਨਿਬ੍ਭੋਗੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਨਿਬ੍ਭੋਗੋ ਸਮਣੋ ਗੋਤਮੋ’ਤਿ. ਯੇ ਤੇ, ਬ੍ਰਾਹ੍ਮਣ, ਰੂਪਭੋਗਾ ਸਦ੍ਦਭੋਗਾ ਗਨ੍ਧਭੋਗਾ ਰਸਭੋਗਾ ਫੋਟ੍ਠਬ੍ਬਭੋਗਾ ਤੇ ਤਥਾਗਤਸ੍ਸ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਨਿਬ੍ਭੋਗੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੫. ‘‘ਅਕਿਰਿਯਵਾਦੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਕਿਰਿਯਵਾਦੋ ਸਮਣੋ ਗੋਤਮੋ’ਤਿ. ਅਹਞ੍ਹਿ, ਬ੍ਰਾਹ੍ਮਣ, ਅਕਿਰਿਯਂ ਵਦਾਮਿ ਕਾਯਦੁਚ੍ਚਰਿਤਸ੍ਸ ਵਚੀਦੁਚ੍ਚਰਿਤਸ੍ਸ ਮਨੋਦੁਚ੍ਚਰਿਤਸ੍ਸ. ਅਨੇਕਵਿਹਿਤਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਅਕਿਰਿਯਂ ਵਦਾਮਿ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਕਿਰਿਯਵਾਦੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੬. ‘‘ਉਚ੍ਛੇਦਵਾਦੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਉਚ੍ਛੇਦਵਾਦੋ ਸਮਣੋ ਗੋਤਮੋ’ਤਿ. ਅਹਞ੍ਹਿ, ਬ੍ਰਾਹ੍ਮਣ, ਉਚ੍ਛੇਦਂ ਵਦਾਮਿ ਰਾਗਸ੍ਸ ਦੋਸਸ੍ਸ ਮੋਹਸ੍ਸ. ਅਨੇਕਵਿਹਿਤਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਉਚ੍ਛੇਦਂ ਵਦਾਮਿ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਉਚ੍ਛੇਦਵਾਦੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੭. ‘‘ਜੇਗੁਚ੍ਛੀ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਜੇਗੁਚ੍ਛੀ ਸਮਣੋ ਗੋਤਮੋ’ਤਿ. ਅਹਞ੍ਹਿ, ਬ੍ਰਾਹ੍ਮਣ, ਜਿਗੁਚ੍ਛਾਮਿ ਕਾਯਦੁਚ੍ਚਰਿਤੇਨ ਵਚੀਦੁਚ੍ਚਰਿਤੇਨ ਮਨੋਦੁਚ੍ਚਰਿਤੇਨ. ਅਨੇਕਵਿਹਿਤਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਸਮਾਪਤ੍ਤਿਯਾ ਜਿਗੁਚ੍ਛਾਮਿ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਜੇਗੁਚ੍ਛੀ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੮. ‘‘ਵੇਨਯਿਕੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਵੇਨਯਿਕੋ ਸਮਣੋ ਗੋਤਮੋ’ਤਿ. ਅਹਞ੍ਹਿ, ਬ੍ਰਾਹ੍ਮਣ, ਵਿਨਯਾਯ ਧਮ੍ਮਂ ਦੇਸੇਮਿ ਰਾਗਸ੍ਸ ਦੋਸਸ੍ਸ ਮੋਹਸ੍ਸ. ਅਨੇਕਵਿਹਿਤਾਨਂ ਪਾਪਕਾਨਂ ਅਕੁਸਲਾਨਂ ਧਮ੍ਮਾਨਂ ਵਿਨਯਾਯ ਧਮ੍ਮਂ ਦੇਸੇਮਿ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਵੇਨਯਿਕੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੯. ‘‘ਤਪਸ੍ਸੀ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਤਪਸ੍ਸੀ ਸਮਣੋ ਗੋਤਮੋ’ਤਿ. ਤਪਨੀਯਾਹਂ, ਬ੍ਰਾਹ੍ਮਣ, ਪਾਪਕੇ ਅਕੁਸਲੇ ਧਮ੍ਮੇ ਵਦਾਮਿ, ਕਾਯਦੁਚ੍ਚਰਿਤਂ ਵਚੀਦੁਚ੍ਚਰਿਤਂ ਮਨੋਦੁਚ੍ਚਰਿਤਂ. ਯਸ੍ਸ ਖੋ, ਬ੍ਰਾਹ੍ਮਣ, ਤਪਨੀਯਾ ਪਾਪਕਾ ਅਕੁਸਲਾ ਧਮ੍ਮਾ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ ਤਮਹਂ ਤਪਸ੍ਸੀਤਿ ਵਦਾਮਿ. ਤਥਾਗਤਸ੍ਸ ਖੋ, ਬ੍ਰਾਹ੍ਮਣ, ਤਪਨੀਯਾ ਪਾਪਕਾ ਅਕੁਸਲਾ ਧਮ੍ਮਾ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਤਪਸ੍ਸੀ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸੀ’’ਤਿ.

੧੦. ‘‘ਅਪਗਬ੍ਭੋ ਭਵਂ ਗੋਤਮੋ’’ਤਿ? ‘‘ਅਤ੍ਥਿ ਖ੍ਵੇਸ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਪਗਬ੍ਭੋ ਸਮਣੋ ਗੋਤਮੋ’ਤਿ. ਯਸ੍ਸ ਖੋ, ਬ੍ਰਾਹ੍ਮਣ, ਆਯਤਿਂ ਗਬ੍ਭਸੇਯ੍ਯਾ ਪੁਨਬ੍ਭਵਾਭਿਨਿਬ੍ਬਤ੍ਤਿ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ ਤਮਹਂ ਅਪਗਬ੍ਭੋਤਿ ਵਦਾਮਿ. ਤਥਾਗਤਸ੍ਸ ਖੋ, ਬ੍ਰਾਹ੍ਮਣ, ਆਯਤਿਂ ਗਬ੍ਭਸੇਯ੍ਯਾ ਪੁਨਬ੍ਭਵਾਭਿਨਿਬ੍ਬਤ੍ਤਿ ਪਹੀਨਾ ਉਚ੍ਛਿਨ੍ਨਮੂਲਾ ਤਾਲਾਵਤ੍ਥੁਕਤਾ ਅਨਭਾਵਂਕਤਾ ਆਯਤਿਂ ਅਨੁਪ੍ਪਾਦਧਮ੍ਮਾ. ਅਯਂ ਖੋ, ਬ੍ਰਾਹ੍ਮਣ, ਪਰਿਯਾਯੋ ਯੇਨ ਮਂ ਪਰਿਯਾਯੇਨ ਸਮ੍ਮਾ ਵਦਮਾਨੋ ਵਦੇਯ੍ਯ – ‘ਅਪਗਬ੍ਭੋ ਸਮਣੋ ਗੋਤਮੋ’ਤਿ, ਨੋ ਚ ਖੋ ਯਂ ਤ੍ਵਂ ਸਨ੍ਧਾਯ ਵਦੇਸਿ’’.

੧੧. ‘‘ਸੇਯ੍ਯਥਾਪਿ, ਬ੍ਰਾਹ੍ਮਣ, ਕੁਕ੍ਕੁਟਿਯਾ ਅਣ੍ਡਾਨਿ ਅਟ੍ਠ ਵਾ ਦਸ ਵਾ ਦ੍ਵਾਦਸ ਵਾ. ਤਾਨਸ੍ਸੁ ਕੁਕ੍ਕੁਟਿਯਾ ਸਮ੍ਮਾ ਅਧਿਸਯਿਤਾਨਿ ਸਮ੍ਮਾ ਪਰਿਸੇਦਿਤਾਨਿ ਸਮ੍ਮਾ ਪਰਿਭਾਵਿਤਾਨਿ. ਯੋ ਨੁ ਖੋ ਤੇਸਂ ਕੁਕ੍ਕੁਟਚ੍ਛਾਪਕਾਨਂ ਪਠਮਤਰਂ ਪਾਦਨਖਸਿਖਾਯ ਵਾ ਮੁਖਤੁਣ੍ਡਕੇਨ ਵਾ ਅਣ੍ਡਕੋਸਂ ਪਦਾਲੇਤ੍ਵਾ ਸੋਤ੍ਥਿਨਾ ਅਭਿਨਿਬ੍ਭਿਜ੍ਜੇਯ੍ਯ, ਕਿਨ੍ਤਿ ਸ੍ਵਾਸ੍ਸ ਵਚਨੀਯੋ – ‘‘ਜੇਟ੍ਠੋ ਵਾ ਕਨਿਟ੍ਠੋ ਵਾ’’ਤਿ? ‘‘ਜੇਟ੍ਠੋਤਿਸ੍ਸ, ਭੋ ਗੋਤਮ, ਵਚਨੀਯੋ. ਸੋ ਹਿ ਨੇਸਂ ਜੇਟ੍ਠੋ ਹੋਤੀ’’ਤਿ. ‘‘ਏਵਮੇਵ ਖੋ ਅਹਂ, ਬ੍ਰਾਹ੍ਮਣ, ਅਵਿਜ੍ਜਾਗਤਾਯ ਪਜਾਯ ਅਣ੍ਡਭੂਤਾਯ ਪਰਿਯੋਨਦ੍ਧਾਯ ਅਵਿਜ੍ਜਣ੍ਡਕੋਸਂ ਪਦਾਲੇਤ੍ਵਾ ਏਕੋਵ ਲੋਕੇ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ. ਸ੍ਵਾਹਂ, ਬ੍ਰਾਹ੍ਮਣ, ਜੇਟ੍ਠੋ ਸੇਟ੍ਠੋ ਲੋਕਸ੍ਸ’’.

‘‘ਆਰਦ੍ਧਂ ਖੋ ਪਨ ਮੇ, ਬ੍ਰਾਹ੍ਮਣ, ਵੀਰਿਯਂ [ਵਿਰਿਯਂ (ਸੀ. ਸ੍ਯਾ.)] ਅਹੋਸਿ ਅਸਲ੍ਲੀਨਂ, ਉਪਟ੍ਠਿਤਾ ਸਤਿ ਅਸਮ੍ਮੁਟ੍ਠਾ [ਅਪ੍ਪਮੁਟ੍ਠਾ (ਸੀ. ਸ੍ਯਾ.)], ਪਸ੍ਸਦ੍ਧੋ ਕਾਯੋ ਅਸਾਰਦ੍ਧੋ, ਸਮਾਹਿਤਂ ਚਿਤ੍ਤਂ ਏਕਗ੍ਗਂ. ਸੋ ਖੋ ਅਹਂ, ਬ੍ਰਾਹ੍ਮਣ, ਵਿਵਿਚ੍ਚੇਵ ਕਾਮੇਹਿ ਵਿਵਿਚ੍ਚ ਅਕੁਸਲੇਹਿ ਧਮ੍ਮੇਹਿ ਸਵਿਤਕ੍ਕਂ ਸਵਿਚਾਰਂ ਵਿਵੇਕਜਂ ਪੀਤਿਸੁਖਂ ਪਠਮਂ ਝਾਨਂ ਉਪਸਮ੍ਪਜ੍ਜ ਵਿਹਾਸਿਂ. ਵਿਤਕ੍ਕਵਿਚਾਰਾਨਂ ਵੂਪਸਮਾ ਅਜ੍ਝਤ੍ਤਂ ਸਮ੍ਪਸਾਦਨਂ ਚੇਤਸੋ ਏਕੋਦਿਭਾਵਂ ਅਵਿਤਕ੍ਕਂ ਅਵਿਚਾਰਂ ਸਮਾਧਿਜਂ ਪੀਤਿਸੁਖਂ ਦੁਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਾਸਿਂ. ਪੀਤਿਯਾ ਚ ਵਿਰਾਗਾ ਉਪੇਕ੍ਖਕੋ ਚ ਵਿਹਾਸਿਂ ਸਤੋ ਚ ਸਮ੍ਪਜਾਨੋ, ਸੁਖਞ੍ਚ ਕਾਯੇਨ ਪਟਿਸਂਵੇਦੇਸਿਂ, ਯਂ ਤਂ ਅਰਿਯਾ ਆਚਿਕ੍ਖਨ੍ਤਿ – ‘ਉਪੇਕ੍ਖਕੋ ਸਤਿਮਾ ਸੁਖਵਿਹਾਰੀ’ਤਿ ਤਤਿਯਂ ਝਾਨਂ ਉਪਸਮ੍ਪਜ੍ਜ ਵਿਹਾਸਿਂ. ਸੁਖਸ੍ਸ ਚ ਪਹਾਨਾ ਦੁਕ੍ਖਸ੍ਸ ਚ ਪਹਾਨਾ ਪੁਬ੍ਬੇਵ ਸੋਮਨਸ੍ਸਦੋਮਨਸ੍ਸਾਨਂ ਅਤ੍ਥਙ੍ਗਮਾ ਅਦੁਕ੍ਖਮਸੁਖਂ ਉਪੇਕ੍ਖਾਸਤਿਪਾਰਿਸੁਦ੍ਧਿਂ ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ ਵਿਹਾਸਿਂ.

੧੨. ‘‘ਸੋ ਏਵਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ ਵਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨੇਞ੍ਜਪ੍ਪਤ੍ਤੇ ਪੁਬ੍ਬੇਨਿਵਾਸਾਨੁਸ੍ਸਤਿਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਸਿਂ. ਸੋ ਅਨੇਕਵਿਹਿਤਂ ਪੁਬ੍ਬੇਨਿਵਾਸਂ ਅਨੁਸ੍ਸਰਾਮਿ, ਸੇਯ੍ਯਥਿਦਂ – ਏਕਮ੍ਪਿ ਜਾਤਿਂ ਦ੍ਵੇਪਿ ਜਾਤਿਯੋ ਤਿਸ੍ਸੋਪਿ ਜਾਤਿਯੋ ਚਤਸ੍ਸੋਪਿ ਜਾਤਿਯੋ ਪਞ੍ਚਪਿ ਜਾਤਿਯੋ ਦਸਪਿ ਜਾਤਿਯੋ ਵੀਸਮ੍ਪਿ ਜਾਤਿਯੋ ਤਿਂਸਮ੍ਪਿ ਜਾਤਿਯੋ ਚਤ੍ਤਾਲੀਸਮ੍ਪਿ ਜਾਤਿਯੋ ਪਞ੍ਞਾਸਮ੍ਪਿ ਜਾਤਿਯੋ ਜਾਤਿਸਤਮ੍ਪਿ, ਜਾਤਿਸਹਸ੍ਸਮ੍ਪਿ ਜਾਤਿਸਤਸਹਸ੍ਸਮ੍ਪਿ, ਅਨੇਕੇਪਿ ਸਂਵਟ੍ਟਕਪ੍ਪੇ ਅਨੇਕੇਪਿ ਵਿਵਟ੍ਟਕਪ੍ਪੇ ਅਨੇਕੇਪਿ ਸਂਵਟ੍ਟਵਿਵਟ੍ਟਕਪ੍ਪੇ – ‘ਅਮੁਤ੍ਰਾਸਿਂ ਏਵਂਨਾਮੋ ਏਵਂਗੋਤ੍ਤੋ ਏਵਂਵਣ੍ਣੋ ਏਵਮਾਹਾਰੋ ਏਵਂਸੁਖਦੁਕ੍ਖਪ੍ਪਟਿਸਂਵੇਦੀ ਏਵਮਾਯੁਪਰਿਯਨ੍ਤੋ; ਸੋ ਤਤੋ ਚੁਤੋ ਅਮੁਤ੍ਰ ਉਦਪਾਦਿਂ; ਤਤ੍ਰਾਪਾਸਿਂ ਏਵਂਨਾਮੋ ਏਵਂਗੋਤ੍ਤੋ ਏਵਂਵਣ੍ਣੋ ਏਵਮਾਹਾਰੋ ਏਵਂਸੁਖਦੁਕ੍ਖਪ੍ਪਟਿਸਂਵੇਦੀ ਏਵਮਾਯੁਪਰਿਯਨ੍ਤੋ; ਸੋ ਤਤੋ ਚੁਤੋ ਇਧੂਪਪਨ੍ਨੋਤਿ. ਇਤਿ ਸਾਕਾਰਂ ਸਉਦ੍ਦੇਸਂ ਅਨੇਕਵਿਹਿਤਂ ਪੁਬ੍ਬੇਨਿਵਾਸਂ ਅਨੁਸ੍ਸਰਾਮਿ. ਅਯਂ ਖੋ ਮੇ, ਬ੍ਰਾਹ੍ਮਣ, ਰਤ੍ਤਿਯਾ ਪਠਮੇ ਯਾਮੇ ਪਠਮਾ ਵਿਜ੍ਜਾ ਅਧਿਗਤਾ, ਅਵਿਜ੍ਜਾ ਵਿਹਤਾ, ਵਿਜ੍ਜਾ ਉਪ੍ਪਨ੍ਨਾ, ਤਮੋ ਵਿਹਤੋ, ਆਲੋਕੋ ਉਪ੍ਪਨ੍ਨੋ – ਯਥਾ ਤਂ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ ਵਿਹਰਤੋ. ਅਯਂ ਖੋ ਮੇ, ਬ੍ਰਾਹ੍ਮਣ, ਪਠਮਾਭਿਨਿਬ੍ਭਿਦਾ ਅਹੋਸਿ ਕੁਕ੍ਕੁਟਚ੍ਛਾਪਕਸ੍ਸੇਵ ਅਣ੍ਡਕੋਸਮ੍ਹਾ.

੧੩. ‘‘ਸੋ ਏਵਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ ਵਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨੇਞ੍ਜਪ੍ਪਤ੍ਤੇ ਸਤ੍ਤਾਨਂ ਚੁਤੂਪਪਾਤਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਸਿਂ. ਸੋ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ [ਅਤਿਕ੍ਕਨ੍ਤਮਾਨੁਸ੍ਸਕੇਨ (ਕ.)] ਸਤ੍ਤੇ ਪਸ੍ਸਾਮਿ ਚਵਮਾਨੇ ਉਪਪਜ੍ਜਮਾਨੇ ਹੀਨੇ ਪਣੀਤੇ ਸੁਵਣ੍ਣੇ ਦੁਬ੍ਬਣ੍ਣੇ. ਸੁਗਤੇ ਦੁਗ੍ਗਤੇ ਯਥਾਕਮ੍ਮੂਪਗੇ ਸਤ੍ਤੇ ਪਜਾਨਾਮਿ – ‘ਇਮੇ ਵਤ ਭੋਨ੍ਤੋ ਸਤ੍ਤਾ ਕਾਯਦੁਚ੍ਚਰਿਤੇਨ ਸਮਨ੍ਨਾਗਤਾ ਵਚੀਦੁਚ੍ਚਰਿਤੇਨ ਸਮਨ੍ਨਾਗਤਾ ਮਨੋਦੁਚ੍ਚਰਿਤੇਨ ਸਮਨ੍ਨਾਗਤਾ ਅਰਿਯਾਨਂ ਉਪਵਾਦਕਾ ਮਿਚ੍ਛਾਦਿਟ੍ਠਿਕਾ ਮਿਚ੍ਛਾਦਿਟ੍ਠਿਕਮ੍ਮਸਮਾਦਾਨਾ; ਤੇ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਨ੍ਨਾ. ਇਮੇ ਵਾ ਪਨ ਭੋਨ੍ਤੋ ਸਤ੍ਤਾ ਕਾਯਸੁਚਰਿਤੇਨ ਸਮਨ੍ਨਾਗਤਾ ਵਚੀਸੁਚਰਿਤੇਨ ਸਮਨ੍ਨਾਗਤਾ ਮਨੋਸੁਚਰਿਤੇਨ ਸਮਨ੍ਨਾਗਤਾ ਅਰਿਯਾਨਂ ਅਨੁਪਵਾਦਕਾ ਸਮ੍ਮਾਦਿਟ੍ਠਿਕਾ ਸਮ੍ਮਾਦਿਟ੍ਠਿਕਮ੍ਮਸਮਾਦਾਨਾ; ਤੇ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਨ੍ਨਾ’ਤਿ. ਇਤਿ ਦਿਬ੍ਬੇਨ ਚਕ੍ਖੁਨਾ ਵਿਸੁਦ੍ਧੇਨ ਅਤਿਕ੍ਕਨ੍ਤਮਾਨੁਸਕੇਨ ਸਤ੍ਤੇ ਪਸ੍ਸਾਮਿ ਚਵਮਾਨੇ ਉਪਪਜ੍ਜਮਾਨੇ ਹੀਨੇ ਪਣੀਤੇ ਸੁਵਣ੍ਣੇ ਦੁਬ੍ਬਣ੍ਣੇ. ਸੁਗਤੇ ਦੁਗ੍ਗਤੇ ਯਥਾਕਮ੍ਮੂਪਗੇ ਸਤ੍ਤੇ ਪਜਾਨਾਮਿ. ਅਯਂ ਖੋ ਮੇ, ਬ੍ਰਾਹ੍ਮਣ, ਰਤ੍ਤਿਯਾ ਮਜ੍ਝਿਮੇ ਯਾਮੇ ਦੁਤਿਯਾ ਵਿਜ੍ਜਾ ਅਧਿਗਤਾ, ਅਵਿਜ੍ਜਾ ਵਿਹਤਾ, ਵਿਜ੍ਜਾ ਉਪ੍ਪਨ੍ਨਾ, ਤਮੋ ਵਿਹਤੋ, ਆਲੋਕੋ ਉਪ੍ਪਨ੍ਨੋ – ਯਥਾ ਤਂ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ ਵਿਹਰਤੋ. ਅਯਂ ਖੋ ਮੇ, ਬ੍ਰਾਹ੍ਮਣ, ਦੁਤਿਯਾਭਿਨਿਬ੍ਭਿਦਾ ਅਹੋਸਿ ਕੁਕ੍ਕੁਟਚ੍ਛਾਪਕਸ੍ਸੇਵ ਅਣ੍ਡਕੋਸਮ੍ਹਾ.

੧੪. ‘‘ਸੋ ਏਵਂ ਸਮਾਹਿਤੇ ਚਿਤ੍ਤੇ ਪਰਿਸੁਦ੍ਧੇ ਪਰਿਯੋਦਾਤੇ ਅਨਙ੍ਗਣੇ ਵਿਗਤੂਪਕ੍ਕਿਲੇਸੇ ਮੁਦੁਭੂਤੇ ਕਮ੍ਮਨਿਯੇ ਠਿਤੇ ਆਨੇਞ੍ਜਪ੍ਪਤ੍ਤੇ ਆਸਵਾਨਂ ਖਯਞਾਣਾਯ ਚਿਤ੍ਤਂ ਅਭਿਨਿਨ੍ਨਾਮੇਸਿਂ. ਸੋ ‘ਇਦਂ ਦੁਕ੍ਖ’ਨ੍ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਦੁਕ੍ਖਸਮੁਦਯੋ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਦੁਕ੍ਖਨਿਰੋਧੋ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਦੁਕ੍ਖਨਿਰੋਧਗਾਮਿਨੀ ਪਟਿਪਦਾ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ; ‘ਇਮੇ ਆਸਵਾ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਆਸਵਸਮੁਦਯੋ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਆਸਵਨਿਰੋਧੋ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ, ‘ਅਯਂ ਆਸਵਨਿਰੋਧਗਾਮਿਨੀ ਪਟਿਪਦਾ’ਤਿ ਯਥਾਭੂਤਂ ਅਬ੍ਭਞ੍ਞਾਸਿਂ. ਤਸ੍ਸ ਮੇ ਏਵਂ ਜਾਨਤੋ ਏਵਂ ਪਸ੍ਸਤੋ ਕਾਮਾਸਵਾਪਿ ਚਿਤ੍ਤਂ ਵਿਮੁਚ੍ਚਿਤ੍ਥ ਭਵਾਸਵਾਪਿ ਚਿਤ੍ਤਂ ਵਿਮੁਚ੍ਚਿਤ੍ਥ ਅਵਿਜ੍ਜਾਸਵਾਪਿ ਚਿਤ੍ਤਂ ਵਿਮੁਚ੍ਚਿਤ੍ਥ. ਵਿਮੁਤ੍ਤਸ੍ਮਿਂ ਵਿਮੁਤ੍ਤਮਿਤਿ ਞਾਣਂ ਅਹੋਸਿ. ‘ਖੀਣਾ ਜਾਤਿ, ਵੁਸਿਤਂ ਬ੍ਰਹ੍ਮਚਰਿਯਂ, ਕਤਂ ਕਰਣੀਯਂ, ਨਾਪਰਂ ਇਤ੍ਥਤ੍ਤਾਯਾ’ਤਿ ਅਬ੍ਭਞ੍ਞਾਸਿਂ. ਅਯਂ ਖੋ ਮੇ, ਬ੍ਰਾਹ੍ਮਣ, ਰਤ੍ਤਿਯਾ ਪਚ੍ਛਿਮੇ ਯਾਮੇ ਤਤਿਯਾ ਵਿਜ੍ਜਾ ਅਧਿਗਤਾ, ਅਵਿਜ੍ਜਾ ਵਿਹਤਾ, ਵਿਜ੍ਜਾ ਉਪ੍ਪਨ੍ਨਾ, ਤਮੋ ਵਿਹਤੋ, ਆਲੋਕੋ ਉਪ੍ਪਨ੍ਨੋ – ਯਥਾ ਤਂ ਅਪ੍ਪਮਤ੍ਤਸ੍ਸ ਆਤਾਪਿਨੋ ਪਹਿਤਤ੍ਤਸ੍ਸ ਵਿਹਰਤੋ. ਅਯਂ ਖੋ ਮੇ, ਬ੍ਰਾਹ੍ਮਣ, ਤਤਿਯਾਭਿਨਿਬ੍ਭਿਦਾ ਅਹੋਸਿ – ਕੁਕ੍ਕੁਟਚ੍ਛਾਪਕਸ੍ਸੇਵ ਅਣ੍ਡਕੋਸਮ੍ਹਾ’’ਤਿ.

੧੫. ਏਵਂ ਵੁਤ੍ਤੇ, ਵੇਰਞ੍ਜੋ ਬ੍ਰਾਹ੍ਮਣੋ ਭਗਵਨ੍ਤਂ ਏਤਦਵੋਚ – ‘‘ਜੇਟ੍ਠੋ ਭਵਂ ਗੋਤਮੋ, ਸੇਟ੍ਠੋ ਭਵਂ ਗੋਤਮੋ! ਅਭਿਕ੍ਕਨ੍ਤਂ, ਭੋ ਗੋਤਮ, ਅਭਿਕ੍ਕਨ੍ਤਂ, ਭੋ ਗੋਤਮ!! ਸੇਯ੍ਯਥਾਪਿ, ਭੋ ਗੋਤਮ, ਨਿਕ੍ਕੁਜ੍ਜਿਤਂ ਵਾ ਉਕ੍ਕੁਜ੍ਜੇਯ੍ਯ, ਪਟਿਚ੍ਛਨ੍ਨਂ ਵਾ ਵਿਵਰੇਯ੍ਯ, ਮੂਲ਼੍ਹਸ੍ਸ ਵਾ ਮਗ੍ਗਂ ਆਚਿਕ੍ਖੇਯ੍ਯ, ਅਨ੍ਧਕਾਰੇ ਵਾ ਤੇਲਪਜ੍ਜੋਤਂ ਧਾਰੇਯ੍ਯ – ਚਕ੍ਖੁਮਨ੍ਤੋ ਰੂਪਾਨਿ ਦਕ੍ਖਨ੍ਤੀਤਿ, ਏਵਮੇਵਂ ਭੋਤਾ ਗੋਤਮੇਨ ਅਨੇਕਪਰਿਯਾਯੇਨ ਧਮ੍ਮੋ ਪਕਾਸਿਤੋ. ਏਸਾਹਂ ਭਵਨ੍ਤਂ ਗੋਤਮਂ ਸਰਣਂ ਗਚ੍ਛਾਮਿ ਧਮ੍ਮਞ੍ਚ ਭਿਕ੍ਖੁਸਙ੍ਘਞ੍ਚ. ਉਪਾਸਕਂ ਮਂ ਭਵਂ ਗੋਤਮੋ ਧਾਰੇਤੁ ਅਜ੍ਜਤਗ੍ਗੇ ਪਾਣੁਪੇਤਂ ਸਰਣਂ ਗਤਂ. ਅਧਿਵਾਸੇਤੁ ਚ ਮੇ ਭਵਂ ਗੋਤਮੋ ਵੇਰਞ੍ਜਾਯਂ ਵਸ੍ਸਾਵਾਸਂ ਸਦ੍ਧਿਂ ਭਿਕ੍ਖੁਸਙ੍ਘੇਨਾ’’ਤਿ. ਅਧਿਵਾਸੇਸਿ ਭਗਵਾ ਤੁਣ੍ਹੀਭਾਵੇਨ. ਅਥ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਭਗਵਤੋ ਅਧਿਵਾਸਨਂ ਵਿਦਿਤ੍ਵਾ ਉਟ੍ਠਾਯਾਸਨਾ ਭਗਵਨ੍ਤਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ.

੧੬. ਤੇਨ ਖੋ ਪਨ ਸਮਯੇਨ ਵੇਰਞ੍ਜਾ ਦੁਬ੍ਭਿਕ੍ਖਾ ਹੋਤਿ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਤੇਨ ਖੋ ਪਨ ਸਮਯੇਨ ਉਤ੍ਤਰਾਪਥਕਾ [ਉਤ੍ਤਰਾਹਕਾ (ਸੀ.)] ਅਸ੍ਸਵਾਣਿਜਾ [ਅਸ੍ਸਵਣਿਜਾ (ਕ.)] ਪਞ੍ਚਮਤ੍ਤੇਹਿ ਅਸ੍ਸਸਤੇਹਿ ਵੇਰਞ੍ਜਂ ਵਸ੍ਸਾਵਾਸਂ ਉਪਗਤਾ ਹੋਨ੍ਤਿ. ਤੇਹਿ ਅਸ੍ਸਮਣ੍ਡਲਿਕਾਸੁ ਭਿਕ੍ਖੂਨਂ ਪਤ੍ਥਪਤ੍ਥਪੁਲਕਂ [ਪਤ੍ਥਪਤ੍ਥਮੂਲਕਂ (ਕ.)] ਪਞ੍ਞਤ੍ਤਂ ਹੋਤਿ. ਭਿਕ੍ਖੂ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਵੇਰਞ੍ਜਂ ਪਿਣ੍ਡਾਯ ਪਵਿਸਿਤ੍ਵਾ ਪਿਣ੍ਡਂ ਅਲਭਮਾਨਾ ਅਸ੍ਸਮਣ੍ਡਲਿਕਾਸੁ ਪਿਣ੍ਡਾਯ ਚਰਿਤ੍ਵਾ ਪਤ੍ਥਪਤ੍ਥਪੁਲਕਂ ਆਰਾਮਂ ਆਹਰਿਤ੍ਵਾ ਉਦੁਕ੍ਖਲੇ ਕੋਟ੍ਟੇਤ੍ਵਾ ਕੋਟ੍ਟੇਤ੍ਵਾ ਪਰਿਭੁਞ੍ਜਨ੍ਤਿ. ਆਯਸ੍ਮਾ ਪਨਾਨਨ੍ਦੋ ਪਤ੍ਥਪੁਲਕਂ ਸਿਲਾਯਂ ਪਿਸਿਤ੍ਵਾ ਭਗਵਤੋ ਉਪਨਾਮੇਤਿ. ਤਂ ਭਗਵਾ ਪਰਿਭੁਞ੍ਜਤਿ.

ਅਸ੍ਸੋਸਿ ਖੋ ਭਗਵਾ ਉਦੁਕ੍ਖਲਸਦ੍ਦਂ. ਜਾਨਨ੍ਤਾਪਿ ਤਥਾਗਤਾ ਪੁਚ੍ਛਨ੍ਤਿ, ਜਾਨਨ੍ਤਾਪਿ ਨ ਪੁਚ੍ਛਨ੍ਤਿ; ਕਾਲਂ ਵਿਦਿਤ੍ਵਾ ਪੁਚ੍ਛਨ੍ਤਿ, ਕਾਲਂ ਵਿਦਿਤ੍ਵਾ ਨ ਪੁਚ੍ਛਨ੍ਤਿ; ਅਤ੍ਥਸਂਹਿਤਂ ਤਥਾਗਤਾ ਪੁਚ੍ਛਨ੍ਤਿ, ਨੋ ਅਨਤ੍ਥਸਂਹਿਤਂ. ਅਨਤ੍ਥਸਂਹਿਤੇ ਸੇਤੁਘਾਤੋ ਤਥਾਗਤਾਨਂ. ਦ੍ਵੀਹਿ ਆਕਾਰੇਹਿ ਬੁਦ੍ਧਾ ਭਗਵਨ੍ਤੋ ਭਿਕ੍ਖੂ ਪਟਿਪੁਚ੍ਛਨ੍ਤਿ – ਧਮ੍ਮਂ ਵਾ ਦੇਸੇਸ੍ਸਾਮ, ਸਾਵਕਾਨਂ ਵਾ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਾਤਿ [ਪਞ੍ਞਾਪੇਸ੍ਸਾਮਾਤਿ (ਸੀ. ਸ੍ਯਾ.)]. ਅਥ ਖੋ ਭਗਵਾ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ – ‘‘ਕਿਂ ਨੁ ਖੋ ਸੋ, ਆਨਨ੍ਦ, ਉਦੁਕ੍ਖਲਸਦ੍ਦੋ’’ਤਿ? ਅਥ ਖੋ ਆਯਸ੍ਮਾ ਆਨਨ੍ਦੋ ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਸਾਧੁ ਸਾਧੁ, ਆਨਨ੍ਦ! ਤੁਮ੍ਹੇਹਿ, ਆਨਨ੍ਦ ਸਪ੍ਪੁਰਿਸੇਹਿ ਵਿਜਿਤਂ. ਪਚ੍ਛਿਮਾ ਜਨਤਾ ਸਾਲਿਮਂਸੋਦਨਂ ਅਤਿਮਞ੍ਞਿਸ੍ਸਤੀ’’ਤਿ.

੧੭. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ [ਮਹਾਮੋਗ੍ਗਲਾਨੋ (ਕ.)] ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਭਗਵਨ੍ਤਂ ਏਤਦਵੋਚ – ‘‘ਏਤਰਹਿ, ਭਨ੍ਤੇ, ਵੇਰਞ੍ਜਾ ਦੁਬ੍ਭਿਕ੍ਖਾ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ. ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਇਮਿਸ੍ਸਾ, ਭਨ੍ਤੇ, ਮਹਾਪਥਵਿਯਾ ਹੇਟ੍ਠਿਮਤਲਂ ਸਮ੍ਪਨ੍ਨਂ – ਸੇਯ੍ਯਥਾਪਿ ਖੁਦ੍ਦਮਧੁਂ ਅਨੀਲਕਂ ਏਵਮਸ੍ਸਾਦਂ. ਸਾਧਾਹਂ, ਭਨ੍ਤੇ, ਪਥਵਿਂ ਪਰਿਵਤ੍ਤੇਯ੍ਯਂ. ਭਿਕ੍ਖੂ ਪਪ੍ਪਟਕੋਜਂ ਪਰਿਭੁਞ੍ਜਿਸ੍ਸਨ੍ਤੀ’’ਤਿ. ‘‘ਯੇ ਪਨ ਤੇ, ਮੋਗ੍ਗਲ੍ਲਾਨ, ਪਥਵਿਨਿਸ੍ਸਿਤਾ ਪਾਣਾ ਤੇ ਕਥਂ ਕਰਿਸ੍ਸਸੀ’’ਤਿ? ‘‘ਏਕਾਹਂ, ਭਨ੍ਤੇ, ਪਾਣਿਂ ਅਭਿਨਿਮ੍ਮਿਨਿਸ੍ਸਾਮਿ – ਸੇਯ੍ਯਥਾਪਿ ਮਹਾਪਥਵੀ. ਯੇ ਪਥਵਿਨਿਸ੍ਸਿਤਾ ਪਾਣਾ ਤੇ ਤਤ੍ਥ ਸਙ੍ਕਾਮੇਸ੍ਸਾਮਿ. ਏਕੇਨ ਹਤ੍ਥੇਨ ਪਥਵਿਂ ਪਰਿਵਤ੍ਤੇਸ੍ਸਾਮੀ’’ਤਿ. ‘‘ਅਲਂ, ਮੋਗ੍ਗਲ੍ਲਾਨ, ਮਾ ਤੇ ਰੁਚ੍ਚਿ ਪਥਵਿਂ ਪਰਿਵਤ੍ਤੇਤੁਂ. ਵਿਪਲ੍ਲਾਸਮ੍ਪਿ ਸਤ੍ਤਾ ਪਟਿਲਭੇਯ੍ਯੁ’’ਨ੍ਤਿ. ‘‘ਸਾਧੁ, ਭਨ੍ਤੇ, ਸਬ੍ਬੋ ਭਿਕ੍ਖੁਸਙ੍ਘੋ ਉਤ੍ਤਰਕੁਰੁਂ ਪਿਣ੍ਡਾਯ ਗਚ੍ਛੇਯ੍ਯਾ’’ਤਿ. ‘‘ਅਲਂ, ਮੋਗ੍ਗਲ੍ਲਾਨ, ਮਾ ਤੇ ਰੁਚ੍ਚਿ ਸਬ੍ਬਸ੍ਸ ਭਿਕ੍ਖੁਸਙ੍ਘਸ੍ਸ ਉਤ੍ਤਰਕੁਰੁਂ ਪਿਣ੍ਡਾਯ ਗਮਨ’’ਨ੍ਤਿ.

੧੮. ਅਥ ਖੋ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏਵਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ – ‘‘ਕਤਮੇਸਾਨਂ ਖੋ ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸਿ; ਕਤਮੇਸਾਨਂ ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’’ਤਿ? ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਸਾਯਨ੍ਹਸਮਯਂ [ਸਾਯਣ੍ਹਸਮਯਂ (ਸੀ.)] ਪਟਿਸਲ੍ਲਾਨਾ ਵੁਟ੍ਠਿਤੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਸਾਰਿਪੁਤ੍ਤੋ ਭਗਵਨ੍ਤਂ ਏਤਦਵੋਚ – ‘‘ਇਧ ਮਯ੍ਹਂ, ਭਨ੍ਤੇ, ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏਵਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ – ‘ਕਤਮੇਸਾਨਂ ਖੋ ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸਿ, ਕਤਮੇਸਾਨਂ ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’ਤਿ. ‘ਕਤਮੇਸਾਨਂ ਨੁ ਖੋ, ਭਨ੍ਤੇ, ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸਿ, ਕਤਮੇਸਾਨਂ ਬੁਦ੍ਧਾਨਂ ਭਗਵਨ੍ਤਾਨਂ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’’’ਤਿ?

‘‘ਭਗਵਤੋ ਚ, ਸਾਰਿਪੁਤ੍ਤ, ਵਿਪਸ੍ਸਿਸ੍ਸ ਭਗਵਤੋ ਚ ਸਿਖਿਸ੍ਸ ਭਗਵਤੋ ਚ ਵੇਸ੍ਸਭੁਸ੍ਸ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸਿ. ਭਗਵਤੋ ਚ, ਸਾਰਿਪੁਤ੍ਤ, ਕਕੁਸਨ੍ਧਸ੍ਸ ਭਗਵਤੋ ਚ ਕੋਣਾਗਮਨਸ੍ਸ ਭਗਵਤੋ ਚ ਕਸ੍ਸਪਸ੍ਸ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’’ਤਿ.

੧੯. ‘‘ਕੋ ਨੁ ਖੋ, ਭਨ੍ਤੇ, ਹੇਤੁ ਕੋ ਪਚ੍ਚਯੋ, ਯੇਨ ਭਗਵਤੋ ਚ ਵਿਪਸ੍ਸਿਸ੍ਸ ਭਗਵਤੋ ਚ ਸਿਖਿਸ੍ਸ ਭਗਵਤੋ ਚ ਵੇਸ੍ਸਭੁਸ੍ਸ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸੀ’’ਤਿ? ‘‘ਭਗਵਾ ਚ, ਸਾਰਿਪੁਤ੍ਤ, ਵਿਪਸ੍ਸੀ ਭਗਵਾ ਚ ਸਿਖੀ ਭਗਵਾ ਚ ਵੇਸ੍ਸਭੂ ਕਿਲਾਸੁਨੋ ਅਹੇਸੁਂ ਸਾਵਕਾਨਂ ਵਿਤ੍ਥਾਰੇਨ ਧਮ੍ਮਂ ਦੇਸੇਤੁਂ. ਅਪ੍ਪਕਞ੍ਚ ਨੇਸਂ ਅਹੋਸਿ ਸੁਤ੍ਤਂ ਗੇਯ੍ਯਂ ਵੇਯ੍ਯਾਕਰਣਂ ਗਾਥਾ ਉਦਾਨਂ ਇਤਿਵੁਤ੍ਤਕਂ ਜਾਤਕਂ ਅਬ੍ਭੁਤਧਮ੍ਮਂ ਵੇਦਲ੍ਲਂ. ਅਪਞ੍ਞਤ੍ਤਂ ਸਾਵਕਾਨਂ ਸਿਕ੍ਖਾਪਦਂ. ਅਨੁਦ੍ਦਿਟ੍ਠਂ ਪਾਤਿਮੋਕ੍ਖਂ. ਤੇਸਂ ਬੁਦ੍ਧਾਨਂ ਭਗਵਨ੍ਤਾਨਂ ਅਨ੍ਤਰਧਾਨੇਨ ਬੁਦ੍ਧਾਨੁਬੁਦ੍ਧਾਨਂ ਸਾਵਕਾਨਂ ਅਨ੍ਤਰਧਾਨੇਨ ਯੇ ਤੇ ਪਚ੍ਛਿਮਾ ਸਾਵਕਾ ਨਾਨਾਨਾਮਾ ਨਾਨਾਗੋਤ੍ਤਾ ਨਾਨਾਜਚ੍ਚਾ ਨਾਨਾਕੁਲਾ ਪਬ੍ਬਜਿਤਾ ਤੇ ਤਂ ਬ੍ਰਹ੍ਮਚਰਿਯਂ ਖਿਪ੍ਪਞ੍ਞੇਵ ਅਨ੍ਤਰਧਾਪੇਸੁਂ. ਸੇਯ੍ਯਥਾਪਿ, ਸਾਰਿਪੁਤ੍ਤ, ਨਾਨਾਪੁਪ੍ਫਾਨਿ ਫਲਕੇ ਨਿਕ੍ਖਿਤ੍ਤਾਨਿ ਸੁਤ੍ਤੇਨ ਅਸਙ੍ਗਹਿਤਾਨਿ ਤਾਨਿ ਵਾਤੋ ਵਿਕਿਰਤਿ ਵਿਧਮਤਿ ਵਿਦ੍ਧਂਸੇਤਿ. ਤਂ ਕਿਸ੍ਸ ਹੇਤੁ? ਯਥਾ ਤਂ ਸੁਤ੍ਤੇਨ ਅਸਙ੍ਗਹਿਤਤ੍ਤਾ. ਏਵਮੇਵ ਖੋ, ਸਾਰਿਪੁਤ੍ਤ, ਤੇਸਂ ਬੁਦ੍ਧਾਨਂ ਭਗਵਨ੍ਤਾਨਂ ਅਨ੍ਤਰਧਾਨੇਨ ਬੁਦ੍ਧਾਨੁਬੁਦ੍ਧਾਨਂ ਸਾਵਕਾਨਂ ਅਨ੍ਤਰਧਾਨੇਨ ਯੇ ਤੇ ਪਚ੍ਛਿਮਾ ਸਾਵਕਾ ਨਾਨਾਨਾਮਾ ਨਾਨਾਗੋਤ੍ਤਾ ਨਾਨਾਜਚ੍ਚਾ ਨਾਨਾਕੁਲਾ ਪਬ੍ਬਜਿਤਾ ਤੇ ਤਂ ਬ੍ਰਹ੍ਮਚਰਿਯਂ ਖਿਪ੍ਪਞ੍ਞੇਵ ਅਨ੍ਤਰਧਾਪੇਸੁਂ.

‘‘ਅਕਿਲਾਸੁਨੋ ਚ ਤੇ ਭਗਵਨ੍ਤੋ ਅਹੇਸੁਂ ਸਾਵਕੇ ਚੇਤਸਾ ਚੇਤੋ ਪਰਿਚ੍ਚ ਓਵਦਿਤੁਂ. ਭੂਤਪੁਬ੍ਬਂ, ਸਾਰਿਪੁਤ੍ਤ, ਵੇਸ੍ਸਭੂ ਭਗਵਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਞ੍ਞਤਰਸ੍ਮਿਂ ਭਿਂਸਨਕੇ [ਭੀਸਨਕੇ (ਕ.)] ਵਨਸਣ੍ਡੇ ਸਹਸ੍ਸਂ ਭਿਕ੍ਖੁਸਙ੍ਘਂ ਚੇਤਸਾ ਚੇਤੋ ਪਰਿਚ੍ਚ ਓਵਦਤਿ ਅਨੁਸਾਸਤਿ – ‘ਏਵਂ ਵਿਤਕ੍ਕੇਥ, ਮਾ ਏਵਂ ਵਿਤਕ੍ਕਯਿਤ੍ਥ; ਏਵਂ ਮਨਸਿਕਰੋਥ, ਮਾ ਏਵਂ ਮਨਸਾਕਤ੍ਥ [ਮਨਸਾਕਰਿਤ੍ਥ (ਕ.)]; ਇਦਂ ਪਜਹਥ, ਇਦਂ ਉਪਸਮ੍ਪਜ੍ਜ ਵਿਹਰਥਾ’ਤਿ. ਅਥ ਖੋ, ਸਾਰਿਪੁਤ੍ਤ, ਤਸ੍ਸ ਭਿਕ੍ਖੁਸਹਸ੍ਸਸ੍ਸ ਵੇਸ੍ਸਭੁਨਾ ਭਗਵਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਏਵਂ ਓਵਦਿਯਮਾਨਾਨਂ ਏਵਂ ਅਨੁਸਾਸਿਯਮਾਨਾਨਂ ਅਨੁਪਾਦਾਯ ਆਸਵੇਹਿ ਚਿਤ੍ਤਾਨਿ ਵਿਮੁਚ੍ਚਿਂਸੁ. ਤਤ੍ਰ ਸੁਦਂ, ਸਾਰਿਪੁਤ੍ਤ, ਭਿਂਸਨਕਸ੍ਸ ਵਨਸਣ੍ਡਸ੍ਸ ਭਿਂਸਨਕਤਸ੍ਮਿਂ ਹੋਤਿ – ਯੋ ਕੋਚਿ ਅਵੀਤਰਾਗੋ ਤਂ ਵਨਸਣ੍ਡਂ ਪਵਿਸਤਿ, ਯੇਭੁਯ੍ਯੇਨ ਲੋਮਾਨਿ ਹਂਸਨ੍ਤਿ. ਅਯਂ ਖੋ, ਸਾਰਿਪੁਤ੍ਤ, ਹੇਤੁ ਅਯਂ ਪਚ੍ਚਯੋ ਯੇਨ ਭਗਵਤੋ ਚ ਵਿਪਸ੍ਸਿਸ੍ਸ ਭਗਵਤੋ ਚ ਸਿਖਿਸ੍ਸ ਭਗਵਤੋ ਚ ਵੇਸ੍ਸਭੁਸ੍ਸ ਬ੍ਰਹ੍ਮਚਰਿਯਂ ਨ ਚਿਰਟ੍ਠਿਤਿਕਂ ਅਹੋਸੀ’’ਤਿ.

੨੦. ‘‘ਕੋ ਪਨ, ਭਨ੍ਤੇ, ਹੇਤੁ ਕੋ ਪਚ੍ਚਯੋ ਯੇਨ ਭਗਵਤੋ ਚ ਕਕੁਸਨ੍ਧਸ੍ਸ ਭਗਵਤੋ ਚ ਕੋਣਾਗਮਨਸ੍ਸ ਭਗਵਤੋ ਚ ਕਸ੍ਸਪਸ੍ਸ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’’ਤਿ? ‘‘ਭਗਵਾ ਚ, ਸਾਰਿਪੁਤ੍ਤ, ਕਕੁਸਨ੍ਧੋ ਭਗਵਾ ਚ ਕੋਣਾਗਮਨੋ ਭਗਵਾ ਚ ਕਸ੍ਸਪੋ ਅਕਿਲਾਸੁਨੋ ਅਹੇਸੁਂ ਸਾਵਕਾਨਂ ਵਿਤ੍ਥਾਰੇਨ ਧਮ੍ਮਂ ਦੇਸੇਤੁਂ. ਬਹੁਞ੍ਚ ਨੇਸਂ ਅਹੋਸਿ ਸੁਤ੍ਤਂ ਗੇਯ੍ਯਂ ਵੇਯ੍ਯਾਕਰਣਂ ਗਾਥਾ ਉਦਾਨਂ ਇਤਿਵੁਤ੍ਤਕਂ ਜਾਤਕਂ ਅਬ੍ਭੁਤਧਮ੍ਮਂ ਵੇਦਲ੍ਲਂ, ਪਞ੍ਞਤ੍ਤਂ ਸਾਵਕਾਨਂ ਸਿਕ੍ਖਾਪਦਂ, ਉਦ੍ਦਿਟ੍ਠਂ ਪਾਤਿਮੋਕ੍ਖਂ. ਤੇਸਂ ਬੁਦ੍ਧਾਨਂ ਭਗਵਨ੍ਤਾਨਂ ਅਨ੍ਤਰਧਾਨੇਨ ਬੁਦ੍ਧਾਨੁਬੁਦ੍ਧਾਨਂ ਸਾਵਕਾਨਂ ਅਨ੍ਤਰਧਾਨੇਨ ਯੇ ਤੇ ਪਚ੍ਛਿਮਾ ਸਾਵਕਾ ਨਾਨਾਨਾਮਾ ਨਾਨਾਗੋਤ੍ਤਾ ਨਾਨਾਜਚ੍ਚਾ ਨਾਨਾਕੁਲਾ ਪਬ੍ਬਜਿਤਾ ਤੇ ਤਂ ਬ੍ਰਹ੍ਮਚਰਿਯਂ ਚਿਰਂ ਦੀਘਮਦ੍ਧਾਨਂ ਠਪੇਸੁਂ. ਸੇਯ੍ਯਥਾਪਿ, ਸਾਰਿਪੁਤ੍ਤ, ਨਾਨਾਪੁਪ੍ਫਾਨਿ ਫਲਕੇ ਨਿਕ੍ਖਿਤ੍ਤਾਨਿ ਸੁਤ੍ਤੇਨ ਸੁਸਙ੍ਗਹਿਤਾਨਿ ਤਾਨਿ ਵਾਤੋ ਨ ਵਿਕਿਰਤਿ ਨ ਵਿਧਮਤਿ ਨ ਵਿਦ੍ਧਂਸੇਤਿ. ਤਂ ਕਿਸ੍ਸ ਹੇਤੁ? ਯਥਾ ਤਂ ਸੁਤ੍ਤੇਨ ਸੁਸਙ੍ਗਹਿਤਤ੍ਤਾ. ਏਵਮੇਵ ਖੋ, ਸਾਰਿਪੁਤ੍ਤ, ਤੇਸਂ ਬੁਦ੍ਧਾਨਂ ਭਗਵਨ੍ਤਾਨਂ ਅਨ੍ਤਰਧਾਨੇਨ ਬੁਦ੍ਧਾਨੁਬੁਦ੍ਧਾਨਂ ਸਾਵਕਾਨਂ ਅਨ੍ਤਰਧਾਨੇਨ ਯੇ ਤੇ ਪਚ੍ਛਿਮਾ ਸਾਵਕਾ ਨਾਨਾਨਾਮਾ ਨਾਨਾਗੋਤ੍ਤਾ ਨਾਨਾਜਚ੍ਚਾ ਨਾਨਾਕੁਲਾ ਪਬ੍ਬਜਿਤਾ ਤੇ ਤਂ ਬ੍ਰਹ੍ਮਚਰਿਯਂ ਚਿਰਂ ਦੀਘਮਦ੍ਧਾਨਂ ਠਪੇਸੁਂ. ਅਯਂ ਖੋ, ਸਾਰਿਪੁਤ੍ਤ, ਹੇਤੁ ਅਯਂ ਪਚ੍ਚਯੋ ਯੇਨ ਭਗਵਤੋ ਚ ਕਕੁਸਨ੍ਧਸ੍ਸ ਭਗਵਤੋ ਚ ਕੋਣਾਗਮਨਸ੍ਸ ਭਗਵਤੋ ਚ ਕਸ੍ਸਪਸ੍ਸ ਬ੍ਰਹ੍ਮਚਰਿਯਂ ਚਿਰਟ੍ਠਿਤਿਕਂ ਅਹੋਸੀ’’ਤਿ.

੨੧. ਅਥ ਖੋ ਆਯਸ੍ਮਾ ਸਾਰਿਪੁਤ੍ਤੋ ਉਟ੍ਠਾਯਾਸਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਯੇਨ ਭਗਵਾ ਤੇਨਞ੍ਜਲਿਂ ਪਣਾਮੇਤ੍ਵਾ ਭਗਵਨ੍ਤਂ ਏਤਦਵੋਚ – ‘‘ਏਤਸ੍ਸ, ਭਗਵਾ, ਕਾਲੋ! ਏਤਸ੍ਸ, ਸੁਗਤ, ਕਾਲੋ! ਯਂ ਭਗਵਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਯ੍ਯ [ਪਞ੍ਞਾਪੇਯ੍ਯ (ਸੀ. ਸ੍ਯਾ.)], ਉਦ੍ਦਿਸੇਯ੍ਯ ਪਾਤਿਮੋਕ੍ਖਂ, ਯਥਯਿਦਂ ਬ੍ਰਹ੍ਮਚਰਿਯਂ ਅਦ੍ਧਨਿਯਂ ਅਸ੍ਸ ਚਿਰਟ੍ਠਿਤਿਕ’’ਨ੍ਤਿ. ‘‘ਆਗਮੇਹਿ ਤ੍ਵਂ, ਸਾਰਿਪੁਤ੍ਤ! ਆਗਮੇਹਿ ਤ੍ਵਂ, ਸਾਰਿਪੁਤ੍ਤ! ਤਥਾਗਤੋਵ ਤਤ੍ਥ ਕਾਲਂ ਜਾਨਿਸ੍ਸਤਿ. ਨ ਤਾਵ, ਸਾਰਿਪੁਤ੍ਤ, ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸਤਿ [ਨ ਉਦ੍ਦਿਸਤਿ (ਸੀ.)] ਪਾਤਿਮੋਕ੍ਖਂ ਯਾਵ ਨ ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ. ਯਤੋ ਚ ਖੋ, ਸਾਰਿਪੁਤ੍ਤ, ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਅਥ ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸ੍ਸਤਿ ਪਾਤਿਮੋਕ੍ਖਂ ਤੇਸਂਯੇਵ ਆਸਵਟ੍ਠਾਨੀਯਾਨਂ ਧਮ੍ਮਾਨਂ ਪਟਿਘਾਤਾਯ. ਨ ਤਾਵ, ਸਾਰਿਪੁਤ੍ਤ, ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ ਯਾਵ ਨ ਸਙ੍ਘੋ ਰਤ੍ਤਞ੍ਞੁਮਹਤ੍ਤਂ ਪਤ੍ਤੋ ਹੋਤਿ. ਯਤੋ ਚ ਖੋ, ਸਾਰਿਪੁਤ੍ਤ, ਸਙ੍ਘੋ ਰਤ੍ਤਞ੍ਞੁਮਹਤ੍ਤਂ ਪਤ੍ਤੋ ਹੋਤਿ ਅਥ ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਅਥ, ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸਤਿ ਪਾਤਿਮੋਕ੍ਖਂ ਤੇਸਂਯੇਵ ਆਸਵਟ੍ਠਾਨੀਯਾਨਂ ਧਮ੍ਮਾਨਂ ਪਟਿਘਾਤਾਯ. ਨ ਤਾਵ, ਸਾਰਿਪੁਤ੍ਤ, ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਯਾਵ ਨ ਸਙ੍ਘੋ ਵੇਪੁਲ੍ਲਮਹਤ੍ਤਂ ਪਤ੍ਤੋ ਹੋਤਿ. ਯਤੋ ਚ ਖੋ, ਸਾਰਿਪੁਤ੍ਤ, ਸਙ੍ਘੋ ਵੇਪੁਲ੍ਲਮਹਤ੍ਤਂ ਪਤ੍ਤੋ ਹੋਤਿ, ਅਥ ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਅਥ ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸਤਿ ਪਾਤਿਮੋਕ੍ਖਂ ਤੇਸਂਯੇਵ ਆਸਵਟ੍ਠਾਨੀਯਾਨਂ ਧਮ੍ਮਾਨਂ ਪਟਿਘਾਤਾਯ. ਨ ਤਾਵ, ਸਾਰਿਪੁਤ੍ਤ, ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਯਾਵ ਨ ਸਙ੍ਘੋ ਲਾਭਗ੍ਗਮਹਤ੍ਤਂ ਪਤ੍ਤੋ ਹੋਤਿ. ਯਤੋ ਚ ਖੋ, ਸਾਰਿਪੁਤ੍ਤ, ਸਙ੍ਘੋ ਲਾਭਗ੍ਗਮਹਤ੍ਤਂ ਪਤ੍ਤੋ ਹੋਤਿ, ਅਥ ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਅਥ ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸਤਿ ਪਾਤਿਮੋਕ੍ਖਂ ਤੇਸਂਯੇਵ ਆਸਵਟ੍ਠਾਨੀਯਾਨਂ ਧਮ੍ਮਾਨਂ ਪਟਿਘਾਤਾਯ. ਨ ਤਾਵ, ਸਾਰਿਪੁਤ੍ਤ, ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਯਾਵ ਨ ਸਙ੍ਘੋ ਬਾਹੁਸਚ੍ਚਮਹਤ੍ਤਂ ਪਤ੍ਤੋ ਹੋਤਿ. ਯਤੋ ਚ ਖੋ, ਸਾਰਿਪੁਤ੍ਤ, ਸਙ੍ਘੋ ਬਾਹੁਸਚ੍ਚਮਹਤ੍ਤਂ ਪਤ੍ਤੋ ਹੋਤਿ, ਅਥ ਇਧੇਕਚ੍ਚੇ ਆਸਵਟ੍ਠਾਨੀਯਾ ਧਮ੍ਮਾ ਸਙ੍ਘੇ ਪਾਤੁਭਵਨ੍ਤਿ, ਅਥ ਸਤ੍ਥਾ ਸਾਵਕਾਨਂ ਸਿਕ੍ਖਾਪਦਂ ਪਞ੍ਞਪੇਤਿ ਉਦ੍ਦਿਸਤਿ ਪਾਤਿਮੋਕ੍ਖਂ ਤੇਸਂਯੇਵ ਆਸਵਟ੍ਠਾਨੀਯਾਨਂ ਧਮ੍ਮਾਨਂ ਪਟਿਘਾਤਾਯ. ਨਿਰਬ੍ਬੁਦੋ ਹਿ, ਸਾਰਿਪੁਤ੍ਤ, ਭਿਕ੍ਖੁਸਙ੍ਘੋ ਨਿਰਾਦੀਨਵੋ ਅਪਗਤਕਾਲ਼ਕੋ ਸੁਦ੍ਧੋ ਸਾਰੇ ਪਤਿਟ੍ਠਿਤੋ. ਇਮੇਸਞ੍ਹਿ, ਸਾਰਿਪੁਤ੍ਤ, ਪਞ੍ਚਨ੍ਨਂ ਭਿਕ੍ਖੁਸਤਾਨਂ ਯੋ ਪਚ੍ਛਿਮਕੋ ਭਿਕ੍ਖੁ ਸੋ ਸੋਤਾਪਨ੍ਨੋ ਅਵਿਨਿਪਾਤਧਮ੍ਮੋ ਨਿਯਤੋ ਸਮ੍ਬੋਧਿਪਰਾਯਣੋ’’ਤਿ.

੨੨. ਅਥ ਖੋ ਭਗਵਾ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ – ‘‘ਆਚਿਣ੍ਣਂ ਖੋ ਪਨੇਤਂ, ਆਨਨ੍ਦ, ਤਥਾਗਤਾਨਂ ਯੇਹਿ ਨਿਮਨ੍ਤਿਤਾ ਵਸ੍ਸਂ ਵਸਨ੍ਤਿ, ਨ ਤੇ ਅਨਪਲੋਕੇਤ੍ਵਾ ਜਨਪਦਚਾਰਿਕਂ ਪਕ੍ਕਮਨ੍ਤਿ. ਆਯਾਮਾਨਨ੍ਦ, ਵੇਰਞ੍ਜਂ ਬ੍ਰਾਹ੍ਮਣਂ ਅਪਲੋਕੇਸ੍ਸਾਮਾ’’ਤਿ. ‘‘ਏਵਂ ਭਨ੍ਤੇ’’ਤਿ ਖੋ ਆਯਸ੍ਮਾ ਆਨਨ੍ਦੋ ਭਗਵਤੋ ਪਚ੍ਚਸ੍ਸੋਸਿ. ਅਥ ਖੋ ਭਗਵਾ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਆਯਸ੍ਮਤਾ ਆਨਨ੍ਦੇਨ ਪਚ੍ਛਾਸਮਣੇਨ ਯੇਨ ਵੇਰਞ੍ਜਸ੍ਸ ਬ੍ਰਾਹ੍ਮਣਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਵੇਰਞ੍ਜਂ ਬ੍ਰਾਹ੍ਮਣਂ ਭਗਵਾ ਏਤਦਵੋਚ – ‘‘ਨਿਮਨ੍ਤਿਤਮ੍ਹ ਤਯਾ, ਬ੍ਰਾਹ੍ਮਣ, ਵਸ੍ਸਂਵੁਟ੍ਠਾ [ਵਸ੍ਸਂਵੁਤ੍ਥਾ (ਸੀ. ਸ੍ਯਾ. ਕ.)], ਅਪਲੋਕੇਮ ਤਂ, ਇਚ੍ਛਾਮ ਮਯਂ ਜਨਪਦਚਾਰਿਕਂ ਪਕ੍ਕਮਿਤੁ’’ਨ੍ਤਿ. ‘‘ਸਚ੍ਚਂ, ਭੋ ਗੋਤਮ, ਨਿਮਨ੍ਤਿਤਤ੍ਥ ਮਯਾ ਵਸ੍ਸਂਵੁਟ੍ਠਾ; ਅਪਿ ਚ, ਯੋ ਦੇਯ੍ਯਧਮ੍ਮੋ ਸੋ ਨ ਦਿਨ੍ਨੋ. ਤਞ੍ਚ ਖੋ ਨੋ ਅਸਨ੍ਤਂ, ਨੋਪਿ ਅਦਾਤੁਕਮ੍ਯਤਾ, ਤਂ ਕੁਤੇਤ੍ਥ ਲਬ੍ਭਾ ਬਹੁਕਿਚ੍ਚਾ ਘਰਾਵਾਸਾ ਬਹੁਕਰਣੀਯਾ. ਅਧਿਵਾਸੇਤੁ ਮੇ ਭਵਂ ਗੋਤਮੋ ਸ੍ਵਾਤਨਾਯ ਭਤ੍ਤਂ ਸਦ੍ਧਿਂ ਭਿਕ੍ਖੁਸਙ੍ਘੇਨਾ’’ਤਿ. ਅਧਿਵਾਸੇਸਿ ਭਗਵਾ ਤੁਣ੍ਹੀਭਾਵੇਨ. ਅਥ ਖੋ ਭਗਵਾ ਵੇਰਞ੍ਜਂ ਬ੍ਰਾਹ੍ਮਣਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਤ੍ਵਾ ਸਮਾਦਪੇਤ੍ਵਾ ਸਮੁਤ੍ਤੇਜੇਤ੍ਵਾ ਸਮ੍ਪਹਂਸੇਤ੍ਵਾ ਉਟ੍ਠਾਯਾਸਨਾ ਪਕ੍ਕਾਮਿ. ਅਥ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਸਕੇ ਨਿਵੇਸਨੇ ਪਣੀਤਂ ਖਾਦਨੀਯਂ ਭੋਜਨੀਯਂ ਪਟਿਯਾਦਾਪੇਤ੍ਵਾ ਭਗਵਤੋ ਕਾਲਂ ਆਰੋਚਾਪੇਸਿ – ‘‘ਕਾਲੋ, ਭੋ ਗੋਤਮ, ਨਿਟ੍ਠਿਤਂ ਭਤ੍ਤ’’ਨ੍ਤਿ.

੨੩. ਅਥ ਖੋ ਭਗਵਾ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਵੇਰਞ੍ਜਸ੍ਸ ਬ੍ਰਾਹ੍ਮਣਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ ਸਦ੍ਧਿਂ ਭਿਕ੍ਖੁਸਙ੍ਘੇਨ. ਅਥ ਖੋ ਵੇਰਞ੍ਜੋ ਬ੍ਰਾਹ੍ਮਣੋ ਬੁਦ੍ਧਪ੍ਪਮੁਖਂ ਭਿਕ੍ਖੁਸਙ੍ਘਂ ਪਣੀਤੇਨ ਖਾਦਨੀਯੇਨ ਭੋਜਨੀਯੇਨ ਸਹਤ੍ਥਾ ਸਨ੍ਤਪ੍ਪੇਤ੍ਵਾ ਸਮ੍ਪਵਾਰੇਤ੍ਵਾ ਭਗਵਨ੍ਤਂ ਭੁਤ੍ਤਾਵਿਂ ਓਨੀਤਪਤ੍ਤਪਾਣਿਂ [ਓਣੀਤਪਤ੍ਤਪਾਣਿਂ (ਕ.)] ਤਿਚੀਵਰੇਨ ਅਚ੍ਛਾਦੇਸਿ, ਏਕਮੇਕਞ੍ਚ ਭਿਕ੍ਖੁਂ ਏਕਮੇਕੇਨ ਦੁਸ੍ਸਯੁਗੇਨ ਅਚ੍ਛਾਦੇਸਿ. ਅਥ ਖੋ ਭਗਵਾ ਵੇਰਞ੍ਜਂ ਬ੍ਰਾਹ੍ਮਣਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਤ੍ਵਾ ਸਮਾਦਪੇਤ੍ਵਾ ਸਮੁਤ੍ਤੇਜੇਤ੍ਵਾ ਸਮ੍ਪਹਂਸੇਤ੍ਵਾ ਉਟ੍ਠਾਯਾਸਨਾ ਪਕ੍ਕਾਮਿ. ਅਥ ਖੋ ਭਗਵਾ ਵੇਰਞ੍ਜਾਯਂ ਯਥਾਭਿਰਨ੍ਤਂ ਵਿਹਰਿਤ੍ਵਾ ਅਨੁਪਗਮ੍ਮ ਸੋਰੇਯ੍ਯਂ ਸਙ੍ਕਸ੍ਸਂ ਕਣ੍ਣਕੁਜ੍ਜਂ ਯੇਨ ਪਯਾਗਪਤਿਟ੍ਠਾਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਯਾਗਪਤਿਟ੍ਠਾਨੇ ਗਙ੍ਗਂ ਨਦਿਂ ਉਤ੍ਤਰਿਤ੍ਵਾ ਯੇਨ ਬਾਰਾਣਸੀ ਤਦਵਸਰਿ. ਅਥ ਖੋ ਭਗਵਾ ਬਾਰਾਣਸਿਯਂ ਯਥਾਭਿਰਨ੍ਤਂ ਵਿਹਰਿਤ੍ਵਾ ਯੇਨ ਵੇਸਾਲੀ ਤੇਨ ਚਾਰਿਕਂ ਪਕ੍ਕਾਮਿ. ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਵੇਸਾਲੀ ਤਦਵਸਰਿ. ਤਤ੍ਰ ਸੁਦਂ ਭਗਵਾ ਵੇਸਾਲਿਯਂ ਵਿਹਰਤਿ ਮਹਾਵਨੇ ਕੂਟਾਗਾਰਸਾਲਾਯਨ੍ਤਿ.

ਵੇਰਞ੍ਜਭਾਣਵਾਰੋ ਨਿਟ੍ਠਿਤੋ.

੧. ਪਾਰਾਜਿਕਕਣ੍ਡਂ

੧. ਪਠਮਪਾਰਾਜਿਕਂ

ਸੁਦਿਨ੍ਨਭਾਣਵਾਰੋ

੨੪. ਤੇਨ ਖੋ ਪਨ ਸਮਯੇਨ ਵੇਸਾਲਿਯਾ ਅਵਿਦੂਰੇ ਕਲਨ੍ਦਗਾਮੋ ਨਾਮ ਅਤ੍ਥਿ [ਕਲਨ੍ਦਗਾਮੋ ਨਾਮ ਹੋਤਿ (ਸੀ.), ਕਲਨ੍ਦਗਾਮੋ ਹੋਤਿ (ਸ੍ਯਾ.)]. ਤਤ੍ਥ ਸੁਦਿਨ੍ਨੋ ਨਾਮ ਕਲਨ੍ਦਪੁਤ੍ਤੋ ਸੇਟ੍ਠਿਪੁਤ੍ਤੋ ਹੋਤਿ. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਸਮ੍ਬਹੁਲੇਹਿ [ਸਮ੍ਪਹੂਲੇਹਿ (ਸੀ.)] ਸਹਾਯਕੇਹਿ ਸਦ੍ਧਿਂ ਵੇਸਾਲਿਂ ਅਗਮਾਸਿ ਕੇਨਚਿਦੇਵ ਕਰਣੀਯੇਨ. ਤੇਨ ਖੋ ਪਨ ਸਮਯੇਨ ਭਗਵਾ ਮਹਤਿਯਾ ਪਰਿਸਾਯ ਪਰਿਵੁਤੋ ਧਮ੍ਮਂ ਦੇਸੇਨ੍ਤੋ ਨਿਸਿਨ੍ਨੋ ਹੋਤਿ. ਅਦ੍ਦਸ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਭਗਵਨ੍ਤਂ ਮਹਤਿਯਾ ਪਰਿਸਾਯ ਪਰਿਵੁਤਂ ਧਮ੍ਮਂ ਦੇਸੇਨ੍ਤਂ ਨਿਸਿਨ੍ਨਂ. ਦਿਸ੍ਵਾਨਸ੍ਸ ਏਤਦਹੋਸਿ – ‘‘ਯਂਨੂਨਾਹਮ੍ਪਿ ਧਮ੍ਮਂ ਸੁਣੇਯ੍ਯ’’ਨ੍ਤਿ. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਯੇਨ ਸਾ ਪਰਿਸਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਸ੍ਸ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਏਤਦਹੋਸਿ – ‘‘ਯਥਾ ਯਥਾ ਖੋ ਅਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਨਯਿਦਂ ਸੁਕਰਂ ਅਗਾਰਂ ਅਜ੍ਝਾਵਸਤਾ ਏਕਨ੍ਤਪਰਿਪੁਣ੍ਣਂ ਏਕਨ੍ਤਪਰਿਸੁਦ੍ਧਂ ਸਙ੍ਖਲਿਖਿਤਂ ਬ੍ਰਹ੍ਮਚਰਿਯਂ ਚਰਿਤੁਂ; ਯਂਨੂਨਾਹਂ ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜੇਯ੍ਯ’’ਨ੍ਤਿ. ਅਥ ਖੋ ਸਾ ਪਰਿਸਾ ਭਗਵਤਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤਾ ਸਮਾਦਪਿਤਾ ਸਮੁਤ੍ਤੇਜਿਤਾ ਸਮ੍ਪਹਂਸਿਤਾ ਉਟ੍ਠਾਯਾਸਨਾ ਭਗਵਨ੍ਤਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ.

੨੫. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਅਚਿਰਵੁਟ੍ਠਿਤਾਯ ਪਰਿਸਾਯ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਭਗਵਨ੍ਤਂ ਏਤਦਵੋਚ – ‘‘ਯਥਾ ਯਥਾਹਂ, ਭਨ੍ਤੇ, ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਨਯਿਦਂ ਸੁਕਰਂ ਅਗਾਰਂ ਅਜ੍ਝਾਵਸਤਾ ਏਕਨ੍ਤਪਰਿਪੁਣ੍ਣਂ ਏਕਨ੍ਤਪਰਿਸੁਦ੍ਧਂ ਸਙ੍ਖਲਿਖਿਤਂ ਬ੍ਰਹ੍ਮਚਰਿਯਂ ਚਰਿਤੁਂ; ਇਚ੍ਛਾਮਹਂ, ਭਨ੍ਤੇ, ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੁਂ. ਪਬ੍ਬਾਜੇਤੁ ਮਂ ਭਗਵਾ’’ਤਿ. ‘‘ਅਨੁਞ੍ਞਾਤੋਸਿ ਪਨ ਤ੍ਵਂ, ਸੁਦ੍ਦਿਨ੍ਨ, ਮਾਤਾਪਿਤੂਹਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ? ‘‘ਨ ਖੋ ਅਹਂ, ਭਨ੍ਤੇ, ਅਨੁਞ੍ਞਾਤੋ ਮਾਤਾਪਿਤੂਹਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ‘‘ਨ ਖੋ, ਸੁਦਿਨ੍ਨ, ਤਥਾਗਤਾ ਅਨਨੁਞ੍ਞਾਤਂ ਮਾਤਾਪਿਤੂਹਿ ਪੁਤ੍ਤਂ ਪਬ੍ਬਾਜੇਨ੍ਤੀ’’ਤਿ. ‘‘ਸੋਹਂ, ਭਨ੍ਤੇ, ਤਥਾ ਕਰਿਸ੍ਸਾਮਿ ਯਥਾ ਮਂ ਮਾਤਾਪਿਤਰੋ ਅਨੁਜਾਨਿਸ੍ਸਨ੍ਤਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ.

੨੬. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਵੇਸਾਲਿਯਂ ਤਂ ਕਰਣੀਯਂ ਤੀਰੇਤ੍ਵਾ ਯੇਨ ਕਲਨ੍ਦਗਾਮੋ ਯੇਨ ਮਾਤਾਪਿਤਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਾਤਾਪਿਤਰੋ ਏਤਦਵੋਚ – ‘‘ਅਮ੍ਮਤਾਤਾ, ਯਥਾ ਯਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਨਯਿਦਂ ਸੁਕਰਂ ਅਗਾਰਂ ਅਜ੍ਝਾਵਸਤਾ ਏਕਨ੍ਤਪਰਿਪੁਣ੍ਣਂ ਏਕਨ੍ਤਪਰਿਸੁਦ੍ਧਂ ਸਙ੍ਖਲਿਖਿਤਂ ਬ੍ਰਹ੍ਮਚਰਿਯਂ ਚਰਿਤੁਂ; ਇਚ੍ਛਾਮਹਂ ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੁਂ. ਅਨੁਜਾਨਾਥ ਮਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਏਵਂ ਵੁਤ੍ਤੇ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਤਾਤ ਸੁਦਿਨ੍ਨ, ਅਮ੍ਹਾਕਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਤਾਤ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਮਯਂ ਤੇ ਅਕਾਮਕਾ ਵਿਨਾ ਭਵਿਸ੍ਸਾਮ, ਕਿਂ ਪਨ ਮਯਂ ਤਂ ਜੀਵਨ੍ਤਂ ਅਨੁਜਾਨਿਸ੍ਸਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਦੁਤਿਯਮ੍ਪਿ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਮਾਤਾਪਿਤਰੋ ਏਤਦਵੋਚ – ‘‘ਅਮ੍ਮਤਾਤਾ, ਯਥਾ ਯਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਨਯਿਦਂ ਸੁਕਰਂ ਅਗਾਰਂ ਅਜ੍ਝਾਵਸਤਾ ਏਕਨ੍ਤਪਰਿਪੁਣ੍ਣਂ ਏਕਨ੍ਤਪਰਿਸੁਦ੍ਧਂ ਸਙ੍ਖਲਿਖਿਤਂ ਬ੍ਰਹ੍ਮਚਰਿਯਂ ਚਰਿਤੁਂ; ਇਚ੍ਛਾਮਹਂ ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੁਂ. ਅਨੁਜਾਨਾਥ ਮਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਦੁਤਿਯਮ੍ਪਿ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਤਾਤ ਸੁਦਿਨ੍ਨ, ਅਮ੍ਹਾਕਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਤਾਤ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਮਯਂ ਤੇ ਅਕਾਮਕਾ ਵਿਨਾ ਭਵਿਸ੍ਸਾਮ, ਕਿਂ ਪਨ ਮਯਂ ਤਂ ਜੀਵਨ੍ਤਂ ਅਨੁਜਾਨਿਸ੍ਸਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ! ਤਤਿਯਮ੍ਪਿ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਮਾਤਾਪਿਤਰੋ ਏਤਦਵੋਚ – ‘‘ਅਮ੍ਮਤਾਤਾ, ਯਥਾ ਯਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਨਯਿਦਂ ਸੁਕਰਂ ਅਗਾਰਂ ਅਜ੍ਝਾਵਸਤਾ ਏਕਨ੍ਤਪਰਿਪੁਣ੍ਣਂ ਏਕਨ੍ਤਪਰਿਸੁਦ੍ਧਂ ਸਙ੍ਖਲਿਖਿਤਂ ਬ੍ਰਹ੍ਮਚਰਿਯਂ ਚਰਿਤੁਂ; ਇਚ੍ਛਾਮਹਂ ਕੇਸਮਸ੍ਸੁਂ ਓਹਾਰੇਤ੍ਵਾ ਕਾਸਾਯਾਨਿ ਵਤ੍ਥਾਨਿ ਅਚ੍ਛਾਦੇਤ੍ਵਾ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤੁਂ. ਅਨੁਜਾਨਾਥ ਮਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਤਤਿਯਮ੍ਪਿ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਤਾਤ ਸੁਦਿਨ੍ਨ, ਅਮ੍ਹਾਕਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਤਾਤ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਮਯਂ ਤੇ ਅਕਾਮਕਾ ਵਿਨਾ ਭਵਿਸ੍ਸਾਮ, ਕਿਂ ਪਨ ਮਯਂ ਤਂ ਜੀਵਨ੍ਤਂ ਅਨੁਜਾਨਿਸ੍ਸਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ!

੨੭. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ – ‘‘ਨ ਮਂ ਮਾਤਾਪਿਤਰੋ ਅਨੁਜਾਨਨ੍ਤਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ, ਤਤ੍ਥੇਵ ਅਨਨ੍ਤਰਹਿਤਾਯ ਭੂਮਿਯਾ ਨਿਪਜ੍ਜਿ – ਇਧੇਵ ਮੇ ਮਰਣਂ ਭਵਿਸ੍ਸਤਿ ਪਬ੍ਬਜ੍ਜਾ ਵਾਤਿ. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਏਕਮ੍ਪਿ ਭਤ੍ਤਂ ਨ ਭੁਞ੍ਜਿ, ਦ੍ਵੇਪਿ ਭਤ੍ਤਾਨਿ ਨ ਭੁਞ੍ਜਿ, ਤੀਣਿਪਿ ਭਤ੍ਤਾਨਿ ਨ ਭੁਞ੍ਜਿ, ਚਤ੍ਤਾਰਿਪਿ ਭਤ੍ਤਾਨਿ ਨ ਭੁਞ੍ਜਿ, ਪਞ੍ਚਪਿ ਭਤ੍ਤਾਨਿ ਨ ਭੁਞ੍ਜਿ, ਛਪਿ ਭਤ੍ਤਾਨਿ ਨ ਭੁਞ੍ਜਿ, ਸਤ੍ਤਪਿ ਭਤ੍ਤਾਨਿ ਨ ਭੁਞ੍ਜਿ.

੨੮. ਅਥ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਤਾਤ ਸੁਦਿਨ੍ਨ, ਅਮ੍ਹਾਕਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਤਾਤ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਮਯਂ ਤੇ ਅਕਾਮਕਾ ਵਿਨਾ ਭਵਿਸ੍ਸਾਮ, ਕਿਂ ਪਨ ਮਯਂ ਤਂ ਜੀਵਨ੍ਤਂ ਅਨੁਜਾਨਿਸ੍ਸਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ? ਉਟ੍ਠੇਹਿ, ਤਾਤ ਸੁਦਿਨ੍ਨ, ਭੁਞ੍ਜ ਚ ਪਿਵ ਚ ਪਰਿਚਾਰੇਹਿ ਚ, ਭੁਞ੍ਜਨ੍ਤੋ ਪਿਵਨ੍ਤੋ ਪਰਿਚਾਰੇਨ੍ਤੋ ਕਾਮੇ ਪਰਿਭੁਞ੍ਜਨ੍ਤੋ ਪੁਞ੍ਞਾਨਿ ਕਰੋਨ੍ਤੋ ਅਭਿਰਮਸ੍ਸੁ. ਨ ਤਂ ਮਯਂ ਅਨੁਜਾਨਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਏਵਂ ਵੁਤ੍ਤੇ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੁਣ੍ਹੀ ਅਹੋਸਿ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਤਾਤ ਸੁਦਿਨ੍ਨ, ਅਮ੍ਹਾਕਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਤਾਤ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਮਯਂ ਤੇ ਅਕਾਮਕਾ ਵਿਨਾ ਭਵਿਸ੍ਸਾਮ, ਕਿਂ ਪਨ ਮਯਂ ਤਂ ਜੀਵਨ੍ਤਂ ਅਨੁਜਾਨਿਸ੍ਸਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ! ਉਟ੍ਠੇਹਿ, ਤਾਤ ਸੁਦਿਨ੍ਨ, ਭੁਞ੍ਜ ਚ ਪਿਵ ਚ ਪਰਿਚਾਰੇਹਿ ਚ, ਭੁਞ੍ਜਨ੍ਤੋ ਪਿਵਨ੍ਤੋ ਪਰਿਚਾਰੇਨ੍ਤੋ ਕਾਮੇ ਪਰਿਭੁਞ੍ਜਨ੍ਤੋ ਪੁਞ੍ਞਾਨਿ ਕਰੋਨ੍ਤੋ ਅਭਿਰਮਸ੍ਸੁ. ਨ ਤਂ ਮਯਂ ਅਨੁਜਾਨਾਮ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਤਤਿਯਮ੍ਪਿ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੁਣ੍ਹੀ ਅਹੋਸਿ.

ਅਥ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਸਹਾਯਕਾ ਯੇਨ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਸਮ੍ਮ ਸੁਦਿਨ੍ਨ, ਮਾਤਾਪਿਤੂਨਂ ਏਕਪੁਤ੍ਤਕੋ ਪਿਯੋ ਮਨਾਪੋ ਸੁਖੇਧਿਤੋ ਸੁਖਪਰਿਹਤੋ. ਨ ਤ੍ਵਂ, ਸਮ੍ਮ ਸੁਦਿਨ੍ਨ, ਕਿਞ੍ਚਿ ਦੁਕ੍ਖਸ੍ਸ ਜਾਨਾਸਿ. ਮਰਣੇਨਪਿ ਤੇ ਮਾਤਾਪਿਤਰੋ ਅਕਾਮਕਾ ਵਿਨਾ ਭਵਿਸ੍ਸਨ੍ਤਿ, ਕਿਂ ਪਨ ਤਂ ਜੀਵਨ੍ਤਂ ਅਨੁਜਾਨਿਸ੍ਸਨ੍ਤਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਾਯ! ਉਟ੍ਠੇਹਿ, ਸਮ੍ਮ ਸੁਦਿਨ੍ਨ, ਭੁਞ੍ਜ ਚ ਪਿਵ ਚ ਪਰਿਚਾਰੇਹਿ ਚ, ਭੁਞ੍ਜਨ੍ਤੋ ਪਿਵਨ੍ਤੋ ਪਰਿਚਾਰੇਨ੍ਤੋ ਕਾਮੇ ਪਰਿਭੁਞ੍ਜਨ੍ਤੋ ਪੁਞ੍ਞਾਨਿ ਕਰੋਨ੍ਤੋ ਅਭਿਰਮਸ੍ਸੁ, ਨ ਤਂ ਮਾਤਾਪਿਤਰੋ ਅਨੁਜਾਨਿਸ੍ਸਨ੍ਤਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਏਵਂ ਵੁਤ੍ਤੇ, ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੁਣ੍ਹੀ ਅਹੋਸਿ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਸਹਾਯਕਾ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਸਮ੍ਮ ਸੁਦਿਨ੍ਨ…ਪੇ… ਤਤਿਯਮ੍ਪਿ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੁਣ੍ਹੀ ਅਹੋਸਿ.

੨੯. ਅਥ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਸਹਾਯਕਾ ਯੇਨ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਮਾਤਾਪਿਤਰੋ ਏਤਦਵੋਚੁਂ – ‘‘ਅਮ੍ਮਤਾਤਾ, ਏਸੋ ਸੁਦਿਨ੍ਨੋ ਅਨਨ੍ਤਰਹਿਤਾਯ ਭੂਮਿਯਾ ਨਿਪਨ੍ਨੋ – ‘ਇਧੇਵ ਮੇ ਮਰਣਂ ਭਵਿਸ੍ਸਤਿ ਪਬ੍ਬਜ੍ਜਾ ਵਾ’ਤਿ. ਸਚੇ ਤੁਮ੍ਹੇ ਸੁਦਿਨ੍ਨਂ ਨਾਨੁਜਾਨਿਸ੍ਸਥ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ, ਤਤ੍ਥੇਵ ਮਰਣਂ ਆਗਮਿਸ੍ਸਤਿ. ਸਚੇ ਪਨ ਤੁਮ੍ਹੇ ਸੁਦਿਨ੍ਨਂ ਅਨੁਜਾਨਿਸ੍ਸਥ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ, ਪਬ੍ਬਜਿਤਮ੍ਪਿ ਨਂ ਦਕ੍ਖਿਸ੍ਸਥ. ਸਚੇ ਸੁਦਿਨ੍ਨੋ ਨਾਭਿਰਮਿਸ੍ਸਤਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ, ਕਾ ਤਸ੍ਸ ਅਞ੍ਞਾ ਗਤਿ ਭਵਿਸ੍ਸਤਿ, ਇਧੇਵ ਪਚ੍ਚਾਗਮਿਸ੍ਸਤਿ. ਅਨੁਜਾਨਾਥ ਸੁਦਿਨ੍ਨਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ‘‘ਅਨੁਜਾਨਾਮ, ਤਾਤਾ, ਸੁਦਿਨ੍ਨਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ. ਅਥ ਖੋ ਸੁਦਿਨ੍ਨਸ੍ਸ ਕਲਨ੍ਦਪੁਤ੍ਤਸ੍ਸ ਸਹਾਯਕਾ ਯੇਨ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਸੁਦਿਨ੍ਨਂ ਕਲਨ੍ਦਪੁਤ੍ਤਂ ਏਤਦਵੋਚੁਂ – ‘‘ਉਟ੍ਠੇਹਿ, ਸਮ੍ਮ ਸੁਦਿਨ੍ਨ, ਅਨੁਞ੍ਞਾਤੋਸਿ ਮਾਤਾਪਿਤੂਹਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ.

੩੦. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ – ‘‘ਅਨੁਞ੍ਞਾਤੋਮ੍ਹਿ ਕਿਰ ਮਾਤਾਪਿਤੂਹਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯਾ’’ਤਿ, ਹਟ੍ਠੋ ਉਦਗ੍ਗੋ ਪਾਣਿਨਾ ਗਤ੍ਤਾਨਿ ਪਰਿਪੁਞ੍ਛਨ੍ਤੋ ਵੁਟ੍ਠਾਸਿ. ਅਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਕਤਿਪਾਹਂ ਬਲਂ ਗਾਹੇਤ੍ਵਾ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਨ੍ਨੋ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਭਗਵਨ੍ਤਂ ਏਤਦਵੋਚ – ‘‘ਅਨੁਞ੍ਞਾਤੋ [ਅਨੁਞ੍ਞਾਤੋਮ੍ਹਿ (ਸੀ. ਸ੍ਯਾ.)] ਅਹਂ, ਭਨ੍ਤੇ, ਮਾਤਾਪਿਤੂਹਿ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜ੍ਜਾਯ. ਪਬ੍ਬਾਜੇਤੁ ਮਂ ਭਗਵਾ’’ਤਿ. ਅਲਤ੍ਥ ਖੋ ਸੁਦਿਨ੍ਨੋ ਕਲਨ੍ਦਪੁਤ੍ਤੋ ਭਗਵਤੋ ਸਨ੍ਤਿਕੇ ਪਬ੍ਬਜ੍ਜਂ, ਅਲਤ੍ਥ ਉਪਸਮ੍ਪਦਂ. ਅਚਿਰੂਪਸਮ੍ਪਨ੍ਨੋ ਚ ਪਨਾਯਸ੍ਮਾ ਸੁਦਿਨ੍ਨੋ ਏਵਰੂਪੇ ਧੁਤਗੁਣੇ ਸਮਾਦਾਯ ਵਤ੍ਤਤਿ, ਆਰਞ੍ਞਿਕੋ ਹੋਤਿ ਪਿਣ੍ਡਪਾਤਿਕੋ ਪਂਸੁਕੂਲਿਕੋ ਸਪਦਾਨਚਾਰਿਕੋ, ਅਞ੍ਞਤਰਂ ਵਜ੍ਜਿਗਾਮਂ ਉਪਨਿਸ੍ਸਾਯ ਵਿਹਰਤਿ.

ਤੇਨ ਖੋ ਪਨ ਸਮਯੇਨ ਵਜ੍ਜੀ ਦੁਬ੍ਭਿਕ੍ਖਾ ਹੋਤਿ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਏਤਦਹੋਸਿ – ‘‘ਏਤਰਹਿ ਖੋ ਵਜ੍ਜੀ ਦੁਬ੍ਭਿਕ੍ਖਾ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਬਹੂ ਖੋ ਪਨ ਮੇ ਵੇਸਾਲਿਯਂ ਞਾਤੀ ਅਡ੍ਢਾ ਮਹਦ੍ਧਨਾ ਮਹਾਭੋਗਾ ਪਹੂਤਜਾਤਰੂਪਰਜਤਾ ਪਹੂਤਵਿਤ੍ਤੂਪਕਰਣਾ ਪਹੂਤਧਨਧਞ੍ਞਾ. ਯਂਨੂਨਾਹਂ ਞਾਤੀ ਉਪਨਿਸ੍ਸਾਯ ਵਿਹਰੇਯ੍ਯਂ! ਞਾਤੀ ਮਂ [ਞਾਤਕਾਪਿ ਮਂ (ਸ੍ਯਾ.)] ਨਿਸ੍ਸਾਯ ਦਾਨਾਨਿ ਦਸ੍ਸਨ੍ਤਿ ਪੁਞ੍ਞਾਨਿ ਕਰਿਸ੍ਸਨ੍ਤਿ, ਭਿਕ੍ਖੂ ਚ ਲਾਭਂ ਲਚ੍ਛਨ੍ਤਿ, ਅਹਞ੍ਚ ਪਿਣ੍ਡਕੇਨ ਨ ਕਿਲਮਿਸ੍ਸਾਮੀ’’ਤਿ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਸੇਨਾਸਨਂ ਸਂਸਾਮੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਵੇਸਾਲੀ ਤੇਨ ਪਕ੍ਕਾਮਿ. ਅਨੁਪੁਬ੍ਬੇਨ ਯੇਨ ਵੇਸਾਲੀ ਤਦਵਸਰਿ. ਤਤ੍ਰ ਸੁਦਂ ਆਯਸ੍ਮਾ ਸੁਦਿਨ੍ਨੋ ਵੇਸਾਲਿਯਂ ਵਿਹਰਤਿ ਮਹਾਵਨੇ ਕੂਟਾਗਾਰਸਾਲਾਯਂ. ਅਸ੍ਸੋਸੁਂ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਞਾਤਕਾ – ‘‘ਸੁਦਿਨ੍ਨੋ ਕਿਰ ਕਲਨ੍ਦਪੁਤ੍ਤੋ ਵੇਸਾਲਿਂ ਅਨੁਪ੍ਪਤ੍ਤੋ’’ਤਿ. ਤੇ ਆਯਸ੍ਮਤੋ ਸੁਦਿਨ੍ਨਸ੍ਸ ਸਟ੍ਠਿਮਤ੍ਤੇ ਥਾਲਿਪਾਕੇ ਭਤ੍ਤਾਭਿਹਾਰਂ ਅਭਿਹਰਿਂਸੁ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਤੇ ਸਟ੍ਠਿਮਤ੍ਤੇ ਥਾਲਿਪਾਕੇ ਭਿਕ੍ਖੂਨਂ ਵਿਸ੍ਸਜ੍ਜੇਤ੍ਵਾ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਕਲਨ੍ਦਗਾਮਂ ਪਿਣ੍ਡਾਯ ਪਾਵਿਸਿ. ਕਲਨ੍ਦਗਾਮੇ ਸਪਦਾਨਂ ਪਿਣ੍ਡਾਯ ਚਰਮਾਨੋ ਯੇਨ ਸਕਪਿਤੁ ਨਿਵੇਸਨਂ ਤੇਨੁਪਸਙ੍ਕਮਿ.

੩੧. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਸੁਦਿਨ੍ਨਸ੍ਸ ਞਾਤਿਦਾਸੀ ਆਭਿਦੋਸਿਕਂ ਕੁਮ੍ਮਾਸਂ ਛਡ੍ਡੇਤੁਕਾਮਾ [ਛਟ੍ਟੇਤੁਕਾਮਾ (ਕ.)] ਹੋਤਿ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਤਂ ਞਾਤਿਦਾਸਿਂ ਏਤਦਵੋਚ – ‘‘ਸਚੇ ਤਂ, ਭਗਿਨਿ, ਛਡ੍ਡਨੀਯਧਮ੍ਮਂ, ਇਧ ਮੇ ਪਤ੍ਤੇ ਆਕਿਰਾ’’ਤਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਞਾਤਿਦਾਸੀ ਤਂ ਆਭਿਦੋਸਿਕਂ ਕੁਮ੍ਮਾਸਂ ਆਯਸ੍ਮਤੋ ਸੁਦਿਨ੍ਨਸ੍ਸ ਪਤ੍ਤੇ ਆਕਿਰਨ੍ਤੀ ਹਤ੍ਥਾਨਞ੍ਚ ਪਾਦਾਨਞ੍ਚ ਸਰਸ੍ਸ ਚ ਨਿਮਿਤ੍ਤਂ ਅਗ੍ਗਹੇਸਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਞਾਤਿਦਾਸੀ ਯੇਨਾਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਰਂ ਏਤਦਵੋਚ – ‘‘ਯਗ੍ਘੇਯ੍ਯੇ, ਜਾਨੇਯ੍ਯਾਸਿ, ਅਯ੍ਯਪੁਤ੍ਤੋ ਸੁਦਿਨ੍ਨੋ ਅਨੁਪ੍ਪਤ੍ਤੋ’’ਤਿ. ‘‘ਸਚੇ, ਜੇ, ਤ੍ਵਂ ਸਚ੍ਚਂ ਭਣਸਿ, ਅਦਾਸਿਂ ਤਂ ਕਰੋਮੀ’’ਤਿ.

੩੨. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਸੁਦਿਨ੍ਨੋ ਤਂ ਆਭਿਦੋਸਿਕਂ ਕੁਮ੍ਮਾਸਂ ਅਞ੍ਞਤਰਂ ਕੁਟ੍ਟਮੂਲਂ [ਕੁਡ੍ਡਮੂਲਂ (ਸੀ. ਸ੍ਯਾ.)] ਨਿਸ੍ਸਾਯ ਪਰਿਭੁਞ੍ਜਤਿ. ਪਿਤਾਪਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਕਮ੍ਮਨ੍ਤਾ ਆਗਚ੍ਛਨ੍ਤੋ ਅਦ੍ਦਸ ਆਯਸ੍ਮਨ੍ਤਂ ਸੁਦਿਨ੍ਨਂ ਤਂ ਆਭਿਦੋਸਿਕਂ ਕੁਮ੍ਮਾਸਂ ਅਞ੍ਞਤਰਂ ਕੁਟ੍ਟਮੂਲਂ ਨਿਸ੍ਸਾਯ ਪਰਿਭੁਞ੍ਜਨ੍ਤਂ. ਦਿਸ੍ਵਾਨ ਯੇਨਾਯਸ੍ਮਾ ਸੁਦਿਨ੍ਨੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਅਤ੍ਥਿ ਨਾਮ, ਤਾਤ ਸੁਦਿਨ੍ਨ, ਆਭਿਦੋਸਿਕਂ ਕੁਮ੍ਮਾਸਂ ਪਰਿਭੁਞ੍ਜਿਸ੍ਸਸਿ! ਨਨੁ ਨਾਮ, ਤਾਤ ਸੁਦਿਨ੍ਨ, ਸਕਂ ਗੇਹਂ ਗਨ੍ਤਬ੍ਬ’’ਨ੍ਤਿ? ‘‘ਅਗਮਿਮ੍ਹ [ਅਗਮਮ੍ਹਾ (ਕ.)] ਖੋ ਤੇ ਗਹਪਤਿ, ਗੇਹਂ. ਤਤੋਯਂ ਆਭਿਦੋਸਿਕੋ ਕੁਮ੍ਮਾਸੋ’’ਤਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਆਯਸ੍ਮਤੋ ਸੁਦਿਨ੍ਨਸ੍ਸ ਬਾਹਾਯਂ ਗਹੇਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਏਹਿ, ਤਾਤ ਸੁਦਿਨ੍ਨ, ਘਰਂ ਗਮਿਸ੍ਸਾਮਾ’’ਤਿ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਯੇਨ ਸਕਪਿਤੁ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਭੁਞ੍ਜ, ਤਾਤ ਸੁਦਿਨ੍ਨਾ’’ਤਿ. ‘‘ਅਲਂ, ਗਹਪਤਿ, ਕਤਂ ਮੇ ਅਜ੍ਜ ਭਤ੍ਤਕਿਚ੍ਚ’’ਨ੍ਤਿ. ‘‘ਅਧਿਵਾਸੇਹਿ, ਤਾਤ ਸੁਦਿਨ੍ਨ, ਸ੍ਵਾਤਨਾਯ ਭਤ੍ਤ’’ਨ੍ਤਿ. ਅਧਿਵਾਸੇਸਿ ਖੋ ਆਯਸ੍ਮਾ ਸੁਦਿਨ੍ਨੋ ਤੁਣ੍ਹੀਭਾਵੇਨ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਉਟ੍ਠਾਯਾਸਨਾ ਪਕ੍ਕਾਮਿ.

੩੩. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਹਰਿਤੇਨ ਗੋਮਯੇਨ ਪਥਵਿਂ ਓਪੁਞ੍ਜਾਪੇਤ੍ਵਾ [ਓਪੁਚ੍ਛਾਪੇਤ੍ਵਾ (ਸੀ. ਸ੍ਯਾ.)] ਦ੍ਵੇ ਪੁਞ੍ਜੇ ਕਾਰਾਪੇਸਿ – ਏਕਂ ਹਿਰਞ੍ਞਸ੍ਸ, ਏਕਂ ਸੁਵਣ੍ਣਸ੍ਸ. ਤਾਵ ਮਹਨ੍ਤਾ ਪੁਞ੍ਜਾ ਅਹੇਸੁਂ, ਓਰਤੋ ਠਿਤੋ ਪੁਰਿਸੋ ਪਾਰਤੋ ਠਿਤਂ ਪੁਰਿਸਂ ਨ ਪਸ੍ਸਤਿ; ਪਾਰਤੋ ਠਿਤੋ ਪੁਰਿਸੋ ਓਰਤੋ ਠਿਤਂ ਪੁਰਿਸਂ ਨ ਪਸ੍ਸਤਿ. ਤੇ ਪੁਞ੍ਜੇ ਕਿਲਞ੍ਜੇਹਿ ਪਟਿਚ੍ਛਾਦਾਪੇਤ੍ਵਾ ਮਜ੍ਝੇ ਆਸਨਂ ਪਞ੍ਞਾਪੇਤ੍ਵਾ ਤਿਰੋਕਰਣੀਯਂ ਪਰਿਕ੍ਖਿਪਿਤ੍ਵਾ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਂ ਆਮਨ੍ਤੇਸਿ – ‘‘ਤੇਨ ਹਿ, ਵਧੁ, ਯੇਨ ਅਲਙ੍ਕਾਰੇਨ ਅਲਙ੍ਕਤਾ ਪੁਤ੍ਤਸ੍ਸ ਮੇ ਸੁਦਿਨ੍ਨਸ੍ਸ ਪਿਯਾ ਅਹੋਸਿ ਮਨਾਪਾ ਤੇਨ ਅਲਙ੍ਕਾਰੇਨ ਅਲਙ੍ਕਰਾ’’ਤਿ. ‘‘ਏਵਂ, ਅਯ੍ਯੇ’’ਤਿ, ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤੁਯਾ ਪਚ੍ਚਸ੍ਸੋਸਿ.

੩੪. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਸਕਪਿਤੁ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਯੇਨਾਯਸ੍ਮਾ ਸੁਦਿਨ੍ਨੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇ ਪੁਞ੍ਜੇ ਵਿਵਰਾਪੇਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਇਦਂ ਤੇ, ਤਾਤ ਸੁਦਿਨ੍ਨ, ਮਾਤੁ ਮਤ੍ਤਿਕਂ ਇਤ੍ਥਿਕਾਯ ਇਤ੍ਥਿਧਨਂ, ਅਞ੍ਞਂ ਪੇਤ੍ਤਿਕਂ ਅਞ੍ਞਂ ਪਿਤਾਮਹਂ. ਲਬ੍ਭਾ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗਾ ਚ ਭੁਞ੍ਜਿਤੁਂ ਪੁਞ੍ਞਾਨਿ ਚ ਕਾਤੁਂ. ਏਹਿ ਤ੍ਵਂ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗੇ ਚ ਭੁਞ੍ਜਸ੍ਸੁ ਪੁਞ੍ਞਾਨਿ ਚ ਕਰੋਹੀ’’ਤਿ. ‘‘ਤਾਤ, ਨ ਉਸ੍ਸਹਾਮਿ ਨ ਵਿਸਹਾਮਿ, ਅਭਿਰਤੋ ਅਹਂ ਬ੍ਰਹ੍ਮਚਰਿਯਂ ਚਰਾਮੀ’’ਤਿ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਇਦਂ ਤੇ, ਤਾਤ ਸੁਦਿਨ੍ਨ, ਮਾਤੁ ਮਤ੍ਤਿਕਂ, ਇਤ੍ਥਿਕਾਯ ਇਤ੍ਥਿਧਨਂ, ਅਞ੍ਞਂ ਪੇਤ੍ਤਿਕਂ, ਅਞ੍ਞਂ ਪਿਤਾਮਹਂ. ਲਬ੍ਭਾ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗਾ ਚ ਭੁਞ੍ਜਿਤੁਂ ਪੁਞ੍ਞਾਨਿ ਚ ਕਾਤੁਂ. ਏਹਿ ਤ੍ਵਂ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗੇ ਚ ਭੁਞ੍ਜਸ੍ਸੁ ਪੁਞ੍ਞਾਨਿ ਚ ਕਰੋਹੀ’’ਤਿ. ‘‘ਵਦੇਯ੍ਯਾਮ ਖੋ ਤਂ, ਗਹਪਤਿ, ਸਚੇ ਤ੍ਵਂ ਨਾਤਿਕਡ੍ਢੇਯ੍ਯਾਸੀ’’ਤਿ. ‘‘ਵਦੇਹਿ, ਤਾਤ ਸੁਦਿਨ੍ਨਾ’’ਤਿ. ਤੇਨ ਹਿ ਤ੍ਵਂ, ਗਹਪਤਿ, ਮਹਨ੍ਤੇ ਮਹਨ੍ਤੇ ਸਾਣਿਪਸਿਬ੍ਬਕੇ ਕਾਰਾਪੇਤ੍ਵਾ ਹਿਰਞ੍ਞਸੁਵਣ੍ਣਸ੍ਸ ਪੂਰਾਪੇਤ੍ਵਾ ਸਕਟੇਹਿ ਨਿਬ੍ਬਾਹਾਪੇਤ੍ਵਾ ਮਜ੍ਝੇ ਗਙ੍ਗਾਯ ਸੋਤੇ ਓਪਾਤੇਹਿ [ਓਸਾਦੇਹਿ (ਸੀ. ਸ੍ਯਾ.)]. ਤਂ ਕਿਸ੍ਸ ਹੇਤੁ? ਯਞ੍ਹਿ ਤੇ, ਗਹਪਤਿ, ਭਵਿਸ੍ਸਤਿ ਤਤੋਨਿਦਾਨਂ ਭਯਂ ਵਾ ਛਮ੍ਭਿਤਤ੍ਤਂ ਵਾ ਲੋਮਹਂਸੋ ਵਾ ਆਰਕ੍ਖੋ ਵਾ ਸੋ ਤੇ ਨ ਭਵਿਸ੍ਸਤੀ’’ਤਿ. ਏਵਂ ਵੁਤ੍ਤੇ, ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਅਨਤ੍ਤਮਨੋ ਅਹੋਸਿ – ‘‘ਕਥਞ੍ਹਿ ਨਾਮ ਪੁਤ੍ਤੋ ਸੁਦਿਨ੍ਨੋ ਏਵਂ ਵਕ੍ਖਤੀ’’ਤਿ!

੩੫. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪਿਤਾ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਂ ਆਮਨ੍ਤੇਸਿ – ‘‘ਤੇਨ ਹਿ, ਵਧੁ, ਤ੍ਵਂ ਪਿਯਾ ਚ ਮਨਾਪਾ ਚ [ਤ੍ਵਮ੍ਪਿ ਯਾਚ (ਸੀ.)]. ਅਪ੍ਪੇਵ ਨਾਮ ਪੁਤ੍ਤੋ ਸੁਦਿਨ੍ਨੋ ਤੁਯ੍ਹਮ੍ਪਿ ਵਚਨਂ ਕਰੇਯ੍ਯਾ’’ਤਿ! ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਆਯਸ੍ਮਤੋ ਸੁਦਿਨ੍ਨਸ੍ਸ ਪਾਦੇਸੁ ਗਹੇਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਕੀਦਿਸਾ ਨਾਮ ਤਾ, ਅਯ੍ਯਪੁਤ੍ਤ, ਅਚ੍ਛਰਾਯੋ ਯਾਸਂ ਤ੍ਵਂ ਹੇਤੁ ਬ੍ਰਹ੍ਮਚਰਿਯਂ ਚਰਸੀ’’ਤਿ? ‘‘ਨ ਖੋ ਅਹਂ, ਭਗਿਨਿ, ਅਚ੍ਛਰਾਨਂ ਹੇਤੁ ਬ੍ਰਹ੍ਮਚਰਿਯਂ ਚਰਾਮੀ’’ਤਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ – ‘‘ਅਜ੍ਜਤਗ੍ਗੇ ਮਂ ਅਯ੍ਯਪੁਤ੍ਤੋ ਸੁਦਿਨ੍ਨੋ ਭਗਿਨਿਵਾਦੇਨ ਸਮੁਦਾਚਰਤੀ’’ਤਿ, ਤਤ੍ਥੇਵ ਮੁਚ੍ਛਿਤਾ ਪਪਤਾ.

ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਪਿਤਰਂ ਏਤਦਵੋਚ – ‘‘ਸਚੇ, ਗਹਪਤਿ, ਭੋਜਨਂ ਦਾਤਬ੍ਬਂ ਦੇਥ, ਮਾ ਨੋ ਵਿਹੇਠਯਿਤ੍ਥਾ’’ਤਿ. ‘‘ਭੁਞ੍ਜ, ਤਾਤ ਸੁਦਿਨ੍ਨਾ’’ਤਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਚ ਪਿਤਾ ਚ ਆਯਸ੍ਮਨ੍ਤਂ ਸੁਦਿਨ੍ਨਂ ਪਣੀਤੇਨ ਖਾਦਨੀਯੇਨ ਭੋਜਨੀਯੇਨ ਸਹਤ੍ਥਾ ਸਨ੍ਤਪ੍ਪੇਸੁਂ ਸਮ੍ਪਵਾਰੇਸੁਂ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਆਯਸ੍ਮਨ੍ਤਂ ਸੁਦਿਨ੍ਨਂ ਭੁਤ੍ਤਾਵਿਂ ਓਨੀਤਪਤ੍ਤਪਾਣਿਂ ਏਤਦਵੋਚ – ‘‘ਇਦਂ, ਤਾਤ ਸੁਦਿਨ੍ਨ, ਕੁਲਂ ਅਡ੍ਢਂ ਮਹਦ੍ਧਨਂ ਮਹਾਭੋਗਂ ਪਹੂਤਜਾਤਰੂਪਰਜਤਂ ਪਹੂਤਵਿਤ੍ਤੂਪਕਰਣਂ ਪਹੂਤਧਨਧਞ੍ਞਂ. ਲਬ੍ਭਾ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗਾ ਚ ਭੁਞ੍ਜਿਤੁਂ ਪੁਞ੍ਞਾਨਿ ਚ ਕਾਤੁਂ. ਏਹਿ ਤ੍ਵਂ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗੇ ਚ ਭੁਞ੍ਜਸ੍ਸੁ ਪੁਞ੍ਞਾਨਿ ਚ ਕਰੋਹੀ’’ਤਿ. ‘‘ਅਮ੍ਮ, ਨ ਉਸ੍ਸਹਾਮਿ ਨ ਵਿਸਹਾਮਿ, ਅਭਿਰਤੋ ਅਹਂ ਬ੍ਰਹ੍ਮਚਰਿਯਂ ਚਰਾਮੀ’’ਤਿ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਇਦਂ, ਤਾਤ ਸੁਦਿਨ੍ਨ, ਕੁਲਂ ਅਡ੍ਢਂ ਮਹਦ੍ਧਨਂ ਮਹਾਭੋਗਂ ਪਹੂਤਜਾਤਰੂਪਰਜਤਂ ਪਹੂਤਵਿਤ੍ਤੂਪਕਰਣਂ ਪਹੂਤਧਨਧਞ੍ਞਂ [ਪਹੂਤਧਨਧਞ੍ਞਂ (ਪ. ਚਰਾਮੀਤਿ) ਇਤਿਪਾਠੋ ਸਬ੍ਬਤ੍ਥ ਨਤ੍ਥਿ, ਊਨੋ ਮਞ੍ਞੇ]. ਤੇਨ ਹਿ, ਤਾਤ ਸੁਦਿਨ੍ਨ, ਬੀਜਕਮ੍ਪਿ ਦੇਹਿ – ਮਾ ਨੋ ਅਪੁਤ੍ਤਕਂ ਸਾਪਤੇਯ੍ਯਂ ਲਿਚ੍ਛਵਯੋ ਅਤਿਹਰਾਪੇਸੁ’’ਨ੍ਤਿ. ‘‘ਏਤਂ ਖੋ ਮੇ, ਅਮ੍ਮ, ਸਕ੍ਕਾ ਕਾਤੁ’’ਨ੍ਤਿ. ‘‘ਕਹਂ ਪਨ, ਤਾਤ ਸੁਦਿਨ੍ਨ, ਏਤਰਹਿ ਵਿਹਰਸੀ’’ਤਿ? ‘‘ਮਹਾਵਨੇ, ਅਮ੍ਮਾ’’ਤਿ. ਅਥ ਖੋ ਆਯਸ੍ਮਾ ਸੁਦਿਨ੍ਨੋ ਉਟ੍ਠਾਯਾਸਨਾ ਪਕ੍ਕਾਮਿ.

੩੬. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਂ ਆਮਨ੍ਤੇਸਿ – ‘‘ਤੇਨ ਹਿ, ਵਧੁ, ਯਦਾ ਉਤੁਨੀ ਹੋਸਿ, ਪੁਪ੍ਫਂ ਤੇ ਉਪ੍ਪਨ੍ਨਂ ਹੋਤਿ, ਅਥ ਮੇ ਆਰੋਚੇਯ੍ਯਾਸੀ’’ਤਿ. ‘‘ਏਵਂ ਅਯ੍ਯੇ’’ਤਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤੁਯਾ ਪਚ੍ਚਸ੍ਸੋਸਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਨਚਿਰਸ੍ਸੇਵ ਉਤੁਨੀ ਅਹੋਸਿ, ਪੁਪ੍ਫਂਸਾ ਉਪ੍ਪਜ੍ਜਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਰਂ ਏਤਦਵੋਚ – ‘‘ਉਤੁਨੀਮ੍ਹਿ, ਅਯ੍ਯੇ, ਪੁਪ੍ਫਂ ਮੇ ਉਪ੍ਪਨ੍ਨ’’ਨ੍ਤਿ. ‘‘ਤੇਨ ਹਿ, ਵਧੁ, ਯੇਨ ਅਲਙ੍ਕਾਰੇਨ ਅਲਙ੍ਕਤਾ ਪੁਤ੍ਤਸ੍ਸ ਸੁਦਿਨ੍ਨਸ੍ਸ ਪਿਯਾ ਅਹੋਸਿ ਮਨਾਪਾ ਤੇਨ ਅਲਙ੍ਕਾਰੇਨ ਅਲਙ੍ਕਰਾ’’ਤਿ. ‘‘ਏਵਂ ਅਯ੍ਯੇ’’ਤਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤੁਯਾ ਪਚ੍ਚਸ੍ਸੋਸਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਂ ਆਦਾਯ ਯੇਨ ਮਹਾਵਨਂ ਯੇਨਾਯਸ੍ਮਾ ਸੁਦਿਨ੍ਨੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਇਦਂ, ਤਾਤ ਸੁਦਿਨ੍ਨ, ਕੁਲਂ ਅਡ੍ਢਂ ਮਹਦ੍ਧਨਂ ਮਹਾਭੋਗਂ ਪਹੂਤਜਾਤਰੂਪਰਜਤਂ ਪਹੂਤਵਿਤ੍ਤੂਪਕਰਣਂ ਪਹੂਤਧਨਧਞ੍ਞਂ. ਲਬ੍ਭਾ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗਾ ਚ ਭੁਞ੍ਜਿਤੁਂ ਪੁਞ੍ਞਾਨਿ ਚ ਕਾਤੁਂ. ਏਹਿ ਤ੍ਵਂ, ਤਾਤ ਸੁਦਿਨ੍ਨ, ਹੀਨਾਯਾਵਤ੍ਤਿਤ੍ਵਾ ਭੋਗੇ ਚ ਭੁਞ੍ਜਸ੍ਸੁ ਪੁਞ੍ਞਾਨਿ ਚ ਕਰੋਹੀ’’ਤਿ. ‘‘ਅਮ੍ਮ, ਨ ਉਸ੍ਸਹਾਮਿ ਨ ਵਿਸਹਾਮਿ, ਅਭਿਰਤੋ ਅਹਂ ਬ੍ਰਹ੍ਮਚਰਿਯਂ ਚਰਾਮੀ’’ਤਿ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਮਾਤਾ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚ – ‘‘ਇਦਂ, ਤਾਤ ਸੁਦਿਨ੍ਨ, ਕੁਲਂ ਅਡ੍ਢਂ ਮਹਦ੍ਧਨਂ ਮਹਾਭੋਗਂ ਪਹੂਤਜਾਤਰੂਪਰਜਤਂ ਪਹੂਤਵਿਤ੍ਤੂਪਕਰਣਂ ਪਹੂਤਧਨਧਞ੍ਞਂ. ਤੇਨ ਹਿ, ਤਾਤ ਸੁਦਿਨ੍ਨ, ਬੀਜਕਮ੍ਪਿ ਦੇਹਿ – ਮਾ ਨੋ ਅਪੁਤ੍ਤਕਂ ਸਾਪਤੇਯ੍ਯਂ ਲਿਚ੍ਛਵਯੋ ਅਤਿਹਰਾਪੇਸੁ’’ਨ੍ਤਿ. ‘‘ਏਤਂ ਖੋ ਮੇ, ਅਮ੍ਮ, ਸਕ੍ਕਾ ਕਾਤੁ’’ਨ੍ਤਿ, ਪੁਰਾਣਦੁਤਿਯਿਕਾਯ ਬਾਹਾਯਂ ਗਹੇਤ੍ਵਾ ਮਹਾਵਨਂ ਅਜ੍ਝੋਗਾਹੇਤ੍ਵਾ ਅਪਞ੍ਞਤ੍ਤੇ ਸਿਕ੍ਖਾਪਦੇ ਅਨਾਦੀਨਵਦਸ੍ਸੋ ਪੁਰਾਣਦੁਤਿਯਿਕਾਯ ਤਿਕ੍ਖਤ੍ਤੁਂ ਮੇਥੁਨਂ ਧਮ੍ਮਂ ਅਭਿਵਿਞ੍ਞਾਪੇਸਿ. ਸਾ ਤੇਨ ਗਬ੍ਭਂ ਗਣ੍ਹਿ. ਭੁਮ੍ਮਾ ਦੇਵਾ ਸਦ੍ਦਮਨੁਸ੍ਸਾਵੇਸੁਂ – ‘‘ਨਿਰਬ੍ਬੁਦੋ ਵਤ, ਭੋ, ਭਿਕ੍ਖੁਸਙ੍ਘੋ ਨਿਰਾਦੀਨਵੋ; ਸੁਦਿਨ੍ਨੇਨ ਕਲਨ੍ਦਪੁਤ੍ਤੇਨ ਅਬ੍ਬੁਦਂ ਉਪ੍ਪਾਦਿਤਂ, ਆਦੀਨਵੋ ਉਪ੍ਪਾਦਿਤੋ’’ਤਿ. ਭੁਮ੍ਮਾਨਂ ਦੇਵਾਨਂ ਸਦ੍ਦਂ ਸੁਤ੍ਵਾ ਚਾਤੁਮਹਾਰਾਜਿਕਾ [ਚਾਤੁਮ੍ਮਹਾਰਾਜਿਕਾ (ਸੀ. ਸ੍ਯਾ.)] ਦੇਵਾ ਸਦ੍ਦਮਨੁਸ੍ਸਾਵੇਸੁਂ…ਪੇ… ਤਾਵਤਿਂਸਾ ਦੇਵਾ… ਯਾਮਾ ਦੇਵਾ … ਤੁਸਿਤਾ ਦੇਵਾ… ਨਿਮ੍ਮਾਨਰਤੀ ਦੇਵਾ… ਪਰਨਿਮ੍ਮਿਤਵਸਵਤ੍ਤੀ ਦੇਵਾ… ਬ੍ਰਹ੍ਮਕਾਯਿਕਾ ਦੇਵਾ ਸਦ੍ਦਮਨੁਸ੍ਸਾਵੇਸੁਂ – ‘‘ਨਿਰਬ੍ਬੁਦੋ ਵਤ, ਭੋ, ਭਿਕ੍ਖੁਸਙ੍ਘੋ ਨਿਰਾਦੀਨਵੋ; ਸੁਦਿਨ੍ਨੇਨ ਕਲਨ੍ਦਪੁਤ੍ਤੇਨ ਅਬ੍ਬੁਦਂ ਉਪ੍ਪਾਦਿਤਂ, ਆਦੀਨਵੋ ਉਪ੍ਪਾਦਿਤੋ’’ਤਿ. ਇਤਿਹ ਤੇਨ ਖਣੇਨ ਤੇਨ ਮੁਹੁਤ੍ਤੇਨ ਯਾਵ ਬ੍ਰਹ੍ਮਲੋਕਾ ਸਦ੍ਦੋ ਅਬ੍ਭੁਗ੍ਗਚ੍ਛਿ.

ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾ ਤਸ੍ਸ ਗਬ੍ਭਸ੍ਸ ਪਰਿਪਾਕਮਨ੍ਵਾਯ ਪੁਤ੍ਤਂ ਵਿਜਾਯਿ. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਸਹਾਯਕਾ ਤਸ੍ਸ ਦਾਰਕਸ੍ਸ ‘ਬੀਜਕੋ’ਤਿ ਨਾਮਂ ਅਕਂਸੁ. ਆਯਸ੍ਮਤੋ ਸੁਦਿਨ੍ਨਸ੍ਸ ਪੁਰਾਣਦੁਤਿਯਿਕਾਯ ਬੀਜਕਮਾਤਾਤਿ ਨਾਮਂ ਅਕਂਸੁ. ਆਯਸ੍ਮਤੋ ਸੁਦਿਨ੍ਨਸ੍ਸ ਬੀਜਕਪਿਤਾਤਿ ਨਾਮਂ ਅਕਂਸੁ. ਤੇ ਅਪਰੇਨ ਸਮਯੇਨ ਉਭੋ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤ੍ਵਾ ਅਰਹਤ੍ਤਂ ਸਚ੍ਛਾਕਂਸੁ.

੩੭. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਅਹੁਦੇਵ ਕੁਕ੍ਕੁਚ੍ਚਂ, ਅਹੁ ਵਿਪ੍ਪਟਿਸਾਰੋ – ‘‘ਅਲਾਭਾ ਵਤ ਮੇ, ਨ ਵਤ ਮੇ ਲਾਭਾ! ਦੁਲ੍ਲਦ੍ਧਂ ਵਤ ਮੇ, ਨ ਵਤ ਮੇ ਸੁਲਦ੍ਧਂ! ਯੋਹਂ ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨਾਸਕ੍ਖਿਂ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁ’’ਨ੍ਤਿ. ਸੋ ਤੇਨੇਵ ਕੁਕ੍ਕੁਚ੍ਚੇਨ ਤੇਨ ਵਿਪ੍ਪਟਿਸਾਰੇਨ ਕਿਸੋ ਅਹੋਸਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ ਅਨ੍ਤੋਮਨੋ ਲੀਨਮਨੋ ਦੁਕ੍ਖੀ ਦੁਮ੍ਮਨੋ ਵਿਪ੍ਪਟਿਸਾਰੀ ਪਜ੍ਝਾਯਿ.

੩੮. ਅਥ ਖੋ ਆਯਸ੍ਮਤੋ ਸੁਦਿਨ੍ਨਸ੍ਸ ਸਹਾਯਕਾ ਭਿਕ੍ਖੂ ਆਯਸ੍ਮਨ੍ਤਂ ਸੁਦਿਨ੍ਨਂ ਏਤਦਵੋਚੁਂ – ‘‘ਪੁਬ੍ਬੇ ਖੋ ਤ੍ਵਂ, ਆਵੁਸੋ ਸੁਦਿਨ੍ਨ, ਵਣ੍ਣਵਾ ਅਹੋਸਿ ਪੀਣਿਨ੍ਦ੍ਰਿਯੋ ਪਸਨ੍ਨਮੁਖਵਣ੍ਣੋ ਵਿਪ੍ਪਸਨ੍ਨਛਵਿਵਣ੍ਣੋ; ਸੋ ਦਾਨਿ ਤ੍ਵਂ ਏਤਰਹਿ ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ ਅਨ੍ਤੋਮਨੋ ਲੀਨਮਨੋ ਦੁਕ੍ਖੀ ਦੁਮ੍ਮਨੋ ਵਿਪ੍ਪਟਿਸਾਰੀ ਪਜ੍ਝਾਯਸਿ. ਕਚ੍ਚਿ ਨੋ ਤ੍ਵਂ, ਆਵੁਸੋ ਸੁਦਿਨ੍ਨ, ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਸੀ’’ਤਿ? ‘‘ਨ ਖੋ ਅਹਂ, ਆਵੁਸੋ, ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਾਮਿ. ਅਤ੍ਥਿ ਮੇ ਪਾਪਕਮ੍ਮਂ ਕਤਂ; ਪੁਰਾਣਦੁਤਿਯਿਕਾਯ ਮੇਥੁਨੋ ਧਮ੍ਮੋ ਪਟਿਸੇਵਿਤੋ; ਤਸ੍ਸ ਮਯ੍ਹਂ, ਆਵੁਸੋ, ਅਹੁਦੇਵ ਕੁਕ੍ਕੁਚ੍ਚਂ ਅਹੁ ਵਿਪ੍ਪਟਿਸਾਰੋ – ‘ਅਲਾਭਾ ਵਤ ਮੇ, ਨ ਵਤ ਮੇ ਲਾਭਾ; ਦੁਲ੍ਲਦ੍ਧਂ ਵਤ ਮੇ, ਨ ਵਤ ਮੇ ਸੁਲਦ੍ਧਂ; ਯੋਹਂ ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨਾਸਕ੍ਖਿਂ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁ’’ਨ੍ਤਿ. ‘‘ਅਲਞ੍ਹਿ ਤੇ, ਆਵੁਸੋ ਸੁਦਿਨ੍ਨ, ਕੁਕ੍ਕੁਚ੍ਚਾਯ ਅਲਂ ਵਿਪ੍ਪਟਿਸਾਰਾਯ ਯਂ ਤ੍ਵਂ ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨ ਸਕ੍ਖਿਸ੍ਸਸਿ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁਂ. ਨਨੁ, ਆਵੁਸੋ, ਭਗਵਤਾ ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ, ਨੋ ਸਰਾਗਾਯ; ਵਿਸਂਯੋਗਾਯ ਧਮ੍ਮੋ ਦੇਸਿਤੋ, ਨੋ ਸਂਯੋਗਾਯ; ਅਨੁਪਾਦਾਨਾਯ ਧਮ੍ਮੋ ਦੇਸਿਤੋ, ਨੋ ਸਉਪਾਦਾਨਾਯ. ਤਤ੍ਥ ਨਾਮ ਤ੍ਵਂ, ਆਵੁਸੋ, ਭਗਵਤਾ ਵਿਰਾਗਾਯ ਧਮ੍ਮੇ ਦੇਸਿਤੇ ਸਰਾਗਾਯ ਚੇਤੇਸ੍ਸਸਿ, ਵਿਸਂਯੋਗਾਯ ਧਮ੍ਮੇ ਦੇਸਿਤੇ ਸਂਯੋਗਾਯ ਚੇਤੇਸ੍ਸਸਿ, ਅਨੁਪਾਦਾਨਾਯ ਧਮ੍ਮੇ ਦੇਸਿਤੇ ਸਉਪਾਦਾਨਾਯ ਚੇਤੇਸ੍ਸਸਿ! ਨਨੁ, ਆਵੁਸੋ, ਭਗਵਤਾ ਅਨੇਕਪਰਿਯਾਯੇਨ ਰਾਗਵਿਰਾਗਾਯ ਧਮ੍ਮੋ ਦੇਸਿਤੋ, ਮਦਨਿਮ੍ਮਦਨਾਯ ਪਿਪਾਸਵਿਨਯਾਯ ਆਲਯਸਮੁਗ੍ਘਾਤਾਯ ਵਟ੍ਟੁਪਚ੍ਛੇਦਾਯ ਤਣ੍ਹਾਕ੍ਖਯਾਯ ਵਿਰਾਗਾਯ ਨਿਰੋਧਾਯ ਨਿਬ੍ਬਾਨਾਯ ਧਮ੍ਮੋ ਦੇਸਿਤੋ! ਨਨੁ, ਆਵੁਸੋ, ਭਗਵਤਾ ਅਨੇਕਪਰਿਯਾਯੇਨ ਕਾਮਾਨਂ ਪਹਾਨਂ ਅਕ੍ਖਾਤਂ, ਕਾਮਸਞ੍ਞਾਨਂ ਪਰਿਞ੍ਞਾ ਅਕ੍ਖਾਤਾ, ਕਾਮਪਿਪਾਸਾਨਂ ਪਟਿਵਿਨਯੋ ਅਕ੍ਖਾਤੋ, ਕਾਮਵਿਤਕ੍ਕਾਨਂ ਸਮੁਗ੍ਘਾਤੋ ਅਕ੍ਖਾਤੋ, ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ! ਨੇਤਂ, ਆਵੁਸੋ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ, ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ. ਅਥ ਖ੍ਵੇਤਂ, ਆਵੁਸੋ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ.

੩੯. ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਸੁਦਿਨ੍ਨਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਸੁਦਿਨ੍ਨ, ਪੁਰਾਣਦੁਤਿਯਿਕਾਯ ਮੇਥੁਨਂ ਧਮ੍ਮਂ ਪਟਿਸੇਵੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ [ਅਨਨੁਚ੍ਛਵਿਯਂ (ਸੀ.)], ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨ ਸਕ੍ਖਿਸ੍ਸਸਿ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁਂ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ, ਨੋ ਸਰਾਗਾਯ; ਵਿਸਂਯੋਗਾਯ ਧਮ੍ਮੋ ਦੇਸਿਤੋ, ਨੋ ਸਂਯੋਗਾਯ; ਅਨੁਪਾਦਾਨਾਯ ਧਮ੍ਮੋ ਦੇਸਿਤੋ, ਨੋ ਸਉਪਾਦਾਨਾਯ! ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਮਯਾ ਵਿਰਾਗਾਯ ਧਮ੍ਮੇ ਦੇਸਿਤੇ ਸਰਾਗਾਯ ਚੇਤੇਸ੍ਸਸਿ, ਵਿਸਂਯੋਗਾਯ ਧਮ੍ਮੇ ਦੇਸਿਤੇ ਸਂਯੋਗਾਯ ਚੇਤੇਸ੍ਸਸਿ, ਅਨੁਪਾਦਾਨਾਯ ਧਮ੍ਮੇ ਦੇਸਿਤੇ ਸਉਪਾਦਾਨਾਯ ਚੇਤੇਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਰਾਗਵਿਰਾਗਾਯ ਧਮ੍ਮੋ ਦੇਸਿਤੋ! ਮਦਨਿਮ੍ਮਦਨਾਯ ਪਿਪਾਸਵਿਨਯਾਯ ਆਲਯਸਮੁਗ੍ਘਾਤਾਯ ਵਟ੍ਟੁਪਚ੍ਛੇਦਾਯ ਤਣ੍ਹਾਕ੍ਖਯਾਯ ਵਿਰਾਗਾਯ ਨਿਰੋਧਾਯ ਨਿਬ੍ਬਾਨਾਯ ਧਮ੍ਮੋ ਦੇਸਿਤੋ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਕਾਮਾਨਂ ਪਹਾਨਂ ਅਕ੍ਖਾਤਂ, ਕਾਮਸਞ੍ਞਾਨਂ ਪਰਿਞ੍ਞਾ ਅਕ੍ਖਾਤਾ, ਕਾਮਪਿਪਾਸਾਨਂ ਪਟਿਵਿਨਯੋ ਅਕ੍ਖਾਤੋ, ਕਾਮਵਿਤਕ੍ਕਾਨਂ ਸਮੁਗ੍ਘਾਤੋ ਅਕ੍ਖਾਤੋ, ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ! ਵਰਂ ਤੇ, ਮੋਘਪੁਰਿਸ, ਆਸਿਵਿਸਸ੍ਸ [ਆਸੀਵਿਸਸ੍ਸ (ਸੀ. ਸ੍ਯਾ.)] ਘੋਰਵਿਸਸ੍ਸ ਮੁਖੇ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਾਤੁਗਾਮਸ੍ਸ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਵਰਂ ਤੇ, ਮੋਘਪੁਰਿਸ, ਕਣ੍ਹਸਪ੍ਪਸ੍ਸ ਮੁਖੇ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਾਤੁਗਾਮਸ੍ਸ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਵਰਂ ਤੇ, ਮੋਘਪੁਰਿਸ, ਅਙ੍ਗਾਰਕਾਸੁਯਾ ਆਦਿਤ੍ਤਾਯ ਸਮ੍ਪਜ੍ਜਲਿਤਾਯ ਸਜੋਤਿਭੂਤਾਯ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਾਤੁਗਾਮਸ੍ਸ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਤਂ ਕਿਸ੍ਸ ਹੇਤੁ? ਤਤੋਨਿਦਾਨਞ੍ਹਿ, ਮੋਘਪੁਰਿਸ, ਮਰਣਂ ਵਾ ਨਿਗਚ੍ਛੇਯ੍ਯ ਮਰਣਮਤ੍ਤਂ ਵਾ ਦੁਕ੍ਖਂ, ਨ ਤ੍ਵੇਵ ਤਪ੍ਪਚ੍ਚਯਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ. ਇਤੋਨਿਦਾਨਞ੍ਚ ਖੋ, ਮੋਘਪੁਰਿਸ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਯਂ ਤ੍ਵਂ ਅਸਦ੍ਧਮ੍ਮਂ ਗਾਮਧਮ੍ਮਂ ਵਸਲਧਮ੍ਮਂ ਦੁਟ੍ਠੁਲ੍ਲਂ ਓਦਕਨ੍ਤਿਕਂ ਰਹਸ੍ਸਂ ਦ੍ਵਯਂਦ੍ਵਯਸਮਾਪਤ੍ਤਿਂ ਸਮਾਪਜ੍ਜਿਸ੍ਸਸਿ, ਬਹੂਨਂ ਖੋ ਤ੍ਵਂ, ਮੋਘਪੁਰਿਸ, ਅਕੁਸਲਾਨਂ ਧਮ੍ਮਾਨਂ ਆਦਿਕਤ੍ਤਾ ਪੁਬ੍ਬਙ੍ਗਮੋ. ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ, ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ; ਅਥ ਖ੍ਵੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ.

ਅਥ ਖੋ ਭਗਵਾ ਆਯਸ੍ਮਨ੍ਤਂ ਸੁਦਿਨ੍ਨਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਦੁਬ੍ਭਰਤਾਯ ਦੁਪ੍ਪੋਸਤਾਯ ਮਹਿਚ੍ਛਤਾਯ ਅਸਨ੍ਤੁਟ੍ਠਿਤਾਯ [ਅਸਨ੍ਤੁਟ੍ਠਤਾਯ (ਸ੍ਯਾ.)] ਸਙ੍ਗਣਿਕਾਯ ਕੋਸਜ੍ਜਸ੍ਸ ਅਵਣ੍ਣਂ ਭਾਸਿਤ੍ਵਾ ਅਨੇਕਪਰਿਯਾਯੇਨ ਸੁਭਰਤਾਯ ਸੁਪੋਸਤਾਯ ਅਪ੍ਪਿਚ੍ਛਸ੍ਸ ਸਨ੍ਤੁਟ੍ਠਸ੍ਸ ਸਲ੍ਲੇਖਸ੍ਸ ਧੁਤਸ੍ਸ ਪਾਸਾਦਿਕਸ੍ਸ ਅਪਚਯਸ੍ਸ ਵੀਰਿਯਾਰਮ੍ਭਸ੍ਸ [ਵੀਰਿਯਾਰਬ੍ਭਸ੍ਸ (ਕ.)] ਵਣ੍ਣਂ ਭਾਸਿਤ੍ਵਾ ਭਿਕ੍ਖੂਨਂ ਤਦਨੁਚ੍ਛਵਿਕਂ ਤਦਨੁਲੋਮਿਕਂ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖਵੇ, ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਿ [ਪਞ੍ਞਾਪੇਸ੍ਸਾਮਿ (ਸੀ. ਸ੍ਯਾ.)] ਦਸ ਅਤ੍ਥਵਸੇ ਪਟਿਚ੍ਚ – ਸਙ੍ਘਸੁਟ੍ਠੁਤਾਯ, ਸਙ੍ਘਫਾਸੁਤਾਯ, ਦੁਮ੍ਮਙ੍ਕੂਨਂ ਪੁਗ੍ਗਲਾਨਂ ਨਿਗ੍ਗਹਾਯ, ਪੇਸਲਾਨਂ ਭਿਕ੍ਖੂਨਂ ਫਾਸੁਵਿਹਾਰਾਯ, ਦਿਟ੍ਠਧਮ੍ਮਿਕਾਨਂ ਆਸਵਾਨਂ ਸਂਵਰਾਯ, ਸਮ੍ਪਰਾਯਿਕਾਨਂ ਆਸਵਾਨਂ ਪਟਿਘਾਤਾਯ, ਅਪ੍ਪਸਨ੍ਨਾਨਂ ਪਸਾਦਾਯ, ਪਸਨ੍ਨਾਨਂ ਭਿਯ੍ਯੋਭਾਵਾਯ, ਸਦ੍ਧਮ੍ਮਟ੍ਠਿਤਿਯਾ, ਵਿਨਯਾਨੁਗ੍ਗਹਾਯ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

‘‘ਯੋ ਪਨ ਭਿਕ੍ਖੁ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

ਸੁਦਿਨ੍ਨਭਾਣਵਾਰੋ ਨਿਟ੍ਠਿਤੋ.

ਮਕ੍ਕਟੀਵਤ੍ਥੁ

੪੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੇਸਾਲਿਯਂ ਮਹਾਵਨੇ ਮਕ੍ਕਟਿਂ ਆਮਿਸੇਨ ਉਪਲਾਪੇਤ੍ਵਾ ਤਸ੍ਸਾ ਮੇਥੁਨਂ ਧਮ੍ਮਂ ਪਟਿਸੇਵਤਿ. ਅਥ ਖੋ ਸੋ ਭਿਕ੍ਖੁ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਵੇਸਾਲਿਂ ਪਿਣ੍ਡਾਯ ਪਾਵਿਸਿ. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤਾ ਯੇਨ ਤਸ੍ਸ ਭਿਕ੍ਖੁਨੋ ਵਿਹਾਰੋ ਤੇਨੁਪਸਙ੍ਕਮਿਂਸੁ. ਅਦ੍ਦਸ ਖੋ ਸਾ ਮਕ੍ਕਟੀ ਤੇ ਭਿਕ੍ਖੂ ਦੂਰਤੋਵ ਆਗਚ੍ਛਨ੍ਤੇ. ਦਿਸ੍ਵਾਨ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇਸਂ ਭਿਕ੍ਖੂਨਂ ਪੁਰਤੋ ਕਟਿਮ੍ਪਿ ਚਾਲੇਸਿ ਛੇਪ੍ਪਮ੍ਪਿ ਚਾਲੇਸਿ, ਕਟਿਮ੍ਪਿ ਓਡ੍ਡਿ, ਨਿਮਿਤ੍ਤਮ੍ਪਿ ਅਕਾਸਿ. ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਨਿਸ੍ਸਂਸਯਂ ਖੋ ਸੋ ਭਿਕ੍ਖੁ ਇਮਿਸ੍ਸਾ ਮਕ੍ਕਟਿਯਾ ਮੇਥੁਨਂ ਧਮ੍ਮਂ ਪਟਿਸੇਵਤੀ’’ਤਿ. ਏਕਮਨ੍ਤਂ ਨਿਲੀਯਿਂਸੁ. ਅਥ ਖੋ ਸੋ ਭਿਕ੍ਖੁ ਵੇਸਾਲਿਯਂ ਪਿਣ੍ਡਾਯ ਚਰਿਤ੍ਵਾ ਪਿਣ੍ਡਪਾਤਂ ਆਦਾਯ ਪਟਿਕ੍ਕਮਿ.

੪੧. ਅਥ ਖੋ ਸਾ ਮਕ੍ਕਟੀ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ. ਅਥ ਖੋ ਸੋ ਭਿਕ੍ਖੁ ਤਂ ਪਿਣ੍ਡਪਾਤਂ ਏਕਦੇਸਂ ਭੁਞ੍ਜਿਤ੍ਵਾ ਏਕਦੇਸਂ ਤਸ੍ਸਾ ਮਕ੍ਕਟਿਯਾ ਅਦਾਸਿ. ਅਥ ਖੋ ਸਾ ਮਕ੍ਕਟੀ ਤਂ ਪਿਣ੍ਡਪਾਤਂ ਭੁਞ੍ਜਿਤ੍ਵਾ ਤਸ੍ਸ ਭਿਕ੍ਖੁਨੋ ਕਟਿਂ ਓਡ੍ਡਿ. ਅਥ ਖੋ ਸੋ ਭਿਕ੍ਖੁ ਤਸ੍ਸਾ ਮਕ੍ਕਟਿਯਾ ਮੇਥੁਨਂ ਧਮ੍ਮਂ ਪਟਿਸੇਵਤਿ. ਅਥ ਖੋ ਤੇ ਭਿਕ੍ਖੂ ਤਂ ਭਿਕ੍ਖੁਂ ਏਤਦਵੋਚੁਂ – ‘‘ਨਨੁ, ਆਵੁਸੋ, ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ; ਕਿਸ੍ਸ ਤ੍ਵਂ, ਆਵੁਸੋ, ਮਕ੍ਕਟਿਯਾ ਮੇਥੁਨਂ ਧਮ੍ਮਂ ਪਟਿਸੇਵਸੀ’’ਤਿ? ‘‘ਸਚ੍ਚਂ, ਆਵੁਸੋ, ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ; ਤਞ੍ਚ ਖੋ ਮਨੁਸ੍ਸਿਤ੍ਥਿਯਾ, ਨੋ ਤਿਰਚ੍ਛਾਨਗਤਾਯਾ’’ਤਿ. ‘‘ਨਨੁ, ਆਵੁਸੋ, ਤਥੇਵ ਤਂ ਹੋਤਿ. ਅਨਨੁਚ੍ਛਵਿਕਂ, ਆਵੁਸੋ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਆਵੁਸੋ, ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨ ਸਕ੍ਖਿਸ੍ਸਸਿ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁਂ! ਨਨੁ, ਆਵੁਸੋ, ਭਗਵਤਾ ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ, ਨੋ ਸਰਾਗਾਯ…ਪੇ… ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ! ਨੇਤਂ, ਆਵੁਸੋ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ. ਅਥ ਖ੍ਵੇਤਂ, ਆਵੁਸੋ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ. ਅਥ ਖੋ ਤੇ ਭਿਕ੍ਖੂ ਤਂ ਭਿਕ੍ਖੁਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਅਰੋਚੇਸੁਂ.

੪੨. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਤਂ ਭਿਕ੍ਖੁਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਭਿਕ੍ਖੁ, ਮਕ੍ਕਟਿਯਾ ਮੇਥੁਨਂ ਧਮ੍ਮਂ ਪਟਿਸੇਵੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨ ਸਕ੍ਖਿਸ੍ਸਸਿ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁਂ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ, ਨੋ ਸਰਾਗਾਯ …ਪੇ… ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ! ਵਰਂ ਤੇ, ਮੋਘਪੁਰਿਸ, ਆਸੀਵਿਸਸ੍ਸ ਘੋਰਵਿਸਸ੍ਸ ਮੁਖੇ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਕ੍ਕਟਿਯਾ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਵਰਂ ਤੇ, ਮੋਘਪੁਰਿਸ, ਕਣ੍ਹਸਪ੍ਪਸ੍ਸ ਮੁਖੇ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਕ੍ਕਟਿਯਾ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਵਰਂ ਤੇ, ਮੋਘਪੁਰਿਸ, ਅਙ੍ਗਾਰਕਾਸੁਯਾ ਆਦਿਤ੍ਤਾਯ ਸਮ੍ਪਜ੍ਜਲਿਤਾਯ ਸਜੋਤਿਭੂਤਾਯ ਅਙ੍ਗਜਾਤਂ ਪਕ੍ਖਿਤ੍ਤਂ, ਨ ਤ੍ਵੇਵ ਮਕ੍ਕਟਿਯਾ ਅਙ੍ਗਜਾਤੇ ਅਙ੍ਗਜਾਤਂ ਪਕ੍ਖਿਤ੍ਤਂ. ਤਂ ਕਿਸ੍ਸ ਹੇਤੁ? ਤਤੋਨਿਦਾਨਞ੍ਹਿ, ਮੋਘਪੁਰਿਸ, ਮਰਣਂ ਵਾ ਨਿਗਚ੍ਛੇਯ੍ਯ ਮਰਣਮਤ੍ਤਂ ਵਾ ਦੁਕ੍ਖਂ; ਨ ਤ੍ਵੇਵ ਤਪ੍ਪਚ੍ਚਯਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ. ਇਤੋਨਿਦਾਨਞ੍ਚ ਖੋ, ਮੋਘਪੁਰਿਸ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਯਂ ਤ੍ਵਂ ਅਸਦ੍ਧਮ੍ਮਂ ਗਾਮਧਮ੍ਮਂ ਵਸਲਧਮ੍ਮਂ ਦੁਟ੍ਠੁਲ੍ਲਂ ਓਦਕਨ੍ਤਿਕਂ ਰਹਸ੍ਸਂ ਦ੍ਵਯਂਦ੍ਵਯਸਮਾਪਤ੍ਤਿਂ ਸਮਾਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

‘‘ਯੋ ਪਨ ਭਿਕ੍ਖੁ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ ਅਨ੍ਤਮਸੋ ਤਿਰਚ੍ਛਾਨਗਤਾਯਪਿ, ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

ਮਕ੍ਕਟੀਵਤ੍ਥੁ ਨਿਟ੍ਠਿਤਂ.

ਸਨ੍ਥਤਭਾਣਵਾਰੋ

੪੩. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਵੇਸਾਲਿਕਾ ਵਜ੍ਜਿਪੁਤ੍ਤਕਾ ਭਿਕ੍ਖੂ ਯਾਵਦਤ੍ਥਂ ਭੁਞ੍ਜਿਂਸੁ, ਯਾਵਦਤ੍ਥਂ ਸੁਪਿਂਸੁ, ਯਾਵਦਤ੍ਥਂ ਨ੍ਹਾਯਿਂਸੁ. ਯਾਵਦਤ੍ਥਂ ਭੁਞ੍ਜਿਤ੍ਵਾ ਯਾਵਦਤ੍ਥਂ ਸੁਪਿਤ੍ਵਾ ਯਾਵਦਤ੍ਥਂ ਨ੍ਹਾਯਿਤ੍ਵਾ ਅਯੋਨਿਸੋ ਮਨਸਿ ਕਰਿਤ੍ਵਾ ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਿਂਸੁ. ਤੇ ਅਪਰੇਨ ਸਮਯੇਨ ਞਾਤਿਬ੍ਯਸਨੇਨਪਿ ਫੁਟ੍ਠਾ ਭੋਗਬ੍ਯਸਨੇਨਪਿ ਫੁਟ੍ਠਾ ਰੋਗਬ੍ਯਸਨੇਨਪਿ ਫੁਟ੍ਠਾ ਆਯਸ੍ਮਨ੍ਤਂ ਆਨਨ੍ਦਂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘‘ਨ ਮਯਂ, ਭਨ੍ਤੇ ਆਨਨ੍ਦ, ਬੁਦ੍ਧਗਰਹਿਨੋ ਨ ਧਮ੍ਮਗਰਹਿਨੋ ਨ ਸਙ੍ਘਗਰਹਿਨੋ; ਅਤ੍ਤਗਰਹਿਨੋ ਮਯਂ, ਭਨ੍ਤੇ ਆਨਨ੍ਦ, ਅਨਞ੍ਞਗਰਹਿਨੋ. ਮਯਮੇਵਮ੍ਹਾ ਅਲਕ੍ਖਿਕਾ ਮਯਂ ਅਪ੍ਪਪੁਞ੍ਞਾ, ਯੇ ਮਯਂ ਏਵਂ ਸ੍ਵਾਕ੍ਖਾਤੇ ਧਮ੍ਮਵਿਨਯੇ ਪਬ੍ਬਜਿਤ੍ਵਾ ਨਾਸਕ੍ਖਿਮ੍ਹਾ ਯਾਵਜੀਵਂ ਪਰਿਪੁਣ੍ਣਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਿਤੁਂ. ਇਦਾਨਿ ਚੇਪਿ [ਇਦਾਨਿਪਿ ਚੇ (ਸ੍ਯਾ.)] ਮਯਂ, ਭਨ੍ਤੇ ਆਨਨ੍ਦ, ਲਭੇਯ੍ਯਾਮ ਭਗਵਤੋ ਸਨ੍ਤਿਕੇ ਪਬ੍ਬਜ੍ਜਂ ਲਭੇਯ੍ਯਾਮ ਉਪਸਮ੍ਪਦਂ, ਇਦਾਨਿਪਿ ਮਯਂ ਵਿਪਸ੍ਸਕਾ ਕੁਸਲਾਨਂ ਧਮ੍ਮਾਨਂ ਪੁਬ੍ਬਰਤ੍ਤਾਪਰਰਤ੍ਤਂ ਬੋਧਿਪਕ੍ਖਿਕਾਨਂ ਧਮ੍ਮਾਨਂ ਭਾਵਨਾਨੁਯੋਗਮਨੁਯੁਤ੍ਤਾ ਵਿਹਰੇਯ੍ਯਾਮ. ਸਾਧੁ, ਭਨ੍ਤੇ ਆਨਨ੍ਦ, ਭਗਵਤੋ ਏਤਮਤ੍ਥਂ ਆਰੋਚੇਹੀ’’ਤਿ. ‘‘ਏਵਮਾਵੁਸੋ’’ਤਿ ਖੋ ਆਯਸ੍ਮਾ ਆਨਨ੍ਦੋ ਵੇਸਾਲਿਕਾਨਂ ਵਜ੍ਜਿਪੁਤ੍ਤਕਾਨਂ ਪਟਿਸ੍ਸੁਣਿਤ੍ਵਾ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸਿ.

‘‘ਅਟ੍ਠਾਨਮੇਤਂ, ਆਨਨ੍ਦ, ਅਨਵਕਾਸੋ ਯਂ ਤਥਾਗਤੋ ਵਜ੍ਜੀਨਂ ਵਾ ਵਜ੍ਜਿਪੁਤ੍ਤਕਾਨਂ ਵਾ ਕਾਰਣਾ ਸਾਵਕਾਨਂ ਪਾਰਾਜਿਕਂ ਸਿਕ੍ਖਾਪਦਂ ਪਞ੍ਞਤ੍ਤਂ ਸਮੂਹਨੇਯ੍ਯਾ’’ਤਿ.

ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਯੋ, ਭਿਕ੍ਖਵੇ [ਯੋ ਪਨ ਭਿਕ੍ਖਵੇ ਭਿਕ੍ਖੁ (ਸੀ.) ਯੋ ਖੋ ਭਿਕ੍ਖਵੇ ਭਿਕ੍ਖੁ (ਸ੍ਯਾ.)], ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਤਿ ਸੋ ਆਗਤੋ ਨ ਉਪਸਮ੍ਪਾਦੇਤਬ੍ਬੋ; ਯੋ ਚ ਖੋ, ਭਿਕ੍ਖਵੇ [ਯੋ ਚ ਖੋ ਭਿਕ੍ਖਵੇ ਭਿਕ੍ਖੁ (ਸੀ. ਸ੍ਯਾ.)], ਸਿਕ੍ਖਂ ਪਚ੍ਚਕ੍ਖਾਯ ਦੁਬ੍ਬਲ੍ਯਂ ਆਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਤਿ ਸੋ ਆਗਤੋ ਉਪਸਮ੍ਪਾਦੇਤਬ੍ਬੋ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੪. ‘‘ਯੋ ਪਨ ਭਿਕ੍ਖੁ ਭਿਕ੍ਖੂਨਂ ਸਿਕ੍ਖਾਸਾਜੀਵਸਮਾਪਨ੍ਨੋ ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ ਅਨ੍ਤਮਸੋ ਤਿਰਚ੍ਛਾਨਗਤਾਯਪਿ, ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

੪੫. ਯੋ ਪਨਾਤਿ ਯੋ ਯਾਦਿਸੋ ਯਥਾਯੁਤ੍ਤੋ ਯਥਾਜਚ੍ਚੋ ਯਥਾਨਾਮੋ ਯਥਾਗੋਤ੍ਤੋ ਯਥਾਸੀਲੋ ਯਥਾਵਿਹਾਰੀ ਯਥਾਗੋਚਰੋ ਥੇਰੋ ਵਾ ਨਵੋ ਵਾ ਮਜ੍ਝਿਮੋ ਵਾ. ਏਸੋ ਵੁਚ੍ਚਤਿ ‘ਯੋ ਪਨਾ’ਤਿ.

[ਵਿਭ. ੫੧੦, ਝਾਨਵਿਭਙ੍ਗੇਪਿ] ਭਿਕ੍ਖੂਤਿ ਭਿਕ੍ਖਕੋਤਿ ਭਿਕ੍ਖੁ, ਭਿਕ੍ਖਾਚਰਿਯਂ ਅਜ੍ਝੁਪਗਤੋਤਿ ਭਿਕ੍ਖੁ, ਭਿਨ੍ਨਪਟਧਰੋਤਿ ਭਿਕ੍ਖੁ, ਸਮਞ੍ਞਾਯ ਭਿਕ੍ਖੁ, ਪਟਿਞ੍ਞਾਯ ਭਿਕ੍ਖੁ, ਏਹਿ ਭਿਕ੍ਖੂਤਿ ਭਿਕ੍ਖੁ, ਤੀਹਿ ਸਰਣਗਮਨੇਹਿ ਉਪਸਮ੍ਪਨ੍ਨੋਤਿ ਭਿਕ੍ਖੁ, ਭਦ੍ਰੋ ਭਿਕ੍ਖੁ, ਸਾਰੋ ਭਿਕ੍ਖੁ, ਸੇਖੋ ਭਿਕ੍ਖੁ, ਅਸੇਖੋ ਭਿਕ੍ਖੁ, ਸਮਗ੍ਗੇਨ ਸਙ੍ਘੇਨ ਞਤ੍ਤਿਚਤੁਤ੍ਥੇਨ ਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ ਉਪਸਮ੍ਪਨ੍ਨੋਤਿ ਭਿਕ੍ਖੁ. ਤਤ੍ਰ ਯ੍ਵਾਯਂ ਭਿਕ੍ਖੁ ਸਮਗ੍ਗੇਨ ਸਙ੍ਘੇਨ ਞਤ੍ਤਿਚਤੁਤ੍ਥੇਨ ਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ ਉਪਸਮ੍ਪਨ੍ਨੋ, ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

[ਦੀ. ਨਿ. ੩.੩੦੫] ਸਿਕ੍ਖਾਤਿ ਤਿਸ੍ਸੋ ਸਿਕ੍ਖਾ – ਅਧਿਸੀਲਸਿਕ੍ਖਾ, ਅਧਿਚਿਤ੍ਤਸਿਕ੍ਖਾ, ਅਧਿਪਞ੍ਞਾਸਿਕ੍ਖਾ. ਤਤ੍ਰ ਯਾਯਂ ਅਧਿਸੀਲਸਿਕ੍ਖਾ, ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਾ ਸਿਕ੍ਖਾਤਿ.

ਸਾਜੀਵਂ ਨਾਮ ਯਂ ਭਗਵਤਾ ਪਞ੍ਞਤ੍ਤਂ ਸਿਕ੍ਖਾਪਦਂ, ਏਤਂ ਸਾਜੀਵਂ ਨਾਮ. ਤਸ੍ਮਿਂ ਸਿਕ੍ਖਤਿ, ਤੇਨ ਵੁਚ੍ਚਤਿ ਸਾਜੀਵਸਮਾਪਨ੍ਨੋਤਿ.

ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾਤਿ ਅਤ੍ਥਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ; ਅਤ੍ਥਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ.

‘‘ਕਥਞ੍ਚ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ. ਇਧ, ਭਿਕ੍ਖਵੇ, ਭਿਕ੍ਖੁ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ ਉਪਾਸਕਭਾਵਂ ਪਤ੍ਥਯਮਾਨੋ ਆਰਾਮਿਕਭਾਵਂ ਪਤ੍ਥਯਮਾਨੋ ਸਾਮਣੇਰਭਾਵਂ ਪਤ੍ਥਯਮਾਨੋ ਤਿਤ੍ਥਿਯਭਾਵਂ ਪਤ੍ਥਯਮਾਨੋ ਤਿਤ੍ਥਿਯਸਾਵਕਭਾਵਂ ਪਤ੍ਥਯਮਾਨੋ ਅਸ੍ਸਮਣਭਾਵਂ ਪਤ੍ਥਯਮਾਨੋ ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਯਂਨੂਨਾਹਂ ਬੁਦ੍ਧਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਯਂਨੂਨਾਹਂ ਧਮ੍ਮਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ਯਂਨੂਨਾਹਂ ਸਙ੍ਘਂ… ਯਂਨੂਨਾਹਂ ਸਿਕ੍ਖਂ… ਯਂਨੂਨਾਹਂ ਵਿਨਯਂ… ਯਂਨੂਨਾਹਂ ਪਾਤਿਮੋਕ੍ਖਂ… ਯਂਨੂਨਾਹਂ ਉਦ੍ਦੇਸਂ… ਯਂਨੂਨਾਹਂ ਉਪਜ੍ਝਾਯਂ… ਯਂਨੂਨਾਹਂ ਆਚਰਿਯਂ… ਯਂਨੂਨਾਹਂ ਸਦ੍ਧਿਵਿਹਾਰਿਕਂ… ਯਂਨੂਨਾਹਂ ਅਨ੍ਤੇਵਾਸਿਕਂ… ਯਂਨੂਨਾਹਂ ਸਮਾਨੁਪਜ੍ਝਾਯਕਂ… ਯਂਨੂਨਾਹਂ ਸਮਾਨਾਚਰਿਯਕਂ ਯਂਨੂਨਾਹਂ ਸਬ੍ਰਹ੍ਮਚਾਰਿਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ. ‘ਯਂਨੂਨਾਹਂ ਗਿਹੀ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ. ‘ਯਂਨੂਨਾਹਂ ਉਪਾਸਕੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਆਰਾਮਿਕੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਸਾਮਣੇਰੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਤਿਤ੍ਥਿਯੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਤਿਤ੍ਥਿਯਸਾਵਕੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਅਸ੍ਸਮਣੋ ਅਸ੍ਸ’ਨ੍ਤਿ… ‘ਯਂਨੂਨਾਹਂ ਅਸਕ੍ਯਪੁਤ੍ਤਿਯੋ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੪੬. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਯਦਿ ਪਨਾਹਂ ਬੁਦ੍ਧਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਯਦਿ ਪਨਾਹਂ ਅਸਕ੍ਯਪੁਤ੍ਤਿਯੋ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਅਪਾਹਂ ਬੁਦ੍ਧਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਅਪਾਹਂ ਅਸਕ੍ਯਪੁਤ੍ਤਿਯੋ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਹਨ੍ਦਾਹਂ ਬੁਦ੍ਧਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਹਨ੍ਦਾਹਂ ਅਸਕ੍ਯਪੁਤ੍ਤਿਯੋ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਹੋਤਿ ਮੇ ਬੁਦ੍ਧਂ ਪਚ੍ਚਕ੍ਖੇਯ੍ਯ’ਨ੍ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਹੋਤਿ ਮੇ ਅਸਕ੍ਯਪੁਤ੍ਤਿਯੋ ਅਸ੍ਸ’ਨ੍ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੪੭. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ ‘ਮਾਤਰਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਿਤਰਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਾਤਰਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਗਿਨਿਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪੁਤ੍ਤਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਧੀਤਰਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਜਾਪਤਿਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਞਾਤਕੇ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਮਿਤ੍ਤੇ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਗਾਮਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨਿਗਮਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਖੇਤ੍ਤਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਵਤ੍ਥੁਂ ਸਰਾਮਿ’ਤਿ ਵਦਤਿ ਵਿਞ੍ਞਾਪੇਤਿ… ‘ਹਿਰਞ੍ਞਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸੁਵਣ੍ਣਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਿਪ੍ਪਂ ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪੁਬ੍ਬੇ ਹਸਿਤਂ ਲਪਿਤਂ ਕੀਲ਼ਿਤਂ ਸਮਨੁਸ੍ਸਰਾਮੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੪੮. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਮਾਤਾ ਮੇ ਅਤ੍ਥਿ, ਸਾ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਿਤਾ ਮੇ ਅਤ੍ਥਿ, ਸੋ ਮਯਾ ਪੋਸੇਤਬ੍ਬੋ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਾਤਾ ਮੇ ਅਤ੍ਥਿ, ਸੋ ਮਯਾ ਪੋਸੇਤਬ੍ਬੋ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਗਿਨੀ ਮੇ ਅਤ੍ਥਿ, ਸਾ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ… ‘ਪੁਤ੍ਤੋ ਮੇ ਅਤ੍ਥਿ, ਸੋ ਮਯਾ ਪੋਸੇਤਬ੍ਬੋ’ਤਿ ਵਦਤਿ ਵਿਞ੍ਞਾਪੇਤਿ… ‘ਧੀਤਾ ਮੇ ਅਤ੍ਥਿ, ਸਾ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਜਾਪਤਿ ਮੇ ਅਤ੍ਥਿ, ਸਾ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ … ‘ਞਾਤਕਾ ਮੇ ਅਤ੍ਥਿ, ਤੇ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ… ‘ਮਿਤ੍ਤਾ ਮੇ ਅਤ੍ਥਿ, ਤੇ ਮਯਾ ਪੋਸੇਤਬ੍ਬਾ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੪੯. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਮਾਤਾ ਮੇ ਅਤ੍ਥਿ, ਸਾ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਿਤਾ ਮੇ ਅਤ੍ਥਿ, ਸੋ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਾਤਾ ਮੇ ਅਤ੍ਥਿ, ਸੋ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਭਗਿਨੀ ਮੇ ਅਤ੍ਥਿ, ਸਾ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪੁਤ੍ਤੋ ਮੇ ਅਤ੍ਥਿ, ਸੋ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਧੀਤਾ ਮੇ ਅਤ੍ਥਿ, ਸਾ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਜਾਪਤਿ ਮੇ ਅਤ੍ਥਿ, ਸਾ ਮਂ ਪੋਸੇਸ੍ਸਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਞਾਤਕਾ ਮੇ ਅਤ੍ਥਿ, ਤੇ ਮਂ ਪੋਸੇਸ੍ਸਨ੍ਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਮਿਤ੍ਤਾ ਮੇ ਅਤ੍ਥਿ, ਤੇ ਮਂ ਪੋਸੇਸ੍ਸਨ੍ਤੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਗਾਮੋ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨਿਗਮੋ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਖੇਤ੍ਤਂ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਵਤ੍ਥੁ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਹਿਰਞ੍ਞਂ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸੁਵਣ੍ਣਂ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਿਪ੍ਪਂ ਮੇ ਅਤ੍ਥਿ, ਤੇਨਾਹਂ ਜੀਵਿਸ੍ਸਾਮੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੫੦. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ ‘ਦੁਕ੍ਕਰ’ਨ੍ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਸੁਕਰ’ਨ੍ਤਿ ਵਦਤਿ ਵਿਞ੍ਞਾਪੇਤਿ… ‘ਦੁਚ੍ਚਰ’ਨ੍ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਸੁਚਰ’ਨ੍ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਉਸ੍ਸਹਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਵਿਸਹਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਰਮਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨਾਭਿਰਮਾਮੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ ਖੋ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਅਪਚ੍ਚਕ੍ਖਾਤਾ.

੫੧. ‘‘ਕਥਞ੍ਚ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ? ਇਧ, ਭਿਕ੍ਖਵੇ, ਭਿਕ੍ਖੁ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਬੁਦ੍ਧਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ.

‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਧਮ੍ਮਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਙ੍ਘਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਿਕ੍ਖਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਵਿਨਯਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਪਾਤਿਮੋਕ੍ਖਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਉਦ੍ਦੇਸਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਉਪਜ੍ਝਾਯਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਆਚਰਿਯਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਦ੍ਧਿਵਿਹਾਰਿਕਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਅਨ੍ਤੇਵਾਸਿਕਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਮਾਨੁਪਜ੍ਝਾਯਕਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਮਾਨਾਚਰਿਯਕਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਬ੍ਰਹ੍ਮਚਾਰਿਂ ਪਚ੍ਚਕ੍ਖਾਮੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਗਿਹੀਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਉਪਾਸਕੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਆਰਾਮਿਕੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸਾਮਣੇਰੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਤਿਤ੍ਥਿਯੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਤਿਤ੍ਥਿਯਸਾਵਕੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਅਸ੍ਸਮਣੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਅਸਕ੍ਯਪੁਤ੍ਤਿਯੋਤਿ ਮਂ ਧਾਰੇਹੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ.

੫੨. ‘‘ਅਥ ਵਾ ਪਨ ਉਕ੍ਕਣ੍ਠਿਤੋ ਅਨਭਿਰਤੋ ਸਾਮਞ੍ਞਾ ਚਵਿਤੁਕਾਮੋ ਭਿਕ੍ਖੁਭਾਵਂ ਅਟ੍ਟੀਯਮਾਨੋ ਹਰਾਯਮਾਨੋ ਜਿਗੁਚ੍ਛਮਾਨੋ ਗਿਹਿਭਾਵਂ ਪਤ੍ਥਯਮਾਨੋ…ਪੇ… ਅਸਕ੍ਯਪੁਤ੍ਤਿਯਭਾਵਂ ਪਤ੍ਥਯਮਾਨੋ – ‘ਅਲਂ ਮੇ ਬੁਦ੍ਧੇਨਾ’ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਅਲਂ ਮੇ ਸਬ੍ਰਹ੍ਮਚਾਰੀਹੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ…ਪੇ… ਅਥ ਵਾ ਪਨ…ਪੇ… ‘ਕਿਂ ਨੁ ਮੇ ਬੁਦ੍ਧੇਨਾ’ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਕਿਂ ਨੁ ਮੇ ਸਬ੍ਰਹ੍ਮਚਾਰੀਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਨ ਮਮਤ੍ਥੋ ਬੁਦ੍ਧੇਨਾ’ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਨ ਮਮਤ੍ਥੋ ਸਬ੍ਰਹ੍ਮਚਾਰੀਹੀ’ਤਿ ਵਦਤਿ ਵਿਞ੍ਞਾਪੇਤਿ… ‘ਸੁਮੁਤ੍ਤਾਹਂ ਬੁਦ੍ਧੇਨਾ’ਤਿ ਵਦਤਿ ਵਿਞ੍ਞਾਪੇਤਿ…ਪੇ… ‘ਸੁਮੁਤ੍ਤਾਹਂ ਸਬ੍ਰਹ੍ਮਚਾਰੀਹੀ’ਤਿ ਵਦਤਿ ਵਿਞ੍ਞਾਪੇਤਿ. ਏਵਮ੍ਪਿ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ.

੫੩. ‘‘ਯਾਨਿ ਵਾ ਪਨਞ੍ਞਾਨਿਪਿ ਅਤ੍ਥਿ ਬੁਦ੍ਧਵੇਵਚਨਾਨਿ ਵਾ ਧਮ੍ਮਵੇਵਚਨਾਨਿ ਵਾ ਸਙ੍ਘਵੇਵਚਨਾਨਿ ਵਾ ਸਿਕ੍ਖਾਵੇਵਚਨਾਨਿ ਵਾ ਵਿਨਯਵੇਵਚਨਾਨਿ ਵਾ ਪਾਤਿਮੋਕ੍ਖਵੇਵਚਨਾਨਿ ਵਾ ਉਦ੍ਦੇਸਵੇਵਚਨਾਨਿ ਵਾ ਉਪਜ੍ਝਾਯਵੇਵਚਨਾਨਿ ਵਾ ਆਚਰਿਯਵੇਵਚਨਾਨਿ ਵਾ ਸਦ੍ਧਿਵਿਹਾਰਿਕਵੇਵਚਨਾਨਿ ਵਾ ਅਨ੍ਤੇਵਾਸਿਕਵੇਵਚਨਾਨਿ ਵਾ ਸਮਾਨੁਪਜ੍ਝਾਯਕਵੇਵਚਨਾਨਿ ਵਾ ਸਮਾਨਾਚਰਿਯਕਵੇਵਚਨਾਨਿ ਵਾ ਸਬ੍ਰਹ੍ਮਚਾਰਿਵੇਵਚਨਾਨਿ ਵਾ ਗਿਹਿਵੇਵਚਨਾਨਿ ਵਾ ਉਪਾਸਕਵੇਵਚਨਾਨਿ ਵਾ ਆਰਾਮਿਕਵੇਵਚਨਾਨਿ ਵਾ ਸਾਮਣੇਰਵੇਵਚਨਾਨਿ ਵਾ ਤਿਤ੍ਥਿਯਵੇਵਚਨਾਨਿ ਵਾ ਤਿਤ੍ਥਿਯਸਾਵਕਵੇਵਚਨਾਨਿ ਵਾ ਅਸ੍ਸਮਣਵੇਵਚਨਾਨਿ ਵਾ ਅਸਕ੍ਯਪੁਤ੍ਤਿਯਵੇਵਚਨਾਨਿ ਵਾ, ਤੇਹਿ ਆਕਾਰੇਹਿ ਤੇਹਿ ਲਿਙ੍ਗੇਹਿ ਤੇਹਿ ਨਿਮਿਤ੍ਤੇਹਿ ਵਦਤਿ ਵਿਞ੍ਞਾਪੇਤਿ. ਏਵਂ ਖੋ, ਭਿਕ੍ਖਵੇ, ਦੁਬ੍ਬਲ੍ਯਾਵਿਕਮ੍ਮਞ੍ਚੇਵ ਹੋਤਿ ਸਿਕ੍ਖਾ ਚ ਪਚ੍ਚਕ੍ਖਾਤਾ.

੫੪. ‘‘ਕਥਞ੍ਚ, ਭਿਕ੍ਖਵੇ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ? ਇਧ, ਭਿਕ੍ਖਵੇ, ਯੇਹਿ ਆਕਾਰੇਹਿ ਯੇਹਿ ਲਿਙ੍ਗੇਹਿ ਯੇਹਿ ਨਿਮਿਤ੍ਤੇਹਿ ਸਿਕ੍ਖਾ ਪਚ੍ਚਕ੍ਖਾਤਾ ਹੋਤਿ ਤੇਹਿ ਆਕਾਰੇਹਿ ਤੇਹਿ ਲਿਙ੍ਗੇਹਿ ਤੇਹਿ ਨਿਮਿਤ੍ਤੇਹਿ ਉਮ੍ਮਤ੍ਤਕੋ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਉਮ੍ਮਤ੍ਤਕਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਖਿਤ੍ਤਚਿਤ੍ਤੋ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਖਿਤ੍ਤਚਿਤ੍ਤਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਵੇਦਨਾਟ੍ਟੋ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਵੇਦਨਾਟ੍ਟਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਦੇਵਤਾਯ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਤਿਰਚ੍ਛਾਨਗਤਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਅਰਿਯਕੇਨ ਮਿਲਕ੍ਖਸ੍ਸ [ਮਿਲਕ੍ਖਕਸ੍ਸ (ਸੀ. ਸ੍ਯਾ.) ਮਿਲਕ੍ਖੁਸ੍ਸ (ਕ.)] ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਸੋ ਚ ਨ ਪਟਿਵਿਜਾਨਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਮਿਲਕ੍ਖਕੇਨ ਅਰਿਯਕਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਸੋ ਚ ਨ ਪਟਿਵਿਜਾਨਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਅਰਿਯਕੇਨ ਅਰਿਯਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਸੋ ਚ ਨ ਪਟਿਵਿਜਾਨਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਮਿਲਕ੍ਖਕੇਨ ਮਿਲਕ੍ਖਸ੍ਸ ਸਨ੍ਤਿਕੇ ਸਿਕ੍ਖਂ ਪਚ੍ਚਕ੍ਖਾਤਿ, ਸੋ ਚ ਨ ਪਟਿਵਿਜਾਨਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਦਵਾਯ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਰਵਾਯ ਸਿਕ੍ਖਂ ਪਚ੍ਚਕ੍ਖਾਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਅਸਾਵੇਤੁਕਾਮੋ ਸਾਵੇਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਸਾਵੇਤੁਕਾਮੋ ਨ ਸਾਵੇਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਅਵਿਞ੍ਞੁਸ੍ਸ ਸਾਵੇਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਵਿਞ੍ਞੁਸ੍ਸ ਨ ਸਾਵੇਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਸਬ੍ਬਸੋ ਵਾ ਪਨ ਨ ਸਾਵੇਤਿ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ. ਏਵਂ ਖੋ, ਭਿਕ੍ਖਵੇ, ਅਪਚ੍ਚਕ੍ਖਾਤਾ ਹੋਤਿ ਸਿਕ੍ਖਾ’’.

੫੫. [ਮਹਾਨਿ. ੪੯, ੫੦, ੫੧] ਮੇਥੁਨਧਮ੍ਮੋ ਨਾਮ ਯੋ ਸੋ ਅਸਦ੍ਧਮ੍ਮੋ ਗਾਮਧਮ੍ਮੋ ਵਸਲਧਮ੍ਮੋ ਦੁਟ੍ਠੁਲ੍ਲਂ ਓਦਕਨ੍ਤਿਕਂ ਰਹਸ੍ਸਂ ਦ੍ਵਯਂਦ੍ਵਯਸਮਾਪਤ੍ਤਿ, ਏਸੋ ਮੇਥੁਨਧਮ੍ਮੋ ਨਾਮ.

ਪਟਿਸੇਵਤਿ ਨਾਮ ਯੋ ਨਿਮਿਤ੍ਤੇਨ ਨਿਮਿਤ੍ਤਂ ਅਙ੍ਗਜਾਤੇਨ ਅਙ੍ਗਜਾਤਂ ਅਨ੍ਤਮਸੋ ਤਿਲਫਲਮਤ੍ਤਮ੍ਪਿ ਪਵੇਸੇਤਿ, ਏਸੋ ਪਟਿਸੇਵਤਿ ਨਾਮ.

ਅਨ੍ਤਮਸੋ ਤਿਰਚ੍ਛਾਨਗਤਾਯਪੀਤਿ ਤਿਰਚ੍ਛਾਨਗਤਿਤ੍ਥਿਯਾਪਿ ਮੇਥੁਨਂ ਧਮ੍ਮਂ ਪਟਿਸੇਵਿਤ੍ਵਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ, ਪਗੇਵ ਮਨੁਸ੍ਸਿਤ੍ਥਿਯਾ. ਤੇਨ ਵੁਚ੍ਚਤਿ – ‘ਅਨ੍ਤਮਸੋ ਤਿਰਚ੍ਛਾਨਗਤਾਯਪੀ’ਤਿ.

ਪਾਰਾਜਿਕੋ ਹੋਤੀਤਿ ਸੇਯ੍ਯਥਾਪਿ ਨਾਮ ਪੁਰਿਸੋ ਸੀਸਚ੍ਛਿਨ੍ਨੋ ਅਭਬ੍ਬੋ ਤੇਨ ਸਰੀਰਬਨ੍ਧਨੇਨ ਜੀਵਿਤੁਂ, ਏਵਮੇਵ ਭਿਕ੍ਖੁ ਮੇਥੁਨਂ ਧਮ੍ਮਂ ਪਟਿਸੇਵਿਤ੍ਵਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ. ਤੇਨ ਵੁਚ੍ਚਤਿ – ‘ਪਾਰਾਜਿਕੋ ਹੋਤੀ’ਤਿ.

ਅਸਂਵਾਸੋਤਿ ਸਂਵਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ – ਏਸੋ ਸਂਵਾਸੋ ਨਾਮ. ਸੋ ਤੇਨ ਸਦ੍ਧਿਂ ਨਤ੍ਥਿ. ਤੇਨ ਵੁਚ੍ਚਤਿ – ‘ਅਸਂਵਾਸੋ’ਤਿ.

੫੬. ਤਿਸ੍ਸੋ ਇਤ੍ਥਿਯੋ – ਮਨੁਸ੍ਸਿਤ੍ਥੀ, ਅਮਨੁਸ੍ਸਿਤ੍ਥੀ, ਤਿਰਚ੍ਛਾਨਗਤਿਤ੍ਥੀ. ਤਯੋ ਉਭਤੋਬ੍ਯਞ੍ਜਨਕਾ – ਮਨੁਸ੍ਸੁਭਤੋਬ੍ਯਞ੍ਜਨਕੋ, ਅਮਨੁਸ੍ਸੁਭਤੋਬ੍ਯਞ੍ਜਨਕੋ, ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕੋ. ਤਯੋ ਪਣ੍ਡਕਾ – ਮਨੁਸ੍ਸਪਣ੍ਡਕੋ, ਅਮਨੁਸ੍ਸਪਣ੍ਡਕੋ, ਤਿਰਚ੍ਛਾਨਗਤਪਣ੍ਡਕੋ. ਤਯੋ ਪੁਰਿਸਾ – ਮਨੁਸ੍ਸਪੁਰਿਸੋ, ਅਮਨੁਸ੍ਸਪੁਰਿਸੋ, ਤਿਰਚ੍ਛਾਨਗਤਪੁਰਿਸੋ.

ਮਨੁਸ੍ਸਿਤ੍ਥਿਯਾ ਤਯੋ ਮਗ੍ਗੇ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਵਚ੍ਚਮਗ੍ਗੇ, ਪਸ੍ਸਾਵਮਗ੍ਗੇ, ਮੁਖੇ. ਅਮਨੁਸ੍ਸਿਤ੍ਥਿਯਾ…ਪੇ… ਤਿਰਚ੍ਛਾਨਗਤਿਤ੍ਥਿਯਾ ਤਯੋ ਮਗ੍ਗੇ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਵਚ੍ਚਮਗ੍ਗੇ, ਪਸ੍ਸਾਵਮਗ੍ਗੇ, ਮੁਖੇ. ਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਅਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਸ੍ਸ ਤਯੋ ਮਗ੍ਗੇ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਵਚ੍ਚਮਗ੍ਗੇ, ਪਸ੍ਸਾਵਮਗ੍ਗੇ, ਮੁਖੇ. ਮਨੁਸ੍ਸਪਣ੍ਡਕਸ੍ਸ ਦ੍ਵੇ ਮਗ੍ਗੇ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਵਚ੍ਚਮਗ੍ਗੇ, ਮੁਖੇ. ਅਮਨੁਸ੍ਸਪਣ੍ਡਕਸ੍ਸ… ਤਿਰਚ੍ਛਾਨਗਤਪਣ੍ਡਕਸ੍ਸ… ਮਨੁਸ੍ਸਪੁਰਿਸਸ੍ਸ… ਅਮਨੁਸ੍ਸਪੁਰਿਸਸ੍ਸ… ਤਿਰਚ੍ਛਾਨਗਤਪੁਰਿਸਸ੍ਸ ਦ੍ਵੇ ਮਗ੍ਗੇ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਵਚ੍ਚਮਗ੍ਗੇ, ਮੁਖੇ.

੫੭. ਭਿਕ੍ਖੁਸ੍ਸ ਸੇਵਨਚਿਤ੍ਤਂ ਉਪਟ੍ਠਿਤੇ ਮਨੁਸ੍ਸਿਤ੍ਥਿਯਾ ਵਚ੍ਚਮਗ੍ਗਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਸ੍ਸ ਸੇਵਨਚਿਤ੍ਤਂ ਉਪਟ੍ਠਿਤੇ ਮਨੁਸ੍ਸਿਤ੍ਥਿਯਾ ਪਸ੍ਸਾਵਮਗ੍ਗਂ… ਮੁਖਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਸ੍ਸ ਸੇਵਨਚਿਤ੍ਤਂ ਉਪਟ੍ਠਿਤੇ ਅਮਨੁਸ੍ਸਿਤ੍ਥਿਯਾ… ਤਿਰਚ੍ਛਾਨਗਤਿਤ੍ਥਿਯਾ… ਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਅਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਸ੍ਸ… ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਮੁਖਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਸ੍ਸ ਸੇਵਨਚਿਤ੍ਤਂ ਉਪਟ੍ਠਿਤੇ ਮਨੁਸ੍ਸਪਣ੍ਡਕਸ੍ਸ ਵਚ੍ਚਮਗ੍ਗਂ ਮੁਖਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਸ੍ਸ ਸੇਵਨਚਿਤ੍ਤਂ ਉਪਟ੍ਠਿਤੇ ਅਮਨੁਸ੍ਸਪਣ੍ਡਕਸ੍ਸ… ਤਿਰਚ੍ਛਾਨਗਤਪਣ੍ਡਕਸ੍ਸ… ਮਨੁਸ੍ਸਪੁਰਿਸਸ੍ਸ… ਅਮਨੁਸ੍ਸਪੁਰਿਸਸ੍ਸ… ਤਿਰਚ੍ਛਾਨਗਤਪੁਰਿਸਸ੍ਸ ਵਚ੍ਚਮਗ੍ਗਂ ਮੁਖਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੫੮. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ [ਪਵਿਸਨਂ ਸਾਦਯਤਿ (ਕ.)], ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਨ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਨ ਸਾਦਿਯਤਿ, ਪਵਿਟ੍ਠਂ ਨ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਨ ਸਾਦਿਯਤਿ, ਪਵਿਟ੍ਠਂ ਨ ਸਾਦਿਯਤਿ, ਠਿਤਂ ਨ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ ਆਪਤ੍ਤਿ ਪਾਰਾਜਿਕਸ੍ਸ. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਨ ਸਾਦਿਯਤਿ, ਪਵਿਟ੍ਠਂ ਨ ਸਾਦਿਯਤਿ, ਠਿਤਂ ਨ ਸਾਦਿਯਤਿ, ਉਦ੍ਧਰਣਂ ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੫੯. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਜਾਗਰਨ੍ਤਿਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਅਮਨੁਸ੍ਸਿਤ੍ਥਿਂ… ਤਿਰਚ੍ਛਾਨਗਤਿਤ੍ਥਿਂ… ਮਨੁਸ੍ਸੁਭਤੋਬ੍ਯਞ੍ਜਨਕਂ… ਅਮਨੁਸ੍ਸੁਭਤੋਬ੍ਯਞ੍ਜਨਕਂ… ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਂ ਜਾਗਰਨ੍ਤਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਪਣ੍ਡਕਂ… ਅਮਨੁਸ੍ਸਪਣ੍ਡਕਂ… ਤਿਰਚ੍ਛਾਨਗਤਪਣ੍ਡਕਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਤਿਰਚ੍ਛਾਨਗਤਪਣ੍ਡਕਂ ਜਾਗਰਨ੍ਤਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ … ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੦. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਪੁਰਿਸਂ… ਅਮਨੁਸ੍ਸਪੁਰਿਸਂ… ਤਿਰਚ੍ਛਾਨਗਤਪੁਰਿਸਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਤਿਰਚ੍ਛਾਨਗਤਪੁਰਿਸਂ ਜਾਗਰਨ੍ਤਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੧. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ ਸਨ੍ਥਤਾਯ ਅਸਨ੍ਥਤਸ੍ਸ, ਅਸਨ੍ਥਤਾਯ ਸਨ੍ਥਤਸ੍ਸ, ਸਨ੍ਥਤਾਯ ਸਨ੍ਥਤਸ੍ਸ, ਅਸਨ੍ਥਤਾਯ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਿਤ੍ਥਿਂ ਜਾਗਰਨ੍ਤਿਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ, ਸਨ੍ਥਤਾਯ ਅਸਨ੍ਥਤਸ੍ਸ, ਅਸਨ੍ਥਤਾਯ ਸਨ੍ਥਤਸ੍ਸ, ਸਨ੍ਥਤਾਯ ਸਨ੍ਥਤਸ੍ਸ, ਅਸਨ੍ਥਤਾਯ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਅਮਨੁਸ੍ਸਿਤ੍ਥਿਂ… ਤਿਰਚ੍ਛਾਨਗਤਿਤ੍ਥਿਂ… ਮਨੁਸ੍ਸੁਭਤੋਬ੍ਯਞ੍ਜਨਕਂ… ਅਮਨਸ੍ਸੁਭਤੋਬ੍ਯਞ੍ਜਨਕਂ … ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਂ ਜਾਗਰਨ੍ਤਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਪਸ੍ਸਾਵਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ, ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੨. ਭਿਕ੍ਖੁਪਚ੍ਚਤ੍ਥਿਕਾ ਮਨੁਸ੍ਸਪਣ੍ਡਕਂ… ਅਮਨੁਸ੍ਸਪਣ੍ਡਕਂ… ਤਿਰਚ੍ਛਾਨਗਤਪਣ੍ਡਕਂ… ਮਨੁਸ੍ਸਪੁਰਿਸਂ… ਅਮਨੁਸ੍ਸਪੁਰਿਸਂ… ਤਿਰਚ੍ਛਾਨਗਤਪੁਰਿਸਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਤਿਰਚ੍ਛਾਨਗਤਪੁਰਿਸਂ ਜਾਗਰਨ੍ਤਂ… ਸੁਤ੍ਤਂ… ਮਤ੍ਤਂ… ਉਮ੍ਮਤ੍ਤਂ… ਪਮਤ੍ਤਂ… ਮਤਂ ਅਕ੍ਖਾਯਿਤਂ… ਮਤਂ ਯੇਭੁਯ੍ਯੇਨ ਅਕ੍ਖਾਯਿਤਂ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਂ ਯੇਭੁਯ੍ਯੇਨ ਖਾਯਿਤਂ ਭਿਕ੍ਖੁਸ੍ਸ ਸਨ੍ਤਿਕੇ ਆਨੇਤ੍ਵਾ ਵਚ੍ਚਮਗ੍ਗੇਨ… ਮੁਖੇਨ ਅਙ੍ਗਜਾਤਂ ਅਭਿਨਿਸੀਦੇਨ੍ਤਿ, ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੩. ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਮਨੁਸ੍ਸਿਤ੍ਥਿਯਾ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਪਸ੍ਸਾਵਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਮਨੁਸ੍ਸਿਤ੍ਥਿਯਾ ਜਾਗਰਨ੍ਤਿਯਾ… ਸੁਤ੍ਤਾਯ… ਮਤ੍ਤਾਯ… ਉਮ੍ਮਤ੍ਤਾਯ… ਪਮਤ੍ਤਾਯ … ਮਤਾਯ ਅਕ੍ਖਾਯਿਤਾਯ… ਮਤਾਯ ਯੇਭੁਯ੍ਯੇਨ ਅਕ੍ਖਾਯਿਤਾਯ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਾਯ ਯੇਭੁਯ੍ਯੇਨ ਖਾਯਿਤਾਯ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਪਸ੍ਸਾਵਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਅਮਨੁਸ੍ਸਿਤ੍ਥਿਯਾ… ਤਿਰਚ੍ਛਾਨਗਤਿਤ੍ਥਿਯਾ… ਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਅਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਸ੍ਸ… ਮਨੁਸ੍ਸਪਣ੍ਡਕਸ੍ਸ… ਅਮਨੁਸ੍ਸਪਣ੍ਡਕਸ੍ਸ… ਤਿਰਚ੍ਛਾਨਗਤਪਣ੍ਡਕਸ੍ਸ… ਮਨੁਸ੍ਸਪੁਰਿਸਸ੍ਸ… ਅਮਨੁਸ੍ਸਪੁਰਿਸਸ੍ਸ… ਤਿਰਚ੍ਛਾਨਗਤਪੁਰਿਸਸ੍ਸ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਤਿਰਚ੍ਛਾਨਗਤਪੁਰਿਸਸ੍ਸ ਜਾਗਰਨ੍ਤਸ੍ਸ… ਸੁਤ੍ਤਸ੍ਸ… ਮਤ੍ਤਸ੍ਸ… ਉਮ੍ਮਤ੍ਤਸ੍ਸ… ਪਮਤ੍ਤਸ੍ਸ… ਮਤਸ੍ਸ ਅਕ੍ਖਾਯਿਤਸ੍ਸ… ਮਤਸ੍ਸ ਯੇਭੁਯ੍ਯੇਨ ਅਕ੍ਖਾਯਿਤਸ੍ਸ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਸ੍ਸ ਯੇਭੁਯ੍ਯੇਨ ਖਾਯਿਤਸ੍ਸ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੪. ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਮਨੁਸ੍ਸਿਤ੍ਥਿਯਾ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਪਸ੍ਸਾਵਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਾਯ, ਅਸਨ੍ਥਤਸ੍ਸ ਸਨ੍ਥਤਾਯ, ਸਨ੍ਥਤਸ੍ਸ ਸਨ੍ਥਤਾਯ, ਅਸਨ੍ਥਤਸ੍ਸ ਅਸਨ੍ਥਤਾਯ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਮਨੁਸ੍ਸਿਤ੍ਥਿਯਾ ਜਾਗਰਨ੍ਤਿਯਾ… ਸੁਤ੍ਤਾਯ… ਮਤ੍ਤਾਯ… ਉਮ੍ਮਤ੍ਤਾਯ… ਪਮਤ੍ਤਾਯ… ਮਤਾਯ ਅਕ੍ਖਾਯਿਤਾਯ… ਮਤਾਯ ਯੇਭੁਯ੍ਯੇਨ ਅਕ੍ਖਾਯਿਤਾਯ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਾਯ ਯੇਭੁਯ੍ਯੇਨ ਖਾਯਿਤਾਯ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਪਸ੍ਸਾਵਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਾਯ, ਅਸਨ੍ਥਤਸ੍ਸ ਸਨ੍ਥਤਾਯ, ਸਨ੍ਥਤਸ੍ਸ ਸਨ੍ਥਤਾਯ, ਅਸਨ੍ਥਤਸ੍ਸ ਅਸਨ੍ਥਤਾਯ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਅਮਨੁਸ੍ਸਿਤ੍ਥਿਯਾ… ਤਿਰਚ੍ਛਾਨਗਤਿਤ੍ਥਿਯਾ… ਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਅਮਨੁਸ੍ਸੁਭਤੋਬ੍ਯਞ੍ਜਨਕਸ੍ਸ… ਤਿਰਚ੍ਛਾਨਗਤੁਭਤੋਬ੍ਯਞ੍ਜਨਕਸ੍ਸ… ਮਨੁਸ੍ਸਪਣ੍ਡਕਸ੍ਸ… ਅਮਨੁਸ੍ਸਪਣ੍ਡਕਸ੍ਸ… ਤਿਰਚ੍ਛਾਨਗਤਪਣ੍ਡਕਸ੍ਸ… ਮਨੁਸ੍ਸਪੁਰਿਸਸ੍ਸ… ਅਮਨੁਸ੍ਸਪੁਰਿਸਸ੍ਸ… ਤਿਰਚ੍ਛਾਨਗਤਪੁਰਿਸਸ੍ਸ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

੬੫. ਭਿਕ੍ਖੁਪਚ੍ਚਤ੍ਥਿਕਾ ਭਿਕ੍ਖੁਂ ਤਿਰਚ੍ਛਾਨਗਤਪੁਰਿਸਸ੍ਸ ਜਾਗਰਨ੍ਤਸ੍ਸ… ਸੁਤ੍ਤਸ੍ਸ… ਮਤ੍ਤਸ੍ਸ… ਉਮ੍ਮਤ੍ਤਸ੍ਸ… ਪਮਤ੍ਤਸ੍ਸ… ਮਤਸ੍ਸ ਅਕ੍ਖਾਯਿਤਸ੍ਸ… ਮਤਸ੍ਸ ਯੇਭੁਯ੍ਯੇਨ ਅਕ੍ਖਾਯਿਤਸ੍ਸ…ਪੇ… ਆਪਤ੍ਤਿ ਪਾਰਾਜਿਕਸ੍ਸ. ਮਤਸ੍ਸ ਯੇਭੁਯ੍ਯੇਨ ਖਾਯਿਤਸ੍ਸ ਸਨ੍ਤਿਕੇ ਆਨੇਤ੍ਵਾ ਅਙ੍ਗਜਾਤੇਨ ਵਚ੍ਚਮਗ੍ਗਂ… ਮੁਖਂ ਅਭਿਨਿਸੀਦੇਨ੍ਤਿ ਸਨ੍ਥਤਸ੍ਸ ਅਸਨ੍ਥਤਸ੍ਸ, ਅਸਨ੍ਥਤਸ੍ਸ ਸਨ੍ਥਤਸ੍ਸ, ਸਨ੍ਥਤਸ੍ਸ ਸਨ੍ਥਤਸ੍ਸ, ਅਸਨ੍ਥਤਸ੍ਸ ਅਸਨ੍ਥਤਸ੍ਸ. ਸੋ ਚੇ ਪਵੇਸਨਂ ਸਾਦਿਯਤਿ, ਪਵਿਟ੍ਠਂ ਸਾਦਿਯਤਿ, ਠਿਤਂ ਸਾਦਿਯਤਿ, ਉਦ੍ਧਰਣਂ ਸਾਦਿਯਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਨ ਸਾਦਿਯਤਿ, ਅਨਾਪਤ੍ਤਿ.

ਯਥਾ ਭਿਕ੍ਖੁਪਚ੍ਚਤ੍ਥਿਕਾ ਵਿਤ੍ਥਾਰਿਤਾ, ਏਵਂ ਵਿਤ੍ਥਾਰੇਤਬ੍ਬਾ.

ਰਾਜਪਚ੍ਚਤ੍ਥਿਕਾ… ਚੋਰਪਚ੍ਚਤ੍ਥਿਕਾ… ਧੁਤ੍ਤਪਚ੍ਚਤ੍ਥਿਕਾ… ਉਪ੍ਪਲ਼ਗਨ੍ਧਪਚ੍ਚਤ੍ਥਿਕਾ. ਸਂਖਿਤ੍ਤਂ.

੬੬. ਮਗ੍ਗੇਨ ਮਗ੍ਗਂ ਪਵੇਸੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਗ੍ਗੇਨ ਅਮਗ੍ਗਂ ਪਵੇਸੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਮਗ੍ਗੇਨ ਮਗ੍ਗਂ ਪਵੇਸੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਮਗ੍ਗੇਨ ਅਮਗ੍ਗਂ ਪਵੇਸੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਭਿਕ੍ਖੁ ਸੁਤ੍ਤਭਿਕ੍ਖੁਮ੍ਹਿ ਵਿਪ੍ਪਟਿਪਜ੍ਜਤਿ; ਪਟਿਬੁਦ੍ਧੋ ਸਾਦਿਯਤਿ, ਉਭੋ ਨਾਸੇਤਬ੍ਬਾ. ਪਟਿਬੁਦ੍ਧੋ ਨ ਸਾਦਿਯਤਿ, ਦੂਸਕੋ ਨਾਸੇਤਬ੍ਬੋ. ਭਿਕ੍ਖੁ ਸੁਤ੍ਤਸਾਮਣੇਰਮ੍ਹਿ ਵਿਪ੍ਪਟਿਪਜ੍ਜਤਿ; ਪਟਿਬੁਦ੍ਧੋ ਸਾਦਿਯਤਿ, ਉਭੋ ਨਾਸੇਤਬ੍ਬਾ. ਪਟਿਬੁਦ੍ਧੋ ਨ ਸਾਦਿਯਤਿ, ਦੂਸਕੋ ਨਾਸੇਤਬ੍ਬੋ. ਸਾਮਣੇਰੋ ਸੁਤ੍ਤਭਿਕ੍ਖੁਮ੍ਹਿ ਵਿਪ੍ਪਟਿਪਜ੍ਜਤਿ; ਪਟਿਬੁਦ੍ਧੋ ਸਾਦਿਯਤਿ, ਉਭੋ ਨਾਸੇਤਬ੍ਬਾ. ਪਟਿਬੁਦ੍ਧੋ ਨ ਸਾਦਿਯਤਿ, ਦੂਸਕੋ ਨਾਸੇਤਬ੍ਬੋ. ਸਾਮਣੇਰੋ ਸੁਤ੍ਤਸਾਮਣੇਰਮ੍ਹਿ ਵਿਪ੍ਪਟਿਪਜ੍ਜਤਿ; ਪਟਿਬੁਦ੍ਧੋ ਸਾਦਿਯਤਿ, ਉਭੋ ਨਾਸੇਤਬ੍ਬਾ. ਪਟਿਬੁਦ੍ਧੋ ਨ ਸਾਦਿਯਤਿ, ਦੂਸਕੋ ਨਾਸੇਤਬ੍ਬੋ.

ਅਨਾਪਤ੍ਤਿ ਅਜਾਨਨ੍ਤਸ੍ਸ, ਅਸਾਦਿਯਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਸਨ੍ਥਤਭਾਣਵਾਰੋ ਨਿਟ੍ਠਿਤੋ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਮਕ੍ਕਟੀ ਵਜ੍ਜਿਪੁਤ੍ਤਾ ਚ, ਗਿਹੀ ਨਗ੍ਗੋ ਚ ਤਿਤ੍ਥਿਯਾ;

ਦਾਰਿਕੁਪ੍ਪਲਵਣ੍ਣਾ ਚ, ਬ੍ਯਞ੍ਜਨੇਹਿਪਰੇ ਦੁਵੇ.

ਮਾਤਾ ਧੀਤਾ ਭਗਿਨੀ ਚ, ਜਾਯਾ ਚ ਮੁਦੁ ਲਮ੍ਬਿਨਾ;

ਦ੍ਵੇ ਵਣਾ ਲੇਪਚਿਤ੍ਤਞ੍ਚ, ਦਾਰੁਧੀਤਲਿਕਾਯ ਚ.

ਸੁਨ੍ਦਰੇਨ ਸਹ ਪਞ੍ਚ, ਪਞ੍ਚ ਸਿਵਥਿਕਟ੍ਠਿਕਾ;

ਨਾਗੀ ਯਕ੍ਖੀ ਚ ਪੇਤੀ ਚ, ਪਣ੍ਡਕੋਪਹਤੋ ਛੁਪੇ.

ਭਦ੍ਦਿਯੇ ਅਰਹਂ ਸੁਤ੍ਤੋ, ਸਾਵਤ੍ਥਿਯਾ ਚਤੁਰੋ ਪਰੇ;

ਵੇਸਾਲਿਯਾ ਤਯੋ ਮਾਲਾ, ਸੁਪਿਨੇ ਭਾਰੁਕਚ੍ਛਕੋ.

ਸੁਪਬ੍ਬਾ ਸਦ੍ਧਾ ਭਿਕ੍ਖੁਨੀ, ਸਿਕ੍ਖਮਾਨਾ ਸਾਮਣੇਰੀ ਚ;

ਵੇਸਿਯਾ ਪਣ੍ਡਕੋ ਗਿਹੀ, ਅਞ੍ਞਮਞ੍ਞਂ ਵੁਡ੍ਢਪਬ੍ਬਜਿਤੋ ਮਿਗੋਤਿ.

ਵਿਨੀਤਵਤ੍ਥੁ

੬੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਕ੍ਕਟਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਵੇਸਾਲਿਕਾ ਵਜ੍ਜਿਪੁਤ੍ਤਕਾ ਭਿਕ੍ਖੂ ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਿਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਗਿਹਿਲਿਙ੍ਗੇਨ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਨਗ੍ਗੋ ਹੁਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਕੁਸਚੀਰਂ ਨਿਵਾਸੇਤ੍ਵਾ… ਵਾਕਚੀਰਂ ਨਿਵਾਸੇਤ੍ਵਾ… ਫਲਕਚੀਰਂ ਨਿਵਾਸੇਤ੍ਵਾ… ਕੇਸਕਮ੍ਬਲਂ ਨਿਵਾਸੇਤ੍ਵਾ… ਵਾਲਕਮ੍ਬਲਂ ਨਿਵਾਸੇਤ੍ਵਾ… ਉਲੂਕਪਕ੍ਖਿਕਂ ਨਿਵਾਸੇਤ੍ਵਾ… ਅਜਿਨਕ੍ਖਿਪਂ ਨਿਵਾਸੇਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਪੀਠਕੇ ਨਿਪਨ੍ਨਂ ਦਾਰਿਕਂ ਪਸ੍ਸਿਤ੍ਵਾ ਸਾਰਤ੍ਤੋ ਅਙ੍ਗੁਟ੍ਠਂ ਅਙ੍ਗਜਾਤਂ ਪਵੇਸੇਸਿ. ਸਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਙ੍ਘਾਦਿਸੇਸਸ੍ਸਾ’’ਤਿ.

੬੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਮਾਣਵਕੋ ਉਪ੍ਪਲਵਣ੍ਣਾਯ ਭਿਕ੍ਖੁਨਿਯਾ ਪਟਿਬਦ੍ਧਚਿਤ੍ਤੋ ਹੋਤਿ. ਅਥ ਖੋ ਸੋ ਮਾਣਵਕੋ ਉਪ੍ਪਲਵਣ੍ਣਾਯ ਭਿਕ੍ਖੁਨਿਯਾ ਗਾਮਂ ਪਿਣ੍ਡਾਯ ਪਵਿਟ੍ਠਾਯ ਕੁਟਿਕਂ ਪਵਿਸਿਤ੍ਵਾ ਨਿਲੀਨੋ ਅਚ੍ਛਿ. ਉਪ੍ਪਲਵਣ੍ਣਾ ਭਿਕ੍ਖੁਨੀ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾ ਪਾਦੇ ਪਕ੍ਖਾਲੇਤ੍ਵਾ ਕੁਟਿਕਂ ਪਵਿਸਿਤ੍ਵਾ ਮਞ੍ਚਕੇ ਨਿਸੀਦਿ. ਅਥ ਖੋ ਸੋ ਮਾਣਵਕੋ ਉਪ੍ਪਲਵਣ੍ਣਂ ਭਿਕ੍ਖੁਨਿਂ ਉਗ੍ਗਹੇਤ੍ਵਾ ਦੂਸੇਸਿ. ਉਪ੍ਪਲਵਣ੍ਣਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਅਸਾਦਿਯਨ੍ਤਿਯਾ’’ਤਿ.

੬੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਇਤ੍ਥਿਲਿਙ੍ਗਂ ਪਾਤੁਭੂਤਂ ਹੋਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨੁਜਾਨਾਮਿ, ਭਿਕ੍ਖਵੇ, ਤਂਯੇਵ ਉਪਜ੍ਝਂ ਤਮੇਵ ਉਪਸਮ੍ਪਦਂ ਤਾਨਿਯੇਵ [ਤਾਨਿ (ਸੀ. ਸ੍ਯਾ.)] ਵਸ੍ਸਾਨਿ ਭਿਕ੍ਖੁਨੀਹਿ ਸਙ੍ਗਮਿਤੁਂ [ਸਙ੍ਕਮਿਤੁਂ (ਸੀ. ਸ੍ਯਾ.)]. ਯਾ ਆਪਤ੍ਤਿਯੋ ਭਿਕ੍ਖੂਨਂ ਭਿਕ੍ਖੁਨੀਹਿ ਸਾਧਾਰਣਾ ਤਾ ਆਪਤ੍ਤਿਯੋ ਭਿਕ੍ਖੁਨੀਨਂ ਸਨ੍ਤਿਕੇ ਵੁਟ੍ਠਾਤੁਂ. ਯਾ ਆਪਤ੍ਤਿਯੋ ਭਿਕ੍ਖੂਨਂ ਭਿਕ੍ਖੁਨੀਹਿ ਅਸਾਧਾਰਣਾ ਤਾਹਿ ਆਪਤ੍ਤੀਹਿ ਅਨਾਪਤ੍ਤੀ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਿਸ੍ਸਾ ਭਿਕ੍ਖੁਨਿਯਾ ਪੁਰਿਸਲਿਙ੍ਗਂ ਪਾਤੁਭੂਤਂ ਹੋਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨੁਜਾਨਾਮਿ, ਭਿਕ੍ਖਵੇ, ਤਂਯੇਵ ਉਪਜ੍ਝਂ ਤਮੇਵ ਉਪਸਮ੍ਪਦਂ ਤਾਨਿਯੇਵ [ਤਾਨਿ (ਸੀ. ਸ੍ਯਾ.)] ਵਸ੍ਸਾਨਿ ਭਿਕ੍ਖੂਹਿ ਸਙ੍ਗਮਿਤੁਂ [ਸਙ੍ਕਮਿਤੁਂ (ਸੀ. ਸ੍ਯਾ.)]. ਯਾ ਆਪਤ੍ਤਿਯੋ ਭਿਕ੍ਖੁਨੀਨਂ ਭਿਕ੍ਖੂਹਿ ਸਾਧਾਰਣਾ ਤਾ ਆਪਤ੍ਤਿਯੋ ਭਿਕ੍ਖੂਨਂ ਸਨ੍ਤਿਕੇ ਵੁਟ੍ਠਾਤੁਂ. ਯਾ ਆਪਤ੍ਤਿਯੋ ਭਿਕ੍ਖੁਨੀਨਂ ਭਿਕ੍ਖੂਹਿ ਅਸਾਧਾਰਣਾ ਤਾਹਿ ਆਪਤ੍ਤੀਹਿ ਅਨਾਪਤ੍ਤੀ’’ਤਿ.

੭੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਮਾਤੁਯਾ ਮੇਥੁਨਂ ਧਮ੍ਮਂ ਪਟਿਸੇਵਿ… ਧੀਤੁਯਾ ਮੇਥੁਨਂ ਧਮ੍ਮਂ ਪਟਿਸੇਵਿ… ਭਗਿਨਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਰਾਣਦੁਤਿਯਿਕਾਯ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੭੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮੁਦੁਪਿਟ੍ਠਿਕੋ ਹੋਤਿ. ਸੋ ਅਨਭਿਰਤਿਯਾ ਪੀਲ਼ਿਤੋ ਅਤ੍ਤਨੋ ਅਙ੍ਗਜਾਤਂ ਮੁਖੇਨ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਲਮ੍ਬੀ ਹੋਤਿ. ਸੋ ਅਨਭਿਰਤਿਯਾ ਪੀਲ਼ਿਤੋ ਅਤ੍ਤਨੋ ਅਙ੍ਗਜਾਤਂ ਅਤ੍ਤਨੋ ਵਚ੍ਚਮਗ੍ਗਂ ਪਵੇਸੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਤਸਰੀਰਂ ਪਸ੍ਸਿ. ਤਸ੍ਮਿਞ੍ਚ ਸਰੀਰੇ ਅਙ੍ਗਜਾਤਸਾਮਨ੍ਤਾ ਵਣੋ ਹੋਤਿ. ਸੋ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਅਙ੍ਗਜਾਤੇ ਅਙ੍ਗਜਾਤਂ ਪਵੇਸੇਤ੍ਵਾ ਵਣੇਨ ਨੀਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਤਸਰੀਰਂ ਪਸ੍ਸਿ. ਤਸ੍ਮਿਞ੍ਚ ਸਰੀਰੇ ਅਙ੍ਗਜਾਤਸਾਮਨ੍ਤਾ ਵਣੋ ਹੋਤਿ. ਸੋ – ‘ਏਵਂ ਮੇ ਅਨਾਪਤ੍ਤਿ ਭਵਿਸ੍ਸਤੀ’ਤਿ, ਵਣੇ ਅਙ੍ਗਜਾਤਂ ਪਵੇਸੇਤ੍ਵਾ ਅਙ੍ਗਜਾਤੇਨ ਨੀਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਲੇਪਚਿਤ੍ਤਸ੍ਸ ਨਿਮਿਤ੍ਤਂ ਅਙ੍ਗਜਾਤੇਨ ਛੁਪਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਦਾਰੁਧੀਤਲਿਕਾਯ ਨਿਮਿਤ੍ਤਂ ਅਙ੍ਗਜਾਤੇਨ ਛੁਪਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੭੨. ਤੇਨ ਖੋ ਪਨ ਸਮਯੇਨ ਸੁਨ੍ਦਰੋ ਨਾਮ ਭਿਕ੍ਖੁ ਰਾਜਗਹਾ ਪਬ੍ਬਜਿਤੋ ਰਥਿਕਾਯ [ਰਥਿਯਾਯ (ਕ.)] ਗਚ੍ਛਤਿ. ਅਞ੍ਞਤਰਾ ਇਤ੍ਥੀ – ‘ਮੁਹੁਤ੍ਤਂ [ਇਤ੍ਥੀ ਤਂ ਪਸ੍ਸਿਤ੍ਵਾ ਏਤਦਵੋਚ ਮੁਹੁਤ੍ਤਂ (ਸ੍ਯਾ.)], ਭਨ੍ਤੇ, ਆਗਮੇਹਿ, ਵਨ੍ਦਿਸ੍ਸਾਮੀ’ਤਿ ਸਾ ਵਨ੍ਦਨ੍ਤੀ ਅਨ੍ਤਰਵਾਸਕਂ ਉਕ੍ਖਿਪਿਤ੍ਵਾ ਮੁਖੇਨ ਅਙ੍ਗਜਾਤਂ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਸਾਦਿਯਿ’’ਨ੍ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਸਾਦਿਯਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਭਿਕ੍ਖੁਂ ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ‘‘ਅਲਂ, ਭਗਿਨਿ, ਨੇਤਂ ਕਪ੍ਪਤੀ’’ਤਿ. ‘‘ਏਹਿ, ਭਨ੍ਤੇ, ਅਹਂ ਵਾਯਮਿਸ੍ਸਾਮਿ, ਤ੍ਵਂ ਮਾ ਵਾਯਮਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ. ਸੋ ਭਿਕ੍ਖੁ ਤਥਾ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਭਿਕ੍ਖੁਂ ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ‘‘ਅਲਂ, ਭਗਿਨਿ, ਨੇਤਂ ਕਪ੍ਪਤੀ’’ਤਿ. ‘‘ਏਹਿ ਭਨ੍ਤੇ, ਤ੍ਵਂ ਵਾਯਮ, ਅਹਂ ਨ ਵਾਯਮਿਸ੍ਸਾਮਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ. ਸੋ ਭਿਕ੍ਖੁ ਤਥਾ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਭਿਕ੍ਖੁਂ ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ‘‘ਅਲਂ, ਭਗਿਨਿ, ਨੇਤਂ ਕਪ੍ਪਤੀ’’ਤਿ. ‘‘ਏਹਿ, ਭਨ੍ਤੇ, ਅਬ੍ਭਨ੍ਤਰਂ ਘਟ੍ਟੇਤ੍ਵਾ ਬਹਿ ਮੋਚੇਹਿ…ਪੇ… ਬਹਿ ਘਟ੍ਟੇਤ੍ਵਾ ਅਬ੍ਭਨ੍ਤਰਂ ਮੋਚੇਹਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ. ਸੋ ਭਿਕ੍ਖੁ ਤਥਾ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੭੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਅਕ੍ਖਾਯਿਤਂ ਸਰੀਰਂ ਪਸ੍ਸਿਤ੍ਵਾ ਤਸ੍ਮਿਂ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਯੇਭੁਯ੍ਯੇਨ ਅਕ੍ਖਾਯਿਤਂ ਸਰੀਰਂ ਪਸ੍ਸਿਤ੍ਵਾ ਤਸ੍ਮਿਂ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਯੇਭੁਯ੍ਯੇਨ ਖਾਯਿਤਂ ਸਰੀਰਂ ਪਸ੍ਸਿਤ੍ਵਾ ਤਸ੍ਮਿਂ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਛਿਨ੍ਨਸੀਸਂ ਪਸ੍ਸਿਤ੍ਵਾ ਵਟ੍ਟਕਤੇ ਮੁਖੇ ਛੁਪਨ੍ਤਂ ਅਙ੍ਗਜਾਤਂ ਪਵੇਸੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਛਿਨ੍ਨਸੀਸਂ ਪਸ੍ਸਿਤ੍ਵਾ ਵਟ੍ਟਕਤੇ ਮੁਖੇ ਅਚ੍ਛੁਪਨ੍ਤਂ ਅਙ੍ਗਜਾਤਂ ਪਵੇਸੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਿਸ੍ਸਾ ਇਤ੍ਥਿਯਾ ਪਟਿਬਦ੍ਧਚਿਤ੍ਤੋ ਹੋਤਿ. ਸਾ ਕਾਲਙ੍ਕਤਾ [ਕਾਲਕਤਾ (ਸੀ. ਸ੍ਯਾ.)] ਸੁਸਾਨੇ ਛਡ੍ਡਿਤਾ. ਅਟ੍ਠਿਕਾਨਿ ਵਿਪ੍ਪਕਿਣ੍ਣਾਨਿ ਹੋਨ੍ਤਿ. ਅਥ ਖੋ ਸੋ ਭਿਕ੍ਖੁ ਸਿਵਥਿਕਂ ਗਨ੍ਤ੍ਵਾ ਅਟ੍ਠਿਕਾਨਿ ਸਙ੍ਕਡ੍ਢਿਤ੍ਵਾ ਨਿਮਿਤ੍ਤੇ ਅਙ੍ਗਜਾਤਂ ਪਟਿਪਾਦੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਨਾਗਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿ… ਯਕ੍ਖਿਨਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿ… ਪੇਤਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿ … ਪਣ੍ਡਕਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਉਪਹਤਿਨ੍ਦ੍ਰਿਯੋ ਹੋਤਿ. ਸੋ – ‘ਨਾਹਂ ਵੇਦਿਯਾਮਿ [ਵੇਦਯਾਮਿ (ਕ.)] ਸੁਖਂ ਵਾ ਦੁਕ੍ਖਂ ਵਾ, ਅਨਾਪਤ੍ਤਿ ਮੇ ਭਵਿਸ੍ਸਤੀ’ਤਿ, ਮੇਥੁਨਂ ਧਮ੍ਮਂ ਪਟਿਸੇਵਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਵੇਦਯਿ ਵਾ ਸੋ, ਭਿਕ੍ਖਵੇ, ਮੋਘਪੁਰਿਸੋ ਨ ਵਾ ਵੇਦਯਿ, ਆਪਤ੍ਤਿ ਪਾਰਾਜਿਕਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ – ‘ਇਤ੍ਥਿਯਾ ਮੇਥੁਨਂ ਧਮ੍ਮਂ ਪਟਿਸੇਵਿਸ੍ਸਾਮੀ’ਤਿ, ਛੁਪਿਤਮਤ੍ਤੇ ਵਿਪ੍ਪਟਿਸਾਰੀ ਅਹੋਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਙ੍ਘਾਦਿਸੇਸਸ੍ਸਾ’’ਤਿ.

੭੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਭਦ੍ਦਿਯੇ ਜਾਤਿਯਾਵਨੇ ਦਿਵਾਵਿਹਾਰਗਤੋ ਨਿਪਨ੍ਨੋ ਹੋਤਿ. ਤਸ੍ਸ ਅਙ੍ਗਮਙ੍ਗਾਨਿ ਵਾਤੂਪਤ੍ਥਦ੍ਧਾਨਿ ਹੋਨ੍ਤਿ. ਅਞ੍ਞਤਰਾ ਇਤ੍ਥੀ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿਤ੍ਵਾ ਯਾਵਦਤ੍ਥਂ ਕਤ੍ਵਾ ਪਕ੍ਕਾਮਿ. ਭਿਕ੍ਖੂ ਕਿਲਿਨ੍ਨਂ ਪਸ੍ਸਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਪਞ੍ਚਹਿ, ਭਿਕ੍ਖਵੇ, ਆਕਾਰੇਹਿ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ – ਰਾਗੇਨ, ਵਚ੍ਚੇਨ, ਪਸ੍ਸਾਵੇਨ, ਵਾਤੇਨ, ਉਚ੍ਚਾਲਿਙ੍ਗਪਾਣਕਦਟ੍ਠੇਨ. ਇਮੇਹਿ ਖੋ, ਭਿਕ੍ਖਵੇ, ਪਞ੍ਚਹਾਕਾਰੇਹਿ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ. ਅਟ੍ਠਾਨਮੇਤਂ, ਭਿਕ੍ਖਵੇ, ਅਨਵਕਾਸੋ ਯਂ ਤਸ੍ਸ ਭਿਕ੍ਖੁਨੋ ਰਾਗੇਨ ਅਙ੍ਗਜਾਤਂ ਕਮ੍ਮਨਿਯਂ ਅਸ੍ਸ. ਅਰਹਂ ਸੋ, ਭਿਕ੍ਖਵੇ, ਭਿਕ੍ਖੁ. ਅਨਾਪਤ੍ਤਿ, ਭਿਕ੍ਖਵੇ, ਤਸ੍ਸ ਭਿਕ੍ਖੁਨੋ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਵਤ੍ਥਿਯਾ ਅਨ੍ਧਵਨੇ ਦਿਵਾਵਿਹਾਰਗਤੋ ਨਿਪਨ੍ਨੋ ਹੋਤਿ. ਅਞ੍ਞਤਰਾ ਗੋਪਾਲਿਕਾ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿ. ਸੋ ਭਿਕ੍ਖੁ ਪਵੇਸਨਂ ਸਾਦਿਯਿ, ਪਵਿਟ੍ਠਂ ਸਾਦਿਯਿ, ਠਿਤਂ ਸਾਦਿਯਿ, ਉਦ੍ਧਰਣਂ ਸਾਦਿਯਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਵਤ੍ਥਿਯਾ ਅਨ੍ਧਵਨੇ ਦਿਵਾਵਿਹਾਰਗਤੋ ਨਿਪਨ੍ਨੋ ਹੋਤਿ. ਅਞ੍ਞਤਰਾ ਅਜਪਾਲਿਕਾ ਪਸ੍ਸਿਤ੍ਵਾ… ਅਞ੍ਞਤਰਾ ਕਟ੍ਠਹਾਰਿਕਾ ਪਸ੍ਸਿਤ੍ਵਾ… ਅਞ੍ਞਤਰਾ ਗੋਮਯਹਾਰਿਕਾ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿ. ਸੋ ਭਿਕ੍ਖੁ ਪਵੇਸਨਂ ਸਾਦਿਯਿ, ਪਵਿਟ੍ਠਂ ਸਾਦਿਯਿ, ਠਿਤਂ ਸਾਦਿਯਿ, ਉਦ੍ਧਰਣਂ ਸਾਦਿਯਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੭੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੇਸਾਲਿਯਂ ਮਹਾਵਨੇ ਦਿਵਾਵਿਹਾਰਗਤੋ ਨਿਪਨ੍ਨੋ ਹੋਤਿ. ਅਞ੍ਞਤਰਾ ਇਤ੍ਥੀ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿਤ੍ਵਾ ਯਾਵਦਤ੍ਥਂ ਕਤ੍ਵਾ ਸਾਮਨ੍ਤਾ ਹਸਮਾਨਾ ਠਿਤਾ ਹੋਤਿ. ਸੋ ਭਿਕ੍ਖੁ ਪਟਿਬੁਜ੍ਝਿਤ੍ਵਾ ਤਂ ਇਤ੍ਥਿਂ ਏਤਦਵੋਚ – ‘‘ਤੁਯ੍ਹਿਦਂ ਕਮ੍ਮ’’ਨ੍ਤਿ? ‘‘ਆਮ, ਮਯ੍ਹਂ ਕਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਜਾਨਾਮੀ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ.

੭੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੇਸਾਲਿਯਂ ਮਹਾਵਨੇ ਦਿਵਾਵਿਹਾਰਗਤੋ ਰੁਕ੍ਖਂ ਅਪਸ੍ਸਾਯ ਨਿਪਨ੍ਨੋ ਹੋਤਿ. ਅਞ੍ਞਤਰਾ ਇਤ੍ਥੀ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿ. ਸੋ ਭਿਕ੍ਖੁ ਸਹਸਾ ਵੁਟ੍ਠਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਸਾਦਿਯਿ’’ਨ੍ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਸਾਦਿਯਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੇਸਾਲਿਯਂ ਮਹਾਵਨੇ ਦਿਵਾਵਿਹਾਰਗਤੋ ਰੁਕ੍ਖਂ ਅਪਸ੍ਸਾਯ ਨਿਪਨ੍ਨੋ ਹੋਤਿ. ਅਞ੍ਞਤਰਾ ਇਤ੍ਥੀ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿ. ਸੋ ਭਿਕ੍ਖੁ ਅਕ੍ਕਮਿਤ੍ਵਾ ਪਵਤ੍ਤੇਸਿ [ਪਵਟ੍ਟੇਸਿ (ਸੀ. ਸ੍ਯਾ.)]. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਸਾਦਿਯਿ’’ਨ੍ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਸਾਦਿਯਨ੍ਤਸ੍ਸਾ’’ਤਿ.

੭੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੇਸਾਲਿਯਂ ਮਹਾਵਨੇ ਕੂਟਾਗਾਰਸਾਲਾਯਂ ਦਿਵਾਵਿਹਾਰਗਤੋ ਦ੍ਵਾਰਂ ਵਿਵਰਿਤ੍ਵਾ ਨਿਪਨ੍ਨੋ ਹੋਤਿ. ਤਸ੍ਸ ਅਙ੍ਗਮਙ੍ਗਾਨਿ ਵਾਤੂਪਤ੍ਥਦ੍ਧਾਨਿ ਹੋਨ੍ਤਿ. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਇਤ੍ਥਿਯੋ ਗਨ੍ਧਞ੍ਚ ਮਾਲਞ੍ਚ ਆਦਾਯ ਆਰਾਮਂ ਆਗਮਂਸੁ ਵਿਹਾਰਪੇਕ੍ਖਿਕਾਯੋ. ਅਥ ਖੋ ਤਾ ਇਤ੍ਥਿਯੋ ਤਂ ਭਿਕ੍ਖੁਂ ਪਸ੍ਸਿਤ੍ਵਾ ਅਙ੍ਗਜਾਤੇ ਅਭਿਨਿਸੀਦਿਤ੍ਵਾ ਯਾਵਦਤ੍ਥਂ ਕਤ੍ਵਾ, ਪੁਰਿਸੂਸਭੋ ਵਤਾਯਨ੍ਤਿ ਵਤ੍ਵਾ ਗਨ੍ਧਞ੍ਚ ਮਾਲਞ੍ਚ ਆਰੋਪੇਤ੍ਵਾ ਪਕ੍ਕਮਿਂਸੁ. ਭਿਕ੍ਖੂ ਕਿਲਿਨ੍ਨਂ ਪਸ੍ਸਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਪਞ੍ਚਹਿ, ਭਿਕ੍ਖਵੇ, ਆਕਾਰੇਹਿ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ – ਰਾਗੇਨ, ਵਚ੍ਚੇਨ, ਪਸ੍ਸਾਵੇਨ, ਵਾਤੇਨ, ਉਚ੍ਚਾਲਿਙ੍ਗਪਾਣਕਦਟ੍ਠੇਨ. ਇਮੇਹਿ ਖੋ, ਭਿਕ੍ਖਵੇ, ਪਞ੍ਚਹਾਕਾਰੇਹਿ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ. ਅਟ੍ਠਾਨਮੇਤਂ, ਭਿਕ੍ਖਵੇ, ਅਨਵਕਾਸੋ, ਯਂ ਤਸ੍ਸ ਭਿਕ੍ਖੁਨੋ ਰਾਗੇਨ ਅਙ੍ਗਜਾਤਂ ਕਮ੍ਮਨਿਯਂ ਅਸ੍ਸ. ਅਰਹਂ ਸੋ, ਭਿਕ੍ਖਵੇ, ਭਿਕ੍ਖੁ. ਅਨਾਪਤ੍ਤਿ, ਭਿਕ੍ਖਵੇ, ਤਸ੍ਸ ਭਿਕ੍ਖੁਨੋ. ਅਨੁਜਾਨਾਮਿ, ਭਿਕ੍ਖਵੇ, ਦਿਵਾ ਪਟਿਸਲ੍ਲੀਯਨ੍ਤੇਨ ਦ੍ਵਾਰਂ ਸਂਵਰਿਤ੍ਵਾ ਪਟਿਸਲ੍ਲੀਯਿਤੁ’’ਨ੍ਤਿ.

੭੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਾਰੁਕਚ੍ਛਕੋ ਭਿਕ੍ਖੁ ਸੁਪਿਨਨ੍ਤੇ [ਸੁਪਿਨਨ੍ਤੇਨ (ਸੀ. ਸ੍ਯਾ.)] ਪੁਰਾਣਦੁਤਿਯਿਕਾਯ ਮੇਥੁਨਂ ਧਮ੍ਮਂ ਪਟਿਸੇਵਿਤ੍ਵਾ – ‘ਅਸ੍ਸਮਣੋ ਅਹਂ, ਵਿਬ੍ਭਮਿਸ੍ਸਾਮੀ’ਤਿ, ਭਾਰੁਕਚ੍ਛਂ ਗਚ੍ਛਨ੍ਤੋ ਅਨ੍ਤਰਾਮਗ੍ਗੇ ਆਯਸ੍ਮਨ੍ਤਂ ਉਪਾਲਿਂ ਪਸ੍ਸਿਤ੍ਵਾ ਏਤਮਤ੍ਥਂ ਆਰੋਚੇਸਿ. ਆਯਸ੍ਮਾ ਉਪਾਲਿ ਏਵਮਾਹ – ‘‘ਅਨਾਪਤ੍ਤਿ, ਆਵੁਸੋ, ਸੁਪਿਨਨ੍ਤੇਨਾ’’ਤਿ.

ਤੇਨ ਖੋ ਪਨ ਸਮਯੇਨ ਰਾਜਗਹੇ ਸੁਪਬ੍ਬਾ ਨਾਮ ਉਪਾਸਿਕਾ ਮੁਧਪ੍ਪਸਨ੍ਨਾ [ਮੁਦ੍ਧਪ੍ਪਸਨ੍ਨਾ (ਸੀ.)] ਹੋਤਿ. ਸਾ ਏਵਂਦਿਟ੍ਠਿਕਾ ਹੋਤਿ – ‘‘ਯਾ ਮੇਥੁਨਂ ਧਮ੍ਮਂ ਦੇਤਿ ਸਾ ਅਗ੍ਗਦਾਨਂ ਦੇਤੀ’’ਤਿ. ਸਾ ਭਿਕ੍ਖੁਂ ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ‘‘ਅਲਂ, ਭਗਿਨਿ, ਨੇਤਂ ਕਪ੍ਪਤੀ’’ਤਿ. ‘‘ਏਹਿ, ਭਨ੍ਤੇ, ਊਰੁਨ੍ਤਰਿਕਾਯ [ਊਰਨ੍ਤਰਿਕਾਯ (ਸੀ.)] ਘਟ੍ਟੇਹਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ…ਪੇ… ਏਹਿ, ਭਨ੍ਤੇ, ਨਾਭਿਯਂ ਘਟ੍ਟੇਹਿ… ਏਹਿ, ਭਨ੍ਤੇ, ਉਦਰਵਟ੍ਟਿਯਂ ਘਟ੍ਟੇਹਿ… ਏਹਿ, ਭਨ੍ਤੇ, ਉਪਕਚ੍ਛਕੇ ਘਟ੍ਟੇਹਿ… ਏਹਿ, ਭਨ੍ਤੇ, ਗੀਵਾਯਂ ਘਟ੍ਟੇਹਿ… ਏਹਿ, ਭਨ੍ਤੇ, ਕਣ੍ਣਚ੍ਛਿਦ੍ਦੇ ਘਟ੍ਟੇਹਿ… ਏਹਿ, ਭਨ੍ਤੇ, ਕੇਸਵਟ੍ਟਿਯਂ ਘਟ੍ਟੇਹਿ… ਏਹਿ, ਭਨ੍ਤੇ, ਅਙ੍ਗੁਲਨ੍ਤਰਿਕਾਯ ਘਟ੍ਟੇਹਿ… ‘‘ਏਹਿ, ਭਨ੍ਤੇ, ਹਤ੍ਥੇਨ ਉਪਕ੍ਕਮਿਤ੍ਵਾ ਮੋਚੇਸ੍ਸਾਮਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ. ਸੋ ਭਿਕ੍ਖੁ ਤਥਾ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਙ੍ਘਾਦਿਸੇਸਸ੍ਸਾ’’ਤਿ.

੭੯. ਤੇਨ ਖੋ ਪਨ ਸਮਯੇਨ ਸਾਵਤ੍ਥਿਯਂ ਸਦ੍ਧਾ ਨਾਮ ਉਪਾਸਿਕਾ ਮੁਧਪ੍ਪਸਨ੍ਨਾ ਹੋਤਿ. ਸਾ ਏਵਂਦਿਟ੍ਠਿਕਾ ਹੋਤਿ – ‘‘ਯਾ ਮੇਥੁਨਂ ਧਮ੍ਮਂ ਦੇਤਿ ਸਾ ਅਗ੍ਗਦਾਨਂ ਦੇਤੀ’’ਤਿ. ਸਾ ਭਿਕ੍ਖੁਂ ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ‘‘ਅਲਂ, ਭਗਿਨਿ, ਨੇਤਂ ਕਪ੍ਪਤੀ’’ਤਿ. ‘‘ਏਹਿ, ਭਨ੍ਤੇ, ਊਰੁਨ੍ਤਰਿਕਾਯ ਘਟ੍ਟੇਹਿ…ਪੇ… ਏਹਿ, ਭਨ੍ਤੇ, ਹਤ੍ਥੇਨ ਉਪਕ੍ਕਮਿਤ੍ਵਾ ਮੋਚੇਸ੍ਸਾਮਿ, ਏਵਂ ਤੇ ਅਨਾਪਤ੍ਤਿ ਭਵਿਸ੍ਸਤੀ’’ਤਿ. ਸੋ ਭਿਕ੍ਖੁ ਤਥਾ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਙ੍ਘਾਦਿਸੇਸਸ੍ਸਾ’’ਤਿ.

੮੦. ਤੇਨ ਖੋ ਪਨ ਸਮਯੇਨ ਵੇਸਾਲਿਯਂ ਲਿਚ੍ਛਵਿਕੁਮਾਰਕਾ ਭਿਕ੍ਖੁਂ ਗਹੇਤ੍ਵਾ ਭਿਕ੍ਖੁਨਿਯਾ ਵਿਪ੍ਪਟਿਪਾਦੇਸੁਂ… ਸਿਕ੍ਖਮਾਨਾਯ ਵਿਪ੍ਪਟਿਪਾਦੇਸੁਂ… ਸਾਮਣੇਰਿਯਾ ਵਿਪ੍ਪਟਿਪਾਦੇਸੁਂ. ਉਭੋ ਸਾਦਿਯਿਂਸੁ. ਉਭੋ ਨਾਸੇਤਬ੍ਬਾ. ਉਭੋ ਨ ਸਾਦਿਯਿਂਸੁ. ਉਭਿਨ੍ਨਂ ਅਨਾਪਤ੍ਤਿ.

੮੧. ਤੇਨ ਖੋ ਪਨ ਸਮਯੇਨ ਵੇਸਾਲਿਯਂ ਲਿਚ੍ਛਵਿਕੁਮਾਰਕਾ ਭਿਕ੍ਖੁਂ ਗਹੇਤ੍ਵਾ ਵੇਸਿਯਾ ਵਿਪ੍ਪਟਿਪਾਦੇਸੁਂ… ਪਣ੍ਡਕੇ ਵਿਪ੍ਪਟਿਪਾਦੇਸੁਂ… ਗਿਹਿਨਿਯਾ ਵਿਪ੍ਪਟਿਪਾਦੇਸੁਂ. ਭਿਕ੍ਖੁ ਸਾਦਿਯਿ. ਭਿਕ੍ਖੁ ਨਾਸੇਤਬ੍ਬੋ. ਭਿਕ੍ਖੁ ਨ ਸਾਦਿਯਿ. ਭਿਕ੍ਖੁਸ੍ਸ ਅਨਾਪਤ੍ਤਿ.

ਤੇਨ ਖੋ ਪਨ ਸਮਯੇਨ ਵੇਸਾਲਿਯਂ ਲਿਚ੍ਛਵਿਕੁਮਾਰਕਾ ਭਿਕ੍ਖੂ ਗਹੇਤ੍ਵਾ ਅਞ੍ਞਮਞ੍ਞਂ ਵਿਪ੍ਪਟਿਪਾਦੇਸੁਂ. ਉਭੋ ਸਾਦਿਯਿਂਸੁ. ਉਭੋ ਨਾਸੇਤਬ੍ਬਾ. ਉਭੋ ਨ ਸਾਦਿਯਿਂਸੁ. ਉਭਿਨ੍ਨਂ ਅਨਾਪਤ੍ਤਿ.

੮੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਵੁਡ੍ਢਪਬ੍ਬਜਿਤੋ ਭਿਕ੍ਖੁ ਪੁਰਾਣਦੁਤਿਯਿਕਾਯ ਦਸ੍ਸਨਂ ਅਗਮਾਸਿ. ਸਾ – ‘ਏਹਿ, ਭਨ੍ਤੇ, ਵਿਬ੍ਭਮਾ’ਤਿ ਅਗ੍ਗਹੇਸਿ. ਸੋ ਭਿਕ੍ਖੁ ਪਟਿਕ੍ਕਮਨ੍ਤੋ ਉਤ੍ਤਾਨੋ ਪਰਿਪਤਿ. ਸਾ ਉਬ੍ਭਜਿਤ੍ਵਾ [ਉਬ੍ਭੁਜਿਤ੍ਵਾ (ਸੀ. ਸ੍ਯਾ.)] ਅਙ੍ਗਜਾਤੇ [ਅਙ੍ਗਜਾਤੇਨ (ਸੀ.)] ਅਭਿਨਿਸੀਦਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ …ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਸਾਦਿਯਿ’’ਨ੍ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਸਾਦਿਯਨ੍ਤਸ੍ਸਾ’’ਤਿ.

੮੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਰਞ੍ਞੇ ਵਿਹਰਤਿ. ਮਿਗਪੋਤਕੋ ਤਸ੍ਸ ਪਸ੍ਸਾਵਟ੍ਠਾਨਂ ਆਗਨ੍ਤ੍ਵਾ ਪਸ੍ਸਾਵਂ ਪਿਵਨ੍ਤੋ ਮੁਖੇਨ ਅਙ੍ਗਜਾਤਂ ਅਗ੍ਗਹੇਸਿ. ਸੋ ਭਿਕ੍ਖੁ ਸਾਦਿਯਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਪਠਮਪਾਰਾਜਿਕਂ ਸਮਤ੍ਤਂ.

੨. ਦੁਤਿਯਪਾਰਾਜਿਕਂ

੮੪. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਗਿਜ੍ਝਕੂਟੇ ਪਬ੍ਬਤੇ. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਸਨ੍ਦਿਟ੍ਠਾ ਸਮ੍ਭਤ੍ਤਾ ਭਿਕ੍ਖੂ ਇਸਿਗਿਲਿਪਸ੍ਸੇ ਤਿਣਕੁਟਿਯੋ ਕਰਿਤ੍ਵਾ ਵਸ੍ਸਂ ਉਪਗਚ੍ਛਿਂਸੁ. ਆਯਸ੍ਮਾਪਿ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਕੁਟਿਕਂ ਕਰਿਤ੍ਵਾ ਵਸ੍ਸਂ ਉਪਗਚ੍ਛਿ. ਅਥ ਖੋ ਤੇ ਭਿਕ੍ਖੂ ਵਸ੍ਸਂਵੁਟ੍ਠਾ ਤੇਮਾਸਚ੍ਚਯੇਨ ਤਿਣਕੁਟਿਯੋ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਪਟਿਸਾਮੇਤ੍ਵਾ ਜਨਪਦਚਾਰਿਕਂ ਪਕ੍ਕਮਿਂਸੁ. ਆਯਸ੍ਮਾ ਪਨ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਤ੍ਥੇਵ ਵਸ੍ਸਂ ਵਸਿ, ਤਤ੍ਥ ਹੇਮਨ੍ਤਂ, ਤਤ੍ਥ ਗਿਮ੍ਹਂ. ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ. ਦੁਤਿਯਮ੍ਪਿ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਞ੍ਚ ਕਟ੍ਠਞ੍ਚ ਸਂਕਡ੍ਢਿਤ੍ਵਾ ਤਿਣਕੁਟਿਕਂ ਅਕਾਸਿ. ਦੁਤਿਯਮ੍ਪਿ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ. ਤਤਿਯਮ੍ਪਿ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਿਣਞ੍ਚ ਕਟ੍ਠਞ੍ਚ ਸਂਕਡ੍ਢਿਤ੍ਵਾ ਤਿਣਕੁਟਿਕਂ ਅਕਾਸਿ. ਤਤਿਯਮ੍ਪਿ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ.

ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਏਤਦਹੋਸਿ – ‘‘ਯਾਵਤਤਿਯਕਂ ਖੋ ਮੇ ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ. ਅਹਂ ਖੋ ਪਨ ਸੁਸਿਕ੍ਖਿਤੋ ਅਨਵਯੋ ਸਕੇ ਆਚਰਿਯਕੇ ਕੁਮ੍ਭਕਾਰਕਮ੍ਮੇ ਪਰਿਯੋਦਾਤਸਿਪ੍ਪੋ. ਯਂਨੂਨਾਹਂ ਸਾਮਂ ਚਿਕ੍ਖਲ੍ਲਂ ਮਦ੍ਦਿਤ੍ਵਾ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰੇਯ੍ਯ’’ਨ੍ਤਿ! ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਸਾਮਂ ਚਿਕ੍ਖਲ੍ਲਂ ਮਦ੍ਦਿਤ੍ਵਾ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਗੋਮਯਞ੍ਚ ਸਂਕਡ੍ਢਿਤ੍ਵਾ ਤਂ ਕੁਟਿਕਂ ਪਚਿ. ਸਾ ਅਹੋਸਿ ਕੁਟਿਕਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ ਲੋਹਿਤਿਕਾ [ਲੋਹਿਤਕਾ (ਸ੍ਯਾ.)], ਸੇਯ੍ਯਥਾਪਿ ਇਨ੍ਦਗੋਪਕੋ. ਸੇਯ੍ਯਥਾਪਿ ਨਾਮ ਕਿਙ੍ਕਣਿਕਸਦ੍ਦੋ [ਕਿਙ੍ਕਿਣਿਕਸਦ੍ਦੋ (ਸੀ. ਸ੍ਯਾ.)] ਏਵਮੇਵਂ ਤਸ੍ਸਾ ਕੁਟਿਕਾਯ ਸਦ੍ਦੋ ਅਹੋਸਿ.

੮੫. ਅਥ ਖੋ ਭਗਵਾ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸ ਤਂ ਕੁਟਿਕਂ ਅਭਿਰੂਪਂ ਦਸ੍ਸਨੀਯਂ ਪਾਸਾਦਿਕਂ ਲੋਹਿਤਿਕਂ. ਦਿਸ੍ਵਾਨ ਭਿਕ੍ਖੂ ਆਮਨ੍ਤੇਸਿ – ‘‘ਕਿਂ ਏਤਂ, ਭਿਕ੍ਖਵੇ, ਅਭਿਰੂਪਂ ਦਸ੍ਸਨੀਯਂ ਪਾਸਾਦਿਕਂ ਲੋਹਿਤਿਕਂ, ਸੇਯ੍ਯਥਾਪਿ ਇਨ੍ਦਗੋਪਕੋ’’ਤਿ? ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਭਿਕ੍ਖਵੇ, ਤਸ੍ਸ ਮੋਘਪੁਰਿਸਸ੍ਸ ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਸੋ, ਭਿਕ੍ਖਵੇ, ਮੋਘਪੁਰਿਸੋ ਸਬ੍ਬਮਤ੍ਤਿਕਾਮਯਂ ਕੁਟਿਕਂ ਕਰਿਸ੍ਸਤਿ! ਨ ਹਿ ਨਾਮ, ਭਿਕ੍ਖਵੇ, ਤਸ੍ਸ ਮੋਘਪੁਰਿਸਸ੍ਸ ਪਾਣੇਸੁ ਅਨੁਦ੍ਦਯਾ ਅਨੁਕਮ੍ਪਾ ਅਵਿਹੇਸਾ ਭਵਿਸ੍ਸਤਿ! ਗਚ੍ਛਥੇਤਂ, ਭਿਕ੍ਖਵੇ, ਕੁਟਿਕਂ ਭਿਨ੍ਦਥ. ਮਾ ਪਚ੍ਛਿਮਾ ਜਨਤਾ ਪਾਣੇਸੁ ਪਾਤਬ੍ਯਤਂ ਆਪਜ੍ਜਿ. ਨ ਚ, ਭਿਕ੍ਖਵੇ, ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਾਤਬ੍ਬਾ. ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ. ‘‘ਏਵਂ, ਭਨ੍ਤੇ’’ਤਿ, ਖੋ ਤੇ ਭਿਕ੍ਖੂ ਭਗਵਤੋ ਪਟਿਸ੍ਸੁਣਿਤ੍ਵਾ ਯੇਨ ਸਾ ਕੁਟਿਕਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਤਂ ਕੁਟਿਕਂ ਭਿਨ੍ਦਿਂਸੁ. ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤੇ ਭਿਕ੍ਖੂ ਏਤਦਵੋਚ – ‘‘ਕਿਸ੍ਸ ਮੇ ਤੁਮ੍ਹੇ, ਆਵੁਸੋ, ਕੁਟਿਕਂ ਭਿਨ੍ਦਥਾ’’ਤਿ? ‘‘ਭਗਵਾ, ਆਵੁਸੋ, ਭੇਦਾਪੇਤੀ’’ਤਿ. ‘‘ਭਿਨ੍ਦਥਾਵੁਸੋ, ਸਚੇ ਧਮ੍ਮਸ੍ਸਾਮੀ ਭੇਦਾਪੇਤੀ’’ਤਿ.

੮੬. ਅਥ ਖੋ ਆਯਸ੍ਮਤੋ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਏਤਦਹੋਸਿ – ‘‘ਯਾਵਤਤਿਯਕਂ ਖੋ ਮੇ ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ. ਯਾਪਿ ਮਯਾ ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਤਾ ਸਾਪਿ ਭਗਵਤਾ ਭੇਦਾਪਿਤਾ. ਅਤ੍ਥਿ ਚ ਮੇ ਦਾਰੁਗਹੇ ਗਣਕੋ ਸਨ੍ਦਿਟ੍ਠੋ. ਯਂਨੂਨਾਹਂ ਦਾਰੁਗਹੇ ਗਣਕਂ ਦਾਰੂਨਿ ਯਾਚਿਤ੍ਵਾ ਦਾਰੁਕੁਟਿਕਂ ਕਰੇਯ੍ਯ’’ਨ੍ਤਿ. ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਯੇਨ ਦਾਰੁਗਹੇ ਗਣਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਦਾਰੁਗਹੇ ਗਣਕਂ ਏਤਦਵੋਚ – ‘‘ਯਾਵਤਤਿਯਕਂ ਖੋ ਮੇ, ਆਵੁਸੋ, ਗਾਮਂ ਪਿਣ੍ਡਾਯ ਪਵਿਟ੍ਠਸ੍ਸ ਤਿਣਹਾਰਿਯੋ ਕਟ੍ਠਹਾਰਿਯੋ ਤਿਣਕੁਟਿਕਂ ਭਿਨ੍ਦਿਤ੍ਵਾ ਤਿਣਞ੍ਚ ਕਟ੍ਠਞ੍ਚ ਆਦਾਯ ਅਗਮਂਸੁ. ਯਾਪਿ ਮਯਾ ਸਬ੍ਬਮਤ੍ਤਿਕਾਮਯਾ ਕੁਟਿਕਾ ਕਤਾ ਸਾਪਿ ਭਗਵਤਾ ਭੇਦਾਪਿਤਾ. ਦੇਹਿ ਮੇ, ਆਵੁਸੋ, ਦਾਰੂਨਿ. ਇਚ੍ਛਾਮਿ ਦਾਰੁਕੁਟਿਕਂ [ਦਾਰੁਕੁਡ੍ਡਿਕਂ ਕੁਟਿਕਂ (ਸੀ.)] ਕਾਤੁ’’ਨ੍ਤਿ. ‘‘ਨਤ੍ਥਿ, ਭਨ੍ਤੇ, ਤਾਦਿਸਾਨਿ ਦਾਰੂਨਿ ਯਾਨਾਹਂ ਅਯ੍ਯਸ੍ਸ ਦਦੇਯ੍ਯਂ. ਅਤ੍ਥਿ, ਭਨ੍ਤੇ, ਦੇਵਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ. ਸਚੇ ਤਾਨਿ ਦਾਰੂਨਿ ਰਾਜਾ ਦਾਪੇਤਿ ਹਰਾਪੇਥ, ਭਨ੍ਤੇ’’ਤਿ. ‘‘ਦਿਨ੍ਨਾਨਿ, ਆਵੁਸੋ, ਰਞ੍ਞਾ’’ਤਿ. ਅਥ ਖੋ ਦਾਰੁਗਹੇ ਗਣਕਸ੍ਸ ਏਤਦਹੋਸਿ – ‘‘ਇਮੇ ਖੋ ਸਮਣਾ ਸਕ੍ਯਪੁਤ੍ਤਿਯਾ ਧਮ੍ਮਚਾਰਿਨੋ ਸਮਚਾਰਿਨੋ [ਸਮ੍ਮਚਾਰਿਨੋ (ਕ.)] ਬ੍ਰਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ. ਰਾਜਾਪਿਮੇਸਂ ਅਭਿਪ੍ਪਸਨ੍ਨੋ. ਨਾਰਹਤਿ ਅਦਿਨ੍ਨਂ ਦਿਨ੍ਨਨ੍ਤਿ ਵਤ੍ਤੁ’’ਨ੍ਤਿ. ਅਥ ਖੋ ਦਾਰੁਗਹੇ ਗਣਕੋ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਏਤਦਵੋਚ – ‘‘ਹਰਾਪੇਥ, ਭਨ੍ਤੇ’’ਤਿ. ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤਾਨਿ ਦਾਰੂਨਿ ਖਣ੍ਡਾਖਣ੍ਡਿਕਂ ਛੇਦਾਪੇਤ੍ਵਾ ਸਕਟੇਹਿ ਨਿਬ੍ਬਾਹਾਪੇਤ੍ਵਾ ਦਾਰੁਕੁਟਿਕਂ ਅਕਾਸਿ.

੮੭. ਅਥ ਖੋ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਰਾਜਗਹੇ ਕਮ੍ਮਨ੍ਤੇ ਅਨੁਸਞ੍ਞਾਯਮਾਨੋ ਯੇਨ ਦਾਰੁਗਹੇ ਗਣਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਦਾਰੁਗਹੇ ਗਣਕਂ ਏਤਦਵੋਚ – ‘‘ਯਾਨਿ ਤਾਨਿ, ਭਣੇ, ਦੇਵਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਕਹਂ ਤਾਨਿ ਦਾਰੂਨੀ’’ਤਿ? ‘‘ਤਾਨਿ, ਸਾਮਿ, ਦਾਰੂਨਿ ਦੇਵੇਨ ਅਯ੍ਯਸ੍ਸ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਿਨ੍ਨਾਨੀ’’ਤਿ. ਅਥ ਖੋ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਅਨਤ੍ਤਮਨੋ ਅਹੋਸਿ – ‘‘ਕਥਞ੍ਹਿ ਨਾਮ ਦੇਵੋ ਦੇਵਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਸ੍ਸਤੀ’’ਤਿ! ਅਥ ਖੋ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਯੇਨ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਏਤਦਵੋਚ – ‘‘ਸਚ੍ਚਂ ਕਿਰ, ਦੇਵੇਨ [ਸਚ੍ਚਂ ਕਿਰ ਦੇਵ ਦੇਵੇਨ (ਸੀ.)] ਦੇਵਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਧਨਿਯਸ੍ਸ ਕੁਮ੍ਭਕਾਰਪੁਤ੍ਤਸ੍ਸ ਦਿਨ੍ਨਾਨੀ’’ਤਿ? ‘‘ਕੋ ਏਵਮਾਹਾ’’ਤਿ? ‘‘ਦਾਰੁਗਹੇ ਗਣਕੋ, ਦੇਵਾ’’ਤਿ. ‘‘ਤੇਨ ਹਿ, ਬ੍ਰਾਹ੍ਮਣ, ਦਾਰੁਗਹੇ ਗਣਕਂ ਆਣਾਪੇਹੀ’’ਤਿ. ਅਥ ਖੋ ਵਸ੍ਸਕਾਰੋ ਬ੍ਰਾਹ੍ਮਣੋ ਮਗਧਮਹਾਮਤ੍ਤੋ ਦਾਰੁਗਹੇ ਗਣਕਂ ਬਨ੍ਧਂ [ਬਦ੍ਧਂ (ਸੀ.)] ਆਣਾਪੇਸਿ. ਅਦ੍ਦਸ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਦਾਰੁਗਹੇ ਗਣਕਂ ਬਨ੍ਧਂ ਨਿਯ੍ਯਮਾਨਂ. ਦਿਸ੍ਵਾਨ ਦਾਰੁਗਹੇ ਗਣਕਂ ਏਤਦਵੋਚ – ‘‘ਕਿਸ੍ਸ ਤ੍ਵਂ, ਆਵੁਸੋ, ਬਨ੍ਧੋ ਨਿਯ੍ਯਾਸੀ’’ਤਿ? ‘‘ਤੇਸਂ, ਭਨ੍ਤੇ, ਦਾਰੂਨਂ ਕਿਚ੍ਚਾ’’ਤਿ. ‘‘ਗਚ੍ਛਾਵੁਸੋ, ਅਹਮ੍ਪਿ ਆਗਚ੍ਛਾਮੀ’’ਤਿ. ‘‘ਏਯ੍ਯਾਸਿ, ਭਨ੍ਤੇ, ਪੁਰਾਹਂ ਹਞ੍ਞਾਮੀ’’ਤਿ.

੮੮. ਅਥ ਖੋ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਯੇਨ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਯੇਨਾਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਏਤਦਵੋਚ – ‘‘ਸਚ੍ਚਂ ਕਿਰ ਮਯਾ, ਭਨ੍ਤੇ, ਦੇਵਗਹਦਾਰੂਨਿ ਨਗਰਪਟਿਸਙ੍ਖਾਰਿਕਾਨਿ ਆਪਦਤ੍ਥਾਯ ਨਿਕ੍ਖਿਤ੍ਤਾਨਿ ਅਯ੍ਯਸ੍ਸ ਦਿਨ੍ਨਾਨੀ’’ਤਿ? ‘‘ਏਵਂ, ਮਹਾਰਾਜਾ’’ਤਿ. ‘‘ਮਯਂ ਖੋ, ਭਨ੍ਤੇ, ਰਾਜਾਨੋ ਨਾਮ ਬਹੁਕਿਚ੍ਚਾ ਬਹੁਕਰਣੀਯਾ, ਦਤ੍ਵਾਪਿ ਨ ਸਰੇਯ੍ਯਾਮ; ਇਙ੍ਘ, ਭਨ੍ਤੇ, ਸਰਾਪੇਹੀ’’ਤਿ. ‘‘ਸਰਸਿ ਤ੍ਵਂ, ਮਹਾਰਾਜ, ਪਠਮਾਭਿਸਿਤ੍ਤੋ ਏਵਰੂਪਿਂ ਵਾਚਂ ਭਾਸਿਤਾ – ‘‘ਦਿਨ੍ਨਞ੍ਞੇਵ ਸਮਣਬ੍ਰਾਹ੍ਮਣਾਨਂ ਤਿਣਕਟ੍ਠੋਦਕਂ ਪਰਿਭੁਞ੍ਜਨ੍ਤੂ’’ਤਿ. ‘‘ਸਰਾਮਹਂ, ਭਨ੍ਤੇ. ਸਨ੍ਤਿ, ਭਨ੍ਤੇ, ਸਮਣਬ੍ਰਾਹ੍ਮਣਾ ਲਜ੍ਜਿਨੋ ਕੁਕ੍ਕੁਚ੍ਚਕਾ ਸਿਕ੍ਖਾਕਾਮਾ. ਤੇਸਂ ਅਪ੍ਪਮਤ੍ਤਕੇਪਿ ਕੁਕ੍ਕੁਚ੍ਚਂ ਉਪ੍ਪਜ੍ਜਤਿ. ਤੇਸਂ ਮਯਾ ਸਨ੍ਧਾਯ ਭਾਸਿਤਂ, ਤਞ੍ਚ ਖੋ ਅਰਞ੍ਞੇ ਅਪਰਿਗ੍ਗਹਿਤਂ. ਸੋ ਤ੍ਵਂ, ਭਨ੍ਤੇ, ਤੇਨ ਲੇਸੇਨ ਦਾਰੂਨਿ ਅਦਿਨ੍ਨਂ ਹਰਿਤੁਂ ਮਞ੍ਞਸਿ! ਕਥਞ੍ਹਿ ਨਾਮ ਮਾਦਿਸੋ ਸਮਣਂ ਵਾ ਬ੍ਰਾਹ੍ਮਣਂ ਵਾ ਵਿਜਿਤੇ ਵਸਨ੍ਤਂ ਹਨੇਯ੍ਯ ਵਾ ਬਨ੍ਧੇਯ੍ਯ ਵਾ ਪਬ੍ਬਾਜੇਯ੍ਯ ਵਾ! ਗਚ੍ਛ, ਭਨ੍ਤੇ, ਲੋਮੇਨ ਤ੍ਵਂ ਮੁਤ੍ਤੋਸਿ. ਮਾਸ੍ਸੁ ਪੁਨਪਿ ਏਵਰੂਪਂ ਅਕਾਸੀ’’ਤਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ. ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਾਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ, ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ. ਨਟ੍ਠਂ ਇਮੇਸਂ ਸਾਮਞ੍ਞਂ, ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ. ਕੁਤੋ ਇਮੇਸਂ ਸਾਮਞ੍ਞਂ, ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ! ਅਪਗਤਾ ਇਮੇ ਸਾਮਞ੍ਞਾ, ਅਪਗਤਾ ਇਮੇ ਬ੍ਰਹ੍ਮਞ੍ਞਾ. ਰਾਜਾਨਮ੍ਪਿ ਇਮੇ ਵਞ੍ਚੇਨ੍ਤਿ, ਕਿਂ ਪਨਞ੍ਞੇ ਮਨੁਸ੍ਸੇ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ ਸਨ੍ਤੁਟ੍ਠਾ ਲਜ੍ਜਿਨੋ ਕੁਕ੍ਕੁਚ੍ਚਕਾ ਸਿਕ੍ਖਾਕਾਮਾ ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਧਨਿਯੋ ਕੁਮ੍ਭਕਾਰਪੁਤ੍ਤੋ ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਧਨਿਯ, ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ; ਅਥਖ੍ਵੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਾਣਵੋਹਾਰਿਕੋ ਮਹਾਮਤ੍ਤੋ ਭਿਕ੍ਖੂਸੁ ਪਬ੍ਬਜਿਤੋ ਭਗਵਤੋ ਅਵਿਦੂਰੇ ਨਿਸਿਨ੍ਨੋ ਹੋਤਿ. ਅਥ ਖੋ ਭਗਵਾ ਤਂ ਭਿਕ੍ਖੁਂ ਏਤਦਵੋਚ – ‘‘ਕਿਤ੍ਤਕੇਨ ਖੋ ਭਿਕ੍ਖੁ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਚੋਰਂ ਗਹੇਤ੍ਵਾ ਹਨਤਿ ਵਾ ਬਨ੍ਧਤਿ ਵਾ ਪਬ੍ਬਾਜੇਤਿ ਵਾ’’ਤਿ? ‘‘ਪਾਦੇਨ ਵਾ, ਭਗਵਾ, ਪਾਦਾਰਹੇਨ ਵਾ’’ਤਿ [ਪਾਦਾਰਹੇਨਵਾ ਅਤਿਰੇਕਪਾਦੇਨਵਾਤਿ (ਸ੍ਯਾ.)]. ਤੇਨ ਖੋ ਪਨ ਸਮਯੇਨ ਰਾਜਗਹੇ ਪਞ੍ਚਮਾਸਕੋ ਪਾਦੋ ਹੋਤਿ. ਅਥ ਖੋ ਭਗਵਾ ਆਯਸ੍ਮਨ੍ਤਂ ਧਨਿਯਂ ਕੁਮ੍ਭਕਾਰਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਦੁਬ੍ਭਰਤਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੮੯. ‘‘ਯੋ ਪਨ ਭਿਕ੍ਖੁ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂ ਵਾ ਬਨ੍ਧੇਯ੍ਯੁਂ ਵਾ ਪਬ੍ਬਾਜੇਯ੍ਯੁਂ ਵਾ – ‘ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀ’ਤਿ, ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੯੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਰਜਕਤ੍ਥਰਣਂ ਗਨ੍ਤ੍ਵਾ ਰਜਕਭਣ੍ਡਿਕਂ ਅਵਹਰਿਤ੍ਵਾ ਆਰਾਮਂ ਹਰਿਤ੍ਵਾ ਭਾਜੇਸੁਂ. ਭਿਕ੍ਖੂ ਏਵਮਾਹਂਸੁ – ‘‘ਮਹਾਪੁਞ੍ਞਤ੍ਥ ਤੁਮ੍ਹੇ, ਆਵੁਸੋ. ਬਹੁਂ ਤੁਮ੍ਹਾਕਂ ਚੀਵਰਂ ਉਪ੍ਪਨ੍ਨ’’ਨ੍ਤਿ. ‘‘ਕੁਤੋ ਆਵੁਸੋ, ਅਮ੍ਹਾਕਂ ਪੁਞ੍ਞਂ, ਇਦਾਨਿ ਮਯਂ ਰਜਕਤ੍ਥਰਣਂ ਗਨ੍ਤ੍ਵਾ ਰਜਕਭਣ੍ਡਿਕਂ ਅਵਹਰਿਮ੍ਹਾ’’ਤਿ. ‘‘ਨਨੁ, ਆਵੁਸੋ, ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ. ਕਿਸ੍ਸ ਤੁਮ੍ਹੇ, ਆਵੁਸੋ, ਰਜਕਭਣ੍ਡਿਕਂ ਅਵਹਰਿਤ੍ਥਾ’’ਤਿ? ‘‘ਸਚ੍ਚਂ, ਆਵੁਸੋ, ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ. ਤਞ੍ਚ ਖੋ ਗਾਮੇ, ਨੋ ਅਰਞ੍ਞੇ’’ਤਿ. ‘‘ਨਨੁ, ਆਵੁਸੋ, ਤਥੇਵੇਤਂ ਹੋਤਿ. ਅਨਨੁਚ੍ਛਵਿਕਂ, ਆਵੁਸੋ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤੁਮ੍ਹੇ, ਆਵੁਸੋ, ਰਜਕਭਣ੍ਡਿਕਂ ਅਵਹਰਿਸ੍ਸਥ! ਨੇਤਂ, ਆਵੁਸੋ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ; ਅਥਖ੍ਵੇਤਂ, ਆਵੁਸੋ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ. ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਛਬ੍ਬਗ੍ਗਿਯੇ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਰਜਕਤ੍ਥਰਣਂ ਗਨ੍ਤ੍ਵਾ ਰਜਕਭਣ੍ਡਿਕਂ ਅਵਹਰਿਤ੍ਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਰਜਕਭਣ੍ਡਿਕਂ ਅਵਹਰਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ; ਅਥ ਖ੍ਵੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ. ਅਥ ਖੋ ਭਗਵਾ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਦੁਬ੍ਭਰਤਾਯ…ਪੇ… ਵੀਰਿਯਾਰਮ੍ਭਸ੍ਸ ਵਣ੍ਣਂ ਭਾਸਿਤ੍ਵਾ ਭਿਕ੍ਖੂਨਂ ਤਦਨੁਚ੍ਛਵਿਕਂ ਤਦਨੁਲੋਮਿਕਂ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ…ਪੇ… ‘‘ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੯੧. ‘‘ਯੋ ਪਨ ਭਿਕ੍ਖੁ ਗਾਮਾ ਵਾ ਅਰਞ੍ਞਾ ਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂ ਵਾ ਬਨ੍ਧੇਯ੍ਯੁਂ ਵਾ ਪਬ੍ਬਾਜੇਯ੍ਯੁਂ ਵਾ – ‘ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀ’ਤਿ, ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

੯੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਗਾਮੋ ਨਾਮ ਏਕਕੁਟਿਕੋਪਿ ਗਾਮੋ, ਦ੍ਵਿਕੁਟਿਕੋਪਿ ਗਾਮੋ, ਤਿਕੁਟਿਕੋਪਿ ਗਾਮੋ, ਚਤੁਕੁਟਿਕੋਪਿ ਗਾਮੋ, ਸਮਨੁਸ੍ਸੋਪਿ ਗਾਮੋ, ਅਮਨੁਸ੍ਸੋਪਿ ਗਾਮੋ, ਪਰਿਕ੍ਖਿਤ੍ਤੋਪਿ ਗਾਮੋ, ਅਪਰਿਕ੍ਖਿਤ੍ਤੋਪਿ ਗਾਮੋ, ਗੋਨਿਸਾਦਿਨਿਵਿਟ੍ਠੋਪਿ ਗਾਮੋ, ਯੋਪਿ ਸਤ੍ਥੋ ਅਤਿਰੇਕਚਤੁਮਾਸਨਿਵਿਟ੍ਠੋ ਸੋਪਿ ਵੁਚ੍ਚਤਿ ਗਾਮੋ.

ਗਾਮੂਪਚਾਰੋ ਨਾਮ ਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਇਨ੍ਦਖੀਲੇ [ਇਨ੍ਦਖਿਲੇ (ਕ.)] ਠਿਤਸ੍ਸ ਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤੋ, ਅਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਘਰੂਪਚਾਰੇ ਠਿਤਸ੍ਸ ਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤੋ.

ਅਰਞ੍ਞਂ ਨਾਮ ਠਪੇਤ੍ਵਾ ਗਾਮਞ੍ਚ ਗਾਮੂਪਚਾਰਞ੍ਚ ਅਵਸੇਸਂ ਅਰਞ੍ਞਂ ਨਾਮ.

ਅਦਿਨ੍ਨਂ ਨਾਮਂ ਯਂ ਅਦਿਨ੍ਨਂ ਅਨਿਸ੍ਸਟ੍ਠਂ ਅਪਰਿਚ੍ਚਤ੍ਤਂ ਰਕ੍ਖਿਤਂ ਗੋਪਿਤਂ ਮਮਾਯਿਤਂ ਪਰਪਰਿਗ੍ਗਹਿਤਂ. ਏਤਂ ਅਦਿਨ੍ਨਂ ਨਾਮ.

ਥੇਯ੍ਯਸਙ੍ਖਾਤਨ੍ਤਿ ਥੇਯ੍ਯਚਿਤ੍ਤੋ ਅਵਹਰਣਚਿਤ੍ਤੋ.

ਆਦਿਯੇਯ੍ਯਾਤਿ ਆਦਿਯੇਯ੍ਯ ਹਰੇਯ੍ਯ ਅਵਹਰੇਯ੍ਯ ਇਰਿਯਾਪਥਂ ਵਿਕੋਪੇਯ੍ਯ ਠਾਨਾ ਚਾਵੇਯ੍ਯ ਸਙ੍ਕੇਤਂ ਵੀਤਿਨਾਮੇਯ੍ਯ.

ਯਥਾਰੂਪਂ ਨਾਮ ਪਾਦਂ ਵਾ ਪਾਦਾਰਹਂ ਵਾ ਅਤਿਰੇਕਪਾਦਂ ਵਾ.

ਰਾਜਾਨੋ ਨਾਮ ਪਥਬ੍ਯਾਰਾਜਾ ਪਦੇਸਰਾਜਾ ਮਣ੍ਡਲਿਕਾ ਅਨ੍ਤਰਭੋਗਿਕਾ ਅਕ੍ਖਦਸ੍ਸਾ ਮਹਾਮਤ੍ਤਾ, ਯੇ ਵਾ ਪਨ ਛੇਜ੍ਜਭੇਜ੍ਜਂ ਕਰੋਨ੍ਤਾ ਅਨੁਸਾਸਨ੍ਤਿ. ਏਤੇ ਰਾਜਾਨੋ ਨਾਮ.

ਚੋਰੋ ਨਾਮ ਯੋ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਤਿ. ਏਸੋ ਚੋਰੋ ਨਾਮ.

ਹਨੇਯ੍ਯੁਂ ਵਾਤਿ ਹਤ੍ਥੇਨ ਵਾ ਪਾਦੇਨ ਵਾ ਕਸਾਯ ਵਾ ਵੇਤ੍ਤੇਨ ਵਾ ਅਡ੍ਢਦਣ੍ਡਕੇਨ ਵਾ ਛੇਜ੍ਜਾਯ ਵਾ ਹਨੇਯ੍ਯੁਂ.

ਬਨ੍ਧੇਯ੍ਯੁਂ ਵਾਤਿ ਰਜ੍ਜੁਬਨ੍ਧਨੇਨ ਵਾ ਅਨ੍ਦੁਬਨ੍ਧਨੇਨ ਵਾ ਸਙ੍ਖਲਿਕਬਨ੍ਧਨੇਨ ਵਾ ਘਰਬਨ੍ਧਨੇਨ ਵਾ ਨਗਰਬਨ੍ਧਨੇਨ ਵਾ ਗਾਮਬਨ੍ਧਨੇਨ ਵਾ ਨਿਗਮਬਨ੍ਧਨੇਨ ਵਾ ਬਨ੍ਧੇਯ੍ਯੁਂ, ਪੁਰਿਸਗੁਤ੍ਤਿਂ ਵਾ ਕਰੇਯ੍ਯੁਂ.

ਪਬ੍ਬਾਜੇਯ੍ਯੁਂ ਵਾਤਿ ਗਾਮਾ ਵਾ ਨਿਗਮਾ ਵਾ ਨਗਰਾ ਵਾ ਜਨਪਦਾ ਵਾ ਜਨਪਦਪਦੇਸਾ ਵਾ ਪਬ੍ਬਾਜੇਯ੍ਯੁਂ.

ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀਤਿ ਪਰਿਭਾਸੋ ਏਸੋ.

ਤਥਾਰੂਪਂ ਨਾਮ ਪਾਦਂ ਵਾ ਪਾਦਾਰਹਂ ਵਾ ਅਤਿਰੇਕਪਾਦਂ ਵਾ.

ਆਦਿਯਮਾਨੋਤਿ ਆਦਿਯਮਾਨੋ ਹਰਮਾਨੋ ਅਵਹਰਮਾਨੋ ਇਰਿਯਾਪਥਂ ਵਿਕੋਪਯਮਾਨੋ ਠਾਨਾ ਚਾਵਯਮਾਨੋ ਸਙ੍ਕੇਤਂ ਵੀਤਿਨਾਮਯਮਾਨੋ.

ਅਯਮ੍ਪੀਤਿ ਪੁਰਿਮਂ ਉਪਾਦਾਯ ਵੁਚ੍ਚਤਿ.

ਪਾਰਾਜਿਕੋ ਹੋਤੀਤਿ ਸੇਯ੍ਯਥਾਪਿ ਨਾਮ ਪਣ੍ਡੁਪਲਾਸੋ ਬਨ੍ਧਨਾ ਪਵੁਤ੍ਤੋ [ਹਰਿਤਤ੍ਤਾਯ (ਸੀ. ਸ੍ਯਾ.)] ਅਭਬ੍ਬੋ ਹਰਿਤਤ੍ਥਾਯ [ਹਰਿਤਤ੍ਤਾਯ (ਸੀ. ਸ੍ਯਾ.)], ਏਵਮੇਵ ਭਿਕ੍ਖੁ ਪਾਦਂ ਵਾ ਪਾਦਾਰਹਂ ਵਾ ਅਤਿਰੇਕਪਾਦਂ ਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯਿਤ੍ਵਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ. ਤੇਨ ਵੁਚ੍ਚਤਿ – ‘ਪਾਰਾਜਿਕੋ ਹੋਤੀ’ਤਿ.

ਅਸਂਵਾਸੋਤਿ ਸਂਵਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ. ਏਸੋ ਸਂਵਾਸੋ ਨਾਮ. ਸੋ ਤੇਨ ਸਦ੍ਧਿਂ ਨਤ੍ਥਿ. ਤੇਨ ਵੁਚ੍ਚਤਿ – ‘ਅਸਂਵਾਸੋ’ਤਿ.

੯੩. ਭੂਮਟ੍ਠਂ ਥਲਟ੍ਠਂ ਆਕਾਸਟ੍ਠਂ ਵੇਹਾਸਟ੍ਠਂ ਉਦਕਟ੍ਠਂ ਨਾਵਟ੍ਠਂ ਯਾਨਟ੍ਠਂ ਭਾਰਟ੍ਠਂ ਆਰਾਮਟ੍ਠਂ ਵਿਹਾਰਟ੍ਠਂ ਖੇਤ੍ਤਟ੍ਠਂ ਵਤ੍ਥੁਟ੍ਠਂ ਗਾਮਟ੍ਠਂ ਅਰਞ੍ਞਟ੍ਠਂ ਉਦਕਂ ਦਨ੍ਤਪੋਣਂ [ਦਨ੍ਤਪੋਨਂ (ਸੀ. ਕ.)] ਵਨਪ੍ਪਤਿ ਹਰਣਕਂ ਉਪਨਿਧਿ ਸੁਙ੍ਕਘਾਤਂ ਪਾਣੋ ਅਪਦਂ ਦ੍ਵਿਪਦਂ ਚਤੁਪ੍ਪਦਂ ਬਹੁਪ੍ਪਦਂ ਓਚਰਕੋ ਓਣਿਰਕ੍ਖੋ ਸਂਵਿਦਾਵਹਾਰੋ ਸਙ੍ਕੇਤਕਮ੍ਮਂ ਨਿਮਿਤ੍ਤਕਮ੍ਮਨ੍ਤਿ.

੯੪. ਭੂਮਟ੍ਠਂ ਨਾਮ ਭਣ੍ਡਂ ਭੂਮਿਯਂ ਨਿਕ੍ਖਿਤ੍ਤਂ ਹੋਤਿ ਨਿਖਾਤਂ ਪਟਿਚ੍ਛਨ੍ਨਂ. ਭੂਮਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਕੁਦਾਲਂ ਵਾ ਪਿਟਕਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਤਤ੍ਥ ਜਾਤਕਂ ਕਟ੍ਠਂ ਵਾ ਲਤਂ ਵਾ ਛਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਤ੍ਥ ਪਂਸੁਂ ਖਣਤਿ ਵਾ ਬ੍ਯੂਹਤਿ [ਵਿਯੂਹਤਿ (ਸ੍ਯਾ.)] ਵਾ ਉਦ੍ਧਰਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਕੁਮ੍ਭਿਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਤ੍ਤਨੋ ਭਾਜਨਂ ਪਵੇਸੇਤ੍ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਅਤ੍ਤਨੋ ਭਾਜਨਗਤਂ ਵਾ ਕਰੋਤਿ ਮੁਟ੍ਠਿਂ ਵਾ ਛਿਨ੍ਦਤਿ, ਆਪਤ੍ਤਿ ਪਾਰਾਜਿਕਸ੍ਸ. ਸੁਤ੍ਤਾਰੁਲ਼੍ਹਂ ਭਣ੍ਡਂ ਪਾਮਙ੍ਗਂ ਵਾ ਕਣ੍ਠਸੁਤ੍ਤਕਂ ਵਾ ਕਟਿਸੁਤ੍ਤਕਂ ਵਾ ਸਾਟਕਂ ਵਾ ਵੇਠਨਂ ਵਾ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਕੋਟਿਯਂ ਗਹੇਤ੍ਵਾ ਉਚ੍ਚਾਰੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਘਂਸਨ੍ਤੋ ਨੀਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਅਨ੍ਤਮਸੋ ਕੇਸਗ੍ਗਮਤ੍ਤਮ੍ਪਿ ਕੁਮ੍ਭਿਮੁਖਾ ਮੋਚੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਸਪ੍ਪਿਂ ਵਾ ਤੇਲਂ ਵਾ ਮਧੁਂ ਵਾ ਫਾਣਿਤਂ ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਏਕੇਨ ਪਯੋਗੇਨ ਪਿਵਤਿ, ਆਪਤ੍ਤਿ ਪਾਰਾਜਿਕਸ੍ਸ. ਤਤ੍ਥੇਵ ਭਿਨ੍ਦਤਿ ਵਾ ਛਡ੍ਡੇਤਿ ਵਾ ਝਾਪੇਤਿ ਵਾ ਅਪਰਿਭੋਗਂ ਵਾ ਕਰੋਤਿ, ਆਪਤ੍ਤਿ ਦੁਕ੍ਕਟਸ੍ਸ.

੯੫. ਥਲਟ੍ਠਂ ਨਾਮ ਭਣ੍ਡਂ ਥਲੇ ਨਿਕ੍ਖਿਤ੍ਤਂ ਹੋਤਿ. ਥਲਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੯੬. ਆਕਾਸਟ੍ਠਂ ਨਾਮ ਭਣ੍ਡਂ ਆਕਾਸਗਤਂ ਹੋਤਿ. ਮੋਰੋ ਵਾ ਕਪਿਞ੍ਜਰੋ ਵਾ ਤਿਤ੍ਤਿਰੋ ਵਾ ਵਟ੍ਟਕੋ ਵਾ, ਸਾਟਕਂ ਵਾ ਵੇਠਨਂ ਵਾ ਹਿਰਞ੍ਞਂ ਵਾ ਸੁਵਣ੍ਣਂ ਵਾ ਛਿਜ੍ਜਮਾਨਂ ਪਤਤਿ. ਆਕਾਸਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਗਮਨਂ ਉਪਚ੍ਛਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੯੭. ਵੇਹਾਸਟ੍ਠਂ ਨਾਮ ਭਣ੍ਡਂ ਵੇਹਾਸਗਤਂ ਹੋਤਿ. ਮਞ੍ਚੇ ਵਾ ਪੀਠੇ ਵਾ ਚੀਵਰਵਂਸੇ ਵਾ ਚੀਵਰਰਜ੍ਜੁਯਾ ਵਾ ਭਿਤ੍ਤਿਖਿਲੇ ਵਾ ਨਾਗਦਨ੍ਤੇ ਵਾ ਰੁਕ੍ਖੇ ਵਾ ਲਗ੍ਗਿਤਂ ਹੋਤਿ, ਅਨ੍ਤਮਸੋ ਪਤ੍ਤਾਧਾਰਕੇਪਿ. ਵੇਹਾਸਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੯੮. ਉਦਕਟ੍ਠਂ ਨਾਮ ਭਣ੍ਡਂ ਉਦਕੇ ਨਿਕ੍ਖਿਤ੍ਤਂ ਹੋਤਿ. ਉਦਕਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਨਿਮੁਜ੍ਜਤਿ ਵਾ ਉਮ੍ਮੁਜ੍ਜਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਤਤ੍ਥ ਜਾਤਕਂ ਉਪ੍ਪਲਂ ਵਾ ਪਦੁਮਂ ਵਾ ਪੁਣ੍ਡਰੀਕਂ ਵਾ ਭਿਸਂ ਵਾ ਮਚ੍ਛਂ ਵਾ ਕਚ੍ਛਪਂ ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੯੯. ਨਾਵਾ ਨਾਮ ਯਾਯ ਤਰਤਿ. ਨਾਵਟ੍ਠਂ ਨਾਮ ਭਣ੍ਡਂ ਨਾਵਾਯ ਨਿਕ੍ਖਿਤ੍ਤਂ ਹੋਤਿ. ‘‘ਨਾਵਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀ’’ਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਨਾਵਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਬਨ੍ਧਨਂ ਮੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਬਨ੍ਧਨਂ ਮੋਚੇਤ੍ਵਾ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਉਦ੍ਧਂ ਵਾ ਅਧੋ ਵਾ ਤਿਰਿਯਂ ਵਾ ਅਨ੍ਤਮਸੋ ਕੇਸਗ੍ਗਮਤ੍ਤਮ੍ਪਿ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੦੦. ਯਾਨਂ ਨਾਮ ਵਯ੍ਹਂ ਰਥੋ ਸਕਟਂ ਸਨ੍ਦਮਾਨਿਕਾ. ਯਾਨਟ੍ਠਂ ਨਾਮ ਭਣ੍ਡਂ ਯਾਨੇ ਨਿਕ੍ਖਿਤ੍ਤਂ ਹੋਤਿ. ਯਾਨਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਯਾਨਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੦੧. ਭਾਰੋ ਨਾਮ ਸੀਸਭਾਰੋ ਖਨ੍ਧਭਾਰੋ ਕਟਿਭਾਰੋ ਓਲਮ੍ਬਕੋ. ਸੀਸੇ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਖਨ੍ਧਂ ਓਰੋਪੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਖਨ੍ਧੇ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਕਟਿਂ ਓਰੋਪੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਕਟਿਯਾ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਹਤ੍ਥੇਨ ਗਣ੍ਹਾਤਿ, ਆਪਤ੍ਤਿ ਪਾਰਾਜਿਕਸ੍ਸ. ਹਤ੍ਥੇ ਭਾਰਂ ਥੇਯ੍ਯਚਿਤ੍ਤੋ ਭੂਮਿਯਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਥੇਯ੍ਯਚਿਤ੍ਤੋ ਭੂਮਿਤੋ ਗਣ੍ਹਾਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੦੨. ਆਰਾਮੋ ਨਾਮ ਪੁਪ੍ਫਾਰਾਮੋ ਫਲਾਰਾਮੋ. ਆਰਾਮਟ੍ਠਂ ਨਾਮ ਭਣ੍ਡਂ ਆਰਾਮੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਆਰਾਮਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਤਤ੍ਥ ਜਾਤਕਂ ਮੂਲਂ ਵਾ ਤਚਂ ਵਾ ਪਤ੍ਤਂ ਵਾ ਪੁਪ੍ਫਂ ਵਾ ਫਲਂ ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਆਰਾਮਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ਨ ਮਯ੍ਹਂ ਭਵਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

੧੦੩. ਵਿਹਾਰਟ੍ਠਂ ਨਾਮ ਭਣ੍ਡਂ ਵਿਹਾਰੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਵਿਹਾਰਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਵਿਹਾਰਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ਨ ਮਯ੍ਹਂ ਭਵਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

੧੦੪. ਖੇਤ੍ਤਂ ਨਾਮ ਯਤ੍ਥ ਪੁਬ੍ਬਣ੍ਣਂ ਵਾ ਅਪਰਣ੍ਣਂ ਵਾ ਜਾਯਤਿ. ਖੇਤ੍ਤਟ੍ਠਂ ਨਾਮ ਭਣ੍ਡਂ ਖੇਤ੍ਤੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਖੇਤ੍ਤਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ, ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਤਤ੍ਥ ਜਾਤਕਂ ਪੁਬ੍ਬਣ੍ਣਂ ਵਾ ਅਪਰਣ੍ਣਂ ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਖੇਤ੍ਤਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ਨ ਮਯ੍ਹਂ ਭਵਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਖਿਲਂ ਵਾ ਰਜ੍ਜੁਂ ਵਾ ਵਤਿਂ ਵਾ ਮਰਿਯਾਦਂ ਵਾ ਸਙ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਏਕਂ ਪਯੋਗਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਸ੍ਮਿਂ ਪਯੋਗੇ ਆਗਤੇ, ਆਪਤ੍ਤਿ ਪਾਰਾਜਿਕਸ੍ਸ.

੧੦੫. ਵਤ੍ਥੁ ਨਾਮ ਆਰਾਮਵਤ੍ਥੁ ਵਿਹਾਰਵਤ੍ਥੁ. ਵਤ੍ਥੁਟ੍ਠਂ ਨਾਮ ਭਣ੍ਡਂ ਵਤ੍ਥੁਸ੍ਮਿਂ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਵਤ੍ਥੁਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਵਤ੍ਥੁਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ਨ ਮਯ੍ਹਂ ਭਵਿਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਖੀਲਂ ਵਾ ਰਜ੍ਜੁਂ ਵਾ ਵਤਿਂ ਵਾ ਪਾਕਾਰਂ ਵਾ ਸਙ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਏਕਂ ਪਯੋਗਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਸ੍ਮਿਂ ਪਯੋਗੇ ਆਗਤੇ ਆਪਤ੍ਤਿ ਪਾਰਾਜਿਕਸ੍ਸ.

੧੦੬. ਗਾਮਟ੍ਠਂ ਨਾਮ ਭਣ੍ਡਂ ਗਾਮੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਗਾਮਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੦੭. ਅਰਞ੍ਞਂ ਨਾਮ ਯਂ ਮਨੁਸ੍ਸਾਨਂ ਪਰਿਗ੍ਗਹਿਤਂ ਹੋਤਿ, ਤਂ ਅਰਞ੍ਞਂ. ਅਰਞ੍ਞਟ੍ਠਂ ਨਾਮ ਭਣ੍ਡਂ ਅਰਞ੍ਞੇ ਚਤੂਹਿ ਠਾਨੇਹਿ ਨਿਕ੍ਖਿਤ੍ਤਂ ਹੋਤਿ – ਭੂਮਟ੍ਠਂ, ਥਲਟ੍ਠਂ, ਆਕਾਸਟ੍ਠਂ, ਵੇਹਾਸਟ੍ਠਂ. ਅਰਞ੍ਞਟ੍ਠਂ ਭਣ੍ਡਂ ਅਵਹਰਿਸ੍ਸਾਮੀਤਿ ਥੇਯ੍ਯਚਿਤ੍ਤੋ ਦੁਤਿਯਂ ਵਾ ਪਰਿਯੇਸਤਿ ਗਚ੍ਛਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਤਤ੍ਥ ਜਾਤਕਂ ਕਟ੍ਠਂ ਵਾ ਲਤਂ ਵਾ ਤਿਣਂ ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੦੮. ਉਦਕਂ ਨਾਮ ਭਾਜਨਗਤਂ ਵਾ ਹੋਤਿ ਪੋਕ੍ਖਰਣਿਯਾ ਵਾ ਤਲ਼ਾਕੇ ਵਾ. ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਤ੍ਤਨੋ ਭਾਜਨਂ ਪਵੇਸੇਤ੍ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਉਦਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਅਤ੍ਤਨੋ ਭਾਜਨਗਤਂ ਕਰੋਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਰਿਯਾਦਂ ਭਿਨ੍ਦਤਿ, ਆਪਤ੍ਤਿ ਦੁਕ੍ਕਟਸ੍ਸ. ਮਰਿਯਾਦਂ ਭਿਨ੍ਦਿਤ੍ਵਾ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਤਿਰੇਕਮਾਸਕਂ ਵਾ ਊਨਪਞ੍ਚਮਾਸਕਂ ਵਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਾਸਕਂ ਵਾ ਊਨਮਾਸਕਂ ਵਾ ਅਗ੍ਘਨਕਂ ਉਦਕਂ ਨਿਕ੍ਖਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੦੯. ਦਨ੍ਤਪੋਣਂ ਨਾਮ ਛਿਨ੍ਨਂ ਵਾ ਅਚ੍ਛਿਨ੍ਨਂ ਵਾ. ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੦. ਵਨਪ੍ਪਤਿ ਨਾਮ ਯੋ ਮਨੁਸ੍ਸਾਨਂ ਪਰਿਗ੍ਗਹਿਤੋ ਹੋਤਿ ਰੁਕ੍ਖੋ ਪਰਿਭੋਗੋ. ਥੇਯ੍ਯਚਿਤ੍ਤੋ ਛਿਨ੍ਦਤਿ, ਪਹਾਰੇ ਪਹਾਰੇ ਆਪਤ੍ਤਿ ਦੁਕ੍ਕਟਸ੍ਸ. ਏਕਂ ਪਹਾਰਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਸ੍ਮਿਂ ਪਹਾਰੇ ਆਗਤੇ, ਆਪਤ੍ਤਿ ਪਾਰਾਜਿਕਸ੍ਸ.

੧੧੧. ਹਰਣਕਂ ਨਾਮ ਅਞ੍ਞਸ੍ਸ ਹਰਣਕਂ ਭਣ੍ਡਂ. ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਸਹਭਣ੍ਡਹਾਰਕਂ ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਪਤਿਤਂ ਭਣ੍ਡਂ ਗਹੇਸ੍ਸਾਮੀਤਿ ਪਾਤਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਤਿਤਂ ਭਣ੍ਡਂ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੨. ਉਪਨਿਧਿ ਨਾਮ ਉਪਨਿਕ੍ਖਿਤ੍ਤਂ ਭਣ੍ਡਂ. ਦੇਹਿ ਮੇ ਭਣ੍ਡਨ੍ਤਿ ਵੁਚ੍ਚਮਾਨੋ ਨਾਹਂ ਗਣ੍ਹਾਮੀਤਿ ਭਣਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ਨ ਮਯ੍ਹਂ ਦਸ੍ਸਤੀਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਸਾਮਿਕਂ ਪਰਾਜੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਧਮ੍ਮਂ ਚਰਨ੍ਤੋ ਪਰਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

੧੧੩. ਸੁਙ੍ਕਘਾਤਂ ਨਾਮ ਰਞ੍ਞਾ ਠਪਿਤਂ ਹੋਤਿ ਪਬ੍ਬਤਖਣ੍ਡੇ ਵਾ ਨਦੀਤਿਤ੍ਥੇ ਵਾ ਗਾਮਦ੍ਵਾਰੇ ਵਾ – ‘ਅਤ੍ਰ ਪਵਿਟ੍ਠਸ੍ਸ ਸੁਙ੍ਕਂ ਗਣ੍ਹਨ੍ਤੂ’ਤਿ. ਤਤ੍ਰ ਪਵਿਸਿਤ੍ਵਾ ਰਾਜਗ੍ਗਂ [ਰਾਜਗ੍ਘਂ (ਸੀ. ਸ੍ਯਾ.)] ਭਣ੍ਡਂ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪਠਮਂ ਪਾਦਂ ਸੁਙ੍ਕਘਾਤਂ ਅਤਿਕ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਨ੍ਤੋਸੁਙ੍ਕਘਾਤੇ ਠਿਤੋ ਬਹਿਸੁਙ੍ਕਘਾਤਂ ਪਾਤੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਸੁਙ੍ਕਂ ਪਰਿਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੧੪. ਪਾਣੋ ਨਾਮ ਮਨੁਸ੍ਸਪਾਣੋ ਵੁਚ੍ਚਤਿ. ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਅਪਦਂ ਨਾਮ ਅਹਿ ਮਚ੍ਛਾ. ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੫. ਦ੍ਵਿਪਦਂ ਨਾਮ ਮਨੁਸ੍ਸਾ, ਪਕ੍ਖਜਾਤਾ. ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੬. ਚਤੁਪ੍ਪਦਂ ਨਾਮ – ਹਤ੍ਥੀ ਅਸ੍ਸਾ ਓਟ੍ਠਾ ਗੋਣਾ ਗਦ੍ਰਭਾ ਪਸੁਕਾ. ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਪਦਸਾ ਨੇਸ੍ਸਾਮੀਤਿ ਪਠਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਦੁਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਤਿਯਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਚਤੁਤ੍ਥਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੭. ਬਹੁਪ੍ਪਦਂ ਨਾਮ – ਵਿਚ੍ਛਿਕਾ ਸਤਪਦੀ ਉਚ੍ਚਾਲਿਙ੍ਗਪਾਣਕਾ. ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ. ਪਦਸਾ ਨੇਸ੍ਸਾਮੀਤਿ ਸਙ੍ਕਾਮੇਤਿ, ਪਦੇ ਪਦੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪਚ੍ਛਿਮਂ ਪਾਦਂ ਸਙ੍ਕਾਮੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੧੮. ਓਚਰਕੋ ਨਾਮ ਭਣ੍ਡਂ ਓਚਰਿਤ੍ਵਾ ਆਚਿਕ੍ਖਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਓਣਿਰਕ੍ਖੋ ਨਾਮ ਆਹਟਂ ਭਣ੍ਡਂ ਗੋਪੇਨ੍ਤੋ ਪਞ੍ਚਮਾਸਕਂ ਵਾ ਅਤਿਰੇਕਪਞ੍ਚਮਾਸਕਂ ਵਾ ਅਗ੍ਘਨਕਂ ਥੇਯ੍ਯਚਿਤ੍ਤੋ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਸਂਵਿਦਾਵਹਾਰੋ ਨਾਮ ਸਮ੍ਬਹੁਲਾ ਸਂਵਿਦਹਿਤ੍ਵਾ ਏਕੋ ਭਣ੍ਡਂ ਅਵਹਰਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ.

੧੧੯. ਸਙ੍ਕੇਤਕਮ੍ਮਂ ਨਾਮ ਸਙ੍ਕੇਤਂ ਕਰੋਤਿ – ‘‘ਪੁਰੇਭਤ੍ਤਂ ਵਾ ਪਚ੍ਛਾਭਤ੍ਤਂ ਵਾ ਰਤ੍ਤਿਂ ਵਾ ਦਿਵਾ ਵਾ ਤੇਨ ਸਙ੍ਕੇਤੇਨ ਤਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਸਙ੍ਕੇਤੇਨ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ. ਤਂ ਸਙ੍ਕੇਤਂ ਪੁਰੇ ਵਾ ਪਚ੍ਛਾ ਵਾ ਤਂ ਭਣ੍ਡਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਅਵਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੧੨੦. ਨਿਮਿਤ੍ਤਕਮ੍ਮਂ ਨਾਮ ਨਿਮਿਤ੍ਤਂ ਕਰੋਤਿ. ਅਕ੍ਖਿਂ ਵਾ ਨਿਖਣਿਸ੍ਸਾਮਿ ਭਮੁਕਂ ਵਾ ਉਕ੍ਖਿਪਿਸ੍ਸਾਮਿ ਸੀਸਂ ਵਾ ਉਕ੍ਖਿਪਿਸ੍ਸਾਮਿ, ਤੇਨ ਨਿਮਿਤ੍ਤੇਨ ਤਂ ਭਣ੍ਡਂ ਅਵਹਰਾਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਨਿਮਿਤ੍ਤੇਨ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ. ਤਂ ਨਿਮਿਤ੍ਤਂ ਪੁਰੇ ਵਾ ਪਚ੍ਛਾ ਵਾ ਤਂ ਭਣ੍ਡਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਅਵਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੧੨੧. ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਮਞ੍ਞਮਾਨੋ ਤਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਮਞ੍ਞਮਾਨੋ ਅਞ੍ਞਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਅਵਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਮਞ੍ਞਮਾਨੋ ਤਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਅਵਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾਵਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾਵਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਇਤਰਸ੍ਸ ਆਰੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਵਹਾਰਕੋ ਪਟਿਗ੍ਗਣ੍ਹਾਤਿ, ਮੂਲਟ੍ਠਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸੋ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾਵਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾਵਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਵਹਾਰਕੋ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਭਣ੍ਡਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਆਣਾਪਕਸ੍ਸ ਚ ਅਵਹਾਰਕਸ੍ਸ ਚ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਗਨ੍ਤ੍ਵਾ ਪੁਨ ਪਚ੍ਚਾਗਚ੍ਛਤਿ – ‘‘ਨਾਹਂ ਸਕ੍ਕੋਮਿ ਤਂ ਭਣ੍ਡਂ ਅਵਹਰਿਤੁ’’ਨ੍ਤਿ. ਸੋ ਪੁਨ ਆਣਾਪੇਤਿ – ‘‘ਯਦਾ ਸਕ੍ਕੋਸਿ ਤਦਾ ਤਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਨ ਸਾਵੇਤਿ – ‘‘ਮਾ ਅਵਹਰੀ’’ਤਿ. ਸੋ ਤਂ ਭਣ੍ਡਂ ਅਵਹਰਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਸਾਵੇਤਿ – ‘‘ਮਾ ਅਵਹਰੀ’’ਤਿ. ਸੋ ‘‘ਆਣਤ੍ਤੋ ਅਹਂ ਤਯਾ’’ਤਿ, ਤਂ ਭਣ੍ਡਂ ਅਵਹਰਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਅਵਹਾਰਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਸਾਵੇਤਿ – ‘‘ਮਾ ਅਵਹਰੀ’’ਤਿ. ਸੋ ‘‘ਸਾਧੂ’’ਤਿ [ਸੁਟ੍ਠੂਤਿ (ਕ.)]? ਓਰਮਤਿ, ਉਭਿਨ੍ਨਂ ਅਨਾਪਤ੍ਤਿ.

੧੨੨. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ ਵਾ ਅਤਿਰੇਕਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੨੩. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ – ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਅਤਿਰੇਕਮਾਸਕੋ ਵਾ ਊਨਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

੧੨੪. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਪਰਪਰਿਗ੍ਗਹਿਤਞ੍ਚ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ ਵਾ ਊਨਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੨੫. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਨ ਚ ਸਕਸਞ੍ਞੀ, ਨ ਚ ਵਿਸ੍ਸਾਸਗ੍ਗਾਹੀ, ਨ ਚ ਤਾਵਕਾਲਿਕਂ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ ਵਾ ਅਤਿਰੇਕਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ. ਫਨ੍ਦਾਪੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੨੬. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਨ ਚ ਸਕਸਞ੍ਞੀ, ਨ ਚ ਵਿਸ੍ਸਾਸਗ੍ਗਾਹੀ, ਨ ਚ ਤਾਵਕਾਲਿਕਂ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ ਅਤਿਰੇਕਮਾਸਕੋ ਵਾ ਊਨਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

੧੨੭. ਛਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਨ ਚ ਸਕਸਞ੍ਞੀ, ਨ ਚ ਵਿਸ੍ਸਾਸਗ੍ਗਾਹੀ, ਨ ਚ ਤਾਵਕਾਲਿਕਂ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ ਵਾ ਊਨਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੨੮. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਗਰੁਕੋ ਚ ਹੋਤਿ ਪਰਿਕ੍ਖਾਰੋ, ਪਞ੍ਚਮਾਸਕੋ ਵਾ ਅਤਿਰੇਕਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੨੯. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਅਤਿਰੇਕਮਾਸਕੋ ਵਾ ਊਨਪਞ੍ਚਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੩੦. ਪਞ੍ਚਹਿ ਆਕਾਰੇਹਿ ਅਦਿਨ੍ਨਂ ਆਦਿਯਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਨ ਚ ਪਰਪਰਿਗ੍ਗਹਿਤਂ ਹੋਤਿ, ਪਰਪਰਿਗ੍ਗਹਿਤਸਞ੍ਞੀ ਚ, ਲਹੁਕੋ ਚ ਹੋਤਿ ਪਰਿਕ੍ਖਾਰੋ, ਮਾਸਕੋ ਵਾ ਊਨਮਾਸਕੋ ਵਾ, ਥੇਯ੍ਯਚਿਤ੍ਤਞ੍ਚ ਪਚ੍ਚੁਪਟ੍ਠਿਤਂ ਹੋਤਿ. ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ. ਫਨ੍ਦਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਠਾਨਾ ਚਾਵੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੧੩੧. ਅਨਾਪਤ੍ਤਿ ਸਸਞ੍ਞਿਸ੍ਸ, ਵਿਸ੍ਸਾਸਗ੍ਗਾਹੇ, ਤਾਵਕਾਲਿਕੇ, ਪੇਤਪਰਿਗ੍ਗਹੇ, ਤਿਰਚ੍ਛਾਨਗਤਪਰਿਗ੍ਗਹੇ, ਪਂਸੁਕੂਲਸਞ੍ਞਿਸ੍ਸ, ਉਮ੍ਮਤ੍ਤਕਸ੍ਸ, (ਖਿਤ੍ਤਚਿਤ੍ਤਸ੍ਸ ਵੇਦਨਾਟ੍ਟਸ੍ਸ) [(ਖਿਤ੍ਤਚਿਤ੍ਤਸ੍ਸ ਵੇਦਨਾਟ੍ਟਸ੍ਸ) ਕਤ੍ਥਚਿ ਨਤ੍ਥਿ] ਆਦਿਕਮ੍ਮਿਕਸ੍ਸਾਤਿ.

ਅਦਿਨ੍ਨਾਦਾਨਮ੍ਹਿ ਪਠਮਭਾਣਵਾਰੋ ਨਿਟ੍ਠਿਤੋ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਰਜਕੇਹਿ ਪਞ੍ਚ ਅਕ੍ਖਾਤਾ, ਚਤੁਰੋ ਅਤ੍ਥਰਣੇਹਿ ਚ;

ਅਨ੍ਧਕਾਰੇਨ ਵੇ ਪਞ੍ਚ, ਪਞ੍ਚ ਹਾਰਣਕੇਨ ਚ.

ਨਿਰੁਤ੍ਤਿਯਾ ਪਞ੍ਚ ਅਕ੍ਖਾਤਾ, ਵਾਤੇਹਿ ਅਪਰੇ ਦੁਵੇ;

ਅਸਮ੍ਭਿਨ੍ਨੇ ਕੁਸਾਪਾਤੋ, ਜਨ੍ਤਗ੍ਗੇਨ [ਜਨ੍ਤਾਘਰੇਨ (ਸ੍ਯਾ.)] ਸਹਾ ਦਸ.

ਵਿਘਾਸੇਹਿ ਪਞ੍ਚ ਅਕ੍ਖਾਤਾ, ਪਞ੍ਚ ਚੇਵ ਅਮੂਲਕਾ;

ਦੁਬ੍ਭਿਕ੍ਖੇ ਕੁਰਮਂਸਞ੍ਚ [ਕੂਰਮਂਸਞ੍ਚ (ਸ੍ਯਾ.)], ਪੂਵਸਕ੍ਖਲਿਮੋਦਕਾ.

ਛਪਰਿਕ੍ਖਾਰਥਵਿਕਾ, ਭਿਸਿਵਂਸਾ ਨ ਨਿਕ੍ਖਮੇ;

ਖਾਦਨੀਯਞ੍ਚ ਵਿਸ੍ਸਾਸਂ, ਸਸਞ੍ਞਾਯਪਰੇ ਦੁਵੇ.

ਸਤ੍ਤ ਨਾਵਹਰਾਮਾਤਿ, ਸਤ੍ਤ ਚੇਵ ਅਵਾਹਰੁਂ;

ਸਙ੍ਘਸ੍ਸ ਅਵਹਰੁਂ ਸਤ੍ਤ, ਪੁਪ੍ਫੇਹਿ ਅਪਰੇ ਦੁਵੇ.

ਤਯੋ ਚ ਵੁਤ੍ਤਵਾਦਿਨੋ, ਮਣਿ ਤੀਣਿ ਅਤਿਕ੍ਕਮੇ;

ਸੂਕਰਾ ਚ ਮਿਗਾ ਮਚ੍ਛਾ, ਯਾਨਞ੍ਚਾਪਿ ਪਵਤ੍ਤਯਿ.

ਦੁਵੇ ਪੇਸੀ ਦੁਵੇ ਦਾਰੂ, ਪਂਸੁਕੂਲਂ ਦੁਵੇ ਦਕਾ;

ਅਨੁਪੁਬ੍ਬਵਿਧਾਨੇਨ, ਤਦਞ੍ਞੋ ਨ ਪਰਿਪੂਰਯਿ.

ਸਾਵਤ੍ਥਿਯਾ ਚਤੁਰੋ ਮੁਟ੍ਠੀ, ਦ੍ਵੇ ਵਿਘਾਸਾ ਦੁਵੇ ਤਿਣਾ;

ਸਙ੍ਘਸ੍ਸ ਭਾਜਯੁਂ ਸਤ੍ਤ, ਸਤ੍ਤ ਚੇਵ ਅਸ੍ਸਾਮਿਕਾ.

ਦਾਰੁਦਕਾ ਮਤ੍ਤਿਕਾ ਦ੍ਵੇ ਤਿਣਾਨਿ;

ਸਙ੍ਘਸ੍ਸ ਸਤ੍ਤ ਅਵਹਾਸਿ ਸੇਯ੍ਯਂ;

ਸਸ੍ਸਾਮਿਕਂ ਨ ਚਾਪਿ ਨੀਹਰੇਯ੍ਯ;

ਹਰੇਯ੍ਯ ਸਸ੍ਸਾਮਿਕਂ ਤਾਵਕਾਲਿਕਂ.

ਚਮ੍ਪਾ ਰਾਜਗਹੇ ਚੇਵ, ਵੇਸਾਲਿਯਾ ਚ ਅਜ੍ਜੁਕੋ;

ਬਾਰਾਣਸੀ ਚ ਕੋਸਮ੍ਬੀ, ਸਾਗਲਾ ਦਲ਼੍ਹਿਕੇਨ ਚਾਤਿ.

ਵਿਨੀਤਵਤ੍ਥੁ

੧੩੨. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਰਜਕਤ੍ਥਰਣਂ ਗਨ੍ਤ੍ਵਾ ਰਜਕਭਣ੍ਡਿਕਂ ਅਵਹਰਿਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ. ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍ਵਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍ਵਾ ਥੇਯ੍ਯਚਿਤ੍ਤਂ ਉਪ੍ਪਾਦੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਚਿਤ੍ਤੁਪ੍ਪਾਦੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍ਵਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍ਵਾ ਥੇਯ੍ਯਚਿਤ੍ਤੋ ਆਮਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍ਵਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍ਵਾ ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਜਕਤ੍ਥਰਣਂ ਗਨ੍ਤ੍ਵਾ ਮਹਗ੍ਘਂ ਦੁਸ੍ਸਂ ਪਸ੍ਸਿਤ੍ਵਾ ਥੇਯ੍ਯਚਿਤ੍ਤੋ ਠਾਨਾ ਚਾਵੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੩੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਮਹਗ੍ਘਂ ਉਤ੍ਤਰਤ੍ਥਰਣਂ ਪਸ੍ਸਿਤ੍ਵਾ ਥੇਯ੍ਯਚਿਤ੍ਤਂ ਉਪ੍ਪਾਦੇਸਿ…ਪੇ… ਥੇਯ੍ਯਚਿਤ੍ਤੋ ਆਮਸਿ…ਪੇ… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ… ਥੇਯ੍ਯਚਿਤ੍ਤੋ ਠਾਨਾ ਚਾਵੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੩੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿਵਾ ਭਣ੍ਡਂ ਪਸ੍ਸਿਤ੍ਵਾ ਨਿਮਿਤ੍ਤਂ ਅਕਾਸਿ – ‘ਰਤ੍ਤਿਂ ਅਵਹਰਿਸ੍ਸਾਮੀ’ਤਿ. ਸੋ ਤਂ ਮਞ੍ਞਮਾਨੋ ਤਂ ਅਵਹਰਿ…ਪੇ… ਤਂ ਮਞ੍ਞਮਾਨੋ ਅਞ੍ਞਂ ਅਵਹਰਿ…ਪੇ… ਅਞ੍ਞਂ ਮਞ੍ਞਮਾਨੋ ਤਂ ਅਵਹਰਿ…ਪੇ… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿਵਾ ਭਣ੍ਡਂ ਪਸ੍ਸਿਤ੍ਵਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅਵਹਰਿਸ੍ਸਾਮੀ’’ਤਿ. ਸੋ ਤਂ ਮਞ੍ਞਮਾਨੋ ਅਤ੍ਤਨੋ ਭਣ੍ਡਂ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਸ੍ਸ ਭਣ੍ਡਂ ਹਰਨ੍ਤੋ ਸੀਸੇ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ… ਥੇਯ੍ਯਚਿਤ੍ਤੋ ਖਨ੍ਧਂ ਓਰੋਪੇਸਿ…ਪੇ… ਖਨ੍ਧੇ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ… ਥੇਯ੍ਯਚਿਤ੍ਤੋ ਕਟਿਂ ਓਰੋਪੇਸਿ…ਪੇ… ਕਟਿਯਾ ਭਾਰਂ ਥੇਯ੍ਯਚਿਤ੍ਤੋ ਆਮਸਿ…ਪੇ… ਥੇਯ੍ਯਚਿਤ੍ਤੋ ਫਨ੍ਦਾਪੇਸਿ…ਪੇ… ਥੇਯ੍ਯਚਿਤ੍ਤੋ ਹਤ੍ਥੇਨ ਅਗ੍ਗਹੇਸਿ…ਪੇ… ਹਤ੍ਥੇ ਭਾਰਂ ਥੇਯ੍ਯਚਿਤ੍ਤੋ ਭੂਮਿਯਂ ਨਿਕ੍ਖਿਪਿ…ਪੇ… ਥੇਯ੍ਯਚਿਤ੍ਤੋ ਭੂਮਿਤੋ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੩੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਜ੍ਝੋਕਾਸੇ ਚੀਵਰਂ ਪਤ੍ਥਰਿਤ੍ਵਾ ਵਿਹਾਰਂ ਪਾਵਿਸਿ. ਅਞ੍ਞਤਰੋ ਭਿਕ੍ਖੁ – ‘ਮਾਯਿਦਂ ਚੀਵਰਂ ਨਸ੍ਸੀ’ਤਿ, ਪਟਿਸਾਮੇਸਿ. ਸੋ ਨਿਕ੍ਖਮਿਤ੍ਵਾ ਤਂ ਭਿਕ੍ਖੁਂ ਪੁਚ੍ਛਿ – ‘‘ਆਵੁਸੋ, ਮਯ੍ਹਂ ਚੀਵਰਂ ਕੇਨ ਅਵਹਟ’’ਨ੍ਤਿ? ਸੋ ਏਵਮਾਹ – ‘‘ਮਯਾ ਅਵਹਟ’’ਨ੍ਤਿ. ‘‘ਸੋ ਤਂ ਆਦਿਯਿ, ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ…. ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਿਰੁਤ੍ਤਿਪਥੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਿਰੁਤ੍ਤਿਪਥੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੀਠੇ ਚੀਵਰਂ ਨਿਕ੍ਖਿਪਿਤ੍ਵਾ. ਪੀਠੇ ਨਿਸੀਦਨਂ ਨਿਕ੍ਖਿਪਿਤ੍ਵਾ… ਹੇਟ੍ਠਾਪੀਠੇ ਪਤ੍ਤਂ ਨਿਕ੍ਖਿਪਿਤ੍ਵਾ ਵਿਹਾਰਂ ਪਾਵਿਸਿ. ਅਞ੍ਞਤਰੋ ਭਿਕ੍ਖੁ – ‘‘ਮਾਯਂ ਪਤ੍ਤੋ ਨਸ੍ਸੀ’’ਤਿ ਪਟਿਸਾਮੇਸਿ. ਸੋ ਨਿਕ੍ਖਮਿਤ੍ਵਾ ਤਂ ਭਿਕ੍ਖੁਂ ਪੁਚ੍ਛਿ – ‘‘ਆਵੁਸੋ, ਮਯ੍ਹਂ ਪਤ੍ਤੋ ਕੇਨ ਅਵਹਟੋ’’ਤਿ? ਸੋ ਏਵਮਾਹ – ‘‘ਮਯਾ ਅਵਹਟੋ’’ਤਿ. ‘‘ਸੋ ਤਂ ਆਦਿਯਿ, ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਿਰੁਤ੍ਤਿਪਥੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਭਿਕ੍ਖੁਨੀ ਵਤਿਯਾ ਚੀਵਰਂ ਪਤ੍ਥਰਿਤ੍ਵਾ ਵਿਹਾਰਂ ਪਾਵਿਸਿ. ਅਞ੍ਞਤਰਾ ਭਿਕ੍ਖੁਨੀ – ‘ਮਾਯਿਦਂ ਚੀਵਰਂ ਨਸ੍ਸੀ’ਤਿ ਪਟਿਸਾਮੇਸਿ. ਸਾ ਨਿਕ੍ਖਮਿਤ੍ਵਾ ਤਂ ਭਿਕ੍ਖੁਨਿਂ ਪੁਚ੍ਛਿ – ‘‘ਅਯ੍ਯੇ, ਮਯ੍ਹਂ ਚੀਵਰਂ ਕੇਨ ਅਵਹਟ’’ਨ੍ਤਿ? ਸਾ ਏਵਮਾਹ – ‘‘ਮਯਾ ਅਵਹਟ’’ਨ੍ਤਿ. ‘‘ਸਾ ਤਂ ਆਦਿਯਿ, ਅਸ੍ਸਮਣੀਸਿ ਤ੍ਵ’’ਨ੍ਤਿ. ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ. ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਿਰੁਤ੍ਤਿਪਥੇ’’ਤਿ.

੧੩੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵਾਤਮਣ੍ਡਲਿਕਾਯ ਉਕ੍ਖਿਤ੍ਤਂ ਸਾਟਕਂ ਪਸ੍ਸਿਤ੍ਵਾ ਸਾਮਿਕਾਨਂ ਦਸ੍ਸਾਮੀਤਿ, ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ ਭਿਕ੍ਖੂ’’ਤਿ? ‘‘ਅਥੇਯ੍ਯਚਿਤ੍ਤੋ ਅਹਂ, ਭਗਵਾ’’ਤਿ. ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵਾਤਮਣ੍ਡਲਿਕਾਯ ਉਕ੍ਖਿਤ੍ਤਂ ਵੇਠਨਂ ਪਸ੍ਸਿਤ੍ਵਾ ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ ਥੇਯ੍ਯਚਿਤ੍ਤੋ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੩੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਸਾਨਂ ਗਨ੍ਤ੍ਵਾ ਅਭਿਨ੍ਨੇ ਸਰੀਰੇ ਪਂਸੁਕੂਲਂ ਅਗ੍ਗਹੇਸਿ. ਤਸ੍ਮਿਞ੍ਚ ਸਰੀਰੇ ਪੇਤੋ ਅਧਿਵਤ੍ਥੋ ਹੋਤਿ. ਅਥ ਖੋ ਸੋ ਪੇਤੋ ਤਂ ਭਿਕ੍ਖੁਂ ਏਤਦਵੋਚ – ‘‘ਮਾ, ਭਨ੍ਤੇ, ਮਯ੍ਹਂ ਸਾਟਕਂ ਅਗ੍ਗਹੇਸੀ’’ਤਿ. ਸੋ ਭਿਕ੍ਖੁ ਅਨਾਦਿਯਨ੍ਤੋ ਅਗਮਾਸਿ. ਅਥ ਖੋ ਤਂ ਸਰੀਰਂ ਉਟ੍ਠਹਿਤ੍ਵਾ ਤਸ੍ਸ ਭਿਕ੍ਖੁਨੋ ਪਿਟ੍ਠਿਤੋ ਪਿਟ੍ਠਿਤੋ ਅਨੁਬਨ੍ਧਿ. ਅਥ ਖੋ ਸੋ ਭਿਕ੍ਖੁ ਵਿਹਾਰਂ ਪਵਿਸਿਤ੍ਵਾ ਦ੍ਵਾਰਂ ਥਕੇਸਿ. ਅਥ ਖੋ ਤਂ ਸਰੀਰਂ ਤਤ੍ਥੇਵ ਪਰਿਪਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਅਭਿਨ੍ਨੇ ਸਰੀਰੇ ਪਂਸੁਕੂਲਂ ਗਹੇਤਬ੍ਬਂ. ਸੋ ਗਣ੍ਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੧੩੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਚੀਵਰੇ ਭਾਜੀਯਮਾਨੇ ਥੇਯ੍ਯਚਿਤ੍ਤੋ ਕੁਸਂ ਸਙ੍ਕਾਮੇਤ੍ਵਾ ਚੀਵਰਂ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੩੯. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਆਨਨ੍ਦੋ ਜਨ੍ਤਾਘਰੇ ਅਞ੍ਞਤਰਸ੍ਸ ਭਿਕ੍ਖੁਨੋ ਅਨ੍ਤਰਵਾਸਕਂ ਅਤ੍ਤਨੋ ਮਞ੍ਞਮਾਨੋ ਨਿਵਾਸੇਸਿ. ਅਥ ਖੋ ਸੋ ਭਿਕ੍ਖੁ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ – ‘‘ਕਿਸ੍ਸ ਮੇ ਤ੍ਵਂ, ਆਵੁਸੋ ਆਨਨ੍ਦ, ਅਨ੍ਤਰਵਾਸਕਂ ਨਿਵਾਸੇਸੀ’’ਤਿ? ‘‘ਸਕਸਞ੍ਞੀ ਅਹਂ, ਆਵੁਸੋ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਸਕਸਞ੍ਞਿਸ੍ਸਾ’’ਤਿ.

੧੪੦. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਸੀਹਵਿਘਾਸਂ ਪਸ੍ਸਿਤ੍ਵਾ ਪਚਾਪੇਤ੍ਵਾ ਪਰਿਭੁਞ੍ਜਿਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਸੀਹਵਿਘਾਸੇ’’ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਬ੍ਯਗ੍ਘਵਿਘਾਸਂ ਪਸ੍ਸਿਤ੍ਵਾ… ਦੀਪਿਵਿਘਾਸਂ ਪਸ੍ਸਿਤ੍ਵਾ… ਤਰਚ੍ਛਵਿਘਾਸਂ ਪਸ੍ਸਿਤ੍ਵਾ… ਕੋਕਵਿਘਾਸਂ ਪਸ੍ਸਿਤ੍ਵਾ ਪਚਾਪੇਤ੍ਵਾ ਪਰਿਭੁਞ੍ਜਿਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਤਿਰਚ੍ਛਾਨਗਤਪਰਿਗ੍ਗਹੇ’’ਤਿ.

੧੪੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਓਦਨੇ ਭਾਜੀਯਮਾਨੇ – ‘ਅਪਰਸ੍ਸ ਭਾਗਂ ਦੇਹੀ’ਤਿ ਅਮੂਲਕਂ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਮ੍ਪਜਾਨਮੁਸਾਵਾਦੇ ਪਾਚਿਤ੍ਤਿਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਖਾਦਨੀਯੇ ਭਾਜਿਯਮਾਨੇ… ਸਙ੍ਘਸ੍ਸ ਪੂਵੇ ਭਾਜਿਯਮਾਨੇ… ਸਙ੍ਘਸ੍ਸ ਉਚ੍ਛੁਮ੍ਹਿ ਭਾਜਿਯਮਾਨੇ… ਸਙ੍ਘਸ੍ਸ ਤਿਮ੍ਬਰੂਸਕੇ ਭਾਜਿਯਮਾਨੇ – ‘ਅਪਰਸ੍ਸ ਭਾਗਂ ਦੇਹੀ’ਤਿ ਅਮੂਲਕਂ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ…. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਸਮ੍ਪਜਾਨਮੁਸਾਵਾਦੇ ਪਾਚਿਤ੍ਤਿਯਸ੍ਸਾ’’ਤਿ.

੧੪੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਓਦਨੀਯਘਰਂ ਪਵਿਸਿਤ੍ਵਾ ਪਤ੍ਤਪੂਰਂ ਓਦਨਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਸੂਨਘਰਂ [ਸੂਨਾਘਰਂ (ਸੀ. ਸ੍ਯਾ)] ਪਵਿਸਿਤ੍ਵਾ ਪਤ੍ਤਪੂਰਂ ਮਂਸਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦੁਬ੍ਭਿਕ੍ਖੇ ਪੂਵਘਰਂ ਪਵਿਸਿਤ੍ਵਾ ਪਤ੍ਤਪੂਰਂ ਪੂਵਂ ਥੇਯ੍ਯਚਿਤ੍ਤੋ ਅਵਹਰਿ…ਪੇ… ਪਤ੍ਤਪੂਰਾ ਸਕ੍ਖਲਿਯੋ ਥੇਯ੍ਯਚਿਤ੍ਤੋ ਅਵਹਰਿ…ਪੇ… ਪਤ੍ਤਪੂਰੇ ਮੋਦਕੇ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੪੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿਵਾ ਪਰਿਕ੍ਖਾਰਂ ਪਸ੍ਸਿਤ੍ਵਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅਵਹਰਿਸ੍ਸਾਮੀ’’ਤਿ. ਸੋ ਤਂ ਮਞ੍ਞਮਾਨੋ ਤਂ ਅਵਹਰਿ…ਪੇ… ਤਂ ਮਞ੍ਞਮਾਨੋ ਅਞ੍ਞਂ ਅਵਹਰਿ…ਪੇ… ਅਞ੍ਞਂ ਮਞ੍ਞਮਾਨੋ ਤਂ ਅਵਹਰਿ…ਪੇ… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਿਵਾ ਪਰਿਕ੍ਖਾਰਂ ਪਸ੍ਸਿਤ੍ਵਾ ਨਿਮਿਤ੍ਤਂ ਅਕਾਸਿ – ‘‘ਰਤ੍ਤਿਂ ਅਵਹਰਿਸ੍ਸਾਮੀ’’ਤਿ. ਸੋ ਤਂ ਮਞ੍ਞਮਾਨੋ ਅਤ੍ਤਨੋ ਪਰਿਕ੍ਖਾਰਂ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੧੪੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੀਠੇ ਥਵਿਕਂ ਪਸ੍ਸਿਤ੍ਵਾ – ‘‘ਇਤੋ ਗਣ੍ਹਨ੍ਤੋ ਪਾਰਾਜਿਕੋ ਭਵਿਸ੍ਸਾਮੀ’’ਤਿ ਸਹ ਪੀਠਕੇਨ ਸਙ੍ਕਾਮੇਤ੍ਵਾ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਭਿਸਿਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੪੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਚੀਵਰਵਂਸੇ ਚੀਵਰਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵਿਹਾਰੇ ਚੀਵਰਂ ਅਵਹਰਿਤ੍ਵਾ – ‘‘ਇਤੋ ਨਿਕ੍ਖਮਨ੍ਤੋ ਪਾਰਾਜਿਕੋ ਭਵਿਸ੍ਸਾਮੀ’’ਤਿ ਵਿਹਾਰਾ ਨ ਨਿਕ੍ਖਮਿ…ਪੇ… ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਨਿਕ੍ਖਮਿ [ਨਿਕ੍ਖਮੇਯ੍ਯ (ਸੀ. ਸ੍ਯਾ.)] ਵਾ ਸੋ, ਭਿਕ੍ਖਵੇ, ਮੋਘਪੁਰਿਸੋ ਨ ਵਾ ਨਿਕ੍ਖਮਿ [ਨਿਕ੍ਖਮੇਯ੍ਯ (ਸੀ. ਸ੍ਯਾ.)], ਆਪਤ੍ਤਿ ਪਾਰਾਜਿਕਸ੍ਸਾ’’ਤਿ.

੧੪੬. ਤੇਨ ਖੋ ਪਨ ਸਮਯੇਨ ਦ੍ਵੇ ਭਿਕ੍ਖੂ ਸਹਾਯਕਾ ਹੋਨ੍ਤਿ. ਏਕੋ ਭਿਕ੍ਖੁ ਗਾਮਂ ਪਿਣ੍ਡਾਯ ਪਾਵਿਸਿ. ਦੁਤਿਯੋ ਭਿਕ੍ਖੁ ਸਙ੍ਘਸ੍ਸ ਖਾਦਨੀਯੇ ਭਾਜੀਯਮਾਨੇ ਸਹਾਯਕਸ੍ਸ ਭਾਗਂ ਗਹੇਤ੍ਵਾ ਤਸ੍ਸ ਵਿਸ੍ਸਸਨ੍ਤੋ ਪਰਿਭੁਞ੍ਜਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂ ਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਵਿਸ੍ਸਾਸਗ੍ਗਾਹੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਵਿਸ੍ਸਾਸਗ੍ਗਾਹੇ’’ਤਿ.

੧੪੭. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਚੀਵਰਕਮ੍ਮਂ ਕਰੋਨ੍ਤਿ. ਸਙ੍ਘਸ੍ਸ ਖਾਦਨੀਯੇ ਭਾਜੀਯਮਾਨੇ ਸਬ੍ਬੇਸਂ ਪਟਿਵਿਸਾ ਆਹਰਿਤ੍ਵਾ ਉਪਨਿਕ੍ਖਿਤ੍ਤਾ ਹੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿਵਿਸਂ ਅਤ੍ਤਨੋ ਮਞ੍ਞਮਾਨੋ ਪਰਿਭੁਞ੍ਜਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਸਕਸਞ੍ਞੀ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸਕਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਚੀਵਰਕਮ੍ਮਂ ਕਰੋਨ੍ਤਿ. ਸਙ੍ਘਸ੍ਸ ਖਾਦਨੀਯੇ ਭਾਜਿਯਮਾਨੇ ਅਞ੍ਞਤਰਸ੍ਸ ਭਿਕ੍ਖੁਨੋ ਪਤ੍ਤੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿਵਿਸੋ ਆਹਰਿਤ੍ਵਾ ਉਪਨਿਕ੍ਖਿਤ੍ਤੋ ਹੋਤਿ. ਪਤ੍ਤਸਾਮਿਕੋ ਭਿਕ੍ਖੁ ਅਤ੍ਤਨੋ ਮਞ੍ਞਮਾਨੋ ਪਰਿਭੁਞ੍ਜਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਕਸਞ੍ਞਿਸ੍ਸਾ’’ਤਿ.

੧੪੮. ਤੇਨ ਖੋ ਪਨ ਸਮਯੇਨ ਅਮ੍ਬਚੋਰਕਾ ਅਮ੍ਬਂ ਪਾਤੇਤ੍ਵਾ ਭਣ੍ਡਿਕਂ ਆਦਾਯ ਅਗਮਂਸੁ. ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ. ਚੋਰਕਾ ਸਾਮਿਕੇ ਪਸ੍ਸਿਤ੍ਵਾ ਭਣ੍ਡਿਕਂ ਪਾਤੇਤ੍ਵਾ ਪਲਾਯਿਂਸੁ. ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍ਵਾ ਪਰਿਭੁਞ੍ਜਿਂਸੁ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਕਿਂਚਿਤ੍ਤਾ ਤੁਮ੍ਹੇ, ਭਿਕ੍ਖਵੇ’’ਤਿ? ‘‘ਪਂਸੁਕੂਲਸਞ੍ਞਿਨੋ ਮਯਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖਵੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਜਮ੍ਬੁਚੋਰਕਾ… ਲਬੁਜਚੋਰਕਾ… ਪਨਸਚੋਰਕਾ… ਤਾਲਪਕ੍ਕਚੋਰਕਾ… ਉਚ੍ਛੁਚੋਰਕਾ… ਤਿਮ੍ਬਰੂਸਕਚੋਰਕਾ ਤਿਮ੍ਬਰੂਸਕੇ ਉਚ੍ਚਿਨਿਤ੍ਵਾ ਭਣ੍ਡਿਕਂ ਆਦਾਯ ਅਗਮਂਸੁ. ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ. ਚੋਰਕਾ ਸਾਮਿਕੇ ਪਸ੍ਸਿਤ੍ਵਾ ਭਣ੍ਡਿਕਂ ਪਾਤੇਤ੍ਵਾ ਪਲਾਯਿਂਸੁ. ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍ਵਾ ਪਰਿਭੁਞ੍ਜਿਂਸੁ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਮ੍ਬਚੋਰਕਾ ਅਮ੍ਬਂ ਪਾਤੇਤ੍ਵਾ ਭਣ੍ਡਿਕਂ ਆਦਾਯ ਅਗਮਂਸੁ. ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ. ਚੋਰਕਾ ਸਾਮਿਕੇ ਪਸ੍ਸਿਤ੍ਵਾ ਭਣ੍ਡਿਕਂ ਪਾਤੇਤ੍ਵਾ ਪਲਾਯਿਂਸੁ. ਭਿਕ੍ਖੂ – ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ, ਥੇਯ੍ਯਚਿਤ੍ਤਾ ਪਰਿਭੁਞ੍ਜਿਂਸੁ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਜਮ੍ਬੁਚੋਰਕਾ… ਲਬੁਜਚੋਰਕਾ… ਪਨਸਚੋਰਕਾ… ਤਾਲਪਕ੍ਕਚੋਰਕਾ… ਉਚ੍ਛੁਚੋਰਕਾ… ਤਿਮ੍ਬਰੂਸਕਚੋਰਕਾ ਤਿਮ੍ਬਰੂਸਕੇ ਉਚ੍ਚਿਨਿਤ੍ਵਾ ਭਣ੍ਡਿਕਂ ਆਦਾਯ ਅਗਮਂਸੁ. ਸਾਮਿਕਾ ਤੇ ਚੋਰਕੇ ਅਨੁਬਨ੍ਧਿਂਸੁ. ਚੋਰਕਾ ਸਾਮਿਕੇ ਪਸ੍ਸਿਤ੍ਵਾ ਭਣ੍ਡਿਕਂ ਪਾਤੇਤ੍ਵਾ ਪਲਾਯਿਂਸੁ. ਭਿਕ੍ਖੂ – ‘ਪੁਰੇ ਸਾਮਿਕਾ ਪਸ੍ਸਨ੍ਤੀ’ਤਿ, ਥੇਯ੍ਯਚਿਤ੍ਤਾ ਪਰਿਭੁਞ੍ਜਿਂਸੁ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਅਮ੍ਬਂ ਥੇਯ੍ਯਚਿਤ੍ਤੋ ਅਵਹਰਿ… ਸਙ੍ਘਸ੍ਸ ਜਮ੍ਬੁਂ… ਸਙ੍ਘਸ੍ਸ ਲਬੁਜਂ… ਸਙ੍ਘਸ੍ਸ ਪਨਸਂ… ਸਙ੍ਘਸ੍ਸ ਤਾਲਪਕ੍ਕਂ… ਸਙ੍ਘਸ੍ਸ ਉਚ੍ਛੁਂ… ਸਙ੍ਘਸ੍ਸ ਤਿਮ੍ਬਰੂਸਕਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੪੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਪ੍ਫਾਰਾਮਂ ਗਨ੍ਤ੍ਵਾ ਓਚਿਤਂ ਪੁਪ੍ਫਂ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਪ੍ਫਾਰਾਮਂ ਗਨ੍ਤ੍ਵਾ ਪੁਪ੍ਫਂ ਓਚਿਨਿਤ੍ਵਾ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਨ੍ਤੋ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਤੁਯ੍ਹਂ ਉਪਟ੍ਠਾਕਕੁਲਂ ਵੁਤ੍ਤੋ ਵਜ੍ਜੇਮੀ’’ਤਿ. ਸੋ ਗਨ੍ਤ੍ਵਾ ਏਕਂ ਸਾਟਕਂ ਆਹਰਾਪੇਤ੍ਵਾ ਅਤ੍ਤਨਾ ਪਰਿਭੁਞ੍ਜਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਵੁਤ੍ਤੋ ਵਜ੍ਜੇਮੀਤਿ ਵਤ੍ਤਬ੍ਬੋ. ਯੋ ਵਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਤਿ. ਅਞ੍ਞਤਰੋ ਭਿਕ੍ਖੁ ਤਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਮਯ੍ਹਂ ਉਪਟ੍ਠਾਕਕੁਲਂ ਵੁਤ੍ਤੋ ਵਜ੍ਜੇਹੀ’’ਤਿ. ਸੋ ਗਨ੍ਤ੍ਵਾ ਯੁਗਸਾਟਕਂ ਆਹਰਾਪੇਤ੍ਵਾ ਏਕਂ ਅਤ੍ਤਨਾ ਪਰਿਭੁਞ੍ਜਿ, ਏਕਂ ਤਸ੍ਸ ਭਿਕ੍ਖੁਨੋ ਅਦਾਸਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਵੁਤ੍ਤੋ ਵਜ੍ਜੇਹੀਤਿ ਵਤ੍ਤਬ੍ਬੋ. ਯੋ ਵਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਾਮਕਂ ਗਚ੍ਛਨ੍ਤੋ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਤੁਯ੍ਹਂ ਉਪਟ੍ਠਾਕਕੁਲਂ ਵੁਤ੍ਤੋ ਵਜ੍ਜੇਮੀ’’ਤਿ. ਸੋਪਿ ਏਵਮਾਹ – ‘‘ਵੁਤ੍ਤੋ ਵਜ੍ਜੇਹੀ’’ਤਿ. ਸੋ ਗਨ੍ਤ੍ਵਾ ਆਲ਼੍ਹਕਂ ਸਪ੍ਪਿਂ ਤੁਲਂ ਗੁਲ਼ਂ ਦੋਣਂ ਤਣ੍ਡੁਲਂ ਆਹਰਾਪੇਤ੍ਵਾ ਅਤ੍ਤਨਾ ਪਰਿਭੁਞ੍ਜਿ. ਸੋ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਵੁਤ੍ਤੋ ਵਜ੍ਜੇਮੀਤਿ ਵਤ੍ਤਬ੍ਬੋ, ਨ ਚ ਵੁਤ੍ਤੋ ਵਜ੍ਜੇਹੀਤਿ ਵਤ੍ਤਬ੍ਬੋ. ਯੋ ਵਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੧੫੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਮਹਗ੍ਘਂ ਮਣਿਂ ਆਦਾਯ ਅਞ੍ਞਤਰੇਨ ਭਿਕ੍ਖੁਨਾ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ. ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਪਸ੍ਸਿਤ੍ਵਾ ਤਸ੍ਸ ਭਿਕ੍ਖੁਨੋ ਅਜਾਨਨ੍ਤਸ੍ਸ ਥਵਿਕਾਯ ਮਣਿਂ ਪਕ੍ਖਿਪਿਤ੍ਵਾ ਸੁਙ੍ਕਟ੍ਠਾਨਂ ਅਤਿਕ੍ਕਮਿਤ੍ਵਾ ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਜਾਨਾਮੀ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਮਹਗ੍ਘਂ ਮਣਿਂ ਆਦਾਯ ਅਞ੍ਞਤਰੇਨ ਭਿਕ੍ਖੁਨਾ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ. ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਪਸ੍ਸਿਤ੍ਵਾ ਗਿਲਾਨਾਲਯਂ ਕਰਿਤ੍ਵਾ ਅਤ੍ਤਨੋ ਭਣ੍ਡਿਕਂ ਤਸ੍ਸ ਭਿਕ੍ਖੁਨੋ ਅਦਾਸਿ. ਅਥ ਖੋ ਸੋ ਪੁਰਿਸੋ ਸੁਙ੍ਕਟ੍ਠਾਨਂ ਅਤਿਕ੍ਕਮਿਤ੍ਵਾ ਤਂ ਭਿਕ੍ਖੁਂ ਏਤਦਵੋਚ – ‘‘ਆਹਰ ਮੇ, ਭਨ੍ਤੇ, ਭਣ੍ਡਿਕਂ; ਨਾਹਂ ਅਕਲ੍ਲਕੋ’’ਤਿ. ‘‘ਕਿਸ੍ਸ ਪਨ ਤ੍ਵਂ, ਆਵੁਸੋ, ਏਵਰੂਪਂ ਅਕਾਸੀ’’ਤਿ? ਅਥ ਖੋ ਸੋ ਪੁਰਿਸੋ ਤਸ੍ਸ ਭਿਕ੍ਖੁਨੋ ਏਤਮਤ੍ਥਂ ਆਰੋਚੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਜਾਨਾਮੀ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ.

੧੫੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਤ੍ਥੇਨ ਸਦ੍ਧਿਂ ਅਦ੍ਧਾਨਮਗ੍ਗਪ੍ਪਟਿਪਨ੍ਨੋ ਹੋਤਿ. ਅਞ੍ਞਤਰੋ ਪੁਰਿਸੋ ਤਂ ਭਿਕ੍ਖੁਂ ਆਮਿਸੇਨ ਉਪਲਾਪੇਤ੍ਵਾ ਸੁਙ੍ਕਟ੍ਠਾਨਂ ਪਸ੍ਸਿਤ੍ਵਾ ਮਹਗ੍ਘਂ ਮਣਿਂ ਤਸ੍ਸ ਭਿਕ੍ਖੁਨੋ ਅਦਾਸਿ – ‘‘ਇਮਂ, ਭਨ੍ਤੇ, ਮਣਿਂ ਸੁਙ੍ਕਟ੍ਠਾਨਂ ਅਤਿਕ੍ਕਾਮੇਹੀ’’ਤਿ. ਅਥ ਖੋ ਸੋ ਭਿਕ੍ਖੁ ਤਂ ਮਣਿਂ ਸੁਙ੍ਕਟ੍ਠਾਨਂ ਅਤਿਕ੍ਕਾਮੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਸੂਕਰਂ ਕਾਰੁਞ੍ਞੇਨ ਮੁਞ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਕਾਰੁਞ੍ਞਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਕਾਰੁਞ੍ਞਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਸੂਕਰਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਮੁਞ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਾਸੇ ਬਨ੍ਧਂ ਮਿਗਂ ਕਾਰੁਞ੍ਞੇਨ ਮੁਞ੍ਚਿ… ਪਾਸੇ ਬਨ੍ਧਂ ਮਿਗਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਮੁਞ੍ਚਿ … ਕੁਮਿਨੇ ਬਨ੍ਧੇ ਮਚ੍ਛੇ ਕਾਰੁਞ੍ਞੇਨ ਮੁਞ੍ਚਿ… ਕੁਮਿਨੇ ਬਨ੍ਧੇ ਮਚ੍ਛੇ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ ਥੇਯ੍ਯਚਿਤ੍ਤੋ ਮੁਞ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਯਾਨੇ ਭਣ੍ਡਂ ਪਸ੍ਸਿਤ੍ਵਾ – ‘‘ਇਤੋ ਗਣ੍ਹਨ੍ਤੋ ਪਾਰਾਜਿਕੋ ਭਵਿਸ੍ਸਾਮੀ’’ਤਿ, ਅਤਿਕ੍ਕਮਿਤ੍ਵਾ ਪਵਟ੍ਟੇਤ੍ਵਾ [ਪਵਤ੍ਤੇਤ੍ਵਾ (ਕ.)] ਅਗ੍ਗਹੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੁਲਲੇਨ ਉਕ੍ਖਿਤ੍ਤਂ ਮਂਸਪੇਸਿਂ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੁਲਲੇਨ ਉਕ੍ਖਿਤ੍ਤਂ ਮਂਸਪੇਸਿਂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੪. ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਉਲ਼ੁਮ੍ਪਂ ਬਨ੍ਧਿਤ੍ਵਾ ਅਚਿਰਵਤਿਯਾ ਨਦਿਯਾ ਓਸਾਰੇਨ੍ਤਿ. ਬਨ੍ਧਨੇ ਛਿਨ੍ਨੇ ਕਟ੍ਠਾਨਿ ਵਿਪ੍ਪਕਿਣ੍ਣਾਨਿ ਅਗਮਂਸੁ. ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਉਤ੍ਤਾਰੇਸੁਂ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਮਨੁਸ੍ਸਾ ਉਲ਼ੁਮ੍ਪਂ ਬਨ੍ਧਿਤ੍ਵਾ ਅਚਿਰਵਤਿਯਾ ਨਦਿਯਾ ਓਸਾਰੇਨ੍ਤਿ. ਬਨ੍ਧਨੇ ਛਿਨ੍ਨੇ ਕਟ੍ਠਾਨਿ ਵਿਪ੍ਪਕਿਣ੍ਣਾਨਿ ਅਗਮਂਸੁ. ਭਿਕ੍ਖੂ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤਾ ਉਤ੍ਤਾਰੇਸੁਂ. ਸਾਮਿਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਗੋਪਾਲਕੋ ਰੁਕ੍ਖੇ ਸਾਟਕਂ ਆਲਗ੍ਗੇਤ੍ਵਾ ਉਚ੍ਚਾਰਂ ਅਗਮਾਸਿ. ਅਞ੍ਞਤਰੋ ਭਿਕ੍ਖੁ ਪਂਸੁਕੂਲਸਞ੍ਞੀ ਅਗ੍ਗਹੇਸਿ. ਅਥ ਖੋ ਸੋ ਗੋਪਾਲਕੋ ਤਂ ਭਿਕ੍ਖੁਂ ਚੋਦੇਸਿ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਨਦਿਂ ਤਰਨ੍ਤਸ੍ਸ ਰਜਕਾਨਂ ਹਤ੍ਥਤੋ ਮੁਤ੍ਤਂ ਸਾਟਕਂ ਪਾਦੇ ਲਗ੍ਗਂ ਹੋਤਿ. ਸੋ ਭਿਕ੍ਖੁ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਥੇਯ੍ਯਚਿਤ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਨਦਿਂ ਤਰਨ੍ਤਸ੍ਸ ਰਜਕਾਨਂ ਹਤ੍ਥਤੋ ਮੁਤ੍ਤਂ ਸਾਟਕਂ ਪਾਦੇ ਲਗ੍ਗਂ ਹੋਤਿ. ਸੋ ਭਿਕ੍ਖੁ – ‘‘ਪੁਰੇ ਸਾਮਿਕਾ ਪਸ੍ਸਨ੍ਤੀ’’ਤਿ, ਥੇਯ੍ਯਚਿਤ੍ਤੋ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਪ੍ਪਿਕੁਮ੍ਭਿਂ ਪਸ੍ਸਿਤ੍ਵਾ ਥੋਕਂ ਥੋਕਂ ਪਰਿਭੁਞ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਂਵਿਦਹਿਤ੍ਵਾ ਅਗਮਂਸੁ – ‘‘ਭਣ੍ਡਂ ਅਵਹਰਿਸ੍ਸਾਮਾ’’ਤਿ. ਏਕੋ ਭਣ੍ਡਂ ਅਵਹਰਿ. ਤੇ ਏਵਮਾਹਂਸੁ – ‘‘ਨ ਮਯਂ ਪਾਰਾਜਿਕਾ. ਯੋ ਅਵਹਟੋ ਸੋ ਪਾਰਾਜਿਕੋ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ… ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਂਵਿਦਹਿਤ੍ਵਾ ਭਣ੍ਡਂ ਅਵਹਰਿਤ੍ਵਾ ਭਾਜੇਸੁਂ. ਤੇਹਿ ਭਾਜੀਯਮਾਨੇ ਏਕਮੇਕਸ੍ਸ ਪਟਿਵਿਸੋ ਨ ਪਞ੍ਚਮਾਸਕੋ ਪੂਰਿ. ਤੇ ਏਵਮਾਹਂਸੁ – ‘‘ਨ ਮਯਂ ਪਾਰਾਜਿਕਾ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਵਤ੍ਥਿਯਂ ਦੁਬ੍ਭਿਕ੍ਖੇ ਆਪਣਿਕਸ੍ਸ ਤਣ੍ਡੁਲਮੁਟ੍ਠਿਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਵਤ੍ਥਿਯਂ ਦੁਬ੍ਭਿਕ੍ਖੇ ਆਪਣਿਕਸ੍ਸ ਮੁਗ੍ਗਮੁਟ੍ਠਿਂ… ਮਾਸਮੁਟ੍ਠਿਂ… ਤਿਲਮੁਟ੍ਠਿਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਸਾਵਤ੍ਥਿਯਂ ਅਨ੍ਧਵਨੇ ਚੋਰਕਾ ਗਾਵਿਂ ਹਨ੍ਤ੍ਵਾ ਮਂਸਂ ਖਾਦਿਤ੍ਵਾ ਸੇਸਕਂ ਪਟਿਸਾਮੇਤ੍ਵਾ ਅਗਮਂਸੁ. ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍ਵਾ ਪਰਿਭੁਞ੍ਜਿਂਸੁ. ਚੋਰਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਸਾਵਤ੍ਥਿਯਂ ਅਨ੍ਧਵਨੇ ਚੋਰਕਾ ਸੂਕਰਂ ਹਨ੍ਤ੍ਵਾ ਮਂਸਂ ਖਾਦਿਤ੍ਵਾ ਸੇਸਕਂ ਪਟਿਸਾਮੇਤ੍ਵਾ ਅਗਮਂਸੁ. ਭਿਕ੍ਖੂ ਪਂਸੁਕੂਲਸਞ੍ਞਿਨੋ ਪਟਿਗ੍ਗਹਾਪੇਤ੍ਵਾ ਪਰਿਭੁਞ੍ਜਿਂਸੁ. ਚੋਰਕਾ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਂਸੁਕੂਲਸਞ੍ਞਿਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਣਕ੍ਖੇਤ੍ਤਂ ਗਨ੍ਤ੍ਵਾ ਲੂਤਂ ਤਿਣਂ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ …ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਣਕ੍ਖੇਤ੍ਤਂ ਗਨ੍ਤ੍ਵਾ ਤਿਣਂ ਲਾਯਿਤ੍ਵਾ ਪਞ੍ਚਮਾਸਗ੍ਘਨਕਂ ਥੇਯ੍ਯਚਿਤ੍ਤੋ ਅਵਹਰਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੬. ਤੇਨ ਖੋ ਪਨ ਸਮਯੇਨ ਆਗਨ੍ਤੁਕਾ ਭਿਕ੍ਖੂ ਸਙ੍ਘਸ੍ਸ ਅਮ੍ਬਂ ਭਾਜਾਪੇਤ੍ਵਾ ਪਰਿਭੁਞ੍ਜਿਂਸੁ. ਆਵਾਸਿਕਾ ਭਿਕ੍ਖੂ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਕਿਂਚਿਤ੍ਤਾ ਤੁਮ੍ਹੇ, ਭਿਕ੍ਖਵੇ’’ਤਿ? ‘‘ਪਰਿਭੋਗਤ੍ਥਾਯ [ਪਰਿਭੋਗਤ੍ਥਾ (ਸੀ.)] ਮਯਂ ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖਵੇ, ਪਰਿਭੋਗਤ੍ਥਾਯਾ’’ਤਿ.

ਤੇਨ ਖੋ ਪਨ ਸਮਯੇਨ ਆਗਨ੍ਤੁਕਾ ਭਿਕ੍ਖੂ ਸਙ੍ਘਸ੍ਸ ਜਮ੍ਬੁਂ… ਸਙ੍ਘਸ੍ਸ ਲਬੁਜਂ… ਸਙ੍ਘਸ੍ਸ ਪਨਸਂ… ਸਙ੍ਘਸ੍ਸ ਤਾਲਪਕ੍ਕਂ… ਸਙ੍ਘਸ੍ਸ ਉਚ੍ਛੁਂ… ਸਙ੍ਘਸ੍ਸ ਤਿਮ੍ਬਰੂਸਕਂ ਭਾਜਾਪੇਤ੍ਵਾ ਪਰਿਭੁਞ੍ਜਿਂਸੁ. ਆਵਾਸਿਕਾ ਭਿਕ੍ਖੂ ਤੇ ਭਿਕ੍ਖੂ ਚੋਦੇਸੁਂ – ‘‘ਅਸ੍ਸਮਣਾਤ੍ਥ, ਤੁਮ੍ਹੇ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਰਿਭੋਗਤ੍ਥਾਯਾ’’ਤਿ.

ਤੇਨ ਖੋ ਪਨ ਸਮਯੇਨ ਅਮ੍ਬਪਾਲਕਾ ਭਿਕ੍ਖੂਨਂ ਅਮ੍ਬਫਲਂ ਦੇਨ੍ਤਿ. ਭਿਕ੍ਖੂ – ‘‘ਗੋਪੇਤੁਂ ਇਮੇ ਇਸ੍ਸਰਾ, ਨਯਿਮੇ ਦਾਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ ਪਟਿਗ੍ਗਣ੍ਹਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਗੋਪਕਸ੍ਸ ਦਾਨੇ’’ਤਿ.

ਤੇਨ ਖੋ ਪਨ ਸਮਯੇਨ ਜਮ੍ਬੁਪਾਲਕਾ… ਲਬੁਜਪਾਲਕਾ… ਪਨਸਪਾਲਕਾ… ਤਾਲਪਕ੍ਕਪਾਲਕਾ… ਉਚ੍ਛੁਪਾਲਕਾ… ਤਿਮ੍ਬਰੂਸਕਪਾਲਕਾ ਭਿਕ੍ਖੂਨਂ ਤਿਮ੍ਬਰੂਸਕਂ ਦੇਨ੍ਤਿ. ਭਿਕ੍ਖੂ – ‘‘ਗੋਪੇਤੁਂ ਇਮੇ ਇਸ੍ਸਰਾ, ਨਯਿਮੇ ਦਾਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ ਪਟਿਗ੍ਗਣ੍ਹਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਗੋਪਕਸ੍ਸ ਦਾਨੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਦਾਰੁਂ ਤਾਵਕਾਲਿਕਂ ਹਰਿਤ੍ਵਾ ਅਤ੍ਤਨੋ ਵਿਹਾਰਸ੍ਸ ਕੁਟ੍ਟਂ ਉਪਤ੍ਥਮ੍ਭੇਸਿ. ਭਿਕ੍ਖੂ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ. ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਤਾਵਕਾਲਿਕੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਤਾਵਕਾਲਿਕੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਉਦਕਂ ਥੇਯ੍ਯਚਿਤ੍ਤੋ ਅਵਹਰਿ… ਸਙ੍ਘਸ੍ਸ ਮਤ੍ਤਿਕਂ ਥੇਯ੍ਯਚਿਤ੍ਤੋ ਅਵਹਰਿ… ਸਙ੍ਘਸ੍ਸ ਪੁਞ੍ਜਕਿਤਂ ਤਿਣਂ ਥੇਯ੍ਯਚਿਤ੍ਤੋ ਅਵਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਪੁਞ੍ਜਕਿਤਂ ਤਿਣਂ ਥੇਯ੍ਯਚਿਤ੍ਤੋ ਝਾਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਮਞ੍ਚਂ ਥੇਯ੍ਯਚਿਤ੍ਤੋ ਅਵਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਙ੍ਘਸ੍ਸ ਪੀਠਂ… ਸਙ੍ਘਸ੍ਸ ਭਿਸਿਂ… ਸਙ੍ਘਸ੍ਸ ਬਿਬ੍ਬੋਹਨਂ [ਬਿਮ੍ਬੋਹਨਂ (ਸੀ. ਸ੍ਯਾ.)] … ਸਙ੍ਘਸ੍ਸ ਕਵਾਟਂ… ਸਙ੍ਘਸ੍ਸ ਆਲੋਕਸਨ੍ਧਿਂ… ਸਙ੍ਘਸ੍ਸ ਗੋਪਾਨਸਿਂ ਥੇਯ੍ਯਚਿਤ੍ਤੋ ਅਵਹਰਿ… ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੧੫੭. [ਚੂਲ਼ਵ. ੩੨੪] ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਞ੍ਞਤਰਸ੍ਸ ਉਪਾਸਕਸ੍ਸ ਵਿਹਾਰਪਰਿਭੋਗਂ ਸੇਨਾਸਨਂ ਅਞ੍ਞਤ੍ਰ ਪਰਿਭੁਞ੍ਜਨ੍ਤਿ. ਅਥ ਖੋ ਸੋ ਉਪਾਸਕੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਭਦਨ੍ਤਾ ਅਞ੍ਞਤ੍ਰ ਪਰਿਭੋਗਂ ਅਞ੍ਞਤ੍ਰ ਪਰਿਭੁਞ੍ਜਿਸ੍ਸਨ੍ਤੀ’’ਤਿ! ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਨ, ਭਿਕ੍ਖਵੇ, ਅਞ੍ਞਤ੍ਰ ਪਰਿਭੋਗੋ ਅਞ੍ਞਤ੍ਰ ਪਰਿਭੁਞ੍ਜਿਤਬ੍ਬੋ. ਯੋ ਪਰਿਭੁਞ੍ਜੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

[ਚੂਲ਼ਵ. ੩੨੪] ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਉਪੋਸਥਗ੍ਗਮ੍ਪਿ ਸਨ੍ਨਿਸਜ੍ਜਮ੍ਪਿ ਹਰਿਤੁਂ ਕੁਕ੍ਕੁਚ੍ਚਾਯਨ੍ਤਾ ਛਮਾਯਂ ਨਿਸੀਦਨ੍ਤਿ. ਗਤ੍ਤਾਨਿਪਿ ਚੀਵਰਾਨਿਪਿ ਪਂਸੁਕਿਤਾਨਿ ਹੋਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨੁਜਾਨਾਮਿ, ਭਿਕ੍ਖਵੇ, ਤਾਵਕਾਲਿਕਂ ਹਰਿਤੁ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਚਮ੍ਪਾਯਂ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇਵਾਸਿਨੀ ਭਿਕ੍ਖੁਨੀ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਉਪਟ੍ਠਾਕਕੁਲਂ ਗਨ੍ਤ੍ਵਾ – ‘‘ਅਯ੍ਯਾ ਇਚ੍ਛਤਿ ਤੇਕਟੁਲਯਾਗੁਂ ਪਾਤੁ’’ਨ੍ਤਿ, ਪਚਾਪੇਤ੍ਵਾ ਹਰਿਤ੍ਵਾ ਅਤ੍ਤਨਾ ਪਰਿਭੁਞ੍ਜਿ. ਸਾ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੀਸਿ ਤ੍ਵ’’ਨ੍ਤਿ. ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ. ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਸਮ੍ਪਜਾਨਮੁਸਾਵਾਦੇ ਪਾਚਿਤ੍ਤਿਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਰਾਜਗਹੇ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਅਨ੍ਤੇਵਾਸਿਨੀ ਭਿਕ੍ਖੁਨੀ ਥੁਲ੍ਲਨਨ੍ਦਾਯ ਭਿਕ੍ਖੁਨਿਯਾ ਉਪਟ੍ਠਾਕਕੁਲਂ ਗਨ੍ਤ੍ਵਾ – ‘‘ਅਯ੍ਯਾ ਇਚ੍ਛਤਿ ਮਧੁਗੋਲ਼ਕਂ ਖਾਦਿਤੁ’’ਨ੍ਤਿ, ਪਚਾਪੇਤ੍ਵਾ ਹਰਿਤ੍ਵਾ ਅਤ੍ਤਨਾ ਪਰਿਭੁਞ੍ਜਿ. ਸਾ ਜਾਨਿਤ੍ਵਾ ਤਂ ਚੋਦੇਸਿ – ‘‘ਅਸ੍ਸਮਣੀਸਿ ਤ੍ਵ’’ਨ੍ਤਿ. ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਸਮ੍ਪਜਾਨਮੁਸਾਵਾਦੇ ਪਾਚਿਤ੍ਤਿਯਸ੍ਸਾ’’ਤਿ.

੧੫੮. ਤੇਨ ਖੋ ਪਨ ਸਮਯੇਨ ਵੇਸਾਲਿਯਂ ਆਯਸ੍ਮਤੋ ਅਜ੍ਜੁਕਸ੍ਸ ਉਪਟ੍ਠਾਕਸ੍ਸ ਗਹਪਤਿਨੋ ਦ੍ਵੇ ਦਾਰਕਾ ਹੋਨ੍ਤਿ – ਪੁਤ੍ਤੋ ਚ ਭਾਗਿਨੇਯ੍ਯੋ ਚ. ਅਥ ਖੋ ਸੋ ਗਹਪਤਿ ਆਯਸ੍ਮਨ੍ਤਂ ਅਜ੍ਜੁਕਂ ਏਤਦਵੋਚ – ‘‘ਇਮਂ, ਭਨ੍ਤੇ, ਓਕਾਸਂ ਯੋ ਇਮੇਸਂ ਦ੍ਵਿਨ੍ਨਂ ਦਾਰਕਾਨਂ ਸਦ੍ਧੋ ਹੋਤਿ ਪਸਨ੍ਨੋ ਤਸ੍ਸ ਆਚਿਕ੍ਖੇਯ੍ਯਾਸੀ’’ਤਿ [ਆਚਿਕ੍ਖੇਯ੍ਯਾਸੀਤਿ ਸੋ ਕਾਲਮਕਾਸਿ (ਸ੍ਯਾ.)]. ਤੇਨ ਖੋ ਪਨ ਸਮਯੇਨ ਤਸ੍ਸ ਗਹਪਤਿਨੋ ਭਾਗਿਨੇਯ੍ਯੋ ਸਦ੍ਧੋ ਹੋਤਿ ਪਸਨ੍ਨੋ. ਅਥ ਖੋ ਆਯਸ੍ਮਾ ਅਜ੍ਜੁਕੋ ਤਂ ਓਕਾਸਂ ਤਸ੍ਸ ਦਾਰਕਸ੍ਸ ਆਚਿਕ੍ਖਿ. ਸੋ ਤੇਨ ਸਾਪਤੇਯ੍ਯੇਨ ਕੁਟੁਮ੍ਬਞ੍ਚ ਸਣ੍ਠਪੇਸਿ ਦਾਨਞ੍ਚ ਪਟ੍ਠਪੇਸਿ. ਅਥ ਖੋ ਤਸ੍ਸ ਗਹਪਤਿਨੋ ਪੁਤ੍ਤੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ – ‘‘ਕੋ ਨੁ ਖੋ, ਭਨ੍ਤੇ ਆਨਨ੍ਦ, ਪਿਤੁਨੋ ਦਾਯਜ੍ਜੋ – ਪੁਤ੍ਤੋ ਵਾ ਭਾਗਿਨੇਯ੍ਯੋ ਵਾ’’ਤਿ? ‘‘ਪੁਤ੍ਤੋ ਖੋ, ਆਵੁਸੋ, ਪਿਤੁਨੋ ਦਾਯਜ੍ਜੋ’’ਤਿ. ‘‘ਅਯਂ, ਭਨ੍ਤੇ, ਅਯ੍ਯੋ ਅਜ੍ਜੁਕੋ ਅਮ੍ਹਾਕਂ ਸਾਪਤੇਯ੍ਯਂ ਅਮ੍ਹਾਕਂ ਮੇਥੁਨਕਸ੍ਸ ਆਚਿਕ੍ਖੀ’’ਤਿ. ‘‘ਅਸ੍ਸਮਣੋ, ਆਵੁਸੋ, ਆਯਸ੍ਮਾ ਅਜ੍ਜੁਕੋ’’ਤਿ. ਅਥ ਖੋ ਆਯਸ੍ਮਾ ਅਜ੍ਜੁਕੋ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ – ‘‘ਦੇਹਿ ਮੇ, ਆਵੁਸੋ ਆਨਨ੍ਦ, ਵਿਨਿਚ੍ਛਯ’’ਨ੍ਤਿ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਾਲਿ ਆਯਸ੍ਮਤੋ ਅਜ੍ਜੁਕਸ੍ਸ ਪਕ੍ਖੋ ਹੋਤਿ. ਅਥ ਖੋ ਆਯਸ੍ਮਾ ਉਪਾਲਿ ਆਯਸ੍ਮਨ੍ਤਂ ਆਨਨ੍ਦਂ ਏਤਦਵੋਚ – ‘‘ਯੋ ਨੁ ਖੋ, ਆਵੁਸੋ ਆਨਨ੍ਦ, ਸਾਮਿਕੇਨ ‘ਇਮਂ ਓਕਾਸਂ ਇਤ੍ਥਨ੍ਨਾਮਸ੍ਸ ਆਚਿਕ੍ਖੇਯ੍ਯਾਸੀ’ਤਿ ਵੁਤ੍ਤੋ ਤਸ੍ਸ ਆਚਿਕ੍ਖਤਿ, ਕਿਂ ਸੋ ਆਪਜ੍ਜਤੀ’’ਤਿ? ‘‘ਨ, ਭਨ੍ਤੇ, ਕਿਞ੍ਚਿ ਆਪਜ੍ਜਤਿ, ਅਨ੍ਤਮਸੋ ਦੁਕ੍ਕਟਮਤ੍ਤਮ੍ਪੀ’’ਤਿ. ‘‘ਅਯਂ, ਆਵੁਸੋ, ਆਯਸ੍ਮਾ ਅਜ੍ਜੁਕੋ ਸਾਮਿਕੇਨ – ‘ਇਮਂ ਓਕਾਸਂ ਇਤ੍ਥਨ੍ਨਾਮਸ੍ਸ ਆਚਿਕ੍ਖਾ’ਤਿ ਵੁਤ੍ਤੋ ਤਸ੍ਸ ਆਚਿਕ੍ਖਤਿ; ਅਨਾਪਤ੍ਤਿ, ਆਵੁਸੋ, ਆਯਸ੍ਮਤੋ ਅਜ੍ਜੁਕਸ੍ਸਾ’’ਤਿ.

੧੫੯. ਤੇਨ ਖੋ ਪਨ ਸਮਯੇਨ ਬਾਰਾਣਸਿਯਂ ਆਯਸ੍ਮਤੋ ਪਿਲਿਨ੍ਦਵਚ੍ਛਸ੍ਸ ਉਪਟ੍ਠਾਕਕੁਲਂ ਚੋਰੇਹਿ ਉਪਦ੍ਦੁਤਂ ਹੋਤਿ. ਦ੍ਵੇ ਚ ਦਾਰਕਾ ਨੀਤਾ ਹੋਨ੍ਤਿ. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਤੇ ਦਾਰਕੇ ਇਦ੍ਧਿਯਾ ਆਨੇਤ੍ਵਾ ਪਾਸਾਦੇ ਠਪੇਸਿ. ਮਨੁਸ੍ਸਾ ਤੇ ਦਾਰਕੇ ਪਸ੍ਸਿਤ੍ਵਾ – ‘‘ਅਯ੍ਯਸ੍ਸਾਯਂ ਪਿਲਿਨ੍ਦਵਚ੍ਛਸ੍ਸ ਇਦ੍ਧਾਨੁਭਾਵੋ’’ਤਿ, ਆਯਸ੍ਮਨ੍ਤੇ ਪਿਲਿਨ੍ਦਵਚ੍ਛੇ ਅਭਿਪ੍ਪਸੀਦਿਂਸੁ. ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਪਿਲਿਨ੍ਦਵਚ੍ਛੋ ਚੋਰੇਹਿ ਨੀਤੇ ਦਾਰਕੇ ਆਨੇਸ੍ਸਤੀ’’ਤਿ! ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ [ਇਦ੍ਧਿਮਤੋ (ਸੀ.), ਇਦ੍ਧਿਮਨ੍ਤਸ੍ਸ (ਸ੍ਯਾ.)], ਇਦ੍ਧਿਮਸ੍ਸ ਇਦ੍ਧਿਵਿਸਯੇ’’ਤਿ.

੧੬੦. ਤੇਨ ਖੋ ਪਨ ਸਮਯੇਨ ਦ੍ਵੇ ਭਿਕ੍ਖੂ ਸਹਾਯਕਾ ਹੋਨ੍ਤਿ – ਪਣ੍ਡੁਕੋ ਚ ਕਪਿਲੋ ਚ. ਏਕੋ ਗਾਮਕੇ ਵਿਹਰਤਿ, ਏਕੋ ਕੋਸਮ੍ਬਿਯਂ. ਅਥ ਖੋ ਤਸ੍ਸ ਭਿਕ੍ਖੁਨੋ ਗਾਮਕਾ ਕੋਸਮ੍ਬਿਂ ਗਚ੍ਛਨ੍ਤਸ੍ਸ ਅਨ੍ਤਰਾਮਗ੍ਗੇ ਨਦਿਂ ਤਰਨ੍ਤਸ੍ਸ ਸੂਕਰਿਕਾਨਂ ਹਤ੍ਥਤੋ ਮੁਤ੍ਤਾ ਮੇਦਵਟ੍ਟਿ ਪਾਦੇ ਲਗ੍ਗਾ ਹੋਤਿ. ਸੋ ਭਿਕ੍ਖੁ – ‘‘ਸਾਮਿਕਾਨਂ ਦਸ੍ਸਾਮੀ’’ਤਿ ਅਗ੍ਗਹੇਸਿ. ਸਾਮਿਕਾ ਤਂ ਭਿਕ੍ਖੁਂ ਚੋਦੇਸੁਂ – ‘‘ਅਸ੍ਸਮਣੋਸਿ ਤ੍ਵ’’ਨ੍ਤਿ. ਤਂ ਉਤ੍ਤਿਣ੍ਣਂ ਗੋਪਾਲਿਕਾ [ਅਞ੍ਞਤਰਾ ਗੋਪਾਲਿਕਾ (ਸੀ. ਸ੍ਯਾ.)] ਪਸ੍ਸਿਤ੍ਵਾ ਏਤਦਵੋਚ – ‘‘ਏਹਿ, ਭਨ੍ਤੇ, ਮੇਥੁਨਂ ਧਮ੍ਮਂ ਪਟਿਸੇਵਾ’’ਤਿ. ਸੋ – ‘‘ਪਕਤਿਯਾਪਾਹਂ ਅਸ੍ਸਮਣੋ’’ਤਿ ਤਸ੍ਸਾ ਮੇਥੁਨਂ ਧਮ੍ਮਂ ਪਟਿਸੇਵਿਤ੍ਵਾ ਕੋਸਮ੍ਬਿਂ ਗਨ੍ਤ੍ਵਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੂ ਭਗਵਤੋ ਏਤਮਤ੍ਥਂ ਓਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਅਦਿਨ੍ਨਾਦਾਨੇ ਪਾਰਾਜਿਕਸ੍ਸ; ਆਪਤ੍ਤਿ ਮੇਥੁਨਧਮ੍ਮਸਮਾਯੋਗੇ ਪਾਰਾਜਿਕਸ੍ਸਾ’’ਤਿ.

੧੬੧. ਤੇਨ ਖੋ ਪਨ ਸਮਯੇਨ ਸਾਗਲਾਯਂ ਆਯਸ੍ਮਤੋ ਦਲ਼੍ਹਿਕਸ੍ਸ ਸਦ੍ਧਿਵਿਹਾਰਿਕੋ ਭਿਕ੍ਖੁ ਅਨਭਿਰਤਿਯਾ ਪੀਲ਼ਿਤੋ ਆਪਣਿਕਸ੍ਸ ਵੇਠਨਂ ਅਵਹਰਿਤ੍ਵਾ ਆਯਸ੍ਮਨ੍ਤਂ ਦਲ਼੍ਹਿਕਂ ਏਤਦਵੋਚ – ‘‘ਅਸ੍ਸਮਣੋ ਅਹਂ, ਭਨ੍ਤੇ, ਵਿਬ੍ਭਮਿਸ੍ਸਾਮੀ’’ਤਿ. ‘‘ਕਿਂ ਤਯਾ, ਆਵੁਸੋ, ਕਤ’’ਨ੍ਤਿ? ਸੋ ਤਮਤ੍ਥਂ ਆਰੋਚੇਸਿ. ਆਹਰਾਪੇਤ੍ਵਾ ਅਗ੍ਘਾਪੇਸਿ. ਤਂ ਅਗ੍ਘਾਪੇਨ੍ਤਂ ਨ ਪਞ੍ਚਮਾਸਕੇ ਅਗ੍ਘਤਿ. ‘‘ਅਨਾਪਤ੍ਤਿ, ਆਵੁਸੋ, ਪਾਰਾਜਿਕਸ੍ਸਾ’’ਤਿ. ਧਮ੍ਮਕਥਂ ਅਕਾਸਿ. ਸੋ ਭਿਕ੍ਖੁ ਅਭਿਰਮਤੀਤਿ [ਅਭਿਰਮੀਤਿ (ਸੀ. ਸ੍ਯਾ.)].

ਦੁਤਿਯਪਾਰਾਜਿਕਂ ਸਮਤ੍ਤਂ.

੩. ਤਤਿਯਪਾਰਾਜਿਕਂ

੧੬੨. [ਇਦਂ ਵਤ੍ਥੁ ਸਂ. ਨਿ. ੫.੯੮੫] ਤੇਨ ਸਮਯੇਨ ਬੁਦ੍ਧੋ ਭਗਵਾ ਵੇਸਾਲਿਯਂ ਵਿਹਰਤਿ ਮਹਾਵਨੇ ਕੂਟਾਗਾਰਸਾਲਾਯਂ. ਤੇਨ ਖੋ ਪਨ ਸਮਯੇਨ ਭਗਵਾ ਭਿਕ੍ਖੂਨਂ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ ਵਣ੍ਣਂ ਭਾਸਤਿ, ਅਸੁਭਭਾਵਨਾਯ ਵਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ ਵਣ੍ਣਂ ਭਾਸਤਿ. ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਇਚ੍ਛਾਮਹਂ, ਭਿਕ੍ਖਵੇ, ਅਦ੍ਧਮਾਸਂ ਪਟਿਸਲ੍ਲੀਯਿਤੁਂ. ਨਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾ’’ਤਿ. ‘‘ਏਵਂ, ਭਨ੍ਤੇ’’ਤਿ, ਖੋ ਤੇ ਭਿਕ੍ਖੂ ਭਗਵਤੋ ਪਟਿਸ੍ਸੁਣਿਤ੍ਵਾ ਨਾਸ੍ਸੁਧ ਕੋਚਿ ਭਗਵਨ੍ਤਂ ਉਪਸਙ੍ਕਮਤਿ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ. ਭਿਕ੍ਖੂ – ‘‘ਭਗਵਾ ਖੋ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ ਵਣ੍ਣਂ ਭਾਸਤਿ, ਅਸੁਭਭਾਵਨਾਯ ਵਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ ਵਣ੍ਣਂ ਭਾਸਤੀ’’ਤਿ (ਤੇ) [( ) (?) ਏਵਮੁਪਰਿਪਿ ਈਦਿਸੇਸੁ ਠਾਨੇਸੁ] ਅਨੇਕਾਕਾਰਵੋਕਾਰਂ ਅਸੁਭਭਾਵਨਾਨੁਯੋਗਮਨੁਯੁਤ੍ਤਾ ਵਿਹਰਨ੍ਤਿ. ਤੇ ਸਕੇਨ ਕਾਯੇਨ ਅਟ੍ਟੀਯਨ੍ਤਿ ਹਰਾਯਨ੍ਤਿ ਜਿਗੁਚ੍ਛਨ੍ਤਿ. ਸੇਯ੍ਯਥਾਪਿ ਨਾਮ ਇਤ੍ਥੀ ਵਾ ਪੁਰਿਸੋ ਵਾ ਦਹਰੋ ਯੁਵਾ ਮਣ੍ਡਨਕਜਾਤਿਕੋ ਸੀਸਂਨ੍ਹਾਤੋ ਅਹਿਕੁਣਪੇਨ ਵਾ ਕੁਕ੍ਕੁਰਕੁਣਪੇਨ ਵਾ ਮਨੁਸ੍ਸਕੁਣਪੇਨ ਵਾ ਕਣ੍ਠੇ ਆਸਤ੍ਤੇਨ ਅਟ੍ਟੀਯੇਯ੍ਯ ਹਰਾਯੇਯ੍ਯ ਜਿਗੁਚ੍ਛੇਯ੍ਯ, ਏਵਮੇਵ ਤੇ ਭਿਕ੍ਖੂ ਸਕੇਨ ਕਾਯੇਨ ਅਟ੍ਟੀਯਨ੍ਤਾ ਹਰਾਯਨ੍ਤਾ ਜਿਗੁਚ੍ਛਨ੍ਤਾ ਅਤ੍ਤਨਾਪਿ ਅਤ੍ਤਾਨਂ ਜੀਵਿਤਾ ਵੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀਵਿਤਾ ਵੋਰੋਪੇਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘‘ਸਾਧੁ ਨੋ, ਆਵੁਸੋ, ਜੀਵਿਤਾ ਵੋਰੋਪੇਹਿ. ਇਦਂ ਤੇ ਪਤ੍ਤਚੀਵਰਂ ਭਵਿਸ੍ਸਤੀ’’ਤਿ. ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਪਤ੍ਤਚੀਵਰੇਹਿ ਭਟੋ ਸਮ੍ਬਹੁਲੇ ਭਿਕ੍ਖੂ ਜੀਵਿਤਾ ਵੋਰੋਪੇਤ੍ਵਾ ਲੋਹਿਤਕਂ [ਲੋਹਿਤਗਤਂ (ਕ.)] ਅਸਿਂ ਆਦਾਯ ਯੇਨ ਵਗ੍ਗਮੁਦਾ ਨਦੀ ਤੇਨੁਪਸਙ੍ਕਮਿ.

੧੬੩. ਅਥ ਖੋ ਮਿਗਲਣ੍ਡਿਕਸ੍ਸ ਸਮਣਕੁਤ੍ਤਕਸ੍ਸ ਲੋਹਿਤਕਂ ਤਂ ਅਸਿਂ ਧੋਵਨ੍ਤਸ੍ਸ ਅਹੁਦੇਵ ਕੁਕ੍ਕੁਚ੍ਚਂ ਅਹੁ ਵਿਪ੍ਪਟਿਸਾਰੋ – ‘‘ਅਲਾਭਾ ਵਤ ਮੇ, ਨ ਵਤ ਮੇ ਲਾਭਾ; ਦੁਲ੍ਲਦ੍ਧਂ ਵਤ ਮੇ, ਨ ਵਤ ਮੇ ਸੁਲਦ੍ਧਂ. ਬਹੁਂ ਵਤ ਮਯਾ ਅਪੁਞ੍ਞਂ ਪਸੁਤਂ, ਯੋਹਂ ਭਿਕ੍ਖੂ ਸੀਲਵਨ੍ਤੇ ਕਲ੍ਯਾਣਧਮ੍ਮੇ ਜੀਵਿਤਾ ਵੋਰੋਪੇਸਿ’’ਨ੍ਤਿ. ਅਥ ਖੋ ਅਞ੍ਞਤਰਾ ਮਾਰਕਾਯਿਕਾ ਦੇਵਤਾ ਅਭਿਜ੍ਜਮਾਨੇ ਉਦਕੇ ਆਗਨ੍ਤ੍ਵਾ ਮਿਗਲਣ੍ਡਿਕਂ ਸਮਣਕੁਤ੍ਤਕਂ ਏਤਦਵੋਚ – ‘‘ਸਾਧੁ ਸਾਧੁ ਸਪ੍ਪੁਰਿਸ, ਲਾਭਾ ਤੇ ਸਪ੍ਪੁਰਿਸ, ਸੁਲਦ੍ਧਂ ਤੇ ਸਪ੍ਪੁਰਿਸ. ਬਹੁਂ ਤਯਾ ਸਪ੍ਪੁਰਿਸ ਪੁਞ੍ਞਂ ਪਸੁਤਂ, ਯਂ ਤ੍ਵਂ ਅਤਿਣ੍ਣੇ ਤਾਰੇਸੀ’’ਤਿ. ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ – ‘‘ਲਾਭਾ ਕਿਰ ਮੇ, ਸੁਲਦ੍ਧਂ ਕਿਰ ਮੇ, ਬਹੁਂ ਕਿਰ ਮਯਾ ਪੁਞ੍ਞਂ ਪਸੁਤਂ, ਅਤਿਣ੍ਣੋ ਕਿਰਾਹਂ ਤਾਰੇਮੀ’’ਤਿ ਤਿਣ੍ਹਂ ਅਸਿਂ ਆਦਾਯ ਵਿਹਾਰੇਨ ਵਿਹਾਰਂ ਪਰਿਵੇਣੇਨ ਪਰਿਵੇਣਂ ਉਪਸਙ੍ਕਮਿਤ੍ਵਾ ਏਵਂ ਵਦੇਤਿ – ‘‘ਕੋ ਅਤਿਣ੍ਣੋ, ਕਂ ਤਾਰੇਮੀ’’ਤਿ? ਤਤ੍ਥ ਯੇ ਤੇ ਭਿਕ੍ਖੂ ਅਵੀਤਰਾਗਾ ਤੇਸਂ ਤਸ੍ਮਿਂ ਸਮਯੇ ਹੋਤਿਯੇਵ ਭਯਂ ਹੋਤਿ ਛਮ੍ਭਿਤਤ੍ਤਂ ਹੋਤਿ ਲੋਮਹਂਸੋ. ਯੇ ਪਨ ਤੇ ਭਿਕ੍ਖੂ ਵੀਤਰਾਗਾ ਤੇਸਂ ਤਸ੍ਮਿਂ ਸਮਯੇ ਨ ਹੋਤਿ ਭਯਂ ਨ ਹੋਤਿ ਛਮ੍ਭਿਤਤ੍ਤਂ ਨ ਹੋਤਿ ਲੋਮਹਂਸੋ. ਅਥ ਖੋ ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਏਕਮ੍ਪਿ ਭਿਕ੍ਖੁਂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਦ੍ਵੇਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਤਯੋਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਚਤ੍ਤਾਰੋਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਪਞ੍ਚਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਦਸਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਵੀਸਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਤਿਂਸਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਚਤ੍ਤਾਲੀਸਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਪਞ੍ਞਾਸਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ, ਸਟ੍ਠਿਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ.

੧੬੪. ਅਥ ਖੋ ਭਗਵਾ ਤਸ੍ਸ ਅਦ੍ਧਮਾਸਸ੍ਸ ਅਚ੍ਚਯੇਨ ਪਟਿਸਲ੍ਲਾਨਾ ਵੁਟ੍ਠਿਤੋ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ – ‘‘ਕਿਂ ਨੁ ਖੋ, ਆਨਨ੍ਦ, ਤਨੁਭੂਤੋ ਵਿਯ ਭਿਕ੍ਖੁਸਙ੍ਘੋ’’ਤਿ? ‘‘ਤਥਾ ਹਿ ਪਨ, ਭਨ੍ਤੇ, ਭਗਵਾ ਭਿਕ੍ਖੂਨਂ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ ਵਣ੍ਣਂ ਭਾਸਤਿ, ਅਸੁਭਭਾਵਨਾਯ ਵਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ ਵਣ੍ਣਂ ਭਾਸਤਿ. ਤੇ ਚ, ਭਨ੍ਤੇ, ਭਿਕ੍ਖੂ – ‘ਭਗਵਾ ਖੋ ਅਨੇਕਪਰਿਯਾਯੇਨ ਅਸੁਭਕਥਂ ਕਥੇਤਿ, ਅਸੁਭਾਯ ਵਣ੍ਣਂ ਭਾਸਤਿ, ਅਸੁਭਭਾਵਨਾਯ ਵਣ੍ਣਂ ਭਾਸਤਿ, ਆਦਿਸ੍ਸ ਆਦਿਸ੍ਸ ਅਸੁਭਸਮਾਪਤ੍ਤਿਯਾ ਵਣ੍ਣਂ ਭਾਸਤੀ’ਤਿ, ਤੇ ਅਨੇਕਾਕਾਰਵੋਕਾਰਂ ਅਸੁਭਭਾਵਨਾਨੁਯੋਗਮਨੁਯੁਤ੍ਤਾ ਵਿਹਰਨ੍ਤਿ. ਤੇ ਸਕੇਨ ਕਾਯੇਨ ਅਟ੍ਟੀਯਨ੍ਤਿ ਹਰਾਯਨ੍ਤਿ ਜਿਗੁਚ੍ਛਨ੍ਤਿ. ਸੇਯ੍ਯਥਾਪਿ ਨਾਮ ਇਤ੍ਥੀ ਵਾ ਪੁਰਿਸੋ ਵਾ ਦਹਰੋ ਯੁਵਾ ਮਣ੍ਡਨਕਜਾਤਿਕੋ ਸੀਸਂਨ੍ਹਾਤੋ ਅਹਿਕੁਣਪੇਨ ਵਾ ਕੁਕ੍ਕੁਰਕੁਣਪੇਨ ਵਾ ਮਨੁਸ੍ਸਕੁਣਪੇਨ ਵਾ ਕਣ੍ਠੇ ਆਸਤ੍ਤੇਨ ਅਟ੍ਟੀਯੇਯ੍ਯ ਹਰਾਯੇਯ੍ਯ ਜਿਗੁਚ੍ਛੇਯ੍ਯ, ਏਵਮੇਵ ਤੇ ਭਿਕ੍ਖੂ ਸਕੇਨ ਕਾਯੇਨ ਅਟ੍ਟੀਯਨ੍ਤਾ ਹਰਾਯਨ੍ਤਾ ਜਿਗੁਚ੍ਛਨ੍ਤਾ ਅਤ੍ਤਨਾਪਿ ਅਤ੍ਤਾਨਂ ਜੀਵਿਤਾ ਵੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀਵਿਤਾ ਵੋਰੋਪੇਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘ਸਾਧੁ ਨੋ, ਆਵੁਸੋ, ਜੀਵਿਤਾ ਵੋਰੋਪੇਹਿ. ਇਦਂ ਤੇ ਪਤ੍ਤਚੀਵਰਂ ਭਵਿਸ੍ਸਤੀ’ਤਿ. ਅਥ ਖੋ, ਭਨ੍ਤੇ, ਮਿਗਲਣ੍ਡਿਕੋ ਸਮਣਕੁਤ੍ਤਕੋ ਪਤ੍ਤਚੀਵਰੇਹਿ ਭਟੋ ਏਕਮ੍ਪਿ ਭਿਕ੍ਖੁਂ ਏਕਾਹੇਨ ਜੀਵਿਤਾ ਵੋਰੋਪੇਸਿ…ਪੇ… ਸਟ੍ਠਿਮ੍ਪਿ ਭਿਕ੍ਖੂ ਏਕਾਹੇਨ ਜੀਵਿਤਾ ਵੋਰੋਪੇਸਿ. ਸਾਧੁ, ਭਨ੍ਤੇ, ਭਗਵਾ ਅਞ੍ਞਂ ਪਰਿਯਾਯਂ ਆਚਿਕ੍ਖਤੁ ਯਥਾਯਂ ਭਿਕ੍ਖੁਸਙ੍ਘੋ ਅਞ੍ਞਾਯ ਸਣ੍ਠਹੇਯ੍ਯਾ’’ਤਿ. ‘‘ਤੇਨਹਾਨਨ੍ਦ, ਯਾਵਤਿਕਾ ਭਿਕ੍ਖੂ ਵੇਸਾਲਿਂ ਉਪਨਿਸ੍ਸਾਯ ਵਿਹਰਨ੍ਤਿ ਤੇ ਸਬ੍ਬੇ ਉਪਟ੍ਠਾਨਸਾਲਾਯਂ ਸਨ੍ਨਿਪਾਤੇਹੀ’’ਤਿ. ‘‘ਏਵਂ, ਭਨ੍ਤੇ’’ਤਿ, ਖੋ ਆਯਸ੍ਮਾ ਆਨਨ੍ਦੋ ਭਗਵਤੋ ਪਟਿਸ੍ਸੁਣਿਤ੍ਵਾ ਯਾਵਤਿਕਾ ਭਿਕ੍ਖੂ ਵੇਸਾਲਿਂ ਉਪਨਿਸ੍ਸਾਯ ਵਿਹਰਨ੍ਤਿ ਤੇ ਸਬ੍ਬੇ ਉਪਟ੍ਠਾਨਸਾਲਾਯਂ ਸਨ੍ਨਿਪਾਤੇਤ੍ਵਾ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਏਤਦਵੋਚ – ‘‘ਸਨ੍ਨਿਪਤਿਤੋ, ਭਨ੍ਤੇ ਭਿਕ੍ਖੁਸਙ੍ਘੋ; ਯਸ੍ਸ ਦਾਨਿ, ਭਨ੍ਤੇ, ਭਗਵਾ ਕਾਲਂ ਮਞ੍ਞਤੀ’’ਤਿ.

੧੬੫. ਅਥ ਖੋ ਭਗਵਾ ਯੇਨ ਉਪਟ੍ਠਾਨਸਾਲਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਨਿਸਜ੍ਜ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਯਮ੍ਪਿ ਖੋ, ਭਿਕ੍ਖਵੇ, ਆਨਾਪਾਨਸ੍ਸਤਿਸਮਾਧਿ ਭਾਵਿਤੋ ਬਹੁਲੀਕਤੋ ਸਨ੍ਤੋ ਚੇਵ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ ਵਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ ਵੂਪਸਮੇਤਿ. ਸੇਯ੍ਯਥਾਪਿ, ਭਿਕ੍ਖਵੇ, ਗਿਮ੍ਹਾਨਂ ਪਚ੍ਛਿਮੇ ਮਾਸੇ ਉਹਤਂ [ਊਹਤਂ (ਕ.)] ਰਜੋਜਲ੍ਲਂ ਤਮੇਨਂ ਮਹਾ ਅਕਾਲਮੇਘੋ ਠਾਨਸੋ ਅਨ੍ਤਰਧਾਪੇਤਿ ਵੂਪਸਮੇਤਿ, ਏਵਮੇਵ ਖੋ, ਭਿਕ੍ਖਵੇ, ਆਨਾਪਾਨਸ੍ਸਤਿਸਮਾਧਿ ਭਾਵਿਤੋ ਬਹੁਲੀਕਤੋ ਸਨ੍ਤੋ ਚੇਵ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ ਵਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ ਵੂਪਸਮੇਤਿ. ਕਥਂ ਭਾਵਿਤੋ ਚ, ਭਿਕ੍ਖਵੇ, ਆਨਾਪਾਨਸ੍ਸਤਿਸਮਾਧਿ ਕਥਂ ਬਹੁਲੀਕਤੋ ਸਨ੍ਤੋ ਚੇਵ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ ਵਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ ਵੂਪਸਮੇਤਿ? ਇਧ, ਭਿਕ੍ਖਵੇ, ਭਿਕ੍ਖੁ ਅਰਞ੍ਞਗਤੋ ਵਾ ਰੁਕ੍ਖਮੂਲਗਤੋ ਵਾ ਸੁਞ੍ਞਾਗਾਰਗਤੋ ਵਾ ਨਿਸੀਦਤਿ ਪਲ੍ਲਙ੍ਕਂ ਆਭੁਜਿਤ੍ਵਾ ਉਜੁਂ ਕਾਯਂ ਪਣਿਧਾਯ ਪਰਿਮੁਖਂ ਸਤਿਂ ਉਪਟ੍ਠਪੇਤ੍ਵਾ. ਸੋ ਸਤੋਵ ਅਸ੍ਸਸਤਿ ਸਤੋ ਪਸ੍ਸਸਤਿ. ਦੀਘਂ ਵਾ ਅਸ੍ਸਸਨ੍ਤੋ ਦੀਘਂ ਅਸ੍ਸਸਾਮੀਤਿ ਪਜਾਨਾਤਿ, ਦੀਘਂ ਵਾ ਪਸ੍ਸਸਨ੍ਤੋ ਦੀਘਂ ਪਸ੍ਸਸਾਮੀਤਿ ਪਜਾਨਾਤਿ. ਰਸ੍ਸਂ ਵਾ ਅਸ੍ਸਸਨ੍ਤੋ ਰਸ੍ਸਂ ਅਸ੍ਸਸਾਮੀਤਿ ਪਜਾਨਾਤਿ, ਰਸ੍ਸਂ ਵਾ ਪਸ੍ਸਸਨ੍ਤੋ ਰਸ੍ਸਂ ਪਸ੍ਸਸਾਮੀਤਿ ਪਜਾਨਾਤਿ. ਸਬ੍ਬਕਾਯਪ੍ਪਟਿਸਂਵੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਸਬ੍ਬਕਾਯਪ੍ਪਟਿਸਂਵੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪਸ੍ਸਮ੍ਭਯਂ ਕਾਯਸਙ੍ਖਾਰਂ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪਸ੍ਸਮ੍ਭਯਂ ਕਾਯਸਙ੍ਖਾਰਂ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪੀਤਿਪ੍ਪਟਿਸਂਵੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪੀਤਿਪ੍ਪਟਿਸਂਵੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਸੁਖਪ੍ਪਟਿਸਂਵੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਸੁਖਪ੍ਪਟਿਸਂਵੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਚਿਤ੍ਤਸਙ੍ਖਾਰਪ੍ਪਟਿਸਂਵੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਚਿਤ੍ਤਸਙ੍ਖਾਰਪ੍ਪਟਿਸਂਵੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪਸ੍ਸਮ੍ਭਯਂ ਚਿਤ੍ਤਸਙ੍ਖਾਰਂ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪਸ੍ਸਮ੍ਭਯਂ ਚਿਤ੍ਤਸਙ੍ਖਾਰਂ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਚਿਤ੍ਤਪ੍ਪਟਿਸਂਵੇਦੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਚਿਤ੍ਤਪ੍ਪਟਿਸਂਵੇਦੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਅਭਿਪ੍ਪਮੋਦਯਂ ਚਿਤ੍ਤਂ…ਪੇ… ਸਮਾਦਹਂ ਚਿਤ੍ਤਂ…ਪੇ… ਵਿਮੋਚਯਂ ਚਿਤ੍ਤਂ…ਪੇ… ਅਨਿਚ੍ਚਾਨੁਪਸ੍ਸੀ…ਪੇ… ਵਿਰਾਗਾਨੁਪਸ੍ਸੀ…ਪੇ… ਨਿਰੋਧਾਨੁਪਸ੍ਸੀ…ਪੇ… ਪਟਿਨਿਸ੍ਸਗ੍ਗਾਨੁਪਸ੍ਸੀ ਅਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਪਟਿਨਿਸ੍ਸਗ੍ਗਾਨੁਪਸ੍ਸੀ ਪਸ੍ਸਸਿਸ੍ਸਾਮੀਤਿ ਸਿਕ੍ਖਤਿ. ਏਵਂ ਭਾਵਿਤੋ ਖੋ, ਭਿਕ੍ਖਵੇ, ਆਨਾਪਾਨਸ੍ਸਤਿਸਮਾਧਿ ਏਵਂ ਬਹੁਲੀਕਤੋ ਸਨ੍ਤੋ ਚੇਵ ਪਣੀਤੋ ਚ ਅਸੇਚਨਕੋ ਚ ਸੁਖੋ ਚ ਵਿਹਾਰੋ ਉਪ੍ਪਨ੍ਨੁਪ੍ਪਨ੍ਨੇ ਚ ਪਾਪਕੇ ਅਕੁਸਲੇ ਧਮ੍ਮੇ ਠਾਨਸੋ ਅਨ੍ਤਰਧਾਪੇਤਿ ਵੂਪਸਮੇਤੀ’’ਤਿ.

੧੬੬. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਅਤ੍ਤਨਾਪਿ ਅਤ੍ਤਾਨਂ ਜੀਵਿਤਾ ਵੋਰੋਪੇਨ੍ਤਿ, ਅਞ੍ਞਮਞ੍ਞਮ੍ਪਿ ਜੀਵਿਤਾ ਵੋਰੋਪੇਨ੍ਤਿ ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘ਸਾਧੁ ਨੋ, ਆਵੁਸੋ, ਜੀਵਿਤਾ ਵੋਰੋਪੇਹਿ, ਇਦਂ ਤੇ ਪਤ੍ਤਚੀਵਰਂ ਭਵਿਸ੍ਸਤੀ’’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਭਿਕ੍ਖਵੇ, ਤੇਸਂ ਭਿਕ੍ਖੂਨਂ ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਭਿਕ੍ਖੂ ਅਤ੍ਤਨਾਪਿ ਅਤ੍ਤਾਨਂ ਜੀਵਿਤਾ ਵੋਰੋਪੇਸ੍ਸਨ੍ਤਿ, ਅਞ੍ਞਮਞ੍ਞਮ੍ਪਿ ਜੀਵਿਤਾ ਵੋਰੋਪੇਸ੍ਸਨ੍ਤਿ, ਮਿਗਲਣ੍ਡਿਕਮ੍ਪਿ ਸਮਣਕੁਤ੍ਤਕਂ ਉਪਸਙ੍ਕਮਿਤ੍ਵਾ ਏਵਂ ਵਕ੍ਖਨ੍ਤਿ – ‘ਸਾਧੁ ਨੋ, ਆਵੁਸੋ, ਜੀਵਿਤਾ ਵੋਰੋਪੇਹਿ, ਇਦਂ ਤੇ ਪਤ੍ਤਚੀਵਰਂ ਭਵਿਸ੍ਸਤੀ’ਤਿ. ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੧੬੭. ‘‘ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਯ੍ਯ ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੧੬੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਉਪਾਸਕੋ ਗਿਲਾਨੋ ਹੋਤਿ. ਤਸ੍ਸ ਪਜਾਪਤਿ ਅਭਿਰੂਪਾ ਹੋਤਿ ਦਸ੍ਸਨੀਯਾ ਪਾਸਾਦਿਕਾ. ਛਬ੍ਬਗ੍ਗਿਯਾ ਭਿਕ੍ਖੂ ਤਸ੍ਸਾ ਇਤ੍ਥਿਯਾ ਪਟਿਬਦ੍ਧਚਿਤ੍ਤਾ ਹੋਨ੍ਤਿ. ਅਥ ਖੋ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਸਚੇ ਖੋ ਸੋ, ਆਵੁਸੋ, ਉਪਾਸਕੋ ਜੀਵਿਸ੍ਸਤਿ ਨ ਮਯਂ ਤਂ ਇਤ੍ਥਿਂ ਲਭਿਸ੍ਸਾਮ. ਹਨ੍ਦ ਮਯਂ, ਆਵੁਸੋ, ਤਸ੍ਸ ਉਪਾਸਕਸ੍ਸ ਮਰਣਵਣ੍ਣਂ ਸਂਵਣ੍ਣੇਮਾ’’ਤਿ. ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਯੇਨ ਸੋ ਉਪਾਸਕੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਤਂ ਉਪਾਸਕਂ ਏਤਦਵੋਚੁਂ – ‘‘ਤ੍ਵਂ ਖੋਸਿ, ਉਪਾਸਕ, ਕਤਕਲ੍ਯਾਣੋ ਕਤਕੁਸਲੋ ਕਤਭੀਰੁਤ੍ਤਾਣੋ ਅਕਤਪਾਪੋ ਅਕਤਲੁਦ੍ਦੋ ਅਕਤਕਿਬ੍ਬਿਸੋ. ਕਤਂ ਤਯਾ ਕਲ੍ਯਾਣਂ, ਅਕਤਂ ਤਯਾ ਪਾਪਂ. ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ! ਮਤਂ ਤੇ ਜੀਵਿਤਾ ਸੇਯ੍ਯੋ. ਇਤੋ ਤ੍ਵਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸਿ. ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਸੀ’’ਤਿ.

੧੬੯. ਅਥ ਖੋ ਸੋ ਉਪਾਸਕੋ – ‘‘ਸਚ੍ਚਂ ਖੋ ਅਯ੍ਯਾ ਆਹਂਸੁ. ਅਹਞ੍ਹਿ ਕਤਕਲ੍ਯਾਣੋ ਕਤਕੁਸਲੋ ਕਤਭੀਰੁਤ੍ਤਾਣੋ ਅਕਤਪਾਪੋ ਅਕਤਲੁਦ੍ਦੋ ਅਕਤਕਿਬ੍ਬਿਸੋ. ਕਤਂ ਮਯਾ ਕਲ੍ਯਾਣਂ, ਅਕਤਂ ਮਯਾ ਪਾਪਂ. ਕਿਂ ਮਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ! ਮਤਂ ਮੇ ਜੀਵਿਤਾ ਸੇਯ੍ਯੋ. ਇਤੋ ਅਹਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਾਮਿ. ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਾਮੀ’’ਤਿ, ਸੋ ਅਸਪ੍ਪਾਯਾਨਿ ਚੇਵ ਭੋਜਨਾਨਿ ਭੁਞ੍ਜਿ ਅਸਪ੍ਪਾਯਾਨਿ ਚ ਖਾਦਨੀਯਾਨਿ ਖਾਦਿ ਅਸਪ੍ਪਾਯਾਨਿ ਚ ਸਾਯਨੀਯਾਨਿ ਸਾਯਿ ਅਸਪ੍ਪਾਯਾਨਿ ਚ ਪਾਨਾਨਿ ਪਿਵਿ. ਤਸ੍ਸ ਅਸਪ੍ਪਾਯਾਨਿ ਚੇਵ ਭੋਜਨਾਨਿ ਭੁਞ੍ਜਤੋ ਅਸਪ੍ਪਾਯਾਨਿ ਚ ਖਾਦਨੀਯਾਨਿ ਖਾਦਤੋ ਅਸਪ੍ਪਾਯਾਨਿ ਚ ਸਾਯਨੀਯਾਨਿ ਸਾਯਤੋ ਅਸਪ੍ਪਾਯਾਨਿ ਚ ਪਾਨਾਨਿ ਪਿਵਤੋ ਖਰੋ ਆਬਾਧੋ ਉਪ੍ਪਜ੍ਜਿ. ਸੋ ਤੇਨੇਵ ਆਬਾਧੇਨ ਕਾਲਮਕਾਸਿ. ਤਸ੍ਸ ਪਜਾਪਤਿ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ. ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ. ਇਮੇ ਮੇ ਸਾਮਿਕਸ੍ਸ ਮਰਣਵਣ੍ਣਂ ਸਂਵਣ੍ਣੇਸੁਂ. ਇਮੇਹਿ ਮੇ ਸਾਮਿਕੋ ਮਾਰਿਤੋ’’ਤਿ. ਅਞ੍ਞੇਪਿ ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ. ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ. ਇਮੇ ਉਪਾਸਕਸ੍ਸ ਮਰਣਵਣ੍ਣਂ ਸਂਵਣ੍ਣੇਸੁਂ. ਇਮੇਹਿ ਉਪਾਸਕੋ ਮਾਰਿਤੋ’’ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਉਪਾਸਕਸ੍ਸ ਮਰਣਵਣ੍ਣਂ ਸਂਵਣ੍ਣਿਸ੍ਸਨ੍ਤੀ’’ਤਿ!

੧੭੦. ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਉਪਾਸਕਸ੍ਸ ਮਰਣਵਣ੍ਣਂ ਸਂਵਣ੍ਣੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਟਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਉਪਾਸਕਸ੍ਸ ਮਰਣਵਣ੍ਣਂ ਸਂਵਣ੍ਣਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੧੭੧. ‘‘ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਯ੍ਯ ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯ ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ ਮਰਣਾਯ ਵਾ ਸਮਾਦਪੇਯ੍ਯ – ‘ਅਮ੍ਭੋ ਪੁਰਿਸ, ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ, ਮਤਂ ਤੇ ਜੀਵਿਤਾ ਸੇਯ੍ਯੋ’ਤਿ, ਇਤਿ ਚਿਤ੍ਤਮਨੋ ਚਿਤ੍ਤਸਙ੍ਕਪ੍ਪੋ ਅਨੇਕਪਰਿਯਾਯੇਨ ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ, ਮਰਣਾਯ ਵਾ ਸਮਾਦਪੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

੧੭੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਸਞ੍ਚਿਚ੍ਚਾਤਿ ਜਾਨਨ੍ਤੋ ਸਞ੍ਜਾਨਨ੍ਤੋ ਚੇਚ੍ਚ ਅਭਿਵਿਤਰਿਤ੍ਵਾ ਵੀਤਿਕ੍ਕਮੋ.

ਮਨੁਸ੍ਸਵਿਗ੍ਗਹੋ ਨਾਮ ਯਂ ਮਾਤੁਕੁਚ੍ਛਿਸ੍ਮਿਂ ਪਠਮਂ ਚਿਤ੍ਤਂ ਉਪ੍ਪਨ੍ਨਂ ਪਠਮਂ ਵਿਞ੍ਞਾਣਂ ਪਾਤੁਭੂਤਂ, ਯਾਵ ਮਰਣਕਾਲਾ ਏਤ੍ਥਨ੍ਤਰੇ ਏਸੋ ਮਨੁਸ੍ਸਵਿਗ੍ਗਹੋ ਨਾਮ.

ਜੀਵਿਤਾ ਵੋਰੋਪੇਯ੍ਯਾਤਿ ਜੀਵਿਤਿਨ੍ਦ੍ਰਿਯਂ ਉਪਚ੍ਛਿਨ੍ਦਤਿ ਉਪਰੋਧੇਤਿ ਸਨ੍ਤਤਿਂ ਵਿਕੋਪੇਤਿ.

ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯਾਤਿ ਅਸਿਂ ਵਾ ਸਤ੍ਤਿਂ ਵਾ ਭੇਣ੍ਡਿਂ ਵਾ [ਭੇਨ੍ਦਿਂ ਵਾ (ਕ.)] ਲਗੁਲ਼ਂ ਵਾ [ਸੂਲਂਵਾ ਲਗੁਲ਼ਂਵਾ (ਸ੍ਯਾ.)] ਪਾਸਾਣਂ ਵਾ ਸਤ੍ਥਂ ਵਾ ਵਿਸਂ ਵਾ ਰਜ੍ਜੁਂ ਵਾ.

ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯਾਤਿ ਜੀਵਿਤੇ ਆਦੀਨਵਂ ਦਸ੍ਸੇਤਿ, ਮਰਣੇ ਵਣ੍ਣਂ ਭਣਤਿ.

ਮਰਣਾਯ ਵਾ ਸਮਾਦਪੇਯ੍ਯਾਤਿ ਸਤ੍ਥਂ ਵਾ ਆਹਰ, ਵਿਸਂ ਵਾ ਖਾਦ, ਰਜ੍ਜੁਯਾ ਵਾ ਉਬ੍ਬਨ੍ਧਿਤ੍ਵਾ ਕਾਲਙ੍ਕਰੋਹੀਤਿ.

ਅਮ੍ਭੋ ਪੁਰਿਸਾਤਿ ਆਲਪਨਾਧਿਵਚਨਮੇਤਂ.

ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨਾਤਿ ਪਾਪਕਂ ਨਾਮ ਜੀਵਿਤਂ ਅਡ੍ਢਾਨਂ ਜੀਵਿਤਂ ਉਪਾਦਾਯ ਦਲਿਦ੍ਦਾਨਂ ਜੀਵਿਤਂ ਪਾਪਕਂ ਲਾਮਕਂ, ਸਧਨਾਨਂ ਜੀਵਿਤਂ ਉਪਾਦਾਯ ਅਧਨਾਨਂ ਜੀਵਿਤਂ ਪਾਪਕਂ, ਦੇਵਾਨਂ ਜੀਵਿਤਂ ਉਪਾਦਾਯ ਮਨੁਸ੍ਸਾਨਂ ਜੀਵਿਤਂ ਪਾਪਕਂ.

ਦੁਜ੍ਜੀਵਿਤਂ ਨਾਮ ਹਤ੍ਥਚ੍ਛਿਨ੍ਨਸ੍ਸ ਪਾਦਚ੍ਛਿਨ੍ਨਸ੍ਸ ਹਤ੍ਥਪਾਦਚ੍ਛਿਨ੍ਨਸ੍ਸ ਕਣ੍ਣਚ੍ਛਿਨ੍ਨਸ੍ਸ ਨਾਸਚ੍ਛਿਨ੍ਨਸ੍ਸ ਕਣ੍ਣਨਾਸਚ੍ਛਿਨ੍ਨਸ੍ਸ, ਇਮਿਨਾ ਚ ਪਾਪਕੇਨ ਇਮਿਨਾ ਚ ਦੁਜ੍ਜੀਵਿਤੇਨ ਮਤਂ ਤੇ ਜੀਵਿਤਾ ਸੇਯ੍ਯੋਤਿ.

ਇਤਿ ਚਿਤ੍ਤਮਨੋਤਿ ਯਂ ਚਿਤ੍ਤਂ ਤਂ ਮਨੋ, ਯਂ ਮਨੋ ਤਂ ਚਿਤ੍ਤਂ.

ਚਿਤ੍ਤਸਙ੍ਕਪ੍ਪੋਤਿ ਮਰਣਸਞ੍ਞੀ ਮਰਣਚੇਤਨੋ ਮਰਣਾਧਿਪ੍ਪਾਯੋ.

ਅਨੇਕਪਰਿਯਾਯੇਨਾਤਿ ਉਚ੍ਚਾਵਚੇਹਿ ਆਕਾਰੇਹਿ.

ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯਾਤਿ ਜੀਵਿਤੇ ਆਦੀਨਵਂ ਦਸ੍ਸੇਤਿ, ਮਰਣੇ ਵਣ੍ਣਂ ਭਣਤਿ – ‘‘ਇਤੋ ਤ੍ਵਂ ਕਾਲਙ੍ਕਤੋ ਕਾਯਸ੍ਸ ਭੇਦਾ ਪਰਂ ਮਰਣਾ ਸੁਗਤਿਂ ਸਗ੍ਗਂ ਲੋਕਂ ਉਪਪਜ੍ਜਿਸ੍ਸਸਿ, ਤਤ੍ਥ ਦਿਬ੍ਬੇਹਿ ਪਞ੍ਚਹਿ ਕਾਮਗੁਣੇਹਿ ਸਮਪ੍ਪਿਤੋ ਸਮਙ੍ਗੀਭੂਤੋ ਪਰਿਚਾਰੇਸ੍ਸਸੀ’’ਤਿ.

ਮਰਣਾਯ ਵਾ ਸਮਾਦਪੇਯ੍ਯਾਤਿ ਸਤ੍ਥਂ ਵਾ ਆਹਰ, ਵਿਸਂ ਵਾ ਖਾਦ, ਰਜ੍ਜੁਯਾ ਵਾ ਉਬ੍ਬਨ੍ਧਿਤ੍ਵਾ ਕਾਲਙ੍ਕਰੋਹਿ, ਸੋਬ੍ਭੇ ਵਾ ਨਰਕੇ ਵਾ ਪਪਾਤੇ ਵਾ ਪਪਤਾਤਿ.

ਅਯਮ੍ਪੀਤਿ ਪੁਰਿਮੇ ਉਪਾਦਾਯ ਵੁਚ੍ਚਤਿ.

ਪਾਰਾਜਿਕੋ ਹੋਤੀਤਿ ਸੇਯ੍ਯਥਾਪਿ ਨਾਮ ਪੁਥੁਸਿਲਾ ਦ੍ਵਿਧਾ ਭਿਨ੍ਨਾ [ਦ੍ਵੇਧਾ ਭਿਨ੍ਨਾ (ਸ੍ਯਾ.)] ਅਪ੍ਪਟਿਸਨ੍ਧਿਕਾ ਹੋਤਿ, ਏਵਮੇਵ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਤ੍ਵਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ. ਤੇਨ ਵੁਚ੍ਚਤਿ – ‘ਪਾਰਾਜਿਕੋ ਹੋਤੀ’ਤਿ.

ਅਸਂਵਾਸੋਤਿ ਸਂਵਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ – ਏਸੋ ਸਂਵਾਸੋ ਨਾਮ. ਸੋ ਤੇਨ ਸਦ੍ਧਿਂ ਨਤ੍ਥਿ, ਤੇਨ ਵੁਚ੍ਚਤਿ ਅਸਂਵਾਸੋਤਿ.

੧੭੩. ਸਾਮਂ, ਅਧਿਟ੍ਠਾਯ, ਦੂਤੇਨ, ਦੂਤਪਰਂਪਰਾਯ, ਵਿਸਕ੍ਕਿਯੇਨ ਦੂਤੇਨ, ਗਤਪਚ੍ਚਾਗਤੇਨ ਦੂਤੇਨ, ਅਰਹੋ ਰਹੋਸਞ੍ਞੀ, ਰਹੋ ਅਰਹੋਸਞ੍ਞੀ, ਅਰਹੋ ਅਰਹੋਸਞ੍ਞੀ, ਰਹੋ ਰਹੋਸਞ੍ਞੀ ਕਾਯੇਨ ਸਂਵਣ੍ਣੇਤਿ, ਵਾਚਾਯ ਸਂਵਣ੍ਣੇਤਿ, ਕਾਯੇਨ ਵਾਚਾਯ ਸਂਵਣ੍ਣੇਤਿ, ਦੂਤੇਨ ਸਂਵਣ੍ਣੇਤਿ, ਲੇਖਾਯ ਸਂਵਣ੍ਣੇਤਿ, ਓਪਾਤਂ ਅਪਸ੍ਸੇਨਂ, ਉਪਨਿਕ੍ਖਿਪਨਂ, ਭੇਸਜ੍ਜਂ, ਰੂਪੂਪਹਾਰੋ, ਸਦ੍ਦੂਪਹਾਰੋ, ਗਨ੍ਧੂਪਹਾਰੋ, ਰਸੂਪਹਾਰੋ, ਫੋਟ੍ਠਬ੍ਬੂਪਹਾਰੋ, ਧਮ੍ਮੂਪਹਾਰੋ, ਆਚਿਕ੍ਖਨਾ, ਅਨੁਸਾਸਨੀ, ਸਙ੍ਕੇਤਕਮ੍ਮਂ, ਨਿਮਿਤ੍ਤਕਮ੍ਮਨ੍ਤਿ.

੧੭੪. ਸਾਮਨ੍ਤਿ ਸਯਂ ਹਨਤਿ ਕਾਯੇਨ ਵਾ ਕਾਯਪਟਿਬਦ੍ਧੇਨ ਵਾ ਨਿਸ੍ਸਗ੍ਗਿਯੇਨ ਵਾ.

ਅਧਿਟ੍ਠਾਯਾਤਿ ਅਧਿਟ੍ਠਹਿਤ੍ਵਾ ਆਣਾਪੇਤਿ – ‘‘ਏਵਂ ਵਿਜ੍ਝ, ਏਵਂ ਪਹਰ, ਏਵਂ ਘਾਤੇਹੀ’’ਤਿ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਮਞ੍ਞਮਾਨੋ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਮਞ੍ਞਮਾਨੋ ਅਞ੍ਞਂ ਜੀਵਿਤਾ ਵੋਰੋਪੇਤ੍ਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਵਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਮਞ੍ਞਮਾਨੋ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਜੀਵਿਤਾ ਵੋਰੋਪੇਤਿ; ਮੂਲਟ੍ਠਸ੍ਸ ਅਨਾਪਤ੍ਤਿ, ਵਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾਵਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾਵਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਇਤਰਸ੍ਸ ਆਰੋਚੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਵਧਕੋ ਪਟਿਗ੍ਗਣ੍ਹਾਤਿ, ਮੂਲਟ੍ਠਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸੋ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਸਬ੍ਬੇਸਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਸ੍ਸ ਪਾਵਦ – ‘ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਸ੍ਸ ਪਾਵਦਤੁ – ਇਤ੍ਥਨ੍ਨਾਮੋ ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਤੂ’’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਵਧਕੋ ਪਟਿਗ੍ਗਣ੍ਹਾਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਜੀਵਿਤਾ ਵੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ; ਆਣਾਪਕਸ੍ਸ ਚ ਵਧਕਸ੍ਸ ਚ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਗਨ੍ਤ੍ਵਾ ਪੁਨ ਪਚ੍ਚਾਗਚ੍ਛਤਿ – ‘‘ਨਾਹਂ ਸਕ੍ਕੋਮਿ ਤਂ ਜੀਵਿਤਾ ਵੋਰੋਪੇਤੁ’’ਨ੍ਤਿ. ਸੋ ਪੁਨ ਆਣਾਪੇਤਿ – ‘‘ਯਦਾ ਸਕ੍ਕੋਸਿ ਤਦਾ ਤਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਨ ਸਾਵੇਤਿ – ‘‘ਮਾ ਘਾਤੇਹੀ’’ਤਿ. ਸੋ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਸਾਵੇਤਿ – ‘‘ਮਾ ਘਾਤੇਹੀ’’ਤਿ. ਸੋ – ‘‘ਆਣਤ੍ਤੋ ਅਹਂ ਤਯਾ’’ਤਿ ਤਂ ਜੀਵਿਤਾ ਵੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ. ਵਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਭਿਕ੍ਖੁ ਭਿਕ੍ਖੁਂ ਆਣਾਪੇਤਿ – ‘‘ਇਤ੍ਥਨ੍ਨਾਮਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਆਣਾਪੇਤ੍ਵਾ ਵਿਪ੍ਪਟਿਸਾਰੀ ਸਾਵੇਤਿ – ‘‘ਮਾ ਘਾਤੇਹੀ’’ਤਿ. ਸੋ ਸਾਧੂਤਿ ਓਰਮਤਿ, ਉਭਿਨ੍ਨਂ ਅਨਾਪਤ੍ਤਿ.

੧੭੫. ਅਰਹੋ ਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਰਹੋ ਅਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਰਹੋ ਅਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਰਹੋ ਰਹੋਸਞ੍ਞੀ ਉਲ੍ਲਪਤਿ – ‘‘ਅਹੋ ਇਤ੍ਥਨ੍ਨਾਮੋ ਹਤੋ ਅਸ੍ਸਾ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਕਾਯੇਨ ਸਂਵਣ੍ਣੇਤਿ ਨਾਮ ਕਾਯੇਨ ਵਿਕਾਰਂ ਕਰੋਤਿ – ‘‘ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਾਯ ਸਂਵਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਵਾਚਾਯ ਸਂਵਣ੍ਣੇਤਿ ਨਾਮ ਵਾਚਾਯ ਭਣਤਿ – ‘‘ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਾਯ ਸਂਵਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਕਾਯੇਨ ਵਾਚਾਯ ਸਂਵਣ੍ਣੇਤਿ ਨਾਮ ਕਾਯੇਨ ਚ ਵਿਕਾਰਂ ਕਰੋਤਿ, ਵਾਚਾਯ ਚ ਭਣਤਿ – ‘‘ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਾਯ ਸਂਵਣ੍ਣਨਾਯ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਦੂਤੇਨ ਸਂਵਣ੍ਣੇਤਿ ਨਾਮ ਦੂਤਸ੍ਸ ਸਾਸਨਂ ਆਰੋਚੇਤਿ – ‘‘ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਦੂਤਸ੍ਸ ਸਾਸਨਂ ਸੁਤ੍ਵਾ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੭੬. ਲੇਖਾਯ ਸਂਵਣ੍ਣੇਤਿ ਨਾਮ ਲੇਖਂ ਛਿਨ੍ਦਤਿ – ‘‘ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਅਕ੍ਖਰਕ੍ਖਰਾਯ ਆਪਤ੍ਤਿ ਦੁਕ੍ਕਟਸ੍ਸ. ਲੇਖਂ ਪਸ੍ਸਿਤ੍ਵਾ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਓਪਾਤਂ ਨਾਮ ਮਨੁਸ੍ਸਂ ਉਦ੍ਦਿਸ੍ਸ ਓਪਾਤਂ ਖਨਤਿ – ‘‘ਪਪਤਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਪਤਿਤੇ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਅਨੋਦਿਸ੍ਸ ਓਪਾਤਂ ਖਨਤਿ – ‘‘ਯੋ ਕੋਚਿ ਪਪਤਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਮਨੁਸ੍ਸੋ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਪਤਿਤੇ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਯਕ੍ਖੋ ਵਾ ਪੇਤੋ ਵਾ ਤਿਰਚ੍ਛਾਨਗਤਮਨੁਸ੍ਸਵਿਗ੍ਗਹੋ ਵਾ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਪਤਿਤੇ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਮਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਿਰਚ੍ਛਾਨਗਤੋ ਤਸ੍ਮਿਂ ਪਪਤਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਪਤਿਤੇ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਮਰਤਿ, ਆਪਤ੍ਤਿ ਪਾਚਿਤ੍ਤਿਯਸ੍ਸ.

੧੭੭. ਅਪਸ੍ਸੇਨਂ ਨਾਮ ਅਪਸ੍ਸੇਨੇ ਸਤ੍ਥਂ ਵਾ ਠਪੇਤਿ ਵਿਸੇਨ ਵਾ ਮਕ੍ਖੇਤਿ ਦੁਬ੍ਬਲਂ ਵਾ ਕਰੋਤਿ ਸੋਬ੍ਭੇ ਵਾ ਨਰਕੇ ਵਾ ਪਪਾਤੇ ਵਾ ਠਪੇਤਿ – ‘‘ਪਪਤਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਤ੍ਥੇਨ ਵਾ ਵਿਸੇਨ ਵਾ ਪਪਤਿਤੇਨ ਵਾ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਉਪਨਿਕ੍ਖਿਪਨਂ ਨਾਮ ਅਸਿਂ ਵਾ ਸਤ੍ਤਿਂ ਵਾ ਭੇਣ੍ਡਿਂ ਵਾ ਲਗੁਲ਼ਂ ਵਾ ਪਾਸਾਣਂ ਵਾ ਸਤ੍ਥਂ ਵਾ ਵਿਸਂ ਵਾ ਰਜ੍ਜੁਂ ਵਾ ਉਪਨਿਕ੍ਖਿਪਤਿ – ‘‘ਇਮਿਨਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ‘‘ਤੇਨ ਮਰਿਸ੍ਸਾਮੀ’’ਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਭੇਸਜ੍ਜਂ ਨਾਮ ਸਪ੍ਪਿਂ ਵਾ ਨਵਨੀਤਂ ਵਾ ਤੇਲਂ ਵਾ ਮਧੁਂ ਵਾ ਫਾਣਿਤਂ ਵਾ ਦੇਤਿ – ‘‘ਇਮਂ ਸਾਯਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸਾਯਿਤੇ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੭੮. ਰੂਪੂਪਹਾਰੋ ਨਾਮ ਅਮਨਾਪਿਕਂ ਰੂਪਂ ਉਪਸਂਹਰਤਿ ਭਯਾਨਕਂ ਭੇਰਵਂ – ‘‘ਇਮਂ ਪਸ੍ਸਿਤ੍ਵਾ ਉਤ੍ਤਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਪਸ੍ਸਿਤ੍ਵਾ ਉਤ੍ਤਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਨਾਪਿਕਂ ਰੂਪਂ ਉਪਸਂਹਰਤਿ [ਉਪਸਂਹਰਤਿ ਪੇਮਨੀਯਂ ਹਦਯਙ੍ਗਮਂ (ਸ੍ਯਾ.)] – ‘‘ਇਮਂ ਪਸ੍ਸਿਤ੍ਵਾ ਅਲਾਭਕੇਨ ਸੁਸ੍ਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਪਸ੍ਸਿਤ੍ਵਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਸਦ੍ਦੂਪਹਾਰੋ ਨਾਮ ਅਮਨਾਪਿਕਂ ਸਦ੍ਦਂ ਉਪਸਂਹਰਤਿ ਭਯਾਨਕਂ ਭੇਰਵਂ – ‘‘ਇਮਂ ਸੁਤ੍ਵਾ ਉਤ੍ਤਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸੁਤ੍ਵਾ ਉਤ੍ਤਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਨਾਪਿਕਂ ਸਦ੍ਦਂ ਉਪਸਂਹਰਤਿ ਪੇਮਨੀਯਂ ਹਦਯਙ੍ਗਮਂ – ‘‘ਇਮਂ ਸੁਤ੍ਵਾ ਅਲਾਭਕੇਨ ਸੁਸ੍ਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸੁਤ੍ਵਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਗਨ੍ਧੂਪਹਾਰੋ ਨਾਮ ਅਮਨਾਪਿਕਂ ਗਨ੍ਧਂ ਉਪਸਂਹਰਤਿ ਜੇਗੁਚ੍ਛਂ ਪਾਟਿਕੁਲ੍ਯਂ [ਪਟਿਕੂਲਂ (?)] – ‘‘ਇਮਂ ਘਾਯਿਤ੍ਵਾ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਘਾਯਿਤੇ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਨਾਪਿਕਂ ਗਨ੍ਧਂ ਉਪਸਂਹਰਤਿ – ‘‘ਇਮਂ ਘਾਯਿਤ੍ਵਾ ਅਲਾਭਕੇਨ ਸੁਸ੍ਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਘਾਯਿਤ੍ਵਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਰਸੂਪਹਾਰੋ ਨਾਮ ਅਮਨਾਪਿਕਂ ਰਸਂ ਉਪਸਂਹਰਤਿ ਜੇਗੁਚ੍ਛਂ ਪਾਟਿਕੁਲ੍ਯਂ [ਪਟਿਕੂਲਂ (?)] – ‘‘ਇਮਂ ਸਾਯਿਤ੍ਵਾ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸਾਯਿਤੇ ਜੇਗੁਚ੍ਛਤਾ ਪਾਟਿਕੁਲ੍ਯਤਾ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਨਾਪਿਕਂ ਰਸਂ ਉਪਸਂਹਰਤਿ – ‘‘ਇਮਂ ਸਾਯਿਤ੍ਵਾ ਅਲਾਭਕੇਨ ਸੁਸ੍ਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸਾਯਿਤ੍ਵਾ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਫੋਟ੍ਠਬ੍ਬੂਪਹਾਰੋ ਨਾਮ ਅਮਨਾਪਿਕਂ ਫੋਟ੍ਠਬ੍ਬਂ ਉਪਸਂਹਰਤਿ ਦੁਕ੍ਖਸਮ੍ਫਸ੍ਸਂ ਖਰਸਮ੍ਫਸ੍ਸਂ – ‘‘ਇਮਿਨਾ ਫੁਟ੍ਠੋ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਫੁਟ੍ਠਸ੍ਸ ਦੁਕ੍ਖਾ ਵੇਦਨਾ ਉਪ੍ਪਜ੍ਜਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਮਨਾਪਿਕਂ ਫੋਟ੍ਠਬ੍ਬਂ ਉਪਸਂਹਰਤਿ ਸੁਖਸਮ੍ਫਸ੍ਸਂ ਮੁਦੁਸਮ੍ਫਸ੍ਸਂ – ‘‘ਇਮਿਨਾ ਫੁਟ੍ਠੋ ਅਲਾਭਕੇਨ ਸੁਸ੍ਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਫੁਟ੍ਠੋ ਅਲਾਭਕੇਨ ਸੁਸ੍ਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਧਮ੍ਮੂਪਹਾਰੋ ਨਾਮ ਨੇਰਯਿਕਸ੍ਸ ਨਿਰਯਕਥਂ ਕਥੇਤਿ – ‘‘ਇਮਂ ਸੁਤ੍ਵਾ ਉਤ੍ਤਸਿਤ੍ਵਾ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸੁਤ੍ਵਾ ਉਤ੍ਤਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ. ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਤਿ – ‘‘ਇਮਂ ਸੁਤ੍ਵਾ ਅਧਿਮੁਤ੍ਤੋ ਮਰਿਸ੍ਸਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਂ ਸੁਤ੍ਵਾ ਅਧਿਮੁਤ੍ਤੋ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

੧੭੯. ਆਚਿਕ੍ਖਨਾ ਨਾਮ ਪੁਟ੍ਠੋ ਭਣਤਿ – ‘‘ਏਵਂ ਮਰਸ੍ਸੁ. ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਾਯ ਆਚਿਕ੍ਖਨਾਯ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਅਨੁਸਾਸਨੀ ਨਾਮ ਅਪੁਟ੍ਠੋ ਭਣਤਿ – ‘‘ਏਵਂ ਮਰਸ੍ਸੁ. ਯੋ ਏਵਂ ਮਰਤਿ ਸੋ ਧਨਂ ਵਾ ਲਭਤਿ ਯਸਂ ਵਾ ਲਭਤਿ ਸਗ੍ਗਂ ਵਾ ਗਚ੍ਛਤੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤਾਯ ਅਨੁਸਾਸਨਿਯਾ ਮਰਿਸ੍ਸਾਮੀਤਿ ਦੁਕ੍ਖਂ ਵੇਦਨਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਮਰਤਿ, ਆਪਤ੍ਤਿ ਪਾਰਾਜਿਕਸ੍ਸ.

ਸਙ੍ਕੇਤਕਮ੍ਮਂ ਨਾਮ ਸਙ੍ਕੇਤਂ ਕਰੋਤਿ ਪੁਰੇਭਤ੍ਤਂ ਵਾ ਪਚ੍ਛਾਭਤ੍ਤਂ ਵਾ ਰਤ੍ਤਿਂ ਵਾ ਦਿਵਾ ਵਾ – ‘‘ਤੇਨ ਸਙ੍ਕੇਤੇਨ ਤਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਸਙ੍ਕੇਤੇਨ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ. ਤਂ ਸਙ੍ਕੇਤਂ ਪੁਰੇ ਵਾ ਪਚ੍ਛਾ ਵਾ ਤਂ ਜੀਵਿਤਾ ਵੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ, ਵਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਨਿਮਿਤ੍ਤਕਮ੍ਮਂ ਨਾਮ ਨਿਮਿਤ੍ਤਂ ਕਰੋਤਿ – ‘‘ਅਕ੍ਖਿਂ ਵਾ ਨਿਖਣਿਸ੍ਸਾਮਿ ਭਮੁਕਂ ਵਾ ਉਕ੍ਖਿਪਿਸ੍ਸਾਮਿ ਸੀਸਂ ਵਾ ਉਕ੍ਖਿਪਿਸ੍ਸਾਮਿ, ਤੇਨ ਨਿਮਿਤ੍ਤੇਨ ਤਂ ਜੀਵਿਤਾ ਵੋਰੋਪੇਹੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇਨ ਨਿਮਿਤ੍ਤੇਨ ਤਂ ਜੀਵਿਤਾ ਵੋਰੋਪੇਤਿ, ਆਪਤ੍ਤਿ ਉਭਿਨ੍ਨਂ ਪਾਰਾਜਿਕਸ੍ਸ. ਤਂ ਨਿਮਿਤ੍ਤਂ ਪੁਰੇ ਵਾ ਪਚ੍ਛਾ ਵਾ ਤਂ ਜੀਵਿਤਾ ਵੋਰੋਪੇਤਿ, ਮੂਲਟ੍ਠਸ੍ਸ ਅਨਾਪਤ੍ਤਿ, ਵਧਕਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਅਨਾਪਤ੍ਤਿ ਅਸਞ੍ਚਿਚ੍ਚ ਅਜਾਨਨ੍ਤਸ੍ਸ ਨਮਰਣਾਧਿਪ੍ਪਾਯਸ੍ਸ ਉਮ੍ਮਤ੍ਤਕਸ੍ਸ [ਉਮ੍ਮਤ੍ਤਕਸ੍ਸ ਖਿਤ੍ਤਚਿਤ੍ਤਸ੍ਸ ਵੇਦਨਾਟ੍ਟਸ੍ਸ (ਸ੍ਯਾ.)] ਆਦਿਕਮ੍ਮਿਕਸ੍ਸਾਤਿ.

ਮਨੁਸ੍ਸਵਿਗ੍ਗਹਪਾਰਾਜਿਕਮ੍ਹਿ ਪਠਮਭਾਣਵਾਰੋ ਨਿਟ੍ਠਿਤੋ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਸਂਵਣ੍ਣਨਾ ਨਿਸੀਦਨ੍ਤੋ, ਮੁਸਲੋਦੁਕ੍ਖਲੇਨ ਚ;

ਵੁਡ੍ਢਪਬ੍ਬਜਿਤਾਭਿਸਨ੍ਨੋ, ਅਗ੍ਗਵੀਮਂਸਨਾਵਿਸਂ.

ਤਯੋ ਚ ਵਤ੍ਥੁਕਮ੍ਮੇਹਿ, ਇਟ੍ਠਕਾਹਿਪਰੇ ਤਯੋ;

ਵਾਸੀ ਗੋਪਾਨਸੀ ਚੇਵ, ਅਟ੍ਟਕੋਤਰਣਂ ਪਤਿ.

ਸੇਦਂ ਨਤ੍ਥੁਞ੍ਚ ਸਮ੍ਬਾਹੋ, ਨ੍ਹਾਪਨਬ੍ਭਞ੍ਜਨੇਨ ਚ;

ਉਟ੍ਠਾਪੇਨ੍ਤੋ ਨਿਪਾਤੇਨ੍ਤੋ, ਅਨ੍ਨਪਾਨੇਨ ਮਾਰਣਂ.

ਜਾਰਗਬ੍ਭੋ ਸਪਤ੍ਤੀ ਚ, ਮਾਤਾ ਪੁਤ੍ਤਂ ਉਭੋ ਵਧਿ;

ਉਭੋ ਨ ਮਿਯ੍ਯਰੇ ਮਦ੍ਦਾ, ਤਾਪਂ ਵਞ੍ਝਾ ਵਿਜਾਯਿਨੀ.

ਪਤੋਦਂ ਨਿਗ੍ਗਹੇ ਯਕ੍ਖੋ, ਵਾਲ਼ਯਕ੍ਖਞ੍ਚ ਪਾਹਿਣਿ;

ਤਂ ਮਞ੍ਞਮਾਨੋ ਪਹਰਿ, ਸਗ੍ਗਞ੍ਚ ਨਿਰਯਂ ਭਣੇ.

ਆਲ਼ਵਿਯਾ ਤਯੋ ਰੁਕ੍ਖਾ, ਦਾਯੇਹਿ ਅਪਰੇ ਤਯੋ;

ਮਾ ਕਿਲਮੇਸਿ ਨ ਤੁਯ੍ਹਂ, ਤਕ੍ਕਂ ਸੋਵੀਰਕੇਨ ਚਾਤਿ.

ਵਿਨੀਤਵਤ੍ਥੁ

੧੮੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਸ੍ਸ ਭਿਕ੍ਖੂ ਕਾਰੁਞ੍ਞੇਨ ਮਰਣਵਣ੍ਣਂ ਸਂਵਣ੍ਣੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਆਪਤ੍ਤਿਂ ਤੁਮ੍ਹੇ, ਭਿਕ੍ਖਵੇ, ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਪੀਠਕੇ ਪਿਲੋਤਿਕਾਯ ਪਟਿਚ੍ਛਨ੍ਨਂ ਦਾਰਕਂ ਨਿਸੀਦਨ੍ਤੋ ਓਤ੍ਥਰਿਤ੍ਵਾ ਮਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਅਪ੍ਪਟਿਵੇਕ੍ਖਿਤ੍ਵਾ ਆਸਨੇ ਨਿਸੀਦਿਤਬ੍ਬਂ; ਯੋ ਨਿਸੀਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਭਤ੍ਤਗ੍ਗੇ ਅਨ੍ਤਰਘਰੇ ਆਸਨਂ ਪਞ੍ਞਪੇਨ੍ਤੋ ਮੁਸਲੇ ਉਸ੍ਸਿਤੇ ਏਕਂ ਮੁਸਲਂ ਅਗ੍ਗਹੇਸਿ. ਦੁਤਿਯੋ ਮੁਸਲੋ ਪਰਿਪਤਿਤ੍ਵਾ ਅਞ੍ਞਤਰਸ੍ਸ ਦਾਰਕਸ੍ਸ ਮਤ੍ਥਕੇ ਅਵਤ੍ਥਾਸਿ. ਸੋ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਅਸਞ੍ਚਿਚ੍ਚ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਭਤ੍ਤਗ੍ਗੇ ਅਨ੍ਤਰਘਰੇ ਆਸਨਂ ਪਞ੍ਞਪੇਨ੍ਤੋ ਉਦੁਕ੍ਖਲਭਣ੍ਡਿਕਂ ਅਕ੍ਕਮਿਤ੍ਵਾ ਪਵਟ੍ਟੇਸਿ. ਅਞ੍ਞਤਰਂ ਦਾਰਕਂ ਓਤ੍ਥਰਿਤ੍ਵਾ ਮਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ. ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦਵੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਪਿਟ੍ਠਿਯਂ ਗਹੇਤ੍ਵਾ ਪਣਾਮੇਸਿ. ਸੋ ਪਪਤਿਤ੍ਵਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਮਰਣਾਧਿਪ੍ਪਾਯੋ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ. ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦਵੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਮਰਣਾਧਿਪ੍ਪਾਯੋ ਪਿਟ੍ਠਿਯਂ ਗਹੇਤ੍ਵਾ ਪਣਾਮੇਸਿ. ਸੋ ਪਪਤਿਤ੍ਵਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਪਿਤਾਪੁਤ੍ਤਾ ਭਿਕ੍ਖੂਸੁ ਪਬ੍ਬਜਿਤਾ ਹੋਨ੍ਤਿ. ਕਾਲੇ ਆਰੋਚਿਤੇ ਪੁਤ੍ਤੋ ਪਿਤਰਂ ਏਤਦਵੋਚ – ‘‘ਗਚ੍ਛ, ਭਨ੍ਤੇ, ਸਙ੍ਘੋ ਤਂ ਪਤਿਮਾਨੇਤੀ’’ਤਿ ਮਰਣਾਧਿਪ੍ਪਾਯੋ ਪਿਟ੍ਠਿਯਂ ਗਹੇਤ੍ਵਾ ਪਣਾਮੇਸਿ. ਸੋ ਪਪਤਿਤ੍ਵਾ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ ਵਿਲਗ੍ਗਂ ਹੋਤਿ. ਅਞ੍ਞਤਰੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਗੀਵਾਯਂ ਪਹਾਰਂ ਅਦਾਸਿ. ਸਲੋਹਿਤਂ ਮਂਸਂ ਪਤਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ ਵਿਲਗ੍ਗਂ ਹੋਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਗੀਵਾਯਂ ਪਹਾਰਂ ਅਦਾਸਿ. ਸਲੋਹਿਤਂ ਮਂਸਂ ਪਤਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਭੁਞ੍ਜਨ੍ਤਸ੍ਸ ਮਂਸਂ ਕਣ੍ਠੇ ਵਿਲਗ੍ਗਂ ਹੋਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਗੀਵਾਯਂ ਪਹਾਰਂ ਅਦਾਸਿ. ਸਲੋਹਿਤਂ ਮਂਸਂ ਪਤਿ. ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਵਿਸਗਤਂ ਪਿਣ੍ਡਪਾਤਂ ਲਭਿਤ੍ਵਾ ਪਟਿਕ੍ਕਮਨਂ ਹਰਿਤ੍ਵਾ ਭਿਕ੍ਖੂਨਂ ਅਗ੍ਗਕਾਰਿਕਂ ਅਦਾਸਿ. ਤੇ ਭਿਕ੍ਖੂ ਕਾਲਮਕਂਸੁ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਜਾਨਾਮੀ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਜਾਨਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵੀਮਂਸਾਧਿਪ੍ਪਾਯੋ ਅਞ੍ਞਤਰਸ੍ਸ ਭਿਕ੍ਖੁਨੋ ਵਿਸਂ ਅਦਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਵੀਮਂਸਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੨. ਤੇਨ ਖੋ ਪਨ ਸਮਯੇਨ ਆਲ਼ਵਕਾ [ਆਲ਼ਵਿਕਾ (ਸ੍ਯਾ.)] ਭਿਕ੍ਖੂ ਵਿਹਾਰਵਤ੍ਥੁਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਸਿਲਂ ਉਚ੍ਚਾਰੇਸਿ. ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਸਿਲਾ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅਵਤ੍ਥਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਵਿਹਾਰਵਤ੍ਥੁਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਸਿਲਂ ਉਚ੍ਚਾਰੇਸਿ. ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਸਿਲਂ ਮੁਞ੍ਚਿ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਵਿਹਾਰਸ੍ਸ ਕੁਟ੍ਟਂ ਉਟ੍ਠਾਪੇਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਇਟ੍ਠਕਂ ਉਚ੍ਚਾਰੇਸਿ. ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਇਟ੍ਠਕਾ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅਵਤ੍ਥਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਵਿਹਾਰਸ੍ਸ ਕੁਟ੍ਟਂ ਉਟ੍ਠਾਪੇਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਇਟ੍ਠਕਂ ਉਚ੍ਚਾਰੇਸਿ. ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਇਟ੍ਠਕਂ ਮੁਞ੍ਚਿ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੩. ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਵਾਸਿਂ ਉਚ੍ਚਾਰੇਸਿ. ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਵਾਸੀ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅਵਤ੍ਥਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਵਾਸਿਂ ਉਚ੍ਚਾਰੇਸਿ. ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਵਾਸਿਂ ਮੁਞ੍ਚਿ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਗੋਪਾਨਸਿਂ ਉਚ੍ਚਾਰੇਸਿ. ਉਪਰਿਮੇਨ ਭਿਕ੍ਖੁਨਾ ਦੁਗ੍ਗਹਿਤਾ ਗੋਪਾਨਸੀ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਅਵਤ੍ਥਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਸਞ੍ਚਿਚ੍ਚਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਿ. ਅਞ੍ਞਤਰੋ ਭਿਕ੍ਖੁ ਹੇਟ੍ਠਾ ਹੁਤ੍ਵਾ ਗੋਪਾਨਸਿਂ ਉਚ੍ਚਾਰੇਸਿ. ਉਪਰਿਮੋ ਭਿਕ੍ਖੁ ਮਰਣਾਧਿਪ੍ਪਾਯੋ ਹੇਟ੍ਠਿਮਸ੍ਸ ਭਿਕ੍ਖੁਨੋ ਮਤ੍ਥਕੇ ਗੋਪਾਨਸਿਂ ਮੁਞ੍ਚਿ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਾ ਅਟ੍ਟਕਂ ਬਨ੍ਧਨ੍ਤਿ. ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਅਤ੍ਰਟ੍ਠਿਤੋ ਬਨ੍ਧਾਹੀ’’ਤਿ. ਸੋ ਤਤ੍ਰਟ੍ਠਿਤੋ ਬਨ੍ਧਨ੍ਤੋ ਪਰਿਪਤਿਤ੍ਵਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਮਰਣਾਧਿਪ੍ਪਾਯੋ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਾ ਅਟ੍ਟਕਂ ਬਨ੍ਧਨ੍ਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਅਤ੍ਰਟ੍ਠਿਤੋ ਬਨ੍ਧਾਹੀ’’ਤਿ. ਸੋ ਤਤ੍ਰਟ੍ਠਿਤੋ ਬਨ੍ਧਨ੍ਤੋ ਪਰਿਪਤਿਤ੍ਵਾ ਕਾਲਮਕਾਸਿ…ਪੇ… ਪਰਿਪਤਿਤ੍ਵਾ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵਿਹਾਰਂ ਛਾਦੇਤ੍ਵਾ ਓਤਰਤਿ. ਅਞ੍ਞਤਰੋ ਭਿਕ੍ਖੁ ਤਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਇਤੋ ਓਤਰਾਹੀ’’ਤਿ. ਸੋ ਤੇਨ ਓਤਰਨ੍ਤੋ ਪਰਿਪਤਿਤ੍ਵਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਵਿਹਾਰਂ ਛਾਦੇਤ੍ਵਾ ਓਤਰਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਇਤੋ ਓਤਰਾਹੀ’’ਤਿ. ਸੋ ਤੇਨ ਓਤਰਨ੍ਤੋ ਪਰਿਪਤਿਤ੍ਵਾ ਕਾਲਮਕਾਸਿ…ਪੇ… ਪਰਿਪਤਿਤ੍ਵਾ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਨਭਿਰਤਿਯਾ ਪੀਲ਼ਿਤੋ ਗਿਜ੍ਝਕੂਟਂ ਪਬ੍ਬਤਂ ਅਭਿਰੁਹਿਤ੍ਵਾ ਪਪਾਤੇ ਪਪਤਨ੍ਤੋ ਅਞ੍ਞਤਰਂ ਵਿਲੀਵਕਾਰਂ ਓਤ੍ਥਰਿਤ੍ਵਾ ਮਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਅਤ੍ਤਾਨਂ ਪਾਤੇਤਬ੍ਬਂ. ਯੋ ਪਾਤੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਗਿਜ੍ਝਕੂਟਂ ਪਬ੍ਬਤਂ ਅਭਿਰੁਹਿਤ੍ਵਾ ਦਵਾਯ ਸਿਲਂ ਪਵਿਜ੍ਝਿਂਸੁ. ਸਾ ਅਞ੍ਞਤਰਂ ਗੋਪਾਲਕਂ ਓਤ੍ਥਰਿਤ੍ਵਾ ਮਾਰੇਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ …ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਦਵਾਯ ਸਿਲਾ ਪਵਿਜ੍ਝਿਤਬ੍ਬਾ. ਯੋ ਪਵਿਜ੍ਝੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੧੮੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਸੇਦੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਸੇਦੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ.…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੀਸਾਭਿਤਾਪੋ ਹੋਤਿ. ਤਸ੍ਸ ਭਿਕ੍ਖੂ ਨਤ੍ਥੁਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੀਸਾਭਿਤਾਪੋ ਹੋਤਿ. ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਨਤ੍ਥੁਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਸਮ੍ਬਾਹੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਸਮ੍ਬਾਹੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੁ ਨ੍ਹਾਪੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਨ੍ਹਾਪੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਤੇਲੇਨ ਅਬ੍ਭਞ੍ਜਿਂਸੁ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਤੇਲੇਨ ਅਬ੍ਭਞ੍ਜਿਂਸੁ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਉਟ੍ਠਾਪੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਉਟ੍ਠਾਪੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਨਿਪਾਤੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਮਰਣਾਧਿਪ੍ਪਾਯਾ ਨਿਪਾਤੇਸੁਂ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਸ੍ਸ ਭਿਕ੍ਖੂ ਅਨ੍ਨਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਅਨ੍ਨਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਸ੍ਸ ਭਿਕ੍ਖੁ ਪਾਨਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਸ੍ਸ ਭਿਕ੍ਖੂ ਮਰਣਾਧਿਪ੍ਪਾਯਾ ਪਾਨਂ ਅਦਂਸੁ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਪਵੁਤ੍ਥਪਤਿਕਾ ਜਾਰੇਨ ਗਬ੍ਭਿਨੀ ਹੋਤਿ. ਸਾ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਇਙ੍ਘਾਯ੍ਯ ਗਬ੍ਭਪਾਤਨਂ ਜਾਨਾਹੀ’’ਤਿ. ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ. ਦਾਰਕੋ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍ਵੇ ਪਜਾਪਤਿਯੋ ਹੋਨ੍ਤਿ – ਏਕਾ ਵਞ੍ਝਾ, ਏਕਾ ਵਿਜਾਯਿਨੀ. ਵਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਸਚੇ ਸਾ, ਭਨ੍ਤੇ, ਵਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭਵਿਸ੍ਸਤਿ. ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ.‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ. ਦਾਰਕੋ ਕਾਲਮਕਾਸਿ, ਮਾਤਾ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍ਵੇ ਪਜਾਪਤਿਯੋ ਹੋਨ੍ਤਿ – ਏਕਾ ਵਞ੍ਝਾ, ਏਕਾ ਵਿਜਾਯਿਨੀ. ਵਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਸਚੇ ਸਾ, ਭਨ੍ਤੇ, ਵਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭਵਿਸ੍ਸਤਿ. ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ. ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ. ਮਾਤਾ ਕਾਲਮਕਾਸਿ, ਦਾਰਕੋ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਪੁਰਿਸਸ੍ਸ ਦ੍ਵੇ ਪਜਾਪਤਿਯੋ ਹੋਨ੍ਤਿ – ਏਕਾ ਵਞ੍ਝਾ, ਏਕਾ ਵਿਜਾਯਿਨੀ. ਵਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਸਚੇ ਸਾ, ਭਨ੍ਤੇ, ਵਿਜਾਯਿਸ੍ਸਤਿ ਸਬ੍ਬਸ੍ਸ ਕੁਟੁਮ੍ਬਸ੍ਸ ਇਸ੍ਸਰਾ ਭਵਿਸ੍ਸਤਿ. ਇਙ੍ਘਾਯ੍ਯ, ਤਸ੍ਸਾ ਗਬ੍ਭਪਾਤਨਂ ਜਾਨਾਹੀ’’ਤਿ. ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਗਬ੍ਭਪਾਤਨਂ ਅਦਾਸਿ. ਉਭੋ ਕਾਲਮਕਂਸੁ…ਪੇ… ਉਭੋ ਨ ਕਾਲਮਕਂਸੁ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਗਬ੍ਭਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਇਙ੍ਘਾਯ੍ਯ, ਗਬ੍ਭਪਾਤਨਂ ਜਾਨਾਹੀ’’ਤਿ. ‘‘ਤੇਨ ਹਿ, ਭਗਿਨਿ, ਮਦ੍ਦਸ੍ਸੂ’’ਤਿ. ਸਾ ਮਦ੍ਦਾਪੇਤ੍ਵਾ ਗਬ੍ਭਂ ਪਾਤੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਗਬ੍ਭਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਇਙ੍ਘਾਯ੍ਯ, ਗਬ੍ਭਪਾਤਨਂ ਜਾਨਾਹੀ’’ਤਿ. ‘‘ਤੇਨ ਹਿ, ਭਗਿਨਿ, ਤਾਪੇਹੀ’’ਤਿ. ਸਾ ਤਾਪੇਤ੍ਵਾ ਗਬ੍ਭਂ ਪਾਤੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਵਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਇਙ੍ਘਾਯ੍ਯ, ਭੇਸਜ੍ਜਂ ਜਾਨਾਹਿ ਯੇਨਾਹਂ ਵਿਜਾਯੇਯ੍ਯ’’ਨ੍ਤਿ. ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਭੇਸਜ੍ਜਂ ਅਦਾਸਿ. ਸਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਵਿਜਾਯਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਇਙ੍ਘਾਯ੍ਯ, ਭੇਸਜ੍ਜਂ ਜਾਨਾਹਿ ਯੇਨਾਹਂ ਨ ਵਿਜਾਯੇਯ੍ਯ’’ਨ੍ਤਿ. ‘‘ਸੁਟ੍ਠੁ, ਭਗਿਨੀ’’ਤਿ ਤਸ੍ਸਾ ਭੇਸਜ੍ਜਂ ਅਦਾਸਿ. ਸਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸਤ੍ਤਰਸਵਗ੍ਗਿਯਂ ਭਿਕ੍ਖੁਂ ਅਙ੍ਗੁਲਿਪਤੋਦਕੇਨ ਹਾਸੇਸੁਂ. ਸੋ ਭਿਕ੍ਖੁ ਉਤ੍ਤਨ੍ਤੋ ਅਨਸ੍ਸਾਸਕੋ ਕਾਲਮਕਾਸਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸਾ’’ਤਿ [ਪਾਰਾਜਿਕਸ੍ਸ, ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿ (ਸ੍ਯਾ.)].

ਤੇਨ ਖੋ ਪਨ ਸਮਯੇਨ ਸਤ੍ਤਰਸਵਗ੍ਗਿਯਾ ਭਿਕ੍ਖੂ ਛਬ੍ਬਗ੍ਗਿਯਂ ਭਿਕ੍ਖੁਂ ਕਮ੍ਮਂ ਕਰਿਸ੍ਸਾਮਾਤਿ ਓਤ੍ਥਰਿਤ੍ਵਾ ਮਾਰੇਸੁਂ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭੂਤਵੇਜ੍ਜਕੋ ਭਿਕ੍ਖੁ ਯਕ੍ਖਂ ਜੀਵਿਤਾ ਵੋਰੋਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਵਾਲ਼ਯਕ੍ਖਵਿਹਾਰਂ ਪਾਹੇਸਿ. ਤਂ ਯਕ੍ਖਾ ਜੀਵਿਤਾ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਵਾਲ਼ਯਕ੍ਖਵਿਹਾਰਂ ਪਾਹੇਸਿ. ਤਂ ਯਕ੍ਖਾ ਜੀਵਿਤਾ ਵੋਰੋਪੇਸੁਂ…ਪੇ… ਤਂ ਯਕ੍ਖਾ ਜੀਵਿਤਾ ਨ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਵਾਲ਼ਕਨ੍ਤਾਰਂ ਪਾਹੇਸਿ. ਤਂ ਵਾਲ਼ਾ ਜੀਵਿਤਾ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਵਾਲ਼ਕਨ੍ਤਾਰਂ ਪਾਹੇਸਿ. ਤਂ ਵਾਲ਼ਾ ਜੀਵਿਤਾ ਵੋਰੋਪੇਸੁਂ…ਪੇ… ਤਂ ਵਾਲ਼ਾ ਜੀਵਿਤਾ ਨ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਚੋਰਕਨ੍ਤਾਰਂ ਪਾਹੇਸਿ. ਤਂ ਚੋਰਾ ਜੀਵਿਤਾ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਚੋਰਕਨ੍ਤਾਰਂ ਪਾਹੇਸਿ. ਤਂ ਚੋਰਾ ਜੀਵਿਤਾ ਵੋਰੋਪੇਸੁਂ…ਪੇ… ਤਂ ਚੋਰਾ ਜੀਵਿਤਾ ਨ ਵੋਰੋਪੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਂ ਮਞ੍ਞਮਾਨੋ ਤਂ ਜੀਵਿਤਾ ਵੋਰੋਪੇਸਿ…ਪੇ… ਤਂ ਮਞ੍ਞਮਾਨੋ ਅਞ੍ਞਂ ਜੀਵਿਤਾ ਵੋਰੋਪੇਸਿ…ਪੇ… ਅਞ੍ਞਂ ਮਞ੍ਞਮਾਨੋ ਤਂ ਜੀਵਿਤਾ ਵੋਰੋਪੇਸਿ…ਪੇ… ਅਞ੍ਞਂ ਮਞ੍ਞਮਾਨੋ ਅਞ੍ਞਂ ਜੀਵਿਤਾ ਵੋਰੋਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਮਨੁਸ੍ਸੇਨ ਗਹਿਤੋ ਹੋਤਿ. ਅਞ੍ਞਤਰੋ ਭਿਕ੍ਖੁ ਤਸ੍ਸ ਭਿਕ੍ਖੁਨੋ ਪਹਾਰਂ ਅਦਾਸਿ. ਸੋ ਭਿਕ੍ਖੁ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਮਨੁਸ੍ਸੇਨ ਗਹਿਤੋ ਹੋਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਤਸ੍ਸ ਭਿਕ੍ਖੁਨੋ ਪਹਾਰਂ ਅਦਾਸਿ. ਸੋ ਭਿਕ੍ਖੁ ਕਾਲਮਕਾਸਿ…ਪੇ… ਸੋ ਭਿਕ੍ਖੁ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਸਿ. ਸੋ ਅਧਿਮੁਤ੍ਤੋ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਕਲ੍ਯਾਣਕਮ੍ਮਸ੍ਸ ਸਗ੍ਗਕਥਂ ਕਥੇਸਿ. ਸੋ ਅਧਿਮੁਤ੍ਤੋ ਕਾਲਮਕਾਸਿ…ਪੇ… ਸੋ ਅਧਿਮੁਤ੍ਤੋ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਨੇਰਯਿਕਸ੍ਸ ਨਿਰਯਕਥਂ ਕਥੇਸਿ. ਸੋ ਉਤ੍ਤਸਿਤ੍ਵਾ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਨੇਰਯਿਕਸ੍ਸ ਨਿਰਯਕਥਂ ਕਥੇਸਿ. ਸੋ ਉਤ੍ਤਸਿਤ੍ਵਾ ਕਾਲਮਕਾਸਿ…ਪੇ… ਸੋ ਉਤ੍ਤਸਿਤ੍ਵਾ ਨ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੮੯. ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਾ ਰੁਕ੍ਖਂ ਛਿਨ੍ਦਨ੍ਤਿ. ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਅਤ੍ਰਟ੍ਠਿਤੋ ਛਿਨ੍ਦਾਹੀ’’ਤਿ. ਤਂ ਤਤ੍ਰਟ੍ਠਿਤਂ ਛਿਨ੍ਦਨ੍ਤਂ ਰੁਕ੍ਖੋ ਓਤ੍ਥਰਿਤ੍ਵਾ ਮਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਨਵਕਮ੍ਮਂ ਕਰੋਨ੍ਤਾ ਰੁਕ੍ਖਂ ਛਿਨ੍ਦਨ੍ਤਿ. ਅਞ੍ਞਤਰੋ ਭਿਕ੍ਖੁ ਮਰਣਾਧਿਪ੍ਪਾਯੋ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਆਵੁਸੋ, ਅਤ੍ਰਟ੍ਠਿਤੋ ਛਿਨ੍ਦਾਹੀ’’ਤਿ. ਤਂ ਤਤ੍ਰਟ੍ਠਿਤਂ ਛਿਨ੍ਦਨ੍ਤਂ ਰੁਕ੍ਖੋ ਓਤ੍ਥਰਿਤ੍ਵਾ ਮਾਰੇਸਿ…ਪੇ… ਰੁਕ੍ਖੋ ਓਤ੍ਥਰਿਤ੍ਵਾ ਨ ਮਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੯੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਦਾਯਂ ਆਲਿਮ੍ਪੇਸੁਂ [ਆਲ਼ਿਮ੍ਪੇਸੁਂ (ਸ੍ਯਾ. ਕ.)]; ਮਨੁਸ੍ਸਾ ਦਡ੍ਢਾ ਕਾਲਮਕਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਨਮਰਣਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਮਰਣਾਧਿਪ੍ਪਾਯਾ ਦਾਯਂ ਆਲਿਮ੍ਪੇਸੁਂ. ਮਨੁਸ੍ਸਾ ਦਡ੍ਢਾ ਕਾਲਮਕਂਸੁ…ਪੇ… ਮਨੁਸ੍ਸਾ ਦਡ੍ਢਾ ਨ ਕਾਲਮਕਂਸੁ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖਵੇ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੧੯੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਆਘਾਤਨਂ ਗਨ੍ਤ੍ਵਾ ਚੋਰਘਾਤਂ ਏਤਦਵੋਚ – ‘‘ਆਵੁਸੋ, ਮਾਯਿਮਂ ਕਿਲਮੇਸਿ. ਏਕੇਨ ਪਹਾਰੇਨ ਜੀਵਿਤਾ ਵੋਰੋਪੇਹੀ’’ਤਿ. ‘‘ਸੁਟ੍ਠੁ, ਭਨ੍ਤੇ’’ਤਿ ਏਕੇਨ ਪਹਾਰੇਨ ਜੀਵਿਤਾ ਵੋਰੋਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਆਘਾਤਨਂ ਗਨ੍ਤ੍ਵਾ ਚੋਰਘਾਤਂ ਏਤਦਵੋਚ – ‘‘ਆਵੁਸੋ, ਮਾਯਿਮਂ ਕਿਲਮੇਸਿ. ਏਕੇਨ ਪਹਾਰੇਨ ਜੀਵਿਤਾ ਵੋਰੋਪੇਹੀ’’ਤਿ. ਸੋ – ‘‘ਨਾਹਂ ਤੁਯ੍ਹਂ ਵਚਨਂ ਕਰਿਸ੍ਸਾਮੀ’’ਤਿ ਤਂ ਜੀਵਿਤਾ ਵੋਰੋਪੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੧੯੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਞਾਤਿਘਰੇ ਹਤ੍ਥਪਾਦਚ੍ਛਿਨ੍ਨੋ ਞਾਤਕੇਹਿ ਸਮ੍ਪਰਿਕਿਣ੍ਣੋ ਹੋਤਿ. ਅਞ੍ਞਤਰੋ ਭਿਕ੍ਖੁ ਤੇ ਮਨੁਸ੍ਸੇ ਏਤਦਵੋਚ – ‘‘ਆਵੁਸੋ, ਇਚ੍ਛਥ ਇਮਸ੍ਸ ਮਰਣ’’ਨ੍ਤਿ? ‘‘ਆਮ, ਭਨ੍ਤੇ, ਇਚ੍ਛਾਮਾ’’ਤਿ. ‘‘ਤੇਨ ਹਿ ਤਕ੍ਕਂ ਪਾਯੇਥਾ’’ਤਿ. ਤੇ ਤਂ ਤਕ੍ਕਂ ਪਾਯੇਸੁਂ. ਸੋ ਕਾਲਮਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਕੁਲਘਰੇ ਹਤ੍ਥਪਾਦਚ੍ਛਿਨ੍ਨੋ ਞਾਤਕੇਹਿ ਸਮ੍ਪਰਿਕਿਣ੍ਣੋ ਹੋਤਿ. ਅਞ੍ਞਤਰਾ ਭਿਕ੍ਖੁਨੀ ਤੇ ਮਨੁਸ੍ਸੇ ਏਤਦਵੋਚ – ‘‘ਆਵੁਸੋ, ਇਚ੍ਛਥ ਇਮਸ੍ਸ ਮਰਣ’’ਨ੍ਤਿ? ‘‘ਆਮਯ੍ਯੇ, ਇਚ੍ਛਾਮਾ’’ਤਿ. ‘‘ਤੇਨ ਹਿ ਲੋਣਸੋਵੀਰਕਂ ਪਾਯੇਥਾ’’ਤਿ. ਤੇ ਤਂ ਲੋਣਸੋਵੀਰਕਂ ਪਾਯੇਸੁਂ. ਸੋ ਕਾਲਮਕਾਸਿ. ਤਸ੍ਸਾ ਕੁਕ੍ਕੁਚ੍ਚਂ ਅਹੋਸਿ. ਅਥ ਖੋ ਸਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਆਪਤ੍ਤਿਂ ਸਾ, ਭਿਕ੍ਖਵੇ, ਭਿਕ੍ਖੁਨੀ ਆਪਨ੍ਨਾ ਪਾਰਾਜਿਕ’’ਨ੍ਤਿ.

ਤਤਿਯਪਾਰਾਜਿਕਂ ਸਮਤ੍ਤਂ.

੪. ਚਤੁਤ੍ਥਪਾਰਾਜਿਕਂ

੧੯੩. [ਇਦਂ ਵਤ੍ਥੁ ਪਾਚਿ. ੬੭] ਤੇਨ ਸਮਯੇਨ ਬੁਦ੍ਧੋ ਭਗਵਾ ਵੇਸਾਲਿਯਂ ਵਿਹਰਤਿ ਮਹਾਵਨੇ ਕੂਟਾਗਾਰਸਾਲਾਯਂ. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਸਨ੍ਦਿਟ੍ਠਾ ਸਮ੍ਭਤ੍ਤਾ ਭਿਕ੍ਖੂ ਵਗ੍ਗੁਮੁਦਾਯ ਨਦਿਯਾ ਤੀਰੇ ਵਸ੍ਸਂ ਉਪਗਚ੍ਛਿਂਸੁ. ਤੇਨ ਖੋ ਪਨ ਸਮਯੇਨ ਵਜ੍ਜੀ ਦੁਬ੍ਭਿਕ੍ਖਾ ਹੋਤਿ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਅਥ ਖੋ ਤੇਸਂ ਭਿਕ੍ਖੂਨਂ ਏਤਦਹੋਸਿ – ‘‘ਏਤਰਹਿ ਖੋ ਵਜ੍ਜੀ ਦੁਬ੍ਭਿਕ੍ਖਾ ਦ੍ਵੀਹਿਤਿਕਾ ਸੇਤਟ੍ਠਿਕਾ ਸਲਾਕਾਵੁਤ੍ਤਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਕੇਨ ਨੁ ਖੋ ਮਯਂ ਉਪਾਯੇਨ ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸੇਯ੍ਯਾਮ, ਨ ਚ ਪਿਣ੍ਡਕੇਨ ਕਿਲਮੇਯ੍ਯਾਮਾ’’ਤਿ? ਏਕਚ੍ਚੇ ਏਵਮਾਹਂਸੁ – ‘‘ਹਨ੍ਦ ਮਯਂ, ਆਵੁਸੋ, ਗਿਹੀਨਂ ਕਮ੍ਮਨ੍ਤਂ ਅਧਿਟ੍ਠੇਮ, ਏਵਂ ਤੇ ਅਮ੍ਹਾਕਂ ਦਾਤੁਂ ਮਞ੍ਞਿਸ੍ਸਨ੍ਤਿ. ਏਵਂ ਮਯਂ ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਸ੍ਸਾਮ, ਨ ਚ ਪਿਣ੍ਡਕੇਨ ਕਿਲਮਿਸ੍ਸਾਮਾ’’ਤਿ. ਏਕਚ੍ਚੇ ਏਵਮਾਹਂਸੁ – ‘‘ਅਲਂ, ਆਵੁਸੋ, ਕਿਂ ਗਿਹੀਨਂ ਕਮ੍ਮਨ੍ਤਂ ਅਧਿਟ੍ਠਿਤੇਨ! ਹਨ੍ਦ ਮਯਂ, ਆਵੁਸੋ, ਗਿਹੀਨਂ ਦੂਤੇਯ੍ਯਂ ਹਰਾਮ, ਏਵਂ ਤੇ ਅਮ੍ਹਾਕਂ ਦਾਤੁਂ ਮਞ੍ਞਿਸ੍ਸਨ੍ਤਿ. ਏਵਂ ਮਯਂ ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਸ੍ਸਾਮ, ਨ ਚ ਪਿਣ੍ਡਕੇਨ ਕਿਲਮਿਸ੍ਸਾਮਾ’’ਤਿ. ਏਕਚ੍ਚੇ ਏਵਮਾਹਂਸੁ – ‘‘ਅਲਂ, ਆਵੁਸੋ, ਕਿਂ ਗਿਹੀਨਂ ਕਮ੍ਮਨ੍ਤਂ ਅਧਿਟ੍ਠਿਤੇਨ! ਕਿਂ ਗਿਹੀਨਂ ਦੂਤੇਯ੍ਯਂ ਹਟੇਨ! ਹਨ੍ਦ ਮਯਂ, ਆਵੁਸੋ, ਗਿਹੀਨਂ ਅਞ੍ਞਮਞ੍ਞਸ੍ਸ ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਵਣ੍ਣਂ ਭਾਸਿਸ੍ਸਾਮ – ‘ਅਸੁਕੋ ਭਿਕ੍ਖੁ ਪਠਮਸ੍ਸ ਝਾਨਸ੍ਸ ਲਾਭੀ, ਅਸੁਕੋ ਭਿਕ੍ਖੁ ਦੁਤਿਯਸ੍ਸ ਝਾਨਸ੍ਸ ਲਾਭੀ, ਅਸੁਕੋ ਭਿਕ੍ਖੁ ਤਤਿਯਸ੍ਸ ਝਾਨਸ੍ਸ ਲਾਭੀ, ਅਸੁਕੋ ਭਿਕ੍ਖੁ ਚਤੁਤ੍ਥਸ੍ਸ ਝਾਨਸ੍ਸ ਲਾਭੀ, ਅਸੁਕੋ ਭਿਕ੍ਖੁ ਸੋਤਾਪਨ੍ਨੋ, ਅਸੁਕੋ ਭਿਕ੍ਖੁ ਸਕਦਾਗਾਮੀ, ਅਸੁਕੋ ਭਿਕ੍ਖੁ ਅਨਾਗਾਮੀ, ਅਸੁਕੋ ਭਿਕ੍ਖੁ ਅਰਹਾ, ਅਸੁਕੋ ਭਿਕ੍ਖੁ ਤੇਵਿਜ੍ਜੋ, ਅਸੁਕੋ ਭਿਕ੍ਖੁ ਛਲ਼ਭਿਞ੍ਞੋ’ਤਿ. ਏਵਂ ਤੇ ਅਮ੍ਹਾਕਂ ਦਾਤੁਂ ਮਞ੍ਞਿਸ੍ਸਨ੍ਤਿ. ਏਵਂ ਮਯਂ ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਸ੍ਸਾਮ, ਨ ਚ ਪਿਣ੍ਡਕੇਨ ਕਿਲਮਿਸ੍ਸਾਮਾ’’ਤਿ. ‘‘ਏਸੋਯੇਵ ਖੋ, ਆਵੁਸੋ, ਸੇਯ੍ਯੋ ਯੋ ਅਮ੍ਹਾਕਂ ਗਿਹੀਨਂ ਅਞ੍ਞਮਞ੍ਞਸ੍ਸ ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਵਣ੍ਣੋ ਭਾਸਿਤੋ’’ਤਿ.

੧੯੪. ਅਥ ਖੋ ਤੇ ਭਿਕ੍ਖੂ ਗਿਹੀਨਂ ਅਞ੍ਞਮਞ੍ਞਸ੍ਸ ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਵਣ੍ਣਂ ਭਾਸਿਂਸੁ – ‘‘ਅਸੁਕੋ ਭਿਕ੍ਖੁ ਪਠਮਸ੍ਸ ਝਾਨਸ੍ਸ ਲਾਭੀ…ਪੇ… ਅਸੁਕੋ ਭਿਕ੍ਖੁ ਛਲ਼ਭਿਞ੍ਞੋ’’ਤਿ. ਅਥ ਖੋ ਤੇ ਮਨੁਸ੍ਸਾ – ‘‘ਲਾਭਾ ਵਤ ਨੋ, ਸੁਲਦ੍ਧਂ ਵਤ ਨੋ, ਯੇਸਂ ਵਤ ਨੋ ਏਵਰੂਪਾ ਭਿਕ੍ਖੂ ਵਸ੍ਸਂ ਉਪਗਤਾ; ਨ ਵਤ ਨੋ ਇਤੋ ਪੁਬ੍ਬੇ ਏਵਰੂਪਾ ਭਿਕ੍ਖੂ ਵਸ੍ਸਂ ਉਪਗਤਾ ਯਥਯਿਮੇ ਭਿਕ੍ਖੂ ਸੀਲਵਨ੍ਤੋ ਕਲ੍ਯਾਣਧਮ੍ਮਾ’’ਤਿ, ਤੇ ਨ ਤਾਦਿਸਾਨਿ ਭੋਜਨਾਨਿ ਅਤ੍ਤਨਾ ਪਰਿਭੁਞ੍ਜਨ੍ਤਿ ਮਾਤਾਪਿਤੂਨਂ ਦੇਨ੍ਤਿ ਪੁਤ੍ਤਦਾਰਸ੍ਸ ਦੇਨ੍ਤਿ ਦਾਸਕਮ੍ਮਕਰਪੋਰਿਸਸ੍ਸ ਦੇਨ੍ਤਿ ਮਿਤ੍ਤਾਮਚ੍ਚਾਨਂ ਦੇਨ੍ਤਿ ਞਾਤਿਸਾਲੋਹਿਤਾਨਂ ਦੇਨ੍ਤਿ, ਯਾਦਿਸਾਨਿ ਭਿਕ੍ਖੂਨਂ ਦੇਨ੍ਤਿ. ਤੇ ਨ ਤਾਦਿਸਾਨਿ ਖਾਦਨੀਯਾਨਿ ਸਾਯਨੀਯਾਨਿ ਪਾਨਾਨਿ ਅਤ੍ਤਨਾ ਖਾਦਨ੍ਤਿ ਸਾਯਨ੍ਤਿ ਪਿਵਨ੍ਤਿ ਮਾਤਾਪਿਤੂਨਂ ਦੇਨ੍ਤਿ ਪੁਤ੍ਤਦਾਰਸ੍ਸ ਦੇਨ੍ਤਿ ਦਾਸਕਮ੍ਮਕਰਪੋਰਿਸਸ੍ਸ ਦੇਨ੍ਤਿ ਮਿਤ੍ਤਾਮਚ੍ਚਾਨਂ ਦੇਨ੍ਤਿ ਞਾਤਿਸਾਲੋਹਿਤਾਨਂ ਦੇਨ੍ਤਿ, ਯਾਦਿਸਾਨਿ ਭਿਕ੍ਖੂਨਂ ਦੇਨ੍ਤਿ. ਅਥ ਖੋ ਤੇ ਭਿਕ੍ਖੂ ਵਣ੍ਣਵਾ ਅਹੇਸੁਂ ਪੀਣਿਨ੍ਦ੍ਰਿਯਾ ਪਸਨ੍ਨਮੁਖਵਣ੍ਣਾ ਵਿਪ੍ਪਸਨ੍ਨਛਵਿਵਣ੍ਣਾ.

ਆਚਿਣ੍ਣਂ ਖੋ ਪਨੇਤਂ ਵਸ੍ਸਂਵੁਟ੍ਠਾਨਂ ਭਿਕ੍ਖੂਨਂ ਭਗਵਨ੍ਤਂ ਦਸ੍ਸਨਾਯ ਉਪਸਙ੍ਕਮਿਤੁਂ. ਅਥ ਖੋ ਤੇ ਭਿਕ੍ਖੂ ਵਸ੍ਸਂਵੁਟ੍ਠਾ ਤੇਮਾਸਚ੍ਚਯੇਨ ਸੇਨਾਸਨਂ ਸਂਸਾਮੇਤ੍ਵਾ ਪਤ੍ਤਚੀਵਰਂ ਆਦਾਯ ਯੇਨ ਵੇਸਾਲੀ ਤੇਨ ਪਕ੍ਕਮਿਂਸੁ. ਅਨੁਪੁਬ੍ਬੇਨ ਯੇਨ ਵੇਸਾਲੀ ਮਹਾਵਨਂ ਕੂਟਾਗਾਰਸਾਲਾ ਯੇਨ ਭਗਵਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿਂਸੁ.

ਤੇਨ ਖੋ ਪਨ ਸਮਯੇਨ ਦਿਸਾਸੁ ਵਸ੍ਸਂਵੁਟ੍ਠਾ ਭਿਕ੍ਖੂ ਕਿਸਾ ਹੋਨ੍ਤਿ ਲੂਖਾ ਦੁਬ੍ਬਣ੍ਣਾ ਉਪ੍ਪਣ੍ਡੁਪ੍ਪਣ੍ਡੁਕਜਾਤਾ ਧਮਨਿਸਨ੍ਥਤਗਤ੍ਤਾ; ਵਗ੍ਗੁਮੁਦਾਤੀਰਿਯਾ ਪਨ ਭਿਕ੍ਖੂ ਵਣ੍ਣਵਾ ਹੋਨ੍ਤਿ ਪੀਣਿਨ੍ਦ੍ਰਿਯਾ ਪਸਨ੍ਨਮੁਖਵਣ੍ਣਾ ਵਿਪ੍ਪਸਨ੍ਨਛਵਿਵਣ੍ਣਾ. ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗਵਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ. ਅਥ ਖੋ ਭਗਵਾ ਵਗ੍ਗੁਮੁਦਾਤੀਰਿਯੇ ਭਿਕ੍ਖੂ ਏਤਦਵੋਚ – ‘‘ਕਚ੍ਚਿ, ਭਿਕ੍ਖਵੇ, ਖਮਨੀਯਂ ਕਚ੍ਚਿ ਯਾਪਨੀਯਂ ਕਚ੍ਚਿ ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਤ੍ਥ ਨ ਚ ਪਿਣ੍ਡਕੇਨ ਕਿਲਮਿਤ੍ਥਾ’’ਤਿ? ‘‘ਖਮਨੀਯਂ, ਭਗਵਾ, ਯਾਪਨੀਯਂ, ਭਗਵਾ. ਸਮਗ੍ਗਾ ਚ ਮਯਂ, ਭਨ੍ਤੇ, ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਮ੍ਹਾ, ਨ ਚ ਪਿਣ੍ਡਕੇਨ ਕਿਲਮਿਮ੍ਹਾ’’ਤਿ. ਜਾਨਨ੍ਤਾਪਿ ਤਥਾਗਤਾ ਪੁਚ੍ਛਨ੍ਤਿ, ਜਾਨਨ੍ਤਾਪਿ ਨ ਪੁਚ੍ਛਨ੍ਤਿ…ਪੇ… ਦ੍ਵੀਹਾਕਾਰੇਹਿ ਬੁਦ੍ਧਾ ਭਗਵਨ੍ਤੋ ਭਿਕ੍ਖੂ ਪਟਿਪੁਚ੍ਛਨ੍ਤਿ – ਧਮ੍ਮਂ ਵਾ ਦੇਸੇਸ੍ਸਾਮ, ਸਾਵਕਾਨਂ ਵਾ ਸਿਕ੍ਖਾਪਦਂ ਪਞ੍ਞਾਪੇਸ੍ਸਾਮਾਤਿ. ਅਥ ਖੋ ਭਗਵਾ ਵਗ੍ਗੁਮੁਦਾਤੀਰਿਯੇ ਭਿਕ੍ਖੂ ਏਤਦਵੋਚ – ‘‘ਯਥਾ ਕਥਂ ਪਨ ਤੁਮ੍ਹੇ, ਭਿਕ੍ਖਵੇ, ਸਮਗ੍ਗਾ ਸਮ੍ਮੋਦਮਾਨਾ ਅਵਿਵਦਮਾਨਾ ਫਾਸੁਕਂ ਵਸ੍ਸਂ ਵਸਿਤ੍ਥ ਨ ਚ ਪਿਣ੍ਡਕੇਨ ਕਿਲਮਿਤ੍ਥਾ’’ਤਿ? ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ – ‘‘ਕਚ੍ਚਿ ਪਨ ਵੋ, ਭਿਕ੍ਖਵੇ, ਭੂਤ’’ਨ੍ਤਿ? ‘‘ਅਭੂਤਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸਾ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਉਦਰਸ੍ਸ ਕਾਰਣਾ ਗਿਹੀਨਂ ਅਞ੍ਞਮਞ੍ਞਸ੍ਸ ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਵਣ੍ਣਂ ਭਾਸਿਸ੍ਸਥ! ਵਰਂ ਤੁਮ੍ਹੇਹਿ, ਮੋਘਪੁਰਿਸਾ, ਤਿਣ੍ਹੇਨ ਗੋਵਿਕਨ੍ਤਨੇਨ [ਗੋਵਿਕਤ੍ਤਨੇਨ (ਸੀ. ਕ.)] ਕੁਚ੍ਛਿਂ ਪਰਿਕਨ੍ਤੋ, ਨ ਤ੍ਵੇਵ ਉਦਰਸ੍ਸ ਕਾਰਣਾ ਗਿਹੀਨਂ ਅਞ੍ਞਮਞ੍ਞਸ੍ਸ ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਵਣ੍ਣੋ ਭਾਸਿਤੋ! ਤਂ ਕਿਸ੍ਸ ਹੇਤੁ? ਤਤੋ ਨਿਦਾਨਞ੍ਹਿ, ਮੋਘਪੁਰਿਸਾ, ਮਰਣਂ ਵਾ ਨਿਗਚ੍ਛੇਯ੍ਯ ਮਰਣਮਤ੍ਤਂ ਵਾ ਦੁਕ੍ਖਂ, ਨ ਤ੍ਵੇਵ ਤਪ੍ਪਚ੍ਚਯਾ ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ. ਇਤੋ ਨਿਦਾਨਞ੍ਚ ਖੋ, ਮੋਘਪੁਰਿਸਾ, ਕਾਯਸ੍ਸ ਭੇਦਾ ਪਰਂ ਮਰਣਾ ਅਪਾਯਂ ਦੁਗ੍ਗਤਿਂ ਵਿਨਿਪਾਤਂ ਨਿਰਯਂ ਉਪਪਜ੍ਜੇਯ੍ਯ. ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ’’…ਪੇ… ਵਿਗਰਹਿਤ੍ਵਾ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ –

੧੯੫. ‘‘ਪਞ੍ਚਿਮੇ, ਭਿਕ੍ਖਵੇ, ਮਹਾਚੋਰਾ ਸਨ੍ਤੋ ਸਂਵਿਜ੍ਜਮਾਨਾ ਲੋਕਸ੍ਮਿਂ. ਕਤਮੇ ਪਞ੍ਚ? ਇਧ, ਭਿਕ੍ਖਵੇ, ਏਕਚ੍ਚਸ੍ਸ ਮਹਾਚੋਰਸ੍ਸ ਏਵਂ ਹੋਤਿ – ‘ਕੁਦਾਸ੍ਸੁ ਨਾਮਾਹਂ ਸਤੇਨ ਵਾ ਸਹਸ੍ਸੇਨ ਵਾ ਪਰਿਵੁਤੋ ਗਾਮਨਿਗਮਰਾਜਧਾਨੀਸੁ ਆਹਿਣ੍ਡਿਸ੍ਸਾਮਿ ਹਨਨ੍ਤੋ ਘਾਤੇਨ੍ਤੋ ਛਿਨ੍ਦਨ੍ਤੋ ਛੇਦਾਪੇਨ੍ਤੋ ਪਚਨ੍ਤੋ ਪਾਚੇਨ੍ਤੋ’ਤਿ! ਸੋ ਅਪਰੇਨ ਸਮਯੇਨ ਸਤੇਨ ਵਾ ਸਹਸ੍ਸੇਨ ਵਾ ਪਰਿਵੁਤੋ ਗਾਮਨਿਗਮਰਾਜਧਾਨੀਸੁ ਆਹਿਣ੍ਡਤਿ ਹਨਨ੍ਤੋ ਘਾਤੇਨ੍ਤੋ ਛਿਨ੍ਦਨ੍ਤੋ ਛੇਦਾਪੇਨ੍ਤੋ ਪਚਨ੍ਤੋ ਪਾਚੇਨ੍ਤੋ. ਏਵਮੇਵ ਖੋ, ਭਿਕ੍ਖਵੇ, ਇਧੇਕਚ੍ਚਸ੍ਸ ਪਾਪਭਿਕ੍ਖੁਨੋ ਏਵਂ ਹੋਤਿ – ‘ਕੁਦਾਸ੍ਸੁ ਨਾਮਾਹਂ ਸਤੇਨ ਵਾ ਸਹਸ੍ਸੇਨ ਵਾ ਪਰਿਵੁਤੋ ਗਾਮਨਿਗਮਰਾਜਧਾਨੀਸੁ ਚਾਰਿਕਂ ਚਰਿਸ੍ਸਾਮਿ ਸਕ੍ਕਤੋ ਗਰੁਕਤੋ ਮਾਨਿਤੋ ਪੂਜਿਤੋ ਅਪਚਿਤੋ ਗਹਟ੍ਠਾਨਞ੍ਚੇਵ ਪਬ੍ਬਜਿਤਾਨਞ੍ਚ, ਲਾਭੀ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾਨ’ਨ੍ਤਿ! ਸੋ ਅਪਰੇਨ ਸਮਯੇਨ ਸਤੇਨ ਵਾ ਸਹਸ੍ਸੇਨ ਵਾ ਪਰਿਵੁਤੋ ਗਾਮਨਿਗਮਰਾਜਧਾਨੀਸੁ ਚਾਰਿਕਂ ਚਰਤਿ ਸਕ੍ਕਤੋ ਗਰੁਕਤੋ ਮਾਨਿਤੋ ਪੂਜਿਤੋ ਅਪਚਿਤੋ ਗਹਟ੍ਠਾਨਞ੍ਚੇਵ ਪਬ੍ਬਜਿਤਾਨਞ੍ਚ, ਲਾਭੀ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾਨਂ. ਅਯਂ, ਭਿਕ੍ਖਵੇ, ਪਠਮੋ ਮਹਾਚੋਰੋ ਸਨ੍ਤੋ ਸਂਵਿਜ੍ਜਮਾਨੋ ਲੋਕਸ੍ਮਿਂ.

‘‘ਪੁਨ ਚਪਰਂ, ਭਿਕ੍ਖਵੇ, ਇਧੇਕਚ੍ਚੋ ਪਾਪਭਿਕ੍ਖੁ ਤਥਾਗਤਪ੍ਪਵੇਦਿਤਂ ਧਮ੍ਮਵਿਨਯਂ ਪਰਿਯਾਪੁਣਿਤ੍ਵਾ ਅਤ੍ਤਨੋ ਦਹਤਿ. ਅਯਂ, ਭਿਕ੍ਖਵੇ, ਦੁਤਿਯੋ ਮਹਾਚੋਰੋ ਸਨ੍ਤੋ ਸਂਵਿਜ੍ਜਮਾਨੋ ਲੋਕਸ੍ਮਿਂ.

‘‘ਪੁਨ ਚਪਰਂ, ਭਿਕ੍ਖਵੇ, ਇਧੇਕਚ੍ਚੋ ਪਾਪਭਿਕ੍ਖੁ ਸੁਦ੍ਧਂ ਬ੍ਰਹ੍ਮਚਾਰਿਂ ਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਨ੍ਤਂ ਅਮੂਲਕੇਨ ਅਬ੍ਰਹ੍ਮਚਰਿਯੇਨ ਅਨੁਦ੍ਧਂਸੇਤਿ. ਅਯਂ, ਭਿਕ੍ਖਵੇ, ਤਤਿਯੋ ਮਹਾਚੋਰੋ ਸਨ੍ਤੋ ਸਂਵਿਜ੍ਜਮਾਨੋ ਲੋਕਸ੍ਮਿਂ.

‘‘ਪੁਨ ਚਪਰਂ, ਭਿਕ੍ਖਵੇ, ਇਧੇਕਚ੍ਚੋ ਪਾਪਭਿਕ੍ਖੁ ਯਾਨਿ ਤਾਨਿ ਸਙ੍ਘਸ੍ਸ ਗਰੁਭਣ੍ਡਾਨਿ ਗਰੁਪਰਿਕ੍ਖਾਰਾਨਿ, ਸੇਯ੍ਯਥਿਦਂ – ਆਰਾਮੋ ਆਰਾਮਵਤ੍ਥੁ ਵਿਹਾਰੋ ਵਿਹਾਰਵਤ੍ਥੁ ਮਞ੍ਚੋ ਪੀਠਂ ਭਿਸਿ ਬਿਮ੍ਬੋਹਨਂ [ਬਿਮ੍ਬੋਹਨਂ (ਸੀ. ਸ੍ਯਾ.)] ਲੋਹਕੁਮ੍ਭੀ ਲੋਹਭਾਣਕਂ ਲੋਹਵਾਰਕੋ ਲੋਹਕਟਾਹਂ ਵਾਸੀ ਪਰਸੁ [ਫਰਸੁ (ਸੀ. ਸ੍ਯਾ.)] ਕੁਠਾਰੀ ਕੁਦਾਲੋ ਨਿਖਾਦਨਂ ਵਲ੍ਲਿ ਵੇਲ਼ੁ ਮੁਞ੍ਜਂ ਪਬ੍ਬਜਂ ਤਿਣਂ ਮਤ੍ਤਿਕਾ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ, ਤੇਹਿ ਗਿਹੀਂ ਸਙ੍ਗਣ੍ਹਾਤਿ ਉਪਲਾਪੇਤਿ. ਅਯਂ, ਭਿਕ੍ਖਵੇ, ਚਤੁਤ੍ਥੋ ਮਹਾਚੋਰੋ ਸਨ੍ਤੋ ਸਂਵਿਜ੍ਜਮਾਨੋ ਲੋਕਸ੍ਮਿਂ.

‘‘ਸਦੇਵਕੇ, ਭਿਕ੍ਖਵੇ, ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇਵਮਨੁਸ੍ਸਾਯ ਅਯਂ ਅਗ੍ਗੋ ਮਹਾਚੋਰੋ ਯੋ ਅਸਨ੍ਤਂ ਅਭੂਤਂ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਤਂ ਕਿਸ੍ਸ ਹੇਤੁ? ਥੇਯ੍ਯਾਯ ਵੋ, ਭਿਕ੍ਖਵੇ, ਰਟ੍ਠਪਿਣ੍ਡੋ ਭੁਤ੍ਤੋ’’ਤਿ.

[ਸਂ. ਨਿ. ੧.੩੫] ਅਞ੍ਞਥਾ ਸਨ੍ਤਮਤ੍ਤਾਨਂ, ਅਞ੍ਞਥਾ ਯੋ ਪਵੇਦਯੇ;

ਨਿਕਚ੍ਚ ਕਿਤਵਸ੍ਸੇਵ, ਭੁਤ੍ਤਂ ਥੇਯ੍ਯੇਨ ਤਸ੍ਸ ਤਂ.

[ਧ. ਪ. ੩੦੭ ਧਮ੍ਮਪਦੇਪਿ] ਕਾਸਾਵਕਣ੍ਠਾ ਬਹਵੋ, ਪਾਪਧਮ੍ਮਾ ਅਸਞ੍ਞਤਾ;

ਪਾਪਾ ਪਾਪੇਹਿ ਕਮ੍ਮੇਹਿ, ਨਿਰਯਂ ਤੇ ਉਪਪਜ੍ਜਰੇ.

[ਧ. ਪ. ੩੦੭ ਧਮ੍ਮਪਦੇਪਿ] ਸੇਯ੍ਯੋ ਅਯੋਗੁਲ਼ੋ ਭੁਤ੍ਤੋ, ਤਤ੍ਤੋ ਅਗ੍ਗਿਸਿਖੂਪਮੋ;

ਯਞ੍ਚੇ ਭੁਞ੍ਜੇਯ੍ਯ ਦੁਸ੍ਸੀਲੋ, ਰਟ੍ਠਪਿਣ੍ਡਂ ਅਸਞ੍ਞਤੋਤਿ.

ਅਥ ਖੋ ਭਗਵਾ ਤੇ ਵਗ੍ਗੁਮੁਦਾਤੀਰਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਦੁਬ੍ਭਰਤਾਯ ਦੁਪ੍ਪੋਸਤਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

‘‘ਯੋ ਪਨ ਭਿਕ੍ਖੁ ਅਨਭਿਜਾਨਂ ਉਤ੍ਤਰਿਮਨੁਸ੍ਸਧਮ੍ਮਂ ਅਤ੍ਤੁਪਨਾਯਿਕਂ ਅਲਮਰਿਯਞਾਣਦਸ੍ਸਨਂ ਸਮੁਦਾਚਰੇਯ੍ਯ – ‘ਇਤਿ ਜਾਨਾਮਿ ਇਤਿ ਪਸ੍ਸਾਮੀ’ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਆਪਨ੍ਨੋ ਵਿਸੁਦ੍ਧਾਪੇਕ੍ਖੋ ਏਵਂ ਵਦੇਯ੍ਯ – ‘ਅਜਾਨਮੇਵਂ, ਆਵੁਸੋ, ਅਵਚਂ ਜਾਨਾਮਿ, ਅਪਸ੍ਸਂ ਪਸ੍ਸਾਮਿ. ਤੁਚ੍ਛਂ ਮੁਸਾ ਵਿਲਪਿ’ਨ੍ਤਿ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੧੯੬. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਅਦਿਟ੍ਠੇ ਦਿਟ੍ਠਸਞ੍ਞਿਨੋ ਅਪਤ੍ਤੇ ਪਤ੍ਤਸਞ੍ਞਿਨੋ ਅਨਧਿਗਤੇ ਅਧਿਗਤਸਞ੍ਞਿਨੋ ਅਸਚ੍ਛਿਕਤੇ ਸਚ੍ਛਿਕਤਸਞ੍ਞਿਨੋ ਅਧਿਮਾਨੇਨ ਅਞ੍ਞਂ ਬ੍ਯਾਕਰਿਂਸੁ. ਤੇਸਂ ਅਪਰੇਨ ਸਮਯੇਨ ਰਾਗਾਯਪਿ ਚਿਤ੍ਤਂ ਨਮਤਿ ਦੋਸਾਯਪਿ ਚਿਤ੍ਤਂ ਨਮਤਿ ਮੋਹਾਯਪਿ ਚਿਤ੍ਤਂ ਨਮਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ. ਮਯਞ੍ਚਮ੍ਹ ਅਦਿਟ੍ਠੇ ਦਿਟ੍ਠਸਞ੍ਞਿਨੋ ਅਪਤ੍ਤੇ ਪਤ੍ਤਸਞ੍ਞਿਨੋ ਅਨਧਿਗਤੇ ਅਧਿਗਤਸਞ੍ਞਿਨੋ ਅਸਚ੍ਛਿਕਤੇ ਸਚ੍ਛਿਕਤਸਞ੍ਞਿਨੋ, ਅਧਿਮਾਨੇਨ ਅਞ੍ਞਂ ਬ੍ਯਾਕਰਿਮ੍ਹਾ. ਕਚ੍ਚਿ ਨੁ ਖੋ ਮਯਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨਾ’’ਤਿ? ਤੇ ਆਯਸ੍ਮਤੋ ਆਨਨ੍ਦਸ੍ਸ ਏਤਮਤ੍ਥਂ ਆਰੋਚੇਸੁਂ. ਆਯਸ੍ਮਾ ਆਨਨ੍ਦੋ ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਹੋਨ੍ਤਿ ਯੇ ਤੇ, ਆਨਨ੍ਦ [ਹੋਨ੍ਤਿ ਯੇਵਾਨਨ੍ਦ (ਸ੍ਯਾ.), ਹੋਨ੍ਤਿ ਤੇ ਆਨਨ੍ਦ (ਸੀ.)], ਭਿਕ੍ਖੂ ਅਦਿਟ੍ਠੇ ਦਿਟ੍ਠਸਞ੍ਞਿਨੋ ਅਪਤ੍ਤੇ ਪਤ੍ਤਸਞ੍ਞਿਨੋ ਅਨਧਿਗਤੇ ਅਧਿਗਤਸਞ੍ਞਿਨੋ ਅਸਚ੍ਛਿਕਤੇ ਸਚ੍ਛਿਕਤਸਞ੍ਞਿਨੋ ਅਧਿਮਾਨੇਨ ਅਞ੍ਞਂ ਬ੍ਯਾਕਰੋਨ੍ਤਿ. ਤਞ੍ਚ ਖੋ ਏਤਂ ਅਬ੍ਬੋਹਾਰਿਕ’’ਨ੍ਤਿ.

‘‘ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੧੯੭. ‘‘ਯੋ ਪਨ ਭਿਕ੍ਖੁ ਅਨਭਿਜਾਨਂ ਉਤ੍ਤਰਿਮਨੁਸ੍ਸਧਮ੍ਮਂ ਅਤ੍ਤੁਪਨਾਯਿਕਂ ਅਲਮਰਿਯਞਾਣਦਸ੍ਸਨਂ ਸਮੁਦਾਚਰੇਯ੍ਯ – ‘ਇਤਿ ਜਾਨਾਮਿ ਇਤਿ ਪਸ੍ਸਾਮੀ’ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਆਪਨ੍ਨੋ ਵਿਸੁਦ੍ਧਾਪੇਕ੍ਖੋ ਏਵਂ ਵਦੇਯ੍ਯ – ‘ਅਜਾਨਮੇਵਂ, ਆਵੁਸੋ, ਅਵਚਂ ਜਾਨਾਮਿ, ਅਪਸ੍ਸਂ ਪਸ੍ਸਾਮਿ. ਤੁਚ੍ਛਂ ਮੁਸਾ ਵਿਲਪਿ’ਨ੍ਤਿ, ਅਞ੍ਞਤ੍ਰ ਅਧਿਮਾਨਾ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ’’ਤਿ.

੧੯੮. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਅਨਭਿਜਾਨਨ੍ਤਿ ਅਸਨ੍ਤਂ ਅਭੂਤਂ ਅਸਂਵਿਜ੍ਜਮਾਨਂ ਅਜਾਨਨ੍ਤੋ ਅਪਸ੍ਸਨ੍ਤੋ ਅਤ੍ਤਨਿ ਕੁਸਲਂ ਧਮ੍ਮਂ – ਅਤ੍ਥਿ ਮੇ ਕੁਸਲੋ ਧਮ੍ਮੋਤਿ.

[ਪਾਚਿ. ੭੦] ਉਤ੍ਤਰਿਮਨੁਸ੍ਸਧਮ੍ਮੋ ਨਾਮ ਝਾਨਂ ਵਿਮੋਕ੍ਖੋ [ਵਿਮੋਕ੍ਖਂ (ਸੀ. ਸ੍ਯਾ.)] ਸਮਾਧਿ ਸਮਾਪਤ੍ਤਿ ਞਾਣਦਸ੍ਸਨਂ ਮਗ੍ਗਭਾਵਨਾ ਫਲਸਚ੍ਛਿਕਿਰਿਯਾ ਕਿਲੇਸਪ੍ਪਹਾਨਂ ਵਿਨੀਵਰਣਤਾ ਚਿਤ੍ਤਸ੍ਸ ਸੁਞ੍ਞਾਗਾਰੇ ਅਭਿਰਤਿ.

ਅਤ੍ਤੁਪਨਾਯਿਕਨ੍ਤਿ ਤੇ ਵਾ ਕੁਸਲੇ ਧਮ੍ਮੇ ਅਤ੍ਤਨਿ ਉਪਨੇਤਿ ਅਤ੍ਤਾਨਂ ਵਾ ਤੇਸੁ ਕੁਸਲੇਸੁ ਧਮ੍ਮੇਸੁ ਉਪਨੇਤਿ.

ਞਾਣਨ੍ਤਿ ਤਿਸ੍ਸੋ ਵਿਜ੍ਜਾ. ਦਸ੍ਸਨਨ੍ਤਿ ਯਂ ਞਾਣਂ ਤਂ ਦਸ੍ਸਨਂ. ਯਂ ਦਸ੍ਸਨਂ ਤਂ ਞਾਣਂ.

ਸਮੁਦਾਚਰੇਯ੍ਯਾਤਿ ਆਰੋਚੇਯ੍ਯ ਇਤ੍ਥਿਯਾ ਵਾ ਪੁਰਿਸਸ੍ਸ ਵਾ ਗਹਟ੍ਠਸ੍ਸ ਵਾ ਪਬ੍ਬਜਿਤਸ੍ਸ ਵਾ.

ਇਤਿ ਜਾਨਾਮਿ ਇਤਿ ਪਸ੍ਸਾਮੀਤਿ ਜਾਨਾਮਹਂ ਏਤੇ ਧਮ੍ਮੇ, ਪਸ੍ਸਾਮਹਂ ਏਤੇ ਧਮ੍ਮੇ ਅਤ੍ਥਿ ਚ ਏਤੇ ਧਮ੍ਮਾ ਮਯਿ, ਅਹਞ੍ਚ ਏਤੇਸੁ ਧਮ੍ਮੇਸੁ ਸਨ੍ਦਿਸ੍ਸਾਮੀਤਿ.

ਤਤੋ ਅਪਰੇਨ ਸਮਯੇਨਾਤਿ ਯਸ੍ਮਿਂ ਖਣੇ ਸਮੁਦਾਚਿਣ੍ਣਂ ਹੋਤਿ ਤਂ ਖਣਂ ਤਂ ਲਯਂ ਤਂ ਮੁਹੁਤ੍ਤਂ ਵੀਤਿਵਤ੍ਤੇ.

ਸਮਨੁਗ੍ਗਾਹੀਯਮਾਨੋਤਿ ਯਂ ਵਤ੍ਥੁ ਪਟਿਞ੍ਞਾਤਂ ਹੋਤਿ ਤਸ੍ਮਿਂ ਵਤ੍ਥੁਸ੍ਮਿਂ ਸਮਨੁਗ੍ਗਾਹੀਯਮਾਨੋ – ‘‘ਕਿਨ੍ਤੇ ਅਧਿਗਤਂ, ਕਿਨ੍ਤਿ ਤੇ ਅਧਿਗਤਂ, ਕਦਾ ਤੇ ਅਧਿਗਤਂ, ਕਤ੍ਥ ਤੇ ਅਧਿਗਤਂ, ਕਤਮੇ ਤੇ ਕਿਲੇਸਾ ਪਹੀਨਾ, ਕਤਮੇਸਂ ਤ੍ਵਂ ਧਮ੍ਮਾਨਂ ਲਾਭੀ’’ਤਿ.

ਅਸਮਨੁਗ੍ਗਾਹੀਯਮਾਨੋਤਿ ਨ ਕੇਨਚਿ ਵੁਚ੍ਚਮਾਨੋ.

ਆਪਨ੍ਨੋਤਿ ਪਾਪਿਚ੍ਛੋ ਇਚ੍ਛਾਪਕਤੋ ਅਸਨ੍ਤਂ ਅਭੂਤਂ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਿਤ੍ਵਾ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ ਹੋਤਿ.

ਵਿਸੁਦ੍ਧਾਪੇਕ੍ਖੋਤਿ ਗਿਹੀ ਵਾ ਹੋਤੁਕਾਮੋ ਉਪਾਸਕੋ ਵਾ ਹੋਤੁਕਾਮੋ ਆਰਾਮਿਕੋ ਵਾ ਹੋਤੁਕਾਮੋ ਸਾਮਣੇਰੋ ਵਾ ਹੋਤੁਕਾਮੋ.

ਅਜਾਨਮੇਵਂ, ਆਵੁਸੋ, ਅਵਚਂ – ਜਾਨਾਮਿ, ਅਪਸ੍ਸਂ ਪਸ੍ਸਾਮੀਤਿ ਨਾਹਂ ਏਤੇ ਧਮ੍ਮੇ ਜਾਨਾਮਿ, ਨਾਹਂ ਏਤੇ ਧਮ੍ਮੇ ਪਸ੍ਸਾਮਿ, ਨਤ੍ਥਿ ਚ ਏਤੇ ਧਮ੍ਮਾ ਮਯਿ, ਨ ਚਾਹਂ ਏਤੇਸੁ ਧਮ੍ਮੇਸੁ ਸਨ੍ਦਿਸ੍ਸਾਮੀਤਿ.

ਤੁਚ੍ਛਂ ਮੁਸਾ ਵਿਲਪਿਨ੍ਤਿ ਤੁਚ੍ਛਕਂ ਮਯਾ ਭਣਿਤਂ, ਮੁਸਾ ਮਯਾ ਭਣਿਤਂ, ਅਭੂਤਂ ਮਯਾ ਭਣਿਤਂ, ਅਜਾਨਨ੍ਤੇਨ ਮਯਾ ਭਣਿਤਂ.

ਅਞ੍ਞਤ੍ਰ ਅਧਿਮਾਨਾਤਿ ਠਪੇਤ੍ਵਾ ਅਧਿਮਾਨਂ.

ਅਯਮ੍ਪੀਤਿ ਪੁਰਿਮੇ ਉਪਾਦਾਯ ਵੁਚ੍ਚਤਿ.

ਪਾਰਾਜਿਕੋ ਹੋਤੀਤਿ ਸੇਯ੍ਯਥਾਪਿ ਨਾਮ ਤਾਲੋ ਮਤ੍ਥਕਚ੍ਛਿਨ੍ਨੋ ਅਭਬ੍ਬੋ ਪੁਨ ਵਿਰੂਲ਼੍ਹਿਯਾ, ਏਵਮੇਵ ਭਿਕ੍ਖੁ ਪਾਪਿਚ੍ਛੋ ਇਚ੍ਛਾਪਕਤੋ ਅਸਨ੍ਤਂ ਅਭੂਤਂ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਿਤ੍ਵਾ ਅਸ੍ਸਮਣੋ ਹੋਤਿ ਅਸਕ੍ਯਪੁਤ੍ਤਿਯੋ. ਤੇਨ ਵੁਚ੍ਚਤਿ – ‘‘ਪਾਰਾਜਿਕੋ ਹੋਤੀ’’ਤਿ.

ਅਸਂਵਾਸੋਤਿ ਸਂਵਾਸੋ ਨਾਮ ਏਕਕਮ੍ਮਂ ਏਕੁਦ੍ਦੇਸੋ ਸਮਸਿਕ੍ਖਤਾ – ਏਸੋ ਸਂਵਾਸੋ ਨਾਮ. ਸੋ ਤੇਨ ਸਦ੍ਧਿਂ ਨਤ੍ਥਿ. ਤੇਨ ਵੁਚ੍ਚਤਿ – ‘‘ਅਸਂਵਾਸੋ’’ਤਿ.

੧੯੯. ਉਤ੍ਤਰਿਮਨੁਸ੍ਸਧਮ੍ਮੋ ਨਾਮ ਝਾਨਂ ਵਿਮੋਕ੍ਖੋ ਸਮਾਧਿ ਸਮਾਪਤ੍ਤਿ ਞਾਣਦਸ੍ਸਨਂ ਮਗ੍ਗਭਾਵਨਾ ਫਲਸਚ੍ਛਿਕਿਰਿਯਾ ਕਿਲੇਸਪ੍ਪਹਾਨਂ ਵਿਨੀਵਰਣਤਾ ਚਿਤ੍ਤਸ੍ਸ ਸੁਞ੍ਞਾਗਾਰੇ ਅਭਿਰਤਿ.

[ਪਾਚਿ. ੭੦] ਝਾਨਨ੍ਤਿ ਪਠਮਂ ਝਾਨਂ ਦੁਤਿਯਂ ਝਾਨਂ ਤਤਿਯਂ ਝਾਨਂ ਚਤੁਤ੍ਥਂ ਝਾਨਂ.

[ਪਾਚਿ. ੭੦] ਵਿਮੋਕ੍ਖੋਤਿ ਸੁਞ੍ਞਤੋ ਵਿਮੋਕ੍ਖੋ ਅਨਿਮਿਤ੍ਤੋ ਵਿਮੋਕ੍ਖੋ ਅਪ੍ਪਣਿਹਿਤੋ ਵਿਮੋਕ੍ਖੋ.

[ਪਾਚਿ. ੭੦] ਸਮਾਧੀਤਿ ਸੁਞ੍ਞਤੋ ਸਮਾਧਿ ਅਨਿਮਿਤ੍ਤੋ ਸਮਾਧਿ ਅਪ੍ਪਣਿਹਿਤੋ ਸਮਾਧਿ.

[ਪਾਚਿ. ੭੦] ਸਮਾਪਤ੍ਤੀਤਿ ਸੁਞ੍ਞਤਾ ਸਮਾਪਤ੍ਤਿ ਅਨਿਮਿਤ੍ਤਾ ਸਮਾਪਤ੍ਤਿ ਅਪ੍ਪਣਿਹਿਤਾ ਸਮਾਪਤ੍ਤਿ.

[ਪਾਚਿ. ੭੦] ਞਾਣਦਸ੍ਸਨਨ੍ਤਿ ਤਿਸ੍ਸੋ ਵਿਜ੍ਜਾ.

[ਪਾਚਿ. ੭੦] ਮਗ੍ਗਭਾਵਨਾਤਿ ਚਤ੍ਤਾਰੋ ਸਤਿਪਟ੍ਠਾਨਾ, ਚਤ੍ਤਾਰੋ ਸਮ੍ਮਪ੍ਪਧਾਨਾ, ਚਤ੍ਤਾਰੋ ਇਦ੍ਧਿਪਾਦਾ, ਪਞ੍ਚਿਨ੍ਦ੍ਰਿਯਾਨਿ, ਪਞ੍ਚ ਬਲਾਨਿ, ਸਤ੍ਤ ਬੋਜ੍ਝਙ੍ਗਾ, ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ.

[ਪਾਚਿ. ੭੦] ਫਲਸਚ੍ਛਿਕਿਰਿਯਾਤਿ ਸੋਤਾਪਤ੍ਤਿਫਲਸ੍ਸ ਸਚ੍ਛਿਕਿਰਿਯਾ, ਸਕਦਾਗਾਮਿਫਲਸ੍ਸ ਸਚ੍ਛਿਕਿਰਿਯਾ, ਅਨਾਗਾਮਿਫਲਸ੍ਸ ਸਚ੍ਛਿਕਿਰਿਯਾ, ਅਰਹਤ੍ਤਸ੍ਸ [ਅਰਹਤ੍ਤਫਲਸ੍ਸ (ਸ੍ਯਾ.)] ਸਚ੍ਛਿਕਿਰਿਯਾ.

[ਪਾਚਿ. ੭੦] ਕਿਲੇਸਪ੍ਪਹਾਨਨ੍ਤਿ ਰਾਗਸ੍ਸ ਪਹਾਨਂ ਦੋਸਸ੍ਸ ਪਹਾਨਂ ਮੋਹਸ੍ਸ ਪਹਾਨਂ.

[ਪਾਚਿ. ੭੦] ਵਿਨੀਵਰਣਤਾ ਚਿਤ੍ਤਸ੍ਸਾਤਿ ਰਾਗਾ ਚਿਤ੍ਤਂ ਵਿਨੀਵਰਣਤਾ, ਦੋਸਾ ਚਿਤ੍ਤਂ ਵਿਨੀਵਰਣਤਾ, ਮੋਹਾ ਚਿਤ੍ਤਂ ਵਿਨੀਵਰਣਤਾ.

[ਪਾਚਿ. ੭੦] ਸੁਞ੍ਞਾਗਾਰੇ ਅਭਿਰਤੀਤਿ ਪਠਮੇਨ ਝਾਨੇਨ ਸੁਞ੍ਞਾਗਾਰੇ ਅਭਿਰਤਿ, ਦੁਤਿਯੇਨ ਝਾਨੇਨ ਸੁਞ੍ਞਾਗਾਰੇ ਅਭਿਰਤਿ, ਤਤਿਯੇਨ ਝਾਨੇਨ ਸੁਞ੍ਞਾਗਾਰੇ ਅਭਿਰਤਿ, ਚਤੁਤ੍ਥੇਨ ਝਾਨੇਨ ਸੁਞ੍ਞਾਗਾਰੇ ਅਭਿਰਤਿ.

੨੦੦. ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ, ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੧. ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਾਮੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਾਮੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਾਮੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਾਮੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਾਮੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੨. ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਨ੍ਨੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਂ ਝਾਨਂ ਸਮਾਪਨ੍ਨੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਂ ਝਾਨਂ ਸਮਾਪਨ੍ਨੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਂ ਝਾਨਂ ਸਮਾਪਨ੍ਨੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਂ ਝਾਨਂ ਸਮਾਪਨ੍ਨੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੩. ਤੀਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਲਾਭੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਲਾਭੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਲਾਭੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਲਾਭੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਲਾਭੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੪. ਤੀਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਵਸੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਵਸੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਵਸੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਵਸੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਸ੍ਸ ਝਾਨਸ੍ਸ ਵਸੀਮ੍ਹੀਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੫. ਤੀਹਾਕਾਰੇਹਿ ਪਠਮਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ.

ਚਤੂਹਾਕਾਰੇਹਿ ਪਠਮਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ.

ਪਞ੍ਚਹਾਕਾਰੇਹਿ ਪਠਮਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ.

ਛਹਾਕਾਰੇਹਿ ਪਠਮਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ.

ਸਤ੍ਤਹਾਕਾਰੇਹਿ ਪਠਮਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਯਥਾ ਇਦਂ ਪਠਮਂ ਝਾਨਂ ਵਿਤ੍ਥਾਰਿਤਂ ਤਂ ਸਬ੍ਬਮ੍ਪਿ ਵਿਤ੍ਥਾਰੇਤਬ੍ਬਂ.

੨੦੬. ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਦੁਤਿਯਂ ਝਾਨਂ…ਪੇ… ਤਤਿਯਂ ਝਾਨਂ…ਪੇ… ਚਤੁਤ੍ਥਂ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਚਤੁਤ੍ਥਸ੍ਸ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਚਤੁਤ੍ਥਂ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

੨੦੭. ਤੀਹਾਕਾਰੇਹਿ ਸੁਞ੍ਞਤਂ ਵਿਮੋਕ੍ਖਂ… ਅਨਿਮਿਤ੍ਤਂ ਵਿਮੋਕ੍ਖਂ… ਅਪ੍ਪਣਿਹਿਤਂ ਵਿਮੋਕ੍ਖਂ… ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਅਪ੍ਪਣਿਹਿਤਸ੍ਸ ਵਿਮੋਕ੍ਖਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਅਪ੍ਪਣਿਹਿਤੋ ਵਿਮੋਕ੍ਖੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ…ਪੇ….

ਤੀਹਾਕਾਰੇਹਿ ਸੁਞ੍ਞਤਂ ਸਮਾਧਿਂ… ਅਨਿਮਿਤ੍ਤਂ ਸਮਾਧਿਂ… ਅਪ੍ਪਣਿਹਿਤਂ ਸਮਾਧਿਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਅਪ੍ਪਣਿਹਿਤਸ੍ਸ ਸਮਾਧਿਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਅਪ੍ਪਣਿਹਿਤੋ ਸਮਾਧਿ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਸੁਞ੍ਞਤਂ ਸਮਾਪਤ੍ਤਿਂ… ਅਨਿਮਿਤ੍ਤਂ ਸਮਾਪਤ੍ਤਿਂ… ਅਪ੍ਪਣਿਹਿਤਂ ਸਮਾਪਤ੍ਤਿਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਅਪ੍ਪਣਿਹਿਤਾਯ ਸਮਾਪਤ੍ਤਿਯਾ ਲਾਭੀਮ੍ਹਿ… ਵਸੀਮ੍ਹਿ… ਅਪ੍ਪਣਿਹਿਤਾ ਸਮਾਪਤ੍ਤਿ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਤਿਸ੍ਸੋ ਵਿਜ੍ਜਾ ਸਮਾਪਜ੍ਜਿਂ… ਸਮਾਪਜ੍ਜਾਮਿ ਸਮਾਪਨ੍ਨੋ… ਤਿਸ੍ਸਨ੍ਨਂ ਵਿਜ੍ਜਾਨਂ ਲਾਭੀਮ੍ਹਿ… ਵਸੀਮ੍ਹਿ… ਤਿਸ੍ਸੋ ਵਿਜ੍ਜਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਚਤ੍ਤਾਰੋ ਸਤਿਪਟ੍ਠਾਨੇ… ਚਤ੍ਤਾਰੋ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਇਦ੍ਧਿਪਾਦੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਚਤੁਨ੍ਨਂ ਇਦ੍ਧਿਪਾਦਾਨਂ ਲਾਭੀਮ੍ਹਿ… ਵਸੀਮ੍ਹਿ… ਚਤ੍ਤਾਰੋ ਇਦ੍ਧਿਪਾਦਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਞ੍ਚਿਨ੍ਦ੍ਰਿਯਾਨਿ… ਪਞ੍ਚ ਬਲਾਨਿ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ … ਪਞ੍ਚਨ੍ਨਂ ਬਲਾਨਂ ਲਾਭੀਮ੍ਹਿ… ਵਸੀਮ੍ਹਿ… ਪਞ੍ਚਬਲਾਨਿ ਸਚ੍ਛਿਕਤਾਨਿ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਸਤ੍ਤ ਬੋਜ੍ਝਙ੍ਗੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਸਤ੍ਤਨ੍ਨਂ ਬੋਜ੍ਝਙ੍ਗਾਨਂ ਲਾਭੀਮ੍ਹਿ… ਵਸੀਮ੍ਹਿ… ਸਤ੍ਤ ਬੋਜ੍ਝਙ੍ਗਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਅਰਿਯਂ ਅਟ੍ਠਙ੍ਗਿਕਂ ਮਗ੍ਗਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਅਰਿਯਸ੍ਸ ਅਟ੍ਠਙ੍ਗਿਕਸ੍ਸ ਮਗ੍ਗਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਅਰਿਯੋ ਅਟ੍ਠਙ੍ਗਿਕੋ ਮਗ੍ਗੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਸੋਤਾਪਤ੍ਤਿਫਲਂ… ਸਕਦਾਗਾਮਿਫਲਂ… ਅਨਾਗਾਮਿਫਲਂ… ਅਰਹਤ੍ਤਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਅਰਹਤ੍ਤਸ੍ਸ ਲਾਭੀਮ੍ਹਿ ਵਸੀਮ੍ਹਿ ਅਰਹਤ੍ਤਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਰਾਗੋ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਦੋਸੋ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹੋ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਰਾਗਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਦੋਸਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ …ਪੇ… ਸਤ੍ਤਹਾਕਾਰੇਹਿ ਮੋਹਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ – ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਸੁਦ੍ਧਿਕਂ ਨਿਟ੍ਠਿਤਂ.

੨੦੮. ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਦੁਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ…ਪੇ….

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਤਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਤਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਤਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਚਤੁਤ੍ਥਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸੁਞ੍ਞਤਞ੍ਚ ਵਿਮੋਕ੍ਖਂ… ਪਠਮਞ੍ਚ ਝਾਨਂ ਅਨਿਮਿਤ੍ਤਞ੍ਚ ਵਿਮੋਕ੍ਖਂ… ਪਠਮਞ੍ਚ ਝਾਨਂ ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਅਪ੍ਪਣਿਹਿਤਸ੍ਸ ਚ ਵਿਮੋਕ੍ਖਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਅਪ੍ਪਣਿਹਿਤੋ ਚ ਵਿਮੋਕ੍ਖੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸੁਞ੍ਞਤਞ੍ਚ ਸਮਾਧਿਂ… ਪਠਮਞ੍ਚ ਝਾਨਂ ਅਨਿਮਿਤ੍ਤਞ੍ਚ ਸਮਾਧਿਂ… ਪਠਮਞ੍ਚ ਝਾਨਂ ਅਪ੍ਪਣਿਹਿਤਞ੍ਚ ਸਮਾਧਿਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ ਪਠਮਸ੍ਸ ਚ ਝਾਨਸ੍ਸ ਅਪ੍ਪਣਿਹਿਤਸ੍ਸ ਚ ਸਮਾਧਿਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਅਪ੍ਪਣਿਹਿਤੋ ਚ ਸਮਾਧਿ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸੁਞ੍ਞਤਞ੍ਚ ਸਮਾਪਤ੍ਤਿਂ… ਪਠਮਞ੍ਚ ਝਾਨਂ ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ… ਪਠਮਞ੍ਚ ਝਾਨਂ ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ ਪਠਮਸ੍ਸ ਚ ਝਾਨਸ੍ਸ ਅਪ੍ਪਣਿਹਿਤਾਯ ਚ ਸਮਾਪਤ੍ਤਿਯਾ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਅਪ੍ਪਣਿਹਿਤਾ ਚ ਸਮਾਪਤ੍ਤਿ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਤਿਸ੍ਸੋ ਚ ਵਿਜ੍ਜਾ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਤਿਸ੍ਸਨ੍ਨਞ੍ਚ ਵਿਜ੍ਜਾਨਂ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਤਿਸ੍ਸੋ ਚ ਵਿਜ੍ਜਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਚਤ੍ਤਾਰੋ ਚ ਸਤਿਪਟ੍ਠਾਨੇ… ਪਠਮਞ੍ਚ ਝਾਨਂ ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ… ਪਠਮਞ੍ਚ ਝਾਨਂ ਚਤ੍ਤਾਰੋ ਚ ਇਦ੍ਧਿਪਾਦੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਚਤੁਨ੍ਨਞ੍ਚ ਇਦ੍ਧਿਪਾਦਾਨਂ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਚਤ੍ਤਾਰੋ ਚ ਇਦ੍ਧਿਪਾਦਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਪਞ੍ਚ ਚ ਇਨ੍ਦ੍ਰਿਯਾਨਿ… ਪਠਮਞ੍ਚ ਝਾਨਂ ਪਞ੍ਚ ਚ ਬਲਾਨਿ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਪਞ੍ਚਨ੍ਨਞ੍ਚ ਬਲਾਨਂ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਪਞ੍ਚ ਚ ਬਲਾਨਿ ਸਚ੍ਛਿਕਤਾਨਿ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੨੦੯. ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸਤ੍ਤ ਚ ਬੋਜ੍ਝਙ੍ਗੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਸਤ੍ਤਨ੍ਨਞ੍ਚ ਬੋਜ੍ਝਙ੍ਗਾਨਂ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਸਤ੍ਤ ਚ ਬੋਜ੍ਝਙ੍ਗਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਅਰਿਯਸ੍ਸ ਚ ਅਟ੍ਠਙ੍ਗਿਕਸ੍ਸ ਮਗ੍ਗਸ੍ਸ ਲਾਭੀਮ੍ਹਿ ਵਸੀਮ੍ਹਿ… ਪਠਮਞ੍ਚ ਝਾਨਂ ਅਰਿਯੋ ਚ ਅਟ੍ਠਙ੍ਗਿਕੋ ਮਗ੍ਗੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸੋਤਾਪਤ੍ਤਿਫਲਞ੍ਚ… ਪਠਮਞ੍ਚ ਝਾਨਂ ਸਕਦਾਗਾਮਿਫਲਞ੍ਚ… ਪਠਮਞ੍ਚ ਝਾਨਂ ਅਨਾਗਾਮਿਫਲਞ੍ਚ… ਪਠਮਞ੍ਚ ਝਾਨਂ ਅਰਹਤ੍ਤਞ੍ਚ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਅਰਹਤ੍ਤਸ੍ਸ ਚ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਅਰਹਤ੍ਤਞ੍ਚ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਪਠਮਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਸਚ੍ਛਿਕਤਂ ਮਯਾ, ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਪਠਮਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਪਠਮਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਪਠਮਞ੍ਚ ਝਾਨਂ ਸਚ੍ਛਿਕਤਂ ਮਯਾ, ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਖਣ੍ਡਚਕ੍ਕਂ ਨਿਟ੍ਠਿਤਂ.

੨੧੦. ਤੀਹਾਕਾਰੇਹਿ ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਦੁਤਿਯਸ੍ਸ ਚ ਝਾਨਸ੍ਸ ਤਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਦੁਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਦੁਤਿਯਸ੍ਸ ਚ ਝਾਨਸ੍ਸ ਚਤੁਤ੍ਥਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਦੁਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਦੁਤਿਯਞ੍ਚ ਝਾਨਂ ਸੁਞ੍ਞਤਞ੍ਚ ਵਿਮੋਕ੍ਖਂ… ਅਨਿਮਿਤ੍ਤਞ੍ਚ ਵਿਮੋਕ੍ਖਂ… ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ… ਸੁਞ੍ਞਤਞ੍ਚ ਸਮਾਧਿਂ… ਅਨਿਮਿਤ੍ਤਞ੍ਚ ਸਮਾਧਿਂ… ਅਪ੍ਪਣਿਹਿਤਞ੍ਚ ਸਮਾਧਿਂ… ਸੁਞ੍ਞਤਞ੍ਚ ਸਮਾਪਤ੍ਤਿਂ… ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ… ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ… ਤਿਸ੍ਸੋ ਚ ਵਿਜ੍ਜਾ… ਚਤ੍ਤਾਰੋ ਚ ਸਤਿਪਟ੍ਠਾਨੇ… ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਚ ਇਦ੍ਧਿਪਾਦੇ… ਪਞ੍ਚ ਚ ਇਨ੍ਦ੍ਰਿਯਾਨਿ… ਪਞ੍ਚ ਚ ਬਲਾਨਿ… ਸਤ੍ਤ ਚ ਬੋਜ੍ਝਙ੍ਗੇ… ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ… ਸੋਤਾਪਤ੍ਤਿਫਲਞ੍ਚ… ਸਕਦਾਗਾਮਿਫਲਞ੍ਚ… ਅਨਾਗਾਮਿਫਲਞ੍ਚ… ਅਰਹਤ੍ਤਞ੍ਚ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਦੁਤਿਯਸ੍ਸ ਚ ਝਾਨਸ੍ਸ ਅਰਹਤ੍ਤਸ੍ਸ ਚ ਲਾਭੀਮ੍ਹਿ… ਵਸੀਮ੍ਹਿ… ਦੁਤਿਯਞ੍ਚ ਝਾਨਂ ਅਰਹਤ੍ਤਞ੍ਚ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਦੁਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਦੁਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਦੁਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾ, ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ …ਪੇ… ਸਤ੍ਤਹਾਕਾਰੇਹਿ ਦੁਤਿਯਞ੍ਚ ਝਾਨਂ ਪਠਮਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਦੁਤਿਯਸ੍ਸ ਚ ਝਾਨਸ੍ਸ ਪਠਮਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਦੁਤਿਯਞ੍ਚ ਝਾਨਂ ਪਠਮਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ…ਪੇ… ਵਿਨਿਧਾਯ ਭਾਵਂ.

ਬਦ੍ਧਚਕ੍ਕਂ.

ਏਵਂ ਏਕੇਕਂ ਮੂਲਂ ਕਾਤੁਨ ਬਦ੍ਧਚਕ੍ਕਂ ਪਰਿਵਤ੍ਤਕਂ ਕਤ੍ਤਬ੍ਬਂ.

ਇਦਂ ਸਂਖਿਤ੍ਤਂ.

੨੧੧. ਤੀਹਾਕਾਰੇਹਿ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ…ਪੇ… ਤਤਿਯਞ੍ਚ ਝਾਨਂ ਅਰਹਤ੍ਤਞ੍ਚ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਤਤਿਯਸ੍ਸ ਚ ਝਾਨਸ੍ਸ ਅਰਹਤ੍ਤਸ੍ਸ ਚ ਲਾਭੀਮ੍ਹਿ… ਵਸੀਮ੍ਹਿ… ਤਤਿਯਞ੍ਚ ਝਾਨਂ ਅਰਹਤ੍ਤਞ੍ਚ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਤਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਤਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਤਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾ, ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਤਤਿਯਞ੍ਚ ਝਾਨਂ ਪਠਮਞ੍ਚ ਝਾਨਂ… ਤਤਿਯਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਤਤਿਯਸ੍ਸ ਚ ਝਾਨਸ੍ਸ ਦੁਤਿਯਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਤਤਿਯਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਠਮਞ੍ਚ ਝਾਨਂ…ਪੇ… ਦੁਤਿਯਞ੍ਚ ਝਾਨਂ… ਤਤਿਯਞ੍ਚ ਝਾਨਂ… ਚਤੁਤ੍ਥਞ੍ਚ ਝਾਨਂ ਸਮਾਪਜ੍ਜਿਂ ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਚਤੁਤ੍ਥਸ੍ਸ ਚ ਝਾਨਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਚਤੁਤ੍ਥਞ੍ਚ ਝਾਨਂ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੨੧੨. ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸੁਞ੍ਞਤਞ੍ਚ ਵਿਮੋਕ੍ਖਂ… ਅਨਿਮਿਤ੍ਤਞ੍ਚ ਵਿਮੋਕ੍ਖਂ… ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤਸ੍ਸ ਚ ਵਿਮੋਕ੍ਖਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤੋ ਚ ਵਿਮੋਕ੍ਖੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸੁਞ੍ਞਤਞ੍ਚ ਸਮਾਧਿਂ… ਅਨਿਮਿਤ੍ਤਞ੍ਚ ਸਮਾਧਿਂ… ਅਪ੍ਪਣਿਹਿਤਞ੍ਚ ਸਮਾਧਿਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤਸ੍ਸ ਚ ਸਮਾਧਿਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤੋ ਚ ਸਮਾਧਿ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸੁਞ੍ਞਤਞ੍ਚ ਸਮਾਪਤ੍ਤਿਂ… ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ… ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ ਸਮਾਪਜ੍ਜਿਂ ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤਾਯ ਚ ਸਮਾਪਤ੍ਤਿਯਾ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਪ੍ਪਣਿਹਿਤਾ ਚ ਸਮਾਪਤ੍ਤਿ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਤਿਸ੍ਸੋ ਚ ਵਿਜ੍ਜਾ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ‘ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਤਿਸ੍ਸਨ੍ਨਞ੍ਚ ਵਿਜ੍ਜਾਨਂ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਤਿਸ੍ਸੋ ਚ ਵਿਜ੍ਜਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਚਤ੍ਤਾਰੋ ਚ ਸਤਿਪਟ੍ਠਾਨੇ… ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਚ ਇਦ੍ਧਿਪਾਦੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਚਤੁਨ੍ਨਞ੍ਚ ਇਦ੍ਧਿਪਾਦਾਨਂ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਚਤ੍ਤਾਰੋ ਚ ਇਦ੍ਧਿਪਾਦਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

੨੧੩. ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਞ੍ਚ ਚ ਇਨ੍ਦ੍ਰਿਯਾਨਿ… ਪਞ੍ਚ ਚ ਬਲਾਨਿ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਞ੍ਚਨ੍ਨਞ੍ਚ ਬਲਾਨਂ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਞ੍ਚ ਚ ਬਲਾਨਿ ਸਚ੍ਛਿਕਤਾਨਿ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸਤ੍ਤ ਚ ਬੋਜ੍ਝਙ੍ਗੇ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸਤ੍ਤਨ੍ਨਞ੍ਚ ਬੋਜ੍ਝਙ੍ਗਾਨਂ ਲਾਭੀਮ੍ਹਿ … ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸਤ੍ਤ ਚ ਬੋਜ੍ਝਙ੍ਗਾ ਸਚ੍ਛਿਕਤਾ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਰਿਯਸ੍ਸ ਚ ਅਟ੍ਠਙ੍ਗਿਕਸ੍ਸ ਮਗ੍ਗਸ੍ਸ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਰਿਯੋ ਚ ਅਟ੍ਠਙ੍ਗਿਕੋ ਮਗ੍ਗੋ ਸਚ੍ਛਿਕਤੋ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਸੋਤਾਪਤ੍ਤਿਫਲਞ੍ਚ… ਸਕਦਾਗਾਮਿਫਲਞ੍ਚ… ਅਨਾਗਾਮਿਫਲਞ੍ਚ… ਅਰਹਤ੍ਤਞ੍ਚ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਰਹਤ੍ਤਸ੍ਸ ਚ ਲਾਭੀਮ੍ਹਿ… ਵਸੀਮ੍ਹਿ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਅਰਹਤ੍ਤਞ੍ਚ ਸਚ੍ਛਿਕਤਂ ਮਯਾਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ, ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਏਕਮੂਲਕਂ ਨਿਟ੍ਠਿਤਂ. [ਏਕਮੂਲਕਂ ਸਙ੍ਖਿਤ੍ਤਂ ਨਿਟ੍ਠਿਤਂ (ਸ੍ਯਾ.)]

ਯਥਾ ਏਕਮੂਲਕਂ ਵਿਤ੍ਥਾਰਿਤਂ ਏਵਮੇਵ ਦੁਮੂਲਕਾਦਿਪਿ ਵਿਤ੍ਥਾਰੇਤਬ੍ਬਂ.

ਇਦਂ ਸਬ੍ਬਮੂਲਕਂ

੨੧੪. ਤੀਹਾਕਾਰੇਹਿ …ਪੇ… ਸਤ੍ਤਹਾਕਾਰੇਹਿ ਪਠਮਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸੁਞ੍ਞਤਞ੍ਚ ਵਿਮੋਕ੍ਖਂ ਅਨਿਮਿਤ੍ਤਞ੍ਚ ਵਿਮੋਕ੍ਖਂ ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ ਸੁਞ੍ਞਤਞ੍ਚ ਸਮਾਧਿਂ ਅਨਿਮਿਤ੍ਤਞ੍ਚ ਸਮਾਧਿਂ ਅਪ੍ਪਣਿਹਿਤਞ੍ਚ ਸਮਾਧਿਂ ਸੁਞ੍ਞਤਞ੍ਚ ਸਮਾਪਤ੍ਤਿਂ ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ ਤਿਸ੍ਸੋ ਚ ਵਿਜ੍ਜਾ ਚਤ੍ਤਾਰੋ ਚ ਸਤਿਪਟ੍ਠਾਨੇ ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ ਚਤ੍ਤਾਰੋ ਚ ਇਦ੍ਧਿਪਾਦੇ ਪਞ੍ਚ ਚ ਇਨ੍ਦ੍ਰਿਯਾਨਿ ਪਞ੍ਚ ਚ ਬਲਾਨਿ ਸਤ੍ਤ ਚ ਬੋਜ੍ਝਙ੍ਗੇ ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ ਸੋਤਾਪਤ੍ਤਿਫਲਞ੍ਚ ਸਕਦਾਗਾਮਿਫਲਞ੍ਚ ਅਨਾਗਾਮਿਫਲਞ੍ਚ ਅਰਹਤ੍ਤਞ੍ਚ ਸਮਾਪਜ੍ਜਿਂ… ਸਮਾਪਜ੍ਜਾਮਿ… ਸਮਾਪਨ੍ਨੋ…ਪੇ… ਰਾਗੋ ਚ ਮੇ ਚਤ੍ਤੋ, ਦੋਸੋ ਚ ਮੇ ਚਤ੍ਤੋ, ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ, ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਂ, ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਸਬ੍ਬਮੂਲਕਂ ਨਿਟ੍ਠਿਤਂ.

ਸੁਦ੍ਧਿਕਵਾਰਕਥਾ ਨਿਟ੍ਠਿਤਾ.

੨੧੫. ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਦੁਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਤਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਚਤੁਤ੍ਥਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ …ਪੇ… ਸਤ੍ਤਹਾਕਾਰੇਹਿ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਸੁਞ੍ਞਤਂ ਵਿਮੋਕ੍ਖਂ… ਅਨਿਮਿਤ੍ਤਂ ਵਿਮੋਕ੍ਖਂ… ਅਪ੍ਪਣਿਹਿਤਂ ਵਿਮੋਕ੍ਖਂ… ਸੁਞ੍ਞਤਂ ਸਮਾਧਿਂ… ਅਨਿਮਿਤ੍ਤਂ ਸਮਾਧਿਂ… ਅਪ੍ਪਣਿਹਿਤਂ ਸਮਾਧਿਂ… ਸੁਞ੍ਞਤਂ ਸਮਾਪਤ੍ਤਿਂ… ਅਨਿਮਿਤ੍ਤਂ ਸਮਾਪਤ੍ਤਿਂ… ਅਪ੍ਪਣਿਹਿਤਂ ਸਮਾਪਤ੍ਤਿਂ… ਤਿਸ੍ਸੋ ਵਿਜ੍ਜਾ… ਚਤ੍ਤਾਰੋ ਸਤਿਪਟ੍ਠਾਨੇ… ਚਤ੍ਤਾਰੋ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਇਦ੍ਧਿਪਾਦੇ… ਪਞ੍ਚਿਨ੍ਦ੍ਰਿਯਾਨਿ… ਪਞ੍ਚ ਬਲਾਨਿ… ਸਤ੍ਤ ਬੋਜ੍ਝਙ੍ਗੇ… ਅਰਿਯਂ ਅਟ੍ਠਙ੍ਗਿਕਂ ਮਗ੍ਗਂ… ਸੋਤਾਪਤ੍ਤਿਫਲਂ… ਸਕਦਾਗਾਮਿਫਲਂ… ਅਨਾਗਾਮਿਫਲਂ… ਅਰਹਤ੍ਤਂ ਸਮਾਪਜ੍ਜਿਂ…ਪੇ… ਰਾਗੋ ਮੇ ਚਤ੍ਤੋ… ਦੋਸੋ ਮੇ ਚਤ੍ਤੋ… ਮੋਹੋ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਮੇ ਚਿਤ੍ਤਂ ਵਿਨੀਵਰਣਂ… ਮੋਹਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਵਤ੍ਥੁਵਿਸਾਰਕਸ੍ਸ ਏਕਮੂਲਕਸ੍ਸ ਖਣ੍ਡਚਕ੍ਕਂ ਨਿਟ੍ਠਿਤਂ.

੨੧੬. ਤੀਹਾਕਾਰੇਹਿ ਦੁਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਤਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ ਦੁਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਚਤੁਤ੍ਥਂ ਝਾਨਂ ਸਮਾਪਜ੍ਜਿਨ੍ਤਿ…ਪੇ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਦੁਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਵਿਨਿਧਾਯ ਭਾਵਂ.

ਵਤ੍ਥੁਵਿਸਾਰਕਸ੍ਸ ਏਕਮੂਲਕਸ੍ਸ ਬਦ੍ਧਚਕ੍ਕਂ.

ਮੂਲਂ ਸਂਖਿਤ੍ਤਂ.

੨੧੭. ਤੀਹਾਕਾਰੇਹਿ ਮੋਹਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਵਤ੍ਤੁਕਾਮੋ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਮੋਹਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਵਤ੍ਤੁਕਾਮੋ ਦੋਸਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ… ਵਿਨਿਧਾਯ ਭਾਵਂ.

ਵਤ੍ਥੁਵਿਸਾਰਕਸ੍ਸ ਏਕਮੂਲਕਂ ਨਿਟ੍ਠਿਤਂ.

ਯਥਾ ਏਕਮੂਲਕਂ ਵਿਤ੍ਥਾਰਿਤਂ ਏਵਮੇਵ ਦੁਮੂਲਕਾਦਿਪਿ ਵਿਤ੍ਥਾਰੇਤਬ੍ਬਂ.

ਇਦਂ ਸਬ੍ਬਮੂਲਕਂ

੨੧੮. ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਪਠਮਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸੁਞ੍ਞਤਞ੍ਚ ਵਿਮੋਕ੍ਖਂ ਅਨਿਮਿਤ੍ਤਞ੍ਚ ਵਿਮੋਕ੍ਖਂ ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ ਸੁਞ੍ਞਤਞ੍ਚ ਸਮਾਧਿਂ ਅਨਿਮਿਤ੍ਤਞ੍ਚ ਸਮਾਧਿਂ ਅਪ੍ਪਣਿਹਿਤਞ੍ਚ ਸਮਾਧਿਂ ਸੁਞ੍ਞਤਞ੍ਚ ਸਮਾਪਤ੍ਤਿਂ ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ ਤਿਸ੍ਸੋ ਚ ਵਿਜ੍ਜਾ ਚਤ੍ਤਾਰੋ ਚ ਸਤਿਪਟ੍ਠਾਨੇ ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ ਚਤ੍ਤਾਰੋ ਚ ਇਦ੍ਧਿਪਾਦੇ ਪਞ੍ਚ ਚ ਇਨ੍ਦ੍ਰਿਯਾਨਿ ਪਞ੍ਚ ਚ ਬਲਾਨਿ ਸਤ੍ਤ ਚ ਬੋਜ੍ਝਙ੍ਗੇ ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ ਸੋਤਾਪਤ੍ਤਿਫਲਞ੍ਚ ਸਕਦਾਗਾਮਿਫਲਞ੍ਚ ਅਨਾਗਾਮਿਫਲਞ੍ਚ ਅਰਹਤ੍ਤਞ੍ਚ ਸਮਾਪਜ੍ਜਿਂ…ਪੇ… ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਵਤ੍ਤੁਕਾਮੋ ਮੋਹਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. [[ ] ਏਤ੍ਥਨ੍ਤਰੇ ਪਾਠਾ ਸ੍ਯਾਮਪੋਤ੍ਥਕੇ ਨਤ੍ਥਿ]

੨੧੯. ਤੀਹਾਕਾਰੇਹਿ ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ ਸੁਞ੍ਞਤਞ੍ਚ ਵਿਮੋਕ੍ਖਂ ਅਨਿਮਿਤ੍ਤਞ੍ਚ ਵਿਮੋਕ੍ਖਂ ਅਪ੍ਪਣਿਹਿਤਞ੍ਚ ਵਿਮੋਕ੍ਖਂ ਸੁਞ੍ਞਤਞ੍ਚ ਸਮਾਧਿਂ ਅਨਿਮਿਤ੍ਤਞ੍ਚ ਸਮਾਧਿਂ ਅਪ੍ਪਣਿਹਿਤਞ੍ਚ ਸਮਾਧਿਂ ਸੁਞ੍ਞਤਞ੍ਚ ਸਮਾਪਤ੍ਤਿਂ ਅਨਿਮਿਤ੍ਤਞ੍ਚ ਸਮਾਪਤ੍ਤਿਂ ਅਪ੍ਪਣਿਹਿਤਞ੍ਚ ਸਮਾਪਤ੍ਤਿਂ ਤਿਸ੍ਸੋ ਚ ਵਿਜ੍ਜਾ ਚਤ੍ਤਾਰੋ ਚ ਸਤਿਪਟ੍ਠਾਨੇ ਚਤ੍ਤਾਰੋ ਚ ਸਮ੍ਮਪ੍ਪਧਾਨੇ ਚਤ੍ਤਾਰੋ ਚ ਇਦ੍ਧਿਪਾਦੇ ਪਞ੍ਚ ਚ ਇਨ੍ਦ੍ਰਿਯਾਨਿ ਪਞ੍ਚ ਚ ਬਲਾਨਿ ਸਤ੍ਤ ਚ ਬੋਜ੍ਝਙ੍ਗੇ ਅਰਿਯਞ੍ਚ ਅਟ੍ਠਙ੍ਗਿਕਂ ਮਗ੍ਗਂ ਸੋਤਾਪਤ੍ਤਿਫਲਞ੍ਚ ਸਕਦਾਗਾਮਿਫਲਞ੍ਚ ਅਨਾਗਾਮਿਫਲਞ੍ਚ ਅਰਹਤ੍ਤਞ੍ਚ ਸਮਾਪਜ੍ਜਿਂ…ਪੇ… ਰਾਗੋ ਚ ਮੇ ਚਤ੍ਤੋ… ਦੋਸੋ ਚ ਮੇ ਚਤ੍ਤੋ… ਮੋਹੋ ਚ ਮੇ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋ. ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਦੋਸਾ ਚ ਮੇ ਚਿਤ੍ਤਂ ਵਿਨੀਵਰਣਂ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਵਤ੍ਤੁਕਾਮੋ ਪਠਮਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ…ਪੇ… ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਠਮਞ੍ਚ ਝਾਨਂ ਸਮਾਪਜ੍ਜਿਨ੍ਤਿ ਵਤ੍ਤੁਕਾਮੋ ਦੁਤਿਯਂ ਝਾਨਂ ਸਮਾਪਜ੍ਜਿਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਮੋਹਾ ਚ ਮੇ ਚਿਤ੍ਤਂ ਵਿਨੀਵਰਣਂ ਪਠਮਞ੍ਚ ਝਾਨਂ ਦੁਤਿਯਞ੍ਚ ਝਾਨਂ ਤਤਿਯਞ੍ਚ ਝਾਨਂ ਚਤੁਤ੍ਥਞ੍ਚ ਝਾਨਂ…ਪੇ… ਰਾਗਾ ਚ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਵਤ੍ਤੁਕਾਮੋ ਦੋਸਾ ਮੇ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਪਾਰਾਜਿਕਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਵਤ੍ਥੁਵਿਸਾਰਕਸ੍ਸ ਸਬ੍ਬਮੂਲਕਂ ਨਿਟ੍ਠਿਤਂ.

ਵਤ੍ਥੁਵਿਸਾਰਕਸ੍ਸ ਚਕ੍ਕਪੇਯ੍ਯਾਲਂ ਨਿਟ੍ਠਿਤਂ.

ਵਤ੍ਥੁਕਾਮਵਾਰਕਥਾ ਨਿਟ੍ਠਿਤਾ.

੨੨੦. ਤੀਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ ਸੋ ਭਿਕ੍ਖੁ ਪਠਮਂ ਝਾਨਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਪਠਮਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਪਠਮਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ.

ਚਤੂਹਾਕਾਰੇਹਿ … ਪਞ੍ਚਹਾਕਾਰੇਹਿ… ਛਹਾਕਾਰੇਹਿ… ਸਤ੍ਤਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ ਸੋ ਭਿਕ੍ਖੁ ਪਠਮਂ ਝਾਨਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਪਠਮਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਪਠਮਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਤੀਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ ਸੋ ਭਿਕ੍ਖੁ ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ… ਸੁਞ੍ਞਤਂ ਵਿਮੋਕ੍ਖਂ… ਅਨਿਮਿਤ੍ਤਂ ਵਿਮੋਕ੍ਖਂ… ਅਪ੍ਪਣਿਹਿਤਂ ਵਿਮੋਕ੍ਖਂ… ਸੁਞ੍ਞਤਂ ਸਮਾਧਿਂ… ਅਨਿਮਿਤ੍ਤਂ ਸਮਾਧਿਂ… ਅਪ੍ਪਣਿਹਿਤਂ ਸਮਾਧਿਂ… ਸੁਞ੍ਞਤਂ ਸਮਾਪਤ੍ਤਿਂ… ਅਨਿਮਿਤ੍ਤਂ ਸਮਾਪਤ੍ਤਿਂ… ਅਪ੍ਪਣਿਹਿਤਂ ਸਮਾਪਤ੍ਤਿਂ… ਤਿਸ੍ਸੋ ਵਿਜ੍ਜਾ… ਚਤ੍ਤਾਰੋ ਸਤਿਪਟ੍ਠਾਨੇ… ਚਤ੍ਤਾਰੋ ਸਮ੍ਮਪ੍ਪਧਾਨੇ… ਚਤ੍ਤਾਰੋ ਇਦ੍ਧਿਪਾਦੇ… ਪਞ੍ਚ ਇਨ੍ਦ੍ਰਿਯਾਨਿ… ਪਞ੍ਚ ਬਲਾਨਿ… ਸਤ੍ਤ ਬੋਜ੍ਝਙ੍ਗੇ… ਅਰਿਯਂ ਅਟ੍ਠਙ੍ਗਿਕਂ ਮਗ੍ਗਂ… ਸੋਤਾਪਤ੍ਤਿਫਲਂ… ਸਕਦਾਗਾਮਿਫਲਂ… ਅਨਾਗਾਮਿਫਲਂ… ਅਰਹਤ੍ਤਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਅਰਹਤ੍ਤਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਅਰਹਤ੍ਤਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ.

ਤੀਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ, ਤਸ੍ਸ ਭਿਕ੍ਖੁਨੋ ਰਾਗੋ ਚਤ੍ਤੋ… ਦੋਸੋ ਚਤ੍ਤੋ… ਮੋਹੋ ਚਤ੍ਤੋ ਵਨ੍ਤੋ ਮੁਤ੍ਤੋ ਪਹੀਨੋ ਪਟਿਨਿਸ੍ਸਟ੍ਠੋ ਉਕ੍ਖੇਟਿਤੋ ਸਮੁਕ੍ਖੇਟਿਤੋਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ, ਤਸ੍ਸ ਭਿਕ੍ਖੁਨੋ ਰਾਗਾ ਚਿਤ੍ਤਂ ਵਿਨੀਵਰਣਂ… ਦੋਸਾ ਚਿਤ੍ਤਂ ਵਿਨੀਵਰਣਂ… ਮੋਹਾ ਚਿਤ੍ਤਂ ਵਿਨੀਵਰਣਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਯੋ ਤੇ ਵਿਹਾਰੇ ਵਸਿ ਸੋ ਭਿਕ੍ਖੁ ਸੁਞ੍ਞਾਗਾਰੇ ਪਠਮਂ ਝਾਨਂ… ਦੁਤਿਯਂ ਝਾਨਂ… ਤਤਿਯਂ ਝਾਨਂ… ਚਤੁਤ੍ਥਂ ਝਾਨਂ ਸਮਾਪਜ੍ਜਿ … ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ ਭਣਿਤਸ੍ਸ ਹੋਤਿ, ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਯਥਾ ਇਦਂ ਵਿਤ੍ਥਾਰਿਤਂ ਏਵਮੇਵ ਸੇਸਾਨਿਪਿ ਵਿਤ੍ਥਾਰੇਤਬ੍ਬਾਨਿ.

੨੨੧. ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਯੋ ਤੇ ਚੀਵਰਂ ਪਰਿਭੁਞ੍ਜਿ… ਯੋ ਤੇ ਪਿਣ੍ਡਪਾਤਂ ਪਰਿਭੁਞ੍ਜਿ… ਯੋ ਤੇ ਸੇਨਾਸਨਂ ਪਰਿਭੁਞ੍ਜਿ… ਯੋ ਤੇ ਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਂ ਪਰਿਭੁਞ੍ਜਿ ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਵਿਨਿਧਾਯ ਭਾਵਂ.

ਤੀਹਾਕਾਰੇਹਿ…ਪੇ… ਸਤ੍ਤਹਾਕਾਰੇਹਿ ਯੇਨ ਤੇ ਵਿਹਾਰੋ ਪਰਿਭੁਤ੍ਤੋ… ਯੇਨ ਤੇ ਚੀਵਰਂ ਪਰਿਭੁਤ੍ਤਂ… ਯੇਨ ਤੇ ਪਿਣ੍ਡਪਾਤੋ ਪਰਿਭੁਤ੍ਤੋ… ਯੇਨ ਤੇ ਸੇਨਾਸਨਂ ਪਰਿਭੁਤ੍ਤਂ… ਯੇਨ ਤੇ ਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰੋ ਪਰਿਭੁਤ੍ਤੋ… ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਵਿਨਿਧਾਯ ਭਾਵਂ.

ਤੀਹਾਕਾਰੇਹਿ …ਪੇ… ਸਤ੍ਤਹਾਕਾਰੇਹਿ ਯਂ ਤ੍ਵਂ ਆਗਮ੍ਮ ਵਿਹਾਰਂ ਅਦਾਸਿ… ਚੀਵਰਂ ਅਦਾਸਿ… ਪਿਣ੍ਡਪਾਤਂ ਅਦਾਸਿ… ਸੇਨਾਸਨਂ ਅਦਾਸਿ… ਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਂ ਅਦਾਸਿ ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਮਾਪਜ੍ਜਿ… ਸਮਾਪਜ੍ਜਤਿ… ਸਮਾਪਨ੍ਨੋ… ਸੋ ਭਿਕ੍ਖੁ ਸੁਞ੍ਞਾਗਾਰੇ ਚਤੁਤ੍ਥਸ੍ਸ ਝਾਨਸ੍ਸ ਲਾਭੀ… ਵਸੀ… ਤੇਨ ਭਿਕ੍ਖੁਨਾ ਸੁਞ੍ਞਾਗਾਰੇ ਚਤੁਤ੍ਥਂ ਝਾਨਂ ਸਚ੍ਛਿਕਤਨ੍ਤਿ ਸਮ੍ਪਜਾਨਮੁਸਾ ਭਣਨ੍ਤਸ੍ਸ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਥੁਲ੍ਲਚ੍ਚਯਸ੍ਸ; ਨ ਪਟਿਵਿਜਾਨਨ੍ਤਸ੍ਸ ਆਪਤ੍ਤਿ ਦੁਕ੍ਕਟਸ੍ਸ. ਪੁਬ੍ਬੇਵਸ੍ਸ ਹੋਤਿ ਮੁਸਾ ਭਣਿਸ੍ਸਨ੍ਤਿ, ਭਣਨ੍ਤਸ੍ਸ ਹੋਤਿ ਮੁਸਾ ਭਣਾਮੀਤਿ, ਭਣਿਤਸ੍ਸ ਹੋਤਿ ਮੁਸਾ ਮਯਾ ਭਣਿਤਨ੍ਤਿ, ਵਿਨਿਧਾਯ ਦਿਟ੍ਠਿਂ, ਵਿਨਿਧਾਯ ਖਨ੍ਤਿਂ, ਵਿਨਿਧਾਯ ਰੁਚਿਂ, ਵਿਨਿਧਾਯ ਭਾਵਂ.

ਪੇਯ੍ਯਾਲਪਨ੍ਨਰਸਕਂ ਨਿਟ੍ਠਿਤਂ.

ਪਚ੍ਚਯਪ੍ਪਟਿਸਂਯੁਤ੍ਤਵਾਰਕਥਾ ਨਿਟ੍ਠਿਤਾ.

ਉਤ੍ਤਰਿਮਨੁਸ੍ਸਧਮ੍ਮਚਕ੍ਕਪੇਯ੍ਯਾਲਂ ਨਿਟ੍ਠਿਤਂ.

੨੨੨. ਅਨਾਪਤ੍ਤਿ ਅਧਿਮਾਨੇਨ, ਅਨੁਲ੍ਲਪਨਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਅਧਿਮਾਨੇ [ਅਧਿਮਾਨੇਨ (ਪੀ.)] ਅਰਞ੍ਞਮ੍ਹਿ, ਪਿਣ੍ਡੋਪਜ੍ਝਾਰਿਯਾਪਥੋ;

ਸਂਯੋਜਨਾ ਰਹੋਧਮ੍ਮਾ, ਵਿਹਾਰੋ ਪਚ੍ਚੁਪਟ੍ਠਿਤੋ.

ਨ ਦੁਕ੍ਕਰਂ ਵੀਰਿਯਮਥੋਪਿ ਮਚ੍ਚੁਨੋ;

ਭਾਯਾਵੁਸੋ ਵਿਪ੍ਪਟਿਸਾਰਿ ਸਮ੍ਮਾ;

ਵਿਰਿਯੇਨ ਯੋਗੇਨ ਆਰਾਧਨਾਯ;

ਅਥ ਵੇਦਨਾਯ ਅਧਿਵਾਸਨਾ ਦੁਵੇ.

ਬ੍ਰਾਹ੍ਮਣੇ ਪਞ੍ਚ ਵਤ੍ਥੂਨਿ, ਅਞ੍ਞਂ ਬ੍ਯਾਕਰਣਾ ਤਯੋ;

ਅਗਾਰਾਵਰਣਾ ਕਾਮਾ, ਰਤਿ ਚਾਪਿ ਅਪਕ੍ਕਮਿ.

ਅਟ੍ਠਿ ਪੇਸਿ ਉਭੋ ਗਾਵਘਾਤਕਾ;

ਪਿਣ੍ਡੋ ਸਾਕੁਣਿਕੋ ਨਿਚ੍ਛਵਿ ਓਰਬ੍ਭਿ;

ਅਸਿ ਚ ਸੂਕਰਿਕੋ ਸਤ੍ਤਿ ਮਾਗਵਿ;

ਉਸੁ ਚ ਕਾਰਣਿਕੋ ਸੂਚਿ ਸਾਰਥਿ.

ਯੋ ਚ ਸਿਬ੍ਬੀਯਤਿ ਸੂਚਕੋ ਹਿ ਸੋ;

ਅਣ੍ਡਭਾਰਿ ਅਹੁ ਗਾਮਕੂਟਕੋ;

ਕੂਪੇ ਨਿਮੁਗ੍ਗੋ ਹਿ ਸੋ ਪਾਰਦਾਰਿਕੋ;

ਗੂਥਖਾਦੀ ਅਹੁ ਦੁਟ੍ਠਬ੍ਰਾਹ੍ਮਣੋ.

ਨਿਚ੍ਛਵਿਤ੍ਥੀ ਅਤਿਚਾਰਿਨੀ ਅਹੁ;

ਮਙ੍ਗੁਲਿਤ੍ਥੀ ਅਹੁ ਇਕ੍ਖਣਿਤ੍ਥਿਕਾ;

ਓਕਿਲਿਨੀ ਹਿ ਸਪਤ੍ਤਙ੍ਗਾਰੋਕਿਰਿ;

ਸੀਸਚ੍ਛਿਨ੍ਨੋ ਅਹੁ ਚੋਰਘਾਤਕੋ.

ਭਿਕ੍ਖੁ ਭਿਕ੍ਖੁਨੀ ਸਿਕ੍ਖਮਾਨਾ;

ਸਾਮਣੇਰੋ ਅਥ ਸਾਮਣੇਰਿਕਾ;

ਕਸ੍ਸਪਸ੍ਸ ਵਿਨਯਸ੍ਮਿਂ ਪਬ੍ਬਜਂ;

ਪਾਪਕਮ੍ਮਮਕਰਿਂਸੁ ਤਾਵਦੇ.

ਤਪੋਦਾ ਰਾਜਗਹੇ ਯੁਦ੍ਧਂ, ਨਾਗਾਨੋਗਾਹਨੇਨ ਚ;

ਸੋਭਿਤੋ ਅਰਹਂ ਭਿਕ੍ਖੁ, ਪਞ੍ਚਕਪ੍ਪਸਤਂ ਸਰੇਤਿ.

ਵਿਨੀਤਵਤ੍ਥੁ

੨੨੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਧਿਮਾਨੇਨ ਅਞ੍ਞਂ ਬ੍ਯਾਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ. ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਧਿਮਾਨੇਨਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣਿਧਾਯ ਅਰਞ੍ਞੇ ਵਿਹਰਤਿ – ‘‘ਏਵਂ ਮਂ ਜਨੋ ਸਮ੍ਭਾਵੇਸ੍ਸਤੀ’’ਤਿ. ਤਂ ਜਨੋ ਸਮ੍ਭਾਵੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਪਣਿਧਾਯ ਅਰਞ੍ਞੇ ਵਤ੍ਥਬ੍ਬਂ. ਯੋ ਵਸੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣਿਧਾਯ ਪਿਣ੍ਡਾਯ ਚਰਤਿ – ‘‘ਏਵਂ ਮਂ ਜਨੋ ਸਮ੍ਭਾਵੇਸ੍ਸਤੀ’’ਤਿ. ਤਂ ਜਨੋ ਸਮ੍ਭਾਵੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਪਣਿਧਾਯ ਪਿਣ੍ਡਾਯ ਚਰਿਤਬ੍ਬਂ. ਯੋ ਚਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਯੇ, ਆਵੁਸੋ, ਅਮ੍ਹਾਕਂ ਉਪਜ੍ਝਾਯਸ੍ਸ ਸਦ੍ਧਿਵਿਹਾਰਿਕਾ ਸਬ੍ਬੇਵ ਅਰਹਨ੍ਤੋ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਉਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਭਿਕ੍ਖੁਂ ਏਤਦਵੋਚ – ‘‘ਯੇ, ਆਵੁਸੋ, ਅਮ੍ਹਾਕਂ ਉਪਜ੍ਝਾਯਸ੍ਸ ਅਨ੍ਤੇਵਾਸਿਕਾ ਸਬ੍ਬੇਵ ਮਹਿਦ੍ਧਿਕਾ ਮਹਾਨੁਭਾਵਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਉਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣਿਧਾਯ ਚਙ੍ਕਮਤਿ… ਪਣਿਧਾਯ ਤਿਟ੍ਠਤਿ… ਪਣਿਧਾਯ ਨਿਸੀਦਤਿ… ਪਣਿਧਾਯ ਸੇਯ੍ਯਂ ਕਪ੍ਪੇਤਿ – ‘‘ਏਵਂ ਮਂ ਜਨੋ ਸਮ੍ਭਾਵੇਸ੍ਸਤੀ’’ਤਿ. ਤਂ ਜਨੋ ਸਮ੍ਭਾਵੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ. ਨ ਚ, ਭਿਕ੍ਖਵੇ, ਪਣਿਧਾਯ ਸੇਯ੍ਯਾ ਕਪ੍ਪੇਤਬ੍ਬਾ. ਯੋ ਕਪ੍ਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਸੋਪਿ ਏਵਮਾਹ – ‘‘ਮਯ੍ਹਮ੍ਪਿ, ਆਵੁਸੋ, ਸਂਯੋਜਨਾ ਪਹੀਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੨੨੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਹੋਗਤੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਪਰਚਿਤ੍ਤਵਿਦੂ ਭਿਕ੍ਖੁ ਤਂ ਭਿਕ੍ਖੁਂ ਅਪਸਾਦੇਸਿ – ‘‘ਮਾ, ਆਵੁਸੋ, ਏਵਰੂਪਂ ਅਭਣਿ. ਨਤ੍ਥੇਸੋ ਤੁਯ੍ਹ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਰਹੋਗਤੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਦੇਵਤਾ ਤਂ ਭਿਕ੍ਖੁਂ ਅਪਸਾਦੇਸਿ – ‘‘ਮਾ, ਭਨ੍ਤੇ, ਏਵਰੂਪਂ ਅਭਣਿ. ਨਤ੍ਥੇਸੋ ਤੁਯ੍ਹ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਉਪਾਸਕਂ ਏਤਦਵੋਚ – ‘‘ਯੋ, ਆਵੁਸੋ, ਤੁਯ੍ਹਂ ਵਿਹਾਰੇ ਵਸਤਿ ਸੋ ਭਿਕ੍ਖੁ ਅਰਹਾ’’ਤਿ. ਸੋ ਚ ਤਸ੍ਸ ਵਿਹਾਰੇ ਵਸਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਉਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਂ ਉਪਾਸਕਂ ਏਤਦਵੋਚ – ‘‘ਯਂ ਤ੍ਵਂ, ਆਵੁਸੋ, ਉਪਟ੍ਠੇਸਿ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰੇਨ ਸੋ ਭਿਕ੍ਖੁ ਅਰਹਾ’’ਤਿ. ਸੋ ਚ ਤਂ ਉਪਟ੍ਠੇਤਿ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰੇਨ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਉਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੨੨੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਅਤ੍ਥਾਯਸ੍ਮਤੋ ਉਤ੍ਤਰਿਮਨੁਸ੍ਸਧਮ੍ਮੋ’’ਤਿ? ‘‘ਨਾਵੁਸੋ, ਦੁਕ੍ਕਰਂ ਅਞ੍ਞਂ ਬ੍ਯਾਕਾਤੁ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਯੇ ਖੋ ਤੇ ਭਗਵਤੋ ਸਾਵਕਾ ਤੇ ਏਵਂ ਵਦੇਯ੍ਯੁਂ. ਅਹਞ੍ਚਮ੍ਹਿ ਨ ਭਗਵਤੋ ਸਾਵਕੋ. ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਅਨੁਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਅਤ੍ਥਾਯਸ੍ਮਤੋ ਉਤ੍ਤਰਿਮਨੁਸ੍ਸਧਮ੍ਮੋ’’ਤਿ? ‘‘ਆਰਾਧਨੀਯੋ ਖੋ, ਆਵੁਸੋ, ਧਮ੍ਮੋ ਆਰਦ੍ਧਵੀਰਿਯੇਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਮਾ ਖੋ, ਆਵੁਸੋ, ਭਾਯੀ’’ਤਿ. ਨਾਹਂ, ਆਵੁਸੋ, ਮਚ੍ਚੁਨੋ ਭਾਯਾਮੀ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਮਾ ਖੋ, ਆਵੁਸੋ, ਭਾਯੀ’’ਤਿ. ‘‘ਯੋ ਨੂਨਾਵੁਸੋ, ਵਿਪ੍ਪਟਿਸਾਰੀ ਅਸ੍ਸ ਸੋ ਭਾਯੇਯ੍ਯਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਅਤ੍ਥਾਯਸ੍ਮਤੋ ਉਤ੍ਤਰਿਮਨੁਸ੍ਸਧਮ੍ਮੋ’’ਤਿ? ‘‘ਆਰਾਧਨੀਯੋ ਖੋ, ਆਵੁਸੋ, ਧਮ੍ਮੋ ਸਮ੍ਮਾਪਯੁਤ੍ਤੇਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਅਤ੍ਥਾਯਸ੍ਮਤੋ ਉਤ੍ਤਰਿਮਨੁਸ੍ਸਧਮ੍ਮੋ’’ਤਿ? ‘‘ਆਰਾਧਨੀਯੋ ਖੋ, ਆਵੁਸੋ, ਧਮ੍ਮੋ ਆਰਦ੍ਧਵੀਰਿਯੇਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਅਤ੍ਥਾਯਸ੍ਮਤੋ ਉਤ੍ਤਰਿਮਨੁਸ੍ਸਧਮ੍ਮੋ’’ਤਿ? ‘‘ਆਰਾਧਨੀਯੋ ਖੋ, ਆਵੁਸੋ, ਧਮ੍ਮੋ ਯੁਤ੍ਤਯੋਗੇਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਕਚ੍ਚਾਵੁਸੋ, ਖਮਨੀਯਂ, ਕਚ੍ਚਿ ਯਾਪਨੀਯ’’ਨ੍ਤਿ? ‘‘ਨਾਵੁਸੋ, ਸਕ੍ਕਾ ਯੇਨ ਵਾ ਤੇਨ ਵਾ ਅਧਿਵਾਸੇਤੁ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਗਿਲਾਨੋ ਹੋਤਿ. ਤਂ ਭਿਕ੍ਖੂ ਏਤਦਵੋਚੁਂ – ‘‘ਕਚ੍ਚਾਵੁਸੋ ਖਮਨੀਯਂ, ਕਚ੍ਚਿ ਯਾਪਨੀਯ’’ਨ੍ਤਿ? ‘‘ਨਾਵੁਸੋ, ਸਕ੍ਕਾ ਪੁਥੁਜ੍ਜਨੇਨ ਅਧਿਵਾਸੇਤੁ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਉਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਪਾਰਾਜਿਕਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੨੨੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਬ੍ਰਾਹ੍ਮਣੋ ਭਿਕ੍ਖੂ ਨਿਮਨ੍ਤੇਤ੍ਵਾ ਏਤਦਵੋਚ – ‘‘ਆਯਨ੍ਤੁ, ਭੋਨ੍ਤੋ ਅਰਹਨ੍ਤੋ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਮਯਞ੍ਚਮ੍ਹ ਨ ਅਰਹਨ੍ਤੋ [ਅਨਰਹਨ੍ਤੋ (ਸੀ.)]. ਅਯਞ੍ਚ ਬ੍ਰਾਹ੍ਮਣੋ ਅਮ੍ਹੇ ਅਰਹਨ੍ਤਵਾਦੇਨ ਸਮੁਦਾਚਰਤਿ. ਕਥਂ ਨੁ ਖੋ ਅਮ੍ਹੇਹਿ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਪਸਾਦਭਞ੍ਞੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਬ੍ਰਾਹ੍ਮਣੋ ਭਿਕ੍ਖੂ ਨਿਮਨ੍ਤੇਤ੍ਵਾ ਏਤਦਵੋਚ – ‘‘ਨਿਸੀਦਨ੍ਤੁ, ਭੋਨ੍ਤੋ ਅਰਹਨ੍ਤੋ’’ਤਿ… ‘‘ਭੁਞ੍ਜਨ੍ਤੁ, ਭੋਨ੍ਤੋ ਅਰਹਨ੍ਤੋ’’ਤਿ… ‘‘ਤਪ੍ਪੇਨ੍ਤੁ, ਭੋਨ੍ਤੋ ਅਰਹਨ੍ਤੋ’’ਤਿ… ‘‘ਗਚ੍ਛਨ੍ਤੁ, ਭੋਨ੍ਤੋ ਅਰਹਨ੍ਤੋ’’ਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਮਯਞ੍ਚਮ੍ਹ ਨ ਅਰਹਨ੍ਤੋ. ਅਯਞ੍ਚ ਬ੍ਰਾਹ੍ਮਣੋ ਅਮ੍ਹੇ ਅਰਹਨ੍ਤਵਾਦੇਨ ਸਮੁਦਾਚਰਤਿ. ਕਥਂ ਨੁ ਖੋ ਅਮ੍ਹੇਹਿ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਨਾਪਤ੍ਤਿ, ਭਿਕ੍ਖਵੇ, ਪਸਾਦਭਞ੍ਞੇ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਸੋਪਿ ਏਵਮਾਹ – ‘‘ਮਯ੍ਹਮ੍ਪਿ, ਆਵੁਸੋ, ਆਸਵਾ ਪਹੀਨਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਸੋਪਿ ਏਵਮਾਹ – ‘‘ਮਯ੍ਹਮ੍ਪਿ, ਆਵੁਸੋ, ਏਤੇ ਧਮ੍ਮਾ ਸਂਵਿਜ੍ਜਨ੍ਤੀ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਅਞ੍ਞਤਰਸ੍ਸ ਭਿਕ੍ਖੁਨੋ ਉਤ੍ਤਰਿਮਨੁਸ੍ਸਧਮ੍ਮਂ ਉਲ੍ਲਪਤਿ. ਸੋਪਿ ਏਵਮਾਹ – ‘‘ਅਹਮ੍ਪਾਵੁਸੋ, ਤੇਸੁ ਧਮ੍ਮੇਸੁ ਸਨ੍ਦਿਸ੍ਸਾਮੀ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਂ ਭਿਕ੍ਖੁਂ ਞਾਤਕਾ ਏਤਦਵੋਚੁਂ – ‘‘ਏਹਿ, ਭਨ੍ਤੇ, ਅਗਾਰਂ ਅਜ੍ਝਾਵਸਾ’’ਤਿ. ‘‘ਅਭਬ੍ਬੋ ਖੋ, ਆਵੁਸੋ, ਮਾਦਿਸੋ ਅਗਾਰਂ ਅਜ੍ਝਾਵਸਿਤੁ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

੨੨੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਂ ਭਿਕ੍ਖੁਂ ਞਾਤਕਾ ਏਤਦਵੋਚੁਂ – ‘‘ਏਹਿ, ਭਨ੍ਤੇ, ਕਾਮੇ ਪਰਿਭੁਞ੍ਜਾ’’ਤਿ. ‘‘ਆਵਟਾ ਮੇ, ਆਵੁਸੋ, ਕਾਮਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਂ ਭਿਕ੍ਖੁਂ ਞਾਤਕਾ ਏਤਦਵੋਚੁਂ – ‘‘ਅਭਿਰਮਸਿ, ਭਨ੍ਤੇ’’ਤਿ? ‘‘ਅਭਿਰਤੋ ਅਹਂ, ਆਵੁਸੋ, ਪਰਮਾਯ ਅਭਿਰਤਿਯਾ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ. ‘‘ਯੇ ਖੋ ਤੇ ਭਗਵਤੋ ਸਾਵਕਾ ਤੇ ਏਵਂ ਵਦੇਯ੍ਯੁਂ! ਅਹਞ੍ਚਮ੍ਹਿ ਨ ਭਗਵਤੋ ਸਾਵਕੋ. ਕਚ੍ਚਿ ਨੁ ਖੋ ਅਹਂ ਪਾਰਾਜਿਕਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਅਨੁਲ੍ਲਪਨਾਧਿਪ੍ਪਾਯੋ ਅਹਂ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਅਨੁਲ੍ਲਪਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਕਤਿਕਂ ਕਤ੍ਵਾ ਅਞ੍ਞਤਰਸ੍ਮਿਂ ਆਵਾਸੇ ਵਸ੍ਸਂ ਉਪਗਚ੍ਛਿਂਸੁ – ‘‘ਯੋ ਇਮਮ੍ਹਾ ਆਵਾਸਾ ਪਠਮਂ ਪਕ੍ਕਮਿਸ੍ਸਤਿ ਤਂ ਮਯਂ ਅਰਹਾਤਿ ਜਾਨਿਸ੍ਸਾਮਾ’’ਤਿ. ਅਞ੍ਞਤਰੋ ਭਿਕ੍ਖੁ – ‘‘ਮਂ ਅਰਹਾਤਿ ਜਾਨਨ੍ਤੂ’’ਤਿ, ਤਮ੍ਹਾ ਆਵਾਸਾ ਪਠਮਂ ਪਕ੍ਕਾਮਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਪਾਰਾਜਿਕ’’ਨ੍ਤਿ.

੨੨੮. [ਇਮਾਨਿ ਵਤ੍ਥੁਨਿ ਸਂ. ਨਿ. ੨.੨੦੨ ਆਗਤਾਨਿ] ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਚ ਲਕ੍ਖਣੋ ਆਯਸ੍ਮਾ ਚ ਮਹਾਮੋਗ੍ਗਲ੍ਲਾਨੋ ਗਿਜ੍ਝਕੂਟੇ ਪਬ੍ਬਤੇ ਵਿਹਰਨ੍ਤਿ. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਯੇਨਾਯਸ੍ਮਾ ਲਕ੍ਖਣੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਲਕ੍ਖਣਂ ਏਤਦਵੋਚ – ‘‘ਆਯਾਮਾਵੁਸੋ ਲਕ੍ਖਣ, ਰਾਜਗਹਂ ਪਿਣ੍ਡਾਯ ਪਵਿਸਿਸ੍ਸਾਮਾ’’ਤਿ. ‘‘ਏਵਮਾਵੁਸੋ’’ਤਿ ਖੋ ਆਯਸ੍ਮਾ ਲਕ੍ਖਣੋ ਆਯਸ੍ਮਤੋ ਮਹਾਮੋਗ੍ਗਲ੍ਲਾਨਸ੍ਸ ਪਚ੍ਚਸ੍ਸੋਸਿ. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਞ੍ਞਤਰਸ੍ਮਿਂ ਪਦੇਸੇ ਸਿਤਂ ਪਾਤ੍ਵਾਕਾਸਿ. ਅਥ ਖੋ ਆਯਸ੍ਮਾ ਲਕ੍ਖਣੋ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਏਤਦਵੋਚ – ‘‘ਕੋ ਨੁ ਖੋ, ਆਵੁਸੋ ਮੋਗ੍ਗਲ੍ਲਾਨ, ਹੇਤੁ ਕੋ ਪਚ੍ਚਯੋ ਸਿਤਸ੍ਸ ਪਾਤੁਕਮ੍ਮਾਯਾ’’ਤਿ? ‘‘ਅਕਾਲੋ ਖੋ, ਆਵੁਸੋ ਲਕ੍ਖਣ, ਏਤਸ੍ਸ ਪਞ੍ਹਸ੍ਸ [ਪਞ੍ਹਸ੍ਸ ਬ੍ਯਾਕਰਣਾਯ (ਸ੍ਯਾ.)]. ਭਗਵਤੋ ਮਂ ਸਨ੍ਤਿਕੇ ਏਤਂ ਪਞ੍ਹਂ ਪੁਚ੍ਛਾਤਿ. ਅਥ ਖੋ ਆਯਸ੍ਮਾ ਚ ਲਕ੍ਖਣੋ ਆਯਸ੍ਮਾ ਚ ਮਹਾਮੋਗ੍ਗਲ੍ਲਾਨੋ ਰਾਜਗਹੇ ਪਿਣ੍ਡਾਯ ਚਰਿਤ੍ਵਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪਟਿਕ੍ਕਨ੍ਤਾ ਯੇਨ ਭਗਵਾ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿਂਸੁ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਲਕ੍ਖਣੋ ਆਯਸ੍ਮਨ੍ਤਂ ਮਹਾਮੋਗ੍ਗਲ੍ਲਾਨਂ ਏਤਦਵੋਚ – ‘‘ਇਧਾਯਸ੍ਮਾ ਮਹਾਮੋਗ੍ਗਲ੍ਲਾਨੋ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਞ੍ਞਤਰਸ੍ਮਿਂ ਪਦੇਸੇ ਸਿਤਂ ਪਾਤ੍ਵਾਕਾਸਿ. ਕੋ ਨੁ ਖੋ, ਆਵੁਸੋ ਮੋਗ੍ਗਲ੍ਲਾਨ, ਹੇਤੁ ਕੋ ਪਚ੍ਚਯੋ ਸਿਤਸ੍ਸ ਪਾਤੁਕਮ੍ਮਾਯਾ’’ਤਿ? ‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਅਟ੍ਠਿਕਸਙ੍ਖਲਿਕਂ ਵੇਹਾਸਂ ਗਚ੍ਛਨ੍ਤਿਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਫਾਸੁਲ਼ਨ੍ਤਰਿਕਾਹਿ ਵਿਤੁਡੇਨ੍ਤਿ [ਵਿਤੁਦੇਨ੍ਤਿ ਵਿਤਚ੍ਛੇਨ੍ਤਿ ਵਿਰਾਜੇਨ੍ਤਿ (ਸ੍ਯਾ.)]. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ. ਤਸ੍ਸ ਮਯ੍ਹਂ, ਆਵੁਸੋ, ਏਤਦਹੋਸਿ – ‘ਅਚ੍ਛਰਿਯਂ ਵਤ ਭੋ, ਅਬ੍ਭੁਤਂ ਵਤ ਭੋ, ਏਵਰੂਪੋਪਿ ਨਾਮ ਸਤ੍ਤੋ ਭਵਿਸ੍ਸਤਿ! ਏਵਰੂਪੋਪਿ ਨਾਮ ਯਕ੍ਖੋ ਭਵਿਸ੍ਸਤਿ! ਏਵਰੂਪੋਪਿ ਨਾਮ ਅਤ੍ਤਭਾਵਪ੍ਪਟਿਲਾਭੋ ਭਵਿਸ੍ਸਤੀ’’’ਤਿ! ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਉਲ੍ਲਪਤੀ’’ਤਿ. ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਚਕ੍ਖੁਭੂਤਾ ਵਤ, ਭਿਕ੍ਖਵੇ, ਸਾਵਕਾ ਵਿਹਰਨ੍ਤਿ. ਞਾਣਭੂਤਾ ਵਤ, ਭਿਕ੍ਖਵੇ, ਸਾਵਕਾ ਵਿਹਰਨ੍ਤਿ. ਯਤ੍ਰ ਹਿ ਨਾਮ ਸਾਵਕੋ ਏਵਰੂਪਂ ਞਸ੍ਸਤਿ ਵਾ ਦਕ੍ਖਤਿ ਵਾ ਸਕ੍ਖਿਂ ਵਾ ਕਰਿਸ੍ਸਤਿ. ਪੁਬ੍ਬੇਵ ਮੇ ਸੋ, ਭਿਕ੍ਖਵੇ, ਸਤ੍ਤੋ ਦਿਟ੍ਠੋ ਅਹੋਸਿ. ਅਪਿ ਚਾਹਂ ਨ ਬ੍ਯਾਕਾਸਿਂ. ਅਹਞ੍ਚੇਤਂ ਬ੍ਯਾਕਰੇਯ੍ਯਂ ਪਰੇ ਚ ਮੇ ਨ ਸਦ੍ਦਹੇਯ੍ਯੁਂ. ਯੇ ਮੇ ਨ ਸਦ੍ਦਹੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ. ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਗੋਘਾਤਕੋ ਅਹੋਸਿ. ਸੋ ਤਸ੍ਸ ਕਮ੍ਮਸ੍ਸ ਵਿਪਾਕੇਨ ਬਹੂਨਿ ਵਸ੍ਸਾਨਿ ਬਹੂਨਿ ਵਸ੍ਸਸਤਾਨਿ ਬਹੂਨਿ ਵਸ੍ਸਸਹਸ੍ਸਾਨਿ ਬਹੂਨਿ ਵਸ੍ਸਸਤਸਹਸ੍ਸਾਨਿ ਨਿਰਯੇ ਪਚ੍ਚਿਤ੍ਵਾ ਤਸ੍ਸੇਵ ਕਮ੍ਮਸ੍ਸ ਵਿਪਾਕਾਵਸੇਸੇਨ ਏਵਰੂਪਂ ਅਤ੍ਤਭਾਵਪ੍ਪਟਿਲਾਭਂ ਪਟਿਸਂਵੇਦੇਤਿ. ਸਚ੍ਚਂ, ਭਿਕ੍ਖਵੇ, ਮੋਗ੍ਗਲ੍ਲਾਨੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਮੋਗ੍ਗਲ੍ਲਾਨਸ੍ਸਾ’’ਤਿ.

੨੨੯. ‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਮਂਸਪੇਸਿਂ ਵੇਹਾਸਂ ਗਚ੍ਛਨ੍ਤਿਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ [ਵਿਤੁਦੇਨ੍ਤਿ ਵਿਤਚ੍ਛੇਨ੍ਤਿ ਵਿਰਾਜੇਨ੍ਤਿ (ਸ੍ਯਾ.)]. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਗੋਘਾਤਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਮਂਸਪਿਣ੍ਡਂ ਵੇਹਾਸਂ ਗਚ੍ਛਨ੍ਤਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਸਾਕੁਣਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਨਿਚ੍ਛਵਿਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਓਰਬ੍ਭਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਅਸਿਲੋਮਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਤੇ ਅਸੀ ਉਪ੍ਪਤਿਤ੍ਵਾ ਉਪ੍ਪਤਿਤ੍ਵਾ ਤਸ੍ਸੇਵ ਕਾਯੇ ਨਿਪਤਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਸੂਕਰਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਸਤ੍ਤਿਲੋਮਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਤਾ ਸਤ੍ਤਿਯੋ ਉਪ੍ਪਤਿਤ੍ਵਾ ਉਪ੍ਪਤਿਤ੍ਵਾ ਤਸ੍ਸੇਵ ਕਾਯੇ ਨਿਪਤਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਮਾਗਵਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਉਸੁਲੋਮਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਤੇ ਉਸੂ ਉਪ੍ਪਤਿਤ੍ਵਾ ਉਪ੍ਪਤਿਤ੍ਵਾ ਤਸ੍ਸੇਵ ਕਾਯੇ ਨਿਪਤਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਕਾਰਣਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਸੂਚਿਲੋਮਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਤਾ ਸੂਚਿਯੋ ਉਪ੍ਪਤਿਤ੍ਵਾ ਉਪ੍ਪਤਿਤ੍ਵਾ ਤਸ੍ਸੇਵ ਕਾਯੇ ਨਿਪਤਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਸਾਰਥਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਸੂਚਿਲੋਮਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਤਾ ਸੂਚਿਯੋ ਸੀਸੇ ਪਵਿਸਿਤ੍ਵਾ ਮੁਖਤੋ ਨਿਕ੍ਖਮਨ੍ਤਿ; ਮੁਖੇ ਪਵਿਸਿਤ੍ਵਾ ਉਰਤੋ ਨਿਕ੍ਖਮਨ੍ਤਿ; ਉਰੇ ਪਵਿਸਿਤ੍ਵਾ ਉਦਰਤੋ ਨਿਕ੍ਖਮਨ੍ਤਿ; ਉਦਰੇ ਪਵਿਸਿਤ੍ਵਾ ਊਰੂਹਿ ਨਿਕ੍ਖਮਨ੍ਤਿ; ਊਰੂਸੁ ਪਵਿਸਿਤ੍ਵਾ ਜਙ੍ਘਾਹਿ ਨਿਕ੍ਖਮਨ੍ਤਿ; ਜਙ੍ਘਾਸੁ ਪਵਿਸਿਤ੍ਵਾ ਪਾਦੇਹਿ ਨਿਕ੍ਖਮਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਸੂਚਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਕੁਮ੍ਭਣ੍ਡਂ ਪੁਰਿਸਂ ਵੇਹਾਸਂ ਗਚ੍ਛਨ੍ਤਂ. ਸੋ ਗਚ੍ਛਨ੍ਤੋਪਿ ਤੇਵ ਅਣ੍ਡੇ ਖਨ੍ਧੇ ਆਰੋਪੇਤ੍ਵਾ ਗਚ੍ਛਤਿ, ਨਿਸੀਦਨ੍ਤੋਪਿ ਤੇਸ੍ਵੇਵ ਅਣ੍ਡੇਸੁ ਨਿਸੀਦਤਿ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਗਾਮਕੂਟੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਪੁਰਿਸਂ ਗੂਥਕੂਪੇ ਸਸੀਸਕਂ ਨਿਮੁਗ੍ਗਂ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਪਾਰਦਾਰਿਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਪੁਰਿਸਂ ਗੂਥਕੂਪੇ ਸਸੀਸਕਂ ਨਿਮੁਗ੍ਗਂ ਉਭੋਹਿ ਹਤ੍ਥੇਹਿ ਗੂਥਂ ਖਾਦਨ੍ਤਂ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਦੁਟ੍ਠਬ੍ਰਾਹ੍ਮਣੋ ਅਹੋਸਿ. ਸੋ ਕਸ੍ਸਪਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ ਪਾਵਚਨੇ ਭਿਕ੍ਖੁਸਙ੍ਘਂ ਭਤ੍ਤੇਨ ਨਿਮਨ੍ਤੇਤ੍ਵਾ ਦੋਣਿਯੋ [ਦੋਣਿਯੋ (ਇਤਿਪਿ)] ਗੂਥਸ੍ਸ ਪੂਰਾਪੇਤ੍ਵਾ ਕਾਲਂ ਆਰੋਚਾਪੇਤ੍ਵਾ ਏਤਦਵੋਚ – ‘ਅਤੋ [ਇਤੋ (ਸ੍ਯਾ.) ਅਹੋ (ਇਤਿਪਿ)], ਭੋਨ੍ਤੋ, ਯਾਵਦਤ੍ਥਂ ਭੁਞ੍ਜਨ੍ਤੁ ਚੇਵ ਹਰਨ੍ਤੁ ਚਾ’’’ਤਿ…ਪੇ….

੨੩੦. ‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਨਿਚ੍ਛਵਿਂ ਇਤ੍ਥਿਂ ਵੇਹਾਸਂ ਗਚ੍ਛਨ੍ਤਿਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸਾ, ਭਿਕ੍ਖਵੇ, ਇਤ੍ਥੀ ਇਮਸ੍ਮਿਂਯੇਵ ਰਾਜਗਹੇ ਅਤਿਚਾਰਿਨੀ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਇਤ੍ਥਿਂ ਦੁਗ੍ਗਨ੍ਧਂ ਮਙ੍ਗੁਲਿਂ ਵੇਹਾਸਂ ਗਚ੍ਛਨ੍ਤਿਂ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸਾ, ਭਿਕ੍ਖਵੇ, ਇਤ੍ਥੀ ਇਮਸ੍ਮਿਂਯੇਵ ਰਾਜਗਹੇ ਇਕ੍ਖਣਿਕਾ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਇਤ੍ਥਿਂ ਉਪ੍ਪਕ੍ਕਂ ਓਕਿਲਿਨਿਂ ਓਕਿਰਿਨਿਂ ਵੇਹਾਸਂ ਗਚ੍ਛਨ੍ਤਿਂ. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸਾ, ਭਿਕ੍ਖਵੇ, ਇਤ੍ਥੀ ਕਾਲਿਙ੍ਗਸ੍ਸ ਰਞ੍ਞੋ ਅਗ੍ਗਮਹੇਸੀ ਅਹੋਸਿ. ਸਾ ਇਸ੍ਸਾਪਕਤਾ ਸਪਤ੍ਤਿਂ ਅਙ੍ਗਾਰਕਟਾਹੇਨ ਓਕਿਰਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਅਸੀਸਕਂ ਕਬਨ੍ਧਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਉਰੇ ਅਕ੍ਖੀਨਿ ਚੇਵ ਹੋਨ੍ਤਿ ਮੁਖਞ੍ਚ. ਤਮੇਨਂ ਗਿਜ੍ਝਾਪਿ ਕਾਕਾਪਿ ਕੁਲਲਾਪਿ ਅਨੁਪਤਿਤ੍ਵਾ ਅਨੁਪਤਿਤ੍ਵਾ ਵਿਤਚ੍ਛੇਨ੍ਤਿ ਵਿਭਜ੍ਜੇਨ੍ਤਿ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਸਤ੍ਤੋ ਇਮਸ੍ਮਿਂਯੇਵ ਰਾਜਗਹੇ ਹਾਰਿਕੋ ਨਾਮ ਚੋਰਘਾਤਕੋ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਭਿਕ੍ਖੁਂ ਵੇਹਾਸਂ ਗਚ੍ਛਨ੍ਤਂ. ਤਸ੍ਸ ਸਙ੍ਘਾਟਿਪਿ ਆਦਿਤ੍ਤਾ ਸਮ੍ਪਜ੍ਜਲਿਤਾ ਸਜੋਤਿਭੂਤਾ, ਪਤ੍ਤੋਪਿ ਆਦਿਤ੍ਤੋ ਸਮ੍ਪਜ੍ਜਲਿਤੋ ਸਜੋਤਿਭੂਤੋ, ਕਾਯਬਨ੍ਧਨਮ੍ਪਿ ਆਦਿਤ੍ਤਂ ਸਮ੍ਪਜ੍ਜਲਿਤਂ ਸਜੋਤਿਭੂਤਂ, ਕਾਯੋਪਿ ਆਦਿਤ੍ਤੋ ਸਮ੍ਪਜ੍ਜਲਿਤੋ ਸਜੋਤਿਭੂਤੋ. ਸੋ ਸੁਦਂ ਅਟ੍ਟਸ੍ਸਰਂ ਕਰੋਤਿ…ਪੇ… ਏਸੋ, ਭਿਕ੍ਖਵੇ, ਭਿਕ੍ਖੁ ਕਸ੍ਸਪਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ ਪਾਵਚਨੇ ਪਾਪਭਿਕ੍ਖੁ ਅਹੋਸਿ…ਪੇ….

‘‘ਇਧਾਹਂ, ਆਵੁਸੋ, ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤੋ ਅਦ੍ਦਸਂ ਭਿਕ੍ਖੁਨਿਂ… ਅਦ੍ਦਸਂ ਸਿਕ੍ਖਮਾਨਂ… ਅਦ੍ਦਸਂ ਸਾਮਣੇਰਂ… ਅਦ੍ਦਸਂ ਸਾਮਣੇਰਿਂ ਵੇਹਾਸਂ ਗਚ੍ਛਨ੍ਤਿਂ. ਤਸ੍ਸਾ ਸਙ੍ਘਾਟਿਪਿ ਆਦਿਤ੍ਤਾ ਸਮ੍ਪਜ੍ਜਲਿਤਾ ਸਜੋਤਿਭੂਤਾ, ਪਤ੍ਤੋਪਿ ਆਦਿਤ੍ਤੋ ਸਮ੍ਪਜ੍ਜਲਿਤੋ ਸਜੋਤਿਭੂਤੋ, ਕਾਯਬਨ੍ਧਨਮ੍ਪਿ ਆਦਿਤ੍ਤਂ ਸਮ੍ਪਜ੍ਜਲਿਤਂ ਸਜੋਤਿਭੂਤਂ, ਕਾਯੋਪਿ ਆਦਿਤ੍ਤੋ ਸਮ੍ਪਜ੍ਜਲਿਤੋ ਸਜੋਤਿਭੂਤੋ. ਸਾ ਸੁਦਂ ਅਟ੍ਟਸ੍ਸਰਂ ਕਰੋਤਿ. ਤਸ੍ਸ ਮਯ੍ਹਂ, ਆਵੁਸੋ, ਏਤਦਹੋਸਿ – ‘ਅਚ੍ਛਰਿਯਂ ਵਤ ਭੋ, ਅਬ੍ਭੁਤਂ ਵਤ ਭੋ, ਏਵਰੂਪੋਪਿ ਨਾਮ ਸਤ੍ਤੋ ਭਵਿਸ੍ਸਤਿ! ਏਵਰੂਪੋਪਿ ਨਾਮ ਯਕ੍ਖੋ ਭਵਿਸ੍ਸਤਿ! ਏਵਰੂਪੋਪਿ ਨਾਮ ਅਤ੍ਤਭਾਵਪ੍ਪਟਿਲਾਭੋ ਭਵਿਸ੍ਸਤੀ’’’ਤਿ! ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਉਲ੍ਲਪਤੀ’’ਤਿ.

ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਚਕ੍ਖੁਭੂਤਾ ਵਤ, ਭਿਕ੍ਖਵੇ, ਸਾਵਕਾ ਵਿਹਰਨ੍ਤਿ. ਞਾਣਭੂਤਾ ਵਤ, ਭਿਕ੍ਖਵੇ, ਸਾਵਕਾ ਵਿਹਰਨ੍ਤਿ. ਯਤ੍ਰ ਹਿ ਨਾਮ ਸਾਵਕੋ ਏਵਰੂਪਂ ਞਸ੍ਸਤਿ ਵਾ ਦਕ੍ਖਤਿ ਵਾ ਸਕ੍ਖਿਂ ਵਾ ਕਰਿਸ੍ਸਤਿ! ਪੁਬ੍ਬੇਵ ਮੇ ਸਾ, ਭਿਕ੍ਖਵੇ, ਸਾਮਣੇਰੀ ਦਿਟ੍ਠਾ ਅਹੋਸਿ. ਅਪਿ ਚਾਹਂ ਨ ਬ੍ਯਾਕਾਸਿਂ. ਅਹਞ੍ਚੇਤਂ ਬ੍ਯਾਕਰੇਯ੍ਯਂ ਪਰੇ ਚ ਮੇ ਨ ਸਦ੍ਦਹੇਯ੍ਯੁਂ. ਯੇ ਮੇ ਨ ਸਦ੍ਦਹੇਯ੍ਯੁਂ ਤੇਸਂ ਤਂ ਅਸ੍ਸ ਦੀਘਰਤ੍ਤਂ ਅਹਿਤਾਯ ਦੁਕ੍ਖਾਯ. ਏਸਾ, ਭਿਕ੍ਖਵੇ, ਸਾਮਣੇਰੀ ਕਸ੍ਸਪਸ੍ਸ ਸਮ੍ਮਾਸਮ੍ਬੁਦ੍ਧਸ੍ਸ ਪਾਵਚਨੇ ਪਾਪਸਾਮਣੇਰੀ ਅਹੋਸਿ. ਸਾ ਤਸ੍ਸ ਕਮ੍ਮਸ੍ਸ ਵਿਪਾਕੇਨ ਬਹੂਨਿ ਵਸ੍ਸਾਨਿ ਬਹੂਨਿ ਵਸ੍ਸਸਤਾਨਿ ਬਹੂਨਿ ਵਸ੍ਸਸਹਸ੍ਸਾਨਿ ਬਹੂਨਿ ਵਸ੍ਸਸਤਸਹਸ੍ਸਾਨਿ ਨਿਰਯੇ ਪਚ੍ਚਿਤ੍ਵਾ ਤਸ੍ਸੇਵ ਕਮ੍ਮਸ੍ਸ ਵਿਪਾਕਾਵਸੇਸੇਨ ਏਵਰੂਪਂ ਅਤ੍ਤਭਾਵਪ੍ਪਟਿਲਾਭਂ ਪਟਿਸਂਵੇਦੇਤਿ. ਸਚ੍ਚਂ, ਭਿਕ੍ਖਵੇ, ਮੋਗ੍ਗਲ੍ਲਾਨੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਮੋਗ੍ਗਲ੍ਲਾਨਸ੍ਸਾ’’ਤਿ.

੨੩੧. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਭਿਕ੍ਖੂ ਆਮਨ੍ਤੇਸਿ – ‘‘ਯਤਾਯਂ, ਆਵੁਸੋ, ਤਪੋਦਾ ਸਨ੍ਦਤਿ ਸੋ ਦਹੋ ਅਚ੍ਛੋਦਕੋ ਸੀਤੋਦਕੋ ਸਾਤੋਦਕੋ ਸੇਤਕੋ ਸੁਪ੍ਪਤਿਤ੍ਥੋ ਰਮਣੀਯੋ ਪਹੂਤਮਚ੍ਛਕਚ੍ਛਪੋ ਚਕ੍ਕਮਤ੍ਤਾਨਿ ਚ ਪਦੁਮਾਨਿ ਪੁਪ੍ਫਨ੍ਤੀ’’ਤਿ. ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਏਵਂ ਵਕ੍ਖਤਿ – ‘ਯਤਾਯਂ, ਆਵੁਸੋ, ਤਪੋਦਾ ਸਨ੍ਦਤਿ ਸੋ ਦਹੋ ਅਚ੍ਛੋਦਕੋ ਸੀਤੋਦਕੋ ਸਾਤੋਦਕੋ ਸੇਤਕੋ ਸੁਪ੍ਪਤਿਤ੍ਥੋ ਰਮਣੀਯੋ ਪਹੂਤਮਚ੍ਛਕਚ੍ਛਪੋ ਚਕ੍ਕਮਤ੍ਤਾਨਿ ਚ ਪਦੁਮਾਨਿ ਪੁਪ੍ਫਨ੍ਤੀ’ਤਿ. ਅਥ ਚ ਪਨਾਯਂ ਤਪੋਦਾ ਕੁਥਿਤਾ ਸਨ੍ਦਤਿ. ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਉਲ੍ਲਪਤੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਯਤਾਯਂ, ਭਿਕ੍ਖਵੇ, ਤਪੋਦਾ ਸਨ੍ਦਤਿ ਸੋ ਦਹੋ ਅਚ੍ਛੋਦਕੋ ਸੀਤੋਦਕੋ ਸਾਤੋਦਕੋ ਸੇਤਕੋ ਸੁਪ੍ਪਤਿਤ੍ਥੋ ਰਮਣੀਯੋ ਪਹੂਤਮਚ੍ਛਕਚ੍ਛਪੋ ਚਕ੍ਕਮਤ੍ਤਾਨਿ ਚ ਪਦੁਮਾਨਿ ਪੁਪ੍ਫਨ੍ਤਿ. ਅਪਿ ਚਾਯਂ, ਭਿਕ੍ਖਵੇ, ਤਪੋਦਾ ਦ੍ਵਿਨ੍ਨਂ ਮਹਾਨਿਰਯਾਨਂ ਅਨ੍ਤਰਿਕਾਯ ਆਗਚ੍ਛਤਿ. ਤੇਨਾਯਂ ਤਪੋਦਾ ਕੁਥਿਤਾ ਸਨ੍ਦਤਿ. ਸਚ੍ਚਂ, ਭਿਕ੍ਖਵੇ, ਮੋਗ੍ਗਲ੍ਲਾਨੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਮੋਗ੍ਗਲ੍ਲਾਨਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਲਿਚ੍ਛਵੀਹਿ ਸਦ੍ਧਿਂ ਸਙ੍ਗਾਮੇਨ੍ਤੋ ਪਭਗ੍ਗੋ ਅਹੋਸਿ. ਅਥ ਰਾਜਾ ਪਚ੍ਛਾ ਸੇਨਂ ਸਙ੍ਕਡ੍ਢਿਤ੍ਵਾ ਲਿਚ੍ਛਵਯੋ ਪਰਾਜੇਸਿ. ਸਙ੍ਗਾਮੇ ਚ ਨਨ੍ਦਿ ਚਰਤਿ – ‘‘ਰਞ੍ਞਾ ਲਿਚ੍ਛਵੀ ਪਭਗ੍ਗਾ’’ਤਿ. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਭਿਕ੍ਖੂ ਆਮਨ੍ਤੇਸਿ – ‘‘ਰਾਜਾ, ਆਵੁਸੋ, ਲਿਚ੍ਛਵੀਹਿ ਪਭਗ੍ਗੋ’’ਤਿ. ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਏਵਂ ਵਕ੍ਖਤਿ – ‘ਰਾਜਾ, ਆਵੁਸੋ, ਲਿਚ੍ਛਵੀਹਿ ਪਭਗ੍ਗੋ’ਤਿ! ਸਙ੍ਗਾਮੇ ਚ ਨਨ੍ਦਿਂ ਚਰਤਿ – ‘ਰਞ੍ਞਾ ਲਿਚ੍ਛਵੀ ਪਭਗ੍ਗਾ’ਤਿ! ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਉਲ੍ਲਪਤੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਪਠਮਂ, ਭਿਕ੍ਖਵੇ, ਰਾਜਾ ਲਿਚ੍ਛਵੀਹਿ ਪਭਗ੍ਗੋ. ਅਥ ਰਾਜਾ ਪਚ੍ਛਾ ਸੇਨਂ ਸਙ੍ਕਡ੍ਢਿਤ੍ਵਾ ਲਿਚ੍ਛਵਯੋ ਪਰਾਜੇਸਿ. ਸਚ੍ਚਂ, ਭਿਕ੍ਖਵੇ, ਮੋਗ੍ਗਲ੍ਲਾਨੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਮੋਗ੍ਗਲ੍ਲਾਨਸ੍ਸਾ’’ਤਿ.

੨੩੨. ਅਥ ਖੋ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਭਿਕ੍ਖੂ ਆਮਨ੍ਤੇਸਿ – ‘‘ਇਧਾਹਂ, ਆਵੁਸੋ, ਸਪ੍ਪਿਨਿਕਾਯ ਨਦਿਯਾ ਤੀਰੇ ਆਨੇਞ੍ਜਂ ਸਮਾਧਿਂ ਸਮਾਪਨ੍ਨੋ ਨਾਗਾਨਂ ਓਗਯ੍ਹ ਉਤ੍ਤਰਨ੍ਤਾਨਂ ਕੋਞ੍ਚਂ ਕਰੋਨ੍ਤਾਨਂ ਸਦ੍ਦਂ ਅਸ੍ਸੋਸਿ’’ਨ੍ਤਿ. ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਆਨੇਞ੍ਜਂ ਸਮਾਧਿਂ ਸਮਾਪਨ੍ਨੋ ਸਦ੍ਦਂ ਸੋਸ੍ਸਤਿ! ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਮਹਾਮੋਗ੍ਗਲ੍ਲਾਨੋ ਉਲ੍ਲਪਤੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਤ੍ਥੇਸੋ, ਭਿਕ੍ਖਵੇ, ਸਮਾਧਿ ਸੋ ਚ ਖੋ ਅਪਰਿਸੁਦ੍ਧੋ. ਸਚ੍ਚਂ, ਭਿਕ੍ਖਵੇ, ਮੋਗ੍ਗਲ੍ਲਾਨੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਮੋਗ੍ਗਲ੍ਲਾਨਸ੍ਸਾ’’ਤਿ.

ਅਥ ਖੋ ਆਯਸ੍ਮਾ ਸੋਭਿਤੋ ਭਿਕ੍ਖੂ ਆਮਨ੍ਤੇਸਿ – ‘‘ਅਹਂ, ਆਵੁਸੋ, ਪਞ੍ਚ ਕਪ੍ਪਸਤਾਨਿ ਅਨੁਸ੍ਸਰਾਮੀ’’ਤਿ. ਭਿਕ੍ਖੂ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਸੋਭਿਤੋ ਏਵਂ ਵਕ੍ਖਤਿ – ‘ਅਹਂ, ਆਵੁਸੋ, ਪਞ੍ਚ ਕਪ੍ਪਸਤਾਨਿ ਅਨੁਸ੍ਸਰਾਮੀ’ਤਿ! ਉਤ੍ਤਰਿਮਨੁਸ੍ਸਧਮ੍ਮਂ ਆਯਸ੍ਮਾ ਸੋਭਿਤੋ ਉਲ੍ਲਪਤੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਤ੍ਥੇਸਾ, ਭਿਕ੍ਖਵੇ, ਸੋਭਿਤਸ੍ਸ. ਸਾ ਚ ਖੋ ਏਕਾਯੇਵ ਜਾਤਿ. ਸਚ੍ਚਂ, ਭਿਕ੍ਖਵੇ, ਸੋਭਿਤੋ ਆਹ. ਅਨਾਪਤ੍ਤਿ, ਭਿਕ੍ਖਵੇ, ਸੋਭਿਤਸ੍ਸਾਤਿ.

ਚਤੁਤ੍ਥਪਾਰਾਜਿਕਂ ਸਮਤ੍ਤਂ.

੨੩੩. ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾ, ਯੇਸਂ ਭਿਕ੍ਖੁ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਿਤ੍ਵਾ ਨ ਲਭਤਿ ਭਿਕ੍ਖੂਹਿ ਸਦ੍ਧਿਂ ਸਂਵਾਸਂ, ਯਥਾ ਪੁਰੇ ਤਥਾ ਪਚ੍ਛਾ, ਪਾਰਾਜਿਕੋ ਹੋਤਿ ਅਸਂਵਾਸੋ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਦੁਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਤਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਪਾਰਾਜਿਕਂ ਨਿਟ੍ਠਿਤਂ.

ਤਸ੍ਸੁਦ੍ਦਾਨਂ –

ਮੇਥੁਨਾਦਿਨ੍ਨਾਦਾਨਞ੍ਚ, ਮਨੁਸ੍ਸਵਿਗ੍ਗਹੁਤ੍ਤਰਿ;

ਪਾਰਾਜਿਕਾਨਿ ਚਤ੍ਤਾਰਿ, ਛੇਜ੍ਜਵਤ੍ਥੂ ਅਸਂਸਯਾਤਿ.

ਪਾਰਾਜਿਕਕਣ੍ਡਂ ਨਿਟ੍ਠਿਤਂ.

੨. ਸਙ੍ਘਾਦਿਸੇਸਕਣ੍ਡਂ

੧. ਸੁਕ੍ਕਵਿਸ੍ਸਟ੍ਠਿਸਿਕ੍ਖਾਪਦਂ

ਇਮੇ ਖੋ ਪਨਾਯਸ੍ਮਨ੍ਤੋ ਤੇਰਸ ਸਙ੍ਘਾਦਿਸੇਸਾ

ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੨੩੪. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਸੇਯ੍ਯਸਕੋ ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਤਿ. ਸੋ ਤੇਨ ਕਿਸੋ ਹੋਤਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ. ਅਦ੍ਦਸ ਖੋ ਆਯਸ੍ਮਾ ਉਦਾਯੀ ਆਯਸ੍ਮਨ੍ਤਂ ਸੇਯ੍ਯਸਕਂ ਕਿਸਂ ਲੂਖਂ ਦੁਬ੍ਬਣ੍ਣਂ ਉਪ੍ਪਣ੍ਡੁਪ੍ਪਣ੍ਡੁਕਜਾਤਂ ਧਮਨਿਸਨ੍ਥਤਗਤ੍ਤਂ. ਦਿਸ੍ਵਾਨ ਆਯਸ੍ਮਨ੍ਤਂ ਸੇਯ੍ਯਸਕਂ ਏਤਦਵੋਚ – ‘‘ਕਿਸ੍ਸ ਤ੍ਵਂ, ਆਵੁਸੋ ਸੇਯ੍ਯਸਕ, ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ? ਕਚ੍ਚਿ ਨੋ ਤ੍ਵਂ, ਆਵੁਸੋ ਸੇਯ੍ਯਸਕ, ਅਨਭਿਰਤੋ ਬ੍ਰਹ੍ਮਚਰਿਯਂ ਚਰਸੀ’’ਤਿ? ‘‘ਏਵਮਾਵੁਸੋ’’ਤਿ. ‘‘ਤੇਨ ਹਿ ਤ੍ਵਂ, ਆਵੁਸੋ ਸੇਯ੍ਯਸਕ, ਯਾਵਦਤ੍ਥਂ ਭੁਞ੍ਜ ਯਾਵਦਤ੍ਥਂ ਸੁਪ ਯਾਵਦਤ੍ਥਂ ਨ੍ਹਾਯ. ਯਾਵਦਤ੍ਥਂ ਭੁਞ੍ਜਿਤ੍ਵਾ ਯਾਵਦਤ੍ਥਂ ਸੁਪਿਤ੍ਵਾ ਯਾਵਦਤ੍ਥਂ ਨ੍ਹਾਯਿਤ੍ਵਾ ਯਦਾ ਤੇ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਹੀ’’ਤਿ. ‘‘ਕਿਂ ਨੁ ਖੋ, ਆਵੁਸੋ, ਕਪ੍ਪਤਿ ਏਵਰੂਪਂ ਕਾਤੁ’’ਨ੍ਤਿ? ‘‘ਆਮ, ਆਵੁਸੋ. ਅਹਮ੍ਪਿ ਏਵਂ ਕਰੋਮੀ’’ਤਿ.

ਅਥ ਖੋ ਆਯਸ੍ਮਾ ਸੇਯ੍ਯਸਕੋ ਯਾਵਦਤ੍ਥਂ ਭੁਞ੍ਜਿ ਯਾਵਦਤ੍ਥਂ ਸੁਪਿ ਯਾਵਦਤ੍ਥਂ ਨ੍ਹਾਯਿ. ਯਾਵਦਤ੍ਥਂ ਭੁਞ੍ਜਿਤ੍ਵਾ ਯਾਵਦਤ੍ਥਂ ਸੁਪਿਤ੍ਵਾ ਯਾਵਦਤ੍ਥਂ ਨ੍ਹਾਯਿਤ੍ਵਾ ਯਦਾ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸਿ. ਅਥ ਖੋ ਆਯਸ੍ਮਾ ਸੇਯ੍ਯਸਕੋ ਅਪਰੇਨ ਸਮਯੇਨ ਵਣ੍ਣਵਾ ਅਹੋਸਿ ਪੀਣਿਨ੍ਦ੍ਰਿਯੋ ਪਸਨ੍ਨਮੁਖਵਣ੍ਣੋ ਵਿਪ੍ਪਸਨ੍ਨਛਵਿਵਣ੍ਣੋ. ਅਥ ਖੋ ਆਯਸ੍ਮਤੋ ਸੇਯ੍ਯਸਕਸ੍ਸ ਸਹਾਯਕਾ ਭਿਕ੍ਖੂ ਆਯਸ੍ਮਨ੍ਤਂ ਸੇਯ੍ਯਸਕਂ ਏਤਦਵੋਚੁਂ – ‘‘ਪੁਬ੍ਬੇ ਖੋ ਤ੍ਵਂ, ਆਵੁਸੋ ਸੇਯ੍ਯਸਕ, ਕਿਸੋ ਅਹੋਸਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ. ਸੋ ਦਾਨਿ ਤ੍ਵਂ ਏਤਰਹਿ ਵਣ੍ਣਵਾ ਪੀਣਿਨ੍ਦ੍ਰਿਯੋ ਪਸਨ੍ਨਮੁਖਵਣ੍ਣੋ ਵਿਪ੍ਪਸਨ੍ਨਛਵਿਵਣ੍ਣੋ. ਕਿਂ ਨੁ ਖੋ ਤ੍ਵਂ, ਆਵੁਸੋ ਸੇਯ੍ਯਸਕ, ਭੇਸਜ੍ਜਂ ਕਰੋਸੀ’’ਤਿ? ‘‘ਨ ਖੋ ਅਹਂ, ਆਵੁਸੋ, ਭੇਸਜ੍ਜਂ ਕਰੋਮਿ. ਅਪਿਚਾਹਂ ਯਾਵਦਤ੍ਥਂ ਭੁਞ੍ਜਾਮਿ ਯਾਵਦਤ੍ਥਂ ਸੁਪਾਮਿ ਯਾਵਦਤ੍ਥਂ ਨ੍ਹਾਯਾਮਿ. ਯਾਵਦਤ੍ਥਂ ਭੁਞ੍ਜਿਤ੍ਵਾ ਯਾਵਦਤ੍ਥਂ ਸੁਪਿਤ੍ਵਾ ਯਾਵਦਤ੍ਥਂ ਨ੍ਹਾਯਿਤ੍ਵਾ ਯਦਾ ਮੇ ਅਨਭਿਰਤਿ ਉਪ੍ਪਜ੍ਜਤਿ ਰਾਗੋ ਚਿਤ੍ਤਂ ਅਨੁਦ੍ਧਂਸੇਤਿ ਤਦਾ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਮੀ’’ਤਿ. ‘‘ਕਿਂ ਪਨ ਤ੍ਵਂ, ਆਵੁਸੋ ਸੇਯ੍ਯਸਕ, ਯੇਨੇਵ ਹਤ੍ਥੇਨ ਸਦ੍ਧਾਦੇਯ੍ਯਂ ਭੁਞ੍ਜਸਿ ਤੇਨੇਵ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸੀ’’ਤਿ? ‘‘ਏਵਮਾਵੁਸੋ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਸੇਯ੍ਯਸਕੋ ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸ੍ਸਤੀ’’ਤਿ!

ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਸੇਯ੍ਯਸਕਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਸੇਯ੍ਯਸਕਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਸੇਯ੍ਯਸਕ, ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਹਤ੍ਥੇਨ ਉਪਕ੍ਕਮਿਤ੍ਵਾ ਅਸੁਚਿਂ ਮੋਚੇਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ, ਵਿਸਞ੍ਞੋਗਾਯ ਧਮ੍ਮੋ ਦੇਸਿਤੋ ਨੋ ਸਞ੍ਞੋਗਾਯ, ਅਨੁਪਾਦਾਨਾਯ ਧਮ੍ਮੋ ਦੇਸਿਤੋ ਨੋ ਸਉਪਾਦਾਨਾਯ! ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਮਯਾ ਵਿਰਾਗਾਯ ਧਮ੍ਮੇ ਦੇਸਿਤੇ ਸਰਾਗਾਯ ਚੇਤੇਸ੍ਸਸਿ, ਵਿਸਞ੍ਞੋਗਾਯ ਧਮ੍ਮੇ ਦੇਸਿਤੇ ਸਞ੍ਞੋਗਾਯ ਚੇਤੇਸ੍ਸਸਿ, ਅਨੁਪਾਦਾਨਾਯ ਧਮ੍ਮੇ ਦੇਸਿਤੇ ਸਉਪਾਦਾਨਾਯ ਚੇਤੇਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਰਾਗਵਿਰਾਗਾਯ ਧਮ੍ਮੋ ਦੇਸਿਤੋ, ਮਦਨਿਮ੍ਮਦਨਾਯ ਪਿਪਾਸਵਿਨਯਾਯ ਆਲਯਸਮੁਗ੍ਘਾਤਾਯ ਵਟ੍ਟੁਪਚ੍ਛੇਦਾਯ ਤਣ੍ਹਕ੍ਖਯਾਯ ਵਿਰਾਗਾਯ ਨਿਰੋਧਾਯ ਨਿਬ੍ਬਾਨਾਯ ਧਮ੍ਮੋ ਦੇਸਿਤੋ? ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਕਾਮਾਨਂ ਪਹਾਨਂ ਅਕ੍ਖਾਤਂ, ਕਾਮਸਞ੍ਞਾਨਂ ਪਰਿਞ੍ਞਾ ਅਕ੍ਖਾਤਾ, ਕਾਮਪਿਪਾਸਾਨਂ ਪਟਿਵਿਨਯੋ ਅਕ੍ਖਾਤੋ, ਕਾਮਵਿਤਕ੍ਕਾਨਂ ਸਮੁਗ੍ਘਾਤੋ ਅਕ੍ਖਾਤੋ, ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ? ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ, ਪਸਨ੍ਨਾਨਂ ਵਾ ਭਿਯ੍ਯੋਭਾਵਾਯ. ਅਥ ਖ੍ਵੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਞ੍ਚੇਵ ਅਪ੍ਪਸਾਦਾਯ, ਪਸਨ੍ਨਾਨਞ੍ਚ ਏਕਚ੍ਚਾਨਂ ਅਞ੍ਞਥਤ੍ਤਾਯਾ’’ਤਿ. ਅਥ ਖੋ ਭਗਵਾ ਆਯਸ੍ਮਨ੍ਤਂ ਸੇਯ੍ਯਸਕਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਦੁਬ੍ਭਰਤਾਯ…ਪੇ… ‘‘ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

‘‘ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ [ਵਿਸਟ੍ਠਿ (ਸੀ. ਸ੍ਯਾ.)] ਸਙ੍ਘਾਦਿਸੇਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੨੩੫. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਪਣੀਤਭੋਜਨਾਨਿ ਭੁਞ੍ਜਿਤ੍ਵਾ ਮੁਟ੍ਠਸ੍ਸਤੀ ਅਸਮ੍ਪਜਾਨਾ ਨਿਦ੍ਦਂ ਓਕ੍ਕਮਨ੍ਤਿ. ਤੇਸਂ ਮੁਟ੍ਠਸ੍ਸਤੀਨਂ ਅਸਮ੍ਪਜਾਨਾਨਂ ਨਿਦ੍ਦਂ ਓਕ੍ਕਮਨ੍ਤਾਨਂ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਤਿ. ਤੇਸਂ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ ਸਙ੍ਘਾਦਿਸੇਸੋ’ਤਿ. ਅਮ੍ਹਾਕਞ੍ਚ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਤਿ. ਅਤ੍ਥਿ ਚੇਤ੍ਥ ਚੇਤਨਾ ਲਬ੍ਭਤਿ. ਕਚ੍ਚਿ ਨੁ ਖੋ ਮਯਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨਾ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਅਤ੍ਥੇਸਾ, ਭਿਕ੍ਖਵੇ, ਚੇਤਨਾ; ਸਾ ਚ ਖੋ ਅਬ੍ਬੋਹਾਰਿਕਾਤਿ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੨੩੬. ‘‘ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ ਅਞ੍ਞਤ੍ਰ ਸੁਪਿਨਨ੍ਤਾ ਸਙ੍ਘਾਦਿਸੇਸੋ’’ਤਿ.

੨੩੭. ਸਞ੍ਚੇਤਨਿਕਾਤਿ ਜਾਨਨ੍ਤੋ ਸਞ੍ਜਾਨਨ੍ਤੋ ਚੇਚ੍ਚ ਅਭਿਵਿਤਰਿਤ੍ਵਾ ਵੀਤਿਕ੍ਕਮੋ.

ਸੁਕ੍ਕਨ੍ਤਿ ਦਸ ਸੁਕ੍ਕਾਨਿ – ਨੀਲਂ ਪੀਤਕਂ ਲੋਹਿਤਕਂ ਓਦਾਤਂ ਤਕ੍ਕਵਣ੍ਣਂ ਦਕਵਣ੍ਣਂ ਤੇਲਵਣ੍ਣਂ ਖੀਰਵਣ੍ਣਂ ਦਧਿਵਣ੍ਣਂ ਸਪ੍ਪਿਵਣ੍ਣਂ.

ਵਿਸ੍ਸਟ੍ਠੀਤਿ ਠਾਨਤੋ ਚਾਵਨਾ ਵੁਚ੍ਚਤਿ ਵਿਸ੍ਸਟ੍ਠੀਤਿ.

ਅਞ੍ਞਤ੍ਰ ਸੁਪਿਨਨ੍ਤਾਤਿ ਠਪੇਤ੍ਵਾ ਸੁਪਿਨਨ੍ਤਂ.

ਸਙ੍ਘਾਦਿਸੇਸੋਤਿ ਸਙ੍ਘੋਵ ਤਸ੍ਸਾ ਆਪਤ੍ਤਿਯਾ ਪਰਿਵਾਸਂ ਦੇਤਿ, ਮੂਲਾਯ ਪਟਿਕਸ੍ਸਤਿ, ਮਾਨਤ੍ਤਂ ਦੇਤਿ, ਅਬ੍ਭੇਤਿ; ਨ ਸਮ੍ਬਹੁਲਾ, ਨ ਏਕਪੁਗ੍ਗਲੋ. ਤੇਨ ਵੁਚ੍ਚਤਿ – ‘‘ਸਙ੍ਘਾਦਿਸੇਸੋ’’ਤਿ. ਤਸ੍ਸੇਵ ਆਪਤ੍ਤਿਨਿਕਾਯਸ੍ਸ ਨਾਮਕਮ੍ਮਂ ਅਧਿਵਚਨਂ. ਤੇਨਪਿ ਵੁਚ੍ਚਤਿ – ‘‘ਸਙ੍ਘਾਦਿਸੇਸੋ’’ਤਿ.

ਅਜ੍ਝਤ੍ਤਰੂਪੇ ਮੋਚੇਤਿ, ਬਹਿਦ੍ਧਾਰੂਪੇ ਮੋਚੇਤਿ, ਅਜ੍ਝਤ੍ਤਬਹਿਦ੍ਧਾਰੂਪੇ ਮੋਚੇਤਿ, ਆਕਾਸੇ ਕਟਿਂ ਕਮ੍ਪੇਨ੍ਤੋ ਮੋਚੇਤਿ; ਰਾਗੂਪਤ੍ਥਮ੍ਭੇ ਮੋਚੇਤਿ, ਵਚ੍ਚੂਪਤ੍ਥਮ੍ਭੇ ਮੋਚੇਤਿ, ਪਸ੍ਸਾਵੂਪਤ੍ਥਮ੍ਭੇ ਮੋਚੇਤਿ, ਵਾਤੂਪਤ੍ਥਮ੍ਭੇ ਮੋਚੇਤਿ, ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇ ਮੋਚੇਤਿ; ਆਰੋਗ੍ਯਤ੍ਥਾਯ ਮੋਚੇਤਿ, ਸੁਖਤ੍ਥਾਯ ਮੋਚੇਤਿ, ਭੇਸਜ੍ਜਤ੍ਥਾਯ ਮੋਚੇਤਿ, ਦਾਨਤ੍ਥਾਯ ਮੋਚੇਤਿ, ਪੁਞ੍ਞਤ੍ਥਾਯ ਮੋਚੇਤਿ, ਯਞ੍ਞਤ੍ਥਾਯ ਮੋਚੇਤਿ, ਸਗ੍ਗਤ੍ਥਾਯ ਮੋਚੇਤਿ, ਬੀਜਤ੍ਥਾਯ ਮੋਚੇਤਿ, ਵੀਮਂਸਤ੍ਥਾਯ ਮੋਚੇਤਿ, ਦਵਤ੍ਥਾਯ ਮੋਚੇਤਿ; ਨੀਲਂ ਮੋਚੇਤਿ, ਪੀਤਕਂ ਮੋਚੇਤਿ, ਲੋਹਿਤਕਂ ਮੋਚੇਤਿ, ਓਦਾਤਂ ਮੋਚੇਤਿ, ਤਕ੍ਕਵਣ੍ਣਂ ਮੋਚੇਤਿ, ਦਕਵਣ੍ਣਂ ਮੋਚੇਤਿ, ਤੇਲਵਣ੍ਣਂ ਮੋਚੇਤਿ, ਖੀਰਵਣ੍ਣਂ ਮੋਚੇਤਿ, ਦਧਿਵਣ੍ਣਂ ਮੋਚੇਤਿ, ਸਪ੍ਪਿਵਣ੍ਣਂ ਮੋਚੇਤਿ.

੨੩੮. ਅਜ੍ਝਤ੍ਤਰੂਪੇਤਿ ਅਜ੍ਝਤ੍ਤਂ ਉਪਾਦਿਨ੍ਨੇ [ਉਪਾਦਿਣ੍ਣੇ (ਸੀ. ਕ.)] ਰੂਪੇ.

ਬਹਿਦ੍ਧਾਰੂਪੇਤਿ ਬਹਿਦ੍ਧਾ ਉਪਾਦਿਨ੍ਨੇ ਵਾ ਅਨੁਪਾਦਿਨ੍ਨੇ ਵਾ.

ਅਜ੍ਝਤ੍ਤਬਹਿਦ੍ਧਾਰੂਪੇਤਿ ਤਦੁਭਯੇ.

ਆਕਾਸੇ ਕਟਿਂ ਕਮ੍ਪੇਨ੍ਤੋਤਿ ਆਕਾਸੇ ਵਾਯਮਨ੍ਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

ਰਾਗੂਪਤ੍ਥਮ੍ਭੇਤਿ ਰਾਗੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

ਵਚ੍ਚੂਪਤ੍ਥਮ੍ਭੇਤਿ ਵਚ੍ਚੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

ਪਸ੍ਸਾਵੂਪਤ੍ਥਮ੍ਭੇਤਿ ਪਸ੍ਸਾਵੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

ਵਾਤੂਪਤ੍ਥਮ੍ਭੇਤਿ ਵਾਤੇਨ ਪੀਲ਼ਿਤਸ੍ਸ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇਤਿ ਉਚ੍ਚਾਲਿਙ੍ਗਪਾਣਕਦਟ੍ਠੇਨ ਅਙ੍ਗਜਾਤਂ ਕਮ੍ਮਨਿਯਂ ਹੋਤਿ.

੨੩੯. ਆਰੋਗ੍ਯਤ੍ਥਾਯਾਤਿ ਅਰੋਗੋ ਭਵਿਸ੍ਸਾਮਿ.

ਸੁਖਤ੍ਥਾਯਾਤਿ ਸੁਖਂ ਵੇਦਨਂ ਉਪ੍ਪਾਦੇਸ੍ਸਾਮਿ.

ਭੇਸਜ੍ਜਤ੍ਥਾਯਾਤਿ ਭੇਸਜ੍ਜਂ ਭਵਿਸ੍ਸਤਿ.

ਦਾਨਤ੍ਥਾਯਾਤਿ ਦਾਨਂ ਦਸ੍ਸਾਮਿ.

ਪੁਞ੍ਞਤ੍ਥਾਯਾਤਿ ਪੁਞ੍ਞਂ ਭਵਿਸ੍ਸਤਿ.

ਯਞ੍ਞਤ੍ਥਾਯਾਤਿ ਯਞ੍ਞਂ ਯਜਿਸ੍ਸਾਮਿ.

ਸਗ੍ਗਤ੍ਥਾਯਾਤਿ ਸਗ੍ਗਂ ਗਮਿਸ੍ਸਾਮਿ.

ਬੀਜਤ੍ਥਾਯਾਤਿ ਬੀਜਂ ਭਵਿਸ੍ਸਤਿ.

ਵੀਮਂਸਤ੍ਥਾਯਾਤਿ ਨੀਲਂ ਭਵਿਸ੍ਸਤਿ, ਪੀਤਕਂ ਭਵਿਸ੍ਸਤਿ, ਲੋਹਿਤਕਂ ਭਵਿਸ੍ਸਤਿ, ਓਦਾਤਂ ਭਵਿਸ੍ਸਤਿ, ਤਕ੍ਕਵਣ੍ਣਂ ਭਵਿਸ੍ਸਤਿ, ਦਕਵਣ੍ਣਂ ਭਵਿਸ੍ਸਤਿ, ਤੇਲਵਣ੍ਣਂ ਭਵਿਸ੍ਸਤਿ, ਖੀਰਵਣ੍ਣਂ ਭਵਿਸ੍ਸਤਿ, ਦਧਿਵਣ੍ਣਂ ਭਵਿਸ੍ਸਤਿ, ਸਪ੍ਪਿਵਣ੍ਣਂ ਭਵਿਸ੍ਸਤੀਤਿ.

ਦਵਤ੍ਥਾਯਾਤਿ ਖਿਡ੍ਡਾਧਿਪ੍ਪਾਯੋ.

੨੪੦. ਅਜ੍ਝਤ੍ਤਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਹਿਦ੍ਧਾਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਜ੍ਝਤ੍ਤਬਹਿਦ੍ਧਾਰੂਪੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਆਕਾਸੇ ਕਟਿਂ ਕਮ੍ਪੇਨ੍ਤੋ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਰਾਗੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਵਚ੍ਚੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਸ੍ਸਾਵੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਵਾਤੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਉਚ੍ਚਾਲਿਙ੍ਗਪਾਣਕਦਟ੍ਠੂਪਤ੍ਥਮ੍ਭੇ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਆਰੋਗ੍ਯਤ੍ਥਾਯ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੁਖਤ੍ਥਾਯ…ਪੇ… ਭੇਸਜ੍ਜਤ੍ਥਾਯ… ਦਾਨਤ੍ਥਾਯ… ਪੁਞ੍ਞਤ੍ਥਾਯ… ਯਞ੍ਞਤ੍ਥਾਯ… ਸਗ੍ਗਤ੍ਥਾਯ… ਬੀਜਤ੍ਥਾਯ… ਵੀਮਂਸਤ੍ਥਾਯ… ਦਵਤ੍ਥਾਯ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨੀਲਂ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੁਦ੍ਧਿਕਂ ਨਿਟ੍ਠਿਤਂ.

ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਆਰੋਗ੍ਯਤ੍ਥਞ੍ਚ ਭੇਸਜ੍ਜਤ੍ਥਞ੍ਚ…ਪੇ… ਆਰੋਗ੍ਯਤ੍ਥਞ੍ਚ ਦਾਨਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਯਞ੍ਞਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਸਗ੍ਗਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਬੀਜਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਵੀਮਂਸਤ੍ਥਞ੍ਚ… ਆਰੋਗ੍ਯਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਸ੍ਸ ਖਣ੍ਡਚਕ੍ਕਂ ਨਿਟ੍ਠਿਤਂ.

੨੪੧. ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੁਖਤ੍ਥਞ੍ਚ ਦਾਨਤ੍ਥਞ੍ਚ…ਪੇ… ਸੁਖਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਸੁਖਤ੍ਥਞ੍ਚ ਯਞ੍ਞਤ੍ਥਞ੍ਚ… ਸੁਖਤ੍ਥਞ੍ਚ ਸਗ੍ਗਤ੍ਥਞ੍ਚ… ਸੁਖਤ੍ਥਞ੍ਚ ਬੀਜਤ੍ਥਞ੍ਚ… ਸੁਖਤ੍ਥਞ੍ਚ ਵੀਮਂਸਤ੍ਥਞ੍ਚ… ਸੁਖਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੁਖਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

੨੪੨. ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ…ਪੇ… ਭੇਸਜ੍ਜਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਯਞ੍ਞਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਸਗ੍ਗਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਬੀਜਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਵੀਮਂਸਤ੍ਥਞ੍ਚ… ਭੇਸਜ੍ਜਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭੇਸਜ੍ਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਭੇਸਜ੍ਜਤ੍ਥਞ੍ਚ ਸੁਖਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ…ਪੇ… ਦਾਨਤ੍ਥਞ੍ਚ ਯਞ੍ਞਤ੍ਥਞ੍ਚ… ਦਾਨਤ੍ਥਞ੍ਚ ਸਗ੍ਗਤ੍ਥਞ੍ਚ… ਦਾਨਤ੍ਥਞ੍ਚ ਬੀਜਤ੍ਥਞ੍ਚ… ਦਾਨਤ੍ਥਞ੍ਚ ਵੀਮਂਸਤ੍ਥਞ੍ਚ… ਦਾਨਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਾਨਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਦਾਨਤ੍ਥਞ੍ਚ ਸੁਖਤ੍ਥਞ੍ਚ… ਦਾਨਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ…ਪੇ… ਪੁਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਬੀਜਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਵੀਮਂਸਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਞ੍ਞਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਪੁਞ੍ਞਤ੍ਥਞ੍ਚ ਸੁਖਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਪੁਞ੍ਞਤ੍ਥਞ੍ਚ ਦਾਨਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ…ਪੇ… ਯਞ੍ਞਤ੍ਥਞ੍ਚ ਬੀਜਤ੍ਥਞ੍ਚ… ਯਞ੍ਞਤ੍ਥਞ੍ਚ ਵੀਮਂਸਤ੍ਥਞ੍ਚ … ਯਞ੍ਞਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਯਞ੍ਞਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਯਞ੍ਞਤ੍ਥਞ੍ਚ ਸੁਖਤ੍ਥਞ੍ਚ… ਯਞ੍ਞਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਯਞ੍ਞਤ੍ਥਞ੍ਚ ਦਾਨਤ੍ਥਞ੍ਚ… ਯਞ੍ਞਤ੍ਥਞ੍ਚ ਪੁਞ੍ਞਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ…ਪੇ… ਸਗ੍ਗਤ੍ਥਞ੍ਚ ਵੀਮਂਸਤ੍ਥਞ੍ਚ… ਸਗ੍ਗਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਗ੍ਗਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਸਗ੍ਗਤ੍ਥਞ੍ਚ ਸੁਖਤ੍ਥਞ੍ਚ… ਸਗ੍ਗਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਸਗ੍ਗਤ੍ਥਞ੍ਚ ਦਾਨਤ੍ਥਞ੍ਚ… ਸਗ੍ਗਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਸਗ੍ਗਤ੍ਥਞ੍ਚ ਯਞ੍ਞਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬੀਜਤ੍ਥਞ੍ਚ ਵੀਮਂਸਤ੍ਥਞ੍ਚ…ਪੇ… ਬੀਜਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬੀਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਬੀਜਤ੍ਥਞ੍ਚ ਸੁਖਤ੍ਥਞ੍ਚ… ਬੀਜਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਬੀਜਤ੍ਥਞ੍ਚ ਦਾਨਤ੍ਥਞ੍ਚ… ਬੀਜਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਬੀਜਤ੍ਥਞ੍ਚ ਯਞ੍ਞਤ੍ਥਞ੍ਚ… ਬੀਜਤ੍ਥਞ੍ਚ ਸਗ੍ਗਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਵੀਮਂਸਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਵੀਮਂਸਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਵੀਮਂਸਤ੍ਥਞ੍ਚ ਸੁਖਤ੍ਥਞ੍ਚ… ਵੀਮਂਸਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਵੀਮਂਸਤ੍ਥਞ੍ਚ ਦਾਨਤ੍ਥਞ੍ਚ… ਵੀਮਂਸਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਵੀਮਂਸਤ੍ਥਞ੍ਚ ਯਞ੍ਞਤ੍ਥਞ੍ਚ… ਵੀਮਂਸਤ੍ਥਞ੍ਚ ਸਗ੍ਗਤ੍ਥਞ੍ਚ… ਵੀਮਂਸਤ੍ਥਞ੍ਚ ਬੀਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਵਤ੍ਥਞ੍ਚ ਆਰੋਗ੍ਯਤ੍ਥਞ੍ਚ…ਪੇ… ਦਵਤ੍ਥਞ੍ਚ ਸੁਖਤ੍ਥਞ੍ਚ… ਦਵਤ੍ਥਞ੍ਚ ਭੇਸਜ੍ਜਤ੍ਥਞ੍ਚ… ਦਵਤ੍ਥਞ੍ਚ ਦਾਨਤ੍ਥਞ੍ਚ… ਦਵਤ੍ਥਞ੍ਚ ਪੁਞ੍ਞਤ੍ਥਞ੍ਚ… ਦਵਤ੍ਥਞ੍ਚ ਯਞ੍ਞਤ੍ਥਞ੍ਚ… ਦਵਤ੍ਥਞ੍ਚ ਸਗ੍ਗਤ੍ਥਞ੍ਚ… ਦਵਤ੍ਥਞ੍ਚ ਬੀਜਤ੍ਥਞ੍ਚ… ਦਵਤ੍ਥਞ੍ਚ ਵੀਮਂਸਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਸ੍ਸ ਬਦ੍ਧਚਕ੍ਕਂ ਨਿਟ੍ਠਿਤਂ.

ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ… ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਸ੍ਸ ਖਣ੍ਡਚਕ੍ਕਂ.

ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ… ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਵਤ੍ਥਞ੍ਚ…ਪੇ… ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਸ੍ਸ ਬਦ੍ਧਚਕ੍ਕਂ ਸਂਖਿਤ੍ਤਂ.

ਵੀਮਂਸਤ੍ਥਞ੍ਚ ਦਵਤ੍ਥਞ੍ਚ ਆਰੋਗ੍ਯਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਵੀਮਂਸਤ੍ਥਞ੍ਚ ਦਵਤ੍ਥਞ੍ਚ ਬੀਜਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਂ ਨਿਟ੍ਠਿਤਂ.

ਤਿਮੂਲਕਮ੍ਪਿ ਚਤੁਮੂਲਕਮ੍ਪਿ ਪਞ੍ਚਮੂਲਕਮ੍ਪਿ ਛਮੂਲਕਮ੍ਪਿ ਸਤ੍ਤਮੂਲਕਮ੍ਪਿ ਅਟ੍ਠਮੂਲਕਮ੍ਪਿ ਨਵਮੂਲਕਮ੍ਪਿ ਏਵਮੇਵ ਵਿਤ੍ਥਾਰੇਤਬ੍ਬਂ.

ਇਦਂ ਸਬ੍ਬਮੂਲਕਂ.

੨੪੩. ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ ਵੀਮਂਸਤ੍ਥਞ੍ਚ ਦਵਤ੍ਥਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਬ੍ਬਮੂਲਕਂ ਨਿਟ੍ਠਿਤਂ.

੨੪੪. ਨੀਲਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨੀਲਞ੍ਚ ਲੋਹਿਤਕਞ੍ਚ…ਪੇ… ਨੀਲਞ੍ਚ ਓਦਾਤਞ੍ਚ… ਨੀਲਞ੍ਚ ਤਕ੍ਕਵਣ੍ਣਞ੍ਚ… ਨੀਲਞ੍ਚ ਦਕਵਣ੍ਣਞ੍ਚ… ਨੀਲਞ੍ਚ ਤੇਲਵਣ੍ਣਞ੍ਚ… ਨੀਲਞ੍ਚ ਖੀਰਵਣ੍ਣਞ੍ਚ… ਨੀਲਞ੍ਚ ਦਧਿਵਣ੍ਣਞ੍ਚ… ਨੀਲਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਸ੍ਸ ਖਣ੍ਡਚਕ੍ਕਂ ਨਿਟ੍ਠਿਤਂ.

੨੪੫. ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੀਤਕਞ੍ਚ ਓਦਾਤਞ੍ਚ…ਪੇ… ਪੀਤਕਞ੍ਚ ਤਕ੍ਕਵਣ੍ਣਞ੍ਚ… ਪੀਤਕਞ੍ਚ ਦਕਵਣ੍ਣਞ੍ਚ… ਪੀਤਕਞ੍ਚ ਤੇਲਵਣ੍ਣਞ੍ਚ… ਪੀਤਕਞ੍ਚ ਖੀਰਵਣ੍ਣਞ੍ਚ… ਪੀਤਕਞ੍ਚ ਦਧਿਵਣ੍ਣਞ੍ਚ… ਪੀਤਕਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੀਤਕਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਸ੍ਸ ਬਦ੍ਧਚਕ੍ਕਂ.

੨੪੬. ਲੋਹਿਤਕਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਲੋਹਿਤਕਞ੍ਚ ਤਕ੍ਕਵਣ੍ਣਞ੍ਚ…ਪੇ… ਲੋਹਿਤਕਞ੍ਚ ਦਕਵਣ੍ਣਞ੍ਚ… ਲੋਹਿਤਕਞ੍ਚ ਤੇਲਵਣ੍ਣਞ੍ਚ… ਲੋਹਿਤਕਞ੍ਚ ਖੀਰਵਣ੍ਣਞ੍ਚ… ਲੋਹਿਤਕਞ੍ਚ ਦਧਿਵਣ੍ਣਞ੍ਚ… ਲੋਹਿਤਕਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਲੋਹਿਤਕਞ੍ਚ ਨੀਲਞ੍ਚ…ਪੇ… ਲੋਹਿਤਕਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਓਦਾਤਞ੍ਚ ਤਕ੍ਕਵਣ੍ਣਞ੍ਚ…ਪੇ… ਓਦਾਤਞ੍ਚ ਦਕਵਣ੍ਣਞ੍ਚ… ਓਦਾਤਞ੍ਚ ਤੇਲਵਣ੍ਣਞ੍ਚ… ਓਦਾਤਞ੍ਚ ਖੀਰਵਣ੍ਣਞ੍ਚ… ਓਦਾਤਞ੍ਚ ਦਧਿਵਣ੍ਣਞ੍ਚ… ਓਦਾਤਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਓਦਾਤਞ੍ਚ ਨੀਲਞ੍ਚ…ਪੇ… ਓਦਾਤਞ੍ਚ ਪੀਤਕਞ੍ਚ… ਓਦਾਤਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤਕ੍ਕਵਣ੍ਣਞ੍ਚ ਦਕਵਣ੍ਣਞ੍ਚ…ਪੇ… ਤਕ੍ਕਵਣ੍ਣਞ੍ਚ ਤੇਲਵਣ੍ਣਞ੍ਚ… ਤਕ੍ਕਵਣ੍ਣਞ੍ਚ ਖੀਰਵਣ੍ਣਞ੍ਚ… ਤਕ੍ਕਵਣ੍ਣਞ੍ਚ ਦਧਿਵਣ੍ਣਞ੍ਚ… ਤਕ੍ਕਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤਕ੍ਕਵਣ੍ਣਞ੍ਚ ਨੀਲਞ੍ਚ…ਪੇ… ਤਕ੍ਕਵਣ੍ਣਞ੍ਚ ਪੀਤਕਞ੍ਚ… ਤਕ੍ਕਵਣ੍ਣਞ੍ਚ ਲੋਹਿਤਕਞ੍ਚ… ਤਕ੍ਕਵਣ੍ਣਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਕਵਣ੍ਣਞ੍ਚ ਤੇਲਵਣ੍ਣਞ੍ਚ…ਪੇ… ਦਕਵਣ੍ਣਞ੍ਚ ਖੀਰਵਣ੍ਣਞ੍ਚ… ਦਕਵਣ੍ਣਞ੍ਚ ਦਧਿਵਣ੍ਣਞ੍ਚ… ਦਕਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਕਵਣ੍ਣਞ੍ਚ ਨੀਲਞ੍ਚ…ਪੇ… ਦਕਵਣ੍ਣਞ੍ਚ ਪੀਤਕਞ੍ਚ… ਦਕਵਣ੍ਣਞ੍ਚ ਲੋਹਿਤਕਞ੍ਚ… ਦਕਵਣ੍ਣਞ੍ਚ ਓਦਾਤਞ੍ਚ… ਦਕਵਣ੍ਣਞ੍ਚ ਤਕ੍ਕਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤੇਲਵਣ੍ਣਞ੍ਚ ਖੀਰਵਣ੍ਣਞ੍ਚ…ਪੇ… ਤੇਲਵਣ੍ਣਞ੍ਚ ਦਧਿਵਣ੍ਣਞ੍ਚ… ਤੇਲਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤੇਲਵਣ੍ਣਞ੍ਚ ਨੀਲਞ੍ਚ…ਪੇ… ਤੇਲਵਣ੍ਣਞ੍ਚ ਪੀਤਕਞ੍ਚ… ਤੇਲਵਣ੍ਣਞ੍ਚ ਲੋਹਿਤਕਞ੍ਚ… ਤੇਲਵਣ੍ਣਞ੍ਚ ਓਦਾਤਞ੍ਚ… ਤੇਲਵਣ੍ਣਞ੍ਚ ਤਕ੍ਕਵਣ੍ਣਞ੍ਚ… ਤੇਲਵਣ੍ਣਞ੍ਚ ਦਕਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖੀਰਵਣ੍ਣਞ੍ਚ ਦਧਿਵਣ੍ਣਞ੍ਚ…ਪੇ… ਖੀਰਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖੀਰਵਣ੍ਣਞ੍ਚ ਨੀਲਞ੍ਚ…ਪੇ… ਖੀਰਵਣ੍ਣਞ੍ਚ ਪੀਤਕਞ੍ਚ… ਖੀਰਵਣ੍ਣਞ੍ਚ ਲੋਹਿਤਕਞ੍ਚ… ਖੀਰਵਣ੍ਣਞ੍ਚ ਓਦਾਤਞ੍ਚ… ਖੀਰਵਣ੍ਣਞ੍ਚ ਤਕ੍ਕਵਣ੍ਣਞ੍ਚ… ਖੀਰਵਣ੍ਣਞ੍ਚ ਦਕਵਣ੍ਣਞ੍ਚ… ਖੀਰਵਣ੍ਣਞ੍ਚ ਤੇਲਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਧਿਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਧਿਵਣ੍ਣਞ੍ਚ ਨੀਲਞ੍ਚ…ਪੇ… ਦਧਿਵਣ੍ਣਞ੍ਚ ਪੀਤਕਞ੍ਚ… ਦਧਿਵਣ੍ਣਞ੍ਚ ਲੋਹਿਤਕਞ੍ਚ… ਦਧਿਵਣ੍ਣਞ੍ਚ ਓਦਾਤਞ੍ਚ… ਦਧਿਵਣ੍ਣਞ੍ਚ ਤਕ੍ਕਵਣ੍ਣਞ੍ਚ… ਦਧਿਵਣ੍ਣਞ੍ਚ ਦਕਵਣ੍ਣਞ੍ਚ… ਦਧਿਵਣ੍ਣਞ੍ਚ ਤੇਲਵਣ੍ਣਞ੍ਚ… ਦਧਿਵਣ੍ਣਞ੍ਚ ਖੀਰਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪ੍ਪਿਵਣ੍ਣਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪ੍ਪਿਵਣ੍ਣਞ੍ਚ ਪੀਤਕਞ੍ਚ…ਪੇ… ਸਪ੍ਪਿਵਣ੍ਣਞ੍ਚ ਲੋਹਿਤਕਞ੍ਚ… ਸਪ੍ਪਿਵਣ੍ਣਞ੍ਚ ਓਦਾਤਞ੍ਚ… ਸਪ੍ਪਿਵਣ੍ਣਞ੍ਚ ਤਕ੍ਕਵਣ੍ਣਞ੍ਚ… ਸਪ੍ਪਿਵਣ੍ਣਞ੍ਚ ਦਕਵਣ੍ਣਞ੍ਚ… ਸਪ੍ਪਿਵਣ੍ਣਞ੍ਚ ਤੇਲਵਣ੍ਣਞ੍ਚ… ਸਪ੍ਪਿਵਣ੍ਣਞ੍ਚ ਖੀਰਵਣ੍ਣਞ੍ਚ … ਸਪ੍ਪਿਵਣ੍ਣਞ੍ਚ ਦਧਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਸ੍ਸ ਬਦ੍ਧਚਕ੍ਕਂ ਨਿਟ੍ਠਿਤਂ.

ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ… ਨੀਲਞ੍ਚ ਪੀਤਕਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਸ੍ਸ ਖਣ੍ਡਚਕ੍ਕਂ.

ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ… ਪੀਤਕਞ੍ਚ ਲੋਹਿਤਕਞ੍ਚ ਸਪ੍ਪਿਵਣ੍ਣਞ੍ਚ…ਪੇ… ਪੀਤਕਞ੍ਚ ਲੋਹਿਤਕਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਸ੍ਸ ਬਦ੍ਧਚਕ੍ਕਂ ਸਂਖਿਤ੍ਤਂ.

ਦਧਿਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਨੀਲਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ… ਦਧਿਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਖੀਰਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦੁਮੂਲਕਂ ਨਿਟ੍ਠਿਤਂ.

ਤਿਮੂਲਕਮ੍ਪਿ ਚਤੁਮੂਲਕਮ੍ਪਿ ਪਞ੍ਚਮੂਲਕਮ੍ਪਿ ਛਮੂਲਕਮ੍ਪਿ ਸਤ੍ਤਮੂਲਕਮ੍ਪਿ ਅਟ੍ਠਮੂਲਕਮ੍ਪਿ ਨਵਮੂਲਕਮ੍ਪਿ ਏਵਮੇਵ ਵਿਤ੍ਥਾਰੇਤਬ੍ਬਂ.

ਇਦਂ ਸਬ੍ਬਮੂਲਕਂ.

੨੪੭. ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਤਕ੍ਕਵਣ੍ਣਞ੍ਚ ਦਕਵਣ੍ਣਞ੍ਚ ਤੇਲਵਣ੍ਣਞ੍ਚ ਖੀਰਵਣ੍ਣਞ੍ਚ ਦਧਿਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਬ੍ਬਮੂਲਕਂ ਨਿਟ੍ਠਿਤਂ.

੨੪੮. ਆਰੋਗ੍ਯਤ੍ਥਞ੍ਚ ਨੀਲਞ੍ਚ [ਆਰੋਗ੍ਯਤ੍ਥਂ ਨੀਲਂ (?)] ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਉਭਤੋ ਵਡ੍ਢਕਂ ਏਵਮੇਵ ਵਡ੍ਢੇਤਬ੍ਬਂ.

ਆਰੋਗ੍ਯਤ੍ਥਞ੍ਚ ਸੁਖਤ੍ਥਞ੍ਚ ਭੇਸਜ੍ਜਤ੍ਥਞ੍ਚ ਦਾਨਤ੍ਥਞ੍ਚ ਪੁਞ੍ਞਤ੍ਥਞ੍ਚ ਯਞ੍ਞਤ੍ਥਞ੍ਚ ਸਗ੍ਗਤ੍ਥਞ੍ਚ ਬੀਜਤ੍ਥਞ੍ਚ ਵੀਮਂਸਤ੍ਥਞ੍ਚ ਦਵਤ੍ਥਞ੍ਚ ਨੀਲਞ੍ਚ ਪੀਤਕਞ੍ਚ ਲੋਹਿਤਕਞ੍ਚ ਓਦਾਤਞ੍ਚ ਤਕ੍ਕਵਣ੍ਣਞ੍ਚ ਦਕਵਣ੍ਣਞ੍ਚ ਤੇਲਵਣ੍ਣਞ੍ਚ ਖੀਰਵਣ੍ਣਞ੍ਚ ਦਧਿਵਣ੍ਣਞ੍ਚ ਸਪ੍ਪਿਵਣ੍ਣਞ੍ਚ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਿਸ੍ਸਕਚਕ੍ਕਂ ਨਿਟ੍ਠਿਤਂ.

੨੪੯. ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ…ਪੇ… ਓਦਾਤਂ … ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ ਨਿਟ੍ਠਿਤਂ.

੨੫੦. ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ…ਪੇ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ… ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਮੂਲਂ ਸਂਖਿਤ੍ਤਂ.

੨੫੧. ਸਪ੍ਪਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪ੍ਪਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ…ਪੇ… ਲੋਹਿਤਕਂ… ਓਦਾਤਂ … ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਕੁਚ੍ਛਿਚਕ੍ਕਂ ਨਿਟ੍ਠਿਤਂ.

੨੫੨. ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਲੋਹਿਤਕਂ…ਪੇ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਨੀਲਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਪਠਮਂ ਗਮਨਂ ਨਿਟ੍ਠਿਤਂ.

੨੫੩. ਲੋਹਿਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਓਦਾਤਂ…ਪੇ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ

… ਦਧਿਵਣ੍ਣਂ… ਸਪ੍ਪਿਵਣ੍ਣਂ… ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਪੀਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਦੁਤਿਯਂ ਗਮਨਂ ਨਿਟ੍ਠਿਤਂ.

੨੫੪. ਓਦਾਤਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤਕ੍ਕਵਣ੍ਣਂ…ਪੇ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ…

ਸਪ੍ਪਿਵਣ੍ਣਂ… ਨੀਲਂ … ਪੀਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਲੋਹਿਤਕਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਤਤਿਯਂ ਗਮਨਂ ਨਿਟ੍ਠਿਤਂ.

੨੫੫. ਤਕ੍ਕਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਕਵਣ੍ਣਂ…ਪੇ… ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ… ਨੀਲਂ… ਪੀਤਕਂ… ਲੋਹਿਤਕਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਓਦਾਤਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਚਤੁਤ੍ਥਂ ਗਮਨਂ ਨਿਟ੍ਠਿਤਂ.

੨੫੬. ਦਕਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤਕ੍ਕਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਤੇਲਵਣ੍ਣਂ …ਪੇ… ਖੀਰਵਣ੍ਣਂ… ਦਧਿਵਣ੍ਣਂ… ਸਪ੍ਪਿਵਣ੍ਣਂ… ਨੀਲ…

ਪੀਤਕਂ… ਲੋਹਿਤਕਂ… ਓਦਾਤਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤਕ੍ਕਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਪਞ੍ਚਮਂ ਗਮਨਂ ਨਿਟ੍ਠਿਤਂ.

੨੫੭. ਤੇਲਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਕਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖੀਰਵਣ੍ਣਂ…ਪੇ… ਦਧਿਵਣ੍ਣਂ… ਸਪ੍ਪਿਵਣ੍ਣਂ… ਨੀਲਂ … ਪੀਤਕਂ… ਲੋਹਿਤਕਂ…

ਓਦਾਤਂ… ਤਕ੍ਕਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਕਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਛਟ੍ਠਂ ਗਮਨਂ ਨਿਟ੍ਠਿਤਂ.

੨੫੮. ਖੀਰਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤੇਲਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਧਿਵਣ੍ਣਂ…ਪੇ… ਸਪ੍ਪਿਵਣ੍ਣਂ… ਨੀਲਂ… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਤੇਲਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਸਤ੍ਤਮਂ ਗਮਨਂ ਨਿਟ੍ਠਿਤਂ.

੨੫੯. ਦਧਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਖੀਰਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪ੍ਪਿਵਣ੍ਣਂ…ਪੇ… ਨੀਲਂ… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਖੀਰਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਅਟ੍ਠਮਂ ਗਮਨਂ ਨਿਟ੍ਠਿਤਂ.

੨੬੦. ਸਪ੍ਪਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਧਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨੀਲਂ…ਪੇ… ਪੀਤਕਂ… ਲੋਹਿਤਕਂ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ… ਤੇਲਵਣ੍ਣਂ… ਖੀਰਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਦਧਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਨਵਮਂ ਗਮਨਂ ਨਿਟ੍ਠਿਤਂ.

੨੬੧. ਨੀਲਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਸਪ੍ਪਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੀਤਕਂ …ਪੇ… ਲੋਹਿਤਕਂ… ਓਦਾਤਂ… ਤਕ੍ਕਵਣ੍ਣਂ… ਦਕਵਣ੍ਣਂ … ਤੇਲਵਣ੍ਣਂ… ਖੀਰਵਣ੍ਣਂ… ਦਧਿਵਣ੍ਣਂ ਮੋਚੇਸ੍ਸਾਮੀਤਿ ਚੇਤੇਤਿ ਉਪਕ੍ਕਮਤਿ ਸਪ੍ਪਿਵਣ੍ਣਂ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਿਟ੍ਠਿਚਕ੍ਕਸ੍ਸ ਦਸਮਂ ਗਮਨਂ ਨਿਟ੍ਠਿਤਂ.

ਪਿਟ੍ਠਿਚਕ੍ਕਂ ਨਿਟ੍ਠਿਤਂ.

੨੬੨. ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਚੇਤੇਤਿ ਨ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ.

ਚੇਤੇਤਿ ਨ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ.

ਨ ਚੇਤੇਤਿ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ.

ਨ ਚੇਤੇਤਿ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ.

ਨ ਚੇਤੇਤਿ ਨ ਉਪਕ੍ਕਮਤਿ ਮੁਚ੍ਚਤਿ, ਅਨਾਪਤ੍ਤਿ.

ਨ ਚੇਤੇਤਿ ਨ ਉਪਕ੍ਕਮਤਿ ਨ ਮੁਚ੍ਚਤਿ, ਅਨਾਪਤ੍ਤਿ.

ਅਨਾਪਤ੍ਤਿ ਸੁਪਿਨਨ੍ਤੇਨ, ਨਮੋਚਨਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਸੁਪਿਨੋਚ੍ਚਾਰਪਸ੍ਸਾਵੋ, ਵਿਤਕ੍ਕੁਣ੍ਹੋਦਕੇਨ ਚ;

ਭੇਸਜ੍ਜਂ ਕਣ੍ਡੁਵਂ ਮਗ੍ਗੋ, ਵਤ੍ਥਿ ਜਨ੍ਤਾਘਰੁਪਕ੍ਕਮੋ [ਜਨ੍ਤਗ੍ਗੁਪਕ੍ਕਮੋ (ਸੀ.), ਜਨ੍ਤਾਘਰਂ ਊਰੁ (ਸ੍ਯਾ.)].

ਸਾਮਣੇਰੋ ਚ ਸੁਤ੍ਤੋ ਚ, ਊਰੁ ਮੁਟ੍ਠਿਨਾ ਪੀਲ਼ਯਿ;

ਆਕਾਸੇ ਥਮ੍ਭਂ ਨਿਜ੍ਝਾਯਿ, ਛਿਦ੍ਦਂ ਕਟ੍ਠੇਨ ਘਟ੍ਟਯਿ.

ਸੋਤੋ ਉਦਞ੍ਜਲਂ ਧਾਵਂ, ਪੁਪ੍ਫਾਵਲਿਯਂ ਪੋਕ੍ਖਰਂ;

ਵਾਲਿਕਾ ਕਦ੍ਦਮੁਸ੍ਸੇਕੋ [ਕਦ੍ਦਮੋਸੇਕੋ (?)], ਸਯਨਙ੍ਗੁਟ੍ਠਕੇਨ ਚਾਤਿ.

ਵਿਨੀਤਵਤ੍ਥੁ

੨੬੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਸੁਪਿਨਨ੍ਤੇਨ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸੁਪਿਨਨ੍ਤੇਨਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਚ੍ਚਾਰਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਮੋਚਨਾਧਿਪ੍ਪਾਯੋ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਸ੍ਸਾਵਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਕਾਮਵਿਤਕ੍ਕਂ ਵਿਤਕ੍ਕੇਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਵਿਤਕ੍ਕੇਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਕਿਂਚਿਤ੍ਤੋ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਮੋਚਨਾਧਿਪ੍ਪਾਯੋ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਣ੍ਹੋਦਕੇਨ ਨ੍ਹਾਯਨ੍ਤਸ੍ਸ ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਙ੍ਗਜਾਤੇ ਵਣੋ ਹੋਤਿ. ਭੇਸਜ੍ਜੇਨ [ਤਸ੍ਸ ਭੇਸਜ੍ਜੇਨ (?)] ਆਲਿਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਙ੍ਗਜਾਤੇ ਵਣੋ ਹੋਤਿ. ਮੋਚਨਾਧਿਪ੍ਪਾਯਸ੍ਸ [ਤਸ੍ਸ ਮੋਚਨਾਮਿਪ੍ਪਾਯਸ੍ਸ (ਸ੍ਯਾ.)] ਭੇਸਜ੍ਜੇਨ ਆਲਿਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਣ੍ਡਂ ਕਣ੍ਡੁਵਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਅਣ੍ਡਂ ਕਣ੍ਡੁਵਨ੍ਤਸ੍ਸ [ਕਣ੍ਡੂਵਨ੍ਤਸ੍ਸ (ਸੀ.)] ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੨੬੪. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮਗ੍ਗਂ ਗਚ੍ਛਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਮਗ੍ਗਂ ਗਚ੍ਛਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਵਤ੍ਥਿਂ ਗਹੇਤ੍ਵਾ ਪਸ੍ਸਾਵਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਵਤ੍ਥਿਂ ਗਹੇਤ੍ਵਾ ਪਸ੍ਸਾਵਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਜਨ੍ਤਾਘਰੇ ਉਦਰਵਟ੍ਟਿਂ ਤਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਜਨ੍ਤਾਘਰੇ ਉਦਰਵਟ੍ਟਿਂ ਤਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਜਨ੍ਤਾਘਰੇ ਉਪਜ੍ਝਾਯਸ੍ਸ ਪਿਟ੍ਠਿਪਰਿਕਮ੍ਮਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਜਨ੍ਤਾਘਰੇ ਉਪਜ੍ਝਾਯਸ੍ਸ ਪਿਟ੍ਠਿਪਰਿਕਮ੍ਮਂ ਕਰੋਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੨੬੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਊਰੁਂ ਘਟ੍ਟਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਊਰੁਂ ਘਟ੍ਟਾਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮੋਚਨਾਧਿਪ੍ਪਾਯੋ ਅਞ੍ਞਤਰਂ ਸਾਮਣੇਰਂ ਏਤਦਵੋਚ – ‘‘ਏਹਿ ਮੇ ਤ੍ਵਂ, ਆਵੁਸੋ ਸਾਮਣੇਰ, ਅਙ੍ਗਜਾਤਂ ਗਣ੍ਹਾਹੀ’’ਤਿ. ਸੋ ਤਸ੍ਸ ਅਙ੍ਗਜਾਤਂ ਅਗ੍ਗਹੇਸਿ. ਤਸ੍ਸੇਵ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਤ੍ਤਸ੍ਸ ਸਾਮਣੇਰਸ੍ਸ ਅਙ੍ਗਜਾਤਂ ਅਗ੍ਗਹੇਸਿ. ਤਸ੍ਸੇਵ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ …ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੨੬੬. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਊਰੂਹਿ ਅਙ੍ਗਜਾਤਂ ਪੀਲ਼ੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਮੁਟ੍ਠਿਨਾ ਅਙ੍ਗਜਾਤਂ ਪੀਲ਼ੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਆਕਾਸੇ ਕਟਿਂ ਕਮ੍ਪੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਕਾਯਂ ਥਮ੍ਭੇਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਾਯਂ ਥਮ੍ਭੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਮਾਤੁਗਾਮਸ੍ਸ ਅਙ੍ਗਜਾਤਂ ਉਪਨਿਜ੍ਝਾਯਿ. ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ. ਨ ਚ, ਭਿਕ੍ਖਵੇ, ਸਾਰਤ੍ਤੇਨ ਮਾਤੁਗਾਮਸ੍ਸ ਅਙ੍ਗਜਾਤਂ ਉਪਨਿਜ੍ਝਾਯਿਤਬ੍ਬਂ. ਯੋ ਉਪਨਿਜ੍ਝਾਯੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੨੬੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਤਾਲ਼ਚ੍ਛਿਦ੍ਦਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਟ੍ਠੇਨ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਟਿਸੋਤੇ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪਟਿਸੋਤੇ ਨ੍ਹਾਯਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਞ੍ਜਲਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਞ੍ਜਲਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਕੇ ਧਾਵਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਕੇ ਧਾਵਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪੁਪ੍ਫਾਵਲਿਯਂ [ਪੁਪ੍ਫਾਵਲ਼ਿਯਂ (ਸ੍ਯਾ. ਕ.)] ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪੁਪ੍ਫਾਵਲਿਯਂ ਕੀਲ਼ਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

੨੬੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪੋਕ੍ਖਰਵਨੇ ਧਾਵਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਪੋਕ੍ਖਰਵਨੇ ਧਾਵਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਵਾਲਿਕਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਕਦ੍ਦਮਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਉਦਕੇਨ ਅਙ੍ਗਜਾਤਂ ਓਸਿਞ੍ਚਨ੍ਤਸ੍ਸ ਅਸੁਚਿ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਨਮੋਚਨਾਧਿਪ੍ਪਾਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਉਦਕੇਨ ਅਙ੍ਗਜਾਤਂ ਓਸਿਞ੍ਚਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਸਯਨੇ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਮੋਚਨਾਧਿਪ੍ਪਾਯਸ੍ਸ ਅਙ੍ਗੁਟ੍ਠੇਨ ਅਙ੍ਗਜਾਤਂ ਘਟ੍ਟੇਨ੍ਤਸ੍ਸ ਅਸੁਚਿ ਮੁਚ੍ਚਿ…ਪੇ… ਅਸੁਚਿ ਨ ਮੁਚ੍ਚਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਸੁਕ੍ਕਵਿਸ੍ਸਟ੍ਠਿਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ.

੨. ਕਾਯਸਂਸਗ੍ਗਸਿਕ੍ਖਾਪਦਂ

੨੬੯. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਅਰਞ੍ਞੇ ਵਿਹਰਤਿ. ਤਸ੍ਸਾਯਸ੍ਮਤੋ ਵਿਹਾਰੋ ਅਭਿਰੂਪੋ ਹੋਤਿ ਦਸ੍ਸਨੀਯੋ ਪਾਸਾਦਿਕੋ, ਮਜ੍ਝੇਗਬ੍ਭੋ, ਸਮਨ੍ਤਾਪਰਿਯਾਗਾਰੋ, ਸੁਪਞ੍ਞਤ੍ਤਂ ਮਞ੍ਚਪੀਠਂ ਭਿਸਿਬਿਮ੍ਬੋਹਨਂ, ਪਾਨੀਯਂ ਪਰਿਭੋਜਨੀਯਂ ਸੁਪਟ੍ਠਿਤਂ, ਪਰਿਵੇਣਂ ਸੁਸਮ੍ਮਟ੍ਠਂ. ਬਹੂ ਮਨੁਸ੍ਸਾ ਆਯਸ੍ਮਤੋ ਉਦਾਯਿਸ੍ਸ ਵਿਹਾਰਪੇਕ੍ਖਕਾ ਆਗਚ੍ਛਨ੍ਤਿ. ਅਞ੍ਞਤਰੋਪਿ ਬ੍ਰਾਹ੍ਮਣੋ ਸਪਜਾਪਤਿਕੋ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਇਚ੍ਛਾਮ ਮਯਂ ਭੋਤੋ ਉਦਾਯਿਸ੍ਸ ਵਿਹਾਰਂ ਪੇਕ੍ਖਿਤੁ’’ਨ੍ਤਿ. ‘‘ਤੇਨ ਹਿ, ਬ੍ਰਾਹ੍ਮਣ, ਪੇਕ੍ਖਸ੍ਸੂ’’ਤਿ, ਅਵਾਪੁਰਣਂ [ਅਪਾਪੁਰਣਂ (ਸ੍ਯਾ.)] ਆਦਾਯ ਘਟਿਕਂ ਉਗ੍ਘਾਟੇਤ੍ਵਾ ਕਵਾਟਂ ਪਣਾਮੇਤ੍ਵਾ ਵਿਹਾਰਂ ਪਾਵਿਸਿ. ਸੋਪਿ ਖੋ ਬ੍ਰਾਹ੍ਮਣੋ ਆਯਸ੍ਮਤੋ ਉਦਾਯਿਸ੍ਸ ਪਿਟ੍ਠਿਤੋ ਪਾਵਿਸਿ. ਸਾਪਿ ਖੋ ਬ੍ਰਾਹ੍ਮਣੀ ਤਸ੍ਸ ਬ੍ਰਾਹ੍ਮਣਸ੍ਸ ਪਿਟ੍ਠਿਤੋ ਪਾਵਿਸਿ. ਅਥ ਖੋ ਆਯਸ੍ਮਾ ਉਦਾਯੀ ਏਕਚ੍ਚੇ ਵਾਤਪਾਨੇ ਵਿਵਰਨ੍ਤੋ ਏਕਚ੍ਚੇ ਵਾਤਪਾਨੇ ਥਕੇਨ੍ਤੋ ਗਬ੍ਭਂ ਅਨੁਪਰਿਗਨ੍ਤ੍ਵਾ ਪਿਟ੍ਠਿਤੋ ਆਗਨ੍ਤ੍ਵਾ ਤਸ੍ਸਾ ਬ੍ਰਾਹ੍ਮਣਿਯਾ ਅਙ੍ਗਮਙ੍ਗਾਨਿ ਪਰਾਮਸਿ. ਅਥ ਖੋ ਸੋ ਬ੍ਰਾਹ੍ਮਣੋ ਆਯਸ੍ਮਤਾ ਉਦਾਯਿਨਾ ਸਦ੍ਧਿਂ ਪਟਿਸਮ੍ਮੋਦਿਤ੍ਵਾ ਅਗਮਾਸਿ. ਅਥ ਖੋ ਸੋ ਬ੍ਰਾਹ੍ਮਣੋ ਅਤ੍ਤਮਨੋ ਅਤ੍ਤਮਨਵਾਚਂ ਨਿਚ੍ਛਾਰੇਸਿ – ‘‘ਉਲ਼ਾਰਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਯੇ ਇਮੇ ਏਵਰੂਪੇ ਅਰਞ੍ਞੇ ਵਿਹਰਨ੍ਤਿ. ਭਵਮ੍ਪਿ ਉਦਾਯੀ ਉਲ਼ਾਰੋ ਯੋ ਏਵਰੂਪੇ ਅਰਞ੍ਞੇ ਵਿਹਰਤੀ’’ਤਿ.

ਏਵਂ ਵੁਤ੍ਤੇ ਸਾ ਬ੍ਰਾਹ੍ਮਣੀ ਤਂ ਬ੍ਰਾਹ੍ਮਣਂ ਏਤਦਵੋਚ – ‘‘ਕੁਤੋ ਤਸ੍ਸ ਉਲ਼ਾਰਤ੍ਤਤਾ! ਯਥੇਵ ਮੇ ਤ੍ਵਂ ਅਙ੍ਗਮਙ੍ਗਾਨਿ ਪਰਾਮਸਿ ਏਵਮੇਵ ਮੇ ਸਮਣੋ ਉਦਾਯੀ ਅਙ੍ਗਮਙ੍ਗਾਨਿ ਪਰਾਮਸੀ’’ਤਿ. ਅਥ ਖੋ ਸੋ ਬ੍ਰਾਹ੍ਮਣੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ. ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ. ਕਥਞ੍ਹਿ ਨਾਮ ਸਮਣੋ ਉਦਾਯੀ ਮਮ ਭਰਿਯਾਯ ਅਙ੍ਗਮਙ੍ਗਾਨਿ ਪਰਾਮਸਿਸ੍ਸਤਿ! ਨ ਹਿ ਸਕ੍ਕਾ ਕੁਲਿਤ੍ਥੀਹਿ ਕੁਲਧੀਤਾਹਿ ਕੁਲਕੁਮਾਰੀਹਿ ਕੁਲਸੁਣ੍ਹਾਹਿ ਕੁਲਦਾਸੀਹਿ ਆਰਾਮਂ ਵਾ ਵਿਹਾਰਂ ਵਾ ਗਨ੍ਤੁਂ. ਸਚੇ [ਸਚੇ ਹਿ (ਸ੍ਯਾ.)] ਕੁਲਿਤ੍ਥਿਯੋ ਕੁਲਧੀਤਰੋ [ਕੁਲਧੀਤਾਯੋ (ਸੀ. ਸ੍ਯਾ.)] ਕੁਲਕੁਮਾਰਿਯੋ ਕੁਲਸੁਣ੍ਹਾਯੋ ਕੁਲਦਾਸਿਯੋ ਆਰਾਮਂ ਵਾ ਵਿਹਾਰਂ ਵਾ ਗਚ੍ਛੇਯ੍ਯੁਂ, ਤਾਪਿ ਸਮਣਾ ਸਕ੍ਯਪੁਤ੍ਤਿਯਾ ਦੂਸੇਯ੍ਯੁ’’ਨ੍ਤਿ!

ਅਸ੍ਸੋਸੁਂ ਖੋ ਭਿਕ੍ਖੁ ਤਸ੍ਸ ਬ੍ਰਾਹ੍ਮਣਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਿਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ…ਪੇ… ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ. ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੨੭੦. ‘‘ਯੋ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯ ਹਤ੍ਥਗ੍ਗਾਹਂ ਵਾ ਵੇਣਿਗ੍ਗਾਹਂ ਵਾ ਅਞ੍ਞਤਰਸ੍ਸ ਵਾ ਅਞ੍ਞਤਰਸ੍ਸ ਵਾ ਅਙ੍ਗਸ੍ਸ ਪਰਾਮਸਨਂ, ਸਙ੍ਘਾਦਿਸੇਸੋ’’ਤਿ.

੨੭੧. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਓਤਿਣ੍ਣੋ ਨਾਮ ਸਾਰਤ੍ਤੋ ਅਪੇਕ੍ਖਵਾ ਪਟਿਬਦ੍ਧਚਿਤ੍ਤੋ.

ਵਿਪਰਿਣਤਨ੍ਤਿ ਰਤ੍ਤਮ੍ਪਿ ਚਿਤ੍ਤਂ ਵਿਪਰਿਣਤਂ. ਦੁਟ੍ਠਮ੍ਪਿ ਚਿਤ੍ਤਂ ਵਿਪਰਿਣਤਂ. ਮੂਲ਼੍ਹਮ੍ਪਿ ਚਿਤ੍ਤਂ ਵਿਪਰਿਣਤਂ. ਅਪਿਚ, ਰਤ੍ਤਂ ਚਿਤ੍ਤਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਂ ਵਿਪਰਿਣਤਨ੍ਤਿ.

ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ ਨ ਪੇਤੀ, ਨ ਤਿਰਚ੍ਛਾਨਗਤਾ. ਅਨ੍ਤਮਸੋ ਤਦਹੁਜਾਤਾਪਿ ਦਾਰਿਕਾ, ਪਗੇਵ ਮਹਤ੍ਤਰੀ.

ਸਦ੍ਧਿਨ੍ਤਿ ਏਕਤੋ.

ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯਾਤਿ ਅਜ੍ਝਾਚਾਰੋ ਵੁਚ੍ਚਤਿ.

ਹਤ੍ਥੋ ਨਾਮ ਕਪ੍ਪਰਂ ਉਪਾਦਾਯਂ ਯਾਵ ਅਗ੍ਗਨਖਾ.

ਵੇਣੀ ਨਾਮ ਸੁਦ੍ਧਕੇਸਾ ਵਾ, ਸੁਤ੍ਤਮਿਸ੍ਸਾ ਵਾ, ਮਾਲਾਮਿਸ੍ਸਾ ਵਾ, ਹਿਰਞ੍ਞਮਿਸ੍ਸਾ ਵਾ, ਸੁਵਣ੍ਣਮਿਸ੍ਸਾ ਵਾ, ਮੁਤ੍ਤਾਮਿਸ੍ਸਾ ਵਾ, ਮਣਿਮਿਸ੍ਸਾ ਵਾ.

ਅਙ੍ਗਂ ਨਾਮ ਹਤ੍ਥਞ੍ਚ ਵੇਣਿਞ੍ਚ ਠਪੇਤ੍ਵਾ ਅਵਸੇਸਂ ਅਙ੍ਗਂ ਨਾਮ.

੨੭੨. ਆਮਸਨਾ, ਪਰਾਮਸਨਾ, ਓਮਸਨਾ, ਉਮ੍ਮਸਨਾ, ਓਲਙ੍ਘਨਾ, ਉਲ੍ਲਙ੍ਘਨਾ, ਆਕਡ੍ਢਨਾ, ਪਤਿਕਡ੍ਢਨਾ, ਅਭਿਨਿਗ੍ਗਣ੍ਹਨਾ, ਅਭਿਨਿਪ੍ਪੀਲ਼ਨਾ, ਗਹਣਂ, ਛੁਪਨਂ.

ਆਮਸਨਾ ਨਾਮ ਆਮਟ੍ਠਮਤ੍ਤਾ.

ਪਰਾਮਸਨਾ ਨਾਮ ਇਤੋਚਿਤੋ ਚ ਸਂਚੋਪਨਾ.

ਓਮਸਨਾ ਨਾਮ ਹੇਟ੍ਠਾ ਓਰੋਪਨਾ.

ਉਮ੍ਮਸਨਾ ਨਾਮ ਉਦ੍ਧਂ ਉਚ੍ਚਾਰਣਾ.

ਓਲਙ੍ਘਨਾ ਨਾਮ ਹੇਟ੍ਠਾ ਓਨਮਨਾ.

ਉਲ੍ਲਙ੍ਘਨਾ ਨਾਮ ਉਦ੍ਧਂ ਉਚ੍ਚਾਰਣਾ.

ਆਕਡ੍ਢਨਾ ਨਾਮ ਆਵਿਞ੍ਛਨਾ [ਆਵਿਞ੍ਜਨਾ (ਸੀ. ਸ੍ਯਾ.)].

ਪਤਿਕਡ੍ਢਨਾ ਨਾਮ ਪਤਿਪ੍ਪਣਾਮਨਾ.

ਅਭਿਨਿਗ੍ਗਣ੍ਹਨਾ ਨਾਮ ਅਙ੍ਗਂ ਗਹੇਤ੍ਵਾ ਨਿਪ੍ਪੀਲ਼ਨਾ.

ਅਭਿਨਿਪ੍ਪੀਲ਼ਨਾ ਨਾਮ ਕੇਨਚਿ ਸਹ ਨਿਪ੍ਪੀਲ਼ਨਾ.

ਗਹਣਂ ਨਾਮ ਗਹਿਤਮਤ੍ਤਂ.

ਛੁਪਨਂ ਨਾਮ ਫੁਟ੍ਠਮਤ੍ਤਂ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੨੭੩. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ. ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ ਓਮਸਤਿ ਉਮ੍ਮਸਤਿ ਓਲਙ੍ਘੇਤਿ ਉਲ੍ਲਙ੍ਘੇਤਿ ਆਕਡ੍ਢਤਿ ਪਤਿਕਡ੍ਢਤਿ ਅਭਿਨਿਗ੍ਗਣ੍ਹਾਤਿ ਅਭਿਨਿਪ੍ਪੀਲ਼ੇਤਿ ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਇਤ੍ਥੀ ਚ ਹੋਤਿ ਵੇਮਤਿਕੋ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਇਤ੍ਥੀ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਇਤ੍ਥੀ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਇਤ੍ਥੀ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਪਣ੍ਡਕੋ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਪਣ੍ਡਕੋ ਚ ਹੋਤਿ ਵੇਮਤਿਕੋ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪਣ੍ਡਕੋ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪਣ੍ਡਕੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪਣ੍ਡਕੋ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪੁਰਿਸੋ ਚ ਹੋਤਿ ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪੁਰਿਸਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪੁਰਿਸੋ ਚ ਹੋਤਿ ਵੇਮਤਿਕੋ…ਪੇ… ਪੁਰਿਸੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ… ਪੁਰਿਸੋ ਚ ਹੋਤਿ ਇਤ੍ਥਿਸਞ੍ਞੀ… ਪੁਰਿਸੋ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪੁਰਿਸਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਤਿਰਚ੍ਛਾਨਗਤੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਤਿਰਚ੍ਛਾਨਗਤਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਤਿਰਚ੍ਛਾਨਗਤੋ ਚ ਹੋਤਿ ਵੇਮਤਿਕੋ…ਪੇ… ਤਿਰਚ੍ਛਾਨਗਤੋ ਚ ਹੋਤਿ ਇਤ੍ਥਿਸਞ੍ਞੀ… ਤਿਰਚ੍ਛਾਨਗਤੋ ਚ ਹੋਤਿ ਪਣ੍ਡਕਸਞ੍ਞੀ… ਤਿਰਚ੍ਛਾਨਗਤੋ ਚ ਹੋਤਿ. ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਤਿਰਚ੍ਛਾਨਗਤਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਏਕਮੂਲਕਂ ਨਿਟ੍ਠਿਤਂ.

੨੭੪. ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ.

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਵੇਮਤਿਕੋ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ.

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਪਣ੍ਡਕਸਞ੍ਞੀ…ਪੇ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਦ੍ਵਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ.

ਦ੍ਵੇ ਪਣ੍ਡਕਾ ਦ੍ਵਿਨ੍ਨਂ ਪਣ੍ਡਕਾਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਪਣ੍ਡਕਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ.

ਦ੍ਵੇ ਪਣ੍ਡਕਾ ਦ੍ਵਿਨ੍ਨਂ ਪਣ੍ਡਕਾਨਂ ਵੇਮਤਿਕੋ…ਪੇ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਪਣ੍ਡਕਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਦ੍ਵੇ ਪੁਰਿਸਾ ਦ੍ਵਿਨ੍ਨਂ ਪੁਰਿਸਾਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਪੁਰਿਸਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਦ੍ਵੇ ਪੁਰਿਸਾ ਦ੍ਵਿਨ੍ਨਂ ਪੁਰਿਸਾਨਂ ਵੇਮਤਿਕੋ…ਪੇ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਪੁਰਿਸਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਦ੍ਵੇ ਤਿਰਚ੍ਛਾਨਗਤਾ ਦ੍ਵਿਨ੍ਨਂ ਤਿਰਚ੍ਛਾਨਗਤਾਨਂ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਤਿਰਚ੍ਛਾਨਗਤਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਦ੍ਵੇ ਤਿਰਚ੍ਛਾਨਗਤਾ ਦ੍ਵਿਨ੍ਨਂ ਤਿਰਚ੍ਛਾਨਗਤਾਨਂ ਵੇਮਤਿਕੋ…ਪੇ… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ … ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਤਿਰਚ੍ਛਾਨਗਤਾਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

੨੭੫. ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਵੇਮਤਿਕੋ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ.

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਪੁਰਿਸੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਪੁਰਿਸੋ ਚ ਉਭਿਨ੍ਨਂ ਵੇਮਤਿਕੋ…ਪੇ… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ.

ਇਤ੍ਥੀ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਵੇਮਤਿਕੋ…ਪੇ… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ … ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਪਣ੍ਡਕੋ ਚ ਪੁਰਿਸੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਪਣ੍ਡਕੋ ਚ ਪੁਰਿਸੋ ਚ ਉਭਿਨ੍ਨਂ ਵੇਮਤਿਕੋ…ਪੇ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਪਣ੍ਡਕੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ.

ਪਣ੍ਡਕੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਵੇਮਤਿਕੋ…ਪੇ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਪੁਰਿਸੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਪੁਰਿਸੋ ਚ ਤਿਰਚ੍ਛਾਨਗਤੋ ਚ ਉਭਿਨ੍ਨਂ ਵੇਮਤਿਕੋ…ਪੇ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਦੁਮੂਲਕਂ ਨਿਟ੍ਠਿਤਂ.

੨੭੬. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ …ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਭਿਕ੍ਖੁਪੇਯ੍ਯਾਲੋ ਨਿਟ੍ਠਿਤੋ.

੨੭੭. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਤਿ ਪਰਾਮਸਤਿ ਓਮਸਤਿ ਉਮ੍ਮਸਤਿ ਓਲਙ੍ਘੇਤਿ ਉਲ੍ਲਙ੍ਘੇਤਿ ਆਕਡ੍ਢਤਿ ਪਤਿਕਡ੍ਢਤਿ ਅਭਿਨਿਗ੍ਗਣ੍ਹਾਤਿ ਅਭਿਨਿਪ੍ਪੀਲ਼ੇਤਿ ਗਣ੍ਹਾਤਿ ਛੁਪਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ ਓਮਸਨ੍ਤਿ ਉਮ੍ਮਸਨ੍ਤਿ ਓਲਙ੍ਘੇਨ੍ਤਿ ਉਲ੍ਲਙ੍ਘੇਨ੍ਤਿ ਆਕਡ੍ਢਨ੍ਤਿ ਪਤਿਕਡ੍ਢਨ੍ਤਿ ਅਭਿਨਿਗ੍ਗਣ੍ਹਨ੍ਤਿ ਅਭਿਨਿਪ੍ਪੀਲ਼ੇਨ੍ਤਿ ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਕਾਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ….

੨੭੮. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਤਿ ਪਰਾਮਸਤਿ…ਪੇ… ਗਣ੍ਹਾਤਿ ਛੁਪਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਕਾਯਪਟਿਬਦ੍ਧੇਨ ਕਾਯਪਟਿਬਦ੍ਧਂ ਆਮਸਨ੍ਤਿ ਪਰਾਮਸਨ੍ਤਿ…ਪੇ… ਗਣ੍ਹਨ੍ਤਿ ਛੁਪਨ੍ਤਿ, ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਕਾਯਪਟਿਬਦ੍ਧਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥੀ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਇਤ੍ਥਿਯੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਉਭੋ ਚ ਨਂ ਭਿਕ੍ਖੁਸ੍ਸ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਂ ਆਮਸਨ੍ਤਿ. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

੨੭੯. ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੇਵਨਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਸੇਵਨਾਧਿਪ੍ਪਾਯੋ ਨ ਚ ਕਾਯੇਨ ਵਾਯਮਤਿ, ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

ਸੇਵਨਾਧਿਪ੍ਪਾਯੋ ਨ ਚ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

ਮੋਕ੍ਖਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

ਮੋਕ੍ਖਾਧਿਪ੍ਪਾਯੋ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

ਮੋਕ੍ਖਾਧਿਪ੍ਪਾਯੋ ਨ ਚ ਕਾਯੇਨ ਵਾਯਮਤਿ, ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

ਮੋਕ੍ਖਾਧਿਪ੍ਪਾਯੋ ਨ ਚ ਕਾਯੇਨ ਵਾਯਮਤਿ, ਨ ਚ ਫਸ੍ਸਂ ਪਟਿਵਿਜਾਨਾਤਿ, ਅਨਾਪਤ੍ਤਿ.

੨੮੦. ਅਨਾਪਤ੍ਤਿ ਅਸਞ੍ਚਿਚ੍ਚ, ਅਸਤਿਯਾ, ਅਜਾਨਨ੍ਤਸ੍ਸ, ਅਸਾਦਿਯਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਮਾਤਾ ਧੀਤਾ ਭਗਿਨੀ ਚ, ਜਾਯਾ ਯਕ੍ਖੀ ਚ ਪਣ੍ਡਕੋ;

ਸੁਤ੍ਤਾ ਮਤਾ ਤਿਰਚ੍ਛਾਨਾ, ਦਾਰੁਧਿਤਲਿਕਾਯ ਚ.

ਸਮ੍ਪੀਲ਼ੇ ਸਙ੍ਕਮੋ ਮਗ੍ਗੋ, ਰੁਕ੍ਖੋ ਨਾਵਾ ਚ ਰਜ੍ਜੁ ਚ;

ਦਣ੍ਡੋ ਪਤ੍ਤਂ ਪਣਾਮੇਸਿ, ਵਨ੍ਦੇ ਵਾਯਮਿ ਨਚ੍ਛੁਪੇਤਿ.

ਵਿਨੀਤਵਤ੍ਥੁ

੨੮੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਾਤੁਯਾ ਮਾਤੁਪੇਮੇਨ ਆਮਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਧੀਤੁਯਾ ਧੀਤੁਪੇਮੇਨ ਆਮਸਿ…ਪੇ… ਭਗਿਨਿਯਾ ਭਗਿਨਿਪੇਮੇਨ ਆਮਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪੁਰਾਣਦੁਤਿਯਿਕਾਯ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਯਕ੍ਖਿਨਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣ੍ਡਕਸ੍ਸ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸੁਤ੍ਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਮਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਤਿਰਚ੍ਛਾਨਗਤਿਤ੍ਥਿਯਾ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਦਾਰੁਧੀਤਲਿਕਾਯ ਕਾਯਸਂਸਗ੍ਗਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੨੮੨. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਇਤ੍ਥਿਯੋ ਅਞ੍ਞਤਰਂ ਭਿਕ੍ਖੁਂ ਸਮ੍ਪੀਲ਼ੇਤ੍ਵਾ ਬਾਹਾਪਰਮ੍ਪਰਾਯ ਆਨੇਸੁਂ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਸਾਦਿਯਿ ਤ੍ਵਂ, ਭਿਕ੍ਖੂ’’ਤਿ? ‘‘ਨਾਹਂ, ਭਗਵਾ, ਸਾਦਿਯਿ’’ਨ੍ਤਿ. ‘‘ਅਨਾਪਤ੍ਤਿ, ਭਿਕ੍ਖੂ, ਅਸਾਦਿਯਨ੍ਤਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਸਙ੍ਕਮਂ ਸਾਰਤ੍ਤੋ ਸਞ੍ਚਾਲੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਂ ਪਟਿਪਥੇ ਪਸ੍ਸਿਤ੍ਵਾ ਸਾਰਤ੍ਤੋ ਅਂਸਕੂਟੇਨ ਪਹਾਰਂ ਅਦਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਰੁਕ੍ਖਂ ਸਾਰਤ੍ਤੋ ਸਞ੍ਚਾਲੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਅਭਿਰੂਲ਼੍ਹਂ ਨਾਵਂ ਸਾਰਤ੍ਤੋ ਸਞ੍ਚਾਲੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਗਹਿਤਂ ਰਜ੍ਜੁਂ ਸਾਰਤ੍ਤੋ ਆਵਿਞ੍ਛਿ [ਆਵਿਞ੍ਜਿ (ਸੀ. ਸ੍ਯਾ.)]. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਗਹਿਤਂ ਦਣ੍ਡਂ ਸਾਰਤ੍ਤੋ ਆਵਿਞ੍ਛਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਇਤ੍ਥਿਂ ਪਤ੍ਤੇਨ ਪਣਾਮੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਯਾ ਵਨ੍ਦਨ੍ਤਿਯਾ ਸਾਰਤ੍ਤੋ ਪਾਦਂ ਉਚ੍ਚਾਰੇਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਇਤ੍ਥਿਂ ਗਹੇਸ੍ਸਾਮੀਤਿ ਵਾਯਮਿਤ੍ਵਾ ਨ ਛੁਪਿ.

ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਕਾਯਸਂਸਗ੍ਗਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ.

੩. ਦੁਟ੍ਠੁਲ੍ਲਵਾਚਾਸਿਕ੍ਖਾਪਦਂ

੨੮੩. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਅਰਞ੍ਞੇ ਵਿਹਰਤਿ. ਤਸ੍ਸਾਯਸ੍ਮਤੋ ਵਿਹਾਰੋ ਅਭਿਰੂਪੋ ਹੋਤਿ ਦਸ੍ਸਨੀਯੋ ਪਾਸਾਦਿਕੋ. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਇਤ੍ਥਿਯੋ ਆਰਾਮਂ ਆਗਮਂਸੁ ਵਿਹਾਰਪੇਕ੍ਖਿਕਾਯੋ. ਅਥ ਖੋ ਤਾ ਇਤ੍ਥਿਯੋ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚੁਂ – ‘‘ਇਚ੍ਛਾਮ ਮਯਂ, ਭਨ੍ਤੇ, ਅਯ੍ਯਸ੍ਸ ਵਿਹਾਰਂ ਪੇਕ੍ਖਿਤੁ’’ਨ੍ਤਿ. ਅਥ ਖੋ ਆਯਸ੍ਮਾ ਉਦਾਯੀ ਤਾ ਇਤ੍ਥਿਯੋ ਵਿਹਾਰਂ ਪੇਕ੍ਖਾਪੇਤ੍ਵਾ ਤਾਸਂ ਇਤ੍ਥੀਨਂ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ ਯਾਚਤਿਪਿ ਆਯਾਚਤਿਪਿ ਪੁਚ੍ਛਤਿਪਿ ਪਟਿਪੁਚ੍ਛਤਿਪਿ ਆਚਿਕ੍ਖਤਿਪਿ ਅਨੁਸਾਸਤਿਪਿ ਅਕ੍ਕੋਸਤਿਪਿ. ਯਾ ਤਾ ਇਤ੍ਥਿਯੋ ਛਿਨ੍ਨਿਕਾ ਧੁਤ੍ਤਿਕਾ ਅਹਿਰਿਕਾਯੋ ਤਾ ਆਯਸ੍ਮਤਾ ਉਦਾਯਿਨਾ ਸਦ੍ਧਿਂ ਉਹਸਨ੍ਤਿਪਿ ਉਲ੍ਲਪਨ੍ਤਿਪਿ ਉਜ੍ਜਗ੍ਘਨ੍ਤਿਪਿ ਉਪ੍ਪਣ੍ਡੇਨ੍ਤਿਪਿ. ਯਾ ਪਨ ਤਾ ਇਤ੍ਥਿਯੋ ਹਿਰਿਮਨਾ ਤਾ ਨਿਕ੍ਖਮਿਤ੍ਵਾ ਭਿਕ੍ਖੂ ਉਜ੍ਝਾਪੇਨ੍ਤਿ – ‘‘ਇਦਂ, ਭਨ੍ਤੇ, ਨਚ੍ਛਨ੍ਨਂ ਨਪ੍ਪਤਿਰੂਪਂ. ਸਾਮਿਕੇਨਪਿ ਮਯਂ ਏਵਂ ਵੁਤ੍ਤਾ ਨ ਇਚ੍ਛੇਯ੍ਯਾਮ, ਕਿਂ ਪਨਾਯ੍ਯੇਨ ਉਦਾਯਿਨਾ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ…ਪੇ… ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ. ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੨੮੪. ‘‘ਯੋ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸੇਯ੍ਯ ਯਥਾ ਤਂ ਯੁਵਾ ਯੁਵਤਿਂ ਮੇਥੁਨੁਪਸਂਹਿਤਾਹਿ, ਸਙ੍ਘਾਦਿਸੇਸੋ’’ਤਿ.

੨੮੫. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਓਤਿਣ੍ਣੋ ਨਾਮ ਸਾਰਤ੍ਤੋ ਅਪੇਕ੍ਖਵਾ ਪਟਿਬਦ੍ਧਚਿਤ੍ਤੋ.

ਵਿਪਰਿਣਤਨ੍ਤਿ ਰਤ੍ਤਮ੍ਪਿ ਚਿਤ੍ਤਂ ਵਿਪਰਿਣਤਂ, ਦੁਟ੍ਠਮ੍ਪਿ ਚਿਤ੍ਤਂ ਵਿਪਰਿਣਤਂ ਮੂਲ਼੍ਹਮ੍ਪਿ ਚਿਤ੍ਤਂ ਵਿਪਰਿਣਤਂ. ਅਪਿਚ, ਰਤ੍ਤਂ ਚਿਤ੍ਤਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਂ ਵਿਪਰਿਣਤਨ੍ਤਿ.

ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ, ਨ ਪੇਤੀ, ਨ ਤਿਰਚ੍ਛਾਨਗਤਾ. ਵਿਞ੍ਞੂ ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਂ ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਜਾਨਿਤੁਂ.

ਦੁਟ੍ਠੁਲ੍ਲਾ ਨਾਮ ਵਾਚਾ ਵਚ੍ਚਮਗ੍ਗਪਸ੍ਸਾਵਮਗ੍ਗਮੇਥੁਨਧਮ੍ਮਪ੍ਪਟਿਸਂਯੁਤ੍ਤਾ ਵਾਚਾ.

ਓਭਾਸੇਯ੍ਯਾਤਿ ਅਜ੍ਝਾਚਾਰੋ ਵੁਚ੍ਚਤਿ.

ਯਥਾ ਤਂ ਯੁਵਾ ਯੁਵਤਿਨ੍ਤਿ ਦਹਰੋ ਦਹਰਿਂ, ਤਰੁਣੋ ਤਰੁਣਿਂ, ਕਾਮਭੋਗੀ ਕਾਮਭੋਗਿਨਿਂ.

ਮੇਥੁਨੁਪਸਂਹਿਤਾਹੀਤਿ ਮੇਥੁਨਧਮ੍ਮਪ੍ਪਟਿਸਂਯੁਤ੍ਤਾਹਿ.

ਸਙ੍ਘਾਦਿਸੇਸੋਤਿ …ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

ਦ੍ਵੇ ਮਗ੍ਗੇ ਆਦਿਸ੍ਸ ਵਣ੍ਣਮ੍ਪਿ ਭਣਤਿ, ਅਵਣ੍ਣਮ੍ਪਿ ਭਣਤਿ, ਯਾਚਤਿਪਿ, ਆਯਾਚਤਿਪਿ, ਪੁਚ੍ਛਤਿਪਿ, ਪਟਿਪੁਚ੍ਛਤਿਪਿ, ਆਚਿਕ੍ਖਤਿਪਿ, ਅਨੁਸਾਸਤਿਪਿ, ਅਕ੍ਕੋਸਤਿਪਿ.

ਵਣ੍ਣਂ ਭਣਤਿ ਨਾਮ ਦ੍ਵੇ ਮਗ੍ਗੇ ਥੋਮੇਤਿ ਵਣ੍ਣੇਤਿ ਪਸਂਸਤਿ.

ਅਵਣ੍ਣਂ ਭਣਤਿ ਨਾਮ ਦ੍ਵੇ ਮਗ੍ਗੇ ਖੁਂਸੇਤਿ ਵਮ੍ਭੇਤਿ ਗਰਹਤਿ.

ਯਾਚਤਿ ਨਾਮ ਦੇਹਿ ਮੇ, ਅਰਹਸਿ ਮੇ ਦਾਤੁਨ੍ਤਿ.

ਆਯਾਚਤਿ ਨਾਮ ਕਦਾ ਤੇ ਮਾਤਾ ਪਸੀਦਿਸ੍ਸਤਿ, ਕਦਾ ਤੇ ਪਿਤਾ ਪਸੀਦਿਸ੍ਸਤਿ, ਕਦਾ ਤੇ ਦੇਵਤਾਯੋ ਪਸੀਦਿਸ੍ਸਨ੍ਤਿ, ਕਦਾ [ਕਦਾ ਤੇ (ਸ੍ਯਾ.)] ਸੁਖਣੋ ਸੁਲਯੋ ਸੁਮੁਹੁਤ੍ਤੋ ਭਵਿਸ੍ਸਤਿ, ਕਦਾ ਤੇ ਮੇਥੁਨਂ ਧਮ੍ਮਂ ਲਭਿਸ੍ਸਾਮੀਤਿ.

ਪੁਚ੍ਛਤਿ ਨਾਮ ਕਥਂ ਤ੍ਵਂ ਸਾਮਿਕਸ੍ਸ ਦੇਸਿ, ਕਥਂ ਜਾਰਸ੍ਸ ਦੇਸੀਤਿ?

ਪਟਿਪੁਚ੍ਛਤਿ ਨਾਮ ਏਵਂ ਕਿਰ ਤ੍ਵਂ ਸਾਮਿਕਸ੍ਸ ਦੇਸਿ, ਏਵਂ ਜਾਰਸ੍ਸ ਦੇਸੀਤਿ.

ਆਚਿਕ੍ਖਤਿ ਨਾਮ ਪੁਟ੍ਠੋ ਭਣਤਿ – ‘‘ਏਵਂ ਦੇਹਿ. ਏਵਂ ਦੇਨ੍ਤਾ ਸਾਮਿਕਸ੍ਸ ਪਿਯਾ ਭਵਿਸ੍ਸਸਿ ਮਨਾਪਾ ਚਾ’’ਤਿ.

ਅਨੁਸਾਸਤਿ ਨਾਮ ਅਪੁਟ੍ਠੋ ਭਣਤਿ – ‘‘ਏਵਂ ਦੇਹਿ. ਏਵਂ ਦੇਨ੍ਤਾ ਸਾਮਿਕਸ੍ਸ ਪਿਯਾ ਭਵਿਸ੍ਸਤਿ ਮਨਾਪਾ ਚਾ’’ਤਿ.

ਅਕ੍ਕੋਸਤਿ ਨਾਮ ਅਨਿਮਿਤ੍ਤਾਸਿ, ਨਿਮਿਤ੍ਤਮਤ੍ਤਾਸਿ, ਅਲੋਹਿਤਾਸਿ, ਧੁਵਲੋਹਿਤਾਸਿ, ਧੁਵਚੋਲ਼ਾਸਿ, ਪਗ੍ਘਰਨ੍ਤੀਸਿ, ਸਿਖਰਣੀਸਿ, ਇਤ੍ਥਿਪਣ੍ਡਕਾਸਿ, ਵੇਪੁਰਿਸਿਕਾਸਿ, ਸਮ੍ਭਿਨ੍ਨਾਸਿ, ਉਭਤੋਬ੍ਯਞ੍ਜਨਾਸੀਤਿ.

੨੮੬. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ ਯਾਚਤਿਪਿ ਆਯਾਚਤਿਪਿ ਪੁਚ੍ਛਤਿਪਿ ਪਟਿਪੁਚ੍ਛਤਿਪਿ ਆਚਿਕ੍ਖਤਿਪਿ ਅਨੁਸਾਸਤਿਪਿ ਅਕ੍ਕੋਸਤਿਪਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਂਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਠਪੇਤ੍ਵਾ ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਠਪੇਤ੍ਵਾ ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਥੁਲ੍ਲਚ੍ਚਯਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਵਚ੍ਚਮਗ੍ਗਂ ਪਸ੍ਸਾਵਮਗ੍ਗਂ ਠਪੇਤ੍ਵਾ ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਥੁਲ੍ਲਚ੍ਚਯੇਨ ਦੁਕ੍ਕਟਸ੍ਸ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਉਬ੍ਭਕ੍ਖਕਂ ਅਧੋਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਉਬ੍ਭਕ੍ਖਕਂ ਅਧੋਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਉਬ੍ਭਕ੍ਖਕਂ ਅਧੋਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਕਾਯਪਟਿਬਦ੍ਧਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦੁਕ੍ਕਟਸ੍ਸ…ਪੇ….

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਕਾਯਪਟਿਬਦ੍ਧਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਕਾਯਪਟਿਬਦ੍ਧਂ ਆਦਿਸ੍ਸ ਵਣ੍ਣਮ੍ਪਿ ਭਣਤਿ ਅਵਣ੍ਣਮ੍ਪਿ ਭਣਤਿ…ਪੇ… ਅਕ੍ਕੋਸਤਿਪਿ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ….

੨੮੭. ਅਨਾਪਤ੍ਤਿ ਅਤ੍ਥਪੁਰੇਕ੍ਖਾਰਸ੍ਸ, ਧਮ੍ਮਪੁਰੇਕ੍ਖਾਰਸ੍ਸ, ਅਨੁਸਾਸਨਿਪੁਰੇਕ੍ਖਾਰਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਲੋਹਿਤਂ ਕਕ੍ਕਸਾਕਿਣ੍ਣਂ, ਖਰਂ ਦੀਘਞ੍ਚ ਵਾਪਿਤਂ;

ਕਚ੍ਚਿ ਸਂਸੀਦਤਿ ਮਗ੍ਗੋ, ਸਦ੍ਧਾ ਦਾਨੇਨ ਕਮ੍ਮੁਨਾਤਿ.

ਵਿਨੀਤਵਤ੍ਥੁ

੨੮੮. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਨਵਰਤ੍ਤਂ ਕਮ੍ਬਲਂ ਪਾਰੁਤਾ ਹੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਲੋਹਿਤਂ ਖੋ ਤੇ, ਭਗਿਨੀ’’ਤਿ. ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਨਵਰਤ੍ਤੋ ਕਮ੍ਬਲੋ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਖਰਕਮ੍ਬਲਂ ਪਾਰੁਤਾ ਹੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਕਕ੍ਕਸਲੋਮਂ ਖੋ ਤੇ, ਭਗਿਨੀ’’ਤਿ. ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਖਰਕਮ੍ਬਲਕੋ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਨਵਾਵੁਤਂ ਕਮ੍ਬਲਂ ਪਾਰੁਤਾ ਹੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਆਕਿਣ੍ਣਲੋਮਂ ਖੋ ਤੇ, ਭਗਿਨੀ’’ਤਿ. ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਨਵਾਵੁਤੋ ਕਮ੍ਬਲੋ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਖਰਕਮ੍ਬਲਂ ਪਾਰੁਤਾ ਹੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਖਰਲੋਮਂ ਖੋ ਤੇ, ਭਗਿਨੀ’’ਤਿ. ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਖਰਕਮ੍ਬਲਕੋ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਪਾਵਾਰਂ [ਦੀਘਪਾਵਾਰਂ (ਸ੍ਯਾ.)] ਪਾਰੁਤਾ ਹੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਦੀਘਲੋਮਂ ਖੋ ਤੇ, ਭਗਿਨੀ’’ਤਿ. ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਪਾਵਾਰੋ’’ [ਦੀਘਪਾਵਾਰੋ (ਸ੍ਯਾ.)] ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੨੮੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਖੇਤ੍ਤਂ ਵਪਾਪੇਤ੍ਵਾ ਆਗਚ੍ਛਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਵਾਪਿਤਂ ਖੋ ਤੇ, ਭਗਿਨੀ’’ਤਿ? ਸਾ ਨ ਪਟਿਵਿਜਾਨਿ. ‘‘ਆਮਾਯ੍ਯ, ਨੋ ਚ ਖੋ ਪਟਿਵੁਤ੍ਤ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਰਿਬ੍ਬਾਜਿਕਂ ਪਟਿਪਥੇ ਪਸ੍ਸਿਤ੍ਵਾ ਸਾਰਤ੍ਤੋ ਤਂ ਪਰਿਬ੍ਬਾਜਿਕਂ ਏਤਦਵੋਚ – ‘‘ਕਚ੍ਚਿ, ਭਗਿਨਿ, ਮਗ੍ਗੋ ਸਂਸੀਦਤੀ’’ਤਿ? ਸਾ ਨ ਪਟਿਵਿਜਾਨਿ. ‘‘ਆਮ ਭਿਕ੍ਖੁ, ਪਟਿਪਜ੍ਜਿਸ੍ਸਸੀ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਅਞ੍ਞਤਰਂ ਇਤ੍ਥਿਂ ਏਤਦਵੋਚ – ‘‘ਸਦ੍ਧਾਸਿ ਤ੍ਵਂ, ਭਗਿਨਿ. ਅਪਿਚ, ਯਂ ਸਾਮਿਕਸ੍ਸ ਦੇਸਿ ਤਂ ਨਾਮ੍ਹਾਕਂ ਦੇਸੀ’’ਤਿ. ‘‘ਕਿਂ, ਭਨ੍ਤੇ’’ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਅਞ੍ਞਤਰਂ ਇਤ੍ਥਿਂ ਏਤਦਵੋਚ – ‘‘ਸਦ੍ਧਾਸਿ ਤ੍ਵਂ, ਭਗਿਨਿ. ਅਪਿਚ, ਯਂ ਅਗ੍ਗਦਾਨਂ ਤਂ ਨਾਮ੍ਹਾਕਂ ਦੇਸੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕਮ੍ਮਂ ਕਰੋਤਿ. ਅਞ੍ਞਤਰੋ ਭਿਕ੍ਖੁ ਸਾਰਤ੍ਤੋ ਤਂ ਇਤ੍ਥਿਂ ਏਤਦਵੋਚ – ‘‘ਤਿਟ੍ਠ, ਭਗਿਨਿ, ਅਹਂ ਕਰਿਸ੍ਸਾਮੀਤਿ…ਪੇ… ਨਿਸੀਦ, ਭਗਿਨਿ, ਅਹਂ ਕਰਿਸ੍ਸਾਮੀਤਿ…ਪੇ… ਨਿਪਜ੍ਜ, ਭਗਿਨਿ, ਅਹਂ ਕਰਿਸ੍ਸਾਮੀ’’ਤਿ. ਸਾ ਨ ਪਟਿਵਿਜਾਨਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਦੁਟ੍ਠੁਲ੍ਲਵਾਚਾਸਿਕ੍ਖਾਪਦਂ ਨਿਟ੍ਠਿਤਂ ਤਤਿਯਂ.

੪. ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦਂ

੨੯੦. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਸਾਵਤ੍ਥਿਯਂ ਕੁਲੂਪਕੋ ਹੋਤਿ, ਬਹੁਕਾਨਿ ਕੁਲਾਨਿ ਉਪਸਙ੍ਕਮਤਿ. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਮਤਪਤਿਕਾ ਅਭਿਰੂਪਾ ਹੋਤਿ ਦਸ੍ਸਨੀਯਾ ਪਾਸਾਦਿਕਾ. ਅਥ ਖੋ ਆਯਸ੍ਮਾ ਉਦਾਯੀ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਤਸ੍ਸਾ ਇਤ੍ਥਿਯਾ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਸਾ ਇਤ੍ਥੀ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਤਂ ਇਤ੍ਥਿਂ ਆਯਸ੍ਮਾ ਉਦਾਯੀ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ. ਅਥ ਖੋ ਸਾ ਇਤ੍ਥੀ ਆਯਸ੍ਮਤਾ ਉਦਾਯਿਨਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤਾ ਸਮਾਦਪਿਤਾ ਸਮੁਤ੍ਤੇਜਿਤਾ ਸਮ੍ਪਹਂਸਿਤਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਵਦੇਯ੍ਯਾਥ, ਭਨ੍ਤੇ, ਯੇਨ ਅਤ੍ਥੋ. ਪਟਿਬਲਾ ਮਯਂ ਅਯ੍ਯਸ੍ਸ ਦਾਤੁਂ ਯਦਿਦਂ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰ’’ਨ੍ਤਿ.

‘‘ਨ ਖੋ ਤੇ, ਭਗਿਨਿ, ਅਮ੍ਹਾਕਂ ਦੁਲ੍ਲਭਾ ਯਦਿਦਂ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾ. ਅਪਿਚ, ਯੋ ਅਮ੍ਹਾਕਂ ਦੁਲ੍ਲਭੋ ਤਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ’’ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ‘‘ਅਤ੍ਥੋ, ਭਨ੍ਤੇ’’ਤਿ? ‘‘ਅਤ੍ਥੋ, ਭਗਿਨੀ’’ਤਿ. ‘‘ਏਹਿ, ਭਨ੍ਤੇ’’ਤਿ, ਓਵਰਕਂ ਪਵਿਸਿਤ੍ਵਾ ਸਾਟਕਂ ਨਿਕ੍ਖਿਪਿਤ੍ਵਾ ਮਞ੍ਚਕੇ ਉਤ੍ਤਾਨਾ ਨਿਪਜ੍ਜਿ. ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਸਾ ਇਤ੍ਥੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ – ‘‘ਕੋ ਇਮਂ ਵਸਲਂ ਦੁਗ੍ਗਨ੍ਧਂ ਆਮਸਿਸ੍ਸਤੀ’’ਤਿ, ਨਿਟ੍ਠੁਹਿਤ੍ਵਾ ਪਕ੍ਕਾਮਿ. ਅਥ ਖੋ ਸਾ ਇਤ੍ਥੀ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ. ਇਮੇ ਹਿ ਨਾਮ ਧਮ੍ਮਚਾਰਿਨੋ ਸਮਚਾਰਿਨੋ ਬ੍ਰਹ੍ਮਚਾਰਿਨੋ ਸਚ੍ਚਵਾਦਿਨੋ ਸੀਲਵਨ੍ਤੋ ਕਲ੍ਯਾਣਧਮ੍ਮਾ ਪਟਿਜਾਨਿਸ੍ਸਨ੍ਤਿ! ਨਤ੍ਥਿ ਇਮੇਸਂ ਸਾਮਞ੍ਞਂ ਨਤ੍ਥਿ ਇਮੇਸਂ ਬ੍ਰਹ੍ਮਞ੍ਞਂ, ਨਟ੍ਠਂ ਇਮੇਸਂ ਸਾਮਞ੍ਞਂ ਨਟ੍ਠਂ ਇਮੇਸਂ ਬ੍ਰਹ੍ਮਞ੍ਞਂ, ਕੁਤੋ ਇਮੇਸਂ ਸਾਮਞ੍ਞਂ ਕੁਤੋ ਇਮੇਸਂ ਬ੍ਰਹ੍ਮਞ੍ਞਂ, ਅਪਗਤਾ ਇਮੇ ਸਾਮਞ੍ਞਾ ਅਪਗਤਾ ਇਮੇ ਬ੍ਰਹ੍ਮਞ੍ਞਾ. ਕਥਞ੍ਹਿ ਨਾਮ ਸਮਣੋ ਉਦਾਯੀ ਮਂ ਸਾਮਂ ਮੇਥੁਨਧਮ੍ਮਂ ਯਾਚਿਤ੍ਵਾ, ‘ਕੋ ਇਮਂ ਵਸਲਂ ਦੁਗ੍ਗਨ੍ਧਂ ਆਮਸਿਸ੍ਸਤੀ’’ਤਿ ਨਿਟ੍ਠੁਹਿਤ੍ਵਾ ਪਕ੍ਕਮਿਸ੍ਸਤਿ! ਕਿਂ ਮੇ ਪਾਪਕਂ ਕਿਂ ਮੇ ਦੁਗ੍ਗਨ੍ਧਂ, ਕਸ੍ਸਾਹਂ ਕੇਨ ਹਾਯਾਮੀ’’ਤਿ? ਅਞ੍ਞਾਪਿ ਇਤ੍ਥਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਅਲਜ੍ਜਿਨੋ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਦੁਸ੍ਸੀਲਾ ਮੁਸਾਵਾਦਿਨੋ…ਪੇ… ਕਥਞ੍ਹਿ ਨਾਮ ਸਮਣੋ ਉਦਾਯੀ ਇਮਿਸ੍ਸਾ ਸਾਮਂ ਮੇਥੁਨਧਮ੍ਮਂ ਯਾਚਿਤ੍ਵਾ, ‘ਕੋ ਇਮਂ ਵਸਲਂ ਦੁਗ੍ਗਨ੍ਧਂ ਆਮਸਿਸ੍ਸਤੀ’ਤਿ ਨਿਟ੍ਠੁਹਿਤ੍ਵਾ ਪਕ੍ਕਮਿਸ੍ਸਤਿ! ਕਿਂ ਇਮਿਸ੍ਸਾ ਪਾਪਕਂ ਕਿਂ ਇਮਿਸ੍ਸਾ ਦੁਗ੍ਗਨ੍ਧਂ, ਕਸ੍ਸਾਯਂ ਕੇਨ ਹਾਯਤੀ’’ਤਿ? ਅਸ੍ਸੋਸੁਂ ਖੋ ਭਿਕ੍ਖੂ ਤਾਸਂ ਇਤ੍ਥੀਨਂ ਉਜ੍ਝਾਯਨ੍ਤੀਨਂ ਖਿਯ੍ਯਨ੍ਤੀਨਂ ਵਿਪਾਚੇਨ੍ਤੀਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਿਸ੍ਸਤੀ’’ਤਿ!

ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ – ‘‘ਅਨਨੁਚ੍ਛਵਿਕਂ, ਮੋਘਪੁਰਿਸ, ਅਨਨੁਲੋਮਿਕਂ ਅਪ੍ਪਤਿਰੂਪਂ ਅਸ੍ਸਾਮਣਕਂ ਅਕਪ੍ਪਿਯਂ ਅਕਰਣੀਯਂ. ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਿਸ੍ਸਸਿ! ਨਨੁ ਮਯਾ, ਮੋਘਪੁਰਿਸ, ਅਨੇਕਪਰਿਯਾਯੇਨ ਵਿਰਾਗਾਯ ਧਮ੍ਮੋ ਦੇਸਿਤੋ ਨੋ ਸਰਾਗਾਯ…ਪੇ… ਕਾਮਪਰਿਲ਼ਾਹਾਨਂ ਵੂਪਸਮੋ ਅਕ੍ਖਾਤੋ? ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੨੯੧. ‘‘ਯੋ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸੇਯ੍ਯ – ‘ਏਤਦਗ੍ਗਂ, ਭਗਿਨਿ, ਪਾਰਿਚਰਿਯਾਨਂ ਯਾ ਮਾਦਿਸਂ ਸੀਲਵਨ੍ਤਂ ਕਲ੍ਯਾਣਧਮ੍ਮਂ ਬ੍ਰਹ੍ਮਚਾਰਿਂ ਏਤੇਨ ਧਮ੍ਮੇਨ ਪਰਿਚਰੇਯ੍ਯਾਤਿ ਮੇਥੁਨੁਪਸਂਹਿਤੇਨ’, ਸਙ੍ਘਾਦਿਸੇਸੋ’’ਤਿ.

੨੯੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਓਤਿਣ੍ਣੋ ਨਾਮ ਸਾਰਤ੍ਤੋ ਅਪੇਕ੍ਖਵਾ ਪਟਿਬਦ੍ਧਚਿਤ੍ਤੋ.

ਵਿਪਰਿਣਤਨ੍ਤਿ ਰਤ੍ਤਮ੍ਪਿ ਚਿਤ੍ਤਂ ਵਿਪਰਿਣਤ੍ਤਂ, ਦੁਟ੍ਠਮ੍ਪਿ ਚਿਤ੍ਤਂ ਵਿਪਰਿਣਤਂ, ਮੂਲ਼੍ਹਮ੍ਪਿ ਚਿਤ੍ਤਂ ਵਿਪਰਿਣਤਂ. ਅਪਿਚ, ਰਤ੍ਤਂ ਚਿਤ੍ਤਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤਂ ਵਿਪਰਿਣਤਨ੍ਤਿ.

ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ, ਨ ਪੇਤੀ, ਨ ਤਿਰਚ੍ਛਾਨਗਤਾ. ਵਿਞ੍ਞੂ ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਂ ਦੁਟ੍ਠਲ੍ਲਾਦੁਟ੍ਠੁਲ੍ਲਂ ਆਜਾਨਿਤੁਂ.

ਮਾਤੁਗਾਮਸ੍ਸ ਸਨ੍ਤਿਕੇਤਿ ਮਾਤੁਗਾਮਸ੍ਸ ਸਾਮਨ੍ਤਾ, ਮਾਤੁਗਾਮਸ੍ਸ ਅਵਿਦੂਰੇ.

ਅਤ੍ਤਕਾਮਨ੍ਤਿ ਅਤ੍ਤਨੋ ਕਾਮਂ ਅਤ੍ਤਨੋ ਹੇਤੁਂ ਅਤ੍ਤਨੋ ਅਧਿਪ੍ਪਾਯਂ ਅਤ੍ਤਨੋ ਪਾਰਿਚਰਿਯਂ.

ਏਤਦਗ੍ਗਨ੍ਤਿ ਏਤਂ ਅਗ੍ਗਂ ਏਤਂ ਸੇਟ੍ਠਂ ਏਤਂ ਮੋਕ੍ਖਂ ਏਤਂ ਉਤ੍ਤਮਂ ਏਤਂ ਪਵਰਂ.

ਯਾਤਿ ਖਤ੍ਤਿਯੀ [ਖਤ੍ਤਿਯਾ (ਸ੍ਯਾ.)] ਵਾ ਬ੍ਰਾਹ੍ਮਣੀ ਵਾ ਵੇਸ੍ਸੀ ਵਾ ਸੁਦ੍ਦੀ ਵਾ.

ਮਾਦਿਸਨ੍ਤਿ ਖਤ੍ਤਿਯਂ ਵਾ ਬ੍ਰਾਹ੍ਮਣਂ ਵਾ ਵੇਸ੍ਸਂ ਵਾ ਸੁਦ੍ਦਂ ਵਾ.

ਸੀਲਵਨ੍ਤਨ੍ਤਿ ਪਾਣਾਤਿਪਾਤਾ ਪਟਿਵਿਰਤਂ, ਅਦਿਨ੍ਨਾਦਾਨਾ ਪਟਿਵਿਰਤਂ, ਮੁਸਾਵਾਦਾ ਪਟਿਵਿਰਤਂ.

ਬ੍ਰਹ੍ਮਚਾਰਿਨ੍ਤਿ ਮੇਥੁਨਧਮ੍ਮਾ ਪਟਿਵਿਰਤਂ.

ਕਲ੍ਯਾਣਧਮ੍ਮੋ ਨਾਮ ਤੇਨ ਚ ਸੀਲੇਨ ਤੇਨ ਚ ਬ੍ਰਹ੍ਮਚਰਿਯੇਨ ਕਲ੍ਯਾਣਧਮ੍ਮੋ ਹੋਤਿ.

ਏਤੇਨ ਧਮ੍ਮੇਨਾਤਿ ਮੇਥੁਨਧਮ੍ਮੇਨ.

ਪਰਿਚਰੇਯ੍ਯਾਤਿ ਅਭਿਰਮੇਯ੍ਯ.

ਮੇਥੁਨੁਪਸਂਹਿਤੇਨਾਤਿ ਮੇਥੁਨਧਮ੍ਮਪ੍ਪਟਿਸਂਯੁਤ੍ਤੇਨ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੨੯੩. ਇਤ੍ਥੀ ਚ ਹੋਤਿ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਇਤ੍ਥੀ ਚ ਹੋਤਿ ਵੇਮਤਿਕੋ…ਪੇ… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਇਤ੍ਥਿਯਾ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਪਣ੍ਡਕੋ ਚ ਹੋਤਿ ਪਣ੍ਡਕਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਪਣ੍ਡਕੋ ਚ ਹੋਤਿ ਵੇਮਤਿਕੋ…ਪੇ… ਪੁਰਿਸਸਞ੍ਞੀ… ਤਿਰਚ੍ਛਾਨਗਤਸਞ੍ਞੀ… ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਪਣ੍ਡਕਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਪੁਰਿਸੋ ਚ ਹੋਤਿ…ਪੇ… ਤਿਰਚ੍ਛਾਨਗਤੋ ਚ ਹੋਤਿ ਤਿਰਚ੍ਛਾਨਗਤਸਞ੍ਞੀ…ਪੇ… ਵੇਮਤਿਕੋ ਇਤ੍ਥਿਸਞ੍ਞੀ… ਪਣ੍ਡਕਸਞ੍ਞੀ… ਪੁਰਿਸਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਤਿਰਚ੍ਛਾਨਗਤਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਦ੍ਵੇ ਇਤ੍ਥਿਯੋ ਦ੍ਵਿਨ੍ਨਂ ਇਤ੍ਥੀਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਦ੍ਵਿਨ੍ਨਂ ਇਤ੍ਥੀਨਂ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ…ਪੇ….

ਇਤ੍ਥੀ ਚ ਪਣ੍ਡਕੋ ਚ ਉਭਿਨ੍ਨਂ ਇਤ੍ਥਿਸਞ੍ਞੀ ਸਾਰਤ੍ਤੋ ਚ. ਭਿਕ੍ਖੁ ਚ ਨਂ ਉਭਿਨ੍ਨਂ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ….

੨੯੪. ਅਨਾਪਤ੍ਤਿ ‘‘ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰੇਨ ਉਪਟ੍ਠਹਾ’’ਤਿ ਭਣਤਿ, ਉਮ੍ਮਤ੍ਤਕਸ੍ਸ ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਕਥਂ ਵਞ੍ਝਾ ਲਭੇ ਪੁਤ੍ਤਂ, ਪਿਯਾ ਚ ਸੁਭਗਾ ਸਿਯਂ;

ਕਿਂ ਦਜ੍ਜਂ ਕੇਨੁਪਟ੍ਠੇਯ੍ਯਂ, ਕਥਂ ਗਚ੍ਛੇਯ੍ਯਂ ਸੁਗ੍ਗਤਿਨ੍ਤਿ.

ਵਿਨੀਤਵਤ੍ਥੁ

੨੯੫. ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਵਞ੍ਝਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕਥਾਹਂ, ਭਨ੍ਤੇ, ਵਿਜਾਯੇਯ੍ਯ’’ਨ੍ਤਿ? ‘‘ਤੇਨ ਹਿ, ਭਗਿਨਿ, ਅਗ੍ਗਦਾਨਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਵਿਜਾਯਿਨੀ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕਥਾਹਂ, ਭਨ੍ਤੇ, ਪੁਤ੍ਤਂ ਲਭੇਯ੍ਯ’’ਨ੍ਤਿ? ‘‘ਤੇਨ ਹਿ, ਭਗਿਨਿ, ਅਗ੍ਗਦਾਨਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕਥਾਹਂ, ਭਨ੍ਤੇ, ਸਾਮਿਕਸ੍ਸ ਪਿਯਾ ਅਸ੍ਸ’’ਨ੍ਤਿ? ‘‘ਤੇਨ ਹਿ, ਭਗਿਨਿ, ਅਗ੍ਗਦਾਨਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕਥਾਹਂ, ਭਨ੍ਤੇ, ਸੁਭਗਾ ਅਸ੍ਸ’’ਨ੍ਤਿ? ‘‘ਤੇਨ ਹਿ, ਭਗਿਨਿ, ਅਗ੍ਗਦਾਨਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕ੍ਯਾਹਂ, ਭਨ੍ਤੇ, ਅਯ੍ਯਸ੍ਸ ਦਜ੍ਜਾਮੀ’’ਤਿ? ‘‘ਅਗ੍ਗਦਾਨਂ, ਭਗਿਨੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕੇਨਾਹਂ, ਭਨ੍ਤੇ, ਅਯ੍ਯਂ ਉਪਟ੍ਠੇਮੀ’’ਤਿ? ‘‘ਅਗ੍ਗਦਾਨੇਨ, ਭਗਿਨੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਕੁਲੂਪਕਂ ਭਿਕ੍ਖੁਂ ਏਤਦਵੋਚ – ‘‘ਕਥਾਹਂ,

ਭਨ੍ਤੇ, ਸੁਗਤਿਂ ਗਚ੍ਛੇਯ੍ਯ’’ਨ੍ਤਿ? ‘‘ਤੇਨ ਹਿ, ਭਗਿਨਿ, ਅਗ੍ਗਦਾਨਂ ਦੇਹੀ’’ਤਿ. ‘‘ਕਿਂ, ਭਨ੍ਤੇ, ਅਗ੍ਗਦਾਨ’’ਨ੍ਤਿ? ‘‘ਮੇਥੁਨਧਮ੍ਮ’’ਨ੍ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਆਪਤ੍ਤਿਂ ਤ੍ਵਂ, ਭਿਕ੍ਖੁ, ਆਪਨ੍ਨੋ ਸਙ੍ਘਾਦਿਸੇਸ’’ਨ੍ਤਿ.

ਅਤ੍ਤਕਾਮਪਾਰਿਚਰਿਯਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ.

੫. ਸਞ੍ਚਰਿਤ੍ਤਸਿਕ੍ਖਾਪਦਂ

੨੯੬. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਸਾਵਤ੍ਥਿਯਂ ਕੁਲੂਪਕੋ ਹੋਤਿ. ਬਹੁਕਾਨਿ ਕੁਲਾਨਿ ਉਪਸਙ੍ਕਮਤਿ. ਯਤ੍ਥ ਪਸ੍ਸਤਿ ਕੁਮਾਰਕਂ ਵਾ ਅਪਜਾਪਤਿਕਂ, ਕੁਮਾਰਿਕਂ ਵਾ ਅਪਤਿਕਂ, ਕੁਮਾਰਕਸ੍ਸ ਮਾਤਾਪਿਤੂਨਂ ਸਨ੍ਤਿਕੇ ਕੁਮਾਰਿਕਾਯ ਵਣ੍ਣਂ ਭਣਤਿ – ‘‘ਅਮੁਕਸ੍ਸ ਕੁਲਸ੍ਸ ਕੁਮਾਰਿਕਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ ਪਣ੍ਡਿਤਾ ਬ੍ਯਤ੍ਤਾ ਮੇਧਾਵਿਨੀ ਦਕ੍ਖਾ ਅਨਲਸਾ. ਛਨ੍ਨਾ ਸਾ ਕੁਮਾਰਿਕਾ ਇਮਸ੍ਸ ਕੁਮਾਰਕਸ੍ਸਾ’’ਤਿ. ਤੇ ਏਵਂ ਵਦਨ੍ਤਿ – ‘‘ਏਤੇ ਖੋ, ਭਨ੍ਤੇ, ਅਮ੍ਹੇ ਨ ਜਾਨਨ੍ਤਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ. ਸਚੇ, ਭਨ੍ਤੇ, ਅਯ੍ਯੋ ਦਾਪੇਯ੍ਯ ਆਨੇਯ੍ਯਾਮ ਮਯਂ ਤਂ ਕੁਮਾਰਿਕਂ ਇਮਸ੍ਸ ਕੁਮਾਰਕਸ੍ਸਾ’’ਤਿ. ਕੁਮਾਰਿਕਾਯ ਮਾਤਾਪਿਤੂਨਂ ਸਨ੍ਤਿਕੇ ਕੁਮਾਰਕਸ੍ਸ ਵਣ੍ਣਂ ਭਣਤਿ – ‘‘ਅਮੁਕਸ੍ਸ ਕੁਲਸ੍ਸ ਕੁਮਾਰਕੋ ਅਭਿਰੂਪੋ ਦਸ੍ਸਨੀਯੋ ਪਾਸਾਦਿਕੋ ਪਣ੍ਡਿਤੋ ਬ੍ਯਤ੍ਤੋ ਮੇਧਾਵੀ ਦਕ੍ਖੋ ਅਨਲਸੋ. ਛਨ੍ਨਾਯਂ ਕੁਮਾਰਿਕਾ ਤਸ੍ਸ ਕੁਮਾਰਕਸ੍ਸਾ’’ਤਿ [ਛਨ੍ਨੋ ਸੋ ਕੁਮਾਰਕੋ ਇਮਿਸ੍ਸਾ ਕੁਮਾਰਿਕਾਯਾਤਿ (ਸ੍ਯਾ.)]. ਤੇ ਏਵਂ ਵਦਨ੍ਤਿ – ‘‘ਏਤੇ ਖੋ, ਭਨ੍ਤੇ, ਅਮ੍ਹੇ ਨ ਜਾਨਨ੍ਤਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ, ਕਿਸ੍ਮਿਂ ਵਿਯ ਕੁਮਾਰਿਕਾਯ ਵਤ੍ਤੁਂ. ਸਚੇ, ਭਨ੍ਤੇ, ਅਯ੍ਯੋ ਯਾਚਾਪੇਯ੍ਯ ਦਜ੍ਜੇਯ੍ਯਾਮ ਮਯਂ ਇਮਂ ਕੁਮਾਰਿਕਂ ਤਸ੍ਸ ਕੁਮਾਰਕਸ੍ਸਾ’’ਤਿ. ਏਤੇਨੇਵ ਉਪਾਯੇਨ ਆਵਾਹਾਨਿਪਿ ਕਾਰਾਪੇਤਿ, ਵਿਵਾਹਾਨਿਪਿ ਕਾਰਾਪੇਤਿ, ਵਾਰੇਯ੍ਯਾਨਿਪਿ ਕਾਰਾਪੇਤਿ.

੨੯੭. ਤੇਨ ਖੋ ਪਨ ਸਮਯੇਨ ਅਞ੍ਞਤਰਿਸ੍ਸਾ ਪੁਰਾਣਗਣਕਿਯਾ ਧੀਤਾ ਅਭਿਰੂਪਾ ਹੋਤਿ ਦਸ੍ਸਨੀਯਾ ਪਾਸਾਦਿਕਾ. ਤਿਰੋਗਾਮਕਾ ਆਜੀਵਕਸਾਵਕਾ ਆਗਨ੍ਤ੍ਵਾ ਤਂ ਗਣਕਿਂ ਏਤਦਵੋਚੁਂ – ‘‘ਦੇਹਾਯ੍ਯੇ, ਇਮਂ ਕੁਮਾਰਿਕਂ ਅਮ੍ਹਾਕਂ ਕੁਮਾਰਕਸ੍ਸਾ’’ਤਿ. ਸਾ ਏਵਮਾਹ – ‘‘ਅਹਂ ਖ੍ਵਯ੍ਯੋ [ਖ੍ਵਯ੍ਯਾ (ਸ੍ਯਾ.), ਖ੍ਵਾਯ੍ਯੋ (ਕ.)] ਤੁਮ੍ਹੇ ਨ ਜਾਨਾਮਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ. ਅਯਞ੍ਚ ਮੇ ਏਕਧੀਤਿਕਾ, ਤਿਰੋਗਾਮੋ ਚ ਗਨ੍ਤਬ੍ਬੋ, ਨਾਹਂ ਦਸ੍ਸਾਮੀ’’ਤਿ. ਮਨੁਸ੍ਸਾ ਤੇ ਆਜੀਵਕਸਾਵਕੇ ਏਤਦਵੋਚੁਂ – ‘‘ਕਿਸ੍ਸ ਤੁਮ੍ਹੇ, ਅਯ੍ਯੋ, ਆਗਤਤ੍ਥਾ’’ਤਿ? ‘‘ਇਧ ਮਯਂ, ਅਯ੍ਯੋ, ਅਮੁਕਂ ਨਾਮ ਗਣਕਿਂ ਧੀਤਰਂ ਯਾਚਿਮ੍ਹਾ ਅਮ੍ਹਾਕਂ ਕੁਮਾਰਕਸ੍ਸ. ਸਾ ਏਵਮਾਹ – ‘ਅਹਂ, ਖ੍ਵਯ੍ਯੋ ਤੁਮ੍ਹੇ ਨ ਜਾਨਾਮਿ – ਕੇ ਵਾ ਇਮੇ ਕਸ੍ਸ ਵਾ’ਤਿ. ਅਯਞ੍ਚ ਮੇ ਏਕਧੀਤਿਕਾ, ਤਿਰੋਗਾਮੋ ਚ ਗਨ੍ਤਬ੍ਬੋ, ਨਾਹਂ ਦਸ੍ਸਾਮੀ’’ਤਿ. ‘‘ਕਿਸ੍ਸ ਤੁਮ੍ਹੇ, ਅਯ੍ਯੋ, ਤਂ ਗਣਕਿਂ ਧੀਤਰਂ ਯਾਚਿਤ੍ਥ? ਨਨੁ ਅਯ੍ਯੋ ਉਦਾਯੀ ਵਤ੍ਤਬ੍ਬੋ. ਅਯ੍ਯੋ ਉਦਾਯੀ ਦਾਪੇਸ੍ਸਤੀ’’ਤਿ.

ਅਥ ਖੋ ਤੇ ਆਜੀਵਕਸਾਵਕਾ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚੁਂ – ‘‘ਇਧ ਮਯਂ, ਭਨ੍ਤੇ, ਅਮੁਕਂ ਨਾਮ ਗਣਕਿਂ ਧੀਤਰਂ ਯਾਚਿਮ੍ਹਾ ਅਮ੍ਹਾਕਂ ਕੁਮਾਰਕਸ੍ਸ. ਸਾ ਏਵਮਾਹ – ‘ਅਹਂ ਖ੍ਵਯ੍ਯੋ ਤੁਮ੍ਹੇ ਨ ਜਾਨਾਮਿ – ਕੇ ਵਾ ਇਮੇ ਕਸ੍ਸ ਵਾਤਿ. ਅਯਞ੍ਚ ਮੇ ਏਕਧੀਤਿਕਾ, ਤਿਰੋਗਾਮੋ ਚ ਗਨ੍ਤਬ੍ਬੋ, ਨਾਹਂ ਦਸ੍ਸਾਮੀ’ਤਿ. ਸਾਧੁ, ਭਨ੍ਤੇ, ਅਯ੍ਯੋ ਤਂ ਗਣਕਿਂ ਧੀਤਰਂ ਦਾਪੇਤੁ ਅਮ੍ਹਾਕਂ ਕੁਮਾਰਕਸ੍ਸਾ’’ਤਿ. ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਸਾ ਗਣਕੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਗਣਕਿਂ ਏਤਦਵੋਚ – ‘‘ਕਿਸ੍ਸਿਮੇਸਂ ਧੀਤਰਂ ਨ ਦੇਸੀ’’ਤਿ? ‘‘ਅਹਂ ਖ੍ਵਯ੍ਯ, ਇਮੇ ਨ ਜਾਨਾਮਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ. ਅਯਞ੍ਚ ਮੇ ਏਕਧੀਤਿਕਾ, ਤਿਰੋਗਾਮੋ ਚ ਗਨ੍ਤਬ੍ਬੋ, ਨਾਹਂ ਦਸ੍ਸਾਮੀ’’ਤਿ. ‘‘ਦੇਹਿਮੇਸਂ. ਅਹਂ ਇਮੇ ਜਾਨਾਮੀ’’ਤਿ. ‘‘ਸਚੇ, ਭਨ੍ਤੇ, ਅਯ੍ਯੋ ਜਾਨਾਤਿ, ਦਸ੍ਸਾਮੀ’’ਤਿ. ਅਥ ਖੋ ਸਾ ਗਣਕੀ ਤੇਸਂ ਆਜੀਵਕਸਾਵਕਾਨਂ ਧੀਤਰਂ ਅਦਾਸਿ. ਅਥ ਖੋ ਤੇ ਆਜੀਵਕਸਾਵਕਾ ਤਂ ਕੁਮਾਰਿਕਂ ਨੇਤ੍ਵਾ ਮਾਸਂਯੇਵ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ.

ਅਥ ਖੋ ਸਾ ਕੁਮਾਰਿਕਾ ਮਾਤੁਯਾ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਅਹਮ੍ਹਿ ਦੁਗ੍ਗਤਾ ਦੁਕ੍ਖਿਤਾ, ਨ ਸੁਖਂ ਲਭਾਮਿ. ਮਾਸਂਯੇਵ ਮਂ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ. ਆਗਚ੍ਛਤੁ ਮੇ ਮਾਤਾ, ਮਂ ਨੇਸ੍ਸਤੂ’’ਤਿ. ਅਥ ਖੋ ਸਾ ਗਣਕੀ ਯੇਨ ਤੇ ਆਜੀਵਕਸਾਵਕਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇ ਆਜੀਵਕਸਾਵਕੇ ਏਤਦਵੋਚ – ‘‘ਮਾਯ੍ਯੋ, ਇਮਂ ਕੁਮਾਰਿਕਂ ਦਾਸਿਭੋਗੇਨ ਭੁਞ੍ਜਿਤ੍ਥ. ਸੁਣਿਸਭੋਗੇਨ ਇਮਂ ਕੁਮਾਰਿਕਂ ਭੁਞ੍ਜਥਾ’’ਤਿ. ਤੇ ਏਵਮਾਹਂਸੁ – ‘‘ਨਤ੍ਥਮ੍ਹਾਕਂ ਤਯਾ ਸਦ੍ਧਿਂ ਆਹਾਰੂਪਹਾਰੋ, ਸਮਣੇਨ ਸਦ੍ਧਿਂ ਅਮ੍ਹਾਕਂ ਆਹਾਰੂਪਹਾਰੋ. ਗਚ੍ਛ ਤ੍ਵਂ. ਨ ਮਯਂ ਤਂ ਜਾਨਾਮਾ’’ਤਿ. ਅਥ ਖੋ ਸਾ ਗਣਕੀ ਤੇਹਿ ਆਜੀਵਕਸਾਵਕੇਹਿ ਅਪਸਾਦਿਤਾ ਪੁਨਦੇਵ ਸਾਵਤ੍ਥਿਂ ਪਚ੍ਚਾਗਞ੍ਛਿ. ਦੁਤਿਯਮ੍ਪਿ ਖੋ ਸਾ ਕੁਮਾਰਿਕਾ ਮਾਤੁਯਾ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਅਹਮ੍ਹਿ ਦੁਗ੍ਗਤਾ ਦੁਕ੍ਖਿਤਾ, ਨ ਸੁਖਂ ਲਭਾਮਿ. ਮਾਸਂਯੇਵ ਮਂ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ. ਆਗਚ੍ਛਤੁ ਮੇ ਮਾਤਾ, ਮਂ ਨੇਸ੍ਸਤੂ’’ਤਿ. ਅਥ ਖੋ ਸਾ ਗਣਕੀ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਸਾ ਕਿਰ, ਭਨ੍ਤੇ, ਕੁਮਾਰਿਕਾ ਦੁਗ੍ਗਤਾ ਦੁਕ੍ਖਿਤਾ, ਨ ਸੁਖਂ ਲਭਤਿ. ਮਾਸਂਯੇਵ ਨਂ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ. ਵਦੇਯ੍ਯਾਥ, ਭਨ੍ਤੇ – ‘ਮਾਯ੍ਯੋ, ਇਮਂ ਕੁਮਾਰਿਕਂ ਦਾਸਿਭੋਗੇਨ ਭੁਞ੍ਜਿਤ੍ਥ. ਸੁਣਿਸਭੋਗੇਨ ਇਮਂ ਕੁਮਾਰਿਕਂ ਭੁਞ੍ਜਿਥਾ’’’ਤਿ.

ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਤੇ ਆਜੀਵਕਸਾਵਕਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇ ਆਜੀਵਕਸਾਵਕੇ ਏਤਦਵੋਚ – ‘‘ਮਾਯ੍ਯੋ, ਇਮਂ ਕੁਮਾਰਿਕਂ ਦਾਸਿਭੋਗੇਨ ਭੁਜ੍ਜਿਤ੍ਥ. ਸੁਣਿਸਭੋਗੇਨ ਇਮਂ ਕੁਮਾਰਿਕਂ ਭੁਞ੍ਜਥਾ’’ਤਿ. ਤੇ ਏਵਮਾਹਂਸੁ – ‘‘ਨਤ੍ਥਮ੍ਹਾਕਂ ਤਯਾ ਸਦ੍ਧਿਂ ਆਹਾਰੂਪਹਾਰੋ, ਗਣਕਿਯਾ ਸਦ੍ਧਿਂ ਅਮ੍ਹਾਕਂ ਆਹਾਰੂਪਹਾਰੋ. ਸਮਣੇਨ ਭਵਿਤਬ੍ਬਂ ਅਬ੍ਯਾਵਟੇਨ. ਸਮਣੋ ਅਸ੍ਸ ਸੁਸਮਣੋ, ਗਚ੍ਛ ਤ੍ਵਂ, ਨ ਮਯਂ ਤਂ ਜਾਨਾਮਾ’’ਤਿ. ਅਥ ਖੋ ਆਯਸ੍ਮਾ ਉਦਾਯੀ ਤੇਹਿ ਆਜੀਵਕਸਾਵਕੇਹਿ ਅਪਸਾਦਿਤੋ ਪੁਨਦੇਵ ਸਾਵਤ੍ਥਿਂ ਪਚ੍ਚਾਗਞ੍ਛਿ. ਤਤਿਯਮ੍ਪਿ ਖੋ ਸਾ ਕੁਮਾਰਿਕਾ ਮਾਤੁਯਾ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਅਹਮ੍ਹਿ ਦੁਗ੍ਗਤਾ ਦੁਕ੍ਖਿਤਾ, ਨ ਸੁਖਂ ਲਭਾਮਿ. ਮਾਸਂਯੇਵ ਮਂ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ. ਆਗਚ੍ਛਤੁ ਮੇ ਮਾਤਾ, ਮਂ ਨੇਸ੍ਸਤੂ’’ਤਿ. ਦੁਤਿਯਮ੍ਪਿ ਖੋ ਸਾ ਗਣਕੀ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਸਾ ਕਿਰ, ਭਨ੍ਤੇ, ਕੁਮਾਰਿਕਾ ਦੁਗ੍ਗਤਾ ਦੁਕ੍ਖਿਤਾ, ਨ ਸੁਖਂ ਲਭਤਿ. ਮਾਸਂਯੇਵ ਨਂ ਸੁਣਿਸਭੋਗੇਨ ਭੁਞ੍ਜਿਂਸੁ. ਤਤੋ ਅਪਰੇਨ ਦਾਸਿਭੋਗੇਨ ਭੁਞ੍ਜਨ੍ਤਿ. ਵਦੇਯ੍ਯਾਥ, ਭਨ੍ਤੇ – ‘ਮਾਯ੍ਯੋ, ਇਮਂ ਕੁਮਾਰਿਕਂ ਦਾਸਿਭੋਗੇਨ ਭੁਞ੍ਜਿਤ੍ਥ, ਸੁਣਿਸਭੋਗੇਨ ਇਮਂ ਕੁਮਾਰਿਕਂ ਭੁਞ੍ਜਥਾ’’’ਤਿ. ‘‘ਪਠਮਂਪਾਹਂ ਤੇਹਿ ਆਜੀਵਕਸਾਵਕੇਹਿ ਅਪਸਾਦਿਤੋ. ਗਚ੍ਛ ਤ੍ਵਂ. ਨਾਹਂ ਗਮਿਸ੍ਸਾਮੀ’’ਤਿ.

੨੯੮. ਅਥ ਖੋ ਸਾ ਗਣਕੀ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਏਵਂ ਦੁਗ੍ਗਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਦੁਕ੍ਖਿਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਮਾ ਸੁਖਂ ਲਭਤੁ ਅਯ੍ਯੋ ਉਦਾਯੀ, ਯਥਾ ਮੇ ਕੁਮਾਰਿਕਾ ਦੁਗ੍ਗਤਾ ਦੁਕ੍ਖਿਤਾ ਨ ਸੁਖਂ ਲਭਤਿ ਪਾਪਿਕਾਯ ਸਸ੍ਸੁਯਾ ਪਾਪਕੇਨ ਸਸੁਰੇਨ ਪਾਪਕੇਨ ਸਾਮਿਕੇਨਾ’’ਤਿ. ਸਾਪਿ ਖੋ ਕੁਮਾਰਿਕਾ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਏਵਂ ਦੁਗ੍ਗਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਦੁਕ੍ਖਿਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਮਾ ਸੁਖਂ ਲਭਤੁ ਅਯ੍ਯੋ ਉਦਾਯੀ, ਯਥਾਹਂ ਦੁਗ੍ਗਤਾ ਦੁਕ੍ਖਿਤਾ ਨ ਸੁਖਂ ਲਭਾਮਿ ਪਾਪਿਕਾਯ ਸਸ੍ਸੁਯਾ ਪਾਪਕੇਨ ਸਸੁਰੇਨ ਪਾਪਕੇਨ ਸਾਮਿਕੇਨਾ’’ਤਿ. ਅਞ੍ਞਾਪਿ ਇਤ੍ਥਿਯੋ ਅਸਨ੍ਤੁਟ੍ਠਾ ਸਸ੍ਸੂਹਿ ਵਾ ਸਸੁਰੇਹਿ ਵਾ ਸਾਮਿਕੇਹਿ ਵਾ, ਤਾ ਏਵਂ ਓਯਾਚਨ੍ਤਿ – ‘‘ਏਵਂ ਦੁਗ੍ਗਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਦੁਕ੍ਖਿਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਮਾ ਸੁਖਂ ਲਭਤੁ ਅਯ੍ਯੋ ਉਦਾਯੀ, ਯਥਾ ਮਯਂ ਦੁਗ੍ਗਤਾ ਦੁਕ੍ਖਿਤਾ ਨ ਸੁਖਂ ਲਭਾਮ ਪਾਪਿਕਾਹਿ ਸਸ੍ਸੂਹਿ ਪਾਪਕੇਹਿ ਸਸੁਰੇਹਿ ਪਾਪਕੇਹਿ ਸਾਮਿਕੇਹੀ’’ਤਿ. ਯਾ ਪਨ ਤਾ ਇਤ੍ਥਿਯੋ ਸਨ੍ਤੁਟ੍ਠਾ ਸਸ੍ਸੂਹਿ ਵਾ ਸਸੁਰੇਹਿ ਵਾ ਸਾਮਿਕੇਹਿ ਵਾ ਤਾ ਏਵਂ ਆਯਾਚਨ੍ਤਿ – ‘‘ਏਵਂ ਸੁਖਿਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਸਜ੍ਜਿਤੋ ਹੋਤੁ ਅਯ੍ਯੋ ਉਦਾਯੀ, ਏਵਂ ਸੁਖਮੇਧੋ [ਸੁਖਮੇਧਿਤੋ (ਸੀ. ਕ.)] ਹੋਤੁ ਅਯ੍ਯੋ ਉਦਾਯੀ, ਯਥਾ ਮਯਂ ਸੁਖਿਤਾ ਸਜ੍ਜਿਤਾ ਸੁਖਮੇਧਾ ਭਦ੍ਦਿਕਾਹਿ ਸਸ੍ਸੂਹਿ ਭਦ੍ਦਕੇਹਿ ਸਸੁਰੇਹਿ ਭਦ੍ਦਕੇਹਿ ਸਾਮਿਕੇਹੀ’’ਤਿ.

ਅਸ੍ਸੋਸੁਂ ਖੋ ਭਿਕ੍ਖੂ ਏਕਚ੍ਚਾਨਂ ਇਤ੍ਥੀਨਂ ਓਯਾਚਨ੍ਤੀਨਂ ਏਕਚ੍ਚਾਨਂ ਇਤ੍ਥੀਨਂ ਆਯਾਚਨ੍ਤੀਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਸਞ੍ਚਰਿਤ੍ਤਂ ਸਮਾਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਸਞ੍ਚਰਿਤ੍ਤਂ ਸਮਾਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਸਞ੍ਚਰਿਤ੍ਤਂ ਸਮਾਪਜ੍ਜਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੨੯੯. ‘‘ਯੋ ਪਨ ਭਿਕ੍ਖੁ ਸਞ੍ਚਰਿਤ੍ਤਂ ਸਮਾਪਜ੍ਜੇਯ੍ਯ, ਇਤ੍ਥਿਯਾ ਵਾ ਪੁਰਿਸਮਤਿਂ ਪੁਰਿਸਸ੍ਸ ਵਾ ਇਤ੍ਥਿਮਤਿਂ, ਜਾਯਤ੍ਤਨੇ ਵਾ ਜਾਰਤ੍ਤਨੇ ਵਾ, ਸਙ੍ਘਾਦਿਸੇਸੋ’’ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੩੦੦. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਧੁਤ੍ਤਾ ਉਯ੍ਯਾਨੇ ਪਰਿਚਾਰੇਨ੍ਤਾ ਅਞ੍ਞਤਰਿਸ੍ਸਾ ਵੇਸਿਯਾ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਤੁ ਉਯ੍ਯਾਨੇ, ਪਰਿਚਾਰੇਸ੍ਸਾਮਾ’’ਤਿ. ਸਾ ਏਵਮਾਹ – ‘‘ਅਹਂ ਖ੍ਵਯ੍ਯੋ ਤੁਮ੍ਹੇ ਨ ਜਾਨਾਮਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ. ਅਹਞ੍ਚਮ੍ਹਿ ਬਹੁਭਣ੍ਡਾ ਬਹੁਪਰਿਕ੍ਖਾਰਾ, ਬਹਿਨਗਰਞ੍ਚ ਗਨ੍ਤਬ੍ਬਂ. ਨਾਹਂ ਗਮਿਸ੍ਸਾਮੀ’’ਤਿ. ਅਥ ਖੋ ਸੋ ਦੂਤੋ ਤੇਸਂ ਧੁਤ੍ਤਾਨਂ ਏਤਮਤ੍ਥਂ ਆਰੋਚੇਸਿ. ਏਵਂ ਵੁਤ੍ਤੇ, ਅਞ੍ਞਤਰੋ ਪੁਰਿਸੋ ਤੇ ਧੁਤ੍ਤੇ ਏਤਦਵੋਚ – ‘‘ਕਿਸ੍ਸ ਤੁਮ੍ਹੇ ਅਯ੍ਯੋ ਏਤਂ ਵੇਸਿਂ ਯਾਚਿਤ੍ਥ? ਨਨੁ ਅਯ੍ਯੋ ਉਦਾਯੀ ਵਤ੍ਤਬ੍ਬੋ! ਅਯ੍ਯੋ ਉਦਾਯੀ ਉਯ੍ਯੋਜੇਸ੍ਸਤੀ’’ਤਿ. ਏਵਂ ਵੁਤ੍ਤੇ, ਅਞ੍ਞਤਰੋ ਉਪਾਸਕੋ ਤਂ ਪੁਰਿਸਂ ਏਤਦਵੋਚ – ‘‘ਮਾਯ੍ਯੋ ਏਵਂ ਅਵਚ. ਨ ਕਪ੍ਪਤਿ ਸਮਣਾਨਂ ਸਕ੍ਯਪੁਤ੍ਤਿਯਾਨਂ ਏਵਰੂਪਂ ਕਾਤੁਂ. ਨਾਯ੍ਯੋ ਉਦਾਯੀ ਏਵਂ ਕਰਿਸ੍ਸਤੀ’’ਤਿ. ਏਵਂ ਵੁਤ੍ਤੇ, ‘‘ਕਰਿਸ੍ਸਤਿ ਨ ਕਰਿਸ੍ਸਤੀ’’ਤਿ ਅਬ੍ਭੁਤਮਕਂਸੁ. ਅਥ ਖੋ ਤੇ ਧੁਤ੍ਤਾ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚੁਂ – ‘‘ਇਧ ਮਯਂ, ਭਨ੍ਤੇ, ਉਯ੍ਯਾਨੇ ਪਰਿਚਾਰੇਨ੍ਤਾ ਅਸੁਕਾਯ ਨਾਮ ਵੇਸਿਯਾ ਸਨ੍ਤਿਕੇ ਦੂਤਂ ਪਹਿਣਿਮ੍ਹਾ – ‘ਆਗਚ੍ਛਤੁ ਉਯ੍ਯਾਨੇ, ਪਰਿਚਾਰੇਸ੍ਸਾਮਾ’ਤਿ. ਸਾ ਏਵਮਾਹ – ‘ਅਹਂ ਖ੍ਵਯ੍ਯੋ ਤੁਮ੍ਹੇ ਨ ਜਾਨਾਮਿ – ਕੇ ਵਾ ਇਮੇ ਕਸ੍ਸ ਵਾਤਿ, ਅਹਞ੍ਚਮ੍ਹਿ ਬਹੁਭਣ੍ਡਾ ਬਹੁਪਰਿਕ੍ਖਾਰਾ, ਬਹਿਨਗਰਞ੍ਚ ਗਨ੍ਤਬ੍ਬਂ. ਨਾਹਂ ਗਮਿਸ੍ਸਾਮੀ’ਤਿ. ਸਾਧੁ, ਭਨ੍ਤੇ, ਅਯ੍ਯੋ ਤਂ ਵਸਿਂ ਉਯ੍ਯੋਜੇਤੂ’’ਤਿ.

ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਸਾ ਵੇਸੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਵੇਸਿਂ ਏਤਦਵੋਚ – ‘‘ਕਿਸ੍ਸਿਮੇਸਂ ਨ ਗਚ੍ਛਸੀ’’ਤਿ? ‘‘ਅਹਂ ਖ੍ਵਯ੍ਯ ਇਮੇ ਨ ਜਾਨਾਮਿ – ‘ਕੇ ਵਾ ਇਮੇ ਕਸ੍ਸ ਵਾ’ਤਿ. ਅਹਞ੍ਚਮ੍ਹਿ ਬਹੁਭਣ੍ਡਾ ਬਹੁਪਰਿਕ੍ਖਾਰਾ, ਬਹਿਨਗਰਞ੍ਚ ਗਨ੍ਤਬ੍ਬਂ. ਨਾਹਂ ਗਮਿਸ੍ਸਾਮੀ’’ਤਿ. ‘‘ਗਚ੍ਛਿਮੇਸਂ. ਅਹਂ ਇਮੇ ਜਾਨਾਮੀ’’ਤਿ. ‘‘ਸਚੇ, ਭਨ੍ਤੇ, ਅਯ੍ਯੋ ਜਾਨਾਤਿ ਅਹਂ ਗਮਿਸ੍ਸਾਮੀ’’ਤਿ. ਅਥ ਖੋ ਤੇ ਧੁਤ੍ਤਾ ਤਂ ਵੇਸਿਂ ਆਦਾਯ ਉਯ੍ਯਾਨਂ ਅਗਮਂਸੁ. ਅਥ ਖੋ ਸੋ ਉਪਾਸਕੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਦਾਯੀ ਤਙ੍ਖਣਿਕਂ ਸਞ੍ਚਰਿਤ੍ਤਂ ਸਮਾਪਜ੍ਜਿਸ੍ਸਤੀ’’ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਉਪਾਸਕਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਤਙ੍ਖਣਿਕਂ ਸਞ੍ਚਰਿਤ੍ਤਂ ਸਮਾਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਤਙ੍ਖਣਿਕਂ ਸਞ੍ਚਰਿਤ੍ਤਂ ਸਮਾਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਤਙ੍ਖਣਿਕਂ ਸਞ੍ਚਰਿਤ੍ਤਂ ਸਮਾਪਜ੍ਜਿਸ੍ਸਸਿ? ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੩੦੧. ‘‘ਯੋ ਪਨ ਭਿਕ੍ਖੁ ਸਞ੍ਚਰਿਤ੍ਤਂ ਸਮਾਪਜ੍ਜੇਯ੍ਯ, ਇਤ੍ਥਿਯਾ ਵਾ ਪੁਰਿਸਮਤਿਂ ਪੁਰਿਸਸ੍ਸ ਵਾ ਇਤ੍ਥਿਮਤਿਂ, ਜਾਯਤ੍ਤਨੇ ਵਾ ਜਾਰਤ੍ਤਨੇ ਵਾ, ਅਨ੍ਤਮਸੋ ਤਙ੍ਖਣਿਕਾਯਪਿ, ਸਙ੍ਘਾਦਿਸੇਸੋ’’ਤਿ.

੩੦੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਸਞ੍ਚਰਿਤ੍ਤਂ ਸਮਾਪਜ੍ਜੇਯ੍ਯਾਤਿ ਇਤ੍ਥਿਯਾ ਵਾ ਪਹਿਤੋ ਪੁਰਿਸਸ੍ਸ ਸਨ੍ਤਿਕੇ ਗਚ੍ਛਤਿ, ਪੁਰਿਸੇਨ ਵਾ ਪਹਿਤੋ ਇਤ੍ਥਿਯਾ ਸਨ੍ਤਿਕੇ ਗਚ੍ਛਤਿ.

ਇਤ੍ਥਿਯਾ ਵਾ ਪੁਰਿਸਮਤਿਨ੍ਤਿ ਪੁਰਿਸਸ੍ਸ ਮਤਿਂ ਇਤ੍ਥਿਯਾ ਆਰੋਚੇਤਿ.

ਪੁਰਿਸਸ੍ਸ ਵਾ ਇਤ੍ਥਿਮਤਿਨ੍ਤਿ ਇਤ੍ਥਿਯਾ ਮਤਿਂ ਪੁਰਿਸਸ੍ਸ ਆਰੋਚੇਤਿ.

ਜਾਯਤ੍ਤਨੇ ਵਾਤਿ ਜਾਯਾ ਭਵਿਸ੍ਸਸਿ.

ਜਾਰਤ੍ਤਨੇ ਵਾਤਿ ਜਾਰੀ ਭਵਿਸ੍ਸਸਿ.

ਅਨ੍ਤਮਸੋ ਤਙ੍ਖਣਿਕਾਯਪੀਤਿ ਮੁਹੁਤ੍ਤਿਕਾ ਭਵਿਸ੍ਸਸਿ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੩੦੩. ਦਸ ਇਤ੍ਥਿਯੋ – ਮਾਤੁਰਕ੍ਖਿਤਾ ਪਿਤੁਰਕ੍ਖਿਤਾ ਮਾਤਾਪਿਤੁਰਕ੍ਖਿਤਾ ਭਾਤੁਰਕ੍ਖਿਤਾ ਭਗਿਨਿਰਕ੍ਖਿਤਾ ਞਾਤਿਰਕ੍ਖਿਤਾ ਗੋਤ੍ਤਰਕ੍ਖਿਤਾ ਧਮ੍ਮਰਕ੍ਖਿਤਾ ਸਾਰਕ੍ਖਾ ਸਪਰਿਦਣ੍ਡਾ.

ਦਸ ਭਰਿਯਾਯੋ – ਧਨਕ੍ਕੀਤਾ ਛਨ੍ਦਵਾਸਿਨੀ ਭੋਗਵਾਸਿਨੀ ਪਟਵਾਸਿਨੀ ਓਦਪਤ੍ਤਕਿਨੀ ਓਭਟਚੁਮ੍ਬਟਾ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਮੁਹੁਤ੍ਤਿਕਾ.

੩੦੪. ਮਾਤੁਰਕ੍ਖਿਤਾ ਨਾਮ ਮਾਤਾ ਰਕ੍ਖਤਿ ਗੋਪੇਤਿ ਇਸ੍ਸਰਿਯਂ ਕਾਰੇਤਿ ਵਸਂ ਵਤ੍ਤੇਤਿ.

ਪਿਤੁਰਕ੍ਖਿਤਾ ਨਾਮ ਪਿਤਾ ਰਕ੍ਖਤਿ ਗੋਪੇਤਿ ਇਸ੍ਸਰਿਯਂ ਕਾਰੇਤਿ ਵਸਂ ਵਤ੍ਤੇਤਿ.

ਮਾਤਾਪਿਤੁਰਕ੍ਖਿਤਾ ਨਾਮ ਮਾਤਾਪਿਤਰੋ ਰਕ੍ਖਨ੍ਤਿ ਗੋਪੇਨ੍ਤਿ ਇਸ੍ਸਰਿਯਂ ਕਾਰੇਨ੍ਤਿ ਵਸਂ ਵਤ੍ਤੇਨ੍ਤਿ.

ਭਾਤੁਰਕ੍ਖਿਤਾ ਨਾਮ ਭਾਤਾ ਰਕ੍ਖਤਿ ਗੋਪੇਤਿ ਇਸ੍ਸਰਿਯਂ ਕਾਰੇਤਿ ਵਸਂ ਵਤ੍ਤੇਤਿ.

ਭਗਿਨਿਰਕ੍ਖਿਤਾ ਨਾਮ ਭਗਿਨੀ ਰਕ੍ਖਤਿ ਗੋਪੇਤਿ ਇਸ੍ਸਰਿਯਂ ਕਾਰੇਤਿ ਵਸਂ ਵਤ੍ਤੇਤਿ.

ਞਾਤਿਰਕ੍ਖਿਤਾ ਨਾਮ ਞਾਤਕਾ ਰਕ੍ਖਨ੍ਤਿ ਗੋਪੇਨ੍ਤਿ ਇਸ੍ਸਰਿਯਂ ਕਾਰੇਨ੍ਤਿ ਵਸਂ ਵਤ੍ਤੇਨ੍ਤਿ.

ਗੋਤ੍ਤਰਕ੍ਖਿਤਾ ਨਾਮ ਸਗੋਤ੍ਤਾ ਰਕ੍ਖਨ੍ਤਿ ਗੋਪੇਨ੍ਤਿ ਇਸ੍ਸਰਿਯਂ ਕਾਰੇਨ੍ਤਿ ਵਸਂ ਵਤ੍ਤੇਨ੍ਤਿ.

ਧਮ੍ਮਰਕ੍ਖਿਤਾ ਨਾਮ ਸਹਧਮ੍ਮਿਕਾ ਰਕ੍ਖਨ੍ਤਿ ਗੋਪੇਨ੍ਤਿ ਇਸ੍ਸਰਿਯਂ ਕਾਰੇਨ੍ਤਿ ਵਸਂ ਵਤ੍ਤੇਨ੍ਤਿ.

ਸਾਰਕ੍ਖਾ ਨਾਮ ਗਬ੍ਭੇਪਿ ਪਰਿਗ੍ਗਹਿਤਾ ਹੋਤਿ – ਮਯ੍ਹਂ ਏਸਾਤਿ. ਅਨ੍ਤਮਸੋ ਮਾਲਾਗੁਲ਼ਪਰਿਕ੍ਖਿਤ੍ਤਾਪਿ.

ਸਪਰਿਦਣ੍ਡਾ ਨਾਮ ਕੇਹਿਚਿ ਦਣ੍ਡੋ ਠਪਿਤੋ ਹੋਤਿ – ਯੋ ਇਤ੍ਥਨ੍ਨਾਮਂ ਇਤ੍ਥਿਂ ਗਚ੍ਛਤਿ ਏਤ੍ਤਕੋ ਦਣ੍ਡੋਤਿ.

ਧਨਕ੍ਕੀਤਾ ਨਾਮ ਧਨੇਨ ਕਿਣਿਤ੍ਵਾ ਵਾਸੇਤਿ.

ਛਨ੍ਦਵਾਸਿਨੀ ਨਾਮ ਪਿਯੋ ਪਿਯਂ ਵਾਸੇਤਿ.

ਭੋਗਵਾਸਿਨੀ ਨਾਮ ਭੋਗਂ ਦਤ੍ਵਾ ਵਾਸੇਤਿ.

ਪਟਵਾਸਿਨੀ ਨਾਮ ਪਟਂ ਦਤ੍ਵਾ ਵਾਸੇਤਿ.

ਓਦਪਤ੍ਤਕਿਨੀ ਨਾਮ ਉਦਕਪਤ੍ਤਂ ਆਮਸਿਤ੍ਵਾ ਵਾਸੇਤਿ.

ਓਭਟਚੁਮ੍ਬਟਾ ਨਾਮ ਚੁਮ੍ਬਟਂ ਓਰੋਪੇਤ੍ਵਾ ਵਾਸੇਤਿ.

ਦਾਸੀ ਨਾਮ ਦਾਸੀ ਚੇਵ ਹੋਤਿ ਭਰਿਯਾ ਚ.

ਕਮ੍ਮਕਾਰੀ ਨਾਮ ਕਮ੍ਮਕਾਰੀ ਚੇਵ ਹੋਤਿ ਭਰਿਯਾ ਚ.

ਧਜਾਹਟਾ ਨਾਮ ਕਰਮਰਾਨੀਤਾ ਵੁਚ੍ਚਤਿ.

ਮੁਹੁਤ੍ਤਿਕਾ ਨਾਮ ਤਙ੍ਖਣਿਕਾ ਵੁਚ੍ਚਤਿ.

੩੦੫. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਂ ਬ੍ਰੂਹਿ…ਪੇ… ਮਾਤਾਪਿਤੁਰਕ੍ਖਿਤਂ ਬ੍ਰੂਹਿ… ਭਾਤੁਰਕ੍ਖਿਤਂ ਬ੍ਰੂਹਿ… ਭਗਿਨਿਰਕ੍ਖਿਤਂ ਬ੍ਰੂਹਿ… ਞਾਤਿਰਕ੍ਖਿਤਂ ਬ੍ਰੂਹਿ… ਗੋਤ੍ਤਰਕ੍ਖਿਤਂ ਬ੍ਰੂਹਿ… ਧਮ੍ਮਰਕ੍ਖਿਤਂ ਬ੍ਰੂਹਿ… ਸਾਰਕ੍ਖਂ ਬ੍ਰੂਹਿ… ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੦੬. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਮਾਤਾਪਿਤੁਰਅਖਤਞ੍ਚ…ਪੇ…

ਮਾਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ… ਮਾਤੁਰਕ੍ਖਿਤਞ੍ਚ ਭਗਿਨਿਰਕ੍ਖਿਤਞ੍ਚ… ਮਾਤੁਰਕ੍ਖਿਤਞ੍ਚ ਞਾਤਿਰਕ੍ਖਿਤਞ੍ਚ… ਮਾਤੁਰਕ੍ਖਿਤਞ੍ਚ ਗੋਤ੍ਤਰਕ੍ਖਿਤਞ੍ਚ… ਮਾਤੁਰਕ੍ਖਿਤਞ੍ਚ ਧਮ੍ਮਰਕ੍ਖਿਤਞ੍ਚ… ਮਾਤੁਰਕ੍ਖਿਤਞ੍ਚ ਸਾਰਕ੍ਖਞ੍ਚ… ਮਾਤੁਰਕ੍ਖਿਤਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੦੭. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ…ਪੇ… ਪਿਤੁਰਕ੍ਖਿਤਞ੍ਚ ਭਗਿਨਿਰਕ੍ਖਿਤਞ੍ਚ… ਪਿਤੁਰਕ੍ਖਿਤਞ੍ਚ ਞਾਤਿਰਕ੍ਖਿਤਞ੍ਚ… ਪਿਤੁਰਕ੍ਖਿਤਞ੍ਚ ਗੋਤ੍ਤਰਕ੍ਖਿਤਞ੍ਚ… ਪਿਤੁਰਕ੍ਖਿਤਞ੍ਚ ਧਮ੍ਮਰਕ੍ਖਿਤਞ੍ਚ… ਪਿਤੁਰਕ੍ਖਿਤਞ੍ਚ ਸਾਰਕ੍ਖਞ੍ਚ… ਪਿਤੁਰਕ੍ਖਿਤਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਮਾਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੦੮. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਞ੍ਚ ਮਾਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਞ੍ਚ ਪਿਤੁਰਅਖਤਞ੍ਚ…ਪੇ…

ਸਪਰਿਦਣ੍ਡਞ੍ਚ ਮਾਤਾਪਿਤੁਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਭਾਤੁਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਭਗਿਨਿਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਞਾਤਿਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਗੋਤ੍ਤਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਧਮ੍ਮਰਕ੍ਖਿਤਞ੍ਚ… ਸਪਰਿਦਣ੍ਡਞ੍ਚ ਸਾਰਕ੍ਖਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਏਵਂ ਦੁਮੂਲਕਮ੍ਪਿ ਤਿਮੂਲਕਮ੍ਪਿ ਯਾਵ ਨਵਮੂਲਕਂ ਕਾਤਬ੍ਬਂ.

ਇਦਂ ਦਸਮੂਲਕਂ

੩੦੯. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ ਭਗਿਨਿਰਕ੍ਖਿਤਞ੍ਚ ਞਾਤਿਰਕ੍ਖਿਤਞ੍ਚ ਗੋਤ੍ਤਰਕ੍ਖਿਤਞ੍ਚ ਧਮ੍ਮਰਕ੍ਖਿਤਞ੍ਚ ਸਾਰਕ੍ਖਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਨਕ੍ਕੀਤਾਚਕ੍ਕਂ ਨਿਟ੍ਠਿਤਂ.

੩੧੦. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ… ਪਟਵਾਸਿਨੀ… ਓਦਪਤ੍ਤਕਿਨੀ… ਓਭਟਚੁਮ੍ਬਟਾ… ਦਾਸੀ ਚ ਭਰਿਯਾ ਚ… ਕਮ੍ਮਕਾਰੀ ਚ ਭਰਿਯਾ ਚ… ਧਜਾਹਟਾ… ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਂ ਬ੍ਰੂਹਿ…ਪੇ… ਮਾਤਾਪਿਤੁਰਕ੍ਖਿਤਂ ਬ੍ਰੂਹਿ… ਭਾਤੁਰਕ੍ਖਿਤਂ ਬ੍ਰੂਹਿ… ਭਗਿਨਿਰਕ੍ਖਿਤਂ ਬ੍ਰੂਹਿ… ਞਾਤਿਰਕ੍ਖਿਤਂ ਬ੍ਰੂਹਿ… ਗੋਤ੍ਤਰਕ੍ਖਿਤਂ ਬ੍ਰੂਹਿ… ਧਮ੍ਮਰਕ੍ਖਿਤਂ ਬ੍ਰੂਹਿ… ਸਾਰਕ੍ਖਂ ਬ੍ਰੂਹਿ… ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੧੧. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ…ਪੇ… ਮਾਤੁਰਕ੍ਖਿਤਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੧੨. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ…ਪੇ… ਪਿਤੁਰਕ੍ਖਿਤਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਞ੍ਚ ਮਾਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੧੩. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਞ੍ਚ ਮਾਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਞ੍ਚ ਪਿਤੁਰਕ੍ਖਿਤਞ੍ਚ…ਪੇ… ਸਪਰਿਦਣ੍ਡਞ੍ਚ ਸਾਰਕ੍ਖਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਾਦੀਨਿਪਿ ਏਵਮੇਵ ਕਾਤਬ੍ਬਾਨਿ.

ਇਦਂ ਦਸਮੂਲਕਂ

੩੧੪. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ ਭਗਿਨਿਰਕ੍ਖਿਤਞ੍ਚ ਞਾਤਿਰਕ੍ਖਿਤਞ੍ਚ ਗੋਤ੍ਤਰਕ੍ਖਿਤਞ੍ਚ ਧਮ੍ਮਰਕ੍ਖਿਤਞ੍ਚ ਸਾਰਕ੍ਖਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮੁਹੁਤ੍ਤਿਕਾਚਕ੍ਕਂ ਨਿਟ੍ਠਿਤਂ.

੩੧੫. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ… ਪਟਵਾਸਿਨੀ… ਓਦਪਤ੍ਤਕਿਨੀ… ਓਭਟਚੁਮ੍ਬਟਾ… ਦਾਸੀ ਚ ਭਰਿਯਾ ਚ… ਕਮ੍ਮਕਾਰੀ ਚ ਭਰਿਯਾ ਚ… ਧਜਾਹਟਾ… ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੧੬. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਭੋਗਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਪਟਵਾਸਿਨੀ ਚ… ਧਨਕ੍ਕੀਤਾ ਚ ਓਦਪਤ੍ਤਕਿਨੀ ਚ… ਧਨਕ੍ਕੀਤਾ ਚ ਓਭਟਚੁਮ੍ਬਟਾ ਚ… ਧਨਕ੍ਕੀਤਾ ਚ ਦਾਸੀ ਚ ਭਰਿਯਾ ਚ… ਧਨਕ੍ਕੀਤਾ ਚ ਕਮ੍ਮਕਾਰੀ ਚ ਭਰਿਯਾ ਚ… ਧਨਕ੍ਕੀਤਾ ਚ ਧਜਾਹਟਾ ਚ… ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੧੭. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ… ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੧੮. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ…ਪੇ… ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਾਦੀਨਿਪਿ ਏਵਮੇਵ ਕਾਤਬ੍ਬਾਨਿ.

ਇਦਂ ਦਸਮੂਲਕਂ

੩੧੯. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਾਤੁਰਕ੍ਖਿਤਾਚਕ੍ਕਂ ਨਿਟ੍ਠਿਤਂ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਪਿਤੁਰਕ੍ਖਿਤਂ…ਪੇ… ਮਾਤਾਪਿਤੁਰਕ੍ਖਿਤਂ… ਭਾਤੁਰਕ੍ਖਿਤਂ… ਭਗਿਨਿਰਕ੍ਖਿਤਂ … ਞਾਤਿਰਕ੍ਖਿਤਂ… ਗੋਤ੍ਤਰਕ੍ਖਿਤਂ… ਧਮ੍ਮਰਕ੍ਖਿਤਂ … ਸਾਰਕ੍ਖਂ… ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ, ਪਟਵਾਸਿਨੀ, ਓਦਪਤ੍ਤਕਿਨੀ, ਓਭਟਚੁਮ੍ਬਟਾ, ਦਾਸੀ ਚ ਭਰਿਯਾ ਚ, ਕਮ੍ਮਕਾਰੀ ਚ ਭਰਿਯਾ ਚ, ਧਜਾਹਟਾ, ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੨੦. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਭੋਗਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ, ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ, ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਮ੍ਪਿ ਤਿਮੂਲਕਮ੍ਪਿ ਯਾਵ ਨਵਮੂਲਕਂ ਏਵਮੇਵ ਕਾਤਬ੍ਬਂ.

ਇਦਂ ਦਸਮੂਲਕਂ.

੩੨੧. ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਸਪਰਿਦਣ੍ਡਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪਰਿਦਣ੍ਡਾਚਕ੍ਕਂ ਨਿਟ੍ਠਿਤਂ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਂ ਬ੍ਰੂਹਿ – ‘ਹੋਹਿ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਵਂ ਉਭਤੋਵਡ੍ਢਕਂ ਕਾਤਬ੍ਬਂ.

ਪੁਰਿਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਮਾਤੁਰਕ੍ਖਿਤਞ੍ਚ ਪਿਤੁਰਕ੍ਖਿਤਞ੍ਚ ਮਾਤਾਪਿਤੁਰਕ੍ਖਿਤਞ੍ਚ ਭਾਤੁਰਕ੍ਖਿਤਞ੍ਚ ਭਗਿਨਿਰਕ੍ਖਿਤਞ੍ਚ ਞਾਤਿਰਕ੍ਖਿਤਞ੍ਚ ਗੋਤ੍ਤਰਕ੍ਖਿਤਞ੍ਚ ਧਮ੍ਮਰਕ੍ਖਿਤਞ੍ਚ ਸਾਰਕ੍ਖਞ੍ਚ ਸਪਰਿਦਣ੍ਡਞ੍ਚ ਬ੍ਰੂਹਿ – ‘ਹੋਥ ਕਿਰ ਇਤ੍ਥਨ੍ਨਾਮਸ੍ਸ ਭਰਿਯਾਯੋ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਉਭਤੋਵਡ੍ਢਕਂ ਨਿਟ੍ਠਿਤਂ.

ਪੁਰਿਸਸ੍ਸ ਮਾਤਾ ਭਿਕ੍ਖੁਂ ਪਹਿਣਤਿ…ਪੇ… ਪੁਰਿਸਸ੍ਸ ਪਿਤਾ ਭਿਕ੍ਖੁਂ ਪਹਿਣਤਿ…ਪੇ… ਪੁਰਿਸਸ੍ਸ ਮਾਤਾਪਿਤਰੋ ਭਿਕ੍ਖੁਂ ਪਹਿਣਨ੍ਤਿ…ਪੇ… ਪੁਰਿਸਸ੍ਸ ਭਾਤਾ ਭਿਕ੍ਖੁਂ ਪਹਿਣਤਿ…ਪੇ… ਪੁਰਿਸਸ੍ਸ ਭਗਿਨੀ ਭਿਕ੍ਖੁਂ ਪਹਿਣਤਿ…ਪੇ… ਪੁਰਿਸਸ੍ਸ ਞਾਤਕਾ ਭਿਕ੍ਖੁਂ ਪਹਿਣਨ੍ਤਿ…ਪੇ… ਪੁਰਿਸਸ੍ਸ ਗੋਤ੍ਤਾ ਭਿਕ੍ਖੁਂ ਪਹਿਣਨ੍ਤਿ…ਪੇ… ਪੁਰਿਸਸ੍ਸ ਸਹਧਮ੍ਮਿਕਾ ਭਿਕ੍ਖੁਂ ਪਹਿਣਨ੍ਤਿ…ਪੇ….

ਪੁਰਿਸਸ੍ਸ ਪੇਯ੍ਯਾਲੋ ਵਿਤ੍ਥਾਰੇਤਬ੍ਬੋ.

ਉਭਤੋਵਡ੍ਢਕਂ ਯਥਾ ਪੁਰਿਮਨਯੋ ਤਥੇਵ ਵਿਤ੍ਥਾਰੇਤਬ੍ਬਂ.

੩੨੨. ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ, ਪਟਵਾਸਿਨੀ, ਓਦਪਤ੍ਤਕਿਨੀ, ਓਭਟਚੁਮ੍ਬਟਾ, ਦਾਸੀ ਚ ਭਰਿਯਾ ਚ, ਕਮ੍ਮਕਾਰੀ ਚ ਭਰਿਯਾ ਚ, ਧਜਾਹਟਾ, ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੨੩. ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਭੋਗਵਾਸਿਨੀ ਚ, ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੨੪. ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ, ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੨੫. ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ…ਪੇ… ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਮ੍ਪਿ ਤਿਮੂਲਕਮ੍ਪਿ ਯਾਵ ਨਵਮੂਲਕਂ ਏਵਮੇਵ ਕਾਤਬ੍ਬਂ.

ਇਦਂ ਦਸਮੂਲਕਂ

੩੨੬. ਮਾਤੁਰਕ੍ਖਿਤਾਯ ਮਾਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਾਤੁਚਕ੍ਕਂ ਨਿਟ੍ਠਿਤਂ.

ਪਿਤੁਰਕ੍ਖਿਤਾਯ ਪਿਤਾ ਭਿਕ੍ਖੁਂ ਪਹਿਣਤਿ…ਪੇ… ਮਾਤਾਪਿਤੁਰਕ੍ਖਿਤਾਯ ਮਾਤਾਪਿਤਰੋ ਭਿਕ੍ਖੁਂ ਪਹਿਣਨ੍ਤਿ… ਭਾਤੁਰਕ੍ਖਿਤਾਯ ਭਾਤਾ ਭਿਕ੍ਖੁਂ ਪਹਿਣਤਿ… ਭਗਿਨਿਰਕ੍ਖਿਤਾਯ ਭਗਿਨੀ ਭਿਕ੍ਖੁਂ ਪਹਿਣਤਿ… ਞਾਤਿਰਕ੍ਖਿਤਾਯ ਞਾਤਕਾ ਭਿਕ੍ਖੁਂ ਪਹਿਣਨ੍ਤਿ… ਗੋਤ੍ਤਰਕ੍ਖਿਤਾਯ ਗੋਤ੍ਤਾ [ਸਗੋਤ੍ਤਾ (?)] ਭਿਕ੍ਖੁਂ ਪਹਿਣਨ੍ਤਿ… ਧਮ੍ਮਰਕ੍ਖਿਤਾਯ ਸਹਧਮ੍ਮਿਕਾ ਭਿਕ੍ਖੁਂ ਪਹਿਣਨ੍ਤਿ… ਸਾਰਕ੍ਖਾਯ ਯੇਨ ਪਰਿਗ੍ਗਹਿਤਾ ਹੋਤਿ ਸੋ ਭਿਕ੍ਖੁਂ ਪਹਿਣਤਿ… ਸਪਰਿਦਣ੍ਡਾਯ ਯੇਨ ਦਣ੍ਡੋ ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪਰਿਦਣ੍ਡਾਯ ਯੇਨ ਦਣ੍ਡੋ ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ… ਪਟਵਾਸਿਨੀ… ਓਦਪਤ੍ਤਕਿਨੀ… ਓਭਟਚੁਮ੍ਬਟਾ… ਦਾਸੀ ਚ ਭਰਿਯਾ ਚ… ਕਮ੍ਮਕਾਰੀ ਚ ਭਰਿਯਾ ਚ… ਧਜਾਹਟਾ… ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੨੭. ਸਪਰਿਦਣ੍ਡਾਯ ਯੇਨ ਦਣ੍ਡੋ ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਭੋਗਵਾਸਿਨੀ ਚ… ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੨੮. ਸਪਰਿਦਣ੍ਡਾਯ ਯੇਨ ਦਣ੍ਡੋ ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ… ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੨੯. ਸਪਰਿਦਣ੍ਡਾਯ ਯੇਨ ਦਣ੍ਡੋ, ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ…ਪੇ… ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਮ੍ਪਿ ਤਿਮੂਲਕਮ੍ਪਿ ਯਾਵ ਨਵਮੂਲਕਂ ਏਵਮੇਵ ਕਾਤਬ੍ਬਂ.

ਇਦਂ ਦਸਮੂਲਕਂ

੩੩੦. ਸਪਰਿਦਣ੍ਡਾਯ ਯੇਨ ਦਣ੍ਡੋ ਠਪਿਤੋ ਹੋਤਿ ਸੋ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਤੁ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਦਣ੍ਡਠਪਿਤਚਕ੍ਕਂ ਨਿਟ੍ਠਿਤਂ.

ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ… ਪਟਵਾਸਿਨੀ… ਓਦਪਤ੍ਤਕਿਨੀ… ਓਭਟਚੁਮ੍ਬਟਾ… ਦਾਸੀ ਚ ਭਰਿਯਾ ਚ… ਕਮ੍ਮਕਾਰੀ ਚ ਭਰਿਯਾ ਚ… ਧਜਾਹਟਾ… ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੩੧. ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਭੋਗਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਪਟਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੩੨. ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ… ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ…ਪੇ… ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਾਦੀਨਿਪਿ ਏਵਮੇਵ ਕਾਤਬ੍ਬਾਨਿ.

ਇਦਂ ਦਸਮੂਲਕਂ

੩੩੩. ਮਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਪਰਂ ਮਾਤੁਰਕ੍ਖਿਤਾਚਕ੍ਕਂ ਨਿਟ੍ਠਿਤਂ.

ਪਿਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ…ਪੇ… ਮਾਤਾਪਿਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਭਾਤੁਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਭਗਿਨਿਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਞਾਤਿਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਗੋਤ੍ਤਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਧਮ੍ਮਰਕ੍ਖਿਤਾ ਭਿਕ੍ਖੁਂ ਪਹਿਣਤਿ… ਸਾਰਕ੍ਖਾ ਭਿਕ੍ਖੁਂ ਪਹਿਣਤਿ… ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ…ਪੇ… ਭੋਗਵਾਸਿਨੀ… ਪਟਵਾਸਿਨੀ… ਓਦਪਤ੍ਤਕਿਨੀ… ਓਭਟਚੁਮ੍ਬਟਾ… ਦਾਸੀ ਚ ਭਰਿਯਾ ਚ… ਕਮ੍ਮਕਾਰੀ ਚ ਭਰਿਯਾ ਚ… ਧਜਾਹਟਾ… ਮੁਹੁਤ੍ਤਿਕਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਨਿਕ੍ਖੇਪਪਦਾਨਿ.

੩੩੪. ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ…ਪੇ… ਧਨਕ੍ਕੀਤਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਖਣ੍ਡਚਕ੍ਕਂ.

੩੩੫. ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ…ਪੇ… ਛਨ੍ਦਵਾਸਿਨੀ ਚ ਮੁਹੁਤ੍ਤਿਕਾ ਚ… ਛਨ੍ਦਵਾਸਿਨੀ ਚ ਧਨਕ੍ਕੀਤਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਬਦ੍ਧਚਕ੍ਕਂ ਮੂਲਂ ਸਂਖਿਤ੍ਤਂ.

੩੩੬. ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਮੁਹੁਤ੍ਤਿਕਾ ਚ ਧਨਕ੍ਕੀਤਾ ਚ…ਪੇ… ਮੁਹੁਤ੍ਤਿਕਾ ਚ ਛਨ੍ਦਵਾਸਿਨੀ ਚ…ਪੇ… ਮੁਹੁਤ੍ਤਿਕਾ ਚ ਧਜਾਹਟਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਏਕਮੂਲਕਂ ਨਿਟ੍ਠਿਤਂ.

ਦੁਮੂਲਕਾਦੀਨਿਪਿ ਏਵਮੇਵ ਕਾਤਬ੍ਬਾਨਿ.

ਇਦਂ ਦਸਮੂਲਕਂ

੩੩੭. ਸਪਰਿਦਣ੍ਡਾ ਭਿਕ੍ਖੁਂ ਪਹਿਣਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਬ੍ਰੂਹਿ – ‘ਹੋਮਿ ਇਤ੍ਥਨ੍ਨਾਮਸ੍ਸ ਭਰਿਯਾ ਧਨਕ੍ਕੀਤਾ ਚ ਛਨ੍ਦਵਾਸਿਨੀ ਚ ਭੋਗਵਾਸਿਨੀ ਚ ਪਟਵਾਸਿਨੀ ਚ ਓਦਪਤ੍ਤਕਿਨੀ ਚ ਓਭਟਚੁਮ੍ਬਟਾ ਚ ਦਾਸੀ ਚ ਭਰਿਯਾ ਚ ਕਮ੍ਮਕਾਰੀ ਚ ਭਰਿਯਾ ਚ ਧਜਾਹਟਾ ਚ ਮੁਹੁਤ੍ਤਿਕਾ ਚਾ’’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਪਰਂ ਸਪਰਿਦਣ੍ਡਾਚਕ੍ਕਂ ਨਿਟ੍ਠਿਤਂ.

ਸਬ੍ਬਂ ਚਕ੍ਕਪੇਯ੍ਯਾਲਂ ਨਿਟ੍ਠਿਤਂ.

੩੩੮. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਨ ਪਚ੍ਚਾਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪਟਿਗ੍ਗਣ੍ਹਾਤਿ ਨ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਪਟਿਗ੍ਗਣ੍ਹਾਤਿ ਨ ਵੀਮਂਸਤਿ ਨ ਪਚ੍ਚਾਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ. ਨ ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਨ ਪਟਿਗ੍ਗਣ੍ਹਾਤਿ ਵੀਮਂਸਤਿ ਨ ਪਚ੍ਚਾਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ. ਨ ਪਟਿਗ੍ਗਣ੍ਹਾਤਿ ਨ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਦੁਕ੍ਕਟਸ੍ਸ. ਨ ਪਟਿਗ੍ਗਣ੍ਹਾਤਿ ਨ ਵੀਮਂਸਤਿ ਨ ਪਚ੍ਚਾਹਰਤਿ, ਅਨਾਪਤ੍ਤਿ.

ਪੁਰਿਸੋ ਸਮ੍ਬਹੁਲੇ ਭਿਕ੍ਖੂ ਆਣਾਪੇਤਿ – ‘‘ਗਚ੍ਛਥ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਥਾ’’ਤਿ. ਸਬ੍ਬੇ ਪਟਿਗ੍ਗਣ੍ਹਨ੍ਤਿ ਸਬ੍ਬੇ ਵੀਮਂਸਨ੍ਤਿ ਸਬ੍ਬੇ ਪਚ੍ਚਾਹਰਨ੍ਤਿ, ਆਪਤ੍ਤਿ ਸਬ੍ਬੇਸਂ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਸਮ੍ਬਹੁਲੇ ਭਿਕ੍ਖੂ ਆਣਾਪੇਤਿ – ‘‘ਗਚ੍ਛਥ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਥਾ’’ਤਿ. ਸਬ੍ਬੇ ਪਟਿਗ੍ਗਣ੍ਹਨ੍ਤਿ ਸਬ੍ਬੇ ਵੀਮਂਸਨ੍ਤਿ ਏਕਂ ਪਚ੍ਚਾਹਰਾਪੇਨ੍ਤਿ, ਆਪਤ੍ਤਿ ਸਬ੍ਬੇਸਂ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਸਮ੍ਬਹੁਲੇ ਭਿਕ੍ਖੂ ਆਣਾਪੇਤਿ – ‘‘ਗਚ੍ਛਥ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਥਾ’’ਤਿ. ਸਬ੍ਬੇ ਪਟਿਗ੍ਗਣ੍ਹਨ੍ਤਿ, ਏਕਂ ਵੀਮਂਸਾਪੇਤ੍ਵਾ ਸਬ੍ਬੇ ਪਚ੍ਚਾਹਰਨ੍ਤਿ, ਆਪਤ੍ਤਿ ਸਬ੍ਬੇਸਂ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਸਮ੍ਬਹੁਲੇ ਭਿਕ੍ਖੂ ਆਣਾਪੇਤਿ – ‘‘ਗਚ੍ਛਥ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਥਾ’’ਤਿ. ਸਬ੍ਬੇ ਪਟਿਗ੍ਗਣ੍ਹਨ੍ਤਿ, ਏਕਂ ਵੀਮਂਸਾਪੇਤ੍ਵਾ ਏਕਂ ਪਚ੍ਚਾਹਰਾਪੇਨ੍ਤਿ, ਆਪਤ੍ਤਿ ਸਬ੍ਬੇਸਂ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਆਣਾਪੇਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਾ’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਪਚ੍ਚਾਹਰਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਆਣਾਪੇਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਾ’’ਤਿ. ਪਟਿਗ੍ਗਣ੍ਹਾਤਿ ਵੀਮਂਸਤਿ ਅਨ੍ਤੇਵਾਸਿਂ ਪਚ੍ਚਾਹਰਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਆਣਾਪੇਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਾ’’ਤਿ. ਪਟਿਗ੍ਗਣ੍ਹਾਤਿ ਅਨ੍ਤੇਵਾਸਿਂ ਵੀਮਂਸਾਪੇਤ੍ਵਾ ਅਤ੍ਤਨਾ ਪਚ੍ਚਾਹਰਤਿ ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪੁਰਿਸੋ ਭਿਕ੍ਖੁਂ ਆਣਾਪੇਤਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿ ਵਿਮਂਸਾ’’ਤਿ. ਪਟਿਗ੍ਗਣ੍ਹਾਤਿ ਅਨ੍ਤੇਵਾਸਿਂ ਵੀਮਂਸਾਪੇਤਿ ਅਨ੍ਤੇਵਾਸੀ ਵੀਮਂਸਿਤ੍ਵਾ ਬਹਿਦ੍ਧਾ ਪਚ੍ਚਾਹਰਤਿ, ਆਪਤ੍ਤਿ ਉਭਿਨ੍ਨਂ ਥੁਲ੍ਲਚ੍ਚਯਸ੍ਸ.

੩੩੯. ਗਚ੍ਛਨ੍ਤੋ ਸਮ੍ਪਾਦੇਤਿ, ਆਗਚ੍ਛਨ੍ਤੋ ਵਿਸਂਵਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਗਚ੍ਛਨ੍ਤੋ ਵਿਸਂਵਾਦੇਤਿ, ਆਗਚ੍ਛਨ੍ਤੋ ਸਮ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ.

ਗਚ੍ਛਨ੍ਤੋ ਸਮ੍ਪਾਦੇਤਿ, ਆਗਚ੍ਛਨ੍ਤੋ ਸਮ੍ਪਾਦੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਗਚ੍ਛਨ੍ਤੋ ਵਿਸਂਵਾਦੇਤਿ, ਆਗਚ੍ਛਨ੍ਤੋ ਵਿਸਂਵਾਦੇਤਿ, ਅਨਾਪਤ੍ਤਿ.

੩੪੦. ਅਨਾਪਤ੍ਤਿ ਸਙ੍ਘਸ੍ਸ ਵਾ ਚੇਤਿਯਸ੍ਸ ਵਾ ਗਿਲਾਨਸ੍ਸ ਵਾ ਕਰਣੀਯੇਨ ਗਚ੍ਛਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਨੀਤਵਤ੍ਥੁਉਦ੍ਦਾਨਗਾਥਾ

ਸੁਤ੍ਤਾ ਮਤਾ ਚ ਨਿਕ੍ਖਨ੍ਤਾ, ਅਨਿਤ੍ਥੀ ਇਤ੍ਥਿਪਣ੍ਡਕਾ;

ਕਲਹਂ ਕਤ੍ਵਾਨ ਸਮ੍ਮੋਦਿ, ਸਞ੍ਚਰਿਤ੍ਤਞ੍ਚ ਪਣ੍ਡਕੇਤਿ.

ਵਿਨੀਤਵਤ੍ਥੁ

੩੪੧. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਅਞ੍ਞਤਰਂ ਭਿਕ੍ਖੁਂ ਆਣਾਪੇਸਿ – [ਆਣਾਪੇਤਿ (ਸ੍ਯਾ. ਕ.)] ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਾ’’ਤਿ. ਸੋ ਗਨ੍ਤ੍ਵਾ ਮਨੁਸ੍ਸੇ ਪੁਚ੍ਛਿ – ‘‘ਕਹਂ ਇਤ੍ਥਨ੍ਨਾਮਾ’’ਤਿ? ‘‘ਸੁਤ੍ਤਾ, ਭਨ੍ਤੇ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ, ਕਚ੍ਚਿ ਨੁ ਖੋ ਅਹਂ ਸਙ੍ਘਾਦਿਸੇਸਂ ਆਪਤ੍ਤਿਂ ਆਪਨ੍ਨੋ’’ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਅਞ੍ਞਤਰਂ ਭਿਕ੍ਖੁਂ ਆਣਾਪੇਸਿ – ‘‘ਗਚ੍ਛ, ਭਨ੍ਤੇ, ਇਤ੍ਥਨ੍ਨਾਮਂ ਇਤ੍ਥਿਂ ਵੀਮਂਸਾ’’ਤਿ. ਸੋ ਗਨ੍ਤ੍ਵਾ ਮਨੁਸ੍ਸੇ ਪੁਚ੍ਛਿ – ‘‘ਕਹਂ ਇਤ੍ਥਨ੍ਨਾਮਾ’’ਤਿ? ‘‘ਮਤਾ, ਭਨ੍ਤੇ’’ਤਿ…ਪੇ… ‘‘ਨਿਕ੍ਖਨ੍ਤਾ, ਭਨ੍ਤੇ’’ਤਿ… ‘‘ਅਨਿਤ੍ਥੀ, ਭਨ੍ਤੇ’’ਤਿ… ‘‘ਇਤ੍ਥਿਪਣ੍ਡਕਾ, ਭਨ੍ਤੇ’’ਤਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰਾ ਇਤ੍ਥੀ ਸਾਮਿਕੇਨ ਸਹ ਭਣ੍ਡਿਤ੍ਵਾ ਮਾਤੁਘਰਂ ਅਗਮਾਸਿ. ਕੁਲੂਪਕੋ ਭਿਕ੍ਖੁ ਸਮ੍ਮੋਦਨੀਯਂ ਅਕਾਸਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਲਂਵਚਨੀਯਾ, ਭਿਕ੍ਖੂ’’ਤਿ? ‘‘ਨਾਲਂਵਚਨੀਯਾ, ਭਗਵਾ’’ਤਿ. ‘‘ਅਨਾਪਤ੍ਤਿ, ਭਿਕ੍ਖੁ, ਨਾਲਂਵਚਨੀਯਾਯਾ’’ਤਿ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਪਣ੍ਡਕੇ ਸਞ੍ਚਰਿਤ੍ਤਂ ਸਮਾਪਜ੍ਜਿ. ਤਸ੍ਸ ਕੁਕ੍ਕੁਚ੍ਚਂ ਅਹੋਸਿ…ਪੇ… ‘‘ਅਨਾਪਤ੍ਤਿ, ਭਿਕ੍ਖੁ, ਸਙ੍ਘਾਦਿਸੇਸਸ੍ਸ; ਆਪਤ੍ਤਿ ਥੁਲ੍ਲਚ੍ਚਯਸ੍ਸਾ’’ਤਿ.

ਸਞ੍ਚਰਿਤ੍ਤਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ.

੬. ਕੁਟਿਕਾਰਸਿਕ੍ਖਾਪਦਂ

੩੪੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਆਲ਼ਵਕਾ ਭਿਕ੍ਖੂ ਸਞ੍ਞਾਚਿਕਾਯੋ ਕੁਟਿਯੋ ਕਾਰਾਪੇਨ੍ਤਿ ਅਸ੍ਸਾਮਿਕਾਯੋ ਅਤ੍ਤੁਦ੍ਦੇਸਿਕਾਯੋ ਅਪ੍ਪਮਾਣਿਕਾਯੋ. ਤਾਯੋ ਨ ਨਿਟ੍ਠਾਨਂ ਗਚ੍ਛਨ੍ਤਿ. ਤੇ ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਨ੍ਤਿ – ‘‘ਪੁਰਿਸਂ ਦੇਥ, ਪੁਰਿਸਤ੍ਥਕਰਂ ਦੇਥ, ਗੋਣਂ ਦੇਥ, ਸਕਟਂ ਦੇਥ, ਵਾਸਿਂ ਦੇਥ, ਪਰਸੁਂ ਦੇਥ, ਕੁਠਾਰਿਂ ਦੇਥ, ਕੁਦਾਲਂ ਦੇਥ, ਨਿਖਾਦਨਂ ਦੇਥ, ਵਲ੍ਲਿਂ ਦੇਥ, ਵੇਲ਼ੁਂ ਦੇਥ, ਮੁਞ੍ਜਂ ਦੇਥ, ਪਬ੍ਬਜਂ ਦੇਥ, ਤਿਣਂ ਦੇਥ, ਮਤ੍ਤਿਕਂ ਦੇਥਾ’’ਤਿ. ਮਨੁਸ੍ਸਾ ਉਪਦ੍ਦੁਤਾ ਯਾਚਨਾਯ ਉਪਦ੍ਦੁਤਾ ਵਿਞ੍ਞਤ੍ਤਿਯਾ ਭਿਕ੍ਖੂ ਦਿਸ੍ਵਾ ਉਬ੍ਬਿਜ੍ਜਨ੍ਤਿਪਿ ਉਤ੍ਤਸਨ੍ਤਿਪਿ ਪਲਾਯਨ੍ਤਿਪਿ ਅਞ੍ਞੇਨਪਿ ਗਚ੍ਛਨ੍ਤਿ ਅਞ੍ਞੇਨਪਿ ਮੁਖਂ ਕਰੋਨ੍ਤਿ ਦ੍ਵਾਰਮ੍ਪਿ ਥਕੇਨ੍ਤਿ, ਗਾਵਿਮ੍ਪਿ ਦਿਸ੍ਵਾ ਪਲਾਯਨ੍ਤਿ ਭਿਕ੍ਖੂਤਿ ਮਞ੍ਞਮਾਨਾ.

ਅਥ ਖੋ ਆਯਸ੍ਮਾ ਮਹਾਕਸ੍ਸਪੋ ਰਾਜਗਹੇ ਵਸ੍ਸਂਵੁਟ੍ਠੋ ਯੇਨ ਆਲ਼ਵੀ ਤੇਨ ਪਕ੍ਕਾਮਿ. ਅਨੁਪੁਬ੍ਬੇਨ ਯੇਨ ਆਲ਼ਵੀ ਤਦਵਸਰਿ. ਤਤ੍ਰ ਸੁਦਂ ਆਯਸ੍ਮਾ ਮਹਾਕਸ੍ਸਪੋ ਆਲ਼ਵਿਯਂ ਵਿਹਰਤਿ ਅਗ੍ਗਾਲ਼ਵੇ ਚੇਤਿਯੇ. ਅਥ ਖੋ ਆਯਸ੍ਮਾ ਮਹਾਕਸ੍ਸਪੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਆਲ਼ਵਿਂ ਪਿਣ੍ਡਾਯ ਪਾਵਿਸਿ. ਮਨੁਸ੍ਸਾ ਆਯਸ੍ਮਨ੍ਤਂ ਮਹਾਕਸ੍ਸਪਂ ਪਸ੍ਸਿਤ੍ਵਾ ਉਬ੍ਬਿਜ੍ਜਨ੍ਤਿਪਿ ਉਤ੍ਤਸਨ੍ਤਿਪਿ ਪਲਾਯਨ੍ਤਿਪਿ ਅਞ੍ਞੇਨਪਿ ਗਚ੍ਛਨ੍ਤਿ ਅਞ੍ਞੇਨਪਿ ਮੁਖਂ ਕਰੋਨ੍ਤਿ ਦ੍ਵਾਰਮ੍ਪਿ ਥਕੇਨ੍ਤਿ. ਅਥ ਖੋ ਆਯਸ੍ਮਾ ਮਹਾਕਸ੍ਸਪੋ ਆਲ਼ਵਿਯਂ ਪਿਣ੍ਡਾਯ ਚਰਿਤ੍ਵਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤੋ ਭਿਕ੍ਖੂ ਆਮਨ੍ਤੇਸਿ – ‘‘ਪੁਬ੍ਬਾਯਂ, ਆਵੁਸੋ, ਆਲ਼ਵੀ ਸੁਭਿਕ੍ਖਾ ਅਹੋਸਿ ਸੁਲਭਪਿਣ੍ਡਾ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ; ਏਤਰਹਿ ਪਨਾਯਂ ਆਲ਼ਵੀ ਦੁਬ੍ਭਿਕ੍ਖਾ ਦੁਲ੍ਲਭਪਿਣ੍ਡਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁਂ. ਕੋ ਨੁ ਖੋ, ਆਵੁਸੋ, ਹੇਤੁ ਕੋ ਪਚ੍ਚਯੋ, ਯੇਨਾਯਂ ਆਲ਼ਵੀ ਦੁਬ੍ਭਿਕ੍ਖਾ ਦੁਲ੍ਲਭਪਿਣ੍ਡਾ, ਨ ਸੁਕਰਾ ਉਞ੍ਛੇਨ ਪਗ੍ਗਹੇਨ ਯਾਪੇਤੁ’’ਨ੍ਤਿ? ਅਥ ਖੋ ਤੇ ਭਿਕ੍ਖੂ ਆਯਸ੍ਮਤੋ ਮਹਾਕਸ੍ਸਪਸ੍ਸ ਏਤਮਤ੍ਥਂ ਆਰੋਚੇਸੁਂ.

੩੪੩. ਅਥ ਖੋ ਭਗਵਾ ਰਾਜਗਹੇ ਯਥਾਭਿਰਨ੍ਤਂ ਵਿਹਰਿਤ੍ਵਾ ਯੇਨ ਆਲ਼ਵੀ ਤੇਨ ਚਾਰਿਕਂ ਪਕ੍ਕਾਮਿ. ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਆਲ਼ਵੀ ਤਦਵਸਰਿ. ਤਤ੍ਰ ਸੁਦਂ ਭਗਵਾ ਆਲ਼ਵਿਯਂ ਵਿਹਰਤਿ ਅਗ੍ਗਾਲ਼ਵੇ ਚੇਤਿਯੇ. ਅਥ ਖੋ ਆਯਸ੍ਮਾ ਮਹਾਕਸ੍ਸਪੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਮਹਾਕਸ੍ਸਪੋ ਭਗਵਤੋ ਏਤਮਤ੍ਥਂ ਆਰੋਚੇਸਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਲ਼ਵਕੇ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਸਞ੍ਞਾਚਿਕਾਯੋ ਕੁਟਿਯੋ ਕਾਰਾਪੇਥ ਅਸ੍ਸਾਮਿਕਾਯੋ ਅਤ੍ਤੁਦ੍ਦੇਸਿਕਾਯੋ ਅਪ੍ਪਮਾਣਿਕਾਯੋ. ਤਾਯੋ ਨ ਨਿਟ੍ਠਾਨਂ ਗਚ੍ਛਨ੍ਤਿ. ਤੇ ਤੁਮ੍ਹੇ ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਥ – ‘ਪੁਰਿਸਂ ਦੇਥ ਪੁਰਿਸਤ੍ਥਕਰਂ ਦੇਥ…ਪੇ… ਤਿਣਂ ਦੇਥ ਮਤ੍ਤਿਕਂ ਦੇਥਾ’ਤਿ. ਮਨੁਸ੍ਸਾ ਉਪਦ੍ਦੁਤਾ ਯਾਚਨਾਯ ਉਪਦ੍ਦੁਤਾ ਵਿਞ੍ਞਤ੍ਤਿਯਾ ਭਿਕ੍ਖੂ ਦਿਸ੍ਵਾ ਉਬ੍ਬਿਜ੍ਜਨ੍ਤਿਪਿ ਉਤ੍ਤਸਨ੍ਤਿਪਿ ਪਲਾਯਨ੍ਤਿਪਿ ਅਞ੍ਞੇਨਪਿ ਗਚ੍ਛਨ੍ਤਿ ਅਞ੍ਞੇਨਪਿ ਮੁਖਂ ਕਰੋਨ੍ਤਿ ਦ੍ਵਾਰਮ੍ਪਿ ਥਕੇਨ੍ਤਿ, ਗਾਵਿਮ੍ਪਿ ਦਿਸ੍ਵਾ ਪਲਾਯਨ੍ਤਿ ਭਿਕ੍ਖੂਤਿ ਮਞ੍ਞਮਾਨਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਸਂਯਾਚਿਕਾਯੋ ਕੁਟਿਯੋ ਕਾਰਾਪੇਸ੍ਸਥ ਅਸ੍ਸਾਮਿਕਾਯੋ ਅਤ੍ਤੁਦ੍ਦੇਸਿਕਾਯੋ ਅਪ੍ਪਮਾਣਿਕਾਯੋ! ਤਾਯੋ ਨ ਨਿਟ੍ਠਾਨਂ ਗਚ੍ਛਨ੍ਤਿ. ਤੇ ਤੁਮ੍ਹੇ ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਿਸ੍ਸਥ – ‘ਪੁਰਿਸਂ ਦੇਥ ਪੁਰਿਸਤ੍ਥਕਰਂ ਦੇਥ…ਪੇ… ਤਿਣਂ ਦੇਥ ਮਤ੍ਤਿਕਂ ਦੇਥਾ’ਤਿ! ਨੇਤਂ ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ…’’ ਵਿਗਰਹਿਤ੍ਵਾ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ –

੩੪੪. ‘‘ਭੂਤਪੁਬ੍ਬਂ, ਭਿਕ੍ਖਵੇ, ਦ੍ਵੇ ਭਾਤਰੋ ਇਸਯੋ ਗਙ੍ਗਂ ਨਦਿਂ ਉਪਨਿਸ੍ਸਾਯ ਵਿਹਰਿਂਸੁ. ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ ਗਙ੍ਗਂ ਨਦਿਂ ਉਤ੍ਤਰਿਤ੍ਵਾ ਯੇਨ ਕਨਿਟ੍ਠੋ ਇਸਿ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਕਨਿਟ੍ਠਂ ਇਸਿਂ ਸਤ੍ਤਕ੍ਖਤ੍ਤੁਂ ਭੋਗੇਹਿ ਪਰਿਕ੍ਖਿਪਿਤ੍ਵਾ ਉਪਰਿਮੁਦ੍ਧਨਿ ਮਹਨ੍ਤਂ ਫਣਂ ਕਰਿਤ੍ਵਾ ਅਟ੍ਠਾਸਿ. ਅਥ ਖੋ, ਭਿਕ੍ਖਵੇ, ਕਨਿਟ੍ਠੋ ਇਸਿ ਤਸ੍ਸ ਨਾਗਸ੍ਸ ਭਯਾ ਕਿਸੋ ਅਹੋਸਿ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ. ਅਦ੍ਦਸ ਖੋ, ਭਿਕ੍ਖਵੇ, ਜੇਟ੍ਠੋ ਇਸਿ ਕਨਿਟ੍ਠਂ ਇਸਿਂ ਕਿਸਂ ਲੂਖਂ ਦੁਬ੍ਬਣ੍ਣਂ ਉਪ੍ਪਣ੍ਡੁਪ੍ਪਣ੍ਡੁਕਜਾਤਂ ਧਮਨਿਸਨ੍ਥਤਗਤ੍ਤਂ. ਦਿਸ੍ਵਾਨ ਕਨਿਟ੍ਠਂ ਇਸਿਂ ਏਤਦਵੋਚ – ‘‘ਕਿਸ੍ਸ ਤ੍ਵਂ, ਭੋ, ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ’’ਤਿ? ‘‘ਇਧ, ਭੋ, ਮਣਿਕਣ੍ਠੋ ਨਾਗਰਾਜਾ ਗਙ੍ਗਂ ਨਦਿਂ ਉਤ੍ਤਰਿਤ੍ਵਾ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਂ ਸਤ੍ਤਕ੍ਖਤ੍ਤੁਂ ਭੋਗੇਹਿ ਪਰਿਕ੍ਖਿਪਿਤ੍ਵਾ ਉਪਰਿਮੁਦ੍ਧਨਿ ਮਹਨ੍ਤਂ ਫਣਂ ਕਰਿਤ੍ਵਾ ਅਟ੍ਠਾਸਿ. ਤਸ੍ਸਾਹਂ, ਭੋ, ਨਾਗਸ੍ਸ ਭਯਾ [ਭਯਾਮ੍ਹਿ (ਸੀ.)] ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ’’ਤਿ. ‘‘ਇਚ੍ਛਸਿ ਪਨ ਤ੍ਵਂ, ਭੋ, ਤਸ੍ਸ ਨਾਗਸ੍ਸ ਅਨਾਗਮਨ’’ਨ੍ਤਿ? ‘‘ਇਚ੍ਛਾਮਹਂ, ਭੋ, ਤਸ੍ਸ ਨਾਗਸ੍ਸ ਅਨਾਗਮਨ’’ਨ੍ਤਿ. ‘‘ਅਪਿ ਪਨ ਤ੍ਵਂ, ਭੋ, ਤਸ੍ਸ ਨਾਗਸ੍ਸ ਕਿਞ੍ਚਿ ਪਸ੍ਸਸੀ’’ਤਿ? ‘‘ਪਸ੍ਸਾਮਹਂ, ਭੋ, ਮਣਿਮਸ੍ਸ [ਮਣਿਸ੍ਸ (ਸੀ. ਕ.)] ਕਣ੍ਠੇ ਪਿਲਨ੍ਧਨ’’ਨ੍ਤਿ. ‘‘ਤੇਨ ਹਿ ਤ੍ਵਂ, ਭੋ, ਤਂ ਨਾਗਂ ਮਣਿਂ ਯਾਚ – ‘ਮਣਿਂ ਮੇ, ਭੋ, ਦੇਹਿ; ਮਣਿਨਾ ਮੇ ਅਤ੍ਥੋ’’’ਤਿ.

ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ ਗਙ੍ਗਂ ਨਦਿਂ ਉਤ੍ਤਰਿਤ੍ਵਾ ਯੇਨ ਕਨਿਟ੍ਠੋ ਇਸਿ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਏਕਮਨ੍ਤਂ ਅਟ੍ਠਾਸਿ. ਏਕਮਨ੍ਤਂ ਠਿਤਂ ਖੋ, ਭਿਕ੍ਖਵੇ, ਮਣਿਕਣ੍ਠਂ ਨਾਗਰਾਜਾਨਂ ਕਨਿਟ੍ਠੋ ਇਸਿ ਏਤਦਵੋਚ – ‘‘ਮਣਿਂ ਮੇ, ਭੋ, ਦੇਹਿ; ਮਣਿਨਾ ਮੇ ਅਤ੍ਥੋ’’ਤਿ. ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ – ‘ਭਿਕ੍ਖੁ ਮਣਿਂ ਯਾਚਤਿ, ਭਿਕ੍ਖੁਸ੍ਸ ਮਣਿਨਾ ਅਤ੍ਥੋ’ਤਿ ਖਿਪ੍ਪਞ੍ਞੇਵ ਅਗਮਾਸਿ. ਦੁਤਿਯਮ੍ਪਿ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ ਗਙ੍ਗਂ ਨਦਿਂ ਉਤ੍ਤਰਿਤ੍ਵਾ ਯੇਨ ਕਨਿਟ੍ਠੋ ਇਸਿ ਤੇਨੁਪਸਙ੍ਕਮਿ. ਅਦ੍ਦਸ ਖੋ, ਭਿਕ੍ਖਵੇ, ਕਨਿਟ੍ਠੋ ਇਸਿ ਮਣਿਕਣ੍ਠਂ ਨਾਗਰਾਜਾਨਂ ਦੂਰਤੋਵ ਆਗਚ੍ਛਨ੍ਤਂ. ਦਿਸ੍ਵਾਨ ਮਣਿਕਣ੍ਠਂ ਨਾਗਰਾਜਾਨਂ ਏਤਦਵੋਚ – ‘‘ਮਣਿਂ ਮੇ, ਭੋ, ਦੇਹਿ; ਮਣਿਨਾ ਮੇ ਅਤ੍ਥੋ’’ਤਿ. ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ – ‘‘ਭਿਕ੍ਖੁ ਮਣਿਂ ਯਾਚਤਿ, ਭਿਕ੍ਖੁਸ੍ਸ ਮਣਿਨਾ ਅਤ੍ਥੋ’’ਤਿ ਤਤੋਵ ਪਟਿਨਿਵਤ੍ਤਿ. ਤਤਿਯਮ੍ਪਿ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ ਗਙ੍ਗਂ ਨਦਿਂ ਉਤ੍ਤਰਤਿ. ਅਦ੍ਦਸ ਖੋ, ਭਿਕ੍ਖਵੇ, ਕਨਿਟ੍ਠੋ ਇਸਿ ਮਣਿਕਣ੍ਠਂ ਨਾਗਰਾਜਾਨਂ ਗਙ੍ਗਂ ਨਦਿਂ ਉਤ੍ਤਰਨ੍ਤਂ. ਦਿਸ੍ਵਾਨ ਮਣਿਕਣ੍ਠਂ ਨਾਗਰਾਜਾਨਂ ਏਤਦਵੋਚ – ‘‘ਮਣਿਂ ਮੇ, ਭੋ, ਦੇਹਿ; ਮਣਿਨਾ ਮੇ ਅਤ੍ਥੋ’’ਤਿ. ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ ਕਨਿਟ੍ਠਂ ਇਸਿਂ ਗਾਥਾਹਿ ਅਜ੍ਝਭਾਸਿ –

[ਜਾ. ੧.੩.੭ ਮਣਿਕਣ੍ਠਜਾਤਕੇਪਿ] ‘‘ਮਮਨ੍ਨਪਾਨਂ ਵਿਪੁਲਂ ਉਲ਼ਾਰਂ,

ਉਪ੍ਪਜ੍ਜਤੀਮਸ੍ਸ ਮਣਿਸ੍ਸ ਹੇਤੁ;

ਤਂ ਤੇ ਨ ਦਸ੍ਸਂ ਅਤਿਯਾਚਕੋਸਿ;

ਨ ਚਾਪਿ ਤੇ ਅਸ੍ਸਮਮਾਗਮਿਸ੍ਸਂ.

[ਜਾ. ੧.੩.੮ ਮਣਿਕਣ੍ਠਜਾਤਕੇਪਿ] ‘‘ਸੁਸੂ ਯਥਾ ਸਕ੍ਖਰਧੋਤਪਾਣੀ;

ਤਾਸੇਸਿ ਮਂ ਸੇਲਮਾਯਾਚਮਾਨੋ;

ਤਂ ਤੇ ਨ ਦਸ੍ਸਂ ਅਤਿਯਾਚਕੋਸਿ;

ਨ ਚਾਪਿ ਤੇ ਅਸ੍ਸਮਮਾਗਮਿਸ੍ਸ’’ਨ੍ਤਿ.

ਅਥ ਖੋ, ਭਿਕ੍ਖਵੇ, ਮਣਿਕਣ੍ਠੋ ਨਾਗਰਾਜਾ – ‘‘ਭਿਕ੍ਖੁ ਮਣਿਂ ਯਾਚਤਿ, ਭਿਕ੍ਖੁਸ੍ਸ ਮਣਿਨਾ ਅਤ੍ਥੋ’’ਤਿ ਪਕ੍ਕਾਮਿ. ਤਥਾ ਪਕ੍ਕਨ੍ਤੋਵ [ਤਦਾਪਕ੍ਕਨ੍ਤੋਵ (ਕ.)] ਅਹੋਸਿ, ਨ ਪੁਨ ਪਚ੍ਚਾਗਞ੍ਛਿ. ਅਥ ਖੋ, ਭਿਕ੍ਖਵੇ, ਕਨਿਟ੍ਠੋ ਇਸਿ ਤਸ੍ਸ ਨਾਗਸ੍ਸ ਦਸ੍ਸਨੀਯਸ੍ਸ ਅਦਸ੍ਸਨੇਨ ਭਿਯ੍ਯੋਸੋਮਤ੍ਤਾਯ ਕਿਸੋ ਅਹੋਸਿ ਲੂਖੋ ਦੁਬ੍ਬਣ੍ਣੋ, ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ. ਅਦ੍ਦਸ ਖੋ, ਭਿਕ੍ਖਵੇ, ਜੇਟ੍ਠੋ ਇਸਿ ਕਨਿਟ੍ਠਂ ਇਸਿਂ ਭਿਯ੍ਯੋਸੋਮਤ੍ਤਾਯ ਕਿਸਂ ਲੂਖਂ ਦੁਬ੍ਬਣ੍ਣਂ ਉਪ੍ਪਣ੍ਡੁਪ੍ਪਣ੍ਡੁਕਜਾਤਂ ਧਮਨਿਸਨ੍ਥਤਗਤ੍ਤਂ. ਦਿਸ੍ਵਾਨ ਕਨਿਟ੍ਠਂ ਇਸਿਂ ਏਤਦਵੋਚ – ‘‘ਕਿਸ੍ਸ ਤ੍ਵਂ, ਭੋ, ਭਿਯ੍ਯੋਸੋਮਤ੍ਤਾਯ ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ’’ਤਿ? ‘‘ਤਸ੍ਸਾਹਂ, ਭੋ, ਨਾਗਸ੍ਸ ਦਸ੍ਸਨੀਯਸ੍ਸ ਅਦਸ੍ਸਨੇਨ ਭਿਯ੍ਯੋਸੋਮਤ੍ਤਾਯ ਕਿਸੋ ਲੂਖੋ ਦੁਬ੍ਬਣ੍ਣੋ ਉਪ੍ਪਣ੍ਡੁਪ੍ਪਣ੍ਡੁਕਜਾਤੋ ਧਮਨਿਸਨ੍ਥਤਗਤ੍ਤੋ’’ਤਿ. ਅਥ ਖੋ, ਭਿਕ੍ਖਵੇ, ਜੇਟ੍ਠੋ ਇਸਿ ਕਨਿਟ੍ਠਂ ਇਸਿਂ ਗਾਥਾਯ ਅਜ੍ਝਭਾਸਿ –

[ਜਾ. ੧.੩.੯ ਮਣਿਕਣ੍ਠਜਾਤਕੇਪਿ] ‘‘ਨ ਤਂ ਯਾਚੇ ਯਸ੍ਸ ਪਿਯਂ ਜਿਗੀਸੇ,

ਵਿਦੇਸ੍ਸੋ [ਦੇਸ੍ਸੋ (ਸੀ.), ਦੇਸ੍ਸੋ ਚ (ਸ੍ਯਾ.)] ਹੋਤਿ ਅਤਿਯਾਚਨਾਯ;

ਨਾਗੋ ਮਣਿਂ ਯਾਚਿਤੋ ਬ੍ਰਾਹ੍ਮਣੇਨ;

ਅਦਸ੍ਸਨਞ੍ਞੇਵ ਤਦਜ੍ਝਗਮਾ’’ਤਿ.

ਤੇਸਞ੍ਹਿ ਨਾਮ, ਭਿਕ੍ਖਵੇ, ਤਿਰਚ੍ਛਾਨਗਤਾਨਂ ਪਾਣਾਨਂ ਅਮਨਾਪਾ ਭਵਿਸ੍ਸਤਿ ਯਾਚਨਾ ਅਮਨਾਪਾ ਵਿਞ੍ਞਤ੍ਤਿ. ਕਿਮਙ੍ਗਂ [ਕਿਮਙ੍ਗ (ਸੀ.)] ਪਨ ਮਨੁਸ੍ਸਭੂਤਾਨਂ!

੩੪੫. ‘‘ਭੂਤਪੁਬ੍ਬਂ, ਭਿਕ੍ਖਵੇ, ਅਞ੍ਞਤਰੋ ਭਿਕ੍ਖੁ ਹਿਮਵਨ੍ਤਪਸ੍ਸੇ ਵਿਹਰਤਿ ਅਞ੍ਞਤਰਸ੍ਮਿਂ ਵਨਸਣ੍ਡੇ. ਤਸ੍ਸ ਖੋ, ਭਿਕ੍ਖਵੇ, ਵਨਸਣ੍ਡਸ੍ਸ ਅਵਿਦੂਰੇ ਮਹਨ੍ਤਂ ਨਿਨ੍ਨਂ ਪਲ੍ਲਲਂ. ਅਥ ਖੋ,

ਵਾਸਾਯ ਉਪਗਚ੍ਛਤਿ. ਅਥ ਖੋ, ਭਿਕ੍ਖਵੇ, ਸੋ ਭਿਕ੍ਖੁ ਤਸ੍ਸ ਸਕੁਣਸਙ੍ਘਸ੍ਸ ਸਦ੍ਦੇਨ ਉਬ੍ਬਾਲ਼੍ਹੋ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਅਹਂ, ਭਿਕ੍ਖਵੇ, ਤਂ ਭਿਕ੍ਖੁਂ ਏਤਦਵੋਚ – ‘ਕਚ੍ਚਿ, ਭਿਕ੍ਖੁ, ਖਮਨੀਯਂ ਕਚ੍ਚਿ ਯਾਪਨੀਯਂ ਕਚ੍ਚਿਸਿ ਅਪ੍ਪਕਿਲਮਥੇਨ ਅਦ੍ਧਾਨਂ ਆਗਤੋ? ਕੁਤੋ ਚ ਤ੍ਵਂ, ਭਿਕ੍ਖੁ, ਆਗਚ੍ਛਸੀ’ਤਿ? ‘ਖਮਨੀਯਂ, ਭਗਵਾ, ਯਾਪਨੀਯਂ, ਭਗਵਾ. ਅਪ੍ਪਕਿਲਮਥੇਨ ਚਾਹਂ, ਭਨ੍ਤੇ, ਅਦ੍ਧਾਨਂ ਆਗਤੋ. ਅਤ੍ਥਿ, ਭਨ੍ਤੇ, ਹਿਮਵਨ੍ਤਪਸ੍ਸੇ ਮਹਾਵਨਸਣ੍ਡੋ. ਤਸ੍ਸ ਖੋ ਪਨ, ਭਨ੍ਤੇ, ਵਨਸਣ੍ਡਸ੍ਸ ਅਵਿਦੂਰੇ ਮਹਨ੍ਤਂ ਨਿਨ੍ਨਂ ਪਲ੍ਲਲਂ. ਅਥ ਖੋ, ਭਨ੍ਤੇ, ਮਹਾਸਕੁਣਸਙ੍ਘੋ ਤਸ੍ਮਿਂ ਪਲ੍ਲਲੇ ਦਿਵਸਂ ਗੋਚਰਂ ਚਰਿਤ੍ਵਾ ਸਾਯਂ ਤਂ ਵਨਸਣ੍ਡਂ ਵਾਸਾਯ ਉਪਗਚ੍ਛਤਿ. ਤਤੋ ਅਹਂ, ਭਗਵਾ, ਆਗਚ੍ਛਾਮਿ – ਤਸ੍ਸ ਸਕੁਣਸਙ੍ਘਸ੍ਸ ਸਦ੍ਦੇਨ ਉਬ੍ਬਾਲ਼੍ਹੋ’ਤਿ. ‘ਇਚ੍ਛਸਿ ਪਨ ਤ੍ਵਂ, ਭਿਕ੍ਖੁ, ਤਸ੍ਸ ਸਕੁਣਸਙ੍ਘਸ੍ਸ ਅਨਾਗਮਨ’ਨ੍ਤਿ? ‘ਇਚ੍ਛਾਮਹਂ, ਭਗਵਾ, ਤਸ੍ਸ ਸਕੁਣਸਙ੍ਘਸ੍ਸ ਅਨਾਗਮਨ’ਨ੍ਤਿ. ‘ਤੇਨ ਹਿ ਤ੍ਵਂ, ਭਿਕ੍ਖੁ, ਤਤ੍ਥ ਗਨ੍ਤ੍ਵਾ ਤਂ ਵਨਸਣ੍ਡਂ ਅਜ੍ਝੋਗਾਹੇਤ੍ਵਾ ਰਤ੍ਤਿਯਾ ਪਠਮਂ ਯਾਮਂ ਤਿਕ੍ਖਤ੍ਤੁਂ ਸਦ੍ਦਮਨੁਸ੍ਸਾਵੇਹਿ – ਸੁਣਨ੍ਤੁ ਮੇ, ਭੋਨ੍ਤੋ ਸਕੁਣਾ, ਯਾਵਤਿਕਾ ਇਮਸ੍ਮਿਂ ਵਨਸਣ੍ਡੇ ਵਾਸਂ ਉਪਗਤਾ, ਪਤ੍ਤੇਨ ਮੇ ਅਤ੍ਥੋ. ਏਕੇਕਂ ਮੇ, ਭੋਨ੍ਤੋ, ਪਤ੍ਤਂ ਦਦਨ੍ਤੂ’ਤਿ. ਰਤ੍ਤਿਯਾ ਮਜ੍ਝਿਮਂ ਯਾਮਂ… ਰਤ੍ਤਿਯਾ ਪਚ੍ਛਿਮਂ ਯਾਮਂ ਤਿਕ੍ਖਤ੍ਤੁਂ ਸਦ੍ਦਮਨੁਸ੍ਸਾਵੇਹਿ – ‘ਸੁਣਨ੍ਤੁ ਮੇ, ਭੋਨ੍ਤੋ ਸਕੁਣਾ, ਯਾਵਤਿਕਾ ਇਮਸ੍ਮਿਂ ਵਨਸਣ੍ਡੇ ਵਾਸਂ ਉਪਗਤਾ, ਪਤ੍ਤੇਨ ਮੇ ਅਤ੍ਥੋ. ਏਕੇਕਂ ਮੇ, ਭੋਨ੍ਤੋ, ਪਤ੍ਤਂ ਦਦਨ੍ਤੂ’ਤਿ.

‘‘ਅਥ ਖੋ, ਭਿਕ੍ਖਵੇ, ਸੋ ਭਿਕ੍ਖੁ ਤਤ੍ਥ ਗਨ੍ਤ੍ਵਾ ਤਂ ਵਨਸਣ੍ਡਂ ਅਜ੍ਝੋਗਾਹੇਤ੍ਵਾ ਰਤ੍ਤਿਯਾ ਪਠਮਂ ਯਾਮਂ ਤਿਕ੍ਖਤ੍ਤੁਂ ਸਦ੍ਦਮਨੁਸ੍ਸਾਵੇਸਿ – ‘ਸੁਣਨ੍ਤੁ ਮੇ, ਭੋਨ੍ਤੋ ਸਕੁਣਾ, ਯਾਵਤਿਕਾ ਇਮਸ੍ਮਿਂ ਵਨਸਣ੍ਡੇ ਵਾਸਂ ਉਪਗਤਾ, ਪਤ੍ਤੇਨ ਮੇ ਅਤ੍ਥੋ. ਏਕੇਕਂ ਮੇ, ਭੋਨ੍ਤੋ, ਪਤ੍ਤਂ ਦਦਨ੍ਤੂ’ਤਿ. ਰਤ੍ਤਿਯਾ ਮਜ੍ਝਿਮ ਯਾਮਂ… ਰਤ੍ਤਿਯਾ ਪਚ੍ਛਿਮਂ ਯਾਮਂ ਤਿਕ੍ਖਤ੍ਤੁਂ ਸਦ੍ਦਮਨੁਸ੍ਸਾਵੇਸਿ – ‘ਸੁਣਨ੍ਤੁ ਮੇ, ਭੋਨ੍ਤੋ ਸਕੁਣਾ, ਯਾਵਤਿਕਾ ਇਮਸ੍ਮਿਂ ਵਨਸਣ੍ਡੇ ਵਾਸਂ ਉਪਗਤਾ, ਪਤ੍ਤੇਨ ਮੇ ਅਤ੍ਥੋ. ਏਕੇਕਂ ਮੇ, ਭੋਨ੍ਤੋ, ਪਤ੍ਤਂ ਦਦਨ੍ਤੂ’ਤਿ. ਅਥ ਖੋ, ਭਿਕ੍ਖਵੇ, ਸੋ ਸਕੁਣਸਙ੍ਘੋ – ‘ਭਿਕ੍ਖੁ ਪਤ੍ਤਂ ਯਾਚਤਿ ਭਿਕ੍ਖੁਸ੍ਸ ਪਤ੍ਤੇਨ ਅਤ੍ਥੋ’ਤਿ ਤਮ੍ਹਾ ਵਨਸਣ੍ਡਾ ਪਕ੍ਕਾਮਿ. ਤਥਾ ਪਕ੍ਕਨ੍ਤੋਵ ਅਹੋਸਿ ਨ ਪੁਨ ਪਚ੍ਚਾਗਞ੍ਛਿ. ਤੇਸਞ੍ਹਿ ਨਾਮ, ਭਿਕ੍ਖਵੇ, ਤਿਰਚ੍ਛਾਨਗਤਾਨਂ ਪਾਣਾਨਂ ਅਮਨਾਪਾ ਭਵਿਸ੍ਸਤਿ ਯਾਚਨਾ ਅਮਨਾਪਾ ਵਿਞ੍ਞਤ੍ਤਿ. ਕਿਮਙ੍ਗਂ ਪਨ ਮਨੁਸ੍ਸਭੂਤਾਨਂ’’!

੩੪੬. ‘‘ਭੂਤਪੁਬ੍ਬਂ, ਭਿਕ੍ਖਵੇ, ਰਟ੍ਠਪਾਲਸ੍ਸ ਕੁਲਪੁਤ੍ਤਸ੍ਸ ਪਿਤਾ ਰਟ੍ਠਪਾਲਂ ਕੁਲਪੁਤ੍ਤਂ ਗਾਥਾਯ ਅਜ੍ਝਭਾਸਿ –

‘ਅਪਾਹਂ ਤੇ ਨ ਜਾਨਾਮਿ, ਰਟ੍ਠਪਾਲ ਬਹੂ ਜਨਾ;

[ਜਾ. ੧.੭.੫੪] ਤੇ ਮਂ ਸਙ੍ਗਮ੍ਮ ਯਾਚਨ੍ਤਿ, ਕਸ੍ਮਾ ਮਂ ਤ੍ਵਂ ਨ ਯਾਚਸੀ’ਤਿ.

[ਜਾ. ੧.੭.੫੫] ‘ਯਾਚਕੋ ਅਪ੍ਪਿਯੋ ਹੋਤਿ, ਯਾਚਂ ਅਦਦਮਪ੍ਪਿਯੋ;

ਤਸ੍ਮਾਹਂ ਤਂ ਨ ਯਾਚਾਮਿ, ਮਾ ਮੇ ਵਿਦੇਸ੍ਸਨਾ ਅਹੂ’ਤਿ.

‘‘ਸੋ ਹਿ ਨਾਮ, ਭਿਕ੍ਖਵੇ, ਰਟ੍ਠਪਾਲੋ ਕੁਲਪੁਤ੍ਤੋ ਸਕਂ ਪਿਤਰਂ ਏਵਂ ਵਕ੍ਖਤਿ. ਕਿਮਙ੍ਗਂ ਪਨ ਜਨੋ ਜਨਂ!

੩੪੭. ‘‘ਗਿਹੀਨਂ, ਭਿਕ੍ਖਵੇ, ਦੁਸ੍ਸਂਹਰਾਨਿ ਭੋਗਾਨਿ ਸਮ੍ਭਤਾਨਿਪਿ ਦੁਰਕ੍ਖਿਯਾਨਿ. ਤਤ੍ਥ ਨਾਮ ਤੁਮ੍ਹੇ, ਮੋਘਪੁਰਿਸਾ, ਏਵਂ ਦੁਸ੍ਸਂਹਰੇਸੁ ਭੋਗੇਸੁ ਸਮ੍ਭਤੇਸੁਪਿ ਦੁਰਕ੍ਖਿਯੇਸੁ ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਿਸ੍ਸਥ – ‘ਪੁਰਿਸਂ ਦੇਥ, ਪੁਰਿਸਤ੍ਥਕਰਂ ਦੇਥ, ਗੋਣਂ ਦੇਥ, ਸਕਟਂ ਦੇਥ, ਵਾਸਿਂ ਦੇਥ, ਪਰਸੁਂ ਦੇਥ, ਕੁਠਾਰਿਂ ਦੇਥ, ਕੁਦਾਲਂ ਦੇਥ, ਨਿਖਾਦਨਂ ਦੇਥ, ਵਲ੍ਲਿਂ ਦੇਥ, ਵੇਲ਼ੁਂ ਦੇਥ, ਮੁਞ੍ਜਂ ਦੇਥ, ਪਬ੍ਬਜਂ ਦੇਥ, ਤਿਣਂ ਦੇਥ, ਮਤ੍ਤਿਕਂ ਦੇਥਾ’’ਤਿ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੩੪੮. ‘‘ਸਞ੍ਞਾਚਿਕਾਯ ਪਨ ਭਿਕ੍ਖੁਨਾ ਕੁਟਿਂ ਕਾਰਯਮਾਨੇਨ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ ਪਮਾਣਿਕਾ ਕਾਰੇਤਬ੍ਬਾ. ਤਤ੍ਰਿਦਂ ਪਮਾਣਂ – ਦੀਘਸੋ ਦ੍ਵਾਦਸ ਵਿਦਤ੍ਥਿਯੋ, ਸੁਗਤਵਿਦਤ੍ਥਿਯਾ; ਤਿਰਿਯਂ ਸਤ੍ਤਨ੍ਤਰਾ. ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯ. ਤੇਹਿ ਭਿਕ੍ਖੂਹਿ ਵਤ੍ਥੁ ਦੇਸੇਤਬ੍ਬਂ – ਅਨਾਰਮ੍ਭਂ [ਅਨਾਰਬ੍ਭਂ (ਕ.)] ਸਪਰਿਕ੍ਕਮਨਂ. ਸਾਰਮ੍ਭੇ [ਸਾਰਬ੍ਭੇ (ਕ.)] ਚੇ ਭਿਕ੍ਖੁ ਵਤ੍ਥੁਸ੍ਮਿਂ ਅਪਰਿਕ੍ਕਮਨੇ ਸਞ੍ਞਾਚਿਕਾਯ ਕੁਟਿਂ ਕਾਰੇਯ੍ਯ, ਭਿਕ੍ਖੂ ਵਾ ਅਨਭਿਨੇਯ੍ਯ ਵਤ੍ਥੁਦੇਸਨਾਯ, ਪਮਾਣਂ ਵਾ ਅਤਿਕ੍ਕਾਮੇਯ੍ਯ, ਸਙ੍ਘਾਦਿਸੇਸੋ’’ਤਿ.

੩੪੯. ਸਞ੍ਞਾਚਿਕਾ ਨਾਮ ਸਯਂ ਯਾਚਿਤ੍ਵਾ ਪੁਰਿਸਮ੍ਪਿ ਪੁਰਿਸਤ੍ਥਕਰਮ੍ਪਿ ਗੋਣਮ੍ਪਿ ਸਕਟਮ੍ਪਿ ਵਾਸਿਮ੍ਪਿ ਪਰਸੁਮ੍ਪਿ ਕੁਠਾਰਿਮ੍ਪਿ ਕੁਦਾਲਮ੍ਪਿ ਨਿਖਾਦਨਮ੍ਪਿ ਵਲ੍ਲਿਮ੍ਪਿ ਵੇਲ਼ੁਮ੍ਪਿ ਮੁਞ੍ਜਮ੍ਪਿ ਪਬ੍ਬਜਮ੍ਪਿ ਤਿਣਮ੍ਪਿ ਮਤ੍ਤਿਕਮ੍ਪਿ.

ਕੁਟਿ ਨਾਮ ਉਲ੍ਲਿਤ੍ਤਾ ਵਾ ਹੋਤਿ ਅਵਲਿਤ੍ਤਾ ਵਾ ਉਲ੍ਲਿਤ੍ਤਾਵਲਿਤ੍ਤਾ ਵਾ.

ਕਾਰਯਮਾਨੇਨਾਤਿ ਕਰੋਨ੍ਤੋ ਵਾ ਕਾਰਾਪੇਨ੍ਤੋ ਵਾ.

ਅਸ੍ਸਾਮਿਕਨ੍ਤਿ ਨ ਅਞ੍ਞੋ ਕੋਚਿ ਸਾਮਿਕੋ ਹੋਤਿ, ਇਤ੍ਥੀ ਵਾ ਪੁਰਿਸੋ ਵਾ ਗਹਟ੍ਠੋ ਵਾ ਪਬ੍ਬਜਿਤੋ ਵਾ.

ਅਤ੍ਤੁਦ੍ਦੇਸਨ੍ਤਿ ਅਤ੍ਤਨੋ ਅਤ੍ਥਾਯ.

ਪਮਾਣਿਕਾ ਕਾਰੇਤਬ੍ਬਾ. ਤਤ੍ਰਿਦਂ ਪਮਾਣਂ – ਦੀਘਸੋ ਦ੍ਵਾਦਸ ਵਿਦਤ੍ਥਿਯੋ, ਸੁਗਤਵਿਦਤ੍ਥਿਯਾਤਿ ਬਾਹਿਰਿਮੇਨ ਮਾਨੇਨ.

ਤਿਰਿਯਂ ਸਤ੍ਤਨ੍ਤਰਾਤਿ ਅਬ੍ਭਨ੍ਤਰਿਮੇਨ ਮਾਨੇਨ.

ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯਾਤਿ ਤੇਨ ਕੁਟਿਕਾਰਕੇਨ ਭਿਕ੍ਖੁਨਾ ਕੁਟਿਵਤ੍ਥੁਂ ਸੋਧੇਤ੍ਵਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋਹਂ, ਭਨ੍ਤੇ, ਸਙ੍ਘਂ ਕੁਟਿਵਤ੍ਥੁਓਲੋਕਨਂ ਯਾਚਾਮੀ’’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਸਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ ਕੁਟਿਵਤ੍ਥੁਂ ਓਲੋਕੇਤੁਂ, ਸਬ੍ਬੇਨ ਸਙ੍ਘੇਨ ਓਲੋਕੇਤਬ੍ਬਂ. ਨੋ ਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ ਕੁਟਿਵਤ੍ਥੁਂ ਓਲੋਕੇਤੁਂ, ਯੇ ਤਤ੍ਥ ਹੋਨ੍ਤਿ ਭਿਕ੍ਖੂ ਬ੍ਯਤ੍ਤਾ ਪਟਿਬਲਾ ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤੁਂ ਤੇ ਯਾਚਿਤ੍ਵਾ ਸਮ੍ਮਨ੍ਨਿਤਬ੍ਬਾ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੩੫੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਕੁਟਿਵਤ੍ਥੁਓਲੋਕਨਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮ੍ਮਨ੍ਨੇਯ੍ਯ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਓਲੋਕੇਤੁਂ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਕੁਟਿਵਤ੍ਥੁਓਲੋਕਨਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮ੍ਮਨ੍ਨਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਓਲੋਕੇਤੁਂ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਚ ਇਤ੍ਥਨ੍ਨਾਮਸ੍ਸ ਚ ਭਿਕ੍ਖੂਨਂ ਸਮ੍ਮੁਤਿ [ਸਮ੍ਮਤਿ (ਸ੍ਯਾ.)] ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਓਲੋਕੇਤੁਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਓਲੋਕੇਤੁਂ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੩੫੧. ਤੇਹਿ ਸਮ੍ਮਤੇਹਿ ਭਿਕ੍ਖੂਹਿ ਤਤ੍ਥ ਗਨ੍ਤ੍ਵਾ ਕੁਟਿਵਤ੍ਥੁ ਓਲੋਕੇਤਬ੍ਬਂ, ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤਬ੍ਬਂ. ਸਚੇ ਸਾਰਮ੍ਭਂ ਹੋਤਿ ਅਪਰਿਕ੍ਕਮਨਂ, ‘ਮਾ ਇਧ ਕਰੀ’ਤਿ ਵਤ੍ਤਬ੍ਬੋ. ਸਚੇ ਅਨਾਰਮ੍ਭਂ ਹੋਤਿ ਸਪਰਿਕ੍ਕਮਨਂ, ਸਙ੍ਘਸ੍ਸ ਆਰੋਚੇਤਬ੍ਬਂ – ‘ਅਨਾਰਮ੍ਭਂ ਸਪਰਿਕ੍ਕਮਨ’ਨ੍ਤਿ. ਤੇਨ ਕੁਟਿਕਾਰਕੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋਹਂ, ਭਨ੍ਤੇ, ਸਙ੍ਘਂ ਕੁਟਿਵਤ੍ਥੁਦੇਸਨਂ ਯਾਚਾਮੀ’’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੩੫੨. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਕੁਟਿਵਤ੍ਥੁਦੇਸਨਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਦੇਸੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਞ੍ਞਾਚਿਕਾਯ ਕੁਟਿਂ ਕਤ੍ਤੁਕਾਮੋ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਕੁਟਿਵਤ੍ਥੁਦੇਸਨਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਂ ਦੇਸੇਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁਸ੍ਸ ਦੇਸਨਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੇਸਿਤਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਕੁਟਿਵਤ੍ਥੁ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੩੫੩. ਸਾਰਮ੍ਭਂ ਨਾਮ ਕਿਪਿਲ੍ਲਿਕਾਨਂ ਵਾ ਆਸਯੋ ਹੋਤਿ, ਉਪਚਿਕਾਨਂ ਵਾ ਆਸਯੋ ਹੋਤਿ, ਉਨ੍ਦੁਰਾਨਂ ਵਾ ਆਸਯੋ ਹੋਤਿ, ਅਹੀਨਂ ਵਾ ਆਸਯੋ ਹੋਤਿ, ਵਿਚ੍ਛਿਕਾਨਂ ਵਾ ਆਸਯੋ ਹੋਤਿ, ਸਤਪਦੀਨਂ ਵਾ ਆਸਯੋ ਹੋਤਿ, ਹਤ੍ਥੀਨਂ ਵਾ ਆਸਯੋ ਹੋਤਿ, ਅਸ੍ਸਾਨਂ ਵਾ ਆਸਯੋ ਹੋਤਿ, ਸੀਹਾਨਂ ਵਾ ਆਸਯੋ ਹੋਤਿ, ਬ੍ਯਗ੍ਘਾਨਂ ਵਾ ਆਸਯੋ ਹੋਤਿ, ਦੀਪੀਨਂ ਵਾ ਆਸਯੋ ਹੋਤਿ, ਅਚ੍ਛਾਨਂ ਵਾ ਆਸਯੋ ਹੋਤਿ, ਤਰਚ੍ਛਾਨਂ ਵਾ ਆਸਯੋ ਹੋਤਿ, ਯੇਸਂ ਕੇਸਞ੍ਚਿ ਤਿਰਚ੍ਛਾਨਗਤਾਨਂ ਪਾਣਾਨਂ ਆਸਯੋ ਹੋਤਿ, ਪੁਬ੍ਬਣ੍ਣਨਿਸ੍ਸਿਤਂ ਵਾ ਹੋਤਿ, ਅਪਰਣ੍ਣਨਿਸ੍ਸਿਤਂ ਵਾ ਹੋਤਿ, ਅਬ੍ਭਾਘਾਤਨਿਸ੍ਸਿਤਂ ਵਾ ਹੋਤਿ, ਆਘਾਤਨਨਿਸ੍ਸਿਤਂ ਵਾ ਹੋਤਿ, ਸੁਸਾਨਨਿਸ੍ਸਿਤਂ ਵਾ ਹੋਤਿ, ਉਯ੍ਯਾਨਨਿਸ੍ਸਿਤਂ ਵਾ ਹੋਤਿ, ਰਾਜਵਤ੍ਥੁਨਿਸ੍ਸਿਤਂ ਵਾ ਹੋਤਿ, ਹਤ੍ਥਿਸਾਲਾਨਿਸ੍ਸਿਤਂ ਵਾ ਹੋਤਿ, ਅਸ੍ਸਸਾਲਾਨਿਸ੍ਸਿਤਂ ਵਾ ਹੋਤਿ, ਬਨ੍ਧਨਾਗਾਰਨਿਸ੍ਸਿਤਂ ਵਾ ਹੋਤਿ, ਪਾਨਾਗਾਰਨਿਸ੍ਸਿਤਂ ਵਾ ਹੋਤਿ, ਸੂਨਨਿਸ੍ਸਿਤਂ ਵਾ ਹੋਤਿ, ਰਚ੍ਛਾਨਿਸ੍ਸਿਤਂ ਵਾ ਹੋਤਿ, ਚਚ੍ਚਰਨਿਸ੍ਸਿਤਂ ਵਾ ਹੋਤਿ, ਸਭਾਨਿਸ੍ਸਿਤਂ ਵਾ ਹੋਤਿ, ਸਂਸਰਣਨਿਸ੍ਸਿਤਂ ਵਾ [ਸਞ੍ਚਰਣਨਿਸ੍ਸਿਤਂ ਵਾ (ਕ.)] ਹੋਤਿ. ਏਤਂ ਸਾਰਮ੍ਭਂ ਨਾਮ.

ਅਪਰਿਕ੍ਕਮਨਂ ਨਾਮ ਨ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ. ਏਤਂ ਅਪਰਿਕ੍ਕਮਨਂ ਨਾਮ.

ਅਨਾਰਮ੍ਭਂ ਨਾਮ ਨ ਕਿਪਿਲ੍ਲਿਕਾਨਂ ਵਾ ਆਸਯੋ ਹੋਤਿ, ਨ ਉਪਚਿਕਾਨਂ ਵਾ ਆਸਯੋ ਹੋਤਿ, ਨ ਉਨ੍ਦੁਰਾਨਂ ਵਾ ਆਸਯੋ ਹੋਤਿ, ਨ ਅਹੀਨਂ ਵਾ ਆਸਯੋ ਹੋਤਿ, ਨ ਵਿਚ੍ਛਿਕਾਨਂ ਵਾ ਆਸਯੋ ਹੋਤਿ, ਨ ਸਤਪਦੀਨਂ ਵਾ ਆਸਯੋ ਹੋਤਿ…ਪੇ… ਨ ਸਂਸਰਣਨਿਸ੍ਸਿਤਂ ਵਾ ਹੋਤਿ. ਏਤਂ ਅਨਾਰਮ੍ਭਂ ਨਾਮ.

ਸਪਰਿਕ੍ਕਮਨਂ ਨਾਮ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ, ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ. ਏਤਂ ਸਪਰਿਕ੍ਕਮਨਂ ਨਾਮ.

ਸਞ੍ਞਾਚਿਕਾ ਨਾਮ ਸਯਂ ਯਾਚਿਤ੍ਵਾ ਪੁਰਿਸਮ੍ਪਿ ਪੁਰਿਸਤ੍ਥਕਰਮ੍ਪਿ…ਪੇ… ਮਤ੍ਤਿਕਮ੍ਪਿ.

ਕੁਟਿ ਨਾਮ ਉਲ੍ਲਿਤ੍ਤਾ ਵਾ ਹੋਤਿ ਵਾ ਅਵਲਿਤ੍ਤਾ ਵਾ ਉਲ੍ਲਿਤ੍ਤਾਵਲਿਤ੍ਤਾ ਵਾ.

ਕਾਰੇਯ੍ਯਾਤਿ ਕਰੋਤਿ ਵਾ ਕਾਰਾਪੇਤਿ ਵਾ.

ਭਿਕ੍ਖੂ ਵਾ ਅਨਭਿਨੇਯ੍ਯ, ਵਤ੍ਥੁਦੇਸਨਾਯ ਪਮਾਣਂ ਵਾ ਅਤਿਕ੍ਕਾਮੇਯ੍ਯਾਤਿ ਞਤ੍ਤਿਦੁਤਿਯੇਨ ਕਮ੍ਮੇਨ ਕੁਟਿਵਤ੍ਥੁਂ ਨ ਦੇਸਾਪੇਤ੍ਵਾ, ਆਯਾਮਤੋ ਵਾ ਵਿਤ੍ਥਾਰਤੋ ਵਾ ਅਨ੍ਤਮਸੋ ਕੇਸਗ੍ਗਮਤ੍ਤਮ੍ਪਿ ਅਤਿਕ੍ਕਾਮੇਤ੍ਵਾ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਪਯੋਗੇ ਦੁਕ੍ਕਟਂ. ਏਕਂ ਪਿਣ੍ਡਂ ਅਨਾਗਤੇ ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਸ੍ਮਿਂ ਪਿਣ੍ਡੇ ਆਗਤੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੩੫੪. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

੩੫੫. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਾਤਿਕ੍ਕਨ੍ਤਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਾਤਿਕ੍ਕਨ੍ਤਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਿਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਿਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਪਮਾਣਿਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ.

ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਕੁਟਿਂ ਕਰੋਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੫੬. ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ.

ਭਿਕ੍ਖੁ ਸਮਾਦਿਸਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੫੭. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ …ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੫੮. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕਾ ਸਾਰਮ੍ਭਾ ਸਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚਾ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕਾ ਅਨਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਸਪਰਿਕ੍ਕਮਨਾ ਚਾ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕਾ ਅਨਾਰਮ੍ਭਾ ਸਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕਾ ਹੋਤੂ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਦੇਸਿਤਵਤ੍ਥੁਕਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਅਨਾਰਮ੍ਭਾ ਚ ਹੋਤੁ ਸਪਰਿਕ੍ਕਮਨਾ ਚਾ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਦੇਸਿਤਵਤ੍ਥੁਕਾ ਸਾਰਮ੍ਭਾ ਸਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਅਨਾਰਮ੍ਭਾ ਹੋਤੂ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਦੇਸਿਤਵਤ੍ਥੁਕਾ ਅਨਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਸਪਰਿਕ੍ਕਮਨਾ ਹੋਤੂ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੫੯. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਪਮਾਣਾਤਿਕ੍ਕਨ੍ਤਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚਾ’’ਤਿ…ਪੇ… ‘‘ਪਮਾਣਿਕਾ ਚ ਹੋਤੁ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਪਮਾਣਿਕਾ ਹੋਤੂ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਪਮਾਣਿਕਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਅਨਾਰਮ੍ਭਾ ਚ ਹੋਤੁ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਅਨਾਰਮ੍ਭਾ ਹੋਤੂ’’ਤਿ…ਪੇ… ‘‘ਸਪਰਿਕ੍ਕਮਨਾ ਹੋਤੂ’’ਤਿ…ਪੇ… ਅਨਾਪਤ੍ਤਿ.

੩੬੦. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕਾ ਪਮਾਣਾਤਿਕ੍ਕਨ੍ਤਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚਾ’’ਤਿ…ਪੇ… ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚਾ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਕੁਟਿ ਕਿਰ ਮੇ ਕਯਿਰਤਿ ਦੇਸਿਤਵਤ੍ਥੁਕਾ ਪਮਾਣਿਕਾ ਸਾਰਮ੍ਭਾ ਅਪਰਿਕ੍ਕਮਨਾ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਅਨਾਰਮ੍ਭਾ ਚ ਹੋਤੁ ਸਪਰਿਕ੍ਕਮਨਾ ਚਾ’’ਤਿ…ਪੇ… ‘‘ਅਨਾਰਮ੍ਭਾ ਹੋਤੂ’’ਤਿ…ਪੇ… ‘‘ਸਪਰਿਕ੍ਕਮਨਾ ਹੋਤੂ’’ਤਿ…ਪੇ… ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਾਟਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਪਮਾਣਿਕਾ ਚ ਹੋਤੁ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਚਤੁਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕਾ ਚ ਹੋਤੁ ਪਮਾਣਿਕਾ ਚ ਅਨਾਰਮ੍ਭਾ ਚ ਸਪਰਿਕ੍ਕਮਨਾ ਚਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੬੧. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ…ਪੇ… ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ…ਪੇ… ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੬੨. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਸਙ੍ਘਾਦਿਸੇਸਾਨਂ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸਾ ਕੁਟਿ ਅਞ੍ਞਸ੍ਸ ਵਾ ਦਾਤਬ੍ਬਾ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬਾ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਾਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਕੁਟਿਂ ਮੇ ਕਰੋਥਾ’’ਤਿ. ਤਸ੍ਸ ਕੁਟਿਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਪਮਾਣਿਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੬੩. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ [ਪਰਿਯੋਸਾਵਾਪੇਤਿ (ਕ.)], ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ [ਪਰਿਯੋਸਾਵਾਪੇਤਿ (ਕ.)], ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

੩੬੪. ਅਨਾਪਤ੍ਤਿ ਲੇਣੇ ਗੁਹਾਯ ਤਿਣਕੁਟਿਕਾਯ ਅਞ੍ਞਸ੍ਸਤ੍ਥਾਯ ਵਾਸਾਗਾਰਂ ਠਪੇਤ੍ਵਾ ਸਬ੍ਬਤ੍ਥ, ਅਨਾਪਤ੍ਤਿ ਉਮ੍ਮਤ੍ਤਕਸ੍ਸ ਆਦਿਕਮ੍ਮਿਕਸ੍ਸਾਤਿ.

ਕੁਟਿਕਾਰਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ.

੭. ਵਿਹਾਰਕਾਰਸਿਕ੍ਖਾਪਦਂ

੩੬੫. ਤੇਨ ਸਮਯੇਨ ਬੁਦ੍ਧੋ ਭਗਵਾ ਕੋਸਮ੍ਬਿਯਂ ਵਿਹਰਤਿ ਘੋਸਿਤਾਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਛਨ੍ਨਸ੍ਸ ਉਪਟ੍ਠਾਕੋ ਗਹਪਤਿ ਆਯਸ੍ਮਨ੍ਤਂ ਛਨ੍ਨਂ ਏਤਦਵੋਚ – ‘‘ਵਿਹਾਰਵਤ੍ਥੁਂ, ਭਨ੍ਤੇ, ਜਾਨਾਹਿ ਅਯ੍ਯਸ੍ਸ ਵਿਹਾਰਂ ਕਾਰਾਪੇਸ੍ਸਾਮੀ’’ਤਿ. ਅਥ ਖੋ ਆਯਸ੍ਮਾ ਛਨ੍ਨੋ ਵਿਹਾਰਵਤ੍ਥੁਂ ਸੋਧੇਨ੍ਤੋ ਅਞ੍ਞਤਰਂ ਚੇਤਿਯਰੁਕ੍ਖਂ ਛੇਦਾਪੇਸਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਚੇਤਿਯਰੁਕ੍ਖਂ ਛੇਦਾਪੇਸ੍ਸਨ੍ਤਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ! ਏਕਿਨ੍ਦ੍ਰਿਯਂ ਸਮਣਾ ਸਕ੍ਯਪੁਤ੍ਤਿਯਾ ਜੀਵਂ ਵਿਹੇਠੇਨ੍ਤੀ’’ [ਵਿਹੇਠੇਸ੍ਸਨ੍ਤਿ (ਕਤ੍ਥਚਿ)] ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਚੇਤਿਯਰੁਕ੍ਖਂ ਛੇਦਾਪੇਸ੍ਸਤਿ ਗਾਮਪੂਜਿਤਂ…ਪੇ… ਰਟ੍ਠਪੂਜਿਤ’’ਨ੍ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਛਨ੍ਨ, ਚੇਤਿਯਰੁਕ੍ਖਂ ਛੇਦਾਪੇਸਿ ਗਾਮਪੂਜਿਤਂ…ਪੇ… ਰਟ੍ਠਪੂਜਿਤ’’ਨ੍ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਚੇਤਿਯਰੁਕ੍ਖਂ ਛੇਦਾਪੇਸ੍ਸਸਿ ਗਾਮਪੂਜਿਤਂ ਨਿਗਮਪੂਜਿਤਂ ਨਗਰਪੂਜਿਤਂ ਜਨਪਦਪੂਜਿਤਂ ਰਟ੍ਠਪੂਜਿਤਂ! ਜੀਵਸਞ੍ਞਿਨੋ ਹਿ, ਮੋਘਪੁਰਿਸ, ਮਨੁਸ੍ਸਾ ਰੁਕ੍ਖਸ੍ਮਿਂ. ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੩੬੬. ‘‘ਮਹਲ੍ਲਕਂ ਪਨ ਭਿਕ੍ਖੁਨਾ ਵਿਹਾਰਂ ਕਾਰਯਮਾਨੇਨ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯ. ਤੇਹਿ ਭਿਕ੍ਖੂਹਿ ਵਤ੍ਥੁ ਦੇਸੇਤਬ੍ਬਂ ਅਨਾਰਮ੍ਭਂ ਸਪਰਿਕ੍ਕਮਨਂ. ਸਾਰਮ੍ਭੇ ਚੇ ਭਿਕ੍ਖੁ ਵਤ੍ਥੁਸ੍ਮਿਂ ਅਪਰਿਕ੍ਕਮਨੇ ਮਹਲ੍ਲਕਂ ਵਿਹਾਰਂ ਕਾਰੇਯ੍ਯ ਭਿਕ੍ਖੂ ਵਾ ਅਨਭਿਨੇਯ੍ਯ ਵਤ੍ਥੁਦੇਸਨਾਯ, ਸਙ੍ਘਾਦਿਸੇਸੋ’’ਤਿ.

੩੬੭. ਮਹਲ੍ਲਕੋ ਨਾਮ ਵਿਹਾਰੋ ਸਸ੍ਸਾਮਿਕੋ ਵੁਚ੍ਚਤਿ.

ਵਿਹਾਰੋ ਨਾਮ ਉਲ੍ਲਿਤ੍ਤੋ ਵਾ ਹੋਤਿ ਅਵਲਿਤ੍ਤੋ ਵਾ ਉਲ੍ਲਿਤ੍ਤਾਵਲਿਤ੍ਤੋ ਵਾ.

ਕਾਰਯਮਾਨੇਨਾਤਿ ਕਰੋਨ੍ਤੋ ਵਾ ਕਾਰਾਪੇਨ੍ਤੋ ਵਾ.

ਸਸ੍ਸਾਮਿਕਨ੍ਤਿ ਅਞ੍ਞੋ ਕੋਚਿ ਸਾਮਿਕੋ ਹੋਤਿ ਇਤ੍ਥੀ ਵਾ ਪੁਰਿਸੋ ਵਾ ਗਹਟ੍ਠੋ ਵਾ ਪਬ੍ਬਜਿਤੋ ਵਾ.

ਅਤ੍ਤੁਦ੍ਦੇਸਨ੍ਤਿ ਅਤ੍ਤਨੋ ਅਤ੍ਥਾਯ.

ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯਾਤਿ ਤੇਨ ਵਿਹਾਰਕਾਰਕੇਨ ਭਿਕ੍ਖੁਨਾ ਵਿਹਾਰਵਤ੍ਥੁਂ ਸੋਧੇਤ੍ਵਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋਹਂ, ਭਨ੍ਤੇ, ਸਙ੍ਘਂ ਵਿਹਾਰਵਤ੍ਥੁਓਲੋਕਨਂ ਯਾਚਾਮੀ’’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਸਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ ਵਿਹਾਰਵਤ੍ਥੁਂ ਓਲੋਕੇਤੁਂ ਸਬ੍ਬੇਨ ਸਙ੍ਘੇਨ ਓਲੋਕੇਤਬ੍ਬਂ. ਨੋ ਚੇ ਸਬ੍ਬੋ ਸਙ੍ਘੋ ਉਸ੍ਸਹਤਿ ਵਿਹਾਰਵਤ੍ਥੁਂ ਓਲੋਕੇਤੁਂ, ਯੇ ਤਤ੍ਥ ਹੋਨ੍ਤਿ ਭਿਕ੍ਖੂ ਬ੍ਯਤ੍ਤਾ ਪਟਿਬਲਾ ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤੁਂ ਤੇ ਯਾਚਿਤ੍ਵਾ ਸਮ੍ਮਨ੍ਨਿਤਬ੍ਬਾ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੩੬੮. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਵਿਹਾਰਵਤ੍ਥੁਓਲੋਕਨਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੁ ਸਮ੍ਮਨ੍ਨੇਯ੍ਯ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਓਲੋਕੇਤੁਂ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਵਿਹਾਰਵਤ੍ਥੁਓਲੋਕਨਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮ੍ਮਨ੍ਨਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਓਲੋਕੇਤੁਂ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਚ ਇਤ੍ਥਨ੍ਨਾਮਸ੍ਸ ਚ ਭਿਕ੍ਖੂਨਂ ਸਮ੍ਮੁਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਓਲੋਕੇਤੁਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤਾ ਸਙ੍ਘੇਨ ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਓਲੋਕੇਤੁਂ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੩੬੯. ਤੇਹਿ ਸਮ੍ਮਤੇਹਿ ਭਿਕ੍ਖੂਹਿ ਤਤ੍ਥ ਗਨ੍ਤ੍ਵਾ ਵਿਹਾਰਵਤ੍ਥੁ ਓਲੋਕੇਤਬ੍ਬਂ; ਸਾਰਮ੍ਭਂ ਅਨਾਰਮ੍ਭਂ ਸਪਰਿਕ੍ਕਮਨਂ ਅਪਰਿਕ੍ਕਮਨਂ ਜਾਨਿਤਬ੍ਬਂ. ਸਚੇ ਸਾਰਮ੍ਭਂ ਹੋਤਿ ਅਪਰਿਕ੍ਕਮਨਂ, ‘ਮਾਯਿਧ ਕਰੀ’ਤਿ ਵਤ੍ਤਬ੍ਬੋ. ਸਚੇ ਅਨਾਰਮ੍ਭਂ ਹੋਤਿ ਸਪਰਿਕ੍ਕਮਨਂ, ਸਙ੍ਘਸ੍ਸ ਆਰੋਚੇਤਬ੍ਬਂ – ‘ਅਨਾਰਮ੍ਭਂ ਸਪਰਿਕ੍ਕਮਨ’ਨ੍ਤਿ. ਤੇਨ ਵਿਹਾਰਕਾਰਕੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋਹਂ, ਭਨ੍ਤੇ, ਸਙ੍ਘਂ ਵਿਹਾਰਵਤ੍ਥੁਦੇਸਨਂ ਯਾਚਾਮੀ’’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੩੭੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਵਿਹਾਰਵਤ੍ਥੁਦੇਸਨਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਦੇਸੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਮਹਲ੍ਲਕਂ ਵਿਹਾਰਂ ਕਤ੍ਤੁਕਾਮੋ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ. ਸੋ ਸਙ੍ਘਂ ਵਿਹਾਰਵਤ੍ਥੁਦੇਸਨਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ ਦੇਸੇਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਸ੍ਸ ਦੇਸਨਾ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੇਸਿਤਂ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਵਿਹਾਰਵਤ੍ਥੁਂ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੩੭੧. ਸਾਰਮ੍ਭਂ ਨਾਮ ਕਿਪਿਲ੍ਲਿਕਾਨਂ ਵਾ ਆਸਯੋ ਹੋਤਿ, ਉਪਚਿਕਾਨਂ ਵਾ ਆਸਯੋ ਹੋਤਿ, ਉਨ੍ਦੂਰਾਨਂ ਵਾ…ਪੇ… ਅਹੀਨਂ ਵਾ ਵਿਚ੍ਛਿਕਾਨਂ ਵਾ ਸਤਪਦੀਨਂ ਵਾ ਹਤ੍ਥੀਨਂ ਵਾ ਅਸ੍ਸਾਨਂ ਵਾ ਸੀਹਾਨਂ ਵਾ ਬ੍ਯਗ੍ਘਾਨਂ ਵਾ ਦੀਪੀਨਂ ਵਾ ਅਚ੍ਛਾਨਂ ਵਾ ਤਰਚ੍ਛਾਨਂ ਵਾ ਆਸਯੋ ਹੋਤਿ, ਯੇਸਂ ਕੇਸਞ੍ਚਿ ਤਿਰਚ੍ਛਾਨਗਤਾਨਂ ਪਾਣਾਨਂ ਆਸਯੋ ਹੋਤਿ, ਪੁਬ੍ਬਣ੍ਣਨਿਸ੍ਸਿਤਂ ਵਾ ਹੋਤਿ, ਅਪਰਣ੍ਣਨਿਸ੍ਸਿਤਂ ਵਾ ਹੋਤਿ, ਅਬ੍ਭਾਘਾਤਨਿਸ੍ਸਿਤਂ ਵਾ ਹੋਤਿ, ਆਘਾਤਨਨਿਸ੍ਸਿਤਂ ਵਾ ਹੋਤਿ, ਸੁਸਾਨਨਿਸ੍ਸਿਤਂ ਵਾ ਹੋਤਿ, ਉਯ੍ਯਾਨਨਿਸ੍ਸਿਤਂ ਵਾ ਹੋਤਿ, ਰਾਜਵਤ੍ਥੁਨਿਸ੍ਸਿਤਂ ਵਾ ਹੋਤਿ, ਹਤ੍ਥਿਸਾਲਾਨਿਸ੍ਸਿਤਂ ਵਾ ਹੋਤਿ, ਅਸ੍ਸਸਾਲਾਨਿਸ੍ਸਿਤਂ ਵਾ ਹੋਤਿ, ਬਨ੍ਧਨਾਗਾਰਨਿਸ੍ਸਿਤਂ ਵਾ ਹੋਤਿ, ਪਾਨਾਗਾਰਨਿਸ੍ਸਿਤਂ ਵਾ ਹੋਤਿ, ਸੂਨਨਿਸ੍ਸਿਤਂ ਵਾ ਹੋਤਿ, ਰਚ੍ਛਾਨਿਸ੍ਸਿਤਂ ਵਾ ਹੋਤਿ, ਚਚ੍ਚਰਨਿਸ੍ਸਿਤਂ ਵਾ ਹੋਤਿ, ਸਭਾਨਿਸ੍ਸਿਤਂ ਵਾ ਹੋਤਿ, ਸਂਸਰਣਨਿਸ੍ਸਿਤਂ ਵਾ ਹੋਤਿ. ਏਤਂ ਸਾਰਮ੍ਭਂ ਨਾਮ.

ਅਪਰਿਕ੍ਕਮਨਂ ਨਾਮ ਨ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ, ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ. ਏਤਂ ਅਪਰਿਕ੍ਕਮਨਂ ਨਾਮ.

ਅਨਾਰਮ੍ਭਂ ਨਾਮ ਨ ਕਿਪਿਲ੍ਲਿਕਾਨਂ ਵਾ ਆਸਯੋ ਹੋਤਿ…ਪੇ… ਨ ਸਂਸਰਣਨਿਸ੍ਸਿਤਂ ਵਾ ਹੋਤਿ. ਏਤਂ ਅਨਾਰਮ੍ਭਂ ਨਾਮ.

ਸਪਰਿਕ੍ਕਮਨਂ ਨਾਮ ਸਕ੍ਕਾ ਹੋਤਿ ਯਥਾਯੁਤ੍ਤੇਨ ਸਕਟੇਨ ਅਨੁਪਰਿਗਨ੍ਤੁਂ, ਸਮਨ੍ਤਾ ਨਿਸ੍ਸੇਣਿਯਾ ਅਨੁਪਰਿਗਨ੍ਤੁਂ. ਏਤਂ ਸਪਰਿਕ੍ਕਮਨਂ ਨਾਮ.

ਮਹਲ੍ਲਕੋ ਨਾਮ ਵਿਹਾਰੋ ਸਸ੍ਸਾਮਿਕੋ ਵੁਚ੍ਚਤਿ.

ਵਿਹਾਰੋ ਨਾਮ ਉਲ੍ਲਿਤ੍ਤੋ ਵਾ ਹੋਤਿ ਅਵਲਿਤ੍ਤੋ ਵਾ ਉਲ੍ਲਿਤ੍ਤਾਵਲਿਤ੍ਤੋ ਵਾ.

ਕਾਰੇਯ੍ਯਾਤਿ ਕਰੋਤਿ ਵਾ ਕਾਰਾਪੇਤਿ ਵਾ.

ਭਿਕ੍ਖੂ ਵਾ ਅਨਭਿਨੇਯ੍ਯ ਵਤ੍ਥੁਦੇਸਨਾਯਾਤਿ ਞਤ੍ਤਿਦੁਤਿਯੇਨ ਕਮ੍ਮੇਨ ਵਿਹਾਰਵਤ੍ਥੁਂ ਨ ਦੇਸਾਪੇਤ੍ਵਾ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਦੁਕ੍ਕਟਂ. ਏਕਂ ਪਿਣ੍ਡਂ ਅਨਾਗਤੇ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਤਸ੍ਮਿਂ ਪਿਣ੍ਡੇ ਆਗਤੇ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ – ‘ਸਙ੍ਘਾਦਿਸੇਸੋ’ਤਿ.

੩੭੨. ਭਿਕ੍ਖੁ ਵਿਹਾਰਂ ਕਰੋਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਵਿਹਾਰਂ ਕਰੋਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਵਿਹਾਰਂ ਕਰੋਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ. ਭਿਕ੍ਖੁ ਵਿਹਾਰਂ ਕਰੋਤਿ ਅਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਵਿਹਾਰਂ ਕਰੋਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ. ਭਿਕ੍ਖੁ ਵਿਹਾਰਂ ਕਰੋਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਵਿਹਾਰਂ ਕਰੋਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ. ਭਿਕ੍ਖੁ ਵਿਹਾਰਂ ਕਰੋਤਿ ਦੇਸਿਤਵਤ੍ਥੁਕਂ ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੭੩. ਭਿਕ੍ਖੁ ਸਮਾਦਿਸਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੭੪. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਨ ਚ ਸਮਾਦਿਸਤਿ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੭੫. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਵਿਹਾਰੋ ਕਿਰ ਮੇ ਕਯਿਰਤਿ ਅਦੇਸਿਤਵਤ੍ਥੁਕੋ ਸਾਰਮ੍ਭੋ ਅਪਰਿਕ੍ਕਮਨੋ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ …ਪੇ… ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚਾ’’ਤਿ…ਪੇ… ‘‘ਦੇਸਿਤਵਤ੍ਥੁਕੋ ਚ ਹੋਤੁ ਸਪਰਿਕ੍ਕਮਨੋ ਚਾ’’ਤਿ …ਪੇ… ‘‘ਦੇਸਿਤਵਤ੍ਥੁਕੋ ਹੋਤੂ’’ਤਿ. ਨੋ ਚੇ ਸਾਮਂ ਵਾ ਗਚ੍ਛੇਯ੍ਯ ਦੂਤਂ ਵਾ ਪਹਿਣੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਸੁਣਾਤਿ – ‘‘ਵਿਹਾਰੋ ਕਿਰ ਮੇ ਕਯਿਰਤਿ ਦੇਸਿਤਵਤ੍ਥੁਕੋ ਸਾਰਮ੍ਭੋ ਅਪਰਿਕ੍ਕਮਨੋ’’ਤਿ. ਤੇਨ ਭਿਕ੍ਖੁਨਾ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਅਨਾਰਮ੍ਭੋ ਚ ਹੋਤੁ ਸਪਰਿਕ੍ਕਮਨੋ ਚਾ’’ਤਿ…ਪੇ… ‘‘ਅਨਾਰਮ੍ਭੋ ਹੋਤੂ’’ਤਿ ‘‘ਸਪਰਿਕ੍ਕਮਨੋ ਹੋਤੂ’’ਤਿ, ਅਨਾਪਤ੍ਤਿ.

੩੭੬. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਤਿਣ੍ਣਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਸਮਾਦਿਸਤਿ ਚ – ‘‘ਦੇਸਿਤਵਤ੍ਥੁਕੋ ਚ ਹੋਤੁ ਅਨਾਰਮ੍ਭੋ ਚ ਸਪਰਿਕ੍ਕਮਨੋ ਚਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਕਾਰੁਕਾਨਂ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੭੭. ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਅਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸੋ ਵਿਹਾਰੋ ਅਞ੍ਞਸ੍ਸ ਵਾ ਦਾਤਬ੍ਬੋ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬੋ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਸਙ੍ਘਾਦਿਸੇਸੇਨ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਮਾਦਿਸਿਤ੍ਵਾ ਪਕ੍ਕਮਤਿ – ‘‘ਵਿਹਾਰਂ ਮੇ ਕਰੋਥਾ’’ਤਿ. ਤਸ੍ਸ ਵਿਹਾਰਂ ਕਰੋਨ੍ਤਿ ਦੇਸਿਤਵਤ੍ਥੁਕਂ ਸਾਰਮ੍ਭਂ ਅਪਰਿਕ੍ਕਮਨਂ. ਸੋ ਚੇ ਵਿਪ੍ਪਕਤੇ ਆਗਚ੍ਛਤਿ, ਤੇਨ ਭਿਕ੍ਖੁਨਾ ਸੋ ਵਿਹਾਰੋ ਅਞ੍ਞਸ੍ਸ ਵਾ ਦਾਤਬ੍ਬੋ ਭਿਨ੍ਦਿਤ੍ਵਾ ਵਾ ਪੁਨ ਕਾਤਬ੍ਬੋ. ਨੋ ਚੇ ਅਞ੍ਞਸ੍ਸ ਵਾ ਦਦੇਯ੍ਯ ਭਿਨ੍ਦਿਤ੍ਵਾ ਵਾ ਪੁਨ ਕਾਰੇਯ੍ਯ, ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ…ਪੇ… ਸਾਰਮ੍ਭਂ ਸਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਅਪਰਿਕ੍ਕਮਨਂ, ਆਪਤ੍ਤਿ ਦੁਕ੍ਕਟਸ੍ਸ…ਪੇ… ਅਨਾਰਮ੍ਭਂ ਸਪਰਿਕ੍ਕਮਨਂ, ਅਨਾਪਤ੍ਤਿ.

੩੭੮. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

੩੭੯. ਅਨਾਪਤ੍ਤਿ ਲੇਣੇ ਗੁਹਾਯ ਤਿਣਕੁਟਿਕਾਯ ਅਞ੍ਞਸ੍ਸਤ੍ਥਾਯ ਵਾਸਾਗਾਰਂ ਠਪੇਤ੍ਵਾ ਸਬ੍ਬਤ੍ਥ. ਅਨਾਪਤ੍ਤਿ ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਿਹਾਰਕਾਰਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ.

੮. ਦੁਟ੍ਠਦੋਸਸਿਕ੍ਖਾਪਦਂ

੩੮੦. [ਇਦਂ ਵਤ੍ਥੁ ਚੂਲ਼ਵ. ੧੮੯] ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਤਾ ਦਬ੍ਬੇਨ ਮਲ੍ਲਪੁਤ੍ਤੇਨ ਜਾਤਿਯਾ ਸਤ੍ਤਵਸ੍ਸੇਨ ਅਰਹਤ੍ਤਂ ਸਚ੍ਛਿਕਤਂ ਹੋਤਿ. ਯਂ ਕਿਞ੍ਚਿ [ਯਞ੍ਚ ਕਿਞ੍ਚਿ (ਸੀ. ਕ.)] ਸਾਵਕੇਨ ਪਤ੍ਤਬ੍ਬਂ ਸਬ੍ਬਂ ਤੇਨ ਅਨੁਪ੍ਪਤ੍ਤਂ ਹੋਤਿ. ਨਤ੍ਥਿ ਚਸ੍ਸ ਕਿਞ੍ਚਿ ਉਤ੍ਤਰਿ ਕਰਣੀਯਂ, ਕਤਸ੍ਸ ਵਾ ਪਤਿਚਯੋ. ਅਥ ਖੋ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏਵਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ – ‘‘ਮਯਾ ਖੋ ਜਾਤਿਯਾ ਸਤ੍ਤਵਸ੍ਸੇਨ ਅਰਹਤ੍ਤਂ ਸਚ੍ਛਿਕਤਂ. ਯਂ ਕਿਞ੍ਚਿ ਸਾਵਕੇਨ ਪਤ੍ਤਬ੍ਬਂ ਸਬ੍ਬਂ ਮਯਾ ਅਨੁਪ੍ਪਤ੍ਤਂ. ਨਤ੍ਥਿ ਚ ਮੇ ਕਿਞ੍ਚਿ ਉਤ੍ਤਰਿ ਕਰਣੀਯਂ, ਕਤਸ੍ਸ ਵਾ ਪਤਿਚਯੋ. ਕਿਨ੍ਨੁ ਖੋ ਅਹਂ ਸਙ੍ਘਸ੍ਸ ਵੇਯ੍ਯਾਵਚ੍ਚਂ ਕਰੇਯ੍ਯ’’ਨ੍ਤਿ?

ਅਥ ਖੋ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਏਤਦਹੋਸਿ – ‘‘ਯਂਨੂਨਾਹਂ ਸਙ੍ਘਸ੍ਸ ਸੇਨਾਸਨਞ੍ਚ ਪਞ੍ਞਪੇਯ੍ਯਂ ਭਤ੍ਤਾਨਿ ਚ ਉਦ੍ਦਿਸੇਯ੍ਯ’’ਨ੍ਤਿ. ਅਥ ਖੋ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਸਾਯਨ੍ਹਸਮਯਂ ਪਟਿਸਲ੍ਲਾਨਾ ਵੁਟ੍ਠਿਤੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਭਗਵਨ੍ਤਂ ਏਤਦਵੋਚ – ‘‘ਇਧ ਮਯ੍ਹਂ, ਭਨ੍ਤੇ, ਰਹੋਗਤਸ੍ਸ ਪਟਿਸਲ੍ਲੀਨਸ੍ਸ ਏਵਂ ਚੇਤਸੋ ਪਰਿਵਿਤਕ੍ਕੋ ਉਦਪਾਦਿ ਮਯਾ ਖੋ ਜਾਤਿਯਾ ਸਤ੍ਤਵਸ੍ਸੇਨ ਅਰਹਤ੍ਤਂ ਸਚ੍ਛਿਕਤਂ, ਯਂ ਕਿਞ੍ਚਿ ਸਾਵਕੇਨ ਪਤ੍ਤਬ੍ਬਂ, ਸਬ੍ਬਂ ਮਯਾ ਅਨੁਪਤ੍ਤਂ, ਨਤ੍ਥਿ ਚ ਮੇ ਕਿਞ੍ਚਿ ਉਤ੍ਤਰਿ ਕਰਣੀਯਂ, ਕਤਸ੍ਸ ਵਾ ਪਤਿਚਯੋ, ਕਿਂ ਨੁ ਖੋ ਅਹਂ ਸਙ੍ਘਸ੍ਸ ਵੇਯ੍ਯਾਵਚ੍ਚਂ ਕਰੇਯ੍ਯ’’ਨ੍ਤਿ. ਤਸ੍ਸ ਮਯ੍ਹਂ ਭਨ੍ਤੇ, ਏਤਦਹੋਸਿ ਯਂਨੂਨਾਹਂ ‘‘ਸਙ੍ਘਸ੍ਸ ਸੇਨਾਸਨਞ੍ਚ ਪਞ੍ਞਪੇਯ੍ਯਂ ਭਤ੍ਤਾਨਿ ਚ ਉਦ੍ਦਿਸੇਯ੍ਯਨ੍ਤਿ. ਇਚ੍ਛਾਮਹਂ, ਭਨ੍ਤੇ, ਸਙ੍ਘਸ੍ਸ ਸੇਨਾਸਨਞ੍ਚ ਪਞ੍ਞਪੇਤੁਂ ਭਤ੍ਤਾਨਿ ਚ ਉਦ੍ਦਿਸਿਤੁ’’ਨ੍ਤਿ. ‘‘ਸਾਧੁ ਸਾਧੁ, ਦਬ੍ਬ. ਤੇਨ ਹਿ ਤ੍ਵਂ, ਦਬ੍ਬ, ਸਙ੍ਘਸ੍ਸ ਸੇਨਾਸਨਞ੍ਚ ਪਞ੍ਞਪੇਹਿ ਭਤ੍ਤਾਨਿ ਚ ਉਦ੍ਦਿਸਾ’’ਤਿ. ‘‘ਏਵਂ, ਭਨ੍ਤੇ’’ਤਿ ਖੋ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਭਗਵਤੋ ਪਚ੍ਚਸ੍ਸੋਸਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖਵੇ, ਸਙ੍ਘੋ ਦਬ੍ਬਂ ਮਲ੍ਲਪੁਤ੍ਤਂ ਸੇਨਾਸਨਪਞ੍ਞਾਪਕਞ੍ਚ ਭਤ੍ਤੁਦ੍ਦੇਸਕਞ੍ਚ ਸਮ੍ਮਨ੍ਨਤੁ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬੋ. ਪਠਮਂ ਦਬ੍ਬੋ ਮਲ੍ਲਪੁਤ੍ਤੋ ਯਾਚਿਤਬ੍ਬੋ. ਯਾਚਿਤ੍ਵਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੩੮੧. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ ਸਙ੍ਘੋ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਸੇਨਾਸਨਪਞ੍ਞਾਪਕਞ੍ਚ ਭਤ੍ਤੁਦ੍ਦੇਸਕਞ੍ਚ ਸਮ੍ਮਨ੍ਨੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਸਙ੍ਘੋ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਸੇਨਾਸਨਪਞ੍ਞਾਪਕਞ੍ਚ ਭਤ੍ਤੁਦ੍ਦੇਸਕਞ੍ਚ ਸਮ੍ਮਨ੍ਨਤਿ. ਯਸ੍ਸਾਯਸ੍ਮਤੋ ਖਮਤਿ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਸੇਨਾਸਨਪਞ੍ਞਾਪਕਸ੍ਸ ਚ ਭਤ੍ਤੁਦ੍ਦੇਸਕਸ੍ਸ ਚ ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤੋ ਸਙ੍ਘੇਨ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਸੇਨਾਸਨਪਞ੍ਞਾਪਕੋ ਚ ਭਤ੍ਤੁਦ੍ਦੇਸਕੋ ਚ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੩੮੨. ਸਮ੍ਮਤੋ ਚ ਪਨਾਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਸਭਾਗਾਨਂ ਭਿਕ੍ਖੂਨਂ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ. ਯੇ ਤੇ ਭਿਕ੍ਖੂ ਸੁਤ੍ਤਨ੍ਤਿਕਾ ਤੇਸਂ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ – ‘‘ਤੇ ਅਞ੍ਞਮਞ੍ਞਂ ਸੁਤ੍ਤਨ੍ਤਂ ਸਙ੍ਗਾਯਿਸ੍ਸਨ੍ਤੀ’’ਤਿ. ਯੇ ਤੇ ਭਿਕ੍ਖੂ ਵਿਨਯਧਰਾ ਤੇਸਂ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ – ‘‘ਤੇ ਅਞ੍ਞਮਞ੍ਞਂ ਵਿਨਯਂ ਵਿਨਿਚ੍ਛਿਨਿਸ੍ਸਨ੍ਤੀ’’ਤਿ [ਵਿਨਿਚ੍ਛਿਸ੍ਸਨ੍ਤੀਤਿ (ਕ.)]. ਯੇ ਤੇ ਭਿਕ੍ਖੂ ਧਮ੍ਮਕਥਿਕਾ ਤੇਸਂ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ – ‘‘ਤੇ ਅਞ੍ਞਮਞ੍ਞਂ ਧਮ੍ਮਂ ਸਾਕਚ੍ਛਿਸ੍ਸਨ੍ਤੀ’’ਤਿ. ਯੇ ਤੇ ਭਿਕ੍ਖੂ ਝਾਯਿਨੋ ਤੇਸਂ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ – ‘‘ਤੇ ਅਞ੍ਞਮਞ੍ਞਂ ਨ ਬ੍ਯਾਬਾਧਿਸ੍ਸਨ੍ਤੀ’’ਤਿ [ਨ ਬ੍ਯਾਬਾਹਿਸ੍ਸਨ੍ਤੀਤਿ (ਕ.)]. ਯੇ ਤੇ ਭਿਕ੍ਖੂ ਤਿਰਚ੍ਛਾਨਕਥਿਕਾ ਕਾਯਦਲ਼੍ਹਿਬਹੁਲਾ [ਕਾਯਦਡ੍ਢਿਬਹੁਲਾ (ਸੀ.)] ਵਿਹਰਨ੍ਤਿ ਤੇਸਮ੍ਪਿ ਏਕਜ੍ਝਂ ਸੇਨਾਸਨਂ ਪਞ੍ਞਪੇਤਿ – ‘‘ਇਮਾਯਪਿਮੇ ਆਯਸ੍ਮਨ੍ਤੋ ਰਤਿਯਾ ਅਚ੍ਛਿਸ੍ਸਨ੍ਤੀ’’ਤਿ. ਯੇਪਿ ਤੇ ਭਿਕ੍ਖੂ ਵਿਕਾਲੇ ਆਗਚ੍ਛਨ੍ਤਿ ਤੇਸਮ੍ਪਿ ਤੇਜੋਧਾਤੁਂ ਸਮਾਪਜ੍ਜਿਤ੍ਵਾ ਤੇਨੇਵ ਆਲੋਕੇਨ ਸੇਨਾਸਨਂ ਪਞ੍ਞਪੇਤਿ. ਅਪਿਸੁ ਭਿਕ੍ਖੂ ਸਞ੍ਚਿਚ੍ਚ ਵਿਕਾਲੇ ਆਗਚ੍ਛਨ੍ਤਿ – ‘‘ਮਯਂ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਇਦ੍ਧਿਪਾਟਿਹਾਰਿਯਂ ਪਸ੍ਸਿਸ੍ਸਾਮਾ’’ਤਿ.

ਤੇ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘‘ਅਮ੍ਹਾਕਂ, ਆਵੁਸੋ ਦਬ੍ਬ, ਸੇਨਾਸਨਂ ਪਞ੍ਞਪੇਹੀ’’ਤਿ. ਤੇ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਏਵਂ ਵਦੇਤਿ – ‘‘ਕਤ੍ਥਾਯਸ੍ਮਨ੍ਤਾ ਇਚ੍ਛਨ੍ਤਿ, ਕਤ੍ਥ ਪਞ੍ਞਪੇਮੀ’’ਤਿ? ਤੇ ਸਞ੍ਚਿਚ੍ਚ ਦੂਰੇ ਅਪਦਿਸਨ੍ਤਿ – ‘‘ਅਮ੍ਹਾਕਂ, ਆਵੁਸੋ ਦਬ੍ਬ, ਗਿਜ੍ਝਕੂਟੇ ਪਬ੍ਬਤੇ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਚੋਰਪਪਾਤੇ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਇਸਿਗਿਲਿਪਸ੍ਸੇ ਕਾਲ਼ਸਿਲਾਯਂ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਵੇਭਾਰਪਸ੍ਸੇ ਸਤ੍ਤਪਣ੍ਣਿਗੁਹਾਯਂ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਸੀਤਵਨੇ ਸਪ੍ਪਸੋਣ੍ਡਿਕਪਬ੍ਭਾਰੇ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਗੋਤਮਕਕਨ੍ਦਰਾਯਂ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਤਿਨ੍ਦੁਕਕਨ੍ਦਰਾਯਂ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਤਪੋਦਕਨ੍ਦਰਾਯਂ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਤਪੋਦਾਰਾਮੇ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਜੀਵਕਮ੍ਬਵਨੇ ਸੇਨਾਸਨਂ ਪਞ੍ਞਪੇਹਿ. ਅਮ੍ਹਾਕਂ, ਆਵੁਸੋ, ਮਦ੍ਦਕੁਚ੍ਛਿਸ੍ਮਿਂ ਮਿਗਦਾਯੇ ਸੇਨਾਸਨਂ ਪਞ੍ਞਪੇਹੀ’’ਤਿ.

ਤੇਸਂ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਤੇਜੋਧਾਤੁਂ ਸਮਾਪਜ੍ਜਿਤ੍ਵਾ ਅਙ੍ਗੁਲਿਯਾ ਜਲਮਾਨਾਯ ਪੁਰਤੋ ਪੁਰਤੋ ਗਚ੍ਛਤਿ. ਤੇਪਿ ਤੇਨੇਵ ਆਲੋਕੇਨ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਪਿਟ੍ਠਿਤੋ ਪਿਟ੍ਠਿਤੋ ਗਚ੍ਛਨ੍ਤਿ. ਤੇਸਂ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਏਵਂ ਸੇਨਾਸਨਂ ਪਞ੍ਞਪੇਤਿ – ‘‘ਅਯਂ ਮਞ੍ਚੋ, ਇਦਂ ਪੀਠਂ, ਅਯਂ ਭਿਸਿ, ਇਦਂ ਬਿਮ੍ਬੋਹਨਂ, ਇਦਂ ਵਚ੍ਚਟ੍ਠਾਨਂ, ਇਦਂ ਪਸ੍ਸਾਵਟ੍ਠਾਨਂ, ਇਦਂ ਪਾਨੀਯਂ, ਇਦਂ ਪਰਿਭੋਜਨੀਯਂ, ਅਯਂ ਕਤ੍ਤਰਦਣ੍ਡੋ, ਇਦਂ ਸਙ੍ਘਸ੍ਸ ਕਤਿਕਸਣ੍ਠਾਨਂ, ਇਮਂ ਕਾਲਂ ਪਵਿਸਿਤਬ੍ਬਂ, ਇਮਂ ਕਾਲਂ ਨਿਕ੍ਖਮਿਤਬ੍ਬ’’ਨ੍ਤਿ. ਤੇਸਂ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਏਵਂ ਸੇਨਾਸਨਂ ਪਞ੍ਞਪੇਤ੍ਵਾ ਪੁਨਦੇਵ ਵੇਲ਼ੁਵਨਂ ਪਚ੍ਚਾਗਚ੍ਛਤਿ.

੩੮੩. ਤੇਨ ਖੋ ਪਨ ਸਮਯੇਨ ਮੇਤ੍ਤਿਯਭੂਮਜਕਾ [ਭੁਮ੍ਮਜਕਾ (ਸੀ. ਸ੍ਯਾ.)] ਭਿਕ੍ਖੂ ਨਵਕਾ ਚੇਵ ਹੋਨ੍ਤਿ ਅਪ੍ਪਪੁਞ੍ਞਾ ਚ. ਯਾਨਿ ਸਙ੍ਘਸ੍ਸ ਲਾਮਕਾਨਿ ਸੇਨਾਸਨਾਨਿ ਤਾਨਿ ਤੇਸਂ ਪਾਪੁਣਨ੍ਤਿ ਲਾਮਕਾਨਿ ਚ ਭਤ੍ਤਾਨਿ. ਤੇਨ ਖੋ ਪਨ ਸਮਯੇਨ ਰਾਜਗਹੇ ਮਨੁਸ੍ਸਾ ਇਚ੍ਛਨ੍ਤਿ ਥੇਰਾਨਂ ਭਿਕ੍ਖੂਨਂ ਅਭਿਸਙ੍ਖਾਰਿਕਂ ਪਿਣ੍ਡਪਾਤਂ ਦਾਤੁਂ ਸਪ੍ਪਿਮ੍ਪਿ ਤੇਲਮ੍ਪਿ ਉਤ੍ਤਰਿਭਙ੍ਗਮ੍ਪਿ. ਮੇਤ੍ਤਿਯਭੂਮਜਕਾਨਂ ਪਨ ਭਿਕ੍ਖੂਨਂ ਪਾਕਤਿਕਂ ਦੇਨ੍ਤਿ ਯਥਾਰਨ੍ਧਂ ਕਣਾਜਕਂ ਬਿਲਙ੍ਗਦੁਤਿਯਂ. ਤੇ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤਾ ਥੇਰੇ ਭਿਕ੍ਖੂ ਪੁਚ੍ਛਨ੍ਤਿ – ‘‘ਤੁਮ੍ਹਾਕਂ, ਆਵੁਸੋ, ਭਤ੍ਤਗ੍ਗੇ ਕਿਂ ਅਹੋਸਿ? ਤੁਮ੍ਹਾਕਂ, ਆਵੁਸੋ, ਭਤ੍ਤਗ੍ਗੇ ਕਿਂ ਅਹੋਸੀ’’ਤਿ? ਏਕਚ੍ਚੇ ਥੇਰਾ ਏਵਂ ਵਦਨ੍ਤਿ – ‘‘ਅਮ੍ਹਾਕਂ, ਆਵੁਸੋ, ਸਪ੍ਪਿ ਅਹੋਸਿ ਤੇਲਂ ਅਹੋਸਿ ਉਤ੍ਤਰਿਭਙ੍ਗਂ ਅਹੋਸੀ’’ਤਿ. ਮੇਤ੍ਤਿਯਭੂਮਜਕਾ ਪਨ ਭਿਕ੍ਖੂ ਏਵਂ ਵਦਨ੍ਤਿ – ‘‘ਅਮ੍ਹਾਕਂ, ਆਵੁਸੋ, ਨ ਕਿਞ੍ਚਿ ਅਹੋਸਿ, ਪਾਕਤਿਕਂ ਯਥਾਰਨ੍ਧਂ ਕਣਾਜਕਂ ਬਿਲਙ੍ਗਦੁਤਿਯ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਕਲ੍ਯਾਣਭਤ੍ਤਿਕੋ ਗਹਪਤਿ ਸਙ੍ਘਸ੍ਸ ਚਤੁਕ੍ਕਭਤ੍ਤਂ ਦੇਤਿ ਨਿਚ੍ਚਭਤ੍ਤਂ. ਸੋ ਭਤ੍ਤਗ੍ਗੇ ਸਪੁਤ੍ਤਦਾਰੋ ਉਪਤਿਟ੍ਠਿਤ੍ਵਾ ਪਰਿਵਿਸਤਿ. ਅਞ੍ਞੇ ਓਦਨੇਨ ਪੁਚ੍ਛਨ੍ਤਿ, ਅਞ੍ਞੇ ਸੂਪੇਨ ਪੁਚ੍ਛਨ੍ਤਿ, ਅਞ੍ਞੇ ਤੇਲੇਨ ਪੁਚ੍ਛਨ੍ਤਿ, ਅਞ੍ਞੇ ਉਤ੍ਤਰਿਭਙ੍ਗੇਨ ਪੁਚ੍ਛਨ੍ਤਿ. ਤੇਨ ਖੋ ਪਨ ਸਮਯੇਨ ਕਲ੍ਯਾਣਭਤ੍ਤਿਕਸ੍ਸ ਗਹਪਤਿਨੋ ਭਤ੍ਤਂ ਸ੍ਵਾਤਨਾਯ ਮੇਤ੍ਤਿਯਭੂਮਜਕਾਨਂ ਭਿਕ੍ਖੂਨਂ ਉਦ੍ਦਿਟ੍ਠਂ ਹੋਤਿ. ਅਥ ਖੋ ਕਲ੍ਯਾਣਭਤ੍ਤਿਕੋ ਗਹਪਤਿ ਆਰਾਮਂ ਅਗਮਾਸਿ ਕੇਨਚਿਦੇਵ ਕਰਣੀਯੇਨ. ਸੋ ਯੇਨਾਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਕਲ੍ਯਾਣਭਤ੍ਤਿਕਂ ਗਹਪਤਿਂ ਆਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ. ਅਥ ਖੋ ਕਲ੍ਯਾਣਭਤ੍ਤਿਕੋ ਗਹਪਤਿ ਆਯਸ੍ਮਤਾ ਦਬ੍ਬੇਨ ਮਲ੍ਲਪੁਤ੍ਤੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਏਤਦਵੋਚ – ‘‘ਕਸ੍ਸ, ਭਨ੍ਤੇ, ਅਮ੍ਹਾਕਂ ਘਰੇ ਸ੍ਵਾਤਨਾਯ ਭਤ੍ਤਂ ਉਦ੍ਦਿਟ੍ਠ’’ਨ੍ਤਿ? ‘‘ਮੇਤ੍ਤਿਯਭੂਮਜਕਾਨਂ ਖੋ, ਗਹਪਤਿ, ਭਿਕ੍ਖੂਨਂ ਤੁਮ੍ਹਾਕਂ ਘਰੇ ਸ੍ਵਾਤਨਾਯ ਭਤ੍ਤਂ ਉਦ੍ਦਿਟ੍ਠ’’ਨ੍ਤਿ. ਅਥ ਖੋ ਕਲ੍ਯਾਣਭਤ੍ਤਿਕੋ ਗਹਪਤਿ ਅਨਤ੍ਤਮਨੋ ਅਹੋਸਿ – ‘‘ਕਥਞ੍ਹਿ ਨਾਮ ਪਾਪਭਿਕ੍ਖੂ ਅਮ੍ਹਾਕਂ ਘਰੇ ਭੁਞ੍ਜਿਸ੍ਸਨ੍ਤੀ’’ਤਿ! ਘਰਂ ਗਨ੍ਤ੍ਵਾ ਦਾਸਿਂ ਆਣਾਪੇਸਿ – ‘‘ਯੇ, ਜੇ, ਸ੍ਵੇ ਭਤ੍ਤਿਕਾ ਆਗਚ੍ਛਨ੍ਤਿ ਤੇ ਕੋਟ੍ਠਕੇ ਆਸਨਂ ਪਞ੍ਞਪੇਤ੍ਵਾ ਕਣਾਜਕੇਨ ਬਿਲਙ੍ਗਦੁਤਿਯੇਨ ਪਰਿਵਿਸਾ’’ਤਿ. ‘‘ਏਵਂ ਅਯ੍ਯਾ’’ਤਿ ਖੋ ਸਾ ਦਾਸੀ ਕਲ੍ਯਾਣਭਤ੍ਤਿਕਸ੍ਸ ਗਹਪਤਿਨੋ ਪਚ੍ਚਸ੍ਸੋਸਿ.

ਅਥ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ – ‘‘ਹਿਯ੍ਯੋ ਖੋ, ਆਵੁਸੋ, ਅਮ੍ਹਾਕਂ ਕਲ੍ਯਾਣਭਤ੍ਤਿਕਸ੍ਸ ਗਹਪਤਿਨੋ ਘਰੇ ਭਤ੍ਤਂ ਉਦ੍ਦਿਟ੍ਠਂ, ਸ੍ਵੇ ਅਮ੍ਹੇ ਕਲ੍ਯਾਣਭਤ੍ਤਿਕੋ ਗਹਪਤਿ ਸਪੁਤ੍ਤਦਾਰੋ ਉਪਤਿਟ੍ਠਿਤ੍ਵਾ ਪਰਿਵਿਸਿਸ੍ਸਤਿ; ਅਞ੍ਞੇ ਓਦਨੇਨ ਪੁਚ੍ਛਿਸ੍ਸਨ੍ਤਿ, ਅਞ੍ਞੇ ਸੂਪੇਨ ਪੁਚ੍ਛਿਸ੍ਸਨ੍ਤਿ, ਅਞ੍ਞੇ ਤੇਲੇਨ ਪੁਚ੍ਛਿਸ੍ਸਨ੍ਤਿ, ਅਞ੍ਞੇ ਉਤ੍ਤਰਿਭਙ੍ਗੇਨ ਪੁਚ੍ਛਿਸ੍ਸਨ੍ਤੀ’’ਤਿ. ਤੇ ਤੇਨੇਵ ਸੋਮਨਸ੍ਸੇਨ ਨ ਚਿਤ੍ਤਰੂਪਂ ਰਤ੍ਤਿਯਾ ਸੁਪਿਂਸੁ. ਅਥ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਯੇਨ ਕਲ੍ਯਾਣਭਤ੍ਤਿਕਸ੍ਸ ਗਹਪਤਿਨੋ ਨਿਵੇਸਨਂ ਤੇਨੁਪਸਙ੍ਕਮਿਂਸੁ. ਅਦ੍ਦਸਾ ਖੋ ਸਾ ਦਾਸੀ ਮੇਤ੍ਤਿਯਭੂਮਜਕੇ ਭਿਕ੍ਖੂ ਦੂਰਤੋਵ ਆਗਚ੍ਛਨ੍ਤੇ. ਦਿਸ੍ਵਾਨ ਕੋਟ੍ਠਕੇ ਆਸਨਂ ਪਞ੍ਞਪੇਤ੍ਵਾ ਮੇਤ੍ਤਿਯਭੂਮਜਕੇ ਭਿਕ੍ਖੂ ਏਤਦਵੋਚ – ‘‘ਨਿਸੀਦਥ, ਭਨ੍ਤੇ’’ਤਿ. ਅਥ ਖੋ ਮੇਤ੍ਤਿਯਭੂਮਜਕਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਨਿਸ੍ਸਂਸਯਂ ਖੋ ਨ ਤਾਵ ਭਤ੍ਤਂ ਸਿਦ੍ਧਂ ਭਵਿਸ੍ਸਤਿ! ਯਥਾ [ਯਾਵ (ਸੀ.)] ਮਯਂ ਕੋਟ੍ਠਕੇ ਨਿਸੀਦੇਯ੍ਯਾਮਾ’’ਤਿ [ਨਿਸੀਦਾਪੀਯੇਯ੍ਯਾਮਾਤਿ (ਸੀ.), ਨਿਸੀਦਾਪੀਯਾਮਾਤਿ (ਸ੍ਯਾ.)]. ਅਥ ਖੋ ਸਾ ਦਾਸੀ ਕਣਾਜਕੇਨ ਬਿਲਙ੍ਗਦੁਤਿਯੇਨ ਉਪਗਚ੍ਛਿ – ‘‘ਭੁਞ੍ਜਥ, ਭਨ੍ਤੇ’’ਤਿ. ‘‘ਮਯਂ ਖੋ, ਭਗਿਨਿ, ਨਿਚ੍ਚਭਤ੍ਤਿਕਾ’’ਤਿ. ‘‘ਜਾਨਾਮਿ ਅਯ੍ਯਾ ਨਿਚ੍ਚਭਤ੍ਤਿਕਾਤ੍ਥ. ਅਪਿਚਾਹਂ ਹਿਯ੍ਯੋਵ ਗਹਪਤਿਨਾ ਆਣਤ੍ਤਾ – ‘ਯੇ, ਜੇ, ਸ੍ਵੇ ਭਤ੍ਤਿਕਾ ਆਗਚ੍ਛਨ੍ਤਿ ਤੇ ਕੋਟ੍ਠਕੇ ਆਸਨਂ ਪਞ੍ਞਪੇਤ੍ਵਾ ਕਣਾਜਕੇਨ ਬਿਲਙ੍ਗਦੁਤਿਯੇਨ ਪਰਿਵਿਸਾ’ਤਿ. ਭੁਞ੍ਜਥ, ਭਨ੍ਤੇ’’ਤਿ. ਅਥ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ – ‘‘ਹਿਯ੍ਯੋ ਖੋ, ਆਵੁਸੋ, ਕਲ੍ਯਾਣਭਤ੍ਤਿਕੋ ਗਹਪਤਿ ਆਰਾਮਂ ਅਗਮਾਸਿ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਸਨ੍ਤਿਕੇ. ਨਿਸ੍ਸਂਸਯਂ ਖੋ ਮਯਂ ਦਬ੍ਬੇਨ ਮਲ੍ਲਪੁਤ੍ਤੇਨ ਗਹਪਤਿਨੋ ਅਨ੍ਤਰੇ [ਸਨ੍ਤਿਕੇ (ਸ੍ਯਾ. ਕਂ. ਕ.)] ਪਰਿਭਿਨ੍ਨਾ’’ਤਿ. ਤੇ ਤੇਨੇਵ ਦੋਮਨਸ੍ਸੇਨ ਨ ਚਿਤ੍ਤਰੂਪਂ ਭੁਞ੍ਜਿਂਸੁ. ਅਥ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤਾ ਆਰਾਮਂ ਗਨ੍ਤ੍ਵਾ ਪਤ੍ਤਚੀਵਰਂ ਪਟਿਸਾਮੇਤ੍ਵਾ ਬਹਾਰਾਮਕੋਟ੍ਠਕੇ ਸਙ੍ਘਾਟਿਪਲ੍ਲਤ੍ਥਿਕਾਯ ਨਿਸੀਦਿਂਸੁ ਤੁਣ੍ਹੀਭੂਤਾ ਮਙ੍ਕੁਭੂਤਾ ਪਤ੍ਤਕ੍ਖਨ੍ਧਾ ਅਧੋਮੁਖਾ ਪਜ੍ਝਾਯਨ੍ਤਾ ਅਪ੍ਪਟਿਭਾਨਾ.

ਅਥ ਖੋ ਮੇਤ੍ਤਿਯਾ ਭਿਕ੍ਖੁਨੀ ਯੇਨ ਮੇਤ੍ਤਿਯਭੂਮਜਕਾ ਭਿਕ੍ਖੂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮੇਤ੍ਤਿਯਭੂਮਜਕੇ ਭਿਕ੍ਖੂ ਏਤਦਵੋਚ – ‘‘ਵਨ੍ਦਾਮਿ, ਅਯ੍ਯਾ’’ਤਿ. ਏਵਂ ਵੁਤ੍ਤੇ ਮੇਤ੍ਤਿਯਭੂਮਜਕਾ ਭਿਕ੍ਖੂ ਨਾਲਪਿਂਸੁ. ਦੁਤਿਯਮ੍ਪਿ ਖੋ…ਪੇ… ਤਤਿਯਮ੍ਪਿ ਖੋ ਮੇਤ੍ਤਿਯਾ ਭਿਕ੍ਖੁਨੀ ਮੇਤ੍ਤਿਯਭੂਮਜਕੇ ਭਿਕ੍ਖੂ ਏਤਦਵੋਚ – ‘‘ਵਨ੍ਦਾਮਿ, ਅਯ੍ਯਾ’’ਤਿ. ਤਤਿਯਮ੍ਪਿ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ ਨਾਲਪਿਂਸੁ. ‘‘ਕ੍ਯਾਹਂ ਅਯ੍ਯਾਨਂ ਅਪਰਜ੍ਝਾਮਿ? ਕਿਸ੍ਸ ਮਂ ਅਯ੍ਯਾ ਨਾਲਪਨ੍ਤੀ’’ਤਿ? ‘‘ਤਥਾ ਹਿ ਪਨ ਤ੍ਵਂ, ਭਗਿਨਿ, ਅਮ੍ਹੇ ਦਬ੍ਬੇਨ ਮਲ੍ਲਪੁਤ੍ਤੇਨ ਵਿਹੇਠੀਯਮਾਨੇ ਅਜ੍ਝੁਪੇਕ੍ਖਸੀ’’ਤਿ? ‘‘ਕ੍ਯਾਹਂ, ਅਯ੍ਯਾ, ਕਰੋਮੀ’’ਤਿ? ‘‘ਸਚੇ ਖੋ ਤ੍ਵਂ, ਭਗਿਨਿ, ਇਚ੍ਛੇਯ੍ਯਾਸਿ ਅਜ੍ਜੇਵ ਭਗਵਾ ਦਬ੍ਬਂ ਮਲ੍ਲਪੁਤ੍ਤਂ ਨਾਸਾਪੇਯ੍ਯਾ’’ਤਿ. ‘‘ਕ੍ਯਾਹਂ, ਅਯ੍ਯਾ, ਕਰੋਮਿ, ਕਿਂ ਮਯਾ ਸਕ੍ਕਾ ਕਾਤੁ’’ਨ੍ਤਿ? ‘‘ਏਹਿ ਤ੍ਵਂ, ਭਗਿਨਿ, ਯੇਨ ਭਗਵਾ ਤੇਨੁਪਸਙ੍ਕਮ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਏਵਂ ਵਦੇਹਿ – ‘ਇਦਂ, ਭਨ੍ਤੇ, ਨਚ੍ਛਨ੍ਨਂ ਨਪ੍ਪਤਿਰੂਪਂ. ਯਾਯਂ, ਭਨ੍ਤੇ, ਦਿਸਾ ਅਭਯਾ ਅਨੀਤਿਕਾ ਅਨੁਪਦ੍ਦਵਾ ਸਾਯਂ ਦਿਸਾ ਸਭਯਾ ਸਈਤਿਕਾ ਸਉਪਦ੍ਦਵਾ. ਯਤੋ ਨਿਵਾਤਂ ਤਤੋ ਸਵਾਤਂ [ਪਵਾਤਂ (ਸੀ. ਸ੍ਯਾ.)]. ਉਦਕਂ ਮਞ੍ਞੇ ਆਦਿਤ੍ਤਂ. ਅਯ੍ਯੇਨਮ੍ਹਿ ਦਬ੍ਬੇਨ ਮਲ੍ਲਪੁਤ੍ਤੇਨ ਦੂਸਿਤਾ’’’ਤਿ. ‘‘ਏਵਂ, ਅਯ੍ਯਾ’’ਤਿ ਖੋ ਮੇਤ੍ਤਿਯਾ ਭਿਕ੍ਖੁਨੀ ਮੇਤ੍ਤਿਯਭੂਮਜਕਾਨਂ ਭਿਕ੍ਖੂਨਂ ਪਟਿਸ੍ਸੁਤ੍ਵਾ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਅਟ੍ਠਾਸਿ. ਏਕਮਨ੍ਤਂ ਠਿਤਾ ਖੋ ਮੇਤ੍ਤਿਯਾ ਭਿਕ੍ਖੁਨੀ ਭਗਵਨ੍ਤਂ ਏਤਦਵੋਚ – ‘‘ਇਦਂ, ਭਨ੍ਤੇ, ਨਚ੍ਛਨ੍ਨਂ ਨਪ੍ਪਤਿਰੂਪਂ. ਯਾਯਂ, ਭਨ੍ਤੇ, ਦਿਸਾ ਅਭਯਾ ਅਨੀਤਿਕਾ ਅਨੁਪਦ੍ਦਵਾ ਸਾਯਂ ਦਿਸਾ ਸਭਯਾ ਸਈਤਿਕਾ ਸਉਪਦ੍ਦਵਾ. ਯਤੋ ਨਿਵਾਤਂ ਤਤੋ ਸਵਾਤਂ. ਉਦਕਂ ਮਞ੍ਞੇ ਆਦਿਤ੍ਤਂ! ਅਯ੍ਯੇਨਮ੍ਹਿ ਦਬ੍ਬੇਨ ਮਲ੍ਲਪੁਤ੍ਤੇਨ ਦੂਸਿਤਾ’’ਤਿ.

੩੮੪. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਪਟਿਪੁਚ੍ਛਿ – ‘‘ਸਰਸਿ ਤ੍ਵਂ, ਦਬ੍ਬ, ਏਵਰੂਪਂ ਕਤ੍ਤਾ ਯਥਾਯਂ ਭਿਕ੍ਖੁਨੀ ਆਹਾ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗਵਾ ਜਾਨਾਤੀ’’ਤਿ. ਦੁਤਿਯਮ੍ਪਿ ਖੋ ਭਗਵਾ…ਪੇ… ਤਤਿਯਮ੍ਪਿ ਖੋ ਭਗਵਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਏਤਦਵੋਚ – ‘‘ਸਰਸਿ ਤ੍ਵਂ, ਦਬ੍ਬ, ਏਵਰੂਪਂ ਕਤ੍ਤਾ ਯਥਾਯਂ ਭਿਕ੍ਖੁਨੀ ਆਹਾ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗਵਾ ਜਾਨਾਤੀ’’ਤਿ. ‘‘ਨ ਖੋ, ਦਬ੍ਬ, ਦਬ੍ਬਾ ਏਵਂ ਨਿਬ੍ਬੇਠੇਨ੍ਤਿ. ਸਚੇ ਤਯਾ ਕਤਂ ਕਤਨ੍ਤਿ ਵਦੇਹਿ, ਸਚੇ ਤਯਾ ਅਕਤਂ ਅਕਤਨ੍ਤਿ ਵਦੇਹੀ’’ਤਿ. ‘‘ਯਤੋ ਅਹਂ, ਭਨ੍ਤੇ, ਜਾਤੋ ਨਾਭਿਜਾਨਾਮਿ ਸੁਪਿਨਨ੍ਤੇਨਪਿ ਮੇਥੁਨਂ ਧਮ੍ਮਂ ਪਟਿਸੇਵਿਤਾ, ਪਗੇਵ ਜਾਗਰੋ’’ਤਿ! ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖਵੇ, ਮੇਤ੍ਤਿਯਂ ਭਿਕ੍ਖੁਨਿਂ ਨਾਸੇਥ. ਇਮੇ ਚ ਭਿਕ੍ਖੂ ਅਨੁਯੁਞ੍ਜਥਾ’’ਤਿ. ਇਦਂ ਵਤ੍ਵਾ ਭਗਵਾ ਉਟ੍ਠਾਯਾਸਨਾ ਵਿਹਾਰਂ ਪਾਵਿਸਿ.

ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਂ ਭਿਕ੍ਖੁਨਿਂ ਨਾਸੇਸੁਂ. ਅਥ ਖੋ ਮੇਤ੍ਤਿਯਭੂਮਜਕਾ ਭਿਕ੍ਖੂ ਤੇ ਭਿਕ੍ਖੂ ਏਤਦਵੋਚੁਂ – ‘‘ਮਾਵੁਸੋ, ਮੇਤ੍ਤਿਯਂ ਭਿਕ੍ਖੁਨਿਂ ਨਾਸੇਥ. ਨ ਸਾ ਕਿਞ੍ਚਿ ਅਪਰਜ੍ਝਤਿ. ਅਮ੍ਹੇਹਿ ਸਾ ਉਸ੍ਸਾਹਿਤਾ ਕੁਪਿਤੇਹਿ ਅਨਤ੍ਤਮਨੇਹਿ ਚਾਵਨਾਧਿਪ੍ਪਾਯੇਹੀ’’ਤਿ. ‘‘ਕਿਂ ਪਨ ਤੁਮ੍ਹੇ, ਆਵੁਸੋ, ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਏਵਮਾਵੁਸੋ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਭੂਮਜਕੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਦਬ੍ਬਂ ਮਲ੍ਲਪੁਤ੍ਤਂ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੩੮੫. ਯੋ ਪਨ ਭਿਕ੍ਖੁ ਭਿਕ੍ਖੁਂ ਦੁਟ੍ਠੋ ਦੋਸੋ ਅਪ੍ਪਤੀਤੋ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ – ‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’ਨ੍ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਅਮੂਲਕਞ੍ਚੇਵ ਤਂ ਅਧਿਕਰਣਂ ਹੋਤਿ ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ, ਸਙ੍ਘਾਦਿਸੇਸੋ’’ਤਿ.

੩੮੬. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਭਿਕ੍ਖੁਨ੍ਤਿ ਅਞ੍ਞਂ ਭਿਕ੍ਖੁਂ.

ਦੁਟ੍ਠੋ ਦੋਸੋਤਿ ਕੁਪਿਤੋ ਅਨਤ੍ਤਮਨੋ ਅਨਭਿਰਦ੍ਧੋ ਆਹਤਚਿਤ੍ਤੋ ਖਿਲਜਾਤੋ.

ਅਪ੍ਪਤੀਤੋਤਿ ਤੇਨ ਚ ਕੋਪੇਨ ਤੇਨ ਚ ਦੋਸੇਨ ਤਾਯ ਚ ਅਨਤ੍ਤਮਨਤਾਯ ਤਾਯ ਚ ਅਨਭਿਰਦ੍ਧਿਯਾ ਅਪ੍ਪਤੀਤੋ ਹੋਤਿ.

ਅਮੂਲਕਂ ਨਾਮ ਅਦਿਟ੍ਠਂ ਅਸੁਤਂ ਅਪਰਿਸਙ੍ਕਿਤਂ.

ਪਾਰਾਜਿਕੇਨ ਧਮ੍ਮੇਨਾਤਿ ਚਤੁਨ੍ਨਂ ਅਞ੍ਞਤਰੇਨ.

ਅਨੁਦ੍ਧਂਸੇਯ੍ਯਾਤਿ ਚੋਦੇਤਿ ਵਾ ਚੋਦਾਪੇਤਿ ਵਾ.

ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯਨ੍ਤਿ ਭਿਕ੍ਖੁਭਾਵਾ ਚਾਵੇਯ੍ਯਂ, ਸਮਣਧਮ੍ਮਾ ਚਾਵੇਯ੍ਯਂ, ਸੀਲਕ੍ਖਨ੍ਧਾ ਚਾਵੇਯ੍ਯਂ, ਤਪੋਗੁਣਾ ਚਾਵੇਯ੍ਯਂ.

ਤਤੋ ਅਪਰੇਨ ਸਮਯੇਨਾਤਿ ਯਸ੍ਮਿਂ ਖਣੇ ਅਨੁਦ੍ਧਂਸਿਤੋ ਹੋਤਿ ਤਂ ਖਣਂ ਤਂ ਲਯਂ ਤਂ ਮੁਹੁਤ੍ਤਂ ਵੀਤਿਵਤ੍ਤੇ.

ਸਮਨੁਗ੍ਗਾਹੀਯਮਾਨੋਤਿ ਯੇਨ ਵਤ੍ਥੁਨਾ ਅਨੁਦ੍ਧਂਸਿਤੋ ਹੋਤਿ ਤਸ੍ਮਿਂ ਵਤ੍ਥੁਸ੍ਮਿਂ ਸਮਨੁਗ੍ਗਾਹੀਯਮਾਨੋ.

ਅਸਮਨੁਗ੍ਗਾਹੀਯਮਾਨੋਤਿ ਨ ਕੇਨਚਿ ਵੁਚ੍ਚਮਾਨੋ.

ਅਧਿਕਰਣਂ ਨਾਮ ਚਤ੍ਤਾਰਿ ਅਧਿਕਰਣਾਨਿ – ਵਿਵਾਦਾਧਿਕਰਣਂ, ਅਨੁਵਾਦਾਧਿਕਰਣਂ, ਆਪਤ੍ਤਾਧਿਕਰਣਂ, ਕਿਚ੍ਚਾਧਿਕਰਣਂ.

ਭਿਕ੍ਖੁ ਚ ਦੋਸਂ ਪਤਿਟ੍ਠਾਤੀਤਿ ਤੁਚ੍ਛਕਂ ਮਯਾ ਭਣਿਤਂ, ਮੁਸਾ ਮਯਾ ਭਣਿਤਂ, ਅਭੂਤਂ ਮਯਾ ਭਣਿਤਂ, ਅਜਾਨਨ੍ਤੇਨ ਮਯਾ ਭਣਿਤਂ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੩੮੭. ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਦਿਟ੍ਠੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਸੁਤੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਪਰਿਸਙ੍ਕਿਤੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਦਿਟ੍ਠੋ ਮਯਾ ਸੁਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਦਿਟ੍ਠੋ ਮਯਾ ਪਰਿਸਙ੍ਕਿਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਦਿਟ੍ਠੋ ਮਯਾ ਸੁਤੋ ਚ ਪਰਿਸਙ੍ਕਿਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਸੁਤੋ ਮਯਾ ਪਰਿਸਙ੍ਕਿਤੋ ਚ…ਪੇ… ਸੁਤੋ ਮਯਾ ਦਿਟ੍ਠੋ ਚ…ਪੇ… ਸੁਤੋ ਮਯਾ ਪਰਿਸਙ੍ਕਿਤੋ ਚ ਦਿਟ੍ਠੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਪਰਿਸਙ੍ਕਿਤੋ ਮਯਾ ਦਿਟ੍ਠੋ ਚ…ਪੇ… ਪਰਿਸਙ੍ਕਿਤੋ ਮਯਾ ਸੁਤੋ ਚ…ਪੇ… ਪਰਿਸਙ੍ਕਿਤੋ ਮਯਾ ਦਿਟ੍ਠੋ ਚ ਸੁਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਸੁਤੋ ਮਯਾ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦੇਤਿ – ‘‘ਪਰਿਸਙ੍ਕਿਤੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ’’…ਪੇ… ‘‘ਸੁਤੋ ਮਯਾ ਪਰਿਸਙ੍ਕਿਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਪਰਿਸਙ੍ਕਿਤੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ…ਪੇ… ਦਿਟ੍ਠੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ…ਪੇ… ਪਰਿਸਙ੍ਕਿਤੋ ਮਯਾ ਦਿਟ੍ਠੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦੇਤਿ – ‘‘ਦਿਟ੍ਠੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ…ਪੇ… ਸੁਤੋ ਮਯਾ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ…ਪੇ… ਦਿਟ੍ਠੋ ਮਯਾ ਸੁਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਦਿਟ੍ਠੇ ਵੇਮਤਿਕੋ ਦਿਟ੍ਠਂ ਨੋ ਕਪ੍ਪੇਤਿ ਦਿਟ੍ਠਂ ਨਸ੍ਸਰਤਿ ਦਿਟ੍ਠਂ ਪਮੁਟ੍ਠੋ ਹੋਤਿ…ਪੇ… ਸੁਤੇ ਵੇਮਤਿਕੋ ਸੁਤਂ ਨੋ ਕਪ੍ਪੇਤਿ ਸੁਤਂ ਨਸ੍ਸਰਤਿ ਸੁਤਂ ਪਮੁਟ੍ਠੋ ਹੋਤਿ…ਪੇ… ਪਰਿਸਙ੍ਕਿਤੇ ਵੇਮਤਿਕੋ ਪਰਿਸਙ੍ਕਿਤਂ ਨੋ ਕਪ੍ਪੇਤਿ ਪਰਿਸਙ੍ਕਿਤਂ ਨਸ੍ਸਰਤਿ ਪਰਿਸਙ੍ਕਿਤਂ ਪਮੁਟ੍ਠੋ ਹੋਤਿ. ਤਞ੍ਚੇ ਚੋਦੇਤਿ – ‘‘ਪਰਿਸਙ੍ਕਿਤੋ ਮਯਾ ਦਿਟ੍ਠੋ ਚ…ਪੇ… ਪਰਿਸਙ੍ਕਿਤੋ ਮਯਾ ਸੁਤੋ ਚ…ਪੇ… ਪਰਿਸਙ੍ਕਿਤੋ ਮਯਾ ਦਿਟ੍ਠੋ ਚ ਸੁਤੋ ਚ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੮੮. ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦਾਪੇਤਿ – ‘‘ਦਿਟ੍ਠੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ…ਪੇ… ਅਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਅਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦਾਪੇਤਿ – ‘‘ਦਿਟ੍ਠੋਸਿ ਸੁਤੋਸਿ…ਪੇ… ਦਿਟ੍ਠੋਸਿ ਪਰਿਸਙ੍ਕਿਤੋਸਿ…ਪੇ… ਦਿਟ੍ਠੋਸਿ ਸੁਤੋਸਿ ਪਰਿਸਙ੍ਕਿਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ’’…ਪੇ… ਅਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ…ਪੇ… ਅਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ, ਦਿਟ੍ਠੋਸਿ…ਪੇ… ਪਰਿਸਙ੍ਕਿਤੋਸਿ, ਸੁਤੋਸਿ…ਪੇ… ਪਰਿਸਙ੍ਕਿਤੋਸਿ, ਦਿਟ੍ਠੋਸਿ, ਸੁਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਤਞ੍ਚੇ ਚੋਦਾਪੇਤਿ – ‘‘ਸੁਤੋਸਿ’’…ਪੇ… ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ’’…ਪੇ… ਤਞ੍ਚੇ ਚੋਦਾਪੇਤਿ – ‘‘ਸੁਤੋਸਿ, ਪਰਿਸਙ੍ਕਿਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਸੁਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ…ਪੇ… ਪਰਿਸਙ੍ਕਿਤਸ੍ਸ ਹੋਤਿ – ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ’’ਤਿ. ਤਞ੍ਚੇ ‘‘ਦਿਟ੍ਠੋਸਿ’’…ਪੇ… ਤਞ੍ਚੇ ਚੋਦਾਪੇਤਿ – ‘‘ਸੁਤੋਸਿ’’…ਪੇ… ਤਞ੍ਚੇ ਚੋਦਾਪੇਤਿ – ‘‘ਦਿਟ੍ਠੋਸਿ, ਸੁਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਦਿਟ੍ਠਸ੍ਸ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਦਿਟ੍ਠੇ ਵੇਮਤਿਕੋ ਦਿਟ੍ਠਂ ਨੋ ਕਪ੍ਪੇਤਿ ਦਿਟ੍ਠਂ ਨਸ੍ਸਰਤਿ ਦਿਟ੍ਠਂ ਪਮੁਟ੍ਠੋ ਹੋਤਿ…ਪੇ… ਸੁਤੇ ਵੇਮਤਿਕੋ ਸੁਤਂ ਨੋ ਕਪ੍ਪੇਤਿ ਸੁਤਂ ਨਸ੍ਸਰਤਿ ਸੁਤਂ ਪਮੁਟ੍ਠੋ ਹੋਤਿ…ਪੇ… ਪਰਿਸਙ੍ਕਿਤੇ ਵੇਮਤਿਕੋ ਪਰਿਸਙ੍ਕਿਤਂ ਨੋ ਕਪ੍ਪੇਤਿ ਪਰਿਸਙ੍ਕਿਤਂ ਨਸ੍ਸਰਤਿ ਪਰਿਸਙ੍ਕਿਤਂ ਪਮੁਟ੍ਠੋ ਹੋਤਿ. ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ, ਦਿਟ੍ਠੋਸਿ’’…ਪੇ… ਪਰਿਸਙ੍ਕਿਤਂ ਪਮੁਟ੍ਠੋ ਹੋਤਿ, ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ ਸੁਤੋਸਿ’’…ਪੇ… ਪਰਿਸਙ੍ਕਿਤਂ ਪਮੁਟ੍ਠੋ ਹੋਤਿ, ਤਞ੍ਚੇ ਚੋਦਾਪੇਤਿ – ‘‘ਪਰਿਸਙ੍ਕਿਤੋਸਿ, ਦਿਟ੍ਠੋਸਿ, ਸੁਤੋਸਿ, ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੮੯. ਅਸੁਦ੍ਧੇ ਸੁਦ੍ਧਦਿਟ੍ਠਿ, ਸੁਦ੍ਧੇ ਅਸੁਦ੍ਧਦਿਟ੍ਠਿ, ਅਸੁਦ੍ਧੇ ਅਸੁਦ੍ਧਦਿਟ੍ਠਿ, ਸੁਦ੍ਧੇ ਸੁਦ੍ਧਦਿਟ੍ਠਿ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦੇਨ ਦੁਕ੍ਕਟਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਅਨਾਪਤ੍ਤਿ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦੇਨ ਦੁਕ੍ਕਟਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਅਨਾਪਤ੍ਤਿ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦੇਨ ਦੁਕ੍ਕਟਸ੍ਸ.

ਅਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋ. ਤਞ੍ਚੇ ਅਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਸਙ੍ਘਾਦਿਸੇਸੇਨ ਦੁਕ੍ਕਟਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਚਾਵਨਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ. ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਅਨੋਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦੇਨ ਦੁਕ੍ਕਟਸ੍ਸ.

ਸੁਦ੍ਧੋ ਹੋਤਿ ਪੁਗ੍ਗਲੋ ਅਞ੍ਞਤਰਂ ਪਾਰਾਜਿਕਂ ਧਮ੍ਮਂ ਅਨਜ੍ਝਾਪਨ੍ਨੋ ਤਞ੍ਚੇ ਸੁਦ੍ਧਦਿਟ੍ਠਿ ਸਮਾਨੋ ਓਕਾਸਂ ਕਾਰਾਪੇਤ੍ਵਾ ਅਕ੍ਕੋਸਾਧਿਪ੍ਪਾਯੋ ਵਦੇਤਿ, ਆਪਤ੍ਤਿ ਓਮਸਵਾਦਸ੍ਸ.

੩੯੦. ਅਨਾਪਤ੍ਤਿ ਸੁਦ੍ਧੇ ਅਸੁਦ੍ਧਦਿਟ੍ਠਿਸ੍ਸ, ਅਸੁਦ੍ਧੇ ਅਸੁਦ੍ਧਦਿਟ੍ਠਿਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਦੁਟ੍ਠਦੋਸਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ.

੯. ਦੁਤਿਯਦੁਟ੍ਠਦੋਸਸਿਕ੍ਖਾਪਦਂ

੩੯੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਮੇਤ੍ਤਿਯਭੂਮਜਕਾ ਭਿਕ੍ਖੂ ਗਿਜ੍ਝਕੂਟਾ ਪਬ੍ਬਤਾ ਓਰੋਹਨ੍ਤਾ ਅਦ੍ਦਸਂਸੁ ਛਗਲਕਂ [ਛਕਲਕਂ (ਸ੍ਯਾ.)] ਅਜਿਕਾਯ ਵਿਪ੍ਪਟਿਪਜ੍ਜਨ੍ਤਂ. ਦਿਸ੍ਵਾਨ ਏਵਮਾਹਂਸੁ – ‘‘ਹਨ੍ਦ ਮਯਂ, ਆਵੁਸੋ, ਇਮਂ ਛਗਲਕਂ ਦਬ੍ਬਂ ਮਲ੍ਲਪੁਤ੍ਤਂ ਨਾਮ ਕਰੋਮ. ਇਮਂ ਅਜਿਕਂ ਮੇਤ੍ਤਿਯਂ ਨਾਮ ਭਿਕ੍ਖੁਨਿਂ ਕਰੋਮ. ਏਵਂ ਮਯਂ ਵੋਹਰਿਸ੍ਸਾਮ. ਪੁਬ੍ਬੇ ਮਯਂ, ਆਵੁਸੋ, ਦਬ੍ਬਂ ਮਲ੍ਲਪੁਤ੍ਤਂ ਸੁਤੇਨ ਅਵੋਚੁਮ੍ਹਾ. ਇਦਾਨਿ ਪਨ ਅਮ੍ਹੇਹਿ ਸਾਮਂ ਦਿਟ੍ਠੋ ਮੇਤ੍ਤਿਯਾਯ ਭਿਕ੍ਖੁਨਿਯਾ ਵਿਪ੍ਪਟਿਪਜ੍ਜਨ੍ਤੋ’’ਤਿ. ਤੇ ਤਂ ਛਗਲਕਂ ਦਬ੍ਬਂ ਮਲ੍ਲਪੁਤ੍ਤਂ ਨਾਮ ਅਕਂਸੁ. ਤਂ ਅਜਿਕਂ ਮੇਤ੍ਤਿਯਂ ਨਾਮ ਭਿਕ੍ਖੁਨਿਂ ਅਕਂਸੁ. ਤੇ ਭਿਕ੍ਖੂਨਂ ਆਰੋਚੇਸੁਂ – ‘‘ਪੁਬ੍ਬੇ ਮਯਂ, ਆਵੁਸੋ, ਦਬ੍ਬਂ ਮਲ੍ਲਪੁਤ੍ਤਂ ਸੁਤੇਨ ਅਵੋਚੁਮ੍ਹਾ. ਇਦਾਨਿ ਪਨ ਅਮ੍ਹੇਹਿ ਸਾਮਂ ਦਿਟ੍ਠੋ ਮੇਤ੍ਤਿਯਾਯ ਭਿਕ੍ਖੁਨਿਯਾ ਵਿਪ੍ਪਟਿਪਜ੍ਜਨ੍ਤੋ’’ਤਿ. ਭਿਕ੍ਖੂ ਏਵਮਾਹਂਸੁ – ‘‘ਮਾਵੁਸੋ, ਏਵਂ ਅਵਚੁਤ੍ਥ. ਨਾਯਸ੍ਮਾ ਦਬ੍ਬੋ ਮਲ੍ਲਪੁਤ੍ਤੋ ਏਵਂ ਕਰਿਸ੍ਸਤੀ’’ਤਿ.

ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਪਟਿਪੁਚ੍ਛਿ – ‘‘ਸਰਸਿ ਤ੍ਵਂ, ਦਬ੍ਬ, ਏਵਰੂਪਂ ਕਤ੍ਤਾ ਯਥਯਿਮੇ ਭਿਕ੍ਖੂ ਆਹਂਸੂ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗਵਾ ਜਾਨਾਤੀ’’ਤਿ. ਦੁਤਿਯਮ੍ਪਿ ਖੋ ਭਗਵਾ…ਪੇ… ਤਤਿਯਮ੍ਪਿ ਖੋ ਭਗਵਾ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਏਤਦਵੋਚ – ‘‘ਸਰਸਿ ਤ੍ਵਂ, ਦਬ੍ਬ, ਏਵਰੂਪਂ ਕਤ੍ਤਾ ਯਥਯਿਮੇ ਭਿਕ੍ਖੂ ਆਹਂਸੂ’’ਤਿ? ‘‘ਯਥਾ ਮਂ, ਭਨ੍ਤੇ, ਭਗਵਾ ਜਾਨਾਤੀ’’ਤਿ. ‘‘ਨ ਖੋ, ਦਬ੍ਬ, ਦਬ੍ਬਾ ਏਵਂ ਨਿਬ੍ਬੇਠੇਨ੍ਤਿ. ਸਚੇ ਤਯਾ ਕਤਂ ਕਤਨ੍ਤਿ ਵਦੇਹਿ, ਸਚੇ ਤਯਾ ਅਕਤਂ ਅਕਤਨ੍ਤਿ ਵਦੇਹੀ’’ਤਿ. ‘‘ਯਤੋ ਅਹਂ, ਭਨ੍ਤੇ, ਜਾਤੋ ਨਾਭਿਜਾਨਾਮਿ ਸੁਪਿਨਨ੍ਤੇਨਪਿ ਮੇਥੁਨਧਮ੍ਮਂ ਪਟਿਸੇਵਿਤਾ, ਪਗੇਵ ਜਾਗਰੋ’’ਤਿ! ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖੁਵੇ, ਇਮੇ ਭਿਕ੍ਖੂ ਅਨੁਯੁਞ੍ਜਥਾ’’ਤਿ. ਇਦਂ ਵਤ੍ਵਾ ਭਗਵਾ ਉਟ੍ਠਾਯਾਸਨਾ ਵਿਹਾਰਂ ਪਾਵਿਸਿ.

ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਭੂਮਜਕੇ ਭਿਕ੍ਖੂ ਅਨੁਯੁਞ੍ਜਿਂਸੁ. ਤੇ ਭਿਕ੍ਖੂਹਿ ਅਨੁਯੁਞ੍ਜੀਯਮਾਨਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ – ‘‘ਕਿਂ ਪਨ ਤੁਮ੍ਹੇ, ਆਵੁਸੋ, ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਏਵਮਾਵੁਸੋ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਮੇਤ੍ਤਿਯਭੂਮਜਕਾ ਭਿਕ੍ਖੂ ਆਯਸ੍ਮਨ੍ਤਂ ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਮੇਤ੍ਤਿਯਭੂਮਜਕੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੩੯੨. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਂ ਦੁਟ੍ਠੋ ਦੋਸੋ ਅਪ੍ਪਤੀਤੋ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ – ‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’ਨ੍ਤਿ. ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਅਞ੍ਞਭਾਗਿਯਞ੍ਚੇਵ ਤਂ ਅਧਿਕਰਣਂ ਹੋਤਿ ਕੋਚਿਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋ, ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ, ਸਙ੍ਘਾਦਿਸੇਸੋ’’ਤਿ.

੩੯੩. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਭਿਕ੍ਖੁਨ੍ਤਿ ਅਞ੍ਞਂ ਭਿਕ੍ਖੁਂ.

ਦੁਟ੍ਠੋ ਦੋਸੋਤਿ ਕੁਪਿਤੋ ਅਨਤ੍ਤਮਨੋ ਅਨਭਿਰਦ੍ਧੋ ਆਹਤਚਿਤ੍ਤੋ ਖਿਲਜਾਤੋ.

ਅਪ੍ਪਤੀਤੋਤਿ ਤੇਨ ਚ ਕੋਪੇਨ, ਤੇਨ ਚ ਦੋਸੇਨ, ਤਾਯ ਚ ਅਨਤ੍ਤਮਨਤਾਯ, ਤਾਯ ਚ ਅਨਭਿਰਦ੍ਧਿਯਾ ਅਪ੍ਪਤੀਤੋ ਹੋਤਿ.

ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸਾਤਿ ਆਪਤ੍ਤਞ੍ਞਭਾਗਿਯਂ ਵਾ ਹੋਤਿ ਅਧਿਕਰਣਞ੍ਞਭਾਗਿਯਂ ਵਾ. ਕਥਂ ਅਧਿਕਰਣਂ ਅਧਿਕਰਣਸ੍ਸ ਅਞ੍ਞਭਾਗਿਯਂ? ਵਿਵਾਦਾਧਿਕਰਣਂ ਅਨੁਵਾਦਾਧਿਕਰਣਸ੍ਸ ਆਪਤ੍ਤਾਧਿਕਰਣਸ੍ਸ ਕਿਚ੍ਚਾਧਿਕਰਣਸ੍ਸ ਅਞ੍ਞਭਾਗਿਯਂ. ਅਨੁਵਾਦਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਕਿਚ੍ਚਾਧਿਕਰਣਸ੍ਸ ਵਿਵਾਦਾਧਿਕਰਣਸ੍ਸ ਅਞ੍ਞਭਾਗਿਯਂ. ਆਪਤ੍ਤਾਧਿਕਰਣਂ ਕਿਚ੍ਚਾਧਿਕਰਣਸ੍ਸ ਵਿਵਾਦਾਧਿਕਰਣਸ੍ਸ ਅਨੁਵਾਦਾਧਿਕਰਣਸ੍ਸ ਅਞ੍ਞਭਾਗਿਯਂ. ਕਿਚ੍ਚਾਧਿਕਰਣਂ ਵਿਵਾਦਾਧਿਕਰਣਸ੍ਸ ਅਨੁਵਾਦਾਧਿਕਰਣਸ੍ਸ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ. ਏਵਂ ਅਧਿਕਰਣਂ ਅਧਿਕਰਣਸ੍ਸ ਅਞ੍ਞਭਾਗਿਯਂ.

ਕਥਂ ਅਧਿਕਰਣਂ ਅਧਿਕਰਣਸ੍ਸ ਤਬ੍ਭਾਗਿਯਂ? ਵਿਵਾਦਾਧਿਕਰਣਂ ਵਿਵਾਦਾਧਿਕਰਣਸ੍ਸ ਤਬ੍ਭਾਗਿਯਂ. ਅਨੁਵਾਦਾਧਿਕਰਣਂ ਅਨੁਵਾਦਾਧਿਕਰਣਸ੍ਸ ਤਬ੍ਭਾਗਿਯਂ. ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਸਿਯਾ ਤਬ੍ਭਾਗਿਯਂ ਸਿਯਾ ਅਞ੍ਞਭਾਗਿਯਂ.

ਕਥਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ? ਮੇਥੁਨਧਮ੍ਮਪਾਰਾਜਿਕਾਪਤ੍ਤਿ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿਯਾ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ. ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿ ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿਯਾ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ. ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ. ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿਯਾ ਅਞ੍ਞਭਾਗਿਯਾ. ਏਵਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਅਞ੍ਞਭਾਗਿਯਂ.

ਕਥਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਤਬ੍ਭਾਗਿਯਂ? ਮੇਥੁਨਧਮ੍ਮਪਾਰਾਜਿਕਾਪਤ੍ਤਿ ਮੇਥੁਨਧਮ੍ਮਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ. ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿ ਅਦਿਨ੍ਨਾਦਾਨਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ. ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿ ਮਨੁਸ੍ਸਵਿਗ੍ਗਹਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ. ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿ ਉਤ੍ਤਰਿਮਨੁਸ੍ਸਧਮ੍ਮਪਾਰਾਜਿਕਾਪਤ੍ਤਿਯਾ ਤਬ੍ਭਾਗਿਯਾ. ਏਵਂ ਆਪਤ੍ਤਾਧਿਕਰਣਂ ਆਪਤ੍ਤਾਧਿਕਰਣਸ੍ਸ ਤਬ੍ਭਾਗਿਯਂ.

ਕਿਚ੍ਚਾਧਿਕਰਣਂ ਕਿਚ੍ਚਾਧਿਕਰਣਸ੍ਸ ਤਬ੍ਭਾਗਿਯਂ. ਏਵਂ ਅਧਿਕਰਣਂ ਅਧਿਕਰਣਸ੍ਸ ਤਬ੍ਭਾਗਿਯਂ.

੩੯੪. ਕਿਞ੍ਚਿ ਦੇਸਂ ਲੇਸਮਤ੍ਤਂ ਉਪਾਦਾਯਾਤਿ ਲੇਸੋ ਨਾਮ ਦਸ ਲੇਸਾ – ਜਾਤਿਲੇਸੋ, ਨਾਮਲੇਸੋ, ਗੋਤ੍ਤਲੇਸੋ, ਲਿਙ੍ਗਲੇਸੋ, ਆਪਤ੍ਤਿਲੇਸੋ, ਪਤ੍ਤਲੇਸੋ, ਚੀਵਰਲੇਸੋ, ਉਪਜ੍ਝਾਯਲੇਸੋ, ਆਚਰਿਯਲੇਸੋ, ਸੇਨਾਸਨਲੇਸੋ.

੩੯੫. ਜਾਤਿਲੇਸੋ ਨਾਮ ਖਤ੍ਤਿਯੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਖਤ੍ਤਿਯਂ ਪਸ੍ਸਿਤ੍ਵਾ ਚੋਦੇਤਿ – ‘‘ਖਤ੍ਤਿਯੋ ਮਯਾ ਦਿਟ੍ਠੋ [ਏਤ੍ਥ ‘‘ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ’’ਤਿ ਪਾਠੋ ਊਨੋ ਮਞ੍ਞੇ, ਅਟ੍ਠਕਥਾਯਂ ਹਿ ‘‘ਖਤ੍ਤਿਯੋ ਮਯਾ ਦਿਟ੍ਠੋ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ’’ਤਿ ਦਿਸ੍ਸਤਿ]. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਬ੍ਰਾਹ੍ਮਣੋ ਦਿਟ੍ਠੋ ਹੋਤਿ…ਪੇ… ਵੇਸ੍ਸੋ ਦਿਟ੍ਠੋ ਹੋਤਿ…ਪੇ… ਸੁਦ੍ਦੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਸੁਦ੍ਦਂ ਪਸ੍ਸਿਤ੍ਵਾ ਚੋਦੇਤਿ – ‘‘ਸੁਦ੍ਦੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੯੬. ਨਾਮਲੇਸੋ ਨਾਮ ਬੁਦ੍ਧਰਕ੍ਖਿਤੋ ਦਿਟ੍ਠੋ ਹੋਤਿ…ਪੇ… ਧਮ੍ਮਰਕ੍ਖਿਤੋ ਦਿਟ੍ਠੋ ਹੋਤਿ…ਪੇ… ਸਙ੍ਘਰਕ੍ਖਿਤੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਸਙ੍ਘਰਕ੍ਖਿਤਂ ਪਸ੍ਸਿਤ੍ਵਾ ਚੋਦੇਤਿ – ‘‘ਸਙ੍ਘਰਕ੍ਖਿਤੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੯੭. ਗੋਤ੍ਤਲੇਸੋ ਨਾਮ ਗੋਤਮੋ ਦਿਟ੍ਠੋ ਹੋਤਿ…ਪੇ… ਮੋਗ੍ਗਲ੍ਲਾਨੋ ਦਿਟ੍ਠੋ ਹੋਤਿ…ਪੇ… ਕਚ੍ਚਾਯਨੋ ਦਿਟ੍ਠੋ ਹੋਤਿ…ਪੇ… ਵਾਸਿਟ੍ਠੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਵਾਸਿਟ੍ਠਂ ਪਸ੍ਸਿਤ੍ਵਾ ਚੋਦੇਤਿ – ‘‘ਵਾਸਿਟ੍ਠੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੯੮. ਲਿਙ੍ਗਲੇਸੋ ਨਾਮ ਦੀਘੋ ਦਿਟ੍ਠੋ ਹੋਤਿ…ਪੇ… ਰਸ੍ਸੋ ਦਿਟ੍ਠੋ ਹੋਤਿ…ਪੇ… ਕਣ੍ਹੋ ਦਿਟ੍ਠੋ ਹੋਤਿ…ਪੇ… ਓਦਾਤੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਓਦਾਤਂ ਪਸ੍ਸਿਤ੍ਵਾ ਚੋਦੇਤਿ – ‘‘ਓਦਾਤੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੩੯੯. ਆਪਤ੍ਤਿਲੇਸੋ ਨਾਮ ਲਹੁਕਂ ਆਪਤ੍ਤਿਂ ਆਪਜ੍ਜਨ੍ਤੋ ਦਿਟ੍ਠੋ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੦. ਪਤ੍ਤਲੇਸੋ ਨਾਮ ਲੋਹਪਤ੍ਤਧਰੋ ਦਿਟ੍ਠੋ ਹੋਤਿ…ਪੇ… ਸਾਟਕਪਤ੍ਤਧਰੋ ਦਿਟ੍ਠੋ ਹੋਤਿ…ਪੇ… ਸੁਮ੍ਭਕਪਤ੍ਤਧਰੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਸੁਮ੍ਭਕਪਤ੍ਤਧਰਂ ਪਸ੍ਸਿਤ੍ਵਾ ਚੋਦੇਤਿ – ‘‘ਸੁਮ੍ਭਕਪਤ੍ਤਧਰੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੧. ਚੀਵਰਲੇਸੋ ਨਾਮ ਪਂਸੁਕੂਲਿਕੋ ਦਿਟ੍ਠੋ ਹੋਤਿ…ਪੇ… ਗਹਪਤਿਚੀਵਰਧਰੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਗਹਪਤਿਚੀਵਰਧਰਂ ਪਸ੍ਸਿਤ੍ਵਾ ਚੋਦੇਤਿ – ‘‘ਗਹਪਤਿਚੀਵਰਧਰੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੨. ਉਪਜ੍ਝਾਯਲੇਸੋ ਨਾਮ ਇਤ੍ਥਨ੍ਨਾਮਸ੍ਸ ਸਦ੍ਧਿਵਿਹਾਰਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਇਤ੍ਥਨ੍ਨਾਮਸ੍ਸ ਸਦ੍ਧਿਵਿਹਾਰਿਕਂ ਪਸ੍ਸਿਤ੍ਵਾ ਚੋਦੇਤਿ – ‘‘ਇਤ੍ਥਨ੍ਨਾਮਸ੍ਸ ਸਦ੍ਧਿਵਿਹਾਰਿਕੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੩. ਆਚਰਿਯਲੇਸੋ ਨਾਮ ਇਤ੍ਥਨ੍ਨਾਮਸ੍ਸ ਅਨ੍ਤੇਵਾਸਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਇਤ੍ਥਨ੍ਨਾਮਸ੍ਸ ਅਨ੍ਤੇਵਾਸਿਕਂ ਪਸ੍ਸਿਤ੍ਵਾ ਚੋਦੇਤਿ – ‘‘ਇਤ੍ਥਨ੍ਨਾਮਸ੍ਸ ਅਨ੍ਤੇਵਾਸਿਕੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ’’…ਪੇ… ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੪. ਸੇਨਾਸਨਲੇਸੋ ਨਾਮ ਇਤ੍ਥਨ੍ਨਾਮਸੇਨਾਸਨਵਾਸਿਕੋ ਦਿਟ੍ਠੋ ਹੋਤਿ ਪਾਰਾਜਿਕਂ ਧਮ੍ਮਂ ਅਜ੍ਝਾਪਜ੍ਜਨ੍ਤੋ. ਅਞ੍ਞਂ ਇਤ੍ਥਨ੍ਨਾਮਸੇਨਾਸਨਵਾਸਿਕਂ ਪਸ੍ਸਿਤ੍ਵਾ ਚੋਦੇਤਿ – ‘‘ਇਤ੍ਥਨ੍ਨਾਮਸੇਨਾਸਨਵਾਸਿਕੋ ਮਯਾ ਦਿਟ੍ਠੋ. ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨੋਸਿ, ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੫. ਪਾਰਾਜਿਕੇਨ ਧਮ੍ਮੇਨਾਤਿ ਚਤੁਨ੍ਨਂ ਅਞ੍ਞਤਰੇਨ.

ਅਨੁਦ੍ਧਂਸੇਯ੍ਯਾਤਿ ਚੋਦੇਤਿ ਵਾ ਚੋਦਾਪੇਤਿ ਵਾ.

ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾਚਾਵੇਯ੍ਯਨ੍ਤਿ ਭਿਕ੍ਖੁਭਾਵਾ ਚਾਵੇਯ੍ਯਂ, ਸਮਣਧਮ੍ਮਾ ਚਾਵੇਯ੍ਯਂ, ਸੀਲਕ੍ਖਨ੍ਧਾ ਚਾਵੇਯ੍ਯਂ, ਤਪੋਗੁਣਾ ਚਾਵੇਯ੍ਯਂ.

ਤਤੋ ਅਪਰੇਨ ਸਮਯੇਨਾਤਿ ਯਸ੍ਮਿਂ ਖਣੇ ਅਨੁਦ੍ਧਂਸਿਤੋ ਹੋਤਿ, ਤਂ ਖਣਂ ਤਂ ਲਯਂ ਤਂ ਮੁਹੁਤ੍ਤਂ ਵੀਤਿਵਤ੍ਤੇ.

ਸਮਨੁਗ੍ਗਾਹੀਯਮਾਨੋਤਿ ਯੇਨ ਵਤ੍ਥੁਨਾ ਅਨੁਦ੍ਧਂਸਿਤੋ ਹੋਤਿ ਤਸ੍ਮਿਂ ਵਤ੍ਥੁਸ੍ਮਿਂ ਸਮਨੁਗ੍ਗਾਹੀਯਮਾਨੋ.

ਅਸਮਨੁਗ੍ਗਾਹੀਯਮਾਨੋਤਿ ਨ ਕੇਨਚਿ ਵੁਚ੍ਚਮਾਨੋ.

ਅਧਿਕਰਣਂ ਨਾਮ ਚਤ੍ਤਾਰਿ ਅਧਿਕਰਣਾਨਿ – ਵਿਵਾਦਾਧਿਕਰਣਂ, ਅਨੁਵਾਦਾਧਿਕਰਣਂ, ਆਪਤ੍ਤਾਧਿਕਰਣਂ, ਕਿਚ੍ਚਾਧਿਕਰਣਂ.

ਕੋਚਿ ਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋਤਿ ਤੇਸਂ ਦਸਨ੍ਨਂ ਲੇਸਾਨਂ ਅਞ੍ਞਤਰੋ ਲੇਸੋ ਉਪਾਦਿਨ੍ਨੋ ਹੋਤਿ.

ਭਿਕ੍ਖੁ ਚ ਦੋਸਂ ਪਤਿਟ੍ਠਾਤੀਤਿ ਤੁਚ੍ਛਕਂ ਮਯਾ ਭਣਿਤਂ, ਮੁਸਾ ਮਯਾ ਭਣਿਤਂ, ਅਭੂਤਂ ਮਯਾ ਭਣਿਤਂ, ਅਜਾਨਨ੍ਤੇਨ ਮਯਾ ਭਣਿਤਂ.

ਸਙ੍ਘਾਦਿਸੇਸੋਤਿ …ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੪੦੬. ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ’’…ਪੇ… ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਥੁਲ੍ਲਚ੍ਚਯਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਥੁਲ੍ਲਚ੍ਚਯੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ… ਥੁਲ੍ਲਚ੍ਚਯੇ ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ… ਸਙ੍ਘਾਦਿਸੇਸਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ’’ …ਪੇ… ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਪਾਚਿਤ੍ਤਿਯਂ…ਪੇ… ਪਾਟਿਦੇਸਨੀਯਂ… ਦੁਕ੍ਕਟਂ… ਦੁਬ੍ਭਾਸਿਤਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਦੁਬ੍ਭਾਸਿਤੇ ਦੁਬ੍ਭਾਸਿਤਦਿਟ੍ਠਿ ਹੋਤਿ…ਪੇ… ਦੁਬ੍ਭਾਸਿਤੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ… ਥੁਲ੍ਲਚ੍ਚਯਦਿਟ੍ਠਿ ਹੋਤਿ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਏਕੇਕਂ ਮੂਲਂ ਕਾਤੁਨ ਚਕ੍ਕਂ ਬਨ੍ਧਿਤਬ੍ਬਂ.

੪੦੭. ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਸਙ੍ਘਾਦਿਸੇਸੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ… ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ, ਸਙ੍ਘਾਦਿਸੇਸੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ… ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਥੁਲ੍ਲਚ੍ਚਯਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਥੁਲ੍ਲਚ੍ਚਯੇ ਥੁਲ੍ਲਚ੍ਚਯਦਿਟ੍ਠਿ ਹੋਤਿ…ਪੇ… ਥੁਲ੍ਲਚ੍ਚਯੇ ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ… ਦੁਬ੍ਭਾਸਿਤਦਿਟ੍ਠਿ ਹੋਤਿ… ਸਙ੍ਘਾਦਿਸੇਸਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ’’…ਪੇ… ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

ਭਿਕ੍ਖੁ ਪਾਚਿਤ੍ਤਿਯਂ…ਪੇ… ਪਾਟਿਦੇਸਨੀਯਂ… ਦੁਕ੍ਕਟਂ… ਦੁਬ੍ਭਾਸਿਤਂ ਅਜ੍ਝਾਪਜ੍ਜਨ੍ਤੋ ਦਿਟ੍ਠੋ ਹੋਤਿ ਦੁਬ੍ਭਾਸਿਤੇ ਦੁਬ੍ਭਾਸਿਤਦਿਟ੍ਠਿ ਹੋਤਿ…ਪੇ… ਦੁਬ੍ਭਾਸਿਤੇ ਸਙ੍ਘਾਦਿਸੇਸਦਿਟ੍ਠਿ ਹੋਤਿ… ਥੁਲ੍ਲਚ੍ਚਯਦਿਟ੍ਠਿ ਹੋਤਿ… ਪਾਚਿਤ੍ਤਿਯਦਿਟ੍ਠਿ ਹੋਤਿ… ਪਾਟਿਦੇਸਨੀਯਦਿਟ੍ਠਿ ਹੋਤਿ… ਦੁਕ੍ਕਟਦਿਟ੍ਠਿ ਹੋਤਿ. ਤਞ੍ਚੇ ਪਾਰਾਜਿਕੇਨ ਚੋਦਾਪੇਤਿ – ‘‘ਅਸ੍ਸਮਣੋਸਿ, ਅਸਕ੍ਯਪੁਤ੍ਤਿਯੋਸਿ, ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ, ਏਵਮ੍ਪਿ ਆਪਤ੍ਤਞ੍ਞਭਾਗਿਯਂ ਹੋਤਿ ਲੇਸੋ ਚ ਉਪਾਦਿਨ੍ਨੋ, ਆਪਤ੍ਤਿ ਵਾਚਾਯ, ਵਾਚਾਯ ਸਙ੍ਘਾਦਿਸੇਸਸ੍ਸ.

੪੦੮. ਅਨਾਪਤ੍ਤਿ ਤਥਾਸਞ੍ਞੀ ਚੋਦੇਤਿ ਵਾ ਚੋਦਾਪੇਤਿ ਵਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਦੁਤਿਯਦੁਟ੍ਠਦੋਸਸਿਕ੍ਖਾਪਦਂ ਨਿਟ੍ਠਿਤਂ ਨਵਮਂ.

੧੦. ਸਙ੍ਘਭੇਦਸਿਕ੍ਖਾਪਦਂ

੪੦੯. [ਇਦਂ ਵਤ੍ਥੁ ਚੂਲ਼ਵ. ੩੪੩] ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਅਥ ਖੋ ਦੇਵਦਤ੍ਤੋ ਯੇਨ ਕੋਕਾਲਿਕੋ ਕਟਮੋਦਕਤਿਸ੍ਸਕੋ [ਕਟਮੋਰਕਤਿਸ੍ਸਕੋ (ਸੀ. ਸ੍ਯਾ.)] ਖਣ੍ਡਦੇਵਿਯਾ ਪੁਤ੍ਤੋ ਸਮੁਦ੍ਦਦਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਕੋਕਾਲਿਕਂ ਕਟਮੋਦਕਤਿਸ੍ਸਕਂ ਖਣ੍ਡਦੇਵਿਯਾ ਪੁਤ੍ਤਂ ਸਮੁਦ੍ਦਦਤ੍ਤਂ ਏਤਦਵੋਚ – ‘‘ਏਥ ਮਯਂ, ਆਵੁਸੋ, ਸਮਣਸ੍ਸ ਗੋਤਮਸ੍ਸ ਸਙ੍ਘਭੇਦਂ ਕਰਿਸ੍ਸਾਮ ਚਕ੍ਕਭੇਦ’’ਨ੍ਤਿ. ਏਵਂ ਵੁਤ੍ਤੇ ਕੋਕਾਲਿਕੋ ਦੇਵਦਤ੍ਤਂ ਏਤਦਵੋਚ – ‘‘ਸਮਣੋ ਖੋ, ਆਵੁਸੋ, ਗੋਤਮੋ ਮਹਿਦ੍ਧਿਕੋ ਮਹਾਨੁਭਾਵੋ. ਕਥਂ ਮਯਂ ਸਮਣਸ੍ਸ ਗੋਤਮਸ੍ਸ ਸਙ੍ਘਭੇਦਂ ਕਰਿਸ੍ਸਾਮ ਚਕ੍ਕਭੇਦ’’ਨ੍ਤਿ? ‘‘ਏਥ ਮਯਂ, ਆਵੁਸੋ, ਸਮਣਂ ਗੋਤਮਂ ਉਪਸਙ੍ਕਮਿਤ੍ਵਾ ਪਞ੍ਚ ਵਤ੍ਥੂਨਿ ਯਾਚਿਸ੍ਸਾਮ – ‘ਭਗਵਾ, ਭਨ੍ਤੇ, ਅਨੇਕਪਰਿਯਾਯੇਨ ਅਪ੍ਪਿਚ੍ਛਸ੍ਸ ਸਨ੍ਤੁਟ੍ਠਸ੍ਸ ਸਲ੍ਲੇਖਸ੍ਸ ਧੁਤਸ੍ਸ ਪਾਸਾਦਿਕਸ੍ਸ ਅਪਚਯਸ੍ਸ ਵੀਰਿਯਾਰਮ੍ਭਸ੍ਸ [ਵੀਰਿਯਾਰਬ੍ਭਸ੍ਸ (ਕ.)] ਵਣ੍ਣਵਾਦੀ. ਇਮਾਨਿ, ਭਨ੍ਤੇ, ਪਞ੍ਚ ਵਤ੍ਥੂਨਿ ਅਨੇਕਪਰਿਯਾਯੇਨ ਅਪ੍ਪਿਚ੍ਛਤਾਯ ਸਨ੍ਤੁਟ੍ਠਿਯਾ ਸਲ੍ਲੇਖਾਯ ਧੁਤਤਾਯ ਪਾਸਾਦਿਕਤਾਯ ਅਪਚਯਾਯ ਵੀਰਿਯਾਰਮ੍ਭਾਯ ਸਂਵਤ੍ਤਨ੍ਤਿ. ਸਾਧੁ, ਭਨ੍ਤੇ, ਭਿਕ੍ਖੂ ਯਾਵਜੀਵਂ ਆਰਞ੍ਞਿਕਾ ਅਸ੍ਸੁ; ਯੋ ਗਾਮਨ੍ਤਂ ਓਸਰੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਪਿਣ੍ਡਪਾਤਿਕਾ ਅਸ੍ਸੁ; ਯੋ ਨਿਮਨ੍ਤਨਂ ਸਾਦਿਯੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਪਂਸੁਕੂਲਿਕਾ ਅਸ੍ਸੁ; ਯੋ ਗਹਪਤਿਚੀਵਰਂ ਸਾਦਿਯੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਰੁਕ੍ਖਮੂਲਿਕਾ ਅਸ੍ਸੁ; ਯੋ ਛਨ੍ਨਂ ਉਪਗਚ੍ਛੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਮਚ੍ਛਮਂਸਂ ਨ ਖਾਦੇਯ੍ਯੁਂ; ਯੋ ਮਚ੍ਛਮਂਸਂ ਖਾਦੇਯ੍ਯ, ਵਜ੍ਜਂ ਨਂ ਫੁਸੇਯ੍ਯਾ’ਤਿ. ਇਮਾਨਿ ਸਮਣੋ ਗੋਤਮੋ ਨਾਨੁਜਾਨਿਸ੍ਸਤਿ. ਤੇ ਮਯਂ ਇਮੇਹਿ ਪਞ੍ਚਹਿ ਵਤ੍ਥੂਹਿ ਜਨਂ ਸਞ੍ਞਾਪੇਸ੍ਸਾਮਾਤਿ. ਸਕ੍ਕਾ ਖੋ, ਆਵੁਸੋ, ਇਮੇਹਿ ਪਞ੍ਚਹਿ ਵਤ੍ਥੂਹਿ ਸਮਣਸ੍ਸ ਗੋਤਮਸ੍ਸ ਸਙ੍ਘਭੇਦੋ ਕਾਤੁਂ ਚਕ੍ਕਭੇਦੋ. ਲੂਖਪਸਨ੍ਨਾ ਹਿ, ਆਵੁਸੋ, ਮਨੁਸ੍ਸਾ’’ਤਿ.

ਅਥ ਖੋ ਦੇਵਦਤ੍ਤੋ ਸਪਰਿਸੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਦੇਵਦਤ੍ਤੋ ਭਗਵਨ੍ਤਂ ਏਤਦਵੋਚ – ‘‘ਭਗਵਾ, ਭਨ੍ਤੇ, ਅਨੇਕਪਰਿਯਾਯੇਨ ਅਪ੍ਪਿਚ੍ਛਸ੍ਸ…ਪੇ… ਵੀਰਿਯਾਰਮ੍ਭਸ੍ਸ ਵਣ੍ਣਵਾਦੀ. ਇਮਾਨਿ, ਭਨ੍ਤੇ, ਪਞ੍ਚ ਵਤ੍ਥੂਨਿ ਅਨੇਕਪਰਿਯਾਯੇਨ ਅਪ੍ਪਿਚ੍ਛਤਾਯ…ਪੇ… ਵੀਰਿਯਾਰਮ੍ਭਾਯ ਸਂਵਤ੍ਤਨ੍ਤਿ. ਸਾਧੁ, ਭਨ੍ਤੇ, ਭਿਕ੍ਖੂ ਯਾਵਜੀਵਂ ਆਰਞ੍ਞਿਕਾ ਅਸ੍ਸੁ; ਯੋ ਗਾਮਨ੍ਤਂ ਓਸਰੇਯ੍ਯ ਵਜ੍ਜਂ ਨਂ ਫੁਸੇਯ੍ਯ…ਪੇ… ਯਾਵਜੀਵਂ ਮਚ੍ਛਮਂਸਂ ਨ ਖਾਦੇਯ੍ਯੁਂ, ਯੋ ਮਚ੍ਛਮਂਸਂ ਖਾਦੇਯ੍ਯ ਵਜ੍ਜਂ ਨਂ ਫੁਸੇਯ੍ਯਾ’’ਤਿ. ‘‘ਅਲਂ, ਦੇਵਦਤ੍ਤ, ਯੋ ਇਚ੍ਛਤਿ ਆਰਞ੍ਞਿਕੋ ਹੋਤੁ, ਯੋ ਇਚ੍ਛਤਿ ਗਾਮਨ੍ਤੇ ਵਿਹਰਤੁ; ਯੋ ਇਚ੍ਛਤਿ ਪਿਣ੍ਡਪਾਤਿਕੋ ਹੋਤੁ, ਯੋ ਇਚ੍ਛਤਿ ਨਿਮਨ੍ਤਨਂ ਸਾਦਿਯਤੁ; ਯੋ ਇਚ੍ਛਤਿ ਪਂਸੁਕੂਲਿਕੋ ਹੋਤੁ, ਯੋ ਇਚ੍ਛਤਿ ਗਹਪਤਿਚੀਵਰਂ ਸਾਦਿਯਤੁ. ਅਟ੍ਠਮਾਸੇ ਖੋ ਮਯਾ, ਦੇਵਦਤ੍ਤ, ਰੁਕ੍ਖਮੂਲਸੇਨਾਸਨਂ ਅਨੁਞ੍ਞਾਤਂ, ਤਿਕੋਟਿਪਰਿਸੁਦ੍ਧਂ ਮਚ੍ਛਮਂਸਂ – ਅਦਿਟ੍ਠਂ ਅਸੁਤਂ ਅਪਰਿਸਙ੍ਕਿਤ’’ਨ੍ਤਿ. ਅਥ ਖੋ ਦੇਵਦਤ੍ਤੋ – ‘‘ਨ ਭਗਵਾ ਇਮਾਨਿ ਪਞ੍ਚ ਵਤ੍ਥੂਨਿ ਅਨੁਜਾਨਾਤੀ’’ਤਿ ਹਟ੍ਠੋ ਉਦਗ੍ਗੋ ਸਪਰਿਸੋ ਉਟ੍ਠਾਯਾਸਨਾ ਭਗਵਨ੍ਤਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ.

੪੧੦. ਅਥ ਖੋ ਦੇਵਦਤ੍ਤੋ ਸਪਰਿਸੋ ਰਾਜਗਹਂ ਪਵਿਸਿਤ੍ਵਾ ਪਞ੍ਚਹਿ ਵਤ੍ਥੂਹਿ ਜਨਂ ਸਞ੍ਞਾਪੇਸਿ – ‘‘ਮਯਂ, ਆਵੁਸੋ, ਸਮਣਂ ਗੋਤਮਂ ਉਪਸਙ੍ਕਮਿਤ੍ਵਾ ਪਞ੍ਚ ਵਤ੍ਥੂਨਿ ਯਾਚਿਮ੍ਹਾ – ‘ਭਗਵਾ, ਭਨ੍ਤੇ, ਅਨੇਕਪਰਿਯਾਯੇਨ ਅਪ੍ਪਿਚ੍ਛਸ੍ਸ ਸਨ੍ਤੁਟ੍ਠਸ੍ਸ ਸਲ੍ਲੇਖਸ੍ਸ ਧੁਤਸ੍ਸ ਪਾਸਾਦਿਕਸ੍ਸ ਅਪਚਯਸ੍ਸ ਵੀਰਿਯਾਰਮ੍ਭਸ੍ਸ ਵਣ੍ਣਵਾਦੀ. ਇਮਾਨਿ, ਭਨ੍ਤੇ, ਪਞ੍ਚ ਵਤ੍ਥੂਨਿ ਅਨੇਕਪਰਿਯਾਯੇਨ ਅਪ੍ਪਿਚ੍ਛਤਾਯ ਸਨ੍ਤੁਟ੍ਠਿਯਾ ਸਲ੍ਲੇਖਾਯ ਧੁਤਤਾਯ ਪਾਸਾਦਿਕਤਾਯ ਅਪਚਯਾਯ ਵੀਰਿਯਾਰਮ੍ਭਾਯ ਸਂਵਤ੍ਤਨ੍ਤਿ. ਸਾਧੁ, ਭਨ੍ਤੇ, ਭਿਕ੍ਖੂ ਯਾਵਜੀਵਂ ਆਰਞ੍ਞਿਕਾ ਅਸ੍ਸੁ; ਯੋ ਗਾਮਨ੍ਤਂ ਓਸਰੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਪਿਣ੍ਡਪਾਤਿਕਾ ਅਸ੍ਸੁ; ਯੋ ਨਿਮਨ੍ਤਨਂ ਸਾਦਿਯੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਪਂਸੁਕੂਲਿਕਾ ਅਸ੍ਸੁ; ਯੋ ਗਹਪਤਿਚੀਵਰਂ ਸਾਦਿਯੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਰੁਕ੍ਖਮੂਲਿਕਾ ਅਸ੍ਸੁ; ਯੋ ਛਨ੍ਨਂ ਉਪਗਚ੍ਛੇਯ੍ਯ, ਵਜ੍ਜਂ ਨਂ ਫੁਸੇਯ੍ਯ. ਯਾਵਜੀਵਂ ਮਚ੍ਛਮਂਸਂ ਨ ਖਾਦੇਯ੍ਯੁਂ; ਯੋ ਮਚ੍ਛਮਂਸਂ ਖਾਦੇਯ੍ਯ, ਵਜ੍ਜਂ ਨਂ ਫੁਸੇਯ੍ਯਾ’ਤਿ. ਇਮਾਨਿ ਸਮਣੋ ਗੋਤਮੋ ਨਾਨੁਜਾਨਾਤਿ. ਤੇ ਮਯਂ ਇਮੇਹਿ ਪਞ੍ਚਹਿ ਵਤ੍ਥੂਹਿ ਸਮਾਦਾਯ ਵਤ੍ਤਾਮਾ’’ਤਿ. ਤਤ੍ਥ ਯੇ ਤੇ ਮਨੁਸ੍ਸਾ ਅਸ੍ਸਦ੍ਧਾ ਅਪ੍ਪਸਨ੍ਨਾ ਦੁਬ੍ਬੁਦ੍ਧਿਨੋ ਤੇ ਏਵਮਾਹਂਸੁ – ‘‘ਇਮੇ ਖੋ ਸਮਣਾ ਸਕ੍ਯਪੁਤ੍ਤਿਯਾ ਧੁਤਾ ਸਲ੍ਲੇਖਵੁਤ੍ਤਿਨੋ, ਸਮਣੋ ਪਨ ਗੋਤਮੋ ਬਾਹੁਲ੍ਲਿਕੋ ਬਾਹੁਲ੍ਲਾਯ ਚੇਤੇਤੀ’’ਤਿ. ਯੇ ਪਨ ਤੇ ਮਨੁਸ੍ਸਾ ਸਦ੍ਧਾ ਪਸਨ੍ਨਾ ਪਣ੍ਡਿਤਾ ਬ੍ਯਤ੍ਤਾ ਬੁਦ੍ਧਿਮਨ੍ਤੋ ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਦੇਵਦਤ੍ਤੋ ਭਗਵਤੋ ਸਙ੍ਘਭੇਦਾਯ ਪਰਕ੍ਕਮਿਸ੍ਸਤਿ ਚਕ੍ਕਭੇਦਾਯਾ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਦੇਵਦਤ੍ਤੋ ਸਙ੍ਘਭੇਦਾਯ ਪਰਕ੍ਕਮਿਸ੍ਸਤਿ ਚਕ੍ਕਭੇਦਾਯਾ’’ਤਿ! ਅਥ ਖੋ ਤੇ ਭਿਕ੍ਖੂ ਦੇਵਦਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਦੇਵਦਤ੍ਤ, ਸਙ੍ਘਭੇਦਾਯ ਪਰਕ੍ਕਮਸਿ ਚਕ੍ਕਭੇਦਾਯਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਸਙ੍ਘਭੇਦਾਯ ਪਰਕ੍ਕਮਿਸ੍ਸਸਿ ਚਕ੍ਕਭੇਦਾਯ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੧੧. ‘‘ਯੋ ਪਨ ਭਿਕ੍ਖੁ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮੇਯ੍ਯ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਤਿਟ੍ਠੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ – ‘ਮਾਯਸ੍ਮਾ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਅਟ੍ਠਾਸਿ. ਸਮੇਤਾਯਸ੍ਮਾ ਸਙ੍ਘੇਨ. ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’ਤਿ. ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ , ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ’’ਤਿ.

੪੧੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਸਮਗ੍ਗੋ ਨਾਮ ਸਙ੍ਘੋ ਸਮਾਨਸਂਵਾਸਕੋ ਸਮਾਨਸੀਮਾਯਂ ਠਿਤੋ.

ਭੇਦਾਯ ਪਰਕ੍ਕਮੇਯ੍ਯਾਤਿ – ‘‘ਕਥਂ ਇਮੇ ਨਾਨਾ ਅਸ੍ਸੁ, ਵਿਨਾ ਅਸ੍ਸੁ, ਵਗ੍ਗਾ ਅਸ੍ਸੂ’’ਤਿ ਪਕ੍ਖਂ ਪਰਿਯੇਸਤਿ, ਗਣਂ ਬਨ੍ਧਤਿ.

ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਨ੍ਤਿ ਅਟ੍ਠਾਰਸਭੇਦਕਰਵਤ੍ਥੂਨਿ.

ਸਮਾਦਾਯਾਤਿ ਆਦਾਯ.

ਪਗ੍ਗਯ੍ਹਾਤਿ ਦੀਪੇਯ੍ਯ.

ਤਿਟ੍ਠੇਯ੍ਯਾਤਿ ਨ ਪਟਿਨਿਸ੍ਸਜ੍ਜੇਯ੍ਯ.

ਸੋ ਭਿਕ੍ਖੂਤਿ ਯੋ ਸੋ ਸਙ੍ਘਭੇਦਕੋ ਭਿਕ੍ਖੁ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ.

ਯੇ ਪਸ੍ਸਨ੍ਤਿ, ਯੇ ਸੁਣਨ੍ਤਿ, ਤੇਹਿ ਵਤ੍ਤਬ੍ਬੋ – ‘‘ਮਾਯਸ੍ਮਾ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਅਟ੍ਠਾਸਿ. ਸਮੇਤਾਯਸ੍ਮਾ ਸਙ੍ਘੇਨ. ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੁਤ੍ਵਾ ਨ ਵਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍ਵਾ ਵਤ੍ਤਬ੍ਬੋ – ‘‘ਮਾਯਸ੍ਮਾ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਅਟ੍ਠਾਸਿ. ਸਮੇਤਾਯਸ੍ਮਾ ਸਙ੍ਘੇਨ. ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਮਨੁਭਾਸਿਤਬ੍ਬੋ – ‘‘ਏਵਞ੍ਚ ਪਨ, ਭਿਕ੍ਖਵੇ, ਸਮਨੁਭਾਸਿਤਬ੍ਬੋ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੧੩. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸੇਯ੍ਯ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮਨੁਭਟ੍ਠੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੪੧੪. ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ, ਕਮ੍ਮਵਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਸ੍ਸ ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੪੧੫. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਵੇਮਤਿਕੋ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

੪੧੬. ਅਨਾਪਤ੍ਤਿ ਅਸਮਨੁਭਾਸਨ੍ਤਸ੍ਸ, ਪਟਿਨਿਸ੍ਸਜ੍ਜਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਖਿਤ੍ਤਚਿਤ੍ਤਸ੍ਸ, ਵੇਦਨਾਟ੍ਟਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਸਙ੍ਘਭੇਦਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ.

੧੧. ਭੇਦਾਨੁਵਤ੍ਤਕਸਿਕ੍ਖਾਪਦਂ

੪੧੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਦੇਵਦਤ੍ਤੋ ਸਙ੍ਘਭੇਦਾਯ ਪਰਕ੍ਕਮਤਿ ਚਕ੍ਕਭੇਦਾਯ. ਭਿਕ੍ਖੂ ਏਵਮਾਹਂਸੁ – ‘‘ਅਧਮ੍ਮਵਾਦੀ ਦੇਵਦਤ੍ਤੋ, ਅਵਿਨਯਵਾਦੀ ਦੇਵਦਤ੍ਤੋ. ਕਥਞ੍ਹਿ ਨਾਮ ਦੇਵਦਤ੍ਤੋ ਸਙ੍ਘਭੇਦਾਯ ਪਰਕ੍ਕਮਿਸ੍ਸਤਿ ਚਕ੍ਕਭੇਦਾਯਾ’’ਤਿ! ਏਵਂ ਵੁਤ੍ਤੇ ਕੋਕਾਲਿਕੋ ਕਟਮੋਦਕਤਿਸ੍ਸਕੋ ਖਣ੍ਡਦੇਵਿਯਾ ਪੁਤ੍ਤੋ ਸਮੁਦ੍ਦਦਤ੍ਤੋ ਤੇ ਭਿਕ੍ਖੂ ਏਤਦਵੋਚੁਂ – ‘‘ਮਾਯਸ੍ਮਨ੍ਤੋ ਏਵਂ ਅਵਚੁਤ੍ਥ. ਧਮ੍ਮਵਾਦੀ ਦੇਵਦਤ੍ਤੋ, ਵਿਨਯਵਾਦੀ ਦੇਵਦਤ੍ਤੋ. ਅਮ੍ਹਾਕਞ੍ਚ ਦੇਵਦਤ੍ਤੋ ਛਨ੍ਦਞ੍ਚ ਰੁਚਿਞ੍ਚ ਆਦਾਯ ਵੋਹਰਤਿ ਜਾਨਾਤਿ ਨੋ ਭਾਸਤਿ ਅਮ੍ਹਾਕਂਪੇਤਂ ਖਮਤੀ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਦੇਵਦਤ੍ਤਸ੍ਸ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਭਵਿਸ੍ਸਨ੍ਤਿ ਵਗ੍ਗਵਾਦਕਾ’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੁਵਤ੍ਤਕੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਦੇਵਦਤ੍ਤਸ੍ਸ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਹੋਨ੍ਤਿ ਵਗ੍ਗਵਾਦਕਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਦੇਵਦਤ੍ਤਸ੍ਸ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਭਵਿਸ੍ਸਨ੍ਤਿ ਵਗ੍ਗਵਾਦਕਾ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੧੮. ‘‘ਤਸ੍ਸੇਵ ਖੋ ਪਨ ਭਿਕ੍ਖੁਸ੍ਸ ਭਿਕ੍ਖੂ ਹੋਨ੍ਤਿ ਅਨੁਵਤ੍ਤਕਾ ਵਗ੍ਗਵਾਦਕਾ ਏਕੋ ਵਾ ਦ੍ਵੇ ਵਾ ਤਯੋ ਵਾ. ਤੇ ਏਵਂ ਵਦੇਯ੍ਯੁਂ – ‘ਮਾਯਸ੍ਮਨ੍ਤੋ ਏਤਂ ਭਿਕ੍ਖੁਂ ਕਿਞ੍ਚਿ ਅਵਚੁਤ੍ਥ. ਧਮ੍ਮਵਾਦੀ ਚੇਸੋ ਭਿਕ੍ਖੁ, ਵਿਨਯਵਾਦੀ ਚੇਸੋ ਭਿਕ੍ਖੁ. ਅਮ੍ਹਾਕਞ੍ਚੇਸੋ ਭਿਕ੍ਖੁ ਛਨ੍ਦਞ੍ਚ ਰੁਚਿਞ੍ਚ ਆਦਾਯ ਵੋਹਰਤਿ ਜਾਨਾਤਿ ਨੋ ਭਾਸਤਿ ਅਮ੍ਹਾਕਮ੍ਪੇਤਂ ਖਮਤੀ’ਤਿ, ਤੇ ਭਿਕ੍ਖੂ ਭਿਕ੍ਖੂਹਿ ਏਵਮਸ੍ਸੁ ਵਚਨੀਯਾ – ‘ਮਾਯਸ੍ਮਨ੍ਤੋ ਏਵਂ ਅਵਚੁਤ੍ਥ, ਨ ਚੇਸੋ ਭਿਕ੍ਖੁ ਧਮ੍ਮਵਾਦੀ, ਨ ਚੇਸੋ ਭਿਕ੍ਖੁ ਵਿਨਯਵਾਦੀ, ਮਾਯਸ੍ਮਨ੍ਤਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ, ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨ, ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’ਤਿ. ਏਵਞ੍ਚ ਤੇ ਭਿਕ੍ਖੂ ਭਿਕ੍ਖੂਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯੁਂ, ਤੇ ਭਿਕ੍ਖੂ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯੁਂ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯੁਂ, ਸਙ੍ਘਾਦਿਸੇਸੋ’’ਤਿ.

੪੧੯. ਤਸ੍ਸੇਵ ਖੋ ਪਨਾਤਿ ਤਸ੍ਸ ਸਙ੍ਘਭੇਦਕਸ੍ਸ ਭਿਕ੍ਖੁਨੋ.

ਭਿਕ੍ਖੂ ਹੋਨ੍ਤੀਤਿ ਅਞ੍ਞੇ ਭਿਕ੍ਖੂ ਹੋਨ੍ਤਿ.

ਅਨੁਵਤ੍ਤਕਾਤਿ ਯਂਦਿਟ੍ਠਿਕੋ ਸੋ ਹੋਤਿ ਯਂਖਨ੍ਤਿਕੋ ਯਂਰੁਚਿਕੋ ਤੇਪਿ ਤਂਦਿਟ੍ਠਿਕਾ ਹੋਨ੍ਤਿ ਤਂਖਨ੍ਤਿਕਾ ਤਂਰੁਚਿਕਾ.

ਵਗ੍ਗਵਾਦਕਾਤਿ ਤਸ੍ਸ ਵਣ੍ਣਾਯ ਪਕ੍ਖਾਯ ਠਿਤਾ ਹੋਨ੍ਤਿ.

ਏਕੋ ਵਾ ਦ੍ਵੇ ਵਾ ਤਯੋ ਵਾਤਿ ਏਕੋ ਵਾ ਹੋਤਿ ਦ੍ਵੇ ਵਾ ਤਯੋ ਵਾ. ਤੇ ਏਵਂ ਵਦੇਯ੍ਯੁਂ – ‘‘ਮਾਯਸ੍ਮਨ੍ਤੋ ਏਤਂ ਭਿਕ੍ਖੁਂ ਕਿਞ੍ਚਿ ਅਵਚੁਤ੍ਥ, ਧਮ੍ਮਵਾਦੀ ਚੇਸੋ ਭਿਕ੍ਖੁ, ਵਿਨਯਵਾਦੀ ਚੇਸੋ ਭਿਕ੍ਖੁ, ਅਮ੍ਹਾਕਞ੍ਚੇਸੋ ਭਿਕ੍ਖੁ ਛਨ੍ਦਞ੍ਚ ਰੁਚਿਞ੍ਚ ਆਦਾਯ ਵੋਹਰਤਿ ਜਾਨਾਤਿ ਨੋ ਭਾਸਤਿ ਅਮ੍ਹਾਕਂਪੇਤਂ ਖਮਤੀ’ਤਿ.

ਤੇ ਭਿਕ੍ਖੂਤਿ ਯੇ ਤੇ ਅਨੁਵਤ੍ਤਕਾ ਭਿਕ੍ਖੂ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ.

ਯੇ ਪਸ੍ਸਨ੍ਤਿ ਯੇ ਸੁਣਨ੍ਤਿ ਤੇਹਿ ਵਤ੍ਤਬ੍ਬਾ – ‘‘ਮਾਯਸ੍ਮਨ੍ਤੋ ਏਵਂ ਅਵਚੁਤ੍ਥ. ਨ ਚੇਸੋ ਭਿਕ੍ਖੁ ਧਮ੍ਮਵਾਦੀ, ਨ ਚੇਸੋ ਭਿਕ੍ਖੁ ਵਿਨਯਵਾਦੀ. ਮਾਯਸ੍ਮਨ੍ਤਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ. ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨ. ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬਾ. ਤਤਿਯਮ੍ਪਿ ਵਤ੍ਤਬ੍ਬਾ. ਸਚੇ ਪਟਿਨਿਸ੍ਸਜ੍ਜਨ੍ਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੁਤ੍ਵਾ ਨ ਵਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇ ਭਿਕ੍ਖੂ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍ਵਾ ਵਤ੍ਤਬ੍ਬਾ – ‘‘ਮਾਯਸ੍ਮਨ੍ਤੋ ਏਵਂ ਅਵਚੁਤ੍ਥ. ਨ ਚੇਸੋ ਭਿਕ੍ਖੁ ਧਮ੍ਮਵਾਦੀ, ਨ ਚੇਸੋ ਭਿਕ੍ਖੁ ਵਿਨਯਵਾਦੀ. ਮਾਯਸ੍ਮਨ੍ਤਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ. ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨ. ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬਾ. ਤਤਿਯਮ੍ਪਿ ਵਤ੍ਤਬ੍ਬਾ. ਸਚੇ ਪਟਿਨਿਸ੍ਸਜ੍ਜਨ੍ਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਤੇ ਭਿਕ੍ਖੂ ਸਮਨੁਭਾਸਿਤਬ੍ਬਾ. ਏਵਞ੍ਚ ਪਨ, ਭਿਕ੍ਖਵੇ, ਸਮਨੁਭਾਸਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੨੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਤ੍ਥਨ੍ਨਾਮੋ ਚ ਇਤ੍ਥਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਵਗ੍ਗਵਾਦਕਾ. ਤੇ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਨ੍ਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮਨੁਭਾਸੇਯ੍ਯ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਵਗ੍ਗਵਾਦਕਾ. ਤੇ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਨ੍ਤਿ. ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਚ ਇਤ੍ਥਨ੍ਨਾਮਸ੍ਸ ਚ ਭਿਕ੍ਖੂਨਂ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਕਾ ਵਗ੍ਗਵਾਦਕਾ. ਤੇ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਨ੍ਤਿ. ਸਙ੍ਘੋ ਇਤ੍ਥਨ੍ਨਾਮਞ੍ਚ ਇਤ੍ਥਨ੍ਨਾਮਞ੍ਚ ਭਿਕ੍ਖੂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਚ ਇਤ੍ਥਨ੍ਨਾਮਸ੍ਸ ਚ ਭਿਕ੍ਖੂਨਂ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮਨੁਭਟ੍ਠਾ ਸਙ੍ਘੇਨ ਇਤ੍ਥਨ੍ਨਾਮੋ ਚ ਇਤ੍ਥਨ੍ਨਾਮੋ ਚ ਭਿਕ੍ਖੂ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੪੨੧. ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ, ਕਮ੍ਮਵਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਾਨਂ ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ. ਦ੍ਵੇ ਤਯੋ ਏਕਤੋ ਸਮਨੁਭਾਸਿਤਬ੍ਬਾ, ਤਦੁਤ੍ਤਰਿ ਨ ਸਮਨੁਭਾਸਿਤਬ੍ਬਾ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ‘‘ਸਙ੍ਘਾਦਿਸੇਸੋ’’ਤਿ.

੪੨੨. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਵੇਮਤਿਕਾ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਨ੍ਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਵੇਮਤਿਕਾ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

੪੨੩. ਅਨਾਪਤ੍ਤਿ ਅਸਮਨੁਭਾਸਨ੍ਤਾਨਂ, ਪਟਿਨਿਸ੍ਸਜ੍ਜਨ੍ਤਾਨਂ, ਉਮ੍ਮਤ੍ਤਕਾਨਂ, ਖਿਤ੍ਤਚਿਤ੍ਤਾਨਂ, ਵੇਦਨਾਟ੍ਟਾਨਂ, ਆਦਿਕਮ੍ਮਿਕਾਨਨ੍ਤਿ.

ਭੇਦਾਨੁਵਤ੍ਤਕਸਿਕ੍ਖਾਪਦਂ ਨਿਟ੍ਠਿਤਂ ਏਕਾਦਸਮਂ.

੧੨. ਦੁਬ੍ਬਚਸਿਕ੍ਖਾਪਦਂ

੪੨੪. ਤੇਨ ਸਮਯੇਨ ਬੁਦ੍ਧੋ ਭਗਵਾ ਕੋਸਮ੍ਬਿਯਂ ਵਿਹਰਤਿ ਘੋਸਿਤਾਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਛਨ੍ਨੋ ਅਨਾਚਰਂ ਆਚਰਤਿ. ਭਿਕ੍ਖੂ ਏਵਮਾਹਂਸੁ – ‘‘ਮਾਵੁਸੋ, ਛਨ੍ਨ, ਏਵਰੂਪਂ ਅਕਾਸਿ. ਨੇਤਂ ਕਪ੍ਪਤੀ’’ਤਿ. ਸੋ ਏਵਂ ਵਦੇਤਿ – ‘‘ਕਿਂ ਨੁ ਖੋ ਨਾਮ ਤੁਮ੍ਹੇ, ਆਵੁਸੋ, ਮਂ ਵਤ੍ਤਬ੍ਬਂ ਮਞ੍ਞਥ? ਅਹਂ ਖੋ ਨਾਮ ਤੁਮ੍ਹੇ ਵਦੇਯ੍ਯਂ. ਅਮ੍ਹਾਕਂ ਬੁਦ੍ਧੋ ਅਮ੍ਹਾਕਂ ਧਮ੍ਮੋ ਅਮ੍ਹਾਕਂ ਅਯ੍ਯਪੁਤ੍ਤੇਨ ਧਮ੍ਮੋ ਅਭਿਸਮਿਤੋ. ਸੇਯ੍ਯਥਾਪਿ ਨਾਮ ਮਹਾਵਾਤੋ ਵਾਯਨ੍ਤੋ ਤਿਣਕਟ੍ਠਪਣ੍ਣਸਟਂ [ਤਿਣਕਟ੍ਠਪਣ੍ਣਕਸਟਂ (ਕ.)] ਏਕਤੋ ਉਸ੍ਸਾਰੇਯ੍ਯ, ਸੇਯ੍ਯਥਾ ਵਾ ਪਨ ਨਦੀ ਪਬ੍ਬਤੇਯ੍ਯਾ ਸਙ੍ਖਸੇਵਾਲਪਣਕਂ ਏਕਤੋ ਉਸ੍ਸਾਰੇਯ੍ਯ, ਏਵਮੇਵ ਤੁਮ੍ਹੇ ਨਾਨਾਨਾਮਾ ਨਾਨਾਗੋਤ੍ਤਾ ਨਾਨਾਜਚ੍ਚਾ ਨਾਨਾਕੁਲਾ ਪਬ੍ਬਜਿਤਾ ਏਕਤੋ ਉਸ੍ਸਰਿਤਾ. ਕਿਂ ਨੁ ਖੋ ਨਾਮ ਤੁਮ੍ਹੇ, ਆਵੁਸੋ, ਮਂ ਵਤ੍ਤਬ੍ਬਂ ਮਞ੍ਞਥ? ਅਹਂ ਖੋ ਨਾਮ ਤੁਮ੍ਹੇ ਵਦੇਯ੍ਯਂ! ਅਮ੍ਹਾਕਂ ਬੁਦ੍ਧੋ ਅਮ੍ਹਾਕਂ ਧਮ੍ਮੋ ਅਮ੍ਹਾਕਂ ਅਯ੍ਯਪੁਤ੍ਤੇਨ ਧਮ੍ਮੋ ਅਭਿਸਮਿਤੋ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਛਨ੍ਨੋ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਛਨ੍ਨਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਛਨ੍ਨ, ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਸੀ’’ਤਿ? ‘‘ਸਚ੍ਚਂ ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੨੫. ‘‘ਭਿਕ੍ਖੁ ਪਨੇਵ ਦੁਬ੍ਬਚਜਾਤਿਕੋ ਹੋਤਿ ਉਦ੍ਦੇਸਪਰਿਯਾਪਨ੍ਨੇਸੁ ਸਿਕ੍ਖਾਪਦੇਸੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ – ‘ਮਾ ਮਂ ਆਯਸ੍ਮਨ੍ਤੋ ਕਿਞ੍ਚਿ ਅਵਚੁਤ੍ਥ ਕਲ੍ਯਾਣਂ ਵਾ ਪਾਪਕਂ ਵਾ, ਅਹਂਪਾਯਸ੍ਮਨ੍ਤੇ ਨ ਕਿਞ੍ਚਿ ਵਕ੍ਖਾਮਿ ਕਲ੍ਯਾਣਂ ਵਾ ਪਾਪਕਂ ਵਾ, ਵਿਰਮਥਾਯਸ੍ਮਨ੍ਤੋ ਮਮ ਵਚਨਾਯਾ’ਤਿ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ – ‘ਮਾਯਸ੍ਮਾ ਅਤ੍ਤਾਨਂ ਅਵਚਨੀਯਂ ਅਕਾਸਿ, ਵਚਨੀਯਮੇਵਾਯਸ੍ਮਾ ਅਤ੍ਤਾਨਂ ਕਰੋਤੁ, ਆਯਸ੍ਮਾਪਿ ਭਿਕ੍ਖੂ ਵਦੇਤੁ ਸਹਧਮ੍ਮੇਨ, ਭਿਕ੍ਖੂਪਿ ਆਯਸ੍ਮਨ੍ਤਂ ਵਕ੍ਖਨ੍ਤਿ ਸਹਧਮ੍ਮੇਨ. ਏਵਂ ਸਂਵਦ੍ਧਾ ਹਿ ਤਸ੍ਸ ਭਗਵਤੋ ਪਰਿਸਾ ਯਦਿਦਂ ਅਞ੍ਞਮਞ੍ਞਵਚਨੇਨ ਅਞ੍ਞਮਞ੍ਞਵੁਟ੍ਠਾਪਨੇਨਾਤਿ. ਏਵਞ੍ਚ ਸੋ ਭਿਕ੍ਖੁਂ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸੀਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ’’ਤਿ.

੪੨੬. ਭਿਕ੍ਖੂ ਪਨੇਵ ਦੁਬ੍ਬਚਜਾਤਿਕੋ ਹੋਤੀਤਿ ਦੁਬ੍ਬਚੋ ਹੋਤਿ ਦੋਵਚਸ੍ਸਕਰਣੇਹਿ ਧਮ੍ਮੇਹਿ ਸਮਨ੍ਨਾਗਤੋ ਅਕ੍ਖਮੋ ਅਪ੍ਪਦਕ੍ਖਿਣਗ੍ਗਾਹੀ ਅਨੁਸਾਸਨਿਂ.

ਉਦ੍ਦੇਸਪਰਿਯਾਪਨ੍ਨੇਸੁ ਸਿਕ੍ਖਾਪਦੇਸੂਤਿ ਪਾਤਿਮੋਕ੍ਖਪਰਿਯਾਪਨ੍ਨੇਸੁ ਸਿਕ੍ਖਾਪਦੇਸੁ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ.

ਸਹਧਮ੍ਮਿਕਂ ਨਾਮ ਯਂ ਭਗਵਤਾ ਪਞ੍ਞਤ੍ਤਂ ਸਿਕ੍ਖਾਪਦਂ, ਏਤਂ ਸਹਧਮ੍ਮਿਕਂ ਨਾਮ.

ਤੇਨ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ – ‘‘ਮਾ ਮਂ ਆਯਸ੍ਮਨ੍ਤੋ ਕਿਞ੍ਚਿ ਅਵਚੁਤ੍ਥ ਕਲ੍ਯਾਣਂ ਵਾ ਪਾਪਕਂ ਵਾ, ਅਹਂਪਾਯਸ੍ਮਨ੍ਤੇ ਨ ਕਿਞ੍ਚਿ ਵਕ੍ਖਾਮਿ ਕਲ੍ਯਾਣਂ ਵਾ ਪਾਪਕਂ ਵਾ. ਵਿਰਮਥਾਯਸ੍ਮਨ੍ਤੋ ਮਮ ਵਚਨਾਯਾ’’ਤਿ.

ਸੋ ਭਿਕ੍ਖੂਤਿ ਯੋ ਸੋ ਦੁਬ੍ਬਚਜਾਤਿਕੋ ਭਿਕ੍ਖੁ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ. ਯੇ ਪਸ੍ਸਨ੍ਤਿ ਯੇ ਸੁਣਨ੍ਤਿ ਤੇਹਿ ਵਤ੍ਤਬ੍ਬੋ – ‘‘ਮਾਯਸ੍ਮਾ ਅਤ੍ਤਾਨਂ ਅਵਚਨੀਯਂ ਅਕਾਸਿ. ਵਚਨੀਯਮੇਵ ਆਯਸ੍ਮਾ ਅਤ੍ਤਾਨਂ ਕਰੋਤੁ. ਆਯਸ੍ਮਾਪਿ ਭਿਕ੍ਖੂ ਵਦੇਤੁ ਸਹਧਮ੍ਮੇਨ, ਭਿਕ੍ਖੂਪਿ ਆਯਸ੍ਮਨ੍ਤਂ ਵਕ੍ਖਨ੍ਤਿ ਸਹਧਮ੍ਮੇਨ. ਏਵਂ ਸਂਵਦ੍ਧਾ ਹਿ ਤਸ੍ਸ ਭਗਵਤੋ ਪਰਿਸਾ ਯਦਿਦਂ ਅਞ੍ਞਮਞ੍ਞਵਚਨੇਨ ਅਞ੍ਞਮਞ੍ਞਵੁਟ੍ਠਾਪਨੇਨਾ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੁਤ੍ਵਾ ਨ ਵਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍ਵਾ ਵਤ੍ਤਬ੍ਬੋ – ‘‘ਮਾਯਸ੍ਮਾ ਅਤ੍ਤਾਨਂ ਅਵਚਨੀਯਂ ਅਕਾਸਿ…ਪੇ… ਅਞ੍ਞਮਞ੍ਞਵੁਟ੍ਠਾਪਨੇਨਾ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਮਨੁਭਾਸਿਤਬ੍ਬੋ. ਏਵਞ੍ਚ ਪਨ, ਭਿਕ੍ਖਵੇ, ਸਮਨੁਭਾਸਿਤਬ੍ਬੋ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੨੭. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸੇਯ੍ਯ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ – ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮਨੁਭਟ੍ਠੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੪੨੮. ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ, ਕਮ੍ਮਵਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਸ੍ਸ ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ.

ਸਙ੍ਘਾਦਿਸੇਸੋਤਿ…ਪੇ… ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੪੨੯. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਵੇਮਤਿਕੋ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

੪੩੦. ਅਨਾਪਤ੍ਤਿ ਅਸਮਨੁਭਾਸਨ੍ਤਸ੍ਸ, ਪਟਿਨਿਸ੍ਸਜ੍ਜਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਦੁਬ੍ਬਚਸਿਕ੍ਖਾਪਦਂ ਨਿਟ੍ਠਿਤਂ ਦ੍ਵਾਦਸਮਂ.

੧੩. ਕੁਲਦੂਸਕਸਿਕ੍ਖਾਪਦਂ

੪੩੧. [ਇਦਂ ਵਤ੍ਥੁ ਚੂਲ਼ਵ. ੨੧] ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਸ੍ਸਜਿਪੁਨਬ੍ਬਸੁਕਾ ਨਾਮ [ਨਾਮ ਭਿਕ੍ਖੂ (ਕ.)] ਕੀਟਾਗਿਰਿਸ੍ਮਿਂ ਆਵਾਸਿਕਾ ਹੋਨ੍ਤਿ ਅਲਜ੍ਜਿਨੋ ਪਾਪਭਿਕ੍ਖੂ. ਤੇ [ਚੂਲ਼ਵ. ੨੯੩] ਏਵਰੂਪਂ ਅਨਾਚਾਰਂ ਆਚਰਨ੍ਤਿ – ਮਾਲਾਵਚ੍ਛਂ ਰੋਪੇਨ੍ਤਿਪਿ ਰੋਪਾਪੇਨ੍ਤਿਪਿ, ਸਿਞ੍ਚਨ੍ਤਿਪਿ ਸਿਞ੍ਚਾਪੇਨ੍ਤਿਪਿ, ਓਚਿਨਨ੍ਤਿਪਿ ਓਚਿਨਾਪੇਨ੍ਤਿਪਿ, ਗਨ੍ਥੇਨ੍ਤਿਪਿ ਗਨ੍ਥਾਪੇਨ੍ਤਿਪਿ, ਏਕਤੋਵਣ੍ਟਿਕਮਾਲਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਉਭਤੋਵਣ੍ਟਿਕਮਾਲਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਮਞ੍ਜਰਿਕਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਵਿਧੂਤਿਕਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਵਟਂਸਕਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਆਵੇਲ਼ਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ, ਉਰਚ੍ਛਦਂ ਕਰੋਨ੍ਤਿਪਿ ਕਾਰਾਪੇਨ੍ਤਿਪਿ. ਤੇ ਕੁਲਿਤ੍ਥੀਨਂ ਕੁਲਧੀਤਾਨਂ ਕੁਲਕੁਮਾਰੀਨਂ ਕੁਲਸੁਣ੍ਹਾਨਂ ਕੁਲਦਾਸੀਨਂ ਏਕਤੋਵਣ੍ਟਿਕਮਾਲਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਉਭਤੋਵਣ੍ਟਿਕਮਾਲਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਮਞ੍ਜਰਿਕਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਵਿਧੂਤਿਕਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਵਟਂਸਕਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਆਵੇਲ਼ਂ ਹਰਨ੍ਤਿਪਿ ਹਰਾਪੇਨ੍ਤਿਪਿ, ਉਰਚ੍ਛਦਂ ਹਰਨ੍ਤਿਪਿ ਹਰਾਪੇਨ੍ਤਿਪਿ. ਤੇ ਕੁਲਿਤ੍ਥੀਹਿ ਕੁਲਧੀਤਾਹਿ ਕੁਲਕੁਮਾਰੀਹਿ ਕੁਲਸੁਣ੍ਹਾਹਿ ਕੁਲਦਾਸੀਹਿ ਸਦ੍ਧਿਂ ਏਕਭਾਜਨੇਪਿ ਭੁਞ੍ਜਨ੍ਤਿ, ਏਕਥਾਲਕੇਪਿ ਪਿਵਨ੍ਤਿ, ਏਕਾਸਨੇਪਿ ਨਿਸੀਦਨ੍ਤਿ, ਏਕਮਞ੍ਚੇਪਿ ਤੁਵਟ੍ਟੇਨ੍ਤਿ, ਏਕਤ੍ਥਰਣਾਪਿ ਤੁਵਟ੍ਟੇਨ੍ਤਿ, ਏਕਪਾਵੁਰਣਾਪਿ ਤੁਵਟ੍ਟੇਨ੍ਤਿ, ਏਕਤ੍ਥਰਣਪਾਵੁਰਣਾਪਿ ਤੁਵਟ੍ਟੇਨ੍ਤਿ, ਵਿਕਾਲੇਪਿ ਭੁਞ੍ਜਨ੍ਤਿ, ਮਜ੍ਜਮ੍ਪਿ ਪਿਵਨ੍ਤਿ, ਮਾਲਾਗਨ੍ਧਵਿਲੇਪਨਮ੍ਪਿ ਧਾਰੇਨ੍ਤਿ, ਨਚ੍ਚਨ੍ਤਿਪਿ ਗਾਯਨ੍ਤਿਪਿ ਵਾਦੇਨ੍ਤਿਪਿ ਲਾਸੇਨ੍ਤਿਪਿ, ਨਚ੍ਚਨ੍ਤਿਯਾਪਿ ਨਚ੍ਚਨ੍ਤਿ, ਨਚ੍ਚਨ੍ਤਿਯਾਪਿ ਗਾਯਨ੍ਤਿ, ਨਚ੍ਚਨ੍ਤਿਯਾਪਿ ਵਾਦੇਨ੍ਤਿ, ਨਚ੍ਚਨ੍ਤਿਯਾਪਿ ਲਾਸੇਨ੍ਤਿ, ਗਾਯਨ੍ਤਿਯਾਪਿ ਨਚ੍ਚਨ੍ਤਿ, ਗਾਯਨ੍ਤਿਯਾਪਿ ਗਾਯਨ੍ਤਿ, ਗਾਯਨ੍ਤਿਯਾਪਿ ਵਾਦੇਨ੍ਤਿ, ਗਾਯਨ੍ਤਿਯਾਪਿ ਲਾਸੇਨ੍ਤਿ, ਵਾਦੇਨ੍ਤਿਯਾਪਿ ਨਚ੍ਚਨ੍ਤਿ, ਵਾਦੇਨ੍ਤਿਯਾਪਿ ਗਾਯਨ੍ਤਿ, ਵਾਦੇਨ੍ਤਿਯਾਪਿ ਵਾਦੇਨ੍ਤਿ, ਵਾਦੇਨ੍ਤਿਯਾਪਿ ਲਾਸੇਨ੍ਤਿ, ਲਾਸੇਨ੍ਤਿਯਾਪਿ ਨਚ੍ਚਨ੍ਤਿ, ਲਾਸੇਨ੍ਤਿਯਾਪਿ ਗਾਯਨ੍ਤਿ, ਲਾਸੇਨ੍ਤਿਯਾਪਿ ਵਾਦੇਨ੍ਤਿ, ਲਾਸੇਨ੍ਤਿਯਾਪਿ ਲਾਸੇਨ੍ਤਿ. ਅਟ੍ਠਪਦੇਪਿ ਕੀਲ਼ਨ੍ਤਿ, ਦਸਪਦੇਪਿ ਕੀਲ਼ਨ੍ਤਿ, ਆਕਾਸੇਪਿ ਕੀਲ਼ਨ੍ਤਿ, ਪਰਿਹਾਰਪਥੇਪਿ ਕੀਲ਼ਨ੍ਤਿ, ਸਨ੍ਤਿਕਾਯਪਿ ਕੀਲ਼ਨ੍ਤਿ, ਖਲਿਕਾਯਪਿ ਕੀਲ਼ਨ੍ਤਿ, ਘਟਿਕਾਯਪਿ ਕੀਲ਼ਨ੍ਤਿ, ਸਲਾਕਹਤ੍ਥੇਨਪਿ ਕੀਲ਼ਨ੍ਤਿ, ਅਕ੍ਖੇਨਪਿ ਕੀਲ਼ਨ੍ਤਿ, ਪਙ੍ਗਚੀਰੇਨਪਿ ਕੀਲ਼ਨ੍ਤਿ, ਵਙ੍ਕਕੇਨਪਿ ਕੀਲ਼ਨ੍ਤਿ, ਮੋਕ੍ਖਚਿਕਾਯਪਿ ਕੀਲ਼ਨ੍ਤਿ, ਚਿਙ੍ਗੁਲਕੇਨਪਿ ਕੀਲ਼ਨ੍ਤਿ, ਪਤ੍ਤਾਲ਼੍ਹਕੇਨਪਿ ਕੀਲ਼ਨ੍ਤਿ, ਰਥਕੇਨਪਿ ਕੀਲ਼ਨ੍ਤਿ, ਧਨੁਕੇਨਪਿ ਕੀਲ਼ਨ੍ਤਿ, ਅਕ੍ਖਰਿਕਾਯਪਿ ਕੀਲ਼ਨ੍ਤਿ, ਮਨੇਸਿਕਾਯਪਿ ਕੀਲ਼ਨ੍ਤਿ, ਯਥਾਵਜ੍ਜੇਨਪਿ ਕੀਲ਼ਨ੍ਤਿ. ਹਤ੍ਥਿਸ੍ਮਿਮ੍ਪਿ ਸਿਕ੍ਖਨ੍ਤਿ, ਅਸ੍ਸਸ੍ਮਿਮ੍ਪਿ ਸਿਕ੍ਖਨ੍ਤਿ, ਰਥਸ੍ਮਿਮ੍ਪਿ ਸਿਕ੍ਖਨ੍ਤਿ, ਧਨੁਸ੍ਮਿਮ੍ਪਿ ਸਿਕ੍ਖਨ੍ਤਿ, ਥਰੁਸ੍ਮਿਮ੍ਪਿ ਸਿਕ੍ਖਨ੍ਤਿ, ਹਤ੍ਥਿਸ੍ਸਪਿ ਪੁਰਤੋ ਧਾਵਨ੍ਤਿ, ਅਸ੍ਸਸ੍ਸਪਿ ਪੁਰਤੋ ਧਾਵਨ੍ਤਿ, ਰਥਸ੍ਸਪਿ ਪੁਰਤੋ [ਪੁਰਤੋ ਧਾਵਨ੍ਤਿ (ਸ੍ਯਾ.)] ਧਾਵਨ੍ਤਿਪਿ ਆਧਾਵਨ੍ਤਿਪਿ, ਉਸ੍ਸੇਲ਼ੇਨ੍ਤਿਪਿ, ਅਪ੍ਫੋਟੇਨ੍ਤਿਪਿ, ਨਿਬ੍ਬੁਜ੍ਝਨ੍ਤਿਪਿ, ਮੁਟ੍ਠੀਹਿਪਿ ਯੁਜ੍ਝਨ੍ਤਿ, ਰਙ੍ਗਮਜ੍ਝੇਪਿ ਸਙ੍ਘਾਟਿਂ ਪਤ੍ਥਰਿਤ੍ਵਾ ਨਚ੍ਚਕਿਂ [ਨਚ੍ਚਨ੍ਤਿਂ (ਸੀ. ਸ੍ਯਾ.)] ਏਵਂ ਵਦਨ੍ਤਿ – ਇਧ, ਭਗਿਨਿ, ਨਚ੍ਚਸ੍ਸੂਤਿ, ਨਲਾਟਿਕਮ੍ਪਿ ਦੇਨ੍ਤਿ, ਵਿਵਿਧਮ੍ਪਿ ਅਨਾਚਾਰਂ ਆਚਰਨ੍ਤਿ.

੪੩੨. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕਾਸੀਸੁ ਵਸ੍ਸਂਵੁਟ੍ਠੋ ਸਾਵਤ੍ਥਿਂ ਗਚ੍ਛਨ੍ਤੋ ਭਗਵਨ੍ਤਂ ਦਸ੍ਸਨਾਯ, ਯੇਨ ਕੀਟਾਗਿਰਿ ਤਦਵਸਰਿ. ਅਥ ਖੋ ਸੋ ਭਿਕ੍ਖੁ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਕੀਟਾਗਿਰਿਂ ਪਿਣ੍ਡਾਯ ਪਾਵਿਸਿ ਪਾਸਾਦਿਕੇਨ ਅਭਿਕ੍ਕਨ੍ਤੇਨ ਪਟਿਕ੍ਕਨ੍ਤੇਨ ਆਲੋਕਿਤੇਨ ਵਿਲੋਕਿਤੇਨ ਸਮਿਞ੍ਜਿਤੇਨ ਪਸਾਰਿਤੇਨ ਓਕ੍ਖਿਤ੍ਤਚਕ੍ਖੁ ਇਰਿਯਾਪਥਸਮ੍ਪਨ੍ਨੋ. ਮਨੁਸ੍ਸਾ ਤਂ ਭਿਕ੍ਖੁਂ ਪਸ੍ਸਿਤ੍ਵਾ ਏਵਮਾਹਂਸੁ – ‘‘ਕ੍ਵਾਯਂ ਅਬਲਬਲੋ ਵਿਯ ਮਨ੍ਦਮਨ੍ਦੋ ਵਿਯ ਭਾਕੁਟਿਕਭਾਕੁਟਿਕੋ ਵਿਯ? ਕੋ ਇਮਸ੍ਸ ਉਪਗਤਸ੍ਸ ਪਿਣ੍ਡਕਂ ਦਸ੍ਸਤਿ? ਅਮ੍ਹਾਕਂ ਪਨ ਅਯ੍ਯਾ ਅਸ੍ਸਜਿਪੁਨਬ੍ਬਸੁਕਾ ਸਣ੍ਹਾ ਸਖਿਲਾ ਸੁਖਸਮ੍ਭਾਸਾ ਮਿਹਿਤਪੁਬ੍ਬਙ੍ਗਮਾ ਏਹਿਸ੍ਵਾਗਤਵਾਦਿਨੋ ਅਬ੍ਭਾਕੁਟਿਕਾ ਉਤ੍ਤਾਨਮੁਖਾ ਪੁਬ੍ਬਭਾਸਿਨੋ. ਤੇਸਂ ਖੋ ਨਾਮ ਪਿਣ੍ਡੋ ਦਾਤਬ੍ਬੋ’’ਤਿ.

ਅਦ੍ਦਸਾ ਖੋ ਅਞ੍ਞਤਰੋ ਉਪਾਸਕੋ ਤਂ ਭਿਕ੍ਖੁਂ ਕੀਟਾਗਿਰਿਸ੍ਮਿਂ ਪਿਣ੍ਡਾਯ ਚਰਨ੍ਤਂ. ਦਿਸ੍ਵਾਨ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਭਿਕ੍ਖੁਂ ਅਭਿਵਾਦੇਤ੍ਵਾ ਏਤਦਵੋਚ – ‘‘ਅਪਿ, ਭਨ੍ਤੇ, ਪਿਣ੍ਡੋ ਲਬ੍ਭਤੀ’’ਤਿ? ‘‘ਨ ਖੋ, ਆਵੁਸੋ, ਪਿਣ੍ਡੋ ਲਬ੍ਭਤੀ’’ਤਿ. ‘‘ਏਹਿ, ਭਨ੍ਤੇ, ਘਰਂ ਗਮਿਸ੍ਸਾਮਾ’’ਤਿ. ਅਥ ਖੋ ਸੋ ਉਪਾਸਕੋ ਤਂ ਭਿਕ੍ਖੁਂ ਘਰਂ ਨੇਤ੍ਵਾ ਭੋਜੇਤ੍ਵਾ ਏਤਦਵੋਚ – ‘‘ਕਹਂ, ਭਨ੍ਤੇ, ਅਯ੍ਯੋ ਗਮਿਸ੍ਸਤੀ’’ਤਿ? ‘‘ਸਾਵਤ੍ਥਿਂ ਖੋ ਅਹਂ, ਆਵੁਸੋ, ਗਮਿਸ੍ਸਾਮਿ ਭਗਵਨ੍ਤਂ ਦਸ੍ਸਨਾਯਾ’’ਤਿ. ‘‘ਤੇਨ ਹਿ, ਭਨ੍ਤੇ, ਮਮ ਵਚਨੇਨ ਭਗਵਤੋ ਪਾਦੇ ਸਿਰਸਾ ਵਨ੍ਦ, ਏਵਞ੍ਚ ਵਦੇਹਿ – ‘ਦੁਟ੍ਠੋ, ਭਨ੍ਤੇ, ਕੀਟਾਗਿਰਿਸ੍ਮਿਂ ਆਵਾਸੋ. ਅਸ੍ਸਜਿਪੁਨਬ੍ਬਸੁਕਾ ਨਾਮ ਕੀਟਾਗਿਰਿਸ੍ਮਿਂ ਆਵਾਸਿਕਾ ਅਲਜ੍ਜਿਨੋ ਪਾਪਭਿਕ੍ਖੂ. ਤੇ ਏਵਰੂਪਂ ਅਨਾਚਾਰਂ ਆਚਰਨ੍ਤਿ – ਮਾਲਾਵਚ੍ਛਂ ਰੋਪੇਨ੍ਤਿਪਿ ਰੋਪਾਪੇਨ੍ਤਿਪਿ, ਸਿਞ੍ਚਨ੍ਤਿਪਿ ਸਿਞ੍ਚਾਪੇਨ੍ਤਿਪਿ…ਪੇ… ਵਿਵਿਧਮ੍ਪਿ ਅਨਾਚਾਰਂ ਆਚਰਨ੍ਤਿ. ਯੇਪਿ ਤੇ, ਭਨ੍ਤੇ, ਮਨੁਸ੍ਸਾ ਪੁਬ੍ਬੇ ਸਦ੍ਧਾ ਅਹੇਸੁਂ ਪਸਨ੍ਨਾ ਤੇਪਿ ਏਤਰਹਿ ਅਸ੍ਸਦ੍ਧਾ ਅਪ੍ਪਸਨ੍ਨਾ. ਯਾਨਿਪਿ ਤਾਨਿ ਸਙ੍ਘਸ੍ਸ ਪੁਬ੍ਬੇ ਦਾਨਪਥਾਨਿ ਤਾਨਿਪਿ ਏਤਰਹਿ ਉਪਚ੍ਛਿਨ੍ਨਾਨਿ. ਰਿਞ੍ਚਨ੍ਤਿ ਪੇਸਲਾ ਭਿਕ੍ਖੂ, ਨਿਵਸਨ੍ਤਿ ਪਾਪਭਿਕ੍ਖੂ. ਸਾਧੁ, ਭਨ੍ਤੇ, ਭਗਵਾ ਕੀਟਾਗਿਰਿਂ ਭਿਕ੍ਖੂ ਪਹਿਣੇਯ੍ਯ ਯਥਾਯਂ ਕੀਟਾਗਿਰਿਸ੍ਮਿਂ ਆਵਾਸੋ ਸਣ੍ਠਹੇਯ੍ਯਾ’’’ਤਿ.

ਏਵਮਾਵੁਸੋਤਿ ਖੋ ਸੋ ਭਿਕ੍ਖੁ ਤਸ੍ਸ ਉਪਾਸਕਸ੍ਸ ਪਟਿਸ੍ਸੁਤ੍ਵਾ ਯੇਨ ਸਾਵਤ੍ਥਿ ਤੇਨ ਪਕ੍ਕਾਮਿ. ਅਨੁਪੁਬ੍ਬੇਨ ਯੇਨ ਸਾਵਤ੍ਥਿ ਜੇਤਵਨਂ ਅਨਾਥਪਿਣ੍ਡਿਕਸ੍ਸ ਆਰਾਮੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗਵਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ. ਅਥ ਖੋ ਭਗਵਾ ਤਂ ਭਿਕ੍ਖੁਂ ਏਤਦਵੋਚ – ‘‘ਕਚ੍ਚਿ, ਭਿਕ੍ਖੁ, ਖਮਨੀਯਂ ਕਚ੍ਚਿ ਯਾਪਨੀਯਂ, ਕਚ੍ਚਿਸਿ ਅਪ੍ਪਕਿਲਮਥੇਨ ਅਦ੍ਧਾਨਂ ਆਗਤੋ, ਕੁਤੋ ਚ ਤ੍ਵਂ ਭਿਕ੍ਖੁ ਆਗਚ੍ਛਸੀ’’ਤਿ? ‘‘ਖਮਨੀਯਂ, ਭਗਵਾ, ਯਾਪਨੀਯਂ, ਭਗਵਾ. ਅਪ੍ਪਕਿਲਮਥੇਨ ਚਾਹਂ, ਭਨ੍ਤੇ, ਅਦ੍ਧਾਨਂ ਆਗਤੋ. ਇਧਾਹਂ, ਭਨ੍ਤੇ, ਕਾਸੀਸੁ ਵਸ੍ਸਂਵੁਟ੍ਠੋ ਸਾਵਤ੍ਥਿਂ ਆਗਚ੍ਛਨ੍ਤੋ ਭਗਵਨ੍ਤਂ ਦਸ੍ਸਨਾਯ ਯੇਨ ਕੀਟਾਗਿਰਿ ਤਦਵਸਰਿਂ. ਅਥ ਖ੍ਵਾਹਂ, ਭਨ੍ਤੇ, ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਕੀਟਾਗਿਰਿਂ ਪਿਣ੍ਡਾਯ ਪਾਵਿਸਿਂ. ਅਦ੍ਦਸਾ ਖੋ ਮਂ, ਭਨ੍ਤੇ, ਅਞ੍ਞਤਰੋ ਉਪਾਸਕੋ ਕੀਟਾਗਿਰਿਸ੍ਮਿਂ ਪਿਣ੍ਡਾਯ ਚਰਨ੍ਤਂ. ਦਿਸ੍ਵਾਨ ਯੇਨਾਹਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਂ ਅਭਿਵਾਦੇਤ੍ਵਾ ਏਤਦਵੋਚ – ‘ਅਪਿ, ਭਨ੍ਤੇ, ਪਿਣ੍ਡੋ ਲਬ੍ਭਤੀ’ਤਿ? ‘ਨ ਖੋ, ਆਵੁਸੋ, ਪਿਣ੍ਡੋ ਲਬ੍ਭਤੀ’ਤਿ. ‘ਏਹਿ, ਭਨ੍ਤੇ, ਘਰਂ ਗਮਿਸ੍ਸਾਮਾ’ਤਿ. ਅਥ ਖੋ, ਭਨ੍ਤੇ, ਸੋ ਉਪਾਸਕੋ ਮਂ ਘਰਂ ਨੇਤ੍ਵਾ ਭੋਜੇਤ੍ਵਾ ਏਤਦਵੋਚ – ‘ਕਹਂ, ਭਨ੍ਤੇ, ਅਯ੍ਯੋ ਗਮਿਸ੍ਸਸੀ’ਤਿ? ‘ਸਾਵਤ੍ਥਿਂ ਖੋ ਅਹਂ, ਆਵੁਸੋ, ਗਮਿਸ੍ਸਾਮਿ ਭਗਵਨ੍ਤਂ ਦਸ੍ਸਨਾਯਾ’ਤਿ. ਤੇਨ ਹਿ, ਭਨ੍ਤੇ, ਮਮ ਵਚਨੇਨ ਭਗਵਤੋ ਪਾਦੇ ਸਿਰਸਾ ਵਨ੍ਦ, ਏਵਞ੍ਚ ਵਦੇਹਿ – ‘ਦੁਟ੍ਠੋ, ਭਨ੍ਤੇ, ਕੀਟਾਗਿਰਿਸ੍ਮਿਂ ਆਵਾਸੋ, ਅਸ੍ਸਜਿਪੁਨਬ੍ਬਸੁਕਾ ਨਾਮ ਕੀਟਾਗਿਰਿਸ੍ਮਿਂ ਆਵਾਸਿਕਾ ਅਲਜ੍ਜਿਨੋ ਪਾਪਭਿਕ੍ਖੂ. ਤੇ ਏਵਰੂਪਂ ਅਨਾਚਾਰਂ ਆਚਰਨ੍ਤਿ – ਮਾਲਾਵਚ੍ਛਂ ਰੋਪੇਨ੍ਤਿਪਿ ਰੋਪਾਪੇਨ੍ਤਿਪਿ, ਸਿਞ੍ਚਨ੍ਤਿਪਿ ਸਿਞ੍ਚਾਪੇਨ੍ਤਿਪਿ…ਪੇ… ਵਿਵਿਧਮ੍ਪਿ ਅਨਾਚਾਰਂ ਆਚਰਨ੍ਤਿ. ਯੇਪਿ ਤੇ, ਭਨ੍ਤੇ, ਮਨੁਸ੍ਸਾ ਪੁਬ੍ਬੇ ਸਦ੍ਧਾ ਅਹੇਸੁਂ ਪਸਨ੍ਨਾ ਤੇਪਿ ਏਤਰਹਿ ਅਸ੍ਸਦ੍ਧਾ ਅਪ੍ਪਸਨ੍ਨਾ, ਯਾਨਿਪਿ ਤਾਨਿ ਸਙ੍ਘਸ੍ਸ ਪੁਬ੍ਬੇ ਦਾਨਪਥਾਨਿ ਤਾਨਿਪਿ ਏਤਰਹਿ ਉਪਚ੍ਛਿਨ੍ਨਾਨਿ, ਰਿਞ੍ਚਨ੍ਤਿ ਪੇਸਲਾ ਭਿਕ੍ਖੂ ਨਿਵਸਨ੍ਤਿ ਪਾਪਭਿਕ੍ਖੂ. ਸਾਧੁ, ਭਨ੍ਤੇ, ਭਗਵਾ ਕੀਟਾਗਿਰਿਂ ਭਿਕ੍ਖੂ ਪਹਿਣੇਯ੍ਯ ਯਥਾਯਂ ਕੀਟਾਗਿਰਿਸ੍ਮਿਂ ਆਵਾਸੋ ਸਣ੍ਠਹੇਯ੍ਯਾ’ਤਿ. ਤਤੋ ਅਹਂ, ਭਗਵਾ, ਆਗਚ੍ਛਾਮੀ’’ਤਿ.

੪੩੩. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ, ਭਿਕ੍ਖਵੇ, ਅਸ੍ਸਜਿਪੁਨਬ੍ਬਸੁਕਾ ਨਾਮ ਕੀਟਾਗਿਰਿਸ੍ਮਿਂ ਆਵਾਸਿਕਾ ਅਲਜ੍ਜਿਨੋ ਪਾਪਭਿਕ੍ਖੂ ਤੇ ਏਵਰੂਪਂ ਅਨਾਚਾਰਂ ਆਚਰਨ੍ਤਿ – ਮਾਲਾਵਚ੍ਛਂ ਰੋਪੇਨ੍ਤਿਪਿ ਰੋਪਾਪੇਨ੍ਤਿਪਿ, ਸਿਞ੍ਚਨ੍ਤਿਪਿ ਸਿਞ੍ਚਾਪੇਨ੍ਤਿਪਿ …ਪੇ… ਵਿਵਿਧਮ੍ਪਿ ਅਨਾਚਾਰਂ ਆਚਰਨ੍ਤਿ, ਯੇਪਿ ਤੇ, ਭਿਕ੍ਖਵੇ, ਮਨੁਸ੍ਸਾ ਪੁਬ੍ਬੇ ਸਦ੍ਧਾ ਅਹੇਸੁਂ ਪਸਨ੍ਨਾ ਤੇਪਿ ਏਤਰਹਿ ਅਸ੍ਸਦ੍ਧਾ ਅਪ੍ਪਸਨ੍ਨਾ; ਯਾਨਿਪਿ ਤਾਨਿ ਸਙ੍ਘਸ੍ਸ ਪੁਬ੍ਬੇ ਦਾਨਪਥਾਨਿ ਤਾਨਿਪਿ ਏਤਰਹਿ ਉਪਚ੍ਛਿਨ੍ਨਾਨਿ; ਰਿਞ੍ਚਨ੍ਤਿ ਪੇਸਲਾ ਭਿਕ੍ਖੂ ਨਿਵਸਨ੍ਤਿ ਪਾਪਭਿਕ੍ਖੂ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ‘‘ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਏਵਰੂਪਂ ਅਨਾਚਾਰਂ ਆਚਰਿਸ੍ਸਨ੍ਤਿ – ਮਾਲਾਵਚ੍ਛਂ ਰੋਪੇਸ੍ਸਨ੍ਤਿਪਿ ਰੋਪਾਪੇਸ੍ਸਨ੍ਤਿਪਿ, ਸਞ੍ਚਿਸ੍ਸਨ੍ਤਿਪਿ ਸਿਞ੍ਚਾਪੇਸ੍ਸਨ੍ਤਿਪਿ, ਓਚਿਨਿਸ੍ਸਨ੍ਤਿਪਿ ਓਚਿਨਾਪੇਸ੍ਸਨ੍ਤਿਪਿ, ਗਨ੍ਥਿਸ੍ਸਨ੍ਤਿਪਿ ਗਨ੍ਥਾਪੇਸ੍ਸਨ੍ਤਿਪਿ, ਏਕਤੋਵਣ੍ਟਿਕਮਾਲਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਉਭਤੋਵਣ੍ਟਿਕਮਾਲਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਮਞ੍ਜਰਿਕਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਵਿਧੂਤਿਕਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਵਟਂਸਕਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਆਵੇਲ਼ਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ, ਉਰਚ੍ਛਦਂ ਕਰਿਸ੍ਸਨ੍ਤਿਪਿ ਕਾਰਾਪੇਸ੍ਸਨ੍ਤਿਪਿ. ਤੇ ਕੁਲਿਤ੍ਥੀਨਂ ਕੁਲਧੀਤਾਨਂ ਕੁਲਕੁਮਾਰੀਨਂ ਕੁਲਸੁਣ੍ਹਾਨਂ ਕੁਲਦਾਸੀਨਂ ਏਕਤੋਵਣ੍ਟਿਕਮਾਲਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਉਭਤੋਵਣ੍ਟਿਕਮਾਲਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਮਞ੍ਜਰਿਕਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਵਿਧੂਤਿਕਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਵਟਂਸਕਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਆਵੇਲ਼ਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ, ਉਰਚ੍ਛਦਂ ਹਰਿਸ੍ਸਨ੍ਤਿਪਿ ਹਾਰਾਪੇਸ੍ਸਨ੍ਤਿਪਿ. ਤੇ ਕੁਲਿਤ੍ਥੀਹਿ ਕੁਲਧੀਤਾਹਿ ਕੁਲਕੁਮਾਰੀਹਿ ਕੁਲਸੁਣ੍ਹਾਹਿ ਕੁਲਦਾਸੀਹਿ ਸਦ੍ਧਿਂ ਏਕਭਾਜਨੇਪਿ ਭੁਞ੍ਜਿਸ੍ਸਨ੍ਤਿ, ਏਕਥਾਲਕੇਪਿ ਪਿਵਿਸ੍ਸਨ੍ਤਿ, ਏਕਾਸਨੇਪਿ ਨਿਸੀਦਿਸ੍ਸਨ੍ਤਿ, ਏਕਮਞ੍ਚੇਪਿ ਤੁਵਟ੍ਟਿਸ੍ਸਨ੍ਤਿ, ਏਕਤ੍ਥਰਣਾਪਿ ਤੁਵਟ੍ਟਿਸ੍ਸਨ੍ਤਿ, ਏਕਪਾਵੁਰਣਾਪਿ ਤੁਵਟ੍ਟਿਸ੍ਸਨ੍ਤਿ, ਏਕਤ੍ਥਰਣਪਾਵੁਰਣਾਪਿ ਤੁਵਟ੍ਟਿਸ੍ਸਨ੍ਤਿ, ਵਿਕਾਲੇਪਿ ਭੁਞ੍ਜਿਸ੍ਸਨ੍ਤਿ, ਮਜ੍ਜਮ੍ਪਿ ਪਿਵਿਸ੍ਸਨ੍ਤਿ, ਮਾਲਾਗਨ੍ਧਵਿਲੇਪਨਮ੍ਪਿ ਧਾਰਿਸ੍ਸਨ੍ਤਿ, ਨਚ੍ਚਿਸ੍ਸਨ੍ਤਿਪਿ ਗਾਯਿਸ੍ਸਨ੍ਤਿਪਿ ਵਾਦੇਸ੍ਸਨ੍ਤਿਪਿ ਲਾਸੇਸ੍ਸਨ੍ਤਿਪਿ, ਨਚ੍ਚਨ੍ਤਿਯਾਪਿ ਨਚ੍ਚਿਸ੍ਸਨ੍ਤਿ ਨਚ੍ਚਨ੍ਤਿਯਾਪਿ ਗਾਯਿਸ੍ਸਨ੍ਤਿ ਨਚ੍ਚਨ੍ਤਿਯਾਪਿ ਵਾਦੇਸ੍ਸਨ੍ਤਿ ਨਚ੍ਚਨ੍ਤਿਯਾਪਿ ਲਾਸੇਸ੍ਸਨ੍ਤਿ, ਗਾਯਨ੍ਤਿਯਾਪਿ ਨਚ੍ਚਿਸ੍ਸਨ੍ਤਿ ਗਾਯਨ੍ਤਿਯਾਪਿ ਗਾਯਿਸ੍ਸਨ੍ਤਿ ਗਾਯਨ੍ਤਿਯਾਪਿ ਵਾਦੇਸ੍ਸਨ੍ਤਿ ਗਾਯਨ੍ਤਿਯਾਪਿ ਲਾਸੇਸ੍ਸਨ੍ਤਿ, ਵਾਦੇਨ੍ਤਿਯਾਪਿ ਨਚ੍ਚਿਸ੍ਸਨ੍ਤਿ ਵਾਦੇਨ੍ਤਿਯਾਪਿ ਗਾਯਿਸ੍ਸਨ੍ਤਿ ਵਾਦੇਨ੍ਤਿਯਾਪਿ ਵਾਦੇਸ੍ਸਨ੍ਤਿ ਵਾਦੇਨ੍ਤਿਯਾਪਿ ਲਾਸੇਸ੍ਸਨ੍ਤਿ, ਲਾਸੇਨ੍ਤਿਯਾਪਿ ਨਚ੍ਚਿਸ੍ਸਨ੍ਤਿ ਲਾਸੇਨ੍ਤਿਯਾਪਿ ਗਾਯਿਸ੍ਸਨ੍ਤਿ ਲਾਸੇਨ੍ਤਿਯਾਪਿ ਵਾਦੇਸ੍ਸਨ੍ਤਿ ਲਾਸੇਨ੍ਤਿਯਾਪਿ ਲਾਸੇਸ੍ਸਨ੍ਤਿ, ਅਟ੍ਠਪਦੇਪਿ ਕੀਲ਼ਿਸ੍ਸਨ੍ਤਿ ਦਸਪਦੇਪਿ ਕੀਲ਼ਿਸ੍ਸਨ੍ਤਿ, ਅਕਾਸੇਪਿ ਕੀਲ਼ਿਸ੍ਸਨ੍ਤਿ, ਪਰਿਹਾਰਪਥੇਪਿ ਕੀਲ਼ਿਸ੍ਸਨ੍ਤਿ, ਸਨ੍ਤਿਕਾਯਪਿ ਕੀਲ਼ਿਸ੍ਸਨ੍ਤਿ, ਖਲਿਕਾਯਪਿ ਕੀਲ਼ਿਸ੍ਸਨ੍ਤਿ, ਘਟਿਕਾਯਪਿ ਕੀਲ਼ਿਸ੍ਸਨ੍ਤਿ, ਸਲਾਕਹਤ੍ਥੇਨਪਿ ਕੀਲ਼ਿਸ੍ਸਨ੍ਤਿ, ਅਕ੍ਖੇਨਪਿ ਕੀਲ਼ਿਸ੍ਸਨ੍ਤਿ, ਪਙ੍ਗਚੀਰੇਨਪਿ ਕੀਲ਼ਿਸ੍ਸਨ੍ਤਿ, ਵਙ੍ਕਕੇਨਪਿ ਕੀਲ਼ਿਸ੍ਸਨ੍ਤਿ, ਮੋਕ੍ਖਚਿਕਾਯਪਿ ਕੀਲ਼ਿਸ੍ਸਨ੍ਤਿ, ਚਿਙ੍ਗੁਲਕੇਨਪਿ ਕੀਲ਼ਿਸ੍ਸਨ੍ਤਿ, ਪਤ੍ਤਾਲ਼੍ਹਕੇਨਪਿ ਕੀਲ਼ਿਸ੍ਸਨ੍ਤਿ, ਰਥਕੇਨਪਿ ਕੀਲ਼ਿਸ੍ਸਨ੍ਤਿ, ਧਨੁਕੇਨਪਿ ਕੀਲ਼ਿਸ੍ਸਨ੍ਤਿ, ਅਕ੍ਖਰਿਕਾਯਪਿ ਕੀਲ਼ਿਸ੍ਸਨ੍ਤਿ, ਮਨੇਸਿਕਾਯਪਿ ਕੀਲ਼ਿਸ੍ਸਨ੍ਤਿ, ਯਥਾਵਜ੍ਜੇਨਪਿ ਕੀਲ਼ਿਸ੍ਸਨ੍ਤਿ, ਹਤ੍ਥਿਸ੍ਮਿਮ੍ਪਿ ਸਿਕ੍ਖਿਸ੍ਸਨ੍ਤਿ, ਅਸ੍ਸਸ੍ਮਿਮ੍ਪਿ ਸਿਕ੍ਖਿਸ੍ਸਨ੍ਤਿ, ਰਥਸ੍ਮਿਮ੍ਪਿ ਸਿਕ੍ਖਿਸ੍ਸਨ੍ਤਿ, ਧਨੁਸ੍ਮਿਮ੍ਪਿ ਸਿਕ੍ਖਿਸ੍ਸਨ੍ਤਿ, ਥਰੁਸ੍ਮਿਮ੍ਪਿ ਸਿਕ੍ਖਿਸ੍ਸਨ੍ਤਿ, ਹਤ੍ਥਿਸ੍ਸਪਿ ਪੁਰਤੋ ਧਾਵਿਸ੍ਸਨ੍ਤਿ, ਅਸ੍ਸਸ੍ਸਪਿ ਪੁਰਤੋ ਧਾਵਿਸ੍ਸਨ੍ਤਿ, ਰਥਸ੍ਸਪਿ ਪੁਰਤੋ [ਪੁਰਤੋ ਧਾਵਿਸ੍ਸਨ੍ਤਿ (ਸ੍ਯਾ.)] ਧਾਵਿਸ੍ਸਨ੍ਤਿਪਿ ਆਧਾਵਿਸ੍ਸਨ੍ਤਿਪਿ, ਉਸ੍ਸੇਲ਼ੇਸ੍ਸਨ੍ਤਿਪਿ, ਅਪ੍ਫੋਟੇਸ੍ਸਨ੍ਤਿਪਿ, ਨਿਬ੍ਬੁਜ੍ਝਿਸ੍ਸਨ੍ਤਿਪਿ, ਮੁਟ੍ਠੀਹਿਪਿ ਯੁਜ੍ਝਿਸ੍ਸਨ੍ਤਿ, ਰਙ੍ਗਮਜ੍ਝੇਪਿ ਸਙ੍ਘਾਟਿਂ ਪਤ੍ਥਰਿਤ੍ਵਾ ਨਚ੍ਚਕਿਂ ਏਵਂ ਵਕ੍ਖਨ੍ਤਿ ‘‘ਇਧ ਭਗਿਨਿ ਨਚ੍ਚਸ੍ਸੂ’’ਤਿ ਨਲਾਟਿਕਮ੍ਪਿ ਦਸ੍ਸਨ੍ਤਿ, ਵਿਵਿਧਮ੍ਪਿ ਅਨਾਚਾਰਂ ਆਚਰਿਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਵਿਗਰਹਿਤ੍ਵਾ ਧਮ੍ਮਿਂ ਕਥਂ ਕਤ੍ਵਾ ਸਾਰਿਪੁਤ੍ਤਮੋਗ੍ਗਲ੍ਲਾਨੇ ਆਮਨ੍ਤੇਸਿ – ‘‘ਗਚ੍ਛਥ ਤੁਮ੍ਹੇ, ਸਾਰਿਪੁਤ੍ਤਾ, ਕੀਟਾਗਿਰਿਂ ਗਨ੍ਤ੍ਵਾ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ ਕਰੋਥ. ਤੁਮ੍ਹਾਕਂ ਏਤੇ ਸਦ੍ਧਿਵਿਹਾਰਿਕਾ’’ਤਿ.

‘‘ਕਥਂ ਮਯਂ, ਭਨ੍ਤੇ, ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ ਕਰੋਮ? ਚਣ੍ਡਾ ਤੇ ਭਿਕ੍ਖੂ ਫਰੁਸਾ’’ਤਿ. ‘‘ਤੇਨ ਹਿ ਤੁਮ੍ਹੇ, ਸਾਰਿਪੁਤ੍ਤਾ, ਬਹੁਕੇਹਿ ਭਿਕ੍ਖੂਹਿ ਸਦ੍ਧਿਂ ਗਚ੍ਛਥਾ’’ਤਿ. ‘‘ਏਵਂ, ਭਨ੍ਤੇ’’ਤਿ ਖੋ ਸਾਰਿਪੁਤ੍ਤਮੋਗ੍ਗਲ੍ਲਾਨਾ ਭਗਵਤੋ ਪਚ੍ਚਸ੍ਸੋਸੁਂ. ‘‘ਏਵਞ੍ਚ ਪਨ, ਭਿਕ੍ਖਵੇ, ਕਾਤਬ੍ਬਂ. ਪਠਮਂ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਚੋਦੇਤਬ੍ਬਾ. ਚੋਦੇਤ੍ਵਾ ਸਾਰੇਤਬ੍ਬਾ. ਸਾਰੇਤ੍ਵਾ ਆਪਤ੍ਤਿਂ ਰੋਪੇਤਬ੍ਬਾ. ਆਪਤ੍ਤਿਂ ਰੋਪੇਤ੍ਵਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੩੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਮੇ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਕੁਲਦੂਸਕਾ ਪਾਪਸਮਾਚਾਰਾ. ਇਮੇਸਂ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚ ਇਮੇਹਿ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ ਕਰੇਯ੍ਯ – ‘ਨ ਅਸ੍ਸਜਿਪੁਨਬ੍ਬਸੁਕੇਹਿ ਭਿਕ੍ਖੂਹਿ ਕੀਟਾਗਿਰਿਸ੍ਮਿਂ ਵਤ੍ਥਬ੍ਬ’ਨ੍ਤਿ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਮੇ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਕੁਲਦੂਸਕਾ ਪਾਪਸਮਾਚਾਰਾ. ਇਮੇਸਂ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚ ਇਮੇਹਿ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਸਙ੍ਘੋ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ ਕਰੋਤਿ – ‘ਨ ਅਸ੍ਸਜਿਪੁਨਬ੍ਬਸੁਕੇਹਿ ਭਿਕ੍ਖੂਹਿ ਕੀਟਾਗਿਰਿਸ੍ਮਿਂ ਵਤ੍ਥਬ੍ਬ’ਨ੍ਤਿ. ਯਸ੍ਸਾਯਸ੍ਮਤੋ ਖਮਤਿ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਸ੍ਸ ਕਰਣਂ – ‘ਨ ਅਸ੍ਸਜਿਪੁਨਬ੍ਬਸੁਕੇਹਿ ਭਿਕ੍ਖੂਹਿ ਕੀਟਾਗਿਰਿਸ੍ਮਿਂ ਵਤ੍ਥਬ੍ਬ’ਨ੍ਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ – ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ…ਪੇ… ਸੋ ਭਾਸੇਯ੍ਯ.

‘‘ਕਤਂ ਸਙ੍ਘੇਨ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ – ‘ਨ ਅਸ੍ਸਜਿਪੁਨਬ੍ਬਸੁਕੇਹਿ ਭਿਕ੍ਖੂਹਿ ਕੀਟਾਗਿਰਿਸ੍ਮਿਂ ਵਤ੍ਥਬ੍ਬ’ਨ੍ਤਿ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੪੩੫. ਅਥ ਖੋ ਸਾਰਿਪੁਤ੍ਤਮੋਗ੍ਗਲ੍ਲਾਨਪ੍ਪਮੁਖੋ ਭਿਕ੍ਖੁਸਙ੍ਘੋ ਕੀਟਾਗਿਰਿਂ ਗਨ੍ਤ੍ਵਾ ਅਸ੍ਸਜਿਪੁਨਬ੍ਬਸੁਕਾਨਂ ਭਿਕ੍ਖੂਨਂ ਕੀਟਾਗਿਰਿਸ੍ਮਾ ਪਬ੍ਬਾਜਨੀਯਕਮ੍ਮਂ ਅਕਾਸਿ – ‘ਨ ਅਸ੍ਸਜਿਪੁਨਬ੍ਬਸੁਕੇਹਿ ਭਿਕ੍ਖੂਹਿ ਕੀਟਾਗਿਰਿਸ੍ਮਿਂ ਵਤ੍ਥਬ੍ਬ’ਨ੍ਤਿ. ਤੇ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤਾ ਨ ਸਮ੍ਮਾ ਵਤ੍ਤਨ੍ਤਿ, ਨ ਲੋਮਂ ਪਾਤੇਨ੍ਤਿ, ਨ ਨੇਤ੍ਥਾਰਂ ਵਤ੍ਤਨ੍ਤਿ, ਨ ਭਿਕ੍ਖੂ ਖਮਾਪੇਨ੍ਤਿ, ਅਕ੍ਕੋਸਨ੍ਤਿ ਪਰਿਭਾਸਨ੍ਤਿ ਛਨ੍ਦਗਾਮਿਤਾ ਦੋਸਗਾਮਿਤਾ ਮੋਹਗਾਮਿਤਾ ਭਯਗਾਮਿਤਾ ਪਾਪੇਨ੍ਤਿ, ਪਕ੍ਕਮਨ੍ਤਿਪਿ, ਵਿਬ੍ਭਮਨ੍ਤਿਪਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤਾ ਨ ਸਮ੍ਮਾ ਵਤ੍ਤਿਸ੍ਸਨ੍ਤਿ, ਨ ਲੋਮਂ ਪਾਤੇਸ੍ਸਨ੍ਤਿ, ਨ ਨੇਤ੍ਥਾਰਂ ਵਤ੍ਤਿਸ੍ਸਨ੍ਤਿ, ਨ ਭਿਕ੍ਖੂ ਖਮਾਪੇਸ੍ਸਨ੍ਤਿ, ਅਕ੍ਕੋਸਿਸ੍ਸਨ੍ਤਿ ਪਰਿਭਾਸਿਸ੍ਸਨ੍ਤਿ, ਛਨ੍ਦਗਾਮਿਤਾ ਦੋਸਗਾਮਿਤਾ ਮੋਹਗਾਮਿਤਾ ਭਯਗਾਮਿਤਾ ਪਾਪੇਸ੍ਸਨ੍ਤਿ ਪਕ੍ਕਮਿਸ੍ਸਨ੍ਤਿਪਿ ਵਿਬ੍ਭਮਿਸ੍ਸਨ੍ਤਿਪੀ’’ਤਿ! ਅਥ ਖੋ ਤੇ ਭਿਕ੍ਖੂ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ, ਭਿਕ੍ਖਵੇ, ਅਸ੍ਸਜਿਪੁਨਬ੍ਬਸੁਕਾ ਭਿਕ੍ਖੂ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤਾ ਨ ਸਮ੍ਮਾ ਵਤ੍ਤਨ੍ਤਿ…ਪੇ… ਵਿਬ੍ਭਮਨ੍ਤਿਪੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੩੬. ‘‘ਭਿਕ੍ਖੁ ਪਨੇਵ ਅਞ੍ਞਤਰਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਤਿ ਕੁਲਦੂਸਕੋ ਪਾਪਸਮਾਚਾਰੋ. ਤਸ੍ਸ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚ ਤੇਨ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ – ‘ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ, ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ. ਅਲਂ ਤੇ ਇਧ ਵਾਸੇਨਾ’ਤਿ. ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤੇ ਭਿਕ੍ਖੂ ਏਵਂ ਵਦੇਯ੍ਯ – ‘ਛਨ੍ਦਗਾਮਿਨੋ ਚ ਭਿਕ੍ਖੂ ਦੋਸਗਾਮਿਨੋ ਚ ਭਿਕ੍ਖੂ ਮੋਹਗਾਮਿਨੋ ਚ ਭਿਕ੍ਖੂ ਭਯਗਾਮਿਨੋ ਚ ਭਿਕ੍ਖੂ ਤਾਦਿਸਿਕਾਯ ਆਪਤ੍ਤਿਯਾ ਏਕਚ੍ਚਂ ਪਬ੍ਬਾਜੇਨ੍ਤਿ ਏਕਚ੍ਚਂ ਨ ਪਬ੍ਬਾਜੇਨ੍ਤੀ’ਤਿ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ – ‘ਮਾਯਸ੍ਮਾ ਏਵਂ ਅਵਚ. ਨ ਚ ਭਿਕ੍ਖੂ ਛਨ੍ਦਗਾਮਿਨੋ. ਨ ਚ ਭਿਕ੍ਖੂ ਦੋਸਗਾਮਿਨੋ. ਨ ਚ ਭਿਕ੍ਖੂ ਮੋਹਗਾਮਿਨੋ. ਨ ਚ ਭਿਕ੍ਖੂ ਭਯਗਾਮਿਨੋ. ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ. ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ. ਅਲਂ ਤੇ ਇਧ ਵਾਸੇਨਾ’ਤਿ. ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸੀਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ’’ਤਿ.

੪੩੭. ਭਿਕ੍ਖੁ ਪਨੇਵ ਅਞ੍ਞਤਰਂ ਗਾਮਂ ਵਾ ਨਿਗਮਂ ਵਾਤਿ ਗਾਮੋਪਿ ਨਿਗਮੋਪਿ ਨਗਰਮ੍ਪਿ ਗਾਮੋ ਚੇਵ ਨਿਗਮੋ ਚ.

ਉਪਨਿਸ੍ਸਾਯ ਵਿਹਰਤੀਤਿ ਤਤ੍ਥ ਪਟਿਬਦ੍ਧਾ ਹੋਨ੍ਤਿ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾ.

ਕੁਲਂ ਨਾਮ ਚਤ੍ਤਾਰਿ ਕੁਲਾਨਿ – ਖਤ੍ਤਿਯਕੁਲਂ, ਬ੍ਰਾਹ੍ਮਣਕੁਲਂ, ਵੇਸ੍ਸਕੁਲਂ, ਸੁਦ੍ਦਕੁਲਂ.

ਕੁਲਦੂਸਕੋਤਿ ਕੁਲਾਨਿ ਦੂਸੇਤਿ ਪੁਪ੍ਫੇਨ ਵਾ ਫਲੇਨ ਵਾ ਚੁਣ੍ਣੇਨ ਵਾ ਮਤ੍ਤਿਕਾਯ ਵਾ ਦਨ੍ਤਕਟ੍ਠੇਨ ਵਾ ਵੇਲ਼ੁਯਾ ਵਾ [ਵੇਲ਼ੁਨਾ ਵਾ (ਸ੍ਯਾ.)] ਵੇਜ੍ਜਿਕਾਯ ਵਾ ਜਙ੍ਘਪੇਸਨਿਕੇਨ ਵਾ.

ਪਾਪਸਮਾਚਾਰੋਤਿ ਮਾਲਾਵਚ੍ਛਂ ਰੋਪੇਤਿਪਿ ਰੋਪਾਪੇਤਿਪਿ, ਸਿਞ੍ਚਤਿਪਿ ਸਿਞ੍ਚਾਪੇਤਿਪਿ, ਓਚਿਨਾਤਿਪਿ ਓਚਿਨਾਪੇਤਿਪਿ, ਗਨ੍ਥੇਤਿਪਿ ਗਨ੍ਥਾਪੇਤਿਪਿ.

ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚਾਤਿ ਯੇ ਸਂਮੁਖਾ ਤੇ ਪਸ੍ਸਨ੍ਤਿ, ਯੇ ਤਿਰੋਕ੍ਖਾ ਤੇ ਸੁਣਨ੍ਤਿ.

ਕੁਲਾਨਿ ਚ ਤੇਨ ਦੁਟ੍ਠਾਨੀਤਿ ਪੁਬ੍ਬੇ ਸਦ੍ਧਾ ਹੁਤ੍ਵਾ ਤਂ ਆਗਮ੍ਮ ਅਸ੍ਸਦ੍ਧਾ ਹੋਨ੍ਤਿ, ਪਸਨ੍ਨਾ ਹੁਤ੍ਵਾ ਅਪ੍ਪਸਨ੍ਨਾ ਹੋਨ੍ਤਿ.

ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚਾਤਿ ਯੇ ਸਂਮੁਖਾ ਤੇ ਪਸ੍ਸਨ੍ਤਿ, ਯੇ ਤਿਰੋਕ੍ਖਾ ਤੇ ਸੁਣਨ੍ਤਿ.

ਸੋ ਭਿਕ੍ਖੂਤਿ ਯੋ ਸੋ ਕੁਲਦੂਸਕੋ ਭਿਕ੍ਖੁ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ. ਯੇ ਪਸ੍ਸਨ੍ਤਿ ਯੇ ਸੁਣਨ੍ਤਿ. ਤੇਹਿ ਵਤ੍ਤਬ੍ਬੋ – ‘‘ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ. ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ. ਅਲਂ ਤੇ ਇਧ ਵਾਸੇਨਾ’’ਤਿ.

ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤੇ ਭਿਕ੍ਖੂ ਏਵਂ ਵਦੇਯ੍ਯ – ‘‘ਛਨ੍ਦਗਾਮਿਨੋ ਚ ਭਿਕ੍ਖੂ, ਦੋਸਗਾਮਿਨੋ ਚ ਭਿਕ੍ਖੂ, ਮੋਹਗਾਮਿਨੋ ਚ ਭਿਕ੍ਖੂ, ਭਯਗਾਮਿਨੋ ਚ ਭਿਕ੍ਖੂ. ਤਾਦਿਸਿਕਾਯ ਆਪਤ੍ਤਿਯਾ ਏਕਚ੍ਚਂ ਪਬ੍ਬਾਜੇਨ੍ਤਿ ਏਕਚ੍ਚਂ ਨ ਪਬ੍ਬਾਜੇਨ੍ਤੀ’’ਤਿ.

ਸੋ ਭਿਕ੍ਖੂਤਿ ਯੋ ਸੋ ਕਮ੍ਮਕਤੋ ਭਿਕ੍ਖੁ.

ਭਿਕ੍ਖੂਹੀਤਿ ਅਞ੍ਞੇਹਿ ਭਿਕ੍ਖੂਹਿ. ਯੇ ਪਸ੍ਸਨ੍ਤਿ ਯੇ ਸੁਣਨ੍ਤਿ ਤੇਹਿ ਵਤ੍ਤਬ੍ਬੋ – ‘‘ਮਾਯਸ੍ਮਾ ਏਵਂ ਅਵਚ. ਨ ਚ ਭਿਕ੍ਖੂ ਛਨ੍ਦਗਾਮਿਨੋ, ਨ ਚ ਭਿਕ੍ਖੂ ਦੋਸਗਾਮਿਨੋ, ਨ ਚ ਭਿਕ੍ਖੂ ਮੋਹਗਾਮਿਨੋ, ਨ ਚ ਭਿਕ੍ਖੂ ਭਯਗਾਮਿਨੋ. ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ. ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ. ਅਲਂ ਤੇ ਇਧ ਵਾਸੇਨਾ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ.

ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੁਤ੍ਵਾ ਨ ਵਦਨ੍ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਙ੍ਘਮਜ੍ਝਮ੍ਪਿ ਆਕਡ੍ਢਿਤ੍ਵਾ ਵਤ੍ਤਬ੍ਬੋ – ‘‘ਮਾਯਸ੍ਮਾ ਏਵਂ ਅਵਚ. ਨ ਚ ਭਿਕ੍ਖੂ ਛਨ੍ਦਗਾਮਿਨੋ, ਨ ਚ ਭਿਕ੍ਖੂ ਦੋਸਗਾਮਿਨੋ, ਨ ਚ ਭਿਕ੍ਖੂ ਮੋਹਗਾਮਿਨੋ, ਨ ਚ ਭਿਕ੍ਖੂ ਭਯਗਾਮਿਨੋ. ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ. ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ. ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ. ਅਲਂ ਤੇ ਇਧ ਵਾਸੇਨਾ’’ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਪਟਿਨਿਸ੍ਸਜ੍ਜਤਿ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸੋ ਭਿਕ੍ਖੁ ਸਮਨੁਭਾਸਿਤਬ੍ਬੋ. ਏਵਞ੍ਚ ਪਨ, ਭਿਕ੍ਖਵੇ, ਸਮਨੁਭਾਸਿਤਬ੍ਬੋ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੩੮. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤੋ ਭਿਕ੍ਖੂ ਛਨ੍ਦਗਾਮਿਤਾ ਦੋਸਗਾਮਿਤਾ ਮੋਹਗਾਮਿਤਾ ਭਯਗਾਮਿਤਾ ਪਾਪੇਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸੇਯ੍ਯ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਸਙ੍ਘੇਨ ਪਬ੍ਬਾਜਨੀਯਕਮ੍ਮਕਤੋ ਭਿਕ੍ਖੂ ਛਨ੍ਦਗਾਮਿਤਾ ਦੋਸਗਾਮਿਤਾ ਮੋਹਗਾਮਿਤਾ ਭਯਗਾਮਿਤਾ ਪਾਪੇਤਿ. ਸੋ ਤਂ ਵਤ੍ਥੁਂ ਨ ਪਟਿਨਿਸ੍ਸਜ੍ਜਤਿ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਸਮਨੁਭਾਸਤਿ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਮਨੁਭਾਸਨਾ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ… ਤਤਿਯਮ੍ਪਿ ਏਤਮਤ੍ਥਂ ਵਦਾਮਿ…ਪੇ….

‘‘ਸਮਨੁਭਟ੍ਠੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਤਸ੍ਸ ਵਤ੍ਥੁਸ੍ਸ ਪਟਿਨਿਸ੍ਸਗ੍ਗਾਯ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੪੩੯. ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ, ਕਮ੍ਮਵਾਚਾਪਰਿਯੋਸਾਨੇ ਆਪਤ੍ਤਿ ਸਙ੍ਘਾਦਿਸੇਸਸ੍ਸ. ਸਙ੍ਘਾਦਿਸੇਸਂ ਅਜ੍ਝਾਪਜ੍ਜਨ੍ਤਸ੍ਸ ਞਤ੍ਤਿਯਾ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ.

ਸਙ੍ਘਾਦਿਸੇਸੋਤਿ ਸਙ੍ਘੋਵ ਤਸ੍ਸਾ ਆਪਤ੍ਤਿਯਾ ਪਰਿਵਾਸਂ ਦੇਤਿ, ਮੂਲਾਯ ਪਟਿਕਸ੍ਸਤਿ, ਮਾਨਤ੍ਤਂ ਦੇਤਿ, ਅਬ੍ਭੇਤਿ; ਨ ਸਮ੍ਬਹੁਲਾ, ਨ ਏਕਪੁਗ੍ਗਲੋ. ਤੇਨ ਵੁਚ੍ਚਤਿ – ‘ਸਙ੍ਘਾਦਿਸੇਸੋ’ਤਿ, ਤਸ੍ਸੇਵ ਆਪਤ੍ਤਿਨਿਕਾਯਸ੍ਸ ਨਾਮਕਮ੍ਮਂ ਅਧਿਵਚਨਂ. ਤੇਨਪਿ ਵੁਚ੍ਚਤਿ ਸਙ੍ਘਾਦਿਸੇਸੋਤਿ.

੪੪੦. ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਵੇਮਤਿਕੋ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ ਨ ਪਟਿਨਿਸ੍ਸਜ੍ਜਤਿ, ਆਪਤ੍ਤਿ ਸਙ੍ਘਾਦਿਸੇਸਸ੍ਸ.

ਅਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ.

ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

੪੪੧. ਅਨਾਪਤ੍ਤਿ ਅਸਮਨੁਭਾਸਨ੍ਤਸ੍ਸ, ਪਟਿਨਿਸ੍ਸਜ੍ਜਨ੍ਤਸ੍ਸ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਕੁਲਦੂਸਕਸਿਕ੍ਖਾਪਦਂ ਨਿਟ੍ਠਿਤਂ ਤੇਰਸਮਂ.

੪੪੨. ਉਦ੍ਦਿਟ੍ਠਾ ਖੋ, ਆਯਸ੍ਮਨ੍ਤੋ, ਤੇਰਸ ਸਙ੍ਘਾਦਿਸੇਸਾ ਧਮ੍ਮਾ, ਨਵ ਪਠਮਾਪਤ੍ਤਿਕਾ, ਚਤ੍ਤਾਰੋ ਯਾਵਤਤਿਯਕਾ. ਯੇਸਂ ਭਿਕ੍ਖੁ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਿਤ੍ਵਾ ਯਾਵਤੀਹਂ ਜਾਨਂ ਪਟਿਚ੍ਛਾਦੇਤਿ ਤਾਵਤੀਹਂ ਤੇਨ ਭਿਕ੍ਖੁਨਾ ਅਕਾਮਾ ਪਰਿਵਤ੍ਥਬ੍ਬਂ. ਪਰਿਵੁਤ੍ਥਪਰਿਵਾਸੇਨ ਭਿਕ੍ਖੁਨਾ ਉਤ੍ਤਰਿ ਛਾਰਤ੍ਤਂ ਭਿਕ੍ਖੁਮਾਨਤ੍ਤਾਯ ਪਟਿਪਜ੍ਜਿਤਬ੍ਬਂ. ਚਿਣ੍ਣਮਾਨਤ੍ਤੋ ਭਿਕ੍ਖੁ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ ਤਤ੍ਥ ਸੋ ਭਿਕ੍ਖੁ ਅਬ੍ਭੇਤਬ੍ਬੋ. ਏਕੇਨਪਿ ਚੇ ਊਨੋ ਵੀਸਤਿਗਣੋ ਭਿਕ੍ਖੁਸਙ੍ਘੋ ਤਂ ਭਿਕ੍ਖੁਂ ਅਬ੍ਭੇਯ੍ਯ, ਸੋ ਚ ਭਿਕ੍ਖੁ ਅਨਬ੍ਭਿਤੋ, ਤੇ ਚ ਭਿਕ੍ਖੂ ਗਾਰਯ੍ਹਾ, ਅਯਂ ਤਤ੍ਥ ਸਾਮੀਚਿ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਦੁਤਿਯਮ੍ਪਿ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਤਤਿਯਮ੍ਪਿ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ. ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਤੇਰਸਕਂ ਨਿਟ੍ਠਿਤਂ.

ਤਸ੍ਸੁਦ੍ਦਾਨਂ –

ਵਿਸ੍ਸਟ੍ਠਿ ਕਾਯਸਂਸਗ੍ਗਂ, ਦੁਟ੍ਠੁਲ੍ਲਂ ਅਤ੍ਤਕਾਮਞ੍ਚ;

ਸਞ੍ਚਰਿਤ੍ਤਂ ਕੁਟੀ ਚੇਵ, ਵਿਹਾਰੋ ਚ ਅਮੂਲਕਂ.

ਕਿਞ੍ਚਿਲੇਸਞ੍ਚ ਭੇਦੋ ਚ, ਤਸ੍ਸੇਵ ਅਨੁਵਤ੍ਤਕਾ;

ਦੁਬ੍ਬਚਂ ਕੁਲਦੂਸਞ੍ਚ, ਸਙ੍ਘਾਦਿਸੇਸਾ ਤੇਰਸਾਤਿ.

ਸਙ੍ਘਾਦਿਸੇਸਕਣ੍ਡਂ ਨਿਟ੍ਠਿਤਂ.

੩. ਅਨਿਯਤਕਣ੍ਡਂ

੧. ਪਠਮਅਨਿਯਤਸਿਕ੍ਖਾਪਦਂ

ਇਮੇ ਖੋ ਪਨਾਯਸ੍ਮਨ੍ਤੋ ਦ੍ਵੇ ਅਨਿਯਤਾ ਧਮ੍ਮਾ

ਉਦ੍ਦੇਸਂ ਆਗਚ੍ਛਨ੍ਤਿ.

੪੪੩. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਸਾਵਤ੍ਥਿਯਂ ਕੁਲੂਪਕੋ ਹੋਤਿ, ਬਹੁਕਾਨਿ ਕੁਲਾਨਿ ਉਪਸਙ੍ਕਮਤਿ. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਉਦਾਯਿਸ੍ਸ ਉਪਟ੍ਠਾਕਕੁਲਸ੍ਸ ਕੁਮਾਰਿਕਾ ਅਞ੍ਞਤਰਸ੍ਸ ਕੁਲਸ੍ਸ ਕੁਮਾਰਕਸ੍ਸ ਦਿਨ੍ਨਾ ਹੋਤਿ. ਅਥ ਖੋ ਆਯਸ੍ਮਾ ਉਦਾਯੀ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਤਂ ਕੁਲਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਨੁਸ੍ਸੇ ਪੁਚ੍ਛਿ – ‘‘ਕਹਂ ਇਤ੍ਥਨ੍ਨਾਮਾ’’ਤਿ? ਤੇ ਏਵਮਾਹਂਸੁ – ‘‘ਦਿਨ੍ਨਾ, ਭਨ੍ਤੇ, ਅਮੁਕਸ੍ਸ ਕੁਲਸ੍ਸ ਕੁਮਾਰਕਸ੍ਸਾ’’ਤਿ. ਤਮ੍ਪਿ ਖੋ ਕੁਲਂ ਆਯਸ੍ਮਤੋ ਉਦਾਯਿਸ੍ਸ ਉਪਟ੍ਠਾਕਂ ਹੋਤਿ. ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਤਂ ਕੁਲਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਮਨੁਸ੍ਸੇ ਪੁਚ੍ਛਿ – ‘‘ਕਹਂ ਇਤ੍ਥਨ੍ਨਾਮਾ’’ਤਿ? ਤੇ ਏਵਮਾਹਂਸੁ – ‘‘ਏਸਾਯ੍ਯ, ਓਵਰਕੇ ਨਿਸਿਨ੍ਨਾ’’ਤਿ. ਅਥ ਖੋ ਆਯਸ੍ਮਾ ਉਦਾਯੀ ਯੇਨ ਸਾ ਕੁਮਾਰਿਕਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਸ੍ਸਾ ਕੁਮਾਰਿਕਾਯ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਸਿ ਕਾਲਯੁਤ੍ਤਂ ਸਮੁਲ੍ਲਪਨ੍ਤੋ ਕਾਲਯੁਤ੍ਤਂ ਧਮ੍ਮਂ ਭਣਨ੍ਤੋ.

ਤੇਨ ਖੋ ਪਨ ਸਮਯੇਨ ਵਿਸਾਖਾ ਮਿਗਾਰਮਾਤਾ ਬਹੁਪੁਤ੍ਤਾ ਹੋਤਿ ਬਹੁਨਤ੍ਤਾ ਅਰੋਗਪੁਤ੍ਤਾ ਅਰੋਗਨਤ੍ਤਾ ਅਭਿਮਙ੍ਗਲਸਮ੍ਮਤਾ. ਮਨੁਸ੍ਸਾ ਯਞ੍ਞੇਸੁ ਛਣੇਸੁ ਉਸ੍ਸਵੇਸੁ ਵਿਸਾਖਂ ਮਿਗਾਰਮਾਤਰਂ ਪਠਮਂ ਭੋਜੇਨ੍ਤਿ. ਅਥ ਖੋ ਵਿਸਾਖਾ ਮਿਗਾਰਮਾਤਾ ਨਿਮਨ੍ਤਿਤਾ ਤਂ ਕੁਲਂ ਅਗਮਾਸਿ. ਅਦ੍ਦਸਾ ਖੋ ਵਿਸਾਖਾ ਮਿਗਾਰਮਾਤਾ ਆਯਸ੍ਮਨ੍ਤਂ ਉਦਾਯਿਂ ਤਸ੍ਸਾ ਕੁਮਾਰਿਕਾਯ ਸਦ੍ਧਿਂ ਏਕਂ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਿਨ੍ਨਂ. ਦਿਸ੍ਵਾਨ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਇਦਂ, ਭਨ੍ਤੇ, ਨਚ੍ਛਨ੍ਨਂ ਨਪ੍ਪਤਿਰੂਪਂ ਯਂ ਅਯ੍ਯੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਤਿ. ਕਿਞ੍ਚਾਪਿ, ਭਨ੍ਤੇ, ਅਯ੍ਯੋ ਅਨਤ੍ਥਿਕੋ ਤੇਨ ਧਮ੍ਮੇਨ, ਅਪਿਚ ਦੁਸ੍ਸਦ੍ਧਾਪਯਾ ਅਪ੍ਪਸਨ੍ਨਾ ਮਨੁਸ੍ਸਾ’’ਤਿ. ਏਵਮ੍ਪਿ ਖੋ ਆਯਸ੍ਮਾ ਉਦਾਯੀ ਵਿਸਾਖਾਯ ਮਿਗਾਰਮਾਤੁਯਾ ਵੁਚ੍ਚਮਾਨੋ ਨਾਦਿਯਿ. ਅਥ ਖੋ ਵਿਸਾਖਾ ਮਿਗਾਰਮਾਤਾ ਨਿਕ੍ਖਮਿਤ੍ਵਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੪੪. ‘‘ਯੋ ਪਨ ਭਿਕ੍ਖੁ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਯ੍ਯ, ਤਮੇਨਂ ਸਦ੍ਧੇਯ੍ਯਵਚਸਾ ਉਪਾਸਿਕਾ ਦਿਸ੍ਵਾ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ – ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ, ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ – ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ, ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ. ਅਯਂ ਧਮ੍ਮੋ ਅਨਿਯਤੋ’’ਤਿ.

੪੪੫. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ ਨ ਪੇਤੀ ਨ ਤਿਰਚ੍ਛਾਨਗਤਾ. ਅਨ੍ਤਮਸੋ ਤਦਹੁਜਾਤਾਪਿ ਦਾਰਿਕਾ, ਪਗੇਵ ਮਹਤ੍ਤਰੀ.

ਸਦ੍ਧਿਨ੍ਤਿ ਏਕਤੋ.

ਏਕੋ ਏਕਾਯਾਤਿ ਭਿਕ੍ਖੁ ਚੇਵ ਹੋਤਿ ਮਾਤੁਗਾਮੋ ਚ.

ਰਹੋ ਨਾਮ ਚਕ੍ਖੁਸ੍ਸ ਰਹੋ, ਸੋਤਸ੍ਸ ਰਹੋ. ਚਕ੍ਖੁਸ੍ਸ ਰਹੋਨਾਮ ਨ ਸਕ੍ਕਾ ਹੋਤਿ ਅਕ੍ਖਿਂ ਵਾ ਨਿਖਣੀਯਮਾਨੇ ਭਮੁਕਂ ਵਾ ਉਕ੍ਖਿਪੀਯਮਾਨੇ ਸੀਸਂ ਵਾ ਉਕ੍ਖਿਪੀਯਮਾਨੇ ਪਸ੍ਸਿਤੁਂ. ਸੋਤਸ੍ਸ ਰਹੋਨਾਮ ਨ ਸਕ੍ਕਾ ਹੋਤਿ ਪਕਤਿਕਥਾ ਸੋਤੁਂ.

ਪਟਿਚ੍ਛਨ੍ਨਂ ਨਾਮ ਆਸਨਂ ਕੁਟ੍ਟੇਨ ਵਾ [ਕੁਡ੍ਡੇਨ ਵਾ (ਸੀ. ਸ੍ਯਾ.)] ਕਵਾਟੇਨ ਵਾ ਕਿਲਞ੍ਜੇਨ ਵਾ ਸਾਣਿਪਾਕਾਰੇਨ ਵਾ ਰੁਕ੍ਖੇਨ ਵਾ ਥਮ੍ਭੇਨ ਵਾ ਕੋਤ੍ਥਲ਼ਿਯਾ ਵਾ ਯੇਨ ਕੇਨਚਿ ਪਟਿਚ੍ਛਨ੍ਨਂ ਹੋਤਿ.

ਅਲਂਕਮ੍ਮਨਿਯੇਤਿ ਸਕ੍ਕਾ ਹੋਤਿ ਮੇਥੁਨਂ ਧਮ੍ਮਂ ਪਟਿਸੇਵਿਤੁਂ.

ਨਿਸਜ੍ਜਂ ਕਪ੍ਪੇਯ੍ਯਾਤਿ ਮਾਤੁਗਾਮੇ ਨਿਸਿਨ੍ਨੇ ਭਿਕ੍ਖੁ ਉਪਨਿਸਿਨ੍ਨੋ ਵਾ ਹੋਤਿ ਉਪਨਿਪਨ੍ਨੋ ਵਾ. ਭਿਕ੍ਖੁ ਨਿਸਿਨ੍ਨੇ ਮਾਤੁਗਾਮੋ ਉਪਨਿਸਿਨ੍ਨੋ ਵਾ ਹੋਤਿ ਉਪਨਿਪਨ੍ਨੋ ਵਾ. ਉਭੋ ਵਾ ਨਿਸਿਨ੍ਨਾ ਹੋਨ੍ਤਿ ਉਭੋ ਵਾ ਨਿਪਨ੍ਨਾ.

ਸਦ੍ਧੇਯ੍ਯਵਚਸਾ ਨਾਮ ਆਗਤਫਲਾ ਅਭਿਸਮੇਤਾਵਿਨੀ ਵਿਞ੍ਞਾਤਸਾਸਨਾ.

ਉਪਾਸਿਕਾ ਨਾਮ ਬੁਦ੍ਧਂ ਸਰਣਂ ਗਤਾ, ਧਮ੍ਮਂ ਸਰਣਂ ਗਤਾ, ਸਙ੍ਘਂ ਸਰਣਂ ਗਤਾ.

ਦਿਸ੍ਵਾਤਿ ਪਸ੍ਸਿਤ੍ਵਾ.

ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ – ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ – ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ.

੪੪੬. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਸਚ੍ਚਾਹਂ ਨਿਸਿਨ੍ਨੋ, ਨੋ ਚ ਖੋ ਮੇਥੁਨਂ ਧਮ੍ਮਂ ਪਟਿਸੇਵਿ’’ਨ੍ਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਨਾਹਂ ਨਿਸਿਨ੍ਨੋ, ਅਪਿਚ ਖੋ ਨਿਪਨ੍ਨੋ’’ਤਿ, ਨਿਪਜ੍ਜਾਯ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਨਾਹਂ ਨਿਸਿਨ੍ਨੋ ਅਪਿਚ ਖੋ ਠਿਤੋ’’ਤਿ, ਨ ਕਾਰੇਤਬ੍ਬੋ.

੪੪੭. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਸਚ੍ਚਾਹਂ ਨਿਪਨ੍ਨੋ, ਨੋ ਚ ਖੋ ਮੇਥੁਨਂ ਧਮ੍ਮਂ ਪਟਿਸੇਵਿ’’ਨ੍ਤਿ, ਨਿਪਜ੍ਜਾਯ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋ’’ਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮਸ੍ਸ ਮੇਥੁਨਂ ਧਮ੍ਮਂ ਪਟਿਸੇਵਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਨਾਹਂ ਨਿਪਨ੍ਨੋ ਅਪਿਚ ਖੋ ਠਿਤੋ’’ਤਿ, ਨ ਕਾਰੇਤਬ੍ਬੋ.

੪੪੮. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ…ਪੇ… ਸਚ੍ਚਾਹਂ ਨਿਸਿਨ੍ਨੋ ਨੋ ਚ ਖੋ ਕਾਯਸਂਸਗ੍ਗਂ ਸਮਾਪਜ੍ਜਿਨ੍ਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ ਅਪਿਚ ਖੋ ਨਿਪਨ੍ਨੋਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ…ਪੇ… ਸਚ੍ਚਾਹਂ ਨਿਪਨ੍ਨੋ, ਨੋ ਚ ਖੋ ਕਾਯਸਂਸਗ੍ਗਂ ਸਮਾਪਜ੍ਜਿਨ੍ਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

੪੪੯. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਿਨ੍ਨੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ ਅਪਿਚ ਖੋ ਨਿਪਨ੍ਨੋਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

੪੫੦. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਪਨ੍ਨੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਅਨਿਯਤੋਤਿ ਨ ਨਿਯਤੋ, ਪਾਰਾਜਿਕਂ ਵਾ ਸਙ੍ਘਾਦਿਸੇਸੋ ਵਾ ਪਾਚਿਤ੍ਤਿਯਂ ਵਾ.

੪੫੧. ਗਮਨਂ ਪਟਿਜਾਨਾਤਿ, ਨਿਸਜ੍ਜਂ ਪਟਿਜਾਨਾਤਿ, ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ, ਨਿਸਜ੍ਜਂ ਨ ਪਟਿਜਾਨਾਤਿ, ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ, ਨਿਸਜ੍ਜਂ ਪਟਿਜਾਨਾਤਿ, ਆਪਤ੍ਤਿਂ ਨ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ, ਨਿਸਜ੍ਜਂ ਨ ਪਟਿਜਾਨਾਤਿ, ਆਪਤ੍ਤਿਂ ਨ ਪਟਿਜਾਨਾਤਿ, ਨ ਕਾਰੇਤਬ੍ਬੋ.

ਗਮਨਂ ਨ ਪਟਿਜਾਨਾਤਿ, ਨਿਸਜ੍ਜਂ ਪਟਿਜਾਨਾਤਿ, ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ

ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ, ਨਿਸਜ੍ਜਂ ਨ ਪਟਿਜਾਨਾਤਿ, ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ, ਨਿਸਜ੍ਜਂ ਪਟਿਜਾਨਾਤਿ, ਆਪਤ੍ਤਿਂ ਨ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ, ਨਿਸਜ੍ਜਂ ਨ ਪਟਿਜਾਨਾਤਿ, ਆਪਤ੍ਤਿਂ ਨ ਪਟਿਜਾਨਾਤਿ, ਨ ਕਾਰੇਤਬ੍ਬੋਤਿ.

ਪਠਮੋ ਅਨਿਯਤੋ ਨਿਟ੍ਠਿਤੋ.

੨. ਦੁਤਿਯਅਨਿਯਤਸਿਕ੍ਖਾਪਦਂ

੪੫੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ – ‘‘ਭਗਵਤਾ ਪਟਿਕ੍ਖਿਤ੍ਤਂ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਤੁ’’ਨ੍ਤਿ ਤਸ੍ਸਾਯੇਵ ਕੁਮਾਰਿਕਾਯ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਸਿ ਕਾਲਯੁਤ੍ਤਂ ਸਮੁਲ੍ਲਪਨ੍ਤੋ ਕਾਲਯੁਤ੍ਤਂ ਧਮ੍ਮਂ ਭਣਨ੍ਤੋ. ਦੁਤਿਯਮ੍ਪਿ ਖੋ ਵਿਸਾਖਾ ਮਿਗਾਰਮਾਤਾ ਨਿਮਨ੍ਤਿਤਾ ਤਂ ਕੁਲਂ ਅਗਮਾਸਿ. ਅਦ੍ਦਸਾ ਖੋ ਵਿਸਾਖਾ ਮਿਗਾਰਮਾਤਾ ਆਯਸ੍ਮਨ੍ਤਂ ਉਦਾਯਿਂ ਤਸ੍ਸਾਯੇਵ ਕੁਮਾਰਿਕਾਯ ਸਦ੍ਧਿਂ ਏਕਂ ਏਕਾਯ ਰਹੋ ਨਿਸਿਨ੍ਨਂ. ਦਿਸ੍ਵਾਨ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਇਦਂ, ਭਨ੍ਤੇ, ਨਚ੍ਛਨ੍ਨਂ ਨਪ੍ਪਤਿਰੂਪਂ ਯਂ ਅਯ੍ਯੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਤਿ. ਕਿਞ੍ਚਾਪਿ, ਭਨ੍ਤੇ, ਅਯ੍ਯੋ ਅਨਤ੍ਥਿਕੋ ਤੇਨ ਧਮ੍ਮੇਨ, ਅਪਿਚ ਦੁਸ੍ਸਦ੍ਧਾਪਯਾ ਅਪ੍ਪਸਨ੍ਨਾ ਮਨੁਸ੍ਸਾ’’ਤਿ. ਏਵਮ੍ਪਿ ਖੋ ਆਯਸ੍ਮਾ ਉਦਾਯੀ ਵਿਸਾਖਾਯ ਮਿਗਾਰਮਾਤੁਯਾ ਵੁਚ੍ਚਮਾਨੋ ਨਾਦਿਯਿ. ਅਥ ਖੋ ਵਿਸਾਖਾ ਮਿਗਾਰਮਾਤਾ ਨਿਕ੍ਖਮਿਤ੍ਵਾ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ …ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਸੀ’’ਤਿ? ‘‘ਸਚ੍ਚਂ ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੫੩. ‘‘ਨ ਹੇਵ ਖੋ ਪਨ ਪਟਿਚ੍ਛਨ੍ਨਂ ਆਸਨਂ ਹੋਤਿ ਨਾਲਂ ਕਮ੍ਮਨਿਯਂ, ਅਲਞ੍ਚ ਖੋ ਹੋਤਿ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਤੁਂ. ਯੋ ਪਨ ਭਿਕ੍ਖੁ ਤਥਾਰੂਪੇ ਆਸਨੇ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਯ੍ਯ, ਤਮੇਨਂ ਸਦ੍ਧੇਯ੍ਯਵਚਸਾ ਉਪਾਸਿਕਾ ਦਿਸ੍ਵਾ ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ – ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ – ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ. ਅਯਮ੍ਪਿ ਧਮ੍ਮੋ ਅਨਿਯਤੋ’’ਤਿ.

੪੫੪. ਨ ਹੇਵ ਖੋ ਪਨ ਪਟਿਚ੍ਛਨ੍ਨਂ ਆਸਨਂ ਹੋਤੀਤਿ ਅਪ੍ਪਟਿਚ੍ਛਨ੍ਨਂ ਹੋਤਿ ਕੁਟ੍ਟੇਨ ਵਾ ਕਵਾਟੇਨ ਵਾ ਕਿਲਞ੍ਜੇਨ ਵਾ ਸਾਣਿਪਾਕਾਰੇਨ ਵਾ ਰੁਕ੍ਖੇਨ ਵਾ ਥਮ੍ਭੇਨ ਵਾ ਕੋਤ੍ਥਲ਼ਿਯਾ ਵਾ ਯੇਨ ਕੇਨਚਿ ਅਪ੍ਪਟਿਚ੍ਛਨ੍ਨਂ ਹੋਤਿ.

ਨਾਲਂ ਕਮ੍ਮਨਿਯਨ੍ਤਿ ਨ ਸਕ੍ਕਾ ਹੋਤਿ ਮੇਥੁਨਂ ਧਮ੍ਮਂ ਪਟਿਸੇਵਿਤੁਂ.

ਅਲਞ੍ਚ ਖੋ ਹੋਤਿ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਤੁਨ੍ਤਿ ਸਕ੍ਕਾ ਹੋਤਿ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਤੁਂ.

ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਤਥਾਰੂਪੇ ਆਸਨੇਤਿ ਏਵਰੂਪੇ ਆਸਨੇ.

ਮਾਤੁਗਾਮੋ ਨਾਮ ਮਨੁਸ੍ਸਿਤ੍ਥੀ, ਨ ਯਕ੍ਖੀ ਨ ਪੇਤੀ ਨ ਤਿਰਚ੍ਛਾਨਗਤਾ, ਵਿਞ੍ਞੂ ਪਟਿਬਲਾ ਸੁਭਾਸਿਤਦੁਬ੍ਭਾਸਿਤਂ ਦੁਟ੍ਠੁਲ੍ਲਾਦੁਟ੍ਠੁਲ੍ਲਂ ਆਜਾਨਿਤੁਂ.

ਸਦ੍ਧਿਨ੍ਤਿ ਏਕਤੋ.

ਏਕੋ ਏਕਾਯਾਤਿ ਭਿਕ੍ਖੁ ਚੇਵ ਹੋਤਿ ਮਾਤੁਗਾਮੋ ਚ.

ਰਹੋ ਨਾਮ ਚਕ੍ਖੁਸ੍ਸ ਰਹੋ, ਸੋਤਸ੍ਸ ਰਹੋ. ਚਕ੍ਖੁਸ੍ਸ ਰਹੋ ਨਾਮ ਨ ਸਕ੍ਕਾ ਹੋਤਿ ਅਕ੍ਖਿਂ ਵਾ ਨਿਖਣੀਯਮਾਨੇ ਭਮੁਕਂ ਵਾ ਉਕ੍ਖਿਪੀਯਮਾਨੇ ਸੀਸਂ ਵਾ ਉਕ੍ਖਿਪੀਯਮਾਨੇ ਪਸ੍ਸਿਤੁਂ. ਸੋਤਸ੍ਸ ਰਹੋ ਨਾਮ ਨ ਸਕ੍ਕਾ ਹੋਤਿ ਪਕਤਿਕਥਾ ਸੋਤੁਂ.

ਨਿਸਜ੍ਜਂ ਕਪ੍ਪੇਯ੍ਯਾਤਿ ਮਾਤੁਗਾਮੇ ਨਿਸਿਨ੍ਨੇ ਭਿਕ੍ਖੁ ਉਪਨਿਸਿਨ੍ਨੋ ਵਾ ਹੋਤਿ ਉਪਨਿਪਨ੍ਨੋ ਵਾ. ਭਿਕ੍ਖੁ ਨਿਸਿਨ੍ਨੇ ਮਾਤੁਗਾਮੋ ਉਪਨਿਸਿਨ੍ਨੋ ਵਾ ਹੋਤਿ ਉਪਨਿਪਨ੍ਨੋ ਵਾ. ਉਭੋ ਵਾ ਨਿਸਿਨ੍ਨਾ ਹੋਨ੍ਤਿ ਉਭੋ ਵਾ ਨਿਪਨ੍ਨਾ.

ਸਦ੍ਧੇਯ੍ਯਵਚਸਾ ਨਾਮ ਆਗਤਫਲਾ ਅਭਿਸਮੇਤਾਵਿਨੀ ਵਿਞ੍ਞਾਤਸਾਸਨਾ.

ਉਪਾਸਿਕਾ ਨਾਮ ਬੁਦ੍ਧਂ ਸਰਣਂ ਗਤਾ, ਧਮ੍ਮਂ ਸਰਣਂ ਗਤਾ, ਸਙ੍ਘਂ ਸਰਣਂ ਗਤਾ.

ਦਿਸ੍ਵਾਤਿ ਪਸ੍ਸਿਤ੍ਵਾ.

ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ – ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ. ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ, ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ.

੪੫੫. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਸਿਨ੍ਨੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤੋ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਸਚ੍ਚਾਹਂ ਨਿਸਿਨ੍ਨੋ, ਨੋ ਚ ਖੋ ਕਾਯਸਂਸਗ੍ਗਂ ਸਮਾਪਜ੍ਜਿ’’ਨ੍ਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਨਿਪਨ੍ਨੋਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਨਿਪਨ੍ਨੋ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜਨ੍ਤੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ…ਪੇ… ਸਚ੍ਚਾਹਂ ਨਿਪਨ੍ਨੋ, ਨੋ ਚ ਖੋ ਕਾਯਸਂਸਗ੍ਗਂ ਸਮਾਪਜ੍ਜਿਨ੍ਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋਤਿ, ਨਿਸਜ੍ਜਾਯ ਕਾਰੇਤਬ੍ਬੋ …ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯਸ੍ਸ ਮਯਾ ਸੁਤਂ ਨਿਸਿਨ੍ਨਸ੍ਸ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਨ੍ਤਸ੍ਸਾ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯਸ੍ਸ ਮਯਾ ਸੁਤਂ ਨਿਸਿਨ੍ਨਸ੍ਸ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਨ੍ਤਸ੍ਸਾ’’ਤਿ, ਸੋ ਚੇ ਏਵਂ ਵਦੇਯ੍ਯ – ‘‘ਸਚ੍ਚਾਹਂ ਨਿਸਿਨ੍ਨੋ, ਨੋ ਚ ਖੋ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿ’’ਨ੍ਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਨਿਪਨ੍ਨੋਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯਸ੍ਸ ਮਯਾ ਸੁਤਂ ਨਿਪਨ੍ਨਸ੍ਸ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਨ੍ਤਸ੍ਸਾ’’ਤਿ, ਸੋ ਚ ਤਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ…ਪੇ… ਸਚ੍ਚਾਹਂ ਨਿਪਨ੍ਨੋ ਨੋ ਚ ਖੋ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਨ੍ਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

੪੫੬. ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਿਨ੍ਨੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਨਿਪਨ੍ਨੋਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਸਿਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਸਾ ਚੇ ਏਵਂ ਵਦੇਯ੍ਯ – ‘‘ਅਯ੍ਯੋ ਮਯਾ ਦਿਟ੍ਠੋ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਪਨ੍ਨੋ’’ਤਿ, ਸੋ ਚ ਤਂ ਪਟਿਜਾਨਾਤਿ, ਨਿਪਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਨਿਸਿਨ੍ਨੋਤਿ, ਨਿਸਜ੍ਜਾਯ ਕਾਰੇਤਬ੍ਬੋ…ਪੇ… ਨਾਹਂ ਨਿਪਨ੍ਨੋ, ਅਪਿਚ ਖੋ ਠਿਤੋਤਿ, ਨ ਕਾਰੇਤਬ੍ਬੋ.

ਅਯਮ੍ਪੀਤਿ ਪੁਰਿਮਂ ਉਪਾਦਾਯ ਵੁਚ੍ਚਤਿ.

ਅਨਿਯਤੋਤਿ ਨ ਨਿਯਤੋ, ਸਙ੍ਘਾਦਿਸੇਸੋ ਵਾ ਪਾਚਿਤ੍ਤਿਯਂ ਵਾ.

੪੫੭. ਗਮਨਂ ਪਟਿਜਾਨਾਤਿ ਨਿਸਜ੍ਜਂ ਪਟਿਜਾਨਾਤਿ ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ ਨਿਸਜ੍ਜਂ ਨ ਪਟਿਜਾਨਾਤਿ ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ ਨਿਸਜ੍ਜਂ ਪਟਿਜਾਨਾਤਿ ਆਪਤ੍ਤਿਂ ਨ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਗਮਨਂ ਪਟਿਜਾਨਾਤਿ ਨਿਸਜ੍ਜਂ ਨ ਪਟਿਜਾਨਾਤਿ ਆਪਤ੍ਤਿਂ ਨ ਪਟਿਜਾਨਾਤਿ, ਨ ਕਾਰੇਤਬ੍ਬੋ.

ਗਮਨਂ ਨ ਪਟਿਜਾਨਾਤਿ ਨਿਸਜ੍ਜਂ ਪਟਿਜਾਨਾਤਿ ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ ਨਿਸਜ੍ਜਂ ਨ ਪਟਿਜਾਨਾਤਿ ਆਪਤ੍ਤਿਂ ਪਟਿਜਾਨਾਤਿ, ਆਪਤ੍ਤਿਯਾ ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ ਨਿਸਜ੍ਜਂ ਪਟਿਜਾਨਾਤਿ ਆਪਤ੍ਤਿਂ ਨ ਪਟਿਜਾਨਾਤਿ, ਨਿਸਜ੍ਜਾਯ ਕਾਰੇਤਬ੍ਬੋ. ਗਮਨਂ ਨ ਪਟਿਜਾਨਾਤਿ ਨਿਸਜ੍ਜਂ ਨ ਪਟਿਜਾਨਾਤਿ ਆਪਤ੍ਤਿਂ ਨ ਪਟਿਜਾਨਾਤਿ, ਨ ਕਾਰੇਤਬ੍ਬੋਤਿ.

ਦੁਤਿਯੋ ਅਨਿਯਤੋ ਨਿਟ੍ਠਿਤੋ.

੪੫੮. ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਦ੍ਵੇ ਅਨਿਯਤਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਦੁਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਤਤਿਯਮ੍ਪਿ ਪੁਚ੍ਛਾਮਿ – ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’? ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ; ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਤਸ੍ਸੁਦ੍ਦਾਨਂ –

ਅਲਂ ਕਮ੍ਮਨਿਯਞ੍ਚੇਵ, ਤਥੇਵ ਚ ਨਹੇਵ ਖੋ;

ਅਨਿਯਤਾ ਸੁਪਞ੍ਞਤ੍ਤਾ, ਬੁਦ੍ਧਸੇਟ੍ਠੇਨ ਤਾਦਿਨਾਤਿ.

ਅਨਿਯਤਕਣ੍ਡਂ ਨਿਟ੍ਠਿਤਂ.

੪. ਨਿਸ੍ਸਗ੍ਗਿਯਕਣ੍ਡਂ

੧. ਚੀਵਰਵਗ੍ਗੋ

੧. ਪਠਮਕਥਿਨਸਿਕ੍ਖਾਪਦਂ

ਇਮੇ ਖੋ ਪਨਾਯਸ੍ਮਨ੍ਤੋ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ

ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੪੫੯. ਤੇਨੇ ਸਮਯੇਨ ਬੁਦ੍ਧੋ ਭਗਵਾ ਵੇਸਾਲਿਯਂ ਵਿਹਰਤਿ ਗੋਤਮਕੇ ਚੇਤਿਯੇ. ਤੇਨ ਖੋ ਪਨ ਸਮਯੇਨ ਭਗਵਤਾ ਭਿਕ੍ਖੂਨਂ ਤਿਚੀਵਰਂ ਅਨੁਞ੍ਞਾਤਂ ਹੋਤਿ. ਛਬ੍ਬਗ੍ਗਿਯਾ ਭਿਕ੍ਖੂ – ‘‘ਭਗਵਤਾ ਤਿਚੀਵਰਂ ਅਨੁਞ੍ਞਾਤ’’ਨ੍ਤਿ ਅਞ੍ਞੇਨੇਵ ਤਿਚੀਵਰੇਨ ਗਾਮਂ ਪਵਿਸਨ੍ਤਿ, ਅਞ੍ਞੇਨ ਤਿਚੀਵਰੇਨ ਆਰਾਮੇ ਅਚ੍ਛਨ੍ਤਿ, ਅਞ੍ਞੇਨ ਤਿਚੀਵਰੇਨ ਨਹਾਨਂ ਓਤਰਨ੍ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਰੇਕਚੀਵਰਂ ਧਾਰੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਅਤਿਰੇਕਚੀਵਰਂ ਧਾਰੇਥਾ’’ਤਿ? ‘‘ਸਚ੍ਚਂ ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਅਤਿਰੇਕਚੀਵਰਂ ਧਾਰੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੬੦. ‘‘ਯੋ ਪਨ ਭਿਕ੍ਖੁ ਅਤਿਰੇਕਚੀਵਰਂ ਧਾਰੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੪੬੧. [ਮਹਾਵ. ੩੪੭] ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਆਨਨ੍ਦਸ੍ਸ ਅਤਿਰੇਕਚੀਵਰਂ ਉਪ੍ਪਨ੍ਨਂ ਹੋਤਿ. ਆਯਸ੍ਮਾ ਚ ਆਨਨ੍ਦੋ ਤਂ ਚੀਵਰਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ ਹੋਤਿ. ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ ਵਿਹਰਤਿ. ਅਥ ਖੋ ਆਯਸ੍ਮਤੋ ਆਨਨ੍ਦਸ੍ਸ ਏਤਦਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨ ਅਤਿਰੇਕਚੀਵਰਂ ਧਾਰੇਤਬ੍ਬ’ਨ੍ਤਿ. ਇਦਞ੍ਚ ਮੇ ਅਤਿਰੇਕਚੀਵਰਂ ਉਪ੍ਪਨ੍ਨਂ. ਅਹਞ੍ਚਿਮਂ ਚੀਵਰਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ. ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ ਵਿਹਰਤਿ. ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਅਥ ਖੋ ਆਯਸ੍ਮਾ ਆਨਨ੍ਦੋ ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕੀਵਚਿਰਂ ਪਨਾਨਨ੍ਦ, ਸਾਰਿਪੁਤ੍ਤੋ ਆਗਚ੍ਛਿਸ੍ਸਤੀ’’ਤਿ? ‘‘ਨਵਮਂ ਵਾ, ਭਗਵਾ, ਦਿਵਸਂ ਦਸਮਂ ਵਾ’’ਤਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਦਸਾਹਪਰਮਂ ਅਤਿਰੇਕਚੀਵਰਂ ਧਾਰੇਤੁਂ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੬੨. ‘‘ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਦਸਾਹਪਰਮਂ ਅਤਿਰੇਕਚੀਵਰਂ ਧਾਰੇਤਬ੍ਬਂ. ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੪੬੩. ਨਿਟ੍ਠਿਤਚੀਵਰਸ੍ਮਿਨ੍ਤਿ ਭਿਕ੍ਖੁਨੋ ਚੀਵਰਂ ਕਤਂ ਵਾ ਹੋਤਿ ਨਟ੍ਠਂ ਵਾ ਵਿਨਟ੍ਠਂ ਵਾ ਦਡ੍ਢਂ ਵਾ ਚੀਵਰਾਸਾ ਵਾ ਉਪਚ੍ਛਿਨ੍ਨਾ.

ਉਬ੍ਭਤਸ੍ਮਿਂ ਕਥਿਨੇਤਿ ਅਟ੍ਠਨ੍ਨਂ ਮਾਤਿਕਾਨਂ ਅਞ੍ਞਤਰਾਯ ਮਾਤਿਕਾਯ ਉਬ੍ਭਤਂ ਹੋਤਿ, ਸਙ੍ਘੇਨ ਵਾ ਅਨ੍ਤਰਾ ਉਬ੍ਭਤਂ ਹੋਤਿ.

ਦਸਾਹਪਰਮਨ੍ਤਿ ਦਸਾਹਪਰਮਤਾ ਧਾਰੇਤਬ੍ਬਂ.

ਅਤਿਰੇਕਚੀਵਰਂ ਨਾਮ ਅਨਧਿਟ੍ਠਿਤਂ ਅਵਿਕਪ੍ਪਿਤਂ.

ਚੀਵਰਂ ਨਾਮ ਛਨ੍ਨਂ ਚੀਵਰਾਨਂ ਅਞ੍ਞਤਰਂ ਚੀਵਰਂ, ਵਿਕਪ੍ਪਨੁਪਗਂ ਪਚ੍ਛਿਮਂ.

ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਹੋਤੀ [ਹੋਤੀਤਿ ਇਦਂ ਪਦਂ ਸਬ੍ਬਪੋਤ੍ਥਕੇਸੁ ਅਤ੍ਥਿ, ਸਿਕ੍ਖਾਪਦੇ ਪਨ ਨਤ੍ਥਿ, ਏਵਮੁਪਰਿਪਿ] ਤਿ ਏਕਾਦਸੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ. ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਇਦਂ ਮੇ, ਭਨ੍ਤੇ, ਚੀਵਰਂ ਦਸਾਹਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਨਿਸ੍ਸਟ੍ਠਚੀਵਰਂ ਦਾਤਬ੍ਬਂ.

੪੬੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਇਦਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯਂ ਸਙ੍ਘਸ੍ਸ ਨਿਸ੍ਸਟ੍ਠਂ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਮਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯਾ’’ਤਿ.

੪੬੫. ਤੇਨ ਭਿਕ੍ਖੁਨਾ ਸਮ੍ਬਹੁਲੇ ਭਿਕ੍ਖੂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸੁ ਵਚਨੀਯਾ – ‘‘ਇਦਂ ਮੇ, ਭਨ੍ਤੇ, ਚੀਵਰਂ ਦਸਾਹਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ. ਇਮਾਹਂ ਆਯਸ੍ਮਨ੍ਤਾਨਂ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਨਿਸ੍ਸਟ੍ਠਚੀਵਰਂ ਦਾਤਬ੍ਬਂ.

੪੬੬. ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ. ਇਦਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯਂ ਆਯਸ੍ਮਨ੍ਤਾਨਂ ਨਿਸ੍ਸਟ੍ਠਂ. ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਆਯਸ੍ਮਨ੍ਤਾ ਇਮਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯੁ’’ਨ੍ਤਿ.

੪੬੭. ਤੇਨ ਭਿਕ੍ਖੁਨਾ ਏਕਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਇਦਂ ਮੇ, ਆਵੁਸੋ, ਚੀਵਰਂ ਦਸਾਹਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ. ਇਮਾਹਂ ਆਯਸ੍ਮਤੋ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਤੇਨ ਭਿਕ੍ਖੁਨਾ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਨਿਸ੍ਸਟ੍ਠਚੀਵਰਂ ਦਾਤਬ੍ਬਂ – ‘‘ਇਮਂ ਚੀਵਰਂ ਆਯਸ੍ਮਤੋ ਦਮ੍ਮੀ’’ਤਿ.

੪੬੮. ਦਸਾਹਾਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਦਸਾਹਾਤਿਕ੍ਕਨ੍ਤੇ ਵੇਮਤਿਕੋ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਦਸਾਹਾਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਧਿਟ੍ਠਿਤੇ ਅਧਿਟ੍ਠਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਕਪ੍ਪਿਤੇ ਵਿਕਪ੍ਪਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਟ੍ਠੇ ਨਟ੍ਠਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਨਟ੍ਠੇ ਵਿਨਟ੍ਠਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਦਡ੍ਢੇ ਦਡ੍ਢਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਚੀਵਰਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਅਨਾਪਤ੍ਤਿ.

੪੬੯. ਅਨਾਪਤ੍ਤਿ ਅਨ੍ਤੋਦਸਾਹਂ ਅਧਿਟ੍ਠੇਤਿ, ਵਿਕਪ੍ਪੇਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

੪੭੦. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਨਿਸ੍ਸਟ੍ਠਚੀਵਰਂ ਨ ਦੇਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਨ, ਭਿਕ੍ਖਵੇ, ਨਿਸ੍ਸਟ੍ਠਚੀਵਰਂ ਨ ਦਾਤਬ੍ਬਂ. ਯੋ ਨ ਦਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਕਥਿਨਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ.

੨. ਉਦੋਸਿਤਸਿਕ੍ਖਾਪਦਂ

੪੭੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਨ੍ਤਿ. ਤਾਨਿ ਚੀਵਰਾਨਿ ਚਿਰਂ ਨਿਕ੍ਖਿਤ੍ਤਾਨਿ ਕਣ੍ਣਕਿਤਾਨਿ ਹੋਨ੍ਤਿ. ਤਾਨਿ ਭਿਕ੍ਖੂ ਓਤਾਪੇਨ੍ਤਿ. ਅਦ੍ਦਸਾ ਖੋ ਆਯਸ੍ਮਾ ਆਨਨ੍ਦੋ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤੇ ਭਿਕ੍ਖੂ ਤਾਨਿ ਚੀਵਰਾਨਿ ਓਤਾਪੇਨ੍ਤੇ. ਦਿਸ੍ਵਾਨ ਯੇਨ ਤੇ ਭਿਕ੍ਖੂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇ ਭਿਕ੍ਖੂ ਏਤਦਵੋਚ – ‘‘ਕਸ੍ਸਿਮਾਨਿ, ਆਵੁਸੋ, ਚੀਵਰਾਨਿ ਕਣ੍ਣਕਿਤਾਨੀ’’ਤਿ? ਅਥ ਖੋ ਤੇ ਭਿਕ੍ਖੂ ਆਯਸ੍ਮਤੋ ਆਨਨ੍ਦਸ੍ਸ ਏਤਮਤ੍ਥਂ ਆਰੋਚੇਸੁਂ. ਆਯਸ੍ਮਾ ਆਨਨ੍ਦੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਿਸ੍ਸਨ੍ਤੀ’’ਤਿ! ਅਥ ਖੋ ਆਯਸ੍ਮਾ ਆਨਨ੍ਦੋ ਤੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸਿ…ਪੇ… ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਭਿਕ੍ਖੂਨਂ ਹਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਨ੍ਤੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਭਿਕ੍ਖੂਨਂ ਹਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਿਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੭੨. ‘‘ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀਵਰੇਨ ਵਿਪ੍ਪਵਸੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੪੭੩. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੋਸਮ੍ਬਿਯਂ ਗਿਲਾਨੋ ਹੋਤਿ. ਞਾਤਕਾ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਤੁ ਭਦਨ੍ਤੋ, ਮਯਂ, ਉਪਟ੍ਠਹਿਸ੍ਸਾਮਾ’’ਤਿ. ਭਿਕ੍ਖੂਪਿ ਏਵਮਾਹਂਸੁ – ‘‘ਗਚ੍ਛਾਵੁਸੋ, ਞਾਤਕਾ ਤਂ ਉਪਟ੍ਠਹਿਸ੍ਸਨ੍ਤੀ’’ਤਿ. ਸੋ ਏਵਮਾਹ – ‘‘ਭਗਵਤਾਵੁਸੋ, ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨ ਤਿਚੀਵਰੇਨ ਵਿਪ੍ਪਵਸਿਤਬ੍ਬ’ਨ੍ਤਿ. ਅਹਞ੍ਚਮ੍ਹਿ ਗਿਲਾਨੋ. ਨ ਸਕ੍ਕੋਮਿ ਤਿਚੀਵਰਂ ਆਦਾਯ ਪਕ੍ਕਮਿਤੁਂ. ਨਾਹਂ ਗਮਿਸ੍ਸਾਮੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਗਿਲਾਨਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਦਾਤੁਂ. ਏਵਞ੍ਚ ਪਨ, ਭਿਕ੍ਖਵੇ, ਦਾਤਬ੍ਬਾ. ਤੇਨ ਗਿਲਾਨੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘ਅਹਂ, ਭਨ੍ਤੇ, ਗਿਲਾਨੋ. ਨ ਸਕ੍ਕੋਮਿ ਤਿਚੀਵਰਂ ਆਦਾਯ ਪਕ੍ਕਮਿਤੁਂ. ਸੋਹਂ, ਭਨ੍ਤੇ, ਸਙ੍ਘਂ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਯਾਚਾਮੀ’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੪੭੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ. ਨ ਸਕ੍ਕੋਤਿ ਤਿਚੀਵਰਂ ਆਦਾਯ ਪਕ੍ਕਮਿਤੁਂ. ਸੋ ਸਙ੍ਘਂ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਦਦੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ. ਨ ਸਕ੍ਕੋਤਿ ਤਿਚੀਵਰਂ ਆਦਾਯ ਪਕ੍ਕਮਿਤੁਂ. ਸੋ ਸਙ੍ਘਂ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਦੇਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਯਾ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੭੫. ‘‘ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀਵਰੇਨ ਵਿਪ੍ਪਵਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੪੭੬. ‘‘ਨਿਟ੍ਠਿਤਚੀਵਰਸ੍ਮਿਨ੍ਤਿ ਭਿਕ੍ਖੁਨੋ ਚੀਵਰਂ ਕਤਂ ਵਾ ਹੋਤਿ ਨਟ੍ਠਂ ਵਾ ਵਿਨਟ੍ਠਂ ਵਾ ਦਡ੍ਢਂ ਵਾ ਚੀਵਰਾਸਾ ਵਾ ਉਪਚ੍ਛਿਨ੍ਨਾ.

ਉਬ੍ਭਤਸ੍ਮਿਂ ਕਥਿਨੇਤਿ ਅਟ੍ਠਨ੍ਨਂ ਮਾਤਿਕਾਨਂ ਅਞ੍ਞਤਰਾਯ ਮਾਤਿਕਾਯ ਉਬ੍ਭਤਂ ਹੋਤਿ, ਸਙ੍ਘੇਨ ਵਾ ਅਨ੍ਤਰਾ ਉਬ੍ਭਤਂ ਹੋਤਿ.

ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀਵਰੇਨ ਵਿਪ੍ਪਵਸੇਯ੍ਯਾਤਿ ਸਙ੍ਘਾਟਿਯਾ ਵਾ ਉਤ੍ਤਰਾਸਙ੍ਗੇਨ ਵਾ ਅਨ੍ਤਰਵਾਸਕੇਨ ਵਾ.

ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍ਵਾ ਭਿਕ੍ਖੁਸਮ੍ਮੁਤਿਂ.

ਨਿਸ੍ਸਗ੍ਗਿਯਂ ਹੋਤੀਤਿ ਸਹ ਅਰੁਣੁਗ੍ਗਮਨਾ [ਅਰੁਣੁਗ੍ਗਮਨੇਨ (ਸੀ. ਸ੍ਯਾ.)] ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਰਤ੍ਤਿਵਿਪ੍ਪਵੁਤ੍ਥਂ [ਰਤ੍ਤਿਂ ਵਿਪ੍ਪਵੁਤ੍ਥਂ (ਸੀ.)] ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੪੭੭. ਗਾਮੋ ਏਕੂਪਚਾਰੋ ਨਾਨੂਪਚਾਰੋ. ਨਿਵੇਸਨਂ ਏਕੂਪਚਾਰਂ ਨਾਨੂਪਚਾਰਂ. ਉਦੋਸਿਤੋ ਏਕੂਪਚਾਰੋ ਨਾਨੂਪਚਾਰੋ. ਅਟ੍ਟੋ ਏਕੂਪਚਾਰੋ ਨਾਨੂਪਚਾਰੋ. ਮਾਲ਼ੋ ਏਕੂਪਚਾਰੋ ਨਾਨੂਪਚਾਰੋ. ਪਾਸਾਦੋ ਏਕੂਪਚਾਰੋ ਨਾਨੂਪਚਾਰੋ. ਹਮ੍ਮਿਯਂ ਏਕੂਪਚਾਰਂ ਨਾਨੂਪਚਾਰਂ. ਨਾਵਾ ਏਕੂਪਚਾਰਾ ਨਾਨੂਪਚਾਰਾ. ਸਤ੍ਥੋ ਏਕੂਪਚਾਰੋ ਨਾਨੂਪਚਾਰੋ. ਖੇਤ੍ਤਂ ਏਕੂਪਚਾਰਂ ਨਾਨੂਪਚਾਰਂ. ਧਞ੍ਞਕਰਣਂ ਏਕੂਪਚਾਰਂ ਨਾਨੂਪਚਾਰਂ. ਆਰਾਮੋ ਏਕੂਪਚਾਰੋ ਨਾਨੂਪਚਾਰੋ. ਵਿਹਾਰੋ ਏਕੂਪਚਾਰੋ ਨਾਨੂਪਚਾਰੋ. ਰੁਕ੍ਖਮੂਲਂ ਏਕੂਪਚਾਰਂ ਨਾਨੂਪਚਾਰਂ. ਅਜ੍ਝੋਕਾਸੋ ਏਕੂਪਚਾਰੋ ਨਾਨੂਪਚਾਰੋ.

੪੭੮. ਗਾਮੋ ਏਕੂਪਚਾਰੋ ਨਾਮ ਏਕਕੁਲਸ੍ਸ ਗਾਮੋ ਹੋਤਿ ਪਰਿਕ੍ਖਿਤ੍ਤੋ ਚ. ਅਨ੍ਤੋਗਾਮੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਗਾਮੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਘਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੭੯. ਨਾਨਾਕੁਲਸ੍ਸ ਗਾਮੋ ਹੋਤਿ ਪਰਿਕ੍ਖਿਤ੍ਤੋ ਚ. ਯਸ੍ਮਿਂ ਘਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ ਵਤ੍ਥਬ੍ਬਂ ਸਭਾਯੇ ਵਾ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਸਭਾਯਂ ਗਚ੍ਛਨ੍ਤੇਨ ਹਤ੍ਥਪਾਸੇ ਚੀਵਰਂ ਨਿਕ੍ਖਿਪਿਤ੍ਵਾ ਸਭਾਯੇ ਵਾ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਸਭਾਯੇ ਚੀਵਰਂ ਨਿਕ੍ਖਿਪਿਤ੍ਵਾ ਸਭਾਯੇ ਵਾ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਘਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਘਰੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੦. ਏਕਕੁਲਸ੍ਸ ਨਿਵੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਨਾਨਾਗਬ੍ਭਾ ਨਾਨਾਓਵਰਕਾ. ਅਨ੍ਤੋਨਿਵੇਸਨੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਨਿਵੇਸਨੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੧. ਨਾਨਾਕੁਲਸ੍ਸ ਨਿਵੇਸਨਂ ਹੋਤਿ ਪਰਿਕ੍ਖਿਤ੍ਤਞ੍ਚ, ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੨. ਏਕਕੁਲਸ੍ਸ ਉਦੋਸਿਤੋ ਹੋਤਿ ਪਰਿਕ੍ਖਿਤ੍ਤੋ ਚ, ਨਾਨਾਗਬ੍ਭਾ ਨਾਨਾਓਵਰਕਾ. ਅਨ੍ਤੋਉਦੋਸਿਤੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਉਦੋਸਿਤੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੩. ਨਾਨਾਕੁਲਸ੍ਸ ਉਦੋਸਿਤੋ ਹੋਤਿ ਪਰਿਕ੍ਖਿਤ੍ਤੋ ਚ, ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੪. ਏਕਕੁਲਸ੍ਸ ਅਟ੍ਟੋ ਹੋਤਿ, ਅਨ੍ਤੋਅਟ੍ਟੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਅਟ੍ਟੇ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਅਟ੍ਟੋ ਹੋਤਿ, ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੫. ਏਕਕੁਲਸ੍ਸ ਮਾਲ਼ੋ ਹੋਤਿ, ਅਨ੍ਤੋਮਾਲ਼ੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਮਾਲ਼ੇ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਮਾਲ਼ੋ ਹੋਤਿ ਨਾਨਾਗਬ੍ਭਾ ਨਾਨਾਓਵਰਕਾ, ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੬. ਏਕਕੁਲਸ੍ਸ ਪਾਸਾਦੋ ਹੋਤਿ, ਅਨ੍ਤੋਪਾਸਾਦੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਪਾਸਾਦੇ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਪਾਸਾਦੋ ਹੋਤਿ, ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੭. ਏਕਕੁਲਸ੍ਸ ਹਮ੍ਮਿਯਂ ਹੋਤਿ. ਅਨ੍ਤੋਹਮ੍ਮਿਯੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਹਮ੍ਮਿਯੇ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਹਮ੍ਮਿਯਂ ਹੋਤਿ, ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਗਬ੍ਭੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਗਬ੍ਭੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੮. ਏਕਕੁਲਸ੍ਸ ਨਾਵਾ ਹੋਤਿ. ਅਨ੍ਤੋਨਾਵਾਯ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਨਾਵਾਯ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਨਾਵਾ ਹੋਤਿ ਨਾਨਾਗਬ੍ਭਾ ਨਾਨਾਓਵਰਕਾ. ਯਸ੍ਮਿਂ ਓਵਰਕੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਓਵਰਕੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੮੯. ਏਕਕੁਲਸ੍ਸ ਸਤ੍ਥੋ ਹੋਤਿ. ਸਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਪੁਰਤੋ ਵਾ ਪਚ੍ਛਤੋ ਵਾ ਸਤ੍ਤਬ੍ਭਨ੍ਤਰਾ ਨ ਵਿਜਹਿਤਬ੍ਬਾ, ਪਸ੍ਸਤੋ ਅਬ੍ਭਨ੍ਤਰਂ ਨ ਵਿਜਹਿਤਬ੍ਬਂ. ਨਾਨਾਕੁਲਸ੍ਸ ਸਤ੍ਥੋ ਹੋਤਿ, ਸਤ੍ਥੇ ਚੀਵਰਂ ਨਿਕ੍ਖਿਪਿਤ੍ਵਾ ਹਤ੍ਥਪਾਸਾ ਨ ਵਿਜਹਿਤਬ੍ਬਂ.

੪੯੦. ਏਕਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ. ਅਨ੍ਤੋਖੇਤ੍ਤੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਖੇਤ੍ਤੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ. ਨਾਨਾਕੁਲਸ੍ਸ ਖੇਤ੍ਤਂ ਹੋਤਿ ਪਰਿਕ੍ਖਿਤ੍ਤਞ੍ਚ. ਅਨ੍ਤੋਖੇਤ੍ਤੇ ਚੀਵਰਂ ਨਿਕ੍ਖਿਪਿਤ੍ਵਾ ਦ੍ਵਾਰਮੂਲੇ ਵਾ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ.

੪੯੧. ਏਕਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ. ਅਨ੍ਤੋਧਞ੍ਞਕਰਣੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਧਞ੍ਞਕਰਣੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ. ਨਾਨਾਕੁਲਸ੍ਸ ਧਞ੍ਞਕਰਣਂ ਹੋਤਿ ਪਰਿਕ੍ਖਿਤ੍ਤਞ੍ਚ. ਅਨ੍ਤੋਧਞ੍ਞਕਰਣੇ ਚੀਵਰਂ ਨਿਕ੍ਖਿਪਿਤ੍ਵਾ ਦ੍ਵਾਰਮੂਲੇ ਵਾ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤਂ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ.

੪੯੨. ਏਕਕੁਲਸ੍ਸ ਆਰਾਮੋ ਹੋਤਿ ਪਰਿਕ੍ਖਿਤ੍ਤੋ ਚ. ਅਨ੍ਤੋਆਰਾਮੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਆਰਾਮੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ. ਨਾਨਾਕੁਲਸ੍ਸ ਆਰਾਮੋ ਹੋਤਿ ਪਰਿਕ੍ਖਿਤ੍ਤੋ ਚ. ਅਨ੍ਤੋਆਰਾਮੇ ਚੀਵਰਂ ਨਿਕ੍ਖਿਪਿਤ੍ਵਾ ਦ੍ਵਾਰਮੂਲੇ ਵਾ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ.

੪੯੩. ਏਕਕੁਲਸ੍ਸ ਵਿਹਾਰੋ ਹੋਤਿ ਪਰਿਕ੍ਖਿਤ੍ਤੋ ਚ. ਅਨ੍ਤੋਵਿਹਾਰੇ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਵਿਹਾਰੇ ਵਤ੍ਥਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਵਿਹਾਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਵਿਹਾਰੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਨਾਨਾਕੁਲਸ੍ਸ ਵਿਹਾਰੋ ਹੋਤਿ ਪਰਿਕ੍ਖਿਤ੍ਤੋ ਚ. ਯਸ੍ਮਿਂ ਵਿਹਾਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਵਿਹਾਰੇ ਵਤ੍ਥਬ੍ਬਂ ਦ੍ਵਾਰਮੂਲੇ ਵਾ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ. ਅਪਰਿਕ੍ਖਿਤ੍ਤੋ ਹੋਤਿ, ਯਸ੍ਮਿਂ ਵਿਹਾਰੇ ਚੀਵਰਂ ਨਿਕ੍ਖਿਤ੍ਤਂ ਹੋਤਿ ਤਸ੍ਮਿਂ ਵਿਹਾਰੇ ਵਤ੍ਥਬ੍ਬਂ, ਹਤ੍ਥਪਾਸਾ ਵਾ ਨ ਵਿਜਹਿਤਬ੍ਬਂ.

੪੯੪. ਏਕਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਯਂ ਮਜ੍ਝਨ੍ਹਿਕੇ ਕਾਲੇ ਸਮਨ੍ਤਾ ਛਾਯਾ ਫਰਤਿ, ਅਨ੍ਤੋਛਾਯਾਯ ਚੀਵਰਂ ਨਿਕ੍ਖਿਪਿਤ੍ਵਾ ਅਨ੍ਤੋਛਾਯਾਯ ਵਤ੍ਥਬ੍ਬਂ. ਨਾਨਾਕੁਲਸ੍ਸ ਰੁਕ੍ਖਮੂਲਂ ਹੋਤਿ, ਹਤ੍ਥਪਾਸਾ ਨ ਵਿਜਹਿਤਬ੍ਬਂ.

ਅਜ੍ਝੋਕਾਸੋ ਏਕੂਪਚਾਰੋ ਨਾਮ ਅਗਾਮਕੇ ਅਰਞ੍ਞੇ ਸਮਨ੍ਤਾ ਸਤ੍ਤਬ੍ਭਨ੍ਤਰਾ ਏਕੂਪਚਾਰੋ, ਤਤੋ ਪਰਂ ਨਾਨੂਪਚਾਰੋ.

੪੯੫. ਵਿਪ੍ਪਵੁਤ੍ਥੇ ਵਿਪ੍ਪਵੁਤ੍ਥਸਞ੍ਞੀ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਵਿਪ੍ਪਵੁਤ੍ਥੇ ਵੇਮਤਿਕੋ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਵਿਪ੍ਪਵੁਤ੍ਥੇ ਅਵਿਪ੍ਪਵੁਤ੍ਥਸਞ੍ਞੀ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਪ੍ਪਚ੍ਚੁਦ੍ਧਟੇ ਪਚ੍ਚੁਦ੍ਧਟਸਞ੍ਞੀ…ਪੇ… ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅਵਿਨਟ੍ਠੇ ਵਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ…ਪੇ… ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਚੀਵਰਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਵਿਪ੍ਪਵੁਤ੍ਥੇ ਵਿਪ੍ਪਵੁਤ੍ਥਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਵਿਪ੍ਪਵੁਤ੍ਥੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਵਿਪ੍ਪਵੁਤ੍ਥੇ ਅਵਿਪ੍ਪਵੁਤ੍ਥਸਞ੍ਞੀ, ਅਨਾਪਤ੍ਤਿ.

੪੯੬. ਅਨਾਪਤ੍ਤਿ ਅਨ੍ਤੋਅਰੁਣੇ ਪਚ੍ਚੁਦ੍ਧਰਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਉਦੋਸਿਤਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ.

੩. ਤਤਿਯਕਥਿਨਸਿਕ੍ਖਾਪਦਂ

੪੯੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਅਕਾਲਚੀਵਰਂ ਉਪ੍ਪਨ੍ਨਂ ਹੋਤਿ. ਤਸ੍ਸ ਤਂ ਚੀਵਰਂ ਕਯਿਰਮਾਨਂ ਨਪ੍ਪਹੋਤਿ. ਅਥ ਖੋ ਸੋ ਭਿਕ੍ਖੁ ਤਂ ਚੀਵਰਂ ਉਸ੍ਸਾਪੇਤ੍ਵਾ ਪੁਨਪ੍ਪੁਨਂ ਵਿਮਜ੍ਜਤਿ. ਅਦ੍ਦਸਾ ਖੋ ਭਗਵਾ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤਂ ਭਿਕ੍ਖੁਂ ਤਂ ਚੀਵਰਂ ਉਸ੍ਸਾਪੇਤ੍ਵਾ ਪੁਨਪ੍ਪੁਨਂ ਵਿਮਜ੍ਜਨ੍ਤਂ. ਦਿਸ੍ਵਾਨ ਯੇਨ ਸੋ ਭਿਕ੍ਖੁ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਭਿਕ੍ਖੁਂ ਏਤਦਵੋਚ – ‘‘ਕਿਸ੍ਸ ਤ੍ਵਂ, ਭਿਕ੍ਖੁ, ਇਮਂ ਚੀਵਰਂ ਉਸ੍ਸਾਪੇਤ੍ਵਾ ਪੁਨਪ੍ਪੁਨਂ ਵਿਮਜ੍ਜਸੀ’’ਤਿ? ‘‘ਇਦਂ ਮੇ, ਭਨ੍ਤੇ, ਅਕਾਲਚੀਵਰਂ ਉਪ੍ਪਨ੍ਨਂ. ਕਯਿਰਮਾਨਂ ਨਪ੍ਪਹੋਤਿ. ਤੇਨਾਹਂ ਇਮਂ ਚੀਵਰਂ ਉਸ੍ਸਾਪੇਤ੍ਵਾ ਪੁਨਪ੍ਪੁਨਂ ਵਿਮਜ੍ਜਾਮੀ’’ਤਿ. ‘‘ਅਤ੍ਥਿ ਪਨ ਤੇ, ਭਿਕ੍ਖੁ, ਚੀਵਰਪਚ੍ਚਾਸਾ’’ਤਿ? ‘‘ਅਤ੍ਥਿ, ਭਗਵਾ’’ਤਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ, ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਚੀਵਰਪਚ੍ਚਾਸਾ ਨਿਕ੍ਖਿਪਿਤੁ’’ਨ੍ਤਿ.

੪੯੮. ਤੇਨ ਖੋ ਪਨ ਸਮਯੇਨ ਭਿਕ੍ਖੂ – ‘‘ਭਗਵਤਾ ਅਨੁਞ੍ਞਾਤਂ ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਚੀਵਰਪਚ੍ਚਾਸਾ ਨਿਕ੍ਖਿਪਿਤੁ’’ਨ੍ਤਿ ਅਕਾਲਚੀਵਰਾਨਿ ਪਟਿਗ੍ਗਹੇਤ੍ਵਾ ਅਤਿਰੇਕਮਾਸਂ ਨਿਕ੍ਖਿਪਨ੍ਤਿ. ਤਾਨਿ ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ ਤਿਟ੍ਠਨ੍ਤਿ. ਅਦ੍ਦਸਾ ਖੋ ਆਯਸ੍ਮਾ ਆਨਨ੍ਦੋ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤਾਨਿ ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ ਤਿਟ੍ਠਨ੍ਤੇ. ਦਿਸ੍ਵਾਨ ਭਿਕ੍ਖੂ ਆਮਨ੍ਤੇਸਿ – ‘‘ਕਸ੍ਸਿਮਾਨਿ, ਆਵੁਸੋ, ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ ਤਿਟ੍ਠਨ੍ਤੀ’’ਤਿ? ‘‘ਅਮ੍ਹਾਕਂ, ਆਵੁਸੋ, ਅਕਾਲਚੀਵਰਾਨਿ ਚੀਵਰਪਚ੍ਚਾਸਾ ਨਿਕ੍ਖਿਤ੍ਤਾਨੀ’’ਤਿ. ‘‘ਕੀਵਚਿਰਂ ਪਨਾਵੁਸੋ, ਇਮਾਨਿ ਚੀਵਰਾਨਿ ਨਿਕ੍ਖਿਤ੍ਤਾਨੀ’’ਤਿ? ‘‘ਅਤਿਰੇਕਮਾਸਂ, ਆਵੁਸੋ’’ਤਿ. ਆਯਸ੍ਮਾ ਆਨਨ੍ਦੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਅਤਿਰੇਕਮਾਸਂ ਨਿਕ੍ਖਿਪਿਸ੍ਸਨ੍ਤੀ’’ਤਿ! ਅਥ ਖੋ ਆਯਸ੍ਮਾ ਆਨਨ੍ਦੋ ਤੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸਿ…ਪੇ… ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਅਤਿਰੇਕਮਾਸਂ ਨਿਕ੍ਖਿਪਨ੍ਤੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਅਤਿਰੇਕਮਾਸਂ ਨਿਕ੍ਖਿਪਿਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੪੯੯. ‘‘ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਭਿਕ੍ਖੁਨੋ ਪਨੇਵ ਅਕਾਲਚੀਵਰਂ ਉਪ੍ਪਜ੍ਜੇਯ੍ਯ, ਆਕਙ੍ਖਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਂ. ਪਟਿਗ੍ਗਹੇਤ੍ਵਾ ਖਿਪ੍ਪਮੇਵ ਕਾਰੇਤਬ੍ਬਂ. ਨੋਚਸ੍ਸ ਪਾਰਿਪੂਰਿ, ਮਾਸਪਰਮਂ ਤੇਨ ਭਿਕ੍ਖੁਨਾ ਤਂ ਚੀਵਰਂ ਨਿਕ੍ਖਿਪਿਤਬ੍ਬਂ ਊਨਸ੍ਸ ਪਾਰਿਪੂਰਿਯਾ ਸਤਿਯਾ ਪਚ੍ਚਾਸਾਯ. ਤਤੋ ਚੇ ਉਤ੍ਤਰਿ [ਉਤ੍ਤਰਿਂ (ਸੀ. ਸ੍ਯਾ.)] ਨਿਕ੍ਖਿਪੇਯ੍ਯ, ਸਤਿਯਾਪਿ ਪਚ੍ਚਾਸਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੦੦. ਨਿਟ੍ਠਿਤਚੀਵਰਸ੍ਮਿਨ੍ਤਿ ਭਿਕ੍ਖੁਨੋ ਚੀਵਰਂ ਕਤਂ ਵਾ ਹੋਤਿ ਨਟ੍ਠਂ ਵਾ ਵਿਨਟ੍ਠਂ ਵਾ ਦਡ੍ਢਂ ਵਾ ਚੀਵਰਾਸਾ ਵਾ ਉਪਚ੍ਛਿਨ੍ਨਾ.

ਉਬ੍ਭਤਸ੍ਮਿਂ ਕਥਿਨੇਤਿ ਅਟ੍ਠਨ੍ਨਂ ਮਾਤਿਕਾਨਂ ਅਞ੍ਞਤਰਾਯ ਮਾਤਿਕਾਯ ਉਬ੍ਭਤਂ ਹੋਤਿ, ਸਙ੍ਘੇਨ ਵਾ ਅਨ੍ਤਰਾ ਉਬ੍ਭਤਂ ਹੋਤਿ.

ਅਕਾਲਚੀਵਰਂ ਨਾਮ ਅਨਤ੍ਥਤੇ ਕਥਿਨੇ ਏਕਾਦਸਮਾਸੇ ਉਪ੍ਪਨ੍ਨਂ, ਅਤ੍ਥਤੇ ਕਥਿਨੇ ਸਤ੍ਤਮਾਸੇ ਉਪ੍ਪਨ੍ਨਂ, ਕਾਲੇਪਿ ਆਦਿਸ੍ਸ ਦਿਨ੍ਨਂ, ਏਤਂ ਅਕਾਲਚੀਵਰਂ ਨਾਮ.

ਉਪ੍ਪਜ੍ਜੇਯ੍ਯਾਤਿ ਉਪ੍ਪਜ੍ਜੇਯ੍ਯ ਸਙ੍ਘਤੋ ਵਾ ਗਣਤੋ ਵਾ ਞਾਤਿਤੋ ਵਾ ਮਿਤ੍ਤਤੋ ਵਾ ਪਂਸੁਕੂਲਂ ਵਾ ਅਤ੍ਤਨੋ ਵਾ ਧਨੇਨ.

ਆਕਙ੍ਖਮਾਨੇਨਾਤਿ ਇਚ੍ਛਮਾਨੇਨ ਪਟਿਗ੍ਗਹੇਤਬ੍ਬਂ.

ਪਟਿਗ੍ਗਹੇਤ੍ਵਾ ਖਿਪ੍ਪਮੇਵ ਕਾਰੇਤਬ੍ਬਨ੍ਤਿ ਦਸਾਹਾ ਕਾਰੇਤਬ੍ਬਂ.

ਨੋ ਚਸ੍ਸ ਪਾਰਿਪੂਰੀਤਿ ਕਯਿਰਮਾਨਂ ਨਪ੍ਪਹੋਤਿ.

ਮਾਸਪਰਮਂ ਤੇਨ ਭਿਕ੍ਖੁਨਾ ਤਂ ਚੀਵਰਂ ਨਿਕ੍ਖਿਪਿਤਬ੍ਬਨ੍ਤਿ ਮਾਸਪਰਮਤਾ ਨਿਕ੍ਖਿਪਿਤਬ੍ਬਂ.

ਊਨਸ੍ਸ ਪਾਰਿਪੂਰਿਯਾਤਿ ਊਨਸ੍ਸ ਪਾਰਿਪੂਰਤ੍ਥਾਯ.

ਸਤਿਯਾ ਪਚ੍ਚਾਸਾਯਾਤਿ ਪਚ੍ਚਾਸਾ ਹੋਤਿ ਸਙ੍ਘਤੋ ਵਾ ਗਣਤੋ ਵਾ ਞਾਤਿਤੋ ਵਾ ਮਿਤ੍ਤਤੋ ਵਾ ਪਂਸੁਕੂਲਂ ਵਾ ਅਤ੍ਤਨੋ ਵਾ ਧਨੇਨ.

ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ ਸਤਿਯਾਪਿ ਪਚ੍ਚਾਸਾਯਾਤਿ ਤਦਹੁਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਦਸਾਹਾ ਕਾਰੇਤਬ੍ਬਂ. ਦ੍ਵੀਹੁਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਦਸਾਹਾ ਕਾਰੇਤਬ੍ਬਂ. ਤੀਹੁਪ੍ਪਨ੍ਨੇ ਮੂਲਚੀਵਰੇ…ਪੇ… ਚਤੂਹੁਪ੍ਪਨ੍ਨੇ… ਪਞ੍ਚਾਹੁਪ੍ਪਨ੍ਨੇ… ਛਾਹੁਪ੍ਪਨ੍ਨੇ… ਸਤ੍ਤਾਹੁਪ੍ਪਨ੍ਨੇ… ਅਟ੍ਠਾਹੁਪ੍ਪਨ੍ਨੇ … ਨਵਾਹੁਪ੍ਪਨ੍ਨੇ… ਦਸਾਹੁਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਦਸਾਹਾ ਕਾਰੇਤਬ੍ਬਂ. ਏਕਾਦਸੇ ਉਪ੍ਪਨ੍ਨੇ…ਪੇ… ਦ੍ਵਾਦਸੇ ਉਪ੍ਪਨ੍ਨੇ… ਤੇਰਸੇ ਉਪ੍ਪਨ੍ਨੇ… ਚੁਦ੍ਦਸੇ ਉਪ੍ਪਨ੍ਨੇ… ਪਨ੍ਨਰਸੇ ਉਪ੍ਪਨ੍ਨੇ… ਸੋਲ਼ਸੇ ਉਪ੍ਪਨ੍ਨੇ… ਸਤ੍ਤਰਸੇ ਉਪ੍ਪਨ੍ਨੇ… ਅਟ੍ਠਾਰਸੇ ਉਪ੍ਪਨ੍ਨੇ… ਏਕੂਨਵੀਸੇ ਉਪ੍ਪਨ੍ਨੇ… ਵੀਸੇ ਉਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਦਸਾਹਾ ਕਾਰੇਤਬ੍ਬਂ. ਏਕਵੀਸੇ ਉਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਨਵਾਹਾ ਕਾਰੇਤਬ੍ਬਂ. ਦ੍ਵਾਵੀਸੇ ਉਪ੍ਪਨ੍ਨੇ…ਪੇ… ਤੇਵੀਸੇ ਉਪ੍ਪਨ੍ਨੇ… ਚਤੁਵੀਸੇ ਉਪ੍ਪਨ੍ਨੇ… ਪਞ੍ਚਵੀਸੇ ਉਪ੍ਪਨ੍ਨੇ… ਛਬ੍ਬੀਸੇ ਉਪ੍ਪਨ੍ਨੇ… ਸਤ੍ਤਵੀਸੇ ਉਪ੍ਪਨ੍ਨੇ… ਅਟ੍ਠਵੀਸੇ ਉਪ੍ਪਨ੍ਨੇ… ਏਕੂਨਤਿਂਸੇ ਉਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਏਕਾਹਂ ਕਾਰੇਤਬ੍ਬਂ… ਤਿਂਸੇ ਉਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਤਦਹੇਵ ਅਧਿਟ੍ਠਾਤਬ੍ਬਂ ਵਿਕਪ੍ਪੇਤਬ੍ਬਂ ਵਿਸ੍ਸਜ੍ਜੇਤਬ੍ਬਂ. ਨੋ ਚੇ ਅਧਿਟ੍ਠੇਯ੍ਯ ਵਾ ਵਿਕਪ੍ਪੇਯ੍ਯ ਵਾ ਵਿਸ੍ਸਜ੍ਜੇਯ੍ਯ ਵਾ, ਏਕਤਿਂਸੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਅਕਾਲਚੀਵਰਂ ਮਾਸਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

ਵਿਸਭਾਗੇ ਉਪ੍ਪਨ੍ਨੇ ਮੂਲਚੀਵਰੇ ਪਚ੍ਚਾਸਾਚੀਵਰਂ ਉਪ੍ਪਜ੍ਜਤਿ, ਰਤ੍ਤਿਯੋ ਚ ਸੇਸਾ ਹੋਨ੍ਤਿ, ਨ ਅਕਾਮਾ ਕਾਰੇਤਬ੍ਬਂ.

੫੦੧. ਮਾਸਾਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਮਾਸਾਤਿਕ੍ਕਨ੍ਤੇ ਵੇਮਤਿਕੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਮਾਸਾਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਧਿਟ੍ਠਿਤੇ ਅਧਿਟ੍ਠਿਤਸਞ੍ਞੀ…ਪੇ… ਅਵਿਕਪ੍ਪਿਤੇ ਵਿਕਪ੍ਪਿਤਸਞ੍ਞੀ… ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅਵਿਨਟ੍ਠੇ ਵਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ… ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਚੀਵਰਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਮਾਸਾਨਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਮਾਸਾਨਤਿਕ੍ਕਨ੍ਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਮਾਸਾਨਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਅਨਾਪਤ੍ਤਿ.

੫੦੨. ਅਨਾਪਤ੍ਤਿ ਅਨ੍ਤੋਮਾਸੇ ਅਧਿਟ੍ਠੇਤਿ, ਵਿਕਪ੍ਪੇਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਤਤਿਯਕਥਿਨਸਿਕ੍ਖਾਪਦਂ ਨਿਟ੍ਠਿਤਂ.

੪. ਪੁਰਾਣਚੀਵਰਸਿਕ੍ਖਾਪਦਂ

੫੦੩. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਉਦਾਯਿਸ੍ਸ ਪੁਰਾਣਦੁਤਿਯਿਕਾ ਭਿਕ੍ਖੁਨੀਸੁ ਪਬ੍ਬਜਿਤਾ ਹੋਤਿ. ਸਾ ਆਯਸ੍ਮਤੋ ਉਦਾਯਿਸ੍ਸ ਸਨ੍ਤਿਕੇ ਅਭਿਕ੍ਖਣਂ ਆਗਚ੍ਛਤਿ. ਆਯਸ੍ਮਾਪਿ ਉਦਾਯੀ ਤਸ੍ਸਾ ਭਿਕ੍ਖੁਨਿਯਾ ਸਨ੍ਤਿਕੇ ਅਭਿਕ੍ਖਣਂ ਗਚ੍ਛਤਿ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਦਾਯੀ ਤਸ੍ਸਾ ਭਿਕ੍ਖੁਨਿਯਾ ਸਨ੍ਤਿਕੇ ਭਤ੍ਤਵਿਸ੍ਸਗ੍ਗਂ ਕਰੋਤਿ. ਅਥ ਖੋ ਆਯਸ੍ਮਾ ਉਦਾਯੀ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਯੇਨ ਸਾ ਭਿਕ੍ਖੁਨੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਸ੍ਸਾ ਭਿਕ੍ਖੁਨਿਯਾ ਪੁਰਤੋ ਅਙ੍ਗਜਾਤਂ ਵਿਵਰਿਤ੍ਵਾ ਆਸਨੇ ਨਿਸੀਦਿ. ਸਾਪਿ ਖੋ ਭਿਕ੍ਖੁਨੀ ਆਯਸ੍ਮਤੋ ਉਦਾਯਿਸ੍ਸ ਪੁਰਤੋ ਅਙ੍ਗਜਾਤਂ ਵਿਵਰਿਤ੍ਵਾ ਆਸਨੇ ਨਿਸੀਦਿ. ਅਥ ਖੋ ਆਯਸ੍ਮਾ ਉਦਾਯੀ ਸਾਰਤ੍ਤੋ ਤਸ੍ਸਾ ਭਿਕ੍ਖੁਨਿਯਾ ਅਙ੍ਗਜਾਤਂ ਉਪਨਿਜ੍ਝਾਯਿ. ਤਸ੍ਸ ਅਸੁਚਿ ਮੁਚ੍ਚਿ. ਅਥ ਖੋ ਆਯਸ੍ਮਾ ਉਦਾਯੀ ਤਂ ਭਿਕ੍ਖੁਨਿਂ ਏਤਦਵੋਚ – ‘‘ਗਚ੍ਛ, ਭਗਿਨਿ, ਉਦਕਂ ਆਹਰ, ਅਨ੍ਤਰਵਾਸਕਂ ਧੋਵਿਸ੍ਸਾਮੀ’’ਤਿ. ‘‘ਆਹਰਯ੍ਯ, ਅਹਮੇਵ ਧੋਵਿਸ੍ਸਾਮੀ’’ਤਿ ਤਂ ਅਸੁਚਿਂ ਏਕਦੇਸਂ ਮੁਖੇਨ ਅਗ੍ਗਹੇਸਿ ਏਕਦੇਸਂ ਅਙ੍ਗਜਾਤੇ ਪਕ੍ਖਿਪਿ. ਸਾ ਤੇਨ ਗਬ੍ਭਂ ਗਣ੍ਹਿ. ਭਿਕ੍ਖੁਨਿਯੋ ਏਵਮਾਹਂਸੁ – ‘‘ਅਬ੍ਰਹ੍ਮਚਾਰਿਨੀ ਅਯਂ ਭਿਕ੍ਖੁਨੀ, ਗਬ੍ਭਿਨੀ’’ਤਿ. ‘‘ਨਾਹਂ, ਅਯ੍ਯੇ, ਅਬ੍ਰਹ੍ਮਚਾਰਿਨੀ’’ਤਿ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਦਾਯੀ ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਸ੍ਸਤੀ’’ਤਿ! ਅਥ ਖੋ ਤਾ ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਿਕਾ ਤੇ, ਉਦਾਯਿ, ਅਞ੍ਞਾਤਿਕਾ’’ਤਿ? ‘‘ਅਞ੍ਞਾਤਿਕਾ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਿਕਾਯ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਪਾਸਾਦਿਕਂ ਵਾ ਅਪਾਸਾਦਿਕਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੦੪. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਯ੍ਯ ਵਾ ਰਜਾਪੇਯ੍ਯ ਵਾ ਆਕੋਟਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੦੫. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਅਞ੍ਞਾਤਿਕਾ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ.

ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ.

ਪੁਰਾਣਚੀਵਰਂ ਨਾਮ ਸਕਿਂ ਨਿਵਤ੍ਥਮ੍ਪਿ ਸਕਿਂ ਪਾਰੁਤਮ੍ਪਿ.

ਧੋਵਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਧੋਤਂ ਨਿਸ੍ਸਗ੍ਗਿਯਂ ਹੋਤਿ. ਰਜਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਰਤ੍ਤਂ ਨਿਸ੍ਸਗ੍ਗਿਯਂ ਹੋਤਿ. ਆਕੋਟੇਹੀਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਕਿਂ ਪਾਣਿਪ੍ਪਹਾਰਂ ਵਾ ਮੁਗ੍ਗਰਪ੍ਪਹਾਰਂ ਵਾ ਦਿਨ੍ਨੇ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਪੁਰਾਣਚੀਵਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਧੋਵਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੦੬. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਧੋਵਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਧੋਵਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਧੋਵਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਧੋਵਾਪੇਤਿ ਰਜਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਰਜਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਰਜਾਪੇਤਿ ਆਕੋਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਰਜਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਰਜਾਪੇਤਿ ਆਕੋਟਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਆਕੋਟਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਆਕੋਟਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਆਕੋਟਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਪੁਰਾਣਚੀਵਰਂ ਆਕੋਟਾਪੇਤਿ ਧੋਵਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਅਞ੍ਞਾਤਿਕਾਯ ਵੇਮਤਿਕੋ…ਪੇ… ਅਞ੍ਞਾਤਿਕਾਯ ਞਾਤਿਕਸਞ੍ਞੀ…ਪੇ… ਅਞ੍ਞਸ੍ਸ ਪੁਰਾਣਚੀਵਰਂ ਧੋਵਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਨਿਸੀਦਨਪਚ੍ਚਤ੍ਥਰਣਂ ਧੋਵਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਏਕਤੋਉਪਸਮ੍ਪਨ੍ਨਾਯ ਧੋਵਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਅਞ੍ਞਾਤਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਞਾਤਿਕਸਞ੍ਞੀ, ਅਨਾਪਤ੍ਤਿ.

੫੦੭. ਅਨਾਪਤ੍ਤਿ ਞਾਤਿਕਾਯ ਧੋਵਨ੍ਤਿਯਾ ਅਞ੍ਞਾਤਿਕਾ ਦੁਤਿਯਾ ਹੋਤਿ, ਅਵੁਤ੍ਤਾ ਧੋਵਤਿ, ਅਪਰਿਭੁਤ੍ਤਂ ਧੋਵਾਪੇਤਿ, ਚੀਵਰਂ ਠਪੇਤ੍ਵਾ ਅਞ੍ਞਂ ਪਰਿਕ੍ਖਾਰਂ ਧੋਵਾਪੇਤਿ, ਸਿਕ੍ਖਮਾਨਾਯ, ਸਾਮਣੇਰਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਪੁਰਾਣਚੀਵਰਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ.

੫. ਚੀਵਰਪਟਿਗ੍ਗਹਣਸਿਕ੍ਖਾਪਦਂ

੫੦੮. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਉਪ੍ਪਲਵਣ੍ਣਾ ਭਿਕ੍ਖੁਨੀ ਸਾਵਤ੍ਥਿਯਂ ਵਿਹਰਤਿ. ਅਥ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਮਾਦਾਯ ਸਾਵਤ੍ਥਿਂ ਪਿਣ੍ਡਾਯ ਪਾਵਿਸਿ. ਸਾਵਤ੍ਥਿਯਂ ਪਿਣ੍ਡਾਯ ਚਰਿਤ੍ਵਾ ਪਚ੍ਛਾਭਤ੍ਤਂ ਪਿਣ੍ਡਪਾਤਪ੍ਪਟਿਕ੍ਕਨ੍ਤਾ ਯੇਨ ਅਨ੍ਧਵਨਂ ਤੇਨੁਪਸਙ੍ਕਮਿ ਦਿਵਾਵਿਹਾਰਾਯ. ਅਨ੍ਧਵਨਂ ਅਜ੍ਝੋਗਾਹੇਤ੍ਵਾ ਅਞ੍ਞਤਰਸ੍ਮਿਂ ਰੁਕ੍ਖਮੂਲੇ ਦਿਵਾਵਿਹਾਰਂ ਨਿਸੀਦਿ. ਤੇਨ ਖੋ ਪਨ ਸਮਯੇਨ ਚੋਰਾ ਕਤਕਮ੍ਮਾ ਗਾਵਿਂ ਵਧਿਤ੍ਵਾ ਮਂਸਂ ਗਹੇਤ੍ਵਾ ਅਨ੍ਧਵਨਂ ਪਵਿਸਿਂਸੁ. ਅਦ੍ਦਸਾ ਖੋ ਚੋਰਗਾਮਣਿਕੋ ਉਪ੍ਪਲਵਣ੍ਣਂ ਭਿਕ੍ਖੁਨਿਂ ਅਞ੍ਞਤਰਸ੍ਮਿਂ ਰੁਕ੍ਖਮੂਲੇ ਦਿਵਾਵਿਹਾਰਂ ਨਿਸਿਨ੍ਨਂ. ਦਿਸ੍ਵਾਨਸ੍ਸ ਏਤਦਹੋਸਿ – ‘‘ਸਚੇ ਮੇ ਪੁਤ੍ਤਭਾਤੁਕਾ ਪਸ੍ਸਿਸ੍ਸਨ੍ਤਿ ਵਿਹੇਠਿਸ੍ਸਨ੍ਤਿ ਇਮਂ ਭਿਕ੍ਖੁਨਿ’’ਨ੍ਤਿ ਅਞ੍ਞੇਨ ਮਗ੍ਗੇਨ ਅਗਮਾਸਿ. ਅਥ ਖੋ ਸੋ ਚੋਰਗਾਮਣਿਕੋ ਮਂਸੇ ਪਕ੍ਕੇ ਵਰਮਂਸਾਨਿ ਗਹੇਤ੍ਵਾ ਪਣ੍ਣਪੁਟਂ [ਪਣ੍ਣੇਨ ਪੁਟਂ (ਸ੍ਯਾ.)] ਬਨ੍ਧਿਤ੍ਵਾ ਉਪ੍ਪਲਵਣ੍ਣਾਯ ਭਿਕ੍ਖੁਨਿਯਾ ਅਵਿਦੂਰੇ ਰੁਕ੍ਖੇ ਆਲਗ੍ਗੇਤ੍ਵਾ – ‘‘ਯੋ ਪਸ੍ਸਤਿ ਸਮਣੋ ਵਾ ਬ੍ਰਾਹ੍ਮਣੋ ਵਾ ਦਿਨ੍ਨਂਯੇਵ ਹਰਤੂ’’ਤਿ, ਵਤ੍ਵਾ ਪਕ੍ਕਾਮਿ. ਅਸ੍ਸੋਸਿ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਸਮਾਧਿਮ੍ਹਾ ਵੁਟ੍ਠਹਿਤ੍ਵਾ ਤਸ੍ਸ ਚੋਰਗਾਮਣਿਕਸ੍ਸ ਇਮਂ ਵਾਚਂ ਭਾਸਮਾਨਸ੍ਸ. ਅਥ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਤਂ ਮਂਸਂ ਗਹੇਤ੍ਵਾ ਉਪਸ੍ਸਯਂ ਅਗਮਾਸਿ. ਅਥ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਤਂ ਮਂਸਂ ਸਮ੍ਪਾਦੇਤ੍ਵਾ ਉਤ੍ਤਰਾਸਙ੍ਗੇਨ ਭਣ੍ਡਿਕਂ ਬਨ੍ਧਿਤ੍ਵਾ ਵੇਹਾਸਂ ਅਬ੍ਭੁਗ੍ਗਨ੍ਤ੍ਵਾ ਵੇਲ਼ੁਵਨੇ ਪਚ੍ਚੁਟ੍ਠਾਸਿ [ਪਚ੍ਚੁਪਟ੍ਠਾਸਿ (?)].

ਤੇਨ ਖੋ ਪਨ ਸਮਯੇਨ ਭਗਵਾ ਗਾਮਂ ਪਿਣ੍ਡਾਯ ਪਵਿਟ੍ਠੋ ਹੋਤਿ. ਆਯਸ੍ਮਾ ਉਦਾਯੀ ਓਹਿਯ੍ਯਕੋ ਹੋਤਿ ਵਿਹਾਰਪਾਲੋ. ਅਥ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਯੇਨਾਯਸ੍ਮਾ ਉਦਾਯੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਦਾਯਿਂ ਏਤਦਵੋਚ – ‘‘ਕਹਂ, ਭਨ੍ਤੇ, ਭਗਵਾ’’ਤਿ? ‘‘ਪਵਿਟ੍ਠੋ, ਭਗਿਨਿ, ਭਗਵਾ ਗਾਮਂ ਪਿਣ੍ਡਾਯਾ’’ਤਿ. ‘‘ਇਮਂ, ਭਨ੍ਤੇ, ਮਂਸਂ ਭਗਵਤੋ ਦੇਹੀ’’ਤਿ. ‘‘ਸਨ੍ਤਪ੍ਪਿਤੋ ਤਯਾ, ਭਗਿਨਿ, ਭਗਵਾ ਮਂਸੇਨ. ਸਚੇ ਮੇ ਤ੍ਵਂ ਅਨ੍ਤਰਵਾਸਕਂ ਦਦੇਯ੍ਯਾਸਿ, ਏਵਂ ਅਹਮ੍ਪਿ ਸਨ੍ਤਪ੍ਪਿਤੋ ਭਵੇਯ੍ਯਂ ਅਨ੍ਤਰਵਾਸਕੇਨਾ’’ਤਿ. ‘‘ਮਯਂ ਖੋ, ਭਨ੍ਤੇ, ਮਾਤੁਗਾਮਾ ਨਾਮ ਕਿਚ੍ਛਲਾਭਾ. ਇਦਞ੍ਚ ਮੇ ਅਨ੍ਤਿਮਂ ਪਞ੍ਚਮਂ ਚੀਵਰਂ. ਨਾਹਂ ਦਸ੍ਸਾਮੀ’’ਤਿ. ‘‘ਸੇਯ੍ਯਥਾਪਿ, ਭਗਿਨਿ, ਪੁਰਿਸੋ ਹਤ੍ਥਿਂ ਦਤ੍ਵਾ ਕਚ੍ਛੇ ਸਜ੍ਜੇਯ੍ਯ [ਵਿਸ੍ਸਜ੍ਜੇਯ੍ਯ (ਸ੍ਯਾ.)] ਏਵਮੇਵ ਖੋ ਤ੍ਵਂ ਭਗਿਨਿ ਭਗਵਤੋ ਮਂਸਂ ਦਤ੍ਵਾ ਮਯਿ ਅਨ੍ਤਰਵਾਸਕੇ ਸਜ੍ਜਸੀ’’ਤਿ [ਅਨ੍ਤਰਵਾਸਕਂ ਨ ਸਜ੍ਜਸੀਤਿ (ਕ.), ਮਯ੍ਹਂ ਅਨ੍ਤਰਵਾਸਕਂ ਵਿਸ੍ਸਜ੍ਜੇਹੀਤਿ (ਸ੍ਯਾ.)]. ਅਥ ਖੋ ਉਪ੍ਪਲਵਣ੍ਣਾ ਭਿਕ੍ਖੁਨੀ ਆਯਸ੍ਮਤਾ ਉਦਾਯਿਨਾ ਨਿਪ੍ਪੀਲ਼ਿਯਮਾਨਾ ਅਨ੍ਤਰਵਾਸਕਂ ਦਤ੍ਵਾ ਉਪਸ੍ਸਯਂ ਅਗਮਾਸਿ. ਭਿਕ੍ਖੁਨਿਯੋ ਉਪ੍ਪਲਵਣ੍ਣਾਯ ਭਿਕ੍ਖੁਨਿਯਾ ਪਤ੍ਤਚੀਵਰਂ ਪਟਿਗ੍ਗਣ੍ਹਨ੍ਤਿਯੋ ਉਪ੍ਪਲਵਣ੍ਣਂ ਭਿਕ੍ਖੁਨਿਂ ਏਤਦਵੋਚੁਂ – ‘‘ਕਹਂ ਤੇ, ਅਯ੍ਯੇ, ਅਨ੍ਤਰਵਾਸਕੋ’’ਤਿ? ਉਪ੍ਪਲਵਣ੍ਣਾ ਭਿਕ੍ਖੁਨੀ ਭਿਕ੍ਖੁਨੀਨਂ ਏਤਮਤ੍ਥਂ ਆਰੋਚੇਸਿ. ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯੋ ਉਦਾਯੀ ਭਿਕ੍ਖੁਨਿਯਾ ਚੀਵਰਂ ਪਟਿਗ੍ਗਹੇਸ੍ਸਤਿ ਕਿਚ੍ਛਲਾਭੋ ਮਾਤੁਗਾਮੋ’’ਤਿ. ਅਥ ਖੋ ਤਾ ਭਿਕ੍ਖੁਨਿਯੋ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਦਾਯੀ ਭਿਕ੍ਖੁਨਿਯਾ ਚੀਵਰਂ ਪਟਿਗ੍ਗਹੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਦਾਯਿਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਦਾਯਿ, ਭਿਕ੍ਖੁਨਿਯਾ ਚੀਵਰਂ ਪਟਿਗ੍ਗਹੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਿਕਾ ਤੇ, ਉਦਾਯਿ, ਅਞ੍ਞਾਤਿਕਾ’’ਤਿ? ‘‘ਅਞ੍ਞਾਤਿਕਾ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਿਕਾਯ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਸਨ੍ਤਂ ਵਾ ਅਸਨ੍ਤਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀਵਰਂ ਪਟਿਗ੍ਗਹੇਸ੍ਸਸਿ! ਨੇਤਂ ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੦੯. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀਵਰਂ ਪਟਿਗ੍ਗਣ੍ਹੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੫੧੦. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਕੁਕ੍ਕੁਚ੍ਚਾਯਨ੍ਤਾ ਭਿਕ੍ਖੁਨੀਨਂ ਪਾਰਿਵਤ੍ਤਕਚੀਵਰਂ ਨ ਪਟਿਗ੍ਗਣ੍ਹਨ੍ਤਿ. ਭਿਕ੍ਖੁਨਿਯੋ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਅਯ੍ਯਾ ਅਮ੍ਹਾਕਂ ਪਾਰਿਵਤ੍ਤਕਚੀਵਰਂ ਨ ਪਟਿਗ੍ਗਹੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਾਸਂ ਭਿਕ੍ਖੁਨੀਨਂ ਉਜ੍ਝਾਯਨ੍ਤੀਨਂ ਖਿਯ੍ਯਨ੍ਤੀਨਂ ਵਿਪਾਚੇਨ੍ਤੀਨਂ. ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਪਞ੍ਚਨ੍ਨਂ ਪਾਰਿਵਤ੍ਤਕਂ ਪਟਿਗ੍ਗਹੇਤੁਂ – ਭਿਕ੍ਖੁਸ੍ਸ, ਭਿਕ੍ਖੁਨਿਯਾ, ਸਿਕ੍ਖਮਾਨਾਯ, ਸਾਮਣੇਰਸ੍ਸ, ਸਾਮਣੇਰਿਯਾ. ਅਨੁਜਾਨਾਮਿ, ਭਿਕ੍ਖਵੇ, ਇਮੇਸਂ ਪਞ੍ਚਨ੍ਨਂ ਪਾਰਿਵਤ੍ਤਕਂ ਪਟਿਗ੍ਗਹੇਤੁਂ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ.

੫੧੧. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀਵਰਂ ਪਟਿਗ੍ਗਣ੍ਹੇਯ੍ਯ, ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੧੨. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਅਞ੍ਞਾਤਿਕਾ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ.

ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ.

ਚੀਵਰਂ ਨਾਮ ਛਨ੍ਨਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਵਿਕਪ੍ਪਨੁਪਗਂ ਪਚ੍ਛਿਮਂ.

ਅਞ੍ਞਤ੍ਰ ਪਾਰਿਵਤ੍ਤਕਾਤਿ ਠਪੇਤ੍ਵਾ ਪਾਰਿਵਤ੍ਤਕਂ.

ਪਟਿਗ੍ਗਣ੍ਹਾਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਪਟਿਗ੍ਗਹਿਤਂ, ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੧੩. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਚੀਵਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਵੇਮਤਿਕੋ ਚੀਵਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਞਾਤਿਕਸਞ੍ਞੀ ਚੀਵਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਏਕਤੋਉਪਸਮ੍ਪਨ੍ਨਾਯ ਹਤ੍ਥਤੋ ਚੀਵਰਂ ਪਟਿਗ੍ਗਣ੍ਹਾਤਿ, ਅਞ੍ਞਤ੍ਰ ਪਾਰਿਵਤ੍ਤਕਾ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਅਞ੍ਞਾਤਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਞਾਤਿਕਸਞ੍ਞੀ, ਅਨਾਪਤ੍ਤਿ.

੫੧੪. ਅਨਾਪਤ੍ਤਿ ਞਾਤਿਕਾਯ, ਪਾਰਿਵਤ੍ਤਕਂ ਪਰਿਤ੍ਤੇਨ ਵਾ ਵਿਪੁਲਂ, ਵਿਪੁਲੇਨ ਵਾ ਪਰਿਤ੍ਤਂ, ਭਿਕ੍ਖੁ ਵਿਸ੍ਸਾਸਂ ਗਣ੍ਹਾਤਿ, ਤਾਵਕਾਲਿਕਂ ਗਣ੍ਹਾਤਿ, ਚੀਵਰਂ ਠਪੇਤ੍ਵਾ ਅਞ੍ਞਂ ਪਰਿਕ੍ਖਾਰਂ ਗਣ੍ਹਾਤਿ, ਸਿਕ੍ਖਮਾਨਾਯ, ਸਾਮਣੇਰਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਚੀਵਰਪਟਿਗ੍ਗਹਣਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ.

੬. ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦਂ

੫੧੫. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਟ੍ਟੋ [ਪਟ੍ਠੋ (ਸ੍ਯਾ. ਕ.)] ਹੋਤਿ ਧਮ੍ਮਿਂ ਕਥਂ ਕਾਤੁਂ. ਅਥ ਖੋ ਅਞ੍ਞਤਰੋ ਸੇਟ੍ਠਿਪੁਤ੍ਤੋ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਤਂ ਸੇਟ੍ਠਿਪੁਤ੍ਤਂ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ. ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਵਦੇਯ੍ਯਾਥ, ਭਨ੍ਤੇ, ਯੇਨ ਅਤ੍ਥੋ. ਪਟਿਬਲਾ ਮਯਂ ਅਯ੍ਯਸ੍ਸ ਦਾਤੁਂ ਯਦਿਦਂ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰ’’ਨ੍ਤਿ. ‘‘ਸਚੇ ਮੇ ਤ੍ਵਂ, ਆਵੁਸੋ, ਦਾਤੁਕਾਮੋਸਿ, ਇਤੋ ਏਕਂ ਸਾਟਕਂ ਦੇਹੀ’’ਤਿ. ‘‘ਅਮ੍ਹਾਕਂ ਖੋ, ਭਨ੍ਤੇ, ਕੁਲਪੁਤ੍ਤਾਨਂ ਕਿਸ੍ਮਿਂ ਵਿਯ ਏਕਸਾਟਕਂ ਗਨ੍ਤੁਂ. ਆਗਮੇਹਿ, ਭਨ੍ਤੇ, ਯਾਵ ਘਰਂ ਗਚ੍ਛਾਮਿ. ਘਰਂ ਗਤੋ ਇਤੋ ਵਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ ਵਾ ਸੁਨ੍ਦਰਤਰ’’ਨ੍ਤਿ. ਦੁਤਿਯਮ੍ਪਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਸੇਟ੍ਠਿਪੁਤ੍ਤਂ ਏਤਦਵੋਚ ‘‘ਸਚੇ ਮੇ ਤ੍ਵਂ ਆਵੁਸੋ ਦਾਤੁਕਾਮੋਸਿ ਇਤੋ ਏਕਂ ਸਾਟਕਂ ਦੇਹੀ’’ਤਿ. ਅਮ੍ਹਾਕਂ ਖੋ ਭਨ੍ਤੇ ਕੁਲਪੁਤ੍ਤਾਨਂ ਕਿਸ੍ਮਿਂ ਵਿਯ ਏਕਸਾਟਕਂ ਗਨ੍ਤੁਂ, ਆਗਮੇਹਿ ਭਨ੍ਤੇ ਯਾਵ ਘਰਂ ਗਚ੍ਛਾਮਿ, ਘਰਂ ਗਤੋ ਇਤੋ ਵਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ ਵਾ ਸੁਨ੍ਦਰਤਰਨ੍ਤਿ. ਤਤਿਯਮ੍ਪਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਸੇਟ੍ਠਿਪੁਤ੍ਤਂ ਏਤਦਵੋਚ ‘‘ਸਚੇ ਮੇ ਤ੍ਵਂ ਆਵੁਸੋ ਦਾਤੁਕਾਮੋਸਿ, ਇਤੋ ਏਕਂ ਸਾਟਕਂ ਦੇਹੀ’’ਤਿ. ਅਮ੍ਹਾਕਂ ਖੋ ਭਨ੍ਤੇ ਕੁਲਪੁਤ੍ਤਾਨਂ ਕਿਸ੍ਮਿਂ ਵਿਯ ਏਕਸਾਟਕਂ ਗਨ੍ਤੁਂ, ਆਗਮੇਹਿ ਭਨ੍ਤੇ ਯਾਵ ਘਰਂ ਗਚ੍ਛਾਮਿ, ਘਰਂ ਗਤੋ ਇਤੋ ਵਾ ਏਕਂ ਸਾਟਕਂ ਪਹਿਣਿਸ੍ਸਾਮਿ ਇਤੋ ਵਾ ਸੁਨ੍ਦਰਤਰਨ੍ਤਿ. ‘‘ਕਿਂ ਪਨ ਤਯਾ, ਆਵੁਸੋ, ਅਦਾਤੁਕਾਮੇਨ ਪਵਾਰਿਤੇਨ ਯਂ ਤ੍ਵਂ ਪਵਾਰੇਤ੍ਵਾ ਨ ਦੇਸੀ’’ਤਿ.

ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਨਿਪ੍ਪੀਲ਼ਿਯਮਾਨੋ ਏਕਂ ਸਾਟਕਂ ਦਤ੍ਵਾ ਅਗਮਾਸਿ. ਮਨੁਸ੍ਸਾ ਤਂ ਸੇਟ੍ਠਿਪੁਤ੍ਤਂ ਏਤਦਵੋਚੁਂ – ‘‘ਕਿਸ੍ਸ ਤ੍ਵਂ ਅਯ੍ਯੋ ਏਕਸਾਟਕੋ ਆਗਚ੍ਛਸੀ’’ਤਿ? ਅਥ ਖੋ ਸੋ ਸੇਟ੍ਠਿਪੁਤ੍ਤੋ ਤੇਸਂ ਮਨੁਸ੍ਸਾਨਂ ਏਤਮਤ੍ਥਂ ਆਰੋਚੇਸਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ. ਨਯਿਮੇਸਂ ਸੁਕਰਾ ਧਮ੍ਮਨਿਮਨ੍ਤਨਾਪਿ ਕਾਤੁਂ [ਨਯਿਮੇ ਸੁਕਰਾ ਧਮ੍ਮਨਿਮਨ੍ਤਨਾਯਪਿ ਕਾਤੁਂ (ਸ੍ਯਾ.)]. ਕਥਞ੍ਹਿ ਨਾਮ ਸੇਟ੍ਠਿਪੁਤ੍ਤੇਨ ਧਮ੍ਮਨਿਮਨ੍ਤਨਾਯ ਕਯਿਰਮਾਨਾਯ ਸਾਟਕਂ ਗਹੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਸੇਟ੍ਠਿਪੁਤ੍ਤਂ ਚੀਵਰਂ ਵਿਞ੍ਞਾਪੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਸੇਟ੍ਠਿਪੁਤ੍ਤਂ ਚੀਵਰਂ ਵਿਞ੍ਞਾਪੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਕੋ ਤੇ, ਉਪਨਨ੍ਦ, ਅਞ੍ਞਾਤਕੋ’’ਤਿ? ‘‘ਅਞ੍ਞਾਤਕੋ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਸ੍ਸ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਸਨ੍ਤਂ ਵਾ ਅਸਨ੍ਤਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਅਞ੍ਞਾਤਕਂ ਸੇਟ੍ਠਿਪੁਤ੍ਤਂ ਚੀਵਰਂ ਵਿਞ੍ਞਾਪੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੧੬. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੫੧੭. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਸਾਕੇਤਾ ਸਾਵਤ੍ਥਿਂ ੨ ਅਦ੍ਧਾਨਮਗ੍ਗਪ੍ਪਟਿਪਨ੍ਨਾ ਹੋਨ੍ਤਿ. ਅਨ੍ਤਰਾਮਗ੍ਗੇ ਚੋਰਾ ਨਿਕ੍ਖਮਿਤ੍ਵਾ ਤੇ ਭਿਕ੍ਖੂ ਅਚ੍ਛਿਨ੍ਦਿਂਸੁ. ਅਥ ਖੋ ਤੇ ਭਿਕ੍ਖੂ – ‘‘ਭਗਵਤਾ ਪਟਿਕ੍ਖਿਤ੍ਤਂ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਤੁ’’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨ ਵਿਞ੍ਞਾਪੇਸੁਂ. ਯਥਾਨਗ੍ਗਾਵ ਸਾਵਤ੍ਥਿਂ ਗਨ੍ਤ੍ਵਾ ਭਿਕ੍ਖੂ ਅਭਿਵਾਦੇਨ੍ਤਿ. ਭਿਕ੍ਖੂ ਏਵਮਾਹਂਸੁ – ‘‘ਸੁਨ੍ਦਰਾ ਖੋ ਇਮੇ, ਆਵੁਸੋ, ਆਜੀਵਕਾ ਯੇ ਇਮੇ ਭਿਕ੍ਖੂਸੁ ਅਭਿਵਾਦੇਨ੍ਤੀ’’ਤਿ. ਤੇ ਏਵਮਾਹਂਸੁ – ‘‘ਨ ਮਯਂ, ਆਵੁਸੋ, ਆਜੀਵਕਾ, ਭਿਕ੍ਖੂ ਮਯ’’ਨ੍ਤਿ. ਭਿਕ੍ਖੂ ਆਯਸ੍ਮਨ੍ਤਂ ਉਪਾਲਿਂ ਏਤਦਵੋਚੁਂ – ‘‘ਇਙ੍ਘਾਵੁਸੋ ਉਪਾਲਿ, ਇਮੇ ਅਨੁਯੁਞ੍ਜਾਹੀ’’ਤਿ. ਅਥ ਖੋ ਆਯਸ੍ਮਤਾ ਉਪਾਲਿਨਾ ਅਨੁਯੁਞ੍ਜਿਯਮਾਨਾ ਤੇ ਭਿਕ੍ਖੂ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਆਯਸ੍ਮਾ ਉਪਾਲਿ ਤੇ ਭਿਕ੍ਖੂ ਅਨੁਯੁਞ੍ਜਿਤ੍ਵਾ ਭਿਕ੍ਖੂ ਏਤਦਵੋਚ – ‘‘ਭਿਕ੍ਖੂ ਇਮੇ, ਆਵੁਸੋ. ਦੇਥ ਨੇਸਂ ਚੀਵਰਾਨੀ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਨਗ੍ਗਾ ਆਗਚ੍ਛਿਸ੍ਸਨ੍ਤਿ! ਨਨੁ ਨਾਮ ਤਿਣੇਨ ਵਾ ਪਣ੍ਣੇਨ ਵਾ ਪਟਿਚ੍ਛਾਦੇਤ੍ਵਾ ਆਗਨ੍ਤਬ੍ਬ’’ਨ੍ਤਿ. ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਅਚ੍ਛਿਨ੍ਨਚੀਵਰਸ੍ਸ ਵਾ ਨਟ੍ਠਚੀਵਰਸ੍ਸ ਵਾ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਤੁਂ. ਯਂ ਆਵਾਸਂ ਪਠਮਂ ਉਪਗਚ੍ਛਤਿ, ਸਚੇ ਤਤ੍ਥ ਹੋਤਿ ਸਙ੍ਘਸ੍ਸ ਵਿਹਾਰਚੀਵਰਂ ਵਾ ਉਤ੍ਤਰਤ੍ਥਰਣਂ ਵਾ ਭੂਮਤ੍ਥਰਣਂ ਵਾ ਭਿਸਿਚ੍ਛਵਿ ਵਾ, ਤਂ ਗਹੇਤ੍ਵਾ ਪਾਰੁਪਿਤੁਂ ਲਭਿਤ੍ਵਾ ਓਦਹਿਸ੍ਸਾਮੀ’’ਤਿ. ਨੋ ਚੇ ਹੋਤਿ ਸਙ੍ਘਸ੍ਸ ਵਿਹਾਰਚੀਵਰਂ ਵਾ ਉਤ੍ਤਰਤ੍ਥਰਣਂ ਵਾ ਭੁਮਤ੍ਥਰਣਂ ਵਾ ਭਿਸਿਚ੍ਛਵਿ ਵਾ ਤਿਣੇਨ ਵਾ ਪਣ੍ਣੇਨ ਵਾ ਪਟਿਚ੍ਛਾਦੇਤ੍ਵਾ ਆਗਨ੍ਤਬ੍ਬਂ; ਨ ਤ੍ਵੇਵ ਨਗ੍ਗੇਨ ਆਗਨ੍ਤਬ੍ਬਂ. ਯੋ ਆਗਚ੍ਛੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੧੮. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਯ੍ਯ, ਅਞ੍ਞਤ੍ਰ ਸਮਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ – ਅਚ੍ਛਿਨ੍ਨਚੀਵਰੋ ਵਾ ਹੋਤਿ ਭਿਕ੍ਖੁ ਨਟ੍ਠਚੀਵਰੋ ਵਾ. ਅਯਂ ਤਤ੍ਥ ਸਮਯੋ’’ਤਿ.

੫੧੯. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਅਞ੍ਞਾਤਕੋ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ.

ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾਵਸਤਿ.

ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾਵਸਤਿ.

ਚੀਵਰਂ ਨਾਮ ਛਨ੍ਨਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਵਿਕਪ੍ਪਨੁਪਗਂ ਪਚ੍ਛਿਮਂ.

ਅਞ੍ਞਤ੍ਰ ਸਮਯਾਤਿ ਠਪੇਤ੍ਵਾ ਸਮਯਂ.

ਅਚ੍ਛਿਨ੍ਨਚੀਵਰੋ ਨਾਮ ਭਿਕ੍ਖੁਸ੍ਸ ਚੀਵਰਂ ਅਚ੍ਛਿਨ੍ਨਂ ਹੋਤਿ ਰਾਜੂਹਿ ਵਾ ਚੋਰੇਹਿ ਵਾ ਧੁਤ੍ਤੇਹਿ ਵਾ, ਯੇਹਿ ਕੇਹਿਚਿ ਵਾ ਅਚ੍ਛਿਨ੍ਨਂ ਹੋਤਿ.

ਨਟ੍ਠਚੀਵਰੋ ਨਾਮ ਭਿਕ੍ਖੁਸ੍ਸ ਚੀਵਰਂ ਅਗ੍ਗਿਨਾ ਵਾ ਦਡ੍ਢਂ ਹੋਤਿ, ਉਦਕੇਨ ਵਾ ਵੁਲ਼੍ਹਂ ਹੋਤਿ, ਉਨ੍ਦੂਰੇਹਿ ਵਾ ਉਪਚਿਕਾਹਿ ਵਾ ਖਾਯਿਤਂ ਹੋਤਿ, ਪਰਿਭੋਗਜਿਣ੍ਣਂ ਵਾ ਹੋਤਿ.

ਅਞ੍ਞਤ੍ਰ ਸਮਯਾ ਵਿਞ੍ਞਾਪੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਕਂ ਗਹਪਤਿਕਂ, ਅਞ੍ਞਤ੍ਰ ਸਮਯਾ ਵਿਞ੍ਞਾਪਿਤਂ, ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੨੦. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ, ਅਞ੍ਞਤ੍ਰ ਸਮਯਾ, ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਵੇਮਤਿਕੋ, ਅਞ੍ਞਤ੍ਰ ਸਮਯਾ, ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਞਾਤਕਸਞ੍ਞੀ, ਅਞ੍ਞਤ੍ਰ ਸਮਯਾ, ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ.

੫੨੧. ਅਨਾਪਤ੍ਤਿ ਸਮਯੇ, ਞਾਤਕਾਨਂ, ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ.

੭. ਤਤੁਤ੍ਤਰਿਸਿਕ੍ਖਾਪਦਂ

੫੨੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਅਚ੍ਛਿਨ੍ਨਚੀਵਰਕੇ ਭਿਕ੍ਖੂ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘‘ਭਗਵਤਾ, ਆਵੁਸੋ, ਅਨੁਞ੍ਞਾਤਂ – ‘ਅਚ੍ਛਿਨ੍ਨਚੀਵਰਸ੍ਸ ਵਾ ਨਟ੍ਠਚੀਵਰਸ੍ਸ ਵਾ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਤੁਂ’; ਵਿਞ੍ਞਾਪੇਥ, ਆਵੁਸੋ, ਚੀਵਰ’’ਨ੍ਤਿ. ‘‘ਅਲਂ, ਆਵੁਸੋ, ਲਦ੍ਧਂ ਅਮ੍ਹੇਹਿ ਚੀਵਰ’’ਨ੍ਤਿ. ‘‘ਮਯਂ ਆਯਸ੍ਮਨ੍ਤਾਨਂ ਵਿਞ੍ਞਾਪੇਮਾ’’ਤਿ. ‘‘ਵਿਞ੍ਞਾਪੇਥ, ਆਵੁਸੋ’’ਤਿ. ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਗਹਪਤਿਕੇ ਉਪਸਙ੍ਕਮਿਤ੍ਵਾ ਏਤਦਵੋਚੁਂ – ‘‘ਅਚ੍ਛਿਨ੍ਨਚੀਵਰਕਾ, ਆਵੁਸੋ, ਭਿਕ੍ਖੂ ਆਗਤਾ. ਦੇਥ ਨੇਸਂ ਚੀਵਰਾਨੀ’’ਤਿ, ਬਹੁਂ ਚੀਵਰਂ ਵਿਞ੍ਞਾਪੇਸੁਂ.

ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਸਭਾਯਂ ਨਿਸਿਨ੍ਨੋ ਅਞ੍ਞਤਰਂ ਪੁਰਿਸਂ ਏਤਦਵੋਚ – ‘‘ਅਚ੍ਛਿਨ੍ਨਚੀਵਰਕਾ ਅਯ੍ਯੋ ਭਿਕ੍ਖੂ ਆਗਤਾ. ਤੇਸਂ ਮਯਾ ਚੀਵਰਂ ਦਿਨ੍ਨ’’ਨ੍ਤਿ. ਸੋਪਿ ਏਵਮਾਹ – ‘‘ਮਯਾਪਿ ਦਿਨ੍ਨ’’ਨ੍ਤਿ. ਅਪਰੋਪਿ ਏਵਮਾਹ – ‘‘ਮਯਾਪਿ ਦਿਨ੍ਨ’’ਨ੍ਤਿ. ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਨ ਮਤ੍ਤਂ ਜਾਨਿਤ੍ਵਾ ਬਹੁਂ ਚੀਵਰਂ ਵਿਞ੍ਞਾਪੇਸ੍ਸਨ੍ਤਿ, ਦੁਸ੍ਸਵਾਣਿਜ੍ਜਂ ਵਾ ਸਮਣਾ ਸਕ੍ਯਪੁਤ੍ਤਿਯਾ ਕਰਿਸ੍ਸਨ੍ਤਿ, ਪਗ੍ਗਾਹਿਕਸਾਲਂ [ਪਟਗ੍ਗਾਹਿਕਸਾਲਂ (?)] ਵਾ ਪਸਾਰੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਨ ਮਤ੍ਤਂ ਜਾਨਿਤ੍ਵਾ ਬਹੁਂ ਚੀਵਰਂ ਵਿਞ੍ਞਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਨ ਮਤ੍ਤਂ ਜਾਨਿਤ੍ਵਾ ਬਹੁਂ ਚੀਵਰਂ ਵਿਞ੍ਞਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਨ ਮਤ੍ਤਂ ਜਾਨਿਤ੍ਵਾ ਬਹੁਂ ਚੀਵਰਂ ਵਿਞ੍ਞਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੨੩. ‘‘ਤਞ੍ਚੇ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਬਹੂਹਿ ਚੀਵਰੇਹਿ ਅਭਿਹਟ੍ਠੁਂ ਪਵਾਰੇਯ੍ਯ ਸਨ੍ਤਰੁਤ੍ਤਰਪਰਮਂ ਤੇਨ ਭਿਕ੍ਖੁਨਾ ਤਤੋ ਚੀਵਰਂ ਸਾਦਿਤਬ੍ਬਂ. ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੨੪. ਤਞ੍ਚੇਤਿ ਅਚ੍ਛਿਨ੍ਨਚੀਵਰਕਂ ਭਿਕ੍ਖੁਂ.

ਅਞ੍ਞਾਤਕੋ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ.

ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾਵਸਤਿ.

ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾਵਸਤਿ.

ਬਹੂਹਿ ਚੀਵਰੇਹੀਤਿ ਬਹੁਕੇਹਿ ਚੀਵਰੇਹਿ.

ਅਭਿਹਟ੍ਠੁਂ ਪਵਾਰੇਯ੍ਯਾਤਿ ਯਾਵਤਕਂ ਇਚ੍ਛਸਿ ਤਾਵਤਕਂ ਗਣ੍ਹਾਹੀਤਿ.

ਸਨ੍ਤਰੁਤ੍ਤਰਪਰਮਂ ਤੇਨ ਭਿਕ੍ਖੁਨਾ ਤਤੋ ਚੀਵਰਂ ਸਾਦਿਤਬ੍ਬਨ੍ਤਿ ਸਚੇ ਤੀਣਿ ਨਟ੍ਠਾਨਿ ਹੋਨ੍ਤਿ ਦ੍ਵੇ ਸਾਦਿਤਬ੍ਬਾਨਿ, ਦ੍ਵੇ ਨਟ੍ਠਾਨਿ ਏਕਂ ਸਾਦਿਤਬ੍ਬਂ, ਏਕਂ ਨਟ੍ਠਂ ਨ ਕਿਞ੍ਚਿ ਸਾਦਿਤਬ੍ਬਂ.

ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯਾਤਿ ਤਤੁਤ੍ਤਰਿ ਵਿਞ੍ਞਾਪੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍ਵਾ ਤਤੁਤ੍ਤਰਿ ਵਿਞ੍ਞਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੨੫. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ ਤਤੁਤ੍ਤਰਿ ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਵੇਮਤਿਕੋ ਤਤੁਤ੍ਤਰਿ ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਞਾਤਕਸਞ੍ਞੀ ਤਤੁਤ੍ਤਰਿ ਚੀਵਰਂ ਵਿਞ੍ਞਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ.

੫੨੬. ਅਨਾਪਤ੍ਤਿ – ‘‘ਸੇਸਕਂ ਆਹਰਿਸ੍ਸਾਮੀ’’ਤਿ ਹਰਨ੍ਤੋ ਗਚ੍ਛਤਿ, ‘‘ਸੇਸਕਂ ਤੁਯ੍ਹੇਵ ਹੋਤੂ’’ਤਿ ਦੇਨ੍ਤਿ, ਨ ਅਚ੍ਛਿਨ੍ਨਕਾਰਣਾ ਦੇਨ੍ਤਿ, ਨ ਨਟ੍ਠਕਾਰਣਾ ਦੇਨ੍ਤਿ, ਞਾਤਕਾਨਂ, ਪਵਾਰਿਤਾਨਂ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਤਤੁਤ੍ਤਰਿਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ.

੮. ਉਪਕ੍ਖਟਸਿਕ੍ਖਾਪਦਂ

੫੨੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਪਜਾਪਤਿਂ ਏਤਦਵੋਚ – ‘‘ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਅਸ੍ਸੋਸਿ ਖੋ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਤਸ੍ਸ ਪੁਰਿਸਸ੍ਸ ਇਮਂ ਵਾਚਂ ਭਾਸਮਾਨਸ੍ਸ. ਅਥ ਖੋ ਸੋ ਭਿਕ੍ਖੁ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਮਹਾਪੁਞ੍ਞੋਸਿ ਤ੍ਵਂ, ਆਵੁਸੋ ਉਪਨਨ੍ਦ, ਅਮੁਕਸ੍ਮਿਂ ਓਕਾਸੇ ਅਞ੍ਞਤਰੋ ਪੁਰਿਸੋ ਪਜਾਪਤਿਂ ਏਤਦਵੋਚ – ‘‘ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’’ਤਿ. ‘‘ਅਤ੍ਥਾਵੁਸੋ, ਮਂ ਸੋ ਉਪਟ੍ਠਾਕੋ’’ਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਸੋ ਪੁਰਿਸੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਪੁਰਿਸਂ ਏਤਦਵੋਚ – ‘‘ਸਚ੍ਚਂ ਕਿਰ ਮਂ ਤ੍ਵਂ, ਆਵੁਸੋ, ਚੀਵਰੇਨ ਅਚ੍ਛਾਦੇਤੁਕਾਮੋਸੀ’’ਤਿ? ‘‘ਅਪਿ ਮੇਯ੍ਯ, ਏਵਂ ਹੋਤਿ – ‘ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’’ਤਿ. ‘‘ਸਚੇ ਖੋ ਮਂ ਤ੍ਵਂ, ਆਵੁਸੋ, ਚੀਵਰੇਨ ਅਚ੍ਛਾਦੇਤੁਕਾਮੋਸਿ, ਏਵਰੂਪੇਨ ਚੀਵਰੇਨ ਅਚ੍ਛਾਦੇਹਿ. ਕ੍ਯਾਹਂ ਤੇਨ ਅਚ੍ਛਨ੍ਨੋਪਿ ਕਰਿਸ੍ਸਾਮਿ ਯਾਹਂ ਨ ਪਰਿਭੁਞ੍ਜਿਸ੍ਸਾਮੀ’’ਤਿ.

ਅਥ ਖੋ ਸੋ ਪੁਰਿਸੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ. ਨਯਿਮੇ ਸੁਕਰਾ ਚੀਵਰੇਨ ਅਚ੍ਛਾਦੇਤੁਂ. ਕਥਞ੍ਹਿ ਨਾਮ ਅਯ੍ਯੋ ਉਪਨਨ੍ਦੋ ਮਯਾ ਪੁਬ੍ਬੇ ਅਪ੍ਪਵਾਰਿਤੋ ਮਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਪੁਰਿਸਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯ੍ਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ …ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਕੋ ਤੇ, ਉਪਨਨ੍ਦ, ਅਞ੍ਞਾਤਕੋ’’ਤਿ? ‘‘ਅਞ੍ਞਾਤਕੋ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਸ੍ਸ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਸਨ੍ਤਂ ਵਾ ਅਸਨ੍ਤਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੨੮. ‘‘ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕਸ੍ਸ ਗਹਪਤਿਸ੍ਸ ਵਾ ਗਹਪਤਾਨਿਯਾ ਵਾ ਚੀਵਰਚੇਤਾਪਨ੍ਨਂ [ਚੀਵਰਚੇਤਾਪਨਂ (ਸ੍ਯਾ.)] ਉਪਕ੍ਖਟਂ ਹੋਤਿ – ‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’ਤਿ; ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ – ‘ਸਾਧੁ ਵਤ ਮਂ ਆਯਸ੍ਮਾ ਇਮਿਨਾ ਚੀਵਰਚੇਤਾਪਨ੍ਨੇਨ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਹੀ’ਤਿ, ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੨੯. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸਾਤਿ ਭਿਕ੍ਖੁਸ੍ਸਤ੍ਥਾਯ, ਭਿਕ੍ਖੁਂ ਆਰਮ੍ਮਣਂ ਕਰਿਤ੍ਵਾ, ਭਿਕ੍ਖੁਂ ਅਚ੍ਛਾਦੇਤੁਕਾਮੋ.

ਅਞ੍ਞਾਤਕੋ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ.

ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾਵਸਤਿ.

ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾਵਸਤਿ.

ਚੀਵਰਚੇਤਾਪਨ੍ਨਂ ਨਾਮ ਹਿਰਞ੍ਞਂ ਵਾ ਸੁਵਣ੍ਣਂ ਵਾ ਮੁਤ੍ਤਾ ਵਾ ਮਣਿ ਵਾ ਪਵਾਲ਼ੋ ਵਾ ਫਲਿਕੋ ਵਾ ਪਟਕੋ ਵਾ ਸੁਤ੍ਤਂ ਵਾ ਕਪ੍ਪਾਸੋ ਵਾ.

ਇਮਿਨਾ ਚੀਵਰਚੇਤਾਪਨ੍ਨੇਨਾਤਿ ਪਚ੍ਚੁਪਟ੍ਠਿਤੇਨ.

ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ.

ਅਚ੍ਛਾਦੇਸ੍ਸਾਮੀਤਿ ਦਸ੍ਸਾਮਿ.

ਤਤ੍ਰ ਚੇ ਸੋ ਭਿਕ੍ਖੂਤਿ ਯਂ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਉਪਕ੍ਖਟਂ ਹੋਤਿ ਸੋ ਭਿਕ੍ਖੁ.

ਪੁਬ੍ਬੇ ਅਪ੍ਪਵਾਰਿਤੋਤਿ ਪੁਬ੍ਬੇ ਅਵੁਤ੍ਤੋ ਹੋਤਿ – ‘‘ਕੀਦਿਸੇਨ ਤੇ, ਭਨ੍ਤੇ, ਚੀਵਰੇਨ ਅਤ੍ਥੋ, ਕੀਦਿਸਂ ਤੇ ਚੀਵਰਂ ਚੇਤਾਪੇਮੀ’’ਤਿ?

ਉਪਸਙ੍ਕਮਿਤ੍ਵਾਤਿ ਘਰਂ ਗਨ੍ਤ੍ਵਾ ਯਤ੍ਥ ਕਤ੍ਥਚਿ ਉਪਸਙ੍ਕਮਿਤ੍ਵਾ .

ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯਾਤਿ ਆਯਤਂ ਵਾ ਹੋਤੁ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ.

ਇਮਿਨਾ ਚੀਵਰਚੇਤਾਪਨ੍ਨੇਨਾਤਿ ਪਚ੍ਚੁਪਟ੍ਠਿਤੇਨ.

ਏਵਰੂਪਂ ਵਾ ਏਵਰੂਪਂ ਵਾਤਿ. ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ.

ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ.

ਅਚ੍ਛਾਦੇਹੀਤਿ ਦਜ੍ਜੇਹਿ.

ਕਲ੍ਯਾਣਕਮ੍ਯਤਂ ਉਪਾਦਾਯਾਤਿ ਸਾਧਤ੍ਥਿਕੋ [ਸਾਧੁਤ੍ਥਿਕੋ (ਸ੍ਯਾ.)] ਮਹਗ੍ਘਤ੍ਥਿਕੋ. ਤਸ੍ਸ ਵਚਨੇਨ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ ਚੇਤਾਪੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੩੦. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਵੇਮਤਿਕੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਂ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ.

੫੩੧. ਅਨਾਪਤ੍ਤਿ ਞਾਤਕਾਨਂ, ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਮਹਗ੍ਘਂ ਚੇਤਾਪੇਤੁਕਾਮਸ੍ਸ ਅਪ੍ਪਗ੍ਘਂ ਚੇਤਾਪੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਉਪਕ੍ਖਟਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ.

੯. ਦੁਤਿਯਉਪਕ੍ਖਟਸਿਕ੍ਖਾਪਦਂ

੫੩੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਅਞ੍ਞਤਰਂ ਪੁਰਿਸਂ ਏਤਦਵੋਚ – ‘‘ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਸੋਪਿ ਏਵਮਾਹ – ‘‘ਅਹਮ੍ਪਿ ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਅਸ੍ਸੋਸਿ ਖੋ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਤੇਸਂ ਪੁਰਿਸਾਨਂ ਇਮਂ ਕਥਾਸਲ੍ਲਾਪਂ. ਅਥ ਖੋ ਸੋ ਭਿਕ੍ਖੁ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਮਹਾਪੁਞ੍ਞੋਸਿ ਤ੍ਵਂ, ਆਵੁਸੋ ਉਪਨਨ੍ਦ. ਅਮੁਕਸ੍ਮਿਂ ਓਕਾਸੇ ਅਞ੍ਞਤਰੋ ਪੁਰਿਸੋ ਅਞ੍ਞਤਰਂ ਪੁਰਿਸਂ ਏਤਦਵੋਚ – ‘ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’ਤਿ. ਸੋਪਿ ਏਵਮਾਹ – ‘ਅਹਮ੍ਪਿ ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’’ਤਿ. ‘‘ਅਤ੍ਥਾਵੁਸੋ, ਮਂ ਤੇ ਉਪਟ੍ਠਾਕਾ’’ਤਿ.

ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਤੇ ਪੁਰਿਸਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤੇ ਪੁਰਿਸੇ ਏਤਦਵੋਚ – ‘‘ਸਚ੍ਚਂ ਕਿਰ ਮਂ ਤੁਮ੍ਹੇ, ਆਵੁਸੋ, ਚੀਵਰੇਹਿ ਅਚ੍ਛਾਦੇਤੁਕਾਮਾਤ੍ਥਾ’’ਤਿ? ‘‘ਅਪਿ ਨਯ੍ਯ, ਏਵਂ ਹੋਤਿ – ‘ਅਯ੍ਯਂ ਉਪਨਨ੍ਦਂ ਚੀਵਰੇਹਿ ਅਚ੍ਛਾਦੇਸ੍ਸਾਮਾ’’’ਤਿ. ‘‘ਸਚੇ ਖੋ ਮਂ ਤੁਮ੍ਹੇ, ਆਵੁਸੋ, ਚੀਵਰੇਹਿ ਅਚ੍ਛਾਦੇਤੁਕਾਮਾਤ੍ਥ, ਏਵਰੂਪੇਨ ਚੀਵਰੇਨ ਅਚ੍ਛਾਦੇਥ, ਕ੍ਯਾਹਂ ਤੇਹਿ ਅਚ੍ਛਨ੍ਨੋਪਿ ਕਰਿਸ੍ਸਾਮਿ, ਯਾਨਾਹਂ ਨ ਪਰਿਭੁਞ੍ਜਿਸ੍ਸਾਮੀ’’ਤਿ. ਅਥ ਖੋ ਤੇ ਪੁਰਿਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ. ਨਯਿਮੇ ਸੁਕਰਾ ਚੀਵਰੇਹਿ ਅਚ੍ਛਾਦੇਤੁਂ. ਕਥਞ੍ਹਿ ਨਾਮ ਅਯ੍ਯੋ ਉਪਨਨ੍ਦੋ ਅਮ੍ਹੇਹਿ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ!

ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਪੁਰਿਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਕਾ ਤੇ, ਉਪਨਨ੍ਦ, ਅਞ੍ਞਾਤਕਾ’’ਤਿ? ‘‘ਅਞ੍ਞਾਤਕਾ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਾਨਂ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਸਨ੍ਤਂ ਵਾ ਅਸਨ੍ਤਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕੇ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੩੩. ‘‘ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਉਭਿਨ੍ਨਂ ਅਞ੍ਞਾਤਕਾਨਂ ਗਹਪਤੀਨਂ ਵਾ ਗਹਪਤਾਨੀਨਂ ਵਾ ਪਚ੍ਚੇਕਚੀਵਰਚੇਤਾਪਨ੍ਨਾਨਿ ਉਪਕ੍ਖਟਾਨਿ ਹੋਨ੍ਤਿ – ‘ਇਮੇਹਿ ਮਯਂ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਪਚ੍ਚੇਕਚੀਵਰਾਨਿ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਹਿ ਅਚ੍ਛਾਦੇਸ੍ਸਾਮਾ’ਤਿ; ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ – ‘ਸਾਧੁ ਵਤ ਮਂ ਆਯਸ੍ਮਨ੍ਤੋ ਇਮੇਹਿ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਥ, ਉਭੋਵ ਸਨ੍ਤਾ ਏਕੇਨਾ’ਤਿ, ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੩੪. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸਾਤਿ ਭਿਕ੍ਖੁਸ੍ਸਤ੍ਥਾਯ, ਭਿਕ੍ਖੁਂ ਆਰਮ੍ਮਣਂ ਕਰਿਤ੍ਵਾ, ਭਿਕ੍ਖੁਂ ਅਚ੍ਛਾਦੇਤੁਕਾਮਾ.

ਉਭਿਨ੍ਨਨ੍ਤਿ ਦ੍ਵਿਨ੍ਨਂ.

ਅਞ੍ਞਾਤਕਾ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ.

ਗਹਪਤੀ ਨਾਮ ਯੇ ਕੇਚਿ ਅਗਾਰ ਅਜ੍ਝਾਵਸਨ੍ਤਿ.

ਗਹਪਤਾਨਿਯੋ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾਵਸਨ੍ਤਿ.

ਚੀਵਰਚੇਤਾਪਨ੍ਨਾਨਿ ਨਾਮ ਹਿਰਞ੍ਞਾ ਵਾ ਸੁਵਣ੍ਣਾ ਵਾ ਮੁਤ੍ਤਾ ਵਾ ਮਣੀ ਵਾ ਪਵਾਲ਼ਾ ਵਾ ਫਲਿਕਾ ਵਾ ਪਟਕਾ ਵਾ ਸੁਤ੍ਤਾ ਵਾ ਕਪ੍ਪਾਸਾ ਵਾ.

ਇਮੇਹਿ ਪਚ੍ਚੇਕਚੀਵਰਚੇਤਾਪਨ੍ਨੇਹਿਤਿ ਪਚ੍ਚੁਪਟ੍ਠਿਤੇਹਿ.

ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ.

ਅਚ੍ਛਾਦੇਸ੍ਸਾਮਾਤਿ ਦਸ੍ਸਾਮ.

ਤਤ੍ਰ ਚੇ ਸੋ ਭਿਕ੍ਖੂਤਿ ਯਂ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਾਨਿ ਉਪਕ੍ਖਟਾਨਿ ਹੋਨ੍ਤਿ ਸੋ ਭਿਕ੍ਖੁ.

ਪੁਬ੍ਬੇ ਅਪ੍ਪਵਾਰਿਤੋਤਿ ਪੁਬ੍ਬੇ ਅਵੁਤ੍ਤੋ ਹੋਤਿ – ‘‘ਕੀਦਿਸੇਨ ਤੇ, ਭਨ੍ਤੇ, ਚੀਵਰੇਨ ਅਤ੍ਥੋ, ਕੀਦਿਸਂ ਤੇ ਚੀਵਰਂ ਚੇਤਾਪੇਮਾ’’ਤਿ.

ਉਪਸਙ੍ਕਮਿਤ੍ਵਾਤਿ ਘਰਂ ਗਨ੍ਤ੍ਵਾ ਯਤ੍ਥ ਕਤ੍ਥਚਿ ਉਪਸਙ੍ਕਮਿਤ੍ਵਾ.

ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯਾਤਿ ਆਯਤਂ ਵਾ ਹੋਤੁ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ.

ਇਮੇਹਿ ਪਚ੍ਚੇਕਚੀਵਰਚੇਤਾਪਨ੍ਨੇਹੀਤਿ ਪਚ੍ਚੁਪਟ੍ਠਿਤੇਹਿ.

ਏਵਰੂਪਂ ਵਾ ਏਵਰੂਪਂ ਵਾਤਿ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ.

ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ.

ਅਚ੍ਛਾਦੇਥਾਤਿ ਦਜ੍ਜੇਥ.

ਉਭੋਵ ਸਨ੍ਤਾ ਏਕੇਨਾਤਿ ਦ੍ਵੇਪਿ ਜਨਾ ਏਕੇਨ.

ਕਲ੍ਯਾਣਕਮ੍ਯਤਂ ਉਪਾਦਾਯਾਤਿ ਸਾਧਤ੍ਥਿਕੋ ਮਹਗ੍ਘਤ੍ਥਿਕੋ.

ਤਸ੍ਸ ਵਚਨੇਨ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਸਣ੍ਹਂ ਵਾ ਚੇਤਾਪੇਨ੍ਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕੇ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੩੫. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਵੇਮਤਿਕੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਞਾਤਕੇ ਅਞ੍ਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ.

੫੩੬. ਅਨਾਪਤ੍ਤਿ – ਞਾਤਕਾਨਂ, ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਮਹਗ੍ਘਂ ਚੇਤਾਪੇਤੁਕਾਮਾਨਂ ਅਪ੍ਪਗ੍ਘਂ ਚੇਤਾਪੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਦੁਤਿਯਉਪਕ੍ਖਟਸਿਕ੍ਖਾਪਦਂ ਨਿਟ੍ਠਿਤਂ ਨਵਮਂ.

੧੦. ਰਾਜਸਿਕ੍ਖਾਪਦਂ

੫੩੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਉਪਟ੍ਠਾਕੋ ਮਹਾਮਤ੍ਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਦੂਤੇਨ ਚੀਵਰਚੇਤਾਪਨ੍ਨਂ ਪਾਹੇਸਿ – ‘‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਹੀ’’ਤਿ. ਅਥ ਖੋ ਸੋ ਦੂਤੋ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਇਦਂ ਖੋ, ਭਨ੍ਤੇ, ਆਯਸ੍ਮਨ੍ਤਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਆਭਤਂ. ਪਟਿਗ੍ਗਣ੍ਹਾਤੁ ਆਯਸ੍ਮਾ ਚੀਵਰਚੇਤਾਪਨ੍ਨ’’ਨ੍ਤਿ. ਏਵਂ ਵੁਤ੍ਤੇ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਦੂਤਂ ਏਤਦਵੋਚ – ‘‘ਨ ਖੋ ਮਯਂ, ਆਵੁਸੋ, ਚੀਵਰਚੇਤਾਪਨ੍ਨਂ ਪਟਿਗ੍ਗਣ੍ਹਾਮ, ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮ ਕਾਲੇਨ ਕਪ੍ਪਿਯ’’ਨ੍ਤਿ. ਏਵਂ ਵੁਤ੍ਤੇ ਸੋ ਦੂਤੋ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਅਤ੍ਥਿ ਪਨਾਯਸ੍ਮਤੋ ਕੋਚਿ ਵੇਯ੍ਯਾਵਚ੍ਚਕਰੋ’’ਤਿ? ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਉਪਾਸਕੋ ਆਰਾਮਂ ਅਗਮਾਸਿ ਕੇਨਚਿਦੇਵ ਕਰਣੀਯੇਨ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਦੂਤਂ ਏਤਦਵੋਚ – ‘‘ਏਸੋ ਖੋ, ਆਵੁਸੋ, ਉਪਾਸਕੋ ਭਿਕ੍ਖੂਨਂ ਵੇਯ੍ਯਾਵਚ੍ਚਕਰੋ’’ਤਿ. ਅਥ ਖੋ ਸੋ ਦੂਤੋ ਤਂ ਉਪਾਸਕਂ ਸਞ੍ਞਾਪੇਤ੍ਵਾ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਯਂ ਖੋ, ਭਨ੍ਤੇ, ਆਯਸ੍ਮਾ ਵੇਯ੍ਯਾਵਚ੍ਚਕਰਂ ਨਿਦ੍ਦਿਸਿ ਸਞ੍ਞਤ੍ਤੋ ਸੋ ਮਯਾ. ਉਪਸਙ੍ਕਮਤੁ ਆਯਸ੍ਮਾ ਕਾਲੇਨ, ਚੀਵਰੇਨ ਤਂ ਅਚ੍ਛਾਦੇਸ੍ਸਤੀ’’ਤਿ.

ਤੇਨ ਖੋ ਪਨ ਸਮਯੇਨ ਸੋ ਮਹਾਮਤ੍ਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਪਰਿਭੁਞ੍ਜਤੁ ਅਯ੍ਯੋ ਤਂ ਚੀਵਰਂ, ਇਚ੍ਛਾਮ ਮਯਂ ਅਯ੍ਯੇਨ ਤਂ ਚੀਵਰਂ ਪਰਿਭੁਤ੍ਤ’’ਨ੍ਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਉਪਾਸਕਂ ਨ ਕਿਞ੍ਚਿ ਅਵਚਾਸਿ. ਦੁਤਿਯਮ੍ਪਿ ਖੋ ਸੋ ਮਹਾਮਤ੍ਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਪਰਿਭੁਞ੍ਜਤੁ ਅਯ੍ਯੋ ਤਂ ਚੀਵਰਂ, ਇਚ੍ਛਾਮ ਮਯਂ ਅਯ੍ਯੇਨ ਤਂ ਚੀਵਰਂ ਪਰਿਭੁਤ੍ਤ’’ਨ੍ਤਿ. ਦੁਤਿਯਮ੍ਪਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਉਪਾਸਕਂ ਨ ਕਿਞ੍ਚਿ ਅਵਚਾਸਿ. ਤਤਿਯਮ੍ਪਿ ਖੋ ਸੋ ਮਹਾਮਤ੍ਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਪਰਿਭੁਞ੍ਜਤੁ ਅਯ੍ਯੋ ਤਂ ਚੀਵਰਂ, ਇਚ੍ਛਾਮ ਮਯਂ ਅਯ੍ਯੇਨ ਤਂ ਚੀਵਰਂ ਪਰਿਭੁਤ੍ਤ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਨੇਗਮਸ੍ਸ ਸਮਯੋ ਹੋਤਿ. ਨੇਗਮੇਨ ਚ ਕਤਿਕਾ ਕਤਾ ਹੋਤਿ – ‘‘ਯੋ ਪਚ੍ਛਾ ਆਗਚ੍ਛਤਿ ਪਞ੍ਞਾਸਂ ਬਦ੍ਧੋ’’ਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਸੋ ਉਪਾਸਕੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਉਪਾਸਕਂ ਏਤਦਵੋਚ – ‘‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’’ਤਿ. ‘‘ਅਜ੍ਜਣ੍ਹੋ, ਭਨ੍ਤੇ, ਆਗਮੇਹਿ, ਅਜ੍ਜ ਨੇਗਮਸ੍ਸ ਸਮਯੋ. ਨੇਗਮੇਨ ਚ ਕਤਿਕਾ ਕਤਾ ਹੋਤਿ – ‘ਯੋ ਪਚ੍ਛਾ ਆਗਚ੍ਛਤਿ ਪਞ੍ਞਾਸਂ ਬਦ੍ਧੋ’’’ਤਿ. ‘‘ਅਜ੍ਜੇਵ ਮੇ, ਆਵੁਸੋ, ਚੀਵਰਂ ਦੇਹੀ’’ਤਿ ਓਵਟ੍ਟਿਕਾਯ ਪਰਾਮਸਿ. ਅਥ ਖੋ ਸੋ ਉਪਾਸਕੋ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਨਿਪ੍ਪੀਲ਼ਿਯਮਾਨੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਚੀਵਰਂ ਚੇਤਾਪੇਤ੍ਵਾ ਪਚ੍ਛਾ ਅਗਮਾਸਿ. ਮਨੁਸ੍ਸਾ ਤਂ ਉਪਾਸਕਂ ਏਤਦਵੋਚੁਂ – ‘‘ਕਿਸ੍ਸ ਤ੍ਵਂ, ਅਯ੍ਯੋ, ਪਚ੍ਛਾ ਆਗਤੋ, ਪਞ੍ਞਾਸਂ ਜੀਨੋਸੀ’’ਤਿ.

ਅਥ ਖੋ ਸੋ ਉਪਾਸਕੋ ਤੇਸਂ ਮਨੁਸ੍ਸਾਨਂ ਏਤਮਤ੍ਥਂ ਆਰੋਚੇਸਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ. ਨਯਿਮੇਸਂ ਸੁਕਰਂ ਵੇਯ੍ਯਾਵਚ੍ਚਮ੍ਪਿ ਕਾਤੁਂ. ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਉਪਾਸਕੇਨ – ‘ਅਜ੍ਜਣ੍ਹੋ, ਭਨ੍ਤੇ, ਆਗਮੇਹੀ’ਤਿ ਵੁਚ੍ਚਮਾਨੋ ਨਾਗਮੇਸ੍ਸਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਉਪਾਸਕੇਨ – ‘ਅਜ੍ਜਣ੍ਹੋ, ਭਨ੍ਤੇ, ਆਗਮੇਹੀ’ਤਿ ਵੁਚ੍ਚਮਾਨੋ ਨਾਗਮੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਉਪਾਸਕੇਨ – ‘ਅਜ੍ਜਣ੍ਹੋ, ਭਨ੍ਤੇ, ਆਗਮੇਹੀ’ਤਿ ਵੁਚ੍ਚਮਾਨੋ ਨਾਗਮੇਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਉਪਾਸਕੇਨ – ‘ਅਜ੍ਜਣ੍ਹੋ, ਭਨ੍ਤੇ, ਆਗਮੇਹੀ’ਤਿ ਵੁਚ੍ਚਮਾਨੋ ਨਾਗਮੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੩੮. ‘‘ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਰਾਜਾ ਵਾ ਰਾਜਭੋਗ੍ਗੋ ਵਾ ਬ੍ਰਾਹ੍ਮਣੋ ਵਾ ਗਹਪਤਿਕੋ ਵਾ ਦੂਤੇਨ ਚੀਵਰਚੇਤਾਪਨ੍ਨਂ ਪਹਿਣੇਯ੍ਯ – ‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਨ ਅਚ੍ਛਾਦੇਹੀ’ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ – ‘ਇਦਂ ਖੋ, ਭਨ੍ਤੇ, ਆਯਸ੍ਮਨ੍ਤਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਆਭਤਂ, ਪਟਿਗ੍ਗਣ੍ਹਾਤੁ ਆਯਸ੍ਮਾ ਚੀਵਰਚੇਤਾਪਨ੍ਨ’ਨ੍ਤਿ, ਤੇਨ ਭਿਕ੍ਖੁਨਾ ਸੋ ਦੂਤੋ ਏਵਮਸ੍ਸ ਵਚਨੀਯੋ – ‘ਨ ਖੋ ਮਯਂ, ਆਵੁਸੋ, ਚੀਵਰਚੇਤਾਪਨ੍ਨਂ ਪਟਿਗ੍ਗਣ੍ਹਾਮ. ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮ, ਕਾਲੇਨ ਕਪ੍ਪਿਯ’ਨ੍ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਂ ਏਵਂ ਵਦੇਯ੍ਯ – ‘ਅਤ੍ਥਿ ਪਨਾਯਸ੍ਮਤੋ ਕੋਚਿ ਵੇਯ੍ਯਾਵਚ੍ਚਕਰੋ’ਤਿ, ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਨਿਦ੍ਦਿਸਿਤਬ੍ਬੋ ਆਰਾਮਿਕੋ ਵਾ ਉਪਾਸਕੋ ਵਾ – ‘ਏਸੋ ਖੋ, ਆਵੁਸੋ, ਭਿਕ੍ਖੂਨਂ ਵੇਯ੍ਯਾਵਚ੍ਚਕਰੋ’ਤਿ. ਸੋ ਚੇ ਦੂਤੋ ਤਂ ਵੇਯ੍ਯਾਵਚ੍ਚਕਰਂ ਸਞ੍ਞਾਪੇਤ੍ਵਾ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ – ‘ਯਂ ਖੋ, ਭਨ੍ਤੇ, ਆਯਸ੍ਮਾ ਵੇਯ੍ਯਾਵਚ੍ਚਕਰਂ ਨਿਦ੍ਦਿਸਿ ਸਞ੍ਞਤ੍ਤੋ ਸੋ ਮਯਾ, ਉਪਸਙ੍ਕਮਤੁ ਆਯਸ੍ਮਾ ਕਾਲੇਨ, ਚੀਵਰੇਨ ਤਂ ਅਚ੍ਛਾਦੇਸ੍ਸਤੀ’ਤਿ, ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਉਪਸਙ੍ਕਮਿਤ੍ਵਾ ਦ੍ਵਤ੍ਤਿਕ੍ਖਤ੍ਤੁਂ ਚੋਦੇਤਬ੍ਬੋ ਸਾਰੇਤਬ੍ਬੋ – ‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’ਤਿ. ਦ੍ਵਤ੍ਤਿਕ੍ਖਤ੍ਤੁਂ ਚੋਦਯਮਾਨੋ ਸਾਰਯਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ; ਨੋ ਚੇ ਅਭਿਨਿਪ੍ਫਾਦੇਯ੍ਯ, ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤੇਨ ਉਦ੍ਦਿਸ੍ਸ ਠਾਤਬ੍ਬਂ. ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤੋ ਉਦ੍ਦਿਸ੍ਸ ਤਿਟ੍ਠਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ; ਤਤੋ ਚੇ ਉਤ੍ਤਰਿ ਵਾਯਮਮਾਨੋ ਤਂ ਚੀਵਰ ਅਭਿਨਿਪ੍ਫਾਦੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਨੋ ਚੇ ਅਭਿਨਿਪ੍ਫਾਦੇਯ੍ਯ, ਯਤਸ੍ਸ ਚੀਵਰਚੇਤਾਪਨ੍ਨਂ ਆਭਤਂ, ਤਤ੍ਥ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘ਯਂ ਖੋ ਤੁਮ੍ਹੇ ਆਯਸ੍ਮਨ੍ਤੋ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਪਹਿਣਿਤ੍ਥ, ਨ ਤਂ ਤਸ੍ਸ ਭਿਕ੍ਖੁਨੋ ਕਿਞ੍ਚਿ ਅਤ੍ਥਂ ਅਨੁਭੋਤਿ, ਯੁਞ੍ਜਨ੍ਤਾਯਸ੍ਮਨ੍ਤੋ ਸਕਂ, ਮਾ ਵੋ ਸਕਂ ਵਿਨਸ੍ਸਾ’ਤਿ, ਅਯਂ ਤਤ੍ਥ ਸਾਮੀਚੀ’’ਤਿ.

੫੩੯. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸਾਤਿ ਭਿਕ੍ਖੁਸ੍ਸਤ੍ਥਾਯ, ਭਿਕ੍ਖੁਂ ਆਰਮ੍ਮਣਂ ਕਰਿਤ੍ਵਾ, ਭਿਕ੍ਖੁਂ ਅਚ੍ਛਾਦੇਤੁਕਾਮੋ.

ਰਾਜਾ ਨਾਮ ਯੋ ਕੋਚਿ ਰਜ੍ਜਂ ਕਾਰੇਤਿ.

ਰਾਜਭੋਗ੍ਗੋ ਨਾਮ ਯੋ ਕੋਚਿ ਰਞ੍ਞੋ ਭਤ੍ਤਵੇਤਨਾਹਾਰੋ.

ਬ੍ਰਾਹ੍ਮਣੋ ਨਾਮ ਜਾਤਿਯਾ ਬ੍ਰਾਹ੍ਮਣੋ.

ਗਹਪਤਿਕੋ ਨਾਮ ਠਪੇਤ੍ਵਾ ਰਾਜਂ ਰਾਜਭੋਗ੍ਗਂ ਬ੍ਰਾਹ੍ਮਣਂ ਅਵਸੇਸੋ ਗਹਪਤਿਕੋ ਨਾਮ.

ਚੀਵਰਚੇਤਾਪਨ੍ਨਂ ਨਾਮ ਹਿਰਞ੍ਞਂ ਵਾ ਸੁਵਣ੍ਣਂ ਵਾ ਮੁਤ੍ਤਾ ਵਾ ਮਣਿ ਵਾ.

ਇਮਿਨਾ ਚੀਵਰਚੇਤਾਪਨ੍ਨੇਨਾਤਿ ਪਚ੍ਚੁਪਟ੍ਠਿਤੇਨ.

ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ.

ਅਚ੍ਛਾਦੇਹੀਤਿ ਦਜ੍ਜੇਹਿ.

ਸੋ ਚੇ ਦੂਤੋ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ – ‘‘ਇਦਂ ਖੋ, ਭਨ੍ਤੇ, ਆਯਸ੍ਮਨ੍ਤਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਆਭਤਂ. ਪਟਿਗ੍ਗਣ੍ਹਾਤੁ ਆਯਸ੍ਮਾ ਚੀਵਰਚੇਤਾਪਨ੍ਨ’’ਨ੍ਤਿ, ਤੇਨ ਭਿਕ੍ਖੁਨਾ ਸੋ ਦੂਤੋ ਏਵਮਸ੍ਸ ਵਚਨੀਯੋ – ‘‘ਨ ਖੋ ਮਯਂ, ਆਵੁਸੋ, ਚੀਵਰਚੇਤਾਪਨ੍ਨਂ ਪਟਿਗ੍ਗਣ੍ਹਾਮ. ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮ, ਕਾਲੇਨ ਕਪ੍ਪਿਯ’’ਨ੍ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਂ ਏਵਂ ਵਦੇਯ੍ਯ – ‘‘ਅਤ੍ਥਿ ਪਨਾਯਸ੍ਮਤੋ ਕੋਚਿ ਵੇਯ੍ਯਾਵਚ੍ਚਕਰੋ’’ਤਿ? ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਨਿਦ੍ਦਿਸਿਤਬ੍ਬੋ ਆਰਾਮਿਕੋ ਵਾ ਉਪਾਸਕੋ ਵਾ – ‘‘ਏਸੋ ਖੋ, ਆਵੁਸੋ, ਭਿਕ੍ਖੂਨਂ ਵੇਯ੍ਯਾਵਚ੍ਚਕਰੋ’’ਤਿ. ਨ ਵਤ੍ਤਬ੍ਬੋ – ‘‘ਤਸ੍ਸ ਦੇਹੀਤਿ ਵਾ, ਸੋ ਵਾ ਨਿਕ੍ਖਿਪਿਸ੍ਸਤਿ, ਸੋ ਵਾ ਪਰਿਵਤ੍ਤੇਸ੍ਸਤਿ, ਸੋ ਵਾ ਚੇਤਾਪੇਸ੍ਸਤੀ’’ਤਿ.

ਸੋ ਚੇ ਦੂਤੋ ਤਂ ਵੇਯ੍ਯਾਵਚ੍ਚਕਰਂ ਸਞ੍ਞਾਪੇਤ੍ਵਾ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ – ‘‘ਯਂ ਖੋ, ਭਨ੍ਤੇ, ਆਯਸ੍ਮਾ ਵੇਯ੍ਯਾਵਚ੍ਚਕਰਂ ਨਿਦ੍ਦਿਸਿ ਸਞ੍ਞਤ੍ਤੋ ਸੋ ਮਯਾ. ਉਪਸਙ੍ਕਮਤੁ ਆਯਸ੍ਮਾ ਕਾਲੇਨ, ਚੀਵਰੇਨ ਤਂ ਅਚ੍ਛਾਦੇਸ੍ਸਤੀ’’ਤਿ, ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਉਪਸਙ੍ਕਮਿਤ੍ਵਾ ਦ੍ਵਤ੍ਤਿਕ੍ਖਤ੍ਤੁਂ ਚੋਦੇਤਬ੍ਬੋ ਸਾਰੇਤਬ੍ਬੋ – ‘‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’’ਤਿ. ਨ ਵਤ੍ਤਬ੍ਬੋ – ‘‘ਦੇਹਿ ਮੇ ਚੀਵਰਂ, ਆਹਰ ਮੇ ਚੀਵਰਂ, ਪਰਿਵਤ੍ਤੇਹਿ ਮੇ ਚੀਵਰਂ, ਚੇਤਾਪੇਹਿ ਮੇ ਚੀਵਰ’’ਨ੍ਤਿ. ਦੁਤਿਯਮ੍ਪਿ ਵਤ੍ਤਬ੍ਬੋ. ਤਤਿਯਮ੍ਪਿ ਵਤ੍ਤਬ੍ਬੋ. ਸਚੇ ਅਭਿਨਿਪ੍ਫਾਦੇਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਅਭਿਨਿਪ੍ਫਾਦੇਤਿ, ਤਤ੍ਥ ਗਨ੍ਤ੍ਵਾ ਤੁਣ੍ਹੀਭੂਤੇਨ ਉਦ੍ਦਿਸ੍ਸ ਠਾਤਬ੍ਬਂ. ਨ ਆਸਨੇ ਨਿਸੀਦਿਤਬ੍ਬਂ. ਨ ਆਮਿਸਂ ਪਟਿਗ੍ਗਹੇਤਬ੍ਬਂ. ਨ ਧਮ੍ਮੋ ਭਾਸਿਤਬ੍ਬੋ. ‘‘ਕਿਂ ਕਾਰਣਾ ਆਗਤੋਸੀ’’ਤਿ ਪੁਚ੍ਛਿਯਮਾਨੋ ‘‘ਜਾਨਾਹਿ, ਆਵੁਸੋ’’ਤਿ ਵਤ੍ਤਬ੍ਬੋ. ਸਚੇ ਆਸਨੇ ਵਾ ਨਿਸੀਦਤਿ, ਆਮਿਸਂ ਵਾ ਪਟਿਗ੍ਗਣ੍ਹਾਤਿ, ਧਮ੍ਮਂ ਵਾ ਭਾਸਤਿ, ਠਾਨਂ ਭਞ੍ਜਤਿ. ਦੁਤਿਯਮ੍ਪਿ ਠਾਤਬ੍ਬਂ. ਤਤਿਯਮ੍ਪਿ ਠਾਤਬ੍ਬਂ. ਚਤੁਕ੍ਖਤ੍ਤੁਂ ਚੋਦੇਤ੍ਵਾ ਚਤੁਕ੍ਖਤ੍ਤੁਂ ਠਾਤਬ੍ਬਂ. ਪਞ੍ਚਕ੍ਖਤੁਂ ਚੋਦੇਤ੍ਵਾ ਦ੍ਵਿਕ੍ਖਤ੍ਤੁਂ ਠਾਤਬ੍ਬਂ. ਛਕ੍ਖਤ੍ਤੁਂ ਚੋਦੇਤ੍ਵਾ ਨ ਠਾਤਬ੍ਬਂ. ਤਤੋ ਚੇ ਉਤ੍ਤਰਿ ਵਾਯਮਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਅਤਿਰੇਕਤਿਕ੍ਖਤ੍ਤੁਂ ਚੋਦਨਾਯ ਅਤਿਰੇਕਛਕ੍ਖਤ੍ਤੁਂ ਠਾਨੇਨ ਅਭਿਨਿਪ੍ਫਾਦਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

ਨੋ ਚੇ ਅਭਿਨਿਪ੍ਫਾਦੇਯ੍ਯ, ਯਤਸ੍ਸ ਚੀਵਰਚੇਤਾਪਨ੍ਨਂ ਆਭਤਂ ਤਤ੍ਥ ਸਾਮਂ ਵਾ ਗਨ੍ਤਬ੍ਬਂ ਦੂਤੋ ਵਾ ਪਾਹੇਤਬ੍ਬੋ – ‘‘ਯਂ ਖੋ ਤੁਮ੍ਹੇ ਆਯਸ੍ਮਨ੍ਤੋ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਪਹਿਣਿਤ੍ਥ ਨ ਤਂ ਤਸ੍ਸ ਭਿਕ੍ਖੁਨੋ ਕਿਞ੍ਚਿ ਅਤ੍ਥਂ ਅਨੁਭੋਤਿ. ਯੁਞ੍ਜਨ੍ਤਾਯਸ੍ਮਨ੍ਤੋ ਸਕਂ, ਮਾ ਵੋ ਸਕਂ ਵਿਨਸ੍ਸਾ’’ਤਿ.

ਅਯਂ ਤਤ੍ਥ ਸਾਮੀਚੀਤਿ ਅਯਂ ਤਤ੍ਥ ਅਨੁਧਮ੍ਮਤਾ.

੫੪੦. ਅਤਿਰੇਕਤਿਕ੍ਖਤ੍ਤੁਂ ਚੋਦਨਾਯ ਅਤਿਰੇਕਛਕ੍ਖਤ੍ਤੁਂ ਠਾਨੇਨ ਅਤਿਰੇਕਸਞ੍ਞੀ ਅਭਿਨਿਪ੍ਫਾਦੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਤਿਕ੍ਖਤ੍ਤੁਂ ਚੋਦਨਾਯ ਅਤਿਰੇਕਛਕ੍ਖਤ੍ਤੁਂ ਠਾਨੇਨ ਵੇਮਤਿਕੋ ਅਭਿਨਿਪ੍ਫਾਦੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਤਿਕ੍ਖਤ੍ਤੁਂ ਚੋਦਨਾਯ ਅਤਿਰੇਕਛਕ੍ਖਤ੍ਤੁਂ ਠਾਨੇਨ ਊਨਕਸਞ੍ਞੀ ਅਭਿਨਿਪ੍ਫਾਦੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਊਨਕਤਿਕ੍ਖਤ੍ਤੁਂ ਚੋਦਨਾਯ ਊਨਕਛਕ੍ਖਤ੍ਤੁਂ ਠਾਨੇਨ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਤਿਕ੍ਖਤ੍ਤੁਂ ਚੋਦਨਾਯ ਊਨਕਛਕ੍ਖਤ੍ਤੁਂ ਠਾਨੇਨ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਤਿਕ੍ਖਤ੍ਤੁਂ ਚੋਦਨਾਯ ਊਨਕਛਕ੍ਖਤ੍ਤੁਂ ਠਾਨੇਨ ਊਨਕਸਞ੍ਞੀ ਅਨਾਪਤ੍ਤਿ.

੫੪੧. ਅਨਾਪਤ੍ਤਿ – ਤਿਕ੍ਖਤ੍ਤੁਂ ਚੋਦਨਾਯ, ਛਕ੍ਖਤ੍ਤੁਂ ਠਾਨੇਨ, ਊਨਕਤਿਕ੍ਖਤ੍ਤੁਂ ਚੋਦਨਾਯ, ਊਨਕਛਕ੍ਖਤ੍ਤੁਂ ਠਾਨੇਨ, ਅਚੋਦਿਯਮਾਨੋ ਦੇਤਿ, ਸਾਮਿਕਾ ਚੋਦੇਤ੍ਵਾ ਦੇਨ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਰਾਜਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ.

ਕਥਿਨਵਗ੍ਗੋ ਪਠਮੋ.

ਤਸ੍ਸੁਦ੍ਦਾਨਂ –

ਉਬ੍ਭਤਂ ਕਥਿਨਂ ਤੀਣਿ, ਧੋਵਨਞ੍ਚ ਪਟਿਗ੍ਗਹੋ;

ਅਞ੍ਞਾਤਕਾਨਿ ਤੀਣੇਵ, ਉਭਿਨ੍ਨਂ ਦੂਤਕੇਨ ਚਾਤਿ.

੨. ਕੋਸਿਯਵਗ੍ਗੋ

੧. ਕੋਸਿਯਸਿਕ੍ਖਾਪਦਂ

੫੪੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਆਲ਼ਵਿਯਂ ਵਿਹਰਤਿ ਅਗ੍ਗਾਲ਼ਵੇ ਚੇਤਿਯੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਕੋਸਿਯਕਾਰਕੇ ਉਪਸਙ੍ਕਮਿਤ੍ਵਾ ਏਵਂ ਵਦਨ੍ਤਿ – ‘‘ਬਹੂ, ਆਵੁਸੋ, ਕੋਸਕਾਰਕੇ ਪਚਥ, ਅਮ੍ਹਾਕਮ੍ਪਿ ਦਸ੍ਸਥ, ਮਯਮ੍ਪਿ ਇਚ੍ਛਾਮ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਤੁ’’ਨ੍ਤਿ. ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਅਮ੍ਹੇ ਉਪਸਙ੍ਕਮਿਤ੍ਵਾ ਏਵਂ ਵਕ੍ਖਨ੍ਤਿ – ‘ਬਹੂ, ਆਵੁਸੋ, ਕੋਸਕਾਰਕੇ ਪਚਥ, ਅਮ੍ਹਾਕਮ੍ਪਿ ਦਸ੍ਸਥ, ਮਯਮ੍ਪਿ ਇਚ੍ਛਾਮ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਤੁ’ਨ੍ਤਿ! ਅਮ੍ਹਾਕਮ੍ਪਿ ਅਲਾਭਾ, ਅਮ੍ਹਾਕਮ੍ਪਿ ਦੁਲ੍ਲਦ੍ਧਂ, ਯੇ ਮਯਂ ਆਜੀਵਸ੍ਸ ਹੇਤੁ ਪੁਤ੍ਤਦਾਰਸ੍ਸ ਕਾਰਣਾ ਬਹੂ ਖੁਦ੍ਦਕੇ ਪਾਣੇ ਸਙ੍ਘਾਤਂ ਆਪਾਦੇਮਾ’’ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਕੋਸਿਯਕਾਰਕੇ ਉਪਸਙ੍ਕਮਿਤ੍ਵਾ ਏਵਂ ਵਕ੍ਖਨ੍ਤਿ – ‘ਬਹੂ, ਆਵੁਸੋ, ਕੋਸਕਾਰਕੇ ਪਚਥ, ਅਮ੍ਹਾਕਮ੍ਪਿ ਦਸ੍ਸਥ, ਮਯਮ੍ਪਿ ਇਚ੍ਛਾਮ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਤੁ’’’ਨ੍ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਕੋਸਿਯਕਾਰਕੇ ਉਪਸਙ੍ਕਮਿਤ੍ਵਾ ਏਵਂ ਵਦੇਥ – ‘ਬਹੂ, ਆਵੁਸੋ, ਕੋਸਕਾਰਕੇ ਪਚਥ, ਅਮ੍ਹਾਕਮ੍ਪਿ ਦਸ੍ਸਥ, ਮਯਮ੍ਪਿ ਇਚ੍ਛਾਮ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਤੁ’’’ਨ੍ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਕੋਸਿਯਕਾਰਕੇ ਉਪਸਙ੍ਕਮਿਤ੍ਵਾ ਏਵਂ ਵਕ੍ਖਥ – ਬਹੂ, ਆਵੁਸੋ, ਕੋਸਕਾਰਕੇ ਪਚਥ, ਅਮ੍ਹਾਕਮ੍ਪਿ ਦਸ੍ਸਥ, ਮਯਮ੍ਪਿ ਇਚ੍ਛਾਮ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਤੁਨ੍ਤਿ. ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੪੩. ‘‘ਯੋ ਪਨ ਭਿਕ੍ਖੁ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੪੪. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਸਨ੍ਥਤਂ ਨਾਮ ਸਨ੍ਥਰਿਤ੍ਵਾ ਕਤਂ ਹੋਤਿ ਅਵਾਯਿਮਂ.

ਕਾਰਾਪੇਯ੍ਯਾਤਿ ਏਕੇਨਪਿ ਕੋਸਿਯਂਸੁਨਾ ਮਿਸ੍ਸਿਤ੍ਵਾ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬ…ਪੇ… ਇਦਂ ਮੇ, ਭਨ੍ਤੇ, ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਰਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੪੫. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਞ੍ਞਸ੍ਸਤ੍ਥਾਯ ਕਰੋਤਿ ਵਾ ਕਾਰਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ.

੫੪੬. ਅਨਾਪਤ੍ਤਿ ਵਿਤਾਨਂ ਵਾ ਭੂਮਤ੍ਥਰਣਂ ਵਾ ਸਾਣਿਪਾਕਾਰਂ ਵਾ ਭਿਸਿਂ ਵਾ ਬਿਬ੍ਬੋਹਨਂ ਵਾ ਕਰੋਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਕੋਸਿਯਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ.

੨. ਸੁਦ੍ਧਕਾਲ਼ਕਸਿਕ੍ਖਾਪਦਂ

੫੪੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਵੇਸਾਲਿਯਂ ਵਿਹਰਤਿ ਮਹਾਵਨੇ ਕੂਟਾਗਾਰਸਾਲਾਯਂ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਨ੍ਤਿ. ਮਨੁਸ੍ਸਾ ਵਿਹਾਰਚਾਰਿਕਂ ਆਹਿਣ੍ਡਨ੍ਤਾ ਪਸ੍ਸਿਤ੍ਵਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਸੇਯ੍ਯਥਾਪਿ ਗਿਹੀ ਕਾਮਭੋਗਿਨੋ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੪੮. ‘‘ਯੋ ਪਨ ਭਿਕ੍ਖੁ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੪੯. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਕਾਲ਼ਕਂ ਨਾਮ ਦ੍ਵੇ ਕਾਲ਼ਕਾਨਿ – ਜਾਤਿਯਾ ਕਾਲ਼ਕਂ ਵਾ ਰਜਨਕਾਲ਼ਕਂ ਵਾ.

ਸਨ੍ਥਤਂ ਨਾਮ ਸਨ੍ਥਰਿਤ੍ਵਾ ਕਤਂ ਹੋਤਿ ਅਵਾਯਿਮਂ.

ਕਾਰਾਪੇਯ੍ਯਾਤਿ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ …ਪੇ… ਇਦਂ ਮੇ, ਭਨ੍ਤੇ, ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੫੦. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਞ੍ਞਸ੍ਸਤ੍ਥਾਯ ਕਰੋਤਿ ਵਾ ਕਾਰਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ.

੫੫੧. ਅਨਾਪਤ੍ਤਿ ਵਿਤਾਨਂ ਵਾ ਭੂਮਤ੍ਥਰਣਂ ਵਾ ਸਾਣਿਪਾਕਾਰਂ ਵਾ ਭਿਸਿਂ ਵਾ ਬਿਬ੍ਬੋਹਨਂ ਵਾ ਕਰੋਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਸੁਦ੍ਧਕਾਲ਼ਕਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ.

੩. ਦ੍ਵੇਭਾਗਸਿਕ੍ਖਾਪਦਂ

੫੫੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ – ‘‘ਭਗਵਤਾ ਪਟਿਕ੍ਖਿਤ੍ਤਂ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਤੁ’’ਨ੍ਤਿ, ਤੇ ਥੋਕਂਯੇਵ ਓਦਾਤਂ ਅਨ੍ਤੇ ਆਦਿਯਿਤ੍ਵਾ ਤਥੇਵ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਨ੍ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਥੋਕਂਯੇਵ ਓਦਾਤਂ ਅਨ੍ਤੇ ਆਦਿਯਿਤ੍ਵਾ ਤਥੇਵ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਥੋਕਂਯੇਵ ਓਦਾਤਂ ਅਨ੍ਤੇ ਆਦਿਯਿਤ੍ਵਾ ਤਥੇਵ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਥੋਕਂਯੇਵ ਓਦਾਤਂ ਅਨ੍ਤੇ ਆਦਿਯਿਤ੍ਵਾ ਤਥੇਵ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੫੩. ‘‘ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਯਮਾਨੇਨ ਦ੍ਵੇ ਭਾਗਾ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਆਦਾਤਬ੍ਬਾ ਤਤਿਯਂ ਓਦਾਤਾਨਂ ਚਤੁਤ੍ਥਂ ਗੋਚਰਿਯਾਨਂ. ਅਨਾਦਾ ਚੇ ਭਿਕ੍ਖੁ ਦ੍ਵੇ ਭਾਗੇ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਤਤਿਯਂ ਓਦਾਤਾਨਂ ਚਤੁਤ੍ਥਂ ਗੋਚਰਿਯਾਨਂ ਨਵਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੫੪. ਨਵਂ ਨਾਮ ਕਰਣਂ ਉਪਾਦਾਯ ਵੁਚ੍ਚਤਿ.

ਸਨ੍ਥਤਂ ਨਾਮ ਸਨ੍ਥਰਿਤ੍ਵਾ ਕਤਂ ਹੋਤਿ ਅਵਾਯਿਮਂ.

ਕਾਰਯਮਾਨੇਨਾਤਿ ਕਰੋਨ੍ਤੋ ਵਾ ਕਾਰਾਪੇਨ੍ਤੋ ਵਾ.

ਦ੍ਵੇ ਭਾਗਾ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਆਦਾਤਬ੍ਬਾਤਿ ਧਾਰਯਿਤ੍ਵਾ ਦ੍ਵੇ ਤੁਲਾ ਆਦਾਤਬ੍ਬਾ.

ਤਤਿਯਂ ਓਦਾਤਾਨਨ੍ਤਿ ਤੁਲਂ ਓਦਾਤਾਨਂ.

ਚਤੁਤ੍ਥਂ ਗੋਚਰਿਯਾਨਨ੍ਤਿ ਤੁਲਂ ਗੋਚਰਿਯਾਨਂ.

ਅਨਾਦਾ ਚੇ ਭਿਕ੍ਖੁ ਦ੍ਵੇ ਭਾਗੇ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਤਤਿਯਂ ਓਦਾਤਾਨਂ ਚਤੁਤ੍ਥਂ ਗੋਚਰਿਯਾਨਨ੍ਤਿ. ਅਨਾਦਿਯਿਤ੍ਵਾ ਦ੍ਵੇ ਤੁਲੇ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਤੁਲਂ ਓਦਾਤਾਨਂ ਤੁਲਂ ਗੋਚਰਿਯਾਨਂ ਨਵਂ ਸਨ੍ਥਤਂ ਕਰੋਤਿ ਵਾ ਕਾਰਾਪੇਤਿ ਵਾ ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਸਨ੍ਥਤਂ ਅਨਾਦਿਯਿਤ੍ਵਾ ਦ੍ਵੇ ਤੁਲੇ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਤੁਲਂ ਓਦਾਤਾਨਂ ਤੁਲਂ ਗੋਚਰਿਯਾਨਂ ਕਾਰਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੫੫. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਞ੍ਞਸ੍ਸਤ੍ਥਾਯ ਕਰੋਤਿ ਵਾ ਕਾਰਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ.

੫੫੬. ਅਨਾਪਤ੍ਤਿ ਤੁਲਂ ਓਦਾਤਾਨਂ ਤੁਲਂ ਗੋਚਰਿਯਾਨਂ ਆਦਿਯਿਤ੍ਵਾ ਕਰੋਤਿ, ਬਹੁਤਰਂ ਓਦਾਤਾਨਂ ਬਹੁਤਰਂ ਗੋਚਰਿਯਾਨਂ ਆਦਿਯਿਤ੍ਵਾ ਕਰੋਤਿ, ਸੁਦ੍ਧਂ ਓਦਾਤਾਨਂ ਸੁਦ੍ਧਂ ਗੋਚਰਿਯਾਨਂ ਆਦਿਯਿਤ੍ਵਾ ਕਰੋਤਿ, ਵਿਤਾਨਂ ਵਾ ਭੂਮਤ੍ਥਰਣਂ ਵਾ ਸਾਣਿਪਾਕਾਰਂ ਵਾ ਭਿਸਿਂ ਵਾ ਬਿਬ੍ਬੋਹਨਂ ਵਾ ਕਰੋਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਦ੍ਵੇਭਾਗਸਿਕ੍ਖਾਪਦਂ ਨਿਟ੍ਠਿਤਂ ਤਤਿਯਂ.

੪. ਛਬ੍ਬਸ੍ਸਸਿਕ੍ਖਾਪਦਂ

੫੫੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ. ਤੇ ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਨ੍ਤਿ – ‘‘ਏਲ਼ਕਲੋਮਾਨਿ ਦੇਥ. ਏਲ਼ਕਲੋਮੇਹਿ ਅਤ੍ਥੋ’’ਤਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’’ਤਿ! ਅਮ੍ਹਾਕਂ ਪਨ ਸਕਿਂ ਕਤਾਨਿ ਸਨ੍ਥਤਾਨਿ ਪਞ੍ਚਪਿ ਛਪਿ ਵਸ੍ਸਾਨਿ ਹੋਨ੍ਤਿ, ਯੇਸਂ ਨੋ ਦਾਰਕਾ ਉਹਦਨ੍ਤਿਪਿ ਉਮ੍ਮਿਹਨ੍ਤਿਪਿ ਉਨ੍ਦੂਰੇਹਿਪਿ ਖਜ੍ਜਨ੍ਤਿ. ਇਮੇ ਪਨ ਸਮਣਾ ਸਕ੍ਯਪੁਤ੍ਤਿਯਾ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ, ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਨ੍ਤਿ – ‘‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’ਤਿ!

ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਨ੍ਤਿ, ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਅਨੁਵਸ੍ਸਂ ਸਨ੍ਥਤਂ ਕਾਰਾਪੇਸ੍ਸਨ੍ਤਿ, ਯਾਚਨਬਹੁਲਾ ਵਿਞ੍ਞਤ੍ਤਿਬਹੁਲਾ ਵਿਹਰਿਸ੍ਸਨ੍ਤਿ – ‘ਏਲ਼ਕਲੋਮਾਨਿ ਦੇਥ, ਏਲ਼ਕਲੋਮੇਹਿ ਅਤ੍ਥੋ’ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੫੮. ‘‘ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍ਵਾ ਛਬ੍ਬਸ੍ਸਾਨਿ ਧਾਰੇਤਬ੍ਬਂ. ਓਰੇਨ ਚੇ ਛਨ੍ਨਂ ਵਸ੍ਸਾਨਂ ਤਂ ਸਨ੍ਥਤਂ ਵਿਸ੍ਸਜ੍ਜੇਤ੍ਵਾ ਵਾ ਅਵਿਸ੍ਸਜ੍ਜੇਤ੍ਵਾ ਵਾ ਅਞ੍ਞਂ ਨਵਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੫੫੯. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਭਿਕ੍ਖੁ ਕੋਸਮ੍ਬਿਯਂ ਗਿਲਾਨੋ ਹੋਤਿ. ਞਾਤਕਾ ਤਸ੍ਸ ਭਿਕ੍ਖੁਨੋ ਸਨ੍ਤਿਕੇ ਦੂਤਂ ਪਾਹੇਸੁਂ – ‘‘ਆਗਚ੍ਛਤੁ, ਭਦਨ੍ਤੋ ਮਯਂ ਉਪਟ੍ਠਹਿਸ੍ਸਾਮਾ’’ਤਿ. ਭਿਕ੍ਖੂਪਿ ਏਵਮਾਹਂਸੁ – ‘‘ਗਚ੍ਛਾਵੁਸੋ, ਞਾਤਕਾ ਤਂ ਉਪਟ੍ਠਹਿਸ੍ਸਨ੍ਤੀ’’ਤਿ. ਸੋ ਏਵਮਾਹ – ‘‘ਭਗਵਤਾ, ਆਵੁਸੋ, ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍ਵਾ ਛਬ੍ਬਸ੍ਸਾਨਿ ਧਾਰੇਤਬ੍ਬ’ਨ੍ਤਿ. ਅਹਞ੍ਚਮ੍ਹਿ ਗਿਲਾਨੋ, ਨ ਸਕ੍ਕੋਮਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ. ਮਯ੍ਹਞ੍ਚ ਵਿਨਾ ਸਨ੍ਥਤਾ ਨ ਫਾਸੁ ਹੋਤਿ. ਨਾਹਂ ਗਮਿਸ੍ਸਾਮੀ’’ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਗਿਲਾਨਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦਾਤੁਂ. ਏਵਞ੍ਚ ਪਨ, ਭਿਕ੍ਖਵੇ, ਦਾਤਬ੍ਬਾ. ਤੇਨ ਗਿਲਾਨੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘ਅਹਂ, ਭਨ੍ਤੇ, ਗਿਲਾਨੋ. ਨ ਸਕ੍ਕੋਮਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ. ਸੋਹਂ, ਭਨ੍ਤੇ, ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਾਮੀ’ਤਿ. ਦੁਤਿਯਮ੍ਪਿ ਯਾਚਿਤਬ੍ਬਾ. ਤਤਿਯਮ੍ਪਿ ਯਾਚਿਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੫੬੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ. ਨ ਸਕ੍ਕੋਤਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ. ਸੋ ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਤਿ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦਦੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਗਿਲਾਨੋ. ਨ ਸਕ੍ਕੋਤਿ ਸਨ੍ਥਤਂ ਆਦਾਯ ਪਕ੍ਕਮਿਤੁਂ. ਸੋ ਸਙ੍ਘਂ ਸਨ੍ਥਤਸਮ੍ਮੁਤਿਂ ਯਾਚਤਿ. ਸਙ੍ਘੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦੇਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਯਾ ਦਾਨਂ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਦਿਨ੍ਨਾ ਸਙ੍ਘੇਨ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੬੧. ‘‘ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍ਵਾ ਛਬ੍ਬਸ੍ਸਾਨਿ ਧਾਰੇਤਬ੍ਬਂ. ਓਰੇਨ ਚੇ ਛਨ੍ਨਂ ਵਸ੍ਸਾਨਂ ਤਂ ਸਨ੍ਥਤਂ ਵਿਸ੍ਸਜ੍ਜੇਤ੍ਵਾ ਵਾ ਅਵਿਸ੍ਸਜ੍ਜੇਤ੍ਵਾ ਵਾ ਅਞ੍ਞਂ ਨਵਂ ਸਨ੍ਥਤਂ ਕਾਰਾਪੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੬੨. ਨਵਂ ਨਾਮ ਕਰਣਂ ਉਪਾਦਾਯ ਵੁਚ੍ਚਤਿ.

ਸਨ੍ਥਤਂ ਨਾਮ ਸਨ੍ਥਰਿਤ੍ਵਾ ਕਤਂ ਹੋਤਿ ਅਵਾਯਿਮਂ.

ਕਾਰਾਪੇਤ੍ਵਾਤਿ ਕਰਿਤ੍ਵਾ ਵਾ ਕਾਰਾਪੇਤ੍ਵਾ ਵਾ.

ਛਬ੍ਬਸ੍ਸਾਨਿ ਧਾਰੇਤਬ੍ਬਨ੍ਤਿ ਛਬ੍ਬਸ੍ਸਪਰਮਤਾ ਧਾਰੇਤਬ੍ਬਂ.

ਓਰੇਨ ਚੇ ਛਨ੍ਨਂ ਵਸ੍ਸਾਨਨ੍ਤਿ ਊਨਕਛਬ੍ਬਸ੍ਸਾਨਿ.

ਤਂ ਸਨ੍ਥਤਂ ਵਿਸ੍ਸਜ੍ਜੇਤ੍ਵਾਤਿ ਅਞ੍ਞੇਸਂ ਦਤ੍ਵਾ.

ਅਵਿਸ੍ਸਜ੍ਜੇਤ੍ਵਾਤਿ ਨ ਕਸ੍ਸਚਿ ਦਤ੍ਵਾ.

ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍ਵਾ ਭਿਕ੍ਖੁਸਮ੍ਮੁਤਿਂ ਅਞ੍ਞਂ ਨਵਂ ਸਨ੍ਥਤਂ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਸਨ੍ਥਤਂ ਊਨਕਛਬ੍ਬਸ੍ਸਾਨਿ ਕਾਰਾਪਿਤਂ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੬੩. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੫੬੪. ਅਨਾਪਤ੍ਤਿ ਛਬ੍ਬਸ੍ਸਾਨਿ ਕਰੋਤਿ, ਅਤਿਰੇਕਛਬ੍ਬਸ੍ਸਾਨਿ ਕਰੋਤਿ, ਅਞ੍ਞਸ੍ਸਤ੍ਥਾਯ ਕਰੋਤਿ ਵਾ ਕਾਰਾਪੇਤਿ ਵਾ, ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਵਿਤਾਨਂ ਵਾ ਭੂਮਤ੍ਥਰਣਂ ਵਾ ਸਾਣਿਪਾਕਾਰਂ ਵਾ ਭਿਸਿਂ ਵਾ ਬਿਬ੍ਬੋਹਨਂ ਵਾ ਕਰੋਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਛਬ੍ਬਸ੍ਸਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ.

੫. ਨਿਸੀਦਨਸਨ੍ਥਤਸਿਕ੍ਖਾਪਦਂ

੫੬੫. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਅਥ ਖੋ ਭਗਵਾ ਭਿਕ੍ਖੂ ਆਮਨ੍ਤੇਸਿ – ‘‘ਇਚ੍ਛਾਮਹਂ, ਭਿਕ੍ਖਵੇ, ਤੇਮਾਸਂ ਪਟਿਸਲ੍ਲੀਯਿਤੁਂ. ਨਮ੍ਹਿ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨਾ’’ਤਿ. ‘‘ਏਵਂ, ਭਨ੍ਤੇ,’’ਤਿ ਖੋ ਤੇ ਭਿਕ੍ਖੂ ਭਗਵਤੋ ਪਟਿਸ੍ਸੁਣਿਤ੍ਵਾ ਨਾਸ੍ਸੁਧ ਕੋਚਿ ਭਗਵਨ੍ਤਂ ਉਪਸਙ੍ਕਮਤਿ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ. ਤੇਨ ਖੋ ਪਨ ਸਮਯੇਨ ਸਾਵਤ੍ਥਿਯਾ ਸਙ੍ਘੇਨ ਕਤਿਕਾ ਕਤਾ ਹੋਤਿ – ‘‘ਇਚ੍ਛਤਾਵੁਸੋ, ਭਗਵਾ ਤੇਮਾਸਂ ਪਟਿਸਲ੍ਲੀਯਿਤੁਂ. ਨ ਭਗਵਾ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ. ਯੋ ਭਗਵਨ੍ਤਂ ਉਪਸਙ੍ਕਮਤਿ ਸੋ ਪਾਚਿਤ੍ਤਿਯਂ ਦੇਸਾਪੇਤਬ੍ਬੋ’’ਤਿ. ਅਥ ਖੋ ਆਯਸ੍ਮਾ ਉਪਸੇਨੋ ਵਙ੍ਗਨ੍ਤਪੁਤ੍ਤੋ, ਸਪਰਿਸੋ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਆਚਿਣ੍ਣਂ ਖੋ ਪਨੇਤਂ ਬੁਦ੍ਧਾਨਂ ਭਗਵਨ੍ਤਾਨਂ ਆਗਨ੍ਤੁਕੇਹਿ ਭਿਕ੍ਖੂਹਿ ਸਦ੍ਧਿਂ ਪਟਿਸਮ੍ਮੋਦਿਤੁਂ. ਅਥ ਖੋ ਭਗਵਾ ਆਯਸ੍ਮਨ੍ਤਂ ਉਪਸੇਨਂ ਵਙ੍ਗਨ੍ਤਪੁਤ੍ਤਂ ਏਤਦਵੋਚ – ‘‘ਕਚ੍ਚਿ ਵੋ, ਉਪਸੇਨ, ਖਮਨੀਯਂ ਕਚ੍ਚਿ ਯਾਪਨੀਯਂ, ਕਚ੍ਚਿਤ੍ਥ ਅਪ੍ਪਕਿਲਮਥੇਨ ਅਦ੍ਧਾਨਂ ਆਗਤਾ’’ਤਿ? ‘‘ਖਮਨੀਯਂ, ਭਗਵਾ, ਯਾਪਨੀਯਂ, ਭਗਵਾ. ਅਪ੍ਪਕਿਲਮਥੇਨ ਚ ਮਯਂ, ਭਨ੍ਤੇ, ਅਦ੍ਧਾਨਂ ਆਗਤਾ’’ਤਿ.

ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਉਪਸੇਨਸ੍ਸ ਵਙ੍ਗਨ੍ਤਪੁਤ੍ਤਸ੍ਸ ਸਦ੍ਧਿਵਿਹਾਰਿਕੋ ਭਿਕ੍ਖੁ ਭਗਵਤੋ ਅਵਿਦੂਰੇ ਨਿਸਿਨ੍ਨੋ ਹੋਤਿ. ਅਥ ਖੋ ਭਗਵਾ ਤਂ ਭਿਕ੍ਖੁਂ ਏਤਦਵੋਚ – ‘‘ਮਨਾਪਾਨਿ ਤੇ, ਭਿਕ੍ਖੁ, ਪਂਸੁਕੂਲਾਨੀ’’ਤਿ? ‘‘ਨ ਖੋ ਮੇ, ਭਨ੍ਤੇ, ਮਨਾਪਾਨਿ ਪਂਸੁਕੂਲਾਨੀ’’ਤਿ. ‘‘ਕਿਸ੍ਸ ਪਨ ਤ੍ਵਂ, ਭਿਕ੍ਖੁ, ਪਂਸੁਕੂਲਿਕੋ’’ਤਿ? ‘‘ਉਪਜ੍ਝਾਯੋ ਮੇ, ਭਨ੍ਤੇ, ਪਂਸੁਕੂਲਿਕੋ. ਏਵਂ ਅਹਮ੍ਪਿ ਪਂਸੁਕੂਲਿਕੋ’’ਤਿ. ਅਥ ਖੋ ਭਗਵਾ ਆਯਸ੍ਮਨ੍ਤਂ ਉਪਸੇਨਂ ਵਙ੍ਗਨ੍ਤਪੁਤ੍ਤਂ ਏਤਦਵੋਚ – ‘‘ਪਾਸਾਦਿਕਾ ਖੋ ਤ੍ਯਾਯਂ, ਉਪਸੇਨ, ਪਰਿਸਾ. ਕਥਂ ਤ੍ਵਂ, ਉਪਸੇਨ, ਪਰਿਸਂ ਵਿਨੇਸੀ’’ਤਿ? ‘‘ਯੋ ਮਂ, ਭਨ੍ਤੇ, ਉਪਸਮ੍ਪਦਂ ਯਾਚਤਿ ਤਮਹਂ [ਤਾਹਂ (ਕ.)] ਏਵਂ ਵਦਾਮਿ – ‘ਅਹਂ ਖੋ, ਆਵੁਸੋ, ਆਰਞ੍ਞਿਕੋ ਪਿਣ੍ਡਪਾਤਿਕੋ ਪਂਸੁਕੂਲਿਕੋ. ਸਚੇ ਤ੍ਵਮ੍ਪਿ ਆਰਞ੍ਞਿਕੋ ਭਵਿਸ੍ਸਸਿ ਪਿਣ੍ਡਪਾਤਿਕੋ ਪਂਸੁਕੂਲਿਕੋ, ਏਵਾਹਂ ਤਂ ਉਪਸਮ੍ਪਾਦੇਸ੍ਸਾਮੀ’ਤਿ. ਸਚੇ ਮੇ ਪਟਿਸ੍ਸੁਣਾਤਿ ਉਪਸਮ੍ਪਾਦੇਮਿ, ਨੋ ਚੇ ਮੇ ਪਟਿਸ੍ਸੁਣਾਤਿ ਨ ਉਪਸਮ੍ਪਾਦੇਮਿ. ਯੋ ਮਂ ਨਿਸ੍ਸਯਂ ਯਾਚਤਿ ਤਮਹਂ [ਤਾਹਂ (ਕ.)] ਏਵਂ ਵਦਾਮਿ – ‘ਅਹਂ ਖੋ, ਆਵੁਸੋ, ਆਰਞ੍ਞਿਕੋ ਪਿਣ੍ਡਪਾਤਿਕੋ ਪਂਸੁਕੂਲਿਕੋ. ਸਚੇ ਤ੍ਵਮ੍ਪਿ ਆਰਞ੍ਞਿਕੋ ਭਵਿਸ੍ਸਸਿ ਪਿਣ੍ਡਪਾਤਿਕੋ ਪਂਸੁਕੂਲਿਕੋ, ਏਵਾਹਂ ਤੇ ਨਿਸ੍ਸਯਂ ਦਸ੍ਸਾਮੀ’ਤਿ. ਸਚੇ ਮੇ ਪਟਿਸ੍ਸੁਣਾਤਿ ਨਿਸ੍ਸਯਂ ਦੇਮਿ, ਨੋ ਚੇ ਮੇ ਪਟਿਸ੍ਸੁਣਾਤਿ ਨ ਨਿਸ੍ਸਯਂ ਦੇਮਿ. ਏਵਂ ਖੋ ਅਹਂ, ਭਨ੍ਤੇ, ਪਰਿਸਂ ਵਿਨੇਮੀ’’ਤਿ.

‘‘ਸਾਧੁ ਸਾਧੁ, ਉਪਸੇਨ. ਸਾਧੁ ਖੋ ਤ੍ਵਂ, ਉਪਸੇਨ, ਪਰਿਸਂ ਵਿਨੇਸਿ. ਜਾਨਾਸਿ ਪਨ ਤ੍ਵਂ, ਉਪਸੇਨ, ਸਾਵਤ੍ਥਿਯਾ ਸਙ੍ਘਸ੍ਸ ਕਤਿਕ’’ਨ੍ਤਿ? ‘‘ਨ ਖੋ ਅਹਂ, ਭਨ੍ਤੇ, ਜਾਨਾਮਿ ਸਾਵਤ੍ਥਿਯਾ ਸਙ੍ਘਸ੍ਸ ਕਤਿਕ’’ਨ੍ਤਿ. ‘‘ਸਾਵਤ੍ਥਿਯਾ ਖੋ, ਉਪਸੇਨ, ਸਙ੍ਘੇਨ ਕਤਿਕਾ ਕਤਾ – ‘ਇਚ੍ਛਤਾਵੁਸੋ, ਭਗਵਾ ਤੇਮਾਸਂ ਪਟਿਸਲ੍ਲੀਯਿਤੁਂ. ਨ ਭਗਵਾ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ. ਯੋ ਭਗਵਨ੍ਤਂ ਉਪਸਙ੍ਕਮਤਿ ਸੋ ਪਾਚਿਤ੍ਤਿਯਂ ਦੇਸਾਪੇਤਬ੍ਬੋ’ਤਿ. ‘‘ਪਞ੍ਞਾਯਿਸ੍ਸਤਿ, ਭਨ੍ਤੇ, ਸਾਵਤ੍ਥਿਯਾ ਸਙ੍ਘੋ ਸਕਾਯ ਕਤਿਕਾਯ, ਨ ਮਯਂ ਅਪਞ੍ਞਤ੍ਤਂ ਪਞ੍ਞਪੇਸ੍ਸਾਮ ਪਞ੍ਞਤ੍ਤਂ ਵਾ ਨ ਸਮੁਚ੍ਛਿਨ੍ਦਿਸ੍ਸਾਮ, ਯਥਾਪਞ੍ਞਤ੍ਤੇਸੁ ਸਿਕ੍ਖਾਪਦੇਸੁ ਸਮਾਦਾਯ ਵਤ੍ਤਿਸ੍ਸਾਮਾ’’ਤਿ. ‘‘ਸਾਧੁ ਸਾਧੁ, ਉਪਸੇਨ, ਅਪਞ੍ਞਤ੍ਤਂ ਨ ਪਞ੍ਞਪੇਤਬ੍ਬਂ, ਪਞ੍ਞਤ੍ਤਂ ਵਾ ਨ ਸਮੁਚ੍ਛਿਨ੍ਦਿਤਬ੍ਬਂ, ਯਥਾਪਞ੍ਞਤ੍ਤੇਸੁ ਸਿਕ੍ਖਾਪਦੇਸੁ ਸਮਾਦਾਯ ਵਤ੍ਤਿਤਬ੍ਬਂ. ਅਨੁਜਾਨਾਮਿ, ਉਪਸੇਨ, ਯੇ ਤੇ ਭਿਕ੍ਖੂ ਆਰਞ੍ਞਿਕਾ ਪਿਣ੍ਡਪਾਤਿਕਾ ਪਂਸੁਕੂਲਿਕਾ ਯਥਾਸੁਖਂ ਮਂ ਦਸ੍ਸਨਾਯ ਉਪਸਙ੍ਕਮਨ੍ਤੂ’’ਤਿ.

੫੬੬. ਤੇਨ ਖੋ ਪਨ ਸਮਯੇਨ ਸਮ੍ਬਹੁਲਾ ਭਿਕ੍ਖੂ ਬਹਿਦ੍ਵਾਰਕੋਟ੍ਠਕੇ ਠਿਤਾ ਹੋਨ੍ਤਿ – ‘‘ਮਯਂ ਆਯਸ੍ਮਨ੍ਤਂ ਉਪਸੇਨਂ ਵਙ੍ਗਨ੍ਤਪੁਤ੍ਤਂ ਪਾਚਿਤ੍ਤਿਯਂ ਦੇਸਾਪੇਸ੍ਸਾਮਾ’’ਤਿ. ਅਥ ਖੋ ਆਯਸ੍ਮਾ ਉਪਸੇਨੋ ਵਙ੍ਗਨ੍ਤਪੁਤ੍ਤੋ ਸਪਰਿਸੋ ਉਟ੍ਠਾਯਾਸਨਾ ਭਗਵਨ੍ਤਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ. ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਸੇਨਂ ਵਙ੍ਗਨ੍ਤਪੁਤ੍ਤਂ ਏਤਦਵੋਚੁਂ – ‘‘ਜਾਨਾਸਿ ਤ੍ਵਂ, ਆਵੁਸੋ ਉਪਸੇਨ, ਸਾਵਤ੍ਥਿਯਾ ਸਙ੍ਘਸ੍ਸ ਕਤਿਕ’’ਨ੍ਤਿ. ‘‘ਭਗਵਾਪਿ ਮਂ, ਆਵੁਸੋ, ਏਵਮਾਹ – ‘ਜਾਨਾਸਿ ਪਨ ਤ੍ਵਂ, ਉਪਸੇਨ, ਸਾਵਤ੍ਥਿਯਾ ਸਙ੍ਘਸ੍ਸ ਕਤਿਕ’ਨ੍ਤਿ? ਨ ਖੋ ਅਹਂ, ਭਨ੍ਤੇ, ਜਾਨਾਮਿ ਸਾਵਤ੍ਥਿਯਾ ਸਙ੍ਘਸ੍ਸ ਕਤਿਕ’’ਨ੍ਤਿ. ‘‘ਸਾਵਤ੍ਥਿਯਾ ਖੋ, ਉਪਸੇਨ, ਸਙ੍ਘੇਨ ਕਤਿਕਾ ਕਤਾ – ਇਚ੍ਛਤਾਵੁਸੋ, ਭਗਵਾ ਤੇਮਾਸਂ ਪਟਿਸਲ੍ਲੀਯਿਤੁਂ. ਨ ਭਗਵਾ ਕੇਨਚਿ ਉਪਸਙ੍ਕਮਿਤਬ੍ਬੋ, ਅਞ੍ਞਤ੍ਰ ਏਕੇਨ ਪਿਣ੍ਡਪਾਤਨੀਹਾਰਕੇਨ. ਯੋ ਭਗਵਨ੍ਤਂ ਉਪਸਙ੍ਕਮਤਿ ਸੋ ਪਾਚਿਤ੍ਤਿਯਂ ਦੇਸਾਪੇਤਬ੍ਬੋ’’ਤਿ. ‘‘ਪਞ੍ਞਾਯਿਸ੍ਸਤਿ, ਭਨ੍ਤੇ, ਸਾਵਤ੍ਥਿਯਾ ਸਙ੍ਘੋ ਸਕਾਯ ਕਤਿਕਾਯ, ਨ ਮਯਂ ਅਪਞ੍ਞਤ੍ਤਂ ਪਞ੍ਞਪੇਸ੍ਸਾਮ ਪਞ੍ਞਤ੍ਤਂ ਵਾ ਨ ਸਮੁਚ੍ਛਿਨ੍ਦਿਸ੍ਸਾਮ, ਯਥਾਪਞ੍ਞਤ੍ਤੇਸੁ ਸਿਕ੍ਖਾਪਦੇਸੁ ਸਮਾਦਾਯ ਵਤ੍ਤਿਸ੍ਸਾਮਾਤਿ. ਅਨੁਞ੍ਞਾਤਾਵੁਸੋ, ਭਗਵਤਾ – ‘ਯੇ ਤੇ ਭਿਕ੍ਖੂ ਆਰਞ੍ਞਿਕਾ ਪਿਣ੍ਡਪਾਤਿਕਾ ਪਂਸੁਕੂਲਿਕਾ ਯਥਾਸੁਖਂ ਮਂ ਦਸ੍ਸਨਾਯ ਉਪਸਙ੍ਕਮਨ੍ਤੂ’’’ਤਿ.

ਅਥ ਖੋ ਤੇ ਭਿਕ੍ਖੂ – ‘‘ਸਚ੍ਚਂ ਖੋ ਆਯਸ੍ਮਾ ਉਪਸੇਨੋ ਆਹ – ‘ਨ ਅਪਞ੍ਞਤ੍ਤਂ ਪਞ੍ਞਪੇਤਬ੍ਬਂ, ਪਞ੍ਞਤ੍ਤਂ ਵਾ ਨ ਸਮੁਚ੍ਛਿਨ੍ਦਿਤਬ੍ਬਂ, ਯਥਾਪਞ੍ਞਤ੍ਤੇਸੁ ਸਿਕ੍ਖਾਪਦੇਸੁ ਸਮਾਦਾਯ ਵਤ੍ਤਿਤਬ੍ਬ’’’ਨ੍ਤਿ. ਅਸ੍ਸੋਸੁਂ ਖੋ ਭਿਕ੍ਖੂ – ‘‘ਅਨੁਞ੍ਞਾਤਾ ਕਿਰ ਭਗਵਤਾ – ‘ਯੇ ਤੇ ਭਿਕ੍ਖੂ ਆਰਞ੍ਞਿਕਾ ਪਿਣ੍ਡਪਾਤਿਕਾ ਪਂਸੁਕੂਲਿਕਾ ਯਥਾਸੁਖਂ ਮਂ ਦਸ੍ਸਨਾਯ ਉਪਸਙ੍ਕਮਨ੍ਤੂ’’’ਤਿ. ਤੇ ਭਗਵਨ੍ਤਂ ਦਸ੍ਸਨਂ ਪਿਹੇਨ੍ਤਾ [ਦਸ੍ਸਨਾਯ ਪਿਹਯਮਾਨਾ (ਸ੍ਯਾ.)] ਸਨ੍ਥਤਾਨਿ ਉਜ੍ਝਿਤ੍ਵਾ ਆਰਞ੍ਞਿਕਙ੍ਗਂ ਪਿਣ੍ਡਪਾਤਿਕਙ੍ਗਂ ਪਂਸੁਕੂਲਿਕਙ੍ਗਂ ਸਮਾਦਿਯਿਂਸੁ. ਅਥ ਖੋ ਭਗਵਾ ਸਮ੍ਬਹੁਲੇਹਿ ਭਿਕ੍ਖੂਹਿ ਸਦ੍ਧਿਂ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਅਦ੍ਦਸ ਸਨ੍ਥਤਾਨਿ ਤਹਂ ਤਹਂ ਉਜ੍ਝਿਤਾਨਿ. ਪਸ੍ਸਿਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਕਸ੍ਸਿਮਾਨਿ, ਭਿਕ੍ਖਵੇ, ਸਨ੍ਥਤਾਨਿ ਤਹਂ ਤਹਂ ਉਜ੍ਝਿਤਾਨੀ’’ਤਿ? ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਤੇਨ ਹਿ, ਭਿਕ੍ਖਵੇ, ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਪੇਸ੍ਸਾਮਿ ਦਸ ਅਤ੍ਥਵਸੇ ਪਟਿਚ੍ਚ – ਸਙ੍ਘਸੁਟ੍ਠੁਤਾਯ, ਸਙ੍ਘਫਾਸੁਤਾਯ,…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੬੭. ‘‘ਨਿਸੀਦਨਸਨ੍ਥਤਂ ਪਨ ਭਿਕ੍ਖੁਨਾ ਕਾਰਯਮਾਨੇਨ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿ ਆਦਾਤਬ੍ਬਾ ਦੁਬ੍ਬਣ੍ਣਕਰਣਾਯ, ਅਨਾਦਾ ਚੇ ਭਿਕ੍ਖੁ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿਂ ਨਵਂ ਨਿਸੀਦਨਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੬੮. ਨਿਸੀਦਨਂ ਨਾਮ ਸਦਸਂ ਵੁਚ੍ਚਤਿ.

ਸਨ੍ਥਤਂ ਨਾਮ ਸਨ੍ਥਰਿਤ੍ਵਾ ਕਤਂ ਹੋਤਿ ਅਵਾਯਿਮਂ.

ਕਾਰਯਮਾਨੇਨਾਤਿ ਕਰੋਨ੍ਤੋ ਵਾ ਕਾਰਾਪੇਨ੍ਤੋ ਵਾ.

ਪੁਰਾਣਸਨ੍ਥਤਂ ਨਾਮ ਸਕਿਂ ਨਿਵਤ੍ਥਮ੍ਪਿ ਸਕਿਂ ਪਾਰੁਤਮ੍ਪਿ.

ਸਾਮਨ੍ਤਾ ਸੁਗਤਵਿਦਤ੍ਥਿ ਆਦਾਤਬ੍ਬਾ ਦੁਬ੍ਬਣ੍ਣਕਰਣਾਯਾਤਿ ਥਿਰਭਾਵਾਯ ਵਟ੍ਟਂ ਵਾ ਚਤੁਰਸ੍ਸਂ ਵਾ ਛਿਨ੍ਦਿਤ੍ਵਾ ਏਕਦੇਸੇ ਵਾ ਸਨ੍ਥਰਿਤਬ੍ਬਂ ਵਿਜਟੇਤ੍ਵਾ ਵਾ ਸਨ੍ਥਰਿਤਬ੍ਬਂ.

ਅਨਾਦਾ ਚੇ ਭਿਕ੍ਖੁ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿਨ੍ਤਿ ਅਨਾਦਿਯਿਤ੍ਵਾ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿਂ ਨਵਂ ਨਿਸੀਦਨਸਨ੍ਥਤਂ ਕਰੋਤਿ ਵਾ ਕਾਰਾਪੇਤਿ ਵਾ, ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਨਿਸੀਦਨਸਨ੍ਥਤਂ ਅਨਾਦਿਯਿਤ੍ਵਾ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿਂ ਕਾਰਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੬੯. ਅਤ੍ਤਨਾ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤ੍ਤਨਾ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਅਤ੍ਤਨਾ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਪਰੇਹਿ ਵਿਪ੍ਪਕਤਂ ਪਰੇਹਿ ਪਰਿਯੋਸਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਞ੍ਞਸ੍ਸਤ੍ਥਾਯ ਕਰੋਤਿ ਵਾ ਕਾਰਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ.

੫੭੦. ਅਨਾਪਤ੍ਤਿ – ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿਂ ਆਦਿਯਿਤ੍ਵਾ ਕਰੋਤਿ, ਅਲਭਨ੍ਤੋ ਥੋਕਤਰਂ ਆਦਿਯਿਤ੍ਵਾ ਕਰੋਤਿ, ਅਲਭਨ੍ਤੋ ਅਨਾਦਿਯਿਤ੍ਵਾ ਕਰੋਤਿ, ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਵਿਤਾਨਂ ਵਾ ਭੂਮਤ੍ਥਰਣਂ ਵਾ ਸਾਣਿਪਾਕਾਰਂ ਵਾ ਭਿਸਿਂ ਵਾ ਬਿਬ੍ਬੋਹਨਂ ਵਾ ਕਰੋਤਿ, ਉਮ੍ਮਤ੍ਤਕਸ੍ਸ ਆਦਿਕਮ੍ਮਿਕਸ੍ਸਾਤਿ.

ਨਿਸੀਦਨਸਨ੍ਥਤਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ.

੬. ਏਲ਼ਕਲੋਮਸਿਕ੍ਖਾਪਦਂ

੫੭੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਕੋਸਲੇਸੁ ਜਨਪਦੇ ਸਾਵਤ੍ਥਿਂ ਗਚ੍ਛਨ੍ਤਸ੍ਸ ਅਨ੍ਤਰਾਮਗ੍ਗੇ ਏਲ਼ਕਲੋਮਾਨਿ ਉਪ੍ਪਜ੍ਜਿਂਸੁ. ਅਥ ਖੋ ਸੋ ਭਿਕ੍ਖੁ ਤਾਨਿ ਏਲ਼ਕਲੋਮਾਨਿ ਉਤ੍ਤਰਾਸਙ੍ਗੇਨ ਭਣ੍ਡਿਕਂ ਬਨ੍ਧਿਤ੍ਵਾ ਅਗਮਾਸਿ. ਮਨੁਸ੍ਸਾ ਤਂ ਭਿਕ੍ਖੁਂ ਪਸ੍ਸਿਤ੍ਵਾ ਉਪ੍ਪਣ੍ਡੇਸੁਂ – ‘‘ਕਿਤ੍ਤਕੇਨ ਤੇ, ਭਨ੍ਤੇ, ਕੀਤਾਨਿ? ਕਿਤ੍ਤਕੋ ਉਦਯੋ ਭਵਿਸ੍ਸਤੀ’’ਤਿ? ਸੋ ਭਿਕ੍ਖੁ ਤੇਹਿ ਮਨੁਸ੍ਸੇਹਿ ਉਪ੍ਪਣ੍ਡਿਯਮਾਨੋ ਮਙ੍ਕੁ ਅਹੋਸਿ. ਅਥ ਖੋ ਸੋ ਭਿਕ੍ਖੁ ਸਾਵਤ੍ਥਿਂ ਗਨ੍ਤ੍ਵਾ ਤਾਨਿ ਏਲ਼ਕਲੋਮਾਨਿ ਠਿਤਕੋਵ ਆਸੁਮ੍ਭਿ. ਭਿਕ੍ਖੂ ਤਂ ਭਿਕ੍ਖੁਂ ਏਤਦਵੋਚੁਂ – ‘‘ਕਿਸ੍ਸ ਤ੍ਵਂ, ਆਵੁਸੋ, ਇਮਾਨਿ ਏਲ਼ਕਲੋਮਾਨਿ ਠਿਤਕੋਵ ਆਸੁਮ੍ਭਸੀ’’ਤਿ? ‘‘ਤਥਾ ਹਿ ਪਨਾਹਂ, ਆਵੁਸੋ, ਇਮੇਸਂ ਏਲ਼ਕਲੋਮਾਨਂ ਕਾਰਣਾ ਮਨੁਸ੍ਸੇਹਿ ਉਪ੍ਪਣ੍ਡਿਤੋ’’ਤਿ. ‘‘ਕੀਵ ਦੂਰਤੋ ਪਨ ਤ੍ਵਂ, ਆਵੁਸੋ, ਇਮਾਨਿ ਏਲ਼ਕਲੋਮਾਨਿ ਆਹਰੀ’’ਤਿ? ‘‘ਅਤਿਰੇਕਤਿਯੋਜਨਂ, ਆਵੁਸੋ’’ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੁ ਅਤਿਰੇਕਤਿਯੋਜਨਂ ਏਲ਼ਕਲੋਮਾਨਿ ਆਹਰਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤਂ ਭਿਕ੍ਖੁਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ਸਚ੍ਚਂ ਕਿਰ ਤ੍ਵਂ, ਭਿਕ੍ਖੁ, ਅਤਿਰੇਕਤਿਯੋਜਨਂ ਏਲ਼ਕਲੋਮਾਨਿ ਆਹਰੀਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਅਤਿਰੇਕਤਿਯੋਜਨਂ ਏਲ਼ਕਲੋਮਾਨਿ ਆਹਰਿਸ੍ਸਸਿ! ਨੇਤਂ ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੭੨. ‘‘ਭਿਕ੍ਖੁਨੋ ਪਨੇਵ ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸ ਏਲ਼ਕਲੋਮਾਨਿ ਉਪ੍ਪਜ੍ਜਯ੍ਯੁਂ. ਆਕਙ੍ਖਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਾਨਿ. ਪਟਿਗ੍ਗਹੇਤ੍ਵਾ ਤਿਯੋਜਨਪਰਮਂ ਸਹਤ੍ਥਾ ਹਰਿਤਬ੍ਬਾਨਿ [ਹਾਰੇਤਬ੍ਬਾਨਿ (ਸੀ. ਸ੍ਯਾ. ਕ.)], ਅਸਨ੍ਤੇ ਹਾਰਕੇ. ਤਤੋ ਚੇ ਉਤ੍ਤਰਿ ਹਰੇਯ੍ਯ, ਅਸਨ੍ਤੇਪਿ ਹਾਰਕੇ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੭੩. ਭਿਕ੍ਖੁਨੋ ਪਨੇਵ ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸਾਤਿ ਪਨ੍ਥਂ ਗਚ੍ਛਨ੍ਤਸ੍ਸ.

ਏਲ਼ਕਲੋਮਾਨਿ ਉਪ੍ਪਜ੍ਜੇਯ੍ਯੁਨ੍ਤਿ ਉਪ੍ਪਜ੍ਜੇਯ੍ਯੁਂ ਸਙ੍ਘਤੋ ਵਾ ਗਣਤੋ ਵਾ ਞਾਤਿਤੋ ਵਾ ਮਿਤ੍ਤਤੋ ਵਾ ਪਂਸੁਕੂਲਂ ਵਾ ਅਤ੍ਤਨੋ ਵਾ ਧਨੇਨ.

ਆਕਙ੍ਖਮਾਨੇਨਾਤਿ ਇਚ੍ਛਮਾਨੇਨ ਪਟਿਗ੍ਗਹੇਤਬ੍ਬਾਨਿ.

ਪਟਿਗ੍ਗਹੇਤ੍ਵਾ ਤਿਯੋਜਨਪਰਮਂ ਸਹਤ੍ਥਾ ਹਰਿਤਬ੍ਬਾਨੀਤਿ ਤਿਯੋਜਨਪਰਮਤਾ ਸਹਤ੍ਥਾ ਹਰਿਤਬ੍ਬਾਨਿ.

ਅਸਨ੍ਤੇ ਹਾਰਕੇਤਿ ਨਾਞ੍ਞੋ ਕੋਚਿ ਹਾਰਕੋ ਹੋਤਿ ਇਤ੍ਥੀ ਵਾ ਪੁਰਿਸੋ ਵਾ ਗਹਟ੍ਠੋ ਵਾ ਪਬ੍ਬਜਿਤੋ ਵਾ.

ਤਤੋ ਚੇ ਉਤ੍ਤਰਿ ਹਰੇਯ੍ਯ, ਅਸਨ੍ਤੇਪਿ ਹਾਰਕੇਤਿ ਪਠਮਂ ਪਾਦਂ ਤਿਯੋਜਨਂ ਅਤਿਕ੍ਕਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਾਨਿ ਹੋਨ੍ਤਿ (ਸ੍ਯਾ.)]. ਅਨ੍ਤੋਤਿਯੋਜਨੇ ਠਿਤੋ ਬਹਿਤਿਯੋਜਨਂ ਪਾਤੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਾਨਿ ਹੋਨ੍ਤਿ (ਸ੍ਯਾ.)]. ਅਞ੍ਞਸ੍ਸ ਯਾਨੇ ਵਾ ਭਣ੍ਡੇ ਵਾ ਅਜਾਨਨ੍ਤਸ੍ਸ ਪਕ੍ਖਿਪਿਤ੍ਵਾ ਤਿਯੋਜਨਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਾਨਿ ਹੋਨ੍ਤਿ. ਨਿਸ੍ਸਜ੍ਜਿਤਬ੍ਬਾਨਿ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਾਨਿ…ਪੇ… ਇਮਾਨਿ ਮੇ, ਭਨ੍ਤੇ, ਏਲ਼ਕਲੋਮਾਨਿ ਤਿਯੋਜਨਂ ਅਤਿਕ੍ਕਾਮਿਤਾਨਿ ਨਿਸ੍ਸਗ੍ਗਿਯਾਨਿ. ਇਮਾਨਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੭੪. ਅਤਿਰੇਕਤਿਯੋਜਨੇ ਅਤਿਰੇਕਸਞ੍ਞੀ ਅਤਿਕ੍ਕਾਮੇਤਿ [ਤਿਯੋਜਨਂ ਅਤਿਕ੍ਕਾਮੇਤਿ (ਸ੍ਯਾ.)], ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਤਿਯੋਜਨੇ ਵੇਮਤਿਕੋ ਅਤਿਕ੍ਕਾਮੇਤਿ [ਤਿਯੋਜਨਂ ਅਤਿਕ੍ਕਾਮੇਤਿ (ਸ੍ਯਾ.)], ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਤਿਯੋਜਨੇ ਊਨਕਸਞ੍ਞੀ ਅਤਿਕ੍ਕਾਮੇਤਿ [ਤਿਯੋਜਨਂ ਅਤਿਕ੍ਕਾਮੇਤਿ (ਸ੍ਯਾ.)], ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਊਨਕਤਿਯੋਜਨੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਤਿਯੋਜਨੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਤਿਯੋਜਨੇ ਊਨਕਸਞ੍ਞੀ, ਅਨਾਪਤ੍ਤਿ.

੫੭੫. ਅਨਾਪਤ੍ਤਿ ਤਿਯੋਜਨਂ ਹਰਤਿ, ਊਨਕਤਿਯੋਜਨਂ ਹਰਤਿ, ਤਿਯੋਜਨਂ ਹਰਤਿਪਿ, ਪਚ੍ਚਾਹਰਤਿਪਿ, ਤਿਯੋਜਨਂ ਵਾਸਾਧਿਪ੍ਪਾਯੋ ਗਨ੍ਤ੍ਵਾ ਤਤੋ ਪਰਂ ਹਰਤਿ, ਅਚ੍ਛਿਨ੍ਨਂ ਪਟਿਲਭਿਤ੍ਵਾ ਹਰਤਿ, ਨਿਸ੍ਸਟ੍ਠਂ ਪਟਿਲਭਿਤ੍ਵਾ ਹਰਤਿ, ਅਞ੍ਞਂ ਹਰਾਪੇਤਿ ਕਤਭਣ੍ਡਂ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਏਲ਼ਕਲੋਮਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ.

੭. ਏਲ਼ਕਲੋਮਧੋਵਾਪਨਸਿਕ੍ਖਾਪਦਂ

੫੭੬. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਕ੍ਕੇਸੁ ਵਿਹਰਤਿ ਕਪਿਲਵਤ੍ਥੁਸ੍ਮਿਂ ਨਿਗ੍ਰੋਧਾਰਾਮੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਭਿਕ੍ਖੁਨੀਹਿ ਏਲ਼ਕਲੋਮਾਨਿ ਧੋਵਾਪੇਨ੍ਤਿਪਿ ਰਜਾਪੇਨ੍ਤਿਪਿ ਵਿਜਟਾਪੇਨ੍ਤਿਪਿ. ਭਿਕ੍ਖੁਨਿਯੋ ਏਲ਼ਕਲੋਮਾਨਿ ਧੋਵਨ੍ਤਿਯੋ ਰਜਨ੍ਤਿਯੋ ਵਿਜਟੇਨ੍ਤਿਯੋ ਰਿਞ੍ਚਨ੍ਤਿ ਉਦ੍ਦੇਸਂ ਪਰਿਪੁਚ੍ਛਂ ਅਧਿਸੀਲਂ ਅਧਿਚਿਤ੍ਤਂ ਅਧਿਪਞ੍ਞਂ. ਅਥ ਖੋ ਮਹਾਪਜਾਪਤਿ ਗੋਤਮੀ ਯੇਨ ਭਗਵਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਭਗਵਨ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਅਟ੍ਠਾਸਿ. ਏਕਮਨ੍ਤਂ ਠਿਤਂ ਖੋ ਮਹਾਪਜਾਪਤਿਂ ਗੋਤਮਿਂ ਭਗਵਾ ਏਤਦਵੋਚ – ‘‘ਕਚ੍ਚਿ, ਗੋਤਮਿ, ਭਿਕ੍ਖੁਨਿਯੋ ਅਪ੍ਪਮਤ੍ਤਾ ਆਤਾਪਿਨਿਯੋ ਪਹਿਤਤ੍ਤਾ ਵਿਹਰਨ੍ਤੀ’’ਤਿ? ‘‘ਕੁਤੋ, ਭਨ੍ਤੇ, ਭਿਕ੍ਖੁਨੀਨਂ ਅਪ੍ਪਮਾਦੋ! ਅਯ੍ਯਾ ਛਬ੍ਬਗ੍ਗਿਯਾ ਭਿਕ੍ਖੁਨੀਹਿ ਏਲ਼ਕਲੋਮਾਨਿ ਧੋਵਾਪੇਨ੍ਤਿਪਿ ਰਜਾਪੇਨ੍ਤਿਪਿ ਵਿਜਟਾਪੇਨ੍ਤਿਪਿ. ਭਿਕ੍ਖੁਨਿਯੋ ਏਲ਼ਕਲੋਮਾਨਿ ਧੋਵਨ੍ਤਿਯੋ ਰਜਨ੍ਤਿਯੋ ਵਿਜਟੇਨ੍ਤਿਯੋ ਰਿਞ੍ਚਨ੍ਤਿ ਉਦ੍ਦੇਸਂ ਪਰਿਪੁਚ੍ਛਂ ਅਧਿਸੀਲਂ ਅਧਿਚਿਤ੍ਤਂ ਅਧਿਪਞ੍ਞ’’ਨ੍ਤਿ.

ਅਥ ਖੋ ਭਗਵਾ ਮਹਾਪਜਾਪਤਿਂ ਗੋਤਮਿਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ. ਅਥ ਖੋ ਮਹਾਪਜਾਪਤਿ ਗੋਤਮੀ ਭਗਵਤਾ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤਾ ਸਮਾਦਪਿਤਾ ਸਮੁਤ੍ਤੇਜਿਤਾ ਸਮ੍ਪਹਂਸਿਤਾ ਭਗਵਨ੍ਤਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਭਿਕ੍ਖੁਸਙ੍ਘਂ ਸਨ੍ਨਿਪਾਤਾਪੇਤ੍ਵਾ ਛਬ੍ਬਗ੍ਗਿਯੇ ਭਿਕ੍ਖੂ ਪਟਿਪੁਚ੍ਛਿ – ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਭਿਕ੍ਖੁਨੀਹਿ ਏਲ਼ਕਲੋਮਾਨਿ ਧੋਵਾਪੇਥਪਿ ਰਜਾਪੇਥਪਿ ਵਿਜਟਾਪੇਥਪੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਿਕਾਯੋ ਤੁਮ੍ਹਾਕਂ, ਭਿਕ੍ਖਵੇ, ਅਞ੍ਞਾਤਿਕਾਯੋ’’ਤਿ? ‘‘ਅਞ੍ਞਾਤਿਕਾਯੋ, ਭਗਵਾ’’ਤਿ. ‘‘ਅਞ੍ਞਾਤਕਾ, ਮੋਘਪੁਰਿਸਾ, ਅਞ੍ਞਾਤਿਕਾਨਂ ਨ ਜਾਨਨ੍ਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਪਾਸਾਦਿਕਂ ਵਾ ਅਪਾਸਾਦਿਕਂ. ਤਤ੍ਥ ਨਾਮ ਤੁਮ੍ਹੇ, ਮੋਘਪੁਰਿਸਾ, ਅਞ੍ਞਾਤਿਕਾਹਿ ਭਿਕ੍ਖੁਨੀਹਿ ਏਲ਼ਕਲੋਮਾਨਿ ਧੋਵਾਪੇਸ੍ਸਥਪਿ ਰਜਾਪੇਸ੍ਸਥਪਿ ਵਿਜਟਾਪੇਸ੍ਸਥਪਿ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੭੭. ‘‘ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਏਲ਼ਕਲੋਮਾਨਿ ਧੋਵਾਪੇਯ੍ਯ ਵਾ ਰਜਾਪੇਯ੍ਯ ਵਾ ਵਿਜਟਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੭੮. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਅਞ੍ਞਾਤਿਕਾ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧਾ.

ਭਿਕ੍ਖੁਨੀ ਨਾਮ ਉਭਤੋਸਙ੍ਘੇ ਉਪਸਮ੍ਪਨ੍ਨਾ.

ਧੋਵਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਧੋਤਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ. ਰਜਾਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਰਤ੍ਤਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ. ਵਿਜਟੇਹੀਤਿ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਵਿਜਟਿਤਾਨਿ ਨਿਸ੍ਸਗ੍ਗਿਯਾਨਿ ਹੋਨ੍ਤਿ. ਨਿਸ੍ਸਜ੍ਜਿਤਬ੍ਬਾਨਿ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਾਨਿ…ਪੇ… ਇਮਾਨਿ ਮੇ, ਭਨ੍ਤੇ, ਏਲ਼ਕਲੋਮਾਨਿ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਧੋਵਾਪਿਤਾਨਿ ਨਿਸ੍ਸਗ੍ਗਿਯਾਨਿ. ਇਮਾਨਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੭੯. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਧੋਵਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਧੋਵਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਧੋਵਾਪੇਤਿ ਵਿਜਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਧੋਵਾਪੇਤਿ ਰਜਾਪੇਤਿ ਵਿਜਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਰਜਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਰਜਾਪੇਤਿ ਵਿਜਟਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਰਜਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਰਜਾਪੇਤਿ ਵਿਜਟਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਵਿਜਟਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਵਿਜਟਾਪੇਤਿ ਧੋਵਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਵਿਜਟਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦੁਕ੍ਕਟਸ੍ਸ. ਅਞ੍ਞਾਤਿਕਾਯ ਅਞ੍ਞਾਤਿਕਸਞ੍ਞੀ ਏਲ਼ਕਲੋਮਾਨਿ ਵਿਜਟਾਪੇਤਿ ਧੋਵਾਪੇਤਿ ਰਜਾਪੇਤਿ, ਨਿਸ੍ਸਗ੍ਗਿਯੇਨ ਆਪਤ੍ਤਿ ਦ੍ਵਿਨ੍ਨਂ ਦੁਕ੍ਕਟਾਨਂ.

੫੮੦. ਅਞ੍ਞਾਤਿਕਾਯ ਵੇਮਤਿਕੋ…ਪੇ… ਅਞ੍ਞਾਤਿਕਾਯ ਞਾਤਿਕਸਞ੍ਞੀ…ਪੇ… ਅਞ੍ਞਸ੍ਸ ਏਲ਼ਕਲੋਮਾਨਿ ਧੋਵਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਏਕਤੋ ਉਪਸਮ੍ਪਨ੍ਨਾਯ ਧੋਵਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਅਞ੍ਞਾਤਿਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਿਕਾਯ ਞਾਤਿਕਸਞ੍ਞੀ, ਅਨਾਪਤ੍ਤਿ.

੫੮੧. ਅਨਾਪਤ੍ਤਿ ਞਾਤਿਕਾਯ ਧਾਵਨ੍ਤਿਯਾ ਅਞ੍ਞਾਤਿਕਾ ਦੁਤਿਯਾ ਹੋਤਿ, ਅਵੁਤ੍ਤਾ ਧੋਵਤਿ, ਅਪਰਿਭੁਤ੍ਤਂ ਕਤਭਣ੍ਡਂ ਧੋਵਾਪੇਤਿ, ਸਿਕ੍ਖਮਾਨਾਯ ਸਾਮਣੇਰਿਯਾ ਉਮ੍ਮਤ੍ਤਕਸ੍ਸ ਆਦਿਕਮ੍ਮਿਕਸ੍ਸਾਤਿ.

ਏਲ਼ਕਲੋਮਧੋਵਾਪਨਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ.

੮. ਰੂਪਿਯਸਿਕ੍ਖਾਪਦਂ

੫੮੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਅਞ੍ਞਤਰਸ੍ਸ ਕੁਲਸ੍ਸ ਕੁਲੂਪਕੋ ਹੋਤਿ ਨਿਚ੍ਚਭਤ੍ਤਿਕੋ. ਯਂ ਤਸ੍ਮਿਂ ਕੁਲੇ ਉਪ੍ਪਜ੍ਜਤਿ ਖਾਦਨੀਯਂ ਵਾ ਭੋਜਨੀਯਂ ਵਾ ਤਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਪਟਿਵਿਸੋ ਠਪਿਯ੍ਯਤਿ. ਤੇਨ ਖੋ ਪਨ ਸਮਯੇਨ ਸਾਯਂ ਤਸ੍ਮਿਂ ਕੁਲੇ ਮਂਸਂ ਉਪ੍ਪਨ੍ਨਂ ਹੋਤਿ. ਤਤੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਪਟਿਵਿਸੋ ਠਪਿਤੋ ਹੋਤਿ. ਤਸ੍ਸ ਕੁਲਸ੍ਸ ਦਾਰਕੋ ਰਤ੍ਤਿਯਾ ਪਚ੍ਚੂਸਸਮਯਂ ਪਚ੍ਚੁਟ੍ਠਾਯ ਰੋਦਤਿ – ‘‘ਮਂਸਂ ਮੇ ਦੇਥਾ’’ਤਿ. ਅਥ ਖੋ ਸੋ ਪੁਰਿਸੋ ਪਜਾਪਤਿਂ ਏਤਦਵੋਚ – ‘‘ਅਯ੍ਯਸ੍ਸ ਪਟਿਵਿਸਂ ਦਾਰਕਸ੍ਸ ਦੇਹਿ. ਅਞ੍ਞਂ ਚੇਤਾਪੇਤ੍ਵਾ ਅਯ੍ਯਸ੍ਸ ਦਸ੍ਸਾਮਾ’’ਤਿ.

ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਯੇਨ ਤਂ ਕੁਲਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਸੋ ਪੁਰਿਸੋ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਪੁਰਿਸੋ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਹਿਯ੍ਯੋ ਖੋ, ਭਨ੍ਤੇ, ਸਾਯਂ ਮਂਸਂ ਉਪ੍ਪਨ੍ਨਂ ਅਹੋਸਿ. ਤਤੋ ਅਯ੍ਯਸ੍ਸ ਪਟਿਵਿਸੋ ਠਪਿਤੋ. ਅਯਂ, ਭਨ੍ਤੇ, ਦਾਰਕੋ ਰਤ੍ਤਿਯਾ ਪਚ੍ਚੂਸਸਮਯਂ ਪਚ੍ਚੁਟ੍ਠਾਯ ਰੋਦਤਿ – ‘ਮਂਸਂ ਮੇ ਦੇਥਾ’ਤਿ. ਅਯ੍ਯਸ੍ਸ ਪਟਿਵਿਸੋ ਦਾਰਕਸ੍ਸ ਦਿਨ੍ਨੋ. ਕਹਾਪਣੇਨ, ਭਨ੍ਤੇ, ਕਿਂ ਆਹਰਿਯ੍ਯਤੂ’’ਤਿ? ‘‘ਪਰਿਚ੍ਚਤ੍ਤੋ ਮੇ, ਆਵੁਸੋ, ਕਹਾਪਣੋ’’ਤਿ? ‘‘ਆਮ, ਭਨ੍ਤੇ, ਪਰਿਚ੍ਚਤ੍ਤੋ’’ਤਿ. ‘‘ਤਞ੍ਞੇਵ ਮੇ, ਆਵੁਸੋ, ਕਹਾਪਣਂ ਦੇਹੀ’’ਤਿ.

ਅਥ ਖੋ ਸੋ ਪੁਰਿਸੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਕਹਾਪਣਂ ਦਤ੍ਵਾ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਤਥੇਵ ਮਯਂ ਰੂਪਿਯਂ ਪਟਿਗ੍ਗਣ੍ਹਾਮ ਏਵਮੇਵਿਮੇ ਸਮਣਾ ਸਕ੍ਯਪੁਤ੍ਤਿਯਾ ਰੂਪਿਯਂ ਪਟਿਗ੍ਗਣ੍ਹਨ੍ਤੀ’’ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਪੁਰਿਸਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਰੂਪਿਯਂ ਪਟਿਗ੍ਗਹੇਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਰੂਪਿਯਂ ਪਟਿਗ੍ਗਹੇਸੀ’’ਤਿ [ਪਟਿਗ੍ਗਣ੍ਹਾਸੀਤਿ (ਸ੍ਯਾ.)]? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਰੂਪਿਯਂ ਪਟਿਗ੍ਗਹੇਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੮੩. ‘‘ਯੋ ਪਨ ਭਿਕ੍ਖੁ ਜਾਤਰੂਪਰਜਤਂ ਉਗ੍ਗਣ੍ਹੇਯ੍ਯ ਵਾ ਉਗ੍ਗਣ੍ਹਾਪੇਯ੍ਯ ਵਾ ਉਪਨਿਕ੍ਖਿਤ੍ਤਂ ਵਾ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੮੪. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਜਾਤਰੂਪਂ ਨਾਮ ਸਤ੍ਥੁਵਣ੍ਣੋ ਵੁਚ੍ਚਤਿ.

ਰਜਤਂ ਨਾਮ ਕਹਾਪਣੋ ਲੋਹਮਾਸਕੋ ਦਾਰੁਮਾਸਕੋ ਜਤੁਮਾਸਕੋ ਯੇ ਵੋਹਾਰਂ ਗਚ੍ਛਨ੍ਤਿ.

ਉਗ੍ਗਣ੍ਹੇਯ੍ਯਾਤਿ ਸਯਂ ਗਣ੍ਹਾਤਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਂ ਹੋਤਿ (ਸ੍ਯਾ.)].

ਉਗ੍ਗਣ੍ਹਾਪੇਯ੍ਯਾਤਿ ਅਞ੍ਞਂ ਗਾਹਾਪੇਤਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਂ ਹੋਤਿ (ਸ੍ਯਾ.)].

ਉਪਨਿਕ੍ਖਿਤ੍ਤਂ ਵਾ ਸਾਦਿਯੇਯ੍ਯਾਤਿ ਇਦਂ ਅਯ੍ਯਸ੍ਸ ਹੋਤੂਤਿ ਉਪਨਿਕ੍ਖਿਤ੍ਤਂ ਸਾਦਿਯਤਿ, ਨਿਸ੍ਸਗ੍ਗਿਯਂ ਹੋਤਿ. ਸਙ੍ਘਮਜ੍ਝੇ ਨਿਸ੍ਸਜ੍ਜਿਤਬ੍ਬਂ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ – ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਰੂਪਿਯਂ ਪਟਿਗ੍ਗਹੇਸਿਂ. ਇਦਂ ਮੇ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਸਚੇ ਤਤ੍ਥ ਆਗਚ੍ਛਤਿ ਆਰਾਮਿਕੋ ਵਾ ਉਪਾਸਕੋ ਵਾ ਸੋ ਵਤ੍ਤਬ੍ਬੋ – ‘‘ਆਵੁਸੋ, ਇਮਂ ਜਾਨਾਹੀ’’ਤਿ. ਸਚੇ ਸੋ ਭਣਤਿ – ‘‘ਇਮਿਨਾ ਕਿਂ ਆਹਰਿਯ੍ਯਤੂ’’ਤਿ, ਨ ਵਤ੍ਤਬ੍ਬੋ – ‘‘ਇਮਂ ਵਾ ਇਮਂ ਵਾ ਆਹਰਾ’’ਤਿ. ਕਪ੍ਪਿਯਂ ਆਚਿਕ੍ਖਿਤਬ੍ਬਂ – ਸਪ੍ਪਿ ਵਾ ਤੇਲਂ ਵਾ ਮਧੁ ਵਾ ਫਾਣਿਤਂ ਵਾ. ਸਚੇ ਸੋ ਤੇਨ ਪਰਿਵਤ੍ਤੇਤ੍ਵਾ ਕਪ੍ਪਿਯਂ ਆਹਰਤਿ ਰੂਪਿਯਪ੍ਪਟਿਗ੍ਗਾਹਕਂ ਠਪੇਤ੍ਵਾ ਸਬ੍ਬੇਹੇਵ ਪਰਿਭੁਞ੍ਜਿਤਬ੍ਬਂ. ਏਵਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ; ਨੋ ਚੇ ਲਭੇਥ, ਸੋ ਵਤ੍ਤਬ੍ਬੋ – ‘‘ਆਵੁਸੋ, ਇਮਂ ਛਡ੍ਡੇਹੀ’’ਤਿ. ਸਚੇ ਸੋ ਛਡ੍ਡੇਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਛਡ੍ਡੇਤਿ, ਪਞ੍ਚਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਰੂਪਿਯਛਡ੍ਡਕੋ ਸਮ੍ਮਨ੍ਨਿਤਬ੍ਬੋ – ਯੋ ਨ ਛਨ੍ਦਾਗਤਿਂ ਗਚ੍ਛੇਯ੍ਯ, ਨ ਦੋਸਾਗਤਿਂ ਗਚ੍ਛੇਯ੍ਯ, ਨ ਮੋਹਾਗਤਿਂ ਗਚ੍ਛੇਯ੍ਯ, ਨ ਭਯਾਗਤਿਂ ਗਚ੍ਛੇਯ੍ਯ, ਛਡ੍ਡਿਤਾਛਡ੍ਡਿਤਞ੍ਚ ਜਾਨੇਯ੍ਯ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬੋ. ਪਠਮਂ ਭਿਕ੍ਖੁ ਯਾਚਿਤਬ੍ਬੋ. ਯਾਚਿਤ੍ਵਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੫੮੫. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਰੂਪਿਯਛਡ੍ਡਕਂ ਸਮ੍ਮਨ੍ਨੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਰੂਪਿਯਛਡ੍ਡਕਂ ਸਮ੍ਮਨ੍ਨਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਰੂਪਿਯਛਡ੍ਡਕਸ੍ਸ ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਰੂਪਿਯਛਡ੍ਡਕੋ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

ਤੇਨ ਸਮ੍ਮਤੇਨ ਭਿਕ੍ਖੁਨਾ ਅਨਿਮਿਤ੍ਤਂ ਕਤ੍ਵਾ ਪਾਤੇਤਬ੍ਬਂ. ਸਚੇ ਨਿਮਿਤ੍ਤਂ ਕਤ੍ਵਾ ਪਾਤੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੫੮੬. ਰੂਪਿਯੇ ਰੂਪਿਯਸਞ੍ਞੀ ਰੂਪਿਯਂ ਪਟਿਗ੍ਗਣ੍ਹਾਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਰੂਪਿਯੇ ਵੇਮਤਿਕੋ ਰੂਪਿਯਂ ਪਟਿਗ੍ਗਣ੍ਹਾਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਰੂਪਿਯੇ ਅਰੂਪਿਯਸਞ੍ਞੀ ਰੂਪਿਯਂ ਪਟਿਗ੍ਗਣ੍ਹਾਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਰੂਪਿਯੇ ਰੂਪਿਯਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਰੂਪਿਯੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਰੂਪਿਯੇ ਅਰੂਪਿਯਸਞ੍ਞੀ, ਅਨਾਪਤ੍ਤਿ.

ਅਨਾਪਤ੍ਤਿ ਅਜ੍ਝਾਰਾਮੇ ਵਾ ਅਜ੍ਝਾਵਸਥੇ ਵਾ ਉਗ੍ਗਹੇਤ੍ਵਾ ਵਾ ਉਗ੍ਗਹਾਪੇਤ੍ਵਾ ਵਾ ਨਿਕ੍ਖਿਪਤਿ – ਯਸ੍ਸ ਭਵਿਸ੍ਸਤਿ ਸੋ ਹਰਿਸ੍ਸਤੀਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਰੂਪਿਯਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ.

੯. ਰੂਪਿਯਸਂਵੋਹਾਰਸਿਕ੍ਖਾਪਦਂ

੫੮੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਨ੍ਤਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਿਸ੍ਸਨ੍ਤਿ, ਸੇਯ੍ਯਥਾਪਿ ਗਿਹੀ ਕਾਮਭੋਗਿਨੋ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਿਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੮੮. ‘‘ਯੋ ਪਨ ਭਿਕ੍ਖੁ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੮੯. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਨਾਨਪ੍ਪਕਾਰਕਂ ਨਾਮ ਕਤਮ੍ਪਿ ਅਕਤਮ੍ਪਿ ਕਤਾਕਤਮ੍ਪਿ. ਕਤਂ ਨਾਮ ਸੀਸੂਪਗਂ ਗੀਵੂਪਗਂ ਹਤ੍ਥੂਪਗਂ ਪਾਦੂਪਗਂ ਕਟੂਪਗਂ. ਅਕਤਂ ਨਾਮ ਘਨਕਤਂ ਵੁਚ੍ਚਤਿ. ਕਤਾਕਤਂ ਨਾਮ ਤਦੁਭਯਂ.

ਰੂਪਿਯਂ ਨਾਮ ਸਤ੍ਥੁਵਣ੍ਣੋ ਕਹਾਪਣੋ, ਲੋਹਮਾਸਕੋ, ਦਾਰੁਮਾਸਕੋ, ਜਤੁਮਾਸਕੋ ਯੇ ਵੋਹਾਰਂ ਗਚ੍ਛਨ੍ਤਿ.

ਸਮਾਪਜ੍ਜੇਯ੍ਯਾਤਿ ਕਤੇਨ ਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਂ ਹੋਤਿ (ਸ੍ਯਾ.)]. ਕਤੇਨ ਅਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਤੇਨ ਕਤਾਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਕਤੇਨ ਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਕਤੇਨ ਅਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਕਤੇਨ ਕਤਾਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਤਾਕਤੇਨ ਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਤਾਕਤੇਨ ਅਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਤਾਕਤੇਨ ਕਤਾਕਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਸਙ੍ਘਮਜ੍ਝੇ ਨਿਸ੍ਸਜ੍ਜਿਤਬ੍ਬਂ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ. ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਹਂ, ਭਨ੍ਤੇ, ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜਿਂ. ਇਦਂ ਮੇ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਸਚੇ ਤਤ੍ਥ ਆਗਚ੍ਛਤਿ ਆਰਾਮਿਕੋ ਵਾ ਉਪਾਸਕੋ ਵਾ ਸੋ ਵਤ੍ਤਬ੍ਬੋ – ‘‘ਆਵੁਸੋ, ਇਮਂ ਜਾਨਾਹੀ’’ਤਿ. ਸਚੇ ਸੋ ਭਣਤਿ – ‘‘ਇਮਿਨਾ ਕਿਂ ਆਹਰਿਯ੍ਯਤੂ’’ਤਿ, ਨ ਵਤ੍ਤਬ੍ਬੋ – ‘‘ਇਮਂ ਵਾ ਇਮਂ ਵਾ ਆਹਰਾ’’ਤਿ. ਕਪ੍ਪਿਯਂ ਆਚਿਕ੍ਖਿਤਬ੍ਬਂ – ਸਪ੍ਪਿ ਵਾ ਤੇਲਂ ਵਾ ਮਧੁ ਵਾ ਫਾਣਿਤਂ ਵਾ. ਸਚੇ ਸੋ ਤੇਨ ਪਰਿਵਤ੍ਤੇਤ੍ਵਾ ਕਪ੍ਪਿਯਂ ਆਹਰਤਿ, ਰੂਪਿਯਚੇਤਾਪਕਂ ਠਪੇਤ੍ਵਾ, ਸਬ੍ਬੇਹੇਵ ਪਰਿਭੁਞ੍ਜਿਤਬ੍ਬਂ. ਏਵਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ; ਨੋ ਚੇ ਲਭੇਥ, ਸੋ ਵਤ੍ਤਬ੍ਬੋ – ‘‘ਆਵੁਸੋ, ਇਮਂ ਛਡ੍ਡੇਹੀ’’ਤਿ. ਸਚੇ ਸੋ ਛਡ੍ਡੇਤਿ, ਇਚ੍ਚੇਤਂ ਕੁਸਲਂ; ਨੋ ਚੇ ਛਡ੍ਡੇਤਿ, ਪਞ੍ਚਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਰੂਪਿਯਛਡ੍ਡਕੋ ਸਮ੍ਮਨ੍ਨਿਤਬ੍ਬੋ – ਯੋ ਨ ਛਨ੍ਦਾਗਤਿਂ ਗਚ੍ਛੇਯ੍ਯ, ਨ ਦੋਸਾਗਤਿਂ ਗਚ੍ਛੇਯ੍ਯ, ਨ ਮੋਹਾਗਤਿਂ ਗਚ੍ਛੇਯ੍ਯ, ਨ ਭਯਾਗਤਿਂ ਗਚ੍ਛੇਯ੍ਯ, ਛਡ੍ਡਿਤਾਛਡ੍ਡਿਤਞ੍ਚ ਜਾਨੇਯ੍ਯ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬੋ. ਪਠਮਂ ਭਿਕ੍ਖੁ ਯਾਚਿਤਬ੍ਬੋ. ਯਾਚਿਤ੍ਵਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੫੯੦. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਰੂਪਿਯਛਡ੍ਡਕਂ ਸਮ੍ਮਨ੍ਨੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਰੂਪਿਯਛਡ੍ਡਕਂ ਸਮ੍ਮਨ੍ਨਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਰੂਪਿਯਛਡ੍ਡਕਸ੍ਸ ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਰੂਪਿਯਛਡ੍ਡਕੋ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

ਤੇਨ ਸਮ੍ਮਤੇਨ ਭਿਕ੍ਖੁਨਾ ਅਨਿਮਿਤ੍ਤਂ ਕਤ੍ਵਾ ਪਾਤੇਤਬ੍ਬਂ. ਸਚੇ ਨਿਮਿਤ੍ਤਂ ਕਤ੍ਵਾ ਪਾਤੇਤਿ, ਆਪਤ੍ਤਿ ਦੁਕ੍ਕਟਸ੍ਸ.

੫੯੧. ਰੂਪਿਯੇ ਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਰੂਪਿਯੇ ਵੇਮਤਿਕੋ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਰੂਪਿਯੇ ਅਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਰੂਪਿਯੇ ਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਰੂਪਿਯੇ ਵੇਮਤਿਕੋ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਰੂਪਿਯੇ ਅਰੂਪਿਯਸਞ੍ਞੀ ਰੂਪਿਯਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਰੂਪਿਯੇ ਰੂਪਿਯਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਰੂਪਿਯੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਰੂਪਿਯੇ ਅਰੂਪਿਯਸਞ੍ਞੀ, ਅਨਾਪਤ੍ਤਿ.

੫੯੨. ਅਨਾਪਤ੍ਤਿ ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਰੂਪਿਯਸਂਵੋਹਾਰਸਿਕ੍ਖਾਪਦਂ ਨਿਟ੍ਠਿਤਂ ਨਵਮਂ.

੧੦. ਕਯਵਿਕ੍ਕਯਸਿਕ੍ਖਾਪਦਂ

੫੯੩. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਟ੍ਟੋ ਹੋਤਿ ਚੀਵਰਕਮ੍ਮਂ ਕਾਤੁਂ. ਸੋ ਪਟਪਿਲੋਤਿਕਾਨਂ ਸਙ੍ਘਾਟਿਂ ਕਰਿਤ੍ਵਾ ਸੁਰਤ੍ਤਂ ਸੁਪਰਿਕਮ੍ਮਕਤਂ ਕਤ੍ਵਾ ਪਾਰੁਪਿ. ਅਥ ਖੋ ਅਞ੍ਞਤਰੋ ਪਰਿਬ੍ਬਾਜਕੋ ਮਹਗ੍ਘਂ ਪਟਂ ਪਾਰੁਪਿਤ੍ਵਾ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਸੁਨ੍ਦਰਾ ਖੋ ਤ੍ਯਾਯਂ, ਆਵੁਸੋ, ਸਙ੍ਘਾਟਿ; ਦੇਹਿ ਮੇ ਪਟੇਨਾ’’ਤਿ. ‘‘ਜਾਨਾਹਿ, ਆਵੁਸੋ’’ਤਿ. ‘‘ਆਮਾਵੁਸੋ, ਜਾਨਾਮੀ’’ਤਿ. ‘‘ਹਨ੍ਦਾਵੁਸੋ’’ਤਿ, ਅਦਾਸਿ. ਅਥ ਖੋ ਸੋ ਪਰਿਬ੍ਬਾਜਕੋ ਤਂ ਸਙ੍ਘਾਟਿਂ ਪਾਰੁਪਿਤ੍ਵਾ ਪਰਿਬ੍ਬਾਜਕਾਰਾਮਂ ਅਗਮਾਸਿ. ਪਰਿਬ੍ਬਾਜਕਾ ਤਂ ਪਰਿਬ੍ਬਾਜਕਂ ਏਤਦਵੋਚੁਂ – ‘‘ਸੁਨ੍ਦਰਾ ਖੋ ਤ੍ਯਾਯਂ, ਆਵੁਸੋ, ਸਙ੍ਘਾਟਿ; ਕੁਤੋ ਤਯਾ ਲਦ੍ਧਾ’’ਤਿ? ‘‘ਤੇਨ ਮੇ, ਆਵੁਸੋ, ਪਟੇਨ ਪਰਿਵਤ੍ਤਿਤਾ’’ਤਿ. ‘‘ਕਤਿਹਿਪਿ ਤ੍ਯਾਯਂ, ਆਵੁਸੋ, ਸਙ੍ਘਾਟਿ ਭਵਿਸ੍ਸਤਿ, ਸੋਯੇਵ ਤੇ ਪਟੋ ਵਰੋ’’ਤਿ.

ਅਥ ਖੋ ਸੋ ਪਰਿਬ੍ਬਾਜਕੋ – ‘‘ਸਚ੍ਚਂ ਖੋ ਪਰਿਬ੍ਬਾਜਕਾ ਆਹਂਸੁ – ‘ਕਤਿਹਿਪਿ ਮ੍ਯਾਯਂ ਸਙ੍ਘਾਟਿ ਭਵਿਸ੍ਸਤਿ! ਸੋਯੇਵ ਮੇ ਪਟੋ ਵਰੋ’’’ਤਿ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਹਨ੍ਦ ਤੇ, ਆਵੁਸੋ, ਸਙ੍ਘਾਟਿ [ਸਙ੍ਘਾਟਿਂ (ਸ੍ਯਾ. ਕ.)]; ਦੇਹਿ ਮੇ ਪਟ’’ਨ੍ਤਿ. ‘‘ਨਨੁ ਤ੍ਵਂ, ਆਵੁਸੋ, ਮਯਾ ਵੁਤ੍ਤੋ – ‘ਜਾਨਾਹਿ, ਆਵੁਸੋ’ਤਿ! ਨਾਹ ਦਸ੍ਸਾਮੀ’’ਤਿ. ਅਥ ਖੋ ਸੋ ਪਰਿਬ੍ਬਾਜਕੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਗਿਹੀਪਿ ਨਂ ਗਿਹਿਸ੍ਸ ਵਿਪ੍ਪਟਿਸਾਰਿਸ੍ਸ ਦੇਨ੍ਤਿ, ਕਿਂ ਪਨ ਪਬ੍ਬਜਿਤੋ ਪਬ੍ਬਜਿਤਸ੍ਸ ਨ ਦਸ੍ਸਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਪਰਿਬ੍ਬਾਜਕਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪਰਿਬ੍ਬਾਜਕੇਨ ਸਦ੍ਧਿਂ ਕਯਵਿਕ੍ਕਯਂ ਸਮਾਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਪਰਿਬ੍ਬਾਜਕੇਨ ਸਦ੍ਧਿਂ ਕਯਵਿਕ੍ਕਯਂ ਸਮਾਪਜ੍ਜਸੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਪਰਿਬ੍ਬਾਜਕੇਨ ਸਦ੍ਧਿਂ ਕਯਵਿਕ੍ਕਯਂ ਸਮਾਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੯੪. ‘‘ਯੋ ਪਨ ਭਿਕ੍ਖੁ ਨਾਨਪ੍ਪਕਾਰਕਂ ਕਯਵਿਕ੍ਕਯਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੫੯੫. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਨਾਨਪ੍ਪਕਾਰਕਂ ਨਾਮ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾ, ਅਨ੍ਤਮਸੋ ਚੁਣ੍ਣਪਿਣ੍ਡੋਪਿ ਦਨ੍ਤਕਟ੍ਠਮ੍ਪਿ ਦਸਿਕਸੁਤ੍ਤਮ੍ਪਿ.

ਕਯਵਿਕ੍ਕਯਂ ਸਮਾਪਜ੍ਜੇਯ੍ਯਾਤਿ ਇਮਿਨਾ ਇਮਂ ਦੇਹਿ, ਇਮਿਨਾ ਇਮਂ ਆਹਰ, ਇਮਿਨਾ ਇਮਂ ਪਰਿਵਤ੍ਤੇਹਿ, ਇਮਿਨਾ ਇਮਂ ਚੇਤਾਪੇਹੀਤਿ. ਅਜ੍ਝਾਚਰਤਿ, ਆਪਤ੍ਤਿ ਦੁਕ੍ਕਟਸ੍ਸ. ਯਤੋ ਕਯਿਤਞ੍ਚ ਹੋਤਿ ਵਿਕ੍ਕਯਿਤਞ੍ਚ ਅਤ੍ਤਨੋ ਭਣ੍ਡਂ ਪਰਹਤ੍ਥਗਤਂ ਪਰਭਣ੍ਡਂ ਅਤ੍ਤਨੋ ਹਤ੍ਥਗਤਂ, ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਅਹਂ, ਭਨ੍ਤੇ, ਨਾਨਪ੍ਪਕਾਰਕਂ ਕਯਵਿਕ੍ਕਯਂ ਸਮਾਪਜ੍ਜਿਂ. ਇਦਂ ਮੇ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੫੯੬. ਕਯਵਿਕ੍ਕਯੇ ਕਯਵਿਕ੍ਕਯਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਯਵਿਕ੍ਕਯੇ ਵੇਮਤਿਕੋ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਯਵਿਕ੍ਕਯੇ ਨਕਯਵਿਕ੍ਕਯਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਕਯਵਿਕ੍ਕਯੇ ਕਯਵਿਕ੍ਕਯਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਨਕਯਵਿਕ੍ਕਯੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਨਕਯਵਿਕ੍ਕਯੇ ਨਕਯਵਿਕ੍ਕਯਸਞ੍ਞੀ, ਅਨਾਪਤ੍ਤਿ.

੫੯੭. ਅਨਾਪਤ੍ਤਿ – ਅਗ੍ਘਂ ਪੁਚ੍ਛਤਿ, ਕਪ੍ਪਿਯਕਾਰਕਸ੍ਸ ਆਚਿਕ੍ਖਤਿ, ‘‘ਇਦਂ ਅਮ੍ਹਾਕਂ ਅਤ੍ਥਿ, ਅਮ੍ਹਾਕਞ੍ਚ ਇਮਿਨਾ ਚ ਇਮਿਨਾ ਚ ਅਤ੍ਥੋ’’ਤਿ ਭਣਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਕਯਵਿਕ੍ਕਯਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ.

ਕੋਸਿਯਵਗ੍ਗੋ ਦੁਤਿਯੋ.

ਤਸ੍ਸੁਦ੍ਦਾਨਂ –

ਕੋਸਿਯਾ ਸੁਦ੍ਧਦ੍ਵੇਭਾਗਾ, ਛਬ੍ਬਸ੍ਸਾਨਿ ਨਿਸੀਦਨਂ;

ਦ੍ਵੇ ਚ ਲੋਮਾਨਿ ਉਗ੍ਗਣ੍ਹੇ, ਉਭੋ ਨਾਨਪ੍ਪਕਾਰਕਾਤਿ.

੩. ਪਤ੍ਤਵਗ੍ਗੋ

੧. ਪਤ੍ਤਸਿਕ੍ਖਾਪਦਂ

੫੯੮. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਬਹੂ ਪਤ੍ਤੇ ਸਨ੍ਨਿਚਯਂ ਕਰੋਨ੍ਤਿ. ਮਨੁਸ੍ਸਾ ਵਿਹਾਰਚਾਰਿਕਂ ਆਹਿਣ੍ਡਨ੍ਤਾ ਪਸ੍ਸਿਤ੍ਵਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਬਹੂ ਪਤ੍ਤੇ ਸਨ੍ਨਿਚਯਂ ਕਰਿਸ੍ਸਨ੍ਤਿ, ਪਤ੍ਤਵਾਣਿਜ੍ਜਂ ਵਾ ਸਮਣਾ ਸਕ੍ਯਪੁਤ੍ਤਿਯਾ ਕਰਿਸ੍ਸਨ੍ਤਿ ਆਮਤ੍ਤਿਕਾਪਣਂ ਵਾ ਪਸਾਰੇਸ੍ਸਨ੍ਤੀ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਤਿਰੇਕਪਤ੍ਤਂ ਧਾਰੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਅਤਿਰੇਕਪਤ੍ਤਂ ਧਾਰੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਅਤਿਰੇਕਪਤ੍ਤਂ ਧਾਰੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ …ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੫੯੯. ‘‘ਯੋ ਪਨ ਭਿਕ੍ਖੁ ਅਤਿਰੇਕਪਤ੍ਤਂ ਧਾਰੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

ਏਵਞ੍ਚਿਦਂ ਭਗਵਤਾ ਭਿਕ੍ਖੂਨਂ ਸਿਕ੍ਖਾਪਦਂ ਪਞ੍ਞਤ੍ਤਂ ਹੋਤਿ.

੬੦੦. ਤੇਨ ਖੋ ਪਨ ਸਮਯੇਨ ਆਯਸ੍ਮਤੋ ਆਨਨ੍ਦਸ੍ਸ ਅਤਿਰੇਕਪਤ੍ਤੋ ਉਪ੍ਪਨ੍ਨੋ ਹੋਤਿ. ਆਯਸ੍ਮਾ ਚ ਆਨਨ੍ਦੋ ਤਂ ਪਤ੍ਤਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ ਹੋਤਿ. ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ ਵਿਹਰਤਿ. ਅਥ ਖੋ ਆਯਸ੍ਮਤੋ ਆਨਨ੍ਦਸ੍ਸ ਏਤਦਹੋਸਿ – ‘‘ਭਗਵਤਾ ਸਿਕ੍ਖਾਪਦਂ ਪਞ੍ਞਤ੍ਤਂ – ‘ਨ ਅਤਿਰੇਕਪਤ੍ਤੋ ਧਾਰੇਤਬ੍ਬੋ’ਤਿ. ਅਯਞ੍ਚ ਮੇ ਅਤਿਰੇਕਪਤ੍ਤੋ ਉਪ੍ਪਨ੍ਨੋ. ਅਹਞ੍ਚਿਮਂ ਪਤ੍ਤਂ ਆਯਸ੍ਮਤੋ ਸਾਰਿਪੁਤ੍ਤਸ੍ਸ ਦਾਤੁਕਾਮੋ. ਆਯਸ੍ਮਾ ਚ ਸਾਰਿਪੁਤ੍ਤੋ ਸਾਕੇਤੇ ਵਿਹਰਤਿ. ਕਥਂ ਨੁ ਖੋ ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਭਗਵਤੋ ਏਤਮਤ੍ਥਂ ਆਰੋਚੇਸਿ. ‘‘ਕੀਵਚਿਰਂ ਪਨਾਨਨ੍ਦ, ਸਾਰਿਪੁਤ੍ਤੋ ਆਗਚ੍ਛਿਸ੍ਸਤੀ’’ਤਿ? ‘‘ਨਵਮਂ ਵਾ, ਭਗਵਾ, ਦਿਵਸਂ ਦਸਮਂ ਵਾ’’ਤਿ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਦਸਾਹਪਰਮਂ ਅਤਿਰੇਕਪਤ੍ਤਂ ਧਾਰੇਤੁਂ. ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੦੧. ‘‘ਦਸਾਹਪਰਮਂ ਅਤਿਰੇਕਪਤ੍ਤੋ ਧਾਰੇਤਬ੍ਬੋ. ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੦੨. ਦਸਾਹਪਰਮਨ੍ਤਿ ਦਸਾਹਪਰਮਤਾ ਧਾਰੇਤਬ੍ਬੋ.

ਅਤਿਰੇਕਪਤ੍ਤੋ ਨਾਮ ਅਨਧਿਟ੍ਠਿਤੋ ਅਵਿਕਪ੍ਪਿਤੋ.

ਪਤ੍ਤੋ ਨਾਮ ਦ੍ਵੇ ਪਤ੍ਤਾ ਅਯੋਪਤ੍ਤੋ ਮਤ੍ਤਿਕਾਪਤ੍ਤੋਤਿ.

ਤਯੋ ਪਤ੍ਤਸ੍ਸ ਵਣ੍ਣਾ ਉਕ੍ਕਟ੍ਠੋ ਪਤ੍ਤੋ ਮਜ੍ਝਿਮੋ ਪਤ੍ਤੋ ਓਮਕੋ ਪਤ੍ਤੋ. ਉਕ੍ਕਟ੍ਠੋ ਨਾਮ ਪਤ੍ਤੋ ਅਡ੍ਢਾਲ਼੍ਹਕੋਦਨਂ ਗਣ੍ਹਾਤਿ ਚਤੁਭਾਗਂ ਖਾਦਨਂ ਤਦੁਪਿਯਂ ਬ੍ਯਞ੍ਜਨਂ. ਮਜ੍ਝਿਮੋ ਨਾਮ ਪਤ੍ਤੋ ਨਾਲ਼ਿਕੋਦਨਂ ਗਣ੍ਹਾਤਿ ਚਤੁਭਾਗਂ ਖਾਦਨਂ ਤਦੁਪਿਯਂ ਬ੍ਯਞ੍ਜਨਂ. ਓਮਕੋ ਨਾਮ ਪਤ੍ਤੋ ਪਤ੍ਥੋਦਨਂ ਗਣ੍ਹਾਤਿ ਚਤੁਭਾਗਂ ਖਾਦਨਂ ਤਦੁਪਿਯਂ ਬ੍ਯਞ੍ਜਨਂ. ਤਤੋ ਉਕ੍ਕਟ੍ਠੋ ਅਪਤ੍ਤੋ, ਓਮਕੋ ਅਪਤ੍ਤੋ.

ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯੋ ਹੋਤੀਤਿ ਏਕਾਦਸੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯੋ ਹੋਤਿ. ਨਿਸ੍ਸਜ੍ਜਿਤਬ੍ਬੋ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬੋ. ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਯਂ ਮੇ, ਭਨ੍ਤੇ, ਪਤ੍ਤੋ ਦਸਾਹਾਤਿਕ੍ਕਨ੍ਤੋ ਨਿਸ੍ਸਗ੍ਗਿਯੋ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ, ਨਿਸ੍ਸਟ੍ਠਪਤ੍ਤੋ ਦਾਤਬ੍ਬੋ.

੬੦੩. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਅਯਂ ਪਤ੍ਤੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯੋ ਸਙ੍ਘਸ੍ਸ ਨਿਸ੍ਸਟ੍ਠੋ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਮਂ ਪਤ੍ਤਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯਾ’’ਤਿ.

੬੦੪. ਤੇਨ ਭਿਕ੍ਖੁਨਾ ਸਮ੍ਬਹੁਲੇ ਭਿਕ੍ਖੂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸੁ ਵਚਨੀਯਾ – ‘‘ਅਯਂ ਮੇ, ਭਨ੍ਤੇ, ਪਤ੍ਤੋ ਦਸਾਹਾਤਿਕ੍ਕਨ੍ਤੋ ਨਿਸ੍ਸਗ੍ਗਿਯੋ. ਇਮਾਹਂ ਆਯਸ੍ਮਨ੍ਤਾਨਂ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ, ਨਿਸ੍ਸਟ੍ਠਪਤ੍ਤੋ ਦਾਤਬ੍ਬੋ.

੬੦੫. ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ. ਅਯਂ ਪਤ੍ਤੋ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯੋ ਆਯਸ੍ਮਨ੍ਤਾਨਂ ਨਿਸ੍ਸਟ੍ਠੋ. ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਆਯਸ੍ਮਨ੍ਤਾ ਇਮਂ ਪਤ੍ਤਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯੁ’’ਨ੍ਤਿ.

੬੦੬. ਤੇਨ ਭਿਕ੍ਖੁਨਾ ਏਕਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਯਂ ਮੇ, ਆਵੁਸੋ, ਪਤ੍ਤੋ ਦਸਾਹਾਤਿਕ੍ਕਨ੍ਤੋ ਨਿਸ੍ਸਗ੍ਗਿਯੋ. ਇਮਾਹਂ ਆਯਸ੍ਮਤੋ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਤੇਨ ਭਿਕ੍ਖੁਨਾ ਆਪਤ੍ਤਿ ਪਟਿਗ੍ਗਹੇਤਬ੍ਬਾ, ਨਿਸ੍ਸਟ੍ਠਪਤ੍ਤੋ ਦਾਤਬ੍ਬੋ – ‘‘ਇਮਂ ਪਤ੍ਤਂ ਆਯਸ੍ਮਤੋ ਦਮ੍ਮੀ’’ਤਿ.

੬੦੭. ਦਸਾਹਾਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਦਸਾਹਾਤਿਕ੍ਕਨ੍ਤੇ ਵੇਮਤਿਕੋ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਦਸਾਹਾਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਧਿਟ੍ਠਿਤੇ ਅਧਿਟ੍ਠਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਕਪ੍ਪਿਤੇ ਵਿਕਪ੍ਪਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਟ੍ਠੇ ਨਟ੍ਠਸਞ੍ਞੀ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਨਟ੍ਠੇ ਵਿਨਟ੍ਠਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਭਿਨ੍ਨੇ ਭਿਨ੍ਨਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਪਤ੍ਤਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਦਸਾਹਾਨਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਅਨਾਪਤ੍ਤਿ.

੬੦੮. ਅਨਾਪਤ੍ਤਿ ਅਨ੍ਤੋਦਸਾਹਂ ਅਧਿਟ੍ਠੇਤਿ, ਵਿਕਪ੍ਪੇਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਭਿਜ੍ਜਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਨਿਸ੍ਸਟ੍ਠਪਤ੍ਤਂ ਨ ਦੇਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ‘‘ਨ, ਭਿਕ੍ਖਵੇ, ਨਿਸ੍ਸਟ੍ਠਪਤ੍ਤੋ ਨ ਦਾਤਬ੍ਬੋ. ਯੋ ਨ ਦਦੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

ਪਤ੍ਤਸਿਕ੍ਖਾਪਦਂ ਨਿਟ੍ਠਿਤਂ ਪਠਮਂ.

੨. ਊਨਪਞ੍ਚਬਨ੍ਧਨਸਿਕ੍ਖਾਪਦਂ

੬੦੯. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਕ੍ਕੇਸੁ ਵਿਹਰਤਿ ਕਪਿਲਵਤ੍ਥੁਸ੍ਮਿਂ ਨਿਗ੍ਰੋਧਾਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰੇਨ ਕੁਮ੍ਭਕਾਰੇਨ ਭਿਕ੍ਖੂ ਪਵਾਰਿਤਾ ਹੋਨ੍ਤਿ – ‘‘ਯੇਸਂ ਅਯ੍ਯਾਨਂ ਪਤ੍ਤੇਨ ਅਤ੍ਥੋ ਅਹਂ ਪਤ੍ਤੇਨਾ’’ਤਿ. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਨ੍ਤਿ. ਯੇਸਂ ਖੁਦ੍ਦਕਾ ਪਤ੍ਤਾ ਤੇ ਮਹਨ੍ਤੇ ਪਤ੍ਤੇ ਵਿਞ੍ਞਾਪੇਨ੍ਤਿ. ਯੇਸਂ ਮਹਨ੍ਤਾ ਪਤ੍ਤਾ ਤੇ ਖੁਦ੍ਦਕੇ ਪਤ੍ਤੇ ਵਿਞ੍ਞਾਪੇਨ੍ਤਿ. ਅਥ ਖੋ ਸੋ ਕੁਮ੍ਭਕਾਰੋ ਭਿਕ੍ਖੂਨਂ ਬਹੂ ਪਤ੍ਤੇ ਕਰੋਨ੍ਤੋ ਨ ਸਕ੍ਕੋਤਿ ਅਞ੍ਞਂ ਵਿਕ੍ਕਾਯਿਕਂ ਭਣ੍ਡਂ ਕਾਤੁਂ, ਅਤ੍ਤਨਾਪਿ ਨ ਯਾਪੇਤਿ, ਪੁਤ੍ਤਦਾਰਾਪਿਸ੍ਸ ਕਿਲਮਨ੍ਤਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਨ੍ਤਿ! ਅਯਂ ਇਮੇਸਂ ਬਹੂ ਪਤ੍ਤੇ ਕਰੋਨ੍ਤੋ ਨ ਸਕ੍ਕੋਤਿ ਅਞ੍ਞਂ ਵਿਕ੍ਕਾਯਿਕਂ ਭਣ੍ਡਂ ਕਾਤੁਂ, ਅਤ੍ਤਨਾਪਿ ਨ ਯਾਪੇਤਿ, ਪੁਤ੍ਤਦਾਰਾਪਿਸ੍ਸ ਕਿਲਮਨ੍ਤੀ’’ਤਿ.

ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਨ੍ਤੀਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਵਿਗਰਹਿਤ੍ਵਾ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਨ, ਭਿਕ੍ਖਵੇ, ਪਤ੍ਤੋ ਵਿਞ੍ਞਾਪੇਤਬ੍ਬੋ. ਯੋ ਵਿਞ੍ਞਾਪੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ.

੬੧੦. ਤੇਨ ਖੋ ਪਨ ਸਮਯੇਨ ਅਞ੍ਞਤਰਸ੍ਸ ਭਿਕ੍ਖੁਨੋ ਪਤ੍ਤੋ ਭਿਨ੍ਨੋ ਹੋਤਿ. ਅਥ ਖੋ ਸੋ ਭਿਕ੍ਖੁ – ‘‘ਭਗਵਤਾ ਪਟਿਕ੍ਖਿਤ੍ਤਂ ਪਤ੍ਤਂ ਵਿਞ੍ਞਾਪੇਤੁ’’ਨ੍ਤਿ ਕੁਕ੍ਕੁਚ੍ਚਾਯਨ੍ਤੋ ਨ ਵਿਞ੍ਞਾਪੇਤਿ. ਹਤ੍ਥੇਸੁ ਪਿਣ੍ਡਾਯ ਚਰਤਿ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਹਤ੍ਥੇਸੁ ਪਿਣ੍ਡਾਯ ਚਰਿਸ੍ਸਨ੍ਤਿ, ਸੇਯ੍ਯਥਾਪਿ ਤਿਤ੍ਥਿਯਾ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਨਟ੍ਠਪਤ੍ਤਸ੍ਸ ਵਾ ਭਿਨ੍ਨਪਤ੍ਤਸ੍ਸ ਵਾ ਪਤ੍ਤਂ ਵਿਞ੍ਞਾਪੇਤੁ’’ਨ੍ਤਿ.

੬੧੧. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ – ‘‘ਭਗਵਤਾ ਅਨੁਞ੍ਞਾਤਂ ਨਟ੍ਠਪਤ੍ਤਸ੍ਸ ਵਾ ਭਿਨ੍ਨਪਤ੍ਤਸ੍ਸ ਵਾ ਪਤ੍ਤਂ ਵਿਞ੍ਞਾਪੇਤੁ’’ਨ੍ਤਿ ਅਪ੍ਪਮਤ੍ਤਕੇਨਪਿ ਭਿਨ੍ਨੇਨ ਅਪ੍ਪਮਤ੍ਤਕੇਨਪਿ ਖਣ੍ਡੇਨ ਵਿਲਿਖਿਤਮਤ੍ਤੇਨਪਿ ਬਹੂ ਪਤ੍ਤੇ ਵਿਞ੍ਞਾਪੇਨ੍ਤਿ. ਅਥ ਖੋ ਸੋ ਕੁਮ੍ਭਕਾਰੋ ਭਿਕ੍ਖੂਨਂ ਤਥੇਵ ਬਹੂ ਪਤ੍ਤੇ ਕਰੋਨ੍ਤੋ ਨ ਸਕ੍ਕੋਤਿ ਅਞ੍ਞਂ ਵਿਕ੍ਕਾਯਿਕਂ ਭਣ੍ਡਂ ਕਾਤੁਂ, ਅਤ੍ਤਨਾਪਿ ਨ ਯਾਪੇਤਿ, ਪੁਤ੍ਤਦਾਰਾਪਿਸ੍ਸ ਕਿਲਮਨ੍ਤਿ. ਮਨੁਸ੍ਸਾ ਤਥੇਵ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਨ ਮਤ੍ਤਂ ਜਾਨਿਤ੍ਵਾ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਨ੍ਤਿ! ਅਯਂ ਇਮੇਸਂ ਬਹੂ ਪਤ੍ਤੇ ਕਰੋਨ੍ਤੋ ਨ ਸਕ੍ਕੋਤਿ ਅਞ੍ਞਂ ਵਿਕ੍ਕਾਯਿਕਂ ਭਣ੍ਡਂ ਕਾਤੁਂ, ਅਤ੍ਤਨਾਪਿ ਨ ਯਾਪੇਤਿ, ਪੁਤ੍ਤਦਾਰਾਪਿਸ੍ਸ ਕਿਲਮਨ੍ਤੀ’’ਤਿ.

ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਅਪ੍ਪਮਤ੍ਤਕੇਨਪਿ ਭਿਨ੍ਨੇਨ ਅਪ੍ਪਮਤ੍ਤਕੇਨਪਿ ਖਣ੍ਡੇਨ ਵਿਲਿਖਿਤਮਤ੍ਤੇਨਪਿ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਅਪ੍ਪਮਤ੍ਤਕੇਨਪਿ ਭਿਨ੍ਨੇਨ ਅਪ੍ਪਮਤ੍ਤਕੇਨਪਿ ਖਣ੍ਡੇਨ ਵਿਲਿਖਿਤਮਤ੍ਤੇਨਪਿ ਬਹੂ ਪਤ੍ਤੇ ਵਿਞ੍ਞਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਅਪ੍ਪਮਤ੍ਤਕੇਨਪਿ ਭਿਨ੍ਨੇਨ ਅਪ੍ਪਮਤ੍ਤਕੇਨਪਿ ਖਣ੍ਡੇਨ ਵਿਲਿਖਿਤਮਤ੍ਤੇਨਪਿ ਬਹੂ ਪਤ੍ਤੇ ਵਿਞ੍ਞਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੧੨. ‘‘ਯੋ ਪਨ ਭਿਕ੍ਖੁ ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਅਞ੍ਞਂ ਨਵਂ ਪਤ੍ਤਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤੇਨ ਭਿਕ੍ਖੁਨਾ ਸੋ ਪਤ੍ਤੋ ਭਿਕ੍ਖੁਪਰਿਸਾਯ ਨਿਸ੍ਸਜ੍ਜਿਤਬ੍ਬੋ. ਯੋ ਚ ਤਸ੍ਸਾ ਭਿਕ੍ਖੁਪਰਿਸਾਯ ਪਤ੍ਤਪਰਿਯਨ੍ਤੋ ਸੋ ਤਸ੍ਸ ਭਿਕ੍ਖੁਨੋ ਪਦਾਤਬ੍ਬੋ – ‘ਅਯਂ ਤੇ, ਭਿਕ੍ਖੁ, ਪਤ੍ਤੋ ਯਾਵ ਭੇਦਨਾਯ ਧਾਰੇਤਬ੍ਬੋ’ਤਿ. ਅਯਂ ਤਤ੍ਥ ਸਾਮੀਚੀ’’ਤਿ.

੬੧੩. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਊਨਪਞ੍ਚਬਨ੍ਧਨੋ ਨਾਮ ਪਤ੍ਤੋ ਅਬਨ੍ਧਨੋ ਵਾ ਏਕਬਨ੍ਧਨੋ ਵਾ ਦ੍ਵਿਬਨ੍ਧਨੋ ਵਾ ਤਿਬਨ੍ਧਨੋ ਵਾ ਚਤੁਬਨ੍ਧਨੋ ਵਾ. ਅਬਨ੍ਧਨੋਕਾਸੋ ਨਾਮ ਪਤ੍ਤੋ ਯਸ੍ਸ ਦ੍ਵਙ੍ਗੁਲਾ ਰਾਜਿ ਨ ਹੋਤਿ. ਬਨ੍ਧਨੋਕਾਸੋ ਨਾਮ ਪਤ੍ਤੋ ਯਸ੍ਸ ਦ੍ਵਙ੍ਗੁਲਾ ਰਾਜਿ ਹੋਤਿ. ਨਵੋ ਨਾਮ ਪਤ੍ਤੋ ਵਿਞ੍ਞਤ੍ਤਿਂ ਉਪਾਦਾਯ ਵੁਚ੍ਚਤਿ.

ਚੇਤਾਪੇਯ੍ਯਾਤਿ ਵਿਞ੍ਞਾਪੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯੋ ਹੋਤਿ. ਸਙ੍ਘਮਜ੍ਝੇ ਨਿਸ੍ਸਜ੍ਜਿਤਬ੍ਬੋ. ਸਬ੍ਬੇਹੇਵ ਅਧਿਟ੍ਠਿਤਪਤ੍ਤਂ ਗਹੇਤ੍ਵਾ ਸਨ੍ਨਿਪਤਿਤਬ੍ਬਂ. ਨ ਲਾਮਕੋ ਪਤ੍ਤੋ ਅਧਿਟ੍ਠਾਤਬ੍ਬੋ – ‘‘ਮਹਗ੍ਘਂ ਪਤ੍ਤਂ ਗਹੇਸ੍ਸਾਮੀ’’ਤਿ. ਸਚੇ ਲਾਮਕਂ ਪਤ੍ਤਂ ਅਧਿਟ੍ਠੇਤਿ – ‘‘ਮਹਗ੍ਘਂ ਪਤ੍ਤਂ ਗਹੇਸ੍ਸਾਮੀ’’ਤਿ, ਆਪਤ੍ਤਿ ਦੁਕ੍ਕਟਸ੍ਸ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬੋ. ਤੇਨ ਭਿਕ੍ਖੁਨਾ ਸਙ੍ਘਂ ਉਪਸਙ੍ਕਮਿਤ੍ਵਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਵੁਡ੍ਢਾਨਂ ਭਿਕ੍ਖੂਨਂ ਪਾਦੇ ਵਨ੍ਦਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ਏਵਮਸ੍ਸ ਵਚਨੀਯੋ – ‘‘ਅਯਂ ਮੇ, ਭਨ੍ਤੇ, ਪਤ੍ਤੋ ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਚੇਤਾਪਿਤੋ ਨਿਸ੍ਸਗ੍ਗਿਯੋ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ. ਨਿਸ੍ਸਜ੍ਜਿਤ੍ਵਾ ਆਪਤ੍ਤਿ ਦੇਸੇਤਬ੍ਬਾ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਆਪਤ੍ਤਿ ਪਟਿਗ੍ਗਹੇਤਬ੍ਬਾ. ਪਞ੍ਚਹਙ੍ਗੇਹਿ ਸਮਨ੍ਨਾਗਤੋ ਭਿਕ੍ਖੁ ਪਤ੍ਤਗ੍ਗਾਹਾਪਕੋ ਸਮ੍ਮਨ੍ਨਿਤਬ੍ਬੋ – ਯੋ ਨ ਛਨ੍ਦਾਗਤਿਂ ਗਚ੍ਛੇਯ੍ਯ, ਨ ਦੋਸਾਗਤਿਂ ਗਚ੍ਛੇਯ੍ਯ, ਨ ਮੋਹਾਗਤਿਂ ਗਚ੍ਛੇਯ੍ਯ, ਨ ਭਯਾਗਤਿਂ ਗਚ੍ਛੇਯ੍ਯ, ਗਾਹਿਤਾਗਾਹਿਤਞ੍ਚ ਜਾਨੇਯ੍ਯ. ਏਵਞ੍ਚ ਪਨ, ਭਿਕ੍ਖਵੇ, ਸਮ੍ਮਨ੍ਨਿਤਬ੍ਬੋ. ਪਠਮਂ ਭਿਕ੍ਖੁ ਯਾਚਿਤਬ੍ਬੋ. ਯਾਚਿਤ੍ਵਾ ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ –

੬੧੪. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਪਤ੍ਤਗ੍ਗਾਹਾਪਕਂ ਸਮ੍ਮਨ੍ਨੇਯ੍ਯ. ਏਸਾ ਞਤ੍ਤਿ.

‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ. ਸਙ੍ਘੋ ਇਤ੍ਥਨ੍ਨਾਮਂ ਭਿਕ੍ਖੁਂ ਪਤ੍ਤਗ੍ਗਾਹਾਪਕਂ ਸਮ੍ਮਨ੍ਨਤਿ. ਯਸ੍ਸਾਯਸ੍ਮਤੋ ਖਮਤਿ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਪਤ੍ਤਗ੍ਗਾਹਾਪਕਸ੍ਸ ਸਮ੍ਮੁਤਿ, ਸੋ ਤੁਣ੍ਹਸ੍ਸ; ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯ.

‘‘ਸਮ੍ਮਤੋ ਸਙ੍ਘੇਨ ਇਤ੍ਥਨ੍ਨਾਮੋ ਭਿਕ੍ਖੁ ਪਤ੍ਤਗ੍ਗਾਹਾਪਕੋ. ਖਮਤਿ ਸਙ੍ਘਸ੍ਸ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ.

੬੧੫. ਤੇਨ ਸਮ੍ਮਤੇਨ ਭਿਕ੍ਖੁਨਾ ਪਤ੍ਤੋ ਗਾਹੇਤਬ੍ਬੋ. ਥੇਰੋ ਵਤ੍ਤਬ੍ਬੋ – ‘‘ਗਣ੍ਹਾਤੁ, ਭਨ੍ਤੇ, ਥੇਰੋ ਪਤ੍ਤ’’ਨ੍ਤਿ. ਸਚੇ ਥੇਰੋ ਗਣ੍ਹਾਤਿ, ਥੇਰਸ੍ਸ ਪਤ੍ਤੋ ਦੁਤਿਯਸ੍ਸ ਗਾਹੇਤਬ੍ਬੋ. ਨ ਚ ਤਸ੍ਸ ਅਨੁਦ੍ਦਯਤਾਯ ਨ ਗਹੇਤਬ੍ਬੋ. ਯੋ ਨ ਗਣ੍ਹੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸ. ਅਪਤ੍ਤਕਸ੍ਸ ਨ ਗਾਹੇਤਬ੍ਬੋ. ਏਤੇਨੇਵ ਉਪਾਯੇਨ ਯਾਵ ਸਙ੍ਘਨਵਕਾ ਗਾਹੇਤਬ੍ਬਾ. ਯੋ ਚ ਤਸ੍ਸਾ ਭਿਕ੍ਖੁਪਰਿਸਾਯ ਪਤ੍ਤਪਰਿਯਨ੍ਤੋ, ਸੋ ਤਸ੍ਸ ਭਿਕ੍ਖੁਨੋ ਪਦਾਤਬ੍ਬੋ – ‘‘ਅਯਂ ਤੇ, ਭਿਕ੍ਖੁ, ਪਤ੍ਤੋ ਯਾਵ ਭੇਦਨਾਯ ਧਾਰੇਤਬ੍ਬੋ’’ਤਿ.

ਤੇਨ ਭਿਕ੍ਖੁਨਾ ਸੋ ਪਤ੍ਤੋ ਨ ਅਦੇਸੇ ਨਿਕ੍ਖਿਪਿਤਬ੍ਬੋ, ਨ ਅਭੋਗੇਨ ਭੁਞ੍ਜਿਤਬ੍ਬੋ, ਨ ਵਿਸ੍ਸਜ੍ਜੇਤਬ੍ਬੋ – ‘‘ਕਥਾਯਂ ਪਤ੍ਤੋ ਨਸ੍ਸੇਯ੍ਯ ਵਾ ਵਿਨਸ੍ਸੇਯ੍ਯ ਵਾ ਭਿਜ੍ਜੇਯ੍ਯ ਵਾ’’ਤਿ? ਸਚੇ ਅਦੇਸੇ ਵਾ ਨਿਕ੍ਖਿਪਤਿ ਅਭੋਗੇਨ ਵਾ ਭੁਞ੍ਜਤਿ ਵਿਸ੍ਸਜ੍ਜੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ.

ਅਯਂ ਤਤ੍ਥ ਸਾਮੀਚੀਤਿ ਅਯਂ ਤਤ੍ਥ ਅਨੁਧਮ੍ਮਤਾ.

੬੧੬. ਅਬਨ੍ਧਨੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੇਨ ਪਤ੍ਤੇਨ ਏਕਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੇਨ ਪਤ੍ਤੇਨ ਦ੍ਵਿਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੇਨ ਪਤ੍ਤੇਨ ਤਿਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੇਨ ਪਤ੍ਤੇਨ ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਏਕਬਨ੍ਧਨੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਏਕਬਨ੍ਧਨੇਨ ਪਤ੍ਤੇਨ ਏਕਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਏਕਬਨ੍ਧਨੇਨ ਪਤ੍ਤੇਨ ਦ੍ਵਿਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਏਕਬਨ੍ਧਨੇਨ ਪਤ੍ਤੇਨ ਤਿਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਏਕਬਨ੍ਧਨੇਨ ਪਤ੍ਤੇਨ ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਦ੍ਵਿਬਨ੍ਧਨੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਦ੍ਵਿਬਨ੍ਧਨੇਨ ਪਤ੍ਤੇਨ ਏਕਬਨ੍ਧਨਂ ਪਤ੍ਤਂ…ਪੇ… ਦ੍ਵਿਬਨ੍ਧਨਂ ਪਤ੍ਤਂ… ਤਿਬਨ੍ਧਨਂ ਪਤ੍ਤਂ… ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਤਿਬਨ੍ਧਨੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ…ਪੇ… ਏਕਬਨ੍ਧਨਂ ਪਤ੍ਤਂ…ਪੇ… ਦ੍ਵਿਬਨ੍ਧਨਂ ਪਤ੍ਤਂ… ਤਿਬਨ੍ਧਨਂ ਪਤ੍ਤਂ… ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਚਤੁਬਨ੍ਧਨੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ…ਪੇ… ਏਕਬਨ੍ਧਨਂ ਪਤ੍ਤਂ… ਦ੍ਵਿਬਨ੍ਧਨਂ ਪਤ੍ਤਂ… ਤਿਬਨ੍ਧਨਂ ਪਤ੍ਤਂ… ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਬਨ੍ਧਨੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੇਨ ਪਤ੍ਤੇਨ ਏਕਬਨ੍ਧਨੋਕਾਸਂ ਪਤ੍ਤਂ…ਪੇ… ਦ੍ਵਿਬਨ੍ਧਨੋਕਾਸਂ ਪਤ੍ਤਂ … ਤਿਬਨ੍ਧਨੋਕਾਸਂ ਪਤ੍ਤਂ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਏਕਬਨ੍ਧਨੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਏਕਬਨ੍ਧਨੋਕਾਸਂ ਪਤ੍ਤਂ… ਦ੍ਵਿਬਨ੍ਧਨੋਕਾਸਂ ਪਤ੍ਤਂ… ਤਿਬਨ੍ਧਨੋਕਾਸਂ ਪਤ੍ਤਂ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਦ੍ਵਿਬਨ੍ਧਨੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਤਿਬਨ੍ਧਨੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਚਤੁਬਨ੍ਧਨੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਏਕਬਨ੍ਧਨੋਕਾਸਂ ਪਤ੍ਤਂ… ਦ੍ਵਿਬਨ੍ਧਨੋਕਾਸਂ ਪਤ੍ਤਂ… ਤਿਬਨ੍ਧਨੋਕਾਸਂ ਪਤ੍ਤਂ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਬਨ੍ਧਨੋਕਾਸੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਬਨ੍ਧਨੋਕਾਸੇਨ ਪਤ੍ਤੇਨ ਏਕਬਨ੍ਧਨਂ ਪਤ੍ਤਂ…ਪੇ… ਦ੍ਵਿਬਨ੍ਧਨਂ ਪਤ੍ਤਂ… ਤਿਬਨ੍ਧਨਂ ਪਤ੍ਤਂ… ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਚਤੁਬਨ੍ਧਨੋਕਾਸੇਨ ਪਤ੍ਤੇਨ ਅਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਚਤੁਬਨ੍ਧਨੋਕਾਸੇਨ ਪਤ੍ਤੇਨ ਏਕਬਨ੍ਧਨਂ ਪਤ੍ਤਂ…ਪੇ… ਦ੍ਵਿਬਨ੍ਧਨਂ ਪਤ੍ਤਂ… ਤਿਬਨ੍ਧਨਂ ਪਤ੍ਤਂ… ਚਤੁਬਨ੍ਧਨਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਬਨ੍ਧਨੋਕਾਸੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਏਕਬਨ੍ਧਨੋਕਾਸਂ ਪਤ੍ਤਂ… ਦ੍ਵਿਬਨ੍ਧਨੋਕਾਸਂ ਪਤ੍ਤਂ… ਤਿਬਨ੍ਧਨੋਕਾਸਂ ਪਤ੍ਤਂ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਚਤੁਬਨ੍ਧਨੋਕਾਸੇਨ ਪਤ੍ਤੇਨ ਅਬਨ੍ਧਨੋਕਾਸਂ ਪਤ੍ਤਂ…ਪੇ… ਏਕਬਨ੍ਧਨੋਕਾਸਂ ਪਤ੍ਤਂ… ਦ੍ਵਿਬਨ੍ਧਨੋਕਾਸਂ ਪਤ੍ਤਂ… ਤਿਬਨ੍ਧਨੋਕਾਸਂ ਪਤ੍ਤਂ… ਚਤੁਬਨ੍ਧਨੋਕਾਸਂ ਪਤ੍ਤਂ ਚੇਤਾਪੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੬੧੭. ਅਨਾਪਤ੍ਤਿ ਨਟ੍ਠਪਤ੍ਤਸ੍ਸ, ਭਿਨ੍ਨਪਤ੍ਤਸ੍ਸ, ਞਾਤਕਾਨਂ ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਊਨਪਞ੍ਚਬਨ੍ਧਨਸਿਕ੍ਖਾਪਦਂ ਨਿਟ੍ਠਿਤਂ ਦੁਤਿਯਂ.

੩. ਭੇਸਜ੍ਜਸਿਕ੍ਖਾਪਦਂ

੬੧੮. [ਇਦਂ ਵਤ੍ਥੁ ਮਹਾਵ. ੨੭੦] ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਾਜਗਹੇ ਪਬ੍ਭਾਰਂ ਸੋਧਾਪੇਤਿ ਲੇਣਂ ਕਤ੍ਤੁਕਾਮੋ. ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਯੇਨਾਯਸ੍ਮਾ ਪਿਲਿਨ੍ਦਵਚ੍ਛੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਏਤਦਵੋਚ – ‘‘ਕਿਂ, ਭਨ੍ਤੇ, ਥੇਰੋ ਕਾਰਾਪੇਤੀ’’ਤਿ? ‘‘ਪਬ੍ਭਾਰਂ ਮਹਾਰਾਜ, ਸੋਧਾਪੇਮਿ ਲੇਣਂ ਕਤ੍ਤੁਕਾਮੋ’’ਤਿ. ‘‘ਅਤ੍ਥੋ, ਭਨ੍ਤੇ, ਅਯ੍ਯਸ੍ਸ ਆਰਾਮਿਕੇਨਾ’’ਤਿ? ‘‘ਨ ਖੋ, ਮਹਾਰਾਜ, ਭਗਵਤਾ ਆਰਾਮਿਕੋ ਅਨੁਞ੍ਞਾਤੋ’’ਤਿ. ‘‘ਤੇਨ ਹਿ, ਭਨ੍ਤੇ, ਭਗਵਨ੍ਤਂ ਪਟਿਪੁਚ੍ਛਿਤ੍ਵਾ ਮਮ ਆਰੋਚੇਯ੍ਯਾਥਾ’’ਤਿ. ‘‘ਏਵਂ ਮਹਾਰਾਜਾ’’ਤਿ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਚ੍ਚਸ੍ਸੋਸਿ. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ. ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਤਾ ਪਿਲਿਨ੍ਦਵਚ੍ਛੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਉਟ੍ਠਾਯਾਸਨਾ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਅਭਿਵਾਦੇਤ੍ਵਾ ਪਦਕ੍ਖਿਣਂ ਕਤ੍ਵਾ ਪਕ੍ਕਾਮਿ.

੬੧੯. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਭਗਵਤੋ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਰਾਜਾ, ਭਨ੍ਤੇ, ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਰਾਮਿਕਂ ਦਾਤੁਕਾਮੋ. ਕਥਂ ਨੁ ਖੋ, ਭਨ੍ਤੇ, ਮਯਾ ਪਟਿਪਜ੍ਜਿਤਬ੍ਬ’’ਨ੍ਤਿ? ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਆਰਾਮਿਕ’’ਨ੍ਤਿ. ਦੁਤਿਯਮ੍ਪਿ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਯੇਨਾਯਸ੍ਮਾ ਪਿਲਿਨ੍ਦਿਵਚ੍ਛੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਏਤਦਵੋਚ – ‘‘ਅਨੁਞ੍ਞਾਤੋ, ਭਨ੍ਤੇ, ਭਗਵਤਾ ਆਰਾਮਿਕੋ’’ਤਿ? ‘‘ਏਵਂ, ਮਹਾਰਾਜਾ’’ਤਿ. ‘‘ਤੇਨ ਹਿ, ਭਨ੍ਤੇ, ਅਯ੍ਯਸ੍ਸ ਆਰਾਮਿਕਂ ਦਮ੍ਮੀ’’ਤਿ. ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਆਯਸ੍ਮਤੋ ਪਿਲਿਨ੍ਦਵਚ੍ਛਸ੍ਸ ਆਰਾਮਿਕਂ ਪਟਿਸ੍ਸੁਣਿਤ੍ਵਾ ਵਿਸ੍ਸਰਿਤ੍ਵਾ ਚਿਰੇਨ ਸਤਿਂ ਪਟਿਲਭਿਤ੍ਵਾ ਅਞ੍ਞਤਰਂ ਸਬ੍ਬਤ੍ਥਕਂ ਮਹਾਮਤ੍ਤਂ ਆਮਨ੍ਤੇਸਿ – ‘‘ਯੋ ਮਯਾ, ਭਣੇ, ਅਯ੍ਯਸ੍ਸ ਆਰਾਮਿਕੋ ਪਟਿਸ੍ਸੁਤੋ, ਦਿਨ੍ਨੋ ਸੋ ਆਰਾਮਿਕੋ’’ਤਿ? ‘‘ਨ ਖੋ, ਦੇਵ, ਅਯ੍ਯਸ੍ਸ ਆਰਾਮਿਕੋ ਦਿਨ੍ਨੋ’’ਤਿ. ‘‘ਕੀਵਚਿਰਂ ਨੁ ਖੋ, ਭਣੇ, ਇਤੋ ਹਿ ਤਂ ਹੋਤੀ’’ਤਿ? ਅਥ ਖੋ ਸੋ ਮਹਾਮਤ੍ਤੋ ਰਤ੍ਤਿਯੋ ਗਣੇਤ੍ਵਾ [ਵਿਗਣੇਤ੍ਵਾ (ਕ.)] ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਏਤਦਵੋਚ – ‘‘ਪਞ੍ਚ, ਦੇਵ, ਰਤ੍ਤਿਸਤਾਨੀ’’ਤਿ. ‘‘ਤੇਨ ਹਿ, ਭਣੇ, ਅਯ੍ਯਸ੍ਸ ਪਞ੍ਚ ਆਰਾਮਿਕਸਤਾਨਿ ਦੇਹੀ’’ਤਿ. ‘‘ਏਵਂ, ਦੇਵਾ’’ਤਿ ਖੋ ਸੋ ਮਹਾਮਤ੍ਤੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਟਿਸ੍ਸੁਣਿਤ੍ਵਾ ਆਯਸ੍ਮਤੋ ਪਿਲਿਨ੍ਦਵਚ੍ਛਸ੍ਸ ਪਞ੍ਚ ਆਰਾਮਿਕਸਤਾਨਿ ਪਾਦਾਸਿ [ਅਦਾਸਿ (ਸ੍ਯਾ.)], ਪਾਟਿਯੇਕ੍ਕੋ ਗਾਮੋ ਨਿਵਿਸਿ. ਆਰਾਮਿਕਗਾਮਕੋਤਿਪਿ ਨਂ ਆਹਂਸੁ, ਪਿਲਿਨ੍ਦਗਾਮਕੋਤਿਪਿ ਨਂ ਆਹਂਸੁ.

੬੨੦. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਪਿਲਿਨ੍ਦਵਚ੍ਛੋ ਤਸ੍ਮਿਂ ਗਾਮਕੇ ਕੁਲੂਪਕੋ ਹੋਤਿ. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਪਿਲਿਨ੍ਦਗਾਮਕਂ ਪਿਣ੍ਡਾਯ ਪਾਵਿਸਿ. ਤੇਨ ਖੋ ਪਨ ਸਮਯੇਨ ਤਸ੍ਮਿਂ ਗਾਮਕੇ ਉਸ੍ਸਵੋ ਹੋਤਿ. ਦਾਰਕਾ ਅਲਙ੍ਕਤਾ ਮਾਲਾਕਿਤਾ ਕੀਲ਼ਨ੍ਤਿ. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਪਿਲਿਨ੍ਦਗਾਮਕੇ ਸਪਦਾਨਂ ਪਿਣ੍ਡਾਯ ਚਰਮਾਨੋ ਯੇਨ ਅਞ੍ਞਤਰਸ੍ਸ ਆਰਾਮਿਕਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਤੇਨ ਖੋ ਪਨ ਸਮਯੇਨ ਤਸ੍ਸਾ ਆਰਾਮਿਕਿਨਿਯਾ ਧੀਤਾ ਅਞ੍ਞੇ ਦਾਰਕੇ ਅਲਙ੍ਕਤੇ ਮਾਲਾਕਿਤੇ ਪਸ੍ਸਿਤ੍ਵਾ ਰੋਦਤਿ – ‘‘ਮਾਲਂ ਮੇ ਦੇਥ, ਅਲਙ੍ਕਾਰਂ ਮੇ ਦੇਥਾ’’ਤਿ. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਤਂ ਆਰਾਮਿਕਿਨਿਂ ਏਤਦਵੋਚ – ‘‘ਕਿਸ੍ਸਾਯਂ ਦਾਰਿਕਾ ਰੋਦਤੀ’’ਤਿ? ‘‘ਅਯਂ, ਭਨ੍ਤੇ, ਦਾਰਿਕਾ ਅਞ੍ਞੇ ਦਾਰਕੇ ਅਲਙ੍ਕਤੇ ਮਾਲਾਕਿਤੇ ਪਸ੍ਸਿਤ੍ਵਾ ਰੋਦਤਿ – ‘ਮਾਲਂ ਮੇ ਦੇਥ, ਅਲਙ੍ਕਾਰਂ ਮੇ ਦੇਥਾ’ਤਿ. ਕੁਤੋ ਅਮ੍ਹਾਕਂ ਦੁਗ੍ਗਤਾਨਂ ਮਾਲਾ ਕੁਤੋ, ਅਲਙ੍ਕਾਰੋ’’ਤਿ? ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਅਞ੍ਞਤਰਂ ਤਿਣਣ੍ਡੁਪਕਂ ਗਹੇਤ੍ਵਾ ਤਂ ਆਰਾਮਿਕਿਨਿਂ ਏਤਦਵੋਚ – ‘‘ਹਨ੍ਦਿਮਂ ਤਿਣਣ੍ਡੁਪਕਂ ਤਸ੍ਸਾ ਦਾਰਿਕਾਯ ਸੀਸੇ ਪਟਿਮੁਞ੍ਚਾ’’ਤਿ. ਅਥ ਖੋ ਸਾ ਆਰਾਮਿਕਿਨੀ ਤਂ ਤਿਣਣ੍ਡੁਪਕਂ ਗਹੇਤ੍ਵਾ ਤਸ੍ਸਾ ਦਾਰਿਕਾਯ ਸੀਸੇ ਪਟਿਮੁਞ੍ਚਿ. ਸਾ ਅਹੋਸਿ ਸੁਵਣ੍ਣਮਾਲਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ. ਨਤ੍ਥਿ ਤਾਦਿਸਾ ਰਞ੍ਞੋਪਿ ਅਨ੍ਤੇਪੁਰੇ ਸੁਵਣ੍ਣਮਾਲਾ. ਮਨੁਸ੍ਸਾ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਆਰੋਚੇਸੁਂ – ‘‘ਅਮੁਕਸ੍ਸ, ਦੇਵ, ਆਰਾਮਿਕਸ੍ਸ ਘਰੇ ਸੁਵਣ੍ਣਮਾਲਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ. ਨਤ੍ਥਿ ਤਾਦਿਸਾ ਦੇਵਸ੍ਸਾਪਿ ਅਨ੍ਤੇਪੁਰੇ ਸੁਵਣ੍ਣਮਾਲਾ. ਕੁਤੋ ਤਸ੍ਸ ਦੁਗ੍ਗਤਸ੍ਸ! ਨਿਸ੍ਸਂਸਯਂ ਚੋਰਿਕਾਯ ਆਭਤਾ’’ਤਿ!! ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਤਂ ਆਰਾਮਿਕਕੁਲਂ ਬਨ੍ਧਾਪੇਸਿ. ਦੁਤਿਯਮ੍ਪਿ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਪੁਬ੍ਬਣ੍ਹਸਮਯਂ ਨਿਵਾਸੇਤ੍ਵਾ ਪਤ੍ਤਚੀਵਰਂ ਆਦਾਯ ਪਿਲਿਨ੍ਦਗਾਮਕਂ ਪਿਣ੍ਡਾਯ ਪਾਵਿਸਿ. ਪਿਲਿਨ੍ਦਗਾਮਕੇ ਸਪਦਾਨਂ ਪਿਣ੍ਡਾਯ ਚਰਮਾਨੋ ਯੇਨ ਤਸ੍ਸ ਆਰਾਮਿਕਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਟਿਵਿਸ੍ਸਕੇ ਪੁਚ੍ਛਿ – ‘‘ਕਹਂ ਇਮਂ ਆਰਾਮਿਕਕੁਲਂ ਗਤ’’ਨ੍ਤਿ? ‘‘ਏਤਿਸ੍ਸਾ, ਭਨ੍ਤੇ, ਸੁਵਣ੍ਣਮਾਲਾਯ ਕਾਰਣਾ ਰਞ੍ਞਾ ਬਨ੍ਧਾਪਿਤ’’ਨ੍ਤਿ.

੬੨੧. ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਯੇਨ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ ਯੇਨਾਯਸ੍ਮਾ ਪਿਲਿਨ੍ਦਵਚ੍ਛੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਪਿਲਿਨ੍ਦਵਚ੍ਛਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨਂ ਖੋ ਰਾਜਾਨਂ ਮਾਗਧਂ ਸੇਨਿਯਂ ਬਿਮ੍ਬਿਸਾਰਂ ਆਯਸ੍ਮਾ ਪਿਲਿਨ੍ਦਵਚ੍ਛੋ ਏਤਦਵੋਚ – ‘‘ਕਿਸ੍ਸ, ਮਹਾਰਾਜ, ਆਰਾਮਿਕਕੁਲਂ ਬਨ੍ਧਾਪਿਤ’’ਨ੍ਤਿ? ‘‘ਤਸ੍ਸ, ਭਨ੍ਤੇ, ਆਰਾਮਿਕਸ੍ਸ ਘਰੇ ਸੁਵਣ੍ਣਮਾਲਾ ਅਭਿਰੂਪਾ ਦਸ੍ਸਨੀਯਾ ਪਾਸਾਦਿਕਾ. ਨਤ੍ਥਿ ਤਾਦਿਸਾ ਅਮ੍ਹਾਕਮ੍ਪਿ ਅਨ੍ਤੇਪੁਰੇ ਸੁਵਣ੍ਣਮਾਲਾ. ਕੁਤੋ ਤਸ੍ਸ ਦੁਗ੍ਗਤਸ੍ਸ! ਨਿਸ੍ਸਂਸਯਂ ਚੋਰਿਕਾਯ ਆਭਤਾ’’ਤਿ!! ਅਥ ਖੋ ਆਯਸ੍ਮਾ ਪਿਲਿਨ੍ਦਵਚ੍ਛੋ ਰਞ੍ਞੋ ਮਾਗਧਸ੍ਸ ਸੇਨਿਯਸ੍ਸ ਬਿਮ੍ਬਿਸਾਰਸ੍ਸ ਪਾਸਾਦਂ ਸੁਵਣ੍ਣਨ੍ਤਿ ਅਧਿਮੁਚ੍ਚਿ. ਸੋ ਅਹੋਸਿ ਸਬ੍ਬਸੋਵਣ੍ਣਮਯੋ. ‘‘ਇਦਂ ਪਨ ਤੇ, ਮਹਾਰਾਜ, ਤਾਵ ਬਹੁਂ ਸੁਵਣ੍ਣਂ ਕੁਤੋ’’ਤਿ? ‘‘ਅਞ੍ਞਾਤਂ, ਭਨ੍ਤੇ, ਅਯ੍ਯਸ੍ਸੇਵੇਸੋ ਇਦ੍ਧਾਨੁਭਾਵੋ’’ਤਿ. ਤਂ ਆਰਾਮਿਕਕੁਲਂ ਮੁਞ੍ਚਾਪੇਸਿ. ਮਨੁਸ੍ਸਾ – ‘‘ਅਯ੍ਯੇਨ ਕਿਰ ਪਿਲਿਨ੍ਦਵਚ੍ਛੇਨ ਸਰਾਜਿਕਾਯ ਪਰਿਸਾਯ ਉਤ੍ਤਰਿਮਨੁਸ੍ਸਧਮ੍ਮਂ ਇਦ੍ਧਿਪਾਟਿਹਾਰਿਯਂ ਦਸ੍ਸਿਤ’’ਨ੍ਤਿ, ਅਤ੍ਤਮਨਾ ਅਭਿਪ੍ਪਸਨ੍ਨਾ ਆਯਸ੍ਮਤੋ ਪਿਲਿਨ੍ਦਵਚ੍ਛਸ੍ਸ ਪਞ੍ਚ ਭੇਸਜ੍ਜਾਨਿ ਅਭਿਹਰਿਂਸੁ, ਸੇਯ੍ਯਥਿਦਂ – ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ. ਪਕਤਿਯਾਪਿ ਚ ਆਯਸ੍ਮਾ ਪਿਲਿਨ੍ਦਵਚ੍ਛੋ ਲਾਭੀ ਹੋਤਿ ਪਞ੍ਚਨ੍ਨਂ ਭੇਸਜ੍ਜਾਨਂ. ਲਦ੍ਧਂ ਲਦ੍ਧਂ ਪਰਿਸਾਯ ਵਿਸ੍ਸਜ੍ਜੇਤਿ. ਪਰਿਸਾ ਚਸ੍ਸ ਹੋਤਿ ਬਾਹੁਲ੍ਲਿਕਾ. ਲਦ੍ਧਂ ਲਦ੍ਧਂ ਕੋਲਮ੍ਬੇਪਿ ਘਟੇਪਿ ਪੂਰੇਤ੍ਵਾ ਪਟਿਸਾਮੇਤਿ, ਪਰਿਸ੍ਸਾਵਨਾਨਿਪਿ ਥਵਿਕਾਯੋਪਿ ਪੂਰੇਤ੍ਵਾ ਵਾਤਪਾਨੇਸੁ ਲਗ੍ਗੇਤਿ. ਤਾਨਿ ਓਲੀਨਵਿਲੀਨਾਨਿ ਤਿਟ੍ਠਨ੍ਤਿ. ਉਨ੍ਦੂਰੇਹਿਪਿ ਵਿਹਾਰਾ ਓਕਿਣ੍ਣਵਿਕਿਣ੍ਣਾ ਹੋਨ੍ਤਿ. ਮਨੁਸ੍ਸਾ ਵਿਹਾਰਚਾਰਿਕਂ ਆਹਿਣ੍ਡਨ੍ਤਾ ਪਸ੍ਸਿਤ੍ਵਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਅਨ੍ਤੋਕੋਟ੍ਠਾਗਾਰਿਕਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ, ਸੇਯ੍ਯਥਾਪਿ ਰਾਜਾ ਮਾਗਧੋ ਸੇਨਿਯੋ ਬਿਮ੍ਬਿਸਾਰੋ’’ਤਿ! ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਏਵਰੂਪਾਯ ਬਾਹੁਲ੍ਲਾਯ ਚੇਤੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਏਵਰੂਪਾਯ ਬਾਹੁਲ੍ਲਾਯ ਚੇਤੇਨ੍ਤੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਏਵਰੂਪਾਯ ਬਾਹੁਲ੍ਲਾਯ ਚੇਤੇਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੨੨. ‘‘ਯਾਨਿ ਖੋ ਪਨ ਤਾਨਿ ਗਿਲਾਨਾਨਂ ਭਿਕ੍ਖੂਨਂ ਪਟਿਸਾਯਨੀਯਾਨਿ ਭੇਸਜ੍ਜਾਨਿ, ਸੇਯ੍ਯਥਿਦਂ – ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਤਾਨਿ ਪਟਿਗ੍ਗਹੇਤ੍ਵਾ ਸਤ੍ਤਾਹਪਰਮਂ ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬਾਨਿ. ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੨੩. ਯਾਨਿ ਖੋ ਪਨ ਤਾਨਿ ਗਿਲਾਨਾਨਂ ਭਿਕ੍ਖੂਨਂ ਪਟਿਸਾਯਨੀਯਾਨਿ ਭੇਸ੍ਸਜ੍ਜਾਨੀਤਿ ਸਪ੍ਪਿ ਨਾਮ ਗੋਸਪ੍ਪਿ ਵਾ ਅਜਿਕਾਸਪ੍ਪਿ ਵਾ ਮਹਿਂਸਸਪ੍ਪਿ [ਮਹਿਸਸਪ੍ਪਿ (ਸੀ. ਸ੍ਯਾ.)] ਵਾ ਯੇਸਂ ਮਂਸਂ ਕਪ੍ਪਤਿ ਤੇਸਂ ਸਪ੍ਪਿ. ਨਵਨੀਤਂ ਨਾਮ ਤੇਸਂ ਯੇਵ ਨਵਨੀਤਂ. ਤੇਲਂ ਨਾਮ ਤਿਲਤੇਲਂ ਸਾਸਪਤੇਲਂ ਮਧੁਕਤੇਲਂ ਏਰਣ੍ਡਤੇਲਂ ਵਸਾਤੇਲਂ. ਮਧੁ ਨਾਮ ਮਕ੍ਖਿਕਾਮਧੁ. ਫਾਣਿਤਂ ਨਾਮ ਉਚ੍ਛੁਮ੍ਹਾ ਨਿਬ੍ਬਤ੍ਤਂ.

ਤਾਨਿ ਪਟਿਗ੍ਗਹੇਤ੍ਵਾ ਸਤ੍ਤਾਹਪਰਮਂ ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬਾਨੀਤਿ ਸਤ੍ਤਾਹਪਰਮਤਾ ਪਰਿਭੁਞ੍ਜਿਤਬ੍ਬਾਨਿ.

ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਹੋਤੀਤਿ ਅਟ੍ਠਮੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਭੇਸਜ੍ਜਂ ਸਤ੍ਤਾਹਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੨੪. ਸਤ੍ਤਾਹਾਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਸਤ੍ਤਾਹਾਤਿਕ੍ਕਨ੍ਤੇ ਵੇਮਤਿਕੋ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਸਤ੍ਤਾਹਾਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਧਿਟ੍ਠਿਤੇ ਅਧਿਟ੍ਠਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਟ੍ਠੇ ਨਟ੍ਠਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਨਟ੍ਠੇ ਵਿਨਟ੍ਠਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਦਡ੍ਢੇ ਦਡ੍ਢਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਟ੍ਠਂ ਪਟਿਲਭਿਤ੍ਵਾ ਨ ਕਾਯਿਕੇਨ ਪਰਿਭੋਗੇਨ ਪਰਿਭੁਞ੍ਜਿਤਬ੍ਬਂ, ਨ ਅਜ੍ਝੋਹਰਿਤਬ੍ਬਂ, ਪਦੀਪੇ ਵਾ ਕਾਲ਼ਵਣ੍ਣੇ ਵਾ ਉਪਨੇਤਬ੍ਬਂ, ਅਞ੍ਞੇਨ ਭਿਕ੍ਖੁਨਾ ਕਾਯਿਕੇਨ ਪਰਿਭੋਗੇਨ ਪਰਿਭੁਞ੍ਜਿਤਬ੍ਬਂ, ਨ ਅਜ੍ਝੋਹਰਿਤਬ੍ਬਂ.

ਸਤ੍ਤਾਹਾਨਤਿਕ੍ਕਨ੍ਤੇ ਅਤਿਕ੍ਕਨ੍ਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਸਤ੍ਤਾਹਾਨਤਿਕ੍ਕਨ੍ਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਸਤ੍ਤਾਹਾਨਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞੀ, ਅਨਾਪਤ੍ਤਿ.

੬੨੫. ਅਨਾਪਤ੍ਤਿ ਅਨ੍ਤੋਸਤ੍ਤਾਹਂ ਅਧਿਟ੍ਠੇਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਅਨੁਪਸਮ੍ਪਨ੍ਨਸ੍ਸ ਚਤ੍ਤੇਨ ਵਨ੍ਤੇਨ ਮੁਤ੍ਤੇਨ ਅਨਪੇਕ੍ਖੋ ਦਤ੍ਵਾ ਪਟਿਲਭਿਤ੍ਵਾ ਪਰਿਭੁਞ੍ਜਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਭੇਸਜ੍ਜਸਿਕ੍ਖਾਪਦਂ ਨਿਟ੍ਠਿਤਂ ਤਤਿਯਂ.

੪. ਵਸ੍ਸਿਕਸਾਟਿਕਸਿਕ੍ਖਾਪਦਂ

੬੨੬. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਭਗਵਤਾ ਭਿਕ੍ਖੂਨਂ ਵਸ੍ਸਿਕਸਾਟਿਕਾ ਅਨੁਞ੍ਞਾਤਾ ਹੋਤਿ. ਛਬ੍ਬਗ੍ਗਿਯਾ ਭਿਕ੍ਖੂ – ‘‘ਭਗਵਤਾ ਵਸ੍ਸਿਕਸਾਟਿਕਾ ਅਨੁਞ੍ਞਾਤਾ’’ਤਿ, ਪਟਿਕਚ੍ਚੇਵ [ਪਟਿਗਚ੍ਚੇਵ (ਸੀ.)] ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਨ੍ਤਿ, ਪਟਿਕਚ੍ਚੇਵ ਕਤ੍ਵਾ ਨਿਵਾਸੇਨ੍ਤਿ, ਜਿਣ੍ਣਾਯ ਵਸ੍ਸਿਕਸਾਟਿਕਾਯ ਨਗ੍ਗਾ ਕਾਯਂ ਓਵਸ੍ਸਾਪੇਨ੍ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਪਟਿਕਚ੍ਚੇਵ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਿਸ੍ਸਨ੍ਤਿ, ਪਟਿਕਚ੍ਚੇਵ ਕਤ੍ਵਾ ਨਿਵਾਸੇਸ੍ਸਨ੍ਤਿ, ਜਿਣ੍ਣਾਯ ਵਸ੍ਸਿਕਸਾਟਿਕਾਯ ਨਗ੍ਗਾ ਕਾਯਂ ਓਵਸ੍ਸਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਪਟਿਕਚ੍ਚੇਵ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਥ? ਪਟਿਕਚ੍ਚੇਵ ਕਤ੍ਵਾ ਨਿਵਾਸੇਥ? ਜਿਣ੍ਣਾਯ ਵਸ੍ਸਿਕਸਾਟਿਕਾਯ ਨਗ੍ਗਾ ਕਾਯਂ ਓਵਸ੍ਸਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ ਮੋਘਪੁਰਿਸਾ, ਪਟਿਕਚ੍ਚੇਵ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਿਸ੍ਸਥ, ਪਟਿਕਚ੍ਚੇਵ ਕਤ੍ਵਾ ਨਿਵਾਸੇਸ੍ਸਥ, ਜਿਣ੍ਣਾਯ ਵਸ੍ਸਿਕਸਾਟਿਕਾਯ ਨਗ੍ਗਾ ਕਾਯਂ ਓਵਸ੍ਸਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੨੭. ‘‘ਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਭਿਕ੍ਖੁਨਾ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਿਤਬ੍ਬਂ; ‘ਅਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਕਤ੍ਵਾ ਨਿਵਾਸੇਤਬ੍ਬਂ. ‘ਓਰੇਨ ਚੇ ਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸੇਯ੍ਯ, ‘ਓਰੇਨਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਕਤ੍ਵਾ ਨਿਵਾਸੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੨੮. ‘ਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਭਿਕ੍ਖੁਨਾ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਿਤਬ੍ਬਨ੍ਤਿ. ਯੇ ਮਨੁਸ੍ਸਾ ਪੁਬ੍ਬੇਪਿ ਵਸ੍ਸਿਕਸਾਟਿਕਚੀਵਰਂ ਦੇਨ੍ਤਿ ਤੇ ਉਪਸਙ੍ਕਮਿਤ੍ਵਾ ਏਵਮਸ੍ਸੁ ਵਚਨੀਯਾ – ‘‘ਕਾਲੋ ਵਸ੍ਸਿਕਸਾਟਿਕਾਯ, ਸਮਯੋ ਵਸ੍ਸਿਕਸਾਟਿਕਾਯ, ਅਞ੍ਞੇਪਿ ਮਨੁਸ੍ਸਾ ਵਸ੍ਸਿਕਸਾਟਿਕਚੀਵਰਂ ਦੇਨ੍ਤੀ’’ਤਿ. ਨ ਵਤ੍ਤਬ੍ਬਾ – ‘‘ਦੇਥ ਮੇ ਵਸ੍ਸਿਕਸਾਟਿਕਚੀਵਰਂ, ਆਹਰਥ ਮੇ ਵਸ੍ਸਿਕਸਾਟਿਕਚੀਵਰਂ, ਪਰਿਵਤ੍ਤੇਥ ਮੇ ਵਸ੍ਸਿਕਸਾਟਿਕਚੀਵਰਂ, ਚੇਤਾਪੇਥ ਮੇ ਵਸ੍ਸਿਕਸਾਟਿਕਚੀਵਰ’’ਨ੍ਤਿ.

‘ਅਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਕਤ੍ਵਾ ਨਿਵਾਸੇਤਬ੍ਬਨ੍ਤਿ. ਅਦ੍ਧਮਾਸੇ ਸੇਸੇ ਗਿਮ੍ਹਾਨੇ ਕਤ੍ਵਾ ਨਿਵਾਸੇਤਬ੍ਬਂ.

‘ਓਰੇਨ ਚੇ ਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਅਤਿਰੇਕਮਾਸੇ ਸੇਸ ਗਿਮ੍ਹਾਨੇ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

‘ਓਰੇਨਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਕਤ੍ਵਾ ਨਿਵਾਸੇਤਿ, ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਵਸ੍ਸਿਕਸਾਟਿਕਚੀਵਰਂ ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ ਪਰਿਯਿਟ੍ਠਂ ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਕਤ੍ਵਾ ਪਰਿਦਹਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ.…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੨੯. ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ ਅਤਿਰੇਕਸਞ੍ਞੀ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ ਵੇਮਤਿਕੋ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਮਾਸੇ ਸੇਸੇ ਗਿਮ੍ਹਾਨੇ ਊਨਕਸਞ੍ਞੀ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਅਤਿਰੇਕਸਞ੍ਞੀ ਕਤ੍ਵਾ ਨਿਵਾਸੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਵੇਮਤਿਕੋ ਕਤ੍ਵਾ ਨਿਵਾਸੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਊਨਕਸਞ੍ਞੀ ਕਤ੍ਵਾ ਨਿਵਾਸੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਸਤਿਯਾ ਵਸ੍ਸਿਕਸਾਟਿਕਾਯ ਨਗ੍ਗੋ ਕਾਯਂ ਓਵਸ੍ਸਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਮਾਸੇ ਸੇਸੇ ਗਿਮ੍ਹਾਨੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਮਾਸੇ ਸੇਸੇ ਗਿਮ੍ਹਾਨੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਮਾਸੇ ਸੇਸੇ ਗਿਮ੍ਹਾਨੇ ਊਨਕਸਞ੍ਞੀ, ਅਨਾਪਤ੍ਤਿ.

ਊਨਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਦ੍ਧਮਾਸੇ ਸੇਸੇ ਗਿਮ੍ਹਾਨੇ ਊਨਕਸਞ੍ਞੀ, ਅਨਾਪਤ੍ਤਿ.

੬੩੦. ਅਨਾਪਤ੍ਤਿ ‘ਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ‘ਅਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਕਤ੍ਵਾ ਨਿਵਾਸੇਤਿ, ‘ਊਨਕਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਤਿ, ‘ਊਨਕਦ੍ਧਮਾਸੋ ਸੇਸੋ ਗਿਮ੍ਹਾਨ’ਨ੍ਤਿ ਕਤ੍ਵਾ ਨਿਵਾਸੇਤਿ, ਪਰਿਯਿਟ੍ਠਾਯ ਵਸ੍ਸਿਕਸਾਟਿਕਾਯ ਵਸ੍ਸਂ ਉਕ੍ਕਡ੍ਢਿਯ੍ਯਤਿ, ਨਿਵਤ੍ਥਾਯ ਵਸ੍ਸਿਕਸਾਟਿਕਾਯ ਵਸ੍ਸਂ ਉਕ੍ਕਡ੍ਢਿਯ੍ਯਤਿ, ਧੋਵਿਤ੍ਵਾ ਨਿਕ੍ਖਿਪਿਤਬ੍ਬਂ; ਸਮਯੇ ਨਿਵਾਸੇਤਬ੍ਬਂ, ਅਚ੍ਛਿਨ੍ਨਚੀਵਰਸ੍ਸ, ਨਟ੍ਠਚੀਵਰਸ੍ਸ, ਆਪਦਾਸੁ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਵਸ੍ਸਿਕਸਾਟਿਕਸਿਕ੍ਖਾਪਦਂ ਨਿਟ੍ਠਿਤਂ ਚਤੁਤ੍ਥਂ.

੫. ਚੀਵਰਅਚ੍ਛਿਨ੍ਦਨਸਿਕ੍ਖਾਪਦਂ

੬੩੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਭਾਤੁਨੋ ਸਦ੍ਧਿਵਿਹਾਰਿਕਂ ਭਿਕ੍ਖੁਂ ਏਤਦਵੋਚ – ‘‘ਏਹਾਵੁਸੋ, ਜਨਪਦਚਾਰਿਕਂ ਪਕ੍ਕਮਿਸ੍ਸਾਮਾ’’ਤਿ. ‘‘ਨਾਹਂ, ਭਨ੍ਤੇ, ਗਮਿਸ੍ਸਾਮਿ; ਦੁਬ੍ਬਲਚੀਵਰੋਮ੍ਹੀ’’ਤਿ. ‘‘ਏਹਾਵੁਸੋ, ਅਹਂ ਤੇ ਚੀਵਰਂ ਦਸ੍ਸਾਮੀ’’ਤਿ ਤਸ੍ਸ ਚੀਵਰਂ ਅਦਾਸਿ. ਅਸ੍ਸੋਸਿ ਖੋ ਸੋ ਭਿਕ੍ਖੁ – ‘‘ਭਗਵਾ ਕਿਰ ਜਨਪਦਚਾਰਿਕਂ ਪਕ੍ਕਮਿਸ੍ਸਤੀ’’ਤਿ. ਅਥ ਖੋ ਤਸ੍ਸ ਭਿਕ੍ਖੁਨੋ ਏਤਦਹੋਸਿ – ‘‘ਨ ਦਾਨਾਹਂ ਆਯਸ੍ਮਤਾ ਉਪਨਨ੍ਦੇਨ ਸਕ੍ਯਪੁਤ੍ਤੇਨ ਸਦ੍ਧਿਂ ਜਨਪਦਚਾਰਿਕਂ ਪਕ੍ਕਮਿਸ੍ਸਾਮਿ, ਭਗਵਤਾ ਸਦ੍ਧਿਂ ਜਨਪਦਚਾਰਿਕਂ ਪਕ੍ਕਮਿਸ੍ਸਾਮੀ’’ਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤਂ ਭਿਕ੍ਖੁਂ ਏਤਦਵੋਚ – ‘‘ਏਹਿ ਦਾਨਿ, ਆਵੁਸੋ, ਜਨਪਦਚਾਰਿਕਂ ਪਕ੍ਕਮਿਸ੍ਸਾਮਾ’’ਤਿ. ‘‘ਨਾਹਂ, ਭਨ੍ਤੇ, ਤਯਾ ਸਦ੍ਧਿਂ ਜਨਪਦਚਾਰਿਕਂ ਪਕ੍ਕਮਿਸ੍ਸਾਮਿ, ਭਗਵਤਾ ਸਦ੍ਧਿਂ ਜਨਪਦਚਾਰਿਕਂ ਪਕ੍ਕਮਿਸ੍ਸਾਮੀ’’ਤਿ. ‘‘ਯਮ੍ਪਿ ਤ੍ਯਾਹਂ, ਆਵੁਸੋ, ਚੀਵਰਂ ਅਦਾਸਿਂ, ਮਯਾ ਸਦ੍ਧਿਂ ਜਨਪਦਚਾਰਿਕਂ ਪਕ੍ਕਮਿਸ੍ਸਤੀ’’ਤਿ, ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਿ.

ਅਥ ਖੋ ਸੋ ਭਿਕ੍ਖੁ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਭਿਕ੍ਖੁਸ੍ਸ ਸਾਮਂ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਭਿਕ੍ਖੁਸ੍ਸ ਸਾਮਂ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤ੍ਵਂ, ਮੋਘਪੁਰਿਸ, ਭਿਕ੍ਖੁਸ੍ਸ ਸਾਮਂ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੩੨. ‘‘ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਸਾਮਂ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦੇਯ੍ਯ ਵਾ ਅਚ੍ਛਿਨ੍ਦਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੩੩. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਭਿਕ੍ਖੁਸ੍ਸਾਤਿ ਅਞ੍ਞਸ੍ਸ ਭਿਕ੍ਖੁਸ੍ਸ.

ਸਾਮਨ੍ਤਿ ਸਯਂ ਦਤ੍ਵਾ.

ਚੀਵਰਂ ਨਾਮ ਛਨ੍ਨਂ ਚੀਵਰਾਨਂ ਅਞ੍ਞਤਰਂ ਚੀਵਰਂ, ਵਿਕਪ੍ਪਨੁਪਗਂ ਪਚ੍ਛਿਮਂ.

ਕੁਪਿਤੋ ਅਨਤ੍ਤਮਨੋਤਿ ਅਨਭਿਰਦ੍ਧੋ ਆਹਤਚਿਤ੍ਤੋ ਖਿਲਜਾਤੋ.

ਅਚ੍ਛਿਨ੍ਦੇਯ੍ਯਾਤਿ ਸਯਂ ਅਚ੍ਛਿਨ੍ਦਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਂ ਹੋਤਿ (ਸ੍ਯਾ.)].

ਅਚ੍ਛਿਨ੍ਦਾਪੇਯ੍ਯਾਤਿ ਅਞ੍ਞਂ ਆਣਾਪੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਕਿਂ ਆਣਤ੍ਤੋ ਬਹੁਕਮ੍ਪਿ ਅਚ੍ਛਿਨ੍ਦਤਿ, ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਭਿਕ੍ਖੁਸ੍ਸ ਸਾਮਂ ਦਤ੍ਵਾ ਅਚ੍ਛਿਨ੍ਨਂ ਨਿਸ੍ਸਗ੍ਗਿਯਂ ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ …ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੩੪. ਉਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਤਿ ਵਾ ਅਚ੍ਛਿਨ੍ਦਾਪੇਤਿ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਉਪਸਮ੍ਪਨ੍ਨੇ ਵੇਮਤਿਕੋ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਤਿ ਵਾ ਅਚ੍ਛਿਨ੍ਦਾਪੇਤਿ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਤਿ ਵਾ ਅਚ੍ਛਿਨ੍ਦਾਪੇਤਿ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਞ੍ਞਂ ਪਰਿਕ੍ਖਾਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਤਿ ਵਾ ਅਚ੍ਛਿਨ੍ਦਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਅਨੁਪਸਮ੍ਪਨ੍ਨਸ੍ਸ ਚੀਵਰਂ ਵਾ ਅਞ੍ਞਂ ਵਾ ਪਰਿਕ੍ਖਾਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦਤਿ ਵਾ ਅਚ੍ਛਿਨ੍ਦਾਪੇਤਿ ਵਾ, ਆਪਤ੍ਤਿ ਦੁਕ੍ਕਟਸ੍ਸ. ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਨੁਪਸਮ੍ਪਨ੍ਨੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਨੁਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ.

੬੩੫. ਅਨਾਪਤ੍ਤਿ – ਸੋ ਵਾ ਦੇਤਿ, ਤਸ੍ਸ ਵਾ ਵਿਸ੍ਸਸਨ੍ਤੋ ਗਣ੍ਹਾਤਿ, ਉਮ੍ਮਤ੍ਤਕਸ੍ਸ ਆਦਿਕਮ੍ਮਿਕਸ੍ਸਾਤਿ.

ਚੀਵਰਅਚ੍ਛਿਨ੍ਦਨਸਿਕ੍ਖਾਪਦਂ ਨਿਟ੍ਠਿਤਂ ਪਞ੍ਚਮਂ.

੬. ਸੁਤ੍ਤਵਿਞ੍ਞਤ੍ਤਿਸਿਕ੍ਖਾਪਦਂ

੬੩੬. ਤੇਨ ਸਮਯੇਨ ਬੁਦ੍ਧੋ ਭਗਵਾ ਰਾਜਗਹੇ ਵਿਹਰਤਿ ਵੇਲ਼ੁਵਨੇ ਕਲਨ੍ਦਕਨਿਵਾਪੇ. ਤੇਨ ਖੋ ਪਨ ਸਮਯੇਨ ਛਬ੍ਬਗ੍ਗਿਯਾ ਭਿਕ੍ਖੂ ਚੀਵਰਕਾਰਸਮਯੇ ਬਹੁਂ ਸੁਤ੍ਤਂ ਵਿਞ੍ਞਾਪੇਸੁਂ. ਕਤੇਪਿ ਚੀਵਰੇ ਬਹੁਂ ਸੁਤ੍ਤਂ ਅਵਸਿਟ੍ਠਂ ਹੋਤਿ. ਅਥ ਖੋ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਏਤਦਹੋਸਿ – ‘‘ਹਨ੍ਦ ਮਯਂ, ਆਵੁਸੋ, ਅਞ੍ਞਮ੍ਪਿ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਮਾ’’ਤਿ. ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਅਞ੍ਞਮ੍ਪਿ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸੁਂ. ਵੀਤੇਪਿ ਚੀਵਰੇ ਬਹੁਂ ਸੁਤ੍ਤਂ ਅਵਸਿਟ੍ਠਂ ਹੋਤਿ. ਦੁਤਿਯਮ੍ਪਿ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਅਞ੍ਞਮ੍ਪਿ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸੁਂ. ਵੀਤੇਪਿ ਚੀਵਰੇ ਬਹੁਂ ਸੁਤ੍ਤਂ ਅਵਸਿਟ੍ਠਂ ਹੋਤਿ. ਤਤਿਯਮ੍ਪਿ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਅਞ੍ਞਮ੍ਪਿ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸੁਂ. ਮਨੁਸ੍ਸਾ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਸਮਣਾ ਸਕ੍ਯਪੁਤ੍ਤਿਯਾ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸ੍ਸਨ੍ਤੀ’’ਤਿ!

ਅਸ੍ਸੋਸੁਂ ਖੋ ਭਿਕ੍ਖੂ ਤੇਸਂ ਮਨੁਸ੍ਸਾਨਂ ਉਜ੍ਝਾਯਨ੍ਤਾਨਂ ਖਿਯ੍ਯਨ੍ਤਾਨਂ ਵਿਪਾਚੇਨ੍ਤਾਨਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੩੭. ‘‘ਯੋ ਪਨ ਭਿਕ੍ਖੁ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੩੮. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯਂ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

ਸਾਮਨ੍ਤਿ ਸਯਂ ਵਿਞ੍ਞਾਪੇਤ੍ਵਾ.

ਸੁਤ੍ਤਂ ਨਾਮ ਛ ਸੁਤ੍ਤਾਨਿ – ਖੋਮਂ ਕਪ੍ਪਾਸਿਕਂ ਕੋਸੇਯ੍ਯਂ ਕਮ੍ਬਲਂ ਸਾਣਂ ਭਙ੍ਗਂ.

ਤਨ੍ਤਵਾਯੇਹੀਤਿ ਪੇਸਕਾਰੇਹਿ ਵਾਯਾਪੇਤਿ, ਪਯੋਗੇ ਪਯੋਗੇ ਦੁਕ੍ਕਟਂ [ਵਾਯਾਪੇਤਿ, ਪਯੋਗੇ ਦੁਕ੍ਕਟਂ (ਸ੍ਯਾ.)]. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਵਾਯਾਪਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੩੯. ਵਾਯਾਪਿਤੇ ਵਾਯਾਪਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਵਾਯਾਪਿਤੇ ਵੇਮਤਿਕੋ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਵਾਯਾਪਿਤੇ ਅਵਾਯਾਪਿਤਸਞ੍ਞੀ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਅਵਾਯਾਪਿਤੇ ਵਾਯਾਪਿਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਵਾਯਾਪਿਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਵਾਯਾਪਿਤੇ ਅਵਾਯਾਪਿਤਸਞ੍ਞੀ, ਅਨਾਪਤ੍ਤਿ.

੬੪੦. ਅਨਾਪਤ੍ਤਿ – ਚੀਵਰਂ ਸਿਬ੍ਬੇਤੁਂ, ਆਯੋਗੇ, ਕਾਯਬਨ੍ਧਨੇ, ਅਂਸਬਨ੍ਧਕੇ [ਅਂਸਵਟ੍ਟਕੇ (ਸੀ.)], ਪਤ੍ਤਤ੍ਥਵਿਕਾਯ, ਪਰਿਸ੍ਸਾਵਨੇ, ਞਾਤਕਾਨਂ, ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਸੁਤ੍ਤਵਿਞ੍ਞਤ੍ਤਿਸਿਕ੍ਖਾਪਦਂ ਨਿਟ੍ਠਿਤਂ ਛਟ੍ਠਂ.

੭. ਮਹਾਪੇਸਕਾਰਸਿਕ੍ਖਾਪਦਂ

੬੪੧. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਪੁਰਿਸੋ ਪਵਾਸਂ ਗਚ੍ਛਨ੍ਤੋ ਪਜਾਪਤਿਂ ਏਤਦਵੋਚ – ‘‘ਸੁਤ੍ਤਂ ਧਾਰਯਿਤ੍ਵਾ ਅਮੁਕਸ੍ਸ ਤਨ੍ਤਵਾਯਸ੍ਸ ਦੇਹਿ, ਚੀਵਰਂ ਵਾਯਾਪੇਤ੍ਵਾ ਨਿਕ੍ਖਿਪ, ਆਗਤੋ ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਅਸ੍ਸੋਸਿ ਖੋ ਅਞ੍ਞਤਰੋ ਪਿਣ੍ਡਚਾਰਿਕੋ ਭਿਕ੍ਖੁ ਤਸ੍ਸ ਪੁਰਿਸਸ੍ਸ ਇਮਂ ਵਾਚਂ ਭਾਸਮਾਨਸ੍ਸ. ਅਥ ਖੋ ਸੋ ਭਿਕ੍ਖੁ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਏਤਦਵੋਚ – ‘‘ਮਹਾਪੁਞ੍ਞੋਸਿ ਤ੍ਵਂ, ਆਵੁਸੋ ਉਪਨਨ੍ਦ, ਅਮੁਕਸ੍ਮਿਂ ਓਕਾਸੇ ਅਞ੍ਞਤਰੋ ਪੁਰਿਸੋ ਪਵਾਸਂ ਗਚ੍ਛਨ੍ਤੋ ਪਜਾਪਤਿਂ ਏਤਦਵੋਚ – ‘‘ਸੁਤ੍ਤਂ ਧਾਰਯਿਤ੍ਵਾ ਅਮੁਕਸ੍ਸ ਤਨ੍ਤਵਾਯਸ੍ਸ ਦੇਹਿ, ਚੀਵਰਂ ਵਾਯਾਪੇਤ੍ਵਾ ਨਿਕ੍ਖਿਪ, ਆਗਤੋ ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ‘‘ਅਤ੍ਥਾਵੁਸੋ, ਮਂ ਸੋ ਉਪਟ੍ਠਾਕੋ’’ਤਿ. ਸੋਪਿ ਖੋ ਤਨ੍ਤਵਾਯੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਉਪਟ੍ਠਾਕੋ ਹੋਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਸੋ ਤਨ੍ਤਵਾਯੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਤਨ੍ਤਵਾਯਂ ਏਤਦਵੋਚ – ‘‘ਇਦਂ ਖੋ, ਆਵੁਸੋ, ਚੀਵਰਂ ਮਂ ਉਦ੍ਦਿਸ੍ਸ ਵਿਯ੍ਯਤਿ; ਆਯਤਞ੍ਚ ਕਰੋਹਿ ਵਿਤ੍ਥਤਞ੍ਚ. ਅਪ੍ਪਿਤਞ੍ਚ ਸੁਵੀਤਞ੍ਚ ਸੁਪ੍ਪਵਾਯਿਤਞ੍ਚ ਸੁਵਿਲੇਖਿਤਞ੍ਚ ਸੁਵਿਤਚ੍ਛਿਤਞ੍ਚ ਕਰੋਹੀ’’ਤਿ. ‘‘ਏਤੇ ਖੋ ਮੇ, ਭਨ੍ਤੇ, ਸੁਤ੍ਤਂ ਧਾਰਯਿਤ੍ਵਾ ਅਦਂਸੁ; ਇਮਿਨਾ ਸੁਤ੍ਤੇਨ ਚੀਵਰਂ ਵਿਨਾਹੀ’’ਤਿ. ‘‘ਨ, ਭਨ੍ਤੇ, ਸਕ੍ਕਾ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਕਾਤੁਂ. ਸਕ੍ਕਾ ਚ ਖੋ, ਭਨ੍ਤੇ, ਸੁਵੀਤਞ੍ਚ ਸੁਪ੍ਪਵਾਯਿਤਞ੍ਚ ਸੁਵਿਲੇਖਿਤਞ੍ਚ ਸੁਵਿਤਚ੍ਛਿਤਞ੍ਚ ਕਾਤੁ’’ਨ੍ਤਿ. ‘‘ਇਙ੍ਘ ਤ੍ਵਂ, ਆਵੁਸੋ, ਆਯਤਞ੍ਚ ਕਰੋਹਿ ਵਿਤ੍ਥਤਞ੍ਚ ਅਪ੍ਪਿਤਞ੍ਚ. ਨ ਤੇਨ ਸੁਤ੍ਤੇਨ ਪਟਿਬਦ੍ਧਂ ਭਵਿਸ੍ਸਤੀ’’ਤਿ.

ਅਥ ਖੋ ਸੋ ਤਨ੍ਤਵਾਯੋ ਯਥਾਭਤਂ ਸੁਤ੍ਤਂ ਤਨ੍ਤੇ ਉਪਨੇਤ੍ਵਾ ਯੇਨ ਸਾ ਇਤ੍ਥੀ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਤਂ ਇਤ੍ਥਿਂ ਏਤਦਵੋਚ – ‘‘ਸੁਤ੍ਤੇਨ, ਅਯ੍ਯੇ, ਅਤ੍ਥੋ’’ਤਿ. ‘‘ਨਨੁ ਤ੍ਵਂ ਅਯ੍ਯੋ [ਅਯ੍ਯ (ਸ੍ਯਾ.)] ਮਯਾ ਵੁਤ੍ਤੋ – ‘ਇਮਿਨਾ ਸੁਤ੍ਤੇਨ ਚੀਵਰਂ ਵਿਨਾਹੀ’’’ਤਿ. ‘‘ਸਚ੍ਚਾਹਂ, ਅਯ੍ਯੇ, ਤਯਾ ਵੁਤ੍ਤੋ – ‘ਇਮਿਨਾ ਸੁਤ੍ਤੇਨ ਚੀਵਰਂ ਵਿਨਾਹੀ’ਤਿ. ਅਪਿਚ, ਮਂ ਅਯ੍ਯੋ ਉਪਨਨ੍ਦੋ ਏਵਮਾਹ – ‘ਇਙ੍ਘ ਤ੍ਵਂ, ਆਵੁਸੋ, ਆਯਤਞ੍ਚ ਕਰੋਹਿ ਵਿਤ੍ਥਤਞ੍ਚ ਅਪ੍ਪਿਤਞ੍ਚ, ਨ ਤੇਨ ਸੁਤ੍ਤੇਨ ਪਟਿਬਦ੍ਧਂ ਭਵਿਸ੍ਸਤੀ’’’ਤਿ. ਅਥ ਖੋ ਸਾ ਇਤ੍ਥੀ ਯਤ੍ਤਕਂਯੇਵ ਸੁਤ੍ਤਂ ਪਠਮਂ ਅਦਾਸਿ ਤਤ੍ਤਕਂ ਪਚ੍ਛਾ ਅਦਾਸਿ. ਅਸ੍ਸੋਸਿ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ – ‘‘ਸੋ ਕਿਰ ਪੁਰਿਸੋ ਪਵਾਸਤੋ ਆਗਤੋ’’ਤਿ. ਅਥ ਖੋ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਯੇਨ ਤਸ੍ਸ ਪੁਰਿਸਸ੍ਸ ਨਿਵੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਪਞ੍ਞਤ੍ਤੇ ਆਸਨੇ ਨਿਸੀਦਿ. ਅਥ ਖੋ ਸੋ ਪੁਰਿਸੋ ਯੇਨਾਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍ਵਾ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਭਿਵਾਦੇਤ੍ਵਾ ਏਕਮਨ੍ਤਂ ਨਿਸੀਦਿ. ਏਕਮਨ੍ਤਂ ਨਿਸਿਨ੍ਨੋ ਖੋ ਸੋ ਪੁਰਿਸੋ ਪਜਾਪਤਿਂ ਏਤਦਵੋਚ – ‘‘ਵੀਤਂ ਤਂ ਚੀਵਰ’’ਨ੍ਤਿ? ‘‘ਆਮਾਯ੍ਯ, ਵੀਤਂ ਤਂ ਚੀਵਰ’’ਨ੍ਤਿ. ‘‘ਆਹਰ, ਅਯ੍ਯਂ ਉਪਨਨ੍ਦਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਅਥ ਖੋ ਸਾ ਇਤ੍ਥੀ ਤਂ ਚੀਵਰਂ ਨੀਹਰਿਤ੍ਵਾ ਸਾਮਿਕਸ੍ਸ ਦਤ੍ਵਾ ਏਤਮਤ੍ਥਂ ਆਰੋਚੇਸਿ. ਅਥ ਖੋ ਸੋ ਪੁਰਿਸੋ ਆਯਸ੍ਮਤੋ ਉਪਨਨ੍ਦਸ੍ਸ ਸਕ੍ਯਪੁਤ੍ਤਸ੍ਸ ਚੀਵਰਂ ਦਤ੍ਵਾ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਮਹਿਚ੍ਛਾ ਇਮੇ ਸਮਣਾ ਸਕ੍ਯਪੁਤ੍ਤਿਯਾ ਅਸਨ੍ਤੁਟ੍ਠਾ. ਨਯਿਮੇ ਸੁਕਰਾ ਚੀਵਰੇਨ ਅਚ੍ਛਾਦੇਤੁਂ. ਕਥਞ੍ਹਿ ਨਾਮ ਅਯ੍ਯੋ ਉਪਨਨ੍ਦੋ ਮਯਾ ਪੁਬ੍ਬੇ ਅਪ੍ਪਵਾਰਿਤੋ ਤਨ੍ਤਵਾਯੇ [ਗਹਪਤਿਕਸ੍ਸ ਤਨ੍ਤਵਾਯੇ (ਕ.)] ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ.

ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਪੁਰਿਸਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ…ਪੇ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਆਯਸ੍ਮਾ ਉਪਨਨ੍ਦੋ ਸਕ੍ਯਪੁਤ੍ਤੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਆਯਸ੍ਮਨ੍ਤਂ ਉਪਨਨ੍ਦਂ ਸਕ੍ਯਪੁਤ੍ਤਂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤ੍ਵਂ, ਉਪਨਨ੍ਦ, ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ‘‘ਞਾਤਕੋ ਤੇ, ਉਪਨਨ੍ਦ, ਅਞ੍ਞਾਤਕੋ’’ਤਿ? ‘‘ਅਞ੍ਞਾਤਕੋ, ਭਗਵਾ’’ਤਿ. ‘‘ਅਞ੍ਞਾਤਕੋ, ਮੋਘਪੁਰਿਸ, ਅਞ੍ਞਾਤਕਸ੍ਸ ਨ ਜਾਨਾਤਿ ਪਤਿਰੂਪਂ ਵਾ ਅਪ੍ਪਤਿਰੂਪਂ ਵਾ ਸਨ੍ਤਂ ਵਾ ਅਸਨ੍ਤਂ ਵਾ. ਤਤ੍ਥ ਨਾਮ ਤ੍ਵਂ, ਮੋਘਪੁਰਿਸ, ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕਸ੍ਸ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਿਸ੍ਸਸਿ! ਨੇਤਂ, ਮੋਘਪੁਰਿਸ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੪੨. ‘‘ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਯ੍ਯ, ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ – ‘ਇਦਂ ਖੋ, ਆਵੁਸੋ, ਚੀਵਰਂ ਮਂ ਉਦ੍ਦਿਸ੍ਸ ਵਿਯ੍ਯਤਿ. ਆਯਤਞ੍ਚ ਕਰੋਥ ਵਿਤ੍ਥਤਞ੍ਚ. ਅਪ੍ਪਿਤਞ੍ਚ ਸੁਵੀਤਞ੍ਚ ਸੁਪ੍ਪਵਾਯਿਤਞ੍ਚ ਸੁਵਿਲੇਖਿਤਞ੍ਚ ਸੁਵਿਤਚ੍ਛਿਤਞ੍ਚ ਕਰੋਥ. ਅਪ੍ਪੇਵ ਨਾਮ ਮਯਮ੍ਪਿ ਆਯਸ੍ਮਨ੍ਤਾਨਂ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯਾਮਾ’ਤਿ. ਏਵਞ੍ਚ ਸੋ ਭਿਕ੍ਖੁ ਵਤ੍ਵਾ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯ ਅਨ੍ਤਮਸੋ ਪਿਣ੍ਡਪਾਤਮਤ੍ਤਮ੍ਪਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੪੩. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸਾਤਿ ਭਿਕ੍ਖੁਸ੍ਸਤ੍ਥਾਯ ਭਿਕ੍ਖੁਂ ਆਰਮ੍ਮਣਂ ਕਰਿਤ੍ਵਾ ਭਿਕ੍ਖੁਂ ਅਚ੍ਛਾਦੇਤੁਕਾਮੋ.

ਅਞ੍ਞਾਤਕੋ ਨਾਮ ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਾ ਪਿਤਾਮਹਯੁਗਾ ਅਸਮ੍ਬਦ੍ਧੋ.

ਗਹਪਤਿ ਨਾਮ ਯੋ ਕੋਚਿ ਅਗਾਰਂ ਅਜ੍ਝਾਵਸਤਿ.

ਗਹਪਤਾਨੀ ਨਾਮ ਯਾ ਕਾਚਿ ਅਗਾਰਂ ਅਜ੍ਝਾਵਸਤਿ.

ਤਨ੍ਤਵਾਯੇਹੀਤਿ ਪੇਸਕਾਰੇਹਿ.

ਚੀਵਰਂ ਨਾਮ ਛਨ੍ਨਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਵਿਕਪ੍ਪਨੁਪਗਂ ਪਚ੍ਛਿਮਂ.

ਵਾਯਾਪੇਯ੍ਯਾਤਿ ਵਿਨਾਪੇਤਿ.

ਤਤ੍ਰ ਚੇ ਸੋ ਭਿਕ੍ਖੂਤਿ ਯਂ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਂ ਵਿਯ੍ਯਤਿ ਸੋ ਭਿਕ੍ਖੁ.

ਪੁਬ੍ਬੇ ਅਪ੍ਪਵਾਰਿਤੋਤਿ ਪੁਬ੍ਬੇ ਅਵੁਤ੍ਤੋ ਹੋਤਿ – ‘‘ਕੀਦਿਸੇਨ ਤੇ, ਭਨ੍ਤੇ, ਚੀਵਰੇਨ ਅਤ੍ਥੋ, ਕੀਦਿਸਂ ਤੇ ਚੀਵਰਂ ਵਾਯਾਪੇਮੀ’’ਤਿ?

ਤਨ੍ਤਵਾਯੇ ਉਪਸਙ੍ਕਮਿਤ੍ਵਾਤਿ ਘਰਂ ਗਨ੍ਤ੍ਵਾ ਯਤ੍ਥ ਕਤ੍ਥਚਿ ਉਪਸਙ੍ਕਮਿਤ੍ਵਾ.

ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯਾਤਿ – ‘‘ਇਦਂ ਖੋ, ਆਵੁਸੋ, ਚੀਵਰਂ ਮਂ ਉਦ੍ਦਿਸ੍ਸ ਵਿਯ੍ਯਤਿ, ਆਯਤਞ੍ਚ ਕਰੋਥ ਵਿਤ੍ਥਤਞ੍ਚ. ਅਪ੍ਪਿਤਞ੍ਚ ਸੁਵੀਤਞ੍ਚ ਸੁਪ੍ਪਵਾਯਿਤਞ੍ਚ ਸੁਵਿਲੇਖਿਤਞ੍ਚ ਸੁਵਿਤਚ੍ਛਿਤਞ੍ਚ ਕਰੋਥ. ਅਪ੍ਪੇਵ ਨਾਮ ਮਯਮ੍ਪਿ ਆਯਸ੍ਮਨ੍ਤਾਨਂ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯਾਮਾ’’ਤਿ.

ਏਵਞ੍ਚ ਸੋ ਭਿਕ੍ਖੁ ਵਤ੍ਵਾ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯ ਅਨ੍ਤਮਸੋ ਪਿਣ੍ਡਪਾਤਮਤ੍ਤਮ੍ਪੀਤਿ. ਪਿਣ੍ਡਪਾਤੋ ਨਾਮ ਯਾਗੁਪਿ ਭਤ੍ਤਮ੍ਪਿ ਖਾਦਨੀਯਮ੍ਪਿ ਚੁਣ੍ਣਪਿਣ੍ਡੋਪਿ ਦਨ੍ਤਕਟ੍ਠਮ੍ਪਿ ਦਸਿਕਸੁਤ੍ਤਮ੍ਪਿ, ਅਨ੍ਤਮਸੋ ਧਮ੍ਮਮ੍ਪਿ ਭਣਤਿ.

ਤਸ੍ਸ ਵਚਨੇਨ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਕਰੋਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਚੀਵਰਂ ਪੁਬ੍ਬੇ ਅਪ੍ਪਵਾਰਿਤੋ ਅਞ੍ਞਾਤਕਸ੍ਸ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੪੪. ਅਞ੍ਞਾਤਕੇ ਅਞ੍ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਵੇਮਤਿਕੋ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਞ੍ਞਾਤਕੇ ਞਾਤਕਸਞ੍ਞੀ ਪੁਬ੍ਬੇ ਅਪ੍ਪਵਾਰਿਤੋ ਗਹਪਤਿਕਸ੍ਸ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਞਾਤਕੇ ਅਞਾਤਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਞਾਤਕੇ ਞਾਤਕਸਞ੍ਞੀ, ਅਨਾਪਤ੍ਤਿ.

੬੪੫. ਅਨਾਪਤ੍ਤਿ – ਞਾਤਕਾਨਂ, ਪਵਾਰਿਤਾਨਂ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਮਹਗ੍ਘਂ ਵਾਯਾਪੇਤੁਕਾਮਸ੍ਸ ਅਪ੍ਪਗ੍ਘਂ ਵਾਯਾਪੇਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਮਹਾਪੇਸਕਾਰਸਿਕ੍ਖਾਪਦਂ ਨਿਟ੍ਠਿਤਂ ਸਤ੍ਤਮਂ.

੮. ਅਚ੍ਚੇਕਚੀਵਰਸਿਕ੍ਖਾਪਦਂ

੬੪੬. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਅਞ੍ਞਤਰੋ ਮਹਾਮਤ੍ਤੋ ਪਵਾਸਂ ਗਚ੍ਛਨ੍ਤੋ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਾਹੇਸਿ – ‘‘ਆਗਚ੍ਛਨ੍ਤੁ ਭਦਨ੍ਤਾ ਵਸ੍ਸਾਵਾਸਿਕਂ ਦਸ੍ਸਾਮੀ’’ਤਿ. ਭਿਕ੍ਖੂ – ‘ਵਸ੍ਸਂਵੁਟ੍ਠਾਨਂ ਭਗਵਤਾ ਵਸ੍ਸਾਵਾਸਿਕਂ ਅਨੁਞ੍ਞਾਤ’ਨ੍ਤਿ, ਕੁਕ੍ਕੁਚ੍ਚਾਯਨ੍ਤਾ ਨਾਗਮਂਸੁ. ਅਥ ਖੋ ਸੋ ਮਹਾਮਤ੍ਤੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਭਦਨ੍ਤਾ ਮਯਾ ਦੂਤੇ ਪਹਿਤੇ ਨਾਗਚ੍ਛਿਸ੍ਸਨ੍ਤਿ! ਅਹਞ੍ਹਿ ਸੇਨਾਯ ਗਚ੍ਛਾਮਿ. ਦੁਜ੍ਜਾਨਂ ਜੀਵਿਤਂ ਦੁਜ੍ਜਾਨਂ ਮਰਣ’’ਨ੍ਤਿ. ਅਸ੍ਸੋਸੁਂ ਖੋ ਭਿਕ੍ਖੂ ਤਸ੍ਸ ਮਹਾਮਤ੍ਤਸ੍ਸ ਉਜ੍ਝਾਯਨ੍ਤਸ੍ਸ ਖਿਯ੍ਯਨ੍ਤਸ੍ਸ ਵਿਪਾਚੇਨ੍ਤਸ੍ਸ. ਅਥ ਖੋ ਤੇ ਭਿਕ੍ਖੂ ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਅਚ੍ਚੇਕਚੀਵਰਂ ਪਟਿਗ੍ਗਹੇਤ੍ਵਾ ਨਿਕ੍ਖਿਪਿਤੁ’’ਨ੍ਤਿ.

੬੪੭. ਤੇਨ ਖੋ ਪਨ ਸਮਯੇਨ ਭਿਕ੍ਖੂ – ‘‘ਭਗਵਤਾ ਅਨੁਞ੍ਞਾਤਂ ਅਚ੍ਚੇਕਚੀਵਰਂ ਪਟਿਗ੍ਗਹੇਤ੍ਵਾ ਨਿਕ੍ਖਿਪਿਤੁ’’ਨ੍ਤਿ, ਅਚ੍ਚੇਕਚੀਵਰਾਨਿ ਪਟਿਗ੍ਗਹੇਤ੍ਵਾ ਚੀਵਰਕਾਲਸਮਯਂ ਅਤਿਕ੍ਕਾਮੇਨ੍ਤਿ. ਤਾਨਿ ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ ਤਿਟ੍ਠਨ੍ਤਿ. ਅਦ੍ਦਸ ਖੋ ਆਯਸ੍ਮਾ ਆਨਨ੍ਦੋ ਸੇਨਾਸਨਚਾਰਿਕਂ ਆਹਿਣ੍ਡਨ੍ਤੋ ਤਾਨਿ ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ. ਤਿਟ੍ਠਨ੍ਤੇ ਦਿਸ੍ਵਾ ਭਿਕ੍ਖੂ ਏਤਦਵੋਚ – ‘‘ਕਸ੍ਸਿਮਾਨਿ, ਆਵੁਸੋ, ਚੀਵਰਾਨਿ ਚੀਵਰਵਂਸੇ ਭਣ੍ਡਿਕਾਬਦ੍ਧਾਨਿ ਤਿਟ੍ਠਨ੍ਤੀ’’ਤਿ? ‘‘ਅਮ੍ਹਾਕਂ, ਆਵੁਸੋ, ਅਚ੍ਚੇਕਚੀਵਰਾਨੀ’’ਤਿ. ‘‘ਕੀਵਚਿਰਂ ਪਨਾਵੁਸੋ, ਇਮਾਨਿ ਚੀਵਰਾਨਿ ਨਿਕ੍ਖਿਤ੍ਤਾਨੀ’’ਤਿ? ਅਥ ਖੋ ਤੇ ਭਿਕ੍ਖੂ ਆਯਸ੍ਮਤੋ ਆਨਨ੍ਦਸ੍ਸ ਯਥਾਨਿਕ੍ਖਿਤ੍ਤਂ ਆਰੋਚੇਸੁਂ. ਆਯਸ੍ਮਾ ਆਨਨ੍ਦੋ ਉਜ੍ਝਾਯਤਿ ਖਿਯ੍ਯਤਿ ਵਿਪਾਚੇਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਅਚ੍ਚੇਕਚੀਵਰਂ ਪਟਿਗ੍ਗਹੇਤ੍ਵਾ ਚੀਵਰਕਾਲਸਮਯਂ ਅਤਿਕ੍ਕਾਮੇਸ੍ਸਨ੍ਤੀ’’ਤਿ! ਅਥ ਖੋ ਆਯਸ੍ਮਾ ਆਨਨ੍ਦੋ ਤੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸਿ…ਪੇ… – ‘‘ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਅਚ੍ਚੇਕਚੀਵਰਂ ਪਟਿਗ੍ਗਹੇਤ੍ਵਾ ਚੀਵਰਕਾਲਸਮਯਂ ਅਤਿਕ੍ਕਾਮੇਨ੍ਤੀ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਅਚ੍ਚੇਕਚੀਵਰਂ ਪਟਿਗ੍ਗਹੇਤ੍ਵਾ ਚੀਵਰਕਾਲਸਮਯਂ ਅਤਿਕ੍ਕਾਮੇਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੪੮. ‘‘ਦਸਾਹਾਨਾਗਤਂ ਕਤ੍ਤਿਕਤੇਮਾਸਿਕਪੁਣ੍ਣਮਂ ਭਿਕ੍ਖੁਨੋ ਪਨੇਵ ਅਚ੍ਚੇਕਚੀਵਰਂ ਉਪ੍ਪਜ੍ਜੇਯ੍ਯ, ਅਚ੍ਚੇਕਂ ਮਞ੍ਞਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਂ, ਪਟਿਗ੍ਗਹੇਤ੍ਵਾ ਯਾਵ ਚੀਵਰਕਾਲਸਮਯਂ ਨਿਕ੍ਖਿਪਿਤਬ੍ਬਂ. ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੪੯. ਦਸਾਹਾਨਾਗਤਨ੍ਤਿ ਦਸਾਹਾਨਾਗਤਾਯ ਪਵਾਰਣਾਯ.

ਕਤ੍ਤਿਕਤੇਮਾਸਿਕਪੁਣ੍ਣਮਨ੍ਤਿ ਪਵਾਰਣਾ ਕਤ੍ਤਿਕਾ ਵੁਚ੍ਚਤਿ.

ਅਚ੍ਚੇਕਚੀਵਰਂ ਨਾਮ ਸੇਨਾਯ ਵਾ ਗਨ੍ਤੁਕਾਮੋ ਹੋਤਿ, ਪਵਾਸਂ ਵਾ ਗਨ੍ਤੁਕਾਮੋ ਹੋਤਿ, ਗਿਲਾਨੋ ਵਾ ਹੋਤਿ, ਗਬ੍ਭਿਨੀ ਵਾ ਹੋਤਿ, ਅਸ੍ਸਦ੍ਧਸ੍ਸ ਵਾ ਸਦ੍ਧਾ ਉਪ੍ਪਨ੍ਨਾ ਹੋਤਿ, ਅਪ੍ਪਸਨ੍ਨਸ੍ਸ ਵਾ ਪਸਾਦੋ ਉਪ੍ਪਨ੍ਨੋ ਹੋਤਿ, ਸੋ ਚੇ ਭਿਕ੍ਖੂਨਂ ਸਨ੍ਤਿਕੇ ਦੂਤਂ ਪਹਿਣੇਯ੍ਯ – ‘‘ਆਗਚ੍ਛਨ੍ਤੁ ਭਦਨ੍ਤਾ ਵਸ੍ਸਾਵਾਸਿਕਂ ਦਸ੍ਸਾਮੀ’’ਤਿ, ਏਤਂ ਅਚ੍ਚੇਕਚੀਵਰਂ ਨਾਮ.

ਅਚ੍ਚੇਕਂ ਮਞ੍ਞਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਂ ਪਟਿਗ੍ਗਹੇਤ੍ਵਾ ਯਾਵ ਚੀਵਰਕਾਲਸਮਯਂ ਨਿਕ੍ਖਿਪਿਤਬ੍ਬਨ੍ਤਿ ਸਞ੍ਞਾਣਂ ਕਤ੍ਵਾ ਨਿਕ੍ਖਿਪਿਤਬ੍ਬਂ – ‘‘ਇਦਂ ਅਚ੍ਚੇਕਚੀਵਰ’’ਨ੍ਤਿ.

ਚੀਵਰਕਾਲਸਮਯੋ ਨਾਮ ਅਨਤ੍ਥਤੇ ਕਥਿਨੇ ਵਸ੍ਸਾਨਸ੍ਸ ਪਚ੍ਛਿਮੋ ਮਾਸੋ, ਅਤ੍ਥਤੇ ਕਥਿਨੇ ਪਞ੍ਚਮਾਸਾ.

ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯਾਤਿ ਅਨਤ੍ਥਤੇ ਕਥਿਨੇ ਵਸ੍ਸਾਨਸ੍ਸ ਪਚ੍ਛਿਮਂ ਦਿਵਸਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ [ਨਿਸ੍ਸਗ੍ਗਿਯਂ ਹੋਤਿ (ਸ੍ਯਾ.)]. ਅਤ੍ਥਤੇ ਕਥਿਨੇ ਕਥਿਨੁਦ੍ਧਾਰਦਿਵਸਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਅਚ੍ਚੇਕਚੀਵਰਂ ਚੀਵਰਕਾਲਸਮਯਂ ਅਤਿਕ੍ਕਾਮਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੫੦. ਅਚ੍ਚੇਕਚੀਵਰੇ ਅਚ੍ਚੇਕਚੀਵਰਸਞ੍ਞੀ ਚੀਵਰਕਾਲਸਮਯਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਚ੍ਚੇਕਚੀਵਰੇ ਵੇਮਤਿਕੋ ਚੀਵਰਕਾਲਸਮਯਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਚ੍ਚੇਕਚੀਵਰੇ ਅਨਚ੍ਚੇਕਚੀਵਰਸਞ੍ਞੀ ਚੀਵਰਕਾਲਸਮਯਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਨਧਿਟ੍ਠਿਤੇ ਅਧਿਟ੍ਠਿਤਸਞ੍ਞੀ …ਪੇ… ਅਵਿਕਪ੍ਪਿਤੇ ਵਿਕਪ੍ਪਿਤਸਞ੍ਞੀ… ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅਵਿਨਟ੍ਠੇ ਵਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ… ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ ਚੀਵਰਕਾਲਸਮਯਂ ਅਤਿਕ੍ਕਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਚੀਵਰਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਨਚ੍ਚੇਕਚੀਵਰੇ ਅਚ੍ਚੇਕਚੀਵਰਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਨਚ੍ਚੇਕਚੀਵਰੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਨਚ੍ਚੇਕਚੀਵਰੇ ਅਨਚ੍ਚੇਕਚੀਵਰਸਞ੍ਞੀ, ਅਨਾਪਤ੍ਤਿ.

੬੫੧. ਅਨਾਪਤ੍ਤਿ – ਅਨ੍ਤੋਸਮਯੇ ਅਧਿਟ੍ਠੇਤਿ, ਵਿਕਪ੍ਪੇਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਅਚ੍ਚੇਕਚੀਵਰਸਿਕ੍ਖਾਪਦਂ ਨਿਟ੍ਠਿਤਂ ਅਟ੍ਠਮਂ.

੯. ਸਾਸਙ੍ਕਸਿਕ੍ਖਾਪਦਂ

੬੫੨. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਭਿਕ੍ਖੂ ਵੁਤ੍ਥਵਸ੍ਸਾ ਆਰਞ੍ਞਕੇਸੁ ਸੇਨਾਸਨੇਸੁ ਵਿਹਰਨ੍ਤਿ. ਕਤ੍ਤਿਕਚੋਰਕਾ ਭਿਕ੍ਖੂ – ‘‘ਲਦ੍ਧਲਾਭਾ’’ਤਿ ਪਰਿਪਾਤੇਨ੍ਤਿ. ਭਗਵਤੋ ਏਤਮਤ੍ਥਂ ਆਰੋਚੇਸੁਂ. ਅਥ ਖੋ ਭਗਵਾ ਏਤਸ੍ਮਿਂ ਨਿਦਾਨੇ ਏਤਸ੍ਮਿਂ ਪਕਰਣੇ ਧਮ੍ਮਿਂ ਕਥਂ ਕਤ੍ਵਾ ਭਿਕ੍ਖੂ ਆਮਨ੍ਤੇਸਿ – ‘‘ਅਨੁਜਾਨਾਮਿ, ਭਿਕ੍ਖਵੇ, ਆਰਞ੍ਞਕੇਸੁ ਸੇਨਾਸਨੇਸੁ ਵਿਹਰਨ੍ਤੇਨ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤੁ’’ਨ੍ਤਿ.

ਤੇਨ ਖੋ ਪਨ ਸਮਯੇਨ ਭਿਕ੍ਖੂ – ‘‘ਭਗਵਤਾ ਅਨੁਞ੍ਞਾਤਂ ਆਰਞ੍ਞਕੇਸੁ ਸੇਨਾਸਨੇਸੁ ਵਿਹਰਨ੍ਤੇਨ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤੁ’’ਨ੍ਤਿ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤ੍ਵਾ ਅਤਿਰੇਕਛਾਰਤ੍ਤਂ ਵਿਪ੍ਪਵਸਨ੍ਤਿ. ਤਾਨਿ ਚੀਵਰਾਨਿ ਨਸ੍ਸਨ੍ਤਿਪਿ ਵਿਨਸ੍ਸਨ੍ਤਿਪਿ ਡਯ੍ਹਨ੍ਤਿਪਿ ਉਨ੍ਦੂਰੇਹਿਪਿ ਖਜ੍ਜਨ੍ਤਿ. ਭਿਕ੍ਖੂ ਦੁਚ੍ਚੋਲ਼ਾ ਹੋਨ੍ਤਿ ਲੂਖਚੀਵਰਾ. ਭਿਕ੍ਖੂ ਏਵਮਾਹਂਸੁ – ‘‘ਕਿਸ੍ਸ ਤੁਮ੍ਹੇ, ਆਵੁਸੋ, ਦੁਚ੍ਚੋਲ਼ਾ ਲੂਖਚੀਵਰਾ’’ਤਿ? ਅਥ ਖੋ ਤੇ ਭਿਕ੍ਖੂ ਭਿਕ੍ਖੂਨਂ ਏਤਮਤ੍ਥਂ ਆਰੋਚੇਸੁਂ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਭਿਕ੍ਖੂ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤ੍ਵਾ ਅਤਿਰੇਕਛਾਰਤ੍ਤਂ ਵਿਪ੍ਪਵਸਿਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਤੇ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ਸਚ੍ਚਂ ਕਿਰ, ਭਿਕ੍ਖਵੇ, ਭਿਕ੍ਖੂ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤ੍ਵਾ ਅਤਿਰੇਕਛਾਰਤ੍ਤਂ ਵਿਪ੍ਪਵਸਨ੍ਤੀਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੇ, ਭਿਕ੍ਖਵੇ, ਮੋਘਪੁਰਿਸਾ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪਿਤ੍ਵਾ ਅਤਿਰੇਕਛਾਰਤ੍ਤਂ ਵਿਪ੍ਪਵਸਿਸ੍ਸਨ੍ਤਿ! ਨੇਤਂ, ਭਿਕ੍ਖਵੇ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੫੩. ‘‘ਉਪਵਸ੍ਸਂ ਖੋ ਪਨ ਕਤ੍ਤਿਕਪੁਣ੍ਣਮਂ ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨਿ ਸਾਸਙ੍ਕਸਮ੍ਮਤਾਨਿ ਸਪ੍ਪਟਿਭਯਾਨਿ ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ ਵਿਹਰਨ੍ਤੋ ਆਕਙ੍ਖਮਾਨੋ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪੇਯ੍ਯ, ਸਿਯਾ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇਵ ਪਚ੍ਚਯੋ ਤੇਨ ਚੀਵਰੇਨ ਵਿਪ੍ਪਵਾਸਾਯ. ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀਵਰੇਨ ਵਿਪ੍ਪਵਸਿਤਬ੍ਬਂ. ਤਤੋ ਚੇ ਉਤ੍ਤਰਿ ਵਿਪ੍ਪਵਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੫੪. ਉਪਵਸ੍ਸਂ ਖੋ ਪਨਾਤਿ ਵੁਟ੍ਠਵਸ੍ਸਾਨਂ.

ਕਤ੍ਤਿਕਪੁਣ੍ਣਮਨ੍ਤਿ ਕਤ੍ਤਿਕਚਾਤੁਮਾਸਿਨੀ ਵੁਚ੍ਚਤਿ.

[ਪਾਚਿ. ੫੭੩] ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨੀਤਿ ਆਰਞ੍ਞਕਂ ਨਾਮ ਸੇਨਾਸਨਂ ਪਞ੍ਚਧਨੁਸਤਿਕਂ ਪਚ੍ਛਿਮਂ.

[ਪਾਚਿ. ੫੭੩] ਸਾਸਙ੍ਕਂ ਨਾਮ ਆਰਾਮੇ ਆਰਾਮੂਪਚਾਰੇ ਚੋਰਾਨਂ ਨਿਵਿਟ੍ਠੋਕਾਸੋ ਦਿਸ੍ਸਤਿ, ਭੁਤ੍ਤੋਕਾਸੋ ਦਿਸ੍ਸਤਿ, ਠਿਤੋਕਾਸੋ ਦਿਸ੍ਸਤਿ, ਨਿਸਿਨ੍ਨੋਕਾਸੋ ਦਿਸ੍ਸਤਿ, ਨਿਪਨ੍ਨੋਕਾਸੋ ਦਿਸ੍ਸਤਿ.

[ਪਾਚਿ. ੫੭੩] ਸਪ੍ਪਟਿਭਯਂ ਨਾਮ ਆਰਾਮੇ ਆਰਾਮੂਪਚਾਰੇ ਚੋਰੇਹਿ ਮਨੁਸ੍ਸਾ ਹਤਾ ਦਿਸ੍ਸਨ੍ਤਿ, ਵਿਲੁਤ੍ਤਾ ਦਿਸ੍ਸਨ੍ਤਿ, ਆਕੋਟਿਤਾ ਦਿਸ੍ਸਨ੍ਤਿ.

[ਪਾਚਿ. ੫੭੩] ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ ਵਿਹਰਨ੍ਤੋਤਿ ਏਵਰੂਪੇਸੁ ਭਿਕ੍ਖੁ ਸੇਨਾਸਨੇਸੁ ਵਿਹਰਨ੍ਤੋ.

ਆਕਙ੍ਖਮਾਨੋਤਿ ਇਚ੍ਛਮਾਨੋ.

ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਨ੍ਤਿ ਸਙ੍ਘਾਟਿਂ ਵਾ ਉਤ੍ਤਰਾਸਙ੍ਗਂ ਵਾ ਅਨ੍ਤਰਵਾਸਕਂ ਵਾ.

ਅਨ੍ਤਰਘਰੇ ਨਿਕ੍ਖਿਪੇਯ੍ਯਾਤਿ ਸਮਨ੍ਤਾ ਗੋਚਰਗਾਮੇ ਨਿਕ੍ਖਿਪੇਯ੍ਯ.

ਸਿਯਾ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇਵ ਪਚ੍ਚਯੋ ਤੇਨ ਚੀਵਰੇਨ ਵਿਪ੍ਪਵਾਸਾਯਾਤਿ ਸਿਯਾ ਪਚ੍ਚਯੋ ਸਿਯਾ ਕਰਣੀਯਂ.

ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀਵਰੇਨ ਵਿਪ੍ਪਵਸਿਤਬ੍ਬਨ੍ਤਿ ਛਾਰਤ੍ਤਪਰਮਤਾ ਵਿਪ੍ਪਵਸਿਤਬ੍ਬਂ.

ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਠਪੇਤ੍ਵਾ ਭਿਕ੍ਖੁਸਮ੍ਮੁਤਿਂ.

ਤਤੋ ਚੇ ਉਤ੍ਤਰਿ ਵਿਪ੍ਪਵਸੇਯ੍ਯਾਤਿ ਸਤ੍ਤਮੇ ਅਰੁਣੁਗ੍ਗਮਨੇ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ. ‘‘ਇਦਂ ਮੇ, ਭਨ੍ਤੇ, ਚੀਵਰਂ ਅਤਿਰੇਕਛਾਰਤ੍ਤਂ ਵਿਪ੍ਪਵੁਟ੍ਠਂ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੫੫. ਅਤਿਰੇਕਛਾਰਤ੍ਤੇ ਅਤਿਰੇਕਸਞ੍ਞੀ ਵਿਪ੍ਪਵਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਛਾਰਤ੍ਤੇ ਵੇਮਤਿਕੋ ਵਿਪ੍ਪਵਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਤਿਰੇਕਛਾਰਤ੍ਤੇ ਊਨਕਸਞ੍ਞੀ ਵਿਪ੍ਪਵਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਅਪ੍ਪਚ੍ਚੁਦ੍ਧਟੇ ਪਚ੍ਚੁਦ੍ਧਟਸਞ੍ਞੀ…ਪੇ… ਅਵਿਸ੍ਸਜ੍ਜਿਤੇ ਵਿਸ੍ਸਜ੍ਜਿਤਸਞ੍ਞੀ… ਅਨਟ੍ਠੇ ਨਟ੍ਠਸਞ੍ਞੀ… ਅਵਿਨਟ੍ਠੇ ਵਿਨਟ੍ਠਸਞ੍ਞੀ… ਅਦਡ੍ਢੇ ਦਡ੍ਢਸਞ੍ਞੀ … ਅਵਿਲੁਤ੍ਤੇ ਵਿਲੁਤ੍ਤਸਞ੍ਞੀ ਵਿਪ੍ਪਵਸਤਿ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਨਿਸ੍ਸਗ੍ਗਿਯਂ ਚੀਵਰਂ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਛਾਰਤ੍ਤੇ ਅਤਿਰੇਕਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਛਾਰਤ੍ਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਊਨਕਛਾਰਤ੍ਤੇ ਊਨਕਸਞ੍ਞੀ, ਅਨਾਪਤ੍ਤਿ.

੬੫੬. ਅਨਾਪਤ੍ਤਿ – ਛਾਰਤ੍ਤਂ ਵਿਪ੍ਪਵਸਤਿ, ਊਨਕਛਾਰਤ੍ਤਂ ਵਿਪ੍ਪਵਸਤਿ, ਛਾਰਤ੍ਤਂ ਵਿਪ੍ਪਵਸਿਤ੍ਵਾ ਪੁਨ ਗਾਮਸੀਮਂ ਓਕ੍ਕਮਿਤ੍ਵਾ ਵਸਿਤ੍ਵਾ ਪਕ੍ਕਮਤਿ, ਅਨ੍ਤੋ ਛਾਰਤ੍ਤਂ ਪਚ੍ਚੁਦ੍ਧਰਤਿ, ਵਿਸ੍ਸਜ੍ਜੇਤਿ, ਨਸ੍ਸਤਿ, ਵਿਨਸ੍ਸਤਿ, ਡਯ੍ਹਤਿ, ਅਚ੍ਛਿਨ੍ਦਿਤ੍ਵਾ ਗਣ੍ਹਨ੍ਤਿ, ਵਿਸ੍ਸਾਸਂ ਗਣ੍ਹਨ੍ਤਿ, ਭਿਕ੍ਖੁਸਮ੍ਮੁਤਿਯਾ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਸਾਸਙ੍ਕਸਿਕ੍ਖਾਪਦਂ ਨਿਟ੍ਠਿਤਂ ਨਵਮਂ.

੧੦. ਪਰਿਣਤਸਿਕ੍ਖਾਪਦਂ

੬੫੭. ਤੇਨ ਸਮਯੇਨ ਬੁਦ੍ਧੋ ਭਗਵਾ ਸਾਵਤ੍ਥਿਯਂ ਵਿਹਰਤਿ ਜੇਤਵਨੇ ਅਨਾਥਪਿਣ੍ਡਿਕਸ੍ਸ ਆਰਾਮੇ. ਤੇਨ ਖੋ ਪਨ ਸਮਯੇਨ ਸਾਵਤ੍ਥਿਯਂ ਅਞ੍ਞਤਰਸ੍ਸ ਪੂਗਸ੍ਸ ਸਙ੍ਘਸ੍ਸ ਸਚੀਵਰਭਤ੍ਤਂ ਪਟਿਯਤ੍ਤਂ ਹੋਤਿ – ‘‘ਭੋਜੇਤ੍ਵਾ ਚੀਵਰੇਨ ਅਚ੍ਛਾਦੇਸ੍ਸਾਮਾ’’ਤਿ. ਅਥ ਖੋ ਛਬ੍ਬਗ੍ਗਿਯਾ ਭਿਕ੍ਖੂ ਯੇਨ ਸੋ ਪੂਗੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍ਵਾ ਤਂ ਪੂਗਂ ਏਤਦਵੋਚੁਂ – ‘‘ਦੇਥਾਵੁਸੋ, ਅਮ੍ਹਾਕਂ ਇਮਾਨਿ ਚੀਵਰਾਨੀ’’ਤਿ. ‘‘ਨ ਮਯਂ, ਭਨ੍ਤੇ, ਦਸ੍ਸਾਮ. ਅਮ੍ਹਾਕਂ ਸਙ੍ਘਸ੍ਸ ਅਨੁਵਸ੍ਸਂ ਸਚੀਵਰਭਿਕ੍ਖਾ ਪਞ੍ਞਤ੍ਤਾ’’ਤਿ. ‘‘ਬਹੂ, ਆਵੁਸੋ, ਸਙ੍ਘਸ੍ਸ ਦਾਯਕਾ, ਬਹੂ ਸਙ੍ਘਸ੍ਸ ਭਤ੍ਤਾ [ਭਦ੍ਦਾ (ਕ.)]. ਮਯਂ ਤੁਮ੍ਹੇ ਨਿਸ੍ਸਾਯ ਤੁਮ੍ਹੇ ਸਮ੍ਪਸ੍ਸਨ੍ਤਾ ਇਧ ਵਿਹਰਾਮ. ਤੁਮ੍ਹੇ ਚੇ ਅਮ੍ਹਾਕਂ ਨ ਦਸ੍ਸਥ, ਅਥ ਕੋ ਚਰਹਿ ਅਮ੍ਹਾਕਂ ਦਸ੍ਸਤਿ? ਦੇਥਾਵੁਸੋ, ਅਮ੍ਹਾਕਂ ਇਮਾਨਿ ਚੀਵਰਾਨੀ’’ਤਿ. ਅਥ ਖੋ ਸੋ ਪੂਗੋ ਛਬ੍ਬਗ੍ਗਿਯੇਹਿ ਭਿਕ੍ਖੂਹਿ ਨਿਪ੍ਪੀਲ਼ਿਯਮਾਨੋ ਯਥਾਪਟਿਯਤ੍ਤਂ ਚੀਵਰਂ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਦਤ੍ਵਾ ਸਙ੍ਘਂ ਭਤ੍ਤੇਨ ਪਰਿਵਿਸਿ. ਯੇ ਤੇ ਭਿਕ੍ਖੂ ਜਾਨਨ੍ਤਿ ਸਙ੍ਘਸ੍ਸ ਸਚੀਵਰਭਤ੍ਤਂ ਪਟਿਯਤ੍ਤਂ, ਨ ਚ ਜਾਨਨ੍ਤਿ ਛਬ੍ਬਗ੍ਗਿਯਾਨਂ ਭਿਕ੍ਖੂਨਂ ਦਿਨ੍ਨਨ੍ਤਿ, ਤੇ ਏਵਮਾਹਂਸੁ – ‘‘ਓਣੋਜੇਥਾਵੁਸੋ, ਸਙ੍ਘਸ੍ਸ ਚੀਵਰ’’ਨ੍ਤਿ. ‘‘ਨਤ੍ਥਿ, ਭਨ੍ਤੇ. ਯਥਾਪਟਿਯਤ੍ਤਂ ਚੀਵਰਂ ਅਯ੍ਯਾ ਛਬ੍ਬਗ੍ਗਿਯਾ ਅਤ੍ਤਨੋ ਪਰਿਣਾਮੇਸੁ’’ਨ੍ਤਿ. ਯੇ ਤੇ ਭਿਕ੍ਖੂ ਅਪ੍ਪਿਚ੍ਛਾ… ਤੇ ਉਜ੍ਝਾਯਨ੍ਤਿ ਖਿਯ੍ਯਨ੍ਤਿ ਵਿਪਾਚੇਨ੍ਤਿ – ‘‘ਕਥਞ੍ਹਿ ਨਾਮ ਛਬ੍ਬਗ੍ਗਿਯਾ ਭਿਕ੍ਖੂ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਸ੍ਸਨ੍ਤੀ’’ਤਿ! ਅਥ ਖੋ ਤੇ ਭਿਕ੍ਖੂ ਛਬ੍ਬਗ੍ਗਿਯੇ ਭਿਕ੍ਖੂ ਅਨੇਕਪਰਿਯਾਯੇਨ ਵਿਗਰਹਿਤ੍ਵਾ ਭਗਵਤੋ ਏਤਮਤ੍ਥਂ ਆਰੋਚੇਸੁਂ…ਪੇ… ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਥਾ’’ਤਿ? ‘‘ਸਚ੍ਚਂ, ਭਗਵਾ’’ਤਿ. ਵਿਗਰਹਿ ਬੁਦ੍ਧੋ ਭਗਵਾ…ਪੇ… ਕਥਞ੍ਹਿ ਨਾਮ ਤੁਮ੍ਹੇ, ਮੋਘਪੁਰਿਸਾ, ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਸ੍ਸਥ! ਨੇਤਂ, ਮੋਘਪੁਰਿਸਾ, ਅਪ੍ਪਸਨ੍ਨਾਨਂ ਵਾ ਪਸਾਦਾਯ…ਪੇ… ਏਵਞ੍ਚ ਪਨ, ਭਿਕ੍ਖਵੇ, ਇਮਂ ਸਿਕ੍ਖਾਪਦਂ ਉਦ੍ਦਿਸੇਯ੍ਯਾਥ –

੬੫੮. ‘‘ਯੋ ਪਨ ਭਿਕ੍ਖੁ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯ’’ਨ੍ਤਿ.

੬੫੯. ਯੋ ਪਨਾਤਿ ਯੋ ਯਾਦਿਸੋ…ਪੇ… ਭਿਕ੍ਖੂਤਿ…ਪੇ… ਅਯ ਇਮਸ੍ਮਿਂ ਅਤ੍ਥੇ ਅਧਿਪ੍ਪੇਤੋ ਭਿਕ੍ਖੂਤਿ.

[ਪਾਚਿ. ੪੯੧] ਜਾਨਾਤਿ ਨਾਮ ਸਾਮਂ ਵਾ ਜਾਨਾਤਿ ਅਞ੍ਞੇ ਵਾ ਤਸ੍ਸ ਆਰੋਚੇਨ੍ਤਿ ਸੋ ਵਾ ਆਰੋਚੇਤਿ.

[ਪਾਚਿ. ੪੯੧] ਸਙ੍ਘਿਕਂ ਨਾਮ ਸਙ੍ਘਸ੍ਸ ਦਿਨ੍ਨਂ ਹੋਤਿ ਪਰਿਚ੍ਚਤ੍ਤਂ.

[ਪਾਚਿ. ੪੯੧] ਲਾਭੋ ਨਾਮ ਚੀਵਰਪਿਣ੍ਡਪਾਤਸੇਨਾਸਨਗਿਲਾਨਪ੍ਪਚ੍ਚਯਭੇਸਜ੍ਜਪਰਿਕ੍ਖਾਰਾ. ਅਨ੍ਤਮਸੋ ਚੁਣ੍ਣਪਿਣ੍ਡੋਪਿ, ਦਨ੍ਤਕਟ੍ਠਮ੍ਪਿ, ਦਸਿਕਸੁਤ੍ਤਮ੍ਪਿ.

[ਪਾਚਿ. ੪੯੧] ਪਰਿਣਤਂ ਨਾਮ ਦਸ੍ਸਾਮ ਕਰਿਸ੍ਸਾਮਾਤਿ ਵਾਚਾ ਭਿਨ੍ਨਾ ਹੋਤਿ.

ਅਤ੍ਤਨੋ ਪਰਿਣਾਮੇਤਿ, ਪਯੋਗੇ ਦੁਕ੍ਕਟਂ. ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਨਿਸ੍ਸਜ੍ਜਿਤਬ੍ਬਂ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ. ਏਵਞ੍ਚ ਪਨ, ਭਿਕ੍ਖਵੇ, ਨਿਸ੍ਸਜ੍ਜਿਤਬ੍ਬਂ…ਪੇ… ਇਦਂ ਮੇ, ਭਨ੍ਤੇ, ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮਿਤਂ ਨਿਸ੍ਸਗ੍ਗਿਯਂ. ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀਤਿ…ਪੇ… ਦਦੇਯ੍ਯਾਤਿ…ਪੇ… ਦਦੇਯ੍ਯੁਨ੍ਤਿ…ਪੇ… ਆਯਸ੍ਮਤੋ ਦਮ੍ਮੀਤਿ.

੬੬੦. ਪਰਿਣਤੇ ਪਰਿਣਤਸਞ੍ਞੀ ਅਤ੍ਤਨੋ ਪਰਿਣਾਮੇਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਪਰਿਣਤੇ ਵੇਮਤਿਕੋ ਅਤ੍ਤਨੋ ਪਰਿਣਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪਰਿਣਤੇ ਅਪਰਿਣਤਸਞ੍ਞੀ ਅਤ੍ਤਨੋ ਪਰਿਣਾਮੇਤਿ, ਅਨਾਪਤ੍ਤਿ. ਸਙ੍ਘਸ੍ਸ ਪਰਿਣਤਂ ਅਞ੍ਞਸਙ੍ਘਸ੍ਸ ਵਾ ਚੇਤਿਯਸ੍ਸ ਵਾ ਪਰਿਣਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਚੇਤਿਯਸ੍ਸ ਪਰਿਣਤਂ ਅਞ੍ਞਚੇਤਿਯਸ੍ਸ ਵਾ ਸਙ੍ਘਸ੍ਸ ਵਾ ਪੁਗ੍ਗਲਸ੍ਸ ਵਾ ਪਰਿਣਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਪੁਗ੍ਗਲਸ੍ਸ ਪਰਿਣਤਂ ਅਞ੍ਞਪੁਗ੍ਗਲਸ੍ਸ ਵਾ ਸਙ੍ਘਸ੍ਸ ਵਾ ਚੇਤਿਯਸ੍ਸ ਵਾ ਪਰਿਣਾਮੇਤਿ, ਆਪਤ੍ਤਿ ਦੁਕ੍ਕਟਸ੍ਸ. ਅਪਰਿਣਤੇ ਪਰਿਣਤਸਞ੍ਞੀ, ਆਪਤ੍ਤਿ ਦੁਕ੍ਕਟਸ੍ਸ. ਅਪਰਿਣਤੇ ਵੇਮਤਿਕੋ, ਆਪਤ੍ਤਿ ਦੁਕ੍ਕਟਸ੍ਸ. ਅਪਰਿਣਤੇ ਅਪਰਿਣਤਸਞ੍ਞੀ, ਅਨਾਪਤ੍ਤਿ.

੬੬੧. ਅਨਾਪਤ੍ਤਿ ਕਤ੍ਥ ਦੇਮਾਤਿ ਪੁਚ੍ਛਿਯਮਾਨੋ ਯਤ੍ਥ ਤੁਮ੍ਹਾਕਂ ਦੇਯ੍ਯਧਮ੍ਮੋ ਪਰਿਭੋਗਂ ਵਾ ਲਭੇਯ੍ਯ ਪਟਿਸਙ੍ਖਾਰਂ ਵਾ ਲਭੇਯ੍ਯ ਚਿਰਟ੍ਠਿਤਿਕੋ ਵਾ ਅਸ੍ਸ ਯਤ੍ਥ ਵਾ ਪਨ ਤੁਮ੍ਹਾਕਂ ਚਿਤ੍ਤਂ ਪਸੀਦਤਿ ਤਤ੍ਥ ਦੇਥਾਤਿ ਭਣਤਿ, ਉਮ੍ਮਤ੍ਤਕਸ੍ਸ, ਆਦਿਕਮ੍ਮਿਕਸ੍ਸਾਤਿ.

ਪਰਿਣਤਸਿਕ੍ਖਾਪਦਂ ਨਿਟ੍ਠਿਤਂ ਦਸਮਂ.

ਪਤ੍ਤਵਗ੍ਗੋ ਤਤਿਯੋ.

ਤਸ੍ਸੁਦ੍ਦਾਨਂ –

ਦ੍ਵੇ ਚ ਪਤ੍ਤਾਨਿ ਭੇਸਜ੍ਜਂ, ਵਸ੍ਸਿਕਾ ਦਾਨਪਞ੍ਚਮਂ;

ਸਾਮਂ ਵਾਯਾਪਨਚ੍ਚੇਕੋ, ਸਾਸਙ੍ਕਂ ਸਙ੍ਘਿਕੇਨ ਚਾਤਿ.

੬੬੨. ਉਦ੍ਦਿਟ੍ਠਾ ਖੋ, ਆਯਸ੍ਮਨ੍ਤੋ, ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਦੁਤਿਯਮ੍ਪਿ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਤਤਿਯਮ੍ਪਿ ਪੁਚ੍ਛਾਮਿ – ‘ਕਚ੍ਚਿਤ੍ਥ ਪਰਿਸੁਦ੍ਧਾ’? ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਨਿਸ੍ਸਗ੍ਗਿਯਕਣ੍ਡਂ ਨਿਟ੍ਠਿਤਂ.

ਪਾਰਾਜਿਕਪਾਲ਼ਿ ਨਿਟ੍ਠਿਤਾ.