ਤੀਕਾ > ਵਿਨਯਪਿਟਕ (ਟੀਕਾ) > ਦ੍ਵੇਮਾਤਿਕਾਪਾਲ਼ਿ

ਕਿਂ ਸਙ੍ਘਸ੍ਸ ਪੁਬ੍ਬਕਿਚ੍ਚਂ? ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥ, ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮਿ, ਤਂ ਸਬ੍ਬੇਵ ਸਨ੍ਤਾ ਸਾਧੁਕਂ ਸੁਣੋਮ ਮਨਸਿ ਕਰੋਮ. ਯਸ੍ਸ ਸਿਯਾ ਆਪਤ੍ਤਿ, ਸੋ ਆਵਿਕਰੇਯ੍ਯ, ਅਸਨ੍ਤਿਯਾ ਆਪਤ੍ਤਿਯਾ ਤੁਣ੍ਹੀ ਭਵਿਤਬ੍ਬਂ, ਤੁਣ੍ਹੀਭਾਵੇਨ ਖੋ ਪਨਾਯਸ੍ਮਨ੍ਤੇ ‘‘ਪਰਿਸੁਦ੍ਧਾ’’ਤਿ ਵੇਦਿਸ੍ਸਾਮਿ. ਯਥਾ ¶ ਖੋ ਪਨ ਪਚ੍ਚੇਕਪੁਟ੍ਠਸ੍ਸ ਵੇਯ੍ਯਾਕਰਣਂ ਹੋਤਿ, ਏਵਮੇਵਂ ਏਵਰੂਪਾਯ ਪਰਿਸਾਯ ਯਾਵਤਤਿਯਂ ਅਨੁਸਾਵਿਤਂ ਹੋਤਿ. ਯੋ ਪਨ ਭਿਕ੍ਖੁ ਯਾਵਤਤਿਯਂ ਅਨੁਸਾਵਿਯਮਾਨੇ ਸਰਮਾਨੋ ਸਨ੍ਤਿਂ ਆਪਤ੍ਤਿਂ ਨਾਵਿਕਰੇਯ੍ਯ, ਸਮ੍ਪਜਾਨਮੁਸਾਵਾਦਸ੍ਸ ਹੋਤਿ. ਸਮ੍ਪਜਾਨਮੁਸਾਵਾਦੋ ਖੋ ਪਨਾਯਸ੍ਮਨ੍ਤੋ ਅਨ੍ਤਰਾਯਿਕੋ ਧਮ੍ਮੋ ਵੁਤ੍ਤੋ ਭਗਵਤਾ, ਤਸ੍ਮਾ ਸਰਮਾਨੇਨ ਭਿਕ੍ਖੁਨਾ ਆਪਨ੍ਨੇਨ ਵਿਸੁਦ੍ਧਾਪੇਕ੍ਖੇਨ ਸਨ੍ਤੀ ਆਪਤ੍ਤਿ ਆਵਿਕਾਤਬ੍ਬਾ, ਆਵਿਕਤਾ ਹਿਸ੍ਸ ਫਾਸੁ ਹੋਤਿ.

ਉਦ੍ਦਿਟ੍ਠਂ ਖੋ ਆਯਸ੍ਮਨ੍ਤੋ ਨਿਦਾਨਂ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਤਤ੍ਰਿਮੇ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੧. ਯੋ ¶ ਪਨ ਭਿਕ੍ਖੁ ਭਿਕ੍ਖੂਨਂ ਸਿਕ੍ਖਾਸਾਜੀਵਸਮਾਪਨ੍ਨੋ ਸਿਕ੍ਖਂ ਅਪ੍ਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਅਨ੍ਤਮਸੋ ਤਿਰਚ੍ਛਾਨਗਤਾਯਪਿ, ਪਾਰਾਜਿਕੋ ਹੋਤਿ ਅਸਂਵਾਸੋ.

੨. ਯੋ ਪਨ ਭਿਕ੍ਖੁ ਗਾਮਾ ਵਾ ਅਰਞ੍ਞਾ ਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂ ਵਾ ਬਨ੍ਧੇਯ੍ਯੁਂ ਵਾ ਪਬ੍ਬਾਜੇਯ੍ਯੁਂ ਵਾ ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀਤਿ, ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋ ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ.

੩. ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਯ੍ਯ, ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯ, ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ, ਮਰਣਾਯ ਵਾ ਸਮਾਦਪੇਯ੍ਯ ‘‘ਅਮ੍ਭੋ ਪੁਰਿਸ ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ, ਮਤਂ ¶ ਤੇ ਜੀਵਿਤਾ ਸੇਯ੍ਯੋ’’ਤਿ, ਇਤਿ ਚਿਤ੍ਤਮਨੋ ਚਿਤ੍ਤਸਙ੍ਕਪ੍ਪੋ ਅਨੇਕਪਰਿਯਾਯੇਨ ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ, ਮਰਣਾਯ ਵਾ ਸਮਾਦਪੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ.

੪. ਯੋ ਪਨ ਭਿਕ੍ਖੁ ਅਨਭਿਜਾਨਂ ਉਤ੍ਤਰਿਮਨੁਸ੍ਸਧਮ੍ਮਂ ਅਤ੍ਤੁਪਨਾਯਿਕਂ ਅਲਮਰਿਯਞਾਣਦਸ੍ਸਨਂ ਸਮੁਦਾਚਰੇਯ੍ਯ ‘‘ਇਤਿ ਜਾਨਾਮਿ, ਇਤਿ ਪਸ੍ਸਾਮੀ’’ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਆਪਨ੍ਨੋ ਵਿਸੁਦ੍ਧਾਪੇਕ੍ਖੋ ਏਵਂ ਵਦੇਯ੍ਯ ‘‘ਅਜਾਨਮੇਵਂ ਆਵੁਸੋ ਅਵਚਂ ਜਾਨਾਮਿ, ਅਪਸ੍ਸਂ ਪਸ੍ਸਾਮਿ, ਤੁਚ੍ਛਂ ਮੁਸਾ ਵਿਲਪਿ’’ਨ੍ਤਿ, ਅਞ੍ਞਤ੍ਰ ਅਧਿਮਾਨਾ, ਅਯਮ੍ਪਿ ਪਾਰਾਜਿਕੋ ਹੋਤਿ ਅਸਂਵਾਸੋ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾ. ਯੇਸਂ ਭਿਕ੍ਖੁ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਿਤ੍ਵਾ ਨ ਲਭਤਿ ਭਿਕ੍ਖੂਹਿ ਸਦ੍ਧਿਂ ਸਂਵਾਸਂ ਯਥਾ ਪੁਰੇ, ਤਥਾ ਪਚ੍ਛਾ, ਪਾਰਾਜਿਕੋ ¶ ਹੋਤਿ ਅਸਂਵਾਸੋ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਤੇਰਸ ਸਙ੍ਘਾਦਿਸੇਸਾ

੧. ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ ਅਞ੍ਞਤ੍ਰ ਸੁਪਿਨਨ੍ਤਾ ਸਙ੍ਘਾਦਿਸੇਸੋ.

੨. ਯੋ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮੇਨ ਸਦ੍ਧਿਂ ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯ ਹਤ੍ਥਗ੍ਗਾਹਂ ਵਾ ਵੇਣਿਗ੍ਗਾਹਂ ਵਾ ਅਞ੍ਞਤਰਸ੍ਸ ਵਾ ਅਞ੍ਞਤਰਸ੍ਸ ਵਾ ਅਙ੍ਗਸ੍ਸ ਪਰਾਮਸਨਂ, ਸਙ੍ਘਾਦਿਸੇਸੋ.

੩. ਯੋ ¶ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸੇਯ੍ਯ ਯਥਾ ਤਂ ਯੁਵਾ ਯੁਵਤਿਂ ਮੇਥੁਨੁਪਸਂਹਿਤਾਹਿ, ਸਙ੍ਘਾਦਿਸੇਸੋ.

੪. ਯੋ ਪਨ ਭਿਕ੍ਖੁ ਓਤਿਣ੍ਣੋ ਵਿਪਰਿਣਤੇਨ ਚਿਤ੍ਤੇਨ ਮਾਤੁਗਾਮਸ੍ਸ ਸਨ੍ਤਿਕੇ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸੇਯ੍ਯ ‘‘ਏਤਦਗ੍ਗਂ ਭਗਿਨਿ ਪਾਰਿਚਰਿਯਾਨਂ ਯਾ ਮਾਦਿਸਂ ਸੀਲਵਨ੍ਤਂ ਕਲ੍ਯਾਣਧਮ੍ਮਂ ਬ੍ਰਹ੍ਮਚਾਰਿਂ ਏਤੇਨ ਧਮ੍ਮੇਨ ਪਰਿਚਰੇਯ੍ਯਾ’’ਤਿ ਮੇਥੁਨੁਪਸਂਹਿਤੇਨ, ਸਙ੍ਘਾਦਿਸੇਸੋ.

੫. ਯੋ ¶ ਪਨ ਭਿਕ੍ਖੁ ਸਞ੍ਚਰਿਤ੍ਤਂ ਸਮਾਪਜ੍ਜੇਯ੍ਯ ਇਤ੍ਥਿਯਾ ਵਾ ਪੁਰਿਸਮਤਿਂ ਪੁਰਿਸਸ੍ਸ ਵਾ ਇਤ੍ਥਿਮਤਿਂ, ਜਾਯਤ੍ਤਨੇ ਵਾ ਜਾਰਤ੍ਤਨੇ ਵਾ, ਅਨ੍ਤਮਸੋ ਤਙ੍ਖਣਿਕਾਯਪਿ, ਸਙ੍ਘਾਦਿਸੇਸੋ.

੬. ਸਞ੍ਞਾਚਿਕਾਯ ਪਨ ਭਿਕ੍ਖੁਨਾ ਕੁਟਿਂ ਕਾਰਯਮਾਨੇਨ ਅਸ੍ਸਾਮਿਕਂ ਅਤ੍ਤੁਦ੍ਦੇਸਂ ਪਮਾਣਿਕਾ ਕਾਰੇਤਬ੍ਬਾ, ਤਤ੍ਰਿਦਂ ਪਮਾਣਂ, ਦੀਘਸੋ ਦ੍ਵਾਦਸ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਸਤ੍ਤਨ੍ਤਰਾ, ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯ, ਤੇਹਿ ਭਿਕ੍ਖੂਹਿ ਵਤ੍ਥੁ ਦੇਸੇਤਬ੍ਬਂ ਅਨਾਰਮ੍ਭਂ ਸਪਰਿਕ੍ਕਮਨਂ. ਸਾਰਮ੍ਭੇ ਚੇ ਭਿਕ੍ਖੁ ਵਤ੍ਥੁਸ੍ਮਿਂ ਅਪਰਿਕ੍ਕਮਨੇ ਸਞ੍ਞਾਚਿਕਾਯ ਕੁਟਿਂ ਕਾਰੇਯ੍ਯ, ਭਿਕ੍ਖੂ ਵਾ ਅਨਭਿਨੇਯ੍ਯ ਵਤ੍ਥੁਦੇਸਨਾਯ, ਪਮਾਣਂ ਵਾ ਅਤਿਕ੍ਕਾਮੇਯ੍ਯ, ਸਙ੍ਘਾਦਿਸੇਸੋ.

੭. ਮਹਲ੍ਲਕਂ ਪਨ ਭਿਕ੍ਖੁਨਾ ਵਿਹਾਰਂ ਕਾਰਯਮਾਨੇਨ ਸਸ੍ਸਾਮਿਕਂ ਅਤ੍ਤੁਦ੍ਦੇਸਂ ਭਿਕ੍ਖੂ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯ, ਤੇਹਿ ਭਿਕ੍ਖੂਹਿ ਵਤ੍ਥੁ ਦੇਸੇਤਬ੍ਬਂ ਅਨਾਰਮ੍ਭਂ ਸਪਰਿਕ੍ਕਮਨਂ. ਸਾਰਮ੍ਭੇ ਚੇ ਭਿਕ੍ਖੁ ਵਤ੍ਥੁਸ੍ਮਿਂ ਅਪਰਿਕ੍ਕਮਨੇ ਮਹਲ੍ਲਕਂ ਵਿਹਾਰਂ ਕਾਰੇਯ੍ਯ, ਭਿਕ੍ਖੂ ਵਾ ਅਨਭਿਨੇਯ੍ਯ ਵਤ੍ਥੁਦੇਸਨਾਯ, ਸਙ੍ਘਾਦਿਸੇਸੋ.

੮. ਯੋ ਪਨ ਭਿਕ੍ਖੁ ਭਿਕ੍ਖੁਂ ਦੁਟ੍ਠੋ ਦੋਸੋ ਅਪ੍ਪਤੀਤੋ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ ‘‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’’ਨ੍ਤਿ ¶ , ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਅਮੂਲਕਞ੍ਚੇਵ ਤਂ ਅਧਿਕਰਣਂ ਹੋਤਿ, ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ, ਸਙ੍ਘਾਦਿਸੇਸੋ.

੯. ਯੋ ਪਨ ਭਿਕ੍ਖੁ ਭਿਕ੍ਖੁਂ ਦੁਟ੍ਠੋ ਦੋਸੋ ਅਪ੍ਪਤੀਤੋ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ ‘‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’’ਨ੍ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਅਞ੍ਞਭਾਗਿਯਞ੍ਚੇਵ ਤਂ ਅਧਿਕਰਣਂ ਹੋਤਿ ਕੋਚਿਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋ, ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ, ਸਙ੍ਘਾਦਿਸੇਸੋ.

੧੦. ਯੋ ¶ ਪਨ ਭਿਕ੍ਖੁ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮੇਯ੍ਯ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਤਿਟ੍ਠੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਮਾਯਸ੍ਮਾ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਅਟ੍ਠਾਸਿ, ਸਮੇਤਾਯਸ੍ਮਾ ਸਙ੍ਘੇਨ, ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ, ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ.

੧੧. ਤਸ੍ਸੇਵ ਖੋ ਪਨ ਭਿਕ੍ਖੁਸ੍ਸ ਭਿਕ੍ਖੂ ਹੋਨ੍ਤਿ ਅਨੁਵਤ੍ਤਕਾ ਵਗ੍ਗਵਾਦਕਾ ਏਕੋ ਵਾ ਦ੍ਵੇ ਵਾ ਤਯੋ ਵਾ, ਤੇ ਏਵਂ ਵਦੇਯ੍ਯੁਂ ‘‘ਮਾਯਸ੍ਮਨ੍ਤੋ ਏਤਂ ਭਿਕ੍ਖੁਂ ਕਿਞ੍ਚਿ ਅਵਚੁਤ੍ਥ, ਧਮ੍ਮਵਾਦੀ ਚੇਸੋ ਭਿਕ੍ਖੁ, ਵਿਨਯਵਾਦੀ ਚੇਸੋ ਭਿਕ੍ਖੁ, ਅਮ੍ਹਾਕਞ੍ਚੇਸੋ ਭਿਕ੍ਖੁ ਛਨ੍ਦਞ੍ਚ ਰੁਚਿਞ੍ਚ ਆਦਾਯ ਵੋਹਰਤਿ, ਜਾਨਾਤਿ, ਨੋ ਭਾਸਤਿ, ਅਮ੍ਹਾਕਮ੍ਪੇਤਂ ਖਮਤੀ’’ਤਿ, ਤੇ ਭਿਕ੍ਖੂ ਭਿਕ੍ਖੂਹਿ ਏਵਮਸ੍ਸੁ ਵਚਨੀਯਾ ‘‘ਮਾਯਸ੍ਮਨ੍ਤੋ ਏਵਂ ਅਵਚੁਤ੍ਥ, ਨ ਚੇਸੋ ਭਿਕ੍ਖੁ ਧਮ੍ਮਵਾਦੀ, ਨ ਚੇਸੋ ਭਿਕ੍ਖੁ ਵਿਨਯਵਾਦੀ, ਮਾਯਸ੍ਮਨ੍ਤਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ, ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨ, ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ ¶ , ਏਵਞ੍ਚ ਤੇ ਭਿਕ੍ਖੂ ਭਿਕ੍ਖੂਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯੁਂ, ਤੇ ਭਿਕ੍ਖੂ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯੁਂ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯੁਂ, ਸਙ੍ਘਾਦਿਸੇਸੋ.

੧੨. ਭਿਕ੍ਖੁ ਪਨੇਵ ਦੁਬ੍ਬਚਜਾਤਿਕੋ ਹੋਤਿ ਉਦ੍ਦੇਸਪਰਿਯਾਪਨ੍ਨੇਸੁ ਸਿਕ੍ਖਾਪਦੇਸੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਅਤ੍ਤਾਨਂ ਅਵਚਨੀਯਂ ਕਰੋਤਿ ‘‘ਮਾ ਮਂ ਆਯਸ੍ਮਨ੍ਤੋ ਕਿਞ੍ਚਿ ਅਵਚੁਤ੍ਥ ਕਲ੍ਯਾਣਂ ਵਾ ਪਾਪਕਂ ਵਾ, ਅਹਮ੍ਪਾਯਸ੍ਮਨ੍ਤੇ ਨ ਕਿਞ੍ਚਿ ਵਕ੍ਖਾਮਿ ਕਲ੍ਯਾਣਂ ਵਾ ਪਾਪਕਂ ਵਾ, ਵਿਰਮਥਾਯਸ੍ਮਨ੍ਤੋ ਮਮ ਵਚਨਾਯਾ’’ਤਿ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਮਾਯਸ੍ਮਾ ਅਤ੍ਤਾਨਂ ਅਵਚਨੀਯਂ ਅਕਾਸਿ, ਵਚਨੀਯਮੇਵਾਯਸ੍ਮਾ ਅਤ੍ਤਾਨਂ ਕਰੋਤੁ, ਆਯਸ੍ਮਾਪਿ ਭਿਕ੍ਖੂ ਵਦਤੁ ਸਹਧਮ੍ਮੇਨ, ਭਿਕ੍ਖੂਪਿ ਆਯਸ੍ਮਨ੍ਤਂ ਵਕ੍ਖਨ੍ਤਿ ਸਹਧਮ੍ਮੇਨ, ਏਵਂ ਸਂਵਦ੍ਧਾ ਹਿ ਤਸ੍ਸ ਭਗਵਤੋ ਪਰਿਸਾ ਯਦਿਦਂ ਅਞ੍ਞਮਞ੍ਞਵਚਨੇਨ ਅਞ੍ਞਮਞ੍ਞਵੁਟ੍ਠਾਪਨੇਨਾ’’ਤਿ, ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ ¶ , ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ.

੧੩. ਭਿਕ੍ਖੁ ਪਨੇਵ ਅਞ੍ਞਤਰਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਤਿ ਕੁਲਦੂਸਕੋ ਪਾਪਸਮਾਚਾਰੋ, ਤਸ੍ਸ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚ ਤੇਨ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ, ਆਯਸ੍ਮਤੋ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ, ਅਲਂ ਤੇ ਇਧ ਵਾਸੇਨਾ’’ਤਿ, ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤੇ ਭਿਕ੍ਖੂ ਏਵਂ ਵਦੇਯ੍ਯ ‘‘ਛਨ੍ਦਗਾਮਿਨੋ ਚ ਭਿਕ੍ਖੂ, ਦੋਸਗਾਮਿਨੋ ਚ ਭਿਕ੍ਖੂ, ਮੋਹਗਾਮਿਨੋ ਚ ਭਿਕ੍ਖੂ, ਭਯਗਾਮਿਨੋ ਚ ਭਿਕ੍ਖੂ ਤਾਦਿਸਿਕਾਯ ਆਪਤ੍ਤਿਯਾ ਏਕਚ੍ਚਂ ਪਬ੍ਬਾਜੇਨ੍ਤਿ, ਏਕਚ੍ਚਂ ਨ ਪਬ੍ਬਾਜੇਨ੍ਤੀ’’ਤਿ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਮਾਯਸ੍ਮਾ ਏਵਂ ਅਵਚ, ਨ ਚ ਭਿਕ੍ਖੂ ਛਨ੍ਦਗਾਮਿਨੋ, ਨ ਚ ਭਿਕ੍ਖੂ ਦੋਸਗਾਮਿਨੋ, ਨ ਚ ਭਿਕ੍ਖੂ ਮੋਹਗਾਮਿਨੋ, ਨ ਚ ਭਿਕ੍ਖੂ ਭਯਗਾਮਿਨੋ, ਆਯਸ੍ਮਾ ਖੋ ਕੁਲਦੂਸਕੋ ਪਾਪਸਮਾਚਾਰੋ, ਆਯਸ੍ਮਤੋ ¶ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚਾਯਸ੍ਮਤਾ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਪਕ੍ਕਮਤਾਯਸ੍ਮਾ ਇਮਮ੍ਹਾ ਆਵਾਸਾ, ਅਲਂ ਤੇ ਇਧ ਵਾਸੇਨਾ’’ਤਿ, ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਤੇਰਸ ਸਙ੍ਘਾਦਿਸੇਸਾ ਧਮ੍ਮਾ ਨਵ ਪਠਮਾਪਤ੍ਤਿਕਾ, ਚਤ੍ਤਾਰੋ ਯਾਵਤਤਿਯਕਾ. ਯੇਸਂ ਭਿਕ੍ਖੁ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਿਤ੍ਵਾ ਯਾਵਤੀਹਂ ਜਾਨਂ ਪਟਿਚ੍ਛਾਦੇਤਿ, ਤਾਵਤੀਹਂ ਤੇਨ ਭਿਕ੍ਖੁਨਾ ਅਕਾਮਾ ਪਰਿਵਤ੍ਥਬ੍ਬਂ. ਪਰਿਵੁਤ੍ਥਪਰਿਵਾਸੇਨ ਭਿਕ੍ਖੁਨਾ ਉਤ੍ਤਰਿ ਛਾਰਤ੍ਤਂ ਭਿਕ੍ਖੁਮਾਨਤ੍ਤਾਯ ਪਟਿਪਜ੍ਜਿਤਬ੍ਬਂ, ਚਿਣ੍ਣਮਾਨਤ੍ਤੋ ਭਿਕ੍ਖੁ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਸਙ੍ਘੋ, ਤਤ੍ਥ ਸੋ ਭਿਕ੍ਖੁ ਅਬ੍ਭੇਤਬ੍ਬੋ. ਏਕੇਨਪਿ ਚੇ ਊਨੋ ਵੀਸਤਿਗਣੋ ਭਿਕ੍ਖੁਸਙ੍ਘੋ ਤਂ ਭਿਕ੍ਖੁਂ ਅਬ੍ਭੇਯ੍ਯ, ਸੋ ਚ ਭਿਕ੍ਖੁ ਅਨਬ੍ਭਿਤੋ, ਤੇ ਚ ਭਿਕ੍ਖੂ ਗਾਰਯ੍ਹਾ, ਅਯਂ ਤਤ੍ਥ ਸਾਮੀਚਿ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਦ੍ਵੇ ਅਨਿਯਤਾ ਧਮ੍ਮਾ

੧. ਯੋ ¶ ਪਨ ਭਿਕ੍ਖੁ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਪਟਿਚ੍ਛਨ੍ਨੇ ਆਸਨੇ ਅਲਂਕਮ੍ਮਨਿਯੇ ਨਿਸਜ੍ਜਂ ਕਪ੍ਪੇਯ੍ਯ, ਤਮੇਨਂ ਸਦ੍ਧੇਯ੍ਯਵਚਸਾ ਉਪਾਸਿਕਾ ਦਿਸ੍ਵਾ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ, ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ ਪਾਰਾਜਿਕੇਨ ਵਾ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ¶ ਵਾ, ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ, ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ, ਅਯਂ ਧਮ੍ਮੋ ਅਨਿਯਤੋ.

੨. ਨ ਹੇਵ ਖੋ ਪਨ ਪਟਿਚ੍ਛਨ੍ਨਂ ਆਸਨਂ ਹੋਤਿ ਨਾਲਂਕਮ੍ਮਨਿਯਂ, ਅਲਞ੍ਚ ਖੋ ਹੋਤਿ ਮਾਤੁਗਾਮਂ ਦੁਟ੍ਠੁਲ੍ਲਾਹਿ ਵਾਚਾਹਿ ਓਭਾਸਿਤੁਂ, ਯੋ ਪਨ ਭਿਕ੍ਖੁ ਤਥਾਰੂਪੇ ਆਸਨੇ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਯ੍ਯ, ਤਮੇਨਂ ਸਦ੍ਧੇਯ੍ਯਵਚਸਾ ਉਪਾਸਿਕਾ ਦਿਸ੍ਵਾ ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਵਦੇਯ੍ਯ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ, ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋ ਦ੍ਵਿਨ੍ਨਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ ਸਙ੍ਘਾਦਿਸੇਸੇਨ ਵਾ ਪਾਚਿਤ੍ਤਿਯੇਨ ਵਾ, ਯੇਨ ਵਾ ਸਾ ਸਦ੍ਧੇਯ੍ਯਵਚਸਾ ਉਪਾਸਿਕਾ ਵਦੇਯ੍ਯ, ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ, ਅਯਮ੍ਪਿ ਧਮ੍ਮੋ ਅਨਿਯਤੋ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਦ੍ਵੇ ਅਨਿਯਤਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ

੧. ਨਿਟ੍ਠਿਤਚੀਵਰਸ੍ਮਿਂ ¶ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਦਸਾਹਪਰਮਂ ਅਤਿਰੇਕਚੀਵਰਂ ਧਾਰੇਤਬ੍ਬਂ, ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨. ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀਵਰੇਨ ਵਿਪ੍ਪਵਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੩. ਨਿਟ੍ਠਿਤਚੀਵਰਸ੍ਮਿਂ ¶ ਭਿਕ੍ਖੁਨਾ ਉਬ੍ਭਤਸ੍ਮਿਂ ਕਥਿਨੇ ਭਿਕ੍ਖੁਨੋ ਪਨੇਵ ਅਕਾਲਚੀਵਰਂ ਉਪ੍ਪਜ੍ਜੇਯ੍ਯ, ਆਕਙ੍ਖਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਂ, ਪਟਿਗ੍ਗਹੇਤ੍ਵਾ ਖਿਪ੍ਪਮੇਵ ਕਾਰੇਤਬ੍ਬਂ, ਨੋ ਚਸ੍ਸ ਪਾਰਿਪੂਰਿ, ਮਾਸਪਰਮਂ ਤੇਨ ਭਿਕ੍ਖੁਨਾ ਤਂ ਚੀਵਰਂ ਨਿਕ੍ਖਿਪਿਤਬ੍ਬਂ ਊਨਸ੍ਸ ਪਾਰਿਪੂਰਿਯਾ ਸਤਿਯਾ ਪਚ੍ਚਾਸਾਯ. ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ ਸਤਿਯਾਪਿ ਪਚ੍ਚਾਸਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੪. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਪੁਰਾਣਚੀਵਰਂ ਧੋਵਾਪੇਯ੍ਯ ਵਾ ਰਜਾਪੇਯ੍ਯ ਵਾ ਆਕੋਟਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੫. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀਵਰਂ ਪਟਿਗ੍ਗਣ੍ਹੇਯ੍ਯ ਅਞ੍ਞਤ੍ਰ ਪਾਰਿਵਤ੍ਤਕਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੬. ਯੋ ਪਨ ਭਿਕ੍ਖੁ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਯ੍ਯ ਅਞ੍ਞਤ੍ਰ ¶ ਸਮਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਅਚ੍ਛਿਨ੍ਨਚੀਵਰੋ ਵਾ ਹੋਤਿ ਭਿਕ੍ਖੁ, ਨਟ੍ਠਚੀਵਰੋ ਵਾ, ਅਯਂ ਤਤ੍ਥ ਸਮਯੋ.

੭. ਤਞ੍ਚੇ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਬਹੂਹਿ ਚੀਵਰੇਹਿ ਅਭਿਹਟ੍ਠੁਂ ਪਵਾਰੇਯ੍ਯ, ਸਨ੍ਤਰੁਤ੍ਤਰਪਰਮਂ ਤੇਨ ਭਿਕ੍ਖੁਨਾ ਤਤੋ ਚੀਵਰਂ ਸਾਦਿਤਬ੍ਬਂ. ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੮. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕਸ੍ਸ ਗਹਪਤਿਸ੍ਸ ਵਾ ਗਹਪਤਾਨਿਯਾ ਵਾ ਚੀਵਰਚੇਤਾਪਨ੍ਨਂ ਉਪਕ੍ਖਟਂ ਹੋਤਿ ‘‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ, ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਸਾਧੁ ਵਤ ਮਂ ਆਯਸ੍ਮਾ ਇਮਿਨਾ ਚੀਵਰਚੇਤਾਪਨ੍ਨੇਨ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਹੀ’’ਤਿ ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੯. ਭਿਕ੍ਖੁਂ ¶ ਪਨੇਵ ਉਦ੍ਦਿਸ੍ਸ ਉਭਿਨ੍ਨਂ ਅਞ੍ਞਾਤਕਾਨਂ ਗਹਪਤੀਨਂ ਵਾ ਗਹਪਤਾਨੀਨਂ ਵਾ ਪਚ੍ਚੇਕਚੀਵਰਚੇਤਾਪਨ੍ਨਾਨਿ ਉਪਕ੍ਖਟਾਨਿ ਹੋਨ੍ਤਿ ‘‘ਇਮੇਹਿ ਮਯਂ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਪਚ੍ਚੇਕਚੀਵਰਾਨਿ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਹਿ ਅਚ੍ਛਾਦੇਸ੍ਸਾਮਾ’’ਤਿ, ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਸਾਧੁ ਵਤ ਮਂ ਆਯਸ੍ਮਨ੍ਤੋ ਇਮੇਹਿ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਥ ਉਭੋਵ ਸਨ੍ਤਾ ਏਕੇਨਾ’’ਤਿ ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੦. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਰਾਜਾ ਵਾ ਰਾਜਭੋਗ੍ਗੋ ਵਾ ਬ੍ਰਾਹ੍ਮਣੋ ਵਾ ਗਹਪਤਿਕੋ ਵਾ ਦੂਤੇਨ ਚੀਵਰਚੇਤਾਪਨ੍ਨਂ ਪਹਿਣੇਯ੍ਯ ‘‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਂ ਚੀਵਰੇਨ ਅਚ੍ਛਾਦੇਹੀ’’ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ ‘‘ਇਦਂ ਖੋ, ਭਨ੍ਤੇ, ਆਯਸ੍ਮਨ੍ਤਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਆਭਤਂ, ਪਟਿਗ੍ਗਣ੍ਹਾਤੁ ਆਯਸ੍ਮਾ ਚੀਵਰਚੇਤਾਪਨ੍ਨ’’ਨ੍ਤਿ. ਤੇਨ ਭਿਕ੍ਖੁਨਾ ਸੋ ਦੂਤੋ ਏਵਮਸ੍ਸ ਵਚਨੀਯੋ ‘‘ਨ ਖੋ ਮਯਂ, ਆਵੁਸੋ, ਚੀਵਰਚੇਤਾਪਨ੍ਨਂ ਪਟਿਗ੍ਗਣ੍ਹਾਮ, ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮ ਕਾਲੇਨ ਕਪ੍ਪਿਯ’’ਨ੍ਤਿ. ਸੋ ਚੇ ਦੂਤੋ ¶ ਤਂ ਭਿਕ੍ਖੁਂ ਏਵਂ ਵਦੇਯ੍ਯ ‘‘ਅਤ੍ਥਿ ਪਨਾਯਸ੍ਮਤੋ ਕੋਚਿ ਵੇਯ੍ਯਾਵਚ੍ਚਕਰੋ’’ਤਿ. ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਨਿਦ੍ਦਿਸਿਤਬ੍ਬੋ ਆਰਾਮਿਕੋ ਵਾ ਉਪਾਸਕੋ ਵਾ ‘‘ਏਸੋ ਖੋ, ਆਵੁਸੋ, ਭਿਕ੍ਖੂਨਂ ਵੇਯ੍ਯਾਵਚ੍ਚਕਰੋ’’ਤਿ. ਸੋ ਚੇ ਦੂਤੋ ਤਂ ਵੇਯ੍ਯਾਵਚ੍ਚਕਰਂ ਸਞ੍ਞਾਪੇਤ੍ਵਾ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ ‘‘ਯਂ ਖੋ, ਭਨ੍ਤੇ, ਆਯਸ੍ਮਾ ਵੇਯ੍ਯਾਵਚ੍ਚਕਰਂ ਨਿਦ੍ਦਿਸਿ, ਸਞ੍ਞਤ੍ਤੋ ਸੋ ਮਯਾ, ਉਪਸਙ੍ਕਮਤਾਯਸ੍ਮਾ ਕਾਲੇਨ, ਚੀਵਰੇਨ ਤਂ ਅਚ੍ਛਾਦੇਸ੍ਸਤੀ’’ਤਿ. ਚੀਵਰਤ੍ਥਿਕੇਨ, ਭਿਕ੍ਖਵੇ, ਭਿਕ੍ਖੁਨਾ ਵੇਯ੍ਯਾਵਚ੍ਚਕਰੋ ਉਪਸਙ੍ਕਮਿਤ੍ਵਾ ਦ੍ਵਤ੍ਤਿਕ੍ਖਤ੍ਤੁਂ ਚੋਦੇਤਬ੍ਬੋ ਸਾਰੇਤਬ੍ਬੋ ‘‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’’ਤਿ, ਦ੍ਵਤ੍ਤਿਕ੍ਖਤ੍ਤੁਂ ਚੋਦਯਮਾਨੋ ਸਾਰਯਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਅਭਿਨਿਪ੍ਫਾਦੇਯ੍ਯ, ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤੇਨ ਉਦ੍ਦਿਸ੍ਸ ਠਾਤਬ੍ਬਂ, ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤੋ ਉਦ੍ਦਿਸ੍ਸ ਤਿਟ੍ਠਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ, ਤਤੋ ਚੇ ਉਤ੍ਤਰਿ ਵਾਯਮਮਾਨੋ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਨੋ ¶ ਚੇ ਅਭਿਨਿਪ੍ਫਾਦੇਯ੍ਯ, ਯਤਸ੍ਸ ਚੀਵਰਚੇਤਾਪਨ੍ਨਂ ਆਭਤਂ, ਤਤ੍ਥ ਸਾਮਂ ਵਾ ਗਨ੍ਤਬ੍ਬਂ, ਦੂਤੋ ਵਾ ਪਾਹੇਤਬ੍ਬੋ ‘‘ਯਂ ਖੋ ਤੁਮ੍ਹੇ ਆਯਸ੍ਮਨ੍ਤੋ ਭਿਕ੍ਖੁਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਪਹਿਣਿਤ੍ਥ, ਨ ਤਂ ਤਸ੍ਸ ਭਿਕ੍ਖੁਨੋ ਕਿਞ੍ਚਿ ਅਤ੍ਥਂ ਅਨੁਭੋਤਿ, ਯੁਞ੍ਜਨ੍ਤਾਯਸ੍ਮਨ੍ਤੋ ਸਕਂ, ਮਾ ਵੋ ਸਕਂ ਵਿਨਸ੍ਸਾ’’ਤਿ, ਅਯਂ ਤਤ੍ਥ ਸਾਮੀਚਿ.

੧੧. ਯੋ ਪਨ ਭਿਕ੍ਖੁ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੨. ਯੋ ਪਨ ਭਿਕ੍ਖੁ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੩. ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਯਮਾਨੇਨ ਦ੍ਵੇ ਭਾਗਾ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ ਆਦਾਤਬ੍ਬਾ, ਤਤਿਯਂ ਓਦਾਤਾਨਂ, ਚਤੁਤ੍ਥਂ ਗੋਚਰਿਯਾਨਂ. ਅਨਾਦਾ ਚੇ ਭਿਕ੍ਖੁ ਦ੍ਵੇ ਭਾਗੇ ਸੁਦ੍ਧਕਾਲ਼ਕਾਨਂ ਏਲ਼ਕਲੋਮਾਨਂ, ਤਤਿਯਂ ਓਦਾਤਾਨਂ, ਚਤੁਤ੍ਥਂ ਗੋਚਰਿਯਾਨਂ, ਨਵਂ ਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੪. ਨਵਂ ਪਨ ਭਿਕ੍ਖੁਨਾ ਸਨ੍ਥਤਂ ਕਾਰਾਪੇਤ੍ਵਾ ਛਬ੍ਬਸ੍ਸਾਨਿ ਧਾਰੇਤਬ੍ਬਂ, ਓਰੇਨ ਚੇ ਛਨ੍ਨਂ ਵਸ੍ਸਾਨਂ ¶ ਤਂ ਸਨ੍ਥਤਂ ਵਿਸ੍ਸਜ੍ਜੇਤ੍ਵਾ ਵਾ ਅਵਿਸ੍ਸਜ੍ਜੇਤ੍ਵਾ ਵਾ ਅਞ੍ਞਂ ਨਵਂ ਸਨ੍ਥਤਂ ਕਾਰਾਪੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੫. ਨਿਸੀਦਨਸਨ੍ਥਤਂ ਪਨ ਭਿਕ੍ਖੁਨਾ ਕਾਰਯਮਾਨੇਨ ਪੁਰਾਣਸਨ੍ਥਤਸ੍ਸ ਸਾਮਨ੍ਤਾ ਸੁਗਤਵਿਦਤ੍ਥਿ ਆਦਾਤਬ੍ਬਾ ਦੁਬ੍ਬਣ੍ਣਕਰਣਾਯ. ਅਨਾਦਾ ਚੇ ਭਿਕ੍ਖੁ ਪੁਰਾਣਸਨ੍ਥ ਤਸ੍ਸ ¶ ਸਾਮਨ੍ਤਾ ਸੁਗਤਵਿਦਤ੍ਥਿਂ, ਨਵਂ ਨਿਸੀਦਨਸਨ੍ਥਤਂ ਕਾਰਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੬. ਭਿਕ੍ਖੁਨੋ ਪਨੇਵ ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸ ਏਲ਼ਕਲੋਮਾਨਿ ਉਪ੍ਪਜ੍ਜੇਯ੍ਯੁਂ, ਆਕਙ੍ਖਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਾਨਿ, ਪਟਿਗ੍ਗਹੇਤ੍ਵਾ ਤਿਯੋਜਨਪਰਮਂ ਸਹਤ੍ਥਾ ਹਰਿਤਬ੍ਬਾਨਿ ਅਸਨ੍ਤੇ ਹਾਰਕੇ. ਤਤੋ ਚੇ ਉਤ੍ਤਰਿ ਹਰੇਯ੍ਯ, ਅਸਨ੍ਤੇਪਿ ਹਾਰਕੇ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੭. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਏਲ਼ਕਲੋਮਾਨਿ ਧੋਵਾਪੇਯ੍ਯ ਵਾ ਰਜਾਪੇਯ੍ਯ ਵਾ ਵਿਜਟਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੮. ਯੋ ਪਨ ਭਿਕ੍ਖੁ ਜਾਤਰੂਪਰਜਤਂ ਉਗ੍ਗਣ੍ਹੇਯ੍ਯ ਵਾ ਉਗ੍ਗਣ੍ਹਾਪੇਯ੍ਯ ਵਾ ਉਪਨਿਕ੍ਖਿਤ੍ਤਂ ਵਾ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੯. ਯੋ ਪਨ ਭਿਕ੍ਖੁ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੦. ਯੋ ਪਨ ਭਿਕ੍ਖੁ ਨਾਨਪ੍ਪਕਾਰਕਂ ਕਯਵਿਕ੍ਕਯਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੧. ਦਸਾਹਪਰਮਂ ¶ ਅਤਿਰੇਕਪਤ੍ਤੋ ਧਾਰੇਤਬ੍ਬੋ, ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੨. ਯੋ ਪਨ ਭਿਕ੍ਖੁ ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਅਞ੍ਞਂ ਨਵਂ ਪਤ੍ਤਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤੇਨ ਭਿਕ੍ਖੁਨਾ ਸੋ ਪਤ੍ਤੋ ਭਿਕ੍ਖੁਪਰਿਸਾਯ ਨਿਸ੍ਸਜ੍ਜਿਤਬ੍ਬੋ ¶ , ਯੋ ਚ ਤਸ੍ਸਾ ਭਿਕ੍ਖੁਪਰਿਸਾਯ ਪਤ੍ਤਪਰਿਯਨ੍ਤੋ, ਸੋ ਤਸ੍ਸ ਭਿਕ੍ਖੁਨੋ ਪਦਾਤਬ੍ਬੋ ‘‘ਅਯਂ ਤੇ ਭਿਕ੍ਖੁ ਪਤ੍ਤੋ ਯਾਵ ਭੇਦਨਾਯ ਧਾਰੇਤਬ੍ਬੋ’’ਤਿ, ਅਯਂ ਤਤ੍ਥ ਸਾਮੀਚਿ.

੨੩. ਯਾਨਿ ਖੋ ਪਨ ਤਾਨਿ ਗਿਲਾਨਾਨਂ ਭਿਕ੍ਖੂਨਂ ਪਟਿਸਾਯਨੀਯਾਨਿ ਭੇਸਜ੍ਜਾਨਿ, ਸੇਯ੍ਯਥਿਦਂ – ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਤਾਨਿ ਪਟਿਗ੍ਗਹੇਤ੍ਵਾ ਸਤ੍ਤਾਹਪਰਮਂ ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬਾਨਿ, ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੪. ‘‘ਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ਭਿਕ੍ਖੁਨਾ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸਿਤਬ੍ਬਂ, ‘‘ਅਦ੍ਧਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ਕਤ੍ਵਾ ਨਿਵਾਸੇਤਬ੍ਬਂ. ਓਰੇਨ ਚੇ ‘‘ਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ਵਸ੍ਸਿਕਸਾਟਿਕਚੀਵਰਂ ਪਰਿਯੇਸੇਯ੍ਯ, ਓਰੇਨ‘‘ਦ੍ਧਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ਕਤ੍ਵਾ ਨਿਵਾਸੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੫. ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਸਾਮਂ ਚੀਵਰਂ ਦਤ੍ਵਾ ਕੁਪਿਤੋ ਅਨਤ੍ਤਮਨੋ ਅਚ੍ਛਿਨ੍ਦੇਯ੍ਯ ਵਾ ਅਚ੍ਛਿਨ੍ਦਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੬. ਯੋ ਪਨ ਭਿਕ੍ਖੁ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੭. ਭਿਕ੍ਖੁਂ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਤਨ੍ਤਵਾਯੇਹਿ ਚੀਵਰਂ ¶ ਵਾਯਾਪੇਯ੍ਯ, ਤਤ੍ਰ ਚੇ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਇਦਂ ਖੋ, ਆਵੁਸੋ, ਚੀਵਰਂ ਮਂ ਉਦ੍ਦਿਸ੍ਸ ਵਿਯ੍ਯਤਿ, ਆਯਤਞ੍ਚ ਕਰੋਥ, ਵਿਤ੍ਥਤਞ੍ਚ, ਅਪ੍ਪਿਤਞ੍ਚ, ਸੁਵੀਤਞ੍ਚ, ਸੁਪ੍ਪਵਾਯਿਤਞ੍ਚ, ਸੁਵਿਲੇਖਿਤਞ੍ਚ, ਸੁਵਿਤਚ੍ਛਿਤਞ੍ਚ ਕਰੋਥ, ਅਪ੍ਪੇਵ ਨਾਮ ਮਯਮ੍ਪਿ ਆਯਸ੍ਮਨ੍ਤਾਨਂ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯਾਮਾ’’ਤਿ. ਏਵਞ੍ਚ ਸੋ ਭਿਕ੍ਖੁ ਵਤ੍ਵਾ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯ ਅਨ੍ਤਮਸੋ ਪਿਣ੍ਡਪਾਤਮਤ੍ਤਮ੍ਪਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੮. ਦਸਾਹਾਨਾਗਤਂ ¶ ਕਤ੍ਤਿਕਤੇਮਾਸਿਕਪੁਣ੍ਣਮਂ ਭਿਕ੍ਖੁਨੋ ਪਨੇਵ ਅਚ੍ਚੇਕਚੀਵਰਂ ਉਪ੍ਪਜ੍ਜੇਯ੍ਯ, ਅਚ੍ਚੇਕਂ ਮਞ੍ਞਮਾਨੇਨ ਭਿਕ੍ਖੁਨਾ ਪਟਿਗ੍ਗਹੇਤਬ੍ਬਂ, ਪਟਿਗ੍ਗਹੇਤ੍ਵਾ ਯਾਵ ਚੀਵਰਕਾਲਸਮਯਂ ਨਿਕ੍ਖਿਪਿਤਬ੍ਬਂ. ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੯. ਉਪਵਸ੍ਸਂ ਖੋ ਪਨ ਕਤ੍ਤਿਕਪੁਣ੍ਣਮਂ ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨਿ ਸਾਸਙ੍ਕਸਮ੍ਮਤਾਨਿ ਸਪ੍ਪਟਿਭਯਾਨਿ, ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ ਵਿਹਰਨ੍ਤੋ ਆਕਙ੍ਖਮਾਨੋ ਤਿਣ੍ਣਂ ਚੀਵਰਾਨਂ ਅਞ੍ਞਤਰਂ ਚੀਵਰਂ ਅਨ੍ਤਰਘਰੇ ਨਿਕ੍ਖਿਪੇਯ੍ਯ, ਸਿਯਾ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇਵ ਪਚ੍ਚਯੋ ਤੇਨ ਚੀਵਰੇਨ ਵਿਪ੍ਪਵਾਸਾਯ, ਛਾਰਤ੍ਤਪਰਮਂ ਤੇਨ ਭਿਕ੍ਖੁਨਾ ਤੇਨ ਚੀਵਰੇਨ ਵਿਪ੍ਪਵਸਿਤਬ੍ਬਂ. ਤਤੋ ਚੇ ਉਤ੍ਤਰਿ ਵਿਪ੍ਪਵਸੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੩੦. ਯੋ ਪਨ ਭਿਕ੍ਖੁ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਨਿਸ੍ਸਗ੍ਗਿਯਪਾਚਿਤ੍ਤਿਯਾ ਨਿਟ੍ਠਿਤਾ.

ਇਮੇ ਖੋ ਪਨਾਯਸ੍ਮਨ੍ਤੋ ਦ੍ਵੇਨਵੁਤਿ ਪਾਚਿਤ੍ਤਿਯਾ

੧. ਸਮ੍ਪਜਾਨਮੁਸਾਵਾਦੇ ¶ ਪਾਚਿਤ੍ਤਿਯਂ.

੩. ਭਿਕ੍ਖੁਪੇਸੁਞ੍ਞੇ ¶ ਪਾਚਿਤ੍ਤਿਯਂ.

੪. ਯੋ ਪਨ ਭਿਕ੍ਖੁ ਅਨੁਪਸਮ੍ਪਨ੍ਨਂ ਪਦਸੋ ਧਮ੍ਮਂ ਵਾਚੇਯ੍ਯ, ਪਾਚਿਤ੍ਤਿਯਂ.

੫. ਯੋ ਪਨ ਭਿਕ੍ਖੁ ਅਨੁਪਸਮ੍ਪਨ੍ਨੇਨ ਉਤ੍ਤਰਿਦਿਰਤ੍ਤਤਿਰਤ੍ਤਂ ਸਹਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੬. ਯੋ ਪਨ ਭਿਕ੍ਖੁ ਮਾਤੁਗਾਮੇਨ ਸਹਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੭. ਯੋ ਪਨ ਭਿਕ੍ਖੁ ਮਾਤੁਗਾਮਸ੍ਸ ਉਤ੍ਤਰਿਛਪ੍ਪਞ੍ਚਵਾਚਾਹਿ ਧਮ੍ਮਂ ਦੇਸੇਯ੍ਯ ਅਞ੍ਞਤ੍ਰ ਵਿਞ੍ਞੁਨਾ ਪੁਰਿਸਵਿਗ੍ਗਹੇਨ, ਪਾਚਿਤ੍ਤਿਯਂ.

੮. ਯੋ ਪਨ ਭਿਕ੍ਖੁ ਅਨੁਪਸਮ੍ਪਨ੍ਨਸ੍ਸ ਉਤ੍ਤਰਿਮਨੁਸ੍ਸਧਮ੍ਮਂ ਆਰੋਚੇਯ੍ਯ, ਭੂਤਸ੍ਮਿਂ ਪਾਚਿਤ੍ਤਿਯਂ.

੯. ਯੋ ¶ ਪਨ ਭਿਕ੍ਖੁ ਭਿਕ੍ਖੁਸ੍ਸ ਦੁਟ੍ਠੁਲ੍ਲਂ ਆਪਤ੍ਤਿਂ ਅਨੁਪਸਮ੍ਪਨ੍ਨਸ੍ਸ ਆਰੋਚੇਯ੍ਯ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ, ਪਾਚਿਤ੍ਤਿਯਂ.

੧੦. ਯੋ ਪਨ ਭਿਕ੍ਖੁ ਪਥਵਿਂ ਖਣੇਯ੍ਯ ਵਾ ਖਣਾਪੇਯ੍ਯ ਵਾ ਪਾਚਿਤ੍ਤਿਯਂ.

੧੧. ਭੂਤਗਾਮਪਾਤਬ੍ਯਤਾਯ ਪਾਚਿਤ੍ਤਿਯਂ.

੧੨. ਅਞ੍ਞਵਾਦਕੇ, ਵਿਹੇਸਕੇ ਪਾਚਿਤ੍ਤਿਯਂ.

੧੩. ਉਜ੍ਝਾਪਨਕੇ ¶ , ਖਿਯ੍ਯਨਕੇ ਪਾਚਿਤ੍ਤਿਯਂ.

੧੪. ਯੋ ਪਨ ਭਿਕ੍ਖੁ ਸਙ੍ਘਿਕਂ ਮਞ੍ਚਂ ਵਾ ਪੀਠਂ ਵਾ ਭਿਸਿਂ ਵਾ ਕੋਚ੍ਛਂ ਵਾ ਅਜ੍ਝੋਕਾਸੇ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਤਂ ਪਕ੍ਕਮਨ੍ਤੋ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੫. ਯੋ ਪਨ ਭਿਕ੍ਖੁ ਸਙ੍ਘਿਕੇ ਵਿਹਾਰੇ ਸੇਯ੍ਯਂ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਤਂ ਪਕ੍ਕਮਨ੍ਤੋ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੬. ਯੋ ਪਨ ਭਿਕ੍ਖੁ ਸਙ੍ਘਿਕੇ ਵਿਹਾਰੇ ਜਾਨਂ ਪੁਬ੍ਬੁਪਗਤਂ ਭਿਕ੍ਖੁਂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਯ੍ਯ ¶ ‘‘ਯਸ੍ਸ ਸਮ੍ਬਾਧੋ ਭਵਿਸ੍ਸਤਿ, ਸੋ ਪਕ੍ਕਮਿਸ੍ਸਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੧੭. ਯੋ ਪਨ ਭਿਕ੍ਖੁ ਭਿਕ੍ਖੁਂ ਕੁਪਿਤੋ ਅਨਤ੍ਤਮਨੋ ਸਙ੍ਘਿਕਾ ਵਿਹਾਰਾ ਨਿਕ੍ਕਡ੍ਢੇਯ੍ਯ ਵਾ ਨਿਕ੍ਕਡ੍ਢਾਪੇਯ੍ਯ ਵਾ, ਪਾਚਿਤ੍ਤਿਯਂ.

੧੮. ਯੋ ਪਨ ਭਿਕ੍ਖੁ ਸਙ੍ਘਿਕੇ ਵਿਹਾਰੇ ਉਪਰਿਵੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਵਾ ਪੀਠਂ ਵਾ ਅਭਿਨਿਸੀਦੇਯ੍ਯ ਵਾ ਅਭਿਨਿਪਜ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੯. ਮਹਲ੍ਲਕਂ ਪਨ ਭਿਕ੍ਖੁਨਾ ਵਿਹਾਰਂ ਕਾਰਯਮਾਨੇਨ ਯਾਵ ਦ੍ਵਾਰਕੋਸਾ ਅਗ੍ਗਲ਼ਟ੍ਠਪਨਾਯ ਆਲੋਕਸਨ੍ਧਿਪਰਿਕਮ੍ਮਾਯ ਦ੍ਵਤ੍ਤਿਚ੍ਛਦਨਸ੍ਸ ਪਰਿਯਾਯਂ ਅਪ੍ਪਹਰਿਤੇ ਠਿਤੇਨ ਅਧਿਟ੍ਠਾਤਬ੍ਬਂ, ਤਤੋ ਚੇ ਉਤ੍ਤਰਿ ਅਪ੍ਪਹਰਿਤੇਪਿ ਠਿਤੋ ਅਧਿਟ੍ਠਹੇਯ੍ਯ, ਪਾਚਿਤ੍ਤਿਯਂ.

੨੦. ਯੋ ਪਨ ਭਿਕ੍ਖੁ ਜਾਨਂ ਸਪ੍ਪਾਣਕਂ ਉਦਕਂ ਤਿਣਂ ਵਾ ਮਤ੍ਤਿਕਂ ਵਾ ਸਿਞ੍ਚੇਯ੍ਯ ਵਾ ਸਿਞ੍ਚਾਪੇਯ੍ਯ ਵਾ, ਪਾਚਿਤ੍ਤਿਯਂ.

੨੧. ਯੋ ¶ ਪਨ ਭਿਕ੍ਖੁ ਅਸਮ੍ਮਤੋ ਭਿਕ੍ਖੁਨਿਯੋ ਓਵਦੇਯ੍ਯ, ਪਾਚਿਤ੍ਤਿਯਂ.

੨੨. ਸਮ੍ਮਤੋਪਿ ਚੇ ਭਿਕ੍ਖੁ ਅਤ੍ਥਙ੍ਗਤੇ ਸੂਰਿਯੇ ਭਿਕ੍ਖੁਨਿਯੋ ਓਵਦੇਯ੍ਯ, ਪਾਚਿਤ੍ਤਿਯਂ.

੨੩. ਯੋ ¶ ਪਨ ਭਿਕ੍ਖੁ ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤ੍ਵਾ ਭਿਕ੍ਖੁਨਿਯੋ ਓਵਦੇਯ੍ਯ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਗਿਲਾਨਾ ਹੋਤਿ ਭਿਕ੍ਖੁਨੀ, ਅਯਂ ਤਤ੍ਥ ਸਮਯੋ.

੨੪. ਯੋ ਪਨ ਭਿਕ੍ਖੁ ਏਵਂ ਵਦੇਯ੍ਯ ‘‘ਆਮਿਸਹੇਤੁ ਥੇਰਾ ਭਿਕ੍ਖੂ ਭਿਕ੍ਖੁਨਿਯੋ ਓਵਦਨ੍ਤੀ’’ਤਿ, ਪਾਚਿਤ੍ਤਿਯਂ.

੨੫. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਚੀਵਰਂ ਦਦੇਯ੍ਯ ਅਞ੍ਞਤ੍ਰ ਪਾਰਿਵਤ੍ਤਕਾ, ਪਾਚਿਤ੍ਤਿਯਂ.

੨੬. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਚੀਵਰਂ ਸਿਬ੍ਬੇਯ੍ਯ ਵਾ ਸਿਬ੍ਬਾਪੇਯ੍ਯ ਵਾ, ਪਾਚਿਤ੍ਤਿਯਂ.

੨੭. ਯੋ ਪਨ ਭਿਕ੍ਖੁ ਭਿਕ੍ਖੁਨਿਯਾ ਸਦ੍ਧਿਂ ਸਂਵਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜੇਯ੍ਯ ਅਨ੍ਤਮਸੋ ਗਾਮਨ੍ਤਰਮ੍ਪਿ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਸਤ੍ਥਗਮਨੀਯੋ ਹੋਤਿ ਮਗ੍ਗੋ, ਸਾਸਙ੍ਕਸਮ੍ਮਤੋ, ਸਪ੍ਪਟਿਭਯੋ, ਅਯਂ ਤਤ੍ਥ ਸਮਯੋ.

੨੮. ਯੋ ਪਨ ਭਿਕ੍ਖੁ ਭਿਕ੍ਖੁਨਿਯਾ ਸਦ੍ਧਿਂ ਸਂਵਿਧਾਯ ਏਕਂ ਨਾਵਂ ਅਭਿਰੁਹੇਯ੍ਯ ਉਦ੍ਧਂਗਾਮਿਨਿਂ ਵਾ ਅਧੋਗਾਮਿਨਿਂ ਵਾ ਅਞ੍ਞਤ੍ਰ ਤਿਰਿਯਂ ਤਰਣਾਯ, ਪਾਚਿਤ੍ਤਿਯਂ.

੨੯. ਯੋ ¶ ਪਨ ਭਿਕ੍ਖੁ ਜਾਨਂ ਭਿਕ੍ਖੁਨਿਪਰਿਪਾਚਿਤਂ ਪਿਣ੍ਡਪਾਤਂ ਭੁਞ੍ਜੇਯ੍ਯ ਅਞ੍ਞਤ੍ਰ ਪੁਬ੍ਬੇ ਗਿਹਿਸਮਾਰਮ੍ਭਾ, ਪਾਚਿਤ੍ਤਿਯਂ.

੩੦. ਯੋ ¶ ਪਨ ਭਿਕ੍ਖੁ ਭਿਕ੍ਖੁਨਿਯਾ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੩੧. ਅਗਿਲਾਨੇਨ ਭਿਕ੍ਖੁਨਾ ਏਕੋ ਆਵਸਥਪਿਣ੍ਡੋ ਭੁਞ੍ਜਿਤਬ੍ਬੋ. ਤਤੋ ਚੇ ਉਤ੍ਤਰਿ ਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੩੨. ਗਣਭੋਜਨੇ ਅਞ੍ਞਤ੍ਰ ਸਮਯਾ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਗਿਲਾਨਸਮਯੋ, ਚੀਵਰਦਾਨਸਮਯੋ, ਚੀਵਰਕਾਰਸਮਯੋ, ਅਦ੍ਧਾਨਗਮਨਸਮਯੋ, ਨਾਵਾਭਿਰੁਹਨਸਮਯੋ, ਮਹਾਸਮਯੋ, ਸਮਣਭਤ੍ਤਸਮਯੋ, ਅਯਂ ਤਤ੍ਥ ਸਮਯੋ.

੩੩. ਪਰਮ੍ਪਰਭੋਜਨੇ ਅਞ੍ਞਤ੍ਰ ਸਮਯਾ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਗਿਲਾਨਸਮਯੋ, ਚੀਵਰਦਾਨਸਮਯੋ, ਚੀਵਰਕਾਰਸਮਯੋ, ਅਯਂ ਤਤ੍ਥ ਸਮਯੋ.

੩੪. ਭਿਕ੍ਖੁਂ ਪਨੇਵ ਕੁਲਂ ਉਪਗਤਂ ਪੂਵੇਹਿ ਵਾ ਮਨ੍ਥੇਹਿ ਵਾ ਅਭਿਹਟ੍ਠੁਂ ਪਵਾਰੇਯ੍ਯ, ਆਕਙ੍ਖਮਾਨੇਨ ਭਿਕ੍ਖੁਨਾ ਦ੍ਵਤ੍ਤਿਪਤ੍ਤਪੂਰਾ ਪਟਿਗ੍ਗਹੇਤਬ੍ਬਾ. ਤਤੋ ਚੇ ਉਤ੍ਤਰਿ ਪਟਿਗ੍ਗਣ੍ਹੇਯ੍ਯ, ਪਾਚਿਤ੍ਤਿਯਂ. ਦ੍ਵਤ੍ਤਿਪਤ੍ਤਪੂਰੇ ਪਟਿਗ੍ਗਹੇਤ੍ਵਾ ਤਤੋ ਨੀਹਰਿਤ੍ਵਾ ਭਿਕ੍ਖੂਹਿ ਸਦ੍ਧਿਂ ਸਂਵਿਭਜਿਤਬ੍ਬਂ, ਅਯਂ ਤਤ੍ਥ ਸਾਮੀਚਿ.

੩੫. ਯੋ ਪਨ ਭਿਕ੍ਖੁ ਭੁਤ੍ਤਾਵੀ ਪਵਾਰਿਤੋ ਅਨਤਿਰਿਤ੍ਤਂ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੩੬. ਯੋ ¶ ¶ ਪਨ ਭਿਕ੍ਖੁ ਭਿਕ੍ਖੁਂ ਭੁਤ੍ਤਾਵਿਂ ਪਵਾਰਿਤਂ ਅਨਤਿਰਿਤ੍ਤੇਨ ਖਾਦਨੀਯੇਨ ਵਾ ਭੋਜਨੀਯੇਨ ਵਾ ਅਭਿਹਟ੍ਠੁਂ ਪਵਾਰੇਯ੍ਯ ‘‘ਹਨ੍ਦ ਭਿਕ੍ਖੁ ਖਾਦ ਵਾ ਭੁਞ੍ਜ ਵਾ’’ਤਿ ਜਾਨਂ ਆਸਾਦਨਾਪੇਕ੍ਖੋ, ਭੁਤ੍ਤਸ੍ਮਿਂ ਪਾਚਿਤ੍ਤਿਯਂ.

੩੭. ਯੋ ਪਨ ਭਿਕ੍ਖੁ ਵਿਕਾਲੇ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੩੮. ਯੋ ਪਨ ਭਿਕ੍ਖੁ ਸਨ੍ਨਿਧਿਕਾਰਕਂ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੩੯. ਯਾਨਿ ਖੋ ਪਨ ਤਾਨਿ ਪਣੀਤਭੋਜਨਾਨਿ, ਸੇਯ੍ਯਥਿਦਂ – ਸਪ੍ਪਿ, ਨਵਨੀਤਂ, ਤੇਲਂ, ਮਧੁ, ਫਾਣਿਤਂ, ਮਚ੍ਛੋ, ਮਂਸਂ, ਖੀਰਂ, ਦਧਿ. ਯੋ ਪਨ ਭਿਕ੍ਖੁ ਏਵਰੂਪਾਨਿ ਪਣੀਤਭੋਜਨਾਨਿ ਅਗਿਲਾਨੋ ਅਤ੍ਤਨੋ ਅਤ੍ਥਾਯ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੪੦. ਯੋ ਪਨ ਭਿਕ੍ਖੁ ਅਦਿਨ੍ਨਂ ਮੁਖਦ੍ਵਾਰਂ ਆਹਾਰਂ ਆਹਰੇਯ੍ਯ ਅਞ੍ਞਤ੍ਰ ਉਦਕਦਨ੍ਤਪੋਨਾ, ਪਾਚਿਤ੍ਤਿਯਂ.

੪੧. ਯੋ ਪਨ ਭਿਕ੍ਖੁ ਅਚੇਲਕਸ੍ਸ ਵਾ ਪਰਿਬ੍ਬਾਜਕਸ੍ਸ ਵਾ ਪਰਿਬ੍ਬਾਜਿਕਾਯ ਵਾ ਸਹਤ੍ਥਾ ਖਾਦਨੀਯਂ ਵਾ ਭੋਜਨੀਯਂ ਵਾ ਦਦੇਯ੍ਯ, ਪਾਚਿਤ੍ਤਿਯਂ.

੪੨. ਯੋ ਪਨ ਭਿਕ੍ਖੁ ਭਿਕ੍ਖੁਂ ‘‘ਏਹਾਵੁਸੋ, ਗਾਮਂ ਵਾ ਨਿਗਮਂ ਵਾ ਪਿਣ੍ਡਾਯ ਪਵਿਸਿਸ੍ਸਾਮਾ’’ਤਿ ¶ ਤਸ੍ਸ ਦਾਪੇਤ੍ਵਾ ਵਾ ਅਦਾਪੇਤ੍ਵਾ ਵਾ ਉਯ੍ਯੋਜੇਯ੍ਯ ‘‘ਗਚ੍ਛਾਵੁਸੋ, ਨ ਮੇ ਤਯਾ ਸਦ੍ਧਿਂ ਕਥਾ ਵਾ ਨਿਸਜ੍ਜਾ ਵਾ ਫਾਸੁ ਹੋਤਿ, ਏਕਕਸ੍ਸ ਮੇ ਕਥਾ ਵਾ ਨਿਸਜ੍ਜਾ ਵਾ ਫਾਸੁ ਹੋਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੪੩. ਯੋ ¶ ਪਨ ਭਿਕ੍ਖੁ ਸਭੋਜਨੇ ਕੁਲੇ ਅਨੁਪਖਜ੍ਜ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੪੪. ਯੋ ਪਨ ਭਿਕ੍ਖੁ ਮਾਤੁਗਾਮੇਨ ਸਦ੍ਧਿਂ ਰਹੋ ਪਟਿਚ੍ਛਨ੍ਨੇ ਆਸਨੇ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੪੫. ਯੋ ਪਨ ਭਿਕ੍ਖੁ ਮਾਤੁਗਾਮੇਨ ਸਦ੍ਧਿਂ ਏਕੋ ਏਕਾਯ ਰਹੋ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੪੬. ਯੋ ਪਨ ਭਿਕ੍ਖੁ ਨਿਮਨ੍ਤਿਤੋ ਸਭਤ੍ਤੋ ਸਮਾਨੋ ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾ ਪੁਰੇਭਤ੍ਤਂ ਵਾ ਪਚ੍ਛਾਭਤ੍ਤਂ ਵਾ ਕੁਲੇਸੁ ਚਾਰਿਤ੍ਤਂ ਆਪਜ੍ਜੇਯ੍ਯ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਚੀਵਰਦਾਨਸਮਯੋ, ਚੀਵਰਕਾਰਸਮਯੋ, ਅਯਂ ਤਤ੍ਥ ਸਮਯੋ.

੪੭. ਅਗਿਲਾਨੇਨ ਭਿਕ੍ਖੁਨਾ ਚਤੁਮਾਸਪ੍ਪਚ੍ਚਯਪਵਾਰਣਾ ਸਾਦਿਤਬ੍ਬਾ ਅਞ੍ਞਤ੍ਰ ਪੁਨਪਵਾਰਣਾਯ, ਅਞ੍ਞਤ੍ਰ ਨਿਚ੍ਚਪਵਾਰਣਾਯ. ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯ, ਪਾਚਿਤ੍ਤਿਯਂ.

੪੮. ਯੋ ਪਨ ਭਿਕ੍ਖੁ ਉਯ੍ਯੁਤ੍ਤਂ ਸੇਨਂ ਦਸ੍ਸਨਾਯ ਗਚ੍ਛੇਯ੍ਯ ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਪਾਚਿਤ੍ਤਿਯਂ.

੪੯. ਸਿਯਾ ¶ ਚ ਤਸ੍ਸ ਭਿਕ੍ਖੁਨੋ ਕੋਚਿਦੇਵ ਪਚ੍ਚਯੋ ਸੇਨਂ ਗਮਨਾਯ, ਦਿਰਤ੍ਤਤਿਰਤ੍ਤਂ ਤੇਨ ਭਿਕ੍ਖੁਨਾ ਸੇਨਾਯ ਵਸਿਤਬ੍ਬਂ. ਤਤੋ ਚੇ ਉਤ੍ਤਰਿ ਵਸੇਯ੍ਯ, ਪਾਚਿਤ੍ਤਿਯਂ.

੫੦. ਦਿਰਤ੍ਤਤਿਰਤ੍ਤਂ ਚੇ ਭਿਕ੍ਖੁ ਸੇਨਾਯ ਵਸਮਾਨੋ ਉਯ੍ਯੋਧਿਕਂ ਵਾ ਬਲਗ੍ਗਂ ਵਾ ਸੇਨਾਬ੍ਯੂਹਂ ਵਾ ਅਨੀਕਦਸ੍ਸਨਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੫੫. ਯੋ ਪਨ ਭਿਕ੍ਖੁ ਭਿਕ੍ਖੁਂ ਭਿਂਸਾਪੇਯ੍ਯ, ਪਾਚਿਤ੍ਤਿਯਂ.

੫੬. ਯੋ ਪਨ ਭਿਕ੍ਖੁ ਅਗਿਲਾਨੋ ਵਿਸਿਬ੍ਬਨਾਪੇਕ੍ਖੋ ਜੋਤਿਂ ਸਮਾਦਹੇਯ੍ਯ ਵਾ ਸਮਾਦਹਾਪੇਯ੍ਯ ਵਾ ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਪਾਚਿਤ੍ਤਿਯਂ.

੫੭. ਯੋ ¶ ਪਨ ਭਿਕ੍ਖੁ ਓਰੇਨਦ੍ਧਮਾਸਂ ਨਹਾਯੇਯ੍ਯ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ ‘‘ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ‘‘ਵਸ੍ਸਾਨਸ੍ਸ ਪਠਮੋ ਮਾਸੋ’’ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ, ਕਮ੍ਮਸਮਯੋ, ਅਦ੍ਧਾਨਗਮਨਸਮਯੋ, ਵਾਤਵੁਟ੍ਠਿਸਮਯੋ, ਅਯਂ ਤਤ੍ਥ ਸਮਯੋ.

੫੮. ਨਵਂ ਪਨ ਭਿਕ੍ਖੁਨਾ ਚੀਵਰਲਾਭੇਨ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਆਦਾਤਬ੍ਬਂ ਨੀਲਂ ਵਾ ਕਦ੍ਦਮਂ ਵਾ ਕਾਲ਼ਸਾਮਂ ਵਾ. ਅਨਾਦਾ ਚੇ ਭਿਕ੍ਖੁ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਨਵਂ ਚੀਵਰਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੫੯. ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਵਾ ਭਿਕ੍ਖੁਨਿਯਾ ਵਾ ਸਿਕ੍ਖਮਾਨਾਯ ਵਾ ਸਾਮਣੇਰਸ੍ਸ ਵਾ ਸਾਮਣੇਰਿਯਾ ਵਾ ਸਾਮਂ ਚੀਵਰਂ ਵਿਕਪ੍ਪੇਤ੍ਵਾ ਅਪ੍ਪਚ੍ਚੁਦ੍ਧਾਰਣਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੬੦. ਯੋ ¶ ਪਨ ਭਿਕ੍ਖੁ ਭਿਕ੍ਖੁਸ੍ਸ ਪਤ੍ਤਂ ਵਾ ਚੀਵਰਂ ਵਾ ਨਿਸੀਦਨਂ ਵਾ ਸੂਚਿਘਰਂ ਵਾ ਕਾਯਬਨ੍ਧਨਂ ਵਾ ਅਪਨਿਧੇਯ੍ਯ ਵਾ ਅਪਨਿਧਾਪੇਯ੍ਯ ਵਾ ਅਨ੍ਤਮਸੋ ਹਸਾਪੇਕ੍ਖੋਪਿ, ਪਾਚਿਤ੍ਤਿਯਂ.

੬੧. ਯੋ ਪਨ ਭਿਕ੍ਖੁ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯ, ਪਾਚਿਤ੍ਤਿਯਂ.

੬੨. ਯੋ ਪਨ ਭਿਕ੍ਖੁ ਜਾਨਂ ਸਪ੍ਪਾਣਕਂ ਉਦਕਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੬੩. ਯੋ ਪਨ ਭਿਕ੍ਖੁ ਜਾਨਂ ਯਥਾਧਮ੍ਮਂ ਨਿਹਤਾਧਿਕਰਣਂ ਪੁਨਕਮ੍ਮਾਯ ਉਕ੍ਕੋਟੇਯ੍ਯ, ਪਾਚਿਤ੍ਤਿਯਂ.

੬੪. ਯੋ ¶ ਪਨ ਭਿਕ੍ਖੁ ਭਿਕ੍ਖੁਸ੍ਸ ਜਾਨਂ ਦੁਟ੍ਠੁਲ੍ਲਂ ਆਪਤ੍ਤਿਂ ਪਟਿਚ੍ਛਾਦੇਯ੍ਯ, ਪਾਚਿਤ੍ਤਿਯਂ.

੬੫. ਯੋ ਪਨ ਭਿਕ੍ਖੁ ਜਾਨਂ ਊਨਵੀਸਤਿਵਸ੍ਸਂ ਪੁਗ੍ਗਲਂ ਉਪਸਮ੍ਪਾਦੇਯ੍ਯ, ਸੋ ਚ ਪੁਗ੍ਗਲੋ ਅਨੁਪਸਮ੍ਪਨ੍ਨੋ, ਤੇ ਚ ਭਿਕ੍ਖੂ ਗਾਰਯ੍ਹਾ, ਇਦਂ ਤਸ੍ਮਿਂ ਪਾਚਿਤ੍ਤਿਯਂ.

੬੬. ਯੋ ਪਨ ਭਿਕ੍ਖੁ ਜਾਨਂ ਥੇਯ੍ਯਸਤ੍ਥੇਨ ਸਦ੍ਧਿਂ ਸਂਵਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜੇਯ੍ਯ ਅਨ੍ਤਮਸੋ ਗਾਮਨ੍ਤਰਮ੍ਪਿ, ਪਾਚਿਤ੍ਤਿਯਂ.

੬੭. ਯੋ ਪਨ ਭਿਕ੍ਖੁ ਮਾਤੁਗਾਮੇਨ ਸਦ੍ਧਿਂ ਸਂਵਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜੇਯ੍ਯ ਅਨ੍ਤਮਸੋ ਗਾਮਨ੍ਤਰਮ੍ਪਿ, ਪਾਚਿਤ੍ਤਿਯਂ.

੬੮. ਯੋ ¶ ਪਨ ਭਿਕ੍ਖੁ ਏਵਂ ਵਦੇਯ੍ਯ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾ ਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ, ਸੋ ਭਿਕ੍ਖੁ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਮਾਯਸ੍ਮਾ ਏਵਂ ਅਵਚ, ਮਾ ਭਗਵਨ੍ਤਂ ਅਬ੍ਭਾਚਿਕ੍ਖਿ, ਨ ਹਿ ਸਾਧੁ ਭਗਵਤੋ ਅਬ੍ਭਕ੍ਖਾਨਂ, ਨ ਹਿ ਭਗਵਾ ਏਵਂ ਵਦੇਯ੍ਯ, ਅਨੇਕਪਰਿਯਾਯੇਨਾਵੁਸੋ ਅਨ੍ਤਰਾਯਿਕਾ ਧਮ੍ਮਾ ਅਨ੍ਤਰਾਯਿਕਾ ਵੁਤ੍ਤਾ ਭਗਵਤਾ, ਅਲਞ੍ਚ ਪਨ ਤੇ ਪਟਿਸੇਵਤੋ ਅਨ੍ਤਰਾਯਾਯਾ’’ਤਿ. ਏਵਞ੍ਚ ਸੋ ਭਿਕ੍ਖੁ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਭਿਕ੍ਖੁ ਭਿਕ੍ਖੂਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬੋ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨੋ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਪਾਚਿਤ੍ਤਿਯਂ.

੬੯. ਯੋ ਪਨ ਭਿਕ੍ਖੁ ਜਾਨਂ ਤਥਾਵਾਦਿਨਾ ਭਿਕ੍ਖੁਨਾ ਅਕਟਾਨੁਧਮ੍ਮੇਨ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਟ੍ਠੇਨ ਸਦ੍ਧਿਂ ਸਮ੍ਭੁਞ੍ਜੇਯ੍ਯ ਵਾ, ਸਂਵਸੇਯ੍ਯ ਵਾ, ਸਹ ਵਾ ਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੭੦. ਸਮਣੁਦ੍ਦੇਸੋਪਿ ¶ ਚੇ ਏਵਂ ਵਦੇਯ੍ਯ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾ ਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ, ਸੋ ਸਮਣੁਦ੍ਦੇਸੋ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਮਾਵੁਸੋ, ਸਮਣੁਦ੍ਦੇਸ ਏਵਂ ਅਵਚ, ਮਾ ਭਗਵਨ੍ਤਂ ਅਬ੍ਭਾਚਿਕ੍ਖਿ, ਨ ਹਿ ਸਾਧੁ ਭਗਵਤੋ ਅਬ੍ਭਕ੍ਖਾਨਂ, ਨ ਹਿ ਭਗਵਾ ਏਵਂ ਵਦੇਯ੍ਯ, ਅਨੇਕਪਰਿਯਾਯੇਨਾਵੁਸੋ, ਸਮਣੁਦ੍ਦੇਸ ਅਨ੍ਤਰਾਯਿਕਾ ਧਮ੍ਮਾ ਅਨ੍ਤਰਾਯਿਕਾ ਵੁਤ੍ਤਾ ਭਗਵਤਾ, ਅਲਞ੍ਚ ਪਨ ਤੇ ਪਟਿਸੇਵਤੋ ਅਨ੍ਤਰਾਯਾਯਾ’’ਤਿ, ਏਵਞ੍ਚ ਸੋ ਸਮਣੁਦ੍ਦੇਸੋ ਭਿਕ੍ਖੂਹਿ ਵੁਚ੍ਚਮਾਨੋ ਤਥੇਵ ਪਗ੍ਗਣ੍ਹੇਯ੍ਯ, ਸੋ ਸਮਣੁਦ੍ਦੇਸੋ ਭਿਕ੍ਖੂਹਿ ਏਵਮਸ੍ਸ ਵਚਨੀਯੋ ‘‘ਅਜ੍ਜਤਗ੍ਗੇ ਤੇ, ਆਵੁਸੋ, ਸਮਣੁਦ੍ਦੇਸ ਨ ਚੇਵ ਸੋ ਭਗਵਾ ਸਤ੍ਥਾ ਅਪਦਿਸਿਤਬ੍ਬੋ, ਯਮ੍ਪਿ ਚਞ੍ਞੇ ਸਮਣੁਦ੍ਦੇਸਾ ਲਭਨ੍ਤਿ ਭਿਕ੍ਖੂਹਿ ਸਦ੍ਧਿਂ ਦਿਰਤ੍ਤਤਿਰਤ੍ਤਂ ਸਹਸੇਯ੍ਯਂ, ਸਾਪਿ ਤੇ ਨਤ੍ਥਿ, ਚਰ ਪਿਰੇ, ਵਿਨਸ੍ਸਾ’’ਤਿ. ਯੋ ਪਨ ਭਿਕ੍ਖੁ ਜਾਨਂ ਤਥਾਨਾਸਿਤਂ ਸਮਣੁਦ੍ਦੇਸਂ ਉਪਲਾਪੇਯ੍ਯ ਵਾ, ਉਪਟ੍ਠਾਪੇਯ੍ਯ ਵਾ, ਸਮ੍ਭੁਞ੍ਜੇਯ੍ਯ ਵਾ, ਸਹ ਵਾ ਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੭੧. ਯੋ ¶ ਪਨ ਭਿਕ੍ਖੁ ਭਿਕ੍ਖੂਹਿ ਸਹਧਮ੍ਮਿਕਂ ਵੁਚ੍ਚਮਾਨੋ ਏਵਂ ਵਦੇਯ੍ਯ ‘‘ਨ ਤਾਵਾਹਂ, ਆਵੁਸੋ, ਏਤਸ੍ਮਿਂ ਸਿਕ੍ਖਾਪਦੇ ਸਿਕ੍ਖਿਸ੍ਸਾਮਿ, ਯਾਵ ਨ ਅਞ੍ਞਂ ਭਿਕ੍ਖੁਂ ਬ੍ਯਤ੍ਤਂ ਵਿਨਯਧਰਂ ਪਰਿਪੁਚ੍ਛਾਮੀ’’ਤਿ, ਪਾਚਿਤ੍ਤਿਯਂ. ਸਿਕ੍ਖਮਾਨੇਨ, ਭਿਕ੍ਖਵੇ, ਭਿਕ੍ਖੁਨਾ ਅਞ੍ਞਾਤਬ੍ਬਂ ਪਰਿਪੁਚ੍ਛਿਤਬ੍ਬਂ ਪਰਿਪਞ੍ਹਿਤਬ੍ਬਂ, ਅਯਂ ਤਤ੍ਥ ਸਾਮੀਚਿ.

੭੨. ਯੋ ਪਨ ਭਿਕ੍ਖੁ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਏਵਂ ਵਦੇਯ੍ਯ ‘‘ਕਿਂ ਪਨਿਮੇਹਿ ਖੁਦ੍ਦਾਨੁਖੁਦ੍ਦਕੇਹਿ ਸਿਕ੍ਖਾਪਦੇਹਿ ਉਦ੍ਦਿਟ੍ਠੇਹਿ, ਯਾਵਦੇਵ ਕੁਕ੍ਕੁਚ੍ਚਾਯ ਵਿਹੇਸਾਯ ਵਿਲੇਖਾਯ ਸਂਵਤ੍ਤਨ੍ਤੀ’’ਤਿ, ਸਿਕ੍ਖਾਪਦਵਿਵਣ੍ਣਕੇ ਪਾਚਿਤ੍ਤਿਯਂ.

੭੩. ਯੋ ਪਨ ਭਿਕ੍ਖੁ ਅਨ੍ਵਦ੍ਧਮਾਸਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਏਵਂ ਵਦੇਯ੍ਯ ‘‘ਇਦਾਨੇਵ ਖੋ ਅਹਂ ਜਾਨਾਮਿ, ਅਯਮ੍ਪਿ ਕਿਰ ਧਮ੍ਮੋ ਸੁਤ੍ਤਾਗਤੋ ਸੁਤ੍ਤਪਰਿਯਾਪਨ੍ਨੋ ਅਨ੍ਵਦ੍ਧਮਾਸਂ ਉਦ੍ਦੇਸਂ ਆਗਚ੍ਛਤੀ’’ਤਿ. ਤਞ੍ਚੇ ਭਿਕ੍ਖੁਂ ਅਞ੍ਞੇ ਭਿਕ੍ਖੂ ਜਾਨੇਯ੍ਯੁਂ ਨਿਸਿਨ੍ਨਪੁਬ੍ਬਂ ਇਮਿਨਾ ਭਿਕ੍ਖੁਨਾ ਦ੍ਵਤ੍ਤਿਕ੍ਖਤ੍ਤੁਂ ¶ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ, ਕੋ ਪਨ ਵਾਦੋ ਭਿਯ੍ਯੋ, ਨ ਚ ਤਸ੍ਸ ਭਿਕ੍ਖੁਨੋ ਅਞ੍ਞਾਣਕੇਨ ਮੁਤ੍ਤਿ ਅਤ੍ਥਿ, ਯਞ੍ਚ ਤਤ੍ਥ ਆਪਤ੍ਤਿਂ ਆਪਨ੍ਨੋ, ਤਞ੍ਚ ਯਥਾਧਮ੍ਮੋ ਕਾਰੇਤਬ੍ਬੋ, ਉਤ੍ਤਰਿ ਚਸ੍ਸ ਮੋਹੋ ਆਰੋਪੇਤਬ੍ਬੋ ‘‘ਤਸ੍ਸ ਤੇ, ਆਵੁਸੋ, ਅਲਾਭਾ, ਤਸ੍ਸ ਤੇ ਦੁਲ੍ਲਦ੍ਧਂ, ਯਂ ਤ੍ਵਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇਨ ਸਾਧੁਕਂ ਅਟ੍ਠਿਂ ਕਤ੍ਵਾ ਮਨਸਿ ਕਰੋਸੀ’’ਤਿ, ਇਦਂ ਤਸ੍ਮਿਂ ਮੋਹਨਕੇ ਪਾਚਿਤ੍ਤਿਯਂ.

੭੪. ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਕੁਪਿਤੋ ਅਨਤ੍ਤਮਨੋ ਪਹਾਰਂ ਦਦੇਯ੍ਯ, ਪਾਚਿਤ੍ਤਿਯਂ.

੭੫. ਯੋ ਪਨ ਭਿਕ੍ਖੁ ਭਿਕ੍ਖੁਸ੍ਸ ਕੁਪਿਤੋ ਅਨਤ੍ਤਮਨੋ ਤਲਸਤ੍ਤਿਕਂ ਉਗ੍ਗਿਰੇਯ੍ਯ, ਪਾਚਿਤ੍ਤਿਯਂ.

੭੬. ਯੋ ਪਨ ਭਿਕ੍ਖੁ ਭਿਕ੍ਖੁਂ ਅਮੂਲਕੇਨ ਸਙ੍ਘਾਦਿਸੇਸੇਨ ਅਨੁਦ੍ਧਂਸੇਯ੍ਯ, ਪਾਚਿਤ੍ਤਿਯਂ.

੭੭. ਯੋ ¶ ਪਨ ਭਿਕ੍ਖੁ ਭਿਕ੍ਖੁਸ੍ਸ ਸਞ੍ਚਿਚ੍ਚ ਕੁਕ੍ਕੁਚ੍ਚਂ ਉਪਦਹੇਯ੍ਯ ‘‘ਇਤਿਸ੍ਸ ਮੁਹੁਤ੍ਤਮ੍ਪਿ ਅਫਾਸੁ ਭਵਿਸ੍ਸਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੭੮. ਯੋ ਪਨ ਭਿਕ੍ਖੁ ਭਿਕ੍ਖੂਨਂ ਭਣ੍ਡਨਜਾਤਾਨਂ ਕਲਹਜਾਤਾਨਂ ਵਿਵਾਦਾਪਨ੍ਨਾਨਂ ਉਪਸ੍ਸੁਤਿਂ ਤਿਟ੍ਠੇਯ੍ਯ ‘‘ਯਂ ਇਮੇ ਭਣਿਸ੍ਸਨ੍ਤਿ, ਤਂ ਸੋਸ੍ਸਾਮੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੭੯. ਯੋ ਪਨ ਭਿਕ੍ਖੁ ਧਮ੍ਮਿਕਾਨਂ ਕਮ੍ਮਾਨਂ ਛਨ੍ਦਂ ਦਤ੍ਵਾ ਪਚ੍ਛਾ ਖੀਯਨਧਮ੍ਮਂ ਆਪਜ੍ਜੇਯ੍ਯ, ਪਾਚਿਤ੍ਤਿਯਂ.

੮੦. ਯੋ ¶ ਪਨ ਭਿਕ੍ਖੁ ਸਙ੍ਘੇ ਵਿਨਿਚ੍ਛਯਕਥਾਯ ਵਤ੍ਤਮਾਨਾਯ ਛਨ੍ਦਂ ਅਦਤ੍ਵਾ ਉਟ੍ਠਾਯਾਸਨਾ ਪਕ੍ਕਮੇਯ੍ਯ, ਪਾਚਿਤ੍ਤਿਯਂ.

੮੧. ਯੋ ਪਨ ਭਿਕ੍ਖੁ ਸਮਗ੍ਗੇਨ ਸਙ੍ਘੇਨ ਚੀਵਰਂ ਦਤ੍ਵਾ ਪਚ੍ਛਾ ਖੀਯਨਧਮ੍ਮਂ ਆਪਜ੍ਜੇਯ੍ਯ ‘‘ਯਥਾਸਨ੍ਥੁਤਂ ਭਿਕ੍ਖੂ ਸਙ੍ਘਿਕਂ ਲਾਭਂ ਪਰਿਣਾਮੇਨ੍ਤੀ’’ਤਿ, ਪਾਚਿਤ੍ਤਿਯਂ.

੮੨. ਯੋ ਪਨ ਭਿਕ੍ਖੁ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਪੁਗ੍ਗਲਸ੍ਸ ਪਰਿਣਾਮੇਯ੍ਯ, ਪਾਚਿਤ੍ਤਿਯਂ.

੮੩. ਯੋ ਪਨ ਭਿਕ੍ਖੁ ਰਞ੍ਞੋ ਖਤ੍ਤਿਯਸ੍ਸ ਮੁਦ੍ਧਾਭਿਸਿਤ੍ਤਸ੍ਸ ਅਨਿਕ੍ਖਨ੍ਤਰਾਜਕੇ ਅਨਿਗ੍ਗਤਰਤਨਕੇ ਪੁਬ੍ਬੇ ਅਪ੍ਪਟਿਸਂਵਿਦਿਤੋ ਇਨ੍ਦਖੀਲਂ ਅਤਿਕ੍ਕਾਮੇਯ੍ਯ, ਪਾਚਿਤ੍ਤਿਯਂ.

੮੪. ਯੋ ¶ ਪਨ ਭਿਕ੍ਖੁ ਰਤਨਂ ਵਾ ਰਤਨਸਮ੍ਮਤਂ ਵਾ ਅਞ੍ਞਤ੍ਰ ਅਜ੍ਝਾਰਾਮਾ ਵਾ ਅਜ੍ਝਾਵਸਥਾ ਵਾ ਉਗ੍ਗਣ੍ਹੇਯ੍ਯ ਵਾ ਉਗ੍ਗਣ੍ਹਾਪੇਯ੍ਯ ਵਾ, ਪਾਚਿਤ੍ਤਿਯਂ. ਰਤਨਂ ਵਾ ਪਨ ਭਿਕ੍ਖੁਨਾ ਰਤਨਸਮ੍ਮਤਂ ਵਾ ਅਜ੍ਝਾਰਾਮੇ ਵਾ ਅਜ੍ਝਾਵਸਥੇ ਵਾ ਉਗ੍ਗਹੇਤ੍ਵਾ ਵਾ ਉਗ੍ਗਹਾਪੇਤ੍ਵਾ ਵਾ ਨਿਕ੍ਖਿਪਿਤਬ੍ਬਂ ‘‘ਯਸ੍ਸ ਭਵਿਸ੍ਸਤਿ, ਸੋ ਹਰਿਸ੍ਸਤੀ’’ਤਿ, ਅਯਂ ਤਤ੍ਥ ਸਾਮੀਚਿ.

੮੫. ਯੋ ਪਨ ਭਿਕ੍ਖੁ ਸਨ੍ਤਂ ਭਿਕ੍ਖੁਂ ਅਨਾਪੁਚ੍ਛਾਵਿਕਾਲੇ ਗਾਮਂ ਪਵਿਸੇਯ੍ਯ ਅਞ੍ਞਤ੍ਰ ਤਥਾਰੂਪਾ ਅਚ੍ਚਾਯਿਕਾ ਕਰਣੀਯਾ, ਪਾਚਿਤ੍ਤਿਯਂ.

੮੬. ਯੋ ¶ ਪਨ ਭਿਕ੍ਖੁ ਅਟ੍ਠਿਮਯਂ ਵਾ ਦਨ੍ਤਮਯਂ ਵਾ ਵਿਸਾਣਮਯਂ ਵਾ ਸੂਚਿਘਰਂ ਕਾਰਾਪੇਯ੍ਯ, ਭੇਦਨਕਂ ਪਾਚਿਤ੍ਤਿਯਂ.

੮੭. ਨਵਂ ਪਨ ਭਿਕ੍ਖੁਨਾ ਮਞ੍ਚਂ ਵਾ ਪੀਠਂ ਵਾ ਕਾਰਯਮਾਨੇਨ ਅਟ੍ਠਙ੍ਗੁਲਪਾਦਕਂ ਕਾਰੇਤਬ੍ਬਂ ਸੁਗਤਙ੍ਗੁਲੇਨ ਅਞ੍ਞਤ੍ਰ ਹੇਟ੍ਠਿਮਾਯ ਅਟਨਿਯਾ. ਤਂ ਅਤਿਕ੍ਕਾਮਯਤੋ ਛੇਦਨਕਂ ਪਾਚਿਤ੍ਤਿਯਂ.

੮੮. ਯੋ ਪਨ ਭਿਕ੍ਖੁ ਮਞ੍ਚਂ ਵਾ ਪੀਠਂ ਵਾ ਤੂਲੋਨਦ੍ਧਂ ਕਾਰਾਪੇਯ੍ਯ, ਉਦ੍ਦਾਲਨਕਂ ਪਾਚਿਤ੍ਤਿਯਂ.

੮੯. ਨਿਸੀਦਨਂ ਪਨ ਭਿਕ੍ਖੁਨਾ ਕਾਰਯਮਾਨੇਨ ਪਮਾਣਿਕਂ ਕਾਰੇਤਬ੍ਬਂ, ਤਤ੍ਰਿਦਂ ਪਮਾਣਂ, ਦੀਘਸੋ ਦ੍ਵੇ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਦਿਯਡ੍ਢਂ, ਦਸਾ ਵਿਦਤ੍ਥਿ. ਤਂ ਅਤਿਕ੍ਕਾਮਯਤੋ ਛੇਦਨਕਂ ਪਾਚਿਤ੍ਤਿਯਂ.

੯੦. ਕਣ੍ਡੁਪ੍ਪਟਿਚ੍ਛਾਦਿਂ ਪਨ ਭਿਕ੍ਖੁਨਾ ਕਾਰਯਮਾਨੇਨ ਪਮਾਣਿਕਾ ਕਾਰੇਤਬ੍ਬਾ, ਤਤ੍ਰਿਦਂ ਪਮਾਣਂ, ਦੀਘਸੋ ਚਤਸ੍ਸੋ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਦ੍ਵੇ ਵਿਦਤ੍ਥਿਯੋ. ਤਂ ਅਤਿਕ੍ਕਾਮਯਤੋ ਛੇਦਨਕਂ ਪਾਚਿਤ੍ਤਿਯਂ.

੯੧. ਵਸ੍ਸਿਕਸਾਟਿਕਂ ¶ ਪਨ ਭਿਕ੍ਖੁਨਾ ਕਾਰਯਮਾਨੇਨ ਪਮਾਣਿਕਾ ਕਾਰੇਤਬ੍ਬਾ, ਤਤ੍ਰਿਦਂ ਪਮਾਣਂ, ਦੀਘਸੋ ਛ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਅਡ੍ਢਤੇਯ੍ਯਾ. ਤਂ ਅਤਿਕ੍ਕਾਮਯਤੋ ਛੇਦਨਕਂ ਪਾਚਿਤ੍ਤਿਯਂ.

੯੨. ਯੋ ਪਨ ਭਿਕ੍ਖੁ ਸੁਗਤਚੀਵਰਪ੍ਪਮਾਣਂ ਚੀਵਰਂ ਕਾਰਾਪੇਯ੍ਯ, ਅਤਿਰੇਕਂ ਵਾ, ਛੇਦਨਕਂ ਪਾਚਿਤ੍ਤਿਯਂ ¶ . ਤਤ੍ਰਿਦਂ ਸੁਗਤਸ੍ਸ ਸੁਗਤਚੀਵਰਪ੍ਪਮਾਣਂ, ਦੀਘਸੋ ਨਵ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਛ ਵਿਦਤ੍ਥਿਯੋ, ਇਦਂ ਸੁਗਤਸ੍ਸ ਸੁਗਤਚੀਵਰਪ੍ਪਮਾਣਨ੍ਤਿ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਦ੍ਵੇਨਵੁਤਿ ਪਾਚਿਤ੍ਤਿਯਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਚਤ੍ਤਾਰੋ ਪਾਟਿਦੇਸਨੀਯਾ

੧. ਯੋ ਪਨ ਭਿਕ੍ਖੁ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਅਨ੍ਤਰਘਰਂ ਪਵਿਟ੍ਠਾਯ ਹਤ੍ਥਤੋ ਖਾਦਨੀਯਂ ਵਾ ਭੋਜਨੀਯਂ ਵਾ ਸਹਤ੍ਥਾ ਪਟਿਗ੍ਗਹੇਤ੍ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ ‘‘ਗਾਰਯ੍ਹਂ, ਆਵੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ.

੨. ਭਿਕ੍ਖੂ ਪਨੇਵ ਕੁਲੇਸੁ ਨਿਮਨ੍ਤਿਤਾ ਭੁਞ੍ਜਨ੍ਤਿ, ਤਤ੍ਰ ਚੇ ਸਾ ਭਿਕ੍ਖੁਨੀ ਵੋਸਾਸਮਾਨਰੂਪਾ ਠਿਤਾ ਹੋਤਿ ‘‘ਇਧ ਸੂਪਂ ਦੇਥ, ਇਧ ਓਦਨਂ ਦੇਥਾ’’ਤਿ. ਤੇਹਿ ਭਿਕ੍ਖੂਹਿ ਸਾ ਭਿਕ੍ਖੁਨੀ ਅਪਸਾਦੇਤਬ੍ਬਾ ‘‘ਅਪਸਕ੍ਕ ਤਾਵ ਭਗਿਨਿ, ਯਾਵ ¶ ਭਿਕ੍ਖੂ ਭੁਞ੍ਜਨ੍ਤੀ’’ਤਿ. ਏਕਸ੍ਸਪਿ ਚੇ ਭਿਕ੍ਖੁਨੋ ਨ ਪਟਿਭਾਸੇਯ੍ਯ ਤਂ ਭਿਕ੍ਖੁਨਿਂ ਅਪਸਾਦੇਤੁਂ ‘‘ਅਪਸਕ੍ਕ ਤਾਵ ਭਗਿਨਿ, ਯਾਵ ਭਿਕ੍ਖੂ ਭੁਞ੍ਜਨ੍ਤੀ’’ਤਿ, ਪਟਿਦੇਸੇਤਬ੍ਬਂ ਤੇਹਿ ਭਿਕ੍ਖੂਹਿ ‘‘ਗਾਰਯ੍ਹਂ, ਆਵੁਸੋ, ਧਮ੍ਮਂ ਆਪਜ੍ਜਿਮ੍ਹਾ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮਾ’’ਤਿ.

੩. ਯਾਨਿ ¶ ਖੋ ਪਨ ਤਾਨਿ ਸੇਕ੍ਖਸਮ੍ਮਤਾਨਿ ਕੁਲਾਨਿ, ਯੋ ਪਨ ਭਿਕ੍ਖੁ ਤਥਾਰੂਪੇਸੁ ਸੇਕ੍ਖਸਮ੍ਮਤੇਸੁ ਕੁਲੇਸੁ ਪੁਬ੍ਬੇ ਅਨਿਮਨ੍ਤਿਤੋ ਅਗਿਲਾਨੋ ਖਾਦਨੀਯਂ ਵਾ, ਭੋਜਨੀਯਂ ਵਾ ਸਹਤ੍ਥਾ ਪਟਿਗ੍ਗਹੇਤ੍ਵਾ ਖਾਦੇਯ੍ਯ ਵਾ, ਭੁਞ੍ਜੇਯ੍ਯ ਵਾ, ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ ‘‘ਗਾਰਯ੍ਹਂ, ਆਵੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ.

੪. ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ ਸੇਨਾਸਨਾਨਿ ਸਾਸਙ੍ਕਸਮ੍ਮਤਾਨਿ ਸਪ੍ਪਟਿਭਯਾਨਿ, ਯੋ ਪਨ ਭਿਕ੍ਖੁ ਤਥਾਰੂਪੇਸੁ ਸੇਨਾਸਨੇਸੁ ਪੁਬ੍ਬੇ ਅਪ੍ਪਟਿਸਂਵਿਦਿਤਂ ਖਾਦਨੀਯਂ ਵਾ, ਭੋਜਨੀਯਂ ਵਾ ਅਜ੍ਝਾਰਾਮੇ ਸਹਤ੍ਥਾ ਪਟਿਗ੍ਗਹੇਤ੍ਵਾ ਅਗਿਲਾਨੋ ਖਾਦੇਯ੍ਯ ਵਾ, ਭੁਞ੍ਜੇਯ੍ਯ ਵਾ, ਪਟਿਦੇਸੇਤਬ੍ਬਂ ਤੇਨ ਭਿਕ੍ਖੁਨਾ ‘‘ਗਾਰਯ੍ਹਂ, ਆਵੁਸੋ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਚਤ੍ਤਾਰੋ ਪਾਟਿਦੇਸਨੀਯਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਸੇਖਿਯਾ ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੧. ਪਰਿਮਣ੍ਡਲਂ ਨਿਵਾਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨. ਪਰਿਮਣ੍ਡਲਂ ਪਾਰੁਪਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩. ਸੁਪ੍ਪਟਿਚ੍ਛਨ੍ਨੋ ¶ ¶ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪. ਸੁਪ੍ਪਟਿਚ੍ਛਨ੍ਨੋ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫. ਸੁਸਂਵੁਤੋ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬. ਸੁਸਂਵੁਤੋ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭. ਓਕ੍ਖਿਤ੍ਤਚਕ੍ਖੁ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੮. ਓਕ੍ਖਿਤ੍ਤਚਕ੍ਖੁ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੯. ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੦. ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੧. ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੨. ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੩. ਅਪ੍ਪਸਦ੍ਦੋ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੪. ਅਪ੍ਪਸਦ੍ਦੋ ¶ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੫. ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੬. ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੭. ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੮. ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੯. ਨ ¶ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੦. ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੧. ਨ ਖਮ੍ਭਕਤੋ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੨. ਨ ਖਮ੍ਭਕਤੋ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੩. ਨ ਓਗੁਣ੍ਠਿਤੋ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੪. ਨ ਓਗੁਣ੍ਠਿਤੋ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੫. ਨ ¶ ਉਕ੍ਕੁਟਿਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੬. ਨ ਪਲ੍ਲਤ੍ਥਿਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੭. ਸਕ੍ਕਚ੍ਚਂ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੮. ਪਤ੍ਤਸਞ੍ਞੀ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੯. ਸਮਸੂਪਕਂ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੦. ਸਮਤਿਤ੍ਤਿਕਂ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੧. ਸਕ੍ਕਚ੍ਚਂ ¶ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੨. ਪਤ੍ਤਸਞ੍ਞੀ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੩. ਸਪਦਾਨਂ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੪. ਸਮਸੂਪਕਂ ¶ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੫. ਨ ਥੂਪਕਤੋ ਓਮਦ੍ਦਿਤ੍ਵਾ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੬. ਨ ਸੂਪਂ ਵਾ ਬ੍ਯਞ੍ਜਨਂ ਵਾ ਓਦਨੇਨ ਪਟਿਚ੍ਛਾਦੇਸ੍ਸਾਮਿ ਭਿਯ੍ਯੋਕਮ੍ਯਤਂ ਉਪਾਦਾਯਾਤਿ ਸਿਕ੍ਖਾ ਕਰਣੀਯਾ.

੩੭. ਨ ਸੂਪਂ ਵਾ ਓਦਨਂ ਵਾ ਅਗਿਲਾਨੋ ਅਤ੍ਤਨੋ ਅਤ੍ਥਾਯ ਵਿਞ੍ਞਾਪੇਤ੍ਵਾ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੮. ਨ ਉਜ੍ਝਾਨਸਞ੍ਞੀ ਪਰੇਸਂ ਪਤ੍ਤਂ ਓਲੋਕੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੯. ਨਾਤਿਮਹਨ੍ਤਂ ਕਬਲ਼ਂ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੦. ਪਰਿਮਣ੍ਡਲਂ ਆਲੋਪਂ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੧. ਨ ¶ ਅਨਾਹਟੇ ਕਬਲ਼ੇ ਮੁਖਦ੍ਵਾਰਂ ਵਿਵਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੨. ਨ ਭੁਞ੍ਜਮਾਨੋ ਸਬ੍ਬਹਤ੍ਥਂ ਮੁਖੇ ਪਕ੍ਖਿਪਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੩. ਨ ¶ ਸਕਬਲ਼ੇਨ ਮੁਖੇਨ ਬ੍ਯਾਹਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੪. ਨ ਪਿਣ੍ਡੁਕ੍ਖੇਪਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੫. ਨ ਕਬਲ਼ਾਵਚ੍ਛੇਦਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੬. ਨ ਅਵਗਣ੍ਡਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੭. ਨ ਹਤ੍ਥਨਿਦ੍ਧੁਨਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੮. ਨ ਸਿਤ੍ਥਾਵਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੯. ਨ ਜਿਵ੍ਹਾਨਿਚ੍ਛਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੦. ਨ ਚਪੁਚਪੁਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੧. ਨ ਸੁਰੁਸੁਰੁਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੨. ਨ ਹਤ੍ਥਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੩. ਨ ¶ ¶ ਪਤ੍ਤਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੪. ਨ ਓਟ੍ਠਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੫. ਨ ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੬. ਨ ਸਸਿਤ੍ਥਕਂ ਪਤ੍ਤਧੋਵਨਂ ਅਨ੍ਤਰਘਰੇ ਛਡ੍ਡੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੭. ਨ ਛਤ੍ਤਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੮. ਨ ਦਣ੍ਡਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੯. ਨ ਸਤ੍ਥਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੦. ਨ ਆਵੁਧਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੧. ਨ ¶ ਪਾਦੁਕਾਰੁਲ਼੍ਹਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੨. ਨ ¶ ਉਪਾਹਨਾਰੁਲ਼੍ਹਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੩. ਨ ਯਾਨਗਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੪. ਨ ਸਯਨਗਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੫. ਨ ਪਲ੍ਲਤ੍ਥਿਕਾਯ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੬. ਨ ਵੇਠਿਤਸੀਸਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੭. ਨ ਓਗੁਣ੍ਠਿਤਸੀਸਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੮. ਨ ਛਮਾਯਂ ਨਿਸੀਦਿਤ੍ਵਾ ਆਸਨੇ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੯. ਨ ਨੀਚੇ ਆਸਨੇ ਨਿਸੀਦਿਤ੍ਵਾ ਉਚ੍ਚੇ ਆਸਨੇ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੦. ਨ ਠਿਤੋ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੧. ਨ ¶ ¶ ਪਚ੍ਛਤੋ ਗਚ੍ਛਨ੍ਤੋ ਪੁਰਤੋ ਗਚ੍ਛਨ੍ਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੨. ਨ ਉਪ੍ਪਥੇਨ ਗਚ੍ਛਨ੍ਤੋ ਪਥੇਨ ਗਚ੍ਛਨ੍ਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੩. ਨ ਠਿਤੋ ਅਗਿਲਾਨੋ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੪. ਨ ਹਰਿਤੇ ਅਗਿਲਾਨੋ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਖੇਲ਼ਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੫. ਨ ਉਦਕੇ ਅਗਿਲਾਨੋ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਖੇਲ਼ਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਸੇਖਿਯਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯਸ੍ਮਨ੍ਤੋ ਸਤ੍ਤ ਅਧਿਕਰਣਸਮਥਾ

ਉਪ੍ਪਨ੍ਨੁਪ੍ਪਨ੍ਨਾਨਂ ¶ ਅਧਿਕਰਣਾਨਂ ਸਮਥਾਯ ਵੂਪਸਮਾਯ ਸਮ੍ਮੁਖਾਵਿਨਯੋ ਦਾਤਬ੍ਬੋ.

ਉਦ੍ਦਿਟ੍ਠਾ ਖੋ ਆਯਸ੍ਮਨ੍ਤੋ ਸਤ੍ਤ ਅਧਿਕਰਣਸਮਥਾ ਧਮ੍ਮਾ. ਤਤ੍ਥਾਯਸ੍ਮਨ੍ਤੇ, ਪੁਚ੍ਛਾਮਿ ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਉਦ੍ਦਿਟ੍ਠਂ ਖੋ ਆਯਸ੍ਮਨ੍ਤੋ ਨਿਦਾਨਂ,

ਉਦ੍ਦਿਟ੍ਠਾ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾ,

ਉਦ੍ਦਿਟ੍ਠਾ ਤੇਰਸ ਸਙ੍ਘਾਦਿਸੇਸਾ ਧਮ੍ਮਾ,

ਉਦ੍ਦਿਟ੍ਠਾ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ,

ਉਦ੍ਦਿਟ੍ਠਾ ਦ੍ਵੇਨਵੁਤਿ ਪਾਚਿਤ੍ਤਿਯਾ ਧਮ੍ਮਾ,

ਉਦ੍ਦਿਟ੍ਠਾ ਚਤ੍ਤਾਰੋ ਪਾਟਿਦੇਸਨੀਯਾ ਧਮ੍ਮਾ,

ਉਦ੍ਦਿਟ੍ਠਾ ਸਤ੍ਤ ਅਧਿਕਰਣਸਮਥਾ ਧਮ੍ਮਾ, ਏਤ੍ਤਕਂ ਤਸ੍ਸ ਭਗਵਤੋ ਸੁਤ੍ਤਾਗਤਂ ਸੁਤ੍ਤਪਰਿਯਾਪਨ੍ਨਂ ਅਨ੍ਵਦ੍ਧਮਾਸਂ ¶ ਉਦ੍ਦੇਸਂ ਆਗਚ੍ਛਤਿ, ਤਤ੍ਥ ਸਬ੍ਬੇਹੇਵ ਸਮਗ੍ਗੇਹਿ ਸਮ੍ਮੋਦਮਾਨੇਹਿ ਅਵਿਵਦਮਾਨੇਹਿ ਸਿਕ੍ਖਿਤਬ੍ਬਨ੍ਤਿ.

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਸਮ੍ਮਜ੍ਜਨੀ ¶ ¶ ਪਦੀਪੋ ਚ, ਉਦਕਂ ਆਸਨੇਨ ਚ;

ਉਪੋਸਥਸ੍ਸ ਏਤਾਨਿ, ‘‘ਪੁਬ੍ਬਕਰਣ’’ਨ੍ਤਿ ਵੁਚ੍ਚਤਿ.

ਛਨ੍ਦ, ਪਾਰਿਸੁਦ੍ਧਿ, ਉਤੁਕ੍ਖਾਨਂ, ਭਿਕ੍ਖੁਨਿਗਣਨਾ ਚ ਓਵਾਦੋ;

ਉਪੋਸਥਸ੍ਸ ਏਤਾਨਿ, ‘‘ਪੁਬ੍ਬਕਿਚ੍ਚ’’ਨ੍ਤਿ ਵੁਚ੍ਚਤਿ.

ਉਪੋਸਥੋ, ਯਾਵਤਿਕਾ ਚ ਭਿਕ੍ਖੁਨੀ ਕਮ੍ਮਪ੍ਪਤ੍ਤਾ;

ਵਜ੍ਜਨੀਯਾ ਚ ਪੁਗ੍ਗਲਾ ਤਸ੍ਮਿਂ ਨ ਹੋਨ੍ਤਿ, ‘‘ਪਤ੍ਤਕਲ੍ਲ’’ਨ੍ਤਿ ਵੁਚ੍ਚਤਿ.

ਪੁਬ੍ਬਕਰਣਪੁਬ੍ਬਕਿਚ੍ਚਾਨਿ ਸਮਾਪੇਤ੍ਵਾ ਦੇਸਿਤਾਪਤ੍ਤਿਕਸ੍ਸ ਸਮਗ੍ਗਸ੍ਸ ਭਿਕ੍ਖੁਨਿਸਙ੍ਘਸ੍ਸ ਅਨੁਮਤਿਯਾ ਪਾਤਿਮੋਕ੍ਖਂ ਉਦ੍ਦਿਸਿਤੁਂ ਆਰਾਧਨਂ ਕਰੋਮ.

ਸੁਣਾਤੁ ¶ ਮੇ ਅਯ੍ਯੇ ਸਙ੍ਘੋ, ਅਜ੍ਜੁਪੋਸਥੋ ਪਨ੍ਨਰਸੋ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਸਙ੍ਘੋ ਉਪੋਸਥਂ ਕਰੇਯ੍ਯ, ਪਾਤਿਮੋਕ੍ਖਂ ਉਦ੍ਦਿਸੇਯ੍ਯ.

ਕਿਂ ਸਙ੍ਘਸ੍ਸ ਪੁਬ੍ਬਕਿਚ੍ਚਂ? ਪਾਰਿਸੁਦ੍ਧਿਂ ਅਯ੍ਯਾਯੋ ਆਰੋਚੇਥ, ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮਿ, ਤਂ ਸਬ੍ਬਾਵ ਸਨ੍ਤਾ ਸਾਧੁਕਂ ਸੁਣੋਮ ਮਨਸਿ ਕਰੋਮ. ਯਸ੍ਸਾ ਸਿਯਾ ਆਪਤ੍ਤਿ, ਸਾ ਆਵਿਕਰੇਯ੍ਯ, ਅਸਨ੍ਤਿਯਾ ਆਪਤ੍ਤਿਯਾ ਤੁਣ੍ਹੀ ਭਵਿਤਬ੍ਬਂ, ਤੁਣ੍ਹੀਭਾਵੇਨ ਖੋ ਪਨਾਯ੍ਯਾਯੋ, ‘‘ਪਰਿਸੁਦ੍ਧਾ’’ਤਿ ਵੇਦਿਸ੍ਸਾਮਿ. ਯਥਾ ਖੋ ਪਨ ਪਚ੍ਚੇਕਪੁਟ੍ਠਸ੍ਸਾ ਵੇਯ੍ਯਾਕਰਣਂ ਹੋਤਿ, ਏਵਮੇਵਂ ਏਵਰੂਪਾਯ ਪਰਿਸਾਯ ਯਾਵਤਤਿਯਂ ਅਨੁਸਾਵਿਤਂ ਹੋਤਿ. ਯਾ ਪਨ ਭਿਕ੍ਖੁਨੀ ਯਾਵਤਤਿਯਂ ਅਨੁਸਾਵਿਯਮਾਨੇ ਸਰਮਾਨਾ ਸਨ੍ਤਿਂ ਆਪਤ੍ਤਿਂ ਨਾਵਿਕਰੇਯ੍ਯ, ਸਮ੍ਪਜਾਨਮੁਸਾਵਾਦਸ੍ਸਾ ਹੋਤਿ. ਸਮ੍ਪਜਾਨਮੁਸਾਵਾਦੋ ਖੋ ਪਨਾਯ੍ਯਾਯੋ, ਅਨ੍ਤਰਾਯਿਕੋ ਧਮ੍ਮੋ ¶ ਵੁਤ੍ਤੋ ਭਗਵਤਾ, ਤਸ੍ਮਾ ਸਰਮਾਨਾਯ ਭਿਕ੍ਖੁਨਿਯਾ ਆਪਨ੍ਨਾਯ ਵਿਸੁਦ੍ਧਾਪੇਕ੍ਖਾਯ ਸਨ੍ਤੀ ਆਪਤ੍ਤਿ ਆਵਿਕਾਤਬ੍ਬਾ, ਆਵਿਕਤਾ ਹਿਸ੍ਸਾ ਫਾਸੁ ਹੋਤਿ.

ਉਦ੍ਦਿਟ੍ਠਂ ਖੋ, ਅਯ੍ਯਾਯੋ, ਨਿਦਾਨਂ. ਤਤ੍ਥਾਯ੍ਯਾਯੋ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਤਤ੍ਰਿਮੇ ਅਟ੍ਠ ਪਾਰਾਜਿਕਾ ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੧. ਯਾ ਪਨ ਭਿਕ੍ਖੁਨੀ ਛਨ੍ਦਸੋ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯ, ਅਨ੍ਤਮਸੋ ਤਿਰਚ੍ਛਾਨਗਤੇਨਪਿ, ਪਾਰਾਜਿਕਾ ਹੋਤਿ ਅਸਂਵਾਸਾ.

੨. ਯਾ ¶ ਪਨ ਭਿਕ੍ਖੁਨੀ ਗਾਮਾ ਵਾ ਅਰਞ੍ਞਾ ਵਾ ਅਦਿਨ੍ਨਂ ਥੇਯ੍ਯਸਙ੍ਖਾਤਂ ਆਦਿਯੇਯ੍ਯ, ਯਥਾਰੂਪੇ ਅਦਿਨ੍ਨਾਦਾਨੇ ਰਾਜਾਨੋ ਚੋਰਂ ਗਹੇਤ੍ਵਾ ਹਨੇਯ੍ਯੁਂ ਵਾ ਬਨ੍ਧੇਯ੍ਯੁਂ ਵਾ ਪਬ੍ਬਾਜੇਯ੍ਯੁਂ ਵਾ ਚੋਰਾਸਿ ਬਾਲਾਸਿ ਮੂਲ਼੍ਹਾਸਿ ਥੇਨਾਸੀਤਿ, ਤਥਾਰੂਪਂ ਭਿਕ੍ਖੁਨੀ ਅਦਿਨ੍ਨਂ ਆਦਿਯਮਾਨਾ ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ.

੩. ਯਾ ਪਨ ਭਿਕ੍ਖੁਨੀ ਸਞ੍ਚਿਚ੍ਚ ਮਨੁਸ੍ਸਵਿਗ੍ਗਹਂ ਜੀਵਿਤਾ ਵੋਰੋਪੇਯ੍ਯ, ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯ, ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ, ਮਰਣਾਯ ਵਾ ਸਮਾਦਪੇਯ੍ਯ ‘‘ਅਮ੍ਭੋ ਪੁਰਿਸ, ਕਿਂ ਤੁਯ੍ਹਿਮਿਨਾ ਪਾਪਕੇਨ ਦੁਜ੍ਜੀਵਿਤੇਨ, ਮਤਂ ਤੇ ਜੀਵਿਤਾ ਸੇਯ੍ਯੋ’’ਤਿ, ਇਤਿ ਚਿਤ੍ਤਮਨਾ ਚਿਤ੍ਤਸਙ੍ਕਪ੍ਪਾ ਅਨੇਕਪਰਿਯਾਯੇਨ ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯ, ਮਰਣਾਯ ਵਾ ਸਮਾਦਪੇਯ੍ਯ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ.

੪. ਯਾ ਪਨ ਭਿਕ੍ਖੁਨੀ ਅਨਭਿਜਾਨਂ ਉਤ੍ਤਰਿਮਨੁਸ੍ਸਧਮ੍ਮਂ ਅਤ੍ਤੁਪਨਾਯਿਕਂ ਅਲਮਰਿਯਞਾਣਦਸ੍ਸਨਂ ਸਮੁਦਾਚਰੇਯ੍ਯ ‘‘ਇਤਿ ਜਾਨਾਮਿ, ਇਤਿ ਪਸ੍ਸਾਮੀ’’ਤਿ, ਤਤੋ ¶ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨਾ ਵਾ ਅਸਮਨੁਗ੍ਗਾਹੀਯਮਾਨਾ ਵਾ ਆਪਨ੍ਨਾ ਵਿਸੁਦ੍ਧਾਪੇਕ੍ਖਾ ਏਵਂ ਵਦੇਯ੍ਯ ‘‘ਅਜਾਨਮੇਵਂ, ਅਯ੍ਯੇ, ਅਵਚਂ ਜਾਨਾਮਿ, ਅਪਸ੍ਸਂ ਪਸ੍ਸਾਮਿ, ਤੁਚ੍ਛਂ ਮੁਸਾ ਵਿਲਪਿ’’ਨ੍ਤਿ, ਅਞ੍ਞਤ੍ਰ ਅਧਿਮਾਨਾ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ.

੫. ਯਾ ਪਨ ਭਿਕ੍ਖੁਨੀ ਅਵਸ੍ਸੁਤਾ ਅਵਸ੍ਸੁਤਸ੍ਸ ਪੁਰਿਸਪੁਗ੍ਗਲਸ੍ਸ, ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਮਸਨਂ ਵਾ ਪਰਾਮਸਨਂ ਵਾ ਗਹਣਂ ਵਾ ਛੁਪਨਂ ਵਾ ਪਟਿਪੀਲ਼ਨਂ ਵਾ ਸਾਦਿਯੇਯ੍ਯ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ ਉਬ੍ਭਜਾਣੁਮਣ੍ਡਲਿਕਾ.

੬. ਯਾ ਪਨ ਭਿਕ੍ਖੁਨੀ ਜਾਨਂ ਪਾਰਾਜਿਕਂ ਧਮ੍ਮਂ ਅਜ੍ਝਾਪਨ੍ਨਂ ਭਿਕ੍ਖੁਨਿਂ ਨੇਵਤ੍ਤਨਾ ਪਟਿਚੋਦੇਯ੍ਯ, ਨ ਗਣਸ੍ਸ ਆਰੋਚੇਯ੍ਯ, ਯਦਾ ਚ ਸਾ ਠਿਤਾ ਵਾ ਅਸ੍ਸ ਚੁਤਾ ਵਾ ਨਾਸਿਤਾ ਵਾ ਅਵਸ੍ਸਟਾ ਵਾ, ਸਾ ਪਚ੍ਛਾ ਏਵਂ ਵਦੇਯ੍ਯ ‘‘ਪੁਬ੍ਬੇਵਾਹਂ, ਅਯ੍ਯੇ, ਅਞ੍ਞਾਸਿਂ ਏਤਂ ਭਿਕ੍ਖੁਨਿਂ ‘ਏਵਰੂਪਾ ਚ ¶ ਏਵਰੂਪਾ ਚ ਸਾ ਭਗਿਨੀ’ਤਿ, ਨੋ ਚ ਖੋ ਅਤ੍ਤਨਾ ਪਟਿਚੋਦੇਸ੍ਸਂ, ਨ ਗਣਸ੍ਸ ਆਰੋਚੇਸ੍ਸ’’ਨ੍ਤਿ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ ਵਜ੍ਜਪ੍ਪਟਿਚ੍ਛਾਦਿਕਾ.

ਉਕ੍ਖਿਤ੍ਤਾਨੁਵਤ੍ਤਿਕਾਸਿਕ੍ਖਾਪਦਂ

੭. ਯਾ ਪਨ ਭਿਕ੍ਖੁਨੀ ਸਮਗ੍ਗੇਨ ਸਙ੍ਘੇਨ ਉਕ੍ਖਿਤ੍ਤਂ ਭਿਕ੍ਖੁਂ ਧਮ੍ਮੇਨ ਵਿਨਯੇਨ ਸਤ੍ਥੁਸਾਸਨੇਨ ਅਨਾਦਰਂ ਅਪ੍ਪਟਿਕਾਰਂ ਅਕਤਸਹਾਯਂ ਤਮਨੁਵਤ੍ਤੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਏਸੋ ਖੋ, ਅਯ੍ਯੇ, ਭਿਕ੍ਖੁ ਸਮਗ੍ਗੇਨ ਸਙ੍ਘੇਨ ਉਕ੍ਖਿਤ੍ਤੋ, ਧਮ੍ਮੇਨ ਵਿਨਯੇਨ ਸਤ੍ਥੁਸਾਸਨੇਨ ਅਨਾਦਰੋ ਅਪ੍ਪਟਿਕਾਰੋ ਅਕਤਸਹਾਯੋ, ਮਾਯ੍ਯੇ, ਏਤਂ ਭਿਕ੍ਖੁਂ ਅਨੁਵਤ੍ਤੀ’’ਤਿ, ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਂ ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ ਉਕ੍ਖਿਤ੍ਤਾਨੁਵਤ੍ਤਿਕਾ.

੮. ਯਾ ¶ ਪਨ ਭਿਕ੍ਖੁਨੀ ਅਵਸ੍ਸੁਤਾ ਅਵਸ੍ਸੁਤਸ੍ਸ ਪੁਰਿਸਪੁਗ੍ਗਲਸ੍ਸ ਹਤ੍ਥਗ੍ਗਹਣਂ ਵਾ ਸਾਦਿਯੇਯ੍ਯ, ਸਙ੍ਘਾਟਿਕਣ੍ਣਗ੍ਗਹਣਂ ਵਾ ਸਾਦਿਯੇਯ੍ਯ, ਸਨ੍ਤਿਟ੍ਠੇਯ੍ਯ ਵਾ, ਸਲ੍ਲਪੇਯ੍ਯ ਵਾ, ਸਙ੍ਕੇਤਂ ਵਾ ਗਚ੍ਛੇਯ੍ਯ, ਪੁਰਿਸਸ੍ਸ ਵਾ ਅਬ੍ਭਾਗਮਨਂ ਸਾਦਿਯੇਯ੍ਯ, ਛਨ੍ਨਂ ਵਾ ਅਨੁਪਵਿਸੇਯ੍ਯ, ਕਾਯਂ ਵਾ ਤਦਤ੍ਥਾਯ ਉਪਸਂਹਰੇਯ੍ਯ ਏਤਸ੍ਸ ਅਸਦ੍ਧਮ੍ਮਸ੍ਸ ਪਟਿਸੇਵਨਤ੍ਥਾਯ, ਅਯਮ੍ਪਿ ਪਾਰਾਜਿਕਾ ਹੋਤਿ ਅਸਂਵਾਸਾ ਅਟ੍ਠਵਤ੍ਥੁਕਾ.

ਉਦ੍ਦਿਟ੍ਠਾ ਖੋ, ਅਯ੍ਯਾਯੋ, ਅਟ੍ਠ ਪਾਰਾਜਿਕਾ ਧਮ੍ਮਾ. ਯੇਸਂ ਭਿਕ੍ਖੁਨੀ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਿਤ੍ਵਾ ਨ ਲਭਤਿ ਭਿਕ੍ਖੁਨੀਹਿ ਸਦ੍ਧਿਂ ਸਂਵਾਸਂ ਯਥਾ ਪੁਰੇ, ਤਥਾ ਪਚ੍ਛਾ, ਪਾਰਾਜਿਕਾ ਹੋਤਿ ਅਸਂਵਾਸਾ. ਤਤ੍ਥਾਯ੍ਯਾਯੋ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯ੍ਯਾਯੋ ਸਤ੍ਤਰਸ ਸਙ੍ਘਾਦਿਸੇਸਾ

੧. ਯਾ ¶ ਪਨ ਭਿਕ੍ਖੁਨੀ ਉਸ੍ਸਯਵਾਦਿਕਾ ਵਿਹਰੇਯ੍ਯ ਗਹਪਤਿਨਾ ਵਾ ਗਹਪਤਿਪੁਤ੍ਤੇਨ ਵਾ ਦਾਸੇਨ ਵਾ ਕਮ੍ਮਕਾਰੇਨ ਵਾ ਅਨ੍ਤਮਸੋ ਸਮਣਪਰਿਬ੍ਬਾਜਕੇਨਾਪਿ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੨. ਯਾ ਪਨ ਭਿਕ੍ਖੁਨੀ ਜਾਨਂ ਚੋਰਿਂ ਵਜ੍ਝਂ ਵਿਦਿਤਂ ਅਨਪਲੋਕੇਤ੍ਵਾ ਰਾਜਾਨਂ ਵਾ ਸਙ੍ਘਂ ਵਾ ਗਣਂ ਵਾ ਪੂਗਂ ਵਾ ਸੇਣਿਂ ਵਾ, ਅਞ੍ਞਤ੍ਰ ਕਪ੍ਪਾ ਵੁਟ੍ਠਾਪੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੩. ਯਾ ¶ ਪਨ ਭਿਕ੍ਖੁਨੀ ਏਕਾ ਵਾ ਗਾਮਨ੍ਤਰਂ ਗਚ੍ਛੇਯ੍ਯ, ਏਕਾ ਵਾ ਨਦੀਪਾਰਂ ਗਚ੍ਛੇਯ੍ਯ, ਏਕਾ ਵਾ ਰਤ੍ਤਿਂ ਵਿਪ੍ਪਵਸੇਯ੍ਯ, ਏਕਾ ਵਾ ਗਣਮ੍ਹਾ ਓਹਿਯੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੪. ਯਾ ਪਨ ਭਿਕ੍ਖੁਨੀ ਸਮਗ੍ਗੇਨ ਸਙ੍ਘੇਨ ਉਕ੍ਖਿਤ੍ਤਂ ਭਿਕ੍ਖੁਨਿਂ ਧਮ੍ਮੇਨ ਵਿਨਯੇਨ ਸਤ੍ਥੁਸਾਸਨੇਨ ਅਨਪਲੋਕੇਤ੍ਵਾ ਕਾਰਕਸਙ੍ਘਂ, ਅਨਞ੍ਞਾਯ ਗਣਸ੍ਸ ਛਨ੍ਦਂ ਓਸਾਰੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੫. ਯਾ ਪਨ ਭਿਕ੍ਖੁਨੀ ਅਵਸ੍ਸੁਤਾ ਅਵਸ੍ਸੁਤਸ੍ਸ ਪੁਰਿਸਪੁਗ੍ਗਲਸ੍ਸ ਹਤ੍ਥਤੋ ਖਾਦਨੀਯਂ ਵਾ, ਭੋਜਨੀਯਂ ਵਾ ਸਹਤ੍ਥਾ ਪਟਿਗ੍ਗਹੇਤ੍ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੬. ਯਾ ¶ ਪਨ ਭਿਕ੍ਖੁਨੀ ਏਵਂ ਵਦੇਯ੍ਯ ‘‘ਕਿਂ ਤੇ, ਅਯ੍ਯੇ, ਏਸੋ ਪੁਰਿਸਪੁਗ੍ਗਲੋ ਕਰਿਸ੍ਸਤਿ ਅਵਸ੍ਸੁਤੋ ਵਾ ਅਨਵਸ੍ਸੁਤੋ ਵਾ, ਯਤੋ ਤ੍ਵਂ ਅਨਵਸ੍ਸੁਤਾ, ਇਙ੍ਘ, ਅਯ੍ਯੇ, ਯਂ ਤੇ ਏਸੋ ਪੁਰਿਸਪੁਗ੍ਗਲੋ ਦੇਤਿ ਖਾਦਨੀਯਂ ਵਾ ਭੋਜਨੀਯਂ ਵਾ, ਤਂ ਤ੍ਵਂ ਸਹਤ੍ਥਾ ਪਟਿਗ੍ਗਹੇਤ੍ਵਾ ਖਾਦ ਵਾ ਭੁਞ੍ਜ ਵਾ’’ਤਿ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੭. ਯਾ ਪਨ ਭਿਕ੍ਖੁਨੀ ਸਞ੍ਚਰਿਤ੍ਤਂ ਸਮਾਪਜ੍ਜੇਯ੍ਯ ਇਤ੍ਥਿਯਾ ਵਾ ਪੁਰਿਸਮਤਿਂ, ਪੁਰਿਸਸ੍ਸ ਵਾ ਇਤ੍ਥਿਮਤਿਂ, ਜਾਯਤ੍ਤਨੇ ਵਾ ਜਾਰਤ੍ਤਨੇ ਵਾ ਅਨ੍ਤਮਸੋ ਤਙ੍ਖਣਿਕਾਯਪਿ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੮. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ਦੁਟ੍ਠਾ ਦੋਸਾ ਅਪ੍ਪਤੀਤਾ ਅਮੂਲਕੇਨ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ ‘‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’’ਨ੍ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨਾ ਵਾ ਅਸ ਮਨੁਗ੍ਗਾਹੀਯਮਾਨਾ ਵਾ ਅਮੂਲਕਞ੍ਚੇਵ ਤਂ ਅਧਿਕਰਣਂ ਹੋਤਿ, ਭਿਕ੍ਖੁਨੀ ਚ ਦੋਸਂ ¶ ਪਤਿਟ੍ਠਾਤਿ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੯. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ਦੁਟ੍ਠਾ ਦੋਸਾ ਅਪ੍ਪਤੀਤਾ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ ‘‘ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’’ਨ੍ਤਿ, ਤਤੋ ਅਪਰੇਨ ਸਮਯੇਨ ਸਮਨੁਗ੍ਗਾਹੀਯਮਾਨਾ ਵਾ ਅਸਮਨੁਗ੍ਗਾਹੀਯਮਾਨਾ ਵਾ ਅਞ੍ਞਭਾਗਿਯਞ੍ਚੇਵ ਤਂ ਅਧਿਕਰਣਂ ਹੋਤਿ. ਕੋਚਿਦੇਸੋ ਲੇਸਮਤ੍ਤੋ ਉਪਾਦਿਨ੍ਨੋ, ਭਿਕ੍ਖੁਨੀ ਚ ਦੋਸਂ ਪਤਿਟ੍ਠਾਤਿ, ਅਯਮ੍ਪਿ ਭਿਕ੍ਖੁਨੀ ਪਠਮਾਪਤ੍ਤਿਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੦. ਯਾ ਪਨ ਭਿਕ੍ਖੁਨੀ ਕੁਪਿਤਾ ਅਨਤ੍ਤਮਨਾ ਏਵਂ ਵਦੇਯ੍ਯ ‘‘ਬੁਦ੍ਧਂ ਪਚ੍ਚਾਚਿਕ੍ਖਾਮਿ ਧਮ੍ਮਂ ਪਚ੍ਚਾਚਿਕ੍ਖਾਮਿ, ਸਙ੍ਘਂ ਪਚ੍ਚਾਚਿਕ੍ਖਾਮਿ, ਸਿਕ੍ਖਂ ਪਚ੍ਚਾਚਿਕ੍ਖਾਮਿ, ਕਿਨ੍ਨੁਮਾਵ ਸਮਣਿਯੋ ਯਾ ਸਮਣਿਯੋ ਸਕ੍ਯਧੀਤਰੋ, ਸਨ੍ਤਞ੍ਞਾਪਿ ਸਮਣਿਯੋ ਲਜ੍ਜਿਨਿਯੋ ਕੁਕ੍ਕੁਚ੍ਚਿਕਾ ਸਿਕ੍ਖਾਕਾਮਾ, ਤਾਸਾਹਂ ¶ ਸਨ੍ਤਿਕੇ ਬ੍ਰਹ੍ਮਚਰਿਯਂ ਚਰਿਸ੍ਸਾਮੀ’’ਤਿ. ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ ਕੁਪਿਤਾ ਅਨਤ੍ਤਮਨਾ ਏਵਂ ਅਵਚ ‘ਬੁਦ੍ਧਂ ਪਚ੍ਚਾਚਿਕ੍ਖਾਮਿ, ਧਮ੍ਮਂ ਪਚ੍ਚਾਚਿਕ੍ਖਾਮਿ, ਸਙ੍ਘਂ ਪਚ੍ਚਾਚਿਕ੍ਖਾਮਿ, ਸਿਕ੍ਖਂ ਪਚ੍ਚਾਚਿਕ੍ਖਾਮਿ, ਕਿਨ੍ਨੁਮਾਵ ਸਮਣਿਯੋ ਯਾ ਸਮਣਿਯੋ ਸਕ੍ਯਧੀਤਰੋ, ਸਨ੍ਤਞ੍ਞਾਪਿ ਸਮਣਿਯੋ ਲਜ੍ਜਿਨਿਯੋ ਕੁਕ੍ਕੁਚ੍ਚਿਕਾ ਸਿਕ੍ਖਾਕਾਮਾ, ਤਾਸਾਹਂ ਸਨ੍ਤਿਕੇ ਬ੍ਰਹ੍ਮਚਰਿਯਂ ਚਰਿਸ੍ਸਾਮੀ’ਤਿ, ਅਭਿਰਮਾਯ੍ਯੇ, ਸ੍ਵਾਕ੍ਖਾਤੋ ਧਮ੍ਮੋ, ਚਰ ਬ੍ਰਹ੍ਮਚਰਿਯਂ ਸਮ੍ਮਾ ਦੁਕ੍ਖਸ੍ਸ ਅਨ੍ਤਕਿਰਿਯਾਯਾ’’ਤਿ, ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੧. ਯਾ ਪਨ ਭਿਕ੍ਖੁਨੀ ਕਿਸ੍ਮਿਞ੍ਚਿਦੇਵ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏਵਂ ਵਦੇਯ੍ਯ ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ, ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ, ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ, ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’’ਤਿ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ, ਕਿਸ੍ਮਿਞ੍ਚਿਦੇਵ ਅਧਿਕਰਣੇ ਪਚ੍ਚਾਕਤਾ ਕੁਪਿਤਾ ਅਨਤ੍ਤਮਨਾ ਏਵਂ ਅਵਚ ‘ਛਨ੍ਦਗਾਮਿਨਿਯੋ ¶ ਚ ਭਿਕ੍ਖੁਨਿਯੋ, ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ, ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ, ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ’ਤਿ, ਅਯ੍ਯਾ ਖੋ ਛਨ੍ਦਾਪਿ ਗਚ੍ਛੇਯ੍ਯ, ਦੋਸਾਪਿ ਗਚ੍ਛੇਯ੍ਯ, ਮੋਹਾਪਿ ਗਚ੍ਛੇਯ੍ਯ, ਭਯਾਪਿ ਗਚ੍ਛੇਯ੍ਯਾ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੨. ਭਿਕ੍ਖੁਨਿਯੋ ਪਨੇਵ ਸਂਸਟ੍ਠਾ ਵਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਏਵਮਸ੍ਸੁ ਵਚਨੀਯਾ ‘‘ਭਗਿਨਿਯੋ ਖੋ ਸਂਸਟ੍ਠਾ ਵਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਵਿਵਿਚ੍ਚਥਾਯ੍ਯੇ, ਵਿਵੇਕਞ੍ਞੇਵ ਭਗਿਨੀਨਂ ਸਙ੍ਘੋ ਵਣ੍ਣੇਤੀ’’ਤਿ, ਏਵਞ੍ਚ ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯੁਂ, ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ¶ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯੁਂ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯੁਂ, ਇਮਾਪਿ ਭਿਕ੍ਖੁਨਿਯੋ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੩. ਯਾ ਪਨ ਭਿਕ੍ਖੁਨੀ ਏਵਂ ਵਦੇਯ੍ਯ ‘‘ਸਂਸਟ੍ਠਾਵ, ਅਯ੍ਯੇ, ਤੁਮ੍ਹੇ ਵਿਹਰਥ, ਮਾ ਤੁਮ੍ਹੇ ਨਾਨਾ ਵਿਹਰਿਤ੍ਥ, ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏਵਾਚਾਰਾ ਏਵਂਸਦ੍ਦਾ ਏਵਂਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਤਾ ਸਙ੍ਘੋ ਨ ਕਿਞ੍ਚਿ ਆਹ ਤੁਮ੍ਹਞ੍ਞੇਵ ਸਙ੍ਘੋ ਉਞ੍ਞਾਯ ਪਰਿਭਵੇਨ ਅਕ੍ਖਨ੍ਤਿਯਾ ਵੇਭਸ੍ਸਿਯਾ ਦੁਬ੍ਬਲ੍ਯਾ ਏਵਮਾਹ – ‘ਭਗਿਨਿਯੋ ਖੋ ਸਂਸਟ੍ਠਾ ਵਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਵਿਵਿਚ੍ਚਥਾਯ੍ਯੇ, ਵਿਵੇਕਞ੍ਞੇਵ ਭਗਿਨੀਨਂ ਸਙ੍ਘੋ ਵਣ੍ਣੇਤੀ’’’ਤਿ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ, ਏਵਂ ਅਵਚ, ਸਂਸਟ੍ਠਾਵ ਅਯ੍ਯੇ ਤੁਮ੍ਹੇ ਵਿਹਰਥ, ਮਾ ਤੁਮ੍ਹੇ ਨਾਨਾ ਵਿਹਰਿਤ੍ਥ, ਸਨ੍ਤਿ ਸਙ੍ਘੇ ਅਞ੍ਞਾਪਿ ਭਿਕ੍ਖੁਨਿਯੋ ਏਵਾਚਾਰਾ ਏਵਂਸਦ੍ਦਾ ਏਵਂਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਤਾ ¶ ਸਙ੍ਘੋ ਨ ਕਿਞ੍ਚਿ ਆਹ, ਤੁਮ੍ਹਞ੍ਞੇਵ ਸਙ੍ਘੋ ਉਞ੍ਞਾਯ ਪਰਿਭਵੇਨ ਅਕ੍ਖਨ੍ਤਿਯਾ ਵੇਭਸ੍ਸਿਯਾ ਦੁਬ੍ਬਲ੍ਯਾ ਏਵਮਾਹ – ‘ਭਗਿਨਿਯੋ ਖੋ ਸਂਸਟ੍ਠਾ ਵਿਹਰਨ੍ਤਿ ਪਾਪਾਚਾਰਾ ਪਾਪਸਦ੍ਦਾ ਪਾਪਸਿਲੋਕਾ ਭਿਕ੍ਖੁਨਿਸਙ੍ਘਸ੍ਸ ਵਿਹੇਸਿਕਾ ਅਞ੍ਞਮਞ੍ਞਿਸ੍ਸਾ ਵਜ੍ਜਪ੍ਪਟਿਚ੍ਛਾਦਿਕਾ, ਵਿਵਿਚ੍ਚਥਾਯ੍ਯੇ, ਵਿਵੇਕਞ੍ਞੇਵ ਭਗਿਨੀਨਂ ਸਙ੍ਘੋ ਵਣ੍ਣੇਤੀ’’’ਤਿ, ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੪. ਯਾ ਪਨ ਭਿਕ੍ਖੁਨੀ ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮੇਯ੍ਯ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਤਿਟ੍ਠੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯਾ, ਸਮਗ੍ਗਸ੍ਸ ਸਙ੍ਘਸ੍ਸ ਭੇਦਾਯ ਪਰਕ੍ਕਮਿ, ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਂ ਸਮਾਦਾਯ ਪਗ੍ਗਯ੍ਹ ਅਟ੍ਠਾਸਿ, ਸਮੇਤਾਯ੍ਯਾ, ਸਙ੍ਘੇਨ, ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ¶ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੫. ਤਸ੍ਸਾਯੇਵ ਖੋ ਪਨ ਭਿਕ੍ਖੁਨਿਯਾ ਭਿਕ੍ਖੁਨਿਯੋ ਹੋਨ੍ਤਿ ਅਨੁਵਤ੍ਤਿਕਾ ਵਗ੍ਗਵਾਦਿਕਾ ਏਕਾ ਵਾ ਦ੍ਵੇ ਵਾ ਤਿਸ੍ਸੋ ਵਾ, ਤਾ ਏਵਂ ਵਦੇਯ੍ਯੁਂ ‘‘ਮਾਯ੍ਯਾਯੋ, ਏਤਂ ਭਿਕ੍ਖੁਨਿਂ ਕਿਞ੍ਚਿ ਅਵਚੁਤ੍ਥ ਧਮ੍ਮਵਾਦਿਨੀ ਚੇਸਾ ਭਿਕ੍ਖੁਨੀ, ਵਿਨਯਵਾਦਿਨੀ ਚੇਸਾ ਭਿਕ੍ਖੁਨੀ, ਅਮ੍ਹਾਕਞ੍ਚੇਸਾ ਭਿਕ੍ਖੁਨੀ ਛਨ੍ਦਞ੍ਚ ਰੁਚਿਞ੍ਚ ਆਦਾਯ ਵੋਹਰਤਿ, ਜਾਨਾਤਿ, ਨੋ ਭਾਸਤਿ, ਅਮ੍ਹਾਕਮ੍ਪੇਤਂ ਖਮਤੀ’’ਤਿ, ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਏਵਮਸ੍ਸੁ ਵਚਨੀਯਾ ‘‘ਮਾਯ੍ਯਾਯੋ, ਏਵਂ ਅਵਚੁਤ੍ਥ, ਨ ਚੇਸਾ ਭਿਕ੍ਖੁਨੀ ਧਮ੍ਮਵਾਦਿਨੀ, ਨ ਚੇਸਾ ਭਿਕ੍ਖੁਨੀ ਵਿਨਯਵਾਦਿਨੀ, ਮਾਯ੍ਯਾਨਮ੍ਪਿ ਸਙ੍ਘਭੇਦੋ ਰੁਚ੍ਚਿਤ੍ਥ, ਸਮੇਤਾਯ੍ਯਾਨਂ ਸਙ੍ਘੇਨ, ਸਮਗ੍ਗੋ ਹਿ ਸਙ੍ਘੋ ਸਮ੍ਮੋਦਮਾਨੋ ਅਵਿਵਦਮਾਨੋ ਏਕੁਦ੍ਦੇਸੋ ਫਾਸੁ ਵਿਹਰਤੀ’’ਤਿ, ਏਵਞ੍ਚ ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯੁਂ, ਤਾ ਭਿਕ੍ਖੁਨਿਯੋ ਭਿਕ੍ਖੁਨੀਹਿ ¶ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯੁਂ. ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯੁਂ, ਇਮਾਪਿ ਭਿਕ੍ਖੁਨਿਯੋ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੬. ਭਿਕ੍ਖੁਨੀ ਪਨੇਵ ਦੁਬ੍ਬਚਜਾਤਿਕਾ ਹੋਤਿ ਉਦ੍ਦੇਸਪਰਿਯਾਪਨ੍ਨੇਸੁ ਸਿਕ੍ਖਾਪਦੇਸੁ ਭਿਕ੍ਖੁਨੀਹਿ ਸਹਧਮ੍ਮਿਕਂ ਵੁਚ੍ਚਮਾਨਾ ਅਤ੍ਤਾਨਂ ਅਵਚਨੀਯਂ ਕਰੋਤਿ ‘‘ਮਾ ਮਂ ਅਯ੍ਯਾਯੋ ਕਿਞ੍ਚਿ ਅਵਚੁਤ੍ਥ ਕਲ੍ਯਾਣਂ ਵਾ ਪਾਪਕਂ ਵਾ, ਅਹਮ੍ਪਾਯ੍ਯਾਯੋ, ਨ ਕਿਞ੍ਚਿ ਵਕ੍ਖਾਮਿ ਕਲ੍ਯਾਣਂ ਵਾ ਪਾਪਕਂ ਵਾ, ਵਿਰਮਥਾਯ੍ਯਾਯੋ, ਮਮ ਵਚਨਾਯਾ’’ਤਿ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯਾ, ਅਤ੍ਤਾਨਂ ਅਵਚਨੀਯਂ ਅਕਾਸਿ, ਵਚਨੀਯਮੇਵ, ਅਯ੍ਯਾ, ਅਤ੍ਤਾਨਂ ਕਰੋਤੁ, ਅਯ੍ਯਾਪਿ ਭਿਕ੍ਖੁਨਿਯੋ ਵਦਤੁ ਸਹਧਮ੍ਮੇਨ, ਭਿਕ੍ਖੁਨਿਯੋਪਿ ਅਯ੍ਯਂ ਵਕ੍ਖਨ੍ਤਿ ਸਹਧਮ੍ਮੇਨ, ਏਵਂ ਸਂਵਦ੍ਧਾ ਹਿ ਤਸ੍ਸ ਭਗਵਤੋ ਪਰਿਸਾ ਯਦਿਦਂ ਅਞ੍ਞਮਞ੍ਞਵਚਨੇਨ ਅਞ੍ਞਮਞ੍ਞਵੁਟ੍ਠਾਪਨੇਨਾ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

੧੭. ਭਿਕ੍ਖੁਨੀ ¶ ਪਨੇਵ ਅਞ੍ਞਤਰਂ ਗਾਮਂ ਵਾ ਨਿਗਮਂ ਵਾ ਉਪਨਿਸ੍ਸਾਯ ਵਿਹਰਤਿ ਕੁਲਦੂਸਿਕਾ ਪਾਪਸਮਾਚਾਰਾ, ਤਸ੍ਸਾ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚ ਤਾਯ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਅਯ੍ਯਾ, ਖੋ ਕੁਲਦੂਸਿਕਾ ਪਾਪਸਮਾਚਾਰਾ, ਅਯ੍ਯਾਯ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚਾਯ੍ਯਾਯ, ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਪਕ੍ਕਮਤਾਯ੍ਯਾ ਇਮਮ੍ਹਾ ਆਵਾਸਾ, ਅਲਂ ਤੇ ਇਧ ਵਾਸੇਨਾ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਾ ਭਿਕ੍ਖੁਨਿਯੋ ਏਵਂ ਵਦੇਯ੍ਯ ‘‘ਛਨ੍ਦਗਾਮਿਨਿਯੋ ਚ ਭਿਕ੍ਖੁਨਿਯੋ, ਦੋਸਗਾਮਿਨਿਯੋ ਚ ਭਿਕ੍ਖੁਨਿਯੋ, ਮੋਹਗਾਮਿਨਿਯੋ ਚ ਭਿਕ੍ਖੁਨਿਯੋ, ਭਯਗਾਮਿਨਿਯੋ ਚ ਭਿਕ੍ਖੁਨਿਯੋ, ਤਾਦਿਸਿਕਾਯ ਆਪਤ੍ਤਿਯਾ ਏਕਚ੍ਚਂ ਪਬ੍ਬਾਜੇਨ੍ਤਿ ਏਕਚ੍ਚਂ ਨ ਪਬ੍ਬਾਜੇਨ੍ਤੀ’’ਤਿ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯਾ, ਏਵਂ ਅਵਚ, ਨ ਚ ਭਿਕ੍ਖੁਨਿਯੋ ਛਨ੍ਦਗਾਮਿਨਿਯੋ, ਨ ਚ ਭਿਕ੍ਖੁਨਿਯੋ ਦੋਸਗਾਮਿਨਿਯੋ ¶ , ਨ ਚ ਭਿਕ੍ਖੁਨਿਯੋ ਮੋਹਗਾਮਿਨਿਯੋ, ਨ ਚ ਭਿਕ੍ਖੁਨਿਯੋ ਭਯਗਾਮਿਨਿਯੋ, ਅਯ੍ਯਾ ਖੋ ਕੁਲਦੂਸਿਕਾ ਪਾਪਸਮਾਚਾਰਾ, ਅਯ੍ਯਾਯ ਖੋ ਪਾਪਕਾ ਸਮਾਚਾਰਾ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਕੁਲਾਨਿ ਚਾਯ੍ਯਾਯ ਦੁਟ੍ਠਾਨਿ ਦਿਸ੍ਸਨ੍ਤਿ ਚੇਵ ਸੁਯ੍ਯਨ੍ਤਿ ਚ, ਪਕ੍ਕਮਤਾਯ੍ਯਾ, ਇਮਮ੍ਹਾ ਆਵਾਸਾ ਅਲਂ ਤੇ ਇਧ ਵਾਸੇਨਾ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਅਯਮ੍ਪਿ ਭਿਕ੍ਖੁਨੀ ਯਾਵਤਤਿਯਕਂ ਧਮ੍ਮਂ ਆਪਨ੍ਨਾ ਨਿਸ੍ਸਾਰਣੀਯਂ ਸਙ੍ਘਾਦਿਸੇਸਂ.

ਉਦ੍ਦਿਟ੍ਠਾ ਖੋ ਅਯ੍ਯਾਯੋ ਸਤ੍ਤਰਸ ਸਙ੍ਘਾਦਿਸੇਸਾ ਧਮ੍ਮਾ ਨਵ ਪਠਮਾਪਤ੍ਤਿਕਾ, ਅਟ੍ਠ ਯਾਵਤਤਿਯਕਾ,

ਯੇਸਂ ਭਿਕ੍ਖੁਨੀ ਅਞ੍ਞਤਰਂ ਵਾ ਅਞ੍ਞਤਰਂ ਵਾ ਆਪਜ੍ਜਤਿ, ਤਾਯ ਭਿਕ੍ਖੁਨਿਯਾ ਉਭਤੋਸਙ੍ਘੇ ਪਕ੍ਖਮਾਨਤ੍ਤਂ ਚਰਿਤਬ੍ਬਂ. ਚਿਣ੍ਣਮਾਨਤ੍ਤਾ ਭਿਕ੍ਖੁਨੀ ਯਤ੍ਥ ਸਿਯਾ ਵੀਸਤਿਗਣੋ ਭਿਕ੍ਖੁਨਿਸਙ੍ਘੋ, ਤਤ੍ਥ ਸਾ ਭਿਕ੍ਖੁਨੀ ਅਬ੍ਭੇਤਬ੍ਬਾ. ਏਕਾਯਪਿ ਚੇ ਊਨੋ ਵੀਸਤਿਗਣੋ ਭਿਕ੍ਖੁਨਿਸਙ੍ਘੋ ਤਂ ਭਿਕ੍ਖੁਨਿਂ ਅਬ੍ਭੇਯ੍ਯ, ਸਾ ਚ ਭਿਕ੍ਖੁਨੀ ਅਨਬ੍ਭਿਤਾ, ਤਾ ਚ ਭਿਕ੍ਖੁਨਿਯੋ ਗਾਰਯ੍ਹਾ, ਅਯਂ ਤਤ੍ਥ ਸਾਮੀਚਿ. ਤਤ੍ਥਾਯ੍ਯਾਯੋ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯ੍ਯਾਯੋ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ

੧. ਯਾ ¶ ਪਨ ਭਿਕ੍ਖੁਨੀ ਪਤ੍ਤਸਨ੍ਨਿਚਯਂ ਕਰੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨. ਯਾ ਪਨ ਭਿਕ੍ਖੁਨੀ ਅਕਾਲਚੀਵਰਂ ‘‘ਕਾਲਚੀਵਰ’’ਨ੍ਤਿ ਅਧਿਟ੍ਠਹਿਤ੍ਵਾ ਭਾਜਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੩. ਯਾ ¶ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਸਦ੍ਧਿਂ ਚੀਵਰਂ ਪਰਿਵਤ੍ਤੇਤ੍ਵਾ ਸਾ ਪਚ੍ਛਾ ਏਵਂ ਵਦੇਯ੍ਯ ‘‘ਹਨ੍ਦਾਯ੍ਯੇ, ਤੁਯ੍ਹਂ ਚੀਵਰਂ, ਆਹਰ ਮੇਤਂ ਚੀਵਰਂ, ਯਂ ਤੁਯ੍ਹਂ ਤੁਯ੍ਹਮੇਵੇਤਂ, ਯਂ ਮਯ੍ਹਂ ਮਯ੍ਹਮੇਵੇਤਂ, ਆਹਰ ਮੇਤਂ ਚੀਵਰਂ, ਸਕਂ ਪਚ੍ਚਾਹਰਾ’’ਤਿ ਅਚ੍ਛਿਨ੍ਦੇਯ੍ਯ ਵਾ ਅਚ੍ਛਿਨ੍ਦਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੪. ਯਾ ਪਨ ਭਿਕ੍ਖੁਨੀ ਅਞ੍ਞਂ ਵਿਞ੍ਞਾਪੇਤ੍ਵਾ ਅਞ੍ਞਂ ਵਿਞ੍ਞਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੫. ਯਾ ਪਨ ਭਿਕ੍ਖੁਨੀ ਅਞ੍ਞਂ ਚੇਤਾਪੇਤ੍ਵਾ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੬. ਯਾ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਸਙ੍ਘਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੭. ਯਾ ¶ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਸਙ੍ਘਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੮. ਯਾ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੯. ਯਾ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਮਹਾਜਨਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੦. ਯਾ ਪਨ ਭਿਕ੍ਖੁਨੀ ਅਞ੍ਞਦਤ੍ਥਿਕੇਨ ਪਰਿਕ੍ਖਾਰੇਨ ਅਞ੍ਞੁਦ੍ਦਿਸਿਕੇਨ ਪੁਗ੍ਗਲਿਕੇਨ ਸਞ੍ਞਾਚਿਕੇਨ ਅਞ੍ਞਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੧. ਗਰੁਪਾਵੁਰਣਂ ¶ ਪਨ ਭਿਕ੍ਖੁਨਿਯਾ ਚੇਤਾਪੇਨ੍ਤਿਯਾ ਚਤੁਕ੍ਕਂਸਪਰਮਂ ਚੇਤਾਪੇਤਬ੍ਬਂ. ਤਤੋ ਚੇ ਉਤ੍ਤਰਿ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੨. ਲਹੁਪਾਵੁਰਣਂ ਪਨ ਭਿਕ੍ਖੁਨਿਯਾ ਚੇਤਾਪੇਨ੍ਤਿਯਾ ਅਡ੍ਢਤੇਯ੍ਯਕਂਸਪਰਮਂ ਚੇਤਾਪੇਤਬ੍ਬਂ. ਤਤੋ ਚੇ ਉਤ੍ਤਰਿ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੩. ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਿਯਾ ਉਬ੍ਭਤਸ੍ਮਿਂ ਕਥਿਨੇ ਦਸਾਹਪਰਮਂ ਅਤਿਰੇਕਚੀਵਰਂ ਧਾਰੇਤਬ੍ਬਂ. ਤਂ ਅਤਿਕ੍ਕਾਮੇਨ੍ਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੪. ਨਿਟ੍ਠਿਤਚੀਵਰਸ੍ਮਿਂ ¶ ਭਿਕ੍ਖੁਨਿਯਾ ਉਬ੍ਭਤਸ੍ਮਿਂ ਕਥਿਨੇ ਏਕਰਤ੍ਤਮ੍ਪਿ ਚੇ ਭਿਕ੍ਖੁਨੀ ਤਿਚੀਵਰੇਨ ਵਿਪ੍ਪਵਸੇਯ੍ਯ, ਅਞ੍ਞਤ੍ਰ ਭਿਕ੍ਖੁਨਿਸਮ੍ਮੁਤਿਯਾ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੫. ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਿਯਾ ਉਬ੍ਭਤਸ੍ਮਿਂ ਕਥਿਨੇ ਭਿਕ੍ਖੁਨਿਯਾ ਪਨੇਵ ਅਕਾਲਚੀਵਰਂ ਉਪ੍ਪਜ੍ਜੇਯ੍ਯ, ਆਕਙ੍ਖਮਾਨਾਯ ਭਿਕ੍ਖੁਨਿਯਾ ਪਟਿਗ੍ਗਹੇਤਬ੍ਬਂ, ਪਟਿਗ੍ਗਹੇਤ੍ਵਾ ਖਿਪ੍ਪਮੇਵ ਕਾਰੇਤਬ੍ਬਂ, ਨੋ ਚਸ੍ਸ ਪਾਰਿਪੂਰਿ, ਮਾਸਪਰਮਂ ਤਾਯ ਭਿਕ੍ਖੁਨਿਯਾ ਤਂ ਚੀਵਰਂ ਨਿਕ੍ਖਿਪਿਤਬ੍ਬਂ ਊਨਸ੍ਸ ਪਾਰਿਪੂਰਿਯਾ ਸਤਿਯਾ ਪਚ੍ਚਾਸਾਯ. ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ ਸਤਿਯਾਪਿ ਪਚ੍ਚਾਸਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੬. ਯਾ ਪਨ ਭਿਕ੍ਖੁਨੀ ਅਞ੍ਞਾਤਕਂ ਗਹਪਤਿਂ ਵਾ ਗਹਪਤਾਨਿਂ ਵਾ ਚੀਵਰਂ ਵਿਞ੍ਞਾਪੇਯ੍ਯ ਅਞ੍ਞਤ੍ਰ ਸਮਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ ਅਚ੍ਛਿਨ੍ਨਚੀਵਰਾ ਵਾ ਹੋਤਿ ਭਿਕ੍ਖੁਨੀ, ਨਟ੍ਠਚੀਵਰਾ ਵਾ, ਅਯਂ ਤਤ੍ਥ ਸਮਯੋ.

੧੭. ਤਞ੍ਚੇ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਬਹੂਹਿ ਚੀਵਰੇਹਿ ਅਭਿਹਟ੍ਠੁਂ ਪਵਾਰੇਯ੍ਯ, ਸਨ੍ਤਰੁਤ੍ਤਰਪਰਮਂ ਤਾਯ ਭਿਕ੍ਖੁਨਿਯਾ ਤਤੋ ਚੀਵਰਂ ਸਾਦਿਤਬ੍ਬਂ. ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੮. ਭਿਕ੍ਖੁਨਿਂ ¶ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕਸ੍ਸ ਗਹਪਤਿਸ੍ਸ ਵਾ ਗਹਪਤਾਨਿਯਾ ਵਾ ਚੀਵਰਚੇਤਾਪਨ੍ਨਂ ਉਪਕ੍ਖਟਂ ਹੋਤਿ ‘‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਚੀਵਰੇਨ ਅਚ੍ਛਾਦੇਸ੍ਸਾਮੀ’’ਤਿ. ਤਤ੍ਰ ਚੇਸਾ ਭਿਕ੍ਖੁਨੀ ਪੁਬ੍ਬੇ ਅਪ੍ਪਵਾਰਿਤਾ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਸਾਧੁ ਵਤ, ਮਂ ਆਯਸ੍ਮਾ ਇਮਿਨਾ ਚੀਵਰਚੇਤਾਪਨ੍ਨੇਨ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਹੀ’’ਤਿ ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੧੯. ਭਿਕ੍ਖੁਨਿਂ ¶ ਪਨੇਵ ਉਦ੍ਦਿਸ੍ਸ ਉਭਿਨ੍ਨਂ ਅਞ੍ਞਾਤਕਾਨਂ ਗਹਪਤੀਨਂ ਵਾ ਗਹਪਤਾਨੀਨਂ ਵਾ ਪਚ੍ਚੇਕਚੀਵਰਚੇਤਾਪਨ੍ਨਾਨਿ ਉਪਕ੍ਖਟਾਨਿ ਹੋਨ੍ਤਿ ‘‘ਇਮੇਹਿ ਮਯਂ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਪਚ੍ਚੇਕਚੀਵਰਾਨਿ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਚੀਵਰੇਹਿ ਅਚ੍ਛਾਦੇਸ੍ਸਾਮਾ’’ਤਿ. ਤਤ੍ਰ ਚੇਸਾ ਭਿਕ੍ਖੂਨੀ ਪੁਬ੍ਬੇ ਅਪ੍ਪਵਾਰਿਤਾ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਸਾਧੁ ਵਤ ਮਂ ਆਯਸ੍ਮਨ੍ਤੋ ਇਮੇਹਿ ਪਚ੍ਚੇਕਚੀਵਰਚੇਤਾਪਨ੍ਨੇਹਿ ਏਵਰੂਪਂ ਵਾ ਏਵਰੂਪਂ ਵਾ ਚੀਵਰਂ ਚੇਤਾਪੇਤ੍ਵਾ ਅਚ੍ਛਾਦੇਥ ਉਭੋਵ ਸਨ੍ਤਾ ਏਕੇਨਾ’’ਤਿ ਕਲ੍ਯਾਣਕਮ੍ਯਤਂ ਉਪਾਦਾਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੦. ਭਿਕ੍ਖੁਨਿਂ ਪਨੇਵ ਉਦ੍ਦਿਸ੍ਸ ਰਾਜਾ ਵਾ ਰਾਜਭੋਗ੍ਗੋ ਵਾ ਬ੍ਰਾਹ੍ਮਣੋ ਵਾ ਗਹਪਤਿਕੋ ਵਾ ਦੂਤੇਨ ਚੀਵਰਚੇਤਾਪਨ੍ਨਂ ਪਹਿਣੇਯ੍ਯ ‘‘ਇਮਿਨਾ ਚੀਵਰਚੇਤਾਪਨ੍ਨੇਨ ਚੀਵਰਂ ਚੇਤਾਪੇਤ੍ਵਾ ਇਤ੍ਥਨ੍ਨਾਮਂ ਭਿਕ੍ਖੁਨਿਂ ਚੀਵਰੇਨ ਅਚ੍ਛਾਦੇਹੀ’’ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਨਿਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ ‘‘ਇਦਂ ਖੋ, ਅਯ੍ਯੇ, ਅਯ੍ਯਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ਆਭਤਂ, ਪਟਿਗ੍ਗਣ੍ਹਾਤਾਯ੍ਯਾ ਚੀਵਰਚੇਤਾਪਨ੍ਨ’’ਨ੍ਤਿ. ਤਾਯ ਭਿਕ੍ਖੁਨਿਯਾ ਸੋ ਦੂਤੋ ਏਵਮਸ੍ਸ ਵਚਨੀਯੋ ‘‘ਨ ਖੋ ਮਯਂ, ਆਵੁਸੋ, ਚੀਵਰਚੇਤਾਪਨ੍ਨਂ ਪਟਿਗ੍ਗਣ੍ਹਾਮ, ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮ ਕਾਲੇਨ ਕਪ੍ਪਿਯ’’ਨ੍ਤਿ. ਸੋ ਚੇ ਦੂਤੋ ਤਂ ਭਿਕ੍ਖੁਨਿਂ ਏਵਂ ਵਦੇਯ੍ਯ ‘‘ਅਤ੍ਥਿ ਪਨਾਯ੍ਯਾਯ, ਕੋਚਿ ਵੇਯ੍ਯਾਵਚ੍ਚਕਰੋ’’ਤਿ, ਚੀਵਰਤ੍ਥਿਕਾਯ, ਭਿਕ੍ਖਵੇ, ਭਿਕ੍ਖੁਨਿਯਾ ਵੇਯ੍ਯਾਵਚ੍ਚਕਰੋ ਨਿਦ੍ਦਿਸਿਤਬ੍ਬੋ ਆਰਾਮਿਕੋ ਵਾ ਉਪਾਸਕੋ ਵਾ ‘‘ਏਸੋ ਖੋ, ਆਵੁਸੋ, ਭਿਕ੍ਖੁਨੀਨਂ ਵੇਯ੍ਯਾਵਚ੍ਚਕਰੋ’’ਤਿ. ਸੋ ਚੇ ਦੂਤੋ ਤਂ ਵੇਯ੍ਯਾਵਚ੍ਚਕਰਂ ਸਞ੍ਞਾਪੇਤ੍ਵਾ ਤਂ ਭਿਕ੍ਖੁਨਿਂ ਉਪਸਙ੍ਕਮਿਤ੍ਵਾ ਏਵਂ ਵਦੇਯ੍ਯ ‘‘ਯਂ ਖੋ, ਅਯ੍ਯੇ, ਅਯ੍ਯਾ ਵੇਯ੍ਯਾਵਚ੍ਚਕਰਂ ਨਿਦ੍ਦਿਸਿ, ਸਞ੍ਞਤ੍ਤੋ ਸੋ ਮਯਾ, ਉਪਸਙ੍ਕਮਤਾਯ੍ਯਾ ¶ ਕਾਲੇਨ, ਚੀਵਰੇਨ ਤਂ ਅਚ੍ਛਾਦੇਸ੍ਸਤੀ’’ਤਿ. ਚੀਵਰਤ੍ਥਿਕਾਯ, ਭਿਕ੍ਖਵੇ, ਭਿਕ੍ਖੁਨਿਯਾ ਵੇਯ੍ਯਾਵਚ੍ਚਕਰੋ ਉਪਸਙ੍ਕਮਿਤ੍ਵਾ ਦ੍ਵਤ੍ਤਿਕ੍ਖਤ੍ਤੁਂ ਚੋਦੇਤਬ੍ਬੋ ਸਾਰੇਤਬ੍ਬੋ ‘‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’’ਤਿ, ਦ੍ਵਤ੍ਤਿਕ੍ਖਤ੍ਤੁਂ ਚੋਦਯਮਾਨਾ ਸਾਰਯਮਾਨਾ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ, ਨੋ ਚੇ ਅਭਿਨਿਪ੍ਫਾਦੇਯ੍ਯ, ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤਾਯ ਉਦ੍ਦਿਸ੍ਸ ਠਾਤਬ੍ਬਂ, ਚਤੁਕ੍ਖਤ੍ਤੁਂ ਪਞ੍ਚਕ੍ਖਤ੍ਤੁਂ ਛਕ੍ਖਤ੍ਤੁਪਰਮਂ ਤੁਣ੍ਹੀਭੂਤਾ ਉਦ੍ਦਿਸ੍ਸ ਤਿਟ੍ਠਮਾਨਾ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਇਚ੍ਚੇਤਂ ਕੁਸਲਂ. ਤਤੋ ਚੇ ਉਤ੍ਤਰਿ ਵਾਯਮਮਾਨਾ ਤਂ ਚੀਵਰਂ ਅਭਿਨਿਪ੍ਫਾਦੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਨੋ ਚੇ ਅਭਿਨਿਪ੍ਫਾਦੇਯ੍ਯ, ਯਤਸ੍ਸਾ ਚੀਵਰਚੇਤਾਪਨ੍ਨਂ ਆਭਤਂ, ਤਤ੍ਥ ਸਾਮਂ ਵਾ ਗਨ੍ਤਬ੍ਬਂ, ਦੂਤੋ ਵਾ ਪਾਹੇਤਬ੍ਬੋ ‘‘ਯਂ ਖੋ ਤੁਮ੍ਹੇ ਆਯਸ੍ਮਨ੍ਤੋ ਭਿਕ੍ਖੁਨਿਂ ਉਦ੍ਦਿਸ੍ਸ ਚੀਵਰਚੇਤਾਪਨ੍ਨਂ ¶ ਪਹਿਣਿਤ੍ਥ, ਨ ਤਂ ਤਸ੍ਸਾ ਭਿਕ੍ਖੁਨਿਯਾ ਕਿਞ੍ਚਿ ਅਤ੍ਥਂ ਅਨੁਭੋਤਿ, ਯੁਞ੍ਜਨ੍ਤਾਯਸ੍ਮਨ੍ਤੋ ਸਕਂ, ਮਾ ਵੋ ਸਕਂ ਵਿਨਸ੍ਸਾ’’ਤਿ, ਅਯਂ ਤਤ੍ਥ ਸਾਮੀਚਿ.

੨੧. ਯਾ ਪਨ ਭਿਕ੍ਖੁਨੀ ਜਾਤਰੂਪਰਜਤਂ ਉਗ੍ਗਣ੍ਹੇਯ੍ਯ ਵਾ ਉਗ੍ਗਣ੍ਹਾਪੇਯ੍ਯ ਵਾ ਉਪਨਿਕ੍ਖਿਤ੍ਤਂ ਵਾ ਸਾਦਿਯੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੨. ਯਾ ਪਨ ਭਿਕ੍ਖੁਨੀ ਨਾਨਪ੍ਪਕਾਰਕਂ ਰੂਪਿਯਸਂਵੋਹਾਰਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੩. ਯਾ ਪਨ ਭਿਕ੍ਖੁਨੀ ਨਾਨਪ੍ਪਕਾਰਕਂ ਕਯਵਿਕ੍ਕਯਂ ਸਮਾਪਜ੍ਜੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੪. ਯਾ ਪਨ ਭਿਕ੍ਖੁਨੀ ਊਨਪਞ੍ਚਬਨ੍ਧਨੇਨ ਪਤ੍ਤੇਨ ਅਞ੍ਞਂ ਨਵਂ ਪਤ੍ਤਂ ਚੇਤਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤਾਯ ਭਿਕ੍ਖੁਨਿਯਾ ਸੋ ਪਤ੍ਤੋ ਭਿਕ੍ਖੁਨਿਪਰਿਸਾਯ ਨਿਸ੍ਸਜ੍ਜਿਤਬ੍ਬੋ, ਯੋ ਚ ਤਸ੍ਸਾ ਭਿਕ੍ਖੁਨਿਪਰਿਸਾਯ ਪਤ੍ਤਪਰਿਯਨ੍ਤੋ, ਸੋ ਤਸ੍ਸਾ ਭਿਕ੍ਖੁਨਿਯਾ ਪਦਾਤਬ੍ਬੋ ‘‘ਅਯਂ ਤੇ ਭਿਕ੍ਖੁਨਿ ਪਤ੍ਤੋ ਯਾਵਭੇਦਨਾਯ ਧਾਰੇਤਬ੍ਬੋ’’ਤਿ, ਅਯਂ ਤਤ੍ਥ ਸਾਮੀਚਿ.

੨੫. ਯਾਨਿ ¶ ਖੋ ਪਨ ਤਾਨਿ ਗਿਲਾਨਾਨਂ ਭਿਕ੍ਖੁਨੀਨਂ ਪਟਿਸਾਯਨੀਯਾਨਿ ਭੇਸਜ੍ਜਾਨਿ, ਸੇਯ੍ਯਥਿਦਂ – ਸਪ੍ਪਿ ਨਵਨੀਤਂ ਤੇਲਂ ਮਧੁ ਫਾਣਿਤਂ, ਤਾਨਿ ਪਟਿਗ੍ਗਹੇਤ੍ਵਾ ਸਤ੍ਤਾਹਪਰਮਂ ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬਾਨਿ. ਤਂ ਅਤਿਕ੍ਕਾਮੇਨ੍ਤਿਯਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੬. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਸਾਮਂ ਚੀਵਰਂ ਦਤ੍ਵਾ ਕੁਪਿਤਾ ਅਨਤ੍ਤਮਨਾ ਅਚ੍ਛਿਨ੍ਦੇਯ੍ਯ ਵਾ ਅਚ੍ਛਿਨ੍ਦਾਪੇਯ੍ਯ ਵਾ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੭. ਯਾ ¶ ਪਨ ਭਿਕ੍ਖੁਨੀ ਸਾਮਂ ਸੁਤ੍ਤਂ ਵਿਞ੍ਞਾਪੇਤ੍ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੮. ਭਿਕ੍ਖੁਨਿਂ ਪਨੇਵ ਉਦ੍ਦਿਸ੍ਸ ਅਞ੍ਞਾਤਕੋ ਗਹਪਤਿ ਵਾ ਗਹਪਤਾਨੀ ਵਾ ਤਨ੍ਤਵਾਯੇਹਿ ਚੀਵਰਂ ਵਾਯਾਪੇਯ੍ਯ, ਤਤ੍ਰ ਚੇਸਾ ਭਿਕ੍ਖੁਨੀ ਪੁਬ੍ਬੇ ਅਪ੍ਪਵਾਰਿਤਾ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ‘‘ਇਦਂ ਖੋ ਆਵੁਸੋ ਚੀਵਰਂ ਮਂ ਉਦ੍ਦਿਸ੍ਸ ਵਿਯ੍ਯਤਿ, ਆਯਤਞ੍ਚ ਕਰੋਥ, ਵਿਤ੍ਥਤਞ੍ਚ ਅਪ੍ਪਿਤਞ੍ਚ ਸੁਵੀਤਞ੍ਚ ਸੁਪ੍ਪਵਾਯਿਤਞ੍ਚ ਸੁਵਿਲੇਖਿਤਞ੍ਚ ਸੁਵਿਤਚ੍ਛਿਤਞ੍ਚ ਕਰੋਥ, ਅਪ੍ਪੇਵ ਨਾਮ ਮਯਮ੍ਪਿ ਆਯਸ੍ਮਨ੍ਤਾਨਂ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯਾਮਾ’’ਤਿ, ਏਵਞ੍ਚ ਸਾ ਭਿਕ੍ਖੁਨੀ ਵਤ੍ਵਾ ਕਿਞ੍ਚਿਮਤ੍ਤਂ ਅਨੁਪਦਜ੍ਜੇਯ੍ਯ ਅਨ੍ਤਮਸੋ ਪਿਣ੍ਡਪਾਤਮਤ੍ਤਮ੍ਪਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੨੯. ਦਸਾਹਾਨਾਗਤਂ ਕਤ੍ਤਿਕਤੇਮਾਸਿਕਪੁਣ੍ਣਮਂ ਭਿਕ੍ਖੁਨਿਯਾ ਪਨੇਵ ਅਚ੍ਚੇਕਚੀਵਰਂ ਉਪ੍ਪਜ੍ਜੇਯ੍ਯ, ਅਚ੍ਚੇਕਂ ਮਞ੍ਞਮਾਨਾਯ ਭਿਕ੍ਖੁਨਿਯਾ ਪਟਿਗ੍ਗਹੇਤਬ੍ਬਂ, ਪਟਿਗ੍ਗਹੇਤ੍ਵਾ ਯਾਵ ਚੀਵਰਕਾਲਸਮਯਂ ਨਿਕ੍ਖਿਪਿਤਬ੍ਬਂ. ਤਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

੩੦. ਯਾ ਪਨ ਭਿਕ੍ਖੁਨੀ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਅਤ੍ਤਨੋ ਪਰਿਣਾਮੇਯ੍ਯ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਉਦ੍ਦਿਟ੍ਠਾ ¶ ਖੋ, ਅਯ੍ਯਾਯੋ, ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ. ਤਤ੍ਥਾਯ੍ਯਾਯੋ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਨਿਸ੍ਸਗ੍ਗਿਯਪਾਚਿਤ੍ਤਿਯਾ ਨਿਟ੍ਠਿਤਾ.

ਇਮੇ ਖੋ ਪਨਾਯ੍ਯਾਯੋ, ਛਸਟ੍ਠਿਸਤਾ ਪਾਚਿਤ੍ਤਿਯਾ

੧. ਯਾ ¶ ਪਨ ਭਿਕ੍ਖੁਨੀ ਲਸੁਣਂ ਖਾਦੇਯ੍ਯ ਪਾਚਿਤ੍ਤਿਯਂ.

੨. ਯਾ ਪਨ ਭਿਕ੍ਖੁਨੀ ਸਮ੍ਬਾਧੇ ਲੋਮਂ ਸਂਹਰਾਪੇਯ੍ਯ, ਪਾਚਿਤ੍ਤਿਯਂ.

੫. ਉਦਕਸੁਦ੍ਧਿਕਂ ਪਨ ਭਿਕ੍ਖੁਨਿਯਾ ਆਦਿਯਮਾਨਾਯ ਦ੍ਵਙ੍ਗੁਲਪਬ੍ਬਪਰਮਂ ਆਦਾਤਬ੍ਬਂ. ਤਂ ਅਤਿਕ੍ਕਾਮੇਨ੍ਤਿਯਾ ਪਾਚਿਤ੍ਤਿਯਂ.

੬. ਯਾ ਪਨ ਭਿਕ੍ਖੁਨੀ ਭਿਕ੍ਖੁਸ੍ਸ ਭੁਞ੍ਜਨ੍ਤਸ੍ਸ ਪਾਨੀਯੇਨ ਵਾ ਵਿਧੂਪਨੇਨ ਵਾ ਉਪਤਿਟ੍ਠੇਯ੍ਯ, ਪਾਚਿਤ੍ਤਿਯਂ.

੭. ਯਾ ਪਨ ਭਿਕ੍ਖੁਨੀ ਆਮਕਧਞ੍ਞਂ ਵਿਞ੍ਞਤ੍ਵਾ ਵਾ ਵਿਞ੍ਞਾਪੇਤ੍ਵਾ ਵਾ ਭਜ੍ਜਿਤ੍ਵਾ ਵਾ ਭਜ੍ਜਾਪੇਤ੍ਵਾ ਵਾ ਕੋਟ੍ਟੇਤ੍ਵਾ ਵਾ ਕੋਟ੍ਟਾਪੇਤ੍ਵਾ ਵਾ ਪਚਿਤ੍ਵਾ ਵਾ ਪਚਾਪੇਤ੍ਵਾ ਵਾ ਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੮. ਯਾ ¶ ¶ ਪਨ ਭਿਕ੍ਖੁਨੀ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਸਙ੍ਕਾਰਂ ਵਾ ਵਿਘਾਸਂ ਵਾ ਤਿਰੋਕੁਟ੍ਟੇ ਵਾ ਤਿਰੋਪਾਕਾਰੇ ਵਾ ਛਡ੍ਡੇਯ੍ਯ ਵਾ ਛਡ੍ਡਾਪੇਯ੍ਯ ਵਾ, ਪਾਚਿਤ੍ਤਿਯਂ.

੯. ਯਾ ਪਨ ਭਿਕ੍ਖੁਨੀ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਸਙ੍ਕਾਰਂ ਵਾ ਵਿਘਾਸਂ ਵਾ ਹਰਿਤੇ ਛਡ੍ਡੇਯ੍ਯ ਵਾ ਛਡ੍ਡਾਪੇਯ੍ਯ ਵਾ, ਪਾਚਿਤ੍ਤਿਯਂ.

੧੦. ਯਾ ਪਨ ਭਿਕ੍ਖੁਨੀ ਨਚ੍ਚਂ ਵਾ ਗੀਤਂ ਵਾ ਵਾਦਿਤਂ ਵਾ ਦਸ੍ਸਨਾਯ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੧. ਯਾ ਪਨ ਭਿਕ੍ਖੁਨੀ ਰਤ੍ਤਨ੍ਧਕਾਰੇ ਅਪ੍ਪਦੀਪੇ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠੇਯ੍ਯ ਵਾ ਸਲ੍ਲਪੇਯ੍ਯ ਵਾ, ਪਾਚਿਤ੍ਤਿਯਂ.

੧੨. ਯਾ ਪਨ ਭਿਕ੍ਖੁਨੀ ਪਟਿਚ੍ਛਨ੍ਨੇ ਓਕਾਸੇ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠੇਯ੍ਯ ਵਾ ਸਲ੍ਲਪੇਯ੍ਯ ਵਾ, ਪਾਚਿਤ੍ਤਿਯਂ.

੧੩. ਯਾ ਪਨ ਭਿਕ੍ਖੁਨੀ ਅਜ੍ਝੋਕਾਸੇ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠੇਯ੍ਯ ਵਾ ਸਲ੍ਲਪੇਯ੍ਯ ਵਾ, ਪਾਚਿਤ੍ਤਿਯਂ.

੧੪. ਯਾ ਪਨ ਭਿਕ੍ਖੁਨੀ ਰਥਿਕਾਯ ਵਾ ਬ੍ਯੂਹੇ ਵਾ ਸਿਙ੍ਘਾਟਕੇ ਵਾ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਸਨ੍ਤਿਟ੍ਠੇਯ੍ਯ ਵਾ ਸਲ੍ਲਪੇਯ੍ਯ ਵਾ ਨਿਕਣ੍ਣਿਕਂ ਵਾ ਜਪ੍ਪੇਯ੍ਯ ਦੁਤਿਯਿਕਂ ਵਾ ਭਿਕ੍ਖੁਨਿਂ ਉਯ੍ਯੋਜੇਯ੍ਯ, ਪਾਚਿਤ੍ਤਿਯਂ.

੧੫. ਯਾ ¶ ਪਨ ਭਿਕ੍ਖੁਨੀ ਪੁਰੇਭਤ੍ਤਂ ਕੁਲਾਨਿ ਉਪਸਙ੍ਕਮਿਤ੍ਵਾ ਆਸਨੇ ਨਿਸੀਦਿਤ੍ਵਾ ਸਾਮਿਕੇ ਅਨਾਪੁਚ੍ਛਾ ਪਕ੍ਕਮੇਯ੍ਯ, ਪਾਚਿਤ੍ਤਿਯਂ.

ਅਨਾਪੁਚ੍ਛਾਅਭਿਨਿਸੀਦਨਸਿਕ੍ਖਾਪਦਂ

੧੬. ਯਾ ¶ ਪਨ ਭਿਕ੍ਖੁਨੀ ਪਚ੍ਛਾਭਤ੍ਤਂ ਕੁਲਾਨਿ ਉਪਸਙ੍ਕਮਿਤ੍ਵਾ ਸਾਮਿਕੇ ਅਨਾਪੁਚ੍ਛਾ ਆਸਨੇ ਅਭਿਨਿਸੀਦੇਯ੍ਯ ਵਾ ਅਭਿਨਿਪਜ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੭. ਯਾ ਪਨ ਭਿਕ੍ਖੁਨੀ ਵਿਕਾਲੇ ਕੁਲਾਨਿ ਉਪਸਙ੍ਕਮਿਤ੍ਵਾ ਸਾਮਿਕੇ ਅਨਾਪੁਚ੍ਛਾ ਸੇਯ੍ਯਂ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਅਭਿਨਿਸੀਦੇਯ੍ਯ ਵਾ ਅਭਿਨਿਪਜ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੮. ਯਾ ਪਨ ਭਿਕ੍ਖੁਨੀ ਦੁਗ੍ਗਹਿਤੇਨ ਦੂਪਧਾਰਿਤੇਨ ਪਰਂ ਉਜ੍ਝਾਪੇਯ੍ਯ, ਪਾਚਿਤ੍ਤਿਯਂ.

੧੯. ਯਾ ਪਨ ਭਿਕ੍ਖੁਨੀ ਅਤ੍ਤਾਨਂ ਵਾ ਪਰਂ ਵਾ ਨਿਰਯੇਨ ਵਾ ਬ੍ਰਹ੍ਮਚਰਿਯੇਨ ਵਾ ਅਭਿਸਪੇਯ੍ਯ, ਪਾਚਿਤ੍ਤਿਯਂ.

੨੦. ਯਾ ਪਨ ਭਿਕ੍ਖੁਨੀ ਅਤ੍ਤਾਨਂ ਵਧਿਤ੍ਵਾ ਵਧਿਤ੍ਵਾ ਰੋਦੇਯ੍ਯ, ਪਾਚਿਤ੍ਤਿਯਂ.

੨੧. ਯਾ ਪਨ ਭਿਕ੍ਖੁਨੀ ਨਗ੍ਗਾ ਨਹਾਯੇਯ੍ਯ, ਪਾਚਿਤ੍ਤਿਯਂ.

੨੨. ਉਦਕਸਾਟਿਕਂ ਪਨ ਭਿਕ੍ਖੁਨਿਯਾ ਕਾਰਯਮਾਨਾਯ ਪਮਾਣਿਕਾ ਕਾਰੇਤਬ੍ਬਾ, ਤਤ੍ਰਿਦਂ ਪਮਾਣਂ ¶ , ਦੀਘਸੋ ਚਤਸ੍ਸੋ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਦ੍ਵੇ ਵਿਦਤ੍ਥਿਯੋ. ਤਂ ਅਤਿਕ੍ਕਾਮੇਨ੍ਤਿਯਾ ਛੇਦਨਕਂ ਪਾਚਿਤ੍ਤਿਯਂ.

੨੩. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਚੀਵਰਂ ਵਿਸਿਬ੍ਬੇਤ੍ਵਾ ਵਾ ਵਿਸਿਬ੍ਬਾਪੇਤ੍ਵਾ ਵਾ ਸਾ ਪਚ੍ਛਾ ਅਨਨ੍ਤਰਾਯਿਕਿਨੀ ਨੇਵ ਸਿਬ੍ਬੇਯ੍ਯ, ਨ ਸਿਬ੍ਬਾਪਨਾਯ ਉਸ੍ਸੁਕ੍ਕਂ ਕਰੇਯ੍ਯ ਅਞ੍ਞਤ੍ਰ ਚਤੂਹਪਞ੍ਚਾਹਾ, ਪਾਚਿਤ੍ਤਿਯਂ.

੨੪. ਯਾ ¶ ਪਨ ਭਿਕ੍ਖੁਨੀ ਪਞ੍ਚਾਹਿਕਂ ਸਙ੍ਘਾਟਿਚਾਰਂ ਅਤਿਕ੍ਕਾਮੇਯ੍ਯ, ਪਾਚਿਤ੍ਤਿਯਂ.

੨੫. ਯਾ ਪਨ ਭਿਕ੍ਖੁਨੀ ਚੀਵਰਸਙ੍ਕਮਨੀਯਂ ਧਾਰੇਯ੍ਯ, ਪਾਚਿਤ੍ਤਿਯਂ.

੨੬. ਯਾ ਪਨ ਭਿਕ੍ਖੁਨੀ ਗਣਸ੍ਸ ਚੀਵਰਲਾਭਂ ਅਨ੍ਤਰਾਯਂ ਕਰੇਯ੍ਯ, ਪਾਚਿਤ੍ਤਿਯਂ.

੨੭. ਯਾ ਪਨ ਭਿਕ੍ਖੁਨੀ ਧਮ੍ਮਿਕਂ ਚੀਵਰਵਿਭਙ੍ਗਂ ਪਟਿਬਾਹੇਯ੍ਯ, ਪਾਚਿਤ੍ਤਿਯਂ.

੨੮. ਯਾ ਪਨ ਭਿਕ੍ਖੁਨੀ ਅਗਾਰਿਕਸ੍ਸ ਵਾ ਪਰਿਬ੍ਬਾਜਕਸ੍ਸ ਵਾ ਪਰਿਬ੍ਬਾਜਿਕਾਯ ਵਾ ਸਮਣਚੀਵਰਂ ਦਦੇਯ੍ਯ, ਪਾਚਿਤ੍ਤਿਯਂ.

੨੯. ਯਾ ਪਨ ਭਿਕ੍ਖੁਨੀ ਦੁਬ੍ਬਲਚੀਵਰਪਚ੍ਚਾਸਾਯ ਚੀਵਰਕਾਲਸਮਯਂ ਅਤਿਕ੍ਕਾਮੇਯ੍ਯ, ਪਾਚਿਤ੍ਤਿਯਂ.

੩੦. ਯਾ ¶ ਪਨ ਭਿਕ੍ਖੁਨੀ ਧਮ੍ਮਿਕਂ ਕਥਿਨੁਦ੍ਧਾਰਂ ਪਟਿਬਾਹੇਯ੍ਯ, ਪਾਚਿਤ੍ਤਿਯਂ.

੩੧. ਯਾ ਪਨ ਭਿਕ੍ਖੁਨਿਯੋ ਦ੍ਵੇ ਏਕਮਞ੍ਚੇ ਤੁਵਟ੍ਟੇਯ੍ਯੁਂ, ਪਾਚਿਤ੍ਤਿਯਂ.

੩੨. ਯਾ ਪਨ ਭਿਕ੍ਖੁਨਿਯੋ ਦ੍ਵੇ ਏਕਤ੍ਥਰਣਪਾਵੁਰਣਾ ਤੁਵਟ੍ਟੇਯ੍ਯੁਂ, ਪਾਚਿਤ੍ਤਿਯਂ.

੩੩. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਸਞ੍ਚਿਚ੍ਚ ਅਫਾਸੁਂ ਕਰੇਯ੍ਯ, ਪਾਚਿਤ੍ਤਿਯਂ.

੩੪. ਯਾ ¶ ਪਨ ਭਿਕ੍ਖੁਨੀ ਦੁਕ੍ਖਿਤਂ ਸਹਜੀਵਿਨਿਂ ਨੇਵ ਉਪਟ੍ਠਹੇਯ੍ਯ, ਨ ਉਪਟ੍ਠਾਪਨਾਯ ਉਸ੍ਸੁਕ੍ਕਂ ਕਰੇਯ੍ਯ, ਪਾਚਿਤ੍ਤਿਯਂ.

੩੫. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਉਪਸ੍ਸਯਂ ਦਤ੍ਵਾ ਕੁਪਿਤਾ ਅਨਤ੍ਤਮਨਾ ਨਿਕ੍ਕਡ੍ਢੇਯ੍ਯ ਵਾ ਨਿਕ੍ਕਡ੍ਢਾਪੇਯ੍ਯ ਵਾ, ਪਾਚਿਤ੍ਤਿਯਂ.

੩੬. ਯਾ ਪਨ ਭਿਕ੍ਖੁਨੀ ਸਂਸਟ੍ਠਾ ਵਿਹਰੇਯ੍ਯ ਗਹਪਤਿਨਾ ਵਾ ਗਹਪਤਿਪੁਤ੍ਤੇਨ ਵਾ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ, ਸਂਸਟ੍ਠਾ ਵਿਹਰਿ ਗਹਪਤਿਨਾਪਿ ਗਹਪਤਿਪੁਤ੍ਤੇਨਾਪਿ, ਵਿਵਿਚ੍ਚਾਯ੍ਯੇ, ਵਿਵੇਕਞ੍ਞੇਵ ਭਗਿਨਿਯਾ ਸਙ੍ਘੋ ਵਣ੍ਣੇਤੀ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ, ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਪਾਚਿਤ੍ਤਿਯਂ.

੩੭. ਯਾ ¶ ਪਨ ਭਿਕ੍ਖੁਨੀ ਅਨ੍ਤੋਰਟ੍ਠੇ ਸਾਸਙ੍ਕਸਮ੍ਮਤੇ ਸਪ੍ਪਟਿਭਯੇ ਅਸਤ੍ਥਿਕਾ ਚਾਰਿਕਂ ਚਰੇਯ੍ਯ, ਪਾਚਿਤ੍ਤਿਯਂ.

੩੮. ਯਾ ਪਨ ਭਿਕ੍ਖੁਨੀ ਤਿਰੋਰਟ੍ਠੇ ਸਾਸਙ੍ਕਸਮ੍ਮਤੇ ਸਪ੍ਪਟਿਭਯੇ ਅਸਤ੍ਥਿਕਾ ਚਾਰਿਕਂ ਚਰੇਯ੍ਯ, ਪਾਚਿਤ੍ਤਿਯਂ.

੩੯. ਯਾ ਪਨ ਭਿਕ੍ਖੁਨੀ ਅਨ੍ਤੋਵਸ੍ਸਂ ਚਾਰਿਕਂ ਚਰੇਯ੍ਯ, ਪਾਚਿਤ੍ਤਿਯਂ.

੪੦. ਯਾ ਪਨ ਭਿਕ੍ਖੁਨੀ ਵਸ੍ਸਂਵੁਟ੍ਠਾ ਚਾਰਿਕਂ ਨ ਪਕ੍ਕਮੇਯ੍ਯ ਅਨ੍ਤਮਸੋ ਛਪ੍ਪਞ੍ਚਯੋਜਨਾਨਿਪਿ, ਪਾਚਿਤ੍ਤਿਯਂ.

੪੧. ਯਾ ¶ ਪਨ ਭਿਕ੍ਖੁਨੀ ਰਾਜਾਗਾਰਂ ਵਾ ਚਿਤ੍ਤਾਗਾਰਂ ਵਾ ਆਰਾਮਂ ਵਾ ਉਯ੍ਯਾਨਂ ਵਾ ਪੋਕ੍ਖਰਣਿਂ ਵਾ ਦਸ੍ਸਨਾਯ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੪੨. ਯਾ ਪਨ ਭਿਕ੍ਖੁਨੀ ਆਸਨ੍ਦਿਂ ਵਾ ਪਲ੍ਲਙ੍ਕਂ ਵਾ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੪੩. ਯਾ ਪਨ ਭਿਕ੍ਖੁਨੀ ਸੁਤ੍ਤਂ ਕਨ੍ਤੇਯ੍ਯ, ਪਾਚਿਤ੍ਤਿਯਂ.

੪੪. ਯਾ ਪਨ ਭਿਕ੍ਖੁਨੀ ਗਿਹਿਵੇਯ੍ਯਾਵਚ੍ਚਂ ਕਰੇਯ੍ਯ, ਪਾਚਿਤ੍ਤਿਯਂ.

੪੫. ਯਾ ¶ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ‘‘ਏਹਾਯ੍ਯੇ, ਇਮਂ ਅਧਿਕਰਣਂ ਵੂਪਸਮੇਹੀ’’ਤਿ ਵੁਚ੍ਚਮਾਨਾ ‘‘ਸਾਧੂ’’ਤਿ ਪਟਿਸ੍ਸੁਣਿਤ੍ਵਾ ਸਾ ਪਚ੍ਛਾ ਅਨਨ੍ਤਰਾਯਿਕਿਨੀ ਨੇਵ ਵੂਪਸਮੇਯ੍ਯ, ਨ ਵੂਪਸਮਾਯ ਉਸ੍ਸੁਕ੍ਕਂ ਕਰੇਯ੍ਯ, ਪਾਚਿਤ੍ਤਿਯਂ.

੪੬. ਯਾ ਪਨ ਭਿਕ੍ਖੁਨੀ ਅਗਾਰਿਕਸ੍ਸ ਵਾ ਪਰਿਬ੍ਬਾਜਕਸ੍ਸ ਵਾ ਪਰਿਬ੍ਬਾਜਿਕਾਯ ਵਾ ਸਹਤ੍ਥਾ ਖਾਦਨੀਯਂ ਵਾ ਭੋਜਨੀਯਂ ਵਾ ਦਦੇਯ੍ਯ, ਪਾਚਿਤ੍ਤਿਯਂ.

੪੭. ਯਾ ਪਨ ਭਿਕ੍ਖੁਨੀ ਆਵਸਥਚੀਵਰਂ ਅਨਿਸ੍ਸਜ੍ਜੇਤ੍ਵਾ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੪੮. ਯਾ ਪਨ ਭਿਕ੍ਖੁਨੀ ਆਵਸਥਂ ਅਨਿਸ੍ਸਜ੍ਜਿਤ੍ਵਾ ਚਾਰਿਕਂ ਪਕ੍ਕਮੇਯ੍ਯ, ਪਾਚਿਤ੍ਤਿਯਂ.

ਤਿਰਚ੍ਛਾਨਵਿਜ੍ਜਾਪਰਿਯਾਪੁਣਨਸਿਕ੍ਖਾਪਦਂ

੪੯. ਯਾ ਪਨ ਭਿਕ੍ਖੁਨੀ ਤਿਰਚ੍ਛਾਨਵਿਜ੍ਜਂ ਪਰਿਯਾਪੁਣੇਯ੍ਯ, ਪਾਚਿਤ੍ਤਿਯਂ.

ਤਿਰਚ੍ਛਾਨਵਿਜ੍ਜਾਵਾਚਨਸਿਕ੍ਖਾਪਦਂ

੫੦. ਯਾ ਪਨ ਭਿਕ੍ਖੁਨੀ ਤਿਰਚ੍ਛਾਨਵਿਜ੍ਜਂ ਵਾਚੇਯ੍ਯ, ਪਾਚਿਤ੍ਤਿਯਂ.

੫੧. ਯਾ ¶ ਪਨ ਭਿਕ੍ਖੁਨੀ ਜਾਨਂ ਸਭਿਕ੍ਖੁਕਂ ਆਰਾਮਂ ਅਨਾਪੁਚ੍ਛਾ ਪਵਿਸੇਯ੍ਯ, ਪਾਚਿਤ੍ਤਿਯਂ.

੫੨. ਯਾ ਪਨ ਭਿਕ੍ਖੁਨੀ ਭਿਕ੍ਖੁਂ ਅਕ੍ਕੋਸੇਯ੍ਯ ਵਾ ਪਰਿਭਾਸੇਯ੍ਯ ਵਾ, ਪਾਚਿਤ੍ਤਿਯਂ.

੫੩. ਯਾ ¶ ਪਨ ਭਿਕ੍ਖੁਨੀ ਚਣ੍ਡੀਕਤਾ ਗਣਂ ਪਰਿਭਾਸੇਯ੍ਯ, ਪਾਚਿਤ੍ਤਿਯਂ.

੫੪. ਯਾ ਪਨ ਭਿਕ੍ਖੁਨੀ ਨਿਮਨ੍ਤਿਤਾ ਵਾ ਪਵਾਰਿਤਾ ਵਾ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੫੫. ਯਾ ਪਨ ਭਿਕ੍ਖੁਨੀ ਕੁਲਮਚ੍ਛਰਿਨੀ ਅਸ੍ਸ, ਪਾਚਿਤ੍ਤਿਯਂ.

੫੬. ਯਾ ਪਨ ਭਿਕ੍ਖੁਨੀ ਅਭਿਕ੍ਖੁਕੇ ਆਵਾਸੇ ਵਸ੍ਸਂ ਵਸੇਯ੍ਯ, ਪਾਚਿਤ੍ਤਿਯਂ.

੫੭. ਯਾ ਪਨ ਭਿਕ੍ਖੁਨੀ ਵਸ੍ਸਂਵੁਟ੍ਠਾ ਉਭਤੋਸਙ੍ਘੇ ਤੀਹਿ ਠਾਨੇਹਿ ਨ ਪਵਾਰੇਯ੍ਯ ਦਿਟ੍ਠੇਨ ਵਾ ਸੁਤੇਨ ਵਾ ਪਰਿਸਙ੍ਕਾਯ ਵਾ, ਪਾਚਿਤ੍ਤਿਯਂ.

੫੮. ਯਾ ਪਨ ਭਿਕ੍ਖੁਨੀ ਓਵਾਦਾਯ ਵਾ ਸਂਵਾਸਾਯ ਵਾ ਨ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੫੯. ਅਨ੍ਵਦ੍ਧਮਾਸਂ ਭਿਕ੍ਖੁਨਿਯਾ ਭਿਕ੍ਖੁਸਙ੍ਘਤੋ ਦ੍ਵੇ ਧਮ੍ਮਾ ਪਚ੍ਚਾਸੀਸਿਤਬ੍ਬਾ ਉਪੋਸਥਪੁਚ੍ਛਕਞ੍ਚ ਓਵਾਦੂਪਸਙ੍ਕਮਨਞ੍ਚ. ਤਂ ਅਤਿਕ੍ਕਾਮੇਨ੍ਤਿਯਾ ਪਾਚਿਤ੍ਤਿਯਂ.

੬੦. ਯਾ ਪਨ ਭਿਕ੍ਖੁਨੀ ਪਸਾਖੇ ਜਾਤਂ ਗਣ੍ਡਂ ਵਾ ਰੁਧਿਤਂ ਵਾ ਅਨਪਲੋਕੇਤ੍ਵਾ ਸਙ੍ਘਂ ਵਾ ਗਣਂ ਵਾ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਭੇਦਾਪੇਯ੍ਯ ਵਾ ¶ ਫਾਲਾਪੇਯ੍ਯ ਵਾ ਧੋਵਾਪੇਯ੍ਯ ਵਾ ਆਲਿਮ੍ਪਾਪੇਯ੍ਯ ਵਾ ਬਨ੍ਧਾਪੇਯ੍ਯ ਵਾ ਮੋਚਾਪੇਯ੍ਯ ਵਾ, ਪਾਚਿਤ੍ਤਿਯਂ.

੬੧. ਯਾ ¶ ਪਨ ਭਿਕ੍ਖੁਨੀ ਗਬ੍ਭਿਨਿਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੨. ਯਾ ਪਨ ਭਿਕ੍ਖੁਨੀ ਪਾਯਨ੍ਤਿਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੩. ਯਾ ਪਨ ਭਿਕ੍ਖੁਨੀ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੪. ਯਾ ਪਨ ਭਿਕ੍ਖੁਨੀ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਂ ਸਿਕ੍ਖਮਾਨਂ ਸਙ੍ਘੇਨ ਅਸਮ੍ਮਤਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੫. ਯਾ ਪਨ ਭਿਕ੍ਖੁਨੀ ਊਨਦ੍ਵਾਦਸਵਸ੍ਸਂ ਗਿਹਿਗਤਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੬. ਯਾ ਪਨ ਭਿਕ੍ਖੁਨੀ ਪਰਿਪੁਣ੍ਣਦ੍ਵਾਦਸਵਸ੍ਸਂ ਗਿਹਿਗਤਂ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੭. ਯਾ ਪਨ ਭਿਕ੍ਖੁਨੀ ਪਰਿਪੁਣ੍ਣਦ੍ਵਾਦਸਵਸ੍ਸਂ ਗਿਹਿਗਤਂ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਂ ਸਙ੍ਘੇਨ ਅਸਮ੍ਮਤਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੬੮. ਯਾ ਪਨ ਭਿਕ੍ਖੁਨੀ ਸਹਜੀਵਿਨਿਂ ਵੁਟ੍ਠਾਪੇਤ੍ਵਾ ਦ੍ਵੇ ਵਸ੍ਸਾਨਿ ਨੇਵ ਅਨੁਗ੍ਗਣ੍ਹੇਯ੍ਯ ਨ ਅਨੁਗ੍ਗਣ੍ਹਾਪੇਯ੍ਯ, ਪਾਚਿਤ੍ਤਿਯਂ.

੬੯. ਯਾ ਪਨ ਭਿਕ੍ਖੁਨੀ ਵੁਟ੍ਠਾਪਿਤਂ ਪਵਤ੍ਤਿਨਿਂ ਦ੍ਵੇ ਵਸ੍ਸਾਨਿ ਨਾਨੁਬਨ੍ਧੇਯ੍ਯ, ਪਾਚਿਤ੍ਤਿਯਂ.

੭੦. ਯਾ ¶ ¶ ਪਨ ਭਿਕ੍ਖੁਨੀ ਸਹਜੀਵਿਨਿਂ ਵੁਟ੍ਠਾਪੇਤ੍ਵਾ ਨੇਵ ਵੂਪਕਾਸੇਯ੍ਯ ਨ ਵੂਪਕਾਸਾਪੇਯ੍ਯ ਅਨ੍ਤਮਸੋ ਛਪ੍ਪਞ੍ਚਯੋਜਨਾਨਿਪਿ, ਪਾਚਿਤ੍ਤਿਯਂ.

੭੧. ਯਾ ਪਨ ਭਿਕ੍ਖੁਨੀ ਊਨਵੀਸਤਿਵਸ੍ਸਂ ਕੁਮਾਰਿਭੂਤਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੭੨. ਯਾ ਪਨ ਭਿਕ੍ਖੁਨੀ ਪਰਿਪੁਣ੍ਣਵੀਸਤਿਵਸ੍ਸਂ ਕੁਮਾਰਿਭੂਤਂ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਅਸਿਕ੍ਖਿਤਸਿਕ੍ਖਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੭੩. ਯਾ ਪਨ ਭਿਕ੍ਖੁਨੀ ਪਰਿਪੁਣ੍ਣਵੀਸਤਿਵਸ੍ਸਂ ਕੁਮਾਰਿਭੂਤਂ ਦ੍ਵੇ ਵਸ੍ਸਾਨਿ ਛਸੁ ਧਮ੍ਮੇਸੁ ਸਿਕ੍ਖਿਤਸਿਕ੍ਖਂ ਸਙ੍ਘੇਨ ਅਸਮ੍ਮਤਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੭੪. ਯਾ ਪਨ ਭਿਕ੍ਖੁਨੀ ਊਨਦ੍ਵਾਦਸਵਸ੍ਸਾ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

ਪਰਿਪੁਣ੍ਣਦ੍ਵਾਦਸਵਸ੍ਸਸਿਕ੍ਖਾਪਦਂ

੭੫. ਯਾ ਪਨ ਭਿਕ੍ਖੁਨੀ ਪਰਿਪੁਣ੍ਣਦ੍ਵਾਦਸਵਸ੍ਸਾ ਸਙ੍ਘੇਨ ਅਸਮ੍ਮਤਾ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੭੬. ਯਾ ਪਨ ਭਿਕ੍ਖੁਨੀ ‘‘ਅਲਂ ਤਾਵ ਤੇ, ਅਯ੍ਯੇ, ਵੁਟ੍ਠਾਪਿਤੇਨਾ’’ਤਿ ਵੁਚ੍ਚਮਾਨਾ ‘‘ਸਾਧੂ’’ਤਿ ਪਟਿਸ੍ਸੁਣਿਤ੍ਵਾ ਸਾ ਪਚ੍ਛਾ ਖਿਯ੍ਯਨਧਮ੍ਮਂ ਆਪਜ੍ਜੇਯ੍ਯ, ਪਾਚਿਤ੍ਤਿਯਂ.

ਪਠਮਸਿਕ੍ਖਮਾਨਨਵੁਟ੍ਠਾਪਨਸਿਕ੍ਖਾਪਦਂ

੭੭. ਯਾ ਪਨ ਭਿਕ੍ਖੁਨੀ ਸਿਕ੍ਖਮਾਨਂ ‘‘ਸਚੇ ਮੇ ਤ੍ਵਂ, ਅਯ੍ਯੇ, ਚੀਵਰਂ ਦਸ੍ਸਸਿ, ਏਵਾਹਂ ਤਂ ¶ ਵੁਟ੍ਠਾਪੇਸ੍ਸਾਮੀ’’ਤਿ ਵਤ੍ਵਾ ਸਾ ਪਚ੍ਛਾ ਅਨਨ੍ਤਰਾਯਿਕਿਨੀ ਨੇਵ ਵੁਟ੍ਠਾਪੇਯ੍ਯ, ਨ ਵੁਟ੍ਠਾਪਨਾਯ ਉਸ੍ਸੁਕ੍ਕਂ ਕਰੇਯ੍ਯ, ਪਾਚਿਤ੍ਤਿਯਂ.

ਦੁਤਿਯਸਿਕ੍ਖਮਾਨਨਵੁਟ੍ਠਾਪਨਸਿਕ੍ਖਾਪਦਂ

੭੮. ਯਾ ¶ ਪਨ ਭਿਕ੍ਖੁਨੀ ਸਿਕ੍ਖਮਾਨਂ ‘‘ਸਚੇ ਮਂ ਤ੍ਵਂ, ਅਯ੍ਯੇ, ਦ੍ਵੇ ਵਸ੍ਸਾਨਿ ਅਨੁਬਨ੍ਧਿਸ੍ਸਸਿ, ਏਵਾਹਂ ਤਂ ਵੁਟ੍ਠਾਪੇਸ੍ਸਾਮੀ’’ਤਿ ਵਤ੍ਵਾ ਸਾ ਪਚ੍ਛਾ ਅਨਨ੍ਤਰਾਯਿਕਿਨੀ ਨੇਵ ਵੁਟ੍ਠਾਪੇਯ੍ਯ, ਨ ਵੁਟ੍ਠਾਪਨਾਯ ਉਸ੍ਸੁਕ੍ਕਂ ਕਰੇਯ੍ਯ, ਪਾਚਿਤ੍ਤਿਯਂ.

੭੯. ਯਾ ਪਨ ਭਿਕ੍ਖੁਨੀ ਪੁਰਿਸਸਂਸਟ੍ਠਂ ਕੁਮਾਰਕਸਂਸਟ੍ਠਂ ਚਣ੍ਡਿਂ ਸੋਕਾਵਾਸਂ ਸਿਕ੍ਖਮਾਨਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੮੦. ਯਾ ਪਨ ਭਿਕ੍ਖੁਨੀ ਮਾਤਾਪਿਤੂਹਿ ਵਾ ਸਾਮਿਕੇਨ ਵਾ ਅਨਨੁਞ੍ਞਾਤਂ ਸਿਕ੍ਖਮਾਨਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੮੧. ਯਾ ਪਨ ਭਿਕ੍ਖੁਨੀ ਪਾਰਿਵਾਸਿਕਛਨ੍ਦਦਾਨੇਨ ਸਿਕ੍ਖਮਾਨਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੮੨. ਯਾ ਪਨ ਭਿਕ੍ਖੁਨੀ ਅਨੁਵਸ੍ਸਂ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੮੩. ਯਾ ਪਨ ਭਿਕ੍ਖੁਨੀ ਏਕਂ ਵਸ੍ਸਂ ਦ੍ਵੇ ਵੁਟ੍ਠਾਪੇਯ੍ਯ, ਪਾਚਿਤ੍ਤਿਯਂ.

੮੪. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਛਤ੍ਤੁਪਾਹਨਂ ਧਾਰੇਯ੍ਯ, ਪਾਚਿਤ੍ਤਿਯਂ.

੮੫. ਯਾ ¶ ਪਨ ਭਿਕ੍ਖੁਨੀ ਅਗਿਲਾਨਾ ਯਾਨੇਨ ਯਾਯੇਯ੍ਯ, ਪਾਚਿਤ੍ਤਿਯਂ.

੮੬. ਯਾ ਪਨ ਭਿਕ੍ਖੁਨੀ ਸਙ੍ਘਾਣਿਂ ਧਾਰੇਯ੍ਯ, ਪਾਚਿਤ੍ਤਿਯਂ.

੮੭. ਯਾ ਪਨ ਭਿਕ੍ਖੁਨੀ ਇਤ੍ਥਾਲਙ੍ਕਾਰਂ ਧਾਰੇਯ੍ਯ, ਪਾਚਿਤ੍ਤਿਯਂ.

੮੮. ਯਾ ¶ ਪਨ ਭਿਕ੍ਖੁਨੀ ਗਨ੍ਧਵਣ੍ਣਕੇਨ ਨਹਾਯੇਯ੍ਯ, ਪਾਚਿਤ੍ਤਿਯਂ.

੮੯. ਯਾ ਪਨ ਭਿਕ੍ਖੁਨੀ ਵਾਸਿਤਕੇਨ ਪਿਞ੍ਞਾਕੇਨ ਨਹਾਯੇਯ੍ਯ, ਪਾਚਿਤ੍ਤਿਯਂ.

ਭਿਕ੍ਖੁਨਿਉਮ੍ਮਦ੍ਦਾਪਨਸਿਕ੍ਖਾਪਦਂ

੯੦. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਉਮ੍ਮਦ੍ਦਾਪੇਯ੍ਯ ਵਾ ਪਰਿਮਦ੍ਦਾਪੇਯ੍ਯ ਵਾ, ਪਾਚਿਤ੍ਤਿਯਂ.

ਸਿਕ੍ਖਮਾਨਉਮ੍ਮਦ੍ਦਾਪਨਸਿਕ੍ਖਾਪਦਂ

੯੧. ਯਾ ਪਨ ਭਿਕ੍ਖੁਨੀ ਸਿਕ੍ਖਮਾਨਾਯ ਉਮ੍ਮਦ੍ਦਾਪੇਯ੍ਯ ਵਾ ਪਰਿਮਦ੍ਦਾਪੇਯ੍ਯ ਵਾ, ਪਾਚਿਤ੍ਤਿਯਂ.

੯੨. ਯਾ ਪਨ ਭਿਕ੍ਖੁਨੀ ਸਾਮਣੇਰਿਯਾ ਉਮ੍ਮਦ੍ਦਾਪੇਯ੍ਯ ਵਾ ਪਰਿਮਦ੍ਦਾਪੇਯ੍ਯ ਵਾ, ਪਾਚਿਤ੍ਤਿਯਂ.

੯੩. ਯਾ ਪਨ ਭਿਕ੍ਖੁਨੀ ਗਿਹਿਨਿਯਾ ਉਮ੍ਮਦ੍ਦਾਪੇਯ੍ਯ ਵਾ ਪਰਿਮਦ੍ਦਾਪੇਯ੍ਯ ਵਾ, ਪਾਚਿਤ੍ਤਿਯਂ.

੯੪. ਯਾ ਪਨ ਭਿਕ੍ਖੁਨੀ ਭਿਕ੍ਖੁਸ੍ਸ ਪੁਰਤੋ ਅਨਾਪੁਚ੍ਛਾ ਆਸਨੇ ਨਿਸੀਦੇਯ੍ਯ, ਪਾਚਿਤ੍ਤਿਯਂ.

੯੫. ਯਾ ¶ ਪਨ ਭਿਕ੍ਖੁਨੀ ਅਨੋਕਾਸਕਤਂ ਭਿਕ੍ਖੁਂ ਪਞ੍ਹਂ ਪੁਚ੍ਛੇਯ੍ਯ, ਪਾਚਿਤ੍ਤਿਯਂ.

੯੬. ਯਾ ਪਨ ਭਿਕ੍ਖੁਨੀ ਅਸਂਕਚ੍ਚਿਕਾ ਗਾਮਂ ਪਵਿਸੇਯ੍ਯ, ਪਾਚਿਤ੍ਤਿਯਂ.

੯੭. ਸਮ੍ਪਜਾਨਮੁਸਾਵਾਦੇ ¶ ਪਾਚਿਤ੍ਤਿਯਂ.

੯੯. ਭਿਕ੍ਖੁਨਿਪੇਸੁਞ੍ਞੇ ਪਾਚਿਤ੍ਤਿਯਂ.

੧੦੦. ਯਾ ਪਨ ਭਿਕ੍ਖੁਨੀ ਅਨੁਪਸਮ੍ਪਨ੍ਨਂ ਪਦਸੋ ਧਮ੍ਮਂ ਵਾਚੇਯ੍ਯ, ਪਾਚਿਤ੍ਤਿਯਂ.

੧੦੧. ਯਾ ਪਨ ਭਿਕ੍ਖੁਨੀ ਅਨੁਪਸਮ੍ਪਨ੍ਨਾਯ ਉਤ੍ਤਰਿਦਿਰਤ੍ਤਤਿਰਤ੍ਤਂ ਸਹਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੦੨. ਯਾ ਪਨ ਭਿਕ੍ਖੁਨੀ ਪੁਰਿਸੇਨ ਸਹਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੦੩. ਯਾ ਪਨ ਭਿਕ੍ਖੁਨੀ ਪੁਰਿਸਸ੍ਸ ਉਤ੍ਤਰਿਛਪ੍ਪਞ੍ਚਵਾਚਾਹਿ ਧਮ੍ਮਂ ਦੇਸੇਯ੍ਯ ਅਞ੍ਞਤ੍ਰ ਵਿਞ੍ਞੁਨਾ ਇਤ੍ਥਿਵਿਗ੍ਗਹੇਨ, ਪਾਚਿਤ੍ਤਿਯਂ.

੧੦੪. ਯਾ ¶ ਪਨ ਭਿਕ੍ਖੁਨੀ ਅਨੁਪਸਮ੍ਪਨ੍ਨਾਯ ਉਤ੍ਤਰਿਮਨੁਸ੍ਸਧਮ੍ਮਂ ਆਰੋਚੇਯ੍ਯ, ਭੂਤਸ੍ਮਿਂ ਪਾਚਿਤ੍ਤਿਯਂ.

੧੦੫. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਦੁਟ੍ਠੁਲ੍ਲਂ ਆਪਤ੍ਤਿਂ ਅਨੁਪਸਮ੍ਪਨ੍ਨਾਯ ਆਰੋਚੇਯ੍ਯ ਅਞ੍ਞਤ੍ਰ ਭਿਕ੍ਖੁਨਿਸਮ੍ਮੁਤਿਯਾ, ਪਾਚਿਤ੍ਤਿਯਂ.

੧੦੬. ਯਾ ਪਨ ਭਿਕ੍ਖੁਨੀ ਪਥਵਿਂ ਖਣੇਯ੍ਯ ਵਾ ਖਣਾਪੇਯ੍ਯ ਵਾ, ਪਾਚਿਤ੍ਤਿਯਂ.

੧੦੭. ਭੂਤਗਾਮਪਾਤਬ੍ਯਤਾਯ ¶ ਪਾਚਿਤ੍ਤਿਯਂ.

੧੦੮. ਅਞ੍ਞਵਾਦਕੇ, ਵਿਹੇਸਕੇ ਪਾਚਿਤ੍ਤਿਯਂ.

੧੦੯. ਉਜ੍ਝਾਪਨਕੇ, ਖਿਯ੍ਯਨਕੇ ਪਾਚਿਤ੍ਤਿਯਂ.

੧੧੦. ਯਾ ਪਨ ਭਿਕ੍ਖੁਨੀ ਸਙ੍ਘਿਕਂ ਮਞ੍ਚਂ ਵਾ ਪੀਠਂ ਵਾ ਭਿਸਿਂ ਵਾ ਕੋਚ੍ਛਂ ਵਾ ਅਜ੍ਝੋਕਾਸੇ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਤਂ ਪਕ੍ਕਮਨ੍ਤੀ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੧੧. ਯਾ ਪਨ ਭਿਕ੍ਖੁਨੀ ਸਙ੍ਘਿਕੇ ਵਿਹਾਰੇ ਸੇਯ੍ਯਂ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਤਂ ਪਕ੍ਕਮਨ੍ਤੀ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯ, ਅਨਾਪੁਚ੍ਛਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੧੨. ਯਾ ¶ ਪਨ ਭਿਕ੍ਖੁਨੀ ਸਙ੍ਘਿਕੇ ਵਿਹਾਰੇ ਜਾਨਂ ਪੁਬ੍ਬੁਪਗਤਂ ਭਿਕ੍ਖੁਨਿਂ ਅਨੁਪਖਜ੍ਜ ਸੇਯ੍ਯਂ ਕਪ੍ਪੇਯ੍ਯ ‘‘ਯਸ੍ਸਾ ਸਮ੍ਬਾਧੋ ਭਵਿਸ੍ਸਤਿ, ਸਾ ਪਕ੍ਕਮਿਸ੍ਸਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੧੧੩. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ਕੁਪਿਤਾ ਅਨਤ੍ਤਮਨਾ ਸਙ੍ਘਿਕਾ ਵਿਹਾਰਾ ਨਿਕ੍ਕਡ੍ਢੇਯ੍ਯ ਵਾ ਨਿਕ੍ਕਡ੍ਢਾਪੇਯ੍ਯ ਵਾ, ਪਾਚਿਤ੍ਤਿਯਂ.

੧੧੪. ਯਾ ਪਨ ਭਿਕ੍ਖੁਨੀ ਸਙ੍ਘਿਕੇ ਵਿਹਾਰੇ ਉਪਰਿਵੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਵਾ ਪੀਠਂ ਵਾ ਅਭਿਨਿਸੀਦੇਯ੍ਯ ਵਾ ਅਭਿਨਿਪਜ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੧੫. ਮਹਲ੍ਲਕਂ ਪਨ ਭਿਕ੍ਖੁਨਿਯਾ ਵਿਹਾਰਂ ਕਾਰਯਮਾਨਾਯ ਯਾਵ ਦ੍ਵਾਰਕੋਸਾ ਅਗ੍ਗਲ਼ਟ੍ਠਪਨਾਯ, ਆਲੋਕਸਨ੍ਧਿਪਰਿਕਮ੍ਮਾਯ ਦ੍ਵਤ੍ਤਿਚ੍ਛਦਨਸ੍ਸ ਪਰਿਯਾਯਂ ਅਪ੍ਪਹਰਿਤੇ ਠਿਤਾਯ ਅਧਿਟ੍ਠਾਤਬ੍ਬਂ. ਤਤੋ ਚੇ ਉਤ੍ਤਰਿ ਅਪ੍ਪਹਰਿਤੇਪਿ ਠਿਤਾ ਅਧਿਟ੍ਠਹੇਯ੍ਯ, ਪਾਚਿਤ੍ਤਿਯਂ.

੧੧੬. ਯਾ ¶ ਪਨ ਭਿਕ੍ਖੁਨੀ ਜਾਨਂ ਸਪ੍ਪਾਣਕਂ ਉਦਕਂ ਤਿਣਂ ਵਾ ਮਤ੍ਤਿਕਂ ਵਾ ਸਿਞ੍ਚੇਯ੍ਯ ਵਾ ਸਿਞ੍ਚਾਪੇਯ੍ਯ ਵਾ, ਪਾਚਿਤ੍ਤਿਯਂ.

੧੧੭. ਅਗਿਲਾਨਾਯ ਭਿਕ੍ਖੁਨਿਯਾ ਏਕੋ ਆਵਸਥਪਿਣ੍ਡੋ ਭੁਞ੍ਜਿਤਬ੍ਬੋ. ਤਤੋ ਚੇ ਉਤ੍ਤਰਿ ਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੧੧੮. ਗਣਭੋਜਨੇ ਅਞ੍ਞਤ੍ਰ ਸਮਯਾ ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਗਿਲਾਨਸਮਯੋ, ਚੀਵਰਦਾਨਸਮਯੋ ¶ , ਚੀਵਰਕਾਰਸਮਯੋ, ਅਦ੍ਧਾਨਗਮਨਸਮਯੋ, ਨਾਵਾਭਿਰੁਹਨਸਮਯੋ, ਮਹਾਸਮਯੋ, ਸਮਣਭਤ੍ਤਸਮਯੋ, ਅਯਂ ਤਤ੍ਥ ਸਮਯੋ.

੧੧੯. ਭਿਕ੍ਖੁਨਿਂ ਪਨੇਵ ਕੁਲਂ ਉਪਗਤਂ ਪੂਵੇਹਿ ਵਾ ਮਨ੍ਥੇਹਿ ਵਾ ਅਭਿਹਟ੍ਠੁਂ ਪਵਾਰੇਯ੍ਯ, ਆਕਙ੍ਖਮਾਨਾਯ ਭਿਕ੍ਖੁਨਿਯਾ ਦ੍ਵਤ੍ਤਿਪਤ੍ਤਪੂਰਾ ਪਟਿਗ੍ਗਹੇਤਬ੍ਬਾ. ਤਤੋ ਚੇ ਉਤ੍ਤਰਿ ਪਟਿਗ੍ਗਣ੍ਹੇਯ੍ਯ, ਪਾਚਿਤ੍ਤਿਯਂ. ਦ੍ਵਤ੍ਤਿਪਤ੍ਤਪੂਰੇ ਪਟਿਗ੍ਗਹੇਤ੍ਵਾ ਤਤੋ ਨੀਹਰਿਤ੍ਵਾ ਭਿਕ੍ਖੁਨੀਹਿ ਸਦ੍ਧਿਂ ਸਂਵਿਭਜਿਤਬ੍ਬਂ, ਅਯਂ ਤਤ੍ਥ ਸਾਮੀਚਿ.

੧੨੦. ਯਾ ਪਨ ਭਿਕ੍ਖੁਨੀ ਵਿਕਾਲੇ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੨੧. ਯਾ ਪਨ ਭਿਕ੍ਖੁਨੀ ਸਨ੍ਨਿਧਿਕਾਰਕਂ ਖਾਦਨੀਯਂ ਵਾ ਭੋਜਨੀਯਂ ਵਾ ਖਾਦੇਯ੍ਯ ਵਾ ਭੁਞ੍ਜੇਯ੍ਯ ਵਾ, ਪਾਚਿਤ੍ਤਿਯਂ.

੧੨੨. ਯਾ ਪਨ ਭਿਕ੍ਖੁਨੀ ਅਦਿਨ੍ਨਂ ਮੁਖਦ੍ਵਾਰਂ ਆਹਾਰਂ ਆਹਰੇਯ੍ਯ ਅਞ੍ਞਤ੍ਰ ਉਦਕਦਨ੍ਤਪੋਨਾ, ਪਾਚਿਤ੍ਤਿਯਂ.

੧੨੩. ਯਾ ¶ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ‘‘ਏਹਾਯ੍ਯੇ, ਗਾਮਂ ਵਾ ਨਿਗਮਂ ਵਾ ਪਿਣ੍ਡਾਯ ਪਵਿਸਿਸ੍ਸਾਮਾ’’ਤਿ ਤਸ੍ਸਾ ਦਾਪੇਤ੍ਵਾ ਵਾ ਅਦਾਪੇਤ੍ਵਾ ਵਾ ਉਯ੍ਯੋਜੇਯ੍ਯ ‘‘ਗਚ੍ਛਾਯ੍ਯੇ, ਨ ਮੇ ਤਯਾ ਸਦ੍ਧਿਂ ਕਥਾ ਵਾ ਨਿਸਜ੍ਜਾ ਵਾ ਫਾਸੁ ਹੋਤਿ, ਏਕਿਕਾਯ ਮੇ ਕਥਾ ਵਾ ਨਿਸਜ੍ਜਾ ਵਾ ਫਾਸੁ ਹੋਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੧੨੪. ਯਾ ਪਨ ਭਿਕ੍ਖੁਨੀ ਸਭੋਜਨੇ ਕੁਲੇ ਅਨੁਪਖਜ੍ਜ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੨੫. ਯਾ ¶ ਪਨ ਭਿਕ੍ਖੁਨੀ ਪੁਰਿਸੇਨ ਸਦ੍ਧਿਂ ਰਹੋ ਪਟਿਚ੍ਛਨ੍ਨੇ ਆਸਨੇ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੨੬. ਯਾ ਪਨ ਭਿਕ੍ਖੁਨੀ ਪੁਰਿਸੇਨ ਸਦ੍ਧਿਂ ਏਕੇਨੇਕਾ ਰਹੋ ਨਿਸਜ੍ਜਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੨੭. ਯਾ ਪਨ ਭਿਕ੍ਖੁਨੀ ਨਿਮਨ੍ਤਿਤਾ ਸਭਤ੍ਤਾ ਸਮਾਨਾ ਸਨ੍ਤਿਂ ਭਿਕ੍ਖੁਨਿਂ ਅਨਾਪੁਚ੍ਛਾ ਪੁਰੇਭਤ੍ਤਂ ਵਾ ਪਚ੍ਛਾਭਤ੍ਤਂ ਵਾ ਕੁਲੇਸੁ ਚਾਰਿਤ੍ਤਂ ਆਪਜ੍ਜੇਯ੍ਯ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ, ਚੀਵਰਦਾਨਸਮਯੋ, ਚੀਵਰਕਾਰਸਮਯੋ, ਅਯਂ ਤਤ੍ਥ ਸਮਯੋ.

੧੨੮. ਅਗਿਲਾਨਾਯ ਭਿਕ੍ਖੁਨਿਯਾ ਚਤੁਮਾਸਪ੍ਪਚ੍ਚਯਪਵਾਰਣਾ ਸਾਦਿਤਬ੍ਬਾ ਅਞ੍ਞਤ੍ਰ ਪੁਨਪਵਾਰਣਾਯ, ਅਞ੍ਞਤ੍ਰ ਨਿਚ੍ਚਪਵਾਰਣਾਯ. ਤਤੋ ਚੇ ਉਤ੍ਤਰਿ ਸਾਦਿਯੇਯ੍ਯ, ਪਾਚਿਤ੍ਤਿਯਂ.

੧੨੯. ਯਾ ਪਨ ਭਿਕ੍ਖੁਨੀ ਉਯ੍ਯੁਤ੍ਤਂ ਸੇਨਂ ਦਸ੍ਸਨਾਯ ਗਚ੍ਛੇਯ੍ਯ ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਪਾਚਿਤ੍ਤਿਯਂ.

੧੩੦. ਸਿਯਾ ¶ ਚ ਤਸ੍ਸਾ ਭਿਕ੍ਖੁਨਿਯਾ ਕੋਚਿਦੇਵ ਪਚ੍ਚਯੋ ਸੇਨਂ ਗਮਨਾਯ, ਦਿਰਤ੍ਤਤਿਰਤ੍ਤਂ ਤਾਯ ਭਿਕ੍ਖੁਨਿਯਾ ਸੇਨਾਯ ਵਸਿਤਬ੍ਬਂ. ਤਤੋ ਚੇ ਉਤ੍ਤਰਿ ਵਸੇਯ੍ਯ, ਪਾਚਿਤ੍ਤਿਯਂ.

੧੩੧. ਦਿਰਤ੍ਤਤਿਰਤ੍ਤਂ ਚੇ ਭਿਕ੍ਖੁਨੀ ਸੇਨਾਯ ਵਸਮਾਨਾ ਉਯ੍ਯੋਧਿਕਂ ਵਾ ਬਲਗ੍ਗਂ ਵਾ ਸੇਨਾਬ੍ਯੂਹਂ ਵਾ ਅਨੀਕਦਸ੍ਸਨਂ ਵਾ ਗਚ੍ਛੇਯ੍ਯ, ਪਾਚਿਤ੍ਤਿਯਂ.

੧੩੨. ਸੁਰਾਮੇਰਯਪਾਨੇ ¶ ਪਾਚਿਤ੍ਤਿਯਂ.

੧੩੩. ਅਙ੍ਗੁਲਿਪਤੋਦਕੇ ਪਾਚਿਤ੍ਤਿਯਂ.

੧੩੬. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ਭਿਂਸਾਪੇਯ੍ਯ, ਪਾਚਿਤ੍ਤਿਯਂ.

੧੩੭. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਵਿਸਿਬ੍ਬਨਾਪੇਕ੍ਖਾ ਜੋਤਿਂ ਸਮਾਦਹੇਯ੍ਯ ਵਾ ਸਮਾਦਹਾਪੇਯ੍ਯ ਵਾ ਅਞ੍ਞਤ੍ਰ ਤਥਾਰੂਪਪ੍ਪਚ੍ਚਯਾ, ਪਾਚਿਤ੍ਤਿਯਂ.

੧੩੮. ਯਾ ਪਨ ਭਿਕ੍ਖੁਨੀ ਓਰੇਨਦ੍ਧਮਾਸਂ ਨਹਾਯੇਯ੍ਯ ਅਞ੍ਞਤ੍ਰ ਸਮਯਾ, ਪਾਚਿਤ੍ਤਿਯਂ. ਤਤ੍ਥਾਯਂ ਸਮਯੋ ‘‘ਦਿਯਡ੍ਢੋ ਮਾਸੋ ਸੇਸੋ ਗਿਮ੍ਹਾਨ’’ਨ੍ਤਿ ‘‘ਵਸ੍ਸਾਨਸ੍ਸ ਪਠਮੋ ਮਾਸੋ’’ ਇਚ੍ਚੇਤੇ ਅਡ੍ਢਤੇਯ੍ਯਮਾਸਾ ਉਣ੍ਹਸਮਯੋ, ਪਰਿਲ਼ਾਹਸਮਯੋ, ਗਿਲਾਨਸਮਯੋ, ਕਮ੍ਮਸਮਯੋ, ਅਦ੍ਧਾਨਗਮਨਸਮਯੋ, ਵਾਤਵੁਟ੍ਠਿਸਮਯੋ, ਅਯਂ ਤਤ੍ਥ ਸਮਯੋ.

੧੩੯. ਨਵਂ ¶ ਪਨ ਭਿਕ੍ਖੁਨਿਯਾ ਚੀਵਰਲਾਭਾਯ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ¶ ਆਦਾਤਬ੍ਬਂ ਨੀਲਂ ਵਾ ਕਦ੍ਦਮਂ ਵਾ ਕਾਲ਼ਸਾਮਂ ਵਾ. ਅਨਾਦਾ ਚੇ ਭਿਕ੍ਖੁਨੀ ਤਿਣ੍ਣਂ ਦੁਬ੍ਬਣ੍ਣਕਰਣਾਨਂ ਅਞ੍ਞਤਰਂ ਦੁਬ੍ਬਣ੍ਣਕਰਣਂ ਨਵਂ ਚੀਵਰਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੧੪੦. ਯਾ ਪਨ ਭਿਕ੍ਖੁਨੀ ਭਿਕ੍ਖੁਸ੍ਸ ਵਾ ਭਿਕ੍ਖੁਨਿਯਾ ਵਾ ਸਿਕ੍ਖਮਾਨਾਯ ਵਾ ਸਾਮਣੇਰਸ੍ਸ ਵਾ ਸਾਮਣੇਰਿਯਾ ਵਾ ਸਾਮਂ ਚੀਵਰਂ ਵਿਕਪ੍ਪੇਤ੍ਵਾ ਅਪਚ੍ਚੁਦ੍ਧਾਰਣਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੧੪੧. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਪਤ੍ਤਂ ਵਾ ਚੀਵਰਂ ਵਾ ਨਿਸੀਦਨਂ ਵਾ ਸੂਚਿਘਰਂ ਵਾ ਕਾਯਬਨ੍ਧਨਂ ਵਾ ਅਪਨਿਧੇਯ੍ਯ ਵਾ ਅਪਨਿਧਾਪੇਯ੍ਯ ਵਾ ਅਨ੍ਤਮਸੋ ਹਸਾਪੇਕ੍ਖਾਪਿ, ਪਾਚਿਤ੍ਤਿਯਂ.

੧੪੨. ਯਾ ਪਨ ਭਿਕ੍ਖੁਨੀ ਸਞ੍ਚਿਚ੍ਚ ਪਾਣਂ ਜੀਵਿਤਾ ਵੋਰੋਪੇਯ੍ਯ, ਪਾਚਿਤ੍ਤਿਯਂ.

੧੪੩. ਯਾ ਪਨ ਭਿਕ੍ਖੁਨੀ ਜਾਨਂ ਸਪ੍ਪਾਣਕਂ ਉਦਕਂ ਪਰਿਭੁਞ੍ਜੇਯ੍ਯ, ਪਾਚਿਤ੍ਤਿਯਂ.

੧੪੪. ਯਾ ਪਨ ਭਿਕ੍ਖੁਨੀ ਜਾਨਂ ਯਥਾਧਮ੍ਮਂ ਨਿਹਤਾਧਿਕਰਣਂ ਪੁਨਕਮ੍ਮਾਯ ਉਕ੍ਕੋਟੇਯ੍ਯ, ਪਾਚਿਤ੍ਤਿਯਂ.

੧੪੫. ਯਾ ਪਨ ਭਿਕ੍ਖੁਨੀ ਜਾਨਂ ਥੇਯ੍ਯਸਤ੍ਥੇਨ ਸਦ੍ਧਿਂ ਸਂਵਿਧਾਯ ਏਕਦ੍ਧਾਨਮਗ੍ਗਂ ਪਟਿਪਜ੍ਜੇਯ੍ਯ ਅਨ੍ਤਮਸੋ ਗਾਮਨ੍ਤਰਮ੍ਪਿ, ਪਾਚਿਤ੍ਤਿਯਂ.

੧੪੬. ਯਾ ਪਨ ਭਿਕ੍ਖੁਨੀ ਏਵਂ ਵਦੇਯ੍ਯ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾ ਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ. ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ ਏਵਂ ਅਵਚ, ਮਾ ਭਗਵਨ੍ਤਂ ਅਬ੍ਭਾਚਿਕ੍ਖਿ, ਨ ¶ ਹਿ ਸਾਧੁ ਭਗਵਤੋ ਅਬ੍ਭਕ੍ਖਾਨਂ, ਨ ਹਿ ਭਗਵਾ ਏਵਂ ਵਦੇਯ੍ਯ, ਅਨੇਕਪਰਿਯਾਯੇਨਾਯ੍ਯੇ ਅਨ੍ਤਰਾਯਿਕਾ ਧਮ੍ਮਾ ਅਨ੍ਤਰਾਯਿਕਾ ਵੁਤ੍ਤਾ ਭਗਵਤਾ, ਅਲਞ੍ਚ ਪਨ ਤੇ ਪਟਿਸੇਵਤੋ ¶ ਅਨ੍ਤਰਾਯਾਯਾ’’ਤਿ. ਏਵਞ੍ਚ ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਭਿਕ੍ਖੁਨੀ ਭਿਕ੍ਖੁਨੀਹਿ ਯਾਵਤਤਿਯਂ ਸਮਨੁਭਾਸਿਤਬ੍ਬਾ ਤਸ੍ਸ ਪਟਿਨਿਸ੍ਸਗ੍ਗਾਯ. ਯਾਵਤਤਿਯਞ੍ਚੇ ਸਮਨੁਭਾਸਿਯਮਾਨਾ ਤਂ ਪਟਿਨਿਸ੍ਸਜ੍ਜੇਯ੍ਯ, ਇਚ੍ਚੇਤਂ ਕੁਸਲਂ. ਨੋ ਚੇ ਪਟਿਨਿਸ੍ਸਜ੍ਜੇਯ੍ਯ, ਪਾਚਿਤ੍ਤਿਯਂ.

੧੪੭. ਯਾ ਪਨ ਭਿਕ੍ਖੁਨੀ ਜਾਨਂ ਤਥਾਵਾਦਿਨਿਯਾ ਭਿਕ੍ਖੁਨਿਯਾ ਅਕਟਾਨੁਧਮ੍ਮਾਯ ਤਂ ਦਿਟ੍ਠਿਂ ਅਪ੍ਪਟਿਨਿਸ੍ਸਟ੍ਠਾਯ ਸਦ੍ਧਿਂ ਸਮ੍ਭੁਞ੍ਜੇਯ੍ਯ ਵਾ, ਸਂਵਸੇਯ੍ਯ ਵਾ, ਸਹ ਵਾ ਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੪੮. ਸਮਣੁਦ੍ਦੇਸਾਪਿ ਚੇ ਏਵਂ ਵਦੇਯ੍ਯ ‘‘ਤਥਾਹਂ ਭਗਵਤਾ ਧਮ੍ਮਂ ਦੇਸਿਤਂ ਆਜਾਨਾਮਿ, ਯਥਾ ਯੇਮੇ ਅਨ੍ਤਰਾਯਿਕਾ ਧਮ੍ਮਾ ਵੁਤ੍ਤਾ ਭਗਵਤਾ, ਤੇ ਪਟਿਸੇਵਤੋ ਨਾਲਂ ਅਨ੍ਤਰਾਯਾਯਾ’’ਤਿ. ਸਾ ਸਮਣੁਦ੍ਦੇਸਾ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਮਾਯ੍ਯੇ, ਸਮਣੁਦ੍ਦੇਸੇ ਏਵਂ ਅਵਚ, ਮਾ ਭਗਵਨ੍ਤਂ ਅਬ੍ਭਾਚਿਕ੍ਖਿ, ਨ ਹਿ ਸਾਧੁ ਭਗਵਤੋ ਅਬ੍ਭਕ੍ਖਾਨਂ, ਨ ਹਿ ਭਗਵਾ ਏਵਂ ਵਦੇਯ੍ਯ, ਅਨੇਕਪਰਿਯਾਯੇਨਾਯ੍ਯੇ, ਸਮਣੁਦ੍ਦੇਸੇ ਅਨ੍ਤਰਾਯਿਕਾ ਧਮ੍ਮਾ ਅਨ੍ਤਰਾਯਿਕਾ ਵੁਤ੍ਤਾ ਭਗਵਤਾ, ਅਲਞ੍ਚ ਪਨ ਤੇ ਪਟਿਸੇਵਤੋ ਅਨ੍ਤਰਾਯਾਯਾ’’ਤਿ. ਏਵਞ੍ਚ ਸਾ ਸਮਣੁਦ੍ਦੇਸਾ ਭਿਕ੍ਖੁਨੀਹਿ ਵੁਚ੍ਚਮਾਨਾ ਤਥੇਵ ਪਗ੍ਗਣ੍ਹੇਯ੍ਯ, ਸਾ ਸਮਣੁਦ੍ਦੇਸਾ ਭਿਕ੍ਖੁਨੀਹਿ ਏਵਮਸ੍ਸ ਵਚਨੀਯਾ ‘‘ਅਜ੍ਜਤਗ੍ਗੇ ਤੇ, ਅਯ੍ਯੇ, ਸਮਣੁਦ੍ਦੇਸੇ ਨ ਚੇਵ ਸੋ ਭਗਵਾ ਸਤ੍ਥਾ ਅਪਦਿਸਿਤਬ੍ਬੋ, ਯਮ੍ਪਿ ਚਞ੍ਞਾ ਸਮਣੁਦ੍ਦੇਸਾ ਲਭਨ੍ਤਿ ਭਿਕ੍ਖੁਨੀਹਿ ਸਦ੍ਧਿਂ ਦਿਰਤ੍ਤਤਿਰਤ੍ਤਂ ਸਹਸੇਯ੍ਯਂ, ਸਾਪਿ ਤੇ ਨਤ੍ਥਿ, ਚਰ ਪਿਰੇ, ਵਿਨਸ੍ਸਾ’’ਤਿ. ਯਾ ਪਨ ਭਿਕ੍ਖੁਨੀ ਜਾਨਂ ਤਥਾਨਾਸਿਤਂ ਸਮਣੁਦ੍ਦੇਸਂ ਉਪਲਾਪੇਯ੍ਯ ਵਾ, ਉਪਟ੍ਠਾਪੇਯ੍ਯ ਵਾ, ਸਮ੍ਭੁਞ੍ਜੇਯ੍ਯ ਵਾ, ਸਹ ਵਾ ਸੇਯ੍ਯਂ ਕਪ੍ਪੇਯ੍ਯ, ਪਾਚਿਤ੍ਤਿਯਂ.

੧੪੯. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨੀਹਿ ਸਹਧਮ੍ਮਿਕਂ ਵੁਚ੍ਚਮਾਨਾ ਏਵਂ ਵਦੇਯ੍ਯ ‘‘ਨ ਤਾਵਾਹਂ, ਅਯ੍ਯੇ, ਏਤਸ੍ਮਿਂ ਸਿਕ੍ਖਾਪਦੇ ਸਿਕ੍ਖਿਸ੍ਸਾਮਿ, ਯਾਵ ਨ ਅਞ੍ਞਂ ਭਿਕ੍ਖੁਨਿਂ ਬ੍ਯਤ੍ਤਂ ਵਿਨਯਧਰਂ ਪਰਿਪੁਚ੍ਛਾਮੀ’’ਤਿ, ਪਾਚਿਤ੍ਤਿਯਂ. ਸਿਕ੍ਖਮਾਨਾਯ, ਭਿਕ੍ਖਵੇ, ਭਿਕ੍ਖੁਨਿਯਾ ਅਞ੍ਞਾਤਬ੍ਬਂ ਪਰਿਪੁਚ੍ਛਿਤਬ੍ਬਂ ਪਰਿਪਞ੍ਹਿਤਬ੍ਬਂ, ਅਯਂ ਤਤ੍ਥ ਸਾਮੀਚਿ.

੧੫੦. ਯਾ ¶ ¶ ਪਨ ਭਿਕ੍ਖੁਨੀ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਏਵਂ ਵਦੇਯ੍ਯ ‘‘ਕਿਂ ਪਨਿਮੇਹਿ ਖੁਦ੍ਦਾਨੁਖੁਦ੍ਦਕੇਹਿ ਸਿਕ੍ਖਾਪਦੇਹਿ ਉਦ੍ਦਿਟ੍ਠੇਹਿ, ਯਾਵਦੇਵ ਕੁਕ੍ਕੁਚ੍ਚਾਯ ਵਿਹੇਸਾਯ ਵਿਲੇਖਾਯ ਸਂਵਤ੍ਤਨ੍ਤੀ’’ਤਿ, ਸਿਕ੍ਖਾਪਦਵਿਵਣ੍ਣਕੇ ਪਾਚਿਤ੍ਤਿਯਂ.

੧੫੧. ਯਾ ਪਨ ਭਿਕ੍ਖੁਨੀ ਅਨ੍ਵਦ੍ਧਮਾਸਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਏਵਂ ਵਦੇਯ੍ਯ ‘‘ਇਦਾਨੇਵ ਖੋ ਅਹਂ, ਅਯ੍ਯੇ, ਜਾਨਾਮਿ ਅਯਮ੍ਪਿ ਕਿਰ ਧਮ੍ਮੋ ਸੁਤ੍ਤਾਗਤੋ ਸੁਤ੍ਤਪਰਿਯਾਪਨ੍ਨੋ ਅਨ੍ਵਦ੍ਧਮਾਸਂ ਉਦ੍ਦੇਸਂ ਆਗਚ੍ਛਤੀ’’ਤਿ, ਤਞ੍ਚੇ ਭਿਕ੍ਖੁਨਿਂ ਅਞ੍ਞਾ ਭਿਕ੍ਖੁਨਿਯੋ ਜਾਨੇਯ੍ਯੁਂ ਨਿਸਿਨ੍ਨਪੁਬ੍ਬਂ ਇਮਾਯ ਭਿਕ੍ਖੁਨਿਯਾ ਦ੍ਵਤ੍ਤਿਕ੍ਖਤ੍ਤੁਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ, ਕੋ ਪਨ ਵਾਦੋ ਭਿਯ੍ਯੋ, ਨ ਚ ਤਸ੍ਸਾ ਭਿਕ੍ਖੁਨਿਯਾ ਅਞ੍ਞਾਣਕੇਨ ਮੁਤ੍ਤਿ ਅਤ੍ਥਿ, ਯਞ੍ਚ ਤਤ੍ਥ ਆਪਤ੍ਤਿਂ ਆਪਨ੍ਨਾ, ਤਞ੍ਚ ਯਥਾਧਮ੍ਮੋ ਕਾਰੇਤਬ੍ਬੋ, ਉਤ੍ਤਰਿ ਚਸ੍ਸਾ ਮੋਹੋ ਆਰੋਪੇਤਬ੍ਬੋ ‘‘ਤਸ੍ਸਾ ਤੇ, ਅਯ੍ਯੇ, ਅਲਾਭਾ, ਤਸ੍ਸਾ ਤੇ ਦੁਲ੍ਲਦ੍ਧਂ, ਯਂ ਤ੍ਵਂ ਪਾਤਿਮੋਕ੍ਖੇ ਉਦ੍ਦਿਸ੍ਸਮਾਨੇ ਨ ਸਾਧੁਕਂ ਅਟ੍ਠਿਂ ਕਤ੍ਵਾ ਮਨਸਿ ਕਰੋਸੀ’’ਤਿ, ਇਦਂ ਤਸ੍ਮਿਂ ਮੋਹਨਕੇ ਪਾਚਿਤ੍ਤਿਯਂ.

੧੫੨. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਕੁਪਿਤਾ ਅਨਤ੍ਤਮਨਾ ਪਹਾਰਂ ਦਦੇਯ੍ਯ, ਪਾਚਿਤ੍ਤਿਯਂ.

੧੫੩. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਕੁਪਿਤਾ ਅਨਤ੍ਤਮਨਾ ਤਲਸਤ੍ਤਿਕਂ ਉਗ੍ਗਿਰੇਯ੍ਯ, ਪਾਚਿਤ੍ਤਿਯਂ.

੧੫੪. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਂ ਅਮੂਲਕੇਨ ਸਙ੍ਘਾਦਿਸੇਸੇਨ ਅਨੁਦ੍ਧਂਸੇਯ੍ਯ, ਪਾਚਿਤ੍ਤਿਯਂ.

੧੫੫. ਯਾ ਪਨ ਭਿਕ੍ਖੁਨੀ ਭਿਕ੍ਖੁਨਿਯਾ ਸਞ੍ਚਿਚ੍ਚ ਕੁਕ੍ਕੁਚ੍ਚਂ ਉਪਦਹੇਯ੍ਯ ‘‘ਇਤਿਸ੍ਸਾ ਮੁਹੁਤ੍ਤਮ੍ਪਿ ਅਫਾਸੁ ਭਵਿਸ੍ਸਤੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੧੫੬. ਯਾ ¶ ¶ ਪਨ ਭਿਕ੍ਖੁਨੀ ਭਿਕ੍ਖੁਨੀਨਂ ਭਣ੍ਡਨਜਾਤਾਨਂ ਕਲਹਜਾਤਾਨਂ ਵਿਵਾਦਾਪਨ੍ਨਾਨਂ ਉਪਸ੍ਸੁਤਿਂ ਤਿਟ੍ਠੇਯ੍ਯ ‘‘ਯਂ ਇਮਾ ਭਣਿਸ੍ਸਨ੍ਤਿ, ਤਂ ਸੋਸ੍ਸਾਮੀ’’ਤਿ ਏਤਦੇਵ ਪਚ੍ਚਯਂ ਕਰਿਤ੍ਵਾ ਅਨਞ੍ਞਂ, ਪਾਚਿਤ੍ਤਿਯਂ.

੧੫੭. ਯਾ ਪਨ ਭਿਕ੍ਖੁਨੀ ਧਮ੍ਮਿਕਾਨਂ ਕਮ੍ਮਾਨਂ ਛਨ੍ਦਂ ਦਤ੍ਵਾ ਪਚ੍ਛਾ ਖੀਯਨਧਮ੍ਮਂ ਆਪਜ੍ਜੇਯ੍ਯ, ਪਾਚਿਤ੍ਤਿਯਂ.

੧੫੮. ਯਾ ਪਨ ਭਿਕ੍ਖੁਨੀ ਸਙ੍ਘੇ ਵਿਨਿਚ੍ਛਯਕਥਾਯ ਵਤ੍ਤਮਾਨਾਯ ਛਨ੍ਦਂ ਅਦਤ੍ਵਾ ਉਟ੍ਠਾਯਾਸਨਾ ਪਕ੍ਕਮੇਯ੍ਯ, ਪਾਚਿਤ੍ਤਿਯਂ.

੧੫੯. ਯਾ ਪਨ ਭਿਕ੍ਖੁਨੀ ਸਮਗ੍ਗੇਨ ਸਙ੍ਘੇਨ ਚੀਵਰਂ ਦਤ੍ਵਾ ਪਚ੍ਛਾ ਖੀਯਨਧਮ੍ਮਂ ਆਪਜ੍ਜੇਯ੍ਯ ‘‘ਯਥਾਸਨ੍ਥੁਤਂ ਭਿਕ੍ਖੁਨਿਯੋ ਸਙ੍ਘਿਕਂ ਲਾਭਂ ਪਰਿਣਾਮੇਨ੍ਤੀ’’ਤਿ, ਪਾਚਿਤ੍ਤਿਯਂ.

੧੬੦. ਯਾ ਪਨ ਭਿਕ੍ਖੁਨੀ ਜਾਨਂ ਸਙ੍ਘਿਕਂ ਲਾਭਂ ਪਰਿਣਤਂ ਪੁਗ੍ਗਲਸ੍ਸ ਪਰਿਣਾਮੇਯ੍ਯ, ਪਾਚਿਤ੍ਤਿਯਂ.

੧੬੧. ਯਾ ਪਨ ਭਿਕ੍ਖੁਨੀ ਰਤਨਂ ਵਾ ਰਤਨਸਮ੍ਮਤਂ ਵਾ ਅਞ੍ਞਤ੍ਰ ਅਜ੍ਝਾਰਾਮਾ ਵਾ ਅਜ੍ਝਾਵਸਥਾ ਵਾ ਉਗ੍ਗਣ੍ਹੇਯ੍ਯ ਵਾ ਉਗ੍ਗਣ੍ਹਾਪੇਯ੍ਯ ਵਾ, ਪਾਚਿਤ੍ਤਿਯਂ. ਰਤਨਂ ਵਾ ਪਨ ਭਿਕ੍ਖੁਨਿਯਾ ਰਤਨਸਮ੍ਮਤਂ ਵਾ ਅਜ੍ਝਾਰਾਮੇ ਵਾ ਅਜ੍ਝਾਵਸਥੇ ਵਾ ਉਗ੍ਗਹੇਤ੍ਵਾ ਵਾ ਉਗ੍ਗਹਾਪੇਤ੍ਵਾ ਵਾ ਨਿਕ੍ਖਿਪਿਤਬ੍ਬਂ ‘‘ਯਸ੍ਸ ਭਵਿਸ੍ਸਤਿ, ਸੋ ਹਰਿਸ੍ਸਤੀ’’ਤਿ, ਅਯਂ ਤਤ੍ਥ ਸਾਮੀਚਿ.

੧੬੨. ਯਾ ¶ ¶ ਪਨ ਭਿਕ੍ਖੁਨੀ ਅਟ੍ਠਿਮਯਂ ਵਾ ਦਨ੍ਤਮਯਂ ਵਾ ਵਿਸਾਣਮਯਂ ਵਾ ਸੂਚਿਘਰਂ ਕਾਰਾਪੇਯ੍ਯ, ਭੇਦਨਕਂ ਪਾਚਿਤ੍ਤਿਯਂ.

੧੬੩. ਨਵਂ ਪਨ ਭਿਕ੍ਖੁਨਿਯਾ ਮਞ੍ਚਂ ਵਾ ਪੀਠਂ ਵਾ ਕਾਰਯਮਾਨਾਯ ਅਟ੍ਠਙ੍ਗੁਲਪਾਦਕਂ ਕਾਰੇਤਬ੍ਬਂ ਸੁਗਤਙ੍ਗੁਲੇਨ ਅਞ੍ਞਤ੍ਰ ਹੇਟ੍ਠਿਮਾਯ ਅਟਨਿਯਾ. ਤਂ ਅਤਿਕ੍ਕਾਮੇਨ੍ਤਿਯਾ ਛੇਦਨਕਂ ਪਾਚਿਤ੍ਤਿਯਂ.

੧੬੪. ਯਾ ਪਨ ਭਿਕ੍ਖੁਨੀ ਮਞ੍ਚਂ ਵਾ ਪੀਠਂ ਵਾ ਤੂਲੋਨਦ੍ਧਂ ਕਾਰਾਪੇਯ੍ਯ, ਉਦ੍ਦਾਲਨਕਂ ਪਾਚਿਤ੍ਤਿਯਂ.

੧੬੫. ਕਣ੍ਡੁਪ੍ਪਟਿਚ੍ਛਾਦਿਂ ਪਨ ਭਿਕ੍ਖੁਨਿਯਾ ਕਾਰਯਮਾਨਾਯ ਪਮਾਣਿਕਾ ਕਾਰੇਤਬ੍ਬਾ, ਤਤ੍ਰਿਦਂ ਪਮਾਣਂ, ਦੀਘਸੋ ਚਤਸ੍ਸੋ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਦ੍ਵੇ ਵਿਦਤ੍ਥਿਯੋ. ਤਂ ਅਤਿਕ੍ਕਾਮੇਨ੍ਤਿਯਾ ਛੇਦਨਕਂ ਪਾਚਿਤ੍ਤਿਯਂ.

੧੬੬. ਯਾ ਪਨ ਭਿਕ੍ਖੁਨੀ ਸੁਗਤਚੀਵਰਪ੍ਪਮਾਣਂ ਚੀਵਰਂ ਕਾਰਾਪੇਯ੍ਯ, ਅਤਿਰੇਕਂ ਵਾ, ਛੇਦਨਕਂ ਪਾਚਿਤ੍ਤਿਯਂ. ਤਤ੍ਰਿਦਂ ਸੁਗਤਸ੍ਸ ਸੁਗਤਚੀਵਰਪ੍ਪਮਾਣਂ, ਦੀਘਸੋ ਨਵ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾ, ਤਿਰਿਯਂ ਛ ਵਿਦਤ੍ਥਿਯੋ, ਇਦਂ ਸੁਗਤਸ੍ਸ ਸੁਗਤਚੀਵਰਪ੍ਪਮਾਣਨ੍ਤਿ.

ਉਦ੍ਦਿਟ੍ਠਾ ਖੋ, ਅਯ੍ਯਾਯੋ, ਛਸਟ੍ਠਿਸਤਾ ਪਾਚਿਤ੍ਤਿਯਾ ਧਮ੍ਮਾ. ਤਤ੍ਥਾਯ੍ਯਾਯੋ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯ੍ਯਾਯੋ ਅਟ੍ਠ ਪਾਟਿਦੇਸਨੀਯਾ

੧. ਯਾ ¶ ¶ ਪਨ ਭਿਕ੍ਖੁਨੀ ਅਗਿਲਾਨਾ ਸਪ੍ਪਿਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ, ਪਟਿਦੇਸੇਤਬ੍ਬਂ ਤਾਯ ਭਿਕ੍ਖੁਨਿਯਾ ‘‘ਗਾਰਯ੍ਹਂ, ਅਯ੍ਯੇ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ.

੨. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਤੇਲਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੩. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਮਧੁਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੪. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਫਾਣਿਤਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੫. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਮਚ੍ਛਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੬. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਮਂਸਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੭. ਯਾ ¶ ਪਨ ਭਿਕ੍ਖੁਨੀ ਅਗਿਲਾਨਾ ਖੀਰਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ…ਪੇ… ਤਂ ਪਟਿਦੇਸੇਮੀਤਿ.

੮. ਯਾ ਪਨ ਭਿਕ੍ਖੁਨੀ ਅਗਿਲਾਨਾ ਦਧਿਂ ਵਿਞ੍ਞਾਪੇਤ੍ਵਾ ਭੁਞ੍ਜੇਯ੍ਯ, ਪਟਿਦੇਸੇਤਬ੍ਬਂ ਤਾਯ ਭਿਕ੍ਖੁਨਿਯਾ ‘‘ਗਾਰਯ੍ਹਂ, ਅਯ੍ਯੇ, ਧਮ੍ਮਂ ਆਪਜ੍ਜਿਂ ਅਸਪ੍ਪਾਯਂ ਪਾਟਿਦੇਸਨੀਯਂ, ਤਂ ਪਟਿਦੇਸੇਮੀ’’ਤਿ.

ਉਦ੍ਦਿਟ੍ਠਾ ¶ ਖੋ, ਅਯ੍ਯਾਯੋ, ਅਟ੍ਠ ਪਾਟਿਦੇਸਨੀਯਾ ਧਮ੍ਮਾ. ਤਤ੍ਥਾਯ੍ਯਾਯੋ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ਖੋ ਪਨਾਯ੍ਯਾਯੋ, ਸੇਖਿਯਾ ਧਮ੍ਮਾ ਉਦ੍ਦੇਸਂ ਆਗਚ੍ਛਨ੍ਤਿ.

੧. ਪਰਿਮਣ੍ਡਲਂ ਨਿਵਾਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨. ਪਰਿਮਣ੍ਡਲਂ ਪਾਰੁਪਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩. ਸੁਪ੍ਪਟਿਚ੍ਛਨ੍ਨਾ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪. ਸੁਪ੍ਪਟਿਚ੍ਛਨ੍ਨਾ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫. ਸੁਸਂਵੁਤਾ ¶ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬. ਸੁਸਂਵੁਤਾ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭. ਓਕ੍ਖਿਤ੍ਤਚਕ੍ਖੁਨੀ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੮. ਓਕ੍ਖਿਤ੍ਤਚਕ੍ਖੁਨੀ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੯. ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੦. ਨ ਉਕ੍ਖਿਤ੍ਤਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੧. ਨ ¶ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੨. ਨ ਉਜ੍ਜਗ੍ਘਿਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੩. ਅਪ੍ਪਸਦ੍ਦਾ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੪. ਅਪ੍ਪਸਦ੍ਦਾ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੫. ਨ ਕਾਯਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੬. ਨ ¶ ਕਾਯਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੭. ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੮. ਨ ਬਾਹੁਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੧੯. ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੦. ਨ ਸੀਸਪ੍ਪਚਾਲਕਂ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੧. ਨ ਖਮ੍ਭਕਤਾ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੨. ਨ ਖਮ੍ਭਕਤਾ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੩. ਨ ਓਗੁਣ੍ਠਿਤਾ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੪. ਨ ਓਗੁਣ੍ਠਿਤਾ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੫. ਨ ਉਕ੍ਕੁਟਿਕਾਯ ਅਨ੍ਤਰਘਰੇ ਗਮਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੬. ਨ ¶ ਪਲ੍ਲਤ੍ਥਿਕਾਯ ਅਨ੍ਤਰਘਰੇ ਨਿਸੀਦਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੭. ਸਕ੍ਕਚ੍ਚਂ ¶ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

ਪਤ੍ਤਸਞ੍ਞਿਨੀਪਟਿਗ੍ਗਹਣਸਿਕ੍ਖਾਪਦਂ

੨੮. ਪਤ੍ਤਸਞ੍ਞਿਨੀ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੨੯. ਸਮਸੂਪਕਂ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੦. ਸਮਤਿਤ੍ਤਿਕਂ ਪਿਣ੍ਡਪਾਤਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੧. ਸਕ੍ਕਚ੍ਚਂ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੨. ਪਤ੍ਤਸਞ੍ਞਿਨੀ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੩. ਸਪਦਾਨਂ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੪. ਸਮਸੂਪਕਂ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੫. ਨ ਥੂਪਕਤੋ ਓਮਦ੍ਦਿਤ੍ਵਾ ਪਿਣ੍ਡਪਾਤਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੭. ਨ ¶ ¶ ਸੂਪਂ ਵਾ ਓਦਨਂ ਵਾ ਅਗਿਲਾਨਾ ਅਤ੍ਤਨੋ ਅਤ੍ਥਾਯ ਵਿਞ੍ਞਾਪੇਤ੍ਵਾ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੮. ਨ ਉਜ੍ਝਾਨਸਞ੍ਞਿਨੀ ਪਰੇਸਂ ਪਤ੍ਤਂ ਓਲੋਕੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੩੯. ਨਾਤਿਮਹਨ੍ਤਂ ਕਬਲ਼ਂ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੦. ਪਰਿਮਣ੍ਡਲਂ ਆਲੋਪਂ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੧. ਨ ਅਨਾਹਟੇ ਕਬਲ਼ੇ ਮੁਖਦ੍ਵਾਰਂ ਵਿਵਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੨. ਨ ਭੁਞ੍ਜਮਾਨਾ ਸਬ੍ਬਹਤ੍ਥਂ ਮੁਖੇ ਪਕ੍ਖਿਪਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੩. ਨ ਸਕਬਲ਼ੇਨ ਮੁਖੇਨ ਬ੍ਯਾਹਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੪. ਨ ਪਿਣ੍ਡੁਕ੍ਖੇਪਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੫. ਨ ਕਬਲ਼ਾਵਚ੍ਛੇਦਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੬. ਨ ¶ ਅਵਗਣ੍ਡਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੭. ਨ ਹਤ੍ਥਨਿਦ੍ਧੁਨਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੮. ਨ ਸਿਤ੍ਥਾਵਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੪੯. ਨ ¶ ਜਿਵ੍ਹਾਨਿਚ੍ਛਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੦. ਨ ਚਪੁਚਪੁਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੧. ਨ ਸੁਰੁਸੁਰੁਕਾਰਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੨. ਨ ਹਤ੍ਥਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੩. ਨ ਪਤ੍ਤਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੪. ਨ ਓਟ੍ਠਨਿਲ੍ਲੇਹਕਂ ਭੁਞ੍ਜਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੫. ਨ ¶ ਸਾਮਿਸੇਨ ਹਤ੍ਥੇਨ ਪਾਨੀਯਥਾਲਕਂ ਪਟਿਗ੍ਗਹੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੬. ਨ ਸਸਿਤ੍ਥਕਂ ਪਤ੍ਤਧੋਵਨਂ ਅਨ੍ਤਰਘਰੇ ਛਡ੍ਡੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੭. ਨ ਛਤ੍ਤਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੮. ਨ ਦਣ੍ਡਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੫੯. ਨ ¶ ਸਤ੍ਥਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੦. ਨ ਆਵੁਧਪਾਣਿਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੧. ਨ ਪਾਦੁਕਾਰੁਲ਼੍ਹਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੨. ਨ ਉਪਾਹਨਾਰੁਲ਼੍ਹਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੩. ਨ ਯਾਨਗਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੪. ਨ ਸਯਨਗਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੫. ਨ ਪਲ੍ਲਤ੍ਥਿਕਾਯ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੬. ਨ ¶ ਵੇਠਿਤਸੀਸਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੭. ਨ ਓਗੁਣ੍ਠਿਤਸੀਸਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੬੮. ਨ ¶ ਛਮਾਯਂ ਨਿਸੀਦਿਤ੍ਵਾ ਆਸਨੇ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੦. ਨ ਠਿਤਾ ਨਿਸਿਨ੍ਨਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੧. ਨ ਪਚ੍ਛਤੋ ਗਚ੍ਛਨ੍ਤੀ ਪੁਰਤੋ ਗਚ੍ਛਨ੍ਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੨. ਨ ਉਪ੍ਪਥੇਨ ਗਚ੍ਛਨ੍ਤੀ ਪਥੇਨ ਗਚ੍ਛਨ੍ਤਸ੍ਸ ਅਗਿਲਾਨਸ੍ਸ ਧਮ੍ਮਂ ਦੇਸੇਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੩. ਨ ਠਿਤਾ ਅਗਿਲਾਨਾ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੪. ਨ ¶ ਹਰਿਤੇ ਅਗਿਲਾਨਾ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਖੇਲ਼ਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

੭੫. ਨ ਉਦਕੇ ਅਗਿਲਾਨਾ ਉਚ੍ਚਾਰਂ ਵਾ ਪਸ੍ਸਾਵਂ ਵਾ ਖੇਲ਼ਂ ਵਾ ਕਰਿਸ੍ਸਾਮੀਤਿ ਸਿਕ੍ਖਾ ਕਰਣੀਯਾ.

ਉਦ੍ਦਿਟ੍ਠਾ ਖੋ, ਅਯ੍ਯਾਯੋ, ਸੇਖਿਯਾ ਧਮ੍ਮਾ. ਤਤ੍ਥਾਯ੍ਯਾਯੋ, ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਇਮੇ ¶ ਖੋ ਪਨਾਯ੍ਯਾਯੋ, ਸਤ੍ਤ ਅਧਿਕਰਣਸਮਥਾ

ਉਪ੍ਪਨ੍ਨੁਪ੍ਪਨ੍ਨਾਨਂ ਅਧਿਕਰਣਾਨਂ ਸਮਥਾਯ ਵੂਪਸਮਾਯ ਸਮ੍ਮੁਖਾਵਿਨਯੋ ਦਾਤਬ੍ਬੋ.

ਉਦ੍ਦਿਟ੍ਠਾ ਖੋ ਅਯ੍ਯਾਯੋ ਸਤ੍ਤ ਅਧਿਕਰਣਸਮਥਾ ਧਮ੍ਮਾ. ਤਤ੍ਥਾਯ੍ਯਾਯੋ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ ¶ , ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯ੍ਯਾਯੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀਤਿ.

ਉਦ੍ਦਿਟ੍ਠਾ ਅਟ੍ਠ ਪਾਰਾਜਿਕਾ ਧਮ੍ਮਾ,

ਉਦ੍ਦਿਟ੍ਠਾ ਸਤ੍ਤਰਸ ਸਙ੍ਘਾਦਿਸੇਸਾ ਧਮ੍ਮਾ,

ਉਦ੍ਦਿਟ੍ਠਾ ਤਿਂਸ ਨਿਸ੍ਸਗ੍ਗਿਯਾ ਪਾਚਿਤ੍ਤਿਯਾ ਧਮ੍ਮਾ,

ਉਦ੍ਦਿਟ੍ਠਾ ਛਸਟ੍ਠਿ ਸਤਾ ਪਾਚਿਤ੍ਤਿਯਾ ਧਮ੍ਮਾ,

ਉਦ੍ਦਿਟ੍ਠਾ ਅਟ੍ਠ ਪਾਟਿਦੇਸਨੀਯਾ ਧਮ੍ਮਾ,

ਉਦ੍ਦਿਟ੍ਠਾ ਸਤ੍ਤ ਅਧਿਕਰਣਸਮਥਾ ਧਮ੍ਮਾ, ਏਤ੍ਤਕਂ ਤਸ੍ਸ ਭਗਵਤੋ ਸੁਤ੍ਤਾਗਤਂ ਸੁਤ੍ਤਪਰਿਯਾਪਨ੍ਨਂ ਅਨ੍ਵਦ੍ਧਮਾਸਂ ਉਦ੍ਦੇਸਂ ਆਗਚ੍ਛਤਿ, ਤਤ੍ਥ ਸਬ੍ਬਾਹੇਵ ਸਮਗ੍ਗਾਹਿ ਸਮ੍ਮੋਦਮਾਨਾਹਿ ਅਵਿਵਦਮਾਨਾਹਿ ਸਿਕ੍ਖਿਤਬ੍ਬਨ੍ਤਿ.

ਭਿਕ੍ਖੁਨਿਪਾਤਿਮੋਕ੍ਖਂ ਨਿਟ੍ਠਿਤਂ.

ਨਮੋ ਤਸ੍ਸ ਭਗਵਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ

ਬੁਦ੍ਧਂ ¶ ¶ ¶ ਧਮ੍ਮਞ੍ਚ ਸਙ੍ਘਞ੍ਚ, ਵਿਪ੍ਪਸਨ੍ਨੇਨ ਚੇਤਸਾ;

ਵਨ੍ਦਿਤ੍ਵਾ ਵਨ੍ਦਨਾਮਾਨ, ਪੂਜਾਸਕ੍ਕਾਰਭਾਜਨਂ.

ਥੇਰਵਂਸਪ੍ਪਦੀਪਾਨਂ, ਥਿਰਾਨਂ ਵਿਨਯਕ੍ਕਮੇ;

ਪੁਬ੍ਬਾਚਰਿਯਸੀਹਾਨਂ, ਨਮੋ ਕਤ੍ਵਾ ਕਤਞ੍ਜਲੀ.

ਪਾਮੋਕ੍ਖਂ ਅਨਵਜ੍ਜਾਨਂ, ਧਮ੍ਮਾਨਂ ਯਂ ਮਹੇਸਿਨਾ;

ਮੁਖਂ ਮੋਕ੍ਖਪ੍ਪਵੇਸਾਯ, ਪਾਤਿਮੋਕ੍ਖਂ ਪਕਾਸਿਤਂ.

ਸੂਰਤੇਨ ¶ ਨਿਵਾਤੇਨ, ਸੁਚਿਸਲ੍ਲੇਖਵੁਤ੍ਤਿਨਾ;

ਵਿਨਯਾਚਾਰਯੁਤ੍ਤੇਨ, ਸੋਣਤ੍ਥੇਰੇਨ ਯਾਚਿਤੋ.

ਤਤ੍ਥ ਸਞ੍ਜਾਤਕਙ੍ਖਾਨਂ, ਭਿਕ੍ਖੂਨਂ ਤਸ੍ਸ ਵਣ੍ਣਨਂ;

ਕਙ੍ਖਾਵਿਤਰਣਤ੍ਥਾਯ, ਪਰਿਪੁਣ੍ਣਵਿਨਿਚ੍ਛਯਂ.

ਮਹਾਵਿਹਾਰਵਾਸੀਨਂ, ਵਾਚਨਾਮਗ੍ਗਨਿਸ੍ਸਿਤਂ;

ਵਤ੍ਤਯਿਸ੍ਸਾਮਿ ਨਾਮੇਨ, ਕਙ੍ਖਾਵਿਤਰਣਿਂ ਸੁਭਨ੍ਤਿ.

ਤਤ੍ਥ ¶ ਪਾਤਿਮੋਕ੍ਖਨ੍ਤਿ ਪਅਤਿਮੋਕ੍ਖਂ ਅਤਿਪਮੋਕ੍ਖਂ ਅਤਿਸੇਟ੍ਠਂ ਅਤਿਉਤ੍ਤਮਨ੍ਤਿ ਅਤ੍ਥੋ. ਇਤਿ ਇਮਿਨਾ ਵਚਨਤ੍ਥੇਨ ਏਕਵਿਧਮ੍ਪਿ ਸੀਲਗਨ੍ਥਭੇਦਤੋ ਦੁਵਿਧਂ ਹੋਤਿ. ਤਥਾ ਹਿ ‘‘ਪਾਤਿਮੋਕ੍ਖਸਂਵਰਸਂਵੁਤੋ ਵਿਹਰਤੀ’’ਤਿ (ਮ. ਨਿ. ੧.੬੯; ੩.੭੫; ਵਿਭ. ੫੦੮) ਚ ‘‘ਆਦਿਮੇਤਂ ਮੁਖਮੇਤਂ ਪਮੁਖਮੇਤਂ ਕੁਸਲਾਨਂ ਧਮ੍ਮਾਨਂ, ਤੇਨ ਵੁਚ੍ਚਤਿ ਪਾਤਿਮੋਕ੍ਖ’’ਨ੍ਤਿ (ਮਹਾਵ. ੧੩੫) ਚ ਆਦੀਸੁ ਸੀਲਂ ਪਾਤਿਮੋਕ੍ਖਨ੍ਤਿ ਵੁਚ੍ਚਤਿ, ‘‘ਉਭਯਾਨਿ ਖੋ ਪਨਸ੍ਸ ਪਾਤਿਮੋਕ੍ਖਾਨਿ ਵਿਤ੍ਥਾਰੇਨ ਸ੍ਵਾਗਤਾਨਿ ਹੋਨ੍ਤੀ’’ਤਿਆਦੀਸੁ (ਪਾਚਿ. ੧੪੭; ਅ. ਨਿ. ੮.੫੨; ੧੦.੩੩) ਗਨ੍ਥੋ ਪਾਤਿਮੋਕ੍ਖਨ੍ਤਿ ਵੁਚ੍ਚਤਿ. ਤਤ੍ਥ ਸੀਲਂ ਯੋ ਨਂ ਪਾਤਿ ਰਕ੍ਖਤਿ, ਤਂ ਮੋਕ੍ਖੇਤਿ ਮੋਚਯਤਿ ਆਪਾਯਿਕਾਦੀਹਿ ਦੁਕ੍ਖੇਹਿ, ਅਤ੍ਤਾਨੁਵਾਦਾਦੀਹਿ ਵਾ ਭਯੇਹੀਤਿ ਪਾਤਿਮੋਕ੍ਖਂ. ਗਨ੍ਥੋ ਪਨ ਤਸ੍ਸ ਪਾਤਿਮੋਕ੍ਖਸ੍ਸ ਜੋਤਕਤ੍ਤਾ ਪਾਤਿਮੋਕ੍ਖਨ੍ਤਿ ਵੁਚ੍ਚਤਿ. ਆਦਿਮ੍ਹਿ ਪਨ ਵੁਤ੍ਤੋ ਵਚਨਤ੍ਥੋ ਉਭਿਨ੍ਨਮ੍ਪਿ ਸਾਧਾਰਣੋ ਹੋਤਿ.

ਤਤ੍ਥਾਯਂ ਵਣ੍ਣਨਾ ਸੀਲਪਾਤਿਮੋਕ੍ਖਸ੍ਸਾਪਿ ਯੁਜ੍ਜਤਿ ਗਨ੍ਥਪਾਤਿਮੋਕ੍ਖਸ੍ਸਾਪਿ, ਗਨ੍ਥੇ ਹਿ ਵਣ੍ਣਿਤੇ ਤਸ੍ਸ ਅਤ੍ਥੋ ਵਣ੍ਣਿਤੋਵ ਹੋਤਿ. ਤਂ ਪਨੇਤਂ ਗਨ੍ਥਪਾਤਿਮੋਕ੍ਖਂ ਭਿਕ੍ਖੁਪਾਤਿਮੋਕ੍ਖਂ ਭਿਕ੍ਖੁਨਿਪਾਤਿਮੋਕ੍ਖਨ੍ਤਿ ਦੁਵਿਧਂ ਹੋਤਿ ¶ . ਤਤ੍ਥ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ’’ਤਿਆਦਿਕਂ (ਮਹਾਵ. ੧੩੪) ਪਞ੍ਚਹਿ ਉਦ੍ਦੇਸਪਰਿਚ੍ਛੇਦੇਹਿ ਵਵਤ੍ਥਿਤਂ ਭਿਕ੍ਖੁਪਾਤਿਮੋਕ੍ਖਂ, ‘‘ਸੁਣਾਤੁ ਮੇ, ਅਯ੍ਯੇ, ਸਙ੍ਘੋ’’ਤਿਆਦਿਕਂ ਚਤੂਹਿ ਉਦ੍ਦੇਸਪਰਿਚ੍ਛੇਦੇਹਿ ਵਵਤ੍ਥਿਤਂ ਭਿਕ੍ਖੁਨਿਪਾਤਿਮੋਕ੍ਖਂ. ਤਤ੍ਥ ਭਿਕ੍ਖੁਪਾਤਿਮੋਕ੍ਖੇ ਪਞ੍ਚ ਉਦ੍ਦੇਸਾ ਨਾਮ ਨਿਦਾਨੁਦ੍ਦੇਸੋ, ਪਾਰਾਜਿਕੁਦ੍ਦੇਸੋ, ਸਙ੍ਘਾਦਿਸੇਸੁਦ੍ਦੇਸੋ, ਅਨਿਯਤੁਦ੍ਦੇਸੋ ¶ , ਵਿਤ੍ਥਾਰੁਦ੍ਦੇਸੋਤਿ. ਤਤ੍ਥ ਨਿਦਾਨੁਦ੍ਦੇਸੋ ਤਾਵ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ…ਪੇ… ਆਵਿਕਤਾ ਹਿਸ੍ਸ ਫਾਸੁ ਹੋਤਿ, ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਦੁਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਤਤਿਯਮ੍ਪਿ ਪੁਚ੍ਛਾਮਿ, ਕਚ੍ਚਿਤ੍ਥ ਪਰਿਸੁਦ੍ਧਾ, ਪਰਿਸੁਦ੍ਧੇਤ੍ਥਾਯਸ੍ਮਨ੍ਤੋ, ਤਸ੍ਮਾ ਤੁਣ੍ਹੀ, ਏਵਮੇਤਂ ਧਾਰਯਾਮੀ’’ਤਿ ਵਤ੍ਵਾ ‘‘ਉਦ੍ਦਿਟ੍ਠਂ ਖੋ ਆਯਸ੍ਮਨ੍ਤੋ ਨਿਦਾਨ’’ਨ੍ਤਿਆਦਿਨਾ ਨਯੇਨ ਅਵਸੇਸੇ ਸੁਤੇਨ ਸਾਵਿਤੇ ਉਦ੍ਦਿਟ੍ਠੋ ਹੋਤਿ. ਪਾਰਾਜਿਕੁਦ੍ਦੇਸਾਦੀਨਂ ਪਰਿਚ੍ਛੇਦਾ ਨਿਦਾਨਸ੍ਸ ਆਦਿਤੋ ਪਟ੍ਠਾਯ ਪਾਰਾਜਿਕਾਦੀਨਿ ਓਸਾਪੇਤ੍ਵਾ ਯੋਜੇਤਬ੍ਬਾ. ਵਿਤ੍ਥਾਰੋ ਵਿਤ੍ਥਾਰੋਯੇਵ ¶ . ‘‘ਅਵਸੇਸਂ ਸੁਤੇਨ ਸਾਵੇਤਬ੍ਬ’’ਨ੍ਤਿ (ਮਹਾਵ. ੧੫੦; ਪਰਿ. ੩੨੫) ਵਚਨਤੋ ਪਨ ਪਾਰਾਜਿਕੁਦ੍ਦੇਸਾਦੀਸੁ ਯਸ੍ਮਿਂ ਵਿਪ੍ਪਕਤੇ ਅਨ੍ਤਰਾਯੋ ਉਪ੍ਪਜ੍ਜਤਿ, ਤੇਨ ਸਦ੍ਧਿਂ ਅਵਸੇਸਂ ਸੁਤੇਨ ਸਾਵੇਤਬ੍ਬਂ. ਨਿਦਾਨੁਦ੍ਦੇਸੇ ਪਨ ਅਨਿਟ੍ਠਿਤੇ ਸੁਤੇਨ ਸਾਵੇਤਬ੍ਬਂ ਨਾਮ ਨਤ੍ਥਿ. ਭਿਕ੍ਖੁਨਿਪਾਤਿਮੋਕ੍ਖੇ ਪਨ ਅਨਿਯਤੁਦ੍ਦੇਸੋ ਪਰਿਹਾਯਤਿ, ਸੇਸਂ ਵੁਤ੍ਤਨਯਮੇਵ. ਏਵਮੇਤੇਸਂ ਪਞ੍ਚਹਿ ਚੇਵ ਚਤੂਹਿ ਚ ਉਦ੍ਦੇਸਪਰਿਚ੍ਛੇਦੇਹਿ ਵਵਤ੍ਥਿਤਾਨਂ ਦ੍ਵਿਨ੍ਨਮ੍ਪਿ ਪਾਤਿਮੋਕ੍ਖਾਨਂ ਅਯਂ ਵਣ੍ਣਨਾ ਭਵਿਸ੍ਸਤਿ. ਯਸ੍ਮਾ ਪਨੇਤ੍ਥ ਭਿਕ੍ਖੁਪਾਤਿਮੋਕ੍ਖਂ ਪਠਮਂ, ਤਸ੍ਮਾ ਤਸ੍ਸ ਤਾਵ ਵਣ੍ਣਨਤ੍ਥਮਿਦਂ ਵੁਚ੍ਚਤਿ.

‘‘ਸੁਣਾਤੁ ਮੇ’’ਤਿਆਦੀਨਂ, ਪਦਾਨਂ ਅਤ੍ਥਨਿਚ੍ਛਯਂ;

ਭਿਕ੍ਖਵੋ ਸੀਲਸਮ੍ਪਨ੍ਨਾ, ਸਿਕ੍ਖਾਕਾਮਾ ਸੁਣਨ੍ਤੁ ਮੇਤਿ.

ਏਤ੍ਥ ਹਿ ਸੁਣਾਤੂਤਿਇਦਂ ਸਵਨਾਣਤ੍ਤਿਵਚਨਂ. ਮੇਤਿ ਯੋ ਸਾਵੇਤਿ, ਤਸ੍ਸ ਅਤ੍ਤਨਿਦ੍ਦੇਸਵਚਨਂ. ਭਨ੍ਤੇਤਿ ਸਗਾਰਵਸਪ੍ਪਤਿਸ੍ਸਵਚਨਂ. ਸਙ੍ਘੋਤਿ ਪੁਗ੍ਗਲਸਮੂਹਵਚਨਂ. ਸਬ੍ਬਮੇਵ ਚੇਤਂ ਪਾਤਿਮੋਕ੍ਖੁਦ੍ਦੇਸਕੇਨ ਪਠਮਂ ਵਤ੍ਤਬ੍ਬਵਚਨਂ. ਭਗਵਤਾ ਹਿ ਪਾਤਿਮੋਕ੍ਖੁਦ੍ਦੇਸਂ ਅਨੁਜਾਨਨ੍ਤੇਨ ਰਾਜਗਹੇ ਵੁਤ੍ਤਂ, ਤਸ੍ਮਾ ਯੋ ਪਾਤਿਮੋਕ੍ਖਂ ਉਦ੍ਦਿਸਤਿ, ਤੇਨ ਸਚੇ ਸਙ੍ਘਤ੍ਥੇਰੋ ਹੋਤਿ, ‘‘ਆਵੁਸੋ’’ਤਿ ਵਤ੍ਤਬ੍ਬਂ. ਸਚੇ ਨਵਕਤਰੋ ਹੋਤਿ, ਪਾਲ਼ਿਯਂ (ਮਹਾਵ. ੧੩੪) ਆਗਤਨਯੇਨੇਵ ‘‘ਭਨ੍ਤੇ’’ਤਿ ਵਤ੍ਤਬ੍ਬਂ. ਸਙ੍ਘਤ੍ਥੇਰੋ ਵਾ ਹਿ ਪਾਤਿਮੋਕ੍ਖਂ ਉਦ੍ਦਿਸੇਯ੍ਯ ‘‘ਥੇਰਾਧਿਕਂ ਪਾਤਿਮੋਕ੍ਖ’’ਨ੍ਤਿਵਚਨਤੋ (ਮਹਾਵ. ੧੫੪), ਨਵਕਤਰੋ ਵਾ ‘‘ਅਨੁਜਾਨਾਮਿ, ਭਿਕ੍ਖਵੇ, ਯੋ ਤਤ੍ਥ ਭਿਕ੍ਖੁ ਬ੍ਯਤ੍ਤੋ ਪਟਿਬਲੋ, ਤਸ੍ਸਾਧੇਯ੍ਯਂ ਪਾਤਿਮੋਕ੍ਖ’’ਨ੍ਤਿਵਚਨਤੋ (ਮਹਾਵ. ੧੫੫).

‘‘ਸਙ੍ਘੋ’’ਤਿਇਮਿਨਾ ਪਨ ਪਦੇਨ ਕਿਞ੍ਚਾਪਿ ਅਵਿਸੇਸਤੋ ਪੁਗ੍ਗਲਸਮੂਹੋ ਵੁਤ੍ਤੋ, ਅਥ ਖੋ ਸੋ ਦਕ੍ਖਿਣੇਯ੍ਯਸਙ੍ਘੋ, ਸਮ੍ਮੁਤਿਸਙ੍ਘੋ ਚਾਤਿ ਦੁਵਿਧੋ ਹੋਤਿ. ਤਤ੍ਥ ਦਕ੍ਖਿਣੇਯ੍ਯਸਙ੍ਘੋਤਿ ਅਟ੍ਠ ਅਰਿਯਪੁਗ੍ਗਲਸਮੂਹੋ ਵੁਚ੍ਚਤਿ. ਸਮ੍ਮੁਤਿਸਙ੍ਘੋਤਿ ਅਵਿਸੇਸੇਨ ਭਿਕ੍ਖੁਸਮੂਹੋ, ਸੋ ਇਧ ਅਧਿਪ੍ਪੇਤੋ. ਸੋ ¶ ਪਨੇਸ ਕਮ੍ਮਵਸੇਨ ਪਞ੍ਚਵਿਧੋ (ਮਹਾਵ. ੩੮੮) ਹੋਤਿ – ਚਤੁਵਗ੍ਗੋ ਪਞ੍ਚਵਗ੍ਗੋ ਦਸਵਗ੍ਗੋ ਵੀਸਤਿਵਗ੍ਗੋ ਅਤਿਰੇਕਵੀਸਤਿਵਗ੍ਗੋਤਿ. ਤਤ੍ਥ ਚਤੁਵਗ੍ਗੇਨ ਠਪੇਤ੍ਵਾ ਉਪਸਮ੍ਪਦਪਵਾਰਣਅਬ੍ਭਾਨਾਨਿ ਸਬ੍ਬਂ ¶ ਸਙ੍ਘਕਮ੍ਮਂ ਕਾਤੁਂ ਵਟ੍ਟਤਿ. ਪਞ੍ਚਵਗ੍ਗੇਨ ਠਪੇਤ੍ਵਾ ਮਜ੍ਝਿਮੇਸੁ ਜਨਪਦੇਸੁ ਉਪਸਮ੍ਪਦਞ੍ਚ ਅਬ੍ਭਾਨਕਮ੍ਮਞ੍ਚ ਸਬ੍ਬਂ ਸਙ੍ਘਕਮ੍ਮਂ ਕਾਤੁਂ ¶ ਵਟ੍ਟਤਿ. ਦਸਵਗ੍ਗੇਨ ਅਬ੍ਭਾਨਕਮ੍ਮਮਤ੍ਤਂ ਠਪੇਤ੍ਵਾ ਸਬ੍ਬਂ ਸਙ੍ਘਕਮ੍ਮਂ ਕਾਤੁਂ ਵਟ੍ਟਤਿ. ਵੀਸਤਿਵਗ੍ਗੇਨ ਨ ਕਿਞ੍ਚਿ ਸਙ੍ਘਕਮ੍ਮਂ ਕਾਤੁਂ ਨ ਵਟ੍ਟਤਿ, ਤਥਾ ਅਤਿਰੇਕਵੀਸਤਿਵਗ੍ਗੇਨ.ਸੋ ਪਨ ਚਤੁਵਗ੍ਗਾਦਿਨਾ ਸਙ੍ਘੇਨ ਕਤ੍ਤਬ੍ਬਂ ਕਮ੍ਮਂ ਊਨਕਤਰੇਨ ਕਾਤੁਂ ਨ ਵਟ੍ਟਤਿ, ਅਤਿਰੇਕੇਨ ਪਨ ਵਟ੍ਟਤੀਤਿ ਦਸ੍ਸਨਤ੍ਥਂ ਵੁਤ੍ਤੋ. ਇਮਸ੍ਮਿਂ ਪਨਤ੍ਥੇ ਚਤੁਵਗ੍ਗਂ ਉਪਾਦਾਯ ਸਬ੍ਬੋਪਿ ਸਮ੍ਮੁਤਿਸਙ੍ਘੋ ਅਧਿਪ੍ਪੇਤੋ.

ਅਜ੍ਜੁਪੋਸਥੋਤਿ ਅਜ੍ਜ ਉਪੋਸਥਦਿਵਸੋ, ਏਤੇਨ ਅਨੁਪੋਸਥਦਿਵਸਂ ਪਟਿਕ੍ਖਿਪਤਿ. ਪਨ੍ਨਰਸੋਤਿ ਇਮਿਨਾ ਅਞ੍ਞਂ ਉਪੋਸਥਦਿਵਸਂ ਪਟਿਕ੍ਖਿਪਤਿ. ਦਿਵਸਵਸੇਨ ਹਿ ਤਯੋ ਉਪੋਸਥਾ ਚਾਤੁਦ੍ਦਸਿਕੋ ਪਨ੍ਨਰਸਿਕੋ ਸਾਮਗ੍ਗਿਉਪੋਸਥੋਤਿ, ਏਵਂ ਤਯੋ ਉਪੋਸਥਾ ਵੁਤ੍ਤਾ. ਤਤ੍ਥ ਹੇਮਨ੍ਤਗਿਮ੍ਹਵਸ੍ਸਾਨਾਨਂ ਤਿਣ੍ਣਂ ਉਤੂਨਂ ਤਤਿਯਸਤ੍ਤਮਪਕ੍ਖੇਸੁ ਦ੍ਵੇ ਦ੍ਵੇ ਕਤ੍ਵਾ ਛ ਚਾਤੁਦ੍ਦਸਿਕਾ, ਅਵਸੇਸਾ ਅਟ੍ਠਾਰਸ ਪਨ੍ਨਰਸਿਕਾਤਿ ਏਵਂ ਏਕਸਂਵਚ੍ਛਰੇ ਚਤੁਵੀਸਤਿ ਉਪੋਸਥਾ, ਇਦਂ ਤਾਵ ਪਕਤਿਚਾਰਿਤ੍ਤਂ. ‘‘ਅਨੁਜਾਨਾਮਿ, ਭਿਕ੍ਖਵੇ, ਸਕਿਂ ਪਕ੍ਖਸ੍ਸ ਚਾਤੁਦ੍ਦਸੇ ਵਾ ਪਨ੍ਨਰਸੇ ਵਾ ਪਾਤਿਮੋਕ੍ਖਂ ਉਦ੍ਦਿਸਿਤੁ’’ਨ੍ਤਿ (ਮਹਾਵ. ੧੩੬) ਵਚਨਤੋ ਪਨ ‘‘ਆਗਨ੍ਤੁਕੇਹਿ ਆਵਾਸਿਕਾਨਂ ਅਨੁਵਤ੍ਤਿਤਬ੍ਬ’’ਨ੍ਤਿਆਦਿਵਚਨਤੋ (ਮਹਾਵ. ੧੭੮) ਚ ਤਥਾਰੂਪਪਚ੍ਚਯੇ ਸਤਿ ਅਞ੍ਞਸ੍ਮਿਮ੍ਪਿ ਚਾਤੁਦ੍ਦਸੇ ਉਪੋਸਥਂ ਕਾਤੁਂ ਵਟ੍ਟਤਿ. ਪੁਰਿਮਵਸ੍ਸਂਵੁਟ੍ਠਾਨਂ ਪਨ ਪੁਬ੍ਬਕਤ੍ਤਿਕਪੁਣ੍ਣਮਾ ਵਾ, ਤੇਸਂਯੇਵ ਸਚੇ ਭਣ੍ਡਨਕਾਰਕੇਹਿ ਉਪਦ੍ਦੁਤਾ ਪਵਾਰਣਂ ਪਚ੍ਚੁਕ੍ਕਡ੍ਢਨ੍ਤਿ, ਅਥ ਪੁਬ੍ਬਕਤ੍ਤਿਕਮਾਸਸ੍ਸ ਕਾਲ਼ਪਕ੍ਖਚਾਤੁਦ੍ਦਸੋ ਵਾ, ਪਚ੍ਛਿਮਕਤ੍ਤਿਕਪੁਣ੍ਣਮਾ ਵਾ, ਪਚ੍ਛਿਮਵਸ੍ਸਂਵੁਟ੍ਠਾਨਞ੍ਚ ਪਚ੍ਛਿਮਕਤ੍ਤਿਕਪੁਣ੍ਣਮਾ ਏਵਾਤਿ ਇਮੇ ਤਯੋ ਪਵਾਰਣਾਦਿਵਸਾਪਿ ਹੋਨ੍ਤਿ, ਇਦਮ੍ਪਿ ਪਕਤਿਚਾਰਿਤ੍ਤਮੇਵ. ਤਥਾਰੂਪਪਚ੍ਚਯੇ ਪਨ ਸਤਿ ਦ੍ਵਿਨ੍ਨਂ ਕਤ੍ਤਿਕਪੁਣ੍ਣਮਾਨਂ ਪੁਰਿਮੇਸੁ ਚਾਤੁਦ੍ਦਸੇਸੁਪਿ ਪਵਾਰਣਂ ਕਾਤੁਂ ਵਟ੍ਟਤਿ. ਯਦਾ ਪਨ ਕੋਸਮ੍ਬਕਕ੍ਖਨ੍ਧਕੇ (ਮਹਾਵ. ੪੫੧) ਆਗਤਨਯੇਨ ਭਿਨ੍ਨੇ ਸਙ੍ਘੇ ਓਸਾਰਿਤੇ ਤਸ੍ਮਿਂ ਭਿਕ੍ਖੁਸ੍ਮਿਂ ਸਙ੍ਘੋ ਤਸ੍ਸ ਵਤ੍ਥੁਸ੍ਸ ਵੂਪਸਮਾਯ ਸਙ੍ਘਸ੍ਸ ਸਾਮਗ੍ਗਿਂ ਕਰੋਤਿ, ਤਦਾ ‘‘ਤਾਵਦੇਵ ਉਪੋਸਥੋ ਕਾਤਬ੍ਬੋ, ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬ’’ਨ੍ਤਿ (ਮਹਾਵ. ੪੭੫) ਵਚਨਤੋ ਠਪੇਤ੍ਵਾ ਚਾਤੁਦ੍ਦਸਪਨ੍ਨਰਸੇ, ਅਞ੍ਞੋਪਿ ਯੋ ਕੋਚਿ ਦਿਵਸੋ ਸਾਮਗ੍ਗਿਉਪੋਸਥਦਿਵਸੋ ਨਾਮ ਹੋਤਿ, ਪੁਰਿਮਵਸ੍ਸਂਵੁਟ੍ਠਾਨਂ ਪਨ ਕਤ੍ਤਿਕਮਾਸਬ੍ਭਨ੍ਤਰੇ ਅਯਮੇਵ ਸਾਮਗ੍ਗਿਪਵਾਰਣਾਦਿਵਸੋ ਨਾਮ ਹੋਤਿ. ਇਤਿ ਇਮੇਸੁ ਤੀਸੁ ਦਿਵਸੇਸੁ ‘‘ਪਨ੍ਨਰਸੋ’’ਤਿਇਮਿਨਾ ਅਞ੍ਞਂ ਉਪੋਸਥਦਿਵਸਂ ਪਟਿਕ੍ਖਿਪਤਿ. ਤਸ੍ਮਾ ਯ੍ਵਾਯਂ ‘‘ਅਜ੍ਜੁਪੋਸਥੋ’’ਤਿਵਚਨੇਨ ¶ ਅਨੁਪੋਸਥਦਿਵਸੋ ¶ ਪਟਿਕ੍ਖਿਤ੍ਤੋ, ਤਸ੍ਮਿਂ ਉਪੋਸਥੋ ਨ ਕਾਤਬ੍ਬੋਯੇਵ. ਯੋ ਪਨਾਯਂ ਅਞ੍ਞੋ ਉਪੋਸਥਦਿਵਸੋ, ਤਸ੍ਮਿਂ ਉਪੋਸਥੋ ਕਾਤਬ੍ਬੋ. ਕਰੋਨ੍ਤੇਨ ਪਨ ਸਚੇ ਚਾਤੁਦ੍ਦਸਿਕੋ ਹੋਤਿ, ‘‘ਅਜ੍ਜੁਪੋਸਥੋ ਚਾਤੁਦ੍ਦਸੋ’’ਤਿ ਵਤ੍ਤਬ੍ਬਂ. ਸਚੇ ਪਨ੍ਨਰਸਿਕੋ ਹੋਤਿ, ‘‘ਅਜ੍ਜੁਪੋਸਥੋ ਪਨ੍ਨਰਸੋ’’ਤਿ ਵਤ੍ਤਬ੍ਬਂ. ਸਚੇ ਸਾਮਗ੍ਗਿਉਪੋਸਥੋ ਹੋਤਿ, ‘‘ਅਜ੍ਜੁਪੋਸਥੋ ਸਾਮਗ੍ਗੀ’’ਤਿ ਵਤ੍ਤਬ੍ਬਂ.

ਯਦਿ ¶ ਸਙ੍ਘਸ੍ਸ ਪਤ੍ਤਕਲ੍ਲਨ੍ਤਿ ਏਤ੍ਥ ਪਤ੍ਤੋ ਕਾਲੋ ਇਮਸ੍ਸ ਕਮ੍ਮਸ੍ਸਾਤਿ ਪਤ੍ਤਕਾਲਂ, ਪਤ੍ਤਕਾਲਮੇਵ ਪਤ੍ਤਕਲ੍ਲਂ. ਤਦੇਤਂ ਇਧ ਚਤੂਹਿ ਅਙ੍ਗੇਹਿ ਸਙ੍ਗਹਿਤਂ. ਯਥਾਹੁ ਅਟ੍ਠਕਥਾਚਰਿਯਾ –

‘‘ਉਪੋਸਥੋ ਯਾਵਤਿਕਾ ਚ ਭਿਕ੍ਖੂ ਕਮ੍ਮਪ੍ਪਤ੍ਤਾ,

ਵਜ੍ਜਨੀਯਾ ਚ ਪੁਗ੍ਗਲਾ ਤਸ੍ਮਿਂ ਨ ਹੋਨ੍ਤਿ,

‘ਪਤ੍ਤਕਲ੍ਲ’ਨ੍ਤਿ ਵੁਚ੍ਚਤੀ’’ਤਿ. (ਮਹਾਵ. ਅਟ੍ਠ. ੧੬੮);

ਤਤ੍ਥ ਉਪੋਸਥੋਤਿ ਤੀਸੁ ਉਪੋਸਥਦਿਵਸੇਸੁ ਅਞ੍ਞਤਰਉਪੋਸਥਦਿਵਸੋ. ਤਸ੍ਮਿਞ੍ਹਿ ਸਤਿ ਇਦਂ ਸਙ੍ਘਸ੍ਸ ਉਪੋਸਥਕਮ੍ਮਂ ਪਤ੍ਤਕਲ੍ਲਂ ਨਾਮ ਹੋਤਿ, ਨਾਸਤਿ. ਯਥਾਹ ‘‘ਨ ਚ, ਭਿਕ੍ਖਵੇ, ਅਨੁਪੋਸਥੇ ਉਪੋਸਥੋ ਕਾਤਬ੍ਬੋ, ਯੋ ਕਰੇਯ੍ਯ, ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਮਹਾਵ. ੧੮੩).

ਯਾਵਤਿਕਾ ਚ ਭਿਕ੍ਖੂ ਕਮ੍ਮਪ੍ਪਤ੍ਤਾਤਿ ਯਤ੍ਤਕਾ ਭਿਕ੍ਖੂ ਤਸ੍ਸ ਉਪੋਸਥਕਮ੍ਮਸ੍ਸ ਪਤ੍ਤਾ ਯੁਤ੍ਤਾ ਅਨੁਰੂਪਾ, ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਚਤ੍ਤਾਰੋ ਪਕਤਤ੍ਤਾ, ਤੇ ਚ ਖੋ ਹਤ੍ਥਪਾਸਂ ਅਵਿਜਹਿਤ੍ਵਾ ਏਕਸੀਮਾਯਂ ਠਿਤਾ.

ਸੀਮਾ ਚ ਨਾਮੇਸਾ ਬਦ੍ਧਸੀਮਾ ਅਬਦ੍ਧਸੀਮਾਤਿ ਦੁਵਿਧਾ ਹੋਤਿ. ਤਤ੍ਥ ਏਕਾਦਸ ਵਿਪਤ੍ਤਿਸੀਮਾਯੋ ਅਤਿਕ੍ਕਮਿਤ੍ਵਾ ਤਿਵਿਧਸਮ੍ਪਤ੍ਤਿਯੁਤ੍ਤਾ ਨਿਮਿਤ੍ਤੇਨ ਨਿਮਿਤ੍ਤਂ ਸਮ੍ਬਨ੍ਧਿਤ੍ਵਾ ਸਮ੍ਮਤਾ ਸੀਮਾ ਬਦ੍ਧਸੀਮਾ ਨਾਮ, ‘‘ਅਤਿਖੁਦ੍ਦਕਾ, ਅਤਿਮਹਤੀ, ਖਣ੍ਡਨਿਮਿਤ੍ਤਾ, ਛਾਯਾਨਿਮਿਤ੍ਤਾ, ਅਨਿਮਿਤ੍ਤਾ, ਬਹਿਸੀਮੇ ਠਿਤਾ ਸਮ੍ਮਤਾ, ਨਦਿਯਾ ਸਮ੍ਮਤਾ, ਸਮੁਦ੍ਦੇ ਸਮ੍ਮਤਾ, ਜਾਤਸ੍ਸਰੇ ਸਮ੍ਮਤਾ, ਸੀਮਾਯ ਸੀਮਂ ਸਮ੍ਭਿਨ੍ਦਨ੍ਤੇਨ ਸਮ੍ਮਤਾ, ਸੀਮਾਯ ਸੀਮਂ ਅਜ੍ਝੋਤ੍ਥਰਨ੍ਤੇਨ ਸਮ੍ਮਤਾ’’ਤਿ ਇਮਾ ਹਿ ‘‘ਏਕਾਦਸਹਿ ਆਕਾਰੇਹਿ ਸੀਮਤੋ ਕਮ੍ਮਾਨਿ ਵਿਪਜ੍ਜਨ੍ਤੀ’’ਤਿ (ਪਰਿ. ੪੮੬) ਵਚਨਤੋ ਏਕਾਦਸ ਵਿਪਤ੍ਤਿਸੀਮਾਯੋ ਨਾਮ. ਤਤ੍ਥ ਅਤਿਖੁਦ੍ਦਕਾ ਨਾਮ ਯਤ੍ਥ ਏਕਵੀਸਤਿ ਭਿਕ੍ਖੂ ਨਿਸੀਦਿਤੁਂ ਨ ਸਕ੍ਕੋਨ੍ਤਿ ¶ . ਅਤਿਮਹਤੀ ਨਾਮ ਯਾ ਅਨ੍ਤਮਸੋ ਕੇਸਗ੍ਗਮਤ੍ਤੇਨਾਪਿ ਤਿਯੋਜਨਂ ਅਤਿਕ੍ਕਮਿਤ੍ਵਾ ਸਮ੍ਮਤਾ. ਖਣ੍ਡਨਿਮਿਤ੍ਤਾ ਨਾਮ ਅਘਟਿਤਨਿਮਿਤ੍ਤਾ ਵੁਚ੍ਚਤਿ, ਪੁਰਤ੍ਥਿਮਾਯ ਦਿਸਾਯ ਨਿਮਿਤ੍ਤਂ ਕਿਤ੍ਤੇਤ੍ਵਾ ਅਨੁਕ੍ਕਮੇਨੇਵ ਦਕ੍ਖਿਣਾਯ ਪਚ੍ਛਿਮਾਯ ਉਤ੍ਤਰਾਯ ਦਿਸਾਯ ਕਿਤ੍ਤੇਤ੍ਵਾ ਪੁਨ ਪੁਰਤ੍ਥਿਮਾਯ ਦਿਸਾਯ ਪੁਬ੍ਬਕਿਤ੍ਤਿਤਂ ¶ ਪਟਿਕਿਤ੍ਤੇਤ੍ਵਾ ਠਪੇਤੁਂ ਵਟ੍ਟਤਿ, ਏਵਂ ਅਕ੍ਖਣ੍ਡਨਿਮਿਤ੍ਤਾ ਹੋਤਿ. ਸਚੇ ਪਨ ਅਨੁਕ੍ਕਮੇਨ ਆਹਰਿਤ੍ਵਾ ਉਤ੍ਤਰਾਯ ਦਿਸਾਯ ਨਿਮਿਤ੍ਤਂ ਕਿਤ੍ਤੇਤ੍ਵਾ ਤਤ੍ਥੇਵ ਠਪੇਤਿ, ਖਣ੍ਡਨਿਮਿਤ੍ਤਾ ਨਾਮ ਹੋਤਿ. ਅਪਰਾਪਿ ਖਣ੍ਡਨਿਮਿਤ੍ਤਾ ਨਾਮ ਯਾ ਅਨਿਮਿਤ੍ਤੁਪਗਂ ਤਚਸਾਰਰੁਕ੍ਖਂ ਵਾ ਖਾਣੁਕਂ ਵਾ ਪਂਸੁਪੁਞ੍ਜਵਾਲੁਕਪੁਞ੍ਜਾਨਂ ਵਾ ਅਞ੍ਞਤਰਂ ਅਨ੍ਤਰਾ ਏਕਂ ਨਿਮਿਤ੍ਤਂ ਕਤ੍ਵਾ ਸਮ੍ਮਤਾ. ਛਾਯਾਨਿਮਿਤ੍ਤਾ ਨਾਮ ¶ ਪਬ੍ਬਤਚ੍ਛਾਯਾਦੀਨਂ ਯਂ ਕਿਞ੍ਚਿ ਛਾਯਂ ਨਿਮਿਤ੍ਤਂ ਕਤ੍ਵਾ ਸਮ੍ਮਤਾ. ਅਨਿਮਿਤ੍ਤਾ ਨਾਮ ਸਬ੍ਬੇਨ ਸਬ੍ਬਂ ਨਿਮਿਤ੍ਤਾਨਿ ਅਕਿਤ੍ਤੇਤ੍ਵਾ ਸਮ੍ਮਤਾ. ਬਹਿਸੀਮੇ ਠਿਤਸਮ੍ਮਤਾ ਨਾਮ ਨਿਮਿਤ੍ਤਾਨਿ ਕਿਤ੍ਤੇਤ੍ਵਾ ਨਿਮਿਤ੍ਤਾਨਂ ਬਹਿਠਿਤੇਨ ਸਮ੍ਮਤਾ. ਨਦਿਯਾ ਸਮੁਦ੍ਦੇ ਜਾਤਸ੍ਸਰੇ ਸਮ੍ਮਤਾ ਨਾਮ ਏਤੇਸੁ ਨਦਿਆਦੀਸੁ ਸਮ੍ਮਤਾ. ਸਾ ਹਿ ਏਵਂ ਸਮ੍ਮਤਾਪਿ ‘‘ਸਬ੍ਬਾ, ਭਿਕ੍ਖਵੇ, ਨਦੀ ਅਸੀਮਾ, ਸਬ੍ਬੋ ਸਮੁਦ੍ਦੋ ਅਸੀਮੋ, ਸਬ੍ਬੋ ਜਾਤਸ੍ਸਰੋ ਅਸੀਮੋ’’ਤਿ (ਮਹਾਵ. ੧੪੭) ਵਚਨਤੋ ਅਸਮ੍ਮਤਾਵ ਹੋਤਿ. ਸੀਮਾਯ ਸੀਮਂ ਸਮ੍ਭਿਨ੍ਦਨ੍ਤੇਨ ਸਮ੍ਮਤਾ ਨਾਮ ਅਤ੍ਤਨੋ ਸੀਮਾਯ ਪਰੇਸਂ ਸੀਮਂ ਸਮ੍ਭਿਨ੍ਦਨ੍ਤੇਨ ਸਮ੍ਮਤਾ. ਸਚੇ ਹਿ ਪੋਰਾਣਕਸ੍ਸ ਵਿਹਾਰਸ੍ਸ ਪੁਰਤ੍ਥਿਮਾਯ ਦਿਸਾਯ ਅਮ੍ਬੋ ਚੇਵ ਜਮ੍ਬੂ ਚਾਤਿ ਦ੍ਵੇ ਰੁਕ੍ਖਾ ਅਞ੍ਞਮਞ੍ਞਂ ਸਂਸਟ੍ਠਵਿਟਪਾ ਹੋਨ੍ਤਿ, ਤੇਸੁ ਅਮ੍ਬਸ੍ਸ ਪਚ੍ਛਿਮਦਿਸਾਭਾਗੇ ਜਮ੍ਬੂ, ਵਿਹਾਰਸੀਮਾ ਚ ਜਮ੍ਬੁਂ ਅਨ੍ਤੋ ਕਤ੍ਵਾ ਅਮ੍ਬਂ ਕਿਤ੍ਤੇਤ੍ਵਾ ਬਦ੍ਧਾ ਹੋਤਿ, ਅਥ ਪਚ੍ਛਾ ਤਸ੍ਸ ਵਿਹਾਰਸ੍ਸ ਪੁਰਤ੍ਥਿਮਾਯ ਦਿਸਾਯ ਵਿਹਾਰੇ ਕਤੇ ਸੀਮਂ ਬਨ੍ਧਨ੍ਤਾ ਭਿਕ੍ਖੂ ਤਂ ਅਮ੍ਬਂ ਅਨ੍ਤੋ ਕਤ੍ਵਾ ਜਮ੍ਬੁਂ ਕਿਤ੍ਤੇਤ੍ਵਾ ਬਨ੍ਧਨ੍ਤਿ, ਸੀਮਾਯ ਸੀਮਂ ਸਮ੍ਭਿਨ੍ਨਾ ਹੋਤਿ. ਸੀਮਾਯ ਸੀਮਂ ਅਜ੍ਝੋਤ੍ਥਰਨ੍ਤੇਨ ਸਮ੍ਮਤਾ ਨਾਮ ਅਤ੍ਤਨੋ ਸੀਮਾਯ ਪਰੇਸਂ ਸੀਮਂ ਅਜ੍ਝੋਤ੍ਥਰਨ੍ਤੇਨ ਸਮ੍ਮਤਾ. ਸਚੇ ਹਿ ਪਰੇਸਂ ਬਦ੍ਧਸੀਮਂ ਸਕਲਂ ਵਾ ਤਸ੍ਸਾ ਪਦੇਸਂ ਵਾ ਅਨ੍ਤੋ ਕਤ੍ਵਾ ਅਤ੍ਤਨੋ ਸੀਮਂ ਸਮ੍ਮਨ੍ਨਤਿ, ਸੀਮਾਯ ਸੀਮਂ ਅਜ੍ਝੋਤ੍ਥਰਿਤਾ ਨਾਮ ਹੋਤਿ. ਇਤਿ ਇਮਾ ਏਕਾਦਸ ਵਿਪਤ੍ਤਿਸੀਮਾਯੋ ਅਤਿਕ੍ਕਮਿਤ੍ਵਾ ਸਮ੍ਮਤਾ.

ਤਿਵਿਧਸਮ੍ਪਤ੍ਤਿਯੁਤ੍ਤਾਤਿ ਨਿਮਿਤ੍ਤਸਮ੍ਪਤ੍ਤਿਯਾ ਪਰਿਸਾਸਮ੍ਪਤ੍ਤਿਯਾ ਕਮ੍ਮਵਾਚਾਸਮ੍ਪਤ੍ਤਿਯਾ ਚ ਯੁਤ੍ਤਾ. ਤਤ੍ਥ ਨਿਮਿਤ੍ਤਸਮ੍ਪਤ੍ਤਿਯਾ ਯੁਤ੍ਤਾ ਨਾਮ ਪਬ੍ਬਤਨਿਮਿਤ੍ਤਂ, ਪਾਸਾਣਨਿਮਿਤ੍ਤਂ, ਵਨਨਿਮਿਤ੍ਤਂ, ਰੁਕ੍ਖਨਿਮਿਤ੍ਤਂ, ਮਗ੍ਗਨਿਮਿਤ੍ਤਂ, ਵਮ੍ਮਿਕਨਿਮਿਤ੍ਤਂ, ਨਦਿਨਿਮਿਤ੍ਤਂ, ਉਦਕਨਿਮਿਤ੍ਤਨ੍ਤਿ ਏਵਂ ਵੁਤ੍ਤੇਸੁ ਅਟ੍ਠਸੁ ਨਿਮਿਤ੍ਤੇਸੁ ਤਸ੍ਮਿਂ ਤਸ੍ਮਿਂ ਦਿਸਾਭਾਗੇ ਯਥਾਲਦ੍ਧਾਨਿ ¶ ਨਿਮਿਤ੍ਤੁਪਗਾਨਿ ਨਿਮਿਤ੍ਤਾਨਿ ‘‘ਪੁਰਤ੍ਥਿਮਾਯ ਦਿਸਾਯ ਕਿਂ ਨਿਮਿਤ੍ਤਂ, ਪਬ੍ਬਤੋ, ਭਨ੍ਤੇ, ਏਸੋ ਪਬ੍ਬਤੋ ਨਿਮਿਤ੍ਤ’’ਨ੍ਤਿਆਦਿਨਾ ਨਯੇਨ ਸਮ੍ਮਾ ਕਿਤ੍ਤੇਤ੍ਵਾ ਸਮ੍ਮਤਾ. ਤਤ੍ਰੇਵਂ ਸਙ੍ਖੇਪਤੋ ਨਿਮਿਤ੍ਤੁਪਗਤਾ ਵੇਦਿਤਬ੍ਬਾ – ਸੁਦ੍ਧਪਂਸੁਸੁਦ੍ਧਪਾਸਾਣਉਭਯਮਿਸ੍ਸਕਵਸੇਨ ਹਿ ਤਿਵਿਧੋਪਿ ਪਬ੍ਬਤੋ ਹਤ੍ਥਿਪ੍ਪਮਾਣਤੋ ਪਟ੍ਠਾਯ ਉਦ੍ਧਂ ਨਿਮਿਤ੍ਤੁਪਗੋ, ਤਤੋ ਓਮਕਤਰੋ ਨ ਵਟ੍ਟਤਿ. ਪਾਸਾਣਨਿਮਿਤ੍ਤੇ ਅਯੋਗੁਲ਼ਮ੍ਪਿ ਪਾਸਾਣਸਙ੍ਖਮੇਵ ਗਚ੍ਛਤਿ, ਤਸ੍ਮਾ ਯੋ ਕੋਚਿ ਪਾਸਾਣੋ ਉਕ੍ਕਂਸਵਸੇਨ ਹਤ੍ਥਿਪ੍ਪਮਾਣਤੋ ਓਮਕਤਰਂ ਆਦਿਂ ਕਤ੍ਵਾ ਹੇਟ੍ਠਿਮਪਰਿਚ੍ਛੇਦੇਨ ¶ ਦ੍ਵਤ੍ਤਿਂਸਪਲਗੁਲ਼ਪਿਣ੍ਡਪਰਿਮਾਣੋ ਨਿਮਿਤ੍ਤੁਪਗੋ, ਨ ਤਤੋ ਖੁਦ੍ਦਕਤਰੋ. ਪਿਟ੍ਠਿਪਾਸਾਣੋ ਪਨ ਅਤਿਮਹਨ੍ਤੋਪਿ ਵਟ੍ਟਤਿ. ਵਨਨਿਮਿਤ੍ਤੇ ਅਨ੍ਤੋਸਾਰੇਹਿ ਵਾ ਅਨ੍ਤੋਸਾਰਮਿਸ੍ਸਕੇਹਿ ਵਾ ਰੁਕ੍ਖੇਹਿ ਚਤੁਪਞ੍ਚਰੁਕ੍ਖਮਤ੍ਤਮ੍ਪਿ ਵਨਂ ਨਿਮਿਤ੍ਤੁਪਗਂ, ਤਤੋ ਊਨਕਤਰਂ ਨ ਵਟ੍ਟਤਿ. ਰੁਕ੍ਖੋ ਜੀਵਨ੍ਤੋਯੇਵ ਅਨ੍ਤੋਸਾਰੋ ਭੂਮਿਯਂ ਪਤਿਟ੍ਠਿਤੋ, ਅਨ੍ਤਮਸੋ ਉਬ੍ਬੇਧਤੋ ਅਟ੍ਠਙ੍ਗੁਲੋ, ਪਰਿਣਾਹਤੋ ਸੂਚਿਦਣ੍ਡਕਪ੍ਪਮਾਣੋਪਿ ਨਿਮਿਤ੍ਤੁਪਗੋ, ਤਤੋ ਓਮਕਤਰੋ ਨ ਵਟ੍ਟਤਿ. ਮਗ੍ਗੋ ਜਙ੍ਘਮਗ੍ਗੋ ਵਾ ਹੋਤੁ ਸਕਟਮਗ੍ਗੋ ਵਾ, ਯੋ ਵਿਨਿਵਿਜ੍ਝਿਤ੍ਵਾ ਦ੍ਵੇ ਤੀਣਿ ਗਾਮਖੇਤ੍ਤਾਨਿ ਗਚ੍ਛਤਿ, ਤਾਦਿਸੋ ਜਙ੍ਘਸਤ੍ਥਸਕਟਸਤ੍ਥੇਹਿ ਵਲਞ੍ਜਿਯਮਾਨੋਯੇਵ ਨਿਮਿਤ੍ਤੁਪਗੋ, ਅਵਲਞ੍ਜਿਤੋ ¶ ਨ ਵਟ੍ਟਤਿ. ਵਮ੍ਮਿਕੋ ਪਨ ਹੇਟ੍ਠਿਮਪਰਿਚ੍ਛੇਦੇਨ ਤਂਦਿਵਸਂਜਾਤੋ ਅਟ੍ਠਙ੍ਗੁਲੁਬ੍ਬੇਧੋ ਗੋਵਿਸਾਣਮਤ੍ਤੋਪਿ ਵਮ੍ਮਿਕੋ ਨਿਮਿਤ੍ਤੁਪਗੋ, ਤਤੋ ਓਮਕਤਰੋ ਨ ਵਟ੍ਟਤਿ. ਯਂ ਪਨ ਅਬਦ੍ਧਸੀਮਾਲਕ੍ਖਣੇ ਨਦਿਂ ਵਕ੍ਖਾਮ, ਸਾ ਨਿਮਿਤ੍ਤੁਪਗਾ, ਅਞ੍ਞਾ ਨ ਵਟ੍ਟਤਿ. ਉਦਕਂ ਯਂ ਅਸਨ੍ਦਮਾਨਂ ਆਵਾਟਪੋਕ੍ਖਰਣੀਤਲ਼ਾਕਜਾਤਸ੍ਸਰਲੋਣਿਸਮੁਦ੍ਦਾਦੀਸੁ ਠਿਤਂ, ਤਂ ਆਦਿਂ ਕਤ੍ਵਾ ਅਨ੍ਤਮਸੋ ਤਙ੍ਖਣੇਯੇਵ ਪਥਵਿਯਂ ਖਣਿਤੇ ਆਵਾਟਕੇ ਘਟੇਹਿ ਆਹਰਿਤ੍ਵਾ ਪੂਰਿਤਮ੍ਪਿ ਯਾਵ ਕਮ੍ਮਵਾਚਾਪਰਿਯੋਸਾਨਾ ਸਣ੍ਠਮਾਨਕਂ ਨਿਮਿਤ੍ਤੁਪਗਂ, ਇਤਰਂ ਸਨ੍ਦਮਾਨਂ ਵਾ ਵੁਤ੍ਤਪਰਿਚ੍ਛੇਦਕਾਲਂ ਅਤਿਟ੍ਠਨ੍ਤਂ ਵਾ ਭਾਜਨਗਤਂ ਵਾ ਨ ਵਟ੍ਟਤੀਤਿ.

ਪਰਿਸਾਸਮ੍ਪਤ੍ਤਿਯਾ ਯੁਤ੍ਤਾ ਨਾਮ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਚਤੂਹਿ ਭਿਕ੍ਖੂਹਿ ਸਨ੍ਨਿਪਤਿਤ੍ਵਾ ਯਾਵਤਿਕਾ ਤਸ੍ਮਿਂ ਗਾਮਖੇਤ੍ਤੇ ਬਦ੍ਧਸੀਮਂ ਵਾ ਨਦਿਸਮੁਦ੍ਦਜਾਤਸ੍ਸਰੇ ਵਾ ਅਨੋਕ੍ਕਮਿਤ੍ਵਾ ਠਿਤਾ ਭਿਕ੍ਖੂ, ਤੇ ਸਬ੍ਬੇ ਹਤ੍ਥਪਾਸੇ ਵਾ ਕਤ੍ਵਾ ਛਨ੍ਦਂ ਵਾ ਆਹਰਿਤ੍ਵਾ ਸਮ੍ਮਤਾ.

ਕਮ੍ਮਵਾਚਾਸਮ੍ਪਤ੍ਤਿਯਾ ¶ ਯੁਤ੍ਤਾ ਨਾਮ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਯਾਵਤਾ ਸਮਨ੍ਤਾ ਨਿਮਿਤ੍ਤਾ ਕਿਤ੍ਤਿਤਾ’’ਤਿਆਦਿਨਾ (ਮਹਾਵ. ੧੩੯) ਨਯੇਨ ਵੁਤ੍ਤਾਯ ਪਰਿਸੁਦ੍ਧਾਯ ਞਤ੍ਤਿਦੁਤਿਯਕਮ੍ਮਵਾਚਾਯ ਸਮ੍ਮਤਾ. ਏਵਂ ਏਕਾਦਸ ਵਿਪਤ੍ਤਿਸੀਮਾਯੋ ਅਤਿਕ੍ਕਮਿਤ੍ਵਾ ਤਿਵਿਧਸਮ੍ਪਤ੍ਤਿਯੁਤ੍ਤਾ ਨਿਮਿਤ੍ਤੇਨ ਨਿਮਿਤ੍ਤਂ ਸਮ੍ਬਨ੍ਧਿਤ੍ਵਾ ਸਮ੍ਮਤਾ ਸੀਮਾ ‘‘ਬਦ੍ਧਸੀਮਾ’’ਤਿ ਵੇਦਿਤਬ੍ਬਾ. ਖਣ੍ਡਸੀਮਾ ਸਮਾਨਸਂਵਾਸਸੀਮਾ ਅਵਿਪ੍ਪਵਾਸਸੀਮਾਤਿ ਤਸ੍ਸਾਯੇਵ ਪਭੇਦੋ.

ਅਬਦ੍ਧਸੀਮਾ ਪਨ ਗਾਮਸੀਮਾ, ਸਤ੍ਤਬ੍ਭਨ੍ਤਰਸੀਮਾ, ਉਦਕੁਕ੍ਖੇਪਸੀਮਾਤਿ ਤਿਵਿਧਾ. ਤਤ੍ਥ ਯਾਵਤਾ ਏਕਂ ਗਾਮਕ੍ਖੇਤ੍ਤਂ, ਅਯਂ ਗਾਮਸੀਮਾ ਨਾਮ. ਅਗਾਮਕੇ ਅਰਞ੍ਞੇ ਸਮਨ੍ਤਾ ਸਤ੍ਤਬ੍ਭਨ੍ਤਰਾ ਸਤ੍ਤਬ੍ਭਨ੍ਤਰਸੀਮਾ ਨਾਮ. ਤਤ੍ਥ ਅਗਾਮਕਂ ਨਾਮ ਅਰਞ੍ਞਂ ਵਿਞ੍ਝਾਟਵਿਆਦੀਸੁ ਵਾ ਸਮੁਦ੍ਦਮਜ੍ਝੇ ਵਾ ਮਚ੍ਛਬਨ੍ਧਾਨਂ ਅਗਮਨਪਥੇਸੁ ਦੀਪਕੇਸੁ ਲਬ੍ਭਤਿ. ਸਮਨ੍ਤਾ ਸਤ੍ਤਬ੍ਭਨ੍ਤਰਾਤਿ ਮਜ੍ਝੇ ਠਿਤਾਨਂ ਸਬ੍ਬਦਿਸਾਸੁ ¶ ਸਤ੍ਤਬ੍ਭਨ੍ਤਰਾ ਵਿਨਿਬ੍ਬੇਧੇਨ ਚੁਦ੍ਦਸ ਹੋਨ੍ਤਿ. ਤਤ੍ਥ ਏਕਂ ਅਬ੍ਭਨ੍ਤਰਂ ਅਟ੍ਠਵੀਸਤਿਹਤ੍ਥਪ੍ਪਮਾਣਂ ਹੋਤਿ, ਅਯਞ੍ਚ ਸੀਮਾ ਪਰਿਸਾਵਸੇਨ ਵਡ੍ਢਤਿ, ਤਸ੍ਮਾ ਸਮਨ੍ਤਾ ਪਰਿਸਾਪਰਿਯਨ੍ਤਤੋ ਪਟ੍ਠਾਯ ਅਬ੍ਭਨ੍ਤਰਪਰਿਚ੍ਛੇਦੋ ਕਾਤਬ੍ਬੋ. ਸਚੇ ਪਨ ਦ੍ਵੇ ਸਙ੍ਘਾ ਵਿਸੁਂ ਉਪੋਸਥਂ ਕਰੋਨ੍ਤਿ, ਦ੍ਵਿਨ੍ਨਂ ਸਤ੍ਤਬ੍ਭਨ੍ਤਰਾਨਂ ਅਨ੍ਤਰੇ ਅਞ੍ਞਮੇਕਂ ਸਤ੍ਤਬ੍ਭਨ੍ਤਰਂ ਉਪਚਾਰਤ੍ਥਾਯ ਠਪੇਤਬ੍ਬਂ. ਯਾ ਪਨੇਸਾ ‘‘ਸਬ੍ਬਾ, ਭਿਕ੍ਖਵੇ, ਨਦੀ ਅਸੀਮਾ’’ਤਿਆਦਿਨਾ (ਮਹਾਵ. ੧੪੭) ਨਯੇਨ ਨਦਿਆਦੀਨਂ ਸੀਮਭਾਵਂ ਪਟਿਕ੍ਖਿਪਿਤ੍ਵਾ ਪੁਨ ‘‘ਨਦਿਯਾ ਵਾ, ਭਿਕ੍ਖਵੇ, ਸਮੁਦ੍ਦੇ ਵਾ ਜਾਤਸ੍ਸਰੇ ਵਾ ਯਂ ਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਾ ਉਦਕੁਕ੍ਖੇਪਾ, ਅਯਂ ਤਤ੍ਥ ਸਮਾਨਸਂਵਾਸਾ ਏਕੂਪੋਸਥਾ’’ਤਿ ਵੁਤ੍ਤਾ ਅਯਂ ਉਦਕੁਕ੍ਖੇਪਸੀਮਾ ਨਾਮ. ਤਤ੍ਥ ਯਸ੍ਸਾ ਧਮ੍ਮਿਕਾਨਂ ਰਾਜੂਨਂ ਕਾਲੇ ਅਨ੍ਵਡ੍ਢਮਾਸਂ ਅਨੁਦਸਾਹਂ ਅਨੁਪਞ੍ਚਾਹਂ ¶ ਅਨਤਿਕ੍ਕਮਿਤ੍ਵਾ ਦੇਵੇ ਵਸ੍ਸਨ੍ਤੇ ਵਲਾਹਕੇਸੁ ਵਿਗਤਮਤ੍ਤੇਸੁ ਸੋਤਂ ਪਚ੍ਛਿਜ੍ਜਤਿ, ਅਯਂ ਨਦਿਸਙ੍ਖ੍ਯਂ ਨ ਗਚ੍ਛਤਿ. ਯਸ੍ਸਾ ਪਨ ਈਦਿਸੇ ਸੁਵੁਟ੍ਠਿਕਾਲੇ ਵਸ੍ਸਾਨਸ੍ਸ ਚਤੁਮਾਸੇ ਸੋਤਂ ਨ ਪਚ੍ਛਿਜ੍ਜਤਿ, ਯਤ੍ਥ ਤਿਤ੍ਥੇਨ ਵਾ ਅਤਿਤ੍ਥੇਨ ਵਾ ਸਿਕ੍ਖਾਕਰਣੀਯੇ ਆਗਤਲਕ੍ਖਣੇਨ ਤਿਮਣ੍ਡਲਂ ਪਟਿਚ੍ਛਾਦੇਤ੍ਵਾ ਅਨ੍ਤਰਵਾਸਕਂ ਅਨੁਕ੍ਖਿਪਿਤ੍ਵਾ ਉਤ੍ਤਰਨ੍ਤਿਯਾ ਭਿਕ੍ਖੁਨਿਯਾ ਏਕਦ੍ਵਙ੍ਗੁਲਮਤ੍ਤਮ੍ਪਿ ਅਨ੍ਤਰਵਾਸਕੋ ਤੇਮਿਯਤਿ, ਅਯਂ ਸਮੁਦ੍ਦਂ ਵਾ ਪਵਿਸਤੁ ਤਲ਼ਾਕਂ ਵਾ, ਪਭਵਤੋ ਪਟ੍ਠਾਯ ਨਦੀ ਨਾਮ. ਸਮੁਦ੍ਦੋ ਪਾਕਟੋਯੇਵ. ਯੋ ਪਨ ਕੇਨਚਿ ਖਣਿਤ੍ਵਾ ਅਕਤੋ ਸਯਂਜਾਤੋ ਸੋਬ੍ਭੋ ਸਮਨ੍ਤਤੋ ਆਗਤੇਨ ਉਦਕੇਨ ¶ ਪੂਰਿਤੋ ਤਿਟ੍ਠਤਿ, ਯਤ੍ਥ ਨਦਿਯਂ ਵੁਤ੍ਤਪ੍ਪਕਾਰੇ ਵਸ੍ਸਕਾਲੇ ਉਦਕਂ ਸਨ੍ਤਿਟ੍ਠਤਿ, ਅਯਂ ਜਾਤਸ੍ਸਰੋ ਨਾਮ. ਯੋਪਿ ਨਦਿਂ ਵਾ ਸਮੁਦ੍ਦਂ ਵਾ ਭਿਨ੍ਦਿਤ੍ਵਾ ਨਿਕ੍ਖਨ੍ਤਉਦਕੇਨ ਖਤੋ ਸੋਬ੍ਭੋ ਏਤਂ ਲਕ੍ਖਣਂ ਪਾਪੁਣਾਤਿ, ਅਯਮ੍ਪਿ ਜਾਤਸ੍ਸਰੋਯੇਵ.

ਯਂ ਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਾ ਉਦਕੁਕ੍ਖੇਪਾਤਿ ਯਂ ਠਾਨਂ ਥਾਮਮਜ੍ਝਿਮਸ੍ਸ ਪੁਰਿਸਸ੍ਸ ਸਮਨ੍ਤਤੋ ਉਦਕੁਕ੍ਖੇਪੇਨ ਪਰਿਚ੍ਛਿਨ੍ਨਂ, ਤਤ੍ਥ ਯਥਾ ਅਕ੍ਖਧੁਤ੍ਤਾ ਦਾਰੁਗੁਲ਼ਂ ਖਿਪਨ੍ਤਿ, ਏਵਂ ਉਦਕਂ ਵਾ ਵਾਲੁਕਂ ਵਾ ਹਤ੍ਥੇਨ ਗਹੇਤ੍ਵਾ ਮਜ੍ਝਿਮੇਨ ਪੁਰਿਸੇਨ ਸਬ੍ਬਥਾਮੇਨ ਖਿਪਿਤਬ੍ਬਂ, ਤਤ੍ਥ ਯਤ੍ਥ ਏਵਂ ਖਿਤ੍ਤਂ ਉਦਕਂ ਵਾ ਵਾਲੁਕਂ ਵਾ ਪਤਤਿ, ਅਯਂ ਉਦਕੁਕ੍ਖੇਪੋ ਨਾਮ.

ਅਯਂ ਤਤ੍ਥ ਸਮਾਨਸਂਵਾਸਾ ਏਕੂਪੋਸਥਾਤਿ ਅਯਂ ਤੇਸੁ ਨਦਿਆਦੀਸੁ ਉਦਕੁਕ੍ਖੇਪਪਰਿਚ੍ਛਿਨ੍ਨਾ ਸੀਮਾ ਸਮਾਨਸਂਵਾਸਾ ਚੇਵ ਏਕੂਪੋਸਥਾ ਚ, ਅਯਂ ਪਨ ਏਤੇਸਂ ਨਦਿਆਦੀਨਂ ਅਨ੍ਤੋਯੇਵ ਲਬ੍ਭਤਿ, ਨ ਬਹਿ. ਤਸ੍ਮਾ ਨਦਿਯਾ ਵਾ ਜਾਤਸ੍ਸਰੇ ਵਾ ਯਤ੍ਤਕਂ ਪਦੇਸਂ ਪਕਤਿਵਸ੍ਸਕਾਲੇ ਚਤੂਸੁ ਮਾਸੇਸੁ ਉਦਕਂ ਓਤ੍ਥਰਤਿ, ਸਮੁਦ੍ਦੇ ਯਸ੍ਮਿਂ ਪਦੇਸੇ ਪਕਤਿਵੀਚਿਯੋ ਓਤ੍ਥਰਿਤ੍ਵਾ ਸਣ੍ਠਹਨ੍ਤਿ, ਤਤੋ ਪਟ੍ਠਾਯ ਕਪ੍ਪਿਯਭੂਮਿ, ਤਤ੍ਥ ਠਤ੍ਵਾ ਉਪੋਸਥਾਦਿਕਮ੍ਮਂ ਕਾਤੁਂ ਵਟ੍ਟਤਿ ¶ . ਦੁਬ੍ਬੁਟ੍ਠਿਕਾਲੇ ਵਾ ਗਿਮ੍ਹੇ ਵਾ ਨਦਿਜਾਤਸ੍ਸਰੇਸੁ ਸੁਕ੍ਖੇਸੁਪਿ ਸਾ ਏਵ ਕਪ੍ਪਿਯਭੂਮਿ, ਸਚੇ ਪਨ ਸੁਕ੍ਖੇ ਜਾਤਸ੍ਸਰੇ ਵਾਪਿਂ ਵਾ ਖਣਨ੍ਤਿ, ਵਪ੍ਪਂ ਵਾ ਕਰੋਨ੍ਤਿ, ਤਂ ਠਾਨਂ ਗਾਮਕ੍ਖੇਤ੍ਤਂ ਹੋਤਿ. ਯਾ ਪਨੇਸਾ ‘‘ਕਪ੍ਪਿਯਭੂਮੀ’’ਤਿ ਵੁਤ੍ਤਾ, ਤਤੋ ਬਹਿ ਉਦਕੁਕ੍ਖੇਪਸੀਮਾ ਨ ਗਚ੍ਛਤਿ, ਅਨ੍ਤੋਯੇਵ ਗਚ੍ਛਤਿ, ਤਸ੍ਮਾ ਤੇਸਂ ਅਨ੍ਤੋ ਪਰਿਸਾਪਰਿਯਨ੍ਤਤੋ ਪਟ੍ਠਾਯ ਸਮਨ੍ਤਾ ਉਦਕੁਕ੍ਖੇਪਪਰਿਚ੍ਛੇਦੋ ਕਾਤਬ੍ਬੋ. ਸਚੇ ਪਨ ਦ੍ਵੇ ਸਙ੍ਘਾ ਵਿਸੁਂ ਵਿਸੁਂ ਉਪੋਸਥਾਦਿਕਮ੍ਮਂ ਕਰੋਨ੍ਤਿ, ਦ੍ਵਿਨ੍ਨਂ ਉਦਕੁਕ੍ਖੇਪਾਨਂ ਅਨ੍ਤਰੇ ਅਞ੍ਞੋ ਏਕੋ ਉਦਕੁਕ੍ਖੇਪੋ ਉਪਚਾਰਤ੍ਥਾਯ ਠਪੇਤਬ੍ਬੋ. ਅਯਞ੍ਹਿ ਸਤ੍ਤਬ੍ਭਨ੍ਤਰਸੀਮਾ ਚ ਉਦਕੁਕ੍ਖੇਪਸੀਮਾ ਚ ਭਿਕ੍ਖੂਨਂ ਠਿਤੋਕਾਸਤੋ ਪਟ੍ਠਾਯ ਲਬ੍ਭਤਿ. ਪਰਿਚ੍ਛੇਦਬ੍ਭਨ੍ਤਰੇ ਹਤ੍ਥਪਾਸਂ ਵਿਜਹਿਤ੍ਵਾ ਠਿਤੋਪਿ ਪਰਿਚ੍ਛੇਦਤੋ ਬਹਿ ਅਞ੍ਞਂ ਤਤ੍ਤਕਂਯੇਵ ਪਰਿਚ੍ਛੇਦਂ ਅਨਤਿਕ੍ਕਮਿਤ੍ਵਾ ਠਿਤੋਪਿ ਕਮ੍ਮਂ ਕੋਪੇਤਿ, ਇਦਂ ਸਬ੍ਬਅਟ੍ਠਕਥਾਸੁ (ਮਹਾਵ. ਅਟ੍ਠ. ੧੪੭) ਸਨ੍ਨਿਟ੍ਠਾਨਂ. ਏਵਂ ਅਬਦ੍ਧਸੀਮਾ ਵੇਦਿਤਬ੍ਬਾ. ਇਤਿ ਇਮਂ ਬਦ੍ਧਸੀਮਾਬਦ੍ਧਸੀਮਾਵਸੇਨ ਦੁਵਿਧਂ ਸੀਮਂ ਸਨ੍ਧਾਯੇਤਂ ਵੁਤ੍ਤਂ ‘‘ਤੇ ਚ ਖੋ ਹਤ੍ਥਪਾਸਂ ਅਵਿਜਹਿਤ੍ਵਾ ਏਕਸੀਮਾਯਂ ¶ ਠਿਤਾ’’ਤਿ. ਤੇਸੁ ਹਿ ਚਤੂਸੁ ਭਿਕ੍ਖੂਸੁ ਏਕਸੀਮਾਯਂ ਹਤ੍ਥਪਾਸਂ ਅਵਿਜਹਿਤ੍ਵਾ ਠਿਤੇਸ੍ਵੇਵੇਤਂ ¶ ਸਙ੍ਘਸ੍ਸ ਉਪੋਸਥਕਮ੍ਮਂ ਪਤ੍ਤਕਲ੍ਲਂ ਨਾਮ ਹੋਤਿ, ਨ ਇਤਰਥਾ. ਯਥਾਹ ‘‘ਅਨੁਜਾਨਾਮਿ, ਭਿਕ੍ਖਵੇ, ਚਤੁਨ੍ਨਂ ਪਾਤਿਮੋਕ੍ਖਂ ਉਦ੍ਦਿਸਿਤੁ’’ਨ੍ਤਿ (ਮਹਾਵ. ੧੬੮).

ਸਭਾਗਾਪਤ੍ਤਿਯੋ ਚ ਨ ਵਿਜ੍ਜਨ੍ਤੀਤਿ ਏਤ੍ਥ ਯਂ ਸਬ੍ਬੋ ਸਙ੍ਘੋ ਵਿਕਾਲਭੋਜਨਾਦਿਨਾ ਸਭਾਗਵਤ੍ਥੁਨਾ ਲਹੁਕਾਪਤ੍ਤਿਂ ਆਪਜ੍ਜਤਿ, ਏਵਰੂਪਾ ਵਤ੍ਥੁਸਭਾਗਾ ‘‘ਸਭਾਗਾ’’ਤਿ ਵੁਚ੍ਚਤਿ, ਵਿਕਾਲਭੋਜਨਪਚ੍ਚਯਾ ਆਪਨ੍ਨਂ ਪਨ ਆਪਤ੍ਤਿਸਭਾਗਂ ਅਨਤਿਰਿਤ੍ਤਭੋਜਨਪਚ੍ਚਯਾ ਆਪਨ੍ਨਸ੍ਸ ਸਨ੍ਤਿਕੇ ਦੇਸੇਤੁਂ ਵਟ੍ਟਤਿ. ਸਭਾਗਾਪਤ੍ਤਿਯਾ ਪਨ ਸਤਿ ਤੇਹਿ ਭਿਕ੍ਖੂਹਿ ਏਕੋ ਭਿਕ੍ਖੁ ਸਾਮਨ੍ਤਾ ਆਵਾਸਾ ਸਜ੍ਜੁਕਂ ਪਾਹੇਤਬ੍ਬੋ ‘‘ਗਚ੍ਛਾਵੁਸੋ, ਤਂ ਆਪਤ੍ਤਿਂ ਪਟਿਕਰਿਤ੍ਵਾ ਆਗਚ੍ਛ, ਮਯਂ ਤੇ ਸਨ੍ਤਿਕੇ ਆਪਤ੍ਤਿਂ ਪਟਿਕਰਿਸ੍ਸਾਮਾ’’ਤਿ, ਏਵਞ੍ਚੇਤਂ ਲਭੇਥ, ਇਚ੍ਚੇਤਂ ਕੁਸਲਂ, ਨੋ ਚੇ ਲਭੇਥ, ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਸਬ੍ਬੋ ਸਙ੍ਘੋ ਸਭਾਗਂ ਆਪਤ੍ਤਿਂ ਆਪਨ੍ਨੋ, ਯਦਾ ਅਞ੍ਞਂ ਭਿਕ੍ਖੁਂ ਸੁਦ੍ਧਂ ਅਨਾਪਤ੍ਤਿਕਂ ਪਸ੍ਸਿਸ੍ਸਤਿ, ਤਦਾ ਤਸ੍ਸ ਸਨ੍ਤਿਕੇ ਤਂ ਆਪਤ੍ਤਿਂ ਪਟਿਕਰਿਸ੍ਸਤੀ’’ਤਿ (ਮਹਾਵ. ੧੭੧) ਵਤ੍ਵਾ ਉਪੋਸਥੋ ਕਾਤਬ੍ਬੋ. ਸਚੇ ਪਨ ਵੇਮਤਿਕੋ ਹੋਤਿ, ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਸਬ੍ਬੋ ਸਙ੍ਘੋ ਸਭਾਗਾਯ ਆਪਤ੍ਤਿਯਾ ਵੇਮਤਿਕੋ, ਯਦਾ ਨਿਬ੍ਬੇਮਤਿਕੋ ਭਵਿਸ੍ਸਤਿ, ਤਦਾ ਤਂ ਆਪਤ੍ਤਿਂ ਪਟਿਕਰਿਸ੍ਸਤੀ’’ਤਿ ਵਤ੍ਵਾ ਉਪੋਸਥੋ ਕਾਤਬ੍ਬੋ. ਸਚੇ ਪਨੇਤ੍ਥ ਕੋਚਿ ਤਂ ਸਭਾਗਂ ਆਪਤ੍ਤਿਂ ਦੇਸੇਤੁਂ ਵਟ੍ਟਤੀਤਿ ਮਞ੍ਞਮਾਨੋ ਏਕਸ੍ਸ ਸਨ੍ਤਿਕੇ ਦੇਸੇਤਿ, ਦੇਸਿਤਾ ਸੁਦੇਸਿਤਾਵ. ਅਞ੍ਞਂ ਪਨ ਦੇਸਨਾਪਚ੍ਚਯਾ ਦੇਸਕੋ, ਪਟਿਗ੍ਗਹਣਪਚ੍ਚਯਾ ਪਟਿਗ੍ਗਾਹਕੋ ਚਾਤਿ ਉਭੋਪਿ ਦੁਕ੍ਕਟਂ ਆਪਜ੍ਜਨ੍ਤਿ, ਤਂ ਨਾਨਾਵਤ੍ਥੁਕਂ ਹੋਤਿ, ਤਸ੍ਮਾ ਅਞ੍ਞਮਞ੍ਞਂ ਦੇਸੇਤਬ੍ਬਂ ¶ . ਏਤ੍ਤਾਵਤਾ ਤੇ ਦ੍ਵੇ ਨਿਰਾਪਤ੍ਤਿਕਾ ਹੋਨ੍ਤਿ, ਤੇਸਂ ਸਨ੍ਤਿਕੇ ਸੇਸੇਹਿ ਸਭਾਗਾਪਤ੍ਤਿਯੋ ਦੇਸੇਤਬ੍ਬਾ ਵਾ ਆਰੋਚੇਤਬ੍ਬਾ ਵਾ. ਸਚੇ ਤੇ ਏਵਂ ਅਕਤ੍ਵਾ ਉਪੋਸਥਂ ਕਰੋਨ੍ਤਿ, ‘‘ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥਾ’’ਤਿਆਦਿਨਾ (ਮਹਾਵ. ੧੩੪) ਨਯੇਨ ਸਾਪਤ੍ਤਿਕਸ੍ਸ ਉਪੋਸਥਕਰਣੇ ਪਞ੍ਞਤ੍ਤਂ ਦੁਕ੍ਕਟਂ ਆਪਜ੍ਜਨ੍ਤਿ. ਸਚੇ ਸਬ੍ਬੋ ਸਙ੍ਘੋ ਸਭਾਗਾਪਤ੍ਤਿਯਾ ਸਤਿ ਵੁਤ੍ਤਵਿਧਿਂ ਅਕਤ੍ਵਾ ਉਪੋਸਥਂ ਕਰੋਤਿ, ਵੁਤ੍ਤਨਯੇਨੇਵ ਸਬ੍ਬੋ ਸਙ੍ਘੋ ਆਪਤ੍ਤਿਂ ਆਪਜ੍ਜਤਿ, ਤਸ੍ਮਾ ਸਭਾਗਾਪਤ੍ਤਿਯਾ ਸਤਿ ਸਙ੍ਘਸ੍ਸ ਪਤ੍ਤਕਲ੍ਲਂ ¶ ਨਾਮ ਨ ਹੋਤਿ, ਤੇਨ ਵੁਤ੍ਤਂ ‘‘ਸਭਾਗਾਪਤ੍ਤਿਯੋ ਚ ਨ ਵਿਜ੍ਜਨ੍ਤੀ’’ਤਿ. ਏਤਾਸੁ ਹਿ ਸਭਾਗਾਪਤ੍ਤੀਸੁ ਅਵਿਜ੍ਜਮਾਨਾਸੁ ਵਿਸਭਾਗਾਪਤ੍ਤੀਸੁ ਵਿਜ੍ਜਮਾਨਾਸੁਪਿ ਪਤ੍ਤਕਲ੍ਲਂ ਹੋਤਿਯੇਵ.

ਵਜ੍ਜਨੀਯਾ ਚ ਪੁਗ੍ਗਲਾ ਤਸ੍ਮਿਂ ਨ ਹੋਨ੍ਤੀਤਿ ‘‘ਨ, ਭਿਕ੍ਖਵੇ, ਸਗਹਟ੍ਠਾਯ ਪਰਿਸਾਯ ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬਂ, ਯੋ ਉਦ੍ਦਿਸੇਯ੍ਯ ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ ¶ (ਮਹਾਵ. ੧੫੪) ਵਚਨਤੋ ਗਹਟ੍ਠੋ, ‘‘ਨ, ਭਿਕ੍ਖਵੇ, ਭਿਕ੍ਖੁਨਿਯਾ ਨਿਸਿਨ੍ਨਪਰਿਸਾਯ ਪਾਤਿਮੋਕ੍ਖਂ ਉਦ੍ਦਿਸਿਤਬ੍ਬ’’ਨ੍ਤਿਆਦਿਨਾ (ਮਹਾਵ. ੧੮੩) ਨਯੇਨ ਵੁਤ੍ਤਾ ਭਿਕ੍ਖੁਨੀ, ਸਿਕ੍ਖਮਾਨਾ, ਸਾਮਣੇਰੋ, ਸਾਮਣੇਰੀ, ਸਿਕ੍ਖਾਪਚ੍ਚਕ੍ਖਾਤਕੋ, ਅਨ੍ਤਿਮਵਤ੍ਥੁਅਜ੍ਝਾਪਨ੍ਨਕੋ, ਆਪਤ੍ਤਿਯਾ ਅਦਸ੍ਸਨੇ ਉਕ੍ਖਿਤ੍ਤਕੋ, ਆਪਤ੍ਤਿਯਾ ਅਪ੍ਪਟਿਕਮ੍ਮੇ ਉਕ੍ਖਿਤ੍ਤਕੋ, ਪਾਪਿਕਾਯ ਦਿਟ੍ਠਿਯਾ ਅਪ੍ਪਟਿਨਿਸ੍ਸਗ੍ਗੇ ਉਕ੍ਖਿਤ੍ਤਕੋ, ਪਣ੍ਡਕੋ, ਥੇਯ੍ਯਸਂਵਾਸਕੋ, ਤਿਤ੍ਥਿਯਪਕ੍ਕਨ੍ਤਕੋ, ਤਿਰਚ੍ਛਾਨਗਤੋ, ਮਾਤੁਘਾਤਕੋ, ਪਿਤੁਘਾਤਕੋ ਅਰਹਨ੍ਤਘਾਤਕੋ, ਭਿਕ੍ਖੁਨਿਦੂਸਕੋ, ਸਙ੍ਘਭੇਦਕੋ, ਲੋਹਿਤੁਪ੍ਪਾਦਕੋ, ਉਭਤੋਬ੍ਯਞ੍ਜਨਕੋਤਿ ਇਮੇ ਵੀਸਤਿ ਚਾਤਿ ਏਕਵੀਸਤਿ ਪੁਗ੍ਗਲਾ ਵਜ੍ਜਨੀਯਾ ਨਾਮ, ਤੇ ਹਤ੍ਥਪਾਸਤੋ ਬਹਿਕਰਣਵਸੇਨ ਵਜ੍ਜੇਤਬ੍ਬਾ. ਏਤੇਸੁ ਹਿ ਤਿਵਿਧੇ ਉਕ੍ਖਿਤ੍ਤਕੇ ਸਤਿ ਉਪੋਸਥਂ ਕਰੋਨ੍ਤੋ ਸਙ੍ਘੋ ਪਾਚਿਤ੍ਤਿਯਂ ਆਪਜ੍ਜਤਿ, ਸੇਸੇਸੁ ਦੁਕ੍ਕਟਂ. ਏਤ੍ਥ ਚ ਤਿਰਚ੍ਛਾਨਗਤੋਤਿ ਯਸ੍ਸ ਉਪਸਮ੍ਪਦਾ ਪਟਿਕ੍ਖਿਤ੍ਤਾ, ਤਿਤ੍ਥਿਯਾ ਗਹਟ੍ਠੇਨੇਵ ਸਙ੍ਗਹਿਤਾ. ਏਤੇਪਿ ਹਿ ਵਜ੍ਜਨੀਯਾ ਨਾਮ. ਏਵਂ ਪਤ੍ਤਕਲ੍ਲਂ ਇਮੇਹਿ ਚਤੂਹਿ ਅਙ੍ਗੇਹਿ ਸਙ੍ਗਹਿਤਨ੍ਤਿ ਵੇਦਿਤਬ੍ਬਂ.

ਸਙ੍ਘੋ ਉਪੋਸਥਂ ਕਰੇਯ੍ਯਾਤਿਇਮਿਨਾ ਯੇ ਤੇ ਅਪਰੇਪਿ ਤਯੋ ਉਪੋਸਥਾ ਸਙ੍ਘੇ ਉਪੋਸਥੋ, ਗਣੇ ਉਪੋਸਥੋ, ਪੁਗ੍ਗਲੇ ਉਪੋਸਥੋਤਿ, ਏਵਂ ਕਾਰਕਵਸੇਨ ਤਯੋ ਉਪੋਸਥਾ ਵੁਤ੍ਤਾ, ਤੇਸੁ ਇਤਰੇ ਦ੍ਵੇ ਪਟਿਕ੍ਖਿਪਿਤ੍ਵਾ ਸਙ੍ਘੇ ਉਪੋਸਥਮੇਵ ਦੀਪੇਤਿ. ਪਾਤਿਮੋਕ੍ਖਂ ਉਦ੍ਦਿਸੇਯ੍ਯਾਤਿਇਮਿਨਾ ਯੇ ਤੇ ਅਪਰੇਪਿ ਤਯੋ ਉਪੋਸਥਾ ਸੁਤ੍ਤੁਦ੍ਦੇਸੋ, ਪਾਰਿਸੁਦ੍ਧਿਉਪੋਸਥੋ, ਅਧਿਟ੍ਠਾਨਉਪੋਸਥੋਤਿ, ਏਵਂ ਕਤ੍ਤਬ੍ਬਾਕਾਰਵਸੇਨ ਤਯੋ ਉਪੋਸਥਾ ਵੁਤ੍ਤਾ, ਤੇਸੁ ਇਤਰੇ ਦ੍ਵੇ ਪਟਿਕ੍ਖਿਪਿਤ੍ਵਾ ਸੁਤ੍ਤੁਦ੍ਦੇਸਮੇਵ ਦੀਪੇਤਿ. ਸੁਤ੍ਤੁਦ੍ਦੇਸੋ ਨਾਮ ਪਾਤਿਮੋਕ੍ਖੁਦ੍ਦੇਸੋ ਵੁਚ੍ਚਤਿ, ਸੋ ਦੁਵਿਧੋ ਓਵਾਦਪਾਤਿਮੋਕ੍ਖੁਦ੍ਦੇਸੋ ਚ ਆਣਾਪਾਤਿਮੋਕ੍ਖੁਦ੍ਦੇਸੋ ਚ. ਤਤ੍ਥ

‘‘ਖਨ੍ਤੀ ¶ ਪਰਮਂ ਤਪੋ ਤਿਤਿਕ੍ਖਾ…ਪੇ….

‘‘ਅਨੂਪਵਾਦੋ ਅਨੂਪਘਾਤੋ’’ਤਿ. (ਦੀ. ਨਿ. ੨.੯੦; ਧ. ਪ. ੧੮੪, ੧੮੩, ੧੮੫)

ਆਦਿਨਾ ਨਯੇਨ ਵੁਤ੍ਤਾ ਤਿਸ੍ਸੋ ਗਾਥਾਯੋ ਓਵਾਦਪਾਤਿਮੋਕ੍ਖਂ ਨਾਮ, ਤਂ ਬੁਦ੍ਧਾ ਏਵ ਉਦ੍ਦਿਸਨ੍ਤਿ, ਨ ਸਾਵਕਾ. ‘‘ਸੁਣਾਤੁ ¶ ਮੇ, ਭਨ੍ਤੇ, ਸਙ੍ਘੋ’’ਤਿਆਦਿਨਾ (ਮਹਾਵ. ੧੩੪) ਨਯੇਨ ਵੁਤ੍ਤਂ ਆਣਾਪਾਤਿਮੋਕ੍ਖਂ ਨਾਮ, ਤਂ ਸਾਵਕਾ ਏਵ ਉਦ੍ਦਿਸਨ੍ਤਿ, ਨ ਬੁਦ੍ਧਾ. ਇਦਮੇਵ ਚ ਇਮਸ੍ਮਿਂ ਅਤ੍ਥੇ ‘‘ਪਾਤਿਮੋਕ੍ਖ’’ਨ੍ਤਿ ਅਧਿਪ੍ਪੇਤਂ.

ਯੇ ¶ ਪਨ ਇਤਰੇ ਦ੍ਵੇ ਉਪੋਸਥਾ, ਤੇਸੁ ਪਾਰਿਸੁਦ੍ਧਿਉਪੋਸਥੋ ਤਾਵ ਅਞ੍ਞੇਸਞ੍ਚ ਸਨ੍ਤਿਕੇ, ਅਞ੍ਞਮਞ੍ਞਞ੍ਚ ਆਰੋਚਨਵਸੇਨ ਦੁਵਿਧੋ. ਤਤ੍ਥ ਯ੍ਵਾਯਂ ਅਞ੍ਞੇਸਂ ਸਨ੍ਤਿਕੇ ਕਰੀਯਤਿ, ਸੋਪਿ ਪਵਾਰਿਤਾਨਞ੍ਚ ਅਪ੍ਪਵਾਰਿਤਾਨਞ੍ਚ ਸਨ੍ਤਿਕੇ ਕਰਣਵਸੇਨ ਦੁਵਿਧੋ. ਤਤ੍ਥ ਮਹਾਪਵਾਰਣਾਯ ਪਵਾਰਿਤਾਨਂ ਸਨ੍ਤਿਕੇ ਪਚ੍ਛਿਮਿਕਾਯ ਉਪਗਤੇਨ ਵਾ ਅਨੁਪਗਤੇਨ ਵਾ ਛਿਨ੍ਨਵਸ੍ਸੇਨ ਵਾ ਚਾਤੁਮਾਸਿਨਿਯਂ ਪਨ ਪਵਾਰਿਤਾਨਂ ਸਨ੍ਤਿਕੇ ਪੁਰਿਮਿਕਾਯ ਉਪਗਤੇਨ ਵਾ ਅਨੁਪਗਤੇਨ ਵਾ ਛਿਨ੍ਨਵਸ੍ਸੇਨ ਵਾ ਕਾਯਸਾਮਗ੍ਗਿਂ ਦਤ੍ਵਾ ‘‘ਪਰਿਸੁਦ੍ਧੋ ਅਹਂ, ਭਨ੍ਤੇ, ‘ਪਰਿਸੁਦ੍ਧੋ’ਤਿ ਮਂ ਧਾਰੇਥਾ’’ਤਿ ਤਿਕ੍ਖਤ੍ਤੁਂ ਵਤ੍ਵਾ ਕਾਤਬ੍ਬੋ, ਠਪੇਤ੍ਵਾ ਚ ਪਨ ਪਵਾਰਣਾਦਿਵਸਂ ਅਞ੍ਞਸ੍ਮਿਂ ਕਾਲੇ ਆਵਾਸਿਕੇਹਿ ਉਦ੍ਦਿਟ੍ਠਮਤ੍ਤੇ ਪਾਤਿਮੋਕ੍ਖੇ ਅਵੁਟ੍ਠਿਤਾਯ ਵਾ ਏਕਚ੍ਚਾਯ ਵੁਟ੍ਠਿਤਾਯ ਵਾ ਸਬ੍ਬਾਯ ਵਾ ਵੁਟ੍ਠਿਤਾਯ ਪਰਿਸਾਯ ਯੇ ਅਞ੍ਞੇ ਸਮਸਮਾ ਵਾ ਥੋਕਤਰਾ ਵਾ ਆਗਚ੍ਛਨ੍ਤਿ, ਤੇਹਿ ਤੇਸਂ ਸਨ੍ਤਿਕੇ ਵੁਤ੍ਤਨਯੇਨੇਵ ਪਾਰਿਸੁਦ੍ਧਿ ਆਰੋਚੇਤਬ੍ਬਾ. ਯੋ ਪਨਾਯਂ ਅਞ੍ਞਮਞ੍ਞਂ ਆਰੋਚਨਵਸੇਨ ਕਰੀਯਤਿ, ਸੋ ਞਤ੍ਤਿਂ ਠਪੇਤ੍ਵਾ ਚ ਅਟ੍ਠਪੇਤ੍ਵਾ ਚ ਕਰਣਵਸੇਨ ਦੁਵਿਧੋ. ਤਤ੍ਥ ਯਸ੍ਮਿਂ ਆਵਾਸੇ ਤਯੋ ਭਿਕ੍ਖੂ ਵਿਹਰਨ੍ਤਿ, ਤੇਸੁ ਉਪੋਸਥਦਿਵਸੇ ਸਨ੍ਨਿਪਤਿਤੇਸੁ ਏਕੇਨ ਭਿਕ੍ਖੁਨਾ ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ ਅਜ੍ਜੁਪੋਸਥੋ ਚਾਤੁਦ੍ਦਸੋ’’ਤਿ ਵਾ ‘‘ਪਨ੍ਨਰਸੋ’’ਤਿ ਵਾ ਵਤ੍ਵਾ ‘‘ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ ਮਯਂ ਅਞ੍ਞਮਞ੍ਞਂ ਪਾਰਿਸੁਦ੍ਧਿਉਪੋਸਥਂ ਕਰੇਯ੍ਯਾਮਾ’’ਤਿ ਞਤ੍ਤਿਯਾ ਠਪਿਤਾਯ ਥੇਰੇਨ ਭਿਕ੍ਖੁਨਾ ਏਕਂਸਂ ਉਤ੍ਤਰਾਸਙ੍ਗਂ ਕਰਿਤ੍ਵਾ ਉਕ੍ਕੁਟਿਕਂ ਨਿਸੀਦਿਤ੍ਵਾ ਅਞ੍ਜਲਿਂ ਪਗ੍ਗਹੇਤ੍ਵਾ ‘‘ਪਰਿਸੁਦ੍ਧੋ ਅਹਂ, ਆਵੁਸੋ, ‘ਪਰਿਸੁਦ੍ਧੋ’ਤਿ ਮਂ ਧਾਰੇਥਾ’’ਤਿ (ਮਹਾਵ. ੧੬੮) ਤਿਕ੍ਖਤ੍ਤੁਂ ਵਤ੍ਤਬ੍ਬਂ. ਇਤਰੇਹਿ ‘‘ਭਨ੍ਤੇ’’ਤਿ ਵਤ੍ਵਾ ਏਵਮੇਵ ਵਤ੍ਤਬ੍ਬਂ. ਏਵਂ ਞਤ੍ਤਿਂ ਠਪੇਤ੍ਵਾ ਕਾਤਬ੍ਬੋ. ਯਤ੍ਥ ਪਨ ਦ੍ਵੇ ਭਿਕ੍ਖੂ ਵਿਹਰਨ੍ਤਿ, ਤਤ੍ਰ ¶ ਞਤ੍ਤਿਂ ਅਟ੍ਠਪੇਤ੍ਵਾ ਵੁਤ੍ਤਨਯੇਨੇਵ ਪਾਰਿਸੁਦ੍ਧਿ ਆਰੋਚੇਤਬ੍ਬਾਤਿ ਅਯਂ ਪਾਰਿਸੁਦ੍ਧਿਉਪੋਸਥੋ.

ਸਚੇ ਪਨ ਏਕੋਵ ਭਿਕ੍ਖੁ ਹੋਤਿ, ਸਬ੍ਬਂ ਪੁਬ੍ਬਕਰਣੀਯਂ ਕਤ੍ਵਾ ਅਞ੍ਞੇਸਂ ਅਨਾਗਮਨਂ ਞਤ੍ਵਾ ‘‘ਅਜ੍ਜ ਮੇ ਉਪੋਸਥੋ ਚਾਤੁਦ੍ਦਸੋ’’ਤਿ ਵਾ ‘‘ਪਨ੍ਨਰਸੋ’’ਤਿ ਵਾ ਵਤ੍ਵਾ ‘‘ਅਧਿਟ੍ਠਾਮੀ’’ਤਿ ਵਤ੍ਤਬ੍ਬਂ. ਅਯਂ ਅਧਿਟ੍ਠਾਨੁਪੋਸਥੋਤਿ ਏਵਂ ਕਤ੍ਤਬ੍ਬਾਕਾਰਵਸੇਨ ਤਯੋ ਉਪੋਸਥਾਤਿ ਵੇਦਿਤਬ੍ਬਾ. ਏਤ੍ਤਾਵਤਾ ਨਵ ਉਪੋਸਥਾ ਦੀਪਿਤਾ ਹੋਨ੍ਤਿ. ਤੇਸੁ ਦਿਵਸਵਸੇਨ ਪਨ੍ਨਰਸਿਕੋ, ਕਾਰਕਵਸੇਨ ਸਙ੍ਘੁਪੋਸਥੋ, ਕਤ੍ਤਬ੍ਬਾਕਾਰਵਸੇਨ ਸੁਤ੍ਤੁਦ੍ਦੇਸੋਤਿ ਏਵਂ ਤਿਲਕ੍ਖਣਸਮ੍ਪਨ੍ਨੋ ਉਪੋਸਥੋ ਇਧ ਨਿਦ੍ਦਿਟ੍ਠੋਤਿ ਵੇਦਿਤਬ੍ਬੋ. ਤਸ੍ਮਿਂ ਪਵਤ੍ਤਮਾਨੇ ਉਪੋਸਥਂ ਅਕਤ੍ਵਾ ਤਦਹੁਪੋਸਥੇ ਅਞ੍ਞਂ ਅਭਿਕ੍ਖੁਕਂ ਨਾਨਾਸਂਵਾਸਕੇਹਿ ਵਾ ਸਭਿਕ੍ਖੁਕਂ ਆਵਾਸਂ ਵਾ ਅਨਾਵਾਸਂ ਵਾ ਵਾਸਤ੍ਥਾਯ ਅਞ੍ਞਤ੍ਰ ਸਙ੍ਘੇਨ, ਅਞ੍ਞਤ੍ਰ ਅਨ੍ਤਰਾਯਾ ਗਚ੍ਛਨ੍ਤਸ੍ਸ ਦੁਕ੍ਕਟਂ ਹੋਤਿ.

ਕਿਂ ਸਙ੍ਘਸ੍ਸ ਪੁਬ੍ਬਕਿਚ੍ਚਨ੍ਤਿ ‘‘ਸਙ੍ਘੋ ਉਪੋਸਥਂ ਕਰੇਯ੍ਯਾ’’ਤਿ ਏਵਂ ¶ ਉਪੋਸਥਕਰਣਸਮ੍ਬਨ੍ਧੇਨੇਵ ਵੁਤ੍ਤਸ੍ਸ ¶ ਸਙ੍ਘਸ੍ਸ ਉਪੋਸਥੇ ਕਤ੍ਤਬ੍ਬੇ ਯਂ ਤਂ ‘‘ਅਨੁਜਾਨਾਮਿ, ਭਿਕ੍ਖਵੇ, ਉਪੋਸਥਾਗਾਰਂ ਸਮ੍ਮਜ੍ਜਿਤੁ’’ਨ੍ਤਿਆਦਿਨਾ (ਮਹਾਵ. ੧੫੯) ਨਯੇਨ ਪਾਲ਼ਿਯਂ ਆਗਤਂ, ਅਟ੍ਠਕਥਾਸੁ ਚ –

‘‘ਸਮ੍ਮਜ੍ਜਨੀ ਪਦੀਪੋ ਚ, ਉਦਕਂ ਆਸਨੇਨ ਚ;

ਉਪੋਸਥਸ੍ਸ ਏਤਾਨਿ, ‘ਪੁਬ੍ਬਕਰਣ’ਨ੍ਤਿ ਵੁਚ੍ਚਤਿ.

‘‘ਛਨ੍ਦਪਾਰਿਸੁਦ੍ਧਿਉਤੁਕ੍ਖਾਨਂ, ਭਿਕ੍ਖੁਗਣਨਾ ਚ ਓਵਾਦੋ;

ਉਪੋਸਥਸ੍ਸ ਏਤਾਨਿ, ‘ਪੁਬ੍ਬਕਿਚ੍ਚ’ਨ੍ਤਿ ਵੁਚ੍ਚਤੀ’’ਤਿ. (ਮਹਾਵ. ਅਟ੍ਠ. ੧੬੮);

ਏਵਂ ਦ੍ਵੀਹਿ ਨਾਮੇਹਿ ਨਵਵਿਧਂ ਪੁਬ੍ਬਕਿਚ੍ਚਂ ਦਸ੍ਸਿਤਂ, ਕਿਂ ਤਂ ਕਤਨ੍ਤਿ ਪੁਚ੍ਛਤਿ. ਨ ਹਿ ਤਂ ਅਕਤ੍ਵਾ ਉਪੋਸਥਂ ਕਾਤੁਂ ਵਟ੍ਟਤਿ, ਤਸ੍ਮਾ ਥੇਰੇਨ ਆਣਤ੍ਤੇਨ ਅਗਿਲਾਨੇਨ ਭਿਕ੍ਖੁਨਾ ਉਪੋਸਥਾਗਾਰਂ ਸਮ੍ਮਜ੍ਜਿਤਬ੍ਬਂ, ਪਾਨੀਯਂ ਪਰਿਭੋਜਨੀਯਂ ਉਪਟ੍ਠਾਪੇਤਬ੍ਬਂ, ਆਸਨਂ ਪਞ੍ਞਾਪੇਤਬ੍ਬਂ, ਪਦੀਪੋ ਕਾਤਬ੍ਬੋ, ਅਕਰੋਨ੍ਤੋ ਦੁਕ੍ਕਟਂ ਆਪਜ੍ਜਤਿ, ਥੇਰੇਨਾਪਿ ਪਤਿਰੂਪਂ ਞਤ੍ਵਾ ਆਣਾਪੇਤਬ੍ਬਂ.

ਛਨ੍ਦਪਾਰਿਸੁਦ੍ਧੀਤਿ ਏਤ੍ਥ ਉਪੋਸਥਕਰਣਤ੍ਥਂ ਸਨ੍ਨਿਪਤਿਤੇ ਸਙ੍ਘੇ ਬਹਿ ਉਪੋਸਥਂ ਕਤ੍ਵਾ ਆਗਤੇਨ ਸਨ੍ਨਿਪਤਿਤਟ੍ਠਾਨਂ ਗਨ੍ਤ੍ਵਾ ਕਾਯਸਾਮਗ੍ਗਿਂ ਅਦੇਨ੍ਤੇਨ ¶ ਛਨ੍ਦੋ ਦਾਤਬ੍ਬੋ. ਯੋਪਿ ਗਿਲਾਨੋ ਵਾ ਹੋਤਿ ਕਿਚ੍ਚਪ੍ਪਸੁਤੋ ਵਾ, ਤੇਨਾਪਿ ਪਾਰਿਸੁਦ੍ਧਿਂ ਦੇਨ੍ਤੇਨ ਛਨ੍ਦੋਪਿ ਦਾਤਬ੍ਬੋ. ਕਥਂ ਦਾਤਬ੍ਬੋ? ਏਕਸ੍ਸ ਭਿਕ੍ਖੁਨੋ ਸਨ੍ਤਿਕੇ ‘‘ਛਨ੍ਦਂ ਦਮ੍ਮਿ, ਛਨ੍ਦਂ ਮੇ ਹਰ, ਛਨ੍ਦਂ ਮੇ ਆਰੋਚੇਹੀ’’ਤਿ (ਮਹਾਵ. ੧੬੫) ਅਯਂ ਅਤ੍ਥੋ ਕਾਯੇਨ ਵਾ ਵਾਚਾਯ ਵਾ ਉਭਯੇਨ ਵਾ ਵਿਞ੍ਞਾਪੇਤਬ੍ਬੋ, ਏਵਂ ਦਿਨ੍ਨੋ ਹੋਤਿ ਛਨ੍ਦੋ. ਅਕਤੂਪੋਸਥੇਨ ਪਨ ਗਿਲਾਨੇਨ ਵਾ ਕਿਚ੍ਚਪ੍ਪਸੁਤੇਨ ਵਾ ਪਾਰਿਸੁਦ੍ਧਿ ਦਾਤਬ੍ਬਾ. ਕਥਂ ਦਾਤਬ੍ਬਾ? ਏਕਸ੍ਸ ਭਿਕ੍ਖੁਨੋ ਸਨ੍ਤਿਕੇ ‘‘ਪਾਰਿਸੁਦ੍ਧਿਂ ਦਮ੍ਮਿ, ਪਾਰਿਸੁਦ੍ਧਿਂ ਮੇ ਹਰ, ਪਾਰਿਸੁਦ੍ਧਿਂ ਮੇ ਆਰੋਚੇਹੀ’’ਤਿ (ਮਹਾਵ. ੧੬੪) ਅਯਂ ਅਤ੍ਥੋ ਕਾਯੇਨ ਵਾ ਵਾਚਾਯ ਵਾ ਉਭਯੇਨ ਵਾ ਵਿਞ੍ਞਾਪੇਤਬ੍ਬੋ, ਏਵਂ ਦਿਨ੍ਨਾ ਹੋਤਿ ਪਾਰਿਸੁਦ੍ਧਿ, ਤਂ ਪਨ ਦੇਨ੍ਤੇਨ ਛਨ੍ਦੋਪਿ ਦਾਤਬ੍ਬੋ. ਵੁਤ੍ਤਞ੍ਹੇਤਂ ਭਗਵਤਾ ‘‘ਅਨੁਜਾਨਾਮਿ, ਭਿਕ੍ਖਵੇ, ਤਦਹੁਪੋਸਥੇ ਪਾਰਿਸੁਦ੍ਧਿਂ ਦੇਨ੍ਤੇਨ ਛਨ੍ਦਮ੍ਪਿ ਦਾਤੁਂ, ਸਨ੍ਤਿ ਸਙ੍ਘਸ੍ਸ ਕਰਣੀਯ’’ਨ੍ਤਿ (ਮਹਾਵ. ੧੬੫). ਤਤ੍ਥ ਪਾਰਿਸੁਦ੍ਧਿਦਾਨਂ ਸਙ੍ਘਸ੍ਸਪਿ ਅਤ੍ਤਨੋਪਿ ਉਪੋਸਥਕਰਣਂ ਸਮ੍ਪਾਦੇਤਿ, ਨ ਅਵਸੇਸਂ ਸਙ੍ਘਕਿਚ੍ਚਂ. ਛਨ੍ਦਦਾਨਂ ਸਙ੍ਘਸ੍ਸੇਵ ਉਪੋਸਥਕਰਣਞ੍ਚ ਸੇਸਕਿਚ੍ਚਞ੍ਚ ਸਮ੍ਪਾਦੇਤਿ, ਅਤ੍ਤਨੋ ਪਨ ਉਪੋਸਥੋ ਅਕਤੋਯੇਵ ਹੋਤਿ. ਤਸ੍ਮਾ ਪਾਰਿਸੁਦ੍ਧਿਂ ਦੇਨ੍ਤੇਨ ਛਨ੍ਦੋਪਿ ਦਾਤਬ੍ਬੋ. ਪੁਬ੍ਬੇ ਵੁਤ੍ਤਂ ਪਨ ਸੁਦ੍ਧਿਕਚ੍ਛਨ੍ਦਂ ਵਾ ਇਮਂ ਵਾ ਛਨ੍ਦਪਾਰਿਸੁਦ੍ਧਿਂ ਏਕੇਨ ਬਹੂਨਮ੍ਪਿ ਆਹਰਿਤੁਂ ਵਟ੍ਟਤਿ. ਸਚੇ ਪਨ ਸੋ ਅਨ੍ਤਰਾਮਗ੍ਗੇ ਅਞ੍ਞਂ ਭਿਕ੍ਖੁਂ ਪਸ੍ਸਿਤ੍ਵਾ ਯੇਸਂ ਤੇਨ ਛਨ੍ਦੋ ਵਾ ਪਾਰਿਸੁਦ੍ਧਿ ¶ ਵਾ ਗਹਿਤਾ, ਤੇਸਞ੍ਚ ਅਤ੍ਤਨੋ ਚ ਛਨ੍ਦਪਾਰਿਸੁਦ੍ਧਿਂ ਦੇਤਿ, ਤਸ੍ਸੇਵ ਸਾ ਆਗਚ੍ਛਤਿ, ਇਤਰਾ ਪਨ ਬਿਲ਼ਾਲਸਙ੍ਖਲਿਕਾ ਛਨ੍ਦਪਾਰਿਸੁਦ੍ਧਿ ਨਾਮ ਹੋਤਿ, ਸਾ ਨਾਗਚ੍ਛਤਿ, ਤਸ੍ਮਾ ਸਯਮੇਵ ਸਨ੍ਨਿਪਤਿਤਟ੍ਠਾਨਂ ਗਨ੍ਤ੍ਵਾ ਆਰੋਚੇਤਬ੍ਬਂ. ਸਚੇ ਪਨ ਸਞ੍ਚਿਚ੍ਚ ਨਾਰੋਚੇਤਿ, ਦੁਕ੍ਕਟਂ ਆਪਜ੍ਜਤਿ. ਛਨ੍ਦਪਾਰਿਸੁਦ੍ਧਿ ਪਨ ਤਸ੍ਮਿਂ ਹਤ੍ਥਪਾਸਂ ਉਪਗਤਮਤ੍ਤੇਯੇਵ ਆਗਤਾ ਹੋਤਿ.

ਉਤੁਕ੍ਖਾਨਨ੍ਤਿ ¶ ‘‘ਹੇਮਨ੍ਤਾਦੀਨਂ ਉਤੂਨਂ ਏਤ੍ਤਕਂ ਅਤਿਕ੍ਕਨ੍ਤਂ, ਏਤ੍ਤਕਂ ਅਵਸਿਟ੍ਠ’’ਨ੍ਤਿ ਏਵਂ ਉਤੂਨਂ ਆਚਿਕ੍ਖਨਂ. ਭਿਕ੍ਖੁਗਣਨਾਤਿ ‘‘ਏਤ੍ਤਕਾ ਭਿਕ੍ਖੂ ਉਪੋਸਥਗ੍ਗੇ ਸਨ੍ਨਿਪਤਿਤਾ’’ਤਿ ਭਿਕ੍ਖੂਨਂ ਗਣਨਾ. ਇਦਮ੍ਪਿ ਹਿ ਉਭਯਂ ਕਤ੍ਵਾਵ ਉਪੋਸਥੋ ਕਾਤਬ੍ਬੋ. ਓਵਾਦੋਤਿ ਭਿਕ੍ਖੁਨੋਵਾਦੋ. ਨ ਹਿ ਭਿਕ੍ਖੁਨੀਹਿ ਯਾਚਿਤਂ ਓਵਾਦਂ ਅਨਾਰੋਚੇਤ੍ਵਾ ਉਪੋਸਥਂ ਕਾਤੁਂ ਵਟ੍ਟਤਿ. ਭਿਕ੍ਖੁਨਿਯੋ ਹਿ ‘‘ਸ੍ਵੇ ਉਪੋਸਥੋ’’ਤਿ ਆਗਨ੍ਤ੍ਵਾ ‘‘ਅਯਂ ਉਪੋਸਥੋ ਚਾਤੁਦ੍ਦਸੋ ਪਨ੍ਨਰਸੋ’’ਤਿ ਪੁਚ੍ਛਿਤ੍ਵਾ ਪੁਨ ਉਪੋਸਥਦਿਵਸੇ ਆਗਨ੍ਤ੍ਵਾ ‘‘ਭਿਕ੍ਖੁਨਿਸਙ੍ਘੋ, ਅਯ੍ਯ, ਭਿਕ੍ਖੁਸਙ੍ਘਸ੍ਸ ¶ ਪਾਦੇ ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਲਭਤੁ ਕਿਰ, ਅਯ੍ਯ, ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ (ਚੂਲ਼ਵ. ੪੧੩) ਏਵਂ ਓਵਾਦਂ ਯਾਚਨ੍ਤਿ. ਤਂ ਠਪੇਤ੍ਵਾ ਬਾਲਗਿਲਾਨਗਮਿਯੇ ਅਞ੍ਞੋ ਸਚੇਪਿ ਆਰਞ੍ਞਿਕੋ ਹੋਤਿ, ਅਪਟਿਗ੍ਗਹੇਤੁਂ ਨ ਲਭਤਿ, ਤਸ੍ਮਾ ਯੇਨ ਸੋ ਪਟਿਗ੍ਗਹਿਤੋ, ਤੇਨ ਭਿਕ੍ਖੁਨਾ ਉਪੋਸਥਗ੍ਗੇ ਪਾਤਿਮੋਕ੍ਖੁਦ੍ਦੇਸਕੋ ਭਿਕ੍ਖੁ ਏਵਂ ਵਤ੍ਤਬ੍ਬੋ ‘‘ਭਿਕ੍ਖੁਨਿਸਙ੍ਘੋ, ਭਨ੍ਤੇ, ਭਿਕ੍ਖੁਸਙ੍ਘਸ੍ਸ ਪਾਦੇ ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਲਭਤੁ ਕਿਰ, ਭਨ੍ਤੇ, ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ. ਪਾਤਿਮੋਕ੍ਖੁਦ੍ਦੇਸਕੇਨ ਵਤ੍ਤਬ੍ਬਂ ‘‘ਅਤ੍ਥਿ ਕੋਚਿ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ’’ਤਿ. ਸਚੇ ਹੋਤਿ ਕੋਚਿ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ, ਤਤੋ ਤੇਨ ਸੋ ਵਤ੍ਤਬ੍ਬੋ ‘‘ਇਤ੍ਥਨ੍ਨਾਮੋ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ, ਤਂ ਭਿਕ੍ਖੁਨਿਸਙ੍ਘੋ ਉਪਸਙ੍ਕਮਤੂ’’ਤਿ (ਚੂਲ਼ਵ. ੪੧੩). ਸਚੇ ਨਤ੍ਥਿ, ਤਤੋ ਤੇਨ ਪੁਚ੍ਛਿਤਬ੍ਬਂ ‘‘ਕੋ ਆਯਸ੍ਮਾ ਉਸ੍ਸਹਤਿ ਭਿਕ੍ਖੁਨਿਯੋ ਓਵਦਿਤੁ’’ਨ੍ਤਿ. ਸਚੇ ਕੋਚਿ ਉਸ੍ਸਹਤਿ, ਸੋਪਿ ਚ ਅਟ੍ਠਹਿ ਅਙ੍ਗੇਹਿ ਸਮਨ੍ਨਾਗਤੋ, ਤਂ ਤਤ੍ਥੇਵ ਸਮ੍ਮਨ੍ਨਿਤ੍ਵਾ ਓਵਾਦਪਟਿਗ੍ਗਾਹਕੋ ਵਤ੍ਤਬ੍ਬੋ ‘‘ਇਤ੍ਥਨ੍ਨਾਮੋ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ, ਤਂ ਭਿਕ੍ਖੁਨਿਸਙ੍ਘੋ ਉਪਸਙ੍ਕਮਤੂ’’ਤਿ (ਚੁਲ਼ਵ. ੪੧੩). ਸਚੇ ਪਨ ਕੋਚਿ ਨ ਉਸ੍ਸਹਤਿ, ਪਾਤਿਮੋਕ੍ਖੁਦ੍ਦੇਸਕੇਨ ਵਤ੍ਤਬ੍ਬਂ ‘‘ਨਤ੍ਥਿ ਕੋਚਿ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ, ਪਾਸਾਦਿਕੇਨ ਭਿਕ੍ਖੁਨਿਸਙ੍ਘੋ ਸਮ੍ਪਾਦੇਤੂ’’ਤਿ. ਏਤ੍ਤਾਵਤਾ ਹਿ ਸਿਕ੍ਖਤ੍ਤਯਸਙ੍ਗਹਿਤਂ ਸਕਲਂ ਸਾਸਨਂ ਆਰੋਚਿਤਂ ਹੋਤਿ. ਤੇਨ ਭਿਕ੍ਖੁਨਾ ‘‘ਸਾਧੂ’’ਤਿ ਸਮ੍ਪਟਿਚ੍ਛਿਤ੍ਵਾ ਪਾਟਿਪਦਦਿਵਸੇ ਭਿਕ੍ਖੁਨੀਨਂ ਆਰੋਚੇਤਬ੍ਬਂ.

ਭਿਕ੍ਖੁਨਿਸਙ੍ਘੇਨਾਪਿ ਤਾ ਭਿਕ੍ਖੁਨਿਯੋ ਪੇਸੇਤਬ੍ਬਾ, ਗਚ੍ਛਥ, ਅਯ੍ਯਾ, ਪੁਚ੍ਛਥ ‘‘ਕਿਂ, ਅਯ੍ਯ, ਲਭਤਿ ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ, ਤਾਹਿ ‘‘ਸਾਧੁ, ਅਯ੍ਯੇ’’ਤਿ ਸਮ੍ਪਟਿਚ੍ਛਿਤ੍ਵਾ ਤਂ ਭਿਕ੍ਖੁਂ ਉਪਸਙ੍ਕਮਿਤ੍ਵਾ ਏਵਂ ਵਤ੍ਤਬ੍ਬਂ ‘‘ਕਿਂ, ਅਯ੍ਯ, ਲਭਤਿ ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ. ਤੇਨ ਵਤ੍ਤਬ੍ਬਂ ¶ ‘‘ਨਤ੍ਥਿ ਕੋਚਿ ਭਿਕ੍ਖੁ ਭਿਕ੍ਖੁਨੋਵਾਦਕੋ ਸਮ੍ਮਤੋ, ਪਾਸਾਦਿਕੇਨ ਭਿਕ੍ਖੁਨਿਸਙ੍ਘੋ ਸਮ੍ਪਾਦੇਤੂ’’ਤਿ, ਤਾਹਿ ‘‘ਸਾਧੁ ਅਯ੍ਯਾ’’ਤਿ ਸਮ੍ਪਟਿਚ੍ਛਿਤਬ੍ਬਂ. ਇਦਞ੍ਚ ਏਕਤੋ ਆਗਤਾਨਂ ਦ੍ਵਿਨ੍ਨਂ ਤਿਣ੍ਣਂ ਵਾ ਵਸੇਨ ਵੁਤ੍ਤਂ. ਤਾਸੁ ਪਨ ਏਕਾਯ ਭਿਕ੍ਖੁਨਿਯਾ ਵਤ੍ਤਬ੍ਬਞ੍ਚੇਵ ਸਮ੍ਪਟਿਚ੍ਛਿਤਬ੍ਬਞ੍ਚ, ਇਤਰਾ ਤਸ੍ਸਾ ਸਹਾਯਿਕਾ. ਸਚੇ ਪਨ ਭਿਕ੍ਖੁਸਙ੍ਘੋ ਵਾ ਭਿਕ੍ਖੁਨਿਸਙ੍ਘੋ ਵਾ ਨ ਪੂਰਤਿ ¶ , ਉਭਯਤੋਪਿ ਵਾ ਗਣਮਤ੍ਤਮੇਵ ਪੁਗ੍ਗਲਮਤ੍ਤਂ ਵਾ ਹੋਤਿ.

ਤਤ੍ਰਾਯਂ ¶ ਵਚਨਕ੍ਕਮੋ – ‘‘ਭਿਕ੍ਖੁਨਿਯੋ, ਅਯ੍ਯ, ਭਿਕ੍ਖੁਸਙ੍ਘਸ੍ਸ ਪਾਦੇਵਨ੍ਦਨ੍ਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਨ੍ਤਿ, ਲਭਨ੍ਤੁ ਕਿਰ, ਅਯ੍ਯ, ਭਿਕ੍ਖੁਨਿਯੋ ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਅਹਂ, ਅਯ੍ਯ, ਭਿਕ੍ਖੁਸਙ੍ਘਸ੍ਸ ਪਾਦੇ ਵਨ੍ਦਾਮਿ, ਓਵਾਦੂਪਸਙ੍ਕਮਨਞ੍ਚ ਯਾਚਾਮਿ, ਲਭਾਮਹਂ, ਅਯ੍ਯ, ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਭਿਕ੍ਖੁਨਿਸਙ੍ਘੋ, ਅਯ੍ਯਾ, ਅਯ੍ਯਾਨਂ ਪਾਦੇ ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਲਭਤੁ ਕਿਰ, ਅਯ੍ਯਾ, ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ. ‘‘ਭਿਕ੍ਖੁਨਿਯੋ, ਅਯ੍ਯਾ, ਅਯ੍ਯਾਨਂ ਪਾਦੇ ਵਨ੍ਦਨ੍ਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਨ੍ਤਿ, ਲਭਨ੍ਤੁ ਕਿਰ, ਅਯ੍ਯਾ, ਭਿਕ੍ਖੁਨਿਯੋ ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਅਹਂ, ਅਯ੍ਯਾ, ਅਯ੍ਯਾਨਂ ਪਾਦੇ ਵਨ੍ਦਾਮਿ, ਓਵਾਦੂਪਸਙ੍ਕਮਨਞ੍ਚ ਯਾਚਾਮਿ, ਲਭਾਮਹਂ, ਅਯ੍ਯਾ, ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਭਿਕ੍ਖੁਨਿਸਙ੍ਘੋ, ਅਯ੍ਯ, ਅਯ੍ਯਸ੍ਸ ਪਾਦੇ ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਲਭਤੁ ਕਿਰ, ਅਯ੍ਯ, ਭਿਕ੍ਖੁਨਿਸਙ੍ਘੋ ਓਵਾਦੂਪਸਙ੍ਕਮਨ’’ਨ੍ਤਿ. ‘‘ਭਿਕ੍ਖੁਨਿਯੋ, ਅਯ੍ਯ, ਅਯ੍ਯਸ੍ਸ ਪਾਦੇ ਵਨ੍ਦਨ੍ਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਨ੍ਤਿ, ਲਭਨ੍ਤੁ ਕਿਰ, ਅਯ੍ਯ, ਭਿਕ੍ਖੁਨਿਯੋ ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਅਹਂ, ਅਯ੍ਯ, ਅਯ੍ਯਸ੍ਸ ਪਾਦੇ ਵਨ੍ਦਾਮਿ, ਓਵਾਦੂਪਸਙ੍ਕਮਨਞ੍ਚ ਯਾਚਾਮਿ, ਲਭਾਮਹਂ, ਅਯ੍ਯ, ਓਵਾਦੂਪਸਙ੍ਕਮਨ’’ਨ੍ਤਿ. ਤੇਨਾਪਿ ਭਿਕ੍ਖੁਨਾ ਉਪੋਸਥਕਾਲੇ ਏਵਂ ਵਤ੍ਤਬ੍ਬਂ ‘‘ਭਿਕ੍ਖੁਨਿਯੋ, ਭਨ੍ਤੇ, ਭਿਕ੍ਖੁਸਙ੍ਘਸ੍ਸ ਪਾਦੇ ਵਨ੍ਦਨ੍ਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਨ੍ਤਿ, ਲਭਨ੍ਤੁ ਕਿਰ, ਭਨ੍ਤੇ, ਭਿਕ੍ਖੁਨਿਯੋ ਓਵਾਦੂਪਸਙ੍ਕਮਨ’’ਨ੍ਤਿ, ‘‘ਭਿਕ੍ਖੁਨੀ, ਭਨ੍ਤੇ, ਭਿਕ੍ਖੁਸਙ੍ਘਸ੍ਸ ਪਾਦੇ ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਲਭਤੁ ਕਿਰ, ਭਨ੍ਤੇ, ਭਿਕ੍ਖੁਨੀ ਓਵਾਦੂਪਸਙ੍ਕਮਨ’’ਨ੍ਤਿ. ‘‘ਭਿਕ੍ਖੁਨਿਸਙ੍ਘੋ, ਭਨ੍ਤੇ, ਭਿਕ੍ਖੁਨਿਯੋ, ਭਨ੍ਤੇ, ਭਿਕ੍ਖੁਨੀ ਭਨ੍ਤੇ ਆਯਸ੍ਮਨ੍ਤਾਨਂ ਪਾਦੇ ਵਨ੍ਦਤਿ, ਵਨ੍ਦਨ੍ਤਿ, ਵਨ੍ਦਤਿ, ਓਵਾਦੂਪਸਙ੍ਕਮਨਞ੍ਚ ਯਾਚਤਿ, ਯਾਚਨ੍ਤਿ, ਯਾਚਤਿ, ਲਭਤੁ ਕਿਰ, ਭਨ੍ਤੇ, ਭਿਕ੍ਖੁਨਿਸਙ੍ਘੋ, ਲਭਨ੍ਤੁ ਕਿਰ, ਭਨ੍ਤੇ, ਭਿਕ੍ਖੁਨਿਯੋ, ਲਭਤੁ ਕਿਰ, ਭਨ੍ਤੇ, ਭਿਕ੍ਖੁਨੀ ਓਵਾਦੂਪਸਙ੍ਕਮਨ’’ਨ੍ਤਿ. ਉਪੋਸਥਗ੍ਗੇਪਿ ਪਾਤਿਮੋਕ੍ਖੁਦ੍ਦੇਸਕੇਨ ਵਾ ਞਤ੍ਤਿਟ੍ਠਪਕੇਨ ਵਾ ਇਤਰੇਨ ਵਾ ਭਿਕ੍ਖੁਨਾ ਸਚੇ ਸਮ੍ਮਤੋ ਭਿਕ੍ਖੁ ਅਤ੍ਥਿ, ਪੁਰਿਮਨਯੇਨੇਵ ‘‘ਤਂ ਭਿਕ੍ਖੁਨਿਸਙ੍ਘੋ, ਤਂ ਭਿਕ੍ਖੁਨਿਯੋ, ਤਂ ਭਿਕ੍ਖੁਨੀ ਉਪਸਙ੍ਕਮਤੁ, ਉਪਸਙ੍ਕਮਨ੍ਤੁ, ਉਪਸਙ੍ਕਮਤੂ’’ਤਿ ਵਤ੍ਤਬ੍ਬਂ. ਸਚੇ ਨਤ੍ਥਿ, ‘‘ਪਾਸਾਦਿਕੇਨ ਭਿਕ੍ਖੁਨਿਸਙ੍ਘੋ, ਭਿਕ੍ਖੁਨਿਯੋ, ਭਿਕ੍ਖੁਨੀ ਸਮ੍ਪਾਦੇਤੁ, ਸਮ੍ਪਾਦੇਨ੍ਤੁ, ਸਮ੍ਪਾਦੇਤੂ’’ਤਿ ਵਤ੍ਤਬ੍ਬਂ. ਓਵਾਦਪ੍ਪਟਿਗ੍ਗਾਹਕੇਨ ਪਾਟਿਪਦੇ ਤਂ ਪਚ੍ਚਾਹਰਿਤ੍ਵਾ ਤਥੇਵ ਵਤ੍ਤਬ੍ਬਂ, ਅਯਮੇਤ੍ਥ ਸਙ੍ਖੇਪਵਿਨਿਚ੍ਛਯੋ. ਏਵਂ ਭਿਕ੍ਖੁਨੀਹਿ ਯਾਚਿਤਂ ਓਵਾਦਂ ਆਰੋਚੇਤ੍ਵਾਵ ਉਪੋਸਥੋ ਕਾਤਬ੍ਬੋ. ਤੇਨ ਵੁਤ੍ਤਂ –

‘‘ਛਨ੍ਦਪਾਰਿਸੁਦ੍ਧਿਉਤੁਕ੍ਖਾਨਂ ¶ ¶ ¶ , ਭਿਕ੍ਖੁਗਣਨਾ ਚ ਓਵਾਦੋ;

ਉਪੋਸਥਸ੍ਸ ਏਤਾਨਿ, ‘ਪੁਬ੍ਬਕਿਚ੍ਚ’ਨ੍ਤਿ ਵੁਚ੍ਚਤੀ’’ਤਿ.

ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥਾਤਿ ਅਤ੍ਤਨੋ ਪਰਿਸੁਦ੍ਧਭਾਵਂ ਆਰੋਚੇਥ, ‘‘ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮੀ’’ਤਿਇਦਂ ਪਾਰਿਸੁਦ੍ਧਿਆਰੋਚਨਸ੍ਸ ਕਾਰਣਵਚਨਂ. ‘‘ਨ ਚ, ਭਿਕ੍ਖਵੇ, ਸਾਪਤ੍ਤਿਕੇਨ ਪਾਤਿਮੋਕ੍ਖਂ ਸੋਤਬ੍ਬਂ, ਯੋ ਸੁਣੇਯ੍ਯ ਆਪਤ੍ਤਿ ਦੁਕ੍ਕਟਸ੍ਸਾ’’ਤਿ (ਚੂਲ਼ਵ. ੩੮੬) ਹਿ ਵਚਨਤੋ ਅਪਰਿਸੁਦ੍ਧੇਹਿ ਪਾਤਿਮੋਕ੍ਖਂ ਸੋਤੁਂ ਨ ਵਟ੍ਟਤਿ. ਤੇਨ ਵੁਤ੍ਤਂ – ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥ, ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮੀਤਿ. ਏਤ੍ਥ ਸਿਯਾ ‘‘ਸਙ੍ਘੋ ਉਪੋਸਥਂ ਕਰੇਯ੍ਯ, ਪਾਤਿਮੋਕ੍ਖਂ ਉਦ੍ਦਿਸੇਯ੍ਯਾ’’ਤਿ (ਮਹਾਵ. ੧੩੪) ਵੁਤ੍ਤਤ੍ਤਾ ਇਧਾਪਿ ‘‘ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਤੀ’’ਤਿ ਵਤ੍ਤਬ੍ਬਂ, ਏਵਞ੍ਹਿ ਸਤਿ ਪੁਬ੍ਬੇਨਾਪਰਂ ਸਨ੍ਧਿਯਤੀਤਿ. ਵੁਚ੍ਚਤੇ, ਵਚਨਮਤ੍ਤਮੇਵੇਤਂ ਨ ਸਨ੍ਧਿਯਤਿ, ਲਕ੍ਖਣਤੋ ਪਨ ਸਮੇਤਿ, ਸਙ੍ਘਸ੍ਸ ਸਾਮਗ੍ਗਿਯਾ, ਗਣਸ੍ਸ ਸਾਮਗ੍ਗਿਯਾ, ਪੁਗ੍ਗਲਸ੍ਸ ਉਦ੍ਦੇਸਾ ਸਙ੍ਘਸ੍ਸ ਉਦ੍ਦਿਟ੍ਠਂ ਹੋਤਿ ਪਾਤਿਮੋਕ੍ਖਨ੍ਤਿ ਇਦਞ੍ਹੇਤ੍ਥ ਲਕ੍ਖਣਂ, ਤਸ੍ਮਾ ‘‘ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮੀ’’ਤਿ ਇਦਮੇਵੇਤ੍ਥ ਵਤ੍ਤਬ੍ਬਂ.

ਤਂ ਸਬ੍ਬੇਵ ਸਨ੍ਤਾ ਸਾਧੁਕਂ ਸੁਣੋਮ ਮਨਸਿ ਕਰੋਮਾਤਿ ਨ੍ਤਿ ਪਾਤਿਮੋਕ੍ਖਂ. ਸਬ੍ਬੇਵ ਸਨ੍ਤਾਤਿ ਯਾਵਤਿਕਾ ਤਸ੍ਸਾ ਪਰਿਸਾਯ ਥੇਰਾ ਚ ਨਵਾ ਚ ਮਜ੍ਝਿਮਾ ਚ. ਸਾਧੁਕਂ ਸੁਣੋਮਾਤਿ ਅਟ੍ਠਿਂ ਕਤ੍ਵਾ ਮਨਸਿ ਕਰਿਤ੍ਵਾ ਸੋਤਦ੍ਵਾਰਵਸੇਨ ਸਬ੍ਬਚੇਤਸਾ ਸਮਨ੍ਨਾਹਰਾਮ. ਮਨਸਿ ਕਰੋਮਾਤਿ ਏਕਗ੍ਗਚਿਤ੍ਤਾ ਹੁਤ੍ਵਾ ਚਿਤ੍ਤੇ ਠਪੇਯ੍ਯਾਮ. ਏਤ੍ਥ ਚ ਕਿਞ੍ਚਾਪਿ ‘‘ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮੀ’’ਤਿ ਵੁਤ੍ਤਤ੍ਤਾ ‘‘ਸੁਣੋਥ ਮਨਸਿ ਕਰੋਥਾ’’ਤਿ ਵਤ੍ਤੁਂ ਯੁਤ੍ਤਂ ਵਿਯ ਦਿਸ੍ਸਤਿ, ‘‘ਸਙ੍ਘੋ ਉਪੋਸਥਂ ਕਰੇਯ੍ਯਾ’’ਤਿਇਮਿਨਾ ਪਨ ਨ ਸਮੇਤਿ. ਸਮਗ੍ਗਸ੍ਸ ਹਿ ਸਙ੍ਘਸ੍ਸੇਤਂ ਉਪੋਸਥਕਰਣਂ, ਪਾਤਿਮੋਕ੍ਖੁਦ੍ਦੇਸਕੋ ਚ ਸਙ੍ਘਪਰਿਯਾਪਨ੍ਨੋਵ, ਇਚ੍ਚਸ੍ਸ ਸਙ੍ਘਪਰਿਯਾਪਨ੍ਨਤ੍ਤਾ ‘‘ਸੁਣੋਮ ਮਨਸਿ ਕਰੋਮਾ’’ਤਿ ਇਦਮੇਵ ਵਤ੍ਤੁਂ ਯੁਤ੍ਤਂ.

ਇਦਾਨਿ ਯਂ ਵੁਤ੍ਤਂ ‘‘ਪਾਰਿਸੁਦ੍ਧਿਂ ਆਯਸ੍ਮਨ੍ਤੋ ਆਰੋਚੇਥਾ’’ਤਿ, ਤਤ੍ਥ ਯਥਾ ਪਾਰਿਸੁਦ੍ਧਿਆਰੋਚਨਂ ਹੋਤਿ, ਤਂ ਦਸ੍ਸੇਤੁਂ ਯਸ੍ਸ ਸਿਯਾ ਆਪਤ੍ਤਿ, ਸੋ ਆਵਿਕਰੇਯ੍ਯਾਤਿ ਆਹ. ਤਤ੍ਥ ਯਸ੍ਸ ਸਿਯਾਤਿ ਯਸ੍ਸ ਛਨ੍ਨਂ ਆਕਾਰਾਨਂ ਅਞ੍ਞਤਰੇਨ ਆਪਨ੍ਨਾਪਤ੍ਤਿ ਭਵੇਯ੍ਯ. ਆਪਤ੍ਤਿਞ੍ਹਿ ¶ ਆਪਜ੍ਜਨ੍ਤੋ ਅਲਜ੍ਜਿਤਾ, ਅਞ੍ਞਾਣਤਾ, ਕੁਕ੍ਕੁਚ੍ਚਪ੍ਪਕਤਤਾ, ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾ, ਕਪ੍ਪਿਯੇ ਅਕਪ੍ਪਿਯਸਞ੍ਞਿਤਾ, ਸਤਿਸਮ੍ਮੋਸਾਤਿ ਇਮੇਹਿ ਛਹਾਕਾਰੇਹਿ (ਪਰਿ. ੨੯੫) ਆਪਜ੍ਜਤਿ.

ਕਥਂ ਅਲਜ੍ਜਿਤਾਯ ਆਪਜ੍ਜਤਿ? ਅਕਪ੍ਪਿਯਭਾਵਂ ਜਾਨਨ੍ਤੋਯੇਵ ਮਦ੍ਦਿਤ੍ਵਾ ਵੀਤਿਕ੍ਕਮਂ ਕਰੋਤਿ.

‘‘ਸਞ੍ਚਿਚ੍ਚ ਆਪਤ੍ਤਿਂ ਆਪਜ੍ਜਤਿ, ਆਪਤ੍ਤਿਂ ਪਰਿਗੂਹਤਿ;

ਅਗਤਿਗਮਨਞ੍ਚ ਗਚ੍ਛਤਿ, ਏਦਿਸੋ ਵੁਚ੍ਚਤਿ ਅਲਜ੍ਜਿਪੁਗ੍ਗਲੋ’’ਤਿ. (ਪਰਿ. ੩੫੯);

ਕਥਂ ਅਞ੍ਞਾਣਤਾਯ ਆਪਜ੍ਜਤਿ? ਅਞ੍ਞਾਣਪੁਗ੍ਗਲੋ ਹਿ ਮਨ੍ਦੋ ਮੋਮੂਹੋ ਕਤ੍ਤਬ੍ਬਾਕਤ੍ਤਬ੍ਬਂ ਅਜਾਨਨ੍ਤੋ ਅਕਤ੍ਤਬ੍ਬਂ ਕਰੋਤਿ, ਕਤ੍ਤਬ੍ਬਂ ਵਿਰਾਧੇਤਿ, ਏਵਂ ਅਞ੍ਞਾਣਤਾਯ ਆਪਜ੍ਜਤਿ.

ਕਥਂ ਕੁਕ੍ਕੁਚ੍ਚਪ੍ਪਕਤਤਾਯ ਆਪਜ੍ਜਤਿ? ਕਪ੍ਪਿਯਾਕਪ੍ਪਿਯਂ ¶ ਨਿਸ੍ਸਾਯ ਕੁਕ੍ਕੁਚ੍ਚੇ ਉਪ੍ਪਨ੍ਨੇ ਵਿਨਯਧਰਂ ਪੁਚ੍ਛਿਤ੍ਵਾ ਕਪ੍ਪਿਯਂ ਚੇ, ਕਤ੍ਤਬ੍ਬਂ ਸਿਯਾ, ਅਕਪ੍ਪਿਯਂ ਚੇ, ਨ ਕਤ੍ਤਬ੍ਬਂ, ਅਯਂ ਪਨ ‘‘ਵਟ੍ਟਤੀ’’ਤਿ ਮਦ੍ਦਿਤ੍ਵਾ ਵੀਤਿਕ੍ਕਮਤਿਯੇਵ, ਏਵਂ ਕੁਕ੍ਕੁਚ੍ਚਪ੍ਪਕਤਤਾਯ ਆਪਜ੍ਜਤਿ.

ਕਥਂ ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾਯ ਆਪਜ੍ਜਤਿ? ਅਚ੍ਛਮਂਸਂ ‘‘ਸੂਕਰਮਂਸ’’ਨ੍ਤਿ ਖਾਦਤਿ, ਵਿਕਾਲੇ ਕਾਲਸਞ੍ਞਾਯ ਭੁਞ੍ਜਤਿ, ਏਵਂ ਅਕਪ੍ਪਿਯੇ ਕਪ੍ਪਿਯਸਞ੍ਞਿਤਾਯ ਆਪਜ੍ਜਤਿ.

ਕਥਂ ਕਪ੍ਪਿਯੇ ਅਕਪ੍ਪਿਯਸਞ੍ਞਿਤਾਯ ਆਪਜ੍ਜਤਿ? ਸੂਕਰਮਂਸਂ ‘‘ਅਚ੍ਛਮਂਸ’’ਨ੍ਤਿ ਖਾਦਤਿ, ਕਾਲੇ ਵਿਕਾਲਸਞ੍ਞਾਯ ਭੁਞ੍ਜਤਿ, ਏਵਂ ਕਪ੍ਪਿਯੇ ਅਕਪ੍ਪਿਯਸਞ੍ਞਿਤਾਯ ਆਪਜ੍ਜਤਿ.

ਕਥਂ ਸਤਿਸਮ੍ਮੋਸਾ ਆਪਜ੍ਜਤਿ? ਸਹਸੇਯ੍ਯਚੀਵਰਵਿਪ੍ਪਵਾਸਾਦੀਨਿ ਸਤਿਸਮ੍ਮੋਸਾ ਆਪਜ੍ਜਤਿ, ਇਤਿ ਇਮੇਸਂ ਛਨ੍ਨਂ ਆਕਾਰਾਨਂ ਅਞ੍ਞਤਰੇਨ ਆਕਾਰੇਨ ਆਪਨ੍ਨਾ ਯਸ੍ਸ ਸਿਯਾ ਸਤ੍ਤਨ੍ਨਂ ਆਪਤ੍ਤਿਕ੍ਖਨ੍ਧਾਨਂ ਅਞ੍ਞਤਰਾ ਆਪਤ੍ਤਿ ਥੇਰਸ੍ਸ ਵਾ ਨਵਸ੍ਸ ਵਾ ਮਜ੍ਝਿਮਸ੍ਸ ਵਾਤਿ ਅਤ੍ਥੋ.

ਸੋ ਆਵਿਕਰੇਯ੍ਯਾਤਿ ਸੋ ਤਂ ਆਪਤ੍ਤਿਂ ਦੇਸੇਤੁ ਵਾ ਪਕਾਸੇਤੁ ਵਾਤਿ ਵੁਤ੍ਤਂ ਹੋਤਿ. ਅਸਨ੍ਤਿਯਾ ਆਪਤ੍ਤਿਯਾਤਿ ਯਸ੍ਸ ਪਨ ਏਵਂ ਅਨਾਪਨ੍ਨਾ ਵਾ ਆਪਤ੍ਤਿਂ ¶ ਆਪਜ੍ਜਿਤ੍ਵਾ ਚ ਪਨ ਵੁਟ੍ਠਿਤਾ ਵਾ ਦੇਸਿਤਾ ਵਾ ਆਰੋਚਿਤਾ ਵਾ ਆਪਤ੍ਤਿ, ਤਸ੍ਸ ਸਾ ਆਪਤ੍ਤਿ ਅਸਨ੍ਤੀ ਨਾਮ ਹੋਤਿ, ਏਵਂ ਅਸਨ੍ਤਿਯਾ ਆਪਤ੍ਤਿਯਾ ਤੁਣ੍ਹੀ ਭਵਿਤਬ੍ਬਂ. ਤੁਣ੍ਹੀਭਾਵੇਨ ਖੋ ਪਨਾਯਸ੍ਮਨ੍ਤੇ ‘‘ਪਰਿਸੁਦ੍ਧਾ’’ਤਿ ਵੇਦਿਸ੍ਸਾਮੀਤਿ ਤੁਣ੍ਹੀਭਾਵੇਨਾਪਿ ਹਿ ਕਾਰਣੇਨ ਅਹਂ ਆਯਸ੍ਮਨ੍ਤੇ ‘‘ਪਰਿਸੁਦ੍ਧਾ’’ਇਚ੍ਚੇਵ ਜਾਨਿਸ੍ਸਾਮੀਤਿ. ਯਥਾ ਖੋ ਪਨ ਪਚ੍ਚੇਕਪੁਟ੍ਠਸ੍ਸ ਵੇਯ੍ਯਾਕਰਣਂ ਹੋਤੀਤਿ ਯਥਾ ਏਕੇਨੇਕੋ ਪੁਟ੍ਠੋ ਬ੍ਯਾਕਰੇਯ੍ਯ, ਯਥਾ ਏਕੇਨੇਕੋ ਪਚ੍ਚੇਕਪੁਟ੍ਠੋ ‘‘ਮਂ ਏਸ ਪੁਚ੍ਛਤੀ’’ਤਿ ਞਤ੍ਵਾ ਬ੍ਯਾਕਰੇਯ੍ਯਾਤਿ ਵੁਤ੍ਤਂ ਹੋਤਿ.

ਏਵਮੇਵਂ ¶ ਏਵਰੂਪਾਯ ਪਰਿਸਾਯ ਯਾਵਤਤਿਯਂ ਅਨੁਸਾਵਿਤਂ ਹੋਤੀਤਿ ਏਤ੍ਥ ਏਕਚ੍ਚੇ ਤਾਵ ਆਚਰਿਯਾ ਏਵਂ ਵਦਨ੍ਤਿ ‘‘ਏਵਮੇਵਂ ਇਮਿਸ੍ਸਾਯ ਭਿਕ੍ਖੁਪਰਿਸਾਯ ਯਦੇਤਂ ‘ਯਸ੍ਸ ਸਿਯਾ ਆਪਤ੍ਤਿ, ਸੋ ਆਵਿਕਰੇਯ੍ਯ, ਅਸਨ੍ਤਿਯਾ ਆਪਤ੍ਤਿਯਾ ਤੁਣ੍ਹੀ ਭਵਿਤਬ੍ਬਂ, ਤੁਣ੍ਹੀਭਾਵੇਨ ਖੋ ਪਨਾਯਸ੍ਮਨ੍ਤੇ ਪਰਿਸੁਦ੍ਧਾਤਿ ਵੇਦਿਸ੍ਸਾਮੀ’ਤਿ ਤਿਕ੍ਖਤ੍ਤੁਂ ਅਨੁਸਾਵਿਤਂ, ਤਂ ਏਕਮੇਕੇਨ ‘ਮਂ ਏਸ ਪੁਚ੍ਛਤੀ’ਤਿ ਏਵਂ ਜਾਨਿਤਬ੍ਬਂ ਹੋਤੀਤਿ ਅਤ੍ਥੋ’’ਤਿ. ਤਂ ਨ ਯੁਜ੍ਜਤਿ, ਕਸ੍ਮਾ? ਅਤ੍ਥਬ੍ਯਞ੍ਜਨਭੇਦਤੋ. ਅਨੁਸ੍ਸਾਵਨਞ੍ਹਿ ਨਾਮ ਅਤ੍ਥਤੋ ਚ ਬ੍ਯਞ੍ਜਨਤੋ ਚ ਅਭਿਨ੍ਨਂ ਹੋਤਿ ‘‘ਦੁਤਿਯਮ੍ਪਿ ਏਤਮਤ੍ਥਂ ਵਦਾਮੀ’’ਤਿਆਦੀਸੁ (ਮਹਾਵ. ੭੨; ਚੂਲ਼ਵ. ੩) ਵਿਯ, ‘‘ਯਸ੍ਸ ਸਿਯਾ’’ਤਿਆਦਿਵਚਨਤ੍ਤਯਂ ਪਨ ਅਤ੍ਥਤੋਪਿ ਬ੍ਯਞ੍ਜਨਤੋਪਿ ਭਿਨ੍ਨਂ, ਤੇਨਸ੍ਸ ਅਨੁਸ੍ਸਾਵਨਤ੍ਤਯਂ ਨ ਯੁਜ੍ਜਤਿ. ਯਦਿ ਚੇਤਂ ਯਾਵਤਤਿਯਾਨੁਸ੍ਸਾਵਨਂ ਸਿਯਾ, ਨਿਦਾਨੁਦ੍ਦੇਸੇ ਅਨਿਟ੍ਠਿਤੇਪਿ ਆਪਤ੍ਤਿ ਸਿਯਾ. ਨ ਚ ਯੁਤ੍ਤਂ ਅਨਾਪਤ੍ਤਿਕ੍ਖੇਤ੍ਤੇ ਆਪਤ੍ਤਿਂ ਆਪਜ੍ਜਿਤੁਂ.

ਅਪਰੇ ‘‘ਅਨੁਸਾਵਿਤ’’ਨ੍ਤਿਪਦਸ੍ਸ ਅਨੁਸਾਵੇਤਬ੍ਬਨ੍ਤਿ ਅਤ੍ਥਂ ਵਿਕਪ੍ਪੇਤ੍ਵਾ ‘‘ਯਾਵਤਤਿਯ’’ਨ੍ਤਿਇਦਂ ਉਪਰਿ ਉਦ੍ਦੇਸਾਵਸਾਨੇ ‘‘ਕਚ੍ਚਿਤ੍ਥ ਪਰਿਸੁਦ੍ਧਾ…ਪੇ… ਤਤਿਯਮ੍ਪਿ ਪੁਚ੍ਛਾਮੀ’’ਤਿ ਏਤਂ ਸਨ੍ਧਾਯ ਵੁਤ੍ਤਨ੍ਤਿ ਆਹੁ. ਤਮ੍ਪਿ ਨ ਯੁਜ੍ਜਤਿ, ਕਸ੍ਮਾ? ਅਤ੍ਥਯੁਤ੍ਤੀਨਂ ਅਭਾਵਤੋ. ਇਦਞ੍ਹਿ ਪਦਂ ਕੇਚਿ ‘‘ਅਨੁਸਾਵੇਤ’’ਨ੍ਤਿ ਸਜ੍ਝਾਯਨ੍ਤਿ, ਕੇਚਿ ‘‘ਅਨੁਸਾਵੇਤ’’ਨ੍ਤਿ, ਤਂ ਉਭਯਂ ਵਾਪਿ ਅਤੀਤਕਾਲਮੇਵ ਦੀਪੇਤਿ, ਨ ਅਨਾਗਤਂ. ਯਦਿ ਚਸ੍ਸ ਅਯਂ ਅਤ੍ਥੋ ਸਿਯਾ, ‘‘ਅਨੁਸਾਵਿਤਂ ਹੇਸ੍ਸਤੀ’’ਤਿ ਵਦੇਯ੍ਯ ¶ , ਏਵਂ ਤਾਵ ਅਤ੍ਥਾਭਾਵਤੋ ਨ ਯੁਜ੍ਜਤਿ. ਯਦਿ ਚੇਤਂ ਉਦ੍ਦੇਸਾਵਸਾਨੇ ਵਚਨਂ ਸਨ੍ਧਾਯ ਵੁਤ੍ਤਂ ਸਿਯਾ, ‘‘ਨ ਆਵਿਕਰਿਸ੍ਸਾਮੀ’’ਤਿ ਚਿਤ੍ਤਂ ਉਪ੍ਪਾਦੇਨ੍ਤਸ੍ਸ ਨਿਦਾਨੇ ਸਮਤ੍ਤੇਪਿ ਵੁਤ੍ਤਮੁਸਾਵਾਦੋ ਨ ਸਿਯਾ, ਕਸ੍ਮਾ? ‘‘ਯਾਵਤਤਿਯਂ ਅਨੁਸ੍ਸਾਵਿਯਮਾਨੇ’’ਤਿਵਚਨਤੋ (ਮਹਾਵ. ੧੩੪) ‘‘ਯਾਵਤਤਿਯ’’ਨ੍ਤਿ ਇਦਂ ਵਚਨਮੇਵ ¶ ਨਿਰਤ੍ਥਕਂ ਸਿਯਾ, ਕਸ੍ਮਾ? ਨਿਦਾਨੁਦ੍ਦੇਸੇ ਯਾਵਤਤਿਯਾਨੁਸ੍ਸਾਵਨਸ੍ਸ ਅਭਾਵਤੋਤਿ ਏਵਂ ਯੁਤ੍ਤਿਅਭਾਵਤੋ ਤਮ੍ਪਿ ਨ ਯੁਜ੍ਜਤਿ. ‘‘ਯਾਵਤਤਿਯਂ ਅਨੁਸਾਵਿਤਂ ਹੋਤੀ’’ਤਿ ਇਦਂ ਪਨ ਲਕ੍ਖਣਵਚਨਮਤ੍ਤਂ, ਤੇਨ ਇਮਮਤ੍ਥਂ ਦਸ੍ਸੇਤਿ – ਇਦਂ ਪਾਤਿਮੋਕ੍ਖਂ ਨਾਮ ਯਾਵਤਤਿਯਂ ਅਨੁਸ੍ਸਾਵਿਯਤਿ, ਤਸ੍ਮਿਂ ਯਾਵਤਤਿਯਂ ਅਨੁਸ੍ਸਾਵਿਯਮਾਨੇ ਯੋ ਸਰਮਾਨੋ ਸਨ੍ਤਿਂ ਆਪਤ੍ਤਿਂ ਨਾਵਿਕਰੋਤਿ, ਤਸ੍ਸ ਯਾਵਤਤਿਯਾਨੁਸ੍ਸਾਵਨਾਵਸਾਨੇ ਸਮ੍ਪਜਾਨਮੁਸਾਵਾਦੋ ਹੋਤੀਤਿ.

ਤਦੇਤਂ ਯਥਾ ਅਨੁਸਾਵਿਤਂ ਯਾਵਤਤਿਯਂ ਅਨੁਸਾਵਿਤਂ ਨਾਮ ਹੋਤਿ, ਤਂ ਦਸ੍ਸੇਤੁਂ ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮੀਤਿਆਦਿ ਵੁਤ੍ਤਂ. ਤਂ ਪਨੇਤਂ ਪਾਰਾਜਿਕਾਦੀਨਂ ਅਵਸਾਨੇ ਦਿਸ੍ਸਤਿ, ਨ ਨਿਦਾਨਾਵਸਾਨੇ. ਕਿਞ੍ਚਾਪਿ ਨ ਦਿਸ੍ਸਤਿ, ਅਥ ਖੋ ਉਦ੍ਦੇਸਕਾਲੇ ‘‘ਆਵਿਕਤਾ ਹਿਸ੍ਸ ਫਾਸੁ ਹੋਤੀ’’ਤਿ ਵਤ੍ਵਾ ‘‘ਉਦ੍ਦਿਟ੍ਠਂ ਖੋ ਆਯਸ੍ਮਨ੍ਤੋ ਨਿਦਾਨਂ, ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮੀ’’ਤਿਆਦਿਨਾ ਨਯੇਨ ਵਤ੍ਤਬ੍ਬਮੇਵ. ਏਵਞ੍ਹਿ ਨਿਦਾਨਂ ਸੁਉਦ੍ਦਿਟ੍ਠਂ ਹੋਤਿ, ਅਞ੍ਞਥਾ ਦੁਉਦ੍ਦਿਟ੍ਠਂ. ਇਮਮੇਵ ਚ ਅਤ੍ਥਂ ਸਨ੍ਧਾਯ ਉਪੋਸਥਕ੍ਖਨ੍ਧਕੇ ਵੁਤ੍ਤਂ ‘‘ਯਾਵਤਤਿਯਂ ਅਨੁਸਾਵਿਤਂ ¶ ਹੋਤੀਤਿ ਸਕਿਮ੍ਪਿ ਅਨੁਸਾਵਿਤਂ ਹੋਤਿ, ਦੁਤਿਯਮ੍ਪਿ ਅਨੁਸਾਵਿਤਂ ਹੋਤਿ, ਤਤਿਯਮ੍ਪਿ ਅਨੁਸਾਵਿਤਂ ਹੋਤੀ’’ਤਿ (ਮਹਾਵ. ੧੩੪). ਅਯਮੇਤ੍ਥ ਆਚਰਿਯਪਰਮ੍ਪਰਾਭਤੋ ਵਿਨਿਚ੍ਛਯੋ.

ਯੋ ਪਨ ਭਿਕ੍ਖੁ…ਪੇ… ਸਮ੍ਪਜਾਨਮੁਸਾਵਾਦਸ੍ਸ ਹੋਤੀਤਿ ਸਮ੍ਪਜਾਨਮੁਸਾਵਾਦੋ ਅਸ੍ਸ ਹੋਤਿ, ਤੇਨਸ੍ਸ ਦੁਕ੍ਕਟਾਪਤ੍ਤਿ ਹੋਤਿ, ਸਾ ਚ ਖੋ ਪਨ ਨ ਮੁਸਾਵਾਦਲਕ੍ਖਣੇਨ, ‘‘ਸਮ੍ਪਜਾਨਮੁਸਾਵਾਦੇ ਕਿਂ ਹੋਤਿ, ਦੁਕ੍ਕਟਂ ਹੋਤੀ’’ਤਿ (ਮਹਾਵ. ੧੩੫) ਇਮਿਨਾ ਪਨ ਭਗਵਤੋ ਵਚਨੇਨ ਵਚੀਦ੍ਵਾਰੇ ਅਕਿਰਿਯਸਮੁਟ੍ਠਾਨਾਪਤ੍ਤਿ ਹੋਤੀਤਿ ਵੇਦਿਤਬ੍ਬਾ.

ਪਞ੍ਹਾਮੇਸਾ ਕੁਸਲੇਹਿ ਚਿਨ੍ਤਿਤਾ’’ਤਿ. (ਪਰਿ. ੪੭੯);

ਅਨ੍ਤਰਾਯਿਕੋਤਿ ¶ ਵਿਪ੍ਪਟਿਸਾਰਵਤ੍ਥੁਤਾਯ ਪਾਮੋਜ੍ਜਾਦਿਸਮ੍ਭਵਂ ਨਿਵਾਰੇਤ੍ਵਾ ਪਠਮਜ੍ਝਾਨਾਦੀਨਂ ਅਧਿਗਮਾਯ ਅਨ੍ਤਰਾਯਂ ਕਰੋਤਿ. ਤਸ੍ਮਾਤਿ ਯਸ੍ਮਾ ਅਯਂ ਅਨਾਵਿਕਰਣਸਙ੍ਖਾਤੋ ਸਮ੍ਪਜਾਨਮੁਸਾਵਾਦੋ ਅਨ੍ਤਰਾਯਿਕੋ ਹੋਤਿ, ਤਸ੍ਮਾ. ਸਰਮਾਨੇਨਾਤਿ ਅਤ੍ਤਨਿ ਸਨ੍ਤਿਂ ਆਪਤ੍ਤਿਂ ਜਾਨਨ੍ਤੇਨ. ਵਿਸੁਦ੍ਧਾਪੇਕ੍ਖੇਨਾਤਿ ਵੁਟ੍ਠਾਤੁਕਾਮੇਨ ਵਿਸੁਜ੍ਝਿਤੁਕਾਮੇਨ. ਸਨ੍ਤੀ ਆਪਤ੍ਤੀਤਿ ਆਪਜ੍ਜਿਤ੍ਵਾ ਅਵੁਟ੍ਠਿਤਾ ਆਪਤ੍ਤਿ. ਆਵਿਕਾਤਬ੍ਬਾਤਿ ਸਙ੍ਘਮਜ੍ਝੇ ਵਾ ਗਣਮਜ੍ਝੇ ਵਾ ਏਕਪੁਗ੍ਗਲੇ ਵਾ ਪਕਾਸੇਤਬ੍ਬਾ, ਅਨ੍ਤਮਸੋ ਅਨਨ੍ਤਰਸ੍ਸਾਪਿ ਭਿਕ੍ਖੁਨੋ ‘‘ਅਹਂ, ਆਵੁਸੋ, ਇਤ੍ਥਨ੍ਨਾਮਂ ਆਪਤ੍ਤਿਂ ਆਪਨ੍ਨੋ, ਇਤੋ ਵੁਟ੍ਠਹਿਤ੍ਵਾ ¶ ਤਂ ਆਪਤ੍ਤਿਂ ਪਟਿਕਰਿਸ੍ਸਾਮੀ’’ਤਿ (ਮਹਾਵ. ੧੭੦) ਵਤ੍ਤਬ੍ਬਂ. ਸਚੇਪਿ ਵੇਮਤਿਕੋ ਹੋਤਿ, ‘‘ਅਹਂ, ਆਵੁਸੋ, ਇਤ੍ਥਨ੍ਨਾਮਾਯ ਆਪਤ੍ਤਿਯਾ ਵੇਮਤਿਕੋ, ਯਦਾ ਨਿਬ੍ਬੇਮਤਿਕੋ ਭਵਿਸ੍ਸਾਮਿ, ਤਦਾ ਤਂ ਆਪਤ੍ਤਿਂ ਪਟਿਕਰਿਸ੍ਸਾਮੀ’’ਤਿ (ਮਹਾਵ. ੧੬੯) ਵਤ੍ਤਬ੍ਬਂ. ਆਵਿਕਤਾ ਹਿਸ੍ਸ ਫਾਸੁ ਹੋਤੀਤਿਏਤ੍ਥ ਆਵਿਕਤਾਤਿ ਆਵਿਕਤਾਯ, ਪਕਾਸਿਤਾਯਾਤਿ ਅਤ੍ਥੋ. ਅਲਜ੍ਜਿਤਾਤਿਆਦੀਸੁ (ਪਰਿ. ੨੯੫) ਵਿਯ ਹਿ ਇਦਮ੍ਪਿ ਕਰਣਤ੍ਥੇ ਪਚ੍ਚਤ੍ਤਵਚਨਂ. ਹੀਤਿ ਨਿਪਾਤਮਤ੍ਤਂ. ਅਸ੍ਸਾਤਿ ਏਤਸ੍ਸ ਭਿਕ੍ਖੁਨੋ. ਫਾਸੁ ਹੋਤੀਤਿ ਪਠਮਜ੍ਝਾਨਾਦੀਨਂ ਅਧਿਗਮਾਯ ਫਾਸੁ ਹੋਤਿ, ਅਵਿਪ੍ਪਟਿਸਾਰਮੂਲਕਾਨਂ ਪਾਮੋਜ੍ਜਾਦੀਨਂ ਵਸੇਨ ਸੁਖਪ੍ਪਟਿਪਦਾ ਸਮ੍ਪਜ੍ਜਤੀਤਿ ਅਤ੍ਥੋ.

ਇਤਿ ਕਙ੍ਖਾਵਿਤਰਣਿਯਾ ਪਾਤਿਮੋਕ੍ਖਵਣ੍ਣਨਾਯ

ਇਦਾਨਿ ¶ ¶ ਯਦੇਤਂ ਨਿਦਾਨਾਨਨ੍ਤਰਂ ਤਤ੍ਰਿਮੇ ਚਤ੍ਤਾਰੋਤਿਆਦਿ ਪਾਰਾਜਿਕਕਣ੍ਡਂ, ਤਤ੍ਥ ਤਤ੍ਰਾਤਿ ਤਸ੍ਮਿਂ ‘‘ਪਾਤਿਮੋਕ੍ਖਂ ਉਦ੍ਦਿਸਿਸ੍ਸਾਮੀ’’ਤਿ ਏਵਂ ਵੁਤ੍ਤੇ ਪਾਤਿਮੋਕ੍ਖੇ. ਇਮੇਤਿ ਇਦਾਨਿ ਵਤ੍ਤਬ੍ਬਾਨਂ ਅਭਿਮੁਖੀਕਰਣਂ. ਚਤ੍ਤਾਰੋਤਿ ਗਣਨਪਰਿਚ੍ਛੇਦੋ. ਪਾਰਾਜਿਕਾਤਿ ਏਵਂਨਾਮਕਾ. ਧਮ੍ਮਾਤਿ ਆਪਤ੍ਤਿਯੋ. ਉਦ੍ਦੇਸਂ ਆਗਚ੍ਛਨ੍ਤੀਤਿ ਸਰੂਪੇਨ ਉਦ੍ਦਿਸਿਤਬ੍ਬਤਂ ਆਗਚ੍ਛਨ੍ਤਿ, ਨ ਨਿਦਾਨੇ ਵਿਯ ‘‘ਯਸ੍ਸ ਸਿਯਾ ਆਪਤ੍ਤੀ’’ਤਿ ਸਾਧਾਰਣਵਚਨਮਤ੍ਤੇਨ.

ਯੋ ਪਨਾਤਿ ਰਸ੍ਸਦੀਘਾਦਿਨਾ ਲਿਙ੍ਗਾਦਿਭੇਦੇਨ ਯੋ ਕੋਚਿ. ਭਿਕ੍ਖੂਤਿ ਏਹਿਭਿਕ੍ਖੁਉਪਸਮ੍ਪਦਾ, ਸਰਣਗਮਨੂਪਸਮ੍ਪਦਾ, ਓਵਾਦਪ੍ਪਟਿਗ੍ਗਹਣੂਪਸਮ੍ਪਦਾ, ਪਞ੍ਹਾਬ੍ਯਾਕਰਣੂਪਸਮ੍ਪਦਾ, ਅਟ੍ਠਗਰੁਧਮ੍ਮਪ੍ਪਟਿਗ੍ਗਹਣੂਪਸਮ੍ਪਦਾ, ਦੂਤੇਨੂਪਸਮ੍ਪਦਾ, ਅਟ੍ਠਵਾਚਿਕੂਪਸਮ੍ਪਦਾ, ਞਤ੍ਤਿਚਤੁਤ੍ਥਕਮ੍ਮੂਪਸਮ੍ਪਦਾਤਿ ਇਮਾਸੁ ਅਟ੍ਠਸੁ ਉਪਸਮ੍ਪਦਾਸੁ ਞਤ੍ਤਿਚਤੁਤ੍ਥੇਨ ਉਪਸਮ੍ਪਦਾਕਮ੍ਮੇਨ ਅਕੁਪ੍ਪੇਨ ਠਾਨਾਰਹੇਨ ਉਪਸਮ੍ਪਨ੍ਨੋ. ਤਸ੍ਸ ਪਨ ਕਮ੍ਮਸ੍ਸ ਵਤ੍ਥੁਞਤ੍ਤਿਅਨੁਸ੍ਸਾਵਨ ਸੀਮਾ ਪਰਿਸਾਸਮ੍ਪਤ੍ਤਿਵਸੇਨ ਅਕੁਪ੍ਪਤਾ ਵੇਦਿਤਬ੍ਬਾ.

ਤਤ੍ਥ ਵਤ੍ਥੂਤਿ ਉਪਸਮ੍ਪਦਾਪੇਕ੍ਖੋ ਪੁਗ੍ਗਲੋ, ਸੋ ਠਪੇਤ੍ਵਾ ਊਨਵੀਸਤਿਵਸ੍ਸਂ ਅਨ੍ਤਿਮਵਤ੍ਥੁਅਜ੍ਝਾਪਨ੍ਨਪੁਬ੍ਬਂ, ਪਣ੍ਡਕਾਦਯੋ ਚ ਏਕਾਦਸ ਅਭਬ੍ਬਪੁਗ੍ਗਲੇ ਵੇਦਿਤਬ੍ਬੋ. ਤਤ੍ਥ ਊਨਵੀਸਤਿਵਸ੍ਸੋ ਨਾਮ ਪਟਿਸਨ੍ਧਿਗ੍ਗਹਣਤੋ ਪਟ੍ਠਾਯ ਅਪਰਿਪੁਣ੍ਣਵੀਸਤਿਵਸ੍ਸੋ. ਅਨ੍ਤਿਮਵਤ੍ਥੁਅਜ੍ਝਾਪਨ੍ਨਪੁਬ੍ਬੋ ਨਾਮ ਚਤੁਨ੍ਨਂ ਪਾਰਾਜਿਕਾਨਂ ਅਞ੍ਞਤਰਂ ਅਜ੍ਝਾਪਨ੍ਨਪੁਬ੍ਬੋ. ਪਣ੍ਡਕਾਦਯੋ ਵਜ੍ਜਨੀਯਪੁਗ੍ਗਲਕਥਾਯਂ ਵੁਤ੍ਤਾ. ਤੇਸੁ ਆਸਿਤ੍ਤਪਣ੍ਡਕਞ੍ਚ ਉਸੂਯਪਣ੍ਡਕਞ੍ਚ ਠਪੇਤ੍ਵਾ ਓਪਕ੍ਕਮਿਕਪਣ੍ਡਕੋ ਨਪੁਂਸਕਪਣ੍ਡਕੋ ਪਣ੍ਡਕਭਾਵਪਕ੍ਖੇ ਠਿਤੋ ਪਕ੍ਖਪਣ੍ਡਕੋ ਚ ਇਧ ਅਧਿਪ੍ਪੇਤੋ.

ਥੇਯ੍ਯਸਂਵਾਸਕੋ ਪਨ ਤਿਵਿਧੋ ਲਿਙ੍ਗਤ੍ਥੇਨਕੋ ਸਂਵਾਸਤ੍ਥੇਨਕੋ ਉਭਯਤ੍ਥੇਨਕੋਤਿ. ਤਤ੍ਥ ਯੋ ਸਯਂ ਪਬ੍ਬਜਿਤ੍ਵਾ ¶ ਨ ਭਿਕ੍ਖੁਵਸ੍ਸਾਨਿ ਗਣੇਤਿ, ਨ ਯਥਾਵੁਡ੍ਢਂ ਭਿਕ੍ਖੂਨਂ ਵਾ ਸਾਮਣੇਰਾਨਂ ¶ ਵਾ ਵਨ੍ਦਨਂ ਸਾਦਿਯਤਿ, ਨ ਆਸਨੇਨ ਪਟਿਬਾਹਤਿ, ਨ ਉਪੋਸਥਾਦੀਸੁ ਸਨ੍ਦਿਸ੍ਸਤਿ, ਅਯਂ ਅਸੁਦ੍ਧਚਿਤ੍ਤਤਾਯ ਲਿਙ੍ਗਮਤ੍ਤਸ੍ਸੇਵ ਥੇਨਿਤਤ੍ਤਾ ਲਿਙ੍ਗਤ੍ਥੇਨਕੋ ਨਾਮ. ਯੋ ਪਨ ਭਿਕ੍ਖੂਹਿ ਪਬ੍ਬਜਿਤੋ ਸਾਮਣੇਰੋ ਸਮਾਨੋ ਕਾਸਾਯਾਨਿ ਅਪਨੇਤ੍ਵਾ ਤੇਸੁ ਸਉਸ੍ਸਾਹੋਵ ¶ ਮੇਥੁਨਂ ਧਮ੍ਮਂ ਪਟਿਸੇਵਿਤ੍ਵਾ ਪੁਨ ਨਿਵਾਸੇਤ੍ਵਾ ਸਾਮਣੇਰਭਾਵਂ ਪਟਿਜਾਨਾਤਿ, ਅਯਂ ਭਿਕ੍ਖੂਹਿ ਦਿਨ੍ਨਲਿਙ੍ਗਸ੍ਸ ਅਪਰਿਚ੍ਚਤ੍ਤਤ੍ਤਾ ਨ ਲਿਙ੍ਗਤ੍ਥੇਨਕੋ, ਨ ਲਿਙ੍ਗਾਨੁਰੂਪਸ੍ਸ ਸਂਵਾਸਸ੍ਸ ਸਾਦਿਤਤ੍ਤਾ ਨਾਪਿ ਸਂਵਾਸਤ੍ਥੇਨਕੋ. ਅਨ੍ਤਿਮਵਤ੍ਥੁਅਜ੍ਝਾਪਨ੍ਨਕੇਪਿ ਏਸੇਵ ਨਯੋ. ਯੋ ਚ ਖੋ ਸਾਮਣੇਰੋ ਸਮਾਨੋ ਵਿਦੇਸਂ ਗਨ੍ਤ੍ਵਾ ਭਿਕ੍ਖੁਵਸ੍ਸਾਨਿ ਗਣੇਤਿ, ਯਥਾਵੁਡ੍ਢਂ ਵਨ੍ਦਨਂ ਸਾਦਿਯਤਿ, ਆਸਨੇਨ ਪਟਿਬਾਹਤਿ, ਉਪੋਸਥਾਦੀਸੁ ਸਨ੍ਦਿਸ੍ਸਤਿ, ਅਯਂ ਸਂਵਾਸਮਤ੍ਤਸ੍ਸੇਵ ਥੇਨਿਤਤ੍ਤਾ ਸਂਵਾਸਤ੍ਥੇਨਕੋ ਨਾਮ. ਭਿਕ੍ਖੁਵਸ੍ਸਗਣਨਾਦਿਕੋ ਹਿ ਸਬ੍ਬੋਪਿ ਕਿਰਿਯਭੇਦੋ ਇਮਸ੍ਮਿਂ ਅਤ੍ਥੇ ‘‘ਸਂਵਾਸੋ’’ਤਿ ਵੇਦਿਤਬ੍ਬੋ. ਸਿਕ੍ਖਂ ਪਚ੍ਚਕ੍ਖਾਯ ‘‘ਨ ਮਂ ਕੋਚਿ ਜਾਨਾਤੀ’’ਤਿ ਪੁਨ ਏਵਂ ਪਟਿਪਜ੍ਜਨ੍ਤੇਪਿ ਏਸੇਵ ਨਯੋ. ਯੋ ਪਨ ਸਯਂ ਪਬ੍ਬਜਿਤ੍ਵਾ ਵਿਹਾਰਂ ਗਨ੍ਤ੍ਵਾ ਯਥਾਵੁਡ੍ਢਂ ਵਨ੍ਦਨਂ ਸਾਦਿਯਤਿ, ਆਸਨੇਨ ਪਟਿਬਾਹਤਿ, ਭਿਕ੍ਖੁਵਸ੍ਸਾਨਿ ਗਣੇਤਿ, ਉਪੋਸਥਾਦੀਸੁ ਸਨ੍ਦਿਸ੍ਸਤਿ, ਅਯਂ ਲਿਙ੍ਗਸ੍ਸ ਚੇਵ ਸਂਵਾਸਸ੍ਸ ਚ ਥੇਨਿਤਤ੍ਤਾ ਉਭਯਤ੍ਥੇਨਕੋ ਨਾਮ. ਧੁਰਨਿਕ੍ਖੇਪਵਸੇਨ ਕਾਸਾਯਾਨਿ ਅਪਨੇਤ੍ਵਾ ਅਨ੍ਤਿਮਵਤ੍ਥੁਂ ਅਜ੍ਝਾਪਜ੍ਜਿਤ੍ਵਾ ਪੁਨ ਤਾਨਿ ਅਚ੍ਛਾਦੇਤ੍ਵਾ ਏਵਂ ਪਟਿਪਜ੍ਜਨ੍ਤੇਪਿ ਏਸੇਵ ਨਯੋ, ਅਯਂ ਤਿਵਿਧੋਪਿ ਥੇਯ੍ਯਸਂਵਾਸਕੋ ਇਧ ਅਧਿਪ੍ਪੇਤੋ. ਠਪੇਤ੍ਵਾ ਪਨ ਇਮਂ ਤਿਵਿਧਂ.

‘‘ਰਾਜ ਦੁਬ੍ਭਿਕ੍ਖ ਕਨ੍ਤਾਰ-ਰੋਗ ਵੇਰੀ ਭਯੇਨ ਵਾ;

ਚੀਵਰਾਹਰਣਤ੍ਥਂ ਵਾ, ਲਿਙ੍ਗਂ ਆਦਿਯਤੀਧ ਯੋ.

‘‘ਸਂਵਾਸਂ ਨਾਧਿਵਾਸੇਤਿ, ਯਾਵ ਸੋ ਸੁਦ੍ਧਮਾਨਸੋ;

ਥੇਯ੍ਯਸਂਵਾਸਕੋ ਨਾਮ, ਤਾਵ ਏਸ ਨ ਵੁਚ੍ਚਤੀ’’ਤਿ. (ਮਹਾਵ. ਅਟ੍ਠ. ੧੧੦);

ਯੋ ਪਨ ਉਪਸਮ੍ਪਨ੍ਨੋ ਤਿਤ੍ਥਿਯਭਾਵਂ ਪਤ੍ਥਯਮਾਨੋ ਸਯਂ ਵਾ ਕੁਸਚੀਰਾਦਿਕਂ ਤਿਤ੍ਥਿਯਲਿਙ੍ਗਂ ਆਦਿਯਤਿ, ਤੇਸਂ ਵਾ ਸਨ੍ਤਿਕੇ ਪਬ੍ਬਜਤਿ, ਨਗ੍ਗੋ ਵਾ ਹੁਤ੍ਵਾ ਆਜੀਵਕਾਨਂ ਸਨ੍ਤਿਕਂ ਗਨ੍ਤ੍ਵਾ ਤੇਸਂ ਵਤਾਨਿ ਆਦਿਯਤਿ, ਅਯਂ ਤਿਤ੍ਥਿਯਪਕ੍ਕਨ੍ਤਕੋ ਨਾਮ. ਠਪੇਤ੍ਵਾ ਪਨ ਮਨੁਸ੍ਸਜਾਤਿਕਂ ਅਵਸੇਸੋ ਸਬ੍ਬੋਪਿ ਤਿਰਚ੍ਛਾਨਗਤੋ ਨਾਮ. ਯੇਨ ਮਨੁਸ੍ਸਜਾਤਿਕਾ ਜਨੇਤ੍ਤਿ ਸਯਮ੍ਪਿ ਮਨੁਸ੍ਸਭੂਤੇਨੇਵ ਸਞ੍ਚਿਚ੍ਚ ਜੀਵਿਤਾ ਵੋਰੋਪਿਤਾ, ਅਯਂ ਮਾਤੁਘਾਤਕੋ ਨਾਮ. ਪਿਤੁਘਾਤਕੇਪਿ ਏਸੇਵ ਨਯੋ. ਯੇਨ ਅਨ੍ਤਮਸੋ ਗਿਹਿਲਿਙ੍ਗੇ ਠਿਤੋਪਿ ਮਨੁਸ੍ਸਜਾਤਿਕੋ ਖੀਣਾਸਵੋ ਸਞ੍ਚਿਚ੍ਚ ਜੀਵਿਤਾ ਵੋਰੋਪਿਤੋ, ਅਯਂ ਅਰਹਨ੍ਤਘਾਤਕੋ ਨਾਮ. ਯੋ ਪਨ ਪਕਤਤ੍ਤਂ ਭਿਕ੍ਖੁਨਿਂ ਤਿਣ੍ਣਂ ਮਗ੍ਗਾਨਂ ਅਞ੍ਞਤਰਸ੍ਮਿਂ ¶ ਮਗ੍ਗੇ ਦੂਸੇਤਿ ¶ , ਅਯਂ ਭਿਕ੍ਖੁਨਿਦੂਸਕੋ ਨਾਮ. ਯੋ ਦੇਵਦਤ੍ਤੋ ਵਿਯ ਸਾਸਨਂ ਉਦ੍ਧਮ੍ਮਂ ਉਬ੍ਬਿਨਯਂ ਕਤ੍ਵਾ ਚਤੁਨ੍ਨਂ ਕਮ੍ਮਾਨਂ ਅਞ੍ਞਤਰਵਸੇਨ ਸਙ੍ਘਂ ਭਿਨ੍ਦਤਿ, ਅਯਂ ਸਙ੍ਘਭੇਦਕੋ ਨਾਮ. ਯੋ ਦੇਵਦਤ੍ਤੋ ਵਿਯ ਦੁਟ੍ਠਚਿਤ੍ਤੇਨ ਵਧਕਚਿਤ੍ਤੇਨ ਤਥਾਗਤਸ੍ਸ ਜੀਵਮਾਨਕਸਰੀਰੇ ਖੁਦ੍ਦਕਮਕ੍ਖਿਕਾਯ ਪਿਵਨਮਤ੍ਤਮ੍ਪਿ ਲੋਹਿਤਂ ਉਪ੍ਪਾਦੇਤਿ, ਅਯਂ ਲੋਹਿਤੁਪ੍ਪਾਦਕੋ ਨਾਮ. ਯਸ੍ਸ ¶ ਇਤ੍ਥਿਨਿਮਿਤ੍ਤੁਪ੍ਪਾਦਨਕਮ੍ਮਤੋ ਚ ਪੁਰਿਸਨਿਮਿਤ੍ਤੁਪ੍ਪਾਦਨਕਮ੍ਮਤੋ ਚ ਉਭਤੋ ਦੁਵਿਧਮ੍ਪਿ ਬ੍ਯਞ੍ਜਨਂ ਅਤ੍ਥਿ, ਅਯਂ ਉਭਤੋਬ੍ਯਞ੍ਜਨਕੋ ਨਾਮ. ਇਤਿ ਇਮੇ ਤੇਰਸ ਪੁਗ੍ਗਲਾ ਉਪਸਮ੍ਪਦਾਯ ਅਵਤ੍ਥੂ, ਇਮੇ ਪਨ ਠਪੇਤ੍ਵਾ ਅਞ੍ਞਸ੍ਮਿਂ ਉਪਸਮ੍ਪਦਾਪੇਕ੍ਖੇ ਸਤਿ ਉਪਸਮ੍ਪਦਾਕਮ੍ਮਂ ਵਤ੍ਥੁਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ.

ਕਥਂ ਞਤ੍ਤਿਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ? ਵਤ੍ਥੁਸਙ੍ਘਪੁਗ੍ਗਲਞਤ੍ਤੀਨਂ ਅਪਰਾਮਸਨਾਨਿ, ਪਚ੍ਛਾ ਞਤ੍ਤਿਟ੍ਠਪਨਞ੍ਚਾਤਿ ਇਮੇ ਤਾਵ ਪਞ੍ਚ ਞਤ੍ਤਿਦੋਸਾ. ਤਤ੍ਥ ‘‘ਅਯਂ ਇਤ੍ਥਨ੍ਨਾਮੋ’’ਤਿ ਉਪਸਮ੍ਪਦਾਪੇਕ੍ਖਸ੍ਸ ਅਕਿਤ੍ਤਨਂ ਵਤ੍ਥੁਅਪਰਾਮਸਨਂ ਨਾਮ. ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ’’ਤਿਏਤ੍ਥ ‘‘ਸੁਣਾਤੁ ਮੇ, ਭਨ੍ਤੇ’’ਤਿ ਵਤ੍ਵਾ ‘‘ਸਙ੍ਘੋ’’ਤਿ ਅਭਣਨਂ ਸਙ੍ਘਅਪਰਾਮਸਨਂ ਨਾਮ. ‘‘ਇਤ੍ਥਨ੍ਨਾਮਸ੍ਸ ਉਪਸਮ੍ਪਦਾਪੇਕ੍ਖੋ’’ਤਿ ਉਪਜ੍ਝਾਯਸ੍ਸ ਅਕਿਤ੍ਤਨਂ ਪੁਗ੍ਗਲਅਪਰਾਮਸਨਂ ਨਾਮ. ਸਬ੍ਬੇਨ ਸਬ੍ਬਂ ਞਤ੍ਤਿਯਾ ਅਨੁਚ੍ਚਾਰਣਂ ਞਤ੍ਤਿਅਪਰਾਮਸਨਂ ਨਾਮ. ਪਠਮਂ ਕਮ੍ਮਵਾਚਂ ਨਿਟ੍ਠਾਪੇਤ੍ਵਾ ‘‘ਏਸਾ ਞਤ੍ਤੀ’’ਤਿ ਵਤ੍ਵਾ ‘‘ਖਮਤਿ ਸਙ੍ਘਸ੍ਸਾ’’ਤਿ ਏਵਂ ਞਤ੍ਤਿਕਿਤ੍ਤਨਂ ਪਚ੍ਛਾ ਞਤ੍ਤਿਟ੍ਠਪਨਂ ਨਾਮ. ਇਤਿ ਇਮੇਹਿ ਦੋਸੇਹਿ ਵਿਮੁਤ੍ਤਾਯ ਞਤ੍ਤਿਯਾ ਸਮ੍ਪਨ੍ਨਂ ਞਤ੍ਤਿਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ.

ਅਨੁਸ੍ਸਾਵਨਵਸੇਨ ਅਕੁਪ੍ਪਤਾਯਪਿ ਵਤ੍ਥੁਸਙ੍ਘਪੁਗ੍ਗਲਾਨਂ ਅਪਰਾਮਸਨਾਨਿ, ਸਾਵਨਾਯ ਹਾਪਨਂ, ਅਕਾਲੇ ਸਾਵਨਨ੍ਤਿ ਇਮੇ ਪਞ੍ਚ ਅਨੁਸ੍ਸਾਵਨਦੋਸਾ. ਤਤ੍ਥ ਵਤ੍ਥਾਦੀਨਂ ਅਪਰਾਮਸਨਾਨਿ ਞਤ੍ਤਿਯਂ ਵੁਤ੍ਤਸਦਿਸਾਨੇਵ. ਤੀਸੁ ਪਨ ਅਨੁਸ੍ਸਾਵਨਾਸੁ ਯਤ੍ਥ ਕਤ੍ਥਚਿ ਏਤੇਸਂ ਅਪਰਾਮਸਨਂ ਅਪਰਾਮਸਨਮੇਵ. ਸਬ੍ਬੇਨ ਸਬ੍ਬਂ ਪਨ ਕਮ੍ਮਵਾਚਂ ਅਵਤ੍ਵਾ ਚਤੁਕ੍ਖਤ੍ਤੁਂ ਞਤ੍ਤਿਕਿਤ੍ਤਨਮੇਵ, ਅਥ ਵਾ ਪਨ ਕਮ੍ਮਵਾਚਾਬ੍ਭਨ੍ਤਰੇ ਅਕ੍ਖਰਸ੍ਸ ਵਾ ਪਦਸ੍ਸ ਵਾ ਅਨੁਚ੍ਚਾਰਣਂ ਵਾ ਦੁਰੁਚ੍ਚਾਰਣਂ ਵਾ ਸਾਵਨਾਯ ਹਾਪਨਂ ਨਾਮ. ਸਾਵਨਾਯ ਅਨੋਕਾਸੇ ਪਠਮਂ ਞਤ੍ਤਿਂ ਅਟ੍ਠਪੇਤ੍ਵਾ ਅਨੁਸ੍ਸਾਵਨਕਰਣਂ ਅਕਾਲੇ ਸਾਵਨਂ ਨਾਮ. ਇਤਿ ਇਮੇਹਿ ਦੋਸੇਹਿ ਵਿਮੁਤ੍ਤਾਯ ਅਨੁਸ੍ਸਾਵਨਾਯ ਸਮ੍ਪਨ੍ਨਂ ਅਨੁਸ੍ਸਾਵਨਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ.

ਪੁਬ੍ਬੇ ਵੁਤ੍ਤਂ ਵਿਪਤ੍ਤਿਸੀਮਾਲਕ੍ਖਣਂ ਸਮਤਿਕ੍ਕਨ੍ਤਾਯ ਪਨ ਸੀਮਾਯ ਕਤਂ ਸੀਮਾਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ. ਯਾਵਤਿਕਾ ਭਿਕ੍ਖੂ ਕਮ੍ਮਪ੍ਪਤ੍ਤਾ, ਤੇਸਂ ¶ ਅਨਾਗਮਨਂ, ਛਨ੍ਦਾਰਹਾਨਂ ਛਨ੍ਦਸ੍ਸ ਅਨਾਹਰਣਂ, ਸਮ੍ਮੁਖੀਭੂਤਾਨਂ ਪਟਿਕ੍ਕੋਸਨਨ੍ਤਿ ਇਮੇ ਪਨ ਤਯੋ ਪਰਿਸਾਦੋਸਾ, ਤੇਹਿ ਵਿਮੁਤ੍ਤਾਯ ਪਰਿਸਾਯ ਕਤਂ ਪਰਿਸਾਸਮ੍ਪਤ੍ਤਿਵਸੇਨ ਅਕੁਪ੍ਪਂ ਹੋਤਿ. ਕਾਰਣਾਰਹਤ੍ਤਾ ਪਨ ਸਤ੍ਥੁ ਸਾਸਨਾਰਹਤ੍ਤਾ ਠਾਨਾਰਹਂ ਨਾਮ ਹੋਤਿ. ਇਤਿ ਯੋ ਇਮਿਨਾ ਏਵਂ ਅਕੁਪ੍ਪੇਨ ਠਾਨਾਰਹੇਨ ਞਤ੍ਤਿਚਤੁਤ੍ਥੇਨ ਉਪਸਮ੍ਪਦਾਕਮ੍ਮੇਨ ¶ ਉਪਸਮ੍ਪਨ੍ਨੋ, ਅਯਂ ਇਧ ‘‘ਭਿਕ੍ਖੂ’’ਤਿ ਅਧਿਪ੍ਪੇਤੋ. ਪਣ੍ਣਤ੍ਤਿਵਜ੍ਜੇਸੁ ਪਨ ਅਞ੍ਞੇਪਿ ਸਙ੍ਗਹਂ ਗਚ੍ਛਨ੍ਤਿ.

ਭਿਕ੍ਖੂਨਂ ਸਿਕ੍ਖਾਸਾਜੀਵਸਮਾਪਨ੍ਨੋਤਿ ਯਾ ਭਿਕ੍ਖੂਨਂ ਅਧਿਸੀਲਸਙ੍ਖਾਤਾ ਸਿਕ੍ਖਾ, ਤਞ੍ਚ, ਯਤ੍ਥ ਚੇਤੇ ਸਹ ਜੀਵਨ੍ਤਿ, ਏਕਜੀਵਿਕਾ ਸਭਾਗਵੁਤ੍ਤਿਨੋ ¶ ਹੋਨ੍ਤਿ, ਤਂ ਭਗਵਤਾ ਪਞ੍ਞਤ੍ਤਂ ਸਿਕ੍ਖਾਪਦਸਙ੍ਖਾਤਂ ਸਾਜੀਵਞ੍ਚ, ਤਤ੍ਥ ਸਿਕ੍ਖਨਭਾਵੇਨ ਸਮਾਪਨ੍ਨੋਤਿ ਭਿਕ੍ਖੂਨਂ ਸਿਕ੍ਖਾਸਾਜੀਵਸਮਆਪਨ੍ਨੋ. ਸਮਾਪਨ੍ਨੋਤਿ ਸਿਕ੍ਖਞ੍ਚ ਪਰਿਪੂਰੇਨ੍ਤੋ ਸਾਜੀਵਞ੍ਚ ਅਵੀਤਿਕ੍ਕਮਨ੍ਤੋ ਹੁਤ੍ਵਾ ਤਦੁਭਯਂ ਉਪਗਤੋਤਿ ਅਤ੍ਥੋ. ਸਿਕ੍ਖਂ ਅਪਚ੍ਚਕ੍ਖਾਯ ਦੁਬ੍ਬਲ੍ਯਂ ਅਨਾਵਿਕਤ੍ਵਾਤਿ ਯਂ ਸਿਕ੍ਖਂ ਸਮਾਪਨ੍ਨੋ, ਤਂ ਅਪਟਿਕ੍ਖਿਪਿਤ੍ਵਾ, ਯਞ੍ਚ ਸਾਜੀਵਂ ਸਮਾਪਨ੍ਨੋ, ਤਸ੍ਮਿਂ ਦੁਬ੍ਬਲਭਾਵਂ ਅਪ੍ਪਕਾਸੇਤ੍ਵਾ. ਤਤ੍ਥ ਚਿਤ੍ਤਖੇਤ੍ਤਕਾਲਪਯੋਗਪੁਗ੍ਗਲਵਿਜਾਨਨਵਸੇਨ ਸਿਕ੍ਖਾਯ ਪਚ੍ਚਕ੍ਖਾਨਂ ਞਤ੍ਵਾ ਤਦਭਾਵੇਨ ਅਪਚ੍ਚਕ੍ਖਾਨਂ ਵੇਦਿਤਬ੍ਬਂ. ਕਥਂ? ਉਪਸਮ੍ਪਨ੍ਨਭਾਵਤੋ ਚਵਿਤੁਕਾਮਤਾਚਿਤ੍ਤੇਨੇਵ ਹਿ ਸਿਕ੍ਖਾਪਚ੍ਚਕ੍ਖਾਨਂ ਹੋਤਿ, ਨ ਦਵਾ ਵਾ ਰਵਾ ਵਾ ਭਣਨ੍ਤਸ੍ਸ. ਏਵਂ ਚਿਤ੍ਤਵਸੇਨ ਸਿਕ੍ਖਾਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ. ਤਥਾ ‘‘ਬੁਦ੍ਧਂ ਪਚ੍ਚਕ੍ਖਾਮਿ, ਧਮ੍ਮਂ ਪਚ੍ਚਕ੍ਖਾਮਿ, ਸਙ੍ਘਂ ਪਚ੍ਚਕ੍ਖਾਮਿ, ਸਿਕ੍ਖਂ, ਵਿਨਯਂ, ਪਾਤਿਮੋਕ੍ਖਂ, ਉਦ੍ਦੇਸਂ, ਉਪਜ੍ਝਾਯਂ, ਆਚਰਿਯਂ, ਸਦ੍ਧਿਵਿਹਾਰਿਕਂ, ਅਨ੍ਤੇਵਾਸਿਕਂ, ਸਮਾਨੁਪਜ੍ਝਾਯਕਂ, ਸਮਾਨਾਚਰਿਯਕਂ, ਸਬ੍ਰਹ੍ਮਚਾਰਿਂ ਪਚ੍ਚਕ੍ਖਾਮੀ’’ਤਿ ਏਵਂ ਵੁਤ੍ਤਾਨਂ ਬੁਦ੍ਧਾਦੀਨਂ ਚੁਦ੍ਦਸਨ੍ਨਂ, ‘‘ਗਿਹੀਤਿ ਮਂ ਧਾਰੇਹਿ, ਉਪਾਸਕੋ, ਆਰਾਮਿਕੋ, ਸਾਮਣੇਰੋ, ਤਿਤ੍ਥਿਯੋ, ਤਿਤ੍ਥਿਯਸਾਵਕੋ, ਅਸਮਣੋ, ‘ਅਸਕ੍ਯਪੁਤ੍ਤਿਯੋ’ਤਿ ਮਂ ਧਾਰੇਹੀ’’ਤਿ ਏਵਂ ਵੁਤ੍ਤਾਨਂ ਗਿਹਿਆਦੀਨਂ ਅਟ੍ਠਨ੍ਨਞ੍ਚਾਤਿ ਇਮੇਸਂ ਦ੍ਵਾਵੀਸਤਿਯਾ ਖੇਤ੍ਤਪਦਾਨਂ ਯਸ੍ਸ ਕਸ੍ਸਚਿ ਸਵੇਵਚਨਸ੍ਸ ਵਸੇਨ ਤੇਸੁ ਯਂਕਿਞ੍ਚਿ ਵਤ੍ਤੁਕਾਮਸ੍ਸ ਯਂਕਿਞ੍ਚਿ ਵਦਤੋ ਸਿਕ੍ਖਾਪਚ੍ਚਕ੍ਖਾਨਂ ਹੋਤਿ, ਨ ਰੁਕ੍ਖਾਦੀਨਂ ਅਞ੍ਞਤਰਸ੍ਸ ਨਾਮਂ ਗਹੇਤ੍ਵਾ ਪਚ੍ਚਾਚਿਕ੍ਖਨ੍ਤਸ੍ਸ. ਏਵਂ ਖੇਤ੍ਤਵਸੇਨ ਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ.

ਤਤ੍ਥ ਯਦੇਤਂ ‘‘ਪਚ੍ਚਕ੍ਖਾਮੀ’’ਤਿ ਚ, ‘‘ਮਂ ਧਾਰੇਹੀ’’ਤਿ (ਪਾਰਾ. ੫੧) ਚ ਵੁਤ੍ਤਂ ਵਤ੍ਤਮਾਨਕਾਲਵਚਨਂ, ਯਾਨਿ ਚ ‘‘ਅਲਂ ਮੇ ਬੁਦ੍ਧੇਨ, ਕਿਂ ਨੁ ਮੇ ਬੁਦ੍ਧੇਨ, ਨ ਮਮਤ੍ਥੋ ਬੁਦ੍ਧੇਨ ¶ , ਸੁਮੁਤ੍ਤਾਹਂ ਬੁਦ੍ਧੇਨਾ’’ਤਿਆਦਿਨਾ (ਪਾਰਾ. ੫੨) ਨਯੇਨ ਆਖ੍ਯਾਤਵਸੇਨ ਕਾਲਂ ਅਨਾਮਸਿਤ੍ਵਾ ਪੁਰਿਮੇਹਿ ਚੁਦ੍ਦਸਹਿ ਪਦੇਹਿ ਸਦ੍ਧਿਂ ਯੋਜੇਤ੍ਵਾ ਵੁਤ੍ਤਾਨਿ ‘‘ਅਲਂ ਮੇ’’ਤਿਆਦੀਨਿ ਚਤ੍ਤਾਰਿ ਪਦਾਨਿ, ਤੇਸਂਯੇਵ ਚ ਸਵੇਵਚਨਾਨਂ ਵਸੇਨ ਪਚ੍ਚਕ੍ਖਾਨਂ ਹੋਤਿ, ਨ ‘‘ਪਚ੍ਚਕ੍ਖਾਸਿ’’ਨ੍ਤਿ ਵਾ ‘‘ਪਚ੍ਚਕ੍ਖਿਸ੍ਸ’’ਨ੍ਤਿ ਵਾ ‘‘ਮਂ ਧਾਰੇਸੀ’’ਤਿ ਵਾ ‘‘ਮਂ ਧਾਰੇਸ੍ਸਤੀ’’ਤਿ ਵਾ ‘‘ਯਂਨੂਨਾਹਂ ਪਚ੍ਚਕ੍ਖੇਯ੍ਯ’’ਨ੍ਤਿ (ਪਾਰਾ. ੪੫) ਵਾਤਿਆਦੀਨਿ ਅਤੀਤਾਨਾਗਤਪਰਿਕਪ੍ਪਵਚਨਾਨਿ ਭਣਨ੍ਤਸ੍ਸ. ਏਵਂ ਵਤ੍ਤਮਾਨ ਕਾਲਵਸੇਨ ਚੇਵ ਅਨਾਮਟ੍ਠਕਾਲਵਸੇਨ ਚ ਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ.

ਪਯੋਗੋ ¶ ਪਨ ਦੁਵਿਧੋ ਕਾਯਿਕੋ ਚ ਵਾਚਸਿਕੋ ਚ. ਤਤ੍ਥ ‘‘ਬੁਦ੍ਧਂ ਪਚ੍ਚਕ੍ਖਾਮੀ’’ਤਿਆਦਿਨਾ (ਪਾਰਾ. ੫੧) ਨਯੇਨ ਯਾਯ ਕਾਯਚਿ ਭਾਸਾਯ ਵਚੀਭੇਦਂ ਕਤ੍ਵਾ ਵਾਚਸਿਕਪ੍ਪਯੋਗੇਨੇਵ ਪਚ੍ਚਕ੍ਖਾਨਂ ਹੋਤਿ, ਨ ਅਕ੍ਖਰਲਿਖਨਂ ਵਾ ਹਤ੍ਥਮੁਦ੍ਦਾਦਿਦਸ੍ਸਨਂ ਵਾ ਕਾਯਪ੍ਪਯੋਗਂ ਕਰੋਨ੍ਤਸ੍ਸ. ਏਵਂ ਵਾਚਸਿਕਪ੍ਪਯੋਗੇਨੇਵ ਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ.

ਪੁਗ੍ਗਲੋ ਪਨ ਦੁਵਿਧੋ – ਯੋ ਚ ਪਚ੍ਚਕ੍ਖਾਤਿ, ਯਸ੍ਸ ਚ ਪਚ੍ਚਕ੍ਖਾਤਿ. ਤਤ੍ਥ ਯੋ ਪਚ੍ਚਕ੍ਖਾਤਿ, ਸੋ ਸਚੇ ਉਮ੍ਮਤ੍ਤਕਖਿਤ੍ਤਚਿਤ੍ਤਵੇਦਨਾਟ੍ਟਾਨਂ ਅਞ੍ਞਤਰੋ ਨ ਹੋਤਿ. ਯਸ੍ਸ ਪਨ ¶ ਪਚ੍ਚਕ੍ਖਾਤਿ, ਸੋ ਸਚੇ ਮਨੁਸ੍ਸਜਾਤਿਕੋ ਹੋਤਿ, ਨ ਚ ਉਮ੍ਮਤ੍ਤਕਾਦੀਨਂ ਅਞ੍ਞਤਰੋ, ਸਮ੍ਮੁਖੀਭੂਤੋ ਚ ਸਿਕ੍ਖਾਪਚ੍ਚਕ੍ਖਾਨਂ ਹੋਤਿ. ਨ ਹਿ ਅਸਮ੍ਮੁਖੀਭੂਤਸ੍ਸ ਦੂਤੇਨ ਵਾ ਪਣ੍ਣੇਨ ਵਾ ਆਰੋਚਨਂ ਰੁਹਤਿ. ਏਵਂ ਯਥਾਵੁਤ੍ਤਪੁਗ੍ਗਲਵਸੇਨ ਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ.

ਵਿਜਾਨਨਮ੍ਪਿ ਨਿਯਮਿਤਾਨਿਯਮਿਤਵਸੇਨ ਦੁਵਿਧਂ. ਤਤ੍ਥ ਯਸ੍ਸ ਯੇਸਂ ਵਾ ਨਿਯਮੇਤ੍ਵਾ ‘‘ਇਮਸ੍ਸ, ਇਮੇਸਂ ਵਾ ਆਰੋਚੇਮੀ’’ਤਿ ਵਦਤਿ, ਸਚੇ ਤੇ ਯਥਾ ਪਕਤਿਯਾ ਲੋਕੇ ਮਨੁਸ੍ਸਾ ਵਚਨਂ ਸੁਤ੍ਵਾ ਆਵਜ੍ਜਨਸਮਯੇ ਜਾਨਨ੍ਤਿ, ਏਵਂ ਤਸ੍ਸ ਵਚਨਾਨਨ੍ਤਰਮੇਵ ਤਸ੍ਸ ‘‘ਅਯਂ ਉਕ੍ਕਣ੍ਠਿਤੋ’’ਤਿ ਵਾ ‘‘ਗਿਹਿਭਾਵਂ ਪਤ੍ਥਯਤੀ’’ਤਿ ਵਾ ਯੇਨ ਕੇਨਚਿ ਆਕਾਰੇਨ ਸਿਕ੍ਖਾਪਚ੍ਚਕ੍ਖਾਨਭਾਵਂ ਜਾਨਨ੍ਤਿ, ਪਚ੍ਚਕ੍ਖਾਤਾਵ ਹੋਤਿ ਸਿਕ੍ਖਾ. ਅਥ ਅਪਰਭਾਗੇ ‘‘ਕਿਂ ਇਮਿਨਾ ਵੁਤ੍ਤ’’ਨ੍ਤਿ ਚਿਨ੍ਤੇਤ੍ਵਾ ਜਾਨਨ੍ਤਿ, ਅਞ੍ਞੇ ਵਾ ਜਾਨਨ੍ਤਿ, ਅਪਚ੍ਚਕ੍ਖਾਤਾਵ ਹੋਤਿ ਸਿਕ੍ਖਾ. ਅਨਿਯਮੇਤ੍ਵਾ ਆਰੋਚੇਨ੍ਤਸ੍ਸ ਪਨ ਸਚੇ ਵੁਤ੍ਤਨਯੇਨ ਯੋ ਕੋਚਿ ਮਨੁਸ੍ਸਜਾਤਿਕੋ ਵਚਨਤ੍ਥਂ ਜਾਨਾਤਿ, ਪਚ੍ਚਕ੍ਖਾਤਾਵ ਹੋਤਿ ਸਿਕ੍ਖਾ. ਏਵਂ ਵਿਜਾਨਨਵਸੇਨ ਪਚ੍ਚਕ੍ਖਾਨਂ ਹੋਤਿ, ਨ ਤਦਭਾਵੇਨ. ਯੋ ਪਨ ਅਨ੍ਤਮਸੋ ਦਵਾਯਪਿ ਪਚ੍ਚਕ੍ਖਾਤਿ, ਤੇਨ ਅਪਚ੍ਚਕ੍ਖਾਤਾਵ ਹੋਤਿ ਸਿਕ੍ਖਾ. ਇਤਿ ਇਮੇਸਂ ਵੁਤ੍ਤਪ੍ਪਕਾਰਾਨਂ ¶ ਚਿਤ੍ਤਾਦੀਨਂ ਵਾ ਵਸੇਨ, ਸਬ੍ਬਸੋ ਵਾ ਪਨ ਅਪਚ੍ਚਕ੍ਖਾਨੇਨ ਸਿਕ੍ਖਂ ਅਪਚ੍ਚਕ੍ਖਾਯ ਸਿਕ੍ਖਾਪਚ੍ਚਕ੍ਖਾਨਸ੍ਸੇਵ ਚ ਅਤ੍ਥਭੂਤਂ ਏਕਚ੍ਚਂ ਦੁਬ੍ਬਲ੍ਯਂ ਅਨਾਵਿਕਤ੍ਵਾ.

ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯਾਤਿ ਏਤ੍ਥ ਮੇਥੁਨਂ ਧਮ੍ਮਨ੍ਤਿ ਰਾਗਪਰਿਯੁਟ੍ਠਾਨੇਨ ਸਦਿਸਾਨਂ ਉਭਿਨ੍ਨਂ ਧਮ੍ਮਂ. ਪਟਿਸੇਵੇਯ੍ਯਾਤਿ ਪਟਿਸੇਵੇਯ੍ਯ ਅਜ੍ਝਾਪਜ੍ਜੇਯ੍ਯ. ਅਨ੍ਤਮਸੋਤਿ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ. ਤਿਰਚ੍ਛਾਨਗਤਾਯਪੀਤਿ ਪਟਿਸਨ੍ਧਿਵਸੇਨ ਤਿਰਚ੍ਛਾਨੇਸੁ ਗਤਾਯਪਿ, ਅਯਮੇਤ੍ਥ ਅਨੁਪਞ੍ਞਤ੍ਤਿ. ਪਾਰਾਜਿਕੋ ਹੋਤੀਤਿ ਪਰਾਜਿਤੋ ਹੋਤਿ, ਪਰਾਜਯਂ ਆਪਨ੍ਨੋ. ਅਸਂਵਾਸੋਤਿ ਪਕਤਤ੍ਤਾ ਭਿਕ੍ਖੂ ਸਹ ਵਸਨ੍ਤਿ ਏਤ੍ਥਾਤਿ ਏਕਕਮ੍ਮਾਦਿਕੋਵ ਤਿਵਿਧੋਪਿ ਵਿਧਿ ਸਂਵਾਸੋ ਨਾਮ, ਸੋ ਤੇਨ ਸਦ੍ਧਿਂ ਨਤ੍ਥੀਤਿ ਅਸਂਵਾਸੋ. ਸਙ੍ਘਕਮ੍ਮੇਸੁ ਹਿ ਏਸ ਗਣਪੂਰਕੋਪਿ ਨ ਹੋਤਿ, ਅਯਂ ਤਾਵ ਪਦਵਣ੍ਣਨਾ.

ਅਯਂ ¶ ਪਨੇਤ੍ਥ ਵਿਨਿਚ੍ਛਯੋ – ਮਨੁਸ੍ਸਾਮਨੁਸ੍ਸਤਿਰਚ੍ਛਾਨਗਤਵਸੇਨ ਹਿ ਤਿਸ੍ਸੋ ਇਤ੍ਥਿਯੋ, ਤਾਸਂ ਵਚ੍ਚਮਗ੍ਗਪਸ੍ਸਾਵਮਗ੍ਗਮੁਖਮਗ੍ਗਵਸੇਨ ਤਯੋ ਤਯੋ ਕਤ੍ਵਾ ਨਵ ਮਗ੍ਗਾ, ਤਥਾ ਉਭਤੋਬ੍ਯਞ੍ਜਨਕਾਨਂ. ਪੁਰਿਸਾਨਂ ਪਨ ਵਚ੍ਚਮਗ੍ਗਮੁਖਮਗ੍ਗਵਸੇਨ ਦ੍ਵੇ ਦ੍ਵੇ ਕਤ੍ਵਾ ਛ ਮਗ੍ਗਾ, ਤਥਾ ਪਣ੍ਡਕਾਨਨ੍ਤਿ ਏਵਂ ਤਿਂਸ ਮਗ੍ਗਾ. ਤੇਸੁ ਅਤ੍ਤਨੋ ਵਾ ਪਰੇਸਂ ਵਾ ਯਸ੍ਸ ਕਸ੍ਸਚਿ ਮਗ੍ਗਸ੍ਸ ਸਨ੍ਥਤਸ੍ਸ ਵਾ ਅਸਨ੍ਥਤਸ੍ਸ ਵਾ, ਪਰੇਸਂ ਪਨ ਮਤਾਨਮ੍ਪਿ ਅਕ੍ਖਾਯਿਤਸ੍ਸ ਵਾ ਯੇਭੁਯ੍ਯੇਨ ਅਕ੍ਖਾਯਿਤਸ੍ਸ ਵਾ ਪਕਤਿਵਾਤੇਨ ਅਸਂਫੁਟ੍ਠੇ ਅਲ੍ਲੋਕਾਸੇ ਯੋ ਭਿਕ੍ਖੁ ਏਕਤਿਲਬੀਜਮਤ੍ਤਮ੍ਪਿ ਅਤ੍ਤਨੋ ਅਙ੍ਗਜਾਤਂ ਸਨ੍ਥਤਂ ਵਾ ਅਸਨ੍ਥਤਂ ਵਾ ਸੇਵਨਚਿਤ੍ਤੇਨ ਪਵੇਸੇਤਿ, ਪਰੇਨ ਵਾ ਪਵੇਸਿਯਮਾਨੇ ਪਵੇਸਨਪਵਿਟ੍ਠਟ੍ਠਿਤਉਦ੍ਧਰਣੇਸੁ ਯਂਕਿਞ੍ਚਿ ਸਾਦਿਯਤਿ, ਅਯਂ ਪਾਰਾਜਿਕਾਪਤ੍ਤਿਂ ਆਪਨ੍ਨੋ ਨਾਮ ਹੋਤਿ, ਅਯਂ ਤਾਵੇਤ੍ਥ ਅਸਾਧਾਰਣਵਿਨਿਚ੍ਛਯੋ. ਸਬ੍ਬਸਿਕ੍ਖਾਪਦਾਨਂ ਪਨ ਸਾਧਾਰਣਵਿਨਿਚ੍ਛਯਤ੍ਥਂ ਅਯਂ ਮਾਤਿਕਾ –

ਨਿਦਾਨਂ ¶ ਪੁਗ੍ਗਲਂ ਵਤ੍ਥੁਂ, ਪਞ੍ਞਤ੍ਤਿਵਿਧਿਮੇਵ ਚ;

ਆਣਤ੍ਤਾਪਤ੍ਤਿਨਾਪਤ੍ਤਿ-ਵਿਪਤ੍ਤਿਂ ਅਙ੍ਗਮੇਵ ਚ.

ਸਮੁਟ੍ਠਾਨਵਿਧਿਂ ਕਿਰਿਯਾ-ਸਞ੍ਞਾਚਿਤ੍ਤੇਹਿ ਨਾਨਤ੍ਤਂ;

ਵਜ੍ਜਕਮ੍ਮਪ੍ਪਭੇਦਞ੍ਚ, ਤਿਕਦ੍ਵਯਵਿਧਿਂ ਤਥਾ.

ਲਕ੍ਖਣਂ ਸਤ੍ਤਰਸਧਾ, ਠਿਤਂ ਸਾਧਾਰਣਂ ਇਦਂ;

ਞਤ੍ਵਾ ਯੋਜੇਯ੍ਯ ਮੇਧਾਵੀ, ਤਤ੍ਥ ਤਤ੍ਥ ਯਥਾਰਹਨ੍ਤਿ.

ਤਤ੍ਥ ¶ ਨਿਦਾਨਂ ਨਾਮ ਵੇਸਾਲਿ-ਰਾਜਗਹ-ਸਾਵਤ੍ਥਿ-ਆਲ਼ਵਿ-ਕੋਸਮ੍ਬਿ-ਸਗ੍ਗ-ਭਗ੍ਗਾਨਂ ਵਸੇਨ ਸਤ੍ਤਵਿਧਂ ਪਞ੍ਞਤ੍ਤਿਟ੍ਠਾਨਂ, ਇਦਞ੍ਹਿ ਸਬ੍ਬਸਿਕ੍ਖਾਪਦਾਨਂ ਨਿਦਾਨਂ. ਪੁਗ੍ਗਲੋ ਨਾਮ ਯਂ ਯਂ ਆਰਬ੍ਭ ਤਂ ਤਂ ਸਿਕ੍ਖਾਪਦਂ ਪਞ੍ਞਤ੍ਤਂ. ਵਤ੍ਥੁ ਨਾਮ ਤਸ੍ਸ ਤਸ੍ਸ ਪੁਗ੍ਗਲਸ੍ਸ ਅਜ੍ਝਾਚਾਰੋ ਵੁਚ੍ਚਤਿ. ਪਞ੍ਞਤ੍ਤਿਵਿਧਿਨ੍ਤਿ ਪਞ੍ਞਤ੍ਤਿਅਨੁਪਞ੍ਞਤ੍ਤਿਅਨੁਪ੍ਪਨ੍ਨਪਞ੍ਞਤ੍ਤਿਸਬ੍ਬਤ੍ਥਪਞ੍ਞਤ੍ਤਿਪਦੇਸਪਞ੍ਞਤ੍ਤਿਸਾਧਾਰਣਪਞ੍ਞਤ੍ਤਿ ਅਸਾਧਾਰਣਪਞ੍ਞਤ੍ਤਿਏਕਤੋਪਞ੍ਞਤ੍ਤਿਉਭਤੋਪਞ੍ਞਤ੍ਤਿਵਸੇਨ ਨਵਵਿਧਾ ਪਞ੍ਞਤ੍ਤਿ. ਤਤ੍ਥ ਅਨੁਪ੍ਪਨ੍ਨਪਞ੍ਞਤ੍ਤਿ ਨਾਮ ਅਨੁਪ੍ਪਨ੍ਨੇ ਦੋਸੇ ਪਞ੍ਞਤ੍ਤਾ, ਸਾ ਅਟ੍ਠਗਰੁਧਮ੍ਮਪ੍ਪਟਿਗ੍ਗਹਣਵਸੇਨ (ਚੂਲ਼ਵ. ੪੦੩) ਭਿਕ੍ਖੁਨੀਨਂਯੇਵ ਆਗਤਾ, ਅਞ੍ਞਤ੍ਰ ਨਤ੍ਥਿ. ਵਿਨਯਧਰਪਞ੍ਚਮੇਨ (ਮਹਾਵ. ੨੫੯) ਗਣੇਨ ਉਪਸਮ੍ਪਦਾ, ਗਣਙ੍ਗਣੂਪਾਹਨਾ (ਮਹਾਵ. ੨੫੯) ਧੁਵਨ੍ਹਾਨਂ ਚਮ੍ਮਤ੍ਥਰਣਨ੍ਤਿ ਏਤੇਸਂ ਵਸੇਨ ਚਤੁਬ੍ਬਿਧਾ ਪਦੇਸਪਞ੍ਞਤ੍ਤਿ ਨਾਮ. ਮਜ੍ਝਿਮਦੇਸੇਯੇਵ ਹਿ ਏਤੇਹਿ ਆਪਤ੍ਤਿ ਹੋਤਿ, ਤੇਸੁਪਿ ਧੁਵਨ੍ਹਾਨਂ ਪਟਿਕ੍ਖੇਪਮਤ੍ਤਮੇਵ ਪਾਤਿਮੋਕ੍ਖੇ ਆਗਤਂ, ਤਤੋ ਅਞ੍ਞਾ ਪਦੇਸਪਞ੍ਞਤ੍ਤਿ ਨਾਮ ਨਤ੍ਥਿ. ਸਬ੍ਬਾਨਿ ਸਬ੍ਬਤ੍ਥਪਞ੍ਞਤ੍ਤਿਯੇਵ ਹੋਨ੍ਤਿ, ਸਾਧਾਰਣਪਞ੍ਞਤ੍ਤਿਦੁਕਞ੍ਚ ਏਕਤੋਪਞ੍ਞਤ੍ਤਿਦੁਕਞ੍ਚ ਅਤ੍ਥਤੋ ਏਕਂ, ਤਸ੍ਮਾ ਅਨੁਪ੍ਪਨ੍ਨਪਞ੍ਞਤ੍ਤਿਞ੍ਚ ¶ ਸਬ੍ਬਤ੍ਥਪਞ੍ਞਤ੍ਤਿਦੁਕਞ੍ਚ ਏਕਤੋਪਞ੍ਞਤ੍ਤਿਦੁਕਞ੍ਚ ਠਪੇਤ੍ਵਾ ਸੇਸਾਨਂ ਚਤਸ੍ਸਨ੍ਨਂ ਪਞ੍ਞਤ੍ਤੀਨਂ ਵਸੇਨ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ. ਆਣਤ੍ਤਾਪਤ੍ਤਿਨਾਪਤ੍ਤਿਵਿਪਤ੍ਤਿਨ੍ਤਿਏਤ੍ਥ ਆਣਤ੍ਤੀਤਿਆਣਾਪਨਾ ਵੁਚ੍ਚਤਿ. ਆਪਤ੍ਤੀਤਿ ਪੁਬ੍ਬਪ੍ਪਯੋਗਾਦਿਵਸੇਨ ਆਪਤ੍ਤਿਭੇਦੋ. ਅਨਾਪਤ੍ਤੀਤਿ ਅਜਾਨਨਾਦਿਵਸੇਨ ਅਨਾਪਤ੍ਤਿ. ਵਿਪਤ੍ਤੀਤਿ ਸੀਲਆਚਾਰਦਿਟ੍ਠਿਆਜੀਵਵਿਪਤ੍ਤੀਨਂ ਅਞ੍ਞਤਰਾ. ਇਤਿ ਇਮਾਸਂ ਆਣਤ੍ਤਾਦੀਨਮ੍ਪਿ ਵਸੇਨ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ. ਅਙ੍ਗਨ੍ਤਿ ਸਬ੍ਬਸਿਕ੍ਖਾਪਦੇਸੁ ਆਪਤ੍ਤੀਨਂ ਅਙ੍ਗਂ ਵੇਦਿਤਬ੍ਬਂ.

ਸਮੁਟ੍ਠਾਨਵਿਧਿਨ੍ਤਿ ਸਬ੍ਬਾਪਤ੍ਤੀਨਂ ਕਾਯੋ ਵਾਚਾ ਕਾਯਵਾਚਾ ਕਾਯਚਿਤ੍ਤਂ ਵਾਚਾਚਿਤ੍ਤਂ ਕਾਯਵਾਚਾਚਿਤ੍ਤਨ੍ਤਿ ਇਮਾਨਿ ਏਕਙ੍ਗਿਕਦ੍ਵਙ੍ਗਿਕਤਿਵਙ੍ਗਿਕਾਨਿ. ਛ ਸਮੁਟ੍ਠਾਨਾਨਿ ਨਾਮ ਯਾਨਿ ‘‘ਸਿਕ੍ਖਾਪਦਸਮਉਟ੍ਠਾਨਾਨੀ’’ਤਿਪਿ ਵੁਚ੍ਚਨ੍ਤਿ. ਤਤ੍ਥ ਪੁਰਿਮਾਨਿ ਤੀਣਿ ਅਚਿਤ੍ਤਕਾਨਿ, ਪਚ੍ਛਿਮਾਨਿ ਸਚਿਤ੍ਤਕਾਨਿ. ਤੇਸੁ ਏਕੇਨ ਵਾ ਦ੍ਵੀਹਿ ਵਾ ਤੀਹਿ ਵਾ ਚਤੂਹਿ ਵਾ ਛਹਿ ਵਾ ਸਮੁਟ੍ਠਾਨੇਹਿ ਆਪਤ੍ਤਿਯੋ ਸਮੁਟ੍ਠਹਨ੍ਤਿ, ਪਞ੍ਚਸਮੁਟ੍ਠਾਨਾ ਨਾਮ ਨਤ੍ਥਿ. ਤਤ੍ਥ ਏਕਸਮੁਟ੍ਠਾਨਾ ਨਾਮ ਚਤੁਤ੍ਥੇਨ ਚ ਪਞ੍ਚਮੇਨ ਚ ਛਟ੍ਠੇਨ ਚ ਸਮੁਟ੍ਠਾਨੇਨ ਸਮੁਟ੍ਠਾਤਿ, ਨ ਅਞ੍ਞੇਨ. ਦ੍ਵਿਸਮੁਟ੍ਠਾਨਾ ¶ ਨਾਮ ਪਠਮਚਤੁਤ੍ਥੇਹਿ ਚ ਦੁਤਿਯਪਞ੍ਚਮੇਹਿ ਚ ਤਤਿਯਛਟ੍ਠੇਹਿ ਚ ਚਤੁਤ੍ਥਛਟ੍ਠੇਹਿ ਚ ਪਞ੍ਚਮਛਟ੍ਠੇਹਿ ਚ ਸਮੁਟ੍ਠਾਨੇਹਿ, ਸਮੁਟ੍ਠਾਤਿ, ਨ ਅਞ੍ਞੇਹਿ. ਤਿਸਮੁਟ੍ਠਾਨਾ ਨਾਮ ਪਠਮੇਹਿ ¶ ਚ ਤੀਹਿ, ਪਚ੍ਛਿਮੇਹਿ ਚ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਨ ਅਞ੍ਞੇਹਿ. ਚਤੁਸਮੁਟ੍ਠਾਨਾ ਨਾਮ ਪਠਮਤਤਿਯਚਤੁਤ੍ਥਛਟ੍ਠੇਹਿ ਚ ਦੁਤਿਯਤਤਿਯਪਞ੍ਚਮਛਟ੍ਠੇਹਿ ਚ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਨ ਅਞ੍ਞੇਹਿ. ਛ ਸਮੁਟ੍ਠਾਨਾ ਨਾਮ ਛਹਿਪਿ ਸਮੁਟ੍ਠਾਤਿ.

ਤਿਧਾ ਏਕਸਮੁਟ੍ਠਾਨਾ, ਪਞ੍ਚਧਾ ਦ੍ਵਿਸਮੁਟ੍ਠਿਤਾ;

ਦ੍ਵਿਧਾ ਤਿਚਤੁਰੋ ਠਾਨਾ, ਏਕਧਾ ਛਸਮੁਟ੍ਠਿਤਾਤਿ.

ਸਮੁਟ੍ਠਾਨਵਸੇਨ ਸਬ੍ਬਾਵ ਤੇਰਸ ਆਪਤ੍ਤਿਯੋ ਹੋਨ੍ਤਿ (ਚੂਲ਼ਵ. ੧੬੫ ਆਦਯੋ), ਤਾ ਪਠਮਪਞ੍ਞਤ੍ਤਿਸਿਕ੍ਖਾਪਦਵਸੇਨ ਸਮੁਟ੍ਠਾਨਤੋ ਤੇਰਸ ਨਾਮਾਨਿ ਲਭਨ੍ਤਿ ਪਠਮਪਾਰਾਜਿਕਸਮੁਟ੍ਠਾਨਾ, ਅਦਿਨ੍ਨਾਦਾਨ-ਸਞ੍ਚਰਿਤ੍ਤ-ਸਮਨੁਭਾਸਨ-ਕਥਿਨ-ਏਲ਼ਕਲੋਮ-ਪਦਸੋਧਮ੍ਮ-ਅਦ੍ਧਾਨ-ਥੇਯ੍ਯਸਤ੍ਥ-ਧਮ੍ਮਦੇਸਨਾਭੂਤਾਰੋਚਨ-ਚੋਰਿਵੁਟ੍ਠਾਪਨ-ਅਨਨੁਞ੍ਞਾਤਸਮੁਟ੍ਠਾਨਾਤਿ. ਤਤ੍ਥ ਯਾ ਕਾਯਚਿਤ੍ਤਤੋ ਸਮੁਟ੍ਠਾਤਿ, ਅਯਂ ਪਠਮਪਾਰਾਜਿਕਸਮੁਟ੍ਠਾਨਾ ਨਾਮ. ਯਾ ਸਚਿਤ੍ਤਕੇਹਿ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਅਯਂ ਅਦਿਨ੍ਨਾਦਾਨਸਮੁਟ੍ਠਾਨਾ ਨਾਮ. ਯਾ ਛਹਿਪਿ ਸਮੁਟ੍ਠਾਤਿ, ਅਯਂ ਸਞ੍ਚਰਿਤ੍ਤਸਮੁਟ੍ਠਾਨਾ ਨਾਮ. ਯਾ ਛਟ੍ਠੇਨੇਵ ਸਮੁਟ੍ਠਾਤਿ, ਅਯਂ ਸਮਨੁਭਾਸਨਸਮੁਟ੍ਠਾਨਾ ਨਾਮ. ਯਾ ਤਤਿਯਛਟ੍ਠੇਹਿ ਸਮੁਟ੍ਠਾਤਿ, ਅਯਂ ਕਥਿਨਸਮੁਟ੍ਠਾਨਾ ਨਾਮ. ਯਾ ਪਠਮਚਤੁਤ੍ਥੇਹਿ ਸਮੁਟ੍ਠਾਤਿ, ਅਯਂ ਏਲ਼ਕਲੋਮਸਮੁਟ੍ਠਾਨਾ ਨਾਮ. ਯਾ ਦੁਤਿਯਪਞ੍ਚਮੇਹਿ ਸਮੁਟ੍ਠਾਤਿ ¶ , ਅਯਂ ਪਦਸੋਧਮ੍ਮਸਮੁਟ੍ਠਾਨਾ ਨਾਮ. ਯਾ ਪਠਮਤਤਿਯਚਤੁਤ੍ਥਛਟ੍ਠੇਹਿ ਸਮੁਟ੍ਠਾਤਿ, ਅਯਂ ਅਦ੍ਧਾਨਸਮੁਟ੍ਠਾਨਾ ਨਾਮ. ਯਾ ਚਤੁਤ੍ਥਛਟ੍ਠੇਹਿ ਸਮੁਟ੍ਠਾਤਿ, ਅਯਂ ਥੇਯ੍ਯਸਤ੍ਥਸਮੁਟ੍ਠਾਨਾ ਨਾਮ. ਯਾ ਪਞ੍ਚਮੇਨੇਵ ਸਮੁਟ੍ਠਾਤਿ, ਅਯਂ ਧਮ੍ਮਦੇਸਨਾਸਮੁਟ੍ਠਾਨਾ ਨਾਮ. ਯਾ ਅਚਿਤ੍ਤਕੇਹਿ ਤੀਹਿ ਸਮੁਟ੍ਠਾਨੇਹਿ ਸਮੁਟ੍ਠਾਤਿ, ਅਯਂ ਭੂਤਾਰੋਚਨਸਮੁਟ੍ਠਾਨਾ ਨਾਮ. ਯਾ ਪਞ੍ਚਮਛਟ੍ਠੇਹਿ ਸਮੁਟ੍ਠਾਤਿ, ਅਯਂ ਚੋਰਿਵੁਟ੍ਠਾਪਨਸਮੁਟ੍ਠਾਨਾ ਨਾਮ. ਯਾ ਦੁਤਿਯਤਤਿਯਪਞ੍ਚਮਛਟ੍ਠੇਹਿ ਸਮੁਟ੍ਠਾਤਿ, ਅਯਂ ਅਨਨੁਞ੍ਞਾਤਸਮੁਟ੍ਠਾਨਾ ਨਾਮਾਤਿ. ਇਤਿ ਇਮਸ੍ਸ ਸਮੁਟ੍ਠਾਨਵਿਧਿਨੋਪਿ ਵਸੇਨ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ.

ਕਿਰਿਯਾਸਞ੍ਞਾਚਿਤ੍ਤੇਹਿ ਨਾਨਤ੍ਤਨ੍ਤਿ ਏਤੇਹਿ ਕਿਰਿਯਾਦੀਹਿ ਸਬ੍ਬਾਪਤ੍ਤੀਨਂ ਨਾਨਾਭਾਵਂ ਞਤ੍ਵਾ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ. ਸਬ੍ਬਾਪਤ੍ਤਿਯੋ ਹਿ ਕਿਰਿਯਾਵਸੇਨ ਪਞ੍ਚਵਿਧਾ ਹੋਨ੍ਤਿ, ਸੇਯ੍ਯਥਿਦਂ – ਅਤ੍ਥਾਪਤ੍ਤਿ ਕਿਰਿਯਤੋ ਸਮੁਟ੍ਠਾਤਿ ¶ , ਅਤ੍ਥਿ ਅਕਿਰਿਯਤੋ, ਅਤ੍ਥਿ ਕਿਰਿਯਾਕਿਰਿਯਤੋ, ਅਤ੍ਥਿ ਸਿਯਾ ਕਿਰਿਯਤੋ ਸਿਯਾ ਅਕਿਰਿਯਤੋ, ਅਤ੍ਥਿ ਸਿਯਾ ਕਿਰਿਯਤੋ ਸਿਯਾ ਕਿਰਿਯਾਕਿਰਿਯਤੋਤਿ. ਤਤ੍ਥ ਯਾ ਕਾਯੇਨ ਵਾ ਵਾਚਾਯ ਵਾ ਪਥਵਿਖਣਨਾਦੀਸੁ (ਪਚਿ. ੮੪) ਵਿਯ ਵੀਤਿਕ੍ਕਮਂ ਕਰੋਨ੍ਤਸ੍ਸ ਹੋਤਿ, ਅਯਂ ਕਿਰਿਯਤੋ ਸਮੁਟ੍ਠਾਤਿ ਨਾਮ. ਯਾ ਕਾਯਵਾਚਾਹਿ ਕਤ੍ਤਬ੍ਬਂ ਅਕਰੋਨ੍ਤਸ੍ਸ ਹੋਤਿ ਪਠਮਕਥਿਨਾਪਤ੍ਤਿ (ਪਾਰਾ. ੪੫੯ ਆਦਯੋ) ਵਿਯ, ਅਯਂ ਅਕਿਰਿਯਤੋ ਸਮੁਟ੍ਠਾਤਿ ਨਾਮ. ਯਾ ਕਰੋਨ੍ਤਸ੍ਸ ਚ ਅਕਰੋਨ੍ਤਸ੍ਸ ਚ ਹੋਤਿ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਚੀਵਰਪ੍ਪਟਿਗ੍ਗਹਣਾਪਤ੍ਤਿ (ਪਾਰਾ. ੫੦੮-੫੧੧) ਵਿਯ, ਅਯਂ ਕਿਰਿਯਾਕਿਰਿਯਤੋ ¶ ਸਮੁਟ੍ਠਾਤਿ ਨਾਮ. ਯਾ ਸਿਯਾ ਕਰੋਨ੍ਤਸ੍ਸ ਚ, ਸਿਯਾ ਅਕਰੋਨ੍ਤਸ੍ਸ ਚ ਹੋਤਿ ਰੂਪਿਯਪ੍ਪਟਿਗ੍ਗਹਣਾਪਤ੍ਤਿ (ਪਾਰਾ. ੫੮੨) ਵਿਯ, ਅਯਂ ਸਿਯਾ ਕਿਰਿਯਤੋ ਸਿਯਾ ਅਕਿਰਿਯਤੋ ਸਮੁਟ੍ਠਾਤਿ ਨਾਮ. ਯਾ ਸਿਯਾ ਕਰੋਨ੍ਤਸ੍ਸ ਚ ਸਿਯਾ ਕਰੋਨ੍ਤਾਕਰੋਨ੍ਤਸ੍ਸ ਚ ਹੋਤਿ ਕੁਟਿਕਾਰਾਪਤ੍ਤਿ (ਪਾਰਾ. ੩੪੨ ਆਦਯੋ) ਵਿਯ, ਅਯਂ ਸਿਯਾ ਕਿਰਿਯਤੋ ਸਿਯਾ ਕਿਰਿਯਾਕਿਰਿਯਤੋ ਸਮੁਟ੍ਠਾਤਿ ਨਾਮ.

ਸਬ੍ਬਾਪਤ੍ਤਿਯੋ ਚ ਸਞ੍ਞਾਵਸੇਨ ਦੁਵਿਧਾ ਹੋਨ੍ਤਿ ਸਞ੍ਞਾਵਿਮੋਕ੍ਖਾ ਨੋਸਞ੍ਞਾਵਿਮੋਕ੍ਖਾਤਿ. ਤਤ੍ਥ ਯਤੋ ਵੀਤਿਕ੍ਕਮਸਞ੍ਞਾਯ ਅਭਾਵੇਨ ਮੁਚ੍ਚਤਿ, ਅਯਂ ਸਞ੍ਞਾਵਿਮੋਕ੍ਖਾ, ਇਤਰਾ ਨੋਸਞ੍ਞਾਵਿਮੋਕ੍ਖਾ. ਪੁਨ ਚ ਸਬ੍ਬਾਪਿ ਚਿਤ੍ਤਵਸੇਨ ਦੁਵਿਧਾ ਹੋਨ੍ਤਿ ਸਚਿਤ੍ਤਕਾ ਅਚਿਤ੍ਤਕਾ ਚਾਤਿ. ਤਤ੍ਥ ਯਾ ਸਚਿਤ੍ਤਕਸਮੁਟ੍ਠਾਨਵਸੇਨੇਵ ਸਮੁਟ੍ਠਾਤਿ ਅਯਂ ਸਚਿਤ੍ਤਕਾ. ਯਾ ਅਚਿਤ੍ਤਕੇਨ ਵਾ ਸਚਿਤ੍ਤਕਮਿਸ੍ਸਕੇਨ ਵਾ ਸਮੁਟ੍ਠਾਤਿ ਅਯਂ ਅਚਿਤ੍ਤਕਾ.

ਵਜ੍ਜਕਮ੍ਮਪ੍ਪਭੇਦਨ੍ਤਿ ਏਤ੍ਥ ਸਬ੍ਬਾਪਤ੍ਤਿਯੋ ਵਜ੍ਜਵਸੇਨ ਦੁਵਿਧਾ ਹੋਨ੍ਤਿ ਲੋਕਵਜ੍ਜਾ ਪਣ੍ਣਤ੍ਤਿਵਜ੍ਜਾ ਚਾਤਿ. ਤਤ੍ਥ ਯਸ੍ਸਾ ਸਚਿਤ੍ਤਕਪਕ੍ਖੇ ਚਿਤ੍ਤਂ ਅਕੁਸਲਮੇਵ ਹੋਤਿ, ਅਯਂ ਲੋਕਵਜ੍ਜਾ, ਸੇਸਾ ਪਣ੍ਣਤ੍ਤਿਵਜ੍ਜਾ. ਸਬ੍ਬਾ ਚ ਕਾਯਕਮ੍ਮਵਚੀਕਮ੍ਮਤਦੁਭਯਵਸੇਨ ਤਿਵਿਧਾ ਹੋਨ੍ਤਿ. ਤਤ੍ਥ ¶ ਕਾਯਦ੍ਵਾਰੇ ਆਪਜ੍ਜਿਤਬ੍ਬਾ ਕਾਯਕਮ੍ਮਨ੍ਤਿ ਵੁਚ੍ਚਤਿ, ਵਚੀਦ੍ਵਾਰੇ ਆਪਜ੍ਜਿਤਬ੍ਬਾ ਵਚੀਕਮ੍ਮਨ੍ਤਿ ਵੁਚ੍ਚਤਿ, ਉਭਯਤ੍ਥ ਆਪਜ੍ਜਿਤਬ੍ਬਾ ਕਾਯਕਮ੍ਮਂ ਵਚੀਕਮ੍ਮਞ੍ਚਾਤਿ, ਮਨੋਦ੍ਵਾਰੇ ਆਪਤ੍ਤਿ ਨਾਮ ਨਤ੍ਥਿ. ਇਤਿ ਇਮਿਨਾ ਵਜ੍ਜਕਮ੍ਮਪ੍ਪਭੇਦੇਨਾਪਿ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ.

ਤਿਕਦ੍ਵਯਵਿਧਿਨ੍ਤਿ ਕੁਸਲਤ੍ਤਿਕਵੇਦਨਾਤ੍ਤਿਕਵਿਧਿਂ. ਆਪਤ੍ਤਿਂ ਆਪਜ੍ਜਮਾਨੋ ਹਿ ਅਕੁਸਲਚਿਤ੍ਤੋ ਵਾ ਆਪਜ੍ਜਤਿ ਕੁਸਲਾਬ੍ਯਾਕਤਚਿਤ੍ਤੋ ਵਾ, ਤਥਾ ਦੁਕ੍ਖਵੇਦਨਾਸਮਙ੍ਗੀ ¶ ਵਾ ਇਤਰਵੇਦਨਾਦ੍ਵਯਸਮਙ੍ਗੀ ਵਾ. ਏਵਂ ਸਨ੍ਤੇਪਿ ਸਬ੍ਬਸਿਕ੍ਖਾਪਦੇਸੁ ਅਕੁਸਲਚਿਤ੍ਤਵਸੇਨ ਏਕਂ ਚਿਤ੍ਤਂ, ਕੁਸਲਾਬ੍ਯਾਕਤਚਿਤ੍ਤਵਸੇਨ ਦ੍ਵੇ ਚਿਤ੍ਤਾਨਿ, ਸਬ੍ਬੇਸਂ ਵਸੇਨ ਤੀਣਿ ਚਿਤ੍ਤਾਨਿ. ਦੁਕ੍ਖਵੇਦਨਾਵਸੇਨ ਏਕਾ ਵੇਦਨਾ, ਸੁਖਉਪੇਕ੍ਖਾਵਸੇਨ ਦ੍ਵੇ, ਸਬ੍ਬਾਸਂ ਵਸੇਨ ਤਿਸ੍ਸੋ ਵੇਦਨਾਤਿ. ਅਯਮੇਵ ਪਭੇਦੋ ਲਬ੍ਭਤਿ, ਨ ਅਞ੍ਞੋ.

ਲਕ੍ਖਣਂ ਸਤ੍ਤਰਸਧਾ, ਠਿਤਂ ਸਾਧਾਰਣਂ ਇਦਂ, ਞਤ੍ਵਾਤਿ ਇਦਂ ਨਿਦਾਨਾਦਿਵੇਦਨਾਤ੍ਤਿਕਪਰਿਯੋਸਾਨਂ ਸਤ੍ਤਰਸਪ੍ਪਕਾਰਂ ਲਕ੍ਖਣਂ ਜਾਨਿਤ੍ਵਾ ਯੋਜੇਯ੍ਯ ਮੇਧਾਵੀ. ਤਤ੍ਥ ਤਤ੍ਥ ਯਥਾਰਹਨ੍ਤਿ ਪਣ੍ਡਿਤੋ ਭਿਕ੍ਖੁ ਤਸ੍ਮਿਂ ਤਸ੍ਮਿਂ ਸਿਕ੍ਖਾਪਦੇ ਇਦਂ ਲਕ੍ਖਣਂ ਯਥਾਨੁਰੂਪਂ ਯੋਜੇਯ੍ਯਾਤਿ ਅਤ੍ਥੋ. ਤਂ ਪਨ ਅਯੋਜਿਤਂ ਦੁਬ੍ਬਿਜਾਨਂ ਹੋਤਿ, ਤਸ੍ਮਾ ਨਂ ਸਬ੍ਬਸਿਕ੍ਖਾਪਦਾਨਂ ਅਸਾਧਾਰਣਵਿਨਿਚ੍ਛਯਪਰਿਯੋਸਾਨੇ ਇਮਂ ਮਾਤਿਕਂ ਅਨੁਦ੍ਧਰਿਤ੍ਵਾਵ ਯੋਜੇਤ੍ਵਾ ਦਸ੍ਸਯਿਸ੍ਸਾਮ.

ਇਧ ਪਨਸ੍ਸ ਅਯਂ ਯੋਜਨਾ – ਇਦਂ ਵੇਸਾਲਿਯਂ ਸੁਦਿਨ੍ਨਤ੍ਥੇਰਂ ਆਰਬ੍ਭ ਮੇਥੁਨਵੀਤਿਕ੍ਕਮਵਤ੍ਥੁਸ੍ਮਿਂ ਪਞ੍ਞਤ੍ਤਂ. ‘‘ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯਾ’’ਤਿ ਅਯਮੇਤ੍ਥ ਪਞ੍ਞਤ੍ਤਿ, ‘‘ਸਿਕ੍ਖਂ ਅਪਚ੍ਚਕ੍ਖਾਯਾ’’ਤਿ ਚ ‘‘ਅਨ੍ਤਮਸੋ ਤਿਰਚ੍ਛਾਨਗਤਾਯਪੀ’’ਤਿ ਚ ਦ੍ਵੇ ਅਨੁਪਞ੍ਞਤ੍ਤਿਯੋ. ਅਨੁਪਞ੍ਞਤ੍ਤਿ ਚ ਨਾਮੇਸਾ ਆਪਤ੍ਤਿਕਰਾ ਚ ਹੋਤਿ ਅਞ੍ਞਵਾਦਕਸਿਕ੍ਖਾਪਦਾਦੀਸੁ (ਪਾਚਿ. ੯੫ ਆਦਯੋ) ਵਿਯ, ਅਨਾਪਤ੍ਤਿਕਰਾ ਚ ਅਞ੍ਞਤ੍ਰ ਸੁਪਿਨਨ੍ਤਾਤਿਆਦੀਸੁ (ਪਾਰਾ. ੨੩੬-੨੩੭) ਵਿਯ, ਆਪਤ੍ਤਿਉਪਤ੍ਥਮ੍ਭਕਰਾ ਚ ਅਦਿਨ੍ਨਾਦਾਨਾਦੀਸੁ (ਪਾਰਾ. ੯੧) ਵਿਯ ¶ , ਇਧ ਪਨ ਉਪਤ੍ਥਮ੍ਭਕਰਾਤਿ ਵੇਦਿਤਬ੍ਬਾ. ਇਤੋ ਪਰਂ ਪਨ ਯਤ੍ਥ ਅਨੁਪਞ੍ਞਤ੍ਤਿ ਅਤ੍ਥਿ, ਤਤ੍ਥ ‘‘ਅਯਂ ਅਨੁਪਞ੍ਞਤ੍ਤੀ’’ਤਿ ਏਤ੍ਤਕਮੇਵ ਦਸ੍ਸਯਿਸ੍ਸਾਮ. ਠਪੇਤ੍ਵਾ ਪਨ ਅਨੁਪਞ੍ਞਤ੍ਤਿਂ ਅਵਸੇਸਾ ਪਞ੍ਞਤ੍ਤਿਯੇਵਾਤਿ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ. ਭਿਕ੍ਖੁਂ ਆਰਬ੍ਭ ਉਪ੍ਪਨ੍ਨਵਤ੍ਥੁਸ੍ਮਿਂਯੇਵ ‘‘ਯਾ ਪਨ ਭਿਕ੍ਖੁਨੀ ਛਨ੍ਦਸੋ ਮੇਥੁਨਂ ਧਮ੍ਮਂ ਪਟਿਸੇਵੇਯ੍ਯਾ’’ਤਿ ਏਵਂ ਭਿਕ੍ਖੁਨੀਨਮ੍ਪਿ ਪਞ੍ਞਤ੍ਤਿਤੋ ਸਾਧਾਰਣਪਞ੍ਞਤ੍ਤਿ. ਆਣਤ੍ਤਿਯਾ ਅਨਾਪਜ੍ਜਨਤੋ ਅਨਾਣਤ੍ਤਿਕਂ. ਭਿਕ੍ਖੁਂ ਪਨ ਆਣਾਪੇਨ੍ਤੋ ਅਕਪ੍ਪਿਯਸਮਾਦਾਨਾਪਤ੍ਤਿਤੋ ਨ ਮੁਚ੍ਚਤਿ, ਮੇਥੁਨਰਾਗੇਨ ਕਾਯਸਂਸਗ੍ਗੇ ਦੁਕ੍ਕਟਂ, ਜੀਵਮਾਨਕਸਰੀਰਸ੍ਸ ਵੁਤ੍ਤਪ੍ਪਕਾਰੇ ਮਗ੍ਗੇ ਸਚੇਪਿ ਤਚਾਦੀਨਿ ਅਨਵਸੇਸੇਤ੍ਵਾ ਸਬ੍ਬਸੋ ਛਿਨ੍ਨੇ ਨਿਮਿਤ੍ਤਸਣ੍ਠਾਨਮਤ੍ਤਂ ਪਞ੍ਞਾਯਤਿ, ਤਤ੍ਥ ਅਨ੍ਤਮਸੋ ਅਙ੍ਗਜਾਤੇ ਉਟ੍ਠਿਤਂ ਅਨਟ੍ਠਕਾਯਪ੍ਪਸਾਦਂ ਪੀਲ਼ਕਂ ਵਾ ਚਮ੍ਮਖਿਲਂ ਵਾ ਪਵੇਸੇਨ੍ਤਸ੍ਸਾਪਿ ਸੇਵਨਚਿਤ੍ਤੇ ਸਤਿ ਪਾਰਾਜਿਕਂ, ਨਟ੍ਠਕਾਯਪ੍ਪਸਾਦਂ ¶ ਸੁਕ੍ਖਪੀਲ਼ਕਂ ਵਾ ਮਤਚਮ੍ਮਂ ਵਾ ਲੋਮਂ ਵਾ ਪਵੇਸੇਨ੍ਤਸ੍ਸ ਦੁਕ੍ਕਟਂ, ਸਚੇ ਨਿਮਿਤ੍ਤਸਣ੍ਠਾਨਮਤ੍ਤਮ੍ਪਿ ਅਨਵਸੇਸੇਤ੍ਵਾ ਸਬ੍ਬਸੋ ਮਗ੍ਗੋ ਉਪ੍ਪਾਟਿਤੋ, ਤਤ੍ਥ ਉਪਕ੍ਕਮਤੋ ਵਣਸਙ੍ਖੇਪਵਸੇਨ ¶ ਥੁਲ੍ਲਚ੍ਚਯਂ, ਤਥਾ ਮਨੁਸ੍ਸਾਨਂ ਅਕ੍ਖਿਨਾਸਾਕਣ੍ਣਚ੍ਛਿਦ੍ਦਵਤ੍ਥਿਕੋਸੇਸੁ ਸਤ੍ਥਕੇਨ ਕਤਵਣੇ ਵਾ, ਹਤ੍ਥਿਅਸ੍ਸਾਦੀਨਞ੍ਚ ਤਿਰਚ੍ਛਾਨਾਨਂ ਵਤ੍ਥਿਕੋਸਨਾਸਾਪੁਟੇਸੁ ਥੁਲ੍ਲਚ੍ਚਯਂ. ਤਿਰਚ੍ਛਾਨਾਨਂ ਪਨ ਅਕ੍ਖਿਕਣ੍ਣਨਾਸਾਵਣੇਸੁ ਅਹਿਮਚ੍ਛਾਦੀਨਂ ਪਵੇਸਨਪ੍ਪਮਾਣਵਿਰਹਿਤੇ ਅਣੁਨਿਮਿਤ੍ਤੇ ਸਬ੍ਬੇਸਞ੍ਚ ਉਪਕਚ੍ਛਕਾਦੀਸੁ ਸੇਸਸਰੀਰੇਸੁ ਦੁਕ੍ਕਟਂ. ਮਤਸਰੀਰੇ ਨਿਮਿਤ੍ਤੇ ਉਪਡ੍ਢਕ੍ਖਾਯਿਤਤੋ ਪਟ੍ਠਾਯ ਯਾਵ ਨ ਕੁਥਿਤਂ ਹੋਤਿ, ਤਾਵ ਥੁਲ੍ਲਚ੍ਚਯਂ. ਕੁਥਿਤੇ ਦੁਕ੍ਕਟਂ, ਤਥਾ ਵਟ੍ਟਕਤੇ ਮੁਖੇ ਅਚ੍ਛੁਪਨ੍ਤਂ ਅਙ੍ਗਜਾਤਂ ਪਵੇਸੇਨ੍ਤਸ੍ਸ ਦੁਕ੍ਕਟਂ. ਓਟ੍ਠਤੋ ਬਹਿ ਨਿਕ੍ਖਨ੍ਤਜਿਵ੍ਹਾਯ ਵਾ ਦਨ੍ਤੇਸੁ ਵਾ ਥੁਲ੍ਲਚ੍ਚਯਂ. ਨਿਮਿਤ੍ਤਤੋ ਬਹਿ ਪਤਿਤਮਂਸਪੇਸਿਯਂ ਦੁਕ੍ਕਟਨ੍ਤਿ ਅਯਮੇਤ੍ਥ ਆਪਤ੍ਤਿਭੇਦੋ.

ਅਜਾਨਨ੍ਤਸ੍ਸ ਅਸਾਦਿਯਨ੍ਤਸ੍ਸ ਉਮ੍ਮਤ੍ਤਕਸ੍ਸ ਖਿਤ੍ਤਚਿਤ੍ਤਸ੍ਸ ਵੇਦਨਾਟ੍ਟਸ੍ਸ ਆਦਿਕਮ੍ਮਿਕਾਨਞ੍ਚ ਅਨਾਪਤ੍ਤਿ. ਏਤ੍ਥ ਪਨ ਯੋ ਨਿਦ੍ਦਂ ਓਕ੍ਕਨ੍ਤਤ੍ਤਾ ਪਰੇਨ ਕਤਮ੍ਪਿ ਉਪਕ੍ਕਮਂ ਨ ਜਾਨਾਤਿ, ਸੋ ਅਜਾਨਨ੍ਤੋ. ਯੋ ਜਾਨਿਤ੍ਵਾਪਿ ਨ ਸਾਦਿਯਤਿ, ਸੋ ਅਸਾਦਿਯਨ੍ਤੋ. ਯੋ ਪਿਤ੍ਤਵਸੇਨ ਅਤੇਕਿਚ੍ਛਂ ਉਮ੍ਮਾਦਂ ਪਤ੍ਤੋ, ਸੋ ਉਮ੍ਮਤ੍ਤਕੋ. ਯਕ੍ਖੇਹਿ ਕਤਚਿਤ੍ਤਵਿਕ੍ਖੇਪੋ ਖਿਤ੍ਤਚਿਤ੍ਤੋ. ਦ੍ਵਿਨ੍ਨਮ੍ਪਿ ਚ ਏਤੇਸਂ ਅਗ੍ਗਿਸੁਵਣ੍ਣਗੂਥਚਨ੍ਦਨਾਦੀਸੁ ਸਮਪ੍ਪਵਤ੍ਤਿਭਾਵੇਨ ਅਜਾਨਨਭਾਵੋਵ ਪਮਾਣਂ. ਯੋ ਅਧਿਮਤ੍ਤਵੇਦਨਾਯ ਆਤੁਰਤ੍ਤਾ ਕਿਞ੍ਚਿ ਨ ਜਾਨਾਤਿ, ਸੋ ਵੇਦਨਾਟ੍ਟੋ. ਯੋ ਤਸ੍ਮਿਂ ਤਸ੍ਮਿਂ ਵਤ੍ਥੁਸ੍ਮਿਂ ਆਦਿਭੂਤੋ, ਸੋ ਆਦਿਕਮ੍ਮਿਕੋ. ਅਯਂ ਪਨ ਅਨਾਪਤ੍ਤਿ. ਚਤੂਸੁ ਵਿਪਤ੍ਤੀਸੁ ਸੀਲਵਿਪਤ੍ਤਿ. ਤਸ੍ਸਾ ਦ੍ਵੇ ਅਙ੍ਗਾਨਿ ਸੇਵਨਚਿਤ੍ਤਞ੍ਚ ਮਗ੍ਗੇਨ ਮਗ੍ਗਪਟਿਪਾਦਨਞ੍ਚਾਤਿ. ਸਮੁਟ੍ਠਾਨਾਦਿਤੋ ਇਦਂ ਸਿਕ੍ਖਾਪਦਂ ਪਠਮਪਾਰਾਜਿਕਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਅਕੁਸਲਚਿਤ੍ਤਂ, ਦ੍ਵਿਵੇਦਨਨ੍ਤਿ, ਇਮਾਨਿ ਚ ਸਮੁਟ੍ਠਾਨਾਦੀਨਿ ਨਾਮ ਆਪਤ੍ਤਿਯਾ ਹੋਨ੍ਤਿ, ਨ ਸਿਕ੍ਖਾਪਦਸ੍ਸ. ਵੋਹਾਰਸੁਖਤ੍ਥਂ ¶ ਪਨ ਸਬ੍ਬਟ੍ਠਕਥਾਸੁ ਸਿਕ੍ਖਾਪਦਸੀਸੇਨ ਦੇਸਨਾ ਆਗਤਾ, ਤਸ੍ਮਾ ਅਞ੍ਞੇਸੁਪਿ ਏਵਰੂਪੇਸੁ ਠਾਨੇਸੁ ਬ੍ਯਞ੍ਜਨੇ ਆਦਰਂ ਅਕਤ੍ਵਾ ਅਧਿਪ੍ਪੇਤਮੇਵ ਗਹੇਤਬ੍ਬਂ.

ਅਤ੍ਥੇ ਨਿਵੇਸੇਯ੍ਯ ਮਤਿਂ ਮੁਤੀਮਾਤਿ.

ਦੁਤਿਯੇ ¶ ¶ ਗਾਮਾ ਵਾ ਅਰਞ੍ਞਾਵਾਤਿ ਏਤ੍ਥ ਸਬ੍ਬੋਪਿ ਏਕਕੁਟਿਕਾਦਿਭੇਦੋ ਪਰਿਕ੍ਖਿਤ੍ਤੋ ਵਾ ਅਪਰਿਕ੍ਖਿਤ੍ਤੋ ਵਾ ਸਮਨੁਸ੍ਸੋ ਵਾ ਅਮਨੁਸ੍ਸੋ ਵਾ ਅਨ੍ਤਮਸੋ ਅਤਿਰੇਕਚਾਤੁਮਾਸਨਿਵਿਟ੍ਠੋ ਯੋ ਕੋਚਿ ਸਤ੍ਥੋਪਿ ‘‘ਗਾਮੋ’’ਤਿ ਵੇਦਿਤਬ੍ਬੋ. ਠਪੇਤ੍ਵਾ ਗਾਮਞ੍ਚ ਗਾਮੂਪਚਾਰਞ੍ਚ ਅਵਸੇਸਂ ਅਰਞ੍ਞਂ ਨਾਮ. ਤਤ੍ਥ ਅਸਮ੍ਮੋਹਤ੍ਥਂ ਘਰਂ ਘਰੂਪਚਾਰੋ ਗਾਮੋ ਗਾਮੂਪਚਾਰੋਤਿ ਅਯਂ ਵਿਭਾਗੋ ਵੇਦਿਤਬ੍ਬੋ. ਨਿਬ੍ਬਕੋਸਸ੍ਸ ਹਿ ਉਦਕਪਤਨਟ੍ਠਾਨਬ੍ਭਨ੍ਤਰਂ ਘਰਂ ਨਾਮ. ਯਂ ਪਨ ਦ੍ਵਾਰੇ ਠਿਤੋ ਮਾਤੁਗਾਮੋ ਭਾਜਨਧੋਵਨਉਦਕਂ ਛਡ੍ਡੇਤਿ, ਤਸ੍ਸ ਪਤਨਟ੍ਠਾਨਞ੍ਚ ਮਾਤੁਗਾਮੇਨੇਵ ਅਨ੍ਤੋਗੇਹੇ ਠਿਤੇਨ ਪਕਤਿਯਾ ਬਹਿ ਖਿਤ੍ਤਸ੍ਸ ਸੁਪ੍ਪਸ੍ਸ ਵਾ ਸਂਮੁਞ੍ਜਨਿਯਾ ਵਾ ਪਤਨਟ੍ਠਾਨਞ੍ਚ ਘਰਸ੍ਸ ਪੁਰਤੋ ਦ੍ਵੀਸੁ ਕੋਣੇਸੁ ਸਮ੍ਬਨ੍ਧਿਤ੍ਵਾ ਮਜ੍ਝੇ ਰੁਕ੍ਖਸੂਚਿਦ੍ਵਾਰਂ ਠਪੇਤ੍ਵਾ ਗੋਰੂਪਾਨਂ ਪਵੇਸਨਨਿਵਾਰਣਤ੍ਥਂ ਕਤਪਰਿਕ੍ਖੇਪੋ ਚ ਅਯਂ ਸਬ੍ਬੋਪਿ ਘਰੂਪਚਾਰੋ ਨਾਮ. ਯਂ ਪਨ ਸਬ੍ਬਨ੍ਤਿਮਂ ਘਰਂ ਹੋਤਿ, ਤਸ੍ਸ ਘਰਸ੍ਸ ਤਾਦਿਸੇ ਘਰੂਪਚਾਰੇ ਠਿਤਸ੍ਸ ਥਾਮਮਜ੍ਝਿਮਸ੍ਸ ਪੁਰਿਸਸ੍ਸ ਯਥਾ ਤਰੁਣਮਨੁਸ੍ਸਾ ਅਤ੍ਤਨੋ ਬਲਂ ਦਸ੍ਸੇਨ੍ਤੋ ਬਾਹੁਂ ਪਸਾਰੇਤ੍ਵਾ ਲੇਡ੍ਡੁਂ ਖਿਪਨ੍ਤਿ, ਏਵਂ ਖਿਤ੍ਤਸ੍ਸ ਲੇਡ੍ਡੁਸ੍ਸ ਪਤਨਟ੍ਠਾਨਬ੍ਭਨ੍ਤਰਂ ਗਾਮੋ ਨਾਮ. ਤਤੋ ਅਞ੍ਞਸ੍ਸ ਲੇਡ੍ਡੁਪਾਤਸ੍ਸ ਅਬ੍ਭਨ੍ਤਰਂ ਗਾਮੂਪਚਾਰੋ ਨਾਮ. ਪਤਿਤਸ੍ਸ ਪਨ ਲੇਡ੍ਡੁਨੋ ਪਵਤ੍ਤਿਤ੍ਵਾ ਗਤਟ੍ਠਾਨਂ ਨ ਗਹੇਤਬ੍ਬਂ. ਪਰਿਕ੍ਖਿਤ੍ਤਸ੍ਸ ਪਨ ਗਾਮਸ੍ਸ ਪਰਿਕ੍ਖੇਪੋਯੇਵ ਗਾਮਸ੍ਸ ਪਰਿਚ੍ਛੇਦੋ, ਤਸ੍ਸ ਸਚੇ ਦ੍ਵੇ ਇਨ੍ਦਖਿਲਾ ਹੋਨ੍ਤਿ ਅਬ੍ਭਨ੍ਤਰਿਮੇ ਇਨ੍ਦਖਿਲੇ ਠਿਤਸ੍ਸ ਲੇਡ੍ਡੁਪਾਤਬ੍ਭਨ੍ਤਰਂ ਗਾਮੂਪਚਾਰੋ ਨਾਮ. ਪਦਭਾਜਨੇਪਿ (ਪਾਰਾ. ੯੨) ਹਿ ਇਮਿਨਾਵ ਨਯੇਨ ਅਤ੍ਥੋ ਵੇਦਿਤਬ੍ਬੋ. ਤਤ੍ਥ ਯ੍ਵਾਯਂ ਅਪਰਿਕ੍ਖਿਤ੍ਤਸ੍ਸ ਗਾਮਸ੍ਸ ਉਪਚਾਰੋ ਦਸ੍ਸਿਤੋ, ਤਸ੍ਸ ਵਸੇਨ ਵਿਕਾਲੇ ਗਾਮਪ੍ਪਵੇਸਨਾਦੀਸੁ ਆਪਤ੍ਤਿ ਪਰਿਚ੍ਛਿਨ੍ਦਿਤਬ੍ਬਾ. ਇਤਿ ਇਮਂ ਠਪੇਤ੍ਵਾ ਗਾਮਞ੍ਚ ਗਾਮੂਪਚਾਰਞ੍ਚ ਅਵਸੇਸਂ ਇਮਸ੍ਮਿਂ ਸਿਕ੍ਖਾਪਦੇ ਅਰਞ੍ਞਂ ਨਾਮ. ਦੇਸਨਾਮਤ੍ਤਮੇਵ ਚੇਤਂ ‘‘ਗਾਮਾ ਵਾ ਅਰਞ੍ਞਾਵਾ’’ਤਿ. ਯੇ ਪਨ ਇਮੇਸਂ ਪਰਿਚ੍ਛੇਦਦਸ੍ਸਨਤ੍ਥਂ ਘਰਘਰੂਪਚਾਰਗਾਮੂਪਚਾਰਾ ਵੁਤ੍ਤਾ, ਤਤੋਪਿ ਪਾਰਾਜਿਕਵਤ੍ਥੁਂ ਅਵਹਰਨ੍ਤਸ੍ਸ ਪਾਰਾਜਿਕਂ ਹੋਤਿਯੇਵ.

ਅਦਿਨ੍ਨਨ੍ਤਿ ਅਞ੍ਞਸ੍ਸ ਮਨੁਸ੍ਸਜਾਤਿਕਸ੍ਸ ਸਨ੍ਤਕਂ. ਥੇਯ੍ਯਸਙ੍ਖਾਤਨ੍ਤਿ ਏਤ੍ਥ ਥੇਨੋਤਿ ¶ ਚੋਰੋ, ਥੇਨਸ੍ਸ ਭਾਵੋ ਥੇਯ੍ਯਂ, ਅਵਹਰਣਚਿਤ੍ਤਸ੍ਸੇਤਂ ਨਾਮਂ. ਸਙ੍ਖਾ ਸਙ੍ਖਾਤਨ੍ਤਿ ਅਤ੍ਥਤੋ ਏਕਂ, ਕੋਟ੍ਠਾਸਸ੍ਸੇਤਂ ਨਾਮਂ ‘‘ਸਞ੍ਞਾਨਿਦਾਨਾ ¶ ਹਿ ਪਪਞ੍ਚਸਙ੍ਖਾ’’ਤਿਆਦੀਸੁ (ਸੁ. ਨਿ. ੮੮੦; ਮਹਾਨਿ. ੧੦੯) ਵਿਯ. ਥੇਯ੍ਯਞ੍ਚ ਤਂ ਸਙ੍ਖਾਤਞ੍ਚਾਤਿ ਥੇਯ੍ਯਸਙ੍ਖਾਤਂ, ਥੇਯ੍ਯਚਿਤ੍ਤਸਙ੍ਖਾਤੋ ਏਕੋ ਚਿਤ੍ਤਕੋਟ੍ਠਾਸੋਤਿ ਅਤ੍ਥੋ. ਕਰਣਤ੍ਥੇ ਚੇਤਂ ਪਚ੍ਚਤ੍ਤਵਚਨਂ, ਤਸ੍ਮਾ ਥੇਯ੍ਯਸਙ੍ਖਾਤੇਨਾਤਿ ਅਤ੍ਥਤੋ ਦਟ੍ਠਬ੍ਬਂ. ਯੋ ਚ ਥੇਯ੍ਯਸਙ੍ਖਾਤੇਨ ਆਦਿਯਤਿ, ਸੋ ਯਸ੍ਮਾ ਥੇਯ੍ਯਚਿਤ੍ਤੋ ਹੋਤਿ, ਤਸ੍ਮਾ ਬ੍ਯਞ੍ਜਨਂ ਅਨਾਦਿਯਿਤ੍ਵਾ ਅਤ੍ਥਮੇਵ ਦਸ੍ਸੇਤੁਂ ‘‘ਥੇਯ੍ਯਚਿਤ੍ਤੋ ਅਵਹਰਣਚਿਤ੍ਤੋ’’ਤਿ (ਪਾਰਾ. ੯੨) ਏਵਮਸ੍ਸ ਪਦਭਾਜਨਂ ਵੁਤ੍ਤਨ੍ਤਿ ਵੇਦਿਤਬ੍ਬਂ.

ਆਦਿਯੇਯ੍ਯਾਤਿ ¶ ਪਞ੍ਚਵੀਸਤਿਯਾ ਅਵਹਾਰਾਨਂ ਅਞ੍ਞਤਰਵਸੇਨ ਹਰੇਯ੍ਯ. ਤੇ ਪਨ ਅਵਹਾਰਾ ਪਞ੍ਚ ਪਞ੍ਚਕਾਨਿ ਸਮੋਧਾਨੇਤ੍ਵਾ ਸਾਧੁਕਂ ਸਲ੍ਲਕ੍ਖੇਤਬ੍ਬਾ. ਪਞ੍ਚ ਪਞ੍ਚਕਾਨਿ ਨਾਮ ਨਾਨਾਭਣ੍ਡਪਞ੍ਚਕਂ ਏਕਭਣ੍ਡਪਞ੍ਚਕਂ ਸਾਹਤ੍ਥਿਕਪਞ੍ਚਕਂ ਪੁਬ੍ਬਪਯੋਗਪਞ੍ਚਕਂ ਥੇਯ੍ਯਾਵਹਾਰਪਞ੍ਚਕਨ੍ਤਿ. ਤਤ੍ਥ ਪੁਰਿਮਾਨਿ ਦ੍ਵੇ ਪਞ੍ਚਕਾਨਿ ਏਤਸ੍ਸੇਵ ਪਦਸ੍ਸ ਪਦਭਾਜਨੇ ਵੁਤ੍ਤਾਨਂ ‘‘ਆਦਿਯੇਯ੍ਯ ਹਰੇਯ੍ਯ ਅਵਹਰੇਯ੍ਯ ਇਰਿਯਾਪਥਂ ਵਿਕੋਪੇਯ੍ਯ ਠਾਨਾ ਚਾਵੇਯ੍ਯਾ’’ਤਿ ਇਮੇਸਂ ਪਦਾਨਂ ਵਸੇਨ ਲਬ੍ਭਨ੍ਤਿ. ਤਤ੍ਥ ਨਾਨਾਭਣ੍ਡਪਞ੍ਚਕਂ ਸਵਿਞ੍ਞਾਣਕਾਵਿਞ੍ਞਾਣਕਵਸੇਨ ਦਟ੍ਠਬ੍ਬਂ, ਇਤਰਂ ਸਵਿਞ੍ਞਾਣਕਵਸੇਨੇਵ. ਕਥਂ? ਆਦਿਯੇਯ੍ਯਾਤਿ ਆਰਾਮਂ ਅਭਿਯੁਞ੍ਜਤਿ, ਆਪਤ੍ਤਿ ਦੁਕ੍ਕਟਸ੍ਸ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਆਪਤ੍ਤਿ ਥੁਲ੍ਲਚ੍ਚਯਸ੍ਸ. ਸਾਮਿਕੋ ‘‘ਨ ਮਯ੍ਹਂ ਭਵਿਸ੍ਸਤੀ’’ਤਿ ਧੁਰਂ ਨਿਕ੍ਖਿਪਤਿ, ਆਪਤ੍ਤਿ ਪਾਰਾਜਿਕਸ੍ਸ. ਹਰੇਯ੍ਯਾਤਿ ਅਞ੍ਞਸ੍ਸ ਭਣ੍ਡਂ ਹਰਨ੍ਤੋ ਸੀਸੇ ਭਾਰਂ ਥੇਯ੍ਯਚਿਤ੍ਤੋ ਆਮਸਤਿ, ਦੁਕ੍ਕਟਂ. ਫਨ੍ਦਾਪੇਤਿ, ਥੁਲ੍ਲਚ੍ਚਯਂ. ਖਨ੍ਧਂ ਓਰੋਪੇਤਿ, ਪਾਰਾਜਿਕਂ. ਅਵਹਰੇਯ੍ਯਾਤਿ ਉਪਨਿਕ੍ਖਿਤ੍ਤਂ ਭਣ੍ਡਂ ‘‘ਦੇਹਿ ਮੇ ਭਣ੍ਡ’’ਨ੍ਤਿ ਵੁਚ੍ਚਮਾਨੋ ‘‘ਨਾਹਂ ਗਣ੍ਹਾਮੀ’’ਤਿ ਭਣਤਿ, ਦੁਕ੍ਕਟਂ. ਸਾਮਿਕਸ੍ਸ ਵਿਮਤਿਂ ਉਪ੍ਪਾਦੇਤਿ, ਥੁਲ੍ਲਚ੍ਚਯਂ. ਸਾਮਿਕੋ ‘‘ਨ ਮਯ੍ਹਂ ਭਵਿਸ੍ਸਤੀ’’ਤਿ ਧੁਰਂ ਨਿਕ੍ਖਿਪਤਿ, ਪਾਰਾਜਿਕਂ. ਇਰਿਯਾਪਥਂ ਵਿਕੋਪੇਯ੍ਯਾਤਿ ‘‘ਸਹ ਭਣ੍ਡਹਾਰਕਂ ਨੇਸ੍ਸਾਮੀ’’ਤਿ ਪਠਮਂ ਪਾਦਂ ਅਤਿਕ੍ਕਾਮੇਤਿ, ਥੁਲ੍ਲਚ੍ਚਯਂ. ਦੁਤਿਯਂ ਪਾਦਂ ਅਤਿਕ੍ਕਾਮੇਤਿ, ਪਾਰਾਜਿਕਂ. ਠਾਨਾ ਚਾਵੇਯ੍ਯਾਤਿ ਥਲਟ੍ਠਂ ਭਣ੍ਡਂ ਥੇਯ੍ਯਚਿਤ੍ਤੋ ਆਮਸਤਿ, ਦੁਕ੍ਕਟਂ. ਫਨ੍ਦਾਪੇਤਿ, ਥੁਲ੍ਲਚ੍ਚਯਂ. ਠਾਨਾ ਚਾਵੇਤਿ, ਪਾਰਾਜਿਕਂ. ਏਵਂ ਤਾਵ ਨਾਨਾਭਣ੍ਡਪਞ੍ਚਕਂ ਵੇਦਿਤਬ੍ਬਂ. ਸਸਾਮਿਕਸ੍ਸ ਪਨ ਦਾਸਸ੍ਸ ਵਾ ਤਿਰਚ੍ਛਾਨਗਤਸ੍ਸ ਵਾ ਯਥਾਵੁਤ੍ਤੇਨ ਅਭਿਯੋਗਾਦਿਨਾ ਨਯੇਨ ਆਦਿਯਨਹਰਣਅਵਹਰਣਇਰਿਯਾਪਥਵਿਕੋਪਨਠਾਨਾਚਾਵਨਵਸੇਨ ਏਕਭਣ੍ਡਪਞ੍ਚਕਂ ਵੇਦਿਤਬ੍ਬਂ.

ਕਤਮਂ ਸਾਹਤ੍ਥਿਕਪਞ੍ਚਕਂ? ਸਾਹਤ੍ਥਿਕੋ ਆਣਤ੍ਤਿਕੋ ਨਿਸ੍ਸਗ੍ਗਿਯੋ ਅਤ੍ਥਸਾਧਕੋ ਧੁਰਨਿਕ੍ਖੇਪੋਤਿ. ਤਤ੍ਥ ਸਾਹਤ੍ਥਿਕੋ ਨਾਮ ਪਰਸ੍ਸ ਭਣ੍ਡਂ ¶ ਸਹਤ੍ਥਾ ਅਵਹਰਤਿ. ਆਣਤ੍ਤਿਕੋ ਨਾਮ ‘‘ਅਸੁਕਸ੍ਸ ਭਣ੍ਡਂ ਅਵਹਰਾ’’ਤਿ ਅਞ੍ਞਂ ਆਣਾਪੇਤਿ. ਨਿਸ੍ਸਗ੍ਗਿਯੋ ਨਾਮ ਸੁਙ੍ਕਘਾਤਕਪਰਿਕਪ੍ਪਿਤੋਕਾਸਾਨਂ ਅਨ੍ਤੋ ਠਤ੍ਵਾ ਬਹਿ ਪਾਤਨਂ. ਅਤ੍ਥਸਾਧਕੋ ਨਾਮ ‘‘ਅਸੁਕਸ੍ਸ ਭਣ੍ਡਂ ਯਦਾ ਸਕ੍ਕੋਤਿ, ਤਦਾ ਤਂ ਅਵਹਰਾ’’ਤਿ ਅਞ੍ਞਂ ਆਣਾਪੇਤਿ. ਤਤ੍ਥ ਸਚੇ ਪਰੋ ਅਨਨ੍ਤਰਾਯਿਕੋ ਹੁਤ੍ਵਾ ਤਂ ਅਵਹਰਤਿ, ਆਣਾਪਕਸ੍ਸ ਆਣਤ੍ਤਿਕ੍ਖਣੇਯੇਵ ਪਾਰਾਜਿਕਂ. ਪਰਸ੍ਸ ਵਾ ਪਨ ¶ ਤੇਲਕੁਮ੍ਭਿਯਾ ਪਾਦਗ੍ਘਨਕਤੇਲਂ ਅਵਸ੍ਸਂ ਪਿਵਨਕਾਨਿ ਉਪਾਹਨਾਦੀਨਿ ਪਕ੍ਖਿਪਤਿ, ਹਤ੍ਥਤੋ ਮੁਤ੍ਤਮਤ੍ਤੇਯੇਵ ਪਾਰਾਜਿਕਂ. ਧੁਰਨਿਕ੍ਖੇਪੋ ਪਨ ਆਰਾਮਾਭਿਯੋਗਉਪਨਿਕ੍ਖਿਤ੍ਤਭਣ੍ਡਵਸੇਨ ਵੇਦਿਤਬ੍ਬੋ. ਤਾਵਕਾਲਿਕਭਣ੍ਡਦੇਯ੍ਯਾਨਿ ਅਦੇਨ੍ਤਸ੍ਸਾਪਿ ਏਸੇਵਨਯੋਤਿ ਇਦਂ ਸਾਹਤ੍ਥਿਕਪਞ੍ਚਕਂ.

ਕਤਮਂ ਪੁਬ੍ਬਪਯੋਗਪਞ੍ਚਕਂ? ਪੁਬ੍ਬਪਯੋਗੋ ਸਹਪਯੋਗੋ ਸਂਵਿਧਾਵਹਾਰੋ ਸਙ੍ਕੇਤਕਮ੍ਮਂ ਨਿਮਿਤ੍ਤਕਮ੍ਮਨ੍ਤਿ ¶ . ਤਤ੍ਥ ਆਣਤ੍ਤਿਵਸੇਨ ਪੁਬ੍ਬਪਯੋਗੋ ਵੇਦਿਤਬ੍ਬੋ. ਠਾਨਾ ਚਾਵਨਵਸੇਨ, ਖਿਲਾਦੀਨਿ ਸਙ੍ਕਾਮੇਤ੍ਵਾ ਖੇਤ੍ਤਾਦਿਗ੍ਗਹਣਵਸੇਨ ਚ ਸਹਪਯੋਗੋ ਵੇਦਿਤਬ੍ਬੋ. ਸਂਵਿਧਾਵਹਾਰੋ ਨਾਮ ‘‘ਅਸੁਕਂ ਨਾਮ ਭਣ੍ਡਂ ਅਵਹਰਿਸ੍ਸਾਮਾ’’ਤਿ ਸਂਵਿਦਹਿਤ੍ਵਾ ਸਂਮਨ੍ਤਯਿਤ੍ਵਾ ਅਵਹਰਣਂ. ਏਵਂ ਸਂਵਿਦਹਿਤ੍ਵਾ ਗਤੇਸੁ ਹਿ ਏਕੇਨਾਪਿ ਤਸ੍ਮਿਂ ਭਣ੍ਡੇ ਠਾਨਾ ਚਾਵਿਤੇ ਸਬ੍ਬੇਸਂ ਅਵਹਾਰਾ ਹੋਨ੍ਤਿ. ਸਙ੍ਕੇਤਕਮ੍ਮਂ ਨਾਮ ਸਞ੍ਜਾਨਨਕਮ੍ਮਂ. ਸਚੇ ਹਿ ਪੁਰੇਭਤ੍ਤਾਦੀਸੁ ਯਂਕਿਞ੍ਚਿ ਕਾਲਂ ਪਰਿਚ੍ਛਿਨ੍ਦਿਤ੍ਵਾ ‘‘ਅਸੁਕਸ੍ਮਿਂ ਕਾਲੇ ਇਤ੍ਥਨ੍ਨਾਮਂ ਭਣ੍ਡਂ ਅਵਹਰਾ’’ਤਿ ਵੁਤ੍ਤੋ ਸਙ੍ਕੇਤਤੋ ਅਪਚ੍ਛਾ ਅਪੁਰੇ ਤਂ ਅਵਹਰਤਿ, ਸਙ੍ਕੇਤਕਾਰਕਸ੍ਸ ਸਙ੍ਕੇਤਕਰਣਕ੍ਖਣੇਯੇਵ ਅਵਹਾਰੋ. ਨਿਮਿਤ੍ਤਕਮ੍ਮਂ ਨਾਮ ਸਞ੍ਞੁਪ੍ਪਾਦਨਤ੍ਥਂ ਅਕ੍ਖਿਨਿਕ੍ਖਣਾਦਿਨਿਮਿਤ੍ਤਕਰਣਂ. ਸਚੇ ਹਿ ਏਵਂ ਕਤਨਿਮਿਤ੍ਤਤੋ ਅਪਚ੍ਛਾ ਅਪੁਰੇ ‘‘ਯਂ ਅਵਹਰਾ’’ਤਿ ਵੁਤ੍ਤੋ, ਤਂ ਅਵਹਰਤਿ, ਨਿਮਿਤ੍ਤਕਾਰਕਸ੍ਸ ਨਿਮਿਤ੍ਤਕਰਣਕ੍ਖਣੇਯੇਵ ਅਵਹਾਰੋਤਿ ਇਦਂ ਪੁਬ੍ਬਪਯੋਗਪਞ੍ਚਕਂ.

ਕਤਮਂ ਥੇਯ੍ਯਾਵਹਾਰਪਞ੍ਚਕਂ? ਥੇਯ੍ਯਾਵਹਾਰੋ ਪਸਯ੍ਹਾਵਹਾਰੋ ਪਰਿਕਪ੍ਪਾਵਹਾਰੋ ਪਟਿਚ੍ਛਨ੍ਨਾਵਹਾਰੋ ਕੁਸਾਵਹਾਰੋਤਿ. ਤਤ੍ਥ ਯੋ ਸਨ੍ਧਿਚ੍ਛੇਦਾਦੀਨਿ ਕਤ੍ਵਾ ਅਦਿਸ੍ਸਮਾਨੋ ਅਵਹਰਤਿ, ਕੂਟਮਾਨਕੂਟਕਹਾਪਣਾਦੀਹਿ ਵਾ ਵਞ੍ਚੇਤ੍ਵਾ ਗਣ੍ਹਾਤਿ, ਤਸ੍ਸੇਵਂ ਗਣ੍ਹਤੋ ਅਵਹਾਰੋ ਥੇਯ੍ਯਾਵਹਾਰੋਤਿ ਵੇਦਿਤਬ੍ਬੋ. ਯੋ ਪਨ ਪਸਯ੍ਹ ਬਲਕ੍ਕਾਰੇਨ ਪਰੇਸਂ ਸਨ੍ਤਕਂ ਗਣ੍ਹਾਤਿ ਗਾਮਘਾਤਕਾਦਯੋ ਵਿਯ, ਅਤ੍ਤਨੋ ਪਤ੍ਤਬਲਿਤੋ ਵਾ ਵੁਤ੍ਤਨਯੇਨੇਵ ਅਧਿਕਂ ਗਣ੍ਹਾਤਿ ਰਾਜਭਟਾਦਯੋ ਵਿਯ, ਤਸ੍ਸੇਵਂ ਗਣ੍ਹਤੋ ਅਵਹਾਰੋ ¶ ਪਸਯ੍ਹਾਵਹਾਰੋਤਿ ਵੇਦਿਤਬ੍ਬੋ. ਪਰਿਕਪ੍ਪੇਤ੍ਵਾ ਗਹਣਂ ਪਨ ਪਰਿਕਪ੍ਪਾਵਹਾਰੋ ਨਾਮ. ਸੋ ਭਣ੍ਡੋਕਾਸਵਸੇਨ ਦੁਵਿਧੋ. ਤਤ੍ਰਾਯਂ ਭਣ੍ਡਪਰਿਕਪ੍ਪੋ – ਸਾਟਕਤ੍ਥਿਕੋ ਅਨ੍ਤੋਗਬ੍ਭਂ ਪਵਿਸਿਤ੍ਵਾ ‘‘ਸਚੇ ਸਾਟਕੋ ਭਵਿਸ੍ਸਤਿ, ਗਣ੍ਹਿਸ੍ਸਾਮਿ, ਸਚੇ ਸੁਤ੍ਤਂ, ਨ ਗਣ੍ਹਿਸ੍ਸਾਮੀ’’ਤਿ ਪਰਿਕਪ੍ਪੇਤ੍ਵਾ ਅਨ੍ਧਕਾਰੇ ਪਸਿਬ੍ਬਕਂ ਗਣ੍ਹਾਤਿ, ਤਤ੍ਰ ਚੇ ਸਾਟਕੋ ਹੋਤਿ, ਉਦ੍ਧਾਰੇਯੇਵ ਪਾਰਾਜਿਕਂ. ਸੁਤ੍ਤਂ ਚੇ ਹੋਤਿ, ਰਕ੍ਖਤਿ. ਬਹਿ ਨੀਹਰਿਤ੍ਵਾ ਮੁਞ੍ਚਿਤ੍ਵਾ ‘‘ਸੁਤ੍ਤ’’ਨ੍ਤਿ ਞਤ੍ਵਾ ਪੁਨ ਆਹਰਿਤ੍ਵਾ ਠਪੇਤਿ, ਰਕ੍ਖਤਿਯੇਵ. ‘‘ਸੁਤ੍ਤ’’ਨ੍ਤਿ ਞਤ੍ਵਾਪਿ ‘‘ਯਂ ਲਦ੍ਧਂ, ਤਂ ਗਹੇਤਬ੍ਬ’’ਨ੍ਤਿ ਗਚ੍ਛਤਿ, ਪਦਵਾਰੇਨ ਕਾਰੇਤਬ੍ਬੋ. ਭੂਮਿਯਂ ਠਪੇਤ੍ਵਾ ਗਣ੍ਹਾਤਿ, ਉਦ੍ਧਾਰੇ ਪਾਰਾਜਿਕਂ. ‘‘ਚੋਰੋ ਚੋਰੋ’’ਤਿ ਅਨੁਬਨ੍ਧੋ ਛਟ੍ਟੇਤ੍ਵਾ ਪਲਾਯਤਿ, ਰਕ੍ਖਤਿ. ਸਾਮਿਕਾ ਦਿਸ੍ਵਾ ਗਣ੍ਹਨ੍ਤਿ, ਰਕ੍ਖਤਿ ਯੇਵ. ਅਞ੍ਞੋ ਚੇ ਕੋਚਿ ਗਣ੍ਹਾਤਿ, ਭਣ੍ਡਦੇਯ੍ਯਂ. ਸਾਮਿਕੇਸੁ ਨਿਵਤ੍ਤੇਸੁ ਸਯਂ ਦਿਸ੍ਵਾ ਪਂਸੁਕੂਲਸਞ੍ਞਾਯ ‘‘ਪਗੇਵੇਤਂ ਮਯਾ ਗਹਿਤਂ, ਮਮ ਦਾਨਿ ਸਨ੍ਤਕ’’ਨ੍ਤਿ ਗਣ੍ਹਨ੍ਤਸ੍ਸਾਪਿ ਭਣ੍ਡਦੇਯ੍ਯਮੇਵ. ਤਤ੍ਥ ਯ੍ਵਾਯਂ ‘‘ਸਚੇ ਸਾਟਕੋ ਭਵਿਸ੍ਸਤਿ, ਗਣ੍ਹਿਸ੍ਸਾਮੀ’’ਤਿਆਦਿਨਾ ਨਯੇਨ ਪਵਤ੍ਤੋ ਪਰਿਕਪ੍ਪੋ, ਅਯਂ ਭਣ੍ਡਪਰਿਕਪ੍ਪੋ ਨਾਮ.

ਓਕਾਸਪਰਿਕਪ੍ਪੋ ਪਨ ਏਵਂ ਵੇਦਿਤਬ੍ਬੋ – ਏਕਚ੍ਚੋ ਪਨ ਪਰਪਰਿਵੇਣਾਦੀਨਿ ¶ ਪਵਿਟ੍ਠੋ ਕਿਞ੍ਚਿ ਲੋਭਨੇਯ੍ਯਂ ਭਣ੍ਡਂ ਦਿਸ੍ਵਾ ਗਬ੍ਭਦ੍ਵਾਰਪਮੁਖਹੇਟ੍ਠਾਪਾਸਾਦਦ੍ਵਾਰਕੋਟ੍ਠਕਰੁਕ੍ਖਮੂਲਾਦਿਵਸੇਨ ਪਰਿਚ੍ਛੇਦਂ ਕਤ੍ਵਾ ‘‘ਸਚੇ ਮਂ ਏਤ੍ਥਨ੍ਤਰੇ ਪਸ੍ਸਿਸ੍ਸਨ੍ਤਿ, ਦਟ੍ਠੁਕਾਮਤਾਯ ਗਹੇਤ੍ਵਾ ਵਿਚਰਨ੍ਤੋ ਵਿਯ ਦਸ੍ਸਾਮਿ, ਨੋ ਚੇ ¶ ਪਸ੍ਸਿਸ੍ਸਨ੍ਤਿ, ਹਰਿਸ੍ਸਾਮੀ’’ਤਿ ਪਰਿਕਪ੍ਪੇਤਿ, ਤਸ੍ਸ ਤਂ ਆਦਾਯ ਪਰਿਕਪ੍ਪਿਤਪਰਿਚ੍ਛੇਦਂ ਅਤਿਕ੍ਕਨ੍ਤਮਤ੍ਤੇ ਅਵਹਾਰੋ ਹੋਤਿ. ਇਤਿ ਯ੍ਵਾਯਂ ਵੁਤ੍ਤਨਯੇਨੇਵ ਪਵਤ੍ਤੋ ਪਰਿਕਪ੍ਪੋ, ਅਯਂ ਓਕਾਸਪਰਿਕਪ੍ਪੋ ਨਾਮ. ਏਵਮਿਮੇਸਂ ਦ੍ਵਿਨ੍ਨਮ੍ਪਿ ਪਰਿਕਪ੍ਪਾਨਂ ਵਸੇਨ ਪਰਿਕਪ੍ਪੇਤ੍ਵਾ ਗਣ੍ਹਤੋ ਅਵਹਾਰੋ ‘‘ਪਰਿਕਪ੍ਪਾਵਹਾਰੋ’’ਤਿ ਵੇਦਿਤਬ੍ਬੋ.

ਪਟਿਚ੍ਛਾਦੇਤ੍ਵਾ ਪਨ ਅਵਹਰਣਂ ਪਟਿਚ੍ਛਨ੍ਨਾਵਹਾਰੋ ਨਾਮ. ਸੋ ਏਵਂ ਵੇਦਿਤਬ੍ਬੋ – ਯੋ ਭਿਕ੍ਖੁ ਉਯ੍ਯਾਨਾਦੀਸੁ ਪਰੇਸਂ ਓਮੁਞ੍ਚਿਤ੍ਵਾ ਠਪਿਤਅਙ੍ਗੁਲਿਮੁਦ੍ਦਿਕਾਦੀਨਿ ਦਿਸ੍ਵਾ ‘‘ਪਚ੍ਛਾ ਗਣ੍ਹਿਸ੍ਸਾਮੀ’’ਤਿ ਪਂਸੁਨਾ ਵਾ ਪਣ੍ਣੇਨ ਵਾ ਪਟਿਚ੍ਛਾਦੇਤਿ, ਤਸ੍ਸ ਏਤ੍ਤਾਵਤਾ ਉਦ੍ਧਾਰੋ ਨਤ੍ਥੀਤਿ ਨ ਤਾਵ ਅਵਹਾਰੋ ਹੋਤਿ ¶ . ਯਦਾ ਪਨ ਸਾਮਿਕਾ ਵਿਚਿਨਨ੍ਤਾ ਅਪਸ੍ਸਿਤ੍ਵਾ ‘‘ਸ੍ਵੇ ਜਾਨਿਸ੍ਸਾਮਾ’’ਤਿ ਸਾਲਯਾਵ ਗਤਾ ਹੋਨ੍ਤਿ, ਅਥਸ੍ਸ ਤਂ ਉਦ੍ਧਰਤੋ ਉਦ੍ਧਾਰੇ ਅਵਹਾਰੋ. ਪਟਿਚ੍ਛਨ੍ਨਕਾਲੇਯੇਵ ‘‘ਏਤਂ ਮਮ ਸਨ੍ਤਕ’’ਨ੍ਤਿ ਸਕਸਞ੍ਞਾਯ ਵਾ ‘‘ਗਤਾ ਦਾਨਿ ਤੇ, ਛਟ੍ਟਿਤਭਣ੍ਡਂ ਇਦ’’ਨ੍ਤਿ ਪਂਸੁਕੂਲਸਞ੍ਞਾਯ ਵਾ ਗਣ੍ਹਨ੍ਤਸ੍ਸ ਪਨ ਭਣ੍ਡਦੇਯ੍ਯਂ. ਤੇਸੁ ਦੁਤਿਯਤਤਿਯਦਿਵਸੇ ਆਗਨ੍ਤ੍ਵਾ ਵਿਚਿਨਿਤ੍ਵਾ ਅਦਿਸ੍ਵਾ ਧੁਰਨਿਕ੍ਖੇਪਂ ਕਤ੍ਵਾ ਗਤੇਸੁਪਿ ਗਹਿਤਂ ਭਣ੍ਡਦੇਯ੍ਯਮੇਵ. ਪਚ੍ਛਾ ਞਤ੍ਵਾ ਚੋਦਿਯਮਾਨਸ੍ਸ ਅਦਦਤੋ ਸਾਮਿਕਾਨਂ ਧੁਰਨਿਕ੍ਖੇਪੇ ਅਵਹਾਰੋ ਹੋਤਿ. ਕਸ੍ਮਾ? ਯਸ੍ਮਾ ਤਸ੍ਸ ਪਯੋਗੇਨ ਤੇਹਿ ਨ ਦਿਟ੍ਠਂ. ਯੋ ਪਨ ਤਥਾਰੂਪਂ ਭਣ੍ਡਂ ਯਥਾਠਾਨੇ ਠਿਤਂਯੇਵ ਅਪ੍ਪਟਿਚ੍ਛਾਦੇਤ੍ਵਾ ਥੇਯ੍ਯਚਿਤ੍ਤੋ ਪਾਦੇਨ ਅਕ੍ਕਮਿਤ੍ਵਾ ਕਦ੍ਦਮੇ ਵਾ ਵਾਲੁਕਾਯ ਵਾ ਪਵੇਸੇਤਿ, ਤਸ੍ਸ ਪਵੇਸਿਤਮਤ੍ਤੇਯੇਵ ਅਵਹਾਰੋ.

ਕੁਸਂ ਸਙ੍ਕਾਮੇਤ੍ਵਾ ਪਨ ਅਵਹਰਣਂ ਕੁਸਾਵਹਾਰੋ ਨਾਮ. ਸੋਪਿ ਏਵਂ ਵੇਦਿਤਬ੍ਬੋ – ਯੋ ਭਿਕ੍ਖੁ ਵਿਲੀਵਮਯਂ ਵਾ ਤਾਲਪਣ੍ਣਮਯਂ ਵਾ ਕਤਸਞ੍ਞਾਣਂ ਯਂਕਿਞ੍ਚਿ ਕੁਸਂ ਪਾਤੇਤ੍ਵਾ ਚੀਵਰੇ ਭਾਜੀਯਮਾਨੇ ਅਤ੍ਤਨੋ ਕੋਟ੍ਠਾਸਸ੍ਸ ਸਮੀਪੇ ਠਿਤਂ ਅਪ੍ਪਗ੍ਘਤਰਂ ਵਾ ਮਹਗ੍ਘਤਰਂ ਵਾ ਸਮਸਮਂ ਵਾ ਅਗ੍ਘੇਨ ਪਰਸ੍ਸ ਕੋਟ੍ਠਾਸਂ ਹਰਿਤੁਕਾਮੋ ਅਤ੍ਤਨੋ ਕੋਟ੍ਠਾਸੇ ਪਤਿਤਂ ਕੁਸਂ ਪਰਸ੍ਸ ਕੋਟ੍ਠਾਸੇ ਪਾਤੇਤੁਕਾਮਤਾਯ ਉਦ੍ਧਰਤਿ, ਰਕ੍ਖਤਿ ਤਾਵ. ਪਰਸ੍ਸ ਕੋਟ੍ਠਾਸੇ ਪਾਤਿਤੇ ਰਕ੍ਖਤੇਵ. ਯਦਾ ਪਨ ਤਸ੍ਮਿਂ ਪਤਿਤੇ ਪਰਸ੍ਸ ਕੋਟ੍ਠਾਸਤੋ ਪਰਸ੍ਸ ਕੁਸਂ ਉਦ੍ਧਰਤਿ, ਉਦ੍ਧਤਮਤ੍ਤੇ ਅਵਹਾਰੋ. ਸਚੇ ਪਠਮਤਰਂ ਪਰਕੋਟ੍ਠਾਸਤੋ ਪਰਸ੍ਸ ਕੁਸਂ ਉਦ੍ਧਰਤਿ, ਅਤ੍ਤਨੋ ਕੋਟ੍ਠਾਸੇ ਪਾਤੇਤੁਕਾਮਤਾਯ ਉਦ੍ਧਾਰੇ ਰਕ੍ਖਤਿ, ਪਾਤਨੇਪਿ ਰਕ੍ਖਤਿ, ਅਤ੍ਤਨੋ ਕੋਟ੍ਠਾਸਤੋ ਪਨ ਅਤ੍ਤਨੋ ਕੁਸਂ ਉਦ੍ਧਰਤੋ ਉਦ੍ਧਾਰੇਯੇਵ ਰਕ੍ਖਤਿ, ਤਂ ਉਦ੍ਧਰਿਤ੍ਵਾ ਪਰਕੋਟ੍ਠਾਸੇ ਪਾਤੇਨ੍ਤਸ੍ਸ ਹਤ੍ਥਤੋ ਮੁਤ੍ਤਮਤ੍ਤੇ ਅਵਹਾਰੋ. ਅਯਂ ਕੁਸਾਵਹਾਰੋ. ਇਤਿ ਯਂ ਵੁਤ੍ਤਂ ‘‘ਆਦਿਯੇਯ੍ਯਾਤਿ ਪਞ੍ਚਵੀਸਤਿਯਾ ਅਵਹਾਰਾਨਂ ਅਞ੍ਞਤਰਵਸੇਨ ਹਰੇਯ੍ਯਾ’’ਤਿ, ਤਸ੍ਸਤ੍ਥੋ ਪਕਾਸਿਤੋ ਹੋਤਿ.

ਯਥਾਰੂਪੇਤਿ ਯਾਦਿਸੇ. ਅਦਿਨ੍ਨਾਦਾਨੇਤਿ ਅਦਿਨ੍ਨਸ੍ਸ ਪਰਸਨ੍ਤਕਸ੍ਸ ਗਹਣੇ. ਰਾਜਾਨੋਤਿਇਦਂ ਬਿਮ੍ਬਿਸਾਰਂਯੇਵ ਸਨ੍ਧਾਯ ਵੁਤ੍ਤਂ, ਅਞ੍ਞੇ ¶ ਪਨ ਤਥਾ ਕਰੇਯ੍ਯੁਂ ਵਾ ਨ ਕਰੇਯ੍ਯੁਂ ਵਾਤਿ ਤੇ ਨਪ੍ਪਮਾਣਂ. ਹਨੇਯ੍ਯੁਂ ¶ ਵਾਤਿ ਹਤ੍ਥਾਦੀਹਿ ਵਾ ਪੋਥੇਯ੍ਯੁਂ, ਸਤ੍ਥੇਨ ਵਾ ਛਿਨ੍ਦੇਯ੍ਯੁਂ. ਬਨ੍ਧੇਯ੍ਯੁਂ ਵਾਤਿ ਰਜ੍ਜੁਬਨ੍ਧਨਾਦੀਹਿ ¶ ਬਨ੍ਧੇਯ੍ਯੁਂ ਵਾ. ਪਬ੍ਬਾਜੇਯ੍ਯੁਂ ਵਾਤਿ ਨੀਹਰੇਯ੍ਯੁਂ ਵਾ. ਚੋਰੋਸਿ ਬਾਲੋਸਿ ਮੂਲ਼੍ਹੋਸਿ ਥੇਨੋਸੀਤਿ ਇਮੇਹਿ ਵਚਨੇਹਿ ਪਰਿਭਾਸੇਯ੍ਯੁਂ. ਕੀਦਿਸਸ੍ਸ ਪਨ ਅਦਿਨ੍ਨਸ੍ਸ ਆਦਾਨੇ ਰਾਜਾਨੋ ਏਵਂ ਕਰੋਨ੍ਤਿ? ਪਾਦਸ੍ਸ ਵਾ ਪਾਦਾਰਹਸ੍ਸ ਵਾ. ਤਥਾਰੂਪਂ ਭਿਕ੍ਖੁ ਅਦਿਨ੍ਨਂ ਆਦਿਯਮਾਨੋਤਿ ਤਾਦਿਸਂ ਭਿਕ੍ਖੁ ਪੋਰਾਣਕਸ੍ਸ ਕਹਾਪਣਸ੍ਸ ਪਾਦਂ ਵਾ ਪਾਦਾਰਹਂ ਵਾ ਭਣ੍ਡਂ ਅਦਿਨ੍ਨਂ ਭੂਮਿਆਦੀਸੁ ਯਤ੍ਥ ਕਤ੍ਥਚਿ ਠਿਤਂ ਯਂਕਿਞ੍ਚਿ ਸਜੀਵਨਿਜ੍ਜੀਵਂ ਵੁਤ੍ਤਪ੍ਪਕਾਰਾਨਂ ਅਵਹਾਰਾਨਂ ਯੇਨ ਕੇਨਚਿ ਅਵਹਾਰੇਨ ਅਵਹਰਨ੍ਤੋ ਪਾਰਾਜਿਕੋ ਹੋਤਿ, ਕੋ ਪਨ ਵਾਦੋ ਤਤੋ ਅਤਿਰੇਕਤਰਸ੍ਮਿਨ੍ਤਿ.

ਰਾਜਗਹੇ ਧਨਿਯਤ੍ਥੇਰਂ ਆਰਬ੍ਭ ਰਞ੍ਞੋ ਦਾਰੂਨਿ ਅਦਿਨ੍ਨਂ ਆਦਿਯਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਗਾਮਾ ਵਾ ਅਰਞ੍ਞਾ ਵਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਹਰਣਤ੍ਥਾਯ ਗਮਨਾਦਿਕੇ ਪੁਬ੍ਬਪ੍ਪਯੋਗੇ ਦੁਕ੍ਕਟਂ, ਆਮਸਨੇ ਦੁਕ੍ਕਟਂ, ਪਾਰਾਜਿਕਵਤ੍ਥੁਨੋ ਫਨ੍ਦਾਪਨੇ ਥੁਲ੍ਲਚ੍ਚਯਂ. ਆਦਿਯਨ੍ਤਸ੍ਸ ਮਾਸਕੇ ਵਾ ਊਨਮਾਸਕੇ ਵਾ ਦੁਕ੍ਕਟਂ, ਅਤਿਰੇਕਮਾਸਕੇ ਵਾ ਊਨਪਞ੍ਚਮਾਸਕੇ ਵਾ ਥੁਲ੍ਲਚ੍ਚਯਂ, ਪਞ੍ਚਮਾਸਕੇ ਵਾ ਅਤਿਰੇਕਪਞ੍ਚਮਾਸਕੇ ਵਾ ਪਾਰਾਜਿਕਂ. ਸਬ੍ਬਤ੍ਥ ਗਹਣਕਾਲਵਸੇਨ ਚ ਗਹਣਦੇਸਵਸੇਨ ਚ ਪਰਿਭੋਗਭਾਜਨਪਰਿਵਤ੍ਤਨਾਦੀਹਿ ਚ ਪਰਿਹੀਨਾਪਰਿਹੀਨਵਸੇਨ ਵਿਨਿਚ੍ਛਯੋ ਵੇਦਿਤਬ੍ਬੋ. ਸਕਸਞ੍ਞਿਸ੍ਸ, ਵਿਸ੍ਸਾਸਗ੍ਗਾਹੇ, ਤਾਵਕਾਲਿਕੇ, ਪੇਤਪਰਿਗ੍ਗਹੇ, ਤਿਰਚ੍ਛਾਨਗਤਪਰਿਗ੍ਗਹੇ, ਪਂਸੁਕੂਲਸਞ੍ਞਿਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਅਞ੍ਞਸ੍ਸ ਮਨੁਸ੍ਸਜਾਤਿਕਸ੍ਸ ਵਸੇਨ ਪਰਪਰਿਗ੍ਗਹਿਤਂ, ਪਰਪਰਿਗ੍ਗਹਿਤਸਞ੍ਞਿਤਾ, ਗਰੁਪਰਿਕ੍ਖਾਰੋ, ਥੇਯ੍ਯਚਿਤ੍ਤਂ, ਵੁਤ੍ਤਪ੍ਪਕਾਰਾਨਂ ਅਵਹਾਰਾਨਂ ਵਸੇਨ ਅਵਹਰਣਞ੍ਚਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਅਦਿਨ੍ਨਾਦਾਨਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਅਕੁਸਲਚਿਤ੍ਤਂ, ਤਿਵੇਦਨਨ੍ਤਿ.

ਦੁਤਿਯਪਾਰਾਜਿਕਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ਸਞ੍ਚਿਚ੍ਚਾਤਿ ਸਂਚੇਤੇਤ੍ਵਾ ਸਦ੍ਧਿਂ ਚੇਤੇਤ੍ਵਾ. ‘‘ਪਾਣੋ’’ਤਿਸਞ੍ਞਾਯ ਸਦ੍ਧਿਂਯੇਵ ‘‘ਵਧਾਮਿ ਨ’’ਨ੍ਤਿ ਵਧਕਚੇਤਨਾਯ ਚੇਤੇਤ੍ਵਾ ਪਕਪ੍ਪੇਤ੍ਵਾ. ਮਨੁਸ੍ਸਵਿਗ੍ਗਹਨ੍ਤਿ ਕਲਲਤੋ ਪਟ੍ਠਾਯ ਜੀਵਮਾਨਕਮਨੁਸ੍ਸਜਾਤਿਕਸਰੀਰਂ. ਜੀਵਿਤਾ ¶ ਵੋਰੋਪੇਯ੍ਯਾਤਿ ਕਲਲਕਾਲੇਪਿ ਤਾਪਨਮਦ੍ਦਨੇਹਿ ਵਾ ਭੇਸਜ੍ਜਸਮ੍ਪਦਾਨੇਨ ਵਾ ਤਤੋ ਵਾ ਉਦ੍ਧਮ੍ਪਿ ਤਦਨੁਰੂਪੇਨ ਉਪਕ੍ਕਮੇਨ ਜੀਵਿਤਾ ਵਿਯੋਜੇਯ੍ਯ. ਇਮਸ੍ਸ ਪਨਤ੍ਥਸ੍ਸ ਆਵਿਭਾਵਤ੍ਥਂ ਪਾਣੋ ਵੇਦਿਤਬ੍ਬੋ, ਪਾਣਾਤਿਪਾਤੋ ਵੇਦਿਤਬ੍ਬੋ, ਪਾਣਾਤਿਪਾਤੀ ਵੇਦਿਤਬ੍ਬੋ, ਪਾਣਾਤਿਪਾਤਸ੍ਸ ਪਯੋਗੋ ਵੇਦਿਤਬ੍ਬੋ. ਤਤ੍ਥ ਪਾਣੋਤਿ ਵੋਹਾਰਤੋ ਸਤ੍ਤੋ, ਪਰਮਤ੍ਥਤੋ ਜੀਵਿਤਿਨ੍ਦ੍ਰਿਯਂ. ਪਾਣਾਤਿਪਾਤੋਤਿ ¶ ਯਾਯ ਚੇਤਨਾਯ ਜੀਵਿਤਿਨ੍ਦ੍ਰਿਯੁਪਚ੍ਛੇਦਕਪਯੋਗਂ ਸਮੁਟ੍ਠਾਪੇਤਿ, ਸਾ ਚੇਤਨਾ. ਪਾਣਾਤਿਪਾਤੀਤਿ ਵੁਤ੍ਤਚੇਤਨਾਯ ਸਮਙ੍ਗਿਪੁਗ੍ਗਲੋ. ਪਾਣਾਤਿਪਾਤਸ੍ਸ ਪਯੋਗੋਤਿ ਪਾਣਾਤਿਪਾਤਸ੍ਸ ਛ ਪਯੋਗਾ ਸਾਹਤ੍ਥਿਕੋ ਨਿਸ੍ਸਗ੍ਗਿਯੋ ਆਣਤ੍ਤਿਕੋ ਥਾਵਰੋ ਵਿਜ੍ਜਾਮਯੋ ਇਦ੍ਧਿਮਯੋਤਿ ¶ . ਤਤ੍ਥ ਸਾਹਤ੍ਥਿਕੋਤਿ ਸਯਂ ਮਾਰੇਨ੍ਤਸ੍ਸ ਕਾਯੇਨ ਵਾ ਕਾਯਪ੍ਪਟਿਬਦ੍ਧੇਨ ਵਾ ਪਹਰਣਂ. ਨਿਸ੍ਸਗ੍ਗਿਯੋਤਿ ਦੂਰੇ ਠਿਤਂ ਮਾਰੇਤੁਕਾਮਸ੍ਸ ਕਾਯੇਨ ਵਾ ਕਾਯਪ੍ਪਟਿਬਦ੍ਧੇਨ ਵਾ ਉਸੁਸਤ੍ਤਿਯਨ੍ਤਪਾਸਾਣਾਦੀਨਂ ਨਿਸ੍ਸਜ੍ਜਨਂ. ਤਤ੍ਥ ਏਕੇਕੋ ਉਦ੍ਦਿਸ੍ਸਾਨੁਦ੍ਦਿਸ੍ਸਭੇਦਤੋ ਦੁਵਿਧੋ. ਤਤ੍ਥ ਉਦ੍ਦਿਸ੍ਸਕੇ ਯਂ ਉਦ੍ਦਿਸ੍ਸ ਪਹਰਤਿ, ਤਸ੍ਸੇਵ ਮਰਣੇਨ ਕਮ੍ਮਬਦ੍ਧੋ. ‘‘ਯੋ ਕੋਚਿ ਮਰਤੂ’’ਤਿ ਏਵਂ ਅਨੁਦ੍ਦਿਸ੍ਸਕੇ ਪਹਾਰਪ੍ਪਚ੍ਚਯਾ ਯਸ੍ਸ ਕਸ੍ਸਚਿ ਮਰਣੇਨ ਕਮ੍ਮਬਦ੍ਧੋ. ਉਭਯਤ੍ਥਾਪਿ ਚ ਪਹਰਿਤਮਤ੍ਤੇ ਵਾ ਮਰਤੁ, ਪਚ੍ਛਾ ਵਾ ਤੇਨੇਵ ਰੋਗੇਨ, ਪਹਰਿਤਕ੍ਖਣੇਯੇਵ ਕਮ੍ਮਬਦ੍ਧੋ. ਆਣਤ੍ਤਿਕੋਤਿ ‘‘ਅਸੁਕਂ ਨਾਮ ਮਾਰੇਹੀ’’ਤਿ ਅਞ੍ਞਂ ਆਣਾਪੇਨ੍ਤਸ੍ਸ ਆਣਾਪਨਂ.

ਵਤ੍ਥੁ ਕਾਲੋ ਚ ਓਕਾਸੋ, ਆਵੁਧਂ ਇਰਿਯਾਪਥੋ;

ਕ੍ਰਿਯਾਵਿਸੇਸੋਤਿ ਇਮੇ, ਛ ਆਣਤ੍ਤਿ ਨਿਯਾਮਕਾ.

ਤਤ੍ਥ ਵਤ੍ਥੂਤਿ ਪੁਗ੍ਗਲੋ. ਯਞ੍ਹਿ ਪੁਗ੍ਗਲਂ ‘‘ਮਾਰੇਹੀ’’ਤਿ ਆਣਤ੍ਤੋ ਸਚੇ ਤਮੇਵ ਮਾਰੇਤਿ, ਆਣਾਪਕਸ੍ਸ ਆਪਤ੍ਤਿ. ਅਥ ਅਞ੍ਞਂ ਮਾਰੇਤਿ, ਤਂਮਞ੍ਞਮਾਨੋ ਵਾ ਅਞ੍ਞਂ ਮਾਰੇਤਿ, ਆਣਾਪਕੋ ਮੁਚ੍ਚਤਿ. ‘‘ਇਮਂ ਮਾਰੇਹੀ’’ਤਿ ਆਣਤ੍ਤੇ ਪਨ ਆਣਾਪਕਸ੍ਸ ਦੁਕ੍ਕਟਂ. ਕਾਲੋਤਿ ਪੁਰੇਭਤ੍ਤਾਦਿਕਾਲੋ. ਸਚੇ ਹਿ ‘‘ਪੁਰੇਭਤ੍ਤਂ ਮਾਰੇਹੀ’’ਤਿ ਆਣਤ੍ਤੋ ਪੁਰੇਭਤ੍ਤਮੇਵ ਮਾਰੇਤਿ, ਆਣਾਪਕਸ੍ਸ ਆਪਤ੍ਤਿ. ਅਥ ਯਂ ਪੁਰੇਭਤ੍ਤਂ ਨਿਯਾਮਿਤਂ, ਤਤੋ ਪਚ੍ਛਾ ਵਾ ਪੁਰੇ ਵਾ ਮਾਰੇਤਿ, ਆਣਾਪਕੋ ਮੁਚ੍ਚਤਿ. ਇਮਿਨਾ ਨਯੇਨ ਸਬ੍ਬਤ੍ਥ ਵਿਨਿਚ੍ਛਯੋ ਵੇਦਿਤਬ੍ਬੋ. ਥਾਵਰੋਤਿ ਅਸਂਹਾਰਿਮੇਨ ਉਪਕਰਣੇਨ ਮਾਰੇਤੁਕਾਮਸ੍ਸ ¶ ਓਪਾਤਕ੍ਖਣਨਂ ਅਪਸ੍ਸੇਨਸਂਵਿਧਾਨਂ ਅਸਿਆਦੀਨਂ ਉਪਨਿਕ੍ਖਿਪਨਂ ਤਲ਼ਾਕਾਦੀਸੁ ਵਿਸਸਮ੍ਪਯੋਜਨਂ ਰੂਪੂਪਹਾਰੋਤਿਏਵਮਾਦਿ. ਵੁਤ੍ਤਨਯੇਨੇਵ ਚੇਤ੍ਥਾਪਿ ਉਦ੍ਦਿਸ੍ਸਾਨੁਦ੍ਦਿਸ੍ਸਭੇਦੋ ਵੇਦਿਤਬ੍ਬੋ. ਵਿਜ੍ਜਾਮਯੋਤਿ ਮਾਰਣਤ੍ਥਂ ਵਿਜ੍ਜਾਪਰਿਜਪ੍ਪਨਂ. ਇਦ੍ਧਿਮਯੋਤਿ ਕਮ੍ਮਵਿਪਾਕਜਾਯ ਇਦ੍ਧਿਯਾ ਪਯੋਜਨਂ.

ਸਤ੍ਥਹਾਰਕਂ ਵਾਸ੍ਸ ਪਰਿਯੇਸੇਯ੍ਯਾਤਿ ਏਤ੍ਥ ਹਰਤੀਤਿ ਹਾਰਕਂ, ਕਿਂ ਹਰਤਿ? ਜੀਵਿਤਂ. ਅਥ ਵਾ ਹਰਿਤਬ੍ਬਨ੍ਤਿ ਹਾਰਕਂ, ਉਪਨਿਕ੍ਖਿਪਿਤਬ੍ਬਨ੍ਤਿ ਅਤ੍ਥੋ. ਸਤ੍ਥਞ੍ਚ ਤਂ ਹਾਰਕਞ੍ਚਾਤਿ ਸਤ੍ਥਹਾਰਕਂ. ਅਸ੍ਸਾਤਿ ਮਨੁਸ੍ਸਵਿਗ੍ਗਹਸ੍ਸ. ਪਰਿਯੇਸੇਯ੍ਯਾਤਿ ਯਥਾ ਲਭਤਿ, ਤਥਾ ਕਰੇਯ੍ਯ, ਉਪਨਿਕ੍ਖਿਪੇਯ੍ਯਾਤਿ ਅਤ੍ਥੋ. ਏਤੇਨ ਥਾਵਰਪਯੋਗਂ ਦਸ੍ਸੇਤਿ. ਇਤਰਥਾ ਹਿ ਪਰਿਯਿਟ੍ਠਿਮਤ੍ਤੇਯੇਵ ਪਾਰਾਜਿਕੋ ਭਵੇਯ੍ਯ, ਨ ਚੇਤਂ ਯੁਤ੍ਤਂ. ਪਦਭਾਜਨੇ ਪਨਸ੍ਸ ਬ੍ਯਞ੍ਜਨਂ ਅਨਾਦਿਯਿਤ੍ਵਾ ਯਂ ਏਤ੍ਥ ਥਾਵਰਪਯੋਗਸਙ੍ਗਹਿਤਂ ਸਤ੍ਥਂ, ਤਦੇਵ ¶ ਦਸ੍ਸੇਤੁਂ ‘‘ਅਸਿਂ ਵਾ’’ਤਿਆਦਿ ਵੁਤ੍ਤਂ. ਮਰਣਵਣ੍ਣਂ ਵਾ ਸਂਵਣ੍ਣੇਯ੍ਯਾਤਿ ਵਾਚਾਯ ਵਾ ਤਾਲਪਣ੍ਣਾਦੀਸੁ ਲਿਖਿਤ੍ਵਾ ਵਾ ‘‘ਯੋ ਏਵਂ ਮਰਤਿ, ਸੋ ਧਨਂ ਵਾ ਲਭਤੀ’’ਤਿਆਦਿਨਾ ਨਯੇਨ ਮਰਣੇ ਗੁਣਂ ਪਕਾਸੇਯ੍ਯ. ਏਤੇਨ ਯਥਾ ‘‘ਅਦਿਨ੍ਨਾਦਾਨੇ ਆਦਿਯੇਯ੍ਯਾ’’ਤਿ ਵੁਤ੍ਤਤ੍ਤਾ ਪਰਿਯਾਯਕਥਾਯ ਮੁਚ੍ਚਤਿ, ਨਯਿਧ, ਏਵਂ ‘‘ਸਂਵਣ੍ਣੇਯ੍ਯਾ’’ਤਿ ਵਚਨਤੋ ਪਨ ਇਧ ਪਰਿਯਾਯਕਥਾਯਪਿ ਨ ਮੁਚ੍ਚਤੀਤਿ ਅਯਮਤ੍ਥੋ ਵੇਦਿਤਬ੍ਬੋ. ਮਰਣਾਯ ਵਾ ਸਮਾਦਪੇਯ੍ਯਾਤਿ ‘‘ਸਤ੍ਥਂ ਵਾ ਆਹਰਾ’’ਤਿਆਦਿਨਾ (ਪਾਰਾ. ੧੭੨) ਨਯੇਨ ਮਰਣਤ੍ਥਾਯ ¶ ਉਪਾਯਂ ਗਾਹਾਪੇਯ੍ਯ. ਏਤੇਨ ਆਣਤ੍ਤਿਕਪ੍ਪਯੋਗਂ ਦਸ੍ਸੇਤਿ. ਅਮ੍ਭੋ ਪੁਰਿਸਾਤਿ ਆਲਪਨਮੇਤਂ. ਕਿਂ ਤੁਯ੍ਹਿਮਿਨਾਤਿਆਦਿ ਸਂਵਣ੍ਣਨਾਕਾਰਨਿਦਸ੍ਸਨਂ. ਇਤਿ ਚਿਤ੍ਤਮਨੋਤਿ ਇਤਿ ਚਿਤ੍ਤੋ ਇਤਿ ਮਨੋ. ‘‘ਮਤਂ ਤੇ ਜੀਵਿਤਾ ਸੇਯ੍ਯੋ’’ਤਿਏਤ੍ਥ ਵੁਤ੍ਤਮਰਣਚਿਤ੍ਤੋ ਮਰਣਮਨੋਤਿ ਅਤ੍ਥੋ. ਏਤ੍ਥ ਚ ‘‘ਮਨੋ’’ਤਿਇਦਂ ਚਿਤ੍ਤਸ੍ਸ ਅਤ੍ਥਦੀਪਨਤ੍ਥਂ ਵੁਤ੍ਤਂ. ਤੇਨੇਵਸ੍ਸ ਪਦਭਾਜਨੇ ‘‘ਯਂ ਚਿਤ੍ਤਂ ਤਂ ਮਨੋ’’ਤਿ (ਪਾਰਾ. ੧੭੨) ਆਹ. ਚਿਤ੍ਤਸਙ੍ਕਪ੍ਪੋਤਿ ਵਿਚਿਤ੍ਤਸਙ੍ਕਪ੍ਪੋ. ਏਤ੍ਥਾਪਿ ਇਤਿ-ਸਦ੍ਦੋ ਆਹਰਿਤਬ੍ਬੋ. ‘‘ਸਙ੍ਕਪ੍ਪੋ’’ਤਿ ਚ ਸਂਵਿਦਹਨਮਤ੍ਤਸ੍ਸੇਤਂ ਨਾਮਂ, ਨ ਵਿਤਕ੍ਕਸ੍ਸੇਵ. ਤਞ੍ਚ ਸਂਵਿਦਹਨਂ ਇਮਸ੍ਮਿਂ ਅਤ੍ਥੇ ਸਞ੍ਞਾਚੇਤਨਾਧਿਪ੍ਪਾਯੇਹਿ ਸਙ੍ਗਹਂ ਗਚ੍ਛਤਿ, ਤਸ੍ਮਾ ‘‘ਇਤਿ ਚਿਤ੍ਤਸਙ੍ਕਪ੍ਪੋ’’ਤਿ ‘‘ਮਤਂ ਤੇ ਜੀਵਿਤਾ ਸੇਯ੍ਯੋ’’ਤਿਏਤ੍ਥ ਵੁਤ੍ਤਮਰਣਸਞ੍ਞੀ ਮਰਣਚੇਤਨੋ ਮਰਣਾਧਿਪ੍ਪਾਯੋਤਿ ਏਵਮੇਤ੍ਥ ਅਤ੍ਥੋ ਦਟ੍ਠਬ੍ਬੋ. ਪਦਭਾਜਨੇਪਿ ਹਿ ਅਯਮੇਵ ਨਯੋ ਦਸ੍ਸਿਤੋ ¶ . ਏਤੇਨ ਮਰਣਚਿਤ੍ਤਾਦੀਹਿ ਵਿਨਾ ‘‘ਏਕਾਹਂ ਜੀਵਿਤਂ ਸੇਯ੍ਯੋ, ਵੀਰਿਯਮਾਰਭਤੋ ਦਲ਼੍ਹ’’ਨ੍ਤਿਆਦਿਨਾ (ਧ. ਪ. ੧੧੨) ਨਯੇਨ ਧਮ੍ਮਂ ਭਾਸਨ੍ਤਸ੍ਸ ਸਂਵਣ੍ਣਨਾ ਨਾਮ ਨ ਹੋਤੀਤਿ ਦਸ੍ਸੇਤਿ. ਅਨੇਕਪਰਿਯਾਯੇਨਾਤਿ ਨਾਨਪ੍ਪਕਾਰੇਨ ਉਚ੍ਚਾਵਚੇਨ ਕਾਰਣੇਨ. ਪੁਨ ਮਰਣਵਣ੍ਣਨ੍ਤਿਆਦਿ ਨਿਗਮਨਵਚਨਂ. ਪਾਰਾਜਿਕੋ ਹੋਤੀਤਿ ਤਙ੍ਖਣੂਪਪਨ੍ਨਮ੍ਪਿ ਮਨੁਸ੍ਸਵਿਗ੍ਗਹਂ ਵੁਤ੍ਤਨਯੇਨ ਜੀਵਿਤਾ ਵੋਰੋਪੇਨ੍ਤੋ ਪਾਰਾਜਿਕੋ ਹੋਤੀਤਿ.

ਵੇਸਾਲਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਞ੍ਞਮਞ੍ਞਂ ਜੀਵਿਤਾ ਵੋਰੋਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਮਰਣਵਣ੍ਣਂ ਵਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਮਾਰਣਤ੍ਥਾਯ ਓਪਾਤਕ੍ਖਣਨਾਦੀਸੁ ਦੁਕ੍ਕਟਂ, ਅਨੋਦਿਸ੍ਸ ਖਤੇ ਓਪਾਤੇ ਯਸ੍ਸ ਕਸ੍ਸਚਿ ਪਤਨੇਪਿ ਦੁਕ੍ਕਟਂ, ਯਕ੍ਖਪੇਤਤਿਰਚ੍ਛਾਨਗਤਮਨੁਸ੍ਸਵਿਗ੍ਗਹਾਨਂ ਤਿਰਚ੍ਛਾਨਗਤਸ੍ਸ ਚ ਦੁਕ੍ਖੁਪ੍ਪਤ੍ਤਿਯਂ ਦੁਕ੍ਕਟਮੇਵ, ਮਨੁਸ੍ਸਜਾਤਿਕਸ੍ਸ ਦੁਕ੍ਖੁਪ੍ਪਤ੍ਤਿਯਂ ਥੁਲ੍ਲਚ੍ਚਯਂ, ਤਥਾ ਯਕ੍ਖਾਦੀਨਂ ਮਰਣੇ, ਤਿਰਚ੍ਛਾਨਗਤਮਰਣੇ ਪਨ ਪਾਚਿਤ੍ਤਿਯਂ, ਮਨੁਸ੍ਸਮਰਣੇ ਪਾਰਾਜਿਕਨ੍ਤਿ. ਇਮਿਨਾ ਨਯੇਨ ਸਬ੍ਬਤ੍ਥ ਪਯੋਗਭੇਦਵਸੇਨ ਆਪਤ੍ਤਿਭੇਦੋ ਵੇਦਿਤਬ੍ਬੋ. ਅਸਞ੍ਚਿਚ੍ਚ ਮਾਰੇਨ੍ਤਸ੍ਸ ਅਜਾਨਨ੍ਤਸ੍ਸ ਨਮਰਣਾਧਿਪ੍ਪਾਯਸ੍ਸ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਤਤ੍ਥ ਅਸਞ੍ਚਿਚ੍ਚਾਤਿ ‘‘ਇਮਿਨਾ ਉਪਕ੍ਕਮੇਨ ਇਮਂ ਮਾਰੇਮੀ’’ਤਿ ਅਚੇਤੇਤ੍ਵਾ ਕਤੇਨ ਉਪਕ੍ਕਮੇਨ ਮੁਸਲੁਸ੍ਸਾਪਨਵਤ੍ਥੁਸ੍ਮਿਂ (ਪਾਰਾ. ੧੮੦ ਆਦਯੋ) ਵਿਯ ਪਰੇ ਮਤੇਪਿ ਅਨਾਪਤ੍ਤਿ. ਅਜਾਨਨ੍ਤਸ੍ਸਾਤਿ ‘‘ਇਮਿਨਾ ਅਯਂ ਮਰਿਸ੍ਸਤੀ’’ਤਿ ਅਜਾਨਨ੍ਤਸ੍ਸ ਉਪਕ੍ਕਮੇਨ ਵਿਸਗਤਪਿਣ੍ਡਪਾਤਵਤ੍ਥੁਸ੍ਮਿਂ (ਪਾਰਾ. ੧੮੧) ਵਿਯ ਪਰੇ ਮਤੇਪਿ ਅਨਾਪਤ੍ਤਿ. ਨਮਰਣਾਧਿਪ੍ਪਾਯਸ੍ਸਾਤਿ ਮਰਣਂ ਅਨਿਚ੍ਛਨ੍ਤਸ੍ਸ ¶ ਉਪਕ੍ਕਮੇਨ ਭੇਸਜ੍ਜਵਤ੍ਥੁਸ੍ਮਿਂ (ਪਾਰਾ. ੧੮੭) ਵਿਯ ਪਰੇ ਮਤੇਪਿ ਅਨਾਪਤ੍ਤਿ. ਏਵਂ ਅਸਞ੍ਚਿਚ੍ਚਾਤਿਆਦੀਸੁ ਵਿਨਿਚ੍ਛਯੋ ਵੇਦਿਤਬ੍ਬੋ. ਸੀਲਵਿਪਤ੍ਤਿ, ਮਨੁਸ੍ਸਜਾਤਿਕਪਾਣੋ, ਪਾਣਸਞ੍ਞਿਤਾ, ਵਧਕਚਿਤ੍ਤਂ, ਉਪਕ੍ਕਮੋ, ਤੇਨ ਮਰਣਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਅਦਿਨ੍ਨਾਦਾਨਸਮਉਟ੍ਠਾਨਂ, ਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖਵੇਦਨਨ੍ਤਿ.

ਚਤੁਤ੍ਥੇ ¶ ¶ ਅਨਭਿਜਾਨਨ੍ਤਿ ਸਕਸਨ੍ਤਾਨੇ ਅਨੁਪ੍ਪਨ੍ਨਤ੍ਤਾ ਅਤ੍ਤਨਿ ਅਤ੍ਥਿਭਾਵਂ ਅਜਾਨਨ੍ਤੋ. ਉਤ੍ਤਰਿਮਨੁਸ੍ਸਧਮ੍ਮਨ੍ਤਿ ਉਤ੍ਤਰਿਮਨੁਸ੍ਸਾਨਂ ਝਾਯੀਨਞ੍ਚੇਵ ਅਰਿਯਾਨਞ੍ਚ ਧਮ੍ਮਂ. ਅਤ੍ਤੁਪਨਾਯਿਕਨ੍ਤਿ ਅਤ੍ਤਨਿ ਤਂ ਉਪਨੇਤਿ ‘‘ਮਯਿ ਅਤ੍ਥੀ’’ਤਿ ਸਮੁਦਾਚਰਨ੍ਤੋ, ਅਤ੍ਤਾਨਂ ਵਾ ਤਤ੍ਥ ਉਪਨੇਤਿ ‘‘ਅਹਂ ਏਤ੍ਥ ਸਨ੍ਦਿਸ੍ਸਾਮੀ’’ਤਿ ਸਮੁਦਾਚਰਨ੍ਤੋਤਿ ਅਤ੍ਤੁਪਨਾਯਿਕੋ, ਤਂ ਅਤ੍ਤੁਪਨਾਯਿਕਂ. ਏਵਂ ਕਤ੍ਵਾ ਸਮੁਦਾਚਰੇਯ੍ਯਾਤਿ ਸਮ੍ਬਨ੍ਧੋ. ਅਲਮਰਿਯਞਾਣਦਸ੍ਸਨਨ੍ਤਿਏਤ੍ਥ ਮਹਗ੍ਗਤਲੋਕੁਤ੍ਤਰਪਞ੍ਞਾ ਜਾਨਨਟ੍ਠੇਨ ਞਾਣਂ, ਚਕ੍ਖੁਨਾ ਚ ਦਿਟ੍ਠਮਿਵ ਧਮ੍ਮਂ ਪਚ੍ਚਕ੍ਖਕਰਣਤੋ ਦਸ੍ਸਨਤ੍ਥੇਨ ਦਸ੍ਸਨਨ੍ਤਿ ਞਾਣਦਸ੍ਸਨਂ, ਅਰਿਯਂ ਵਿਸੁਦ੍ਧਂ ਉਤ੍ਤਮਂ ਞਾਣਦਸ੍ਸਨਨ੍ਤਿ ਅਰਿਯਞਾਣਦਸ੍ਸਨਂ, ਅਲਂ ਪਰਿਯਤ੍ਤਂ ਕਿਲੇਸਵਿਦ੍ਧਂਸਨਸਮਤ੍ਥਂ ਅਰਿਯਞਾਣਦਸ੍ਸਨਮੇਤ੍ਥ ਝਾਨਾਦਿਭੇਦੇ ਉਤ੍ਤਰਿਮਨੁਸ੍ਸਧਮ੍ਮੇ, ਅਲਂ ਵਾ ਅਰਿਯਞਾਣਦਸ੍ਸਨਮਸ੍ਸਾਤਿ ਅਲਮਰਿਯਞਾਣਦਸ੍ਸਨੋ, ਤਂ ਅਲਮਰਿਯਞਾਣਦਸ੍ਸਨਂ. ਸਮੁਦਾਚਰੇਯ੍ਯਾਤਿ ਵੁਤ੍ਤਪ੍ਪਕਾਰਮੇਤਂ ਉਤ੍ਤਰਿਮਨੁਸ੍ਸਧਮ੍ਮਂ ਅਤ੍ਤੁਪਨਾਯਿਕਂ ਕਤ੍ਵਾ ਕਾਯੇਨ ਵਾ ਵਾਚਾਯ ਵਾ ਤਦੁਭਯੇਨ ਵਾ ਵਿਞ੍ਞੁਸ੍ਸ ਮਨੁਸ੍ਸਜਾਤਿਕਸ੍ਸ ਆਰੋਚੇਯ੍ਯ. ਇਤਿ ਜਾਨਾਮਿ ਇਤਿ ਪਸ੍ਸਾਮੀਤਿ ਸਮੁਦਾਚਰਣਾਕਾਰਦਸ੍ਸਨਮੇਤਂ, ਅਤ੍ਤੁਪਨਾਯਿਕਞ੍ਹਿ ਕਤ੍ਵਾ ਵਿਨਾ ਅਞ੍ਞਾਪਦੇਸੇਨ ਸਮੁਦਾਚਰਨ੍ਤੋ ਏਵਂ ਸਮੁਦਾਚਰਤਿ, ਤਸ੍ਮਾ ਯ੍ਵਾਯਂ ਪਦਭਾਜਨੇ (ਪਾਰਾ. ੨੦੯) ‘‘ਪਠਮਂ ਝਾਨਂ ਸਮਾਪਜ੍ਜਿਂ, ਸਮਾਪਜ੍ਜਾਮਿ, ਸਮਾਪਨ੍ਨੋ’’ਤਿਆਦਿਭੇਦੋ ਵੁਤ੍ਤੋ, ਸੋ ਸਬ੍ਬੋ ਇਧੇਵ ਸਙ੍ਗਹਂ ਗਚ੍ਛਤੀਤਿ ਵੇਦਿਤਬ੍ਬੋ. ‘‘ਇਤਿ ਜਾਨਾਮਿ ਇਤਿ ਪਸ੍ਸਾਮੀ’’ਤਿ ਹਿ ਵਦਨ੍ਤੋ ਨ ਯਿਦਂ ਵਚਨਮਤ੍ਤਮੇਵ ਵਦਤਿ, ਅਥ ਖੋ ‘‘ਇਮਿਨਾ ਚ ਇਮਿਨਾ ਚ ਕਾਰਣੇਨ ਅਯਂ ਧਮ੍ਮੋ ਮਯਿ ਅਤ੍ਥੀ’’ਤਿ ਦੀਪੇਤਿ, ‘‘ਸਮਾਪਜ੍ਜਿ’’ਨ੍ਤਿਆਦੀਨਿ ਚ ਵਦਨ੍ਤੇਨ ਹਿ ਸਮਾਪਜ੍ਜਨਾਦੀਹਿ ਕਾਰਣੇਹਿ ਅਤ੍ਥਿਤਾ ਦੀਪਿਤਾ ਹੋਤਿ, ਤੇਨ ਵੁਤ੍ਤਂ ‘‘ਯ੍ਵਾਯਂ ਪਦਭਾਜਨੇ ਪਠਮਂ ਝਾਨਂ ਸਮਾਪਜ੍ਜਿਂ, ਸਮਾਪਜ੍ਜਾਮਿ, ਸਮਾਪਨ੍ਨੋਤਿਆਦਿਭੇਦੋ ਵੁਤ੍ਤੋ, ਸੋ ਸਬ੍ਬੋ ਇਧੇਵ ਸਙ੍ਗਹਂ ਗਚ੍ਛਤੀ’’ਤਿ. ਤਤੋ ਅਪਰੇਨ ਸਮਯੇਨਾਤਿ ਤਤੋ ਆਰੋਚਿਤਕਾਲਤੋ ਅਞ੍ਞਤਰਸ੍ਮਿਂ ਕਾਲੇ. ਇਤਿ ਆਪਤ੍ਤਿਪਟਿਜਾਨਨਕਾਲਦਸ੍ਸਨਮੇਤਂ, ਅਯਂ ਪਨ ਆਰੋਚਿਤਕ੍ਖਣੇਵ ਆਪਤ੍ਤਿਂ ਆਪਜ੍ਜਤਿ. ਆਪਤ੍ਤਿਂ ਪਨ ¶ ਆਪਨ੍ਨੋ ਯਸ੍ਮਾ ਪਰੇਨ ਚੋਦਿਤੋ ਵਾ ਅਚੋਦਿਤੋ ਵਾ ਪਟਿਜਾਨਾਤਿ, ਤਸ੍ਮਾ ‘‘ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ’’ਤਿ ਵੁਤ੍ਤਂ. ਆਪਨ੍ਨੋਤਿ ਆਰੋਚਿਤਕ੍ਖਣੇਯੇਵ ਪਾਰਾਜਿਕਂ ਆਪਨ੍ਨੋ. ਵਿਸੁਦ੍ਧਾਪੇਕ੍ਖੋਤਿ ¶ ਅਤ੍ਤਨੋ ਗਿਹਿਭਾਵਾਦਿਕਂ ਵਿਸੁਦ੍ਧਿਂ ਅਪੇਕ੍ਖਮਾਨੋ ਇਚ੍ਛਮਾਨੋ. ਅਯਞ੍ਹਿ ਯਸ੍ਮਾ ਪਾਰਾਜਿਕਂ ਆਪਨ੍ਨੋ, ਤਸ੍ਮਾ ਭਿਕ੍ਖੁਭਾਵੇ ਠਤ੍ਵਾ ਅਭਬ੍ਬੋ ਝਾਨਾਦੀਨਿ ਅਧਿਗਨ੍ਤੁਂ, ਇਚ੍ਚਸ੍ਸ ਭਿਕ੍ਖੁਭਾਵੋ ਵਿਸੁਦ੍ਧਿ ਨਾਮ ਨ ਹੋਤਿ. ਯਸ੍ਮਾ ਪਨ ਗਿਹਿ ਵਾ ਉਪਾਸਕਾਰਾਮਿਕਸਾਮਣੇਰਾਨਂ ਵਾ ਅਞ੍ਞਤਰੋ ਹੁਤ੍ਵਾ ਦਾਨਾਦੀਹਿ ਸਗ੍ਗਮਗ੍ਗਂ ਵਾ ਝਾਨਾਦੀਹਿ ਮੋਕ੍ਖਮਗ੍ਗਂ ਵਾ ਆਰਾਧੇਤੁਂ ਭਬ੍ਬੋ ਹੋਤਿ, ਤਸ੍ਮਾਸ੍ਸ ਗਿਹਿਆਦਿਭਾਵੋ ਵਿਸੁਦ੍ਧਿ ਨਾਮ ਹੋਤਿ. ਤੇਨ ਵੁਤ੍ਤਂ ‘‘ਗਿਹਿਭਾਵਾਦਿਕਂ ਵਿਸੁਦ੍ਧਿਂ ਅਪੇਕ੍ਖਮਾਨੋ’’ਤਿ. ਏਵਂ ਵਦੇਯ੍ਯਾਤਿ ਏਵਂ ਭਣੇਯ੍ਯ, ਕਥਂ? ‘‘ਅਜਾਨਮੇਵਂ, ਆਵੁਸੋ’’ਤਿਆਦਿਂ. ਤਤ੍ਥ ਅਜਾਨਨ੍ਤਿ ਅਜਾਨਨ੍ਤੋ. ਅਪਸ੍ਸਨ੍ਤਿ ਅਪਸ੍ਸਨ੍ਤੋ. ਤੁਚ੍ਛਂ ਮੁਸਾ ਵਿਲਪਿਨ੍ਤਿ ਅਹਂ ¶ ਵਚਨਤ੍ਥਵਿਰਹਤੋ ਤੁਚ੍ਛਂ, ਵਞ੍ਚਨਾਧਿਪ੍ਪਾਯਤੋ ਮੁਸਾ ਵਿਲਪਿਂ ਅਭਣਿਨ੍ਤਿ ਵੁਤ੍ਤਂ ਹੋਤਿ. ਅਞ੍ਞਤ੍ਰ ਅਧਿਮਾਨਾਤਿ ਯ੍ਵਾਯਂ ਤਿਲਕ੍ਖਣਂ ਆਰੋਪੇਤ੍ਵਾ ਸਙ੍ਖਾਰੇ ਸਮ੍ਮਸਨ੍ਤਸ੍ਸ ਆਰਦ੍ਧਵਿਪਸ੍ਸਕਸ੍ਸ ਅਪਤ੍ਤੇ ਪਤ੍ਤਸਞ੍ਞਿਤਾਸਙ੍ਖਾਤੋ ਅਧਿਮਾਨੋ ਉਪ੍ਪਜ੍ਜਤਿ, ਤਂ ਅਧਿਮਾਨਂ ਠਪੇਤ੍ਵਾ ਕੇਵਲਂ ਪਾਪਿਚ੍ਛਤਾਯ ਯੋ ਸਮੁਦਾਚਰੇਯ੍ਯ, ਅਯਮ੍ਪਿ ਪਾਰਾਜਿਕੋ ਹੋਤੀਤਿ ਅਤ੍ਥੋ.

ਵੇਸਾਲਿਯਂ ਵਗ੍ਗੁਮੁਦਾਤੀਰਿਯੇ ਭਿਕ੍ਖੂ ਆਰਬ੍ਭ ਤੇਸਂ ਉਤ੍ਤਰਿਮਨੁਸ੍ਸਧਮ੍ਮਾਰੋਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਅਧਿਮਾਨਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ‘‘ਪਠਮਂ ਝਾਨਂ ਸਮਾਪਜ੍ਜਿ’’ਨ੍ਤਿਆਦਿਨਾ ਨਯੇਨ ਵੁਤ੍ਤਪ੍ਪਕਾਰਂ ਅਸਨ੍ਤਂ ਝਾਨਾਦਿਧਮ੍ਮਂ ਆਰੋਚੇਨ੍ਤਸ੍ਸ ਸਚੇ ਯਸ੍ਸ ਕਸ੍ਸਚਿ ਆਰੋਚੇਤਿ, ਸੋ ਮਨੁਸ੍ਸਜਾਤਿਕੋ ਹੋਤਿ, ਅਨਨ੍ਤਰਮੇਵ ‘‘ਅਯਂ ਝਾਨਲਾਭੀ’’ਤਿ ਵਾ ‘‘ਅਰਿਯੋ’’ਤਿ ਵਾ ਯੇਨ ਕੇਨਚਿ ਆਕਾਰੇਨ ਤਮਤ੍ਥਂ ਜਾਨਾਤਿ, ਪਾਰਾਜਿਕਂ. ਸਚੇ ਨ ਜਾਨਾਤਿ, ਥੁਲ੍ਲਚ੍ਚਯਂ. ਸਚੇ ਪਨ ‘‘ਯੋ ਤੇ ਵਿਹਾਰੇ ਵਸਿ, ਸੋ ਭਿਕ੍ਖੁ ਪਠਮਂ ਝਾਨਂ ਸਮਾਪਜ੍ਜੀ’’ਤਿਆਦਿਨਾ (ਪਾਰਾ. ੨੨੦) ਨਯੇਨ ਅਞ੍ਞਾਪਦੇਸੇਨ ਆਰੋਚੇਨ੍ਤਸ੍ਸ ਜਾਨਾਤਿ, ਥੁਲ੍ਲਚ੍ਚਯਂ. ਸਚੇ ਨ ਜਾਨਾਤਿ, ਦੁਕ੍ਕਟਂ. ਅਧਿਮਾਨੇਨ ਆਰੋਚੇਨ੍ਤਸ੍ਸ, ਅਨੁਲ੍ਲਪਨਾਧਿਪ੍ਪਾਯਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਅਤ੍ਤਨਿ ਅਸਨ੍ਤਤਾ, ਪਾਪਿਚ੍ਛਤਾਯ ਤਸ੍ਸ ਆਰੋਚਨਂ, ਅਨਞ੍ਞਾਪਦੇਸੋ, ਯਸ੍ਸ ਆਰੋਚੇਤਿ, ਤਸ੍ਸ ਮਨੁਸ੍ਸਜਾਤਿਕਤਾ, ਤਙ੍ਖਣਵਿਜਾਨਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨੇ ਵੁਤ੍ਤਸਦਿਸਾਨੇਵਾਤਿ.

ਚਤੁਤ੍ਥਪਾਰਾਜਿਕਵਣ੍ਣਨਾ ਨਿਟ੍ਠਿਤਾ.

ਉਦ੍ਦਿਟ੍ਠਾ ¶ ਖੋ ਆਯਸ੍ਮਨ੍ਤੋ ਚਤ੍ਤਾਰੋ ਪਾਰਾਜਿਕਾ ਧਮ੍ਮਾਤਿਇਦਂ ਇਧ ਉਦ੍ਦਿਟ੍ਠਪਾਰਾਜਿਕਪਰਿਦੀਪਨਮੇਵ. ਸਮੋਧਾਨੇਤ੍ਵਾ ਪਨ ਸਬ੍ਬਾਨੇਵ ਚਤੁਵੀਸਤਿ ਪਾਰਾਜਿਕਾਨਿ ਵੇਦਿਤਬ੍ਬਾਨਿ ¶ . ਕਤਮਾਨਿ ਚਤੁਵੀਸਤਿ? ਪਾਲ਼ਿਯਂ ਆਗਤਾਨਿ ਤਾਵ ਭਿਕ੍ਖੂਨਂ ਚਤ੍ਤਾਰਿ ਭਿਕ੍ਖੁਨੀਨਂ ਅਸਾਧਾਰਣਾਨਿ ਚਤ੍ਤਾਰੀਤਿ ਅਟ੍ਠ, ਤਾਨਿ ਏਕਾਦਸਨ੍ਨਂ ਪਣ੍ਡਕਾਦੀਨਂ ਅਭਬ੍ਬਭਾਵਸਙ੍ਖਾਤੇਹਿ ਏਕਾਦਸਹਿ ਪਾਰਾਜਿਕੇਹਿ ਸਦ੍ਧਿਂ ਏਕੂਨਵੀਸਤਿ, ਗਿਹਿਭਾਵਂ ਪਤ੍ਥਯਮਾਨਾਯ ਭਿਕ੍ਖੁਨਿਯਾ ਵਿਬ੍ਭਨ੍ਤਭਾਵਪਾਰਾਜਿਕੇਨ ਸਦ੍ਧਿਂ ਵੀਸਤਿ, ਅਪਰਾਨਿਪਿ ਲਮ੍ਬੀ, ਮੁਦੁਪਿਟ੍ਠਿਕੋ, ਪਰਸ੍ਸ ਅਙ੍ਗਜਾਤਂ ਮੁਖੇਨ ਗਣ੍ਹਾਤਿ, ਪਰਸ੍ਸ ਅਙ੍ਗਜਾਤੇ ਅਭਿਨਿਸੀਦਤੀਤਿ ਇਮੇਸਂ ਚਤੁਨ੍ਨਂ ਵਸੇਨ ‘‘ਚਤ੍ਤਾਰਿ ਅਨੁਲੋਮਪਾਰਾਜਿਕਾਨੀ’’ਤਿ ਵਦਨ੍ਤਿ, ਇਤਿ ਇਮਾਨਿ ਚ ਚਤ੍ਤਾਰਿ, ਪੁਰਿਮਾਨਿ ਚ ਵੀਸਤੀਤਿ ਸਮੋਧਾਨੇਤ੍ਵਾ ਸਬ੍ਬਾਨੇਵ ਚਤੁਵੀਸਤਿ ਪਾਰਾਜਿਕਾਨਿ ਵੇਦਿਤਬ੍ਬਾਨਿ. ਨ ਲਭਤਿ ਭਿਕ੍ਖੂਹਿ ਸਦ੍ਧਿਂ ਸਂਵਾਸਨ੍ਤਿ ਉਪੋਸਥਾਦਿਭੇਦਂ ਸਂਵਾਸਂ ਭਿਕ੍ਖੂਹਿ ਸਦ੍ਧਿਂ ਨ ਲਭਤਿ. ਯਥਾ ਪੁਰੇ, ਤਥਾ ਪਚ੍ਛਾਤਿ ਯਥਾ ਪੁਬ੍ਬੇ ਗਿਹਿਕਾਲੇ ਅਨੁਪਸਮ੍ਪਨ੍ਨਕਾਲੇ ਚ, ਪਚ੍ਛਾ ਪਾਰਾਜਿਕਂ ਆਪਨ੍ਨੋਪਿ ਤਥੇਵ ਅਸਂਵਾਸੋ ਹੋਤਿ, ਨਤ੍ਥਿ ਤਸ੍ਸ ਭਿਕ੍ਖੂਹਿ ਸਦ੍ਧਿਂ ਉਪੋਸਥਾਦਿਭੇਦੋ ਸਂਵਾਸੋਤਿ. ਤਤ੍ਥਾਯਸ੍ਮਨ੍ਤੇ ਪੁਚ੍ਛਾਮੀਤਿ ਤੇਸੁ ਚਤੂਸੁ ਪਾਰਾਜਿਕੇਸੁ ਆਯਸ੍ਮਨ੍ਤੇ ‘‘ਕਚ੍ਚਿਤ੍ਥ ਪਰਿਸੁਦ੍ਧਾ’’ਤਿ ਪੁਚ੍ਛਾਮਿ. ਕਚ੍ਚਿਤ੍ਥਾਤਿ ਕਚ੍ਚਿ ਏਤ੍ਥ, ਏਤੇਸੁ ਚਤੂਸੁ ¶ ਪਾਰਾਜਿਕੇਸੁ ਕਚ੍ਚਿ ਪਰਿਸੁਦ੍ਧਾਤਿ ਅਤ੍ਥੋ. ਅਥ ਵਾ ਕਚ੍ਚਿਤ੍ਥ ਪਰਿਸੁਦ੍ਧਾਤਿ ਕਚ੍ਚਿ ਪਰਿਸੁਦ੍ਧਾ ਅਤ੍ਥ, ਭਵਥਾਤਿ ਅਤ੍ਥੋ. ਸੇਸਂ ਸਬ੍ਬਤ੍ਥ ਉਤ੍ਤਾਨਮੇਵਾਤਿ.

ਕਙ੍ਖਾਵਿਤਰਣਿਯਾ ਪਾਤਿਮੋਕ੍ਖਵਣ੍ਣਨਾਯ

ਇਮੇ ¶ ¶ ਖੋ ਪਨਾਤਿ ਇਦਾਨਿ ਵਤ੍ਤਬ੍ਬਾਨਂ ਅਭਿਮੁਖੀਕਰਣਂ. ਆਯਸ੍ਮਨ੍ਤੋਤਿ ਸਨ੍ਨਿਪਤਿਤਾਨਂ ਪਿਯਵਚਨੇਨ ਆਲਪਨਂ. ਤੇਰਸਾਤਿ ਗਣਨਪਰਿਚ੍ਛੇਦੋ. ਸਙ੍ਘਾਦਿਸੇਸਾਤਿ ਏਵਂਨਾਮਕਾ. ਧਮ੍ਮਾਤਿ ਆਪਤ੍ਤਿਯੋ. ਉਦ੍ਦੇਸਂ ਆਗਚ੍ਛਨ੍ਤੀਤਿ ਸਰੂਪੇਨ ਉਦ੍ਦਿਸਿਤਬ੍ਬਤਂ ਆਗਚ੍ਛਨ੍ਤਿ, ਨ ਨਿਦਾਨੇ ਵਿਯ ‘‘ਯਸ੍ਸ ਸਿਯਾ ਆਪਤ੍ਤੀ’’ਤਿ ਸਾਧਾਰਣਵਚਨਮਤ੍ਤੇਨ.

੧. ਸੁਕ੍ਕਵਿਸ੍ਸਟ੍ਠਿਸਿਕ੍ਖਾਪਦਵਣ੍ਣਨਾ

ਸਂਵਿਜ੍ਜਤਿ ਚੇਤਨਾ ਅਸ੍ਸਾਤਿ ਸਞ੍ਚੇਤਨਾ, ਸਞ੍ਚੇਤਨਾਵ ਸਞ੍ਚੇਤਨਿਕਾ, ਸਞ੍ਚੇਤਨਾ ਵਾ ਅਸ੍ਸ ਅਤ੍ਥੀਤਿ ਸਞ੍ਚੇਤਨਿਕਾ. ਸੁਕ੍ਕਵਿਸ੍ਸਟ੍ਠੀਤਿ ਸੁਕ੍ਕਸ੍ਸ ਵਿਸ੍ਸਟ੍ਠਿ, ਰਾਗੂਪਤ੍ਥਮ੍ਭਾਦੀਸੁ ਯੇਨ ਕੇਨਚਿ ਅਙ੍ਗਜਾਤੇ ਕਮ੍ਮਞ੍ਞਤਂ ਪਤ੍ਤੇ ਆਰੋਗ੍ਯਾਦੀਸੁ ਯਂਕਿਞ੍ਚਿ ਅਪਦਿਸਿਤ੍ਵਾ ਅਜ੍ਝਤ੍ਤਰੂਪਾਦੀਸੁ ਯਤ੍ਥ ਕਤ੍ਥਚਿ ਮੋਚਨਸ੍ਸਾਦਚੇਤਨਾਯ ਨਿਮਿਤ੍ਤੇ ਉਪਕ੍ਕਮਨ੍ਤਸ੍ਸ ਆਸਯਧਾਤੁਨਾਨਤ੍ਤਤੋ ਨੀਲਾਦਿਵਸੇਨ (ਪਾਰਾ. ੨੩੯-੨੪੦) ਦਸਵਿਧੇਸੁ ਸੁਕ੍ਕੇਸੁ ਯਸ੍ਸ ਕਸ੍ਸਚਿ ਸੁਕ੍ਕਸ੍ਸ ਠਾਨਾ ਚਾਵਨਾਤਿ ਅਤ੍ਥੋ. ਅਞ੍ਞਤ੍ਰ ਸੁਪਿਨਨ੍ਤਾਤਿ ਯਾ ਸੁਪਿਨੇ ਸੁਕ੍ਕਵਿਸ੍ਸਟ੍ਠਿ ਹੋਤਿ, ਤਂ ਠਪੇਤ੍ਵਾ. ਸਙ੍ਘਾਦਿਸੇਸੋਤਿ ਯਾ ਅਞ੍ਞਤ੍ਰ ਸੁਪਿਨਨ੍ਤਾ ਸਞ੍ਚੇਤਨਿਕਾ ਸੁਕ੍ਕਵਿਸ੍ਸਟ੍ਠਿ, ਅਯਂ ਸਙ੍ਘਾਦਿਸੇਸੋ ਨਾਮ ਆਪਤ੍ਤਿਨਿਕਾਯੋਤਿ ਅਤ੍ਥੋ. ਵਚਨਤ੍ਥੋ ਪਨੇਤ੍ਥ ਸਙ੍ਘੋ ਆਦਿਮ੍ਹਿ ਚੇਵ ਸੇਸੇ ਚ ਇਚ੍ਛਿਤਬ੍ਬੋ ਅਸ੍ਸਾਤਿ ਸਙ੍ਘਾਦਿਸੇਸੋ. ਕਿਂ ਵੁਤ੍ਤਂ ਹੋਤਿ – ਇਮਂ ਆਪਤ੍ਤਿਂ ਆਪਜ੍ਜਿਤ੍ਵਾ ਵੁਟ੍ਠਾਤੁਕਾਮਸ੍ਸ ਯਂ ਤਂ ਆਪਤ੍ਤਿਵੁਟ੍ਠਾਨਂ, ਤਸ੍ਸ ਆਦਿਮ੍ਹਿ ਚੇਵ ਪਰਿਵਾਸਦਾਨਤ੍ਥਾਯ, ਆਦਿਤੋ ਸੇਸੇ ਮਜ੍ਝੇ ਮਾਨਤ੍ਤਦਾਨਤ੍ਥਾਯ ਮੂਲਾਯ ਪਟਿਕਸ੍ਸਨੇਨ ਵਾ ਸਹ ਮਾਨਤ੍ਤਦਾਨਤ੍ਥਾਯ, ਅਵਸਾਨੇ ਅਬ੍ਭਾਨਤ੍ਥਾਯ ਚ ਸਙ੍ਘੋ ਇਚ੍ਛਿਤਬ੍ਬੋ, ਨ ਹੇਤ੍ਥ ਏਕਮ੍ਪਿ ਕਮ੍ਮਂ ਵਿਨਾ ਸਙ੍ਘੇਨ ਸਕ੍ਕਾ ਕਾਤੁਂ. ਇਤਿ ਸਙ੍ਘੋ ਆਦਿਮ੍ਹਿ ਚੇਵ ਸੇਸੇ ਚ ਇਚ੍ਛਿਤਬ੍ਬੋ ਅਸ੍ਸਾਤਿ ਸਙ੍ਘਾਦਿਸੇਸੋਤਿ.

ਸਾਵਤ੍ਥਿਯਂ ਸੇਯ੍ਯਸਕਂ ਆਰਬ੍ਭ ਉਪਕ੍ਕਮਿਤ੍ਵਾ ਅਸੁਚਿਮੋਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਸੁਪਿਨਨ੍ਤਾ’’ਤਿ ¶ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ. ਸਚੇ ਪਨ ਪਰੇਨ ਅਤ੍ਤਨੋ ਅਙ੍ਗਜਾਤੇ ਉਪਕ੍ਕਮਂ ਕਾਰੇਤ੍ਵਾ ਮੋਚਾਪੇਤਿ, ਆਪਜ੍ਜਤਿਯੇਵ. ਚੇਤੇਤ੍ਵਾ ਅਨ੍ਤਮਸੋ ਆਕਾਸੇ ਕਟਿਕਮ੍ਪਨੇਨਪਿ ਨਿਮਿਤ੍ਤੇ ਉਪਕ੍ਕਮਨ੍ਤਸ੍ਸ ਸਚੇ ਨ ਮੁਚ੍ਚਤਿ, ਥੁਲ੍ਲਚ੍ਚਯਂ. ਸਚੇ ਪਨ ਅਨ੍ਤਮਸੋ ¶ ਯਂ ਏਕਾ ਖੁਦ੍ਦਕਮਕ੍ਖਿਕਾ ਪਿਵੇਯ੍ਯ, ਤਤ੍ਤਕਮ੍ਪਿ ਠਾਨਤੋ ਮੁਚ੍ਚਤਿ, ਦਕਸੋਤਂ ਅਨੋਤਿਣ੍ਣੇਪਿ ਸਙ੍ਘਾਦਿਸੇਸੋ. ਠਾਨਤੋ ਪਨ ਚੁਤਂ ਅਵਸ੍ਸਮੇਵ ਦਕਸੋਤਂ ਓਤਰਤਿ, ਤਸ੍ਮਾ ‘‘ਦਕਸੋਤਂ ਓਤਿਣ੍ਣਮਤ੍ਤੇ ਬਹਿ ਨਿਕ੍ਖਨ੍ਤੇ ਵਾ ਅਨਿਕ੍ਖਨ੍ਤੇ ਵਾ ਸਙ੍ਘਾਦਿਸੇਸੋ’’ਤਿ (ਪਾਰਾ. ਅਟ੍ਠ. ੨.੨੩੭) ਅਟ੍ਠਕਥਾਸੁ ਵੁਤ੍ਤਂ. ਅਨੁਪਕ੍ਕਮਨ੍ਤਸ੍ਸ ਚ, ਅਮੋਚਨਾਧਿਪ੍ਪਾਯਸ੍ਸ ਚ, ਸੁਪਿਨਂ ਪਸ੍ਸਨ੍ਤਸ੍ਸ ਚ, ਉਮ੍ਮਤ੍ਤਕਾਦੀਨਞ੍ਚ ਮੁਤ੍ਤੇਪਿ ਅਨਾਪਤ੍ਤਿ. ਸੀਲਵਿਪਤ੍ਤਿ, ਚੇਤਨਾ, ਉਪਕ੍ਕਮੋ ¶ , ਮੁਚ੍ਚਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕੇ ਵੁਤ੍ਤਸਦਿਸਾਨੇਵਾਤਿ.

ਸੁਕ੍ਕਵਿਸ੍ਸਟ੍ਠਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ਓਤਿਣ੍ਣੋਤਿ ਯਕ੍ਖਾਦੀਹਿ ਵਿਯ ਸਤ੍ਤਾ ਅਨ੍ਤੋ ਉਪ੍ਪਜ੍ਜਨ੍ਤੇਨ ਰਾਗੇਨ ਵਾ ਓਤਿਣ੍ਣੋ, ਕੂਪਾਦੀਨਿ ਵਿਯ ਸਤ੍ਤਾ ਅਸਮਪੇਕ੍ਖਿਤ੍ਵਾ ਰਜ੍ਜਨੀਯੇ ਠਾਨੇ ਰਜ੍ਜਨ੍ਤੋ ਸਯਂ ਵਾ ਰਾਗਂ ਓਤਿਣ੍ਣੋ, ਕਾਯਸਂਸਗ੍ਗਰਾਗਸਮਙ੍ਗਿਸ੍ਸੇਤਂ ਅਧਿਵਚਨਂ. ਵਿਪਰਿਣਤੇਨ ਚਿਤ੍ਤੇਨਾਤਿ ਪਰਿਸੁਦ੍ਧਭਵਙ੍ਗਸਨ੍ਤਤਿਸਙ੍ਖਾਤਂ ਪਕਤਿਂ ਵਿਜਹਿਤ੍ਵਾ ਅਞ੍ਞਥਾ ਪਵਤ੍ਤੇਨ, ਵਿਰੂਪਂ ਵਾ ਪਰਿਣਤੇਨ ਯਥਾ ਪਰਿਵਤ੍ਤਮਾਨਂ ਵਿਰੂਪਂ ਹੋਤਿ, ਏਵਂ ਵੁਤ੍ਤਰਾਗਵਸੇਨ ਪਰਿਵਤ੍ਤੇਤ੍ਵਾ ਠਿਤੇਨ ਚਿਤ੍ਤੇਨਾਤਿ ਅਤ੍ਥੋ. ਮਾਤੁਗਾਮੇਨ ਸਦ੍ਧਿਨ੍ਤਿ ਤਦਹੁਜਾਤਾਯਪਿ ਜੀਵਮਾਨਕਮਨੁਸ੍ਸਿਤ੍ਥਿਯਾ ਸਦ੍ਧਿਂ. ਕਾਯਸਂਸਗ੍ਗਂ ਸਮਾਪਜ੍ਜੇਯ੍ਯਾਤਿ ਹਤ੍ਥਗ੍ਗਹਣਾਦਿਕਆਯਸਮ੍ਪਯੋਗਂ ਕਾਯਮਿਸ੍ਸੀਭਾਵਂ ਸਮਾਪਜ੍ਜੇਯ੍ਯ. ਹਤ੍ਥਗ੍ਗਾਹਂ ਵਾਤਿਆਦਿ ਪਨਸ੍ਸ ਵਿਤ੍ਥਾਰੇਨ ਅਤ੍ਥਦਸ੍ਸਨਂ. ਤਤ੍ਥ ਹਤ੍ਥੋ ਨਾਮ ਕਪ੍ਪਰਤੋ ਪਟ੍ਠਾਯ ਯਾਵ ਅਗ੍ਗਨਖਾ. ਵੇਣੀ ਨਾਮ ਵਿਨਨ੍ਧਿਤ੍ਵਾ ਵਾ ਅਵਿਨਨ੍ਧਿਤ੍ਵਾ ਵਾ ਸੁਦ੍ਧਕੇਸੇਹਿ ਵਾ ਨੀਲਾਦਿਵਣ੍ਣਸੁਤ੍ਤਕੁਸੁਮਕਹਾਪਣਮਾਲਾਸੁਵਣ੍ਣਚੀਰਕਮੁਤ੍ਤਾਵਲ਼ਿਆਦੀਸੁ ਅਞ੍ਞਤਰਮਿਸ੍ਸੇਹਿ ਵਾ ਕਤਕੇਸਕਲਾਪਸ੍ਸੇਤਂ ਅਧਿਵਚਨਂ. ਵੇਣਿਗ੍ਗਹਣੇਨ ਚੇਤ੍ਥ ਕੇਸਾਪਿ ਗਹਿਤਾਯੇਵ ਸਦ੍ਧਿਂ ਲੋਮੇਹਿ. ਇਤਿ ਵੁਤ੍ਤਲਕ੍ਖਣਸ੍ਸ ਹਤ੍ਥਸ੍ਸ ਗਹਣਂ ਹਤ੍ਥਗ੍ਗਾਹੋ, ਵੇਣਿਯਾ ਗਹਣਂ ਵੇਣਿਗ੍ਗਾਹੋ. ਅਵਸੇਸਸ੍ਸ ਸਰੀਰਸ੍ਸ ਪਰਾਮਸਨਂ ਅਞ੍ਞਤਰਸ੍ਸ ਵਾ ਅਞ੍ਞਤਰਸ੍ਸ ਵਾ ਅਙ੍ਗਸ੍ਸ ਪਰਾਮਸਨਂ ਨਾਮ. ਯੋ ਤਂ ਹਤ੍ਥਗ੍ਗਾਹਂ ਵਾ ਵੇਣਿਗ੍ਗਾਹਂ ਵਾ ਅਞ੍ਞਤਰਸ੍ਸ ਵਾ ਅਞ੍ਞਤਰਸ੍ਸ ਵਾ ਅਙ੍ਗਸ੍ਸ ਪਰਾਮਸਨਂ ਸਮਾਪਜ੍ਜੇਯ੍ਯ, ਤਸ੍ਸ ਸਙ੍ਘਾਦਿਸੇਸੋ ਨਾਮ ਆਪਤ੍ਤਿਨਿਕਾਯੋ ਹੋਤੀਤਿ.

ਸਾਵਤ੍ਥਿਯਂ ¶ ਉਦਾਯਿਤ੍ਥੇਰਂ ਆਰਬ੍ਭ ਕਾਯਸਂਸਗ੍ਗਸਮਾਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ ¶ , ਅਨਾਣਤ੍ਤਿਕਂ, ਇਤ੍ਥਿਯਾ ਇਤ੍ਥਿਸਞ੍ਞਿਨੋ ਅਨ੍ਤਮਸੋ ਲੋਮੇਨ ਲੋਮਂ ਫੁਸਨ੍ਤਸ੍ਸਾਪਿ, ਇਤ੍ਥਿਯਾ ਵਾ ਫੁਸਿਯਮਾਨਸ੍ਸ ਸੇਵਨਾਧਿਪ੍ਪਾਯੇਨ ਵਾਯਮਿਤ੍ਵਾ ਫਸ੍ਸਂ ਪਟਿਜਾਨਨ੍ਤਸ੍ਸ ਸਙ੍ਘਾਦਿਸੇਸੋ. ਏਕੇਨ ਪਨ ਹਤ੍ਥੇਨ ਗਹੇਤ੍ਵਾ ਦੁਤਿਯੇਨ ਹਤ੍ਥੇਨ ਦਿਵਸਮ੍ਪਿ ਤਤ੍ਥ ਤਤ੍ਥ ਫੁਸਨ੍ਤਸ੍ਸ ਏਕਾਵ ਆਪਤ੍ਤਿ, ਅਗ੍ਗਹੇਤ੍ਵਾ ਫੁਸਨ੍ਤੋ ਪਨ ਸਚੇ ਸੀਸਤੋ ਯਾਵ ਪਾਦਾ, ਤਾਵ ਕਾਯਤੋ ਹਤ੍ਥਂ ਅਮੋਚੇਨ੍ਤੋਯੇਵ ਫੁਸਤਿ, ਏਕਾਵ ਆਪਤ੍ਤਿ, ਪਞ੍ਚਨ੍ਨਂ ਅਙ੍ਗੁਲੀਨਂ ਏਕਤੋ ਗਹਣੇਪਿ ਏਕਾਯੇਵ. ਸਚੇ ਪਨ ਨਾਨਿਤ੍ਥੀਨਂ ਪਞ੍ਚਙ੍ਗੁਲਿਯੋ ਏਕਤੋ ਗਣ੍ਹਾਤਿ, ਪਞ੍ਚ ਆਪਤ੍ਤਿਯੋ. ਇਤ੍ਥਿਯਾ ਵੇਮਤਿਕਸ੍ਸ, ਪਣ੍ਡਕਪੁਰਿਸਤਿਰਚ੍ਛਾਨਗਤਸਞ੍ਞਿਸ੍ਸ ਚ ਥੁਲ੍ਲਚ੍ਚਯਂ, ਤਥਾ ਕਾਯੇਨ ਕਾਯਪ੍ਪਟਿਬਦ੍ਧੇਨ, ਅਮਨੁਸ੍ਸਿਤ੍ਥਿਪਣ੍ਡਕੇਹਿ ਚ ਸਦ੍ਧਿਂ ਕਾਯਸਂਸਗ੍ਗੇਪਿ. ਮਨੁਸ੍ਸਿਤ੍ਥਿਯਾ ਪਨ ਕਾਯਪ੍ਪਟਿਬਦ੍ਧੇਨ ਕਾਯਪ੍ਪਟਿਬਦ੍ਧਾਦੀਸੁ, ਪੁਰਿਸਕਾਯਫੁਸਨਾਦੀਸੁ ਚ ਦੁਕ੍ਕਟਂ. ਇਤ੍ਥਿਯਾ ਫੁਸਿਯਮਾਨਸ੍ਸ ਸੇਵਨਾਧਿਪ੍ਪਾਯਸ੍ਸਾਪਿ ਕਾਯੇਨ ਅਵਾਯਮਿਤ੍ਵਾ ¶ ਫਸ੍ਸਂ ਪਟਿਜਾਨਨ੍ਤਸ੍ਸ, ਮੋਕ੍ਖਾਧਿਪ੍ਪਾਯੇਨ ਇਤ੍ਥਿਂ ਫੁਸਨ੍ਤਸ੍ਸ, ਅਸਞ੍ਚਿਚ੍ਚ, ਅਸ੍ਸਤਿਯਾ, ਅਜਾਨਨ੍ਤਸ੍ਸ, ਅਸਾਦਿਯਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਮਨੁਸ੍ਸਿਤ੍ਥੀ, ਇਤ੍ਥਿਸਞ੍ਞਿਤਾ, ਕਾਯਸਂਸਗ੍ਗਰਾਗੋ, ਤੇਨ ਰਾਗੇਨ ਵਾਯਾਮੋ, ਹਤ੍ਥਗ੍ਗਾਹਾਦਿਸਮਾਪਜ੍ਜਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕੇ ਵੁਤ੍ਤਸਦਿਸਾਨੇਵਾਤਿ.

ਕਾਯਸਂਸਗ੍ਗਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੩. ਦੁਟ੍ਠੁਲ੍ਲਵਾਚਾਸਿਕ੍ਖਾਪਦਵਣ੍ਣਨਾ

ਤਤਿਯੇ ਓਤਿਣ੍ਣਤਾ ਚ ਵਿਪਰਿਣਤਚਿਤ੍ਤਤਾ ਚ ਦੁਟ੍ਠੁਲ੍ਲਵਾਚਸ੍ਸਾਦਰਾਗਵਸੇਨ ਵੇਦਿਤਬ੍ਬਾ. ਮਾਤੁਗਾਮਨ੍ਤਿ ਦੁਟ੍ਠੁਲ੍ਲਾਦੁਟ੍ਠੁਲ੍ਲਸਂਲਕ੍ਖਣਸਮਤ੍ਥਂ ਮਨੁਸ੍ਸਿਤ੍ਥਿਂ. ਦੁਟ੍ਠੁਲ੍ਲਾਹਿਵਾਚਾਹੀਤਿ ਵਚ੍ਚਮਗ੍ਗਪਸ੍ਸਾਵਮਗ੍ਗੇਮੇਥੁਨਧਮ੍ਮਪ੍ਪਟਿਸਂਯੁਤ੍ਤਾਹਿ ਵਾਚਾਹਿ. ਓਭਾਸੇਯ੍ਯਾਤਿ ਅਵਭਾਸੇਯ੍ਯ, ਵਣ੍ਣਾਵਣ੍ਣਯਾਚਨਆਯਾਚਨਪੁਚ੍ਛਨਪਟਿਪੁਚ੍ਛਨਆਚਿਕ੍ਖਣਾਨੁਸਾਸਨਅਕ੍ਕੋਸਨਵਸੇਨ ਨਾਨਪ੍ਪਕਾਰਂ ਅਸਦ੍ਧਮ੍ਮਵਚਨਂ ਵਦੇਯ੍ਯ. ਯਥਾ ਤਨ੍ਤਿ ਏਤ੍ਥ ਨ੍ਤਿ ਨਿਪਾਤਮਤ੍ਤਂ, ਯਥਾ ਯੁਵਾ ਯੁਵਤਿਨ੍ਤਿ ਅਤ੍ਥੋ. ਏਤੇਨ ਓਭਾਸਨੇ ਨਿਰਾਸਙ੍ਕਭਾਵਂ ਦਸ੍ਸੇਤਿ. ਮੇਥੁਨੁਪਸਂਹਿਤਾਹੀਤਿਇਦਂ ¶ ਦੁਟ੍ਠੁਲ੍ਲਵਾਚਾਯ ਸਿਖਾਪਤ੍ਤਲਕ੍ਖਣਦਸ੍ਸਨਂ. ਸਙ੍ਘਾਦਿਸੇਸੋਤਿ ਦ੍ਵਿਨ੍ਨਂ ਮਗ੍ਗਾਨਂ ਵਸੇਨ ਵਣ੍ਣਾਵਣ੍ਣੇਹਿ ਵਾ ਮੇਥੁਨਯਾਚਨਾਦੀਹਿ ਵਾ ‘‘ਸਿਖਰਣੀਸਿ, ਸਂਭਿਨ੍ਨਾਸਿ, ਉਭਤੋਬ੍ਯਞ੍ਜਨਕਾਸੀ’’ਤਿ ਇਮੇਸੁ ਤੀਸੁ ਅਞ੍ਞਤਰੇਨ ਅਕ੍ਕੋਸਵਚਨੇਨ ਵਾ ਮਾਤੁਗਾਮਂ ਓਭਾਸਨ੍ਤਸ੍ਸ ਸਙ੍ਘਾਦਿਸੇਸੋ ਨਾਮ ਆਪਤ੍ਤਿਨਿਕਾਯੋ ਹੋਤੀਤਿ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਦੁਟ੍ਠੁਲ੍ਲਵਾਚਾਹਿ ਓਭਾਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਇਤ੍ਥਿਯਾ ਇਤ੍ਥਿਸਞ੍ਞਿਨੋ ਅਨ੍ਤਮਸੋ ਹਤ੍ਥਮੁਦ੍ਦਾਯਪਿ ਵੁਤ੍ਤਨਯੇਨ ਓਭਾਸਨ੍ਤਸ੍ਸ ¶ ਸਚੇ ਸਾ ਤਮਤ੍ਥਂ ਤਸ੍ਮਿਂਯੇਵ ਖਣੇ ਜਾਨਾਤਿ, ਸਙ੍ਘਾਦਿਸੇਸੋ. ਪਣ੍ਡਕੇ ਥੁਲ੍ਲਚ੍ਚਯਂ. ਤਸ੍ਮਿਂਯੇਵ ਇਤ੍ਥਿਸਞ੍ਞਿਨੋ ਦੁਕ੍ਕਟਂ. ਪੁਨਪ੍ਪੁਨਂ ਓਭਾਸਨ੍ਤਸ੍ਸ, ਸਮ੍ਬਹੁਲਾ ਚ ਇਤ੍ਥਿਯੋ ਏਕਵਾਚਾਯ ਓਭਾਸਨ੍ਤਸ੍ਸ ਵਾਚਾਗਣਨਾਯ ਚੇਵ ਇਤ੍ਥਿਗਣਨਾਯ ਚ ਆਪਤ੍ਤਿਯੋ. ਸਚੇ ਯਂ ਇਤ੍ਥਿਂ ਓਭਾਸਤਿ, ਸਾ ਨ ਜਾਨਾਤਿ, ਥੁਲ੍ਲਚ੍ਚਯਂ. ਅਧਕ੍ਖਕਂ ਉਬ੍ਭਜਾਣੁਮਣ੍ਡਲਂ ਆਦਿਸ੍ਸ ਵਣ੍ਣਾਦਿਭਣਨੇਪਿ ਥੁਲ੍ਲਚ੍ਚਯਂ. ਪਣ੍ਡਕੇ ਦੁਕ੍ਕਟਂ, ਉਬ੍ਭਕ੍ਖਕਂ ਅਧੋਜਾਣੁਮਣ੍ਡਲਂ ਕਾਯਪ੍ਪਟਿਬਦ੍ਧਞ੍ਚ ਆਦਿਸ੍ਸ ਵਣ੍ਣਾਦਿਭਣਨੇ ਸਬ੍ਬਤ੍ਥ ਦੁਕ੍ਕਟਂ. ਅਤ੍ਥਧਮ੍ਮਅਨੁਸਾਸਨਿਪੁਰੇਕ੍ਖਾਰਾਨਂ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਮਨੁਸ੍ਸਿਤ੍ਥੀ, ਇਤ੍ਥਿਸਞ੍ਞਿਤਾ, ਦੁਟ੍ਠੁਲ੍ਲਵਾਚਸ੍ਸਾਦਰਾਗੋ, ਤੇਨ ਰਾਗੇਨ ਓਭਾਸਨਂ, ਤਙ੍ਖਣਵਿਜਾਨਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਅਦਿਨ੍ਨਾਦਾਨਸਮੁਟ੍ਠਾਨਂ, ਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਅਕੁਸਲਚਿਤ੍ਤਂ, ਦ੍ਵਿਵੇਦਨਨ੍ਤਿ.

ਦੁਟ੍ਠੁਲ੍ਲਵਾਚਾਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਓਤਿਣ੍ਣਤਾ ਚ ਵਿਪਰਿਣਤਚਿਤ੍ਤਤਾ ਚ ਅਤ੍ਤਕਾਮਪਾਰਿਚਰਿਯਾਵਸੇਨ ਵੇਦਿਤਬ੍ਬਾ. ਮਾਤੁਗਾਮਸ੍ਸ ਸਨ੍ਤਿਕੇਤਿ ਦੁਟ੍ਠੁਲ੍ਲੋਭਾਸਨੇ ਵੁਤ੍ਤਪ੍ਪਕਾਰਾਯ ਇਤ੍ਥਿਯਾ ਸਮੀਪੇ. ਅਤ੍ਤਕਾਮਪਾਰਿਚਰਿਯਾਯਾਤਿ ¶ ਮੇਥੁਨਧਮ੍ਮਸਙ੍ਖਾਤੇਨ ਕਾਮੇਨ ਪਾਰਿਚਰਿਯਾ ਕਾਮਪਾਰਿਚਰਿਯਾ, ਅਤ੍ਤਨੋ ਅਤ੍ਥਾਯ ਕਾਮਪਾਰਿਚਰਿਯਾ ਅਤ੍ਤਕਾਮਪਾਰਿਚਰਿਯਾ, ਅਤ੍ਤਨਾ ਵਾ ਕਾਮਿਤਾ ਇਚ੍ਛਿਤਾਤਿ ਅਤ੍ਤਕਾਮਾ, ਸਯਂ ਮੇਥੁਨਰਾਗਵਸੇਨ ਪਤ੍ਥਿਤਾਤਿ ਅਤ੍ਥੋ, ਅਤ੍ਤਕਾਮਾ ਚ ਸਾ ਪਾਰਿਚਰਿਯਾ ¶ ਚਾਤਿ ਅਤ੍ਤਕਾਮਪਾਰਿਚਰਿਯਾ, ਤਸ੍ਸਾ ਅਤ੍ਤਕਾਮਪਾਰਿਚਰਿਯਾਯ. ਵਣ੍ਣਂ ਭਾਸੇਯ੍ਯਾਤਿ ਗੁਣਂ ਆਨਿਸਂਸਂ ਪਕਾਸੇਯ੍ਯ. ਏਤਦਗ੍ਗਨ੍ਤਿਆਦਿ ਤਸ੍ਸਾ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਭਾਸਨਾਕਾਰਨਿਦਸ੍ਸਨਂ. ਤਤ੍ਰਾਯਂ ਪਦਸਮ੍ਬਨ੍ਧਵਸੇਨੇਵ ਸਙ੍ਖੇਪਤ੍ਥੋ – ਯਾ ਮਾਦਿਸਂ ਪਾਣਾਤਿਪਾਤਾਦੀਹਿ ਵਿਰਹਿਤਤ੍ਤਾ ਸੀਲਵਨ੍ਤਂ ਮੇਥੁਨਧਮ੍ਮਾ ਵਿਰਹਿਤਤ੍ਤਾ ਬ੍ਰਹ੍ਮਚਾਰਿਂ ਤਦੁਭਯੇਨਾਪਿ ਕਲ੍ਯਾਣਧਮ੍ਮਂ ਏਤੇਨ ਧਮ੍ਮੇਨ ਪਰਿਚਰੇਯ੍ਯ ਅਭਿਰਮੇਯ੍ਯ, ਤਸ੍ਸਾ ਏਵਂ ਮਾਦਿਸਂ ਪਰਿਚਰਨ੍ਤਿਯਾ ਯਾ ਅਯਂ ਪਾਰਿਚਰਿਯਾ ਨਾਮ, ਏਤਦਗ੍ਗਂ ਪਾਰਿਚਰਿਯਾਨਨ੍ਤਿ. ਮੇਥੁਨੁਪਸਂਹਿਤੇਨ ਸਙ੍ਘਾਦਿਸੇਸੋਤਿ ਏਵਂ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਨ੍ਤੋ ਚ ‘‘ਅਰਹਸਿ ਤ੍ਵਂ ਮਯ੍ਹਂ ਮੇਥੁਨਧਮ੍ਮਂ ਦਾਤੁ’’ਨ੍ਤਿਆਦਿਨਾ ਮੇਥੁਨਪ੍ਪਟਿਸਂਯੁਤ੍ਤੇਨੇਵ ਵਚਨੇਨ ਯੋ ਭਾਸੇਯ੍ਯ, ਤਸ੍ਸ ਸਙ੍ਘਾਦਿਸੇਸੋ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਭਾਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਇਤ੍ਥਿਯਾ ਇਤ੍ਥਿਸਞ੍ਞਿਨੋ ਅਨ੍ਤਮਸੋ ਹਤ੍ਥਮੁਦ੍ਦਾਯਪਿ ਵੁਤ੍ਤਨਯੇਨੇਵ ਅਤ੍ਤਕਾਮਪਾਰਿਚਰਿਯਾਯ ਵਣ੍ਣਂ ਭਾਸਨ੍ਤਸ੍ਸ ਸਚੇ ਸਾ ਤਮਤ੍ਥਂ ਤਸ੍ਮਿਂਯੇਵ ਖਣੇ ਜਾਨਾਤਿ, ਸਙ੍ਘਾਦਿਸੇਸੋ ¶ . ਨੋ ਚੇ ਜਾਨਾਤਿ, ਥੁਲ੍ਲਚ੍ਚਯਂ. ਪਣ੍ਡਕੇ ਪਣ੍ਡਕਸਞ੍ਞਿਨੋਪਿ ਥੁਲ੍ਲਚ੍ਚਯਂ. ਤਸ੍ਮਿਂਯੇਵ ਇਤ੍ਥਿਸਞ੍ਞਿਨੋ ਦੁਕ੍ਕਟਂ. ਚੀਵਰਾਦੀਹਿ ਵਤ੍ਥੁਕਾਮੇਹਿ ਪਾਰਿਚਰਿਯਾਯ ਵਣ੍ਣਂ ਭਾਸਨ੍ਤਸ੍ਸ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਮਨੁਸ੍ਸਿਤ੍ਥੀ, ਇਤ੍ਥਿਸਞ੍ਞਿਤਾ, ਅਤ੍ਤਕਾਮਪਾਰਿਚਰਿਯਾਯ ਰਾਗੋ, ਤੇਨ ਰਾਗੇਨ ਵਣ੍ਣਭਣਨਂ, ਤਙ੍ਖਣਵਿਜਾਨਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਦੁਟ੍ਠੁਲ੍ਲੋਭਾਸਨੇ ਵੁਤ੍ਤਸਦਿਸਾਨੇਵਾਤਿ.

ਅਤ੍ਤਕਾਮਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਞ੍ਚਮੇ ਸਞ੍ਚਰਿਤ੍ਤਨ੍ਤਿ ਇਤ੍ਥਿਪੁਰਿਸਾਨਂ ਅਨ੍ਤਰੇ ਸਂਚਰਣਭਾਵਂ. ਸਮਾਪਜ੍ਜੇਯ੍ਯਾਤਿ ਸਮ੍ਮਾ ਪਟਿਗ੍ਗਣ੍ਹਨਵੀਮਂਸਨਪਚ੍ਚਾਹਰਣਾਨਿ ਕਰੋਨ੍ਤੋ ਆਪਜ੍ਜੇਯ੍ਯ. ਇਤ੍ਥਿਯਾ ਵਾਤਿਆਦਿ ਸਮਾਪਜ੍ਜਨਾਕਾਰਦਸ੍ਸਨਂ. ਤਤ੍ਥ ਇਤ੍ਥਿਯਾ ਵਾ ਪੁਰਿਸਮਤਿਨ੍ਤਿ ਪੁਰਿਸੇਨ ਵਾ ਤਸ੍ਸ ਮਾਤਾਪਿਤਾਦੀਹਿ ਵਾ ਪੇਸਿਤੋ ਪੁਰਿਸਸ੍ਸ ਮਤਿਂ ਅਧਿਪ੍ਪਾਯਂ ਇਤ੍ਥਿਯਾ ਆਰੋਚੇਯ੍ਯਾਤਿ ਅਤ੍ਥੋ. ਪੁਰਿਸਸ੍ਸ ਵਾ ਇਤ੍ਥਿਮਤਿਨ੍ਤਿ ਇਤ੍ਥਿਯਾ ਵਾ ਤਸ੍ਸਾ ਮਾਤਾਪਿਤਾਦੀਹਿ ਵਾ ਪੇਸਿਤੋ ਇਤ੍ਥਿਯਾ ਮਤਿਂ ਅਧਿਪ੍ਪਾਯਂ ਪੁਰਿਸਸ੍ਸ ¶ ਆਰੋਚੇਯ੍ਯਾਤਿ ਅਤ੍ਥੋ. ਜਾਯਤ੍ਤਨੇ ਵਾ ਜਾਰਤ੍ਤਨੇ ਵਾਤਿ ਜਾਯਭਾਵੇ ਵਾ ਜਾਰਭਾਵੇ ਵਾ. ਪੁਰਿਸਸ੍ਸ ਹਿ ਮਤਿਂ ਇਤ੍ਥਿਯਾ ਆਰੋਚੇਨ੍ਤੋ ਜਾਯਤ੍ਤਨੇ ਆਰੋਚੇਤਿ, ਇਤ੍ਥਿਯਾ ਮਤਿਂ ਪੁਰਿਸਸ੍ਸ ਆਰੋਚੇਨ੍ਤੋ ਜਾਰਤ੍ਤਨੇ ਆਰੋਚੇਤਿ. ਅਪਿਚ ਪੁਰਿਸਸ੍ਸੇਵ ਮਤਿਂ ਇਤ੍ਥਿਯਾ ਆਰੋਚੇਨ੍ਤੋ ਜਾਯਤ੍ਤਨੇ ਵਾ ਆਰੋਚੇਤਿ ਨਿਬਦ੍ਧਭਰਿਯਭਾਵੇ, ਜਾਰਤ੍ਤਨੇ ਵਾ ਮਿਚ੍ਛਾਚਾਰਭਾਵੇ, ਤੇਨੇਵਸ੍ਸ ਪਦਭਾਜਨੇ (ਪਾਰਾ. ੩੦੨) ‘‘ਜਾਯਤ੍ਤਨੇ ਵਾਤਿ ਜਾਯਾ ਭਵਿਸ੍ਸਸਿ, ਜਾਰਤ੍ਤਨੇ ਵਾਤਿ ਜਾਰੀ ਭਵਿਸ੍ਸਸੀ’’ਤਿ ਵੁਤ੍ਤਂ. ਏਤੇਨੇਵ ਉਪਾਯੇਨ ਇਤ੍ਥਿਯਾ ਮਤਿਂ ਪੁਰਿਸਸ੍ਸ ਆਰੋਚਨੇਪਿ ‘‘ਪਤਿ ਭਵਿਸ੍ਸਸਿ, ਜਾਰੋ ਭਵਿਸ੍ਸਸੀ’’ਤਿ ¶ ਵਤ੍ਤਬ੍ਬਤਾ ਵੇਦਿਤਬ੍ਬਾ. ਅਨ੍ਤਮਸੋ ਤਙ੍ਖਣਿਕਾਯਪੀਤਿ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਯਾ ਅਯਂ ਤਙ੍ਖਣੇ ਮੁਹੁਤ੍ਤਮਤ੍ਤੇ ਸਂਵਸਿਤਬ੍ਬਤੋ ‘‘ਤਙ੍ਖਣਿਕਾ’’ਤਿ ਵੁਚ੍ਚਤਿ, ਮੁਹੁਤ੍ਤਿਕਾਤਿ ਅਤ੍ਥੋ. ਤਸ੍ਸਾਪਿ ‘‘ਮੁਹੁਤ੍ਤਿਕਾ ਭਵਿਸ੍ਸਸੀ’’ਤਿ ਏਵਂ ਪੁਰਿਸਸ੍ਸ ਮਤਿਂ ਆਰੋਚੇਨ੍ਤਸ੍ਸ ਸਙ੍ਘਾਦਿਸੇਸੋ, ਏਤੇਨੇਵ ਉਪਾਯੇਨ ‘‘ਮੁਹੁਤ੍ਤਿਕੋ ਭਵਿਸ੍ਸਸੀ’’ਤਿ ਏਵਂ ਪੁਰਿਸਸ੍ਸ ਇਤ੍ਥਿਮਤਿਂ ਆਰੋਚੇਨ੍ਤੋਪਿ ਸਙ੍ਘਾਦਿਸੇਸਂ ਆਪਜ੍ਜਤੀਤਿ ਵੇਦਿਤਬ੍ਬੋ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਸਞ੍ਚਰਿਤ੍ਤਸਮਾਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਨ੍ਤਮਸੋ ਤਙ੍ਖਣਿਕਾਯਪੀ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ‘‘ਪਟਿਗ੍ਗਣ੍ਹਾਤਿ, ਵੀਮਂਸਤਿ, ਅਨ੍ਤੇਵਾਸਿਂ ਪਚ੍ਚਾਹਰਾਪੇਤੀ’’ਤਿਇਮਿਨਾ (ਪਾਰਾ. ੩੩੮) ਨਯੇਨ ਸਾਣਤ੍ਤਿਕਂ, ਅਞ੍ਞਤ੍ਰ ਨਾਲਂਵਚਨੀਯਾਯ ¶ ਯਾਯ ਕਾਯਚਿ ਇਤ੍ਥਿਯਾ ਅਨ੍ਤਮਸੋ ਮਾਤੁਯਾਪਿ ਪੁਰਿਸਮਤਿਂ ਆਰੋਚੇਨ੍ਤੋ ‘‘ਹੋਹਿ ਕਿਰ ਭਰਿਯਾ ਧਨਕ੍ਕੀਤਾ’’ਤਿ ਵਤ੍ਤੁਕਾਮੋ ਸਚੇਪਿ ਛਨ੍ਦਵਾਸਿਨੀਆਦੀਸੁ ਅਞ੍ਞਤਰਾਕਾਰੇਨ ਆਰੋਚੇਤ੍ਵਾ ਤਾਯ ‘‘ਸਾਧੂ’’ਤਿ ਸਮ੍ਪਟਿਚ੍ਛਿਤੇਪਿ ਅਸਮ੍ਪਟਿਚ੍ਛਿਤੇਪਿ ਪੁਨ ਆਗਨ੍ਤ੍ਵਾ ਯੇਨ ਪਹਿਤੋ, ਤਸ੍ਸ ਤਂ ਪਵਤ੍ਤਿਂ ਆਰੋਚੇਤਿ, ਸਙ੍ਘਾਦਿਸੇਸਂ ਆਪਜ੍ਜਤਿ. ਸਾ ਪਨ ਤਸ੍ਸ ਭਰਿਯਾ ਹੋਤੁ ਵਾ, ਮਾ ਵਾ, ਅਕਾਰਣਮੇਤਂ. ਸਚੇਪਿ ਯਸ੍ਸਾ ਸਨ੍ਤਿਕਂ ਪੇਸਿਤੋ, ਤਂ ਅਦਿਸ੍ਵਾ ਅਞ੍ਞਤਰਸ੍ਸ ਅਵਸ੍ਸਾਰੋਚਨਕਸ੍ਸ ‘‘ਆਰੋਚੇਹੀ’’ਤਿ ਵਤ੍ਵਾ ਪਚ੍ਚਾਹਰਤਿ, ਆਪਜ੍ਜਤਿਯੇਵ. ‘‘ਮਾਤੁਰਕ੍ਖਿਤਂ ਬ੍ਰੂਹੀ’’ਤਿ ਪੇਸਿਤਸ੍ਸ ਪਨ ਗਨ੍ਤ੍ਵਾ ਅਞ੍ਞਂ ਪਿਤੁਰਕ੍ਖਿਤਾਦੀਸੁ ਅਞ੍ਞਤਰਂ ਵਦਨ੍ਤਸ੍ਸ ਵਿਸਙ੍ਕੇਤਂ ਹੋਤਿ, ਪੁਰਿਸਸ੍ਸ ਵਾ ਇਤ੍ਥਿਯਾ ਵਾ ਵਚਨਂ ‘‘ਸਾਧੂ’’ਤਿ ਕਾਯੇਨ ਵਾ ਵਾਚਾਯ ਵਾ ਉਭਯੇਨ ਵਾ ਪਟਿਗ੍ਗਣ੍ਹਿਤ੍ਵਾ ਤਸ੍ਸਾ ਇਤ੍ਥਿਯਾ ਵਾ ਪੁਰਿਸਸ੍ਸ ਵਾ ਆਰੋਚੇਤ੍ਵਾ ਵਾ ਆਰੋਚਾਪੇਤ੍ਵਾ ਵਾ ਪੁਨ ਯੇਨ ਪੇਸਿਤੋ, ਤਸ੍ਸ ਤਂ ਪਵਤ੍ਤਿਂ ਸਯਂ ਆਰੋਚੇਨ੍ਤਸ੍ਸ ਵਾ ਅਞ੍ਞੇਨ ਆਰੋਚਾਪੇਨ੍ਤਸ੍ਸ ਵਾ ਸਙ੍ਘਾਦਿਸੇਸੋ ¶ . ਏਤ੍ਤਾਵਤਾ ਹਿ ‘‘ਪਟਿਗ੍ਗਣ੍ਹਾਤਿ, ਵੀਮਂਸਤਿ, ਪਚ੍ਚਾਹਰਤੀ’’ਤਿਇਦਂ ਅਙ੍ਗਤ੍ਤਯਂ ਸਮ੍ਪਾਦਿਤਮੇਵ ਹੋਤਿ, ਇਤੋ ਪਨ ਯੇਹਿ ਕੇਹਿਚਿ ਦ੍ਵੀਹਿ ਅਙ੍ਗੇਹਿ, ਪਣ੍ਡਕੇ ਚ ਅਙ੍ਗਤ੍ਤਯੇਨਾਪਿ ਥੁਲ੍ਲਚ੍ਚਯਂ. ਏਕੇਨ ਦੁਕ੍ਕਟਂ. ਸਙ੍ਘਸ੍ਸ ਵਾ ਚੇਤਿਯਸ੍ਸ ਵਾ ਗਿਲਾਨਸ੍ਸ ਵਾ ਕਿਚ੍ਚੇਨ ਗਚ੍ਛਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ.

ਸੀਲਵਿਪਤ੍ਤਿ, ਯੇਸੁ ਸਞ੍ਚਰਿਤ੍ਤਂ ਸਮਾਪਜ੍ਜਤਿ, ਤੇਸਂ ਮਨੁਸ੍ਸਜਾਤਿਕਤਾ, ਨ ਨਾਲਂਵਚਨੀਯਤਾ,

ਪਟਿਗ੍ਗਣ੍ਹਨਵੀਮਂਸਨਪਚ੍ਚਾਹਰਣਾਨੀਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਛਸਮੁਟ੍ਠਾਨਂ, ਪਣ੍ਣਤ੍ਤਿਂ ਵਾ ਅਲਂਵਚਨੀਯਭਾਵਂ ਵਾ ਅਜਾਨਨ੍ਤਸ੍ਸ ਕਾਯਵਿਕਾਰੇਨ ਸਾਸਨਂ ਗਹੇਤ੍ਵਾ ਤਥੇਵ ਵੀਮਂਸਿਤ੍ਵਾ ਤਥੇਵ ਪਚ੍ਚਾਹਰਨ੍ਤਸ੍ਸ ਕਾਯਤੋ ਸਮੁਟ੍ਠਾਤਿ. ‘‘ਇਤ੍ਥਨ੍ਨਾਮਾ ਆਗਮਿਸ੍ਸਤਿ, ਤਸ੍ਸਾ ਚਿਤ੍ਤਂ ਜਾਨੇਯ੍ਯਾਥਾ’’ਤਿ ਕੇਨਚਿ ਵੁਤ੍ਤੇ ‘‘ਸਾਧੂ’’ਤਿ ਸਮ੍ਪਟਿਚ੍ਛਿਤ੍ਵਾ ਤਂ ਆਗਤਂ ਵਤ੍ਵਾ ਪੁਨ ਤਸ੍ਮਿਂ ਪੁਰਿਸੇ ਆਗਤੇ ਆਰੋਚੇਨ੍ਤਸ੍ਸ ਕਾਯੇਨ ਕਿਞ੍ਚਿ ਅਕਤਤ੍ਤਾ ਵਾਚਤੋ ਸਮੁਟ੍ਠਾਤਿ. ਵਾਚਾਯ ‘‘ਸਾਧੂ’’ਤਿ ਸਾਸਨਂ ਗਹੇਤ੍ਵਾ ਅਞ੍ਞੇਨ ਕਰਣੀਯੇਨ ਤਸ੍ਸਾ ਘਰਂ ਗਨ੍ਤ੍ਵਾ ਅਞ੍ਞਤ੍ਥ ਵਾ ਗਮਨਕਾਲੇ ਤਂ ਦਿਸ੍ਵਾ ਵਚੀਭੇਦੇਨ ਵੀਮਂਸਿਤ੍ਵਾ ਪੁਨਪਿ ਅਞ੍ਞੇਨੇਵ ਕਾਰਣੇਨ ਤਤੋ ਅਪਕ੍ਕਮ੍ਮ ਕਦਾਚਿਦੇਵ ਤਂ ਪੁਰਿਸਂ ਦਿਸ੍ਵਾ ਆਰੋਚੇਨ੍ਤਸ੍ਸਾਪਿ ਵਾਚਤੋ ਸਮੁਟ੍ਠਾਤਿ. ਪਣ੍ਣਤ੍ਤਿਂ ਅਜਾਨਨ੍ਤਸ੍ਸ ਪਨ ਖੀਣਾਸਵਸ੍ਸਾਪਿ ਪਿਤੁਵਚਨੇਨ ਗਨ੍ਤ੍ਵਾ ਅਲਂਵਚਨੀਯਂ ਮਾਤਰਮ੍ਪਿ ‘‘ਏਹਿ ਮੇ ਪਿਤਰਂ ਉਪਟ੍ਠਾਹੀ’’ਤਿ ਵਤ੍ਵਾ ਪਚ੍ਚਾਹਰਨ੍ਤਸ੍ਸ ਕਾਯਵਾਚਤੋ ਸਮੁਟ੍ਠਾਤਿ. ਇਮਾਨਿ ਤੀਣਿ ਅਚਿਤ੍ਤਕਸਮੁਟ੍ਠਾਨਾਨਿ. ਤਦੁਭਯਂ ¶ ਪਨ ਜਾਨਿਤ੍ਵਾ ਏਤੇਹੇਵ ਤੀਹਿ ਨਯੇਹਿ ਸਮਾਪਜ੍ਜਨ੍ਤਸ੍ਸ ਤਾਨੇਵ ਤੀਣਿ ਤਦੁਭਯਜਾਨਨਚਿਤ੍ਤੇਨ ਸਚਿਤ੍ਤਕਾਨਿ ਹੋਨ੍ਤਿ, ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਕੁਸਲਾਦਿਵਸੇਨ ਚੇਤ੍ਥ ਤੀਣਿ ਚਿਤ੍ਤਾਨਿ, ਸੁਖਾਦਿਵਸੇਨ ਤਿਸ੍ਸੋ ਵੇਦਨਾਤਿ.

ਸਞ੍ਚਰਿਤ੍ਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਛਟ੍ਠੇ ¶ ਸਞ੍ਞਾਚਿਕਾਯ ਪਨਾਤਿ ਏਤ੍ਥ ਸਞ੍ਞਾਚਿਕਾ ਨਾਮ ਸਯਂ ਪਵਤ੍ਤਿਤਯਾਚਨਾ ਵੁਚ੍ਚਤਿ, ਤਸ੍ਮਾ ਸਞ੍ਞਾਚਿਕਾਯਾਤਿ ਅਤ੍ਤਨੋ ਯਾਚਨਾਯਾਤਿ ਵੁਤ੍ਤਂ ਹੋਤਿ, ਸਯਂ ਯਾਚਿਤਕੇਹਿ ਉਪਕਰਣੇਹੀਤਿ ਅਤ੍ਥੋ. ਏਤ੍ਥ ਚ ਯਂਕਿਞ੍ਚਿ ਪਰਪਰਿਗ੍ਗਹਿਤਕਂ ¶ ਮੂਲਚ੍ਛੇਦਵਸੇਨ ਯਾਚਿਤੁਂ ਨ ਵਟ੍ਟਤਿ, ਤਾਵਕਾਲਿਕਂ ਪਨ ਵਟ੍ਟਤਿ. ਸਹਾਯਤ੍ਥਾਯ ਕਮ੍ਮਕਰਣਤ੍ਥਾਯ ‘‘ਪੁਰਿਸਂ ਦੇਥਾ’’ਤਿ ਵਤ੍ਤੁਂ ਵਟ੍ਟਤਿ, ਪੁਰਿਸਤ੍ਤਕਰਮ੍ਪਿ ਯਾਚਿਤੁਂ ਵਟ੍ਟਤਿ, ਪੁਰਿਸਤ੍ਤਕਰੋ ਨਾਮ ਵਡ੍ਢਕਿਆਦਿਨਾ ਪੁਰਿਸੇਨ ਕਾਤਬ੍ਬਂ ਹਤ੍ਥਕਮ੍ਮਂ. ਤਂ ‘‘ਪੁਰਿਸਤ੍ਤਕਰਂ ਦੇਹੀ’’ਤਿ ਵਾ ‘‘ਹਤ੍ਥਕਮ੍ਮਂ ਦੇਹੀ’’ਤਿ ਵਾ ਵਤ੍ਵਾ ਯਾਚਿਤੁਂ ਵਟ੍ਟਤਿ. ਹਤ੍ਥਕਮ੍ਮਂ ਨਾਮ ਕਿਞ੍ਚਿ ਵਤ੍ਥੁ ਨ ਹੋਤਿ, ਤਸ੍ਮਾ ‘‘ਕਿਂ, ਭਨ੍ਤੇ, ਆਗਤਤ੍ਥਾ’’ਤਿ ਪੁਚ੍ਛਿਤੇ ਵਾ ਅਪੁਚ੍ਛਿਤੇ ਵਾ ਯਾਚਿਤੁਂ ਵਟ੍ਟਤਿ, ਵਿਞ੍ਞਤ੍ਤਿਪਚ੍ਚਯਾ ਦੋਸੋ ਨਤ੍ਥਿ, ਮਿਗਲੁਦ੍ਦਕਾਦਯੋ ਪਨ ਸਕਕਮ੍ਮਂ ਨ ਯਾਚਿਤਬ੍ਬਾ. ਕੁਟਿਨ੍ਤਿ ਉਲ੍ਲਿਤ੍ਤਾਦੀਸੁ ਅਞ੍ਞਤਰਂ. ਤਤ੍ਥ ਉਲ੍ਲਿਤ੍ਤਾ ਨਾਮ ਠਪੇਤ੍ਵਾ ਥਮ੍ਭਤੁਲਾਪਿਟ੍ਠਸਙ੍ਘਾਟਵਾਤਪਾਨਧੂਮਚ੍ਛਿਦ੍ਦਾਦਿਭੇਦਂ ਅਲੇਪੋਕਾਸਂ ਅਵਸੇਸੇ ਲੇਪੋਕਾਸੇ ਕੁਟ੍ਟੇਹਿ ਸਦ੍ਧਿਂ ਘਟੇਤ੍ਵਾ ਛਦਨਸ੍ਸ ਅਨ੍ਤੋ ਸੁਧਾਯ ਵਾ ਮਤ੍ਤਿਕਾਯ ਵਾ ਲਿਤ੍ਤਾ. ਅਵਲਿਤ੍ਤਾ ਨਾਮ ਤਥੇਵ ਵੁਤ੍ਤਨਯੇਨੇਵ ਛਦਨਸ੍ਸ ਬਹਿ ਲਿਤ੍ਤਾ. ਉਲ੍ਲਿਤ੍ਤਾਵਲਿਤ੍ਤਾ ਨਾਮ ਤਥੇਵ ਛਦਨਸ੍ਸ ਅਨ੍ਤੋ ਚ ਬਹਿ ਚ ਲਿਤ੍ਤਾ. ਕਾਰਯਮਾਨੇਨਾਤਿ ਸਯਂ ਵਾ ਕਰੋਨ੍ਤੇਨ, ਆਣਤ੍ਤਿਯਾ ਵਾ ਕਾਰਾਪੇਨ੍ਤੇਨ. ਅਸਾਮਿਕਨ੍ਤਿ ਕਾਰੇਤਾ ਦਾਯਕੇਨ ਵਿਰਹਿਤਂ. ਅਤ੍ਤੁਦ੍ਦੇਸਨ੍ਤਿ ‘‘ਮਯ੍ਹਂ ਵਾਸਾਗਾਰਂ ਏਸਾ’’ਤਿ ਏਵਂ ਅਤ੍ਤਾ ਉਦ੍ਦੇਸੋ ਏਤਿਸ੍ਸਾਤਿ ਅਤ੍ਤੁਦ੍ਦੇਸਾ, ਤਂ ਅਤ੍ਤੁਦ੍ਦੇਸਂ. ਪਮਾਣਿਕਾ ਕਾਰੇਤਬ੍ਬਾਤਿ ਪਮਾਣਯੁਤ੍ਤਾ ਕਾਰੇਤਬ੍ਬਾ. ਤਤ੍ਰਿਦਂ ਪਮਾਣਨ੍ਤਿ ਤਸ੍ਸਾ ਕੁਟਿਯਾ ਇਦਂ ਪਮਾਣਂ. ਦੀਘਸੋਤਿ ਦੀਘਤੋ. ਦ੍ਵਾਦਸ ਵਿਦਤ੍ਥਿਯੋ ਸੁਗਤਵਿਦਤ੍ਥਿਯਾਤਿਏਤ੍ਥ ਸੁਗਤਵਿਦਤ੍ਥਿ ਨਾਮ ਇਦਾਨਿ ਮਜ੍ਝਿਮਸ੍ਸ ਪੁਰਿਸਸ੍ਸ ਤਿਸ੍ਸੋ ਵਿਦਤ੍ਥਿਯੋ, ਵਡ੍ਢਕਿਹਤ੍ਥੇਨ ਦਿਯਡ੍ਢੋ ਹਤ੍ਥੋ ਹੋਤਿ. ਮਿਨਨ੍ਤੇਨ ਪਨ ਕੁਟਿਯਾ ਬਹਿਕੁਟ੍ਟੇ ਪਠਮਂ ਦਿਨ੍ਨਂ ਮਹਾਮਤ੍ਤਿਕਪਰਿਯਨ੍ਤਂ ਅਗ੍ਗਹੇਤ੍ਵਾ ਥੁਸਪਿਣ੍ਡਪਰਿਯਨ੍ਤੇਨ ਦ੍ਵਾਦਸ ਵਿਦਤ੍ਥਿਯੋ ਮਿਨੇਤਬ੍ਬਾ, ਸਚੇ ਥੁਸਪਿਣ੍ਡਕੇਨ ਅਨਤ੍ਥਿਕੋ ਹੋਤਿ, ਮਹਾਮਤ੍ਤਿਕਲੇਪੇਨੇਵ ਨਿਟ੍ਠਾਪੇਤਿ, ਸ੍ਵੇਵ ਪਰਿਚ੍ਛੇਦੋ. ਤਿਰਿਯਨ੍ਤਿ ਵਿਤ੍ਥਾਰਤੋ. ਸਤ੍ਤਨ੍ਤਰਾਤਿ ਕੁਟ੍ਟਸ੍ਸ ਬਹਿਅਨ੍ਤਂ ਅਗ੍ਗਹੇਤ੍ਵਾ ਅਬ੍ਭਨ੍ਤਰਿਮੇਨ ਅਨ੍ਤੇਨ ਸਤ੍ਤ ਸੁਗਤਵਿਦਤ੍ਥਿਯੋ ਪਮਾਣਨ੍ਤਿ ਵੁਤ੍ਤਂ ਹੋਤਿ. ਏਤ੍ਥ ਚ ਕੇਸਗ੍ਗਮਤ੍ਤਮ੍ਪਿ ਦੀਘਤੋ ਹਾਪੇਤ੍ਵਾ ਤਿਰਿਯਂ, ਤਿਰਿਯਤੋ ਵਾ ਹਾਪੇਤ੍ਵਾ ਦੀਘਂ ਵਡ੍ਢੇਤੁਂ ਨ ਵਟ੍ਟਤਿ, ਕੋ ਪਨ ਵਾਦੋ ਉਭਤੋਵਡ੍ਢਨੇ. ਯਾ ਪਨ ਦੀਘਤੋ ਸਟ੍ਠਿਹਤ੍ਥਾਪਿ ਹੋਤਿ, ਤਿਰਿਯਤੋ ਤਿਹਤ੍ਥਾ ਵਾ ਊਨਕਚਤੁਹਤ੍ਥਾ ਵਾ, ਯਤ੍ਥ ¶ ਪਮਾਣਯੁਤ੍ਤੋ ਮਞ੍ਚੋ ਇਤੋ ਚਿਤੋ ਚ ਨ ਪਰਿਵਟ੍ਟਤਿ, ਪਚ੍ਛਿਮਕੋਟਿਯਾ ਚਤੁਹਤ੍ਥਵਿਤ੍ਥਾਰਾ ਨ ਹੋਤਿ, ਅਯਂ ਕੁਟਿਸਙ੍ਖ੍ਯਂ ਨ ਗਚ੍ਛਤਿ, ਤਸ੍ਮਾ ਵਟ੍ਟਤਿ. ਭਿਕ੍ਖੂ ¶ ਅਭਿਨੇਤਬ੍ਬਾ ਵਤ੍ਥੁਦੇਸਨਾਯਾਤਿ ਯਸ੍ਮਿਂ ਪਦੇਸੇ ਕੁਟਿਂ ਕਾਰੇਤੁਕਾਮੋ ਹੋਤਿ, ਤਂ ਸੋਧੇਤ੍ਵਾ ਪਦਭਾਜਨੇ (ਪਾਰਾ. ੩੪੯) ਵੁਤ੍ਤਨਯੇਨ ਸਙ੍ਘਂ ਤਿਕ੍ਖਤ੍ਤੁਂ ਯਾਚਿਤ੍ਵਾ ਸਬ੍ਬੇ ਵਾ ਸਙ੍ਘਪਰਿਯਾਪਨ੍ਨਾ ਸਙ੍ਘੇਨ ਵਾ ਸਮ੍ਮਤਾ ਦ੍ਵੇ ਤਯੋ ਭਿਕ੍ਖੂ ਤਤ੍ਥ ਵਤ੍ਥੁਦੇਸਨਤ੍ਥਾਯ ਨੇਤਬ੍ਬਾ. ਤੇਹਿ ਭਿਕ੍ਖੂਹਿ ਵਤ੍ਥੁ ਦੇਸੇਤਬ੍ਬਂ ਅਨਾਰਮ੍ਭਂ ਸਪਰਿਕ੍ਕਮਨਨ੍ਤਿ ਤੇਹਿ ਭਿਕ੍ਖੂਹਿ ¶ ਕਿਪਿਲ੍ਲਿਕਾਦੀਨਂ ਆਸਯਾਦੀਹਿ ਤੇਰਸਹਿ, ਪੁਬ੍ਬਣ੍ਣਾਪਰਣ੍ਣਨਿਸ੍ਸਿਤਾਦੀਹਿ ਸੋਲ਼ਸਹਿ ਉਪਦ੍ਦਵੇਹਿ ਵਿਰਹਿਤਤ੍ਤਾ ਅਨਾਰਮ੍ਭਂ, ਦ੍ਵੀਹਿ ਵਾ ਚਤੂਹਿ ਵਾ ਬਲਿਬਦ੍ਧੇਹਿ ਯੁਤ੍ਤੇਨ ਸਕਟੇਨ ਏਕਂ ਚਕ੍ਕਂ ਨਿਬ੍ਬੋਦਕਪਤਨਟ੍ਠਾਨੇ ਏਕਂ ਬਹਿ ਕਤ੍ਵਾ ਆਵਿਜ੍ਝਿਤੁਂ ਸਕ੍ਕੁਣੇਯ੍ਯਤਾਯ ਸਪਰਿਕ੍ਕਮਨਨ੍ਤਿ ਸਲ੍ਲਕ੍ਖੇਤ੍ਵਾ ਸਚੇ ਸਙ੍ਘਪਹੋਨਕਾ ਹੋਨ੍ਤਿ, ਤਤ੍ਥੇਵ, ਨੋ ਚੇ, ਸਙ੍ਘਮਜ੍ਝਂ ਗਨ੍ਤ੍ਵਾ ਤੇਨ ਭਿਕ੍ਖੁਨਾ ਯਾਚਿਤੇਹਿ ਞਤ੍ਤਿਦੁਤਿਯੇਨ ਕਮ੍ਮੇਨ ਵਤ੍ਥੁ ਦੇਸੇਤਬ੍ਬਂ. ਸਾਰਮ੍ਭੇ ਚੇਤਿਆਦਿ ਪਟਿਪਕ੍ਖਨਯੇਨ ਵੇਦਿਤਬ੍ਬਂ.

ਆਲ਼ਵਿਯਂ ਆਲ਼ਵਿਕੇ ਭਿਕ੍ਖੂ ਆਰਬ੍ਭ ਸਞ੍ਞਾਚਿਕਾਯ ਕੁਟਿਕਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ‘‘ਅਦੇਸਿਤਵਤ੍ਥੁਕਂ ਪਮਾਣਾਤਿਕ੍ਕਨ੍ਤਂ ਕੁਟਿਂ ਕਾਰੇਸ੍ਸਾਮੀ’’ਤਿ ਉਪਕਰਣਤ੍ਥਂ ਅਰਞ੍ਞਂ ਗਮਨਤੋ ਪਟ੍ਠਾਯ ਸਬ੍ਬਪਯੋਗੇਸੁ ਦੁਕ੍ਕਟਂ, ‘‘ਇਦਾਨਿ ਦ੍ਵੀਹਿ ਪਿਣ੍ਡੇਹਿ ਨਿਟ੍ਠਾਨਂ ਗਮਿਸ੍ਸਤੀ’’ਤਿ ਤੇਸੁ ਪਠਮਪਿਣ੍ਡਦਾਨੇ ਥੁਲ੍ਲਚ੍ਚਯਂ, ਦੁਤਿਯਦਾਨੇਨ ਲੇਪੇ ਘਟਿਤੇ ਸਚੇ ਅਦੇਸਿਤਵਤ੍ਥੁਕਾ ਏਵ ਵਾ ਪਮਾਣਾਤਿਕ੍ਕਨ੍ਤਾ ਏਵ ਵਾ ਹੋਤਿ, ਏਕੋ ਸਙ੍ਘਾਦਿਸੇਸੋ, ਦ੍ਵੇ ਚ ਦੁਕ੍ਕਟਾਨਿ. ਉਭਯਵਿਪ੍ਪਨ੍ਨਾ, ਦ੍ਵੇ ਸਙ੍ਘਾਦਿਸੇਸਾ, ਦ੍ਵੇ ਚ ਦੁਕ੍ਕਟਾਨਿ. ਸਚੇ ਪਨ ਦ੍ਵਾਰਬਨ੍ਧਂ ਵਾ ਵਾਤਪਾਨਂ ਵਾ ਅਟ੍ਠਪੇਤ੍ਵਾਵ ਮਤ੍ਤਿਕਾਯ ਲਿਮ੍ਪਤਿ, ਠਪਿਤੇ ਚ ਤਸ੍ਮਿਂ ਲੇਪੋ ਨ ਘਟਿਯਤਿ, ਰਕ੍ਖਤਿ ਤਾਵ. ਪੁਨ ਲਿਮ੍ਪਨ੍ਤਸ੍ਸ ਪਨ ਘਟਿਤਮਤ੍ਤੇ ਸਙ੍ਘਾਦਿਸੇਸੋ. ਸਚੇ ਤਂ ਠਪਿਯਮਾਨਂ ਪਠਮਦਿਨ੍ਨਲੇਪੇਨ ਸਦ੍ਧਿਂ ਨਿਰਨ੍ਤਰਮੇਵ ਹੁਤ੍ਵਾ ਤਿਟ੍ਠਤਿ, ਪਠਮਮੇਵ ਸਙ੍ਘਾਦਿਸੇਸੋ. ਕੇਵਲਂ ਸਾਰਮ੍ਭਾਯ ਦੁਕ੍ਕਟਂ, ਤਥਾ ਅਪਰਿਕ੍ਕਮਨਾਯ. ਵਿਪ੍ਪਕਤਂ ਕੁਟਿਂ ਅਞ੍ਞਸ੍ਸ ਦਦਤੋ ਚ, ਭੂਮਿਂ ਸਮਂ ਕਤ੍ਵਾ ਭਿਨ੍ਦਨ੍ਤਸ੍ਸ ਚ, ਲੇਣਗੁਹਾਤਿਣਕੁਟਿਪਣ੍ਣਚ੍ਛਦਨਗੇਹੇਸੁ ਅਞ੍ਞਤਰਂ ਕਾਰੇਨ੍ਤਸ੍ਸ, ਕੁਟਿਮ੍ਪਿ ਅਞ੍ਞਸ੍ਸ ਵਾਸਤ੍ਥਾਯ, ਵਾਸਾਗਾਰਂ ਠਪੇਤ੍ਵਾ ਉਪੋਸਥਾਗਾਰਾਦੀਸੁ ਅਞ੍ਞਤਰਤ੍ਥਾਯ ਕਾਰੇਨ੍ਤਸ੍ਸ ਚ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਉਲ੍ਲਿਤ੍ਤਾਦੀਨਂ ਅਞ੍ਞਤਰਤਾ, ਹੇਟ੍ਠਿਮਪਮਾਣਸਮ੍ਭਵੋ, ਅਦੇਸਿਤਵਤ੍ਥੁਕਤਾ, ਪਮਾਣਾਤਿਕ੍ਕਨ੍ਤਤਾ, ਅਤ੍ਤੁਦ੍ਦੇਸਿਕਤਾ, ਵਾਸਾਗਾਰਤਾ ¶ , ਲੇਪਘਟਨਾਤਿ ਇਮਾਨੇਤ੍ਥ ਛ ਵਾ ਸਤ੍ਤ ਵਾ ਅਙ੍ਗਾਨਿ. ਛਸਮੁਟ੍ਠਾਨਂ, ਕਿਰਿਯਞ੍ਚ, ਕਿਰਿਯਾਕਿਰਿਯਞ੍ਚ. ਇਦਞ੍ਹਿ ਵਤ੍ਥੁਂ ਦੇਸਾਪੇਤ੍ਵਾ ਪਮਾਣਾਤਿਕ੍ਕਨ੍ਤਂ ਵਾ ਕਰੋਤੋ ਕਿਰਿਯਤੋ ਸਮੁਟ੍ਠਾਤਿ, ਅਦੇਸਾਪੇਤ੍ਵਾ ਕਰੋਤੋ ਕਿਰਿਯਾਕਿਰਿਯਤੋ ਸਮੁਟ੍ਠਾਤਿ. ਸੇਸਮੇਤ੍ਥ ਸਞ੍ਚਰਿਤ੍ਤੇ ਵੁਤ੍ਤਸਦਿਸਮੇਵਾਤਿ.

ਕੁਟਿਕਾਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ¶ ਮਹਲ੍ਲਕਨ੍ਤਿ ਸਸਾਮਿਕਭਾਵੇਨ ਸਞ੍ਞਾਚਿਤਕੁਟਿਤੋ ਮਹਨ੍ਤਭਾਵੋ ਏਤਸ੍ਸ ਅਤ੍ਥੀਤਿ ਮਹਲ੍ਲਕੋ, ਯਸ੍ਮਾ ਵਾ ਵਤ੍ਥੁਂ ਦੇਸਾਪੇਤ੍ਵਾ ਪਮਾਣਾਤਿਕ੍ਕਮੇਨਾਪਿ ਕਾਤੁਂ ਵਟ੍ਟਤਿ, ਤਸ੍ਮਾ ਪਮਾਣਮਹਨ੍ਤਤਾਯਪਿ ¶ ਮਹਲ੍ਲਕੋ, ਤਂ ਮਹਲ੍ਲਕਂ. ਯਸ੍ਮਾ ਪਨਸ੍ਸ ਤਂ ਪਮਾਣਮਹਨ੍ਤਤ੍ਤਂ ਸਸਾਮਿਕਤ੍ਤਾਵ ਲਬ੍ਭਤਿ, ਤਸ੍ਮਾ ਤਦਤ੍ਥਦਸ੍ਸਨਤ੍ਥਂ ‘‘ਮਹਲ੍ਲਕੋ ਨਾਮ ਵਿਹਾਰੋ ਸਸਾਮਿਕੋ ਵੁਚ੍ਚਤੀ’’ਤਿ ਏਵਮਸ੍ਸ ਪਦਭਾਜਨੇ (ਪਾਰਾ. ੩੬੭) ਵੁਤ੍ਤਂ. ਸੇਸਂ ਸਬ੍ਬਂ ਕੁਟਿਕਾਰਸਿਕ੍ਖਾਪਦੇ ਵੁਤ੍ਤਸਦਿਸਂ, ਸਸਾਮਿਕਭਾਵਮਤ੍ਤਮੇਵ ਹਿ ਵਿਸੇਸੋ.

ਕੋਸਮ੍ਬਿਯਂ ਛਨ੍ਨਤ੍ਥੇਰਂ ਆਰਬ੍ਭ ਚੇਤਿਯਰੁਕ੍ਖਂ ਛੇਦਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਭਾਵੋ, ਅਕਿਰਿਯਮਤ੍ਤਤੋ ਸਮੁਟ੍ਠਾਨਭਾਵੋ, ਏਕਸਙ੍ਘਾਦਿਸੇਸਤਾ ਚ ਏਤ੍ਥ ਵਿਸੇਸੋ.

ਵਿਹਾਰਕਾਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ਦੁਟ੍ਠੋ ਦੋਸੋਤਿ ਦੂਸਿਤੋ ਚੇਵ ਦੂਸਕੋ ਚ. ਉਪ੍ਪਨ੍ਨੇ ਹਿ ਦੋਸੇ ਪੁਗ੍ਗਲੋ ਤੇਨ ਦੋਸੇਨ ਦੂਸਿਤੋ ਹੋਤਿ, ਪਕਤਿਭਾਵਂ ਜਹਾਪਿਤੋ, ਤਸ੍ਮਾ ‘‘ਦੁਟ੍ਠੋ’’ਤਿ ਵੁਚ੍ਚਤਿ. ਪਰਞ੍ਚ ਦੂਸੇਤਿ ਵਿਨਾਸੇਤਿ, ਤਸ੍ਮਾ ‘‘ਦੋਸੋ’’ਤਿ ਵੁਚ੍ਚਤਿ. ਇਤਿ ‘‘ਦੁਟ੍ਠੋ ਦੋਸੋ’’ਤਿ ਏਕਸ੍ਸੇਵੇਤਂ ਪੁਗ੍ਗਲਸ੍ਸ ਆਕਾਰਨਾਨਤ੍ਤੇਨ ਨਿਦਸ੍ਸਨਂ. ਅਪ੍ਪਤੀਤੋਤਿ ਨਪ੍ਪਤੀਤੋ, ਪੀਤਿਸੁਖਾਦੀਹਿ ਵਿਵਜ੍ਜਿਤੋ, ਨ ਅਭਿਸਟੋਤਿ ਅਤ੍ਥੋ. ਅਮੂਲਕੇਨਾਤਿ ਯਂ ਚੋਦਕੇਨ ਚੁਦਿਤਕਮ੍ਹਿ ¶ ਪੁਗ੍ਗਲੇ ਅਦਿਟ੍ਠਂ ਅਸ੍ਸੁਤਂ ਅਪਰਿਸਙ੍ਕਿਤਂ, ਇਦਂ ਏਤੇਸਂ ਦਸ੍ਸਨਸਵਨਪਰਿਸਙ੍ਕਾਸਙ੍ਖਾਤਾਨਂ ਮੂਲਾਨਂ ਅਭਾਵਤੋ ਅਮੂਲਕਂ ਨਾਮ. ਤਂ ਪਨ ਸੋ ਆਪਨ੍ਨੋ ਵਾ ਹੋਤੁ, ਅਨਾਪਨ੍ਨੋ ਵਾ, ਏਤਂ ਇਧ ਅਪ੍ਪਮਾਣਂ. ਏਤ੍ਥ ਚ ਅਦਿਟ੍ਠਂ ਨਾਮ ਅਤ੍ਤਨੋ ਪਸਾਦਚਕ੍ਖੁਨਾ ਵਾ ਦਿਬ੍ਬਚਕ੍ਖੁਨਾ ਵਾ ਅਦਿਟ੍ਠਂ, ਅਸ੍ਸੁਤਂ ਨਾਮ ਤਥੇਵ ਕੇਨਚਿ ਵੁਚ੍ਚਮਾਨਂ ਨ ਸੁਤਂ, ਅਪਰਿਸਙ੍ਕਿਤਂ ਨਾਮ ਅਤ੍ਤਨੋ ਵਾ ਪਰਸ੍ਸ ਵਾ ਦਿਟ੍ਠਸੁਤਮੁਤਵਸੇਨ ਚੇਤਸਾ ਅਪਰਿਸਙ੍ਕਿਤਂ, ਇਤਿ ਏਵਰੂਪੇਨ ਅਮੂਲਕੇਨ. ਪਾਰਾਜਿਕੇਨਾਤਿ ਭਿਕ੍ਖੁਨੋ ਅਨੁਰੂਪੇਸੁ ਏਕੂਨਵੀਸਤਿਯਾ ਅਞ੍ਞਤਰੇਨ, ਪਦਭਾਜਨੇ (ਪਾਰਾ. ੩੮੬) ਪਨ ਪਾਰਾਜਿਕੁਦ੍ਦੇਸੇ ਆਗਤਾਨੇਵ ਗਹੇਤ੍ਵਾ ‘‘ਚਤੁਨ੍ਨਂ ਅਞ੍ਞਤਰੇਨਾ’’ਤਿ ਵੁਤ੍ਤਂ. ਅਨੁਦ੍ਧਂਸੇਯ੍ਯਾਤਿ ਧਂਸੇਯ੍ਯ ਵਿਦ੍ਧਂਸੇਯ੍ਯ ਪਧਂਸੇਯ੍ਯ ਅਭਿਭਵੇਯ੍ਯ. ਤਂ ਪਨ ਅਨੁਦ੍ਧਂਸਨਂ ਯਸ੍ਮਾ ਅਤ੍ਤਨਾ ਚੋਦੇਨ੍ਤੋਪਿ ਪਰੇਨ ਚੋਦਾਪੇਨ੍ਤੋਪਿ ਕਰੋਤਿ, ਤਸ੍ਮਾਸ੍ਸ ਪਦਭਾਜਨੇ ‘‘ਚੋਦੇਤਿ ਵਾ ਚੋਦਾਪੇਤਿ ਵਾ’’ਤਿ ਵੁਤ੍ਤਂ. ਤਤ੍ਥ ਵਤ੍ਥੁਸਨ੍ਦਸ੍ਸਨਾ ਆਪਤ੍ਤਿਸਨ੍ਦਸ੍ਸਨਾ ਸਂਵਾਸਪ੍ਪਟਿਕ੍ਖੇਪੋ ਸਾਮੀਚਿਪ੍ਪਟਿਕ੍ਖੇਪੋਤਿ ਸਙ੍ਖੇਪਤੋ ਚਤਸ੍ਸੋ ਚੋਦਨਾ. ਤਾਸੁ ਵਤ੍ਥੁਸਨ੍ਦਸ੍ਸਨਾ ਨਾਮ ‘‘ਤ੍ਵਂ ਮੇਥੁਨਂ ਧਮ੍ਮਂ ਪਟਿਸੇਵੀ’’ਤਿਆਦਿਨਾ ਨਯੇਨ ਪਵਤ੍ਤਾ. ਆਪਤ੍ਤਿਸਨ੍ਦਸ੍ਸਨਾ ਨਾਮ ‘‘ਤ੍ਵਂ ਮੇਥੁਨਧਮ੍ਮਾਪਤ੍ਤਿਂ ਆਪਨ੍ਨੋ’’ਤਿਆਦਿਨਾ ਨਯੇਨ ਪਵਤ੍ਤਾ. ਸਂਵਾਸਪ੍ਪਟਿਕ੍ਖੇਪੋ ਨਾਮ ‘‘ਨਤ੍ਥਿ ਤਯਾ ਸਦ੍ਧਿਂ ਉਪੋਸਥੋ ਵਾ ਪਵਾਰਣਾ ਵਾ ਸਙ੍ਘਕਮ੍ਮਂ ਵਾ’’ਤਿ ਏਵਂ ਪਵਤ੍ਤੋ. ਏਤ੍ਤਾਵਤਾ ਪਨ ਸੀਸਂ ਨ ਏਤਿ, ‘‘ਅਸ੍ਸਮਣੋਸੀ’’ਤਿਆਦੀਹਿ ਵਚਨੇਹਿ ਸਦ੍ਧਿਂ ਘਟਿਤੇਯੇਵ ਸੀਸਂ ¶ ਏਤਿ. ਸਾਮੀਚਿਪ੍ਪਟਿਕ੍ਖੇਪੋ ਨਾਮ ਅਭਿਵਾਦਨਪਚ੍ਚੁਟ੍ਠਾਨਅਞ੍ਜਲਿਕਮ੍ਮਸਾਮੀਚਿਕਮ੍ਮਬੀਜਨਿਕਮ੍ਮਾਦੀਨਂ ਅਕਰਣਂ, ਤਂ ਪਟਿਪਾਤਿਯਾ ਵਨ੍ਦਨਾਦੀਨਿ ਕਰੋਤੋ ਏਕਸ੍ਸ ਅਕਤ੍ਵਾ ਸੇਸਾਨਂ ਕਰਣਕਾਲੇ ਵੇਦਿਤਬ੍ਬਂ. ਏਤ੍ਤਾਵਤਾ ਚ ਚੋਦਨਾ ਨਾਮ ਹੋਤਿ, ਆਪਤ੍ਤਿ ਪਨ ¶ ਸੀਸਂ ਨ ਏਤਿ. ‘‘ਕਸ੍ਮਾ ਮਮ ਵਨ੍ਦਨਾਦੀਨਿ ਨ ਕਰੋਸੀ’’ਤਿ ਪੁਚ੍ਛਿਤੇ ਪਨ ‘‘ਅਸ੍ਸਮਣੋਸੀ’’ਤਿਆਦਿਵਚਨੇਹਿ ਸਦ੍ਧਿਂ ਘਟਿਤੇਯੇਵ ਸੀਸਂ ਏਤਿ, ਤਸ੍ਮਾ ਯੋ ਭਿਕ੍ਖੁ ਭਿਕ੍ਖੁਂ ਸਮੀਪੇ ਠਤ੍ਵਾ ‘‘ਤ੍ਵਂ ਮੇਥੁਨਂ ਧਮ੍ਮਂ ਪਟਿਸੇਵੀ’’ਤਿ ਵਾ ‘‘ਅਸ੍ਸਮਣੋਸੀ’’ਤਿ ਵਾ ਆਦੀਹਿ ਵਚਨੇਹਿ ਹਤ੍ਥਮੁਦ੍ਦਾਯ ਏਵ ਵਾ ਏਤਮਤ੍ਥਂ ਦੀਪੇਨ੍ਤੋ ਸਯਂ ਵਾ ਚੋਦੇਤਿ, ਗਹਟ੍ਠਪਬ੍ਬਜਿਤੇਸੁ ਵਾ ਅਞ੍ਞਤਰੇਨ ਚੋਦਾਪੇਤਿ, ਅਯਂ ਅਨੁਦ੍ਧਂਸੇਤਿ ਨਾਮ. ਅਪ੍ਪੇਵ ਨਾਮ ਨਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯਨ੍ਤਿ ਅਪਿ ਏਵ ਨਾਮ ਨਂ ਪੁਗ੍ਗਲਂ ਇਮਮ੍ਹਾ ਸੇਟ੍ਠਚਰਿਯਾ ਅਪਨੇਯ੍ਯਂ. ‘‘ਸਾਧੁ ਵਤਸ੍ਸ ਸਚਾਹਂ ਇਮਂ ਪੁਗ੍ਗਲਂ ਇਮਮ੍ਹਾ ਬ੍ਰਹ੍ਮਚਰਿਯਾ ਚਾਵੇਯ੍ਯ’’ਨ੍ਤਿ ਇਮਿਨਾ ਅਧਿਪ੍ਪਾਯੇਨ ਅਨੁਦ੍ਧਂਸੇਯ੍ਯਾਤਿ ਵੁਤ੍ਤਂ ਹੋਤਿ. ਏਤੇਨ ¶ ਏਕਂ ਚਾਵਨਾਧਿਪ੍ਪਾਯਂ ਗਹੇਤ੍ਵਾ ਅਵਸੇਸਾ ਅਕ੍ਕੋਸਾਧਿਪ੍ਪਾਯੋ ਕਮ੍ਮਾਧਿਪ੍ਪਾਯੋ ਵੁਟ੍ਠਾਨਾਧਿਪ੍ਪਾਯੋ ਉਪੋਸਥਟ੍ਠਪਨਾਧਿਪ੍ਪਾਯੋ ਪਵਾਰਣਟ੍ਠਪਨਾਧਿਪ੍ਪਾਯੋ ਅਨੁਵਿਜ੍ਜਨਾਧਿਪ੍ਪਾਯੋ ਧਮ੍ਮਕਥਾਧਿਪ੍ਪਾਯੋਤਿ ਸਤ੍ਤ ਅਧਿਪ੍ਪਾਯਾ ਪਟਿਕ੍ਖਿਤ੍ਤਾ ਹੋਨ੍ਤਿ. ਤਤੋ ਅਪਰੇਨ ਸਮਯੇਨਾਤਿ ਯਸ੍ਮਿਂ ਸਮਯੇ ਅਨੁਦ੍ਧਂਸਿਤੋ ਹੋਤਿ, ਤਤੋ ਅਞ੍ਞਸ੍ਮਿਂ ਸਮਯੇ. ਸਮਨੁਗ੍ਗਾਹੀਯਮਾਨੋ ਵਾਤਿ ਅਨੁਵਿਜ੍ਜਕੇਨ ਕਿਂ ਤੇ ਦਿਟ੍ਠਨ੍ਤਿਆਦਿਨਾ ਨਯੇਨ ਅਨੁਵਿਜ੍ਜਿਯਮਾਨੋ ਉਪਪਰਿਕ੍ਖਿਯਮਾਨੋ. ਅਸਮਨੁਗ੍ਗਾਹੀਯਮਾਨੋ ਵਾਤਿ ਦਿਟ੍ਠਾਦੀਸੁ ਕੇਨਚਿ ਵਤ੍ਥੁਨਾਵਾ ਅਨੁਵਿਜ੍ਜਕਾਦੀਸੁ ਯੇਨ ਕੇਨਚਿ ਪੁਗ੍ਗਲੇਨ ਵਾ ਅਵੁਚ੍ਚਮਾਨੋ. ਇਮੇਸਂ ਪਨ ਪਦਾਨਂ ਪਰਤੋ ‘‘ਭਿਕ੍ਖੁ ਚ ਦੋਸਂ ਪਤਿਟ੍ਠਾਤੀ’’ਤਿ ਇਮਿਨਾ ਸਮ੍ਬਨ੍ਧੋ. ਇਦਞ੍ਹਿ ਵੁਤ੍ਤਂ ਹੋਤਿ – ਏਵਂ ਸਮਨੁਗ੍ਗਾਹੀਯਮਾਨੋ ਵਾ ਅਸਮਨੁਗ੍ਗਾਹੀਯਮਾਨੋ ਵਾ ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ ਪਟਿਚ੍ਚ ਤਿਟ੍ਠਤਿ ਪਟਿਜਾਨਾਤਿ, ਸਙ੍ਘਾਦਿਸੇਸੋਤਿ. ਇਦਞ੍ਚ ਅਮੂਲਕਭਾਵਸ੍ਸ ਪਾਕਟਕਾਲਦਸ੍ਸਨਤ੍ਥਂ ਵੁਤ੍ਤਂ. ਆਪਤ੍ਤਿਂ ਪਨ ਅਨੁਦ੍ਧਂਸਿਤਕ੍ਖਣੇਯੇਵ ਆਪਜ੍ਜਤਿ. ਅਮੂਲਕਞ੍ਚੇਵ ਤਂ ਅਧਿਕਰਣਂ ਹੋਤੀਤਿ ਏਤ੍ਥ ਪਨ ਦਿਟ੍ਠਮੂਲਾਦੀਨਂ ਅਭਾਵੇਨ ਅਮੂਲਕਂ, ਸਮਥੇਹਿ ਅਧਿਕਰਣੀਯਭਾਵੇਨ ਅਧਿਕਰਣਂ. ਯਞ੍ਹਿ ਅਧਿਕਿਚ੍ਚ ਆਰਬ੍ਭ ਪਟਿਚ੍ਚ ਸਨ੍ਧਾਯ ਸਮਥਾ ਪਵਤ੍ਤਨ੍ਤਿ, ਤਂ ਅਧਿਕਰਣਂ. ਇਧ ਪਨ ਪਾਰਾਜਿਕਸਙ੍ਖਾਤਂ ਆਪਤ੍ਤਾਧਿਕਰਣਮੇਵ ਅਧਿਪ੍ਪੇਤਂ. ਯਦਿ ਹਿ ਤਂ ਅਧਿਕਰਣਂ ਦਿਟ੍ਠਾਦੀਹਿ ਮੂਲੇਹਿ ਅਮੂਲਕਞ੍ਚੇਵ ਹੋਤਿ, ਅਯਂ ਚੋਦੇਤੁਂ ਆਗਤੋ ਭਿਕ੍ਖੁ ਚ ਦੋਸਂ ਪਤਿਟ੍ਠਾਤਿ ਪਟਿਚ੍ਚ ਤਿਟ੍ਠਤਿ, ‘‘ਤੁਚ੍ਛਕਂ ਮਯਾ ਭਣਿਤ’’ਨ੍ਤਿਆਦੀਨਿ (ਪਾਰਾ. ੩੮੬) ਵਦਨ੍ਤੋ ਪਟਿਜਾਨਾਤਿ, ਤਸ੍ਸ ਭਿਕ੍ਖੁਨੋ ਅਨੁਦ੍ਧਂਸਿਤਕ੍ਖਣੇਯੇਵ ਸਙ੍ਘਾਦਿਸੇਸੋਤਿ, ਅਯਂ ਸਿਕ੍ਖਾਪਦਸ੍ਸ ਪਦਾਨੁਕ੍ਕਮੇਨ ਅਤ੍ਥੋ.

ਰਾਜਗਹੇ ਮੇਤ੍ਤਿਯਭੂਮਜਕੇ ਭਿਕ੍ਖੂ ਆਰਬ੍ਭ ਅਮੂਲਕੇਨ ਪਾਰਾਜਿਕੇਨ ਅਨੁਦ੍ਧਂਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਕਤੂਪਸਮ੍ਪਦਂ ਸੁਦ੍ਧਂ ਵਾ ਅਸੁਦ੍ਧਂ ਵਾ ਪੁਗ੍ਗਲਂ ਯੇਨ ਪਾਰਾਜਿਕੇਨ ਚੋਦੇਤਿ, ਤਂ ‘‘ਅਯਂ ਅਨਜ੍ਝਾਪਨ੍ਨੋ’’ਤਿ ਞਤ੍ਵਾ ਚਾਵਨਾਧਿਪ੍ਪਾਯੇਨ ‘‘ਕਰੋਤੁ ਮੇ ਆਯਸ੍ਮਾ ¶ ਓਕਾਸਂ, ਅਹਂ ਤਂ ਵਤ੍ਤੁਕਾਮੋ’’ਤਿ ਏਵਂ ਓਕਾਸਂ ਅਕਾਰੇਤ੍ਵਾ ਚੋਦੇਨ੍ਤਸ੍ਸ ਸਚੇ ਸੋ ਤਙ੍ਖਣੇਯੇਵ ਜਾਨਾਤਿ ‘‘ਮਂ ਚੋਦੇਤੀ’’ਤਿ, ਵਾਚਾਯ ਵਾਚਾਯ ਸਙ੍ਘਾਦਿਸੇਸੋ ਚੇਵ ਦੁਕ੍ਕਟਞ੍ਚ. ਓਕਾਸਂ ਕਾਰੇਤ੍ਵਾ ਚੋਦੇਨ੍ਤਸ੍ਸ ਸਙ੍ਘਾਦਿਸੇਸੋਯੇਵ. ਹਤ੍ਥਮੁਦ੍ਦਾਯ ਸਮ੍ਮੁਖਾ ਚੋਦੇਨ੍ਤਸ੍ਸਾਪਿ ਏਸੇਵ ਨਯੋ. ਪਰਮ੍ਮੁਖਾ ਚੋਦੇਨ੍ਤਸ੍ਸ ਪਨ ਸੀਸਂ ਨ ਏਤਿ ¶ . ਅਤ੍ਤਨਾ ਸਮੀਪੇ ਠਤ੍ਵਾ ਅਞ੍ਞਂ ਭਿਕ੍ਖੁਂ ਆਣਾਪੇਤਿ ¶ , ਸੋ ਤਸ੍ਸ ਵਚਨੇਨ ਤਂ ਚੋਦੇਤਿ, ਚੋਦਾਪਕਸ੍ਸੇਵ ਵੁਤ੍ਤਨਯੇਨ ਆਪਤ੍ਤਿਯੋ. ਅਥ ਸੋਪਿ ‘‘ਮਯਾ ਦਿਟ੍ਠਂ ਸੁਤਂ ਅਤ੍ਥੀ’’ਤਿ ਚੋਦੇਤਿ, ਦ੍ਵਿਨ੍ਨਮ੍ਪਿ ਜਾਨਾਨਂ ਤਥੇਵ ਆਪਤ੍ਤਿਯੋ. ਅਕ੍ਕੋਸਾਧਿਪ੍ਪਾਯੇਨ ਪਨ ਓਕਾਸਂ ਅਕਾਰੇਤ੍ਵਾ ਵਦਨ੍ਤਸ੍ਸ ਵੁਤ੍ਤਨਯੇਨੇਵ ਪਾਚਿਤ੍ਤਿਯਞ੍ਚੇਵ ਦੁਕ੍ਕਟਞ੍ਚ. ਓਕਾਸਂ ਕਾਰੇਤ੍ਵਾ ਵਦਨ੍ਤਸ੍ਸ ਪਾਚਿਤ੍ਤਿਯਮੇਵ. ਕਮ੍ਮਾਧਿਪ੍ਪਾਯੇਨ ਅਸਮ੍ਮੁਖਾ ਸਤ੍ਤਵਿਧਮ੍ਪਿ ਕਮ੍ਮਂ ਕਰੋਨ੍ਤਸ੍ਸ ਦੁਕ੍ਕਟਮੇਵ. ਵੁਟ੍ਠਾਨਾਧਿਪ੍ਪਾਯੇਨ ‘‘ਤ੍ਵਂ ਇਤ੍ਥਨ੍ਨਾਮਂ ਆਪਤ੍ਤਿਂ ਆਪਨ੍ਨੋ, ਤਂ ਪਟਿਕਰੋਹੀ’’ਤਿ ਵਦਨ੍ਤਸ੍ਸ, ਉਪੋਸਥਂ ਵਾ ਪਵਾਰਣਂ ਵਾ ਠਪੇਨ੍ਤਸ੍ਸ ਚ ਓਕਾਸਕਮ੍ਮਂ ਨਤ੍ਥਿ, ਠਪਨਕ੍ਖੇਤ੍ਤਂ ਪਨ ਜਾਨਿਤਬ੍ਬਂ, ਅਨੁਵਿਜ੍ਜਕਸ੍ਸਾਪਿ ਓਸਟੇ ਵਤ੍ਥੁਸ੍ਮਿਂ ‘‘ਅਤ੍ਥੇਤਂ ਤਵਾ’’ਤਿ ਅਨੁਵਿਜ੍ਜਨਾਧਿਪ੍ਪਾਯੇਨ ਵਦਨ੍ਤਸ੍ਸ ਓਕਾਸਕਮ੍ਮਂ ਨਤ੍ਥਿ, ਧਮ੍ਮਕਥਿਕਸ੍ਸਾਪਿ ‘‘ਯੋ ਇਦਞ੍ਚ ਇਦਞ੍ਚ ਕਰੋਤਿ, ਅਯਂ ਅਸ੍ਸਮਣੋ’’ਤਿਆਦਿਨਾ ਨਯੇਨ ਅਨੋਦਿਸਕਂ ਧਮ੍ਮਂ ਕਥੇਨ੍ਤਸ੍ਸ ਓਕਾਸਕਮ੍ਮਂ ਨਤ੍ਥਿ. ਸਚੇ ਪਨ ਓਦਿਸ੍ਸ ਨਿਯਮੇਤ੍ਵਾ ‘‘ਅਸੁਕੋ ਚ ਅਸੁਕੋ ਚ ਅਸ੍ਸਮਣੋ ਅਨੁਪਾਸਕੋ’’ਤਿ ਕਥੇਤਿ, ਆਸਨਤੋ ਓਰੁਯ੍ਹ ਆਪਤ੍ਤਿਂ ਦੇਸੇਤ੍ਵਾ ਗਨ੍ਤਬ੍ਬਂ. ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ, ਸੀਲਵਿਪਤ੍ਤਿ, ਯਂ ਚੋਦੇਤਿ ਵਾ ਚੋਦਾਪੇਤਿ ਵਾ, ਤਸ੍ਸ ‘‘ਉਪਸਮ੍ਪਨ੍ਨੋ’’ਤਿ ਸਙ੍ਖ੍ਯੁਪਗਮਨਂ, ਤਸ੍ਮਿਂ ਸੁਦ੍ਧਸਞ੍ਞਿਤਾ, ਯੇਨ ਪਾਰਾਜਿਕੇਨ ਚੋਦੇਤਿ, ਤਸ੍ਸ ਦਿਟ੍ਠਾਦਿਵਸੇਨ ਅਮੂਲਕਤਾ, ਚਾਵਨਾਧਿਪ੍ਪਾਯੇਨ ਸਮ੍ਮੁਖਾਚੋਦਨਾ, ਤਸ੍ਸ ਤਙ੍ਖਣਵਿਜਾਨਨਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ. ਵੇਦਨਾ ਪਨੇਤ੍ਥ ਦੁਕ੍ਖਾਯੇਵਾਤਿ.

ਦੁਟ੍ਠਦੋਸਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਨਵਮੇ ਅਞ੍ਞਭਾਗਿਯਸ੍ਸਾਤਿਆਦੀਸੁ ਅਞ੍ਞਭਾਗਸ੍ਸ ਇਦਂ, ਅਞ੍ਞਭਾਗੋ ਵਾ ਅਸ੍ਸ ਅਤ੍ਥੀਤਿ ਅਞ੍ਞਭਾਗਿਯਂ. ਅਧਿਕਰਣਨ੍ਤਿ ਆਧਾਰੋ ਵੇਦਿਤਬ੍ਬੋ, ਵਤ੍ਥੁ ਅਧਿਟ੍ਠਾਨਨ੍ਤਿ ਵੁਤ੍ਤਂ ਹੋਤਿ. ਯੋ ਹਿ ਸੋ ਅਟ੍ਠੁਪ੍ਪਤ੍ਤਿਯਂ ‘‘ਦਬ੍ਬੋ ਮਲ੍ਲਪੁਤ੍ਤੋ ਨਾਮਾ’’ਤਿ ਛਗਲਕੋ ਵੁਤ੍ਤੋ. ਸੋ ਯ੍ਵਾਯਂ ਆਯਸ੍ਮਤੋ ਦਬ੍ਬਸ੍ਸ ਮਲ੍ਲਪੁਤ੍ਤਸ੍ਸ ਭਾਗੋ ਕੋਟ੍ਠਾਸੋ ਪਕ੍ਖੋ ਮਨੁਸ੍ਸਜਾਤਿ ਚੇਵ ਭਿਕ੍ਖੁਭਾਵੋ ਚ, ਤਤੋ ਅਞ੍ਞਸ੍ਸ ਭਾਗਸ੍ਸ ਕੋਟ੍ਠਾਸਸ੍ਸ ਪਕ੍ਖਸ੍ਸ ਹੋਤਿ ਤਿਰਚ੍ਛਾਨਜਾਤਿਯਾ ¶ ਚੇਵ ਛਗਲਕਭਾਵਸ੍ਸ ਚ, ਸੋ ਵਾ ਅਞ੍ਞਭਾਗੋ ਅਸ੍ਸ ਅਤ੍ਥਿ, ਤਸ੍ਮਾ ਅਞ੍ਞਭਾਗਿਯਸਙ੍ਖ੍ਯਂ ਲਭਤਿ. ਯਸ੍ਮਾ ਚ ਤੇਸਂ ‘‘ਇਮਂ ਮਯਂ ਦਬ੍ਬਂ ¶ ਮਲ੍ਲਪੁਤ੍ਤਂ ਨਾਮ ਕਰੋਮਾ’’ਤਿ ਵਦਨ੍ਤਾਨਂ ਤਸ੍ਸ ਨਾਮਕਰਣਸਞ੍ਞਾਯ ਆਧਾਰੋ ਵਤ੍ਥੁ ਅਧਿਟ੍ਠਾਨਂ, ਤਸ੍ਮਾ ‘‘ਅਧਿਕਰਣ’’ਨ੍ਤਿ ਵੇਦਿਤਬ੍ਬੋ. ਤਞ੍ਹਿ ਸਨ੍ਧਾਯ ‘‘ਸਚ੍ਚਂ ਕਿਰ ਤੁਮ੍ਹੇ, ਭਿਕ੍ਖਵੇ, ਦਬ੍ਬਂ ਮਲ੍ਲਪੁਤ੍ਤਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸਾ’’ਤਿਆਦਿ (ਪਾਰਾ. ੩੯੧) ਵੁਤ੍ਤਂ. ਨ ਵਿਵਾਦਾਧਿਕਰਣਾਦੀਸੁ ਅਞ੍ਞਤਰਂ, ਕਸ੍ਮਾ? ਅਸਮ੍ਭਵਤੋ. ਨ ਹਿ ਮੇਤ੍ਤਿਯਭੂਮਜਕਾ ਚਤੁਨ੍ਨਂ ਅਧਿਕਰਣਾਨਂ ਕਸ੍ਸਚਿ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪ੍ਪਾਦਿਯਿਂਸੁ, ਨ ਚ ਚਤੁਨ੍ਨਂ ਅਧਿਕਰਣਾਨਂ ਲੇਸੋ ਨਾਮ ਅਤ੍ਥਿ. ਜਾਤਿਲੇਸਾਦਯੋ ਹਿ ਪੁਗ੍ਗਲਾਨਂਯੇਵ ਲੇਸਾ ਵੁਤ੍ਤਾ, ਨ ਵਿਵਾਦਾਧਿਕਰਣਾਦੀਨਂ. ਤਞ੍ਚ ‘‘ਦਬ੍ਬੋ ਮਲ੍ਲਪੁਤ੍ਤੋ’’ਤਿ ਨਾਮਂ ਤਸ੍ਸ ਅਞ੍ਞਭਾਗਿਯਾਧਿਕਰਣਭਾਵੇ ਠਿਤਸ੍ਸ ਛਗਲਕਸ੍ਸ ¶ ਕੋਚਿ ਦੇਸੋ ਹੋਤਿ ਥੇਰਂ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਤੁਂ ਲੇਸਮਤ੍ਤੋ, ਏਤ੍ਥ ਚ ਦਿਸ੍ਸਤਿ ਅਪਦਿਸ੍ਸਤਿ ‘‘ਅਸ੍ਸ ਅਯ’’ਨ੍ਤਿ ਵੋਹਰੀਯਤੀਤਿ ਦੇਸੋ, ਜਾਤਿਆਦੀਸੁ ਅਞ੍ਞਤਰਕੋਟ੍ਠਾਸਸ੍ਸੇਤਂ ਅਧਿਵਚਨਂ. ਅਞ੍ਞਮ੍ਪਿ ਵਤ੍ਥੁਂ ਲਿਸ੍ਸਤਿ ਸਿਲਿਸ੍ਸਤਿ ਵੋਹਾਰਮਤ੍ਤੇਨੇਵ ਈਸਕਂ ਅਲ੍ਲੀਯਤੀਤਿ ਲੇਸੋ, ਜਾਤਿਆਦੀਨਂਯੇਵ ਅਞ੍ਞਤਰਕੋਟ੍ਠਾਸਸ੍ਸੇਤਂ ਅਧਿਵਚਨਂ. ਪਦਭਾਜਨੇ (ਪਾਰਾ. ੩੯੩) ਪਨ ਯਸ੍ਸ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸੇਯ੍ਯ, ਤਂ ਯਸ੍ਮਾ ਅਟ੍ਠੁਪ੍ਪਤ੍ਤਿਵਸੇਨੇਵ ਆਵਿਭੂਤਂ, ਤਸ੍ਮਾ ਤਂ ਅਵਿਭਜਿਤ੍ਵਾ ਯਾਨਿ ‘‘ਅਧਿਕਰਣ’’ਨ੍ਤਿ ਵਚਨਸਾਮਞ੍ਞਤੋ ਅਤ੍ਥੁਦ੍ਧਾਰਵਸੇਨ ਪਵਤ੍ਤਾਨਿ ਚਤ੍ਤਾਰਿ ਅਧਿਕਰਣਾਨਿ, ਤੇਸਂ ਅਞ੍ਞਭਾਗਿਯਤਾ ਚ ਤਬ੍ਭਾਗਿਯਤਾ ਚ ਯਸ੍ਮਾ ਅਪਾਕਟਾ, ਜਾਨਿਤਬ੍ਬਾ ਚ ਵਿਨਯਧਰੇਹਿ, ਤਸ੍ਮਾ ਤਞ੍ਚ ਅਵਸਾਨੇ ਆਪਤ੍ਤਞ੍ਞਭਾਗਿਯੇਨ ਚੋਦਨਞ੍ਚ ਆਵਿਕਾਤੁਂ ‘‘ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸਾਤਿ ਆਪਤ੍ਤਞ੍ਞਭਾਗਿਯਂ ਵਾ ਹੋਤਿ ਅਧਿਕਰਣਞ੍ਞਭਾਗਿਯਂ ਵਾ’’ਤਿਆਦਿ ਵੁਤ੍ਤਂ, ਸੇਸਾ ਵਿਨਿਚ੍ਛਯਕਥਾ ਅਟ੍ਠਮੇ ਵੁਤ੍ਤਸਦਿਸਾਯੇਵ. ਅਯਂ ਪਨ ਵਿਸੇਸੋ – ਇਦਂ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਾਯ ਪਾਰਾਜਿਕੇਨ ਧਮ੍ਮੇਨ ਅਨੁਦ੍ਧਂਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਇਧ ਚ ਆਪਤ੍ਤਞ੍ਞਭਾਗਿਯਚੋਦਨਾਯ ਤਥਾਸਞ੍ਞਿਨੋਪਿ ਅਨਾਪਤ੍ਤਿ. ਅਙ੍ਗੇਸੁ ਚ ਅਞ੍ਞਭਾਗਿਯਸ੍ਸ ਅਧਿਕਰਣਸ੍ਸ ਕਿਞ੍ਚਿਦੇਸਂ ਲੇਸਮਤ੍ਤਂ ਉਪਾਦਿਯਨਤਾ ਅਧਿਕਾਤਿ.

ਅਞ੍ਞਭਾਗਿਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ¶ ਸਮਗ੍ਗਸ੍ਸ ਸਙ੍ਘਸ੍ਸਾਤਿ ਸਹਿਤਸ੍ਸ ਭਿਕ੍ਖੁਸਙ੍ਘਸ੍ਸ, ਚਿਤ੍ਤੇਨ ਚ ਸਰੀਰੇਨ ਚ ਅਵਿਯੁਤ੍ਤਸ੍ਸਾਤਿ ਅਤ੍ਥੋ. ਤੇਨੇਵਸ੍ਸ ਪਦਭਾਜਨੇ (ਪਾਰਾ. ੪੧੨) ‘‘ਸਮਗ੍ਗੋ ਨਾਮ ਸਙ੍ਘੋ ਸਮਾਨਸਂਵਾਸਕੋ ਸਮਾਨਸੀਮਾਯਂ ਠਿਤੋ’’ਤਿ ਵੁਤ੍ਤਂ. ਸਮਾਨਸਂਵਾਸਕੋ ਹਿ ਸਮਚਿਤ੍ਤਤਾਯ ਚਿਤ੍ਤੇਨ ਅਵਿਯੁਤ੍ਤੋ ਹੋਤਿ, ਸਮਾਨਸੀਮਾਯਂ ਠਿਤੋ ਕਾਯਸਾਮਗ੍ਗਿਦਾਨਤੋ ਸਰੀਰੇਨ ਅਵਿਯੁਤ੍ਤੋ. ਭੇਦਾਯ ਪਰਕ੍ਕਮੇਯ੍ਯਾਤਿ ¶ ‘‘ਕਥਂ ਨਾਮਾਯਂ ਭਿਜ੍ਜੇਯ੍ਯਾ’’ਤਿ ਭੇਦਨਤ੍ਥਾਯ ਵਾਯਾਮੇਯ੍ਯ. ਭੇਦਨਸਂਵਤ੍ਤਨਿਕਂ ਵਾ ਅਧਿਕਰਣਨ੍ਤਿ ਭੇਦਨਸ੍ਸ ਸਙ੍ਘਭੇਦਸ੍ਸ ਅਤ੍ਥਾਯ ਸਂਵਤ੍ਤਨਿਕਂ ਕਾਰਣਂ. ਇਮਸ੍ਮਿਞ੍ਹਿ ਓਕਾਸੇ ‘‘ਕਾਮਹੇਤੁ ਕਾਮਨਿਦਾਨਂ ਕਾਮਾਧਿਕਰਣ’’ਨ੍ਤਿ ਆਦੀਸੁ (ਮ. ਨਿ. ੧.੧੬੮, ੧੭੮) ਵਿਯ ਕਾਰਣਂ ‘‘ਅਧਿਕਰਣ’’ਨ੍ਤਿ ਅਧਿਪ੍ਪੇਤਂ. ਤਂ ਭੇਦਕਰਵਤ੍ਥੁਵਸੇਨ ਅਟ੍ਠਾਰਸਵਿਧਂ. ਸਮਾਦਾਯਾਤਿ ਗਹੇਤ੍ਵਾ. ਪਗ੍ਗਯ੍ਹ ਤਿਟ੍ਠੇਯ੍ਯਾਤਿ ਤਂ ਸਙ੍ਘਭੇਦਸ੍ਸ ਅਤ੍ਥਾਯ ਸਂਵਤ੍ਤਨਿਕਂ ਸਙ੍ਘਭੇਦਨਿਬ੍ਬਤ੍ਤਿਸਮਤ੍ਥਂ ਕਾਰਣਂ ਗਹੇਤ੍ਵਾ ਦੀਪੇਯ੍ਯ ਚੇਵ ਨਪ੍ਪਟਿਨਿਸ੍ਸਜ੍ਜੇਯ੍ਯ ਚ. ਭਿਕ੍ਖੂਹਿ ਏਵਮਸ੍ਸ ਵਚਨੀਯੋਤਿ ਯੇ ਤਂ ਪਗ੍ਗਯ੍ਹ ਤਿਟ੍ਠਨ੍ਤਂ ਸਮ੍ਮੁਖਾ ਪਸ੍ਸਨ੍ਤਿ, ਯੇ ਵਾ ‘‘ਅਸੁਕਸ੍ਮਿਂ ਨਾਮ ਵਿਹਾਰੇ’’ਤਿ ਸੁਣਨ੍ਤਿ, ਤੇਹਿ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਅਡ੍ਢਯੋਜਨਮਤ੍ਤਂ ਗਨ੍ਤ੍ਵਾਪਿ ਯ੍ਵਾਯਂ ਅਨਨ੍ਤਰੇ ‘‘ਮਾਯਸ੍ਮਾ’’ਤਿਆਦਿਵਚਨਕ੍ਕਮੋ ਵੁਤ੍ਤੋ, ਏਵਮਸ੍ਸ ਵਚਨੀਯੋ. ਦਿਸ੍ਵਾ ਵਾ ਸੁਤ੍ਵਾ ਵਾ ਅਵਦਨ੍ਤਾਨਂ ਦੁਕ੍ਕਟਂ. ਏਤ੍ਥ ਚ ਮਾਇਤਿ ਪਦਂ ¶ ‘‘ਪਰਕ੍ਕਮੀ’’ਤਿਪਦੇਨ ‘‘ਅਟ੍ਠਾਸੀ’’ਤਿਪਦੇਨ ਚ ਸਦ੍ਧਿਂ ‘‘ਮਾ ਪਰਕ੍ਕਮਿ, ਮਾ ਅਟ੍ਠਾਸੀ’’ਤਿ ਯੋਜੇਤਬ੍ਬਂ. ਸਮੇਤਾਯਸ੍ਮਾ ਸਙ੍ਘੇਨਾਤਿ ਆਯਸ੍ਮਾ ਸਙ੍ਘੇਨ ਸਦ੍ਧਿਂ ਸਮੇਤੁ ਸਮਾਗਚ੍ਛਤੁ, ਏਕਲਦ੍ਧਿਕੋ ਹੋਤੂਤਿ ਅਤ੍ਥੋ. ਕਿਂ ਕਾਰਣਾ? ਸਮਗ੍ਗੋ ਹਿ ਸਙ੍ਘੋ…ਪੇ… ਵਿਹਰਤੀਤਿ. ਤਤ੍ਥ ਸਮ੍ਮੋਦਮਾਨੋਤਿ ਅਞ੍ਞਮਞ੍ਞਸਮ੍ਪਤ੍ਤਿਯਾ ਸੁਟ੍ਠੁ ਮੋਦਮਾਨੋ. ਅਵਿਵਦਮਾਨੋਤਿ ‘‘ਅਯਂ ਧਮ੍ਮੋ, ਨਾਯਂ ਧਮ੍ਮੋ’’ਤਿ ਏਵਂ ਨ ਵਿਵਦਮਾਨੋ. ਏਕੋ ਉਦ੍ਦੇਸੋ ਅਸ੍ਸਾਤਿ ਏਕੁਦ੍ਦੇਸੋ, ਏਕਤੋ ਪਵਤ੍ਤਪਾਤਿਮੋਕ੍ਖੁਦ੍ਦੇਸੋਤਿ ਅਤ੍ਥੋ. ਫਾਸੁ ਵਿਹਰਤੀਤਿ ਸੁਖਂ ਵਿਹਰਤਿ. ਏਵਂ ਵਿਸੁਮ੍ਪਿ ਸਙ੍ਘਮਜ੍ਝੇਪਿ ਤਿਕ੍ਖਤ੍ਤੁਂ ਵੁਚ੍ਚਮਾਨਸ੍ਸ ਅਪ੍ਪਟਿਨਿਸ੍ਸਜ੍ਜਤੋ ਦੁਕ੍ਕਟਂ. ਏਵਞ੍ਚ ਸੋਤਿਆਦਿਮ੍ਹਿ ਸਮਨੁਭਾਸਿਤਬ੍ਬੋਤਿ ਸਮਨੁਭਾਸਨਕਮ੍ਮਂ ਕਾਤਬ੍ਬਂ. ਇਚ੍ਚੇਤਂ ਕੁਸਲਨ੍ਤਿ ਇਤਿ ਏਤਂ ਪਟਿਨਿਸ੍ਸਜ੍ਜਨਂ ਕੁਸਲਂ ਖੇਮਂ ਸੋਤ੍ਥਿਭਾਵੋ ਤਸ੍ਸ ਭਿਕ੍ਖੁਨੋ. ਨੋ ਚੇ ¶ ਪਟਿਨਿਸ੍ਸਜ੍ਜੇਯ੍ਯ, ਸਙ੍ਘਾਦਿਸੇਸੋਤਿ ਏਤ੍ਥ ਸਮਨੁਭਾਸਨਕਮ੍ਮਪਰਿਯੋਸਾਨੇ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਸਙ੍ਘਾਦਿਸੇਸੋ. ਸੇਸਂ ਉਤ੍ਤਾਨਪਦਤ੍ਥਮੇਵ.

ਰਾਜਗਹੇ ਦੇਵਦਤ੍ਤਂ ਆਰਬ੍ਭ ਸਙ੍ਘਭੇਦਾਯ ਪਰਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਸਮਨੁਭਾਸਨਕਮ੍ਮੇ ਕਰਿਯਮਾਨੇ ਅਪ੍ਪਟਿਨਿਸ੍ਸਜ੍ਜਨ੍ਤਸ੍ਸ ਞਤ੍ਤਿਪਰਿਯੋਸਾਨੇ ਦੁਕ੍ਕਟਂ, ਦ੍ਵੀਹਿ ਕਮ੍ਮਵਾਚਾਹਿ ਦ੍ਵੇ ਥੁਲ੍ਲਚ੍ਚਯਾ, ‘‘ਯਸ੍ਸ ਨਕ੍ਖਮਤਿ, ਸੋ ਭਾਸੇਯ੍ਯਾ’’ਤਿ ਏਵਂ ਯ੍ਯ-ਕਾਰਪਤ੍ਤਾਯ ਤਤਿਯਕਮ੍ਮਵਾਚਾਯ ਤਞ੍ਚ ਦੁਕ੍ਕਟਂ ਤੇ ਚ ਥੁਲ੍ਲਚ੍ਚਯਾ ਪਟਿਪ੍ਪਸ੍ਸਮ੍ਭਨ੍ਤਿ, ਸਙ੍ਘਾਦਿਸੇਸੋਯੇਵ ਤਿਟ੍ਠਤਿ. ਅਸਮਨੁਭਾਸਿਯਮਾਨਸ੍ਸ ਚ ਪਟਿਨਿਸ੍ਸਜ੍ਜਨ੍ਤਸ੍ਸ ਚ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸੀਲਵਿਪਤ੍ਤਿ, ਭੇਦਾਯ ਪਰਕ੍ਕਮਨਂ, ਧਮ੍ਮਕਮ੍ਮੇਨ ਸਮਨੁਭਾਸਨਂ, ਕਮ੍ਮਵਾਚਾਪਰਿਯੋਸਾਨਂ, ਅਪ੍ਪਟਿਨਿਸ੍ਸਜ੍ਜਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮਨੁਭਾਸਨਸਮੁਟ੍ਠਾਨਂ, ਅਕਿਰਿਯਂ, ਸਞ੍ਞਾਵਿਮੋਕ੍ਖਂ, ਸਚਿਤ੍ਤਕਂ, ਲੋਕਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਅਕੁਸਲਚਿਤ੍ਤਂ, ਦੁਕ੍ਖਵੇਦਨਨ੍ਤਿ.

ਸਙ੍ਘਭੇਦਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੧੧. ਭੇਦਾਨੁਵਤ੍ਤਕਸਿਕ੍ਖਾਪਦਵਣ੍ਣਨਾ

ਏਕਾਦਸਮੇ ¶ ਤਸ੍ਸੇਵ ਖੋ ਪਨਾਤਿ ਯੋ ਸਙ੍ਘਭੇਦਾਯ ਪਰਕ੍ਕਮਤਿ, ਤਸ੍ਸੇਵ. ਅਨੁਵਤ੍ਤਕਾਤਿ ਤਸ੍ਸ ਦਿਟ੍ਠਿਂ ਖਨ੍ਤਿਂ ਰੁਚਿਂ ਗਹਣੇਨ ਅਨੁਪਟਿਪਜ੍ਜਨਕਾ. ਵਗ੍ਗਂ ਅਸਾਮਗ੍ਗਿਪਕ੍ਖਿਯਵਚਨਂ ਵਦਨ੍ਤੀਤਿ ਵਗ੍ਗਵਾਦਕਾ. ਯਸ੍ਮਾ ਪਨ ਤਿਣ੍ਣਂ ਉਦ੍ਧਂ ਕਮ੍ਮਾਰਹਾ ਨ ਹੋਨ੍ਤਿ. ਨ ਹਿ ਸਙ੍ਘੋ ਸਙ੍ਘਸ੍ਸ ਕਮ੍ਮਂ ਕਰੋਤਿ, ਤਸ੍ਮਾ ‘‘ਏਕੋ ਵਾ ਦ੍ਵੇ ਵਾ ਤਯੋ ਵਾ’’ਤਿ ਵੁਤ੍ਤਂ. ਜਾਨਾਤਿ ਨੋਤਿ ਅਮ੍ਹਾਕਂ ਛਨ੍ਦਾਦੀਨਿ ਜਾਨਾਤਿ. ਭਾਸਤੀਤਿ ‘‘ਏਵਂ ਕਰੋਮਾ’’ਤਿ ਅਮ੍ਹੇਹਿ ਸਦ੍ਧਿਂ ਭਾਸਤਿ. ਅਮ੍ਹਾਕਮ੍ਪੇਤਂ ਖਮਤੀਤਿ ਯਂ ਸੋ ਕਰੋਤਿ, ਏਤਂ ਅਮ੍ਹਾਕਮ੍ਪਿ ਰੁਚ੍ਚਤਿ. ਸਮੇਤਾਯਸ੍ਮਨ੍ਤਾਨਂ ਸਙ੍ਘੇਨਾਤਿ ਆਯਸ੍ਮਨ੍ਤਾਨਂ ਚਿਤ੍ਤਂ ਸਙ੍ਘੇਨ ਸਦ੍ਧਿਂ ਸਮੇਤੁ ਸਮਾਗਚ੍ਛਤੁ, ਏਕੀਭਾਵਂ ਗਚ੍ਛਤੂਤਿ ਵੁਤ੍ਤਂ ਹੋਤਿ. ਸੇਸਂ ਪਦਤ੍ਥਤੋ ਉਤ੍ਤਾਨਮੇਵ. ਵਿਨਿਚ੍ਛਯਕਥਾਪੇਤ੍ਥ ਦਸਮੇ ਵੁਤ੍ਤਸਦਿਸਾਯੇਵ.

ਅਯਂ ਪਨ ਵਿਸੇਸੋ – ਇਦਂ ਰਾਜਗਹੇ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਦੇਵਦਤ੍ਤਸ੍ਸ ¶ ਸਙ੍ਘਭੇਦਾਯ ਪਰਕ੍ਕਮਨ੍ਤਸ੍ਸ ਅਨੁਵਤ੍ਤਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਙ੍ਗੇਸੁ ਚ ਯਥਾ ਤਤ੍ਥ ਪਰਕ੍ਕਮਨਂ, ਏਵਂ ਇਧ ਅਨੁਵਤ੍ਤਨਂ ਦਟ੍ਠਬ੍ਬਨ੍ਤਿ.

ਭੇਦਾਨੁਵਤ੍ਤਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦ੍ਵਾਦਸਮੇ ¶ ਦੁਬ੍ਬਚਜਾਤਿਕੋਤਿ ਦੁਬ੍ਬਚਸਭਾਵੋ, ਵਤ੍ਤੁਂ ਅਸਕ੍ਕੁਣੇਯ੍ਯੋਤਿ ਅਤ੍ਥੋ. ਉਦ੍ਦੇਸਪਰਿਯਾਪਨ੍ਨੇਸੂਤਿ ਉਦ੍ਦੇਸੇ ਪਰਿਯਾਪਨ੍ਨੇਸੁ ਅਨ੍ਤੋਗਧੇਸੁ, ‘‘ਯਸ੍ਸ ਸਿਯਾ ਆਪਤ੍ਤਿ, ਸੋ ਆਵਿਕਰੇਯ੍ਯਾ’’ਤਿ ਏਵਂ ਸਙ੍ਗਹਿਤਤ੍ਤਾ ਅਨ੍ਤੋ ਪਾਤਿਮੋਕ੍ਖਸ੍ਸ ਵਤ੍ਤਮਾਨੇਸੂਤਿ ਅਤ੍ਥੋ. ਸਹਧਮ੍ਮਿਕਂ ਵੁਚ੍ਚਮਾਨੋਤਿ ਸਹਧਮ੍ਮਿਕੇਨ ਵੁਚ੍ਚਮਾਨੋ, ਕਾਰਣਤ੍ਥੇ ਚੇਤਂ ਉਪਯੋਗਵਚਨਂ. ਪਞ੍ਚਹਿ ਸਹਧਮ੍ਮਿਕੇਹਿ ਸਿਕ੍ਖਿਤਬ੍ਬਤ੍ਤਾ, ਤੇਸਂ ਵਾ ਸਨ੍ਤਕਤ੍ਤਾ ‘‘ਸਹਧਮ੍ਮਿਕ’’ਨ੍ਤਿ ਲਦ੍ਧਨਾਮੇਨ ਬੁਦ੍ਧਪਞ੍ਞਤ੍ਤੇਨ ਸਿਕ੍ਖਾਪਦੇਨ ਵੁਚ੍ਚਮਾਨੋਤਿ ਅਤ੍ਥੋ. ਵਿਰਮਥਾਯਸ੍ਮਨ੍ਤੋ ਮਮ ਵਚਨਾਯਾਤਿ ਯੇਨ ਵਚਨੇਨ ਮਂ ਵਦਥ, ਤਤੋ ਮਮ ਵਚਨਤੋ ਵਿਰਮਥ, ਮਾ ਮਂ ਤਂ ਵਚਨਂ ਵਦਥਾਤਿ ਵੁਤ੍ਤਂ ਹੋਤਿ. ਵਦਤੁ ਸਹ ਧਮ੍ਮੇਨਾਤਿ ਸਹਧਮ੍ਮਿਕੇਨ ਸਿਕ੍ਖਾਪਦੇਨ, ਸਹਧਮ੍ਮੇਨ ਵਾ ਅਞ੍ਞੇਨਪਿ ਪਾਸਾਦਿਕਭਾਵਸਂਵਤ੍ਤਨਿਕੇਨ ਵਚਨੇਨ ਵਦੇਤੁ. ਯਦਿਦਨ੍ਤਿ ਵੁਦ੍ਧਿਕਾਰਣਦਸ੍ਸਨਤ੍ਥੇ ਨਿਪਾਤੋ, ਤੇਨ ਯਂ ਇਦਂ ਅਞ੍ਞਮਞ੍ਞਸ੍ਸ ਹਿਤਵਚਨਂ, ਆਪਤ੍ਤਿਤੋ ਚ ਵੁਟ੍ਠਾਪਨਂ, ਤੇਨ ਅਞ੍ਞਮਞ੍ਞਵਚਨੇਨ ਅਞ੍ਞਮਞ੍ਞਵੁਟ੍ਠਾਪਨੇਨ. ਏਵਂ ਸਂਵਦ੍ਧਾਹਿ ਤਸ੍ਸ ਭਗਵਤੋ ਪਰਿਸਾਤਿ ਏਵਂ ਪਰਿਸਾਯ ¶ ਵੁਦ੍ਧਿਕਾਰਣਂ ਦਸ੍ਸਿਤਂ ਹੋਤਿ. ਸੇਸਂ ਉਤ੍ਤਾਨਤ੍ਥਮੇਵ. ਵਿਨਿਚ੍ਛਯਕਥਾਪਿ ਦਸਮੇ ਵੁਤ੍ਤਸਦਿਸਾਯੇਵ.

ਅਯਂ ਪਨ ਵਿਸੇਸੋ – ਇਦਂ ਕੋਸਮ੍ਬਿਯਂ ਛਨ੍ਨਤ੍ਥੇਰਂ ਆਰਬ੍ਭ ਅਤ੍ਤਾਨਂ ਅਵਚਨੀਯਕਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਙ੍ਗੇਸੁ ਚ ਯਥਾ ਤਤ੍ਥ ਪਰਕ੍ਕਮਨਂ, ਏਵਂ ਇਧ ਅਵਚਨੀਯਕਰਣਤਾ ਦਟ੍ਠਬ੍ਬਾਤਿ.

ਦੁਬ੍ਬਚਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤੇਰਸਮੇ ਗਾਮਂ ਵਾ ਨਿਗਮਂਵਾਤਿ ਏਤ੍ਥ ਨਗਰਮ੍ਪਿ ਗਾਮੇ ਅਨ੍ਤੋਗਧਮੇਵ. ਉਪਨਿਸ੍ਸਾਯ ਵਿਹਰਤੀਤਿਤਤ੍ਥ ਪਟਿਬਦ੍ਧਚੀਵਰਾਦਿਪਚ੍ਚਯਤਾਯ ਤਂ ਨਿਸ੍ਸਾਯ ਵਸਤਿ. ਪੁਪ੍ਫਦਾਨਾਦੀਹਿ ਮਨੁਸ੍ਸਾਨਂ ਸਦ੍ਧਂ ਵਿਨਾਸੇਨ੍ਤੋ ਕੁਲਾਨਿ ਦੂਸੇਤੀਤਿ ਕੁਲਦੂਸਕੋ. ਮਾਲਾਵਚ੍ਛਰੋਪਨਾਦਯੋ ਪਾਪਕਾ ਸਮਾਚਾਰਾ ਅਸ੍ਸਾਤਿ ਪਾਪਸਮਾਚਾਰੋ. ਸੋ ਭਿਕ੍ਖੂਤਿ ਸੋ ਕੁਲਦੂਸਕੋ ਭਿਕ੍ਖੁ. ਆਯਸ੍ਮਾ ਖੋ ¶ ਕੁਲਦੂਸਕੋ…ਪੇ… ਅਲਂ ਤੇ ਇਧ ਵਾਸੇਨਾਤਿ ਇਮਿਨਾਸ੍ਸ ਪਬ੍ਬਾਜਨੀਯਕਮ੍ਮਾਰਹਤਂ ਦਸ੍ਸੇਤਿ. ਪਬ੍ਬਾਜਨੀਯਕਮ੍ਮਕਤੋ ਪਨੇਸ ਯਸ੍ਮਿਂ ਗਾਮੇ ਵਾ ਨਿਗਮੇ ਵਾ ਕੁਲਦੂਸਕਕਮ੍ਮਂ ਕਤਂ, ਯਸ੍ਮਿਞ੍ਚ ਵਿਹਾਰੇ ਵਸਤਿ, ਨੇਵ ਤਸ੍ਮਿਂ ਗਾਮੇ ਵਾ ਨਿਗਮੇ ਵਾ ਚਰਿਤੁਂ ਲਭਤਿ, ਨ ਵਿਹਾਰੇ ਵਸਿਤੁਂ. ਏਵਞ੍ਚ ਸੋ ਭਿਕ੍ਖੂਤਿਏਤ੍ਥ ਸੋਤਿ ਪਬ੍ਬਾਜਨੀਯਕਮ੍ਮਕਤੋ ਅਧਿਪ੍ਪੇਤੋ. ਛਨ੍ਦੇਨ ਗਚ੍ਛਨ੍ਤੀਤਿ ਛਨ੍ਦਗਾਮਿਨੋ, ਏਸ ਨਯੋ ਸੇਸੇਸੁ. ਸੋ ਭਿਕ੍ਖੂਤਿ ਸੋ ‘‘ਛਨ੍ਦਗਾਮਿਨੋ’’ਤਿਆਦੀਨਿ ¶ ਵਦਮਾਨੋ. ਤਸ੍ਸ ਵਚਨਸ੍ਸ ਪਟਿਨਿਸ੍ਸਗ੍ਗਾਯ ਏਵਂ ਵਚਨੀਯੋ, ਨ ਕੁਲਦੂਸਨਨਿਵਾਰਣਤ੍ਥਾਯ. ਕੁਲਦੂਸਨਕਮ੍ਮੇਨ ਹਿ ਸੋ ਆਪਜ੍ਜਿਤਬ੍ਬਾ ਆਪਤ੍ਤਿਯੋ ਪੁਬ੍ਬੇਵ ਆਪਨ੍ਨੋ, ਏਵਂ ਪਨਸ੍ਸ ਵਿਸੁਮ੍ਪਿ ਸਙ੍ਘਮਜ੍ਝੇਪਿ ਵੁਚ੍ਚਮਾਨਸ੍ਸ ਅਪ੍ਪਟਿਨਿਸ੍ਸਜ੍ਜਤੋ ਅਪਰਂ ਦੁਕ੍ਕਟਂ. ਏਵਞ੍ਚ ਸੋਤਿਆਦਿ ਇਤੋ ਪੁਬ੍ਬੇ ਵੁਤ੍ਤਞ੍ਚ ਅਵੁਤ੍ਤਞ੍ਚ ਸਬ੍ਬਂ ਉਤ੍ਤਾਨਤ੍ਥਮੇਵ. ਵਿਨਿਚ੍ਛਯਕਥਾਪਿ ਦਸਮੇ ਵੁਤ੍ਤਸਦਿਸਾਯੇਵ.

ਅਯਂ ਪਨ ਵਿਸੇਸੋ – ਇਦਂ ਸਾਵਤ੍ਥਿਯਂ ਅਸ੍ਸਜਿਪੁਨਬ੍ਬਸੁਕੇ ਭਿਕ੍ਖੂ ਆਰਬ੍ਭ ਛਨ੍ਦਗਾਮਿਤਾਦੀਹਿ ਪਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਙ੍ਗੇਸੁ ਚ ਯਥਾ ਤਤ੍ਥ ਪਰਕ੍ਕਮਨਂ, ਏਵਂ ਇਧ ਛਨ੍ਦਾਦੀਹਿ ਪਾਪਨਂ ਦਟ੍ਠਬ੍ਬਨ੍ਤਿ.

ਕੁਲਦੂਸਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਉਦ੍ਦਿਟ੍ਠਾ ¶ ਖੋ…ਪੇ… ਏਵਮੇਤਂ ਧਾਰਯਾਮੀਤਿਏਤ੍ਥ ਪਠਮਂ ਆਪਤ੍ਤਿ ਏਤੇਸਨ੍ਤਿ ਪਠਮਾਪਤ੍ਤਿਕਾ, ਪਠਮਂ ਵੀਤਿਕ੍ਕਮਨਕ੍ਖਣੇਯੇਵ ਆਪਜ੍ਜਿਤਬ੍ਬਾਤਿ ਅਤ੍ਥੋ. ਇਤਰੇ ਪਨ ਯਥਾ ਤਤਿਯੇ ਚ ਚਤੁਤ੍ਥੇ ਚ ਦਿਵਸੇ ਹੋਤੀਤਿ ਏਤ੍ਥ ‘‘ਤਤਿਯਕੋ, ਚਤੁਤ੍ਥਕੋ’’ਤਿ ਵੁਚ੍ਚਤਿ, ਏਵਂ ਯਾਵਤਤਿਯੇ ਸਮਨੁਭਾਸਨਕਮ੍ਮੇ ਹੋਨ੍ਤੀਤਿ ਯਾਵਤਤਿਯਕਾਤਿ ਵੇਦਿਤਬ੍ਬਾ. ਯਾਵਤੀਹਨ੍ਤਿ ਯਤ੍ਤਕਾਨਿ ਅਹਾਨਿ. ਜਾਨਂ ਪਟਿਚ੍ਛਾਦੇਤੀਤਿ ਜਾਨਨ੍ਤੋ ਪਟਿਚ੍ਛਾਦੇਤਿ. ਤਤ੍ਥਾਯਂ ਪਟਿਚ੍ਛਾਦਨਲਕ੍ਖਣਸ੍ਸ ਮਾਤਿਕਾ – ਆਪਤ੍ਤਿ ਚ ਹੋਤਿ, ਆਪਤ੍ਤਿਸਞ੍ਞੀ ਚ, ਪਕਤਤ੍ਤੋ ਚ ਹੋਤਿ, ਪਕਤਤ੍ਤਸਞ੍ਞੀ ਚ, ਅਨਨ੍ਤਰਾਯਿਕੋ ਚ ਹੋਤਿ, ਅਨਨ੍ਤਰਾਯਿਕਸਞ੍ਞੀ ਚ, ਪਹੁ ਚ ਹੋਤਿ, ਪਹੁਸਞ੍ਞੀ ਚ, ਛਾਦੇਤੁਕਾਮੋ ਚ ਹੋਤਿ, ਛਾਦੇਤਿ ਚਾਤਿ. ਤਤ੍ਥ ਆਪਤ੍ਤਿ ਚ ਹੋਤਿ, ਆਪਤ੍ਤਿਸਞ੍ਞੀ ਚਾਤਿ ਯਂ ਆਪਤ੍ਤਿਂ ਆਪਨ੍ਨੋ, ਸਾ ਤੇਰਸਨ੍ਨਂ ਅਞ੍ਞਤਰਾ ਹੋਤਿ, ਸੋਪਿ ਚ ਤਤ੍ਥ ਵਤ੍ਥੁਵਸੇਨ ਵਾ ‘‘ਇਦਂ ਭਿਕ੍ਖੂਨਂ ਨ ਵਟ੍ਟਤੀ’’ਤਿ ¶ ਨਾਮਮਤ੍ਤਵਸੇਨ ਵਾ ‘‘ਅਯਂ ਇਤ੍ਥਨ੍ਨਾਮਾ ਆਪਤ੍ਤੀ’’ਤਿ ਆਪਤ੍ਤਿਸਞ੍ਞੀਯੇਵ ਹੁਤ੍ਵਾ ‘‘ਨ ਦਾਨਿ ਨਂ ਕਸ੍ਸਚਿ ਆਰੋਚੇਸ੍ਸਾਮੀ’’ਤਿ ਏਵਂ ਛਾਦੇਤੁਕਾਮੋਵ ਧੁਰਂ ਨਿਕ੍ਖਿਪਿਤ੍ਵਾ ਅਰੁਣਂ ਉਟ੍ਠਾਪੇਤਿ, ਛਨ੍ਨਾ ਹੋਤਿ ਆਪਤ੍ਤਿ. ਸਚੇ ਪਨੇਤ੍ਥ ਅਨਾਪਤ੍ਤਿਸਞ੍ਞੀ ਵਾ ਹੋਤਿ, ਅਞ੍ਞਾਪਤ੍ਤਿਕ੍ਖਨ੍ਧਸਞ੍ਞੀ ਵਾ, ਵੇਮਤਿਕੋ ਵਾ, ਅਚ੍ਛਨ੍ਨਾਵ ਹੋਤਿ. ਪਕਤਤ੍ਤੋਤਿ ਅਨੁਕ੍ਖਿਤ੍ਤੋ ਸਮਾਨਸਂਵਾਸਕੋ. ਸੋ ਚੇ ਪਕਤਤ੍ਤਸਞ੍ਞੀ ਹੁਤ੍ਵਾ ਵੁਤ੍ਤਨਯੇਨੇਵ ਛਾਦੇਤਿ, ਛਨ੍ਨਾ ਹੋਤਿ. ਅਨਨ੍ਤਰਾਯਿਕੋਤਿ ਯਸ੍ਸ ਦਸਸੁ ਰਾਜਚੋਰਅਗ੍ਗਿਉਦਕਮਨੁਸ੍ਸਅਮਨੁਸ੍ਸਵਾਲ਼ਸਰੀਸਪਜੀਵਿਤਬ੍ਰਹ੍ਮਚਰਿਯਨ੍ਤਰਾਯੇਸੁ ਏਕੋਪਿ ਨਤ੍ਥਿ, ਸੋ ਚੇ ਅਨਨ੍ਤਰਾਯਿਕਸਞ੍ਞੀ ਛਾਦੇਤਿ, ਛਨ੍ਨਾ ਹੋਤਿ. ਪਹੂਤਿ ਯੋ ਸਕ੍ਕੋਤਿ ਭਿਕ੍ਖੁਨੋ ਸਨ੍ਤਿਕਂ ਗਨ੍ਤੁਞ੍ਚੇਵ ਆਰੋਚੇਤੁਞ੍ਚ, ਸੋ ਚੇ ਪਹੁਸਞ੍ਞੀ ਹੁਤ੍ਵਾ ਛਾਦੇਤਿ, ਛਨ੍ਨਾ ਹੋਤਿ. ਛਾਦੇਤੁਕਾਮੋ ਚ ਹੋਤਿ, ਛਾਦੇਤਿ ਚਾਤਿਇਦਂ ਉਤ੍ਤਾਨਮੇਵ. ਸਚੇਪਿ ਹਿ ਸੋ ਸਭਾਗਂ ਦਿਸ੍ਵਾ ‘‘ਅਯਂ ਮੇ ਉਪਜ੍ਝਾਯੋ ਵਾ ਆਚਰਿਯੋ ਵਾ’’ਤਿ ਲਜ੍ਜਾਯ ਨਾਰੋਚੇਤਿ, ਛਨ੍ਨਾਵ ਹੋਤਿ. ਉਪਜ੍ਝਾਯਾਦਿਭਾਵੋ ਹਿ ਇਧ ਅਪ੍ਪਮਾਣਂ, ਸਭਾਗਮਤ੍ਤਮੇਵ ਪਮਾਣਂ. ਅਯਂ ‘‘ਜਾਨਂ ਪਟਿਚ੍ਛਾਦੇਤੀ’’ਤਿਪਦਸ੍ਸ ਸਙ੍ਖੇਪਤੋ ਅਤ੍ਥਵਿਨਿਚ੍ਛਯੋ.

ਤਾਵਤੀਹਨ੍ਤਿ ¶ ਤਤ੍ਤਕਾਨਿ ਅਹਾਨਿ, ਪਟਿਚ੍ਛਾਦਿਤਦਿਵਸਤੋ ਪਟ੍ਠਾਯ ਯਾਵ ਆਰੋਚਿਤਦਿਵਸੋ, ਤਾਵ ਦਿਵਸਪਕ੍ਖਮਾਸਸਂਵਚ੍ਛਰਵਸੇਨ ਯਤ੍ਤਕੋ ਕਾਲੋ ਅਤਿਕ੍ਕਨ੍ਤੋ, ਤਤ੍ਤਕਂ ਕਾਲਨ੍ਤਿ ਅਤ੍ਥੋ. ਅਕਾਮਾ ਪਰਿਵਤ੍ਥਬ੍ਬਨ੍ਤਿ ਨ ਕਾਮੇਨ ਨ ਵਸੇਨ, ਅਥ ਖੋ ਅਕਾਮੇਨ ਅਵਸੇਨ ਪਰਿਵਾਸਂ ਸਮਾਦਾਯ ਵਤ੍ਥਬ੍ਬਂ. ਤਤ੍ਥ ਪਟਿਚ੍ਛਨ੍ਨਪਰਿਵਾਸੋ ਸੁਦ੍ਧਨ੍ਤਪਰਿਵਾਸੋ ਸਮੋਧਾਨਪਰਿਵਾਸੋ ਚਾਤਿ ਤਿਵਿਧੋ ਪਰਿਵਾਸੋ. ਤਤ੍ਥ ਪਟਿਚ੍ਛਨ੍ਨਪਰਿਵਾਸੋ ਤਾਵ ਯਥਾਪਟਿਚ੍ਛਨ੍ਨਾਯ ਆਪਤ੍ਤਿਯਾ ਦਾਤਬ੍ਬੋ. ਕਸ੍ਸਚਿ ਹਿ ਏਕਾਹਪ੍ਪਟਿਚ੍ਛਨ੍ਨਾ ਆਪਤ੍ਤਿ ਹੋਤਿ, ਕਸ੍ਸਚਿ ਦ੍ਵੀਹਾਦਿਪ੍ਪਟਿਚ੍ਛਨ੍ਨਾ. ਕਸ੍ਸਚਿ ਏਕਾ ਆਪਤ੍ਤਿ ਹੋਤਿ, ਕਸ੍ਸਚਿ ¶ ਦ੍ਵੇ ਵਾ ਤਿਸ੍ਸੋ ਵਾ ਤਦੁਤ੍ਤਰਿ ਵਾ. ਤਸ੍ਮਾ ਪਟਿਚ੍ਛਨ੍ਨਪਰਿਵਾਸਂ ਦੇਨ੍ਤੇਨ ਪਠਮਮੇਵ ਵੁਤ੍ਤਨਯੇਨ ਪਟਿਚ੍ਛਨ੍ਨਭਾਵਂ ਞਤ੍ਵਾ ਤਤੋ ਪਟਿਚ੍ਛਨ੍ਨਦਿਵਸੇ ਚ ਆਪਤ੍ਤਿਯੋ ਚ ਸਲ੍ਲਕ੍ਖੇਤ੍ਵਾ ਸਚੇ ਏਕਾ ਏਕਾਹਪ੍ਪਟਿਚ੍ਛਨ੍ਨਾ ਹੋਤਿ, ‘‘ਅਹਂ, ਭਨ੍ਤੇ, ਏਕਂ ਆਪਤ੍ਤਿਂ ਆਪਜ੍ਜਿਂ ਸਞ੍ਚੇਤਨਿਕਂ ਸੁਕ੍ਕਵਿਸ੍ਸਟ੍ਠਿਂ ਏਕਾਹਪ੍ਪਟਿਚ੍ਛਨ੍ਨ’’ਨ੍ਤਿ ਏਵਂ ਪਰਿਵਾਸਂ ਯਾਚਾਪੇਤ੍ਵਾ ਖਨ੍ਧਕੇ (ਚੂਲ਼ਵ. ੯੮) ਆਗਤਨਯੇਨ ਕਮ੍ਮਵਾਚਂ ਵਤ੍ਵਾ ਪਰਿਵਾਸੋ ਦਾਤਬ੍ਬੋ. ਅਥ ਦ੍ਵੀਹਤੀਹਾਦਿਪ੍ਪਟਿਚ੍ਛਨ੍ਨਾ ਹੋਤਿ ¶ , ਦ੍ਵੀਹਪ੍ਪਟਿਚ੍ਛਨ੍ਨਂ ਤੀਹਪ੍ਪਟਿਚ੍ਛਨ੍ਨਂ ਚਤੂਹਪ੍ਪਟਿਚ੍ਛਨ੍ਨਂ ਪਞ੍ਚਾਹਪ੍ਪਟਿਚ੍ਛਨ੍ਨਂ…ਪੇ… ਚੁਦ੍ਦਸਾਹਪ੍ਪਟਿਚ੍ਛਨ੍ਨਨ੍ਤਿਏਵਂ ਯਾਵ ਚੁਦ੍ਦਸਦਿਵਸਾਨਿ ਦਿਵਸਵਸੇਨ ਯੋਜਨਾ ਕਾਤਬ੍ਬਾ, ਪਞ੍ਚਦਸਦਿਵਸਪ੍ਪਟਿਚ੍ਛਨ੍ਨਾਯਂ ‘‘ਪਕ੍ਖਪ੍ਪਟਿਚ੍ਛਨ੍ਨ’’ਨ੍ਤਿ ਯੋਜਨਾ ਕਾਤਬ੍ਬਾ. ਤਤੋ ਯਾਵ ਏਕੂਨਤਿਂਸਤਿਮੋ ਦਿਵਸੋ, ਤਾਵ ‘‘ਅਤਿਰੇਕਪਕ੍ਖਪ੍ਪਟਿਚ੍ਛਨ੍ਨ’’ਨ੍ਤਿ, ਤਤੋ ਮਾਸਪ੍ਪਟਿਚ੍ਛਨ੍ਨਂ ਅਤਿਰੇਕਮਾਸਪ੍ਪਟਿਚ੍ਛਨ੍ਨਂ ਦ੍ਵੇਮਾਸਪ੍ਪਟਿਚ੍ਛਨ੍ਨਂ ਅਤਿਰੇਕਦ੍ਵੇਮਾਸਪ੍ਪਟਿਚ੍ਛਨ੍ਨਂ ਤੇਮਾਸਪ੍ਪਟਿਚ੍ਛਨ੍ਨਂ…ਪੇ… ਅਤਿਰੇਕਏਕਾਦਸਮਾਸਪ੍ਪਟਿਚ੍ਛਨ੍ਨਨ੍ਤਿ ਏਵਂ ਯੋਜਨਾ ਕਾਤਬ੍ਬਾ. ਸਂਵਚ੍ਛਰੇ ਪੁਣ੍ਣੇ ‘‘ਏਕਸਂਵਚ੍ਛਰਪ੍ਪਟਿਚ੍ਛਨ੍ਨ’’ਨ੍ਤਿ, ਤਤੋ ਪਰਂ ਅਤਿਰੇਕਸਂਵਚ੍ਛਰਂ ਦ੍ਵੇਸਂਵਚ੍ਛਰਂ ਏਵਂ ਯਾਵ ਸਟ੍ਠਿਸਂਵਚ੍ਛਰਅਤਿਰੇਕਸਟ੍ਠਿਸਂਵਚ੍ਛਰਪ੍ਪਟਿਚ੍ਛਨ੍ਨਨ੍ਤਿ, ਤਤੋ ਵਾ ਭਿਯ੍ਯੋਪਿ ਵਤ੍ਵਾ ਯੋਜਨਾ ਕਾਤਬ੍ਬਾ.

ਸਚੇ ਪਨ ਦ੍ਵੇ ਤਿਸ੍ਸੋ ਤਦੁਤ੍ਤਰਿ ਵਾ ਆਪਤ੍ਤਿਯੋ ਹੋਨ੍ਤਿ, ਯਥਾ ‘‘ਏਕਂ ਆਪਤ੍ਤਿ’’ਨ੍ਤਿ ਵੁਤ੍ਤਂ, ਏਵਂ ‘‘ਦ੍ਵੇ ਆਪਤ੍ਤਿਯੋ, ਤਿਸ੍ਸੋ ਆਪਤ੍ਤਿਯੋ’’ਤਿ ਵਤ੍ਤਬ੍ਬਂ. ਤਤੋ ਪਰਂ ਪਨ ਸਤਂ ਵਾ ਹੋਤੁ, ਸਹਸ੍ਸਂ ਵਾ, ‘‘ਸਮ੍ਬਹੁਲਾ’’ਤਿ ਵਤ੍ਤੁਂ ਵਟ੍ਟਤਿ. ਨਾਨਾਵਤ੍ਥੁਕਾਸੁਪਿ ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਏਕਂ ਸੁਕ੍ਕਵਿਸ੍ਸਟ੍ਠਿਂ ਏਕਂ ਕਾਯਸਂਸਗ੍ਗਂ ਏਕਂ ਦੁਟ੍ਠੁਲ੍ਲਵਾਚਂ ਏਕਂ ਅਤ੍ਤਕਾਮਂ ਏਕਂ ਸਞ੍ਚਰਿਤ੍ਤਂ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਗਣਨਵਸੇਨ ਵਾ, ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਨਾਨਾਵਤ੍ਥੁਕਾਯੋ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਵਤ੍ਥੁਕਿਤ੍ਤਨਵਸੇਨ ਵਾ, ‘‘ਅਹਂ, ਭਨ੍ਤੇ, ਸਮ੍ਬਹੁਲਾ ਸਙ੍ਘਾਦਿਸੇਸਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਨਾਮਮਤ੍ਤਵਸੇਨ ਵਾ ਯੋਜਨਾ ਕਾਤਬ੍ਬਾ. ਤਤ੍ਥ ਨਾਮਂ ਦੁਵਿਧਂ ਸਜਾਤਿਸਾਧਾਰਣਂ ਸਬ੍ਬਸਾਧਾਰਣਞ੍ਚ, ਤਤ੍ਥ ਸਙ੍ਘਾਦਿਸੇਸੋਤਿ ਸਜਾਤਿਸਾਧਾਰਣਂ, ਆਪਤ੍ਤੀਤਿ ਸਬ੍ਬਸਾਧਾਰਣਂ, ਤਸ੍ਮਾ ‘‘ਸਮ੍ਬਹੁਲਾ ਆਪਤ੍ਤਿਯੋ ਆਪਜ੍ਜਿਂ ਏਕਾਹਪ੍ਪਟਿਚ੍ਛਨ੍ਨਾਯੋ’’ਤਿ ਏਵਂ ਸਬ੍ਬਸਾਧਾਰਣਨਾਮਵਸੇਨਾਪਿ ¶ ਵਤ੍ਤੁਂ ਵਟ੍ਟਤਿ. ਇਦਞ੍ਹਿ ਪਰਿਵਾਸਾਦਿਵਿਨਯਕਮ੍ਮਂ ਵਤ੍ਥੁਵਸੇਨ ਗੋਤ੍ਤਵਸੇਨ ਨਾਮਵਸੇਨ ਆਪਤ੍ਤਿਵਸੇਨ ਚ ਕਾਤੁਂ ਵਟ੍ਟਤਿਯੇਵ. ਤਤ੍ਥ ਸੁਕ੍ਕਵਿਸ੍ਸਟ੍ਠੀਤਿ ਵਤ੍ਥੁ ਚੇਵ ਗੋਤ੍ਤਞ੍ਚ, ਸਙ੍ਘਾਦਿਸੇਸੋਤਿ ਨਾਮਞ੍ਚੇਵ ਆਪਤ੍ਤਿ ਚ, ਤਤ੍ਥ ‘‘ਸੁਕ੍ਕਵਿਸ੍ਸਟ੍ਠਿਂ ਕਾਯਸਂਸਗ੍ਗ’’ਨ੍ਤਿਆਦਿਵਚਨੇਨਾਪਿ ‘‘ਨਾਨਾਵਤ੍ਥੁਕਾਯੋ’’ਤਿਵਚਨੇਨਾਪਿ ਵਤ੍ਥੁ ਚੇਵ ਗੋਤ੍ਤਞ੍ਚ ਗਹਿਤਂ ਹੋਤਿ, ‘‘ਸਙ੍ਘਾਦਿਸੇਸੋ’’ਤਿਵਚਨੇਨਾਪਿ ‘‘ਆਪਤ੍ਤਿਯੋ’’ਤਿਵਚਨੇਨਾਪਿ ਨਾਮਞ੍ਚੇਵ ਆਪਤ੍ਤਿ ਚ ਗਹਿਤਾ ਹੋਤਿ, ਤਸ੍ਮਾ ਏਤੇਸੁ ਯਸ੍ਸ ਕਸ੍ਸਚਿ ਵਸੇਨ ਕਮ੍ਮਵਾਚਾ ਕਾਤਬ੍ਬਾ.

ਕਮ੍ਮਵਾਚਾਪਰਿਯੋਸਾਨੇ ¶ ¶ ਚ ਸਚੇ ਅਪ੍ਪਭਿਕ੍ਖੁਕੋ ਆਵਾਸੋ ਹੋਤਿ, ਸਕ੍ਕਾ ਰਤ੍ਤਿਚ੍ਛੇਦਂ ਅਨਾਪਜ੍ਜਨ੍ਤੇਨ ਵਸਿਤੁਂ, ਤਤ੍ਥੇਵ ‘‘ਪਰਿਵਾਸਂ ਸਮਾਦਿਯਾਮਿ, ਵਤ੍ਤਂ ਸਮਾਦਿਯਾਮੀ’’ਤਿ ਤਿਕ੍ਖਤ੍ਤੁਂ ਵਤ੍ਤਂ ਸਮਾਦਾਤਬ੍ਬਂ, ਸਮਾਦਿਯਿਤ੍ਵਾ ਤਤ੍ਥੇਵ ਸਙ੍ਘਸ੍ਸ ਆਰੋਚੇਤ੍ਵਾ ਪੁਨ ਆਗਤਾਗਤਾਨਂ ਭਿਕ੍ਖੂਨਂ ਆਰੋਚੇਨ੍ਤੇਨ ਵਤ੍ਤਭੇਦਞ੍ਚ ਰਤ੍ਤਿਚ੍ਛੇਦਞ੍ਚ ਅਕਤ੍ਵਾ ਪਰਿਵਸਿਤਬ੍ਬਂ. ਸਚੇ ਨ ਸਕ੍ਕਾ ਹੋਤਿ ਪਰਿਵਾਸਂ ਸੋਧੇਤੁਂ, ਨਿਕ੍ਖਿਤ੍ਤਵਤ੍ਤੇਨ ਵਸਿਤੁਕਾਮੋ ਹੋਤਿ, ਤਤ੍ਥੇਵ ਸਙ੍ਘਮਜ੍ਝੇ, ਏਕਪੁਗ੍ਗਲਸ੍ਸ ਵਾ ਸਨ੍ਤਿਕੇ ‘‘ਪਰਿਵਾਸਂ ਨਿਕ੍ਖਿਪਾਮਿ, ਵਤ੍ਤਂ ਨਿਕ੍ਖਿਪਾਮੀ’’ਤਿ ਪਰਿਵਾਸੋ ਨਿਕ੍ਖਿਪਿਤਬ੍ਬੋ, ਏਕਪਦੇਨਾਪਿ ਚੇਤ੍ਥ ਨਿਕ੍ਖਿਤ੍ਤੋ ਹੋਤਿ ਪਰਿਵਾਸੋ, ਦ੍ਵੀਹਿ ਪਨ ਸੁਨਿਕ੍ਖਿਤ੍ਤੋਯੇਵ, ਸਮਾਦਾਨੇਪਿ ਏਸੇਵ ਨਯੋ. ਨਿਕ੍ਖਿਤ੍ਤਕਾਲਤੋ ਪਟ੍ਠਾਯ ਪਕਤਤ੍ਤਟ੍ਠਾਨੇ ਤਿਟ੍ਠਤਿ, ਅਥਾਨੇਨ ਪਚ੍ਚੂਸਸਮਯੇ ਏਕੇਨ ਭਿਕ੍ਖੁਨਾ ਸਦ੍ਧਿਂ ਪਰਿਕ੍ਖਿਤ੍ਤਸ੍ਸ ਵਿਹਾਰਸ੍ਸ ਪਰਿਕ੍ਖੇਪਤੋ, ਅਪਰਿਕ੍ਖਿਤ੍ਤਸ੍ਸ ਪਰਿਕ੍ਖੇਪਾਰਹਟ੍ਠਾਨਤੋ ਦ੍ਵੇ ਲੇਡ੍ਡੁਪਾਤੇ ਅਤਿਕ੍ਕਮਿਤ੍ਵਾ ਮਹਾਮਗ੍ਗਤੋ ਓਕ੍ਕਮ੍ਮ ਗੁਮ੍ਬੇਨ ਵਾ ਵਤਿਯਾ ਵਾ ਪਟਿਚ੍ਛਨ੍ਨਟ੍ਠਾਨੇ ਨਿਸੀਦਿਤ੍ਵਾ ਅਨ੍ਤੋਅਰੁਣੇਯੇਵ ਵਤ੍ਤਂ ਸਮਾਦਿਯਿਤ੍ਵਾ ਆਰੋਚੇਤਬ੍ਬਂ. ਯਮ੍ਪਿ ਅਞ੍ਞਂ ਭਿਕ੍ਖੁਂ ਪਸ੍ਸਤਿ, ਤਸ੍ਸਾਪਿ ਆਰੋਚੇਤਬ੍ਬਮੇਵ. ਅਰੁਣੇ ਉਟ੍ਠਿਤੇ ਤਸ੍ਸ ਸਨ੍ਤਿਕੇ ਵਤ੍ਤਂ ਨਿਕ੍ਖਿਪਿਤ੍ਵਾ ਵਿਹਾਰਂ ਗਨ੍ਤਬ੍ਬਂ. ਸਚੇ ਸੋ ਪੁਰੇ ਅਰੁਣੇਯੇਵ ਕੇਨਚਿ ਕਰਣੀਯੇਨ ਗਤੋ, ਵਿਹਾਰਂ ਗਨ੍ਤ੍ਵਾ ਯਂ ਸਬ੍ਬਪਠਮਂ ਭਿਕ੍ਖੁਂ ਪਸ੍ਸਤਿ, ਤਸ੍ਸ ਆਰੋਚੇਤ੍ਵਾ ਨਿਕ੍ਖਿਪਿਤਬ੍ਬਂ. ਏਵਂ ਸਲ੍ਲਕ੍ਖੇਤ੍ਵਾ ਯਾਵ ਰਤ੍ਤਿਯੋ ਪੂਰੇਨ੍ਤਿ, ਤਾਵ ਪਰਿਵਤ੍ਥਬ੍ਬਂ, ਅਯਂ ਸਙ੍ਖੇਪਤੋ ਪਟਿਚ੍ਛਨ੍ਨਪਰਿਵਾਸਵਿਨਿਚ੍ਛਯੋ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯ ਵਿਨਯਸਂਵਣ੍ਣਨਾਯ (ਚੂਲ਼ਵ. ਅਟ੍ਠ. ੯੭) ਵੁਤ੍ਤਨਯੇਨੇਵ ਵੇਦਿਤਬ੍ਬੋ.

ਇਤਰੇਸੁ ਪਨ ਦ੍ਵੀਸੁ ‘‘ਆਪਤ੍ਤਿਪਰਿਯਨ੍ਤਂ ਨ ਜਾਨਾਤਿ, ਰਤ੍ਤਿਪਰਿਯਨ੍ਤਂ ਨ ਜਾਨਾਤੀ’’ਤਿ (ਚੂਲ਼ਵ. ੧੫੭) ਇਮਸ੍ਮਿਂ ਵਤ੍ਥੁਸ੍ਮਿਂ ਖਨ੍ਧਕੇ ਅਨੁਞ੍ਞਾਤੋ ਸੁਦ੍ਧਨ੍ਤਪਰਿਵਾਸੋ ਨਾਮ, ਸੋ ਦੁਵਿਧੋ ਚੂਲ਼ਸੁਦ੍ਧਨ੍ਤੋ ਮਹਾਸੁਦ੍ਧਨ੍ਤੋਤਿ, ਦੁਵਿਧੋਪਿ ਚੇਸ ਰਤ੍ਤਿਪਰਿਚ੍ਛੇਦਂ ਸਕਲਂ ਵਾ ਏਕਚ੍ਚਂ ਵਾ ਅਜਾਨਨ੍ਤਸ੍ਸ ਚ ਅਸ੍ਸਰਨ੍ਤਸ੍ਸ ਚ ਤਤ੍ਥ ਵੇਮਤਿਕਸ੍ਸ ਚ ਦਾਤਬ੍ਬੋ. ਆਪਤ੍ਤਿਪਰਿਯਨ੍ਤਂ ਪਨ ‘‘ਏਤ੍ਤਿਕਾ ਅਹਂ ਆਪਤ੍ਤਿਯੋ ਆਪਨ੍ਨੋ’’ਤਿ ਜਾਨਾਤੁ ਵਾ, ਮਾ ਵਾ, ਅਕਾਰਣਮੇਤਂ. ਤਸ੍ਸ ਦਾਨਵਿਧਿ ਖਨ੍ਧਕੇ ਆਗਤੋ, ਵਿਨਿਚ੍ਛਯਕਥਾ ਪਨ ਵਿਤ੍ਥਾਰਤੋ ਸਮਨ੍ਤਪਾਸਾਦਿਕਾਯਂ (ਚੂਲ਼ਵ. ਅਟ੍ਠ. ੧੦੨) ਵੁਤ੍ਤਾ. ਇਤਰੋ ਪਨ ਸਮੋਧਾਨਪਰਿਵਾਸੋ ਨਾਮ, ਸੋ ਤਿਵਿਧੋ ਹੋਤਿ ਓਧਾਨਸਮੋਧਾਨੋ ¶ ਅਗ੍ਘਸਮੋਧਾਨੋ ਮਿਸ੍ਸਕਸਮੋਧਾਨੋਤਿ. ਤਤ੍ਥ ਓਧਾਨਸਮੋਧਾਨੋ ਨਾਮ ਅਨ੍ਤਰਾਪਤ੍ਤਿਂ ਆਪਜ੍ਜਿਤ੍ਵਾ ਪਟਿਚ੍ਛਾਦੇਨ੍ਤਸ੍ਸ ਪਰਿਵੁਤ੍ਥਦਿਵਸੇ ਓਧੁਨਿਤ੍ਵਾ ¶ ਮਕ੍ਖੇਤ੍ਵਾ ਪੁਰਿਮਾਯ ਆਪਤ੍ਤਿਯਾ ਮੂਲਦਿਵਸਪਰਿਚ੍ਛੇਦੇ ਪਚ੍ਛਾ ਆਪਨ੍ਨਂ ਆਪਤ੍ਤਿਂ ਸਮੋਦਹਿਤ੍ਵਾ ਦਾਤਬ੍ਬਪਰਿਵਾਸੋ ਵੁਚ੍ਚਤਿ. ਅਗ੍ਘਸਮੋਧਾਨੋ ਨਾਮ ਸਮ੍ਬਹੁਲਾਸੁ ਆਪਤ੍ਤੀਸੁ ਯਾ ਏਕਾ ਵਾ ਦ੍ਵੇ ਵਾ ਤਿਸ੍ਸੋ ਵਾ ਸਮ੍ਬਹੁਲਾ ਵਾ ਆਪਤ੍ਤਿਯੋ ਸਬ੍ਬਚਿਰਪ੍ਪਟਿਚ੍ਛਨ੍ਨਾਯੋ, ਤਾਸਂ ਅਗ੍ਘੇਨ ਸਮੋਧਾਯ ਤਾਸਂ ਰਤ੍ਤਿਪਰਿਚ੍ਛੇਦਵਸੇਨ ਅਵਸੇਸਾਨਂ ਊਨਤਰਪ੍ਪਟਿਚ੍ਛਨ੍ਨਾਨਂ ਆਪਤ੍ਤੀਨਂ ਦਾਤਬ੍ਬਪਰਿਵਾਸੋ ਵੁਚ੍ਚਤਿ. ਮਿਸ੍ਸਕਸਮੋਧਾਨੋ ਨਾਮ ਨਾਨਾਵਤ੍ਥੁਕਾਯੋ ਆਪਤ੍ਤਿਯੋ ਏਕਤੋ ਕਤ੍ਵਾ ਦਾਤਬ੍ਬਪਰਿਵਾਸੋ ¶ ਵੁਚ੍ਚਤਿ, ਅਯਂ ਤਿਵਿਧੇਪਿ ਸਮੋਧਾਨਪਰਿਵਾਸੇ ਸਙ੍ਖੇਪਕਥਾ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ (ਚੂਲ਼ਵ. ਅਟ੍ਠ. ੧੦੨) ਵੁਤ੍ਤੋ, ਇਦਂ ‘‘ਪਰਿਵਤ੍ਥਬ੍ਬ’’ਨ੍ਤਿ ਪਦਸ੍ਸ ਵਿਨਿਚ੍ਛਯਕਥਾਮੁਖਂ.

ਉਤ੍ਤਰਿ ਛਾਰਤ੍ਤਨ੍ਤਿ ਪਰਿਵਾਸਤੋ ਉਤ੍ਤਰਿ ਛ ਰਤ੍ਤਿਯੋ. ਭਿਕ੍ਖੁਮਾਨਤ੍ਤਾਯਾਤਿ ਭਿਕ੍ਖੂਨਂ ਮਾਨਭਾਵਾਯ, ਆਰਾਧਨਤ੍ਥਾਯਾਤਿ ਵੁਤ੍ਤਂ ਹੋਤਿ. ਪਟਿਪਜ੍ਜਿਤਬ੍ਬਨ੍ਤਿ ਵਤ੍ਤਿਤਬ੍ਬਂ. ਭਿਕ੍ਖੁਮਾਨਤ੍ਤਞ੍ਚ ਪਨੇਤਂ ਪਟਿਚ੍ਛਨ੍ਨਾਪਟਿਚ੍ਛਨ੍ਨਵਸੇਨ ਦੁਵਿਧਂ. ਤਤ੍ਥ ਯਸ੍ਸ ਅਪ੍ਪਟਿਚ੍ਛਨ੍ਨਾਪਤ੍ਤਿ ਹੋਤਿ, ਤਸ੍ਸ ਪਰਿਵਾਸਂ ਅਦਤ੍ਵਾ ਮਾਨਤ੍ਤਮੇਵ ਦਾਤਬ੍ਬਂ, ਇਦਂ ਅਪ੍ਪਟਿਚ੍ਛਨ੍ਨਮਾਨਤ੍ਤਂ. ਯਸ੍ਸ ਪਟਿਚ੍ਛਨ੍ਨਾ ਹੋਤਿ, ਤਸ੍ਸ ਪਰਿਵਾਸਪਰਿਯੋਸਾਨੇ ਦਾਤਬ੍ਬਂ ਮਾਨਤ੍ਤਂ ਪਟਿਚ੍ਛਨ੍ਨਮਾਨਤ੍ਤਨ੍ਤਿ ਵੁਚ੍ਚਤਿ, ਇਦਂ ਇਧ ਅਧਿਪ੍ਪੇਤਂ. ਉਭਿਨ੍ਨਮ੍ਪਿ ਪਨੇਤੇਸਂ ਦਾਨਵਿਧਿ ਵਿਨਿਚ੍ਛਯਕਥਾ ਚ ਸਮਨ੍ਤਪਾਸਾਦਿਕਾਯਂ (ਚੂਲ਼ਵ. ਅਟ੍ਠ. ੧੦੨) ਵੁਤ੍ਤਨਯੇਨ ਵੇਦਿਤਬ੍ਬਾ, ਅਯਂ ਪਨੇਤ੍ਥ ਸਙ੍ਖੇਪੋ. ਸਚੇ ਅਯਂ ਵਤ੍ਤਂ ਨਿਕ੍ਖਿਪਿਤ੍ਵਾ ਪਚ੍ਚੂਸਸਮਯੇ ਸਮਾਦਾਤੁਂ ਗਚ੍ਛਤਿ, ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਚਤੂਹਿ ਭਿਕ੍ਖੂਹਿ ਸਦ੍ਧਿਂ ਪਰਿਵਾਸੇ ਵੁਤ੍ਤਪ੍ਪਕਾਰਂ ਪਦੇਸਂ ਗਨ੍ਤ੍ਵਾ ‘‘ਮਾਨਤ੍ਤਂ ਸਮਾਦਿਯਾਮਿ, ਵਤ੍ਤਂ ਸਮਾਦਿਯਾਮੀ’’ਤਿ ਸਮਾਦਿਯਿਤ੍ਵਾ ਨੇਸਂ ਆਰੋਚੇਤ੍ਵਾ ਤਤੋ ਤੇਸੁ ਗਤੇਸੁ ਵਾ ਅਗਤੇਸੁ ਵਾ ਪੁਰਿਮਨਯੇਨ ਪਟਿਪਜ੍ਜਿਤਬ੍ਬਂ. ਯਤ੍ਥ ਸਿਯਾ ਵੀਸਤਿਗਣੋਤਿ ਏਤ੍ਥ ਵੀਸਤਿਸਙ੍ਘੋ ਗਣੋ ਅਸ੍ਸਾਤਿ ਵੀਸਤਿਗਣੋ. ਤਤ੍ਰਾਤਿ ਯਤ੍ਰ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਵੀਸਤਿਗਣੋ ਭਿਕ੍ਖੁਸਙ੍ਘੋ ਅਤ੍ਥਿ, ਤਤ੍ਥ. ਅਬ੍ਭੇਤਬ੍ਬੋਤਿ ਅਭਿਏਤਬ੍ਬੋ, ਸਮ੍ਪਟਿਚ੍ਛਿਤਬ੍ਬੋ, ਅਬ੍ਭਾਨਕਮ੍ਮਵਸੇਨ ਓਸਾਰੇਤਬ੍ਬੋਤਿ ਵੁਤ੍ਤਂ ਹੋਤਿ. ਅਵ੍ਹਾਤਬ੍ਬੋਤਿ ਵਾ ਅਤ੍ਥੋ. ਅਬ੍ਭਾਨਕਮ੍ਮਂ ਪਨ ਪਾਲ਼ਿਵਸੇਨ ਖਨ੍ਧਕੇ (ਚੂਲ਼ਵ. ੧੦੦ ਆਦਯੋ) ਵਿਨਿਚ੍ਛਯਵਸੇਨ ਸਮਨ੍ਤਪਾਸਾਦਿਕਾਯਂ ਵੁਤ੍ਤਂ. ਅਨਬ੍ਭਿਤੋਤਿ ਨ ਅਬ੍ਭਿਤੋ ਅਸਮ੍ਪਟਿਚ੍ਛਿਤੋ, ਅਕਤਬ੍ਭਾਨਕਮ੍ਮੋਤਿ ਵੁਤ੍ਤਂ ਹੋਤਿ. ਅਨਵ੍ਹਾਤੋਤਿ ਵਾ ਅਤ੍ਥੋ. ਤੇ ਚ ਭਿਕ੍ਖੂ ਗਾਰਯ੍ਹਾਤਿ ਯੇ ਊਨਭਾਵਂ ਞਤ੍ਵਾ ¶ ਅਬ੍ਭੇਨ੍ਤਿ, ਤੇ ਭਿਕ੍ਖੂ ਚ ਗਰਹਿਤਬ੍ਬਾ, ਸਾਤਿਸਾਰਾ ਸਦੋਸਾ ਦੁਕ੍ਕਟਂ ਆਪਜ੍ਜਨ੍ਤੀਤਿ ਅਤ੍ਥੋ. ਅਯਂ ਤਤ੍ਥ ਸਾਮੀਚੀਤਿ ਅਯਂ ਤਤ੍ਥ ਅਨੁਧਮ੍ਮਤਾ ਲੋਕੁਤ੍ਤਰਧਮ੍ਮਂ ਅਨੁਗਤਾ ਓਵਾਦਾਨੁਸਾਸਨੀ ਸਾਮੀਚਿ ਧਮ੍ਮਤਾ. ਸੇਸਮੇਤ੍ਥ ਵੁਤ੍ਤਨਯਮੇਵਾਤਿ.

ਕਙ੍ਖਾਵਿਤਰਣਿਯਾ ਪਾਤਿਮੋਕ੍ਖਵਣ੍ਣਨਾਯ

ਅਨਿਯਤੁਦ੍ਦੇਸੇ ¶ ¶ ¶ ਇਮੇ ਖੋ ਪਨਾਤਿਆਦਿ ਵੁਤ੍ਤਨਯਮੇਵ. ਮਾਤੁਗਾਮੇਨਾਤਿ ਤਦਹੁਜਾਤਾਯਪਿ ਜੀਵਮਾਨਕਮਨੁਸ੍ਸਿਤ੍ਥਿਯਾ. ਏਕੋ ਏਕਾਯਾਤਿ ਏਕੋ ਭਿਕ੍ਖੁ ਮਾਤੁਗਾਮਸਙ੍ਖਾਤਾਯ ਏਕਾਯ ਇਤ੍ਥਿਯਾ ਸਦ੍ਧਿਂ. ਰਹੋਤਿ ਚਕ੍ਖੁਸ੍ਸ ਰਹੋ. ਕਿਞ੍ਚਾਪਿ ਪਾਲ਼ਿਯਂ (ਪਾਰਾ. ੪੪੫) ਸੋਤਸ੍ਸ ਰਹੋ ਆਗਤੋ, ਚਕ੍ਖੁਸ੍ਸੇਵ ਪਨ ਰਹੋ ‘‘ਰਹੋ’’ਤਿ ਇਧ ਅਧਿਪ੍ਪੇਤੋ. ਸਚੇਪਿ ਹਿ ਪਿਹਿਤਕਵਾਟਸ੍ਸ ਗਬ੍ਭਸ੍ਸ ਦ੍ਵਾਰੇ ਨਿਸਿਨ੍ਨੋ ਵਿਞ੍ਞੂ ਪੁਰਿਸੋ ਹੋਤਿ, ਨੇਵ ਅਨਾਪਤ੍ਤਿਂ ਕਰੋਤਿ. ਯਤ੍ਥ ਪਨ ਸਕ੍ਕਾ ਦਟ੍ਠੁਂ, ਤਾਦਿਸੇ ਅਨ੍ਤੋਦ੍ਵਾਦਸਹਤ੍ਥੇਪਿ ਓਕਾਸੇ ਨਿਸਿਨ੍ਨੋ ਸਚਕ੍ਖੁਕੋ ਵਿਕ੍ਖਿਤ੍ਤਚਿਤ੍ਤੋਪਿ ਨਿਦ੍ਦਾਯਨ੍ਤੋਪਿ ਅਨਾਪਤ੍ਤਿਂ ਕਰੋਤਿ, ਸਮੀਪੇ ਠਿਤੋਪਿ ਅਨ੍ਧੋ ਨ ਕਰੋਤਿ, ਚਕ੍ਖੁਮਾਪਿ ਨਿਪਜ੍ਜਿਤ੍ਵਾ ਨਿਦ੍ਦਾਯਨ੍ਤੋਪਿ ਨ ਕਰੋਤਿ, ਇਤ੍ਥੀਨਂ ਪਨ ਸਤਮ੍ਪਿ ਨ ਕਰੋਤਿਯੇਵ, ਤੇਨ ਵੁਤ੍ਤਂ ‘‘ਰਹੋਤਿ ਚਕ੍ਖੁਸ੍ਸ ਰਹੋ’’ਤਿ. ਪਟਿਚ੍ਛਨ੍ਨੇ ਆਸਨੇਤਿ ਕੁਟ੍ਟਾਦੀਹਿ ਪਟਿਚ੍ਛਨ੍ਨੋਕਾਸੇ. ਅਲਂਕਮ੍ਮਨਿਯੇਤਿ ਕਮ੍ਮਕ੍ਖਮਂ ਕਮ੍ਮਯੋਗ੍ਗਨ੍ਤਿ ਕਮ੍ਮਨਿਯਂ, ਅਲਂ ਪਰਿਯਤ੍ਤਂ ਕਮ੍ਮਨਿਯਭਾਵਾਯਾਤਿ ਅਲਂਕਮ੍ਮਨਿਯਂ, ਤਸ੍ਮਿਂ ਅਲਂਕਮ੍ਮਨਿਯੇ. ਯਤ੍ਥ ਅਜ੍ਝਾਚਾਰਂ ਕਰੋਨ੍ਤਾ ਸਕ੍ਕੋਨ੍ਤਿ ਤਂ ਕਮ੍ਮਂ ਕਾਤੁਂ, ਤਾਦਿਸੇਤਿ ਅਤ੍ਥੋ. ਨਿਸਜ੍ਜਂ ਕਪ੍ਪੇਯ੍ਯਾਤਿ ਨਿਸਜ੍ਜਂ ਕਰੇਯ੍ਯ, ਨਿਸੀਦੇਯ੍ਯਾਤਿ ਅਤ੍ਥੋ. ਏਤ੍ਥ ਚ ਸਯਨਮ੍ਪਿ ਨਿਸਜ੍ਜਾਯ ਏਵ ਸਙ੍ਗਹਿਤਂ. ਸਦ੍ਧੇਯ੍ਯਵਚਸਾਤਿ ਸਦ੍ਧਾਤਬ੍ਬਵਚਨਾ, ਅਰਿਯਸਾਵਿਕਾਤਿ ਅਤ੍ਥੋ. ਨਿਸਜ੍ਜਂ ਭਿਕ੍ਖੁ ਪਟਿਜਾਨਮਾਨੋਤਿ ਕਿਞ੍ਚਾਪਿ ਏਵਰੂਪਾ ਉਪਾਸਿਕਾ ਦਿਸ੍ਵਾ ਵਦਤਿ, ਅਥ ਖੋ ਭਿਕ੍ਖੁ ਨਿਸਜ੍ਜਂ ਪਟਿਜਾਨਮਾਨੋਵ ਤਿਣ੍ਣਂ ਧਮ੍ਮਾਨਂ ਅਞ੍ਞਤਰੇਨ ਕਾਰੇਤਬ੍ਬੋ, ਨ ਅਪ੍ਪਟਿਜਾਨਮਾਨੋਤਿ ਅਤ੍ਥੋ. ਯੇਨ ਵਾ ਸਾਤਿ ਨਿਸਜ੍ਜਾਦੀਸੁ ਆਕਾਰੇਸੁ ਯੇਨ ਵਾ ਆਕਾਰੇਨ ਸਦ੍ਧਿਂ ਮੇਥੁਨਾਦੀਨਿ ਆਰੋਪੇਤ੍ਵਾ ਸਾ ਉਪਾਸਿਕਾ ਵਦੇਯ੍ਯ, ਪਟਿਜਾਨਮਾਨੋਵ ਤੇਨ ਸੋ ਭਿਕ੍ਖੁ ਕਾਰੇਤਬ੍ਬੋ, ਏਵਰੂਪਾਯਪਿ ਹਿ ਉਪਾਸਿਕਾਯ ਵਚਨਮਤ੍ਤੇਨ ਆਕਾਰੇਨ ਨ ਕਾਰੇਤਬ੍ਬੋਤਿ ਅਤ੍ਥੋ. ਕਸ੍ਮਾ? ਯਸ੍ਮਾ ਦਿਟ੍ਠਂ ਨਾਮ ਤਥਾਪਿ ਹੋਤਿ, ਅਞ੍ਞਥਾਪੀਤਿ. ਅਯਂ ਧਮ੍ਮੋ ਅਨਿਯਤੋਤਿ ਤਿਣ੍ਣਂ ਆਪਤ੍ਤੀਨਂ ਯਂ ਆਪਤ੍ਤਿਂ ਵਾ ਵਤ੍ਥੁਂ ਵਾ ਪਟਿਜਾਨਾਤਿ, ਤਸ੍ਸ ਵਸੇਨ ਕਾਰੇਤਬ੍ਬਤਾਯ ਅਨਿਯਤੋ.

ਸਾਵਤ੍ਥਿਯਂ ¶ ¶ ਉਦਾਯਿਤ੍ਥੇਰਂ ਆਰਬ੍ਭ ਮਾਤੁਗਾਮੇਨ ਸਦ੍ਧਿਂ ਵੁਤ੍ਤਪ੍ਪਕਾਰੇ ਆਸਨੇ ਨਿਸਜ੍ਜਕਪ੍ਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਮੇਥੁਨਧਮ੍ਮਸਨ੍ਨਿਸ੍ਸਿਤਕਿਲੇਸਸਙ੍ਖਾਤੇਨ ਰਹਸ੍ਸਾਦੇਨ ਮਾਤੁਗਾਮਸ੍ਸ ਸਨ੍ਤਿਕਂ ਗਨ੍ਤੁਕਾਮਤਾਯ ਅਕ੍ਖਿਅਞ੍ਜਨਾਦਿਤੋ ਪਟ੍ਠਾਯ ਸਬ੍ਬਪਯੋਗੇਸੁ ਦੁਕ੍ਕਟਂ. ਗਨ੍ਤ੍ਵਾ ਤਸ੍ਮਿਂ ਵਾ ਨਿਸਿਨ੍ਨੇ ਇਤ੍ਥੀ ਨਿਸੀਦਤੁ, ਤਸ੍ਸਾ ਵਾ ਨਿਸਿਨ੍ਨਾਯ ਸੋ ਨਿਸੀਦਤੁ, ਅਪਚ੍ਛਾ ਅਪੁਰਿਮਂਯੇਵ ਉਭੋ ਵਾ ਨਿਸੀਦਨ੍ਤੁ, ਉਭਿਨ੍ਨਂ ਨਿਸਜ੍ਜਾਯ ਪਾਚਿਤ੍ਤਿਯਂ. ਸਚੇ ਪਨ ਕਾਯਸਂਸਗ੍ਗਂ ਵਾ ਮੇਥੁਨਂ ਵਾ ਸਮਾਪਜ੍ਜਤਿ, ਤੇਸਂ ਵਸੇਨ ਕਾਰੇਤਬ੍ਬੋ. ਨਿਪਜ੍ਜਨੇਪਿ ਏਸੇਵ ਨਯੋ. ਵੁਤ੍ਤਪ੍ਪਕਾਰੇ ਪੁਰਿਸੇ ਨਿਪਜ੍ਜਿਤ੍ਵਾ ਅਨਿਦ੍ਦਾਯਨ੍ਤੇ ਅਨਨ੍ਧੇ ਵਿਞ੍ਞੁਪੁਰਿਸੇ ਉਪਚਾਰਗਤੇ ਸਤਿ, ਠਿਤਸ੍ਸ, ਅਰਹੋਪੇਕ੍ਖਸ੍ਸ, ਅਞ੍ਞਵਿਹਿਤਸ੍ਸ ਚ ਨਿਸਜ੍ਜਨਪਚ੍ਚਯਾ ਅਨਾਪਤ੍ਤਿ. ਉਮ੍ਮਤ੍ਤਕਾਦੀਨਂ ਪਨ ਤੀਹਿਪਿ ਆਪਤ੍ਤੀਹਿ ਅਨਾਪਤ੍ਤਿ. ਸਿਯਾ ਸੀਲਵਿਪਤ੍ਤਿ, ਸਿਯਾ ਆਚਾਰਵਿਪਤ੍ਤਿ. ਯਂ ਪਨ ¶ ਆਪਤ੍ਤਿਂ ਪਟਿਜਾਨਾਤਿ, ਤਸ੍ਸਾ ਵਸੇਨ ਅਙ੍ਗਭੇਦੋ ਞਾਤਬ੍ਬੋ. ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਦਿਸਾਨੇਵਾਤਿ.

ਪਠਮਾਨਿਯਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ਇਤ੍ਥੀਪਿ ਪੁਰਿਸੋਪਿ ਯੋ ਕੋਚਿ ਵਿਞ੍ਞੂ ਅਨਨ੍ਧੋ ਅਬਧਿਰੋ ਅਨ੍ਤੋਦ੍ਵਾਦਸਹਤ੍ਥੇ ਓਕਾਸੇ ਠਿਤੋ ਵਾ ਨਿਸਿਨ੍ਨੋ ਵਾ ਵਿਕ੍ਖਿਤ੍ਤੋਪਿ ਨਿਦ੍ਦਾਯਨ੍ਤੋਪਿ ਅਨਾਪਤ੍ਤਿਂ ਕਰੋਤਿ. ਬਧਿਰੋ ਪਨ ਚਕ੍ਖੁਮਾਪਿ, ਅਨ੍ਧੋ ਵਾ ਅਬਧਿਰੋਪਿ ਨ ਕਰੋਤਿ. ਪਾਰਾਜਿਕਾਪਤ੍ਤਿਞ੍ਚ ਪਰਿਹਾਪੇਤ੍ਵਾ ਦੁਟ੍ਠੁਲ੍ਲਵਾਚਾਪਤ੍ਤਿ ਵੁਤ੍ਤਾਤਿ ਅਯਂ ਵਿਸੇਸੋ. ਸੇਸਂ ਪੁਰਿਮਨਯੇਨੇਵ ਵੇਦਿਤਬ੍ਬਂ. ਸਮੁਟ੍ਠਾਨਾਦੀਨਿ ਪਨੇਤ੍ਥ ਅਦਿਨ੍ਨਾਦਾਨਸਦਿਸਾਨੇਵਾਤਿ.

ਦੁਤਿਯਾਨਿਯਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਉਦ੍ਦਿਟ੍ਠਾ ਖੋਤਿਆਦਿ ਸਬ੍ਬਤ੍ਥ ਵੁਤ੍ਤਨਯੇਨੇਵ ਵੇਦਿਤਬ੍ਬਂ.

ਕਙ੍ਖਾਵਿਤਰਣਿਯਾ ਪਾਤਿਮੋਕ੍ਖਵਣ੍ਣਨਾਯ

ਇਤੋ ਪਰਂ ਪਨ ਇਮੇ ਖੋ ਪਨਾਤਿਆਦਿ ਸਬ੍ਬਤ੍ਥ ਵੁਤ੍ਤਨਯੇਨੇਵ ਵੇਦਿਤਬ੍ਬਂ.

ਨਿਸ੍ਸਗ੍ਗਿਯੇਸੁ ¶ ¶ ਪਨ ਚੀਵਰਵਗ੍ਗਸ੍ਸ ਤਾਵ ਪਠਮਸਿਕ੍ਖਾਪਦੇ ਨਿਟ੍ਠਿਤਚੀਵਰਸ੍ਮਿਨ੍ਤਿ ਸੂਚਿਕਮ੍ਮਪਰਿਯੋਸਾਨੇਨ ਵਾ, ‘‘ਨਟ੍ਠਂ ਵਾ ਵਿਨਟ੍ਠਂ ਵਾ ਦਡ੍ਢਂ ਵਾ ਚੀਵਰਾਸਾ ਵਾ ਉਪਚ੍ਛਿਨ੍ਨਾ’’ਤਿ (ਪਾਰਾ. ੪੬੩) ਇਮੇਸੁ ਵਾ ਯੇਨ ਕੇਨਚਿ ਆਕਾਰੇਨ ਨਿਟ੍ਠਿਤੇ ਚੀਵਰਸ੍ਮਿਂ, ਚੀਵਰਸ੍ਸ ਕਰਣਪਲਿਬੋਧੇ ਉਪਚ੍ਛਿਨ੍ਨੇਤਿ ਅਤ੍ਥੋ. ਅਤ੍ਥਤਕਥਿਨਸ੍ਸ ਹਿ ਭਿਕ੍ਖੁਨੋ ਯਾਵ ਇਮੇਹਾਕਾਰੇਹਿ ਚੀਵਰਪਲਿਬੋਧੋ ਨ ਛਿਜ੍ਜਤਿ, ਤਾਵ ਕਥਿਨਾਨਿਸਂਸਂ ਲਭਤਿ. ਉਬ੍ਭਤਸ੍ਮਿਂ ਕਥਿਨੇਤਿ ਯਂ ਸਙ੍ਘਸ੍ਸ ਕਥਿਨਂ ਅਤ੍ਥਤਂ, ਤਸ੍ਮਿਞ੍ਚ ਉਬ੍ਭਤੇ. ਤਤ੍ਰੇਵਂ ਸਙ੍ਖੇਪਤੋ ਕਥਿਨਤ੍ਥਾਰੋ ਚ ਉਬ੍ਭਾਰੋ ਚ ਵੇਦਿਤਬ੍ਬੋ. ਅਯਞ੍ਹਿ ਕਥਿਨਤ੍ਥਾਰੋ ਨਾਮ ਭਗਵਤਾ ਪੁਰਿਮਵਸ੍ਸਂਵੁਟ੍ਠਾਨਂ ਅਨੁਞ੍ਞਾਤੋ, ਸੋ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਪਞ੍ਚਨ੍ਨਂ ਜਨਾਨਂ ਵਟ੍ਟਤਿ, ਤਸ੍ਮਾ ਯਤ੍ਥ ਚਤ੍ਤਾਰੋ ਵਾ ਤਯੋ ਵਾ ਦ੍ਵੇ ਵਾ ਏਕੋ ਵਾ ਪੁਰਿਮਵਸ੍ਸਂ ਉਪਗਤੋ, ਤਤ੍ਥ ਪਚ੍ਛਿਮਵਸ੍ਸੂਪਗਤੇ ਗਣਪੂਰਕੇ ਕਤ੍ਵਾ ਅਤ੍ਥਰਿਤਬ੍ਬਂ, ਤੇ ਚ ਗਣਪੂਰਕਾਵ ਹੋਨ੍ਤਿ, ਆਨਿਸਂਸੇ ਨ ਲਭਨ੍ਤਿ, ਤਸ੍ਮਾ ਸਚੇ ਪੁਰਿਮਵਸ੍ਸਂਵੁਟ੍ਠਾਨਂ ਗਹਟ੍ਠਪਬ੍ਬਜਿਤੇਸੁ ਯੋ ਕੋਚਿ ਧਮ੍ਮੇਨ ਸਮੇਨ ਚੀਵਰਂ ਦੇਤਿ ‘‘ਇਮਿਨਾ ਕਥਿਨਂ ਅਤ੍ਥਰਥਾ’’ਤਿ (ਮਹਾਵ. ੩੦੬-੩੦੯), ਤਂ ਖਨ੍ਧਕੇ ਵੁਤ੍ਤਾਯ ਞਤ੍ਤਿਦੁਤਿਯਕਮ੍ਮਵਾਚਾਯ ਕਥਿਨਤ੍ਥਾਰਾਰਹਸ੍ਸ ਭਿਕ੍ਖੁਨੋ ਦਾਤਬ੍ਬਂ. ਤੇਨ ਤਦਹੇਵ ਪਞ੍ਚ ਵਾ ਅਤਿਰੇਕਾਨਿ ਵਾ ਖਣ੍ਡਾਨਿ ਛਿਨ੍ਦਿਤ੍ਵਾ ਸਙ੍ਘਾਟਿ ਵਾ ਉਤ੍ਤਰਾਸਙ੍ਗੋ ਵਾ ਅਨ੍ਤਰਵਾਸਕੋ ਵਾ ਕਾਤਬ੍ਬੋ, ਸੇਸਭਿਕ੍ਖੂਹਿਪਿ ਤਸ੍ਸ ਸਹਾਯੇਹਿ ਭਵਿਤਬ੍ਬਂ, ਸਚੇ ਕਤਚੀਵਰਮੇਵ ਉਪ੍ਪਜ੍ਜਤਿ, ਸੁਨ੍ਦਰਮੇਵ. ਅਚ੍ਛਿਨ੍ਨਾਸਿਬ੍ਬਿਤਂ ਪਨ ਨ ਵਟ੍ਟਤਿ. ਤੇਨ ਭਿਕ੍ਖੁਨਾ ਸਚੇ ਸਙ੍ਘਾਟਿਯਾ ਅਤ੍ਥਰਿਤੁਕਾਮੋ ਹੋਤਿ, ਪੋਰਾਣਿਕਂ ¶ ਸਙ੍ਘਾਟਿਂ ਪਚ੍ਚੁਦ੍ਧਰਿਤ੍ਵਾ ¶ ਨਵਂ ਸਙ੍ਘਾਟਿਂ ਅਧਿਟ੍ਠਹਿਤ੍ਵਾ ‘‘ਇਮਾਯ ਸਙ੍ਘਾਟਿਯਾ ਕਥਿਨਂ ਅਤ੍ਥਰਾਮੀ’’ਤਿ ਅਤ੍ਥਰਿਤਬ੍ਬਂ. ਉਤ੍ਤਰਾਸਙ੍ਗਅਨ੍ਤਰਵਾਸਕੇਸੁਪਿ ਏਸੇਵ ਨਯੋ. ਤਤੋ ਤੇਨ ਪੁਰਿਮਵਸ੍ਸਂਵੁਟ੍ਠੇ ਅਨ੍ਤੋਸੀਮਾਗਤੇ ਭਿਕ੍ਖੂ ਉਪਸਙ੍ਕਮਿਤ੍ਵਾ ‘‘ਅਤ੍ਥਤਂ, ਭਨ੍ਤੇ, ਸਙ੍ਘਸ੍ਸ ਕਥਿਨਂ, ਧਮ੍ਮਿਕੋ ਕਥਿਨਤ੍ਥਾਰੋ, ਅਨੁਮੋਦਥਾ’’ਤਿ (ਪਰਿ. ੪੧੩) ਵਤ੍ਤਬ੍ਬਂ, ਥੇਰਾਨਞ੍ਚ ਨਵਾਨਞ੍ਚ ਬਹੂਨਞ੍ਚ ਏਕਸ੍ਸ ਚ ਅਨੁਰੂਪਂ ਸਲ੍ਲਕ੍ਖੇਤ੍ਵਾ ¶ ਵਤ੍ਤਬ੍ਬਂ. ਤੇਹਿਪਿ ‘‘ਅਤ੍ਥਤਂ, ਭਨ੍ਤੇ, ਸਙ੍ਘਸ੍ਸ ਕਥਿਨ’’ਨ੍ਤਿ ਵਾ ‘‘ਅਤ੍ਥਤਂ, ਆਵੁਸੋ, ਸਙ੍ਘਸ੍ਸ ਕਥਿਨ’’ਨ੍ਤਿ ਵਾ ਵਤ੍ਵਾ ‘‘ਧਮ੍ਮਿਕੋ ਕਥਿਨਤ੍ਥਾਰੋ, ਅਨੁਮੋਦਾਮਾ’’ਤਿ ਵਾ ‘‘ਅਨੁਮੋਦਾਮੀ’’ਤਿ ਵਾ ਵਤ੍ਤਬ੍ਬਂ. ਪੁਰਿਮਵਸ੍ਸਂਵੁਟ੍ਠੇਸੁਪਿ ਯੇ ਅਨੁਮੋਦਨ੍ਤਿ, ਤੇਸਂਯੇਵ ਅਤ੍ਥਤਂ ਹੋਤਿ ਕਥਿਨਂ. ਤੇ ਤਤੋ ਪਟ੍ਠਾਯ ਯਾਵ ਕਥਿਨਸ੍ਸੁਬ੍ਭਾਰਾ ਅਨਾਮਨ੍ਤਚਾਰੋ, ਅਸਮਾਦਾਨਚਾਰੋ, ਯਾਵਦਤ੍ਥਚੀਵਰਂ, ਗਣਭੋਜਨਂ, ਯੋ ਚ ਤਤ੍ਥ ਚੀਵਰੁਪ੍ਪਾਦੋ, ਤਸ੍ਮਿਂ ਆਵਾਸੇ ਸਙ੍ਘਸ੍ਸ ਉਪ੍ਪਨ੍ਨਚੀਵਰਞ੍ਚਾਤਿ ਇਮੇ ਪਞ੍ਚਾਨਿਸਂਸੇ ਲਭਨ੍ਤਿ, ਅਯਂ ਤਾਵ ਕਥਿਨਤ੍ਥਾਰੋ. ਤਂ ਪਨੇਤਂ ਕਥਿਨਂ ‘‘ਅਟ੍ਠਿਮਾ, ਭਿਕ੍ਖਵੇ, ਮਾਤਿਕਾ ਕਥਿਨਸ੍ਸੁਬ੍ਭਾਰਾਯ ਪਕ੍ਕਮਨਨ੍ਤਿਕਾ ਨਿਟ੍ਠਾਨਨ੍ਤਿਕਾ ਸਨ੍ਨਿਟ੍ਠਾਨਨ੍ਤਿਕਾ ਨਾਸਨਨ੍ਤਿਕਾ ਸਵਨਨ੍ਤਿਕਾ ਆਸਾਵਚ੍ਛੇਦਿਕਾ ਸੀਮਾਤਿਕ੍ਕਮਨਨ੍ਤਿਕਾ ਸਹੁਬ੍ਭਾਰਾ’’ਤਿ (ਮਹਾਵ. ੩੧੦) ਏਵਂ ਵੁਤ੍ਤਾਸੁ ਅਟ੍ਠਸੁ ਮਾਤਿਕਾਸੁ ਅਞ੍ਞਤਰਵਸੇਨ ਉਦ੍ਧਰੀਯਤਿ, ਤਤ੍ਥ ਵਿਤ੍ਥਾਰਵਿਨਿਚ੍ਛਯੋ ਸਮਨ੍ਤਪਾਸਾਦਿਕਾਯਂ (ਮਹਾਵ. ਅਟ੍ਠ. ੩੧੦) ਵੁਤ੍ਤਨਯੇਨ ਵੇਦਿਤਬ੍ਬੋ. ਇਤਿ ‘‘ਉਬ੍ਭਤਸ੍ਮਿਂ ਕਥਿਨੇ’’ਤਿਇਮਿਨਾ ਸੇਸਪਲਿਬੋਧਾਭਾਵਂ ਦਸ੍ਸੇਤਿ.

ਦਸਾਹਪਰਮਨ੍ਤਿ ਦਸ ਅਹਾਨਿ ਪਰਮੋ ਪਰਿਚ੍ਛੇਦੋ ਅਸ੍ਸਾਤਿ ਦਸਾਹਪਰਮੋ, ਤਂ ਦਸਾਹਪਰਮਂ ਕਾਲਂ ਧਾਰੇਤਬ੍ਬਨ੍ਤਿ ਅਤ੍ਥੋ. ਅਧਿਟ੍ਠਿਤਵਿਕਪ੍ਪਿਤੇਸੁ ਅਪਰਿਯਾਪਨ੍ਨਤ੍ਤਾ ਅਤਿਰੇਕਂ ਚੀਵਰਨ੍ਤਿ ਅਤਿਰੇਕਚੀਵਰਂ, ਚੀਵਰਂ ਨਾਮ ਖੋਮਂ ਕਪ੍ਪਾਸਿਕਂ ਕੋਸੇਯ੍ਯਂ ਕਮ੍ਬਲਂ ਸਾਣਂ ਭਙ੍ਗਨ੍ਤਿ ਏਤੇਸਂ ਵਾ ਤਦਨੁਲੋਮਾਨਂ ਵਾ ਅਞ੍ਞਤਰਂ ਅਯਮਸ੍ਸ ਜਾਤਿ, ਪਮਾਣਤੋ ਪਨ ਤਂ ਵਿਕਪ੍ਪਨੁਪਗਂ ਪਚ੍ਛਿਮਂ ਇਧ ਅਧਿਪ੍ਪੇਤਂ. ਵੁਤ੍ਤਞ੍ਹੇਤਂ ‘‘ਅਨੁਜਾਨਾਮਿ, ਭਿਕ੍ਖਵੇ, ਆਯਾਮਤੋ ਅਟ੍ਠਙ੍ਗੁਲਂ ਸੁਗਤਙ੍ਗੁਲੇਨ ਚਤੁਰਙ੍ਗੁਲਵਿਤ੍ਥਤਂ ਪਚ੍ਛਿਮਂ ਚੀਵਰਂ ਵਿਕਪ੍ਪੇਤੁ’’ਨ੍ਤਿ (ਮਹਾਵ. ੩੫੮). ਯਂ ਪਨ ਵੁਤ੍ਤਂ ‘‘ਅਧਿਟ੍ਠਿਤਵਿਕਪ੍ਪਿਤੇਸੁ ਅਪਰਿਯਾਪਨ੍ਨਤ੍ਤਾ’’ਤਿ, ਏਤ੍ਥ ‘‘ਅਨੁਜਾਨਾਮਿ, ਭਿਕ੍ਖਵੇ, ਤਿਚੀਵਰਂ ਅਧਿਟ੍ਠਾਤੁਂ ਨ ਵਿਕਪ੍ਪੇਤੁਂ, ਵਸ੍ਸਿਕਸਾਟਿਕਂ ਵਸ੍ਸਾਨਂ ਚਤੁਮਾਸਂ ਅਧਿਟ੍ਠਾਤੁਂ ਤਤੋ ਪਰਂ ਵਿਕਪ੍ਪੇਤੁਂ, ਨਿਸੀਦਨਂ ਅਧਿਟ੍ਠਾਤੁਂ ਨ ਵਿਕਪ੍ਪੇਤੁਂ ਪਚ੍ਚਤ੍ਥਰਣਂ ਅਧਿਟ੍ਠਾਤੁਂ ਨ ਵਿਕਪ੍ਪੇਤੁਂ, ਕਣ੍ਡੁਪ੍ਪਟਿਚ੍ਛਾਦਿਂ ਯਾਵ ਆਬਾਧਾ ਅਧਿਟ੍ਠਾਤੁਂ ਤਤੋ ਪਰਂ ਵਿਕਪ੍ਪੇਤੁਂ, ਮੁਖਪੁਞ੍ਛਨਚੋਲ਼ਕਂ ਅਧਿਟ੍ਠਾਤੁਂ ਨ ਵਿਕਪ੍ਪੇਤੁਂ, ਪਰਿਕ੍ਖਾਰਚੋਲ਼ਂ ਅਧਿਟ੍ਠਾਤੁਂ ਨ ਵਿਕਪ੍ਪੇਤੁ’’ਨ੍ਤਿ (ਮਹਾਵ. ੩੫੮) ਇਮਿਨਾ ਨਯੇਨ ਅਧਿਟ੍ਠਾਤਬ੍ਬਵਿਕਪ੍ਪੇਤਬ੍ਬਤਾ ਜਾਨਿਤਬ੍ਬਾ. ਤਤ੍ਥ ਤਿਚੀਵਰਂ ਅਧਿਟ੍ਠਹਨ੍ਤੇਨ ਰਜਿਤ੍ਵਾ ਕਪ੍ਪਬਿਨ੍ਦੁਂ ਦਤ੍ਵਾ ਪਮਾਣਯੁਤ੍ਤਮੇਵ ਅਧਿਟ੍ਠਾਤਬ੍ਬਂ, ਤਸ੍ਸ ਪਮਾਣਂ ਉਕ੍ਕਟ੍ਠਪਰਿਚ੍ਛੇਦੇਨ ਸੁਗਤਚੀਵਰਤੋ ਊਨਕਂ ਵਟ੍ਟਤਿ, ਲਾਮਕਪਰਿਚ੍ਛੇਦੇਨ ਸਙ੍ਘਾਟਿਯਾ ¶ ਤਾਵ ਉਤ੍ਤਰਾਸਙ੍ਗਸ੍ਸ ¶ ਚ ਦੀਘਤੋ ਮੁਟ੍ਠਿਪਞ੍ਚਕਂ, ਤਿਰਿਯਂ ਮੁਟ੍ਠਿਤ੍ਤਿਕਂ, ਅਨ੍ਤਰਵਾਸਕੋ ਦੀਘਤੋ ਮੁਟ੍ਠਿਪਞ੍ਚਕੋ ¶ , ਤਿਰਿਯਂ ਦ੍ਵਿਹਤ੍ਥੋਪਿ ਵਟ੍ਟਤਿ. ਵੁਤ੍ਤਪ੍ਪਮਾਣਤੋ ਪਨ ਅਤਿਰੇਕਞ੍ਚ ਊਨਕਞ੍ਚ ‘‘ਪਰਿਕ੍ਖਾਰਚੋਲ਼’’ਨ੍ਤਿ ਅਧਿਟ੍ਠਾਤਬ੍ਬਂ. ਤਤ੍ਥ ਯਸ੍ਮਾ ‘‘ਦ੍ਵੇ ਚੀਵਰਸ੍ਸ ਅਧਿਟ੍ਠਾਨਾਨਿ ਕਾਯੇਨ ਵਾ ਅਧਿਟ੍ਠੇਤਿ, ਵਾਚਾਯ ਵਾ ਅਧਿਟ੍ਠੇਤੀ’’ਤਿ ਵੁਤ੍ਤਂ, ਤਸ੍ਮਾ ਪੁਰਾਣਸਙ੍ਘਾਟਿਂ ‘‘ਇਮਂ ਸਙ੍ਘਾਟਿਂ ਪਚ੍ਚੁਦ੍ਧਰਾਮੀ’’ਤਿ ਪਚ੍ਚੁਦ੍ਧਰਿਤ੍ਵਾ ਨਵਂ ਹਤ੍ਥੇਨ ਗਹੇਤ੍ਵਾ ‘‘ਇਮਂ ਸਙ੍ਘਾਟਿਂ ਅਧਿਟ੍ਠਾਮੀ’’ਤਿ ਚਿਤ੍ਤੇਨ ਆਭੋਗਂ ਕਤ੍ਵਾ ਕਾਯਵਿਕਾਰਂ ਕਰੋਨ੍ਤੇਨ ਕਾਯੇਨ ਵਾ ਅਧਿਟ੍ਠਾਤਬ੍ਬਾ, ਵਚੀਭੇਦਂ ਕਤ੍ਵਾ ਵਾਚਾਯ ਵਾ ਅਧਿਟ੍ਠਾਤਬ੍ਬਾ. ਤਤ੍ਰ ਦੁਵਿਧਂ ਅਧਿਟ੍ਠਾਨਂ – ਸਚੇ ਹਤ੍ਥਪਾਸੇ ਹੋਤਿ, ‘‘ਇਮਂ ਸਙ੍ਘਾਟਿਂ ਅਧਿਟ੍ਠਾਮੀ’’ਤਿ ਵਾਚਾ ਭਿਨ੍ਦਿਤਬ੍ਬਾ. ਅਥ ਅਨ੍ਤੋਗਬ੍ਭਾਦੀਸੁ ਸਾਮਨ੍ਤਵਿਹਾਰੇ ਵਾ ਹੋਤਿ, ਠਪਿਤਟ੍ਠਾਨਂ ਸਲ੍ਲਕ੍ਖੇਤ੍ਵਾ ‘‘ਏਤਂ ਸਙ੍ਘਾਟਿਂ ਅਧਿਟ੍ਠਾਮੀ’’ਤਿ ਵਾਚਾ ਭਿਨ੍ਦਿਤਬ੍ਬਾ. ਏਸ ਨਯੋ ਉਤ੍ਤਰਾਸਙ੍ਗੇ ਚ ਅਨ੍ਤਰਵਾਸਕੇ ਚ. ਨਾਮਮਤ੍ਤਮੇਵ ਹਿ ਵਿਸੇਸੋ. ਤਸ੍ਮਾ ਸਬ੍ਬਾਨਿ ਸਙ੍ਘਾਟਿਂ ਉਤ੍ਤਰਾਸਙ੍ਗਂ ਅਨ੍ਤਰਵਾਸਕਨ੍ਤਿ ਏਵਂ ਅਤ੍ਤਨੋ ਅਤ੍ਤਨੋ ਨਾਮੇਨੇਵ ਅਧਿਟ੍ਠਾਤਬ੍ਬਾਨਿ. ਸਚੇ ਅਧਿਟ੍ਠਹਿਤ੍ਵਾ ਠਪਿਤਵਤ੍ਥੇਹਿ ਸਙ੍ਘਾਟਿਆਦੀਨਿ ਕਰੋਤਿ, ਨਿਟ੍ਠਿਤੇ ਰਜਨੇ ਚ ਕਪ੍ਪੇ ਚ ‘‘ਇਮਂ ਪਚ੍ਚੁਦ੍ਧਰਾਮੀ’’ਤਿ ਪਚ੍ਚੁਦ੍ਧਰਿਤ੍ਵਾ ਪੁਨ ਅਧਿਟ੍ਠਾਤਬ੍ਬਾਨਿ. ਇਦਞ੍ਚ ਪਨ ਤਿਚੀਵਰਂ ਸੁਖਪਰਿਭੋਗਤ੍ਥਂ ਪਰਿਕ੍ਖਾਰਚੋਲ਼ਂ ਅਧਿਟ੍ਠਾਤੁਮ੍ਪਿ ਵਟ੍ਟਤਿ.

ਵਸ੍ਸਿਕਸਾਟਿਕਾ ਅਨਤਿਰਿਤ੍ਤਪਮਾਣਾ ਨਾਮਂ ਗਹੇਤ੍ਵਾ ਵੁਤ੍ਤਨਯੇਨੇਵ ਚਤ੍ਤਾਰੋ ਵਸ੍ਸਿਕੇ ਮਾਸੇ ਅਧਿਟ੍ਠਾਤਬ੍ਬਾ, ਤਤੋ ਪਰਂ ਪਚ੍ਚੁਦ੍ਧਰਿਤ੍ਵਾ ਵਿਕਪ੍ਪੇਤਬ੍ਬਾ, ਵਣ੍ਣਭੇਦਮਤ੍ਤਰਤ੍ਤਾਪਿ ਚੇਸਾ ਵਟ੍ਟਤਿ, ਦ੍ਵੇ ਪਨ ਨ ਵਟ੍ਟਨ੍ਤਿ. ਨਿਸੀਦਨਂ ਵੁਤ੍ਤਨਯੇਨ ਅਧਿਟ੍ਠਾਤਬ੍ਬਮੇਵ, ਤਞ੍ਚ ਖੋ ਪਮਾਣਯੁਤ੍ਤਂ ਏਕਮੇਵ, ਦ੍ਵੇ ਨ ਵਟ੍ਟਨ੍ਤਿ. ਪਚ੍ਚਤ੍ਥਰਣਮ੍ਪਿ ਅਧਿਟ੍ਠਾਤਬ੍ਬਮੇਵ, ਤਂ ਪਨ ਮਹਨ੍ਤਮ੍ਪਿ ਏਕਮ੍ਪਿ ਬਹੂਨਿਪਿ ਵਟ੍ਟਨ੍ਤਿ, ਨੀਲਮ੍ਪਿ ਪੀਤਕਮ੍ਪਿ ਸਦਸਮ੍ਪਿ ਪੁਪ੍ਫਦਸਮ੍ਪੀਤਿ ਸਬ੍ਬਪ੍ਪਕਾਰਮ੍ਪਿ ਵਟ੍ਟਤਿ. ਕਣ੍ਡੁਪ੍ਪਟਿਚ੍ਛਾਦਿ ਯਾਵ ਆਬਾਧੋ ਅਤ੍ਥਿ, ਤਾਵ ਪਮਾਣਿਕਾ ਅਧਿਟ੍ਠਾਤਬ੍ਬਾ, ਆਬਾਧੇ ਵੂਪਸਨ੍ਤੇ ਪਚ੍ਚੁਦ੍ਧਰਿਤ੍ਵਾ ਵਿਕਪ੍ਪੇਤਬ੍ਬਾ, ਸਾ ਏਕਾਵ ਵਟ੍ਟਤਿ. ਮੁਖਪੁਞ੍ਛਨਚੋਲ਼ਂ ਅਧਿਟ੍ਠਾਤਬ੍ਬਮੇਵ, ਤਂ ਪਨ ਏਕਮ੍ਪਿ ਬਹੂਨਿਪਿ ਮਹਨ੍ਤਮ੍ਪਿ ਵਟ੍ਟਤਿਯੇਵ. ਪਰਿਕ੍ਖਾਰਚੋਲ਼ੇ ਗਣਨਾ ਨਤ੍ਥਿ, ਯਤ੍ਤਕਂ ਇਚ੍ਛਤਿ, ਤਤ੍ਤਕਂ ਅਧਿਟ੍ਠਾਤਬ੍ਬਮੇਵ. ਥਵਿਕਾਪਿ ਪਰਿਸ੍ਸਾਵਨਮ੍ਪਿ ਵਿਕਪ੍ਪਨੁਪਗਂ ਪਚ੍ਛਿਮਪਮਾਣਂ ‘‘ਪਰਿਕ੍ਖਾਰਚੋਲ਼’’ਨ੍ਤਿ ਅਧਿਟ੍ਠਾਤਬ੍ਬਮੇਵ, ਬਹੂਨਿਪਿ ਏਕਤੋ ਕਤ੍ਵਾ ‘‘ਇਮਾਨਿ ਚੀਵਰਾਨਿ ਪਰਿਕ੍ਖਾਰਚੋਲ਼ਾਨਿ ਅਧਿਟ੍ਠਾਮੀ’’ਤਿਆਦਿਨਾ ਨਯੇਨ ਅਧਿਟ੍ਠਾਤੁਂ ਵਟ੍ਟਤਿਯੇਵ. ਮਞ੍ਚਭਿਸਿ ਪੀਠਭਿਸਿ ਬਿਬ੍ਬੋਹਨਂ ¶ ਪਾਵਾਰੋ ਕੋਜਵੋਤਿ ਏਤੇਸੁ ਪਨ ਸੇਨਾਸਨਪਰਿਕ੍ਖਾਰਤ੍ਥਾਯ ਦਿਨ੍ਨਪਚ੍ਚਤ੍ਥਰਣੇ ਚ ਅਧਿਟ੍ਠਾਨਕਿਚ੍ਚਂ ਨਤ੍ਥਿਯੇਵ. ਸਬ੍ਬਞ੍ਚ ਪਨੇਤਂ ਵੁਤ੍ਤਪ੍ਪਕਾਰੇਨ ਅਧਿਟ੍ਠਿਤਚੀਵਰਂ ਅਞ੍ਞਸ੍ਸ ਦਾਨੇਨ, ਅਚ੍ਛਿਨ੍ਦਿਤ੍ਵਾ ਗਹਣੇਨ, ਵਿਸ੍ਸਾਸਗ੍ਗਾਹੇਨ, ਹੀਨਾਯਾਵਤ੍ਤਨੇਨ, ਸਿਕ੍ਖਾਪਚ੍ਚਕ੍ਖਾਨੇਨ, ਕਾਲਙ੍ਕਿਰਿਯਾਯ, ਲਿਙ੍ਗਪਰਿਵਤ੍ਤਨੇਨ, ਪਚ੍ਚੁਦ੍ਧਰਣੇਨਾਤਿ ਇਮੇਹਿ ਅਟ੍ਠਹਿ ਕਾਰਣੇਹਿ ਅਧਿਟ੍ਠਾਨਂ ਵਿਜਹਤਿ. ਤਿਚੀਵਰਂ ਪਨ ਕਨਿਟ੍ਠਙ੍ਗੁਲਿਨਖਪਿਟ੍ਠਿਪ੍ਪਮਾਣੇਨ ਛਿਦ੍ਦੇਨਾਪਿ ਵਿਜਹਤਿ, ਤਞ੍ਚ ¶ ਖੋ ਵਿਨਿਬ੍ਬੇਧੇਨੇਵ. ਸਚੇ ਹਿ ਛਿਦ੍ਦਸ੍ਸ ਅਬ੍ਭਨ੍ਤਰੇ ਏਕਤਨ੍ਤੁਪਿ ਅਚ੍ਛਿਨ੍ਨੋ ਹੋਤਿ, ਰਕ੍ਖਤਿਯੇਵ. ਤਤ੍ਥ ਸਙ੍ਘਾਟਿਯਾ ਚ ਉਤ੍ਤਰਾਸਙ੍ਗਸ੍ਸ ਚ ਦੀਘਨ੍ਤਤੋ ਵਿਦਤ੍ਥਿਪ੍ਪਮਾਣਸ੍ਸ ਤਿਰਿਯਨ੍ਤਤੋ ¶ ਅਟ੍ਠਙ੍ਗੁਲਪ੍ਪਮਾਣਸ੍ਸ ਪਦੇਸਸ੍ਸ ਓਰਤੋ ਛਿਦ੍ਦਂ ਅਧਿਟ੍ਠਾਨਂ ਭਿਨ੍ਦਤਿ, ਅਨ੍ਤਰਵਾਸਕੇਪਿ ਦੀਘਨ੍ਤਤੋ ਏਤਦੇਵ ਪਮਾਣਂ, ਤਿਰਿਯਨ੍ਤੇਨ ਪਨ ਚਤੁਰਙ੍ਗੁਲਤਾ ਵੇਦਿਤਬ੍ਬਾ. ਤਿਣ੍ਣਨ੍ਨਮ੍ਪਿ ਵੁਤ੍ਤੋਕਾਸਸ੍ਸ ਪਰਤੋ ਨ ਭਿਨ੍ਦਤਿ, ਤਸ੍ਮਾ ਛਿਦ੍ਦੇ ਜਾਤੇ ਤਿਚੀਵਰਂ ਅਤਿਰੇਕਚੀਵਰਟ੍ਠਾਨੇ ਤਿਟ੍ਠਤਿ, ਸੂਚਿਕਮ੍ਮਂ ਕਤ੍ਵਾ ਪੁਨ ਅਧਿਟ੍ਠਾਤਬ੍ਬਂ. ਵਸ੍ਸਿਕਸਾਟਿਕਾ ਵਸ੍ਸਾਨਮਾਸਾਤਿਕ੍ਕਮੇਨਾਪਿ, ਕਣ੍ਡੁਪ੍ਪਟਿਚ੍ਛਾਦਿ ਆਬਾਧਵੂਪਸਮੇਨਾਪਿ ਅਧਿਟ੍ਠਾਨਂ ਵਿਜਹਤਿ. ਤਸ੍ਮਾ ਸਾ ਤਤੋ ਪਰਂ ਵਿਕਪ੍ਪੇਤਬ੍ਬਾ. ਵਿਕਪ੍ਪਨਲਕ੍ਖਣਂ ਪਨ ਸਬ੍ਬਚੀਵਰਾਨਂ ਵਿਕਪ੍ਪਨਸਿਕ੍ਖਾਪਦੇਯੇਵ ਵਣ੍ਣਯਿਸ੍ਸਾਮ. ਕੇਵਲਞ੍ਹਿ ਇਮਸ੍ਮਿਂ ਓਕਾਸੇ ਯਂ ਏਵਂ ਅਨਧਿਟ੍ਠਿਤਂ ਅਵਿਕਪ੍ਪਿਤਞ੍ਚ, ਤਂ ‘‘ਅਤਿਰੇਕਚੀਵਰ’’ਨ੍ਤਿ ਵੇਦਿਤਬ੍ਬਂ.

ਤਂ ਅਤਿਕ੍ਕਾਮਯਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਨ੍ਤਿ ਤਂ ਯਥਾਵੁਤ੍ਤਜਾਤਿਪ੍ਪਮਾਣਂ ਚੀਵਰਂਦਸਾਹਪਰਮਂ ਕਾਲਂ ਅਤਿਕ੍ਕਾਮਯਤੋ ਏਤ੍ਥਨ੍ਤਰੇ ਯਥਾ ਅਤਿਰੇਕਚੀਵਰਂ ਨ ਹੋਤਿ, ਤਥਾ ਅਕ੍ਰੁਬ੍ਬਤੋ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਤਞ੍ਚ ਚੀਵਰਂ ਨਿਸ੍ਸਗ੍ਗਿਯਂ ਹੋਤਿ, ਪਾਚਿਤ੍ਤਿਯਂ ਆਪਤ੍ਤਿ ਚਸ੍ਸ ਹੋਤੀਤਿ ਅਤ੍ਥੋ. ਅਥ ਵਾ ਨਿਸ੍ਸਜ੍ਜਨਂ ਨਿਸ੍ਸਗ੍ਗਿਯਂ, ਪੁਬ੍ਬਭਾਗੇ ਕਤ੍ਤਬ੍ਬਸ੍ਸ ਵਿਨਯਕਮ੍ਮਸ੍ਸੇਤਂ ਨਾਮਂ, ਨਿਸ੍ਸਗ੍ਗਿਯਮਸ੍ਸ ਅਤ੍ਥੀਤਿ ਨਿਸ੍ਸਗ੍ਗਿਯਮਿਚ੍ਚੇਵ. ਕਿਂ ਤਂ? ਪਾਚਿਤ੍ਤਿਯਂ. ਤਂ ਅਤਿਕ੍ਕਾਮਯਤੋ ਸਹ ਨਿਸ੍ਸਗ੍ਗਿਯੇਨ ਨਿਸ੍ਸਗ੍ਗਿਯਵਿਨਯਕਮ੍ਮਂ ਪਾਚਿਤ੍ਤਿਯਂ ਹੋਤੀਤਿ ਅਯਮੇਤ੍ਥ ਅਤ੍ਥੋ. ਤਞ੍ਚ ਪਨੇਤਂ ਚੀਵਰਂ ਯਂ ਦਿਵਸਂ ਉਪ੍ਪਨ੍ਨਂ, ਤਸ੍ਸ ਯੋ ਅਰੁਣੋ, ਸੋ ਉਪ੍ਪਨ੍ਨਦਿਵਸਨਿਸ੍ਸਿਤੋ, ਤਸ੍ਮਾ ਚੀਵਰੁਪ੍ਪਾਦਦਿਵਸੇਨ ਸਦ੍ਧਿਂ ਏਕਾਦਸੇ ਅਰੁਣੁਗ੍ਗਮਨੇ ਦਸਾਹਾਤਿਕ੍ਕਮਿਤਂ ਹੋਤਿ, ਤਂ ਗਹੇਤ੍ਵਾ ਸਙ੍ਘਸ੍ਸ ਵਾ ਗਣਸ੍ਸ ਵਾ ਪੁਗ੍ਗਲਸ੍ਸ ਵਾ ਨਿਸ੍ਸਜ੍ਜਿਤਬ੍ਬਂ, ਤਤ੍ਰਾਯਂ ਨਯੋ – ਸਙ੍ਘਸ੍ਸ ਤਾਵ ਏਵਂ ਨਿਸ੍ਸਜ੍ਜਿਤਬ੍ਬਂ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਦਸਹਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ ਨਿਸ੍ਸਜ੍ਜਿਤ੍ਵਾ ‘‘ਅਹਂ, ਭਨ੍ਤੇ, ਏਕਂ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ ਆਪਨ੍ਨੋ, ਤਂ ¶ ਪਟਿਦੇਸੇਮੀ’’ਤਿ ਏਵਂ ਆਪਤ੍ਤਿ ਦੇਸੇਤਬ੍ਬਾ. ਸਚੇ ਦ੍ਵੇ ਹੋਨ੍ਤਿ, ‘‘ਦ੍ਵੇ’’ਤਿ ਵਤ੍ਤਬ੍ਬਂ, ਸਚੇ ਤਦੁਤ੍ਤਰਿ, ‘‘ਸਮ੍ਬਹੁਲਾ’’ਤਿ ਵਤ੍ਤਬ੍ਬਂ. ਨਿਸ੍ਸਜ੍ਜਨੇਪਿ ਸਚੇ ਦ੍ਵੇ ਵਾ ਬਹੂਨਿ ਵਾ ਹੋਨ੍ਤਿ, ‘‘ਇਮਾਨਿ ਮੇ, ਭਨ੍ਤੇ, ਚੀਵਰਾਨਿ ਦਸਾਹਾਤਿਕ੍ਕਨ੍ਤਾਨਿ ਨਿਸ੍ਸਗ੍ਗਿਯਾਨਿ, ਇਮਾਨਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ ਵਤ੍ਤਬ੍ਬਂ, ਪਾਲ਼ਿਂ ਵਤ੍ਤੁਂ ਅਸਕ੍ਕੋਨ੍ਤੇਨ ਅਞ੍ਞਥਾਪਿ ਵਤ੍ਤਬ੍ਬਂ. ਬ੍ਯਤ੍ਤੇਨ ਭਿਕ੍ਖੁਨਾ ਪਟਿਬਲੇਨ ਸਙ੍ਘੋ ਞਾਪੇਤਬ੍ਬੋ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਆਪਤ੍ਤਿਂ ਸਰਤਿ ਵਿਵਰਤਿ ਉਤ੍ਤਾਨਿਂ ਕਰੋਤਿ ਦੇਸੇਤਿ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ, ਅਹਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਆਪਤ੍ਤਿਂ ਪਟਿਗ੍ਗਣ੍ਹੇਯ੍ਯ’’ਨ੍ਤਿ (ਚੂਲ਼ਵ. ੨੩੯), ਇਮਿਨਾ ਲਕ੍ਖਣੇਨ ਆਪਤ੍ਤਿਂ ਪਟਿਗ੍ਗਣ੍ਹਿਤ੍ਵਾ ਵਤ੍ਤਬ੍ਬੋ ‘‘ਪਸ੍ਸਸੀ’’ਤਿ, ‘‘ਆਮ ਪਸ੍ਸਾਮੀ’’ਤਿ, ‘‘ਆਯਤਿਂ ਸਂਵਰੇਯ੍ਯਾਸੀ’’ਤਿ, ‘‘ਸਾਧੁ ਸੁਟ੍ਠੁ ਸਂਵਰਿਸ੍ਸਾਮੀ’’ਤਿ. ਦ੍ਵੀਸੁ ਪਨ ਸਮ੍ਬਹੁਲਾਸੁ ਵਾ ਪੁਰਿਮਨਯੇਨੇਵ ਵਚਨਭੇਦੋ ਕਾਤਬ੍ਬੋ. ਦੇਸਿਤਾਯ ¶ ਆਪਤ੍ਤਿਯਾ ‘‘ਸੁਣਾਤੁ ਮੇ, ਭਨ੍ਤੇ, ਸਙ੍ਘੋ, ਇਦਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯਂ ਸਙ੍ਘਸ੍ਸ ਨਿਸ੍ਸਟ੍ਠਂ, ਯਦਿ ਸਙ੍ਘਸ੍ਸ ਪਤ੍ਤਕਲ੍ਲਂ ¶ , ਸਙ੍ਘੋ ਇਮਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯਾ’’ਤਿ (ਪਾਰਾ. ੪੬੪) ਏਵਂ ਨਿਸ੍ਸਟ੍ਠਚੀਵਰਂ ਦਾਤਬ੍ਬਂ, ਦ੍ਵੀਸੁ ਬਹੂਸੁ ਵਾ ਵਚਨਭੇਦੋ ਕਾਤਬ੍ਬੋ.

ਗਣਸ੍ਸ ਪਨ ਨਿਸ੍ਸਜ੍ਜਨ੍ਤੇਨ ‘‘ਇਮਾਹ’’ਨ੍ਤਿ ਵਾ ‘‘ਇਮਾਨਿ ਅਹ’’ਨ੍ਤਿ ਵਾ ਵਤ੍ਵਾ ‘‘ਆਯਸ੍ਮਨ੍ਤਾਨਂ ਨਿਸ੍ਸਜ੍ਜਾਮੀ’’ਤਿ ਵਤ੍ਤਬ੍ਬਂ, ਆਪਤ੍ਤਿਪ੍ਪਟਿਗ੍ਗਾਹਕੇਨਾਪਿ ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ, ਅਯਂ ਇਤ੍ਥਨ੍ਨਾਮੋ ਭਿਕ੍ਖੁ ਆਪਤ੍ਤਿਂ ਸਰਤਿ…ਪੇ… ਦੇਸੇਤਿ, ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲ’’ਨ੍ਤਿ ਵਤ੍ਤਬ੍ਬਂ, ਚੀਵਰਦਾਨੇਪਿ ‘‘ਸੁਣਨ੍ਤੁ ਮੇ ਆਯਸ੍ਮਨ੍ਤਾ, ਇਦਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਨਿਸ੍ਸਗ੍ਗਿਯਂ ਆਯਸ੍ਮਨ੍ਤਾਨਂ ਨਿਸ੍ਸਟ੍ਠਂ, ਯਦਾਯਸ੍ਮਨ੍ਤਾਨਂ ਪਤ੍ਤਕਲ੍ਲਂ, ਆਯਸ੍ਮਨ੍ਤਾ ਇਮਂ ਚੀਵਰਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਦੇਯ੍ਯੁ’’ਨ੍ਤਿ (ਪਾਰਾ. ੪੬੬) ਵਤ੍ਤਬ੍ਬਂ, ਸੇਸਂ ਪੁਰਿਮਸਦਿਸਮੇਵ. ਪੁਗ੍ਗਲਸ੍ਸ ਪਨ ਨਿਸ੍ਸਜ੍ਜਨ੍ਤੇਨ ‘‘ਇਮਾਹ’’ਨ੍ਤਿ ਵਾ ‘‘ਇਮਾਨਿ ਅਹ’’ਨ੍ਤਿ ਵਾ ਵਤ੍ਵਾ ‘‘ਆਯਸ੍ਮਤੋ ਨਿਸ੍ਸਜ੍ਜਾਮੀ’’ਤਿ ਵਤ੍ਤਬ੍ਬਂ, ਨਿਸ੍ਸਜ੍ਜਿਤ੍ਵਾ ‘‘ਅਹਂ, ਭਨ੍ਤੇ, ਏਕਂ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ ਆਪਨ੍ਨੋ, ਤਂ ਪਟਿਦੇਸੇਮੀ’’ਤਿ ਏਵਂ ਆਪਤ੍ਤਿ ਦੇਸੇਤਬ੍ਬਾ. ਸਚੇ ਪਨ ਨਵਕਤਰੋ ਹੋਤਿ, ‘‘ਆਵੁਸੋ’’ਤਿ ਵਤ੍ਤਬ੍ਬਂ, ਤੇਨਾਪਿ ‘‘ਪਸ੍ਸਸੀ’’ਤਿ ਵਾ ‘‘ਪਸ੍ਸਥਾ’’ਤਿ ਵਾ ਵੁਤ੍ਤੇ ‘‘ਆਮ, ਭਨ੍ਤੇ’’ਤਿ ਵਾ ‘‘ਆਮ ਆਵੁਸੋ’’ਤਿ ਵਾ ਵਤ੍ਵਾ ‘‘ਪਸ੍ਸਾਮੀ’’ਤਿ ਵਤ੍ਤਬ੍ਬਂ, ਤਤੋ ‘‘ਆਯਤਿਂ ਸਂਵਰੇਯ੍ਯਾਸੀ’’ਤਿ ਵਾ ‘‘ਸਂਵਰੇਯ੍ਯਾਥਾ’’ਤਿ ਵਾ ਵੁਤ੍ਤੇ ‘‘ਸਾਧੁ ਸੁਟ੍ਠੁ ਸਂਵਰਿਸ੍ਸਾਮੀ’’ਤਿ ਵਤ੍ਤਬ੍ਬਂ. ਏਵਂ ਦੇਸਿਤਾਯ ਆਪਤ੍ਤਿਯਾ ‘‘ਇਮਂ ਚੀਵਰਂ ਆਯਸ੍ਮਤੋ ਦਮ੍ਮੀ’’ਤਿ ਦਾਤਬ੍ਬਂ, ਦ੍ਵੀਸੁ ਤੀਸੁ ¶ ਵਾ ਪੁਬ੍ਬੇ ਵੁਤ੍ਤਾਨੁਸਾਰੇਨੇਵ ਨਯੋ ਵੇਦਿਤਬ੍ਬੋ. ਦ੍ਵਿਨ੍ਨਂ ਪਨ ਯਥਾ ਗਣਸ੍ਸ, ਏਵਂ ਨਿਸ੍ਸਜ੍ਜਿਤਬ੍ਬਂ, ਤਤੋ ਆਪਤ੍ਤਿਪ੍ਪਟਿਗ੍ਗਹਣਞ੍ਚ ਨਿਸ੍ਸਟ੍ਠਚੀਵਰਦਾਨਞ੍ਚ ਤੇਸਂ ਅਞ੍ਞਤਰੇਨ ਯਥਾ ਏਕੇਨ ਪੁਗ੍ਗਲੇਨ, ਤਥਾ ਕਾਤਬ੍ਬਂ, ਇਦਂ ਪਨ ਸਬ੍ਬਨਿਸ੍ਸਗ੍ਗਿਯੇਸੁ ਵਿਧਾਨਂ. ਚੀਵਰਂ ਪਤ੍ਤੋ ਨਿਸੀਦਨਨ੍ਤਿ ਵਤ੍ਥੁਮਤ੍ਤਮੇਵ ਹਿ ਨਾਨਂ, ਪਰਮ੍ਮੁਖਂ ਪਨ ਵਤ੍ਥੁ ‘‘ਏਤ’’ਨ੍ਤਿ ਨਿਸ੍ਸਜ੍ਜਿਤਬ੍ਬਂ. ਸਚੇ ਬਹੂਨਿ ਹੋਨ੍ਤਿ, ‘‘ਏਤਾਨੀ’’ਤਿ ਵਤ੍ਤਬ੍ਬਂ. ਨਿਸ੍ਸਟ੍ਠਦਾਨੇਪਿ ਏਸੇਵ ਨਯੋ. ਨਿਸ੍ਸਟ੍ਠਵਤ੍ਥੁਂ ‘‘ਦਿਨ੍ਨਮਿਦਂ ਇਮਿਨਾ ਮਯ੍ਹ’’ਨ੍ਤਿ ਸਞ੍ਞਾਯ ਨ ਪਟਿਦੇਨ੍ਤਸ੍ਸ ਦੁਕ੍ਕਟਂ, ਤਸ੍ਸ ਸਨ੍ਤਕਭਾਵਂ ਞਤ੍ਵਾ ਲੇਸੇਨ ਅਚ੍ਛਿਨ੍ਦਨ੍ਤੋ ਸਾਮਿਕਸ੍ਸ ਧੁਰਨਿਕ੍ਖੇਪੇਨ ਭਣ੍ਡਂ ਅਗ੍ਘਾਪੇਤ੍ਵਾ ਕਾਰੇਤਬ੍ਬੋਤਿ.

ਵੇਸਾਲਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਅਤਿਰੇਕਚੀਵਰਧਾਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਦਸਾਹਪਰਮ’’ਨ੍ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਨ੍ਤਸ੍ਸ ਦੁਕ੍ਕਟਂ, ਯਥਾ ਚ ਇਧ, ਏਵਂ ਸਬ੍ਬਤ੍ਥ, ਤਸ੍ਮਾ ਨਂ ਪਰਤੋ ਨ ਵਕ੍ਖਾਮ. ਦਸਾਹਂ ਅਨਤਿਕ੍ਕਨ੍ਤੇਪਿ ਅਤਿਕ੍ਕਨ੍ਤਸਞ੍ਞਿਨੋ ਵੇਮਤਿਕਸ੍ਸ ਚ ਦੁਕ੍ਕਟਂ. ਅਤਿਕ੍ਕਨ੍ਤੇ ਅਨਤਿਕ੍ਕਨ੍ਤਸਞ੍ਞਿਨੋਪਿ ਵੇਮਤਿਕਸ੍ਸਪਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਮੇਵ, ਤਥਾ ਅਨਧਿਟ੍ਠਿਤਾਵਿਕਪ੍ਪਿਤਅਅਸ੍ਸਜ੍ਜਿਤਅਨਟ੍ਠਾਵਿਨਟ੍ਠਅਦਡ੍ਢਾਵਿਲੁਤ੍ਤੇਸੁ ਅਧਿਟ੍ਠਿਤਾਦਿਸਞ੍ਞਿਨੋ. ਅਨ੍ਤੋਦਸਾਹਂ ਅਧਿਟ੍ਠਿਤੇ ਵਿਕਪ੍ਪਿਤੇ ¶ ਵਿਸ੍ਸਜ੍ਜਿਤੇ ਨਟ੍ਠੇ ਵਿਨਟ੍ਠੇ ਦਡ੍ਢੇ ਅਚ੍ਛਿਨ੍ਨੇ ਵਿਸ੍ਸਾਸੇਨ ਗਾਹਿਤੇ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਆਚਾਰਵਿਪਤ੍ਤਿ, ਯਥਾ ਚ ਇਦਂ, ਏਵਂ ਇਤੋ ਪਰਾਨਿਪਿ, ਉਭਤੋਪਾਤਿਮੋਕ੍ਖੇਸੁਪਿ ਹਿ ਪਾਰਾਜਿਕਾਨਿ ਚ ਸਙ੍ਘਾਦਿਸੇਸਾ ਚ ਸੀਲਵਿਪਤ੍ਤਿ, ਸੇਸਾਪਤ੍ਤਿਯੋ ਆਚਾਰਵਿਪਤ੍ਤਿ, ਆਜੀਵਵਿਪਤ੍ਤਿ ਵਾ ਦਿਟ੍ਠਿਵਿਪਤ੍ਤਿ ਵਾ ਕਾਚਿ ਆਪਤ੍ਤਿ ਨਾਮ ਨਤ੍ਥਿ. ਆਜੀਵਵਿਪਤ੍ਤਿਪਚ੍ਚਯਾ ¶ ਪਨ ਠਪੇਤ੍ਵਾ ਦੁਬ੍ਭਾਸਿਤਂ ਛ ਆਪਤ੍ਤਿਕ੍ਖਨ੍ਧਾ ਪਞ੍ਞਤ੍ਤਾ, ਦਿਟ੍ਠਿਵਿਪਤ੍ਤਿਪਚ੍ਚਯਾ ਪਾਚਿਤ੍ਤਿਯਦੁਕ੍ਕਟਵਸੇਨ ਦ੍ਵੇ ਆਪਤ੍ਤਿਕ੍ਖਨ੍ਧਾ ਪਞ੍ਞਤ੍ਤਾਤਿ, ਇਦਮੇਤ੍ਥ ਲਕ੍ਖਣਂ, ਇਤਿ ਵਿਪਤ੍ਤਿਕਥਾ ਇਧੇਵ ਨਿਟ੍ਠਿਤਾਤਿ, ਨ ਨਂ ਇਤੋ ਪਰਂ ਵਿਚਾਰਯਿਸ੍ਸਾਮ. ਜਾਤਿਪ੍ਪਮਾਣਸਮ੍ਪਨ੍ਨਸ੍ਸ ਚੀਵਰਸ੍ਸ ਅਤ੍ਤਨੋ ਸਨ੍ਤਕਤਾ, ਗਣਨੁਪਗਤਾ, ਛਿਨ੍ਨਪਲਿਬੋਧਭਾਵੋ, ਅਤਿਰੇਕਚੀਵਰਤਾ, ਦਸਾਹਾਤਿਕ੍ਕਮੋਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਕਥਿਨਸਮੁਟ੍ਠਾਨਂ, ਅਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਕਥਿਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ¶ ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾਤਿਏਤ੍ਥ ਪੁਰਿਮਸਿਕ੍ਖਾਪਦੇ ਵਿਯ ਅਤ੍ਥਂ ਅਗ੍ਗਹੇਤ੍ਵਾ ਨਿਟ੍ਠਿਤੇ ਚੀਵਰਸ੍ਮਿਂ ਭਿਕ੍ਖੁਨੋਤਿ ਏਵਂ ਸਾਮਿਵਸੇਨ ਕਰਣਵਚਨਸ੍ਸ ਅਤ੍ਥੋ ਵੇਦਿਤਬ੍ਬੋ. ਕਰਣਵਸੇਨ ਹਿ ਭਿਕ੍ਖੁਨਾ ਇਦਂ ਨਾਮ ਕਮ੍ਮਂ ਕਾਤਬ੍ਬਂ, ਤਂ ਨਤ੍ਥਿ, ਸਾਮਿਵਸੇਨ ਪਨ ਭਿਕ੍ਖੁਨੋ ਚੀਵਰਸ੍ਮਿਂ ਨਿਟ੍ਠਿਤੇ ਕਥਿਨੇ ਚ ਉਬ੍ਭਤੇ ਏਵਂ ਇਮੇਹਿ ਚੀਵਰਨਿਟ੍ਠਾਨਕਥਿਨੁਬ੍ਭਾਰੇਹਿ ਛਿਨ੍ਨਪਲਿਬੋਧੋ ਏਕਰਤ੍ਤਮ੍ਪਿ ਚੇ ਭਿਕ੍ਖੁ ਤਿਚੀਵਰੇਨ ਵਿਪ੍ਪਵਸੇਯ੍ਯਾਤਿ ਏਵਂ ਅਤ੍ਥੋ ਯੁਜ੍ਜਤਿ. ਤਤ੍ਥ ਤਿਚੀਵਰੇਨਾਤਿ ਤਿਚੀਵਰਾਧਿਟ੍ਠਾਨਨਯੇਨ ਅਧਿਟ੍ਠਿਤੇਸੁ ਸਙ੍ਘਾਟਿਆਦੀਸੁ ਯੇਨਕੇਨਚਿ. ਵਿਪ੍ਪਵਸੇਯ੍ਯਾਤਿ ਵਿਯੁਤ੍ਤੋ ਵਸੇਯ੍ਯ, ‘‘ਗਾਮੋ ਏਕੂਪਚਾਰੋ ਨਾਨੂਪਚਾਰੋ’’ਤਿਆਦਿਨਾ (ਪਾਰਾ. ੪੭੭) ਨਯੇਨ ਪਾਲ਼ਿਯਂ ਵੁਤ੍ਤਾਨਂ ਗਾਮਨਿਗਮਨਨਿਵੇਸਨਉਦੋਸਿਤਅਟ੍ਟਮਾਲ਼ਪਾਸਾਦਹਮ੍ਮਿਯਨਾਵਾਸਤ੍ਥਖੇਤ੍ਤਧਞ੍ਞਕਰਣਆਰਾਮਵਿਹਾਰਰੁਕ੍ਖਮੂਲਅਜ੍ਝੋਕਾਸਪ੍ਪਭੇਦਾਨਂ ਪਨ੍ਨਰਸਾਨਂ ਨਿਕ੍ਖੇਪਟ੍ਠਾਨਾਨਂ ਯਤ੍ਥਕਤ੍ਥਚਿ ਨਿਕ੍ਖਿਪਿਤ੍ਵਾ ਤੇਸਂ ਗਾਮਾਦੀਨਂ ਬਹਿ ਹਤ੍ਥਪਾਸਾਤਿਕ੍ਕਮੇਨ ਅਰੁਣਂ ਉਟ੍ਠਾਪੇਯ੍ਯਾਤਿ ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ (ਪਾਰਾ. ਅਟ੍ਠ. ੨.੪੭੩-੪੭੭-੮) ਵੁਤ੍ਤੋ. ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਯਂ ਸਙ੍ਘੋ ਗਿਲਾਨਸ੍ਸ ਭਿਕ੍ਖੁਨੋ ਤਿਚੀਵਰੇਨ ਅਵਿਪ੍ਪਵਾਸਸਮ੍ਮੁਤਿਂ ਦੇਤਿ, ਤਂ ਠਪੇਤ੍ਵਾ ਅਲਦ੍ਧਸਮ੍ਮੁਤਿਕਸ੍ਸ ਭਿਕ੍ਖੁਨੋ ਏਕਰਤ੍ਤਮ੍ਪਿ ਵਿਪ੍ਪਵਾਸਤੋ ਵੁਤ੍ਤਨਯੇਨੇਵ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਨ੍ਤਿ ਵੇਦਿਤਬ੍ਬਂ, ਕੇਵਲਂ ਇਧ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਰਤ੍ਤਿਵਿਪ੍ਪਵੁਤ੍ਥਂ ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ ਨਿਸ੍ਸਗ੍ਗਿਯ’’ਨ੍ਤਿਆਦਿਨਾ ਨਯੇਨ ਵਚਨਭੇਦੋ ਹੋਤਿ, ਅਯਂ ਪਨ ਵਿਸੇਸੋ.

ਸਾਵਤ੍ਥਿਯਂ ¶ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਸਨ੍ਤਰੁਤ੍ਤਰੇਨ ਜਨਪਦਚਾਰਿਕਂ ਪਕ੍ਕਮਨਵਤ੍ਥੁਸ੍ਮਿਂ

ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਅਵਿਪ੍ਪਵੁਤ੍ਥੇ ਵਿਪ੍ਪਵੁਤ੍ਥਸਞ੍ਞਿਨੋ ਚੇਵ ਵੇਮਤਿਕਸ੍ਸ ਚ ਦੁਕ੍ਕਟਂ. ਵਿਪ੍ਪਵੁਤ੍ਥੇ ਵਿਪ੍ਪਵੁਤ੍ਥਸਞ੍ਞਿਨੋਪਿ ਅਵਿਪ੍ਪਵੁਤ੍ਥਸਞ੍ਞਿਨੋਪਿ ਵੇਮਤਿਕਸ੍ਸਾਪਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਤਥਾ ਅਪਚ੍ਚੁਦ੍ਧਟਅਵਿਸ੍ਸਜ੍ਜਿਤਾਦੀਸੁ ਚ ਪਚ੍ਚੁਦ੍ਧਟਵਿਸ੍ਸਜ੍ਜਿਤਾਦਿਸਞ੍ਞਿਨੋ. ਅਨ੍ਤੋਅਰੁਣੇ ਪਚ੍ਚੁਦ੍ਧਟੇ ਪਨ ਪਠਮਕਥਿਨੇ ਵੁਤ੍ਤਵਿਸ੍ਸਜ੍ਜਿਤਾਦਿਭੇਦੇ ਚ ਅਨਾਪਤ੍ਤਿ, ਤਥਾ ਲਦ੍ਧਸਮ੍ਮੁਤਿਕਸ੍ਸ ¶ ਵਿਪ੍ਪਵਾਸੇ. ਆਬਾਧੇ ਪਨ ਵੂਪਸਨ੍ਤੇ ਪਚ੍ਚਾਗਨ੍ਤਬ੍ਬਂ, ਤਤ੍ਥੇਵ ਵਾ ਠਿਤੇਨ ਪਚ੍ਚੁਦ੍ਧਰਿਤਬ੍ਬਂ, ਅਥਾਪਿਸ੍ਸ ਪੁਨ ਸੋ ਵਾ ਅਞ੍ਞੋ ਵਾ ਆਬਾਧੋ ਕੁਪ੍ਪਤਿ, ਲਦ੍ਧਕਪ੍ਪਿਯਮੇਵ. ਅਧਿਟ੍ਠਿਤਚੀਵਰਤਾ ¶ , ਅਨਤ੍ਥਤਕਥਿਨਤਾ, ਅਲਦ੍ਧਸਮ੍ਮੁਤਿਕਤਾ, ਰਤ੍ਤਿਵਿਪ੍ਪਵਾਸੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਕਥਿਨੇ ਵੁਤ੍ਤਪ੍ਪਕਾਰਾਨੇਵ. ਕੇਵਲਞ੍ਹਿ ਤਤ੍ਥ ਅਨਧਿਟ੍ਠਾਨਂ ਅਵਿਕਪ੍ਪਨਞ੍ਚ ਅਕਿਰਿਯਾ, ਇਧ ਅਪ੍ਪਚ੍ਚੁਦ੍ਧਰਣਂ, ਅਯਂ ਵਿਸੇਸੋਤਿ.

ਉਦੋਸਿਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ਨਿਟ੍ਠਿਤਚੀਵਰਸ੍ਮਿਂ ਭਿਕ੍ਖੁਨਾਤਿ ਸਾਮਿਵਸੇਨੇਵ ਕਰਣਤ੍ਥੋ ਵੇਦਿਤਬ੍ਬੋ. ਅਕਾਲਚੀਵਰਂ ਨਾਮ ਯ੍ਵਾਯਂ ‘‘ਅਨਤ੍ਥਤੇ ਕਥਿਨੇ ਵਸ੍ਸਾਨਸ੍ਸ ਪਚ੍ਛਿਮੋ ਮਾਸੋ, ਅਤ੍ਥਤੇ ਕਥਿਨੇ ਪਞ੍ਚਮਾਸਾ’’ਤਿ (ਪਾਰਾ. ੬੪੯) ਚੀਵਰਕਾਲੋ ਵੁਤ੍ਤੋ, ਤਂ ਠਪੇਤ੍ਵਾ ਅਞ੍ਞਦਾ ਉਪ੍ਪਨ੍ਨਂ, ਯਞ੍ਚ ਕਾਲੇਪਿ ਸਙ੍ਘਸ੍ਸ ਵਾ ‘‘ਇਦਂ ਅਕਾਲਚੀਵਰ’’ਨ੍ਤਿ, ਪੁਗ੍ਗਲਸ੍ਸ ਵਾ ‘‘ਇਦਂ ਤੁਯ੍ਹਂ ਦਮ੍ਮੀ’’ਤਿਆਦਿਨਾ ਨਯੇਨ ਦਿਨ੍ਨਂ, ਏਤਂ ਅਕਾਲਚੀਵਰਂ ਨਾਮ. ਉਪ੍ਪਜ੍ਜੇਯ੍ਯਾਤਿ ਏਵਰੂਪਂ ਚੀਵਰਂ ਅਤ੍ਤਨੋ ਭਾਗਪਟਿਲਾਭਵਸੇਨ ਸਙ੍ਘਤੋ ਵਾ ਸੁਤ੍ਤਨ੍ਤਿਕਾਦਿਗਣਤੋ ਵਾ ਞਾਤਿਤੋ ਵਾ ਮਿਤ੍ਤਤੋ ਵਾ ਪਂਸੁਕੂਲਂ ਵਾ ਅਤ੍ਤਨੋ ਵਾ ਧਨੇਨ (ਪਾਰਾ. ੫੦੦), ਅਥ ਵਾ ਪਨ ‘‘ਅਟ੍ਠਿਮਾ, ਭਿਕ੍ਖਵੇ, ਮਾਤਿਕਾ ਚੀਵਰਸ੍ਸ ਉਪ੍ਪਾਦਾਯ ਸੀਮਾਯ ਦੇਤਿ, ਕਤਿਕਾਯ ਦੇਤਿ, ਭਿਕ੍ਖਾਪਞ੍ਞਤ੍ਤਿਕਾਯ ਦੇਤਿ, ਸਙ੍ਘਸ੍ਸ ਦੇਤਿ, ਉਭਤੋਸਙ੍ਘਸ੍ਸ ਦੇਤਿ, ਵਸ੍ਸਂਵੁਟ੍ਠਸਙ੍ਘਸ੍ਸ ਦੇਤਿ, ਆਦਿਸ੍ਸ ਦੇਤਿ, ਪੁਗ੍ਗਲਸ੍ਸ ਦੇਤੀ’’ਤਿ (ਮਹਾਵ. ੩੭੯) ਇਮਾਸਂ ਅਟ੍ਠਨ੍ਨਂ ਮਾਤਿਕਾਨਂ ਅਞ੍ਞਤਰਤੋ ਉਪ੍ਪਜ੍ਜੇਯ੍ਯ. ਏਤ੍ਥ ਚ ‘‘ਸੀਮਾਯ ਦਮ੍ਮੀ’’ਤਿ ਏਵਂ ਸੀਮਂ ਪਰਾਮਸਿਤ੍ਵਾ ਦੇਨ੍ਤੋ ਸੀਮਾਯ ਦੇਤਿ ਨਾਮ, ਏਸ ਨਯੋ ਸਬ੍ਬਤ੍ਥ. ਏਤ੍ਥ ਚ ਸੀਮਾਤਿ ਖਣ੍ਡਸੀਮਾ ਉਪਚਾਰਸੀਮਾ ਸਮਾਨਸਂਵਾਸਸੀਮਾ ਅਵਿਪ੍ਪਵਾਸਸੀਮਾ ਲਾਭਸੀਮਾ ਗਾਮਸੀਮਾ ਨਿਗਮਸੀਮਾ ਨਗਰਸੀਮਾ ਅਬ੍ਭਨ੍ਤਰਸੀਮਾ ਉਦਕੁਕ੍ਖੇਪਸੀਮਾ ਜਨਪਦਸੀਮਾ ਰਟ੍ਠਸੀਮਾ ਰਜ੍ਜਸੀਮਾ ਦੀਪਸੀਮਾ ਚਕ੍ਕਵਾਲ਼ਸੀਮਾਤਿ ਪਨ੍ਨਰਸਵਿਧਾ. ਤਤ੍ਥ ਉਪਚਾਰਸੀਮਾ ਨਾਮ ਪਰਿਕ੍ਖਿਤ੍ਤਸ੍ਸ ਵਿਹਾਰਸ੍ਸ ਪਰਿਕ੍ਖੇਪੇਨ, ਅਪਰਿਕ੍ਖਿਤ੍ਤਸ੍ਸ ਪਰਿਕ੍ਖੇਪਾਰਹਟ੍ਠਾਨੇਨ ਪਰਿਚ੍ਛਿਨ੍ਨਾ. ਅਪਿ ਚ ਭਿਕ੍ਖੂਨਂ ਧੁਵਸਨ੍ਨਿਪਾਤਟ੍ਠਾਨਤੋ ਵਾ ਪਰਿਯਨ੍ਤੇ ¶ ਠਿਤਭੋਜਨਸਾਲਤੋ ਵਾ ਨਿਬਦ੍ਧਵਸਨਕਆਵਾਸਤੋ ਵਾ ਥਾਮਮਜ੍ਝਿਮਸ੍ਸ ਪੁਰਿਸਸ੍ਸ ਦ੍ਵਿਨ੍ਨਂ ਲੇਡ੍ਡੁਪਾਤਾਨਂ ਅਨ੍ਤੋ ‘‘ਉਪਚਾਰਸੀਮਾ’’ਤਿ ਵੇਦਿਤਬ੍ਬਾ. ਸਾ ਪਨ ਆਵਾਸੇ ਵਡ੍ਢਨ੍ਤੇ ਵਡ੍ਢਤਿ, ਹਾਯਨ੍ਤੇ ਹਾਯਤਿ ¶ , ਯੋਜਨਸਤਮ੍ਪਿ ਉਪਚਾਰਸੀਮਾਵ ਹੋਤਿ. ਤਤ੍ਥ ਦਿਨ੍ਨਲਾਭੋ ਸਬ੍ਬੇਸਂ ਅਨ੍ਤੋਸੀਮਗਤਾਨਂ ਪਾਪੁਣਾਤਿ, ਭਿਕ੍ਖੁਨੀਨਂ ਆਰਾਮਪਵੇਸਨਸੇਨਾਸਨਾਪੁਚ੍ਛਨਾਨਿ ਪਰਿਵਾਸਮਾਨਤ੍ਤਾਰੋਚਨਂ ਵਸ੍ਸਚ੍ਛੇਦਨਿਸ੍ਸਯਸੇਨਾਸਨਗ੍ਗਾਹਾਦਿਵਿਧਾਨਨ੍ਤਿ ਇਦਮ੍ਪਿ ਸਬ੍ਬਂ ਇਮਿਸ੍ਸਾਵ ਸੀਮਾਯ ਵਸੇਨ ਵੇਦਿਤਬ੍ਬਂ. ਲਾਭਸੀਮਾਤਿ ਯਂ ਰਾਜਰਾਜਮਹਾਮਤ੍ਤਾਦਯੋ ਵਿਹਾਰਂ ਕਾਰਾਪੇਤ੍ਵਾ ਗਾਵੁਤਂ ਵਾ ਅਦ੍ਧਯੋਜਨਂ ਵਾ ਯੋਜਨਂ ਵਾ ਸਮਨ੍ਤਾ ਪਰਿਚ੍ਛਿਨ੍ਦਿਤ੍ਵਾ ‘‘ਅਯਂ ਅਮ੍ਹਾਕਂ ਵਿਹਾਰਸ੍ਸ ਲਾਭਸੀਮਾ, ਯਂ ਏਤ੍ਥਨ੍ਤਰੇ ¶ ਉਪ੍ਪਜ੍ਜਤਿ, ਤਂ ਸਬ੍ਬਂ ਅਮ੍ਹਾਕਂ ਵਿਹਾਰਸ੍ਸ ਦੇਮਾ’’ਤਿ ਠਪੇਨ੍ਤਿ, ਅਯਂ ਲਾਭਸੀਮਾ ਨਾਮ. ਕਾਸਿਕੋਸਲਾਦੀਨਂ ਪਨ ਰਟ੍ਠਾਨਂ ਅਨ੍ਤੋ ਬਹੂ ਜਨਪਦਾ ਹੋਨ੍ਤਿ, ਤਤ੍ਥ ਏਕੋ ਜਨਪਦਪਰਿਚ੍ਛੇਦੋ ਜਨਪਦਸੀਮਾ, ਕਾਸਿਕੋਸਲਾਦਿਰਟ੍ਠਪਰਿਚ੍ਛੇਦੋ ਰਟ੍ਠਸੀਮਾ, ਏਕਸ੍ਸ ਰਞ੍ਞੋ ਆਣਾਪਵਤ੍ਤਿਟ੍ਠਾਨਂ ਰਜ੍ਜਸੀਮਾ, ਸਮੁਦ੍ਦਨ੍ਤੇਨ ਪਰਿਚ੍ਛਿਨ੍ਨੋ ਮਹਾਦੀਪੋ ਵਾ ਅਨ੍ਤਰਦੀਪੋ ਵਾ ਦੀਪਸੀਮਾ, ਏਕਚਕ੍ਕਵਾਲ਼ਪਬ੍ਬਤਪਰਿਕ੍ਖੇਪਬ੍ਭਨ੍ਤਰਂ ਚਕ੍ਕਵਾਲ਼ਸੀਮਾ, ਸੇਸਾ ਨਿਦਾਨਕਥਾਯਂ ਵੁਤ੍ਤਨਯਾ ਏਵ. ਤਤ੍ਥ ‘‘ਖਣ੍ਡਸੀਮਾਯ ਦੇਮਾ’’ਤਿ ਦਿਨ੍ਨਂ ਖਣ੍ਡਸੀਮਟ੍ਠਾਨਂਯੇਵ ਪਾਪੁਣਾਤਿ, ਤਤੋ ਬਹਿਸੀਮਾਯ ਸੀਮਨ੍ਤਰਿਕਟ੍ਠਾਨਮ੍ਪਿ ਨ ਪਾਪੁਣਾਤਿ. ‘‘ਉਪਚਾਰਸੀਮਾਯ ਦੇਮਾ’’ਤਿ ਦਿਨ੍ਨਂ ਪਨ ਅਨ੍ਤੋਪਰਿਚ੍ਛੇਦੇ ਖਣ੍ਡਸੀਮਾਸੀਮਨ੍ਤਰਿਕਾਸੁ ਠਿਤਾਨਮ੍ਪਿ ਪਾਪੁਣਾਤਿ, ਸਮਾਨਸਂਵਾਸਸੀਮਾਯ ਦਿਨ੍ਨਂ ਖਣ੍ਡਸੀਮਾਸੀਮਨ੍ਤਰਿਕਟ੍ਠਾਨਂ ਨ ਪਾਪੁਣਾਤਿ, ਅਵਿਪ੍ਪਵਾਸਸੀਮਾਲਾਭਸੀਮਾਸੁ ਦਿਨ੍ਨਂ ਤਾਸਂ ਅਨ੍ਤੋਗਧਾਨਂਯੇਵ ਪਾਪੁਣਾਤਿ, ਗਾਮਸੀਮਾਦੀਸੁ ਦਿਨ੍ਨਂ ਤਾਸਂ ਸੀਮਾਨਂ ਅਬ੍ਭਨ੍ਤਰੇ ਬਦ੍ਧਸੀਮਟ੍ਠਾਨਮ੍ਪਿ ਪਾਪੁਣਾਤਿ, ਅਬ੍ਭਨ੍ਤਰਸੀਮਾਉਦਕੁਕ੍ਖੇਪਸੀਮਾਸੁ ਦਿਨ੍ਨਂ ਤਤ੍ਥ ਅਨ੍ਤੋਗਧਾਨਂਯੇਵ ਪਾਪੁਣਾਤਿ, ਜਨਪਦਸੀਮਾਦੀਸੁ ਦਿਨ੍ਨਮ੍ਪਿ ਤਾਸਂ ਅਬ੍ਭਨ੍ਤਰੇ ਬਦ੍ਧਸੀਮਟ੍ਠਾਨਮ੍ਪਿ ਪਾਪੁਣਾਤਿ, ਤਸ੍ਮਾ ਯਂ ਜਮ੍ਬੁਦੀਪੇ ਠਤ੍ਵਾ ‘‘ਤਮ੍ਬਪਣ੍ਣਿਦੀਪੇ ਸਙ੍ਘਸ੍ਸ ਦੇਮਾ’’ਤਿ ਦੀਯਤਿ, ਤਂ ਤਮ੍ਬਪਣ੍ਣਿਦੀਪਤੋ ਏਕੋਪਿ ਗਨ੍ਤ੍ਵਾ ਸਬ੍ਬੇਸਂ ਸਙ੍ਗਣ੍ਹਿਤੁਂ ਲਭਤਿ. ਸਚੇਪਿ ਤਤ੍ਥੇਵ ਏਕੋ ਸਭਾਗੋ ਭਿਕ੍ਖੁ ਸਭਾਗਾਨਂ ਭਾਗਂ ਗਣ੍ਹਾਤਿ, ਨ ਵਾਰੇਤਬ੍ਬੋ. ਯੋ ਪਨ ਵਿਹਾਰਂ ਪਵਿਸਿਤ੍ਵਾ ‘‘ਅਸੁਕਸੀਮਾਯਾ’’ਤਿ ਅਵਤ੍ਵਾਵ ਕੇਵਲਂ ‘‘ਸੀਮਾਯ ਦਮ੍ਮੀ’’ਤਿ ਵਦਤਿ, ਸੋ ਪੁਚ੍ਛਿਤਬ੍ਬੋ ‘‘ਸੀਮਾ ਨਾਮ ਬਹੁਵਿਧਾ, ਕਤਰਂ ਸਨ੍ਧਾਯ ਵਦਸੀ’’ਤਿ, ਸਚੇ ਵਦਤਿ ‘‘ਅਹਮੇਤਂ ਭੇਦਂ ਨ ਜਾਨਾਮਿ, ਸੀਮਟ੍ਠਕਸਙ੍ਘੋ ਗਣ੍ਹਤੂ’’ਤਿ, ਉਪਚਾਰਸੀਮਟ੍ਠੇਹਿ ਭਾਜੇਤਬ੍ਬਂ.

ਕਤਿਕਾਯਾਤਿਏਤ੍ਥ ਕਤਿਕਾ ਨਾਮ ਸਮਾਨਲਾਭਕਤਿਕਾ. ਸਾ ਪਨ ਏਵਂ ਕਾਤਬ੍ਬਾ, ਏਕਸ੍ਮਿਂ ਵਿਹਾਰੇ ਸਨ੍ਨਿਪਤਿਤੇਹਿ ਭਿਕ੍ਖੂਹਿ ਯਂ ਵਿਹਾਰਂ ਸਙ੍ਗਣ੍ਹਿਤੁਕਾਮਾ ਸਮਾਨਲਾਭਂ ਕਾਤੁਂ ਇਚ੍ਛਨ੍ਤਿ, ਤਸ੍ਸ ਨਾਮਂ ਗਹੇਤ੍ਵਾ ‘‘ਅਸੁਕੋ ਨਾਮ ਵਿਹਾਰੋ ਪੋਰਾਣਕੋ ਅਪ੍ਪਲਾਭੋ’’ਤਿ ਯਂ ¶ ਕਿਞ੍ਚਿ ਕਾਰਣਂ ਵਤ੍ਵਾ ‘‘ਤਂ ਵਿਹਾਰਂ ਇਮਿਨਾ ਵਿਹਾਰੇਨ ਸਦ੍ਧਿਂ ਏਕਲਾਭਂ ਕਾਤੁਂ ਸਙ੍ਘਸ੍ਸ ਰੁਚ੍ਚਤੀ’’ਤਿ ਤਿਕ੍ਖਤ੍ਤੁਂ ਸਾਵੇਤਬ੍ਬਂ, ਏਤ੍ਤਾਵਤਾ ਤਸ੍ਮਿਂ ਵਿਹਾਰੇ ਨਿਸਿਨ੍ਨੋਪਿ ਇਧ ਨਿਸਿਨ੍ਨੋਵ ਹੋਤਿ, ਤਸ੍ਮਿਂ ਵਿਹਾਰੇਪਿ ਏਵਮੇਵ ¶ ਕਾਤਬ੍ਬਂ, ਏਤ੍ਤਾਵਤਾ ਇਧ ਨਿਸਿਨ੍ਨੋਪਿ ਤਸ੍ਮਿਂ ਨਿਸਿਨ੍ਨੋਵ ਹੋਤਿ. ਏਕਸ੍ਮਿਂ ਵਿਹਾਰੇ ਲਾਭੇ ਭਾਜਿਯਮਾਨੇ ਇਤਰਸ੍ਮਿਂ ਠਿਤਸ੍ਸ ਭਾਗਂ ਗਹੇਤੁਂ ਵਟ੍ਟਤਿ.

ਭਿਕ੍ਖਾਪਞ੍ਞਤ੍ਤਿਯਾਤਿ ਏਤ੍ਥ ਭਿਕ੍ਖਾਪਞ੍ਞਤ੍ਤਿ ਨਾਮ ਦਾਯਕਸ੍ਸ ਪਰਿਚ੍ਚਾਗਪਞ੍ਞਤ੍ਤਿਟ੍ਠਾਨਂ, ਤਸ੍ਮਾ ‘‘ਯਤ੍ਥ ਮਯ੍ਹਂ ਧੁਵਕਾਰਾ ਕਰੀਯਨ੍ਤਿ, ਤਤ੍ਥ ਦਮ੍ਮੀ’’ਤਿ ਵਾ ‘‘ਤਤ੍ਥ ਦੇਥਾ’’ਤਿ ਵਾ ਵੁਤ੍ਤੇ ਯਤ੍ਥ ਤਸ੍ਸ ਪਾਕਵਤ੍ਤਂ ਵਾ ਵਤ੍ਤਤਿ, ਯਤੋ ਵਾ ਭਿਕ੍ਖੂ ਨਿਚ੍ਚਂ ਭੋਜੇਤਿ, ਯਤ੍ਥ ਵਾ ਤੇਨ ਕਿਞ੍ਚਿ ਸੇਨਾਸਨਂ ਕਤਂ, ਸਬ੍ਬਤ੍ਥ ਦਿਨ੍ਨਮੇਵ ਹੋਤਿ. ਸਚੇ ਪਨ ਏਕਸ੍ਮਿਂ ¶ ਧੁਵਕਾਰਟ੍ਠਾਨੇ ਥੋਕਤਰਾ ਭਿਕ੍ਖੂ ਹੋਨ੍ਤਿ, ਏਕਮੇਵ ਵਾ ਵਤ੍ਥਂ ਹੋਤਿ, ਮਾਤਿਕਂ ਆਰੋਪੇਤ੍ਵਾ ਯਥਾ ਸੋ ਵਦਤਿ, ਤਥਾ ਗਹੇਤਬ੍ਬਂ.

ਸਙ੍ਘਸ੍ਸ ਦੇਤੀਤਿ ਏਤ੍ਥ ਵਿਹਾਰਂ ਪਵਿਸਿਤ੍ਵਾ ‘‘ਸਙ੍ਘਸ੍ਸ ਦਮ੍ਮੀ’’ਤਿ ਦਿਨ੍ਨਂ ਉਪਚਾਰਸੀਮਾਗਤਾਨਞ੍ਚ ਤਤੋ ਬਹਿਦ੍ਧਾਪਿ ਤੇਹਿ ਸਦ੍ਧਿਂ ਏਕਾਬਦ੍ਧਾਨਞ੍ਚ ਪਾਪੁਣਾਤਿ, ਤਸ੍ਮਾ ਤੇਸਂ ਗਾਹਕੇ ਸਤਿ ਅਸਮ੍ਪਤ੍ਤਾਨਮ੍ਪਿ ਭਾਗੋ ਦਾਤਬ੍ਬੋ. ਯਂ ਪਨ ਬਹਿ ਉਪਚਾਰਸੀਮਾਯ ਭਿਕ੍ਖੂ ਦਿਸ੍ਵਾ ‘‘ਸਙ੍ਘਸ੍ਸਾ’’ਤਿ ਦੀਯਤਿ, ਤਂ ਏਕਾਬਦ੍ਧਪਰਿਸਾਯ ਪਾਪੁਣਾਤਿ. ਯੇ ਪਨ ਦ੍ਵਾਦਸਹਿ ਹਤ੍ਥੇਹਿ ਪਰਿਸਂ ਅਸਮ੍ਪਤ੍ਤਾ, ਤੇਸਂ ਨ ਪਾਪੁਣਾਤਿ.

ਉਭਤੋਸਙ੍ਘਸ੍ਸਾਤਿ ਏਤ੍ਥ ਪਨ ਯਂ ਉਭਤੋਸਙ੍ਘਸ੍ਸ ਦਿਨ੍ਨਂ, ਤਤੋ ਉਪਡ੍ਢਂ ਭਿਕ੍ਖੂਨਂ, ਉਪਡ੍ਢਂ ਭਿਕ੍ਖੁਨੀਨਂ ਦਾਤਬ੍ਬਂ. ਸਚੇਪਿ ਏਕੋ ਭਿਕ੍ਖੁ ਹੋਤਿ, ਏਕਾ ਵਾ ਭਿਕ੍ਖੁਨੀ, ਅਨ੍ਤਮਸੋ ਅਨੁਪਸਮ੍ਪਨ੍ਨਸ੍ਸਾਪਿ ਉਪਡ੍ਢਮੇਵ ਦਾਤਬ੍ਬਂ. ‘‘ਉਭਤੋਸਙ੍ਘਸ੍ਸ ਚ ਤੁਯ੍ਹਞ੍ਚਾ’’ਤਿ ਵੁਤ੍ਤੇ ਪਨ ਸਚੇ ਦਸ ਭਿਕ੍ਖੂ ਚ ਦਸ ਭਿਕ੍ਖੁਨਿਯੋ ਚ ਹੋਨ੍ਤਿ, ਏਕਵੀਸਤਿ ਪਟਿਵੀਸੇ ਕਤ੍ਵਾ ਏਕੋ ਪੁਗ੍ਗਲਸ੍ਸ ਦਾਤਬ੍ਬੋ, ਦਸ ਭਿਕ੍ਖੁਸਙ੍ਘਸ੍ਸ, ਦਸ ਭਿਕ੍ਖੁਨਿਸਙ੍ਘਸ੍ਸ ਚ, ਯੇਨ ਪੁਗ੍ਗਲਿਕੋ ਲਦ੍ਧੋ, ਸੋ ਸਙ੍ਘਤੋਪਿ ਅਤ੍ਤਨੋ ਵਸ੍ਸਗ੍ਗੇਨ ਗਹੇਤੁਂ ਲਭਤਿ, ਕਸ੍ਮਾ? ਉਭਤੋਸਙ੍ਘਗ੍ਗਹਣੇਨ ਗਹਿਤਤ੍ਤਾ, ‘‘ਉਭਤੋਸਙ੍ਘਸ੍ਸ ਚ ਚੇਤਿਯਸ੍ਸ ਚਾ’’ਤਿ ਵੁਤ੍ਤੇਪਿ ਏਸੇਵ ਨਯੋ. ਇਧ ਪਨ ਚੇਤਿਯਸ੍ਸ ਸਙ੍ਘਤੋ ਪਾਪੁਣਕੋਟ੍ਠਾਸੋ ਨਾਮ ਨਤ੍ਥਿ, ਏਕਪੁਗ੍ਗਲਸ੍ਸ ਪਤ੍ਤਕੋਟ੍ਠਾਸਸਮੋ ਏਕੋ ਕੋਟ੍ਠਾਸੋ ਹੋਤਿ. ‘‘ਭਿਕ੍ਖੁਸਙ੍ਘਸ੍ਸ ਚ ਭਿਕ੍ਖੁਨੀਨਞ੍ਚਾ’’ਤਿ ਵੁਤ੍ਤੇ ਪਨ ਨ ਮਜ੍ਝੇ ਭਿਨ੍ਦਿਤ੍ਵਾ ਦਾਤਬ੍ਬਂ, ਭਿਕ੍ਖੂ ਚ ਭਿਕ੍ਖੁਨਿਯੋ ਚ ਗਣੇਤ੍ਵਾ ਦਾਤਬ੍ਬਂ. ‘‘ਭਿਕ੍ਖੁਸਙ੍ਘਸ੍ਸ ਚ ਭਿਕ੍ਖੁਨੀਨਞ੍ਚ ਤੁਯ੍ਹਞ੍ਚਾ’’ਤਿ ਵੁਤ੍ਤੇ ਪੁਗ੍ਗਲੋ ਵਿਸੁਂ ਨ ਲਭਤਿ, ਪਾਪੁਣਕੋਟ੍ਠਾਸਤੋ ਏਕਮੇਵ ਲਭਤਿ ¶ . ‘‘ਚੇਤਿਯਸ੍ਸ ਚਾ’’ਤਿ ਵੁਤ੍ਤੇ ਪਨ ਚੇਤਿਯਸ੍ਸ ਏਕੋ ਪੁਗ੍ਗਲਪਟਿਵੀਸੋ ਲਬ੍ਭਤਿ. ‘‘ਭਿਕ੍ਖੂਨਞ੍ਚ ਭਿਕ੍ਖੁਨੀਨਞ੍ਚਾ’’ਤਿ ਵੁਤ੍ਤੇਪਿ ਨ ਮਜ੍ਝੇ ਭਿਨ੍ਦਿਤ੍ਵਾ ਦਾਤਬ੍ਬਂ, ਪੁਗ੍ਗਲਗਣਨਾਯ ਏਵ ਵਿਭਜਿਤਬ੍ਬਂ, ਤੇਹਿ ਸਦ੍ਧਿਂ ਪੁਗ੍ਗਲਚੇਤਿਯਪਰਾਮਸਨਂ ਅਨਨ੍ਤਰਨਯਸਦਿਸਮੇਵ, ਯਥਾ ਚ ਭਿਕ੍ਖੁਸਙ੍ਘਂ ਆਦਿਂ ਕਤ੍ਵਾ ਨਯੋ ਨੀਤੋ, ਏਵਂ ਭਿਕ੍ਖੁਨਿਸਙ੍ਘਂ ਆਦਿਂ ਕਤ੍ਵਾਪਿ ਨੇਤਬ੍ਬੋ. ‘‘ਭਿਕ੍ਖੁਸਙ੍ਘਸ੍ਸ ਚ ਤੁਯ੍ਹਞ੍ਚਾ’’ਤਿ ਵੁਤ੍ਤੇਪਿ ਪੁਗ੍ਗਲਸ੍ਸ ਵਿਸੁਂ ਨ ਲਬ੍ਭਤਿ ¶ , ਚੇਤਿਯਸ੍ਸ ਪਨ ਲਬ੍ਭਤਿ. ‘‘ਭਿਕ੍ਖੂਨਞ੍ਚ ਤੁਯ੍ਹਞ੍ਚਾ’’ਤਿ ਵੁਤ੍ਤੇਪਿ ਵਿਸੁਂ ਨ ਲਬ੍ਭਤਿ, ਚੇਤਿਯਸ੍ਸ ਪਨ ਲਬ੍ਭਤਿਯੇਵ.

ਵਸ੍ਸਂਵੁਟ੍ਠਸਙ੍ਘਸ੍ਸਾਤਿ ਏਤ੍ਥ ਸਚੇ ਵਿਹਾਰਂ ਪਵਿਸਿਤ੍ਵਾ ‘‘ਵਸ੍ਸਂਵੁਟ੍ਠਸਙ੍ਘਸ੍ਸ ਦਮ੍ਮੀ’’ਤਿ ਵਦਤਿ, ਯੇ ਤਤ੍ਥ ਵਸ੍ਸਚ੍ਛੇਦਂ ਅਕਤ੍ਵਾ ਪੁਰਿਮਵਸ੍ਸਂਵੁਟ੍ਠਾ, ਤੇਸਂ ਬਹਿ ਸੀਮਟ੍ਠਾਨਮ੍ਪਿ ਪਾਪੁਣਾਤਿ, ਨ ਅਞ੍ਞੇਸਂ. ਸਚੇ ਪਨ ਬਹਿਉਪਚਾਰਸੀਮਾਯਂ ਠਿਤੋ ‘‘ਵਸ੍ਸਂਵੁਟ੍ਠਸਙ੍ਘਸ੍ਸਾ’’ਤਿ ਵਦਤਿ, ਯਤ੍ਥਕਤ੍ਥਚਿ ਵੁਟ੍ਠਵਸ੍ਸਾਨਂ ਸਬ੍ਬੇਸਂ ਸਮ੍ਪਤ੍ਤਾਨਂ ਪਾਪੁਣਾਤਿ. ਅਥ ‘‘ਅਸੁਕਵਿਹਾਰੇ ਵਸ੍ਸਂਵੁਟ੍ਠਸ੍ਸਾ’’ਤਿ ਵਦਤਿ, ਤਤ੍ਥ ਵਸ੍ਸਂਵੁਟ੍ਠਾਨਂਯੇਵ ਯਾਵ ਕਥਿਨਸ੍ਸੁਬ੍ਭਾਰਾ ਪਾਪੁਣਾਤਿ. ਗਿਮ੍ਹਾਨਂ ਪਠਮਦਿਵਸਤੋ ਪਟ੍ਠਾਯ ਏਵਂ ਵਦਤਿ, ਤਤ੍ਰ ਸਮ੍ਮੁਖੀਭੂਤਾਨਂ ਸਬ੍ਬੇਸਂ ਪਾਪੁਣਾਤਿ, ਨ ਅਞ੍ਞੇਸਂ.

ਆਦਿਸ੍ਸ ਦੇਤੀਤਿ ਆਦਿਸਿਤ੍ਵਾ ਪਰਿਚ੍ਛਿਨ੍ਦਿਤ੍ਵਾ ਦੇਤਿ, ਕਥਂ? ਭਿਕ੍ਖੂ ਅਜ੍ਜਤਨਾਯ ¶ ਵਾ ਸ੍ਵਾਤਨਾਯ ਵਾ ਯਾਗੁਯਾ ਨਿਮਨ੍ਤੇਤ੍ਵਾ ਤੇ ਘਰੇ ਯਾਗੁਂ ਪਾਯੇਤ੍ਵਾ ‘‘ਇਮਾਨਿ ਚੀਵਰਾਨਿ ਯੇਹਿ ਮਯ੍ਹਂ ਯਾਗੁ ਪੀਤਾ, ਤੇਸਂ ਦਮ੍ਮੀ’’ਤਿ ਵਦਤਿ, ਯੇਹਿ ਨਿਮਨ੍ਤਿਤੇਹਿ ਯਾਗੁ ਪੀਤਾ, ਤੇਸਂਯੇਵ ਪਾਪੁਣਾਤਿ, ਭਤ੍ਤਖਜ੍ਜਕਾਦੀਹਿ ਨਿਮਨ੍ਤਿਤੇਸੁਪਿ ਏਸੇਵ ਨਯੋ.

ਪੁਗ੍ਗਲਸ੍ਸ ਦੇਤੀਤਿ ‘‘ਇਦਂ ਚੀਵਰਂ ਇਤ੍ਥਨ੍ਨਾਮਸ੍ਸ ਦਮ੍ਮੀ’’ਤਿ ਏਵਂ ਪਰਮ੍ਮੁਖਾ ਵਾ, ਪਾਦਮੂਲੇ ਠਪੇਤ੍ਵਾ ‘‘ਇਦਂ ਤੁਮ੍ਹਾਕ’’ਨ੍ਤਿ ਏਵਂ ਸਮ੍ਮੁਖਾ ਵਾ ਦੇਤੀਤਿ ਅਯਮੇਤ੍ਥ ਸਙ੍ਖੇਪਕਥਾ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ ਵੁਤ੍ਤੋ. ਇਤਿ ਇਮਾਸਂ ਅਟ੍ਠਨ੍ਨਂ ਮਾਤਿਕਾਪਦਾਨਂ ਵਸੇਨ ਯਂ ਅਕਾਲਚੀਵਰਲਕ੍ਖਣੇਨ ਪਟਿਲਦ੍ਧਂ, ਤਂ ਸਨ੍ਧਾਯ ‘‘ਅਕਾਲਚੀਵਰਂ ਉਪ੍ਪਜ੍ਜੇਯ੍ਯਾ’’ਤਿ ਵੁਤ੍ਤਂ.

ਆਕਙ੍ਖਮਾਨੇਨਾਤਿ ਇਚ੍ਛਮਾਨੇਨ. ਖਿਪ੍ਪਮੇਵ ਕਾਰੇਤਬ੍ਬਨ੍ਤਿ ਸੀਘਂ ਅਨ੍ਤੋਦਸਾਹੇਯੇਵ ਕਾਰੇਤਬ੍ਬਂ. ਨੋ ਚਸ੍ਸ ਪਾਰਿਪੂਰੀਤਿ ਨੋ ਚੇ ਪਾਰਿਪੂਰੀ ਭਵੇਯ੍ਯ, ਯਤ੍ਤਕੇਨ ਕਰਿਯਮਾਨਂ ਅਧਿਟ੍ਠਾਨਚੀਵਰਂ ਪਹੋਤਿ, ਤਂ ਚੀਵਰਂ ਤਤ੍ਤਕਂ ਨ ਭਵੇਯ੍ਯ, ਊਨਕਂ ਭਵੇਯ੍ਯਾਤਿ ਅਤ੍ਥੋ. ਸਤਿਯਾ ਪਚ੍ਚਾਸਾਯਾਤਿ ‘‘ਅਸੁਕਦਿਵਸਂ ਨਾਮ ਸਙ੍ਘੋ ਚੀਵਰਾਨਿ ਲਭਿਸ੍ਸਤਿ, ਤਤੋ ਮੇ ਚੀਵਰਂ ਉਪ੍ਪਜ੍ਜਿਸ੍ਸਤੀ’’ਤਿਇਮਿਨਾ ¶ ਨਯੇਨ ਸਙ੍ਘਗਣਞਾਤਿਮਿਤ੍ਤੇਸੁ ਵਾ ਅਞ੍ਞਤਰਟ੍ਠਾਨਤੋ, ‘‘ਪਂਸੁਕੂਲਂ ਵਾ ਲਚ੍ਛਾਮੀ’’ਤਿ, ‘‘ਇਮਿਨਾ ਵਾ ਕਪ੍ਪਿਯਭਣ੍ਡੇਨ ਚੀਵਰਂ ਗਣ੍ਹਿਸ੍ਸਾਮੀ’’ਤਿ ਏਵਂ ਵਿਜ੍ਜਮਾਨਾਯ ਚੀਵਰਾਸਾਯ. ਤਤੋ ਚੇ ਉਤ੍ਤਰੀਤਿ ਮਾਸਪਰਮਤੋ ਚੇ ਉਤ੍ਤਰਿ ਨਿਕ੍ਖਿਪੇਯ੍ਯ, ਨਿਸ੍ਸਗ੍ਗਿਯਨ੍ਤਿ ਅਤ੍ਥੋ. ਯਦਿ ਪਨਸ੍ਸ ਮੂਲਚੀਵਰਂ ਸਣ੍ਹਂ ਹੋਤਿ, ਪਚ੍ਚਾਸਾਚੀਵਰਂ ਥੂਲਂ ਹੋਤਿ, ਨ ਸਕ੍ਕਾ ਯੋਜੇਤੁਂ, ਰਤ੍ਤਿਯੋ ਚ ਸੇਸਾ ਹੋਨ੍ਤਿ, ਨ ਤਾਵ ਮਾਸੋ ਪੂਰਤਿ, ਨ ਅਕਾਮਾ ਚੀਵਰਂ ਕਾਰੇਤਬ੍ਬਂ, ਅਞ੍ਞਂ ਪਚ੍ਚਾਸਾਚੀਵਰਂ ਲਭਿਤ੍ਵਾ ਏਵ ਕਾਲਬ੍ਭਨ੍ਤਰੇ ਕਾਰੇਤਬ੍ਬਂ. ਸਚੇ ਨ ਲਭਤਿ, ਪਚ੍ਚਾਸਾਚੀਵਰਮ੍ਪਿ ਪਰਿਕ੍ਖਾਰਚੋਲ਼ਂ ਅਧਿਟ੍ਠਾਤਬ੍ਬਂ. ਅਥ ਮੂਲਚੀਵਰਂ ¶ ਥੂਲਂ ਹੋਤਿ, ਪਚ੍ਚਾਸਾਚੀਵਰਂ ਸਣ੍ਹਂ, ਮੂਲਚੀਵਰਂ ਪਰਿਕ੍ਖਾਰਚੋਲ਼ਂ ਅਧਿਟ੍ਠਹਿਤ੍ਵਾ ਪਚ੍ਚਾਸਾਚੀਵਰਮੇਵ ਮੂਲਚੀਵਰਂ ਕਤ੍ਵਾ ਠਪੇਤਬ੍ਬਂ, ਤਂ ਪੁਨ ਮਾਸਪਰਿਹਾਰਂ ਲਭਤਿ, ਏਤੇਨੁਪਾਯੇਨ ਯਾਵ ਨ ਲਚ੍ਛਤਿ, ਤਾਵ ਅਞ੍ਞਂ ਮੂਲਚੀਵਰਂ ਕਤ੍ਵਾ ਠਪੇਤੁਂ ਲਬ੍ਭਤਿ. ਇਮਸ੍ਸ ‘‘ਇਦਂ ਮੇ, ਭਨ੍ਤੇ, ਅਕਾਲਚੀਵਰਂ ਮਾਸਾਤਿਕ੍ਕਨ੍ਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੦੦) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਕਾਲਚੀਵਰਂ ਪਟਿਗ੍ਗਹੇਤ੍ਵਾ ਮਾਸਂ ਅਤਿਕ੍ਕਮਨਵਤ੍ਥੁਸ੍ਮਿਂ

ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਇਤੋ ਪਰਂ ਸਬ੍ਬਂ ਪਠਮਕਥਿਨੇ ਵੁਤ੍ਤਸਦਿਸਮੇਵ. ਕੇਵਲਞ੍ਹਿ ਤਤ੍ਥ ਦਸਾਹਾਤਿਕ੍ਕਮੋ, ਇਧ ਮਾਸਾਤਿਕ੍ਕਮੋਤਿ ਅਯਂ ਵਿਸੇਸੋ. ਸੇਸਂ ਤਾਦਿਸਮੇਵਾਤਿ.

ਅਕਾਲਚੀਵਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਅਞ੍ਞਾਤਿਕਾਯਾਤਿ ਨ ਞਾਤਿਕਾਯ, ਮਾਤਿਤੋ ਵਾ ਪਿਤਿਤੋ ਵਾ ਯਾਵ ਸਤ੍ਤਮਂ ਯੁਗਂ, ਤਾਵ ਕੇਨਚਿ ਆਕਾਰੇਨ ਅਸਮ੍ਬਦ੍ਧਾਯਾਤਿ ਅਤ੍ਥੋ. ਭਿਕ੍ਖੁਨਿਯਾਤਿ ¶ ਸਾਕਿਯਾਨਿਯੋ ਵਿਯ ਸੁਦ੍ਧਭਿਕ੍ਖੁਸਙ੍ਘੇ ਵਾ ਉਭਤੋਸਙ੍ਘੇ ਵਾ ਉਪਸਮ੍ਪਨ੍ਨਾਯ. ਪੁਰਾਣਚੀਵਰਨ੍ਤਿ ਰਜਿਤ੍ਵਾ ਕਪ੍ਪਂ ਕਤ੍ਵਾ ਏਕਵਾਰਮ੍ਪਿ ਨਿਵਤ੍ਥਂ ਵਾ ਪਾਰੁਤਂ ਵਾ, ਯਂ ਅਨ੍ਤਮਸੋ ਪਰਿਭੋਗਸੀਸੇਨ ਅਂਸੇ ਵਾ ਮਤ੍ਥਕੇ ਵਾ ਕਤ੍ਵਾ ਮਗ੍ਗਂ ਗਤੋ ਹੋਤਿ, ਉਸ੍ਸੀਸਕਂ ਵਾ ਕਤ੍ਵਾ ਨਿਪਨ੍ਨੋ, ਏਤਮ੍ਪਿ ਪੁਰਾਣਚੀਵਰਮੇਵ. ਧੋਵਾਪੇਯ੍ਯ ਵਾਤਿ ਸਚੇ ‘‘ਧੋਵਾ’’ਤਿਵਾਚਾਯ ਵਦਤਿ, ਕਾਯਵਿਕਾਰਂ ਵਾ ਕਰੋਤਿ, ਹਤ੍ਥੇਨ ਵਾ ਹਤ੍ਥੇ ਦੇਤਿ, ਪਾਦਮੂਲੇ ਵਾ ਠਪੇਤਿ, ਅਨ੍ਤੋਦ੍ਵਾਦਸਹਤ੍ਥੇ ਓਕਾਸੇ ਠਤ੍ਵਾ ਉਪਰਿ ਵਾ ਖਿਪਤਿ, ਅਞ੍ਞਸ੍ਸ ਵਾ ¶ ਹਤ੍ਥੇ ਪੇਸੇਤਿ, ਤਾਯ ਧੋਤਂ, ਧੋਵਾਪਿਤਮੇਵ ਹੋਤਿ, ਰਜਾਪਨਾਕੋਟਾਪਨੇਸੁਪਿ ਏਸੇਵ ਨਯੋ. ਸਿਕ੍ਖਮਾਨਾਯ ਵਾ ਸਾਮਣੇਰਿਯਾ ਵਾ ਉਪਾਸਿਕਾਯ ਵਾ ਹਤ੍ਥੇ ਧੋਵਨਤ੍ਥਾਯ ਦੇਤਿ, ਸਾ ਸਚੇ ਉਪਸਮ੍ਪਜ੍ਜਿਤ੍ਵਾ ਧੋਵਤਿ, ਏਵਮ੍ਪਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਉਪਾਸਕਸ੍ਸ ਵਾ ਸਾਮਣੇਰਸ੍ਸ ਵਾ ਹਤ੍ਥੇ ਦਿਨ੍ਨਂ ਹੋਤਿ, ਸੋ ਚੇ ਲਿਙ੍ਗੇ ਪਰਿਵਤ੍ਤੇ ਉਪਸਮ੍ਪਜ੍ਜਿਤ੍ਵਾ ਧੋਵਤਿ, ਦਹਰਸ੍ਸ ਭਿਕ੍ਖੁਸ੍ਸ ਵਾ ਦਿਨ੍ਨਂ ਹੋਤਿ, ਸੋਪਿ ਲਿਙ੍ਗੇ ਪਰਿਵਤ੍ਤੇ ਧੋਵਤਿ, ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਮੇਵ, ਰਜਾਪਨਾਕੋਟਾਪਨੇਸੁਪਿ ਏਸੇਵ ਨਯੋ. ‘‘ਇਦਂ ਮੇ, ਭਨ੍ਤੇ, ਪੁਰਾਣਚੀਵਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਧੋਵਾਪਿਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੦੫) ਇਮਿਨਾ ਪਨੇਤ੍ਥ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਪੁਰਾਣਚੀਵਰਧੋਵਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ ¶ ‘‘ਧੋਵਾ’’ਤਿਆਦਿਕਾਯ ਆਣਤ੍ਤਿਯਾ, ਏਵਂ ਆਣਤ੍ਤਾਯ ਚ ਭਿਕ੍ਖੁਨਿਯਾ ਉਦ੍ਧਨਸਜ੍ਜਨਾਦੀਸੁ ਸਬ੍ਬਪ੍ਪਯੋਗੇਸੁ ਭਿਕ੍ਖੁਨੋ ਦੁਕ੍ਕਟਂ. ਧੋਵਿਤ੍ਵਾ ਉਕ੍ਖਿਤ੍ਤਮਤ੍ਤਂ ਪਨ ਰਤ੍ਤਮਤ੍ਤਂ ਆਕੋਟਿਤਮਤ੍ਤਞ੍ਚ ਨਿਸ੍ਸਗ੍ਗਿਯਂ ਹੋਤਿ, ਧੋਵਨਾਦੀਨਿ ਤੀਣਿਪਿ ਦ੍ਵੇ ਵਾ ਕਾਰਾਪੇਨ੍ਤਸ੍ਸ ਏਕੇਨ ਵਤ੍ਥੁਨਾ ਨਿਸ੍ਸਗ੍ਗਿਯਂ, ਇਤਰੇਹਿ ਦੁਕ੍ਕਟਂ. ਸਚੇ ਪਨ ‘‘ਧੋਵਾ’’ਤਿ ਵੁਤ੍ਤਾ ਸਬ੍ਬਾਨਿਪਿ ਕਰੋਤਿ, ਧੋਵਨਪਚ੍ਚਯਾਵ ਆਪਤ੍ਤਿ. ‘‘ਇਮਸ੍ਮਿਂ ਚੀਵਰੇ ਯਂ ਕਤ੍ਤਬ੍ਬਂ, ਤਂ ਕਰੋਹੀ’’ਤਿ ਵਦਤੋ ਪਨ ਏਕਵਾਚਾਯ ਪਾਚਿਤ੍ਤਿਯੇਨ ਸਦ੍ਧਿਂ ਦ੍ਵੇ ਦੁਕ੍ਕਟਾਨਿ, ਭਿਕ੍ਖੁਨਿਸਙ੍ਘਵਸੇਨ ਏਕਤੋਉਪਸਮ੍ਪਨ੍ਨਾਯ ਧੋਵਾਪੇਨ੍ਤਸ੍ਸ ਅਨਿਸ੍ਸਜ੍ਜਿਤ੍ਵਾ ਪਰਿਭੁਞ੍ਜਨ੍ਤਸ੍ਸ, ਅਞ੍ਞਸ੍ਸ ਵਾ ਸਨ੍ਤਕਂ ਨਿਸੀਦਨਪਚ੍ਚਤ੍ਥਰਣਂ ਵਾ ਧੋਵਾਪੇਨ੍ਤਸ੍ਸ, ਞਾਤਿਕਾਯ ਅਞ੍ਞਾਤਿਕਸਞ੍ਞਿਨੋ ਚੇਵ, ਵੇਮਤਿਕਸ੍ਸ ਚ ਦੁਕ੍ਕਟਂ, ਅਞ੍ਞਾਤਿਕਾਯ ਞਾਤਿਕਸਞ੍ਞਿਨੋਪਿ ਵੇਮਤਿਕਸ੍ਸਾਪਿ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਮੇਵ. ਇਤੋ ਪਰਂ ਪਨ ਏਵਰੂਪੇਸੁ ਠਾਨੇਸੁ ‘‘ਤਿਕਪਾਚਿਤ੍ਤਿਯ’’ਨ੍ਤਿ ਵਕ੍ਖਾਮ, ਸਚੇ ਞਾਤਿਕਾਯ ਸਹਾਯਾ ਅਞ੍ਞਾਤਿਕਾ ‘‘ਧੋਵਾ’’ਤਿ ਅਵੁਤ੍ਤਾ ਵਾ ਧੋਵਤਿ, ਅਪਰਿਭੁਤ੍ਤਂ ਵਾ ਅਞ੍ਞਂ ਵਾ ਪਰਿਕ੍ਖਾਰਂ ਧੋਵਤਿ, ਸਿਕ੍ਖਮਾਨਸਾਮਣੇਰਿਯੋ ਵਾ ਧੋਵਨ੍ਤਿ, ਅਨਾਪਤ੍ਤਿ, ਉਮ੍ਮਤ੍ਤਕਾਦੀਨਂ ਅਨਾਪਤ੍ਤਿਯੇਵ. ਪੁਰਾਣਚੀਵਰਤਾ, ਉਪਚਾਰੇ ਠਤ੍ਵਾ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਆਣਾਪਨਂ, ਤਸ੍ਸਾ ਧੋਵਨਾਦੀਨਿ ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਞ੍ਚਰਿਤ੍ਤਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਪੁਰਾਣਚੀਵਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੫. ਚੀਵਰਪ੍ਪਟਿਗ੍ਗਹਣਸਿਕ੍ਖਾਪਦਵਣ੍ਣਨਾ

ਪਞ੍ਚਮੇ ¶ ਅਞ੍ਞਾਤਿਕਾਯਾਤਿਇਦਂ ਵੁਤ੍ਤਨਯਮੇਵ, ਤਸ੍ਮਾ ਇਤੋ ਪਰਂ ਕਤ੍ਥਚਿ ਨ ਵਿਚਾਰਯਿਸ੍ਸਾਮ. ਚੀਵਰਨ੍ਤਿ ਛਨ੍ਨਂ ਅਞ੍ਞਤਰਂ ¶ ਵਿਕਪ੍ਪਨੁਪਗਂ, ਏਸ ਨਯੋ ਸਬ੍ਬੇਸੁ ਚੀਵਰਪ੍ਪਟਿਸਂਯੁਤ੍ਤਸਿਕ੍ਖਾਪਦੇਸੁ. ਯਤ੍ਥ ਪਨ ਵਿਸੇਸੋ ਭਵਿਸ੍ਸਤਿ, ਤਤ੍ਥ ਵਕ੍ਖਾਮ. ਪਟਿਗ੍ਗਣ੍ਹੇਯ੍ਯਾਤਿਏਤ੍ਥ ਹਤ੍ਥੇਨ ਵਾ ਹਤ੍ਥੇ ਦੇਤੁ, ਪਾਦਮੂਲੇ ਵਾ ਠਪੇਤੁ, ਧਮ੍ਮਕਥਂ ਕਥੇਨ੍ਤਸ੍ਸ ਵਤ੍ਥੇਸੁ ਖਿਪਿਯਮਾਨੇਸੁ ਉਪਚਾਰਂ ਮੁਞ੍ਚਿਤ੍ਵਾਪਿ ਉਪਰਿ ਵਾ ਖਿਪਤੁ, ਸਚੇ ਸਾਦਿਯਤਿ, ਪਟਿਗ੍ਗਹਿਤਮੇਵ ਹੋਤਿ. ਯਸ੍ਸ ਕਸ੍ਸਚਿ ਪਨ ਅਨੁਪਸਮ੍ਪਨ੍ਨਸ੍ਸ ਹਤ੍ਥੇ ਪੇਸਿਤਂ ਗਣ੍ਹਿਤੁਂ ਵਟ੍ਟਤਿ, ‘‘ਪਂਸੁਕੂਲਂ ਗਣ੍ਹਿਸ੍ਸਤੀ’’ਤਿ ਸਙ੍ਕਾਰਕੂਟਾਦੀਸੁ ਠਪਿਤਮ੍ਪਿ ਪਂਸੁਕੂਲਂ ਅਧਿਟ੍ਠਹਿਤ੍ਵਾ ਗਹੇਤੁਂ ਵਟ੍ਟਤਿਯੇਵ. ਅਞ੍ਞਤ੍ਰ ਪਾਰਿਵਤ੍ਤਕਾਤਿ ਯਂ ‘‘ਅਨ੍ਤਮਸੋ ਹਰੀਟਕਕ੍ਖਣ੍ਡਮ੍ਪਿ ਦਤ੍ਵਾ ਵਾ ਦਸ੍ਸਾਮੀ’’ਤਿ ਆਭੋਗਂ ਕਤ੍ਵਾ ਵਾ ਪਾਰਿਵਤ੍ਤਕਂ ਗਣ੍ਹਾਤਿ, ਤਂ ਠਪੇਤ੍ਵਾ ਅਞ੍ਞਂ ਅਨ੍ਤਮਸੋ ਵਿਕਪ੍ਪਨੁਪਗਂ ਪਟਪਰਿਸ੍ਸਾਵਨਮ੍ਪਿ ਗਣ੍ਹਨ੍ਤਸ੍ਸ ਨਿਸ੍ਸਗ੍ਗਿਯਂ ਹੋਤਿ. ਤਤ੍ਰ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਹਤ੍ਥਤੋ ਪਟਿਗ੍ਗਹਿਤਂ ¶ ਅਞ੍ਞਤ੍ਰ ਪਾਰਿਵਤ੍ਤਕਾ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੧੨) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਰਾਜਗਹੇ ਉਦਾਯਿਤ੍ਥੇਰਂ ਆਰਬ੍ਭ ਚੀਵਰਪ੍ਪਟਿਗ੍ਗਹਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਪਾਰਿਵਤ੍ਤਕਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਗਹਣਤ੍ਥਾਯ ਹਤ੍ਥਪ੍ਪਸਾਰਣਾਦਿਪ੍ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ, ਨਿਸ੍ਸਜ੍ਜਿਤਬ੍ਬਂ, ਤਿਕਪਾਚਿਤ੍ਤਿਯਂ, ਏਕਤੋਉਪਸਮ੍ਪਨ੍ਨਾਯ ਞਾਤਿਕਾਯ ਚ ਅਞ੍ਞਾਤਿਕਸਞ੍ਞਿਸ੍ਸ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਵਿਸ੍ਸਾਸਗ੍ਗਾਹੇ, ਤਾਵਕਾਲਿਕੇ, ਪਤ੍ਤਤ੍ਥਵਿਕਾਦਿਮ੍ਹਿ ਚ ਅਨਧਿਟ੍ਠਾਤਬ੍ਬਪਰਿਕ੍ਖਾਰੇ, ਸਿਕ੍ਖਮਾਨਸਾਮਣੇਰੀਨਂ ਹਤ੍ਥਤੋ ਗਹਣੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵਿਕਪ੍ਪਨੁਪਗਚੀਵਰਤਾ, ਪਾਰਿਵਤ੍ਤਕਾਭਾਵੋ, ਅਞ੍ਞਾਤਿਕਾਯ ਹਤ੍ਥਤੋ ਗਹਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਞ੍ਚਰਿਤ੍ਤਸਮੁਟ੍ਠਾਨਂ, ਕਿਰਿਯਾਕਿਰਿਯਂ, ਸੇਸਂ ਚਤੁਤ੍ਥਸਦਿਸਮੇਵਾਤਿ.

ਚੀਵਰਪ੍ਪਟਿਗ੍ਗਹਣਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੬. ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦਵਣ੍ਣਨਾ

ਛਟ੍ਠੇ ਗਹਪਤਿਨ੍ਤਿ ਭਿਕ੍ਖੂਸੁ ਅਪਬ੍ਬਜਿਤਮਨੁਸ੍ਸਂ. ਗਹਪਤਾਨਿਨ੍ਤਿ ਭਿਕ੍ਖੁਨੀਸੁ ਅਪਬ੍ਬਜਿਤਿਤ੍ਥਿਂ, ਏਸ ਨਯੋ ਸਬ੍ਬੇਸੁ ਗਹਪਤਿਪ੍ਪਟਿਸਂਯੁਤ੍ਤੇਸੁ ਸਿਕ੍ਖਾਪਦੇਸੁ. ਵਿਞ੍ਞਾਪੇਯ੍ਯਾਤਿ ¶ ਯਾਚੇਯ੍ਯ ਵਾ ਯਾਚਾਪੇਯ੍ਯ ਵਾ. ਅਞ੍ਞਤ੍ਰ ਸਮਯਾਤਿ ਯੋ ਅਚ੍ਛਿਨ੍ਨਚੀਵਰੋ ਵਾ ਹੋਤਿ ਨਟ੍ਠਚੀਵਰੋ ਵਾ, ਤਸ੍ਸ ਤਂ ਸਮਯਂ ਠਪੇਤ੍ਵਾ ਅਞ੍ਞਸ੍ਮਿਂ ਵਿਞ੍ਞਾਪਨਪ੍ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਤਤ੍ਥ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਕਂ ਗਹਪਤਿਕਂ ਅਞ੍ਞਤ੍ਰ ਸਮਯਾ ਵਿਞ੍ਞਾਪਿਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੨੪) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ਚੀਵਰਵਿਞ੍ਞਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ. ‘‘ਅਞ੍ਞਤ੍ਰ ਸਮਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਞਾਤਕੇ ਅਞ੍ਞਾਤਕਸਞ੍ਞਿਨੋ ਵੇਮਤਿਕਸ੍ਸ ਚ ਦੁਕ੍ਕਟਂ. ਸਮਯੇ ਵਾ ਞਾਤਕਪ੍ਪਵਾਰਿਤੇ ਵਾ ਵਿਞ੍ਞਾਪੇਨ੍ਤਸ੍ਸ, ਅਞ੍ਞਸ੍ਸ ਵਾ ਞਾਤਕਪ੍ਪਵਾਰਿਤੇ ਤਸ੍ਸੇਵਤ੍ਥਾਯ ਵਿਞ੍ਞਾਪੇਨ੍ਤਸ੍ਸ, ਅਤ੍ਤਨੋ ¶ ਧਨੇਨ ਗਣ੍ਹਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵਿਕਪ੍ਪਨੁਪਗਚੀਵਰਤਾ, ਸਮਯਾਭਾਵੋ, ਅਞ੍ਞਾਤਕਵਿਞ੍ਞਤ੍ਤਿ, ਤਾਯ ਚ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਚਤੁਤ੍ਥਸਦਿਸਾਨੇਵਾਤਿ.

ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ¶ ਤਞ੍ਚੇਤਿ ਤਂ ਅਚ੍ਛਿਨ੍ਨਚੀਵਰਂ ਵਾ ਨਟ੍ਠਚੀਵਰਂ ਵਾ. ਅਭਿਹਟ੍ਠੁਨ੍ਤਿ ਅਭੀਤਿ ਉਪਸਗ੍ਗੋ, ਹਰਿਤੁਨ੍ਤਿ ਅਤ੍ਥੋ, ਗਣ੍ਹਿਤੁਨ੍ਤਿ ਵੁਤ੍ਤਂ ਹੋਤਿ. ਪਵਾਰੇਯ੍ਯਾਤਿ ਇਚ੍ਛਾਪੇਯ੍ਯ, ਇਚ੍ਛਂ ਰੁਚਿਂ ਉਪ੍ਪਾਦੇਯ੍ਯ, ‘‘ਯਾਵਤ੍ਤਕਂ ਇਚ੍ਛਸਿ, ਤਾਵਤ੍ਤਕਂ ਗਣ੍ਹਾਹੀ’’ਤਿ ਏਵਂ ਨਿਮਨ੍ਤੇਯ੍ਯਾਤਿ ਅਤ੍ਥੋ, ਯਥਾ ਵਾ ‘‘ਨੇਕ੍ਖਮ੍ਮਂ ਦਟ੍ਠੁ ਖੇਮਤੋ’’ਤਿ (ਸੁ. ਨਿ. ੪੨੬, ੧੧੦੪; ਚੂਲ਼ਨਿ. ਜਤੁਕਣ੍ਣੀਮਾਣਵਪੁਚ੍ਛਾਨਿਦ੍ਦੇਸ ੬੭) ਏਤ੍ਥ ਦਿਸ੍ਵਾਤਿ ਅਤ੍ਥੋ, ਏਵਮਿਧਾਪਿ ‘‘ਅਭਿਹਟ੍ਠੁਂ ਪਵਾਰੇਯ੍ਯਾ’’ਤਿ ਉਪਨੇਤ੍ਵਾ ਪੁਰਤੋ ਠਪੇਨ੍ਤੋ ਕਾਯੇਨ ਵਾ, ‘‘ਅਮ੍ਹਾਕਂ ਦੁਸ੍ਸਕੋਟ੍ਠਾਗਾਰਤੋ ਯਤ੍ਤਕਂ ਇਚ੍ਛਥ, ਤਤ੍ਤਕਂ ਗਣ੍ਹਥਾ’’ਤਿ ਵਦਨ੍ਤੋ ਵਾਚਾਯ ਵਾ ਅਭਿਹਰਿਤ੍ਵਾ ਨਿਮਨ੍ਤੇਯ੍ਯਾਤਿ ਅਤ੍ਥੋ. ਸਨ੍ਤਰੁਤ੍ਤਰਪਰਮਨ੍ਤਿ ਸਅਨ੍ਤਰਂ ਉਤ੍ਤਰਂ ਪਰਮਂ ਅਸ੍ਸ ਚੀਵਰਸ੍ਸਾਤਿ ਸਨ੍ਤਰੁਤ੍ਤਰਪਰਮਂ, ਨਿਵਾਸਨੇਨ ਸਦ੍ਧਿਂ ਪਾਰੁਪਨਂ ਉਕ੍ਕਟ੍ਠਪਰਿਚ੍ਛੇਦੋ ਅਸ੍ਸਾਤਿ ਵੁਤ੍ਤਂ ਹੋਤਿ. ਤਤੋ ਚੀਵਰਂ ਸਾਦਿਤਬ੍ਬਨ੍ਤਿ ਤਤੋ ਅਭਿਹਟਚੀਵਰਤੋ ਏਤ੍ਤਕਂ ਚੀਵਰਂ ਗਹੇਤਬ੍ਬਂ, ਨ ਤਤੋ ਪਰਂ.

ਤਤ੍ਰਾਯਂ ¶ ਵਿਨਿਚ੍ਛਯੋ – ਯਸ੍ਸ ਅਧਿਟ੍ਠਿਤਚੀਵਰਸ੍ਸ ਤੀਣਿ ਨਟ੍ਠਾਨਿ, ਤੇਨ ਦ੍ਵੇ ਸਾਦਿਤਬ੍ਬਾਨਿ, ਏਕਂ ਨਿਵਾਸੇਤ੍ਵਾ ਏਕਂ ਪਾਰੁਪਿਤ੍ਵਾ ਅਞ੍ਞਂ ਸਭਾਗਟ੍ਠਾਨਤੋ ਪਰਿਯੇਸਿਤਬ੍ਬਂ. ਯਸ੍ਸ ਦ੍ਵੇ ਨਟ੍ਠਾਨਿ, ਤੇਨ ਏਕਂ ਸਾਦਿਤਬ੍ਬਂ. ਸਚੇ ਪਨ ਪਕਤਿਯਾਵ ਸਨ੍ਤਰੁਤ੍ਤਰੇਨ ਚਰਤਿ, ਦ੍ਵੇ ਸਾਦਿਤਬ੍ਬਾਨਿ, ਏਵਂ ਏਕਂ ਸਾਦਿਯਨ੍ਤੇਨੇਵ ਸਮੋ ਭਵਿਸ੍ਸਤਿ. ਯਸ੍ਸ ਤੀਸੁ ਏਕਂ ਨਟ੍ਠਂ, ਕਿਞ੍ਚਿ ਨ ਸਾਦਿਤਬ੍ਬਂ. ਯਸ੍ਸ ਪਨ ਦ੍ਵੀਸੁ ਏਕਂ ਨਟ੍ਠਂ, ਏਕਂ ਸਾਦਿਤਬ੍ਬਂ. ਯਸ੍ਸ ਏਕਂਯੇਵ ਹੋਤਿ, ਤਞ੍ਚ ਨਟ੍ਠਂ, ਦ੍ਵੇ ਸਾਦਿਤਬ੍ਬਾਨਿ. ਭਿਕ੍ਖੁਨਿਯਾ ਪਨ ਪਞ੍ਚਸੁ ਨਟ੍ਠੇਸੁ ਦ੍ਵੇ ਸਾਦਿਤਬ੍ਬਾਨਿ, ਚਤੂਸੁ ਨਟ੍ਠੇਸੁ ਏਕਂ ਸਾਦਿਤਬ੍ਬਂ, ਤੀਸੁ ਨਟ੍ਠੇਸੁ ਨ ਕਿਞ੍ਚਿ ਸਾਦਿਤਬ੍ਬਂ, ਕੋ ਪਨ ਵਾਦੋ ਦ੍ਵੀਸੁ ਵਾ ਏਕਸ੍ਮਿਂ ਵਾ. ਯੇਨ ਕੇਨਚਿ ਹਿ ਸਨ੍ਤਰੁਤ੍ਤਰਪਰਮਤਾਯ ਠਾਤਬ੍ਬਂ, ਤਤੋ ਉਤ੍ਤਰਿ ਵਿਞ੍ਞਾਪਨਪ੍ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਤਤ੍ਥ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਅਞ੍ਞਾਤਕਂ ਗਹਪਤਿਕਂ ਤਤੁਤ੍ਤਰਿ ਵਿਞ੍ਞਾਪਿਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੨੪) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਬਹੁਚੀਵਰਵਿਞ੍ਞਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਞਾਤਕੇ ਅਞ੍ਞਾਤਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਦ੍ਵੇ ਚੀਵਰਾਨਿ ਕਤ੍ਵਾ ‘‘ਸੇਸਕਂ ਆਹਰਿਸ੍ਸਾਮੀ’’ਤਿ ਵਤ੍ਵਾ ਗਣ੍ਹਨ੍ਤਸ੍ਸ, ‘‘ਸੇਸਕਂ ਤੁਯ੍ਹਂਯੇਵ ਹੋਤੂ’’ਤਿ ਵੁਤ੍ਤਸ੍ਸ, ਨ ਅਚ੍ਛਿਨ੍ਨਨਟ੍ਠਕਾਰਣਾ ਦਿਨ੍ਨਂ ਗਣ੍ਹਨ੍ਤਸ੍ਸ, ਵੁਤ੍ਤਨਯੇਨ ਞਾਤਕਪ੍ਪਵਾਰਿਤੇ ਵਿਞ੍ਞਾਪੇਨ੍ਤਸ੍ਸ, ਅਤ੍ਤਨੋ ਧਨੇਨ ਗਣ੍ਹਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਤਤੁਤ੍ਤਰਿਤਾ ¶ , ਅਚ੍ਛਿਨ੍ਨਾਦਿਕਾਰਣਤਾ ¶ , ਅਞ੍ਞਾਤਕਵਿਞ੍ਞਤ੍ਤਿ, ਤਾਯ ਚ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਚਤੁਤ੍ਥਸਦਿਸਾਨੇਵਾਤਿ.

ਤਤੁਤ੍ਤਰਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ਭਿਕ੍ਖੁਂ ਪਨੇਵ ਉਦ੍ਦਿਸ੍ਸਾਤਿ ‘‘ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਸ੍ਸਾਮੀ’’ਤਿ ਏਵਂ ਅਪਦਿਸਿਤ੍ਵਾ. ਚੀਵਰਚੇਤਾਪਨ੍ਨਨ੍ਤਿ ਹਿਰਞ੍ਞਾਦਿਕਂ ਚੀਵਰਮੂਲਂ. ਉਪਕ੍ਖਟਂ ਹੋਤੀਤਿ ਸਜ੍ਜਿਤਂ ਹੋਤਿ, ਸਂਹਰਿਤ੍ਵਾ ਠਪਿਤਂ. ਚੇਤਾਪੇਤ੍ਵਾਤਿ ਪਰਿਵਤ੍ਤੇਤ੍ਵਾ, ਕਾਰੇਤ੍ਵਾ ਵਾ ਕਿਣਿਤ੍ਵਾ ਵਾਤਿ ਅਤ੍ਥੋ. ਚੀਵਰੇਨ ਅਚ੍ਛਾਦੇਸ੍ਸਾਮੀਤਿ ਵੋਹਾਰਵਚਨਮੇਤਂ, ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦਸ੍ਸਾਮੀਤਿ ਅਯਂ ਪਨੇਤ੍ਥ ¶ ਅਤ੍ਥੋ. ਤਤ੍ਰ ਚੇ ਸੋਤਿ ਯਤ੍ਰ ਸੋ ਗਹਪਤਿ ਵਾ ਗਹਪਤਾਨੀ ਵਾ, ਤਤ੍ਰ ਸੋ ਭਿਕ੍ਖੁ ਪੁਬ੍ਬੇ ਅਪ੍ਪਵਾਰਿਤੋ ਉਪਸਙ੍ਕਮਿਤ੍ਵਾ ਚੀਵਰੇ ਵਿਕਪ੍ਪਂ ਆਪਜ੍ਜੇਯ੍ਯ ਚੇਤਿ ਅਯਮੇਤ੍ਥ ਪਦਸਮ੍ਬਨ੍ਧੋ. ਵਿਕਪ੍ਪਂ ਆਪਜ੍ਜੇਯ੍ਯਾਤਿ ਵਿਸਿਟ੍ਠਕਪ੍ਪਂ ਅਧਿਕਵਿਧਾਨਂ ਆਪਜ੍ਜੇਯ੍ਯ. ਯਥਾ ਪਨ ਤਮਾਪਜ੍ਜਤਿ, ਤਂ ਦਸ੍ਸੇਤੁਂ ਸਾਧੁ ਵਤਾਤਿਆਦਿਮਾਹ. ਤਤ੍ਥ ਸਾਧੂਤਿ ਆਯਾਚਨੇ ਨਿਪਾਤੋ. ਵਤਾਤਿ ਪਰਿਵਿਤਕ੍ਕੇ. ਮਨ੍ਤਿ ਅਤ੍ਤਾਨਂ ਨਿਦ੍ਦਿਸਤਿ. ਆਯਸ੍ਮਾਤਿ ਪਰਂ ਆਲਪਤਿ. ਏਵਰੂਪਂ ਵਾ ਏਵਰੂਪਂ ਵਾਤਿ ਆਯਤਾਦੀਸੁ ਅਞ੍ਞਤਰਂ. ਕਲ੍ਯਾਣਕਮ੍ਯਤਂ ਉਪਾਦਾਯਾਤਿ ਸੁਨ੍ਦਰਕਾਮਤਂ ਵਿਸਿਟ੍ਠਕਾਮਤਂ ਚਿਤ੍ਤੇਨ ਗਹੇਤ੍ਵਾ, ਤਸ੍ਸ ‘‘ਆਪਜ੍ਜੇਯ੍ਯ ਚੇ’’ਤਿਇਮਿਨਾ ਸਮ੍ਬਨ੍ਧੋ, ਸਚੇ ਪਨ ਏਵਰੂਪਂ ਆਪਜ੍ਜਨ੍ਤਸ੍ਸ ਤਸ੍ਸ ਵਚਨੇਨ ਯੋ ਪਠਮਂ ਅਧਿਪ੍ਪੇਤਤੋ ਮੂਲਂ ਵਡ੍ਢੇਤ੍ਵਾ ਸੁਨ੍ਦਰਤਰਂ ਚੇਤਾਪੇਤਿ, ਤਸ੍ਸ ਪਯੋਗੇ ਭਿਕ੍ਖੁਨੋ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਤਤ੍ਥ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਪੁਬ੍ਬੇ ਅਪ੍ਪਵਾਰਿਤਂ ਅਞ੍ਞਾਤਕਂ ਗਹਪਤਿਕਂ ਉਪਸਙ੍ਕਮਿਤ੍ਵਾ ਵਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੨੯) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ਚੀਵਰੇ ਵਿਕਪ੍ਪਂ ਆਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਞਾਤਕੇ ਅਞ੍ਞਾਤਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਮਹਗ੍ਘਂ ਚੇਤਾਪੇਤੁਕਾਮਂ ਅਪ੍ਪਗ੍ਘਂ ਵਾ, ਏਤੇਨੇਵ ਮੂਲੇਨ ‘‘ਅਞ੍ਞਂ ਏਵਰੂਪਂ ਵਾ ਦੇਹੀ’’ਤਿ ਵਦਨ੍ਤਸ੍ਸ, ਵੁਤ੍ਤਨਯੇਨ ਞਾਤਕਪ੍ਪਵਾਰਿਤੇ ਵਿਞ੍ਞਾਪੇਨ੍ਤਸ੍ਸ, ਅਤ੍ਤਨੋ ਧਨੇਨ ਗਣ੍ਹਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਚੀਵਰੇ ਭਿਯ੍ਯੋਕਮ੍ਯਤਾ, ਅਞ੍ਞਾਤਕਵਿਞ੍ਞਤ੍ਤਿ, ਤਾਯ ਚ ਪਟਿਲਾਭੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਚਤੁਤ੍ਥਸਦਿਸਾਨੇਵਾਤਿ.

ਉਪਕ੍ਖਟਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੯. ਦੁਤਿਯਉਪਕ੍ਖਟਸਿਕ੍ਖਾਪਦਵਣ੍ਣਨਾ

ਨਵਮੇ ¶ ਇਮਿਨਾਵ ਨਯੇਨ ਅਤ੍ਥੋ ਵੇਦਿਤਬ੍ਬੋ. ਇਦਞ੍ਹਿ ਪੁਰਿਮਸ੍ਸ ਅਨੁਪਞ੍ਞਤ੍ਤਿਸਦਿਸਂ, ਕੇਵਲਂ ਤਤ੍ਥ ਏਕਸ੍ਸ ਪੀਲ਼ਾ ਕਤਾ, ਇਧ ਦ੍ਵਿਨ੍ਨਂ, ਅਯਮੇਤ੍ਥ ਵਿਸੇਸੋ, ਸੇਸਂ ਸਬ੍ਬਂ ਪੁਰਿਮਸਦਿਸਮੇਵ. ਯਥਾ ਚ ਦ੍ਵਿਨ੍ਨਂ, ਏਵਂ ਬਹੂਨਂ ਪੀਲ਼ਂ ਕਤ੍ਵਾ ਗਣ੍ਹਤੋਪਿ ਆਪਤ੍ਤਿ ਵੇਦਿਤਬ੍ਬਾ. ਨਿਸ੍ਸਜ੍ਜਨਵਿਧਾਨੇ ਚ ‘‘ਇਦਂ ਮੇ, ਭਨ੍ਤੇ ¶ , ਚੀਵਰਂ ਪੁਬ੍ਬੇ ਅਪ੍ਪਵਾਰਿਤੇ ¶ ਅਞ੍ਞਾਤਕੇ ਗਹਪਤਿਕੇ ਉਪਸਙ੍ਕਮਿਤ੍ਵਾ ਵਿਕਪ੍ਪਂ ਆਪਨ੍ਨਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੩੪) ਇਮਿਨਾ ਨਯੇਨ ਵਚਨਭੇਦੋ ਞਾਤਬ੍ਬੋਤਿ.

ਦੁਤਿਯਉਪਕ੍ਖਟਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ਰਾਜਭੋਗ੍ਗੋਤਿ ਰਾਜਤੋ ਭੋਗ੍ਗਂ ਭੁਞ੍ਜਿਤਬ੍ਬਂ ਅਸ੍ਸ ਅਤ੍ਥੀਤਿ ਰਾਜਭੋਗ੍ਗੋ, ‘‘ਰਾਜਭੋਗੋ’’ਤਿਪਿ ਪਾਠੋ, ਰਾਜਤੋ ਭੋਗੋ ਅਸ੍ਸ ਅਤ੍ਥੀਤਿ ਅਤ੍ਥੋ. ਚੀਵਰਚੇਤਾਪਨ੍ਨਨ੍ਤਿ ਹਿਰਞ੍ਞਾਦਿਕਂ ਅਕਪ੍ਪਿਯਂ. ਪਹਿਣੇਯ੍ਯਾਤਿ ਪੇਸੇਯ੍ਯ. ਇਮਿਨਾਤਿਆਦਿ ਆਗਮਨਸੁਦ੍ਧਿਂ ਦਸ੍ਸੇਤੁਂ ਵੁਤ੍ਤਂ. ਸਚੇ ਹਿ ‘‘ਇਦਂ ਇਤ੍ਥਨ੍ਨਾਮਸ੍ਸ ਭਿਕ੍ਖੁਨੋ ਦੇਹੀ’’ਤਿ ਪੇਸੇਯ੍ਯ, ਆਗਮਨਸ੍ਸ ਅਸੁਦ੍ਧਤ੍ਤਾ ਅਕਪ੍ਪਿਯਵਤ੍ਥੁਂ ਆਰਬ੍ਭ ਭਿਕ੍ਖੁਨਾ ਕਪ੍ਪਿਯਕਾਰਕੋਪਿ ਨਿਦ੍ਦਿਸਿਤਬ੍ਬੋ ਨ ਭਵੇਯ੍ਯ. ਆਭਤਨ੍ਤਿ ਆਨੀਤਂ. ਨ ਖੋ ਮਯਨ੍ਤਿਆਦਿ ਇਦਂ ਕਪ੍ਪਿਯਵਸੇਨ ਆਭਤਮ੍ਪਿ ਚੀਵਰਮੂਲਂ ਈਦਿਸੇਨ ਦੂਤਵਚਨੇਨ ਅਕਪ੍ਪਿਯਂ ਹੋਤਿ, ਤਸ੍ਮਾ ਤਂ ਪਟਿਕ੍ਖਿਪਿਤਬ੍ਬਨ੍ਤਿ ਦਸ੍ਸੇਤੁਂ ਵੁਤ੍ਤਂ. ਸੁਵਣ੍ਣਂ ਰਜਤਂ ਕਹਾਪਣੋ ਮਾਸਕੋਤਿ ਇਮਾਨਿ ਹਿ ਚਤ੍ਤਾਰਿ ਨਿਸ੍ਸਗ੍ਗਿਯਵਤ੍ਥੂਨਿ, ਮੁਤ੍ਤਾ ਮਣਿ ਵੇਲ਼ੁਰਿਯੋ ਸਙ੍ਖੋ ਸਿਲਾ ਪਵਾਲ਼ਂ ਲੋਹਿਤਙ੍ਕੋ ਮਸਾਰਗਲ੍ਲਂ ਸਤ੍ਤ ਧਞ੍ਞਾਨਿ ਦਾਸਿਦਾਸਖੇਤ੍ਤਵਤ੍ਥੁਪੁਪ੍ਫਾਰਾਮਫਲਾਰਾਮਾਦਯੋਤਿ ਇਮਾਨਿ ਦੁਕ੍ਕਟਵਤ੍ਥੂਨਿ ਚ ਅਤ੍ਤਨੋ ਵਾ ਚੇਤਿਯਸਙ੍ਘਗਣਪੁਗ੍ਗਲਾਨਂ ਵਾ ਅਤ੍ਥਾਯ ਸਮ੍ਪਟਿਚ੍ਛਿਤੁਂ ਨ ਵਟ੍ਟਨ੍ਤਿ, ਤਸ੍ਮਾ ਤਂ ਸਾਦਿਤੁਂ ਨ ਵਟ੍ਟਤੀਤਿ ਦਸ੍ਸਨਤ੍ਥਂ ‘‘ਨ ਖੋ ਮਯ’’ਨ੍ਤਿਆਦਿ ਵੁਤ੍ਤਂ.

ਚੀਵਰਞ੍ਚ ਖੋ ਮਯਂ ਪਟਿਗ੍ਗਣ੍ਹਾਮਾਤਿ ਇਦਂ ਪਨ ਅਤ੍ਤਾਨਂ ਉਦ੍ਦਿਸ੍ਸ ਆਭਤਤ੍ਤਾ ਵਤ੍ਤੁਂ ਵਟ੍ਟਤਿ, ਤਸ੍ਮਾ ਵੁਤ੍ਤਂ. ਕਾਲੇਨਾਤਿ ਯੁਤ੍ਤਪਤ੍ਤਕਾਲੇਨ, ਯਦਾ ਨੋ ਅਤ੍ਥੋ ਹੋਤਿ, ਤਦਾ ਕਪ੍ਪਿਯਂ ਚੀਵਰਂ ਪਟਿਗ੍ਗਣ੍ਹਾਮਾਤਿ ਅਤ੍ਥੋ. ਵੇਯ੍ਯਾਵਚ੍ਚਕਰੋਤਿ ਕਪ੍ਪਿਯਕਾਰਕੋ. ਨਿਦ੍ਦਿਸਿਤਬ੍ਬੋਤਿਇਦਂ ‘‘ਅਤ੍ਥਿ ਪਨਾਯਸ੍ਮਤੋ ਕੋਚਿ ਵੇਯ੍ਯਾਵਚ੍ਚਕਰੋ’’ਤਿ ਕਪ੍ਪਿਯਵਚਨੇਨ ਵੁਤ੍ਤਤ੍ਤਾ ਅਨੁਞ੍ਞਾਤਂ. ਸਚੇ ਪਨ ਦੂਤੋ ‘‘ਕੋ ਇਮਂ ਗਣ੍ਹਾਤੀ’’ਤਿ ਵਾ ‘‘ਕਸ੍ਸ ਦੇਮੀ’’ਤਿ ਵਾ ਵਦਤਿ, ਨ ਨਿਦ੍ਦਿਸਿਤਬ੍ਬੋ. ਆਰਾਮਿਕੋ ਵਾ ਉਪਾਸਕੋ ਵਾਤਿਇਦਂ ਸਾਰੁਪ੍ਪਤਾਯ ਵੁਤ੍ਤਂ, ਠਪੇਤ੍ਵਾ ਪਨ ਪਞ੍ਚ ਸਹਧਮ੍ਮਿਕੇ ਯੋ ਕੋਚਿ ਕਪ੍ਪਿਯਕਾਰਕੋ ¶ ਵਟ੍ਟਤਿ. ਏਸੋ ਖੋ, ਆਵੁਸੋਤਿਇਦਂ ਭਿਕ੍ਖੁਸ੍ਸ ਕਪ੍ਪਿਯਵਚਨਦਸ੍ਸਨਤ੍ਥਂ ਵੁਤ੍ਤਂ, ਏਵਮੇਵ ਹਿ ¶ ਵਤ੍ਤਬ੍ਬਂ, ‘‘ਏਤਸ੍ਸ ਦੇਹੀ’’ਤਿਆਦਿ ਨ ਵਤ੍ਤਬ੍ਬਂ. ਸਞ੍ਞਤ੍ਤੋ ਸੋ ਮਯਾਤਿ ਆਣਤ੍ਤੋ ਸੋ ਮਯਾ, ਯਥਾ ਤੁਮ੍ਹਾਕਂ ਚੀਵਰੇਨ ਅਤ੍ਥੇ ਸਤਿ ਚੀਵਰਂ ਦਸ੍ਸਤਿ, ਏਵਂ ਵੁਤ੍ਤੋਤਿ ਅਤ੍ਥੋ. ਦੂਤੇਨ ਹਿ ਏਵਂ ਆਰੋਚਿਤੇਯੇਵ ਤਂ ਚੋਦੇਤੁਂ ਵਟ੍ਟਤਿ, ਨੇਵ ਤਸ੍ਸ ਹਤ੍ਥੇ ਦਤ੍ਵਾ ਗਤਮਤ੍ਤਕਾਰਣੇਨ. ਸਚੇ ਪਨ ‘‘ਅਯਂ ਵੇਯ੍ਯਾਵਚ੍ਚਕਰੋ’’ਤਿ ਸਮ੍ਮੁਖਾ ਨਿਦ੍ਦਿਟ੍ਠੋ ਹੋਤਿ, ਦੂਤੋ ਚ ਸਮ੍ਮੁਖਾ ਏਵ ਤਸ੍ਸ ਹਤ੍ਥੇ ਚੇਤਾਪਨ੍ਨਂ ਦਤ੍ਵਾ ‘‘ਥੇਰਸ੍ਸ ਚੀਵਰਂ ਕਿਣਿਤ੍ਵਾ ਦੇਹੀ’’ਤਿ ਗਚ੍ਛਤਿ, ਏਵਂ ‘‘ਸਞ੍ਞਤ੍ਤੋ ਸੋ ਮਯਾ’’ਤਿ ਅਵੁਤ੍ਤੇਪਿ ਚੋਦੇਤੁਂ ਵਟ੍ਟਤਿ. ਸਚੇ ਪਨ ਦੂਤੋ ਗਚ੍ਛਨ੍ਤੋਵ ‘‘ਅਹਂ ਤਸ੍ਸ ਹਤ੍ਥੇ ਦਸ੍ਸਾਮਿ, ਤੁਮ੍ਹੇ ਚੀਵਰਂ ਗਣ੍ਹੇਯ੍ਯਾਥਾ’’ਤਿ ਭਿਕ੍ਖੁਨੋ ਵਤ੍ਵਾ ਵਾ ਗਚ੍ਛਤਿ, ਅਞ੍ਞਂ ਵਾ ਪੇਸੇਤ੍ਵਾ ਆਰੋਚਾਪੇਤਿ, ਏਵਂ ਸਤਿ ਇਤਰਮ੍ਪਿ ਚੋਦੇਤੁਂ ਵਟ੍ਟਤਿਯੇਵ. ਦੇਸਨਾਮਤ੍ਤਮੇਵ ¶ ਚੇਤਂ ‘‘ਦੂਤੇਨਾ’’ਤਿ. ਯੋਪਿ ਅਤ੍ਤਨਾ ਆਹਰਿਤ੍ਵਾ ਏਵਂ ਪਟਿਪਜ੍ਜਤਿ, ਤਸ੍ਮਿਮ੍ਪਿ ਇਦਮੇਵ ਲਕ੍ਖਣਂ. ਅਤ੍ਥੋ ਮੇ, ਆਵੁਸੋ, ਚੀਵਰੇਨਾਤਿ ਚੋਦਨਾਲਕ੍ਖਣਨਿਦਸ੍ਸਨਮੇਤਂ. ਸਚੇ ਹਿ ਵਾਚਾਯ ਚੋਦੇਤਿ, ਇਦਂ ਵਾ ਵਚਨਂ ਯਾਯ ਕਾਯਚਿ ਭਾਸਾਯ ਏਤਸ੍ਸ ਅਤ੍ਥੋ ਵਾ ਵਤ੍ਤਬ੍ਬੋ, ‘‘ਦੇਹਿ ਮੇ, ਆਹਰ ਮੇ’’ਤਿਆਦਿਨਾ ਨਯੇਨ ਪਨ ਵਤ੍ਤੁਂ ਨ ਵਟ੍ਟਤਿ. ਅਭਿਨਿਪ੍ਫਾਦੇਯ੍ਯਾਤਿ ਏਵਂ ਵਚੀਭੇਦਂ ਕਤ੍ਵਾ ਤਿਕ੍ਖਤ੍ਤੁਂ ਚੋਦਯਮਾਨੋ ਪਟਿਲਾਭਵਸੇਨ ਸਾਧੇਯ੍ਯ. ਇਚ੍ਚੇਤਂ ਕੁਸਲਨ੍ਤਿ ਏਤਂ ਸੁਨ੍ਦਰਂ.

ਛਕ੍ਖਤ੍ਤੁਪਰਮਨ੍ਤਿ ਭਾਵਨਪੁਂਸਕਵਚਨਮੇਤਂ. ਛਕ੍ਖਤ੍ਤੁਪਰਮਞ੍ਹਿ ਤੇਨ ਚੀਵਰਂ ਉਦ੍ਦਿਸ੍ਸ ਤੁਣ੍ਹੀਭੂਤੇਨ ਠਾਤਬ੍ਬਂ, ਨ ਨਿਸੀਦਿਤਬ੍ਬਂ, ਨ ਆਮਿਸਂ ਪਟਿਗ੍ਗਹੇਤਬ੍ਬਂ, ਨ ਧਮ੍ਮੋ ਭਾਸਿਤਬ੍ਬੋ. ‘‘ਕਿਂਕਾਰਣਾ ਆਗਤੋਸੀ’’ਤਿ ਵੁਤ੍ਤੇ ਪਨ ‘‘ਜਾਨਾਹਿ, ਆਵੁਸੋ’’ਤਿ ਏਤ੍ਤਕਮੇਵ ਵਤ੍ਤਬ੍ਬਂ. ਸਚੇ ਨਿਸਜ੍ਜਾਦੀਨਿ ਕਰੋਤਿ, ਠਾਨਂ ਭਞ੍ਜਤਿ, ਆਗਤਕਾਰਣਂ ਵਿਨਾਸੇਤਿ, ਇਦਂ ਕਾਯੇਨ ਚੋਦਨਾਯ ਲਕ੍ਖਣਦਸ੍ਸਨਤ੍ਥਂ ਵੁਤ੍ਤਂ. ਏਤ੍ਥ ਚ ਉਕ੍ਕਟ੍ਠਪਰਿਚ੍ਛੇਦੇਨ ਤਿਸ੍ਸਨ੍ਨਂ ਚੋਦਨਾਨਂ ਛਨ੍ਨਞ੍ਚ ਠਾਨਾਨਂ ਅਨੁਞ੍ਞਾਤਤ੍ਤਾ ਚੋਦਨਾਯ ਦਿਗੁਣਂ ਠਾਨਂ ਅਨੁਞ੍ਞਾਤਂ ਹੋਤਿ, ਤਸ੍ਮਾ ਸਚੇ ਚੋਦੇਤਿਯੇਵ, ਨ ਤਿਟ੍ਠਤਿ, ਛ ਚੋਦਨਾਯੋ ਲਬ੍ਭਨ੍ਤਿ. ਸਚੇ ਤਿਟ੍ਠਤਿਯੇਵ, ਨ ਚੋਦੇਤਿ, ਦ੍ਵਾਦਸ ਠਾਨਾਨਿ ਲਬ੍ਭਨ੍ਤਿ. ਸਚੇ ਉਭਯਂ ਕਰੋਤਿ, ਏਕਾਯ ਚੋਦਨਾਯ ਦ੍ਵੇ ਠਾਨਾਨਿ ਹਾਪੇਤਬ੍ਬਾਨਿ. ਤਤ੍ਥ ਯੋ ਏਕਦਿਵਸਮੇਵ ਪੁਨਪ੍ਪੁਨਂ ਗਨ੍ਤ੍ਵਾ ਛਕ੍ਖਤ੍ਤੁਂ ਚੋਦੇਤਿ, ਸਕਿਂਯੇਵ ਵਾ ਗਨ੍ਤ੍ਵਾ ‘‘ਅਤ੍ਥੋ ਮੇ, ਆਵੁਸੋ, ਚੀਵਰੇਨਾ’’ਤਿ ਛਕ੍ਖਤ੍ਤੁਂ ਵਦਤਿ, ਤਥਾ ਏਕਦਿਵਸਮੇਵ ਪੁਨਪ੍ਪੁਨਂ ਗਨ੍ਤ੍ਵਾ ਦ੍ਵਾਦਸਕ੍ਖਤ੍ਤੁਂ ਤਿਟ੍ਠਤਿ, ਸਕਿਂਯੇਵ ਵਾ ਗਨ੍ਤ੍ਵਾ ਤਤ੍ਰ ਤਤ੍ਰ ਠਾਨੇ ਤਿਟ੍ਠਤਿ, ਸੋਪਿ ਸਬ੍ਬਚੋਦਨਾਯੋ ਸਬ੍ਬਟ੍ਠਾਨਾਨਿ ਚ ਭਞ੍ਜਤਿ, ਕੋ ਪਨ ਵਾਦੋ ¶ ਨਾਨਾਦਿਵਸੇਸੁ ਏਵਂ ਕਰੋਨ੍ਤਸ੍ਸਾਤਿ ਅਯਮੇਤ੍ਥ ਵਿਨਿਚ੍ਛਯੋ. ਯੇ ਪਨ ਕਪ੍ਪਿਯਕਾਰਕੇ ਦਾਯਕੋ ਸਯਮੇਵ ਗਨ੍ਤ੍ਵਾ ਨਿਸੀਦਤਿ ਤੇ ਸਤਕ੍ਖਤ੍ਤੁਮ੍ਪਿ ਚੋਦੇਤੁਂ ਵਟ੍ਟਤਿ. ਯੋ ਪਨ ਉਭੋਹਿ ਪਿ ਅਨਿਦ੍ਦਿਟ੍ਠੋ ਮੁਖਵੇਵਟਿਕਕਪ੍ਪਿਯਕਾਰਕੋ ਚ ਪਰਮ੍ਮੁਖਕਪ੍ਪਿਯਕਾਰਕੋ ਚ, ਸੋ ਨ ਕਿਞ੍ਚਿ ਵਤ੍ਤਬ੍ਬੋ, ਏਵਂ ਇਧ ਦਸਪਿ ਕਪ੍ਪਿਯਕਾਰਕਾ ਦਸ੍ਸਿਤਾ ਹੋਨ੍ਤਿ.

ਤਤੋ ¶ ਚੇ ਉਤ੍ਤਰੀਤਿ ਵੁਤ੍ਤਚੋਦਨਾਠਾਨਪਰਿਮਾਣਤੋ ਉਤ੍ਤਰਿ. ਨਿਸ੍ਸਗ੍ਗਿਯਨ੍ਤਿ ਉਤ੍ਤਰਿ ਵਾਯਾਮਮਾਨਸ੍ਸ ਸਬ੍ਬਪ੍ਪਯੋਗੇਸੁ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਏਤ੍ਥ ਚ ‘‘ਇਦਂ ਮੇ, ਭਨ੍ਤੇ, ਚੀਵਰਂ ਅਤਿਰੇਕਤਿਕ੍ਖਤ੍ਤੁਂ ਚੋਦਨਾਯ ਅਤਿਰੇਕਛਕ੍ਖਤ੍ਤੁਂ ਠਾਨੇਨ ਅਭਿਨਿਪ੍ਫਾਦਿਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੩੯) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ. ਯਤਸ੍ਸ ਚੀਵਰਚੇਤਾਪਨ੍ਨਂ ਆਭਤਨ੍ਤਿ ਯਤੋ ਰਾਜਤੋ ਵਾ ਰਾਜਭੋਗ੍ਗਤੋ ਵਾ ਅਸ੍ਸ ਭਿਕ੍ਖੁਨੋ ਚੀਵਰਚੇਤਾਪਨ੍ਨਂ ਆਨੀਤਂ, ‘‘ਯਤ੍ਵਸ੍ਸਾ’’ਤਿਪਿ ਪਾਠੋ, ਅਯਮੇਵ ਅਤ੍ਥੋ. ਤਤ੍ਥਾਤਿ ਤਸ੍ਸ ਰਞ੍ਞੋ ਵਾ ਰਾਜਭੋਗ੍ਗਸ੍ਸ ਵਾ ਸਨ੍ਤਿਕਂ, ਸਮੀਪਤ੍ਥੇ ਹਿ ਇਦਂ ਭੁਮ੍ਮਵਚਨਂ. ਨ ਤਂ ਤਸ੍ਸ ਭਿਕ੍ਖੁਨੋ ਕਿਞ੍ਚਿ ਅਤ੍ਥਂ ਅਨੁਭੋਤੀਤਿ ਤਂ ਚੇਤਾਪਨ੍ਨਂ ਤਸ੍ਸ ਭਿਕ੍ਖੁਨੋ ਅਪ੍ਪਮਤ੍ਤਕਮ੍ਪਿ ਕਮ੍ਮਂ ਨ ਨਿਪ੍ਫਾਦੇਤਿ. ਯੁਞ੍ਜਨ੍ਤਾਯਸ੍ਮਨ੍ਤੋ ਸਕਨ੍ਤਿ ਆਯਸ੍ਮਨ੍ਤੋ ਅਤ੍ਤਨੋ ਸਨ੍ਤਕਂ ਧਨਂ ਪਾਪੁਣਨ੍ਤੁ. ਮਾ ਵੋ ਸਕਂ ¶ ਵਿਨਸ੍ਸਾਤਿ ਤੁਮ੍ਹਾਕਂ ਸਨ੍ਤਕਂ ਮਾ ਵਿਨਸ੍ਸਤੁ. ਅਯਂ ਤਤ੍ਥ ਸਾਮੀਚੀਤਿ ਅਯਂ ਤਤ੍ਥ ਅਨੁਧਮ੍ਮਤਾ ਲੋਕੁਤ੍ਤਰਧਮ੍ਮਂ ਅਨੁਗਤਾ, ਵਤ੍ਤਧਮ੍ਮਤਾਤਿ ਅਤ੍ਥੋ, ਤਸ੍ਮਾ ਏਵਂ ਅਕਰੋਨ੍ਤੋ ਵਤ੍ਤਭੇਦੇ ਦੁਕ੍ਕਟਂ ਆਪਜ੍ਜਤਿ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ‘‘ਅਜ੍ਜੁਣ੍ਹੋ, ਭਨ੍ਤੇ, ਆਗਮੇਹੀ’’ਤਿ (ਪਾਰਾ. ੫੩੭) ਵੁਚ੍ਚਮਾਨੋ ਨਾਗਮੇਸਿ, ਤਸ੍ਮਿਂ ਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਊਨਕੇਸੁ ਚੋਦਨਾਠਾਨੇਸੁ ਅਤਿਰੇਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਅਚੋਦਨਾਯ ਲਦ੍ਧੇ, ਸਾਮਿਕੇਹਿ ਚੋਦੇਤ੍ਵਾ ਦਿਨ੍ਨੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਕਪ੍ਪਿਯਕਾਰਕਸ੍ਸ ਭਿਕ੍ਖੁਨੋ ਨਿਦ੍ਦਿਟ੍ਠਭਾਵੋ, ਦੂਤੇਨ ਅਪ੍ਪਿਤਤਾ, ਤਤੁਤ੍ਤਰਿਵਾਯਾਮੋ, ਤੇਨ ਵਾਯਾਮੇਨ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਚਤੁਤ੍ਥਸਦਿਸਾਨੇਵਾਤਿ.

ਏਲ਼ਕਲੋਮਵਗ੍ਗਸ੍ਸ ¶ ਪਠਮੇ ਕੋਸਿਯਮਿਸ੍ਸਕਨ੍ਤਿ ਏਕੇਨਾਪਿ ਕੋਸਿਯਂਸੁਨਾ ਅਨ੍ਤਮਸੋ ਤਸ੍ਸ ਕਰਣਟ੍ਠਾਨੇ ¶ ਵਾਤਵੇਗੇਨ ਨਿਪਾਤਿਤੇਨਾਪਿ ਮਿਸ੍ਸੀਕਤਂ. ਸਨ੍ਥਤਨ੍ਤਿ ਸਮੇ ਭੂਮਿਭਾਗੇ ਕੋਸਿਯਂਸੂਨਿ ਉਪਰੂਪਰਿ ਸਨ੍ਥਰਿਤ੍ਵਾ ਕਞ੍ਜਿਯਾਦੀਹਿ ਸਿਞ੍ਚਿਤ੍ਵਾ ਕਤ੍ਤਬ੍ਬਤਾਲਕ੍ਖਣਂ. ਕਾਰਾਪੇਯ੍ਯ ਨਿਸ੍ਸਗ੍ਗਿਯਨ੍ਤਿ ਕਰਣਕਾਰਾਪਨਪ੍ਪਯੋਗੇਸੁ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ. ਏਤ੍ਥ ਚ ‘‘ਇਦਂ ਮੇ, ਭਨ੍ਤੇ, ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਰਾਪਿਤਂ ਨਿਸ੍ਸਗ੍ਗਿਯ’’ਨ੍ਤਿ (ਪਾਰਾ. ੫੪੪) ਇਮਿਨਾ ਨਯੇਨ ਨਿਸ੍ਸਜ੍ਜਨਵਿਧਾਨਂ ਵੇਦਿਤਬ੍ਬਂ, ਇਮਸ੍ਸੇਵ ਵਚਨਸ੍ਸ ਅਨੁਸਾਰੇਨ ਇਤੋ ਪਰਂ ਸਬ੍ਬਸਨ੍ਥਤਂ ਵੇਦਿਤਬ੍ਬਂ. ਸਕ੍ਕਾ ਹਿ ਏਤ੍ਤਾਵਤਾ ਜਾਨਿਤੁਨ੍ਤਿ ਨ ਤਂ ਇਤੋ ਪਰਂ ਦਸ੍ਸਯਿਸ੍ਸਾਮ.

ਆਲ਼ਵਿਯਂ ਛਬ੍ਬਗ੍ਗਿਯੇ ਆਰਬ੍ਭ ਕੋਸਿਯਮਿਸ੍ਸਕਂ ਸਨ੍ਥਤਂ ਕਾਰਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਤ੍ਤਨੋ ਅਤ੍ਥਾਯ ਕਾਰਾਪਨਵਸੇਨ ਸਾਣਤ੍ਤਿਕਂ, ਅਤ੍ਤਨਾ ਵਿਪ੍ਪਕਤਪਅਯੋਸਾਪਨਨਯੇਨ ਚਤੁਕ੍ਕਪਾਚਿਤ੍ਤਿਯਂ, ਅਞ੍ਞਸ੍ਸਤ੍ਥਾਯ ਕਰਣਕਾਰਾਪਨੇਸੁ ਅਞ੍ਞੇਨ ਕਤਂ ਪਟਿਲਭਿਤ੍ਵਾ ਪਰਿਭੁਞ੍ਜਨੇ ਚ ਦੁਕ੍ਕਟਂ. ਵਿਤਾਨਾਦਿਕਰਣੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਕੋਸਿਯਮਿਸ੍ਸਕਭਾਵੋ, ਅਤ੍ਤਨੋ ਅਤ੍ਥਾਯ ਸਨ੍ਥਤਸ੍ਸ ਕਰਣਕਾਰਾਪਨਂ, ਪਟਿਲਾਭੋ ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਧੋਵਾਪਨਸਿਕ੍ਖਾਪਦੇ ਵੁਤ੍ਤਨਯੇਨੇਵਾਤਿ.

ਕੋਸਿਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ਸੁਦ੍ਧਕਾਲ਼ਕਾਨਨ੍ਤਿ ਸੁਦ੍ਧਾਨਂ ਕਾਲ਼ਕਾਨਂ ਅਞ੍ਞੇਹਿ ਅਮਿਸ੍ਸੀਕਤਾਨਂ. ਵੇਸਾਲਿਯਂ ਛਬ੍ਬਗ੍ਗਿਯੇ ਆਰਬ੍ਭ ਤਾਦਿਸਂ ਸਨ੍ਥਤਂ ਕਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਪਠਮਸਦਿਸਮੇਵਾਤਿ.

ਸੁਦ੍ਧਕਾਲ਼ਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ¶ ¶ ਦ੍ਵੇ ਭਾਗਾਤਿ ਦ੍ਵੇ ਕੋਟ੍ਠਾਸਾ. ਆਦਾਤਬ੍ਬਾਤਿ ਗਹੇਤਬ੍ਬਾ. ਗੋਚਰਿਯਾਨਨ੍ਤਿ ਕਪਿਲਵਣ੍ਣਾਨਂ. ਅਯਂ ਪਨੇਤ੍ਥ ਵਿਨਿਚ੍ਛਯੋ – ਯਤ੍ਤਕੇਹਿ ਕਤ੍ਤੁਕਾਮੋ ਹੋਤਿ, ਤੇਸੁ ਤੁਲਯਿਤ੍ਵਾ ਦ੍ਵੇ ਕੋਟ੍ਠਾਸਾ ਕਾਲ਼ਕਾਨਂ ਗਹੇਤਬ੍ਬਾ, ਏਕੋ ਓਦਾਤਾਨਂ, ਏਕੋ ਗੋਚਰਿਯਾਨਂ. ਏਕਸ੍ਸਾਪਿ ਕਾਲ਼ਕਲੋਮਸ੍ਸ ਅਤਿਰੇਕਭਾਵੇ ਨਿਸ੍ਸਗ੍ਗਿਯਂ ਹੋਤਿ, ਊਨਕਂ ਵਟ੍ਟਤਿ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਤਾਦਿਸਂ ਸਨ੍ਥਤਂ ਕਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਕਿਰਿਯਾਕਿਰਿਯਂ, ਸੇਸਂ ਪਠਮਸਦਿਸਮੇਵਾਤਿ. ਇਮਾਨਿ ਪਨ ਤੀਣਿ ਨਿਸ੍ਸਜ੍ਜਿਤ੍ਵਾ ਪਟਿਲਦ੍ਧਾਨਿਪਿ ਪਰਿਭੁਞ੍ਜਿਤੁਂ ਨ ਵਟ੍ਟਨ੍ਤਿ.

ਦ੍ਵੇਭਾਗਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਓਰੇਨ ਚੇ ਛਨ੍ਨਂ ਵਸ੍ਸਾਨਨ੍ਤਿ ਛਨ੍ਨਂ ਵਸ੍ਸਾਨਂ ਓਰਿਮਭਾਗੇ, ਅਨ੍ਤੋਤਿ ਅਤ੍ਥੋ. ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਯਂ ਸਙ੍ਘੋ ਗਿਲਾਨਸ੍ਸ ਭਿਕ੍ਖੁਨੋ ਸਨ੍ਥਤਸਮ੍ਮੁਤਿਂ ਦੇਤਿ, ਤਂ ਠਪੇਤ੍ਵਾ ਅਲਦ੍ਧਸਮ੍ਮੁਤਿਕਸ੍ਸ ਛਬ੍ਬਸ੍ਸਬ੍ਭਨ੍ਤਰੇ ਅਞ੍ਞਂ ਸਨ੍ਥਤਂ ਕਰੋਨ੍ਤਸ੍ਸ ਨਿਸ੍ਸਗ੍ਗਿਯਂ ਹੋਤਿ.

ਸਾਵਤ੍ਥਿਯਂ ¶ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਨੁਵਸ੍ਸਂ ਸਨ੍ਥਤਂ ਕਾਰਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾ ਯੇਨ ਲਦ੍ਧਾ ਹੋਤਿ, ਤਸ੍ਸ ਯਾਵ ਰੋਗੋ ਨ ਵੂਪਸਮ੍ਮਤਿ, ਵੂਪਸਨ੍ਤੋ ਵਾ ਪੁਨ ਕੁਪ੍ਪਤਿ, ਤਾਵ ਗਤਗਤਟ੍ਠਾਨੇ ਅਨੁਵਸ੍ਸਮ੍ਪਿ ਕਾਤੁਂ ਵਟ੍ਟਤਿ, ਅਞ੍ਞਸ੍ਸਤ੍ਥਾਯ ਕਾਰੇਤੁਂ, ਕਤਞ੍ਚ ਪਟਿਲਭਿਤ੍ਵਾ ਪਰਿਭੁਞ੍ਜਿਤੁਮ੍ਪਿ ਵਟ੍ਟਤਿ, ਸੇਸਂ ਪਠਮਸਦਿਸਮੇਵਾਤਿ.

ਛਬ੍ਬਸ੍ਸਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਞ੍ਚਮੇ ਪੁਰਾਣਸਨ੍ਥਤਂ ਨਾਮ ਯਤ੍ਥ ਸਕਿਮ੍ਪਿ ਨਿਸਿਨ੍ਨੋ ਵਾ ਹੋਤਿ ਨਿਪਨ੍ਨੋ ਵਾ. ਸਮਨ੍ਤਾਤਿ ਏਕਪਸ੍ਸਤੋ ਵਟ੍ਟਂ ਵਾ ਚਤੁਰਸ੍ਸਂ ਵਾ ਛਿਨ੍ਦਿਤ੍ਵਾ ਗਹਿਤਟ੍ਠਾਨਂ ਯਥਾ ¶ ਵਿਦਤ੍ਥਿਮਤ੍ਤਂ ਹੋਤਿ, ਏਵਂ ਗਹੇਤਬ੍ਬਂ. ਸਨ੍ਥਰਨ੍ਤੇਨ ਪਨ ਏਕਦੇਸੇ ਵਾ ਸਨ੍ਥਰਿਤਬ੍ਬਂ, ਵਿਜਟੇਤ੍ਵਾ ਵਾ ਮਿਸ੍ਸਕਂ ਕਤ੍ਵਾ ਸਨ੍ਥਰਿਤਬ੍ਬਂ, ਏਵਂ ਥਿਰਤਰਂ ਹੋਤਿ. ਅਨਾਦਾ ਚੇਤਿ ਸਤਿ ਪੁਰਾਣਸਨ੍ਥਤੇ ਅਗ੍ਗਹੇਤ੍ਵਾ. ਅਸਤਿ ਪਨ ਅਗ੍ਗਹੇਤ੍ਵਾਪਿ ਵਟ੍ਟਤਿ, ਅਞ੍ਞਸ੍ਸਤ੍ਥਾਯ ਕਾਰੇਤੁਂ, ਕਤਞ੍ਚ ਪਟਿਲਭਿਤ੍ਵਾ ਪਰਿਭੁਞ੍ਜਿਤੁਮ੍ਪਿ ਵਟ੍ਟਤਿ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਸਨ੍ਥਤਵਿਸ੍ਸਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਤਤਿਯਸਦਿਸਮੇਵਾਤਿ.

ਨਿਸੀਦਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਛਟ੍ਠੇ ¶ ਅਦ੍ਧਾਨਮਗ੍ਗਪ੍ਪਟਿਪਨ੍ਨਸ੍ਸਾਤਿ ਅਦ੍ਧਾਨਸਙ੍ਖਾਤਂ ਦੀਘਮਗ੍ਗਂ ਪਟਿਪਨ੍ਨਸ੍ਸ, ਸਬ੍ਬਞ੍ਚੇਤਂ ਵਤ੍ਥੁਮਤ੍ਤਦੀਪਨਮੇਵ, ਯਤ੍ਥ ਕਤ੍ਥਚਿ ਪਨ ਧਮ੍ਮੇਨ ਲਭਿਤ੍ਵਾ ਗਣ੍ਹਤੋ ਦੋਸੋ ਨਤ੍ਥਿ. ਤਿਯੋਜਨਪਰਮਨ੍ਤਿ ਗਹਿਤਟ੍ਠਾਨਤੋ ਤਿਯੋਜਨਪ੍ਪਮਾਣਂ ਦੇਸਂ. ਸਹਤ੍ਥਾਤਿ ਸਹਤ੍ਥੇਨ, ਅਤ੍ਤਨਾ ਹਰਿਤਬ੍ਬਾਨੀਤਿ ਅਤ੍ਥੋ. ਅਸਨ੍ਤੇ ਹਾਰਕੇਤਿ ¶ ਅਸਨ੍ਤੇਯੇਵ ਅਞ੍ਞਸ੍ਮਿਮ੍ਪਿ ਹਾਰਕੇ. ਸਚੇ ਪਨ ਅਤ੍ਥਿ, ਤਂ ਗਾਹੇਤੁਂ ਵਟ੍ਟਤਿ. ਅਤ੍ਤਨਾ ਪਨ ਅਨ੍ਤਮਸੋ ਵਾਤਾਬਾਧਪ੍ਪਟਿਕਾਰਤ੍ਥਂ ਸੁਤ੍ਤਕੇਨ ਅਬਨ੍ਧਿਤ੍ਵਾ ਕਣ੍ਣਚ੍ਛਿਦ੍ਦੇ ਪਕ੍ਖਿਤ੍ਤਾਨਿਪਿ ਆਦਾਯ ਤਿਯੋਜਨਂ ਏਕਂ ਪਾਦਂ ਅਤਿਕ੍ਕਾਮੇਨ੍ਤਸ੍ਸ ਦੁਕ੍ਕਟਂ, ਦੁਤਿਯਪਾਦਾਤਿਕ੍ਕਮੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਤਿਯੋਜਨਾਤਿਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਊਨਕਤਿਯੋਜਨੇ ਅਤਿਰੇਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਤਿਯੋਜਨਂ ਹਰਣਪਚ੍ਚਾਹਰਣੇ, ਵਾਸਾਧਿਪ੍ਪਾਯੇਨ ਗਨ੍ਤ੍ਵਾ ਤਤੋ ਪਰਂ ਹਰਣੇ, ਅਚ੍ਛਿਨ੍ਨਂ ਵਾ ਨਿਸ੍ਸਟ੍ਠਂ ਵਾ ਪਟਿਲਭਿਤ੍ਵਾ ਹਰਣੇ, ਅਞ੍ਞਂ ਹਰਾਪਨੇ, ਅਨ੍ਤਮਸੋ ਸੁਤ੍ਤਕੇਨਪਿ ਬਦ੍ਧਕਤਭਣ੍ਡਹਰਣੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਏਲ਼ਕਲੋਮਾਨਂ ਅਕਤਭਣ੍ਡਤਾ, ਪਠਮਪ੍ਪਟਿਲਾਭੋ, ਅਤ੍ਤਨਾ ਆਦਾਯ ਵਾ ਅਞ੍ਞਸ੍ਸ ਅਜਾਨਨ੍ਤਸ੍ਸ ਯਾਨੇ ਪਕ੍ਖਿਪਿਤ੍ਵਾ ਵਾ ਤਿਯੋਜਨਾਤਿਕ੍ਕਮਨਂ, ਆਹਰਣਪਚ੍ਚਾਹਰਣਂ, ਅਵਾਸਾਧਿਪ੍ਪਾਯਤਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਏਲ਼ਕਲੋਮਸਮੁਟ੍ਠਾਨਂ ¶ , ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਏਲ਼ਕਲੋਮਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੭. ਏਲ਼ਕਲੋਮਧੋਵਾਪਨਸਿਕ੍ਖਾਪਦਵਣ੍ਣਨਾ

ਸਤ੍ਤਮੇ ਸਕ੍ਕੇਸੁ ਛਬ੍ਬਗ੍ਗਿਯੇ ਆਰਬ੍ਭ ਏਲ਼ਕਲੋਮਧੋਵਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ. ਤਤ੍ਥ ਪੁਰਾਣਚੀਵਰਧੋਵਾਪਨੇ ਵੁਤ੍ਤਨਯੇਨੇਵ ਸਬ੍ਬੋਪਿ ਵਿਨਿਚ੍ਛਯੋ ਵੇਦਿਤਬ੍ਬੋ.

ਏਲ਼ਕਲੋਮਧੋਵਾਪਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ¶ ਜਾਤਰੂਪਰਜਤਨ੍ਤਿ ਸੁਵਣ੍ਣਞ੍ਚੇਵ ਰੂਪਿਯਞ੍ਚ, ਅਪਿਚ ਕਹਾਪਣੋ ਲੋਹਮਾਸਕਦਾਰੁਮਾਸਕਜਤੁਮਾਸਕਾਦਯੋਪਿ ਯੇ ਵੋਹਾਰਂ ਗਚ੍ਛਨ੍ਤਿ, ਸਬ੍ਬੇ ਤੇ ਇਧ ਰਜਤਨ੍ਤ੍ਵੇਵ ਵੁਤ੍ਤਾ. ਉਗ੍ਗਣ੍ਹੇਯ੍ਯ ਵਾਤਿ ਅਤ੍ਤਨੋ ਅਤ੍ਥਾਯ ਦਿਯ੍ਯਮਾਨਂ ਵਾ ਯਤ੍ਥਕਤ੍ਥਚਿ ਠਿਤਂ ਵਾ ਨਿਪ੍ਪਰਿਗ੍ਗਹਿਤਂ ਦਿਸ੍ਵਾ ਸਯਂ ਗਣ੍ਹੇਯ੍ਯ ਵਾ. ਉਗ੍ਗਣ੍ਹਾਪੇਯ੍ਯ ਵਾਤਿ ਤਦੇਵ ਅਞ੍ਞੇਨ ਗਾਹਾਪੇਯ੍ਯ ਵਾ. ਉਪਨਿਕ੍ਖਿਤ੍ਤਂ ਵਾ ਸਾਦਿਯੇਯ੍ਯਾਤਿ ‘‘ਇਦਂ ਅਯ੍ਯਸ੍ਸ ਹੋਤੂ’’ਤਿ ਏਵਂ ਸਮ੍ਮੁਖਾ ਵਾ, ‘‘ਅਸੁਕਸ੍ਮਿਂ ਨਾਮ ਠਾਨੇ ਮਮ ਹਿਰਞ੍ਞਸੁਵਣ੍ਣਂ, ਤਂ ਤੁਯ੍ਹਂ ਹੋਤੂ’’ਤਿ ਏਵਂ ਪਰਮ੍ਮੁਖਾ ਠਿਤਂ ਵਾ ਕੇਵਲਂ ਵਾਚਾਯ ਵਾ ਹਤ੍ਥਮੁਦ੍ਦਾਯ ਵਾ ‘‘ਤੁਯ੍ਹ’’ਨ੍ਤਿ ਵਤ੍ਵਾ ਪਰਿਚ੍ਚਤ੍ਤਂ ਯੋ ਕਾਯਵਾਚਾਹਿ ਅਪ੍ਪਟਿਕ੍ਖਿਪਿਤ੍ਵਾ ਚਿਤ੍ਤੇਨ ਅਧਿਵਾਸੇਯ੍ਯ, ਅਯਂ ‘‘ਸਾਦਿਯੇਯ੍ਯਾ’’ਤਿ ਵੁਚ੍ਚਤਿ. ਸਚੇ ਪਨ ਚਿਤ੍ਤੇਨ ਸਾਦਿਯਤਿ, ਗਣ੍ਹਿਤੁਕਾਮੋ ਹੋਤਿ, ਕਾਯੇਨ ਵਾ ਵਾਚਾਯ ਵਾ ‘‘ਨਯਿਦਂ ਕਪ੍ਪਤੀ’’ਤਿ ਪਟਿਕ੍ਖਿਪਤਿ, ਕਾਯਵਾਚਾਹਿ ਅਪ੍ਪਟਿਕ੍ਖਿਪਿਤ੍ਵਾ ਸੁਦ੍ਧਚਿਤ੍ਤੋ ਹੁਤ੍ਵਾ ‘‘ਨਯਿਦਂ ਅਮ੍ਹਾਕਂ ਕਪ੍ਪਤੀ’’ਤਿ ਨ ਸਾਦਿਯਤਿ, ਵਟ੍ਟਤਿ. ਨਿਸ੍ਸਗ੍ਗਿਯਨ੍ਤਿ ਉਗ੍ਗਹਣਾਦੀਸੁ ਯਂਕਿਞ੍ਚਿ ਕਰੋਨ੍ਤਸ੍ਸ ¶ ਅਘਨਬਦ੍ਧੇਸੁ ਵਤ੍ਥੂਸੁ ਵਤ੍ਥੁਗਣਨਾਯ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਤਂ ਨਿਸ੍ਸਜ੍ਜਨ੍ਤੇਨ ‘‘ਅਹਂ, ਭਨ੍ਤੇ, ਰੂਪਿਯਂ ਪਟਿਗ੍ਗਹੇਸਿਂ, ਇਦਂ ਮੇ, ਭਨ੍ਤੇ, ਨਿਸ੍ਸਗ੍ਗਿਯਂ, ਇਮਾਹਂ ਸਙ੍ਘਸ੍ਸ ਨਿਸ੍ਸਜ੍ਜਾਮੀ’’ਤਿ (ਪਾਰਾ. ੫੮੪) ਏਵਂ ਸਙ੍ਘਮਜ੍ਝੇਯੇਵ ਨਿਸ੍ਸਜ੍ਜਿਤਬ੍ਬਂ. ਸਚੇ ਤਤ੍ਥ ਕੋਚਿ ਗਹਟ੍ਠੋ ਆਗਚ੍ਛਤਿ ¶ , ‘‘ਇਦਂ ਜਾਨਾਹੀ’’ਤਿ ਵਤ੍ਤਬ੍ਬੋ. ‘‘ਇਮਿਨਾ ਕਿਂ ਆਹਰਿਯ੍ਯਤੂ’’ਤਿ ਭਣਨ੍ਤੇ ਪਨ ‘‘ਇਦਂ ਨਾਮਾ’’ਤਿ ਅਵਤ੍ਵਾ ‘‘ਸਪ੍ਪਿਆਦੀਨਿ ਭਿਕ੍ਖੂਨਂ ਕਪ੍ਪਨ੍ਤੀ’’ਤਿ ਏਵਂ ਕਪ੍ਪਿਯਂ ਆਚਿਕ੍ਖਿਤਬ੍ਬਂ. ਸਚੇ ਸੋ ਆਹਰਤਿ, ਰੂਪਿਯਪ੍ਪਟਿਗ੍ਗਾਹਕਂ ਠਪੇਤ੍ਵਾ ਸਬ੍ਬੇਹਿ ਭਾਜੇਤ੍ਵਾ ਪਰਿਭੁਞ੍ਜਿਤਬ੍ਬਂ. ਰੂਪਿਯਪ੍ਪਟਿਗ੍ਗਾਹਕਸ੍ਸ ਪਨ ਯਂ ਤਪ੍ਪਚ੍ਚਯਾ ਉਪ੍ਪਨ੍ਨਂ, ਤਂ ਅਞ੍ਞੇਨ ਲਭਿਤ੍ਵਾ ਦਿਯ੍ਯਮਾਨਮ੍ਪਿ ਅਨ੍ਤਮਸੋ ਤਤੋ ਨਿਬ੍ਬਤ੍ਤਰੁਕ੍ਖਚ੍ਛਾਯਾਪਿ ਪਰਿਭੁਞ੍ਜਿਤੁਂ ਨ ਵਟ੍ਟਤਿ. ਸਚੇ ਪਨ ਸੋ ਕਿਞ੍ਚਿ ਆਹਰਿਤੁਂ ਨ ਇਚ੍ਛਤਿ, ‘‘ਇਮਂ ਛਟ੍ਟੇਹੀ’’ਤਿ ਵਤ੍ਤਬ੍ਬੋ. ਸਚੇ ਯਤ੍ਥ ਕਤ੍ਥਚਿ ਨਿਕ੍ਖਿਪਤਿ, ਗਹੇਤ੍ਵਾ ਵਾ ਗਚ੍ਛਤਿ, ਨ ਵਾਰੇਤਬ੍ਬੋ. ਨੋ ਚੇ ਛਟ੍ਟੇਤਿ, ਪਞ੍ਚਙ੍ਗਸਮਨ੍ਨਾਗਤੋ ਭਿਕ੍ਖੁ ਰੂਪਿਯਛਟ੍ਟਕੋ ਸਮ੍ਮਨ੍ਨਿਤਬ੍ਬੋ. ਤੇਨ ਅਨਿਮਿਤ੍ਤਂ ਕਤ੍ਵਾਵ ਗੂਥਂ ਵਿਯ ਛਟ੍ਟੇਤਬ੍ਬਂ. ਸਚੇ ਨਿਮਿਤ੍ਤਂ ਕਰੋਤਿ, ਦੁਕ੍ਕਟਂ ਆਪਜ੍ਜਤਿ.

ਰਾਜਗਹੇ ਉਪਨਨ੍ਦਂ ਆਰਬ੍ਭ ਰੂਪਿਯਪ੍ਪਟਿਗ੍ਗਹਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਰੂਪਿਯੇ ਰੂਪਿਯਸਞ੍ਞਿਨੋ ਵੇਮਤਿਕਸ੍ਸ ਵਾ, ਸਙ੍ਘਚੇਤਿਯਾਦੀਨਂ ਅਤ੍ਥਾਯ ਗਣ੍ਹਨ੍ਤਸ੍ਸ, ਮੁਤ੍ਤਾਮਣਿਆਦਿਪ੍ਪਟਿਗ੍ਗਹਣੇ ਚ ਦੁਕ੍ਕਟਂ. ਰਤਨਸਿਕ੍ਖਾਪਦਨਯੇਨ ਨਿਕ੍ਖਿਪਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਜਾਤਰੂਪਰਜਤਭਾਵੋ, ਅਤ੍ਤੁਦ੍ਦੇਸਿਕਤਾ, ਗਹਣਾਦੀਸੁ ਅਞ੍ਞਤਰਭਾਵੋਤਿ ¶ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਸੁ ਸਿਯਾ ਕਿਰਿਯਂ ਗਹਣੇਨ ਆਪਜ੍ਜਨਤੋ, ਸਿਯਾ ਅਕਿਰਿਯਂ ਪਟਿਕ੍ਖੇਪਸ੍ਸ ਅਕਰਣਤੋ, ਸੇਸਂ ਸਞ੍ਚਰਿਤ੍ਤੇ ਵੁਤ੍ਤਨਯਮੇਵਾਤਿ.

ਜਾਤਰੂਪਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੯. ਰੂਪਿਯਸਂਵੋਹਾਰਸਿਕ੍ਖਾਪਦਵਣ੍ਣਨਾ

ਨਵਮੇ ਨਾਨਪ੍ਪਕਾਰਕਨ੍ਤਿ ਕਤਾਦਿਵਸੇਨ ਅਨੇਕਵਿਧਂ. ਰੂਪਿਯਸਂਵੋਹਾਰਨ੍ਤਿ ਜਾਤਰੂਪਰਜਤਪਰਿਵਤ੍ਤਨਂ. ਪੁਰਿਮਸਿਕ੍ਖਾਪਦੇਨ ਹਿ ਨਿਸ੍ਸਗ੍ਗਿਯਵਤ੍ਥੁਦੁਕ੍ਕਟਵਤ੍ਥੂਨਂ ਪਟਿਗ੍ਗਹਣਂ ਵਾਰਿਤਂ, ਇਮਿਨਾ ਪਰਿਵਤ੍ਤਨਂ. ਤਸ੍ਮਾ ਦੁਕ੍ਕਟਵਤ੍ਥੁਨਾ ਦੁਕ੍ਕਟਵਤ੍ਥੁਕਪ੍ਪਿਯਵਤ੍ਥੂਨਿ, ਕਪ੍ਪਿਯਵਤ੍ਥੁਨਾ ਚ ਦੁਕ੍ਕਟਵਤ੍ਥੁਂ ਪਰਿਵਤ੍ਤੇਨ੍ਤਸ੍ਸ ਦੁਕ੍ਕਟਂ. ਨਿਸ੍ਸਗ੍ਗਿਯਵਤ੍ਥੁਨਾ ਪਨ ਨਿਸ੍ਸਗ੍ਗਿਯਵਤ੍ਥੁਂ ਵਾ ਦੁਕ੍ਕਟਵਤ੍ਥੁਂ ਵਾ ਕਪ੍ਪਿਯਵਤ੍ਥੁਂ ਵਾ, ਦੁਕ੍ਕਟਵਤ੍ਥੁਕਪ੍ਪਿਯਵਤ੍ਥੂਹਿ ਚ ਨਿਸ੍ਸਗ੍ਗਿਯਵਤ੍ਥੁਂ ਪਰਿਵਤ੍ਤੇਨ੍ਤਸ੍ਸ ਨਿਸ੍ਸਗ੍ਗਿਯਂ ਹੋਤਿ, ਤਂ ਪੁਰਿਮਨਯਾਨੁਸਾਰੇਨੇਵ ਸਙ੍ਘਮਜ੍ਝੇ ਨਿਸ੍ਸਜ੍ਜਿਤਬ੍ਬਂ, ਨਿਸ੍ਸਟ੍ਠਵਤ੍ਥੁਸ੍ਮਿਞ੍ਚ ਤਤ੍ਥ ਵੁਤ੍ਤਨਯੇਨੇਵ ਪਟਿਪਜ੍ਜਿਤਬ੍ਬਂ.

ਸਾਵਤ੍ਥਿਯਂ ¶ ਛਬ੍ਬਗ੍ਗਿਯੇ ਆਰਬ੍ਭ ਰੂਪਿਯਸਂਵੋਹਾਰਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਯਂ ਅਤ੍ਤਨੋ ਧਨੇਨ ਪਰਿਵਤ੍ਤੇਤਿ, ਤਸ੍ਸ ਵਾ ਧਨਸ੍ਸ ਵਾ ਰੂਪਿਯਭਾਵੋ ਚੇਵ, ਪਰਿਵਤ੍ਤਨਞ੍ਚਾਤਿ ਇਮਾਨੇਤ੍ਥ ¶ ਦ੍ਵੇ ਅਙ੍ਗਾਨਿ. ਕਿਰਿਯਂ, ਸੇਸਂ ਅਨਨ੍ਤਰਸਿਕ੍ਖਾਪਦੇ ਵੁਤ੍ਤਨਯਮੇਵਾਤਿ.

ਰੂਪਿਯਸਂਵੋਹਾਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ਨਾਨਪ੍ਪਕਾਰਕਨ੍ਤਿ ਚੀਵਰਾਦੀਨਂ ਕਪ੍ਪਿਯਭਣ੍ਡਾਨਂ ਵਸੇਨ ਅਨੇਕਵਿਧਂ. ਕਯਵਿਕ੍ਕਯਨ੍ਤਿ ਕਯਞ੍ਚੇਵ ਵਿਕ੍ਕਯਞ੍ਚ. ‘‘ਇਮਿਨਾ ਇਮਂ ਦੇਹਿ, ਇਮਂ ਆਹਰ, ਪਰਿਵਤ੍ਤੇਹਿ, ਚੇਤਾਪੇਹੀ’’ਤਿ ਇਮਿਨਾ ਹਿ ਨਯੇਨ ਪਰਸ੍ਸ ਕਪ੍ਪਿਯਭਣ੍ਡਂ ਗਣ੍ਹਨ੍ਤੋ ਕਯਂ ਸਮਾਪਜ੍ਜਤਿ, ਅਤ੍ਤਨੋ ਕਪ੍ਪਿਯਭਣ੍ਡਂ ਦੇਨ੍ਤੋ ਵਿਕ੍ਕਯਂ ਸਮਾਪਜ੍ਜਤਿ. ਤਸ੍ਮਾ ਠਪੇਤ੍ਵਾ ਪਞ੍ਚ ਸਹਧਮ੍ਮਿਕੇ ਯਂ ਏਵਂ ਅਤ੍ਤਨੋ ਕਪ੍ਪਿਯਭਣ੍ਡਂ ਦਤ੍ਵਾ ਮਾਤੁ ਸਨ੍ਤਕਮ੍ਪਿ ਕਪ੍ਪਿਯਭਣ੍ਡਂ ਗਣ੍ਹਾਤਿ, ਤਂ ਨਿਸ੍ਸਗ੍ਗਿਯਂ ਹੋਤਿ. ਵੁਤ੍ਤਲਕ੍ਖਣਵਸੇਨ ਸਙ੍ਘਗਣਪੁਗ੍ਗਲੇਸੁ ਯਸ੍ਸ ਕਸ੍ਸਚਿ ਨਿਸ੍ਸਜ੍ਜਿਤਬ੍ਬਂ, ‘‘ਇਮਂ ਭੁਞ੍ਜਿਤ੍ਵਾ ਵਾ ਗਹੇਤ੍ਵਾ ਵਾ ਇਦਂ ਨਾਮ ਆਹਰ ¶ ਵਾ ਕਰੋਹਿ ਵਾ’’ਤਿ ਰਜਨਾਦਿਂ ਆਹਰਾਪੇਤ੍ਵਾ ਵਾ ਧਮਕਰਣਾਦਿਪਰਿਕ੍ਖਾਰਂ ਭੂਮਿਸੋਧਨਾਦਿਞ੍ਚ ਨਵਕਮ੍ਮਂ ਕਾਰੇਤ੍ਵਾ ਵਾ ਸਨ੍ਤਂ ਵਤ੍ਥੁ ਨਿਸ੍ਸਜ੍ਜਿਤਬ੍ਬਂ, ਅਸਨ੍ਤੇ ਪਾਚਿਤ੍ਤਿਯਂ ਦੇਸੇਤਬ੍ਬਮੇਵ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ਕਯਵਿਕ੍ਕਯਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਇਦਂ ਕਿਂ ਅਗ੍ਘਤੀ’’ਤਿ ਏਵਂ ਅਗ੍ਘਂ ਪੁਚ੍ਛਨ੍ਤਸ੍ਸ, ਯਸ੍ਸ ਹਤ੍ਥਤੋ ਭਣ੍ਡਂ ਗਣ੍ਹਿਤੁਕਾਮੋ ਹੋਤਿ, ਤਂ ਠਪੇਤ੍ਵਾ ਅਞ੍ਞਂ ਅਨ੍ਤਮਸੋ ਤਸ੍ਸੇਵ ਪੁਤ੍ਤਭਾਤੁਕਮ੍ਪਿ ਕਪ੍ਪਿਯਕਾਰਕਂ ਕਤ੍ਵਾ ‘‘ਇਮਿਨਾ ਇਦਂ ਨਾਮ ਗਹੇਤ੍ਵਾ ਦੇਹੀ’’ਤਿ ਆਚਿਕ੍ਖਨ੍ਤਸ੍ਸ, ‘‘ਇਦਂ ਅਮ੍ਹਾਕਂ ਅਤ੍ਥਿ, ਅਮ੍ਹਾਕਞ੍ਚ ਇਮਿਨਾ ਚ ਇਮਿਨਾ ਚ ਅਤ੍ਥੋ’’ਤਿ ਏਵਂ ਵਤ੍ਵਾ ਅਤ੍ਤਨੋ ਧਨੇਨ ਲਦ੍ਧਂ ਗਣ੍ਹਨ੍ਤਸ੍ਸ, ਸਹਧਮ੍ਮਿਕੇਹਿ ਸਦ੍ਧਿਂ ਕਯਵਿਕ੍ਕਯਂ ਕਰੋਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਯਂ ਅਤ੍ਤਨੋ ਧਨੇਨ ਪਰਿਵਤ੍ਤੇਤਿ, ਯੇਨ ਚ ਪਰਿਵਤ੍ਤੇਤਿ, ਤੇਸਂ ਕਪ੍ਪਿਯਵਤ੍ਥੁਤਾ, ਅਸਹਧਮ੍ਮਿਕਤਾ, ਕਯਵਿਕ੍ਕਯਾਪਜ੍ਜਨਞ੍ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸੇਸਂ ਰੂਪਿਯਸਂਵੋਹਾਰੇ ਵੁਤ੍ਤਨਯਮੇਵਾਤਿ.

ਕਯਵਿਕ੍ਕਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਤ੍ਤਵਗ੍ਗਸ੍ਸ ¶ ਪਠਮੇ ਅਤਿਰੇਕਪਤ੍ਤੋਤਿ ਅਨਧਿਟ੍ਠਿਤੋ ਚ ਅਵਿਕਪ੍ਪਿਤੋ ਚ, ਸੋ ਚ ਖੋ ਉਕ੍ਕਟ੍ਠਮਜ੍ਝਿਮੋਮਕਾਨਂ ਅਞ੍ਞਤਰੋ ਪਮਾਣਯੁਤ੍ਤੋਵ, ਤਸ੍ਸ ਪਮਾਣਂ ‘‘ਅਡ੍ਢਾਲ਼੍ਹਕੋਦਨਂ ਗਣ੍ਹਾਤੀ’’ਤਿਆਦਿਨਾ (ਪਾਰਾ ੬੦੨) ਨਯੇਨ ਪਾਲ਼ਿਯਂ ਵੁਤ੍ਤਂ. ਤਤ੍ਰਾਯਂ ਵਿਨਿਚ੍ਛਯੋ – ਅਨੁਪਹਤਪੁਰਾਣਸਾਲਿਤਣ੍ਡੁਲਾਨਂ ਸੁਕੋਟ੍ਟਿਤਪਰਿਸੁਦ੍ਧਾਨਂ ਦ੍ਵੇ ਮਗਧਨਾਲ਼ਿਯੋ ਗਹੇਤ੍ਵਾ ਤੇਹਿ ਤਣ੍ਡੁਲੇਹਿ ਅਨੁਤ੍ਤਣ੍ਡੁਲਮਕਿਲਿਨ੍ਨਮਪਿਣ੍ਡਿਕਂ ਸੁਵਿਸਦਂ ਕੁਨ੍ਦਮਕੁਲ਼ਰਾਸਿਸਦਿਸਂ ਅਵਸ੍ਸਾਵਿਤੋਦਨਂ ਪਚਿਤ੍ਵਾ ਨਿਰਵਸੇਸਂ ਪਤ੍ਤੇ ਪਕ੍ਖਿਪਿਤ੍ਵਾ ਤਸ੍ਸ ਓਦਨਸ੍ਸ ਚਤੁਤ੍ਥਭਾਗਪ੍ਪਮਾਣੋ ਨਾਤਿਘਨੋ ਨਾਤਿਤਨੁਕੋ ਹਤ੍ਥਹਾਰਿਯੋ ਸਬ੍ਬਸਮ੍ਭਾਰਸਙ੍ਖਤੋ ਮੁਗ੍ਗਸੂਪੋ ਪਕ੍ਖਿਪਿਤਬ੍ਬੋ, ਤਤੋ ਆਲੋਪਸ੍ਸ ਅਨੁਰੂਪਂ ਯਾਵਚਰਿਮਾਲੋਪਪ੍ਪਹੋਨਕਂ ਮਚ੍ਛਮਂਸਾਦਿਬ੍ਯਞ੍ਜਨਂ ਪਕ੍ਖਿਪਿਤਬ੍ਬਂ, ਸਪ੍ਪਿਤੇਲਤਕ੍ਕਰਸਕਞ੍ਜਿਯਾਦੀਨਿ ¶ ਪਨ ¶ ਗਣਨੂਪਗਾਨਿ ਨ ਹੋਨ੍ਤਿ. ਤਾਨਿ ਹਿ ਓਦਨਗਤਿਕਾਨੇਵ, ਨੇਵ ਹਾਪੇਤੁਂ, ਨ ਵਡ੍ਢੇਤੁਂ ਸਕ੍ਕੋਨ੍ਤਿ, ਏਵਮੇਤਂ ਸਬ੍ਬਮ੍ਪਿ ਪਕ੍ਖਿਤ੍ਤਂ ਸਚੇ ਪਤ੍ਤਸ੍ਸ ਮੁਖਵਟ੍ਟਿਯਾ ਹੇਟ੍ਠਿਮਰਾਜਿਸਮਂ ਤਿਟ੍ਠਤਿ, ਸੁਤ੍ਤੇਨ ਵਾ ਹੀਰੇਨ ਵਾ ਛਿਨ੍ਦਨ੍ਤਸ੍ਸ ਸੁਤ੍ਤਸ੍ਸ ਵਾ ਹੀਰਸ੍ਸ ਵਾ ਹੇਟ੍ਠਿਮਨ੍ਤਂ ਫੁਸਤਿ, ਅਯਂ ਉਕ੍ਕਟ੍ਠੋ ਨਾਮ ਪਤ੍ਤੋ. ਸਚੇ ਤਂ ਰਾਜਿਂ ਅਤਿਕ੍ਕਮ੍ਮ ਥੂਪੀਕਤਂ ਤਿਟ੍ਠਤਿ, ਅਯਂ ਉਕ੍ਕਟ੍ਠੋਮਕੋ ਨਾਮ ਪਤ੍ਤੋ. ਸਚੇ ਤਂ ਰਾਜਿਂ ਨ ਸਮ੍ਪਾਪੁਣਾਤਿ, ਅਨ੍ਤੋਗਧਮੇਵ ਹੋਤਿ, ਅਯਂ ਉਕ੍ਕਟ੍ਠੁਕ੍ਕਟ੍ਠੋ ਨਾਮ ਪਤ੍ਤੋ. ਉਕ੍ਕਟ੍ਠਤੋ ਉਪਡ੍ਢਪ੍ਪਮਾਣੋ ਮਜ੍ਝਿਮੋ. ਮਜ੍ਝਿਮਪਤ੍ਤਤੋ ਉਪਡ੍ਢਪ੍ਪਮਾਣੋ ਓਮਕੋ. ਤੇਸਮ੍ਪਿ ਵੁਤ੍ਤਨਯੇਨੇਵ ਭੇਦੋ ਵੇਦਿਤਬ੍ਬੋ. ਇਚ੍ਚੇਤੇਸੁ ਨਵਸੁ ਉਕ੍ਕਟ੍ਠੁਕ੍ਕਟ੍ਠੋ ਚ ਓਮਕੋਮਕੋ ਚਾਤਿ ਦ੍ਵੇ ਅਪਤ੍ਤਾ, ਸੇਸਾ ਸਤ੍ਤ ਪਤ੍ਤਾ ਪਮਾਣਯੁਤ੍ਤਾ ਨਾਮ, ਅਯਮੇਤ੍ਥਸਙ੍ਖੇਪੋ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ (ਪਾਰਾ. ਅਟ੍ਠ. ੨.੫੯੮ ਆਦਯੋ) ਵੁਤ੍ਤੋ, ਤਸ੍ਮਾ ਏਵਂ ਪਮਾਣਯੁਤ੍ਤਂ ਸਮਣਸਾਰੁਪ੍ਪੇਨ ਪਕ੍ਕਂ ਅਯੋਪਤ੍ਤਂ ਵਾ ਮਤ੍ਤਿਕਾਪਤ੍ਤਂ ਵਾ ਲਭਿਤ੍ਵਾ ਪੁਰਾਣਪਤ੍ਤਂ ਪਚ੍ਚੁਦ੍ਧਰਿਤ੍ਵਾ ਅਨ੍ਤੋਦਸਾਹੇ ਅਧਿਟ੍ਠਾਤਬ੍ਬੋ. ਸਚੇ ਪਨਸ੍ਸ ਮੂਲਤੋ ਕਾਕਣਿਕਮਤ੍ਤਮ੍ਪਿ ਦਾਤਬ੍ਬਂ ਅਵਸਿਟ੍ਠਂ ਹੋਤਿ, ਅਧਿਟ੍ਠਾਨੁਪਗੋ ਨ ਹੋਤਿ, ਅਪ੍ਪਚ੍ਚੁਦ੍ਧਰਨ੍ਤੇਨ ਵਿਕਪ੍ਪੇਤਬ੍ਬੋ. ਤਤ੍ਥ ਪਚ੍ਚੁਦ੍ਧਰਣਾਧਿਟ੍ਠਾਨਲਕ੍ਖਣਂ ਚੀਵਰਵਗ੍ਗੇ ਵੁਤ੍ਤਨਯੇਨੇਵ ਵੇਦਿਤਬ੍ਬਂ, ਵਿਕਪ੍ਪਨਲਕ੍ਖਣਂ ਪਰਤੋ ਵਕ੍ਖਾਮ. ਸਚੇ ਪਨ ਕੋਚਿ ਅਪਤ੍ਤਕੋ ਭਿਕ੍ਖੁ ਦਸ ਪਤ੍ਤੇ ਲਭਿਤ੍ਵਾ ਸਬ੍ਬੇ ਅਤ੍ਤਨਾਵ ਪਰਿਭੁਞ੍ਜਿਤੁਕਾਮੋ ਹੋਤਿ, ਏਕਂ ਪਤ੍ਤਂ ਅਧਿਟ੍ਠਾਯ ਪੁਨ ਦਿਵਸੇ ਤਂ ਪਚ੍ਚੁਦ੍ਧਰਿਤ੍ਵਾ ਅਞ੍ਞੋ ਅਧਿਟ੍ਠਾਤਬ੍ਬੋ, ਏਤੇਨੁਪਾਯੇਨ ਵਸ੍ਸਸਤਮ੍ਪਿ ¶ ਪਰਿਹਰਿਤੁਂ ਸਕ੍ਕਾ. ਯੋ ਪਨਸ੍ਸ ਪਤ੍ਤੋ ਮੁਖਵਟ੍ਟਿਤੋ ਹੇਟ੍ਠਾ ਦ੍ਵਙ੍ਗੁਲਮਤ੍ਤੋਕਾਸਤੋ ਪਟ੍ਠਾਯ ਯਤ੍ਥਕਤ੍ਥਚਿ ਕਙ੍ਗੁਸਿਤ੍ਥਨਿਕ੍ਖਮਨਮਤ੍ਤੇਨ ਛਿਦ੍ਦੇਨ ਛਿਦ੍ਦੋ ਹੋਤਿ, ਸੋ ਅਧਿਟ੍ਠਾਨੁਪਗੋ ਨ ਹੋਤਿ. ਪੁਨ ਛਿਦ੍ਦੇ ਪਾਕਤਿਕੇ ਕਤੇ ਅਧਿਟ੍ਠਾਤਬ੍ਬੋ, ਸੇਸਂ ਅਧਿਟ੍ਠਾਨਵਿਜਹਨਂ ਤਿਚੀਵਰੇ ਵੁਤ੍ਤਨਯਮੇਵ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਆਰਬ੍ਭ ਅਤਿਰੇਕਪਤ੍ਤਧਾਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਸੇਸਵਣ੍ਣਨਾਕ੍ਕਮੋ ਚੀਵਰਵਗ੍ਗਸ੍ਸ ਪਠਮਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬੋਤਿ.

ਪਤ੍ਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੨. ਊਨਪਞ੍ਚਬਨ੍ਧਨਸਿਕ੍ਖਾਪਦਵਣ੍ਣਨਾ

ਦੁਤਿਯੇ ਊਨਾਨਿ ਪਞ੍ਚ ਬਨ੍ਧਨਾਨਿ ਅਸ੍ਸਾਤਿ ਊਨਪਞ੍ਚਬਨ੍ਧਨੋ, ਨਾਸ੍ਸ ਪਞ੍ਚ ਬਨ੍ਧਨਾਨਿ ਪੂਰੇਨ੍ਤੀਤਿ ਅਤ੍ਥੋ, ਤੇਨ ਊਨਪਞ੍ਚਬਨ੍ਧਨੇਨ, ਇਤ੍ਥਮ੍ਭੂਤਸ੍ਸ ਲਕ੍ਖਣੇ ਕਰਣਵਚਨਂ. ਤਤ੍ਥ ਯਸ੍ਮਾ ਅਬਨ੍ਧਨਸ੍ਸਾਪਿ ਪਞ੍ਚ ਬਨ੍ਧਨਾਨਿ ਨ ਪੂਰੇਨ੍ਤਿ ਸਬ੍ਬਸੋ ਨਤ੍ਥਿਤਾਯ, ਤੇਨਸ੍ਸ ਪਦਭਾਜਨੇ ‘‘ਊਨਪਞ੍ਚਬਨ੍ਧਨੋ ਨਾਮ ਪਤ੍ਤੋ ਅਬਨ੍ਧਨੋ ਵਾ ਏਕਬਨ੍ਧਨੋ ਵਾ’’ਤਿਆਦਿ (ਪਾਰਾ. ੬੧੩) ਵੁਤ੍ਤਂ. ‘‘ਊਨਪਞ੍ਚਬਨ੍ਧਨੇਨਾ’’ਤਿ ¶ ਚ ਵੁਤ੍ਤਤ੍ਤਾ ਯਸ੍ਸ ਪਞ੍ਚਬਨ੍ਧਨੋ ਪਤ੍ਤੋ ਹੋਤਿ ਪਞ੍ਚਬਨ੍ਧਨੋਕਾਸੋ ਵਾ, ਤਸ੍ਸ ਸੋ ਅਪਤ੍ਤੋ, ਤਸ੍ਮਾ ਅਞ੍ਞਂ ਵਿਞ੍ਞਾਪੇਤੁਂ ਵਟ੍ਟਤਿ. ਯਸ੍ਮਿਂ ਪਨ ਪਤ੍ਤੇ ਮੁਖਵਟ੍ਟਿਤੋ ਹੇਟ੍ਠਾ ਭਟ੍ਠਾ ਦ੍ਵਙ੍ਗੁਲਪ੍ਪਮਾਣਾ ਏਕਾਪਿ ਰਾਜਿ ਹੋਤਿ, ਤਂ ¶ ਤਸ੍ਸਾ ਰਾਜਿਯਾ ਹੇਟ੍ਠਿਮਪਰਿਯਨ੍ਤੇ ਪਤ੍ਤਵੇਧਕੇਨ ਵਿਜ੍ਝਿਤ੍ਵਾ ਪਚਿਤ੍ਵਾ ਸੁਤ੍ਤਰਜ੍ਜੁਕਮਕਚਿਰਜ੍ਜੁਕਾਦੀਹਿ ਵਾ ਤਿਪੁਸੁਤ੍ਤਕੇਨ ਵਾ ਬਨ੍ਧਿਤ੍ਵਾ ਤਂ ਬਨ੍ਧਨਂ ਆਮਿਸਸ੍ਸ ਅਲਗ੍ਗਨਤ੍ਥਂ ਤਿਪੁਪਟ੍ਟਕੇਨ ਵਾ ਕੇਨਚਿ ਬਦ੍ਧਸਿਲੇਸਾਦਿਨਾ ਵਾ ਪਟਿਚ੍ਛਾਦੇਤਬ੍ਬਂ, ਸੋ ਚ ਪਤ੍ਤੋ ਅਧਿਟ੍ਠਹਿਤ੍ਵਾ ਪਰਿਭੁਞ੍ਜਿਤਬ੍ਬੋ, ਸੁਖੁਮਂ ਵਾ ਛਿਦ੍ਦਂ ਕਤ੍ਵਾ ਬਨ੍ਧਿਤਬ੍ਬੋ, ਫਾਣਿਤਂ ਝਾਪੇਤ੍ਵਾ ਪਾਸਾਣਚੁਣ੍ਣੇਨ ਬਨ੍ਧਿਤੁਮ੍ਪਿ ਵਟ੍ਟਤਿ. ਯਸ੍ਸ ਪਨ ਦ੍ਵੇ ਰਾਜਿਯੋ ਵਾ ਏਕਾਯੇਵ ਵਾ ਚਤੁਰਙ੍ਗੁਲਾ, ਤਸ੍ਸ ਦ੍ਵੇ ਬਨ੍ਧਨਾਨਿ ਦਾਤਬ੍ਬਾਨਿ. ਯਸ੍ਸ ਤਿਸ੍ਸੋ ਵਾ ਏਕਾਯੇਵ ਵਾ ਛਲ਼ਙ੍ਗੁਲਾ, ਤਸ੍ਸ ਤੀਣਿ. ਯਸ੍ਸ ਚਤਸ੍ਸੋ ਵਾ ਏਕਾਯੇਵ ਵਾ ਅਟ੍ਠਙ੍ਗੁਲਾ, ਤਸ੍ਸ ਚਤ੍ਤਾਰਿ. ਯਸ੍ਸ ਪਞ੍ਚ ਵਾ ਏਕਾਯੇਵ ਵਾ ਦਸਙ੍ਗੁਲਾ, ਸੋ ਬਦ੍ਧੋਪਿ ਅਬਦ੍ਧੋਪਿ ਅਪਤ੍ਤੋਯੇਵ, ਅਞ੍ਞੋ ਵਿਞ੍ਞਾਪੇਤਬ੍ਬੋ, ਏਸ ਤਾਵ ਮਤ੍ਤਿਕਾਪਤ੍ਤੇ ਵਿਨਿਚ੍ਛਯੋ.

ਅਯੋਪਤ੍ਤੇ ¶ ਪਨ ਸਚੇਪਿ ਪਞ੍ਚ ਵਾ ਅਤਿਰੇਕਾਨਿ ਵਾ ਛਿਦ੍ਦਾਨਿ ਹੋਨ੍ਤਿ, ਤਾਨਿ ਚੇ ਅਯਚੁਣ੍ਣੇਨ ਵਾ ਆਣਿਯਾ ਵਾ ਲੋਹਮਣ੍ਡਲੇਨ ਵਾ ਬਦ੍ਧਾਨਿ ਮਟ੍ਠਾਨਿ ਹੋਨ੍ਤਿ, ਸ੍ਵੇਵ ਪਰਿਭੁਞ੍ਜਿਤਬ੍ਬੋ, ਅਞ੍ਞੋ ਨ ਵਿਞ੍ਞਾਪੇਤਬ੍ਬੋ. ਅਥ ਪਨ ਏਕਮ੍ਪਿ ਛਿਦ੍ਦਂ ਮਹਨ੍ਤਂ ਹੋਤਿ, ਲੋਹਮਣ੍ਡਲੇਨ ਬਦ੍ਧਮ੍ਪਿ ਮਟ੍ਠਂ ਨ ਹੋਤਿ, ਪਤ੍ਤੇ ਆਮਿਸਂ ਲਗ੍ਗਤਿ, ਅਕਪ੍ਪਿਯੋ ਹੋਤਿ ਅਯਂ ਪਤ੍ਤੋ, ਅਞ੍ਞੋ ਵਿਞ੍ਞਾਪੇਤਬ੍ਬੋ. ਯੋ ਪਨ ਏਵਂ ਪਤ੍ਤਸਙ੍ਖੇਪਗਤੇ ਵਾ ਅਯੋਪਤ੍ਤੇ, ਊਨਪਞ੍ਚਬਨ੍ਧਨੇ ਵਾ ਮਤ੍ਤਿਕਾਪਤ੍ਤੇ ਸਤਿ ਅਞ੍ਞਂ ਵਿਞ੍ਞਾਪੇਤਿ, ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯੋ ਹੋਤਿ, ਨਿਸ੍ਸਜ੍ਜਿਤਬ੍ਬੋ. ਨਿਸ੍ਸਜ੍ਜਨ੍ਤੇਨ ਸਙ੍ਘਮਜ੍ਝੇ ਏਵ ਨਿਸ੍ਸਜ੍ਜਿਤਬ੍ਬੋ, ਤੇਨ ਵੁਤ੍ਤਂ ‘‘ਭਿਕ੍ਖੁਪਰਿਸਾਯ ਨਿਸ੍ਸਜ੍ਜਿਤਬ੍ਬੋ’’ਤਿ. ਯੋ ਚ ਤਸ੍ਸਾ ਭਿਕ੍ਖੁਪਰਿਸਾਯਾਤਿਏਤ੍ਥ ਤੇਹਿ ਭਿਕ੍ਖੂਹਿ ਪਕਤਿਯਾ ਏਵ ਅਤ੍ਤਨੋ ਅਤ੍ਤਨੋ ਅਧਿਟ੍ਠਿਤਂ ਪਤ੍ਤਂ ਗਹੇਤ੍ਵਾ ਸਨ੍ਨਿਪਤਿਤਬ੍ਬਂ, ਤਤੋ ਸਮ੍ਮਤੇਨ ਪਤ੍ਤਗ੍ਗਾਹਾਪਕੇਨ ਪਤ੍ਤਸ੍ਸ ਵਿਜ੍ਜਮਾਨਗੁਣਂ ਵਤ੍ਵਾ ‘‘ਭਨ੍ਤੇ, ਇਮਂ ਗਣ੍ਹਥਾ’’ਤਿ ਥੇਰੋ ਵਤ੍ਤਬ੍ਬੋ. ਸਚੇ ਥੇਰਸ੍ਸ ਸੋ ਪਤ੍ਤੋ ਨ ਰੁਚ੍ਚਤਿ, ਅਪ੍ਪਿਚ੍ਛਤਾਯ ਵਾ ਨ ਗਣ੍ਹਾਤਿ, ਵਟ੍ਟਤਿ. ਤਸ੍ਮਿਂ ਪਨ ਅਨੁਕਮ੍ਪਾਯ ਅਗਣ੍ਹਨ੍ਤਸ੍ਸ ਦੁਕ੍ਕਟਂ. ਸਚੇ ਪਨ ਗਣ੍ਹਾਤਿ, ਥੇਰਸ੍ਸ ਪਤ੍ਤਂ ਦੁਤਿਯਤ੍ਥੇਰਂ ਗਾਹਾਪੇਤ੍ਵਾ ਏਤੇਨੇਵ ਉਪਾਯੇਨ ਯਾਵ ਸਙ੍ਘਨਵਕਾ ਗਾਹਾਪੇਤਬ੍ਬੋ, ਤੇਨ ਪਰਿਚ੍ਚਤ੍ਤਪਤ੍ਤੋ ਪਨ ਪਤ੍ਤਪਰਿਯਨ੍ਤੋ ਨਾਮ, ਸੋ ਤਸ੍ਸ ਭਿਕ੍ਖੁਨੋ ਪਦਾਤਬ੍ਬੋ. ਤੇਨਾਪਿ ਸੋ ਯਥਾ ਵਿਞ੍ਞਾਪੇਤ੍ਵਾ ਗਹਿਤਪਤ੍ਤੋ, ਏਵਮੇਵ ਸਕ੍ਕਚ੍ਚਂ ਪਰਿਭੁਞ੍ਜਿਤਬ੍ਬੋ. ਸਚੇ ਪਨ ਤਂ ਜਿਗੁਚ੍ਛਨ੍ਤੋ ਅਦੇਸੇ ਵਾ ਨਿਕ੍ਖਿਪਤਿ, ਅਪਰਿਭੋਗੇਨ ਵਾ ਪਰਿਭੁਞ੍ਜਤਿ, ਵਿਸ੍ਸਜ੍ਜੇਤਿ ਵਾ, ਦੁਕ੍ਕਟਂ ਆਪਜ੍ਜਤਿ.

ਸਕ੍ਕੇਸੁ ਛਬ੍ਬਗ੍ਗਿਯੇ ਆਰਬ੍ਭ ਬਹੂ ਪਤ੍ਤੇ ਵਿਞ੍ਞਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ ¶ , ਅਬਨ੍ਧਨੇਨ ਅਬਨ੍ਧਨਂ, ਏਕਬਨ੍ਧਨਂ, ਦੁਬਨ੍ਧਨਂ, ਤਿਬਨ੍ਧਨਂ, ਚਤੁਬ੍ਬਨ੍ਧਨਂ, ਅਬਨ੍ਧਨੋਕਾਸਂ, ਏਕਦ੍ਵਿਤਿਚਤੁਬ੍ਬਨ੍ਧਨੋਕਾਸਂ ਚੇਤਾਪੇਤਿ, ਏਵਂ ਏਕੇਕੇਨ ਪਤ੍ਤੇਨ ਦਸਧਾ ਦਸਵਿਧਂ ਪਤ੍ਤਂ. ਚੇਤਾਪਨਵਸੇਨ ਪਨ ਏਕਂ ਨਿਸ੍ਸਗ੍ਗਿਯਪਾਚਿਤ੍ਤਿਯਸਤਂ ਹੋਤਿ. ਨਟ੍ਠਪਤ੍ਤਸ੍ਸ, ਭਿਨ੍ਨਪਤ੍ਤਸ੍ਸ, ਅਤ੍ਤਨੋ ਞਾਤਕਪ੍ਪਵਾਰਿਤੇ, ਅਞ੍ਞਸ੍ਸ ਚ ਞਾਤਕਪ੍ਪਵਾਰਿਤੇ, ਤਸ੍ਸੇਵਤ੍ਥਾਯ ਵਿਞ੍ਞਾਪੇਨ੍ਤਸ੍ਸ, ਅਤ੍ਤਨੋ ਧਨੇਨ ਗਣ੍ਹਤੋ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਅਧਿਟ੍ਠਾਨੁਪਗਪਤ੍ਤਸ੍ਸ ਊਨਪਞ੍ਚਬਨ੍ਧਨਤਾ, ਅਤ੍ਤੁਦ੍ਦੇਸਿਕਤਾ, ਅਕਤਵਿਞ੍ਞਤ੍ਤਿ ¶ , ਤਾਯ ਚ ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਧੋਵਾਪਨਸਿਕ੍ਖਾਪਦੇ ਵੁਤ੍ਤਨਯਾਨੇਵਾਤਿ.

ਊਨਪਞ੍ਚਬਨ੍ਧਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ¶ ਪਟਿਸਾਯਨੀਯਾਨੀਤਿ ਪਟਿਸਾਯਿਤਬ੍ਬਾਨਿ, ਪਰਿਭੁਞ੍ਜਿਤਬ੍ਬਾਨੀਤਿ ਅਤ੍ਥੋ. ਏਤੇਨ ਸਯਂ ਉਗ੍ਗਹੇਤ੍ਵਾ ਨਿਕ੍ਖਿਤ੍ਤਾਨਂ ਸਤ੍ਤਾਹਾਤਿਕ੍ਕਮੇਪਿ ਅਨਾਪਤ੍ਤਿਂ ਦਸ੍ਸੇਤਿ, ਤਾਨਿ ਹਿ ਪਟਿਸਾਯਿਤੁਂ ਨ ਵਟ੍ਟਨ੍ਤਿ. ਭੇਸਜ੍ਜਾਨੀਤਿ ਭੇਸਜ੍ਜਕਿਚ੍ਚਂ ਕਰੋਨ੍ਤੁ ਵਾ, ਮਾ ਵਾ, ਏਵਂ ਲਦ੍ਧਵੋਹਾਰਾਨਿ. ਸਪ੍ਪਿ ਨਾਮ ਗਵਾਦੀਨਂ ਸਪ੍ਪਿ, ਯੇਸਂ ਮਂਸਂ ਕਪ੍ਪਤਿ, ਤੇਸਂ ਸਪ੍ਪਿ. ਤਥਾ ਨਵਨੀਤਂ. ਤੇਲਂ ਨਾਮ ਤਿਲਸਾਸਪਮਧੂਕਏਰਣ੍ਡਕਵਸਾਦੀਹਿ ਨਿਬ੍ਬਤ੍ਤਿਤਂ. ਮਧੁ ਨਾਮ ਮਕ੍ਖਿਕਾਮਧੁਮੇਵ. ਫਾਣਿਤਂ ਨਾਮ ਉਚ੍ਛੁਰਸਂ ਉਪਾਦਾਯ ਪਨ ਅਪਕ੍ਕਾ ਵਾ ਅਵਤ੍ਥੁਕਪਕ੍ਕਾ ਵਾ ਸਬ੍ਬਾਪਿ ਉਚ੍ਛੁਵਿਕਤਿ ‘‘ਫਾਣਿਤ’’ਨ੍ਤਿ ਵੇਦਿਤਬ੍ਬਂ. ਤਾਨਿ ਪਟਿਗ੍ਗਹੇਤ੍ਵਾਤਿ ਤਾਨਿ ਭੇਸਜ੍ਜਾਨਿ ਪਟਿਗ੍ਗਹੇਤ੍ਵਾ, ਨ ਤੇਸਂ ਵਤ੍ਥੂਨਿ. ਏਤੇਨ ਠਪੇਤ੍ਵਾ ਵਸਾਤੇਲਂ ਯਾਨੇਤ੍ਥ ਯਾਵਕਾਲਿਕਵਤ੍ਥੁਕਾਨਿ, ਤੇਸਂ ਵਤ੍ਥੂਨਿ ਪਟਿਗ੍ਗਹੇਤ੍ਵਾ ਕਤਾਨਿ ਸਪ੍ਪਿਆਦੀਨਿ ਸਤ੍ਤਾਹਂ ਅਤਿਕ੍ਕਾਮਯਤੋਪਿ ਅਨਾਪਤ੍ਤਿਂ ਦਸ੍ਸੇਤਿ. ਵਸਾਤੇਲਂ ਪਨ ਕਾਲੇ ਪਟਿਗ੍ਗਹਿਤਂ ਕਾਲੇ ਨਿਪਕ੍ਕਂ ਕਾਲੇ ਸਂਸਟ੍ਠਂ ਤੇਲਪਰਿਭੋਗੇਨ ਪਰਿਭੁਞ੍ਜਿਤੁਂ ਅਨੁਞ੍ਞਾਤਂ, ਤਸ੍ਮਾ ਠਪੇਤ੍ਵਾ ਮਨੁਸ੍ਸਵਸਂ ਅਞ੍ਞਂ ਯਂਕਞ੍ਚਿ ਵਸਂ ਪੁਰੇਭਤ੍ਤਂ ਪਟਿਗ੍ਗਹੇਤ੍ਵਾ ਸਾਮਂ ਪਚਿਤ੍ਵਾ ਨਿਬ੍ਬਤ੍ਤਿਤਤੇਲਮ੍ਪਿ ਸਤ੍ਤਾਹਂ ਨਿਰਾਮਿਸਪਰਿਭੋਗੇਨ ਵਟ੍ਟਤਿ. ਅਨੁਪਸਮ੍ਪਨ੍ਨੇਨ ਪਚਿਤ੍ਵਾ ਦਿਨ੍ਨਂ ਪਨ ਤਦਹੁਪੁਰੇਭਤ੍ਤਂ ਸਾਮਿਸਮ੍ਪਿ ਵਟ੍ਟਤਿ, ਅਞ੍ਞੇਸਂ ਯਾਵਕਾਲਿਕਵਤ੍ਥੂਨਂ ਵਤ੍ਥੁਂ ਪਚਿਤੁਂ ਨ ਵਟ੍ਟਤਿਯੇਵ. ਨਿਬ੍ਬਤ੍ਤਿਤਸਪ੍ਪਿ ਵਾ ਨਵਨੀਤਂ ਵਾ ਪਚਿਤੁਂ ਵਟ੍ਟਤਿ, ਤਂ ਪਨ ਤਦਹੁਪੁਰੇਭਤ੍ਤਮ੍ਪਿ ਸਾਮਿਸਂ ਪਰਿਭੁਞ੍ਜਿਤੁਂ ਨ ਵਟ੍ਟਤਿ. ਪੁਰੇਭਤ੍ਤਂ ਪਟਿਗ੍ਗਹਿਤਖੀਰਾਦਿਤੋ ਅਨੁਪਸਮ੍ਪਨ੍ਨੇਨ ਪਚਿਤ੍ਵਾ ਕਤਸਪ੍ਪਿਆਦੀਨਿ ਪਨ ਤਦਹੁਪੁਰੇਭਤ੍ਤਂ ਸਾਮਿਸਾਨਿਪਿ ਵਟ੍ਟਨ੍ਤਿ, ਪਚ੍ਛਾਭਤ੍ਤਤੋ ਪਟ੍ਠਾਯ ਅਨਜ੍ਝੋਹਰਣੀਯਾਨਿ, ਸਤ੍ਤਾਹਾਤਿਕ੍ਕਮੇਪਿ ਅਨਾਪਤ੍ਤਿ. ਸਨ੍ਨਿਧਿਕਾਰਕਂ ਪਰਿਭੁਞ੍ਜਿਤਬ੍ਬਾਨੀਤਿ ਸਨ੍ਨਿਧਿਂ ਕਤ੍ਵਾ ਨਿਦਹਿਤ੍ਵਾ ਪੁਰੇਭਤ੍ਤਂ ਪਟਿਗ੍ਗਹਿਤਾਨਿ ਤਦਹੁਪੁਰੇਭਤ੍ਤਂ ਸਾਮਿਸਪਰਿਭੋਗੇਨਾਪਿ ਵਟ੍ਟਨ੍ਤਿ, ਪਚ੍ਛਾਭਤ੍ਤਤੋ ¶ ਪਟ੍ਠਾਯ ਪਨ ਤਾਨਿ ਚ, ਪਚ੍ਛਾਭਤ੍ਤਂ ਪਟਿਗ੍ਗਹਿਤਾਨਿ ਚ ਸਤ੍ਤਾਹਂ ਨਿਰਾਮਿਸਪਰਿਭੋਗੇਨ ਪਰਿਭੁਞ੍ਜਿਤਬ੍ਬਾਨੀਤਿ ਅਤ੍ਥੋ. ‘‘ਪਰਿਭੁਞ੍ਜਿਤਬ੍ਬਾਨੀ’’ਤਿ ਚ ਵਚਨਤੋ ਅਨ੍ਤੋਸਤ੍ਤਾਹੇ ਅਬ੍ਭਞ੍ਜਨਾਦੀਨਂ ਅਤ੍ਥਾਯ ਅਧਿਟ੍ਠਹਿਤ੍ਵਾ ਠਪਿਤੇਸੁ ਅਨਾਪਤ੍ਤਿ, ਯਾਵਜੀਵਿਕਾਨਿ ਸਾਸਪਮਧੂਕਏਰਣ੍ਡਕਅਟ੍ਠੀਨਿ ਤੇਲਕਰਣਤ੍ਥਂ ਪਟਿਗ੍ਗਹੇਤ੍ਵਾ ਤਦਹੇਵ ਕਤਤੇਲਂ ਸਤ੍ਤਾਹਕਾਲਿਕਂ, ਦੁਤਿਯਦਿਵਸੇ ਕਤਂ ਛਾਹਂ ਵਟ੍ਟਤਿ, ਤਤਿਯਦਿਵਸੇ ਕਤਂ ਪਞ੍ਚਾਹਂ, ਚਤੁਤ੍ਥਪਞ੍ਚਮਛਟ੍ਠਸਤ੍ਤਮਦਿਵਸੇ ਕਤਂ ਤਦਹੇਵ ਵਟ੍ਟਤਿ. ਸਚੇ ਯਾਵ ਅਰੁਣਸ੍ਸ ਉਗ੍ਗਮਨਾ ¶ ਤਿਟ੍ਠਤਿ, ਨਿਸ੍ਸਗ੍ਗਿਯਂ ਹੋਤਿ, ਅਟ੍ਠਮਦਿਵਸੇ ਕਤਂ ਅਨਜ੍ਝੋਹਰਣੀਯਂ, ਅਨਿਸ੍ਸਗ੍ਗਿਯਤ੍ਤਾ ਪਨ ਬਾਹਿਰਪਰਿਭੋਗੇਨ ਵਟ੍ਟਤਿ. ਸਚੇਪਿ ਨ ਕਰੋਤਿ, ਤੇਲਤ੍ਥਾਯ ਪਟਿਗ੍ਗਹਿਤਸਾਸਪਾਦੀਨਂ ਪਨ ਪਾਲ਼ਿਯਂ ਅਨਾਗਤਸਪ੍ਪਿਆਦੀਨਞ੍ਚ ¶ ਸਤ੍ਤਾਹਾਤਿਕ੍ਕਮੇ ਦੁਕ੍ਕਟਂ ਆਪਜ੍ਜਤਿ. ਸੀਤੁਦਕੇਨ ਕਤਮਧੂਕਪੁਪ੍ਫਫਾਣਿਤਂ ਪਨ ਫਾਣਿਤਗਤਿਕਮੇਵ, ਅਮ੍ਬਫਾਣਿਤਾਦੀਨਿ ਯਾਵਕਾਲਿਕਾਨਿ. ਯਂ ਪਨੇਤ੍ਥ ਸਤ੍ਤਾਹਕਾਲਿਕਂ, ਤਂ ਨਿਸ੍ਸਟ੍ਠਂ ਪਟਿਲਭਿਤ੍ਵਾਪਿ ਅਰੁਆਦੀਨਿ ਵਾ ਮਕ੍ਖੇਤੁਂ, ਅਜ੍ਝੋਹਰਿਤੁਂ ਵਾ ਨ ਵਟ੍ਟਤਿ. ਪਦੀਪੇ ਕਾਲ਼ਵਣ੍ਣੇ ਵਾ ਉਪਨੇਤਬ੍ਬਂ, ਅਞ੍ਞਸ੍ਸ ਭਿਕ੍ਖੁਨੋ ਕਾਯਿਕਪਰਿਭੋਗਂ ਵਟ੍ਟਤਿ. ਯਂ ਪਨ ਨਿਰਪੇਕ੍ਖੋ ਪਰਿਚ੍ਚਜਿਤ੍ਵਾ ਪੁਨ ਲਭਤਿ, ਤਂ ਅਜ੍ਝੋਹਰਿਤੁਮ੍ਪਿ ਵਟ੍ਟਤਿ. ਵਿਸੁਂ ਠਪਿਤਸਪ੍ਪਿਆਦੀਸੁ, ਏਕਭਾਜਨੇ ਵਾ ਅਮਿਸ੍ਸਿਤੇਸੁ ਵਤ੍ਥੁਗਣਨਾਯ ਆਪਤ੍ਤਿਯੋ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਸਤ੍ਤਾਹਂ ਅਤਿਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਚੀਵਰਵਗ੍ਗਸ੍ਸ ਪਠਮਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬਨ੍ਤਿ.

ਭੇਸਜ੍ਜਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੪. ਵਸ੍ਸਿਕਸਾਟਿਕਸਿਕ੍ਖਾਪਦਵਣ੍ਣਨਾ

ਚਤੁਤ੍ਥੇ ਮਾਸੋ ਸੇਸੋ ਗਿਮ੍ਹਾਨਨ੍ਤਿ ਚਤੁਨ੍ਨਂ ਗਿਮ੍ਹਮਾਸਾਨਂ ਏਕੋ ਪਚ੍ਛਿਮਮਾਸੋ ਸੇਸੋ. ਪਰਿਯੇਸਿਤਬ੍ਬਨ੍ਤਿ ਗਿਮ੍ਹਾਨਂ ਪਚ੍ਛਿਮਮਾਸਸ੍ਸ ਪਠਮਦਿਵਸਤੋ ਪਟ੍ਠਾਯ ਯਾਵ ਕਤ੍ਤਿਕਮਾਸਸ੍ਸ ਪਚ੍ਛਿਮਦਿਵਸੋ, ਤਾਵ ‘‘ਕਾਲੋ ਵਸ੍ਸਿਕਸਾਟਿਕਾਯਾ’’ਤਿਆਦਿਨਾ ਸਤੁਪ੍ਪਾਦਕਰਣੇਨ, ਸਙ੍ਘਸ੍ਸ ਪਵਾਰਿਤਟ੍ਠਾਨਤੋ, ਅਤ੍ਤਨੋ ਞਾਤਕਪ੍ਪਵਾਰਿਤਟ੍ਠਾਨਤੋ ਪਨ ‘‘ਦੇਥ ਮੇ ਵਸ੍ਸਿਕਸਾਟਿਕਚੀਵਰ’’ਨ੍ਤਿਆਦਿਕਾਯ ਵਿਞ੍ਞਤ੍ਤਿਯਾਪਿ ਪਰਿਯੇਸਿਤਬ੍ਬਂ. ਅਞ੍ਞਾਤਕਅਪ੍ਪਵਾਰਿਤਟ੍ਠਾਨੇ ਸਤੁਪ੍ਪਾਦਂ ਕਰੋਨ੍ਤਸ੍ਸ ਵਤ੍ਤਭੇਦੇ ਦੁਕ੍ਕਟਂ, ਯਥਾ ਵਾ ਤਥਾ ਵਾ ‘‘ਦੇਥ ਮੇ’’ਤਿਆਦਿਵਚਨੇਨ ਵਿਞ੍ਞਾਪੇਨ੍ਤਸ੍ਸ ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਕਤ੍ਵਾ ਨਿਵਾਸੇਤਬ੍ਬਨ੍ਤਿ ਗਿਮ੍ਹਾਨਂ ਪਚ੍ਛਿਮਦ੍ਧਮਾਸਸ੍ਸ ਪਠਮਦਿਵਸਤੋ ਪਟ੍ਠਾਯ ਯਾਵ ਕਤ੍ਤਿਕਮਾਸਸ੍ਸ ਪਚ੍ਛਿਮਦਿਵਸੋ, ਤਾਵ ਸੂਚਿਕਮ੍ਮਨਿਟ੍ਠਾਨੇਨ ¶ ਸਕਿਮ੍ਪਿ ਵਣ੍ਣਭੇਦਮਤ੍ਤਰਜਨੇਨ ਕਪ੍ਪਬਿਨ੍ਦੁਕਰਣੇਨ ਚ ਕਤ੍ਵਾ ਪਰਿਦਹਿਤਬ੍ਬਾ. ਏਤ੍ਤਾਵਤਾ ਗਿਮ੍ਹਾਨਂ ਪਚ੍ਛਿਮੋ ਮਾਸੋ ਪਰਿਯੇਸਨਕ੍ਖੇਤ੍ਤਂ ¶ , ਪਚ੍ਛਿਮੋ ਅਦ੍ਧਮਾਸੋ ਕਰਣਨਿਵਾਸਨਕ੍ਖੇਤ੍ਤਮ੍ਪਿ, ਵਸ੍ਸਾਨਸ੍ਸ ਚਤੂਸੁ ਮਾਸੇਸੁ ਸਬ੍ਬਮ੍ਪਿ ਤਂ ਵਟ੍ਟਤੀਤਿ ਅਯਮਤ੍ਥੋ ਦਸ੍ਸਿਤੋ ਹੋਤਿ. ਯੋ ਚਾਯਂ ਗਿਮ੍ਹਾਨਂ ਪਚ੍ਛਿਮੋ ਮਾਸੋ ਅਨੁਞ੍ਞਾਤੋ, ਏਤ੍ਥ ਕਤਪਰਿਯੇਸਿਤਮ੍ਪਿ ਵਸ੍ਸਿਕਸਾਟਿਕਂ ਅਧਿਟ੍ਠਾਤੁਂ ਨ ਵਟ੍ਟਤਿ. ਸਚੇ ਤਸ੍ਮਿਂ ਮਾਸੇ ਅਤਿਕ੍ਕਨ੍ਤੇ ਵਸ੍ਸਂ ਉਕ੍ਕਡ੍ਢਿਯਤਿ, ਪੁਨ ਮਾਸਪਰਿਹਾਰਂ ਲਭਤਿ, ਧੋਵਿਤ੍ਵਾ ਪਨ ਨਿਕ੍ਖਿਪਿਤ੍ਵਾ ਵਸ੍ਸੂਪਨਾਯਿਕਦਿਵਸੇ ਅਧਿਟ੍ਠਾਤਬ੍ਬਾ. ਸਚੇ ਸਤਿਸਮ੍ਮੋਸੇਨ ਵਾ ਅਪ੍ਪਹੋਨਕਭਾਵੇਨ ਵਾ ਅਕਤਾ ਹੋਤਿ. ਤੇ ਚ ਦ੍ਵੇ ਮਾਸੇ ਵਸ੍ਸਾਨਸ੍ਸ ਚਤੁਮਾਸਨ੍ਤਿ ਛ ਮਾਸੇ ਪਰਿਹਾਰਂ ਲਭਤਿ. ਸਚੇ ਪਨ ਕਤ੍ਤਿਕਮਾਸੇ ਕਥਿਨਂ ਅਤ੍ਥਰਿਯਤਿ, ਅਪਰੇਪਿ ਚਤ੍ਤਾਰੋ ਮਾਸੇ ਲਭਤਿ, ਏਵਂ ਦਸ ਮਾਸਾ ਹੋਨ੍ਤਿ. ਤਤੋ ਪਰਮ੍ਪਿ ਸਤਿਯਾ ਪਚ੍ਚਾਸਾਯ ਤਂ ਮੂਲਚੀਵਰਂ ਕਤ੍ਵਾ ਠਪੇਨ੍ਤਸ੍ਸ ਏਕਮਾਸਨ੍ਤਿ ਏਵਂ ਏਕਾਦਸ ਮਾਸੇ ਪਰਿਹਾਰਂ ਲਭਤਿ, ਇਤੋ ਪਰਂ ਏਕਾਹਮ੍ਪਿ ਨ ਲਭਤਿ.

ਓਰੇਨ ਚੇ ਮਾਸੋ ¶ ਸੇਸੋ ਗਿਮ੍ਹਾਨਨ੍ਤਿ ਗਿਮ੍ਹਾਨਂ ਪਚ੍ਛਿਮਮਾਸਸ੍ਸ ਓਰਿਮਭਾਗੇ ਯਾਵ ਹੇਮਨ੍ਤਸ੍ਸ ਪਠਮਦਿਵਸੋ, ਤਾਵਾਤਿ ਅਤ੍ਥੋ. ਪਰਿਯੇਸੇਯ੍ਯਾਤਿ ਏਤੇਸੁ ਸਤ੍ਤਸੁ ਪਿਟ੍ਠਿਸਮਯਮਾਸੇਸੁ ਅਞ੍ਞਾਤਕਅਪ੍ਪਵਾਰਿਤਟ੍ਠਾਨਤੋ ਸਤੁਪ੍ਪਾਦਕਰਣੇਨ ਪਰਿਯੇਸਨ੍ਤਸ੍ਸ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਵਿਞ੍ਞਾਪੇਨ੍ਤਸ੍ਸ ਅਞ੍ਞਾਤਕਵਿਞ੍ਞਤ੍ਤਿਸਿਕ੍ਖਾਪਦੇਨ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ, ਞਾਤਕਪ੍ਪਵਾਰਿਤੇ ਵਿਞ੍ਞਾਪੇਨ੍ਤਸ੍ਸ ਤੇਨ ਸਿਕ੍ਖਾਪਦੇਨ ਅਨਾਪਤ੍ਤਿ, ਸਤੁਪ੍ਪਾਦਂ ਕਰੋਨ੍ਤਸ੍ਸ ਇਮਿਨਾ ਸਿਕ੍ਖਾਪਦੇਨ ਆਪਤ੍ਤਿ. ਓਰੇਨਦ੍ਧਮਾਸੋ ਸੇਸੋ ਗਿਮ੍ਹਾਨਨ੍ਤਿ ਗਿਮ੍ਹਾਨਸ੍ਸ ਪਚ੍ਛਿਮਦ੍ਧਮਾਸਤੋ ਓਰਿਮਭਾਗੇ ਏਕਸ੍ਮਿਂ ਅਦ੍ਧਮਾਸੇ. ਕਤ੍ਵਾ ਨਿਵਾਸੇਯ੍ਯਾਤਿ ਏਤ੍ਥਨ੍ਤਰੇ ਧਮ੍ਮੇਨ ਉਪ੍ਪਨ੍ਨਮ੍ਪਿ ਕਤ੍ਵਾ ਨਿਵਾਸੇਨ੍ਤਸ੍ਸ ਨਿਸ੍ਸਗ੍ਗਿਯਂ ਹੋਤਿ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਵਸ੍ਸਿਕਸਾਟਿਕਪਰਿਯੇਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਊਨਕਮਾਸਦ੍ਧਮਾਸੇਸੁ ਅਤਿਰੇਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ, ਤਥਾ ਸਤਿਯਾ ਵਸ੍ਸਿਕਸਾਟਿਕਾਯ ਨਗ੍ਗਸ੍ਸ ਕਾਯਂ ਓਵਸ੍ਸਾਪਯਤੋ. ਪੋਕ੍ਖਰਣਿਯਾਦੀਸੁ ਪਨ ਨ੍ਹਾਯਨ੍ਤਸ੍ਸ ਵਾ ਅਚ੍ਛਿਨ੍ਨਚੀਵਰਸ੍ਸ ਵਾ ਨਟ੍ਠਚੀਵਰਸ੍ਸ ਵਾ ‘‘ਅਨਿਵਤ੍ਥਂ ਚੋਰਾ ਹਰਨ੍ਤੀ’’ਤਿ ਏਵਂ ਆਪਦਾਸੁ ਵਾ ਨਿਵਾਸਯਤੋ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਏਤ੍ਥ ਚ ਵਸ੍ਸਿਕਸਾਟਿਕਾਯ ਅਤ੍ਤੁਦ੍ਦੇਸਿਕਤਾ, ਅਸਮਯੇ ਪਰਿਯੇਸਨਤਾ, ਤਾਯ ਚ ਪਟਿਲਾਭੋਤਿ ਇਮਾਨਿ ਤਾਵ ਪਰਿਯੇਸਨਾਪਤ੍ਤਿਯਾ ਤੀਣਿ ਅਙ੍ਗਾਨਿ ¶ . ਸਚੀਵਰਤਾ, ਆਪਦਾਭਾਵੋ, ਵਸ੍ਸਿਕਸਾਟਿਕਾਯ ਸਕਭਾਵੋ, ਅਸਮਯੇ ਨਿਵਾਸਨਨ੍ਤਿ ਇਮਾਨਿ ਨਿਵਾਸਨਾਪਤ੍ਤਿਯਾ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਧੋਵਾਪਨਸਿਕ੍ਖਾਪਦੇ ਵੁਤ੍ਤਨਯਾਨੇਵਾਤਿ.

ਵਸ੍ਸਿਕਸਾਟਿਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੫. ਚੀਵਰਅਚ੍ਛਿਨ੍ਦਨਸਿਕ੍ਖਾਪਦਵਣ੍ਣਨਾ

ਪਞ੍ਚਮੇ ¶ ਸਾਮਂ ਚੀਵਰਂ ਦਤ੍ਵਾਤਿ ਵੇਯ੍ਯਾਵਚ੍ਚਾਦੀਨਿ ਪਚ੍ਚਾਸਿਸਮਾਨੋ ਸਯਮੇਵ ਦਤ੍ਵਾ. ਅਚ੍ਛਿਨ੍ਦੇਯ੍ਯਾਤਿ ਵੇਯ੍ਯਾਵਚ੍ਚਾਦੀਨਿ ਅਕਰੋਨ੍ਤਂ ਦਿਸ੍ਵਾ ਸਕਸਞ੍ਞਾਯ ਅਚ੍ਛਿਨ੍ਦਨ੍ਤਸ੍ਸ ਵਤ੍ਥੁਗਣਨਾਯ ਆਪਤ੍ਤਿਯੋ. ਅਚ੍ਛਿਨ੍ਦਾਪੇਯ੍ਯਾਤਿਏਤ੍ਥ ਪਨ ‘‘ਅਚ੍ਛਿਨ੍ਦਾ’’ਤਿ ਆਣਤ੍ਤਿਯਾ ਦੁਕ੍ਕਟਂ, ਅਚ੍ਛਿਨ੍ਦੇਸੁ ਯਤ੍ਤਕਾਨਿ ਆਣਤ੍ਤਾਨਿ, ਤੇਸਂ ਗਣਨਾਯ ਆਪਤ੍ਤਿਯੋ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ਚੀਵਰਅਚ੍ਛਿਨ੍ਦਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ. ਅਨੁਪਸਮ੍ਪਨ੍ਨੇ ਉਪਸਮ੍ਪਨ੍ਨਸਞ੍ਞਿਨੋ, ਵੇਮਤਿਕਸ੍ਸ, ਅਨੁਪਸਮ੍ਪਨ੍ਨਸਞ੍ਞਿਨੋ ਵਾ, ਉਪਸਮ੍ਪਨ੍ਨਸ੍ਸਾਪਿ ਵਿਕਪ੍ਪਨੁਪਗਪਚ੍ਛਿਮਚੀਵਰਂ ਠਪੇਤ੍ਵਾ ਅਞ੍ਞਂ ਪਰਿਕ੍ਖਾਰਂ, ਅਨੁਪਸਮ੍ਪਨ੍ਨਸ੍ਸ ਚ ਯਂਕਿਞ੍ਚਿ ਅਚ੍ਛਿਨ੍ਦਤੋ ਵਾ ਦੁਕ੍ਕਟਂ. ਤੇਨ ਤੁਟ੍ਠੇਨ ਵਾ ਕੁਪਿਤੇਨ ਵਾ ਦਿਨ੍ਨਂ ਪਨ ਤਸ੍ਸ ਵਿਸ੍ਸਾਸਂ ਵਾ ਗਣ੍ਹਨ੍ਤਸ੍ਸ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵਿਕਪ੍ਪਨੁਪਗਪਚ੍ਛਿਮਚੀਵਰਤਾ, ਸਾਮਂ ਦਿਨ੍ਨਤਾ, ਸਕਸਞ੍ਞਿਤਾ, ਉਪਸਮ੍ਪਨ੍ਨਤਾ, ਕੋਧਵਸੇਨ ਅਚ੍ਛਿਨ੍ਦਨਂ ਵਾ ਅਚ੍ਛਿਨ੍ਦਾਪਨਂ ਵਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ ਅਞ੍ਞਤ੍ਰ ਵੇਦਨਾਯ. ਵੇਦਨਾ ਪਨ ਇਧ ਦੁਕ੍ਖਵੇਦਨਾਯੇਵਾਤਿ.

ਚੀਵਰਅਚ੍ਛਿਨ੍ਦਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੬. ਸੁਤ੍ਤਵਿਞ੍ਞਤ੍ਤਿਸਿਕ੍ਖਾਪਦਵਣ੍ਣਨਾ

ਛਟ੍ਠੇ ¶ ਸੁਤ੍ਤਨ੍ਤਿ ਛਬ੍ਬਿਧਂ ਖੋਮਸੁਤ੍ਤਾਦਿਂ ਵਾ ਤੇਸਂ ਅਨੁਲੋਮਂ ਵਾ. ਵਿਞ੍ਞਾਪੇਤ੍ਵਾਤਿ ਚੀਵਰਤ੍ਥਾਯ ਯਾਚਿਤ੍ਵਾ. ਵਾਯਾਪੇਯ੍ਯਾਤਿ ‘‘ਚੀਵਰਂ ਮੇ, ਆਵੁਸੋ, ਵਾਯਥਾ’’ਤਿ ਅਕਪ੍ਪਿਯਾਯ ਵਿਞ੍ਞਤ੍ਤਿਯਾ ਵਾਯਾਪੇਯ੍ਯ. ਨਿਸ੍ਸਗ੍ਗਿਯਨ੍ਤਿ ਏਵਂ ¶ ਵਾਯਾਪੇਨ੍ਤਸ੍ਸ ਯੋ ਤਨ੍ਤਵਾਯੋ ਚੀਵਰਵਾਯਨਤ੍ਥਂ ਤੁਰਿਵੇਮਸਜ੍ਜਨਾਦਿਕੇ ਪਯੋਗੇ ਕਰੋਤਿ, ਤਸ੍ਸ ਸਬ੍ਬਪ੍ਪਯੋਗੇਸੁ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ.

ਰਾਜਗਹੇ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਚੀਵਰਵਾਯਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਵਿਞ੍ਞਾਪਿਤਸੁਤ੍ਤਂ ਵਿਞ੍ਞਾਪਿਤਤਨ੍ਤਵਾਯੇਨ ਵਾਯਾਪੇਨ੍ਤਸ੍ਸ ਦੀਘਤੋ ਵਿਦਤ੍ਥਿਮਤ੍ਤੇ ਤਿਰਿਯਞ੍ਚ ਹਤ੍ਥਮਤ੍ਤੇ ਵੀਤੇ ਨਿਸ੍ਸਗ੍ਗਿਯਂ ਪਾਚਿਤ੍ਤਿਯਂ. ਇਤਿ ਯਾਵ ਚੀਵਰਂ ਵਡ੍ਢਤਿ, ਤਾਵ ਇਮਿਨਾ ਪਮਾਣੇਨ ਆਪਤ੍ਤਿਯੋ ਵਡ੍ਢਨ੍ਤਿ. ਤੇਨੇਵ ਪਨ ਅਵਿਞ੍ਞਤ੍ਤਿਯਾ ਲਦ੍ਧਸੁਤ੍ਤਂ ਵਾਯਾਪੇਨ੍ਤਸ੍ਸ ਯਥਾ ਪੁਬ੍ਬੇ ਨਿਸ੍ਸਗ੍ਗਿਯਂ ¶ , ਏਵਂ ਇਧ ਦੁਕ੍ਕਟਂ. ਤੇਨੇਵ ਵਿਞ੍ਞਤ੍ਤਞ੍ਚ ਅਵਿਞ੍ਞਤ੍ਤਞ੍ਚ ਵਾਯਾਪੇਨ੍ਤਸ੍ਸ ਸਚੇ ਵੁਤ੍ਤਪ੍ਪਮਾਣੇਨ ਕੇਦਾਰਬਦ੍ਧਂ ਵਿਯ ਚੀਵਰਂ ਹੋਤਿ, ਅਕਪ੍ਪਿਯਸੁਤ੍ਤਮਯੇ ਪਰਿਚ੍ਛੇਦੇ ਪਾਚਿਤ੍ਤਿਯਂ, ਇਤਰਸ੍ਮਿਂ ਤਥੇਵ ਦੁਕ੍ਕਟਂ. ਤਤੋ ਚੇ ਊਨਤਰਾ ਪਰਿਚ੍ਛੇਦਾ, ਸਬ੍ਬਪਰਿਚ੍ਛੇਦੇਸੁ ਦੁਕ੍ਕਟਾਨੇਵ. ਅਥ ਏਕਨ੍ਤਰਿਕੇਨ ਵਾ ਸੁਤ੍ਤੇਨ ਦੀਘਤੋ ਵਾ ਕਪ੍ਪਿਯਂ ਤਿਰਿਯਂ ਅਕਪ੍ਪਿਯਂ ਕਤ੍ਵਾ ਵੀਤਂ ਹੋਤਿ, ਪੁਬ੍ਬੇ ਵੁਤ੍ਤਪ੍ਪਮਾਣਗਣਨਾਯ ਦੁਕ੍ਕਟਾਨਿ. ਏਤੇਨੇਵ ਉਪਾਯੇਨ ਕਪ੍ਪਿਯਤਨ੍ਤਵਾਯੇਨ ਅਕਪ੍ਪਿਯਸੁਤ੍ਤੇ, ਕਪ੍ਪਿਯਾਕਪ੍ਪਿਯੇਹਿ ਤਨ੍ਤਵਾਯੇਹਿ ਸੁਤ੍ਤੇਪਿ ਕਪ੍ਪਿਯੇ ਅਕਪ੍ਪਿਯੇ ਕਪ੍ਪਿਯਾਕਪ੍ਪਿਯੇ ਚ ਆਪਤ੍ਤਿਭੇਦੋ ਵੇਦਿਤਬ੍ਬੋ. ਤਿਕਪਾਚਿਤ੍ਤਿਯਂ, ਅਵਾਯਾਪਿਤੇ ਵਾਯਾਪਿਤਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਚੀਵਰਸਿਬ੍ਬਨਆਯੋਗਕਾਯਬਨ੍ਧਨਅਂਸਬਦ੍ਧਕਪਤ੍ਤਤ੍ਥਵਿਕਪਰਿਸ੍ਸਾਵਨਾਨਂ ਅਤ੍ਥਾਯ ਸੁਤ੍ਤਂ ਵਿਞ੍ਞਾਪੇਨ੍ਤਸ੍ਸ, ਞਾਤਕਪ੍ਪਵਾਰਿਤੇਹਿ ਕਪ੍ਪਿਯਸੁਤ੍ਤਂ ਵਾਯਾਪੇਨ੍ਤਸ੍ਸ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ, ਚੀਵਰਤ੍ਥਾਯ ਵਿਞ੍ਞਾਪਿਤਸੁਤ੍ਤਂ, ਅਤ੍ਤੁਦ੍ਦੇਸਿਕਤਾ, ਅਕਪ੍ਪਿਯਤਨ੍ਤਵਾਯੇਨ ਅਕਪ੍ਪਿਯਵਿਞ੍ਞਤ੍ਤਿਯਾ ਵਾਯਾਪਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਧੋਵਾਪਨਸਿਕ੍ਖਾਪਦੇ ਵੁਤ੍ਤਨਯਾਨੇਵਾਤਿ.

ਸੁਤ੍ਤਵਿਞ੍ਞਤ੍ਤਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ਤਤ੍ਰ ਚੇ ਸੋ ਭਿਕ੍ਖੂਤਿ ਯਤ੍ਰ ਗਾਮੇ ਵਾ ਨਿਗਮੇ ਵਾ ਤਨ੍ਤਵਾਯਾ, ਤਤ੍ਰ. ਪੁਬ੍ਬੇ ਅਪ੍ਪਵਾਰਿਤੋਤਿ ਚੀਵਰਸਾਮਿਕੇਹਿ ਅਪ੍ਪਵਾਰਿਤੋ ਹੁਤ੍ਵਾ ¶ . ਵਿਕਪ੍ਪਂ ਆਪਜ੍ਜੇਯ੍ਯਾਤਿ ਵਿਸਿਟ੍ਠਕਪ੍ਪਂ ਅਧਿਕਵਿਧਾਨਂ ਆਪਜ੍ਜੇਯ੍ਯ. ਇਦਾਨਿ ਯੇਨਾਕਾਰੇਨ ਵਿਕਪ੍ਪਂ ਆਪਨ੍ਨੋ ਹੋਤਿ, ਤਂ ਦਸ੍ਸੇਤੁਂ ਇਦਂ ਖੋ, ਆਵੁਸੋਤਿਆਦਿ ਵੁਤ੍ਤਂ. ਤਤ੍ਥ ਆਯਤਨ੍ਤਿ ਦੀਘਂ. ਵਿਤ੍ਥਤਨ੍ਤਿ ਪੁਥੁਲਂ. ਅਪ੍ਪਿਤਨ੍ਤਿ ਘਨਂ. ਸੁਵੀਤਨ੍ਤਿ ਸੁਟ੍ਠੁ ਵੀਤਂ, ਸਬ੍ਬਟ੍ਠਾਨੇਸੁ ਸਮਂ ਕਤ੍ਵਾ ਵੀਤਂ. ਸੁਪ੍ਪਵਾਯਿਤਨ੍ਤਿ ਸੁਟ੍ਠੁ ਪਵਾਯਿਤਂ, ਸਬ੍ਬਟ੍ਠਾਨੇਸੁ ਸਮਂ ਕਤ੍ਵਾ ਤਨ੍ਤੇ ਪਸਾਰਿਤਂ. ਸੁਵਿਲੇਖਿਤਨ੍ਤਿ ਲੇਖਨਿਯਾ ਸੁਟ੍ਠੁ ਵਿਲੇਖਿਤਂ. ਸੁਵਿਤਚ੍ਛਿਤਨ੍ਤਿ ਕੋਚ੍ਛੇਨ ¶ ਸੁਟ੍ਠੁ ਵਿਤਚ੍ਛਿਤਂ, ਸੁਟ੍ਠੁ ਨਿਦ੍ਧੋਤਨ੍ਤਿ ਅਤ੍ਥੋ. ਪਿਣ੍ਡਪਾਤਮਤ੍ਤਮ੍ਪੀਤਿ ਏਤ੍ਥ ਚ ਨ ਭਿਕ੍ਖੁਨੋ ਪਿਣ੍ਡਪਾਤਦਾਨਮਤ੍ਤੇਨ ਤਂ ਨਿਸ੍ਸਗ੍ਗਿਯਂ ਹੋਤਿ, ਸਚੇ ਪਨ ਤੇ ਤਸ੍ਸ ਵਚਨੇਨ ਚੀਵਰਸਾਮਿਕਾਨਂ ਹਤ੍ਥਤੋ ਸੁਤ੍ਤਂ ਗਹੇਤ੍ਵਾ ਈਸਕਮ੍ਪਿ ਆਯਤਂ ਵਾ ਵਿਤ੍ਥਤਂ ਵਾ ਅਪ੍ਪਿਤਂ ਵਾ ਕਰੋਨ੍ਤਿ, ਅਥ ਤੇਸਂ ਪਯੋਗੇ ਭਿਕ੍ਖੁਨੋ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ.

ਸਾਵਤ੍ਥਿਯਂ ਉਪਨਨ੍ਦਂ ਆਰਬ੍ਭ ਚੀਵਰੇ ਵਿਕਪ੍ਪਂ ਆਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਞਾਤਕੇ ਅਞ੍ਞਾਤਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਞਾਤਕਪ੍ਪਵਾਰਿਤਾਨਂ ਤਨ੍ਤਵਾਯੇਹਿ, ਅਞ੍ਞਸ੍ਸ ਵਾ ਅਤ੍ਥਾਯ, ਅਤ੍ਤਨੋ ਵਾ ਧਨੇਨ, ਮਹਗ੍ਘਂ ਵਾਯਾਪੇਤੁਕਾਮਂ ¶ ਅਪ੍ਪਗ੍ਘਂ ਵਾਯਾਪੇਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਅਞ੍ਞਾਤਕਅਪ੍ਪਵਾਰਿਤਾਨਂ ਤਨ੍ਤਵਾਯੇ ਉਪਸਙ੍ਕਮਿਤ੍ਵਾ ਵਿਕਪ੍ਪਮਾਪਜ੍ਜਨਤਾ, ਚੀਵਰਸ੍ਸ ਅਤ੍ਤੁਦ੍ਦੇਸਿਕਤਾ, ਤਸ੍ਸ ਵਚਨੇਨ ਸੁਤ੍ਤਵਡ੍ਢਨਂ, ਚੀਵਰਪ੍ਪਟਿਲਾਭੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਧੋਵਾਪਨਸਿਕ੍ਖਾਪਦੇ ਵੁਤ੍ਤਨਯਾਨੇਵਾਤਿ.

ਮਹਾਪੇਸਕਾਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ਦਸਾਹਾਨਾਗਤਨ੍ਤਿ ਦਸ ਅਹਾਨਿ ਦਸਾਹਂ, ਤੇਨ ਦਸਾਹੇਨ ਅਨਾਗਤਾ ਦਸਾਹਾਨਾਗਤਾ, ਦਸਾਹੇਨ ਅਸਮ੍ਪਤ੍ਤਾਤਿ ਅਤ੍ਥੋ, ਤਂ ਦਸਾਹਾਨਾਗਤਂ, ਅਚ੍ਚਨ੍ਤਸਂਯੋਗਵਸੇਨ ਭੁਮ੍ਮਤ੍ਥੇ ਉਪਯੋਗਵਚਨਂ. ਕਤ੍ਤਿਕਤੇਮਾਸਿਕਪੁਣ੍ਣਮਨ੍ਤਿ ਪਠਮਕਤ੍ਤਿਕਪੁਣ੍ਣਮਂ, ਇਧਾਪਿ ਪਠਮਪਦਸ੍ਸ ਅਨੁਪਯੋਗਤਾ ਪੁਰਿਮਨਯੇਨੇਵ ਭੁਮ੍ਮਤ੍ਥੇ ਉਪਯੋਗਵਚਨਂ. ਇਦਂ ਵੁਤ੍ਤਂ ਹੋਤਿ – ਯਤੋ ਪਟ੍ਠਾਯ ਪਠਮਪ੍ਪਵਾਰਣਾ ‘‘ਦਸਾਹਾਨਾਗਤਾ’’ਤਿ ਵੁਚ੍ਚਤਿ, ਸਚੇਪਿ ਤਾਨਿ ਦਿਵਸਾਨਿ ਅਚ੍ਚਨ੍ਤਮੇਵ ਭਿਕ੍ਖੁਨੋ ਅਚ੍ਚੇਕਚੀਵਰਂ ਉਪ੍ਪਜ੍ਜੇਯ੍ਯ, ‘‘ਅਚ੍ਚੇਕਂ ਇਦ’’ਨ੍ਤਿ ਜਾਨਮਾਨੇਨ ਭਿਕ੍ਖੁਨਾ ¶ ਸਬ੍ਬਮ੍ਪਿ ਪਟਿਗ੍ਗਹੇਤਬ੍ਬਨ੍ਤਿ. ਤੇਨ ਪਵਾਰਣਾਮਾਸਸ੍ਸ ਜੁਣ੍ਹਪਕ੍ਖਪਞ੍ਚਮਿਤੋ ਪਟ੍ਠਾਯ ਉਪ੍ਪਨ੍ਨਸ੍ਸ ਚੀਵਰਸ੍ਸ ਨਿਧਾਨਕਾਲੋ ਦਸ੍ਸਿਤੋ ਹੋਤਿ. ਕਾਮਞ੍ਚੇਸ ‘‘ਦਸਾਹਪਰਮਂ ਅਤਿਰੇਕਚੀਵਰਂ ਧਾਰੇਤਬ੍ਬ’’ਨ੍ਤਿਇਮਿਨਾਵ ਸਿਦ੍ਧੋ, ਅਟ੍ਠੁਪ੍ਪਤ੍ਤਿਵਸੇਨ ਪਨ ਅਪੁਬ੍ਬਂ ਵਿਯ ਅਤ੍ਥਂ ਦਸ੍ਸੇਤ੍ਵਾ ਸਿਕ੍ਖਾਪਦਂ ਠਪਿਤਂ. ਅਚ੍ਚੇਕਚੀਵਰਨ੍ਤਿ ਗਮਿਕਗਿਲਾਨਗਬ੍ਭਿਨਿਅਭਿਨਵੁਪ੍ਪਨ੍ਨਸਦ੍ਧਾਨਂ ਪੁਗ੍ਗਲਾਨਂ ਅਞ੍ਞਤਰੇਨ ‘‘ਵਸ੍ਸਾਵਾਸਿਕਂ ਦਸ੍ਸਾਮੀ’’ਤਿ ਏਵਂ ਆਰੋਚੇਤ੍ਵਾ ਦਿਨ੍ਨਂ. ਸਚੇ ਤਂ ਪੁਰੇ ਪਵਾਰਣਾਯ ਵਿਭਜਿਤਂ, ਯੇਨ ਗਹਿਤਂ, ਤੇਨ ਵਸ੍ਸਚ੍ਛੇਦੋ ਨ ਕਾਤਬ੍ਬੋ, ਕਰੋਤਿ ਚੇ, ਤਂ ਚੀਵਰਂ ਸਙ੍ਘਿਕਂ ਹੋਤਿ. ਯਾਵ ਚੀਵਰਕਾਲਸਮਯਨ੍ਤਿ ਅਨਤ੍ਥਤੇ ਕਥਿਨੇ ਯਾਵ ਵਸ੍ਸਾਨਸ੍ਸ ਪਚ੍ਛਿਮੋ ਮਾਸੋ, ਅਤ੍ਥਤੇ ਕਥਿਨੇ ਯਾਵ ਪਞ੍ਚ ਮਾਸਾ, ਤਾਵ ਨਿਕ੍ਖਿਪਿਤਬ੍ਬਂ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਚ੍ਚੇਕਚੀਵਰਸ੍ਸ ਚੀਵਰਕਾਲਸਮਯਂ ਅਤਿਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਚੀਵਰਵਗ੍ਗਸ੍ਸ ਪਠਮਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬਨ੍ਤਿ.

ਅਚ੍ਚੇਕਚੀਵਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਨਵਮੇ ¶ ਉਪਵਸ੍ਸਂ ਖੋ ਪਨਾਤਿ ਏਤ੍ਥ ਉਪਵਸ੍ਸਨ੍ਤਿ ਉਪਵਸ੍ਸ, ਉਪਵਸਿਤ੍ਵਾਤਿ ਵੁਤ੍ਤਂ ਹੋਤਿ, ਉਪਸਮ੍ਪਜ੍ਜਨ੍ਤਿਆਦੀਸੁ ¶ (ਵਿਭ. ੫੭੦) ਵਿਯ ਹੇਤ੍ਥ ਅਨੁਨਾਸਿਕੋ ਦਟ੍ਠਬ੍ਬੋ, ਵਸ੍ਸਂ ਉਪਗਨ੍ਤ੍ਵਾ ਵਸਿਤ੍ਵਾ ਚਾਤਿ ਅਤ੍ਥੋ. ਇਮਸ੍ਸ ਚ ਪਦਸ੍ਸ ‘‘ਤਥਾਰੂਪੇਸੁ ਭਿਕ੍ਖੁ ਸੇਨਾਸਨੇਸੁ ਵਿਹਰਨ੍ਤੋ’’ਤਿਇਮਿਨਾ ਸਮ੍ਬਨ੍ਧੋ, ਇਦਂ ਵੁਤ੍ਤਂ ਹੋਤਿ – ਵਸ੍ਸਂ ਉਪਗਨ੍ਤ੍ਵਾ ਵਸਿਤ੍ਵਾ ਚ ਤਤੋ ਪਰਂ ਪਚ੍ਛਿਮਕਤ੍ਤਿਕਪੁਣ੍ਣਮਪਰਿਯੋਸਾਨਕਾਲਂ ਯਾਨਿ ਖੋ ਪਨ ਤਾਨਿ ਆਰਞ੍ਞਕਾਨਿ…ਪੇ… ਅਨ੍ਤਰਘਰੇ ਨਿਕ੍ਖਿਪੇਯ੍ਯਾਤਿ. ਤਤ੍ਥ ਆਰਞ੍ਞਕਾਨੀਤਿ ਸਬ੍ਬਪਚ੍ਛਿਮਾਨਿ ਆਰੋਪਿਤੇਨ ਆਚਰਿਯਧਨੁਨਾ ਗਾਮਸ੍ਸ ਇਨ੍ਦਖੀਲਤੋ ਪਟ੍ਠਾਯ ਪਞ੍ਚਧਨੁਸਤਪ੍ਪਮਾਣੇ ਪਦੇਸੇ ਕਤਸੇਨਾਸਨਾਨਿ. ਸਚੇ ਪਨ ਅਪਰਿਕ੍ਖਿਤ੍ਤੋ ਗਾਮੋ ਹੋਤਿ, ਪਰਿਕ੍ਖੇਪਾਰਹਟ੍ਠਾਨਤੋ ਪਟ੍ਠਾਯ ਮਿਨੇਤਬ੍ਬਂ. ਸਚੇ ਵਿਹਾਰਸ੍ਸ ਪਰਿਕ੍ਖੇਪੋ ਵਾ ਅਪਰਿਕ੍ਖਿਤ੍ਤਸ੍ਸ ਯਂ ਗਾਮਤੋ ਸਬ੍ਬਪਠਮਂ ਸੇਨਾਸਨਂ ਵਾ ਚੇਤਿਯਂ ਵਾ ਬੋਧਿ ਵਾ ਧੁਵਸਨ੍ਨਿਪਾਤਟ੍ਠਾਨਂ ਵਾ ਯਾਵ ¶ , ਤਂ ਤਾਵ ਪਕਤਿਮਗ੍ਗੇਨ ਮਿਨੇਤਬ੍ਬਂ, ਅਞ੍ਞਂ ਮਗ੍ਗਂ ਕਾਤੁਂ, ਅਮਗ੍ਗੇਨ ਵਾ ਮਿਨੇਤੁਂ ਨ ਵਟ੍ਟਤਿ. ਸਾਸਙ੍ਕਸਮ੍ਮਤਾਨੀਤਿ ਚੋਰਾਦੀਨਂ ਨਿਵਿਟ੍ਠੋਕਾਸਾਦਿਦਸ੍ਸਨੇਨ ‘‘ਸਾਸਙ੍ਕਾਨੀ’’ਤਿ ਸਮ੍ਮਤਾਨਿ, ਏਵਂ ਸਞ੍ਞਾਤਾਨੀਤਿ ਅਤ੍ਥੋ. ਸਹ ਪਟਿਭਯੇਨ ਸਪ੍ਪਟਿਭਯਾਨਿ, ਚੋਰੇਹਿ ਮਨੁਸ੍ਸਾਨਂ ਹਤਵਿਲੁਤ੍ਤਾਕੋਟਿਤਭਾਵਦਸ੍ਸਨਤੋ ਸਨ੍ਨਿਹਿਤਬਲਵਭਯਾਨੀਤਿ ਅਤ੍ਥੋ.

ਅਨ੍ਤਰਘਰੇ ਨਿਕ੍ਖਿਪੇਯ੍ਯਾਤਿ ਆਰਞ੍ਞਕਸ੍ਸ ਸੇਨਾਸਨਸ੍ਸ ਸਮਨ੍ਤਾ ਸਬ੍ਬਦਿਸਾਭਾਗੇਸੁ ਅਤ੍ਤਨਾ ਅਭਿਰੁਚਿਤੇ ਗੋਚਰਗਾਮੇ ਨਿਕ੍ਖਿਪੇਯ੍ਯ. ਤਞ੍ਚ ਖੋ ਸਤਿਯਾ ਅਙ੍ਗਸਮ੍ਪਤ੍ਤਿਯਾ, ਤਤ੍ਰਾਯਂ ਅਙ੍ਗਸਮ੍ਪਤ੍ਤਿ – ਪੁਰਿਮਿਕਾਯ ਉਪਗਨ੍ਤ੍ਵਾ ਮਹਾਪਵਾਰਣਾਯ ਪਵਾਰਿਤੋ ਹੋਤਿ, ਇਦਮੇਕਂ ਅਙ੍ਗਂ. ਕਤ੍ਤਿਕਮਾਸੋਯੇਵ ਹੋਤਿ, ਇਦਂ ਦੁਤਿਯਂ ਅਙ੍ਗਂ. ਪਞ੍ਚਧਨੁਸਤਿਕਪਚ੍ਛਿਮਪ੍ਪਮਾਣਯੁਤ੍ਤਂ ਸੇਨਾਸਨਂ ਹੋਤਿ, ਇਦਂ ਤਤਿਯਂ ਅਙ੍ਗਂ. ਊਨਪ੍ਪਮਾਣੇ ਵਾ ਗਾਵੁਤਤੋ ਅਤਿਰੇਕਪ੍ਪਮਾਣੇ ਵਾ ਨ ਲਭਤਿ, ਯਤ੍ਰ ਹਿ ਪਿਣ੍ਡਾਯ ਚਰਿਤ੍ਵਾ ਭੁਤ੍ਤਵੇਲਾਯਮੇਵ ਪੁਨ ਵਿਹਾਰਂ ਸਕ੍ਕਾ ਆਗਨ੍ਤੁਂ, ਤਦੇਵ ਇਧਾਧਿਪ੍ਪੇਤਂ. ਸਾਸਙ੍ਕਸਪ੍ਪਟਿਭਯਮੇਵ ਹੋਤਿ, ਇਦਂ ਚਤੁਤ੍ਥਂ ਅਙ੍ਗਂ ਹੋਤੀਤਿ. ਕੋਚਿਦੇਵ ਪਚ੍ਚਯੋਤਿ ਕਿਞ੍ਚਿਦੇਵ ਕਾਰਣਂ. ਤੇਨ ਚੀਵਰੇਨਾਤਿ ਤੇਨ ਅਨ੍ਤਰਘਰੇ ਨਿਕ੍ਖਿਤ੍ਤਚੀਵਰੇਨ. ਵਿਪ੍ਪਵਾਸਾਯਾਤਿ ਵਿਯੋਗਵਾਸਾਯ. ਤਤੋ ਚੇ ਉਤ੍ਤਰਿ ਵਿਪ੍ਪਵਸੇਯ੍ਯਾਤਿ ਛਾਰਤ੍ਤਤੋ ਉਤ੍ਤਰਿ ਤਸ੍ਮਿਂ ਸੇਨਾਸਨੇ ਸਤ੍ਤਮਂ ਅਰੁਣਂ ਉਟ੍ਠਾਪੇਯ੍ਯਾਤਿ ਅਤ੍ਥੋ, ਤਥਾ ਅਸਕ੍ਕੋਨ੍ਤੇਨ ਪਨ ਗਾਮਸੀਮਂ ਓਕ੍ਕਮਿਤ੍ਵਾ ਸਭਾਯਂ ਵਾ ਯਤ੍ਥ ਕਤ੍ਥਚਿ ਵਾ ਵਸਿਤ੍ਵਾ ਚੀਵਰਪ੍ਪਵਤ੍ਤਿਂ ਞਤ੍ਵਾ ਪਕ੍ਕਮਿਤੁਂ ਵਟ੍ਟਤਿ. ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਯਂ ਸਙ੍ਘੋ ਗਿਲਾਨਸ੍ਸ ਭਿਕ੍ਖੁਨੋ ਚੀਵਰੇਨ ਵਿਪ੍ਪਵਾਸਸਮ੍ਮੁਤਿਂ ਦੇਤਿ, ਤਂ ਠਪੇਤ੍ਵਾ ਅਲਦ੍ਧਸਮ੍ਮੁਤਿਕਸ੍ਸ ਅਤਿਰੇਕਛਾਰਤ੍ਤਂ ਵਿਪ੍ਪਵਸਤੋ ਨਿਸ੍ਸਗ੍ਗਿਯਂ ਹੋਤਿ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਚੀਵਰਵਿਪ੍ਪਵਾਸਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਮੇਤ੍ਥ ਚੀਵਰਵਗ੍ਗਸ੍ਸ ਦੁਤਿਯਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬਨ੍ਤਿ.

ਸਾਸਙ੍ਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ¶ ¶ ਸਙ੍ਘਿਕਨ੍ਤਿ ਸਙ੍ਘਸ੍ਸ ਸਨ੍ਤਕਂ. ਸੋ ਹਿ ਸਙ੍ਘਸ੍ਸ ਪਰਿਣਤਤ੍ਤਾ ਹਤ੍ਥੇ ਅਨਾਰੁਲ਼੍ਹੋਪਿ ਏਕੇਨ ਪਰਿਯਾਯੇਨ ਸਙ੍ਘਸਨ੍ਤਕੋ ਹੋਤਿ. ਲਾਭਨ੍ਤਿ ਲਭਿਤਬ੍ਬਂ ਚੀਵਰਾਦਿਵਤ੍ਥੁਂ. ਪਰਿਣਤਨ੍ਤਿ ‘‘ਦਸ੍ਸਾਮ ਕਰਿਸ੍ਸਾਮਾ’’ਤਿ ਵਚੀਭੇਦੇਨ ਵਾ ¶ ਹਤ੍ਥਮੁਦ੍ਦਾਯ ਵਾ ਸਙ੍ਘਸ੍ਸ ਨਿਨ੍ਨਂ ਹੁਤ੍ਵਾ ਠਿਤਂ. ਅਤ੍ਤਨੋ ਪਰਿਣਾਮੇਯ੍ਯਾਤਿ ‘‘ਇਦਂ ਮਯ੍ਹਂ ਦੇਥਾ’’ਤਿਆਦੀਨਿ ਵਦਨ੍ਤੋ ਅਤ੍ਤਨਿਨ੍ਨਂ ਕਰੇਯ੍ਯ. ਸਚੇ ਪਨ ਸਙ੍ਘਸ੍ਸ ਦਿਨ੍ਨਂ ਹੋਤਿ, ਤਂ ਗਹੇਤੁਂ ਨ ਵਟ੍ਟਤਿ, ਸਙ੍ਘਸ੍ਸੇਵ ਦਾਤਬ੍ਬਂ. ਪਰਿਣਤਂ ਪਨ ਸਹਧਮ੍ਮਿਕਾਨਂ ਵਾ ਗਿਹੀਨਂ ਵਾ ਅਨ੍ਤਮਸੋ ਮਾਤੁਸਨ੍ਤਕਮ੍ਪਿ ਅਤ੍ਤਨੋ ਪਰਿਣਾਮੇਨ੍ਤਸ੍ਸ ਪਯੋਗੇ ਦੁਕ੍ਕਟਂ, ਪਟਿਲਾਭੇਨ ਨਿਸ੍ਸਗ੍ਗਿਯਂ ਹੋਤਿ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਰਿਣਾਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਪਰਿਣਤੇ ਵੇਮਤਿਕਸ੍ਸ, ਅਪਰਿਣਤੇ ਪਰਿਣਤਸਞ੍ਞਿਨੋ ਚੇਵ ਵੇਮਤਿਕਸ੍ਸ ਚ, ਸਙ੍ਘਚੇਤਿਯਪੁਗ੍ਗਲੇਸੁ ਯਸ੍ਸ ਕਸ੍ਸਚਿ ਪਰਿਣਤਂ ਅਞ੍ਞਸਙ੍ਘਾਦੀਨਂ ਪਰਿਣਾਮੇਨ੍ਤਸ੍ਸ ਚ ਦੁਕ੍ਕਟਂ. ਅਪਰਿਣਤਸਞ੍ਞਿਨੋ, ‘‘ਕਤ੍ਥ ਦੇਮਾ’’ਤਿ ਪੁਚ੍ਛਿਤੇ ‘‘ਯਤ੍ਥ ਤੁਮ੍ਹਾਕਂ ਚਿਤ੍ਤਂ ਪਸੀਦਤਿ, ਤਤ੍ਥ ਦੇਥ, ਤੁਮ੍ਹਾਕਂ ਦੇਯ੍ਯਧਮ੍ਮੋ ਪਰਿਭੋਗਂ ਵਾ ਲਭੇਯ੍ਯਾ’’ਤਿਆਦੀਨਿ ਵਦਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸਙ੍ਘੇ ਪਰਿਣਤਭਾਵੋ, ਤਂ ਞਤ੍ਵਾ ਅਤ੍ਤਨੋ ਪਰਿਣਾਮਨਂ, ਪਟਿਲਾਭੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨੀਤਿ.

ਪਰਿਣਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਇਤਿ ਕਙ੍ਖਾਵਿਤਰਣਿਯਾ ਪਾਤਿਮੋਕ੍ਖਵਣ੍ਣਨਾਯ

ਨਿਸ੍ਸਗ੍ਗਿਯਪਾਚਿਤ੍ਤਿਯਵਣ੍ਣਨਾ ਨਿਟ੍ਠਿਤਾ.

ਪਾਚਿਤ੍ਤਿਯੇਸੁ ¶ ¶ ਮੁਸਾਵਾਦਵਗ੍ਗਸ੍ਸ ਪਠਮੇ ਸਮ੍ਪਜਾਨਮੁਸਾਵਾਦੇਤਿ ਪੁਬ੍ਬੇਪਿ ਜਾਨਿਤ੍ਵਾ ਵਚਨਕ੍ਖਣੇਪਿ ਜਾਨਨ੍ਤਸ੍ਸੇਵ ਮੁਸਾਵਾਦਭਣਨੇ. ਭਣਨਞ੍ਚ ਨਾਮ ਇਧ ਅਭੂਤਸ੍ਸ ਵਾ ਭੂਤਤਂ, ਭੂਤਸ੍ਸ ਵਾ ਅਭੂਤਤਂ ਕਤ੍ਵਾ ਕਾਯੇਨ ਵਾ ਵਾਚਾਯ ਵਾ ਵਿਞ੍ਞਾਪਨਪ੍ਪਯੋਗੋ, ਨਿਮਿਤ੍ਤਤ੍ਥੇ ਚੇਤਂ ਭੁਮ੍ਮਵਚਨਂ. ਤਸ੍ਮਾ ਯੋ ਸਮ੍ਪਜਾਨਮੁਸਾਵਾਦਂ ਵਦਤਿ, ਤਸ੍ਸ ਤਂਨਿਮਿਤ੍ਤਂ ਤਂਹੇਤੁ ਤਪ੍ਪਚ੍ਚਯਾ ਪਾਚਿਤ੍ਤਿਯਂ ਹੋਤੀਤਿ ਏਵਮੇਤ੍ਥ ਅਞ੍ਞੇਸੁ ਚ ਈਦਿਸੇਸੁ ਅਤ੍ਥੋ ਵੇਦਿਤਬ੍ਬੋ.

ਸਾਵਤ੍ਥਿਯਂ ਹਤ੍ਥਕਂ ਸਕ੍ਯਪੁਤ੍ਤਂ ਆਰਬ੍ਭ ਅਵਜਾਨਿਤ੍ਵਾ ਪਟਿਜਾਨਨਾਦਿਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਉਤ੍ਤਰਿਮਨੁਸ੍ਸਧਮ੍ਮਾਰੋਚਨਤ੍ਥਂ ਮੁਸਾ ਭਣਨ੍ਤਸ੍ਸ ਪਾਰਾਜਿਕਂ, ਅਮੂਲਕੇਨ ਪਾਰਾਜਿਕੇਨ ਅਨੁਦ੍ਧਂਸਨਤ੍ਥਂ ਸਙ੍ਘਾਦਿਸੇਸੋ, ਸਙ੍ਘਾਦਿਸੇਸੇਨ ਅਨੁਦ੍ਧਂਸਨਤ੍ਥਂ ਪਾਚਿਤ੍ਤਿਯਂ, ਆਚਾਰਵਿਪਤ੍ਤਿਯਾ ਅਨੁਦ੍ਧਂਸਨਤ੍ਥਂ ਦੁਕ੍ਕਟਂ, ‘‘ਯੋ ਤੇ ਵਿਹਾਰੇ ਵਸੀ’’ਤਿਆਦਿਨਾ (ਪਾਰਾ. ੨੨੦) ਪਰਿਯਾਯੇਨ ਉਤ੍ਤਰਿਮਨੁਸ੍ਸਧਮ੍ਮਾਰੋਚਨਤ੍ਥਂ ਪਟਿਵਿਜਾਨਨ੍ਤਸ੍ਸ ਮੁਸਾ ਭਣਿਤੇ ਥੁਲ੍ਲਚ੍ਚਯਂ, ਅਪ੍ਪਟਿਵਿਜਾਨਨ੍ਤਸ੍ਸ ਦੁਕ੍ਕਟਂ, ਕੇਵਲਂ ਮੁਸਾ ਭਣਨ੍ਤਸ੍ਸ ਇਧ ਪਾਚਿਤ੍ਤਿਯਂ. ਅਨੁਪਧਾਰੇਤ੍ਵਾ ਸਹਸਾ ਭਣਨ੍ਤਸ੍ਸ, ‘‘ਅਞ੍ਞਂ ¶ ਭਣਿਸ੍ਸਾਮੀ’’ਤਿ ਅਞ੍ਞਂ ਭਣਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵਿਸਂਵਾਦਨਪੁਰੇਕ੍ਖਾਰਤਾ, ਵਿਸਂਵਾਦਨਚਿਤ੍ਤੇਨ ਯਮਤ੍ਥਂ ਵਤ੍ਤੁਕਾਮੋ, ਤਸ੍ਸ ਪੁਗ੍ਗਲਸ੍ਸ ਵਿਞ੍ਞਾਪਨਪਯੋਗੋ ਚਾਤਿ ਇਮਾਨੇਤ੍ਥ ਦ੍ਵੇ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨੀਤਿ.

ਮੁਸਾਵਾਦਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ¶ ਓਮਸਵਾਦੇਤਿ ਓਵਿਜ੍ਝਨਵਚਨੇ, ਜਾਤਿਨਾਮਗੋਤ੍ਤਕਮ੍ਮਸਿਪ੍ਪਆਬਾਧਲਿਙ੍ਗਕਿਲੇਸਆਪਤ੍ਤਿਅਕ੍ਕੋਸੇਸੁ ਭੂਤੇਨ ਵਾ ਅਭੂਤੇਨ ਵਾ ਯੇਨ ਕੇਨਚਿ ਪਾਰਾਜਿਕਂ ਆਪਨ੍ਨਂ ਵਾ ਅਨਾਪਨ੍ਨਂ ਵਾ ਯਂਕਿਞ੍ਚਿ ਭਿਕ੍ਖੁਂ ਯਾਯ ਕਾਯਚਿ ¶ ਵਾਚਾਯ ਵਾ ਹਤ੍ਥਮੁਦ੍ਦਾਯ ਵਾ ਅਨਞ੍ਞਾਪਦੇਸੇਨ ਅਕ੍ਕੋਸਨਵਚਨੇ ਪਾਚਿਤ੍ਤਿਯਨ੍ਤਿ ਅਤ੍ਥੋ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਓਮਸਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤੇਹਿਯੇਵ ਦਸਹਿ ਅਕ੍ਕੋਸਵਤ੍ਥੂਹਿ ‘‘ਸਨ੍ਤਿ ਇਧੇਕਚ੍ਚੇ ਚਣ੍ਡਾਲਾ’’ਤਿਆਦਿਨਾ (ਪਾਚਿ. ੨੬) ਨਯੇਨ ਅਞ੍ਞਾਪਦੇਸਂ ਕਤ੍ਵਾ ਅਕ੍ਕੋਸਨ੍ਤਸ੍ਸ, ‘‘ਚੋਰੋਸਿ ਗਣ੍ਠਿਭੇਦਕੋਸੀ’’ਤਿਆਦੀਹਿ ਪਾਲ਼ਿਮੁਤ੍ਤਕਪਦੇਹਿ ਅਕ੍ਕੋਸਨ੍ਤਸ੍ਸ, ਯਥਾ ਤਥਾ ਵਾ ਅਨੁਪਸਮ੍ਪਨ੍ਨਂ ਅਕ੍ਕੋਸਨ੍ਤਸ੍ਸ ਚ ਦੁਕ੍ਕਟਂ. ਇਧ ਭਿਕ੍ਖੁਨੀਪਿ ਅਨੁਪਸਮ੍ਪਨ੍ਨਸਙ੍ਖ੍ਯਂ ਗਚ੍ਛਤਿ. ਅਨਕ੍ਕੋਸਿਤੁਕਾਮਸ੍ਸ ਕੇਵਲਂ ਦਵਕਮ੍ਯਤਾਯ ਵਦਤੋ ਸਬ੍ਬਤ੍ਥ ਦੁਬ੍ਭਾਸਿਤਂ. ਅਤ੍ਥਧਮ੍ਮਅਨੁਸਾਸਨਿਪੁਰੇਕ੍ਖਾਰਾਨਂ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਯਂ ਅਕ੍ਕੋਸਤਿ, ਤਸ੍ਸ ਉਪਸਮ੍ਪਨ੍ਨਤਾ, ਅਨਞ੍ਞਾਪਦੇਸੇਨ ਜਾਤਿਆਦੀਹਿ ਅਕ੍ਕੋਸਨਂ, ‘‘ਮਂ ਅਕ੍ਕੋਸਤੀ’’ਤਿ ਜਾਨਨਾ, ਅਤ੍ਥਪੁਰੇਕ੍ਖਾਰਤਾਦੀਨਂ ਅਭਾਵੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਵੇਦਨਾ ਪਨ ਇਧ ਦੁਕ੍ਖਾਤਿ.

ਓਮਸਵਾਦਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ਭਿਕ੍ਖੁਪੇਸੁਞ੍ਞੇਤਿ ਭਿਕ੍ਖੁਸ੍ਸ ਪੇਸੁਞ੍ਞੇ, ਜਾਤਿਆਦੀਹਿ ਅਕ੍ਕੋਸਵਤ੍ਥੂਹਿ ਭਿਕ੍ਖੂ ਅਕ੍ਕੋਸਨ੍ਤਸ੍ਸ ਭਿਕ੍ਖੁਨੋ ਸੁਤ੍ਵਾ ਵਚਨਂ ਭਿਕ੍ਖੁਨੋ ਪਿਯਕਮ੍ਯਤਾਯ ਵਾ ਭੇਦਾਧਿਪ੍ਪਾਯੇਨ ਵਾ ਯੋ ਅਕ੍ਕੁਦ੍ਧੋ, ਤਸ੍ਸ ਭਿਕ੍ਖੁਸ੍ਸ ਕਾਯੇਨ ਵਾ ਵਾਚਾਯ ਵਾ ਉਪਸਂਹਟੇ ਤਸ੍ਮਿਂ ਪੇਸੁਞ੍ਞਕਰਣਵਚਨੇ ਪਾਚਿਤ੍ਤਿਯਨ੍ਤਿ ਅਤ੍ਥੋ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪੇਸੁਞ੍ਞਉਪਸਂਹਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਵੁਤ੍ਤਨਯੇਨੇਵ ਅਞ੍ਞਾਪਦੇਸੇਨ ਅਕ੍ਕੋਸਨ੍ਤਸ੍ਸ ਵਚਨੂਪਸਂਹਾਰੇ ਵਾ ਪਾਲ਼ਿਮੁਤ੍ਤਕਅਕ੍ਕੋਸੂਪਸਂਹਾਰੇ ਵਾ ਅਨੁਪਸਮ੍ਪਨ੍ਨਸ੍ਸ ਚ ਉਪਸਂਹਾਰੇ ਦੁਕ੍ਕਟਂ. ਇਧਾਪਿ ਭਿਕ੍ਖੁਨੀ ਅਨੁਪਸਮ੍ਪਨ੍ਨਟ੍ਠਾਨੇ ¶ ਠਿਤਾ. ਨ ਪਿਯਕਮ੍ਯਤਾਯ, ਨ ਭੇਦਾਧਿਪ੍ਪਾਯੇਨ ਕੇਵਲਂ ਪਾਪਗਰਹਿਤਾਯ ਵਦਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਜਾਤਿਆਦੀਹਿ ਅਨਞ੍ਞਾਪਦੇਸੇਨ ਅਕ੍ਕੋਸਨ੍ਤਸ੍ਸ ਭਿਕ੍ਖੁਨੋ ਸੁਤ੍ਵਾ ਵਚਨਂ ਭਿਕ੍ਖੁਸ੍ਸ ਉਪਸਂਹਰਣਂ, ਪਿਯਕਮ੍ਯਤਾਭੇਦਾਧਿਪ੍ਪਾਯੇਸੁ ¶ ਅਞ੍ਞਤਰਤਾ ¶ , ਤਸ੍ਸ ਵਿਜਾਨਨਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨੇਵਾਤਿ.

ਪੇਸੁਞ੍ਞਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਪਦਸੋ ਧਮ੍ਮਂ ਵਾਚੇਯ੍ਯਾਤਿ ਸਙ੍ਗੀਤਿਤ੍ਤਯਂ ਅਨਾਰੁਲ਼੍ਹਮ੍ਪਿ ਰਾਜੋਵਾਦਤਿਕ੍ਖਿਨ੍ਦ੍ਰਿਯਚਤੁਪਰਿਵਤ੍ਤਨਨਨ੍ਦੋਪਨਨ੍ਦਕੁਲੁਮ੍ਪਸੁਤ੍ਤਮਗ੍ਗਕਥਾਦਿਧਮ੍ਮਞ੍ਚ ਸਙ੍ਗੀਤਿਤ੍ਤਯਮਾਰੁਲ਼੍ਹਂ ਤਿਪਿਟਕਧਮ੍ਮਞ੍ਚ ਪਦਂ ਪਦਂ ਵਾਚੇਯ੍ਯ, ਪਦਾਨੁਪਦਅਨ੍ਵਕ੍ਖਰਅਨੁਬ੍ਯਞ੍ਜਨੇਸੁ ਏਕੇਕਂ ਕੋਟ੍ਠਾਸਨ੍ਤਿ ਅਤ੍ਥੋ. ਪਾਚਿਤ੍ਤਿਯਨ੍ਤਿ ਏਤੇਸੁ ਪਦਾਦੀਸੁ ਭਿਕ੍ਖੁਞ੍ਚ ਭਿਕ੍ਖੁਨਿਞ੍ਚ ਠਪੇਤ੍ਵਾ ਯਂਕਞ੍ਚਿ ਕੋਟ੍ਠਾਸਂ ਅਵਸੇਸਪੁਗ੍ਗਲੇਹਿ ਸਦ੍ਧਿਂ ਏਕਤੋ ਭਣਨ੍ਤਸ੍ਸ ਪਦਾਦਿਗਣਨਾਯ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਪਦਸੋ ਧਮ੍ਮਵਾਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ. ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਅਨੁਪਸਮ੍ਪਨ੍ਨੇਨ ਸਦ੍ਧਿਂ ਏਕਤੋ ਉਦ੍ਦੇਸਗ੍ਗਹਣੇ, ਸਜ੍ਝਾਯਕਰਣੇ, ਤਸ੍ਸ ਸਨ੍ਤਿਕੇ ਉਦ੍ਦੇਸਗ੍ਗਹਣੇ, ਯੇਭੁਯ੍ਯੇਨ ਪਗੁਣਗਨ੍ਥਂ ਭਣਨ੍ਤਸ੍ਸ, ਓਸਾਰੇਨ੍ਤਸ੍ਸ ਚ ਖਲਿਤਟ੍ਠਾਨੇ ‘‘ਏਵਂ ਭਣਾਹੀ’’ਤਿ ਵਚਨੇ ਚ ਏਕਤੋ ਭਣਨ੍ਤਸ੍ਸਾਪਿ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਅਨੁਪਸਮ੍ਪਨ੍ਨਤਾ, ਵੁਤ੍ਤਲਕ੍ਖਣਂ ਧਮ੍ਮਂ ਪਦਸੋ ਵਾਚਨਤਾ, ਏਕਤੋ ਓਸਾਪਨਞ੍ਚਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਪਦਸੋਧਮ੍ਮਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਪਦਸੋਧਮ੍ਮਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਞ੍ਚਮੇ ਅਨੁਪਸਮ੍ਪਨ੍ਨੇਨਾਤਿ ਭਿਕ੍ਖੁਂ ਠਪੇਤ੍ਵਾ ਅਨ੍ਤਮਸੋ ਪਾਰਾਜਿਕਵਤ੍ਥੁਭੂਤੇਨ ਤਿਰਚ੍ਛਾਨਗਤੇਨਾਪਿ. ਉਤ੍ਤਰਿਦਿਰਤ੍ਤਤਿਰਤ੍ਤਨ੍ਤਿ ਦ੍ਵਿਨ੍ਨਂ ਵਾ ਤਿਣ੍ਣਂ ਵਾ ਰਤ੍ਤੀਨਂ ਉਪਰਿ. ਸਹਸੇਯ੍ਯਨ੍ਤਿ ਸਬ੍ਬਚ੍ਛਨ੍ਨਪਰਿਚ੍ਛਨ੍ਨੇ ਯੇਭੁਯ੍ਯੇਨ ਛਨ੍ਨਪਰਿਚ੍ਛਨ੍ਨੇ ਵਾ ਸੇਨਾਸਨੇ ਪੁਬ੍ਬਾਪਰਿਯੇਨ ਵਾ ਏਕਕ੍ਖਣੇਨ ਵਾ ਏਕਤੋ ¶ ਨਿਪਜ੍ਜਨਂ. ਕਪ੍ਪੇਯ੍ਯਾਤਿ ¶ ਵਿਦਹੇਯ੍ਯ ਸਮ੍ਪਾਦੇਯ੍ਯ. ਤਤ੍ਥ ਛਦਨਂ ਅਨਾਹਚ੍ਚ ਦਿਯਡ੍ਢਹਤ੍ਥੁਬ੍ਬੇਧੇਨ ਪਾਕਾਰਾਦਿਨਾ ਪਰਿਚ੍ਛਿਨ੍ਨਮ੍ਪਿ ਸਬ੍ਬਪਰਿਚ੍ਛਨ੍ਨਮਿਚ੍ਚੇਵ ਵੇਦਿਤਬ੍ਬਂ, ਤਸ੍ਮਾ ਇਮਿਨਾ ਲਕ੍ਖਣੇਨ ਸਮਨ੍ਨਾਗਤੋ ਸਚੇਪਿ ਸਤ੍ਤਭੂਮਿਕੋ ਪਾਸਾਦੋ ਏਕੂਪਚਾਰੋ ਹੋਤਿ, ਸਤਗਬ੍ਭਂ ਵਾ ਚਤੁਸਾਲਂ, ਯੋ ਤਤ੍ਥ ਵਾ ਅਞ੍ਞਤ੍ਥ ਵਾ ਤਾਦਿਸੇ ਤੇਨ ਵਾ ਅਞ੍ਞੇਨ ਵਾ ਅਨੁਪਸਮ੍ਪਨ੍ਨੇਨ ਸਹ ਤਿਸ੍ਸੋ ਰਤ੍ਤਿਯੋ ਸਯਿਤ੍ਵਾ ਚਤੁਤ੍ਥਦਿਵਸੇ ਅਤ੍ਥਙ੍ਗਤੇ ਸੂਰਿਯੇ ਅਨੁਪਸਮ੍ਪਨ੍ਨੇ ਨਿਪਨ੍ਨੇ ਗਬ੍ਭਦ੍ਵਾਰਂ ਪਿਧਾਯ ਵਾ ਅਪਿਧਾਯ ਵਾ ਨਿਪਜ੍ਜਤਿ, ਪਠਮਨਿਪਨ੍ਨੋ ਵਾ ਤਸ੍ਮਿਂ ਨਿਪਜ੍ਜਨ੍ਤੇ ਨ ਵੁਟ੍ਠਾਤਿ, ਤਸ੍ਸ ਉਭਿਨ੍ਨਂ ਉਟ੍ਠਹਿਤ੍ਵਾ ਨਿਪਜ੍ਜਨਪ੍ਪਯੋਗਗਣਨਾਯ ਅਨੁਪਸਮ੍ਪਨ੍ਨਗਣਨਾਯ ਚ ਪਾਚਿਤ੍ਤਿਯਂ. ਅਯਮੇਤ੍ਥ ਸਙ੍ਖੇਪੋ, ਵਿਤ੍ਥਾਰੋ ਪਨ ਸਮਨ੍ਤਪਾਸਾਦਿਕਾਯਂ (ਪਾਚਿ. ਅਟ੍ਠ. ੫੧) ਸਬ੍ਬਪ੍ਪਕਾਰਤੋ ਵੁਤ੍ਤੋ.

ਆਲ਼ਵਿਯਂ ¶ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਨੁਪਸਮ੍ਪਨ੍ਨੇਨ ਸਹਸੇਯ੍ਯਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਉਤ੍ਤਰਿਦਿਰਤ੍ਤਤਿਰਤ੍ਤ’’ਨ੍ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਉਪਸਮ੍ਪਨ੍ਨੇ ਅਨੁਪਸਮ੍ਪਨ੍ਨਸਞ੍ਞਿਨੋ ਵੇਮਤਿਕਸ੍ਸ ਵਾ ਉਪਦ੍ਧਚ੍ਛਨ੍ਨਪਰਿਚ੍ਛਨ੍ਨਾਦੀਸੁ ਚ ਦੁਕ੍ਕਟਂ. ਊਨਕਦਿਰਤ੍ਤਤਿਰਤ੍ਤਂ ਵਸਨ੍ਤਸ੍ਸ, ਤਤਿਯਾਯ ਰਤ੍ਤਿਯਾ ਪੁਰਾਰੁਣਾ ਨਿਕ੍ਖਮਿਤ੍ਵਾ ਪੁਨ ਵਸਨ੍ਤਸ੍ਸ, ਸਬ੍ਬਚ੍ਛਨ੍ਨਸਬ੍ਬਾਪਰਿਚ੍ਛਨ੍ਨਾਦੀਸੁ ਵਸਨ੍ਤਸ੍ਸ, ਇਤਰਸ੍ਮਿਂ ਨਿਸਿਨ੍ਨੇ ਨਿਪਜ੍ਜਨ੍ਤਸ੍ਸ, ਨਿਪਨ੍ਨੇ ਵਾ ਨਿਸੀਦਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਪਾਚਿਤ੍ਤਿਯਵਤ੍ਥੁਕਸੇਨਾਸਨਂ, ਤਤ੍ਥ ਅਨੁਪਸਮ੍ਪਨ੍ਨੇਨ ਸਹ ਨਿਪਜ੍ਜਨਂ, ਚਤੁਤ੍ਥਦਿਵਸੇ ਸੂਰਿਯਤ੍ਥਙ੍ਗਮਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੇਵਾਤਿ.

ਪਠਮਸਹਸੇਯ੍ਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੬. ਦੁਤਿਯਸਹਸੇਯ੍ਯਸਿਕ੍ਖਾਪਦਵਣ੍ਣਨਾ

ਛਟ੍ਠੇ ਮਾਤੁਗਾਮੇਨਾਤਿ ਅਨ੍ਤਮਸੋ ਤਦਹੁਜਾਤਾਯਪਿ ਮਨੁਸ੍ਸਿਤ੍ਥਿਯਾ. ਦਿਸ੍ਸਮਾਨਰੂਪਾ ਪਨ ਯਕ੍ਖਿਪੇਤਿਯੋ ਪਣ੍ਡਕੋ ਮੇਥੁਨਵਤ੍ਥੁਭੂਤਾ ਚ ਤਿਰਚ੍ਛਾਨਿਤ੍ਥਿਯੋ ਇਧ ਦੁਕ੍ਕਟਵਤ੍ਥੁਕਾ ਹੋਨ੍ਤਿ.

ਸਾਵਤ੍ਥਿਯਂ ਆਯਸ੍ਮਨ੍ਤਂ ਅਨੁਰੁਦ੍ਧਤ੍ਥੇਰਂ ਆਰਬ੍ਭ ਮਾਤੁਗਾਮੇਨ ਸਹਸੇਯ੍ਯਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਂ ਅਨਨ੍ਤਰਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬਂ ਅਞ੍ਞਤ੍ਰ ¶ ਰਤ੍ਤਿਪਰਿਚ੍ਛੇਦਾ, ਤਤ੍ਰ ਹਿ ਚਤੁਤ੍ਥਦਿਵਸੇ ਆਪਤ੍ਤਿ, ਇਧ ਪਨ ਪਠਮਦਿਵਸੇਪੀਤਿ.

ਦੁਤਿਯਸਹਸੇਯ੍ਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ¶ ਉਤ੍ਤਰਿਛਪ੍ਪਞ੍ਚਵਾਚਾਹੀਤਿਏਤ੍ਥ ਏਕੋ ਗਾਥਾਪਾਦੋ ਏਕਾ ਵਾਚਾਤਿ ਏਵਂ ਸਬ੍ਬਤ੍ਥ ਵਾਚਾਪਮਾਣਂ ਵੇਦਿਤਬ੍ਬਂ. ਧਮ੍ਮਂ ਦੇਸੇਯ੍ਯਾਤਿ ਪਦਸੋਧਮ੍ਮਸਿਕ੍ਖਾਪਦੇ ਵੁਤ੍ਤਲਕ੍ਖਣਂ ਧਮ੍ਮਂ ਵਾ ਅਟ੍ਠਕਥਾਧਮ੍ਮਂ ਵਾ ਭਾਸੇਯ੍ਯ. ਅਞ੍ਞਤ੍ਰ ਵਿਞ੍ਞੁਨਾ ਪੁਰਿਸਵਿਗ੍ਗਹੇਨਾਤਿ ਵਿਨਾ ਵਿਞ੍ਞੁਨਾ ਪੁਰਿਸੇਨ. ਮਨੁਸ੍ਸਵਿਗ੍ਗਹਂ ਗਹੇਤ੍ਵਾ ਠਿਤੇਨ ਪਨ ਯਕ੍ਖੇਨ ਵਾ ਪੇਤੇਨ ਵਾ ਤਿਰਚ੍ਛਾਨੇਨ ਵਾ ਸਦ੍ਧਿਂ ਠਿਤਾਯਪਿ ਧਮ੍ਮਂ ਦੇਸੇਤੁਂ ਨ ਵਟ੍ਟਤਿ. ਪਾਚਿਤ੍ਤਿਯਨ੍ਤਿ ਦੁਤਿਯਾਨਿਯਤੇ ਵੁਤ੍ਤਲਕ੍ਖਣੇਨ ਮਨੁਸ੍ਸੇਨ ਵਿਨਾ ਵਿਞ੍ਞੁਮਨੁਸ੍ਸਿਤ੍ਥਿਯਾ ਛਨ੍ਨਂ ਵਾਚਾਨਂ ਉਪਰਿ ਪਦਾਦਿਵਸੇਨ ਧਮ੍ਮਂ ਦੇਸੇਨ੍ਤਸ੍ਸ ਪਦਾਦਿਗਣਨਾਯ, ਬਹੂਨਂ ਦੇਸਯਤੋ ਮਾਤੁਗਾਮਗਣਨਾਯ ਚ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਮਾਤੁਗਾਮਸ੍ਸ ਧਮ੍ਮਦੇਸਨਾਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਵਿਞ੍ਞੁਨਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਮਾਤੁਗਾਮੇ ਮਾਤੁਗਾਮਸਞ੍ਞਿਨੋ ਵੇਮਤਿਕਸ੍ਸ ਵਾ ਯਕ੍ਖਿਪੇਤਿਪਣ੍ਡਕਮਨੁਸ੍ਸਵਿਗ੍ਗਹਤਿਰਚ੍ਛਾਨਿਤ੍ਥੀਨਂ ਦੇਸੇਨ੍ਤਸ੍ਸ ਚ ਦੁਕ੍ਕਟਂ. ਛਹਿ ਵਾਚਾਹਿ, ਤਤੋ ਵਾ ਓਰਂ ਦੇਸੇਨ੍ਤਸ੍ਸ, ਵੁਤ੍ਤਲਕ੍ਖਣੇ ਵਾ ਪੁਰਿਸੇ ਸਤਿ, ਸਯਂ ਵਾ ਉਟ੍ਠਾਯ, ਪੁਨ ਨਿਸੀਦਿਤ੍ਵਾ ਮਾਤੁਗਾਮਸ੍ਸ ਵਾ ਉਟ੍ਠਹਿਤ੍ਵਾ ਪੁਨ ਨਿਸਿਨ੍ਨਸ੍ਸ, ਅਞ੍ਞਸ੍ਸ ਵਾ ਮਾਤੁਗਾਮਸ੍ਸ ਦੇਸਯਤੋ, ‘‘ਦੀਘਨਿਕਾਯੋ ਨਾਮ ਭਨ੍ਤੇ ਕਿਮਤ੍ਥਿਯੋ’’ਤਿ ¶ ਏਵਂ ਪਨ ਪੁਟ੍ਠੇ ਸਬ੍ਬਮ੍ਪਿ ਦੀਘਨਿਕਾਯਂ ਦੇਸੇਨ੍ਤਸ੍ਸ, ਅਞ੍ਞਸ੍ਸਤ੍ਥਾਯ ਵੁਚ੍ਚਮਾਨਂ ਮਾਤੁਗਾਮੇ ਸੁਣਨ੍ਤੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵੁਤ੍ਤਲਕ੍ਖਣਸ੍ਸ ਧਮ੍ਮਸ੍ਸ ਛਨ੍ਨਂ ਵਾਚਾਨਂ ਉਪਰਿ ਦੇਸਨਾ, ਵੁਤ੍ਤਲਕ੍ਖਣੋ ਮਾਤੁਗਾਮੋ, ਇਰਿਯਾਪਥਪਰਿਵਤ੍ਤਾਭਾਵੋ, ਕਪ੍ਪਿਯਕਾਰਕਸ੍ਸਾਭਾਵੋ, ਅਪਞ੍ਹਾਵਿਸ੍ਸਜ੍ਜਨਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨੇਵ, ਕੇਵਲਂ ਇਧ ਕਿਰਿਯਾਕਿਰਿਯਂ ਹੋਤੀਤਿ.

ਧਮ੍ਮਦੇਸਨਾਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ¶ ਉਤ੍ਤਰਿਮਨੁਸ੍ਸਧਮ੍ਮਨ੍ਤਿ ਚਤੁਤ੍ਥਪਾਰਾਜਿਕੇ ਵੁਤ੍ਤਲਕ੍ਖਣਂ ਉਤ੍ਤਰਿਮਨੁਸ੍ਸਾਨਂ ਝਾਯੀਨਞ੍ਚੇਵ ਅਰਿਯਾਨਞ੍ਚ ਧਮ੍ਮਂ. ਭੂਤਸ੍ਮਿਂ ਪਾਚਿਤ੍ਤਿਯਨ੍ਤਿ ਅਤ੍ਤਨਿ ਝਾਨਾਦਿਧਮ੍ਮੇ ਸਤਿ ਤਂ ਭਿਕ੍ਖੁਞ੍ਚ ਭਿਕ੍ਖੁਨਿਞ੍ਚ ਠਪੇਤ੍ਵਾ ਅਞ੍ਞਸ੍ਸ ਆਰੋਚਯਤੋ ਪਾਚਿਤ੍ਤਿਯਂ.

ਵੇਸਾਲਿਯਂ ਵਗ੍ਗੁਮੁਦਾਤੀਰਿਯੇ ਭਿਕ੍ਖੂ ਆਰਬ੍ਭ ਤੇਸਂ ਭੂਤਾਰੋਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ ¶ , ਅਨਾਣਤ੍ਤਿਕਂ, ਨਿਪ੍ਪਰਿਯਾਯੇਨ ਅਤ੍ਤਨਿ ਵਿਜ੍ਜਮਾਨਂ ਝਾਨਾਦਿਧਮ੍ਮਂ ਆਰੋਚੇਨ੍ਤਸ੍ਸ ਸਚੇ ਯਸ੍ਸ ਆਰੋਚੇਤਿ, ਸੋ ਅਨਨ੍ਤਰਮੇਵ ‘‘ਅਯਂ ਝਾਨਲਾਭੀ’’ਤਿ ਵਾ ‘‘ਅਰਿਯੋ’’ਤਿ ਵਾ ਯੇਨ ਕੇਨਚਿ ਆਕਾਰੇਨ ਤਮਤ੍ਥਂ ਜਾਨਾਤਿ, ਪਾਚਿਤ੍ਤਿਯਂ. ਨੋ ਚੇ ਜਾਨਾਤਿ, ਦੁਕ੍ਕਟਂ. ਪਰਿਯਾਯੇਨ ਆਰੋਚਿਤਂ ਪਨ ਜਾਨਾਤੁ ਵਾ, ਮਾ ਵਾ, ਦੁਕ੍ਕਟਮੇਵ. ਤਥਾਰੂਪੇ ਕਾਰਣੇ ਸਤਿ ਉਪਸਮ੍ਪਨ੍ਨਸ੍ਸ ਆਰੋਚਯਤੋ, ਆਦਿਕਮ੍ਮਿਕਸ੍ਸ ਚ ਅਨਾਪਤ੍ਤਿ. ਯਸ੍ਮਾ ਪਨ ਅਰਿਯਾਨਂ ਉਮ੍ਮਤ੍ਤਕਾਦਿਭਾਵੋ ਨਤ੍ਥਿ, ਝਾਨਲਾਭਿਨੋ ਪਨ ਤਸ੍ਮਿਂ ਸਤਿ ਝਾਨਾ ਪਰਿਹਾਯਨ੍ਤਿ, ਤਸ੍ਮਾ ਤੇ ਇਧ ਨ ਗਹਿਤਾ. ਉਤ੍ਤਰਿਮਨੁਸ੍ਸਧਮ੍ਮਸ੍ਸ ਭੂਤਤਾ, ਅਨੁਪਸਮ੍ਪਨ੍ਨਸ੍ਸ ਆਰੋਚਨਂ, ਤਙ੍ਖਣਵਿਜਾਨਨਾ, ਅਨਞ੍ਞਾਪਦੇਸੋਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਭੂਤਾਰੋਚਨਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਕੁਸਲਾਬ੍ਯਾਕਤਚਿਤ੍ਤੇਹਿ ਦ੍ਵਿਚਿਤ੍ਤਂ, ਸੁਖਮਜ੍ਝਤ੍ਤਵੇਦਨਾਹਿ ਦ੍ਵਿਵੇਦਨਨ੍ਤਿ.

ਭੂਤਾਰੋਚਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੯. ਦੁਟ੍ਠੁਲ੍ਲਾਰੋਚਨਸਿਕ੍ਖਾਪਦਵਣ੍ਣਨਾ

ਨਵਮੇ ਭਿਕ੍ਖੁਸ੍ਸਾਤਿ ਪਾਰਾਜਿਕਂ ਅਨਜ੍ਝਾਪਨ੍ਨਸ੍ਸ. ਦੁਟ੍ਠੁਲ੍ਲਨ੍ਤਿ ਕਿਞ੍ਚਾਪਿ ਦ੍ਵਿਨ੍ਨਂ ਆਪਤ੍ਤਿਕ੍ਖਨ੍ਧਾਨਮੇਤਂ ਅਧਿਵਚਨਂ, ਇਧ ਪਨ ਸਙ੍ਘਾਦਿਸੇਸਮੇਵ ਅਧਿਪ੍ਪੇਤਂ. ਅਞ੍ਞਤ੍ਰ ਭਿਕ੍ਖੁਸਮ੍ਮੁਤਿਯਾਤਿ ਯਂ ਸਙ੍ਘੋ ਅਭਿਣ੍ਹਾਪਤ੍ਤਿਕਸ੍ਸ ਭਿਕ੍ਖੁਨੋ ਆਯਤਿਂ ਸਂਵਰਤ੍ਥਾਯ ਆਪਤ੍ਤੀਨਞ੍ਚ ਕੁਲਾਨਞ੍ਚ ਪਰਿਯਨ੍ਤਂ ਕਤ੍ਵਾ ਵਾ ਅਕਤ੍ਵਾ ਵਾ ਤਿਕ੍ਖਤ੍ਤੁਂ ਅਪਲੋਕੇਤ੍ਵਾ ਕਤਿਕਂ ਕਰੋਤਿ, ਤਂ ਠਪੇਤ੍ਵਾ, ਅਯਥਾਕਤਿਕਾਯ ‘‘ਅਯਂ ਅਸੁਚਿਂ ਮੋਚੇਤ੍ਵਾ ਸਙ੍ਘਾਦਿਸੇਸਂ ਆਪਨ੍ਨੋ’’ਤਿਆਦਿਨਾ ਨਯੇਨ ਵਤ੍ਥੁਨਾ ਸਦ੍ਧਿਂ ਆਪਤ੍ਤਿਂ ਘਟੇਤ੍ਵਾ ਆਰੋਚੇਨ੍ਤਸ੍ਸ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ¶ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਦੁਟ੍ਠੁਲ੍ਲਾਪਤ੍ਤਿਆਰੋਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ ¶ , ਅਦੁਟ੍ਠੁਲ੍ਲਾਯ ਦੁਟ੍ਠੁਲ੍ਲਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ, ਅਵਸੇਸੇ ਛ ਆਪਤ੍ਤਿਕ੍ਖਨ੍ਧੇ, ਅਨੁਪਸਮ੍ਪਨ੍ਨਸ੍ਸ ਪੁਰਿਮਪਞ੍ਚਸਿਕ੍ਖਾਪਦਵੀਤਿਕ੍ਕਮਸਙ੍ਖਾਤਂ ਦੁਟ੍ਠੁਲ੍ਲਂ ਵਾ ਇਤਰਂ ਅਦੁਟ੍ਠੁਲ੍ਲਂ ਵਾ ਅਜ੍ਝਾਚਾਰਂ ਆਰੋਚੇਨ੍ਤਸ੍ਸਾਪਿ ਦੁਕ੍ਕਟਮੇਵ. ਵਤ੍ਥੁਮਤ੍ਤਂ ਵਾ ਆਪਤ੍ਤਿਮਤ੍ਤਂ ਵਾ ਆਰੋਚੇਨ੍ਤਸ੍ਸ, ਭਿਕ੍ਖੁਸਮ੍ਮੁਤਿਪਰਿਚ੍ਛੇਦਂ ਅਨਤਿਕ੍ਕਮਿਤ੍ਵਾ ਆਰੋਚੇਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵੁਤ੍ਤਲਕ੍ਖਣਸ੍ਸ ਭਿਕ੍ਖੁਨੋ ਸਵਤ੍ਥੁਕੋ ਸਙ੍ਘਾਦਿਸੇਸੋ, ਅਨੁਪਸਮ੍ਪਨ੍ਨਸ੍ਸ ਆਰੋਚਨਂ, ਭਿਕ੍ਖੁਸਮ੍ਮੁਤਿਯਾ ਅਭਾਵੋਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਵੇਦਨਾ ਪਨ ਇਧ ਦੁਕ੍ਖਾਯੇਵਾਤਿ.

ਦੁਟ੍ਠੁਲ੍ਲਾਰੋਚਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ¶ ਪਥਵਿਨ੍ਤਿ ਦੁਵਿਧਾ ਪਥਵੀ ਜਾਤਪਥਵੀ ਅਜਾਤਪਥਵੀਤਿ. ਤਤ੍ਥ ਜਾਤਪਥਵੀ ਸੁਦ੍ਧਮਿਸ੍ਸਪੁਞ੍ਜਵਸੇਨ ਤਿਵਿਧਾ, ਤਤ੍ਥ ਸੁਦ੍ਧਪਥਵੀ ਨਾਮ ਪਕਤਿਯਾ ਸੁਦ੍ਧਪਂਸੁ ਵਾ ਸੁਦ੍ਧਮਤ੍ਤਿਕਾ ਵਾ. ਮਿਸ੍ਸਪਥਵੀ ਨਾਮ ਯਤ੍ਥ ਪਂਸੁਤੋ ਵਾ ਮਤ੍ਤਿਕਾਤੋ ਵਾ ਪਾਸਾਣਸਕ੍ਖਰਕਥਲਮਰੁਮ੍ਬਵਾਲੁਕਾਸੁ ਅਞ੍ਞਤਰਸ੍ਸ ਤਤਿਯਭਾਗੋ ਹੋਤਿ. ਪੁਞ੍ਜਪਥਵੀ ਨਾਮ ‘‘ਅਤਿਰੇਕਚਾਤੁਮਾਸਂ ਓਵਟ੍ਠੋ ਪਂਸੁਪੁਞ੍ਜੋ ਵਾ ਮਤ੍ਤਿਕਾਪੁਞ੍ਜੋ ਵਾ’’ਤਿ (ਪਾਚਿ. ੮੬) ਵੁਤ੍ਤਂ, ਵੁਤ੍ਤਲਕ੍ਖਣੇਨ ਪਨ ਮਿਸ੍ਸਕਪੁਞ੍ਜੋਪਿ ਪਿਟ੍ਠਿਪਾਸਾਣੇ ਠਿਤਸੁਖੁਮਰਜਮ੍ਪਿ ਚ ਦੇਵੇ ਫੁਸਾਯਨ੍ਤੇ ਸਕਿਂ ਤਿਨ੍ਤਂ ਚਤੁਮਾਸਚ੍ਚਯੇਨ ਤਿਨ੍ਤੋਕਾਸੋ ਪੁਞ੍ਜਪਥਵਿਸਙ੍ਖਮੇਵ ਗਚ੍ਛਤਿ. ਤਿਵਿਧਾਪਿ ਚੇਸਾ ਪਥਵੀ ਉਦ੍ਧਨਪਤ੍ਤਪਚਨਾਦਿਵਸੇਨ ਵਾ ਯਥਾ ਤਥਾ ਵਾ ਅਦਡ੍ਢਾ ‘ਜਾਤਪਥਵੀ’ਤਿ ਵੁਚ੍ਚਤਿ, ਦਡ੍ਢਾ ਪਨ ਵੁਤ੍ਤਪ੍ਪਮਾਣਤੋ ਅਧਿਕਤਰਪਾਸਾਣਾਦਿਮਿਸ੍ਸਾ ਵਾ ਅਜਾਤਪਥਵੀ ਨਾਮ ਹੋਤਿ, ਕੋ ਪਨ ਵਾਦੋ ਸੁਦ੍ਧਪਾਸਾਣਾਦਿਭੇਦਾਯ. ਤਤ੍ਥ ਯਾ ‘ਜਾਤਪਥਵੀ’ਤਿ ਵੁਤ੍ਤਾ, ਅਯਂ ਅਕਪ੍ਪਿਯਪਥਵੀ. ਯੋ ਭਿਕ੍ਖੁ ਤਂ ਏਵਰੂਪਂ ਪਥਵਿਂ ਸਯਂ ਖਣਤਿ, ਖਣਨਭੇਦਨਵਿਲੇਖਨਪਚਨਾਦੀਹਿ ਵਿਕੋਪੇਤਿ, ਤਸ੍ਸ ਪਯੋਗਗਣਨਾਯ ਪਾਚਿਤ੍ਤਿਯਂ. ਯੋ ਪਨ ਖਣਾਪੇਤਿ, ਵੁਤ੍ਤਨਯੇਨੇਵ ਵਿਕੋਪਾਪੇਤਿ, ਤਸ੍ਸ ‘‘ਇਮਂ ਪਦੇਸ’’ਨ੍ਤਿ ਵਾ ‘‘ਇਮਂ ਪਥਵਿ’’ਨ੍ਤਿ ਵਾ ਏਵਂ ਨਿਯਮੇਤ੍ਵਾ ‘‘ਖਣ, ਭਿਨ੍ਦਾ’’ਤਿਆਦਿਨਾ ਨਯੇਨ ਆਣਾਪੇਨ੍ਤਸ੍ਸ ਆਣਤ੍ਤਿਯਾ ¶ ਦੁਕ੍ਕਟਂ, ਸਕਿਂ ਆਣਤ੍ਤੇ ਦਿਵਸਮ੍ਪਿ ਖਣਨ੍ਤੇ ਆਣਾਪਕਸ੍ਸ ਏਕਮੇਵ ਪਾਚਿਤ੍ਤਿਯਂ, ਸਚੇ ਇਤਰੋ ਪੁਨਪ੍ਪੁਨਂ ਆਣਾਪੇਤਿ, ਵਾਚਾਯ ਵਾਚਾਯ ਪਾਚਿਤ੍ਤਿਯਂ.

ਆਲ਼ਵਿਯਂ ਆਲ਼ਵਕੇ ਭਿਕ੍ਖੂ ਆਰਬ੍ਭ ਪਥਵਿਖਣਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਪਥਵਿਯਾ ਵੇਮਤਿਕਸ੍ਸ, ਅਪਥਵਿਯਾ ਪਥਵਿਸਞ੍ਞਿਨੋ ਚੇਵ ਵੇਮਤਿਕਸ੍ਸ ਚ ਦੁਕ੍ਕਟਂ. ਓਕਾਸਂ ਅਨਿਯਮੇਤ੍ਵਾ ‘‘ਪੋਕ੍ਖਰਣਿਂ ਖਣ, ਆਵਾਟਂ ਖਣ, ਕਨ੍ਦਂ ਖਣਾ’’ਤਿਆਦੀਨਿ ਭਣਨ੍ਤਸ੍ਸ, ਆਤਪੇਨ ਸੁਸ੍ਸਿਤ੍ਵਾ ਫਲਿਤਕਦ੍ਦਮਂ ਵਾ ਗੋਕਣ੍ਟਕਂ ਵਾ ਹੇਟ੍ਠਾ ਪਥਵਿਯਾ ਅਸਮ੍ਬਦ੍ਧਂ ਭਿਜ੍ਜਿਤ੍ਵਾ ਪਤਿਤਨਦਿਤਟਂ ਵਾ ਮਹਨ੍ਤਮ੍ਪਿ ਨਙ੍ਗਲਚ੍ਛਿਨ੍ਨਮਤ੍ਤਿਕਾਪਿਣ੍ਡਨ੍ਤਿਏਵਮਾਦੀਨਿ ਸਬ੍ਬਞ੍ਚ ਅਜਾਤਪਥਵਿਂ ਵਿਕੋਪੇਨ੍ਤਸ੍ਸ, ‘‘ਇਮਸ੍ਸ ਥਮ੍ਭਸ੍ਸ ਆਵਾਟਂ ਜਾਨ ¶ , ਮਤ੍ਤਿਕਂ ਦੇਹਿ, ਮਤ੍ਤਿਕਂ ਆਹਰ, ਪਂਸੁਨਾ ਮੇ ਅਤ੍ਥੋ, ਮਤ੍ਤਿਕਂ ਕਪ੍ਪਿਯਂ ਕਰੋਹੀ’’ਤਿ ਭਣਨ੍ਤਸ੍ਸ, ਅਸਞ੍ਚਿਚ੍ਚ ਰੁਕ੍ਖਾਦਿਪਵਟ੍ਟਨੇਨ ਭਿਨ੍ਦਨ੍ਤਸ੍ਸ, ਅਸਤਿਯਾ ਪਾਦਙ੍ਗੁਟ੍ਠਕਾਦੀਹਿ ਵਿਲੇਖਨ੍ਤਸ੍ਸ, ਜਾਤਪਥਵਿਭਾਵਂ ਵਾ, ‘‘ਖਣਾਮਿ ਵਾ ਅਹ’’ਨ੍ਤਿ ਅਜਾਨਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਜਾਤਪਥਵੀ, ਪਥਵਿਸਞ੍ਞਿਤਾ, ਖਣਨਖਣਾਪਨਾਨਂ ਅਞ੍ਞਤਰਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਪਣ੍ਣਤ੍ਤਿਵਜ੍ਜਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਪਥਵੀਖਣਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਭੂਤਗਾਮਵਗ੍ਗਸ੍ਸ ¶ ਪਠਮੇ ਭੂਤਗਾਮਪਾਤਬ੍ਯਤਾਯਾਤਿ ਏਤ੍ਥ ਭਵਨ੍ਤਿ ਅਹੇਸੁਞ੍ਚਾਤਿ ਭੂਤਾ, ਜਾਯਨ੍ਤਿ ਵਡ੍ਢਨ੍ਤਿ ਜਾਤਾ ਵਡ੍ਢਿਤਾ ਚਾਤਿ ਅਤ੍ਥੋ. ਗਾਮੋਤਿ ਰਾਸਿ, ਭੂਤਾਨਂ ਗਾਮੋ, ਭੂਤਾ ਏਵ ਵਾ ਗਾਮੋਤਿ ਭੂਤਗਾਮੋ, ਪਤਿਟ੍ਠਿਤਹਰਿਤਤਿਣਰੁਕ੍ਖਾਦੀਨਮੇਤਂ ਅਧਿਵਚਨਂ. ਪਾਤਬ੍ਯਸ੍ਸ ਭਾਵੋ ਪਾਤਬ੍ਯਤਾ, ਛੇਦਨਭੇਦਨਾਦੀਹਿ ਯਥਾਰੁਚਿ ਪਰਿਭੁਞ੍ਜਿਤਬ੍ਬਤਾਤਿ ਅਤ੍ਥੋ, ਤਸ੍ਸਂ ਭੂਤਗਾਮਪਾਤਬ੍ਯਤਾਯ, ਨਿਮਿਤ੍ਤਤ੍ਥੇ ਚੇਤਂ ਭੁਮ੍ਮਵਚਨਂ, ਭੂਤਗਾਮਪਾਤਬ੍ਯਤਾਹੇਤੁ ਭੂਤਗਾਮਸ੍ਸ ਛੇਦਨਾਦਿਪਚ੍ਚਯਾ ਪਾਚਿਤ੍ਤਿਯਨ੍ਤਿ ਅਤ੍ਥੋ. ਤਸ੍ਮਾ ਯੋ ਭਿਕ੍ਖੁ ¶ ਪਥਵਿਉਦਕਪਾਕਾਰਾਦੀਸੁ ਯਤ੍ਥਕਤ੍ਥਚਿ ਜਾਤਂ ਅਸੁਕ੍ਖਂ ਅਨ੍ਤਮਸੋ ਅਤਿਸੁਖੁਮਤਿਣਮ੍ਪਿ ਸਾਸਪਬੀਜਕਸੇਵਾਲਮ੍ਪਿ ਉਦ੍ਧਰਣਚ੍ਛੇਦਨਵਿਜ੍ਝਨਾਦੀਹਿ ਵਿਕੋਪੇਤਿ ਵਾ ਪਥਵਿਖਣਨੇ ਵੁਤ੍ਤਨਯੇਨ ਵਿਕੋਪਾਪੇਤਿ ਵਾ ਪਾਚਿਤ੍ਤਿਯਂ ਆਪਜ੍ਜਤਿ.

ਆਲ਼ਵਿਯਂ ਆਲ਼ਵਕੇ ਭਿਕ੍ਖੂ ਆਰਬ੍ਭ ਰੁਕ੍ਖਛਿਨ੍ਦਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਭੂਤਗਾਮਤੋ ਵਿਯੋਜਿਤਮੂਲਬੀਜਖਨ੍ਧਬੀਜਫਲੁਬੀਜਅਗ੍ਗਬੀਜਬੀਜਬੀਜਾਨਂ ਅਞ੍ਞਤਰਂ ਭਾਜਨਗਤਂ ਵਾ ਰਾਸਿਕਤਂ ਵਾ ਭੂਮਿਯਂ ਰੋਪਿਤਮ੍ਪਿ ਨਿਕ੍ਖਨ੍ਤਮੂਲਮਤ੍ਤਂ ਵਾ ਨਿਕ੍ਖਨ੍ਤਅਙ੍ਕੁਰਮਤ੍ਤਂ ਵਾ ਸਚੇਪਿਸ੍ਸ ਵਿਦਤ੍ਥਿਮਤ੍ਤਾ ਪਤ੍ਤਵਟ੍ਟਿ ਨਿਗ੍ਗਚ੍ਛਤਿ, ਅਨਿਕ੍ਖਨ੍ਤੇ ਵਾ ਮੂਲੇ ਨਿਕ੍ਖਨ੍ਤੇ ਵਾ ਮੂਲੇ ਯਾਵ ਅਙ੍ਕੁਰੋ ਹਰਿਤੋ ਨ ਹੋਤਿ, ਤਾਵ ਤਂ ਵਿਕੋਪੇਨ੍ਤਸ੍ਸ ਦੁਕ੍ਕਟਂ, ਤਥਾ ਭੂਤਗਾਮਬੀਜਗਾਮੇ ਵੇਮਤਿਕਸ੍ਸ, ਅਭੂਤਗਾਮਬੀਜਗਾਮੇ ਭੂਤਗਾਮਬੀਜਗਾਮਸਞ੍ਞਿਨੋ ਚੇਵ ਵੇਮਤਿਕਸ੍ਸ ਚ. ਉਭਯਤ੍ਥ ਪਨ ਅਤਥਾਸਞ੍ਞਿਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ, ਅਸਞ੍ਚਿਚ੍ਚ ਅਸਤਿਯਾ ਅਜਾਨਿਤ੍ਵਾ ਵਾ ਵਿਕੋਪੇਨ੍ਤਸ੍ਸ, ‘ਇਮਂ ਰੁਕ੍ਖ’ਨ੍ਤਿ ਏਵਂ ਅਨਿਯਮੇਤ੍ਵਾ ‘‘ਰੁਕ੍ਖਂ ਛਿਨ੍ਦ, ਵਲ੍ਲਿਂ ਛਿਨ੍ਦਾ’’ਤਿਆਦੀਨਿ ਭਣਨ੍ਤਸ੍ਸ, ‘‘ਇਮਂ ਪੁਪ੍ਫਂ ਵਾ ਫਲਂ ਵਾ ਜਾਨ, ਇਮਂ ਦੇਹਿ, ਇਮਂ ਆਹਰ, ਇਮਿਨਾ ਮੇ ਅਤ੍ਥੋ, ਇਮਂ ਕਪ੍ਪਿਯਂ ਕਰੋਹੀ’’ਤਿ ਭਣਨ੍ਤਸ੍ਸ ਚ ਅਨਾਪਤ੍ਤਿ. ਏਵਂ ਕਪ੍ਪਿਯਵਚਨੇਨ ਭੂਤਗਾਮਤੋ ਵਿਯੋਜਿਤਂ ਪਨ ਬੀਜਜਾਤਂ ਪੁਨ ਪਿ ‘‘ਕਪ੍ਪਿਯਂ ਕਰੋਹੀ’’ਤਿ ਕਾਰੇਤ੍ਵਾਵ ਪਰਿਭੁਞ੍ਜਿਤਬ੍ਬਂ. ਏਵਞ੍ਹਿਸ੍ਸ ਬੀਜਗਾਮਪਰਿਮੋਚਨਮ੍ਪਿ ਕਤਂ ਹੋਤਿ.

ਕਪ੍ਪਿਯਂ ਕਰੋਨ੍ਤੇਨ ਪਨ ਅਗ੍ਗਿਨਾ ਵਾ ਨਖੇਨ ਵਾ ਸਤ੍ਥੇਨ ਵਾ ਕਤ੍ਤਬ੍ਬਂ, ਅਗ੍ਗਿਨਾ ਕਰੋਨ੍ਤੇਨ ਚ ਯੇਨ ਕੇਨਚਿ ਅਗ੍ਗਿਨਾ ਏਕਦੇਸੇ ਫੁਸਨ੍ਤੇਨ ‘ਕਪ੍ਪਿਯ’ਨ੍ਤਿ ¶ ਵਤ੍ਵਾਵ ਕਾਤਬ੍ਬਂ. ਸਤ੍ਥੇਨ ¶ ਕਰੋਨ੍ਤੇਨ ਯਸ੍ਸ ਕਸ੍ਸਚਿ ਤਿਖਿਣਸਤ੍ਥਸ੍ਸ ਅਨ੍ਤਮਸੋ ਸੂਚਿਨਖਚ੍ਛੇਦਨਾਦੀਨਮ੍ਪਿ ਤੁਣ੍ਡੇਨ ਵਾ ਧਾਰਾਯ ਵਾ ਵੇਧਂ ਵਾ ਛੇਦਂ ਵਾ ਦਸ੍ਸੇਨ੍ਤੇਨ ਤਥੇਵ ਕਾਤਬ੍ਬਂ. ਨਖੇਨ ਕਰੋਨ੍ਤੇਨ ਠਪੇਤ੍ਵਾ ਗੋਮਹਿਂਸਾਦੀਨਂ ਖੁਰੇ ਯੇਨ ਕੇਨਚਿ ਅਪੂਤਿਨਾ ਮਨੁਸ੍ਸਾਨਂ ਵਾ ਤਿਰਚ੍ਛਾਨਾਨਂ ਵਾ ਨਖੇਨ ਅਨ੍ਤਮਸੋ ਛਿਨ੍ਦਿਤ੍ਵਾ ਆਹਟੇਨਾਪਿ ਸਤ੍ਥੇ ਵੁਤ੍ਤਨਯੇਨੇਵ ਕਾਤਬ੍ਬਂ. ਤਤ੍ਥ ਸਚੇਪਿ ਬੀਜਾਨਂ ਪਬ੍ਬਤਮਤ੍ਤੋ ਰਾਸਿ, ਰੁਕ੍ਖਸਹਸ੍ਸਂ ਵਾ ਛਿਨ੍ਦਿਤ੍ਵਾ ਏਕਾਬਦ੍ਧਂ, ਉਚ੍ਛੂਨਂ ਵਾ ਮਹਾਭਾਰੋ ਬਨ੍ਧਿਤ੍ਵਾ ਠਪਿਤੋ ਹੋਤਿ, ਏਕਸ੍ਮਿਂ ਬੀਜੇ ਵਾ ਰੁਕ੍ਖਸਾਖਾਯ ਵਾ ਉਚ੍ਛੁਮ੍ਹਿ ਵਾ ਕਪ੍ਪਿਯੇ ਕਤੇ ਸਬ੍ਬਂ ਕਤਂ ਹੋਤਿ. ਉਚ੍ਛੁਂ ‘‘ਕਪ੍ਪਿਯਂ ਕਰਿਸ੍ਸਾਮੀ’’ਤਿ ਤੇਹਿ ਸਦ੍ਧਿਂ ਬਦ੍ਧਂ ਦਾਰੁਕਂ ਵਿਜ੍ਝਤਿ, ਵਟ੍ਟਤਿਯੇਵ. ਸਚੇ ਪਨ ਯਾਯ ਵਲ੍ਲਿਯਾ ਭਾਰੋ ਬਦ੍ਧੋ, ਤਂ ਵਿਜ੍ਝਤਿ, ਨ ਵਟ੍ਟਤਿ. ਮਰਿਚਪਕ੍ਕਾਦੀਹਿ ਮਿਸ੍ਸੇਤ੍ਵਾ ¶ ਭਤ੍ਤਂ ਆਹਰਨ੍ਤਿ, ‘‘ਕਪ੍ਪਿਯਂ ਕਰੋਹੀ’’ਤਿ ਵੁਤ੍ਤੇ ਸਚੇਪਿ ਭਤ੍ਤਸਿਤ੍ਥੇ ਵਿਜ੍ਝਤਿ, ਵਟ੍ਟਤਿਯੇਵ, ਤਿਲਤਣ੍ਡੁਲੇਸੁਪਿ ਏਸੇਵ ਨਯੋ. ਯਾਗੁਯਾ ਪਕ੍ਖਿਤ੍ਤਾਨਿ ਪਨ ਏਕਾਬਦ੍ਧਾਨਿ ਹੁਤ੍ਵਾ ਨ ਸਨ੍ਤਿਟ੍ਠਨ੍ਤਿ, ਤਤ੍ਥ ਏਕੇਕਂ ਵਿਜ੍ਝਿਤ੍ਵਾਵ ਕਾਤਬ੍ਬਂ. ਕਪਿਟ੍ਠਫਲਾਦੀਨਂ ਅਨ੍ਤੋ ਮਿਞ੍ਜਂ ਕਟਾਹਂ ਮੁਞ੍ਚਿਤ੍ਵਾ ਸਞ੍ਚਰਤਿ, ਭਿਨ੍ਦਾਪੇਤ੍ਵਾ ਕਪ੍ਪਿਯਂ ਕਾਰੇਤਬ੍ਬਂ. ਏਕਾਬਦ੍ਧਾ ਚੇ, ਕਟਾਹੇਪਿ ਕਾਤੁਂ ਵਟ੍ਟਤਿ. ਯਂ ਪਨ ਫਲਂ ਤਰੁਣਂ ਹੋਤਿ ਅਬੀਜਂ ਯਞ੍ਚ ਨਿਬ੍ਬਤ੍ਤਬੀਜਂ ਬੀਜਂ ਅਪਨੇਤ੍ਵਾ ਪਰਿਭੁਞ੍ਜਿਤਬ੍ਬਂ, ਤਤ੍ਥ ਕਪ੍ਪਿਯਕਰਣਕਿਚ੍ਚਂ ਨਤ੍ਥਿ. ਭੂਤਗਾਮੋ, ਭੂਤਗਾਮਸਞ੍ਞਿਤਾ, ਵਿਕੋਪਨਂ ਵਾ ਵਿਕੋਪਾਪਨਂ ਵਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਥਵਿਖਣਨਸਦਿਸਾਨੇਵਾਤਿ.

ਭੂਤਗਾਮਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ਯਮਤ੍ਥਂ ਸਙ੍ਘਮਜ੍ਝੇ ਵਿਨਯਧਰੋ ਪੁਚ੍ਛਤਿ, ਤਤੋ ਅਞ੍ਞਂ ਵਦਤੀਤਿ ਅਞ੍ਞਵਾਦਕੋ, ਅਞ੍ਞੇਨਞ੍ਞਂ ਪਟਿਚਰਣਸ੍ਸੇਤਂ ਨਾਮਂ. ਵਿਹੇਸਤੀਤਿ ਵਿਹੇਸਕੋ, ਤੁਣ੍ਹੀਭਾਵਸ੍ਸੇਤਂ ਨਾਮਂ, ਤਸ੍ਮਿਂ ਅਞ੍ਞਵਾਦਕੇ ਵਿਹੇਸਕੇ. ਪਾਚਿਤ੍ਤਿਯਨ੍ਤਿ ਵਤ੍ਥੁਦ੍ਵਯੇ ਪਾਚਿਤ੍ਤਿਯਦ੍ਵਯਂ ਵੁਤ੍ਤਂ. ਤਸ੍ਮਾ ਯੋ ਭਿਕ੍ਖੁ ਸਾਵਸੇਸਂ ਆਪਤ੍ਤਿਂ ਆਪਨ੍ਨੋ ਸਙ੍ਘਮਜ੍ਝੇ ਅਨੁਯੁਞ੍ਜਿਯਮਾਨੋ ਤਂ ਨ ਕਥੇਤੁਕਾਮੋ ਅਞ੍ਞੇਨ ਵਚਨੇਨ ਅਞ੍ਞਂ ਛਾਦੇਨ੍ਤੋ ਤਥਾ ਤਥਾ ਵਿਕ੍ਖਿਪਤਿ, ਯੋ ਚ ਤੁਣ੍ਹੀਭਾਵੇਨ ਵਿਹੇਸੇਤਿ, ਤੇਸਂ ਯਂ ਭਗਵਤਾ ਅਞ੍ਞਵਾਦਕਕਮ੍ਮਞ੍ਚੇਵ ਵਿਹੇਸਕਕਮ੍ਮਞ੍ਚ ਅਨੁਞ੍ਞਾਤਂ, ਤਸ੍ਮਿਂ ਸਙ੍ਘੇਨ ਕਤੇ ਪੁਨ ਤਥਾ ਕਰੋਨ੍ਤਾਨਂ ਪਾਚਿਤ੍ਤਿਯਂ.

ਕੋਸਮ੍ਬਿਯਂ ਛਨ੍ਨਤ੍ਥੇਰਂ ਆਰਬ੍ਭ ਅਞ੍ਞੇਨਞ੍ਞਂ ਪਟਿਚਰਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ, ਅਨਾਰੋਪਿਤੇ ਪਨ ਅਞ੍ਞਵਾਦਕੇ ¶ ਵਾ ਵਿਹੇਸਕੇ ਵਾ ਤਥਾ ਕਰੋਨ੍ਤਸ੍ਸ ਦੁਕ੍ਕਟਮੇਵ. ਆਪਤ੍ਤਿਂ ਆਪਨ੍ਨਭਾਵਂ ਵਾ ਅਜਾਨਨ੍ਤਸ੍ਸ ‘‘ਕਿਂ ਤੁਮ੍ਹੇ ਭਣਥਾ’’ਤਿ ਪੁਚ੍ਛਤੋ, ਗੇਲਞ੍ਞੇਨ ਵਾ, ‘‘ਸਙ੍ਘਸ੍ਸ ਭਣ੍ਡਨਾਦੀਨਿ ਵਾ ਭਵਿਸ੍ਸਨ੍ਤਿ, ਅਧਮ੍ਮੇਨ ਵਾ ਵਗ੍ਗੇਨ ਵਾ ਨਕਮ੍ਮਾਰਹਸ੍ਸ ਵਾ ਕਮ੍ਮਂ ਕਰਿਸ੍ਸਨ੍ਤੀ’’ਤਿ ¶ ਇਮਿਨਾ ਅਧਿਪ੍ਪਾਯੇਨ ਨ ਕਥੇਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਧਮ੍ਮਕਮ੍ਮੇਨ ਆਰੋਪਿਤਤਾ, ਆਪਤ੍ਤਿਯਾ ਵਾ ਵਤ੍ਥੁਨਾ ਵਾ ਅਨੁਯੁਞ੍ਜਿਯਮਾਨਤਾ, ਛਾਦੇਤੁਕਾਮਤਾਯ ¶ ਅਞ੍ਞੇਨਞ੍ਞਂ ਪਟਿਚਰਣਂ ਵਾ ਤੁਣ੍ਹੀਭਾਵੋ ਵਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਸਿਯਾ ਕਿਰਿਯਂ, ਸਿਯਾ ਅਕਿਰਿਯਂ, ਦੁਕ੍ਖਵੇਦਨਞ੍ਚ ਹੋਤੀਤਿ.

ਅਞ੍ਞਵਾਦਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ਯੇਨ ਵਚਨੇਨ ਉਜ੍ਝਾਪੇਨ੍ਤਿ ‘‘ਛਨ੍ਦਾਯ ਇਤ੍ਥਨ੍ਨਾਮੋ ਇਦਂ ਨਾਮ ਕਰੋਤੀ’’ਤਿਆਦੀਨਿ ਵਦਨ੍ਤਾ ਉਪਸਮ੍ਪਨ੍ਨਂ ਸਙ੍ਘੇਨ ਸਮ੍ਮਤਂ ਸੇਨਾਸਨਪਞ੍ਞਾਪਕਾਦਿਭੇਦਂ ਤਸ੍ਸ ਅਯਸਕਾਮਾ ਹੁਤ੍ਵਾ ਭਿਕ੍ਖੂਹਿ ਅਵਜਾਨਾਪੇਨ੍ਤਿ, ਅਵਞ੍ਞਾਯ ਓਲੋਕਾਪੇਨ੍ਤਿ, ਲਾਮਕਤੋ ਵਾ ਚਿਨ੍ਤਾਪੇਨ੍ਤਿ, ਤਂ ਵਚਨਂ ਉਜ੍ਝਾਪਨਕਂ. ਯੇਨ ਚ ਤਥੇਵ ਵਦਨ੍ਤਾ ਖਿਯ੍ਯਨ੍ਤਿ, ਸਬ੍ਬਤ੍ਥ ਤਸ੍ਸ ਅਵਣ੍ਣਂ ਪਕਾਸੇਨ੍ਤਿ, ਤਂ ਖਿਯ੍ਯਨਕਂ, ਤਸ੍ਮਿਂ ਉਜ੍ਝਾਪਨਕੇ ਖਿਯ੍ਯਨਕੇ. ਪਾਚਿਤ੍ਤਿਯਨ੍ਤਿ ਵਤ੍ਥੁਦ੍ਵਯੇ ਪਾਚਿਤ੍ਤਿਯਦ੍ਵਯਂ ਵੁਤ੍ਤਂ. ਤਸ੍ਮਾ ਯੋ ਸਮ੍ਮਤਸ੍ਸ ਭਿਕ੍ਖੁਨੋ ਅਯਸਕਾਮਤਾਯ ਉਪਸਮ੍ਪਨ੍ਨਸ੍ਸ ਵਦਨ੍ਤੋ ਉਜ੍ਝਾਪੇਤਿ ਵਾ ਖਿਯ੍ਯਤਿ ਵਾ, ਤਸ੍ਸ ਪਾਚਿਤ੍ਤਿਯਂ ਹੋਤਿ.

ਰਾਜਗਹੇ ਮੇਤ੍ਤਿਯਭੂਮਜਕੇ ਭਿਕ੍ਖੂ ਆਰਬ੍ਭ ਉਜ੍ਝਾਪਨਖਿਯ੍ਯਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਯਂ ਤਸ੍ਸ ਉਪਸਮ੍ਪਨ੍ਨਸ੍ਸ ਸਮ੍ਮੁਤਿਕਮ੍ਮਂ ਕਤਂ, ਤਸ੍ਮਿਂ ਧਮ੍ਮਕਮ੍ਮੇ ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ, ਅਨੁਪਸਮ੍ਪਨ੍ਨਸ੍ਸ ਪਨ ਸਨ੍ਤਿਕੇ ਤਥਾ ਭਣਨ੍ਤਸ੍ਸ, ਅਸਮ੍ਮਤਸ੍ਸ ਚ ਅਵਣ੍ਣਂ ਯਸ੍ਸ ਕਸ੍ਸਚਿ ਸਨ੍ਤਿਕੇ ਭਣਨ੍ਤਸ੍ਸ, ਅਨੁਪਸਮ੍ਪਨ੍ਨਸ੍ਸ ਪਨ ਸਮ੍ਮਤਸ੍ਸ ਵਾ ਅਸਮ੍ਮਤਸ੍ਸ ਵਾ ਅਵਣ੍ਣਂ ਯਸ੍ਸ ਕਸ੍ਸਚਿਦੇਵ ਸਨ੍ਤਿਕੇ ਭਣਨ੍ਤਸ੍ਸ ਚ ਦੁਕ੍ਕਟਮੇਵ. ਪਕਤਿਯਾਵ ਛਨ੍ਦਾਦਿਵਸੇਨ ਕਰੋਨ੍ਤਂ ਉਜ੍ਝਾਪੇਨ੍ਤਸ੍ਸ ਵਾ ਖਿਯ੍ਯਨ੍ਤਸ੍ਸ ਵਾ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਧਮ੍ਮਕਮ੍ਮੇਨ ਸਮ੍ਮਤਤਾ, ਉਪਸਮ੍ਪਨ੍ਨਤਾ, ਅਗਤਿਗਮਨਾਭਾਵੋ, ਤਸ੍ਸ ਅਵਣ੍ਣਕਾਮਤਾ, ਯਸ੍ਸ ਸਨ੍ਤਿਕੇ ਵਦਤਿ, ਤਸ੍ਸ ਉਪਸਮ੍ਪਨ੍ਨਤਾ, ਉਜ੍ਝਾਪਨਂ ਵਾ ਖਿਯ੍ਯਨਂ ਵਾਤਿ ਇਮਾਨੇਤ੍ਥ ਛ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖਵੇਦਨਮੇਵਾਤਿ.

ਉਜ੍ਝਾਪਨਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ¶ ¶ ਸਙ੍ਘਿਕਨ੍ਤਿ ਸਙ੍ਘਸ੍ਸ ਸਨ੍ਤਕਂ. ਮਞ੍ਚਾਦੀਸੁ ਯੋਕੋਚਿ ਮਞ੍ਚਸਙ੍ਖੇਪੇਨ ਕਤੋ ਸਬ੍ਬੋਪਿ ਮਞ੍ਚੋਯੇਵ, ਪੀਠੇਪਿ ਏਸੇਵ ਨਯੋ. ਯੇਨ ਕੇਨਚਿ ਪਨ ਚੋਲ਼ੇਨ ਵਾ ਕਪ੍ਪਿਯਚਮ੍ਮੇਨ ਵਾ ਛਵਿਂ ਕਤ੍ਵਾ ਠਪੇਤ੍ਵਾ ਮਨੁਸ੍ਸਲੋਮਂ ਤਾਲੀਸਪਤ੍ਤਞ੍ਚ ਯੇਹਿ ਕੇਹਿਚਿ ਲੋਮਪਣ੍ਣਤਿਣਵਾਕਚੋਲ਼ੇਹਿ ਪੂਰੇਤ੍ਵਾ ਕਤਸੇਨਾਸਨਂ ਭਿਸੀਤਿ ਵੁਚ੍ਚਤਿ. ਤਤ੍ਥ ਨਿਸੀਦਿਤੁਮ੍ਪਿ ਨਿਪਜ੍ਜਿਤੁਮ੍ਪਿ ਵਟ੍ਟਤਿ, ਪਮਾਣਪਰਿਚ੍ਛੇਦੋਪਿ ਚੇਤ੍ਥ ਨਤ੍ਥਿ. ਕੋਚ੍ਛਂ ਪਨ ਵਾਕਉਸੀਰਮੁਞ੍ਜਪਬ੍ਬਜਾਦੀਨਂ ਅਞ੍ਞਤਰਮਯਂ ਅਨ੍ਤੋ ਸਂਵੇਲ੍ਲਿਤ੍ਵਾ ਬਦ੍ਧਂ ਹੇਟ੍ਠਾ ਚ ਉਪਰਿ ਚ ਵਿਤ੍ਥਤਂ ਪਣਵਸਣ੍ਠਾਨਂ ਮਜ੍ਝੇ ਸੀਹਚਮ੍ਮਾਦਿਪਰਿਕ੍ਖਿਤ੍ਤਂ ਹੋਤਿ, ਅਕਪ੍ਪਿਯਚਮ੍ਮਂ ਨਾਮੇਤ੍ਥ ਨਤ੍ਥਿ. ਸੇਨਾਸਨਞ੍ਹਿ ਸੋਵਣ੍ਣਮਯਮ੍ਪਿ ਵਟ੍ਟਤਿ. ਅਜ੍ਝੋਕਾਸੇਤਿ ¶ ਏਤ੍ਥ ਯੇ ਅਵਸ੍ਸਿਕਸਙ੍ਕੇਤਾ ਵਸ੍ਸਾਨਮਾਸਾਤਿ ਏਵਂ ਅਸਞ੍ਞਿਤਾ ਅਟ੍ਠ ਮਾਸਾ, ਤੇ ਠਪੇਤ੍ਵਾ ਇਤਰੇਸੁ ਚਤੂਸੁ ਮਾਸੇਸੁ ਸਚੇਪਿ ਦੇਵੋ ਨ ਵਸ੍ਸਤਿ. ਤਥਾਪਿ ਪਕਤਿਅਜ੍ਝੋਕਾਸੇ ਚ ਓਵਸ੍ਸਕਮਣ੍ਡਪੇ ਚ ਸਨ੍ਥਰਿਤੁਂ ਨ ਵਟ੍ਟਤਿ. ਯਤ੍ਥ ਪਨ ਹੇਮਨ੍ਤੇ ਵਸ੍ਸਤਿ, ਤਤ੍ਥ ਅਪਰੇਪਿ ਚਤ੍ਤਾਰੋ ਮਾਸੇ ਨ ਵਟ੍ਟਤਿ. ਗਿਮ੍ਹੇ ਪਨ ਸਬ੍ਬਤ੍ਥ ਵਿਗਤਵਲਾਹਕਂ ਵਿਸੁਦ੍ਧਂ ਨਭਂ ਹੋਤਿ, ਤਸ੍ਮਾ ਤਦਾ ਕੇਨਚਿਦੇਵ ਕਰਣੀਯੇਨ ਗਚ੍ਛਤਿ, ਵਟ੍ਟਤਿ. ਕਾਕਾਦੀਨਂ ਨਿਬਦ੍ਧਵਾਸਰੁਕ੍ਖਮੂਲੇ ਪਨ ਕਦਾਚਿਪਿ ਨ ਵਟ੍ਟਤਿ. ਇਤਿ ਯਤ੍ਥ ਚ ਯਦਾ ਚ ਸਨ੍ਥਰਿਤੁਂ ਨ ਵਟ੍ਟਤਿ, ਤਂ ਸਬ੍ਬਮਿਧ ਅਜ੍ਝੋਕਾਸਸਙ੍ਖਮੇਵ ਗਤਨ੍ਤਿ ਵੇਦਿਤਬ੍ਬਂ.

ਸਨ੍ਥਰਿਤ੍ਵਾਤਿ ਤਥਾਰੂਪੇ ਠਾਨੇ ਅਤ੍ਤਨੋ ਵਾ ਪਰਸ੍ਸ ਵਾ ਅਤ੍ਥਾਯ ਸਨ੍ਥਰਿਤ੍ਵਾ. ਅਞ੍ਞਸ੍ਸਤ੍ਥਾਯ ਸਨ੍ਥਤਮ੍ਪਿ ਹਿ ਯਾਵ ਸੋ ਤਤ੍ਥ ਨ ਨਿਸੀਦਤਿ, ‘ਗਚ੍ਛ ਤ੍ਵ’ਨ੍ਤਿ ਵਾ ਨ ਭਣਤਿ, ਤਾਵ ਸਨ੍ਥਾਰਕਸ੍ਸੇਵ ਭਾਰੋ. ਸਨ੍ਥਰਾਪੇਤ੍ਵਾਤਿ ਅਨੁਪਸਮ੍ਪਨ੍ਨੇਨ ਸਨ੍ਥਰਾਪੇਤ੍ਵਾ. ਏਤਦੇਵ ਹਿ ਤਸ੍ਸ ਪਲਿਬੋਧੋ ਹੋਤਿ, ਉਪਸਮ੍ਪਨ੍ਨੇਨ ਸਨ੍ਥਤਂ ਸਨ੍ਥਾਰਕਸ੍ਸੇਵ ਭਾਰੋ, ਤਞ੍ਚ ਖੋ ਯਾਵ ਆਣਾਪਕੋ ਤਤ੍ਥ ਨ ਨਿਸੀਦਤਿ, ‘ਗਚ੍ਛ ਤ੍ਵ’ਨ੍ਤਿ ਵਾ ਨ ਭਣਤਿ. ਯਸ੍ਮਿਞ੍ਹਿ ਅਤ੍ਤਨਾ ਸਨ੍ਥਰਾਪਿਤੇ ਵਾ ਪਕਤਿਸਨ੍ਥਤੇ ਵਾ ਉਪਸਮ੍ਪਨ੍ਨੋ ਨਿਸੀਦਤਿ, ਸਬ੍ਬਂ ਤਂ ਨਿਸਿਨ੍ਨਸ੍ਸੇਵ ਭਾਰੋ, ਤਸ੍ਮਾ ਸਨ੍ਥਰਾਪਿਤਨ੍ਤ੍ਵੇਵ ਸਙ੍ਖਂ ਗਚ੍ਛਤਿ. ਤਂ ਪਕ੍ਕਮਨ੍ਤੋ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯਾਤਿ ਅਤ੍ਤਨਾ ਵਾ ਉਦ੍ਧਰਿਤ੍ਵਾ ਪਤਿਰੂਪੇ ਠਾਨੇ ਨ ਠਪੇਯ੍ਯ, ਪਰੇਨ ਵਾ ਤਥਾ ਨ ਕਾਰਾਪੇਯ੍ਯ. ਅਨਾਪੁਚ੍ਛਂ ਵਾ ਗਚ੍ਛੇਯ੍ਯਾਤਿ ਯੋ ਭਿਕ੍ਖੁ ਵਾ ਸਾਮਣੇਰੋ ਵਾ ਆਰਾਮਿਕੋ ਵਾ ਲਜ੍ਜੀ ¶ ਹੋਤਿ, ਅਤ੍ਤਨੋ ਪਲਿਬੋਧਂ ਵਿਯ ਮਞ੍ਞਤਿ, ਤਥਾਰੂਪਂ ਅਨਾਪੁਚ੍ਛਿਤ੍ਵਾ ਤਂ ਸੇਨਾਸਨਂ ਤਸ੍ਸ ਅਨਿਯ੍ਯਾਤੇਤ੍ਵਾ ਨਿਰਪੇਕ੍ਖੋ ਗਚ੍ਛਤਿ, ਥਾਮਮਜ੍ਝਿਮਸ੍ਸ ਪੁਰਿਸਸ੍ਸ ਲੇਡ੍ਡੁਪਾਤਂ ਅਤਿਕ੍ਕਮੇਯ੍ਯ, ਤਸ੍ਸ ਏਕੇਨ ਪਾਦੇਨ ਲੇਡ੍ਡੁਪਾਤਾਤਿਕ੍ਕਮੇ ਦੁਕ੍ਕਟਂ, ਦੁਤਿਯਪਾਦਾਤਿਕ੍ਕਮੇ ਪਾਚਿਤ੍ਤਿਯਂ. ਭੋਜਨਸਾਲਾਯ ਠਿਤੋ ਪਨ ‘‘ਅਸੁਕਸ੍ਮਿਂ ਨਾਮ ਦਿਵਾਵਿਹਾਰਟ੍ਠਾਨੇ ਪਞ੍ਞਪੇਤ੍ਵਾ ਗਚ੍ਛਾਹੀ’’ਤਿ ਪੇਸੇਤ੍ਵਾ ਤਤੋ ਨਿਕ੍ਖਮਿਤ੍ਵਾ ਅਞ੍ਞਤ੍ਥ ਗਚ੍ਛਨ੍ਤੋ ਪਾਦੁਦ੍ਧਾਰੇਨ ਕਾਰੇਤਬ੍ਬੋ.

ਸਾਵਤ੍ਥਿਯਂ ¶ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਸਨ੍ਥਤਂ ਅਨੁਦ੍ਧਰਿਤ੍ਵਾ ਅਨਾਪੁਚ੍ਛਂ ਪਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪੁਗ੍ਗਲਿਕੇ ਤਿਕਦੁਕ੍ਕਟਂ, ਚਿਮਿਲਿਕਂ ਵਾ ਉਤ੍ਤਰਤ੍ਥਰਣਂ ਵਾ ਭੂਮਤ੍ਥਰਣਂ ਵਾ ਤਟ੍ਟਿਕਂ ਵਾ ਚਮ੍ਮਕ੍ਖਣ੍ਡਂ ਵਾ ਪਾਦਪੁਞ੍ਛਨਂ ਵਾ ਫਲਕਪੀਠਂ ਵਾ ਯਂ ਵਾ ਪਨਞ੍ਞਂ ਕਞ੍ਚਿ ਦਾਰੁਭਣ੍ਡਂ ਮਤ੍ਤਿਕਾਭਣ੍ਡਂ ਅਨ੍ਤਮਸੋ ਪਤ੍ਤਾਧਾਰਕਮ੍ਪਿ ਵੁਤ੍ਤਲਕ੍ਖਣੇ ਅਜ੍ਝੋਕਾਸੇ ਠਪੇਤ੍ਵਾ ਗਚ੍ਛਨ੍ਤਸ੍ਸ ਦੁਕ੍ਕਟਮੇਵ. ਆਰਞ੍ਞਕੇਨ ਪਨ ਅਸਤਿ ਅਨੋਵਸ੍ਸਕੇ ਸਬ੍ਬਂ ਰੁਕ੍ਖੇ ਲਗ੍ਗੇਤ੍ਵਾਪਿ ਯਥਾ ਵਾ ਉਪਚਿਕਾਹਿ ਨ ਖਜ੍ਜਤਿ, ਏਵਂ ਕਤ੍ਵਾਪਿ ਗਨ੍ਤੁਂ ਵਟ੍ਟਤਿ. ਅਬ੍ਭੋਕਾਸਿਕੇਨ ਪਨ ਚੀਵਰਕੁਟਿਕਂ ਕਤ੍ਵਾਪਿ ਰਕ੍ਖਿਤਬ੍ਬਂ. ਅਤ੍ਤਨੋ ਸਨ੍ਤਕੇ, ਵਿਸ੍ਸਾਸਿਕਪੁਗ੍ਗਲਿਕੇ, ਉਦ੍ਧਰਣਾਦੀਨਿ ਕਤ੍ਵਾ ਗਮਨੇ, ਓਤਾਪੇਨ੍ਤਸ੍ਸ, ‘‘ਆਗਨ੍ਤ੍ਵਾ ਉਦ੍ਧਰਿਸ੍ਸਾਮੀ’’ਤਿ ਗਚ੍ਛਤੋ, ਵੁਡ੍ਢਤਰਾ ਉਟ੍ਠਾਪੇਨ੍ਤਿ, ਅਮਨੁਸ੍ਸੋ ਤਤ੍ਥ ਨਿਸੀਦਤਿ, ਕੋਚਿ ਇਸ੍ਸਰੋ ਗਣ੍ਹਾਤਿ, ਸੀਹਾਦਯੋ ਤਂ ਠਾਨਂ ਆਗਨ੍ਤ੍ਵਾ ਤਿਟ੍ਠਨ੍ਤਿ, ਏਵਂ ਸੇਨਾਸਨਂ ਪਲਿਬੁਦ੍ਧਂ ਹੋਤਿ, ਤਥਾ ਪਲਿਬੁਦ੍ਧੇ ਵਾ ਸੇਨਾਸਨੇ, ਜੀਵਿਤਬ੍ਰਹ੍ਮਚਰਿਯਨ੍ਤਰਾਯਕਰਾਸੁ ¶ ਆਪਦਾਸੁ ਵਾ ਗਚ੍ਛਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਮਞ੍ਚਾਦੀਨਂ ਸਙ੍ਘਿਕਤਾ, ਵੁਤ੍ਤਲਕ੍ਖਣੇ ਦੇਸੇ ਸਨ੍ਥਰਣਂ ਵਾ ਸਨ੍ਥਰਾਪਨਂ ਵਾ, ਅਪਲਿਬੁਦ੍ਧਤਾ, ਆਪਦਾਯ ਅਭਾਵੋ, ਨਿਰਪੇਕ੍ਖਤਾ, ਲੇਡ੍ਡੁਪਾਤਾਤਿਕ੍ਕਮੋਤਿ ਇਮਾਨੇਤ੍ਥ ਛ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨੇਵ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ.

ਪਠਮਸੇਨਾਸਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੫. ਦੁਤਿਯਸੇਨਾਸਨਸਿਕ੍ਖਾਪਦਵਣ੍ਣਨਾ

ਪਞ੍ਚਮੇ ਵਿਹਾਰੇਤਿ ਗਬ੍ਭੇ ਵਾ ਅਞ੍ਞਤਰਸ੍ਮਿਂ ਵਾ ਸਬ੍ਬਪਰਿਚ੍ਛਨ੍ਨੇ ਵੁਤ੍ਤਸੇਨਾਸਨੇ. ਸੇਯ੍ਯਨ੍ਤਿ ਸੇਯ੍ਯਾ ਨਾਮ ਭਿਸੀ ਚਿਮਿਲਿਕਾ ਉਤ੍ਤਰਤ੍ਥਰਣਂ ਭੂਮਤ੍ਥਰਣਂ ਤਟ੍ਟਿਕਾ ¶ ਚਮ੍ਮਕ੍ਖਣ੍ਡੋ ਨਿਸੀਦਨਂ ਪਚ੍ਚਤ੍ਥਰਣਂ ਤਿਣਸਨ੍ਥਾਰੋ ਪਣ੍ਣਸਨ੍ਥਾਰੋਤਿ ਵੁਤ੍ਤਂ. ਤਤ੍ਥ ਚਿਮਿਲਿਕਾ ਨਾਮ ਪਰਿਕਮ੍ਮਕਤਾਯ ਭੂਮਿਯਾ ਵਣ੍ਣਾਨੁਰਕ੍ਖਣਤ੍ਥਂ ਕਤਾ. ਉਤ੍ਤਰਤ੍ਥਰਣਂ ਨਾਮ ਮਞ੍ਚਪੀਠਾਦੀਨਂ ਉਪਰਿ ਅਤ੍ਥਰਿਤਬ੍ਬਯੁਤ੍ਤਕਂ ਪਚ੍ਚਤ੍ਥਰਣਂ. ਭੂਮਤ੍ਥਰਣਂ ਨਾਮ ਚਿਮਿਲਿਕਾਯ ਸਤਿ ਤਸ੍ਸਾ ਉਪਰਿ, ਅਸਤਿ ਸੁਦ੍ਧਭੂਮਿਯਂ ਅਤ੍ਥਰਿਤਬ੍ਬਾ ਕਟਸਾਰਕਾਦਿ ਵਿਕਤਿ. ਤਟ੍ਟਿਕਾ ਨਾਮ ਤਾਲਪਣ੍ਣਾਦੀਹਿ ਕਤਤਟ੍ਟਿਕਾ. ਚਮ੍ਮਕ੍ਖਣ੍ਡੋ ਨਾਮ ਯਂਕਿਞ੍ਚਿ ਚਮ੍ਮਂ, ਸੀਹਚਮ੍ਮਾਦੀਨਞ੍ਹਿ ਪਰਿਹਰਣੇਯੇਵ ਪਰਿਕ੍ਖੇਪੋ, ਸੇਨਾਸਨਪਰਿਭੋਗੇ ਪਨ ਅਕਪ੍ਪਿਯਚਮ੍ਮਂ ਨਾਮ ਨਤ੍ਥਿ. ਪਚ੍ਚਤ੍ਥਰਣਂ ਨਾਮ ਪਾਵਾਰੋ ਕੋਜਵੋਤਿ ਏਤ੍ਤਕਮੇਵ, ਸੇਸਂ ਪਾਕਟਮੇਵ. ਇਤਿ ਇਮਾਸੁ ਦਸਸੁ ਸੇਯ੍ਯਾਸੁ ਏਕਮ੍ਪਿ ਸੇਯ੍ਯਂ ਅਤ੍ਤਨੋ ਵਸ੍ਸਗ੍ਗੇਨ ਗਹੇਤ੍ਵਾ ਵੁਤ੍ਤਲਕ੍ਖਣੇ ਵਿਹਾਰੇ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਯੋ ਭਿਕ੍ਖੁ ਦਿਸਂਗਮਿਕੋ ਯਥਾ ਠਪਿਤਂ ਉਪਚਿਕਾਹਿ ਨ ਖਜ੍ਜਤਿ, ਤਥਾ ਠਪਨਵਸੇਨ ਨੇਵ ਉਦ੍ਧਰੇਯ੍ਯ, ਨ ਉਦ੍ਧਰਾਪੇਯ੍ਯ, ਪੁਰਿਮਸਿਕ੍ਖਾਪਦੇ ਵੁਤ੍ਤਨਯੇਨ ਅਨਾਪੁਚ੍ਛਂ ¶ ਵਾ ਗਚ੍ਛੇਯ੍ਯ, ਤਸ੍ਸ ਪਰਿਕ੍ਖਿਤ੍ਤਸ੍ਸ ਆਰਾਮਸ੍ਸ ਪਰਿਕ੍ਖੇਪਂ, ਅਪਰਿਕ੍ਖਿਤ੍ਤਸ੍ਸ ਉਪਚਾਰਂ ਅਤਿਕ੍ਕਮਨ੍ਤਸ੍ਸ ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯਂ. ਯਤ੍ਥ ਪਨ ਉਪਚਿਕਾਸਙ੍ਕਾ ਨਤ੍ਥਿ, ਤਤੋ ਅਨਾਪੁਚ੍ਛਾਪਿ ਗਨ੍ਤੁਂ ਵਟ੍ਟਤਿ, ਆਪੁਚ੍ਛਨਂ ਪਨ ਵਤ੍ਤਂ.

ਸਾਵਤ੍ਥਿਯਂ ਸਤ੍ਤਰਸਵਗ੍ਗਿਯੇ ਭਿਕ੍ਖੂ ਆਰਬ੍ਭ ਸਙ੍ਘਿਕੇ ਵਿਹਾਰੇ ਸੇਯ੍ਯਂ ਸਨ੍ਥਰਿਤ੍ਵਾ ਅਨੁਦ੍ਧਰਿਤ੍ਵਾ ਅਨਾਪੁਚ੍ਛਾ ਪਕ੍ਕਮਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪੁਗ੍ਗਲਿਕੇ ਤਿਕਦੁਕ੍ਕਟਂ, ਵੁਤ੍ਤਲਕ੍ਖਣਸ੍ਸ ਪਨ ਵਿਹਾਰਸ੍ਸ ਉਪਚਾਰੇ ਬਹਿ ਆਸਨ੍ਨੇ ਉਪਟ੍ਠਾਨਸਾਲਾਯ ਵਾ ਅਪਰਿਚ੍ਛਨ੍ਨਮਣ੍ਡਪੇ ਵਾ ਪਰਿਚ੍ਛਨ੍ਨੇ ਵਾਪਿ ਬਹੂਨਂ ਸਨ੍ਨਿਪਾਤਭੂਤੇ ਰੁਕ੍ਖਮੂਲੇ ਵਾ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ, ਮਞ੍ਚਪੀਠਞ੍ਚ ਵਿਹਾਰੇ ਵਾ ਵੁਤ੍ਤਪ੍ਪਕਾਰੇ ਵਿਹਾਰੂਪਚਾਰੇ ਵਾ ਸਨ੍ਥਰਿਤ੍ਵਾ ਵਾ ਸਨ੍ਥਰਾਪੇਤ੍ਵਾ ਵਾ ਉਦ੍ਧਰਣਾਦੀਨਿ ਅਕਤ੍ਵਾ ਗਚ੍ਛਨ੍ਤਸ੍ਸ ਦੁਕ੍ਕਟਮੇਵ. ਅਤ੍ਤਨੋ ਸਨ੍ਤਕੇ, ਵਿਸ੍ਸਾਸਿਕਪੁਗ੍ਗਲਿਕੇ, ਉਦ੍ਧਰਣਾਦੀਨਿ ਕਤ੍ਵਾ, ਪੁਰਿਮਨਯੇਨੇਵ ਪਲਿਬੁਦ੍ਧਂ ਛਡ੍ਡੇਤ੍ਵਾ ਗਮਨੇ, ਯੋ ਚ ‘‘ਅਜ੍ਜੇਵ ਆਗਨ੍ਤ੍ਵਾ ਪਟਿਜਗ੍ਗਿਸ੍ਸਾਮੀ’’ਤਿ ਏਵਂ ਸਾਪੇਕ੍ਖੋ ਨਦਿਪਾਰਂ ਵਾ ਗਾਮਨ੍ਤਰਂ ਵਾ ਗਨ੍ਤ੍ਵਾ ਯਤ੍ਥਸ੍ਸ ਗਮਨਚਿਤ੍ਤਂ ਉਪ੍ਪਨ੍ਨਂ, ਤਤ੍ਥੇਵ ਠਿਤੋ ਕਞ੍ਚਿ ਪੇਸੇਤ੍ਵਾ ਵਾ ਆਪੁਚ੍ਛਤਿ, ਨਦਿਪੂਰਰਾਜਚੋਰਾਦੀਸੁ ਵਾ ਕੇਨਚਿ ਪਲਿਬੁਦ੍ਧੋ ਨ ਸਕ੍ਕੋਤਿ ਪਚ੍ਚਾਗਨ੍ਤੁਂ, ਤਸ੍ਸ ਚ, ਆਪਦਾਸੁ ਚ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵੁਤ੍ਤਲਕ੍ਖਣਸੇਯ੍ਯਾ ¶ , ਤਸ੍ਸਾ ਸਙ੍ਘਿਕਤਾ, ਵੁਤ੍ਤਲਕ੍ਖਣੇ ਵਿਹਾਰੇ ਸਨ੍ਥਰਣਂ ਵਾ ਸਨ੍ਥਰਾਪਨਂ ਵਾ, ਅਪਲਿਬੁਦ੍ਧਤਾ, ਆਪਦਾਯ ਅਭਾਵੋ, ਅਨਪੇਕ੍ਖਸ੍ਸ ਦਿਸਾਪਕ੍ਕਮਨਂ ¶ , ਉਪਚਾਰਸੀਮਾਤਿਕ੍ਕਮੋਤਿ ਇਮਾਨੇਤ੍ਥ ਸਤ੍ਤ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਨਨ੍ਤਰਸਿਕ੍ਖਾਪਦੇ ਵੁਤ੍ਤਨਯਾਨੇਵਾਤਿ.

ਦੁਤਿਯਸੇਨਾਸਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਛਟ੍ਠੇ ਜਾਨਨ੍ਤਿ ‘‘ਅਨੁਟ੍ਠਾਪਨੀਯੋ ਅਯ’’ਨ੍ਤਿ ਜਾਨਨ੍ਤੋ, ਤੇਨੇਵਸ੍ਸ ਪਦਭਾਜਨੇ ‘‘ਵੁਡ੍ਢੋ’ਤਿ ਜਾਨਾਤਿ, ‘ਗਿਲਾਨੋ’ਤਿ ਜਾਨਾਤਿ, ‘ਸਙ੍ਘੇਨ ਦਿਨ੍ਨੋ’ਤਿ ਜਾਨਾਤੀ’’ਤਿ (ਪਾਚਿ. ੧੨੧) ਵੁਤ੍ਤਂ. ਵੁਡ੍ਢੋ ਹਿ ਅਤ੍ਤਨੋ ਵੁਡ੍ਢਤਾਯ ਅਨੁਟ੍ਠਾਪਨੀਯੋ, ਗਿਲਾਨੋ ਗਿਲਾਨਤਾਯ, ਸਙ੍ਘੋ ਪਨ ਭਣ੍ਡਾਗਾਰਿਕਸ੍ਸ ਵਾ ਧਮ੍ਮਕਥਿਕਵਿਨਯਧਰਗਣਵਾਚਕਾਚਰਿਯਾਨਂ ਵਾ ਬਹੂਪਕਾਰਤਂ ਗੁਣਵਿਸਿਟ੍ਠਤਞ੍ਚ ਸਲ੍ਲਕ੍ਖੇਤ੍ਵਾ ਧੁਵਵਾਸਤ੍ਥਾਯ ਵਿਹਾਰਂ ਸਲ੍ਲਕ੍ਖੇਤ੍ਵਾ ਸਮ੍ਮਨ੍ਨਿਤ੍ਵਾ ਦੇਤਿ, ਤਸ੍ਮਾ ਯਸ੍ਸ ਸਙ੍ਘੇਨ ਦਿਨ੍ਨੋ, ਸੋਪਿ ਅਨੁਟ੍ਠਾਪਨੀਯੋ. ਪੁਬ੍ਬੁਪਗਤਨ੍ਤਿ ਪੁਬ੍ਬਂ ਉਪਗਤਂ. ਅਨੁਪਖਜ੍ਜਾਤਿ ਮਞ੍ਚਪੀਠਾਨਂ ਵਾ ਤਸ੍ਸ ਵਾ ਭਿਕ੍ਖੁਨੋ ਪਵਿਸਨ੍ਤਸ੍ਸ ਵਾ ਨਿਕ੍ਖਮਨ੍ਤਸ੍ਸ ਵਾ ਉਪਚਾਰਂ ਅਨੁਪਵਿਸਿਤ੍ਵਾ. ਤਤ੍ਥ ਮਞ੍ਚਪੀਠਾਨਂ ਤਾਵ ਮਹਲ੍ਲਕੇ ਵਿਹਾਰੇ ਸਮਨ੍ਤਾ ਦਿਯਡ੍ਢੋ ਹਤ੍ਥੋ ਉਪਚਾਰੋ, ਖੁਦ੍ਦਕੇ ਯਤੋ ਪਹੋਤਿ, ਤਤੋ ਦਿਯਡ੍ਢੋ ਹਤ੍ਥੋ ¶ , ਤਸ੍ਸ ਪਨ ਪਵਿਸਨ੍ਤਸ੍ਸ ਪਾਦਧੋਵਨਪਾਸਾਣਤੋ ਯਾਵ ਮਞ੍ਚਪੀਠਂ, ਨਿਕ੍ਖਮਨ੍ਤਸ੍ਸ ਮਞ੍ਚਪੀਠਤੋ ਯਾਵ ਪਸ੍ਸਾਵਟ੍ਠਾਨਂ, ਤਾਵ ਉਪਚਾਰੋ. ਸੇਯ੍ਯਂ ਕਪ੍ਪੇਯ੍ਯਾਤਿ ਤਸ੍ਸ ਸਮ੍ਬਾਧਂ ਕਤ੍ਤੁਕਾਮਤਾਯ ਤਸ੍ਮਿਂ ਉਪਚਾਰੇ ਦਸਸੁ ਸੇਯ੍ਯਾਸੁ ਏਕਮ੍ਪਿ ਸਨ੍ਥਰਨ੍ਤਸ੍ਸ ਵਾ ਸਨ੍ਥਰਾਪੇਨ੍ਤਸ੍ਸ ਵਾ ਦੁਕ੍ਕਟਂ, ਤਤ੍ਥ ਨਿਸੀਦਨ੍ਤਸ੍ਸ ਵਾ ਨਿਪਜ੍ਜਨ੍ਤਸ੍ਸ ਵਾ ਪਾਚਿਤ੍ਤਿਯਂ, ਦ੍ਵੇਪਿ ਕਰੋਨ੍ਤਸ੍ਸ ਦ੍ਵੇ ਪਾਚਿਤ੍ਤਿਯਾਨਿ, ਪੁਨਪ੍ਪੁਨਂ ਕਰੋਨ੍ਤਸ੍ਸ ਪਯੋਗਗਣਨਾਯ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਅਨੁਪਖਜ੍ਜ ਸੇਯ੍ਯਕਪ੍ਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪੁਗ੍ਗਲਿਕੇ ਤਿਕਦੁਕ੍ਕਟਂ, ਵੁਤ੍ਤੂਪਚਾਰਤੋ ਵਾ ਬਹਿ, ਉਪਟ੍ਠਾਨਸਾਲਾਦਿਕੇ ਵਾ, ਵਿਹਾਰਸ੍ਸ ਉਪਚਾਰੇ ਵਾ, ਸਨ੍ਥਰਣਸਨ੍ਥਰਾਪਨੇਸੁਪਿ ਨਿਸਜ੍ਜਸਯਨੇਸੁਪਿ ਦੁਕ੍ਕਟਮੇਵ. ਅਤ੍ਤਨੋ ਵਾ, ਵਿਸ੍ਸਾਸਿਕਸ੍ਸ ਵਾ ਸਨ੍ਤਕੇ ਪਨ ਵਿਹਾਰੇ ਸਨ੍ਥਰਨ੍ਤਸ੍ਸ, ਯੋ ਚ ਗਿਲਾਨੋ ਵਾ ਸੀਤੁਣ੍ਹਪੀਲ਼ਿਤੋ ਵਾ ਪਵਿਸਤਿ, ਤਸ੍ਸ ਚ, ਆਪਦਾਸੁ ਚ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸਙ੍ਘਿਕਵਿਹਾਰਤਾ, ਅਨੁਟ੍ਠਾਪਨੀਯਭਾਵਜਾਨਨਂ, ਸਮ੍ਬਾਧੇਤੁਕਾਮਤਾ, ਉਪਚਾਰੇ ਨਿਸੀਦਨਂ ਵਾ ਨਿਪਜ੍ਜਨਂ ਵਾਤਿ ਇਮਾਨੇਤ੍ਥ ¶ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਦਿਸਾਨੇਵ, ਇਦਂ ਪਨ ਦੁਕ੍ਖਵੇਦਨਮੇਵਾਤਿ.

ਅਨੁਪਖਜ੍ਜਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ਕੁਪਿਤੋਤਿ ਕੁਦ੍ਧੋ. ਅਨਤ੍ਤਮਨੋਤਿ ਅਤੁਟ੍ਠਚਿਤ੍ਤੋ. ਨਿਕ੍ਕਡ੍ਢੇਯ੍ਯ ਵਾ ਨਿਕ੍ਕਡ੍ਢਾਪੇਯ੍ਯ ਵਾ ਪਾਚਿਤ੍ਤਿਯਨ੍ਤਿ ਏਤ੍ਥ ਯੇ ਅਨੇਕਭੂਮਕਾ ¶ ਪਾਸਾਦਾ, ਅਨੇਕਕੋਟ੍ਠਕਾਨਿ ਵਾ ਚਤੁਸ੍ਸਾਲਾਨਿ, ਤਾਦਿਸੇਸੁ ਸੇਨਾਸਨੇਸੁ ਗਹੇਤ੍ਵਾ ਅਨ੍ਤਰਾ ਅਟ੍ਠਪੇਤ੍ਵਾ ਏਕੇਨੇਵ ਪਯੋਗੇਨ ਅਤਿਕ੍ਕਾਮੇਨ੍ਤਸ੍ਸ ਏਕਂ ਪਾਚਿਤ੍ਤਿਯਂ, ਠਪੇਤ੍ਵਾ ਠਪੇਤ੍ਵਾ ਨਾਨਾਪਯੋਗੇਹਿ ਅਤਿਕ੍ਕਾਮੇਨ੍ਤਸ੍ਸ ਦ੍ਵਾਰਗਣਨਾਯ ਪਾਚਿਤ੍ਤਿਯਾਨਿ, ਹਤ੍ਥੇਨ ਅਨਾਮਸਿਤ੍ਵਾ ‘ਨਿਕ੍ਖਮਾ’ਤਿ ਵਤ੍ਵਾ ਵਾਚਾਯ ਨਿਕ੍ਕਡ੍ਢਨ੍ਤਸ੍ਸਾਪਿ ਏਸੇਵ ਨਯੋ. ਨਿਕ੍ਕਡ੍ਢਾਪੇਨ੍ਤਸ੍ਸ ਪਨ ‘ਨਿਕ੍ਕਡ੍ਢਾ’ਤਿ ਆਣਤ੍ਤਮਤ੍ਤੇ ਦੁਕ੍ਕਟਂ, ਸਕਿਂ ਆਣਤ੍ਤੇ ਪਨ ਤਸ੍ਮਿਂ ਬਹੁਕੇਪਿ ਦ੍ਵਾਰੇ ਨਿਕ੍ਖਮਨ੍ਤੇ ਇਤਰਸ੍ਸ ਏਕਮੇਵ ਪਾਚਿਤ੍ਤਿਯਂ. ਸਚੇ ਪਨ ‘‘ਏਤ੍ਤਕਾਨਿ ਦ੍ਵਾਰਾਨਿ ਨਿਕ੍ਕਡ੍ਢਾਹੀ’’ਤਿ ਵਾ, ‘‘ਯਾਵ ਮਹਾਦ੍ਵਾਰਂ, ਤਾਵ ਨਿਕ੍ਕਡ੍ਢਾਹੀ’’ਤਿ ਵਾ ਏਵਂ ਨਿਯਮੇਤ੍ਵਾ ਆਣਤ੍ਤੋ ਹੋਤਿ, ਦ੍ਵਾਰਗਣਨਾਯ ਪਾਚਿਤ੍ਤਿਯਾਨਿ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਭਿਕ੍ਖੁਂ ਸਙ੍ਘਿਕਾ ਵਿਹਾਰਾ ਨਿਕ੍ਕਡ੍ਢਨਵਤ੍ਥੁਸ੍ਮਿਂ

ਪਞ੍ਞਤ੍ਤਂ ¶ , ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪੁਗ੍ਗਲਿਕੇ ਤਿਕਦੁਕ੍ਕਟਂ, ਤਸ੍ਸ ਪਰਿਕ੍ਖਾਰਨਿਕ੍ਕਡ੍ਢਨੇ, ਉਪਟ੍ਠਾਨਸਾਲਾਦਿਕਾ ਵਿਹਾਰੂਪਚਾਰਾ ਤਸ੍ਸ ਵਾ ਤਸ੍ਸ ਪਰਿਕ੍ਖਾਰਸ੍ਸ ਵਾ ਨਿਕ੍ਕਡ੍ਢਨੇ, ਅਨੁਪਸਮ੍ਪਨ੍ਨਸ੍ਸ ਪਨ ਅਨੁਪਸਮ੍ਪਨ੍ਨਪਰਿਕ੍ਖਾਰਸ੍ਸ ਵਾ ਵਿਹਾਰਾ ਵਾ ਵਿਹਾਰੂਪਚਾਰਾ ਵਾ ਨਿਕ੍ਕਡ੍ਢਨੇ ਨਿਕ੍ਕਡ੍ਢਾਪਨੇ ਚ ਦੁਕ੍ਕਟਮੇਵ. ਤਞ੍ਚ ਖੋ ਅਸਮ੍ਬਦ੍ਧੇਸੁ ਪਰਿਕ੍ਖਾਰੇਸੁ ਪਰਿਕ੍ਖਾਰਗਣਨਾਯ ਵੇਦਿਤਬ੍ਬਂ. ਅਤ੍ਤਨੋ ਵਾ, ਵਿਸ੍ਸਾਸਿਕਸ੍ਸ ਵਾ ਸਨ੍ਤਕਾ ਵਿਹਾਰਾ ਨਿਕ੍ਕਡ੍ਢਨੇ, ਸਕਲਸਙ੍ਘਾਰਾਮਤੋਪਿ ਭਣ੍ਡਨਕਾਰਕਸ੍ਸ ਵਾ ਤਸ੍ਸ ਪਰਿਕ੍ਖਾਰਸ੍ਸ ਵਾ ਨਿਕ੍ਕਡ੍ਢਨੇ ਨਿਕ੍ਕਡ੍ਢਾਪਨੇ ਵਾ, ਅਤ੍ਤਨੋ ਵਸਨਟ੍ਠਾਨਤੋ ਅਲਜ੍ਜਿਸ੍ਸ, ਉਮ੍ਮਤ੍ਤਕਸ੍ਸ, ਨ ਸਮ੍ਮਾਵਤ੍ਤਨ੍ਤਾਨਂ ਅਨ੍ਤੇਵਾਸਿਕਸਅਵਿਹਾਰਿਕਾਨਂ, ਤੇਸਂ ਪਰਿਕ੍ਖਾਰਸ੍ਸ ਵਾ ਨਿਕ੍ਕਡ੍ਢਨੇ ਚ, ਸਯਂ ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸਙ੍ਘਿਕਵਿਹਾਰੋ ¶ , ਉਪਸਮ੍ਪਨ੍ਨਸ੍ਸ ਭਣ੍ਡਨਕਾਰਕਭਾਵਾਦਿਵਿਨਿਮੁਤ੍ਤਤਾ, ਕੋਪੇਨ ਨਿਕ੍ਕਡ੍ਢਨਂ ਵਾ ਨਿਕ੍ਕਡ੍ਢਾਪਨਂ ਵਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖਵੇਦਨਨ੍ਤਿ.

ਨਿਕ੍ਕਡ੍ਢਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ਉਪਰਿਵੇਹਾਸਕੁਟਿਯਾਤਿ ਉਪਰਿ ਅਚ੍ਛਨ੍ਨਤਲਾਯ ਦ੍ਵਿਭੂਮਿਕਕੁਟਿਯਾ ਵਾ ਤਿਭੂਮਿਕਕੁਟਿਯਾ ਵਾ, ਪਦਭਾਜਨੇ ਪਨ ਇਧ ਅਧਿਪ੍ਪੇਤਂ ਕੁਟਿਂ ਦਸ੍ਸੇਤੁਂ ‘‘ਮਜ੍ਝਿਮਸ੍ਸ ਪੁਰਿਸਸ੍ਸ ਅਸੀਸਘਟ੍ਟਾ’’ਤਿ (ਪਾਚਿ. ੧੩੧) ਵੁਤ੍ਤਂ. ਆਹਚ੍ਚਪਾਦਕਨ੍ਤਿ ਅਙ੍ਗੇ ਵਿਜ੍ਝਿਤ੍ਵਾ ਪਵੇਸਿਤਪਾਦਕਂ. ਅਭਿਨਿਸੀਦੇਯ੍ਯਾਤਿ ਅਭਿਭਵਿਤ੍ਵਾ ਅਜ੍ਝੋਤ੍ਥਰਿਤ੍ਵਾ ਨਿਸੀਦੇਯ੍ਯ, ਭੁਮ੍ਮਤ੍ਥੇ ਵਾ ਏਤਂ ਉਪਯੋਗਵਚਨਂ, ਮਞ੍ਚੇ ਵਾ ਪੀਠੇ ਵਾ ਨਿਸੀਦੇਯ੍ਯ ਵਾ ਨਿਪਜ੍ਜੇਯ੍ਯ ਵਾਤਿ ਅਤ੍ਥੋ. ਅਭੀਤਿ ਇਦਂ ਪਨ ਪਦਸੋਭਣਤ੍ਥੇ ਉਪਸਗ੍ਗਮਤ੍ਤਮੇਵ, ਤਸ੍ਮਾ ਯੋ ਭਿਕ੍ਖੁ ਵੁਤ੍ਤਲਕ੍ਖਣਾਯ ਵੇਹਾਸਕੁਟਿਯਾ ਸਬ੍ਬਨ੍ਤਿਮੇਨ ਪਰਿਚ੍ਛੇਦੇਨ ਯਾਵ ਪਮਾਣਮਜ੍ਝਿਮਸ੍ਸ ਪੁਰਿਸਸ੍ਸ ਸਬ੍ਬਸੋ ਹੇਟ੍ਠਿਮਾਹਿ ਤੁਲਾਹਿ ਸੀਸਂ ਨ ਘਟ੍ਟੇਤਿ, ਏਤ੍ਤਕਂ ਉਚ੍ਚਾਯ ਤੁਲਾਨਂ ਉਪਰਿ ਠਪਿਤੇ ਆਹਚ੍ਚਪਾਦਕੇ ਮਞ੍ਚੇ ਵਾ ਪੀਠੇ ਵਾ ਨਿਸੀਦਤਿ ਵਾ ਨਿਪਜ੍ਜਤਿ ਵਾ, ਤਸ੍ਸ ਅਨੁਪਖਜ੍ਜਸਿਕ੍ਖਾਪਦੇ ਵੁਤ੍ਤਨਯੇਨ ਪਯੋਗਗਣਨਾਯ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ¶ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਉਪਰਿਵੇਹਾਸਕੁਟਿਯਾ ਆਹਚ੍ਚਪਾਦਕਂ ਮਞ੍ਚਂ ਪੀਠਂ ਸਹਸਾ ਅਭਿਨਿਸੀਦਨਅਭਿਨਿਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਪੁਗ੍ਗਲਿਕੇ ਤਿਕਦੁਕ੍ਕਟਂ, ਅਤ੍ਤਨੋ ਵਾ, ਵਿਸ੍ਸਾਸਿਕਸ੍ਸ ਵਾ ਸਨ੍ਤਕੇ ਵਿਹਾਰੇ, ਅਵੇਹਾਸਕੁਟਿਯਾ, ਸੀਸਘਟ੍ਟਾਯ, ਯਸ੍ਸ ਵਾ ਹੇਟ੍ਠਾ ਦਬ੍ਬਸਮ੍ਭਾਰਾਦੀਨਂ ਨਿਕ੍ਖਿਤ੍ਤਤ੍ਤਾ ਅਪਰਿਭੋਗਂ ਹੋਤਿ, ਉਪਰਿਤਲਂ ਵਾ ਪਦਰਸਞ੍ਚਿਤਂ ਸੁਧਾਦਿਪਰਿਕਮ੍ਮਕਤਂ ਵਾ, ਤਤ੍ਥ ਆਹਚ੍ਚਪਾਦਕੇ ਨਿਸੀਦਨ੍ਤਸ੍ਸ, ਯੋ ¶ ਚੇ ਤਸ੍ਮਿਂ ਵੇਹਾਸਟ੍ਠੇਪਿ ਆਹਚ੍ਚਪਾਦਕੇ ਠਿਤੋ ਕਿਞ੍ਚਿ ਗਣ੍ਹਾਤਿ ਵਾ ਲਗ੍ਗਤਿ ਵਾ, ਯਸ੍ਸ ਚ ਪਟਾਣੀ ਦਿਨ੍ਨਾ ਹੋਤਿ, ਪਾਦਸੀਸਾਨਂ ਉਪਰਿ ਆਣੀ ਪਵੇਸਿਤਾ, ਤਤ੍ਥ ਨਿਸੀਦਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਸਙ੍ਘਿਕੋ ਵਿਹਾਰੋ, ਅਸੀਸਘਟ੍ਟਾ ਵੇਹਾਸਕੁਟਿ, ਹੇਟ੍ਠਾ ਸਪਰਿਭੋਗਂ ¶ , ਅਪਟਾਣਿਦਿਨ੍ਨੇ ਆਹਚ੍ਚਪਾਦਕੇ ਨਿਸੀਦਨਂ ਵਾ ਨਿਪਜ੍ਜਨਂ ਵਾਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੀਤਿ.

ਵੇਹਾਸਕੁਟਿਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੯. ਮਹਲ੍ਲਕਵਿਹਾਰਸਿਕ੍ਖਾਪਦਵਣ੍ਣਨਾ

ਨਵਮੇ ਮਹਲ੍ਲਕਨ੍ਤਿ ਸਸ੍ਸਾਮਿਕਂ. ਵਿਹਾਰਨ੍ਤਿ ਉਲ੍ਲਿਤ੍ਤਾਵਲ੍ਲਿਤ੍ਤਂ. ਯਾਵ ਦ੍ਵਾਰਕੋਸਾਤਿਏਤ੍ਥ ਦ੍ਵਾਰਕੋਸੋ ਨਾਮ ਉਕ੍ਕਟ੍ਠਪਰਿਚ੍ਛੇਦੇਨ ਪਿਟ੍ਠਸਙ੍ਘਾਟਸ੍ਸ ਸਾਮਨ੍ਤਾ ਅਡ੍ਢਤੇਯ੍ਯਹਤ੍ਥੋ ਪਦੇਸੋ. ਅਗ੍ਗਲ਼ਟ੍ਠਪਨਾਯਾਤਿ ਸਕਵਾਟਕਸ੍ਸ ਦ੍ਵਾਰਬਨ੍ਧਸ੍ਸ ਨਿਚ੍ਚਲਭਾਵਤ੍ਥਾਯ. ਕਵਾਟਞ੍ਹਿ ਲਹੁਪਰਿਵਤ੍ਤਕਂ ਵਿਵਰਣਕਾਲੇ ਭਿਤ੍ਤਿਂ ਆਹਨਤਿ, ਪਿਦਹਨਕਾਲੇ ਦ੍ਵਾਰਬਨ੍ਧਂ. ਤੇਨ ਆਹਨੇਨ ਭਿਤ੍ਤਿ ਕਮ੍ਪਤਿ, ਤਤੋ ਮਤ੍ਤਿਕਾ ਚਲਤਿ, ਚਲਿਤ੍ਵਾ ਸਿਥਿਲਾ ਵਾ ਹੋਤਿ ਪਤਤਿ ਵਾ, ਤੇਨਾਹ ਭਗਵਾ ‘‘ਯਾਵ ਦ੍ਵਾਰਕੋਸਾ ਅਗ੍ਗਲ਼ਟ੍ਠਪਨਾਯਾ’’ਤਿ. ਤਤ੍ਥ ਕਿਞ੍ਚਾਪਿ ‘‘ਇਦਂ ਨਾਮ ਕਤ੍ਤਬ੍ਬ’’ਨ੍ਤਿ ਨੇਵ ਮਾਤਿਕਾਯਂ, ਨ ਪਦਭਾਜਨੇ ਵੁਤ੍ਤਂ, ਅਟ੍ਠੁਪ੍ਪਤ੍ਤਿਯਂ ਪਨ ‘‘ਪੁਨਪ੍ਪੁਨਂ ਛਾਦਾਪੇਸਿ, ਪੁਨਪ੍ਪੁਨਂ ਲੇਪਾਪੇਸੀ’’ਤਿ (ਪਾਚਿ. ੧੩੪) ਅਧਿਕਾਰਤੋ ਯਾਵ ਦ੍ਵਾਰਕੋਸਾ ਅਗ੍ਗਲ਼ਟ੍ਠਪਨਾਯ ਪੁਨਪ੍ਪੁਨਂ ਲਿਮ੍ਪਿਤਬ੍ਬੋ ਵਾ ਲੇਪਾਪੇਤਬ੍ਬੋ ਵਾਤਿ ਏਵਮਤ੍ਥੋ ਦਟ੍ਠਬ੍ਬੋ. ਆਲੋਕਸਨ੍ਧਿਪਰਿਕਮ੍ਮਾਯਾਤਿਏਤ੍ਥ ਆਲੋਕਸਨ੍ਧੀਤਿ ਵਾਤਪਾਨਕਵਾਟਕਾ ਵੁਚ੍ਚਨ੍ਤਿ. ਤੇ ਵਿਵਰਣਕਾਲੇ ਵਿਦਤ੍ਥਿਮਤ੍ਤਮ੍ਪਿ ਅਤਿਰੇਕਮ੍ਪਿ ਭਿਤ੍ਤਿਪ੍ਪਦੇਸਂ ਪਹਰਨ੍ਤਿ, ਉਪਚਾਰੋ ਪਨੇਤ੍ਥ ਸਬ੍ਬਦਿਸਾਸੁ ਲਬ੍ਭਤਿ, ਤਸ੍ਮਾ ਸਬ੍ਬਦਿਸਾਸੁ ਕਵਾਟਵਿਤ੍ਥਾਰਪ੍ਪਮਾਣੋ ਓਕਾਸੋ ਆਲੋਕਸਨ੍ਧਿਪਰਿਕਮ੍ਮਤ੍ਥਾਯ ਲਿਮ੍ਪਿਤਬ੍ਬੋ ਵਾ ਲੇਪਾਪੇਤਬ੍ਬੋ ਵਾਤਿ ਅਯਮੇਤ੍ਥ ਅਧਿਪ੍ਪਾਯੋ.

ਏਵਂ ਲੇਪਕਮ੍ਮੇ ਯਂ ਕਤ੍ਤਬ੍ਬਂ, ਤਂ ਦਸ੍ਸੇਤ੍ਵਾ ਇਦਾਨਿ ਛਦਨੇ ਕਤ੍ਤਬ੍ਬਂ ਦਸ੍ਸੇਤੁਂ ਦ੍ਵਤ੍ਤਿਚ੍ਛਦਨਸ੍ਸਾਤਿਆਦਿਮਾਹ. ਤਤ੍ਥ ਦ੍ਵਤ੍ਤਿਚ੍ਛਦਨਸ੍ਸ ਪਰਿਯਾਯਨ੍ਤਿ ਛਦਨਸ੍ਸ ਦ੍ਵਤ੍ਤਿਪਰਿਯਾਯਂ, ਪਰਿਯਾਯਂ ਵੁਚ੍ਚਤਿ ਪਰਿਕ੍ਖੇਪੋ, ਪਰਿਕ੍ਖੇਪਦ੍ਵਯਂ ਵਾ ਪਰਿਕ੍ਖੇਪਤ੍ਤਯਂ ਵਾ ਅਧਿਟ੍ਠਾਤਬ੍ਬਨ੍ਤਿ ਅਤ੍ਥੋ. ਅਪ੍ਪਹਰਿਤੇ ਠਿਤੇਨਾਤਿ ਅਹਰਿਤੇ ਠਿਤੇਨ. ਹਰਿਤਨ੍ਤਿ ਚੇਤ੍ਥ ਸਤ੍ਤਧਞ੍ਞਾਦਿਭੇਦਂ ¶ ਪੁਬ੍ਬਣ੍ਣਂ, ਮੁਗ੍ਗਮਾਸਤਿਲਕੁਲਤ੍ਥਅਲਾਬੁਕੁਮ੍ਭਣ੍ਡਾਦਿਭੇਦਞ੍ਚ ਅਪਰਣ੍ਣਂ ਅਧਿਪ੍ਪੇਤਂ. ਯਂ ਤਸ੍ਮਿਂ ਖੇਤ੍ਤੇ ਵੁਤ੍ਤਂ ¶ ਨ ਤਾਵ ਸਮ੍ਪਜ੍ਜਤਿ, ਵਸ੍ਸੇ ਪਨ ਪਤਿਤੇ ਸਮ੍ਪਜ੍ਜਿਸ੍ਸਤਿ, ਤਮ੍ਪਿ ਹਰਿਤਸਙ੍ਖਮੇਵ ਗਚ੍ਛਤਿ. ਤਸ੍ਮਾ ਤਸ੍ਮਿਂ ਠਤ੍ਵਾ ਅਧਿਟ੍ਠਹਨ੍ਤੋ ਦੁਕ੍ਕਟਂ ਆਪਜ੍ਜਤਿ. ਅਪ੍ਪਹਰਿਤੇ ਠਤ੍ਵਾ ਅਧਿਟ੍ਠਹਨ੍ਤਸ੍ਸਾਪਿ ਅਯਂ ਪਰਿਚ੍ਛੇਦੋ, ਪਿਟ੍ਠਿਵਂਸਸ੍ਸ ¶ ਵਾ ਕੂਟਾਗਾਰਥੂਪਿਕਾਯ ਵਾ ਪਸ੍ਸੇ ਨਿਸਿਨ੍ਨੋ ਪੁਰਿਸੋ ਛਦਨਮੁਖਵਟ੍ਟਿਅਨ੍ਤੇਨ ਓਲੋਕੇਨ੍ਤੋ ਯਸ੍ਮਿਂ ਭੂਮਿਭਾਗੇ ਠਿਤਂ ਭਿਕ੍ਖੁਂ ਪਸ੍ਸਤਿ, ਯਸ੍ਮਿਞ੍ਚ ਠਿਤੋ ਤਂ ਉਪਰਿ ਨਿਸਿਨ੍ਨਕਂ ਤਥੇਵ ਉਲ੍ਲੋਕੇਨ੍ਤੋ ਪਸ੍ਸਤਿ, ਤਸ੍ਮਿਂ ਠਾਤਬ੍ਬਂ, ਤਸ੍ਸ ਅਨ੍ਤੋ ਅਹਰਿਤੇਪਿ ਠਾਤੁਂ ਨ ਲਭਤਿ. ਤਤੋ ਚੇ ਉਤ੍ਤਰੀਤਿ ਮਗ੍ਗੇਨ ਛਾਦਿਯਮਾਨੇ ਤਿਣ੍ਣਂ ਮਗ੍ਗਾਨਂ, ਪਰਿਯਾਯੇਨ ਛਾਦਿਯਮਾਨੇ ਤਿਣ੍ਣਂ ਪਰਿਯਾਯਾਨਂ ਉਪਰਿ ਇਟ੍ਠਕਸਿਲਾਸੁਧਾਹਿ ਛਾਦਿਯਮਾਨੇ ਇਟ੍ਠਕਸਿਲਾਸੁਧਾਪਿਣ੍ਡਗਣਨਾਯ, ਤਿਣਪਣ੍ਣੇਹਿ ਛਾਦਿਯਮਾਨੇ ਪਣ੍ਣਗਣਨਾਯ ਚੇਵ ਤਿਣਮੁਟ੍ਠਿਗਣਨਾਯ ਚ ਪਾਚਿਤ੍ਤਿਯਂ.

ਕੋਸਮ੍ਬਿਯਂ ਛਨ੍ਨਤ੍ਥੇਰਂ ਆਰਬ੍ਭ ਪੁਨਪ੍ਪੁਨਂ ਛਾਦਾਪਨਲੇਪਾਪਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਊਨਦ੍ਵਤ੍ਤਿਪਰਿਯਾਯੇ ਅਤਿਰੇਕਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਸੇਤਵਣ੍ਣਾਦਿਕਰਣੇ, ਦ੍ਵਤ੍ਤਿਪਰਿਯਾਯੇ ਵਾ ਊਨਕਦ੍ਵਤ੍ਤਿਪਰਿਯਾਯੇ ਵਾ, ਲੇਣਗੁਹਾਤਿਣਕੁਟਿਕਾਦੀਸੁ, ਅਞ੍ਞਸ੍ਸਤ੍ਥਾਯ, ਅਤ੍ਤਨੋ ਧਨੇਨ ਕਾਰੇਨ੍ਤਸ੍ਸ, ਵਾਸਾਗਾਰਂ ਠਪੇਤ੍ਵਾ ਸੇਸਾਨਿ ਅਧਿਟ੍ਠਹਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਮਹਲ੍ਲਕਵਿਹਾਰਤਾ, ਅਤ੍ਤਨੋ ਵਾਸਾਗਾਰਤਾ, ਉਤ੍ਤਰਿ ਅਧਿਟ੍ਠਾਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਸਞ੍ਚਰਿਤ੍ਤੇ ਵੁਤ੍ਤਨਯਾਨੇਵਾਤਿ.

ਮਹਲ੍ਲਕਵਿਹਾਰਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ਜਾਨਂ ਸਪ੍ਪਾਣਕਨ੍ਤਿ ‘‘ਸਪ੍ਪਾਣਕਂ ਏਤ’’ਨ੍ਤਿ ਦਿਸ੍ਵਾ ਵਾ ਸੁਤ੍ਵਾ ਵਾ ਯੇਨ ਕੇਨਚਿ ਆਕਾਰੇਨ ਜਾਨਨ੍ਤੋ. ਸਿਞ੍ਚੇਯ੍ਯ ਵਾ ਸਿਞ੍ਚਾਪੇਯ੍ਯ ਵਾਤਿ ਤੇਨ ਉਦਕੇਨ ਸਯਂ ਵਾ ਸਿਞ੍ਚੇਯ੍ਯ, ਅਞ੍ਞਂ ਵਾ ਆਣਾਪੇਤ੍ਵਾ ਸਿਞ੍ਚਾਪੇਯ੍ਯ. ਤਤ੍ਥ ਧਾਰਂ ਅਵਿਚ੍ਛਿਨ੍ਦਿਤ੍ਵਾ ਸਿਞ੍ਚਨ੍ਤਸ੍ਸ ਏਕਸ੍ਮਿਂ ਘਟੇ ਏਕਾਵ ਆਪਤ੍ਤਿ, ਵਿਚ੍ਛਿਨ੍ਦਨ੍ਤਸ੍ਸ ਪਯੋਗਗਣਨਾਯ ਆਪਤ੍ਤਿਯੋ. ਮਾਤਿਕਂ ਪਮੁਖਂ ਕਰੋਤਿ, ਦਿਵਸਮ੍ਪਿ ਸਨ੍ਦਤੁ, ਏਕਾਵ ਆਪਤ੍ਤਿ. ਤਤ੍ਥ ਤਤ੍ਥ ਬਨ੍ਧਿਤ੍ਵਾ ਅਞ੍ਞਤੋ ਨੇਨ੍ਤਸ੍ਸ ਪਯੋਗਗਣਨਾਯ ਆਪਤ੍ਤਿਯੋ. ਬਹੁਕਮ੍ਪਿ ਤਿਣਪਣ੍ਣਸਾਖਾਦਿਂ ਏਕਪ੍ਪਯੋਗੇਨ ¶ ਉਦਕੇ ਪਕ੍ਖਿਪਨ੍ਤਸ੍ਸ ਏਕਾਵ ਆਪਤ੍ਤਿ, ਏਕੇਕਂ ਪਕ੍ਖਿਪਨ੍ਤਸ੍ਸ ਪਯੋਗਗਣਨਾਯ ਆਪਤ੍ਤਿਯੋ. ਇਦਞ੍ਚ ਯਂ ਏਵਂ ਪਕ੍ਖਿਪਿਯਮਾਨੇ ਪਰਿਯਾਦਾਨਂ ਗਚ੍ਛਤਿ, ਆਵਿਲਂ ਵਾ ਹੋਤਿ, ਯਥਾ ਪਾਣਕਾ ਮਰਨ੍ਤਿ, ਤਾਦਿਸਂ ਸਨ੍ਧਾਯ ਵੁਤ੍ਤਂ, ਨ ਮਹਾਉਦਕਂ. ਸਿਞ੍ਚਾਪਨੇ ਆਣਤ੍ਤਿਯਾ ਦੁਕ੍ਕਟਂ, ਏਕਾਣਤ੍ਤਿਯਾ ਬਹੁਕਮ੍ਪਿ ਸਿਞ੍ਚਤੁ, ਆਣਾਪਕਸ੍ਸ ਏਕਮੇਵ ਪਾਚਿਤ੍ਤਿਯਂ.

ਆਲ਼ਵਿਯਂ ਆਲ਼ਵਕੇ ਭਿਕ੍ਖੂ ਆਰਬ੍ਭ ਸਿਞ੍ਚਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ ¶ , ਅਪ੍ਪਾਣਕੇ ਸਪ੍ਪਾਣਕਸਞ੍ਞਿਨੋ, ਉਭੋਸੁ ¶ ਵੇਮਤਿਕਸ੍ਸ ਦੁਕ੍ਕਟਂ. ਅਪ੍ਪਾਣਕਸਞ੍ਞਿਨੋ, ਅਸਞ੍ਚਿਚ੍ਚ ਅਸ੍ਸਤਿਯਾ ਵਾ ਸਿਞ੍ਚਨ੍ਤਸ੍ਸ, ਅਜਾਨਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਉਦਕਸ੍ਸ ਸਪ੍ਪਾਣਕਤਾ, ‘‘ਸਿਞ੍ਚਨੇਨ ਪਾਣਕਾ ਮਰਿਸ੍ਸਨ੍ਤੀ’’ਤਿ ਜਾਨਨਂ, ਤਞ੍ਚ ਉਦਕਂ ਤਾਦਿਸਮੇਵ, ਵਿਨਾ ਵਧਕਚੇਤਨਾਯ ਯੇਨ ਕੇਨਚਿ ਕਰਣੀਯੇਨ ਤਿਣਾਦੀਨਂ ਸਿਞ੍ਚਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਪਣ੍ਣਤ੍ਤਿਵਜ੍ਜਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਸਪ੍ਪਾਣਕਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਓਵਾਦਵਗ੍ਗਸ੍ਸ ਪਠਮੇ ਅਸਮ੍ਮਤੋਤਿ ਯਾ ਅਟ੍ਠਙ੍ਗਸਮਨ੍ਨਾਗਤਸ੍ਸ ਭਿਕ੍ਖੁਨੋ ਭਗਵਤਾ ਞਤ੍ਤਿਚਤੁਤ੍ਥੇਨ ਕਮ੍ਮੇਨ (ਪਾਚਿ. ੧੪੬) ਭਿਕ੍ਖੁਨੋਵਾਦਕਸਮ੍ਮੁਤਿ ਅਨੁਞ੍ਞਾਤਾ, ਤਾਯ ਅਸਮ੍ਮਤੋ. ਓਵਦੇਯ੍ਯਾਤਿ ਭਿਕ੍ਖੁਨਿਸਙ੍ਘਂ ਵਾ ਸਮ੍ਬਹੁਲਾ ਵਾ ਏਕਂ ਭਿਕ੍ਖੁਨਿਂ ਵਾ ‘‘ਵਸ੍ਸਸਤੂਪਸਮ੍ਪਨ੍ਨਾਯ ਭਿਕ੍ਖੁਨਿਯਾ ਤਦਹੁਪਸਮ੍ਪਨ੍ਨਸ੍ਸ ਭਿਕ੍ਖੁਨੋ ਅਭਿਵਾਦਨਂ ਪਚ੍ਚੁਟ੍ਠਾਨਂ ਅਞ੍ਜਲਿਕਮ੍ਮਂ ਸਾਮੀਚਿਕਮ੍ਮਂ ਕਾਤਬ੍ਬ’’ਨ੍ਤਿ ਆਦਿਕੇ (ਚੂਲ਼ਵ. ੪੦੩) ਅਟ੍ਠ ਗਰੁਧਮ੍ਮੇ ਓਵਾਦਵਸੇਨ ਓਸਾਰੇਨ੍ਤੋ ਓਵਦੇਯ੍ਯ. ਪਾਚਿਤ੍ਤਿਯਨ੍ਤਿ ਓਵਾਦਪਰਿਯੋਸਾਨੇ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਓਵਦਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਅਞ੍ਞੇਨ ਵਾ ਧਮ੍ਮੇਨ ਭਿਕ੍ਖੁਨੀਸੁ ਉਪਸਮ੍ਪਨ੍ਨਮਤ੍ਤਂ ਵਾ ਓਵਦਤੋ ਦੁਕ੍ਕਟਂ. ਸਮ੍ਮਤਸ੍ਸਾਪਿ ਤਞ੍ਚੇ ਸਮ੍ਮੁਤਿਕਮ੍ਮਂ ਅਧਮ੍ਮਕਮ੍ਮਂ ਹੋਤਿ, ਤਸ੍ਮਿਂ ਅਧਮ੍ਮਕਮ੍ਮੇ ਅਧਮ੍ਮਕਮ੍ਮਸਞ੍ਞਿਨੋ ਵਗ੍ਗੇ ਭਿਕ੍ਖੁਨਿਸਙ੍ਘੇ ਓਵਦਤੋ ¶ ਤਿਕਪਾਚਿਤ੍ਤਿਯਂ, ਤਥਾ ਵੇਮਤਿਕਸ੍ਸ ਧਮ੍ਮਕਮ੍ਮਸਞ੍ਞਿਨੋ ਚਾਤਿ ਨਵ ਪਾਚਿਤ੍ਤਿਯਾਨਿ, ਸਮਗ੍ਗੇਪਿ ਭਿਕ੍ਖੁਨਿਸਙ੍ਘੇਨ ਵਾਤਿ ਅਧਮ੍ਮਕਮ੍ਮਵਸੇਨ ਅਟ੍ਠਾਰਸ. ਸਚੇ ਪਨ ਤਂ ਧਮ੍ਮਕਮ੍ਮਂ ਹੋਤਿ, ‘‘ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਸਮਗ੍ਗਂ ਭਿਕ੍ਖੁਨਿਸਙ੍ਘਂ ਸਮਗ੍ਗਸਞ੍ਞੀ ਓਵਦਤੀ’’ਤਿ (ਪਾਚਿ. ੧੫੧) ਇਦਂ ਅਵਸਾਨਪਦਂ ਠਪੇਤ੍ਵਾ ਤੇਨੇਵ ਨਯੇਨ ਸਤ੍ਤਰਸ ਦੁਕ੍ਕਟਾਨਿ, ‘‘ਸਮਗ੍ਗਮ੍ਹਾਯ੍ਯਾ’’ਤਿ ¶ ਚ ਵੁਤ੍ਤੇ ਅਞ੍ਞਂ ਧਮ੍ਮਂ, ‘‘ਵਗ੍ਗਮ੍ਹਾਯ੍ਯਾ’’ਤਿ ਚ ਵੁਤ੍ਤੇ ਅਟ੍ਠ ਗਰੁਧਮ੍ਮੇ ਭਣਨ੍ਤਸ੍ਸ, ਓਵਾਦਞ੍ਚ ਅਨਿਯ੍ਯਾਤੇਤ੍ਵਾ ਅਞ੍ਞਂ ਧਮ੍ਮਂ ਭਣਨ੍ਤਸ੍ਸ ਦੁਕ੍ਕਟਮੇਵ. ਯੋ ਪਨ ਧਮ੍ਮਕਮ੍ਮੇ ਧਮ੍ਮਕਮ੍ਮਸਞ੍ਞੀ ਸਮਗ੍ਗਂ ਭਿਕ੍ਖੁਨਿਸਙ੍ਘਂ ਸਮਗ੍ਗਸਞ੍ਞੀ ਓਵਦਤਿ, ਗਰੁਧਮ੍ਮਪਾਲ਼ਿਂ ਉਦ੍ਦੇਸਂ ਦੇਤਿ, ਪਰਿਪੁਚ੍ਛਂ ਦੇਤਿ, ‘‘ਓਸਾਰੇਹਿ ਅਯ੍ਯਾ’’ਤਿ ਵੁਚ੍ਚਮਾਨੋ ਓਸਾਰੇਤਿ, ਪਞ੍ਹਂ ਪੁਟ੍ਠੋ ਕਥੇਤਿ, ਭਿਕ੍ਖੁਨੀਨਂ ਸੁਣਮਾਨਾਨਂ ਅਞ੍ਞਸ੍ਸਤ੍ਥਾਯ ਭਣਤਿ, ਸਿਕ੍ਖਮਾਨਾਯ ਵਾ ਸਾਮਣੇਰਿਯਾ ਵਾ ਭਣਤਿ, ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਅਸਮ੍ਮਤਤਾ, ਭਿਕ੍ਖੁਨਿਯਾ ਪਰਿਪੁਣ੍ਣੂਪਸਮ੍ਪਨ੍ਨਤਾ, ਓਵਾਦਵਸੇਨ ਅਟ੍ਠਗਰੁਧਮ੍ਮਭਣਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨੇਵਾਤਿ.

ਓਵਾਦਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ¶ ਓਵਦੇਯ੍ਯਾਤਿ ਅਟ੍ਠਗਰੁਧਮ੍ਮੇਹਿ ਵਾ ਅਞ੍ਞੇਨ ਵਾ ਧਮ੍ਮੇਨ ਓਵਦਨ੍ਤਸ੍ਸ ਸਮ੍ਮਤਸ੍ਸਾਪਿ ਪਾਚਿਤ੍ਤਿਯਮੇਵ.

ਸਾਵਤ੍ਥਿਯਂ ਆਯਸ੍ਮਨ੍ਤਂ ਚੂਲ਼ਪਨ੍ਥਕਂ ਆਰਬ੍ਭ ਅਤ੍ਥਙ੍ਗਤੇ ਸੂਰਿਯੇ ਓਵਦਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਸੂਰਿਯੇ ਅਤ੍ਥਙ੍ਗਤੇ ਅਤ੍ਥਙ੍ਗਤਸਞ੍ਞਿਨੋ ਵੇਮਤਿਕਸ੍ਸ ਵਾ, ਏਕਤੋਉਪਸਮ੍ਪਨ੍ਨਂ ਓਵਦਨ੍ਤਸ੍ਸ ਚ ਦੁਕ੍ਕਟਂ. ਪੁਰਿਮਸਿਕ੍ਖਾਪਦੇ ਵਿਯ ਉਦ੍ਦੇਸਾਦਿਨਯੇਨ ਅਨਾਪਤ੍ਤਿ. ਅਤ੍ਥਙ੍ਗਤਸੂਰਿਯਤਾ, ਪਰਿਪੁਣ੍ਣੂਪਸਮ੍ਪਨ੍ਨਤਾ, ਓਵਦਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਦਸੋਧਮ੍ਮਸਦਿਸਾਨੇਵਾਤਿ.

ਅਤ੍ਥਙ੍ਗਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

੩. ਭਿਕ੍ਖੁਨੁਪਸ੍ਸਯਸਿਕ੍ਖਾਪਦਵਣ੍ਣਨਾ

ਤਤਿਯੇ ¶ ਭਿਕ੍ਖੁਨੁਪਸ੍ਸਯਨ੍ਤਿ ਭਿਕ੍ਖੁਨਿਯਾ ਏਕਰਤ੍ਤਂ ਵਸਨਟ੍ਠਾਨਮ੍ਪਿ. ਓਵਦੇਯ੍ਯਾਤਿ ਇਧ ਗਰੁਧਮ੍ਮੇਹਿ ਓਵਦਨ੍ਤਸ੍ਸੇਵ ਪਾਚਿਤ੍ਤਿਯਂ. ਸਚੇ ਪਨ ਅਸਮ੍ਮਤੋ ਹੋਤਿ, ਦ੍ਵੇ ਪਾਚਿਤ੍ਤਿਯਾਨਿ. ਸਚੇ ਪਨ ਸੂਰਿਯੇਪਿ ਅਤ੍ਥਙ੍ਗਤੇ ਓਵਦਤਿ, ਤੀਣਿ ਹੋਨ੍ਤਿ. ਸਮ੍ਮਤਸ੍ਸ ਪਨ ਰਤ੍ਤਿਂ ਓਵਦਨ੍ਤਸ੍ਸਪਿ ਦ੍ਵੇ ਏਵ ਹੋਨ੍ਤਿ. ਸਮ੍ਮਤਤ੍ਤਾ ਹਿ ਭਿਕ੍ਖੁਸ੍ਸ ਗਰੁਧਮ੍ਮੋਵਾਦਮੂਲਕਂ ਪਾਚਿਤ੍ਤਿਯਂ ਨਤ੍ਥਿ. ਗਿਲਾਨਾਤਿ ਨ ਸਕ੍ਕੋਤਿ ਓਵਾਦਾਯ ਵਾ ਸਂਵਾਸਾਯ ਵਾ ਗਨ੍ਤੁਂ.

ਸਕ੍ਕੇਸੁ ¶ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਭਿਕ੍ਖੁਨੁਪਸ੍ਸਯਂ ਉਪਸਙ੍ਕਮਿਤ੍ਵਾ ਓਵਦਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਸਮਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਨੁਪਸਮ੍ਪਨ੍ਨਾਯ ਉਪਸਮ੍ਪਨ੍ਨਸਞ੍ਞਿਨੋ ਵੇਮਤਿਕਸ੍ਸ ਵਾ, ਏਕਤੋਉਪਸਮ੍ਪਨ੍ਨਂ ਯੇਨ ਕੇਨਚਿ, ਇਤਰਂ ਅਞ੍ਞੇਨ ਧਮ੍ਮੇਨ ਓਵਦਨ੍ਤਸ੍ਸ ਚ ਦੁਕ੍ਕਟਂ. ਸਮਯੇ, ਅਨੁਪਸਮ੍ਪਨ੍ਨਾਯ, ਪੁਰਿਮਸਿਕ੍ਖਾਪਦੇ ਵਿਯ ਉਦ੍ਦੇਸਾਦਿਨਯੇਨ ਚ ਅਨਾਪਤ੍ਤਿ. ਉਪਸ੍ਸਯੂਪਗਮਨਂ, ਪਰਿਪੁਣ੍ਣੂਪਸਮ੍ਪਨ੍ਨਤਾ, ਸਮਯਾਭਾਵੋ, ਗਰੁਧਮ੍ਮੇਹਿ ਓਵਦਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨਿ, ਇਦਂ ਪਨ ਕਿਰਿਯਂ ਹੋਤੀਤਿ.

ਭਿਕ੍ਖੁਨੁਪਸ੍ਸਯਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਆਮਿਸਹੇਤੂਤਿ ਚੀਵਰਾਦੀਨਂ ਅਞ੍ਞਤਰਹੇਤੁ. ਭਿਕ੍ਖੂਤਿ ਸਮ੍ਮਤਾ ਭਿਕ੍ਖੂ ਇਧਾਧਿਪ੍ਪੇਤਾ. ਪਾਚਿਤ੍ਤਿਯਨ੍ਤਿ ਏਵਰੂਪੇ ਭਿਕ੍ਖੂ ਅਵਣ੍ਣਕਾਮਤਾਯ ਏਵਂ ਭਣਨ੍ਤਸ੍ਸ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ‘‘ਆਮਿਸਹੇਤੁ ਓਵਦਨ੍ਤੀ’’ਤਿ ਭਣਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਧਮ੍ਮਕਮ੍ਮੇ ਤਿਕਪਾਚਿਤ੍ਤਿਯਂ, ਅਧਮ੍ਮਕਮ੍ਮੇ ਤਿਕਦੁਕ੍ਕਟਂ, ਅਸਮ੍ਮਤਂ ਉਪਸਮ੍ਪਨ੍ਨਞ੍ਚ, ਅਨੁਪਸਮ੍ਪਨ੍ਨਞ੍ਚ ਸਮ੍ਮਤਂ ਵਾ ਅਸਮ੍ਮਤਂ ਵਾ ਏਵਂ ਭਣਨ੍ਤਸ੍ਸ ਦੁਕ੍ਕਟਮੇਵ. ਤਤ੍ਥ ਯੋ ਭਿਕ੍ਖੁ ਕਾਲੇ ਸਮ੍ਮੁਤਿਂ ਲਭਿਤ੍ਵਾ ਸਾਮਣੇਰਭੂਮਿਯਂ ਸਣ੍ਠਿਤੋ, ਅਯਂ ਸਮ੍ਮਤੋ ਨਾਮ ਅਨੁਪਸਮ੍ਪਨ੍ਨੋ. ਪਕਤਿਯਾ ਚੀਵਰਾਦਿਹੇਤੁ ਓਵਦਨ੍ਤਂ ਪਨ ਏਵਂ ¶ ਭਣਨ੍ਤਸ੍ਸ ¶ , ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਉਪਸਮ੍ਪਨ੍ਨਤਾ, ਧਮ੍ਮੇਨ ਲਦ੍ਧਸਮ੍ਮੁਤਿਤਾ, ਅਨਾਮਿਸਨ੍ਤਰਤਾ, ਅਵਣ੍ਣਕਾਮਤਾਯ ਏਵਂ ਭਣਨਨ੍ਤਿ ਇਮਾਨੇਤ੍ਥ ਚਤ੍ਤਾਰਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਅਦਿਨ੍ਨਾਦਾਨਸਦਿਸਾਨਿ, ਇਦਂ ਪਨ ਦੁਕ੍ਖਵੇਦਨਮੇਵਾਤਿ.

ਆਮਿਸਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਞ੍ਚਮੇ ਸਾਵਤ੍ਥਿਯਂ ਅਞ੍ਞਤਰਂ ਭਿਕ੍ਖੁਂ ਆਰਬ੍ਭ ਚੀਵਰਦਾਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸੇਸਕਥਾਮਗ੍ਗੋ ਪਨੇਤ੍ਥ ¶ ਚੀਵਰਪ੍ਪਟਿਗ੍ਗਹਣਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬੋ. ਤਤ੍ਰ ਹਿ ਭਿਕ੍ਖੁ ਪਟਿਗ੍ਗਾਹਕੋ, ਇਧ ਭਿਕ੍ਖੁਨੀ, ਅਯਂ ਵਿਸੇਸੋ, ਸੇਸਂ ਤਾਦਿਸਮੇਵਾਤਿ.

ਚੀਵਰਦਾਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਛਟ੍ਠੇ ਚੀਵਰਨ੍ਤਿ ਨਿਵਾਸਨਪਾਰੁਪਨੁਪਗਂ. ਸਿਬ੍ਬੇਯ੍ਯ ਵਾ ਸਿਬ੍ਬਾਪੇਯ੍ਯਾ ਵਾਤਿ ਏਤ੍ਥ ਸਯਂ ਸਿਬ੍ਬਨ੍ਤਸ੍ਸ ਸੂਚਿਂ ਪਵੇਸੇਤ੍ਵਾ ਪਵੇਸੇਤ੍ਵਾ ਨੀਹਰਣੇ ਪਾਚਿਤ੍ਤਿਯਂ, ਸਤਕ੍ਖਤ੍ਤੁਮ੍ਪਿ ਵਿਜ੍ਝਿਤ੍ਵਾ ਸਕਿਂ ਨੀਹਰਨ੍ਤਸ੍ਸ ਏਕਮੇਵ ਪਾਚਿਤ੍ਤਿਯਂ. ‘ਸਿਬ੍ਬਾ’ਤਿ ਵੁਤ੍ਤੋ ਪਨ ਸਚੇਪਿ ਸਬ੍ਬਂ ਸੂਚਿਕਮ੍ਮਂ ਨਿਟ੍ਠਾਪੇਤਿ, ਆਣਾਪਕਸ੍ਸ ਏਕਮੇਵ ਪਾਚਿਤ੍ਤਿਯਂ. ਅਥ ‘‘ਯਂ ਏਤ੍ਥ ਚੀਵਰੇ ਕਤ੍ਤਬ੍ਬਂ, ਸਬ੍ਬਂ ਤਂ ਤਵ ਭਾਰੋ’’ਤਿ ਵੁਤ੍ਤੋ ਨਿਟ੍ਠਾਪੇਤਿ, ਤਸ੍ਸ ਆਰਾਪਥੇ ਆਰਾਪਥੇ ਪਾਚਿਤ੍ਤਿਯਂ. ਆਣਾਪਕਸ੍ਸ ਏਕਵਾਚਾਯ ਸਮ੍ਬਹੁਲਾਨਿਪਿ, ਪੁਨਪ੍ਪੁਨਂ ਆਣਤ੍ਤਿਯਂ ਪਨ ਵਤ੍ਤਬ੍ਬਮੇਵ ਨਤ੍ਥਿ.

ਸਾਵਤ੍ਥਿਯਂ ਉਦਾਯਿਤ੍ਥੇਰਂ ਆਰਬ੍ਭ ਚੀਵਰਸਿਬ੍ਬਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਸਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਞਾਤਿਕਾਯ ਅਞ੍ਞਾਤਿਕਸਞ੍ਞਿਨੋ ਵਾ ਵੇਮਤਿਕਸ੍ਸ ਵਾ, ਏਕਤੋਉਪਸਮ੍ਪਨ੍ਨਾਯ ਸਿਬ੍ਬਨ੍ਤਸ੍ਸ ਚ ਦੁਕ੍ਕਟਂ. ਅਞ੍ਞਂ ਥਵਿਕਾਦਿਪਰਿਕ੍ਖਾਰਂ ਸਿਬ੍ਬਨ੍ਤਸ੍ਸ, ਞਾਤਿਕਾਯ, ਸਿਕ੍ਖਮਾਨਸਾਮਣੇਰੀਨਞ੍ਚ ਚੀਵਰਮ੍ਪਿ ਸਿਬ੍ਬਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਅਞ੍ਞਾਤਿਕਾਯ ਭਿਕ੍ਖੁਨਿਯਾ ਸਨ੍ਤਕਤਾ ¶ , ਨਿਵਾਸਨਪਾਰੁਪਨੁਪਗਤਾ, ਵੁਤ੍ਤਲਕ੍ਖਣਂ ਸਿਬ੍ਬਨਂ ਵਾ ਸਿਬ੍ਬਾਪਨਂ ਵਾਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਸਞ੍ਚਰਿਤ੍ਤਸਦਿਸਾਨੇਵਾਤਿ.

ਚੀਵਰਸਿਬ੍ਬਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਸਤ੍ਤਮੇ ਸਂਵਿਧਾਯਾਤਿ ਸਂਵਿਦਹਿਤ੍ਵਾ, ਗਮਨਕਾਲੇ ਸਙ੍ਕੇਤਂ ਕਤ੍ਵਾਤਿ ਅਤ੍ਥੋ. ਏਕਦ੍ਧਾਨਮਗ੍ਗਨ੍ਤਿ ਏਕਂ ਅਦ੍ਧਾਨਸਙ੍ਖਾਤਂ ਮਗ੍ਗਂ, ਏਕਤੋ ਵਾ ਅਦ੍ਧਾਨਮਗ੍ਗਂ. ਸਤ੍ਥਗਮਨੀਯੋਤਿ ਸਤ੍ਥੇਨ ਸਦ੍ਧਿਂ ਗਨ੍ਤਬ੍ਬੋ, ਸੇਸਂ ਉਤ੍ਤਾਨਪਦਤ੍ਥਮੇਵ. ਅਯਂ ਪਨੇਤ੍ਥ ਵਿਨਿਚ੍ਛਯੋ – ਅਕਪ੍ਪਿਯਭੂਮਿਯਂ ਸਂਵਿਦਹਨ੍ਤਸ੍ਸ ਸਂਵਿਦਹਨਪਚ੍ਚਯਾ ਤਾਵ ਦੁਕ੍ਕਟਂ. ਤਤ੍ਥ ਠਪੇਤ੍ਵਾ ਭਿਕ੍ਖੁਨੁਪਸ੍ਸਯਂ ਅਨ੍ਤਰਾਰਾਮਂ ਆਸਨਸਾਲਂ ਤਿਤ੍ਥਿਯਸੇਯ੍ਯਞ੍ਚ ਸੇਸਾ ਅਕਪ੍ਪਿਯਭੂਮਿ, ਤਤ੍ਥ ਠਤ੍ਵਾ ਸਂਵਿਦਹਨ੍ਤਸ੍ਸਾਤਿ ਅਤ੍ਥੋ. ਸਂਵਿਦਹਿਤ੍ਵਾ ਪਨ ‘‘ਅਜ੍ਜ ਵਾ ਸ੍ਵੇ ਵਾ’’ਤਿ ਨਿਯਮਿਤਂ ਕਾਲਂ ਵਿਸਙ੍ਕੇਤਂ ਅਕਤ੍ਵਾ, ਦ੍ਵਾਰਵਿਸਙ੍ਕੇਤਂ ਪਨ ਮਗ੍ਗਵਿਸਙ੍ਕੇਤਂ ਵਾ ਕਤ੍ਵਾਪਿ ਭਿਕ੍ਖੁਨਿਯਾ ¶ ਸਦ੍ਧਿਂ ਗਚ੍ਛਨ੍ਤਸ੍ਸ ਯਾਵ ¶ ਆਸਨ੍ਨਸ੍ਸਾਪਿ ਅਞ੍ਞਸ੍ਸ ਗਾਮਸ੍ਸ ‘‘ਅਯਂ ਇਮਸ੍ਸ ਉਪਚਾਰੋ’’ਤਿ ਮਨੁਸ੍ਸੇਹਿ ਠਪਿਤਂ ਉਪਚਾਰਂ ਨ ਓਕ੍ਕਮਤਿ, ਤਾਵ ਅਨਾਪਤ੍ਤਿ. ਤਂ ਓਕ੍ਕਮਨ੍ਤਸ੍ਸ ਪਨ ਪਠਮਪਾਦੇ ਦੁਕ੍ਕਟਂ, ਦੁਤਿਯਪਾਦੇ ਪਾਚਿਤ੍ਤਿਯਂ, ਇਤਿ ਗਾਮੂਪਚਾਰੋਕ੍ਕਮਨਗਣਨਾਯ ਪਾਚਿਤ੍ਤਿਯਾਨਿ. ਅਦ੍ਧਯੋਜਨਾਤਿਕ੍ਕਮੇ ਪਨ ਗਾਮੇ ਅਸਤਿ ਅਦ੍ਧਯੋਜਨਗਣਨਾਯ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਏਕਦ੍ਧਾਨਮਗ੍ਗਪ੍ਪਟਿਪਜ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਸਮਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਅਸਂਵਿਦਹਿਤੇ ਸਂਵਿਦਹਿਤਸਞ੍ਞਿਨੋ ਵੇਮਤਿਕਸ੍ਸ ਵਾ, ਯੋ ਚ ਭਿਕ੍ਖੁਨਿਯਾ ਅਸਂਵਿਦਹਨ੍ਤਿਯਾ ਕੇਵਲਂ ਅਤ੍ਤਨਾਵ ਸਂਵਿਦਹਤਿ, ਤਸ੍ਸ ਦੁਕ੍ਕਟਂ. ਸਮਯੇ ਸਂਵਿਦਹਿਤ੍ਵਾਪਿ ਗਚ੍ਛਨ੍ਤਸ੍ਸ, ਅਤ੍ਤਨਾ ਅਸਂਵਿਦਹਨ੍ਤਸ੍ਸ, ਵਿਸਙ੍ਕੇਤੇਨ ਵਾ, ਆਪਦਾਸੁ ਗਚ੍ਛਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਦ੍ਵਿਨ੍ਨਮ੍ਪਿ ਸਂਵਿਦਹਿਤ੍ਵਾ ਮਗ੍ਗਪ੍ਪਟਿਪਤ੍ਤਿ, ਅਵਿਸਙ੍ਕੇਤਤਾ, ਸਮਯਾਭਾਵੋ, ਅਨਾਪਦਾ, ਗਾਮਨ੍ਤਰੋਕ੍ਕਮਨਂ ਵਾ ਅਦ੍ਧਯੋਜਨਾਤਿਕ੍ਕਮੋ ਵਾਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਏਕਤੋਉਪਸਮ੍ਪਨ੍ਨਾਦੀਹਿ ਪਨ ਸਦ੍ਧਿਂ ਮਾਤੁਗਾਮਸਿਕ੍ਖਾਪਦੇਨ ਆਪਤ੍ਤਿ, ਅਦ੍ਧਾਨਸਮੁਟ੍ਠਾਨਂ, ਕਿਰਿਯਂ, ਨੋਸਞ੍ਞਾਵਿਮੋਕ੍ਖਂ, ਅਚਿਤ੍ਤਕਂ, ਪਣ੍ਣਤ੍ਤਿਵਜ੍ਜਂ, ਕਾਯਕਮ੍ਮਂ, ਵਚੀਕਮ੍ਮਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਸਂਵਿਧਾਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਅਟ੍ਠਮੇ ¶ ਸਂਵਿਧਾਯਾਤਿ ਕੀਲ਼ਾਪੁਰੇਕ੍ਖਾਰੋ ਸਂਵਿਦਹਿਤ੍ਵਾ, ਅਭਿਰੁਹਨਕਾਲੇ ਸਙ੍ਕੇਤਂ ਕਤ੍ਵਾਤਿ ਅਤ੍ਥੋ. ਉਦ੍ਧਂਗਾਮਿਨਿਨ੍ਤਿ ਕੀਲ਼ਾਵਸੇਨ ਉਦ੍ਧਂ ਨਦਿਯਾ ਪਟਿਸੋਤਂ ਗਚ੍ਛਨ੍ਤਿਂ. ਅਧੋਗਾਮਿਨਿਨ੍ਤਿ ਤਥੇਵ ਅਧੋ ਅਨੁਸੋਤਂ ਗਚ੍ਛਨ੍ਤਿਂ. ਯਂ ਪਨ ਤਿਤ੍ਥਪ੍ਪਟਿਪਾਦਨਤ੍ਥਂ ਉਦ੍ਧਂ ਵਾ ਅਧੋ ਵਾ ਹਰਨ੍ਤਿ, ਏਤ੍ਥ ਅਨਾਪਤ੍ਤਿ. ਅਞ੍ਞਤ੍ਰ ਤਿਰਿਯਂ ਤਰਣਾਯਾਤਿ ਉਪਯੋਗਤ੍ਥੇ ਨਿਸ੍ਸਕ੍ਕਵਚਨਂ, ਯਾ ਤਿਰਿਯਂ ਤਰਣਾ, ਤਂ ਠਪੇਤ੍ਵਾਤਿ ਅਤ੍ਥੋ. ਪਾਚਿਤ੍ਤਿਯਨ੍ਤਿ ਸਗਾਮਕਤੀਰਪਸ੍ਸੇਨ ਗਮਨਕਾਲੇ ਗਾਮਨ੍ਤਰਗਣਨਾਯ, ਅਗਾਮਕਤੀਰਪਸ੍ਸੇਨ ਵਾ ਯੋਜਨਵਿਤ੍ਥਤਾਯ ਨਦਿਯਾ ਮਜ੍ਝੇਨ ਵਾ ਗਮਨਕਾਲੇ ਅਦ੍ਧਯੋਜਨਗਣਨਾਯ ਪਾਚਿਤ੍ਤਿਯਂ, ਸਮੁਦ੍ਦੇ ਪਨ ਯਥਾਸੁਖਂ ਗਨ੍ਤੁਂ ਵਟ੍ਟਤਿ.

ਸਾਵਤ੍ਥਿਯਂ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਨਾਵਾਭਿਰੁਹਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਤਿਰਿਯਂ ਤਰਣਾਯਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸੇਸਂ ਅਨਨ੍ਤਰਸਿਕ੍ਖਾਪਦੇ ਵੁਤ੍ਤਨਯੇਨੇਵ ਵੇਦਿਤਬ੍ਬਨ੍ਤਿ.

ਨਾਵਾਭਿਰੁਹਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਨਵਮੇ ¶ ਭਿਕ੍ਖੁਨਿਪਰਿਪਾਚਿਤਨ੍ਤਿ ਭਿਕ੍ਖੁਨਿਯਾ ਪਰਿਪਾਚਿਤਂ, ਨੇਵ ਤਸ੍ਸ ਨਾਤ੍ਤਨੋ ਞਾਤਕਪ੍ਪਵਾਰਿਤਾਨਂ ਗਿਹੀਨਂ ਸਨ੍ਤਿਕੇ ਭਿਕ੍ਖੁਸ੍ਸ ਗੁਣਂ ਪਕਾਸੇਤ੍ਵਾ ‘‘ਦੇਥ ਅਯ੍ਯਸ੍ਸ, ਕਰੋਥ ਅਯ੍ਯਸ੍ਸਾ’’ਤਿ ਏਵਂ ਨਿਪ੍ਫਾਦਿਤਂ ਲਦ੍ਧਬ੍ਬਂ ਕਤਨ੍ਤਿ ਅਤ੍ਥੋ. ਪੁਬ੍ਬੇ ਗਿਹਿਸਮਾਰਮ੍ਭਾਤਿ ਏਤ੍ਥ ਸਮਾਰਮ੍ਭੋਤਿ ਸਮਾਰਦ੍ਧਂ, ਪਟਿਯਾਦਿਤਸ੍ਸੇਤਂ ਨਾਮਂ. ਗਿਹੀਨਂ ਸਮਾਰਮ੍ਭੋ ¶ ਗਿਹਿਸਮਾਰਮ੍ਭੋ, ਭਿਕ੍ਖੁਨਿਯਾ ਪਰਿਪਾਚਨਤੋ ਪੁਬ੍ਬੇ ਪਠਮਤਰਂਯੇਵ ਯਂ ਭਿਕ੍ਖੂਨਂ ਅਤ੍ਥਾਯ ਗਿਹੀਨਂ ਪਟਿਯਾਦਿਤਭਤ੍ਤਂ, ਞਾਤਕਪ੍ਪਵਾਰਿਤਾਨਂ ਵਾ ਸਨ੍ਤਕਂ, ਤਂ ਠਪੇਤ੍ਵਾ ਅਞ੍ਞਂ ਜਾਨਂ ਭੁਞ੍ਜਨ੍ਤਸ੍ਸ ਪਾਚਿਤ੍ਤਿਯਨ੍ਤਿ ਅਤ੍ਥੋ. ਤਞ੍ਚ ਖੋ ਅਜ੍ਝੋਹਰਣਗਣਨਾਯ, ਪਟਿਗ੍ਗਹਣੇ ਪਨਸ੍ਸ ਦੁਕ੍ਕਟਂ.

ਰਾਜਗਹੇ ਦੇਵਦਤ੍ਤਂ ਆਰਬ੍ਭ ਭਿਕ੍ਖੁਨਿਪਰਿਪਾਚਿਤਪਿਣ੍ਡਪਾਤਭੁਞ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਪੁਬ੍ਬੇ ਗਿਹਿਸਮਾਰਮ੍ਭਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਏਕਤੋਉਪਸਮ੍ਪਨ੍ਨਾਯ ਪਰਿਪਾਚਿਤਂ ਭੁਞ੍ਜਨ੍ਤਸ੍ਸ ¶ , ਅਪਰਿਪਾਚਿਤੇ ਪਰਿਪਾਚਿਤਸਞ੍ਞਿਨੋ, ਉਭਯਤ੍ਥ ਵੇਮਤਿਕਸ੍ਸ ਚ ਦੁਕ੍ਕਟਂ. ਉਭਯਤ੍ਥ ਅਪਰਿਪਾਚਿਤਸਞ੍ਞਿਨੋ, ਗਿਹਿਸਮਾਰਮ੍ਭੇ, ਸਿਕ੍ਖਮਾਨਸਾਮਣੇਰਾਦੀਹਿ ਪਰਿਪਾਚਿਤੇ, ਪਞ੍ਚ ਭੋਜਨਾਨਿ ਠਪੇਤ੍ਵਾ ਅਵਸੇਸੇ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਭਿਕ੍ਖੁਨਿਯਾ ਪਰਿਪਾਚਿਤਤਾ, ਪਰਿਪਾਚਿਤਭਾਵਜਾਨਨਂ, ਗਿਹਿਸਮਾਰਮ੍ਭਾਭਾਵੋ, ਓਦਨਾਦੀਨਂ ਅਞ੍ਞਤਰਤਾ, ਤਸ੍ਸ ਅਜ੍ਝੋਹਰਣਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਪਾਰਾਜਿਕਸਅਸਾਨਿ, ਇਦਂ ਪਨ ਪਣ੍ਣਤ੍ਤਿਵਜ੍ਜਂ, ਤਿਚਿਤ੍ਤਂ, ਤਿਵੇਦਨਨ੍ਤਿ.

ਪਰਿਪਾਚਿਤਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦਸਮੇ ਸਬ੍ਬੋਪਿ ਕਥਾਮਗ੍ਗੋ ਦੁਤਿਯਅਨਿਯਤੇ ਵੁਤ੍ਤਨਯੇਨੇਵ ਵੇਦਿਤਬ੍ਬੋ. ਇਦਞ੍ਹਿ ਸਿਕ੍ਖਾਪਦਂ ਦੁਤਿਯਅਨਿਯਤੇਨ ਚ ਉਪਰਿ ਉਪਨਨ੍ਦਸ੍ਸ ਚਤੁਤ੍ਥਸਿਕ੍ਖਾਪਦੇਨ ਚ ਏਕਪਰਿਚ੍ਛੇਦਂ, ਅਟ੍ਠੁਪ੍ਪਤ੍ਤਿਵਸੇਨ ਪਨ ਵਿਸੁਂ ਪਞ੍ਞਤ੍ਤਨ੍ਤਿ.

ਰਹੋਨਿਸਜ੍ਜਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਭੋਜਨਵਗ੍ਗਸ੍ਸ ¶ ਪਠਮੇ ਅਗਿਲਾਨੇਨਾਤਿ ਅਦ੍ਧਯੋਜਨਮ੍ਪਿ ਗਨ੍ਤੁਂ ਸਮਤ੍ਥੇਨ. ਏਕੋਤਿ ਏਕਦਿਵਸਿਕੋ. ਆਵਸਥਪਿਣ੍ਡੋਤਿ ‘‘ਇਮੇਸਂ ਵਾ ਏਤ੍ਤਕਾਨਂ ਵਾ’’ਤਿ ਏਕਂ ਪਾਸਣ੍ਡਂ ਵਾ, ‘‘ਏਤ੍ਤਕਮੇਵਾ’’ਤਿ ਏਵਂ ਭਤ੍ਤਂ ਵਾ ਅਨੋਦਿਸ੍ਸ ਸਾਲਾਦੀਸੁ ਯਤ੍ਥ ਕਤ੍ਥਚਿ ਪੁਞ੍ਞਕਾਮੇਹਿ ਪਞ੍ਞਤ੍ਤਂ ਭੋਜਨਂ. ਭੁਞ੍ਜਿਤਬ੍ਬੋਤਿ ਏਕਕੁਲੇਨ ਵਾ ਨਾਨਾਕੁਲੇਹਿ ਵਾ ਏਕਤੋ ਹੁਤ੍ਵਾ ਏਕਸ੍ਮਿਂ ਵਾ ਠਾਨੇ, ਨਾਨਾਠਾਨੇਸੁ ਵਾ ‘‘ਅਜ੍ਜ ਏਕਸ੍ਮਿਂ, ਸ੍ਵੇ ਏਕਸ੍ਮਿ’’ਨ੍ਤਿ ਏਵਂ ਅਨਿਯਤਟ੍ਠਾਨੇ ਵਾ ਪਞ੍ਞਤ੍ਤੋ ਏਕਸ੍ਮਿਂ ਠਾਨੇ ਏਕਦਿਵਸਮੇਵ ਭੁਞ੍ਜਿਤਬ੍ਬੋ. ਤਤੋ ਚੇ ਉਤ੍ਤਰੀਤਿ ਦੁਤਿਯਦਿਵਸਤੋ ਪਟ੍ਠਾਯ ਤਸ੍ਮਿਂ ਵਾ ਠਾਨੇ ਅਞ੍ਞਸ੍ਮਿਂ ਵਾ ਠਾਨੇ ਤੇਸਂ ਸਨ੍ਤਕਸ੍ਸ ਪਟਿਗ੍ਗਹਣੇ ਦੁਕ੍ਕਟਂ, ਅਜ੍ਝੋਹਾਰੇ ਅਜ੍ਝੋਹਾਰੇ ਪਾਚਿਤ੍ਤਿਯਂ.

ਸਾਵਤ੍ਥਿਯਂ ¶ ਛਬ੍ਬਗ੍ਗਿਯੇ ਭਿਕ੍ਖੂ ਆਰਬ੍ਭ ਅਨੁਵਸਿਤ੍ਵਾ ਆਵਸਥਪਿਣ੍ਡਭੁਞ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਗਿਲਾਨੇਨਾ’’ਤਿ ਅਯਮੇਤ੍ਥ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਗਿਲਾਨਸ੍ਸ ਅਗਿਲਾਨਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਗਿਲਾਨਸ੍ਸ ਗਿਲਾਨਸਞ੍ਞਿਨੋ, ਯੋ ਚ ਸਕਿਂ ਭੁਞ੍ਜਤਿ, ਗਚ੍ਛਨ੍ਤੋ ਵਾ ਅਨ੍ਤਰਾਮਗ੍ਗੇ ਏਕਦਿਵਸਂ ¶ , ਗਤਟ੍ਠਾਨੇ ਏਕਦਿਵਸਂ, ਪਚ੍ਚਾਗਨ੍ਤੋਪਿ ਅਨ੍ਤਰਾਮਗ੍ਗੇ ਏਕਦਿਵਸਂ, ਆਗਤਟ੍ਠਾਨੇ ਏਕਦਿਵਸਂ, ਗਮਿਸ੍ਸਾਮੀ’ਤਿ ਚ ਭੁਞ੍ਜਿਤ੍ਵਾ ਨਿਕ੍ਖਨ੍ਤੋ ਕੇਨਚਿ ਉਪਦ੍ਦਵੇਨ ਨਿਵਤ੍ਤਿਤ੍ਵਾ ਖੇਮਭਾਵਂ ਞਤ੍ਵਾ ਗਚ੍ਛਨ੍ਤੋ ਪੁਨ ਏਕਦਿਵਸਂ ਭੁਞ੍ਜਤਿ, ਯਸ੍ਸ ਵਾ ਸਾਮਿਕਾ ਨਿਮਨ੍ਤੇਤ੍ਵਾ ਦੇਨ੍ਤਿ, ਯੋ ਵਾ ਭਿਕ੍ਖੂਨਂਯੇਵ ਉਦ੍ਦਿਸ੍ਸ ਪਞ੍ਞਤ੍ਤਂ, ਨ ਯਾਵਦਤ੍ਥਂ ਪਞ੍ਞਤ੍ਤਂ, ਠਪੇਤ੍ਵਾ ਵਾ ਪਞ੍ਚ ਭੋਜਨਾਨਿ ਅਞ੍ਞਂ ਭੁਞ੍ਜਤਿ, ਤਸ੍ਸ ਚ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਆਵਸਥਪਿਣ੍ਡਤਾ, ਅਗਿਲਾਨਤਾ, ਅਨੁਵਸਿਤ੍ਵਾ ਪਰਿਭੋਜਨਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਿਕ੍ਖਾਪਦਸਦਿਸਾਨੀਤਿ.

ਆਵਸਥਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਦੁਤਿਯੇ ਗਣਭੋਜਨੇਤਿ ਗਣਸ੍ਸ ਭੋਜਨੇ. ਇਧ ਚ ਗਣੋਤਿ ਚਤ੍ਤਾਰੋ ਵਾ ਤਤੁਤ੍ਤਰਿ ਵਾ ਭਿਕ੍ਖੂ ¶ , ਤੇਸਂ ਨਿਮਨ੍ਤਨਤੋ ਵਾ ਵਿਞ੍ਞਤ੍ਤਿਤੋ ਵਾ ਲਦ੍ਧੇ ਓਦਨਾਦੀਨਂ ਪਞ੍ਚਨ੍ਨਂ ਭੋਜਨਾਨਂ ਅਞ੍ਞਤਰਭੋਜਨੇਤਿ ਅਤ੍ਥੋ. ਤਤ੍ਥਾਯਂ ਵਿਨਿਚ੍ਛਯੋ – ਸਚੇ ਹਿ ਕੋਚਿ ਚਤ੍ਤਾਰੋ ਭਿਕ੍ਖੂ ਉਪਸਙ੍ਕਮਿਤ੍ਵਾ ਯੇਨ ਕੇਨਚਿ ਵੇਵਚਨੇਨ ਵਾ ਭਾਸਨ੍ਤਰੇਨ ਵਾ ਪਞ੍ਚਨ੍ਨਂ ਭੋਜਨਾਨਂ ਨਾਮਂ ਗਹੇਤ੍ਵਾ ‘‘ਓਦਨੇਨ ਨਿਮਨ੍ਤੇਮਿ, ਓਦਨਂ ਮੇ ਗਣ੍ਹਥਾ’’ਤਿਆਦਿਨਾ ਨਯੇਨ ਨਿਮਨ੍ਤੇਤਿ, ਤੇ ਚੇ ਏਵਂ ਏਕਤੋ ਵਾ ਨਾਨਾਤੋ ਵਾ ਨਿਮਨ੍ਤਿਤਾ ਏਕਤੋ ਵਾ ਨਾਨਾਤੋ ਵਾ ਗਨ੍ਤ੍ਵਾ ਏਕਤੋ ਗਣ੍ਹਨ੍ਤਿ, ਪਚ੍ਛਾ ਏਕਤੋ ਵਾ ਨਾਨਾਤੋ ਵਾ ਭੁਞ੍ਜਨ੍ਤਿ, ਗਣਭੋਜਨਂ ਹੋਤਿ. ਪਟਿਗ੍ਗਹਣਮੇਵ ਹੇਤ੍ਥ ਪਮਾਣਂ. ਸਚੇ ਓਦਨਾਦੀਨਂ ਨਾਮਂ ਗਹੇਤ੍ਵਾ ਏਕਤੋ ਵਾ ਨਾਨਾਤੋ ਵਾ ਵਿਞ੍ਞਾਪੇਤ੍ਵਾ ਚ ਗਨ੍ਤ੍ਵਾ ਚ ਏਕਤੋ ਗਣ੍ਹਨ੍ਤਿ, ਏਵਮ੍ਪਿ ਗਣਭੋਜਨਮੇਵ. ਤਸ੍ਸ ਦੁਵਿਧਸ੍ਸਾਪਿ ਏਵਂ ਪਟਿਗ੍ਗਹਣੇ ਦੁਕ੍ਕਟਂ, ਅਜ੍ਝੋਹਾਰੇ ਅਜ੍ਝੋਹਾਰੇ ਪਾਚਿਤ੍ਤਿਯਂ. ਗਿਲਾਨਸਮਯਾਦੀਸੁ ਯਦਾ ਪਾਦਾਨਮ੍ਪਿ ਫਲਿਤਤ੍ਤਾ ਨ ਸਕ੍ਕਾ ਪਿਣ੍ਡਾਯ ਚਰਿਤੁਂ, ਅਯਂ ¶ ਗਿਲਾਨਸਮਯੋ. ਅਤ੍ਥਤਕਥਿਨਾਨਂ ਪਞ੍ਚ ਮਾਸਾ, ਇਤਰੇਸਂ ਕਤ੍ਤਿਕਮਾਸੋਤਿ ਅਯਂ ਚੀਵਰਦਾਨਸਮਯੋ. ਯਦਾ ਯੋ ਚੀਵਰੇ ਕਰਿਯਮਾਨੇ ਕਿਞ੍ਚਿਦੇਵ ਚੀਵਰੇ ਕਤ੍ਤਬ੍ਬਂ ਕਮ੍ਮਂ ਕਰੋਤਿ, ਅਯਂ ਚੀਵਰਕਾਰਸਮਯੋ. ਯਦਾ ਅਦ੍ਧਯੋਜਨਮ੍ਪਿ ਗਨ੍ਤੁਕਾਮੋ ਵਾ ਹੋਤਿ ਗਚ੍ਛਤਿ ਵਾ ਗਤੋ ਵਾ, ਅਯਂ ਅਦ੍ਧਾਨਗਮਨਸਮਯੋ. ਨਾਵਾਭਿਰੁਹਨਸਮਯੇਪਿ ਏਸੇਵ ਨਯੋ. ਯਦਾ ਗੋਚਰਗਾਮੇ ਚਤ੍ਤਾਰੋ ਭਿਕ੍ਖੂ ਪਿਣ੍ਡਾਯ ਚਰਿਤ੍ਵਾ ਨ ਯਾਪੇਨ੍ਤਿ, ਅਯਂ ਮਹਾਸਮਯੋ. ਯਦਾ ਯੋਕੋਚਿ ਪਬ੍ਬਜਿਤੋ ਭਤ੍ਤੇਨ ਨਿਮਨ੍ਤੇਤਿ, ਅਯਂ ਸਮਣਭਤ੍ਤਸਮਯੋ, ਏਤੇਸੁ ਸਮਯੇਸੁ ਭੁਞ੍ਜਿਤੁਂ ਵਟ੍ਟਤਿ.

ਰਾਜਗਹੇ ਦੇਵਦਤ੍ਤਂ ਆਰਬ੍ਭ ਵਿਞ੍ਞਾਪੇਤ੍ਵਾ ਭੁਞ੍ਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਸਮਯਾ’’ਤਿ ਅਯਮੇਤ੍ਥ ਸਤ੍ਤਵਿਧਾ ਅਨੁਪਞ੍ਞਤ੍ਤਿ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਨਗਣਭੋਜਨੇ ਗਣਭੋਜਨਸਞ੍ਞਿਸ੍ਸ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਨਗਣਭੋਜਨਸਞ੍ਞਿਸ੍ਸ ਪਨ, ਯੇ ਚ ਦ੍ਵੇ ਤਯੋ ਏਕਤੋ ਗਣ੍ਹਨ੍ਤਿ, ਬਹੂਨਂ ਪਿਣ੍ਡਾਯ ¶ ਚਰਿਤ੍ਵਾ ਏਕਤੋ ਭੁਞ੍ਜਨ੍ਤਾਨਂ, ਨਿਚ੍ਚਭਤ੍ਤਿਕਾਦੀਸੁ, ਪਞ੍ਚ ਭੋਜਨਾਨਿ ਠਪੇਤ੍ਵਾ ਸਬ੍ਬਤ੍ਥ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਗਣਭੋਜਨਤਾ, ਸਮਯਾਭਾਵੋ, ਅਜ੍ਝੋਹਰਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਏਲ਼ਕਲੋਮਸਦਿਸਾਨੇਵਾਤਿ.

ਗਣਭੋਜਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਤਤਿਯੇ ਪਰਮ੍ਪਰਭੋਜਨੇਤਿ ਗਣਭੋਜਨੇ ਵੁਤ੍ਤਨਯੇਨੇਵ ਪਞ੍ਚਹਿ ਭੋਜਨੇਹਿ ਨਿਮਨ੍ਤਿਤਸ੍ਸ ਯੇਨ ਯੇਨ ਪਠਮਂ ਨਿਮਨ੍ਤਿਤੋ, ਤਸ੍ਸ ਤਸ੍ਸ ਭੋਜਨਤੋ ਉਪ੍ਪਟਿਪਾਟਿਯਾ ਵਾ ਅਵਿਕਪ੍ਪੇਤ੍ਵਾ ਵਾ ਪਰਸ੍ਸ ਪਰਸ੍ਸ ਭੋਜਨੇ. ਤਸ੍ਮਾ ਯੋ ਭਿਕ੍ਖੁ ਪਞ੍ਚਸੁ ਸਹਧਮ੍ਮਿਕੇਸੁ ਅਞ੍ਞਤਰਸ੍ਸ ‘‘ਮਯ੍ਹਂ ਭਤ੍ਤਪਚ੍ਚਾਸਂ ਤੁਯ੍ਹਂ ¶ ਦਮ੍ਮੀ’’ਤਿ ਵਾ ‘‘ਵਿਕਪ੍ਪੇਮੀ’’ਤਿ ਵਾ ਏਵਂ ਸਮ੍ਮੁਖਾ ਵਾ ‘‘ਇਤ੍ਥਨ੍ਨਾਮਸ੍ਸ ਦਮ੍ਮੀ’’ਤਿ (ਪਾਚਿ. ੨੨੬) ਵਾ ‘‘ਵਿਕਪ੍ਪੇਮੀ’’ਤਿ ਵਾ ਏਵਂ ਪਰਮ੍ਮੁਖਾਵਾ ਪਠਮਨਿਮਨ੍ਤਨਂ ਅਵਿਕਪ੍ਪੇਤ੍ਵਾ ਪਚ੍ਛਾ ਨਿਮਨ੍ਤਿਤਕੁਲੇ ਲਦ੍ਧਭਿਕ੍ਖਤੋ ਏਕਸਿਤ੍ਥਮ੍ਪਿ ਅਜ੍ਝੋਹਰਤਿ, ਪਾਚਿਤ੍ਤਿਯਂ. ਸਮਯਾ ਵੁਤ੍ਤਨਯਾ ਏਵ.

ਵੇਸਾਲਿਯਂ ¶ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਅਞ੍ਞਤ੍ਰ ਨਿਮਨ੍ਤਿਤਭੋਜਨਵਤ੍ਥੁਸ੍ਮਿਂ ਪਞ੍ਞਤ੍ਤਂ, ‘‘ਅਞ੍ਞਤ੍ਰ ਸਮਯਾ’’ਤਿ ਅਯਮੇਤ੍ਥ ਤਿਵਿਧਾ ਅਨੁਪਞ੍ਞਤ੍ਤਿ, ਪਰਿਵਾਰੇ ਪਨ ਵਿਕਪ੍ਪਨਮ੍ਪਿ ਗਹੇਤ੍ਵਾ ‘‘ਚਤਸ੍ਸੋ ਅਨੁਪਞ੍ਞਤ੍ਤਿਯੋ’’ਤਿ (ਪਰਿ. ੮੬) ਵੁਤ੍ਤਂ, ਅਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਨਪਰਮ੍ਪਰਭੋਜਨੇ ਪਰਮ੍ਪਰਭੋਜਨਸਞ੍ਞਿਨੋ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਨਪਰਮ੍ਪਰਭੋਜਨਸਞ੍ਞਿਸ੍ਸ ਪਨ, ਯੋ ਚ ਸਮਯੇ ਵਾ ਵਿਕਪ੍ਪੇਤ੍ਵਾ ਵਾ ਏਕਸਂਸਟ੍ਠਾਨਿ ਵਾ ਦ੍ਵੇ ਤੀਣਿ ਨਿਮਨ੍ਤਨਾਨਿ ਏਕਤੋ ਵਾ ਕਤ੍ਵਾ ਭੁਞ੍ਜਤਿ, ਨਿਮਨ੍ਤਨਪ੍ਪਟਿਪਾਟਿਯਾ ਭੁਞ੍ਜਤਿ, ਸਕਲੇਨ ਗਾਮੇਨ ਵਾ ਪੂਗੇਨ ਵਾ ਨਿਮਨ੍ਤਿਤੋ ਤੇਸੁ ਯਤ੍ਥਕਤ੍ਥਚਿ ਭੁਞ੍ਜਤਿ, ਨਿਮਨ੍ਤਿਯਮਾਨੋ ਵਾ ‘‘ਭਿਕ੍ਖਂ ਗਹੇਸ੍ਸਾਮੀ’’ਤਿ ਵਦਤਿ, ਤਸ੍ਸ, ਨਿਚ੍ਚਭਤ੍ਤਿਕਾਦੀਸੁ, ਪਞ੍ਚ ਭੋਜਨਾਨਿ ਠਪੇਤ੍ਵਾ ਸਬ੍ਬਤ੍ਥ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਪਰਮ੍ਪਰਭੋਜਨਤਾ, ਸਮਯਾਭਾਵੋ, ਅਜ੍ਝੋਹਰਣਨ੍ਤਿ ਇਮਾਨੇਤ੍ਥ ਤੀਣਿ ਅਙ੍ਗਾਨਿ. ਸਮੁਟ੍ਠਾਨਾਦੀਨਿ ਪਠਮਕਥਿਨਸਦਿਸਾਨੇਵ, ਇਦਂ ਪਨ ਕਿਰਿਯਾਕਿਰਿਯਨ੍ਤਿ.

ਪਰਮ੍ਪਰਭੋਜਨਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਚਤੁਤ੍ਥੇ ਪੂਵੇਹੀਤਿ ਪਹੇਣਕਤ੍ਥਾਯ ਪਟਿਯਤ੍ਤੇਹਿ ਅਤਿਰਸਕਮੋਦਕਸਕ੍ਖਲਿਕਾਦੀਹਿ ਯੇਹਿ ਕੇਹਿਚਿ ਖਜ੍ਜਕੇਹਿ. ਮਨ੍ਥੇਹੀਤਿ ਪਾਥੇਯ੍ਯਤ੍ਥਾਯ ਪਟਿਯਤ੍ਤੇਹਿ ਯੇਹਿ ਕੇਹਿਚਿ ਸਤ੍ਤੁਤਿਲਤਣ੍ਡੁਲਾਦੀਹਿ. ਦ੍ਵਤ੍ਤਿਪਤ੍ਤਪੂਰਾਤਿ ਮੁਖਵਟ੍ਟਿਯਾ ਹੇਟ੍ਠਿਮਲੇਖਂ ਅਨਤਿਕ੍ਕਨ੍ਤਾ ਦ੍ਵੇ ਵਾ ਤਯੋ ਵਾ ਪਤ੍ਤਪੂਰਾ. ਤਤੋ ਚੇ ਉਤ੍ਤਰੀਤਿ ਸਚੇਪਿ ਤਤਿਯਂ ਪਤ੍ਤਂ ਥੂਪੀਕਤਂ ਗਣ੍ਹਾਤਿ, ਮੁਖਵਟ੍ਟਿਯਾ ਹੇਟ੍ਠਿਮਲੇਖਤੋ ਉਪਰਿਟ੍ਠਿਤਪੂਵਗਣਨਾਯ ਪਾਚਿਤ੍ਤਿਯਂ. ਦ੍ਵਤ੍ਤਿਪਤ੍ਤਪੂਰੇ ਪਟਿਗ੍ਗਹੇਤ੍ਵਾਤਿ ਏਤ੍ਥ ਯੇਨ ਦ੍ਵੇ ਗਹਿਤਾ ਹੋਨ੍ਤਿ, ਤੇਨ ਬਹਿ ਭਿਕ੍ਖੁਂ ਦਿਸ੍ਵਾ ‘‘ਏਤ੍ਥ ਮਯਾ ਦ੍ਵੇ ਪਤ੍ਤਪੂਰਾ ਗਹਿਤਾ, ਤ੍ਵਂ ਏਕਂ ਗਣ੍ਹੇਯ੍ਯਾਸੀ’’ਤਿ ਵਤ੍ਤਬ੍ਬਂ, ਤੇਨਾਪਿ ਅਞ੍ਞਂ ਪਸ੍ਸਿਤ੍ਵਾ ‘‘ਪਠਮਂ ਆਗਤੇਨ ਦ੍ਵੇ ਪਤ੍ਤਪੂਰਾ ਗਹਿਤਾ, ਮਯਾ ਏਕੋ ਗਹਿਤੋ, ਤ੍ਵਂ ਮਾ ਗਣ੍ਹੀ’’ਤਿ ਵਤ੍ਤਬ੍ਬਂ. ਯੇਨ ਪਠਮਂ ਏਕੋ ਗਹਿਤੋ ¶ , ਤਸ੍ਸਾਪਿ ਪਰਮ੍ਪਰਾਰੋਚਨੇ ਏਸੇਵ ਨਯੋ. ਯੇਨ ਪਨ ਸਯਮੇਵ ਤਯੋ ਗਹਿਤਾ, ਤੇਨ ਅਞ੍ਞਂ ਦਿਸ੍ਵਾ ‘‘ਮਾ ਖੋ ਤ੍ਵਂ ਏਤ੍ਥ ਪਟਿਗ੍ਗਣ੍ਹੀਤਿ ਵਤ੍ਤਬ੍ਬਂ, ਅਵਦਨ੍ਤਸ੍ਸ ਦੁਕ੍ਕਟਂ, ਤਂ ਸੁਤ੍ਵਾ ਗਣ੍ਹਨ੍ਤਸ੍ਸਾਪਿ ਦੁਕ੍ਕਟਮੇਵ. ਤਤੋ ਨੀਹਰਿਤ੍ਵਾ ਭਿਕ੍ਖੂਹਿ ਸਦ੍ਧਿਂ ਸਂਵਿਭਜਿਤਬ੍ਬਨ੍ਤਿ ¶ ਲਦ੍ਧਟ੍ਠਾਨਤੋ ਸਬ੍ਬਾਸਨ੍ਨਂ ਆਸਨਸਾਲਂ ਵਾ ਵਿਹਾਰਂ ਵਾ ਯਤ੍ਥ ਵਾ ਪਨ ਨਿਬਦ੍ਧਂ ¶ ਪਟਿਕ੍ਕਮਤਿ, ਤਤ੍ਥ ਗਨ੍ਤ੍ਵਾ ਏਕਂ ਪਤ੍ਤਪੂਰਂ ਅਤ੍ਤਨੋ ਠਪੇਤ੍ਵਾ ਸੇਸਂ ਭਿਕ੍ਖੁਸਙ੍ਘਸ੍ਸ ਦਾਤਬ੍ਬਂ. ਯਥਾਮਿਤ੍ਤਂ ਪਨ ਦਾਤੁਂ ਨ ਲਬ੍ਭਤਿ. ਯੇਨ ਏਕੋ ਗਹਿਤੋ, ਨ ਤੇਨ ਕਿਞ੍ਚਿ ਅਕਾਮਾ ਦਾਤਬ੍ਬਂ, ਯਥਾਰੁਚਿ ਕਾਤਬ੍ਬਂ.

ਸਾਵਤ੍ਥਿਯਂ ਸਮ੍ਬਹੁਲੇ ਭਿਕ੍ਖੂ ਆਰਬ੍ਭ ਨ ਮਤ੍ਤਂ ਜਾਨਿਤ੍ਵਾ ਪਟਿਗ੍ਗਹਣਵਤ੍ਥੁਸ੍ਮਿਂ ਪਞ੍ਞਤ੍ਤਂ, ਸਾਧਾਰਣਪਞ੍ਞਤ੍ਤਿ, ਅਨਾਣਤ੍ਤਿਕਂ, ਤਿਕਪਾਚਿਤ੍ਤਿਯਂ, ਊਨਕਦ੍ਵਤ੍ਤਿਪਤ੍ਤਪੂਰੇ ਅਤਿਰੇਕਸਞ੍ਞਿਸ੍ਸ ਵੇਮਤਿਕਸ੍ਸ ਵਾ ਦੁਕ੍ਕਟਂ. ਊਨਕਸਞ੍ਞਿਸ੍ਸ ਪਨ, ਨ ਪਹੇਣਕਤ੍ਥਾਯ ਨ ਪਾਥੇਯ੍ਯਤ੍ਥਾਯ ਵਾ ਪਟਿਯਤ੍ਤਂ, ਤਦਤ੍ਥਾਯ ਪਟਿਯਤ੍ਤਸੇਸਕਂ ਵਾ, ਗਮਨੇ ਵਾ ਪਟਿਪ੍ਪਸ੍ਸਦ੍ਧੇ, ਞਾਤਕਪ੍ਪਵਾਰਿਤਾਨਂ ਵਾ ਦੇਨ੍ਤਾਨਂ, ਅਤ੍ਤਨੋ ਧਨੇਨ ਗਣ੍ਹਨ੍ਤਸ੍ਸ, ਉਮ੍ਮਤ੍ਤਕਾਦੀਨਞ੍ਚ ਅਨਾਪਤ੍ਤਿ. ਵੁਤ੍ਤਲਕ੍ਖਣਪੂਵਮਨ੍ਥਤਾ, ਅਸੇਸਕਤਾ, ਅਪ੍ਪਟਿਪ੍ਪਸ੍ਸਦ੍ਧਗਮਨਤਾ, ਅਨਞ੍ਞਾਤਕਾਦਿਤਾ, ਅਤਿਰੇਕਪ੍ਪਟਿਗ੍ਗਹਣਨ੍ਤਿ ਇਮਾਨੇਤ੍ਥ ਪਞ੍ਚ ਅਙ੍ਗਾਨਿ, ਸਮੁਟ੍ਠਾਨਾਦੀਨਿ ਸਞ੍ਚਰਿਤ੍ਤਸਦਿਸਾਨੇਵਾਤਿ.

ਕਾਣਮਾਤਾਸਿਕ੍ਖਾਪਦਵਣ੍ਣਨਾ ਨਿਟ੍ਠਿਤਾ.

ਪਞ੍ਚਮੇ ਭੁਤ੍ਤਾਵੀਤਿ ਭੁਤ੍ਤਵਾ, ਯੇਨ ਪਞ੍ਚਨ੍ਨਂ ਭੋਜਨਾਨਂ ਸਾਸਪਮਤ੍ਤਮ੍ਪਿ ਅਜ੍ਝੋਹਰਿਤਂ, ਸੋ ਏਵਂ ਵੁਚ੍ਚਤਿ. ਪਵਾਰਿਤੋਤਿ ‘‘ਅਸਨਂ ਪਞ੍ਞਾਯਤਿ, ਭੋਜਨਂ ਪਞ੍ਞਾਯਤਿ, ਹਤ੍ਥਪਾਸੇ ਠਿਤੋ ਅਭਿਹਰਤਿ, ਪਟਿਕ੍ਖੇਪੋ ਪਞ੍ਞਾਯਤੀ’’ਤਿ (ਪਾਚਿ. ੨੩੯) ਏਵਂ ਪਾਲ਼ਿਯਂ ਵੁਤ੍ਤਪਞ੍ਚਙ੍ਗਵਸੇਨ ਕਤਪ੍ਪਵਾਰਣੋ, ਕਤਪ੍ਪਟਿਕ੍ਖੇਪੋਤਿ ਅਤ੍ਥੋ. ਤਤ੍ਥ ਯਸ੍ਮਾ ‘‘ਅਸਨਂ ਪਞ੍ਞਾਯਤੀ’’ਤਿ ਇਮਿਨਾ ਵਿਪ੍ਪਕਤਭੋਜਨੋ ‘ਪਵਾਰਿਤੋ’ਤਿ ਵੁਤ੍ਤੋ. ਯੋ ਚ ਵਿਪ੍ਪਕਤਭੋਜਨੋ, ਤੇਨ ਕਿਞ੍ਚਿ ਭੁਤ੍ਤਂ, ਕਿਞ੍ਚਿ ਅਭੁਤ੍ਤਂ, ਯਞ੍ਚ ਭੁਤ੍ਤਂ, ਤਂ ਸਨ੍ਧਾਯ ‘ਭੁਤ੍ਤਾਵੀ’ਤਿਪਿ ਸਙ੍ਖਂ ਗਚ੍ਛਤਿ. ਤਸ੍ਮਾ ‘ਭੁਤ੍ਤਾਵੀ’ਤਿਵਚਨੇਨ ਵਿਸੁਂ ਕਿਞ੍ਚਿ ਅਤ੍ਥਸਿਦ੍ਧਿਂ ਨ ਪਸ੍ਸਾਮ, ‘‘ਦਿਰਤ੍ਤਤਿਰਤ੍ਤ’’ਨ੍ਤਿਆਦੀਸੁ (ਪਾਚਿ. ੫੨) ਪਨ ਦਿਰਤ੍ਤਾਦਿਵਚਨਂ ਵਿਯ ਪਵਾਰਿਤਪਦਸ੍ਸ ਪਰਿਵਾਰਭਾਵੇਨ ਬ੍ਯਞ੍ਜਨਸਿਲਿਟ੍ਠਤਾਯ ਚੇਤਂ ਵੁਤ੍ਤਨ੍ਤਿ ਵੇਦਿਤਬ੍ਬਂ.

ਪਵਾਰਣਙ੍ਗੇਸੁ ਪਨ ਅਸਨਂ ਪਞ੍ਞਾਯਤੀਤਿ ਵਿਪ੍ਪਕਤਭੋਜਨਂ ਦਿਸ੍ਸਤਿ, ਤਂ ਭੁਞ੍ਜਮਾਨੋ ਚੇਸ ਪੁਗ੍ਗਲੋ ਹੋਤੀਤਿ ਅਤ੍ਥੋ. ਭੋਜਨਂ ਪਞ੍ਞਾਯਤੀਤਿ ਪਵਾਰਣਪ੍ਪਹੋਨਕਂ ¶ ਭੋਜਨਂ ਦਿਸ੍ਸਤਿ, ਓਦਨਾਦੀਨਂ ਚੇ ਅਞ੍ਞਤਰਂ ਪਟਿਕ੍ਖਿਪਿਤਬ੍ਬਂ ਭੋਜਨਂ ਹੋਤੀਤਿ ਅਤ੍ਥੋ. ਹਤ੍ਥਪਾਸੇ ਠਿਤੋਤਿ ਪਵਾਰਣਪ੍ਪਹੋਨਕਂ ਚੇ ਭੋਜਨਂ ਗਣ੍ਹਿਤ੍ਵਾ ਦਾਯਕੋ ਅਡ੍ਢਤੇਯ੍ਯਹਤ੍ਥਪ੍ਪਮਾਣੇ ਓਕਾਸੇ ਠਿਤੋ ਹੋਤੀਤਿ ਅਤ੍ਥੋ ¶ . ਅਭਿਹਰਤੀਤਿ ¶ ਸੋ ਚੇ ਦਾਯਕੋ ਤਸ੍ਸ ਤਂ ਭੋਜਨਂ ਕਾਯੇਨ ਅਭਿਸਂਹਰਤੀਤਿ ਅਤ੍ਥੋ. ਪਟਿਕ੍ਖੇਪੋ ਪਞ੍ਞਾਯਤੀਤਿ ਪਟਿਕ੍ਖੇਪੋ ਦਿਸ੍ਸਤਿ, ਤਂ ਚੇ ਅਭਿਹਟਂ ਸੋ ਭਿਕ੍ਖੁ ਕਾਯੇਨ ਵਾ ਵਾਚਾਯ ਵਾ ਪਟਿਕ੍ਖਿਪਤੀਤਿ ਅਤ੍ਥੋ. ਏਵਂ ਪਞ੍ਚਨ੍ਨਂ ਅਙ੍ਗਾਨਂ ਵਸੇਨ ਪਵਾਰਿਤੋ ਹੋਤਿ.

ਤਤ੍ਰਾਯਂ ਵਿਨਿਚ੍ਛਯੋ – ‘ਅਸਨ’ਨ੍ਤਿਆਦੀਸੁ ਤਾਵ ਯਞ੍ਚ ਅਸ੍ਨਾਤਿ, ਯਞ੍ਚ ਭੋਜਨਂ ਹਤ੍ਥਪਾਸੇ ਠਿਤੇਨ ਅਭਿਹਟਂ ਪਟਿਕ੍ਖਿਪਤਿ, ਤਂ ਓਦਨੋ ਕੁਮ੍ਮਾਸੋ ਸਤ੍ਤੁ ਮਚ੍ਛੋ ਮਂਸਨ੍ਤਿ ਇਮੇਸਂ ਅਞ੍ਞਤਰਮੇਵ ਵੇਦਿਤਬ੍ਬਂ. ਤਤ੍ਥ ਓਦਨੋ ਨਾਮ ਸਾਲਿ ਵੀਹਿ ਯਵੋ ਗੋਧੁਮੋ ਕਙ੍ਗੁ ਵਰਕੋ ਕੁਦ੍ਰੂਸਕੋਤਿ ਇਮੇਸਂ ਸਤ੍ਤਨ੍ਨਂ ਧਞ੍ਞਾਨਂ ਤਣ੍ਡੁਲੇ ਗਹੇਤ੍ਵਾ ‘‘ਭਤ੍ਤਂ ਪਚਾਮਾ’’ਤਿ ਵਾ ‘‘ਯਾਗੁਂ ਪਚਾਮਾ’’ਤਿ ਵਾ ਯਂਕਿਞ੍ਚਿ ਸਨ੍ਧਾਯ ਪਚਨ੍ਤੁ, ਸਚੇ ਉਣ੍ਹਂ ਵਾ ਸੀਤਲਂ ਵਾ ਭੁਞ੍ਜਨ੍ਤਾਨਂ ਭੋਜਨਕਾਲੇ ਗਹਿਤਗਹਿਤਟ੍ਠਾਨੇ ਓਧਿ ਪਞ੍ਞਾਯਤਿ, ਓਦਨੋ ਹੋਤਿ, ਪਵਾਰਣਂ ਜਨੇਤਿ. ਯੋ ਪਨ ਪਾਯਾਸੋ ਵਾ ਅਮ੍ਬਿਲਯਾਗੁ ਵਾ ਉਦ੍ਧਨਤੋ ਓਤਾਰਿਤਮਤ੍ਤਾ ਅਬ੍ਭੁਣ੍ਹਾ ਸਕ੍ਕਾ ਹੋਤਿ ਆਵਿਜ੍ਝਿਤ੍ਵਾ ਪਿਵਿਤੁਂ, ਸਾ ਯਸ੍ਸ ਹਤ੍ਥੇਨ ਗਹਿਤੋਕਾਸੇਪਿ ਓਧਿ ਨ ਪਞ੍ਞਾਯਤਿ, ਪਵਾਰਣਂ ਨ ਜਨੇਤਿ. ਸਚੇ ਪਨ ਉਸੁਮਾਯ ਵਿਗਤਾਯ ਘਨਭਾਵਂ ਗਚ੍ਛਤਿ, ਓਧਿਂ ਦਸ੍ਸੇਤਿ, ਪੁਨ ਪਵਾਰਣਂ ਜਨੇਤਿ, ਪੁਬ੍ਬੇ ਤਨੁਕਭਾਵੋ ਨ ਰਕ੍ਖਤਿ. ਸਚੇਪਿ ਬਹੂ ਪਣ੍ਣਫਲਕਲ਼ੀਰੇ ਪਕ੍ਖਿਪਿਤ੍ਵਾ ਮੁਟ੍ਠਿਮਤ੍ਤਾਪਿ ਤਣ੍ਡੁਲਾ ਪਕ੍ਖਿਤ੍ਤਾ ਹੋਨ੍ਤਿ, ਭੋਜਨਕਾਲੇ ਚੇ ਓਧਿ ਪਞ੍ਞਾਯਤਿ, ਪਵਾਰਣਂ ਜਨੇਤਿ. ਅਯਾਗੁਕੇ ਨਿਮਨ੍ਤਨੇ ‘‘ਯਾਗੁਂ ਦਸ੍ਸਾਮਾ’’ਤਿ ਭਤ੍ਤੇ ਉਦਕਕਞ੍ਜਿਕਖੀਰਾਦੀਨਿ ਆਕਿਰਿਤ੍ਵਾ ‘‘ਯਾਗੁਂ ਗਣ੍ਹਥਾ’’ਤਿ ਦੇਨ੍ਤਿ, ਕਿਞ੍ਚਾਪਿ ਤਨੁਕਾ ਹੋਤਿ, ਪਵਾਰਣਂ ਜਨੇਤਿਯੇਵ. ਸਚੇ ਪਨ ਪਕ੍ਕੁਥਿਤੇਸੁ ਉਦਕਾਦੀਸੁ ਪਕ੍ਖਿਪਿਤ੍ਵਾ ਪਚਿਤ੍ਵਾ ਦੇਨ੍ਤਿ, ਯਾਗੁਸਙ੍ਗਹਮੇਵ ਗਚ੍ਛਤਿ. ਸਚੇ ਯਾਗੁਯਾਪਿ ਸਾਸਪਮਤ੍ਤਮ੍ਪਿ ਮਚ੍ਛਮਂਸਕ੍ਖਣ੍ਡਂ ਵਾ ਨ੍ਹਾਰੁ ਵਾ ਪਕ੍ਖਿਤ੍ਤਂ ਹੋਤਿ, ਪਵਾਰਣਂ ਜਨੇਤਿ. ਠਪੇਤ੍ਵਾ ਸਾਨੁਲੋਮਾਨਂ ਵੁਤ੍ਤਧਞ੍ਞਾਨਂ ਤਣ੍ਡੁਲੇ ਅਞ੍ਞੇਹਿ ਵੇਲ਼ੁਤਣ੍ਡੁਲਾਦੀਹਿ ਵਾ ਕਨ੍ਦਮੂਲਫਲੇਹਿ ਵਾ ਯੇਹਿ ਕੇਹਿਚਿ ਕਤਭਤ੍ਤਂ ਪਵਾਰਣਂ ਨ ਜਨੇਤਿ. ਕੁਮ੍ਮਾਸੋ ਨਾਮ ਯਵੇਹਿ ਕਤੋ. ਅਞ੍ਞੇਹਿ ਪਨ ਮੁਗ੍ਗਾਦੀਹਿ ਕਤਕੁਮ੍ਮਾਸੋ ਪਵਾਰਣਂ ਨ ਜਨੇਤਿ. ਸਤ੍ਤੁ ਨਾਮ ਸਤ੍ਤ ਧਞ੍ਞਾਨਿ ਭਜ੍ਜਿਤ੍ਵਾ ਕਤੋ. ਅਨ੍ਤਮਸੋ ਖਰਪਾਕਭਜ੍ਜਿਤਾਨਂ ਵੀਹੀਨਂ ਤਣ੍ਡੁਲੇ ¶ ਕੋਟ੍ਟੇਤ੍ਵਾ ਕਤਚੁਣ੍ਣਮ੍ਪਿ ਕੁਣ੍ਡਕਮ੍ਪਿ ਸਤ੍ਤੁਸਙ੍ਗਹਮੇਵ ਗਚ੍ਛਤਿ. ਸਮਪਾਕਭਜ੍ਜਿਤਾਨਂ ਪਨ ਆਤਪਸੁਕ੍ਖਾਨਂ ਕੁਣ੍ਡਕਂ ਵਾ, ਯੇ ਕੇਚਿ ਤਣ੍ਡੁਲਾ ਵਾ ਲਾਜਾ ਵਾ, ਲਾਜੇਹਿ ਕਤਭਤ੍ਤਸਤ੍ਤੁਆਦੀਨਿ ਵਾ ਨ ਪਵਾਰੇਨ੍ਤਿ. ਮਚ੍ਛਮਂਸੇਸੁ ਸਚੇ ਯਾਗੁਂ ਪਿਵਨ੍ਤਸ੍ਸ ਯਾਗੁਸਿਤ੍ਥਮਤ੍ਤਾਨੇਵ ਦ੍ਵੇ ਮਚ੍ਛਕ੍ਖਣ੍ਡਾਨਿ ਵਾ ਮਂਸਕ੍ਖਣ੍ਡਾਨਿ ਵਾ ਏਕਭਾਜਨੇ ਵਾ ਨਾਨਾਭਾਜਨੇ ਵਾ ਦੇਨ੍ਤਿ, ਤਾਨਿ ਚੇ ਅਖਾਦਨ੍ਤੋ ਅਞ੍ਞਂ ਪਵਾਰਣਪ੍ਪਹੋਨਕਂ ਯਂਕਿਞ੍ਚਿ ਪਟਿਕ੍ਖਿਪਤਿ, ਨ ਪਵਾਰੇਤਿ. ਤਤੋ ਏਕਂ ਖਾਦਿਤਂ, ਏਕਂ ਹਤ੍ਥੇ ਵਾ ਪਤ੍ਤੇ ਵਾ ਹੋਤਿ, ਸਚੇ ਅਞ੍ਞਂ ਪਟਿਕ੍ਖਿਪਤਿ ਪਵਾਰੇਤਿ. ਦ੍ਵੇਪਿ ਖਾਦਿਤਾਨਿ ਹੋਨ੍ਤਿ, ਮੁਖੇ ਸਾਸਪਮਤ੍ਤਮ੍ਪਿ ਅਵਸਿਟ੍ਠਂ ਨਤ੍ਥਿ, ਸਚੇਪਿ ਅਞ੍ਞਂ ਪਟਿਕ੍ਖਿਪਤਿ, ਨ ਪਵਾਰੇਤਿ. ਯੋ ਪਨ ਅਕਪ੍ਪਿਯਮਂਸਂ ਕੁਲਦੂਸਨਵੇਜ੍ਜਕਮ੍ਮਉਤ੍ਤਰਿਮਨੁਸ੍ਸਧਮ੍ਮਾਰੋਚਨਸਾਦਿਤਰੂਪਿਯਾਦੀਹਿ ¶ ¶ ਨਿਬ੍ਬਤ੍ਤਂ ਅਕਪ੍ਪਿਯਭੋਜਨਞ੍ਚ ਅਞ੍ਞਂ ਕਪ੍ਪਿਯਂ ਵਾ ਅਕਪ੍ਪਿਯਂ ਵਾ ਖਾਦਨ੍ਤੋ ਪਟਿਕ੍ਖਿਪਤਿ, ਨ ਪਵਾਰੇਤਿ.

ਏਵਂ ਯਞ੍ਚ ਅਸ੍ਨਾਤਿ, ਯਞ੍ਚ ਭੋਜਨਂ ਹਤ੍ਥਪਾਸੇ ਠਿਤੇਨ ਅਭਿਹਟਂ ਪਟਿਕ੍ਖਿਪਨ੍ਤੋ ਪਵਾਰਣਂ ਜਨੇਤਿ, ਤਂ ਞਤ੍ਵਾ ਇਦਾਨਿ ਯਥਾ ਆਪਜ੍ਜਤਿ, ਤਸ੍ਸ ਜਾਨਨਤ੍ਥਂ ਅਯਂ ਵਿਨਿਚ੍ਛਯੋ ਵੇਦਿਤਬ੍ਬੋ – ‘‘ਅਸਨਂ ਭੋਜਨ’’ਨ੍ਤਿ ਏਤ੍ਥ ਤਾਵ ਯੇਨ ਏਕਸਿਤ੍ਥਮ੍ਪਿ ਅਜ੍ਝੋਹਟਂ ਹੋਤਿ, ਸੋ ਸਚੇ ਪਤ੍ਤਮੁਖਹਤ੍ਥੇਸੁ ਯਤ੍ਥਕਤ੍ਥਚਿ ਭੋਜਨੇ ਸਤਿ ਸਾਪੇਕ੍ਖੋਵ ਅਞ੍ਞਂ ਵੁਤ੍ਤਲਕ੍ਖਣਂ ਭੋਜਨਂ ਪਟਿਕ੍ਖਿਪਤਿ, ਪਵਾਰੇਤਿ. ਸਚੇ ਪਨ ਨਿਰਪੇਕ੍ਖੋ ਹੋਤਿ, ਯਂ ਪਤ੍ਤਾਦੀਸੁ ਅਵਸਿਟ੍ਠਂ, ਤਂ ਨ ਚ ਅਜ੍ਝੋਹਰਿਤੁਕਾਮੋ, ਅਞ੍ਞਸ੍ਸ ਵਾ ਦਾਤੁਕਾਮੋ, ਅਞ੍ਞਤ੍ਰ ਵਾ ਗਨ੍ਤ੍ਵਾ ਭੁਞ੍ਜਿਤੁਕਾਮੋ, ਸੋ ਪਟਿਕ੍ਖਿਪਨ੍ਤੋਪਿ ਨ ਪਵਾਰੇਤਿ. ‘‘ਹਤ੍ਥਪਾਸੇ ਠਿਤੋ’’ਤਿ ਏਤ੍ਥ ਪਨ ਸਚੇ ਭਿਕ੍ਖੁ ਨਿਸਿਨ੍ਨੋ ਹੋਤਿ, ਆਨਿਸਦਸ੍ਸ ਪਚ੍ਛਿਮਨ੍ਤਤੋ ਪਟ੍ਠਾਯ, ਸਚੇ ਠਿਤੋ, ਪਣ੍ਹੀਨਂ ਅਨ੍ਤਤੋ ਪਟ੍ਠਾਯ, ਸਚੇ ਨਿਪਨ੍ਨੋ, ਯੇਨ ਪਸ੍ਸੇਨ ਨਿਪਨ੍ਨੋ, ਤਸ੍ਸ ਪਾਰਿਮਨ੍ਤਤੋ ਪਟ੍ਠਾਯ ਦਾਯਕਸ੍ਸ ਨਿਸਿਨ੍ਨਸ੍ਸ ਵਾ ਠਿਤਸ੍ਸ ਵਾ ਨਿਪਨ੍ਨਸ੍ਸ ਵਾ ਠਪੇਤ੍ਵਾ ਪਸਾਰਿਤਹਤ੍ਥਂ ਯਂ ਆਸਨ੍ਨਤਰਂ ਅਙ੍ਗਂ, ਤਸ੍ਸ ਓਰਿਮਨ੍ਤੇਨ ਪਰਿਚ੍ਛਿਨ੍ਦਿਤ੍ਵਾ ਅਡ੍ਢਤੇਯ੍ਯਹਤ੍ਥੋ ‘ਹਤ੍ਥਪਾਸੋ’ਤਿ ਵੇਦਿਤਬ੍ਬੋ. ਤਸ੍ਮਿਂ ਠਤ੍ਵਾ ਅਭਿਹਟਂ ਪਟਿਕ੍ਖਿਪਨ੍ਤਸ੍ਸੇਵ ਪਵਾਰਣਾ ਹੋਤਿ, ਨ ਤਤੋ ਪਰਂ. ‘ਅਭਿਹਰਤੀ’ਤਿ ਹਤ੍ਥਪਾਸਬ੍ਭਨ੍ਤਰੇ ਠਿਤੋ ਗਹਣਤ੍ਥਂ ਉਪਨਾਮੇਤਿ. ਸਚੇ ਪਨ ਅਨਨ੍ਤਰਨਿਸਿਨ੍ਨੋਪਿ ਭਿਕ੍ਖੁ ਹਤ੍ਥੇ ਵਾ ਆਧਾਰਕੇ ਵਾ ਠਿਤਂ ਪਤ੍ਤਂ ਅਨਭਿਹਰਿਤ੍ਵਾਵ ‘‘ਭਤ੍ਤਂ ਗਣ੍ਹਥਾ’’ਤਿ ਵਦਤਿ, ਤਂ ਪਟਿਕ੍ਖਿਪਤੋ ਪਵਾਰਣਾ ਨਤ੍ਥਿ. ਭਤ੍ਤਪਚ੍ਛਿਂ ਆਨੇਤ੍ਵਾ ਪੁਰਤੋ ਭੂਮਿਯਂ ਠਪੇਤ੍ਵਾ ਏਵਂ ਵੁਤ੍ਤੇਪਿ ਏਸੇਵ ਨਯੋ. ਈਸਕਂ ਪਨ ਉਦ੍ਧਰਿਤ੍ਵਾ ਵਾ ਅਪਨਾਮੇਤ੍ਵਾ ਵਾ ‘ਗਣ੍ਹਥਾ’ਤਿ ਵੁਤ੍ਤੇ ਤਂ ਪਟਿਕ੍ਖਿਪਤੋ ਪਵਾਰਣਾ ¶ ਹੋਤਿ. ਭਤ੍ਤਪਚ੍ਛਿਂ ਗਹੇਤ੍ਵਾ ਪਰਿਵਿਸਨ੍ਤਸ੍ਸ ਅਞ੍ਞੋ ‘‘ਅਹਂ ਧਾਰੇਸ੍ਸਾਮੀ’’ਤਿ ਗਹਿਤਮਤ੍ਤਮੇਵ ਕਰੋਤਿ, ਪਰਿਵੇਸਕੋਯੇਵ ਪਨ ਤਂ ਧਾਰੇਤਿ, ਤਸ੍ਮਾ ਸਾ ਅਭਿਹਟਾਵ ਹੋਤਿ, ਤਤੋ ਦਾਤੁਕਾਮਤਾਯ ਗਣ੍ਹਨ੍ਤਂ ਪਟਿਕ੍ਖਿਪਨ੍ਤਸ੍ਸ ਪਵਾਰਣਾ ਹੋਤਿ. ਸਚੇ ਪਨ ਪਰਿਵੇਸਕੇਨ ਫੁਟ੍ਠਮਤ੍ਤਾਵ ਹੋਤਿ, ਇਤਰੋਵ ਨਂ ਧਾਰੇਤਿ, ਤਤੋ ਦਾਤੁਕਾਮਤਾਯ ਗਣ੍ਹਨ੍ਤਂ ਪਟਿਕ੍ਖਿਪਨ੍ਤਸ੍ਸ ਪਵਾਰਣਾ ਨ ਹੋਤਿ. ਕਟਚ੍ਛੁਨਾ ਉਦ੍ਧਟੇ ਪਨ ਹੋਤਿ, ਦ੍ਵਿਨ੍ਨਂ ਸਮਭਾਰੇਪਿ ਪਟਿਕ੍ਖਿਪਨ੍ਤੋ ਪਵਾਰੇਤਿਯੇਵ. ਅਨਨ੍ਤਰਸ੍ਸ ਦਿਯ੍ਯਮਾਨੇ ਇਤਰੋ ਪਤ੍ਤਂ ਪਿਦਹਤਿ, ਅਞ੍ਞਸ੍ਸ ਅਭਿਹਟਂ ਨਾਮ ਪਟਿਕ੍ਖਿਤ੍ਤਂ ਹੋਤਿ, ਤਸ੍ਮਾ ਪਵਾਰਣਾ ਨਤ੍ਥਿ. ‘ਪਟਿਕ੍ਖੇਪੋ’ਤਿ ਏਤ੍ਥ ਵਾਚਾਯ ਅਭਿਹਟੇ ਪਟਿਕ੍ਖੇਪੋ ਨ ਰੁਹਤਿ, ਕਾਯੇਨ ਅਭਿਹਟਂ ਪਨ ਅਙ੍ਗੁਲਿਚਲਨਾਦਿਨਾ ਕਾਯਵਿਕਾਰੇਨ ਵਾ ‘‘ਅਲਂ, ਮਾ ਦੇਹੀ’’ਤਿਆਦਿਨਾ ਵਚੀਵਿਕਾਰੇਨ ਵਾ ਪਟਿਕ੍ਖਿਪਤੋ ਪਵਾਰਣਾ ਹੋਤਿ.

ਏਕੋ ਸਮਂਸਕਂ ਰਸਂ ਅਭਿਹਰਤਿ, ‘‘ਰਸਂ ਪਟਿਗ੍ਗਣ੍ਹਥਾ’’ਤਿ ਵਦਤਿ, ਤਂ ਸੁਤ੍ਵਾ ਪਟਿਕ੍ਖਿਪਤੋ ਪਵਾਰਣਾ ਨਤ੍ਥਿ. ‘ਮਂਸਰਸ’ਨ੍ਤਿ ਵੁਤ੍ਤੇ ਪਨ ਪਟਿਕ੍ਖਿਪਤੋ ਪਵਾਰਣਾ ਹੋਤਿ. ‘‘ਇਮਂ ਗਣ੍ਹਥਾ’’ਤਿ ¶ ਵੁਤ੍ਤੇਪਿ ਹੋਤਿਯੇਵ. ਮਂਸਂ �