📜

नमो तस्स भगवतो अरहतो सम्मासम्बुद्धस्स

अभिधम्मपिटके

पट्ठानपाळि

(दुतियो भागो)

धम्मानुलोमे

तिकपट्ठानं

६. वितक्कत्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. सवितक्कसविचारं ¶ ¶ ¶ धम्मं पटिच्च सवितक्कसविचारो धम्मो उप्पज्जति हेतुपच्चया – सवितक्कसविचारं एकं खन्धं पटिच्च तयो खन्धा, तयो खन्धे पटिच्च एको खन्धो ¶ , द्वे खन्धे पटिच्च द्वे खन्धा. पटिसन्धिक्खणे सवितक्कसविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

सवितक्कसविचारं धम्मं पटिच्च अवितक्कविचारमत्तो धम्मो उप्पज्जति हेतुपच्चया – सवितक्कसविचारे खन्धे पटिच्च वितक्को. पटिसन्धिक्खणे सवितक्कसविचारे खन्धे पटिच्च वितक्को. (२)

सवितक्कसविचारं धम्मं पटिच्च अवितक्कअविचारो धम्मो उप्पज्जति हेतुपच्चया – सवितक्कसविचारे खन्धे पटिच्च चित्तसमुट्ठानं रूपं. पटिसन्धिक्खणे सवितक्कसविचारे खन्धे पटिच्च कटत्तारूपं. (३)

सवितक्कसविचारं ¶ धम्मं पटिच्च सवितक्कसविचारो च अवितक्कअविचारो ¶ च धम्मा उप्पज्जन्ति हेतुपच्चया – सवितक्कसविचारं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं. पटिसन्धिक्खणे सवितक्कसविचारं एकं खन्धं पटिच्च तयो खन्धा कटत्ता च रूपं…पे… द्वे खन्धे पटिच्च द्वे खन्धा कटत्ता च रूपं. (४)

सवितक्कसविचारं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – सवितक्कसविचारे खन्धे पटिच्च वितक्को चित्तसमुट्ठानञ्च रूपं. पटिसन्धिक्खणे सवितक्कसविचारे खन्धे पटिच्च वितक्को कटत्ता च रूपं. (५)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति हेतुपच्चया – सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च. पटिसन्धिक्खणे सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च. (६)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो ¶ च अवितक्कअविचारो च धम्मा उप्पज्जन्ति हेतुपच्चया – सवितक्कसविचारं एकं खन्धं पटिच्च तयो खन्धा वितक्को च चित्तसमुट्ठानञ्च रूपं…पे… द्वे खन्धे पटिच्च द्वे खन्धा वितक्को च चित्तसमुट्ठानञ्च रूपं. पटिसन्धिक्खणे सवितक्कसविचारं एकं खन्धं पटिच्च तयो खन्धा वितक्को च कटत्ता च रूपं…पे… द्वे खन्धे पटिच्च द्वे खन्धा वितक्को च कटत्ता च रूपं. (७)

२. अवितक्कविचारमत्तं ¶ धम्मं पटिच्च अवितक्कविचारमत्तो धम्मो उप्पज्जति हेतुपच्चया – अवितक्कविचारमत्तं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे अवितक्कविचारमत्तं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति हेतुपच्चया – वितक्कं पटिच्च सवितक्कसविचारा खन्धा. पटिसन्धिक्खणे वितक्कं पटिच्च सवितक्कसविचारा खन्धा. (२)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति हेतुपच्चया – अवितक्कविचारमत्ते खन्धे पटिच्च विचारो चित्तसमुट्ठानञ्च रूपं ¶ ; वितक्कं पटिच्च चित्तसमुट्ठानं रूपं. पटिसन्धिक्खणे अवितक्कविचारमत्ते खन्धे पटिच्च विचारो कटत्ता च रूपं. पटिसन्धिक्खणे वितक्कं पटिच्च कटत्तारूपं. (३)

अवितक्कविचारमत्तं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – वितक्कं पटिच्च सवितक्कसविचारा खन्धा चित्तसमुट्ठानञ्च रूपं. पटिसन्धिक्खणे वितक्कं पटिच्च सवितक्कसविचारा खन्धा कटत्ता च रूपं. (४)

अवितक्कविचारमत्तं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – अवितक्कविचारमत्तं एकं खन्धं पटिच्च तयो खन्धा विचारो च चित्तसमुट्ठानञ्च रूपं…पे… द्वे खन्धे पटिच्च द्वे खन्धा विचारो च चित्तसमुट्ठानञ्च रूपं. पटिसन्धिक्खणे अवितक्कविचारमत्तं ¶ एकं खन्धं पटिच्च तयो खन्धा विचारो ¶ च कटत्ता च रूपं…पे… द्वे खन्धे पटिच्च द्वे खन्धा विचारो च कटत्ता च रूपं. (५)

३. अवितक्कअविचारं धम्मं पटिच्च अवितक्कअविचारो धम्मो उप्पज्जति हेतुपच्चया – अवितक्कअविचारं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; विचारं पटिच्च चित्तसमुट्ठानं रूपं. पटिसन्धिक्खणे अवितक्कअविचारं एकं खन्धं पटिच्च तयो खन्धा कटत्ता च रूपं…पे… द्वे खन्धे पटिच्च द्वे खन्धा कटत्ता च रूपं. पटिसन्धिक्खणे विचारं पटिच्च कटत्तारूपं, खन्धे पटिच्च वत्थु, वत्थुं पटिच्च खन्धा, विचारं पटिच्च वत्थु, वत्थुं पटिच्च विचारो. एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

अवितक्कअविचारं धम्मं पटिच्च सवितक्कसविचारो धम्मो उप्पज्जति हेतुपच्चया – पटिसन्धिक्खणे वत्थुं पटिच्च सवितक्कसविचारा खन्धा. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति हेतुपच्चया – विचारं पटिच्च अवितक्कविचारमत्ता खन्धा. पटिसन्धिक्खणे विचारं पटिच्च अवितक्कविचारमत्ता खन्धा. पटिसन्धिक्खणे वत्थुं पटिच्च अवितक्कविचारमत्ता खन्धा. पटिसन्धिक्खणे वत्थुं पटिच्च वितक्को. (३)

अवितक्कअविचारं ¶ धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे वत्थुं पटिच्च ¶ सवितक्कसविचारा खन्धा; महाभूते पटिच्च कटत्तारूपं. (४)

अवितक्कअविचारं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – विचारं पटिच्च अवितक्कविचारमत्ता खन्धा चित्तसमुट्ठानञ्च रूपं. पटिसन्धिक्खणे विचारं पटिच्च अवितक्कविचारमत्ता खन्धा कटत्ता च रूपं. पटिसन्धिक्खणे वत्थुं पटिच्च अवितक्कविचारमत्ता खन्धा; महाभूते पटिच्च कटत्तारूपं. पटिसन्धिक्खणे ¶ वत्थुं पटिच्च वितक्को; महाभूते पटिच्च कटत्तारूपं. पटिसन्धिक्खणे वत्थुं पटिच्च अवितक्कविचारमत्ता खन्धा च विचारो च. (५)

अवितक्कअविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति हेतुपच्चया – पटिसन्धिक्खणे वत्थुं पटिच्च सवितक्कसविचारा खन्धा च वितक्को च. (६)

अवितक्कअविचारं धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे वत्थुं पटिच्च सवितक्कसविचारा खन्धा च वितक्को च; महाभूते पटिच्च कटत्तारूपं. (७)

४. सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति हेतुपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा. (१)

सवितक्कसविचारञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति हेतुपच्चया – पटिसन्धिक्खणे ¶ सवितक्कसविचारे खन्धे च वत्थुञ्च पटिच्च वितक्को. (२)

सवितक्कसविचारञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति हेतुपच्चया – सवितक्कसविचारे खन्धे च महाभूते च पटिच्च चित्तसमुट्ठानं रूपं. पटिसन्धिक्खणे सवितक्कसविचारे खन्धे च महाभूते च पटिच्च कटत्तारूपं. (३)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे सवितक्कसविचारं ¶ एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा; सवितक्कसविचारे खन्धे च महाभूते च पटिच्च कटत्तारूपं. (४)

सवितक्कसविचारञ्च ¶ अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे सवितक्कसविचारे खन्धे च वत्थुञ्च पटिच्च वितक्को; सवितक्कसविचारे खन्धे च महाभूते च पटिच्च कटत्तारूपं. (५)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति हेतुपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च. (६)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति ¶ हेतुपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च; सवितक्कसविचारे खन्धे च महाभूते च पटिच्च कटत्तारूपं. (७)

५. अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति हेतुपच्चया – पटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा. (१)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति हेतुपच्चया – अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च विचारञ्च पटिच्च द्वे खन्धा. पटिसन्धिक्खणे अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च विचारञ्च पटिच्च द्वे खन्धा. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा. (२)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो ¶ उप्पज्जति हेतुपच्चया – अवितक्कविचारमत्ते खन्धे च विचारञ्च पटिच्च चित्तसमुट्ठानं रूपं; अवितक्कविचारमत्ते खन्धे च महाभूते च पटिच्च चित्तसमुट्ठानं रूपं; वितक्कञ्च महाभूते च पटिच्च चित्तसमुट्ठानं रूपं. पटिसन्धिक्खणे ¶ अवितक्कविचारमत्ते खन्धे च विचारञ्च पटिच्च कटत्तारूपं. पटिसन्धिक्खणे अवितक्कविचारमत्ते ¶ खन्धे च महाभूते च पटिच्च कटत्तारूपं. पटिसन्धिक्खणे वितक्कञ्च महाभूते च पटिच्च कटत्तारूपं. पटिसन्धिक्खणे अवितक्कविचारमत्ते खन्धे च वत्थुञ्च पटिच्च विचारो. (३)

अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा; वितक्कञ्च महाभूते च पटिच्च कटत्तारूपं. (४)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति हेतुपच्चया – अवितक्कविचारमत्तं एकं खन्धञ्च विचारञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे च विचारञ्च पटिच्च द्वे खन्धा चित्तसमुट्ठानञ्च रूपं. पटिसन्धिक्खणे अवितक्कविचारमत्तं एकं खन्धञ्च विचारञ्च पटिच्च तयो खन्धा कटत्ता च रूपं…पे… द्वे खन्धे च विचारञ्च पटिच्च द्वे खन्धा कटत्ता च रूपं. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा विचारो च…पे… द्वे खन्धे च वत्थुञ्च पटिच्च द्वे खन्धा विचारो च. (५)

६. सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति हेतुपच्चया – सवितक्कसविचारं एकं खन्धञ्च वितक्कञ्च पटिच्च तयो खन्धा…पे… द्वे खन्धे च वितक्कञ्च पटिच्च द्वे खन्धा. पटिसन्धिक्खणे सवितक्कसविचारं एकं ¶ खन्धञ्च वितक्कञ्च पटिच्च तयो खन्धा…पे… द्वे खन्धे च वितक्कञ्च पटिच्च द्वे खन्धा. (१)

सवितक्कसविचारञ्च अवितक्कविचारमत्तञ्च धम्मं पटिच्च अवितक्कअविचारो धम्मो उप्पज्जति हेतुपच्चया – सवितक्कसविचारे खन्धे च वितक्कञ्च पटिच्च चित्तसमुट्ठानं रूपं. पटिसन्धिक्खणे सवितक्कसविचारे खन्धे च वितक्कञ्च पटिच्च कटत्तारूपं. (२)

सवितक्कसविचारञ्च ¶ अवितक्कविचारमत्तञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – सवितक्कसविचारं एकं खन्धञ्च वितक्कञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे च ¶ वितक्कञ्च पटिच्च द्वे खन्धा चित्तसमुट्ठानञ्च रूपं. पटिसन्धिक्खणे सवितक्कसविचारं एकं खन्धञ्च वितक्कञ्च पटिच्च तयो खन्धा कटत्ता च रूपं…पे… द्वे खन्धे च वितक्कञ्च पटिच्च द्वे खन्धा कटत्ता च रूपं. (३)

७. सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति हेतुपच्चया – पटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे च वितक्कञ्च वत्थुञ्च पटिच्च द्वे खन्धा. (१)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति हेतुपच्चया – सवितक्कसविचारे खन्धे च वितक्कञ्च महाभूते च पटिच्च चित्तसमुट्ठानं ¶ रूपं. पटिसन्धिक्खणे सवितक्कसविचारे खन्धे च वितक्कञ्च महाभूते च पटिच्च कटत्तारूपं. (२)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति हेतुपच्चया – पटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा, तयो खन्धे च वितक्कञ्च वत्थुञ्च पटिच्च एको खन्धो, द्वे खन्धे च वितक्कञ्च वत्थुञ्च पटिच्च द्वे खन्धा; सवितक्कसविचारे खन्धे च वितक्कञ्च महाभूते च पटिच्च कटत्तारूपं. (३)

आरम्मणपच्चयो

८. सवितक्कसविचारं धम्मं पटिच्च सवितक्कसविचारो धम्मो उप्पज्जति आरम्मणपच्चया – सवितक्कसविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे…पे…. (१)

सवितक्कसविचारं ¶ धम्मं पटिच्च अवितक्कविचारमत्तो धम्मो उप्पज्जति आरम्मणपच्चया – सवितक्कसविचारे खन्धे पटिच्च वितक्को. पटिसन्धिक्खणे…पे…. (२)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति आरम्मणपच्चया – सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च. पटिसन्धिक्खणे…पे…. (३)

९. अवितक्कविचारमत्तं ¶ धम्मं पटिच्च अवितक्कविचारमत्तो धम्मो उप्पज्जति ¶ आरम्मणपच्चया – अवितक्कविचारमत्तं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे…पे…. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति आरम्मणपच्चया – वितक्कं पटिच्च सवितक्कसविचारा खन्धा. पटिसन्धिक्खणे…पे…. (२)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति आरम्मणपच्चया – अवितक्कविचारमत्ते खन्धे पटिच्च विचारो. पटिसन्धिक्खणे…पे…. (३)

अवितक्कविचारमत्तं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति आरम्मणपच्चया – अवितक्कविचारमत्तं एकं खन्धं पटिच्च तयो खन्धा विचारो च…पे… द्वे खन्धे पटिच्च द्वे खन्धा विचारो च पटिसन्धिक्खणे…पे…. (४)

१०. अवितक्कअविचारं धम्मं पटिच्च अवितक्कअविचारो धम्मो उप्पज्जति आरम्मणपच्चया – अवितक्कअविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे अवितक्कअविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे वत्थुं पटिच्च खन्धा, वत्थुं पटिच्च विचारो. (१)

अवितक्कअविचारं ¶ धम्मं पटिच्च सवितक्कसविचारो धम्मो उप्पज्जति आरम्मणपच्चया – पटिसन्धिक्खणे वत्थुं पटिच्च सवितक्कसविचारा खन्धा. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति आरम्मणपच्चया – विचारं पटिच्च अवितक्कविचारमत्ता खन्धा. पटिसन्धिक्खणे विचारं पटिच्च अवितक्कविचारमत्ता खन्धा ¶ . पटिसन्धिक्खणे वत्थुं पटिच्च अवितक्कविचारमत्ता खन्धा. पटिसन्धिक्खणे वत्थुं पटिच्च वितक्को. (३)

अवितक्कअविचारं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति आरम्मणपच्चया – पटिसन्धिक्खणे वत्थुं पटिच्च अवितक्कविचारमत्ता खन्धा विचारो च. (४)

अवितक्कअविचारं ¶ धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति आरम्मणपच्चया – पटिसन्धिक्खणे वत्थुं पटिच्च सवितक्कसविचारा खन्धा च वितक्को च. (५)

११. सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति आरम्मणपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा. (१)

सवितक्कसविचारञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति आरम्मणपच्चया – पटिसन्धिक्खणे सवितक्कसविचारे खन्धे च वत्थुञ्च पटिच्च वितक्को. (२)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति आरम्मणपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च. (३)

१२. अवितक्कविचारमत्तञ्च ¶ ¶ अवितक्कअविचारञ्च धम्मं पटिच्च सवितक्कसविचारो धम्मो उप्पज्जति आरम्मणपच्चया – पटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा. (१)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति आरम्मणपच्चया – अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च विचारञ्च पटिच्च द्वे खन्धा. पटिसन्धिक्खणे अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च विचारञ्च पटिच्च द्वे खन्धा. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा. (२)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति आरम्मणपच्चया – पटिसन्धिक्खणे अवितक्कविचारमत्ते खन्धे च वत्थुञ्च पटिच्च विचारो. (३)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति आरम्मणपच्चया – पटिसन्धिक्खणे अवितक्कविचारमत्तं ¶ एकं खन्धञ्च वत्थुञ्च पटिच्च तयो खन्धा विचारो च…पे… द्वे खन्धे च वत्थुञ्च पटिच्च द्वे खन्धा विचारो च. (४)

१३. सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति आरम्मणपच्चया – सवितक्कसविचारं एकं ¶ खन्धञ्च वितक्कञ्च पटिच्च तयो खन्धा…पे… द्वे खन्धे च वितक्कञ्च पटिच्च द्वे खन्धा. पटिसन्धिक्खणे…पे…. (१)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति आरम्मणपच्चया – पटिसन्धिक्खणे सवितक्कसविचारं एकं ¶ खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे च वितक्कञ्च वत्थुञ्च पटिच्च द्वे खन्धा. (१)

(द्वे पच्चया सज्झायमग्गेन विभत्ता, एवं अवसेसा वीसतिपच्चया विभजितब्बा.)

विप्पयुत्तपच्चयो

१४. सवितक्कसविचारं धम्मं पटिच्च सवितक्कसविचारो धम्मो उप्पज्जति विप्पयुत्तपच्चया – सवितक्कसविचारं एकं खन्धं पटिच्च तयो खन्धा…पे… वत्थुं विप्पयुत्तपच्चया. पटिसन्धिक्खणे सवितक्कसविचारं एकं खन्धं पटिच्च तयो खन्धा…पे… वत्थुं विप्पयुत्तपच्चया. (१)

सवितक्कसविचारं धम्मं पटिच्च अवितक्कविचारमत्तो धम्मो उप्पज्जति विप्पयुत्तपच्चया – सवितक्कसविचारे खन्धे पटिच्च वितक्को; वत्थुं विप्पयुत्तपच्चया. पटिसन्धिक्खणे…पे…. (२)

सवितक्कसविचारं धम्मं पटिच्च अवितक्कअविचारो धम्मो उप्पज्जति विप्पयुत्तपच्चया – सवितक्कसविचारे खन्धे पटिच्च चित्तसमुट्ठानं रूपं, खन्धे विप्पयुत्तपच्चया. पटिसन्धिक्खणे…पे…. (३)

सवितक्कसविचारं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति विप्पयुत्तपच्चया – सवितक्कसविचारं एकं खन्धं पटिच्च तयो खन्धा चित्तसमुट्ठानञ्च रूपं…पे… खन्धा वत्थुं विप्पयुत्तपच्चया ¶ . चित्तसमुट्ठानं रूपं खन्धे विप्पयुत्तपच्चया. पटिसन्धिक्खणे…पे…. (४)

सवितक्कसविचारं ¶ धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति विप्पयुत्तपच्चया – सवितक्कसविचारे खन्धे पटिच्च वितक्को च चित्तसमुट्ठानञ्च ¶ रूपं. वितक्को वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. पटिसन्धिक्खणे…पे…. (५)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति विप्पयुत्तपच्चया – सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च, वत्थुं विप्पयुत्तपच्चया. पटिसन्धिक्खणे…पे…. (६)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति विप्पयुत्तपच्चया – सवितक्कसविचारं एकं खन्धं पटिच्च तयो खन्धा वितक्को च चित्तसमुट्ठानञ्च रूपं…पे… द्वे खन्धे पटिच्च द्वे खन्धा वितक्को च चित्तसमुट्ठानञ्च रूपं. खन्धा च वितक्को च वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. पटिसन्धिक्खणे…पे…. (७)

१५. अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति…पे… अवितक्कविचारमत्तं एकं खन्धं पटिच्च तयो खन्धा…पे… द्वे खन्धे…पे… वत्थुं विप्पयुत्तपच्चया. पटिसन्धिक्खणे…पे…. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति विप्पयुत्तपच्चया – वितक्कं पटिच्च सवितक्कसविचारा खन्धा, वत्थुं विप्पयुत्तपच्चया ¶ . पटिसन्धिक्खणे…पे…. (२)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति विप्पयुत्तपच्चया – अवितक्कविचारमत्ते खन्धे पटिच्च विचारो च चित्तसमुट्ठानञ्च रूपं, विचारो वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. वितक्कं पटिच्च चित्तसमुट्ठानं रूपं, वितक्कं विप्पयुत्तपच्चया. पटिसन्धिक्खणे…पे…. (३)

अवितक्कविचारमत्तं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति विप्पयुत्तपच्चया – वितक्कं पटिच्च सवितक्कसविचारा खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया. चित्तसमुट्ठानं रूपं वितक्कं विप्पयुत्तपच्चया. पटिसन्धिक्खणे…पे…. (४)

अवितक्कविचारमत्तं ¶ ¶ धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति विप्पयुत्तपच्चया – अवितक्कविचारमत्तं एकं खन्धं पटिच्च तयो खन्धा विचारो च चित्तसमुट्ठानञ्च रूपं…पे… द्वे खन्धे पटिच्च द्वे खन्धा विचारो च चित्तसमुट्ठानञ्च रूपं. खन्धा च विचारो च वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. पटिसन्धिक्खणे…पे…. (५)

१६. अवितक्कअविचारं धम्मं पटिच्च अवितक्कअविचारो धम्मो उप्पज्जति विप्पयुत्तपच्चया – अवितक्कअविचारं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… खन्धा वत्थुं विप्पयुत्तपच्चया, चित्तसमुट्ठानं रूपं खन्धे विप्पयुत्तपच्चया. विचारं ¶ पटिच्च चित्तसमुट्ठानं रूपं, विचारं विप्पयुत्तपच्चया. पटिसन्धिक्खणे…पे… पटिसन्धिक्खणे विचारं पटिच्च कटत्तारूपं, विचारं विप्पयुत्तपच्चया. खन्धे पटिच्च वत्थु, वत्थुं पटिच्च खन्धा. खन्धा वत्थुं विप्पयुत्तपच्चया. वत्थु खन्धे विप्पयुत्तपच्चया. विचारं पटिच्च वत्थु, वत्थुं पटिच्च विचारो, विचारो वत्थुं विप्पयुत्तपच्चया. वत्थु विचारं विप्पयुत्तपच्चया; एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं, खन्धे विप्पयुत्तपच्चया. (१)

अवितक्कअविचारं धम्मं पटिच्च सवितक्कसविचारो धम्मो उप्पज्जति विप्पयुत्तपच्चया – पटिसन्धिक्खणे वत्थुं पटिच्च सवितक्कसविचारा खन्धा, वत्थुं विप्पयुत्तपच्चया. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति विप्पयुत्तपच्चया – विचारं पटिच्च अवितक्कविचारमत्ता खन्धा, वत्थुं विप्पयुत्तपच्चया. पटिसन्धिक्खणे विचारं पटिच्च अवितक्कविचारमत्ता खन्धा, वत्थुं विप्पयुत्तपच्चया. पटिसन्धिक्खणे वत्थुं पटिच्च अवितक्कविचारमत्ता खन्धा, वत्थुं विप्पयुत्तपच्चया. पटिसन्धिक्खणे वत्थुं पटिच्च वितक्को, वत्थुं विप्पयुत्तपच्चया. (३)

अवितक्कअविचारं धम्मं पटिच्च सवितक्कसविचारो च अवितक्कअविचारो च धम्मा ¶ उप्पज्जन्ति विप्पयुत्तपच्चया – पटिसन्धिक्खणे वत्थुं पटिच्च सवितक्कसविचारा खन्धा, महाभूते पटिच्च कटत्तारूपं, खन्धा वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. (४)

अवितक्कअविचारं ¶ ¶ धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति विप्पयुत्तपच्चया – विचारं पटिच्च अवितक्कविचारमत्ता खन्धा च चित्तसमुट्ठानञ्च रूपं…पे… खन्धा वत्थुं विप्पयुत्तपच्चया. चित्तसमुट्ठानं रूपं विचारं विप्पयुत्तपच्चया. पटिसन्धिक्खणे विचारं पटिच्च अवितक्कविचारमत्ता खन्धा च कटत्ता च रूपं, खन्धा वत्थुं विप्पयुत्तपच्चया. कटत्तारूपं विचारं विप्पयुत्तपच्चया. पटिसन्धिक्खणे वत्थुं पटिच्च अवितक्कविचारमत्ता खन्धा महाभूते पटिच्च कटत्तारूपं, खन्धा वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. पटिसन्धिक्खणे वत्थुं पटिच्च वितक्को, महाभूते पटिच्च कटत्तारूपं, वितक्को वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. पटिसन्धिक्खणे वत्थुं पटिच्च अवितक्कविचारमत्ता खन्धा च विचारो च, वत्थुं विप्पयुत्तपच्चया. (५)

अवितक्कअविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति विप्पयुत्तपच्चया – पटिसन्धिक्खणे वत्थुं पटिच्च सवितक्कसविचारा खन्धा च वितक्को च, वत्थुं विप्पयुत्तपच्चया. (६)

अवितक्कअविचारं धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति विप्पयुत्तपच्चया – पटिसन्धिक्खणे वत्थुं पटिच्च सवितक्कसविचारा खन्धा च वितक्को च, महाभूते पटिच्च कटत्तारूपं, खन्धा च वितक्को च, वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. (७)

१७. सवितक्कसविचारञ्च ¶ अवितक्कअविचारञ्च धम्मं पटिच्च सवितक्कसविचारो धम्मो उप्पज्जति विप्पयुत्तपच्चया – पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा, वत्थुं विप्पयुत्तपच्चया. (१)

सवितक्कसविचारञ्च ¶ अवितक्कअविचारञ्च धम्मं पटिच्च अवितक्कविचारमत्तो धम्मो…पे… पटिसन्धिक्खणे सवितक्कसविचारे खन्धे च वत्थुञ्च पटिच्च वितक्को, वत्थुं विप्पयुत्तपच्चया. (२)

सवितक्कसविचारञ्च अवितक्कअविचारञ्च धम्मं पटिच्च अवितक्कअविचारो धम्मो…पे… सवितक्कसविचारे खन्धे च महाभूते च पटिच्च चित्तसमुट्ठानं रूपं, खन्धे विप्पयुत्तपच्चया. पटिसन्धिक्खणे…पे…. (३)

सवितक्कसविचारञ्च ¶ अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा…पे… पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा, सवितक्कसविचारे खन्धे च महाभूते च पटिच्च कटत्तारूपं, खन्धा वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. (४)

सवितक्कसविचारञ्च अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा…पे… पटिसन्धिक्खणे सवितक्कसविचारे खन्धे च वत्थुञ्च पटिच्च वितक्को, सवितक्कसविचारे खन्धे च महाभूते च पटिच्च कटत्तारूपं, वितक्को वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. (५)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो ¶ च अवितक्कविचारमत्तो च धम्मा…पे… पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च, वत्थुं विप्पयुत्तपच्चया. (६)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा…पे… पटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च. सवितक्कसविचारे खन्धे च महाभूते च ¶ पटिच्च कटत्तारूपं. खन्धा च वितक्को च, वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. (७)

१८. अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो…पे… पटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा, वत्थुं विप्पयुत्तपच्चया. (१)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो धम्मो…पे… अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च…पे… वत्थुं विप्पयुत्तपच्चया. पटिसन्धिक्खणे अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च…पे… वत्थुं विप्पयुत्तपच्चया. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा…पे… द्वे ¶ खन्धे च…पे… वत्थुं विप्पयुत्तपच्चया. (२)

अवितक्कविचारमत्तञ्च ¶ अवितक्कअविचारञ्च धम्मं पटिच्च अवितक्कअविचारो धम्मो…पे… अवितक्कविचारमत्ते खन्धे च विचारञ्च पटिच्च चित्तसमुट्ठानं रूपं. खन्धे च विचारञ्च विप्पयुत्तपच्चया. अवितक्कविचारमत्ते खन्धे च महाभूते च पटिच्च चित्तसमुट्ठानं रूपं. खन्धे विप्पयुत्तपच्चया. वितक्कञ्च महाभूते च पटिच्च चित्तसमुट्ठानं रूपं. वितक्कं विप्पयुत्तपच्चया. पटिसन्धिक्खणे अवितक्कविचारमत्ते खन्धे च विचारञ्च पटिच्च कटत्तारूपं. खन्धे च विचारञ्च विप्पयुत्तपच्चया. पटिसन्धिक्खणे अवितक्कविचारमत्ते खन्धे च महाभूते च पटिच्च कटत्तारूपं. खन्धे विप्पयुत्तपच्चया. पटिसन्धिक्खणे वितक्कञ्च महाभूते च पटिच्च कटत्तारूपं. वितक्कं विप्पयुत्तपच्चया. पटिसन्धिक्खणे अवितक्कविचारमत्ते खन्धे च वत्थुञ्च पटिच्च विचारो. वत्थुं विप्पयुत्तपच्चया. (३)

अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति विप्पयुत्तपच्चया – पटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा. वितक्कञ्च महाभूते च पटिच्च कटत्तारूपं. खन्धा वत्थुं विप्पयुत्तपच्चया. कटत्तारूपं वितक्कं विप्पयुत्तपच्चया. (४)

अवितक्कविचारमत्तञ्च ¶ अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा…पे… अवितक्कविचारमत्तं ¶ एकं खन्धञ्च विचारञ्च पटिच्च तयो खन्धा चित्तसमुट्ठानञ्च रूपं…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे च विचारञ्च विप्पयुत्तपच्चया. पटिसन्धिक्खणे अवितक्कविचारमत्तं एकं खन्धञ्च विचारञ्च पटिच्च तयो खन्धा कटत्ता च रूपं…पे… खन्धा वत्थुं विप्पयुत्तपच्चया. कटत्तारूपं खन्धे च विचारञ्च विप्पयुत्तपच्चया. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा…पे… द्वे खन्धे च…पे… अवितक्कविचारमत्ते खन्धे च महाभूते च पटिच्च कटत्तारूपं. खन्धा वत्थुं विप्पयुत्तपच्चया. कटत्तारूपं खन्धे विप्पयुत्तपच्चया. पटिसन्धिक्खणे अवितक्कविचारमत्तं एकं खन्धञ्च वत्थुञ्च पटिच्च तयो खन्धा विचारो च…पे… द्वे खन्धे च…पे… वत्थुं विप्पयुत्तपच्चया. (५)

१९. सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति…पे… सवितक्कसविचारं एकं खन्धञ्च वितक्कञ्च पटिच्च तयो ¶ खन्धा…पे… द्वे खन्धे च…पे… वत्थुं विप्पयुत्तपच्चया. पटिसन्धिक्खणे…पे… वत्थुं विप्पयुत्तपच्चया. (१)

सवितक्कसविचारञ्च अवितक्कविचारमत्तञ्च धम्मं पटिच्च अवितक्कअविचारो धम्मो उप्पज्जति…पे… सवितक्कसविचारे खन्धे च वितक्कञ्च पटिच्च चित्तसमुट्ठानं रूपं. खन्धे च वितक्कञ्च विप्पयुत्तपच्चया. पटिसन्धिक्खणे…पे… खन्धे च वितक्कञ्च विप्पयुत्तपच्चया. (२)

सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो ¶ च अवितक्कअविचारो च धम्मा उप्पज्जन्ति…पे… सवितक्कसविचारं एकं खन्धञ्च वितक्कञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे च वितक्कञ्च विप्पयुत्तपच्चया. पटिसन्धिक्खणे…पे… खन्धा वत्थुं विप्पयुत्तपच्चया. कटत्तारूपं खन्धे च वितक्कञ्च विप्पयुत्तपच्चया. (३)

२०. सवितक्कसविचारञ्च ¶ अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति…पे… पटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे…पे… खन्धा वत्थुं विप्पयुत्तपच्चया. (१)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति…पे… सवितक्कसविचारे खन्धे च वितक्कञ्च महाभूते च पटिच्च चित्तसमुट्ठानं रूपं. खन्धे च वितक्कञ्च विप्पयुत्तपच्चया. पटिसन्धिक्खणे…पे… खन्धे च वितक्कञ्च विप्पयुत्तपच्चया. (२)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति विप्पयुत्तपच्चया – पटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे च…पे… सवितक्कसविचारे खन्धे च वितक्कञ्च महाभूते च पटिच्च कटत्तारूपं ¶ . खन्धा वत्थुं विप्पयुत्तपच्चया. कटत्तारूपं खन्धे च वितक्कञ्च विप्पयुत्तपच्चया. (३)

अत्थि-अविगतपच्चया

२१. सवितक्कसविचारं धम्मं पटिच्च सवितक्कसविचारो धम्मो उप्पज्जति अत्थिपच्चया…पे… नत्थिपच्चया, विगतपच्चया, अविगतपच्चया (संखित्तं).

१. पच्चयानुलोमं

२. सङ्ख्यावारो

सुद्धं

२२. हेतुया ¶ सत्ततिंस, आरम्मणे एकवीस, अधिपतिया तेवीस, अनन्तरे एकवीस, समनन्तरे ¶ एकवीस, सहजाते सत्ततिंस, अञ्ञमञ्ञे अट्ठवीस, निस्सये सत्ततिंस, उपनिस्सये एकवीस, पुरेजाते एकादस, आसेवने एकादस, कम्मे सत्ततिंस, विपाके सत्ततिंस, आहारे इन्द्रिये झाने मग्गे सत्ततिंस, सम्पयुत्ते एकवीस, विप्पयुत्ते सत्ततिंस, अत्थिया सत्ततिंस, नत्थिया एकवीस, विगते एकवीस, अविगते सत्ततिंस.

दुकं

हेतुपच्चया आरम्मणे एकवीस…पे… अविगते सत्ततिंस (संखित्तं).

(यथा कुसलत्तिके गणना, एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

२३. सवितक्कसविचारं धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकं सवितक्कसविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. अहेतुकपटिसन्धिक्खणे…पे… विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

सवितक्कसविचारं धम्मं पटिच्च अवितक्कविचारमत्तो ¶ धम्मो उप्पज्जति नहेतुपच्चया – अहेतुके सवितक्कसविचारे खन्धे पटिच्च वितक्को. अहेतुकपटिसन्धिक्खणे…पे…. (२)

सवितक्कसविचारं धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुके सवितक्कसविचारे खन्धे पटिच्च चित्तसमुट्ठानं रूपं. अहेतुकपटिसन्धिक्खणे…पे…. (३)

सवितक्कसविचारं ¶ ¶ धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकं सवितक्कसविचारं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं. अहेतुकपटिसन्धिक्खणे…पे…. (४)

सवितक्कसविचारं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुके सवितक्कसविचारे खन्धे पटिच्च वितक्को च चित्तसमुट्ठानञ्च रूपं. अहेतुकपटिसन्धिक्खणे…पे…. (५)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति नहेतुपच्चया – अहेतुकं सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च. अहेतुकपटिसन्धिक्खणे…पे…. (६)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुकं सवितक्कसविचारं एकं खन्धं पटिच्च तयो खन्धा वितक्को ¶ च चित्तसमुट्ठानञ्च रूपं…पे… अहेतुकपटिसन्धिक्खणे…पे…. (७)

२४. अवितक्कविचारमत्तं धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकं वितक्कं पटिच्च सवितक्कसविचारा खन्धा. अहेतुकपटिसन्धिक्खणे वितक्कं पटिच्च सवितक्कसविचारा खन्धा; विचिकिच्छासहगतं उद्धच्चसहगतं वितक्कं पटिच्च विचिकिच्छासहगतो उद्धच्चसहगतो मोहो. (१)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुकं वितक्कं पटिच्च चित्तसमुट्ठानं रूपं. अहेतुकपटिसन्धिक्खणे वितक्कं पटिच्च कटत्तारूपं. (२)

अवितक्कविचारमत्तं ¶ धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकं वितक्कं पटिच्च सवितक्कसविचारा खन्धा चित्तसमुट्ठानञ्च रूपं. अहेतुकपटिसन्धिक्खणे वितक्कं पटिच्च सवितक्कसविचारा खन्धा कटत्ता च रूपं. (३)

अवितक्कअविचारं धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुकं अवितक्कअविचारं एकं खन्धं पटिच्च तयो खन्धा, तयो ¶ खन्धे पटिच्च एको खन्धो, द्वे खन्धे पटिच्च द्वे खन्धा; एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे… महाभूते पटिच्च कटत्तारूपं उपादारूपं. (१)

अवितक्कअविचारं धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकपटिसन्धिक्खणे ¶ वत्थुं पटिच्च सवितक्कसविचारा खन्धा. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति नहेतुपच्चया – अहेतुकपटिसन्धिक्खणे वत्थुं पटिच्च वितक्को. (३)

अवितक्कअविचारं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे वत्थुं पटिच्च सवितक्कसविचारा खन्धा; महाभूते पटिच्च कटत्तारूपं. (४)

अवितक्कअविचारं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे वत्थुं पटिच्च वितक्को; महाभूते पटिच्च कटत्तारूपं. (५)

अवितक्कअविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति नहेतुपच्चया – अहेतुकपटिसन्धिक्खणे वत्थुं पटिच्च सवितक्कसविचारा खन्धा च वितक्को च. (६)

अवितक्कअविचारं ¶ धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे वत्थुं पटिच्च सवितक्कसविचारा खन्धा च वितक्को च; महाभूते पटिच्च कटत्तारूपं. (७)

२५. सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा. (१)

सवितक्कसविचारञ्च ¶ अवितक्कअविचारञ्च ¶ धम्मं पटिच्च अवितक्कविचारमत्तो धम्मो उप्पज्जति नहेतुपच्चया – अहेतुकपटिसन्धिक्खणे सवितक्कसविचारे खन्धे च वत्थुञ्च पटिच्च वितक्को. (२)

सवितक्कसविचारञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुके सवितक्कसविचारे खन्धे च महाभूते च पटिच्च चित्तसमुट्ठानं रूपं. अहेतुकपटिसन्धिक्खणे सवितक्कसविचारे खन्धे च महाभूते च पटिच्च कटत्तारूपं. (३)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा…पे… द्वे खन्धे च वत्थुञ्च पटिच्च द्वे खन्धा; सवितक्कसविचारे खन्धे च महाभूते च पटिच्च कटत्तारूपं. (४)

सवितक्कसविचारञ्च अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे सवितक्कसविचारे खन्धे च वत्थुञ्च पटिच्च वितक्को; सवितक्कसविचारे खन्धे च महाभूते च पटिच्च कटत्तारूपं. (५)

सवितक्कसविचारञ्च अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो ¶ च धम्मा उप्पज्जन्ति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च. (६)

सवितक्कसविचारञ्च ¶ अवितक्कअविचारञ्च धम्मं पटिच्च सवितक्कसविचारो च अवितक्कविचारमत्तो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वत्थुञ्च पटिच्च तयो खन्धा वितक्को च…पे… द्वे खन्धे च वत्थुञ्च पटिच्च द्वे खन्धा वितक्को च; सवितक्कसविचारे खन्धे च महाभूते च पटिच्च कटत्तारूपं. (७)

२६. अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकपटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा. (१)

अवितक्कविचारमत्तञ्च ¶ अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुकं वितक्कञ्च महाभूते च पटिच्च चित्तसमुट्ठानं रूपं. अहेतुकपटिसन्धिक्खणे वितक्कञ्च महाभूते च पटिच्च कटत्तारूपं. (२)

अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे वितक्कञ्च वत्थुञ्च पटिच्च सवितक्कसविचारा खन्धा; वितक्कञ्च महाभूते च पटिच्च कटत्तारूपं. (३)

२७. सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकं सवितक्कसविचारं एकं खन्धञ्च वितक्कञ्च पटिच्च तयो खन्धा…पे… द्वे खन्धे ¶ च वितक्कञ्च पटिच्च द्वे खन्धा. अहेतुकपटिसन्धिक्खणे सवितक्कसविचारं एकं खन्धञ्च वितक्कञ्च पटिच्च तयो खन्धा…पे… द्वे खन्धे च वितक्कञ्च पटिच्च द्वे खन्धा; विचिकिच्छासहगते उद्धच्चसहगते खन्धे च वितक्कञ्च पटिच्च विचिकिच्छासहगतो उद्धच्चसहगतो मोहो. (१)

सवितक्कसविचारञ्च ¶ अवितक्कविचारमत्तञ्च धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुके सवितक्कसविचारे खन्धे च वितक्कञ्च पटिच्च चित्तसमुट्ठानं रूपं. अहेतुकपटिसन्धिक्खणे…पे…. (२)

सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकं सवितक्कसविचारं एकं खन्धञ्च वितक्कञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे च वितक्कञ्च पटिच्च द्वे खन्धा चित्तसमुट्ठानञ्च रूपं. अहेतुकपटिसन्धिक्खणे…पे…. (३)

२८. सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे च वितक्कञ्च वत्थुञ्च पटिच्च द्वे खन्धा. (१)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नहेतुपच्चया – अहेतुके सवितक्कसविचारे ¶ खन्धे च वितक्कञ्च ¶ महाभूते च पटिच्च चित्तसमुट्ठानं रूपं. अहेतुकपटिसन्धिक्खणे…पे…. (२)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नहेतुपच्चया – अहेतुकपटिसन्धिक्खणे सवितक्कसविचारं एकं खन्धञ्च वितक्कञ्च वत्थुञ्च पटिच्च तयो खन्धा…पे… द्वे खन्धे च वितक्कञ्च वत्थुञ्च पटिच्च द्वे खन्धा; सवितक्कसविचारे खन्धे च वितक्कञ्च महाभूते च पटिच्च कटत्तारूपं. (३)

नआरम्मणपच्चयो

२९. सवितक्कसविचारं धम्मं पटिच्च अवितक्कअविचारो धम्मो उप्पज्जति नआरम्मणपच्चया ¶ – सवितक्कसविचारे खन्धे पटिच्च चित्तसमुट्ठानं रूपं. पटिसन्धिक्खणे सवितक्कसविचारे खन्धे पटिच्च कटत्तारूपं. (१)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति नआरम्मणपच्चया – अवितक्कविचारमत्ते खन्धे पटिच्च चित्तसमुट्ठानं रूपं, वितक्कं पटिच्च चित्तसमुट्ठानं रूपं. पटिसन्धिक्खणे अवितक्कविचारमत्ते खन्धे पटिच्च कटत्तारूपं. पटिसन्धिक्खणे वितक्कं पटिच्च कटत्तारूपं. (१)

अवितक्कअविचारं धम्मं पटिच्च अवितक्कअविचारो धम्मो उप्पज्जति नआरम्मणपच्चया – अवितक्कअविचारे खन्धे पटिच्च चित्तसमुट्ठानं रूपं, विचारं पटिच्च चित्तसमुट्ठानं रूपं. पटिसन्धिक्खणे अवितक्कअविचारे ¶ खन्धे पटिच्च कटत्तारूपं, विचारं पटिच्च कटत्तारूपं, खन्धे पटिच्च वत्थु, विचारं पटिच्च वत्थु; एकं महाभूतं पटिच्च…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे…. (१)

३०. सवितक्कसविचारञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नआरम्मणपच्चया – सवितक्कसविचारे खन्धे च महाभूते च पटिच्च चित्तसमुट्ठानं रूपं. पटिसन्धिक्खणे सवितक्कसविचारे खन्धे च महाभूते च पटिच्च कटत्तारूपं. (१)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नआरम्मणपच्चया – अवितक्कविचारमत्ते खन्धे च विचारञ्च पटिच्च ¶ चित्तसमुट्ठानं रूपं, अवितक्कविचारमत्ते खन्धे च महाभूते च पटिच्च चित्तसमुट्ठानं रूपं, वितक्कञ्च महाभूते च पटिच्च चित्तसमुट्ठानं रूपं. पटिसन्धिक्खणे अवितक्कविचारमत्ते खन्धे च विचारञ्च…पे… कटत्तारूपं. (१)

सवितक्कसविचारञ्च अवितक्कविचारमत्तञ्च धम्मं पटिच्च अवितक्कअविचारो धम्मो उप्पज्जति ¶ नआरम्मणपच्चया – सवितक्कसविचारे खन्धे च वितक्कञ्च पटिच्च चित्तसमुट्ठानं रूपं. पटिसन्धिक्खणे…पे…. (१)

सवितक्कसविचारञ्च अवितक्कविचारमत्तञ्च अवितक्कअविचारञ्च धम्मं पटिच्च अवितक्कअविचारो धम्मो उप्पज्जति नआरम्मणपच्चया ¶ – सवितक्कसविचारे खन्धे च वितक्कञ्च महाभूते च पटिच्च चित्तसमुट्ठानं रूपं. पटिसन्धिक्खणे…पे… कटत्तारूपं. (१)

नअधिपतिपच्चयो

३१. सवितक्कसविचारं धम्मं पटिच्च सवितक्कसविचारो धम्मो उप्पज्जति नअधिपतिपच्चया…पे… सत्त.

अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति नअधिपतिपच्चया – अवितक्कविचारमत्ते खन्धे पटिच्च अवितक्कविचारमत्ता अधिपति, विपाकं अवितक्कविचारमत्तं एकं खन्धं पटिच्च तयो खन्धा…पे… पटिसन्धिक्खणे…पे…. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति नअधिपतिपच्चया – वितक्कं पटिच्च सवितक्कसविचारा खन्धा. पटिसन्धिक्खणे…पे…. (२)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति नअधिपतिपच्चया – विपाके अवितक्कविचारमत्ते खन्धे पटिच्च विचारो च चित्तसमुट्ठानञ्च रूपं. पटिसन्धिक्खणे…पे…. (३)

अवितक्कविचारमत्तं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नअधिपतिपच्चया – वितक्कं पटिच्च सवितक्कसविचारा खन्धा चित्तसमुट्ठानञ्च रूपं. पटिसन्धिक्खणे…पे…. (४)

अवितक्कविचारमत्तं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नअधिपतिपच्चया – विपाकं अवितक्कविचारमत्तं एकं खन्धं पटिच्च तयो खन्धा विचारो च चित्तसमुट्ठानञ्च रूपं…पे… पटिसन्धिक्खणे…पे…. (५)

३२. अवितक्कअविचारं ¶ ¶ धम्मं पटिच्च अवितक्कअविचारो धम्मो उप्पज्जति ¶ नअधिपतिपच्चया – अवितक्कअविचारे खन्धे पटिच्च अवितक्कअविचारा अधिपति, विपाकं अवितक्कअविचारं एकं खन्धं पटिच्च तयो खन्धा…पे… पटिसन्धिक्खणे…पे…. (१)

अवितक्कअविचारं धम्मं पटिच्च सवितक्कसविचारो धम्मो उप्पज्जति नअधिपतिपच्चया – पटिसन्धिक्खणे वत्थुं पटिच्च सवितक्कसविचारा खन्धा. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति नअधिपतिपच्चया – विचारं पटिच्च अवितक्कविचारमत्ता अधिपति, विपाकं विचारं पटिच्च अवितक्कविचारमत्ता खन्धा. पटिसन्धिक्खणे…पे…. (३)

अवितक्कअविचारं धम्मं पटिच्च… सत्त.

३३. सवितक्कसविचारञ्च अवितक्कअविचारञ्च धम्मं पटिच्च… सत्त (संखित्तं).

अवितक्कविचारमत्तञ्च अवितक्कअविचारञ्च धम्मं पटिच्च सवितक्कसविचारो धम्मो उप्पज्जति…पे… अवितक्कविचारमत्तो धम्मो उप्पज्जति नअधिपतिपच्चया, अवितक्कविचारमत्ते खन्धे च विचारञ्च पटिच्च अवितक्कविचारमत्ता अधिपति, विपाकं अवितक्कविचारमत्तं एकं खन्धञ्च विचारञ्च पटिच्च (संखित्तं).

नअनन्तरपच्चयादि

३४. सवितक्कसविचारं धम्मं पटिच्च अवितक्कअविचारो धम्मो उप्पज्जति नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया (नआरम्मणसदिसं).

नपुरेजातपच्चयो

३५. सवितक्कसविचारं ¶ धम्मं पटिच्च सवितक्कसविचारो धम्मो उप्पज्जति नपुरेजातपच्चया… सत्त.

अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति ¶ नपुरेजातपच्चया – अरूपे अवितक्कविचारमत्तं एकं खन्धं पटिच्च…पे… पटिसन्धिक्खणे…पे…. (१)

अवितक्कविचारमत्तं ¶ धम्मं पटिच्च सवितक्कसविचारो धम्मो उप्पज्जति नपुरेजातपच्चया – अरूपे वितक्कं पटिच्च सवितक्कसविचारा खन्धा. पटिसन्धिक्खणे…पे…. (२)

अवितक्कविचारमत्तं धम्मं पटिच्च अवितक्कअविचारो धम्मो उप्पज्जति नपुरेजातपच्चया – अरूपे अवितक्कविचारमत्ते खन्धे पटिच्च विचारो, अवितक्कविचारमत्ते खन्धे पटिच्च चित्तसमुट्ठानं रूपं, वितक्कं पटिच्च चित्तसमुट्ठानं रूपं. पटिसन्धिक्खणे…पे…. (३)

अवितक्कविचारमत्तं धम्मं पटिच्च सवितक्कसविचारो च अवितक्कअविचारो च धम्मा उप्पज्जन्ति नपुरेजातपच्चया – पटिसन्धिक्खणे वितक्कं पटिच्च सवितक्कसविचारा खन्धा कटत्ता च रूपं. (४)

अवितक्कविचारमत्तं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नपुरेजातपच्चया…पे… अरूपे अवितक्कविचारमत्तं एकं खन्धं पटिच्च तयो खन्धा विचारो च…पे… पटिसन्धिक्खणे…पे…. (५)

३६. अवितक्कअविचारं धम्मं पटिच्च अवितक्कअविचारो धम्मो उप्पज्जति नपुरेजातपच्चया – अरूपे अवितक्कअविचारं एकं खन्धं पटिच्च तयो खन्धा…पे… अवितक्कअविचारे ¶ खन्धे पटिच्च चित्तसमुट्ठानं रूपं, विचारं पटिच्च चित्तसमुट्ठानं रूपं. पटिसन्धिक्खणे…पे…. (१)

अवितक्कअविचारं धम्मं पटिच्च सवितक्कसविचारो धम्मो उप्पज्जति नपुरेजातपच्चया – पटिसन्धिक्खणे वत्थुं पटिच्च सवितक्कसविचारा खन्धा. (२)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति नपुरेजातपच्चया ¶ – अरूपे विचारं पटिच्च अवितक्कविचारमत्ता खन्धा. पटिसन्धिक्खणे…पे… (संखित्तं). (७)

सवितक्कसविचारञ्च अवितक्कअविचारञ्च धम्मं पटिच्च… सत्त.

३७. अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति नपुरेजातपच्चया – अरूपे अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… पटिसन्धिक्खणे…पे… (संखित्तं). (७)

अवितक्कविचारमत्तञ्च ¶ अवितक्कअविचारञ्च धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति…पे… पटिसन्धिक्खणे…पे… (संखित्तं).

(नपुरेजातमूलके यथा सुद्धिकं अरूपं, तथा अरूपा कातब्बा).

नपच्छाजातपच्चयादि

३८. सवितक्कसविचारं धम्मं पटिच्च सवितक्कसविचारो धम्मो उप्पज्जति नपच्छाजातपच्चया…पे… नआसेवनपच्चया… सत्त.

अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति नआसेवनपच्चया – विपाकं अवितक्कविचारमत्तं एकं खन्धं पटिच्च… (संखित्तं). (५)

अवितक्कअविचारं ¶ धम्मं पटिच्च अवितक्कअविचारो धम्मो उप्पज्जति नआसेवनपच्चया – विपाकं अवितक्कअविचारं एकं खन्धं पटिच्च… (संखित्तं).

(नआसेवनमूलके अवितक्कविचारमत्तं विपाकेन सह गच्छन्तेन नपुरेजातसदिसं कातब्बं, अवितक्कविचारमत्तञ्च अवितक्कविचारमत्तगच्छन्तेन विपाको दस्सेतब्बो.)

नकम्मपच्चयो

३९. सवितक्कसविचारं धम्मं पटिच्च सवितक्कसविचारो धम्मो उप्पज्जति नकम्मपच्चया – सवितक्कसविचारे खन्धे पटिच्च सवितक्कसविचारा चेतना. (१)

अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति ¶ नकम्मपच्चया – अवितक्कविचारमत्ते खन्धे पटिच्च अवितक्कविचारमत्ता चेतना. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति नकम्मपच्चया – वितक्कं पटिच्च सवितक्कसविचारा चेतना. (२)

अवितक्कअविचारं धम्मं पटिच्च अवितक्कअविचारो धम्मो उप्पज्जति नकम्मपच्चया – अवितक्कअविचारे खन्धे पटिच्च अवितक्कअविचारा चेतना; बाहिरं… आहारसमुट्ठानं… उतुसमुट्ठानं एकं महाभूतं पटिच्च…पे…. (१)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति नकम्मपच्चया – विचारं पटिच्च अवितक्कविचारमत्ता चेतना. (२)

अवितक्कविचारमत्तञ्च ¶ अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति नकम्मपच्चया – अवितक्कविचारमत्ते खन्धे च विचारञ्च पटिच्च अवितक्कविचारमत्ता चेतना. (१)

सवितक्कसविचारञ्च ¶ अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति नकम्मपच्चया – सवितक्कसविचारे खन्धे च वितक्कञ्च पटिच्च सवितक्कसविचारा चेतना. (१)

नविपाकपच्चयादि

४०. सवितक्कसविचारं धम्मं पटिच्च सवितक्कसविचारो धम्मो उप्पज्जति नविपाकपच्चया…पे… नआहारपच्चया – बाहिरं… उतुसमुट्ठानं…पे… नइन्द्रियपच्चया – बाहिरं… आहारसमुट्ठानं… उतुसमुट्ठानं…पे… असञ्ञसत्तानं महाभूते पटिच्च रूपजीवितिन्द्रियं…पे… नझानपच्चया – पञ्चविञ्ञाणसहगतं एकं खन्धं…पे… बाहिरं… आहारसमुट्ठानं… ¶ उतुसमुट्ठानं… असञ्ञसत्तानं…पे… नमग्गपच्चया… नसम्पयुत्तपच्चया….

नविप्पयुत्तपच्चयो

४१. नविप्पयुत्तपच्चया… अरूपे सवितक्कसविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

सवितक्कसविचारं धम्मं पटिच्च अवितक्कविचारमत्तो धम्मो उप्पज्जति नविप्पयुत्तपच्चया – अरूपे सवितक्कसविचारे खन्धे पटिच्च वितक्को. (२)

सवितक्कसविचारं धम्मं पटिच्च सवितक्कसविचारो च अवितक्कविचारमत्तो च धम्मा उप्पज्जन्ति नविप्पयुत्तपच्चया – अरूपे सवितक्कसविचारं एकं खन्धं पटिच्च तयो खन्धा वितक्को च…पे… द्वे खन्धे पटिच्च द्वे खन्धा वितक्को च. (३)

४२. अवितक्कविचारमत्तं धम्मं पटिच्च अवितक्कविचारमत्तो धम्मो उप्पज्जति नविप्पयुत्तपच्चया – अरूपे अवितक्कविचारमत्तं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

अवितक्कविचारमत्तं धम्मं पटिच्च सवितक्कसविचारो धम्मो उप्पज्जति नविप्पयुत्तपच्चया – अरूपे वितक्कं पटिच्च सवितक्कसविचारा खन्धा. (२)

अवितक्कविचारमत्तं ¶ ¶ धम्मं पटिच्च अवितक्कअविचारो धम्मो उप्पज्जति नविप्पयुत्तपच्चया – अरूपे अवितक्कविचारमत्ते खन्धे पटिच्च विचारो. (३)

अवितक्कविचारमत्तं धम्मं पटिच्च अवितक्कविचारमत्तो च अवितक्कअविचारो च धम्मा उप्पज्जन्ति नविप्पयुत्तपच्चया – अरूपे अवितक्कविचारमत्तं ¶ एकं खन्धं पटिच्च तयो खन्धा विचारो च…पे… द्वे खन्धे पटिच्च द्वे खन्धा विचारो च. (४)

अवितक्कअविचारं धम्मं पटिच्च अवितक्कअविचारो धम्मो उप्पज्जति नविप्पयुत्तपच्चया – अरूपे अवितक्कअविचारं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च…पे…. (१)

अवितक्कअविचारं धम्मं पटिच्च अवितक्कविचारमत्तो धम्मो उप्पज्जति नविप्पयुत्तपच्चया – अरूपे विचारं पटिच्च अवितक्कविचारमत्ता खन्धा. (२)

अवितक्कविचारमत्तञ्च अवितक्कअविचारञ्च धम्मं पटिच्च अवितक्कविचारमत्तो धम्मो उप्पज्जति नविप्पयुत्तपच्चया – अरूपे अवितक्कविचारमत्तं एकं खन्धञ्च विचारञ्च पटिच्च तयो खन्धा…पे… द्वे खन्धे च विचारञ्च पटिच्च द्वे खन्धा. (१)

सवितक्कसविचारञ्च अवितक्कविचारमत्तञ्च धम्मं पटिच्च सवितक्कसविचारो धम्मो उप्पज्जति नविप्पयुत्तपच्चया – अरूपे सवितक्कसविचारं एकं खन्धञ्च वितक्कञ्च पटिच्च तयो खन्धा…पे… द्वे खन्धे च वितक्कञ्च पटिच्च द्वे खन्धा. (१)

नोनत्थि-नोविगतपच्चया

४३. सवितक्कसविचारं धम्मं पटिच्च अवितक्कअविचारो धम्मो उप्पज्जति नोनत्थिपच्चया… नोविगतपच्चया… (संखित्तं).

२. पच्चयपच्चनीयं

२. सङ्ख्यावारो

सुद्धं

४४. नहेतुया ¶ तेत्तिंस, नआरम्मणे सत्त, नअधिपतिया सत्ततिंस ¶ , नअनन्तरे सत्त, नसमनन्तरे सत्त, नअञ्ञमञ्ञे सत्त, नउपनिस्सये सत्त, नपुरेजाते सत्ततिंस, नपच्छाजाते सत्ततिंस, नआसेवने सत्ततिंस, नकम्मे सत्त, नविपाके तेवीस, नआहारे एकं ¶ नइन्द्रिये एकं, नझाने एकं, नमग्गे तेत्तिंस, नसम्पयुत्ते सत्त, नविप्पयुत्ते एकादस, नोनत्थिया सत्त, नोविगते सत्त (संखित्तं).

(यथा कुसलत्तिके पच्चनीयगणना, एवं गणेतब्बं.)

पच्चनीयं.

३. पच्चयानुलोमपच्चनीयं

४५. हेतुपच्चया नआरम्मणे सत्त…पे… नोविगते सत्त.

(यथा कुसलत्तिके अनुलोमपच्चनीयगणना, एवं गणेतब्बं.)

४. पच्चयपच्चनीयानुलोमं

नहेतुदुकं

४६. नहेतुपच्चया आरम्मणे चुद्दस, अनन्तरे समनन्तरे चुद्दस, सहजाते तेत्तिंस, अञ्ञमञ्ञे बावीस, निस्सये तेत्तिंस, उपनिस्सये चुद्दस, पुरेजाते छ, आसेवने पञ्च, कम्मे तेत्तिंस…पे… झाने तेत्तिंस, मग्गे तीणि, सम्पयुत्ते चुद्दस, विप्पयुत्ते तेत्तिंस…पे… अविगते तेत्तिंस (संखित्तं).

(यथा ¶ कुसलत्तिके पच्चनीयानुलोमगणना, एवं गणेतब्बं.)

पटिच्चवारो.

२. सहजातवारो

(सहजातवारोपि पटिच्चवारसदिसो कातब्बो.)

३. पच्चयवारो

१. पच्चयानुलोमं

हेतुपच्चयो

४७. सवितक्कसविचारं धम्मं पच्चया सवितक्कसविचारो धम्मो उप्पज्जति हेतुपच्चया – सवितक्कसविचारं एकं खन्धं पच्चया तयो खन्धा…पे… द्वे खन्धा… सत्त.

अवितक्कविचारमत्तं ¶ धम्मं पच्चया… पञ्च (पटिच्चवारसदिसा).

अवितक्कअविचारं धम्मं पच्चया अवितक्कअविचारो धम्मो उप्पज्जति हेतुपच्चया – अवितक्कअविचारं एकं खन्धं पच्चया तयो खन्धा ¶ चित्तसमुट्ठानञ्च रूपं…पे… द्वे खन्धे पच्चया…पे… विचारं पच्चया चित्तसमुट्ठानं रूपं. पटिसन्धिक्खणे…पे… वत्थुं पच्चया अवितक्कअविचारा खन्धा, वत्थुं पच्चया विचारो. (१)

अवितक्कअविचारं धम्मं पच्चया सवितक्कसविचारो धम्मो उप्पज्जति…पे… वत्थुं पच्चया सवितक्कसविचारा खन्धा. पटिसन्धिक्खणे…पे…. (२)

अवितक्कअविचारं धम्मं पच्चया अवितक्कविचारमत्तो धम्मो…पे… विचारं पच्चया अवितक्कविचारमत्ता खन्धा, वत्थुं पच्चया अवितक्कविचारमत्ता ¶ खन्धा, वत्थुं पच्चया वितक्को. पटिसन्धिक्खणे…पे…. (३)

अवितक्कअविचारं धम्मं पच्चया सवितक्कसविचारो च अवितक्कअविचारो च धम्मा उप्पज्जन्ति…पे… वत्थुं पच्चया सवितक्कसविचारा खन्धा, महाभूते पच्चया चित्तसमुट्ठानं रूपं. पटिसन्धिक्खणे…पे…. (४)

अवितक्कअविचारं धम्मं पच्चया अवितक्कविचारमत्तो च अवितक्कअविचारो च धम्मा…पे… विचारं पच्चया अवितक्कविचारमत्ता खन्धा चित्तसमुट्ठानञ्च रूपं, वत्थुं पच्चया अवितक्कविचारमत्ता खन्धा, महाभूते पच्चया चित्तसमुट्ठानं रूपं, वत्थुं पच्चया वितक्को, महाभूते पच्चया चित्तसमुट्ठानं रूपं, वत्थुं पच्चया अवितक्कविचारमत्ता खन्धा च विचारो च. पटिसन्धिक्खणे…पे…. (५)

अवितक्कअविचारं धम्मं पच्चया सवितक्कसविचारो च अवितक्कविचारमत्तो च धम्मा…पे… वत्थुं पच्चया सवितक्कसविचारा खन्धा च वितक्को च. पटिसन्धिक्खणे…पे…. (६)

अवितक्कअविचारं धम्मं पच्चया सवितक्कसविचारो च अवितक्कविचारमत्तो च अवितक्कअविचारो ¶ च धम्मा…पे… वत्थुं पच्चया सवितक्कसविचारा खन्धा च वितक्को च, महाभूते पच्चया चित्तसमुट्ठानं रूपं. पटिसन्धिक्खणे…पे…. (७)

४८. सवितक्कसविचारञ्च अवितक्कअविचारञ्च धम्मं पच्चया सवितक्कसविचारो धम्मो…पे… सवितक्कसविचारं एकं खन्धञ्च वत्थुञ्च पच्चया तयो खन्धा ¶ …पे… द्वे खन्धे…पे… पटिसन्धिक्खणे…पे… सवितक्कसविचारञ्च अवितक्कअविचारञ्च धम्मं पच्चया अवितक्कविचारमत्तो धम्मो…पे… (पठमउदाहरणे पवत्ते पटिसन्धिक्खणे सत्त पञ्हा कातब्बा).

अवितक्कविचारमत्तञ्च अवितक्कअविचारञ्च धम्मं पच्चया सवितक्कसविचारो धम्मो ¶ …पे… वितक्कञ्च वत्थुञ्च पच्चया सवितक्कसविचारा खन्धा. पटिसन्धिक्खणे…पे…. (१)

अवितक्कविचारमत्तञ्च अवितक्कअविचारञ्च धम्मं पच्चया अवितक्कविचारमत्तो धम्मो…पे… अवितक्कविचारमत्तं एकं खन्धञ्च विचारञ्च पच्चया तयो खन्धा…पे… अवितक्कविचारमत्तं एकं खन्धञ्च वत्थुञ्च पच्चया तयो खन्धा…पे… पटिसन्धिक्खणे अवितक्कविचारमत्तं एकं खन्धञ्च विचारञ्च पच्चया तयो खन्धा…पे… पटिसन्धिक्खणे अवितक्कविचारमत्तं एकं खन्धञ्च वत्थुञ्च पच्चया तयो खन्धा…पे…. (२)

अवितक्कविचारमत्तञ्च अवितक्कअविचारञ्च धम्मं पच्चया अवितक्कअविचारो धम्मो उप्पज्जति…पे… अवितक्कविचारमत्ते खन्धे च विचारञ्च पच्चया चित्तसमुट्ठानं रूपं, अवितक्कविचारमत्ते खन्धे च महाभूते च पच्चया चित्तसमुट्ठानं रूपं, वितक्कञ्च ¶ महाभूते च पच्चया चित्तसमुट्ठानं रूपं, अवितक्कविचारमत्ते खन्धे च वत्थुञ्च पच्चया विचारो (एवं पटिसन्धिक्खणे चत्तारो). (३)

अवितक्कविचारमत्तञ्च अवितक्कअविचारञ्च धम्मं पच्चया सवितक्कसविचारो च अवितक्कअविचारो च धम्मा उप्पज्जन्ति…पे… वितक्कञ्च वत्थुञ्च पच्चया सवितक्कसविचारा खन्धा, वितक्कञ्च महाभूते च पच्चया चित्तसमुट्ठानं रूपं. पटिसन्धिक्खणे…पे…. (४)

अवितक्कविचारमत्तञ्च अवितक्कअविचारञ्च धम्मं पच्चया अवितक्कविचारमत्तो च अवितक्कअविचारो च धम्मा उप्पज्जन्ति…पे… अवितक्कविचारमत्तं एकं खन्धञ्च विचारञ्च पच्चया तयो खन्धा चित्तसमुट्ठानञ्च रूपं…पे… अवितक्कविचारमत्तं एकं खन्धञ्च वत्थुञ्च पच्चया तयो खन्धा…पे… अवितक्कविचारमत्ते खन्धे च महाभूते च पच्चया चित्तसमुट्ठानं रूपं, अवितक्कविचारमत्तं एकं खन्धञ्च वत्थुञ्च पच्चया तयो खन्धा विचारो च…पे… पटिसन्धिक्खणे तयो खन्धा…पे…. (५)

(अवसेसेसु द्वीसु घटनेसु पवत्ति पटिसन्धि वित्थारेतब्बा.)

हेतुपच्चयो.

(हेतुपच्चयं ¶ ¶ अनुमज्जन्तेन पच्चयवारो वित्थारेतब्बो. यथा पटिच्चगणना एवं गणेतब्बा. अधिपतिया सत्ततिंस, पुरेजाते च आसेवने च एकवीस, अयं एत्थ विसेसो.)

२. पच्चयपच्चनीयं

४९. पच्चनीये – नहेतुया तेत्तिंस पञ्हा, सत्तसु ठानेसु सत्त ¶ मोहा उद्धरितब्बा मूलपदेसुयेव. नआरम्मणे सत्त चित्तसमुट्ठाना उद्धरितब्बा.

नअधिपतिपच्चयो

५०. सवितक्कसविचारमूलका सत्त पञ्हा नअधिपतिया कातब्बा.

अवितक्कविचारमत्तं धम्मं पच्चया अवितक्कविचारमत्तो धम्मो उप्पज्जति नअधिपतिपच्चया – अवितक्कविचारमत्ते खन्धे पच्चया अवितक्कविचारमत्ता अधिपति, विपाकं अवितक्कविचारमत्तं एकं खन्धं पच्चया तयो खन्धा…पे… पटिसन्धिक्खणे…पे…. (१)

अवितक्कविचारमत्तं धम्मं पच्चया (यथा पटिच्चनये तथा पञ्च पञ्हा कातब्बा).

५१. अवितक्कअविचारं धम्मं पच्चया अवितक्कअविचारो धम्मो उप्पज्जति…पे… अवितक्कअविचारे खन्धे पच्चया अवितक्कअविचारा अधिपति, विपाकं अवितक्कअविचारं एकं खन्धं पच्चया तयो खन्धा चित्तसमुट्ठानञ्च रूपं…पे… विपाकं विचारं पच्चया चित्तसमुट्ठानं रूपं. पटिसन्धिक्खणे…पे… वत्थुं पच्चया अवितक्कअविचारा अधिपति, वत्थुं पच्चया विपाका अवितक्कअविचारा खन्धा च विचारो च…पे…. (१)

अवितक्कअविचारं धम्मं पच्चया सवितक्कसविचारो धम्मो…पे… वत्थुं पच्चया सवितक्कसविचारा खन्धा. पटिसन्धिक्खणे…पे…. (२)

अवितक्कअविचारं ¶ धम्मं पच्चया अवितक्कविचारमत्तो धम्मो…पे… विचारं पच्चया अवितक्कविचारमत्ता अधिपति, वत्थुं पच्चया अवितक्कविचारमत्ता अधिपति, विपाकं विचारं पच्चया अवितक्कविचारमत्ता खन्धा, वत्थुं पच्चया विपाका अवितक्कविचारमत्ता खन्धा. पटिसन्धिक्खणे…पे…. (३)

अवितक्कअविचारं ¶ धम्मं पच्चया सवितक्कसविचारो ¶ च अवितक्कअविचारो च धम्मा…पे… वत्थुं पच्चया सवितक्कसविचारा खन्धा, महाभूते पच्चया चित्तसमुट्ठानं रूपं. पटिसन्धिक्खणे…पे…. (४)

अवितक्कअविचारं धम्मं पच्चया अवितक्कविचारमत्तो च अवितक्कअविचारो च धम्मा…पे… विपाकं विचारं पच्चया अवितक्कविचारमत्ता खन्धा चित्तसमुट्ठानञ्च रूपं, वत्थुं पच्चया विपाका अवितक्कविचारमत्ता खन्धा, महाभूते पच्चया चित्तसमुट्ठानं रूपं, वत्थुं पच्चया वितक्को, महाभूते पच्चया चित्तसमुट्ठानं रूपं, वत्थुं पच्चया विपाका अवितक्कविचारमत्ता खन्धा च विचारो च. पटिसन्धिक्खणे…पे…. (५)

अवितक्कअविचारं धम्मं पच्चया सवितक्कसविचारो च अवितक्कविचारमत्तो च धम्मा…पे… वत्थुं पच्चया सवितक्कसविचारा खन्धा च वितक्को च. पटिसन्धिक्खणे…पे…. (६)

(पठमघटनायं सम्पुण्णा सत्त पञ्हा कातब्बा.)

५२. अवितक्कविचारमत्तञ्च अवितक्कअविचारञ्च धम्मं पच्चया सवितक्कसविचारो धम्मो उप्पज्जति…पे… वितक्कञ्च वत्थुञ्च पच्चया सवितक्कसविचारा खन्धा. पटिसन्धिक्खणे…पे….

अवितक्कविचारमत्तञ्च अवितक्कअविचारञ्च धम्मं पच्चया अवितक्कविचारमत्तो धम्मो उप्पज्जति…पे… अवितक्कविचारमत्ते खन्धे च विचारञ्च पच्चया अवितक्कविचारमत्ता अधिपति, अवितक्कविचारमत्ते खन्धे च वत्थुञ्च पच्चया अवितक्कविचारमत्ता ¶ अधिपति, विपाकं अवितक्कविचारमत्तं एकं खन्धञ्च विचारञ्च पच्चया…पे… विपाकं अवितक्कविचारमत्तं एकं खन्धञ्च वत्थुञ्च पच्चया तयो खन्धा…पे….

(पटिसन्धिक्खणे पञ्च पञ्हा कातब्बा. यत्थ ¶ अवितक्कविचारमत्तं आगच्छति तत्थ विपाकं कातब्बं. नअधिपतिमूलके सत्ततिंस पञ्हा कातब्बा.)

नअनन्तरपच्चयादि

५३. नअनन्तरम्पि [नअनन्तरेपि (क.)] नसमनन्तरम्पि नअञ्ञमञ्ञम्पि नउपनिस्सयम्पि सत्त पञ्हा रूपंयेव. नपुरेजाते सत्ततिंस पटिच्चवारपच्चनीयसदिसं. नपच्छाजाते सत्ततिंस ¶ , नआसेवनेपि सदिसं. यत्थ अवितक्कविचारमत्तोपि आगच्छति, तत्थ विपाका कातब्बा.

नकम्मपच्चयो

५४. सवितक्कसविचारं धम्मं पच्चया सवितक्कसविचारो धम्मो उप्पज्जति नकम्मपच्चया – सवितक्कसविचारे खन्धे पच्चया सवितक्कसविचारा चेतना. (१)

अवितक्कविचारमत्तं धम्मं पच्चया अवितक्कविचारमत्तो धम्मो…पे… अवितक्कविचारमत्ते खन्धे पच्चया अवितक्कविचारमत्ता चेतना. सवितक्कसविचारो धम्मो…पे… वितक्कं पच्चया सवितक्कसविचारा चेतना. (२)

अवितक्कअविचारं धम्मं पच्चया अवितक्कअविचारो धम्मो…पे… अवितक्कअविचारा चेतना…पे… (परिपुण्णं कातब्बं) सवितक्कसविचारो…पे… वत्थुं पच्चया सवितक्कसविचारा चेतना. अवितक्कविचारमत्तो…पे… विचारं पच्चया अवितक्कविचारमत्ता चेतना. वत्थुं पच्चया अवितक्कविचारमत्ता चेतना. (३)

५५. सवितक्कसविचारञ्च अवितक्कअविचारञ्च धम्मं पच्चया सवितक्कसविचारो धम्मो…पे… सवितक्कसविचारे खन्धे च वत्थुञ्च पच्चया सवितक्कसविचारा चेतना. (१)

अवितक्कविचारमत्तञ्च ¶ अवितक्कअविचारञ्च धम्मं पच्चया सवितक्कसविचारो धम्मो…पे… वितक्कञ्च वत्थुञ्च पच्चया सवितक्कसविचारा चेतना. (१)

अवितक्कविचारमत्तञ्च अवितक्कअविचारञ्च धम्मं पच्चया अवितक्कविचारमत्तो धम्मो…पे… अवितक्कविचारमत्ते ¶ खन्धे च विचारञ्च पच्चया अवितक्कविचारमत्ता चेतना. अवितक्कविचारमत्ते खन्धे च वत्थुञ्च पच्चया अवितक्कविचारमत्ता चेतना. (२)

सवितक्कसविचारञ्च अवितक्कविचारमत्तञ्च धम्मं पच्चया सवितक्कसविचारो धम्मो…पे… सवितक्कसविचारे खन्धे च वितक्कञ्च पच्चया सवितक्कसविचारा चेतना. (१)

सवितक्कसविचारञ्च ¶ अवितक्कविचारमत्तञ्च अवितक्कअविचारञ्च धम्मं पच्चया सवितक्कसविचारो धम्मो उप्पज्जति नकम्मपच्चया – सवितक्कसविचारे खन्धे च वितक्कञ्च वत्थुञ्च पच्चया सवितक्कसविचारा चेतना. (१)

(नविपाके सत्ततिंस पञ्हा कातब्बा. नआहार-नइन्द्रिय-नझान-नमग्ग-नसम्पयुत्तनविप्पयुत्त-नोनत्थि-नोविगतपच्चया वित्थारेतब्बा.)

२. पच्चयपच्चनीयं

२. सङ्ख्यावारो

सुद्धं

५६. नहेतुया तेत्तिंस, नआरम्मणे सत्त, नअधिपतिया सत्ततिंस, नअनन्तरे नसमनन्तरे नअञ्ञमञ्ञे नउपनिस्सये सत्त, नपुरेजाते नपच्छाजाते नआसेवने सत्ततिंस, नकम्मे एकादस, नविपाके सत्ततिंस, नआहारे एकं, नइन्द्रिये एकं, नझाने एकं, नमग्गे तेत्तिंस, नसम्पयुत्ते सत्त, नविप्पयुत्ते एकादस, नोनत्थिया सत्त, नोविगते सत्त.

३. पच्चयानुलोमपच्चनीयं

५७. हेतुपच्चया ¶ नआरम्मणे सत्त…पे… नोविगते सत्त.

अनुलोमपच्चनीयं.

४. पच्चयपच्चनीयानुलोमं

५८. नहेतुपच्चया आरम्मणे अनन्तरे समनन्तरे चुद्दस, सहजाते तेत्तिंस, अञ्ञमञ्ञे बावीस, निस्सये तेत्तिंस, उपनिस्सये पुरेजाते चुद्दस, आसेवने तेरस, कम्मे विपाके आहारे इन्द्रिये झाने तेत्तिंस, मग्गे पञ्च, सम्पयुत्ते चुद्दस, विप्पयुत्ते अत्थिया तेत्तिंस…पे… अविगते तेत्तिंस.

पच्चनीयानुलोमं.

पच्चयवारो.

४. निस्सयवारो

(निस्सयम्पि निन्नानं)

५. संसट्ठवारो

१. पच्चयानुलोमं

हेतुपच्चयो

५९. सवितक्कसविचारं ¶ ¶ ¶ धम्मं संसट्ठो सवितक्कसविचारो धम्मो उप्पज्जति हेतुपच्चया – सवितक्कसविचारं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

सवितक्कसविचारं धम्मं संसट्ठो अवितक्कविचारमत्तो धम्मो…पे… सवितक्कसविचारे खन्धे संसट्ठो वितक्को. पटिसन्धिक्खणे…पे…. (२)

सवितक्कसविचारं धम्मं संसट्ठो सवितक्कसविचारो च अवितक्कविचारमत्तो च धम्मा…पे… सवितक्कसविचारं एकं खन्धं संसट्ठा तयो खन्धा वितक्को च…पे… द्वे खन्धे…पे… पटिसन्धिक्खणे…पे…. (३)

६०. अवितक्कविचारमत्तं धम्मं संसट्ठो अवितक्कविचारमत्तो धम्मो उप्पज्जति हेतुपच्चया – अवितक्कविचारमत्तं एकं खन्धं संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

अवितक्कविचारमत्तं धम्मं संसट्ठो सवितक्कसविचारो धम्मो…पे… वितक्कं संसट्ठा सवितक्कसविचारा खन्धा. पटिसन्धिक्खणे…पे…. (२)

अवितक्कविचारमत्तं धम्मं संसट्ठो अवितक्कअविचारो धम्मो…पे… अवितक्कविचारमत्ते खन्धे संसट्ठो विचारो. पटिसन्धिक्खणे अवितक्कविचारमत्ते खन्धे संसट्ठो विचारो. (३)

अवितक्कविचारमत्तं धम्मं संसट्ठो अवितक्कविचारमत्तो च अवितक्कअविचारो च धम्मा ¶ …पे… अवितक्कविचारमत्तं एकं खन्धं संसट्ठा तयो खन्धा विचारो च…पे… द्वे खन्धे…पे… पटिसन्धिक्खणे…पे…. (४)

६१. अवितक्कअविचारं धम्मं संसट्ठो अवितक्कअविचारो धम्मो उप्पज्जति हेतुपच्चया – अवितक्कअविचारं एकं खन्धं संसट्ठा ¶ तयो खन्धा…पे… द्वे खन्धे संसट्ठा…पे… पटिसन्धिक्खणे…पे…. (१)

अवितक्कअविचारं ¶ धम्मं संसट्ठो अवितक्कविचारमत्तो धम्मो…पे… विचारं संसट्ठा अवितक्कविचारमत्ता खन्धा. पटिसन्धिक्खणे विचारं संसट्ठा…पे…. (२)

अवितक्कविचारमत्तञ्च अवितक्कअविचारञ्च धम्मं संसट्ठो अवितक्कविचारमत्तो धम्मो…पे… अवितक्कविचारमत्तं एकं खन्धञ्च विचारञ्च संसट्ठा तयो खन्धा…पे… द्वे खन्धे…पे… पटिसन्धिक्खणे…पे…. (१)

सवितक्कसविचारञ्च अवितक्कविचारमत्तञ्च धम्मं संसट्ठो सवितक्कसविचारो धम्मो उप्पज्जति हेतुपच्चया – सवितक्कसविचारं एकं खन्धञ्च वितक्कञ्च संसट्ठा तयो खन्धा…पे… द्वे खन्धे च वितक्कञ्च…पे… पटिसन्धिक्खणे…पे…. (१)

(हेतुपच्चयं अनुमज्जन्तेन सब्बे पच्चया वित्थारेतब्बा).

सुद्धं

६२. हेतुया एकादस, आरम्मणे अधिपतिया अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे विपाके आहारे इन्द्रिये झाने मग्गे सम्पयुत्ते विप्पयुत्ते अत्थिया नत्थिया विगते अविगते सब्बत्थ एकादस.

अनुलोमं.

२. पच्चयपच्चनीयं

(पच्चनीयं ¶ कातब्बं असम्मोहन्तेन.)

६३. नहेतुया छ, नअधिपतिया एकादस, नपुरेजाते एकादस, नपच्छाजाते एकादस, नआसेवने एकादस, नकम्मे सत्त, नविपाके ¶ एकादस, नझाने एकं, नमग्गे छ, नविप्पयुत्ते एकादस.

पच्चनीयं.

३. पच्चयानुलोमपच्चनीयं

दुकं

६४. हेतुपच्चया ¶ नअधिपतिया एकादस…पे… नविप्पयुत्ते एकादस (संखित्तं).

अनुलोमपच्चनीयं.

४. पच्चयपच्चनीयानुलोमं

६५. नहेतुपच्चया आरम्मणे छ…पे… पुरेजाते छ, आसेवने पञ्च, कम्मे छ…पे… झाने छ, मग्गे तीणि, सम्पयुत्ते छ…पे… अविगते छ.

पच्चनीयानुलोमं

६. सम्पयुत्तवारो

(सम्पयुत्तवारोपि वित्थारेतब्बो).

७. पञ्हावारो

१. पच्चयानुलोमं

१. विभङ्गवारो

हेतुपच्चयो

६६. सवितक्कसविचारो ¶ धम्मो सवितक्कसविचारस्स धम्मस्स हेतुपच्चयेन पच्चयो – सवितक्कसविचारा हेतू सम्पयुत्तकानं खन्धानं हेतुपच्चयेन पच्चयो. पटिसन्धिक्खणे…पे…. (१)

सवितक्कसविचारो धम्मो अवितक्कविचारमत्तस्स धम्मस्स हेतुपच्चयेन पच्चयो – सवितक्कसविचारा हेतू वितक्कस्स हेतुपच्चयेन पच्चयो. पटिसन्धिक्खणे…पे…. (२)

सवितक्कसविचारो धम्मो अवितक्कअविचारस्स धम्मस्स हेतुपच्चयेन पच्चयो – सवितक्कसविचारा हेतू चित्तसमुट्ठानानं रूपानं हेतुपच्चयेन पच्चयो. पटिसन्धिक्खणे सवितक्कसविचारा हेतू कटत्तारूपानं हेतुपच्चयेन पच्चयो. (३)

सवितक्कसविचारो ¶ धम्मो सवितक्कसविचारस्स च अवितक्कअविचारस्स च धम्मस्स हेतुपच्चयेन पच्चयो – सवितक्कसविचारा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे सवितक्कसविचारा हेतू सम्पयुत्तकानं ¶ खन्धानं कटत्ता च रूपानं हेतुपच्चयेन पच्चयो. (४)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स हेतुपच्चयेन पच्चयो – सवितक्कसविचारा हेतू वितक्कस्स चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे सवितक्कसविचारा हेतू वितक्कस्स कटत्ता च रूपानं हेतुपच्चयेन पच्चयो. (५)

सवितक्कसविचारो ¶ धम्मो सवितक्कसविचारस्स च अवितक्कविचारमत्तस्स च धम्मस्स हेतुपच्चयेन पच्चयो – सवितक्कसविचारा हेतू सम्पयुत्तकानं खन्धानं वितक्कस्स च हेतुपच्चयेन पच्चयो. पटिसन्धिक्खणे सवितक्कसविचारा हेतू सम्पयुत्तकानं खन्धानं वितक्कस्स च हेतुपच्चयेन पच्चयो. (६)

सवितक्कसविचारो धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स हेतुपच्चयेन पच्चयो – सवितक्कसविचारा हेतू सम्पयुत्तकानं खन्धानं वितक्कस्स च चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे सवितक्कसविचारा हेतू सम्पयुत्तकानं खन्धानं वितक्कस्स च कटत्ता च रूपानं हेतुपच्चयेन पच्चयो. (७)

६७. अवितक्कविचारमत्तो धम्मो अवितक्कविचारमत्तस्स धम्मस्स हेतुपच्चयेन पच्चयो – अवितक्कविचारमत्ता हेतू सम्पयुत्तकानं खन्धानं हेतुपच्चयेन पच्चयो. पटिसन्धिक्खणे अवितक्कविचारमत्ता हेतू ¶ सम्पयुत्तकानं खन्धानं हेतुपच्चयेन पच्चयो. (१)

अवितक्कविचारमत्तो धम्मो अवितक्कअविचारस्स धम्मस्स हेतुपच्चयेन पच्चयो – अवितक्कविचारमत्ता हेतू विचारस्स चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे अवितक्कविचारमत्ता हेतू विचारस्स च कटत्ता च रूपानं हेतुपच्चयेन पच्चयो. (२)

अवितक्कविचारमत्तो ¶ धम्मो अवितक्कविचारमत्तस्स च अवितक्कअविचारस्स च धम्मस्स हेतुपच्चयेन पच्चयो – अवितक्कविचारमत्ता हेतू सम्पयुत्तकानं खन्धानं विचारस्स च चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे अवितक्कविचारमत्ता हेतू सम्पयुत्तकानं खन्धानं विचारस्स च कटत्ता च रूपानं हेतुपच्चयेन पच्चयो. (३)

६८. अवितक्कअविचारो धम्मो अवितक्कअविचारस्स धम्मस्स हेतुपच्चयेन पच्चयो – अवितक्कअविचारा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन ¶ पच्चयो. पटिसन्धिक्खणे अवितक्कअविचारा हेतू सम्पयुत्तकानं खन्धानं कटत्ता च रूपानं हेतुपच्चयेन पच्चयो. (१)

आरम्मणपच्चयो

६९. सवितक्कसविचारो धम्मो सवितक्कसविचारस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति; पुब्बे सुचिण्णानि पच्चवेक्खति; सवितक्कसविचारा ¶ झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खति. अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. सवितक्कसविचारे खन्धे अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ रागो उप्पज्जति…पे… दोमनस्सं उप्पज्जति. सवितक्कसविचारे खन्धे आरब्भ सवितक्कसविचारा खन्धा उप्पज्जन्ति. (१)

सवितक्कसविचारो धम्मो अवितक्कविचारमत्तस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति; तं आरब्भ वितक्को उप्पज्जति. पुब्बे सुचिण्णानि पच्चवेक्खति; सवितक्कसविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खति; तं आरब्भ वितक्को उप्पज्जति. अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. सवितक्कसविचारे खन्धे अनिच्चतो दुक्खतो ¶ अनत्ततो विपस्सन्ति अस्सादेन्ति अभिनन्दन्ति; तं आरब्भ वितक्को उप्पज्जति. सवितक्कसविचारे खन्धे आरब्भ वितक्को उप्पज्जति. (२)

सवितक्कसविचारो धम्मो अवितक्कअविचारस्स धम्मस्स आरम्मणपच्चयेन पच्चयो – चेतोपरियञाणेन सवितक्कसविचारचित्तसमङ्गिस्स चित्तं जानाति; सवितक्कसविचारा खन्धा चेतोपरियञाणस्स ¶ , पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आरम्मणपच्चयेन पच्चयो. सवितक्कसविचारे खन्धे आरब्भ अवितक्कअविचारा खन्धा उप्पज्जन्ति. (३)

सवितक्कसविचारो ¶ धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति; तं आरब्भ सवितक्कसविचारा खन्धा च वितक्को च उप्पज्जन्ति. पुब्बे सुचिण्णानि पच्चवेक्खति; सवितक्कसविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खति; तं आरब्भ सवितक्कसविचारा खन्धा च वितक्को च उप्पज्जन्ति. अरिया पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. सवितक्कसविचारे खन्धे अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ सवितक्कसविचारा खन्धा च वितक्को च उप्पज्जन्ति. सवितक्कसविचारे खन्धे आरब्भ सवितक्कसविचारा खन्धा च वितक्को च उप्पज्जन्ति. (४)

७०. अवितक्कविचारमत्तो धम्मो अवितक्कविचारमत्तस्स धम्मस्स आरम्मणपच्चयेन पच्चयो – अवितक्कविचारमत्ता झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खति; तं आरब्भ वितक्को उप्पज्जति. अवितक्कविचारमत्ते खन्धे च वितक्कञ्च अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ वितक्को ¶ उप्पज्जति. अवितक्कविचारमत्ते खन्धे च वितक्कञ्च आरब्भ वितक्को उप्पज्जति. (१)

अवितक्कविचारमत्तो धम्मो सवितक्कसविचारस्स धम्मस्स आरम्मणपच्चयेन पच्चयो – अवितक्कविचारमत्ता झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खन्ति; तं आरब्भ सवितक्कसविचारा खन्धा उप्पज्जन्ति. अवितक्कविचारमत्ते खन्धे च वितक्कञ्च अनिच्चतो दुक्खतो अनत्ततो ¶ विपस्सति अस्सादेति अभिनन्दति; तं आरब्भ रागो उप्पज्जति…पे… दोमनस्सं उप्पज्जति. अवितक्कविचारमत्ते खन्धे च वितक्कञ्च आरब्भ सवितक्कसविचारा खन्धा उप्पज्जन्ति. (२)

अवितक्कविचारमत्तो धम्मो अवितक्कअविचारस्स धम्मस्स आरम्मणपच्चयेन पच्चयो – चेतोपरियञाणेन अवितक्कविचारमत्तचित्तसमङ्गिस्स चित्तं जानाति. अवितक्कविचारमत्ता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स ¶ आरम्मणपच्चयेन पच्चयो. अवितक्कविचारमत्ते खन्धे च वितक्कञ्च आरब्भ अवितक्कअविचारा खन्धा उप्पज्जन्ति. (३)

अवितक्कविचारमत्तो धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो – अवितक्कविचारमत्ता झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खति; तं आरब्भ सवितक्कसविचारा खन्धा च वितक्को च उप्पज्जन्ति. अवितक्कविचारमत्ते ¶ खन्धे च वितक्कञ्च अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ सवितक्कसविचारा खन्धा च वितक्को च उप्पज्जन्ति. अवितक्कविचारमत्ते खन्धे च वितक्कञ्च आरब्भ सवितक्कसविचारा खन्धा च वितक्को च उप्पज्जन्ति. (४)

७१. अवितक्कअविचारो धम्मो अवितक्कअविचारस्स धम्मस्स आरम्मणपच्चयेन पच्चयो – निब्बानं अवितक्कअविचारस्स मग्गस्स फलस्स विचारस्स च आरम्मणपच्चयेन पच्चयो. दिब्बेन चक्खुना रूपं पस्सति, दिब्बाय सोतधातुया सद्दं सुणाति, चेतोपरियञाणेन अवितक्कअविचारचित्तसमङ्गिस्स चित्तं जानाति. आकासानञ्चायतनं विञ्ञाणञ्चायतनस्स…पे… आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो. रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स आरम्मणपच्चयेन पच्चयो. अवितक्कअविचारा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आरम्मणपच्चयेन पच्चयो. अवितक्कअविचारे खन्धे च विचारञ्च आरब्भ अवितक्कअविचारा खन्धा उप्पज्जन्ति. (१)

अवितक्कअविचारो ¶ धम्मो सवितक्कसविचारस्स धम्मस्स आरम्मणपच्चयेन पच्चयो – अरिया अवितक्कअविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खन्ति; तं आरब्भ सवितक्कसविचारा खन्धा उप्पज्जन्ति. अरिया निब्बानं पच्चवेक्खन्ति, निब्बानं ¶ गोत्रभुस्स वोदानस्स सवितक्कसविचारस्स मग्गस्स फलस्स आवज्जनाय आरम्मणपच्चयेन पच्चयो. चक्खुं अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ रागो उप्पज्जति…पे… दोमनस्सं उप्पज्जति. सोतं… घानं ¶ … जिव्हं… कायं… रूपे… सद्दे… गन्धे… रसे… फोट्ठब्बे… वत्थुं… अवितक्कअविचारे खन्धे च विचारञ्च अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ रागो उप्पज्जति…पे… दोमनस्सं उप्पज्जति. अवितक्कअविचारे खन्धे च विचारञ्च आरब्भ सवितक्कसविचारा खन्धा उप्पज्जन्ति. (२)

अवितक्कअविचारो धम्मो अवितक्कविचारमत्तस्स धम्मस्स आरम्मणपच्चयेन पच्चयो – अरिया अवितक्कअविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खन्ति; तं आरब्भ वितक्को उप्पज्जति. अरिया निब्बानं पच्चवेक्खन्ति, निब्बानं अवितक्कविचारमत्तस्स मग्गस्स फलस्स वितक्कस्स च आरम्मणपच्चयेन पच्चयो. चक्खुं अनिच्चतो दुक्खतो अनत्ततो…पे… वत्थुं… अवितक्कअविचारे खन्धे च विचारञ्च अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ वितक्को उप्पज्जति. अवितक्कअविचारे खन्धे च विचारञ्च आरब्भ वितक्को उप्पज्जति. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स आरम्मणपच्चयेन पच्चयो – निब्बानं अवितक्कविचारमत्तस्स मग्गस्स फलस्स विचारस्स च आरम्मणपच्चयेन ¶ पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो – अरिया अवितक्कअविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं पच्चवेक्खन्ति; तं आरब्भ सवितक्कसविचारा खन्धा च वितक्को च उप्पज्जन्ति. अरिया निब्बानं पच्चवेक्खन्ति, निब्बानं गोत्रभुस्स वितक्कस्स च वोदानस्स वितक्कस्स च सवितक्कसविचारस्स मग्गस्स वितक्कस्स च सवितक्कसविचारस्स फलस्स वितक्कस्स च आवज्जनाय वितक्कस्स च आरम्मणपच्चयेन ¶ पच्चयो. चक्खुं अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ सवितक्कसविचारा खन्धा च वितक्को च उप्पज्जन्ति. सोतं…पे… फोट्ठब्बं… वत्थुं… अवितक्कअविचारे खन्धे च विचारञ्च अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ सवितक्कसविचारा खन्धा च वितक्को च उप्पज्जन्ति. (५)

७२. अवितक्कविचारमत्तो ¶ च अवितक्कअविचारो च धम्मा सवितक्कसविचारस्स आरम्मणपच्चयेन पच्चयो – अवितक्कविचारमत्ते खन्धे च विचारञ्च आरब्भ सवितक्कसविचारा खन्धा उप्पज्जन्ति. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स आरम्मणपच्चयेन पच्चयो – अवितक्कविचारमत्ते खन्धे च विचारञ्च आरब्भ वितक्को उप्पज्जति. (२)

अवितक्कविचारमत्तो च अवितक्कअविचारो च धम्मा अवितक्कअविचारस्स ¶ धम्मस्स आरम्मणपच्चयेन पच्चयो – अवितक्कविचारमत्ता खन्धा च विचारो च चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आरम्मणपच्चयेन पच्चयो. अवितक्कविचारमत्ते खन्धे च विचारञ्च आरब्भ अवितक्कअविचारा खन्धा उप्पज्जन्ति. (३)

अवितक्कविचारमत्तो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो – अवितक्कविचारमत्ते खन्धे च विचारञ्च आरब्भ सवितक्कसविचारा खन्धा च वितक्को च उप्पज्जन्ति. (४)

७३. सवितक्कसविचारो च अवितक्कविचारमत्तो च धम्मा सवितक्कसविचारस्स आरम्मणपच्चयेन पच्चयो – सवितक्कसविचारे खन्धे च वितक्कञ्च आरब्भ सवितक्कसविचारा खन्धा उप्पज्जन्ति. (१)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स आरम्मणपच्चयेन पच्चयो – सवितक्कसविचारे खन्धे च वितक्कञ्च आरब्भ वितक्को उप्पज्जति. (२)

सवितक्कसविचारो ¶ च अवितक्कविचारमत्तो च धम्मा अवितक्कअविचारस्स धम्मस्स आरम्मणपच्चयेन पच्चयो – सवितक्कसविचारा खन्धा च वितक्को च चेतोपरियञाणस्स, पुब्बेनिवासानुस्सतिञाणस्स ¶ , यथाकम्मूपगञाणस्स, अनागतंसञाणस्स आरम्मणपच्चयेन पच्चयो. सवितक्कसविचारे खन्धे च वितक्कञ्च आरब्भ अवितक्कअविचारा ¶ खन्धा उप्पज्जन्ति. (३)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो – सवितक्कसविचारे खन्धे च वितक्कञ्च आरब्भ सवितक्कसविचारा खन्धा च वितक्को च उप्पज्जन्ति. (४)

अधिपतिपच्चयो

७४. सवितक्कसविचारो धम्मो सवितक्कसविचारस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा पच्चवेक्खति; पुब्बे सुचिण्णानि गरुं कत्वा पच्चवेक्खति. सवितक्कसविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खति. सवितक्कसविचारे खन्धे गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति. सहजाताधिपति – सवितक्कसविचारा अधिपति सम्पयुत्तकानं खन्धानं अधिपतिपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा पच्चवेक्खति; तं गरुं कत्वा वितक्को उप्पज्जति. पुब्बे सुचिण्णानि गरुं कत्वा पच्चवेक्खति. सवितक्कसविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खन्ति ¶ ; तं गरुं कत्वा वितक्को उप्पज्जति. सवितक्कसविचारे खन्धे गरुं कत्वा अस्सादेति अभिनन्दति; तं गरुं कत्वा वितक्को उप्पज्जति. सहजाताधिपति – सवितक्कसविचारा अधिपति वितक्कस्स अधिपतिपच्चयेन पच्चयो. (२)

सवितक्कसविचारो ¶ धम्मो अवितक्कअविचारस्स धम्मस्स अधिपतिपच्चयेन पच्चयो. सहजाताधिपति ¶ – सवितक्कसविचारा अधिपति चित्तसमुट्ठानानं रूपानं अधिपतिपच्चयेन पच्चयो. (३)

सवितक्कसविचारो धम्मो सवितक्कसविचारस्स च अवितक्कअविचारस्स च धम्मस्स अधिपतिपच्चयेन पच्चयो. सहजाताधिपति – सवितक्कसविचारा अधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (४)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स अधिपतिपच्चयेन पच्चयो. सहजाताधिपति – सवितक्कसविचारा अधिपति वितक्कस्स च चित्तसमुट्ठानानञ्च रूपानं अधिपतिपच्चयेन पच्चयो. (५)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स अधिपतिपच्चयेन पच्चयो – आरम्मणाधिपति सहजाताधिपति. आरम्मणाधिपति – दानं दत्वा सीलं समादियित्वा, उपोसथकम्मं कत्वा तं गरुं कत्वा पच्चवेक्खति; तं गरुं कत्वा सवितक्कसविचारा खन्धा च वितक्को च उप्पज्जन्ति. पुब्बे सुचिण्णानि गरुं ¶ कत्वा पच्चवेक्खति, सवितक्कसविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खति; तं गरुं कत्वा सवितक्कसविचारा खन्धा च वितक्को च उप्पज्जन्ति. सवितक्कसविचारे खन्धे गरुं कत्वा अस्सादेति अभिनन्दति; तं गरुं कत्वा सवितक्कसविचारा खन्धा च वितक्को च उप्पज्जन्ति. सहजाताधिपति – सवितक्कसविचारा अधिपति सम्पयुत्तकानं खन्धानं वितक्कस्स च अधिपतिपच्चयेन पच्चयो. (६)

सवितक्कसविचारो धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स अधिपतिपच्चयेन पच्चयो. सहजाताधिपति – सवितक्कसविचारा अधिपति सम्पयुत्तकानं खन्धानं वितक्कस्स च चित्तसमुट्ठानानञ्च रूपानं अधिपतिपच्चयेन पच्चयो. (७)

७५. अवितक्कविचारमत्तो धम्मो अवितक्कविचारमत्तस्स धम्मस्स अधिपतिपच्चयेन पच्चयो ¶ – आरम्मणाधिपति, सहजाताधिपति. आरम्मणाधिपति – अवितक्कविचारमत्ता झाना वुट्ठहित्वा, मग्गा वुट्ठहित्वा, फला ¶ वुट्ठहित्वा फलं गरुं कत्वा पच्चवेक्खति; तं गरुं कत्वा वितक्को उप्पज्जति. अवितक्कविचारमत्ते खन्धे च वितक्कञ्च गरुं कत्वा अस्सादेति अभिनन्दति; तं गरुं कत्वा वितक्को उप्पज्जति. सहजाताधिपति – अवितक्कविचारमत्ता अधिपति सम्पयुत्तकानं खन्धानं अधिपतिपच्चयेन पच्चयो. (१)

अवितक्कविचारमत्तो धम्मो सवितक्कसविचारस्स धम्मस्स अधिपतिपच्चयेन ¶ पच्चयो. आरम्मणाधिपति – अवितक्कविचारमत्ता झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खति; तं गरुं कत्वा सवितक्कसविचारा खन्धा उप्पज्जन्ति. अवितक्कविचारमत्ते खन्धे च वितक्कञ्च गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति. (२)

अवितक्कविचारमत्तो धम्मो अवितक्कअविचारस्स धम्मस्स अधिपतिपच्चयेन पच्चयो. सहजाताधिपति – अवितक्कविचारमत्ता अधिपति विचारस्स चित्तसमुट्ठानानञ्च रूपानं अधिपतिपच्चयेन पच्चयो. (३)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स अधिपतिपच्चयेन पच्चयो. सहजाताधिपति – अवितक्कविचारमत्ता अधिपति सम्पयुत्तकानं खन्धानं विचारस्स च चित्तसमुट्ठानानञ्च रूपानं अधिपतिपच्चयेन पच्चयो. (४)

अवितक्कविचारमत्तो धम्मो सवितक्कसविचारस्स च अवितक्कविचारमत्तस्स च धम्मस्स अधिपतिपच्चयेन पच्चयो. आरम्मणाधिपति – अवितक्कविचारमत्ता झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खति; तं गरुं कत्वा सवितक्कसविचारा खन्धा च वितक्को च उप्पज्जन्ति. अवितक्कविचारमत्ते खन्धे च वितक्कञ्च गरुं कत्वा अस्सादेति अभिनन्दति; तं गरुं कत्वा सवितक्कसविचारा खन्धा च वितक्को च उप्पज्जन्ति. (५)

७६. अवितक्कअविचारो धम्मो अवितक्कअविचारस्स धम्मस्स अधिपतिपच्चयेन ¶ ¶ पच्चयो – आरम्मणाधिपति, सहजाताधिपति. आरम्मणाधिपति – निब्बानं अवितक्कअविचारस्स मग्गस्स फलस्स विचारस्स च अधिपतिपच्चयेन पच्चयो. सहजाताधिपति – अवितक्कअविचारा अधिपति ¶ सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स अधिपतिपच्चयेन पच्चयो. आरम्मणाधिपति – अरिया अवितक्कअविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खन्ति; तं गरुं कत्वा सवितक्कसविचारा खन्धा उप्पज्जन्ति, अरिया निब्बानं गरुं कत्वा पच्चवेक्खन्ति; निब्बानं गोत्रभुस्स वोदानस्स सवितक्कसविचारस्स मग्गस्स फलस्स अधिपतिपच्चयेन पच्चयो. चक्खुं गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति. सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं… अवितक्कअविचारे खन्धे च विचारञ्च गरुं कत्वा अस्सादेति अभिनन्दति; तं गरुं कत्वा रागो उप्पज्जति, दिट्ठि उप्पज्जति. (२)

अवितक्कअविचारो धम्मो अवितक्कविचारमत्तस्स धम्मस्स अधिपतिपच्चयेन पच्चयो. आरम्मणाधिपति – अरिया अवितक्कअविचारा झाना वुट्ठहित्वा, मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खन्ति; तं गरुं कत्वा वितक्को उप्पज्जति, अरिया निब्बानं गरुं कत्वा पच्चवेक्खन्ति ¶ ; निब्बानं अवितक्कविचारमत्तस्स मग्गस्स फलस्स वितक्कस्स च अधिपतिपच्चयेन पच्चयो. चक्खुं…पे… वत्थुं… अवितक्कअविचारे खन्धे च विचारञ्च गरुं कत्वा अस्सादेति अभिनन्दति; तं गरुं कत्वा वितक्को उप्पज्जति. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स अधिपतिपच्चयेन पच्चयो. आरम्मणाधिपति – निब्बानं अवितक्कविचारमत्तस्स मग्गस्स फलस्स विचारस्स च अधिपतिपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स अधिपतिपच्चयेन पच्चयो. आरम्मणाधिपति – अरिया अवितक्कअविचारा झाना वुट्ठहित्वा ¶ , मग्गा वुट्ठहित्वा, फला वुट्ठहित्वा फलं गरुं कत्वा पच्चवेक्खन्ति; तं गरुं कत्वा सवितक्कसविचारा खन्धा च वितक्को च उप्पज्जन्ति, अरिया निब्बानं गरुं कत्वा पच्चवेक्खन्ति; निब्बानं गोत्रभुस्स वितक्कस्स च वोदानस्स वितक्कस्स च सवितक्कसविचारस्स मग्गस्स ¶ वितक्कस्स च सवितक्कसविचारस्स फलस्स वितक्कस्स च अधिपतिपच्चयेन पच्चयो. चक्खुं गरुं कत्वा…पे… वत्थुं… अवितक्कअविचारे खन्धे च विचारञ्च गरुं कत्वा अस्सादेति अभिनन्दति; तं गरुं कत्वा सवितक्कसविचारा खन्धा च वितक्को च उप्पज्जन्ति. (५)

७७. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अधिपतिपच्चयेन पच्चयो. आरम्मणाधिपति – अवितक्कविचारमत्ते ¶ खन्धे च विचारञ्च गरुं कत्वा सवितक्कसविचारा खन्धा उप्पज्जन्ति. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स अधिपतिपच्चयेन पच्चयो. आरम्मणाधिपति – अवितक्कविचारमत्ते खन्धे च विचारञ्च गरुं कत्वा वितक्को उप्पज्जति. (२)

अवितक्कविचारमत्तो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स अधिपतिपच्चयेन पच्चयो. आरम्मणाधिपति – अवितक्कविचारमत्ते खन्धे च विचारञ्च गरुं कत्वा सवितक्कसविचारा खन्धा च वितक्को च उप्पज्जन्ति. (३)

७८. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स अधिपतिपच्चयेन पच्चयो. आरम्मणाधिपति – सवितक्कसविचारे खन्धे च वितक्कञ्च गरुं कत्वा सवितक्कसविचारा खन्धा उप्पज्जन्ति. (१)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स धम्मस्स अधिपतिपच्चयेन पच्चयो. आरम्मणाधिपति – सवितक्कसविचारे खन्धे च वितक्कञ्च गरुं कत्वा वितक्को उप्पज्जति. (२)

सवितक्कसविचारो ¶ च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स अधिपतिपच्चयेन पच्चयो. आरम्मणाधिपति – सवितक्कसविचारे खन्धे च वितक्कञ्च गरुं कत्वा सवितक्कसविचारा खन्धा च वितक्को च उप्पज्जन्ति ¶ . (३)

अनन्तरपच्चयो

७९. सवितक्कसविचारो ¶ धम्मो सवितक्कसविचारस्स धम्मस्स अनन्तरपच्चयेन पच्चयो – पुरिमा पुरिमा सवितक्कसविचारा खन्धा पच्छिमानं पच्छिमानं सवितक्कसविचारानं खन्धानं अनन्तरपच्चयेन पच्चयो. अनुलोमं गोत्रभुस्स… अनुलोमं वोदानस्स… गोत्रभु सवितक्कसविचारस्स मग्गस्स… वोदानं सवितक्कसविचारस्स मग्गस्स… सवितक्कसविचारो मग्गो सवितक्कसविचारस्स फलस्स… सवितक्कसविचारं फलं सवितक्कसविचारस्स फलस्स… अनुलोमं सवितक्कसविचाराय फलसमापत्तिया अनन्तरपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स अनन्तरपच्चयेन पच्चयो – पुरिमा पुरिमा सवितक्कसविचारा खन्धा पच्छिमस्स पच्छिमस्स वितक्कस्स अनन्तरपच्चयेन पच्चयो. सवितक्कसविचारं चुतिचित्तं अवितक्कविचारमत्तस्स उपपत्तिचित्तस्स…पे… सवितक्कसविचारा खन्धा अवितक्कविचारमत्तस्स वुट्ठानस्स वितक्कस्स च…पे… अवितक्कविचारमत्तस्स झानस्स परिकम्मं अवितक्कविचारमत्तस्स झानस्स… गोत्रभु अवितक्कविचारमत्तस्स मग्गस्स… वोदानं अवितक्कविचारमत्तस्स मग्गस्स… अनुलोमं अवितक्कविचारमत्ताय फलसमापत्तिया वितक्कस्स च अनन्तरपच्चयेन पच्चयो. (२)

सवितक्कसविचारो धम्मो अवितक्कअविचारस्स धम्मस्स अनन्तरपच्चयेन पच्चयो – सवितक्कसविचारं चुतिचित्तं अवितक्कअविचारस्स उपपत्तिचित्तस्स विचारस्स च अनन्तरपच्चयेन पच्चयो – आवज्जना पञ्चन्नं विञ्ञाणानं अनन्तरपच्चयेन ¶ पच्चयो. सवितक्कसविचारा खन्धा अवितक्कअविचारस्स वुट्ठानस्स विचारस्स च…पे… दुतियस्स झानस्स परिकम्मं दुतिये झाने विचारस्स अनन्तरपच्चयेन पच्चयो. ततियस्स झानस्स परिकम्मं ¶ …पे… चतुत्थस्स झानस्स परिकम्मं…पे… आकासानञ्चायतनस्स परिकम्मं…पे… विञ्ञाणञ्चायतनस्स परिकम्मं…पे… आकिञ्चञ्ञायतनस्स परिकम्मं…पे… नेवसञ्ञानासञ्ञायतनस्स परिकम्मं…पे… दिब्बस्स चक्खुस्स परिकम्मं…पे… दिब्बाय सोतधातुया परिकम्मं…पे… इद्धिविधञाणस्स परिकम्मं…पे… चेतोपरियञाणस्स परिकम्मं…पे… पुब्बेनिवासानुस्सतिञाणस्स परिकम्मं…पे… यथाकम्मूपगञाणस्स परिकम्मं…पे… अनागतंसञाणस्स परिकम्मं…पे… गोत्रभु अवितक्कअविचारस्स मग्गस्स विचारस्स च… वोदानं अवितक्कअविचारस्स मग्गस्स ¶ विचारस्स च… अनुलोमं अवितक्कअविचाराय फलसमापत्तिया विचारस्स च अनन्तरपच्चयेन पच्चयो. (३)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स अनन्तरपच्चयेन पच्चयो – सवितक्कसविचारं चुतिचित्तं अवितक्कविचारमत्तस्स उपपत्तिचित्तस्स विचारस्स च अनन्तरपच्चयेन पच्चयो. सवितक्कसविचारा खन्धा अवितक्कविचारमत्तस्स वुट्ठानस्स विचारस्स च अनन्तरपच्चयेन पच्चयो. अवितक्कविचारमत्तस्स झानस्स परिकम्मं अवितक्कविचारमत्तस्स झानस्स विचारस्स च अनन्तरपच्चयेन पच्चयो. गोत्रभु अवितक्कविचारमत्तस्स ¶ मग्गस्स विचारस्स च… वोदानं अवितक्कविचारमत्तस्स मग्गस्स विचारस्स च… अनुलोमं अवितक्कविचारमत्ताय फलसमापत्तिया विचारस्स च अनन्तरपच्चयेन पच्चयो. (४)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स अनन्तरपच्चयेन पच्चयो – पुरिमा पुरिमा सवितक्कसविचारा खन्धा पच्छिमानं पच्छिमानं सवितक्कसविचारानं खन्धानं वितक्कस्स च अनन्तरपच्चयेन पच्चयो. अनुलोमं गोत्रभुस्स वितक्कस्स च… अनुलोमं वोदानस्स वितक्कस्स च… गोत्रभु सवितक्कसविचारस्स मग्गस्स वितक्कस्स च… वोदानं सवितक्कसविचारस्स मग्गस्स वितक्कस्स च… सवितक्कसविचारो मग्गो सवितक्कसविचारस्स फलस्स वितक्कस्स च… सवितक्कसविचारं फलं सवितक्कसविचारस्स फलस्स वितक्कस्स च… अनुलोमं सवितक्कसविचाराय फलसमापत्तिया वितक्कस्स च अनन्तरपच्चयेन पच्चयो. (५)

८०. अवितक्कविचारमत्तो ¶ धम्मो अवितक्कविचारमत्तस्स धम्मस्स अनन्तरपच्चयेन पच्चयो – पुरिमो पुरिमो वितक्को पच्छिमस्स पच्छिमस्स वितक्कस्स अनन्तरपच्चयेन पच्चयो. पुरिमा पुरिमा अवितक्कविचारमत्ता खन्धा पच्छिमानं पच्छिमानं अवितक्कविचारमत्तानं खन्धानं अनन्तरपच्चयेन पच्चयो. अवितक्कविचारमत्तो मग्गो अवितक्कविचारमत्तस्स फलस्स… अवितक्कविचारमत्तं फलं अवितक्कविचारमत्तस्स फलस्स अनन्तरपच्चयेन पच्चयो. (१)

अवितक्कविचारमत्तो ¶ ¶ धम्मो सवितक्कसविचारस्स धम्मस्स अनन्तरपच्चयेन पच्चयो – पुरिमो पुरिमो वितक्को पच्छिमानं पच्छिमानं सवितक्कसविचारानं खन्धानं अनन्तरपच्चयेन पच्चयो. अवितक्कविचारमत्तं चुतिचित्तं सवितक्कसविचारस्स उपपत्तिचित्तस्स अनन्तरपच्चयेन पच्चयो. अवितक्कविचारमत्तं भवङ्गं आवज्जनाय अनन्तरपच्चयेन पच्चयो. अवितक्कविचारमत्ता खन्धा सवितक्कसविचारस्स वुट्ठानस्स अनन्तरपच्चयेन पच्चयो. (२)

अवितक्कविचारमत्तो धम्मो अवितक्कअविचारस्स धम्मस्स अनन्तरपच्चयेन पच्चयो – पुरिमा पुरिमा अवितक्कविचारमत्ता खन्धा पच्छिमस्स पच्छिमस्स विचारस्स अनन्तरपच्चयेन पच्चयो. अवितक्कविचारमत्तं चुतिचित्तं वितक्को च अवितक्कअविचारस्स उपपत्तिचित्तस्स विचारस्स च अनन्तरपच्चयेन पच्चयो. अवितक्कविचारमत्ता खन्धा वितक्को च अवितक्कअविचारस्स वुट्ठानस्स विचारस्स च अनन्तरपच्चयेन पच्चयो. (३)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स अनन्तरपच्चयेन पच्चयो – पुरिमा पुरिमा अवितक्कविचारमत्ता खन्धा पच्छिमानं पच्छिमानं अवितक्कविचारमत्तानं खन्धानं विचारस्स च अनन्तरपच्चयेन पच्चयो. अवितक्कविचारमत्तो मग्गो अवितक्कविचारमत्तस्स फलस्स विचारस्स च… अवितक्कविचारमत्तं फलं अवितक्कविचारमत्तस्स फलस्स विचारस्स च अनन्तरपच्चयेन ¶ पच्चयो. (४)

अवितक्कविचारमत्तो ¶ धम्मो सवितक्कसविचारस्स च अवितक्कविचारमत्तस्स च धम्मस्स अनन्तरपच्चयेन पच्चयो – पुरिमो पुरिमो वितक्को पच्छिमानं पच्छिमानं सवितक्कसविचारानं खन्धानं वितक्कस्स च अनन्तरपच्चयेन पच्चयो. अवितक्कविचारमत्तं चुतिचित्तं सवितक्कसविचारस्स उपपत्तिचित्तस्स वितक्कस्स च अनन्तरपच्चयेन पच्चयो. अवितक्कविचारमत्तं भवङ्गं आवज्जनाय वितक्कस्स च अनन्तरपच्चयेन पच्चयो. अवितक्कविचारमत्ता खन्धा सवितक्कसविचारस्स वुट्ठानस्स वितक्कस्स च अनन्तरपच्चयेन पच्चयो. (५)

८१. अवितक्कअविचारो धम्मो अवितक्कअविचारस्स धम्मस्स अनन्तरपच्चयेन पच्चयो – पुरिमो पुरिमो विचारो पच्छिमस्स पच्छिमस्स विचारस्स अनन्तरपच्चयेन पच्चयो. पुरिमा पुरिमा अवितक्कअविचारा खन्धा पच्छिमानं पच्छिमानं ¶ अवितक्कअविचारानं खन्धानं अनन्तरपच्चयेन पच्चयो. अवितक्कअविचारो मग्गो अवितक्कअविचारस्स फलस्स… अवितक्कअविचारं फलं अवितक्कअविचारस्स फलस्स अनन्तरपच्चयेन पच्चयो. निरोधा वुट्ठहन्तस्स नेवसञ्ञानासञ्ञायतनं अवितक्कअविचाराय फलसमापत्तिया विचारस्स च अनन्तरपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स अनन्तरपच्चयेन पच्चयो – अवितक्कअविचारं चुतिचित्तं विचारो च सवितक्कसविचारस्स ¶ उपपत्तिचित्तस्स अनन्तरपच्चयेन पच्चयो. अवितक्कअविचारं भवङ्गं विचारो च आवज्जनाय अनन्तरपच्चयेन पच्चयो. अवितक्कअविचारा खन्धा विचारो च सवितक्कसविचारस्स वुट्ठानस्स अनन्तरपच्चयेन पच्चयो. निरोधा वुट्ठहन्तस्स नेवसञ्ञानासञ्ञायतनं सवितक्कसविचाराय फलसमापत्तिया अनन्तरपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स अनन्तरपच्चयेन पच्चयो – पुरिमो पुरिमो विचारो पच्छिमानं पच्छिमानं अवितक्कविचारमत्तानं खन्धानं अनन्तरपच्चयेन पच्चयो. अवितक्कअविचारं चुतिचित्तं विचारो च अवितक्कविचारमत्तस्स उपपत्तिचित्तस्स वितक्कस्स च अनन्तरपच्चयेन पच्चयो. अवितक्कअविचारा खन्धा विचारो च अवितक्कविचारमत्तस्स वुट्ठानस्स वितक्कस्स च अनन्तरपच्चयेन पच्चयो. निरोधा ¶ वुट्ठहन्तस्स नेवसञ्ञानासञ्ञायतनं अवितक्कविचारमत्ताय फलसमापत्तिया वितक्कस्स च अनन्तरपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स अनन्तरपच्चयेन पच्चयो – पुरिमो पुरिमो विचारो पच्छिमानं पच्छिमानं अवितक्कविचारमत्तानं खन्धानं विचारस्स च अनन्तरपच्चयेन पच्चयो. अवितक्कअविचारं चुतिचित्तं अवितक्कविचारमत्तस्स उपपत्तिचित्तस्स विचारस्स च अनन्तरपच्चयेन पच्चयो. अवितक्कअविचारा खन्धा अवितक्कविचारमत्तस्स वुट्ठानस्स विचारस्स च अनन्तरपच्चयेन पच्चयो. निरोधा वुट्ठहन्तस्स ¶ नेवसञ्ञानासञ्ञायतनं अवितक्कविचारमत्ताय फलसमापत्तिया विचारस्स च अनन्तरपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स अनन्तरपच्चयेन पच्चयो – अवितक्कअविचारं चुतिचित्तं विचारो ¶ च सवितक्कसविचारस्स उपपत्तिचित्तस्स वितक्कस्स च अनन्तरपच्चयेन पच्चयो. अवितक्कअविचारं भवङ्गञ्च विचारो च आवज्जनाय वितक्कस्स च अनन्तरपच्चयेन पच्चयो. अवितक्कअविचारा खन्धा विचारो च सवितक्कसविचारस्स वुट्ठानस्स वितक्कस्स च अनन्तरपच्चयेन पच्चयो. निरोधा वुट्ठहन्तस्स नेवसञ्ञानासञ्ञायतनं सवितक्कसविचाराय फलसमापत्तिया वितक्कस्स च अनन्तरपच्चयेन पच्चयो. (५)

८२. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अनन्तरपच्चयेन पच्चयो – अवितक्कविचारमत्तं चुतिचित्तञ्च विचारो च सवितक्कसविचारस्स उपपत्तिचित्तस्स अनन्तरपच्चयेन पच्चयो. अवितक्कविचारमत्तं भवङ्गञ्च विचारो च आवज्जनाय अनन्तरपच्चयेन पच्चयो. अवितक्कविचारमत्ता खन्धा च विचारो च सवितक्कसविचारस्स वुट्ठानस्स अनन्तरपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स अनन्तरपच्चयेन पच्चयो – पुरिमा पुरिमा ¶ अवितक्कविचारमत्ता खन्धा च विचारो च पच्छिमानं पच्छिमानं अवितक्कविचारमत्तानं खन्धानं अनन्तरपच्चयेन पच्चयो. अवितक्कविचारमत्तो ¶ मग्गो च विचारो च अवितक्कविचारमत्तस्स फलस्स अनन्तरपच्चयेन पच्चयो. अवितक्कविचारमत्तं फलञ्च विचारो च अवितक्कविचारमत्तस्स फलस्स अनन्तरपच्चयेन पच्चयो. (२)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स अनन्तरपच्चयेन पच्चयो – पुरिमा पुरिमा अवितक्कविचारमत्ता खन्धा च विचारो च पच्छिमस्स पच्छिमस्स विचारस्स अनन्तरपच्चयेन पच्चयो. अवितक्कविचारमत्तं चुतिचित्तञ्च विचारो च अवितक्कअविचारस्स उपपत्तिचित्तस्स अनन्तरपच्चयेन पच्चयो. अवितक्कविचारमत्ता खन्धा च विचारो च अवितक्कअविचारस्स वुट्ठानस्स अनन्तरपच्चयेन पच्चयो. (३)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स अनन्तरपच्चयेन पच्चयो – पुरिमा पुरिमा अवितक्कविचारमत्ता खन्धा च विचारो च पच्छिमानं पच्छिमानं अवितक्कविचारमत्तानं खन्धानं विचारस्स च अनन्तरपच्चयेन पच्चयो. अवितक्कविचारमत्तो मग्गो च विचारो च अवितक्कविचारमत्तस्स फलस्स विचारस्स ¶ च अनन्तरपच्चयेन पच्चयो. अवितक्कविचारमत्तं फलञ्च विचारो च अवितक्कविचारमत्तस्स फलस्स च विचारस्स च अनन्तरपच्चयेन पच्चयो. (४)

अवितक्कविचारमत्तो ¶ च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स अनन्तरपच्चयेन पच्चयो – अवितक्कविचारमत्तं चुतिचित्तञ्च विचारो च सवितक्कसविचारस्स उपपत्तिचित्तस्स वितक्कस्स च अनन्तरपच्चयेन पच्चयो. अवितक्कविचारमत्तं भवङ्गञ्च विचारो च आवज्जनाय वितक्कस्स च अनन्तरपच्चयेन पच्चयो. अवितक्कविचारमत्ता खन्धा च विचारो च सवितक्कसविचारस्स वुट्ठानस्स वितक्कस्स च अनन्तरपच्चयेन पच्चयो. (५)

८३. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स अनन्तरपच्चयेन पच्चयो – पुरिमा पुरिमा सवितक्कसविचारा खन्धा च वितक्को च ¶ पच्छिमानं पच्छिमानं सवितक्कसविचारानं खन्धानं अनन्तरपच्चयेन पच्चयो. अनुलोमञ्च वितक्को च गोत्रभुस्स… अनुलोमञ्च वितक्को च वोदानस्स… गोत्रभु च वितक्को च सवितक्कसविचारस्स मग्गस्स… वोदानञ्च वितक्को च सवितक्कसविचारस्स मग्गस्स… सवितक्कसविचारो मग्गो च वितक्को च सवितक्कसविचारस्स फलस्स… सवितक्कसविचारं फलञ्च वितक्को च सवितक्कसविचारस्स फलस्स… अनुलोमञ्च वितक्को च सवितक्कसविचाराय फलसमापत्तिया अनन्तरपच्चयेन पच्चयो. (१)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स धम्मस्स अनन्तरपच्चयेन पच्चयो – पुरिमा पुरिमा ¶ सवितक्कसविचारा खन्धा च वितक्को च पच्छिमस्स पच्छिमस्स वितक्कस्स अनन्तरपच्चयेन पच्चयो. सवितक्कसविचारं चुतिचित्तञ्च वितक्को च अवितक्कविचारमत्तस्स उपपत्तिचित्तस्स अनन्तरपच्चयेन पच्चयो. सवितक्कसविचारा खन्धा च वितक्को च अवितक्कविचारमत्तस्स वुट्ठानस्स अनन्तरपच्चयेन पच्चयो. अवितक्कविचारमत्तस्स झानस्स परिकम्मञ्च वितक्को च अवितक्कविचारमत्तस्स झानस्स अनन्तरपच्चयेन पच्चयो. गोत्रभु च वितक्को च अवितक्कविचारमत्तस्स मग्गस्स… वोदानञ्च वितक्को च अवितक्कविचारमत्तस्स मग्गस्स ¶ … अनुलोमञ्च वितक्को च अवितक्कविचारमत्ताय फलसमापत्तिया अनन्तरपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स अनन्तरपच्चयेन पच्चयो – सवितक्कसविचारं चुतिचित्तञ्च वितक्को च अवितक्कअविचारस्स उपपत्तिचित्तस्स विचारस्स च अनन्तरपच्चयेन पच्चयो. आवज्जना च वितक्को च पञ्चन्नं विञ्ञाणानं अनन्तरपच्चयेन पच्चयो. सवितक्कसविचारा खन्धा च वितक्को च अवितक्कअविचारस्स वुट्ठानस्स च विचारस्स च अनन्तरपच्चयेन पच्चयो. दुतियस्स झानस्स परिकम्मञ्च वितक्को च दुतिये झाने विचारस्स अनन्तरपच्चयेन पच्चयो. ततियस्स झानस्स परिकम्मञ्च वितक्को च…पे… चतुत्थस्स झानस्स परिकम्मञ्च वितक्को च…पे… आकासानञ्चायतनस्स परिकम्मञ्च वितक्को च…पे… विञ्ञाणञ्चायतनस्स ¶ परिकम्मञ्च वितक्को च…पे… आकिञ्चञ्ञायतनस्स परिकम्मञ्च वितक्को च…पे… नेवसञ्ञानासञ्ञायतनस्स परिकम्मञ्च वितक्को च ¶ …पे… दिब्बस्स चक्खुस्स परिकम्मञ्च वितक्को च…पे… दिब्बाय सोतधातुया परिकम्मञ्च वितक्को च…पे… इद्धिविधञाणस्स परिकम्मञ्च वितक्को च…पे… चेतोपरियञाणस्स परिकम्मञ्च वितक्को च…पे… पुब्बेनिवासानुस्सतिञाणस्स परिकम्मञ्च वितक्को च…पे… यथाकम्मूपगञाणस्स परिकम्मञ्च वितक्को च…पे… अनागतंसञाणस्स परिकम्मञ्च वितक्को च…पे… गोत्रभु च वितक्को च अवितक्कअविचारस्स मग्गस्स विचारस्स च… वोदानञ्च वितक्को च अवितक्कअविचारस्स मग्गस्स विचारस्स च… अनुलोमञ्च वितक्को च अवितक्कअविचाराय फलसमापत्तिया विचारस्स च अनन्तरपच्चयेन पच्चयो. (३)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स च अवितक्कअविचारस्स च धम्मस्स अनन्तरपच्चयेन पच्चयो – सवितक्कसविचारं चुतिचित्तञ्च वितक्को च अवितक्कविचारमत्तस्स उपपत्तिचित्तस्स च विचारस्स च अनन्तरपच्चयेन पच्चयो. सवितक्कसविचारा खन्धा च वितक्को च अवितक्कविचारमत्तस्स वुट्ठानस्स च विचारस्स च अनन्तरपच्चयेन पच्चयो. अवितक्कविचारमत्तस्स झानस्स परिकम्मञ्च वितक्को च अवितक्कविचारमत्तस्स झानस्स च विचारस्स च अनन्तरपच्चयेन पच्चयो. गोत्रभु च वितक्को च अवितक्कविचारमत्तस्स मग्गस्स च विचारस्स च अनन्तरपच्चयेन पच्चयो. वोदानञ्च वितक्को च अवितक्कविचारमत्तस्स ¶ मग्गस्स च विचारस्स ¶ च… अनुलोमञ्च वितक्को च अवितक्कविचारमत्ताय फलसमापत्तिया च विचारस्स च अनन्तरपच्चयेन पच्चयो. (४)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स अनन्तरपच्चयेन पच्चयो – पुरिमा पुरिमा सवितक्कसविचारा खन्धा च वितक्को च पच्छिमानं पच्छिमानं सवितक्कसविचारानं खन्धानं वितक्कस्स च अनन्तरपच्चयेन पच्चयो. अनुलोमञ्च वितक्को च गोत्रभुस्स च वितक्कस्स च… अनुलोमञ्च वितक्को च वोदानस्स च वितक्कस्स च… गोत्रभु च वितक्को च सवितक्कसविचारस्स च मग्गस्स च वितक्कस्स च… वोदानञ्च वितक्को च सवितक्कसविचारस्स मग्गस्स च वितक्कस्स च अनन्तरपच्चयेन पच्चयो. सवितक्कसविचारो मग्गो च वितक्को च सवितक्कसविचारस्स फलस्स च वितक्कस्स च ¶ … सवितक्कसविचारं फलञ्च वितक्को च सवितक्कसविचारस्स फलस्स च वितक्कस्स च… अनुलोमञ्च वितक्को च सवितक्कसविचाराय फलसमापत्तिया च वितक्कस्स च अनन्तरपच्चयेन पच्चयो. (५)

समनन्तरपच्चयो

८४. सवितक्कसविचारो धम्मो सवितक्कसविचारस्स धम्मस्स समनन्तरपच्चयेन पच्चयो (अनन्तरपच्चयोपि समनन्तरपच्चयोपि सदिसो).

सहजातपच्चयो

८५. सवितक्कसविचारो ¶ धम्मो सवितक्कसविचारस्स धम्मस्स सहजातपच्चयेन पच्चयो – सवितक्कसविचारो एको खन्धो तिण्णन्नं खन्धानं सहजातपच्चयेन पच्चयो. तयो खन्धा एकस्स खन्धस्स सहजातपच्चयेन पच्चयो. द्वे खन्धा द्विन्नं खन्धानं सहजातपच्चयेन पच्चयो. पटिसन्धिक्खणे सवितक्कसविचारो एको खन्धो तिण्णन्नं खन्धानं…पे… द्वे खन्धा द्विन्नं खन्धानं…पे…. (१)

सवितक्कसविचारो धम्मो अवितक्कविचारमत्तस्स धम्मस्स सहजातपच्चयेन पच्चयो – सवितक्कसविचारा खन्धा वितक्कस्स सहजातपच्चयेन पच्चयो. पटिसन्धिक्खणे…पे…. (२)

सवितक्कसविचारो ¶ धम्मो अवितक्कअविचारस्स धम्मस्स सहजातपच्चयेन पच्चयो – सवितक्कसविचारा खन्धा चित्तसमुट्ठानानं रूपानं सहजातपच्चयेन पच्चयो. पटिसन्धिक्खणे…पे… कटत्तारूपानं…पे…. (३)

सवितक्कसविचारो धम्मो सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो – सवितक्कसविचारो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे…पे…. (४)

सवितक्कसविचारो ¶ धम्मो अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो – सवितक्कसविचारा ¶ खन्धा वितक्कस्स च चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे…पे…. (५)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स सहजातपच्चयेन पच्चयो – सवितक्कसविचारो एको खन्धो तिण्णन्नं खन्धानं वितक्कस्स च सहजातपच्चयेन पच्चयो…पे… द्वे खन्धा द्विन्नं खन्धानं वितक्कस्स च सहजातपच्चयेन पच्चयो. पटिसन्धिक्खणे…पे…. (६)

सवितक्कसविचारो धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो – सवितक्कसविचारो एको खन्धो तिण्णन्नं खन्धानं वितक्कस्स च चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा द्विन्नं खन्धानं वितक्कस्स च चित्तसमुट्ठानानञ्च रूपानं…पे… पटिसन्धिक्खणे…पे…. (७)

८६. अवितक्कविचारमत्तो धम्मो अवितक्कविचारमत्तस्स धम्मस्स सहजातपच्चयेन पच्चयो – अवितक्कविचारमत्तो एको खन्धो तिण्णन्नं खन्धानं सहजातपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

अवितक्कविचारमत्तो धम्मो सवितक्कसविचारस्स धम्मस्स सहजातपच्चयेन पच्चयो – वितक्को सवितक्कसविचारानं खन्धानं सहजातपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो ¶ ¶ धम्मो अवितक्कअविचारस्स धम्मस्स सहजातपच्चयेन पच्चयो – अवितक्कविचारमत्ता खन्धा विचारस्स चित्तसमुट्ठानानञ्च रूपानं सहजातपच्चयेन पच्चयो, वितक्को चित्तसमुट्ठानानं रूपानं सहजातपच्चयेन पच्चयो. पटिसन्धिक्खणे…पे…. (३)

अवितक्कविचारमत्तो ¶ धम्मो सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो – वितक्को सवितक्कसविचारानं खन्धानं चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे…पे…. (४)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो – अवितक्कविचारमत्तो एको खन्धो तिण्णन्नं खन्धानं विचारस्स च चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा द्विन्नं खन्धानं विचारस्स च चित्तसमुट्ठानानञ्च रूपानं…पे… पटिसन्धिक्खणे…पे…. (५)

८७. अवितक्कअविचारो धम्मो अवितक्कअविचारस्स धम्मस्स सहजातपच्चयेन पच्चयो – अवितक्कअविचारो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो. विचारो चित्तसमुट्ठानानं रूपानं…पे… पटिसन्धिक्खणे अवितक्कअविचारो ¶ एको खन्धो तिण्णन्नं खन्धानं कटत्ता च रूपानं…पे… द्वे खन्धा द्विन्नं खन्धानं कटत्ता च रूपानं…पे… विचारो कटत्तारूपानं…पे… खन्धा वत्थुस्स…पे… वत्थु खन्धानं…पे… विचारो वत्थुस्स…पे… वत्थु विचारस्स…पे… एकं महाभूतं तिण्णन्नं महाभूतानं…पे… महाभूता चित्तसमुट्ठानानं रूपानं कटत्तारूपानं उपादारूपानं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे… महाभूता कटत्तारूपानं उपादारूपानं सहजातपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स सहजातपच्चयेन पच्चयो – पटिसन्धिक्खणे वत्थु सवितक्कसविचारानं खन्धानं सहजातपच्चयेन पच्चयो. (२)

अवितक्कअविचारो ¶ धम्मो अवितक्कविचारमत्तस्स धम्मस्स सहजातपच्चयेन पच्चयो – विचारो अवितक्कविचारमत्तानं खन्धानं सहजातपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं सहजातपच्चयेन पच्चयो. पटिसन्धिक्खणे वत्थु अवितक्कविचारमत्तानं खन्धानं सहजातपच्चयेन पच्चयो. पटिसन्धिक्खणे वत्थु वितक्कस्स सहजातपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो – विचारो अवितक्कविचारमत्तानं खन्धानं चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं ¶ कटत्ता च रूपानं…पे… पटिसन्धिक्खणे वत्थु अवितक्कविचारमत्तानं खन्धानं विचारस्स च सहजातपच्चयेन पच्चयो. (४)

अवितक्कअविचारो ¶ धम्मो सवितक्कसविचारस्स च अवितक्कविचारमत्तस्स च धम्मस्स सहजातपच्चयेन पच्चयो – पटिसन्धिक्खणे वत्थु सवितक्कसविचारानं खन्धानं वितक्कस्स च सहजातपच्चयेन पच्चयो. (५)

८८. सवितक्कसविचारो च अवितक्कअविचारो च धम्मा सवितक्कसविचारस्स धम्मस्स सहजातपच्चयेन पच्चयो – पटिसन्धिक्खणे सवितक्कसविचारो एको खन्धो च वत्थु च तिण्णन्नं खन्धानं सहजातपच्चयेन पच्चयो…पे… द्वे खन्धा च वत्थु च द्विन्नं खन्धानं सहजातपच्चयेन पच्चयो. (१)

सवितक्कसविचारो च अवितक्कअविचारो च धम्मा अवितक्कविचारमत्तस्स धम्मस्स सहजातपच्चयेन पच्चयो – पटिसन्धिक्खणे सवितक्कसविचारा खन्धा च वत्थु च वितक्कस्स सहजातपच्चयेन पच्चयो. (२)

सवितक्कसविचारो च अवितक्कअविचारो च धम्मा अवितक्कअविचारस्स धम्मस्स सहजातपच्चयेन पच्चयो – सवितक्कसविचारा खन्धा च महाभूता च चित्तसमुट्ठानानं रूपानं सहजातपच्चयेन पच्चयो. पटिसन्धिक्खणे सवितक्कसविचारा खन्धा च महाभूता च कटत्तारूपानं सहजातपच्चयेन पच्चयो. (३)

सवितक्कसविचारो ¶ ¶ च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स सहजातपच्चयेन पच्चयो – पटिसन्धिक्खणे सवितक्कसविचारो एको खन्धो च वत्थु च तिण्णन्नं खन्धानं वितक्कस्स च…पे… द्वे खन्धा च वत्थु च द्विन्नं खन्धानं वितक्कस्स च सहजातपच्चयेन पच्चयो. (४)

८९. अवितक्कविचारमत्तो ¶ च अवितक्कअविचारो च धम्मा सवितक्कसविचारस्स धम्मस्स सहजातपच्चयेन पच्चयो – पटिसन्धिक्खणे वितक्को च वत्थु च सवितक्कसविचारानं खन्धानं सहजातपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स सहजातपच्चयेन पच्चयो – अवितक्कविचारमत्तो एको खन्धो च विचारो च तिण्णन्नं खन्धानं…पे… द्वे खन्धा च विचारो च द्विन्नं खन्धानं सहजातपच्चयेन पच्चयो. पटिसन्धिक्खणे अवितक्कविचारमत्तो एको खन्धो च विचारो च तिण्णन्नं खन्धानं…पे… द्वे खन्धा च विचारो च द्विन्नं खन्धानं…पे… पटिसन्धिक्खणे अवितक्कविचारमत्तो एको खन्धो च वत्थु च तिण्णन्नं खन्धानं सहजातपच्चयेन पच्चयो. (२)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स सहजातपच्चयेन पच्चयो – अवितक्कविचारमत्ता खन्धा च विचारो च चित्तसमुट्ठानानं रूपानं सहजातपच्चयेन ¶ पच्चयो. अवितक्कविचारमत्ता खन्धा च महाभूता च चित्तसमुट्ठानानं रूपानं…पे… वितक्को च महाभूता च चित्तसमुट्ठानानं रूपानं…पे… पटिसन्धिक्खणे अवितक्कविचारमत्ता खन्धा च विचारो च कटत्तारूपानं…पे… पटिसन्धिक्खणे अवितक्कविचारमत्ता खन्धा च महाभूता च कटत्तारूपानं…पे… पटिसन्धिक्खणे वितक्को च महाभूता च कटत्तारूपानं…पे… पटिसन्धिक्खणे अवितक्कविचारमत्ता खन्धा च वत्थु च विचारस्स सहजातपच्चयेन पच्चयो. (३)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो – अवितक्कविचारमत्तो एको खन्धो च विचारो च तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो. तयो खन्धा च विचारो च एकस्स खन्धस्स चित्तसमुट्ठानानञ्च रूपानं सहजातपच्चयेन पच्चयो. द्वे ¶ खन्धा च विचारो च द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे अवितक्कविचारमत्तो एको खन्धो च विचारो च तिण्णन्नं खन्धानं कटत्ता च रूपानं सहजातपच्चयेन पच्चयो…पे… द्वे खन्धा…पे… पटिसन्धिक्खणे अवितक्कविचारमत्तो एको खन्धो च वत्थु च तिण्णन्नं खन्धानं विचारस्स च ¶ सहजातपच्चयेन पच्चयो…पे… द्वे खन्धा च वत्थु च द्विन्नं खन्धानं विचारस्स च सहजातपच्चयेन पच्चयो. (४)

९०. सवितक्कसविचारो ¶ च अवितक्कविचारमत्तो च धम्मा सवितक्कसविचारस्स धम्मस्स सहजातपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं सहजातपच्चयेन पच्चयो…पे… द्वे खन्धा च वितक्को च द्विन्नं खन्धानं सहजातपच्चयेन पच्चयो. पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स सहजातपच्चयेन पच्चयो – सवितक्कसविचारा खन्धा च वितक्को च चित्तसमुट्ठानानं रूपानं सहजातपच्चयेन पच्चयो. पटिसन्धिक्खणे…पे…. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा च वितक्को च द्विन्नं खन्धानं चित्तसमुट्ठानानञ्च रूपानं सहजातपच्चयेन पच्चयो. पटिसन्धिक्खणे…पे…. (३)

९१. सवितक्कसविचारो च अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स सहजातपच्चयेन पच्चयो – पटिसन्धिक्खणे सवितक्कसविचारो एको खन्धो च वितक्को च वत्थु च तिण्णन्नं खन्धानं सहजातपच्चयेन पच्चयो…पे… द्वे खन्धा च वितक्को च वत्थु च द्विन्नं खन्धानं सहजातपच्चयेन पच्चयो. (१)

सवितक्कसविचारो ¶ च अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स सहजातपच्चयेन पच्चयो – सवितक्कसविचारा खन्धा च वितक्को च महाभूता च चित्तसमुट्ठानानं रूपानं सहजातपच्चयेन ¶ पच्चयो. पटिसन्धिक्खणे सवितक्कसविचारा खन्धा च वितक्को च महाभूता च कटत्तारूपानं सहजातपच्चयेन पच्चयो. (२)

अञ्ञमञ्ञपच्चयो

९२. सवितक्कसविचारो ¶ धम्मो सवितक्कसविचारस्स धम्मस्स अञ्ञमञ्ञपच्चयेन पच्चयो – सवितक्कसविचारो एको खन्धो तिण्णन्नं खन्धानं अञ्ञमञ्ञपच्चयेन पच्चयो…पे… पटिसन्धिक्खणे सवितक्कसविचारो एको खन्धो तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं अञ्ञमञ्ञपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स अञ्ञमञ्ञपच्चयेन पच्चयो – सवितक्कसविचारा खन्धा वितक्कस्स अञ्ञमञ्ञपच्चयेन पच्चयो. पटिसन्धिक्खणे…पे…. (२)

सवितक्कसविचारो धम्मो अवितक्कअविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारा खन्धा वत्थुस्स अञ्ञमञ्ञपच्चयेन पच्चयो. (३)

सवितक्कसविचारो धम्मो सवितक्कसविचारस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारो ¶ एको खन्धो तिण्णन्नं खन्धानं वत्थुस्स च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं वत्थुस्स च अञ्ञमञ्ञपच्चयेन पच्चयो. (४)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारा खन्धा वितक्कस्स च वत्थुस्स च अञ्ञमञ्ञपच्चयेन पच्चयो. (५)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स अञ्ञमञ्ञपच्चयेन पच्चयो – सवितक्कसविचारो एको खन्धो तिण्णन्नं खन्धानं वितक्कस्स च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं वितक्कस्स च अञ्ञमञ्ञपच्चयेन पच्चयो. पटिसन्धिक्खणे…पे…. (६)

सवितक्कसविचारो ¶ धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारो एको खन्धो तिण्णन्नं खन्धानं वितक्कस्स च ¶ वत्थुस्स च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं वितक्कस्स च वत्थुस्स च अञ्ञमञ्ञपच्चयेन पच्चयो. (७)

९३. अवितक्कविचारमत्तो धम्मो अवितक्कविचारमत्तस्स धम्मस्स अञ्ञमञ्ञपच्चयेन पच्चयो – अवितक्कविचारमत्तो एको खन्धो तिण्णन्नं ¶ खन्धानं अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं अञ्ञमञ्ञपच्चयेन पच्चयो. पटिसन्धिक्खणे…पे…. (१)

अवितक्कविचारमत्तो धम्मो सवितक्कसविचारस्स धम्मस्स अञ्ञमञ्ञपच्चयेन पच्चयो – वितक्को सवितक्कसविचारानं खन्धानं अञ्ञमञ्ञपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो धम्मो अवितक्कअविचारस्स धम्मस्स अञ्ञमञ्ञपच्चयेन पच्चयो – अवितक्कविचारमत्ता खन्धा विचारस्स अञ्ञमञ्ञपच्चयेन पच्चयो. पटिसन्धिक्खणे अवितक्कविचारमत्ता खन्धा विचारस्स च वत्थुस्स च अञ्ञमञ्ञपच्चयेन पच्चयो. पटिसन्धिक्खणे वितक्को वत्थुस्स अञ्ञमञ्ञपच्चयेन पच्चयो. (३)

अवितक्कविचारमत्तो धम्मो सवितक्कसविचारस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे वितक्को सवितक्कसविचारानं खन्धानं वत्थुस्स च अञ्ञमञ्ञपच्चयेन पच्चयो. (४)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – अवितक्कविचारमत्तो एको खन्धो तिण्णन्नं खन्धानं विचारस्स च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं विचारस्स च अञ्ञमञ्ञपच्चयेन पच्चयो. पटिसन्धिक्खणे अवितक्कविचारमत्तो एको खन्धो तिण्णन्नं खन्धानं ¶ विचारस्स च वत्थुस्स ¶ च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं विचारस्स च वत्थुस्स च अञ्ञमञ्ञपच्चयेन पच्चयो. (५)

९४. अवितक्कअविचारो धम्मो अवितक्कअविचारस्स धम्मस्स अञ्ञमञ्ञपच्चयेन पच्चयो – अवितक्कअविचारो एको खन्धो तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं अञ्ञमञ्ञपच्चयेन पच्चयो. पटिसन्धिक्खणे अवितक्कअविचारो एको खन्धो तिण्णन्नं खन्धानं वत्थुस्स ¶ च अञ्ञमञ्ञपच्चयेन पच्चयो…पे… द्वे खन्धा द्विन्नं खन्धानं वत्थुस्स च अञ्ञमञ्ञपच्चयेन पच्चयो. खन्धा वत्थुस्स…पे… वत्थु खन्धानं…पे… विचारो वत्थुस्स…पे… वत्थु विचारस्स…पे… एकं महाभूतं तिण्णन्नं महाभूतानं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. (१)

अवितक्कअविचारो धम्मो सवितक्कसविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे वत्थु सवितक्कसविचारानं खन्धानं अञ्ञमञ्ञपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स अञ्ञमञ्ञपच्चयेन पच्चयो – विचारो अवितक्कविचारमत्तानं खन्धानं अञ्ञमञ्ञपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं अञ्ञमञ्ञपच्चयेन पच्चयो. पटिसन्धिक्खणे वत्थु अवितक्कविचारमत्तानं खन्धानं अञ्ञमञ्ञपच्चयेन पच्चयो. पटिसन्धिक्खणे ¶ वत्थु वितक्कस्स अञ्ञमञ्ञपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे विचारो अवितक्कविचारमत्तानं खन्धानं वत्थुस्स च अञ्ञमञ्ञपच्चयेन पच्चयो. पटिसन्धिक्खणे वत्थु अवितक्कविचारमत्तानं खन्धानं विचारस्स च अञ्ञमञ्ञपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स ¶ अञ्ञमञ्ञपच्चयेन पच्चयो – पटिसन्धिक्खणे वत्थु सवितक्कसविचारानं खन्धानं वितक्कस्स च अञ्ञमञ्ञपच्चयेन पच्चयो. (५)

९५. सवितक्कसविचारो च अवितक्कअविचारो च धम्मा सवितक्कसविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारो एको खन्धो च वत्थु च तिण्णन्नं खन्धानं…पे… द्वे खन्धा च वत्थु च द्विन्नं खन्धानं अञ्ञमञ्ञपच्चयेन पच्चयो. (१)

सवितक्कसविचारो ¶ च अवितक्कअविचारो च धम्मा अवितक्कविचारमत्तस्स धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारा खन्धा च वत्थु च वितक्कस्स अञ्ञमञ्ञपच्चयेन पच्चयो. (२)

सवितक्कसविचारो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स अञ्ञमञ्ञपच्चयेन ¶ पच्चयो – पटिसन्धिक्खणे सवितक्कसविचारो एको खन्धो च वत्थु च तिण्णन्नं खन्धानं वितक्कस्स च अञ्ञमञ्ञपच्चयेन पच्चयो…पे… द्वे खन्धा च वत्थु च द्विन्नं खन्धानं वितक्कस्स च अञ्ञमञ्ञपच्चयेन पच्चयो. (३)

९६. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे वितक्को च वत्थु च सवितक्कसविचारानं खन्धानं अञ्ञमञ्ञपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स अञ्ञमञ्ञपच्चयेन पच्चयो – अवितक्कविचारमत्तो एको खन्धो च विचारो च तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा च विचारो च द्विन्नं खन्धानं अञ्ञमञ्ञपच्चयेन पच्चयो. पटिसन्धिक्खणे अवितक्कविचारमत्तो एको खन्धो च विचारो च वत्थु च तिण्णन्नं खन्धानं…पे… द्वे खन्धा च विचारो च वत्थु च द्विन्नं खन्धानं अञ्ञमञ्ञपच्चयेन पच्चयो. (२)

अवितक्कविचारमत्तो ¶ च अवितक्कअविचारो च धम्मा अवितक्कअविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे अवितक्कविचारमत्ता खन्धा च विचारो च वत्थुस्स अञ्ञमञ्ञपच्चयेन पच्चयो. पटिसन्धिक्खणे अवितक्कविचारमत्ता खन्धा च वत्थु च विचारस्स अञ्ञमञ्ञपच्चयेन पच्चयो. (३)

अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स अञ्ञमञ्ञपच्चयेन पच्चयो – पटिसन्धिक्खणे अवितक्कविचारमत्तो एको खन्धो च विचारो च तिण्णन्नं खन्धानं वत्थुस्स च अञ्ञमञ्ञपच्चयेन पच्चयो…पे… द्वे खन्धा च विचारो च द्विन्नं खन्धानं वत्थुस्स च अञ्ञमञ्ञपच्चयेन पच्चयो. पटिसन्धिक्खणे अवितक्कविचारमत्तो एको खन्धो च वत्थु च तिण्णन्नं खन्धानं विचारस्स च अञ्ञमञ्ञपच्चयेन ¶ पच्चयो…पे… द्वे खन्धा च वत्थु च द्विन्नं खन्धानं विचारस्स च अञ्ञमञ्ञपच्चयेन पच्चयो. (४)

९७. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स अञ्ञमञ्ञपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा च वितक्को च द्विन्नं खन्धानं अञ्ञमञ्ञपच्चयेन पच्चयो. पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारा खन्धा च वितक्को च वत्थुस्स अञ्ञमञ्ञपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स अञ्ञमञ्ञपच्चयेन ¶ पच्चयो – पटिसन्धिक्खणे सवितक्कसविचारो एको खन्धो च वितक्को च तिण्णन्नं खन्धानं वत्थुस्स च अञ्ञमञ्ञपच्चयेन पच्चयो…पे… द्वे खन्धा च वितक्को च द्विन्नं खन्धानं वत्थुस्स च अञ्ञमञ्ञपच्चयेन पच्चयो. (३)

सवितक्कसविचारो ¶ च अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अञ्ञमञ्ञपच्चयेन पच्चयो – पटिसन्धिक्खणे सवितक्कसविचारो एको खन्धो च वितक्को च वत्थु च तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा च वितक्को च वत्थु च द्विन्नं खन्धानं अञ्ञमञ्ञपच्चयेन पच्चयो. (१)

निस्सयपच्चयो

९८. सवितक्कसविचारो धम्मो सवितक्कसविचारस्स धम्मस्स निस्सयपच्चयेन पच्चयो – सवितक्कसविचारो एको खन्धो तिण्णन्नं खन्धानं (संखित्तं) सत्त.

अवितक्कविचारमत्तो धम्मो अवितक्कविचारमत्तस्स धम्मस्स निस्सयपच्चयेन पच्चयो (संखित्तं) पञ्च.

अवितक्कअविचारो धम्मो अवितक्कअविचारस्स धम्मस्स निस्सयपच्चयेन पच्चयो – अवितक्कअविचारो एको खन्धो तिण्णन्नं खन्धानं चित्तसमुट्ठानानञ्च ¶ रूपानं निस्सयपच्चयेन पच्चयो…पे… द्वे खन्धा द्विन्नं खन्धानं चित्तसमुट्ठानानञ्च रूपानं निस्सयपच्चयेन पच्चयो. विचारो चित्तसमुट्ठानानं रूपानं निस्सयपच्चयेन पच्चयो. पटिसन्धिक्खणे अवितक्कअविचारो एको खन्धो तिण्णन्नं खन्धानं कटत्ता ¶ च रूपानं निस्सयपच्चयेन पच्चयो…पे… द्वे खन्धा द्विन्नं खन्धानं…पे… असञ्ञसत्तानं एकं महाभूतं…पे… चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु अवितक्कअविचारानं खन्धानं विचारस्स च निस्सयपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स निस्सयपच्चयेन पच्चयो – वत्थु सवितक्कसविचारानं खन्धानं निस्सयपच्चयेन पच्चयो. पटिसन्धिक्खणे वत्थु…पे…. (२)

अवितक्कअविचारो धम्मो अवितक्कविचारमत्तस्स धम्मस्स निस्सयपच्चयेन पच्चयो – विचारो ¶ अवितक्कविचारमत्तानं खन्धानं निस्सयपच्चयेन पच्चयो, वत्थु अवितक्कविचारमत्तानं खन्धानं वितक्कस्स च निस्सयपच्चयेन पच्चयो. पटिसन्धिक्खणे विचारो…पे…. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स निस्सयपच्चयेन पच्चयो – विचारो अवितक्कविचारमत्तानं खन्धानं चित्तसमुट्ठानानञ्च रूपानं…पे… वत्थु अवितक्कविचारमत्तानं खन्धानं विचारस्स च निस्सयपच्चयेन पच्चयो. पटिसन्धिक्खणे विचारो…पे…. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स निस्सयपच्चयेन पच्चयो – वत्थु सवितक्कसविचारानं खन्धानं वितक्कस्स च निस्सयपच्चयेन पच्चयो. पटिसन्धिक्खणे वत्थु…पे…. (५)

९९. सवितक्कसविचारो ¶ च अवितक्कअविचारो च धम्मा सवितक्कसविचारस्स धम्मस्स निस्सयपच्चयेन पच्चयो – सवितक्कसविचारो एको खन्धो च वत्थु च तिण्णन्नं खन्धानं निस्सयपच्चयेन पच्चयो…पे… (पवत्तिपि, पटिसन्धिपि दीपेतब्बा). (१)

सवितक्कसविचारो ¶ च अवितक्कअविचारो च धम्मा अवितक्कविचारमत्तस्स धम्मस्स निस्सयपच्चयेन पच्चयो – सवितक्कसविचारा खन्धा च वत्थु च वितक्कस्स…पे… पटिसन्धिक्खणे…पे…. (२)

सवितक्कसविचारो च अवितक्कअविचारो च धम्मा अवितक्कअविचारस्स धम्मस्स निस्सयपच्चयेन पच्चयो – सवितक्कसविचारा खन्धा च महाभूता च चित्तसमुट्ठानानं रूपानं निस्सयपच्चयेन पच्चयो. पटिसन्धिक्खणे…पे…. (३)

सवितक्कसविचारो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स निस्सयपच्चयेन पच्चयो – सवितक्कसविचारो एको खन्धो ¶ च वत्थु च तिण्णन्नं खन्धानं वितक्कस्स च निस्सयपच्चयेन पच्चयो…पे… पटिसन्धिक्खणे…पे…. (४)

१००. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स निस्सयपच्चयेन पच्चयो – वितक्को च वत्थु च सवितक्कसविचारानं खन्धानं…पे… पटिसन्धिक्खणे…पे…. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स निस्सयपच्चयेन पच्चयो – अवितक्कविचारमत्तो एको ¶ खन्धो च विचारो च तिण्णन्नं खन्धानं…पे… अवितक्कविचारमत्तो एको खन्धो च वत्थु च तिण्णन्नं खन्धानं…पे… पटिसन्धिक्खणे…पे…. (२)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स निस्सयपच्चयेन पच्चयो – अवितक्कविचारमत्ता खन्धा च विचारो च चित्तसमुट्ठानानं रूपानं निस्सयपच्चयेन पच्चयो. अवितक्कविचारमत्ता खन्धा च महाभूता च चित्तसमुट्ठानानं रूपानं…पे… वितक्को च महाभूता च चित्तसमुट्ठानानं रूपानं…पे… अवितक्कविचारमत्ता खन्धा च वत्थु च विचारस्स निस्सयपच्चयेन पच्चयो (पटिसन्धिकानि चत्तारि. संखित्तं). (३)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स निस्सयपच्चयेन पच्चयो – अवितक्कविचारमत्तो एको खन्धो च विचारो च तिण्णन्नं खन्धानं चित्तसमुट्ठानानञ्च रूपानं निस्सयपच्चयेन पच्चयो…पे… द्वे खन्धा च विचारो च ¶ द्विन्नं खन्धानं चित्तसमुट्ठानानञ्च रूपानं निस्सयपच्चयेन पच्चयो. अवितक्कविचारमत्तो एको खन्धो च वत्थु च तिण्णन्नं खन्धानं विचारस्स च…पे… द्वे खन्धा च वत्थु च द्विन्नं खन्धानं विचारस्स च निस्सयपच्चयेन पच्चयो. पटिसन्धिक्खणे…पे…. (४)

१०१. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स ¶ …पे… अवितक्कअविचारस्स धम्मस्स…पे… सवितक्कसविचारस्स च अवितक्कअविचारस्स च धम्मस्स…पे… तीणि.

सवितक्कसविचारो ¶ च अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स…पे… अवितक्कअविचारस्स धम्मस्स निस्सयपच्चयेन पच्चयो (द्वे वारा वित्थारेतब्बा).

उपनिस्सयपच्चयो

१०२. सवितक्कसविचारो धम्मो सवितक्कसविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारं सद्धं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं उप्पादेति, विपस्सनं उप्पादेति, मग्गं…पे… समापत्तिं उप्पादेति, मानं जप्पेति, दिट्ठिं गण्हाति. सवितक्कसविचारं सीलं… सुतं… चागं… पञ्ञं… रागं… दोसं… मोहं… मानं… दिट्ठिं… पत्थनं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं उप्पादेति, विपस्सनं उप्पादेति, मग्गं…पे… समापत्तिं…पे… पाणं हनति…पे… सङ्घं भिन्दति. सवितक्कसविचारा सद्धा… सीलं… सुतं… चागो… पञ्ञा… रागो… दोसो… मोहो… मानो… दिट्ठि… पत्थना सवितक्कसविचाराय सद्धाय… सीलस्स… सुतस्स… चागस्स… पञ्ञाय… रागस्स… दोसस्स… मोहस्स… मानस्स… दिट्ठिया… पत्थनाय… उपनिस्सयपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारं सद्धं उपनिस्साय अवितक्कविचारमत्तं झानं उप्पादेति, मग्गं…पे… समापत्तिं…पे… सवितक्कसविचारं ¶ सीलं ¶ …पे… पत्थनं उपनिस्साय अवितक्कविचारमत्तं झानं उप्पादेति, मग्गं…पे… समापत्तिं…पे… सवितक्कसविचारा सद्धा…पे… पत्थना अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय वितक्कस्स च उपनिस्सयपच्चयेन पच्चयो. (२)

सवितक्कसविचारो ¶ धम्मो अवितक्कअविचारस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारं सद्धं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. सवितक्कसविचारं सीलं…पे… पत्थनं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. सवितक्कसविचारा सद्धा…पे… पत्थना अवितक्कअविचाराय सद्धाय… सीलस्स… सुतस्स… चागस्स… पञ्ञाय विचारस्स च… कायिकस्स सुखस्स कायिकस्स दुक्खस्स उपनिस्सयपच्चयेन पच्चयो. (३)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो. अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा सद्धा…पे… पत्थना अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय विचारस्स च उपनिस्सयपच्चयेन पच्चयो. (४)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स उपनिस्सयपच्चयेन पच्चयो – आरम्मणूपनिस्सयो ¶ , अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा सद्धा…पे… पत्थना सवितक्कसविचाराय सद्धाय…पे… पत्थनाय वितक्कस्स च उपनिस्सयपच्चयेन पच्चयो. (५)

१०३. अवितक्कविचारमत्तो धम्मो अवितक्कविचारमत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्तं सद्धं उपनिस्साय अवितक्कविचारमत्तं झानं उप्पादेति, मग्गं…पे… समापत्तिं उप्पादेति. अवितक्कविचारमत्तं सीलं… सुतं… चागं… पञ्ञं… वितक्कं उपनिस्साय अवितक्कविचारमत्तं झानं उप्पादेति, मग्गं…पे… समापत्तिं उप्पादेति. अवितक्कविचारमत्ता सद्धा… सीलं… सुतं… चागो… पञ्ञा वितक्को च अवितक्कविचारमत्ताय ¶ सद्धाय… सीलस्स… सुतस्स… चागस्स… पञ्ञाय वितक्कस्स च उपनिस्सयपच्चयेन पच्चयो. (१)

अवितक्कविचारमत्तो ¶ धम्मो सवितक्कसविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्तं सद्धं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं उप्पादेति, विपस्सनं…पे… मग्गं…पे… समापत्तिं उप्पादेति, मानं जप्पेति, दिट्ठिं गण्हाति. अवितक्कविचारमत्तं सीलं… सुतं… चागं… पञ्ञं… वितक्कं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं उप्पादेति, विपस्सनं उप्पादेति, मग्गं उप्पादेति ¶ , समापत्तिं उप्पादेति, पाणं हनति…पे… सङ्घं भिन्दति. अवितक्कविचारमत्ता सद्धा… सीलं… सुतं… चागो… पञ्ञा वितक्को च सवितक्कसविचाराय सद्धाय…पे… पत्थनाय उपनिस्सयपच्चयेन पच्चयो. (२)

अवितक्कविचारमत्तो धम्मो अवितक्कअविचारस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्तं सद्धं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. अवितक्कविचारमत्तं सीलं… सुतं… चागं… पञ्ञं… वितक्कं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. अवितक्कविचारमत्ता सद्धा… सीलं… सुतं… चागो… पञ्ञा वितक्को च अवितक्कअविचाराय सद्धाय… सीलस्स… सुतस्स… चागस्स… पञ्ञाय विचारस्स च… कायिकस्स सुखस्स कायिकस्स दुक्खस्स उपनिस्सयपच्चयेन पच्चयो. (३)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा वितक्को च अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय विचारस्स च उपनिस्सयपच्चयेन पच्चयो. (४)

अवितक्कविचारमत्तो ¶ धम्मो सवितक्कसविचारस्स च अवितक्कविचारमत्तस्स ¶ च धम्मस्स ¶ उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा वितक्को च सवितक्कसविचाराय सद्धाय…पे… पत्थनाय वितक्कस्स च उपनिस्सयपच्चयेन पच्चयो. (५)

१०४. अवितक्कअविचारो धम्मो अवितक्कअविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कअविचारं सद्धं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. अवितक्कअविचारं सीलं… सुतं… चागं… पञ्ञं… विचारं… कायिकं सुखं… कायिकं दुक्खं… उतुं… भोजनं… सेनासनं उपनिस्साय अवितक्कअविचारं झानं उप्पादेति, मग्गं…पे… अभिञ्ञं…पे… समापत्तिं उप्पादेति. अवितक्कअविचारा सद्धा… सीलं… सुतं… चागो… पञ्ञा… विचारो… कायिकं सुखं… कायिकं दुक्खं… उतु… भोजनं… सेनासनं अवितक्कअविचाराय सद्धाय… सीलस्स… सुतस्स… चागस्स… पञ्ञाय… विचारस्स… कायिकस्स सुखस्स कायिकस्स दुक्खस्स उपनिस्सयपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कअविचारं सद्धं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं ¶ उप्पादेति, विपस्सनं…पे… मग्गं…पे… समापत्तिं उप्पादेति, मानं जप्पेति, दिट्ठिं गण्हाति. अवितक्कअविचारं सीलं… सुतं… चागं… पञ्ञं… विचारं… कायिकं सुखं… कायिकं दुक्खं… उतुं… भोजनं… सेनासनं उपनिस्साय दानं देति, सीलं समादियति, उपोसथकम्मं करोति, सवितक्कसविचारं झानं उप्पादेति, विपस्सनं…पे… मग्गं…पे… समापत्तिं उप्पादेति, पाणं हनति…पे… सङ्घं भिन्दति. अवितक्कअविचारा सद्धा…पे… सेनासनं सवितक्कसविचाराय सद्धाय… सीलस्स…पे… पत्थनाय उपनिस्सयपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स उपनिस्सयपच्चयेन पच्चयो ¶ – आरम्मणूपनिस्सयो, अनन्तरूपनिस्सयो, पकतूपनिस्सयो ¶ …पे…. पकतूपनिस्सयो – अवितक्कअविचारं सद्धं उपनिस्साय अवितक्कविचारमत्तं झानं उप्पादेति, विपस्सनं…पे… मग्गं…पे… समापत्तिं उप्पादेति. अवितक्कअविचारं सीलं…पे… सेनासनं उपनिस्साय अवितक्कविचारमत्तं झानं उप्पादेति, विपस्सनं…पे… मग्गं…पे… समापत्तिं उप्पादेति. अवितक्कअविचारा सद्धा…पे… सेनासनं अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय वितक्कस्स च उपनिस्सयपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कअविचारा ¶ सद्धा…पे… सेनासनं अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय विचारस्स च उपनिस्सयपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कअविचारा सद्धा…पे… सेनासनं सवितक्कसविचाराय सद्धाय… सीलस्स…पे… पत्थनाय वितक्कस्स च उपनिस्सयपच्चयेन पच्चयो. (५)

१०५. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा विचारो च सवितक्कसविचाराय सद्धाय…पे… पत्थनाय उपनिस्सयपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो ¶ …पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा विचारो च अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय वितक्कस्स च उपनिस्सयपच्चयेन पच्चयो. (२)

अवितक्कविचारमत्तो ¶ च अवितक्कअविचारो च धम्मा अवितक्कअविचारस्स धम्मस्स उपनिस्सयपच्चयेन पच्चयो – अनन्तरूपनिस्सयो ¶ , पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा विचारो च अवितक्कअविचाराय सद्धाय… सीलस्स… सुतस्स… चागस्स… पञ्ञाय विचारस्स च… कायिकस्स सुखस्स कायिकस्स दुक्खस्स उपनिस्सयपच्चयेन पच्चयो. (३)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा विचारो च अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय विचारस्स च उपनिस्सयपच्चयेन पच्चयो. (४)

अवितक्कविचारमत्तो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – अवितक्कविचारमत्ता सद्धा… सीलं… सुतं… चागो… पञ्ञा विचारो च सवितक्कसविचाराय सद्धाय… सीलस्स… सुतस्स… चागस्स… पञ्ञाय… रागस्स… दोसस्स… मोहस्स… मानस्स… दिट्ठिया… पत्थनाय वितक्कस्स च उपनिस्सयपच्चयेन पच्चयो. (५)

१०६. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा ¶ सद्धा… सीलं… सुतं… चागो… पञ्ञा… रागो… दोसो… मोहो… मानो… दिट्ठि… पत्थना वितक्को च सवितक्कसविचाराय सद्धाय सीलस्स…पे… पत्थनाय उपनिस्सयपच्चयेन पच्चयो. (१)

सवितक्कसविचारो ¶ च अवितक्कविचारमत्तो च धम्मा अवितक्कविचारमत्तस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा ¶ सद्धा सीलं…पे… पत्थना वितक्को च अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय वितक्कस्स च उपनिस्सयपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा सद्धा… सीलं… सुतं… चागो… पञ्ञा…पे… पत्थना वितक्को च अवितक्कअविचाराय सद्धाय… सीलस्स… सुतस्स… चागस्स… पञ्ञाय विचारस्स च… कायिकस्स सुखस्स कायिकस्स दुक्खस्स उपनिस्सयपच्चयेन पच्चयो. (३)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा सद्धा… सीलं… सुतं… चागो… पञ्ञा…पे… पत्थना ¶ वितक्को च अवितक्कविचारमत्ताय सद्धाय… सीलस्स… सुतस्स… चागस्स… पञ्ञाय विचारस्स च उपनिस्सयपच्चयेन पच्चयो. (४)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सवितक्कसविचारा सद्धा… सीलं… सुतं… चागो… पञ्ञा… रागो… दोसो… मोहो… मानो… दिट्ठि… पत्थना वितक्को च सवितक्कसविचाराय सद्धाय…पे… पत्थनाय वितक्कस्स च उपनिस्सयपच्चयेन पच्चयो. (५)

पुरेजातपच्चयो

१०७. अवितक्कअविचारो धम्मो अवितक्कअविचारस्स धम्मस्स पुरेजातपच्चयेन पच्चयो ¶ – आरम्मणपुरेजातं, वत्थुपुरेजातं. आरम्मणपुरेजातं – दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स पुरेजातपच्चयेन पच्चयो. वत्थुपुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु अवितक्कअविचारानं खन्धानं विचारस्स च पुरेजातपच्चयेन पच्चयो. (१)

अवितक्कअविचारो ¶ धम्मो सवितक्कसविचारस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अनिच्चतो दुक्खतो अनत्ततो विपस्सति…पे… फोट्ठब्बे… ¶ वत्थुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ रागो उप्पज्जति…पे… दोमनस्सं उप्पज्जति. वत्थुपुरेजातं – वत्थु सवितक्कसविचारानं खन्धानं पुरेजातपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ वितक्को उप्पज्जति…पे… वत्थुं अनिच्चतो दुक्खतो अनत्ततो विपस्सति, अस्सादेति अभिनन्दति, तं आरब्भ वितक्को उप्पज्जति. वत्थुपुरेजातं – वत्थु अवितक्कविचारमत्तानं खन्धानं वितक्कस्स च पुरेजातपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स पुरेजातपच्चयेन पच्चयो. वत्थुपुरेजातं – वत्थु अवितक्कविचारमत्तानं खन्धानं विचारस्स च पुरेजातपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ सवितक्कसविचारा खन्धा च वितक्को च उप्पज्जन्ति. सोतं… घानं… ¶ जिव्हं… कायं… रूपे… सद्दे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सति अस्सादेति ¶ अभिनन्दति, तं आरब्भ सवितक्कसविचारा खन्धा च वितक्को च उप्पज्जन्ति. वत्थुपुरेजातं – वत्थु सवितक्कसविचारानं खन्धानं वितक्कस्स च पुरेजातपच्चयेन पच्चयो. (५)

पच्छाजातपच्चयो

१०८. सवितक्कसविचारो धम्मो अवितक्कअविचारस्स धम्मस्स पच्छाजातपच्चयेन पच्चयो – पच्छाजाता सवितक्कसविचारा खन्धा पुरेजातस्स इमस्स कायस्स पच्छाजातपच्चयेन पच्चयो. (१)

अवितक्कविचारमत्तो ¶ धम्मो अवितक्कअविचारस्स धम्मस्स पच्छाजातपच्चयेन पच्चयो – पच्छाजाता अवितक्कविचारमत्ता खन्धा च वितक्को च पुरेजातस्स इमस्स कायस्स पच्छाजातपच्चयेन पच्चयो. (१)

अवितक्कअविचारो धम्मो अवितक्कअविचारस्स धम्मस्स पच्छाजातपच्चयेन पच्चयो – पच्छाजाता अवितक्कअविचारा खन्धा च विचारो च पुरेजातस्स इमस्स कायस्स पच्छाजातपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स पच्छाजातपच्चयेन पच्चयो – पच्छाजाता अवितक्कविचारमत्ता खन्धा च विचारो च पुरेजातस्स इमस्स कायस्स पच्छाजातपच्चयेन पच्चयो. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स ¶ धम्मस्स पच्छाजातपच्चयेन पच्चयो – पच्छाजाता सवितक्कसविचारा खन्धा च वितक्को च पुरेजातस्स इमस्स कायस्स पच्छाजातपच्चयेन पच्चयो. (१)

आसेवनपच्चयो

१०९. सवितक्कसविचारो धम्मो सवितक्कसविचारस्स धम्मस्स आसेवनपच्चयेन पच्चयो ¶ – पुरिमा पुरिमा सवितक्कसविचारा खन्धा पच्छिमानं पच्छिमानं सवितक्कसविचारानं खन्धानं आसेवनपच्चयेन पच्चयो. अनुलोमं गोत्रभुस्स… अनुलोमं वोदानस्स… गोत्रभु सवितक्कसविचारस्स मग्गस्स… वोदानं सवितक्कसविचारस्स मग्गस्स आसेवनपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स आसेवनपच्चयेन पच्चयो – पुरिमा पुरिमा सवितक्कसविचारा खन्धा पच्छिमस्स पच्छिमस्स वितक्कस्स आसेवनपच्चयेन पच्चयो. अवितक्कविचारमत्तस्स झानस्स परिकम्मं अवितक्कविचारमत्तस्स झानस्स आसेवनपच्चयेन पच्चयो. गोत्रभु अवितक्कविचारमत्तस्स मग्गस्स आसेवनपच्चयेन पच्चयो. वोदानं अवितक्कविचारमत्तस्स मग्गस्स आसेवनपच्चयेन पच्चयो. (२)

सवितक्कसविचारो धम्मो अवितक्कअविचारस्स धम्मस्स आसेवनपच्चयेन पच्चयो – दुतियस्स झानस्स परिकम्मं दुतिये झाने विचारस्स आसेवनपच्चयेन ¶ पच्चयो. ततियस्स झानस्स परिकम्मं ततियस्स झानस्स…पे… चतुत्थस्स झानस्स परिकम्मं चतुत्थस्स झानस्स…पे… ¶ आकासानञ्चायतनस्स परिकम्मं आकासानञ्चायतनस्स…पे… विञ्ञाणञ्चायतनस्स परिकम्मं विञ्ञाणञ्चायतनस्स…पे… आकिञ्चञ्ञायतनस्स परिकम्मं आकिञ्चञ्ञायतनस्स…पे… नेवसञ्ञानासञ्ञायतनस्स परिकम्मं नेवसञ्ञानासञ्ञायतनस्स…पे… दिब्बस्स चक्खुस्स परिकम्मं दिब्बस्स चक्खुस्स…पे… दिब्बाय सोतधातुया परिकम्मं दिब्बाय सोतधातुया…पे… इद्धिविधञाणस्स परिकम्मं…पे… चेतोपरियञाणस्स परिकम्मं…पे… पुब्बेनिवासानुस्सतिञाणस्स परिकम्मं…पे… यथाकम्मूपगञाणस्स परिकम्मं…पे… अनागतंसञाणस्स परिकम्मं…पे… गोत्रभु अवितक्कअविचारस्स मग्गस्स विचारस्स च… वोदानं अवितक्कअविचारस्स मग्गस्स विचारस्स च आसेवनपच्चयेन पच्चयो. (३)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स आसेवनपच्चयेन पच्चयो – अवितक्कविचारमत्तस्स झानस्स परिकम्मं अवितक्कविचारमत्तस्स झानस्स विचारस्स च आसेवनपच्चयेन पच्चयो. गोत्रभु अवितक्कविचारमत्तस्स ¶ मग्गस्स विचारस्स च… वोदानं अवितक्कविचारमत्तस्स मग्गस्स विचारस्स च आसेवनपच्चयेन पच्चयो. (४)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स आसेवनपच्चयेन पच्चयो – पुरिमा पुरिमा सवितक्कसविचारा खन्धा पच्छिमानं पच्छिमानं सवितक्कसविचारानं खन्धानं ¶ वितक्कस्स च आसेवनपच्चयेन पच्चयो. अनुलोमं गोत्रभुस्स वितक्कस्स च… अनुलोमं वोदानस्स वितक्कस्स च… गोत्रभु सवितक्कसविचारस्स मग्गस्स वितक्कस्स च… वोदानं सवितक्कसविचारस्स मग्गस्स वितक्कस्स च आसेवनपच्चयेन पच्चयो. (५)

११०. अवितक्कविचारमत्तो धम्मो अवितक्कविचारमत्तस्स धम्मस्स आसेवनपच्चयेन पच्चयो – पुरिमो पुरिमो वितक्को पच्छिमस्स पच्छिमस्स वितक्कस्स आसेवनपच्चयेन पच्चयो. पुरिमा पुरिमा अवितक्कविचारमत्ता खन्धा पच्छिमानं पच्छिमानं अवितक्कविचारमत्तानं खन्धानं आसेवनपच्चयेन पच्चयो. (१)

अवितक्कविचारमत्तो ¶ धम्मो सवितक्कसविचारस्स धम्मस्स आसेवनपच्चयेन पच्चयो – पुरिमो पुरिमो वितक्को पच्छिमानं पच्छिमानं सवितक्कसविचारानं खन्धानं आसेवनपच्चयेन पच्चयो. (२)

अवितक्कविचारमत्तो धम्मो अवितक्कअविचारस्स धम्मस्स आसेवनपच्चयेन पच्चयो – पुरिमा पुरिमा अवितक्कविचारमत्ता खन्धा पच्छिमस्स पच्छिमस्स विचारस्स आसेवनपच्चयेन पच्चयो. (३)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स आसेवनपच्चयेन पच्चयो – पुरिमा पुरिमा अवितक्कविचारमत्ता खन्धा पच्छिमानं पच्छिमानं अवितक्कविचारमत्तानं खन्धानं विचारस्स च आसेवनपच्चयेन पच्चयो. (४)

अवितक्कविचारमत्तो धम्मो सवितक्कसविचारस्स च अवितक्कविचारमत्तस्स ¶ च धम्मस्स ¶ आसेवनपच्चयेन पच्चयो – पुरिमो पुरिमो वितक्को पच्छिमानं पच्छिमानं सवितक्कसविचारानं खन्धानं वितक्कस्स च आसेवनपच्चयेन पच्चयो. (५)

१११. अवितक्कअविचारो धम्मो अवितक्कअविचारस्स धम्मस्स आसेवनपच्चयेन पच्चयो – पुरिमो पुरिमो विचारो पच्छिमस्स पच्छिमस्स विचारस्स आसेवनपच्चयेन पच्चयो. पुरिमा पुरिमा अवितक्कअविचारा खन्धा पच्छिमानं पच्छिमानं अवितक्कअविचारानं खन्धानं आसेवनपच्चयेन पच्चयो. (१)

अवितक्कअविचारो धम्मो अवितक्कविचारमत्तस्स धम्मस्स आसेवनपच्चयेन पच्चयो – पुरिमो पुरिमो विचारो पच्छिमानं पच्छिमानं अवितक्कविचारमत्तानं खन्धानं आसेवनपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स आसेवनपच्चयेन पच्चयो – पुरिमो पुरिमो विचारो पच्छिमानं पच्छिमानं अवितक्कविचारमत्तानं खन्धानं विचारस्स च आसेवनपच्चयेन पच्चयो. (३)

११२. अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स धम्मस्स आसेवनपच्चयेन पच्चयो – पुरिमा पुरिमा अवितक्कविचारमत्ता खन्धा च विचारो च पच्छिमानं पच्छिमानं अवितक्कविचारमत्तानं खन्धानं आसेवनपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कअविचारस्स ¶ धम्मस्स आसेवनपच्चयेन पच्चयो – पुरिमा पुरिमा अवितक्कविचारमत्ता खन्धा च विचारो च पच्छिमस्स पच्छिमस्स विचारस्स आसेवनपच्चयेन पच्चयो. (२)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स आसेवनपच्चयेन पच्चयो – पुरिमा पुरिमा अवितक्कविचारमत्ता खन्धा च विचारो च पच्छिमानं पच्छिमानं अवितक्कविचारमत्तानं खन्धानं विचारस्स च आसेवनपच्चयेन पच्चयो. (३)

११३. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स आसेवनपच्चयेन पच्चयो – पुरिमा पुरिमा सवितक्कसविचारा खन्धा च वितक्को च पच्छिमानं पच्छिमानं सवितक्कसविचारानं खन्धानं आसेवनपच्चयेन पच्चयो. अनुलोमञ्च वितक्को च गोत्रभुस्स… अनुलोमञ्च वितक्को च वोदानस्स… गोत्रभु च वितक्को च सवितक्कसविचारस्स मग्गस्स… वोदानञ्च वितक्को च सवितक्कसविचारस्स मग्गस्स आसेवनपच्चयेन पच्चयो. (१)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स धम्मस्स आसेवनपच्चयेन पच्चयो – पुरिमा पुरिमा सवितक्कसविचारा खन्धा च वितक्को च पच्छिमस्स पच्छिमस्स वितक्कस्स आसेवनपच्चयेन पच्चयो. अवितक्कविचारमत्तस्स झानस्स परिकम्मञ्च वितक्को च अवितक्कविचारमत्तस्स झानस्स आसेवनपच्चयेन पच्चयो. गोत्रभु च वितक्को च अवितक्क विचारमत्तस्स मग्गस्स… वोदानञ्च वितक्को च अवितक्कविचारमत्तस्स मग्गस्स आसेवनपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स आसेवनपच्चयेन पच्चयो – दुतियस्स झानस्स परिकम्मञ्च वितक्को ¶ च दुतिये झाने विचारस्स आसेवनपच्चयेन पच्चयो…पे… नेवसञ्ञानासञ्ञायतनस्स परिकम्मञ्च वितक्को च…पे… दिब्बस्स चक्खुस्स परिकम्मञ्च वितक्को च…पे… अनागतंसञाणस्स परिकम्मञ्च वितक्को च अनागतंसञाणस्स आसेवनपच्चयेन ¶ पच्चयो. गोत्रभु च वितक्को च अवितक्कअविचारस्स मग्गस्स विचारस्स च आसेवनपच्चयेन पच्चयो. वोदानञ्च वितक्को च अवितक्कअविचारस्स मग्गस्स विचारस्स च आसेवनपच्चयेन पच्चयो. (३)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स च अवितक्कअविचारस्स च धम्मस्स आसेवनपच्चयेन पच्चयो – अवितक्कविचारमत्तस्स झानस्स ¶ परिकम्मञ्च वितक्को च अवितक्कविचारमत्तस्स झानस्स विचारस्स च… गोत्रभु च वितक्को च अवितक्कविचारमत्तस्स मग्गस्स विचारस्स च… वोदानञ्च वितक्को च अवितक्कविचारमत्तस्स मग्गस्स विचारस्स च आसेवनपच्चयेन पच्चयो. (४)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स आसेवनपच्चयेन पच्चयो ¶ – पुरिमा पुरिमा सवितक्कसविचारा खन्धा च वितक्को च पच्छिमानं पच्छिमानं सवितक्कसविचारानं खन्धानं वितक्कस्स च आसेवनपच्चयेन पच्चयो. अनुलोमञ्च वितक्को च गोत्रभुस्स वितक्कस्स च… अनुलोमञ्च वितक्को च वोदानस्स वितक्कस्स च… गोत्रभु च वितक्को च सवितक्कसविचारस्स मग्गस्स वितक्कस्स च… वोदानञ्च वितक्को च सवितक्कसविचारस्स मग्गस्स वितक्कस्स च आसेवनपच्चयेन पच्चयो. (५)

कम्मपच्चयो

११४. सवितक्कसविचारो धम्मो सवितक्कसविचारस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना सम्पयुत्तकानं खन्धानं कम्मपच्चयेन पच्चयो. पटिसन्धिक्खणे सवितक्कसविचारा चेतना सम्पयुत्तकानं खन्धानं कम्मपच्चयेन पच्चयो. नानाक्खणिका – सवितक्कसविचारा चेतना विपाकानं सवितक्कसविचारानं खन्धानं कम्मपच्चयेन पच्चयो. (१)

सवितक्कसविचारो ¶ धम्मो अवितक्कविचारमत्तस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना वितक्कस्स कम्मपच्चयेन पच्चयो. पटिसन्धिक्खणे सवितक्कसविचारा चेतना वितक्कस्स कम्मपच्चयेन पच्चयो. नानाक्खणिका – सवितक्कसविचारा चेतना विपाकस्स वितक्कस्स कम्मपच्चयेन पच्चयो. (२)

सवितक्कसविचारो धम्मो अवितक्कअविचारस्स धम्मस्स कम्मपच्चयेन ¶ पच्चयो – सहजाता, नानाक्खणिका. सहजाता – सवितक्कसविचारा चेतना चित्तसमुट्ठानानं रूपानं कम्मपच्चयेन पच्चयो. पटिसन्धिक्खणे सवितक्कसविचारा चेतना कटत्ता रूपानं कम्मपच्चयेन ¶ पच्चयो. नानाक्खणिका – सवितक्कसविचारा चेतना विपाकानं अवितक्कअविचारानं खन्धानं कटत्ता च रूपानं कम्मपच्चयेन पच्चयो. (३)

सवितक्कसविचारो धम्मो सवितक्कसविचारस्स च अवितक्कअविचारस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे सवितक्कसविचारा चेतना सम्पयुत्तकानं खन्धानं कटत्ता च रूपानं कम्मपच्चयेन पच्चयो. नानाक्खणिका – सवितक्कसविचारा चेतना विपाकानं सवितक्कसविचारानं खन्धानं कटत्ता च रूपानं कम्मपच्चयेन पच्चयो. (४)

सवितक्कसविचारो धम्मो अवितक्कविचारमत्तस्स च अवितक्कअविचारस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना वितक्कस्स च चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे सवितक्कसविचारा चेतना वितक्कस्स च कटत्ता च रूपानं कम्मपच्चयेन पच्चयो. नानाक्खणिका – सवितक्कसविचारा चेतना विपाकस्स ¶ वितक्कस्स च कटत्ता च रूपानं कम्मपच्चयेन पच्चयो. (५)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना सम्पयुत्तकानं खन्धानं वितक्कस्स च कम्मपच्चयेन पच्चयो. पटिसन्धिक्खणे सवितक्कसविचारा चेतना सम्पयुत्तकानं ¶ खन्धानं वितक्कस्स च कम्मपच्चयेन पच्चयो. नानाक्खणिका – सवितक्कसविचारा चेतना विचाकानं सवितक्कसविचारानं खन्धानं वितक्कस्स च कम्मपच्चयेन पच्चयो. (६)

सवितक्कसविचारो धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – सवितक्कसविचारा चेतना सम्पयुत्तकानं खन्धानं वितक्कस्स च चित्तसमुट्ठानानञ्च ¶ रूपानं कम्मपच्चयेन पच्चयो. पटिसन्धिक्खणे सवितक्कसविचारा चेतना सम्पयुत्तकानं खन्धानं वितक्कस्स च कटत्ता च रूपानं कम्मपच्चयेन पच्चयो. नानाक्खणिका – सवितक्कसविचारा चेतना विपाकानं सवितक्कसविचारानं खन्धानं वितक्कस्स च कटत्ता च रूपानं कम्मपच्चयेन पच्चयो. (७)

११५. अवितक्कविचारमत्तो धम्मो अवितक्कविचारमत्तस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – अवितक्कविचारमत्ता ¶ चेतना सम्पयुत्तकानं खन्धानं कम्मपच्चयेन पच्चयो. पटिसन्धिक्खणे…पे…. नानाक्खणिका – अवितक्कविचारमत्ता चेतना विपाकानं अवितक्कविचारमत्तानं खन्धानं कम्मपच्चयेन पच्चयो. (१)

अवितक्कविचारमत्तो धम्मो अवितक्कअविचारस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – अवितक्कविचारमत्ता चेतना विचारस्स च चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे अवितक्कविचारमत्ता चेतना विपाकस्स विचारस्स च कटत्ता च रूपानं कम्मपच्चयेन पच्चयो. नानाक्खणिका – अवितक्कविचारमत्ता चेतना विपाकस्स विचारस्स च कटत्ता च रूपानं कम्मपच्चयेन पच्चयो. (२)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – अवितक्कविचारमत्ता चेतना सम्पयुत्तकानं खन्धानं विचारस्स च चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे अवितक्कविचारमत्ता चेतना सम्पयुत्तकानं खन्धानं विचारस्स च कटत्ता च रूपानं कम्मपच्चयेन पच्चयो. नानाक्खणिका ¶ – अवितक्कविचारमत्ता चेतना विपाकानं अवितक्कविचारमत्तानं खन्धानं विचारस्स च कटत्ता च रूपानं कम्मपच्चयेन पच्चयो. (३)

अवितक्कअविचारो धम्मो अवितक्कअविचारस्स धम्मस्स कम्मपच्चयेन ¶ पच्चयो – सहजाता, नानाक्खणिका. सहजाता – अवितक्कअविचारा चेतना सम्पयुत्तकानं खन्धानं चित्तसमुट्ठानानञ्च ¶ रूपानं कम्मपच्चयेन पच्चयो. पटिसन्धिक्खणे अवितक्कअविचारा चेतना सम्पयुत्तकानं खन्धानं कटत्ता च रूपानं कम्मपच्चयेन पच्चयो. नानाक्खणिका – अवितक्कअविचारा चेतना विपाकानं अवितक्कअविचारानं खन्धानं कटत्ता च रूपानं कम्मपच्चयेन पच्चयो. (१)

विपाकपच्चयो

११६. सवितक्कसविचारो धम्मो सवितक्कसविचारस्स धम्मस्स विपाकपच्चयेन पच्चयो – विपाको सवितक्कसविचारो एको खन्धो तिण्णन्नं खन्धानं विपाकपच्चयेन पच्चयो…पे… पटिसन्धिक्खणे सवितक्कसविचारो एको खन्धो तिण्णन्नं खन्धानं विपाकपच्चयेन पच्चयो…पे….

सवितक्कसविचारो धम्मो अवितक्कविचारमत्तस्स धम्मस्स विपाकपच्चयेन पच्चयो – विपाका सवितक्कसविचारा खन्धा वितक्कस्स विपाकपच्चयेन पच्चयो. पटिसन्धिक्खणे…पे….

(सवितक्कसविचारमूलका सत्तपि पञ्हा परिपुण्णा.)

अवितक्कविचारमत्तो धम्मो अवितक्कविचारमत्तस्स धम्मस्स विपाकपच्चयेन पच्चयो – विपाको अवितक्कविचारमत्तो एको खन्धो तिण्णन्नं खन्धानं विपाकपच्चयेन पच्चयो…पे… द्वे खन्धा…पे… पटिसन्धिक्खणे विपाको अवितक्कविचारमत्तो एको खन्धो…पे….

(अवितक्कविचारमत्तमूलका ¶ पञ्च पञ्हा कातब्बा, विपाकन्ति नियामेतब्बा.)

११७. अवितक्कअविचारो धम्मो अवितक्कअविचारस्स धम्मस्स विपाकपच्चयेन पच्चयो – विपाको अवितक्कअविचारो एको खन्धो तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो…पे… द्वे खन्धा ¶ …पे… विपाको विचारो चित्तसमुट्ठानानं ¶ रूपानं विपाकपच्चयेन पच्चयो. पटिसन्धिक्खणे…पे… खन्धा वत्थुस्स विपाकपच्चयेन पच्चयो. विचारो वत्थुस्स विपाकपच्चयेन पच्चयो. (१)

अवितक्कअविचारो धम्मो अवितक्कविचारमत्तस्स धम्मस्स विपाकपच्चयेन पच्चयो – विपाको विचारो अवितक्कविचारमत्तानं खन्धानं विपाकपच्चयेन पच्चयो. पटिसन्धिक्खणे विपाको विचारो अवितक्कविचारमत्तानं खन्धानं विपाकपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स विपाकपच्चयेन पच्चयो – विपाको विचारो अवितक्कविचारमत्तानं खन्धानं चित्तसमुट्ठानानञ्च रूपानं विपाकपच्चयेन पच्चयो. पटिसन्धिक्खणे विपाको विचारो अवितक्कविचारमत्तानं खन्धानं कटत्ता च रूपानं विपाकपच्चयेन पच्चयो. (३)

११८. अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स विपाकपच्चयेन पच्चयो – विपाको अवितक्कविचारमत्तो एको खन्धो च विचारो च तिण्णन्नं खन्धानं विपाकपच्चयेन ¶ पच्चयो…पे… द्वे खन्धा…पे… पटिसन्धिक्खणे…पे…. (१)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स विपाकपच्चयेन पच्चयो – विपाका अवितक्कविचारमत्ता खन्धा च विचारो च चित्तसमुट्ठानानं रूपानं विपाकपच्चयेन पच्चयो. पटिसन्धिक्खणे अवितक्कविचारमत्ता खन्धा च विचारो च कटत्तारूपानं विपाकपच्चयेन पच्चयो. (२)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स विपाकपच्चयेन पच्चयो – विपाको अवितक्कविचारमत्तो एको खन्धो च विचारो च तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो…पे… पटिसन्धिक्खणे विपाको अवितक्कविचारमत्तो एको खन्धो च विचारो च तिण्णन्नं खन्धानं कटत्ता च रूपानं विपाकपच्चयेन पच्चयो. (३)

सवितक्कसविचारो ¶ च अवितक्कविचारमत्तो च धम्मा सवितक्कसविचारस्स धम्मस्स विपाकपच्चयेन पच्चयो – विपाको सवितक्कसविचारो एको ¶ खन्धो च वितक्को च तिण्णन्नं खन्धानं विपाकपच्चयेन पच्चयो…पे… द्वे खन्धा…पे… पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स विपाकपच्चयेन पच्चयो – विपाका सवितक्कसविचारा खन्धा च वितक्को च चित्तसमुट्ठानानं रूपानं विपाकपच्चयेन ¶ पच्चयो. पटिसन्धिक्खणे…पे…. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स विपाकपच्चयेन पच्चयो – विपाको सवितक्कसविचारो एको खन्धो च वितक्को च तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो. पटिसन्धिक्खणे…पे…. (३)

आहारपच्चयो

११९. सवितक्कसविचारो धम्मो सवितक्कसविचारस्स धम्मस्स आहारपच्चयेन पच्चयो – सवितक्कसविचारा आहारा सम्पयुत्तकानं खन्धानं आहारपच्चयेन पच्चयो. पटिसन्धिक्खणे…पे…. (१)

सवितक्कसविचारो धम्मो अवितक्कविचारमत्तस्स धम्मस्स आहारपच्चयेन पच्चयो – सवितक्कसविचारा आहारा वितक्कस्स आहारपच्चयेन पच्चयो. पटिसन्धिक्खणे…पे….

(सवितक्कसविचारमूलका इमिना कारणेन सत्त पञ्हा विभजितब्बा.)

अवितक्कविचारमत्तो धम्मो अवितक्कविचारमत्तस्स धम्मस्स आहारपच्चयेन पच्चयो – अवितक्कविचारमत्ता आहारा सम्पयुत्तकानं खन्धानं आहारपच्चयेन पच्चयो. पटिसन्धिक्खणे…पे…. (१)

अवितक्कविचारमत्तो ¶ धम्मो अवितक्कअविचारस्स धम्मस्स आहारपच्चयेन पच्चयो – अवितक्कविचारमत्ता आहारा विचारस्स च चित्तसमुट्ठानानञ्च रूपानं आहारपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो ¶ धम्मो अवितक्कविचारमत्तस्स च अवितक्कअविचारस्स च धम्मस्स आहारपच्चयेन पच्चयो – अवितक्कविचारमत्ता आहारा ¶ सम्पयुत्तकानं खन्धानं विचारस्स च चित्तसमुट्ठानानञ्च रूपानं आहारपच्चयेन पच्चयो. पटिसन्धिक्खणे…पे…. (३)

अवितक्कअविचारो धम्मो अवितक्कअविचारस्स धम्मस्स आहारपच्चयेन पच्चयो – अवितक्कअविचारा आहारा सम्पयुत्तकानं खन्धानं चित्तसमुट्ठानानञ्च रूपानं आहारपच्चयेन पच्चयो. पटिसन्धिक्खणे…पे… कबळीकारो आहारो इमस्स कायस्स आहारपच्चयेन पच्चयो.

इन्द्रियपच्चयो

१२०. सवितक्कसविचारो धम्मो सवितक्कसविचारस्स धम्मस्स इन्द्रियपच्चयेन पच्चयो – सवितक्कसविचारा इन्द्रिया सम्पयुत्तकानं खन्धानं इन्द्रियपच्चयेन पच्चयो. पटिसन्धिक्खणे…पे…. (१)

सवितक्कसविचारो धम्मो अवितक्कविचारमत्तस्स धम्मस्स इन्द्रियपच्चयेन पच्चयो – सवितक्कसविचारा इन्द्रिया वितक्कस्स इन्द्रियपच्चयेन पच्चयो. पटिसन्धिक्खणे…पे…. (७)

(सवितक्कसविचारमूलका सत्त पञ्हा इमिना कारणेन विभजितब्बा.)

अवितक्कविचारमत्तो धम्मो अवितक्कविचारमत्तस्स धम्मस्स इन्द्रियपच्चयेन पच्चयो – अवितक्कविचारमत्ता इन्द्रिया सम्पयुत्तकानं खन्धानं इन्द्रियपच्चयेन पच्चयो. पटिसन्धिक्खणे…पे…. (१)

अवितक्कविचारमत्तो ¶ धम्मो अवितक्कअविचारस्स धम्मस्स इन्द्रियपच्चयेन ¶ पच्चयो – अवितक्कविचारमत्ता इन्द्रिया विचारस्स च चित्तसमुट्ठानानञ्च रूपानं इन्द्रियपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स इन्द्रियपच्चयेन पच्चयो – अवितक्कविचारमत्ता इन्द्रिया सम्पयुत्तकानं खन्धानं विचारस्स च चित्तसमुट्ठानानञ्च रूपानं इन्द्रियपच्चयेन पच्चयो. पटिसन्धिक्खणे…पे…. (३)

अवितक्कअविचारो धम्मो अवितक्कअविचारस्स धम्मस्स इन्द्रियपच्चयेन पच्चयो – अवितक्कअविचारा इन्द्रिया सम्पयुत्तकानं खन्धानं चित्तसमुट्ठानानञ्च रूपानं इन्द्रियपच्चयेन पच्चयो. पटिसन्धिक्खणे…पे… चक्खुन्द्रियं चक्खुविञ्ञाणस्स ¶ …पे… कायिन्द्रियं कायविञ्ञाणस्स इन्द्रियपच्चयेन पच्चयो. रूपजीवितिन्द्रियं कटत्तारूपानं इन्द्रियपच्चयेन पच्चयो. (१)

झानपच्चयो

१२१. सवितक्कसविचारो धम्मो सवितक्कसविचारस्स धम्मस्स झानपच्चयेन पच्चयो – सवितक्कसविचारानि झानङ्गानि सम्पयुत्तकानं खन्धानं झानपच्चयेन पच्चयो. पटिसन्धिक्खणे…पे…. (७)

(सवितक्कसविचारमूलका सत्त पञ्हा इमिना कारणेन विभजितब्बा.)

अवितक्कविचारमत्तो धम्मो अवितक्कविचारमत्तस्स धम्मस्स झानपच्चयेन पच्चयो – अवितक्कविचारमत्तानि झानङ्गानि सम्पयुत्तकानं खन्धानं झानपच्चयेन पच्चयो. पटिसन्धिक्खणे…पे…. (५)

(अवितक्कविचारमत्तमूलका ¶ पञ्च पञ्हा इमिना कारणेन विभजितब्बा.)

अवितक्कअविचारो ¶ धम्मो अवितक्कअविचारस्स धम्मस्स झानपच्चयेन पच्चयो – अवितक्कअविचारानि झानङ्गानि सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो. विचारो चित्तसमुट्ठानानं रूपानं झानपच्चयेन पच्चयो. पटिसन्धिक्खणे विचारो कटत्तारूपानं झानपच्चयेन पच्चयो. विचारो वत्थुस्स झानपच्चयेन पच्चयो. (१)

अवितक्कअविचारो धम्मो अवितक्कविचारमत्तस्स धम्मस्स झानपच्चयेन पच्चयो – विचारो अवितक्कविचारमत्तानं खन्धानं झानपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं झानपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स झानपच्चयेन पच्चयो – विचारो अवितक्कविचारमत्तानं खन्धानं चित्तसमुट्ठानानञ्च रूपानं झानपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं कटत्ता च रूपानं झानपच्चयेन पच्चयो. (३)

१२२. अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स धम्मस्स झानपच्चयेन पच्चयो – अवितक्कविचारमत्तानि झानङ्गानि विचारो च सम्पयुत्तकानं खन्धानं झानपच्चयेन पच्चयो. पटिसन्धिक्खणे…पे…. (१)

अवितक्कविचारमत्तो ¶ च अवितक्कअविचारो च धम्मा अवितक्कअविचारस्स धम्मस्स झानपच्चयेन पच्चयो – अवितक्कविचारमत्तानि झानङ्गानि विचारो च चित्तसमुट्ठानानं रूपानं झानपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स झानपच्चयेन पच्चयो – अवितक्कविचारमत्तानि झानङ्गानि विचारो च सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो. पटिसन्धिक्खणे अवितक्कविचारमत्तानि झानङ्गानि विचारो च सम्पयुत्तकानं खन्धानं कटत्ता च रूपानं झानपच्चयेन पच्चयो. (३)

सवितक्कसविचारो ¶ च अवितक्कविचारमत्तो च धम्मा सवितक्कसविचारस्स धम्मस्स झानपच्चयेन पच्चयो – सवितक्कसविचारानि झानङ्गानि वितक्को च सम्पयुत्तकानं खन्धानं झानपच्चयेन पच्चयो. पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स झानपच्चयेन पच्चयो – सवितक्कसविचारानि झानङ्गानि वितक्को च चित्तसमुट्ठानानं रूपानं झानपच्चयेन पच्चयो. पटिसन्धिक्खणे…पे…. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स झानपच्चयेन पच्चयो – सवितक्कसविचारानि ¶ झानङ्गानि वितक्को च सम्पयुत्तकानं खन्धानं चित्तसमुट्ठानानञ्च रूपानं झानपच्चयेन पच्चयो. पटिसन्धिक्खणे…पे…. (३)

मग्गपच्चयो

१२३. सवितक्कसविचारो ¶ धम्मो सवितक्कसविचारस्स धम्मस्स मग्गपच्चयेन पच्चयो – सवितक्कसविचारानि मग्गङ्गानि सम्पयुत्तकानं खन्धानं मग्गपच्चयेन पच्चयो. पटिसन्धिक्खणे…पे….

(सवितक्कसविचारमूलका सत्त पञ्हा इमिना कारणेन विभजितब्बा.)

अवितक्कविचारमत्तो धम्मो अवितक्कविचारमत्तस्स धम्मस्स मग्गपच्चयेन पच्चयो – अवितक्कविचारमत्तानि ¶ मग्गङ्गानि सम्पयुत्तकानं खन्धानं मग्गपच्चयेन पच्चयो. पटिसन्धिक्खणे…पे….

(अवितक्कविचारमत्तमूलका पञ्च पञ्हा इमिना कारणेन विभजितब्बा.)

अवितक्कअविचारो धम्मो अवितक्कअविचारस्स धम्मस्स मग्गपच्चयेन पच्चयो – अवितक्कअविचारानि मग्गङ्गानि सम्पयुत्तकानं खन्धानं चित्तसमुट्ठानानञ्च रूपानं मग्गपच्चयेन पच्चयो. पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स मग्गपच्चयेन पच्चयो – सवितक्कसविचारानि मग्गङ्गानि वितक्को च सम्पयुत्तकानं खन्धानं मग्गपच्चयेन पच्चयो. पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स मग्गपच्चयेन पच्चयो – सवितक्कसविचारानि मग्गङ्गानि ¶ वितक्को च चित्तसमुट्ठानानं रूपानं मग्गपच्चयेन पच्चयो. पटिसन्धिक्खणे…पे…. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स मग्गपच्चयेन पच्चयो – सवितक्कसविचारानि मग्गङ्गानि वितक्को च सम्पयुत्तकानं खन्धानं चित्तसमुट्ठानानञ्च रूपानं मग्गपच्चयेन पच्चयो. पटिसन्धिक्खणे…पे…. (३)

सम्पयुत्तपच्चयो

१२४. सवितक्कसविचारो धम्मो सवितक्कसविचारस्स धम्मस्स सम्पयुत्तपच्चयेन पच्चयो – सवितक्कसविचारो एको खन्धो तिण्णन्नं खन्धानं ¶ सम्पयुत्तपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

सवितक्कसविचारो धम्मो अवितक्कविचारमत्तस्स धम्मस्स सम्पयुत्तपच्चयेन पच्चयो – सवितक्कसविचारा खन्धा वितक्कस्स सम्पयुत्तपच्चयेन पच्चयो. पटिसन्धिक्खणे…पे…. (२)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स सम्पयुत्तपच्चयेन पच्चयो – सवितक्कसविचारो एको खन्धो तिण्णन्नं खन्धानं वितक्कस्स च ¶ सम्पयुत्तपच्चयेन पच्चयो…पे… द्वे खन्धा द्विन्नं खन्धानं वितक्कस्स च…पे… पटिसन्धिक्खणे…पे…. (३)

१२५. अवितक्कविचारमत्तो धम्मो अवितक्कविचारमत्तस्स धम्मस्स सम्पयुत्तपच्चयेन पच्चयो – अवितक्कविचारमत्तो एको खन्धो तिण्णन्नं ¶ खन्धानं सम्पयुत्तपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

अवितक्कविचारमत्तो धम्मो सवितक्कसविचारस्स धम्मस्स सम्पयुत्तपच्चयेन पच्चयो – वितक्को सवितक्कसविचारानं खन्धानं सम्पयुत्तपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो धम्मो अवितक्कअविचारस्स धम्मस्स सम्पयुत्तपच्चयेन पच्चयो – अवितक्कविचारमत्ता खन्धा विचारस्स सम्पयुत्तपच्चयेन पच्चयो. पटिसन्धिक्खणे…पे…. (३)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स सम्पयुत्तपच्चयेन पच्चयो – अवितक्कविचारमत्तो एको खन्धो तिण्णन्नं खन्धानं विचारस्स च सम्पयुत्तपच्चयेन पच्चयो…पे… द्वे खन्धा द्विन्नं खन्धानं विचारस्स च…पे… पटिसन्धिक्खणे…पे…. (४)

१२६. अवितक्कअविचारो धम्मो अवितक्कअविचारस्स धम्मस्स सम्पयुत्तपच्चयेन पच्चयो – अवितक्कअविचारो एको खन्धो तिण्णन्नं खन्धानं सम्पयुत्तपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

अवितक्कअविचारो ¶ धम्मो अवितक्कविचारमत्तस्स धम्मस्स सम्पयुत्तपच्चयेन पच्चयो – विचारो अवितक्कविचारमत्तानं खन्धानं सम्पयुत्तपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स ¶ धम्मस्स सम्पयुत्तपच्चयेन पच्चयो – अवितक्कविचारमत्तो एको खन्धो च विचारो च तिण्णन्नं खन्धानं सम्पयुत्तपच्चयेन पच्चयो…पे… द्वे खन्धा च विचारो च द्विन्नं खन्धानं…पे… पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स सम्पयुत्तपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं सम्पयुत्तपच्चयेन पच्चयो…पे… द्वे खन्धा च वितक्को च द्विन्नं खन्धानं…पे… पटिसन्धिक्खणे…पे…. (१)

विप्पयुत्तपच्चयो

१२७. सवितक्कसविचारो धम्मो अवितक्कअविचारस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – सवितक्कसविचारा खन्धा चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे सवितक्कसविचारा खन्धा कटत्तारूपानं विप्पयुत्तपच्चयेन पच्चयो. पच्छाजाता – सवितक्कसविचारा खन्धा पुरेजातस्स इमस्स कायस्स विप्पयुत्तपच्चयेन पच्चयो. (१)

अवितक्कविचारमत्तो धम्मो अवितक्कअविचारस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – अवितक्कविचारमत्ता खन्धा चित्तसमुट्ठानानं रूपानं विप्पयुत्तपच्चयेन पच्चयो, वितक्को चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे अवितक्कविचारमत्ता खन्धा कटत्तारूपानं विप्पयुत्तपच्चयेन पच्चयो. वितक्को कटत्तारूपानं विप्पयुत्तपच्चयेन पच्चयो. पच्छाजाता – अवितक्कविचारमत्ता खन्धा च वितक्को च पुरेजातस्स इमस्स कायस्स विप्पयुत्तपच्चयेन पच्चयो. (१)

१२८. अवितक्कअविचारो ¶ धम्मो अवितक्कअविचारस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता ¶ – अवितक्कअविचारा खन्धा चित्तसमुट्ठानानं ¶ रूपानं विप्पयुत्तपच्चयेन पच्चयो. विचारो चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे अवितक्कअविचारा खन्धा कटत्तारूपानं विप्पयुत्तपच्चयेन पच्चयो. विचारो कटत्तारूपानं विप्पयुत्तपच्चयेन पच्चयो; खन्धा वत्थुस्स विप्पयुत्तपच्चयेन पच्चयो, वत्थु खन्धानं विप्पयुत्तपच्चयेन पच्चयो; विचारो वत्थुस्स विप्पयुत्तपच्चयेन पच्चयो; वत्थु विचारस्स विप्पयुत्तपच्चयेन पच्चयो. पुरेजातं – चक्खायतनं चक्खुविञ्ञाणस्स विप्पयुत्तपच्चयेन पच्चयो…पे… कायायतनं कायविञ्ञाणस्स विप्पयुत्तपच्चयेन पच्चयो, वत्थु अवितक्कअविचारानं खन्धानं विचारस्स च विप्पयुत्तपच्चयेन पच्चयो. पच्छाजाता – अवितक्कअविचारा खन्धा च विचारो च पुरेजातस्स इमस्स कायस्स विप्पयुत्तपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स विप्पयुत्तपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु सवितक्कसविचारानं खन्धानं विप्पयुत्तपच्चयेन पच्चयो. पुरेजातं – वत्थु सवितक्कसविचारानं खन्धानं विप्पयुत्तपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स विप्पयुत्तपच्चयेन ¶ पच्चयो – सहजातं, पुरेजातं. सहजातं – पटिसन्धिक्खणे वत्थु अवितक्कविचारमत्तानं खन्धानं वितक्कस्स च विप्पयुत्तपच्चयेन पच्चयो. पुरेजातं – वत्थु अवितक्कविचारमत्तानं खन्धानं वितक्कस्स च विप्पयुत्तपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स विप्पयुत्तपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु अवितक्कविचारमत्तानं खन्धानं विचारस्स च विप्पयुत्तपच्चयेन पच्चयो. पुरेजातं – वत्थु अवितक्कविचारमत्तानं खन्धानं विचारस्स च विप्पयुत्तपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स विप्पयुत्तपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु सवितक्कसविचारानं खन्धानं वितक्कस्स च विप्पयुत्तपच्चयेन पच्चयो. पुरेजातं – वत्थु सवितक्कसविचारानं ¶ खन्धानं वितक्कस्स च विप्पयुत्तपच्चयेन पच्चयो. (५)

१२९. अवितक्कविचारमत्तो ¶ च अवितक्कअविचारो च धम्मा अवितक्कअविचारस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – अवितक्कविचारमत्ता खन्धा च विचारो च चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे अवितक्कविचारमत्ता खन्धा च विचारो च कटत्तारूपानं विप्पयुत्तपच्चयेन पच्चयो. पच्छाजाता – अवितक्कविचारमत्ता खन्धा च विचारो ¶ च पुरेजातस्स इमस्स कायस्स विप्पयुत्तपच्चयेन पच्चयो. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – सवितक्कसविचारा खन्धा च वितक्को च चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे सवितक्कसविचारा खन्धा च वितक्को च कटत्तारूपानं विप्पयुत्तपच्चयेन पच्चयो. पच्छाजाता – सवितक्कसविचारा खन्धा च वितक्को च पुरेजातस्स इमस्स कायस्स विप्पयुत्तपच्चयेन पच्चयो. (१)

अत्थिपच्चयो

१३०. सवितक्कसविचारो धम्मो सवितक्कसविचारस्स धम्मस्स अत्थिपच्चयेन पच्चयो – सवितक्कसविचारो एको खन्धो तिण्णन्नं खन्धानं अत्थिपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

सवितक्कसविचारो धम्मो अवितक्कविचारमत्तस्स धम्मस्स अत्थिपच्चयेन पच्चयो – सवितक्कसविचारा खन्धा वितक्कस्स अत्थिपच्चयेन पच्चयो. पटिसन्धिक्खणे…पे…. (२)

सवितक्कसविचारो धम्मो अवितक्कअविचारस्स धम्मस्स अत्थिपच्चयेन पच्चयो – सहजातं ¶ , पच्छाजातं. सहजाता – सवितक्कसविचारा खन्धा चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे सवितक्कसविचारा खन्धा कटत्तारूपानं अत्थिपच्चयेन पच्चयो. पच्छाजाता – सवितक्कसविचारा खन्धा पुरेजातस्स इमस्स कायस्स अत्थिपच्चयेन पच्चयो. (३)

(सवितक्कसविचारमूलके अवसेसा ¶ पञ्हा सहजातपच्चयसदिसा.)

१३१. अवितक्कविचारमत्तो ¶ धम्मो अवितक्कविचारमत्तस्स धम्मस्स अत्थिपच्चयेन पच्चयो – अवितक्कविचारमत्तो एको खन्धो तिण्णन्नं खन्धानं अत्थिपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे…पे…. (१)

अवितक्कविचारमत्तो धम्मो सवितक्कसविचारस्स धम्मस्स अत्थिपच्चयेन पच्चयो – वितक्को सवितक्कसविचारानं खन्धानं अत्थिपच्चयेन पच्चयो. पटिसन्धिक्खणे…पे…. (२)

अवितक्कविचारमत्तो धम्मो अवितक्कअविचारस्स धम्मस्स अत्थिपच्चयेन पच्चयो – सहजातं, पच्छाजातं. सहजाता – अवितक्कविचारमत्ता खन्धा विचारस्स चित्तसमुट्ठानानञ्च रूपानं अत्थिपच्चयेन पच्चयो. वितक्को चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे अवितक्कविचारमत्ता खन्धा विचारस्स कटत्ता च रूपानं अत्थिपच्चयेन पच्चयो; वितक्को कटत्तारूपानं अत्थिपच्चयेन पच्चयो. पच्छाजाता – अवितक्कविचारमत्ता खन्धा च वितक्को च पुरेजातस्स इमस्स कायस्स अत्थिपच्चयेन पच्चयो. (३)

(अवितक्कविचारमत्तमूलका पञ्च पञ्हा. अवसेसा सहजातपच्चयसदिसा.)

१३२. अवितक्कअविचारो धम्मो अवितक्कअविचारस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजातो – अवितक्कअविचारो एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… द्वे खन्धा ¶ द्विन्नं खन्धानं…पे… विचारो चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे ¶ अवितक्कअविचारो एको खन्धो तिण्णन्नं खन्धानं कटत्ता च रूपानं अत्थिपच्चयेन पच्चयो…पे… खन्धा वत्थुस्स अत्थिपच्चयेन पच्चयो, वत्थु खन्धानं अत्थिपच्चयेन पच्चयो; विचारो वत्थुस्स अत्थिपच्चयेन पच्चयो, वत्थु विचारस्स अत्थिपच्चयेन पच्चयो; एकं महाभूतं तिण्णन्नं महाभूतानं अत्थिपच्चयेन पच्चयो…पे… महाभूता चित्तसमुट्ठानानं रूपानं कटत्तारूपानं उपादारूपानं अत्थिपच्चयेन पच्चयो; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं तिण्णन्नं महाभूतानं…पे… महाभूता कटत्तारूपानं उपादारूपानं अत्थिपच्चयेन पच्चयो. पुरेजातं – दिब्बेन चक्खुना रूपं पस्सति, दिब्बाय सोतधातुया ¶ सद्दं सुणाति, रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स अत्थिपच्चयेन पच्चयो, चक्खायतनं चक्खुविञ्ञाणस्स…पे… कायायतनं कायविञ्ञाणस्स अत्थिपच्चयेन पच्चयो. वत्थु अवितक्कअविचारानं खन्धानं विचारस्स च अत्थिपच्चयेन पच्चयो. पच्छाजाता – अवितक्कअविचारा खन्धा च विचारो च पुरेजातस्स इमस्स कायस्स अत्थिपच्चयेन पच्चयो. कबळीकारो आहारो इमस्स कायस्स अत्थिपच्चयेन पच्चयो. रूपजीवितिन्द्रियं कटत्तारूपानं अत्थिपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स अत्थिपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु ¶ सवितक्कसविचारानं खन्धानं अत्थिपच्चयेन पच्चयो. पुरेजातं – चक्खुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ रागो उप्पज्जति…पे… दोमनस्सं उप्पज्जति. सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सति…पे… दोमनस्सं उप्पज्जति. वत्थु सवितक्कसविचारानं खन्धानं अत्थिपच्चयेन पच्चयो. (२)

अवितक्कअविचारो धम्मो अवितक्कविचारमत्तस्स धम्मस्स अत्थिपच्चयेन पच्चयो – सहजातं, पुरेजातं. सहजातो – विचारो अवितक्कविचारमत्तानं खन्धानं अत्थिपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं अत्थिपच्चयेन पच्चयो. पटिसन्धिक्खणे वत्थु अवितक्कविचारमत्तानं खन्धानं वितक्कस्स च अत्थिपच्चयेन पच्चयो. पुरेजातं – चक्खुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ ¶ वितक्को उप्पज्जति. सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ वितक्को उप्पज्जति. वत्थु अवितक्कविचारमत्तानं खन्धानं वितक्कस्स च अत्थिपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – विचारो अवितक्कविचारमत्तानं खन्धानं चित्तसमुट्ठानानञ्च ¶ रूपानं अत्थिपच्चयेन पच्चयो. पटिसन्धिक्खणे विचारो अवितक्कविचारमत्तानं खन्धानं ¶ कटत्ता च रूपानं अत्थिपच्चयेन पच्चयो. पटिसन्धिक्खणे वत्थु अवितक्कविचारमत्तानं खन्धानं विचारस्स च अत्थिपच्चयेन पच्चयो. पुरेजातं – वत्थु अवितक्कविचारमत्तानं खन्धानं विचारस्स च अत्थिपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स अत्थिपच्चयेन पच्चयो – सहजातं, पुरेजातं. सहजातं – पटिसन्धिक्खणे वत्थु सवितक्कसविचारानं खन्धानं वितक्कस्स च अत्थिपच्चयेन पच्चयो. पुरेजातं – चक्खुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ सवितक्कसविचारा खन्धा च वितक्को च उप्पज्जन्ति. सोतं… घानं… जिव्हं… कायं…पे… वत्थुं अनिच्चतो दुक्खतो अनत्ततो विपस्सति अस्सादेति अभिनन्दति, तं आरब्भ सवितक्कसविचारा खन्धा च वितक्को च उप्पज्जन्ति. वत्थु सवितक्कसविचारानं खन्धानं वितक्कस्स च अत्थिपच्चयेन पच्चयो. (५)

१३३. सवितक्कसविचारो च अवितक्कअविचारो च धम्मा सवितक्कसविचारस्स धम्मस्स अत्थिपच्चयेन पच्चयो – सहजातं, पुरेजातं. सहजातो – सवितक्कसविचारो एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे… द्वे खन्धा च वत्थु च द्विन्नं खन्धानं अत्थिपच्चयेन पच्चयो. पटिसन्धिक्खणे सवितक्कसविचारो ¶ एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे… द्वे खन्धा च वत्थु च द्विन्नं खन्धानं अत्थिपच्चयेन पच्चयो. (१)

सवितक्कसविचारो ¶ च अवितक्कअविचारो च धम्मा अवितक्कविचारमत्तस्स धम्मस्स अत्थिपच्चयेन पच्चयो – सहजातं, पुरेजातं. सहजाता – सवितक्कसविचारा खन्धा च वत्थु च वितक्कस्स अत्थिपच्चयेन पच्चयो. पटिसन्धिक्खणे सवितक्कसविचारा खन्धा च वत्थु च वितक्कस्स अत्थिपच्चयेन पच्चयो. (२)

सवितक्कसविचारो च अवितक्कअविचारो च धम्मा अवितक्कअविचारस्स धम्मस्स अत्थिपच्चयेन पच्चयो – सहजातं, पच्छाजातं, आहारं, इन्द्रियं. सहजाता – सवितक्कसविचारा खन्धा च महाभूता च चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे सवितक्कसविचारा खन्धा च महाभूता च कटत्तारूपानं अत्थिपच्चयेन पच्चयो. पच्छाजाता ¶ – सवितक्कसविचारा खन्धा च कबळीकारो आहारो च पुरेजातस्स इमस्स कायस्स अत्थिपच्चयेन पच्चयो. पच्छाजाता – सवितक्कसविचारा खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो. (३)

सवितक्कसविचारो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – सवितक्कसविचारो एको खन्धो ¶ च वत्थु च तिण्णन्नं खन्धानं वितक्कस्स च अत्थिपच्चयेन पच्चयो…पे… द्वे खन्धा च वत्थु च द्विन्नं खन्धानं वितक्कस्स च अत्थिपच्चयेन पच्चयो. पटिसन्धिक्खणे…पे…. (४)

१३४. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अत्थिपच्चयेन पच्चयो – सहजातं, पुरेजातं. सहजातो – वितक्को च वत्थु च सवितक्कसविचारानं खन्धानं अत्थिपच्चयेन पच्चयो. पटिसन्धिक्खणे वितक्को च वत्थु च सवितक्कसविचारानं खन्धानं अत्थिपच्चयेन पच्चयो. (१)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स धम्मस्स अत्थिपच्चयेन पच्चयो – सहजातं, पुरेजातं. सहजातो – अवितक्कविचारमत्तो एको खन्धो च विचारो च तिण्णन्नं खन्धानं अत्थिपच्चयेन पच्चयो…पे… द्वे खन्धा च विचारो च द्विन्नं खन्धानं… अवितक्कविचारमत्तो एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे… द्वे खन्धा च वत्थु च द्विन्नं खन्धानं अत्थिपच्चयेन पच्चयो. पटिसन्धिक्खणे अवितक्कविचारमत्तो एको खन्धो च विचारो च तिण्णन्नं खन्धानं अत्थिपच्चयेन ¶ पच्चयो…पे… द्वे खन्धा च विचारो च द्विन्नं खन्धानं…पे… पटिसन्धिक्खणे अवितक्कविचारमत्तो एको खन्धो च वत्थु च तिण्णन्नं खन्धानं…पे… द्वे खन्धा च वत्थु च द्विन्नं खन्धानं अत्थिपच्चयेन पच्चयो. (२)

अवितक्कविचारमत्तो ¶ च अवितक्कअविचारो च धम्मा अवितक्कअविचारस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजाता – अवितक्कविचारमत्ता खन्धा च विचारो च चित्तसमुट्ठानानं रूपानं अत्थिपच्चयेन पच्चयो. सहजाता ¶ – अवितक्कविचारमत्ता खन्धा च महाभूता च चित्तसमुट्ठानानं रूपानं अत्थिपच्चयेन पच्चयो. सहजातो – वितक्को च महाभूता च चित्तसमुट्ठानानं रूपानं अत्थिपच्चयेन पच्चयो. सहजाता – अवितक्कविचारमत्ता खन्धा च वत्थु च विचारस्स अत्थिपच्चयेन पच्चयो. पटिसन्धिक्खणे अवितक्कविचारमत्ता खन्धा च विचारो च कटत्तारूपानं अत्थिपच्चयेन पच्चयो. पटिसन्धिक्खणे अवितक्कविचारमत्ता खन्धा च महाभूता च कटत्तारूपानं अत्थिपच्चयेन पच्चयो. पटिसन्धिक्खणे वितक्को च महाभूता च कटत्तारूपानं अत्थिपच्चयेन पच्चयो. पटिसन्धिक्खणे अवितक्कविचारमत्ता खन्धा च वत्थु च विचारस्स अत्थिपच्चयेन पच्चयो. पच्छाजाता – अवितक्कविचारमत्ता खन्धा च विचारो च पुरेजातस्स इमस्स कायस्स अत्थिपच्चयेन पच्चयो. पच्छाजाता – अवितक्कविचारमत्ता खन्धा च वितक्को च कबळीकारो आहारो च पुरेजातस्स इमस्स कायस्स अत्थिपच्चयेन पच्चयो. पच्छाजाता – अवितक्कविचारमत्ता खन्धा च वितक्को च रूपजीवितिन्द्रियञ्च कटत्तारूपानं अत्थिपच्चयेन पच्चयो. (३)

अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स अत्थिपच्चयेन पच्चयो – सहजातं, पुरेजातं. सहजातो – अवितक्कविचारमत्तो एको खन्धो च विचारो च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… द्वे खन्धा च विचारो च…पे… अवितक्कविचारमत्तो एको खन्धो च वत्थु च तिण्णन्नं खन्धानं विचारस्स च अत्थिपच्चयेन पच्चयो…पे… द्वे खन्धा च वत्थु च…पे… पटिसन्धिक्खणे…पे…. (४)

१३५. सवितक्कसविचारो ¶ च अवितक्कविचारमत्तो च धम्मा सवितक्कसविचारस्स धम्मस्स अत्थिपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं अत्थिपच्चयेन पच्चयो…पे… द्वे खन्धा च वितक्को च…पे… पटिसन्धिक्खणे…पे…. (१)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स अत्थिपच्चयेन पच्चयो – सहजातं, पच्छाजातं. सहजाता – सवितक्कसविचारा खन्धा च वितक्को च चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे सवितक्कसविचारा खन्धा च वितक्को ¶ च कटत्तारूपानं अत्थिपच्चयेन पच्चयो. पच्छाजाता – सवितक्कसविचारा खन्धा च वितक्को च पुरेजातस्स इमस्स कायस्स अत्थिपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा सवितक्कसविचारस्स ¶ च अवितक्कअविचारस्स च धम्मस्स अत्थिपच्चयेन पच्चयो – सवितक्कसविचारो एको खन्धो च वितक्को च तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… द्वे खन्धा च वितक्को च द्विन्नं खन्धानं…पे… पटिसन्धिक्खणे…पे…. (३)

१३६. सवितक्कसविचारो च अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स अत्थिपच्चयेन पच्चयो – सहजातं, पुरेजातं. सहजातो – सवितक्कसविचारो एको खन्धो च वितक्को च वत्थु च तिण्णन्नं खन्धानं अत्थिपच्चयेन पच्चयो…पे… पटिसन्धिक्खणे…पे…. (१)

सवितक्कसविचारो च अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स अत्थिपच्चयेन पच्चयो – सहजातं, पच्छाजातं, आहारं, इन्द्रियं. सहजाता – सवितक्कसविचारा खन्धा च वितक्को च महाभूता च चित्तसमुट्ठानानं रूपानं अत्थिपच्चयेन पच्चयो. पटिसन्धिक्खणे…पे…. पच्छाजाता – सवितक्कसविचारा खन्धा च वितक्को च कबळीकारो आहारो च पुरेजातस्स इमस्स कायस्स ¶ अत्थिपच्चयेन पच्चयो. पच्छाजाता – सवितक्कसविचारा खन्धा च वितक्को च रूपजीवितिन्द्रियञ्च कटत्तारूपानं अत्थिपच्चयेन पच्चयो. (२)

नत्थिविगताविगतपच्चया

१३७. सवितक्कसविचारो धम्मो सवितक्कसविचारस्स धम्मस्स नत्थिपच्चयेन पच्चयो… विगतपच्चयेन पच्चयो.

(नत्थिपच्चयञ्च ¶ विगतपच्चयञ्च अनन्तरसदिसं, अविगतं अत्थिसदिसं.)

१. पच्चयानुलोमं

२. सङ्ख्यावारो

सुद्धं

१३८. हेतुया ¶ एकादस, आरम्मणे एकवीस, अधिपतिया तेवीस, अनन्तरे पञ्चवीस, समनन्तरे पञ्चवीस, सहजाते तिंस, अञ्ञमञ्ञे अट्ठवीस, निस्सये तिंस, उपनिस्सये पञ्चवीस, पुरेजाते पञ्च, पच्छाजाते पञ्च, आसेवने एकवीस, कम्मे एकादस, विपाके एकवीस, आहारे एकादस, इन्द्रिये एकादस, झाने एकवीस, मग्गे सोळस, सम्पयुत्ते एकादस, विप्पयुत्ते नव, अत्थिया तिंस, नत्थिया पञ्चवीस, विगते पञ्चवीस, अविगते तिंस.

(घटना कुसलत्तिकसदिसायेव. पञ्हावारगणनं एवं असम्मोहन्तेन गणेतब्बं.)

अनुलोमं.

पच्चनीयुद्धारो

१३९. सवितक्कसविचारो ¶ धम्मो सवितक्कसविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

सवितक्कसविचारो धम्मो अवितक्कविचारमत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

सवितक्कसविचारो धम्मो अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन ¶ पच्चयो… पच्छाजातपच्चयेन पच्चयो… कम्मपच्चयेन पच्चयो. (३)

सवितक्कसविचारो धम्मो सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो… कम्मपच्चयेन पच्चयो. (४)

सवितक्कसविचारो ¶ धम्मो अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (५)

सवितक्कसविचारो धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (६)

सवितक्कसविचारो धम्मो सवितक्कसविचारस्स च अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो… कम्मपच्चयेन पच्चयो. (७)

१४०. अवितक्कविचारमत्तो ¶ धम्मो अवितक्कविचारमत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

अवितक्कविचारमत्तो धम्मो सवितक्कसविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन ¶ पच्चयो. (२)

अवितक्कविचारमत्तो धम्मो अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो. (३)

अवितक्कविचारमत्तो धम्मो सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो. (४)

अवितक्कविचारमत्तो धम्मो अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (५)

अवितक्कविचारमत्तो धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (६)

१४१. अवितक्कअविचारो ¶ धम्मो अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

अवितक्कअविचारो धम्मो सवितक्कसविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन ¶ पच्चयो… पुरेजातपच्चयेन पच्चयो. (२)

अवितक्कअविचारो ¶ धम्मो अवितक्कविचारमत्तस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (३)

अवितक्कअविचारो धम्मो अवितक्कविचारमत्तस्स च अवितक्कअविचारस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (४)

अवितक्कअविचारो धम्मो सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (५)

१४२. सवितक्कसविचारो च अवितक्कअविचारो च धम्मा सवितक्कसविचारस्स धम्मस्स सहजातं… पुरेजातं. (१)

सवितक्कसविचारो च अवितक्कअविचारो च धम्मा अवितक्कविचारमत्तस्स धम्मस्स सहजातं… पुरेजातं. (२)

सवितक्कसविचारो च अवितक्कअविचारो च धम्मा अवितक्कअविचारस्स धम्मस्स सहजातं… पच्छाजातं… आहारं… इन्द्रियं. (३)

सवितक्कसविचारो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स सहजातं… पुरेजातं ¶ . (४)

१४३. अवितक्कविचारमत्तो च अवितक्कअविचारो च धम्मा सवितक्कसविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (१)

अवितक्कविचारमत्तो ¶ च अवितक्कअविचारो च धम्मा अवितक्कविचारमत्तस्स धम्मस्स ¶ आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (२)

अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (३)

अवितक्कविचारमत्तो च अवितक्कअविचारो च धम्मा अवितक्कविचारमत्तस्स च अवितक्कअविचारस्स च धम्मस्स सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (४)

अवितक्कविचारमत्तो च अवितक्कअविचारो च धम्मा सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन ¶ पच्चयो… उपनिस्सयपच्चयेन पच्चयो. (५)

१४४. सवितक्कसविचारो च अवितक्कविचारमत्तो च धम्मा सवितक्कसविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (२)

सवितक्कसविचारो च अवितक्कविचारमत्तो च धम्मा अवितक्कअविचारस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो. (३)

सवितक्कसविचारो च अवितक्कविचारमत्तो च धम्मा सवितक्कसविचारस्स च अवितक्कअविचारस्स च धम्मस्स सहजातपच्चयेन पच्चयो. (४)

सवितक्कसविचारो च अवितक्कविचारमत्तो च धम्मा अवितक्कविचारमत्तस्स च अवितक्कअविचारस्स च धम्मस्स उपनिस्सयपच्चयेन पच्चयो. (५)

सवितक्कसविचारो ¶ ¶ च अवितक्कविचारमत्तो च धम्मा सवितक्कसविचारस्स च अवितक्कविचारमत्तस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (६)

सवितक्कसविचारो च अवितक्कविचारमत्तो च अवितक्कअविचारो ¶ च धम्मा सवितक्कसविचारस्स धम्मस्स सहजातं… पुरेजातं. (१)

सवितक्कसविचारो च अवितक्कविचारमत्तो च अवितक्कअविचारो च धम्मा अवितक्कअविचारस्स धम्मस्स सहजातं… पच्छाजातं… आहारं… इन्द्रियं. (२)

पच्चनीयुद्धारो.

२. पच्चयपच्चनीयं

२. सङ्ख्यावारो

सुद्धं

१४५. नहेतुया पञ्चतिंस, नआरम्मणे पञ्चतिंस, नअधिपतिया पञ्चतिंस, नअनन्तरे पञ्चतिंस, नसमनन्तरे पञ्चतिंस, नसहजाते एकूनतिंस, नअञ्ञमञ्ञे एकूनतिंस, ननिस्सये एकूनतिंस, नउपनिस्सये चतुत्तिंस, नपुरेजाते पञ्चतिंस, नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे पञ्चतिंस, नसम्पयुत्ते एकूनतिंस, नविप्पयुत्ते सत्तवीस, नोअत्थिया सत्तवीस, नोनत्थिया पञ्चतिंस, नोविगते पञ्चतिंस, नोअविगते सत्तवीस.

(पच्चनीयं गणेन्तेन इमानि पदानि अनुमज्जन्तेन गणेतब्बानि.)

पच्चनीयं.

३. पच्चयानुलोमपच्चनीयं

हेतुदुकं

१४६. हेतुपच्चया ¶ नआरम्मणे एकादस, नअधिपतिया एकादस, नअनन्तरे नसमनन्तरे एकादस, नअञ्ञमञ्ञे तीणि, नउपनिस्सये एकादस, नपुरेजाते नपच्छाजाते नआसेवने नकम्मे नविपाके नआहारे ¶ नइन्द्रिये नझाने नमग्गे सब्बे एकादस, नसम्पयुत्ते तीणि, नविप्पयुत्ते सत्त, नोनत्थिया एकादस, नोविगते एकादस ¶ .

(अनुलोमपच्चनीयगणना इमिना कारणेन गणेतब्बा.)

अनुलोमपच्चनीयं.

४. पच्चयपच्चनीयानुलोमं

नहेतुदुकं

१४७. नहेतुपच्चया आरम्मणे एकवीस, अधिपतिया तेवीस, अनन्तरे पञ्चवीस, समनन्तरे पञ्चवीस, सहजाते तिंस, अञ्ञमञ्ञे अट्ठवीस, निस्सये तिंस, उपनिस्सये पञ्चवीस, पुरेजाते पञ्च, पच्छाजाते पञ्च, आसेवने एकवीस, कम्मे एकादस, विपाके एकवीस, आहारे एकादस, इन्द्रिये एकादस, झाने एकवीस, मग्गे सोळस, सम्पयुत्ते एकादस, विप्पयुत्ते नव, अत्थिया तिंस, नत्थिया पञ्चवीस, विगते पञ्चवीस, अविगते तिंस.

(पच्चनीयानुलोमं इमिना कारणेन विभजितब्बं.)

पच्चनीयानुलोमं.

वितक्कत्तिकं निट्ठितं.

७. पीतित्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. पीतिसहगतं ¶ ¶ ¶ धम्मं पटिच्च पीतिसहगतो धम्मो उप्पज्जति हेतुपच्चया – पीतिसहगतं एकं खन्धं पटिच्च तयो खन्धा, तयो खन्धे पटिच्च एको खन्धो, द्वे खन्धे पटिच्च द्वे खन्धा. पटिसन्धिक्खणे पीतिसहगतं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

पीतिसहगतं धम्मं पटिच्च सुखसहगतो धम्मो उप्पज्जति हेतुपच्चया – पीतिसहगतं एकं खन्धं पटिच्च सुखसहगता तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे पीतिसहगतं एकं खन्धं पटिच्च सुखसहगता तयो खन्धा…पे… द्वे खन्धे पटिच्च द्वे खन्धा. (२)

पीतिसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – पीतिसहगतं एकं खन्धं पटिच्च पीतिसहगता च सुखसहगता च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे पीतिसहगतं एकं खन्धं पटिच्च पीतिसहगता च सुखसहगता च तयो खन्धा ¶ …पे… द्वे खन्धे पटिच्च द्वे खन्धा. (३)

२. सुखसहगतं धम्मं पटिच्च सुखसहगतो धम्मो उप्पज्जति हेतुपच्चया – सुखसहगतं एकं खन्धं पटिच्च द्वे खन्धा, द्वे खन्धे ¶ पटिच्च एको खन्धो. पटिसन्धिक्खणे सुखसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. (१)

सुखसहगतं धम्मं पटिच्च पीतिसहगतो धम्मो उप्पज्जति हेतुपच्चया – सुखसहगतं एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे सुखसहगतं एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे खन्धा. (२)

सुखसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – सुखसहगतं एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो. पटिसन्धिक्खणे सुखसहगतं ¶ एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो. (३)

३. उपेक्खासहगतं धम्मं पटिच्च उपेक्खासहगतो धम्मो उप्पज्जति हेतुपच्चया – उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. पटिसन्धिक्खणे…पे…. (१)

पीतिसहगतञ्च सुखसहगतञ्च धम्मं पटिच्च पीतिसहगतो धम्मो उप्पज्जति हेतुपच्चया – पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे खन्धा. (१)

पीतिसहगतञ्च सुखसहगतञ्च धम्मं पटिच्च सुखसहगतो धम्मो उप्पज्जति ¶ हेतुपच्चया – पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे ¶ पटिच्च एको खन्धो. पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे पटिच्च एको खन्धो. (२)

पीतिसहगतञ्च सुखसहगतञ्च धम्मं पटिच्च पीतिसहगतो च सुखसहगतो च धम्मा उप्पज्जन्ति हेतुपच्चया – पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो. पटिसन्धिक्खणे पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो. (३)

आरम्मणपच्चयादि

४. पीतिसहगतं धम्मं पटिच्च पीतिसहगतो धम्मो उप्पज्जति आरम्मणपच्चया… अधिपतिपच्चया… (पटिसन्धिक्खणे नत्थि) अनन्तरपच्चया… समनन्तरपच्चया… सहजातपच्चया… अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… (पुरेजाते पटिसन्धिक्खणे नत्थि) आसेवनपच्चया… (आसेवने विपाकं नत्थि) कम्मपच्चया… विपाकपच्चया… आहार…पे… इन्द्रिय… झान… मग्ग… सम्पयुत्त… विप्पयुत्त… अत्थि… नत्थि… विगत… अविगतपच्चया.

१. पच्चयानुलोमं

२. सङ्ख्यावारो

सुद्धं

५. हेतुया ¶ ¶ दस, आरम्मणे दस, अधिपतिया दस, अनन्तरे समनन्तरे सहजाते अञ्ञमञ्ञे निस्सये उपनिस्सये पुरेजाते आसेवने कम्मे विपाके आहारे इन्द्रिये झाने मग्गे सम्पयुत्ते विप्पयुत्ते अत्थिया नत्थिया विगते अविगते सब्बत्थ दस.

(एवं अनुलोमगणना गणेतब्बा.)

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

६. पीतिसहगतं ¶ धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं पीतिसहगतं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

पीतिसहगतं धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं पीतिसहगतं एकं खन्धं पटिच्च सुखसहगता तयो खन्धा…पे… द्वे खन्धे पटिच्च द्वे खन्धा. (२)

पीतिसहगतं धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं पीतिसहगतं एकं खन्धं पटिच्च पीतिसहगता च सुखसहगता च तयो खन्धा…पे… द्वे खन्धे पटिच्च द्वे खन्धा. (३)

७. सुखसहगतं धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं सुखसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. (१)

सुखसहगतं धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं सुखसहगतं एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे ¶ खन्धा. (२)

सुखसहगतं ¶ धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं सुखसहगतं एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च एको खन्धो. (३)

८. उपेक्खासहगतं धम्मं पटिच्च उपेक्खासहगतो धम्मो उप्पज्जति नहेतुपच्चया – अहेतुकं ¶ उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. अहेतुकपटिसन्धिक्खणे उपेक्खासहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. विचिकिच्छासहगते उद्धच्चसहगते खन्धे पटिच्च विचिकिच्छासहगतो उद्धच्चसहगतो मोहो. (१)

९. पीतिसहगतञ्च सुखसहगतञ्च धम्मं पटिच्च पीतिसहगतो धम्मो उप्पज्जति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च पीतिसहगता तयो खन्धा…पे… द्वे खन्धे पटिच्च द्वे खन्धा. (१)

पीतिसहगतञ्च सुखसहगतञ्च धम्मं पटिच्च सुखसहगतो धम्मो उप्पज्जति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च सुखसहगता द्वे खन्धा, द्वे खन्धे पटिच्च एको खन्धो. (२)

पीतिसहगतञ्च सुखसहगतञ्च धम्मं पटिच्च पीतिसहगतो च सुखसहगतो च धम्मा उप्पज्जन्ति नहेतुपच्चया – अहेतुकं पीतिसहगतञ्च सुखसहगतञ्च एकं खन्धं पटिच्च पीतिसहगता च सुखसहगता च द्वे खन्धा, द्वे खन्धे पटिच्च ¶ एको खन्धो. (३)

नअधिपति-नआसेवनपच्चया

१०. पीतिसहगतं धम्मं पटिच्च पीतिसहगतो धम्मो उप्पज्जति नअधिपतिपच्चया (नअधिपतिपटिसन्धिक्खणे परिपुण्णं)… नपुरेजातपच्चया… (‘‘अरूपे’’ति नियामेतब्बं ‘‘पटिसन्धिक्खणे’’ति च) नपच्छाजातपच्चया… नआसेवनपच्चया.

नकम्मपच्चयो

११. पीतिसहगतं धम्मं पटिच्च पीतिसहगतो धम्मो उप्पज्जति नकम्मपच्चया – पीतिसहगते खन्धे पटिच्च पीतिसहगता चेतना.

पीतिसहगतं ¶ ¶ धम्मं पटिच्च सुखसहगतो धम्मो उप्पज्जति नकम्मपच्चया – पीतिसहगते खन्धे पटिच्च सुखसहगता चेतना.

(इमिना कारणेन दस पञ्हा वित्थारेतब्बा.)

नविपाकपच्चयो

१२. पीतिसहगतं धम्मं पटिच्च पीतिसहगतो धम्मो उप्पज्जति नविपाकपच्चया…पे… (परिपुण्णं, पटिसन्धि नत्थि).

नझानपच्चयादि

१३. सुखसहगतं धम्मं पटिच्च सुखसहगतो धम्मो उप्पज्जति नझानपच्चया – सुखसहगतं कायविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. (१)

उपेक्खासहगतं धम्मं पटिच्च उपेक्खासहगतो धम्मो उप्पज्जति नझानपच्चया – चतुविञ्ञाणसहगतं एकं खन्धं पटिच्च द्वे खन्धा, द्वे खन्धे पटिच्च एको खन्धो. (१)

(नमग्गपच्चया नहेतुपच्चयसदिसं. मोहो नत्थि. नविप्पयुत्तपच्चया परिपुण्णं अरूपपञ्हमेव.)

२. पच्चयपच्चनीयं

२. सङ्ख्यावारो

सुद्धं

१४. नहेतुया ¶ ¶ दस, नअधिपतिया दस, नपुरेजाते नपच्छाजाते नआसेवने नकम्मे नविपाके दस, नझाने द्वे, नमग्गे दस, नविप्पयुत्ते दस (पच्चनीयं परिपुण्णं कातब्बं).

पच्चनीयं.

३. पच्चयानुलोमपच्चनीयं

दुकं

१५. हेतुपच्चया ¶ नअधिपतिया दस, नपुरेजाते दस, नपच्छाजाते नआसेवने नकम्मे नविपाके नविप्पयुत्ते दस.

(अनुलोमपच्चनीयं वित्थारेन गणेतब्बं.)

अनुलोमपच्चनीयं.

४. पच्चयपच्चनीयानुलोमं

दुकं

१६. नहेतुपच्चया आरम्मणे दस, अनन्तरे दस, समनन्तरे दस, सहजाते अञ्ञमञ्ञे निस्सये ¶ उपनिस्सये पुरेजाते आसेवने कम्मे विपाके आहारे इन्द्रिये झाने सब्बे दस, मग्गे एकं, सम्पयुत्ते दस, विप्पयुत्ते अत्थिया नत्थिया विगते अविगते सब्बे दस.

पच्चनीयानुलोमं.

पटिच्चवारो.

२-६. सहजात-पच्चय-निस्सय-संसट्ठ-सम्पयुत्तवारो

(सहजातवारोपि पच्चयवारोपि निस्सयवारोपि संसट्ठवारोपि सम्पयुत्तवारोपि पटिच्चवारसदिसा.)

७. पञ्हावारो

१. पच्चयानुलोमं

१. विभङ्गवारो

हेतुपच्चयो

१७. पीतिसहगतो धम्मो पीतिसहगतस्स धम्मस्स हेतुपच्चयेन पच्चयो – पीतिसहगता हेतू सम्पयुत्तकानं खन्धानं हेतुपच्चयेन पच्चयो. पटिसन्धिक्खणे पीतिसहगता हेतू सम्पयुत्तकानं खन्धानं हेतुपच्चयेन ¶ पच्चयो. (१)

पीतिसहगतो ¶ धम्मो सुखसहगतस्स धम्मस्स हेतुपच्चयेन पच्चयो – पीतिसहगता हेतू सम्पयुत्तकानं सुखसहगतानं खन्धानं हेतुपच्चयेन पच्चयो. पटिसन्धिक्खणे…पे…. (२)

पीतिसहगतो धम्मो पीतिसहगतस्स च सुखसहगतस्स च धम्मस्स हेतुपच्चयेन पच्चयो ¶ – पीतिसहगता हेतू सम्पयुत्तकानं पीतिसहगतानञ्च सुखसहगतानञ्च खन्धानं हेतुपच्चयेन पच्चयो. पटिसन्धिक्खणे…पे…. (३)

१८. सुखसहगतो धम्मो सुखसहगतस्स धम्मस्स…पे… पीतिसहगतस्स धम्मस्स…पे… पीतिसहगतस्स च सुखसहगतस्स च धम्मस्स…पे… (सुखमूले तीणि).

उपेक्खासहगतो धम्मो उपेक्खासहगतस्स धम्मस्स हेतुपच्चयेन पच्चयो – उपेक्खासहगता हेतू सम्पयुत्तकानं खन्धानं हेतुपच्चयेन पच्चयो. पटिसन्धिक्खणे…पे…. (१)

पीतिसहगतो च सुखसहगतो च धम्मा पीतिसहगतस्स धम्मस्स…पे… सुखसहगतस्स धम्मस्स…पे… पीतिसहगतस्स च सुखसहगतस्स च धम्मस्स हेतुपच्चयेन पच्चयो – पीतिसहगता च सुखसहगता च हेतू सम्पयुत्तकानं पीतिसहगतानञ्च सुखसहगतानञ्च खन्धानं हेतुपच्चयेन पच्चयो. पटिसन्धिक्खणे…पे…. (२)

आरम्मणपच्चयो

१९. पीतिसहगतो धम्मो पीतिसहगतस्स धम्मस्स आरम्मणपच्चयेन ¶ पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं पीतिसहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं पीतिसहगतेन चित्तेन पच्चवेक्खति. अरिया पीतिसहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. पीतिसहगते खन्धे पीतिसहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ पीतिसहगतो रागो उप्पज्जति, दिट्ठि उप्पज्जति. पीतिसहगते खन्धे आरब्भ पीतिसहगता खन्धा उप्पज्जन्ति. (१)

पीतिसहगतो ¶ धम्मो सुखसहगतस्स धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं सुखसहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं सुखसहगतेन ¶ चित्तेन पच्चवेक्खति. अरिया सुखसहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. पीतिसहगते खन्धे सुखसहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ सुखसहगतो रागो उप्पज्जति, दिट्ठि उप्पज्जति. पीतिसहगते खन्धे आरब्भ सुखसहगता खन्धा उप्पज्जन्ति. (२)

पीतिसहगतो ¶ धम्मो उपेक्खासहगतस्स धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं उपेक्खासहगतेन चित्तेन पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं उपेक्खासहगतेन चित्तेन पच्चवेक्खति. अरिया उपेक्खासहगतेन चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. पीतिसहगते खन्धे उपेक्खासहगतेन चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति. चेतोपरियञाणेन पीतिसहगतचित्तसमङ्गिस्स चित्तं जानन्ति, पीतिसहगता खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. पीतिसहगते खन्धे आरब्भ उपेक्खासहगता खन्धा उप्पज्जन्ति. (३)

पीतिसहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – पीतिसहगतेन चित्तेन दानं दत्वा सीलं समादियित्वा उपोसथकम्मं कत्वा तं पीतिसहगतेन च सुखसहगतेन च चित्तेन ¶ पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं पीतिसहगतेन च सुखसहगतेन च चित्तेन पच्चवेक्खति. अरिया पीतिसहगतेन च सुखसहगतेन च चित्तेन पीतिसहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति ¶ , पुब्बे समुदाचिण्णे किलेसे जानन्ति. पीतिसहगते खन्धे पीतिसहगतेन च सुखसहगतेन च चित्तेन अनिच्चतो दुक्खतो अनत्ततो विपस्सन्ति अस्सादेन्ति अभिनन्दन्ति; तं आरब्भ पीतिसहगतो च सुखसहगतो च रागो उप्पज्जति, दिट्ठि उप्पज्जति. पीतिसहगते खन्धे आरब्भ पीतिसहगता च सुखसहगता च खन्धा उप्पज्जन्ति. (४)

२०. सुखसहगतो ¶ धम्मो सुखसहगतस्स धम्मस्स आरम्मणपच्चयेन पच्चयो… सुखसहगतो धम्मो पीतिसहगतस्स धम्मस्स…पे… उपेक्खासहगतस्स धम्मस्स…पे… पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – सुखसहगते खन्धे आरब्भ पीतिसहगता च सुखसहगता च खन्धा उप्पज्जन्ति. (४)

उपेक्खासहगतो धम्मो उपेक्खासहगतस्स धम्मस्स आरम्मणपच्चयेन पच्चयो – उपेक्खासहगतेन चित्तेन दानं दत्वा सीलं समादियित्वा उपोसथकम्मं कत्वा तं उपेक्खासहगतेन चित्तेन पच्चवेक्खति, उपेक्खासहगता झाना वुट्ठहित्वा, मग्गा वुट्ठहित्वा, फला वुट्ठहित्वा तं उपेक्खासहगतेन चित्तेन पच्चवेक्खति. अरिया उपेक्खासहगतेन चित्तेन उपेक्खासहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. उपेक्खासहगते खन्धे उपेक्खासहगतेन चित्तेन अनिच्चतो दुक्खतो अनत्ततो ¶ विपस्सन्ति अस्सादेन्ति अभिनन्दन्ति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति. चेतोपरियञाणेन उपेक्खासहगतचित्तसमङ्गिस्स चित्तं जानाति. आकासानञ्चायतनं विञ्ञाणञ्चायतनस्स आरम्मणपच्चयेन पच्चयो…पे… आकिञ्चञ्ञायतनं नेवसञ्ञानासञ्ञायतनस्स आरम्मणपच्चयेन पच्चयो. उपेक्खासहगता खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स आवज्जनाय आरम्मणपच्चयेन पच्चयो. उपेक्खासहगते खन्धे आरब्भ उपेक्खासहगता खन्धा उप्पज्जन्ति. (१)

उपेक्खासहगतो धम्मो पीतिसहगतस्स धम्मस्स…पे… सुखसहगतस्स धम्मस्स…पे… पीतिसहगतस्स च सुखसहगतस्स च धम्मस्स आरम्मणपच्चयेन पच्चयो – उपेक्खासहगतेन चित्तेन दानं दत्वा सीलं ¶ समादियित्वा उपोसथकम्मं कत्वा तं पीतिसहगतेन च सुखसहगतेन च चित्तेन पच्चवेक्खति, उपेक्खासहगता झाना वुट्ठहित्वा, मग्गा वुट्ठहित्वा फला वुट्ठहित्वा, तं पीतिसहगतेन च सुखसहगतेन च चित्तेन पच्चवेक्खति. अरिया पीतिसहगतेन च सुखसहगतेन च चित्तेन उपेक्खासहगते पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. उपेक्खासहगते खन्धे पीतिसहगतेन च सुखसहगतेन च ¶ चित्तेन अनिच्चतो दुक्खतो अनत्ततो विपस्सन्ति अस्सादेन्ति ¶ अभिनन्दन्ति; तं आरब्भ पीतिसहगतो च सुखसहगतो च रागो उप्पज्जति, दिट्ठि उप्पज्जति. उपेक्खासहगते खन्धे आरब्भ पीतिसहगता च सुखसहगता च खन्धा उप्पज्जन्ति. (३)

२१. पीतिसहगतो च सुखसहगतो च धम्मा पीतिसहगतस्स धम्मस्स…पे… सुखसहगतस्स धम्मस्स…पे… उपेक्खासहगतस्स धम्मस्स आरम्मणपच्चयेन पच्चयो – पीतिसहगतेन च सुखसहगतेन च चित्तेन दानं दत्वा सीलं समादियित्वा उपोसथकम्मं कत्वा…पे… पीतिसहगते च सुखसहगते च खन्धे उपेक्खासहगतेन चित्तेन अनिच्चतो दुक्खतो अनत्ततो विपस्सति अस्सादेति अभिनन्दति; तं आरब्भ उपेक्खासहगतो रागो उप्पज्जति, दिट्ठि उप्पज्जति, विचिकिच्छा उप्पज्जति, उद्धच्चं उप्पज्जति. चेतोपरियञाणेन पीतिसहगतसुखसहगतचित्तसमङ्गिस्स चित्तं जानाति. पीतिसहगता च सुखसहगता च खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. पीतिसहगते च सुखसहगते च खन्धे आरब्भ उपेक्खासहगता खन्धा उप्पज्जन्ति. (३)

पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स आरम्मणपच्चयेन पच्चयो (संखित्तं). (४)

अधिपतिपच्चयो

२२. पीतिसहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – पीतिसहगतेन ¶ चित्तेन दानं दत्वा सीलं समादियित्वा उपोसथकम्मं कत्वा ¶ पीतिसहगतेन चित्तेन तं गरुं कत्वा पच्चवेक्खति, पीतिसहगता झाना वुट्ठहित्वा, मग्गा वुट्ठहित्वा, फला वुट्ठहित्वा पीतिसहगतेन चित्तेन तं गरुं कत्वा पच्चवेक्खति. पीतिसहगते खन्धे पीतिसहगतेन चित्तेन गरुं कत्वा अस्सादेति अभिनन्दति; तं गरुं कत्वा पीतिसहगतो रागो उप्पज्जति, दिट्ठि उप्पज्जति. सहजाताधिपति – पीतिसहगताधिपति सम्पयुत्तकानं खन्धानं अधिपतिपच्चयेन पच्चयो. (१)

पीतिसहगतो ¶ धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – पीतिसहगतेन चित्तेन दानं दत्वा…पे…. सहजाताधिपति – पीतिसहगताधिपति सम्पयुत्तकानं सुखसहगतानं खन्धानं अधिपतिपच्चयेन पच्चयो. (२)

पीतिसहगतो धम्मो उपेक्खासहगतस्स धम्मस्स अधिपतिपच्चयेन पच्चयो. आरम्मणाधिपति – पीतिसहगतेन चित्तेन दानं दत्वा…पे… उपेक्खासहगतेन चित्तेन (संखित्तं). (३)

पीतिसहगतो धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – पीतिसहगतेन चित्तेन दानं दत्वा…पे…. सहजाताधिपति – पीतिसहगताधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो. (४)

२३. सुखसहगतो ¶ धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – सुखसहगतेन चित्तेन दानं दत्वा…पे…. सहजाताधिपति – सुखसहगताधिपति सम्पयुत्तकानं खन्धानं अधिपतिपच्चयेन पच्चयो. (१)

सुखसहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे…. सहजाताधिपति – सुखसहगताधिपति सम्पयुत्तकानं पीतिसहगतानं खन्धानं अधिपतिपच्चयेन पच्चयो. (२)

सुखसहगतो धम्मो उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं). (३)

सुखसहगतो ¶ धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो ¶ – आरम्मणाधिपति, सहजाताधिपति…पे…. सहजाताधिपति – सुखसहगताधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो. (४)

२४. उपेक्खासहगतो धम्मो उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे…. सहजाताधिपति – उपेक्खासहगताधिपति सम्पयुत्तकानं खन्धानं अधिपतिपच्चयेन पच्चयो. (१)

उपेक्खासहगतो धम्मो पीतिसहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं). (२)

उपेक्खासहगतो ¶ धम्मो सुखसहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं). (३)

उपेक्खासहगतो धम्मो पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति (संखित्तं). (४)

२५. पीतिसहगतो च सुखसहगतो च धम्मा पीतिसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे…. सहजाताधिपति – पीतिसहगता च सुखसहगता च अधिपति सम्पयुत्तकानं पीतिसहगतानं खन्धानं अधिपतिपच्चयेन पच्चयो. (१)

पीतिसहगतो च सुखसहगतो च धम्मा सुखसहगतस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति…पे…. सहजाताधिपति – पीतिसहगता च सुखसहगता च अधिपति सम्पयुत्तकानं सुखसहगतानं खन्धानं अधिपतिपच्चयेन पच्चयो. (२)

पीतिसहगतो च सुखसहगतो च धम्मा उपेक्खासहगतस्स धम्मस्स अधिपतिपच्चयेन पच्चयो – आरम्मणाधिपति (संखित्तं). (३)

पीतिसहगतो ¶ च सुखसहगतो च धम्मा पीतिसहगतस्स च सुखसहगतस्स च धम्मस्स अधिपतिपच्चयेन पच्चयो – आरम्मणाधिपति, सहजाताधिपति ¶ …पे…. सहजाताधिपति – पीतिसहगता च सुखसहगता च अधिपति सम्पयुत्तकानं पीतिसहगतानञ्च सुखसहगतानञ्च खन्धानं अधिपतिपच्चयेन पच्चयो. (४)

अनन्तरपच्चयो

२६. पीतिसहगतो धम्मो पीतिसहगतस्स धम्मस्स अनन्तरपच्चयेन ¶ पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानं खन्धानं अनन्तरपच्चयेन पच्चयो. पीतिसहगतं अनुलोमं गोत्रभुस्स अनन्तरपच्चयेन पच्चयो. (इमिना कारणेन सब्बेसं पदानं पच्चयोति दीपेतब्बो). अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं पीतिसहगताय फलसमापत्तिया अनन्तरपच्चयेन पच्चयो. (१)

पीतिसहगतो धम्मो सुखसहगतस्स धम्मस्स अनन्तरपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं सुखसहगतानं खन्धानं अनन्तरपच्चयेन पच्चयो. पीतिसहगतं अनुलोमं सुखसहगतस्स गोत्रभुस्स अनन्तरपच्चयेन पच्चयो. पीतिसहगतं अनुलोमं सुखसहगतस्स वोदानस्स अनन्तरपच्चयेन पच्चयो. पीतिसहगतं अनुलोमं सुखसहगताय फलसमापत्तिया अनन्तरपच्चयेन पच्चयो. (२)

पीतिसहगतो धम्मो उपेक्खासहगतस्स धम्मस्स अनन्तरपच्चयेन पच्चयो – पीतिसहगतं चुतिचित्तं उपेक्खासहगतस्स उपपत्तिचित्तस्स अनन्तरपच्चयेन पच्चयो. पीतिसहगतं भवङ्गं आवज्जनाय अनन्तरपच्चयेन पच्चयो. पीतिसहगता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो. पीतिसहगतं भवङ्गं उपेक्खासहगतस्स भवङ्गस्स अनन्तरपच्चयेन पच्चयो ¶ . पीतिसहगतं कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो. (३)

पीतिसहगतो ¶ धम्मो पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं अनन्तरपच्चयेन पच्चयो ¶ . पीतिसहगतं अनुलोमं पीतिसहगतस्स च सुखसहगतस्स च गोत्रभुस्स अनन्तरपच्चयेन पच्चयो…पे… पीतिसहगतं अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो. (४)

२७. सुखसहगतो धम्मो सुखसहगतस्स धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं सुखसहगतानं खन्धानं अनन्तरपच्चयेन पच्चयो. सुखसहगतं अनुलोमं सुखसहगतस्स गोत्रभुस्स अनन्तरपच्चयेन पच्चयो…पे… सुखसहगतं अनुलोमं सुखसहगताय फलसमापत्तिया अनन्तरपच्चयेन पच्चयो. (१)

सुखसहगतो धम्मो पीतिसहगतस्स धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं पीतिसहगतानं खन्धानं अनन्तरपच्चयेन पच्चयो…पे… सुखसहगतं अनुलोमं पीतिसहगताय फलसमापत्तिया अनन्तरपच्चयेन पच्चयो. (२)

सुखसहगतो धम्मो उपेक्खासहगतस्स धम्मस्स अनन्तरपच्चयेन ¶ पच्चयो – सुखसहगतं चुतिचित्तं उपेक्खासहगतस्स उपपत्तिचित्तस्स अनन्तरपच्चयेन पच्चयो. सुखसहगतं भवङ्गं आवज्जनाय अनन्तरपच्चयेन पच्चयो. सुखसहगतं कायविञ्ञाणं विपाकमनोधातुया अनन्तरपच्चयेन पच्चयो. सुखसहगता विपाकमनोविञ्ञाणधातु किरियमनोविञ्ञाणधातुया अनन्तरपच्चयेन पच्चयो सुखसहगतं भवङ्गं उपेक्खासहगतस्स भवङ्गस्स अनन्तरपच्चयेन पच्चयो. सुखसहगतं कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो. (३)

सुखसहगतो धम्मो पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा सुखसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं अनन्तरपच्चयेन पच्चयो…पे… सुखसहगतं अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो. (४)

२८. उपेक्खासहगतो ¶ ¶ धम्मो उपेक्खासहगतस्स धम्मस्स अनन्तरपच्चयेन पच्चयो – पुरिमा पुरिमा उपेक्खासहगता खन्धा पच्छिमानं पच्छिमानं उपेक्खासहगतानं खन्धानं…पे… आवज्जना पञ्चन्नं विञ्ञाणानं अनन्तरपच्चयेन पच्चयो. उपेक्खासहगतं अनुलोमं उपेक्खासहगताय फलसमापत्तिया… निरोधा वुट्ठहन्तस्स नेवसञ्ञानासञ्ञायतनं उपेक्खासहगताय फलसमापत्तिया अनन्तरपच्चयेन पच्चयो. (१)

उपेक्खासहगतो ¶ धम्मो पीतिसहगतस्स धम्मस्स अनन्तरपच्चयेन पच्चयो – उपेक्खासहगतं चुतिचित्तं पीतिसहगतस्स उपपत्तिचित्तस्स…पे… आवज्जना पीतिसहगतानं खन्धानं…पे… विपाकमनोधातु पीतिसहगताय विपाकमनोविञ्ञाणधातुया…पे… उपेक्खासहगतं भवङ्गं पीतिसहगतस्स भवङ्गस्स…पे… उपेक्खासहगतं कुसलाकुसलं पीतिसहगतस्स वुट्ठानस्स… किरियं वुट्ठानस्स… फलं वुट्ठानस्स… निरोधा वुट्ठहन्तस्स नेवसञ्ञानासञ्ञायतनं पीतिसहगताय फलसमापत्तिया अनन्तरपच्चयेन पच्चयो. (२)

उपेक्खासहगतो धम्मो सुखसहगतस्स धम्मस्स…पे… पीतिसहगतस्स च सुखसहगतस्स च धम्मस्स अनन्तरपच्चयेन पच्चयो. (४)

(तानियेव च गमनानि नियामेतब्बानि.)

२९. पीतिसहगतो च सुखसहगतो च धम्मा पीतिसहगतस्स धम्मस्स…पे… सुखसहगतस्स धम्मस्स…पे… उपेक्खासहगतस्स धम्मस्स अनन्तरपच्चयेन पच्चयो – पीतिसहगतञ्च सुखसहगतञ्च चुतिचित्तं उपेक्खासहगतस्स उपपत्तिचित्तस्स…पे… पीतिसहगतञ्च सुखसहगतञ्च भवङ्गं आवज्जनाय…पे… पीतिसहगता च सुखसहगता च विपाकमनोविञ्ञाणधातु किरियमनोविञ्ञाणधातुया…पे… पीतिसहगतञ्च सुखसहगतञ्च भवङ्गं उपेक्खासहगतस्स भवङ्गस्स…पे… पीतिसहगतञ्च सुखसहगतञ्च कुसलाकुसलं उपेक्खासहगतस्स वुट्ठानस्स… किरियं वुट्ठानस्स… फलं वुट्ठानस्स अनन्तरपच्चयेन पच्चयो. (३)

पीतिसहगतो ¶ ¶ च सुखसहगतो च धम्मा पीतिसहगतस्स च सुखसहगतस्स च धम्मस्स अनन्तरपच्चयेन पच्चयो – पुरिमा पुरिमा पीतिसहगता ¶ च सुखसहगता च खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं…पे… पीतिसहगतञ्च सुखसहगतञ्च अनुलोमं पीतिसहगताय च सुखसहगताय च फलसमापत्तिया अनन्तरपच्चयेन पच्चयो. (४)

समनन्तरपच्चयो

३०. पीतिसहगतो धम्मो पीतिसहगतस्स धम्मस्स समनन्तरपच्चयेन पच्चयो (अनन्तरपच्चयसदिसं).

सहजातपच्चयो

३१. पीतिसहगतो धम्मो पीतिसहगतस्स धम्मस्स सहजातपच्चयेन पच्चयो – पीतिसहगतो एको खन्धो तिण्णन्नं खन्धानं सहजातपच्चयेन पच्चयो…पे… द्वे खन्धा द्विन्नं खन्धानं सहजातपच्चयेन पच्चयो…पे… (पटिच्चसदिसं सहजाते दस पञ्हा).

अञ्ञमञ्ञ-निस्सयपच्चया

३२. पीतिसहगतो धम्मो पीतिसहगतस्स धम्मस्स अञ्ञमञ्ञपच्चयेन पच्चयो… निस्सयपच्चयेन पच्चयो (दस पञ्हा कातब्बा).

उपनिस्सयपच्चयो

३३. पीतिसहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतं सद्धं उपनिस्साय पीतिसहगतेन चित्तेन दानं देति, सीलं समादियति, उपोसथकम्मं करोति, पीतिसहगतं झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति. पीतिसहगतं सीलं… सुतं… चागं… पञ्ञं ¶ ¶ उपनिस्साय पीतिसहगतेन चित्तेन दानं देति, सीलं समादियति…पे… मानं जप्पेति, दिट्ठिं गण्हाति. पीतिसहगतं रागं… मोहं… मानं… दिट्ठिं… पत्थनं उपनिस्साय पीतिसहगतेन चित्तेन दानं देति, सीलं समादियति, उपोसथकम्मं करोति, पीतिसहगतं झानं उप्पादेति…पे… समापत्तिं उप्पादेति. पीतिसहगतेन चित्तेन अदिन्नं आदियति, मुसा भणति ¶ , पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति. पीतिसहगता सद्धा… सीलं… सुतं… चागो… पञ्ञा… रागो… मोहो… मानो… दिट्ठि… पत्थना पीतिसहगताय सद्धाय… सीलस्स… सुतस्स… चागस्स… पञ्ञाय… रागस्स… मोहस्स… मानस्स… दिट्ठिया… पत्थनाय उपनिस्सयपच्चयेन पच्चयो. (१)

पीतिसहगतो धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतं सद्धं उपनिस्साय सुखसहगतेन चित्तेन दानं देति…पे… समापत्तिं उप्पादेति, मानं जप्पेति, दिट्ठिं गण्हाति. पीतिसहगतं सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय सुखसहगतेन चित्तेन दानं देति…पे… समापत्तिं उप्पादेति. सुखसहगतेन चित्तेन अदिन्नं आदियति…पे… निगमघातं करोति. पीतिसहगता सद्धा…पे… पत्थना सुखसहगताय सद्धाय…पे… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो. (२)

पीतिसहगतो ¶ धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतं सद्धं उपनिस्साय उपेक्खासहगतेन चित्तेन दानं देति…पे… अभिञ्ञं उप्पादेति, समापत्तिं उप्पादेति, मानं जप्पेति, दिट्ठिं गण्हाति. पीतिसहगतं सीलं…पे… पत्थनं उपनिस्साय उपेक्खासहगतेन चित्तेन दानं देति…पे… निगमघातं करोति. पीतिसहगता सद्धा…पे… पत्थना उपेक्खासहगताय सद्धाय…पे… पत्थनाय उपनिस्सयपच्चयेन पच्चयो. (३)

पीतिसहगतो ¶ धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे… दिट्ठिं गण्हाति. पीतिसहगतं सीलं…पे… पत्थनं उपनिस्साय पीतिसहगतेन च सुखसहगतेन च चित्तेन दानं देति…पे… निगमघातं करोति. पीतिसहगता ¶ सद्धा…पे… पत्थना पीतिसहगताय च सुखसहगताय च सद्धाय…पे… पत्थनाय उपनिस्सयपच्चयेन पच्चयो. (४)

३४. सुखसहगतो धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सुखसहगतं सद्धं उपनिस्साय सुखसहगतेन चित्तेन दानं देति…पे… दिट्ठिं गण्हाति. सुखसहगतं सीलं…पे… पत्थनं सुखसहगतं ¶ कायविञ्ञाणं उपनिस्साय सुखसहगतेन चित्तेन दानं देति…पे… निगमघातं करोति. सुखसहगता सद्धा…पे… पत्थना सुखसहगतं कायविञ्ञाणं सुखसहगताय सद्धाय…पे… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो. (१)

सुखसहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सुखसहगतं सद्धं उपनिस्साय पीतिसहगतेन चित्तेन दानं देति…पे… दिट्ठिं गण्हाति. सुखसहगतं सीलं…पे… पत्थनं सुखसहगतं कायविञ्ञाणं उपनिस्साय पीतिसहगतेन चित्तेन दानं देति…पे… निगमघातं करोति. सुखसहगता सद्धा…पे… पत्थना सुखसहगतं कायविञ्ञाणं पीतिसहगताय सद्धाय…पे… पत्थनाय उपनिस्सयपच्चयेन पच्चयो. (२)

सुखसहगतो धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सुखसहगतं सद्धं उपनिस्साय उपेक्खासहगतेन चित्तेन दानं देति…पे… अभिञ्ञं उप्पादेति…पे… दिट्ठिं गण्हाति. सुखसहगतं सीलं…पे… पत्थनं सुखसहगतं कायविञ्ञाणं उपनिस्साय उपेक्खासहगतेन चित्तेन दानं देति…पे… निगमघातं करोति. सुखसहगता सद्धा…पे… पत्थना सुखसहगतं कायविञ्ञाणं उपेक्खासहगताय सद्धाय…पे… पत्थनाय उपनिस्सयपच्चयेन पच्चयो. (३)

सुखसहगतो ¶ धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो ¶ …पे…. पकतूपनिस्सयो – सुखसहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे… दिट्ठिं गण्हाति. सुखसहगतं सीलं…पे… पत्थनं सुखसहगतं कायविञ्ञाणं ¶ उपनिस्साय पीतिसहगतेन च सुखसहगतेन च चित्तेन दानं देति…पे… निगमघातं करोति. सुखसहगता सद्धा…पे… पत्थना सुखसहगतं कायविञ्ञाणं पीतिसहगताय च सुखसहगताय च सद्धाय…पे… पत्थनाय उपनिस्सयपच्चयेन पच्चयो. (४)

३५. उपेक्खासहगतो धम्मो उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – उपेक्खासहगतं सद्धं उपनिस्साय उपेक्खासहगतेन चित्तेन दानं देति…पे… अभिञ्ञं उप्पादेति…पे… दिट्ठिं गण्हाति. उपेक्खासहगतं सीलं…पे… पत्थनं उपनिस्साय उपेक्खासहगतेन चित्तेन दानं देति…पे… निगमघातं करोति. उपेक्खासहगता सद्धा…पे… पत्थना उपेक्खासहगताय सद्धाय…पे… पत्थनाय उपनिस्सयपच्चयेन पच्चयो. (१)

उपेक्खासहगतो धम्मो पीतिसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – उपेक्खासहगतं सद्धं उपनिस्साय पीतिसहगतेन ¶ चित्तेन दानं देति…पे… दिट्ठिं गण्हाति. उपेक्खासहगतं सीलं…पे… पत्थनं उपनिस्साय पीतिसहगतेन चित्तेन दानं देति…पे… निगमघातं करोति. उपेक्खासहगता सद्धा…पे… पत्थना पीतिसहगताय सद्धाय…पे… पत्थनाय उपनिस्सयपच्चयेन पच्चयो. (२)

उपेक्खासहगतो ¶ धम्मो सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – उपेक्खासहगतं सद्धं उपनिस्साय सुखसहगतेन चित्तेन दानं देति…पे… दिट्ठिं गण्हाति. उपेक्खासहगतं सीलं…पे… पत्थनं उपनिस्साय सुखसहगतेन चित्तेन दानं देति…पे… निगमघातं करोति. उपेक्खासहगता सद्धा…पे… पत्थना सुखसहगताय सद्धाय…पे… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो. (३)

उपेक्खासहगतो ¶ धम्मो पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – उपेक्खासहगतं सद्धं उपनिस्साय पीतिसहगतेन च सुखसहगतेन च चित्तेन दानं देति…पे… दिट्ठिं गण्हाति. उपेक्खासहगतं सीलं…पे… पत्थनं उपनिस्साय पीतिसहगतेन च सुखसहगतेन च चित्तेन दानं देति…पे… निगमघातं करोति. उपेक्खासहगता सद्धा…पे… पत्थना पीतिसहगताय च सुखसहगताय च सद्धाय…पे… पत्थनाय उपनिस्सयपच्चयेन पच्चयो. (४)

३६. पीतिसहगतो च सुखसहगतो च धम्मा पीतिसहगतस्स धम्मस्स ¶ उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतञ्च सुखसहगतञ्च सद्धं उपनिस्साय पीतिसहगतेन चित्तेन दानं देति…पे… दिट्ठिं गण्हाति. पीतिसहगतञ्च सुखसहगतञ्च सीलं…पे… पत्थनं उपनिस्साय पीतिसहगतेन चित्तेन दानं देति…पे… निगमघातं करोति. पीतिसहगता च सुखसहगता च सद्धा…पे… पत्थना पीतिसहगताय सद्धाय…पे… पत्थनाय उपनिस्सयपच्चयेन पच्चयो. (१)

पीतिसहगतो च सुखसहगतो च धम्मा सुखसहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतञ्च सुखसहगतञ्च सद्धं उपनिस्साय सुखसहगतेन चित्तेन दानं देति…पे… दिट्ठिं गण्हाति. पीतिसहगतञ्च सुखसहगतञ्च सीलं…पे… पत्थनं उपनिस्साय सुखसहगतेन चित्तेन दानं देति…पे… निगमघातं करोति. पीतिसहगता च सुखसहगता ¶ च सद्धा…पे… पत्थना सुखसहगताय सद्धाय…पे… पत्थनाय सुखसहगतस्स कायविञ्ञाणस्स उपनिस्सयपच्चयेन पच्चयो. (२)

पीतिसहगतो च सुखसहगतो च धम्मा उपेक्खासहगतस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतञ्च सुखसहगतञ्च सद्धं उपनिस्साय उपेक्खासहगतेन चित्तेन दानं देति ¶ …पे… अभिञ्ञं उप्पादेति…पे… दिट्ठिं गण्हाति. पीतिसहगतञ्च सुखसहगतञ्च सीलं…पे… ¶ पत्थनं उपनिस्साय उपेक्खासहगतेन चित्तेन दानं देति…पे… निगमघातं करोति. पीतिसहगता च सुखसहगता च सद्धा…पे… पत्थना उपेक्खासहगताय सद्धाय…पे… पत्थनाय उपनिस्सयपच्चयेन पच्चयो. (३)

पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – पीतिसहगतञ्च सुखसहगतञ्च सद्धं उपनिस्साय पीतिसहगतेन च सुखसहगतेन च चित्तेन दानं देति, सीलं समादियति, उपोसथकम्मं करोति. पीतिसहगतञ्च सुखसहगतञ्च झानं उप्पादेति, विपस्सनं उप्पादेति, मग्गं उप्पादेति, समापत्तिं उप्पादेति, मानं जप्पेति, दिट्ठिं गण्हाति. पीतिसहगतञ्च सुखसहगतञ्च सीलं… सुतं… चागं… पञ्ञं… रागं… मोहं… मानं… दिट्ठिं… पत्थनं उपनिस्साय पीतिसहगतेन च सुखसहगतेन च चित्तेन दानं देति, सीलं समादियति, उपोसथकम्मं करोति. पीतिसहगतञ्च सुखसहगतञ्च झानं उप्पादेति…पे… समापत्तिं उप्पादेति. पीतिसहगतेन च सुखसहगतेन च चित्तेन अदिन्नं आदियति, मुसा भणति, पिसुणं भणति, सम्फं पलपति, सन्धिं छिन्दति, निल्लोपं हरति, एकागारिकं करोति, परिपन्थे तिट्ठति, परदारं गच्छति, गामघातं करोति, निगमघातं करोति. पीतिसहगता च सुखसहगता च सद्धा…पे… पत्थना पीतिसहगताय च सुखसहगताय च सद्धाय…पे… पत्थनाय उपनिस्सयपच्चयेन पच्चयो. (४)

आसेवनपच्चयो

३७. पीतिसहगतो ¶ धम्मो पीतिसहगतस्स धम्मस्स आसेवनपच्चयेन ¶ पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानं खन्धानं आसेवनपच्चयेन पच्चयो. पीतिसहगतं अनुलोमं पीतिसहगतस्स गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो. (१)

पीतिसहगतो धम्मो सुखसहगतस्स धम्मस्स आसेवनपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं सुखसहगतानं ¶ खन्धानं आसेवनपच्चयेन पच्चयो. पीतिसहगतं अनुलोमं सुखसहगतस्स गोत्रभुस्स आसेवनपच्चयेन पच्चयो. पीतिसहगतं अनुलोमं सुखसहगतस्स वोदानस्स आसेवनपच्चयेन पच्चयो. पीतिसहगतं गोत्रभु सुखसहगतस्स मग्गस्स… पीतिसहगतं वोदानं सुखसहगतस्स मग्गस्स आसेवनपच्चयेन पच्चयो. (२)

पीतिसहगतो धम्मो पीतिसहगतस्स च सुखसहगतस्स च धम्मस्स आसेवनपच्चयेन पच्चयो – पुरिमा पुरिमा पीतिसहगता खन्धा पच्छिमानं पच्छिमानं पीतिसहगतानञ्च सुखसहगतानञ्च आसेवनपच्चयेन पच्चयो…पे… पीतिसहगतं वोदानं पीतिसहगतस्स च सुखसहगतस्स च मग्गस्स आसेवनपच्चयेन पच्चयो. (३)

३८. सुखसहगतो धम्मो सुखसहगतस्स धम्मस्स…पे… पीतिसहगतस्स धम्मस्स…पे… पीतिसहगतस्स च सुखसहगतस्स च धम्मस्स आसेवनपच्चयेन पच्चयो (संखित्तं. पीतिनयं पस्सित्वा कातब्बं).

उपेक्खासहगतो धम्मो उपेक्खासहगतस्स धम्मस्स आसेवनपच्चयेन ¶ पच्चयो – पुरिमा पुरिमा उपेक्खासहगता खन्धा पच्छिमानं पच्छिमानं उपेक्खासहगतानं खन्धानं…पे… उपेक्खासहगतं वोदानं उपेक्खासहगतस्स मग्गस्स आसेवनपच्चयेन पच्चयो. (१)

३९. पीतिसहगतो च सुखसहगतो च धम्मा पीतिसहगतस्स धम्मस्स…पे… सुखसहगतस्स ¶ धम्मस्स…पे… पीतिसहगतस्स च सुखसहगतस्स च धम्मस्स आसेवनपच्चयेन पच्चयो – पुरिमा पुरिमा पीतिसहगता च सुखसहगता च खन्धा पच्छिमानं पच्छिमानं पीतिसहगतानञ्च सुखसहगतानञ्च खन्धानं आसेवनपच्चयेन पच्चयो…पे… पीतिसहगतञ्च सुखसहगतञ्च वोदानं पीतिसहगतस्स च सुखसहगतस्स च मग्गस्स आसेवनपच्चयेन पच्चयो. (३)

कम्मपच्चयो

४०. पीतिसहगतो धम्मो पीतिसहगतस्स धम्मस्स कम्मपच्चयेन पच्चयो – सहजाता, नानाक्खणिका [नानाखणिका (स्या. क.)]. सहजाता – पीतिसहगता चेतना सम्पयुत्तकानं खन्धानं कम्मपच्चयेन पच्चयो. पटिसन्धिक्खणे पीतिसहगता ¶ चेतना सम्पयुत्तकानं खन्धानं कम्मपच्चयेन पच्चयो. नानाक्खणिका – पीतिसहगता चेतना विपाकानं पीतिसहगतानं खन्धानं कम्मपच्चयेन पच्चयो. (१)

पीतिसहगतो धम्मो सुखसहगतस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – पीतिसहगता चेतना सम्पयुत्तकानं सुखसहगतानं खन्धानं कम्मपच्चयेन पच्चयो. पटिसन्धिक्खणे पीतिसहगता चेतना सम्पयुत्तकानं सुखसहगतानं खन्धानं कम्मपच्चयेन ¶ पच्चयो. नानाक्खणिका – पीतिसहगता चेतना विपाकानं सुखसहगतानं खन्धानं कम्मपच्चयेन पच्चयो. (२)

पीतिसहगतो धम्मो उपेक्खासहगतस्स धम्मस्स कम्मपच्चयेन पच्चयो. नानाक्खणिका – पीतिसहगता चेतना विपाकानं उपेक्खासहगतानं खन्धानं कम्मपच्चयेन पच्चयो. (३)

पीतिसहगतो धम्मो पीतिसहगतस्स च सुखसहगतस्स च धम्मस्स कम्मपच्चयेन पच्चयो – सहजाता, नानाक्खणिका. सहजाता – पीतिसहगता चेतना सम्पयुत्तकानं पीतिसहगतानञ्च सुखसहगतानञ्च खन्धानं कम्मपच्चयेन पच्चयो. पटिसन्धिक्खणे ¶ …पे…. नानाक्खणिका – पीतिसहगता चेतना विपाकानं पीतिसहगतानञ्च सुखसहगतानञ्च खन्धानं कम्मपच्चयेन पच्चयो. (४)

४१. सुखसहगतो धम्मो सुखसहगतस्स धम्मस्स (चत्तारिपि गणनानि पस्सित्वा कातब्बानि).

४२. उपेक्खासहगतो धम्मो उपेक्खासहगतस्स धम्मस्स कम्मपच्चयेन पच्चयो – सहजाता, नानाक्खणिका…पे….

उपेक्खासहगतो धम्मो पीतिसहगतस्स धम्मस्स कम्मपच्चयेन पच्चयो. नानाक्खणिका – उपेक्खासहगता चेतना…पे….

उपेक्खासहगतो धम्मो सुखसहगतस्स धम्मस्स कम्मपच्चयेन पच्चयो. नानाक्खणिका – उपेक्खासहगता चेतना…पे….

उपेक्खासहगतो ¶ धम्मो पीतिसहगतस्स च सुखसहगतस्स च धम्मस्स कम्मपच्चयेन पच्चयो. नानाक्खणिका – उपेक्खासहगता चेतना…पे…. (४)

पीतिसहगतो च सुखसहगतो च धम्मा पीतिसहगतस्स धम्मस्स (चत्तारि ¶ कातब्बानि, पीतिसहगतं अनुमज्जन्तेन विभजितब्बं). (४)

विपाकपच्चयो

४३. पीतिसहगतो धम्मो पीतिसहगतस्स धम्मस्स विपाकपच्चयेन पच्चयो – पीतिसहगतो विपाको एको खन्धो तिण्णन्नं खन्धानं विपाकपच्चयेन पच्चयो…पे… द्वे खन्धा द्विन्नं खन्धानं…पे… पटिसन्धिक्खणे पीतिसहगतो एको खन्धो तिण्णन्नं खन्धानं…पे… द्वे खन्धा द्विन्नं खन्धानं…पे….

(यथा ¶ पटिच्चवारे हेतुपच्चये एवं वित्थारेतब्बा दस पञ्हा.)

आहारपच्चयादि

४४. पीतिसहगतो धम्मो पीतिसहगतस्स धम्मस्स आहारपच्चयेन पच्चयो… इन्द्रियपच्चयेन पच्चयो… झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो… अत्थिपच्चयेन पच्चयो… (दस पञ्हा वित्थारेतब्बा) नत्थिपच्चयेन पच्चयो… विगतपच्चयेन पच्चयो… (नत्थिपि विगतम्पि अनन्तरसदिसं) अविगतपच्चयेन पच्चयो.

१. पच्चयानुलोमं

२. सङ्ख्यावारो

सुद्धं

४५. हेतुया दस, आरम्मणे सोळस, अधिपतिया सोळस, अनन्तरे सोळस, समनन्तरे सोळस, सहजाते दस, अञ्ञमञ्ञे दस, निस्सये दस, उपनिस्सये सोळस, आसेवने दस, कम्मे सोळस, विपाके दस, आहारे इन्द्रिये झाने मग्गे सम्पयुत्ते अत्थिया दस, नत्थिया सोळस, विगते सोळस, अविगते दस.

(कुसलत्तिकं अनुलोमं अनुमज्जन्तेन गणेतब्बं.)

अनुलोमं.

पच्चनीयुद्धारो

४६. पीतिसहगतो ¶ ¶ ¶ धम्मो पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

पीतिसहगतो धम्मो सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

पीतिसहगतो धम्मो उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

पीतिसहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (४)

४७. सुखसहगतो धम्मो सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

सुखसहगतो धम्मो पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

सुखसहगतो धम्मो उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

सुखसहगतो ¶ धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (४)

४८. उपेक्खासहगतो ¶ धम्मो उपेक्खासहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

उपेक्खासहगतो धम्मो पीतिसहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (२)

उपेक्खासहगतो ¶ धम्मो सुखसहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

उपेक्खासहगतो धम्मो पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (४)

४९. पीतिसहगतो च सुखसहगतो च धम्मा पीतिसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (१)

पीतिसहगतो च सुखसहगतो च धम्मा सुखसहगतस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन ¶ पच्चयो… कम्मपच्चयेन पच्चयो. (२)

पीतिसहगतो च सुखसहगतो च धम्मा उपेक्खासहगतस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (३)

पीतिसहगतो च सुखसहगतो च धम्मा पीतिसहगतस्स च सुखसहगतस्स च धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… कम्मपच्चयेन पच्चयो. (४)

२. पच्चयपच्चनीयं

२. सङ्ख्यावारो

सुद्धं

५०. नहेतुया ¶ सोळस, नआरम्मणे नअधिपतिया नअनन्तरे नसमनन्तरे नसहजाते नअञ्ञमञ्ञे ननिस्सये नउपनिस्सये नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे नसम्पयुत्ते नविप्पयुत्ते नोअत्थिया नोनत्थिया नोविगते नोअविगते सब्बत्थ सोळस.

(पच्चनीयं अनुमज्जन्तेन गणेतब्बं.)

पच्चनीयं.

३. पच्चयानुलोमपच्चनीयं

दुकं

५१. हेतुपच्चया ¶ नआरम्मणे दस, नअधिपतिया दस, नअनन्तरे नसमनन्तरे नउपनिस्सये नपुरेजाते नपच्छाजाते नआसेवने नकम्मे नविपाके नआहारे नइन्द्रिये नझाने नमग्गे नविप्पयुत्ते नोनत्थिया नोविगते सब्बत्थ दस.

(अनुलोमपच्चनीयं अनुमज्जन्तेन गणेतब्बं.)

अनुलोमपच्चनीयं.

४. पच्चयपच्चनीयानुलोमं

दुकं

५२. नहेतुपच्चया ¶ ¶ आरम्मणे सोळस, अधिपतिया अनन्तरे समनन्तरे सोळस, सहजाते दस, अञ्ञमञ्ञे दस, निस्सये दस, उपनिस्सये सोळस, आसेवने दस, कम्मे सोळस, विपाके दस, आहारे दस, इन्द्रिये दस, झाने दस, मग्गे दस, सम्पयुत्ते दस, अत्थिया दस, नत्थिया सोळस, विगते सोळस, अविगते दस.

(पच्चनीयानुलोमं अनुमज्जन्तेन गणेतब्बं.)

पच्चनीयानुलोमं.

पीतित्तिकं निट्ठितं.

८. दस्सनेनपहातब्बत्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. दस्सनेन ¶ ¶ ¶ पहातब्बं धम्मं पटिच्च दस्सनेन पहातब्बो धम्मो उप्पज्जति हेतुपच्चया – दस्सनेन पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

दस्सनेन पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति हेतुपच्चया – दस्सनेन पहातब्बे खन्धे पटिच्च चित्तसमुट्ठानं रूपं. (२)

दस्सनेन पहातब्बं धम्मं पटिच्च दस्सनेन पहातब्बो च नेवदस्सनेन नभावनाय पहातब्बो च धम्मा उप्पज्जन्ति हेतुपच्चया – दस्सनेन पहातब्बं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं. (३)

२. भावनाय पहातब्बं धम्मं पटिच्च भावनाय पहातब्बो धम्मो उप्पज्जति हेतुपच्चया ¶ – भावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

भावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति हेतुपच्चया – भावनाय पहातब्बे खन्धे पटिच्च चित्तसमुट्ठानं रूपं. (२)

भावनाय पहातब्बं धम्मं पटिच्च भावनाय पहातब्बो च नेवदस्सनेन नभावनाय पहातब्बो च धम्मा उप्पज्जन्ति ¶ हेतुपच्चया – भावनाय पहातब्बं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं. (३)

३. नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति हेतुपच्चया – नेवदस्सनेन नभावनाय पहातब्बं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे ¶ खन्धे पटिच्च द्वे खन्धा चित्तसमुट्ठानञ्च रूपं. पटिसन्धिक्खणे नेवदस्सनेन नभावनाय पहातब्बं एकं खन्धं पटिच्च तयो खन्धा कटत्ता च रूपं…पे… द्वे खन्धे पटिच्च द्वे खन्धा कटत्ता च रूपं, खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं कटत्तारूपं उपादारूपं. (१)

४. दस्सनेन पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति हेतुपच्चया – दस्सनेन पहातब्बे खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति हेतुपच्चया – भावनाय पहातब्बे खन्धे च महाभूते च पटिच्च ¶ चित्तसमुट्ठानं रूपं. (१)

आरम्मणपच्चयो

५. दस्सनेन ¶ पहातब्बं धम्मं पटिच्च दस्सनेन पहातब्बो धम्मो उप्पज्जति आरम्मणपच्चया – दस्सनेन पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

भावनाय पहातब्बं धम्मं पटिच्च भावनाय पहातब्बो धम्मो उप्पज्जति आरम्मणपच्चया – भावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति आरम्मणपच्चया – नेवदस्सनेन नभावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे नेवदस्सनेन नभावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. वत्थुं पटिच्च खन्धा. (१)

अधिपतिपच्चयो

६. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति अधिपतिपच्चया… तीणि.

भावनाय ¶ पहातब्बं धम्मं पटिच्च भावनाय पहातब्बो धम्मो उप्पज्जति अधिपतिपच्चया… तीणि.

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति अधिपतिपच्चया – नेवदस्सनेन नभावनाय पहातब्बं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं ¶ ; एकं महाभूतं पटिच्च तयो महाभूता…पे… द्वे महाभूते पटिच्च द्वे महाभूता, महाभूते पटिच्च चित्तसमुट्ठानं रूपं उपादारूपं. (१)

७. दस्सनेन ¶ पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति अधिपतिपच्चया – दस्सनेन पहातब्बे खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति अधिपतिपच्चया – भावनाय पहातब्बे खन्धे च महाभूते च पटिच्च चित्तसमुट्ठानं रूपं. (१)

अनन्तर-समनन्तरपच्चया

८. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति अनन्तरपच्चया… समनन्तरपच्चया (आरम्मणसदिसं).

सहजातपच्चयो

९. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति सहजातपच्चया… तीणि.

भावनाय पहातब्बं धम्मं पटिच्च भावनाय पहातब्बो धम्मो उप्पज्जति सहजातपच्चया… तीणि.

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति सहजातपच्चया…पे… एकं महाभूतं पटिच्च…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. (१)

१०. दस्सनेन ¶ पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति सहजातपच्चया – दस्सनेन पहातब्बे खन्धे च महाभूते च पटिच्च चित्तसमुट्ठानं रूपं.

भावनाय ¶ पहातब्बञ्च नेवदस्सनेन नभावनाय ¶ पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति सहजातपच्चया – भावनाय पहातब्बे खन्धे च महाभूते च पटिच्च चित्तसमुट्ठानं रूपं. (१)

अञ्ञमञ्ञपच्चयो

११. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति अञ्ञमञ्ञपच्चया… एकं.

भावनाय पहातब्बं धम्मं पटिच्च भावनाय पहातब्बो धम्मो उप्पज्जति सहजातपच्चया… एकं.

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति अञ्ञमञ्ञपच्चया – नेवदस्सनेन नभावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे नेवदस्सनेन नभावनाय पहातब्बं एकं खन्धं पटिच्च तयो खन्धा वत्थु च…पे… द्वे खन्धे पटिच्च द्वे खन्धा वत्थु च, खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… द्वे महाभूते पटिच्च द्वे महाभूता; बाहिरं… आहारसमुट्ठानं… उतुसमुट्ठानं… असञ्ञसत्तानं…पे… द्वे महाभूते पटिच्च द्वे महाभूता.

निस्सयपच्चयादि

१२. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति निस्सयपच्चया… (हेतुपच्चयसदिसं) उपनिस्सयपच्चया… तीणि… पुरेजातपच्चया… तीणि (पटिसन्धि नत्थि)… आसेवनपच्चया… (विपाकपटिसन्धि नत्थि) कम्मपच्चया (परिपुण्णं. अज्झत्तिका च असञ्ञसत्तानञ्च महाभूता).

विपाकपच्चयो

१३. नेवदस्सनेन ¶ नभावनाय पहातब्बं धम्मं पटिच्च नेवदस्सनेन ¶ नभावनाय पहातब्बो धम्मो उप्पज्जति विपाकपच्चया – विपाकं एकं खन्धं पटिच्च ¶ तयो खन्धा चित्तसमुट्ठानञ्च रूपं…पे… पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा; एकं महाभूतं…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

आहारपच्चयादि

१४. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति आहारपच्चया (परिपुण्णं, अज्झत्तिका महाभूता च आहारसमुट्ठानञ्च)… इन्द्रियपच्चया (कम्मपच्चयसदिसं)… झानपच्चया… मग्गपच्चया (हेतुपच्चयसदिसं)… सम्पयुत्तपच्चया (आरम्मणपच्चयसदिसं)… विप्पयुत्तपच्चया (कुसलत्तिके विप्पयुत्तपच्चयसदिसं)… अत्थिपच्चया (सहजातपच्चयसदिसं)… नत्थिपच्चया… विगतपच्चया… अविगतपच्चया.

१. पच्चयानुलोमं

२. सङ्ख्यावारो

सुद्धं

१५. हेतुया नव, आरम्मणे तीणि, अधिपतिया नव, अनन्तरे तीणि, समनन्तरे तीणि, सहजाते नव, अञ्ञमञ्ञे तीणि, निस्सये नव, उपनिस्सये तीणि, पुरेजाते तीणि, आसेवने तीणि, कम्मे नव, विपाके एकं, आहारे नव, इन्द्रिये नव, झाने नव, मग्गे नव, सम्पयुत्ते तीणि, विप्पयुत्ते नव, अत्थिया नव, नत्थिया तीणि, विगते तीणि, अविगते नव (इमानि पदानि अनुमज्जन्तेन अनुलोमं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

१६. दस्सनेन ¶ ¶ पहातब्बं धम्मं पटिच्च दस्सनेन पहातब्बो धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. (१)

भावनाय ¶ पहातब्बं धम्मं पटिच्च भावनाय पहातब्बो धम्मो उप्पज्जति नहेतुपच्चया – उद्धच्चसहगते खन्धे पटिच्च उद्धच्चसहगतो मोहो. (१)

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च…पे… अहेतुकपटिसन्धिक्खणे नेवदस्सनेन नभावनाय पहातब्बं एकं खन्धं पटिच्च तयो खन्धा कटत्ता च रूपं…पे… द्वे खन्धे पटिच्च द्वे खन्धा…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं कटत्तारूपं उपादारूपं; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं पटिच्च तयो महाभूता…पे… महाभूते पटिच्च कटत्तारूपं उपादारूपं. (१)

नआरम्मणपच्चयो

१७. दस्सनेन पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नआरम्मणपच्चया – दस्सनेन पहातब्बे खन्धे पटिच्च चित्तसमुट्ठानं रूपं. (१)

भावनाय ¶ पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नआरम्मणपच्चया – भावनाय पहातब्बे खन्धे पटिच्च चित्तसमुट्ठानं रूपं. (१)

नेवदस्सनेन ¶ नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नआरम्मणपच्चया – नेवदस्सनेन नभावनाय पहातब्बे खन्धे पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बे खन्धे पटिच्च कटत्तारूपं, खन्धे पटिच्च वत्थु; एकं महाभूतं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. (१)

१८. दस्सनेन पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति नआरम्मणपच्चया ¶ – दस्सनेन पहातब्बे खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति नआरम्मणपच्चया – भावनाय पहातब्बे खन्धे च महाभूते च पटिच्च चित्तसमुट्ठानं रूपं. (१)

नअधिपतिपच्चयादि

१९. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति नअधिपतिपच्चया… (परिपुण्णं हेतुपच्चयसदिसं) नअनन्तरपच्चया… ¶ नसमनन्तरपच्चया… नअञ्ञमञ्ञपच्चया… नउपनिस्सयपच्चया.

नपुरेजातपच्चयो

२०. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति नपुरेजातपच्चया – अरूपे दस्सनेन पहातब्बं एकं खन्धं पटिच्च तयो खन्धा…पे…. (१)

दस्सनेन पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नपुरेजातपच्चया – दस्सनेन पहातब्बे खन्धे पटिच्च चित्तसमुट्ठानं रूपं. (२)

भावनाय ¶ पहातब्बं धम्मं पटिच्च भावनाय पहातब्बो…पे… अरूपे भावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

भावनाय पहातब्बं धम्मं पटिच्च नेवदस्सनेन नभावनाय पहातब्बो…पे… भावनाय पहातब्बे खन्धे पटिच्च चित्तसमुट्ठानं रूपं. (२)

२१. नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नपुरेजातपच्चया – अरूपे नेवदस्सनेन नभावनाय पहातब्बं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा, नेवदस्सनेन नभावनाय पहातब्बे खन्धे पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बं एकं ¶ खन्धं पटिच्च तयो खन्धा कटत्ता च रूपं…पे… द्वे खन्धे पटिच्च द्वे खन्धा कटत्ता च रूपं, खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. (१)

दस्सनेन ¶ पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो…पे… दस्सनेन पहातब्बे खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पटिच्च नेवदस्सनेन नभावनाय पहातब्बो धम्मो उप्पज्जति नपुरेजातपच्चया – भावनाय पहातब्बे खन्धे च महाभूते च पटिच्च चित्तसमुट्ठानं रूपं. (१)

नपच्छाजातपच्चयादि

२२. दस्सनेन पहातब्बं धम्मं पटिच्च दस्सनेन पहातब्बो धम्मो उप्पज्जति नपच्छाजातपच्चया… नआसेवनपच्चया.

नकम्मपच्चयो

२३. दस्सनेन ¶ पहातब्बं धम्मं पटिच्च दस्सनेन पहातब्बो धम्मो उप्पज्जति नकम्मपच्चया – दस्सनेन पहातब्बे खन्धे पटिच्च दस्सनेन पहातब्बा चेतना. (१)

भावनाय पहातब्बं धम्मं पटिच्च भावनाय पहातब्बो धम्मो उप्पज्जति नकम्मपच्चया – भावनाय पहातब्बे खन्धे पटिच्च भावनाय पहातब्बा चेतना. (१)

नेवदस्सनेन नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नकम्मपच्चया – नेवदस्सनेन नभावनाय पहातब्बे खन्धे पटिच्च नेवदस्सनेन नभावनाय पहातब्बा चेतना; बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. (१)

नविपाकपच्चयो

२४. दस्सनेन ¶ पहातब्बं धम्मं पटिच्च दस्सनेन पहातब्बो धम्मो उप्पज्जति नविपाकपच्चया (नअधिपतिपच्चयसदिसं, पटिसन्धि नत्थि).

नआहारपच्चयो

२५. नेवदस्सनेन ¶ नभावनाय पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नआहारपच्चया – बाहिरं… उतुसमुट्ठानं… असञ्ञसत्तानं एकं महाभूतं…पे….

नइन्द्रियपच्चयो

२६. नेवदस्सनेन नभावनाय पहातब्बं…पे… नइन्द्रियपच्चया – बाहिरं… आहारसमुट्ठानं… उतुसमुट्ठान… एकं महाभूतं…पे… असञ्ञसत्तानं महाभूते पटिच्च रूपजीवितिन्द्रियं.

नझानपच्चयो

२७. नेवदस्सनेन ¶ नभावनाय पहातब्बं धम्मं…पे… नझानपच्चया – पञ्चविञ्ञाणसहगतं एकं खन्धं पटिच्च तयो खन्धा…पे… द्वे खन्धे…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे…. उतुसमुट्ठानं, असञ्ञसत्तानं एकं महाभूतं…पे….

नमग्गपच्चयो

२८. नेवदस्सनेन नभावनाय पहातब्बं…पे… नमग्गपच्चया – अहेतुकं नेवदस्सनेन नभावनाय पहातब्बं…पे… अहेतुकपटिसन्धिक्खणे…पे… एकं महाभूतं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं महाभूतं…पे….

नसम्पयुत्तपच्चयो

२९. दस्सनेन पहातब्बं धम्मं पटिच्च नेवदस्सनेन नभावनाय पहातब्बो धम्मो उप्पज्जति नसम्पयुत्तपच्चया (नआरम्मणसदिसं).

नविप्पयुत्तपच्चयो

३०. दस्सनेन पहातब्बं…पे… नविप्पयुत्तपच्चया – अरूपे दस्सनेन पहातब्बं एकं खन्धं पटिच्च…पे…. (१)

भावनाय ¶ पहातब्बं…पे… नविप्पयुत्तपच्चया – अरूपे भावनाय पहातब्बं एकं खन्धं…पे…. (१)

नेवदस्सनेन नभावनाय पहातब्बं…पे… नविप्पयुत्तपच्चया ¶ – अरूपे नेवदस्सनेन नभावनाय ¶ पहातब्बं एकं खन्धं पटिच्च…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

नोनत्थि-नोविगतपच्चया

३१. दस्सनेन पहातब्बं धम्मं पटिच्च नेवदस्सनेन नभावनाय…पे… नोनत्थिपच्चया… नोविगतपच्चया (नआरम्मणसदिसं).

२. पच्चयपच्चनीयं

२. सङ्ख्यावारो

३२. नहेतुया तीणि, नआरम्मणे पञ्च, नअधिपतिया नव, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त, नपच्छाजाते नव, नआसेवने नव, नकम्मे तीणि, नविपाके नव, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च.

(ञत्वा गणेतब्बं.)

पच्चनीयं.

३. पच्चयानुलोमपच्चनीयं

हेतुदुकं

३३. हेतुपच्चया नआरम्मणे पञ्च, नअधिपतिया नव, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त, नपच्छाजाते नव, नआसेवने नव, नकम्मे तीणि, नविपाके नव, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च.

(एवं अनुमज्जन्तेन गणेतब्बं.)

अनुलोमपच्चनीयं.

४. पच्चयपच्चनीयानुलोमं

नहेतुदुकं

३४. नहेतुपच्चया ¶ ¶ ¶ आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे द्वे, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि.

(एवं अनुमज्जन्तेन गणेतब्बं.)

पच्चनीयानुलोमं.

पटिच्चवारो.

२. सहजातवारो

१-४. पच्चयानुलोमादि

३५. दस्सनेन पहातब्बं धम्मं सहजातो दस्सनेन पहातब्बो धम्मो उप्पज्जति हेतुपच्चया – दस्सनेन पहातब्बं एकं खन्धं सहजाता तयो खन्धा…पे… द्वे खन्धे सहजाता…पे….

(सहजातवारो पटिच्चवारसदिसो.)

३. पच्चयवारो

१. पच्चयानुलोमं

१. विभङ्गवारो

हेतुपच्चयो

३६. दस्सनेन ¶ पहातब्बं धम्मं पच्चया दस्सनेन पहातब्बो धम्मो उप्पज्जति हेतुपच्चया… तीणि.

भावनाय पहातब्बं धम्मं पच्चया भावनाय… तीणि.

३७. नेवदस्सनेन ¶ नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति हेतुपच्चया – नेवदस्सनेन नभावनाय पहातब्बं एकं खन्धं पच्चया तयो खन्धा चित्तसमुट्ठानञ्च ¶ रूपं…पे… द्वे खन्धे…पे… पटिसन्धिक्खणे नेवदस्सनेन नभावनाय पहातब्बं एकं खन्धं पच्चया तयो खन्धा कटत्ता च रूपं…पे… द्वे खन्धे पच्चया द्वे खन्धा…पे… खन्धे पच्चया वत्थु, वत्थुं पच्चया खन्धा. एकं महाभूतं पच्चया तयो महाभूता…पे… महाभूते पच्चया चित्तसमुट्ठानं रूपं कटत्तारूपं उपादारूपं. वत्थुं पच्चया नेवदस्सनेन नभावनाय पहातब्बा खन्धा. (१)

नेवदस्सनेन नभावनाय पहातब्बं धम्मं पच्चया दस्सनेन पहातब्बो धम्मो उप्पज्जति हेतुपच्चया – वत्थुं पच्चया दस्सनेन पहातब्बा खन्धा. (२)

नेवदस्सनेन नभावनाय पहातब्बं धम्मं पच्चया भावनाय पहातब्बो धम्मो उप्पज्जति हेतुपच्चया – वत्थुं पच्चया भावनाय पहातब्बा खन्धा. (३)

नेवदस्सनेन नभावनाय पहातब्बं धम्मं पच्चया दस्सनेन पहातब्बो च नेवदस्सनेन नभावनाय ¶ पहातब्बो च धम्मा उप्पज्जन्ति हेतुपच्चया – वत्थुं पच्चया दस्सनेन पहातब्बा खन्धा; महाभूते पच्चया चित्तसमुट्ठानं रूपं. (४)

नेवदस्सनेन नभावनाय पहातब्बं धम्मं पच्चया भावनाय पहातब्बो च नेवदस्सनेन नभावनाय पहातब्बो च धम्मा उप्पज्जन्ति हेतुपच्चया – वत्थुं पच्चया भावनाय पहातब्बा खन्धा; महाभूते पच्चया चित्तसमुट्ठानं रूपं. (५)

३८. दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया दस्सनेन पहातब्बो धम्मो उप्पज्जति हेतुपच्चया ¶ – दस्सनेन पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा. (१)

दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया नेवदस्सनेन नभावनाय पहातब्बो धम्मो उप्पज्जति हेतुपच्चया ¶ – दस्सनेन पहातब्बे खन्धे च महाभूते च पच्चया चित्तसमुट्ठानं रूपं. (२)

दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया दस्सनेन पहातब्बो च नेवदस्सनेन नभावनाय पहातब्बो च धम्मा उप्पज्जन्ति हेतुपच्चया – दस्सनेन पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा, दस्सनेन पहातब्बे खन्धे च महाभूते च पच्चया चित्तसमुट्ठानं रूपं. (३)

३९. भावनाय पहातब्बञ्च नेवदस्सनेन नभावनाय पहातब्बञ्च धम्मं पच्चया भावनाय पहातब्बो धम्मो उप्पज्जति हेतुपच्चया – भावनाय पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च…पे…. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पच्चया नेवदस्सनेन नभावनाय पहातब्बो धम्मो उप्पज्जति हेतुपच्चया – भावनाय पहातब्बे खन्धे च महाभूते च पच्चया चित्तसमुट्ठानं रूपं. (२)

भावनाय ¶ पहातब्बञ्च नेवदस्सनेन नभावनाय पहातब्बञ्च धम्मं पच्चया भावनाय पहातब्बो च नेवदस्सनेन नभावनाय पहातब्बो च धम्मा उप्पज्जन्ति ¶ हेतुपच्चया – भावनाय पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च…पे… भावनाय पहातब्बे खन्धे च महाभूते च पच्चया चित्तसमुट्ठानं रूपं. (३)

आरम्मणपच्चयो

४०. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति आरम्मणपच्चया – दस्सनेन पहातब्बं एकं खन्धं पच्चया तयो खन्धा…पे… द्वे खन्धे…पे…. (१)

भावनाय पहातब्बं धम्मं पच्चया भावनाय पहातब्बो धम्मो उप्पज्जति आरम्मणपच्चया – भावनाय पहातब्बं एकं खन्धं पच्चया तयो खन्धा…पे…. (१)

नेवदस्सनेन ¶ नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति आरम्मणपच्चया – नेवदस्सनेन नभावनाय पहातब्बं एकं खन्धं पच्चया तयो खन्धा…पे… द्वे खन्धे…पे…. पटिसन्धिक्खणे नेवदस्सनेन नभावनाय पहातब्बं एकं खन्धं पच्चया तयो खन्धा…पे… द्वे खन्धे…पे… वत्थुं पच्चया खन्धा, चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया नेवदस्सनेन नभावनाय पहातब्बा खन्धा. (१)

नेवदस्सनेन नभावनाय पहातब्बं धम्मं पच्चया दस्सनेन पहातब्बो धम्मो उप्पज्जति आरम्मणपच्चया – वत्थुं पच्चया दस्सनेन पहातब्बा खन्धा. (२)

नेवदस्सनेन नभावनाय पहातब्बं धम्मं पच्चया भावनाय पहातब्बो धम्मो उप्पज्जति आरम्मणपच्चया ¶ – वत्थुं पच्चया भावनाय पहातब्बा खन्धा. (३)

४१. दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया दस्सनेन ¶ पहातब्बो धम्मो उप्पज्जति आरम्मणपच्चया – दस्सनेन पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया…पे…. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पच्चया भावनाय पहातब्बो धम्मो उप्पज्जति आरम्मणपच्चया – भावनाय पहातब्बं एकं खन्धञ्च वत्थुञ्च पच्चया तयो खन्धा…पे… द्वे खन्धे च वत्थुञ्च पच्चया द्वे खन्धा. (१)

अधिपतिपच्चयादि

४२. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति अधिपतिपच्चया… (परिपुण्णं, पटिसन्धि नत्थि) अनन्तरपच्चया… समनन्तरपच्चया (आरम्मणसदिसं).

सहजातपच्चयो

दस्सनेन ¶ पहातब्बं धम्मं पच्चया दस्सनेन पहातब्बो धम्मो उप्पज्जति सहजातपच्चया – दस्सनेन पहातब्बं एकं खन्धं… तीणि.

भावनाय पहातब्बं धम्मं पच्चया… तीणि.

४३. नेवदस्सनेन नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति सहजातपच्चया – नेवदस्सनेन नभावनाय पहातब्बं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे पच्चया द्वे खन्धा…पे… पटिसन्धिक्खणे…पे… खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता…पे… महाभूते पच्चया…पे… बाहिरं… आहारसमुट्ठानं… उतुसमुट्ठानं… असञ्ञसत्तानं ¶ एकं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया नेवदस्सनेन नभावनाय पहातब्बा खन्धा.

नेवदस्सनेन ¶ नभावनाय पहातब्बं धम्मं पच्चया दस्सनेन पहातब्बो धम्मो उप्पज्जति सहजातपच्चया (अवसेसा हेतुपच्चयसदिसा).

अञ्ञमञ्ञपच्चयादि

४४. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया (पटिसन्धि नत्थि)… आसेवनपच्चया… (पटिसन्धि नत्थि, विपाकञ्च) कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया… विप्पयुत्तपच्चया… अत्थिपच्चया… नत्थिपच्चया… विगतपच्चया… अविगतपच्चया.

१. पच्चयानुलोमं

२. सङ्ख्यावारो

४५. हेतुया सत्तरस, आरम्मणे सत्त, अधिपतिया सत्तरस, अनन्तरे सत्त, समनन्तरे सत्त, सहजाते सत्तरस, अञ्ञमञ्ञे सत्त, निस्सये सत्तरस, उपनिस्सये सत्त, पुरेजाते सत्त, आसेवने ¶ सत्त, कम्मे सत्तरस, विपाके एकं, आहारे सत्तरस, इन्द्रिये सत्तरस, झाने सत्तरस, मग्गे सत्तरस, सम्पयुत्ते सत्त, विप्पयुत्ते सत्तरस, अत्थिया सत्तरस, नत्थिया सत्त, विगते सत्त, अविगते सत्तरस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

४६. दस्सनेन ¶ ¶ पहातब्बं धम्मं पच्चया दस्सनेन पहातब्बो धम्मो उप्पज्जति नहेतुपच्चया – विचिकिच्छासहगते खन्धे पच्चया विचिकिच्छासहगतो मोहो. (१)

भावनाय पहातब्बं धम्मं पच्चया भावनाय पहातब्बो धम्मो उप्पज्जति नहेतुपच्चया – उद्धच्चसहगते खन्धे पच्चया उद्धच्चसहगतो मोहो. (१)

नेवदस्सनेन नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… अहेतुकपटिसन्धिक्खणे…पे… खन्धे पच्चया वत्थु, वत्थुं पच्चया खन्धा; एकं महाभूतं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं, वत्थुं पच्चया अहेतुका नेवदस्सनेन नभावनाय पहातब्बा खन्धा. (१)

नेवदस्सनेन नभावनाय पहातब्बं धम्मं पच्चया दस्सनेन पहातब्बो धम्मो उप्पज्जति नहेतुपच्चया – वत्थुं पच्चया विचिकिच्छासहगतो मोहो. (२)

नेवदस्सनेन नभावनाय पहातब्बं धम्मं पच्चया भावनाय पहातब्बो धम्मो उप्पज्जति नहेतुपच्चया – वत्थुं पच्चया उद्धच्चसहगतो मोहो. (३)

४७. दस्सनेन ¶ पहातब्बञ्च नेवदस्सनेन नभावनाय पहातब्बञ्च ¶ धम्मं पच्चया दस्सनेन पहातब्बो धम्मो उप्पज्जति नहेतुपच्चया – विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (१)

भावनाय ¶ पहातब्बञ्च नेवदस्सनेन नभावनाय पहातब्बञ्च धम्मं पच्चया भावनाय पहातब्बो धम्मो उप्पज्जति नहेतुपच्चया – उद्धच्चसहगते खन्धे च वत्थुञ्च पच्चया उद्धच्चसहगतो मोहो. (१)

नआरम्मणपच्चयो

४८. दस्सनेन पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नआरम्मणपच्चया – दस्सनेन पहातब्बे खन्धे पच्चया चित्तसमुट्ठानं रूपं. (१)

भावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नआरम्मणपच्चया – भावनाय पहातब्बे खन्धे पच्चया चित्तसमुट्ठानं रूपं. (१)

नेवदस्सनेन नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नआरम्मणपच्चया – नेवदस्सनेन नभावनाय पहातब्बे खन्धे पच्चया चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बे खन्धे पच्चया कटत्तारूपं, खन्धे पच्चया वत्थु; एकं महाभूतं पच्चया…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

४९. दस्सनेन पहातब्बञ्च नेवदस्सनेन नभावनाय पहातब्बञ्च ¶ धम्मं पच्चया दस्सनेन पहातब्बो धम्मो उप्पज्जति नआरम्मणपच्चया – दस्सनेन पहातब्बे खन्धे च महाभूते च पच्चया चित्तसमुट्ठानं रूपं. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पच्चया नेवदस्सनेन नभावनाय पहातब्बो धम्मो उप्पज्जति नआरम्मणपच्चया – भावनाय पहातब्बे खन्धे च महाभूते च पच्चया चित्तसमुट्ठानं रूपं. (१)

नअधिपतिपच्चयादि

५०. दस्सनेन ¶ पहातब्बं धम्मं पच्चया दस्सनेन पहातब्बो धम्मो उप्पज्जति नअधिपतिपच्चया ¶ (सहजातसदिसं)… नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया.

नपुरेजातपच्चयो

५१. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति नपुरेजातपच्चया – अरूपे दस्सनेन पहातब्बं एकं खन्धं पच्चया…पे…. (१)

दस्सनेन पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नपुरेजातपच्चया – दस्सनेन पहातब्बे खन्धे पच्चया चित्तसमुट्ठानं रूपं. (२)

भावनाय पहातब्बं धम्मं पच्चया भावनाय पहातब्बो धम्मो उप्पज्जति नपुरेजातपच्चया – अरूपे भावनाय पहातब्बं एकं खन्धं पच्चया…पे…. (१)

भावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नपुरेजातपच्चया – भावनाय पहातब्बे खन्धे पच्चया ¶ चित्तसमुट्ठानं रूपं. (२)

५२. नेवदस्सनेन नभावनाय पहातब्बं धम्मं पच्चया नेवदस्सनेन नभावनाय पहातब्बो धम्मो उप्पज्जति नपुरेजातपच्चया – अरूपे नेवदस्सनेन नभावनाय पहातब्बं एकं खन्धं पच्चया तयो खन्धा…पे… नेवदस्सनेन नभावनाय पहातब्बे खन्धे पच्चया चित्तसमुट्ठानं रूपं. पटिसन्धिक्खणे…पे… खन्धे पच्चया कटत्तारूपं, खन्धे पच्चया वत्थु, वत्थुं पच्चया खन्धा; एकं महाभूतं…पे… बाहिरं… आहारसमुट्ठानं… उतुसमुट्ठानं, असञ्ञसत्तानं…पे…. (१)

दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया नेवदस्सनेन नभावनाय पहातब्बो धम्मो उप्पज्जति नपुरेजातपच्चया – दस्सनेन पहातब्बे खन्धे च महाभूते च पच्चया चित्तसमुट्ठानं रूपं. (१)

भावनाय ¶ ¶ पहातब्बञ्च नेवदस्सनेन नभावनाय पहातब्बञ्च धम्मं पच्चया नेवदस्सनेन नभावनाय पहातब्बो धम्मो उप्पज्जति नपुरेजातपच्चया – भावनाय पहातब्बे खन्धे च महाभूते च पच्चया चित्तसमुट्ठानं रूपं. (१)

नपच्छाजातपच्चयादि

५३. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति नपच्छाजातपच्चया… नआसेवनपच्चया.

नकम्मपच्चयो

५४. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति नकम्मपच्चया – दस्सनेन पहातब्बे खन्धे पच्चया दस्सनेन पहातब्बा चेतना. (१)

भावनाय पहातब्बं धम्मं…पे… नकम्मपच्चया – भावनाय पहातब्बे खन्धे पच्चया भावनाय पहातब्बा चेतना. (१)

नेवदस्सनेन नभावनाय पहातब्बं धम्मं…पे… नकम्मपच्चया – नेवदस्सनेन नभावनाय पहातब्बे खन्धे पच्चया नेवदस्सनेन नभावनाय ¶ पहातब्बा चेतना; बाहिरं… आहारसमुट्ठानं… उतुसमुट्ठानं…पे…. (१)

नेवदस्सनेन नभावनाय पहातब्बं धम्मं पच्चया दस्सनेन पहातब्बो धम्मो उप्पज्जति नकम्मपच्चया – वत्थुं पच्चया दस्सनेन पहातब्बा चेतना. (२)

नेवदस्सनेन नभावनाय पहातब्बं धम्मं पच्चया भावनाय पहातब्बो धम्मो उप्पज्जति नकम्मपच्चया – वत्थुं पच्चया भावनाय पहातब्बा चेतना. (३)

५५. दस्सनेन पहातब्बञ्च नेवदस्सनेन नभावनाय पहातब्बञ्च धम्मं पच्चया दस्सनेन ¶ पहातब्बो धम्मो उप्पज्जति नकम्मपच्चया – दस्सनेन पहातब्बे खन्धे च वत्थुञ्च पच्चया दस्सनेन पहातब्बा चेतना. (१)

भावनाय पहातब्बञ्च नेवदस्सनेन नभावनाय पहातब्बञ्च धम्मं पच्चया भावनाय पहातब्बो धम्मो उप्पज्जति नकम्मपच्चया – भावनाय ¶ पहातब्बे खन्धे च वत्थुञ्च पच्चया भावनाय पहातब्बा चेतना. (१)

नविपाकपच्चयादि

५६. दस्सनेन पहातब्बं धम्मं पच्चया दस्सनेन पहातब्बो धम्मो उप्पज्जति नविपाकपच्चया (परिपुण्णं, पटिसन्धि नत्थि), नआहारपच्चया – बाहिरं… उतुसमुट्ठानं… असञ्ञसत्तानं…पे… नइन्द्रियपच्चया – बाहिरं… आहारसमुट्ठानं… उतुसमुट्ठानं… असञ्ञसत्तानं…पे… महाभूते पच्चया रूपजीवितिन्द्रियं… नझानपच्चया – पञ्चविञ्ञाणं…पे… बाहिरं…पे… असञ्ञसत्तानं…पे… नमग्गपच्चया – अहेतुकं नेवदस्सनेन नभावनाय पहातब्बं ¶ एकं खन्धं पच्चया तयो खन्धा चित्तसमुट्ठानञ्च रूपं…पे… अहेतुकपटिसन्धिक्खणे…पे… एकं महाभूतं…पे… असञ्ञसत्तानं…पे… नसम्पयुत्तपच्चया, नविप्पयुत्तपच्चया – अरूपे दस्सनेन पहातब्बं एकं खन्धं पच्चया…पे… अरूपे भावनाय पहातब्बं एकं खन्धं पच्चया तयो खन्धा…पे… नेवदस्सनेन नभावनाय पहातब्बं धम्मं पच्चया नेवदस्सनेन…पे… अरूपे नेवदस्सनेन नभावनाय पहातब्बं एकं खन्धं पच्चया तयो खन्धा…पे… द्वे खन्धे…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे… नोनत्थिपच्चया… नोविगतपच्चया.

२. पच्चयपच्चनीयं

२. सङ्ख्यावारो

५७. नहेतुया सत्त, नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते सत्त, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नआहारे एकं, नइन्द्रिये एकं ¶ , नझाने एकं, नमग्गे एकं, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च.

पच्चनीयं.

३. पच्चयानुलोमपच्चनीयं

५८. हेतुपच्चया नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते ¶ सत्त, नपच्छाजाते सत्तरस, नआसेवने सत्तरस ¶ , नकम्मे सत्त, नविपाके सत्तरस, नसम्पयुत्ते पञ्च, नविप्पयुत्ते तीणि, नोनत्थिया पञ्च, नोविगते पञ्च.

अनुलोमपच्चनीयं.

४. पच्चयपच्चनीयानुलोमं

५९. नहेतुपच्चया आरम्मणे सत्त, अनन्तरे सत्त, समनन्तरे सत्त, सहजाते सत्त, अञ्ञमञ्ञे सत्त, निस्सये सत्त, उपनिस्सये सत्त, पुरेजाते सत्त, आसेवने सत्त, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे छ, सम्पयुत्ते सत्त, विप्पयुत्ते सत्त, अत्थिया सत्त, नत्थिया सत्त, विगते सत्त, अविगते सत्त (एवं गणेतब्बं).

पच्चनीयानुलोमं.

पच्चयवारो.

४. निस्सयवारो

(निस्सयवारो ¶ पच्चयसदिसो कातब्बो.)

५. संसट्ठवारो

१. पच्चयानुलोमं

१. विभङ्गवारो

हेतुपच्चयो

६०. दस्सनेन पहातब्बं धम्मं संसट्ठो दस्सनेन पहातब्बो धम्मो उप्पज्जति हेतुपच्चया – दस्सनेन पहातब्बं एकं खन्धं संसट्ठा तयो खन्धा…पे… द्वे खन्धे संसट्ठा द्वे खन्धा. (१)

भावनाय पहातब्बं धम्मं संसट्ठो भावनाय पहातब्बो धम्मो उप्पज्जति हेतुपच्चया – भावनाय पहातब्बं एकं खन्धं संसट्ठा…पे…. (१)

नेवदस्सनेन नभावनाय पहातब्बं धम्मं संसट्ठो नेवदस्सनेन ¶ नभावनाय पहातब्बो धम्मो उप्पज्जति हेतुपच्चया – नेवदस्सनेन नभावनाय ¶ पहातब्बं एकं खन्धं संसट्ठा तयो खन्धा…पे… पटिसन्धिक्खणे नेवदस्सनेन नभावनाय पहातब्बं एकं खन्धं संसट्ठा…पे…. (१)

आरम्मणपच्चयो

६१. दस्सनेन पहातब्बं धम्मं संसट्ठो दस्सनेन पहातब्बो धम्मो उप्पज्जति आरम्मणपच्चया (सब्बानि पदानि वित्थारेतब्बानि तीणि, तीणि).

१. पच्चयानुलोमं

२. सङ्ख्यावारो

६२. हेतुया ¶ तीणि, आरम्मणे तीणि, अधिपतिया तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे तीणि, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि.

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

६३. दस्सनेन पहातब्बं धम्मं संसट्ठो दस्सनेन पहातब्बो धम्मो उप्पज्जति नहेतुपच्चया – विचिकिच्छासहगते खन्धे संसट्ठो विचिकिच्छासहगतो मोहो. (१)

भावनाय पहातब्बं धम्मं संसट्ठो भावनाय पहातब्बो धम्मो उप्पज्जति नहेतुपच्चया – उद्धच्चसहगते खन्धे संसट्ठो उद्धच्चसहगतो मोहो. (१)

नेवदस्सनेन नभावनाय पहातब्बं धम्मं संसट्ठो नेवदस्सनेन ¶ नभावनाय पहातब्बो धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बं एकं खन्धं संसट्ठा तयो खन्धा…पे… अहेतुकपटिसन्धिक्खणे…पे…. (१)

नअधिपतिपच्चयादि

६४. दस्सनेन ¶ ¶ पहातब्बं धम्मं संसट्ठो दस्सनेन पहातब्बो धम्मो उप्पज्जति नअधिपतिपच्चया… नपुरेजातपच्चया… नपच्छाजातपच्चया… नआसेवनपच्चया… नकम्मपच्चया… नविपाकपच्चया… – नेवदस्सनेन नभावनाय…पे… नझानपच्चया – पञ्चविञ्ञाणं…पे… नमग्गपच्चया – अहेतुकं…पे… नेवदस्सनेन नभावनाय पहातब्बो…पे… नविप्पयुत्तपच्चया… तीणि.

२. पच्चयपच्चनीयं

२. सङ्ख्यावारो

६५. नहेतुया तीणि, नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नझाने एकं, नमग्गे एकं, नविप्पयुत्ते तीणि.

पच्चनीयं.

३. पच्चयानुलोमपच्चनीयं

६६. हेतुपच्चया नअधिपतिया तीणि, नपुरेजाते तीणि, नपच्छाजाते तीणि, नआसेवने तीणि, नकम्मे तीणि, नविपाके तीणि, नविप्पयुत्ते तीणि.

अनुलोमपच्चनीयं.

४. पच्चयपच्चनीयानुलोमं

६७. नहेतुपच्चया आरम्मणे तीणि, अनन्तरे तीणि, समनन्तरे तीणि, सहजाते तीणि ¶ , अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये ¶ तीणि, झाने तीणि, मग्गे द्वे, सम्पयुत्ते तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि.

पच्चनीयानुलोमं.

संसट्ठवारो.

६. सम्पयुत्तवारो

१. पच्चयानुलोमादि

६८. दस्सनेन ¶ पहातब्बं धम्मं सम्पयुत्तो दस्सनेन पहातब्बो धम्मो उप्पज्जति हेतुपच्चया (सम्पयुत्तवारो संसट्ठवारसदिसो).

७. पञ्हावारो

१. पच्चयानुलोमं

१. विभङ्गवारो

हेतुपच्चयो

६९. दस्सनेन पहातब्बो धम्मो दस्सनेन पहातब्बस्स धम्मस्स हेतुपच्चयेन पच्चयो – दस्सनेन पहातब्बा हेतू सम्पयुत्तकानं खन्धानं हेतुपच्चयेन पच्चयो. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स हेतुपच्चयेन पच्चयो – दस्सनेन पहातब्बा हेतू चित्तसमुट्ठानानं रूपानं हेतुपच्चयेन पच्चयो. (२)

दस्सनेन ¶ पहातब्बो धम्मो दस्सनेन पहातब्बस्स च नेवदस्सनेन नभावनाय पहातब्बस्स च धम्मस्स हेतुपच्चयेन पच्चयो – दस्सनेन पहातब्बा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. (३)

७०. भावनाय पहातब्बो धम्मो…पे… धम्मस्स ¶ हेतुपच्चयेन पच्चयो – भावनाय पहातब्बा हेतू सम्पयुत्तकानं खन्धानं हेतुपच्चयेन पच्चयो. (१)

भावनाय पहातब्बो धम्मो नेवदस्सनेन नभावनाय पहातब्बस्स…पे… भावनाय पहातब्बा हेतू चित्तसमुट्ठानानं रूपानं हेतुपच्चयेन पच्चयो. (२)

भावनाय पहातब्बो धम्मो भावनाय पहातब्बस्स च नेवदस्सनेन नभावनाय पहातब्बस्स च धम्मस्स…पे… भावनाय पहातब्बा हेतू ¶ सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. (३)

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स…पे… नेवदस्सनेन नभावनाय पहातब्बा हेतू सम्पयुत्तकानं खन्धानं चित्तसमुट्ठानानञ्च रूपानं हेतुपच्चयेन पच्चयो. पटिसन्धिक्खणे नेवदस्सनेन नभावनाय पहातब्बा हेतू सम्पयुत्तकानं खन्धानं कटत्ता च रूपानं हेतुपच्चयेन पच्चयो. (१)

आरम्मणपच्चयो

७१. दस्सनेन पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो – दस्सनेन पहातब्बं रागं अस्सादेति अभिनन्दति, तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा उप्पज्जति. दस्सनेन पहातब्बं दोमनस्सं उप्पज्जति, दिट्ठिं अस्सादेति अभिनन्दति, तं आरब्भ दस्सनेन पहातब्बो ¶ रागो उप्पज्जति, दिट्ठि उप्पज्जति, विचिकिच्छा उप्पज्जति ¶ . दस्सनेन पहातब्बं दोमनस्सं उप्पज्जति, विचिकिच्छं आरब्भ विचिकिच्छा उप्पज्जति, दिट्ठि उप्पज्जति, दस्सनेन पहातब्बं दोमनस्सं उप्पज्जति. दस्सनेन पहातब्बं दोमनस्सं आरब्भ दस्सनेन पहातब्बं दोमनस्सं उप्पज्जति, दिट्ठि उप्पज्जति, विचिकिच्छा उप्पज्जति. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो – अरिया दस्सनेन पहातब्बे पहीने किलेसे पच्चवेक्खन्ति, पुब्बे समुदाचिण्णे किलेसे जानन्ति. दस्सनेन पहातब्बे खन्धे अनिच्चतो दुक्खतो अनत्ततो विपस्सन्ति. चेतोपरियञाणेन दस्सनेन पहातब्बचित्तसमङ्गिस्स चित्तं जानन्ति. दस्सनेन पहातब्बा खन्धा चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (२)

७२. भावनाय पहातब्बो धम्मो भावनाय पहातब्बस्स धम्मस्स आरम्मणपच्चयेन पच्चयो – भावनाय पहातब्बं रागं अस्सादेति अभिनन्दति, तं आरब्भ भावनाय पहातब्बो रागो उप्पज्जति, उद्धच्चं उप्पज्जति ¶ . भावनाय पहातब्बं दोमनस्सं उप्पज्जति, उद्धच्चं आरब्भ उद्धच्चं उप्पज्जति. भावनाय पहातब्बं दोमनस्सं उप्पज्जति, भावनाय पहातब्बं दोमनस्सं आरब्भ भावनाय पहातब्बं दोमनस्सं उप्पज्जति, उद्धच्चं उप्पज्जति. (१)

भावनाय ¶ पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो – भावनाय पहातब्बं रागं अस्सादेति अभिनन्दति, तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बं दोमनस्सं उप्पज्जति. उद्धच्चं आरब्भ दिट्ठि उप्पज्जति, विचिकिच्छा उप्पज्जति, दस्सनेन पहातब्बं दोमनस्सं उप्पज्जति. भावनाय पहातब्बं दोमनस्सं आरब्भ दस्सनेन पहातब्बं दोमनस्सं उप्पज्जति, दिट्ठि उप्पज्जति, विचिकिच्छा उप्पज्जति. (२)

भावनाय पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो – अरिया भावनाय पहातब्बे पहीने किलेसे पच्चवेक्खन्ति, विक्खम्भिते किलेसे पच्चवेक्खन्ति, पुब्बे समुदाचिण्णे किलेसे जानन्ति. भावनाय पहातब्बे खन्धे अनिच्चतो दुक्खतो अनत्ततो विपस्सन्ति, चेतोपरियञाणेन भावनाय पहातब्बचित्तसमङ्गिस्स चित्तं जानन्ति. भावनाय पहातब्बा खन्धा चेतोपरियञाणस्स, पुब्बेनिवासानुस्सतिञाणस्स ¶ , यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (३)

७३. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं पच्चवेक्खति, पुब्बे सुचिण्णानि पच्चवेक्खति, झाना वुट्ठहित्वा झानं पच्चवेक्खति. अरिया ¶ मग्गा वुट्ठहित्वा मग्गं पच्चवेक्खन्ति, फलं पच्चवेक्खन्ति, निब्बानं पच्चवेक्खन्ति; निब्बानं गोत्रभुस्स, वोदानस्स, मग्गस्स, फलस्स, आवज्जनाय आरम्मणपच्चयेन पच्चयो. चक्खुं अनिच्चतो दुक्खतो अनत्ततो विपस्सति; सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं… नेवदस्सनेन नभावनाय पहातब्बे खन्धे अनिच्चतो दुक्खतो अनत्ततो विपस्सति; दिब्बेन चक्खुना रूपं पस्सति, दिब्बाय सोतधातुया सद्दं सुणाति, चेतोपरियञाणेन नेवदस्सनेन नभावनाय पहातब्बचित्तसमङ्गिस्स चित्तं जानन्ति ¶ , आकासानञ्चायतनं विञ्ञाणञ्चायतनस्स…पे… आकिञ्चञ्ञायतनं नेवसञ्ञानासञ्ञायतनस्स…पे… रूपायतनं चक्खुविञ्ञाणस्स आरम्मणपच्चयेन पच्चयो…पे… फोट्ठब्बायतनं कायविञ्ञाणस्स आरम्मणपच्चयेन पच्चयो…पे… नेवदस्सनेन नभावनाय पहातब्बा खन्धा इद्धिविधञाणस्स, चेतोपरियञाणस्स, पुब्बेनिवासानुस्सतिञाणस्स, यथाकम्मूपगञाणस्स, अनागतंसञाणस्स, आवज्जनाय आरम्मणपच्चयेन पच्चयो. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं अस्सादेति अभिनन्दति, तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बं दोमनस्सं उप्पज्जति. पुब्बे सुचिण्णानि अस्सादेति अभिनन्दति…पे… झाना वुट्ठहित्वा झानं अस्सादेति अभिनन्दति, तं आरब्भ ¶ दस्सनेन पहातब्बो रागो…पे… दिट्ठि…पे… विचिकिच्छा…पे… झाने परिहीने विप्पटिसारिस्स दस्सनेन पहातब्बं दोमनस्सं उप्पज्जति. चक्खुं अस्सादेति अभिनन्दति…पे… सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं… नेवदस्सनेन नभावनाय पहातब्बे खन्धे अस्सादेति अभिनन्दति, तं आरब्भ ¶ दस्सनेन पहातब्बो रागो…पे… दिट्ठि…पे… विचिकिच्छा…पे… दस्सनेन पहातब्बं दोमनस्सं उप्पज्जति. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स आरम्मणपच्चयेन पच्चयो – दानं दत्वा सीलं समादियित्वा उपोसथकम्मं कत्वा तं अस्सादेति अभिनन्दति, तं आरब्भ भावनाय पहातब्बो रागो उप्पज्जति, उद्धच्चं उप्पज्जति, भावनाय पहातब्बं दोमनस्सं उप्पज्जति. पुब्बे सुचिण्णानि…पे… झाना वुट्ठहित्वा…पे… चक्खुं…पे… वत्थुं… नेवदस्सनेन नभावनाय पहातब्बे खन्धे अस्सादेति…पे… तं आरब्भ भावनाय पहातब्बो रागो उप्पज्जति, उद्धच्चं उप्पज्जति, भावनाय पहातब्बं दोमनस्सं उप्पज्जति. (३)

अधिपतिपच्चयो

७४. दस्सनेन पहातब्बो धम्मो दस्सनेन पहातब्बस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति ¶ – दस्सनेन पहातब्बं रागं गरुं कत्वा अस्सादेति अभिनन्दति, तं गरुं कत्वा दस्सनेन पहातब्बो रागो उप्पज्जति, दिट्ठि उप्पज्जति; दिट्ठिं गरुं कत्वा अस्सादेति अभिनन्दति, तं गरुं कत्वा दस्सनेन पहातब्बो रागो उप्पज्जति, दिट्ठि उप्पज्जति. सहजाताधिपति ¶ – दस्सनेन पहातब्बाधिपति सम्पयुत्तकानं खन्धानं अधिपतिपच्चयेन पच्चयो. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स अधिपतिपच्चयेन पच्चयो. सहजाताधिपति – दस्सनेन पहातब्बाधिपति चित्तसमुट्ठानानं रूपानं अधिपतिपच्चयेन पच्चयो. (२)

दस्सनेन पहातब्बो धम्मो दस्सनेन पहातब्बस्स च नेवदस्सनेन नभावनाय पहातब्बस्स च धम्मस्स अधिपतिपच्चयेन पच्चयो. सहजाताधिपति – दस्सनेन पहातब्बाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (३)

७५. भावनाय ¶ पहातब्बो धम्मो भावनाय पहातब्बस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – भावनाय पहातब्बं रागं गरुं कत्वा अस्सादेति अभिनन्दति, तं गरुं कत्वा भावनाय पहातब्बो रागो उप्पज्जति. सहजाताधिपति – भावनाय पहातब्बाधिपति सम्पयुत्तकानं खन्धानं अधिपतिपच्चयेन पच्चयो. (१)

भावनाय पहातब्बो धम्मो दस्सनेन पहातब्बस्स धम्मस्स अधिपतिपच्चयेन पच्चयो. आरम्मणाधिपति – भावनाय पहातब्बं रागं गरुं कत्वा अस्सादेति अभिनन्दति, तं गरुं कत्वा दस्सनेन पहातब्बो रागो उप्पज्जति, दिट्ठि उप्पज्जति. (२)

भावनाय पहातब्बो धम्मो नेवदस्सनेन नभावनाय पहातब्बस्स ¶ धम्मस्स अधिपतिपच्चयेन पच्चयो. सहजाताधिपति – भावनाय पहातब्बाधिपति चित्तसमुट्ठानानं रूपानं अधिपतिपच्चयेन पच्चयो. (३)

भावनाय पहातब्बो धम्मो भावनाय पहातब्बस्स च नेवदस्सनेन नभावनाय पहातब्बस्स च धम्मस्स अधिपतिपच्चयेन पच्चयो. सहजाताधिपति – भावनाय पहातब्बाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (४)

७६. नेवदस्सनेन ¶ नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स अधिपतिपच्चयेन पच्चयो – आरम्मणाधिपति, सहजाताधिपति. आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा पच्चवेक्खति, पुब्बे सुचिण्णानि…पे… झाना वुट्ठहित्वा झानं गरुं कत्वा पच्चवेक्खति, अरिया मग्गा वुट्ठहित्वा मग्गं गरुं कत्वा पच्चवेक्खन्ति, फलं गरुं कत्वा पच्चवेक्खन्ति, निब्बानं गरुं कत्वा पच्चवेक्खन्ति; निब्बानं गोत्रभुस्स, वोदानस्स, मग्गस्स, फलस्स अधिपतिपच्चयेन पच्चयो. सहजाताधिपति – नेवदस्सनेन नभावनाय पहातब्बाधिपति सम्पयुत्तकानं खन्धानं चित्तसमुट्ठानानञ्च रूपानं अधिपतिपच्चयेन पच्चयो. (१)

नेवदस्सनेन ¶ नभावनाय पहातब्बो धम्मो दस्सनेन पहातब्बस्स धम्मस्स अधिपतिपच्चयेन पच्चयो. आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा अस्सादेति ¶ अभिनन्दति, तं गरुं कत्वा दस्सनेन पहातब्बो रागो उप्पज्जति, दिट्ठि उप्पज्जति. पुब्बे सुचिण्णानि गरुं कत्वा…पे… झाना वुट्ठहित्वा झानं गरुं कत्वा…पे… चक्खुं…पे… वत्थुं… नेवदस्सनेन नभावनाय पहातब्बे खन्धे गरुं कत्वा अस्सादेति अभिनन्दति, तं गरुं कत्वा दस्सनेन पहातब्बो रागो उप्पज्जति, दिट्ठि उप्पज्जति. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स अधिपतिपच्चयेन पच्चयो. आरम्मणाधिपति – दानं दत्वा सीलं समादियित्वा उपोसथकम्मं कत्वा तं गरुं कत्वा अस्सादेति अभिनन्दति, तं गरुं कत्वा भावनाय पहातब्बो रागो उप्पज्जति. पुब्बे…पे… नेवदस्सनेन नभावनाय पहातब्बे खन्धे गरुं कत्वा अस्सादेति अभिनन्दति, तं गरुं कत्वा भावनाय पहातब्बो रागो उप्पज्जति. (३)

अनन्तरपच्चयो

७७. दस्सनेन पहातब्बो धम्मो दस्सनेन पहातब्बस्स धम्मस्स अनन्तरपच्चयेन पच्चयो – पुरिमा पुरिमा दस्सनेन पहातब्बा खन्धा पच्छिमानं पच्छिमानं दस्सनेन पहातब्बानं खन्धानं अनन्तरपच्चयेन पच्चयो.

दस्सनेन ¶ पहातब्बो धम्मो नेवदस्सनेन नभावनाय पहातब्बस्स धम्मस्स अनन्तरपच्चयेन पच्चयो – दस्सनेन पहातब्बा खन्धा वुट्ठानस्स अनन्तरपच्चयेन पच्चयो. (२)

भावनाय पहातब्बो धम्मो भावनाय पहातब्बस्स धम्मस्स अनन्तरपच्चयेन पच्चयो – पुरिमा पुरिमा भावनाय पहातब्बा खन्धा पच्छिमानं ¶ पच्छिमानं भावनाय पहातब्बानं खन्धानं अनन्तरपच्चयेन पच्चयो. (१)

भावनाय ¶ पहातब्बो धम्मो नेवदस्सनेन नभावनाय पहातब्बस्स धम्मस्स अनन्तरपच्चयेन पच्चयो – भावनाय पहातब्बा खन्धा वुट्ठानस्स अनन्तरपच्चयेन पच्चयो. (२)

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स अनन्तरपच्चयेन पच्चयो – पुरिमा पुरिमा नेवदस्सनेन नभावनाय पहातब्बा खन्धा पच्छिमानं पच्छिमानं नेवदस्सनेन नभावनाय पहातब्बानं खन्धानं अनन्तरपच्चयेन पच्चयो. अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स… मग्गो फलस्स… फलं फलस्स… अनुलोमं फलसमापत्तिया… निरोधा वुट्ठहन्तस्स नेवसञ्ञानासञ्ञायतनं फलसमापत्तिया अनन्तरपच्चयेन पच्चयो. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स…पे… आवज्जना दस्सनेन पहातब्बानं खन्धानं अनन्तरपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स अनन्तरपच्चयेन पच्चयो – आवज्जना भावनाय पहातब्बानं खन्धानं अनन्तरपच्चयेन पच्चयो. (३)

समनन्तरपच्चयो

७८. दस्सनेन पहातब्बो धम्मो दस्सनेन पहातब्बस्स धम्मस्स ¶ समनन्तरपच्चयेन पच्चयो (अनन्तरसदिसं).

सहजातपच्चयो

७९. दस्सनेन ¶ पहातब्बो धम्मो दस्सनेन पहातब्बस्स धम्मस्स सहजातपच्चयेन पच्चयो… तीणि.

भावनाय पहातब्बो धम्मो भावनाय पहातब्बस्स धम्मस्स… तीणि.

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स सहजातपच्चयेन ¶ पच्चयो – नेवदस्सनेन नभावनाय पहातब्बो एको खन्धो तिण्णन्नं खन्धानं चित्तसमुट्ठानानञ्च रूपानं सहजातपच्चयेन पच्चयो…पे… द्वे खन्धा…पे… पटिसन्धिक्खणे…पे… खन्धा वत्थुस्स सहजातपच्चयेन पच्चयो. वत्थु खन्धानं…पे… एकं महाभूतं तिण्णन्नं महाभूतानं…पे… महाभूता चित्तसमुट्ठानानं रूपानं…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

दस्सनेन पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स सहजातपच्चयेन पच्चयो – दस्सनेन पहातब्बा खन्धा च महाभूता च चित्तसमुट्ठानानं रूपानं सहजातपच्चयेन पच्चयो. (१)

भावनाय पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स सहजातपच्चयेन पच्चयो – भावनाय पहातब्बा खन्धा च महाभूता च चित्तसमुट्ठानानं रूपानं सहजातपच्चयेन पच्चयो. (१)

अञ्ञमञ्ञपच्चयो

८०. दस्सनेन ¶ पहातब्बो धम्मो दस्सनेन पहातब्बस्स धम्मस्स अञ्ञमञ्ञपच्चयेन पच्चयो – दस्सनेन पहातब्बो एको खन्धो तिण्णन्नं खन्धानं…पे…. (१)

भावनाय पहातब्बो धम्मो भावनाय पहातब्बस्स धम्मस्स…पे… भावनाय पहातब्बो एको खन्धो तिण्णन्नं खन्धानं…पे…. (१)

नेवदस्सनेन ¶ नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स…पे… नेवदस्सनेन नभावनाय पहातब्बो एको खन्धो तिण्णन्नं खन्धानं अञ्ञमञ्ञपच्चयेन पच्चयो…पे… द्वे खन्धा…पे… पटिसन्धिक्खणे नेवदस्सनेन नभावनाय पहातब्बो एको खन्धो तिण्णन्नं खन्धानं वत्थुस्स च अञ्ञमञ्ञपच्चयेन पच्चयो…पे… द्वे खन्धा…पे… खन्धा वत्थुस्स…पे… वत्थु खन्धानं…पे… एकं महाभूतं तिण्णन्नं महाभूतानं अञ्ञमञ्ञपच्चयेन पच्चयो…पे… असञ्ञसत्तानं…पे…. (१)

निस्सयपच्चयो

८१. दस्सनेन ¶ पहातब्बो धम्मो दस्सनेन पहातब्बस्स धम्मस्स निस्सयपच्चयेन पच्चयो… तीणि.

भावनाय पहातब्बो धम्मो भावनाय पहातब्बस्स धम्मस्स… तीणि.

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स निस्सयपच्चयेन पच्चयो – नेवदस्सनेन नभावनाय पहातब्बो एको खन्धो तिण्णन्नं खन्धानं चित्तसमुट्ठानानञ्च रूपानं…पे… द्वे खन्धा…पे… पटिसन्धिक्खणे…पे… खन्धा वत्थुस्स…पे… वत्थु खन्धानं…पे… एकं महाभूतं…पे… असञ्ञसत्तानं…पे… चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… ¶ वत्थु…पे…. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स निस्सयपच्चयेन पच्चयो – वत्थु दस्सनेन पहातब्बानं खन्धानं निस्सयपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स निस्सयपच्चयेन पच्चयो – वत्थु भावनाय पहातब्बानं खन्धानं निस्सयपच्चयेन पच्चयो. (३)

८२. दस्सनेन पहातब्बो च नेवदस्सनेन नभावनाय पहातब्बो च धम्मा दस्सनेन पहातब्बस्स धम्मस्स निस्सयपच्चयेन पच्चयो – दस्सनेन पहातब्बो एको खन्धो च वत्थु च तिण्णन्नं खन्धानं निस्सयपच्चयेन पच्चयो…पे… द्वे खन्धा…पे…. (१)

दस्सनेन पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स निस्सयपच्चयेन पच्चयो ¶ – दस्सनेन पहातब्बा खन्धा च महाभूता च चित्तसमुट्ठानानं रूपानं निस्सयपच्चयेन पच्चयो. (२)

भावनाय ¶ पहातब्बो च नेवदस्सनेन नभावनाय पहातब्बो च धम्मा भावनाय पहातब्बस्स धम्मस्स निस्सयपच्चयेन पच्चयो – भावनाय पहातब्बो एको खन्धो च वत्थु च तिण्णन्नं खन्धानं निस्सयपच्चयेन पच्चयो…पे… द्वे खन्धा…पे…. (१)

भावनाय पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स निस्सयपच्चयेन ¶ पच्चयो – भावनाय पहातब्बा खन्धा च महाभूता च चित्तसमुट्ठानानं रूपानं निस्सयपच्चयेन पच्चयो. (२)

उपनिस्सयपच्चयो

८३. दस्सनेन पहातब्बो धम्मो दस्सनेन पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – दस्सनेन पहातब्बं रागं उपनिस्साय पाणं हनति, अदिन्नं आदियति…पे… सङ्घं भिन्दति. दस्सनेन पहातब्बं दोसं… मोहं… दिट्ठिं… पत्थनं उपनिस्साय पाणं हनति…पे… सङ्घं भिन्दति. दस्सनेन पहातब्बो रागो… दोसो… मोहो… दिट्ठि… पत्थना दस्सनेन पहातब्बस्स रागस्स.. दोसस्स… मोहस्स… दिट्ठिया… पत्थनाय उपनिस्सयपच्चयेन पच्चयो. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – दस्सनेन पहातब्बं रागं उपनिस्साय दानं देति, सीलं समादियति, उपोसथकम्मं करोति…पे… समापत्तिं उप्पादेति. दस्सनेन पहातब्बं दोसं…पे… पत्थनं उपनिस्साय दानं देति…पे… समापत्तिं उप्पादेति. दस्सनेन पहातब्बो रागो… दोसो… मोहो… दिट्ठि… पत्थना सद्धाय…पे… पञ्ञाय कायिकस्स सुखस्स, कायिकस्स दुक्खस्स फलसमापत्तिया उपनिस्सयपच्चयेन पच्चयो. (२)

८४. भावनाय ¶ पहातब्बो धम्मो भावनाय पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो ¶ , पकतूपनिस्सयो…पे…. पकतूपनिस्सयो – भावनाय ¶ पहातब्बो रागो… दोसो… मोहो… मानो… पत्थना भावनाय पहातब्बस्स रागस्स… दोसस्स… मोहस्स… मानस्स… पत्थनाय उपनिस्सयपच्चयेन पच्चयो. (१)

भावनाय पहातब्बो धम्मो दस्सनेन पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बं रागं उपनिस्साय पाणं हनति…पे… सङ्घं भिन्दति. भावनाय पहातब्बं दोसं… मोहं… मानं… पत्थनं उपनिस्साय पाणं हनति…पे… सङ्घं भिन्दति. भावनाय पहातब्बो रागो… दोसो… मोहो… मानो… पत्थना दस्सनेन पहातब्बस्स रागस्स… दोसस्स… मोहस्स… दिट्ठिया… पत्थनाय उपनिस्सयपच्चयेन पच्चयो. सकभण्डे छन्दरागो परभण्डे छन्दरागस्स उपनिस्सयपच्चयेन पच्चयो. सकपरिग्गहे छन्दरागो परपरिग्गहे छन्दरागस्स उपनिस्सयपच्चयेन पच्चयो. (२)

भावनाय पहातब्बो धम्मो नेवदस्सनेन नभावनाय पहातब्बस्स धम्मस्स उपनिस्सयपच्चयेन पच्चयो – अनन्तरूपनिस्सयो, पकतूपनिस्सयो…पे…. पकतूपनिस्सयो – भावनाय पहातब्बं रागं उपनिस्साय दानं देति…पे… समापत्तिं उप्पादेति. भावनाय पहातब्बं दोसं… मोहं… मानं… पत्थनं उपनिस्साय दानं देति…पे… समापत्तिं उप्पादेति. भावनाय पहातब्बो रागो… दोसो… मोहो… मानो… ¶ पत्थना सद्धाय…पे… फलसमापत्तिया उपनिस्सयपच्चयेन पच्चयो. (३)

८५. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय दानं देति…पे… समापत्तिं उप्पादेति. सीलं… सुतं… चागं… पञ्ञं… कायिकं… सुखं… कायिकं दुक्खं… उतुं… भोजनं… सेनासनं… उपनिस्साय दानं देति…पे… समापत्तिं उप्पादेति. सद्धा… सीलं… सुतं… चागो ¶ … पञ्ञा… कायिकं सुखं… कायिकं दुक्खं… उतु… भोजनं… सेनासनं… सद्धाय…पे… पञ्ञाय कायिकस्स सुखस्स, कायिकस्स दुक्खस्स फलसमापत्तिया उपनिस्सयपच्चयेन पच्चयो. (१)

नेवदस्सनेन ¶ नभावनाय पहातब्बो धम्मो दस्सनेन पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय दिट्ठिं गण्हाति. सीलं…पे… सेनासनं उपनिस्साय पाणं हनति…पे… सङ्घं भिन्दति. सद्धा…पे… सेनासनं दस्सनेन पहातब्बस्स रागस्स… दोसस्स… मोहस्स… दिट्ठिया… पत्थनाय उपनिस्सयपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स उपनिस्सयपच्चयेन पच्चयो – आरम्मणूपनिस्सयो, अनन्तरूपनिस्सयो, पकतूपनिस्सयो…पे…. पकतूपनिस्सयो – सद्धं उपनिस्साय ¶ मानं जप्पेति. सीलं…पे… पञ्ञं… कायिकं सुखं… कायिकं दुक्खं… उतुं… भोजनं… सेनासनं… उपनिस्साय मानं जप्पेति. सद्धा…पे… पञ्ञा… कायिकं सुखं… कायिकं दुक्खं… उतु… भोजनं… सेनासनं भावनाय पहातब्बस्स रागस्स… दोसस्स… मोहस्स… मानस्स… पत्थनाय उपनिस्सयपच्चयेन पच्चयो. (३)

पुरेजातपच्चयो

८६. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अनिच्चतो दुक्खतो अनत्ततो विपस्सति, सोतं… घानं… जिव्हं… कायं… रूपे… सद्दे… गन्धे… रसे… फोट्ठब्बे… वत्थुं…पे… दिब्बेन चक्खुना रूपं पस्सति, दिब्बाय सोतधातुया सद्दं सुणाति. रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स पुरेजातपच्चयेन पच्चयो. वत्थुपुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु नेवदस्सनेन नभावनाय पहातब्बानं खन्धानं पुरेजातपच्चयेन पच्चयो. (१)

नेवदस्सनेन ¶ नभावनाय पहातब्बो धम्मो दस्सनेन पहातब्बस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अस्सादेति अभिनन्दति; तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा ¶ उप्पज्जति, दस्सनेन पहातब्बं दोमनस्सं उप्पज्जति…पे… ¶ वत्थुं अस्सादेति अभिनन्दति; तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बं दोमनस्सं उप्पज्जति. वत्थुपुरेजातं – वत्थु दस्सनेन पहातब्बानं खन्धानं पुरेजातपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स पुरेजातपच्चयेन पच्चयो – आरम्मणपुरेजातं, वत्थुपुरेजातं. आरम्मणपुरेजातं – चक्खुं अस्सादेति अभिनन्दति; तं आरब्भ भावनाय पहातब्बो रागो उप्पज्जति… उद्धच्चं उप्पज्जति… भावनाय पहातब्बं दोमनस्सं उप्पज्जति, सोतं…पे… कायं… रूपे…पे… फोट्ठब्बे… वत्थुं अस्सादेति अभिनन्दति; तं आरब्भ भावनाय पहातब्बो रागो उप्पज्जति, उद्धच्चं उप्पज्जति, भावनाय पहातब्बं दोमनस्सं उप्पज्जति. वत्थुपुरेजातं – वत्थु भावनाय पहातब्बानं खन्धानं पुरेजातपच्चयेन पच्चयो. (३)

पच्छाजातपच्चयो

८७. दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स पच्छाजातपच्चयेन पच्चयो – पच्छाजाता दस्सनेन पहातब्बा खन्धा पुरेजातस्स इमस्स कायस्स पच्छाजातपच्चयेन पच्चयो. (१)

भावनाय पहातब्बो धम्मो नेवदस्सनेन नभावनाय पहातब्बस्स धम्मस्स पच्छाजातपच्चयेन पच्चयो – पच्छाजाता भावनाय पहातब्बा खन्धा पुरेजातस्स इमस्स कायस्स पच्छाजातपच्चयेन ¶ पच्चयो. (१)

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स पच्छाजातपच्चयेन पच्चयो – पच्छाजाता ¶ नेवदस्सनेन नभावनाय पहातब्बा खन्धा पुरेजातस्स इमस्स कायस्स पच्छाजातपच्चयेन पच्चयो. (१)

आसेवनपच्चयो

८८. दस्सनेन ¶ पहातब्बो धम्मो दस्सनेन पहातब्बस्स धम्मस्स आसेवनपच्चयेन पच्चयो – पुरिमा पुरिमा दस्सनेन पहातब्बा खन्धा पच्छिमानं पच्छिमानं…पे… आसेवनपच्चयेन पच्चयो. (१)

भावनाय पहातब्बो धम्मो भावनाय पहातब्बस्स धम्मस्स आसेवनपच्चयेन पच्चयो – पुरिमा पुरिमा भावनाय पहातब्बा खन्धा पच्छिमानं पच्छिमानं…पे… आसेवनपच्चयेन पच्चयो. (१)

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स आसेवनपच्चयेन पच्चयो – पुरिमा पुरिमा नेवदस्सनेन नभावनाय पहातब्बा खन्धा पच्छिमानं पच्छिमानं…पे… आसेवनपच्चयेन पच्चयो. अनुलोमं गोत्रभुस्स… अनुलोमं वोदानस्स… गोत्रभु मग्गस्स… वोदानं मग्गस्स आसेवनपच्चयेन पच्चयो. (१)

कम्मपच्चयो

८९. दस्सनेन पहातब्बो धम्मो दस्सनेन पहातब्बस्स धम्मस्स कम्मपच्चयेन पच्चयो – दस्सनेन पहातब्बा चेतना सम्पयुत्तकानं खन्धानं कम्मपच्चयेन पच्चयो. (१)

दस्सनेन ¶ पहातब्बो धम्मो नेवदस्सनेन नभावनाय पहातब्बस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – दस्सनेन पहातब्बा चेतना चित्तसमुट्ठानानं रूपानं कम्मपच्चयेन पच्चयो. नानाक्खणिका – दस्सनेन पहातब्बा चेतना विपाकानं खन्धानं कटत्ता च रूपानं कम्मपच्चयेन पच्चयो. (२)

दस्सनेन पहातब्बो धम्मो दस्सनेन पहातब्बस्स च नेवदस्सनेन नभावनाय पहातब्बस्स च धम्मस्स कम्मपच्चयेन पच्चयो – दस्सनेन पहातब्बा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो. (३)

भावनाय ¶ ¶ पहातब्बो धम्मो भावनाय पहातब्बस्स धम्मस्स कम्मपच्चयेन पच्चयो – भावनाय पहातब्बा चेतना सम्पयुत्तकानं खन्धानं कम्मपच्चयेन पच्चयो. (१)

भावनाय पहातब्बो धम्मो नेवदस्सनेन नभावनाय पहातब्बस्स धम्मस्स कम्मपच्चयेन पच्चयो – भावनाय पहातब्बा चेतना चित्तसमुट्ठानानं रूपानं कम्मपच्चयेन पच्चयो. (२)

भावनाय पहातब्बो धम्मो भावनाय पहातब्बस्स च नेवदस्सनेन नभावनाय पहातब्बस्स च धम्मस्स कम्मपच्चयेन पच्चयो – भावनाय पहातब्बा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो. (३)

नेवदस्सनेन ¶ नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स कम्मपच्चयेन पच्चयो – सहजाता, नानाक्खणिका. सहजाता – नेवदस्सनेन नभावनाय पहातब्बा चेतना सम्पयुत्तकानं खन्धानं चित्तसमुट्ठानानञ्च रूपानं कम्मपच्चयेन पच्चयो. पटिसन्धिक्खणे नेवदस्सनेन नभावनाय पहातब्बा चेतना सम्पयुत्तकानं खन्धानं कटत्ता च रूपानं…पे…. नानाक्खणिका – नेवदस्सनेन नभावनाय पहातब्बा चेतना विपाकानं खन्धानं कटत्ता च रूपानं कम्मपच्चयेन पच्चयो. (१)

विपाकपच्चयो

९०. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स विपाकपच्चयेन पच्चयो – विपाको नेवदस्सनेन नभावनाय पहातब्बो एको खन्धो तिण्णन्नं खन्धानं चित्तसमुट्ठानानञ्च रूपानं विपाकपच्चयेन पच्चयो…पे… पटिसन्धिक्खणे…पे… खन्धा वत्थुस्स विपाकपच्चयेन पच्चयो.

आहारपच्चयादि

९१. दस्सनेन पहातब्बो धम्मो दस्सनेन पहातब्बस्स धम्मस्स आहारपच्चयेन पच्चयो (संखित्तं) कबळीकारो… सत्त पञ्हा… इन्द्रियपच्चयेन ¶ पच्चयो… चक्खुन्द्रियञ्च…पे… रूपजीवितिन्द्रियञ्च ¶ …पे… सत्त पञ्हा झानपच्चयेन पच्चयो… मग्गपच्चयेन पच्चयो… सम्पयुत्तपच्चयेन पच्चयो.

विप्पयुत्तपच्चयो

९२. दस्सनेन पहातब्बो धम्मो दस्सनेन पहातब्बस्स धम्मस्स विप्पयुत्तपच्चयेन पच्चयो – सहजातं, पच्छाजातं. सहजाता – दस्सनेन पहातब्बा खन्धा चित्तसमुट्ठानानं रूपानं विप्पयुत्तपच्चयेन पच्चयो ¶ . पच्छाजाता – दस्सनेन पहातब्बा खन्धा पुरेजातस्स इमस्स कायस्स विप्पयुत्तपच्चयेन पच्चयो. (१)

भावनाय पहातब्बो धम्मो नेवदस्सनेन नभावनाय पहातब्बस्स धम्मस्स विप्पयुत्तपच्चयेन पच्चयो – सहजातं, पच्छाजातं (इदम्पि दस्सनेन सदिसं).

नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स विप्पयुत्तपच्चयेन पच्चयो – सहजातं, पुरेजातं, पच्छाजातं. सहजाता – नेवदस्सनेन नभावनाय पहातब्बा खन्धा चित्तसमुट्ठानानं रूपानं विप्पयुत्तपच्चयेन पच्चयो. पटिसन्धिक्खणे नेवदस्सनेन नभावनाय पहातब्बा खन्धा कटत्तारूपानं विप्पयुत्तपच्चयेन पच्चयो, खन्धा वत्थुस्स विप्पयुत्तपच्चयेन पच्चयो, वत्थु खन्धानं विप्पयुत्तपच्चयेन पच्चयो. पुरेजातं – चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु नेवदस्सनेन नभावनाय पहातब्बानं खन्धानं विप्पयुत्तपच्चयेन पच्चयो. पच्छाजाता – नेवदस्सनेन नभावनाय पहातब्बा खन्धा पुरेजातस्स इमस्स कायस्स विप्पयुत्तपच्चयेन पच्चयो. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स विप्पयुत्तपच्चयेन पच्चयो – पुरेजातं वत्थु दस्सनेन पहातब्बानं खन्धानं विप्पयुत्तपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स ¶ धम्मस्स विप्पयुत्तपच्चयेन पच्चयो – पुरेजातं वत्थु भावनाय पहातब्बानं खन्धानं विप्पयुत्तपच्चयेन पच्चयो. (३)

अत्थिपच्चयो

९३. दस्सनेन ¶ ¶ पहातब्बो धम्मो दस्सनेन पहातब्बस्स धम्मस्स अत्थिपच्चयेन पच्चयो – दस्सनेन पहातब्बो एको खन्धो तिण्णन्नं खन्धानं अत्थिपच्चयेन पच्चयो…पे… द्वे खन्धा…पे…. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स अत्थिपच्चयेन पच्चयो – सहजातं, पच्छाजातं. सहजाता – दस्सनेन पहातब्बा खन्धा चित्तसमुट्ठानानं रूपानं अत्थिपच्चयेन पच्चयो. पच्छाजाता – दस्सनेन पहातब्बा खन्धा पुरेजातस्स इमस्स कायस्स अत्थिपच्चयेन पच्चयो. (२)

दस्सनेन पहातब्बो धम्मो दस्सनेन पहातब्बस्स च नेवदस्सनेन नभावनाय पहातब्बस्स च धम्मस्स अत्थिपच्चयेन पच्चयो – दस्सनेन पहातब्बो एको खन्धो तिण्णन्नं खन्धानं चित्तसमुट्ठानानञ्च रूपानं…पे… द्वे खन्धा…पे…. (३)

भावनाय पहातब्बो धम्मो भावनाय पहातब्बस्स… तीणि (दस्सनेन सदिसं कातब्बं).

९४. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स अत्थिपच्चयेन पच्चयो – सहजातं, पुरेजातं, पच्छाजातं, आहारं, इन्द्रियं. सहजातो – नेवदस्सनेन नभावनाय पहातब्बो एको खन्धो तिण्णन्नं खन्धानं चित्तसमुट्ठानानञ्च रूपानं अत्थिपच्चयेन पच्चयो…पे… पटिसन्धिक्खणे…पे… खन्धा ¶ वत्थुस्स…पे… वत्थु खन्धानं अत्थिपच्चयेन पच्चयो; एकं महाभूतं…पे… असञ्ञसत्तानं एकं महाभूतं…पे…. पुरेजातं – चक्खुं अनिच्चतो दुक्खतो अनत्ततो विपस्सति, सोतं…पे… कायं… रूपे…पे… फोट्ठब्बे… वत्थुं अनिच्चतो दुक्खतो अनत्ततो विपस्सति; दिब्बेन चक्खुना रूपं पस्सति, दिब्बाय सोतधातुया सद्दं सुणाति, रूपायतनं चक्खुविञ्ञाणस्स…पे… फोट्ठब्बायतनं कायविञ्ञाणस्स…पे… चक्खायतनं चक्खुविञ्ञाणस्स…पे… कायायतनं कायविञ्ञाणस्स…पे… वत्थु नेवदस्सनेन नभावनाय पहातब्बानं खन्धानं अत्थिपच्चयेन पच्चयो. पच्छाजाता – नेवदस्सनेन नभावनाय पहातब्बा ¶ खन्धा पुरेजातस्स इमस्स कायस्स अत्थिपच्चयेन ¶ पच्चयो. कबळीकारो आहारो इमस्स कायस्स…पे… रूपजीवितिन्द्रियं कटत्तारूपानं अत्थिपच्चयेन पच्चयो. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स अत्थिपच्चयेन पच्चयो – पुरेजातं चक्खुं अस्सादेति अभिनन्दति; तं आरब्भ दस्सनेन पहातब्बो रागो उप्पज्जति, दिट्ठि उप्पज्जति, विचिकिच्छा उप्पज्जति, दस्सनेन पहातब्बं दोमनस्सं उप्पज्जति, सोतं…पे… वत्थुं अस्सादेति…पे… वत्थु दस्सनेन पहातब्बानं खन्धानं अत्थिपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स धम्मस्स अत्थिपच्चयेन पच्चयो – पुरेजातं चक्खुं अस्सादेति अभिनन्दति; तं आरब्भ भावनाय पहातब्बो रागो उप्पज्जति ¶ , उद्धच्चं उप्पज्जति, भावनाय पहातब्बं दोमनस्सं उप्पज्जति, सोतं…पे… वत्थुं अस्सादेति अभिनन्दति…पे… वत्थु भावनाय पहातब्बानं खन्धानं अत्थिपच्चयेन पच्चयो. (३)

९५. दस्सनेन पहातब्बो च नेवदस्सनेन नभावनाय पहातब्बो च धम्मा दस्सनेन पहातब्बस्स धम्मस्स अत्थिपच्चयेन पच्चयो – सहजातं, पुरेजातं. सहजातो – दस्सनेन पहातब्बो एको खन्धो च वत्थु च तिण्णन्नं खन्धानं अत्थिपच्चयेन पच्चयो…पे… द्वे खन्धा च वत्थु च…पे…. (१)

दस्सनेन पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स अत्थिपच्चयेन पच्चयो – सहजातं, पच्छाजातं, आहारं, इन्द्रियं. सहजाता – दस्सनेन पहातब्बा खन्धा च महाभूता च चित्तसमुट्ठानानं रूपानं अत्थिपच्चयेन पच्चयो. पच्छाजाता – दस्सनेन पहातब्बा खन्धा च कबळीकारो आहारो च इमस्स कायस्स अत्थिपच्चयेन पच्चयो. पच्छाजाता – दस्सनेन पहातब्बा खन्धा च रूपजीवितिन्द्रियञ्च कटत्तारूपानं अत्थिपच्चयेन पच्चयो. (२)

भावनाय ¶ पहातब्बो च नेवदस्सनेन नभावनाय पहातब्बो च धम्मा भावनाय पहातब्बस्स…पे… (द्वे पञ्हा कातब्बा).

नत्थिविगताविगतपच्चया

९६. दस्सनेन ¶ पहातब्बो धम्मो दस्सनेन पहातब्बस्स धम्मस्स ¶ नत्थिपच्चयेन पच्चयो… विगतपच्चयेन पच्चयो… अविगतपच्चयेन पच्चयो.

१. पच्चयानुलोमं

२. सङ्ख्यावारो

९७. हेतुया सत्त, आरम्मणे अट्ठ, अधिपतिया दस, अनन्तरे सत्त, समनन्तरे सत्त, सहजाते नव, अञ्ञमञ्ञे तीणि, निस्सये तेरस, उपनिस्सये अट्ठ, पुरेजाते तीणि, पच्छाजाते तीणि, आसेवने तीणि, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे सत्त, सम्पयुत्ते तीणि, विप्पयुत्ते पञ्च, अत्थिया तेरस, नत्थिया सत्त, विगते सत्त, अविगते तेरस (एवं गणेतब्बं).

अनुलोमं.

पच्चनीयुद्धारो

९८. दस्सनेन पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

दस्सनेन पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो. (२)

दस्सनेन ¶ पहातब्बो धम्मो दस्सनेन पहातब्बस्स च नेवदस्सनेन नभावनाय पहातब्बस्स च धम्मस्स सहजातपच्चयेन पच्चयो. (३)

९९. भावनाय ¶ पहातब्बो धम्मो भावनाय पहातब्बस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो. (१)

भावनाय पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो. (२)

भावनाय ¶ पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पच्छाजातपच्चयेन पच्चयो. (३)

भावनाय पहातब्बो धम्मो भावनाय पहातब्बस्स च नेवदस्सनेन नभावनाय पहातब्बस्स च धम्मस्स सहजातपच्चयेन पच्चयो. (४)

१००. नेवदस्सनेन नभावनाय पहातब्बो धम्मो नेवदस्सनेन नभावनाय पहातब्बस्स धम्मस्स आरम्मणपच्चयेन पच्चयो… सहजातपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो… पच्छाजातपच्चयेन पच्चयो… कम्मपच्चयेन पच्चयो… आहारपच्चयेन पच्चयो… इन्द्रियपच्चयेन पच्चयो. (१)

नेवदस्सनेन नभावनाय पहातब्बो धम्मो दस्सनेन पहातब्बस्स धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (२)

नेवदस्सनेन नभावनाय पहातब्बो धम्मो भावनाय पहातब्बस्स ¶ धम्मस्स आरम्मणपच्चयेन पच्चयो… उपनिस्सयपच्चयेन पच्चयो… पुरेजातपच्चयेन पच्चयो. (३)

१०१. दस्सनेन ¶ पहातब्बो च नेवदस्सनेन नभावनाय पहातब्बो च धम्मा दस्सनेन पहातब्बस्स धम्मस्स सहजातं, पुरेजातं. (१)

दस्सनेन पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स सहजातं, पच्छाजातं, आहारं, इन्द्रियं. (२)

भावनाय पहातब्बो च नेवदस्सनेन नभावनाय पहातब्बो च धम्मा भावनाय पहातब्बस्स धम्मस्स सहजातं, पुरेजातं. (१)

भावनाय पहातब्बो च नेवदस्सनेन नभावनाय पहातब्बो च धम्मा नेवदस्सनेन नभावनाय पहातब्बस्स धम्मस्स सहजातं, पच्छाजातं, आहारं, इन्द्रियं. (२)

२. पच्चयपच्चनीयं

२. सङ्ख्यावारो

१०२. नहेतुया ¶ चुद्दस, नआरम्मणे चुद्दस, नअधिपतिया चुद्दस, नअनन्तरे चुद्दस, नसमनन्तरे चुद्दस, नसहजाते दस, नअञ्ञमञ्ञे दस, ननिस्सये दस, नउपनिस्सये चुद्दस, नपुरेजाते द्वादस, नपच्छाजाते चुद्दस, नआसेवने चुद्दस, नकम्मे चुद्दस, नविपाके चुद्दस, नआहारे चुद्दस, नइन्द्रिये चुद्दस, नझाने चुद्दस, नमग्गे चुद्दस, नसम्पयुत्ते दस, नविप्पयुत्ते ¶ अट्ठ, नोअत्थिया अट्ठ, नोनत्थिया चुद्दस, नोविगते चुद्दस, नोअविगते अट्ठ (एवं गणेतब्बं).

पच्चनीयं.

३. पच्चयानुलोमपच्चनीयं

१०३. हेतुपच्चया नआरम्मणे सत्त, नअधिपतिया सत्त, नअनन्तरे सत्त, नसमनन्तरे ¶ सत्त, नअञ्ञमञ्ञे तीणि, नउपनिस्सये सत्त, नपुरेजाते सत्त, नपच्छाजाते सत्त, नआसेवने सत्त, नकम्मे सत्त, नविपाके सत्त, नआहारे सत्त, नइन्द्रिये सत्त, नझाने सत्त, नमग्गे सत्त, नसम्पयुत्ते तीणि, नविप्पयुत्ते तीणि, नोनत्थिया सत्त, नोविगते सत्त (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

१०४. नहेतुपच्चया आरम्मणे अट्ठ, अधिपतिया दस, अनन्तरे सत्त, समनन्तरे सत्त, सहजाते नव, अञ्ञमञ्ञे तीणि, निस्सये तेरस, उपनिस्सये अट्ठ, पुरेजाते तीणि, पच्छाजाते तीणि, आसेवने तीणि, कम्मे सत्त, विपाके एकं, आहारे सत्त, इन्द्रिये सत्त, झाने सत्त, मग्गे सत्त, सम्पयुत्ते तीणि, विप्पयुत्ते पञ्च, अत्थिया तेरस, नत्थिया सत्त, विगते सत्त, अविगते तेरस (एवं गणेतब्बं ).

पच्चनीयानुलोमं.

दस्सनेनपहातब्बत्तिकं निट्ठितं.

९. दस्सनेनपहातब्बहेतुकत्तिकं

१. पटिच्चवारो

१. पच्चयानुलोमं

१. विभङ्गवारो

हेतुपच्चयो

१. दस्सनेन ¶ ¶ ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुकं एकं खन्धं पटिच्च तयो खन्धा…पे… द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – दस्सनेन पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धा…पे…. (३)

२. भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धा. (१)

भावनाय ¶ पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं. (२)

भावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा ¶ उप्पज्जन्ति हेतुपच्चया – भावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे…. (३)

३. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा ¶ चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा कटत्ता च रूपं…पे… द्वे खन्धा…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च…पे… महाभूते पटिच्च चित्तसमुट्ठानं रूपं कटत्तारूपं उपादारूपं. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं मोहं पटिच्च सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – विचिकिच्छासहगतं मोहं पटिच्च सम्पयुत्तका खन्धा चित्तसमुट्ठानञ्च रूपं. (४)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन ¶ नभावनाय पहातब्बहेतुको च धम्मा उप्पज्जन्ति हेतुपच्चया – उद्धच्चसहगतं मोहं पटिच्च सम्पयुत्तका खन्धा चित्तसमुट्ठानञ्च रूपं. (५)

४. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति हेतुपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (२)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं…पे… द्वे खन्धे च मोहञ्च पटिच्च द्वे खन्धा…पे…. (३)

५. भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति हेतुपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन ¶ नभावनाय पहातब्बहेतुको धम्मो उप्पज्जति हेतुपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं; उद्धच्चसहगते खन्धे च मोहञ्च पटिच्च चित्तसमुट्ठानं रूपं. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा चित्तसमुट्ठानञ्च रूपं…पे…. (३)

आरम्मणपच्चयो

६. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – दस्सनेन पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – विचिकिच्छासहगते खन्धे पटिच्च विचिकिच्छासहगतो मोहो. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – विचिकिच्छासहगतं एकं खन्धं पटिच्च तयो खन्धा च मोहो च…पे… द्वे खन्धे पटिच्च द्वे खन्धा च मोहो च. (३)

भावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया… तीणि. (दस्सनेन सदिसं विभजितब्बं.)

७. नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. पटिसन्धिक्खणे…पे… वत्थुं पटिच्च खन्धा. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं मोहं पटिच्च सम्पयुत्तका खन्धा. (३)

८. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति आरम्मणपच्चया – विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धे च मोहञ्च पटिच्च द्वे खन्धा. (१)

अधिपतिपच्चयो

९. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अधिपतिपच्चया… तीणि (हेतुसदिसा).

भावनाय पहातब्बहेतुकं धम्मं पटिच्च…पे… तीणि (हेतुसदिसा, अधिपतिया मोहो नत्थि).

नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धा. एकं महाभूतं पटिच्च तयो महाभूता…पे… महाभूते पटिच्च चित्तसमुट्ठानं रूपं उपादारूपं. (१)

१०. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन ¶ नभावनाय पहातब्बहेतुको धम्मो उप्पज्जति अधिपतिपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं. (१)

अनन्तर-समनन्तरपच्चया

११. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अनन्तरपच्चया. समनन्तरपच्चया (आरम्मणसदिसं).

सहजातपच्चयो

१२. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं ¶ एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगते खन्धे पटिच्च मोहो चित्तसमुट्ठानञ्च रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया ¶ – दस्सनेन पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; विचिकिच्छासहगतं एकं खन्धं पटिच्च तयो खन्धा मोहो च चित्तसमुट्ठानञ्च रूपं…पे…. (३)

१३. भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति सहजातपच्चया – भावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा. (१)

भावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति ¶ सहजातपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं; उद्धच्चसहगते खन्धे पटिच्च मोहो च चित्तसमुट्ठानञ्च रूपं. (२)

भावनाय पहातब्बहेतुकं धम्मं पटिच्च भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया ¶ – भावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे पटिच्च द्वे खन्धा चित्तसमुट्ठानञ्च रूपं; उद्धच्चसहगतं एकं खन्धं पटिच्च तयो खन्धा मोहो च चित्तसमुट्ठानञ्च रूपं…पे…. (३)

१४. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा चित्तसमुट्ठानञ्च रूपं…पे… द्वे खन्धे…पे… विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च तयो महाभूता…पे… बाहिरं… आहारसमुट्ठानं… उतुसमुट्ठानं… असञ्ञसत्तानं एकं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति सहजातपच्चया – विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति सहजातपच्चया (संखित्तं. हेतुसदिसं कातब्बं). (३)

अञ्ञमञ्ञपच्चयादि

१५. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति अञ्ञमञ्ञपच्चया, निस्सयपच्चया, उपनिस्सयपच्चया, पुरेजातपच्चया, आसेवनपच्चया, कम्मपच्चया, विपाकपच्चया, आहारपच्चया, इन्द्रियपच्चया, झानपच्चया, मग्गपच्चया, सम्पयुत्तपच्चया ¶ ¶ , विप्पयुत्तपच्चया, अत्थिपच्चया, नत्थिपच्चया, विगतपच्चया, अविगतपच्चया.

१. पच्चयानुलोमं

२. सङ्ख्यावारो

सुद्धं

१६. हेतुया सत्तरस, आरम्मणे एकादस, अधिपतिया नव, अनन्तरे एकादस, समनन्तरे एकादस, सहजाते सत्तरस, अञ्ञमञ्ञे एकादस, निस्सये सत्तरस, उपनिस्सये एकादस, पुरेजाते एकादस, आसेवने एकादस, कम्मे सत्तरस, विपाके एकं, आहारे सत्तरस, इन्द्रिये सत्तरस, झाने सत्तरस, मग्गे सत्तरस, सम्पयुत्ते एकादस, विप्पयुत्ते सत्तरस, अत्थिया सत्तरस, नत्थिया एकादस, विगते एकादस, अविगते सत्तरस (एवं गणेतब्बं).

अनुलोमं.

२. पच्चयपच्चनीयं

१. विभङ्गवारो

नहेतुपच्चयो

१७. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – विचिकिच्छासहगते खन्धे पटिच्च विचिकिच्छासहगतो मोहो. (१)

भावनाय ¶ ¶ पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – उद्धच्चसहगते खन्धे पटिच्च उद्धच्चसहगतो मोहो. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नहेतुपच्चया – अहेतुकं नेवदस्सनेन नभावनाय पहातब्बहेतुकं एकं खन्धं ¶ पटिच्च तयो खन्धा चित्तसमुट्ठानञ्च रूपं…पे… द्वे खन्धा; अहेतुकपटिसन्धिक्खणे…पे… खन्धे पटिच्च वत्थु, वत्थुं पटिच्च खन्धा; एकं महाभूतं पटिच्च…पे… बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

नआरम्मणपच्चयो

१८. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – दस्सनेन पहातब्बहेतुके खन्धे पटिच्च चित्तसमुट्ठानं रूपं. (१)

भावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे पटिच्च चित्तसमुट्ठानं रूपं. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – नेवदस्सनेन नभावनाय पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगतं उद्धच्चसहगतं मोहं पटिच्च चित्तसमुट्ठानं रूपं. पटिसन्धिक्खणे नेवदस्सनेन नभावनाय पहातब्बहेतुके खन्धे पटिच्च कटत्तारूपं, खन्धे पटिच्च वत्थु…पे… एकं महाभूतं…पे… असञ्ञसत्तानं…पे…. (१)

१९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको ¶ धम्मो उप्पज्जति नआरम्मणपच्चया – दस्सनेन ¶ पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआरम्मणपच्चया – भावनाय पहातब्बहेतुके खन्धे च महाभूते च पटिच्च चित्तसमुट्ठानं रूपं; उद्धच्चसहगते खन्धे च मोहञ्च पटिच्च चित्तसमुट्ठानं रूपं. (१)

नअधिपतिपच्चयादि

२०. दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नअधिपतिपच्चया… (सहजातसदिसं) नअनन्तरपच्चया… नसमनन्तरपच्चया… नअञ्ञमञ्ञपच्चया… नउपनिस्सयपच्चया.

नपुरेजातपच्चयो

२१. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे दस्सनेन पहातब्बहेतुकं एकं खन्धं पटिच्च…पे…. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगते खन्धे पटिच्च विचिकिच्छासहगतो मोहो; दस्सनेन पहातब्बहेतुके खन्धे पटिच्च चित्तसमुट्ठानं रूपं. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा ¶ उप्पज्जन्ति नपुरेजातपच्चया – अरूपे विचिकिच्छासहगतं एकं खन्धं पटिच्च तयो खन्धा मोहो च…पे… द्वे खन्धे…पे…. (३)

भावनाय पहातब्बहेतुकं धम्मं… तीणि (दस्सनेन सदिसं).

२२. नेवदस्सनेन ¶ नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – अरूपे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धा, नेवदस्सनेन नभावनाय पहातब्बहेतुके खन्धे पटिच्च चित्तसमुट्ठानं रूपं; विचिकिच्छासहगतं उद्धच्चसहगतं ¶ मोहं पटिच्च चित्तसमुट्ठानं रूपं. पटिसन्धिक्खणे…पे… असञ्ञसत्तानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नपुरेजातपच्चया – अरूपे उद्धच्चसहगतं मोहं पटिच्च सम्पयुत्तका खन्धा. (३)

२३. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नपुरेजातपच्चया – अरूपे विचिकिच्छासहगतं एकं खन्धञ्च मोहञ्च पटिच्च तयो खन्धा…पे…. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च ¶ नेवदस्सनेन नभावनाय पहातब्बहेतुको धम्मो उप्पज्जति नपुरेजातपच्चया – दस्सनेन पहातब्बहेतुके खन्धे च महाभूते च पटिच्च चित्तसमुट्ठानं रूपं; विचिकिच्छासहगते खन्धे च मोहञ्च पटिच्च चित्तसमुट्ठानं रूपं. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नपुरेजातपच्चया (इमेपि द्वे कातब्बा).

नपच्छाजातपच्चयादि

२४. दस्सनेन ¶ पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नपच्छाजातपच्चया… नआसेवनपच्चया.

नकम्मपच्चयो

२५. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – दस्सनेन पहातब्बहेतुके खन्धे पटिच्च दस्सनेन पहातब्बहेतुका चेतना. (१)

भावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – भावनाय पहातब्बहेतुके खन्धे पटिच्च भावनाय पहातब्बहेतुका चेतना. (१)

नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नकम्मपच्चया – नेवदस्सनेन नभावनाय पहातब्बहेतुके खन्धे पटिच्च नेवदस्सनेन नभावनाय पहातब्बहेतुका चेतना; बाहिरं… आहारसमुट्ठानं… उतुसमुट्ठानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – विचिकिच्छासहगतं मोहं पटिच्च सम्पयुत्तका चेतना. (२)

नेवदस्सनेन नभावनाय ¶ पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – उद्धच्चसहगतं मोहं पटिच्च सम्पयुत्तका चेतना. (३)

२६. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नकम्मपच्चया – विचिकिच्छासहगते खन्धे च मोहञ्च पटिच्च सम्पयुत्तका चेतना. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नकम्मपच्चया – उद्धच्चसहगते खन्धे च मोहञ्च पटिच्च सम्पयुत्तका चेतना. (१)

नविपाकपच्चयो

२७. दस्सनेन पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नविपाकपच्चया (पटिसन्धि नत्थि).

नआहारपच्चयादि

२८. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नआहारपच्चया – बाहिरं… उतुसमुट्ठानं… असञ्ञसत्तानं…पे… नइन्द्रियपच्चया – बाहिरं… आहारसमुट्ठानं… ¶ उतुसमुट्ठानं, असञ्ञसत्तानं…पे… महाभूते पटिच्च रूपजीवितिन्द्रियं… नझानपच्चया – पञ्चविञ्ञाणं…पे… (महाभूता कातब्बा) नमग्गपच्चया – अहेतुकं नेवदस्सनेन नभावनाय पहातब्बहेतुकं एकं खन्धं…पे… असञ्ञसत्तानं…पे… नसम्पयुत्तपच्चया.

नविप्पयुत्तपच्चयादि

२९. दस्सनेन पहातब्बहेतुकं धम्मं पटिच्च दस्सनेन पहातब्बहेतुको ¶ धम्मो उप्पज्जति नविप्पयुत्तपच्चया – अरूपे दस्सनेन पहातब्बहेतुकं एकं खन्धं पटिच्च तयो खन्धा…पे…. (१)

दस्सनेन पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगते खन्धे पटिच्च विचिकिच्छासहगतो मोहो. (२)

दस्सनेन पहातब्बहेतुकं धम्मं पटिच्च दस्सनेन पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति नविप्पयुत्तपच्चया – अरूपे विचिकिच्छासहगतं एकं खन्धं पटिच्च तयो खन्धा मोहो च…पे… द्वे खन्धे…पे…. (३)

भावनाय पहातब्बहेतुकं धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे भावनाय… तीणि.

३०. नेवदस्सनेन नभावनाय पहातब्बहेतुकं धम्मं पटिच्च नेवदस्सनेन नभावनाय पहातब्बहेतुको धम्मो उप्पज्जति नविप्पयुत्तपच्चया – अरूपे नेवदस्सनेन नभावनाय पहातब्बहेतुकं एकं खन्धं पटिच्च तयो खन्धा…पे… द्वे खन्धे पटिच्च द्वे खन्धा; बाहिरं… आहारसमुट्ठानं… उतुसमुट्ठानं… असञ्ञसत्तानं…पे…. (१)

नेवदस्सनेन नभावनाय पहातब्बहेतुकं धम्मं पटिच्च दस्सनेन पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगतं मोहं पटिच्च सम्पयुत्तका खन्धा. (२)

नेवदस्सनेन नभावनाय पहातब्बहेतुकं ¶ धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे उद्धच्चसहगतं मोहं पटिच्च सम्पयुत्तका खन्धा. (३)

३१. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च दस्सनेन पहातब्बहेतुको धम्मो उप्पज्जति नविप्पयुत्तपच्चया – अरूपे विचिकिच्छासहगतं एकं खन्धञ्च मोहञ्च पटिच्च तयो खन्धा…पे… द्वे खन्धा. (१)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पटिच्च भावनाय पहातब्बहेतुको धम्मो उप्पज्जति नविप्पयुत्तपच्चया – अरूपे उद्धच्चसहगतं एकं खन्धञ्च मोहञ्च पटिच्च तयो खन्धा…पे… द्वे खन्धा… नोनत्थिपच्चया… नोविगतपच्चया.

२. पच्चयपच्चनीयं

२. सङ्ख्यावारो

सुद्धं

३२. नहेतुया ¶ तीणि, नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नआहारे एकं, नइन्द्रिये एकं, नझाने एकं, नमग्गे एकं, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च (एवं गणेतब्बं).

पच्चनीयं.

३. पच्चयानुलोमपच्चनीयं

३३. हेतुपच्चया ¶ नआरम्मणे पञ्च, नअधिपतिया सत्तरस, नअनन्तरे पञ्च, नसमनन्तरे पञ्च, नअञ्ञमञ्ञे पञ्च, नउपनिस्सये पञ्च, नपुरेजाते तेरस, नपच्छाजाते सत्तरस, नआसेवने सत्तरस, नकम्मे सत्त, नविपाके सत्तरस, नसम्पयुत्ते पञ्च, नविप्पयुत्ते एकादस, नोनत्थिया पञ्च, नोविगते पञ्च (एवं गणेतब्बं).

अनुलोमपच्चनीयं.

४. पच्चयपच्चनीयानुलोमं

३४. नहेतुपच्चया ¶ आरम्मणे तीणि, अनन्तरे तीणि, समनन्तरे तीणि, सहजाते तीणि, अञ्ञमञ्ञे तीणि, निस्सये तीणि, उपनिस्सये तीणि, पुरेजाते तीणि, आसेवने तीणि, कम्मे तीणि, विपाके एकं, आहारे तीणि, इन्द्रिये तीणि, झाने तीणि, मग्गे द्वे, सम्पयुत्ते ¶ तीणि, विप्पयुत्ते तीणि, अत्थिया तीणि, नत्थिया तीणि, विगते तीणि, अविगते तीणि (एवं गणेतब्बं).

पच्चनीयानुलोमं.

पटिच्चवारो.

२. सहजातवारो

(सहजातवारो पटिच्चवारसदिसो.)

३. पच्चयवारो

१. पच्चयानुलोमं

१. विभङ्गवारो

हेतुपच्चयो

३५. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया… तीणि (पटिच्चवारसदिसं).

भावनाय पहातब्बहेतुकं धम्मं पच्चया… तीणि (पटिच्चवारसदिसं).

नेवदस्सनेन ¶ नभावनाय पहातब्बहेतुकं धम्मं पच्चया नेवदस्सनेन नभावनाय… एकं (पटिच्चवारसदिसं). वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति हेतुपच्चया – वत्थुं पच्चया भावनाय पहातब्बहेतुका ¶ खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं; विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – वत्थुं पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं; उद्धच्चसहगतं मोहं पच्चया सम्पयुत्तका खन्धा चित्तसमुट्ठानञ्च रूपं. (५)

३६. दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे… विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे च मोहञ्च पच्चया द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति हेतुपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगते खन्धे च मोहञ्च पच्चया चित्तसमुट्ठानं रूपं. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति हेतुपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे ¶ खन्धे च वत्थुञ्च पच्चया द्वे खन्धा; दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगतं एकं खन्धञ्च मोहञ्च पच्चया तयो खन्धा चित्तसमुट्ठानञ्च रूपं…पे…. (३)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति हेतुपच्चया… तीणि.

आरम्मणपच्चयो

३७. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया… तीणि (पटिच्चवारे आरम्मणसदिसा).

भावनाय पहातब्बहेतुकं धम्मं पच्चया… तीणि (पटिच्चवारसदिसा).

३८. नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा…पे… द्वे खन्धा. पटिसन्धिक्खणे…पे… वत्थुं पच्चया खन्धा. चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति आरम्मणपच्चया – वत्थुं पच्चया भावनाय पहातब्बहेतुका खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन ¶ नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – वत्थुं पच्चया विचिकिच्छासहगता खन्धा च मोहो च. (४)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको च ¶ नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – वत्थुं पच्चया उद्धच्चसहगता खन्धा च मोहो च. (५)

३९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति आरम्मणपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धा; विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे च मोहञ्च पच्चया द्वे खन्धा. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति आरम्मणपच्चया – विचिकिच्छासहगतं एकं खन्धञ्च वत्थुञ्च पच्चया तयो खन्धा मोहो च…पे… द्वे खन्धे च वत्थुञ्च…पे…. (३)

४०. भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति आरम्मणपच्चया – भावनाय पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धा; उद्धच्चसहगतं ¶ एकं खन्धञ्च मोहञ्च पच्चया तयो खन्धा…पे… द्वे खन्धा. (१)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति आरम्मणपच्चया – उद्धच्चसहगते खन्धे च वत्थुञ्च पच्चया उद्धच्चसहगतो मोहो. (२)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति आरम्मणपच्चया – उद्धच्चसहगतं एकं खन्धञ्च वत्थुञ्च पच्चया तयो खन्धा मोहो च…पे… द्वे खन्धे च…पे…. (३)

अधिपतिपच्चयादि

४१. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया… तीणि.

भावनाय पहातब्बहेतुकं धम्मं पच्चया… तीणि.

नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – एकं…पे… वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया – वत्थुं पच्चया दस्सनेन पहातब्बहेतुका खन्धा. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति अधिपतिपच्चया – वत्थुं पच्चया भावनाय पहातब्बहेतुका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको ¶ च नेवदस्सनेन ¶ नभावनाय पहातब्बहेतुको च धम्मा उप्पज्जन्ति अधिपतिपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति अधिपतिपच्चया – वत्थुं पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं. (५)

४२. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे…. (१)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति अधिपतिपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति अधिपतिपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे च…पे… दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं. (३)

भावनाय ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति अधिपतिपच्चया – भावनाय पहातब्बहेतुकं एकं खन्धञ्च वत्थुञ्च पच्चया तयो खन्धा…पे… तीणि… (दस्सनेन सदिसा) अनन्तरपच्चया… समनन्तरपच्चया.

सहजातपच्चयो

४३. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं एकं खन्धं पच्चया तयो खन्धा…पे…. (१)

दस्सनेन पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे पच्चया चित्तसमुट्ठानं रूपं; विचिकिच्छासहगते खन्धे पच्चया विचिकिच्छासहगतो मोहो चित्तसमुट्ठानञ्च रूपं. (२)

दस्सनेन पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – दस्सनेन पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… विचिकिच्छासहगतं एकं खन्धं पच्चया तयो खन्धा मोहो च चित्तसमुट्ठानञ्च रूपं…पे… द्वे खन्धे…पे…. (३)

भावनाय ¶ पहातब्बहेतुकं धम्मं पच्चया… तीणि (संखित्तं. दस्सनेन सदिसा ).

४४. नेवदस्सनेन नभावनाय पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया ¶ – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… विचिकिच्छासहगतं उद्धच्चसहगतं मोहं पच्चया चित्तसमुट्ठानं रूपं. पटिसन्धिक्खणे…पे… खन्धे पच्चया वत्थु, वत्थुं पच्चया खन्धा; एकं महाभूतं पच्चया तयो महाभूता…पे… असञ्ञसत्तानं…पे… चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – वत्थुं पच्चया दस्सनेन पहातब्बहेतुका खन्धा; विचिकिच्छासहगतं मोहं पच्चया सम्पयुत्तका खन्धा. (२)

नेवदस्सनेन ¶ नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति सहजातपच्चया – वत्थुं पच्चया भावनाय पहातब्बहेतुका खन्धा; उद्धच्चसहगतं मोहं पच्चया सम्पयुत्तका खन्धा. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं; विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं; वत्थुं पच्चया विचिकिच्छासहगता खन्धा च मोहो च. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – वत्थुं ¶ पच्चया भावनाय पहातब्बहेतुका खन्धा; महाभूते पच्चया चित्तसमुट्ठानं रूपं; उद्धच्चसहगतं मोहं ¶ पच्चया सम्पयुत्तका खन्धा चित्तसमुट्ठानञ्च रूपं; वत्थुं पच्चया उद्धच्चसहगता खन्धा च मोहो च. (५)

४५. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… विचिकिच्छासहगतं एकं खन्धञ्च मोहञ्च पच्चया तयो खन्धा…पे…. (१)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति सहजातपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगते खन्धे च मोहञ्च पच्चया चित्तसमुट्ठानं रूपं; विचिकिच्छासहगते खन्धे च वत्थुञ्च पच्चया विचिकिच्छासहगतो मोहो. (२)

दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन ¶ पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति सहजातपच्चया – दस्सनेन पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं; विचिकिच्छासहगतं एकं खन्धञ्च मोहञ्च पच्चया तयो खन्धा; चित्तसमुट्ठानञ्च रूपं…पे… द्वे खन्धे…पे… विचिकिच्छासहगतं एकं खन्धञ्च ¶ वत्थुञ्च पच्चया तयो खन्धा मोहो च…पे… द्वे खन्धे च वत्थुञ्च पच्चया द्वे खन्धा मोहो च. (३)

भावनाय पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया भावनाय पहातब्बहेतुको धम्मो उप्पज्जति सहजातपच्चया… तीणि.

अञ्ञमञ्ञपच्चयादि

४६. दस्सनेन पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति अञ्ञमञ्ञपच्चया… निस्सयपच्चया… उपनिस्सयपच्चया… पुरेजातपच्चया… आसेवनपच्चया… कम्मपच्चया… विपाकपच्चया… आहारपच्चया… इन्द्रियपच्चया… झानपच्चया… मग्गपच्चया… सम्पयुत्तपच्चया.

विप्पयुत्तपच्चयो

४७. दस्सनेन ¶ पहातब्बहेतुकं धम्मं पच्चया दस्सनेन पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुकं एकं खन्धं पच्चया तयो खन्धा…पे… द्वे खन्धा, खन्धा वत्थुं विप्पयुत्तपच्चया. (१)

दस्सनेन पहातब्बहेतुकं धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुके खन्धे पच्चया चित्तसमुट्ठानं रूपं, खन्धे विप्पयुत्तपच्चया. विचिकिच्छासहगते खन्धे पच्चया मोहो चित्तसमुट्ठानञ्च रूपं, मोहो वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (२)

दस्सनेन पहातब्बहेतुकं धम्मं पच्चया ¶ दस्सनेन पहातब्बहेतुको च नेवदस्सनेन नभावनाय ¶ पहातब्बहेतुको च धम्मा उप्पज्जन्ति विप्पयुत्तपच्चया – दस्सनेन पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं…पे… द्वे खन्धे…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. विचिकिच्छासहगतं एकं खन्धं पच्चया तयो खन्धा मोहो च चित्तसमुट्ठानञ्च रूपं…पे… द्वे खन्धे…पे… खन्धा च मोहो च वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. (३)

भावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति विप्पयुत्तपच्चया… तीणि (दस्सनेन सदिसा).

४८. नेवदस्सनेन नभावनाय पहातब्बहेतुकं धम्मं नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – नेवदस्सनेन नभावनाय पहातब्बहेतुकं एकं खन्धं पच्चया तयो खन्धा चित्तसमुट्ठानञ्च रूपं… द्वे खन्धे…पे… खन्धा वत्थुं विप्पयुत्तपच्चया. चित्तसमुट्ठानं रूपं खन्धे विप्पयुत्तपच्चया. विचिकिच्छासहगतं उद्धच्चसहगतं मोहं पच्चया चित्तसमुट्ठानं रूपं, मोहं विप्पयुत्तपच्चया. पटिसन्धिक्खणे…पे… खन्धे पच्चया वत्थु, वत्थुं पच्चया खन्धा. खन्धा वत्थुं विप्पयुत्तपच्चया. वत्थु खन्धे विप्पयुत्तपच्चया. एकं महाभूतं पच्चया तयो महाभूता…पे… महाभूते पच्चया चित्तसमुट्ठानं रूपं कटत्तारूपं उपादारूपं ¶ , खन्धे विप्पयुत्तपच्चया. चक्खायतनं पच्चया चक्खुविञ्ञाणं…पे… कायायतनं पच्चया कायविञ्ञाणं; वत्थुं पच्चया नेवदस्सनेन नभावनाय पहातब्बहेतुका खन्धा. (१)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको धम्मो ¶ उप्पज्जति विप्पयुत्तपच्चया – वत्थुं पच्चया दस्सनेन पहातब्बहेतुका खन्धा, वत्थुं विप्पयुत्तपच्चया. विचिकिच्छासहगतं मोहं पच्चया सम्पयुत्तका खन्धा, वत्थुं विप्पयुत्तपच्चया. (२)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको धम्मो उप्पज्जति विप्पयुत्तपच्चया – वत्थुं पच्चया भावनाय पहातब्बहेतुका खन्धा, वत्थुं विप्पयुत्तपच्चया ¶ . उद्धच्चसहगतं मोहं पच्चया सम्पयुत्तका खन्धा, वत्थुं विप्पयुत्तपच्चया. (३)

नेवदस्सनेन नभावनाय पहातब्बहेतुकं धम्मं पच्चया दस्सनेन पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति विप्पयुत्तपच्चया – वत्थुं पच्चया दस्सनेन पहातब्बहेतुका खन्धा; महाभूते पच्चया चित्तसमुट्ठानं रूपं, खन्धा वत्थुं विप्पयुत्तपच्चया. चित्तसमुट्ठानं रूपं, खन्धे विप्पयुत्तपच्चया. विचिकिच्छासहगतं मोहं पच्चया सम्पयुत्तका खन्धा चित्तसमुट्ठानञ्च रूपं, खन्धा वत्थुं विप्पयुत्तपच्चया. चित्तसमुट्ठानं रूपं मोहं विप्पयुत्तपच्चया. वत्थुं पच्चया विचिकिच्छासहगता खन्धा च मोहो च, वत्थुं विप्पयुत्तपच्चया. (४)

नेवदस्सनेन नभावनाय पहातब्बहेतुकं धम्मं पच्चया भावनाय पहातब्बहेतुको च नेवदस्सनेन नभावनाय पहातब्बहेतुको च धम्मा उप्पज्जन्ति विप्पयुत्तपच्चया – वत्थुं पच्चया भावनाय पहातब्बहेतुका खन्धा…पे… (दस्सनेन सदिसं). (५)

४९. दस्सनेन पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको धम्मो उप्पज्जति विप्पयुत्तपच्चया – दस्सनेन ¶ पहातब्बहेतुकं एकं खन्धञ्च वत्थुञ्च पच्चया तयो खन्धा…पे… द्वे खन्धे…पे… वत्थुं विप्पयुत्तपच्चया. विचिकिच्छासहगतं एकं खन्धञ्च मोहञ्च पच्चया तयो खन्धा…पे… द्वे खन्धे…पे… वत्थुं विप्पयुत्तपच्चया. (१)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया नेवदस्सनेन नभावनाय पहातब्बहेतुको धम्मो उप्पज्जति विप्पयुत्तपच्चया – दस्सनेन पहातब्बहेतुके खन्धे च महाभूते च पच्चया चित्तसमुट्ठानं रूपं, खन्धे विप्पयुत्तपच्चया. विचिकिच्छासहगते खन्धे च मोहञ्च पच्चया चित्तसमुट्ठानं रूपं, खन्धे च मोहञ्च विप्पयुत्तपच्चया. विचिकिच्छासहगते खन्धे च वत्थुञ्च पच्चया विचिकिच्छासहगतो मोहो, वत्थुं विप्पयुत्तपच्चया. (२)

दस्सनेन ¶ पहातब्बहेतुकञ्च नेवदस्सनेन नभावनाय पहातब्बहेतुकञ्च धम्मं पच्चया दस्सनेन पहातब्बहेतुको च नेवदस्सनेन नभावनाय पहा�